J11

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J11</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J11&coll=lithang">see text in Tibetan script</a></table>34.1a<br><font size=+1>

(ka) @#/ ! /khri brgyad stong pa bzhugs so/ /[(黃) 第二大般若經第一部]</font><hr>34.1b<br><font size=+1>

@##/   /rgya gar skad du/ Ar+ya aSh+Ta da sha sA ha sri kA pradz+nyA pA ra mi tA nA ma mahA yA na sU tra/  bod skad du/  'phags pa shes rab kyi pha rol tu phyin pa khri brgyad stong pa zhes bya ba theg pa chen po'i mdo/  bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong lnga stong tsam gyi dge slong gi dge 'dun chen po dang thabs cig tu bzhugs te/ thams cad kyang dgra bcom pa zag pa zad pa nyon mongs pa med pa dbang dang ldan par gyur pa sems shin tu rnam par grol ba shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems thams cad kyi dbang gi</font><hr>34.2a<br><font size=+1>

dam pa'i pha rol du son pa sha stag ste/ gang zag gcig ma gtogs pa ni 'di lta ste tshe dang ldan pa kun dga' bo'o/ /grags 'dzin dang / skye dgu'i bdag mo chen mo la sogs pa dge slong ma lnga brgya tsam dang / dge bsnyen dang dge bsnyen ma rab tu mang po thams cad kyang chos mthong ba sha stag dang / byang chub sems dpa' sems dpa' chen po tshad med grangs med pa thams cad kyang gzungs thob pa stong pa nyid la gnas pa/ mtshan ma med pa'i spyod yul ba ma brtags pa'i smon lam dang ldan pa/ chos thams cad la mnyam pa nyid kyi bzod pa thob pa/ chags pa med pa'i gzungs thob pa/ mngon par shes pa ma nyams pa/ gzung ba'i tshig dang ldan pa/ tshul 'chos pa med pa/ kha gsag med pa/ shes kyi khe dang rnyed pa'i sems med pa/ zang zing med pa'i sems kyis chos ston pa/ chos zab mo la bzod pa'i pha rol du son pa/ mi 'jigs pa thob pa/ bdud kyi las thams cad las yang dag par 'das pa/ las kyi sgrib pa rgyun chad pa/ chos rab tu rnam par 'byed cing rnam par dbye ba ston pa la mkhas pa/ bskal pa grangs med pa nas smon lam shin du brtsams pa/ bzhin 'dzum pa dang ldan pa/ gsong por smra ba bzhin khro gnyer med pa/ pha rol la tshigs su bcad pa'i dbyangs kyis brjod pa la mkhas pa/ sems zhum pa med pa spobs pa mi chod pa/ 'khor mtha' yas pa zil kyis gnon pa'i mi 'jigs pa dang ldan pa/ bskal pa bye ba mtha' yas pas nges par 'byung ba la mkhas pa chos thams cad sgyu ma dang smig rgyu dang chu zla dang rmi lam dang brag cha dang mig yor dang gzugs brnyan dang sprul pa lta bur khong du chud pa/ sems can thams cad kyi sems kyi spyod pa dang / mos pa dang phra ba mkhyen pa khong du chud par bya ba la mkhas pa/ sems thogs pa med pa bzod pa rlabs po che dang ldan pa/ bdag nyid ji lta ba bzhin du 'jug pa la mkhas pa/ sangs rgyas kyi zhing mtha' yas pa thams cad rnam par bkod pa'i smon lam gyi 'jug pas yongs su zin pa/ 'jig rten gyi khams grangs med pa na</font><hr>34.2b<br><font size=+1>

bzhugs pa'i sangs rgyas rjes su dran pa'i ting nge 'dzin rtag tu rgyun mi chad par mngon du gyur pa/ sangs rgyas dpag tu med pa la gsol ba 'debs pa la mkhas pa/ lta ba dang bag la nyal dang / kun nas dkris pa dang / nyon mongs pa sna tshogs rab tu zhi bar bya ba la mkhas pa/ ting nge 'dzin kyis rnam par rtse ba 'bum mngon par bsgrub pa la mkhas pa sha stag la 'di lta ste/ byang chub sems dpa' sems dpa' chen po bzang skyong dang / dkon mchog 'byung gnas dang / rin chen snying po dang / rin po ches byin dang / ded dpon bzang po dang / chu lha'i lha dang / phug sbas dang / dbang pos byin dang / blo gros dam pa dang / blo gros khyad par can dang / blo gros 'phel dang / blo gros mtha' yas dang / mthong ba don yod dang / blo gros sgrib med dang / shin tu yang dag zhugs dang / rab kyi rtsal gyis rnam par gnon pa dang / brtson 'grus mtha' yas dang rtag tu brtson dang / rtag tu sbyor dang / brtson pa mi gtong dang / nyi ma'i snying po dang / blo gros dpe med dang / spyan ras gzigs dbang phyug dang / mthu chen thob dang / 'jam dpal gzhon nur gyur pa dang / bdud kyi stobs rab tu 'jom pa dang / rdo rje blo gros dang / lag na phyag rgya rin po che dang / rtag tu phyag brkyang dang / snying rje cher sems dang / bkod pa chen po dang / bkod pa'i rgyal po dang / lhun po'i rtse mo dang / byang chub sems dpa' sems dpa' chen po byams pa la sogs pa de dag dang / gzhan yang byang chub sems dpa' bye ba khrag khrig 'bum phrag du ma dang thabs gcig go/ /de nas de'i tshe/ bcom ldan 'das nyid kyis gdan seng ge'i khri bshams nas/ skyil mo dkrung bcas te/ sku drang por bsrang nas dran pa mngon du bzhag ste bzhugs so/ /der bzhugs nas ting nge 'dzin gang du ting nge 'dzin thams cad chud pa dang 'dus pa dang 'ub cing yang dag par gzhol ba ting nge 'dzin gyi rgyal po zhes bya ba la snyoms par zhugs so/ /de nas bcom ldan 'das dran pa dang ldan zhing mkhyen bzhin du ting nge 'dzin de las bzhengs te/ lha'i spyan gyis 'jig rten gyi khams thams cad la rnam par gzigs so/ /rnam</font><hr>34.3a<br><font size=+1>

par gzigs nas sku thams cad kyis 'dzum pa mdzad de/ de'i zhabs kyi mthil 'khor lo rtsibs stong dang ldan pa gnyis las 'od zer bye ba khrag khrig 'bum phrag drug bcu drug bcu byung ngo / /zhabs kyi sor mo bcu las kyang 'od zer bye ba khrag khrig 'bum phrag drug bcu drug bcu byung ngo / /de bzhin du zhabs kyi long bu gnyis dang / byin pa gnyis dang / pus mo gnyis dang / brla gnyis dang / sta zur dang / lte ba khung dang / rtsibs logs gnyis dang / skyes bu chen po'i mtshan thugs kha'i dpal be'u las kyang 'od zer bye ba khrag khrig 'bum phrag drug bcu drug bcu byung ngo / /phyag gi sor mo bcu las kyang 'od zer bye ba khrag khrig 'bum phrag drug bcu drug bcu byung ngo / /de bzhin du phyag gnyis dang / sku phrag pa gnyis dang / mgur dang / tshems mche ba bzhi dang / tshems bzhi bcu dang / spyan gnyis dang / snyan gnyis dang / shangs kyi bu ga gnyis dang / smin mtshams kyi mdzod spu dang steng gi gtsug tor dang zhal gyi sgo nas kyang 'od zer bye ba khrag khrig 'bum phrag drug bcu drug bcu byung ste/ 'od zer bye ba khrag khrig 'bum phrag drug bcu drug bcu po de dag thams cad kyis thams cad dang ldan pa'i stong gsum gyi stong chen po'i 'jig rten gyi khams 'di snang ba chen pos khyab par byas te/ shar phyogs su 'jig rten gyi khams gang gA'i klung gi bye ma snyed dag 'od zer gyi snang ba chen po des khyab par snang bar byas so/ /de bzhin du lho dang nub dang byang phyogs dang byang shar dang shar lho dang lho nub dang nub byang gi phyogs mtshams dang / 'og dang / steng gi phyogs su phyogs re rer yang 'jig rten gyi khams gang gA'i klung gi bye ma snyed dag 'od zer gyi snang ba chen po des khyab par snang bar byas so/ /sems can gang dag gis 'od de mthong ba dang / gang dag 'od zer gyi snang ba des reg pa de dag thams cad bla na med pa yang dag par rdzogs pa'i byang chub las phyir mi ldog par gyur to/ /de nas yang bcom ldan 'das kyis spu'i khung bu thams cad nas 'od zer bkye ste/ spu'i khung bu re re nas kyang 'od zer bye ba khrag khrig 'bum phrag drug bcu drug bcu byung nas/ 'od zer de dag gis kyang stong</font><hr>34.3b<br><font size=+1>

gsum gyi stong chen po'i 'jig rten gyi khams 'di snang ba chen pos khyab par byas te/ de dag gis shar phyogs su 'jig rten gyi khams gang gA'i klung gi bye ma snyed dag snang ba chen pos khyab par snang bar byas so/ /de bzhin du lho dang nub dang byang phyogs dang byang shar dang shar lho dang lho nub dang nub byang gi phyogs mtshams dang 'og dang / steng gi phyogs su phyogs re rer yang 'jig rten gyi khams gang gA'i klung gi bye ma snyed dag 'od zer gyi snang ba des khyab par snang bar byas so/ /sems can gang dag gis 'od de mthong ba dang / gang dag 'od zer gyi snang ba des reg pa de dag thams cad bla na med pa yang dag par rdzogs pa'i byang chub las phyir mi ldog par gyur to/ /de nas yang bcom ldan 'das kyis de bzhin gshegs pa'i rang bzhin gyi 'od gang yin pa'i 'od des stong gsum gyi stong chen po'i 'jig rten gyi khams 'di snang ba chen pos khyab par mdzad do/ /shar phyogs su 'jig rten gyi khams gang gA'i klung gi bye ma snyed dag snang ba chen po des khyab par mdzad do/ /de bzhin du lho dang nub dang byang phyogs dang byang shar dang shar lho dang lho nub dang nub byang gi phyogs mtshams dang 'og dang / steng gi phyogs su phyogs re rer yang 'jig rten gyi khams gang gA'i klung gi bye ma snyed dag snang ba chen po des khyab par mdzad do/ /sems can gang dag gis 'od de mthong ba dang gang dag 'od des reg pa de dag thams cad bla na med pa yang dag par rdzogs pa'i byang chub las phyir mi ldog par gyur to/ /de nas yang bcom ldan 'das kyis zhal gyi sgo nas ljags kyi dbang po phyung nas/ thams cad dang ldan pa'i stong gsum gyi stong chen po'i 'jig rten gyi khams 'di ljags kyi dbang pos khebs par mdzad de/ stong gsum gyi stong chen po'i 'jig rten gyi khams ljags kyi dbang pos khyab par mdzad nas 'dzum pa mdzad do/ /ljags kyi dbang po de las kyang 'od zer kha dog sna tshogs bye ba khrag khrig 'bum phrag du ma byung ste/ 'od zer de dag thams cad la rin po che sna tshogs kyi rgyu las byung ba'i pad ma gser gyi mdog tu snang ba 'dab ma stong dang ldan pa sna tshogs su 'dug pa/ blta na sdug pa/ yid du 'ong ba/ kha dog bzang ba/ dri zhim pa/ 'jam pa ka tsa li di ka ltar reg na bde ba sha stag kun du gnas par gyur te/ </font><hr>34.4a<br><font size=+1>

pad ma de dag la yang de bzhin gshegs pa'i sku mang po bzhugs shing 'di lta ste/ pha rol du phyin pa drug dang ldan pa'i chos bstan pa 'di nyid ston pa mdzad de/ de dag shar phyogs su 'jig rten gyi khams gang gA'i klung gi bye ma snyed dag tu gshegs shing de dag tu byon nas kyang 'di lta ste/ pha rol du phyin pa drug dang ldan pa'i chos bstan pa 'di nyid kyi chos ston to/ /de bzhin du lho dang nub dang byang phyogs dang byang shar dang shar lho dang lho nub dang nub byang gi phyogs mtshams dang 'og dang / steng gi phyogs su phyogs re rer yang 'jig rten gyi khams gang gA'i klung gi bye ma snyed dag tu gshegs shing / de dag tu byon nas kyang 'di lta ste/ pha rol du phyin pa drug dang ldan pa'i chos bstan pa 'di nyid kyi chos ston to/ /sems can gang dag gis chos bstan pa de thos pa de dag thams cad kyang bla na med pa yang dag par rdzogs pa'i byang chub las phyir mi ldog par gyur to/ /de nas bcom ldan 'das gdan seng ge'i khri de nyid la bzhugs bzhin du seng ge rnam par rol pa zhes bya ba'i ting nge 'dzin la snyoms par zhugs nas/ 'di lta bu'i rdzu 'phrul mngon par 'du mdzad pa mngon par mdzad de/ rdzu 'phrul de mngon par 'du mdzad pas stong gsum gyi stong chen po'i 'jig rten gyi khams 'di rnam pa drug tu g.yos te g.yos rab tu g.yos kun tu rab tu g.yos so/ /'gul rab tu 'gul kun tu rab tu 'gul to/ /ldeg rab tu ldeg kun du rab tu ldeg go/ /'khrugs rab tu 'khrugs kun tu rab tu 'khrugs so/ /'ur 'ur rab tu 'ur 'ur kun du rab tu 'ur 'ur ro/ /chem chem rab tu chem chem kun du rab tu chem chem mo/ mtha' mtho na ni dbus dma'/ dbus mtho na ni mtha' dma' ste/ 'jam pa dang / snum pa dang / sems can thams cad la phan pa dang bde ba bskyed par gyur to/ /de nas skad cig thang cig yud tsam de la stong gsum gyi stong chen po'-i 'jig rten gyi khams 'di na/ sems can dmyal ba dang / dud 'gro'i skye gnas dang gshin rje'i 'jig rten thams cad rgyun chad par gyur mi khom pa thams cad kyang med par gyur te/ sems can de dag thams cad mi rnams dang skal ba mnyam</font><hr>34.4b<br><font size=+1>

par skyes par gyur to/ /de bzhin du rgyal chen bzhi'i ris dang sum bcu rtsa gsum pa dang 'thab bral dang dga' ldan dang 'phrul dga' dang gzhan 'phrul dbang byed kyi lha rnams dang skal ba mnyam par skyes par gyur to/ /de nas mi de dag dang / lha de dag dga' ba dang / mchog tu dga' ba de nyid kyis sngon gyi tshe rabs rjes su dran par gyur te/ rjes su dran nas kyang / bcom ldan 'das ga la ba der dong ste phyin nas/ bcom ldan 'das kyi zhabs la phyag 'tshal te/ thal mo sbyor zhing 'dud par gyur to/ /de bzhin du shar phyogs kyi 'jig rten gyi khams gang gA'i klung gi bye ma snyed dag dang / lho dang nub dang byang dang phyogs mtshams dang 'og dang steng dang phyogs bcu kun gyi phyogs re rer yang / 'jig rten gyi khams gang gA'i klung gi bye ma snyed dag gi sems can dmyal ba thams cad dang / dud 'gro'i skye gnas thams cad dang gshin rje'i 'jig rten thams cad rgyun chad par gyur/ mi khom pa thams cad kyang med par gyur te/ sems can de dag thams cad lha dang mi rnams dang skal ba mnyam par skyes par gyur to/ /de nas mi de dag dang lha de dag dga' ba dang / mchog tu dga' ba de nyid kyis sngon gyi tshe rabs rjes su dran par gyur te/ rjes su dran nas kyang dga' ba dang / mchog tu dga' ba de nyid kyis rang rang gi sangs rgyas kyi zhing na/ sangs rgyas gang dag bzhugs pa de dag gi drung du dong ste phyin nas/ sangs rgyas bcom ldan 'das de dag gi zhabs la phyag 'tshal te/ thams cad thal mo sbyor zhing 'dud par gyur to/ /de nas de'i tshe stong gsum gyi stong chen po'i 'jig rten gyi khams 'di na sems can long ba gang dag 'khod pa de dag thams cad kyis ni gzugs rnams mthong bar gyur to/ /sems can 'on pa rnams ni sgra thos par gyur to/ /smyon pa rnams ni dran pa rnyed par gyur to/ /sems rnam par g.yeng ba rnams ni sems rtse gcig par gyur to/ /gcer bu rnams ni gos rnyed par gyur to/ /dbul po rnams ni nor rnyed bar gyur to/ /bkres pa rnams ni zas rnyed par gyur to/ /skom pa rnams ni btung ba rnyed par gyur to/ /nad kyis btab pa rnams ni nad med par gyur to/ /dbang po nyams shing ma tshang ba rnams ni dbang po yongs su tshang bar gyur to/ /</font><hr>34.5a<br><font size=+1>

lus ngal ba rnams ni lus ngal ba med par gyur to/ /lus dang ngag dang yid kyi las kyi mtha' dang 'tsho ba mi dge ba ma spangs pa rnams ni/ lus dang ngag dang yid kyi las kyi mtha' dang / 'tsho ba mi dge ba dang bral bar gyur to/ /sems can thams cad kyang sems can thams cad la 'di lta ste/ pha ma dang mtshungs pa'i sems dang phu nu dang sring mo dang mtshungs pa'i sems dang mdza' bshes dang nye du dang / snag gi gnyen mtshams dang mtshungs pa'i sems kyis sems mnyam par gyur to/ /dge ba bcu'i las kyi lam dang ldan zhing tshangs par spyod la/ gtsang zhing nyes pa'i dri nga ba med de/ mi dge ba'i rnam par rtog pa thams cad dang bral bar gyur to/ /de'i tshe sems can thams cad bde ba thams cad 'byor par gyur te/ dper na dge slong bsam gtan gsum pa la snyoms par zhugs pa'i bde ba de lta bu'i bde ba dang ldan par gyur to/ /de'i tshe sems can thams cad 'di lta bu'i shes rab dang ldan par gyur te/ 'di ltar sbyin pa ni legs pa'o/ /dul ba ni legs pa'o/ /legs par sdom pa ni legs pa'o/ /tshangs par spyod pa la gnas pa ni legs pa'o/ /srog chags 'byung po rnams la rnam par mi 'tshe ba ni legs pa'o/ /zhes bya bar shes par gyur to/ /de'i tshe sangs rgyas kyi zhing gzhan dag na bzhugs pa'i sangs rgyas bcom ldan 'das rnams kyis/ kye ma sems can 'di dag 'di ltar sbyin pa ni legs pa'o/ /dul ba ni legs pa'o/ /legs par sdom pa ni legs pa'o/ /tshangs par spyod pa la gnas pa ni legs pa'o/ /srog chags 'byung po rnams la rnam par mi 'tshe ba ni legs pa'o zhes bya bar shes pa'i shes rab de lta bu dang ldan par gyur pa ni ngo mtshar to zhes ched du brjod pa ched du brjod do/ /de nas bcom ldan 'das gdan seng ge'i khri de nyid la bzhugs bzhin du 'di lta ste dper na yongs su dag pa'i nam mkha' la nyi ma stobs dang ldan pa dang / zla ba nya ba'i zla ba'i dkyil 'khor bzhin du 'od dang / sku mdog dang / gzi brjid dang / dpal gyis stong gsum gyi stong chen po'i 'jig rten gyi khams ri rab dang bcas pa/ khor yug dang bcas pa/ lha'i gnas dang</font><hr>34.5b<br><font size=+1>

bcas pa/ dbang po dang bcas pa tshangs pa dang bcas pa dbang byed dang bcas pa gnas gtsang ma dang bcas pa/ lha dang lha ma yin gyi ris dang bcas pa 'di zil gyis mnan te/ mdzes shing lam me lhan ne lhang nger bzhugs so/ /de bzhin du bcom ldan 'das kyis shar phyogs kyi 'jig rten gyi khams gang gA'i klung gi bye ma snyed dag 'od dang / sku mdog dang gzi brjid dang / dpal gyis zil gyis mnan to/ /lho dang nub dang byang dang phyogs mtshams dang / 'og dang steng dang phyogs bcu kun gyi 'jig rten gyi khams gang gA'i klung gi bye ma snyed dag 'od dang / sku mdog dang / gzi brjid dang / dpal gyis zil gyis mnan te/ mdzes shing / lam me lhan ne lhang nger bzhugs so/ /'di lta ste dper na/ ri'i rgyal po ri rab ni de las gzhan pa'i ri thams cad zil gyis mnan te/ mdzes shing lam me lhan ne lhang nger 'dug go/ /'di lta ste dper na/ zla ba'i dkyil 'khor ni skar ma'i gzugs thams cad zil gyis mnan te/ mdzes shing lam me lhan ne lhang nger 'dug go/ /'di lta ste dper na/ nyi ma'i dkyil 'khor ni de las gzhan pa'i snang ba thams cad zil gyis mnan te/ mdzes shing lam me lhan ne lhang nger 'dug go/ /de bzhin du bcom ldan 'das kyis kyang 'od dang / sku mdog dang gzi brjid dang / dpal gyis phyogs bcu'i 'jig rten gyi khams lha dang bcas pa/ dbang po dang bcas pa tshangs pa dang bcas pa/ gnas gtsang ma dang bcas pa lha dang lha ma yin dang bcas pa thams cad zil gyis mnan te/ mdzes shing lam me lhan ne lhang nger bzhugs so/ /de nas yang bcom ldan 'das kyis stong gsum gyi stong chen po'i 'jig rten gyi khams kyi sems can rnams kyi lus ci 'dra ba de dang 'thun par sku tha mal pa bstan to/ /de nas stong gsum gyi stong chen po'i 'jig rten gyi khams 'di na gnas gtsang ma'i ris kyi lha'i bu rnams nas/ tshangs ris dang / gzhan 'phrul dbang byed dang 'phrul dga' dang dga' ldan dang / 'thab bral dang sum bcu rtsa gsum pa dang rgyal chen bzhi'i lha'i ris kyi bar ji snyed yod pa de dag thams cad kyis de bzhin gshegs pa'i sku blta bas chog mi shes pa mthong nas/ </font><hr>34.6a<br><font size=+1>

de dag tshim zhing mgu la yi rangs te/ rab tu dga' nas/ dga' ba dang yid bde ba skyes te/ lha'i me tog dag khyer zhing lha'i me tog phreng dang / lha'i spos dang / lha'i byug pa dang / lha'i phye ma dang / lha'i bdug pa dang / lha'i ut+pa la dang / pad ma dang / ku mu da dang / pad+ma dkar po dang / na li na dang / dri mchog dang / lha'i me tog klu shing gi me tog dang / ta ma la'i lo ma dang / lha'i gos dang / lha'i rgyan dang / lha'i gdugs dang rgyal mtshan dang / ba dan dag khyer te/ bcom ldan 'das ga la ba der dong ngo / /stong gsum gyi stong chen po'i 'jig rten gyi khams 'di na 'dul ba dang / snod du gyur pa'i mi gang dag 'khod pa de dag gis kyang / de bzhin gshegs pa'i sku blta bas chog mi shes pa mthong nas thang las skyes pa dang / chu las skyes pa'i me tog rnams khyer te/ de bzhin gshegs pa'i sku blta bas chog mi shes pa ga la ba der dong ngo / /de nas lha de dag dang mi de dag gis lha'i me tog dang / spos dang / bdug pa dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan de dag dang / chu las skyes pa dang / thang las skyes pa'i me tog de dag de bzhin gshegs pa'i sku la gtor/ mngon par gtor/ mngon par rab tu gtor to/ /de nas me tog dang / spos dang / bdug pa dang / me tog phreng dang / byug pa dang / phye ma dang / gos dang gdugs dang / rgyal mtshan dang / ba dan gyi char dang / thang las skyes pa dang / chu las skyes pa'i me tog gang dag bcom ldan 'das la gtor ba de dag thams cad bcom ldan 'das kyi byin gyis brlabs kyis/ bcom ldan 'das kyi dbu'i drang thad kyi steng gi nam mkha' la khang pa brtsegs pa/ stong gsum gyi stong chen po'i 'jig rten gyi khams kyi tshad tsam gcig tu red de gnas par gyur to/ /khang pa brtsegs pa de las kyang lha'i me tog dang / dar gyi lda ldi dag 'phyang / rab tu 'phyang / mngon par rab tu 'phyang ste/ me tog gi lda ldi dang / dar gyi lda ldi de dag gis kyang / stong gsum gyi stong chen po'i 'jig rten gyi khams 'di shin tu mdzes par gyur to/ /bcom ldan 'das kyi 'od snang</font><hr>34.6b<br><font size=+1>

ba gser gyi kha dog lta bu phyogs bcur 'phros pa des kyang phyogs re rer 'jig rten gyi khams gang gA'i klung gi bye ma snyed dag khyab par snang bar gyur to/ /stong gsum gyi stong chen po'i 'jig rten gyi khams 'di na/ 'dzam bu'i gling gi 'jig rten gyi khams thams cad kyi lha dang mi de dag so so nas 'di snyam du sems te/ de bzhin gshegs pa ni bdag cag gi mdun na bzhugs shing chos ston to snyam mo/ /de bzhin du nub kyi ba glang spyod dang / shar gyi lus 'phags dang / byang gi sgra mi snyan dang / rgyal chen bzhi'i ris kyi lha rnams dang / 'og min gyi lha rnams kyi bar dang / de bzhin du stong gi 'jig rten gyi khams dang / stong gnyis kyi 'jig rten gyi khams dang / stong gsum gyi stong chen po'i 'jig rten gyi khams kyi lha dang / mi de dag thams cad 'di snyam du sems te/ de bzhin gshegs pa ni bdag cag gi mdun na bzhugs shing chos ston to snyam mo/ /de nas bcom ldan 'das gdan seng ge'i khri de nyid la bzhugs bzhin du yang 'dzum pa mdzad de/ 'dzum pa'i snang ba des stong gsum gyi stong chen po'i 'jig rten gyi khams 'di gsal bar gyur te/ stong gsum gyi stong chen po'i 'jig rten gyi khams 'di na/ sems can gang dag 'khod pa de dag thams cad kyis shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa dag mthong bar gyur to/ /shar phyogs kyi 'jig rten gyi khams gang gA'i klung gi bye ma snyed dag na/ sems can gang dag 'khod pa de dag gis kyang / 'jig rten gyi khams mi mjed 'di dang / bcom ldan 'das shAkya thub pa/ dge slong gi dge 'dun dang thabs gcig tu bzhugs pa mthong ngo / /de bzhin du 'jig rten gyi khams mi mjed du gtogs pa'i sems can rnams kyis lho dang nub dang / byang phyogs dang / byang shar dang / shar lho dang / lho nub dang / nub byang gi phyogs mtshams dang 'og dang steng gi phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das nyan thos kyi</font><hr>34.7a<br><font size=+1>

dge 'dun dang thabs gcig tu bzhugs pa dag mthong ngo / /'jig rten gyi khams gang gA'i klung gi bye ma snyed po de dag na sems can gang dag 'khod pa de dag gis kyang 'jig rten gyi khams mi mjed 'di dang / bcom ldan 'das shAkya thub pa dge slong gi dge 'dun dang thabs gcig tu bzhugs pa mthong ngo / /de nas shar phyogs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams rin chen can zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dkon mchog 'byung gnas zhes bya ba da ltar bzhugs te/ 'tsho zhing gzhes so/ /de byang chub sems dpa' rnams la shes rab kyi pha rol du phyin pa 'di nyid ston to/ /de nas 'jig rten gyi khams de na byang chub sems dpa' sems dpa' chen po kun nas 'od zer zhes bya ba 'dug pas snang ba chen po de dang / sa cher g.yos pa de dang / bcom ldan 'das kyi sku blta bas chog mi shes pa de mthong nas/ bcom ldan 'das de bzhin gshegs pa dkon mchog 'byung gnas ga la ba der song ste phyin nas/ de bzhin gshegs pa dkon mchog 'byung gnas de la 'di skad ces gsol to/ /bcom ldan 'das snang ba chen po 'jig rten du byung ba 'di dang / dog sa cher g.yos pa 'di dang / de bzhin gshegs pa'i sku blta bas chog mi shes pa gda' ba 'di'i rgyu gang lags/ rkyen gang lags/ de skad ces gsol pa dang / bcom ldan 'das dkon mchog 'byung gnas kyis byang chub sems dpa' kun nas 'od zer de la 'di skad ces bka' stsal to/ /rigs kyi bu nub phyogs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba da ltar bzhugs te 'tsho zhing gzhes la byang chub sems dpa' rnams la chos kyang ston te/ 'di ni de'i mthu yin te de 'dra'o/ /de nas de bzhin gshegs pa dkon mchog 'byung gnas la byang chub sems dpa' kun nas 'od zer</font><hr>34.7b<br><font size=+1>

gyis 'di skad ces gsol to/ /bcom ldan 'das bdag bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po de dag kyang phal cher gzhon nur gyur pa/ gzungs dang so so yang dag par rig pa rab tu thob pa/ ting nge 'dzin dang / snyoms par 'jug pa thams cad la dbang thob pa de dag blta ba'i slad du 'jig rten gyi khams mi mjed du mchi'o/ /bcom ldan 'das kyis bka' stsal pa/ rigs kyi bu de'i dus la bab par shes na khyod song shig /de nas de bzhin gshegs pa dkon mchog 'byung gnas kyis/ byang chub sems dpa' kun nas 'od zer la pad ma rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu khyod kyis de bzhin gshegs pa shAkya thub pa de la pad ma 'di dag gtor cig /rigs kyi bu khyod sangs rgyas kyi zhing der shes bzhin du spyod cig /de ci'i phyir zhe na/ 'jig rten gyi khams mi mjed der skyes pa'i byang chub sems dpa' de dag bsnyen par dka' ba'i phyir ro/ /de nas byang chub sems dpa' kun nas 'od zer gyis/ de bzhin gshegs pa dkon mchog 'byung gnas las/ rin po che'i rgyu las byung ba'i pad ma gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang / bu mo bye ba khrag khrig phrag 'bum phrag du mas yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas/ shar phyogs na sangs rgyas bcom ldan 'das ji snyed bzhugs te 'tsho zhing gzhes pa de dag thams cad la me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis bsti stang du byas/ bla mar byas/ </font><hr>34.8a<br><font size=+1>

ri mor byas/ mchod pa byas nas/ byang chub sems dpa'i rdzu 'phrul chen po dang / byang chub sems dpa'i mthu chen pos 'jig rten gyi khams mi mjed ga la ba der phyin te/ de bzhin gshegs pa shAkya thub pa ga la ba der song nas/ phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas/ byang chub sems dpa' kun nas 'od zer gyis/ bcom ldan 'das de bzhin gshegs pa shAkya thub pa de la 'di skad ces gsol to/ /bcom ldan 'das de bzhin gshegs pa dkon mchog 'byung gnas/ bcom ldan 'das la snyun gsol te/ gnod pa chung ngam nyam nga ba nyung ngam/ bskyod pa yang ngam/ 'tsho 'am/ stobs dang ldan nam/ bde bar reg pa la gnas sam zhes snyun gsol lo/ /bcom ldan 'das dkon mchog 'byung gnas kyis pad ma 'di dag kyang / bcom ldan 'das la bskur ro/ /de nas bcom ldan 'das de bzhin gshegs pa shAkya thub pas pad ma de dag bzhes nas/ shar phyogs kyi sangs rgyas bcom ldan 'das gang gA'i klung gi bye ma snyed po de dag ga la ba de logs su gtor to/ /pad ma de dag gis 'jig rten gyi khams de dag khyab par gyur te/ pad ma de dag la sangs rgyas kyi sku dag bzhugs shing / sangs rgyas kyi zhing de dag na 'di lta ste/ shes rab kyi pha rol du phyin pa dang ldan pa 'di nyid kyi chos ston to/ /sems can gang dag gis chos de thos pa de dag bla na med pa yang dag par rdzogs pa'i byang chub tu nges par gyur to/ /de nas byang chub sems dpa' khyim na gnas pa dang / rab tu byung ba de dag dang / khye'u dang / bu mo de dag gis kyang rang rang gi dge ba'i rtsa ba de dag gis/ bcom ldan 'das de bzhin gshegs pa shAkya thub pa la bsti stang du byas/ bla mar byas/ ri mor byas/ mchod pa byas te/ phyogs gcig tu 'khod do/ /de nas lho phyogs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams mya ngan thams cad med pa</font><hr>34.8b<br><font size=+1>

zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal zhes bya ba da ltar bzhugs te 'tsho zhing gzhes so/ /de na byang chub sems dpa' sems dpa' chen po mya ngan med pa zhes bya ba 'dug pas shes bya ba nas phyogs gcig tu 'khod do zhes bya ba'i bar du rgyas par sbyar ro/ /de bzhin du nub phyogs na 'jig rten gyi khams nye bar zhi ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro zhes bya ba da ltar bzhugs te 'tsho zhing gzhes so/ /de na byang chub sems dpa' sems dpa' chen po spyod pa'i blo gros shes bya ba 'dug pas shes bya ba nas/ phyogs gcig tu 'khod do zhes bya ba'i bar du rgyas par sbyar ro/ /byang phyogs na 'jig rten gyi khams rgyal ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po zhes bya ba da ltar bzhugs te 'tsho zhing gzhes so/ /de na byang chub sems dpa' sems dpa' chen po rgyal bas byin zhes bya ba 'dug pas shes bya ba nas/ phyogs gcig tu 'khod do zhes bya ba'i bar du rgyas par sbyar ro/ /de bzhin du byang shar gyi phyogs mtshams na/ 'jig rten gyi khams ting nge 'dzin gyis brgyan pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po che dam pa'i dpal zhes bya ba da ltar bzhugs te 'tsho zhing gzhes so/ /de na byang chub sems dpa' sems dpa' chen po rnam par rgyal bas rnam par gnon pa zhes bya ba 'dug pas shes bya ba nas phyogs gcig tu 'khod do zhes bya ba'i bar du rgyas par sbyar ro/ /shar lho'i phyogs mtshams na 'jig rten gyi khams byang chub kyi snying po'i rgyan shin tu mdzes pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas pad ma mchog gi dpal zhes bya</font><hr>34.9a<br><font size=+1>

ba da ltar bzhugs te/ 'tsho zhing gzhes so/ /de na byang chub sems dpa' sems dpa' chen po lag na pad ma zhes bya ba 'dug pas shes bya ba nas phyogs gcig tu 'khod do zhes bya ba'i bar du rgyas par sbyar ro/ /lho nub kyi phyogs mtshams na/ 'jig rten gyi khams rdul gyi tshogs dang bral ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor sgron ma mchog gi dpal zhes bya ba da ltar bzhugs te 'tsho zhing gzhes so/ /de na byang chub sems dpa' sems dpa' chen po nyi ma'i 'od ces bya ba 'dug pas shes bya ba nas/ phyogs gcig tu 'khod do zhes bya ba'i bar du rgyas par sbyar ro/ /nub byang gi phyogs mtshams na/ 'jig rten gyi khams dbang du gyur pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas gdugs gcig pa zhes bya ba da ltar bzhugs te 'tsho zhing gzhes so/ /de na byang chub sems dpa' sems dpa' chen po rin chen mchog ces bya ba 'dug pas shes bya ba nas/ phyogs gcig tu 'khod do zhes bya ba'i bar du rgyas par sbyar ro/ /'og gi phyogs na/ 'jig rten gyi khams pad ma zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas pad ma'i dpal zhes bya ba da ltar bzhugs te 'tsho zhing gzhes so/ /de na byang chub sems dpa' sems dpa' chen po pad ma mchog ces bya ba 'dug pas shes bya ba nas/ phyogs gcig tu 'khod do zhes bya ba'i bar du rgyas par sbyar ro/ /de nas steng gi phyogs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams dga' ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal zhes bya ba da ltar bzhugs te 'tsho zhing gzhes so/ /de na byang chub sems dpa' sems dpa' chen po dga' bas byin zhes bya ba 'dug pas snang ba chen po de dang / sa cher</font><hr>34.9b<br><font size=+1>

g.yos pa de dang / de bzhin gshegs pa'i sku blta bas chog mi shes pa de mthong nas/ bcom ldan 'das de bzhin gshegs pa dga' ba'i dpal ga la ba der song ste phyin nas/ de bzhin gshegs pa dga' ba'i dpal la 'di skad ces gsol to/ /bcom ldan 'das snang ba chen po 'jig rten du byung ba 'di dang / dog sa cher g.yos pa 'di dang / de bzhin gshegs pa'i sku blta bas chog mi shes pa gda' ba 'di'i rgyu gang lags/ rkyen gang lags/ de skad ces gsol pa dang / bcom ldan 'das dga' ba'i dpal gyis/ byang chub sems dpa' dga' bas byin pa la 'di skad ces bka' stsal to/ /rigs kyi bu 'og gi phyogs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar bzhugs te 'tsho zhing gzhes la/ byang chub sems dpa' rnams la chos kyang ston te/ 'di ni de'i mthu yin te de 'dra'o/ /de nas de bzhin gshegs pa dga' ba'i dpal la/ byang chub sems dpa' dga' bas byin gyis 'di skad ces gsol to/ /bcom ldan 'das bdag de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po de dag kyang phal cher gzhon nur gyur pa/ gzungs dang so so yang dag par rig pa thob pa/ ting nge 'dzin dang snyoms par 'jug pa thams cad la dbang thob pa de dag blta ba'i slad du 'jig rten gyi khams mi mjed du mchi'o/ /bcom ldan 'das kyis bka' stsal pa/ rigs kyi bu de'i dus la bab par shes na khyod song shig /de nas de bzhin gshegs pa dga' ba'i dpal gyis/ byang chub sems dpa' dga' bas byin la pad ma rin po che sna tshogs kyi rgyu las byung ba gser gyi mdog can 'dab ma stong dang ldan pa stong bskur te/ rigs kyi bu khyod kyis de bzhin gshegs pa shAkya thub pa la pad ma 'di dag gis gtor cig /rigs kyi bu khyod sangs rgyas kyi zhing der shes bzhin du spyod cig /</font><hr>34.10a<br><font size=+1>

de ci'i phyir zhe na/ 'jig rten gyi khams mi mjed der skyes pa'i byang chub sems dpa' de dag bsnyen par dka' ba'i phyir ro/ /de nas byang chub sems dpa' dga' bas byin gyis/ de bzhin gshegs pa dga' ba'i dpal las rin po che'i rgyu las byung ba'i pad ma gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang / bu mo bye ba khrag khrig phrag 'bum phrag du mas yongs su bskor cing mdun du bdar te/ lhan cig tu sangs rgyas kyi zhing de nas mi snang bar gyur nas/ steng gi phyogs na sangs rgyas bcom ldan 'das ji snyed cig bzhugs te 'tsho zhing gzhes pa de dag thams cad la me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis bsti stang du byas/ bla mar byas/ ri mor byas/ mchod par byas nas/ byang chub sems dpa'i rdzu 'phrul chen po dang / byang chub sems dpa'i mthu chen pos 'jig rten gyi khams mi mjed ga la ba der phyin te/ de bzhin gshegs pa shAkya thub pa ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas/ byang chub sems dpa' dga' bas byin gyis/ bcom ldan 'das shAkya thub pa de la 'di skad ces gsol to/ /bcom ldan 'das de bzhin gshegs pa dga' ba'i dpal/ bcom ldan 'das la snyun gsol te/ gnod pa chung ngam nyam nga ba nyung ngam/ bskyod pa yang ngam/ 'tsho 'am/ stobs dang ldan nam/ bde bar reg pa la gnas sam zhes snyun gsol lo/ /bcom ldan 'das dga' ba'i dpal gyis pad ma 'di dag kyang / bcom ldan 'das la bskur ro/ /de nas bcom ldan 'das de bzhin gshegs pa shAkya thub pas/ pad ma de dag bzhes nas/ steng gi phyogs kyi sangs rgyas bcom ldan 'das gang gA'i klung gi bye ma snyed po de dag ga la ba de logs su gtor to/ /pad ma de dag gis kyang 'jig rten gyi khams de dag khyab par gyur te/ pad ma de dag la sangs rgyas kyi sku</font><hr>34.10b<br><font size=+1>

dag bzhugs shing / sangs rgyas kyi zhing de dag na/ 'di lta ste shes rab kyi pha rol tu phyin pa dang ldan pa 'di nyid kyi chos ston to/ /sems can gang dag gis chos de thos pa de dag kyang / bla na med pa yang dag par rdzogs pa'i byang chub tu nges par gyur to/ /de nas byang chub sems dpa' khyim na gnas pa dang / rab tu byung ba de dag dang / khye'u dang / bu mo de dag gis kyang / rang rang gi dge ba'i rtsa ba de dag gis bcom ldan 'das shAkya thub pa la bsti stang du byas/ bla mar byas/ ri mor byas/ mchod pa byas te/ phyogs gcig tu 'khod do/ /de nas skad cig thang cig yud tsam de la stong gsum gyi stong chen po'i 'jig rten gyi khams 'di rin po che'i rang bzhin du gnas par gyur te/ me tog sil ma sna tshogs kyis gang ba dang / dar gyi lda ldi mang po bres pa dang / pog phor nas bdug pa dang / dpag bsam gyi shing ljon pa rgyan dang / 'bras bu sna tshogs kyis yal ga'i rtse mo g.yur za ba dag dang / me tog gi shing ljon pa dag dang / 'bras bu'i shing ljon pa dag dang / spos kyi shing ljon pa dag dang / me tog phreng gi shing ljon pa dag dang / phye ma'i shing ljon pa dag gis mdzes par byas par gyur te/ 'di lta ste dper na/ de bzhin gshegs pa kun nas me tog gi sangs rgyas kyi zhing gang na/ 'jam dpal gzhon nur gyur pa 'dug pa dang / lha'i bu blo gros rab gnas dang / byang chub sems dpa' sems dpa' chen po gzi brjid che ba/ gzi brjid che ba gzhan dag kyang gnas pa'i 'jig rten gyi khams pad ma can bzhin du gyur to/ /shes rab kyi pha rol tu phyin pa khri brgyad stong pa las/ gleng gzhi'i le'u zhes bya ste dang po'o// // de'i tshe bcom ldan 'das kyis 'jig rten lha dang bcas pa/ bdud dang bcas pa tshangs pa dang bcas pa/ dge sbyong dang bram ze'i skye dgu dang bcas pa/ lha dang mir bcas pa 'dus pa dang / byang chub sems dpa' sems dpa' chen po phal cher gzhon nur gyur pa de dag 'dus par thugs su chud nas/ de nas bcom ldan 'das kyis tshe dang ldan pa shA ri'i bu la</font><hr>34.11a<br><font size=+1>

'di skad ces bka' stsal to/ /shA ri'i bu 'di la byang chub sems dpa' sems dpa' chen po chos thams cad rnam pa thams cad du mngon par rdzogs par byang chub par 'dod pas shes rab kyi pha rol du phyin pa la brtson par bya'o/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen po chos thams cad rnam pa thams cad du mngon par rdzogs par byang chub par 'tshal bas/ ji ltar shes rab kyi pha rol tu phyin pa la brtson par bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la byang chub sems dpa' sems dpa' chen pos gnas pa med pa'i tshul du shes rab kyi pha rol du phyin pa la gnas te/ sbyin par bya ba dang / sbyin pa po dang / len pa po mi dmigs pa'i phyir/ yongs su gtang ba med pa'i tshul gyis/ sbyin pa'i pha rol du phyin pa yongs su rdzogs par bya'o/ /ltung ba mi 'byung ba dang / lhag par ltung ba mi 'byung ba'i phyir/ tshul khrims kyi pha rol tu phyin pa yongs su rdzogs par bya'o/ /'khrug pa med pa'i phyir/ bzod pa'i pha rol du phyin pa yongs su rdzogs par bya'o/ /lus dang sems kyi brtson 'grus ma gtang ba'i phyir/ brtson 'grus kyi pha rol du phyin pa yongs su rdzogs par bya'o/ /ro myang ba med pa'i phyir/ bsam gtan gyi pha rol du phyin pa yongs su rdzogs par bya'o/ /chos thams cad mi dmigs pa'i phyir/ shes rab kyi pha rol tu phyin pa yongs su rdzogs par bya'o/ /shA ri'i bu byang chub sems dpa' sems dpa' chen pos/ shes rab kyi pha rol du phyin pa la gnas te/ dran pa mi dmigs pa'i phyir/ dran pa nye bar gzhag pa bzhi yongs su rdzogs par bya'o/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa yongs su rdzogs par bya'o/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin bsgom par</font><hr>34.11b<br><font size=+1>

bya'o/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / 'du shes dgu bsgom par bya'o/ /dgu gang zhe na/ 'di lta ste/ rnam par bam pa'i 'du shes dang / phyed du chad pa'i 'du shes dang / rnam par rnags pa'i 'du shes dang / rnam par dmar ba'i 'du shes dang / rnam par bsngos pa'i 'du shes dang / rnam par zos pa'i 'du shes dang / rnam par 'thor ba'i 'du shes dang / rus gong gi 'du shes dang / rnam par tshig pa'i 'du shes te/ de dag ni 'du shes dgu'o/ /sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa bsgom par bya'o/ /dbugs rngub pa dang / 'byung ba rjes su dran pa dang / skyo ba rjes su dran pa dang / 'chi ba rjes su dran pa dang / lus su gtogs pa rjes su dran pa bsgom par bya'o/ /mi rtag pa'i 'du shes dang / sdug bsngal ba'i 'du shes dang / bdag med pa'i 'du shes dang / mi gtsang ba'i 'du shes dang / 'chi ba'i 'du shes dang / 'jig rten thams cad la mngon par mi dga' ba'i 'du shes dang / 'jig rten thams cad la yid mi rton pa'i 'du shes dang / sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su rtogs pa'i shes pa dang / kun rdzob shes pa dang / yongs su 'dris pa shes pa dang / sgra ji bzhin shes pa dang / rtog pa dang bcas dpyod pa dang bcas pa'i ting nge 'dzin dang / rtog pa med cing dpyod pa'i ting nge 'dzin dang / rtog pa yang med dpyod pa yang med pa'i ting nge 'dzin dang / mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po dang / zil gyis gnon pa'i skye mched dang / zad par gyi skye mched dang / bsdu ba'i dngos po bzhi dang / rnam par dgod pa bzhi dang / sa bcu</font><hr>34.12a<br><font size=+1>

dang spyod pa bcu dang / bzod pa bcu dang / lhag pa'i bsam pa nyi shu dang / thams cad mkhyen pa'i ye shes dang / zhi gnas dang / lhag mthong shes pa dang / rig pa gsum dang / so so yang dag par rig pa bzhi dang / mi 'jigs pa bzhi dang / ma nyams pa'i mngon par shes pa lnga dang / pha rol du phyin pa drug dang / yang dag par bsdud par 'gyur ba'i chos drug dang / nor bdun dang / skyes bu chen po'i rnam par rtog pa brgyad dang / sems can gyi gnas dgu dang / de bzhin gshegs pa'i stobs bcu dang / sangs rgyas kyi chos ma 'dres pa bcwo brgyad dang / byams pa chen po dang / snying rje chen po yongs su rdzogs par bya'o/ /byang chub sems dpa' sems dpa' chen po rnam pa thams cad mkhyen pa'i ye shes rnam pa thams cad kyi mchog dang ldan pa mngon par rdzogs par byang chub par 'dod pa dang / lam gyi rnam pa shes pa nyid yongs su rdzogs par bya bar 'dod pa dang / thams cad shes pa nyid yongs su rdzogs par bya bar 'dod pa dang / sems can thams cad kyi sems kyi spyod pa'i rnam pa shes pa nyid yongs su rdzogs par bya bar 'dod pas/ shes rab kyi pha rol du phyin pa la brtson par bya'o/ /byang chub sems dpa' sems dpa' chen po bag chags dang / mtshams sbyor ba dang / nyon mongs pa thams cad yang dag par 'joms par 'dod pas/ shes rab kyi pha rol du phyin pa la brtson par bya ste/ shA ri'i bu byang chub sems dpa' sems dpa' chen pos/ de ltar shes rab kyi pha rol du phyin pa la bslab par bya'o/ /shA ri'i bu byang chub sems dpa' sems dpa' chen po/ byang chub sems dpa'i skyon med pa la 'jug par 'dod pa dang / nyan thos dang / rang sangs rgyas kyi sa las 'da' bar 'dod pa dang / phyir mi ldog pa'i sa la gnas par 'dod pa dang / sems can thams cad kyi sems kyi spyod pa dang rnam par g.yo ba shes par 'dod pa dang / nyan thos dang / rang sangs rgyas thams cad kyi shes pa zil gyis gnon par 'dod pa dang / gzungs kyi sgo thob par 'dod pa dang / nyan thos dang / rang</font><hr>34.12b<br><font size=+1>

sangs rgyas thams cad la sbyin pa sbyin pa na/ rjes su yi rang ba dang ldan pa'i sems bskyed pa gcig gis zil gyis gnon par 'dod pas/ shes rab kyi pha rol du phyin pa la bslab par bya'o/ /byang chub sems dpa' sems dpa' chen po nyan thos dang / rang sangs rgyas thams cad kyi tshul khrims rjes su yi rang ba dang ldan pa'i sems bskyed pa gcig gis zil gyis gnon par 'dod pas/ shes rab kyi pha rol du phyin pa la bslab par bya'o/ /byang chub sems dpa' sems dpa' chen po nyan thos dang / rang sangs rgyas thams cad kyi ting nge 'dzin dang / shes rab dang / rnam par grol ba dang / rnam par grol ba'i ye shes mthong ba rjes su yi rang ba dang ldan pa'i sems bskyed pa gcig gis zil gyis gnon par 'dod pas/ shes rab kyi pha rol du phyin pa la bslab par bya'o/ /byang chub sems dpa' sems dpa' chen po nyan thos dang / rang sangs rgyas thams cad kyi bsam gtan dang / ting nge 'dzin dang / snyoms par 'jug pa thams cad rjes su yi rang ba dang ldan pa'i sems bskyed pa gcig gis zil gyis gnon par 'dod pas/ shes rab kyi pha rol du phyin pa la bslab par bya'o/ /byang chub sems dpa' sems dpa' chen po sems can thams cad kyi ched du sbyin pa chung du byin yang thabs mkhas pas/ thams cad mkhyen pa nyid du yongs su bsngos pas/ tshad med grangs med par 'gyur bar 'dod pas shes rab kyi pha rol du phyin pa la bslab par bya'o/ /de bzhin du byang chub sems dpa' sems dpa' chen po sems can thams cad kyi ched du tshul khrims chung ngu srung / bzod pa chung ngu sgom/ brtson 'grus chung ngu rtsom/ bsam gtan chung ngu la snyoms par 'jug /shes rab chung ngu sgom yang / thabs mkhas pas/ thams cad mkhyen pa nyid du yongs su bsngos pas/ de dag grangs med/ tshad med par 'gyur bar byed 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sbyin pa'i pha rol</font><hr>34.13a<br><font size=+1>

du phyin pa la spyod pas/ shes rab kyi pha rol du phyin pa la bslab par bya'o/ /de bzhin du byang chub sems dpa' sems dpa' chen po tshul khrims kyi pha rol du phyin pa la spyod pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa la spyod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sangs rgyas kyi sku mngon par bsgrub par 'dod pas/ shes rab kyi pha rol du phyin pa la bslab par bya'o/ /skyes bu chen po'i mtshan sum bcu rtsa gnyis dang / dpe byad bzang po brgyad bcu bsgrub par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sangs rgyas kyi rigs su skye bar 'dod pas/ shes rab kyi pha rol du phyin pa la bslab par bya'o/ /byang chub sems dpa' sems dpa' chen po gzhon nu'i sa gnon par 'dod pa dang sangs rgyas dang / byang chub sems dpa' dang mi 'bral bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po dge ba'i rtsa ba gang dang gang dag gis/ de bzhin gshegs pa dgra bcom pa yang dag par rdzogs pa'i sangs rgyas bcom ldan 'das rnams la bsti stang du bya ba dang / bla mar bya ba dang / ri mo bya ba dang / mchod pa bya ba'i dge ba'i rtsa ba de dag bdag la 'byor par 'dod pa des/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po bza' ba dang / btung ba dang / me tog dang / spos dang / gos dang / me tog phreng dang / bdug pa dang / phye ma dang / byug pa dang / mal cha dang / stan dang / khang khyim dang / nor dang / 'bru dang / na ba'i gsos sman dang / rgyan dang / rin po che dang / nor bu dang / bai dUr+ya dang / dung dang / man shel dang / byu ru dang / skyed mos tshal dang / rgyal srid la sogs pa'i yo</font><hr>34.13b<br><font size=+1>

byad rnams kyis sems can thams cad kyi yid kyi re ba yongs su rdzogs par byed par 'dod pa des/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po 'jig rten chos kyi dbyings kyis klas pa/ nam mkha'i khams kyi mthas gtugs pa'i sems can thams cad sbyin pa'i pha rol du phyin pa la dgod par 'dod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la dgod par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sems bskyed pa gcig kyang byang chub kyi snying po la mngon par rdzogs par sangs rgyas kyi bar du mi zad par byed par 'dod pa des/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po phyogs bcu dag na/ sangs rgyas gang dag bzhugs pa de dag bdag gi bsngags pa rjod par 'dod pa des/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sems bskyed pa gcig gis shar phyogs kyi 'jig rten gyi khams gang gA'i klung gi bye ma snyed dag tu 'gro bar 'dod pas/ shes rab kyi pha rol du phyin pa la bslab par bya'o/ /de bzhin du byang chub sems dpa' sems dpa' chen po sems bskyed pa gcig gis lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs re rer yang 'jig rten gyi khams gang gA'i klung gi bye ma snyed dag tu 'gro bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag sgra gcig gis go bar byed</font><hr>34.14a<br><font size=+1>

par 'dod pa dang / de bzhin du lho dang / nub dang / byang dang / phyogs mtshams rnams dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag sgra gcig gis go bar byed par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sangs rgyas kyi rigs rgyun mi 'chad par bya ba'i phyir gnas par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po nang stong pa nyid la gnas par 'dod pas/ shes rab kyi pha rol du phyin pa la bslab par bya'o/ /de bzhin du phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid la gnas par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po chos thams cad kyi de bzhin nyid dang / chos kyi dbyings kyi de bzhin nyid dang / yang dag pa'i mtha'i de bzhin nyid khong du chud par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams na/ sa'i rdul phra rab kyi rdul ji snyed yod pa de dag shes par 'dod pa dang / rgya mtsho chen po dang / 'bab chu dang / mtsho dang / mtshe'u dang / khron pa dang / 'bab chu'i dngo'i chu'i rdul phra rab rnams</font><hr>34.14b<br><font size=+1>

shes par 'dod pa dang / me'i rdul phra rab rnams shes par 'dod pa dang / stong gsum gyi stong chen po'i 'jig rten gyi khams thams cad kyi rlung gi rdul phra rab rnams shes par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams na/ bsreg pa'i bskal pa'i me 'bar ba kha'i dbugs gcig gis zhi bar bya bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po rnam par 'khrug pa chen po'i rlung gi dkyil 'khor byung ste/ rlung gis 'jig pa na/ gang ri rab dang ri rab chen po dang / khor yug dang / khor yug chen po nas bzung ste/ ri thams cad dang / sa chen po thams cad g.yo bar byed pa dang / rnam par 'thor bar byed pa dang / rmeg med par byed pa'i rnam par 'khrug par byed pa'i rlung gi dkyil 'khor de sor mo gcig gi rtse mos gzhil bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams na/ ri rab dang / ri rab chen po dang / khor yug dang / khor yug chen po la sogs pa ri gang dag yod pa de dag skra nyag ma gcig gis sbams te/ 'jig rten gyi khams grangs med dpag tu med par 'phang ngo snyam na yang / shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams kyi nam mkha'i khams ji tsam pa de thams cad skyil mo dkrung gcig gis rgyas par dgang bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag gi sangs rgyas bcom ldan 'das nyan thos kyi dge 'dun dang bcas pa rnams</font><hr>34.15a<br><font size=+1>

bsod snyoms gcig gis khyed par bya bar 'dod pas/ shes rab kyi pha rol du phyin pa la bslab par bya'o/ /de bzhin du me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang ba dan gyi sprin rnams kyis de bzhin gshegs pa dgra bcom pa yang dag par rdzogs pa'i sangs rgyas de dag la bsti stang du bya bar 'dod pa dang / bla mar bya bar 'dod pa dang / ri mor bya bar 'dod pa dang / mchod par bya bar 'dod pas/ shes rab kyi pha rol du phyin pa la bslab par bya'o/ /de bzhin du byang chub sems dpa' sems dpa' chen po lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re yang 'jig rten gyi khams gang gA'i klung gi bye ma snyed dag gi sangs rgyas bcom ldan 'das nyan thos kyi dge 'dun dang bcas pa rnams bsod snyoms gcig gis khyed par bya bar 'dod pa dang / de bzhin du me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan gyi sprin rnams kyis de bzhin gshegs pa dgra bcom pa yang dag par rdzogs pa'i sangs rgyas de dag la bsti stang du bya bar 'dod pa dang / bla mar bya bar 'dod pa dang / ri mor bya bar 'dod pa dang / mchod par bya bar 'dod pas shes rab kyi pha rol du phyin pa la bslab par bya'o/ /'phags pa shes rab kyi pha rol du phyin pa khri brgyad stong pa/ bam po gnyis pa/ shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na/ sems can gang dag 'khod pa de dag tshul khrims kyi phung po la dgod par 'dod pa dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po la dgod par 'dod pa dang / de bzhin du rgyun du zhugs pa'i 'bras bu dang / lan cig phyir 'ong ba'i 'bras bu dang / </font><hr>34.15b<br><font size=+1>

phyir mi 'ong ba'i 'bras bu dang / dgra bcom pa nyid dang / rang byang chub la dgod par 'dod pa dang / phung po lhag ma med pa'i mya ngan las 'das pa'i dbyings kyi bar la dgod par 'dod pas/ shes rab kyi pha rol du phyin pa la bslab par bya'o/ /shar phyogs la ji lta ba bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag kyang de bzhin du sbyar bar bya'o/ /shA ri'i bu gzhan yang byang chub sems dpa' sems dpa' chen po/ shes rab kyi pha rol du phyin pa la spyod cing sbyin pa sbyin pa'i tshe/ sbyin pa 'di ltar byin na ni/ 'bras bu chen por 'gyur/ sbyin pa 'di ltar byin na ni rgyal rigs shing sA la chen po lta bu rnams su skye bar 'gyur/ de bzhin du bram ze'i rigs shing sA la chen po lta bu rnams dang / khyim bdag gi rigs shing sA la chen po lta bu rnams su skye bar 'gyur/ sbyin pa 'di ltar byin na ni rgyal chen bzhi'i ris kyi lha rnams kyi nang du skye bar 'gyur/ de bzhin du sum bcu rtsa gsum pa dang / 'thab bral dang / dga' ldan dang / 'phrul dga'i lha rnams kyi nang du skye bar 'gyur/ sbyin pa 'di ltar byin na ni gzhan 'phrul dbang byed kyi lha rnams kyi nang du skye bar 'gyur/ sbyin pa 'di ltar byin na ni/ bsam gtan dang po thob par 'gyur/ de bzhin du bsam gtan gnyis pa dang / bsam gtan gsum pa thob par 'gyur/ sbyin pa 'di ltar byin na ni/ bsam gtan bzhi pa thob par 'gyur/ sbyin pa 'di ltar byin na ni/ nam mkha' mtha' yas skye mched kyi snyoms par 'jug pa thob par 'gyur/ de bzhin du rnam shes mtha' yas skye mched dang / ci yang med pa'i skye mched kyi snyoms par 'jug pa thob par 'gyur/ sbyin pa 'di ltar byin na ni/ 'du shes med 'du shes med min skye mched kyi snyoms par 'jug pa thob par 'gyur/ sbyin pa 'di ltar byin na ni/ byang chub kyi phyogs kyi chos sum bcu rtsa bdun thob par 'gyur/ de bzhin du rgyun tu zhugs pa'i 'bras bu thob par 'gyur/ lan cig phyir 'ong ba'i 'bras bu</font><hr>34.16a<br><font size=+1>

dang / phyir mi 'ong ba'i 'bras bu dang / dgra bcom pa nyid thob par 'gyur bar shes so/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa thabs la mkhas pas sbyin pa 'di ltar byin na ni/ sbyin pa'i pha rol du phyin pa yongs su rdzogs par byed/ de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus gyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par byed do zhes bya bar shes par bya'o/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ byang chub sems dpa' sems dpa' chen pos sbyin pa ji ltar stsal na/ sbyin pa'i pha rol du phyin pa yongs su rdzogs par bgyis pa lags/ byang chub sems dpa' sems dpa' chen pos sbyin pa ji ltar stsal na/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bgyis pa lags/ bcom ldan 'das kyis bka' stsal pa/ shA ri'i bu sbyin par bya ba dang / gtong ba po dang / len pa po mi dmigs te/ 'khor gsum yongs su dag pas/ sbyin pa'i pha rol du phyin pa yongs su rdzogs par byas pa yin/ ltung ba mi 'byung ba dang / lhag par ltung ba mi 'byung ba'i phyir/ tshul khrims kyi pha rol du phyin pa yongs su rdzogs par byas pa yin/ 'khrug pa med pa'i phyir/ bzod pa'i pha rol du phyin pa yongs su rdzogs par byas pa yin/ lus dang sems kyi brtson 'grus ma btang ba'i phyir brtson 'grus kyi pha rol du phyin pa yongs su rdzogs par byas pa yin/ rnam par g.yeng ba dang / kun tu rtog pa med pa'i phyir bsam gtan gyi pha rol du phyin pa yongs su rdzogs par byas pa yin/ chos thams cad rab tu shes pa mi dmigs</font><hr>34.16b<br><font size=+1>

pa'i tshul gyis/ shes rab kyi pha rol du phyin pa yongs su rdzogs par byas pa yin te/ shA ri'i bu byang chub sems dpa' sems dpa' chen po sbyin pa de ltar byin na/ pha rol du phyin pa drug yongs su rdzogs par byas pa yin no/ /de bzhin du tshul khrims kyi pha rol du phyin pa la pha rol du phyin pa drug po thams cad yongs su rdzogs par byas pa yin no/ /de bzhin du bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la pha rol du phyin pa drug yongs su rdzogs par byas pa yin no/ /shA ri'i bu gzhan yang byang chub sems dpa' sems dpa' chen po sangs rgyas bcom ldan 'das 'das pa dang / ma byon pa dang / da ltar byung ba rnams kyi sangs rgyas kyi yon tan thob par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po 'dus byas dang / 'dus ma byas kyi chos rnams kyi pha rol du 'gro bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po chos 'das pa dang / ma 'ongs pa dang / da ltar byung ba thams cad kyi de bzhin nyid khong du chud par 'dod pa dang / de bzhin du chos kyi dbyings skye ba med pa'i mthar phyin par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po nyan thos dang / rang sangs rgyas kyi sngon du 'gro bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sangs rgyas bcom ldan 'das rnams la rim gro bya bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sangs rgyas bcom ldan 'das rnams kyi nang gi 'khor du 'gyur bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang</font><hr>34.17a<br><font size=+1>

byang chub sems dpa' sems dpa' chen po 'khor mang po dang ldan par 'dod pa dang / byang chub sems dpa'i 'khor thob par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sbyin pa yongs su dag par bya bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po ser sna'i sems tshar gcad par 'dod pas/ shes rab kyi pha rol du phyin pa la bslab par bya'o/ /de bzhin du 'chal ba'i tshul khrims kyi sems mi bskyed par 'dod pa dang / gnod sems kyi sems mi bskyed par 'dod pa dang / le lo'i sems dor bar 'dod pa dang / rnam par g.yeng ba'i sems dor bar 'dod pa dang / 'chal ba'i shes rab kyi sems dor bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sems can thams cad sbyin pa las byung ba'i bsod nams bya ba'i dngos po la dgod par 'dod pa dang / tshul khrims las byung ba dang / bsgom pa las byung ba dang / zhal ta bya ba dang ldan pa dang / rdzas las byung ba'i bsod nams bya ba'i dngos po la dgod par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po mig lnga bskyed par 'dod pas/ shes rab kyi pha rol du phyin pa la bslab par bya'o/ /lnga gang zhe na/ 'di lta ste/ sha'i mig dang / lha'i mig dang / shes rab kyi mig dang / chos kyi mig dang / sangs rgyas kyi mig ste/ de dag bskyed par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shar phyogs kyi sangs rgyas bcom ldan 'das gang gA'i klung gi bye ma snyed dag lha'i mig gis blta bar 'dod pas/ shes rab kyi pha rol du phyin pa</font><hr>34.17b<br><font size=+1>

la bslab par bya'o/ /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi sangs rgyas bcom ldan 'das gang gA'i klung gi bye ma snyed dag lha'i mig gis blta bar 'dod pas/ shes rab kyi pha rol du phyin pa la bslab par bya'o/ /sangs rgyas bcom ldan 'das de dag chos gang ston pa'i chos de lha'i rna bas mnyan par 'dod pa dang / sangs rgyas bcom ldan 'das de dag gi thugs yang dag pa ji lta ba bzhin du sems kyis khong du chud par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sangs rgyas bcom ldan 'das gang dag phyogs bcu kun gyi 'jig rten gyi khams thams cad na chos ston pa de thams cad thos nas dran pa'i stobs bskyed pa gcad du mi chod pas yang dag par gzung bar 'dod pa dang / bla na med pa yang dag par rdzogs pa'i byang chub mngon par rdzogs par sangs rgyas kyi bar du thams cad chud mi za bar bya bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sangs rgyas bcom ldan 'das 'das pa dag gi sangs rgyas kyi zhing rnams blta bar 'dod pa dang / sangs rgyas bcom ldan 'das ma byon pa rnams dang / sangs rgyas bcom ldan 'das gang dag da ltar phyogs bcu kun gyi 'jig rten na bzhugs te/ 'tsho zhing gzhes pa'i sangs rgyas bcom ldan 'das de dag gi sangs rgyas kyi zhing rnams blta bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po de bzhin gshegs pa rnams kyis mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / de lta bu byung ba'i sde dang / skyes pa'i rabs kyi sde dang / </font><hr>34.18a<br><font size=+1>

shin du rgyas pa'i sde dang / rmad du byung ba'i chos kyi sde dang / rtogs pa brjod pa'i sde dang / gtan la dbab par bstan pa'i sde gang ci bstan pa dang / nyan thos dang / rang sangs rgyas kyis ma thos pa gang yin pa de thams cad kun chub par byed par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shar phyogs su sangs rgyas bcom ldan 'das rnams kyis gang ci gsungs pa dang / gsung ba dang gsung bar 'gyur ba de dag thams cad gzung bar 'dod pa dang / bcang bar 'dod pa dang / klag par 'dod pa dang / de bzhin nyid du sgrub par 'dod pa dang / gzhan dag la yang rgya cher ston par 'dod pas/ shes rab kyi pha rol du phyin pa la bslab par bya'o/ /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs su sangs rgyas bcom ldan 'das rnams kyis gang ci gsungs pa dang / gsung ba dang / gsung bar 'gyur ba de thams cad kyi rjes su 'brang bar 'dod pa dang / gzung bar 'dod pa dang / bcang bar 'dod pa dang / klag par 'dod pa dang / de bzhin nyid du sgrub par 'dod pa dang / gzhan dag la yang rgya cher rab tu ston par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na/ mun pa mun nag tu gyur pa gang na nyi ma dang zla ba'i 'od mi 'bab pa de dag thams cad snang bar bya bar 'dod pa dang / de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na/ mun pa mun nag tu gyur pa gang na nyi ma dang / zla ba'i 'od kyang mi 'bab pa de dag thams cad 'od kyis snang bar bya bar 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po</font><hr>34.18b<br><font size=+1>

shar phyogs kyi 'jig rten gyi khams gang gA'i klung gi bye ma snyed dag na/ gang na sangs rgyas kyi zhing tha dad pa dag tu skyes pa'i sems can de dag thams cad la sangs rgyas kyi sgra dang / chos kyi sgra dang / dge 'dun gyi sgra sgrogs par 'dod pa dang / yang dag pa'i lta ba la dgod par 'dod pas/ shes rab kyi pha rol du phyin pa la bslab par bya'o/ /de bzhin du byang chub sems dpa' sems dpa' chen po lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na/ gang na sangs rgyas dang / chos dang / dge 'dun dang / yang dag pa'i lta ba'i sgra mi grag pa'i 'jig rten gyi khams de dag tu sems can rnams kyis sangs rgyas dang / chos dang / dge 'dun gyi sgra thos par bya bar 'dod pa dang / sems can dag yang dag pa'i lta ba la dgod par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na/ sems can gang dag long bar gyur pa de dag bdag gi mthus mig gis gzugs rnams mthong bar 'gyur bar 'dod pas/ shes rab kyi pha rol du phyin pa la bslab par bya'o/ /de bzhin du 'on pa rnams rna bas sgra thos pa dang / smyon pa rnams dran pa rnyed par 'gyur ba dang / gcer bu rnams gos dag rnyed pa dang / sems can bkres pa rnams 'drangs pa dang / skom pa rnams skom ngoms pa dang / sems can ngan song na gnas pa rnams ngan song thams cad las thar te/ mir skye ba thob par 'gyur ba dang / tshul khrims 'chal ba rnams tshul khrims kyi phung po la dgod par bya'o snyam pa dang / mnyam par ma bzhag pa rnams ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol pa'i ye shes mthong ba'i phung po la dgod par bya'o snyam pa dang / bden pa ma mthong ba rnams</font><hr>34.19a<br><font size=+1>

rgyun tu zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la dgod par bya'o snyam pas/ shes rab kyi pha rol du phyin pa la bslab par bya'o/ /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na/ sems can gang dag long bar gyur pa de dag bdag gi mthus mig gis gzugs rnams mthong bar 'gyur bar 'dod pas/ shes rab kyi pha rol du phyin pa la bslab par bya'o/ /de bzhin du 'on pa rnams rna bas sgra thos pa dang / smyon pa rnams dran pa rnyed par 'gyur ba dang / gcer bu rnams gos dag rnyed pa dang / sems can bkres pa rnams 'drangs pa dang / skom pa rnams skom ngoms pa dang / sems can ngan song na gnas pa rnams ngan song thams cad las thar te/ mir skye ba thob par 'gyur pa dang / tshul khrims 'chal pa rnams tshul khrims kyi phung po la dgod par bya'o snyam pa dang / mnyam par ma gzhag pa rnams ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po la dgod par bya'o snyam pa dang / bden pa ma mthong ba rnams rgyun du zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la dgod par bya'o snyam pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po de bzhin gshegs pa'i spyod lam la slob par 'dod pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems</font><hr>34.19b<br><font size=+1>

dpa' sems dpa' chen po shes rab kyi pha rol tu phyin pa la spyod pas 'di ltar brtag par bya ste/ nam zhig na bdag gis glang po che'i lta stangs kyis blta bar bya snyam pa dang / ji ltar na bdag sa chen po la rkang pa sor bzhi tsam gyis mi reg par 'gro bar 'gyur snyam pas/ shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pas 'di ltar brtag par bya ste/ ji ltar na bdag rgyal chen bzhi'i ris kyi lha dang / sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs pa'i mdun na 'don dang / tshangs ris dang / tshangs 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / 'bras bu che dang / gnas gtsang ma dang / gya nom snang dang / shin tu mthong dang / mi che dang / mi gdung dang / 'og min gyi lha bye ba khrag khrig phrag 'bum phrag du ma dag gis yongs su bskor cing mdun du bdar te/ byang chub kyi snying por 'gro bar 'gyur snyam na yang / shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ 'di ltar brtag par bya ste/ ji ltar na rgyal chen bzhi'i ris kyi lha nas/ 'og min gyi ris kyi lha'i bar dag byang chub kyi snying po'i shing drung du bdag gi stan 'ding bar 'gyur snyam na yang / shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pas 'di ltar brtag par bya ste/ ji ltar na bdag bla na med pa yang dag par rdzogs pa'i byang chub mngon par rdzogs par sangs rgyas nas/ 'gro ba dang / 'greng ba dang / 'dug pa dang / nyal ba'i sa phyogs de rdo rje'i rang bzhin du 'gyur snyam na yang / shes rab kyi pha</font><hr>34.20a<br><font size=+1>

rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ 'di ltar brtag par bya ste/ ji ltar na bdag nyi ma gang la mngon par byung ba'i nyi ma de nyid la/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ mngon par rdzogs par sangs rgyas nas/ nyi ma de nyid la chos kyi 'khor lo bskor bar 'gyur/ 'khor lo bskor nas/ sems can tshad med grangs med pa dag chos la chos kyi mig rdul dang bral zhing / dri ma med pa rnam par dag par 'gyur/ sems can tshad med grangs med pa dag len pa med par zag pa rnams las sems rnam par grol bar 'gyur/ sems can tshad med grangs med pa dag bla na med pa yang dag par rdzogs pa'i byang chub las phyir mi ldog par 'gyur snyam na yang / shes rab kyi pha rol du phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ 'di ltar brtag par bya ste/ ji ltar na bdag gi nyan thos kyi dge 'dun tshad med grangs med par 'gyur/ chos bstan pa gcig gis sems can tshad med grangs med pa dag stan gcig pa'i dgra bcom par 'gyur/ stan gcig pa'i byang chub sems dpar 'gyur zhing / bla na med pa yang dag par rdzogs pa'i byang chub las phyir mi ldog par 'gyur/ byang chub sems dpa'i dge 'dun dpag tu med/ grangs med tshad med par 'gyur/ tshe'i tshad dpag tu med par 'gyur/ 'od dpag tu med pa phun sum tshogs par 'gyur snyam na yang / shes rab kyi pha rol du phyin pa la bslab par bya'o/ /byang chub sems dpa' sems dpa' chen pos ji ltar na bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ 'dod chags dang / zhe sdang dang / gti mug gi sgra thams cad kyi thams cad du mi grag par 'gyur snyam na yang / shes rab kyi pha rol du phyin</font><hr>34.20b<br><font size=+1>

pa la bslab par bya'o/ /byang chub sems dpa' sems dpa' chen pos/ ji ltar na bdag gi sangs rgyas kyi zhing de na sems can thams cad sbyin pa ni legs pa'o/ /dul ba ni legs pa'o/ /legs par sdom pa ni legs pa'o/ /tshangs par spyod pa ni legs pa'o/ /srog chags 'byung po rnams la rnam par mi 'tshe ba ni legs pa'o zhes bya bar shes pa'i shes rab de lta bu dang ldan par 'gyur snyam pa dang / byang chub sems dpa' sems dpa' chen pos ji ltar na bdag yongs su mya ngan las 'das nas/ dam pa'i chos nub pa'i sgra yang mi grag par 'gyur snyam pa dang / byang chub sems dpa' sems dpa' chen po ji ltar na/ bdag gi ming thos pa tsam gyis 'jig rten gyi khams gang gA'i klung gi bye ma snyed dag na/ sems can gang dag 'khod pa de dag bla na med pa yang dag par rdzogs pa'i byang chub tu nges par 'gyur snyam na yang / des shes rab kyi pha rol du phyin pa la bslab par bya'o/ /shA ri'i bu gang gi tshe byang chub sems dpa' sems dpa' chen po shes rab kyi pha rol du phyin pa la spyod cing / yon tan 'di dag bskyed par byed pa de'i tshe/ stong gsum gyi stong chen po'i 'jig rten gyi khams na/ rgyal po chen po bzhi po gang dag 'khod pa de dag 'di snyam du sems te/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la sngon gyi rgyal po chen po bzhi po de dag gis lhung bzed dag phul ba ltar bdag cag gis kyang / byang chub sems dpa' sems dpa' chen po 'di la lhung bzed bzhi dbul bar bya'o snyam du sems shing yid dga' bar 'gyur ro/ /sum bcu rtsa gsum pa'i lha rnams dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyang 'di snyam du/ de lta na lha ma yin gyi ris rnams ni yongs su 'grib par 'gyur zhing / lha'i ris rnams ni mngon par 'phel bar 'gyur bas/ bdag cag gis</font><hr>34.21a<br><font size=+1>

byang chub sems dpa' sems dpa' chen po 'di la rim gro bskyed par bya'o snyam du sems shing yid dga' bar 'gyur ro/ /stong gsum gyi stong chen po'i 'jig rten gyi khams na tshangs pa chen po dag dang / tshangs ris kyi lha nas bzung ste/ tshangs pa thams cad dang / 'og min gyi bar gyi lha dag 'di snyam du/ byang chub sems dpa' sems dpa' chen po 'di mngon par rdzogs par sangs rgyas na/ chos kyi 'khor lo bskor ba'i don du bdag cag gis gsol ba gdab par bya'o snyam du sems shing yid dga' bar 'gyur ro/ /shA ri'i bu gzhan yang gang gi tshe/ byang chub sems dpa' sems dpa' chen po shes rab kyi pha rol du phyin pa la spyod cing pha rol du phyin pa drug gis rnam par 'phel ba de'i tshe/ rigs kyi bu dang / rigs kyi bu mo rnams kyang 'di snyam du/ bdag cag ni byang chub sems dpa' sems dpa' chen po 'di'i pha dang / ma dang / chung ma dang / bu dang / mdza' bshes dang / nye du dang / snag gi gnyen mtshams dag tu 'gyur ro snyam du sems shing / yid dga' bar 'gyur ro/ /rgyal po chen po bzhi dang / sum bcu rtsa gsum pa'i lha rnams dang / 'og min gyi bar gyi lha rnams kyang 'di snyam du de ni sems can rnams byang chub la nges par sbyar ba'i phyir/ kun tu sbyor bar 'gyur ba'i chos rnams kyis kun du mi sbyor zhing / tshangs par spyod par 'gyur te/ de 'di skad du bdag sems dang po bskyed pa nas bzung ste/ tshangs par spyad par bya'i/ mi tshangs par spyad par ni mi bya'o/ /de ci'i phyir zhe na/ 'dod pa rnams la bsten pa ni/ tshangs pa'i 'jig rten du skye ba la yang bar du gcod par 'gyur na/ bla na med pa yang dag par rdzogs pa'i byang chub lta la smos kyang ci dgos te/ de lta bas na byang chub sems dpa' sems dpa' chen pos ni/ khyim nas mngon par byung zhing tshangs par spyad pa nyid kyis/ bla na med pa yang dag par rdzogs pa'i byang chub mngon par rdzogs par 'tshang rgya bar bya'i/ mi tshangs</font><hr>34.21b<br><font size=+1>

par spyod pas ni ma yin no zhes smon lam 'debs pas na/ byang chub sems dpa' 'khrig pa kun du sbyor ba la mi 'jug pas/ yid dga' bar 'gyur ro/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das ci byang chub sems dpa' sems dpa' chen po la pha ma dang / mchis brang dang / bu dang / mdza' bshes dang / nye du dang / snag gi gnyen mtshams dag nges par 'tshal lags sam/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ shA ri'i bu byang chub sems dpa' sems dpa' chen po kha cig ni sems dang po bskyed pa nyid nas bzung ste/ tshangs par spyod pa yang dag par len cing / bla na med pa yang dag par rdzogs pa'i byang chub mngon par rdzogs par sangs rgyas kyi bar du de rtag tu gzhon nur gyur pa nyid kyis/ byang chub sems dpa'i spyad pa spyod par byed do/ /byang chub sems dpa' sems dpa' chen po kha cig ni thabs la mkhas pas/ sems can yongs su smin par bya ba'i phyir 'dod pa'i yon tan lnga la spyad nas/ btsun mo'i 'khor gyi nang nas mngon par byung ste/ bla na med pa yang dag par rdzogs pa'i byang chub mngon par rdzogs par 'tshang rgya bar byed do/ /shA ri'i bu byang chub sems dpa' sems dpa' chen po kha cig ni shes rab kyi pha rol du phyin pa zab mo la gnas pa thob nas/ 'dod pa'i nyon mongs pa rnams dang bral yang de dag sems can yongs su smin par bya ba'i phyir/ 'dod pa'i yon tan lnga nye bar 'dzin par ston la/ yongs su spyod par ni mi byed do/ /shA ri'i bu 'di lta ste dper na/ sgyu ma mkhan nam/ sgyu ma mkhan gyi slob ma mkhas pa/ sgyu ma'i rig sngags dang sbyor ba shes pa/ legs par bslabs pa zhig gis 'dod pa'i yon tan lnga mngon par sprul te/ 'dod pa'i yon tan lnga po de dag gis</font><hr>34.22a<br><font size=+1>

bdag nyid rtse zhing dga' la dga' mgur spyod pa bstan na/ shA ri'i bu 'di ji snyam du sems/ sgyu ma mkhan nam sgyu ma mkhan gyi slob ma des 'dod pa'i yon tan lnga po de dag la yongs su spyad pa yod snyam 'am/ shA ri'i bus gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ shA ri'i bu de bzhin du byang chub sems dpa' sems dpa' chen po thabs la mkhas pas/ sems can yongs su smin par bya ba'i phyir/ 'dod pa'i yon tan lnga la yongs su spyod cing / byang chub sems dpa' sems dpa' chen po 'dod pa'i yon tan dag gis gos pa yang med do/ /shA ri'i bu rnam grangs des na/ byang chub sems dpa' sems dpa' chen po 'dod pa rnams ni kun tu 'bar ba'o/ /'dod pa rnams ni smad pa'o/ /'dod pa rnams ni gsod pa'o/ /'dod pa rnams ni phyir rgol ba'o zhes 'dod pa rnams kyi bsngags pa ma yin pa brjod do/ /shA ri'i bu de ltar na byang chub sems dpa' sems dpa' chen po sems can yongs su smin par bya ba'i phyir/ 'dod pa'i yon tan rnams nye bar 'dzin to/ /shes rab kyi pha rol du phyin pa khri brgyad stong pa las/ sems bskyed pa'i le'u zhes bya ste gnyis pa'o// // de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen pos ji ltar shes rab kyi pha rol du phyin pa la spyad par bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa ni/ byang chub sems dpar gyur bzhin du byang chub sems dpa' yang dag par rjes su mi mthong ngo / /byang chub sems dpa'i ming yang yang dag par rjes su mi</font><hr>34.22b<br><font size=+1>

mthong ngo / /byang chub kyang yang dag par rjes su mi mthong ngo / /shes rab kyi pha rol du phyin pa yang yang dag par rjes su mi mthong ngo / /spyod ces bya bar yang yang dag par rjes su mi mthong ngo / /mi spyod ces bya bar yang yang dag par rjes su mi mthong ngo / /spyod kyang spyod la/ mi spyod kyang mi spyod ces bya bar yang yang dag par rjes su mi mthong ngo / /spyod pa yang ma yin/ mi spyod pa yang ma yin zhes bya bar yang yang dag par rjes su mi mthong ngo / /gzugs kyang yang dag par rjes su mi mthong ngo / /de bzhin du tshor ba dang / 'du shes dang / 'du byed rnams dang / rnam par shes pa yang yang dag par rjes su mi mthong ngo / /de ci'i phyir zhe na/ shA ri'i bu 'di ltar byang chub sems dpa'i ming de ni ming gi ngo bo nyid kyis stong gi /stong pa nyid kyis byang chub sems dpa'i ming stong pa ni ma yin/ byang chub sems dpa' yang byang chub sems dpa'i ngo bo nyid kyis stong gi stong pa nyid kyis byang chub sems dpa' stong pa ni ma yin/ byang chub kyang byang chub kyi ngo bo nyid kyis stong gi /stong pa nyid kyis byang chub stong pa ni ma yin/ shes rab kyi pha rol du phyin pa yang shes rab kyi pha rol du phyin pa'i ngo bo nyid kyis stong gi /stong pa nyid kyis shes rab kyi pha rol du phyin pa stong pa ni ma yin/ gzugs ni gzugs kyi ngo bo nyid kyis stong gi /stong pa nyid kyis gzugs stong pa ni ma yin/ tshor ba dang / 'du shes dang / 'du byed rnams dang / rnam par shes pa ni rnam par shes pa'i ngo bo nyid kyis stong gi /stong pa nyid kyis rnam par shes pa stong pa ni ma yin pa'i phyir ro/ /de ci'i phyir zhe na/ 'di ltar byang chub sems dpa'i ming gi stong pa nyid gang yin pa de ni byang chub sems dpa'i ming ma yin la/ stong pa nyid las gud na yang byang chub sems dpa'i ming med de/ byang chub sems dpa'i ming nyid stong pa nyid yin la stong pa nyid kyang byang chub sems dpa'i ming yin pa dang / byang chub sems</font><hr>34.23a<br><font size=+1>

dpa'i stong pa nyid gang yin pa de ni/ byang chub sems dpa' ma yin la/ stong pa nyid las gud na yang byang chub sems dpa' med de/ byang chub sems dpa' nyid stong pa nyid yin la/ stong pa nyid kyang byang chub sems dpa' yin pa dang / byang chub kyi stong pa nyid gang yin pa de byang chub ma yin la/ stong pa nyid las gud na yang byang chub med de/ byang chub nyid stong pa nyid yin la/ stong pa nyid kyang byang chub yin pa dang / shes rab kyi pha rol du phyin pa'i stong pa nyid gang yin pa de shes rab kyi pha rol du phyin pa ma yin la/ stong pa nyid las gud na yang shes rab kyi pha rol du phyin pa med de/ shes rab kyi pha rol du phyin pa nyid stong pa nyid yin la/ stong pa nyid kyang shes rab kyi pha rol du phyin pa yin pa dang / gzugs kyi stong pa nyid gang yin pa de gzugs ma yin la/ stong pa nyid las gud na yang gzugs med de/ gzugs nyid stong pa nyid yin la/ stong pa nyid kyang gzugs yin pa dang / tshor ba dang / 'du shes dang / 'du byed rnams dang / rnam par shes pa'i stong pa nyid gang yin pa de rnam par shes pa ma yin la/ stong pa nyid las gud na yang rnam par shes pa med de/ rnam par shes pa nyid stong pa nyid yin la/ stong pa nyid kyang rnam par shes pa yin pa'i phyir ro/ /de ci'i phyir zhe na/ 'di ltar 'di lta ste/ byang chub sems dpa' zhes bya ba de ni ming tsam du zad/ 'di lta ste/ byang chub sems dpa'i ming zhes bya ba dang / byang chub ces bya ba dang / shes rab kyi pha rol du phyin pa zhes bya ba dang / gzugs zhes bya ba dang / tshor ba zhes bya ba dang / 'du shes zhes bya ba dang / 'du byed rnams zhes bya ba dang / rnam par shes pa zhes bya ba de ni ming tsam du zad/ 'di lta ste/ stong pa nyid ces bya ba de ni ming tsam du zad pa'i phyir ro/ /de ci'i phyir zhe na/ ngo bo nyid med pa la ni skye ba med/ 'gag pa med/ 'grib pa med/ 'phel ba med/ kun nas nyon mongs pa med/ rnam par</font><hr>34.23b<br><font size=+1>

byang ba med pa'i phyir ro/ /de ci'i phyir zhe na/ gzugs ni sgyu ma lta bu/ tshor ba ni sgyu ma lta bu/ 'du shes ni sgyu ma lta bu/ 'du byed rnams ni sgyu ma lta bu/ rnam par shes pa ni sgyu ma lta bu yin pa'i phyir ro/ /sgyu ma yang ming tsam du zad de/ yul na mi gnas/ phyogs na mi gnas pas sgyu ma mthong ba ni log par gyur pa ste/ yod pa ma yin zhing ngo bo nyid dang bral ba ste/ byang chub sems dpa' sems dpa' chen po shes rab kyi pha rol du phyin pa la de ltar spyod pa ni chos gang la yang skye bar yang dag par rjes su mi mthong ngo / /'gag par yang dag par rjes su mi mthong ngo / /gnas par yang dag par rjes su mi mthong ngo / /'grib par yang dag par rjes su mi mthong ngo / /'phel bar yang dag par rjes su mi mthong ngo / /kun nas nyon mongs par yang dag par rjes su mi mthong ngo / /rnam par byang bar yang dag par rjes su mi mthong ngo / /gzugs yang dag par rjes su mi mthong ngo / /tshor ba dang / 'du shes dang / 'du byed rnams dang / rnam par shes pa yang dag par rjes su mi mthong ngo / /gang la byang chub ces bya ba 'am/ byang chub sems dpa' zhes bya ba de yang dag par rjes su mi mthong ngo / /de ci'i phyir zhe na/ 'di ltar ming ni bcos ma yin pa'i phyir/ chos so so tha dad pa de dag ni btags pa ste/ yang dag pa ma yin pa/ glo bur du btags pa'i ming gis rjes su tha snyad 'dogs te/ ji lta ji ltar rjes su tha snyad 'dogs pa de de lta de ltar mngon par zhen to/ /byang chub sems dpa' sems dpa' chen po shes rab kyi pha rol du phyin pa la spyod pas ni/ ming de dag thams cad ngo bo nyid du yang dag par rjes su mi mthong ngo / /yang dag par rjes su ma mthong bas mngon par zhen par mi 'gyur ro/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa 'di ltar yongs su rtog ste/ 'di lta ste/ byang chub sems</font><hr>34.24a<br><font size=+1>

dpa' zhes bya ba de ni ming tsam mo/ /'di lta ste byang chub ces bya ba de ni ming tsam mo/ /'di lta ste sangs rgyas zhes bya ba de ni ming tsam mo/ /'di lta ste shes rab kyi pha rol du phyin pa zhes bya ba de ni ming tsam mo/ /'di lta ste/ shes rab kyi pha rol du phyin pa la spyod ces bya ba de ni ming tsam mo/ /'di lta ste/ gzugs zhes bya ba de ni ming tsam mo/ /'di lta ste/ tshor ba dang / 'du shes dang / 'du byed rnams dang / rnam par shes pa zhes bya ba de ni ming tsam mo zhes yongs su rtog go/ /shA ri'i bu 'di lta ste dper na/ bdag bdag ces brjod kyang bdag kyang mi dmigs sems can dang / srog dang / gang zag kyang mi dmigs te/ 'di ltar ming gis tha snyad btags par zad kyi/ mi dmigs pa stong pa nyid kyi phyir de dag ni rnam pa thams cad du dmigs su med do/ /de bzhin du byang chub sems dpa' sems dpa' chen po shes rab kyi pha rol du phyin pa la spyod pa yang / byang chub sems dpa' yang dag par rjes su mi mthong ngo / /rnam par shes pa'i bar du yang dag par rjes su mi mthong ngo / /ming gang gis tha snyad 'dogs pa'i ming de yang yang dag par rjes su mi mthong ste/ shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pas ni/ mi dmigs pa stong pa nyid kyi phyir de bzhin gshegs pa'i shes rab ma gtogs par nyan thos dang / rang sangs rgyas thams cad kyi shes rab zil gyis gnon to/ de ci'i phyir zhe na/ 'di ltar gang gis mngon par zhen par 'gyur ba de yang des yang dag par rjes su mi mthong ba'i phyir te/ shA ri'i bu de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la spyod pa yin no/ /shA ri'i bu 'di lta ste dper na/ 'dzam bu'i gling 'di shA ri'i bu dang / maud gal gyi bu lta bu'i dge slong sha stag gis 'dam bu'i tshal lam/ </font><hr>34.24b<br><font size=+1>

'od ma'i tshal lam/ bu ram shing gi tshal lam/ mda' rgyu'i tshal lam/ 'bras kyi zhing ngam/ til gyi zhing ltar yongs su gang bar gyur kyang / de dag gi shes rab gang yin pa des ni byang chub sems dpa' sems dpa' chen po shes rab kyi pha rol du phyin pa la spyod pa'i shes rab kyi brgya'i char yang nye bar mi 'gro'o/ /stong gi cha dang / 'bum gyi cha dang / grangs dang / cha dang / bgrang ba dang / dpe dang rgyur yang mi bzod do/ /de ci'i phyir zhe na/ shA ri'i bu 'di ltar byang chub sems dpa' sems dpa' chen po'i shes rab gang yin pa de ni sems can thams cad yongs su mya ngan las bzla ba'i don du nye bar gnas pa'i phyir ro/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i shes rab nyin gcig yongs su bsgoms pa gang yin pa des kyang nyan thos dang / rang sangs rgyas rnams kyi shes rab zil gyis gnon to/ /shA ri'i bu 'dzam bu'i gling 'di shA ri'i bu dang / maud gal gyi bu lta bu'i dge slong sha stag gis yongs su gang ba lta zhog gi /shA ri'i bu gal te stong gsum gyi stong chen po'i 'jig rten gyi khams 'di shA ri'i bu dang / maud gal gyi bu lta bu'i dge slong sha stag gis yongs su gang bar gyur kyang / de dag gi shes rab kyis/ byang chub sems dpa' sems dpa' chen po shes rab kyi pha rol du phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro ba nas/ rgyu'i bar du yang mi bzod do/ /shA ri'i bu stong gsum gyi stong chen po'i 'jig rten gyi khams shA ri'i bu dang / maud gal gyi bu lta bu'i dge slong sha stag gis yongs su gang ba lta yang zhog gi /shA ri'i bu gal te shar phyogs kyi 'jig rten gyi khams gang gA'i klung gi bye ma snyed dag shA ri'i bu dang maud gal gyi bu lta bu'i dge slong sha stag gis yongs su gang bar</font><hr>34.25a<br><font size=+1>

gyur cing / de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag shA ri'i bu dang / maud gal gyi bu lta bu'i dge slong sha stag gis yongs su gang bar gyur kyang / de dag gi shes rab kyis/ byang chub sems dpa' sems dpa' chen po shes rab kyi pha rol du phyin pa la spyod pa'i shes rab nyin cig bsgoms pa gang yin pa de'i brgya'i char yang nye bar mi 'gro ba nas/ rgyu'i bar du yang mi bzod do/ /de nas bcom ldan 'das la tshe dang ldan pa shA ri'i bus/ 'di skad ces gsol to/ /bcom ldan 'das nyan thos rgyun tu zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams kyi shes rab gang lags pa dang / rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyi shes rab gang lags pa'i shes rab de dag thams cad ni tha dad pa ma lags pa/ dben pa/ ma skyes pa ngo bo nyid kyis stong pa lags te/ bcom ldan 'das tha dad pa ma lags shing / dben la ma skyes pa/ rang bzhin gyis stong pa la ni tha dad du dbye ba 'am/ khyad par mi dmigs lags na/ bcom ldan 'das ji ltar byang chub sems dpa' sems dpa' chen po'i shes rab gdugs gcig bsgoms pa gang lags pa des nyan thos dang / rang sangs rgyas thams cad kyi shes rab zil gyis gnon par 'gyur ba lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di ji snyam du sems/ byang chub sems dpa' sems dpa' chen po shes rab kyi pha rol du phyin pa la spyod pa rnam pa thams cad kyi mchog dang ldan pa/ rnam pa thams</font><hr>34.25b<br><font size=+1>

cad mkhyen pa nyid la spyod pa/ sems can thams cad kyi don byed pas bdag gis chos thams cad rnam pa thams cad du mngon par rdzogs par byang chub par byas la/ sems can thams cad yongs su mya ngan las bzla'o/ /zhes nyin cig bsgoms pa'i shes rab gang gi don du nye bar gnas pa ltar nyan thos dang / rang sangs rgyas thams cad kyi shes rab nye bar gnas pa yin snyam 'am/ shA ri'i bus gsol pa/ bcom ldan 'das de ni ma lags so/ /bcom ldan 'das kyis bka' stsal pa/ shA ri'i bu 'di ji snyam du sems/ nyan thos dang / rang sangs rgyas thams cad 'di snyam du bdag cag gis bla na med pa yang dag par rdzogs pa'i byang chub mngon par rdzogs par sangs rgyas par byas la sems can thams cad phung po lhag ma med pa'i mya ngan las 'das pa'i dbyings su yongs su mya ngan las bzla'o snyam du sems snyam 'am/ shA ri'i bus gsol pa/ bcom ldan 'das de ni ma lags so/ /bcom ldan 'das kyis bka' stsal pa/ shA ri'i bu rnam grangs des na/ khyod kyis 'di ltar nyan thos dang rang sangs rgyas thams cad kyi shes rab gang yin pa des ni byang chub sems dpa' sems dpa' chen pos nyin gcig bsgoms pa'i shes rab kyi brgya'i char yang nye bar mi 'gro ba nas/ rgyu'i bar du yang mi bzod de/ nyan thos dang / rang sangs rgyas rnams kyi shes rab zil gyis gnon par rig par bya'o/ /shA ri'i bu 'di ji snyam du sems/ nyan thos dang / rang sangs rgyas thams cad 'di snyam du bdag cag gis pha rol du phyin pa drug la spyad de/ sems can rnams yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa</font><hr>34.26a<br><font size=+1>

bcwa brgyad yongs su rdzogs par byas te/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can dpag tu med grangs med tshad med pa rnams yongs su mya ngan las bzla bar bya'o snyam du sems snyam 'am/ shA ri'i bus gsol pa/ bcom ldan 'das de ni ma lags so/ /bcom ldan 'das kyis bka' stsal pa/ shA ri'i bu byang chub sems dpa' sems dpa' chen po ni 'di snyam du sems te/ bdag gis pha rol du phyin pa drug la spyad de/ sems can rnams yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par byas te/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can dpag tu med grangs med tshad med pa rnams yongs su mya ngan las bzla'o snyam du sems so/ /shA ri'i bu 'di lta ste dper na/ srog chags kyi rigs srin bu me khyer ni 'di snyam du bdag gi 'od kyis 'dzam bu'i gling snang bar bya zhing / bdag gi 'od kyis 'dzam bu'i gling khyab par bya'o snyam du mi sems so/ /shA ri'i bu de bzhin du nyan thos dang / rang sangs rgyas thams cad kyang 'di snyam du bdag cag gis pha rol du phyin pa drug la spyad do/ sems can rnams yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par byas te/ bla na med pa yang dag par rdzogs pa'i byang chub mngon</font><hr>34.26b<br><font size=+1>

par rdzogs par sangs rgyas nas/ sems can dpag tu med grangs med tshad med pa rnams yongs su mya ngan las bzla bar bya'o snyam du mi sems so/ /shA ri'i bu 'di lta ste dper na/ nyi ma'i dkyil 'khor shar bas ni 'dzam bu'i gling thams cad snang bas khyab par byed cing / 'dzam bu'i gling thams cad snang bas gsal bar byed do/ /shA ri'i bu de bzhin du byang chub sems dpa' sems dpa' chen po yang pha rol du phyin pa drug la spyad de/ sems can rnams yongs su smin par byas la/ sangs rgyas kyi zhing yang yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par byas te/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can dpag tu med grangs med tshad med pa rnams yongs su mya ngan las 'da' bar byed do/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das ji ltar na byang chub sems dpa' sems dpa' chen po nyan thos dang / rang sangs rgyas kyi sa las shin du 'da' zhing / phyir mi ldog pa'i byang chub sems dpa'i sa thob pa dang / byang chub kyi lam yongs su sbyong ba lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la byang chub sems dpa' sems dpa' chen po sems dang po bskyed phyin chad/ pha rol du phyin pa drug la spyod cing / stong pa nyid dang mtshan ma med pa dang / smon pa med pa'i chos rnams la gnas te/ nyan thos dang / rang sangs rgyas kyi sa las shin tu 'das nas/ phyir mi ldog pa'i byang chub sems dpa'i sa 'thob bo/ /de skad ces bka' stsal pa dang / bcom ldan 'das la tshe</font><hr>34.27a<br><font size=+1>

dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen po sa gang la gnas na/ nyan thos dang / rang sangs rgyas thams cad kyi sbyin pa'i gnas su 'gyur ba lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu sems dang po bskyed phyin chad byang chub sems dpa' sems dpa' chen po pha rol du phyin pa drug la spyod pa nas/ byang chub kyi snying po la 'dug gi bar gyi byang chub sems dpa' sems dpa' chen po ni rtag par rgyun tu nyan thos dang / rang sangs rgyas thams cad kyi sbyin pa'i gnas su gyur pa yin no/ /de ci'i phyir zhe na/ shA ri'i bu 'di ltar byang chub sems dpa' sems dpa' chen po la brten nas dge ba'i chos thams cad 'jig rten du 'byung bar 'gyur ba'i phyir te/ 'di lta ste dge ba bcu'i las kyi lam rnams dang / yan lag lnga dang ldan pa'i tshul khrims dang / yan lag brgyad dang ldan pa'i tshul khrims dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / 'phags pa'i bden pa bzhi dang / dran pa nye bar bzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa 'jig rten du 'byung bar 'gyur ro/ /pha rol du phyin pa drug dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyi bar du 'jig rten du 'byung bar 'gyur ro/ /dge ba'i chos de dag 'jig rten du byung bas/ rgyal rigs shing sA la chen po lta bu dag 'jig rten na yod pa yin/ </font><hr>34.27b<br><font size=+1>

bram ze'i rigs shing sA la chen po lta bu dag yod pa yin/ khyim bdag gi rigs shing sA la chen po lta bu dag yod pa yin/ rgyal chen bzhi'i ris kyi lha rnams dang / sum bcu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs pa'i mdun na 'don dang / tshangs ris dang / tshangs 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / 'bras bu che dang / sems can 'du shes med pa dang / gnas gtsang ma gya nom snang dang / shin tu mthong dang / mi che dang / mi gdung dang / 'og min dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched kyi lha rnams yod pa yin no/ /rgyun tu zhugs pa rnams 'jig rten du byung ba yin/ lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' sems dpa' chen po rnams dang / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du byung ba yin no/ /shA ri'i bus gsol pa/ bcom ldan 'das ci byang chub sems dpa' sems dpa' chen po sbyin pa yongs su sbyong bar bgyid dam/ 'on te mi bgyid lags/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po ni rnam grangs kyis sbyin pa yongs su sbyong bar byed do/ /de ci'i phyir zhe na/ shA ri'i bu byang chub sems dpa' sems dpa' chen po'i sbyin pa ni shin du rnam par dag pa nyid kyi phyir ro/ /shA ri'i bu 'di ltar byang chub sems dpa' sems dpa' chen po ni sbyin pa po yin te/ ci zhig gi sbyin pa po yin</font><hr>34.28a<br><font size=+1>

zhe na/ dge ba'i chos rnams kyi sbyin pa po yin no/ /dge ba'i chos gang dag gi sbyin pa po yin zhe na/ 'di lta ste dge ba bcu'i las kyi lam rnams dang / bslab pa'i gzhi lnga dang / yan lag brgyad dang ldan pa'i gso sbyong dang / sangs rgyas kyi chos ma 'dres pa bcwa brgyad kyi bar dag gi sbyin pa po yin no/ /shA ri'i bus gsol pa/ bcom ldan 'das byang chub sems dpa' sems dpa' chen pos ji ltar shes rab kyi pha rol du phyin pa la brtson par bgyis na/ brtson zhes bgyi ba lags/ bcom ldan 'das kyis bka' stsal pa/ shA ri'i bu 'di la byang chub sems dpa' sems dpa' chen po gzugs kyi stong pa nyid la brtson na brtson zhes bya'o/ /de bzhin du tshor ba'i stong pa nyid dang / 'du shes kyi stong pa nyid dang / 'du byed rnams kyi stong pa nyid dang / rnam par shes pa'i stong pa nyid la brtson na brtson zhes bya'o/ /shA ri'i bu gzhan yang byang chub sems dpa' sems dpa' chen po mig gi stong pa nyid la brtson na brtson zhes bya'o/ /de bzhin du rna ba dang / sna dang / lce dang / lus dang / yid kyi stong pa nyid la brtson na brtson zhes bya'o/ /gzugs kyi stong pa nyid la brtson na brtson zhes bya'o/ /de bzhin du sgra dang / dri dang / ro dang / reg bya dang / chos kyi stong pa nyid la brtson na brtson zhes bya'o/ /mig gi rnam par shes pa'i khams kyi stong pa nyid la brtson na brtson zhes bya'o/ /rna ba'i rnam par shes pa'i khams dang / sna'i rnam par shes pa'i khams dang / lce'i rnam par shes pa'i khams dang / lus kyi rnam par shes pa'i khams dang / yid kyi rnam par shes pa'i khams kyi stong pa nyid la brtson na brtson zhes bya'o/ /sdug bsngal gyi stong pa nyid la brtson na brtson zhes bya'o/ /kun 'byung ba dang / 'gog pa dang / lam gyi stong pa nyid la brtson na brtson zhes bya'o/ /</font><hr>34.28b<br><font size=+1>

ma rig pa'i stong pa nyid la brtson na brtson zhes bya'o/ /'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi'i stong pa nyid la brtson na brtson zhes bya'o/ /chos thams cad kyi stong pa nyid la brtson na brtson zhes bya'o/ /'dus byas dang / 'dus ma byas kyi chos kyi stong pa nyid la brtson na brtson zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa rang bzhin gyis stong pa nyid la brtson na brtson zhes bya'o/ /shA ri'i bu byang chub sems dpa' sems dpa' chen po de ltar shes rab kyi pha rol du phyin pa la spyod pa stong pa nyid bdun po 'di dag gis brtson na brtson zhes bya'o/ /byang chub sems dpa' de stong pa nyid bdun po de dag gis shes rab kyi pha rol du phyin pa la spyod pa'i tshe/ re shig brtson zhe 'am mi brtson zhes mi brjod do/ /de ci'i phyir zhe na/ 'di ltar des gzugs skye ba'i chos can nam 'gag pa'i chos can du yang dag par rjes su mi mthong ngo / /tshor ba dang / 'du shes dang / 'du byed rnams dang / rnam par shes pa skye ba'i chos can nam 'gag pa'i chos can du yang dag par rjes su mi mthong / gzugs kun nas nyon mongs pa'i chos can nam/ rnam par byang ba'i chos can du yang dag par rjes su mi mthong / tshor ba dang / 'du shes dang / 'du byed rnams dang / rnam par shes pa kun nas nyon mongs pa'i chos can nam/ rnam par byang ba'i chos can du yang dag bar rjes su mi mthong ba'i phyir ro/ /shA ri'i bu gzhan yang byang chub sems dpa' sems dpa' chen po gzugs ni tshor ba dang lhan cig yang dag par 'du zhes bya bar yang dag par rjes su mi mthong ngo / /de bzhin du tshor ba ni 'du shes dang / 'du shes ni 'du byed rnams dang / 'du byed rnams ni rnam par</font><hr>34.29a<br><font size=+1>

shes pa dang lhan cig yang dag par 'du zhes bya bar yang dag par rjes su mi mthong ngo / /rnam par shes pa ni 'du byed rnams dang lhan cig yang dag par 'du zhes bya bar yang dag par rjes su mi mthong ba'o/ /de ci'i phyir zhe na/ rang bzhin gyis stong pa nyid kyi phyir/ chos gang yang chos gang dang yang lhan cig yang dag par 'du ba med pa'i phyir ro/ /de ci'i phyir zhe na/ shA ri'i bu 'di ltar gzugs kyi stong pa nyid gang yin pa de ni gzugs ma yin/ tshor ba dang / 'du shes dang / 'du byed rnams dang / rnam par shes pa'i stong pa nyid gang yin pa de ni/ rnam par shes pa ma yin pa'i phyir ro/ /de ci'i phyir zhe na/ shA ri'i bu 'di ltar gzugs kyi stong pa nyid gang yin pa de gzugs su yod pa ma yin/ tshor ba'i stong pa nyid gang yin pa de tshor bar byed pa ma yin/ 'du shes kyi stong pa nyid gang yin pa de kun du shes par byed pa ma yin/ 'du byed rnams kyi stong pa nyid gang yin pa de mngon par 'du byed pa ma yin/ rnam par shes pa'i stong pa nyid gang yin pa de rnam par shes par byed pa ma yin pa'i phyir ro/ /de ci'i phyir zhe na/ shA ri'i bu 'di ltar gzugs kyang gzhan ma yin la/ stong pa nyid kyang gzhan ma yin/ stong pa nyid kyang gzhan ma yin la/ gzugs kyang gzhan ma yin te/ gzugs nyid stong pa nyid yin la/ stong pa nyid kyang gzugs yin/ de bzhin du tshor ba yang gzhan ma yin la/ stong pa nyid kyang gzhan ma yin/ 'du shes kyang gzhan ma yin la/ stong pa nyid kyang gzhan ma yin/ 'du byed rnams kyang gzhan ma yin la/ stong pa nyid kyang gzhan ma yin/ rnam par shes pa yang gzhan ma yin la/ stong pa nyid kyang gzhan ma yin te/ rnam par shes pa nyid stong pa nyid yin la/ stong pa nyid kyang rnam par shes pa yin pa'i phyir ro/ /de ci'i phyir zhe na/ shA ri'i bu stong pa nyid gang yin pa de ni mi skye mi 'gag cing / kun nas nyon mongs pa med/ </font><hr>34.29b<br><font size=+1>

rnam par byang ba med la/ 'grib pa med cing / 'phel ba med pa ste/ de ni 'das pa yang ma yin/ ma 'ongs pa yang ma yin/ da ltar byung ba yang ma yin pa'i phyir ro/ /'di 'dra ba gang yin pa de la ni gzugs med do/ /tshor ba med do/ /'du shes med do/ /'du byed rnams med do/ /rnam par shes pa med do/ /sa'i khams med do/ /chu'i khams med do/ /me'i khams med do/ /rlung gi khams med do/ /nam mkha'i khams med do/ /rnam par shes pa'i khams med do/ /mig gi skye mched med do/ /gzugs kyi skye mched med do/ /rna ba'i skye mched med do/ /sgra'i skye mched med do/ /sna'i skye mched med do/ /dri'i skye mched med do/ /lce'i skye mched med do/ /ro'i skye mched med do/ /lus kyi skye mched med do/ /reg bya'i skye mched med do/ /yid kyi skye mched med do/ /chos kyi skye mched med do/ /mig gi khams med do/ /gzugs kyi khams med do/ /mig gi rnam par shes pa'i khams med do/ /rna ba'i khams med do/ /sgra'i khams med do/ /rna ba'i rnam par shes pa'i khams med do/ /sna'i khams med do/ /dri'i khams med do/ /sna'i rnam par shes pa'i khams med do/ /lce'i khams med do/ /ro'i khams med do/ /lce'i rnam par shes pa'i khams med do/ /lus kyi khams med do/ /reg bya'i khams med do/ /lus kyi rnam par shes pa'i khams med do/ /yid kyi khams med do/ /chos kyi khams med do/ /yid kyi rnam par shes pa'i khams med do/ /ma rig pa med do/ /ma rig pa 'gag pa med do/ /'du byed med do/ /'du byed 'gag pa med do/ /rnam par shes pa med do/ /rnam par shes pa 'gag pa med do/ /ming dang gzugs med do/ /ming dang gzugs 'gag pa med do/ /skye mched drug med do/ /skye mched drug 'gag pa med do/ /reg pa med do/ /reg pa 'gag pa med do/ /tshor ba med do/ /tshor ba 'gag pa med do/ /sred pa med do/ /sred pa 'gag pa med do/ /</font><hr>34.30a<br><font size=+1>

len pa med do/ /len pa 'gag pa med do/ /srid pa med do/ /srid pa 'gag pa med do/ /skye ba med do/ /skye 'gag pa med do/ /rga shi med do/ /rga shi 'gag pa med do/ /sdug bsngal med do/ /kun 'byung ba med do/ /'gog pa med do/ /lam med do/ /thob pa med do/ /mngon par rtogs pa med do/ /rgyun tu zhugs pa med do/ /rgyun tu zhugs pa'i 'bras bu med do/ /lan cig phyir 'ong ba med do/ /lan cig phyir 'ong ba'i 'bras bu med do/ /phyir mi 'ong ba med do/ /phyir mi 'ong ba'i 'bras bu med do/ /dgra bcom pa nyid med do/ /rang sangs rgyas med do/ /rang byang chub med do/ /de la ni sangs rgyas med do/ /byang chub med do// //'phags pa shes rab kyi pha rol du phyind pa khri brgyad stong pa/ bam po gsum pa/ shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni brtson pa zhes bya ste/ shes rab kyi pha rol du phyin pa la spyod pa de gzugs la brtson zhes bya ba 'am mi brtson zhes bya bar yang dag par rjes su mi mthong ngo / /tshor ba dang / 'du shes dang / 'du byed rnams dang / rnam par shes pa la brtson zhes bya ba 'am mi brtson zhes bya bar yang dag par rjes su mi mthong ngo / /mig la brtson zhes bya ba 'am mi brtson zhes bya bar yang dag par rjes su mi mthong ngo / /rna ba dang / sna dang / lce dang / lus dang / yid la brtson zhes bya ba 'am mi brtson zhes bya bar yang dag par rjes su mi mthong ngo / /gzugs la brtson zhes bya ba 'am mi brtson zhes bya bar yang dag par rjes su mi mthong ngo / /sgra dang / dri dang / ro dang / reg bya dang / chos rnams la brtson zhes bya ba 'am/ mi brtson zhes bya bar yang dag par rjes su mi mthong ngo / /mig gi khams la brtson zhes bya ba 'am mi brtson zhes bya bar yang dag par rjes su mi mthong ngo / /gzugs kyi khams dang / mig gi rnam par shes</font><hr>34.30b<br><font size=+1>

pa'i khams dang / yid kyi khams kyi bar dang / chos kyi khams dang / yid kyi rnam par shes pa'i khams la brtson zhes bya ba 'am mi brtson zhes bya bar yang dag par rjes su mi mthong ngo / /dran pa nye bar gzhag pa rnams la brtson zhes bya ba 'am mi brtson zhes bya bar yang dag par rjes su mi mthong ngo / /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams la brtson zhes bya ba 'am mi brtson zhes bya bar yang dag par rjes su mi mthong ngo / /bden pa bzhi la brtson zhes bya ba 'am mi brtson zhes bya bar yang dag par rjes su mi mthong ngo / /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / mngon par shes pa lnga dang / sangs rgyas kyi chos ma 'dres pa bcwo brgyad la brtson zhes bya ba 'am mi brtson zhes bya bar yang dag par rjes su mi mthong ngo / /rnam pa thams cad mkhyen pa nyid kyi ye shes rnam pa thams cad kyi mchog dang ldan pa'i bar la brtson zhes bya ba 'am mi brtson zhes bya bar yang dag par rjes su mi mthong ngo / /shA ri'i bu rnam grangs des na/ byang chub sems dpa' sems dpa' chen po shes rab kyi pha rol du phyin pa la de ltar brtson pa ni brtson zhes bya bar rig par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni stong pa nyid dang stong pa nyid du sbyor bar mi byed/ mi sbyor bar yang mi byed de/ stong pa nyid kyi rnal 'byor dang yang ma yin no/ /mtshan ma med pa dang / mtshan ma med par sbyor bar mi byed/ mi sbyor bar yang mi byed de/ mtshan ma med pa'i rnal 'byor dang yang ma yin no/ /smon pa med pa dang / smon pa med par sbyor bar mi byed/ mi sbyor bar yang mi byed de/ smon pa med pa'i rnal 'byor dang yang ma yin no/ /de ci'i phyir zhe na/ 'di ltar stong pa nyid ni rnal</font><hr>34.31a<br><font size=+1>

'byor yang ma yin/ rnal 'byor ma yin pa yang ma yin zhing / de bzhin du mtshan ma med pa dang smon pa med pa yang rnal 'byor yang ma yin/ rnal 'byor ma yin pa yang ma yin pa'i phyir te/ shA ri'i bu de ltar brtson pa'i byang chub sems dpa' sems dpa' chen po ni/ shes rab kyi pha rol du phyin pa la brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni chos rnams kyi rang gi mtshan nyid stong pa nyid la 'jug ste/ de ltar 'jug pa na gzugs la sbyor bar mi byed/ mi sbyor bar yang mi byed do/ /tshor ba dang / 'du shes dang / 'du byed rnams dang / rnam par shes pa la sbyor bar mi byed mi sbyor bar yang mi byed do/ /gzugs dang sngon gyi mthar sbyor bar mi byed de/ 'di ltar sngon gyi mtha' nyid kyang yang dag par rjes su mi mthong ngo / /gzugs dang phyi ma'i mthar sbyor bar mi byed de/ 'di ltar phyi ma'i mtha' nyid kyang yang dag par rjes su mi mthong ngo / /gzugs dang da ltar byung bar sbyor bar mi byed de/ 'di ltar da ltar byung ba nyid kyang yang dag par rjes su mi mthong ngo / /de bzhin du tshor ba dang / 'du shes dang / 'du byed rnams dang / rnam par shes pa dang sngon gyi mthar sbyor bar mi byed de/ 'di ltar sngon gyi mtha' nyid kyang yang dag par rjes su mi mthong ngo / /rnam par shes pa dang phyi ma'i mthar sbyor bar mi byed de/ 'di ltar phyi ma'i mtha' nyid kyang yang dag par rjes su mi mthong ngo / /rnam par shes pa dang / da ltar byung bar sbyor bar mi byed de/ 'di ltar da ltar byung ba nyid kyang yang dag par rjes su mi mthong ngo / /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni dus gsum mnyam pa nyid kyi phyir/ sngon gyi mtha' dang / phyi ma'i mthar sbyor bar mi byed de/ phyi ma'i mtha' dang / sngon gyi mthar sbyor bar mi byed do/ /da ltar byung ba dang / sngon gyi mtha' 'am phyi ma'i mthar sbyor bar mi byed de/ sngon gyi mtha' 'am/ phyi ma'i</font><hr>34.31b<br><font size=+1>

mtha' dang / da ltar byung bar sbyor bar mi byed do/ /shA ri'i bu de ltar brtson pa'i byang chub sems dpa' sems dpa' chen po ni shes rab kyi pha rol du phyin pa la brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni 'di ltar brtson par byed de/ de ltar brtson par byed na/ rnam pa thams cad mkhyen pa nyid dang 'das par sbyor bar mi byed de/ 'das pa nyid kyang yang dag par rjes su mi mthong na/ rnam pa thams cad mkhyen pa nyid 'das pa dang sbyor bar ji ltar 'gyur/ rnam pa thams cad mkhyen pa nyid dang ma 'ongs par sbyor bar mi byed de/ ma 'ongs pa nyid kyang yang dag par rjes su mi mthong na/ rnam pa thams cad mkhyen pa nyid ma 'ongs pa dang sbyor bar ji ltar 'gyur/ rnam pa thams cad mkhyen pa nyid dang da ltar byung bar sbyor bar mi byed de/ da ltar byung ba nyid kyang yang dag par rjes su mi mthong na/ rnam pa thams cad mkhyen pa nyid da ltar byung ba dang sbyor bar lta ga la 'gyur te/ shA ri'i bu de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ gzugs dang rnam pa thams cad mkhyen pa nyid du sbyor bar mi byed de/ gzugs nyid kyang yang dag par rjes su mi mthong ngo / /de bzhin du tshor ba dang / 'du shes dang / 'du byed rnams dang / rnam par shes pa dang rnam pa thams cad mkhyen pa nyid du sbyor bar mi byed de/ rnam par shes pa nyid kyang yang dag par rjes su mi mthong ngo / /de bzhin du mig dang rnam pa thams cad mkhyen pa nyid du sbyor bar mi byed de/ mig nyid kyang yang dag par rjes su mi mthong ngo / /rna ba dang / sna dang / lce dang / lus dang / yid dang / rnam pa thams cad mkhyen pa nyid du sbyor bar mi byed de/ yid nyid kyang yang dag par rjes su mi</font><hr>34.32a<br><font size=+1>

mthong ngo / /gzugs dang rnam pa thams cad mkhyen pa nyid du sbyor bar mi byed de/ gzugs nyid kyang yang dag par rjes su mi mthong ngo / /de bzhin du sgra dang / dri dang / ro dang / reg bya dang / chos rnams dang / rnam pa thams cad mkhyen pa nyid du sbyor bar mi byed de/ chos nyid kyang yang dag par rjes su mi mthong ngo / /shA ri'i bu de ltar brtson pa'i byang chub sems dpa' sems dpa' chen po ni shes rab kyi pha rol du phyin pa la brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ sbyin pa'i pha rol du phyin pa dang / rnam pa thams cad mkhyen pa nyid du sbyor bar mi byed de/ sbyin pa'i pha rol du phyin pa nyid kyang yang dag par rjes su mi mthong ngo / /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / rnam pa thams cad mkhyen pa nyid du sbyor bar mi byed de/ shes rab kyi pha rol du phyin pa nyid kyang yang dag par rjes su mi mthong ngo / /dran pa nye bar gzhag pa rnams dang / rnam pa thams cad mkhyen pa nyid du sbyor bar mi byed de/ dran pa nye bar gzhag pa rnams nyid kyang yang dag par rjes su mi mthong ngo / /de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / mngon par shes pa lnga dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid du sbyor bar mi byed de/ sangs rgyas kyi chos ma 'dres pa rnams nyid kyang yang dag par rjes su mi mthong ngo / /shA ri'i bu de ltar brtson pa'i byang chub sems dpa' sems dpa' chen po ni shes rab kyi pha rol du phyin pa la brtson pa zhes bya'o/ /</font><hr>34.32b<br><font size=+1>

shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ sangs rgyas dang / rnam pa thams cad mkhyen pa nyid du sbyor bar mi byed/ rnam pa thams cad mkhyen pa nyid dang sangs rgyas su sbyor bar mi byed de/ sangs rgyas nyid kyang yang dag par rjes su mi mthong ngo / /byang chub dang / rnam pa thams cad mkhyen pa nyid du sbyor bar mi byed/ rnam pa thams cad mkhyen pa nyid dang / byang chub tu sbyor bar mi byed de/ byang chub nyid kyang yang dag par rjes su mi mthong ngo / /de ci'i phyir zhe na/ sangs rgyas nyid kyang rnam pa thams cad mkhyen pa nyid yin/ rnam pa thams cad mkhyen pa nyid kyang sangs rgyas yin/ byang chub nyid kyang rnam pa thams cad mkhyen pa nyid yin/ rnam pa thams cad mkhyen pa nyid kyang byang chub yin pa'i phyir ro/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni gzugs 'byung ngo zhes bya bar mi sbyor ro/ /gzugs 'jig go zhes bya bar mi sbyor ro/ /de bzhin du tshor ba dang / 'du shes dang / 'du byed rnams dang / rnam par shes pa 'byung ngo zhes bya bar mi sbyor ro/ /rnam par shes pa 'jig go zhes bya bar mi sbyor ro/ /gzugs rtag ces bya bar mi sbyor ro/ /gzugs mi rtag ces bya bar mi sbyor ro/ /tshor ba dang / 'du shes dang / 'du byed rnams dang / rnam par shes pa rtag ces bya bar mi sbyor ro/ /rnam par shes pa mi rtag ces bya bar mi sbyor ro/ /gzugs bde zhes bya bar mi sbyor ro/ /gzugs sdug bsngal zhes bya bar mi sbyor ro/ /de bzhin du tshor ba dang / 'du shes dang / 'du byed rnams dang / rnam par shes pa bde zhes bya bar mi sbyor ro/ /rnam par shes pa sdug bsngal zhes bya bar mi sbyor ro/ /gzugs bdag ces bya bar mi sbyor ro/ /gzugs bdag med ces bya bar mi sbyor ro/ /tshor ba dang / 'du shes dang / </font><hr>34.33a<br><font size=+1>

'du byed rnams dang / rnam par shes pa bdag ces bya bar mi sbyor ro/ /rnam par shes pa bdag med ces bya bar mi sbyor ro/ /gzugs zhi zhes bya bar mi sbyor ro/ /gzugs ma zhi zhes bya bar mi sbyor ro/ /tshor ba dang / 'du shes dang / 'du byed rnams dang / rnam par shes pa zhi zhes bya bar mi sbyor ro/ /rnam par shes pa ma zhi zhes bya bar mi sbyor ro/ /gzugs stong zhes bya ba 'am mi stong zhes bya bar mi sbyor ro/ /tshor ba dang / 'du shes dang / 'du byed rnams dang / rnam par shes pa stong zhes bya ba 'am mi stong zhes bya bar mi sbyor ro/ /gzugs mtshan ma yod ces bya ba 'am mtshan ma med ces bya bar mi sbyor ro/ /tshor ba dang / 'du shes dang / 'du byed rnams dang / rnam par shes pa mtshan ma yod ces bya ba 'am mtshan ma med ces bya bar mi sbyor ro/ /gzugs smon pa yod ces bya ba 'am smon pa med ces bya bar mi sbyor ro/ /tshor ba dang / 'du shes dang / 'du byed rnams dang / rnam par shes pa smon pa yod ces bya ba 'am smon pa med ces bya bar mi sbyor ro/ /gzugs skye zhes bya ba 'am 'gag ces bya bar mi sbyor ro/ /de bzhin du tshor ba dang / 'du shes dang / 'du byed rnams dang / rnam par shes pa skye zhes bya ba 'am 'gag ces bya bar mi sbyor ro/ /gzugs 'das pa zhes bya bar mi sbyor ro/ /gzugs ma 'ongs pa zhes bya bar mi sbyor ro/ /gzugs da ltar byung ba zhes bya bar mi sbyor ro/ /de bzhin du tshor ba dang / 'du shes dang / 'du byed rnams dang / rnam par shes pa 'das pa zhes bya bar mi sbyor ro/ /rnam par shes pa ma 'ongs pa zhes bya bar mi sbyor ro/ /rnam par shes pa da ltar byung ba zhes bya bar mi sbyor ro/ /gzugs snying po can zhes bya ba 'am nyam chung ba zhes bya bar mi sbyor ro/ /de bzhin du tshor ba dang / 'du shes dang / 'du byed rnams dang / rnam par shes pa snying po can zhes bya ba 'am nyam chung ba zhes bya bar mi sbyor ro/ /gzugs yod do zhes bya ba 'am med do zhes bya bar mi sbyor ro/ /de bzhin du tshor ba</font><hr>34.33b<br><font size=+1>

dang / 'du shes dang / 'du byed rnams dang / rnam par shes pa yod do zhes bya ba 'am med do zhes bya bar mi sbyor ro/ /gang de ltar spyod pa de shes rab kyi pha rol du phyin pa la spyod ces bya bar khas mi len/ mi spyod ces bya bar khas mi len/ spyod kyang spyod la/ mi spyod kyang mi spyod ces bya bar khas mi len/ spyod pa yang ma yin/ mi spyod pa yang ma yin zhes bya bar khas mi len te/ shA ri'i bu de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ sbyin pa'i pha rol du phyin pa'i ched du shes rab kyi pha rol du phyin pa la mi spyod do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ched du shes rab kyi pha rol du phyin pa la mi spyod do/ /phyir mi ldog pa'i sa'i ched du shes rab kyi pha rol du phyin pa la mi spyod do/ /sems can yongs su smin par bya ba'i ched dang / sangs rgyas kyi zhing yongs su dag par bya ba'i ched dang / de bzhin gshegs pa'i stobs bcu'i ched dang / mi 'jigs pa bzhi'i ched dang / so so yang dag par rig pa bzhi'i ched dang / sangs rgyas kyi chos ma 'dres pa bcwa brgyad kyi ched du shes rab kyi pha rol du phyin pa la mi spyod do/ /nang stong pa nyid kyi ched du shes rab kyi pha rol du phyin pa la mi spyod do/ /phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin gyis stong pa nyid dang / rang gi mtshan</font><hr>34.34a<br><font size=+1>

nyid stong pa nyid dang / chos thams cad stong pa nyid dang / skye ba med pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa ngo bo nyid stong pa nyid kyi ched du shes rab kyi pha rol du phyin pa la mi spyod do/ /de bzhin nyid dang / chos kyi dbyings dang / yang dag pa'i mtha'i ched du shes rab kyi pha rol du phyin pa la mi spyod do/ /de ci'i phyir zhe na/ byang chub sems dpa' sems dpa' chen po shes rab kyi pha rol du phyin pa la spyod pas/ chos gang la yang tha dad par yang dag par rjes su mi mthong ba'i phyir te/ shA ri'i bu de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la brtson pa zhes bya'o/ /de lha'i mig gi ched du shes rab kyi pha rol du phyin pa la mi spyod do/ /lha'i rna ba dang / pha rol gyi sems shes pa dang / sngon gyi gnas rjes su dran pa dang / rdzu 'phrul gyi yul gyi ched du shes rab kyi pha rol du phyin pa la mi spyod do/ /de ci'i phyir zhe na/ 'di ltar shes rab kyi pha rol du phyin pa la spyod pa de shes rab kyi pha rol du phyin pa nyid kyang yang dag par rjes su mi mthong na/ byang chub sems dpa' lta ci smos te/ rnam pa thams cad du mngon par shes pa thams cad lta ga la yod/ shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ 'di snyam du bdag gis lha'i mig gis shar phyogs kyi 'jig rten gyi khams gang gA'i klung gi bye ma snyed dag na 'khod pa'i sems can rnams kyi 'chi 'pho dang skye ba shes par bya'o/ /lha'i rna bas de dag gi sgra thos par bya'o/ /de dag gi sems rnams kyang shes par bya'o/ /de dag gi sngon gyi gnas rnams kyang rjes su dran par byas la/ rdzu 'phrul gyis</font><hr>34.34b<br><font size=+1>

song ste/ chos bstan par bya'o/ /snyam du mi sems so/ /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na 'khod pa'i sems can rnams kyi 'chi 'pho dang / skye ba lha'i mig gis shes par bya'o/ /lha'i rna bas de dag gi sgra thos par bya'o/ /de dag gi sems rnams kyang shes par bya'o/ /de dag gi sngon gyi gnas rnams kyang rjes su dran par byas la/ rdzu 'phrul gyis song ste/ chos bstan par bya'o snyam du mi sems so/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni brtson pa zhes bya'o/ /sems can dpag tu med grangs med pa dag kyang yongs su mya ngan las 'da' bar byed do/ shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa la ni bdud sdig can gyis kyang glags mi rnyed do/ /'jig rten pa'i nyon mongs pa gang ji snyed pa de dag thams cad kyang rab tu gsal bar 'gyur ro/ /shar phyogs kyi 'jig rten gyi khams gang gA'i klung gi bye ma snyed dag na sangs rgyas bcom ldan 'das gang dag bzhugs pa de dag dang lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re'i 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang dag bzhugs pa'i sangs rgyas bcom ldan 'das de dag kyang byang chub sems dpa' sems dpa' chen po de la nyan thos kyi sa 'am/ rang sangs rgyas kyi sar ltung du 'ong ngo zhes srung ba mdzad do/ /rgyal chen bzhi'i ris kyi lha rnams dang / sum bcu rtsa gsum pa dang / 'thab bral dang / dga' ldan dang / 'phrul dga' dang / </font><hr>34.35a<br><font size=+1>

gzhan 'phrul dbang byed kyi lha rnams dang / tshangs ris kyi lha rnams dang / 'og min gyi bar gyi lha gang dag 'khod pa de dag kyang byang chub sems dpa' sems dpa' chen po de la la la zhig bar chad byed par gyur du 'ong ngo zhes srung ba byed do/ /de la lus kyi skyon du bya ba gang ci yod pa de dag kyang tshe 'di nyid la thams cad kyi thams cad du med par 'gyur ro/ /de ci'i phyir zhe na/ 'di ltar byang chub sems dpa' sems dpa' chen po de sems can thams cad la byams pas khyab par byed pa'i phyir ro/ /shA ri'i bu de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa la ni gzungs kyi sgo dang / ting nge 'dzin gyi sgo dag kyang tshegs chung ngus mngon du 'gyur ro/ /skye ba'i gnas thams cad du yang de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur zhing / bla na med pa yang dag par rdzogs pa'i byang chub mngon par rdzogs par sangs rgyas kyi bar du sangs rgyas bcom ldan 'das de dag dang nam yang 'bral bar mi 'gyur ro/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni 'di snyam du gang chos rnams dang 'du ba 'am/ 'bral ba 'am/ 'phrad pa 'am/ mi 'phrad par 'gyur ba'i chos 'ga' zhig yod dam snyam du mi sems so/ /de ci'i phyir zhe na/ 'di ltar des chos gang 'du ba 'am/ 'bral ba 'am/ 'phrad pa 'am/ mi 'phrad par 'gyur ba de yang dag par rjes su mi mthong ba'i phyir te/ shA ri'i bu</font><hr>34.35b<br><font size=+1>

byang chub sems dpa' sems dpa' chen po shes rab kyi pha rol du phyin pa la de ltar spyod pa ni brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni 'di snyam du bdag gis myur du chos kyi dbyings mngon par rdzogs par rtogs par 'gyur ram/ mngon par rdzogs par rtogs par mi 'gyur snyam du mi sems so/ /de ci'i phyir zhe na/ chos kyi dbyings kyis chos kyi dbyings mngon par rdzogs par rtogs pa med pa'i phyir te/ shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ chos kyi dbyings la ma gtogs pa'i chos gang yang yang dag par rjes su mi mthong ngo / /chos kyi dbyings dang chos tha dad du mi byed do/ /de yang 'di snyam du chos kyi dbyings 'di de ltar khong du chud par 'gyur ram/ khong du chud par mi 'gyur snyam du mi sems te/ 'di ltar chos gang gis chos gang khong du chud par 'gyur ba'i chos de yang dag par rjes su mi mthong ba'i phyir ro/ /'di ltar de chos kyi dbyings stong zhes bya bar yang mi sbyor/ mi stong zhes bya bar yang mi sbyor te/ shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni brtson pa zhes bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni gzugs dang stong pa nyid du mi sbyor/ stong pa nyid dang gzugs su mi sbyor/ de bzhin du tshor ba dang / 'du shes dang / 'du byed rnams dang / rnam par shes pa dang stong pa nyid du mi sbyor/ stong pa nyid dang rnam par shes par mi sbyor ro/ /shA ri'i bu gzhan yang byang chub sems</font><hr>34.36a<br><font size=+1>

dpa' sems dpa' chen po shes rab kyi pha rol du phyin pa la spyod pa ni/ mig gi khams dang stong pa nyid du mi sbyor/ stong pa nyid dang mig gi khams su mi sbyor/ gzugs kyi khams dang stong pa nyid du mi sbyor/ stong pa nyid dang gzugs kyi khams su mi sbyor/ mig gi rnam par shes pa'i khams dang stong pa nyid du mi sbyor/ stong pa nyid dang mig gi rnam par shes pa'i khams su mi sbyor ro/ /de bzhin du rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang stong pa nyid du mi sbyor/ stong pa nyid dang / yid kyi khams su mi sbyor/ chos kyi khams dang / stong pa nyid du mi sbyor/ stong pa nyid dang chos kyi khams su mi sbyor/ yid kyi rnam par shes pa'i khams dang stong pa nyid du mi sbyor/ stong pa nyid dang yid kyi rnam par shes pa'i khams su mi sbyor ro/ /de ci'i phyir zhe na/ shA ri'i bu 'di lta ste/ stong pa nyid kyi rnal 'byor 'di ni byang chub sems dpa' sems dpa' chen po'i rnal 'byor dam pa yin pa'i phyir ro/ /shA ri'i bu byang chub sems dpa' sems dpa' chen po stong pa nyid la spyod pa ni nyan thos kyi sa 'am/ rang sangs rgyas kyi sar mi ltung la/ sangs rgyas kyi zhing yang yongs su dag par byed/ sems can rnams kyang yongs su smin par byed cing bla na med pa yang dag par rdzogs pa'i byang chub kyang myur du mngon par rdzogs par 'tshang rgya'o/ /shA ri'i bu rnal 'byor du bya ba gang dag ci yang rung ste/ de dag gi nang na shes rab kyi pha rol du phyin pa'i</font><hr>34.36b<br><font size=+1>

rnal 'byor ni mchog ces bya'o/ /thu bo zhes bya'o/ /phul zhes bya'o/ /rab ces bya'o/ /rab mchog ces bya'o/ /ltag na med pa zhes bya'o/ /gya nom pa zhes bya'o/ /de ci'i phyir zhe na/ 'di lta ste/ shes rab kyi pha rol du phyin pa'i rnal 'byor 'di ni stong pa nyid dang / mtshan ma med pa dang / smon pa med pa'i rnal 'byor te/ bla na med pa'i rnal 'byor yin pa'i phyir ro/ /shA ri'i bu de ltar brtson pa'i byang chub sems dpa' sems dpa' chen po ni lung bstan pa 'am/ lung bstan pa dang nye bar gyur par gzung bar bya'o/ /shA ri'i bu de ltar brtson pa'i byang chub sems dpa' sems dpa' chen po ni sems can dpag tu med grangs med tshad med pa rnams kyi don kyang byed la/ de 'di snyam du bdag la ni sangs rgyas bcom ldan 'das rnams lung ston pa mdzad do/ /bdag ni lung bstan pa la nye bar gyur to/ /bdag gis sangs rgyas kyi zhing yang yongs su dag par bya'o/ /bdag gis sems can rnams yongs su smin par bya'o/ /bdag bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo bskor bar bya'o snyam du mi sems so/ /de ci'i phyir zhe na/ 'di ltar de chos kyi dbyings la mtshan mar mi 'dzin cing / chos kyi dbyings ma gtogs par gang shes rab kyi pha rol du phyin pa la spyod pa 'am/ gang la sangs rgyas bcom ldan 'das rnams kyis lung bstan par bya ba 'am/ gang bla na med pa yang dag par rdzogs pa'i byang chub mngon par rdzogs par 'tshang rgya ba'i chos gzhan gang yang yang dag par rjes su mi mthong ba'i phyir ro/ /de ci'i phyir zhe na/ 'di ltar shes rab kyi pha rol du phyin pa la spyod pa'i byang chub sems dpa' sems dpa' chen po de la sems can gyi 'du shes mi 'byung ba'i phyir ro/ /de ci'i phyir zhe na/ 'di ltar sems can gtan skye ba med cing 'gag pa</font><hr>34.37a<br><font size=+1>

med de/ chos rnams kyi chos nyid skye ba dang 'gag pa med pa'i phyir ro/ /gang la skye ba dang 'gag pa med pa de shes rab kyi pha rol du phyin pa la spyod par yang ji ltar 'gyur te/ shA ri'i bu de ltar spyod pa'i byang chub sems dpa' sems dpa' chen po ni sems can skye ba med pa dang / 'gag pa med par shes rab kyi pha rol du phyin pa la spyod pa yin sems can stong pa nyid du shes rab kyi pha rol du phyin pa la spyod pa yin/ sems can dmigs su med pa dang / sems can dben pa dang / sems can rang bzhin med pa dang / sems can ngo bo nyid med par shes rab kyi pha rol du phyin pa la spyod pa yin te/ shA ri'i bu 'di lta ste/ stong pa nyid kyi rnal 'byor 'di ni byang chub sems dpa' sems dpa' chen po rnams kyi rnal 'byor dam pa yin no/ /shA ri'i bu 'di ni byang chub sems dpa' sems dpa' chen po shes rab kyi pha rol du phyin pa la spyod pa'i rnal 'byor te/ des de las gzhan pa'i rnal 'byor gang yin pa rnams zil gyis mnan nas gnas so/ /shA ri'i bu rnal 'byor 'di la spyod pa'i byang chub sems dpa' sems dpa' chen po ni de bzhin gshegs pa'i stobs bcu mngon par sgrub bo/ /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwo brgyad mngon par sgrub bo/ /shA ri'i bu rnal 'byor 'di la gnas pa'i byang chub sems dpa' sems dpa' chen po ni ser sna'i sems mi bskyed do/ /'chal pa'i tshul khrims kyi sems dang / gnod sems kyi sems dang / le lo'i sems dang / rnam par g.yeng ba'i sems dang / 'chal ba'i shes rab kyi sems mi bskyed do/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa'</font><hr>34.37b<br><font size=+1>

sems dpa' chen po gang shes rab kyi pha rol du phyin pa'i rnal 'byor 'dis gnas pa de gang nas shi 'phos te 'dir skyes pa lags/ 'di nas shi 'phos nas ni gang du skye bar 'gyur ba lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu byang chub sems dpa' sems dpa' chen po gang shes rab kyi pha rol du phyin pa'i rnal 'byor 'dis gnas pa de ni/ sangs rgyas kyi zhing gzhan dag nas shi 'phos te 'dir skyes pa 'am/ dga' ldan gyi lha'i ris dag nas shi 'phos te 'dir skyes pa 'am/ mi rnams kyi nang nas shi 'phos te/ 'dir skyes par rig par bya'o/ /shA ri'i bu de la byang chub sems dpa' sems dpa' chen po gang sangs rgyas kyi zhing gzhan dag nas shi 'phos te/ 'dir skyes pa de ni/ 'di lta ste/ shes rab kyi pha rol du phyin pa'i rnal 'byor 'di la myur bar rnal 'byor du snyoms par 'jug ste/ tshe 'di rjes nas kyang chos zab mo 'di mngon du 'gyur zhing / phyis kyang shes rab kyi pha rol du phyin pa'i rnal 'byor la snyoms par 'jug go/ /sangs rgyas kyi zhing gang dang / gang dag na de bzhin gshegs pa dgra bcom pa yang dag par rdzogs pa'i sangs rgyas rnams bzhugs te/ 'tsho zhing gzhes pa de dang de dag tu yang skye bar 'gyur zhing / de bzhin gshegs pa de dag mnyes par byed par yang 'gyur ro/ /shA ri'i bu de la byang chub sems dpa' sems dpa' chen po gang dga' ldan gyi lha'i ris dag nas shi 'phos te/ 'dir skyes pa de ni skye ba gcig gis thogs pa ste/ de'i pha rol du phyin pa drug nyams pa med pas na gzungs kyi sgo dang / ting nge 'dzin gyi sgo thams cad kyang der 'dus shing nyams pa med pa yin no/ /shA ri'i bu de la byang chub sems dpa' sems dpa' chen po gang mi rnams kyi nang nas shi 'phos te/ </font><hr>34.38a<br><font size=+1>

mi nyid dang skal ba mnyam par skyes pa ni/ byang chub sems dpa' sems dpa' chen po phyir mi ldog pa ma gtogs par byang chub sems dpa' sems dpa' chen po de'i dbang po rnams rtul ba yin te/ shes rab kyi pha rol du phyin pa'i rnal 'byor 'di la yang myur du snyoms par mi 'jug cing / de la gzungs kyi sgo dang / ting nge 'dzin gyi sgo rnams kyang mngon du mi 'gyur ro/ /shA ri'i bu khyod 'di skad du byang chub sems dpa' sems dpa' chen po gang shes rab kyi pha rol du phyin pa'i rnal 'byor 'dis gnas pa de 'di nas shi 'phos nas gang du skye bar 'gyur ba lags shes zer ba ni/ shA ri'i bu byang chub sems dpa' sems dpa' chen po gang shes rab kyi pha rol du phyin pa'i rnal 'byor 'dis gnas pa de ni/ sangs rgyas kyi zhing 'di nas shi 'phos nas gang na sangs rgyas bcom ldan 'das rnams bzhugs te 'tsho zhing gzhes pa'i sangs rgyas kyi zhing nas sangs rgyas kyi zhing du 'gro bar 'gyur te/ bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang sangs rgyas bcom ldan 'das rnams dang 'bral bar mi 'gyur zhing / sangs rgyas bcom ldan 'das de dag mnyes par byed par yang 'gyur ro/ /shA ri'i bu byang chub sems dpa' sems dpa' chen po thabs la mi mkhas pa gang la la dag bsam gtan bzhi la snyoms par 'jug cing / pha rol du phyin pa drug la spyod kyang / de dag bsam gtan thob pas lha tshe ring po'i nang du skyes nas/ gal te mi'i nang du skye ba thob pa na/ sangs rgyas bcom ldan 'das rnams mnyes par byed na'ang de dag dbang po rnams rtul zhing mi rno ba dag kyang yod do/ /shA ri'i bu byang chub sems dpa' sems dpa' chen po bsam gtan rnams la snyoms par 'jug cing / shes rab kyi pha rol</font><hr>34.38b<br><font size=+1>

du phyin pa la spyod kyang / de dag thabs la mi mkhas pas/ bsam gtan rnams spangs nas/ de dag yang 'dod pa'i khams su skye ba yang yod de/ shA ri'i bu byang chub sems dpa' sems dpa' chen po de dag kyang dbang po rnams rtul ba yin te/ rno ba ma yin no/ /shA ri'i bu byang chub sems dpa' sems dpa' chen po bsam gtan bzhi dang / tshad med pa bzhi la yang snyoms par 'jug /gzugs med pa'i snyoms par 'jug pa bzhi dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams la yang snyoms par 'jug kyang snying rje chen po dang ldan zhing thabs la mkhas pas bsam gtan gyi dbang gis kyang mi skye/ tshad med pa dang / gzugs med pa'i snyoms par 'jug pa'i dbang gis kyang mi skye ste/ gang na sangs rgyas bcom ldan 'das rnams bzhugs te 'tsho zhing gzhes pa de dang der skye zhing / de dag shes rab kyi pha rol du phyin pa'i rnal 'byor dang ma bral bas bskal pa bzang po 'di nyid la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dag kyang yod do/ /shA ri'i bu byang chub sems dpa' sems dpa' chen po bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi bskyed nas de dag thabs la mkhas pas bsam gtan dang / ting nge 'dzin thams cad las log ste/ 'dod pa'i khams rnams su skye zhing / rgyal rigs shing sA la chen po lta bu rnams su 'am/ bram ze'i rigs shing sA la chen po lta bu rnams su 'am/ khyim bdag gi rigs shing sA la chen po lta bu rnams su skye ba dag kyang yod de/ de yang srid pa 'dod pa'i phyir ma yin gyi/ sems can yongs su smin par bya ba'i phyir skye'o/ /shA ri'i bu</font><hr>34.39a<br><font size=+1>

yang byang chub sems dpa' sems dpa' chen po bsam gtan bzhi la yang snyoms par 'jug /tshad med pa bzhi dang / gzugs med pa'i snyoms par 'jug pa bzhi la yang snyoms par 'jug la/ de dag thabs la mkhas pas bsam gtan dang / ting nge 'dzin dang / snyoms par 'jug pa'i dbang gis kyang mi skye ste/ de dag rgyal chen bzhi'i ris kyi lha rnams dang skal ba mnyam par skye/ sum bcu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams dang skal ba mnyam par skye zhing / de dag tu gnas nas/ sems can rnams kyang yongs su smin par byed/ sangs rgyas kyi zhing yang yongs su dag par byed cing / sangs rgyas bcom ldan 'das rnams mnyes par byed pa dag kyang yod do/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod cing / thabs la mkhas pas bsam gtan bzhi la yang snyoms par 'jug /tshad med pa bzhi dang / gzugs med pa'i snyoms par 'jug pa bzhi la yang snyoms par 'jug cing / de dag 'di nas shi 'phos nas/ tshangs pa'i 'jig rten du skye ste de dag der tshangs pa'i tshangs pa chen por gyur nas/ de dag tshangs pa'i gnas de dag tu gnas te/ sangs rgyas kyi zhing gang dag na de bzhin gshegs pa dgra bcom pa yang dag par rdzogs pa'i sangs rgyas rnams bla na med pa yang dag par rdzogs pa'i byang chub mngon par rdzogs par sangs rgyas pa'i de bzhin gshegs pa de dag la chos kyi 'khor lo bskor bar gsol ba'i don du sangs rgyas kyi zhing nas sangs rgyas kyi zhing du 'gro ba dag kyang yod do/ /shA ri'i bu byang chub sems dpa' sems dpa' chen po skye ba gcig gis thogs pa/ shes rab kyi pha rol du phyin pa la spyod pa dag thabs la</font><hr>34.39b<br><font size=+1>

mkhas pas/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi la yang snyoms par 'jug /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams kyang sgom/ stong pa nyid dang / mtshan ma med pa dang / smon pa med pa'i ting nge 'dzin la yang snyoms par 'jug la de dag de rnams kyi dbang gis kyang mi skye zhing / sangs rgyas bcom ldan 'das mngon du gyur pa rnams mnyes par byas te/ der tshangs par spyod pa spyad nas/ yang dga' ldan gyi lha rnams dang skal ba mnyam par skye ste/ de dag der tshe'i yun ji srid par gnas nas/ dbang po ma nyams la dran pa dang shes bzhin dang ldan par lha bye ba khrag khrig phrag 'bum phrag du mas yongs su bskor cing / mdun du bdar nas/ 'dir skye ba bstan nas/ sangs rgyas kyi zhing tha dad pa dag tu bla na med pa yang dag par rdzogs pa'i byang chub mngon par rdzogs par 'tshang rgya ba dag kyang yod do/ /shA ri'i bu byang chub sems dpa' sems dpa' chen po mngon par shes pa drug thob pa de dag 'dod pa'i khams su yang mi skye/ gzugs kyi khams dang / gzugs med pa'i khams su yang mi skye bar de dag de bzhin gshegs pa dgra bcom pa yang dag par rdzogs pa'i sangs rgyas rnams la sti stang du byed/ bla mar byed/ ri mor byed/ mchod pa byed cing / sangs rgyas kyi zhing nas sangs rgyas kyi zhing du 'gro ba dag kyang yod do/ /shA ri'i bu byang chub sems dpa' sems dpa' chen po mngon par shes pa drug thob pa de dag mngon par shes pa drug po de dag gis rnam par rtse zhing / sangs rgyas kyi zhing gang dag na sangs rgyas kyi theg pa ma gtogs par nyan thos kyi theg pa dang / </font><hr>34.40a<br><font size=+1>

rang sangs rgyas kyi theg pa'i sgra yang mi grags pa'i sangs rgyas kyi zhing nas/ sangs rgyas kyi zhing du 'gro ba dag kyang yod do/ /shA ri'i bu byang chub sems dpa' sems dpa' chen po mngon par shes pa drug thob pa de dag mngon par shes pa drug po de dag gis rnam par rtse zhing / sangs rgyas kyi zhing gang dag na sems can rnams kyi tshe'i tshad dpag tu med pa'i sangs rgyas kyi zhing nas sangs rgyas kyi zhing du 'gro ba dag kyang yod do/ /shA ri'i bu byang chub sems dpa' sems dpa' chen po mngon par shes pa drug thob pa de dag 'jig rten gyi khams gang na sangs rgyas kyi sgra mi grag pa dang / chos kyi sgra mi grag pa dang / dge 'dun gyi sgra mi grag pa'i 'jig rten gyi khams nas 'jig rten gyi khams su 'gro zhing / de dag der song nas kyang sems can rnams la sangs rgyas kyi sgra sgrog /chos kyi sgra sgrog /dge 'dun gyi sgra sgrog cing / dkon mchog gsum gyi bsngags pa brjod pa dag kyang yod de/ sems can de dag kyang sangs rgyas kyi sgra dang / chos kyi sgra dang / dge 'dun gyi sgra des sems rab tu dang bar gyur nas/ de dag nas shi 'phos te/ gang na sangs rgyas bcom ldan 'das dag bzhugs pa de dag tu skye'o/ /shA ri'i bu byang chub sems dpa' sems dpa' chen po sems dang po bskyed phyin chad/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi thob par gyur cing / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam sgom la/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad thob pa dag 'dod pa'i khams su</font><hr>34.40b<br><font size=+1>

yang mi skye/ gzugs kyi khams su yang mi skye/ gzugs med pa'i khams su yang mi skye la/ de dag tu sems can rnams kyi don byed pa dag kyang yod do/ /shA ri'i bu byang chub sems dpa' sems dpa' chen po gang dag sems dang po bskyed pa nyid kyis byang chub sems dpa'i skyon med pa la zhugs nas/ phyir mi ldog pa'i sa la gnas par byed pa dag kyang yod do/ /shA ri'i bu byang chub sems dpa' sems dpa' chen po sems dang po bskyed pa nyid kyis bla na med pa yang dag par rdzogs pa'i byang chub mngon par rdzogs par 'tshang rgya zhing / chos kyi 'khor lo bskor te/ sems can tshad med grangs med pa rnams kyi don byas nas/ phung po lhag ma med pa'i mya ngan las 'das pa'i dbyings su yongs su mya ngan las 'da' zhing / yongs su mya ngan las 'das nas kyang / de dag gi dam pa'i chos bskal pa 'am/ bskal pa las lhag par gnas par byed pa dag kyang yod do/ /shA ri'i bu byang chub sems dpa' sems dpa' chen po sems dang po bskyed pa nyid kyis shes rab kyi pha rol du phyin pa'i rnal 'byor la snyoms par 'jug cing / de dag sangs rgyas bcom ldan 'das rnams blta ba dang / sems can yongs su smin par bya ba dang / sangs rgyas kyi zhing yongs su dag par bya ba'i phyir/ byang chub sems dpa' bye ba khrag khrig phrag 'bum phrag du ma dang lhan cig tu sangs rgyas kyi zhing nas sangs rgyas kyi zhing du 'gro ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa/ bsam gtan bzhi thob pa dang / tshad med pa bzhi thob pa dang / gzugs med pa'i snyoms par 'jug pa bzhi thob pa dang / bsam gtan dang / tshad med pa dang / gzugs med pa'i snyoms par 'jug pa de dag gis rnam pa du mar rnam par rtse zhing / 'di lta ste/ </font><hr>34.41a<br><font size=+1>

de dag bsam gtan dang po la snyoms par 'jug go/ /de las langs nas/ 'gog pa'i snyoms par 'jug pa la snyoms par 'jug go/ /de las langs nas bsam gtan gnyis pa la snyoms par 'jug go/ /de las langs nas/ 'gog pa'i snyoms par 'jug pa la snyoms par 'jug go/ /de las langs nas/ bsam gtan gsum pa la snyoms par 'jug go/ /de las langs nas/ 'gog pa'i snyoms par 'jug pa la snyoms par 'jug go/ /de las langs nas/ bsam gtan bzhi pa la snyoms par 'jug go/ /de las langs nas/ 'gog pa'i snyoms par 'jug pa la snyoms par 'jug go/ /de las langs nas/ nam mkha' mtha' yas skye mched la snyoms par 'jug go/ /de las langs nas/ 'gog pa'i snyoms par 'jug pa la snyoms par 'jug go/ /de las langs nas/ rnam shes mtha' yas skye mched la snyoms par 'jug go/ /de las langs nas/ 'gog pa'i snyoms par 'jug pa la snyoms par 'jug go/ /de las langs nas/ ci yang med pa'i skye mched la snyoms par 'jug go/ /de las langs nas/ 'gog pa'i snyoms par 'jug pa la snyoms par 'jug go/ /de las langs nas/ 'du shes med 'du shes med min skye mched la snyoms par 'jug go/ /de las langs nas/ 'gog pa'i snyoms par 'jug pa la snyoms par 'jug ste/ shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa thabs la mkhas pa dang ldan pa dag bsam gtan dang / tshad med pa dang / ting nge 'dzin dang / snyoms par 'jug pa de dag la thod rgal du snyoms par 'jug pa dag kyang yod do/ /shA ri'i bu byang chub sems dpa' sems dpa' chen po dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i</font><hr>34.41b<br><font size=+1>

lam thob cing / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad thob pa dag /rgyun tu zhugs pa'i 'bras bu thob par mi byed/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par mi byed par/ de dag shes rab kyi pha rol du phyin pa la spyod cing thabs la mkhas pas sems can gyi sems kyi rgyud rnams lam la zhugs par byas te/ rnam par sbyangs nas/ rgyun du zhugs pa'i 'bras bu thob par byed/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par byed pa de dag kyang yod de/ shA ri'i bu nyan thos dang / rang sangs rgyas rnams kyi 'bras bu thob par byed pa'i shes pa gang yin pa de ni byang chub sems dpa' sems dpa' chen po'i bzod pa'o zhes bya'o/ /shA ri'i bu byang chub sems dpa' sems dpa' chen po gang dag shes rab kyi pha rol du phyin pa 'di la gnas pa de dag ni phyir mi ldog pa yin par rig par bya'o/ /shA ri'i bu byang chub sems dpa' sems dpa' chen po pha rol du phyin pa drug la gnas shing / dga' ldan gyi gnas yongs su sbyong bar byed pa dag kyang yod de/ shA ri'i bu de dag ni bskal pa bzang po pa'i byang chub sems dpa' sems dpa' chen po yin par rig par bya'o/ /shA ri'i bu byang chub sems dpa' sems dpa' chen po gang dag bsam gtan bzhi thob cing / sangs rgyas kyi chos ma 'dres pa'i bar dag thob pa de dag ni bden pa bzhi khong du chud par bya ba'i phyir spyod kyang / de dag bden pa bzhi rtogs par mi byed pa dag kyang yod de/ shA ri'i bu de dag ni skye ba gcig gis thogs pa'i byang chub sems dpa' sems dpa' chen po yin par rig par bya'o/ /shA ri'i bu byang chub sems dpa' sems dpa' chen po gang dag pha rol du phyin pa drug la spyod cing / 'jig rten</font><hr>34.42a<br><font size=+1>

gyi khams nas 'jig rten gyi khams su 'gro ste/ de dag tu yang sems can rnams byang chub la yang dag par 'dzud cing / sangs rgyas kyi zhing yongs su dag par byed pa dag kyang yod de/ shA ri'i bu byang chub sems dpa' sems dpa' chen po de dag ni bskal pa tshad med grangs med pa dag gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /shA ri'i bu byang chub sems dpa' sems dpa' chen po pha rol du phyin pa drug la gnas shing / sems can rnams kyi ched du rtag tu brtson pa dag lan 'ga' yang don myed pa dang ldan pa'i tshig mi smra zhing don med pa dang ldan pa'i lus dang ngag dang yid kyi las mi byed pa dag kyang yod do/ /shA ri'i bu byang chub sems dpa' sems dpa' chen po gang dag pha rol du phyin pa drug la spyod cing / sems can rnams kyi ched du rtag tu brtson pa dag sangs rgyas kyi zhing nas sangs rgyas kyi zhing du 'gro zhing / sems can rnams kyi ngan song gsum gyi lam gcod par byed pa dag kyang yod do/ /shA ri'i bu byang chub sems dpa' sems dpa' chen po gang dag pha rol du phyin pa drug la gnas shing / sbyin pa'i pha rol du phyin pa lhur byas nas/ sems can rnams la bde ba'i yo byad thams cad nye bar sgrub cing / 'di ltar zas 'dod pa rnams la ni zas/ skom 'dod pa rnams ni skom/ me tog dang / me tog phreng dang / spos dang / byug pa dang / bdug spos dang / mal stan dang / rgyab rten dang gos dang / rgyan dang / 'tsho ba dang / khyim dang / nor dang / 'bru dang / nor bu dang / mu tig dang / gser dang / dngul dang / byi ru dang / 'tsho ba'i yo byad gang yang rung ba dag nye bar sgrub par byed pa dag kyang yod do/ /shA ri'i bu byang chub sems dpa' sems dpa' chen po gang dag pha rol du phyin pa drug la gnas shing / tshul khrims kyi pha rol du phyin pa lhur byas nas sems can rnams kyi lus dang ngag dang yid sdom pa la 'god par byed pa dag kyang yod</font><hr>34.42b<br><font size=+1>

do/ /shA ri'i bu byang chub sems dpa' sems dpa' chen po gang dag pha rol du phyin pa drug la gnas shing / bzod pa'i pha rol du phyin pa lhur byas nas/ sems can rnams khro ba med pa dang / gnod sems med pa la 'god par byed pa dag kyang yod do/ /shA ri'i bu byang chub sems dpa' sems dpa' chen po gang dag pha rol du phyin pa drug la gnas shing / brtson 'grus kyi pha rol du phyin pa lhur byas nas/ sems can rnams dge ba'i chos la mngon par brtson pa la 'god par byed pa dag kyang yod do/ /shA ri'i bu byang chub sems dpa' sems dpa' chen po gang dag pha rol du phyin pa drug la gnas shing / bsam gtan gyi pha rol du phyin pa lhur byas nas/ sems can rnams zhi gnas rtse gcig tu bya ba dang / 'dod pa las dben pa la 'god par byed pa dag kyang yod do/ /shA ri'i bu byang chub sems dpa' sems dpa' chen po gang dag pha rol du phyin pa drug la gnas shing / shes rab kyi pha rol du phyin pa lhur byas nas/ de bzhin gshegs pa'i sku ci 'dra ba de 'dra ba nyid kyi lus mngon par sprul nas/ sems can dmyal ba pa'i sems can rnams dang / dud 'gro'i skye gnas pa rnams dang / gshin rje'i 'jig rten pa'i sems can rnams la ngan 'gro thams cad las yang dag par bzla ba'i phyir/ chos ston par byed pa dag kyang yod do/ /shA ri'i bu byang chub sems dpa' sems dpa' chen po pha rol du phyin pa drug la gnas shing / sangs rgyas kyi sku ci 'dra ba de 'dra ba nyid kyi lus mngon par sprul nas/ shar phyogs kyi sangs rgyas kyi zhing gang gA'i klung gi bye ma snyed dag tu song zhing / sems can rnams la chos ston pa dang / de bzhin gshegs pa dgra bcom pa yang dag par rdzogs pa'i sangs rgyas rnams la bsnyen bkur byed pa dang / chos kyang nyan pa dang / byang chub sems dpa'i dge 'dun dang / sangs rgyas kyi zhing gi yon tan bkod pa dag kyang mthong bar byed cing / de dag gis sangs rgyas kyi zhing de dag gi mtshan ma yongs su bzung nas de bas kyang rgya che ba dang / khyad par du</font><hr>34.43a<br><font size=+1>

'phags pa'i sangs rgyas kyi zhing mang po yongs su sgrub cing / sangs rgyas kyi zhing de dag tu byang chub sems dpa' sems dpa' chen po skye ba gcig gis thogs pa sha stag sgrub par byed pa dag kyang yod do/ /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re rer yang sangs rgyas kyi zhing gang gA'i klung gi bye ma snyed dag tu song zhing / /sems can rnams la chos ston pa dang / de bzhin gshegs pa dgra bcom pa yang dag par rdzogs pa'i sangs rgyas rnams la bsnyen bkur byed pa dang / chos nyan pa dang / byang chub sems dpa'i dge 'dun dang / sangs rgyas kyi zhing gi yon tan bkod pa dag mthong bar byed cing / de dag gis sangs rgyas kyi zhing de dag gi mtshan mar yongs su bzung nas/ de bas kyang rgya che ba dang / khyad par du 'phags pa'i sangs rgyas kyi zhing mang po yongs su sgrub cing / sangs rgyas kyi zhing de dag tu byang chub sems dpa' sems dpa' chen po skye ba gcig gis thogs pa sha stag sgrub par byed pa dag kyang yod do/ /shA ri'i bu byang chub sems dpa' sems dpa' chen po pha rol du phyin pa drug la spyod cing / skyes bu chen po'i mtshan sum bcu rtsa gnyis dang ldan par byas te/ dbang po gsal zhing yongs su dag pa rnams dang ldan par gyur nas/ de dag lus yongs su dag pa de dag gis skye bo mang po dga' zhing dang ba bskyed par byed de/ de dag skye bo mang po'i yid du 'ong zhing dga' bar gyur nas/ sems can de dag kyang sems rab tu dang bar gyur pa de nyid kyi dge ba'i rtsa bas theg pa gsum po dag gis rim gyis yongs su mya ngan las 'da' bar byed pa dag kyang yod de/ shA ri'i bu de ltar na byang chub sems dpa' sems dpa' chen po shes rab kyi pha rol du phyin pa la spyod pas lus yongs su dag pa la bslab par bya'o/ /ngag yongs su dag pa dang / yid yongs su dag pa la bslab par bya'o/ /shA ri'i bu byang chub sems dpa' sems</font><hr>34.43b<br><font size=+1>

dpa' chen po pha rol du phyin pa drug la spyod cing / dbang po gsal ba dag thob par gyur nas de dag dbang po gsal ba de dag gis bdag la bstod par mi byed cing / gzhan la smod par mi byed pa dag kyang yod do/ /shA ri'i bu byang chub sems dpa' sems dpa' chen po sems dang po bskyed phyin chad sbyin pa'i pha rol du phyin pa dang / tshul khrims kyi pha rol du phyin pa la gnas nas/ phyir mi ldog pa'i sa thob kyi bar du nam yang dbul por mi 'gyur zhing / ngan song ngan 'gro log par mi ltung ba dag kyang yod do/ /shA ri'i bu byang chub sems dpa' sems dpa' chen po sems dang po bskyed phyin chad/ phyir mi ldog pa'i sa thob kyi bar du nam yang dge ba bcu'i las kyi lam mi gtong ba dag kyang yod do/ /shA ri'i bu byang chub sems dpa' sems dpa' chen po sbyin pa'i pha rol du phyin pa dang / tshul khrims kyi pha rol du phyin pa la gnas shing / 'khor los sgyur ba'i rgyal por gyur nas/ sems can rnams dge ba bcu'i las kyi lam rnams la 'god cing / sbyin pa dang / snyan par smra bas/ sems can rnams sdud pa dag kyang yod do/ /shA ri'i bu byang chub sems dpa' sems dpa' chen po sbyin pa'i pha rol du phyin pa dang / tshul khrims kyi pha rol du phyin pa la gnas shing / 'khor los sgyur ba'i rgyal srid du ma yongs su bzung nas 'khor los sgyur ba'i rgyal srid brgya stong du ma byed du 'jug cing / de la gnas nas sangs rgyas bye ba khrag khrig phrag 'bum phrag du ma mnyes par byed de/ sangs rgyas bcom ldan 'das de dag la yo byad thams cad dang / mchod pa thams cad kyis sti stang du byed/ bla mar byed/ ri mor byed cing mchod pa byed pa dag kyang yod de/ shA ri'i bu byang chub sems dpa' sems dpa' chen po pha rol du phyin pa drug la gnas nas/ sems can log par lta ba'i mun pa can rnams la sangs rgyas kyi chos kyis snang bar byed cing / bdag nyid kyang bla na med pa yang dag par rdzogs pa'i byang chub mngon par rdzogs par</font><hr>34.44a<br><font size=+1>

sangs rgyas kyi bar du nam yang sangs rgyas kyi chos kyi snang ba de dang mi 'bral bar byed pa dag kyang yod de/ shA ri'i bu 'di ni byang chub sems dpa' sems dpa' chen po rnams sangs rgyas kyi chos rnams la 'byung ba yin no/ /shA ri'i bu de lta bas na/ byang chub sems dpa' sems dpa' chen po shes rab kyi pha rol du phyin pa la spyod pas kha na ma tho ba dang bcas pa'i lus dang / ngag dang / yid kyi las rnams kyi go mi dbye'o/ /'phags pa shes rab kyi pha rol du phyin pa khri brgyad stong pa/ bam po bzhi pa/ de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen po'i lus kyi las kha na ma tho ba dang bcas pa dang ngag gi las kha na ma tho ba dang bcas pa dang / yid kyi las kha na ma tho ba dang bcas pa gang lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la byang chub sems dpa' sems dpa' chen po gang gi tshe/ 'di snyam du 'di ni lus yin te/ des lus kyi rtsom pa byed/ 'di ni ngag yin te/ des ngag gi rtsom pa byed/ 'di ni yid yin te/ des yid kyi rtsom pa byed do snyam du sems na/ shA ri'i bu de ni byang chub sems dpa' sems dpa' chen po'i lus dang / ngag dang yid kyi las rtsom pa kha na ma tho ba dang bcas pa yin te/ shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa ni lus mi dmigs/ ngag mi dmigs/ yid mi dmigs so/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa la gal te lus dmigs pa dang / ngag dmigs pa dang / yid dmigs pa yod par gyur na/ de de'i tshe lus dang ngag dang yid des ser sna'i sems skyed par 'gyur zhing / 'chal ba'i tshul khrims kyi</font><hr>34.44b<br><font size=+1>

sems dang / gnod sems kyi sems dang / le lo'i sems dang / rnam par g.yeng ba'i sems dang / 'chal ba'i shes rab kyi sems kyang bskyed par 'gyur ba zhig na/ shA ri'i bu de ltar na rig par mi bya ste/ 'di ltar byang chub sems dpa' sems dpa' chen po shes rab kyi pha rol du phyin pa la spyod pa ni lus dang / ngag dang / yid kyi gnas ngan len skyed pa de ni gnas med do/ /de ci'i phyir zhe na/ shA ri'i bu 'di ltar byang chub sems dpa' sems dpa' chen po gang pha rol du phyin pa drug la spyod pa ni lus kyi gnas ngan len sbyong ba dang / ngag gi gnas ngan len sbyong ba dang / yid kyi gnas ngan len sbyong bar byed pa'i phyir te/ shA ri'i bu de ni byang chub sems dpa' sems dpa' chen po'i lus dang ngag dang yid kyi las kha na ma tho ba med pa yin no/ /shA ri'i bus gsol pa/ bcom ldan 'das byang chub sems dpa' sems dpa' chen po ji ltar na lus dang ngag dang yid kyi gnas ngan len sbyong bar bgyid pa lags/ bcom ldan 'das kyis bka' stsal pa/ shA ri'i bu byang chub sems dpa' sems dpa' sems dpa' chen po 'di ltar lus mi dmigs pa dang / ngag mi dmigs pa dang / yid mi dmigs pa ste/ shA ri'i bu de ltar na byang chub sems dpa' sems dpa' chen po lus dang / ngag dang / yid kyi gnas ngan len sbyong bar byed pa yin no/ /shA ri'i bu gal te byang chub sems dpa' sems dpa' chen po sems dang po bskyed phyin chad dge ba bcu'i las kyi lam yang dag par blangs nas gnas te/ nyan thos kyi sems sam/ rang sangs rgyas kyi sems mi skyed par de rtag par sems can thams cad la snying rje chen po'i sems nye bar 'jog par byed na/ de lta bu ni byang chub sems dpa' sems dpa' chen po'i lus dang / ngag dang / yid kyi gnas ngan len yongs su dag pa yin no zhes nga smra'o/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa byang chub kyi</font><hr>34.45a<br><font size=+1>

lam yongs su spyod pa ni sbyin pa'i pha rol du phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa dag kyang yod do/ /shA ri'i bus gsol pa/ bcom ldan 'das byang chub sems dpa' sems dpa' chen po rnams kyi byang chub kyi lam gang lags/ bcom ldan 'das kyis bka' stsal pa/ shA ri'i bu byang chub kyi lam gang la spyod na/ byang chub sems dpa' sems dpa' chen po rnams lus mi dmigs/ ngag mi dmigs/ yid mi dmigs/ sbyin pa'i pha rol du phyin pa mi dmigs/ tshul khrims kyi pha rol du phyin pa mi dmigs/ bzod pa'i pha rol du phyin pa mi dmigs/ brtson 'grus kyi pha rol du phyin pa mi dmigs/ bsam gtan gyi pha rol du phyin pa mi dmigs/ shes rab kyi pha rol du phyin pa mi dmigs/ nyan thos kyi theg pa mi dmigs/ rang sangs rgyas kyi theg pa mi dmigs/ byang chub sems dpa'i theg pa mi dmigs/ yang dag par rdzogs pa'i sangs rgyas kyi theg pa mi dmigs shing / 'di lta ste/ chos thams cad dmigs su med pa 'di ni/ shA ri'i bu byang chub sems dpa' sems dpa' chen po rnams kyi byang chub kyi lam yin te/ shA ri'i bu byang chub sems dpa' sems dpa' chen po lam 'di nas 'gro zhing / pha rol du phyin pa drug la spyod pa ni/ sus kyang thul bar mi nus so/ /shA ri'i bus gsol pa/ bcom ldan 'das byang chub sems dpa' sems dpa' chen po ji ltar spyod pa dag sus kyang mi thul ba lags/ bcom ldan 'das kyis bka' stsal pa/ shA ri'i bu 'di la byang chub sems dpa' sems dpa' chen po pha rol du phyin pa drug la spyod pa gzugs la rlom sems su mi byed pa dang / tshor ba dang / 'du shes dang / 'du byed rnams dang / rnam par shes pa la rlom sems su mi byed pa dang / sa'i khams</font><hr>34.45b<br><font size=+1>

la rlom sems su mi byed pa dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la rlom sems su mi byed pa dang / mig dang gzugs la rlom sems su mi byed pa dang / rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos la rlom sems su mi byed pa dang / mig gi khams dang / gzugs kyi khams dang / mig gi rnam par shes pa'i khams la rlom sems su mi byed pa dang / de bzhin du rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams la rlom sems su mi byed pa dang / yid kyi khams la rlom sems su mi byed pa dang / chos kyi khams la rlom sems su mi byed pa dang / yid kyi rnam par shes pa'i khams la rlom sems su mi byed pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams la rlom sems su mi byed pa dang / sbyin pa'i pha rol du phyin pa la rlom sems su mi byed pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa la rlom sems su mi byed pa dang / de bzhin gshegs pa'i stobs bcu la rlom sems su mi byed pa dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la rlom sems su mi byed pa dang / rgyun du zhugs pa'i 'bras bu la rlom sems su mi byed pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la rlom</font><hr>34.46a<br><font size=+1>

sems su mi byed pa dang / rang byang chub la rlom sems su mi byed pa dang / byang chub sems dpa' la rlom sems su mi byed pa dang / bla na med pa yang dag par rdzogs pa'i byang chub la rlom sems su mi byed pa ste/ shA ri'i bu byang chub sems dpa' sems dpa' chen po de ltar pha rol du phyin pa drug gis rnam par 'phel ba ni sus kyang mi thul ba yin no/ /shA ri'i bu byang chub sems dpa' sems dpa' chen po pha rol du phyin pa drug la gnas te/ rnam pa thams cad mkhyen pa nyid kyi ye shes yongs su rdzogs par byed cing / ye shes de dang ldan pas/ ngan song rnams kyi sgo thams cad gcod pa dang / dbul zhing rgud pa'i mir mi 'gyur ba dang / lus gang gis lha dang bcas pa'i 'jig rten na smad par 'gyur ba de lta bu'i lus yongs su 'dzin par mi 'gyur ba dag kyang yod do/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen po'i rnam pa thams cad mkhyen pa'i ye shes gang lags/ bcom rnam 'das kyis bka' stsal pa/ shA ri'i bu byang chub sems dpa' sems dpa' chen po ye shes de dang ldan pa ni shar phyogs kyi 'jig rten gyi khams gang gA'i klung gi bye ma snyed dag na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed dag kyang mthong ngo / /chos kyang nyan to/ /byang chub sems dpa'i dge 'dun yang mthong ngo / /sangs rgyas kyi zhing gi yon tan bkod pa rnam par dag pa yang mthong ngo / /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re rer yang 'jig rten gyi khams gang gA'i klung gi bye ma snyed dag na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed dag kyang mthong ngo / /</font><hr>34.46b<br><font size=+1>

chos kyang nyan to/ /byang chub sems dpa'i dge 'dun yang mthong ngo / /sangs rgyas kyi zhing gi yon tan bkod pa rnam par dag pa yang mthong ngo / /ye shes de dang ldan pa'i byang chub sems dpa' sems dpa' chen po rnams ni sangs rgyas kyi 'du shes mi bskyed do/ /byang chub sems dpa'i 'du shes mi bskyed do/ /nyan thos kyi 'du shes dang / rang sangs rgyas kyi 'du shes dang / bdag gi 'du shes dang / gzhan gyi 'du shes dang / sangs rgyas kyi zhing gi 'du shes mi bskyed do/ /ye shes de dang ldan pa'i byang chub sems dpa' ni sbyin pa'i pha rol du phyin pa la spyod cing / de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa la yang spyod de/ pha rol du phyin pa drug dag kyang mi dmigs so/ /ye shes de dang ldan pa'i byang chub sems dpa' ni/ dran pa nye bar gzhag pa rnams kyang sgom la/ dran pa nye bar gzhag pa rnams kyang mi dmigs so/ /yang dag pa'i spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam yang bsgom la/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam yang mi dmigs so/ /stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyang mi dmigs so/ /shA ri'i bu de ni byang chub sems dpa' sems dpa' chen po'i rnam pa thams cad mkhyen pa'i ye shes yin te/ ye shes de dang ldan pa'i byang chub sems dpa' sems dpa' chen po ni sangs rgyas kyi chos thams cad yongs su rdzogs par byed kyang / sangs rgyas kyi chos thams cad yang dag par rjes su mi mthong ngo / /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa/ </font><hr>34.47a<br><font size=+1>

mig lnga 'thob pa dang / yongs su sbyong ba dag kyang yod de/ lnga gang zhe na/ 'di lta ste/ sha'i mig dang / lha'i mig dang / shes rab kyi mig dang / chos kyi mig dang / sangs rgyas kyi mig go/ /shA ri'i bus gsol pa/ bcom ldan 'das byang chub sems dpa' sems dpa' chen po'i sha'i mig yongs su dag pa gang lags/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po'i sha'i mig gis dpag tshad brgya mthong ba yod do/ /byang chub sems dpa'i sha'i mig gis dpag tshad nyis brgya mthong ba yod do/ /byang chub sems dpa'i sha'i mig gis 'dzam bu'i gling mthong ba yod do/ /byang chub sems dpa'i sha'i mig gis 'dzam bu'i gling gnyis mthong ba yod do/ /byang chub sems dpa'i sha'i mig gis gling bzhi pa'i 'jig rten gyi khams mthong ba yod do/ /byang chub sems dpa'i sha'i mig gis stong gi 'jig rten gyi khams mthong ba yod do/ /byang chub sems dpa'i sha'i mig gis stong gnyis pa'i 'jig rten gyi khams mthong ba yod do/ /byang chub sems dpa'i sha'i mig gis stong gsum gyi stong chen po'i 'jig rten gyi khams mthong ba yod de/ shA ri'i bu de ni byang chub sems dpa' sems dpa' chen po'i sha'i mig yongs su dag pa yin no/ /shA ri'i bus gsol pa/ bcom ldan 'das byang chub sems dpa' sems dpa' chen po'i lha'i mig yongs su dag pa gang lags/ bcom ldan 'das kyis bka' stsal pa/ shA ri'i bu rgyal chen bzhi'i ris kyi lha rnams kyi lha'i mig gang yin pa de ni byang chub sems dpas rab tu shes so/ /sum bcu rtsa gsum pa'i lha rnams dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyi lha'i mig gang yin pa de ni byang chub sems dpas rab tu shes so/ /tshangs pa'i mdun na 'don dang / tshangs ris dang / tshangs 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med</font><hr>34.47b<br><font size=+1>

dang / bsod nams skyes dang / 'bras bu che dang / sems can 'du shes med pa dang / gnas gtsang ma dang / mi che ba dang / mi gdung ba dang / gya nom snang dang / shin tu mthong dang / 'og min gyi lha rnams kyi lha'i mig gang yin pa de ni byang chub sems dpas rab tu shes so/ /shA ri'i bu byang chub sems dpa' sems dpa' chen po'i lha'i mig gang yin pa de ni rgyal chen bzhi'i ris kyi lha rnams kyis mi shes so/ /gong ma bzhin du sbyar te/ byang chub sems dpa'i lha'i mig gang yin pa de ni 'og min gyi bar gyi lha rnams kyis mi shes so/ /lha'i mig yongs su dag pa de nyid kyis shar phyogs kyi 'jig rten gyi khams gang gA'i klung gi bye ma snyed dag na 'khod pa'i sems can rnams kyi 'chi 'pho dang skye ba yang dag pa ji lta ba bzhin du rab tu shes so/ /de bzhin du lho dang / nub dang / byang dang / phyogs mtshams dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na 'khod pa'i sems can rnams kyi 'chi 'pho dang / skye ba yang dag pa ji lta ba bzhin du rab tu shes te/ shA ri'i bu de ni byang chub sems dpa' sems dpa' chen po'i lha'i mig yongs su dag pa yin no/ /shA ri'i bus gsol pa/ bcom ldan 'das byang chub sems dpa' sems dpa' chen po'i shes rab kyi mig yongs su dag pa gang lags/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po'i shes rab kyi mig de dang ldan pa ni 'dus byas sam/ 'dus ma byas sam/ dge ba 'am/ mi dge ba 'am/ kha na ma tho ba dang bcas pa 'am/ kha na ma tho ba med pa 'am/ zag pa dang bcas pa 'am/ zag pa med pa 'am/ nyon mongs pa dang bcas pa 'am/ nyon mongs pa med pa 'am/ 'jig rten pa 'am/ 'jig rten las 'das pa 'am/ kun nas nyon mongs pa 'am/ rnam par byang ba'i chos gang yang mi shes pa med do/ /byang chub sems dpa' sems dpa' chen po shes rab kyi mig de dang ldan pa ni chos gang yang ma mthong ba 'am ma thos pa 'am/ mi dran pa 'am/ rnam par mi shes par</font><hr>34.48a<br><font size=+1>

gyur pa ci yang med de/ shA ri'i bu de ni byang chub sems dpa' sems dpa' chen po'i shes rab kyi mig yongs su dag pa yin no/ /shA ri'i bus gsol pa/ bcom ldan 'das byang chub sems dpa' sems dpa' chen po'i chos kyi mig yongs su dag pa gang lags/ bcom ldan 'das kyis bka' stsal pa/ shA ri'i bu 'di la byang chub sems dpa' sems dpa' chen po'i chos kyi mig gis gang zag 'di ni dad pas rjes su 'brang ba'o/ /'di ni chos kyi rjes su 'brang ba'o/ /'di ni stong pa nyid la gnas pa/ 'di ni mtshan ma med pa la gnas pa/ 'di ni smon pa med pa la gnas pa ste/ rnam par thar pa'i sgo rnams kyis gang zag de'i dbang po lnga po dag skye bar 'gyur ro/ /dbang po lngas bar chad med pa'i ting nge 'dzin la reg par 'gyur ro/ /bar chad med pa'i ting nge 'dzin gyis rnam par grol ba'i ye shes mthong ba bskyed par 'gyur ro/ /rnam par grol ba'i ye shes mthong bas 'jig tshogs la lta ba dang / the tshom dang / tshul khrims dang / brtul zhugs mchog tu 'dzin pa'i kun du sbyor ba gsum spong bar 'gyur te/ gang zag de ni rgyun du zhugs pa zhes bya'o/ /des bsgom pa'i lam thob nas 'dod pa la 'dod chags dang / gnod sems srab mor byed par 'gyur te/ gang zag de ni lan gcig phyir 'ong ba zhes bya'o/ /des lam de nyid shas cher bsgoms pas 'dod pa la 'dod chags dang / gnod sems spong bar 'gyur te/ gang zag de ni phyir mi 'ong ba zhes bya'o/ /des lam de nyid shas cher bsgoms pas gzugs la 'dod chags dang / gzugs med pa la 'dod chags dang / ma rig pa dang / nga rgyal dang / rgod pa spong bar 'gyur te/ gang zag de ni dgra bcom pa zhes bya'o/ /gang zag 'di ni stong pa nyid la gnas pa ste/ rnam par thar pa'i sgo stong pa nyid kyis dbang po lnga po dag thob par 'gyur zhing / bar chad med pa'i ting nge 'dzin la reg par 'gyur ro/ /bar chad med pa'i ting nge 'dzin gyis rnam par grol ba'i ye shes mthong ba bskyed par 'gyur ro/ /zhes bya</font><hr>34.48b<br><font size=+1>

ba nas/ dgra bcom pa nyid thob par 'gyur ro zhes bya ba'i bar du snga ma bzhin du sbyar ro/ /gang zag 'di ni mtshan ma med pa la gnas pa ste/ rnam par thar pa'i sgo mtshan ma med pas dbang po lnga po dag thob par 'gyur zhes bya ba nas/ dgra bcom pa nyid thob par 'gyur ro zhes bya ba'i bar du snga ma bzhin du sbyar ro/ /gang zag 'di ni smon pa med pa la gnas pa ste/ rnam par thar pa'i sgo smon pa med pas dbang po lnga po dag thob par 'gyur ro/ /de nas bar chad med pa'i ting nge 'dzin la reg par 'gyur te/ bar chad med pa'i ting nge 'dzin thob nas/ rnam par grol ba ye shes mthong ba skye bar 'gyur ro zhes bya ba nas/ dgra bcom pa nyid thob par 'gyur ro zhes bya ba'i bar du shes te/ shA ri'i bu de ni byang chub sems dpa' sems dpa' chen po'i chos kyi mig yongs su dag pa yin no/ /shA ri'i bu gzhan yang byang chub sems dpas 'di ltar kun 'byung ba'i chos gang ci yod pa de thams cad 'gog pa'i chos yin no zhes bya bar rtogs nas/ dad pa la sogs pa dbang po lnga 'thob par 'gyur te/ shA ri'i bu de yang byang chub sems dpa' sems dpa' chen po'i chos kyi mig yongs su dag pa yin no/ /shA ri'i bu gzhan yang byang chub sems dpa' sems dpa' chen pos 'di ltar byang chub sems dpa' sems dpa' chen po 'di ni sems dang po bskyed pa ste/ sbyin pa'i pha rol du phyin pa dang / tshul khrims kyi pha rol du phyin pa dang / shes rab kyi pha rol du phyin pa'i bar la spyod cing / de de nas dad pa'i dbang po dang / brtson 'grus kyi dbang po thob la/ de thabs la mkhas pa dang yang ldan/ dge ba'i rtsa bas kyang brtan pas/ bsam bzhin du lus yongs su 'dzin te/ byang chub sems dpa' sems dpa' chen po 'di ni rgyal rigs shing sA la chen po lta bu rnams su skye bar 'gyur/ 'di ni bram ze'i rigs shing sA la chen po lta bu rnams su skye bar 'gyur/ 'di ni khyim bdag gi rigs shing sA la</font><hr>34.49a<br><font size=+1>

chen po lta bu rnams su skye bar 'gyur/ 'di ni rgyal chen bzhi'i ris kyi lha rnams kyi nang du skye bar 'gyur/ 'di ni sum bcu rtsa gsum pa rnams su/ 'di ni 'thab bral du/ 'di ni dga' ldan du/ 'di ni 'phrul dgar/ 'di ni gzhan 'phrul dbang byed kyi lha rnams su skye bar 'gyur ro/ /de der gnas nas/ sems can rnams yongs su smin par byed par yang 'gyur te/ bde ba'i yo byad thams cad kyis sems can de dag la nye bar gnas par yang 'gyur/ sangs rgyas kyi zhing yongs su dag par byed par yang 'gyur zhing / de bzhin gshegs pa dgra bcom pa yang dag par rdzogs pa'i sangs rgyas rnams la mnyes par byed par 'gyur/ bsti stang du byed par 'gyur/ bla mar byed par 'gyur/ ri mor byed par 'gyur/ mchod par byed par 'gyur la/ nyan thos kyi sa 'am/ rang sangs rgyas kyi sar ltung bar yang mi 'gyur te/ byang chub sems dpa' sems dpa' chen po 'di ni bla na med pa yang dag par rdzogs pa'i byang chub mngon par rdzogs par sangs rgyas kyi bar du phyir ldog par mi 'gyur ro zhes bya bar rab tu shes te/ shA ri'i bu de yang byang chub sems dpa' sems dpa' chen po'i chos kyi mig yongs su dag pa yin no/ /shA ri'i bu gzhan yang byang chub sems dpa' sems dpa' chen pos byang chub sems dpa' sems dpa' chen po 'di dag ni bla na med pa yang dag par rdzogs pa'i byang chub tu lung bstan pa'o/ /byang chub sems dpa' sems dpa' chen po 'di dag ni lung ma bstan pa'o/ /'di dag ni nges pa'o/ /'di dag ni ma nges pa'o/ /'di dag ni lung bstan par 'gyur ba'o/ /'di dag ni lung bstan par mi 'gyur ba'o/ /'di dag ni phyir mi ldog pa'o/ /'di dag ni phyir mi ldog pa ma yin pa'o/ /'di'i mngon par shes pa rnams ni yongs su rdzogs so/ /'di'i mngon par shes pa rnams ni yongs su ma rdzogs so/ /byang chub sems dpa' sems dpa' chen po 'di ni mngon par shes pa rnams yongs su rdzogs pas shar phyogs kyi 'jig</font><hr>34.49b<br><font size=+1>

rten gyi khams gang gA'i klung gi bye ma snyed dag tu song zhing / de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed/ bsnyen bkur byed/ bsti stang du byed/ bla mar byed/ ri mor byed/ mchod pa byed do/ /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re rer yang 'jig rten gyi khams gang gA'i klung gi bye ma snyed dag tu song zhing / de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed/ bsnyen bkur byed/ bsti stang du byed/ bla mar byed/ ri mor byed/ mchod pa byed do/ /'di ni mngon par shes pa rnams 'thob par 'gyur ro/ /'di ni mngon par shes pa rnams 'thob par mi 'gyur ro/ /'di ni bzod pa thob pa'o/ /'di ni bzod pa ma thob pa'o/ /byang chub sems dpa' sems dpa' chen po 'di'i sangs rgyas kyi zhing ni yongs su dag par 'gyur ro/ /'di'i sangs rgyas kyi zhing ni yongs su dag par mi 'gyur ro/ /byang chub sems dpa' sems dpa' chen po 'di ni smon lam chen po dang ldan pa'o/ /'di ni smon lam chen po dang mi ldan pa'o/ /'di ni sems can yongs su smin par byas so/ /'dis ni sems can yongs su smin par ma byas so/ /byang chub sems dpa' sems dpa' chen po 'di la ni phyogs bcu'i 'jig rten gyi khams gang gA'i klung gi bye ma snyed dag gi sangs rgyas bcom ldan 'das rnams bsngags pa rjod pa mdzad do/ /'di la ni bsngags pa rjod par mi mdzad do/ /byang chub sems dpa' sems dpa' chen po 'di dag ni sangs rgyas bcom ldan 'das rnams dang nye bar gnas par 'gyur ro/ /'di dag ni nye bar gnas par mi 'gyur ro/ /byang chub sems dpa' 'di'i tshe ni dpag tu yod par 'gyur ro/ /'di'i tshe ni dpag tu med par 'gyur ro/ /'di'i 'od dang / dbyangs dang / dge slong gi dge 'dun ni dpag tu med par 'gyur ro/ /'di ni</font><hr>34.50a<br><font size=+1>

dpag tu yod par 'gyur ro/ /byang chub sems dpa' sems dpa' chen po 'di ni bla na med pa yang dag par rdzogs pa'i byang chub mngon par rdzogs par sangs rgyas nas byang chub sems dpa'i dge 'dun dang ldan par 'gyur ro/ /'di ni ldan par mi 'gyur ro/ /'di ni dka' ba spyad pa spyod par 'gyur ro/ /'di ni spyod par mi 'gyur ro/ /'di ni srid pa tha ma pa'o/ /'di ni srid pa tha ma pa ma yin no/ /'di ni byang chub kyi snying po la 'dug par 'gyur ro/ /'di ni 'dug par mi 'gyur ro/ /byang chub sems dpa' sems dpa' chen po 'di dag la ni bdud 'byung bar 'gyur ro/ /'di dag la ni 'byung bar mi 'gyur ro zhes bya bar rab tu shes te/ shA ri'i bu de yang byang chub sems dpa' sems dpa' chen po'i chos kyi mig yongs su dag pa yin no/ /shA ri'i bus gsol pa/ bcom ldan 'das byang chub sems dpa' sems dpa' chen po'i sangs rgyas kyi mig yongs su dag pa gang lags/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po byang chub kyi sems kyi mjug thogs su rdo rje lta bu zhes bya ba'i ting nge 'dzin la snyoms par zhugs nas rnam pa thams cad mkhyen pa nyid thob par byed de/ de ni de bzhin gshegs pa'i stobs bcu dang ldan pa yin/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad dang / byams pa chen po dang / snying rje chen po dang / sangs rgyas kyi rnam par thar pa sgrib pa med pa dang ldan pa yin no/ /de ni de'i mig yin te/ mig de dang ldan pa'i byang chub sems dpa' sems dpa' chen pos ni rnam pa thams cad du ma mthong ba 'am/ ma thos pa 'am/ mi dran pa 'am/ rnam par mi shes pa ci yang med de/ shA ri'i bu de ni byang chub sems dpa' sems dpa' chen po'i bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi mig yongs su dag pa yin no/ /shA ri'i bu de lta bas na/ byang chub sems dpa' sems dpa' chen po mig lnga yongs su sbyong bar</font><hr>34.50b<br><font size=+1>

'dod pa dang / thob par 'dod pas pha rol du phyin pa drug la brtson par bya'o/ /de ci'i phyir zhe na/ shA ri'i bu 'di ltar dge ba'i chos thams cad dang / nyan thos kyi chos thams cad dang / rang sangs rgyas kyi chos thams cad dang / byang chub sems dpa'i chos thams cad dang / sangs rgyas kyi chos thams cad pha rol du phyin pa drug gi nang du 'dus pa'i phyir ro/ /shA ri'i bu shes rab kyi pha rol du phyin pa der dge ba'i chos thams cad 'dus so zhes yang dag par smra bas smra na/ yang dag par smra bas smra ba yin no/ /de ci'i phyir zhe na/ shA ri'i bu de ltar shes rab kyi pha rol du phyin pa ni pha rol du phyin pa thams cad dang mig lnga po de dag skyed pa ste/ mig lnga po de dag la bslabs pa'i byang chub sems dpa' sems dpa' chen po ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i phyir ro/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa de ni mngon par shes pa'i pha rol du phyin pa 'thob cing / des rdzu 'phrul bya ba rnam pa du ma myong bar 'gyur te/ de sa yang g.yo bar byed do/ /gcig tu gyur nas mang por 'gyur ba dang / mang por gyur nas kyang gcig tu 'gyur ba dang / snang bar 'gyur zhing / mi snang bar 'gyur ba yang myong bar byed do/ /rtsig pa la yang thad kar 'gro'o/ /ra ba la yang thad kar 'gro'o/ /ri la yang lus mi thogs par thad kar 'gro ste/ dper na nam mkha' la bya ba bzhin no/ /nam mkha' la yang skyil mo dkrung bcas nas 'gro ste/ dper na 'dab chags bya bzhin no/ /sa la yang steng du 'byung ba dang / byi'u zul byed de/ dper na chu la bya ba bzhin no/ /chu la yang mi nub par 'gro ste/ dper na sa la bya ba bzhin no/ /du ba 'thul bar yang byed 'bar ba yang byed de/ dper na me'i phung po chen po bzhin no/ /zla ba dang nyi ma 'di ltar rdzu 'phrul che ba/ 'di ltar mthu che ba/ 'di ltar gzi brjid che ba 'di dag la yang lag pas nom zhing kun tu nyug par byed do/ /tshangs pa'i 'jig rten gyi bar du</font><hr>34.51a<br><font size=+1>

yang lus kyis dbang sgyur ro/ /ngo bo nyid kyis stong pa nyid dang / ngo bo nyid kyis dben pa nyid dang / ngo bo nyid kyis skye ba med pa nyid kyi phyir/ des gang gis rlom sems su 'gyur ba'i rdzu 'phrul de yang mi dmigs/ gang rlom sems su byed pa dang / gang gis rlom sems su byed pa de yang mi dmigs te/ de rnam pa thams cad mkhyen pa nyid yid la byed pa ma gtogs par rdzu 'phrul du sems pa 'am/ rdzu 'phrul mngon par bsgrub pa'i sems pa yang mi skyed do/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ rdzu 'phrul bya ba mngon sum du bya ba'i mngon par shes pa'i shes pa mngon par sgrub bo/ /des lha'i rna ba rnam par dag pa mi'i las 'das pa/ 'di lta ste/ lha dang mi'i sgra rnams thos te/ ngo bo nyid kyis stong pa nyid dang / ngo bo nyid kyis dben pa nyid dang / ngo bo nyid kyis skye ba med pa nyid kyi phyir ro/ /'di ltar des sgra de mi dmigs pas bdag gis sgra thos so snyam du lha'i rna ba des rlom sems su mi byed do/ /de rnam pa thams cad mkhyen pa nyid yid la byed pa ma gtogs par lha'i rna bar sems pa yang mi skyed cing mi dmigs so/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni lha'i rna ba mngon sum du bya ba'i mngon par shes pa'i shes pa mngon par sgrub bo/ /des sems can gzhan rnams dang / gang zag gzhan dag gi sems kyang sems kyis yang dag pa ji lta ba bzhin du rab tu shes te/ 'dod chags dang bcas pa'i sems la yang 'dod chags dang bcas pa'i sems su yang dag pa ji lta ba bzhin du rab tu shes so/ /'dod chags dang bral ba'i sems la yang 'dod chags dang bral ba'i sems su yang dag pa ji lta ba bzhin du rab tu shes so/ /de bzhin du zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / sred pa dang bcas pa dang / sred pa dang bral ba dang / len pa dang bcas pa dang / len</font><hr>34.51b<br><font size=+1>

pa med pa dang / bsdus pa dang / rnam par g.yengs pa dang / chung ngu dang / chen por gyur pa dang / mnyam par bzhag pa dang / mnyam par ma gzhag pa dang / rnam par grol ba dang / rnam par ma grol ba dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / bla na yod pa'i sems la yang bla na yod pa'i sems su yang dag pa ji lta ba bzhin du rab tu shes so/ /bla na med pa'i sems la yang bla na med pa'i sems su yang dag pa ji lta ba bzhin du rab tu shes so/ /'di ltar sems de yang sems ma yin pa ste/ bsam gyis mi khyab pa'i phyir des rlom sems su mi byed do/ /des gang gis rlom sems su mi byed pa'i sems de nyid kyang mi dmigs te/ ngo bo nyid kyis stong pa nyid dang / ngo bo nyid kyis dben pa nyid dang / ngo bo nyid kyis skye ba med pa nyid kyi phyir bdag gis shes so snyam du rlom sems su mi byed do/ /de rnam pa thams cad mkhyen pa nyid yid la byed pa ma gtogs par sems la sems pa yang mi bskyed do/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni sems can thams cad kyi sems kyi spyod pa mngon sum du bya ba'i mngon par shes pa'i shes pa mngon par sgrub bo/ /de sngon gyi gnas rnam pa du ma rjes su dran pa'i shes pa mngon sum du bya ba'i mngon par shes pa'i shes pa mngon par sgrub ste/ des sems gcig gam/ sems brgya'i bar du yang rjes su dran no/ /zhag gcig dang / zhag brgya'i bar dang / zla ba gcig dang / zla ba brgya'i bar dang / lo gcig dang / lo brgya'i bar dang / bskal pa gcig dang / bskal pa brgya'i bar dang / bskal pa brgya phrag du ma 'am/ bskal pa stong phrag du ma 'am/ bskal pa 'bum phrag du ma 'am/ bskal pa bye ba khrag khrig phrag 'bum phrag du ma'i bar du rjes su dran zhing / sngon gyi mtha'i mur thug</font><hr>34.52a<br><font size=+1>

pa'i bar du yang rjes su dran te/ bdag ni ga ge mo zhig na 'dug 'dug ste/ ming ni 'di zhes bya/ rus ni 'di zhes bya/ rigs ni 'di zhes bya/ kha zas ni 'di lta bu zhig za za/ 'tsho ba ni 'di 'dra ba zhig /yun ni 'di srid cig tu 'dug 'dug /tshe'i mtha' ni 'di tsam zhig tu gyur/ de nas shi 'phos nas ni ga ge mo zhig tu skyes/ de nas shi 'phos nas ni 'dir skyes so zhes de ltar rnam pa dang bcas/ yul phyogs dang bcas/ gzhi ci las gyur pa dang bcas par bdag dang gzhan dag gi sngon gyi gnas rnam pa du ma rjes su dran no/ /'di ltar shes pa de yang shes pa ma yin pa ste/ bsam gyis mi khyab pa'i phyir sngon gyi gnas rjes su dran pa'i mngon par shes pa'i shes pa des kyang rlom sems su mi byed do/ /des gang gis rlom sems su mi byed pa'i shes pa de nyid kyang mi dmigs te/ ngo bo nyid kyis stong pa nyid dang / ngo bo nyid kyis dben pa nyid dang / ngo bo nyid kyis skye ba med pa nyid kyi phyir/ bdag gis shes so snyam du rlom sems su mi byed do/ /de rnam pa thams cad mkhyen pa nyid yid la byed ma gtogs par rjes su dran pa'i shes par sems pa yang mi bskyed do/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni sngon gyi gnas rjes su dran pa mngon sum du bya ba'i mngon par shes pa'i shes pa mngon par sgrub bo/ /de lha'i mig rnam par dag pa mi'i las 'das pas sems can rnams mthong ste/ sems can 'chi 'pho ba dang / skye ba dang / kha dog sdug pa dang / kha dog mi sdug pa dang / bzang po dang / ngan pa dang / bde 'gro dang / ngan 'gro dang / las ji lta ba bzhin du 'gro ba dag rab tu shes so/ /sems can 'di dag ni lus kyi nyes par spyod pa dang ldan pa/ ngag gi nyes par spyod pa dang / yid kyi nyes par spyod pa dang ldan pa/ 'phags pa la skur ba 'debs pa log par lta ba can yin te/ log par lta ba'i las kyi gzhi dang rgyus lus zhig nas shi ba'i 'og tu ngan song ngan 'gro log par ltung ba rnams</font><hr>34.52b<br><font size=+1>

su skye bar 'gyur ro/ /sems can 'di dag ni lus kyi legs par spyod pa dang ldan pa/ ngag gi legs par spyod pa dang / yid kyi legs par spyod pa dang ldan pa/ 'phags pa rnams la skur ba mi 'debs pa yang dag pa'i lta ba can te/ de dag lus dang ngag dang yid kyi legs par spyod pa'i gzhi dang rgyus lus zhig nas bde 'gro mtho ris kyi 'jig rten du lha rnams kyi nang du skye bar 'gyur ro/ /zhes lha'i mig rnam par dag pa mi'i las 'das pas/ phyogs bcu'i 'jig rten gyi khams kun du 'jig rten gyi chos kyi dbyings kyis klas pa/ nam mkha'i khams kyi mthas gtugs pa dag na/ 'gro ba drug gi sems can rnams kyi 'chi 'pho dang skye ba yang dag pa ji lta ba bzhin du rab tu shes so/ /'di ltar mig de ni mig ma yin pa ste/ bsam gyis mi khyab pa'i phyir des kyang rlom sems su mi byed do/ /des gang gis rlom sems su byed pa'i mig de nyid mi dmigs te/ de ngo bo nyid kyis stong pa nyid dang / ngo bo nyid kyis dben pa nyid dang / ngo bo nyid kyis skye ba med pa nyid kyi phyir bdag gis shes so snyam du rlom sems su mi byed do/ /de rnam pa thams cad mkhyen pa nyid yid la byed pa ma gtogs par mig tu sems pa yang mi bskyed do/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni lha'i mig mngon sum du bya ba'i mngon par shes pa'i shes pa mngon par sgrub bo/ /de zag pa zad pa mngon sum du bya ba'i mngon par shes pa'i shes pa yang mngon par sgrub la/ nyan thos dang / rang sangs rgyas kyi sar yang mi ltung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba ma gtogs par chos gzhan gang la yang smon pa med do/ /de mngon par shes pa des rdo rje lta bu'i ting nge 'dzin la brten nas/ bag chags dang / mtshams sbyor ba dang / nyon mongs pa thams cad spong bar byed do/ /'di ltar shes pa de ni shes</font><hr>34.53a<br><font size=+1>

pa ma yin pa ste/ bsam gyis mi khyab pa'i phyir/ zag pa zad pa mngon sum du bya ba'i mngon par shes pa'i shes pa mngon par bsgrub pa'i dge ba des rlom sems su mi byed do/ /de shes pa de nyid mi dmigs te/ ngo bo nyid kyis stong pa nyid dang / ngo bo nyid kyis dben pa nyid dang / ngo bo nyid kyis skye ba med pa nyid kyi phyir bdag gis shes so snyam du rlom sems su mi byed do/ /de rnam pa thams cad mkhyen pa nyid yid la byed pa ma gtogs par shes pa de la sems pa yang mi bskyed do/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni zag pa zad pa mngon sum du bya ba'i mngon par shes pa'i shes pa mngon par sgrub bo/ /shA ri'i bu yang byang chub sems dpa' sems dpa' chen po shes rab kyi pha rol du phyin pa la de ltar spyod pa ni mngon par shes pa drug yongs su rdzogs par 'gyur yongs su dag par 'gyur te/ mngon par shes pa rnams yongs su dag pas rnam pa thams cad mkhyen pa nyid thob par byed do/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa gang dag mtha' las 'das pa stong pa nyid kyis yongs su 'dzin pa med pa'i phyir sbyin pa'i pha rol du phyin pa la gnas te/ rnam pa thams cad mkhyen pa nyid kyi lam sbyong ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa/ mtha' las 'das pa stong pa nyid kyis ltung ba mi 'byung ba dang / lhag par ltung ba mi 'byung ba'i phyir tshul khrims kyi pha rol du phyin pa la gnas te/ rnam pa thams cad mkhyen pa nyid kyi lam sbyong ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa/ mtha' las 'das pa stong pa nyid kyis 'khrug pa med pa'i phyir/ bzod pa'i pha rol du phyin pa la gnas te/ rnam pa thams cad mkhyen pa nyid kyi lam sbyong ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa</font><hr>34.53b<br><font size=+1>

mtha' las 'das pa stong pa nyid kyis lus dang sems kyi brtson 'grus ma btang ba'i phyir/ brtson 'grus kyi pha rol du phyin pa la gnas te/ rnam pa thams cad mkhyen pa nyid kyi lam sbyong ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa mtha' las 'das pa stong pa nyid kyis rnam par g.yeng ba med pa'i phyir bsam gtan gyi pha rol du phyin pa la gnas te/ rnam pa thams cad mkhyen pa nyid kyi lam sbyong ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa mtha' las 'das pa stong pa nyid kyis shes rab 'chal pa'i sems mi dmigs pa'i phyir shes rab kyi pha rol du phyin pa la gnas te/ rnam pa thams cad mkhyen pa nyid kyi lam sbyong ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni mtha' las 'das pa stong pa nyid kyis 'gro ba dang / 'ong ba med pa dang / 'dzin pa med pa'i phyir pha rol du phyin pa drug po dag la gnas te/ rnam pa thams cad mkhyen pa nyid kyi lam sbyong bar byed do/ /sbyin pa ni yongs su 'dzin pa yod pa'i phyir gdags so/ /tshul khrims ni 'chal ba'i tshul khrims yod pa'i phyir gdags so/ /bzod pa ni 'khrug pa yod pa'i phyir gdags so/ /brtson 'grus ni le lo yod pa'i phyir gdags so/ /ting nge 'dzin ni mnyam par ma bzhag pa yod pa'i phyir gdags so/ /shes rab ni 'chal ba'i shes rab yod pa'i phyir gdags te/ de ni rgal to zhes bya bar rlom sems med do/ /ma rgal to zhes bya bar rlom sems med do/ /sbyin pa dang ser sna zhes bya bar rlom sems med do/ /tshul khrims dang tshul khrims ma yin pa zhes bya bar rlom sems med do/ /bzod pa dang 'khrug pa zhes bya bar rlom sems med do/ /brtson 'grus dang le lo zhes bya bar rlom</font><hr>34.54a<br><font size=+1>

sems med do/ /mnyam par bzhag pa dang / mnyam par ma bzhag pa zhes bya bar rlom sems med do/ /shes rab dang / shes rab 'chal pa zhes bya bar rlom sems med do/ /bdag la spyos so zhes bya bar rlom sems med do/ /bdag la phyag byas so zhes bya bar rlom sems med do/ /bdag la sti stang byas so zhes bya bar rlom sems med do/ /bdag la sti stang ma byas so zhes bya bar rlom sems med do/ /de ci'i phyir zhe na/ shA ri'i bu 'di ltar skye ba med pa ni bdag la spyos so zhes bya bar rlom sems su mi byed/ phyag byas so zhes rlom sems su mi byed/ bdag la sti stang byas so zhes rlom sems su mi byed/ bdag la sti stang ma byas so zhes rlom sems su mi byed pa'i phyir ro/ /de ci'i phyir zhe na/ 'di ltar shes rab kyi pha rol du phyin pa ni rlom sems thams cad gcod pa'i phyir ro/ /shA ri'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i yon tan gang yin pa de dag ni nyan thos dang rang sangs rgyas thams cad la med de/ de ni yon tan de dag yongs su rdzogs par byed cing / sems can rnams kyang yongs su smin par byed/ sangs rgyas kyi zhing yang yongs su dag par byed de/ rnam pa thams cad mkhyen pa nyid kyang thob par byed do/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni sems can thams cad la mnyam pa nyid kyi sems bskyed par byed de/ des sems can thams cad la mnyam pa nyid kyi sems bskyed pas chos thams cad mnyam pa nyid thob par 'gyur ro/ /des chos thams cad mnyam pa nyid thob pas sems can thams cad chos thams cad mnyam pa nyid la 'god par byed do/ /de tshe 'di nyid la yang sangs rgyas bcom ldan 'das rnams la sdug cing thugs su byon</font><hr>34.54b<br><font size=+1>

par 'gyur ro/ /byang chub sems dpa' thams cad dang / nyan thos thams cad dang / rang sangs rgyas thams cad la yang sdug cing yid du 'ong bar 'gyur ro/ /de gang dang gang du skyes pa de dang der nams kyang mig gis gzugs yid du mi 'ong ba rnams mthong bar mi 'gyur ro/ /rna bas sgra yid du mi 'ong ba rnams thos par mi 'gyur ro/ /snas dri yid du mi 'ong ba rnams tshor bar mi 'gyur ro/ /lces ro yid du mi 'ong ba rnams myong bar mi 'gyur ro/ /lus kyis reg bya yid du mi 'ong ba rnams reg par mi 'gyur ro/ /yid kyis chos yid du mi 'ong ba rnams shes par mi 'gyur ro/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni bla na med pa yang dag par rdzogs pa'i byang chub las yongs su nyams par mi 'gyur ro/ /shes rab kyi pha rol du phyin pa bstan pa 'di bshad pa na/ dge slong sum brgyas gos ci gyon pa rnams bcom ldan 'das kyi sku la gsol te/ bla na med pa yang dag par rdzogs pa'i byang chub tu sems kyang bskyed do/ /de nas de'i tshe/ bcom ldan 'das kyis 'dzum pa mdzad do/ /de nas tshe dang ldan pa kun dga' bo stan las langs te/ bla gos phrag pa gcig tu bzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis/ rkyen ma mchis par 'dzum pa mi mdzad na/ 'dzum pa mdzad pa'i rgyu gang lags rkyen gang lags de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo dge slong sum brgya po 'di dag ni 'di nas shi</font><hr>34.55a<br><font size=+1>

'phos nas de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du skye bar 'gyur te/ de dag bskal pa drug bcu rtsa gcig na bskal pa skar ma lta bu la de bzhin gshegs pa dgra bcom pa yang dag par rdzogs pa'i sangs rgyas me tog chen po zhes bya ba dag tu 'jig rten du 'byung bar 'gyur ro/ /'dod pa na spyod pa'i lha'i bu drug khris kyang bla na med pa yang dag par rdzogs pa'i byang chub tu sems bskyed do/ /de dag ni de bzhin gshegs pa dgra bcom pa yang dag par rdzogs pa'i sangs rgyas byams pa yang mnyes par byed par 'gyur te/ de nyid du rab tu byung nas/ tshangs par spyad pa spyod par 'gyur zhing / de bzhin gshegs pa byams pa des kyang de dag bla na med pa yang dag par rdzogs pa'i byang chub tu lung ston par 'gyur ro/ /de nas de'i tshe sangs rgyas kyi mthus 'khor bzhi po dag gis 'di nas shar phyogs na sangs rgyas khri bzhugs pa nyid du mthong ngo / /phyogs bcu khor yug gi bar du yang sangs rgyas khri khri mthong ngo / /sangs rgyas bcom ldan 'das de dag gi 'jig rten gyi khams de dag na sangs rgyas kyi zhing gi yon tan bkod pa gang dag snang ba'i sangs rgyas kyi zhing gi yon tan bkod pa de dag ni 'jig rten gyi khams mi mjed 'di na mi snang ngo / /de nas 'khor de las srog chags khris bdag cag kyang las 'di lta bu byas te/ las de byas pas/ sangs rgyas kyi zhing de dag tu skye bar gyur cig ces smon lam btab bo/ /de nas bcom ldan 'das kyis rigs kyi bu de dag gi bsam pa thugs su chud nas 'dzum pa mdzad do/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das sangs rgyas bcom ldan 'das rnams ni rgyu ma mchis/ rkyen ma mchis par 'dzum pa mi mdzad na/ 'dzum</font><hr>34.55b<br><font size=+1>

pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo srog chags khri po 'di dag khyod kyis mthong ngam/ gsol pa/ bcom ldan 'das mthong lags so/ /bcom ldan 'das kyis bka' stsal pa/ kun dga' bo srog chags khri po 'di dag ni 'di nas shi 'phos nas/ sangs rgyas kyi zhing de dag tu skye bar 'gyur te/ nam yang de bzhin gshegs pa dgra bcom pa yang dag par rdzogs pa'i sangs rgyas rnams dang 'bral bar mi 'gyur la/ phyis de bzhin gshegs pa dgra bcom pa yang dag par rdzogs pa'i sangs rgyas bkod pa'i rgyal po zhes bya bar 'gyur ro/ /shes rab kyi pha rol du phyind pa khri brgyad stong pa las/ nye bar brtag pa'i le'u ste gsum pa'o// // de nas bcom ldan 'das la tshe dang ldan pa shA ri'i bu dang / tshe dang ldan pa maud gal gyi bu chen po dang / tshe dang ldan pa rab 'byor dang / tshe dang ldan pa byams ma'i bu gang po dang / tshe dang ldan pa 'od srung chen po dang / de dag dang gzhan yang dge slong dang / dge slong ma dang / dge bsnyen dang / dge bsnyen ma mngon par shes pa mngon par shes pa dag dang / byang chub sems dpa' sems dpa' chen po rab tu mang po dag gis 'di skad ces gsol to/ /bcom ldan 'das 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa chen po lags so/ /bcom ldan 'das shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa yangs pa lags so/ /bcom ldan 'das shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa mchog lags so/ /'di ni pha rol du phyin pa khyad par du 'phags</font><hr>34.56a<br><font size=+1>

pa lags so/ /'di ni pha rol du phyin pa rab dang / rab mchog dang / gya nom pa lags so/ /'di ni pha rol du phyin pa bla na ma mchis pa lags so/ /'di ni pha rol du phyin pa gong na ma mchis pa lags so/ /'di ni pha rol du phyin pa mnyam pa ma mchis pa lags so/ /'di ni pha rol du phyin pa mi mnyam pa dang mnyam pa lags so/ /'di ni pha rol du phyin pa zhi ba dang dul ba lags so/ /'di ni pha rol du phyin pa mtshungs pa ma mchis pa lags so/ /'di ni pha rol du phyin pa dpe ma mchis pa lags so/ /'di ni pha rol du phyin pa nam mkha' lta bu lags so/ /'di ni rang gi mtshan nyid stong pa nyid kyi pha rol du phyin pa lags so/ /'di ni yon tan thams cad dang ldan pa'i pha rol du phyin pa lags so/ /bcom ldan 'das 'di lta ste shes rab kyi pha rol du phyin pa 'di ni byang chub sems dpa' sems dpa' chen po rnams kyi thub pa ma mchis pa'i pha rol du phyin pa lags so/ /bcom ldan 'das byang chub sems dpa' sems dpa' chen po shes rab kyi pha rol du phyin pa 'di la spyod pa rnams kyis ni mi mnyam pa dang mnyam pa'i sbyin pa stsal lags so/ /de dag gis ni mi mnyam pa dang mnyam pa'i sbyin pa'i pha rol du phyin pa yongs su rdzogs par bgyis lags so/ /de dag gis ni mi mnyam pa dang mnyam pa'i lus thob lags so/ /de dag gis ni 'di lta ste/ bla na med pa yang dag par rdzogs pa'i byang chub kyi chos mi mnyam pa dang mnyam pa thob par 'gyur lags so/ /de bzhin du mi mnyam pa dang mnyam pa'i tshul khrims dang / bzod pa dang / brtson 'grus dang / bsam gtan dang / shes rab bsgoms lags so/ /de dag gis ni mi mnyam pa dang mnyam pa'i lus thob lags so/ /de dag gis ni 'di lta ste/ bla na med pa yang dag par rdzogs pa'i byang chub kyi chos mi mnyam pa dang mnyam pa thob par 'gyur lags so/ /bcom ldan 'das kyis kyang shes</font><hr>34.56b<br><font size=+1>

rab kyi pha rol du phyin pa 'di nyid la spyad pas mi mnyam pa dang mnyam pa'i gzugs brnyes par gyur lags so/ /mi mnyam pa dang mnyam pa'i tshor ba dang / 'du shes dang / 'du byed rnams dang / mi mnyam pa dang mnyam pa'i rnam par shes pa brnyes par gyur lags so/ /mi mnyam pa dang mnyam pa'i byang chub mngon par rdzogs par sangs rgyas lags so/ /mi mnyam pa dang mnyam pa'i chos kyi 'khor lo bskor lags so/ /de bzhin du 'das pa dang / ma byon pa dang / da ltar byung ba'i sangs rgyas bcom ldan 'das rnams kyis kyang shes rab kyi pha rol du phyin pa 'di nyid la spyad pas bla na med pa yang dag par rdzogs pa'i byang chub mngon par rdzogs par sangs rgyas par gyur lags so/ /mngon par rdzogs par sangs rgyas lags so/ /mngon par rdzogs par 'tshang rgya bar 'gyur lags so/ /bcom ldan 'das de lta lags pas/ byang chub sems dpa' sems dpa' chen po chos thams cad kyi pha rol du phyin par 'tshal ba rnams kyis shes rab kyi pha rol du phyin pa la brtson par bgyi'o/ /bcom ldan 'das byang chub sems dpa' sems dpa' chen po shes rab kyi pha rol du phyin pa 'di la spyod pa gang lags pa de dag ni lha dang mi dang lha ma yin du bcas pa'i 'jig rten gyis phyag bgyi ba'i gnas lags so/ /de skad ces gsol pa dang / bcom ldan 'das kyis nyan thos chen po de dag dang / byang chub sems dpa' sems dpa' chen po rab tu mang po de dag la 'di skad ces bka' stsal to/ /rigs kyi bu dag de de bzhin te/ de de bzhin no/ /rigs kyi bu dag khyed ji skad zer ba bzhin te/ byang chub sems dpa' sems dpa' chen po shes rab kyi pha rol du phyin pa la spyod pa gang yin pa de dag ni lha dang mi dang lha ma yin du bcas pa'i 'jig rten gyis phyag bya ba'i gnas yin no/ /shA ri'i bu byang chub sems dpa' sems dpa' chen po la brten nas/ 'jig rten du mi'i 'jig</font><hr>34.57a<br><font size=+1>

rten 'byung ngo / /'jig rten du lha'i 'jig rten 'byung ngo / /de bzhin du rgyal rigs shing sA la chen po lta bu dag dang / bram ze'i rigs shing sA la chen po lta bu dag dang / khyim bdag gi rigs shing sA la chen po lta bu dag dang / 'khor los sgyur ba'i rgyal po dag dang / rgyal chen bzhi'i ris kyi lha rnams dang / sum bcu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs pa'i mdun na 'don dang / tshangs ris dang / tshangs 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / 'bras bu che dang / sems can 'du shes med pa dang / gnas gtsang ma mi che ba dang / shin du mthong dang / gya nom snang dang / mi gdung dang / 'og min dang / nam mkha' mtha' yas skye mched du nye bar 'gro ba dang / rnam shes mtha' yas skye mched du nye bar 'gro ba dang / ci yang med pa'i skye mched du nye bar 'gro ba dang / 'du shes med 'du shes med min skye mched du nye bar 'gro ba'i lha rnams 'jig rten du 'byung ngo / /rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ngo / /shA ri'i bu byang chub sems dpa' la brten nas/ dkon mchog gsum 'jig rten du 'byung ngo / /'jig rten pa'i 'tsho ba'i yo byad zas dang / skom dang / mal cha dang / stan dang / na ba'i gsos sman dang / 'tshog chas dang / nor bu dang / mu tig dang / bai dUr+ya dang / dung dang / man shel dang / byu ru dang / dngul dang / gser 'jig rten du 'byung ngo / /shA ri'i bu lha rnams dang / mi rnams kyi bde ba'i yo byad ji snyed pa rnams dang / srid pa'i bde</font><hr>34.57b<br><font size=+1>

ba rnams dang / mya ngan las 'das pa'i bde ba de dag thams cad kyang / shA ri'i bu byang chub sems dpa' sems dpa' chen po la brten te 'jig rten du 'byung ba yin no/ /de ci'i phyir zhe na/ shA ri'i bu byang chub sems dpa' ni/ byang chub sems dpa'i spyad pa spyod pa na pha rol du phyin pa drug po dag la gnas te/ bdag nyid kyang sbyin pa sbyin par byed la/ gzhan dag kyang sbyin pa la sbyor bar byed/ bdag nyid kyang tshul khrims srung la/ gzhan dag kyang tshul khrims la sbyor bar byed/ bdag nyid kyang bzod pa bsgom la/ gzhan dag kyang bzod pa la sbyor bar byed/ bdag nyid kyang brtson 'grus rtsom la/ gzhan dag kyang brtson 'grus la sbyor bar byed/ bdag nyid kyang bsam gtan rnams bskyed la/ gzhan dag kyang bsam gtan rnams la sbyor bar byed/ bdag nyid kyang shes rab bsgom la/ gzhan dag kyang shes rab bsgom pa la sbyor bar byed pa'i phyir ro/ /shA ri'i bu de bas na byang chub sems dpa' sems dpa' chen po ni sems can thams cad la phan pa dang bde ba bya ba'i phyir zhugs pa yin no/ /shes rab kyi pha rol du phyin pa khri brgyad stong pa las mi mnyam pa dang mnyam pa'i le'u zhes bya ste/ bzhi pa'o// // 'phags pa shes rab kyi pha rol du phyin pa khri brgyad stong pa/ bam po lnga pa/ de nas de'i tshe/ bcom ldan 'das kyi zhal gyi sgo nas ljags kyi dbang po phyung nas stong gsum gyi stong chen po'i 'jig rten gyi khams 'di khyab par mdzad do/ /de nas ljags kyi dbang po de las 'od 'phro ba kha dog du ma kha dog sna tshogs byung ngo / /de byung nas shar phyogs su 'jig rten gyi khams gang gA'i klung gi bye ma snyed dag snang ba chen pos khyab par gyur to/ /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi</font><hr>34.58a<br><font size=+1>

khams gang gA'i klung gi bye ma snyed dag snang ba chen pos khyab par gyur to/ /de nas shar phyogs kyi 'jig rten gyi khams gang gA'i klung gi bye ma snyed po de dag gi byang chub sems dpa' sems dpa' chen po dpag tu med grangs med pa dag gis 'od kyi bkod pa de mthong nas/ rang rang gi sangs rgyas kyi zhing gi sangs rgyas bcom ldan 'das rnams la zhus pa/ bcom ldan 'das 'di ltar 'jig rten gyi khams 'di dag snang ba chen pos khyab par gda' ba 'di su'i mthu lags/ sangs rgyas bcom ldan 'das de dag gis byang chub sems dpa' sems dpa' chen po de dag la bka' stsal pa/ rigs kyi bu dag 'di ni nub phyogs logs na/ 'jig rten gyi khams mi mjed ces bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te/ des 'di lta ste/ byang chub sems dpa' sems dpa' chen po rnams la shes rab kyi pha rol du phyin pa bstan pa'i phyir/ ljags kyi dbang po phyung ste/ phyogs bcu dag tu phyogs re rer yang 'jig rten gyi khams gang gA'i klung gi bye ma snyed po 'di dag snang ba chen pos khyab par mdzad do/ /de bzhin du lho dang / nub dang / byang dang / 'og dang / steng dang / phyogs bcu kun gyi bar gyi 'jig rten gyi khams gang gA'i klung gi bye ma snyed dag tu yang de bzhin du sbyar bar bya'o/ /de nas byang chub sems dpa' sems dpa' chen po de dag gis sangs rgyas bcom ldan 'das de dag la 'di skad ces gsol to/ /bcom ldan 'das bdag cag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po phyogs bcu nas 'dus pa de dag kyang blta ba dang / shes rab kyi pha rol du phyin pa de yang mnyan pa'i slad du 'jig rten gyi khams mi</font><hr>34.58b<br><font size=+1>

mjed der mchi bar 'tshal lo/ /sangs rgyas bcom ldan 'das de dag gis bka' stsal pa/ rigs kyi bu dag de'i dus la dbab par shes na deng shig /de nas byang chub sems dpa' sems dpa' chen po de dag de bzhin gshegs pa dgra bcom pa yang dag par rdzogs pa'i sangs rgyas de dag gi zhabs la mgo bos phyag 'tshal nas/ lan bdun bskor ba byas te/ phyogs bcu nas gdugs dang / rgyal mtshan dang / ba dan dang / me tog dang / me tog phreng dang / spos dang / byug pa dang / phye ma dang / na bza' dang / gser gyi me tog dang / dngul gyi me tog rnam pa du ma dag khyer nas/ sil snyan dang / pheg rdob pa dang / rol mo'i sgra dang chas te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ngo / /de nas rgyal chen bzhi'i ris kyi lha rnams dang / 'og min gyi bar gyi lha rnams kyis lha'i me tog dang / me tog phreng dang / spos dang / byug pa dang / phye ma dang / lha'i me tog ud pa la dang / pad ma dang / ku mu da dang / pad ma dkar po dang / man dA ra ba dang / man dA ra ba chen po dang / klu shing gi me tog dang / ta ma la'i lo ma rnams khyer te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ngo / /de nas byang chub sems dpa' sems dpa' chen po de dag dang / lha de dag gis me tog dang / me tog phreng dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan de dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la gtor/ mngon par gtor/ mngon par rab tu gtor ro/ /de nas me tog la sogs pa de dag ni steng gi nam mkha' la mngon par 'phags nas stong gsum gyi stong chen po'i 'jig</font><hr>34.59a<br><font size=+1>

rten gyi khams 'dir me tog gi khang pa brtsegs pa/ gru bzhi lham pa/ ka ba bzhi zug pa/ cha mnyam pa/ shin du rnam par phye ba/ nyams dga' ba yid du 'ong ba zhig tu red de 'dug par gyur to/ /de nas 'khor de las srog chags bye ba khrag khrig phrag 'bum stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis chos ci lta bu dag brnyes pa'i chos de lta bu dag bdag cag gis kyang ma 'ongs pa'i dus na thob par gyur cig /da ltar de bzhin gshegs pa ji ltar chos ston pa de bzhin du nyan thos kyi dge 'dun la lung 'bog cing / 'khor 'di lta bu dag la chos ston par yang gyur cig /de nas bcom ldan 'das kyis rigs kyi bu de dag gi bsam pa thugs su chud de/ chos thams cad skye ba med pa dang / mngon par 'du byed pa med pa dang / chos thams cad 'byung ba med par bzod par gyur par mkhyen nas 'dzum pa mdzad do/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das 'dzum pa mdzad pa'i rgyu gang lags/ rkyen lags/ bcom ldan 'das kyis bka' stsal pa/ kun dga' bo 'khor 'di las srog chags bye ba khrag khrig phrag 'bum gyis mi skye ba'i chos la bzod pa thob ste/ 'di dag ni ma 'ongs pa'i dus na bskal pa bye ba phrag drug bcu rtsa bzhi na/ bskal pa me tog 'byung gnas zhes bya ba la/ de bzhin gshegs pa dgra bcom pa yang dag par rdzogs pa'i sangs rgyas byang chub kyi yan lag gi me tog ces bya ba dag 'jig rten du 'byung bar 'gyur ro/ /shes rab kyi pha rol du phyin pa khri brgyad stong pa las/ ljags kyi dbang po'i le'u zhes bya ba ste lnga pa'o// // de nas bcom ldan 'das kyis tshe dang ldan pa rab 'byor la bka' stsal pa/ rab 'byor ci nas byang</font><hr>34.59b<br><font size=+1>

chub sems dpa' sems dpa' chen po rnams shes rab kyi pha rol du phyin pa la nges par 'byung bar 'gyur bar shes rab kyi pha rol du phyin pa las brtsams te/ byang chub sems dpa' sems dpa' chen po rnams la chos kyi gtam bya bar khyod spobs par gyis shig /de nas byang chub sems dpa' sems dpa' chen po de dag dang / nyan thos chen po de dag dang / lha'i bu de dag 'di snyam du sems te/ ci tshe dang ldan pa rab 'byor 'di rang gi shes rab dang / spobs pa'i stobs bskyed pa'i go chas/ byang chub sems dpa' sems dpa' chen po rnams la shes rab kyi pha rol du phyin pa ston par byed dam/ 'on te sangs rgyas kyi mthus ston par byed snyam mo/ /de nas sangs rgyas kyi mthus/ tshe dang ldan pa rab 'byor kyis/ byang chub sems dpa' sems dpa' chen po de dag dang / nyan thos chen po de dag dang / lha'i bu de dag gi sems kyi yongs su rtog pa sems kyis shes nas/ tshe dang ldan pa shA ri'i bu la smras pa/ tshe dang ldan pa shA ri'i bu bcom ldan 'das kyi nyan thos rnams smra ba dang / ston pa dang / rjod pa gang ci yang rung ste/ de dag thams cad ni de bzhin gshegs pa'i mthu yin no/ /de bzhin gshegs pas chos bstan pa gang yin pa de dag thams cad ni chos nyid dang mi 'gal lo/ /rigs kyi bu de dag chos bstan pa de la slob na yang chos nyid de mngon sum du byed do/ /shA ri'i bu de bzhin gshegs pa 'di nyid thabs la mkhas pa'i tshul gyis byang chub sems dpa' sems dpa' chen po rnams la shes rab kyi pha rol du phyin pa ston gyi/ tshe dang ldan pa shA ri'i bu 'di la nyan thos dang / rang sangs rgyas dang / byang chub sems dpa' sems dpa' chen po thams cad ni shes rab kyi pha rol du phyin pa ston par mi nus te/ yul ma yin no/ /de nas bcom ldan 'das la tshe dang ldan pa rab 'byor kyis/ 'di skad ces gsol to/ /bcom ldan 'das 'di lta ste/ byang chub sems dpa' sems dpa' chen po zhes bgyi na/ byang chub sems dpa' sems dpa' chen po zhes bgyi</font><hr>34.60a<br><font size=+1>

ba de chos gang gi tshig bla dgas lags/ bcom ldan 'das bdag gis ni 'di lta ste byang chub sems dpa' zhes bgyi ba'i ming gi chos de yang dag par rjes su ma mthong ste/ bcom ldan 'das byang chub sems dpa' sems dpa' chen po de dag dang / shes rab kyi pha rol du phyin pa de dang byang chub sems dpa'i ming de yang bdag gis yang dag par rjes su ma mthong lags na/ byang chub sems dpa' sems dpa' chen po gang zhig shes rab kyi pha rol du phyin pa gang la gdams par bgyi/ rjes su ston par bgyi/ bcom ldan 'das kyis bka' stsal pa/ rab 'byor 'di lta ste/ shes rab kyi pha rol du phyin pa dang / byang chub sems dpa' dang / byang chub sems dpa'i ming de ni ming tsam du zad de/ ming de yang nang na yang med/ phyi rol na yang med gnyi ga med par yang mi dmigs so/ /rab 'byor 'di lta ste dper na/ sems can sems can zhes bya bar ming du brjod kyang / sems can gang yang mi dmigs te/ de ni ming du btags pa tsam du zad la/ btags pa'i chos gang yin pa de la ni ming gi brda tsam gyis tha snyad gdags pa ma gtogs par skye ba med 'gag pa med do/ /de bzhin du bdag dang / srog dang / skye ba po dang / gso ba dang / skyes bu dang / gang zag dang / shed las skyes pa dang / shed bu dang / byed pa po dang / byed du 'jug pa po dang / slong ba po dang / kun nas slong ba po dang / tshor ba po dang / tshor bar byed du 'jug pa po dang / shes pa po dang / mthong ba po de dag thams cad kyang btags pa'i chos yin la/ btags pa'i chos gang yin pa de la ni skye ba med 'gag pa med de/ 'di ltar ming gi brda' tsam gyis tha snyad du gdags par zad do/ /ming de yang nang na yang med/ phyi rol na yang med/ gnyi ga med par yang mi dmigs so/ /rab 'byor de bzhin du shes rab kyi pha rol du phyin pa gang yin pa dang / byang chub sems dpa' gang yin pa dang / byang chub sems dpa'i ming gang yin pa de dag thams cad ni btags pa'i chos yin la/ btags pa'i chos de la ni ming gi</font><hr>34.60b<br><font size=+1>

brdas tha snyad du gdags pa ma gtogs par skye ba med 'gag pa med de/ rab 'byor 'di lta ste dper na/ nang gi lus gang yin pa de la/ gzugs shes bya ba 'di ni chos su btags pa tsam du zad la/ chos su btags pa de la ni ming gi brda tsam gyis tha snyad du gdags pa ma gtogs par skye ba med/ 'gag pa med de/ ming de yang nang na yang med phyi rol na yang med gnyi ga med par yang mi dmigs so/ /de bzhin du tshor ba dang / 'du shes dang / 'du byed rnams dang / rnam par shes pa zhes bya ba 'di ni chos su btags pa tsam du zad la/ chos su btags pa de la ni ming gi brda tsam gyis tha snyad du gdags pa ma gtogs par skye ba med 'gag pa med de/ ming de yang nang na yang med/ phyi rol na yang med/ gnyi ga med par yang mi dmigs so/ /rab 'byor de bzhin du shes rab kyi pha rol du phyin pa dang / byang chub sems dpa' dang / byang chub sems dpa'i ming zhes bya ba gang yin pa de dag thams cad ni btags pa'i chos yin la/ btags pa'i chos gang yin pa de la ni ming gi brda tsam gyis tha snyad du gdags pa ma gtogs par skye ba med 'gag pa med do/ /rab 'byor 'di lta ste mig ces bya ba de ni chos su btags pa tsam du zad la/ chos su btags pa de la ni ming gi brda tsam gyis tha snyad du gdags pa ma gtogs par skye ba med/ 'gag pa med do/ /'di lta ste mig ces bya ba'i ming de yang nang na yang med phyi rol na yang med/ gnyi ga med par yang mi dmigs so/ /rab 'byor de bzhin du rna ba dang / sna dang / lce dang / lus dang / yid ces bya ba de ni/ 'di lta ste/ chos su btags pa tsam du zad la/ chos su btags pa de la ni ming gi brda tsam gyis tha snyad du gdags pa ma gtogs par skye ba med 'gag pa med do/ /'di lta ste yid ces bya ba'i ming de yang nang na yang med phyi rol na yang med gnyi ga med par yang mi dmigs so/ /rab 'byor gzugs shes bya ba de ni chos su btags pa tsam du zad la/ chos su btags pa de la ni ming gi brda tsam gyis tha snyad du gdags pa ma gtogs par skye ba med/ </font><hr>34.61a<br><font size=+1>

'gag pa med de/ ming de yang nang na yang med/ phyi rol na yang med/ gnyi ga med par yang mi dmigs so/ /rab 'byor de bzhin du sgra dang / dri dang / ro dang / reg bya dang / chos zhes bya ba de ni chos su btags pa tsam du zad la/ chos su btags pa de la ni ming gi brda tsam gyis tha snyad du gdags pa ma gtogs par skye ba med/ 'gag pa med de/ chos zhes bya ba'i mingade yang nang na yang med/ phyi rol na yang med/ gnyi ga med par yang mi dmigs so/ /rab 'byor mig gi khams shes bya ba de ni chos su btags pa tsam du zad la/ chos su btags pa de la ni ming gi brda tsam gyis tha snyad du gdags pa ma gtogs par skye ba med 'gag pa med de/ mig gi khams shes bya ba'i mingade yang nang na yang med/ phyi rol na yang med/ gnyi ga med par yang mi dmigs so/ /rab 'byor gzugs kyi khams shes bya ba de ni chos su btags pa tsam du zad la/ chos su btags pa de la ni ming gi brda tsam gyis tha snyad du gdags pa ma gtogs par skye ba med 'gag pa med do/ /gzugs kyi khams shes bya ba'i ming de yang nang na yang med/ phyi rol na yang med/ gnyi ga med par yang mi dmigs so/ /rab 'byor mig gi rnam par shes pa'i khams shes bya ba de ni chos su btags pa tsam du zad la/ chos su btags pa de la ni ming gi brda tsam gyis tha snyad du gdags pa ma gtogs par skye ba med/ 'gag pa med de/ mig gi rnam par shes pa'i khams shes bya ba'i ming de yang nang na yang med/ phyi rol na yang med/ gnyi ga med par yang mi dmigs so/ /rab 'byor de bzhin du rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams</font><hr>34.61b<br><font size=+1>

dang / yid kyi khams dang / chos kyi khams dang / yid kyi rnam par shes pa'i khams shes bya ba de ni chos su btags pa tsam du zad la/ chos su btags pa de la ni ming gi brda tsam gyis tha snyad du gdags pa ma gtogs par skye ba med/ 'gag pa med de/ yid kyi rnam par shes pa'i khams shes bya ba'i ming de yang nang na yang med/ phyi rol na yang med/ gnyi ga med par yang mi dmigs so/ /rab 'byor de bzhin du 'di lta ste/ shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya ba de ni 'di ltar btags pa'i chos yin la/ btags pa'i chos de la ni ming gi brda tsam gyis tha snyad du gdags pa ma gtogs par skye ba med/ 'gag pa med de/ shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya ba de yang nang na yang med/ phyi rol na yang med/ gnyi ga med par yang mi dmigs so/ /rab 'byor 'di lta ste dper na/ nang gi lus shes bya ba 'di ni ming tsam gyis tha snyad gdags pa ste/ mgo bo dang / mjing pa dang / phrag pa dang / lag pa dang / rgal tshigs dang / rtsib ma dang / dpyi dang / brla dang / rje ngar dang / rkang pa'i rus pa zhes bya bar ming gis tha snyad du 'dogs pa de dag ni chos su btags pa tsam du zad la/ chos su btags pa de dag ni ming gi brda tsam gyis tha snyad du btags pa ma gtogs par skye ba med 'gag pa med de/ ming de yang nang na yang med phyi rol na yang med/ gnyi ga med par yang mi dmigs so/ /rab 'byor de bzhin du 'di lta ste/ shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya ba de dag thams cad ni btags pa'i chos yin la/ btags pa'i chos de dag la ni ming gis brda tsam gyis tha snyad du gdags pa ma gtogs par skye ba med/ 'gag pa med de/ ming de yang nang na yang med/ phyi rol na yang med/ gnyi ga med par yang mi dmigs</font><hr>34.62a<br><font size=+1>

so/ /rab 'byor 'di lta ste dper na/ phyi rol gyi rtswa dang / shing dang / yal ga dang / lo ma dang / 'dab ma zhes bya ba gang yin pa de dag thams cad ni ming sna tshogs kyis tha snyad du gdags par zad la/ ming de dag kyang ming gi brda tsam gyis tha snyad du gdags pa ma gtogs par skye ba med/ 'gag pa med de/ ming de dag kyang nang na yang med/ phyi rol na yang med/ gnyi ga med par yang mi dmigs so/ /rab 'byor de bzhin du 'di lta ste/ shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya ba de dag thams cad ni btags pa'i chos yin la/ btags pa'i chos de dag la ni ming gi brda tsam gyis tha snyad du gdags pa ma gtogs par skye ba med/ 'gag pa med de/ ming de yang nang na yang med/ phyi rol na yang med/ gnyi ga med par yang mi dmigs so/ /rab 'byor 'di lta ste dper na 'das pa'i sangs rgyas bcom ldan 'das rnams kyi mtshan ni ming gi brda tsam gyis tha snyad du gdags pa ma gtogs par skye ba med/ 'gag pa med de/ mtshan de dag kyang nang na yang med/ phyi rol na yang med/ gnyi ga med par yang mi dmigs so/ /rab 'byor 'di lta ste dper na/ rmi lam dang / brag cha dang / mig yor dang / sgyu ma dang / smig rgyu dang / chu zla dang / de bzhin gshegs pa'i sprul pa zhes bya ba'i chos de dag thams cad ni btags pa tsam du zad la/ btags pa de dag la ni ming gi brda tsam gyis tha snyad du gdags pa ma gtogs par skye ba med/ 'gag pa med de/ ming de yang nang na yang med/ phyi rol na yang med/ gnyi ga med par yang mi dmigs so/ /rab 'byor de bzhin du 'di lta ste/ shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya ba'i chos 'di dag thams cad ni btags pa tsam du zad la/ btags pa'i chos de la ni ming gi brda tsam gyis tha snyad du</font><hr>34.62b<br><font size=+1>

gdags pa ma gtogs par skye ba med 'gag pa med de/ ming de yang nang na yang med/ phyi rol na yang med/ gnyi ga med par yang mi dmigs so/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pas ming gi brdar btags pa dang / gdams ngag tu btags pa dang / chos su btags pa la bslab par bya'o/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pa ni gzugs rtag ces bya bar yang dag par rjes su mi mthong ngo / /gzugs mi rtag ces bya bar yang dag par rjes su mi mthong ngo / /gzugs bde zhes bya ba dang / sdug bsngal zhes bya ba dang / bdag yod ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / stong zhes bya ba dang / mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya ba dang / 'dus byas shes bya ba dang / 'dus ma byas shes bya ba dang / skye ba zhes bya ba dang / 'gag pa shes bya ba dang / dben pa zhes bya ba dang / mi dben pa zhes bya ba dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / kun nas nyon mongs pa dang / rnam par byang ba dang / gzugs 'khor ba zhes bya bar yang dag par rjes su mi mthong ngo / /gzugs mya ngan las 'das pa zhes bya bar yang dag par rjes su mi mthong ngo / /de bzhin du tshor ba dang / 'du shes dang / 'du byed rnams dang / rnam par shes pa rtag ces bya bar yang dag par rjes su mi mthong ngo / /mi rtag ces bya bar yang dag par rjes su mi mthong ngo / /de bzhin du bde ba dang / sdug bsngal ba dang / bdag yod pa dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa</font><hr>34.63a<br><font size=+1>

yod pa dang / smon pa med pa dang / 'dus byas dang / 'dus ma byas dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa zhes bya bar yang dag par rjes su mi mthong ngo / /de bzhin du mig gi khams rtag ces bya ba dang / mi rtag ces bya ba dang / gzugs kyi khams rtag ces bya ba dang / mi rtag ces bya ba dang / mig gi rnam par shes pa'i khams rtag ces bya ba dang / mi rtag ces bya bar yang dag par rjes su mi mthong ste/ 'khor ba zhes bya ba dang / mya ngan las 'das pa zhes bya ba'i bar du yang dag par rjes su mi mthong ngo / /de bzhin du rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams rtag ces bya ba dang / mi rtag ces bya bar yang dag par rjes su mi mthong ste/ 'khor ba zhes bya ba dang / mya ngan las 'das pa zhes bya ba'i bar du yang dag par rjes su mi mthong ngo / /mig dang / gzugs dang / mig gi rnam par shes pa 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa gang yin pa de yang rtag ces bya ba dang / mi rtag ces bya bar yang dag par rjes su mi mthong ste/ 'khor ba dang / mya ngan las 'das pa zhes bya ba'i bar du yang dag par rjes su mi mthong ngo / /de bzhin du rna ba dang / sgra dang / rna ba'i</font><hr>34.63b<br><font size=+1>

rnam par shes pa dang / sna dang dri dang sna'i rnam par shes pa dang / lce dang ro dang lce'i rnam par shes pa dang / lus dang reg bya dang lus kyi rnam par shes pa dang / yid dang / chos dang yid kyi rnam par shes pa 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin sdug bsngal ba yang ma yin pa de yang rtag ces bya ba dang mi rtag ces bya bar yang dag par rjes su mi mthong ste/ 'khor ba zhes bya ba dang / mya ngan las 'das pa zhes bya ba'i bar du yang dag par rjes su mi mthong ngo / /de ci'i phyir zhe na/ 'di ltar byang chub sems dpa' shes rab kyi pha roladu phyin pa la spyod pas shes rab kyi pha rol du phyin pa de dang / byang chub sems dpa' de dang / byang chub sems dpa'i ming de 'dus byas kyi khams sam/ 'dus ma byas kyi khams na yang dag par rjes su mi mthong ba'i phyir ro/ /de ci'i phyir zhe na/ rab 'byor 'di ltar byang chub sems dpa' sems dpa' chen po shes rab kyi pha roladu phyin pa la spyod pa chos de dag thams cad la mi rtog cing rnam par mi rtog pa'i phyir ro/ /rnam par mi rtog pa'i chos la gnas te/ dran pa nye bar gzhag pa rnams sgom zhing / shes rab kyi pha rol du phyin pa la spyod pa de/ shes rab kyi pha rol du phyin pa dang / shes rab kyi pha rol du phyin pa'i ming yang / yang dag par rjes su mi mthong ngo / /byang chub sems dpa' dang / byang chub sems dpa'i ming yang yang dag par rjes su mi mthong ngo / /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / stobs dang / mi 'jigs pa dang / sangs rgyas kyi chos ma 'dres pa'i bar du sgom zhing / shes rab kyi pha rol du phyin pa la spyod pa'i tshe/ rnam pa thams cad mkhyen pa nyid yid la</font><hr>34.64a<br><font size=+1>

byed pa ma gtogs par shes rab kyi pha rol du phyin pa dang / shes rab kyi pha rol du phyin pa'i ming dang / byang chub sems dpa' dang / byang chub sems dpa'i ming yang yang dag par rjes su mi mthong ngo / /byang chub sems dpa' sems dpa' chen po shes rab kyi pha rol du phyin pa la spyod pa des chos rnams kyi mtshan nyid shin tu rtogs par 'gyur te/ chos rnams kyi chos kyi mtshan nyid gang yin pa de yang kun nas nyon mongs par mi 'gyur/ rnam par byang bar mi 'gyur ro/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pas chos su btags pa'i ming gi brda can yin par khong du chud par bya'o/ /des chos su btags pa'i ming gi brda can yin par khong du chud na gzugs la mngon par zhen par mi 'gyur ro/ /tshor ba dang / 'du shes dang / 'du byed rnams dang / rnam par shes pa la mngon par zhen par mi 'gyur ro/ /mig la mngon par zhen par mi 'gyur ro/ /gzugs dang / mig gi rnam par shes pa dang / mig gi 'dus te reg pa la mngon par zhen par mi 'gyur ro/ /mig gi 'dus te reg pa'i rkyen gyis byung ba'i tshor ba bde ba 'am sdug bsngal ba 'am/ sdug bsngal ba yang ma yin/ bde ba yang ma yin pa de la yang mngon par zhen par mi 'gyur ro/ /de bzhin du rna ba dang / sna dang / lce dang / lus dang / yid dang / chos dang / yid kyi rnam par shes pa dang / yid kyi 'dus te reg pa la mngon par zhen par mi 'gyur ro/ /yid kyi 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ sdug bsngal ba yang ma yin/ bde ba yang ma yin pa gang yin pa de la yang mngon par zhen par mi 'gyur ro/ /'dus byas kyi khams dang / 'dus ma byas kyi khams la yang mngon par zhen par mi 'gyur ro/ /sbyin pa'i pha rol du phyin pa la yang mngon par zhen par mi 'gyur ro/ /tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa la yang mngon par zhen par mi 'gyur ro/ /de dag</font><hr>34.64b<br><font size=+1>

gi ming dang / mtshan nyid la yang mngon par zhen par mi 'gyur ro/ /byang chub sems dpa'i lus la yang mngon par zhen par mi 'gyur ro/ /sha'i mig dang / lha'i mig dang / shes rab kyi mig dang / chos kyi mig dang / sangs rgyas kyi mig la yang mngon par zhen par mi 'gyur ro/ /de bzhin du mngon par shes pa'i pha rol du phyin pa dang / nang stong pa nyid dang / phyi stong pa nyid dang / phyi nang stong pa nyid la yang mngon par zhen par mi 'gyur ro/ /dngos po med pa'i ngo bo nyid stong pa nyid kyi bar la yang mngon par zhen par mi 'gyur ro/ /de bzhin nyid la yang mngon par zhen par mi 'gyur ro/ /yang dag pa'i mtha' la yang mngon par zhen par mi 'gyur ro/ /chos kyi dbyings la yang mngon par zhen par mi 'gyur ro/ /sems can yongs su smin par bya ba dang / sangs rgyas kyi zhing yongs su dag par bya ba dang / thabs la mkhas pa la yang mngon par zhen par mi 'gyur ro/ /de ci'i phyir zhe na/ 'di ltar gang mngon par zhen par 'gyur ba dang / gang gis mngon par zhen par 'gyur ba dang / gang la mngon par zhen par 'gyur ba'i chos de dag thams cad med pa'i phyir ro/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pa ni chos thams cad la mngon par zhen pa med pas/ sbyin pa'i pha rol du phyin pas rnam par 'phel lo/ /tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pas rnam par 'phel te/ byang chub sems dpa'i skyon med pa la 'jug cing / phyir mi ldog pa'i sa gnon te/ mngon par shes pa yongs su rdzogs par byed do/ /de mngon par shes pa yongs su rdzogs par byas nas sangs rgyas kyi zhing yongs su dag par bya ba dang / sangs rgyas bcom ldan 'das rnams la blta ba'i phyir sems can rnams ni yongs su smin par byed/ sangs rgyas bcom ldan 'das rnams la ni bsti stang du byed/ bla mar byed/ ri mor byed/ mchod pa byed cing sangs rgyas kyi zhing nas</font><hr>34.65a<br><font size=+1>

sangs rgyas kyi zhing du 'gro bar 'gyur te/ sangs rgyas bcom ldan 'das de dag mthong nas kyang / dge ba'i rtsa ba gang dag gis sangs rgyas bcom ldan 'das de dag la bsti stang du bya ba dang / bla mar bya ba dang / ri mor bya ba dang / mchod pa bya bar 'dod pa'i dge ba'i rtsa ba de dag kyang de la 'byung bar 'gyur te/ dge ba'i rtsa ba de nyid kyis sangs rgyas bcom ldan 'das de dag gi thad du skye bar 'gyur ro/ /sangs rgyas bcom ldan 'das de dag las chos kyang thos par 'gyur ro/ /des chos thos pa de dag kyang byang chub kyi snying po la thug gi bar du nams kyang rgyun chad par mi 'gyur ro/ /gzungs kyi sgo rnams kyang 'thob par 'gyur ro/ /ting nge 'dzin kyi sgo rnams kyang 'thob par 'gyur ro/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pas chos su btags pa ming gi brda can yin par khong du chud par bya'o/ /rab 'byor 'di ji snyam du sems/ gang byang chub sems dpa' zhes bya ba gzugs byang chub sems dpa' yin snyam 'am/ gzugs las gzhan zhig byang chub sems dpa' yin snyam 'am/ gzugs la byang chub sems dpa' yod snyam 'am/ byang chub sems dpa' la gzugs yod snyam 'am/ gzugs can ma yin pa zhig byang chub sems dpa' yin snyam 'am/ gsol pa bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ tshor ba dang / 'du shes dang / 'du byed rnams dang / rnam par shes pa byang chub sems dpa' yin snyam 'am/ rnam par shes pa las gzhan zhig byang chub sems dpa' yin snyam 'am/ rnam par shes pa la byang chub sems dpa' yod snyam 'am/ byang chub sems dpa' la rnam par shes pa yod snyam 'am/ rnam par shes pa med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ </font><hr>34.65b<br><font size=+1>

rab 'byor 'di ji snyam du sems/ mig byang chub sems dpa' yin snyam 'am/ mig las gzhan zhig byang chub sems dpa' yin snyam 'am/ mig la byang chub sems dpa' yod snyam 'am/ byang chub sems dpa' la mig yod snyam 'am/ mig med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ rna ba dang / sna dang / lce dang / lus dang / yid byang chub sems dpa' yin snyam 'am/ yid las gzhan zhig byang chub sems dpa' yin snyam 'am/ yid la byang chub sems dpa' yod snyam 'am/ byang chub sems dpa' la yid yod snyam 'am/ yid med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ gzugs byang chub sems dpa' yin snyam 'am/ gzugs las gzhan zhig byang chub sems dpa' yin snyam 'am/ gzugs la byang chub sems dpa' yod snyam 'am/ byang chub sems dpa' la gzugs yod snyam 'am/ gzugs med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ sgra dang / dri dang / ro dang / reg bya dang / chos rnams byang chub sems dpa' yin snyam 'am/ chos rnams las gzhan zhig byang chub sems dpa' yin snyam 'am/ chos rnams la byang chub sems dpa' yod snyam 'am/ byang chub sems dpa' la chos rnams yod snyam 'am/ chos rnams med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ mig dang / gzugs dang / mig gi rnam par shes pa rnams byang chub sems dpa' yin snyam 'am/ de dag las gzhan zhig yin snyam 'am/ de dag la de yod snyam 'am/ </font><hr>34.66a<br><font size=+1>

de la de dag yod snyam 'am/ mig dang / gzugs dang / mig gi rnam par shes pa rnams med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang / lus kyi rnam par shes pa dang / yid dang / chos dang / yid kyi rnam par shes pa rnams byang chub sems dpa' yin snyam 'am/ de dag las gzhan zhig yin snyam 'am/ de dag la de yod snyam 'am/ de la de dag yod snyam 'am/ yid dang / chos dang / yid kyi rnam par shes pa rnams med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ sa'i khams byang chub sems dpa' yin snyam 'am/ sa'i khams las gzhan zhig byang chub sems dpa' yin snyam 'am/ sa'i khams la byang chub sems dpa' yod snyam 'am/ byang chub sems dpa' la sa'i khams yod snyam 'am/ sa'i khams med pa zhig byang chub sems dpa' yin snyam 'am/ rab 'byor 'di ji snyam du sems/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams byang chub sems dpa' yin snyam 'am/ rnam par shes pa'i khams las gzhan zhig byang chub sems dpa' yin snyam 'am/ rnam par shes pa'i khams la byang chub sems dpa' yod snyam 'am/ byang chub sems dpa' la rnam par shes pa'i khams yod snyam 'am/ rnam par shes pa'i khams med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ ma rig pa byang chub sems dpa' yin snyam</font><hr>34.66b<br><font size=+1>

'am/ ma rig pa las gzhan zhig byang chub sems dpa' yin snyam 'am/ ma rig pa la byang chub sems dpa' yod snyam 'am/ byang chub sems dpa' la ma rig pa yod snyam 'am/ ma rig pa med pa zhig byang chub sems dpa' yin snyam 'am/ rab 'byor 'di ji snyam du sems/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi byang chub sems dpa' yin snyam 'am/ rga shi las gzhan zhig byang chub sems dpa' yin snyam 'am/ rga shi la byang chub sems dpa' yod snyam 'am/ byang chub sems dpa' la rga shi yod snyam 'am/ rga shi med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ gzugs kyi de bzhin nyid gang yin pa de byang chub sems dpa' yin snyam 'am/ gzugs kyi de bzhin nyid las gzhan zhig byang chub sems dpa' yin snyam 'am/ gzugs kyi de bzhin nyid la byang chub sems dpa' yod snyam 'am/ byang chub sems dpa' la gzugs kyi de bzhin nyid yod snyam 'am/ gzugs kyi de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ de bzhin du tshor ba dang / 'du shes dang / 'du byed rnams dang / rnam par shes pa'i de bzhin nyid byang chub sems dpa' yin snyam 'am/ rnam par shes pa'i de bzhin nyid las gzhan zhig byang chub sems dpa' yin snyam 'am/ rnam par shes pa'i de bzhin nyid la byang chub sems dpa' yod snyam 'am/ byang chub sems dpa' la rnam par shes pa'i de bzhin nyid yod snyam 'am/ rnam par shes pa'i de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ de bzhin du</font><hr>34.67a<br><font size=+1>

khams dang / skye mched dang / rten cing 'brel par 'byung ba rga shi'i bar gyi de bzhin nyid byang chub sems dpa' yin snyam 'am/ rga shi'i de bzhin nyid las gzhan zhig byang chub sems dpa' yin snyam 'am/ rga shi'i de bzhin nyid la byang chub sems dpa' yod snyam 'am/ byang chub sems dpa' la rga shi'i de bzhin nyid yod snyam 'am/ rga shi'i de bzhin nyid med pa zhig byang chub sems dpa' yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor khyod don gyi dbang gang nye bar bzung nas gzugs byang chub sems dpa' ma yin/ phung po dang / khams dang / skye mched dang / rten cing 'brel bar 'byung ba rga shi'i bar gyi de bzhin nyid byang chub sems dpa' ma yin zhes zer/ rab 'byor gyis gsol pa/ bcom ldan 'das sems can gtan ma mchis shing mi dmigs na/ gzugs de byang chub sems dpar 'gyur ba lta ga la mchis/ gzugs las gzhan zhig byang chub sems dpar 'gyur ba lta ga la mchis/ /gzugs la byang chub sems dpa' mchis par 'gyur ba lta ga la mchis/ byang chub sems dpa' la gzugs mchis par 'gyur ba lta ga la mchis/ gzugs ma mchis pa zhig byang chub sems dpar 'gyur ba lta ga la mchis/ tshor ba dang / 'du shes dang / 'du byed rnams dang / rnam par shes pa byang chub sems dpar 'gyur ba lta ga la mchis/ rnam par shes pa las gzhan zhig byang chub sems dpar 'gyur ba lta ga la mchis/ rnam par shes pa la byang chub sems dpa' mchis par 'gyur ba lta ga la mchis/ byang chub sems dpa' la rnam par shes pa mchis par 'gyur ba lta ga la mchis/ rnam par shes pa ma mchis pa zhig byang chub sems dpar 'gyur ba lta ga la mchis/ khams dang / skye mched dang / rten cing 'brel bar 'byung ba rnams la yang de bzhin du sbyar te/ bcom ldan 'das sems can gtan ma mchis shing mi dmigs na/ rga shi byang chub sems dpar 'gyur ba lta ga la mchis/ rga shi las gzhan</font><hr>34.67b<br><font size=+1>

zhig byang chub sems dpar 'gyur ba lta ga la mchis/ rga shi la byang chub sems dpa' mchis par 'gyur ba lta ga la mchis/ byang chub sems dpa' la rga shi mchis par 'gyur ba lta ga la mchis/ rga shi ma mchis pa zhig byang chub sems dpar 'gyur ba lta ga la mchis/ bcom ldan 'das sems can gtan ma mchis shing mi dmigs na/ 'di la gzugs kyi de bzhin nyid dmigs par 'gyur ba lta ga la mchis/ phung po dang / khams dang / skye mched dang / rten cing 'brel par 'byung ba rnams la yang de bzhin du sbyar te/ bcom ldan 'das sems can gtan ma mchis shing mi dmigs na/ de la rga shi'i de bzhin nyid dmigs par 'gyur ba lta ga la mchis te/ de ni gnas ma mchis so/ /bcom ldan 'das kyis bka' stsal pa/ rab 'byor legs so legs so/ /rab 'byor byang chub sems dpa' sems dpa' chen pos sems can mi dmigs pas/ shes rab kyi pha rol du phyin pa la de ltar bslab par bya'o/ /rab 'byor khyod gang yang 'di skad du/ bcom ldan 'das 'di lta ste/ byang chub sems dpa' sems dpa' chen po zhes bgyi na/ byang chub sems dpa' sems dpa' chen po zhes bgyi ba de chos gang gi tshig bla dgas lags shes zer ba la/ rab 'byor 'di ji snyam du sems/ byang chub sems dpa' zhes bya ba de gzugs kyi tshig bla dgas yin snyam 'am/ byang chub sems dpa' zhes bya ba de tshor ba dang / 'du shes dang / 'du byed rnams dang / rnam par shes pa'i tshig bla dgas yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ byang chub sems dpa' zhes bya ba de gzugs rtag pa nyid kyi tshig bla dgas yin snyam 'am/ byang chub sems dpa' zhes bya ba de gzugs mi rtag pa nyid kyi tshig bla dgas yin snyam 'am/ de bzhin du byang chub sems dpa' zhes bya ba de gzugs bde ba nyid dang / gzugs sdug bsngal ba nyid dang / gzugs bdag yod pa nyid dang / gzugs bdag med pa nyid dang / gzugs zhi</font><hr>34.68a<br><font size=+1>

pa nyid dang / gzugs ma zhi ba nyid kyi tshig bla dgas yin snyam 'am/ de bzhin du byang chub sems dpa' zhes bya ba de tshor ba dang / 'du shes dang / 'du byed rnams dang / rnam par shes pa rtag pa nyid dang / rnam par shes pa mi rtag pa nyid dang / rnam par shes pa bde ba nyid dang / rnam par shes pa sdug bsngal ba nyid dang / rnam par shes pa bdag yod pa nyid dang / rnam par shes pa bdag med pa nyid dang / rnam par shes pa zhi ba nyid dang / rnam par shes pa ma zhi ba nyid kyi tshig bla dgas yin snyam 'am/ rab 'byor 'di ji snyam du sems/ byang chub sems dpa' zhes bya ba de gzugs stong pa nyid dang / gzugs mi stong pa nyid dang / gzugs mtshan ma yod pa nyid dang / gzugs mtshan ma med pa nyid dang / gzugs smon pa yod pa nyid dang / gzugs smon pa med pa nyid kyi tshig bla dgas yin snyam 'am/ rab 'byor 'di ji snyam du sems/ byang chub sems dpa' zhes bya ba de tshor ba dang / 'du shes dang / 'du byed rnams dang / rnam par shes pa stong pa nyid dang / rnam par shes pa mi stong pa nyid dang / rnam par shes pa mtshan ma yod pa nyid dang / rnam par shes pa mtshan ma med pa nyid dang / rnam par shes pa smon pa yod pa nyid dang / rnam par shes pa smon pa med pa nyid kyi tshig bla dgas yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor khyod don gyi dbang gang nye bar bzung nas/ 'di skad du byang chub sems dpa' zhes bya ba de gzugs rtag pa'i tshig bla dgas ma yin/ mi rtag pa'i tshig bla dgas ma yin/ de bzhin du byang chub sems dpa' zhes bya ba de gzugs bde ba dang / sdug bsngal ba'i tshig bla dgas ma yin/ bdag yod pa'i tshig bla dgas ma yin/ bdag med pa'i tshig bla dgas ma yin/ zhi ba'i tshig bla dgas ma yin/ ma zhi ba'i tshig bla dgas ma yin/ stong pa nyid kyi tshig bla dgas ma yin/ mi stong pa'i tshig bla dgas ma yin/ mtshan ma yod pa'i tshig bla dgas ma yin/ mtshan ma med pa'i tshig bla dgas ma yin/ </font><hr>34.68b<br><font size=+1>

smon pa yod pa'i tshig bla dgas ma yin/ smon pa med pa'i tshig bla dgas ma yin/ de bzhin du byang chub sems dpa' tshor ba dang / 'du shes dang / 'du byed rnams dang / rnam par shes pa rtag pa'i tshig bla dgas ma yin/ mi rtag pa'i tshig bla dgas ma yin/ bde ba dang / sdug bsngal ba dang / bdag yod pa dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa'i tshig bla dgas ma yin zhes zer/ rab 'byor gyis gsol pa/ bcom ldan 'das gzugs gtan ma mchis shing mi dmigs na/ byang chub sems dpa' gzugs kyi tshig bla dgas su 'gyur ba lta ga la mchis/ bcom ldan 'das tshor ba dang / 'du shes dang / 'du byed rnams dang / rnam par shes pa gtan ma mchis shing mi dmigs na/ byang chub sems dpa' rnam par shes pa'i tshig bla dgas su 'gyur ba lta ga la mchis/ bcom ldan 'das rtag pa dang / mi rtag pa gtan ma mchis shing mi dmigs na/ byang chub sems dpa' gzugs rtag pa'i tshig bla dgas su 'gyur ba lta ga la mchis/ de bzhin du bde ba dang / sdug bsngal ba dang / bdag mchis pa dang / bdag ma mchis pa dang / zhi ba dang / ma zhi ba dang / stong pa dang / mi stong pa dang / mtshan ma mchis pa dang / mtshan ma ma mchis pa dang / smon pa mchis pa dang / smon pa ma mchis pa gtan ma mchis shing mi dmigs na/ byang chub sems dpa' gzugs smon pa ma mchis pa'i tshig bla dgas su 'gyur ba lta ga la mchis/ bcom ldan 'das de bzhin du rtag pa dang / mi rtag pa gtan ma mchis shing mi dmigs na/ byang chub sems dpa' rnam par shes pa rtag pa dang mi rtag pa'i tshig bla dgas su 'gyur ba lta ga la mchis/ de bzhin du bde ba dang / sdug bsngal ba dang / bdag mchis pa dang / bdag ma mchis pa dang / zhi ba dang / ma zhi ba dang / stong pa dang / mi stong pa dang / mtshan ma mchis pa dang / mtshan ma ma mchis pa dang / smon pa mchis pa dang / smon pa ma mchis pa gtan ma mchis shing mi dmigs na/ byang</font><hr>34.69a<br><font size=+1>

chub sems dpa' smon pa ma mchis pa'i tshig bla dgas su 'gyur ba lta ga la mchis/ bcom ldan 'das kyis bka' stsal pa/ rab 'byor legs so legs so/ /byang chub sems dpa' sems dpa' chen po shes rab kyi pha rol du phyin pa la de ltar spyod pas gzugs kyi tshig bla dgas mi dmigs/ tshor ba dang / 'du shes dang / 'du byed rnams dang / rnam par shes pa mi rtag pa'i tshig bla dgas mi dmigs/ gzugs rtag pa dang / mi rtag pa dang / bde ba dang / sdug bsngal ba dang / bdag yod pa dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa'i tshig bla dgas mi dmigs/ tshor ba dang / 'du shes dang / 'du byed rnams dang / rnam par shes pa rtag pa'i tshig bla dgas mi dmigs/ rnam par shes pa mi rtag pa dang / bde ba dang / sdug bsngal ba dang / bdag yod pa dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa'i bar gyi tshig bla dgas mi dmigs par shes rab kyi pha rol du phyin pa la bslab par bya'o/ /rab 'byor khyod kyis 'di lta ste/ byang chub sems dpa' zhes bgyi ba'i chos de bdag gis yang dag par rjes su ma mthong ngo zhes de skad ces zer ba yang rab 'byor chos kyis chos kyi dbyings yang dag par rjes su mi mthong ngo / /chos kyi dbyings kyis chos yang dag par rjes su mi mthong ngo // rab 'byor gzugs kyi khams kyis chos kyi dbyings yang dag par rjes su mi mthong ngo / /chos kyi dbyings kyis kyang gzugs kyi khams yang dag par rjes su mi mthong ngo / /rab 'byor de bzhin du tshor ba'i khams dang / 'du shes kyi khams dang / 'du byed kyi khams dang / rnam par shes pa'i khams kyis chos kyi dbyings yang dag par rjes su mi mthong ngo / /chos kyi dbyings kyis kyang rnam par shes pa'i khams yang dag par rjes su mi mthong ngo / /mig gi khams kyi chos kyi dbyings yang dag par</font><hr>34.69b<br><font size=+1>

rjes su mi mthong ngo / /de bzhin du rna ba'i khams dang / sna'i khams dang / lce'i khams dang / lus kyi khams dang / yid kyi khams kyis chos kyi dbyings yang dag par rjes su mi mthong ngo / /chos kyi dbyings kyis kyang yid kyi khams yang dag par rjes su mi mthong ngo / /rab 'byor 'dus byas kyi khams kyis 'dus ma byas kyi khams yang dag par rjes su mi mthong ngo / /'dus ma byas kyi khams kyis kyang 'dus byas kyi khams yang dag par rjes su mi mthong ngo / /de ci'i phyir zhe na/ 'dus byas la ma gtogs par yang 'dus ma byas gdags par mi nus la/ 'dus ma byas la ma gtogs par yang 'dus byas gdags par mi nus pa'i phyir ro/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pas chos gang yang yang dag par rjes su mi mthong ste/ yang dag par rjes su ma mthong bas/ mi skrag mi dngang zhing dngang bar mi 'gyur te/ chos gang la yang de'i sems mi zhum mi 'gong zhing / de'i yid 'gyod par yang mi 'gyur ro/ /de ci'i phyir zhe na/ rab 'byor 'di ltar byang chub sems dpa' sems dpa' chen po shes rab kyi pha rol du phyin pa la spyod pas gzugs yang dag par rjes su mi mthong / tshor ba dang / 'du shes dang / 'du byed rnams dang / rnam par shes pa yang dag par rjes su mi mthong / mig yang dag par rjes su mi mthong / rna ba dang / sna dang / lce dang / lus dang / yid yang dag par rjes su mi mthong / gzugs yang dag par rjes su mi mthong / sgra dang / dri dang / ro dang / reg bya dang / chos yang dag par rjes su mi mthong / ma rig pa yang dag par rjes su mi mthong / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi yang dag par rjes su mi mthong / 'dod chags yang dag par rjes su mi mthong / zhe sdang dang / gti mug yang dag par rjes su mi mthong / bdag yang dag par rjes su mi mthong / sems can dang / srog dang / gso ba dang / skyes bu dang / gang zag dang / skye ba</font><hr>34.70a<br><font size=+1>

po dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po yang dag par rjes su mi mthong / 'dod pa'i khams yang dag par rjes su mi mthong / gzugs kyi khams dang / gzugs med pa'i khams yang dag par rjes su mi mthong / nyan thos dang / nyan thos kyi chos rnams yang dag par rjes su mi mthong / rang sangs rgyas dang / rang sangs rgyas kyi chos rnams yang dag par rjes su mi mthong / byang chub sems dpa' yang dag par rjes su mi mthong / byang chub sems dpa'i chos rnams yang dag par rjes su mi mthong / sangs rgyas yang dag par rjes su mi mthong / sangs rgyas kyi chos rnams yang dag par rjes su mi mthong / byang chub yang dag par rjes su mi mthong / chos thams cad kyi bar du yang dag par rjes su mi mthong ba'i phyir ro/ /de chos thams cad yang dag par rjes su ma mthong bas/ mi skrag mi dngang zhing dngang bar mi 'gyur ro/ /rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa ci'i slad du chos thams cad la sems mi zhum mi 'gong ba lags/ bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen pos sems dang sems las byung ba'i chos rnams mi dmigs shing yang dag par rjes su mi mthong ste/ rab 'byor de'i phyir byang chub sems dpa' sems dpa' chen po shes rab kyi pha rol du phyin pa la spyod pa/ chos thams cad la sems zhum par mi 'gyur zhing 'gong bar mi 'gyur ro/ /rab 'byor gyis gsol pa/ bcom ldan 'das ji ltar na/ byang chub sems dpa' sems dpa' chen po'i yid skrag par mi 'gyur ba lags/ bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen pos sems dang sems kyi chos rnams dang / yid dang yid kyi chos rnams mi dmigs shing yang dag par rjes su mi mthong ste/ rab 'byor de ltar na byang chub sems dpa' sems dpa' chen po'i yid skrag par mi</font><hr>34.70b<br><font size=+1>

'gyur ro/ /rab 'byor byang chub sems dpa' sems dpa' chen pos de ltar chos thams cad mi dmigs pas shes rab kyi pha rol du phyin pa la spyad par bya'o/ /rab 'byor byang chub sems dpa' sems dpa' chen pos shes rab kyi pha rol du phyin pa la spyod pa gal te shes rab kyi pha rol du phyin pa mi dmigs shing / byang chub sems dpa' de dang / byang chub sems dpa'i ming de dang / byang chub kyi sems de yang mi dmigs na/ 'di nyid byang chub sems dpa' sems dpa' chen po'i shes rab kyi pha rol du phyin pa la gdams pa yin te/ 'di nyid rjes su bstan pa yin no/ /shes rab kyi pha rol du phyin pa khri brgyad stong pa las/ rab 'byor gyi le'u zhes bya ste/ drug pa'o// // de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gzugs yongs su rtogs par 'tshal bas shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po tshor ba dang / 'du shes dang / 'du byed rnams dang / rnam par shes pa yongs su rtogs par 'tshal bas shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po mig yongs su rtogs par 'tshal bas shes rab kyi pha rol du phyin pa la bslab par bgyi'o/ /de bzhin du byang chub sems dpa' sems dpa' chen po/ rna ba dang / sna dang / lce dang / lus dang / yid yongs su rtogs par 'tshal bas/ shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po gzugs yongs su rtogs par 'tshal bas/ shes rab kyi pha rol du phyin pa la bslab par bgyi'o/ /de bzhin du byang chub sems dpa' sems dpa' chen po sgra dang / dri dang / ro dang / reg bya dang / chos yongs su rtogs par 'tshal bas shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po mig</font><hr>34.71a<br><font size=+1>

gi rnam par shes pa yongs su rtogs par 'tshal bas shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po yid kyi rnam par shes pa'i bar du yongs su rtogs par 'tshal bas/ shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po mig gi 'dus te reg pa yongs su rtogs par 'tshal ba dang / yid kyi 'dus te reg pa'i bar du yongs su rtogs par 'tshal bas shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po mig gi 'dus te reg pa las byung ba'i tshor ba yongs su rtogs par 'tshal ba dang / yid kyi 'dus te reg pa las byung ba'i tshor ba'i bar du yongs su rtogs par 'tshal bas/ shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po ma rig pa yongs su rtogs par 'tshal bas shes rab kyi pha rol du phyin pa la bslab par bgyi'o/ /de bzhin du byang chub sems dpa' sems dpa' chen po 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi yongs su rtogs par 'tshal bas shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po 'dod chags dang / zhe sdang dang / gti mug spang bar 'tshal bas shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po 'jig tshogs la lta ba spang bar 'tshal ba dang / the tshom dang / tshul khrims dang / brtul zhugs mchog tu 'dzin pa dang / 'dod pa'i 'dod chags dang / gnod sems spang bar 'tshal ba dang / 'dod pa'i 'dod chags dang / gzugs kyi 'dod chags dang / gzugs med pa'i 'dod chags yongs su rtogs par 'tshal ba dang / kun du sbyor ba dang / bag la nyal dang / kun nas ldang ba rnams spang bar 'tshal</font><hr>34.71b<br><font size=+1>

bas/ shes rab kyi pha rol du phyin pa la bslab par bgyi'o/ /gzhan yang byang chub sems dpa' sems dpa' chen po sbyor ba bzhi dang / chu bo bzhi dang / mdud pa bzhi dang / len pa bzhi dang / phyin ci log bzhi'i bar du spang bar 'tshal bas/ shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po mi dge ba'i las kyi lam bcu spang bar 'tshal bas shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po dge ba bcu'i las kyi lam yongs su rdzogs par bgyi bar 'tshal bas shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po sbyin pa'i pha rol du phyin pa yongs su rdzogs par bgyi bar 'tshal bas shes rab kyi pha rol du phyin pa la bslab par bgyi'o/ /de bzhin du byang chub sems dpa' sems dpa' chen po tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bgyi bar 'tshal bas shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar bzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / so so yang dag par rig pa bzhi dang / mi 'jigs pa bzhi dang / mngon par shes pa drug dang / de bzhin gshegs pa'i stobs bcu dang / sangs rgyas kyi chos ma 'dres pa bcwo brgyad yongs su rdzogs par bgyi bar 'tshal bas/ shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po byang chub kyi yan lag yod pa'i ting nge 'dzin la snyoms par 'jug par 'tshal bas shes rab kyi pha rol du phyin pa la</font><hr>34.72a<br><font size=+1>

bslab par bgyi'o/ /byang chub sems dpa' sems dpa' chen po seng ge rnam par rtse ba'i ting nge 'dzin la snyoms par 'jug par 'tshal ba dang / seng ge rnam par bsgyings pa'i ting nge 'dzin la snyoms par 'jug par 'tshal ba dang / gzungs kyi sgo dang / ting nge 'dzin gyi sgo thams cad thob par 'tshal ba dang / dpa' bar 'gro ba'i ting nge 'dzin la snyoms par 'jug par 'tshal ba dang / rin chen phyag rgya'i ting nge 'dzin dang / zla ba'i 'od kyi ting nge 'dzin dang / zla ba'i rgyal mtshan tog gi ting nge 'dzin dang / chos thams cad kyi phyag rgyar gyur pa'i ting nge 'dzin dang / kun du lta ba'i phyag rgya'i ting nge 'dzin dang / chos kyi dbyings su nges pa'i ting nge 'dzin dang / nges pa'i rgyal mtshan tog gi ting nge 'dzin dang / rdo rje lta bu'i ting nge 'dzin dang / chos thams cad la 'jug pa'i sgo'i ting nge 'dzin dang / ting nge 'dzin gyi rgyal po'i ting nge 'dzin dang / rgyal po'i phyag rgya'i ting nge 'dzin dang / dpung bkod pa'i ting nge 'dzin dang / yang dag par 'phags pa'i ting nge 'dzin dang / chos thams cad kyi nges pa'i tshig la gdon mi za bar 'jug pa'i ting nge 'dzin dang / chos thams cad shes pa'i bzod pa la 'jug pa'i ting nge 'dzin dang / phyogs bcur rnam par lta ba'i ting nge 'dzin dang / chos thams cad kyi gzungs kyi sgo'i phyag rgya'i ting nge 'dzin dang / chos thams cad brjed pa med pa'i ting nge 'dzin dang / chos thams cad yang dag par 'du ba'i rnam pa'i phyag rgya'i ting nge 'dzin dang / nam mkha'i gnas la gnas pa'i ting nge 'dzin dang / 'khor gsum yongs su dag pa'i ting nge 'dzin dang / mngon par shes pa mi nyams pa'i ting nge 'dzin dang / snod du gyur pa'i ting nge 'dzin dang / rgyal mtshan gyi rtse mo'i dpung rgyan gyi ting nge 'dzin dang / nyon mongs pa thams cad nges par sreg pa'i ting nge 'dzin dang / bdud bzhi'i dpung stobs nges par med par byed pa'i ting nge 'dzin dang / ye shes sgron ma'i ting nge 'dzin dang / stobs bcu'i stobs kyis 'phags pa'i ting nge 'dzin dang / nam mkha' ltar chags pa</font><hr>34.72b<br><font size=+1>

med pas rnam par grol zhing gos pa med pa'i ting nge 'dzin la snyoms par 'jug par 'tshal bas/ shes rab kyi pha rol du phyin pa la bslab par bgyi'o/ /byang chub sems dpa' sems dpa' chen po ting nge 'dzin gyi sgo de dag dang / gzhan dag kyang thob par 'tshal bas shes rab kyi pha rol du phyin pa la bslab par bgyi'o/ /shes rab kyi pha rol du phyin pa khri brgyad stong pa/ bam po drug pa/ bcom ldan 'das gzhan yang byang chub sems dpa' sems dpa' chen po sems can thams cad kyi bsam pa yongs su rdzogs par bgyi bar 'tshal bas shes rab kyi pha rol du phyin pa la bslab par bgyi'o/ /bcom ldan 'das gzhan yang byang chub sems dpa' sems dpa' chen po dge ba'i rtsa ba gang dag yongs su rdzogs pas ngan song rnams su mi ltung ba dang / rigs dma' ba rnams su mi skye ba dang / nyan thos dang / rang sangs rgyas kyi sar mi ltung ba dang / byang chub sems dpa'i skyon gyi spyi gtsug tu mi ltung ba'i dge ba'i rtsa ba thams cad yongs su rdzogs par bgyi bar 'tshal bas shes rab kyi pha rol du phyin pa la bslab par bgyi'o/ /de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor ji ltar na byang chub sems dpa'i skyon gyi spyi gtsug tu ltung ba yin/ rab 'byor gyis smras pa/ tshe dang ldan pa shA ri'i bu byang chub sems dpa' sems dpa' chen po thabs la mi mkhas pas pha rol du phyin pa drug la spyod cing / thabs la mi mkhas pas stong pa nyid dang / mtshan ma med pa dang / smon pa med pa'i ting nge 'dzin la brten te nyan thos kyi sa dang / rang sangs rgyas kyi sar yang mi ltung la/ byang chub sems dpa'i skyon med par yang mi 'jug pa 'di ni byang chub sems dpa'i skyon zhes bya'o/ /shA ri'i bus smras pa/ tshe dang ldan pa rab 'byor ci'i phyir/ 'di byang chub sems dpa' sems dpa' chen po'i skyon du 'gyur/ rab 'byor gyis smras pa/ tshe dang ldan pa shA ri'i bu byang chub</font><hr>34.73a<br><font size=+1>

sems dpa' sems dpa' chen po'i skyon zhes bya ba ni 'di lta ste/ chos la sred pa'o/ /shA ri'i bus smras pa/ tshe dang ldan pa rab 'byor chos la sred pa gang yin/ rab 'byor gyis smras pa/ tshe dang ldan pa shA ri'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa na gzugs la stong zhes bya bar mngon par zhen cing gnas te/ kun du shes pa dang / de bzhin du tshor ba dang / 'du shes dang / 'du byed rnams dang / rnam par shes pa la stong zhes bya bar mngon par zhen cing gnas te/ kun du shes pa de ni tshe dang ldan pa shA ri'i bu byang chub sems dpa' sems dpa' chen po'i 'thun pa'i chos la sred pa ste/ skyon zhes bya'o/ /tshe dang ldan pa shA ri'i bu gzhan yang byang chub sems dpa' gzugs la mi rtag ces bya bar mngon par zhen cing gnas te kun du shes pa dang / gzugs sdug bsngal ba dang / bdag med pa dang mi sdug pa dang zhi ba dang / stong pa dang / mtshan ma med pa dang / smon pa med pa zhes bya bar mngon par zhen cing gnas te kun du shes pa de ni tshe dang ldan pa shA ri'i bu byang chub sems dpa'i 'thun pa'i chos la sred pa ste skyon no/ /de bzhin du tshor ba dang / 'du shes dang / 'du byed rnams dang / rnam par shes pa la mi rtag ces bya bar mngon par zhen cing gnas te kun du shes pa dang / sdug bsngal ba dang / bdag med pa dang / mi sdug pa dang / zhi ba dang / stong pa dang / mtshan ma med pa dang / smon pa med pa zhes bya bar mngon par zhen cing gnas te kun du shes pa de ni tshe dang ldan pa shA ri'i bu byang chub sems dpa'i rjes su 'thun pa'i chos la sred pa ste skyon no/ /gal te 'di ltar gzugs spang bar bya'o/ /'dis gzugs spang bar bya'o/ /'di ltar tshor ba dang / 'du shes dang / 'du byed rnams dang / rnam par shes pa spang bar bya'o/ /'dis spang bar bya'o/ /'di ltar sdug bsngal yongs su shes par bya'o/ /'dis sdug bsngal ba yongs su shes par bya'o/ /'di ltar kun 'byung ba spang bar bya'o/ /'dis kun</font><hr>34.73b<br><font size=+1>

'byung ba spang bar bya'o/ /'di ltar 'gog pa mngon sum du bya'o/ /'dis 'gog pa mngon sum du bya'o/ /'di ltar lam bsgom par bya'o/ /'dis lam bsgom par bya'o/ /'di ni kun nas nyon mongs pa'o/ /'di ni rnam par byang ba'o/ /chos 'di dag ni bsten par bya ba'o/ /chos 'di dag ni bsten par mi bya ba'o/ /'di la ni byang chub sems dpas spyad par bya'o/ /'di la ni spyad par mi bya'o/ /'di ni byang chub sems dpa'i lam mo/ /'di ni lam ma yin no/ /'di ni byang chub sems dpa'i bslab pa'o/ /'di ni bslab pa ma yin no/ /'di ni byang chub sems dpa'i sbyin pa'i pha rol du phyin pa'o/ /'di ni tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa'o/ /'di ni byang chub sems dpa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa ma yin no/ /'di ni byang chub sems dpa'i thabs la mkhas pa'o/ /'di ni thabs la mkhas pa ma yin no/ /'di ni byang chub sems dpa'i skyon med pa'o/ /'di ni skyon no zhes bya bar chos de dag la mngon par zhen cing gnas te kun du shes na/ de ni byang chub sems dpa' sems dpa' chen po'i 'thun pa'i chos la sred pa ste skyon no/ /shA ri'i bus smras pa/ tshe dang ldan pa rab 'byor byang chub sems dpa' sems dpa' chen po'i skyon med pa gang yin/ rab 'byor gyis smras pa/ tshe dang ldan pa shA ri'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa nang stong pa nyid la phyi stong pa nyid yang dag par rjes su mi mthong / phyi stong pa nyid la nang stong pa nyid yang dag par rjes su mi mthong / phyi nang stong pa nyid la stong pa nyid stong pa nyid yang dag par rjes su mi mthong / stong pa nyid stong pa nyid la phyi nang stong pa nyid yang dag par rjes su mi mthong / stong pa nyid stong pa nyid la chen po stong pa nyid yang dag par rjes su mi mthong / chen po stong pa nyid la stong pa nyid stong pa nyid yang dag par rjes su</font><hr>34.74a<br><font size=+1>

mi mthong / chen po stong pa nyid la don dam pa stong pa nyid yang dag par rjes su mi mthong / don dam pa stong pa nyid la chen po stong pa nyid yang dag par rjes su mi mthong / don dam pa stong pa nyid la 'dus byas stong pa nyid yang dag par rjes su mi mthong / 'dus byas stong pa nyid la don dam pa stong pa nyid yang dag par rjes su mi mthong / 'dus byas stong pa nyid la 'dus ma byas stong pa nyid yang dag par rjes su mi mthong / 'dus ma byas stong pa nyid la 'dus byas stong pa nyid yang dag par rjes su mi mthong / 'dus ma byas stong pa nyid la thog ma dang tha ma med pa stong pa nyid yang dag par rjes su mi mthong / thog ma dang tha ma med pa stong pa nyid la 'dus ma byas stong pa nyid yang dag par rjes su mi mthong / thog ma dang tha ma med pa stong pa nyid la dor ba med pa stong pa nyid yang dag par rjes su mi mthong / dor ba med pa stong pa nyid la thog ma dang tha ma med pa stong pa nyid yang dag par rjes su mi mthong / dor ba med pa stong pa nyid la rang bzhin gyis stong pa nyid yang dag par rjes su mi mthong / rang bzhin gyis stong pa nyid la dor ba med pa stong pa nyid yang dag par rjes su mi mthong / rang bzhin gyis stong pa nyid la rang gi mtshan nyid stong pa nyid yang dag par rjes su mi mthong / rang gi mtshan nyid stong pa nyid la rang bzhin gyis stong pa nyid yang dag par rjes su mi mthong / rang gi mtshan nyid stong pa nyid la chos thams cad stong pa nyid yang dag par rjes su mi mthong / chos thams cad stong pa nyid la rang gi mtshan nyid stong pa nyid yang dag par rjes su mi mthong / chos thams cad stong pa nyid la dngos po med pa stong pa nyid yang dag par rjes su mi mthong / dngos po med pa stong pa nyid la chos thams cad stong pa nyid yang dag par rjes su mi mthong / dngos po med pa stong pa nyid la ngo bo nyid stong pa nyid yang dag par rjes su mi mthong / ngo bo nyid stong pa nyid la dngos po med pa stong pa nyid yang dag par rjes su mi mthong / ngo bo nyid stong pa nyid la dngos po med pa'i ngo bo nyid stong pa nyid yang dag par rjes su mi mthong / dngos po med pa'i ngo bo nyid stong pa nyid la</font><hr>34.74b<br><font size=+1>

ngo bo nyid stong pa nyid yang dag par rjes su mi mthong ste/ tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod na/ byang chub sems dpa'i skyon med pa la 'jug pa yin no/ /tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la de ltar slob pas gzugs shes par bya ste/ des rlom sems su yang mi bya'o/ /tshor ba dang / 'du shes dang / 'du byed rnams dang / rnam par shes pa shes par bya ste/ des rlom sems su yang mi bya'o/ /mig dang / rna ba dang / sna dang / lce dang / lus dang / yid shes par bya ste/ des rlom sems su yang mi bya'o/ /gzugs dang / sgra dang / dri dang / ro dang / reg bya dang / chos rnams shes par bya ste/ des rlom sems su yang mi bya'o/ /sbyin pa'i pha rol du phyin pa shes par bya ste/ des rlom sems su yang mi bya'o/ /tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa shes par bya ste/ de dag gis rlom sems su yang mi bya'o/ /bsam gtan dang / tshad med pa dang / gzugs med pa'i snyoms par 'jug pa rnams shes par bya ste/ de dag gis rlom sems su yang mi bya'o/ /de bzhin du mngon par shes pa lnga dang / mig lnga dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad po dag shes par bya ste/ de dag gis rlom sems su yang mi bya'o/ /tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pas byang chub kyi sems kyis kyang rlom sems su mi bya'o/ /mi mnyam pa dang mnyam pa'i sems dang / rlabs po che'i sems kyis kyang rlom sems su mi bya'o/ /de ci'i phyir zhe na/ 'di ltar sems de sems ma yin te/ sems kyi rang</font><hr>34.75a<br><font size=+1>

bzhin 'od gsal ba'i phyir ro/ /shA ri'i bus smras pa/ tshe dang ldan pa rab 'byor sems kyi rang bzhin 'od gsal ba gang yin/ rab 'byor gyis smras pa/ tshe dang ldan pa shA ri'i bu sems gang 'dod chags dang ldan pa yang ma yin/ bral ba yang ma yin/ zhe sdang dang / gti mug dang ldan pa yang ma yin/ bral ba yang ma yin/ kun nas ldang ba rnams dang / sgrib pa rnams dang / bag la nyal ba rnams dang / kun du sbyor ba rnams dang lta bar gyur pa rnams dang / nyan thos dang / rang sangs rgyas kyi sems rnams dang ldan pa yang ma yin/ bral ba yang ma yin pa ste/ tshe dang ldan pa shA ri'i bu de ni byang chub sems dpa' sems dpa' chen po'i sems kyi rang bzhin 'od gsal ba'o/ /shA ri'i bus smras pa/ tshe dang ldan pa rab 'byor sems gang la sems ma yin no zhes bya ba'i sems de yod dam/ rab 'byor gyis smras pa/ tshe dang ldan pa shA ri'i bu ci gang sems ma yin pa de la yod pa 'am med pa dmigs pa 'am yod par 'gyur 'am/ shA ri'i bus smras pa/ tshe dang ldan pa rab 'byor de ni med do/ /rab 'byor gyis smras pa/ tshe dang ldan pa shA ri'i bu gal te sems ma yin pa de la yod pa 'am med pa med cing mi dmigs na/ tshe dang ldan pa shA ri'i bu khyod kyis 'di skad smras te/ sems gang la sems ma yin pa zhes bya ba'i sems de yod dam zhes brgal zhing brtag pa 'di ji ga rigs sam/ shA ri'i bus smras pa/ tshe dang ldan pa rab 'byor sems ma yin pa de gang yin/ rab 'byor gyis smras pa/ tshe dang ldan pa shA ri'i bu sems ma yin pa ni 'gyur ba med cing rnam par mi rtog pa ste/ de ni chos thams cad kyi de bzhin nyid de/ 'di ni sems ma yin pa bsam gyis mi khyab pa zhes bya'o/ /shA ri'i bus smras pa/ tshe dang ldan pa rab 'byor ji ltar sems 'gyur ba med cing rnam par rtog pa med pa de bzhin du gzugs kyang 'gyur ba med cing rnam par rtog pa med pa yin nam/ de bzhin du tshor ba dang / 'du shes dang / 'du byed rnams dang / rnam par shes pa yang 'gyur ba med cing rnam par rtog pa med pa yin nam/ ji ltar</font><hr>34.75b<br><font size=+1>

sems 'gyur ba med cing rnam par rtog pa med pa de bzhin du mig gi khams dang / gzugs kyi khams dang / mig gi rnam par shes pa'i khams kyang 'gyur ba med cing rnam par rtog pa med dam/ de bzhin du rna ba'i khams dang / sna'i khams dang / lce'i khams dang / lus kyi khams dang / yid kyi khams dang / chos kyi khams dang / yid kyi rnam par shes pa'i khams kyang 'gyur ba med cing rnam par rtog pa med dam/ de bzhin du skye mched rnams dang / rten cing 'brel bar 'byung ba dang / pha rol du phyin pa rnams dang / mngon par shes pa rnams dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang mi 'jigs pa dang / so so yang dag par rig pa dang / stobs dang / sangs rgyas kyi chos ma 'dres pa dang / bla na med pa yang dag par rdzogs pa'i byang chub kyang 'gyur ba med cing rnam par rtog pa med pa yin nam/ rab 'byor gyis smras pa/ tshe dang ldan pa shA ri'i bu de de bzhin te/ ji ltar sems 'gyur ba med cing rnam par rtog pa med pa de bzhin du phung po dang khams dang / skye mched dang / rten cing 'brel par 'byung ba dang / pha rol du phyin pa dang / mngon par shes pa dang / byang chub kyi phyogs kyi chos rnams dang stobs dang / mi 'jigs pa dang / sangs rgyas kyi chos ma 'dres pa dang / bla na med pa yang dag par rdzogs pa'i byang chub kyi bar yang 'gyur ba med cing rnam par rtog pa med do/ /shA ri'i bus smras pa/ tshe dang ldan pa rab 'byor legs so legs so/ /'di lta ste khyod ni bcom ldan 'das kyi sras thugs las skyes pa/ zhal nas skyes pa/ chos las skyes pa/ chos kyis sprul pa/ chos kyi bgo skal la spyod pa/ zang zing gi bgo skal la spyod pa ma yin pa/ chos rnams la mngon sum gyi mig dang ldan pa lus mngon sum du gyur pa ste nyan thos nyon mongs pa med par gnas pa rnams kyi mchog tu bcom ldan 'das kyis gsungs te/ bstan pa 'di'ang de'i tshul dang 'dra'o/ /</font><hr>34.76a<br><font size=+1>

tshe dang ldan pa rab 'byor byang chub sems dpa' sems dpa' chen pos kyang shes rab kyi pha rol du phyin pa la de ltar bslab par bya'o/ /byang chub sems dpa' sems dpa' chen po phyir mi ldog pa yang 'di las yongs su shes par bya'o/ /de ltar na byang chub sems dpa' sems dpa' chen po shes rab kyi pha rol du phyin pa dang ma bral bar shes par bya'o/ /tshe dang ldan pa rab 'byor byang chub sems dpa' sems dpa' chen po nyan thos kyi sa la slob par 'dod pas kyang bsgrims te/ shes rab kyi pha rol du phyin pa 'di nyid mnyan par bya/ gzung bar bya/ bcang bar bya/ klag par bya/ kun chub par bya/ tshul bzhin du yid la bya'o/ /byang chub sems dpa' sems dpa' chen po rang sangs rgyas kyi sa dang / byang chub sems dpa'i sa dang / sangs rgyas kyi sa la slob par 'dod pas kyang bsgrims te/ shes rab kyi pha rol du phyin pa 'di nyid mnyan par bya gzung bar bya/ bcang bar bya/ klag par bya/ kun chub par bya/ tshul bzhin du yid la bya'o/ /de ci'i phyir zhe na/ 'di ltar byang chub sems dpa' sems dpa' chen po rnams kyis nyan thos dang rang sangs rgyas dang / byang chub sems dpa' dang / sangs rgyas kyi sa gang dag la bslab par bya ba'i theg pa gsum po dag shes rab kyi pha rol du phyin pa 'di las rgya cher bstan pa'i phyir ro/ /shes rab kyi pha rol du phyin pa khri brgyad stong pa las/ skyon med pa la 'jug pa'i le'u zhes bya ste/ bdun pa'o// // de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das bdag gis byang chub sems dpa' dang / shes rab kyi pha rol du phyin pa ma 'tshal ma dmigs yang dag par rjes su ma mthong na/ byang chub sems dpa' gang zhig shes rab kyi pha rol du phyin pa gang la gdams shing rjes su bstan par bgyi/ bcom ldan 'das bdag gis dngos po ma 'tshal ma dmigs yang dag par rjes su ma mthong ste/ bcom ldan 'das bdag gis</font><hr>34.76b<br><font size=+1>

dngos po ma 'tshal ma dmigs yang dag par rjes su ma mthong bzhin du chos gang gis chos gang la gdams shing rjes su bstan par bgyi ste/ 'di nyid bdag gi 'gyod par 'gyur lags so/ /bcom ldan 'das 'di ltar bdag gis chos thams cad ma 'tshal ma dmigs yang dag par rjes su ma mthong na/ byang chub sems dpa' zhes bgyi ba 'am/ shes rab kyi pha rol du phyin pa zhes bgyi ba'i ming tsam gyis ji ltar 'phel ba dang 'grib par bgyi ste/ 'di nyid bdag gi 'gyod par 'gyur lags so/ /bcom ldan 'das ming de yang gnas pa ma mchis thug pa ma mchis pa lags so/ /de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis pa lags so/ /bcom ldan 'das bdag gis gzugs kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis tshor ba dang / 'du shes dang / 'du byed rnams dang / rnam par shes pa'i 'phel ba dang 'grib pa ma dmigs yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das rnam grangs des ming de yang gnas pa ma mchis thug pa ma mchis pa lags so/ /de ci'i slad du zhe na/ ming de ma mchis pas/ de ltar na ming de gnas pa ma mchis thug pa ma mchis pa lags so/ /bcom ldan 'das bdag gis mig gi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis rna ba dang / sna dang lce dang / lus dang / yid kyi 'phel ba dang 'grib pa ma dmigs yang dag par rjes su ma mthong / de bzhin du khams dang / skye mched dang / rten cing 'brel bar 'byung ba rnams kyi 'phel ba dang 'grib pa ma dmigs yang dag par rjes su ma mthong na/ byang chub sems dpa' zhes ji ltar ming du gdags par bgyi/ bcom ldan 'das gzugs kyi ming dang / tshor ba dang / 'du shes dang / 'du byed rnams dang / rnam par shes pa dang / mig dang / rna ba dang / sna dang / lce dang lus dang / </font><hr>34.77a<br><font size=+1>

yid kyi ming de dag ni gnas pa ma mchis/ thug pa ma mchis pa lags so/ /de ci'i slad du zhe na/ ming de dag ma mchis pas de ltar na ming de gnas pa ma mchis/ thug pa ma mchis pa lags so/ /bcom ldan 'das bdag gis mig gi rnam par shes pa'i 'phel ba dang 'grib pa ma dmigs yang dag par rjes su ma mthong / bcom ldan 'das bdag gis rna ba dang / sna dang / lce dang / lus dang / yid kyi rnam par shes pa'i 'phel ba dang 'grib pa ma dmigs yang dag par rjes su ma mthong ste/ bcom ldan 'das bdag gis mig gi rnam par shes pa dang / rna ba dang / sna dang / lce dang / lus dang / yid kyi rnam par shes pa ma dmigs yang dag par rjes su ma mthong bzhin du/ ji ltar byang chub sems dpa' zhes ming du gdags par bgyi/ bcom ldan 'das ming gang lags pa de yang gnas pa ma mchis thug pa ma mchis pa lags so/ /de ci'i slad du zhe na/ ming de ma mchis pas/ de ltar na ming de gnas pa ma mchis thug pa ma mchis pa lags so/ /bcom ldan 'das bdag gis mig gi 'dus te reg pa dang / rna ba dang sna dang lce dang lus dang / yid kyi 'dus te reg pa dang / mig gi 'dus te reg pa'i rkyen gyis tshor ba'i 'phel ba dang 'grib pa ma dmigs yang dag par rjes su ma mthong / bcom ldan 'das bdag gis rna ba dang / sna dang / lce dang / lus dang / yid kyi 'dus te reg pa'i rkyen gyis tshor ba'i 'phel ba dang / 'grib pa ma dmigs yang dag par rjes su ma mthong / bcom ldan 'das bdag gis sa'i khams kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis ma</font><hr>34.77b<br><font size=+1>

rig pa'i 'phel ba dang / 'grib pa ma dmigs yang dag par rjes su ma mthong / bcom ldan 'das bdag gis 'du byed rnams dang / rnam par shes pa dang ming dang gzugs dang / skye mched drug dang / reg pa dang / tshor ba dang sred pa dang / len pa dang / srid pa dang / skye ba dang / rga shi'i 'phel ba dang / 'grib pa ma dmigs yang dag par rjes su ma mthong / bcom ldan 'das bdag gis 'dod chags dang zhe sdang dang gti mug gi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis kun nas ldang ba rnams dang / sgrib pa rnams dang / bag la nyal ba rnams dang / kun du sbyor ba rnams kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis lta ba'i rnam pa drug bcu rtsa gnyis kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis bdag gi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis sems can dang / srog dang / gso ba dang / skyes bu dang / gang zag dang / skye ba po dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po rnams kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis sbyin pa'i pha rol du phyin pa'i 'phel ba dang 'grib pa ma dmigs yang dag par rjes su ma mthong / bcom ldan 'das bdag gis tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa'i 'phel ba dang 'grib pa ma dmigs yang dag par rjes su ma mthong / bcom ldan 'das bdag gis stong pa nyid thams cad kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis dran pa nye bar gzhag pa rnams kyi 'phel ba</font><hr>34.78a<br><font size=+1>

dang 'grib pa ma dmigs yang dag par rjes su ma mthong / bcom ldan 'das de bzhin du bdag gis yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis rnam par thar pa'i sgo stong pa nyid dang / mtshan ma med pa dang / smon pa med pa'i 'phel ba dang / 'grib pa ma dmigs yang dag par rjes su ma mthong bcom ldan 'das bdag gis bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi po dag gi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong pa rjes su dran pa dang / lha rjes su dran pa dang / lus su gtogs pa rjes su dran pa dang / skyo ba rjes su dran pa dang / dbugs rngub pa dang / 'byung ba rjes su dran pa dang / 'chi ba rjes su dran pa'i 'phel ba dang 'grib pa ma dmigs yang dag par rjes su ma mthong / bcom ldan 'das bdag gis mig lnga dang / mngon par shes pa drug dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi 'phel ba dang 'grib pa ma dmigs yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis thug pa ma mchis pa lags so/ /de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis pa lags so/ /bcom ldan 'das bdag gis rmi lam lta bu'i nye bar len pa'i phung po lnga po dag gi 'phel ba dang</font><hr>34.78b<br><font size=+1>

'grib pa ma dmigs yang dag par rjes su ma mthong / bcom ldan 'das bdag gis sgyu ma lta bu dang / smig rgyu lta bu dang / dri za'i grong khyer lta bu dang / brag cha lta bu dang / mig yor lta bu dang / gzugs brnyan lta bu dang / sprul pa lta bu'i phung po lnga po dag gi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis dben pa dang / zhi ba dang / skye ba ma mchis pa dang / 'gag pa ma mchis pa dang / 'byung ba ma mchis pa dang / mngon par 'du bgyi ba ma mchis pa dang / kun nas nyon mongs pa ma mchis pa dang / rnam par byang ba ma mchis pa'i 'phel ba dang 'grib pa ma dmigs yang dag par rjes su ma mthong / bcom ldan 'das bdag gis de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings kyi 'phel ba dang 'grib pa ma dmigs yang dag par rjes su ma mthong / bcom ldan 'das de bzhin du bdag gis dge ba dang / mi dge ba rnams dang / kha na ma tho ba dang bcas pa dang / kha na ma tho ba ma mchis pa rnams dang / zag pa dang bcas pa dang / zag pa ma mchis pa rnams dang / nyon mongs pa dang bcas pa dang / nyon mongs pa ma mchis pa rnams dang / 'jig rten pa dang / 'jig rten las 'das pa rnams dang / 'dus byas dang / 'dus ma byas rnams dang / kun nas nyon mongs pa dang / rnam par byang ba rnams dang / 'khor ba pa rnams dang / mya ngan las 'das pa'i chos rnams kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis 'das pa dang ma 'ongs pa dang / da ltar byung ba'i chos rnams kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis bcom ldan 'das kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis</font><hr>34.79a<br><font size=+1>

shar phyogs kyi 'jig rten gyi khams gang gA'i klung gi bye ma snyed dag na de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/ byang chub sems dpa'i tshogs dang bcas pa bzhugs pa rnams kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi 'jig rten gyi khams gang gA'i klung gi bye ma snyed dag na/ de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/ byang chub sems dpa'i tshogs dang bcas pa bzhugs pa rnams kyi 'phel ba dang 'grib pa ma dmigs yang dag par rjes su ma mthong na byang chub sems dpa' gang zhig /shes rab kyi pha rol du phyin pa gang la gdams shing rjes su bstan par bgyi/ bcom ldan 'das ming de yang gnas pa ma mchis/ thug pa ma mchis pa lags so/ /de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis pa lags so/ /bcom ldan 'das 'di ltar bdag gis chos thams cad kyi de bzhin nyid kyi 'phel ba dang 'grib pa ma dmigs yang dag par rjes su ma mthong / chos thams cad kyi de bzhin nyid kyi ming de yang ma dmigs yang dag par rjes su ma mthong na/ byang chub sems dpa' gang zhig shes rab kyi pha rol du phyin pa gang la gdams shing rjes su bstan par bgyi/ bcom ldan 'das de bzhin nyid kyi ming de yang gnas pa ma mchis thug pa ma mchis pa lags so/ /de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis pa lags so/ /bcom ldan 'das 'di lta ste/ gang yang byang chub sems dpa' zhes chos nyid kyi brdar gdags pa de yang phung po rnams sam/ khams rnams sam/ skye mched rnams sam/ sangs rgyas kyi chos ma 'dres pa rnams kyi bar du gang du yang brjod</font><hr>34.79b<br><font size=+1>

du ma mchis te/ chos su gdags pa tsam du bas lags so/ /bcom ldan 'das 'di lta ste/ rmi lam zhes bgyi ba'i ming ni gang gis kyang brjod du ma mchis pa lags so/ /sgyu ma dang brag cha dang / mig yor dang / smig rgyu dang / chu zla dang / sprul pa zhes bgyi ba'i ming ni gang gis kyang brjod du ma mchis pa lags so/ /nam mkha' zhes bgyi ba'i ming ni gang gis kyang brjod du ma mchis pa lags so/ /de bzhin du sa dang / chu dang / me dang / rlung zhes bgyi ba'i ming ni gang gis kyang brjod du ma mchis pa lags so/ /'di lta ste/ de bzhin nyid ces bgyi ba'i ming ni gang gis kyang brjod du ma mchis pa lags so/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' zhes bgyi ba'i ming ni gang gis kyang brjod du ma mchis pa lags so/ /sbyin pa'i pha rol du phyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa'i ming ni gang gis kyang brjod du ma mchis pa lags so/ /tshul khrims shes bgyi ba dang / ting nge 'dzin ces bgyi ba dang / shes rab ces bgyi ba dang / rnam par grol ba zhes bgyi ba dang / rnam par grol ba'i ye shes mthong ba zhes bgyi ba'i ming ni gang gis kyang brjod du ma mchis pa lags so/ /rgyun du zhugs pa zhes bgyi ba'i ming ni gang gis kyang brjod du ma mchis pa lags so/ /rgyun du zhugs pa'i chos rnams shes bgyi ba'i ming dang / lan cig phyir 'ong ba zhes bgyi ba dang / phyir mi 'ong ba zhes bgyi ba dang / dgra bcom pa zhes bgyi ba dang / rang sangs rgyas shes bgyi ba dang byang chub sems dpa' zhes bgyi ba dang / byang chub sems dpa'i chos rnams shes bgyi ba'i ming dang / sangs rgyas shes bgyi ba'i ming dang / sangs rgyas kyi chos rnams shes bgyi ba'i ming ni dge ba 'am/ mi dge ba 'am/ lung bstan du mchis pa 'am/ lung du ma bstan pa 'am/ kha na ma tho ba dang</font><hr>34.80a<br><font size=+1>

bcas pa 'am/ kha na ma tho ba ma mchis pa 'am/ rtag pa 'am/ mi rtag pa 'am/ bde ba 'am/ sdug bsngal ba 'am/ bdag gam/ bdag ma mchis pa 'am/ zhi ba 'am/ ma zhi ba 'am/ dben pa 'am/ mi dben pa 'am/ dngos po 'am/ dngos po ma mchis pa gang gis kyang brjod du ma mchis te/ bcom ldan 'das bdag gis don gyi dbang 'di mthong bas 'di skad du bdag gis chos thams cad kyi 'phel ba dang 'grib pa ma dmigs yang dag par rjes su ma mthong bzhin du/ 'di lta ste/ byang chub sems dpa' zhes bgyi ba 'am/ shes rab kyi pha rol du phyin pa zhes bgyi bar ming du gdags pa ni bdag gis 'gyod par 'gyur ba lags so zhes gsol to/ /bcom ldan 'das ming de yang gnas pa ma mchis thug pa ma mchis pa lags so/ /de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis pa lags so/ /bcom ldan 'das gal te byang chub sems dpa' la shes rab kyi pha rol du phyin pa brjod pa'i tshe/ sems zhum par mi 'gyur/ kun du zhum par mi 'gyur la 'gyod par mi 'gyur zhing / mi skrag /mi dngang la/ dngang bar mi 'gyur na/ byang chub sems dpa' sems dpa' chen po de ni phyir mi ldog pa'i sa la mi gnas pa'i tshul gyis gnas nas rnam pa thams cad mkhyen pa nyid du nges par 'byung bar rig par bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pas gzugs la gnas par mi bgyi'o/ /tshor ba dang / 'du shes dang / 'du byed rnams dang / rnam par shes pa la gnas par mi bgyi'o/ /des mig la gnas par mi bgyi'o/ /rna ba dang / sna dang / lce dang / lus dang / yid la gnas par mi bgyi'o/ /des gzugs la gnas par mi bgyi'o/ /sgra dang dri dang ro dang reg bya dang / chos la gnas par mi bgyi'o/ /des mig gi rnam par shes pa la gnas par mi bgyi'o/ /rna ba dang / sna dang / lce dang / lus dang / yid kyi rnam par shes pa la gnas par mi bgyi'o/ /des mig gi 'dus</font><hr>34.80b<br><font size=+1>

te reg pa la gnas par mi bgyi'o/ /mig gi 'dus te reg pa'i rkyen gyis tshor ba la gnas par mi bgyi'o/ /rna ba dang / sna dang / lce dang / lus dang / yid kyi 'dus te reg pa la gnas par mi bgyi'o/ /yid kyi 'dus te reg pa'i rkyen gyis tshor ba la gnas par mi bgyi'o/ /des sa'i khams la gnas par mi bgyi'o/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la gnas par mi bgyi'o/ /des ma rig pa la gnas par mi bgyi'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la gnas par mi bgyi'o/ /de ci'i slad du zhe na/ bcom ldan 'das 'di ltar gzugs ni gzugs kyis stong zhing / tshor ba dang / 'du shes dang / 'du byed rnams dang / rnam par shes pa ni rnam par shes pas stong pa'i slad du'o/ /bcom ldan 'das gzugs kyi stong pa nyid gang lags pa de gzugs ma lags la/ gzugs las gud na yang stong pa nyid ma mchis te/ gzugs nyid kyang stong pa nyid lags/ stong pa nyid kyang gzugs lags so/ /bcom ldan 'das tshor ba'i stong pa nyid gang lags pa de tshor ba ma lags la/ tshor ba las gud na yang stong pa nyid ma mchis te/ tshor ba nyid kyang stong pa nyid lags/ stong pa nyid kyang tshor ba lags so/ /bcom ldan 'das 'du shes kyi stong pa nyid gang lags pa de 'du shes ma lags la/ 'du shes las gud na yang stong pa nyid ma mchis te/ 'du shes nyid kyang stong pa nyid lags/ stong pa nyid kyang 'du shes lags so/ /bcom ldan 'das 'du byed rnams kyi stong pa nyid gang lags pa de 'du byed rnams ma lags la/ 'du byed rnams las gud na yang stong pa nyid ma mchis te/ 'du byed rnams nyid kyang stong pa nyid lags/ stong pa nyid kyang 'du byed rnams lags so/ /bcom ldan 'das rnam par shes pa'i stong pa nyid gang lags pa de</font><hr>34.81a<br><font size=+1>

rnam par shes pa ma lags la/ rnam par shes pa las gud na yang stong pa nyid ma mchis te/ rnam par shes pa nyid kyang stong pa nyid lags/ stong pa nyid kyang rnam par shes pa lags so/ /bcom ldan 'das rnam grangs des na byang chub sems dpa' sems dpa' chen po shes rab kyi pha rol du phyin pa la spyod pas gzugs la gnas par mi bgyi'o/ /tshor ba dang / 'du shes dang / 'du byed rnams dang / rnam par shes pa la gnas par mi bgyi'o/ /khams dang / skye mched rnams la yang de bzhin du sbyar ro/ /sa'i khams ni sa'i khams kyis stong ste/ sa'i khams kyi stong pa nyid gang lags pa de sa'i khams ma lags la/ sa'i khams las gud na yang stong pa nyid ma mchis te/ sa'i khams nyid kyang stong pa nyid lags/ stong pa nyid kyang sa'i khams lags so/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni rnam par shes pa'i khams kyis stong ste/ rnam par shes pa'i khams kyi stong pa nyid gang lags pa de rnam par shes pa'i khams ma lags la/ rnam par shes pa'i khams las gud na yang stong pa nyid ma mchis te/ rnam par shes pa'i khams nyid kyang stong pa nyid lags/ stong pa nyid kyang rnam par shes pa'i khams lags so/ /ma rig pa ni ma rig pas stong ste/ ma rig pa'i stong ba nyid gang lags pa de ma rig pa ma lags la/ ma rig pa las gud na yang stong pa nyid ma mchis te/ ma rig pa nyid kyang stong pa nyid lags/ stong pa nyid kyang ma rig pa lags so/ /'du byed dang / rnam par shes pa dang / ming dang gzugs dang / skye mched drug dang / reg pa dang tshor ba dang sred pa dang / len pa dang / srid pa dang / skye ba dang / rga shi ni rga shis stong ste/ rga shi'i stong pa nyid gang lags pa de rga shi ma lags la/ rga shi las gud na yang stong pa nyid ma mchis te/ rga shi nyid kyang stong pa nyid lags/ stong pa nyid</font><hr>34.81b<br><font size=+1>

kyang rga shi lags so/ /bcom ldan 'das rnam grangs des na byang chub sems dpa' sems dpa' chen po shes rab kyi pha rol du phyin pa la spyod pas/ ma rig pa dang rga shi'i bar la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ dran pa nye bar gzhag pa rnams la gnas par mi bgyi'o/ /de ci'i slad du zhe na/ bcom ldan 'das 'di ltar dran pa nye bar gzhag pa rnams ni dran pa nye bar gzhag pas stong ste/ bcom ldan 'das dran pa nye bar gzhag pa rnams kyi stong pa nyid gang lags pa de dran pa nye bar gzhag ba rnams ma lags la dran pa nye bar gzhag pa rnams las gud na yang stong pa nyid ma mchis te/ dran pa nye bar gzhag pa rnams nyid kyang stong ba nyid lags/ stong pa nyid kyang dran pa nye bar gzhag pa rnams lags pa'i slad du'o/ /bcom ldan 'das rnam grangs des na byang chub sems dpa' sems dpa' chen po shes rab kyi pha rol du phyin pa la spyod pas dran pa nye bar gzhag pa rnams la gnas par mi bgyi'o/ /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma ma mchis pa dang / smon pa ma mchis pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams la gnas par mi bgyi'o/ /de ci'i slad du zhe na/ 'di ltar sangs rgyas kyi chos ma 'dres pa ni sangs rgyas kyi chos ma 'dres pas stong ste/ sangs rgyas kyi chos ma 'dres pa rnams kyi stong pa nyid gang lags pa de sangs rgyas kyi chos ma 'dres pa rnams ma lags la/ </font><hr>34.82a<br><font size=+1>

sangs rgyas kyi chos ma 'dres pa rnams las gud na yang stong pa nyid ma mchis te/ sangs rgyas kyi chos ma 'dres pa rnams nyid kyang stong pa nyid lags/ stong pa nyid kyang sangs rgyas kyi chos ma 'dres pa rnams lags pa'i slad du'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pas/ sangs rgyas kyi chos ma 'dres pa rnams la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ sbyin pa'i pha rol du phyin pa la gnas par mi bgyi'o/ /de ci'i slad du zhe na/ bcom ldan 'das 'di ltar sbyin pa'i pha rol du phyin pa ni/ sbyin pa'i pha rol du phyin pas stong ste/ bcom ldan 'das sbyin pa'i pha rol du phyin pa'i stong pa nyid gang lags pa de sbyin pa'i pha rol du phyin pa ma lags la sbyin pa'i pha rol du phyin pa las gud na yang stong pa nyid ma mchis te/ sbyin ba'i pha rol du phyin pa nyid kyang stong pa nyid lags/ stong pa nyid kyang sbyin pa'i pha rol du phyin pa lags pa'i slad du'o/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas par mi bgyi'o/ /de ci'i slad du zhe na/ bcom ldan 'das 'di ltar shes rab kyi pha rol du phyin pa ni shes rab kyi pha rol du phyin pas stong ste/ bcom ldan 'das shes rab kyi pha rol du phyin pa'i stong pa nyid gang lags pa de shes rab kyi pha rol du phyin pa ma lags la/ shes rab kyi pha rol du phyin pa las gud na yang stong pa nyid ma mchis te/ shes rab kyi pha rol du phyin pa nyid kyang stong pa nyid lags/ stong pa nyid kyang shes rab kyi pha rol du phyin pa lags pa'i slad du'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha</font><hr>34.82b<br><font size=+1>

rol du phyin pa la spyod pas/ shes rab kyi pha rol du phyin pa la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pas yi ge rnams la gnas par mi bgyi'o/ /yi ge mngon par bsgrub pa rnams la gnas par mi bgyi'o/ /gcig brjod pa dang / gnyis brjod pa dang / tha dad pa brjod pa la gnas par mi bgyi'o/ /de ci'i slad du zhe na/ bcom ldan 'das 'di ltar yi ge rnams ni yi ge rnams kyis stong ste/ bcom ldan 'das yi ge rnams kyi stong pa nyid gang lags pa de yi ge rnams ma lags la/ yi ge rnams las gud na yang stong pa nyid ma mchis te/ yi ge rnams nyid kyang stong pa nyid lags/ stong pa nyid kyang yi ge rnams lags pa'i slad du'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pas/ yi ge rnams la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la sbyod pas/ gzugs mi rtag go zhes bgyi bar gnas par mi bgyi'o/ /tshor ba dang / 'du shes dang / 'du byed rnams dang / rnam par shes pa mi rtag go zhes bgyi bar gnas par mi bgyi'o/ /de ci'i slad du zhe na/ bcom ldan 'das de ltar gzugs mi rtag pa ni gzugs mi rtag pa'i ngo bo nyid kyis stong ste/ mi rtag pa nyid kyi stong pa nyid gang lags pa de mi rtag pa nyid ma lags la/ stong pa nyid las gud na yang mi rtag pa nyid ma mchis te/ mi rtag pa nyid kyang stong pa nyid lags/ stong pa nyid kyang mi rtag pa nyid lags pa'i slad du'o/ /bcom ldan 'das rnam grangs des na byang chub sems dpa' sems dpa' chen po shes rab kyi pha rol du phyin pa la spyod pas gzugs mi rtag ces bgyi bar gnas par mi bgyi'o/ /de bzhin du tshor ba dang / 'du shes dang / 'du byed rnams dang / rnam par shes pa mi rtag ces</font><hr>34.83a<br><font size=+1>

bgyi bar gnas par mi bgyi'o/ /de ci'i slad du zhe na/ bcom ldan 'das rnam par shes pa mi rtag pa ni rnam par shes pa mi rtag pa'i ngo bo nyid kyis stong ste/ mi rtag pa nyid kyi stong pa nyid gang lags pa de mi rtag pa nyid ma lags la/ stong pa nyid las gud na yang mi rtag pa nyid ma mchis te/ mi rtag pa nyid kyang stong pa nyid lags/ stong pa nyid kyang mi rtag pa nyid lags pa'i slad du'o/ /bcom ldan 'das rnam grangs des na byang chub sems dpa' sems dpa' chen po shes rab kyi pha rol du phyin pa la spyod pas rnam par shes pa la gnas par mi bgyi'o/ /de bzhin du gzugs sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / dben pa zhes bgyi bar gnas par mi bgyi'o/ /de bzhin du tshor ba dang / 'du shes dang / 'du byed rnams dang / rnam par shes pa sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / dben pa zhes bgyi bar gnas par mi bgyi'o/ /de ci'i slad du zhe na/ bcom ldan 'das 'di ltar rnam par shes pa'i dben pa ni rnam par shes pa'i dben pas stong ste/ rnam par shes pa'i dben pa nyid gang lags pa de rnam par shes pa ma lags la/ rnam par shes pa las gud na yang dben pa nyid ma mchis te/ rnam par shes pa nyid kyang dben pa nyid lags dben pa nyid kyang rnam par shes pa lags pa'i slad du'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pas/ rnam par shes pa dben zhes bgyi bar gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ de bzhin nyid la gnas par mi bgyi'o/ /de ci'i slad du zhe na/ bcom ldan 'das 'di ltar de bzhin nyid ni de bzhin nyid kyis stong ste/ bcom</font><hr>34.83b<br><font size=+1>

ldan 'das de bzhin nyid kyi stong pa nyid gang lags pa de de bzhin nyid ma lags la/ stong pa nyid las gud na yang de bzhin nyid ma mchis te/ de bzhin nyid kyang stong pa nyid lags/ stong pa nyid kyang de bzhin nyid lags pa'i slad du'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pas de bzhin nyid la gnas par mi bgyi'o/ /de bzhin du chos nyid dang / chos kyi dbyings dang / chos skyon med pa nyid dang / yang dag pa'i mtha' la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pas gzungs kyi sgo thams cad la gnas par mi bgyi'o/ /de ci'i slad du zhe na/ 'di ltar gzungs kyi sgo ni gzungs kyi sgos stong ste/ bcom ldan 'das gzungs kyi sgo'i stong pa nyid gang lags pa de gzungs kyi sgo ma lags la/ stong pa nyid las gud na yang gzungs kyi sgo ma mchis te/ gzungs kyi sgo nyid kyang stong pa nyid lags/ stong pa nyid kyang gzungs kyi sgo lags pa'i slad du'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pas/ gzungs kyi sgo thams cad la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pa thabs la mi mkhas pas gal te ngar 'dzin pa dang / nga yir 'dzin par lhung ba'i yid kyis gzugs la gnas na/ de gzugs mngon par 'du bgyi ba la spyod pa lags kyi/ shes rab kyi pha rol du phyin pa la spyod pa ma lags so/ /gal te tshor ba dang / 'du shes dang / 'du byed rnams dang / rnam par shes pa la gnas na/ de rnam par shes pa mngon par 'du bgyi ba la spyod pa lags kyi shes rab kyi pha rol du phyin pa la spyod pa ma lags so/ /de ci'i slad du zhe na/ mngon par 'du</font><hr>34.84a<br><font size=+1>

bgyi ba la spyod pa'i byang chub sems dpa' sems dpa' chen po ni shes rab kyi pha rol du phyin pa la sgom pa ma lags/ shes rab kyi pha rol du phyin pa yongs su 'dzin pa ma lags/ shes rab kyi pha rol du phyin pa'i rnal 'byor la snyoms par 'jug pa ma lags te/ shes rab kyi pha rol du phyin pa yongs su rdzogs par ma gyur par rnam pa thams cad mkhyen pa nyid du nges bar 'byung bar mi 'gyur ba'i slad du'o/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa thabs la mi mkhas pas/ gal te ngar 'dzin pa dang / nga yir 'dzin par lhung ba'i yid kyis gzungs kyi sgo rnams la gnas na/ de mngon par 'du bgyi ba la spyod pa lags kyi shes rab kyi pha rol du phyin pa la spyod pa ma lags so/ /de ci'i slad du zhe na/ mngon par 'du bgyi ba la spyod ba'i byang chub sems dpa' sems dpa' chen po ni shes rab kyi pha rol du phyin pa la sgom pa ma lags/ shes rab kyi pha rol du phyin pa yongs su 'dzin pa ma lags/ shes rab kyi pha rol du phyin pa'i rnal 'byor la snyoms par 'jug pa ma lags te/ shes rab kyi pha rol du phyin pa yongs su rdzogs par ma gyur par rnam pa thams cad mkhyen pa nyid du nges par 'byung bar mi 'gyur ba'i slad du'o/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa thabs la mi mkhas pas gal te ngar 'dzin pa dang / nga yir 'dzin par lhung ba'i yid kyis de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang chos skyon med pa nyid dang / yang dag ba'i mtha' la gnas na/ de mngon par 'du bgyi ba la spyod pa lags kyi/ shes rab kyi pha rol du phyin pa la spyod pa ma lags so/ /de ci'i slad du zhe na/ mngon par 'du bgyi ba la spyod pa'i byang chub sems dpa' sems dpa' chen po ni shes rab kyi pha rol du phyin pa la sgom pa ma lags/ shes rab kyi pha rol du phyin pa yongs su</font><hr>34.84b<br><font size=+1>

'dzin pa ma lags/ shes rab kyi pha rol du phyin pa'i rnal 'byor la snyoms par 'jug pa ma lags te/ shes rab kyi pha rol du phyin pa yongs su rdzogs par ma gyur par rnam pa thams cad mkhyen pa nyid du nges par 'byung bar mi 'gyur ba'i slad du'o/ /de ci'i slad du zhe na/ bcom ldan 'das 'di ltar gzugs ni yongs su bzung ba ma mchis/ tshor ba dang 'du shes dang / 'du byed rnams dang / rnam par shes pa ni yongs su bzung ba ma mchis pa'i slad du'o/ /de ci'i slad du zhe na/ gzugs kyi yongs su bzung ba ma mchis pa gang lags pa de rang bzhin gyis stong pa nyid lags pas/ gzugs ma lags shing / tshor ba dang / 'du shes dang / 'du byed rnams dang / rnam par shes pa'i yongs su bzung ba ma mchis pa gang lags pa de/ rang bzhin gyis stong pa nyid lags pas rnam par shes pa ma lags pa'i slad du'o/ /yang dag pa'i mtha'i bar ni yongs su gzung ba ma mchis pa lags so/ /de ci'i slad du zhe na/ yang dag pa'i mtha'i yongs su bzung ba ma mchis pa gang lags pa de ni rang bzhin gyis stong pa nyid lags pas yang dag pa'i mtha' ma lags pa'i slad du'o/ /shes rab kyi pha rol du phyin pa de yang rang bzhin gyis stong pa'i slad du yongs su bzung ba ma mchis pa lags so/ /bcom ldan 'das byang chub sems dpa' sems dpa' chen po shes rab kyi pha rol du phyin pa la de ltar spyod pas chos thams cad rang bzhin gyis stong par brtag par bgyi ste/ ci nas chos gang la yang yid rnam par rgyu bar mi 'gyur ba de ltar yongs su brtag par bgyi'o/ /bcom ldan 'das 'di ni byang chub sems dpa' sems dpa' chen po'i ting nge 'dzin gyi dkyil 'khor chos thams cad yongs su ma bzung ba zhes bgyi ste/ rgya che ba phul du bgyi ba/ tshad ma mchis pa/ nges pa mi 'phrogs pa/ nyan thos dang / rang sangs rgyas thams cad dang thun mong ma lags pa ste/ ting nge 'dzin gyi dkyil 'khor de la gnas pa'i byang chub sems dpa' sems dpa' chen po ni rnam pa thams cad mkhyen pa nyid du nges par 'byung bar 'gyur lags so/ /rnam pa thams cad</font><hr>34.85a<br><font size=+1>

mkhyen pa nyid de yang nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin gyis stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi slad du yongs su bzung ba ma mchis pa lags so/ /de ci'i slad du zhe na/ de ni mtshan mar brjod pa ma lags te/ 'di ltar mtshan ma ni nyon mongs pa lags pa'i slad du'o/ /mtshan ma gang lags she na/ gzugs ni mtshan ma lags so/ /tshor ba dang / 'du shes dang / 'du byed rnams dang / rnam par shes pa ni mtshan ma lags so/ /mig ni mtshan ma lags so/ /rna ba dang / sna dang / lce dang / lus dang / yid ni mtshan ma lags so/ /gzugs ni mtshan ma lags so/ /sgra dang / dri dang / ro dang / reg bya dang / chos rnams ni mtshan ma lags so/ /mig gi rnam par shes pa ni mtshan ma lags so/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni mtshan ma lags so/ /mig gi 'dus te reg pa ni mtshan ma lags so/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni mtshan ma lags so/ /mig gi 'dus te reg pa las byung ba'i tshor ba ni mtshan ma lags so/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor</font><hr>34.85b<br><font size=+1>

ba ni mtshan ma lags so/ /sa'i khams ni mtshan ma lags so/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni mtshan ma lags so/ /ma rig pa ni mtshan ma lags so/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi ni mtshan ma lags so/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / pha rol du phyin pa rnams dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / stong pa nyid dang / mtshan ma ma mchis pa dang / smon pa ma mchis pa dang / mngon par 'du bgyi ba ma mchis pa dang / chos kyi dbyings dang / chos nyid dang / chos skyon med pa nyid dang / ting nge 'dzin gyi sgo dang / gzungs kyi sgo rnams ni mtshan ma lags so/ /yi ge rnams ni mtshan ma lags so/ /gcig brjod pa ni mtshan ma lags so/ /gnyis brjod pa ni mtshan ma lags so/ /tha dad pa brjod pa ni mtshan ma lags so/ /mngon par shes pa ni mtshan ma lags so/ /gzungs kyi sgo dang / ting nge 'dzin gyi sgo thams cad ni mtshan ma lags te/ de ni nyon mongs pa zhes bgyi'o/ /gal te shes rab kyi pha rol du phyin pa de mtshan mar gzung bar bgyi ba zhig lags na ni kun du rgyu bzo sbyangs de bstan pa 'dir thams cad mkhyen pa'i ye shes de la dad pa thob par mi 'gyur lags so/ /dad pa gang zhe na/ 'di lta ste shes rab kyi pha rol du phyin pa la yid ches pa dang / rtog pa dang / mos pa dang / rten pa dang / sems pa dang / 'jal ba dang / dpyod pa ste/ de yang mtshan ma'i tshul du ma lags/ mtshan ma ma mchis pa'i tshul du yang ma lags so/ /de ltar de ni mtshan ma dang / mtshan ma ma mchis pa dang / gzung</font><hr>34.86a<br><font size=+1>

ba ma mchis par bzung bar bgyi ba lags te/ kun du rgyu bzo sbyangs kyang thams cad mkhyen pa'i ye shes 'di la mos nas/ dad pas rjes su 'brang bas nyi tshe ba'i shes pas zhugs te/ de zhugs nas gzugs yongs su ma bzung / de bzhin du tshor ba dang / 'du shes dang / 'du byed rnams dang / rnam par shes pa yongs su ma bzung lags so/ /de ci'i slad du zhe na/ 'di ltar des rang gi mtshan nyid kyis stong pa'i chos thams cad la yongs su 'dzin pa po ma dmigs pa'i slad du'o/ /deyang ci'i slad du zhe na/ 'di ltar des shes pa de thob pa dang / mngon par rtogs pa lags par nang du yang dag par rjes su ma mthong / phyi rol du yang dag par rjes su ma mthong / shes pa de thob pa dang / mngon par rtogs pa lags par phyi nang du yang dag par rjes su ma mthong / shes pa de thob pa dang mngon par rtogs pa lags par gzhan du yang yang dag par rjes su ma mthong ba'i slad du'o/ /de ci'i slad du zhe na/ 'di ltar des gang gis rtogs par bgyid pa dang / gang rtogs par bgyid pa dang / gang rtogs par bgyi ba'i chos de ma dmigs yang dag par rjes su ma mthong ste/ shes pa de gzugs kyi nang du yang dag par rjes su ma mthong / shes pa de tshor ba dang / 'du shes dang / 'du byed rnams dang / rnam par shes pa'i nang du yang dag par rjes su ma mthong / shes pa de gzugs kyi phyi rol du yang dag par rjes su ma mthong / shes pa de tshor ba dang / 'du shes dang / 'du byed rnams dang / rnam par shes pa'i phyi rol du yang dag par rjes su ma mthong / shes pa de gzugs kyi nang dang phyi rol du yang dag par rjes su ma mthong / shes pa de tshor ba dang / 'du shes dang / 'du byed rnams dang / rnam par shes pa'i nang dang phyi rol du yang dag par rjes su ma mthong / phyi nang stong pa nyid kyi slad du shes pa de gzugs las gzhan du yang dag par rjes su ma mthong / shes pa de tshor ba dang / 'du shes dang / 'du byed rnams dang / rnam par shes pa las gzhan du</font><hr>34.86b<br><font size=+1>

yang yang dag par rjes su ma mthong ba'i slad du'o/ /de bzhin du shes pa de yang dag pa'i mtha'i bar gyi nang du yang dag par rjes su ma mthong / shes pa de yang dag pa'i mtha'i phyi rol du yang dag par rjes su ma mthong / shes pa de yang dag pa'i mtha'i phyi nang du yang dag par rjes su ma mthong / phyi nang stong pa nyid kyi slad du shes pa de yang dag pa'i mtha' las gzhan du yang dag par rjes su ma mthong ba'i slad du'o/ /rnam grangs 'di la kun du rgyu bzo sbyangs mos par gyur te/ de 'dir mos nas dad pas rjes su 'brang bas chos nyid tshad mar bgyi ste/ chos thams cad mi dmigs pa'i slad du/ rnam pa thams cad mkhyen pa nyid kyi ye shes la zhugs par gyur te/ de de ltar mos nas/ des chos gang yang mtshan ma ma mchis par yid la bgyid pa'i slad du chos gang yang yongs su gzung ba ma mchis lags so/ /chos thams cad gzung du ma mchis pa dang / gtang du ma mchis pa'i slad du/ des gang yongs su gzung bar bgyi ba 'am/ gtang bar bgyi ba'i chos gang yang ma dmigs te/ chos thams cad la rlom sems ma mchis pa'i slad du de ni mya ngan las 'das pas kyang rlom sems su 'gyur ba ma mchis lags so/ /bcom ldan 'das chos thams cad yongs su gzung ba ma mchis pa'i slad du gang gzugs yongs su mi 'dzin pa dang / tshor ba dang / 'du shes dang / 'du byed rnams dang / rnam par shes pa yongs su mi 'dzin pa dang / chos thams cad yongs su bzung ba ma mchis pa'i slad du yang dag pa'i mtha'i bar du yongs su mi 'dzin pa de ni gzhan gyi pha rol du mchi bas/ byang chub sems dpa' sems dpa' chen po'i shes rab kyi pha rol du phyin pa lags so/ /de ni smon lam dag yongs su ma rdzogs shing / sangs rgyas kyi chos ma 'dres pa bcwa brgyad kyi bar dag yongs su ma rdzogs kyi bar du bar ma dor yongs su mya ngan las mi 'da' lags so/ /de ci'i slad du zhe na/ smon lam de dag smon lam ma lags/ stobs de dag stobs ma lags/ mi 'jigs</font><hr>34.87a<br><font size=+1>

pa de dag mi 'jigs pa ma lags/ so so yang dag par rig pa de dag so so yang dag par rig pa ma lags shing / sangs rgyas kyi chos ma 'dres pa rnams kyi bar du sangs rgyas kyi chos rnams ma lags te/ de dag ni chos kyang ma lags/ chos ma lags pa yang ma lags pa'i slad du'o/ /bcom ldan 'das chos thams cad yongs su bzung ba ma mchis pa'i slad du gang gzugs yongs su mi 'dzin pa dang / yang dag pa'i mtha'i bar du yongs su mi 'dzin pa de ni gzhan gyi pha rol du mchi bas/ byang chub sems dpa' sems dpa' chen po'i shes rab kyi pha rol du phyin pa lags so/ /shes rab kyi pha rol du phyin pa khri brgyad stong pa/ bam po bdun pa/ bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ 'di ltar yongs su brtag par bgyi ste/ shes rab kyi pha rol du phyin pa 'di ni gang / shes rab kyi pha rol du phyin pa 'di ni gang gi /shes rab kyi pha rol du phyin pa 'di ni ci'i phyir shes rab kyi pha rol du phyin pa 'di ni ci zhig na zhes yongs su brtag par bgyi'o/ /de de ltar yongs su rtog cing / de ltar nges par sems pa'i tshe/ gal te chos ma mchis shing mi dmigs pa gang lags pa de shes rab kyi pha rol du phyin pa lags par yang dag par rjes su mthong na/ de legs par mthong ba lags te/ bcom ldan 'das 'di ltar chos thams cad ni ma mchis shing mi dmigs pa'i slad du'o/ /de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor chos gang dag med cing mi dmigs pa yin/ rab 'byor gyis smras pa/ tshe dang ldan pa shA ri'i bu nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa</font><hr>34.87b<br><font size=+1>

stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi phyir/ tshe dang ldan pa shA ri'i bu shes rab kyi pha rol du phyin pa med cing mi dmigs so/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa med cing mi dmigs so/ /tshe dang ldan pa shA ri'i bu nang stong pa nyid kyang med cing mi dmigs so/ /tshe dang ldan pa shA ri'i bu dngos po med pa'i ngo bo nyid stong pa nyid kyi bar yang med cing mi dmigs so/ /tshe dang ldan pa shA ri'i bu nang stong pa nyid dang / dngos po med pa'i ngo bo nyid stong pa nyid kyi bar gyi phyir gzugs med cing mi dmigs so/ /tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa med cing mi dmigs so/ /byang chub kyi phyogs kyi chos sum bcu rtsa bdun gyi bar du med cing mi dmigs so/ /mngon par shes pa med cing mi dmigs so/ /sangs rgyas kyi chos ma 'dres pa bcwa brgyad kyi bar du med cing mi dmigs so/ /tshe dang ldan pa shA ri'i bu de bzhin nyid med cing mi dmigs so/ /tshe dang ldan pa shA ri'i bu chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha'i bar du med cing mi dmigs so/ /tshe dang ldan pa shA ri'i bu rgyun du zhugs pa yang med cing mi dmigs so/ /tshe dang ldan pa shA ri'i bu dgra bcom pa dang rang sangs rgyas dang byang chub sems dpa' dang / sangs rgyas kyi bar du yang med cing mi dmigs so/ /nang stong pa nyid dang / dngos po med pa'i ngo bo nyid stong pa nyid kyi bar gyi phyir/ thams cad shes pa nyid kyang med cing mi dmigs so/ /tshe dang ldan pa shA ri'i bu rnam pa thams cad mkhyen pa nyid kyang med cing mi</font><hr>34.88a<br><font size=+1>

dmigs so/ /tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa gal te sems mi zhum mi 'gong la mi skrag mi dngang zhing dngang bar mi 'gyur na/ byang chub sems dpa' sems dpa' chen po de ni rnam pa thams cad mkhyen pa nyid dang ma bral bar rig par bya/ de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor ci'i phyir/ byang chub sems dpa' sems dpa' chen po rnam pa thams cad mkhyen pa nyid dang ma bral bar rig par bya'o/ /rab 'byor gyis smras pa/ tshe dang ldan pa shA ri'i bu gzugs ni gzugs kyi rang bzhin dang bral ba ste/ byang chub sems dpa' sems dpa' chen po shes rab kyi pha rol du phyin pa la spyod pas de yang dag pa ji lta ba bzhin du rab tu shes so/ /tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa ni rnam par shes pa'i rang bzhin dang bral ba'o/ /tshe dang ldan pa shA ri'i bu sbyin pa'i pha rol du phyin pa ni sbyin pa'i pha rol du phyin pa'i rang bzhin dang bral ba'o/ /tshe dang ldan pa shA ri'i bu tshul khrims kyi pha rol du phyin pa dang bzod pa'i pha rol du phyin pa dang brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni shes rab kyi pha rol du phyin pa'i rang bzhin dang bral ba'o/ /de bzhin du sbyar te/ tshe dang ldan pa shA ri'i bu sangs rgyas kyi chos ma 'dres pa bcwa brgyad ni sangs rgyas kyi chos kyi rang bzhin dang bral ba'o/ /yang dag pa'i mtha' ni yang dag pa'i mtha'i rang bzhin dang bral ba'o/ /shA ri'i bus smras pa/ tshe dang ldan pa rab 'byor gzugs kyi rang bzhin ji lta bu yin/ tshor ba dang / 'du shes dang / 'du byed rnams dang / rnam par shes pa'i rang bzhin ji lta bu yin/ tshe dang ldan pa rab 'byor yang dag pa'i mtha'i bar gyi rang bzhin ji lta bu yin/ rab 'byor gyis smras pa/ tshe dang ldan pa shA ri'i bu gzugs kyi rang bzhin ni dngos po med pa'o/ /</font><hr>34.88b<br><font size=+1>

tshor ba dang / 'du shes dang / 'du byed rnams dang / rnam par shes pa'i rang bzhin ni dngos po med pa'o/ /tshe dang ldan pa shA ri'i bu yang dag pa'i mtha'i bar gyi rang bzhin ni dngos po med pa ste/ tshe dang ldan pa shA ri'i bu rnam grangs des na/ 'di ltar gzugs ni gzugs kyi rang bzhin dang bral ba'o/ /tshor ba dang / 'du shes dang / 'du byed rnams dang / rnam par shes pa ni rnam par shes pa'i rang bzhin dang bral ba'o/ /de bzhin du yang dag pa'i mtha'i bar ni yang dag pa'i mtha'i rang bzhin dang bral bar rig par bya'o/ /tshe dang ldan pa shA ri'i bu gzhan yang gzugs ni gzugs kyi mtshan nyid dang bral ba'o/ /tshor ba dang / 'du shes dang / 'du byed rnams dang / rnam par shes pa ni rnam par shes pa'i mtshan nyid dang bral ba'o/ /de bzhin du yang dag pa'i mtha'i bar ni yang dag pa'i mtha'i mtshan nyid dang bral ba'o/ /mtshan nyid kyang mtshan nyid kyi rang bzhin dang bral ba'o/ /mtshan nyid kyi rang bzhin yang mtshan nyid kyi rang bzhin dang bral ba'o/ /shA ri'i bus smras pa tshe dang ldan pa rab 'byor byang chub sems dpa' sems dpa' chen po gang bslab pa 'di la slob pa de rnam pa thams cad mkhyen pa nyid du nges par 'byung bar 'gyur ram/ rab 'byor gyis smras pa/ tshe dang ldan pa shA ri'i bu de de bzhin no/ /de de bzhin te/ byang chub sems dpa' sems dpa' chen po gang bslab pa 'di la slob pa de ni rnam pa thams cad mkhyen pa nyid du nges par 'byung bar 'gyur ro/ /de ci'i phyir zhe na/ tshe dang ldan pa shA ri'i bu 'di ltar chos thams cad ma skyes shing byung ba med pa'i phyir ro/ /shA ri'i bus smras pa/ tshe dang ldan pa rab 'byor ci'i phyir chos thams cad ma skyes shing nges par byung ba med pa yin/ rab 'byor gyis smras pa/ tshe dang ldan pa shA ri'i bu gzugs ni gzugs kyis stong ste/ de la skye ba dang nges par 'byung ba mi dmigs so/ /de bzhin du tshor ba dang / 'du shes dang / 'du byed rnams dang / rnam par shes pa ni rnam par shes pas stong ste/ de la skye ba dang 'byung ba mi dmigs so/ /de bzhin du yang dag pa'i</font><hr>34.89a<br><font size=+1>

mtha'i bar ni yang dag pa'i mthas stong ste/ de la skye ba dang / nges par 'byung ba mi dmigs so/ /tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni bla na med pa yang dag par rdzogs pa'i byang chub dang nye ba yin no/ /de ji lta ji ltar bla na med pa yang dag par rdzogs pa'i byang chub dang nye bar gyur pa de lta de ltar lus yongs su dag pa dang / ngag yongs su dag pa dang / sems yongs su dag pa dang / mtshan yongs su dag pa thob par 'gyur ro/ /byang chub sems dpa' sems dpa' chen po ji lta ji ltar lus yongs su dag pa dang / ngag yongs su dag pa dang / sems yongs su dag pa dang / mtshan yongs su dag pa thob par 'gyur ba de lta de ltar 'dod chags dang ldan pa'i sems mi bskyed do/ /zhe sdang dang ldan pa dang / gti mug dang ldan pa dang / nga rgyal dang ldan pa dang / sgyu dang g.yo dang ldan pa dang / phrag dog dang / ser sna dang ldan pa dang / chags pa dang ldan pa dang / lta ba dang ldan pa'i sems mi bskyed do/ /de 'dod chags kyi sems mi bskyed cing / zhe sdang dang / gti mug dang / nga rgyal dang / sgyu dang / g.yo dang / phrag dog dang / ser sna dang / chags pa dang / lta ba dang ldan pa'i sems ma bskyed pas nam yang ma'i mngal du mi skye zhing / rtag par rgyun du rdzus te skye bar 'gyur ro/ /sems can yongs su smin par bya ba'i ched ma gtogs par nam yang ngan song rnams su mi skye'o/ /de sems can rnams yongs su smin par byed la/ sangs rgyas kyi zhing yongs su dag par byed cing / sangs rgyas kyi zhing nas sangs rgyas kyi zhing du 'gro ste/ bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang sangs rgyas bcom ldan 'das rnams dang bral bar mi 'gyur ro/ /tshe dang ldan pa shA ri'i bu de lta bas na/ byang chub sems dpa' sems dpa' chen po yon tan dang phan yon de dag thob par 'dod pas/ shes rab kyi pha rol du</font><hr>34.89b<br><font size=+1>

phyin pa 'di la brtson pa mi gtang bar spyad par bya ste/ tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni bla na med pa yang dag par rdzogs pa'i byang chub dang nye ba yin no/ /shes rab kyi pha rol du phyin pa khri brgyad stong pa las/ kun du rgyu bzo sbyangs kyi le'u zhes bya ste brgyad pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa gal te thabs la mi mkhas pas gzugs la spyod na mtshan ma la spyod pa lags te/ shes rab kyi pha rol du phyin pa la spyod pa ma lags so/ /tshor ba dang / 'du shes dang / 'du byed rnams dang / rnam par shes pa la spyod na/ mtshan ma la spyod pa lags te/ shes rab kyi pha rol du phyin pa la spyod pa ma lags so/ /gal te gzugs la rtag ces bgyi ba 'am mi rtag ces bgyi bar spyod na/ mtshan ma la spyod pa lags te/ shes rab kyi pha rol du phyin pa la spyod pa ma lags so/ /tshor ba dang / 'du shes dang / 'du byed rnams dang / rnam par shes pa la rtag ces bgyi ba 'am mi rtag ces bgyi bar spyod na mtshan ma la spyod pa lags te/ shes rab kyi pha rol du phyin pa la spyod pa ma lags so/ /gal te gzugs la bde zhes bgyi ba 'am sdug bsngal zhes bgyi bar spyod na mtshan ma la spyod pa lags/ gal te tshor ba dang / 'du shes dang / 'du byed rnams dang / rnam par shes pa la bde zhes bgyi ba 'am sdug bsngal zhes bgyi bar spyod na/ mtshan ma la spyod pa lags/ gal te gzugs la bdag ces bgyi ba 'am bdag ma mchis shes bgyi bar spyod na mtshan ma la spyod pa lags/ gal te tshor ba dang / 'du shes dang / 'du byed rnams dang / rnam par shes pa la bdag ces bgyi ba 'am/ bdag ma mchis</font><hr>34.90a<br><font size=+1>

zhes bgyi bar spyod na/ mtshan ma la spyod pa lags/ gal te gzugs la zhi zhes bgyi ba 'am/ ma zhi zhes bgyi bar spyod na mtshan ma la spyod pa lags/ gal te tshor ba dang / 'du shes dang / 'du byed rnams dang / rnam par shes pa la zhi zhes bgyi ba 'am ma zhi zhes bgyi bar spyod na/ mtshan ma la spyod pa lags/ gal te gzugs la dben zhes bgyi ba 'am mi dben zhes bgyi bar spyod na mtshan ma la spyod pa lags/ gal te tshor ba dang / 'du shes dang / 'du byed rnams dang / rnam par shes pa la dben zhes bgyi ba 'am mi dben zhes bgyi bar spyod na mtshan ma la spyod pa lags te/ shes rab kyi pha rol du phyin pa la spyod pa ma lags so/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa thabs la mi mkhas pas/ gal te byang chub kyi phyogs kyi chos sum bcu rtsa bdun la spyod na mtshan ma la spyod pa lags/ de bzhin du mngon par shes pa rnams dang / pha rol du phyin pa rnams dang / mig lnga dang / stobs rnams dang / mi 'jigs pa rnams dang / sangs rgyas kyi chos ma 'dres pa rnams kyi bar dag la spyod na mtshan ma la spyod pa lags te/ shes rab kyi pha rol du phyin pa la spyod pa ma lags so/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa gal te 'di snyam du bdag ni/ shes rab kyi pha rol du phyin pa la spyod do snyam du sems na/ dmigs pa la spyod pa lags te/ byang chub sems dpa' sems dpa' chen po de ni mtshan ma nyid la spyod pa lags so/ /bcom ldan 'das byang chub sems dpa' sems dpa' chen po gal te 'di snyam du gang de ltar spyod pa de ni shes rab kyi pha rol du phyin pa la spyod pa yin/ de ni shes rab kyi pha rol du phyin pa la sgom pa yin no snyam du sems na/ de mtshan ma nyid la spyod pa lags te/ de ni byang chub sems dpa' sems dpa' chen po'i thabs la mi mkhas par rig par bgyi ba lags so/ /shA ri'i bus smras pa/ </font><hr>34.90b<br><font size=+1>

tshe dang ldan pa rab 'byor ci'i phyir 'di byang chub sems dpa' sems dpa' chen po'i thabs la mi mkhas par rig par bya ba yin/ rab 'byor gyis smras pa/ tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa 'di ltar gzugs la gnas shing kun du shes te mos/ tshor ba dang / 'du shes dang / 'du byed rnams dang / rnam par shes pa la gnas shing kun du shes te mos na/ de gzugs mngon par 'du byed pa la spyod pa yin/ tshor ba dang / 'du shes dang / 'du byed rnams dang / rnam par shes pa mngon par 'du byed pa la spyod pa yin te/ de ni de'i skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa byed pa yin no/ /zhes kho bo smra'o/ /gzhan yang byang chub sems dpa' sems dpa' chen po shes rab kyi pha rol du phyin pa la spyod pa thabs la mi mkhas pas/ gal te mig la gnas shing kun du shes te mos/ rna ba dang / sna dang / lce dang / lus dang / yid la gnas shing kun du shes te mos/ gzugs la gnas shing kun du shes te mos/ sgra dang / dri dang / ro dang / reg bya dang / chos la gnas shing kun du shes te mos/ mig gi rnam par shes pa la gnas shing kun du shes te mos/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la gnas shing kun du shes te mos/ gal te mig gi 'dus te reg pa la gnas shing kun du shes te mos/ gal te rna ba dang / sna dang / lce dang / lus dang / yid kyi 'dus te reg pa la gnas shing kun du shes te mos/ gal te mig gi 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ sdug bsngal ba yang ma yin/ bde ba yang ma yin pa la gnas shing kun du shes te mos/ gal te rna ba dang / sna dang / lce dang / lus dang / yid kyi 'dus te reg pa'i rkyen gyis byung ba'i tshor ba bde ba 'am/ sdug</font><hr>34.91a<br><font size=+1>

bsngal ba 'am/ sdug bsngal ba yang ma yin/ bde ba yang ma yin pa la gnas shing kun du shes te mos/ gal te byang chub kyi phyogs kyi chos sum bcu rtsa bdun la gnas shing kun du shes te mos/ mig lnga dang / mngon par shes pa drug dang / pha rol du phyin pa drug dang / mi 'jigs pa bzhi dang / tshad med pa bzhi dang / bsam gtan bzhi dang / gzugs med pa'i snyoms par 'jug pa bzhi dang / de bzhin gshegs pa'i stobs bcu la gnas shing kun du shes te mos/ sangs rgyas kyi chos ma 'dres pa bcwa brgyad la gnas shing kun du shes te mos/ dgra bcom pa nyid dang / rang sangs rgyas dang / byang chub sems dpa' dang / sangs rgyas kyi chos rnams la gnas shing kun du shes te mos na/ mngon par 'du byed pa la spyod pa yin te/ mngon par 'du byed pa la spyod pa ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su mi 'thar zhing / sdug bsngal la sogs pa las yongs su mi 'grol lo zhes kho bo smra'o/ /tshe dang ldan pa shA ri'i bu byang chub sems dpa' de ni nyan thos kyi sa 'am/ rang sangs rgyas kyi sa mngon sum du bya ba'i skal ba yang med na/ de bla na med pa yang dag par rdzogs pa'i byang chub mngon par rdzogs par 'tshang rgya bar lta ga la 'gyur te/ de ni gnas med do/ /tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni thabs la mi mkhas par rig par bya'o/ /shA ri'i bus smras pa/ tshe dang ldan pa rab 'byor byang chub sems dpa' sems dpa' chen po shes rab kyi pha rol du phyin pa la ji ltar spyod na/ thabs mkhas par rig par bya/ rab 'byor gyis smras pa/ tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa gang gi tshe/ gzugs la mi spyod/ </font><hr>34.91b<br><font size=+1>

tshor ba dang / 'du shes dang / 'du byed rnams dang / rnam par shes pa la mi spyod/ gzugs kyi mtshan ma la mi spyod/ tshor ba dang / 'du shes dang / 'du byed rnams dang / rnam par shes pa'i mtshan ma la mi spyod/ gzugs rtag ces bya bar mi spyod/ de bzhin du gzugs mi rtag ces bya ba dang / bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya bar mi spyod/ tshor ba dang / 'du shes dang / 'du byed rnams dang / rnam par shes pa rtag ces bya ba dang / mi rtag ces bya ba dang / bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya bar mi spyod/ gzugs stong zhes bya bar mi spyod/ mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya bar mi spyod/ tshor ba dang / 'du shes dang / 'du byed rnams dang / rnam par shes pa stong zhes bya bar mi spyod/ mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya bar mi spyod/ gzugs dben zhes bya ba dang / mi dben zhes bya bar mi spyod/ tshor ba dang / 'du shes dang / 'du byed rnams dang / rnam par shes pa dben zhes bya bar mi spyod/ mi dben zhes bya bar mi spyod na/ tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni thabs la mkhas par rig par bya'o/ /de ci'i phyir zhe na/ tshe dang ldan pa shA ri'i bu 'di ltar gzugs kyi stong pa nyid gang yin pa de ni gzugs ma yin/ stong pa nyid las gud na yang gzugs med/ gzugs las gud na yang stong pa nyid med de/ gzugs nyid kyang stong pa nyid yin la stong pa nyid kyang gzugs yin pa dang / tshor ba dang / 'du shes dang / </font><hr>34.92a<br><font size=+1>

'du byed rnams dang / rnam par shes pa'i stong pa nyid gang yin pa de yang rnam par shes pa ma yin/ stong pa nyid las gud na yang rnam par shes pa med/ rnam par shes pa las gud na yang stong pa nyid med de/ rnam par shes pa nyid kyang stong pa nyid yin la stong pa nyid kyang rnam par shes pa yin pa'i phyir ro/ /tshe dang ldan pa shA ri'i bu de bzhin du/ khams rnams dang / skye mched rnams dang / rten cing 'brel par 'byung ba rnams dang / byang chub kyi phyogs kyi chos sum bcu rtsa bdun dang / pha rol du phyin pa rnams dang / mngon par shes pa rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyi bar gyi stong pa nyid gang yin pa de dag ni sangs rgyas kyi chos rnams ma yin/ stong pa nyid las gud na yang sangs rgyas kyi chos rnams med/ sangs rgyas kyi chos rnams las gud na yang stong pa nyid med de/ stong pa nyid kyang sangs rgyas kyi chos rnams yin la/ sangs rgyas kyi chos rnams kyang stong pa nyid yin pa'i phyir te/ tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni thabs la mkhas par rig par bya'o/ /tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ bla na med pa yang dag par rdzogs pa'i byang chub tu mngon par rdzogs par 'tshang rgya ba'i skal ba yod pa yin no/ /shes rab kyi pha rol du phyin pa la spyod pa de gal te chos 'ga' zhig khas len na/ shes rab kyi pha rol du phyin pa la spyod pa ma yin no/ /khas mi len na yang shes rab kyi pha rol du phyin pa la spyod pa ma yin no/ /khas len kyang len la/ khas mi len kyang mi len na yang shes rab kyi pha rol du phyin pa la spyod pa ma yin no/ /khas len pa yang ma yin/ khas mi len pa yang ma yin na yang shes rab kyi pha rol tu phyin pa la spyod pa ma yin no/ /shA ri'i bus smras pa/ </font><hr>34.92b<br><font size=+1>

tshe dang ldan pa rab 'byor byang chub sems dpa' shes rab kyi pha rol du phyin pa la spyod pas ci'i phyir khas mi len/ rab 'byor gyis smras pa/ tshe dang ldan pa shA ri'i bu 'di ltar shes rab kyi pha rol du phyin pa ngo bo nyid med cing mi dmigs pa'i phyir ro/ /de ci'i phyir zhe na/ tshe dang ldan pa shA ri'i bu 'di ltar shes rab kyi pha rol du phyin pa dngos po med pa'i phyir te/ rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pa ni/ spyod do zhes bya bar khas mi len/ mi spyod do zhes bya bar khas mi len/ spyod kyang spyod la/ mi spyod kyang mi spyod do zhes bya bar khas mi len/ spyod pa yang ma yin/ mi spyod pa yang ma yin no zhes bya bar khas mi len to/ /de ci'i phyir zhe na/ 'di ltar des chos thams cad dngos po med pa'i rang bzhin du khong du chud cing ma blangs pa'i phyir te/ de ltar slob pa'i byang chub sems dpa' sems dpa' chen po de ni rnam pa thams cad mkhyen pa nyid dang nye ba yin no/ /rnam pa thams cad mkhyen pa nyid de yang chos thams cad dngos po med pa'i ngo bo nyid du mnyam pa nyid kyi phyir gnyis su med cing gnyis su dbyer med de/ de ni byang chub sems dpa' sems dpa' chen po rnams kyi ting nge 'dzin chos thams cad skye ba med pa zhes bya ste/ rgya che ba phul du bya ba/ tshad med pa/ nges pa/ mi 'phrogs pa/ nyan thos dang / rang sangs rgyas thams cad dang thun mong ma yin pa ste/ ting nge 'dzin 'dis gnas pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /shA ri'i bus smras pa/ tshe dang ldan pa rab 'byor ting nge 'dzin 'di kho nas gnas pa'i byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya 'am/ 'on te ting nge 'dzin gzhan dag gis kyang 'gyur/ rab 'byor gyis smras pa/ tshe dang ldan pa shA ri'i bu ting nge 'dzin gzhan dag gis gnas pas kyang / byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs</font><hr>34.93a<br><font size=+1>

par 'tshang rgya'o/ /shA ri'i bus smras pa/ tshe dang ldan pa rab 'byor ting nge 'dzin gzhan dag gis gnas pas/ byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya ba de dag gang yin/ rab 'byor gyis smras pa/ tshe dang ldan pa shA ri'i bu byang chub sems dpa' sems dpa' chen po rnams kyi ting nge 'dzin dpa' bar 'gro ba zhes bya ba yod de/ ting nge 'dzin des gnas pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /de bzhin du rin chen phyag rgya zhes bya ba'i ting nge 'dzin dang / seng ge rnam par rtse ba zhes bya ba'i ting nge 'dzin dang / zla ba bzang po zhes bya ba'i ting nge 'dzin dang / zla ba'i rgyal mtshan tog ces bya ba'i ting nge 'dzin dang / chos thams cad las shin du 'phags pa zhes bya ba'i ting nge 'dzin dang / chos thams cad kyi phyag rgya zhes bya ba'i ting nge 'dzin dang / spyi gtsug rnam par lta ba zhes bya ba'i ting nge 'dzin dang / chos kyi dbyings su nges pa zhes bya ba'i ting nge 'dzin dang / nges pa'i rgyal mtshan tog ces bya ba'i ting nge 'dzin dang / rdo rje rin po che zhes bya ba'i ting nge 'dzin dang / chos thams cad la 'jug pa'i phyag rgya zhes bya ba'i ting nge 'dzin dang / ting nge 'dzin gyi rgyal po la shin du gnas pa zhes bya ba'i ting nge 'dzin dang / 'od zer rab tu 'gyed pa zhes bya ba'i ting nge 'dzin dang / dpung bkod pa zhes bya ba'i ting nge 'dzin dang / mnyam par bzhag pa'i gnas la gnas pa zhes bya ba'i ting nge 'dzin dang / rgyal po'i phyag rgya zhes bya ba'i ting nge 'dzin dang / brtson 'grus kyi stobs zhes bya ba'i ting nge 'dzin dang / yang dag par 'phags pa zhes bya ba'i ting nge 'dzin dang / nges pa'i tshig la gdon mi za bar 'jug pa zhes bya ba'i ting nge 'dzin dang / tshig bla dgas la 'jug pa zhes bya ba'i ting nge 'dzin dang / phyogs la rnam par lta ba zhes bya ba'i ting nge 'dzin dang / phyag rgya yongs su 'dzin pa zhes bya ba'i ting nge 'dzin dang / brjed</font><hr>34.93b<br><font size=+1>

pa med pa zhes bya ba'i ting nge 'dzin dang / chos thams cad yang dag par 'du ba rgya mtsho zhes bya ba'i ting nge 'dzin dang / nam mkha' khyab par byed pa zhes bya ba'i ting nge 'dzin dang / rdo rje'i dkyil 'khor zhes bya ba'i ting nge 'dzin dang / rgyal mtshan rtse mo'i dpung rgyan zhes bya ba'i ting nge 'dzin dang / dbang po'i tog ces bya ba'i ting nge 'dzin dang / rgyun gyi rjes su song ba zhes bya ba'i ting nge 'dzin dang / seng ge rnam par bsgyings pa zhes bya ba'i ting nge 'dzin dang / snrel zhi zhes bya ba'i ting nge 'dzin dang / rin po che spong ba zhes bya ba'i ting nge 'dzin dang / rnam par snang ba zhes bya ba'i ting nge 'dzin dang / tshol ba med pa zhes bya ba'i ting nge 'dzin dang / gnas la rten pa med pa zhes bya ba'i ting nge 'dzin dang / sems med pa zhes bya ba'i ting nge 'dzin dang / dri ma med pa'i sgron ma zhes bya ba'i ting nge 'dzin dang / 'od mtha' yas pa zhes bya ba'i ting nge 'dzin dang / 'od byed pa zhes bya ba'i ting nge 'dzin dang / kun du snang ba zhes bya ba'i ting nge 'dzin dang / dag pa dam pa zhes bya ba'i ting nge 'dzin dang / 'od dri ma med pa zhes bya ba'i ting nge 'dzin dang / dga' ba byed pa zhes bya ba'i ting nge 'dzin dang / glog gi sgron ma zhes bya ba'i ting nge 'dzin dang / zad mi shes pa zhes bya ba'i ting nge 'dzin dang / mi 'pham pa zhes bya ba'i ting nge 'dzin dang / gzi brjid yod pa zhes bya ba'i ting nge 'dzin dang / zad pa dang bral ba zhes bya ba'i ting nge 'dzin dang / mi g.yo ba zhes bya ba'i ting nge 'dzin dang / 'gyur ba med pa zhes bya ba'i ting nge 'dzin dang / nyi ma'i sgron ma zhes bya ba'i ting nge 'dzin dang / zla ba dri ma med pa zhes bya ba'i ting nge 'dzin dang / shes rab sgron ma zhes bya ba'i ting nge 'dzin dang / snang ba dag pa zhes bya ba'i ting nge 'dzin dang / snang ba byed pa zhes bya ba'i ting nge 'dzin dang / bya ba byed pa zhes bya ba'i ting nge 'dzin dang / ye shes tog ces bya ba'i ting nge 'dzin dang / rdo rje lta bu zhes bya ba'i ting nge 'dzin dang / sems gnas pa zhes bya ba'i ting nge 'dzin dang / kun du snang ba zhes bya ba'i ting nge 'dzin dang / rab tu gnas pa</font><hr>34.94a<br><font size=+1>

zhes bya ba'i ting nge 'dzin dang / rin chen mtha' zhes bya ba'i ting nge 'dzin dang / chos dam pa'i phyag rgya zhes bya ba'i ting nge 'dzin dang / chos thams cad mnyam pa nyid ces bya ba'i ting nge 'dzin dang / dga' ba spong ba zhes bya ba'i ting nge 'dzin dang / chos kyis 'phags shing rdzogs pa zhes bya ba'i ting nge 'dzin dang / rnam par 'thor ba zhes bya ba'i ting nge 'dzin dang / chos thams cad kyi tshig rab tu 'byed pa zhes bya ba'i ting nge 'dzin dang / yi ge mnyam par 'god pa zhes bya ba'i ting nge 'dzin dang / yi ge dang bral ba zhes bya ba'i ting nge 'dzin dang / dmigs pa gcod pa zhes bya ba'i ting nge 'dzin dang / 'gyur ba med pa zhes bya ba'i ting nge 'dzin dang / rnam pa med pa zhes bya ba'i ting nge 'dzin dang / ming nges par 'jug pa zhes bya ba'i ting nge 'dzin dang / gnas med par spyod pa zhes bya ba'i ting nge 'dzin dang / rab rib med pa zhes bya ba'i ting nge 'dzin dang / spyod pa dang ldan pa zhes bya ba'i ting nge 'dzin dang / g.yo ba med pa zhes bya ba'i ting nge 'dzin dang / yul las rgal ba zhes bya ba'i ting nge 'dzin dang / yon tan thams cad kyi tshogs su gyur pa zhes bya ba'i ting nge 'dzin dang / sems med par gnas pa zhes bya ba'i ting nge 'dzin dang / dge ba'i me tog rgyas shing dag pa zhes bya ba'i ting nge 'dzin dang / byang chub kyi yan lag yod pa zhes bya ba'i ting nge 'dzin dang / spobs pa mtha' yas pa zhes bya ba'i ting nge 'dzin dang / mi mnyam pa dang mnyam pa zhes bya ba'i ting nge 'dzin dang / chos thams cad las 'da' ba zhes bya ba'i ting nge 'dzin dang / yongs su gcod pa zhes bya ba'i ting nge 'dzin dang / nem nur rnam par sel ba zhes bya ba'i ting nge 'dzin dang / gnas su bya ba med pa zhes bya ba'i ting nge 'dzin dang / bkod pa gcig pa zhes bya ba'i ting nge 'dzin dang / rnam pa mngon par bsgrub pa zhes bya ba'i ting nge 'dzin dang / rnam pa gcig tu gyur pa zhes bya ba'i ting nge 'dzin dang / rnam pa dor ba med pa zhes bya</font><hr>34.94b<br><font size=+1>

ba'i ting nge 'dzin dang / rtogs pas srid pa'i mun pa thams cad dang bral ba zhes bya ba'i ting nge 'dzin dang / brda' dang sgra thams cad la 'jug pa zhes bya ba'i ting nge 'dzin dang / sgra dbyangs kyi yi ge thams cad dang bral ba zhes bya ba'i ting nge 'dzin dang / me sgron zhes bya ba'i ting nge 'dzin dang / mtshan nyid yongs su sbyong ba zhes bya ba'i ting nge 'dzin dang / bzod pa rnyog pa med pa zhes bya ba'i ting nge 'dzin dang / rnam pa thams cad kyi mchog dang ldan pa zhes bya ba'i ting nge 'dzin dang / bde ba dang sdug bsngal thams cad la mngon par dga' ba med pa zhes bya ba'i ting nge 'dzin dang / zad mi shes pa'i za ma tog ces bya ba'i ting nge 'dzin dang / gzungs kyi blo gros zhes bya ba'i ting nge 'dzin dang / yang dag pa dang log pa thams cad yang dag par sel ba zhes bya ba'i ting nge 'dzin dang / 'gal ba dang 'gog pa thams cad yang dag par zhi ba zhes bya ba'i ting nge 'dzin dang / 'thun pa dang 'gal ba med pa zhes bya ba'i ting nge 'dzin dang / 'od dri ma med pa zhes bya ba'i ting nge 'dzin dang / snying po dang ldan pa zhes bya ba'i ting nge 'dzin dang / zla ba nya ba'i 'od dri ma med pa zhes bya ba'i ting nge 'dzin dang / glog gi 'od ces bya ba'i ting nge 'dzin dang / bkod pa chen po zhes bya ba'i ting nge 'dzin dang / 'jig rten thams cad du 'od byed pa zhes bya ba'i ting nge 'dzin dang / ting nge 'dzin mnyam pa nyid ces bya ba'i ting nge 'dzin dang / rdul med cing rdul dang bral ba'i tshul dang ldan pa zhes bya ba'i ting nge 'dzin dang / sgra med pa dang sgra dang bcas pa thams cad yang dag par 'du ba zhes bya ba'i ting nge 'dzin dang / nyon mongs pa med par yang dag par 'du ba zhes bya ba'i ting nge 'dzin dang / gnas la brtan pa med pa la brtson pa zhes bya ba'i ting nge 'dzin dang / de bzhin nyid la gnas shing sems med pa zhes bya ba'i ting nge 'dzin dang / lus kyi skyon yang dag par sel ba zhes bya ba'i ting nge 'dzin dang / ngag gi skyon rnam par 'jig pas nam mkha'</font><hr>34.95a<br><font size=+1>

ltar gyur pa zhes bya ba'i ting nge 'dzin dang / nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin dag yod de/ ting nge 'dzin de dag gis gnas pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /tshe dang ldan pa shA ri'i bu de dag ni byang chub sems dpa' sems dpa' chen po'i ting nge 'dzin te/ ting nge 'dzin de dag gis gnas pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya ste/ gang la bslabs pas byang chub sems dpa' sems dpa' chen po rnams myur du bla na med pa yang dag par rdzogs pa'i byang chub mngon par rdzogs par 'tshang rgya ba'i ting nge 'dzin gyi sgo dang / gzungs kyi sgo tshad med grangs med pa gzhan dag kyang yod do/ /de nas sangs rgyas kyi mthus tshe dang ldan pa rab 'byor kyis yang 'di skad ces smras so/ /tshe dang ldan pa shA ri'i bu a la la byang chub sems dpa' sems dpa' chen po gang ting nge 'dzin de dag gis gnas pa de ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang bla na med pa yang dag par rdzogs pa'i byang chub tu lung bstan cing / da ltar phyogs bcu'i 'jig rten gyi khams gang gA'i klung gi bye ma snyed dag na/ de bzhin gshegs pa dgra bcom pa yang dag par rdzogs pa'i sangs rgyas gang dag bzhugs te/ 'tsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag gis kyang / byang chub sems dpa' sems dpa' chen po de lung ston par rig par bya ste/ ting nge 'dzin de dag gis gnas pa des ni ting nge 'dzin kyang yang dag par rjes su mi mthong ngo / /bdag ni snyoms par zhugs so/ /bdag ni snyoms par 'jug go/ /bdag ni snyoms par 'jug</font><hr>34.95b<br><font size=+1>

par 'gyur ro zhes bya bar ting nge 'dzin des rlom sems su 'gyur ba yang med de/ byang chub sems dpa' sems dpa' chen po de la rnam par rtog pa de dag thams cad med cing mi 'byung ngo / /shA ri'i bus smras pa/ tshe dang ldan pa rab 'byor ci ting nge 'dzin de dag la gnas pa'i byang chub sems dpa' sems dpa' chen po la de bzhin gshegs pa dgra bcom yang dag par rdzogs pa'i sangs rgyas rnams kyis lung bstan du yod dam/ rab 'byor gyis smras pa/ tshe dang ldan pa shA ri'i bu de ni med do/ /de ci'i phyir zhe na/ tshe dang ldan pa shA ri'i bu shes rab kyi pha rol du phyin pa yang gzhan la/ ting nge 'dzin kyang gzhan zhig /byang chub sems dpa' yang gzhan zhes bya ba med kyi/ byang chub sems dpa' nyid kyang ting nge 'dzin yin la ting nge 'dzin nyid kyang byang chub sems dpa' yin pa'i phyir ro/ /shA ri'i bus smras pa/ tshe dang ldan pa rab 'byor gal te chos thams cad mnyam pa nyid kyi phyir ting nge 'dzin kyang gzhan ma yin la/ byang chub sems dpa' yang gzhan ma yin byang chub sems dpa' yang gzhan ma yin la/ ting nge 'dzin kyang gzhan ma yin te/ ting nge 'dzin nyid kyang byang chub sems dpa' yin byang chub sems dpa' nyid kyang ting nge 'dzin yin na ting nge 'dzin bstan par nus sam rab 'byor gyis smras pa tshe dang ldan pa shA ri'i bu de ni ma yin no/ /shA ri'i bus smras pa/ tshe dang ldan pa rab 'byor rigs kyi bu des ci ting nge 'dzin de dag kun du shes sam/ rab 'byor gyis smras pa/ tshe dang ldan pa shA ri'i bu kun du shes pa med do/ /shA ri'i bus smras pa/ tshe dang ldan pa rab 'byor ji ltar kun du shes pa med/ rab 'byor gyis smras pa/ tshe dang ldan pa shA ri'i bu ji ltar rnam par rtog par mi byed pa ltar ro/ /shA ri'i bus smras pa/ ji ltar rnam par rtog par mi byed/ rab 'byor gyis smras pa/ chos thams cad med pa'i phyir/ de ltar ting nge 'dzin de dag la rnam par rtog par mi byed de/ tshe dang ldan pa shA ri'i bu rnam grangs des na/ rigs kyi bu des ting nge 'dzin de dag rnam par mi shes shing / kun du mi shes so/ /shA ri'i</font><hr>34.96a<br><font size=+1>

bus smras pa/ tshe dang ldan pa rab 'byor ci'i phyir na/ des rnam par mi shes shing kun du mi shes/ rab 'byor gyis smras pa/ tshe dang ldan shA ri'i bu ting nge 'dzin de dang / byang chub sems dpa' sems dpa' chen po de med pa nyid kyi phyir/ rnam par mi shes shing kun du mi shes so/ /de nas bcom ldan 'das kyis/ tshe dang ldan pa rab 'byor la legs so zhes bya ba byin te/ rab 'byor ji ltar ngas nyan thos nyon mongs pa med par gnas pa rnams kyi mchog tu bstan pa khyod kyis bshad pa ni de yin te/ tshig de dag legs par smras pa ni legs so/ /legs so/ /rab 'byor byang chub sems dpa' sems dpa' chen pos kyang shes rab kyi pha rol du phyin pa la de ltar bslab par bya'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la de ltar bslab par bya'o/ /de bzhin du byang chub kyi phyogs kyi chos sum bcu rtsa bdun po dag la bslab par bya'o/ /sangs rgyas kyi chos ma 'dres pa bcwo brgyad kyi bar dag la yang de ltar bslab par bya'o/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen po de ltar slob pa shes rab kyi pha rol du phyin pa la slob pa lags sam/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po de ltar slob pa ni shes rab kyi pha rol du phyin pa la slob pa yin te/ de yang mi dmigs pa'i tshul gyis slob bo/ /de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la slob ste/ de yang mi dmigs pa'i tshul gyis slob bo/ /de bzhin du byang chub kyi phyogs kyi chos sum bcu rtsa bdun po dag la slob ste/ de yang mi</font><hr>34.96b<br><font size=+1>

dmigs pa'i tshul gyis slob bo/ /de bzhin du sangs rgyas kyi chos ma 'dres pa rnams kyi bar la slob ste/ de yang mi dmigs pa'i tshul gyis slob bo/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das de ltar slob pa'i byang chub sems dpa' sems dpa' chen po shes rab kyi pha rol du phyin pa la mi dmigs pa'i tshul gyis slob pa lags sam/ bcom ldan 'das kyis bka' stsal pa/ shA ri'i bu de ltar slob pa'i byang chub sems dpa' sems dpa' chen po ni shes rab kyi pha rol du phyin pa la mi dmigs pa'i tshul gyis slob pa yin no/ /shA ri'i bus gsol pa/ bcom ldan 'das ci zhig mi dmigs pa lags/ bcom ldan 'das kyis bka' stsal pa/ shA ri'i bu shin du rnam par dag pa'i phyir bdag mi dmigs so/ /shes pa po dang / mthong ba po'i bar dag mi dmigs so/ /shin du rnam par dag pa'i phyir/ phung po dang / khams dang / skye mched dang / rten cing 'brel bar 'byung ba mi dmigs so/ /shin du rnam par dag pa'i phyir sdug bsngal mi dmigs so/ /shin du rnam par dag pa'i phyir kun 'byung ba dang / 'gog pa dang / lam mi dmigs so/ /shin du rnam par dag pa'i phyir 'dod pa'i khams dang / gzugs kyi khams dang / gzugs med pa'i khams mi dmigs so/ /shin du rnam par dag pa'i phyir byang chub kyi phyogs kyi chos sum bcu rtsa bdun po dag mi dmigs so/ /shin du rnam par dag pa'i phyir sangs rgyas kyi chos ma 'dres pa bcwa brgyad kyi bar dag mi dmigs so/ /shin du rnam par dag pa'i phyir rgyun du zhugs pa mi dmigs so/ /shin du rnam par dag pa'i phyir lan cig phyir 'ong ba dang / phyir mi 'ong ba dang / dgra bcom pa nyid dang / rang sangs rgyas mi dmigs so/ /shin du rnam par dag pa'i phyir byang chub sems dpa' dang / byang chub dang / sangs rgyas kyi bar du mi dmigs so/ /shA ri'i bus gsol pa/ bcom ldan 'das rnam par dag pa gang</font><hr>34.97a<br><font size=+1>

lags/ bcom ldan 'das kyis bka' stsal pa/ shA ri'i bu chos thams cad kyi skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa dang / 'byung ba med pa dang / dmigs su med pa dang / mngon par 'du bya ba med pa ni rnam par dag pa zhes bya'o/ /shA ri'i bus gsol pa/ bcom ldan 'das de ltar slob pa'i byang chub sems dpa' sems dpa' chen po chos gang dag la slob pa lags/ bcom ldan 'das kyis bka' stsal pa/ shA ri'i bu de ltar slob pa'i byang chub sems dpa' sems dpa' chen po ni chos gang la yang mi slob bo/ /de ci'i phyir zhe na/ shA ri'i bu chos 'di dag ni ji ltar byis pa so so'i skye bo rnams mngon par zhen pa de lta bur yod pa ma yin pa'i phyir ro/ /shA ri'i bus gsol pa/ bcom ldan 'das chos 'di dag ji lta bur mchis pa lags/ bcom ldan 'das kyis bka' stsal pa/ shA ri'i bu ji ltar med pa de ltar yod la/ de ltar yod pa ma yin pas/ de'i phyir ma rig pa zhes bya'o/ /shA ri'i bus gsol pa/ bcom ldan 'das ci'i slad du mchis pa ma lags pa la ma rig pa zhes bgyi/ bcom ldan 'das kyis bka' stsal pa/ shA ri'i bu nang stong pa nyid dang / dngos po med pa'i ngo bo nyid stong pa nyid kyi bar gyi phyir gzugs yod pa ma yin/ nang stong pa nyid dang / dngos po med pa'i ngo bo nyid stong pa nyid kyi bar gyi phyir/ tshor ba dang / 'du shes dang / 'du byed rnams dang / rnam par shes pa yod pa ma yin/ nang stong pa nyid dang / dngos po med pa'i ngo bo nyid stong pa nyid kyi bar gyi phyir/ khams dang / skye mched dang / rten cing 'brel bar 'byung ba dang / pha rol du phyin pa rnams yod pa ma yin/ nang stong pa nyid dang / dngos po med pa'i ngo bo nyid stong pa nyid kyi bar gyi phyir byang chub kyi phyogs kyi chos sum bcu rtsa bdun yod pa ma yin/ nang stong pa nyid dang / dngos po med pa'i ngo bo nyid stong pa nyid kyi bar gyi phyir/ sangs rgyas </font><hr>34.97b<br><font size=+1>

kyi chos ma 'dres pa bcwo brgyad kyi bar dag yod pa ma yin na/ de la byis pa gang dag ma rig pa dang / sred pa dag gis mngon par zhen pa de dag gis yod pa ma yin pa la brtags te/ yod pa ma yin pa la mngon par zhen nas/ 'di lta ste rtag pa dang / chad pa'i mtha' gnyis la chags pas na/ de dag ni mi shes mi mthong ba ste/ de dag gis chos gang dag yod pa ma yin pa'i chos de dag yongs su brtags pas/ ming dang gzugs la mngon par zhen cing / dran pa nye bar gzhag pa rnams la mngon par zhen pa nas/ sangs rgyas kyi chos ma 'dres pa bcwo brgyad kyi bar dag la yang mngon par zhen to/ /de dag de ltar mngon par zhen pas na/ yod pa ma yin pa'i chos rnams la rtog par byed pa'i phyir te/ de dag ni mi shes mi mthong ba yin no/ /ci zhig mi shes mi mthong zhe na/ gzugs mi shes mi mthong ngo / /tshor ba dang / 'du shes dang / 'du byed rnams dang / rnam par shes pa mi shes mi mthong ngo / /khams dang / skye mched dang / rten cing 'brel bar 'byung ba dang / byang chub kyi phyogs kyi chos rnams mi shes mi mthong ngo / /sangs rgyas kyi chos ma 'dres pa bcwo brgyad kyi bar dag mi shes mi mthong bas de'i phyir byis pa zhes bya ba'i grangs su 'gro ba yin no/ /de dag ni nges par 'byung ba ma yin te/ gang nas nges par 'byung ba ma yin zhe na/ 'dod pa'i khams nas nges par 'byung ba ma yin no/ /gzugs kyi khams nas nges par 'byung ba ma yin no/ /gzugs med pa'i khams nas nges par 'byung ba ma yin no/ /nyan thos dang / rang sangs rgyas kyi chos rnams las nges par 'byung ba ma yin no/ /de dag ni ma dad pa yin te ci zhig la ma dad ce na/ gzugs ni gzugs kyis stong zhes bya ba ma dad pa nas/ byang chub ni byang chub kyis stong zhes bya ba'i bar dag la ma dad pa yin no/ /de dag ni mi gnas pa yin te/ ci zhig la mi gnas she na/ sbyin pa'i pha rol du phyin pa la mi gnas so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du</font><hr>34.98a<br><font size=+1>

phyin pa dang / bsam gtan gyi pha rol du phyin pa dang / shes rab kyi pha rol du phyin pa la mi gnas so/ /phyir mi ldog pa'i sa la mi gnas so/ /sangs rgyas kyi chos rnams kyi bar dag la mi gnas pa yin te/ de'i phyir byis pa rnams shes bya'o/ /de dag ni mngon par zhen pa yin te/ ci zhig la mngon par zhen pa yin zhe na/ gzugs la mngon par zhen pa yin no/ /tshor ba dang / 'du shes dang / 'du byed rnams dang / rnam par shes pa rnams la mngon par zhen pa yin no/ /mig la mngon par zhen pa yin no/ /rna ba dang / sna dang / lce dang / lus dang / yid la mngon par zhen pa yin no/ /gzugs la mngon par zhen pa yin no/ /sgra dang / dri dang / ro dang / reg bya dang / chos rnams la mngon par zhen pa yin no/ /phung po dang / khams dang / skye mched rnams la mngon par zhen pa yin no/ /'dod chags dang / zhe sdang dang / gti mug rnams la mngon par zhen pa yin no/ /lta bar gyur pa rnams la mngon par zhen pa yin no/ /byang chub kyi bar dag la mngon par zhen pa yin te/ de'i phyir de dag ni byis pa zhes bya ba'i grangs su 'gro ba yin no/ /shA ri'i bus gsol pa/ bcom ldan 'das de ltar slob pa'i byang chub sems dpa' sems dpa' chen po shes rab kyi pha rol du phyin pa la slob pa ma lags shing / rnam pa thams cad mkhyen pa nyid du nges par mi 'byung ba lags sam/ bcom ldan 'das kyis bka' stsal pa/ shA ri'i bu de ltar slob pa'i byang chub sems dpa' sems dpa' chen po ni shes rab kyi pha rol du phyin pa la slob pa ma yin zhing / rnam pa thams cad mkhyen pa nyid du nges par 'byung ba ma yin no/ /shA ri'i bus gsol pa/ bcom ldan 'das ci'i slad du byang chub sems dpa' sems dpa' chen po de shes rab kyi pha rol du phyin pa la slob pa ma lags shing / rnam pa thams cad mkhyen pa nyid du nges par 'byung ba ma lags/ bcom ldan 'das kyis bka' stsal pa/ shA ri'i bu 'di la byang chub sems dpa' sems dpa' chen po thabs la mi mkhas</font><hr>34.98b<br><font size=+1>

pas/ shes rab kyi pha rol du phyin pa la brtags nas/ mngon par zhen par byed/ de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la brtags nas mngon par zhen par byed/ sangs rgyas kyi chos thams cad dang / thams cad shes pa nyid dang / rnam pa thams cad mkhyen pa nyid kyi bar dag la brtags nas mngon par zhen par byed de/ shA ri'i bu rnam grangs des na/ byang chub sems dpa' sems dpa' chen po de ni shes rab kyi pha rol du phyin pa la slob pa ma yin zhing / rnam pa thams cad mkhyen pa nyid du nges par 'byung ba ma yin no/ /shA ri'i bus gsol pa/ bcom ldan 'das de ltar slob pa'i byang chub sems dpa' sems dpa' chen po shes rab kyi pha rol du phyin pa la slob pa ma lags shing / rnam pa thams cad mkhyen pa nyid du nges par mi 'byung ba lags mod/ bcom ldan 'das kyis bka' stsal pa/ shA ri'i bu de ltar slob pa'i byang chub sems dpa' sems dpa' chen po ni shes rab kyi pha rol du phyin pa la slob pa ma yin zhing / rnam pa thams cad mkhyen pa nyid du nges par mi 'byung ba yin no/ /shA ri'i bus gsol pa/ bcom ldan 'das byang chub sems dpa' sems dpa' chen po ji ltar na shes rab kyi pha rol du phyin pa la slob pa lags shing / ji ltar bslabs na rnam pa thams cad mkhyen pa nyid du nges par 'byung ba lags/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa gang gi tshe/ shes rab kyi pha rol du phyin pa mi dmigs yang dag par rjes su mi mthong na/ shA ri'i bu byang chub sems dpa' sems dpa' chen po shes rab kyi pha rol du phyin pa la de ltar slob pa ni mi dmigs pa'i tshul gyis rnam pa thams cad mkhyen pa nyid du nges par 'byung ngo / /de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / </font><hr>34.99a<br><font size=+1>

bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyod pa/ sbyin pa'i pha rol du phyin pa mi dmigs yang dag par rjes su mi mthong / byang chub kyi bar dag mi dmigs yang dag par rjes su mi mthong / thams cad shes pa nyid dang / rnam pa thams cad mkhyen pa nyid kyi bar dag kyang mi dmigs yang dag par rjes su mi mthong na/ shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni shes rab kyi pha rol du phyin pa la slob pa yin te/ mi dmigs pa'i tshul gyis rnam pa thams cad mkhyen pa nyid du nges par 'byung ngo / /shA ri'i bus gsol pa/ bcom ldan 'das ci zhig mi dmigs pa'i tshul gyis nges par 'byung ba lags/ bcom ldan 'das kyis bka' stsal pa/ shA ri'i bu rnam pa thams cad mkhyen pa nyid kyi stong pa nyid mi dmigs pa'i tshul gyis nges par 'byung ngo / /shes rab kyi pha rol du phyin pa khri brgyad stong pa las mtshan ma'i le'u zhes bya ste dgu pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das la la zhig 'di skad du 'dri ste/ ci sgyu ma'i skyes bu 'di shes rab kyi pha rol du phyin pa la bslabs nas/ rnam pa thams cad mkhyen pa nyid du nges par 'byung bar 'gyur ram/ rnam pa thams cad mkhyen pa nyid thob par 'gyur ram zhes mchi na/ bcom ldan 'das de skad 'dri ba de la ji skad bstan par bgyi/ de bzhin du ci sgyu ma'i skyes bu 'di bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la bslabs nas/ rnam pa thams cad mkhyen pa nyid du nges par 'byung bar 'gyur ram/ rnam pa thams cad mkhyen pa nyid thob par 'gyur ram zhes mchi na/ bcom ldan 'das de skad 'dri ba de la ji skad bstan par bgyi/ byang chub kyi phyogs</font><hr>34.99b<br><font size=+1>

kyi chos sum bcu rtsa bdun gyi bar dang / rnam pa thams cad mkhyen pa nyid kyi bar dag la bslabs nas/ rnam pa thams cad mkhyen pa nyid du nges par 'byung bar 'gyur ram/ rnam pa thams cad mkhyen pa nyid thob par 'gyur ram zhes mchi na/ bcom ldan 'das de skad 'dri ba de la ji skad bstan par bgyi/ bcom ldan 'das kyis bka' stsal pa/ rab 'byor de khyod nyid la dris/ khyod kyis ji ltar bzod pa de ltar lan thob shig /rab 'byor 'di ji snyam du sems/ sgyu ma yang gzhan la/ gzugs kyang gzhan zhig yin snyam 'am/ sgyu ma yang gzhan la/ tshor ba dang / 'du shes dang / 'du byed rnams dang / rnam par shes pa yang gzhan zhig yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems sgyu ma yang gzhan la/ mig kyang gzhan zhig yin snyam 'am/ sgyu ma yang gzhan la/ rna ba dang sna dang / lce dang / lus dang / yid kyang gzhan zhig yin snyam 'am/ sgyu ma yang gzhan la/ gzugs kyang gzhan zhig yin snyam 'am/ sgyu ma yang gzhan la/ sgra dang / dri dang / ro dang / reg bya dang / chos rnams kyang gzhan zhig yin snyam 'am/ sgyu ma yang gzhan la/ mig gi rnam par shes pa yang gzhan zhig yin snyam 'am/ sgyu ma yang gzhan la/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yang gzhan zhig yin snyam 'am/ sgyu ma yang gzhan la/ mig gi 'dus te reg pa yang gzhan zhig yin snyam 'am/ sgyu ma yang gzhan la rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang gzhan zhig yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ </font><hr>34.100a<br><font size=+1>

rab 'byor 'di ji snyam du sems/ sgyu ma yang gzhan la/ mig gi 'dus te reg pa'i rkyen gyis tshor ba bde ba 'am/ sdug bsngal ba 'am/ sdug bsngal ba yang ma yin/ bde ba yang ma yin pa yang gzhan zhig yin snyam 'am/ sgyu ma yang gzhan la/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba bde ba 'am/ sdug bsngal ba 'am/ sdug bsngal ba yang ma yin/ bde ba yang ma yin pa yang gzhan zhig yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ sgyu ma yang gzhan la/ byang chub kyi phyogs kyi chos sum bcu rtsa bdun po dag kyang gzhan zhig yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ sgyu ma yang gzhan la stong pa nyid kyang gzhan zhig yin snyam 'am/ sgyu ma yang gzhan la mtshan ma med pa yang gzhan zhig yin snyam 'am/ sgyu ma yang gzhan la smon pa med pa yang gzhan zhig yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ sgyu ma yang gzhan la/ de bzhin gshegs pa'i stobs bcu yang gzhan zhig yin snyam 'am/ sgyu ma yang gzhan la/ sangs rgyas kyi chos ma 'dres pa bcwo brgyad kyi bar dag kyang gzhan zhig yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ sgyu ma yang gzhan la/ rnam pa thams cad mkhyen pa nyid kyang gzhan zhig yin snyam 'am/ rab</font><hr>34.100b<br><font size=+1>

'byor gyis gsol pa/ bcom ldan 'das de ni ma lags so/ /bcom ldan 'das sgyu ma yang gzhan ma lags/ gzugs kyang gzhan ma lags te/ bcom ldan 'das gzugs nyid kyang sgyu ma lags la/ sgyu ma nyid kyang gzugs lags so/ /bcom ldan 'das sgyu ma yang gzhan ma lags/ tshor ba dang / 'du shes dang / 'du byed rnams dang / rnam par shes pa yang gzhan ma lags te/ bcom ldan 'das rnam par shes pa nyid kyang sgyu ma lags la/ sgyu ma nyid kyang rnam par shes pa lags so/ /bcom ldan 'das sgyu ma yang gzhan ma lags/ mig kyang gzhan ma lags te/ bcom ldan 'das mig nyid kyang sgyu ma lags la/ sgyu ma nyid kyang mig lags so/ /bcom ldan 'das sgyu ma yang gzhan ma lags/ rna ba dang / sna dang / lce dang / lus dang / yid kyang gzhan ma lags te/ bcom ldan 'das yid nyid kyang sgyu ma lags la/ sgyu ma nyid kyang yid lags so/ /bcom ldan 'das sgyu ma yang gzhan ma lags/ gzugs kyang gzhan ma lags te/ bcom ldan 'das gzugs nyid kyang sgyu ma lags la/ sgyu ma nyid kyang gzugs lags so/ /bcom ldan 'das sgyu ma yang gzhan ma lags/ sgra dang / dri dang ro dang / reg bya dang / chos rnams kyang gzhan ma lags te/ bcom ldan 'das chos rnams nyid kyang sgyu ma lags la/ sgyu ma nyid kyang chos rnams lags so/ /bcom ldan 'das sgyu ma yang gzhan ma lags/ mig gi rnam par shes pa yang gzhan ma lags te/ bcom ldan 'das mig gi rnam par shes pa nyid kyang sgyu ma lags la/ sgyu ma nyid kyang mig gi rnam par shes pa lags so/ /bcom ldan 'das sgyu ma yang gzhan ma lags/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yang gzhan ma lags te/ bcom ldan 'das yid kyi rnam par shes pa nyid kyang sgyu ma</font><hr>34.101a<br><font size=+1>

lags la/ sgyu ma nyid kyang yid kyi rnam par shes pa lags so/ /bcom ldan 'das sgyu ma yang gzhan ma lags/ mig gi 'dus te reg pa yang gzhan ma lags te/ bcom ldan 'das mig gi 'dus te reg pa nyid kyang sgyu ma lags la/ sgyu ma nyid kyang mig gi 'dus te reg pa lags so/ /bcom ldan 'das sgyu ma yang gzhan ma lags/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang gzhan ma lags te/ bcom ldan 'das yid kyi 'dus te reg pa nyid kyang sgyu ma lags la/ sgyu ma nyid kyang yid kyi 'dus te reg pa lags so/ /bcom ldan 'das sgyu ma yang gzhan ma lags/ mig gi 'dus te reg pa'i rkyen gyis tshor ba bde ba 'am/ sdug bsngal ba 'am/ sdug bsngal ba yang ma lags/ bde ba yang ma lags pa yang gzhan ma lags te/ bcom ldan 'das mig gi 'dus te reg pa'i rkyen gyis tshor ba bde ba 'am/ sdug bsngal ba 'am/ sdug bsngal yang ma lags/ bde ba yang ma lags pa nyid kyang sgyu ma lags la sgyu ma nyid kyang mig gi 'dus te reg pa'i rkyen gyis tshor ba bde ba 'am/ sdug bsngal ba 'am/ sdug bsngal ba yang ma lags/ bde ba yang ma lags pa lags so/ /bcom ldan 'das sgyu ma yang gzhan ma lags/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba bde ba 'am/ sdug bsngal ba 'am/ sdug bsngal ba yang ma lags/ bde ba yang ma lags pa yang gzhan ma lags te/ bcom ldan 'das yid kyi 'dus te reg pa'i rkyen gyis tshor ba bde ba 'am/ sdug bsngal ba 'am/ sdug bsngal ba yang ma lags/ bde ba yang ma lags pa nyid kyang sgyu ma lags la/ sgyu ma nyid kyang yid kyi 'dus</font><hr>34.101b<br><font size=+1>

te reg pa'i rkyen gyis tshor ba bde ba 'am/ sdug bsngal ba 'am/ sdug bsngal ba yang ma lags/ bde ba yang ma lags pa lags so/ /bcom ldan 'das sgyu ma yang gzhan ma lags/ byang chub kyi phyogs kyi chos sum bcu rtsa bdun yang gzhan ma lags te/ bcom ldan 'das byang chub kyi phyogs kyi chos sum bcu rtsa bdun nyid kyang sgyu ma lags la/ sgyu ma nyid kyang byang chub kyi phyogs kyi chos sum bcu rtsa bdun lags so/ /bcom ldan 'das sgyu ma yang gzhan ma lags/ stong pa nyid kyang gzhan ma lags te/ bcom ldan 'das stong pa nyid kyang sgyu ma lags la/ sgyu ma nyid kyang stong pa nyid lags so/ /bcom ldan 'das sgyu ma yang gzhan ma lags/ mtshan ma ma mchis pa yang gzhan ma lags te/ bcom ldan 'das mtshan ma ma mchis pa nyid kyang sgyu ma lags la/ sgyu ma nyid kyang mtshan ma ma mchis pa lags so/ /bcom ldan 'das sgyu ma yang gzhan ma lags/ smon pa ma mchis pa yang gzhan ma lags te/ bcom ldan 'das smon pa ma mchis pa nyid kyang sgyu ma lags la/ sgyu ma nyid kyang smon pa ma mchis pa lags so/ /bcom ldan 'das sgyu ma yang gzhan ma lags/ de bzhin gshegs pa'i stobs bcu yang gzhan ma lags te/ bcom ldan 'das de bzhin gshegs pa'i stobs rnams nyid kyang sgyu ma lags la/ sgyu ma nyid kyang de bzhin gshegs pa'i stobs rnams lags so/ /bcom ldan 'das sgyu ma yang gzhan ma lags/ sangs rgyas kyi chos ma 'dres pa bcwa brgyad kyi bar dag kyang gzhan ma lags te/ bcom ldan 'das sangs rgyas kyi chos rnams kyi bar dag nyid kyang sgyu ma lags la/ sgyu ma nyid kyang sangs rgyas kyi chos rnams kyi bar dag lags so/ /bcom ldan 'das sgyu ma yang gzhan ma lags/ rnam pa thams cad mkhyen pa nyid kyang gzhan ma lags te/ bcom ldan 'das rnam pa thams cad mkhyen pa nyid kyang sgyu ma lags la/ sgyu ma nyid kyang rnam pa thams cad mkhyen pa nyid lags so/ /</font><hr>34.102a<br><font size=+1>

bcom ldan 'das kyis bka' stsal pa/ rab 'byor 'di ji snyam du sems/ sgyu ma la kun nas nyon mongs pa 'am/ rnam par byang ba yod snyam 'am/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor 'di ji snyam du sems/ sgyu ma la skye ba 'am 'gag pa yod snyam 'am/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis stsal pa/ rab 'byor 'di ji snyam du sems/ gang la skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa de shes rab kyi pha rol du phyin pa la slob par 'gyur snyam 'am/ rnam pa thams cad mkhyen pa nyid du nges par 'byung bar 'gyur snyam 'am/ rnam pa thams cad mkhyen pa nyid kyi bar du thob par 'gyur snyam 'am/ rab 'byor gyis gsol pa/ bcom ldan 'das de ni ma lags so/ /'phags pa shes rab kyi pha rol du phyin pa khri brgyad stong pa/ bam po brgyad pa/ bcom ldan 'das kyis bka' stsal pa/ rab 'byor 'di ji snyam du sems/ nye bar len pa'i phung po lnga po 'di dag la 'di lta ste/ byang chub sems dpa' zhes bya bar ming gi brdas tha snyad du gdags su yod dam/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor 'di ji snyam du sems ming gi brdas tha snyad du gdags pa tsam gyis nye bar len pa'i phung po lnga po dag gi skye ba 'am/ 'gag pa 'am/ kun nas nyon mongs pa 'am/ rnam par byang ba dag dmigs su yod dam/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor 'di ji snyam du sems gang la ming dang mtshan ma med pa dang / brda med pa dang gdags</font><hr>34.102b<br><font size=+1>

pa med pa dang tha snyad med pa dang / ming med pa dang / ming du gdags pa med pa dang / lus med pa dang / lus kyi las med pa dang / ngag med pa dang / ngag gi las med pa dang / yid med pa dang / yid kyi las med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa de/ shes rab kyi pha rol du phyin pa la bslabs shing rnam pa thams cad mkhyen pa nyid du nges par 'byung bar 'gyur snyam 'am/ rnam pa thams cad mkhyen pa nyid thob par 'gyur snyam 'am/ rab 'byor gyis gsol pa/ bcom ldan 'das de ni mi 'gyur lags so/ /bcom ldan 'das kyis bka' stsal pa/ rab 'byor byang chub sems dpa' sems dpa' chen pos mi dmigs pa'i tshul gyis/ shes rab kyi pha rol du phyin pa la de ltar bslabs na/ rnam pa thams cad mkhyen pa nyid du nges par 'byung bar 'gyur zhing / rnam pa thams cad mkhyen pa nyid thob par 'gyur ro/ /rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la de ltar slob cing / bla na med pa yang dag par rdzogs pa'i byang chub tu nges par 'byung bar 'tshal bas ni sgyu ma'i skyes bus bslab pa ltar/ bla na med pa yang dag par rdzogs pa'i byang chub la bslab par bgyi'o/ /de ci'i slad du zhe na/ bcom ldan 'das 'di ltar phung po lnga po gang dag lags pa de nyid sgyu ma'i skyes bur rig par bgyi ba lags pa'i slad du'o/ /bcom ldan 'das kyis bka' stsal pa/ rab 'byor 'di ji snyam du sems/ phung po lnga po 'di dag shes rab kyi pha rol du phyin pa la bslabs shing / rnam pa thams cad mkhyen pa nyid tu nges par 'byung bar 'gyur snyam 'am/ rnam pa thams cad mkhyen pa nyid thob par 'gyur snyam 'am/ rab 'byor gyis gsol pa/ bcom ldan 'das de ni mi 'gyur lags so/ /de ci'i slad du zhe na/ bcom ldan 'das 'di ltar phung po lnga po dag ni dngos po ma mchis pa'i rang bzhin lags la/ dngos po ma mchis pa'i rang bzhin de yang dmigs su</font><hr>34.103a<br><font size=+1>

ma mchis pa'i slad du'o/ /bcom ldan 'das kyis bka' stsal pa/ rab 'byor 'di ji snyam du sems/ rmi lam lta bu'i phung po lnga po dag shes rab kyi pha rol du phyin pa la bslabs shing / rnam pa thams cad mkhyen pa nyid tu nges par 'byung bar 'gyur snyam 'am/ rab 'byor gyis gsol pa/ bcom ldan 'das de ni mi 'gyur lags so/ /de ci'i slad du zhe na/ bcom ldan 'das 'di ltar rmi lam ni dngos po ma mchis pa'i rang bzhin lags la/ dngos po ma mchis pa'i rang bzhin de yang dmigs su ma mchis pa'i slad du'o/ /bcom ldan 'das kyis bka' stsal pa/ rab 'byor 'di ji snyam du sems/ brag cha lta bu'i phung po lnga po dag dang / mig yor lta bu dang / chu zla lta bu dang / sgyu ma lta bu dang / smig rgyu lta bu dang / sprul pa lta bu dang / gzugs brnyan lta bu'i phung po lnga po dag shes rab kyi pha rol du phyin pa la bslabs shing / rnam pa thams cad mkhyen pa nyid tu nges par 'byung bar 'gyur snyam 'am/ rab 'byor gyis gsol pa/ bcom ldan 'das de ni mi 'gyur lags so/ /de ci'i slad du zhe na/ bcom ldan 'das 'di ltar brag cha ni dngos po ma mchis pa'i rang bzhin/ mig yor yang dngos po ma mchis pa'i rang bzhin/ chu zla yang dngos po ma mchis pa'i rang bzhin/ sgyu ma yang dngos po ma mchis pa'i rang bzhin/ smig rgyu yang dngos po ma mchis pa'i rang bzhin/ sprul pa yang dngos po ma mchis pa'i rang bzhin/ gzugs brnyan yang dngos po ma mchis pa'i rang bzhin lags la/ dngos po ma mchis pa'i rang bzhin de yang dmigs su ma mchis pa'i slad du'o/ /de ci'i slad du zhe na/ bcom ldan 'das 'di ltar gzugs ni sgyu ma lta bu/ tshor ba dang / 'du shes dang / 'du byed rnams dang / rnam par shes pa ni sgyu ma lta bu lags te/ rnam par shes pa gang lags pa de ni dbang po drug lags shing / de dag ni phung po lnga po dag lags la/ de dag ni nang stong pa nyid kyis dmigs su ma mchis shing / dngos po med pa'i ngo bo nyid stong pa nyid kyi bar gyis</font><hr>34.103b<br><font size=+1>

dmigs su ma mchis pa'i slad du'o/ /de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das theg pa la gsar du zhugs pa'i byang chub sems dpa' sems dpa' chen pos bstan pa 'di thos na skrag ste dngang zhing dngang bar mi 'gyur lags grang / bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po theg pa la gsar du yang dag par zhugs pa yang yin la/ thabs la yang mi mkhas pa zhig ste/ dge ba'i bshes gnyen gyi lag tu yang ma song na/ skrag cing dngang la/ dngang bar yang 'gyur ro/ /rab 'byor gyis gsol pa/ bcom ldan 'das byang chub sems dpa' sems dpa' chen po thabs la mkhas pa gang dang ldan pas bstan pa 'di thos na mi skrag mi dngang zhing dngang bar mi 'gyur ba'i thabs la mkhas pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa ni/ rnam pa thams cad mkhyen pa nyid dang ldan pa'i yid la bya ba dag gis gzugs la mi rtag pa'i rnam par so sor rtog ste de yang mi dmigs so/ /rnam pa thams cad mkhyen pa nyid dang ldan pa'i yid la bya ba dag gis tshor ba dang / 'du shes dang / 'du byed rnams dang / rnam par shes pa la mi rtag pa'i rnam par so sor rtog ste/ de yang mi dmigs so/ /rab 'byor 'di ni byang chub sems dpa' sems dpa' chen po'i shes rab kyi pha rol du phyin pa la spyod pa'i thabs la mkhas par rig par bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ rnam pa thams cad mkhyen pa nyid dang ldan pa'i yid la bya ba dag gis gzugs la sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam pa dang / mngon par 'du bya ba med pa'i rnam pa</font><hr>34.104a<br><font size=+1>

dang / dben pa'i rnam par so sor rtog ste/ de yang mi dmigs so/ /rnam pa thams cad mkhyen pa nyid dang ldan pa'i yid la bya ba dag gis tshor ba dang / 'du shes dang / 'du byed rnams dang / rnam par shes pa la sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam pa dang / mngon par 'du bya ba med pa'i rnam pa dang / dben pa'i rnam par so sor rtog ste de yang mi dmigs so/ /rab 'byor de ni byang chub sems dpa' sems dpa' chen po shes rab kyi pha rol du phyin pa la spyod pa'i thabs la mkhas par rig par bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ rnam pa thams cad mkhyen pa nyid dang ldan pa'i yid la bya ba dag gis gzugs la mi rtag ces bya bar so sor rtog ste/ de yang mi dmigs so/ /rnam pa thams cad mkhyen pa nyid dang ldan pa'i yid la bya ba dag gis tshor ba dang / 'du shes dang / 'du byed rnams dang / rnam par shes pa la mi rtag ces bya bar so sor rtog ste/ de yang mi dmigs so/ /rab 'byor de ni byang chub sems dpa' sems dpa' chen po shes rab kyi pha rol du phyin pa la spyod pa'i thabs la mkhas pa yin no/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ rnam pa thams cad mkhyen pa nyid dang ldan pa'i yid la bya ba dag gis gzugs la sdug bsngal zhes bya bar so sor rtog ste/ de yang mi dmigs so/ /tshor ba dang / 'du shes dang / 'du byed rnams dang / rnam par shes pa la sdug bsngal zhes bya bar so sor rtog ste/ de yang mi dmigs so/ /rab 'byor gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba dag gis gzugs la bdag med ces bya bar so sor rtog ste/ de yang mi dmigs so/ /tshor ba dang 'du shes</font><hr>34.104b<br><font size=+1>

dang / 'du byed rnams dang / rnam par shes pa la bdag med ces bya bar so sor rtog ste/ de yang mi dmigs so/ /rab 'byor gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba dag gis gzugs la zhi zhes bya bar so sor rtog ste/ de yang mi dmigs so/ /tshor ba dang / 'du shes dang / 'du byed rnams dang / rnam par shes pa la zhi zhes bya bar so sor rtog ste/ de yang mi dmigs so/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ rnam pa thams cad mkhyen pa nyid dang ldan pa'i yid la bya ba dag gis gzugs la stong zhes bya bar so sor rtog ste/ de yang mi dmigs so/ /tshor ba dang / 'du shes dang / 'du byed rnams dang / rnam par shes pa la stong zhes bya bar so sor rtog ste/ de yang mi dmigs so/ /gzugs la mtshan ma med ces bya bar so sor rtog ste/ de yang mi dmigs so/ /tshor ba dang / 'du shes dang / 'du byed rnams dang / rnam par shes pa la mtshan ma med ces bya bar so sor rtog ste/ de yang mi dmigs so/ /gzugs la smon pa med ces bya bar so sor rtog ste/ de yang mi dmigs so/ /tshor ba dang / 'du shes dang / 'du byed rnams dang / rnam par shes pa la smon pa med ces bya bar so sor rtog ste/ de yang mi dmigs so/ /gzugs la mngon par 'du bya ba med ces bya bar so sor rtog ste/ de yang mi dmigs so/ /tshor ba dang / 'du shes dang / 'du byed rnams dang / rnam par shes pa la mngon par 'du bya ba med ces bya bar so sor rtog ste/ de yang mi dmigs so/ /gzugs la dben zhes bya bar so sor rtog ste/ de yang mi dmigs so/ /tshor ba dang / 'du shes dang / 'du byed rnams dang / rnam par shes pa la dben zhes bya bar so sor rtog ste/ de yang mi dmigs so/ /rab 'byor de ni byang chub sems dpa' sems dpa' chen po shes rab kyi pha rol du phyin pa la spyod pa'i thabs la mkhas pa yin no/ /rab 'byor byang chub sems dpa' sems dpa' chen po de ltar so sor rtog pa na 'di snyam du sems te/ bdag gis</font><hr>34.105a<br><font size=+1>

sems can thams cad la gzugs mi rtag ces bya bar chos bstan par bya ste/ de yang mi dmigs pa'i tshul gyis bya'o/ /tshor ba dang / 'du shes dang / 'du byed rnams dang / rnam par shes pa mi rtag ces bya bar chos bstan par bya ste/ de yang mi dmigs pa'i tshul gyis bya'o/ /gzugs sdug bsngal zhes bya ba dang bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar chos bstan par bya ste/ de yang mi dmigs pa'i tshul gyis bya'o/ /tshor ba dang / 'du shes dang / 'du byed rnams dang / rnam par shes pa sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar chos bstan bar bya ste/ de yang mi dmigs pa'i tshul gyis bya'o snyam du sems so/ /rab 'byor de ni byang chub sems dpa' sems dpa' chen po'i sbyin pa'i pha rol du phyin pa ste/ des na byang chub sems dpa' sems dpa' chen po mi skrag mi dngang zhing dngang bar mi 'gyur ro/ /rab 'byor gzhan yang byang chub sems dpa' sems dpa' chen po nyan thos dang / rang sangs rgyas dang ldan pa ma yin pa'i yid la bya ba dag gis gzugs mi rtag ces bya bar yid la byed de/ de yang mi dmigs pa'i tshul gyis byed do/ /nyan thos dang / rang sangs rgyas dang ldan pa ma yin pa'i yid la bya ba dag gis tshor ba dang / 'du shes dang / 'du byed rnams dang / rnam par shes pa mi rtag ces bya bar yid la byed de/ de yang mi dmigs pa'i tshul gyis byed do/ /nyan thos dang rang sangs rgyas dang ldan pa ma yin pa'i yid la bya ba dag gis gzugs sdug bsngal zhes bya bar yid la byed de/ de yang mi dmigs pa'i tshul gyis byed do/ /rnam par shes pa'i bar du sdug bsngal zhes bya bar yid la byed de/ de yang mi dmigs pa'i tshul gyis byed do/ /gzugs bdag med ces bya ba dang / gzugs zhi zhes bya</font><hr>34.105b<br><font size=+1>

ba dang / gzugs stong zhes bya ba dang / gzugs mtshan ma med ces bya ba dang / gzugs smon pa med ces bya ba dang / gzugs mngon par 'du bya ba med ces bya ba dang / gzugs dben zhes bya bar yid la byed de/ de yang mi dmigs pa'i tshul gyis byed do/ /tshor ba dang / 'du shes dang / 'du byed rnams dang / rnam par shes pa bdag med ces bya ba dang / rnam par shes pa zhi zhes bya ba dang / rnam par shes pa stong zhes bya ba dang / rnam par shes pa mtshan ma med ces bya ba dang / rnam par shes pa smon pa med ces bya ba dang / rnam par shes pa mngon par 'du bya ba med ces bya ba dang / rnam par shes pa dben zhes bya bar yid la byed de/ de yang mi dmigs pa'i tshul gyis byed do/ /rab 'byor de ni byang chub sems dpa' sems dpa' chen po'i tshul khrims kyi pha rol du phyin pa nag nog med pa ste/ des na byang chub sems dpa' sems dpa' chen po mi skrag mi dngang zhing dngang bar mi 'gyur ro/ /rab 'byor gzhan yang byang chub sems dpa' sems dpa' sems dpa' chen po shes rab kyi pha rol du phyin pa la spyod pa na/ chos gang dag la mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam pa dang / mngon par 'du bya ba med pa'i rnam pa dang / dben pa'i rnam par so sor rtog cing bzod la 'dod pa de ni byang chub sems dpa' sems dpa' chen po'i bzod pa'i pha rol du phyin pa ste/ des na byang chub sems dpa' sems dpa' chen po mi skrag mi dngang zhing dngang bar mi 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa/ rnam pa thams cad mkhyen pa nyid dang ldan pa'i yid la bya ba dag gis gzugs mi rtag ces bya bar so sor rtog ste/ de yang mi dmigs pa'i tshul gyis byed do/ /gzugs sdug bsngal zhes bya ba dang / gzugs bdag med ces bya ba dang / gzugs zhi zhes bya ba dang / gzugs stong zhes bya ba dang / </font><hr>34.106a<br><font size=+1>

gzugs mtshan ma med ces bya ba dang / gzugs smon pa med ces bya ba dang / gzugs mngon par 'du bya ba med ces bya ba dang / gzugs dben zhes bya bar so sor rtog ste/ de yang mi dmigs pa'i tshul gyis byed do/ /tshor ba dang / 'du shes dang / 'du byed rnams dang / rnam par shes pa mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar so sor rtog cing / de yang mi dmigs pa'i tshul gyis byed de/ de'i rnam pa thams cad mkhyen pa nyid dang ldan pa'i yid la bya ba rnams mi gtong zhing / brtson pa mi 'dor ba gang yin pa de ni byang chub sems dpa' sems dpa' chen po'i brtson 'grus kyi pha rol du phyin pa ste/ des na byang chub sems dpa' sems dpa' chen po mi skrag mi dngang zhing dngang bar mi 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa gang gi tshe/ nyan thos dang / rang sangs rgyas kyi yid la byed pa dang ldan pa dang / de las gzhan pa mi dge ba'i chos gang byang chub kyi bar tu gcod par byed pa dag gi skabs mi 'byed pa de ni byang chub sems dpa' sems dpa' chen po'i bsam gtan gyi pha rol du phyin pa ste/ rab 'byor byang chub sems dpa' sems dpa' chen po bsam gtan gyi pha rol du phyin pa la de ltar spyod pa ni mi skrag mi dngang zhing dngang bar mi 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ 'di ltar so sor rtog ste/ gzugs kyi stong pa nyid kyis gzugs stong pa ma yin gyi/ gzugs nyid kyang stong pa nyid do/ /stong pa nyid kyang gzugs so/ /tshor ba dang / 'du shes dang / 'du byed rnams dang / rnam par shes pa'i stong pa nyid kyis rnam par shes pa stong pa ma yin gyi/ rnam par shes pa nyid kyang stong pa nyid do/ /stong pa nyid</font><hr>34.106b<br><font size=+1>

kyang rnam par shes pa'o/ /mig gi stong pa nyid kyis mig stong pa ma yin gyi/ mig nyid kyang stong pa nyid do/ /stong pa nyid kyang mig go/ /rna ba dang / sna dang / lce dang / lus dang yid kyi stong pa nyid kyis/ yid stong pa ma yin gyi/ yid nyid kyang stong pa nyid do/ /stong pa nyid kyang yid do/ /gzugs kyi stong pa nyid kyis gzugs stong pa ma yin gyi/ gzugs nyid kyang stong pa nyid do/ /stong pa nyid kyang gzugs so/ /sgra dang dri dang / ro dang reg bya dang / chos kyi stong pa nyid kyis chos rnams stong pa ma yin gyi chos rnams nyid kyang stong pa nyid do/ /stong pa nyid kyang chos rnams so/ /mig gi rnam par shes pa'i stong pa nyid kyis mig gi rnam par shes pa stong pa ma yin gyi/ mig gi rnam par shes pa nyid kyang stong pa nyid do/ /stong pa nyid kyang mig gi rnam par shes pa'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i stong pa nyid kyis/ yid kyi rnam par shes pa stong pa ma yin gyi/ yid kyi rnam par shes pa nyid kyang stong pa nyid do/ /stong pa nyid kyang yid kyi rnam par shes pa'o/ /mig gi 'dus te reg pa'i stong pa nyid kyis mig gi 'dus te reg pa stong pa ma yin gyi/ mig gi 'dus te reg pa nyid kyang stong pa nyid do/ /stong pa nyid kyang mig gi 'dus te reg pa'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i stong pa nyid kyis yid kyi 'dus te reg pa stong pa ma yin gyi/ yid kyi 'dus te reg pa nyid kyang stong pa nyid do/ /stong pa nyid kyang yid kyi 'dus te reg pa'o/ /mig gi 'dus te reg pa'i rkyen gyis tshor ba'i stong pa nyid kyis/ mig gi 'dus te reg pa'i rkyen gyis tshor ba stong pa ma yin gyi/ /mig gi 'dus te reg pa'i rkyen gyis tshor pa nyid kyang stong pa nyid do/ /stong pa nyid kyang mig gi 'dus te reg pa'i rkyen gyis tshor ba'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg</font><hr>34.107a<br><font size=+1>

pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i stong pa nyid kyis/ yid kyi 'dus te reg pa'i rkyen gyis tshor ba stong pa ma yin gyi/ yid kyi 'dus te reg pa'i rkyen gyis tshor ba nyid kyang stong pa nyid do/ /stong pa nyid kyang yid kyi 'dus te reg pa'i rkyen gyis tshor ba'o/ /dran pa nye bar gzhag pa rnams kyi stong pa nyid kyis/ dran pa nye bar gzhag pa rnams stong pa ma yin gyi/ dran pa nye bar gzhag pa rnams nyid kyang stong pa nyid do/ /stong pa nyid kyang dran pa nye bar gzhag pa rnams so/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang stobs rnams dang / byang chub kyi yan lag rnams dang lam gyi stong pa nyid kyis lam stong pa ma yin gyi lam nyid kyang stong pa nyid do/ /stong pa nyid kyang lam mo/ /stobs dang / mi 'jigs pa dang / sangs rgyas kyi chos ma 'dres pa rnams kyi bar stong pa nyid kyis/ sangs rgyas kyi chos rnams stong pa ma yin gyi/ sangs rgyas kyi chos rnams nyid kyang stong pa nyid do/ /stong pa nyid kyang sangs rgyas kyi chos rnams te/ rab 'byor de ni byang chub sems dpa' sems dpa' chen po'i shes rab kyi pha rol du phyin pa'o/ rab 'byor de ni byang chub sems dpa' sems dpa' chen po shes rab kyi pha rol du phyin pa la spyod pa'i thabs la mkhas pa yin te/ thabs de dang ldan na byang chub sems dpa' sems dpa' chen po bstan pa 'di thos na/ mi skrag mi dngang zhing dngang bar mi 'gyur ro/ /rab 'byor gyis gsol pa/ bcom ldan 'das dge ba'i bshes gnyen gang dag gis yongs su zin na/ shes rab kyi pha rol du phyin pa bstan pa 'di thos na mi skrag mi dngang zhing dngang bar mi 'gyur ba'i byang chub sems dpa' sems dpa' chen po'i dge ba'i bshes gnyen dag gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po'i dge ba'i bshes gnyen dag ni gang dag de la gzugs mi rtag ces</font><hr>34.107b<br><font size=+1>

bya bar chos ston te/ de yang mi dmigs pa'i tshul gyis ston cing / dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba dang / de bzhin du tshor ba dang / 'du shes dang / 'du byed rnams dang / rnam par shes pa mi rtag ces bya bar chos ston te/ de yang mi dmigs pa'i tshul gyis ston cing / dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba ste/ rab 'byor de dag ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la gzugs sdug bsngal zhes bya bar ston/ bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar ston te/ de yang mi dmigs pa'i tshul gyis ston cing / dge pa'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba dang / de bzhin du tshor ba dang / 'du shes dang 'du byed rnams dang / rnam par shes pa sdug bsngal zhes bya bar ston/ bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar ston te/ de yang mi dmigs pa'i tshul gyis ston cing / dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba ste/ rab 'byor de dag ni byang chub sems dpa' sems dpa' chen po'i dge ba'i bshes gnyen du rig par bya'o/ / </font><hr>34.108a<br><font size=+1>

rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang dag de la mig mi rtag ces bya bar ston/ sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang dben zhes bya bar ston te/ de yang mi dmigs pa'i tshul gyis ston cing / dge ba'i rtsa ba de dag kyang rnam pa thams cad mkhyen pa nyid ma gtogs par nyon thos kyi sa 'am/ rang sangs rgyas kyi sar yongs su mi bsngo ba dang / de bzhin du rna ba dang / sna dang lce dang lus dang yid mi rtag ces bya bar ston/ sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar ston te/ de yang mi dmigs pa'i tshul gyis ston cing / dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba ste/ rab 'byor de dag ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang dag de la gzugs mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar ston te/ de yang mi dmigs pa'i tshul gyis ston cing / dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba dang / de bzhin du sgra dang / dri dang / ro dang reg bya dang / chos</font><hr>34.108b<br><font size=+1>

mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar ston te/ de yang mi dmigs pa'i tshul gyis ston cing dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am rang sangs rgyas kyi sar yongs su mi bsngo ba ste/ rab 'byor de dag ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang dag de la mig gi rnam par shes pa dang / mig gi 'dus te reg pa dang / mig gi 'dus te reg pa'i rkyen gyis tshor ba mi rtag ces bya bar chos ston/ sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar chos ston te/ de yang mi dmigs pa'i tshul gyis ston cing / dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba dang / de bzhin du rna ba'i rnam par shes pa dang / rna ba'i 'dus te reg pa dang / rna ba'i 'dus te reg pa'i rkyen gyis tshor ba dang / de bzhin du sna dang / lce dang lus dang / yid kyi rnam par shes pa dang / yid kyi 'dus te reg pa dang / yid kyi 'dus te reg pa'i rkyen gyis tshor ba mi rtag ces bya bar chos ston/ sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar chos ston te/ de yang mi dmigs pa'i tshul gyis ston cing / dge ba'i rtsa ba de dag kyang rnam pa thams cad</font><hr>34.109a<br><font size=+1>

mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba ste/ rab 'byor de dag ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang dag de la dran pa nye bar gzhag pa rnams mi rtag ces bya bar chos ston te/ de yang mi dmigs pa'i tshul gyis ston cing dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am rang sangs rgyas kyi sar yongs su mi bsngo ba dang / de bzhin du yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / lam rnams mi rtag ces bya bar chos ston te/ de yang mi dmigs pa'i tshul gyis ston cing / dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba dang / de bzhin du mi 'jigs pa rnams dang / so so yang dag par rig pa rnams dang / stobs rnams dang / sangs rgyas kyi chos ma 'dres pa rnams mi rtag ces bya bar chos ston cing / rnam pa thams cad mkhyen pa nyid sgom du gzhug pa'i phyir chos ston te/ de yang mi dmigs pa'i tshul gyis ston pa dang / byang chub sgom du gzhug pa'i phyir chos ston te/ de yang mi dmigs pa'i tshul gyis ston cing / dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba ste/ rab 'byor de dag ni byang chub sems dpa' sems dpa' chen po'i dge ba'i bshes gnyen rnams te/ de dag gis yongs su zin pa ni bstan pa 'di thos na mi skrag mi dngang zhing dngang bar mi 'gyur ro/ /rab 'byor gyis gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la spyod pa</font><hr>34.109b<br><font size=+1>

thabs la mi mkhas pas/ sdig pa'i grogs po'i sug par mchis shing / dge ba'i bshes gnyen gyis yongs su spangs nas/ shes rab kyi pha rol du phyin pa bstan pa 'di thos na skrag ste/ dngang zhing dngang bar 'gyur ba lags bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa rnam pa thams cad mkhyen pa nyid dang ldan pa'i yid la bya ba dag dang bral bas shes rab kyi pha rol du phyin pa sgom zhing dmigs te/ shes rab kyi pha rol du phyin pa des kyang rlom sems su byed pa dang / de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa sgom zhing dmigs te/ sbyin pa'i pha rol du phyin pa des kyang rlom sems su byed pa dang / rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa/ rnam pa thams cad mkhyen pa nyid dang ldan pa'i yid la bya ba dag dang bral bas gzugs nang stong pa zhes bya bar yid la byed/ gzugs phyi stong pa zhes bya bar yid la byed/ gzugs phyi nang stong pa zhes bya bar yid la byed/ gzugs dngos po med pa'i ngo bo nyid stong pa zhes bya ba'i bar du yid la byed/ tshor ba dang / 'du shes dang / 'du byed rnams dang / rnam par shes pa nang stong pa zhes bya bar yid la byed/ rnam par shes pa phyi stong pa zhes bya bar yid la byed/ rnam par shes pa phyi nang stong pa zhes bya bar yid la byed/ rnam par shes pa dngos po med pa'i ngo bo nyid stong pa zhes bya ba'i bar du yid la byed cing / nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs te/ dmigs pa'i tshul gyis rlom sems su byed pa dang / mig</font><hr>34.110a<br><font size=+1>

nang stong pa zhes bya bar yid la byed mig phyi stong pa zhes bya bar yid la byed/ mig phyi nang stong pa zhes bya bar yid la byed/ mig dngos po med pa'i ngo bo nyid stong pa zhes bya ba'i bar du yid la byed cing / stong pa nyid de dag kyang dmigs te/ dmigs pa'i tshul gyis rlom sems su byed pa dang / rna ba dang / sna dang / lce dang / lus dang / yid nang stong pa zhes bya bar yid la byed/ yid phyi stong pa zhes bya bar yid la byed/ yid phyi nang stong pa zhes bya bar yid la byed/ yid dngos po med pa'i ngo bo nyid stong pa zhes bya ba'i bar du yid la byed cing / stong pa nyid de dag kyang dmigs te/ dmigs pa'i tshul gyis rlom sems su byed pa dang / de bzhin du gzugs dang / sgra dang / dri dang / ro dang / reg bya dang / chos rnams la yang bya'o/ /de bzhin du mig gi rnam par shes pa dang / rna ba dang / sna dang / lce dang lus dang / yid kyi rnam par shes pa dang / mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa dang / mig gi 'dus te reg pa'i rkyen gyis tshor ba dang / rna ba dang sna dang lce dang lus dang / yid kyi 'dus te reg pa'i rkyen gyis tshor ba nang stong pa zhes bya bar yid la byed/ phyi stong pa zhes bya bar yid la byed/ phyi nang stong pa zhes bya bar yid la byed/ dngos po med pa'i ngo bo nyid stong pa zhes bya ba'i bar du yid la byed cing / stong pa nyid de dag kyang dmigs te/ dmigs pa'i tshul gyis rlom sems su byed pa dang / de bzhin du sbyar te/ ma rig pa dang / rga shi'i bar du nang stong pa zhes bya bar yid la byed/ phyi stong pa zhes bya bar yid la byed/ phyi nang stong pa zhes bya bar yid la byed/ dngos po med pa'i ngo bo nyid stong pa zhes bya ba'i bar du yid la byed cing / stong pa nyid de dag kyang dmigs te/ dmigs pa'i tshul gyis de dag gis kyang rlom sems su byed pa dang / rab 'byor gzhan yang byang chub sems dpa' sems</font><hr>34.110b<br><font size=+1>

dpa' chen po shes rab kyi pha rol du phyin pa la spyod pa/ rnam pa thams cad mkhyen pa nyid dang ldan pa'i yid la bya ba dag dang bral bas/ dran pa nye bar gzhag pa rnams sgom zhing / dran pa nye bar gzhag pa de dag kyang dmigs te/ dmigs pa'i tshul gyis de dag gis kyang rlom sems su byed pa dang / de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang byang chub kyi yan lag rnams dang / 'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwobargyad kyi bar dag sgom zhing / de dag kyang dmigs te/ dmigs pa'i tshul gyis de dag gis kyang rlom sems su byed pa ste/ rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pa thabs la mi mkhas pa ni/ shes rab kyi pha rol du phyin pa bstan pa 'di thos na skrag ste/ dngang zhing dngang bar 'gyur ro/ /rab 'byor gyis gsol pa/ bcom ldan 'das ji ltar na byang chub sems dpa' sems dpa' chen po'i sdig pa'i grogs po'i sug par mchis te/ sdig pa'i grogs po des yongs su zin pas shes rab kyi pha rol du phyin pa bstan pa 'di thos na skrag ste dngang zhing dngang bar 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po'i sdig pa'i grogs po ni gang 'di skad du 'di ni de bzhin gshegs pa dgra bcom pa yang dag par rdzogs pa'i sangs rgyas kyis gsungs pa ma yin gyis 'di la bslab par mi bya'o/ /'di dag ni snyan dngags mkhan gyi rang bzo yin pas 'di dag ni mnyan par mi bya'o/ /gzung bar mi bya'o/ /kun chub par mi bya'o/ /bcang bar mi bya'o/ /klag par mi bya'o/ /bsgom par mi bya'o/ /tshul bzhin du yid la mi bya'o/ /</font><hr>34.111a<br><font size=+1>

gzhan dag la yang bstan par mi bya'o zhes shes rab kyi pha rol du phyin pa dang 'bral bar byed/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang 'bral bar byed pa ste/ rab 'byor de ni byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang byang chub sems dpa' sems dpa' chen po'i sdig pa'i grogs po ni 'di ltar bdud sdig can sangs rgyas kyi cha byed du bsgyur cing / byang chub sems dpa' sems dpa' chen po'i drung tu 'ongs nas/ 'di skad du rigs kyi bu shes rab kyi pha rol du phyin pa bsgoms pas khyod la ci zhig bya/ bsam gtan gyi pha rol du phyin pas khyod la ci zhig bya/ brtson 'grus kyi pha rol du phyin pas khyod la ci zhig bya/ bzod pa'i pha rol du phyin pas khyod la ci zhig bya/ tshul khrims kyi pha rol du phyin pas khyod la ci zhig bya/ sbyin pa'i pha rol du phyin pa bsgoms pas khyod la ci zhig bya zhes zer zhing 'bral bar byed do zhes de la bdud kyi las rnams mi ston cing bdud kyi nyes pa dag mi brjod pa gang yin pa ste/ rab 'byor de ni byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang byang chub sems dpa' sems dpa' chen po'i sdig pa'i grogs po ni 'di ltar bdud sdig can sangs rgyas kyi cha byad tu bsgyur cing / byang chub sems dpa' sems dpa' chen po'i drung du 'ongs nas/ nyan thos dang ldan pa'i mdo'i sde dang / dbyangs kyis bsnyad pa'i sde dang / lung du bstan pa'i sde dang / de lta bu byung ba'i sde dang / skyes pa rabs kyi sde dang / gleng gzhi'i sde dang / rtogs pa brjod pa'i sde dag ston par byed/ rab tu ston par byed/ rnam par 'byed par byed/ gsal bar byed/ yang dag par rab tu ston par byed cing / </font><hr>34.111b<br><font size=+1>

bdud kyi las 'di lta bu de dag skyed par 'gyur ro zhes de la bdud kyi las rnams mi ston pa gang yin pa ste/ rab 'byor de ni byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang byang chub sems dpa' sems dpa' chen po'i sdig pa'i grogs po ni/ bdud sdig can sangs rgyas kyi cha byad du bsgyur cing / byang chub sems dpa' sems dpa' chen po'i drung du 'ongs nas/ 'di skad du rigs kyi bu khyod la ni byang chub kyi sems cung zad kyang med do/ /khyod ni phyir mi ldog pa yang ma yin no/ /khyod kyis ni bla na med pa yang dag par rdzogs pa'i byang chub mngon par rdzogs par 'tshang rgya bar yang mi nus so zhes zer ro zhes bdud kyi las de lta bu de dag de la mi brjod mi ston pa gang yin pa ste/ rab 'byor de ni byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig can sangs rgyas kyi cha byad du bsgyur cing / byang chub sems dpa' sems dpa' chen po'i drung du 'ongs nas/ 'di skad du rigs kyi bu mig ni bdag dang bdag gis stong ngo / /rna ba dang / sna dang / lce dang / lus dang / yid ni bdag dang bdag gis stong ngo / /gzugs ni bdag dang bdag gis stong ngo / /sgra dang / dri dang / ro dang / reg bya dang / chos rnams ni bdag dang bdag gis stong ngo / /mig gi rnam par shes pa ni bdag dang bdag gis stong ngo / /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni bdag dang bdag gis stong ngo / /mig gi 'dus te reg pa ni bdag dang bdag gis stong ngo / /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni bdag dang bdag gis stong ngo / /mig gi 'dus te reg pa'i rkyen gyis tshor ba ni bdag dang bdag gis stong ngo / /rna ba'i 'dus te reg</font><hr>34.112a<br><font size=+1>

pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni bdag dang bdag gis stong ngo / /de bzhin du sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni bdag dang bdag gis stong ngo / /dran pa nye bar gzhag pa rnams ni bdag dang bdag gis stong ngo / /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang lam dang / sangs rgyas kyi chos ma 'dres pa rnams kyi bar ni bdag dang bdag gis stong na/ bla na med pa yang dag par rdzogs pa'i byang chub mngon par rdzogs par sangs rgyas pas ci zhig bya zhes zer ro zhes bdud kyi las de lta bu de dag mi rjod mi ston pa gang yin pa ste/ rab 'byor de ni byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig can sangs rgyas kyi cha byad du bsgyur cing / byang chub sems dpa' sems dpa' chen po'i drung du 'ongs nas 'di skad du rigs kyi bu shar phyogs ni/ sangs rgyas bcom ldan 'das rnams dang / byang chub sems dpa' rnams dang / nyan thos rnams kyis stong ste/ 'di la sangs rgyas kyang med/ byang chub sems dpa' yang med/ nyan thos kyang med do/ /de bzhin du phyogs bcu kun kyang sangs rgyas bcom ldan 'das rnams dang / byang chub sems dpa' rnams dang / nyan thos rnams kyis stong ste/ 'di la sangs rgyas kyang med/ byang chub sems dpa' yang med/ nyan thos kyang med do zhes zer ro zhes bdud kyi las de lta bu de dag</font><hr>34.112b<br><font size=+1>

mi rjod mi ston pa gang yin pa de dag ni byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig can nyan thos kyi cha byad du bsgyur cing / byang chub sems dpa' sems dpa' chen po'i drung du 'ongs nas/ rnam pa thams cad mkhyen pa nyid dang ldan pa'i yid la byed pa dag zlog cing / nyan thos dang / rang sangs rgyas dang ldan pa'i yid la byed pa dag la 'doms te/ rjes su ston par byed do zhes bdud kyi las de lta bu de dag mi rjod mi ston pa gang yin pa de ni/ rab 'byor byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig can mkhan po dang / slob dpon gyi cha byad du bsgyur cing byang chub sems dpa' sems dpa' chen po'i drung du 'ongs nas byang chub sems dpa'i spyod pa dang 'bral bar byed la/ rnam pa thams cad mkhyen pa nyid dang ldan pa'i yid la bya ba dag dang 'bral bar byed cing / dran pa nye bar gzhag pa rnams la sbyor bar byed/ 'phags pa'i lam yan lag brgyad pa'i bar dag la yang sbyor bar byed stong pa nyid dang / mtshan ma med pa dang / smon pa med pa'i chos rnams la yang sbyor bar byed cing / 'di skad du rigs kyi bu khyod kyis chos 'di dag bsgoms la nyan thos kyis mngon sum du gyis shig /bla na med pa yang dag par rdzogs pa'i byang chub kyis ci zhig bya zhes zer ba'i bdud kyi las de lta bu de dag mi rjod mi ston pa gang yin pa de ni/ rab 'byor byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig can pha dang ma'i cha byad du bsgyur cing / byang chub sems dpa' sems dpa' chen po'i drung du 'ongs nas/ 'di skad du rigs kyi bu gang gi don du bskal pa tshad med grangs med par 'khor ba na 'khor zhing lag pa gcad pa dang / rkang pa gcad pa dang / mgo gcad pa dpag tu med pa dag nyams su myong bar 'gyur zhing / bla na med pa yang dag par</font><hr>34.113a<br><font size=+1>

rdzogs pa'i byang chub mngon par rdzogs par sangs rgyas pas khyod la ci zhig bya/ gang la rgyun du zhugs pa'i 'bras bu mngon sum du byar yod pa de la brtson par gyis shig gang la dgra bcom pa nyid kyi 'bras bu mngon sum du byar yod pa de la brtson par gyis shig ces zer ba'i bdud kyi las de lta bu de dag mi rjod mi ston pa gang yin pa de ni/ rab 'byor byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig can dge slong gi cha byad du bsgyur cing / byang chub sems dpa' sems dpa' chen po'i drung du 'ongs nas/ mig mi rtag ces bya bar dmigs pa'i tshul gyis ston/ de bzhin du mig sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar dmigs pa'i tshul gyis ston pa dang / rna ba dang / sna dang / lce dang / lus dang / yid mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar dmigs pa'i tshul gyis ston pa dang / de bzhin du dran pa nye bar gzhag pa rnams mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya ba dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / </font><hr>34.113b<br><font size=+1>

mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar dmigs pa'i tshul gyis ston pa dang / sangs rgyas kyi chos ma 'dres pa'i bar du mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar dmigs pa'i tshul gyis ston pa'i bdud kyi las de lta bu de dag mi rjod mi ston pa gang yin pa de ni/ byang chub sems dpa' sems dpa' chen po'i sdig pa'i grogs por rig par bya ste/ rig nas kyang yongs su spang bar bya'o/ /shes rab kyi pha rol du phyin pa khri brgyad stong pa las/ sgyu ma lta bu'i le'u zhes bya ste bcu pa'o// // de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' zhes bgyi ba'i gzhi'i don gang lags de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa'i gzhi'i don ni gzhi med pa'i don to/ /de ci'i phyir zhe na/ rab 'byor byang chub kyang skye ba med sems dpa' yang skye ba med de/ rab 'byor byang chub dang / sems dpa' la skye ba dang yod pa nyid med cing mi dmigs so/ /rab 'byor byang chub la yang gzhi med/ sems dpa' la yang gzhi med de/ de lta bas na byang chub sems dpa'i gzhi'i don ni gzhi med pa'i don to/ /rab 'byor 'di lta ste dper na/ nam mkha' la bya'i rjes med cing mi dmigs so/ /rab 'byor de bzhin du byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ rmi lam la gzhi med cing mi dmigs so/ /rab 'byor de bzhin du byang chub sems dpa'i gzhi'i don kyang med cing mi dmigs so/ /</font><hr>34.114a<br><font size=+1>

rab 'byor 'di lta ste dper na/ sgyu ma la gzhi med cing mi dmigs so/ /smig rgyu dang / chu zla dang / brag cha dang / mig yor dang / gzugs brnyan dang / de bzhin gshegs pas sprul pa la gzhi med cing mi dmigs so/ /rab 'byor de bzhin du byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ de bzhin nyid la gzhi med cing mi dmigs so/ /rab 'byor de bzhin du byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ ma nor ba de bzhin nyid la gzhi med cing mi dmigs so/ /gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' la gzhi med cing mi dmigs so/ /rab 'byor de bzhin du byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ sgyu ma'i skyes bu la gzugs dang / tshor ba dang / 'du shes dang / 'du byed rnams dang / rnam par shes pa'i gzhi med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ sgyu ma'i skyes bu la mig gi gzhi med cing mi dmigs so/ /rna ba dang / sna dang / lce dang / lus dang / yid kyi gzhi med cing mi dmigs so/ /gzugs dang / sgra dang / dri dang / ro dang / reg bya dang / chos kyi gzhi med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ sgyu ma'i skyes bu'i mig gi rnam par shes pa la gzhi med cing mi dmigs so/ /rna ba'i rnam par shes pa dang / sna'i rnam par shes dang / lce'i rnam par shes pa dang / </font><hr>34.114b<br><font size=+1>

lus kyi rnam par shes pa dang / yid kyi rnam par shes pa la gzhi med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ sgyu ma'i skyes bu nang stong pa nyid la spyod pa'i gzhi'i don kyang med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ sgyu ma'i skyes bu dngos po med pa'i ngo bo nyid stong pa nyid kyi bar la spyod pa'i gzhi'i don kyang med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ sgyu ma'i skyes bu dran pa nye bar gzhag pa rnams la spyod pa'i gzhi'i don kyang med cing mi dmigs so/ /rab 'byor 'di lta ste dper na/ sgyu ma'i skyes bu 'phags pa'i lam yan lag brgyad pa'i bar dang / de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bcwo brgyad kyi bar la spyod pa'i gzhi'i don kyang med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas la gzugs kyi gzhi med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa' gzhi'i don kyang med cing mi dmigs so/ /rab 'byor 'di lta ste dper na/ de bzhin</font><hr>34.115a<br><font size=+1>

gshegs pa dgra bcom pa yang dag par rdzogs pa'i sangs rgyas la tshor ba dang / 'du shes dang / 'du byed rnams dang / rnam par shes pa'i gzhi med cing mi dmigs so/ /de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don kyang med cing mi dmigs so/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas la mig gi gzhi med do/ /rna ba dang / sna dang / lce dang / lus dang / yid kyi gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don kyang med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas la nang stong pa nyid kyi gzhi med do/ /dngos po med pa'i ngo bo nyid stong pa nyid kyi bar gyi gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don kyang med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas la dran pa nye bar gzhag pa rnams kyi gzhi med do/ /sangs rgyas kyi chos ma 'dres pa bcwo brgyad kyi bar dag gi gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ 'dus ma byas kyi khams la 'dus byas kyi khams kyi gzhi med do/ /'dus byas kyi khams la yang 'dus ma byas kyi khams kyi gzhi med do/ /rab 'byor de bzhin du byang chub sems dpa'</font><hr>34.115b<br><font size=+1>

sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ skye ba med pa la gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ 'gag pa med pa dang / mngon par 'du bya ba med pa dang / 'byung ba med pa dang / dmigs su med pa dang / kun nas nyon mongs pa med pa dang / rnam par byang ba med pa la gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor gyis gsol pa/ bcom ldan 'das skye ba ma mchis pa la gang gi gzhi ma mchis pa lags kun nas nyon mongs pa ma mchis pa dang / rnam par byang ba ma mchis pa'i bar la gang gi gzhi ma mchis pa lags/ bcom ldan 'das kyis bka' stsal pa/ rab 'byor skye ba med pa la gzugs kyi gzhi med do/ /skye ba med pa la tshor ba dang / 'du shes dang / 'du byed rnams dang / rnam par shes pa'i gzhi med do/ /rab 'byor kun nas nyon mongs pa med pa dang / rnam par byang ba med pa'i bar la gzugs kyi gzhi med do/ /kun nas nyon mongs pa med pa dang / rnam par byang ba med pa'i bar la tshor ba dang / 'du shes dang / 'du byed rnams dang / rnam par shes pa'i gzhi med do/ /de bzhin du skye ba med pa la khams rnams dang / skye mched rnams kyi gzhi med do/ /kun nas nyon mongs pa med pa dang / rnam par byang ba med pa'i bar la khams dang skye mched rnams kyi gzhi med do/ /skye ba med pa la byang chub kyi phyogs kyi chos sum bcu rtsa bdun dang / stobs dang / mi 'jigs pa dang / sangs rgyas kyi chos ma 'dres pa bcwo brgyad kyi bar dag gi gzhi med do/ /kun nas nyon mongs pa med</font><hr>34.116a<br><font size=+1>

pa dang / rnam par byang ba med pa la sangs rgyas kyi chos ma 'dres pa bcwobargyad kyi bar dag gi gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ gzugs la skye ba med pa dang / 'gag pa med pa dang / mngon par 'du bya ba med pa dang / 'byung ba med pa dang / dmigs su med pa dang / kun nas nyon mongs pa med pa dang / rnam par byang ba med pa'i gzhi'i don med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ tshor ba dang / 'du shes dang / 'du byed rnams dang / rnam par shes pa la skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i bar gyi gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ gzugs shin du rnam par dag pa la mtshan ma'i gzhi med do/ /rab 'byor de bzhin du byang chub sems dpa' sems dpa' chen po'i shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ tshor ba dang / 'du shes dang / 'du byed rnams dang / rnam par shes pa shin tu rnam par dag pa la mtshan ma'i gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa' gzhi'i don med do/ /de bzhin du khams dang / skye mched dang / rten cing 'brel par 'byung ba shin du rnam par dag pa la mtshan ma'i gzhi med do/ /rab 'byor de bzhin du byang chub sems dpa' sems dpa' chen po shes rab kyi pha</font><hr>34.116b<br><font size=+1>

rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ dran pa nye bar gzhag pa rnams shin du rnam par dag pa la mtshan ma'i gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwo brgyad kyi bar dag shin du rnam par dag pa la mtshan ma'i gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ bdag med pa'i phyir/ bdag shin du rnam par dag pa la gzhi med do/ /shes pa po dang mthong ba po med pa'i phyir/ shes pa po dang / mthong ba po'i bar du shin du rnam par dag pa la gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ nyi ma'i dkyil 'khor shar ba la mun pa'i gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ sreg pa'i bskal pa la 'du byed thams cad kyi gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi tshul</font><hr>34.117a<br><font size=+1>

khrims la 'chal ba'i tshul khrims kyi gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ de bzhin gshegs pa'i ting nge 'dzin la rnam par g.yeng pa'i gzhi med do/ /de bzhin gshegs pa'i shes rab la 'chal ba'i shes rab kyi gzhi med do/ /de bzhin gshegs pa'i rnam par grol ba la rnam par ma grol ba'i gzhi med do/ /de bzhin gshegs pa'i rnam par grol ba'i ye shes mthong ba la rnam par grol ba'i ye shes mthong ba ma yin pa'i gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ nyi ma dang zla ba'i 'od la mun pa'i gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ gza' dang / skar ma dang / nor bu rin po che dang / glog gi 'od la gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /rab 'byor 'di lta ste dper na/ rgyal chen bzhi'i ris kyi lha rnams dang / sum bcu rtsa gsum pa'i lha rnams dang / 'thab bral gyi lha rnams dang / dga' ldan gyi lha rnams dang / 'phrul dga'i lha rnams dang / gzhan 'phrul dbang byed kyi lha rnams dang / tshangs ris kyi lha rnams dang / 'og min gyi bar gyi lha rnams kyi 'od la gzhi med do/ /de bzhin gshegs pa'i bar gyi 'od la gzhi med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin</font><hr>34.117b<br><font size=+1>

pa la spyod pa'i byang chub sems dpa'i gzhi'i don med do/ /de ci'i phyir zhe na/ rab 'byor 'di ltar byang chub gang yin pa dang / byang chub sems dpa' gang yin pa dang / byang chub sems dpa'i gzhi'i don gang yin pa'i chos de dag thams cad ni ldan pa yang ma yin/ mi ldan pa yang ma yin/ gzugs med pa/ bstan du med pa/ thogs pa med pa/ 'di ltar mtshan nyid med par mtshan nyid gcig pa yin te/ rab 'byor byang chub sems dpa' sems dpa' chen pos chos thams cad kyi med pa nyid la bslab par bya'o/ /rab 'byor byang chub sems dpa' sems dpa' chen pos chos thams cad khong du chud par bya'o/ /rab 'byor gyis gsol pa/ bcom ldan 'das chos thams cad ni gang lags/ byang chub sems dpa' sems dpa' chen pos chos thams cad kyi ma mchis pa nyid la ni ji ltar bslab par bgyi/ byang chub sems dpa' sems dpa' chen pos chos thams cad ni ji ltar khong du chud par bgyi/ bcom ldan 'das kyis bka' stsal pa/ rab 'byor chos thams cad ces bya ba ni dge ba dang mi dge ba dang / lung bstan du yod pa dang / lung du ma bstan pa dang / 'jig rten pa dang / 'jig rten las 'das pa dang / zag pa dang bcas pa dang / zag pa med pa dang / 'dus byas dang / 'dus ma byas dang / kha na ma tho ba dang bcas pa dang / kha na ma tho ba med pa dang / thun mong dang / thun mong ma yin pa dag go/ /rab 'byor de dag ni chos thams cad ces bya ste/ byang chub sems dpa' sems dpa' chen pos de dag gi med pa nyid la bslab par bya'o/ /byang chub sems dpa' sems dpa' chen pos chos thams cad khong du chud par bya ba yang de dag yin no/ /shes rab kyi pha rol du phyin pa khri brgyad stong pa/ bam po dgu pa/ rab 'byor gyis gsol pa/ bcom ldan 'das 'jig rten pa'i dge ba'i chos rnams gang lags/ bcom ldan 'das kyis bka' stsal pa/ 'jig rten pa'i</font><hr>34.118a<br><font size=+1>

dge ba'i chos rnams shes bya ba ni phar 'dzin pa dang / mar 'dzin pa dang / dge sbyong tu 'dzin pa dang / bram zer 'dzin pa dang / rigs kyi gtso bo la rim gro byed pa dang / sbyin pa las byung ba'i bsod nams bya ba'i dngos po dang / tshul khrims las byung ba dang / bsgom pa las byung ba'i bsod nams bya ba'i dngos po dang / zhal ta byed pa dang ldan pa dang / thabs la mkhas pa dang / dge ba bcu'i las kyi lam rnams dang / 'jig rten pa'i rnam par bam pa'i 'du shes dang / rnam par rnags pa'i 'du shes dang / rnam par 'bus gzhigs pa'i 'du shes dang / rnam par dmar ba'i 'du shes dang / rnam par sngos pa'i 'du shes dang / rnam par zos pa'i 'du shes dang / rnam par 'thor ba'i 'du shes dang / rus gong gi 'du shes dang / rnam par tshig pa'i 'du shes dang / 'jig rten pa'i bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / 'jig rten pa'i sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / dbugs 'byung ba dang rdub pa rjes su dran pa dang / 'chi ba rjes su dran pa dang / lus su gtogs pa rjes su dran pa dang / skyo ba rjes su dran pa ste/ rab 'byor de dag ni 'jig rten pa'i dge ba'i chos rnams zhes bya'o/ /rab 'byor gyis gsol pa/ bcom ldan 'das 'jig rten pa'i chos mi dge ba rnams gang lags/ bcom ldan 'das kyis bka' stsal pa/ rab 'byor 'jig rten pa'i chos mi dge ba ni srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang phra ma dang / ngag rtsub po dang / tshig kyal pa dang / brnab sems dang / gnod sems dang / log par lta ba dang / khro ba dang / khon du 'dzin pa dang / 'chab pa dang / 'tshig pa dang / rnam par 'tshe ba dang / phrag dog dang / ser sna dang / nga rgyal te rab 'byor</font><hr>34.118b<br><font size=+1>

de dag ni 'jig rten pa'i chos mi dge ba rnams shes bya'o/ /rab 'byor gyis gsol pa/ bcom ldan 'das lung du ma bstan pa'i chos rnams gang lags/ bcom ldan 'das kyis bka' stsal pa/ lus kyi las ni lung du ma bstan pa'o/ /ngag gi las ni lung du ma bstan pa'o/ /yid kyi las ni lung du ma bstan pa'o/ /'byung ba chen po bzhi ni lung du ma bstan pa'o/ /dbang po lnga ni lung du ma bstan pa'o/ /skye mched drug ni lung du ma bstan pa'o/ /gzugs med pa'i snyoms par 'jug pa bzhi ni lung du ma bstan pa'o/ /phung po dang / khams dang / skye mched rnams ni lung du ma bstan pa'o/ /rnam par smin pa ni lung du ma bstan pa ste/ rab 'byor 'di dag ni lung du ma bstan pa'i chos rnams shes bya'o/ /gsol pa/ bcom ldan 'das 'jig rten pa'i chos rnams gang lags/ bcom ldan 'das kyis bka' stsal pa/ rab 'byor 'jig rten pa'i chos rnams shes bya ba ni phung po lnga dang / skye mched bcu gnyis dang / khams bcwo brgyad dang / dge ba bcu'i las kyi lam rnams dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / 'jig rten las 'das pa'i chos ma gtogs par 'jig rten pa'i chos gang ji snyed pa de dag ni 'jig rten pa'i chos rnams shes bya'o/ /rab 'byor gyis gsol pa/ bcom ldan 'das 'jig rten las 'das pa'i chos rnams gang lags/ bcom ldan 'das kyis bka' stsal pa/ 'jig rten las 'das pa'i chos rnams shes bya ba ni dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo stong pa nyid dang / rnam par thar pa'i sgo mtshan ma med pa dang / rnam par thar pa'i sgo smon pa med pa dang / mi shes pa kun shes par byed pa'i dbang po dang / kun</font><hr>34.119a<br><font size=+1>

shes pa'i dbang po dang / kun shes pa dang ldan pa'i dbang po dang / rtog pa dang bcas dpyod pa dang bcas pa'i ting nge 'dzin dang / rtog pa med cing dpyod pa'i ting nge 'dzin dang / mi rtog mi dpyod pa'i ting nge 'dzin dang / rig pa dang / rnam par grol ba dang / dran pa dang / shes bzhin dang / tshul bzhin yid la byed pa dang / rnam par thar pa brgyad de/ brgyad gang zhe na/ gzugs can gzugs rnams la lta ba 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /sdug pa nyid du mos pa 'di ni rnam par thar pa gsum pa'o/ /de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas so snyam nas/ nam mkha' mtha' yas skye mched bsgrubs te gnas pa 'di ni rnam par thar pa bzhi pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched bsgrubs te gnas pa 'di ni rnam par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched bsgrubs te gnas pa 'di ni rnam par thar pa drug pa'o/ /de rnam pa thams cad du ci yang med pa'i skye mched las yang dag par 'das nas/ 'du shes med 'du shes med min skye mched bsgrubs te gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das nas/ 'du shes dang tshor ba 'gog pa bsgrubs te gnas pa 'di ni rnam par thar pa brgyad pa ste/ de dag ni rnam par thar pa brgyad pa'o/ /mthar gyis gnas pa'i snyoms par 'jug</font><hr>34.119b<br><font size=+1>

pa dgu ste/ dgu gang zhe na/ 'dod pa dag las dben pa sdig pa mi dge ba'i chos rnams las dben pa rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas pa dang / de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa bsgrubs te gnas pa dang / de dga' ba'i 'dod chags dang bral bas btang snyoms la gnas shing / dran pa dang shes bzhin can yin te/ bde ba lus kyis myong la 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa ste/ dga' ba med pa bsam gtan gsum pa bsgrubs te gnas pa dang / de bde ba yang spangs/ snga nas sdug bsngal yang spangs shing / yid bde ba dang / yid mi bde ba yang nub pas bde ba yang ma yin/ sdug bsngal ba yang ma yin pa btang snyoms dang dran pa yongs su dag pa bsam gtan bzhi pa bsgrubs te gnas pa dang / de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing sna tshogs kyi 'du shes rnams yid la mi byed pas/ nam mkha' mtha' yas so snyam nas nam mkha' mtha' yas skye mched bsgrubs te gnas pa dang / de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched bsgrubs te gnas pa dang / de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched bsgrubs te gnas pa dang / de rnam pa thams cad du ci yang med pa'i skye mched las yang dag par 'das nas 'du</font><hr>34.120a<br><font size=+1>

shes med 'du shes med min skye mched bsgrubs te gnas pa dang / de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa bsgrubs nas gnas pa ste/ de dag ni mthar gyis gnas pa'i snyoms par 'jug pa dgu'o/ /nang stong pa nyid nas dngos po med pa'i ngo bo nyid stong pa nyid kyi bar dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad rnams te/ de dag ni 'jig rten las 'das pa'i chos rnams shes bya'o/ /de la zag pa dang bcas pa'i chos rnams gang zhe na/ 'di lta ste/ phung po lnga dang / skye mched bcu gnyis dang / khams bcwo brgyad dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi ste/ de dag ni zag pa dang bcas pa'i chos rnams shes bya'o/ /de la zag pa med pa'i chos rnams gang zhe na/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad kyi bar dag ste/ de dag ni zag pa med pa'i chos rnams shes bya'o/ /de la 'dus byas kyi chos rnams gang zhe na/ 'dod pa'i khams dang / gzugs kyi khams dang / gzugs med pa'i khams dang / de ma yin pa gzhan gang dag 'dus byas su gtogs pa'i chos byang chub kyi phyogs kyi chos sum bcu rtsa bdun dang / sangs rgyas kyi chos ma 'dres bcwo brgyad kyi bar dag kyang yin te/ de dag ni 'dus byas kyi chos rnams shes bya'o/ /de la 'dus ma byas kyi chos rnams gang zhe na/ chos gang dag la skye ba dang / 'jig pa dang / </font><hr>34.120b<br><font size=+1>

gzhan du 'gyur bar mi snang ba dag ste/ 'dod chags zad pa dang / zhe sdang zad pa dang / gti mug zad pa dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' ste/ de dag ni 'dus ma byas kyi chos rnams shes bya'o/ /de la thun mong gi chos rnams gang zhe na/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga ste/ de dag ni thun mong gi chos rnams shes bya'o/ /de la thun mong ma yin pa'i chos rnams gang zhe na/ byang chub kyi phyogs kyi chos sum bcu rtsa bdun dang / stobs bcu dang / mi 'jigs pa bzhi dang / so so yang dag par rig pa bzhi dang / rnam par thar pa'i sgo gsum dang / sangs rgyas kyi chos ma 'dres pa bcwo brgyad kyi bar dag ste/ de dag ni thun mong ma yin pa'i chos rnams shes bya'o/ /de la byang chub sems dpa' sems dpa' chen po shes rab kyi pha rol du phyin pa la spyod pas/ chos thams cad la rtog pa med pa dang / dpyod pa med pa'i phyir rang gi mtshan nyid kyis stong pa'i chos rnams la chags pa med pa dang / yod pa ma yin par bslab par bya'o/ /chos thams cad gnyis su med pa'i tshul du khong du chud par bya'o/ /de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po zhes bgyi ba ci'i slad du/ byang chub sems dpa' sems dpa' chen po zhes bgyi/ bcom ldan 'das kyis bka' stsal pa/ rab 'byor sems can gyi phung po chen po dang / sems can gyi ris phal po che'i phul byed par 'gyur bas/ de'i phyir byang chub sems dpa' sems dpa' chen po zhes bya'o/ /rab 'byor gyis gsol pa/ bcom ldan 'das byang chub sems dpa' sems dpa' chen po gang gi phul bgyid par 'gyur ba'i sems can gyi tshogs</font><hr>34.121a<br><font size=+1>

chen po ni gang lags/ sems can gyi ris phal po che ni gang lags/ bcom ldan 'das kyis bka' stsal pa/ rab 'byor sems can gyi tshogs chen po zhes bya ba ni 'di lta ste/ rigs kyi sa dang / brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / sems dang po bskyed pa'i byang chub sems dpa' dang / phyir mi ldog pa'i sa la gnas pa'i byang chub sems dpa' sems dpa' chen po'i bar dag go/ /rab 'byor de ni sems can gyi tshogs chen po dang / sems can gyi ris phal po che zhes bya ste/ byang chub sems dpa' sems dpa' chen po ni de'i phul byed par 'gyur ro/ /de la byang chub sems dpa' sems dpa' chen pos rdo rje lta bu'i sems bskyed de/ sems can gyi tshogs chen po dang / sems can gyi ris phal po che'i phul du 'gyur bar bya'o/ /rab 'byor gyis gsol pa/ bcom ldan 'das rdo rje lta bu'i sems bskyed pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po 'di ltar sems bskyed de/ 'khor ba dpag tu med par sems can thams cad kyi don du bdag gis go cha bgo bar bya'o/ /bdag gis bdog pa thams cad yongs su btang bar bya'o/ /bdag gis sems can thams cad la sems mnyam pa nyid bskyed par bya'o/ /bdag gis sems cad thams cad theg pa gsum gyis yongs su mya ngan las bzla bar bya'o/ /sems can thams cad yongs su mya ngan las 'das kyang / sems can gang yang yongs su mya ngan las 'das pa med pas/ chos thams cad skye ba med pa dang / 'gag pa med pa bdag gis rtogs par bya'o/ /bdag gis rnam pa thams cad mkhyen pa nyid kyi sems ma 'dres pas pha rol du phyin pa drug la spyad par bya'o/ /bdag gis thams cad kyi rjes su song ba'i chos rtogs pa yongs su grub pa la bslab par bya'o/ /chos rnams tshul gcig tu bsgrub</font><hr>34.121b<br><font size=+1>

pa bdag gis rtogs par bya'o/ /bdag gis chos dpag tu med pa'i bar dag bsgrub pa rtogs par bya ba'i phyir bslab par bya'o snyam du sems bskyed de/ rab 'byor de ni byang chub sems dpa' sems dpa' chen po'i sems bskyed pa rdo rje lta bu ste/ de la gnas nas byang chub sems dpa' sems dpa' chen po sems can gyi tshogs chen po dang / sems can gyi ris phal po che'i phul byed par 'gyur te/ de yang mi dmigs pa'i tshul gyis byed do/ /rab 'byor gzhan yang byang chub sems dpa' sems dpa' chen po sems 'di ltar bskyed de/ sems can dmyal ba dang / dud 'gro'i skye gnas dang / gshin rje'i 'jig rten du skyes pa'i sems can ji snyed cig sdug bsngal gyi tshor ba myong bar gyur pa de dag gi don du bdag gis sdug bsngal gyi tshor ba de nyams su myong bar bya'o snyam tu sems bskyed do/ /de la byang chub sems dpa' sems dpa' chen pos gong tu sems 'di ltar bskyed par bya ste/ bdag gis sems can de dag phung po'i lhag ma med pa'i mya ngan las 'das pa'i dbyings su yongs su mya ngan las 'das par ma gyur gyi bar du sems can gcig gi don du yang bskal pa bye ba khrag khrig phrag 'bum phrag mang por sems can dmyal ba'i sdug bsngal de bdag gis nyams su myong bar bya'o zhes thabs de lta bus sems can de dag phung po'i lhag ma med pa'i mya ngan las 'das pa'i dbyings su yongs su mya ngan las 'das par ma gyur gyi bar du sems can thams cad kyi ched du bdag gis sems can dmyal ba'i sdug bsngal de nyams su myong bar bya'o/ /phyis 'dod pa dag gi don du dge ba'i rtsa ba dag bskyed de/ bskal pa bye ba khrag khrig phrag 'bum du byang chub kyi tshogs bsags la/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du sems bskyed par bya'o/ /rab 'byor de ni byang chub sems dpa' sems dpa' chen po'i sems bskyed pa rdo rje lta bu ste/ de la gnas</font><hr>34.122a<br><font size=+1>

nas byang chub sems dpa' sems dpa' chen po sems can gyi tshogs chen po dang / sems can gyi ris phal po che'i phul byed par 'gyur ro/ /rab 'byor gzhan yang byang chub sems dpa' sems dpa' chen pos sems gang gis sems can thams cad kyi phul du 'gyur ba'i sems rlabs po che rtag par rgyun du bskyed par bya'o/ /de la byang chub sems dpa' sems dpa' chen po'i sems rlabs po che ni/ gang sems dang po bskyed pa nas bzung ste/ 'dod chags kyi sems mi bskyed/ zhe sdang gi sems mi bskyed/ gti mug gi sems mi bskyed/ rnam par 'tshe ba'i sems mi bskyed/ nyan thos dang rang sangs rgyas kyi sems mi bskyed pa ste/ rab 'byor de ni byang chub sems dpa' sems dpa' chen po'i sems rlabs po che yin te/ des sems can thams cad kyi phul du phyin par byed cing / des rlom sems su'ang mi byed do/ /rab 'byor gzhan yang byang chub sems dpa' sems dpa' chen pos mi sgul ba'i sems su bya'o/ /de la byang chub sems dpa' sems dpa' chen po'i sems mi sgul ba ni 'di yin te/ gang rnam pa thams cad mkhyen pa nyid dang ldan pa'i yid la byed pas rlom sems su mi byed pa ste/ rab 'byor de ni byang chub sems dpa' sems dpa' chen po'i sems mi sgul ba'o/ /rab 'byor gzhan yang byang chub sems dpa' sems dpa' chen pos sems can thams cad la phan pa dang bde bar bya ba'i sems bskyed par bya'o/ /de la byang chub sems dpa' sems dpa' chen po'i phan pa dang / bde bar bya ba'i sems ni 'di yin te/ gang sems can thams cad skyob cing sems can thams cad yongs su mi gtong la/ des rlom sems su yang mi byed pa ste/ rab 'byor de ni byang chub sems dpa' sems dpa' chen po'i phan pa dang bde bar bya ba'i sems so/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pa ni sems can thams cad kyi phul du phyin par byed par 'gyur te/ de yang mi</font><hr>34.122b<br><font size=+1>

dmigs pa'i tshul gyis byed do/ /rab 'byor gzhan yang byang chub sems dpa' sems dpa' chen pos rtag par rgyun du chos 'dod par bya'o/ /chos la dga' bar bya'o/ /chos kun du dga' bar bya'o/ /chos la kun du dga' ba'i rnal 'byor la brtson par bya'o/ de la chos gang zhe na/ 'di lta ste/ chos thams cad dbyer med pa ste/ de ni chos zhes bya'o/ /de la chos 'dod pa gang zhe na/ gang chos la 'dod cing mos pa ste/ de ni chos 'dod pa zhes bya'o/ /de la chos la dga' ba gang zhe na/ gang chos la dga' zhing mngon par dga' ba ste/ de ni chos la dga' ba zhes bya'o/ /de la chos la kun du dga' ba gang zhe na/ gang chos la yon tan dang / phan yon du lta ba ste/ de ni chos la kun du dga' ba zhes bya'o/ /de la chos la kun du dga' ba'i rnal 'byor la brtson pa gang zhe na/ chos de nyid la sgom zhing mang du byed pa ste/ de ni chos la kun du dga' ba'i rnal 'byor la brtson pa zhes bya'o/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pas/ sems can gyi tshogs chen po dang / sems can gyi ris phal po che'i phul du phyin par bya ste/ de yang mi dmigs pa'i tshul gyis bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ nang stong pa nyid la gnas dngos po med pa'i ngo bo nyid stong pa nyid kyi bar la gnas nas/ sems can gyi tshogs chen po dang / sems can gyi ris phal po che'i phul du phyin par bya ste/ de yang mi dmigs pa'i tshul gyis bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pas byang chub kyi phyogs kyi chos sum bcu rtsa bdun la gnas/ stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwo brgyad kyi bar dag la gnas nas/ sems can gyi tshogs chen po dang / </font><hr>34.123a<br><font size=+1>

sems can gyi ris phal po che'i phul du phyin par bya ste/ de yang mi dmigs pa'i tshul gyis bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ rdo rje lta bu'i ting nge 'dzin la gnas pas/ nam mkha' ltar chags pa med pas rnam par grol zhing gos pa med pa'i ting nge 'dzin gyi bar la gnas te/ sems can gyi tshogs chen po dang / sems can gyi ris phal po che'i phul du phyin par bya ste/ de yang mi dmigs pa'i tshul gyis bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa chos de dag la gnas te/ sems can gyi tshogs chen po dang / sems can gyi ris phal po che'i phul du phyin par byed par 'gyur te/ de'i phyir byang chub sems dpa' sems dpa' chen po zhes bya'o/ /shes rab kyi pha rol du phyin pa khri brgyad stong pa las/ khrel yod pa'i le'u zhes bya ste/ bcu gcig pa'o// // de nas bcom ldan 'das la/ tshe dang ldan pa shA ri'i bus 'di skad ces gsol to/ /bcom ldan 'das don gang gis byang chub sems dpa' sems dpa' chen po zhes bgyi ba la bdag kyang spobs lags so/ /bcom ldan 'das kyis bka' stsal pa/ shA ri'i bu don gang gis byang chub sems dpa' sems dpa' chen po zhes bya ba la khyod spobs par gyis shig /shA ri'i bus gsol pa/ bcom ldan 'das bdag tu lta ba spang ba'i slad du sems can rnams la chos ston pa dang / de bzhin du sems can du lta ba dang / srog tu lta ba dang / gang zag tu lta ba dang / gso ba dang / skyes bu dang / shed las skyes dang / shed bu dang / byed pa po dang / byed du 'jug pa po dang / slong ba po dang / kun nas slong ba po dang / tshor ba po dang / tshor bar byed du 'jug pa po dang / shes pa po dang / mthong ba por lta ba dang / chad par lta ba dang / rtag par lta ba dang / yod par lta ba dang / </font><hr>34.123b<br><font size=+1>

med par lta ba dang / phung por lta ba dang / khams su lta ba dang / skye mched tu lta ba dang / bden par lta ba dang / rten cing 'brel par 'byung bar lta ba dang / pha rol du phyin par lta ba dang / byang chub kyi phyogs kyi chos su lta ba dang / stobs dang mi 'jigs par lta ba dang / sangs rgyas kyi chos ma 'dres par lta ba dang / sems can yongs su smin par bgyi bar lta ba dang / sangs rgyas kyi zhing yongs su dag par bgyi bar lta ba dang / byang chub tu lta ba dang / sangs rgyas su lta ba dang / chos su lta ba dang / dge 'dun du lta ba dang / chos kyi 'khor lo skor bar lta ba dang / yongs su mya ngan las 'das par lta ba spang ba'i slad tu/ mi dmigs pa'i tshul gyis sems can rnams la chos ston te/ don des na byang chub sems dpa' sems dpa' chen po zhes bgyi'o/ /de nas tshe dang ldan pa rab 'byor gyis tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu ci'i phyir na byang chub sems dpa' sems dpa' chen po gzugs su lta bar 'gyur ba yin/ tshor ba dang / 'du shes dang / 'du byed rnams dang / rnam par shes par lta bar 'gyur ba yin/ sangs rgyas kyi chos ma 'dres pa'i bar du lta bar 'gyur ba yin/ shA ri'i bus smras pa tshe dang ldan pa rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa thabs la mi mkhas pas/ gzugs la dmigs shing dmigs pa'i tshul gyis lta ba bskyed do/ /de bzhin du tshor ba dang / 'du shes dang / 'du byed rnams dang / rnam par shes pa la dmigs shing / dmigs pa'i tshul gyis lta ba bskyed do/ /sangs rgyas kyi chos ma 'dres pa'i bar du dmigs shing dmigs pa'i tshul gyis lta ba bskyed de/ tshe dang ldan pa rab 'byor de'i phyir/ byang chub sems dpa' sems dpa' chen po gzugs su lta bar 'gyur ba yin te/ sangs rgyas kyi chos ma 'dres pa'i bar du lta bar 'gyur ba yin te/ de la byang chub sems dpa' sems dpa' chen po shes rab</font><hr>34.124a<br><font size=+1>

kyi pha rol du phyin pa la spyod pa thabs la mkhas pas lta ba de dag spang ba'i phyir/ mi dmigs pa'i tshul gyis chos ston to/ /de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das don gang gis byang chub sems dpa' sems dpa' chen po zhes bgyi ba la bdag kyang spobs lags so/ /bcom ldan 'das kyis bka' stsal pa/ rab 'byor khyod spobs par gyis shig /rab 'byor gyis gsol pa/ bcom ldan 'das byang chub kyi sems mi mnyam pa dang mnyam pa'i sems nyan thos dang / rang sangs rgyas thams cad dang thun mong ma lags pa'i sems gang lags pa'i sems de la yang chags pa ma mchis pas/ don des na/ byang chub sems dpa' sems dpa' chen po zhes bgyi'o/ /de ci'i slad du zhe na/ 'di ltar thams cad mkhyen pa nyid kyi sems de ni zag pa ma mchis shing khongs su gtogs pa ma lags pa lags te/ thams cad mkhyen pa nyid kyi sems zag pa ma mchis shing khongs su gtogs pa ma lags pa'i sems de la yang chags pa ma mchis pas de'i slad du byang chub sems dpa' sems dpa' chen po zhes bgyi ba'i grangs su mchi'o/ /de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po'i sems mi mnyam pa dang mnyam pa nyan thos dang / rang sangs rgyas thams cad dang thun mong ma yin pa'i sems de dag gang yin/ rab 'byor gyis smras pa/ tshe dang ldan pa shA ri'i bu 'di la byang chub sems dpa' sems dpa' chen po sems dang po bskyed phyin chad chos gang la yang skye ba 'am 'gag par yang dag par rjes su mi mthong / 'grib pa dang / 'phel ba dang / 'ong ba dang / 'gro ba dang / kun nas nyon mongs pa dang / rnam par byang bar yang dag par rjes su mi mthong ste/ tshe dang ldan pa shA ri'i bu gang la skye</font><hr>34.124b<br><font size=+1>

ba med pa dang / 'gag pa med pa dang / 'grib pa med pa dang / 'phel ba med pa dang / 'ong ba med pa dang / 'gro ba med pa dang / kun nas nyon mongs pa med pa dang / rnam par byang ba med pa de la nyan thos kyi sems med/ rang sangs rgyas kyi sems med/ byang chub sems dpa'i sems med/ yang dag par rdzogs pa'i sangs rgyas kyi sems med de/ tshe dang ldan pa shA ri'i bu de ni byang chub sems dpa' sems dpa' chen po'i sems mi mnyam pa dang mnyam pa ste/ nyan thos dang rang sangs rgyas thams cad dang thun mong ma yin pa'i sems so/ /shA ri'i bus smras pa/ tshe dang ldan pa rab 'byor khyod kyis 'di skad du thams cad mkhyen pa nyid kyi sems zag pa med pa/ khongs su gtogs pa ma yin pa gang yin pa'i sems de la yang chags pa med ces smras na/ tshe dang ldan pa rab 'byor gzugs kyang chags pa med pa yin nam/ tshor ba dang / 'du shes dang / 'du byed rnams dang / rnam par shes pa yang chags pa med pa yin nam/ rab 'byor gyis smras pa/ tshe dang ldan pa shA ri'i bu de de bzhin te/ gzugs kyang chags pa med do/ /tshor ba dang / 'du shes dang / 'du byed rnams dang / rnam par shes pa yang chags pa med do/ /byang chub kyi phyogs kyi chos sum bcu rtsa bdun dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyi bar du yang chags pa med do/ /shA ri'i bus smras pa/ tshe dang ldan pa rab 'byor khyod kyis 'di skad du thams cad mkhyen pa nyid kyi sems gang yin pa de yang zag pa med cing / khongs su gtogs pa ma yin no zhes smras na/ tshe dang ldan pa rab 'byor byis pa so so'i skye bo rnams kyi sems kyang rang bzhin gyis stong pa nyid kyi phyir/ zag pa med cing khongs su gtogs pa ma yin pa yin nam/ nyan thos dang / rang sangs rgyas kyi sems dang / sangs rgyas bcom ldan 'das rnams kyi thugs kyang rang</font><hr>34.125a<br><font size=+1>

bzhin gyis stong pa nyid kyi phyir/ zag pa med cing khongs su gtogs pa ma yin pa yin nam/ rab 'byor gyis smras pa/ tshe dang ldan pa shA ri'i bu de de bzhin no/ /shA ri'i bus smras pa/ tshe dang ldan pa rab 'byor gzugs kyang rang bzhin gyis stong pa nyid kyi phyir zag pa med cing khongs su gtogs pa ma yin pa yin nam/ tshor ba dang / 'du shes dang / 'du byed rnams dang / rnam par shes pa yang rang bzhin gyis stong pa nyid kyi phyir zag pa med cing khongs su gtogs pa ma yin pa yin nam/ rab 'byor gyis smras pa/ tshe dang ldan pa shA ri'i bu de de bzhin no/ /shA ri'i bus smras pa/ tshe dang ldan pa rab 'byor byang chub kyi phyogs kyi chos sum bcu rtsa bdun dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad kyi bar dag kyang rang bzhin gyis stong pa nyid kyi phyir/ zag pa med cing khongs su gtogs pa ma yin pa yin nam/ rab 'byor gyis smras pa/ tshe dang ldan pa shA ri'i bu ji skad smras pa de de bzhin te/ byis pa so so'i skye bo rnams kyi sems kyang rang bzhin gyis stong pa nyid kyi phyir/ zag pa med cing khongs su gtogs pa ma yin no/ /nyan thos dang / rang sangs rgyas thams cad kyi sems dang / sangs rgyas bcom ldan 'das rnams kyi thugs kyang rang bzhin gyis stong pa nyid kyi phyir/ zag pa med cing khongs su gtogs pa ma yin no/ /gzugs kyang rang bzhin gyis stong pa nyid kyi phyir zag pa med cing khongs su gtogs pa ma yin no/ /rnam par shes pa'i bar du yang rang bzhin gyis stong pa nyid kyi phyir/ zag pa med cing khongs su gtogs pa ma yin no/ /byang chub kyi phyogs kyi chos sum bcu rtsa bdun dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo</font><hr>34.125b<br><font size=+1>

brgyad kyi bar dag kyang rang bzhin gyis stong pa nyid kyi phyir zag pa med cing khongs su gtogs pa ma yin no/ /shA ri'i bus smras pa/ tshe dang ldan pa rab 'byor khyod kyis gang 'di skad du sems med pa'i phyir/ sems de la yang chags pa med ces smras na/ tshe dang ldan pa rab 'byor gzugs med pa yang gzugs la chags pa med dam/ tshor ba med pa yang tshor ba la chags pa med dam/ 'du shes med pa yang 'du shes la chags pa med dam/ 'du byed rnams med pa yang 'du byed rnams la chags pa med dam/ rnam par shes pa med pa yang rnam par shes pa la chags pa med dam/ rab 'byor gyis smras pa/ tshe dang ldan pa shA ri'i bu de de bzhin no/ /shA ri'i bus smras pa/ tshe dang ldan pa rab 'byor byang chub kyi phyogs kyi chos rnams med pa yang byang chub kyi phyogs kyi chos rnams la chags pa med dam/ sangs rgyas kyi chos ma 'dres pa'i bar dag med pa yang sangs rgyas kyi chos ma 'dres pa rnams la chags pa med dam/ rab 'byor gyis smras pa/ tshe dang ldan pa shA ri'i bu de de bzhin no/ /ji skad smras pa bzhin te/ gzugs med pa yang gzugs la chags pa med do/ /tshor ba dang / 'du shes dang / 'du byed rnams dang / rnam par shes pa med pa yang rnam par shes pa la chags pa med do/ /khams rnams dang / skye mched rnams dang / rten cing 'brel bar 'byung ba rnams dang / byang chub kyi phyogs kyi chos rnams dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa'i bar dag med pa yang / sangs rgyas kyi chos ma 'dres pa rnams la chags pa med do/ /shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ byang chub kyi sems mi mnyam pa dang mnyam pa'i sems nyan thos dang / rang sangs rgyas thams cad dang thun mong ma yin pa'i sems des kyang chos thams cad mi dmigs pa'i tshul gyis rlom sems su 'gyur ba</font><hr>34.126a<br><font size=+1>

med/ mngon par zhen par 'gyur ba med de/ de'i phyir byang chub sems dpa' sems dpa' chen po zhes bya'o/ /shes rab kyi pha rol du phyin pa khri brgyad stong pa las/ lta ba spang ba'i le'u zhes bya ste bcu gnyis pa'o// // de nas bcom ldan 'das la tshe dang ldan pa byams ma'i bu gang pos 'di skad ces gsol to/ /bcom ldan 'das don gang gis byang chub sems dpa' sems dpa' chen po zhes bgyi ba la bdag kyang spobs lags so/ /bcom ldan 'das kyis bka' stsal pa/ gang po khyod spobs par gyis shig /gang pos gsol pa/ bcom ldan 'das sems can de ni go cha chen po bgos pa lags/ sems can chen po de ni theg pa chen po la yang dag par zhugs pa lags/ sems can de ni theg pa chen po la yang dag par gnas pa lags te/ bcom ldan 'das de'i slad du byang chub sems dpa' sems dpa' chen po zhes bgyi'o/ /de nas tshe dang ldan pa shA ri'i bus/ tshe dang ldan pa byams ma'i bu gang po la 'di skad ces smras so/ /tshe dang ldan pa gang po ji tsam gyis na/ byang chub sems dpa' sems dpa' chen po go cha chen po bgos pa zhes bya/ gang pos smras pa/ tshe dang ldan pa shA ri'i bu 'di la byang chub sems dpa' sems dpa' chen po ni nyi tshe ba'i sems can rnams kyi ched du/ byang chub kyi phyir spyod pa ma yin/ sbyin pa'i pha rol du phyin pa la gnas te/ sbyin pa sbyin pa ma yin gyi/ sems can thams cad kyi don du sbyin pa'i pha rol du phyin pa la spyod cing sbyin pa sbyin par byed do/ /nyi tshe'i sems can rnams kyi ched du tshul khrims kyi pha rol du phyin pa la gnas te/ tshul khrims srung ba ma yin gyi/ sems can thams cad kyi ched du tshul khrims kyi pha rol du phyin pa la spyod cing tshul khrims srung ngo / /nyi tshe'i sems can rnams kyi ched tu bzod pa'i pha rol du phyin pa la gnas te/ bzod pa bsgom pa ma yin gyi/ sems can thams cad</font><hr>34.126b<br><font size=+1>

kyi ched du bzod pa'i pha rol du phyin pa la spyod cing bzod pa sgom par byed do/ /nyi tshe'i sems can rnams kyi ched du brtson 'grus kyi pha rol du phyin pa la gnas te/ brtson 'grus rtsom pa ma yin gyi/ sems can thams cad kyi ched du brtson 'grus kyi pha rol du phyin pa la spyod cing brtson 'grus rtsom mo/ /nyi tshe'i sems can rnams kyi ched du bsam gtan gyi pha rol du phyin pa la gnas te/ bsam gtan bsgom pa ma yin gyi/ sems can thams cad kyi ched du bsam gtan gyi pha rol du phyin pa la spyod cing bsam gtan rnams bskyed do/ /nyi tshe'i sems can rnams kyi ched du shes rab kyi pha rol du phyin pa la gnas te/ shes rab bsgom pa ma yin gyi/ sems can thams cad kyi ched du shes rab kyi pha rol du phyin pa la spyod cing shes rab bsgom par byed do/ /byang chub sems dpa' sems dpa' chen po ni sems can 'di snyed cig ni phung po'i lhag ma med pa'i mya ngan las 'das pa'i dbyings su yongs su mya ngan las bzla bar bya'o/ /sems can 'di snyed cig ni yongs su mya ngan las bzla bar mi bya'o zhe 'am/ sems can 'di snyed cig ni byang chub la dgod par bya'o/ /sems can 'di snyed cig ni byang chub la dgod par mi bya'o zhes sems can yongs su dpag pas go cha mi gyon gyi/ byang chub sems dpa' sems dpa' chen po ni sems can thams cad kyi ched du go cha gyon no/ /de 'di snyam du sems te/ bdag gis kyang sbyin pa'i pha rol du phyin pa yongs su rdzogs par bya'o/ /sems can thams cad kyang sbyin pa'i pha rol du phyin pa la sbyar bar bya'o/ /de bzhin du bdag gis kyang tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bya'o/ /sems can thams cad kyang shes rab kyi pha rol du phyin pa la sbyar bar bya'o snyam mo/ /tshe dang ldan pa shA ri'i bu gzhan yang byang chub sems dpa' sems dpa' chen po sbyin</font><hr>34.127a<br><font size=+1>

pa'i pha rol du phyin pa la spyod pa nyan thos dang rang sangs rgyas dang ldan pa'i yid la bya ba dag gis ma yin gyi/ rnam pa thams cad mkhyen pa nyid dang ldan pa'i yid la bya ba dag gis sbyin pa sbyin zhing / dge ba'i rtsa ba de yang sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngo ba de ni/ tshe dang ldan pa shA ri'i bu byang chub sems dpa' sems dpa' chen po sbyin pa'i pha rol du phyin pa la spyod pa'i sbyin pa'i pha rol du phyin pa'i go cha'o/ /tshe dang ldan pa shA ri'i bu gzhan yang byang chub sems dpa' sems dpa' chen po sbyin pa'i pha rol du phyin pa la spyod pa/ rnam pa thams cad mkhyen pa nyid dang ldan pa'i yid la bya ba dag gis sbyin pa sbyin zhing / nyan thos dang rang sangs rgyas kyi sar yongs su mi bsngo ba de ni/ byang chub sems dpa' sems dpa' chen po sbyin pa'i pha rol du phyin pa la spyod pa/ sbyin pa sbyin pa'i tshul khrims kyi pha rol du phyin pa'i go cha'o/ /tshe dang ldan pa shA ri'i bu gzhan yang byang chub sems dpa' sems dpa' chen po sbyin pa sbyin pa rnam pa thams cad mkhyen pa nyid dang ldan pa'i yid la bya ba dag gis chos de dag la bzod pa dang / mos pa gang yin pa de ni byang chub sems dpa' sems dpa' chen po sbyin pa'i pha rol du phyin pa la spyod pa/ sbyin pa sbyin pa'i bzod pa'i pha rol du phyin pa'i go cha'o/ /tshe dang ldan pa shA ri'i bu gzhan yang byang chub sems dpa' sems dpa' chen po sbyin pa sbyin pa rnam pa thams cad mkhyen pa nyid dang ldan pa'i yid la bya ba dag gis brtson 'grus ma btang ba gang yin pa de ni byang chub sems dpa' sems dpa' chen po sbyin pa'i pha rol du phyin pa la spyod pa/ sbyin pa sbyin pa'i brtson 'grus kyi pha rol du phyin pa'i go cha'o/ /tshe dang ldan pa shA ri'i bu gzhan yang byang chub sems dpa' sems dpa' chen po sbyin pa sbyin pa 'di lta ste/ rnam pa thams cad mkhyen pa nyid dang ldan pa'i yid la bya ba dag gis sems rtse gcig tu byed de/ nyan thos dang / rang sangs rgyas dang ldan pa'i sems</font><hr>34.127b<br><font size=+1>

rnams kyi skabs mi 'byed pa gang yin pa de ni byang chub sems dpa' sems dpa' chen po sbyin pa'i pha rol du phyin pa la spyod pa/ sbyin pa sbyin pa'i bsam gtan gyi pha rol du phyin pa'i go cha'o/ /tshe dang ldan pa shA ri'i bu gzhan yang byang chub sems dpa' sems dpa' chen po sbyin pa sbyin zhing / de gcig pu la dmigs pa'i phyir/ chos thams cad la sgyu mas byas pa'i 'du shes nye bar gnas shing / de sbyin pa po yang mi dmigs/ sbyin pa yang mi dmigs len pa po yang mi dmigs pa de ni byang chub sems dpa' sems dpa' chen po sbyin pa'i pha rol du phyin pa la spyod pa/ sbyin pa sbyin pa'i shes rab kyi pha rol du phyin pa'i go cha'o/ /tshe dang ldan pa shA ri'i bu byang chub sems dpa' sems dpa' chen po gang gi tshe/ rnam pa thams cad mkhyen pa nyid dang ldan pa'i yid la bya ba dag gis pha rol du phyin pa de dag la mtshan mar mi 'dzin cing mi dmigs pa ni/ tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa go cha chen po bgos par rig par bya ba yin no/ /tshe dang ldan pa shA ri'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa/ rnam pa thams cad mkhyen pa nyid dang ldan pa'i yid la bya ba dag gis sbyin pa sbyin zhing de yang sems can thams cad dang thun mong du byas nas bla na med pa yang dag bar rdzogs pa'i byang chub tu yongs su bsngo ba de ni byang chub sems dpa' sems dpa' chen po tshul khrims kyi pha rol du phyin pa la spyod pa'i sbyin pa'i pha rol du phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa nyan thos dang / rang sangs rgyas kyi sa la yang 'dod pa med na so so'i skye bo'i sa la lta smos kyang ci dgos pa de ni byang chub sems dpa' sems dpa' chen po tshul khrims kyi pha rol du phyin pa la spyod pa'i tshul</font><hr>34.128a<br><font size=+1>

khrims kyi pha rol du phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa/ rnam pa thams cad mkhyen pa nyid dang ldan pa'i yid la bya ba dag gis chos de dag la bzod pa dang mos pa gang yin pa de ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i bzod pa'i pha rol du phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa rnam pa thams cad mkhyen pa nyid dang ldan pa'i yid la bya ba dag gis brtson 'grus mi nyams mi 'gong ba gang yin pa de ni byang chub sems dpa' sems dpa' chen po tshul khrims kyi pha rol du phyin pa la spyod pa'i brtson 'grus kyi pha rol du phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa/ rnam pa thams cad mkhyen pa nyid dang ldan pa'i yid la bya ba dag gis gnas pa nyan thos dang / rang sangs rgyas dang ldan pa'i sems rnams kyi skabs mi 'byed cing / sems bskyed pa de yang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ba de ni byang chub sems dpa' sems dpa' chen po tshul khrims kyi pha rol du phyin pa la spyod pa'i bsam gtan gyi pha rol du phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa rnam pa thams cad mkhyen pa nyid dang ldan pa'i yid la bya ba dag gis chos thams cad la sgyu mas byas pa'i 'du shes nye bar gnas te/ rang bzhin gyis stong pa nyid kyi phyir tshul khrims des rlom sems su yang mi byed la mi dmigs pa de ni/ tshe dang ldan pa shA ri'i bu byang chub sems dpa' sems dpa' chen po tshul khrims kyi pha rol du phyin pa la spyod pa'i shes rab kyi pha rol du phyin pa'o/ /</font><hr>34.128b<br><font size=+1>

tshe dang ldan pa shA ri'i bu byang chub sems dpa' sems dpa' chen po tshul khrims kyi pha rol du phyin pa la de ltar spyod pa ni pha rol du phyin pa drug po thams cad yongs su 'dzin te/ de'i phyir go cha chen po bgos pa zhes bya'o/ /tshe dang ldan pa shA ri'i bu gzhan yang byang chub sems dpa' sems dpa' chen po bzod pa'i pha rol du phyin pa la spyod pa nyan thos dang / rang sangs rgyas dang ldan pa'i yid la bya ba dag gis ma yin gyi/ rnam pa thams cad mkhyen pa nyid dang ldan pa'i yid la bya ba dag gis sbyin pa sbyin zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba de ni byang chub sems dpa' sems dpa' chen po bzod pa'i pha rol du phyin pa la spyod pa'i sbyin pa'i pha rol du phyin pa'o/ /bzod pa'i pha rol du phyin pa la spyod pa'i tshul khrims kyi pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa yang de bzhin no/ /tshe dang ldan pa shA ri'i bu gzhan yang byang chub sems dpa' sems dpa' chen po bzod pa'i pha rol du phyin pa la spyod pa nyan thos dang / rang sangs rgyas dang ldan pa'i yid la bya ba dag gis ma yin gyi/ shes rab kyis rnam pa thams cad mkhyen pa nyid dang ldan pa'i yid la bya ba dag gis sangs rgyas kyi chos thams cad yang dag par bsgrub pa dang / sems can thams cad yongs su smin par bya ba'i phyir sbyor te/ dge ba'i rtsa ba de yang sems can thams cad dang thun mong du byas nas/ bla na med pa yang dag par rdzogs pa'i byang chub du yongs su bsngo ba de ni byang chub sems dpa' sems dpa' chen po bzod pa'i pha rol du phyin pa la spyod pa'i shes rab kyi pha rol du phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po brtson 'grus kyi pha rol du phyin pa la gnas te/ nyan thos dang / rang sangs rgyas dang ldan pa'i yid la bya ba dag gis ma yin gyi/ rnam pa thams cad mkhyen pa nyid dang ldan pa'i yid bya ba</font><hr>34.129a<br><font size=+1>

dag gis/ sbyin pa sbyin zhing dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba de ni byang chub sems dpa' sems dpa' chen po brtson 'grus kyi pha rol du phyin pa la spyod pa'i sbyin pa'i pha rol du phyin pa'o/ /brtson 'grus kyi pha rol du phyin pa la spyod pa'i tshul khrims kyi pha rol du phyin pa dang / bzod pa'i pha rol du phyin pa dang / bsam gtan gyi pha rol du phyin pa yang de bzhin no/ /tshe dang ldan pa shA ri'i bu gzhan yang byang chub sems dpa' sems dpa' chen po brtson 'grus kyi pha rol du phyin pa la gnas te/ nyan thos dang rang sangs rgyas dang ldan pa'i yid la bya ba dag gis ma yin gyi/ rnam pa thams cad mkhyen pa nyid dang ldan pa'i yid la bya ba dag gis shes rab kyi pha rol du phyin pa bsgom zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba de ni byang chub sems dpa' sems dpa' chen po brtson 'grus kyi pha rol du phyin pa la spyod pa'i shes rab kyi pha rol du phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po bsam gtan gyi pha rol du phyin pa la gnas te/ nyan thos dang / rang sangs rgyas dang ldan pa'i yid la bya ba dag gis ma yin gyi rnam pa thams cad mkhyen pa nyid dang ldan pa'i yid la bya ba dag gis sbyin pa sbyin zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba de ni byang chub sems dpa' sems dpa' chen po bsam gtan gyi pha rol du phyin pa la spyod pa'i sbyin pa'i pha rol du phyin pa'o/ /bsam gtan gyi pha rol du phyin pa la spyod pa'i/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa yang de bzhin no/ /tshe dang</font><hr>34.129b<br><font size=+1>

ldan pa shA ri'i bu gzhan yang byang chub sems dpa' sems dpa' chen po bsam gtan gyi pha rol du phyin pa la gnas te/ shes rab kyi pha rol du phyin pa bsgom zhing / chos thams cad la sgyu mas byas pa'i 'du shes nye bar 'jog ste/ de yang nyan thos dang / rang sangs rgyas dang ldan pa'i yid la bya ba dag gis ma yin gyi/ rnam pa thams cad mkhyen pa nyid dang ldan pa'i yid la bya ba dag gis byed cing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba de ni/ byang chub sems dpa' sems dpa' chen po bsam gtan gyi pha rol du phyin pa la spyod pa'i shes rab kyi pha rol du phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la gnas te/ nyan thos dang / rang sangs rgyas dang ldan pa'i yid la bya ba dag gis ma yin gyi/ rnam pa thams cad mkhyen pa nyid dang ldan pa'i yid la bya ba dag gis 'khor gsum yongs su dag par sbyin pa sbyin zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba de ni byang chub sems dpa' sems dpa' chen po shes rab kyi pha rol du phyin pa la spyod pa'i sbyin pa'i pha rol du phyin pa 'o/ /shes rab kyi pha rol du phyin pa la spyod pa'i tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa yang de bzhin no/ /tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa/ shes rab kyi pha rol du phyin pa bsgom zhing / de pha rol du phyin pa thams cad dang chos thams cad la sgyu ma dang / rmi lam dang / mig yor dang / brag cha dang / gzugs brnyan dang / sprul pa lta bu'i 'du shes nye bar gnas pa yin te/ de nyan thos dang / </font><hr>34.130a<br><font size=+1>

rang sangs rgyas dang ldan pa'i yid la bya ba dag gis ma yin gyi/ rnam pa thams cad mkhyen pa nyid dang ldan pa'i yid la bya ba dag gis gnas shing / dge ba'i rtsa ba de yang sems can thams cad dang thun mong du byas te bla na med pa yang dag par rdzogs pa'i byang chub tu yongs su bsngo ba de ni byang chub sems dpa' sems dpa' chen po shes rab kyi pha rol du phyin pa la spyod pa'i shes rab kyi pha rol du phyin pa'o/ /tshe dang ldan pa shA ri'i bu de ltar byang chub sems dpa' sems dpa' chen po pha rol du phyin pa re re la gnas te/ pha rol du phyin pa drug po thams cad yongs su rdzogs par byed do/ /tshe dang ldan pa shA ri'i bu gzhan yang byang chub sems dpa' sems dpa' chen po ni bsam gtan rnams la yang snyoms par 'jug la/ bsam gtan rnams kyi ro myang bar yang mi byed cing / de dag gis kyang mi 'phrogs te/ de dag gi dbang gis kyang mi skye/ tshad med pa dang / gzugs med pa'i snyoms par 'jug pa dag la yang snyoms par 'jug la ro myang bar yang mi byed cing / de dag gis kyang mi 'phrogs la/ de dag gi dbang gis kyang mi skye ste/ tshe dang ldan pa shA ri'i bu de ni byang chub sems dpa' sems dpa' chen po'i thabs la mkhas pa dang ldan pa'i shes rab kyi pha rol du phyin par rig par bya'o/ /tshe dang ldan pa shA ri'i bu gzhan yang byang chub sems dpa' sems dpa' chen po ni bsam gtan dang / tshad med pa dang / gzugs med pa'i snyoms par 'jug pa dag la dben par mthong nas gnas/ stong pa nyid dang / mtshan ma med pa dang / smon pa med par mthong nas gnas kyang / yang dag pa'i mtha' yang mngon sum du mi byed de/ de ni byang chub sems dpa' sems dpa' chen po shes rab kyi pha rol du phyin pa la spyod pa'i thabs la mkhas pa'i go cha chen po yin te/ tshe dang ldan pa shA ri'i bu de ltar na byang chub sems dpa' sems dpa' chen po go cha chen po bgos pa zhes bya'o/ /tshe dang ldan pa shA ri'i bu byang chub sems dpa' sems dpa' chen po de ltar go cha bgos pa la phyogs bcu dag na bzhugs</font><hr>34.130b<br><font size=+1>

pa'i sangs rgyas bcom ldan 'das rnams kyang 'jig rten gyi khams ga ge mo zhig ces bya ba zhig na/ byang chub sems dpa' sems dpa' chen po go cha chen po bgos pa zhig sems can rnams kyang yongs su smin par byed/ sangs rgyas kyi zhing yang yongs su dag par byed ces ched tu brjod pa ched tu rjod cing bsngags pa yang gsung la ming yang yongs su sgrogs shing / byang chub sems dpa' de'i sgra rjod pa yang mdzad la/ dbyangs rjes su sgrogs pa yang mdzad do/ /shA ri'i bus smras pa/ tshe dang ldan pa gang po ci tsam gyis na/ byang chub sems dpa' sems dpa' chen po theg pa chen po la yang dag par zhugs pa yin/ byang chub sems dpa' sems dpa' chen po'i theg pa chen po ni gang yin/ gang pos smras pa/ tshe dang ldan pa shA ri'i bu 'di la byang chub sems dpa' sems dpa' chen po pha rol du phyin pa drug la spyod cing / de sbyin pa'i pha rol du phyin pa la spyod pa na 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas pa dang / de bzhin du bsam gtan gnyis pa dang / gsum pa dang / bzhi pa rdzogs par byas te gnas pa dang / byams pa dang ldan pa'i sems yangs pa/ rgya chen por gyur pa/ tshad med pa/ mi gnyis pa/ khon med pa/ 'gran zla med pa/ gnod pa med pa shin du bsgoms pas 'jig rten chos kyi dbyings kyis klas pa/ nam mkha'i khams kyi mthas gtugs pa'i phyogs bcu khyab par byas te gnas pa dang / de bzhin du snying rje dang ldan pa dang / dga' ba dang ldan pa dang / btang snyoms dang ldan pa'i sems yangs pa rgya chen por gyur pa/ tshad med pa/ mi gnyis pa/ khon med pa/ 'gran zla med pa/ gnod pa med pa/ shin du bsgoms pas 'jig rten chos kyi dbyings kyis klas pa/ nam mkha'i khams kyi mthas gtugs pa'i phyogs bcu khyab par byas te gnas pa dang / de bzhin du nam mkha'</font><hr>34.131a<br><font size=+1>

mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched rdzogs par byas te/ gnas pa de ni byang chub sems dpa' sems dpa' chen po'i bsam gtan rnams dang / tshad med pa rnams dang / gzugs med pa'i snyoms par 'jug pa rnams te/ byang chub sems dpa' sems dpa' chen po sbyin pa'i pha rol du phyin pa la spyod pa gang gi tshe/ nam mkha'i rnam pa dang / rtags dang / mtshan ma rnams kyis bsam gtan de dag dang / tshad med pa de dag dang / gzugs med pa de dag la snyoms par 'jug cing ldang ba na/ dge ba'i rtsa ba de dag kyang sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngo bar byed do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa la spyod pa la yang gong ma bzhin du sbyar bar bya'o/ /tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi po dag la snyoms par 'jug ste/ gang gi tshe byang chub sems dpa' bsam gtan de dag dang / tshad med pa de dag dang / gzugs med pa'i snyoms par 'jug pa de dag gis gnas shing / de bsam gtan dang / tshad med pa dang / gzugs med pa'i snyoms par 'jug pa de dag la snyoms par 'jug la ldang ba na/ nam mkha'i rnam pa dang / rtags dang / mtshan ma rnams yid la byed de/ shes rab kyi pha rol du phyin pa la spyod pa de/ dge ba'i rtsa ba de dag dang / gzhan dag kyang rnam pa thams cad mkhyen pa nyid dang ldan pa'i yid la bya ba dag gis sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngo bar byed do/ /tshe dang ldan pa shA ri'i bu de ni byang chub</font><hr>34.131b<br><font size=+1>

sems dpa' sems dpa' chen po'i theg pa chen po yin te/ de ltar na byang chub sems dpa' sems dpa' chen po theg pa chen po la yang dag par zhugs pa yin no/ /tshe dang ldan pa shA ri'i bu gzhan yang byang chub sems dpa' sems dpa' chen po byams pa dang ldan pa'i sems yangs pa/ rgya chen por gyur pa/ tshad med pa/ mi gnyis pa/ khon med pa/ 'gran zla med pa/ gnod pa med pa/ shin tu bsgoms pas 'jig rten chos kyi dbyings kyis klas pa/ nam mkha'i khams kyi mthas gtugs pa'i phyogs gcig khyab par byas te gnas shing / phyogs bcu'i bar du khyab par byas te gnas pa dang / snying rje dang ldan pa dang / dga' ba dang ldan pa yang de bzhin te/ tshe dang ldan pa shA ri'i bu 'di la byang chub sems dpa' sems dpa' chen po btang snyoms dang ldan pa'i sems yangs pa/ rgya chen por gyur pa/ tshad med pa mi gnyis pa/ khon med pa/ 'gran zla med pa/ gnod pa med pa/ shin du bsgoms pas 'jig rten chos kyi dbyings kyis klas pa/ nam mkha'i khams kyi mthas gtugs pa'i phyogs bcu'i phyogs re re khyab par byas nas gnas par ni byang chub sems dpa' sems dpa' chen po'i ting nge 'dzin ces bya'o/ /yang byang chub sems dpa' sems dpa' chen po de rnam pa thams cad mkhyen pa nyid dang ldan pa'i sems snying rje chen po sngon du 'gro bas sems can thams cad kyi nyon mongs pa bsal ba'i phyir bsam gtan dang / tshad med pa dang / gzugs med pa'i snyoms par 'jug pa rnams gzhan dag la yang rjod cing ston te rab tu 'chad la/ rnam par 'byed de gsal bar byed cing / de dag gi ro myang ba dang / nyes dmigs dang / nges par 'byung ba yang tshul bzhin du ston pa de ni byang chub sems dpa' sems dpa' chen po'i sbyin pa'i pha rol du phyin pa'o/ /rnam pa thams cad mkhyen pa nyid dang ldan pa'i yid la bya ba de dag nyid kyis bsam gtan dang po dang / bsam gtan bzhi pa'i bar dag gnon cing sgom ste/ bsam gtan</font><hr>34.132a<br><font size=+1>

dang po dang / bsam gtan bzhi pa'i bar de la yang gnas la 'di lta ste/ nyan thos kyi sems sam/ rang sangs rgyas kyi sems dang ldan pa'i sems bskyed pa gzhan dag gi skabs mi 'byed pa de ni/ byang chub sems dpa' sems dpa' chen po'i tshul khrims kyi pha rol du phyin pa nag nog med pa'o/ /byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba dag gis gnas pa de 'di snyam du sems te/ sems can thams cad kyi nyon mongs pa zad par bya ba'i phyir chos bstan to snyam nas yid la byed pa de dag la 'dod pa dang / bzod pa dang / yongs su rtog pa dang / khong du chud par byed pa dang / nye bar nges par sems pa gang yin pa de ni byang chub sems dpa' sems dpa' chen po'i bzod pa'i pha rol du phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba dag gis dge ba'i rtsa ba thams cad sems can thams cad dang thun mong du byas nas rnam pa thams cad mkhyen pa nyid du yongs su bsngo zhing / brtson 'grus kyang mi gtong ba de ni byang chub sems dpa' sems dpa' chen po'i brtson 'grus kyi pha rol du phyin pa'o/ /byang chub sems dpa' sems dpa' chen po gang gi tshe rnam pa thams cad mkhyen pa nyid dang ldan pa'i yid la bya ba dag gis bsam gtan dang / rnam par thar pa dang / ting nge 'dzin dang / snyoms par 'jug pa thams cad la snyoms par 'jug cing ldang yang nyan thos kyi sa 'am/ rang sangs rgyas kyi sar yang mi ltung zhing dge ba'i rtsa ba de yang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ba de ni byang chub sems dpa' sems dpa' chen po'i bsam gtan gyi pha rol du phyin pa'o/ /byang chub sems dpa' sems dpa' chen po gang gi tshe/ rnam pa thams cad mkhyen pa nyid dang ldan pa'i yid la bya ba dag gis bsam gtan</font><hr>34.132b<br><font size=+1>

dang po'i yan lag rnams dang / bsam gtan gnyis pa dang / gsum pa dang / bzhi pa'i yan lag rnams la mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam par so sor rtog pa de ni byang chub sems dpa' sems dpa' chen po'i shes rab kyi pha rol du phyin pa'o/ /tshe dang ldan pa shA ri'i bu de ni byang chub sems dpa' sems dpa' chen po'i pha rol du phyin pa drug gi theg pa chen po yin te/ de ltar na byang chub sems dpa' sems dpa' chen po theg pa chen po la yang dag par zhugs pa yin no/ /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni/ rnam pa thams cad du byang chub kyi phyogs kyi chos sum bcu rtsa bdun sgom pa dang / rnam pa thams cad du rnam par thar pa'i sgo stong pa nyid dang / mtshan ma med pa dang / smon pa med pa'i ting nge 'dzin bsgom pa dang / rnam pa thams cad du stobs rnams dang / mi 'jigs pa rnams dang / sangs rgyas kyi chos ma 'dres pa bcwo brgyad kyi bar dag bsgom pa'o/ /tshe dang ldan pa shA ri'i bu de ni byang chub sems dpa' sems dpa' chen po'i theg pa chen po yin te/ de ltar na byang chub sems dpa' sems dpa' chen po theg pa chen po la yang dag par zhugs pa yin no/ /tshe dang ldan pa shA ri'i bu gzhan yang byang chub sems dpa' sems dpa' chen po'i byams pa'i ting nge 'dzin la snyoms par 'jug cing / bdag gis sems can thams cad bskyab bo zhes mngon par gzhol bar byed pa dang / snying rje'i ting nge 'dzin la snyoms par 'jug cing / sems can rnams la snying rje ba dang / snying brtse bar nges par gzhol ba dang / dga' ba'i ting nge 'dzin la yang snyoms par 'jug cing / bdag nyid kyis sems can thams cad dgrol bar bya'o/ /zhes sems can rnams la nges par gzhol ba dang / btang snyoms kyi</font><hr>34.133a<br><font size=+1>

ting nge 'dzin la yang snyoms par 'jug cing / sems can rnams kyi zag pa zad par bya ba la nges par gzhol bar byed pa ste/ de ni byang chub sems dpa' sems dpa' chen po tshad med pa rnams la spyod pa'i sbyin pa'i pha rol du phyin pa'o/ /byang chub sems dpa' sems dpa' chen po gang gi tshe/ bsam gtan dang tshad med pa rnams kyi rnam pa dang / rtags dang / mtshan ma dag la snyoms par 'jug cing ldang yang / rnam pa thams cad mkhyen pa nyid ma gtogs par nyan thos dang / rang sangs rgyas kyi sar yongs su mi bsngo ba de ni/ byang chub sems dpa' sems dpa' chen po tshad med pa rnams la spyod pa'i tshul khrims kyi pha rol du phyin pa nag nog med pa'o/ /byang chub sems dpa' sems dpa' chen po gang gi tshe/ bsam gtan dang / tshad med pa dang / gzugs med pa'i snyoms par 'jug pa de dag gis ma 'dres par gnas shing / nyan thos kyi sa 'am/ rang sangs rgyas kyi sa 'am/ sa gnyis po de dag tu 'dod par mi byed kyi/ de rnam pa thams cad mkhyen pa nyid la bzod cing / 'dod pa de ni/ byang chub sems dpa' sems dpa' chen po tshad med pa rnams la spyod pa'i bzod pa'i pha rol du phyin pa'o/ /byang chub sems dpa' sems dpa' chen po gang gi tshe rnam pa thams cad mkhyen pa nyid dang ldan pa'i sems bskyed pa dag gis mi dge ba'i chos spang ba dang / dge ba'i chos phun sum tshogs par bya ba'i phyir brtson pa mi gtong ba de ni byang chub sems dpa' sems dpa' chen po tshad med pa rnams la spyod pa'i brtson 'grus kyi pha rol du phyin pa'o/ /byang chub sems dpa' sems dpa' chen po gang gi tshe/ bsam gtan de dag dang / tshad med pa de dag dang / gzugs med pa'i snyoms par 'jug pa de dag la yang snyoms par 'jug ste/ bsam gtan dang / tshad med pa dang / gzugs med pa'i snyoms par 'jug pa'i dbang gis kyang mi skye la/ de dag gi ro myang bar yang mi byed cing / de dag gis kyang mi 'phrogs pa</font><hr>34.133b<br><font size=+1>

de ni byang chub sems dpa' sems dpa' chen po tshad med pa rnams la spyod pa'i bsam gtan gyi pha rol du phyin pa'o/ /byang chub sems dpa' sems dpa' chen po gang gi tshe rnam pa thams cad mkhyen pa nyid dang ldan pa'i yid la bya ba dag gis bsam gtan dang / tshad med pa dang / gzugs med pa'i snyoms par 'jug pa de dag la snyoms par 'jug cing ldang bar yang byed la/ de yang mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa nyid kyi rnam pa dang / mtshan ma med pa'i rnam pa dang / smon pa med pa'i rnam par so sor rtog kyang nyan thos kyi skyon med pa dang / rang sangs rgyas kyi skyon med par yang mi 'jug pa de ni/ byang chub sems dpa' sems dpa' chen po'i shes rab kyi pha rol du phyin pa'o/ /tshe dang ldan pa shA ri'i bu de ni byang chub sems dpa' sems dpa' chen po'i theg pa chen po yin te/ de ltar na byang chub sems dpa' sems dpa' chen po theg pa chen po la yang dag par zhugs pa yin no/ /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni mi dmigs pa'i tshul gyis nang stong pa nyid shes pa gang yin pa dang / mi dmigs pa'i tshul gyis dngos po med pa'i ngo bo nyid stong pa nyid kyi bar du shes pa'o/ /tshe dang ldan pa shA ri'i bu de ni byang chub sems dpa' sems dpa' chen po'i theg pa chen po yin te/ de ltar na byang chub sems dpa' sems dpa' chen po theg pa chen po la yang dag par zhugs pa yin no/ /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni gang chos thams cad la sems rnam par g.yeng ba med cing mnyam par bzhag par shes pa'o/ /tshe dang ldan pa shA ri'i bu de ni byang chub sems dpa' sems dpa' chen po'i theg pa chen po yin te/ de ltar na byang chub sems dpa' sems dpa' chen po'i theg pa chen po la yang dag par</font><hr>34.134a<br><font size=+1>

zhugs pa yin no/ /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni rtag ces bya bar shes pa mi 'jug /mi rtag ces bya ba dang / bde zhes bya ba dang / sdug bsngal ba zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / stong zhes bya ba dang / mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya bar shes pa mi 'jug ste/ tshe dang ldan pa shA ri'i bu de yang mi dmigs pa'i tshul gyis de ni byang chub sems dpa' sems dpa' chen po'i theg pa chen po yin te/ de ltar na byang chub sems dpa' sems dpa' chen po theg pa chen po la yang dag par zhugs pa yin no/ /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni 'das pa'i dus la shes pa mi 'jug /ma 'ongs pa'i dus la shes pa mi 'jug /da ltar byung ba'i dus la shes pa yang mi 'jug la/ de dus gsum po dag mi shes pa yang ma yin pa ste/ tshe dang ldan pa shA ri'i bu de yang mi dmigs pa'i tshul gyis de ni byang chub sems dpa' sems dpa' chen po'i theg pa chen po yin te/ de ltar na byang chub sems dpa' sems dpa' chen po theg pa chen po la yang dag par zhugs pa yin no/ /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni 'dod pa'i khams su shes pa mi 'jug /gzugs kyi khams dang gzugs med pa'i khams su shes pa mi 'jug la/ de 'dod pa'i khams dang / gzugs kyi khams dang / gzugs med pa'i khams mi shes pa yang ma yin pa ste/ tshe dang ldan pa shA ri'i bu de yang mi dmigs pa'i tshul gyis de ni byang chub sems dpa' sems dpa' chen po'i theg pa chen po yin te/ de ltar na byang chub sems dpa' sems dpa' chen po theg pa chen po la yang dag par zhugs pa</font><hr>34.134b<br><font size=+1>

yin no/ /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni 'jig rten pa'i chos rnams la shes pa mi 'jug /'jig rten las 'das pa'i chos rnams dang / zag pa dang bcas pa rnams dang / zag pa med pa rnams dang / 'dus byas dang / 'dus ma byas kyi chos rnams la yang shes pa mi 'jug la/ de 'jig rten pa dang / 'jig rten las 'das pa'i chos rnams mi shes pa yang ma yin/ zag pa dang bcas pa dang / zag pa med pa dang / 'dus byas dang / 'dus ma byas kyi chos rnams mi shes pa yang ma yin pa ste/ tshe dang ldan pa shA ri'i bu de yang mi dmigs pa'i tshul gyis de ni byang chub sems dpa' sems dpa' chen po'i theg pa chen po yin te/ de ltar na byang chub sems dpa' sems dpa' chen po theg pa chen po la yang dag par zhugs pa yin no/ /de nas tshe dang ldan pa shA ri'i bus/ tshe dang ldan pa byams ma'i bu gang po la 'di skad ces smras so/ /tshe dang ldan pa gang po ci tsam gyis na byang chub sems dpa' sems dpa' chen po theg pa chen po la yang dag par gnas pa zhes bya/ gang pos smras pa/ tshe dang ldan pa shA ri'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa/ sbyin pa'i pha rol du phyin pa la yang dag par gnas la/ de sbyin pa'i pha rol du phyin pa yang mi dmigs/ byang chub sems dpa' yang mi dmigs/ len pa po yang mi dmigs te/ de ltar na byang chub sems dpa' sems dpa' chen po mi dmigs pa'i tshul gyis sbyin pa'i pha rol du phyin pa la yang dag par gnas pa zhes bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa la yang dag par gnas pa yang de bzhin no/ /tshe dang ldan pa shA ri'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa ni shes rab kyi pha rol du phyin pa la yang dag par gnas la/ de shes rab kyi pha</font><hr>34.135a<br><font size=+1>

rol du phyin pa yang mi dmigs/ byang chub sems dpa' yang mi dmigs/ yid la byed pa yang mi dmigs te/ tshe dang ldan pa shA ri'i bu de ltar na byang chub sems dpa' sems dpa' chen po mi dmigs pa'i tshul gyis shes rab kyi pha rol du phyin pa la yang dag par gnas pa zhes bya'o/ /tshe dang ldan pa shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i sems ma 'dres pas bsgom pa rnam par gzhig pa'i phyir nang stong pa nyid bsgom ste/ de yang mi dmigs pa'i tshul gyis bsgom mo/ /rnam pa thams cad mkhyen pa nyid dang ldan pa'i sems ma 'dres pa dag gis bsgom pa rnam par gzhig pa'i phyir dngos po med pa'i ngo bo nyid stong pa nyid kyi bar du sgom ste/ de yang mi dmigs pa'i tshul gyis sgom mo/ /tshe dang ldan pa shA ri'i bu de ltar na byang chub sems dpa' sems dpa' chen po theg pa chen po la yang dag par gnas pa zhes bya'o/ /tshe dang ldan pa shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i sems ma 'dres pa dag gis bsgom pa rnam par gzhig pa'i phyir byang chub kyi phyogs kyi chos sum bcu rtsa bdun bsgom ste/ de yang mi dmigs pa'i tshul gyis sgom mo/ /rnam pa thams cad mkhyen pa nyid dang ldan pa'i sems ma 'dres pa dag gis bsgom pa rnam par gzhig pa'i phyir stong pa nyid dang / mtshan ma med pa dang / smon pa med pa'i ting nge 'dzin sgom ste/ de yang mi dmigs pa'i tshul gyis sgom mo/ /rnam pa thams cad mkhyen pa nyid dang ldan pa'i sems ma 'dres pa dag gis bsgom pa rnam par gzhig pa'i phyir stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi bar dag bsgom ste/ de yang mi dmigs pa'i tshul gyis sgom mo/ /tshe dang ldan pa shA ri'i bu de ltar na byang chub sems dpa' sems dpa' chen po theg pa chen po la yang dag par gnas pa zhes bya'o/ /tshe dang ldan pa shA</font><hr>34.135b<br><font size=+1>

ri'i bu gzhan yang byang chub sems dpa' sems dpa' chen po sems can gyi khams dmigs su med pa'i phyir/ 'di lta ste/ byang chub sems dpa' zhes bya ba de ni/ tha snyad tsam du zad par shes so/ /gzugs dmigs su med pa'i phyir/ 'di lta ste/ gzugs zhes bya ba de yang ming tsam du zad do/ /rnam par shes pa'i bar du dmigs su med pa'i phyir/ 'di lta ste/ tshor ba dang / 'du shes dang / 'du byed rnams dang / rnam par shes pa zhes bya ba de ni ming tsam tu zad do/ /mig dmigs su med pa'i phyir/ 'di lta ste mig ces bya ba de ni ming tsam du zad do/ /yid dmigs su med pa'i phyir/ 'di lta ste yid ces bya ba'i bar de ni ming tsam du zad do/ /khams rnams dang / skye mched rnams dang / rten cing 'brel bar 'byung ba dang / byang chub kyi phyogs kyi chos sum bcu rtsa bdun dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad kyang de bzhin no/ /nang stong pa nyid dmigs su med pa'i phyir/ 'di lta ste/ nang stong pa nyid ces bya ba de ni ming tsam du zad do/ /dngos po med pa'i ngo bo nyid stong pa nyid dmigs su med pa'i phyir/ dngos po med pa'i ngo bo nyid stong pa nyid kyi bar de ni ming tsam tu zad do/ /sangs rgyas kyi chos dmigs su med pa'i phyir sangs rgyas kyi chos rnams shes bya ba de ni ming tsam du zad do/ /yang dag pa'i mtha' dmigs su med pa'i phyir/ 'di lta ste/ de bzhin nyid dang / chos nyid dang / chos kyi dbyings dang / chos skyon med pa nyid dang / yang dag pa'i mtha' zhes bya ba de ni ming tsam du zad do/ /sangs rgyas dmigs su med pa'i phyir 'di lta ste/ byang chub dang / sangs rgyas shes bya ba de ni ming tsam tu zad do/ /zhes bya bar shes te/ tshe dang ldan pa shA ri'i bu de ltar na byang</font><hr>34.136a<br><font size=+1>

chub sems dpa' sems dpa' chen po theg pa chen po la yang dag par gnas pa zhes bya'o/ /tshe dang ldan pa shA ri'i bu gzhan yang byang chub sems dpa' sems dpa' chen po mngon par shes pa rnams yongs su rdzogs pa'i phyir sems dang po bskyed pa nas bzung ste/ byang chub kyi snying po la 'dug gi bar du sems can rnams yongs su smin par byed do/ /sangs rgyas kyi zhing nas sangs rgyas kyi zhing du 'gro'o/ /sangs rgyas kyi zhing dang / sangs rgyas kyi zhing na gang la gang 'os pa'i mchod pa dang / rim gro bya ba dag gis sangs rgyas bcom ldan 'das rnams la bsti stang tu byed do/ /bla mar byed do/ /ri mor byed do/ /mchod pa byed do/ /sangs rgyas bcom ldan 'das de dag las 'di lta ste/ theg pa chen po 'di nyid kyi chos nyan to/ /de theg pa chen po de la zhon te/ sangs rgyas kyi zhing nas sangs rgyas kyi zhing du 'gro zhing / sangs rgyas kyi zhing yang yongs su dag par byed/ sems can rnams kyang yongs su smin par byed la/ de la sangs rgyas kyi zhing gi 'du shes kyang mi 'byung / sems can gyi 'du shes kyang mi 'byung ngo / /de gnyis su med pa'i sa la gnas te/ lus ci lta bus sems can rnams kyi don byed nus pa de lta bu'i lus bsam bzhin du yongs su 'dzin to/ /de rnam pa thams cad mkhyen pa nyid kyi ye shes thob par gyur gyi bar du nam yang theg pa de dang bral bar mi 'gyur ro/ /des rnam pa thams cad mkhyen pa nyid thob nas kyang nyan thos dang / rang sangs rgyas thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang bcas pa'i 'jig rten gyis bskor bar mi nus pa'i chos kyi 'khor lo bskor ro/ /de bla na med pa yang dag par rdzogs pa'i byang chub mngon par rdzogs par sangs rgyas pa na/ shar phyogs kyi 'jig rten gyi</font><hr>34.136b<br><font size=+1>

khams gang gA'i klung gi bye ma snyed dag na bzhugs pa'i sangs rgyas bcom ldan 'das dag kyang de'i bsngags pa brjod de/ 'jig rten gyi khams rab 'byams ga ge mo zhes bya ba zhig na/ byang chub sems dpa' sems dpa' chen po 'di zhes bya ba zhig theg pa chen po la zhon nas rnam pa thams cad mkhyen pa nyid thob ste/ rnam pa thams cad mkhyen pa nyid thob nas kyang chos kyi 'khor lo bskor to zhes snyan pa sgrogs shing dbyangs brjod pa mdzad do/ /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na bzhugs pa'i sangs rgyas bcom ldan 'das rnams kyang de'i bsngags pa brjod de/ 'jig rten gyi khams ga ge mo zhes bya ba zhig na byang chub sems dpa' sems dpa' chen po 'di zhes bya ba zhig rnam pa thams cad mkhyen pa nyid thob ste/ rnam pa thams cad mkhyen pa nyid thob nas kyang chos kyi 'khor lo bskor to zhes snyan pa sgrogs shing dbyangs brjod pa mdzad do/ /tshe dang ldan pa shA ri'i bu de ltar na byang chub sems dpa' sems dpa' chen po theg pa chen po la yang dag par gnas pa zhes bya'o/ /shes rab kyi pha rol du phyin pa khri brgyad stong pa las/ pha rol du phyin pa drug gi le'u zhes bya ste/ bcu gsum pa'o// // shes rab kyi pha rol du phyin pa khri brgyad stong pa/ bam po bcu pa/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das go cha chen po bgos/ go cha chen po bgos shes bgyi na/ bcom ldan 'das ci tsam gyis na/ byang chub sems dpa' sems dpa' chen po go cha chen po bgos shes bgyi ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po theg pa chen po'i go cha bgos pa 'di lta ste/ sbyin pa'i pha rol du phyin pa'i</font><hr>34.137a<br><font size=+1>

go cha bgos/ de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i go cha bgos/ dran pa nye bar gzhag pa'i go cha bgos/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyi go cha bgos/ nang stong pa nyid kyi go cha bgos/ dngos po med pa'i ngo bo nyid stong pa nyid kyi bar gyi go cha bgos/ stobs kyi go cha bgos/ mi 'jigs pa'i go cha bgos/ so so yang dag par rig pa'i go cha bgos/ sangs rgyas kyi chos ma 'dres pa bcwo brgyad kyi go cha bgos/ rnam pa thams cad mkhyen pa nyid kyi go cha bgos/ sangs rgyas kyi sku'i go cha bgos nas stong gsum gyi stong chen po'i 'jig rten gyi khams snang bas khyab par byed cing g.yo bar yang byed de/ sems can dmyal ba thams cad kyi gnas rnams su me rab tu zhi bar byas nas/ sems can dmyal ba pa'i sems can rnams kyi sdug bsngal rnams rab tu zhi bar byas te/ sems can de dag la sdug bsngal rnams zhi bar rig par byed cing / byang chub sems dpa' de 'di skad ces de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo zhes bya ba'i sgra brjod cing dbyangs sgrog go/ /de nas sems can dmyal ba pa de dag gis sangs rgyas kyi sgra de thos nas/ bde ba dang / yid bde ba thob ste/ bde ba dang / yid bde ba de nyid kyis sems can dmyal ba de dag nas byung nas/ gang dang gang na sangs rgyas bcom ldan 'das rnams bzhugs te mthong zhing mnyes par byar yod pa dang / lha dang mir skye bar 'gyur ba'i 'jig rten gyi khams de dang der skye'o/ /de bzhin du dud 'gro'i skye gnas dang / gshin rje'i 'jig rten nas sems can rnams byung nas/ gang dang gang na sangs rgyas bcom ldan 'das</font><hr>34.137b<br><font size=+1>

rnams bzhugs pa de dang der skye'o/ /de bzhin du shar dang / lho dang / nub dang / byang phyogs dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag snang bas khyab par byed cing / rnam pa drug tu g.yo bar yang byed de/ sems can dmyal ba thams cad kyi gnas rnams su me rab tu zhi bar byas nas/ sems can dmyal ba pa'i sems can rnams kyi sdug bsngal rnams rab tu zhi bar byas te/ sems can de dag la sdug bsngal rnams zhi bar rig par byed cing / byang chub sems dpa' de 'di skad ces/ de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo/ /zhes bya ba'i sgra brjod cing dbyangs sgrog go/ /de nas sems can dmyal ba pa de dag gis sangs rgyas kyi sgra de thos nas bde ba dang / yid bde ba thob ste/ bde ba dang / yid bde ba de nyid kyis sems can dmyal ba de dag nas byung nas/ gang dang gang na sangs rgyas bcom ldan 'das rnams bzhugs te/ mthong zhing / bsnyen bkur byar yod pa dang / lha dang mir skye bar 'gyur ba'i 'jig rten gyi khams de dang der skye'o/ /mir skyes nas sangs rgyas bcom ldan 'das de dag la mnyes par byed do/ /de bzhin du dud 'gro'i skye gnas rnams dang / gshin rje'i 'jig rten rnams nas sems can de dag shi 'phos te/ gang dang gang na sangs rgyas bcom ldan 'das rnams bzhugs pa'i 'jig rten gyi khams de dang der skye'o/ /rab 'byor de ltar na byang chub sems dpa' sems dpa' chen po go cha chen po bgos pa zhes bya'o/ /rab 'byor 'di lta ste dper na/ sgyu ma mkhan nam/ sgyu ma mkhan gyi slob ma mkhas pa zhig gis lam po che'i bzhi mdor skye bo phal po che'i mdun du sems can dmyal ba dag dang / dud 'gro'i skye gnas dang / gshin rje'i 'jig rten mngon par sprul la/ des mngon par sprul nas/ </font><hr>34.138a<br><font size=+1>

sems can de dag la sangs rgyas kyi sgra dang / chos kyi sgra dang / dge 'dun gyi sgra bsgrags te/ de nas sprul pa de dag sangs rgyas kyi sgra dang / chos kyi sgra dang / dge 'dun gyi sgra des sems can dmyal ba de dag dang / dud 'gro'i skye gnas dang / gshin rje'i 'jig rten nas byung bar gyur na/ rab 'byor 'di ji snyam du sems/ sgyu ma mkhan nam/ sgyu ma mkhan gyi slob ma des sems can 'ga' yang sems can dmyal ba rnams dang / dud 'gro'i skye gnas dang / gshin rje'i 'jig rten dag nas phyung ba yod snyam 'am/ gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos 'jig rten gyi khams grangs med dpag tu med pa rnams su sems can rnams ngan 'gro gsum po dag las yongs su bkrol yang sems can 'ga' yang yongs su bkrol bar gyur pa med do/ /de ci'i phyir zhe na/ rab 'byor sgyu ma'i chos nyid nye bar bzung na chos rnams kyi chos nyid 'di yin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po sbyin pa'i pha rol du phyin pa la gnas te/ go cha chen po bgos nas stong gsum gyi stong chen po'i 'jig rten gyi khams bai dUr+ya'i rang bzhin du mngon par sprul te/ stong gsum gyi stong chen po'i 'jig rten gyi khams bai dUr+ya'i rang bzhin du mngon par sprul nas/ 'khor los bsgyur ba'i bkod pa mngon par sprul pa byed do/ /des 'khor los sgyur ba'i bkod pa mngon par sprul nas/ zas 'dod pa rnams la zas sbyin par byed do/ /de bzhin du btung ba dang / gos dang / bzhon pa dang / spos dang / me tog phreng dang / me tog dang / bdug pa dang / byug pa dang / phye ma dang / yo byad dang / gnas dang / mal cha dang / </font><hr>34.138b<br><font size=+1>

bgo ba dang / 'tsho ba'i yo byad dang / rtsi sman dang / gser dang / dngul dang / nor bu dang / rin po che dang / byi ru dang / dung dang / man shel dang / mu tig dang / rgyan dag dang / yo byad gang yang rung ba dag sbyin par byed do/ /des zas 'dod pa rnams la zas byin zhing yo byad gang yang rung ba'i bar dag byin nas sems can de dag la 'di lta ste/ pha rol du phyin pa drug dang ldan pa'i chos bstan pa 'di nyid kyi chos ston to/ /sems can de dag gis kyang chos bstan pa de thos nas bla na med pa yang dag par rdzogs pa'i byang chub mngon par rdzogs par sangs rgyas kyi bar du pha rol du phyin pa drug dang nam yang 'bral bar mi 'gyur ro/ /rab 'byor 'di lta ste dper na/ sgyu ma mkhan nam/ sgyu ma mkhan gyi slob ma mkhas pa zhig gis lam po che'i bzhi mdor skye bo phal po che'i mdun du skye bo'i tshogs chen po zhig mngon par sprul te/ zas 'dod pa rnams la zas byin zhing / mi'i yo byad gang yang rung ba'i bar du byin na/ rab 'byor 'di ji snyam du sems sgyu ma mkhan nam/ sgyu ma mkhan gyi slob ma des sems can gang la yang ci yang byin pa yod snyam 'am/ gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos 'khor los sgyur ba'i bkod pa mngon par sprul te/ zas 'dod pa rnams la zas byin zhing / mi'i yo byad gang yang rung ba'i bar du byin yang / sems can gang la yang ci yang byin pa med do/ de ci'i phyir zhe na/ sgyu ma'i chos nyid nye bar bzung na/ chos rnams kyi chos nyid 'di yin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po tshul khrims kyi pha rol du phyin pa la gnas te/ bsam bzhin du skye ba yongs su 'dzin cing 'khor los sgyur ba'i rigs su skye ste/ 'khor</font><hr>34.139a<br><font size=+1>

los sgyur ba'i dbang phyug de la gnas nas/ sems can rnams dge ba bcu'i las kyi lam la 'god par byed/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi la 'god par byed/ byang chub kyi phyogs kyi chos sum bcu rtsa bdun gyi bar dag la 'god par byed/ sangs rgyas kyi chos ma 'dres pa bcwo brgyad kyi bar dag la 'god par byed cing / sems can de dag kyang bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang chos bstan pa de dang 'bral bar mi 'gyur ro/ /rab 'byor 'di lta ste dper na/ sgyu ma mkhan nam/ sgyu ma mkhan gyi slob ma mkhas pa zhig gis lam po che'i bzhi mdor skye bo phal po che'i mdun du skye bo'i tshogs chen po zhig mngon par sprul nas dge ba bcu'i las kyi lam la bkod cing / sangs rgyas kyi chos ma 'dres pa bcwo brgyad kyi bar dag la bkod na/ rab 'byor 'di ji snyam du sems/ sgyu ma mkhan nam/ sgyu ma mkhan gyi slob ma des sems can 'ga' yang dge ba bcu'i las kyi lam la bkod pa 'am/ sangs rgyas kyi chos ma 'dres pa bcwo brgyad kyi bar dag la bkod pa yod snyam 'am/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can grangs med tshad med pa dag dge ba bcu'i las kyi lam la bkod cing / sangs rgyas kyi chos ma 'dres pa bcwo brgyad kyi bar dag la bkod kyang / sems can 'ga' yang dge ba bcu'i las kyi lam la bkod pa 'am/ sangs rgyas kyi chos ma 'dres pa bcwa brgyad kyi bar dag la bkod pa med do/ /de ci'i phyir zhe na/ rab 'byor sgyu ma'i chos nyid nye bar bzung nas chos rnams kyi chos nyid 'di yin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos</font><hr>34.139b<br><font size=+1>

pa zhes bya'o/ /rab 'byor gzhan yang byang chub sems dpa' sems dpa' chen po bzod pa'i pha rol du phyin pa la gnas te/ sems can thams cad bzod pa'i pha rol du phyin pa la sbyor zhing 'god par byed do/ /rab 'byor ji ltar na byang chub sems dpa' sems dpa' chen po bzod pa'i pha rol du phyin pa la gnas te/ sems can rnams bzod pa'i pha rol du phyin pa la sbyor zhing 'god ce na/ rab 'byor 'di la byang chub sems dpa' sems dpa' chen po sems dang po bskyed phyin chad 'di ltar go cha chen po bgos te/ gal te sems can thams cad kyis bdag la dbyig pa dang / bong ba dang / khu tshur dang / lag cha dang / mtshon gyis 'debs kyang de la bdag gis 'khrug pa'i sems 'ga' yang bskyed par mi bya'o snyam zhing / sems can thams cad kyang bzod pa de lta bu la 'god do/ /rab 'byor 'di lta ste dper na sgyu ma mkhan nam/ sgyu ma mkhan gyi slob ma mkhas pa zhig gis lam po che'i bzhi mdor skye bo phal po che'i mdun du skye bo'i tshogs chen po zhig mngon par sprul nas/ bzod pa'i pha rol du phyin pa la sbyar zhing bkod na/ rab 'byor 'di ji snyam du sems/ sgyu ma mkhan nam/ sgyu ma mkhan gyi slob ma des sems can 'ga' yang bzod pa'i pha rol du phyin pa la bkod pa yod snyam 'am/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can grangs med tshad med pa dag bzod pa'i pha rol du phyin pa la bkod kyang / sems can 'ga' yang bzod pa'i pha rol du phyin pa la bkod pa med do/ /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid 'di yin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos pa zhes bya'o/ /rab 'byor gzhan yang</font><hr>34.140a<br><font size=+1>

byang chub sems dpa' sems dpa' chen po brtson 'grus kyi pha rol du phyin pa la gnas te/ sems can thams cad brtson 'grus kyi pha rol du phyin pa yang dag par 'dzin du 'jug cing 'dzud de 'god par byed do/ /rab 'byor ji ltar na byang chub sems dpa' sems dpa' sems dpa' chen po sems can thams cad brtson 'grus kyi pha rol du phyin pa yang dag par 'dzin du 'jug cing 'dzud de 'god ce na/ rab 'byor 'di la byang chub sems dpa' sems dpa' chen po brtson 'grus kyi pha rol du phyin pa la gnas shing / rnam pa thams cad mkhyen pa nyid dang ldan pa'i yid la bya ba dag gis sems can thams cad lus dang sems kyi brtson 'grus yang dag par 'dzin du 'jug cing 'dzud de 'god par byed do/ /rab 'byor 'di lta ste dper na/ sgyu ma mkhan nam/ sgyu ma mkhan gyi slob ma mkhas pa zhig gis lam po che'i bzhi mdor skye po phal po che'i mdun du/ skye bo'i tshogs chen po zhig mngon par sprul nas/ lus dang / sems kyi brtson 'grus yang dag par 'dzin du 'jug cing 'dzud de bkod na/ rab 'byor 'di ji snyam du sems/ sgyu ma mkhan nam/ sgyu ma mkhan gyi slob ma des sems can 'ga' yang lus dang / sems kyi brtson 'grus yang dag par 'dzin du bcug cing btsud de bkod pa yod snyam 'am/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can thams cad lus dang / sems kyi brtson 'grus yang dag par 'dzin du bcug cing btsud de bkod kyang / sems can 'ga' yang lus dang sems kyi brtson 'grus yang dag par 'dzin du bcug cing btsud de bkod pa med do/ /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid 'di yin pa'i phyir te/ rab 'byor de ltar na byang chub sems</font><hr>34.140b<br><font size=+1>

dpa' sems dpa' chen po ni go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po bsam gtan gyi pha rol du phyin pa la gnas te/ sems can thams cad bsam gtan gyi pha rol du phyin pa yang dag par 'dzin du 'jug cing 'dzud de 'god par byed do/ /rab 'byor ji ltar na byang chub sems dpa' sems dpa' chen po bsam gtan gyi pha rol du phyin pa la gnas te/ sems can thams cad bsam gtan gyi pha rol du phyin pa yang dag par 'dzin du 'jug cing 'dzud de/ 'god ce na/ rab 'byor 'di la byang chub sems dpa' sems dpa' chen po chos thams cad kyi mnyam pa nyid la gnas shing / chos gang la yang rnam par g.yeng ba 'am/ rnam par g.yeng ba med par yang dag par rjes su mi mthong ngo / /rab 'byor de ltar na byang chub sems dpa' sems dpa' chen po bsam gtan gyi pha rol du phyin pa la gnas pa yin te/ des de bzhin du sems can thams cad kyang bsam gtan gyi pha rol du phyin pa yang dag par 'dzin du 'jug cing 'dzud de 'god par byed do/ /yang dag par 'dzin du bcug pa de dag kyang bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang bsam gtan gyi pha rol du phyin pa dang 'bral bar mi 'gyur ro/ /rab 'byor 'di lta ste dper na/ sgyu ma mkhan nam/ sgyu ma mkhan gyi slob ma mkhas pa zhig gis lam po che'i bzhi mdor skye bo phal po che'i mdun du skye bo'i tshogs chen po zhig mngon par sprul nas bsam gtan gyi pha rol du phyin pa yang dag par 'dzin du bcug cing btsud de bkod na/ rab 'byor 'di ji snyam du sems/ sgyu ma mkhan nam/ sgyu ma mkhan gyi slob ma des sems can 'ga' yang bsam gtan gyi pha rol du phyin pa yang dag par 'dzin du bcug cing btsud de bkod pa yod snyam 'am/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis bka'</font><hr>34.141a<br><font size=+1>

stsal pa/ rab 'byor de bzhin du byang chub sems dpa' sems dpa' chen pos sems can thams cad bsam gtan gyi pha rol du phyin pa yang dag par 'dzin du bcug cing btsud de bkod kyang sems can 'ga' yang bsam gtan gyi pha rol du phyin pa la bkod pa med do/ /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid 'di yin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la gnas te/ sems can thams cad kyang shes rab kyi pha rol du phyin pa yang dag par 'dzin du 'jug cing 'dzud de 'god par byed do/ /rab 'byor ji ltar na byang chub sems dpa' sems dpa' chen po shes rab kyi pha rol du phyin pa la gnas te/ sems can thams cad shes rab kyi pha rol du phyin pa yang dag par 'dzin du 'jug cing 'dzud de 'god ce na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pas/ chos gang la yang skye ba 'am/ 'gag pa 'am/ kun nas nyon mongs pa 'am/ rnam par byang ba 'am/ tshu rol lam/ pha rol mi dmigs so/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la gnas pa yin te/ des de bzhin du sems can thams cad kyang / shes rab kyi pha rol du phyin pa yang dag par 'dzin du 'jug cing 'dzud de 'god do/ /rab 'byor 'di lta ste/ dper na sgyu ma mkhan nam/ sgyu ma mkhan gyi slob ma mkhas pa zhig gis lam po che'i bzhi mdor skye bo phal po che'i mdun du skye bo'i tshogs chen po zhig mngon par sprul nas/ shes rab kyi pha rol du phyin pa yang dag par 'dzin du bcug cing btsud de bkod na/ rab 'byor 'di ji snyam du sems/ sgyu ma mkhan nam/ sgyu ma mkhan gyi slob ma des sems can 'ga'</font><hr>34.141b<br><font size=+1>

yang shes rab kyi pha rol du phyin pa la bkod pa yod snyam 'am/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can thams cad shes rab kyi pha rol du phyin pa la bkod kyang / sems can 'ga' yang shes rab kyi pha rol du phyin pa la bkod pa med do/ /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid 'di yin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po go cha chen po bgos pa ni shar phyogs kyi 'jig rten gyi khams gang gA'i klung gi bye ma snyed dag tu song zhing / de ji ltar bdag sbyin pa'i pha rol du phyin pa la gnas pa bzhin du/ 'jig rten gyi khams de dag na sems can gang dag 'khod pa'i sems can dag kyang sbyin pa'i pha rol du phyin pa yang dag par 'dzin du 'jug cing 'dzud de 'god par byed do/ /de bzhin du ji ltar bdag tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas pa bzhin du sems can de dag kyang shes rab kyi pha rol du phyin pa'i bar dag yang dag par 'dzin du 'jug cing 'dzud de 'god par byed la/ 'di lta ste/ pha rol du phyin pa drug dang ldan pa 'di nyid kyi chos kyang ston to/ /sems can de dag kyang chos de thos nas/ bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang pha rol du phyin pa drug dang 'bral bar mi 'gyur ro/ /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re rer yang 'jig rten gyi</font><hr>34.142a<br><font size=+1>

khams gang gA'i klung gi bye ma snyed dag tu song zhing / de ji ltar bdag sbyin pa'i pha rol du phyin pa la gnas pa bzhin du 'jig rten gyi khams de dag na sems can gang dag 'khod pa'i sems can de dag kyang sbyin pa'i pha rol du phyin pa yang dag par 'dzin du 'jug cing 'dzud de 'god do/ /de bzhin du ji ltar bdag tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas pa bzhin du sems can de dag kyang shes rab kyi pha rol du phyin pa'i bar dag yang dag par 'dzin du 'jug cing 'dzud de 'god la 'di lta ste/ pha rol du phyin pa drug dang ldan pa 'di nyid kyi chos kyang ston to/ /sems can de dag kyang chos de thos nas/ bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang pha rol du phyin pa drug dang 'bral bar mi 'gyur ro/ /rab 'byor 'di lta ste/ dper na/ sgyu ma mkhan nam/ sgyu ma mkhan gyi slob ma mkhas pa zhig gis lam po che'i bzhi mdor skye bo phal po che'i mdun du skye bo'i tshogs chen po zhig mngon par sprul nas/ pha rol du phyin pa drug yang dag par 'dzin du bcug cing btsud de/ bkod na/ rab 'byor 'di ji snyam du sems/ sgyu ma mkhan nam/ sgyu ma mkhan gyi slob ma des sems can 'ga' yang pha rol du phyin pa drug yang dag par 'dzin du bcug cing btsud de bkod pa yod snyam 'am/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor de bzhin du/ byang chub sems dpa' sems dpa' chen pos shar phyogs dang / phyogs bcu kun gyi 'jig rten gyi khams gang gA'i klung gi bye ma snyed po de dag gi sems can de dag thams cad pha rol du phyin pa drug la bkod kyang sems can 'ga' yang pha rol du phyin</font><hr>34.142b<br><font size=+1>

pa drug la bkod pa med do/ /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid 'di yin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po go cha chen po bgos pa ni/ rnam pa thams cad mkhyen pa nyid dang ldan pa'i sems kyis gnas shing / sems bskyed pa gzhan gyi skabs mi 'byed de/ bdag gis sems can 'di snyed cig ni sbyin pa'i pha rol du phyin pa la dgod par bya'o/ /'di snyed cig ni dgod par mi bya'o/ /sems can 'di snyed cig ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la dgod par bya'o/ /'di snyed cig ni dgod par mi bya'o/ /sems can 'di snyed cig ni dran pa nye bar gzhag pa rnams la dgod par bya'o/ /'di snyed cig ni dgod par mi bya'o/ /sems can 'di snyed cig ni sangs rgyas kyi chos ma 'dres pa bcwo brgyad kyi bar dag la dgod par bya'o/ /'di snyed cig ni dgod par mi bya'o/ /sems can 'di snyed cig ni rgyun du zhugs pa'i 'bras bu la dgod par bya'o/ /'di snyed cig ni dgod par mi bya'o/ /sems can 'di snyed cig ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o/ /'di snyed cig ni dgod par mi bya'o/ /sems can 'di snyed cig ni rang byang chub la dgod par bya'o/ /'di snyed cig ni dgod par mi bya'o/ /sems can 'di snyed cig ni rnam pa thams cad mkhyen pa de la dgod par bya'o/ /'di snyed cig ni dgod par mi bya'o snyam du mi sems kyi gzhan du na de 'di snyam du sems te/ bdag gis sems can tshad med grangs med pa dag pha rol du phyin pa drug la dgod par bya'o/ /byang chub kyi phyogs kyi chos sum bcu rtsa bdun</font><hr>34.143a<br><font size=+1>

la dgod par bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la dgod par bya'o/ /rgyun du zhugs pa'i 'bras bu la dgod par bya'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la dgod par bya'o/ /bdag gis sems can tshad med grangs med pa dag rnam pa thams cad mkhyen pa nyid kyi bar dag la dgod par bya'o/ /snyam du sems so/ /rab 'byor 'di lta ste/ dper na/ sgyu ma mkhan nam/ sgyu ma mkhan gyi slob ma mkhas pa zhig gis lam po che'i bzhi mdor skye bo phal po che'i mdun du skye bo'i tshogs chen po zhig mngon par sprul nas/ 'di snyam du bdag gis sems can tshad med grangs med pa 'di dag pha rol du phyin pa drug la dgod par bya'o/ /dran pa nye bar gzhag pa bzhi la dgod par bya'o/ /'phags pa'i lam yan lag brgyad pa dang / sangs rgyas kyi chos ma 'dres pa bcwa brgyad kyi bar la dgod par bya'o/ /rgyun du zhugs pa'i 'bras bu la dgod par bya'o/ /dgra bcom pa nyid dang / rang byang chub kyi bar la dgod par bya'o/ /rnam pa thams cad mkhyen pa nyid la dgod par bya'o/ /snyam du sems bskyed na/ rab 'byor 'di ji snyam du sems/ sgyu ma mkhan nam/ sgyu ma mkhan gyi slob ma des sems can 'ga' yang pha rol du phyin pa drug la bkod pa dang / rnam pa thams cad mkhyen pa nyid kyi bar la bkod pa yod snyam 'am/ rab 'byor gyis gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ rab 'byor de bzhin du/ byang chub sems dpa' sems dpa' chen pos sems can tshad med grangs med pa dag pha rol du phyin pa drug dang / rnam pa thams cad mkhyen pa nyid rnam pa thams cad kyi mchog dang ldan pa'i bar la dgod par sems bskyed kyang sems can 'ga'i don</font><hr>34.143b<br><font size=+1>

gyi phyir yang sems bskyed pa med do/ /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid 'di yin pa'i phyir te/ rab 'byor de ltar na byang chub sems dpa' sems dpa' chen po ni go cha chen po bgos pa zhes bya'o/ /rab 'byor gyis gsol pa/ bcom ldan 'das/ bdag gis bcom ldan 'das kyis gsungs pa'i don 'tshal ba ltar na/ chos rnams kyi rang gi mtshan nyid stong pa nyid kyi slad du sgyu ma'i chos nyid nye bar bzung na/ byang chub sems dpa' sems dpa' chen po de ni go cha ma mchis pa'i go cha 'tshal bar rig par bgyi ba lags pa snyam bgyid do/ /de ci'i slad du zhe na/ bcom ldan 'das 'di ltar gzugs ni gzugs kyis stong / tshor ba dang / 'du shes dang / 'du byed rnams dang / rnam par shes pa ni rnam par shes pas stong / mig ni mig gis stong / rna ba dang / sna dang / lce dang / lus dang / yid ni yid kyis stong / gzugs ni gzugs kyis stong / sgra dang / dri dang / ro dang / reg bya dang / chos ni chos kyis stong / mig gi rnam par shes pa ni mig gi rnam par shes pas stong / rna ba dang / sna dang / lce dang / lus dang / yid kyi rnam par shes pa ni yid kyi rnam par shes pas stong / mig gi 'dus te reg pa ni mig gi 'dus te reg pas stong / rna ba dang / sna dang / lce dang / lus dang / yid kyi 'dus te reg pa ni yid kyi 'dus te reg pas stong / mig gi 'dus te reg pa'i rkyen gyis tshor ba ni/ mig gi 'dus te reg pa'i rkyen gyis tshor bas stong / rna ba dang / sna dang / lce dang / lus dang / yid kyi 'dus te reg pa'i rkyen gyis tshor ba ni yid kyi 'dus te reg pa'i rkyen gyis tshor bas stong / sbyin pa'i pha rol tu phyin pa ni sbyin pa'i pha rol du phyin pas stong / shes rab kyi pha rol du phyin pa'i bar ni shes rab kyi pha rol du phyin pa'i bar gyis stong / nang stong pa nyid ni nang stong pa nyid kyis stong / dngos po med pa'i ngo bo nyid stong pa nyid kyi bar ni/ dngos po med pa'i ngo bo nyid</font><hr>34.144a<br><font size=+1>

stong pa nyid kyi bar gyis stong / dran pa nye bar gzhag pa rnams ni dran pa nye bar gzhag pa rnams kyis stong / sangs rgyas kyi chos ma 'dres pa bcwa brgyad kyi bar ni sangs rgyas kyi chos ma 'dres pa bcwa brgyad kyi bar gyis stong la/ bcom ldan 'das byang chub sems dpa' yang byang chub sems dpas stong / go cha chen po yang go cha chen pos stong pa'i slad du ste/ bcom ldan 'das rnam grangs des na/ byang chub sems dpa' sems dpa' chen po ni go cha ma mchis pa'i go cha 'tshal bar rig par bgyi'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ ji skad smras pa bzhin no/ /de ci'i phyir zhe na/ rab 'byor 'di ltar rnam pa thams cad mkhyen pa nyid ni ma byas/ ma bshig /mngon par 'dus ma byas la/ byang chub sems dpa' sems dpa' chen pos gang dag gi don du go cha chen po bgos pa'i sems can de dag kyang ma byas/ ma bshig /mngon par 'dus ma byas pa'i phyir ro/ /rab 'byor gyis gsol pa/ bcom ldan 'das ci'i slad du rnam pa thams cad mkhyen pa nyid ma bgyis/ ma bshig /mngon par 'dus ma bgyis shing / byang chub sems dpa' sems dpa' chen pos gang dag gi don du go cha chen po 'tshal ba'i sems can de dag kyang ma bgyis/ ma bshig /mngon par 'dus ma bgyis pa lags/ bcom ldan 'das kyis bka' stsal pa/ rab 'byor byed pa po mi dmigs pas/ rnam pa thams cad mkhyen pa nyid ma byas/ ma bshig /mngon par 'dus ma byas shing / byang chub sems dpa' sems dpa' chen pos gang dag gi don du go cha chen po bgos pa'i sems can de dag kyang ma byas/ ma bshig /mngon par 'dus ma byas pa yin no/ /de ci'i phyir zhe na/ rab 'byor 'di ltar gzugs ni mi byed/ mi 'jig /mngon par 'du mi byed/ </font><hr>34.144b<br><font size=+1>

tshor ba dang / 'du shes dang / 'du byed rnams dang / rnam par shes pa ni mi byed/ mi 'jig /mngon par 'du mi byed/ mig ni mi byed/ mi 'jig /mngon par 'du mi byed/ rna ba dang / sna dang / lce dang / lus dang / yid ni mi byed/ mi 'jig /mngon par 'du mi byed/ gzugs ni mi byed/ mi 'jig /mngon par 'du mi byed/ sgra dang / dri dang / ro dang / reg bya dang / chos rnams ni mi byed/ mi 'jig /mngon par 'du mi byed/ mig gi rnam par shes pa ni mi byed/ mi 'jig /mngon par 'du mi byed/ rna ba dang / sna dang / lce dang / lus dang / yid kyi rnam par shes pa ni mi byed/ mi 'jig /mngon par 'du mi byed/ mig gi 'dus te reg pa ni mi byed/ mi 'jig /mngon par 'du mi byed/ rna ba dang / sna dang / lce dang / lus dang / yid kyi 'dus te reg pa ni mi byed/ mi 'jig /mngon par 'du mi byed/ mig gi 'dus te reg pa'i rkyen gyis tshor ba ni mi byed/ mi 'jig /mngon par 'du mi byed/ rna ba dang sna dang / lce dang / lus dang / yid kyi 'dus te reg pa'i rkyen gyis tshor ba ni mi byed/ mi 'jig /mngon par 'du mi byed pa'i phyir ro/ /rab 'byor bdag ni mi byed/ mi 'jig /mngon par 'du mi byed/ sems can dang / srog dang / shes pa po dang / mthong ba po'i bar ni mi byed/ mi 'jig /mngon par 'du mi byed do/ /de ci'i phyir zhe na/ 'di ltar de dag gtan med cing mi dmigs pa'i phyir ro/ /rab 'byor rmi lam ni mi byed/ mi 'jig /mngon par 'du mi byed do/ /sgyu ma dang / brag cha dang / mig yor dang / gzugs brnyan dang / smig rgyu dang / sprul pa ni mi byed/ mi 'jig /mngon par 'du mi byed do/ /de ci'i phyir zhe na/ 'di ltar de dag gtan med cing mi dmigs pa'i phyir ro/ /rab 'byor nang stong pa nyid ni mi byed/ mi 'jig /mngon par 'du mi byed do/ /de ci'i phyir zhe na/ 'di ltar de gtan med cing mi dmigs pa'i phyir ro/ /rab 'byor dngos po med pa'i ngo bo nyid stong pa nyid kyi bar ni mi byed/ </font><hr>34.145a<br><font size=+1>

mi 'jig /mngon par 'du mi byed do/ /de ci'i phyir zhe na/ 'di ltar de dag gtan med cing mi dmigs pa'i phyir ro/ /rab 'byor byang chub kyi phyogs kyi chos sum bcu rtsa bdun ni mi byed/ mi 'jig /mngon par 'du mi byed do/ /de ci'i phyir zhe na/ 'di ltar de dag gtan med cing mi dmigs pa'i phyir ro/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi bar dag ni mi byed mi 'jig /mngon par 'du mi byed do/ /de ci'i phyir zhe na/ 'di ltar de dag gtan med cing mi dmigs pa'i phyir ro/ /rab 'byor de bzhin nyid ni mi byed/ mi 'jig /mngon par 'du mi byed do/ /de ci'i phyir zhe na/ 'di ltar de gtan med cing mi dmigs pa'i phyir ro/ /rab 'byor de bzhin du ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' ni mi byed/ mi 'jig /mngon par 'du mi byed do/ /de ci'i phyir zhe na/ 'di ltar de gtan med cing mi dmigs pa'i phyir ro/ /rab 'byor byang chub ni mi byed/ mi 'jig /mngon par 'du mi byed do/ /thams cad shes pa nyid dang / rnam pa thams cad mkhyen pa nyid ni mi byed/ mi 'jig /mngon par 'du mi byed do/ /de ci'i phyir zhe na/ 'di ltar de dag gtan med cing mi dmigs pa'i phyir te/ rab 'byor rnam grangs des na/ khyod kyis rnam pa thams cad mkhyen pa nyid kyang ma byas/ ma bshig /mngon par 'dus ma byas la/ byang chub sems dpa' sems dpa' chen pos gang dag gi don du go cha chen po bgos pa'i sems can de dag kyang ma byas/ ma bshig /mngon par 'dus ma byas pa yin par rig par bya'o/ /rab 'byor de ltar na byang chub sems dpa' sems dpa' chen po go cha chen po bgos pa zhes bya'o/ /rab 'byor gyis gsol pa/ bcom ldan 'das bdag gis bcom ldan 'das kyis gsungs pa'i don 'tshal ba</font><hr>34.145b<br><font size=+1>

ltar na/ bcom ldan 'das gzugs ni ma bcings ma grol ba lags so/ /bcom ldan 'das tshor ba dang / 'du shes dang / 'du byed rnams dang / rnam par shes pa ni ma bcings ma grol ba lags so/ /byams ma'i bu gang pos smras pa/ tshe dang ldan pa rab 'byor gzugs ni ma bcings ma grol ba zhes smra 'am/ tshe dang ldan pa rab 'byor tshor ba dang / 'du shes dang / 'du byed rnams dang / rnam par shes pa ni ma bcings ma grol ba zhes smra 'am/ rab 'byor gyis smras pa/ tshe dang ldan pa gang po de de bzhin no/ /tshe dang ldan pa gang po de de bzhin te/ tshe dang ldan pa gang po gzugs ni ma bcings ma grol ba'o/ /tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /gang pos smras pa/ tshe dang ldan pa rab 'byor gzugs ma bcings ma grol ba gang yin/ tshor ba dang / 'du shes dang / 'du byed rnams dang / rnam par shes pa ni ma bcings ma grol ba gang yin/ rab 'byor gyis smras pa/ tshe dang ldan pa gang po rmi lam lta bu'i gzugs gang yin pa de ni ma bcings ma grol pa'o/ /rmi lam lta bu'i tshor ba dang / 'du shes dang / 'du byed rnams dang / rmi lam lta bu'i rnam par shes pa gang yin pa de ni ma bcings ma grol pa'o/ /de bzhin du brag cha lta bu dang / sgyu ma lta bu dang / smig rgyu lta bu dang / mig yor lta bu dang / gzugs brnyan lta bu dang / sprul pa lta bu'i gzugs gang yin pa de ni ma bcings ma grol ba'o/ /sprul pa lta bu'i tshor ba dang / 'du shes dang / 'du byed rnams dang / rnam par shes pa gang yin pa de ni ma bcings ma grol ba'o/ /tshe dang ldan pa gang po 'das pa'i gzugs ni ma bcings ma grol ba'o/ /tshe dang ldan pa gang po/ 'das pa'i tshor ba dang / 'du shes dang / 'du byed rnams dang / 'das pa'i rnam par shes pa ni ma bcings ma grol ba'o/ /tshe dang ldan pa gang po de bzhin du ma 'ongs pa'i gzugs ni ma bcings ma grol ba'o/ /tshe dang ldan pa</font><hr>34.146a<br><font size=+1>

gang po ma 'ongs pa'i tshor ba dang / 'du shes dang / 'du byed rnams dang / ma 'ongs pa'i rnam par shes pa ni ma bcings ma grol ba'o/ /tshe dang ldan pa gang po da ltar byung ba'i gzugs ni ma bcings ma grol ba'o/ /tshe dang ldan pa gang po da ltar byung ba'i tshor ba dang / 'du shes dang / 'du byed rnams dang / da ltar byung ba'i rnam par shes pa ni ma bcings ma grol ba'o/ /de ci'i phyir zhe na/ tshe dang ldan pa gang po gzugs nyid med pa'i phyir/ gzugs de ma bcings ma grol ba'o/ /tshor ba dang / 'du shes dang / 'du byed rnams med pa dang / rnam par shes pa nyid med pa'i phyir/ rnam par shes pa de ma bcings ma grol ba'o/ /de bzhin du gzugs dang / tshor ba dang / 'du shes dang / 'du byed rnams dang / rnam par shes pa dben pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / skye ba med pa'i phyir ma bcings ma grol ba'o/ /tshe dang ldan pa gang po gzugs dge ba dang / mi dge ba dang / nyon mongs pa dang bcas pa dang / nyon mongs pa med pa dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kun nas nyon mongs pa dang / rnam par byang ba ni ma bcings ma grol ba'o/ /de ci'i phyir zhe na/ gzugs nyid med pa'i phyir gzugs de ma bcings ma grol ba'o/ /tshe dang ldan pa gang po de bzhin du tshor ba dang / 'du shes dang / 'du byed rnams dang / rnam par shes pa dge ba 'am mi dge ba nas rnam par byang ba'i bar yang ma bcings ma grol ba'o/ /de ci'i phyir zhe na/ rnam par shes pa nyid med pa'i phyir rnam par shes pa de ma bcings ma grol ba'o/ /tshe dang ldan pa gang po chos thams cad kyang ma bcings ma grol ba'o/ /de ci'i phyir zhe na/ chos thams cad med pa'i phyir ma cings ma grol ba'o/ /de bzhin du dben pa la</font><hr>34.146b<br><font size=+1>

sogs pa'i phyir ma bcings ma grol ba'o/ /tshe dang ldan pa gang po sbyin pa'i pha rol du phyin pa ni ma bcings ma grol ba'o/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang ma bcings ma grol ba ste/ med pa'i phyir ma bcings ma grol ba'o/ /dben pa la sogs pa'i phyir ma bcings ma grol ba'o/ /tshe dang ldan pa gang po nang stong pa nyid kyang ma bcings ma grol ba'o/ /tshe dang ldan pa gang po dngos po med pa'i ngo bo nyid stong pa nyid kyi bar du yang ma bcings ma grol ba'o/ /tshe dang ldan pa gang po byang chub kyi phyogs kyi chos sum bcu rtsa bdun yang ma bcings ma grol ba'o/ /tshe dang ldan pa gang po stobs bcu dang / mi 'jigs pa bzhi dang / so so yang dag par rig pa bzhi'i bar dang / sangs rgyas kyi chos ma 'dres pa bcwa brgyad kyi bar du yang ma bcings ma grol ba ste/ med pa'i phyir ma bcings ma grol ba'o/ /dben pa la sogs pa'i phyir ma bcings ma grol ba'o/ /tshe dang ldan pa gang po byang chub kyang ma bcings ma grol ba rnam pa thams cad mkhyen pa nyid kyang ma bcings ma grol ba/ byang chub sems dpa' yang ma bcings ma grol ba ste/ med pa'i phyir ma bcings ma grol ba'o/ /dben pa'i phyir ma bcings ma grol ba'o/ /skye ba med pa'i phyir ma bcings ma grol ba'o/ /tshe dang ldan pa gang po de bzhin nyid kyang ma bcings ma grol ba'o/ /tshe dang ldan pa gang po ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' yang ma bcings ma grol ba ste med pa dang / dben pa'i phyir ma bcings ma grol ba'o/ /skye ba med pa'i phyir ma bcings ma grol ba'o/ /</font><hr>34.147a<br><font size=+1>

tshe dang ldan pa gang po de ltar na byang chub sems dpa' sems dpa' chen po ni ma bcings ma grol ba'o/ /de ltar na pha rol du phyin pa drug po dag kyang ma bcings ma grol ba'o/ /rnam pa thams cad mkhyen pa'i bar dag kyang ma cings ma grol ba'o/ /sems can gang dag yongs su mya ngan las bzla bar 'gyur ba de dag kyang ma bcings ma grol ba'o/ /sangs rgyas kyi zhing gang dag dag par bya bar 'gyur ba de dag kyang ma bcings ma grol ba'o/ /bsnyen bkur bya bar 'gyur ba'i sangs rgyas bcom ldan 'das rnams kyang ma bcings ma grol ba'o/ /thos par 'gyur ba'i chos kyang ma bcings ma grol ba'o/ /sangs rgyas bcom ldan 'das rnams dang nam yang bral bar mi 'gyur ba yang ma bcings ma grol ba'o/ /mngon par shes pa rnams dang bral bar mi 'gyur ba dang / mig lnga dang bral bar mi 'gyur ba dang / ting nge 'dzin rnams dang bral bar mi 'gyur ba yang ma bcings ma grol ba'o/ /lam gyi rnam pa shes pa nyid bskyed par 'gyur ba yang ma bcings ma grol ba'o/ /rnam pa thams cad mkhyen pa nyid rtogs par 'gyur ba yang ma bcings ma grol ba'o/ /chos kyi 'khor lo bskor bar 'gyur ba yang ma bcings ma grol ba'o/ /theg pa gsum po dag gis sems can rnams yongs su mya ngan las bzla bar 'gyur ba yang ma bcings ma grol ba'o/ /tshe dang ldan pa gang po med pa dang / dben pa dang / skye ba med pa'i phyir byang chub sems dpa' sems dpa' chen po de ltar ma bcings ma grol ba ni pha rol du phyin pa drug po dag gis chos thams cad mngon par rtogs par 'gyur ro/ /shes rab kyi pha rol du phyin pa khri brgyad stong pa las ma bcings ma grol ba'i le'u zhes bya ste/ bcu bzhi pa'o// // de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa'</font><hr>34.147b<br><font size=+1>

chen po'i theg pa chen po ni gang lags/ bcom ldan 'das ji tsam gyis byang chub sems dpa' sems dpa' chen po theg pa chen po la yang dag par zhugs par rig par bgyi/ theg pa de ni gang la yang dag par zhugs pa lags/ theg pa de ni gang du gnas par 'gyur ba lags/ theg pa des ni su zhig nges par 'byung bar 'gyur ba lags/ de skad ces gsol pa dang / bcom ldan 'das kyis/ tshe dang ldan pa rab 'byor la 'di skad ces bka' stsal to/ /rab 'byor khyod gang 'di skad du/ bcom ldan 'das byang chub sems dpa' sems dpa' chen po'i theg pa chen po ni gang lags shes zer ba ni/ rab 'byor pha rol du phyin pa drug ni byang chub sems dpa' sems dpa' chen po'i theg pa chen po yin te/ drug gang zhe na/ 'di lta ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'o/ /de la sbyin pa'i pha rol du phyin pa gang zhe na/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pa dag gis 'di lta ste/ phyi dang nang gi dngos po rnams sbyin pa sbyin par byed cing / dge ba'i rtsa ba de dag kyang sems can thams cad dang thun mong du byas nas mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo bar byed pa ste/ de ni byang chub sems dpa' sems dpa' chen po'i sbyin pa'i pha rol du phyin pa yin no/ /rab 'byor gyis gsol pa/ bcom ldan 'das byang chub sems dpa' sems dpa' chen po'i tshul khrims kyi pha rol du phyin pa gang lags bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pa dag gis mi dmigs pa'i tshul gyis bdag kyang dge ba bcu'i las</font><hr>34.148a<br><font size=+1>

kyi lam yang dag par blangs shing gnas la/ sems can gzhan dag kyang dge ba bcu'i las kyi lam yang dag par 'dzin du 'jug cing 'dzud de rab tu 'god par byed pa de ni/ byang chub sems dpa' sems dpa' chen po'i tshul khrims kyi pha rol du phyin pa nag nog med pa yin no/ /rab 'byor gyis gsol ba/ bcom ldan 'das byang chub sems dpa' sems dpa' chen po'i bzod pa'i pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pa dag gis/ bdag kyang bzod pa phun sum tshogs pa dang ldan la/ gzhan dag kyang bzod pa yang dag par 'dzin du 'jug cing / de yang mi dmigs pa'i tshul gyis byed pa de ni rab 'byor byang chub sems dpa' sems dpa' chen po'i bzod pa'i pha rol du phyin pa yin no/ /rab 'byor gyis gsol pa/ bcom ldan 'das byang chub sems dpa' sems dpa' chen po'i brtson 'grus kyi pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pa dag gis bdag kyang pha rol du phyin pa lnga la brtson pa mi 'dor zhing / gzhan dag kyang pha rol du phyin pa lnga yang dag par 'dzin du 'jug ste/ de yang mi dmigs pa'i tshul gyis byed pa de ni rab 'byor byang chub sems dpa' sems dpa' chen po'i brtson 'grus kyi pha rol du phyin pa yin no/ /rab 'byor gyis gsol pa/ bcom ldan 'das byang chub sems dpa' sems dpa' chen po'i bsam gtan gyi pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pa dag gis thabs la mkhas pas bdag kyang</font><hr>34.148b<br><font size=+1>

bsam gtan la snyoms par 'jug cing / de dag gi dbang gis kyang mi skye la/ gzhan dag kyang bsam gtan rnams yang dag par 'dzin du 'jug ste/ de yang mi dmigs pa'i tshul gyis byed pa de ni rab 'byor byang chub sems dpa' sems dpa' chen po'i bsam gtan gyi pha rol du phyin pa yin no/ /rab 'byor gyis gsol pa/ bcom ldan 'das byang chub sems dpa' sems dpa' chen po'i shes rab kyi pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pa dag gis mi dmigs pa'i tshul gyis chos thams cad la mngon par zhen pa med pa dang / chos thams cad kyi rang bzhin la so sor rtog par byed cing / gzhan dag kyang chos thams cad la mngon par zhen pa med pa dang / chos thams cad kyi rang bzhin la so sor rtog pa yang dag par 'dzin du 'jug pa de ni rab 'byor byang chub sems dpa' sems dpa' chen po'i shes rab kyi pha rol du phyin pa yin te/ rab 'byor de ni byang chub sems dpa' sems dpa' chen po'i theg pa chen po yin no/ /shes rab kyi pha rol du phyin pa khri brgyad stong pa/ bam po bcu gcig pa/ rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin gyis stong pa nyid dang / rang gi mtshan nyid stong pa nyid dang / chos thams cad stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong</font><hr>34.149a<br><font size=+1>

pa nyid dang / dngos po med pa'i ngo bo nyid stong pa nyid yin no/ /de la nang stong pa nyid gang zhe na/ nang gi chos rnams te/ mig dang / rna ba dang / sna dang / lce dang / lus dang / yid de/ de la ther zug tu gnas pa med pa dang / 'jig pa med pa'i phyir/ mig ni mig gis stong ngo / /de ci'i phyir zhe na/ de'i rang bzhin de yin pa'i phyir ro/ /ther zug tu gnas pa med pa dang / 'jig pa med pa'i phyir/ rna ba rna bas stong ngo / /de ci'i phyir zhe na/ de'i rang bzhin de yin pa'i phyir ro/ /ther zug tu gnas pa med pa dang / 'jig pa med pa'i phyir/ sna ni snas stong ngo / /de ci'i phyir zhe na/ de'i rang bzhin de yin pa'i phyir ro/ /ther zug tu gnas pa med pa dang / 'jig pa med pa'i phyir/ lce ni lces stong ngo / /de ci'i phyir zhe na/ de'i rang bzhin de yin pa'i phyir ro/ /ther zug tu gnas pa med pa dang / 'jig pa med pa'i phyir/ lus ni lus kyis stong ngo / /de ci'i phyir zhe na/ de'i rang bzhin de yin pa'i phyir ro/ /ther zug tu gnas pa med pa dang / 'jig pa med pa'i phyir/ yid ni yid kyis stong ngo / /de ci'i phyir zhe na/ de'i rang bzhin de yin pa'i phyir te/ de ni nang stong pa nyid ces bya'o/ /de la phyi stong pa nyid gang zhe na/ phyi rol gyi chos rnams te/ 'di lta ste/ gzugs dang / sgra dang / dri dang / ro dang / reg bya dang / chos rnams so/ /de la ther zug tu gnas pa med pa dang / 'jig pa med pa'i phyir/ gzugs ni gzugs kyis stong ngo / /de ci'i phyir zhe na/ de'i rang bzhin de yin pa'i phyir ro/ /de bzhin du ther zug tu gnas pa med pa dang / 'jig pa med pa'i phyir/ sgra dang / dri dang / ro dang / reg bya dang / chos ni chos kyis stong ngo / /de ci'i phyir zhe na/ de'i rang bzhin de yin pa'i phyir te/ de ni phyi stong pa nyid ces bya'o/ /de la phyi nang stong pa nyid gang zhe na/ nang gi skye mched drug dang / phyi'i skye mched drug po de dag ni phyi dang nang gi chos rnams shes bya'o/ /de la nang gi chos rnams phyi'i chos rnams kyis stong pa gang zhe na/ ther zug tu gnas pa med pa dang / 'jig pa</font><hr>34.149b<br><font size=+1>

med pa'i phyir/ nang gi mig dang / rna ba dang / sna dang / lce dang / lus dang / yid rnams ni phyi'i gzugs dang / sgra dang / dri dang / ro dang / reg bya dang / chos rnams kyis stong ngo / /de ci'i phyir zhe na/ de'i rang bzhin de yin pa'i phyir ro/ /ther zug tu gnas pa med pa dang / 'jig pa med pa'i phyir/ phyi rol gyi chos gzugs dang / sgra dang / dri dang / ro dang / reg bya dang / chos rnams ni nang gi chos mig dang / rna ba dang / sna dang / lce dang / lus dang yid rnams kyis stong ngo / /de ci'i phyir zhe na/ de'i rang bzhin de yin pa'i phyir te/ de ni phyi nang stong pa nyid ces bya'o/ /de la stong pa nyid stong pa nyid gang zhe na/ ther zug tu gnas pa med pa dang / 'jig pa med pa'i phyir/ chos thams cad kyi stong pa nyid gang yin pa'i stong pa nyid des stong pa nyid stong pa'o/ /de ci'i phyir zhe na/ de'i rang bzhin de yin pa'i phyir te/ de ni stong pa nyid stong pa nyid ces bya'o/ /de la chen po stong pa nyid gang zhe na/ ther zug tu gnas pa med pa dang / 'jig pa med pa'i phyir/ shar phyogs ni/ shar phyogs kyis stong / lho phyogs ni lho phyogs kyis stong / nub phyogs ni nub phyogs kyis stong / byang phyogs ni byang phyogs kyis stong / 'og gi phyogs ni 'og gi phyogs kyis stong / steng gi phyogs ni steng gi phyogs kyis stong ngo / /de bzhin du phyogs mtshams rnams ni phyogs mtshams rnams kyis stong ngo / /de ci'i phyir zhe na/ de'i rang bzhin de yin pa'i phyir te/ de ni chen po stong pa nyid ces bya'o/ /de la don dam pa stong pa nyid gang zhe na/ don dam pa zhes bya ba ni mya ngan las 'das pa ste/ ther zug tu gnas pa med pa dang / 'jig pa med pa'i phyir/ mya ngan las 'das pa de yang mya ngan las 'das pas stong ngo / /de ci'i phyir zhe na/ de'i rang bzhin de yin pa'i phyir te/ de ni don dam pa stong pa nyid ces bya'o/ /de la 'dus byas stong pa nyid gang zhe na/ 'dus byas shes bya ba ni 'dod pa'i khams dang / gzugs kyi khams dang / gzugs med pa'i khams te/ de la ther zug tu gnas pa med pa dang / 'jig pa med</font><hr>34.150a<br><font size=+1>

pa'i phyir/ 'dod pa'i khams ni 'dod pa'i khams kyis stong / gzugs kyi khams ni gzugs kyi khams kyis stong / gzugs med pa'i khams ni gzugs med pa'i khams kyis stong ngo / /de ci'i phyir zhe na/ de'i rang bzhin de yin pa'i phyir te/ de ni 'dus byas stong pa nyid ces bya'o/ /de la 'dus ma byas stong pa nyid gang zhe na/ de la 'dus ma byas shes bya ba ni gang la skye ba med pa dang / 'gag pa med pa dang / 'jig pa med pa dang / gnas pa med pa dang / gzhan du 'gyur ba med pa de ni 'dus ma byas pa ste/ ther zug tu gnas pa med pa dang / 'jig pa med pa'i phyir/ 'dus ma byas de yang 'dus ma byas kyis stong ngo / /de ci'i phyir zhe na/ de'i rang bzhin de yin pa'i phyir te/ de ni 'dus ma byas stong pa nyid ces bya'o/ /de la mtha' las 'das pa stong pa nyid gang zhe na/ gang la mtha' mi dmigs pa de ni mtha' las 'das pa ste/ ther zug tu gnas pa med pa dang / 'jig pa med pa'i phyir/ mtha' ni mthas stong ngo / /de ci'i phyir zhe na/ de'i rang bzhin de yin pa'i phyir te/ de ni mtha' las 'das pa stong pa nyid ces bya'o/ /de la thog ma dang tha ma med pa stong pa nyid gang zhe na/ gang la thog ma dang tha ma mi dmigs pa de la dbus med cing / gang la thog ma dang tha ma dang dbus med pa de la 'ong ba dang 'gro ba med pa ste/ ther zug tu gnas pa med pa dang / 'jig pa med pa'i phyir/ thog ma dang dbus dang tha ma rnams ni/ thog ma dang dbus dang tha ma rnams kyis stong ste/ de ni thog ma dang tha ma med pa stong pa nyid ces bya'o/ /de la dor ba med pa stong pa nyid gang zhe na/ chos gang la yang dor du med pa ste/ ther zug tu gnas pa med pa dang / 'jig pa med pa'i phyir/ dor ba med pa ni dor ba med pas stong ngo / /de ci'i phyir zhe na/ de'i rang bzhin de yin pa'i phyir te/ de ni dor ba med pa stong pa nyid ces bya'o/ /de la rang bzhin gyis stong pa nyid gang zhe na/ 'dus byas sam/ 'dus ma byas kyi chos thams cad kyi rang</font><hr>34.150b<br><font size=+1>

bzhin gang yin pa de ni nyan thos rnams kyis ma byas/ rang sangs rgyas rnams kyis ma byas/ byang chub sems dpa' rnams kyis ma byas/ de bzhin gshegs pa dgra bcom pa yang dag par rdzogs pa'i sangs rgyas rnams kyis ma mdzad pa ste/ ther zug tu gnas pa med pa dang / 'jig pa med pa'i phyir/ rang bzhin ni rang bzhin gyis stong ngo / /de ci'i phyir zhe na/ de'i rang bzhin de yin pa'i phyir te/ de ni rang bzhin gyis stong pa nyid ces bya'o/ /de la chos thams cad stong pa nyid gang zhe na/ chos thams cad ces bya ba ni gzugs dang / tshor ba dang / 'du shes dang / 'du byed rnams dang / rnam par shes pa dang / mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg bya dang / chos rnams dang / mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa dang / mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa dang / mig gi 'dus te reg pa'i rkyen gyis tshor ba dang / rna ba dang / sna dang / lce dang / lus dang / yid kyi 'dus te reg pa'i rkyen gyis tshor ba dang / gzugs can gyi chos rnams dang / gzugs med pa'i chos rnams dang / 'dus byas kyi chos rnams dang / 'dus ma byas kyi chos de dag ni chos thams cad ces bya ste/ de la ther zug tu gnas pa med pa dang / 'jig pa med pa'i phyir/ chos thams cad ni chos thams cad kyis stong ngo / /de ci'i phyir zhe na/ de'i rang bzhin de yin pa'i phyir te/ de ni chos thams cad stong pa nyid ces bya'o/ /de la rang gi mtshan nyid stong pa nyid gang zhe na gzugs kyi mtshan nyid ni gzugs su rung ba/ tshor ba'i mtshan nyid ni myong ba/ </font><hr>34.151a<br><font size=+1>

'du shes kyi mtshan nyid ni 'dzin par byed pa/ 'du byed rnams kyi mtshan nyid ni mngon par 'du byed pa/ rnam par shes pa'i mtshan nyid ni rnam par shes par byed pa ste/ ther zug tu gnas pa med pa dang / /'jig pa med pa'i phyir/ 'dus byas kyi chos rnams kyi mtshan nyid gang yin pa dang / 'dus ma byas kyi chos rnams kyi mtshan nyid gang yin pa'i chos de dag thams cad ni rang rang gi mtshan nyid kyis stong ngo / /de ci'i phyir zhe na/ de'i rang bzhin de yin pa'i phyir te/ de ni rang gi mtshan nyid stong pa nyid ces bya'o/ /de la mi dmigs pa stong pa nyid gang zhe na/ 'das pa dang ma 'ongs pa dang / da ltar byung ba'i chos gang yin pa de dag ni dmigs su med pa ste/ 'das pa rnams ni ma 'ongs pa la mi dmigs/ ma 'ongs pa rnams kyang 'das pa la mi dmigs/ da ltar byung ba rnams kyang 'das pa dang ma 'ongs pa la mi dmigs so/ /ther zug tu gnas pa med pa dang / 'jig pa med pa'i phyir/ mi dmigs pa ni mi dmigs pas stong ngo / /de ci'i phyir zhe na/ de'i rang bzhin de yin pa'i phyir te/ de ni mi dmigs pa stong pa nyid ces bya'o/ /de la dngos po med pa stong pa nyid gang zhe na/ gang la dngos po 'ga' yang mi dmigs pa ste/ ther zug tu gnas pa med pa dang / 'jig pa med pa'i phyir/ dngos po med pa ni dngos po med pas stong ngo / /de ci'i phyir zhe na/ de'i rang bzhin de yin pa'i phyir te/ de ni dngos po med pa stong pa nyid ces bya'o/ /de la ngo bo nyid stong pa nyid gang zhe na/ gang la ngo bo nyid 'ga' yang mi dmigs pa ste/ ther zug tu gnas pa med pa dang 'jig pa med pa'i phyir/ ngo bo nyid ni ngo bo nyid kyis stong ngo / /de ci'i phyir zhe na/ de'i rang bzhin de yin pa'i phyir te/ de ni ngo bo nyid stong pa nyid ces bya'o/ /de la dngos po med pa'i ngo bo nyid stong pa nyid gang zhe na/ chos rnams rten cing 'brel par 'byung ba'i phyir 'dus pa las byung ba'i chos kyi ngo bo nyid med pa ste/ ther zug tu gnas pa med pa dang 'jig pa med</font><hr>34.151b<br><font size=+1>

pa'i phyir/ 'dus pa ni 'dus pas stong ngo / /de ci'i phyir zhe na/ de'i rang bzhin de yin pa'i phyir te/ de ni dngos po med pa'i ngo bo nyid stong pa nyid ces bya'o/ /rab 'byor gzhan yang dngos po med pa'i ngo bo nyid stong pa nyid ces bya ba ni/ dngos po ni dngos pos stong / dngos po med pa ni dngos po med pas stong / ngo bo nyid ni ngo bo nyid kyis stong / gzhan gyi dngos po ni gzhan gyi dngos pos stong pa ste/ de la dngos po gang zhe na/ dngos po zhes bya ba ni phung po lnga ste/ de la phung po lnga po dag ni ma skyes pa'i phyir dmigs su med pas/ de ltar dngos po ni dngos pos stong ngo / /dngos po med pa yang dngos po med pas ji ltar stong zhe na/ dngos po med pa zhes bya ba ni 'dus ma byas pa ste/ de la 'dus ma byas pa yang 'dus ma byas pas stong pas/ de ltar na dngos po med pa ni dngos po med pas stong ngo / /ji ltar na ngo bo nyid ngo bo nyid kyis stong zhe na/ ngo bo nyid ces bya ba ni phyin ci ma log pa'i rang bzhin te/ de la stong pa nyid gang yin pa de ni shes pas ma byas mthong bas ma byas pas na de ni ngo bo nyid stong pa nyid ces bya'o/ /de la gzhan gyi dngos po stong pa nyid gang zhe na/ gang de bzhin gshegs pa rnams byung yang rung / ma byung yang rung ste/ chos gnas pa nyid dang / chos nyid dang / chos kyi dbyings dang / chos skyon med pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa'i mtha' de ni gnas pa nyid de/ de ltar gzhan gyis stong pa gang yin pa de ni gzhan gyi dngos po stong pa nyid ces bya'o/ /rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po 'di lta ste/ dpa' bar 'gro ba zhes bya ba'i ting nge 'dzin dang / rin chen phyag rgya zhes bya ba'i ting nge 'dzin dang / seng ge rnam par rtse ba zhes bya ba'i ting nge 'dzin dang / zla ba bzang po zhes bya</font><hr>34.152a<br><font size=+1>

ba'i ting nge 'dzin dang / zla ba'i rgyal mtshan tog ces bya ba'i ting nge 'dzin dang / chos thams cad las shin tu 'phags pa zhes bya ba'i ting nge 'dzin dang / spyi gtsug rnam par lta ba zhes bya ba'i ting nge 'dzin dang / chos kyi dbyings su nges pa zhes bya ba'i ting nge 'dzin dang / nges pa'i rgyal mtshan tog ces bya ba'i ting nge 'dzin dang / rdo rje rin po che zhes bya ba'i ting nge 'dzin dang / chos thams cad la 'jug pa'i phyag rgya zhes bya ba'i ting nge 'dzin dang / ting nge 'dzin la rgyal po ltar rab tu gnas pa zhes bya ba'i ting nge 'dzin dang / 'od zer rab tu 'gyed pa zhes bya ba'i ting nge 'dzin dang / dpung bkod pa zhes bya ba'i ting nge 'dzin dang / yang dag par 'phags pa zhes bya ba'i ting nge 'dzin dang / nges pa'i tshig bstan pa la 'jug pa zhes bya ba'i ting nge 'dzin dang / tshig bla dgas la yang dag par 'jug pa zhes bya ba'i ting nge 'dzin dang / phyogs la rnam par lta ba zhes bya ba'i ting nge 'dzin dang / phyag rgya yongs su 'dzin pa zhes bya ba'i ting nge 'dzin dang / brjed pa med pa zhes bya ba'i ting nge 'dzin dang / chos thams cad yang dag par 'du ba rgya mtsho'i phyag rgya zhes bya ba'i ting nge 'dzin dang / nam mkha' khyab par byed pa zhes bya ba'i ting nge 'dzin dang / rdo rje'i dkyil 'khor zhes bya ba'i ting nge 'dzin dang / rin po che spong ba zhes bya ba'i ting nge 'dzin dang / rnam par snang ba zhes bya ba'i ting nge 'dzin dang / tshol ba med pa zhes bya ba'i ting nge 'dzin dang / gnas la brten pa med pa zhes bya ba'i ting nge 'dzin dang / sems med pa zhes bya ba'i ting nge 'dzin dang / dri ma med pa'i sgron ma zhes bya ba'i ting nge 'dzin dang / 'od mtha' yas pa zhes bya ba'i ting nge 'dzin dang / 'od byed pa zhes bya ba'i ting nge 'dzin dang / kun du snang ba zhes bya ba'i ting nge 'dzin dang / dag pa dam pa zhes bya ba'i ting nge 'dzin dang / 'od dri ma med pa zhes bya ba'i ting nge 'dzin dang / dga' ba byed pa zhes bya ba'i ting nge 'dzin dang / glog gi sgron ma zhes bya ba'i ting nge 'dzin dang / </font><hr>34.152b<br><font size=+1>

zad mi shes pa zhes bya ba'i ting nge 'dzin dang / gzi brjid yod pa zhes bya ba'i ting nge 'dzin dang / zad pa dang bral ba zhes bya ba'i ting nge 'dzin dang / mi g.yo ba zhes bya ba'i ting nge 'dzin dang / 'gyur ba med pa zhes bya ba'i ting nge 'dzin dang / nyi ma'i sgron ma zhes bya ba'i ting nge 'dzin dang / zla ba dri ma med pa zhes bya ba'i ting nge 'dzin dang / snang ba dag pa zhes bya ba'i ting nge 'dzin dang / snang ba byed pa zhes bya ba'i ting nge 'dzin dang / bya ba byed pa zhes bya ba'i ting nge 'dzin dang / ye shes tog ces bya ba'i ting nge 'dzin dang / rdo rje lta bu zhes bya ba'i ting nge 'dzin dang / sems gnas pa zhes bya ba'i ting nge 'dzin dang / kun du snang ba zhes bya ba'i ting nge 'dzin dang / rab tu gnas pa zhes bya ba'i ting nge 'dzin dang / rin chen mtha' zhes bya ba'i ting nge 'dzin dang / chos dam pa'i phyag rgya zhes bya ba'i ting nge 'dzin dang / chos thams cad mnyam pa nyid ces bya ba'i ting nge 'dzin dang / dga' ba spong ba zhes bya ba'i ting nge 'dzin dang / chos kyis 'phags shing rdzogs pa zhes bya ba'i ting nge 'dzin dang / rnam par 'thor ba zhes bya ba'i ting nge 'dzin dang / chos thams cad kyi tshig rab tu 'byed pa zhes bya ba'i ting nge 'dzin dang / yi ge mnyam par 'god pa zhes bya ba'i ting nge 'dzin dang / yi ge dang bral ba zhes bya ba'i ting nge 'dzin dang / dmigs pa gcod pa zhes bya ba'i ting nge 'dzin dang / 'gyur ba med pa zhes bya ba'i ting nge 'dzin dang / rnam pa med pa zhes bya ba'i ting nge 'dzin dang / gnas med par spyod pa zhes bya ba'i ting nge 'dzin dang / rab rib med pa zhes bya ba'i ting nge 'dzin dang / spyod pa dang ldan pa zhes bya ba'i ting nge 'dzin dang / g.yo ba med pa zhes bya ba'i ting nge 'dzin dang / yul las rgal ba zhes bya ba'i ting nge 'dzin dang / yon tan thams cad kyi tshogs su gyur pa zhes bya ba'i ting nge 'dzin dang / sems med par gnas pa zhes bya ba'i ting nge 'dzin dang / dge ba'i me tog rgyas shing dag pa zhes bya ba'i ting nge 'dzin dang / byang chub kyi yan lag yod pa zhes bya ba'i ting nge 'dzin dang / spobs pa</font><hr>34.153a<br><font size=+1>

mtha' yas pa zhes bya ba'i ting nge 'dzin dang / mi mnyam pa dang mnyam pa zhes bya ba'i ting nge 'dzin dang / chos thams cad las 'da' ba zhes bya ba'i ting nge 'dzin dang / yongs su gcod pa zhes bya ba'i ting nge 'dzin dang / nem nur rnam par sel ba zhes bya ba'i ting nge 'dzin dang / gnas su bya ba med pa zhes bya ba'i ting nge 'dzin dang / bkod pa gcig pa zhes bya ba'i ting nge 'dzin dang / rnam pa mngon par bsgrub pa zhes bya ba'i ting nge 'dzin dang / rnam pa gcig tu gyur pa zhes bya ba'i ting nge 'dzin dang / rnam par dor ba med pa zhes bya ba'i ting nge 'dzin dang / rtogs pas srid pa'i mun pa thams cad dang bral ba zhes bya ba'i ting nge 'dzin dang / brda' dang sgra la 'jug pa zhes bya ba'i ting nge 'dzin dang / sgra dbyangs kyi yi ge dang bral ba zhes bya ba'i ting nge 'dzin dang / sgron ma 'bar ba zhes bya ba'i ting nge 'dzin dang / mtshan nyid yongs su sbyong ba zhes bya ba'i ting nge 'dzin dang / mngon par ma dmigs pa zhes bya ba'i ting nge 'dzin dang / rnam pa thams cad kyi mchog dang ldan pa zhes bya ba'i ting nge 'dzin dang / bde ba dang sdug bsngal thams cad la mngon par dga' ba med pa zhes bya ba'i ting nge 'dzin dang / zad mi shes pa'i za ma tog ces bya ba'i ting nge 'dzin dang / /gzungs kyi blo gros shes bya ba'i ting nge 'dzin dang / yang dag pa dang log pa thams cad yang dag par sel ba zhes bya ba'i ting nge 'dzin dang / 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin dang / 'thun pa dang 'gal ba med pa zhes bya ba'i ting nge 'dzin dang / 'od dri ma med pa zhes bya ba'i ting nge 'dzin dang / snying po dang ldan pa zhes bya ba'i ting nge 'dzin dang / zla ba nya ba 'od dri ma med pa zhes bya ba'i ting nge 'dzin dang / bkod pa chen po zhes bya ba'i ting nge 'dzin dang / rnam pa thams cad du 'od byed pa zhes bya ba'i ting nge 'dzin dang / ting nge 'dzin mnyam pa nyid ces bya ba'i ting nge 'dzin dang / nyon mongs pa med par yang dag par 'du ba zhes bya ba'i ting nge 'dzin dang / sgra med pa dang / sgra dang bcas pa thams</font><hr>34.153b<br><font size=+1>

cad yang dag par 'du ba zhes bya ba'i ting nge 'dzin dang / gnas la brtan pa med par brtson pa zhes bya ba'i ting nge 'dzin dang / de bzhin nyid la gnas shing sems med pa zhes bya ba'i ting nge 'dzin dang / lus kyi skyon yang dag par sel ba zhes bya ba'i ting nge 'dzin dang / ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin dang / nam mkha' ltar chags pa med par rnam par grol zhing gos pa med pa zhes bya ba'i ting nge 'dzin to/ /de la dpa' bar 'gro ba zhes bya ba'i ting nge 'dzin gang zhe na/ ting nge 'dzin gang ting nge 'dzin thams cad kyi spyod yul nyams su myong bar byed pa ste/ de ni dpa' bar 'gro ba'i ting nge 'dzin ces bya'o/ /de la rin chen phyag rgya zhes bya ba'i ting nge 'dzin gang zhe na/ ting nge 'dzin gang gis ting nge 'dzin thams cad rgyas btab pa ste/ de ni rin chen phyag rgya'i ting nge 'dzin ces bya'o/ /de la seng ge rnam par rtse ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyis rnam par rtse bar byed pa ste/ de ni seng ge rnam par rtse ba zhes bya ba'i ting nge 'dzin ces bya'o/ /de la zla ba bzang po zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad snang bar byed pa ste/ de ni zla ba bzang po zhes bya ba'i ting nge 'dzin ces bya'o/ /de la zla ba'i rgyal mtshan tog ces bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi rgyal mtshan 'dzin par byed pa ste/ de ni zla ba'i rgyal mtshan tog ces bya ba'i ting nge 'dzin ces bya'o/ /de la chos thams cad las shin tu 'phags pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyis shin du 'phags par 'gro ba ste/ de ni chos thams cad las shin du 'phags pa zhes bya ba'i ting nge 'dzin ces bya'o/ /de la spyi gtsug rnam par lta ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams</font><hr>34.154a<br><font size=+1>

cad kyi spyi gtsug la rnam par lta bar byed pa ste/ de ni spyi gtsug rnam par lta ba zhes bya ba'i ting nge 'dzin ces bya'o/ /de la chos kyi dbyings su nges pa zhes bya ba'i ting nge 'dzin gang zhe na/ ting nge 'dzin gang la gnas na chos kyi dbyings su nges par 'gro ba ste/ de ni chos kyi dbyings su nges pa zhes bya ba'i ting nge 'dzin ces bya'o/ /de la nges pa'i rgyal mtshan tog ces bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi nges pa'i rgyal mtshan 'dzin par byed pa ste/ de ni nges pa'i rgyal mtshan tog ces bya ba'i ting nge 'dzin ces bya'o/ /de la rdo rje rin po che zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad mi phyed pa ste/ de ni rdo rje rin po che zhes bya ba'i ting nge 'dzin ces bya'o/ /de la chos thams cad kyi phyag rgya la 'jug pa zhes bya ba'i ting nge 'dzin gang zhe na/ ting nge 'dzin gang la gnas na/ chos thams cad kyi phyag rgya la 'jug pa ste/ de ni chos thams cad la 'jug pa'i phyag rgya zhes bya ba'i ting nge 'dzin ces bya'o/ /de la ting nge 'dzin la rgyal po ltar rab tu gnas pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad la rgyal po'i gnas pa lta bus gnas pa ste/ de ni ting nge 'dzin la rgyal po ltar rab tu gnas pa zhes bya ba'i ting nge 'dzin ces bya'o/ /de la 'od zer rab tu 'gyed pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi 'od zer rab tu 'gyed pa ste/ de ni 'od zer rab tu 'gyed pa zhes bya ba'i ting nge 'dzin ces bya'o/ /de la dpung bkod pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi dpung 'god par byed pa ste/ de ni dpung bkod pa zhes bya ba'i ting nge 'dzin ces bya'o/ /de la yang dag par 'phags pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad yang dag par 'grub pa ste/ </font><hr>34.154b<br><font size=+1>

de ni yang dag par 'phags pa zhes bya ba'i ting nge 'dzin ces bya'o/ /de la nges pa'i tshig bstan pa la 'jug pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi nges pa'i tshig bstan pa la 'jug pa ste/ de ni nges pa'i tshig bstan pa la 'jug pa zhes bya ba'i ting nge 'dzin ces bya'o/ /de la tshig bla dgas la yang dag par 'jug pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi ming dang tshig bla dgas la 'jug pa ste/ de ni tshig bla dgas la yang dag par 'jug pa zhes bya ba'i ting nge 'dzin ces bya'o/ /de la phyogs la rnam par lta ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi phyogs la rnam par lta ba ste/ de ni phyogs la rnam par lta ba zhes bya ba'i ting nge 'dzin ces bya'o/ /de la phyag rgya yongs su 'dzin pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi phyag rgya yongs su 'dzin pa ste/ de ni phyag rgya yongs su 'dzin pa zhes bya ba'i ting nge 'dzin ces bya'o/ /de la brjed pa med pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad mi brjed pa ste/ de ni brjed pa med pa zhes bya ba'i ting nge 'dzin ces bya'o/ /de la chos thams cad yang dag par 'du ba rgya mtsho'i phyag rgya zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad yang dag par 'du ba dang / yang dag par gzhol ba ste/ de ni chos thams cad yang dag par 'du ba rgya mtsho'i phyag rgya zhes bya ba'i ting nge 'dzin ces bya'o/ /de la nam mkha' khyab par byed pa zhes bya ba'i ting nge 'dzin gang zhe na/ ting nge 'dzin gang la gnas na nam mkha' khyab par byed pas ting nge 'dzin thams cad khyab par byed pa ste/ de ni nam mkha' khyab par byed pa zhes bya ba'i ting nge 'dzin ces bya'o/ /de la rdo rje'i dkyil 'khor ces bya ba'i ting nge 'dzin gang zhe na/ ting nge 'dzin gang</font><hr>34.155a<br><font size=+1>

la gnas na/ ting nge 'dzin thams cad kyi dkyil 'khor yongs su 'dzin pa ste/ de ni rdo rje'i dkyil 'khor ces bya ba'i ting nge 'dzin ces bya'o/ /de la rin po che'i spong ba zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin gyi mtshan ma thams cad kyang spong na/ nyon mongs pa rnams kyi mtshan ma dag lta ci smos te/ de'i phyir rin po che'i spong ba zhes bya ba'i ting nge 'dzin ces bya'o/ /de la rnam par snang ba zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad lam me lhan ne lhang nger snang ba ste/ de'i phyir rnam par snang ba zhes bya ba'i ting nge 'dzin ces bya'o/ /de la tshol ba med pa zhes bya ba'i ting nge 'dzin gang zhe na/ ting nge 'dzin gang la gnas na chos 'ga' yang mi tshol ba ste/ de'i phyir tshol ba med pa zhes bya ba'i ting nge 'dzin ces bya'o/ /de la gnas la rten pa med pa zhes bya ba'i ting nge 'dzin gang zhe na/ ting nge 'dzin gang la gnas na chos 'ga' yang gnas la brten par yang dag par rjes su mi mthong ba ste/ de'i phyir gnas la brten pa med pa zhes bya ba'i ting nge 'dzin ces bya'o/ /de la sems med pa zhes bya ba'i ting nge 'dzin gang zhe na/ ting nge 'dzin gang la gnas na sems dang sems las byung ba'i chos rnams mi 'jug pa ste/ de'i phyir sems med pa zhes bya ba'i ting nge 'dzin ces bya'o/ /de la dri ma med pa'i sgron ma zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi sgron ma dri ma med par byed pa ste/ de'i phyir dri ma med pa'i sgron ma zhes bya ba'i ting nge 'dzin ces bya'o/ /de la 'od mtha' yas pa zhes bya ba'i ting nge 'dzin gang zhe na/ ting nge 'dzin gang la gnas na 'od mtha' yas pa byed pa ste/ </font><hr>34.155b<br><font size=+1>

de'i phyir 'od mtha' yas pa zhes bya ba'i ting nge 'dzin ces bya'o/ /de la 'od byed pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi 'od byed pa ste/ de'i phyir 'od byed pa zhes bya ba'i ting nge 'dzin ces bya'o/ /de la kun tu snang ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin de thob ma thag tu ting nge 'dzin thams cad kyi sgo snang ba ste/ de'i phyir kun du snang ba zhes bya ba'i ting nge 'dzin ces bya'o/ /de la dag pa dam pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin gyi dag pa mnyam pa nyid thams cad rjes su thob pa ste/ de'i phyir dag pa dam pa zhes bya ba'i ting nge 'dzin ces bya'o/ /de la 'od dri ma med pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi dri ma sel ba dang / ting nge 'dzin thams cad snang bar byed pa ste/ de'i phyir 'od dri ma med pa zhes bya ba'i ting nge 'dzin ces bya'o/ /de la dga' ba byed pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi dga' ba nyams su myong bar byed pa ste/ de'i phyir dga' ba byed pa zhes bya ba'i ting nge 'dzin ces bya'o/ /de la glog gi sgron ma zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi sgron ma byed pa ste/ de'i phyir glog gi sgron ma zhes bya ba'i ting nge 'dzin ces bya'o/ /de la zad mi shes pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi zad pa dang / mi zad pa yang dag par rjes su mi mthong ba ste/ de'i phyir zad mi shes pa zhes bya ba'i ting nge 'dzin ces bya'o/ /de la gzi brjid yod pa zhes bya ba'i ting nge 'dzin gang zhe na/ ting nge 'dzin</font><hr>34.156a<br><font size=+1>

gang la gnas na ting nge 'dzin thams cad gzi brjid dang / dpal gyis 'bar bar byed pa ste/ de'i phyir gzi brjid yod pa zhes bya ba'i ting nge 'dzin ces bya'o/ /de la zad pa dang bral ba zhes bya ba'i ting nge 'dzin gang zhen/ ting nge 'dzin gang la gnas na ting nge 'dzin thams cad kyi zad pa yang dag par rjes su mi mthong zhing / ji ltar chos phra rab kyang yang dag par rjes su mi mthong ba de ltar yang dag par rjes su mthong ba ste/ de'i phyir zad pa dang bral ba zhes bya ba'i ting nge 'dzin ces bya'o/ /de la mi g.yo ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad la rlom sems su mi byed/ spros par mi byed cing / mi g.yo mi 'gul ba ste/ de'i phyir mi g.yo ba zhes bya ba'i ting nge 'dzin ces bya'o/ /de la 'gyur ba med pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi 'gyur ba yang dag par rjes su mi mthong ba ste/ de'i phyir 'gyur ba med pa zhes bya ba'i ting nge 'dzin ces bya'o/ /de la nyi ma'i sgron ma zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi 'od zer gyi sgo snang bar byed pa ste/ de'i phyir nyi ma'i sgron ma zhes bya ba'i ting nge 'dzin ces bya'o/ /de la zla ba dri ma med pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi mun pa med par byed pa ste/ de'i phyir zla ba dri ma med pa zhes bya ba'i ting nge 'dzin ces bya'o/ /de la snang ba dag pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi so so yang dag par rig pa bzhi 'thob pa ste/ de'i phyir snang ba dag pa zhes bya pa'i ting nge 'dzin ces bya'o/ /de la snang ba byed pa zhes bya ba'i ting nge 'dzin gang zhe na/ </font><hr>34.156b<br><font size=+1>

ting nge 'dzin gang la gnas na ting nge 'dzin thams cad kyi sgo snang bar byed pa ste/ de'i phyir snang ba byed pa zhes bya ba'i ting nge 'dzin ces bya'o/ /de la bya ba byed pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi bya ba'i rnam pa dag byed pa ste/ de'i phyir bya ba byed pa zhes bya ba'i ting nge 'dzin ces bya'o/ /de la ye shes tog ces bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi ye shes kyi tog yang dag par rjes su mthong ba ste/ de ni ye shes tog ces bya ba'i ting nge 'dzin ces bya'o/ /de la rdo rje lta bu zhes bya ba'i ting nge 'dzin gang zhe na/ ting nge 'dzin gang la gnas na chos thams cad rtogs shing / ting nge 'dzin kyang yang dag par rjes su mi mthong ba ste/ de ni rdo rje lta bu zhes bya ba'i ting nge 'dzin ces bya'o/ /de la sems gnas pa zhes bya ba'i ting nge 'dzin gang zhe na/ ting nge 'dzin gang la gnas na de'i sems mi g.yo mi ldog la yongs su yi 'chad par mi 'gyur zhing / sgyid lug par mi 'gyur la/ de 'di snyam du 'di ni sems yin no zhes bya bar yang mi sems pa ste/ de'i phyir sems gnas pa zhes bya ba'i ting nge 'dzin ces bya'o/ /de la kun tu snang ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi kun du snang ba mthong ba ste/ de'i phyir kun du snang ba zhes bya ba'i ting nge 'dzin ces bya'o/ /de la rab tu gnas pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad la rab tu gnas par 'gyur ba ste/ de ni rab tu gnas pa zhes bya ba'i ting nge 'dzin ces bya'o/ /de la rin chen mtha' zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad rin po che'i mtha' lta bur kun du snang</font><hr>34.157a<br><font size=+1>

ba ste/ de'i phyir rin chen mtha' zhes bya ba'i ting nge 'dzin ces bya'o/ /de la chos dam pa'i phyag rgya zhes bya ba'i ting nge 'dzin gang zhe na/ ting nge 'dzin gang la gnas na phyag rgya med pa'i mtha'i rgyas btab pa'i phyir ting nge 'dzin thams cad rgyas btab pa yin te/ de'i phyir chos dam pa'i phyag rgya zhes bya ba'i ting nge 'dzin ces bya'o/ /de la chos thams cad mnyam pa nyid ces bya ba'i ting nge 'dzin gang zhe na/ ting nge 'dzin gang la gnas na/ mnyam pa nyid ma gtogs par chos 'ga' yang yang dag par rjes su mi mthong ba ste/ de'i phyir chos thams cad mnyam pa nyid ces bya ba'i ting nge 'dzin ces bya'o/ /de la dga' ba spong ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad dang / chos thams cad kyi dga' ba spong bar byed pa ste de'i phyir dga' ba spong ba zhes bya ba'i ting nge 'dzin ces bya'o/ /de la chos kyis 'phags shing rdzogs pa zhes bya ba'i ting nge 'dzin gang zhe na/ ting nge 'dzin gang la gnas na chos thams cad kyis 'phags par 'gyur zhing / sangs rgyas kyi chos thams cad kyis rdzogs par 'gyur ba ste/ de'i phyir chos kyis 'phags shing rdzogs pa zhes bya ba'i ting nge 'dzin ces bya'o/ /de la rnam par 'thor ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyis chos thams cad rnam par 'thor bar byed pa ste/ de'i phyir rnam par 'thor ba zhes bya ba'i ting nge 'dzin ces bya'o/ /de la chos thams cad kyi tshig rab tu 'byed pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad dang / chos thams cad kyi tshig thams cad rab tu 'byed par byed pa ste/ de'i phyir chos thams cad kyi tshig rab tu 'byed pa zhes bya ba'i ting nge 'dzin ces bya'o/ /de la yi ge mnyam par 'god pa zhes bya ba'i</font><hr>34.157b<br><font size=+1>

ting nge 'dzin gang zhe na/ ting nge 'dzin gang la gnas na ting nge 'dzin thams cad kyi yi ge mnyam pa nyid thob pa ste/ de ni yi ge mnyam par 'god pa zhes bya ba'i ting nge 'dzin ces bya'o/ /de la yi ge dang bral ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi yi ge gcig kyang mi dmigs pa ste/ de'i phyir yi ge dang bral ba zhes bya ba'i ting nge 'dzin ces bya'o/ /de la dmigs pa gcod pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi dmigs pa gcod par byed pa ste/ de'i phyir dmigs pa gcod pa zhes bya ba'i ting nge 'dzin ces bya'o/ /de la 'gyur ba med pa zhes bya ba'i ting nge 'dzin gang zhe na/ ting nge 'dzin gang la gnas na/ chos thams cad kyi 'gyur ba mi dmigs pa ste/ de'i phyir 'gyur ba med pa zhes bya ba'i ting nge 'dzin ces bya'o/ /de la rnam pa med pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi rnam pa mi dmigs pa ste/ de'i phyir rnam pa med pa zhes bya ba'i ting nge 'dzin ces bya'o/ /de la gnas med par spyod pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi gnas mi dmigs pa ste/ de'i phyir gnas med par spyod pa zhes bya ba'i ting nge 'dzin ces bya'o/ /de la rab rib med pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi rab rib rnam par sbyong ba ste/ de'i phyir rab rib med pa zhes bya ba'i ting nge 'dzin ces bya'o/ /de la dpyod pa dang ldan pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi dpyod pa yang dag par rjes su mi mthong ba ste/ de'i phyir dpyod pa dang ldan pa zhes bya ba'i ting nge 'dzin ces bya'o/ /de la g.yo</font><hr>34.158a<br><font size=+1>

ba med pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi g.yo ba yang dag par rjes su mi mthong ba ste/ de'i phyir g.yo ba med pa zhes bya ba'i ting nge 'dzin ces bya'o/ /de la yul las rgal ba zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi yul las yang dag par 'da' ba ste/ de'i phyir yul las rgal ba zhes bya ba'i ting nge 'dzin ces bya'o/ /de la yon tan thams cad kyi tshogs su gyur pa zhes bya ba'i ting nge 'dzin gang zhe na/ ting nge 'dzin gang la gnas na/ chos thams cad dang / ting nge 'dzin thams cad kyi yon tan gyi tshogs rjes su 'thob pa ste/ de ni yon tan thams cad kyi tshogs su gyur pa zhes bya ba'i ting nge 'dzin ces bya'o/ /de la sems med par gnas pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad la sems mi 'jug pa ste/ de ni sems med par gnas pa zhes bya ba'i ting nge 'dzin ces bya'o/ /de la dge ba'i me tog rgyas shing dag pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi dge ba'i me tog rgyas shing dag pa 'thob pa ste/ de ni dge ba'i me tog rgyas shing dag pa 'thob pa zhes bya ba'i ting nge 'dzin ces bya'o/ /de la byang chub kyi yan lag yod pa zhes bya ba'i ting nge 'dzin gang zhe na/ ting nge 'dzin gang la gnas na byang chub kyi yan lag bdun po dag 'thob pa ste/ de ni byang chub kyi yan lag yod pa zhes bya ba'i ting nge 'dzin ces bya'o/ /de la spobs pa mtha' yas pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad la spobs pa mtha' yas pa 'thob pa ste/ de ni spobs pa mtha' yas pa zhes bya ba'i ting nge 'dzin ces bya'o/ /de la mi mnyam pa dang mnyam pa zhes bya ba'i ting</font><hr>34.158b<br><font size=+1>

nge 'dzin gang zhe na/ ting nge 'dzin gang la gnas na/ ting nge 'dzin thams cad kyi mi mnyam pa dang mnyam pa thob pa ste/ de ni mi mnyam pa dang mnyam pa zhes bya ba'i ting nge 'dzin ces bya'o/ /de la chos thams cad las 'da' ba zhes bya ba'i ting nge 'dzin gang zhe na/ ting nge 'dzin gang la gnas na khams gsum pa thams cad las yang dag par 'da' ba ste/ de ni chos thams cad las 'da' ba zhes bya ba'i ting nge 'dzin ces bya'o/ /de la yongs su gcod pa zhes bya ba'i ting nge 'dzin gang zhe na/ ting nge 'dzin gang la gnas na/ chos thams cad dang / ting nge 'dzin thams cad kyi yongs su gcod pa snang ba ste/ de ni yongs su gcod pa zhes bya ba'i ting nge 'dzin ces bya'o/ /de la nem nur rnam par sel ba zhes bya ba'i ting nge 'dzin gang zhe na/ ting nge 'dzin gang la gnas na chos thams cad dang / ting nge 'dzin thams cad kyi nem nur rnam par sel ba rjes su 'thob pa ste/ de ni nem nur rnam par sel ba zhes bya ba'i ting nge 'dzin ces bya'o/ /de la gnas su bya ba med pa zhes bya ba'i ting nge 'dzin gang zhe na/ ting nge 'dzin gang la gnas na chos thams cad kyi gnas yang dag par rjes su mi mthong ba ste/ de ni gnas su bya ba med pa zhes bya ba'i ting nge 'dzin ces bya'o/ /de la bkod pa gcig pa zhes bya ba'i ting nge 'dzin gang zhe na/ ting nge 'dzin gang la gnas na chos gang la yang gnyis su yang dag par rjes su mi mthong ba ste/ de ni bkod pa gcig pa zhes bya ba'i ting nge 'dzin ces bya'o/ /de la rnam pa mngon par sgrub pa zhes bya ba'i ting nge 'dzin gang zhe na/ ting nge 'dzin gang la gnas na chos thams cad dang / ting nge 'dzin thams cad kyi rnam pa mngon par bsgrub pa yang dag par rjes su mi mthong ba ste/ de ni rnam pa mngon par bsgrub pa zhes bya ba'i ting nge 'dzin ces bya'o/ /de la rnam pa gcig tu gyur pa zhes bya ba'i ting</font><hr>34.159a<br><font size=+1>

nge 'dzin gang zhe na/ ting nge 'dzin gang la gnas na ting nge 'dzin thams cad kyi rnam pa yang dag par rjes su mi mthong ba ste/ de'i phyir rnam pa gcig tu gyur pa zhes bya ba'i ting nge 'dzin ces bya'o/ /de la rnam pa dor ba med pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad la gnyis su yang dag par rjes su mi mthong ba ste/ de ni rnam pa dor ba med pa zhes bya ba'i ting nge 'dzin ces bya'o/ /de la rtogs pas srid pa'i mun pa thams cad dang bral ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi nges par 'byed pa'i shes pa 'thob cing de thob nas kyang chos 'ga' yang khong du ma chud pa med pa ste/ de ni rtogs pas srid pa'i mun pa thams cad dang bral ba zhes bya ba'i ting nge 'dzin ces bya'o/ /de la brda' dang sgra la 'jug pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi brda dang sgra dag la 'jug par 'gyur ba ste/ de'i phyir brda dang sgra la 'jug pa zhes bya ba'i ting nge 'dzin ces bya'o/ /de la sgra dbyangs kyi yi ge dang bral ba zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad yi ge dang bral bar yang dag par rjes su mthong ba ste/ de'i phyir sgra dbyangs kyi yi ge dang bral ba zhes bya ba'i ting nge 'dzin ces bya'o/ /de la sgron ma 'bar ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad gzi brjid kyis lam me/ lhan ne/ lhang nger snang ba ste/ de'i phyir sgron ma 'bar ba zhes bya ba'i ting nge 'dzin ces bya'o/ /de la mtshan nyid yongs su sbyong ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi mtshan nyid yongs su dag par 'gyur ba ste/ </font><hr>34.159b<br><font size=+1>

de'i phyir mtshan nyid yongs su sbyong ba zhes bya ba'i ting nge 'dzin ces bya'o/ /de la mngon par ma dmigs pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad mngon par ma dmigs pa yin te/ de'i phyir mngon par ma dmigs pa zhes bya ba'i ting nge 'dzin ces bya'o/ /de la rnam pa thams cad kyi mchog dang ldan pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad rnam pa thams cad kyi mchog dang ldan par 'gyur ba ste/ de'i phyir rnam pa thams cad kyi mchog dang ldan pa zhes bya ba'i ting nge 'dzin ces bya'o/ /de la bde ba dang sdug bsngal thams cad la mngon par dga' ba med pa zhes bya ba'i ting nge 'dzin gang zhe na/ ting nge 'dzin gang la gnas na/ bde ba dang sdug bsngal thams cad yang dag par rjes su mi mthong ba ste/ de'i phyir bde ba dang / sdug bsngal thams cad la mngon par dga' ba med pa zhes bya ba'i ting nge 'dzin ces bya'o/ /de la zad mi shes pa'i za ma tog ces bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi zad pa yang dag par rjes su mi mthong ba ste/ de'i phyir zad mi shes pa'i za ma tog ces bya ba'i ting nge 'dzin ces bya'o/ /de la gzungs kyi blo gros shes bya ba'i ting nge 'dzin gang zhe na/ ting nge 'dzin gang la gnas na gzungs thams cad 'dzin par byed pa ste/ de'i phyir gzungs kyi blo gros shes bya ba'i ting nge 'dzin ces bya'o/ /de la yang dag pa dang log pa thams cad yang dag par sel ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi yang dag pa nyid dang / log pa nyid yang dag par rjes su mi mthong ba ste/ de'i phyir yang dag pa dang log pa thams cad yang dag par sel ba zhes bya ba'i ting nge 'dzin ces bya'o/ /</font><hr>34.160a<br><font size=+1>

de la 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi 'gal ba dang / 'gog pa yang dag par rjes su mi mthong ba ste/ de'i phyir 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin ces bya'o/ /de la 'thun pa dang 'gal ba med pa zhes bya ba'i ting nge 'dzin gang zhe na/ ting nge 'dzin gang la gnas na chos thams cad dang / ting nge 'dzin thams cad kyi 'thun pa dang 'gal ba med pa yang dag par rjes su mi mthong ba ste/ de'i phyir 'thun pa dang 'gal ba med pa zhes bya ba'i ting nge 'dzin ces bya'o/ /de la 'od dri ma med pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi 'od kyi dkyil 'khor mi dmigs pa ste/ de'i phyir 'od dri ma med pa zhes bya ba'i ting nge 'dzin ces bya'o/ /de la snying po dang ldan pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad snying po med par mi dmigs pa ste/ de'i phyir snying po dang ldan pa zhes bya ba'i ting nge 'dzin ces bya'o/ /de la zla ba nya ba'i 'od dri ma med pa zhes bya ba'i ting nge 'dzin gang zhe na/ ting nge 'dzin gang la gnas na 'di lta ste dper na/ zla ba nya ba'i zla ba'i dkyil 'khor ltar ting nge 'dzin thams cad yongs su rdzogs par 'gyur ba ste/ de'i phyir zla ba nya ba'i 'od dri ma med pa zhes bya ba'i ting nge 'dzin ces bya'o/ /de la bkod pa chen po zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad bkod pa chen po dang ldan par 'gyur ba ste/ de'i phyir bkod pa chen po zhes bya ba'i ting nge 'dzin ces bya'o/ /de la rnam pa thams cad du 'od byed pa zhes bya ba'i ting nge 'dzin gang zhe na/ </font><hr>34.160b<br><font size=+1>

ting nge 'dzin gang la gnas na ting nge 'dzin thams cad dang / chos thams cad snang bar byed pa ste/ de'i phyir rnam pa thams cad tu 'od byed pa zhes bya ba'i ting nge 'dzin ces bya'o/ /de la ting nge 'dzin mnyam pa nyid ces bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad la rnam par g.yeng ba dang / rtse gcig par yang dag par rjes su mi mthong pa ste de'i phyir ting nge 'dzin mnyam pa nyid ces bya ba'i ting nge 'dzin ces bya'o/ /de la nyon mongs pa med par yang dag par 'du ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad nyon mongs pa med par byed pa ste/ de'i phyir nyon mongs pa med par yang dag par 'du ba zhes bya ba'i ting nge 'dzin ces bya'o/ /de la sgra med pa dang / sgra dang bcas pa thams cad yang dag par 'du ba zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad sgra mi 'byin pa ste/ de'i phyir sgra med pa dang / sgra dang bcas pa thams cad yang dag par 'du ba zhes bya ba'i ting nge 'dzin ces bya'o/ /de la gnas la brtan pa med pa la brtson pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi gnas mi dmigs pa ste/ de'i phyir gnas la brtan pa med pa la brtson pa zhes bya ba'i ting nge 'dzin ces bya'o/ /de la de bzhin nyid la gnas shing sems med pa zhes bya ba'i ting nge 'dzin gang zhe na/ ting nge 'dzin gang la gnas na/ ting nge 'dzin thams cad kyi de bzhin nyid las mi ldog pa ste/ de'i phyir de bzhin nyid la gnas shing sems med pa zhes bya ba'i ting nge 'dzin ces bya'o/ /de la lus kyi skyon yang dag par sel ba zhes bya ba'i ting nge 'dzin gang zhe na/ ting nge 'dzin gang la gnas</font><hr>34.161a<br><font size=+1>

na ting nge 'dzin thams cad kyi lus mi dmigs pa ste/ de'i phyir lus kyi skyon yang dag par sel ba zhes bya ba'i ting nge 'dzin ces bya'o/ /de la ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin gang zhe na/ ting nge 'dzin gang la gnas na ting nge 'dzin thams cad kyi ngag gi las mi dmigs pa ste/ de'i phyir ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin ces bya'o/ /de la nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin gang zhe na/ ting nge 'dzin gang la gnas na chos thams cad nam mkha' ltar chags pa med pas rnam par grol zhing gos pa med pa rjes su 'thob pa ste/ de'i phyir nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin ces bya ste/ rab 'byor de ni byang chub sems dpa' sems dpa' chen po'i shes rab kyi pha rol du phyin pa la spyod pa'i theg pa chen po yin no/ /shes rab kyi pha rol tu phyin pa khri brgyad stong pa las/ ting nge 'dzin gyi le'u zhes bya ste/ bcwa lnga pa'o// // shes rab kyi pha rol tu phyin pa khri brgyad stong pa/ bam po bcu gnyis pa/ rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ dran pa nye bar gzhag pa bzhi ste/ bzhi gang zhe na/ lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang chos dran pa nye bar gzhag pa'o/ /de la lus dran pa nye bar gzhag pa gang zhe na/ rab 'byor 'di la byang chub sems dpa' sems dpa' chen po rtun pa shes bzhin can/ dran pa dang ldan pas 'jig rten la brnab sems dang / yid mi bde ba rnam par bsal</font><hr>34.161b<br><font size=+1>

nas/ nang gi lus la lus kyi rjes su lta zhing gnas te/ /de yang mi dmigs pa'i tshul gyis gnas shing / lus dang ldan pa'i rnam par rtog pa rnams la yang rnam par mi rtog go/ /phyi'i lus la lus kyi rjes su lta zhing gnas/ nang dang phyi'i lus la lus kyi rjes su lta zhing gnas te/ de yang mi dmigs pa'i tshul gyis gnas shing / lus dang ldan pa'i rnam par rtog pa rnams la yang rnam par mi rtog go/ /rtun pa shes bzhin can dran pa dang ldan pas 'jig rten la brnab sems dang yid mi bde ba rnam par bsal nas nang gi tshor ba rnams dang / sems dang nang gi chos rnams la chos kyi rjes su lta zhing gnas te/ de yang mi dmigs pa'i tshul gyis gnas shing chos dang ldan pa'i rnam par rtog pa rnams la yang rnam par mi rtog go/ /phyi rol gyi tshor ba rnams dang / sems dang chos rnams la chos kyi rjes su lta zhing gnas te/ de yang mi dmigs pa'i tshul gyis gnas shing chos dang ldan pa'i rnam par rtog pa rnams la yang rnam par mi rtog go/ /nang dang phyi'i tshor ba rnams dang sems dang / chos rnams la yang chos kyi rjes su lta zhing gnas te/ de yang mi dmigs pa'i tshul gyis gnas shing / chos dang ldan pa'i rnam par rtog pa rnams la yang rnam par mi rtog go/ /rab 'byor byang chub sems dpa' sems dpa' chen po ji ltar na nang gi lus la lus kyi rjes su lta zhing gnas she na/ rab 'byor 'di la byang chub sems dpa' sems dpa' chen po de nang gi lus la lus kyi rjes su lta zhing gnas te/ spyod na yang spyod par rab tu shes so/ /'greng na yang bdag 'greng bar rab tu shes so/ /'dug na yang bdag 'dug par rab tu shes so/ /nyal na yang bdag nyal bar rab tu shes so/ /de'i lus ji lta ji lta bur gnas par gyur pa de lta de lta bur</font><hr>34.162a<br><font size=+1>

de rab tu shes te/ rab 'byor de ltar na byang chub sems dpa' sems dpa' chen po rtun pa shes bzhin can dran pa dang ldan pas 'jig rten la brnab sems dang / yid mi bde ba rnam par bsal nas/ nang gi lus la lus kyi rjes su lta zhing gnas so/ /rab 'byor gzhan yang byang chub sems dpa' sems dpa' chen po nang gi lus la lus kyi rjes su lta zhing gnas pa de 'gro 'am ldog kyang shes bzhin du spyod pa yin/ kun du lta 'am/ rnam par lta yang shes bzhin du spyod pa yin/ bskum pa dang / brkyang ba dang / snam sbyar dang / lhung bzed dang / chos gos thogs pa dang / za ba dang / 'thung ba dang / 'cha' ba dang / myang ba dang / nyal ba dang / gnyid kyis non pa bsal ba dang / 'ong ba dang / 'gro ba dang / 'greng ba dang / 'dug pa dang / nyal ba dang / mi nyal ba dang / smra ba dang / mi smra ba dang / nang du yang dag 'jog pa na yang shes bzhin du spyod pa yin te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa nang gi lus la lus kyi rjes su lta zhing gnas te/ de yang mi dmigs pa'i tshul gyis gnas so/ /rab 'byor gzhan yang byang chub sems dpa' sems dpa' chen po dran bzhin du dbugs brngubs na dran bzhin du dbugs brngubs par yang dag pa ji lta ba bzhin du rab tu shes so/ /dran bzhin du dbugs phyung na dran bzhin du dbugs phyung bar yang dag pa ji lta ba bzhin du rab tu shes so/ /dbugs ring du brngubs na/ dbugs ring du brngubs par yang dag pa ji lta ba bzhin du rab tu shes so/ /dbugs ring du phyung na/ dbugs ring du phyung bar yang dag pa ji lta ba bzhin du rab tu shes so/ /dbugs thung ngu brngubs na dbugs thung ngu brngubs par yang dag pa ji lta ba bzhin du rab tu shes so/ /dbugs thung ngu phyung na</font><hr>34.162b<br><font size=+1>

dbugs thung ngu phyung bar yang dag pa ji lta ba bzhin du rab tu shes so/ /rab 'byor 'di lta ste dper na/ rdza mkhan nam/ rdza mkhan gyi slob ma mkhas pa phang lo bskor ba ni ring du srub na yang ring du srub par rab tu shes so/ /thung ngu srub na yang thung ngu srub par rab tu shes so/ /rab 'byor de bzhin du byang chub sems dpa' sems dpa' chen po ni dran bzhin du dbugs brngubs na/ dran bzhin du dbugs brngubs par yang dag pa ji lta ba bzhin du rab tu shes so/ /dran bzhin du dbugs phyung na dran bzhin du dbugs phyung bar yang dag pa ji lta ba bzhin du rab tu shes so/ /dbugs ring du brngubs na dbugs ring du brngubs par yang dag pa ji lta ba bzhin du rab tu shes so/ /dbugs ring du phyung na dbugs ring du phyung bar yang dag pa ji lta ba bzhin du rab tu shes so/ /dbugs thung ngu brngubs na/ dbugs thung ngu brngubs par yang dag pa ji lta ba bzhin du rab tu shes so/ /dbugs thung ngu phyung na/ dbugs thung ngu phyung bar yang dag pa ji lta ba bzhin du rab tu shes so/ /rab 'byor de ltar na byang chub sems dpa' sems dpa' chen po rtun pa shes bzhin can/ dran pa dang ldan pas 'jig rten la brnab sems dang / yid mi bde ba rnam par bsal nas/ nang gi lus la lus kyi rjes su lta zhing gnas te/ de yang mi dmigs pa'i tshul gyis gnas so/ /rab 'byor gzhan yang byang chub sems dpa' sems dpa' chen po lus 'di nyid la khams kyis yang dag pa ji lta ba bzhin du so sor rtog par byed de/ lus 'di la ni sa'i khams dang chu'i khams dang / me'i khams dang / rlung gi khams yod do snyam du rtog go/ /rab 'byor 'di lta ste dper na/ ba lang gsod pa 'am/ ba lang gsod pa'i slob ma mkhas pas/ mtshon rnon pos</font><hr>34.163a<br><font size=+1>

ba lang bsad nas bag bzhir gshegs te/ gzug bzhir phye nas/ 'greng ngam 'dug ste so sor rtog pa de bzhin du/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa yang lus 'di nyid la khams kyis so sor rtog par byed de/ lus 'di la ni sa'i khams dang / chu'i khams dang / me'i khams dang / rlung gi khams yod do/ /snyam du so sor rtog ste/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa yang 'greng ngam 'dug kyang nang gi lus la lus kyi rjes su lta zhing gnas te/ de yang mi dmigs pa'i tshul gyis gnas so/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni lus 'di nyid la rkang pa'i mthil yan chad skra dang mgo bo man chad na/ sen mo dang spu dang / lpags pa la thug pa'i bar du mi gtsang ba sna tshogs kyis gang bar yang dag pa ji lta ba bzhin du so sor rtog ste/ lus 'di la ni skra dang / spu dang / sen mo dang / so dang / lpags shun dang / sha dang / rgyus pa dang / khrag dang / rus pa dang / rkang dang / snying dang / mkhal ma dang / mchin pa dang / glo ba dang / mtsher ma dang / long ka dang / rgyu ma dang / gnye ma dang / lgang pa dang / gcin dang / phyi sa dang / mchi ma dang / rngul dang / tshil dang / snabs dang / ngar snabs dang / rnag dang / mkhris pa dang / bad kan dang / zhag dang / chu ser dang / dri ma dang / mgo bo dang / klad pa dang / mig rngu dang / rna spabs dag yod par lus 'di la yang dag pa ji lta ba bzhin du so sor rtog go/ /rab 'byor 'di lta ste/ dper na zhing pa'i sbyang 'bras so ba dang / 'bru dang / til dang / 'bras drus dang / mon sran sde'u dang / mon sran gre'u dang / sran chung dang / nas dang / gro dang / yungs 'bru dang / 'bru sna tshogs kyis gang ba mig</font><hr>34.163b<br><font size=+1>

dang ldan pa'i mis phye ste brtags na/ 'di ltar 'di ni 'bras so ba yin no/ /'di ni 'bru yin no/ /'di ni til yin no/ /'di ni 'bras drus yin no/ /'di ni mon sran sde'u yin no/ /'di ni mon sran gre'u yin no/ /'di ni sran chung yin no/ /'di ni nas yin no/ /'di ni gro yin no/ /'di ni yungs 'bru yin no snyam du shes so/ /rab 'byor de bzhin du byang chub sems dpa' sems dpa' chen po lus 'di nyid la rkang pa'i mthil yan chad skra dang / mgo bo man chad sen mo dang / spu dang / lpags pa la thug gi bar du mi gtsang ba sna tshogs kyis gang bar yang dag pa ji lta ba bzhin du so sor rtog ste/ lus 'di la ni skra dang / spu dang / sen mo dang / so dang / lpags shun dang / sha dang / rgyus pa dang / khrag dang / rus pa dang / rkang dang / snying dang / mkhal ma dang / mchin pa dang / glo ba dang / mtsher pa dang / long ka dang / rgyu ma dang / gnye ma dang / lgang pa dang / gcin dang / phyi sa dang / mchi ma dang / rngul dang / tshil dang / snabs dang / ngar snabs dang / rnag dang / mkhris pa dang / bad kan dang / zhag dang / chu ser dang / dri ma dang / mgo bo dang / klad pa dang / mig rngu dang / rna spabs dag yod do snyam du rtog go/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa/ rtun pa shes bzhin can/ dran pa dang ldan pas/ 'jig rten la brnab sems dang yid mi bde ba rnam par bsal nas/ nad gi lus la lus kyi rjes su lta zhing gnas te/ de yang mi dmigs pa'i tshul gyis gnas so/ /rab 'byor gzhan yang byang chub sems dpa' sems dpa' chen po gang gi tshe/ dur khrod na gnas pa na/ dur khrod du bor ba'i gzugs sna tshogs shi nas zhag gcig lon pa 'am/ shi nas zhag gnyis lon pa 'am/ shi nas zhag gsum lon pa</font><hr>34.164a<br><font size=+1>

'am/ shi nas zhag bzhi lon pa 'am/ shi nas zhag lnga lon pa 'am/ rnam par bam pa 'am/ rnam par sngos pa 'am/ rnam par rul ba 'am/ rnam par 'bus gzhigs pa dag mthong ba na/ de lus 'di yang 'di lta bu'i chos can dang / 'di lta bu'i rang bzhin can yin te/ chos nyid de dang ma bral ba yin no zhes lus 'di nyid kyang tshul de dang sbyor bar byed do/ /rab 'byor de ltar na byang chub sems dpa' sems dpa' chen po rtun pa shes bzhin can/ dran pa dang ldan pas 'jig rten la brnab sems dang / yid mi bde ba rnam par bsal nas/ lus la lus kyi rjes su lta zhing gnas so/ /rab 'byor gzhan yang byang chub sems dpa' sems dpa' chen po gang gi tshe/ dur khrod du mi ro bor ba/ shi nas zhag drug lon pa 'am/ shi nas zhag bdun lon pa 'am/ bya rog rnams za zhing 'dug pa 'am/ go bo dang / chun lag dang / bya rgod dang / skyugs za dang / spyang ku dang / wa dang / khyi dag gam/ srog chags kyi rigs gang yang rung ba rnam pa sna tshogs dag za zhing 'dug pa dag mthong ba na de lus 'di yang 'di lta bu'i chos can dang / 'di lta bu'i rang bzhin can yin te/ chos nyid de dang ma bral ba'o zhes lus 'di nyid kyang tshul de dang sbyor bar byed do/ /rab 'byor de ltar na byang chub sems dpa' sems dpa' chen po rtun pa shes bzhin can dran pa dang ldan pas/ 'jig rten la brnab sems dang / yid mi bde ba rnam par bsal nas/ phyi rol gyi lus la lus kyi rjes su lta zhing gnas so/ /rab 'byor gzhan yang byang chub sems dpa' sems dpa' chen po gang gi tshe/ dur khrod du mi ro bor ba rnam par zos pa dang / mi gtsang ba dang / rul ba dang / mnam pa dag mthong ba na/ de lus 'di yang 'di lta bu'i chos can dang / 'di lta bu'i rang bzhin</font><hr>34.164b<br><font size=+1>

can yin te/ chos nyid 'di dang ma bral bas yin no zhes lus 'di nyid kyang tshul de dang sbyor bar byed do/ /rab 'byor de ltar na byang chub sems dpa' sems dpa' chen po rtun pa shes bzhin can dran pa dang ldan pas/ 'jig rten la brnab sems dang / yid mi bde ba rnam par bsal nas/ lus la lus kyi rjes su lta zhing gnas so/ /rab 'byor gzhan yang byang chub sems dpa' sems dpa' chen po gang gi tshe/ dur khrod du keng rus sha dang / khrag ra ri chags shing rgyus pas brang breng du 'brel ba dag mthong ba na/ de la lus 'di yang 'di lta bu'i chos can dang / 'di lta bu'i rang bzhin can yin te/ chos nyid de dang ma bral ba yin no/ /zhes lus 'di nyid kyang tshul de dang sbyor bar byed do/ /rab 'byor de ltar na byang chub sems dpa' sems dpa' chen po rtun pa shes bzhin can dran pa dang ldan pas/ 'jig rten la brnab sems dang / yid mi bde ba rnam par bsal nas lus la lus kyi rjes su lta zhing gnas so/ /rab 'byor gzhan yang byang chub sems dpa' sems dpa' chen po gang gi tshe/ dur khrod du keng rus sha dang khrag med cing rgyus pas ma 'brel ba/ dung gi mdog ltar gyur pa dag mthong ba na/ de lus 'di yang 'di lta bu'i chos can dang / 'di lta bu'i rang bzhin can yin te/ chos nyid de dang ma bral ba yin no zhes lus 'di nyid kyang tshul de dang sbyor bar byed do/ /rab 'byor de ltar na byang chub sems dpa' sems dpa' chen po rtun pa shes bzhin can dran pa dang ldan pas/ 'jig rten la brnab sems dang / yid mi bde ba rnam par bsal nas/ lus la lus kyi rjes su lta zhing gnas so/ /rab 'byor gzhan yang byang chub sems dpa' sems dpa' chen po gang gi tshe/ dur khrod</font><hr>34.165a<br><font size=+1>

du keng rus zungs med cing gyes te/ dung sa la gtor ba lta bu dag mthong ba na/ de lus 'di yang 'di lta bu'i chos can dang / 'di lta bu'i rang bzhin can yin te/ chos nyid de dang ma bral ba yin no zhes lus 'di nyid kyang tshul de dang sbyor bar byed do/ /rab 'byor de ltar na byang chub sems dpa' sems dpa' chen po rtun pa shes bzhin can dran pa dang ldan pas 'jig rten la brnab sems dang / yid mi bde ba rnam par bsal nas/ lus la lus kyi rjes su lta zhing gnas so/ /rab 'byor gzhan yang byang chub sems dpa' sems dpa' chen po gang gi tshe/ dur khrod du rus pa rnams sa la phyogs dang phyogs mtshams su rnam par 'thor te/ rkang pa'i rus pa rnams kyang gzhan na/ rje ngar gyi rus pa rnams kyang gzhan na/ brla'i rus pa rnams kyang gzhan na/ dpyi'i rus pa rnams kyang gzhan na/ sgal tshigs rnams kyang gzhan na/ rtsib ma'i rus pa rnams kyang gzhan na/ dpung pa'i rus pa rnams kyang gzhan na/ mjing pa'i rus pa rnams kyang gzhan na/ mgo bo'i thod pa rnams kyang gzhan na 'dug pa dag mthong ba na/ de lus 'di yang 'di lta bu'i chos can nam/ 'di lta bu'i rang bzhin can yin te/ chos nyid de dang ma bral ba yin no zhes lus 'di nyid kyang tshul de dang sbyor bar byed do/ /rab 'byor de ltar na byang chub sems dpa' sems dpa' chen po rtun pa shes bzhin can dran pa dang ldan pas 'jig rten la brnab sems dang yid mi bde ba rnam par bsal nas/ lus la lus kyi rjes su lta zhing gnas so/ /rab 'byor gzhan yang byang chub sems dpa' sems dpa' chen po gang gi tshe/ dur khrod du rus pa lo du ma lon pa/ rlung dang nyi mas gdungs pa dung gi mdog ltar gyur pa dag mthong ba na/ </font><hr>34.165b<br><font size=+1>

lus 'di yang 'di lta bu'i chos can dang / 'di lta bu'i rang bzhin can yin te/ chos nyid de dang ma bral ba yin no zhes lus 'di nyid kyang tshul de dang sbyor bar byed do/ /rab 'byor de ltar na byang chub sems dpa' sems dpa' chen po rtun pa shes bzhin can dran pa dang ldan pas 'jig rten la brnab sems dang yid mi bde ba rnam par bsal nas/ lus la lus kyi rjes su lta zhing gnas so/ /rab 'byor gzhan yang byang chub sems dpa' sems dpa' chen po gang gi tshe dur khrod du rus pa lo du ma lon pa/ sngo ba thi ba'i mdog ltar gyur pa/ zags shing brul ba sa'i rdul dang 'dra bar gyur pa dag mthong ba na/ de lus 'di yang 'di lta bu'i chos can dang / 'di lta bu'i rang bzhin can yin te/ chos nyid de dang ma bral ba yin no zhes lus 'di nyid kyang tshul de dang sbyor bar byed do/ /rab 'byor de ltar na byang chub sems dpa' sems dpa' chen po rtun pa shes bzhin can dran pa dang ldan pas 'jig rten la brnab sems dang yid mi bde ba rnam par bsal nas/ nang gi lus la lus kyi rjes su lta zhing gnas so/ /phyi'i lus la lus kyi rjes su lta zhing gnas so/ /nang dang phyi'i lus la lus kyi rjes su lta zhing gnas so/ /de bzhin du rtun pa shes bzhin can dran pa dang ldan pas 'jig rten la brnab sems dang / yid mi bde ba rnam par bsal nas/ tshor ba rnams dang / sems dang / chos rnams la chos kyi rjes su lta zhing gnas so/ /rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ yang dag par spong ba bzhi'o/ /bzhi gang zhe na/ rab 'byor 'di la byang chub sems dpa' sems dpa' chen po sdig pa mi dge ba'i chos ma skyes pa</font><hr>34.166a<br><font size=+1>

rnams mi bskyed pa'i phyir 'dun pa bskyed cing rtsol la brtson 'grus rtsom ste/ sems rab tu 'dzin cing yang dag par rab tu 'jog pa dang / sdig pa mi dge ba'i chos skyes pa rnams spang ba'i phyir 'dun pa bskyed cing rtsol la brtson 'grus rtsom ste/ sems rab tu 'dzin cing / yang dag par rab tu 'jog pa dang / dge ba'i chos ma skyes pa rnams bskyed pa'i phyir/ 'dun pa bskyed cing rtsol la brtson 'grus rtsom ste/ sems rab tu 'dzin cing yang dag par rab tu 'jog pa dang / dge ba'i chos skyes pa rnams gnas pa dang / phyir zhing 'byung ba dang / mi brjed pa dang / nyams par mi 'gyur ba dang / yongs su rdzogs par bya ba'i phyir 'dun pa bskyed cing rtsol la brtson 'grus rtsom ste/ sems rab tu 'dzin cing yang dag par rab tu 'jog pa'o/ /de yang mi dmigs pa'i tshul gyis 'jog ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ rdzu 'phrul gyi rkang pa bzhi'o/ /bzhi gang zhe na/ rab 'byor 'di la byang chub sems dpa' sems dpa' chen po 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom pa dang / brtson 'grus dang / sems dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom zhing / de yang mi dmigs pa'i tshul gyis sgom pa ste/ rab 'byor de ni byang chub sems dpa' sems dpa'</font><hr>34.166b<br><font size=+1>

chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ dbang po lnga'o/ /lnga gang zhe na dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ stobs lnga'o/ /lnga gang zhe na dad pa'i stobs dang brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs so/ /de yang mi dmigs pa'i tshul gyis te/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ byang chub kyi yan lag bdun te/ bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag dben pa la gnas pa 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom zhing de yang mi dmigs pa'i tshul gyis sgom pa ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ 'phags pa'i lam yan lag brgyad pa'o/ /'phags pa'i</font><hr>34.167a<br><font size=+1>

lam yan lag brgyad pa gang zhe na/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /de yang mi dmigs pa'i tshul gyis te/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ rnam par thar pa'i sgo gsum gyi ting nge 'dzin gsum ste/ gsum gang zhe na/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin to/ /de la stong pa nyid kyi ting nge 'dzin gang zhe na/ chos thams cad rang gi mtshan nyid kyis stong par so sor rtog pa'i sems gnas pa gang yin pa ste/ de ni stong pa nyid kyi rnam par thar pa'i sgo stong pa nyid kyi ting nge 'dzin ces bya'o/ /de la mtshan ma med pa'i ting nge 'dzin gang zhe na/ chos thams cad mtshan ma med par so sor rtog pa'i sems gnas pa gang yin pa ste/ de ni mtshan ma med pa'i rnam par thar pa'i sgo mtshan ma med pa'i ting nge 'dzin ces bya'o/ /de la smon pa med pa'i ting nge 'dzin gang zhe na/ chos thams cad mngon par 'du byed pa med par so sor rtog pa'i sems gnas pa gang yin pa ste/ de ni smon pa med pa'i rnam par thar pa'i sgo smon pa med pa'i ting nge 'dzin ces bya'o/ /rnam par thar pa'i sgo gsum po de dag gi ting nge 'dzin ni/ byang chub sems dpa' sems dpa' chen po'i theg pa chen po yin te/ rnam par thar pa'i sgo gsum po de dag la bslab par bya'o/ /rab 'byor gzhan yang byang chub sems dpa' sems dpa' chen po'i theg pa chen</font><hr>34.167b<br><font size=+1>

po ni 'di lta ste/ shes pa bcu gcig go/ /bcu gcig gang zhe na/ sdug bsngal shes pa dang / kun 'byung shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su rtogs pa shes pa dang / kun rdzob shes pa dang / yongs su 'dris pa shes pa dang / sgra ji bzhin shes pa'o/ /de la sdug bsngal shes pa gang zhe na/ sdug bsngal mi skye bar shes pa gang yin pa ste/ de ni sdug bsngal shes pa zhes bya'o/ /de la kun 'byung ba shes pa gang zhe na/ kun 'byung ba spang ba shes pa gang yin pa ste/ de ni kun 'byung ba shes pa zhes bya'o/ /de la 'gog pa shes pa gang zhe na/ sdug bsngal 'gog pa shes pa gang yin pa ste/ de ni 'gog pa shes pa zhes bya'o/ /de la lam shes pa gang zhe na/ 'phags pa'i lam yan lag brgyad pa shes pa gang yin pa ste/ de ni lam shes pa zhes bya'o/ /de la zad pa shes pa gang zhe na/ 'dod chags dang / zhe sdang dang / gti mug zad par shes pa gang yin pa'o/ /de la mi skye ba shes pa gang zhe na/ srid par 'gro ba mi skye ba shes pa gang yin pa'o/ /de la chos shes pa gang zhe na/ phung po lnga po rnams bcos mar yongs su gcod pa'i shes pa gang yin pa'o/ /de la rjes su rtogs pa shes pa gang zhe na/ mig mi rtag pa dang / rna ba dang / sna dang / lce dang / lus dang / yid mi rtag par shes pa ste/ de bzhin du phung po dang / khams dang / skye mched dang / chos thams cad kyi bar du sbyar bar bya'o/ /de la kun rdzob shes pa gang zhe na/ sems can gzhan rnams dang / gang zag gzhan dag gi sems sems kyis shes pa gang yin pa'o/ /de la yongs su 'dris pa shes pa gang zhe na/ lam shes pa dang / yongs su zad pa shes</font><hr>34.168a<br><font size=+1>

pa gang yin pa'o/ /de la sgra ji bzhin shes pa gang zhe na/ de bzhin gshegs pas sgra thams cad mkhyen pa gang yin pa'o/ /de yang mi dmigs pa'i tshul gyis shes pa ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ dbang po gsum ste/ gsum gang zhe na/ mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po'o/ /de la mi shes pa kun shes par byed pa'i dbang po gang zhe na/ slob pa'i gang zag mngon par rtogs par ma gyur pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po snang ba med pa/ dregs pa 'dul ba gang yin pa ste/ de ni mi shes pa kun shes par byed pa'i dbang po zhes bya'o/ /de la kun shes pa'i dbang po gang zhe na/ slob pa'i gang zag kun shes par gyur pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po gang yin pa ste/ de ni kun shes pa'i dbang po zhes bya'o/ /de la kun shes pa dang ldan pa'i dbang po gang zhe na/ mi slob pa'i gang zag dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po gang yin pa ste/ de ni kun shes pa dang ldan pa'i dbang po zhes bya ste/ rab 'byor de ni byang chub sems dpa' sems dpa' chen po'i theg pa chen po yin no/ /</font><hr>34.168b<br><font size=+1>

rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ ting nge 'dzin gsum mo/ /gsum gang zhe na/ rtog pa dang bcas dpyod pa dang bcas pa'i ting nge 'dzin dang / rtog pa med la dpyod pa tsam gyi ting nge 'dzin dang / mi rtog mi dpyod pa'i ting nge 'dzin to/ /de la rtog pa dang bcas dpyod pa dang bcas pa'i ting nge 'dzin gang zhe na/ rab 'byor 'di la byang chub sems dpa' sems dpa' chen po 'dod pa dag las dben pa sdig pa mi dge ba'i chos rnams las dben pa/ rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs nas gnas pa ste/ de ni rtog pa dang bcas dpyod pa dang bcas pa'i ting nge 'dzin ces bya'o/ /de la rtog pa med la dpyod pa tsam gyi ting nge 'dzin gang zhe na/ bsam gtan dang po dang / bsam gtan gnyis pa'i bar gang yin pa ste/ de ni rtog pa med la dpyod pa tsam gyi ting nge 'dzin ces bya'o/ /de la mi rtog mi dpyod pa'i ting nge 'dzin gang zhe na/ bsam gtan gnyis pa nas/ 'du shes med 'du shes med min skye mched kyi snyoms par 'jug pa'i bar gang yin pa dag ste/ de ni mi rtog mi dpyod pa'i ting nge 'dzin ces bya ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ rjes su dran pa bcu'o/ /bcu gang zhe na/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skyo ba rjes su dran pa dang / 'chi ba rjes su dran pa dang / lus su gtogs pa rjes su dran pa dang / dbugs rngub pa dang 'byung ba rjes su dran pa'o/ /</font><hr>34.169a<br><font size=+1>

de yang mi dmigs pa'i tshul gyis rjes su dran par byed de/ rab 'byor rjes su dran pa bcu po de dag ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ tshad med pa bzhi'o/ /bzhi gang zhe na/ byams pa dang ldan pa'i sems yangs pa/ rgya chen por gyur pa/ tshad med pa/ mi gnyis pa/ khon med pa/ 'gran zla med pa/ gnod pa med pa/ shin du bsgoms pas 'jig rten chos kyi dbyings kyis klas pa/ nam mkha'i khams kyi mthas gtugs pa'i phyogs bcu khyab par byas te gnas pa dang / de bzhin du snying rje dang ldan pa dang / dga' ba dang ldan pa dang / btang snyoms dang ldan pa'i sems yangs pa/ rgya chen por gyur pa/ tshad med pa mi gnyis pa/ khon med pa/ 'gran zla med pa/ gnod pa med pa/ shin tu bsgom pas/ 'jig rten chos kyi dbyings kyis klas pa/ nam mkha'i khams kyi mthas gtugs pa'i phyogs bcu khyab par byas nas gnas pa ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ bsam gtan bzhi'o/ /bzhi gang zhe na/ 'dod pa dag las dben pa sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po bsgrubs te gnas pa dang / de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas/ rtog pa med pa dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa</font><hr>34.169b<br><font size=+1>

bsgrubs te gnas pa dang / de dga' ba'i 'dod chags dang bral bas/ btang snyoms la gnas shing dran pa dang / shes bzhin can yin te/ bde ba lus kyis myong la 'phags pa rnams kyis gang de dran pa dang ldan pa/ bde ba la gnas pa/ btang snyoms pa'o zhes brjod pa ste/ dga' ba med pa bsam gtan gsum pa bsgrubs te/ gnas pa dang / de bde ba yang spangs te/ snga nas sdug bsngal yang spangs shing / yid bde ba dang / yid mi bde ba yang nub pas/ bde ba yang ma yin/ sdug bsngal yang ma yin pa/ btang snyoms dang / dran pa yongs su dag pa bsam gtan bzhi pa bsgrubs nas gnas pa ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ gzugs med pa'i snyoms par 'jug pa bzhi'o/ /bzhi gang zhe na/ de rnam pa thams cad du gzugs kyi 'du shes rnams las yang dag par 'das te thogs pa'i 'du shes rnams nub par gyur cing sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched bsgrubs te gnas pa dang / de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched bsgrubs te gnas pa dang / de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched bsgrubs te gnas pa dang / de rnam pa thams cad du ci yang med pa'i skye mched las yang dag par 'das nas 'du shes</font><hr>34.170a<br><font size=+1>

med 'du shes med min skye mched bsgrubs nas gnas pa ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ rnam par thar pa brgyad do/ /brgyad gang zhe na/ gzugs can gzugs rnams la lta ba ni rnam par thar pa dang po'o/ /nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /sdug pa nyid du mos pa 'di ni rnam par thar pa gsum pa'o/ /de rnam pa thams cad du gzugs kyi 'du shes rnams las yang dag par 'das te thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas nam mkha' mtha' yas skye mched bsgrubs te gnas pa 'di ni rnam par thar pa bzhi pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched bsgrubs te gnas pa 'di ni rnam par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te ci yang med do snyam nas/ ci yang med pa'i skye mched bsgrubs te gnas pa 'di ni rnam par thar pa drug pa'o/ /de rnam pa thams cad du ci yang med pa'i skye mched las yang dag par 'das nas/ 'du shes med 'du shes med min skye mched bsgrubs te gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa bsgrubs te gnas pa 'di ni rnam par thar pa brgyad pa ste/ rab 'byor</font><hr>34.170b<br><font size=+1>

de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ mthar gyis gnas pa'i snyoms par 'jug pa dgu'o/ /dgu gang zhe na/ 'dod pa dag las dben pa sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas pa dang / de rtog pa dang dpyod pa dang bral zhing / nang yongs su dang ste/ sems kyi rgyud gcig tu gyur pas rtog pa med pa dpyod pa med pa/ ting nge 'dzin las/ skyes pa'i dga' ba dang bde ba can bsam gtan gnyis pa bsgrubs te gnas pa dang / de dga' ba'i 'dod chags dang bral bas btang snyoms la gnas shing / dran pa dang shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa/ bde ba la gnas pa/ btang snyoms pa'o zhes brjod pa ste/ dga' ba med pa bsam gtan gsum pa bsgrubs te gnas pa dang de bde ba yang spangs/ snga nas sdug bsngal yang spangs shing / yid bde ba dang / yid mi bde ba yang nub pas/ bde ba yang ma yin/ sdug bsngal ba yang ma yin pa btang snyoms dang dran pa yongs su dag pa bsam gtan bzhi pa bsgrubs te gnas pa dang / de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas nam mkha' mtha' yas skye mched bsgrubs te gnas pa dang / de rnam pa</font><hr>34.171a<br><font size=+1>

thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched bsgrubs te gnas pa dang / de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched bsgrubs te gnas pa dang / de rnam pa thams cad du ci yang med pa'i skye mched las yang dag par 'das nas 'du shes med 'du shes med min skye mched bsgrubs te gnas pa dang / de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa bsgrubs nas gnas pa ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ de bzhin gshegs pa'i stobs bcu ste/ bcu gang zhe na/ gnas la yang gnas su yang dag pa ji lta ba bzhin du rab tu shes/ gnas ma yin pa la yang gnas ma yin par yang dag pa ji lta ba bzhin du rab tu shes pa dang / 'das pa dang / ma 'ongs pa dang / da ltar byung ba'i las rnams dang / las yang dag par len pa rnams kyi gnas dang / rnam par smin pa yang dag pa ji lta ba bzhin du rab tu shes pa dang / 'jig rten gyi khams sna tshogs dang / khams du ma pa yang dag pa ji lta ba bzhin du rab tu shes pa dang / sems can gzhan dag dang / gang zag gzhan rnams kyi mos pa sna tshogs dang / mos pa du ma pa yang dag pa ji lta ba bzhin du rab tu shes pa dang / sems can gzhan</font><hr>34.171b<br><font size=+1>

dag dang / gang zag gzhan rnams kyi dbang po dang / brtson 'grus kyi rim pa yang dag pa ji lta ba bzhin du rab tu shes pa dang / thams cad tu 'gro ba'i lam yang dag pa ji lta ba bzhin du rab tu shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba yang dag pa ji lta ba bzhin du rab tu shes pa dang / sngon gyi gnas rnam pa du ma rjes su dran pa dang / lha'i mig gis 'chi 'pho dang skye ba shes pa yang dag pa ji lta ba bzhin du rab tu shes pa dang / zag pa rnams zad pas zag pa med pa'i sems rnam par grol ba dang / shes rab rnam par grol ba tshe 'di nyid la rang gi mngon par shes pas mngon sum du byas nas bsgrubs te gnas shing bdag gi skye ba ni zad do/ /tshangs par spyod pa ni spyad do/ /bya ba ni byas so/ /phyin chad 'di lta bu med do snyam du rab tu shes shing de yang mi dmigs pa'i tshul gyis rab tu shes pa ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ mi 'jigs pa bzhi ste/ bzhi gang zhe na/ nga yang dag par rdzogs pa'i sangs rgyas so zhes dam bcas na/ kye ma de la chos 'di rnams mngon par rdzogs par sangs ma rgyas so zhes lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i 'jig rten na/ chos dang 'thun par 'ga' zhig bdag la rgol lo snyam pa'i rgyu de yang dag par rjes su mi mthong ste/ 'dir rgyu de yang</font><hr>34.172a<br><font size=+1>

dag par rjes su ma mthong bas/ bde ba thob cing / bag tsha ba med pa thob la mi 'jigs pa thob ste/ gnas kyis khyu mchog rlabs po che'i gnas su dam bca'o/ /'khor gyi nang du seng ge'i sgra yang dag par sgrog go/ /tshangs pa'i 'khor lo dge sbyong ngam/ bram ze 'am/ lha 'am bdud dam/ tshangs pa 'am/ su yang rung bas chos dang 'thun par 'jig rten du bskor bar mi nus pa bdag gis bskor bar bya'o zhes bya ba dang / nga zag pa zad do zhes dam bcas na/ kye ma de la khyod kyis zag pa 'di dag ma zad do zhes lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i 'jig rten na chos dang 'thun par 'ga' zhig bdag la rgol lo snyam pa'i rgyu de yang dag par rjes su mi mthong ste/ 'dir rgyu de yang dag par rjes su ma mthong bas/ bde ba thob cing / bag tsha ba med pa thob la mi 'jigs pa thob ste/ gnas kyis khyu mchog rlabs po che'i gnas su dam bca'o/ /'khor gyi nang du seng ge'i sgra yang dag par bsgrag go/ /tshangs pa'i 'khor lo dge sbyong ngam/ bram ze 'am/ lha 'am bdud dam/ tshangs pa 'am/ su yang rung bas chos dang 'thun par 'jig rten du bskor bar mi nus pa bdag gis bskor bar bya'o zhes bya ba dang ngas gang dag bar du gcod pa'i chos su gsungs pa de dag bsten na/ bar du gcod pa'i chos su mi 'gyur ba de'i gnas med pa de la de dag bsten kyang bar du gcod par mi 'gyur ro zhes lha dang bcas pa dang / bdud dang bcas pa dang / tshangs pa dang bcas pa dang / </font><hr>34.172b<br><font size=+1>

dge sbyong dang bram zer bcas pa'i skye dgu'i 'jig rten na chos dang 'thun par 'ga' zhig bdag la rgol lo snyam pa'i rgyu de yang dag par rjes su mi mthong ste/ 'dir rgyu de yang dag par rjes su ma mthong bas/ bde ba thob cing bag tsha ba med pa thob la mi 'jigs pa thob ste/ gnas gyis khyu mchog rlabs po che'i gnas su dam bca'o/ /'khor gyi nang du seng ge'i sgra yang dag par bsgrag go/ /tshangs pa'i 'khor lo dge sbyong ngam/ bram ze 'am/ lha 'am/ bdud dam/ tshangs pa 'am/ su yang rung bas chos dang 'thun par 'jig rten du bskor bar mi nus pa bdag gis bskor bar bya'o/ /zhes bya ba dang / ngas 'phags pa nges par 'byin pa'i lam gang dag bstan te/ de byed pa'i sdug bsngal yang dag par zad par nges par 'byung ba de dag bsgrubs na/ sdug bsngal yang dag par zad par mi 'gyur ba de'i gnas med pa de la de dag bsgrubs kyang zag pa zad par mi 'gyur ro/ /zhes lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i 'jig rten na chos dang 'thun par 'ga' zhig bdag la rgol lo snyam pa'i rgyu de yang dag par rjes su mi mthong ste/ 'dir rgyu de yang dag par rjes su ma mthong bas bde ba thob cing / bag tsha ba med pa thob la/ mi 'jigs pa thob ste/ gnas kyis khyu mchog rlabs po che'i gnas su dam bca'o/ /'khor gyi nang du seng ge'i sgra yang dag par bsgrag go/ /tshangs pa'i 'khor lo dge sbyong ngam bram ze 'am/ lha 'am/ bdud dam/ tshangs pa 'am su yang rung bas chos dang 'thun par 'jig rten du bskor bar mi nus pa bdag gis bskor bar bya'o zhes bya ba'o/ /</font><hr>34.173a<br><font size=+1>

de yang mi dmigs pa'i tshul gyis byed do/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ so so yang dag par rig pa bzhi ste/ bzhi gang zhe na/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /de yang mi dmigs pa'i tshul gyis rig pa ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ sangs rgyas kyi chos ma 'dres pa bcwa brgyad de/ bcwa brgyad gang zhe na/ de bzhin gshegs pa gang gi nub mo bla na med pa yang dag par rdzogs pa'i byang chub mngon par rdzogs par sangs rgyas pa nas/ 'jig rten lha dang bcas pa dang / bdud dang bcas pa dang tshangs pa dang bcas pa dang / dge sbyong dang bram zer bcas pa'i skye dgu dang / lha dang mi dang lha ma yin du bcas pa rnams sdug bsngal zad par 'gyur ba'i lam gyis rjes su bstan nas/ gang gi nub mo phung po'i lhag ma med pa'i mya ngan las 'das pa'i dbyings su yongs su mya ngan las 'das kyi bar du/ de bzhin gshegs pa la 'khrul pa med pa dang / ca co med pa dang / bsnyel ba med pa dang / tha dad pa'i 'du shes med pa dang / sems mnyam par ma bzhag pa med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran</font><hr>34.173b<br><font size=+1>

pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / rnam par grol ba'i ye shes mthong ba nyams pa med pa dang / lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba dang / yid kyi las thams cad ye shes sngon du 'gro zhing ye shes kyi rjes su 'brang ba dang / 'das pa'i dus la ma chags ma thogs pa'i ye shes mthong ba 'jug pa dang / ma 'ongs pa'i dus la ma chags ma thogs pa'i ye shes mthong ba 'jug pa dang / da ltar gyi dus la ma chags ma thogs pa'i ye shes mthong ba 'jug pa'o/ /de yang mi dmigs pa'i tshul gyis 'jug pa ste/ rab 'byor de ni byang chub sems dpa' sems dpa' chen po'i theg pa chen po yin no/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste / gzungs kyi sgo rnams te/ gzungs kyi sgo rnams gang zhe na/ 'di lta ste yi ge'i tshul mnyam pa nyid dang / yi ge'i sgo dang / yi ges 'jug pa'o/ /de la yi ge'i sgo dang / yi ges 'jug pa gang zhe na/ a zhes bya ba ni gzod ma nas ma skyes pa'i phyir chos thams cad kyi sgo yin no/ /ra zhes bya ba ni rdul dang bral ba'i phyir chos thams cad kyi sgo yin no/ /pa zhes bya ba ni don dam par khyad par med pa'i phyir/ chos thams cad kyi sgo yin no/ /tsa zhes bya ba ni 'chi 'pho'i lam skye ba mi dmigs pa'i tshul gyis chos thams cad kyi sgo yin no/ /na zhes bya ba ni ming mi dmigs pa'i tshul gyis ming med pa'i</font><hr>34.174a<br><font size=+1>

phyir/ chos thams cad kyi sgo yin no/ /la zhes bya ba ni 'jig rten las 'das shing sred pa'i 'khri shing gi rgyu dang rkyen yang dag par bcom pa'i phyir/ chos thams cad kyi sgo yin no/ /da zhes bya ba ni dul ba dang / dul bar gnas pa yongs su nges pa'i phyir chos thams cad kyi sgo yin no/ /ba zhes bya ba ni bcings pa las rnam par grol ba'i phyir chos thams cad kyi sgo yin no/ /Da zhes bya ba ni khrag khrug dang bral ba'i phyir chos thams cad kyi sgo yin no/ /sa zhes bya ba ni chags pa mi dmigs pa'i phyir chos thams cad kyi sgo yin no/ /bA zhes bya ba ni ngag gi lam gyi sgra yang dag par chad pa'i phyir chos thams cad kyi sgo yin no/ /ta zhes bya ba ni de bzhin nyid las ma g.yos pa'i phyir/ chos thams cad kyi sgo yin no/ /ya zhes bya ba ni ji lta ba bzhin du ma skyes pa'i phyir chos thams cad kyi sgo yin no/ /sta zhes bya ba ni khengs pa mi dmigs pa'i phyir/ chos thams cad kyi sgo yin no/ /ka zhes bya ba ni byed ba po mi dmigs pa'i phyir chos thams cad kyi sgo yin no/ /sa zhes bya ba ni mnyam pa nyid las mi 'da' zhing mnyam pa nyid mi dmigs pa'i phyir chos thams cad kyi sgo yin no/ /ma zhes bya ba ni nga yir 'dzin pa mi dmigs pa'i phyir/ chos thams cad kyi sgo yin no/ /ga zhes bya ba ni 'gro ba mi dmigs pa'i phyir/ chos thams cad kyi sgo yin no/ /tha zhes bya ba ni gnas mi dmigs pa'i phyir/ chos thams cad kyi sgo yin no/ /dza zhes bya ba ni skye ba mi dmigs pa'i phyir chos thams cad kyi sgo yin no/ /shwa zhes bya ba ni dbugs mi dmigs pa'i phyir chos thams cad kyi sgo yin no/ /d+ha zhes bya ba ni chos mi dmigs pa'i phyir chos thams cad kyi sgo yin no/ /</font><hr>34.174b<br><font size=+1>

sha zhes bya ba ni zhi nas mi dmigs pa'i phyir chos thams cad kyi sgo yin no/ /kha zhes bya ba ni nam mkha' dang mnyam pa nyid mi dmigs pa'i phyir/ chos thams cad kyi sgo yin no/ /k+Sha zhes bya ba ni zad pa mi dmigs pa'i phyir/ chos thams cad kyi sgo yin no/ /dz+nyA zhes bya ba ni ye shes mi dmigs pa'i phyir/ chos thams cad kyi sgo yin no/ /ha zhes bya ba ni rgyu mi dmigs pa'i phyir chos thams cad kyi sgo yin no/ /b+ha zhes bya ba ni 'jig pa mi dmigs pa'i phyir chos thams cad kyi sgo yin no/ /tsha zhes bya ba ni mdog mi dmigs pa'i phyir chos thams cad kyi sgo yin no/ /sma zhes bya ba ni dran pa mi dmigs pa'i phyir chos thams cad kyi sgo yin no/ /hwa zhes bya ba ni bod pa mi dmigs pa'i phyir chos thams cad kyi sgo yin no/ /tas zhes bya ba ni chos thams cad la spro ba mi dmigs pa'i phyir chos thams cad kyi sgo yin no/ /g+ha zhes bya ba ni stug po mi dmigs pa'i phyir chos thams cad kyi sgo yin no/ /Tha zhes bya ba ni rnam par bsgrub pa mi dmigs pa'i phyir chos thams cad kyi sgo yin no/ /Na zhes bya ba ni nyon mongs pa med pa'i phyir chos thams cad kyi sgo yin no/ /ba zhes bya ba ni 'bras bu mi dmigs pa'i phyir chos thams cad kyi sgo yin no/ /ska zhes bya ba ni phung po mi dmigs pa'i phyir/ chos thams cad kyi sgo yin no/ /dza zhes bya ba ni rga ba mi dmigs pa'i phyir chos thams cad kyi sgo yin no/ /tsa zhes bya ba ni spyod pa mi dmigs pa'i phyir chos thams cad kyi sgo yin no/ /Ta zhes bya ba ni sdig pa mi dmigs pa'i phyir chos thams cad kyi sgo yin no/ /ha zhes bya ba ni ngar 'dzin pa mi dmigs pa'i phyir chos thams cad kyi sgo yin no/ /de yan chad ni yi ger brjod pa med</font><hr>34.175a<br><font size=+1>

do/ /de ci'i phyir zhe na/ 'di ltar gang la yang gang gis tha snyad 'dogs pa dang / gang gis brjod pa dang / gang gis bstan pa dang / gang gis rtogs par byed pa dang / gang gis mthong ba'i ming ci yang med pa'i phyir ro/ /rab 'byor 'di lta ste chos thams cad ni nam mkha' dang 'dra bar khong du chud par bya'o/ /rab 'byor a zhes bya ba la sogs pa'i yi ge bstan pa la 'jug pa 'di ni gzungs kyi sgo la 'jug pa yin no/ /rab 'byor byang chub sems dpa' sems dpa' chen po gang la la a zhes bya ba la sogs pa'i yi ge la mkhas par bya ba 'di shes pa de ni sgra gang la yang thogs par mi 'gyur zhing chos thams cad mnyam pa nyid kyis yang dag par sgrub par gyur te/ sgra shes pa la mkhas pa yang thob par 'gyur ro/ /rab 'byor byang chub sems dpa' sems dpa' chen po gang la la a zhes bya ba la sogs pa yi ge la 'jug pa'i phyag rgya a zhes bya ba la sogs pa yi ge'i phyag rgya'i tshig 'di dag thos la thos nas kyang mi dmigs pa'i tshul gyis nges par gyur pa'i sems kyi rgyun gyis 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher ston pa de la ni phan yon nyi shu yod pa shes par bya'o/ /nyi shu gang zhe na/ dran pa dang ldan par 'gyur ba dang / blo gros dang ldan par 'gyur ba dang / rtogs pa dang ldan par 'gyur ba dang / blo dang ldan par 'gyur ba dang / brtan pa dang ldan par 'gyur ba dang / ngo tsha shes pa dang ldan par 'gyur ba dang / shes rab dang ldan par 'gyur ba dang spobs pa dang ldan par 'gyur ba dang / gzungs kyi sgo 'di yang tshegs chung ngus 'thob cing / som nyi med la/ yid gnyis za bar mi 'gyur ba dang / gzhan dag las tshig</font><hr>34.175b<br><font size=+1>

'jam po thos na yang rjes su chags par mi 'gyur la/ tshig rtsub po thos na yang zhe 'gras par mi 'gyur te/ mtho bar mi 'gyur/ dma' bar mi 'gyur zhing / tha mal par gnas par 'gyur ba dang / sgra la mkhas par 'gyur ba dang / phung po la mkhas par 'gyur ba dang / khams la mkhas par 'gyur ba dang / skye mched la mkhas par 'gyur ba dang / rten cing 'brel par 'byung ba la mkhas par 'gyur ba dang / rgyu la mkhas par 'gyur ba dang / rkyen la mkhas par 'gyur ba dang / chos nyid la mkhas par 'gyur ba dang / dbang po mchog dang mchog ma yin pa shes pa la mkhas par 'gyur ba dang / pha rol gyi sems shes pa la mkhas pa dang / rdzu 'phrul bya ba shes pa la mkhas pa dang / lha'i rna ba shes pa la mkhas pa dang / sngon gyi gnas rjes su dran pa shes pa la mkhas pa dang / 'chi 'pho dang skye ba shes pa la mkhas pa dang / zag pa zad pa shes pa la mkhas pa dang / gnas dang gnas ma yin pa shes pa la mkhas pa dang / 'gro ba la mkhas pa dang / ldog pa la mkhas pa dang / spyod lam la mkhas par 'gyur ba ste/ phan yon nyi shu po de dag 'thob par 'gyur ro/ /rab 'byor gzungs kyi sgo a zhes bya ba la sogs pa yi ge la 'jug pa de ni byang chub sems dpa' sems dpa' chen po'i theg pa chen po yin no/ /shes rab kyi pha rol tu phyin pa khri brgyad stong pa las gzungs kyi sgor 'jug pa'i le'u zhes bya ste/ bcu drug pa'o// //shes rab kyi pha rol tu phyin pa khri brgyad stong pa/ bam po bcu gsum pa/ rab 'byor khyod 'di skad du ji ltar byang chub sems dpa' sems dpa' chen po theg pa chen po la yang dag par zhugs</font><hr>34.176a<br><font size=+1>

pa yin zhes zer ba ni/ rab 'byor 'di la byang chub sems dpa' sems dpa' chen po pha rol du phyin pa drug po la spyod pa ni/ sa nas sar 'phar te/ byang chub sems dpa' sems dpa' chen po pha rol tu phyin pa drug po dag la spyod pa/ sa nas sar ji ltar 'phar zhe na/ 'di lta ste/ chos thams cad 'pho ba med pas so/ /de ci'i phyir zhe na/ chos gang yang 'ong ba 'am/ 'gro ba 'am 'pho ba 'am/ nye bar 'pho ba med pa'i phyir ro/ /'on kyang chos thams cad kyi sa gang yin pa de la yang rlom sems su mi byed cing / mi sems la/ sa yongs su sbyong bar yang byed de/ sa de yang yang dag par rjes su mi mthong ngo / /byang chub sems dpa' sems dpa' chen po'i sa yongs su sbyang ba gang zhe na/ rab 'byor byang chub sems dpa' sems dpa' chen po sa dang po rab tu dga' ba la gnas pas/ sa yongs su sbyang ba bcu bya'o/ /bcu gang zhe na/ lhag pa'i bsam pa yongs su sbyang bar byas te/ de yang mi dmigs pa'i tshul gyis bya ba dang mtshan ma mi dmigs pa'i phyir/ phan pa bya ba'i dngos po yongs su sbyang ba dang / sems can mi dmigs pa'i phyir/ sems can thams cad la sems mnyam pa yongs su sbyang ba dang / sbyin par bya ba dang / sbyin pa po dang / len pa po mi dmigs pa'i phyir gtong ba yongs su sbyang ba dang / de dag gis rlom sems su mi byed pa'i phyir/ dge ba'i bshes gnyen la bsten pa yongs su sbyang ba dang / chos thams cad mi dmigs pa'i phyir chos tshol ba yongs su sbyang ba dang / khyim mi dmigs pa'i phyir rgyun mi 'chad par mngon par 'byung ba yongs su sbyang ba dang / mtshan dang dpe byad bzang po'i mtshan ma mi dmigs pa'i phyir sangs rgyas kyi sku 'dod</font><hr>34.176b<br><font size=+1>

pa yongs su sbyang ba dang / chos kyi dbye ba mi dmigs pa'i phyir/ chos rnam par 'grel ba yongs su sbyang ba dang / chos kyi yod pa nyid mi dmigs pa'i phyir/ nga rgyal gyis khengs pa nges par gzhom pa yongs su sbyang ba dang / tshig mi dmigs pa'i phyir/ bden pa'i tshig yongs su sbyang ba ste/ rab 'byor byang chub sems dpa' sems dpa' chen po sa dang po la gnas pas yongs su sbyang ba bcu po 'di dag bya'o/ /rab 'byor gzhan yang byang chub sems dpa' sems dpa' chen po sa gnyis pa la gnas pas rtag tu chos brgyad yid la bya zhing de dag la nan tan bya'o/ /brgyad gang zhe na/ 'di lta ste/ tshul khrims yongs su dag pa dang byas pa gzo zhing byas pa tshor ba dang / bzod pa'i stobs la gnas pa dang / mchog tu dga' zhing dga' ba nyams su myong bar bya ba dang / sems can thams cad yongs su mi gtang ba dang / snying rje chen po mngon du bya ba dang / bla ma rnams la dad pas gus shing ston pa'i 'du shes kyis sri zhu che ba dang / pha rol du phyin pa rnams brtson pas yongs su 'tshol ba ste/ rab 'byor byang chub sems dpa' sems dpa' chen po sa gnyis pa la gnas pas chos brgyad po de dag rtag tu yid la bya zhing de dag la nan tan bya'o/ /rab 'byor gzhan yang byang chub sems dpa' sems dpa' chen po sa gsum pa la gnas pas chos lnga la gnas par bya'o/ /lnga gang zhe na/ 'di lta ste/ mang du thos pas chog mi shes shing / de la yang yi ge la mngon par zhen par bya ba dang / zang zing med par chos kyi sbyin pa rnam par 'grel bar byed la/ des kyang rlom sems su mi byed pa dang sangs rgyas kyi zhing yongs su dag par bya ba'i dge ba'i rtsa ba bskyed cing / </font><hr>34.177a<br><font size=+1>

yongs su bsngo la des kyang rlom sems su mi byed pa dang / 'khor ba dpag tu med pas yongs su mi skyo zhing des kyang rom sems su mi byed pa dang / ngo tsha shes pa dang / khrel yod pa la gnas shing / des kyang rlom sems su mi byed pa ste/ rab 'byor byang chub sems dpa' sems dpa' chen po sa gsum pa la gnas pas/ chos lnga po de dag la gnas par bya'o/ /rab 'byor gzhan yang byang chub sems dpa' sems dpa' chen po sa bzhi pa la gnas pas chos bcu yang dag par blangs te gnas par bya zhing de yongs su spang bar mi bya'o/ /bcu gang zhe na/ 'di lta ste/ dgon pa la gnas pa yongs su mi gtang ba dang / 'dod pa chung ba dang / chog shes pa dang / sbyangs pa'i yon tan dang / yo byad bsnyungs ba mi gtang ba dang / bslab pa yongs su mi gtang ba dang / 'dod pa'i yon tan la smad pa dang / mya ngan las 'das pa dang ldan pa'i sems bskyed pa dang / bdog pa thams cad yongs su gtang ba dang / sems mi 'dre ba dang / dngos po thams cad la mi lta ba ste/ rab 'byor byang chub sems dpa' sems dpa' chen po sa bzhi pa la gnas pas chos bcu po de dag yongs su gtang bar mi bya zhing yang dag par blangs te gnas par bya'o/ /rab 'byor gzhan yang byang chub sems dpa' sems dpa' chen po sa lnga pa la gnas pas chos bcu yongs su spang bar bya'o/ bcu gang zhe na 'di lta ste/ khyim pa dang 'dris par byed pa yongs su spang bar bya zhing / dge slong dang / dge slong ma dang 'dris par byed pa yongs su spang bar bya ba dang / khyim la ser sna byed pa yongs su spang bar bya ba dang / 'du 'dzi'i gnas yongs su spang bar bya ba dang / gnod sems yongs su spang bar bya ba dang / bdag la bstod pa yongs su</font><hr>34.177b<br><font size=+1>

spang bar bya zhing / gzhan la smod pa yongs su spang bar bya ba dang / mi dge ba bcu'i las kyi lam rnams yongs su spang bar bya ba dang / lhag pa'i nga rgyal dang / khengs pa yongs su spang bar bya ba dang / phyin ci log yongs su spang bar bya ba dang / the tshom yongs su spang bar bya ba dang / 'dod chags dang / zhe sdang dang / gti mug gi bag chags yongs su spang bar bya ba ste/ rab 'byor byang chub sems dpa' sems dpa' chen po sa lnga pa la gnas pas chos bcu po de dag yongs su spang bar bya'o/ /rab 'byor gzhan yang byang chub sems dpa' sems dpa' chen po sa drug pa la gnas pas/ chos drug yongs su rdzogs par bya ste/ drug gang zhe na/ 'di lta ste/ pha rol tu phyin pa drug yongs su rdzogs par bya'o/ /gzhan yang chos drug yongs su spang bar bya ste/ drug gang zhe na/ nyan thos kyi sems yongs su spang bar bya ba dang / rang sangs rgyas kyi sems yongs su spang bar bya ba dang / yongs su yi 'chad pa'i sems yongs su spang bar bya ba dang / slong ba mthong na sems zhum par mi bya ba dang / dngos po thams cad yongs su btang nas yid mi bde bar mi bya ba dang / slong ba bskrad par mi bya ba ste/ rab 'byor byang chub sems dpa' sems dpa' chen po sa drug pa la gnas pas/ chos drug po 'di dag yongs su spang bar bya'o/ /rab 'byor gzhan yang byang chub sems dpa' sems dpa' chen po sa bdun pa la gnas pas chos nyi shu mi bya'o/ /nyi shu gang zhe na/ 'di lta ste/ bdag tu 'dzin par mi bya ba dang / sems can du 'dzin pa dang / srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa dang / mtshan ma'i 'du shes dang / rgyur lta ba dang / ming dang gzugs la mngon par zhen pa dang / phung po la mngon par zhen pa dang / khams</font><hr>34.178a<br><font size=+1>

la mngon par zhen pa dang / skye mched la mngon par zhen pa dang / khams gsum la mngon par zhen pa dang / khams gsum la lhag par zhen pa dang / khams gsum la chags pa dang / sangs rgyas su lta ba la rten cing mngon par zhen pa dang / chos su lta ba la rten cing mngon par zhen pa dang / dge 'dun du lta ba la rten cing mngon par zhen pa dang / tshul khrims su lta ba la rten cing mngon par zhen pa dang / chos rnams stong ngo zhes bya bas sgyid lug pa dang / stong pa nyid dang 'gal ba ste/ rab 'byor byang chub sems dpa' sems dpa' chen po sa bdun pa la gnas pas chos nyi shu po de dag mi bya'o/ /sa bdun pa la gnas pa des chos nyi shu yongs su rdzogs par bya ste/ nyi shu gang zhe na/ 'di lta ste/ stong pa nyid rtogs pa dang / mtshan ma med pa mngon sum du bya ba dang / smon pa med pa shes pa dang / 'khor gsum yongs su dag pa dang / sems can thams cad la snying brtse zhing snying rje ba dang / sems can de dag la brnyas par mi bya ba dang / chos thams cad la mnyam pa nyid du lta zhing de la yang mngon par zhen par mi bya ba dang / yang dag pa'i tshul rtogs shing des rlom sems su yang mi bya ba dang / mi skye bar bzod pa dang / mi skye ba shes pa dang / tshul gcig tu bstan pa dang / chos thams cad la rtog pa yang dag par gzhom pa dang / lta ba bzlog pa dang / nyon mongs pa bzlog pa dang / zhi gnas nges par sems pa dang / lhag mthong la mkhas pa'i sa dang / sems dul ba dang / sems zhi ba dang / shes pa thogs pa med pa dang / rjes su 'chags pa'i sa ma yin pa dang / zhing gang tu 'dod par 'gro ba ste/ rab 'byor byang chub sems dpa' sems dpa' chen po sa bdun pa la gnas pas chos nyi shu po de dag yongs su rdzogs par bya'o/ /rab 'byor gzhan yang byang chub sems</font><hr>34.178b<br><font size=+1>

dpa' sems dpa' chen po sa brgyad pa la gnas pas/ chos bzhi yongs su rdzogs par bya ste/ bzhi gang zhe na/ 'di lta ste/ sems can thams cad kyi sems la 'jug pa dang / mngon par shes pas rnam par rtse ba dang / sangs rgyas kyi zhing la lta zhing / sangs rgyas kyi zhing ji ltar mthong ba de dag kyang yongs su bsgrub pa dang / sangs rgyas la bsnyen bkur bya zhing / sangs rgyas kyi sku la yang dag pa ji lta ba bzhin du brtag pa ste/ rab 'byor chos bzhi po de dag yongs su rdzogs par bya'o/ /rab 'byor gzhan yang byang chub sems dpa' sems dpa' chen po sa brgyad pa la gnas pas chos bzhi yongs su rdzogs par bya ste/ bzhi gang zhe na/ dbang po mchog dang mchog ma yin pa shes pa dang / sangs rgyas kyi zhing yongs su dag par bya ba dang / sgyu ma lta bu'i ting nge 'dzin la rgyun mi chad par snyoms par 'jug pa dang / ji lta ji lta bur sems can rnams kyi dge ba'i rtsa ba yongs su 'grub par 'gyur ba de lta de lta bu'i lus yongs su sgrub cing / bsam bzhin du srid pa nye bar len pa ste/ rab 'byor byang chub sems dpa' sems dpa' chen po sa brgyad pa la gnas pas chos bzhi po de dag yongs su rdzogs par bya'o/ /rab 'byor gzhan yang byang chub sems dpa' sems dpa' chen po sa dgu pa la gnas pas chos bcu gnyis yongs su rdzogs par bya ste/ bcu gnyis gang zhe na/ 'di lta ste/ smon lam mtha' yas pa yongs su bzung ba ste/ de smon lam ji lta ji lta bu 'debs pa de lta de lta bur 'grub par 'gyur ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i skad shes pa khong du chud pa dang / spobs pa'i klung khong du chud pa dang / mngal du 'jug pa phun sum tshogs pa dang / rigs phun sum tshogs pa dang / cho rigs phun sum tshogs</font><hr>34.179a<br><font size=+1>

pa dang / rus phun sum tshogs pa dang / 'khor phun sum tshogs pa dang / skye ba phun sum tshogs pa dang / mngon par 'byung ba phun sum tshogs pa dang / byang chub kyi shing gi bkod pa phun sum tshogs pa dang / yon tan thams cad yongs su rdzogs pa phun sum tshogs pa ste/ rab 'byor byang chub sems dpa' sems dpa' chen po sa dgu pa la gnas pas chos bcu gnyis po de dag yongs su rdzogs par bya'o/ /rab 'byor byang chub sems dpa' sems dpa' chen po sa bcu pa la gnas pa ni de bzhin gshegs pa nyid ces bya'o/ /de skad ces bka' stsal nas/ bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po sa dang po la gnas pa'i lhag pa'i bsam pa yongs su sbyang bar bgyi ba gang lags/ bcom ldan 'das kyis bka' stsal pa/ rnam pa thams cad mkhyen pa nyid dang ldan pa'i yid la bya ba dag gis dge ba'i rtsa ba thams cad yang dag par sgrub pa gang yin pa ste/ rab 'byor de ni byang chub sems dpa' sems dpa' chen po'i lhag pa'i bsam pa yongs su sbyang ba yin no/ /de la sems can thams cad la sems mnyam pa yongs su sbyang ba gang zhe na/ rnam pa thams cad mkhyen pa nyid dang ldan pa'i yid la bya ba dag gis tshad med pa bzhi po byams pa dang / snying rje dang / dga' ba dang / btang snyoms mngon par bsgrub pa gang yin pa ste/ de ni sems can thams cad la sems mnyam pa yongs su sbyang ba zhes bya'o/ /de la byang chub sems dpa' sems dpa' chen po'i gtong ba yongs su sbyang ba gang zhe na/ sems can thams cad la rnam par rtog pa med par sbyin pa sbyin pa ste/ de ni gtong ba yongs su sbyang ba zhes bya'o/ /de la byang chub sems dpa' sems dpa' chen po'i dge ba'i bshes gnyen la bsten pa yongs</font><hr>34.179b<br><font size=+1>

su sbyang ba gang zhe na/ de la byang chub sems dpa' sems dpa' chen po'i dge ba'i bshes gnyen dag ni gang dag rnam pa thams cad mkhyen pa nyid la yang dag par 'dzud cing 'jog la rab tu 'god par byed pa'i dge ba'i bshes gnyen de dag la bsten pa dang / bsnyen bkur byed pa dang / sri zhu byed pa ste/ de ni byang chub sems dpa' sems dpa' chen po'i dge ba'i bshes gnyen la bsten pa yongs su sbyang ba yin no/ /de la byang chub sems dpa' sems dpa' chen po'i chos tshol ba yongs su sbyang ba gang zhe na/ rnam pa thams cad mkhyen pa nyid dang ldan pa'i sems kyis chos tshol bar byed la/ nyan thos dang / rang sangs rgyas kyi sar yang mi lhung ba gang yin pa ste/ de ni byang chub sems dpa' sems dpa' chen po'i chos tshol ba yongs su sbyang ba yin no/ /de la byang chub sems dpa' sems dpa' chen po'i rgyun mi 'chad par mngon par 'byung ba yongs su sbyang ba gang zhe na/ tshe rabs thams cad du 'dre ba med par mngon par 'byung zhing / de bzhin gshegs pa'i bstan pa la yang rab tu 'byung la/ su yang de'i bar chad byed par mi 'gyur ba gang yin pa ste/ de ni byang chub sems dpa' sems dpa' chen po'i rgyun mi 'chad par mngon par 'byung ba yongs su sbyang ba yin no/ /de la byang chub sems dpa' sems dpa' chen po'i sangs rgyas kyi sku 'dod pa yongs su sbyang ba gang zhe na/ sangs rgyas kyi sku mthong na/ rnam pa thams cad mkhyen pa nyid thob kyi bar du nam yang sangs rgyas yid la byed pa dang / 'bral bar mi 'gyur ba gang yin pa ste/ rab 'byor de ni byang chub sems dpa' sems dpa' chen po'i sangs rgyas kyi sku 'dod pa yongs su sbyang ba yin no/ /de la byang chub sems dpa' sems dpa' chen po'i chos rnam par 'grel pa yongs su sbyang ba gang zhe na/ byang chub sems dpa'</font><hr>34.180a<br><font size=+1>

sems dpa' chen po de bzhin gshegs pa mngon sum du bzhugs kyang rung / mya ngan las 'das kyang rung sems can rnams la chos ston te/ tshangs par spyod pa thog mar dge ba/ bar du dge ba tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba 'di lta ste/ mdo'i sde dang dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde dang / rtogs pa brjod pa'i sde dang / gtan la bab par bstan pa'i sde yang dag par ston pa gang yin pa ste/ de ni byang chub sems dpa' sems dpa' chen po'i chos rnam par 'grel pa yongs su sbyang ba yin no/ /de la byang chub sems dpa' sems dpa' chen po'i nga rgyal gyi khengs pa nges par gzhom pa yongs su sbyang ba gang zhe na/ nga rgyal gyis khengs pa gzhom pa gang gis nam yang rigs dma' ba rnams su skye bar mi 'gyur ba ste/ de ni byang chub sems dpa' sems dpa' chen po'i nga rgyal gyis khengs pa nges par gzhom pa yongs su sbyang ba yin no/ /de la byang chub sems dpa' sems dpa' chen po'i bden pa'i tshig yongs su sbyang ba gang zhe na/ 'di lta ste/ ji skad smras pa de bzhin du byed pa ste/ de ni byang chub sems dpa' sems dpa' chen po'i bden pa'i tshig yongs su sbyang ba yin no/ /rab 'byor bcu po de dag ni byang chub sems dpa' sems dpa' chen po sa dang po la gnas pas yongs su sbyang bar bya ba yin no/ /de la byang chub sems dpa' sems dpa' chen po'i tshul khrims yongs su dag pa gang zhe na/ </font><hr>34.180b<br><font size=+1>

'di lta ste/ nyan thos dang / rang sangs rgyas kyi sems dang / gzhan yang 'chal pa'i tshul khrims su byed pa/ byang chub la bar chad byed pa'i chos gang yin pa de dag yid la mi byed pa ste/ de ni byang chub sems dpa' sems dpa' chen po'i tshul khrims yongs su dag pa yin no/ /de la byang chub sems dpa' sems dpa' chen po'i byas pa gzo zhing byas pa tshor ba gang zhe na/ byang chub sems dpa' sems dpa' chen po byang chub sems dpa'i spyad pa spyod pa na/ chung ngu zhig byas na yang 'khor ba'i mtha'i bar du chud mi gzon na/ chen po lta ci smos te/ de ni byang chub sems dpa' sems dpa' chen po'i byas pa gzo zhing byas pa tshor ba yin no/ /de la byang chub sems dpa' sems dpa' chen po'i bzod pa'i stobs la gnas pa gang zhe na/ gang sems can thams cad la gnod sems med cing rnam par 'tshe ba'i sems med pa ste/ de ni byang chub sems dpa' sems dpa' chen po'i bzod pa'i stobs la gnas pa yin no/ /de la byang chub sems dpa' sems dpa' chen po'i mchog tu dga' zhing dga' ba nyams su myong bar bya ba gang zhe na/ 'di lta ste/ theg pa gsum po dag la sems can yongs su smin par byed pa ste/ de ni byang chub sems dpa' sems dpa' chen po'i mchog tu dga' zhing dga' ba nyams su myong bar bya ba yin no/ /de la byang chub sems dpa' sems dpa' chen po'i sems can thams cad yongs su mi gtang ba gang zhe na/ 'di lta ste/ sems can thams cad yongs su skyob pa ste/ de ni byang chub sems dpa' sems dpa' chen po'i sems can thams cad yongs su mi gtang ba yin no/ /de la byang chub sems dpa' sems dpa' chen po'i snying rje chen po mngon du bya ba gang zhe na/ gang byang chub sems dpa' sems dpa'</font><hr>34.181a<br><font size=+1>

chen po byang chub sems dpa'i spyad pa spyod pa na/ 'di snyam du sems te/ sems can re re'i don gyi phyir yang bdag bskal pa chen po gang gA'i klung gi bye ma snyed du sems can dmyal ba dag tu 'dug la/ sems can de sangs rgyas kyi ye shes la ma bzhag gi bar du der gcad pa dang / gshag pa dang / brdung ba dang / btso ba dang / bsreg pa dag kyang nyams su myong bar bya'o snyam ste/ de bzhin du sems can thams cad kyi phyir mngon par spro zhing yongs su mi skyo ba'i bar du ste/ de ni byang chub sems dpa' sems dpa' chen po'i snying rje chen po mngon du bya ba zhes bya'o/ /de la byang chub sems dpa' sems dpa' chen po'i bla ma rnams la dad pas gus shing sri zhu che ba gang zhe na/ 'di lta ste/ bla ma rnams la ston pa'i 'du shes 'jog pa ste/ de ni byang chub sems dpa' sems dpa' chen po'i bla ma la dad pas gus shing sri zhu che ba zhes bya'o/ /de la byang chub sems dpa' sems dpa' chen po'i pha rol du phyin pa rnams brtson pas tshol ba gang zhe na/ 'di lta ste/ sems can thams cad yongs su smin par bya ba'i phyir las gzhan mi byed par pha rol tu phyin pa rnams yongs su tshol ba ste/ de ni byang chub sems dpa' sems dpa' chen po'i pha rol du phyin pa rnams brtson pas tshol ba zhes bya'o/ /de la byang chub sems dpa' sems dpa' chen po'i mang du thos pas chog mi shes pa gang zhe na/ 'di lta ste/ sangs rgyas bcom ldan 'das rnams kyis 'jig rten gyi khams 'di 'am/ phyogs bcu khor yug gi 'jig rten gyi khams kyi bar dag tu gang ci gsungs pa de thams cad gzung bar bya'o snyam du chog mi shes pa gang yin pa ste/ de ni byang chub sems dpa' sems dpa' chen po'i mang du thos pas chog mi shes pa yin no/ /de la byang chub sems dpa' sems dpa' chen po'i zang zing med</font><hr>34.181b<br><font size=+1>

par chos kyi sbyin pa rnam par 'grel bar byed pa gang zhe na/ byang chub sems dpa' sems dpa' chen po chos ston kyang chos kyi sbyin pa'i dge ba'i rtsa ba des tha na byang chub la yang re ba med pa ste/ de ni byang chub sems dpa' sems dpa' chen po'i zang zing med par chos kyi sbyin pa rnam par 'grel bar byed pa yin no/ /de la byang chub sems dpa' sems dpa' chen po'i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba gang zhe na/ dge ba'i rtsa ba gang dang gang dag gis sangs rgyas kyi zhing yongs su dag par byed pa bdag dang gzhan gyi sangs rgyas kyi zhing yongs su dag par byed pa'i dge ba'i rtsa ba de dag yongs su sgrub pa ste/ de ni byang chub sems dpa' sems dpa' chen po'i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba yin no/ /de la byang chub sems dpa' sems dpa' chen po'i 'khor ba dpag tu med pas yongs su mi skyo ba gang zhe na/ 'di lta ste/ dge ba'i rtsa bas nye bar brtan pa ste/ dge ba'i rtsa ba gang dag gis nye bar brtan na/ sems can rnams kyang yongs su smin par byed cing / sangs rgyas kyi zhing yang yongs su dag par byed la/ sangs rgyas kyi chos thams cad dang / rnam pa thams cad mkhyen pa nyid yongs su rdzogs par gyur gyi bar du nams kyang skyo bar mi 'gyur ba ste/ de ni byang chub sems dpa' sems dpa' chen po'i 'khor ba dpag tu med pas yongs su mi skyo ba yin no/ /de la byang chub sems dpa' sems dpa' chen po'i ngo tsha shes pa dang / khrel yod pa la gnas pa gang zhe na/ nyan thos dang / rang sangs rgyas kyi sems la smod pa ste/ de ni byang chub sems dpa' sems dpa' chen po'i ngo tsha shes pa dang / khrel yod pa la gnas pa yin no/ /de la</font><hr>34.182a<br><font size=+1>

byang chub sems dpa' sems dpa' chen po'i dgon pa la gnas pa yongs su mi btang ba gang zhe na/ nyan thos dang / rang sangs rgyas kyi sa las shin tu 'da' ba gang yin pa ste/ de ni byang chub sems dpa' sems dpa' chen po'i dgon pa la gnas pa yongs su mi btang ba yin no/ /de la byang chub sems dpa' sems dpa' chen po'i 'dod pa chung ba gang zhe na/ byang chub sems dpa' sems dpa' chen pos byang chub kyang mi 'dod pa gang yin pa ste/ de ni byang chub sems dpa' sems dpa' chen po'i 'dod pa chung ba yin no/ /de la byang chub sems dpa' sems dpa' chen po'i chog shes pa gang zhe na/ rnam pa thams cad mkhyen pa nyid thob kyang rlom sems su mi byed pa gang yin pa ste/ de ni byang chub sems dpa' sems dpa' chen po'i chog shes pa yin no/ /de la byang chub sems dpa' sems dpa' chen po'i sbyangs pa'i yon tan dang / yo byad bsnyungs pa mi btang ba gang zhe na/ 'di lta ste/ chos zab mo dag la nges par sems pa'i bzod pa gang yin pa ste/ de ni byang chub sems dpa' sems dpa' chen po'i sbyangs pa'i yon tan dang / yo byad bsnyungs pa mi btang ba yin no/ /de la byang chub sems dpa' sems dpa' chen po'i bslab pa yongs su mi btang ba gang zhe na/ gang la bslab pa thams cad rgyu ba med pa ste/ de ni byang chub sems dpa' sems dpa' chen po'i bslab pa yongs su mi btang ba yin no/ /de la byang chub sems dpa' sems dpa' chen po'i 'dod pa'i yon tan la smad pa gang zhe na/ 'dod pa la sems mi bskyed pa gang yin pa ste/ de ni byang chub sems dpa' sems dpa' chen po'i 'dod pa'i yon tan la smad pa yin no/ /de la byang chub sems dpa' sems dpa' chen po'i mya ngan las 'das pa dang ldan pa'i sems bskyed pa gang zhe na/ 'di lta ste/ </font><hr>34.182b<br><font size=+1>

gang chos thams cad la mngon par 'du byed pa med pa ste/ de ni byang chub sems dpa' sems dpa' chen po'i mya ngan las 'das pa dang ldan pa'i sems bskyed pa yin no/ /de la byang chub sems dpa' sems dpa' chen po'i bdog pa thams cad yongs su btang ba gang zhe na/ nang dang phyi rol gyi chos rnams 'dzin par mi byed pa gang yin pa ste/ de ni byang chub sems dpa' sems dpa' chen po'i bdog pa thams cad yongs su btang ba yin no/ /de la byang chub sems dpa' sems dpa' chen po'i sems mi 'dre ba gang zhe na/ gang rnam par shes pa gnas pa rnams la de'i sems mi sbyor ba ste/ de ni byang chub sems dpa' sems dpa' chen po'i sems mi 'dre ba yin no/ /de la byang chub sems dpa' sems dpa' chen po'i dngos po thams cad la mi lta ba gang zhe na/ dngos po thams cad yid la mi byed pa gang yin pa ste/ de ni byang chub sems dpa' sems dpa' chen po'i dngos po thams cad la mi lta ba yin no/ /de la byang chub sems dpa' sems dpa' chen po'i khyim pa dang 'dris par byed pa yongs su spang ba gang zhe na/ 'di lta ste/ sangs rgyas kyi zhing nas sangs rgyas kyi zhing du 'gro zhing brdzus te skye ba dang / mgo bregs shing ngur smrig gyon pa ste/ de ni byang chub sems dpa' sems dpa' chen po'i khyim pa dang 'dris par byed pa yongs su spang ba yin no/ /de la byang chub sems dpa' sems dpa' chen po'i dge slong dang / dge slong ma dang 'dris par byed pa yongs su spang ba gang zhe na/ dge slong dang / dge slong ma rnams dang se gol gtogs pa srid du yang lhan cig mi gnas shing de dag med na yang yongs su yi 'chad par mi 'gyur ba gang yin pa ste/ de ni byang chub sems dpa' sems dpa' chen po'i dge slong dang / dge slong ma dang 'dris par byed pa yongs su spang ba yin no/ /de la byang chub sems dpa' sems dpa' chen po'i khyim la ser sna byed pa yongs su spang ba gang zhe na/ </font><hr>34.183a<br><font size=+1>

rab 'byor 'di la byang chub sems dpa' sems dpa' chen pos 'di ltar sems bskyed par bya ste/ bdag gis sems can thams cad la bde ba'i yo byad sbyar bar bya na/ sems can 'di dag ni rang gi bsod nams kyis bde bar gyur pa yin gyis/ 'di la bdag gis ser sna'i sems bskyed par mi bya'o zhes bya ba ste/ de ltar byang chub sems dpa' sems dpa' chen pos khyim la ser sna byed pa yongs su spang bar bya'o/ /de la byang chub sems dpa' sems dpa' chen pos 'du 'dzi'i gnas yongs su spang bar bya ba ji lta bu zhe na/ byang chub sems dpa' sems dpa' chen po 'du 'dzi'i gnas gang du gnas na/ nyan thos dang / rang sangs rgyas yod pa 'am/ de dang ldan pa'i gtam gyi gleng ldang bar 'gyur ba 'am/ de dang ldan pa'i sems bskyed pa bskyed par 'gyur ba der byang chub sems dpa' sems dpa' chen po gnas par mi bya ba ste/ de ni byang chub sems dpa' sems dpa' chen po'i 'du 'dzi'i gnas yongs su spang ba yin no/ /de la byang chub sems dpa' sems dpa' chen pos gnod sems yongs su spang bar bya ba ji lta bu zhe na/ gang gnod sems dang / rnam par 'tshe ba'i sems kyi skabs mi 'byed pa dang / 'thab pa'i sems dang / rtsod pa'i sems kyi skabs mi 'byed pa ste/ de ni byang chub sems dpa' sems dpa' chen po'i gnod sems yongs su spang ba yin no/ /de la byang chub sems dpa' sems dpa' chen po'i bdag la bstod pa yongs su spang ba gang zhe na/ gang nang gi chos rnams yang dag par rjes su mi mthong ba ste/ de ni byang chub sems dpa' sems dpa' chen po'i bdag la bstod pa yongs su spang ba yin no/ /de la byang chub sems dpa' sems dpa' chen po'i gzhan la smod pa yongs su spang ba gang zhe na/ 'di lta ste phyi rol gyi chos rnams yang dag par rjes su mi mthong ba ste/ de ni byang chub sems dpa' sems dpa' chen po'i gzhan la smod pa</font><hr>34.183b<br><font size=+1>

yongs su spang ba yin no/ /de la byang chub sems dpa' sems dpa' chen po'i mi dge ba bcu'i las kyi lam rnams yongs su spang bar bya ba ji lta bu zhe na/ 'di ltar 'di dag ni bde 'gro la yang bar du gcod par byed na/ 'phags pa'i lam la lta ci smos shing / byang chub la lta ci smos pa ste/ de ltar byang chub sems dpa' sems dpa' chen pos mi dge ba bcu'i las kyi lam rnams yongs su spang bar bya'o/ /de la byang chub sems dpa' sems dpa' chen po'i lhag pa'i nga rgyal yongs su spang bar bya ba ji lta bu zhe na/ 'di ltar des chos ci yang yang dag par rjes su mi mthong na/ gang gis lhag par rlom sems su byed pa'i lhag pa lta ga la yod ces de ltar lhag pa'i nga rgyal spang bar bya'o/ /de la byang chub sems dpa' sems dpa' chen pos ji ltar khengs pa yongs su spang bar bya zhe na/ 'di ltar gang la de'i khengs pa skye bar 'gyur ba'i dngos po de yang dag par rjes su mi mthong ba ste/ de ltar byang chub sems dpa' sems dpa' chen pos khengs pa yongs su spang bar bya'o/ /de la byang chub sems dpa' sems dpa' chen pos phyin ci log yongs su spang bar bya ba ji lta bu zhe na/ dngos po rnams mi dmigs pa'i phyir te/ de ltar byang chub sems dpa' sems dpa' chen pos phyin ci log yongs su spang bar bya'o/ /de la byang chub sems dpa' sems dpa' chen pos 'dod chags dang / zhe sdang dang / gti mug gi bag chags yongs su spang bar bya ba ji lta bu zhe na/ 'di ltar 'dod chags dang / zhe sdang dang / gti mug rnams kyi dngos po yang dag par rjes su mi mthong ba ste/ de ltar byang chub sems dpa' sems dpa' chen pos 'dod chags dang / zhe sdang dang / gti mug gi bag chags yongs su spang bar bya'o/ /de la byang chub sems dpa' sems dpa' chen pos sa drug pa la chos drug yongs su rdzogs par bya ba gang zhe na/ 'di lta ste/ </font><hr>34.184a<br><font size=+1>

pha rol du phyin pa drug ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ste/ pha rol du phyin pa drug po de dag yongs su rdzogs par bya'o/ /sangs rgyas bcom ldan 'das rnams dang / nyan thos rnams dang / rang sangs rgyas rnams kyang pha rol du phyin pa drug po 'di dag la gnas nas/ shes bya'i rgya mtsho rnam pa lnga'i pha rol du phyin par gyur to/ /phyin to/ phyin par 'gyur ro/ /lnga gang zhe na/ 'di lta ste/ 'das pa dang / ma 'ongs pa dang / da ltar byung ba dang / brjod du med pa dang / 'dus ma byas pa ste/ de ltar byang chub sems dpa' sems dpa' chen pos pha rol du phyin pa drug po rnams yongs su rdzogs par bya'o/ /de la byang chub sems dpa' sems dpa' chen pos ji ltar yang nyan thos kyi sems yongs su spang bar bya ste/ de ci'i phyir zhe na/ 'di ltar de ni byang chub kyi lam ma yin pa'i phyir ro/ /rang sangs rgyas kyi sems yongs su spang bar bya ste/ de ci'i phyir zhe na/ 'di ltar de ni byang chub kyi lam ma yin pa'i phyir ro/ /yongs su yi 'chad pa'i sems yongs su spang bar bya ste/ de ci'i phyir zhe na/ 'di ltar de ni byang chub kyi lam ma yin pa'i phyir ro/ /slong ba mthong na sems zhum par mi bya'o/ /de ci'i phyir zhe na/ 'di ltar de ni byang chub kyi lam ma yin pa'i phyir ro/ /dngos po thams cad yongs su btang nas/ yid mi bde bar mi bya'o/ /de ci'i phyir zhe na/ 'di ltar de ni byang chub kyi lam ma yin pa'i phyir ro/ /sems dang po bskyed phyin chad rtag tu sbyin pa sbyin par bya zhing / sems gsog tu mi bya ste/ chos drug po de dag yongs su spang bar bya'o/ /de la byang chub sems dpa' sems dpa' chen pos ji ltar yang bdag tu 'dzin par mi bya ste/ 'di ltar yang</font><hr>34.184b<br><font size=+1>

bdag gtan med pa'i phyir ro/ /sems can du 'dzin pa dang / srog tu 'dzin pa dang / gang zag tu 'dzin pa la yang de bzhin du sbyar te/ de ci'i phyir zhe na/ 'di ltar de dag gtan med pa'i phyir ro/ /de la byang chub sems dpa' sems dpa' chen pos ji ltar yang chad par 'dzin par mi bya'o/ /de ci'i phyir zhe na/ 'di ltar chos thams cad gtan ma skyes pas/ chos gang yang chad pa med pa'i phyir ro/ /de la byang chub sems dpa' sems dpa' chen pos ji ltar yang rtag par 'dzin par mi bya ste/ 'di ltar chos gang mi skye ba de rtag pa dang chad par mi 'gyur ba'i phyir ro/ /de la byang chub sems dpa' sems dpa' chen pos ji ltar yang mtshan ma'i 'du shes mi bya ste/ 'di ltar kun nas nyon mongs pa gtan med pa'i phyir ro/ /de la byang chub sems dpa' sems dpa' chen pos ji ltar yang rgyur blta bar mi bya'o/ /de ci'i phyir zhe na/ 'di ltar des lta ba de yang dag par rjes su mi mthong ba'i phyir ro/ /de la byang chub sems dpa' sems dpa' chen pos ji ltar yang ming dang gzugs la mngon par zhen par mi bya'o/ /de ci'i phyir zhe na/ 'di ltar dngos po de mi dmigs pa'i phyir te/ de ltar byang chub sems dpa' sems dpa' chen pos ming dang gzugs la mngon par zhen par mi bya'o/ /de bzhin du phung po dang / khams dang / skye mched rnams la mngon par zhen par mi bya'o/ /de ci'i phyir zhe na/ 'di ltar chos de dag rang bzhin gyis med pa'i phyir te/ de ltar phung po dang / khams dang / skye mched la mngon par zhen par mi bya'o/ /de la byang chub sems dpa' sems dpa' chen pos ji ltar yang khams gsum la mngon par zhen par mi bya'o/ /de ci'i phyir zhe na/ 'di ltar de rang bzhin med pa'i phyir te/ de ltar khams gsum la mngon par zhen par mi bya'o/ /de la byang chub sems dpa' sems dpa' chen pos ji ltar yang khams gsum la</font><hr>34.185a<br><font size=+1>

lhag par zhen par mi bya'o/ /de ci'i phyir zhe na/ 'di ltar dngos po de med cing mi dmigs pa'i phyir te/ de ltar byang chub sems dpa' sems dpa' chen pos khams gsum la lhag par zhen par mi bya'o/ /de la byang chub sems dpa' sems dpa' chen pos ji ltar yang khams gsum la chags par mi bya'o/ /de ci'i phyir zhe na/ 'di ltar ngo bo nyid med pa'i phyir te/ de ltar byang chub sems dpa' sems dpa' chen pos khams gsum la chags par mi bya'o/ /de la byang chub sems dpa' sems dpa' chen pos ji ltar yang sangs rgyas su lta ba la brten par mi bya'o/ /de ci'i phyir zhe na/ 'di ltar sangs rgyas su lta ba la brten pas sangs rgyas mthong bar mi 'gyur te/ de ltar byang chub sems dpa' sems dpa' chen pos sangs rgyas su lta ba la brten par mi bya'o/ /de la byang chub sems dpa' sems dpa' chen pos ji ltar yang chos su lta ba la rten par mi bya'o/ /de ci'i phyir zhe na/ 'di ltar chos su lta ba la brten pas chos mthong bar mi 'gyur te/ de ltar byang chub sems dpa' sems dpa' chen pos chos su lta ba la rten par mi bya'o/ /de la byang chub sems dpa' sems dpa' chen pos ji ltar yang dge 'dun du lta ba la brten par mi bya'o/ /de ci'i phyir zhe na/ 'di ltar dge 'dun du lta ba la brten pas dge 'dun mthong bar mi 'gyur te/ de ltar byang chub sems dpa' sems dpa' chen pos dge 'dun du lta ba la brten par mi bya'o/ /de la byang chub sems dpa' sems dpa' chen pos ji ltar yang tshul khrims su lta ba la mngon par zhen par mi bya'o/ /de ci'i phyir zhe na/ 'di ltar tshul khrims su lta ba la rten pas tshul khrims yongs su dag par mi 'gyur te/ de ltar byang chub sems dpa' sems dpa' chen pos tshul khrims su lta ba la mngon par zhen par mi bya'o/ /de la byang chub sems dpa' sems dpa' chen pos ji ltar</font><hr>34.185b<br><font size=+1>

yang chos rnams stong ngo zhes bya bas sgyid lug par mi bya ste/ 'di ltar chos thams cad ni rang gi mtshan nyid kyis stong gi /stong pa nyid kyis stong pa ni ma yin pa'i phyir te/ de ltar byang chub sems dpa' sems dpa' chen pos chos rnams stong ngo zhes bya bas sgyid lug par mi bya'o/ /de la byang chub sems dpa' sems dpa' chen pos ji ltar yang stong pa nyid dang 'gal bar mi bya ste/ 'di ltar rang gi mtshan nyid kyis stong pa nyid stong pas stong pa nyid ni stong pa nyid dang 'gal bar mi byed pa'i phyir te/ de ltar byang chub sems dpa' sems dpa' chen pos stong pa nyid dang 'gal bar mi bya'o/ /de la byang chub sems dpa' sems dpa' chen pos ji ltar yang stong pa nyid rtogs par bya ste/ 'di ltar stong pa nyid kyis stong pa nyid stong gi /stong pa nyid la stong pa nyid rtogs par mi byed pa'i phyir te/ de ltar byang chub sems dpa' sems dpa' chen pos stong pa nyid rtogs par bya'o/ /de la byang chub sems dpa' sems dpa' chen po'i mtshan ma med pa mngon sum du byas gang zhe na/ 'di lta ste/ chos thams cad yid la mi byed pa'o/ /de la byang chub sems dpa' sems dpa' chen po'i smon pa med pa shes pa gang zhe na/ gang khams gsum pa'i sems can thams cad la mi gnas pa'o/ /de la byang chub sems dpa' sems dpa' chen po'i 'khor gsum yongs su dag pa gang zhe na/ 'di lta ste/ dge ba bcu'i las kyi lam yongs su rdzogs pa'o/ /de la byang chub sems dpa' sems dpa' chen po'i sems can thams cad la snying brtse zhing snying rje ba yongs su rdzogs pa gang zhe na/ 'di lta ste/ snying rje chen po thob pa'o/ /de la byang chub sems dpa' sems dpa' chen pos ji ltar sems can thams cad la brnyas par mi bya zhe na/ 'di lta ste/ sems can gyi zhing yongs su dag pa'i phyir ro/ /de la byang chub sems dpa' sems dpa' chen</font><hr>34.186a<br><font size=+1>

po'i chos thams cad la mnyam pa nyid du lta ba gang zhe na/ 'di lta ste/ chos thams cad la bsnan pa med pa dang / dbri ba med pa'i phyir ro/ /de la byang chub sems dpa' sems dpa' chen po'i yang dag pa'i tshul rtogs pa gang zhe na/ gang chos thams cad rab tu rtogs pa med pa'o/ /de la byang chub sems dpa' sems dpa' chen po'i mi skye bar bzod pa gang zhe na/ gang chos thams cad skye ba med pa dang / 'gag pa med pa dang / mngon par 'du bya ba med par bzod pa ste/ de ni mi skye bar bzod pa'o/ /de la byang chub sems dpa' sems dpa' chen po'i mi skye ba shes pa gang zhe na/ gang ming dang gzugs mi skye ba shes pa ste/ de ni byang chub sems dpa' sems dpa' chen po'i mi skye ba shes pa'o/ /de la byang chub sems dpa' sems dpa' chen po'i tshul gcig tu bstan pa gang zhe na/ gang chos gnyis su kun du spyod pa med pa nyid de/ de ni tshul gcig tu bstan pa'o/ /de la byang chub sems dpa' sems dpa' chen po'i rtog pa yang dag par gzhom pa gang zhe na/ gang chos thams cad la rtog pa med pa'o/ /de la byang chub sems dpa' sems dpa' chen po'i lta ba bzlog pa gang zhe na/ gang nyan thos dang rang sangs rgyas kyi lta ba thams cad bzlog pa'o/ /de la byang chub sems dpa' sems dpa' chen po'i nyon mongs pa bzlog pa gang zhe na/ gang bag chags dang / mtshams sbyor ba dang / nyon mongs pa thams cad 'dor ba'o/ /de la byang chub sems dpa' sems dpa' chen po'i zhi gnas dang lhag mthong gi sa gang zhe na/ 'di lta ste/ rnam pa thams cad mkhyen pa nyid kyi ye shes so/ /de la byang chub sems dpa' sems dpa' chen po'i sems dul ba gang zhe na/ gang khams gsum la mngon par dga' ba med pa'o/ /de la byang chub sems dpa' sems dpa' chen po'i sems zhi ba gang zhe na/ gang dbang po drug po dag nas rab tu mi 'phro ba'o/ /de la byang chub sems dpa' sems</font><hr>34.186b<br><font size=+1>

dpa' chen po'i shes pa thogs pa med pa gang zhe na/ gang sangs rgyas kyi spyan thob pa'o/ /de la byang chub sems dpa' sems dpa' chen po'i rjes su chags pa la mi 'jug pa'i shes pa gang zhe na/ skye mched drug la btang snyoms su 'jog pa'o/ /de la byang chub sems dpa' sems dpa' chen po'i zhing gang du 'dod par 'gro ba gang zhe na/ 'khor gyi dkyil 'khor de dang der lus ston pa'o/ /de la byang chub sems dpa' sems dpa' chen po'i sems can thams cad kyi sems la 'jug pa gang zhe na/ gang sems gcig gis sems can thams cad kyi sems dang sems las byung ba rnams shes pa'o/ /de la byang chub sems dpa' sems dpa' chen po'i mngon par shes pas rnam par rtse ba gang zhe na/ sangs rgyas blta ba'i phyir/ mngon par shes pa gang dag gis rnam par rtse zhing / sangs rgyas kyi zhing nas sangs rgyas kyi zhing du 'gro la/ sangs rgyas kyi 'du shes kyang mi bskyed pa'o/ /de la byang chub sems dpa' sems dpa' chen po'i sangs rgyas kyi zhing la lta ba gang zhe na/ gang sangs rgyas kyi zhing gcig nas kyang ma g.yos la/ sangs rgyas kyi zhing thams cad na yang snang zhing de sangs rgyas kyi zhing gi 'du shes kyang mi bskyed pa'o/ /de la byang chub sems dpa' sems dpa' chen po'i sangs rgyas kyi zhing ji ltar mthong ba de dag yongs su sgrub pa gang zhe na/ stong gsum gyi stong chen po'i 'jig rten gyi khams kyi dbang phyug 'khor los sgyur ba'i sa la gnas nas/ sems can yongs su smin par bya ba'i phyir 'jig rten gyi khams de thams cad yongs su gtong zhing / des rlom sems su yang mi byed pa'o/ /de la byang chub sems dpa' sems dpa' chen po'i sangs rgyas la bsnyen bkur byed pa gang zhe na sems can thams cad la phan gdags pa'i phyir gang chos la bsnyen bkur byed pa'o/ /de la byang chub sems dpa' sems dpa' chen po'i sangs rgyas kyi sku la yang dag pa ji lta ba bzhin du brtag pa gang zhe na/ chos kyi sku la yang dag pa ji</font><hr>34.187a<br><font size=+1>

lta ba bzhin du rtog pa'o/ /de la byang chub sems dpa' sems dpa' chen po'i dbang po mchog dang mchog ma yin pa shes pa gang zhe na/ stobs bcu la gnas nas/ sems can thams cad kyi dbang po yongs su rdzogs par shes pa'o/ /de la byang chub sems dpa' sems dpa' chen po'i sangs rgyas kyi zhing yongs su dag par bya ba gang zhe na/ mi dmigs pa'i tshul gyis sems can thams cad kyi sems yongs su dag par byed pa'o/ /de la byang chub sems dpa' sems dpa' chen po'i sgyu ma lta bu'i ting nge 'dzin gang zhe na/ byang chub sems dpa' sems dpa' chen po'i ting nge 'dzin gang la gnas nas/ bya ba thams cad byed la de'i sems chos gang la yang mi 'jug pa'o/ /de la byang chub sems dpa' sems dpa' chen po rgyun mi 'chad par snyoms par 'jug pa gang zhe na/ gang byang chub sems dpa' sems dpa' chen po'i rnam par smin pa las byung ba'i ting nge 'dzin to/ /de la ji ltar byang chub sems dpa' sems dpa' chen po ji lta ji lta bur sems can rnams kyi dge ba'i rtsa ba yongs su 'grub par 'gyur ba de lta de lta bu'i lus yongs su sgrub ce na/ 'di la byang chub sems dpa' sems dpa' chen pos ji lta ji lta bur sems can yongs su smin par 'gyur ba de lta de lta bu'i lus bsams bzhin du yongs su 'dzin pa'o/ /de la byang chub sems dpa' sems dpa' chen po ji ltar bsams bzhin du srid pa nye bar len ce na/ 'di lta ste/ sems can yongs su smin par bya ba'i phyir ro/ /de la byang chub sems dpa' sems dpa' chen pos smon lam ji lta ji lta bur 'debs pa de lta de lta bur 'grub par 'gyur ba ji lta bu zhe na/ 'di la byang chub sems dpa' sems dpa' chen pos pha rol du phyin pa drug po dag yongs su rdzogs par byas pas smon lam ji lta ji lta bur 'debs pa de lta de lta bur 'grub par 'gyur ro/ /de la byang chub sems dpa' sems dpa' chen pos lha dang / klu dang / gnod sbyin dang / </font><hr>34.187b<br><font size=+1>

dri za dang / lha ma yin dang / nam mkha' lding dang / mi 'am ci dang / lto 'phye chen po'i skad shes pa khong du chud pa ji lta bu zhe na/ 'di lta ste/ nges pa'i tshig so so yang dag par rig pa'o/ /de la byang chub sems dpa' sems dpa' chen pos sbobs pa'i klung khong du chud pa ji lta bu zhe na/ 'di lta ste/ spobs pa so so yang dag par rig pa'o/ /de la byang chub sems dpa' sems dpa' chen po'i mngal du 'jug pa phun sum tshogs pa gang zhe na/ 'di la byang chub sems dpa' sems dpa' chen po tshe rabs thams cad du rdzus shing skye ba ste/ de ni byang chub sems dpa' sems dpa' chen po'i mngal du 'jug pa phun sum tshogs pa yin no/ /de la byang chub sems dpa' sems dpa' chen po'i rigs phun sum tshogs pa gang zhe na/ byang chub sems dpa' sems dpa' chen po rigs chen po dag tu skye ba ste/ de ni byang chub sems dpa' sems dpa' chen po'i rigs phun sum tshogs pa yin no/ /de la byang chub sems dpa' sems dpa' chen po'i cho rigs phun sum tshogs pa gang zhe na/ byang chub sems dpa' sems dpa' chen po rgyal rigs shing sA la chen po lta bu dag dang / bram ze'i rigs shing sA la chen po lta bu dag tu skye ba ste/ de ni byang chub sems dpa' sems dpa' chen po'i cho rigs phun sum tshogs pa yin no/ /de la byang chub sems dpa' sems dpa' chen po'i rus phun sum tshogs pa gang zhe na/ rigs gang las sngon gyi byang chub sems dpa' sems dpa' chen po dag byung bar gyur pa ste/ de ni byang chub sems dpa' sems dpa' chen po'i rus phun sum tshogs pa yin no/ /de la byang chub sems dpa' sems dpa' chen po'i 'khor phun sum tshogs pa gang zhe na/ 'di lta ste/ sems can rnams byang chub tu bkod nas/ byang chub sems dpa'i 'khor nyid dang ldan pa ste/ de ni byang chub sems dpa' sems dpa' chen po'i 'khor phun sum tshogs pa yin no/ /de la byang chub sems</font><hr>34.188a<br><font size=+1>

dpa' sems dpa' chen po'i skye ba phun sum tshogs pa gang zhe na/ skyes ma thag tu 'jig rten gyi khams thams cad snang bas khyab par 'gyur zhing / de dag kyang rnam pa drug tu g.yo bar 'gyur ba ste/ de ni byang chub sems dpa' sems dpa' chen po'i skye ba phun sum tshogs pa yin no/ /de la byang chub sems dpa' sems dpa' chen po'i mngon par 'byung ba phun sum tshogs pa gang zhe na/ byang chub sems dpa' sems dpa' chen po sems can bye ba khrag khrig phrag 'bum phrag du ma dag dang / khyim nas rab tu 'byung zhing mngon par 'byung la/ sems can de dag kyang theg pa gsum po dag la nges par 'gyur ba ste/ de ni byang chub sems dpa' sems dpa' chen po'i mngon par 'byung ba phun sum tshogs pa yin no/ /de la byang chub sems dpa' sems dpa' chen po'i byang chub kyi shing gi bkod pa phun sum tshogs pa gang zhe na/ byang chub kyi shing gi rtsa ba ni/ gser las grub pa/ sdong po ni bai dUr+ya las grub pa/ yal ga dang / lo ma dang 'dab ma rnams ni rin po che sna bdun las grub pa yin la/ yal ga dang lo ma dang 'dab ma de dag gis phyogs bcu'i 'jig rten gyi khams mtha' yas pa'i bar dag tu snang bas khyab par byed pa ste/ de ni byang chub sems dpa' sems dpa' chen po'i byang chub kyi shing gi bkod pa phun sum tshogs pa yin no/ /de la byang chub sems dpa' sems dpa' chen po'i yon tan thams cad yongs su rdzogs pa phun sum tshogs pa gang zhe na/ byang chub sems dpa' sems dpa' chen po'i sems can yongs su smin par byas pas/ sangs rgyas kyi zhing yongs su dag pa ste/ de ni byang chub sems dpa' sems dpa' chen po'i yon tan thams cad yongs su rdzogs pa phun sum tshogs pa yin no/ /de la byang chub sems dpa' sems dpa' chen po sa bcu pa la gnas pa ji ltar na de bzhin gshegs pa nyid ces bya zhe na/ byang chub sems dpa'</font><hr>34.188b<br><font size=+1>

sems dpa' chen po gang gi tshe pha rol du phyin pa bcu po dag yongs su rdzogs par gyur pa dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi ye shes kyi bar dag yongs su rdzogs par gyur pa dang / bag chags dang mtshams sbyor ba dang / nyon mongs pa thams cad spangs pa dang / sangs rgyas kyi chos thams cad yongs su rdzogs par gyur pa'i phyir te/ rab 'byor de ltar na byang chub sems dpa' sems dpa' chen po sa bcu pa la gnas pa ni de bzhin gshegs pa nyid ces bya'o/ /rab 'byor de la byang chub sems dpa' sems dpa' chen po'i sa bcu po dag gang zhe na/ rab 'byor 'di la byang chub sems dpa' sems dpa' chen po thabs la mkhas pa pha rol du phyin pa drug po thams cad la spyod pa byang chub kyi phyogs kyi chos sum bcu rtsa bdun po dag la bslabs pa/ sangs rgyas kyi chos ma 'dres pa bcwa brgyad kyi bar dag la spyod pa ni dkar po rnam par mthong ba'i sa las yang dag par 'da' zhing / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa dang byang chub sems dpa'i sa ste/ rab 'byor byang chub sems dpa' sems dpa' chen po ni sa dgu po 'di dag las 'das nas/ sangs rgyas kyi sa la gnas par 'gyur te/ rab 'byor de dag ni byang chub sems dpa' sems dpa' chen po'i sa bcu yin no/ /rab 'byor de ltar na byang chub sems dpa' sems dpa' chen po ni theg pa chen po la yang dag par zhugs pa yin no/ /shes rab kyi pha rol du phyin pa khri brgyad stong pa las/ sa yongs su sbyang ba bya ba'i le'u zhes bya ste/ bcu bdun pa'o// // rab 'byor gang khyod 'di skad du theg pa de gang nas nges par 'byung bar 'gyur zhes zer ba ni khams gsum nas nges par</font><hr>34.189a<br><font size=+1>

'byung bar 'gyur zhing / rnam pa thams cad mkhyen pa nyid ga la ba der gnas par 'gyur te/ de yang gnyis su med pa'i tshul gyis gnas par 'gyur ro/ /de ci'i phyir zhe na/ rab 'byor 'di ltar theg pa chen po gang yin pa dang / rnam pa thams cad mkhyen pa nyid gang yin pa'i chos 'di gnyis ni ldan pa yang ma yin mi ldan pa yang ma yin te/ gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa'o/ /de ci'i phyir zhe na/ rab 'byor mtshan nyid med pa'i chos la ni nges par 'byung ba 'am/ nges par 'byung bar 'gyur ba 'am/ nges par 'byung bar gyur pa med pa'i phyir ro/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni de bzhin nyid la nges par 'byung bar 'dod du zad do/ /rab 'byor de bzhin du mtshan nyid med pa'i chos rnams la nges par 'byung bar 'dod pa gang yin pa de ni yang dag pa'i mtha' dang / bsam gyis mi khyab pa'i dbyings dang / spong ba'i dbyings dang / 'dod chags dang bral ba'i dbyings dang / 'gog pa'i dbyings la nges par 'byung bar 'dod du zad do/ de ci'i phyir zhe na/ rab 'byor de bzhin nyid kyi ngo bo nyid ni khams gsum nas nges par 'byung bar mi 'gyur ba'i phyir ro/ /de ci'i phyir zhe na/ de bzhin nyid ni de bzhin nyid kyi ngo bo nyid kyis stong pa'i phyir ro/ /'gog pa'i dbyings kyi bar du yang de bzhin du sbyar ro/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni gzugs kyi stong pa nyid la nges par 'byung bar 'dod du zad do/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni tshor ba dang / 'du shes dang / 'du byed rnams dang / rnam par shes pa'i stong pa nyid la nges par 'byung bar 'dod du zad do/ /de ci'i phyir zhe na/ rab 'byor</font><hr>34.189b<br><font size=+1>

gzugs kyi stong pa nyid ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba'i phyir ro/ /tshor ba'i stong pa nyid dang / 'du shes kyi stong pa nyid dang / 'du byed kyi stong pa nyid dang / rnam par shes pa'i stong pa nyid ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor 'di ltar gzugs ni gzugs kyis stong / tshor ba dang / 'du shes dang / 'du byed rnams dang / rnam par shes pa ni rnam par shes pas stong pa'i phyir ro/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni mig gi stong pa nyid la nges par 'byung bar 'dod du zad do/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni rna ba dang / sna dang / lce dang / lus dang / yid kyi stong pa nyid la nges par 'byung bar 'dod du zad do/ /rab 'byor de bzhin du mtshan nyid med pa'i chos rnams la nges par 'byung bar 'dod pa gang yin pa de ni gzugs kyi stong pa nyid dang / sgra dang / dri dang / ro dang / reg bya dang / chos kyi stong pa nyid dang / mig gi rnam par shes pa'i stong pa nyid dang / rna ba dang / sna dang / lce dang / lus dang / yid kyi rnam par shes pa'i stong pa nyid dang / mig gi 'dus te reg pa'i stong pa nyid dang / rna ba dang / sna dang / lce dang / lus dang / yid kyi 'dus te reg pa'i stong pa nyid dang / mig gi 'dus te reg pa las byung ba'i tshor ba'i stong pa nyid dang / rna ba dang / sna dang / lce dang / lus dang / yid kyi 'dus te reg pa las byung ba'i tshor ba'i stong pa nyid la nges par 'byung bar 'dod du zad do/ /de ci'i phyir zhe na/ rab 'byor mig gi stong pa nyid ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba'i phyir ro/ /de bzhin du sbyar te/ yid kyi 'dus te reg pa las byung ba'i tshor ba'i stong</font><hr>34.190a<br><font size=+1>

pa nyid kyi bar ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor 'di ltar mig ni mig gis stong pa'i phyir ro/ /de bzhin du sbyar te/ yid kyi 'dus te reg pa las byung ba'i tshor ba'i bar dag kyang / yid kyi 'dus te reg pa las byung ba'i tshor bas stong pa'i phyir ro/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni rmi lam la nges par 'byung bar 'dod du zad do/ /rab 'byor de bzhin du mtshan nyid med pa'i chos rnams la nges par 'byung bar 'dod pa gang yin pa de ni sgyu ma dang / smig rgyu dang / brag cha dang / mig yor dang / de bzhin gshegs pas sprul pa la nges par 'byung bar 'dod du zad do/ /de ci'i phyir zhe na/ rab 'byor rmi lam gyi rang bzhin ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba dang rab 'byor de bzhin du sgyu ma'i rang bzhin dang / smig rgyu dang / brag cha dang / mig yor dang / de bzhin gshegs pas sprul pa'i rang bzhin ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor 'di ltar rmi lam gyi rang bzhin ni rmi lam gyi rang bzhin gyis stong pa dang / sgyu ma'i rang bzhin ni sgyu ma'i rang bzhin gyis stong pa dang / smig rgyu'i rang bzhin ni smig rgyu'i rang bzhin gyis stong pa dang / brag cha'i rang bzhin ni brag cha'i rang bzhin gyis stong pa dang / mig yor gyi rang bzhin ni mig yor gyi rang bzhin gyis stong pa dang / de bzhin gshegs pas sprul pa'i rang bzhin ni de bzhin gshegs pas sprul pa'i rang bzhin gyis stong pa'i phyir ro/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni sbyin pa'i pha rol du phyin pa la nges par 'byung</font><hr>34.190b<br><font size=+1>

bar 'dod du zad do/ /rab 'byor de bzhin du mtshan nyid med pa'i chos rnams la nges par 'byung bar 'dod pa gang yin pa de ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la nges par 'byung bar 'dod du zad do/ /de ci'i phyir zhe na/ rab 'byor sbyin pa'i pha rol du phyin pa'i rang bzhin ni khams gsum nas nges par 'byung bar mi 'gyur zhing rnam pa thams cad mkhyen pa nyid la gnas par mi 'gyur ba dang / de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i rang bzhin ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor 'di ltar sbyin pa'i pha rol du phyin pa'i rang bzhin ni sbyin pa'i pha rol du phyin pa'i rang bzhin gyis stong pa dang / de bzhin du sbyar te tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha roladu phyin pa dang / shes rab kyi pha rol du phyin pa'i rang bzhin ni shes rab kyi pha rol du phyin pa'i rang bzhin gyis stong pa'i phyir ro/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni nang stong pa nyid la nges par 'byung bar 'dod du zad do/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni dngos po med pa'i ngo bo nyid stong pa nyid kyi bar dag la/ nges par 'byung bar 'dod du zad do/ /de ci'i phyir zhe na/ rab 'byor 'di ltar nang stong pa nyid kyi rang bzhin dang / dngos po med pa'i ngo bo nyid stong pa nyid kyi bar gyi rang bzhin ni khams gsum nas nges par 'byung bar mi 'gyur zhing / </font><hr>34.191a<br><font size=+1>

rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor 'di ltar nang stong pa nyid kyi rang bzhin ni nang stong pa nyid kyi rang bzhin gyis stong pa dang / dngos po med pa'i ngo bo nyid stong pa nyid kyi bar gyi rang bzhin ni dngos po med pa'i ngo bo nyid stong pa nyid kyi bar gyi rang bzhin gyis stong pa'i phyir ro/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni dran pa nye bar gzhag pa rnams la nges par 'byung bar 'dod du zad do/ /de ci'i phyir zhe na/ rab 'byor 'di ltar dran pa nye bar gzhag pa rnams kyi rang bzhin ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor 'di ltar dran pa nye bar gzhag pa rnams kyi rang bzhin ni/ dran pa nye bar gzhag pa rnams kyi rang bzhin gyis stong pa'i phyir ro/ /rab 'byor de bzhin du mtshan nyid med pa'i chos rnams la nges par 'byung bar 'dod pa gang yin pa de ni yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam la nges par 'byung bar 'dod du zad do/ /de ci'i phyir zhe na/ rab 'byor 'di ltar lam gyi bar gyi rang bzhin gang yin pa de ni khams gsum nas nges par 'byung bar mi 'gyur zhing rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor lam ni lam gyis stong pa'i phyir ro/ /rab 'byor de bzhin du mtshan nyid med pa'i chos rnams la nges par 'byung bar 'dod pa gang yin pa de ni stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la nges par 'byung bar 'dod du zad do/ /de ci'i phyir zhe na/ rab 'byor 'di ltar sangs rgyas kyi chos rnams kyi rang bzhin gang yin pa de ni khams gsum nas nges</font><hr>34.191b<br><font size=+1>

par 'byung bar mi 'gyur zhing / rnam pa thams cad mkhyen pa nyid la gnas par mi 'gyur pa'i phyir ro/ /de ci'i phyir zhe na/ rab 'byor 'di ltar sangs rgyas kyi chos rnams ni sangs rgyas kyi chos rnams kyis stong pa'i phyir ro/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni dgra bcom pa la nges par 'byung bar 'dod du zad do/ /rab 'byor de bzhin du mtshan nyid med pa'i chos rnams la nges par 'byung bar 'dod pa gang yin pa de dag ni rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas la nges par 'byung bar 'dod du zad do/ /de ci'i phyir zhe na/ rab 'byor 'di ltar dgra bcom pa'i rang bzhin gang yin pa dang rang sangs rgyas kyi rang bzhin gang yin pa dang byang chub sems dpa'i rang bzhin gang yin pa dang / de bzhin gshegs pa dgra bcom pa yang dag par rdzogs pa'i sangs rgyas kyi rang bzhin gang yin pa de ni khams gsum nas nges par 'byung bar mi 'gyur zhing rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor 'di ltar dgra bcom pa'i rang bzhin ni dgra bcom pa'i rang bzhin gyis stong / rang sangs rgyas kyi rang bzhin ni rang sangs rgyas kyi rang bzhin gyis stong / byang chub sems dpa'i rang bzhin ni byang chub sems dpa'i rang bzhin gyis stong / de bzhin gshegs pa'i rang bzhin ni de bzhin gshegs pa'i rang bzhin gyis stong pa'i phyir ro/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni rgyun du zhugs pa'i 'bras bu la nges par 'byung bar 'dod du zad do/ /rab 'byor de bzhin du mtshan nyid med pa'i chos rnams la nges par 'byung bar 'dod pa gang yin pa de ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / </font><hr>34.192a<br><font size=+1>

rnam pa thams cad mkhyen pa nyid du nges par 'byung bar 'dod du zad do/ /de ci'i phyir zhe na/ rab 'byor 'di ltar rgyun du zhugs pa'i 'bras bu'i rang bzhin gang yin pa de ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba dang / de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid kyi rang bzhin gang yin pa de ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor 'di ltar rgyun du zhugs pa'i 'bras bu ni/ rgyun du zhugs pa'i 'bras bus stong pa dang / de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang lam gyi rnam pa shes pa nyid dang / rnam pa thams cad mkhyen pa nyid ni rnam pa thams cad mkhyen pa nyid kyis stong pa'i phyir ro/ /rab 'byor mtshan nyid med pa'i chos rnams la nges par 'byung par 'dod pa gang yin pa de ni ming la nges par 'byung bar 'dod du zad do/ /rab 'byor de bzhin du mtshan nyid med pa'i chos rnams la nges par 'byung bar 'dod pa gang yin pa de ni mtshan ma dang brda dang / tha snyad dang / gdags pa la nges par 'byung bar 'dod du zad do/ /de ci'i phyir zhe na/ rab 'byor 'di ltar gdags pa'i rang bzhin ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor 'di ltar gdags pa ni gdags pa'i rang bzhin gyis stong pa'i phyir ro/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni skye ba med pa la nges par</font><hr>34.192b<br><font size=+1>

'byung bar 'dod du zad do/ /rab 'byor mtshan nyid med pa'i chos rnams la nges par 'byung bar 'dod pa gang yin pa de ni 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du byed pa med pa la nges par 'byung bar 'dod du zad do/ /de ci'i phyir zhe na/ rab 'byor 'di ltar mngon par 'du byed pa med pa'i rang bzhin gang yin pa de ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur ba'i phyir ro/ /de ci'i phyir zhe na/ rab 'byor 'di ltar mngon par 'du byed pa med pa ni/ mngon par 'du byed pa med pas stong pa'i phyir ro/ /rab 'byor de ltar na theg pa chen po de ni khams gsum nas nges par 'byung bar mi 'gyur zhing / rnam pa thams cad mkhyen pa nyid la gnas par mi 'gyur te/ theg pa de ni bskyod du med pa yin no/ /shes rab kyi pha rol du phyin pa khri brgyad stong pa/ bam po bcu bzhi pa/ rab 'byor gang khyod 'di skad du theg pa de gang du gnas par 'gyur zhes zer ba ni theg pa de gang du yang gnas par 'gyur ba med do/ /de ci'i phyir zhe na/ 'di ltar chos thams cad gnas pa med pa'i phyir ro/ /rab 'byor 'on kyang theg pa de ni mi gnas pa'i tshul gyis gnas par 'gyur ro/ /rab 'byor 'di lta ste dper na/ de bzhin nyid ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste dper na yang dag pa'i mtha' dang / bsam gyis mi khyab pa'i dbyings ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /</font><hr>34.193a<br><font size=+1>

de ci'i phyir zhe na/ rab 'byor de bzhin nyid kyi rang bzhin ni gnas pa 'am mi gnas pa ma yin zhing / yang dag pa'i mtha'i rang bzhin dang / bsam gyis mi khyab pa'i dbyings kyi rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar de bzhin nyid kyi rang bzhin ni de bzhin nyid kyi rang bzhin gyis stong pa dang / de bzhin du yang dag pa'i mtha'i rang bzhin ni yang dag pa'i mtha'i rang bzhin gyis stong pa dang / bsam gyis mi khyab pa'i dbyings kyi rang bzhin ni bsam gyis mi khyab pa'i dbyings kyi rang bzhin gyis stong pa'i phyir ro/ /rab 'byor 'di lta ste dper na/ nam mkha'i khams ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na spong ba'i dbyings dang / 'dod chags dang bral ba'i dbyings dang / 'gog pa'i dbyings ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor nam mkha'i khams kyi rang bzhin ni gnas pa 'am mi gnas pa ma yin pa dang / spong ba'i dbyings kyi rang bzhin dang / 'dod chags dang bral ba'i dbyings kyi rang bzhin dang / 'gog pa'i dbyings kyi rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar nam mkha'i khams kyi rang bzhin ni nam mkha'i khams kyi rang bzhin gyis stong pa dang / spong ba'i dbyings kyi rang bzhin ni spong ba'i dbyings kyi rang bzhin gyis stong pa dang / 'dod chags dang bral ba'i dbyings kyi rang bzhin ni 'dod chags dang bral ba'i dbyings kyi rang bzhin gyis stong pa dang / 'gog pa'i dbyings kyi rang bzhin ni 'gog pa'i dbyings kyi rang bzhin gyis stong pa'i phyir ro/ /rab 'byor 'di lta ste</font><hr>34.193b<br><font size=+1>

dper na/ gzugs kyi stong pa nyid ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na/ tshor ba'i stong pa nyid dang / 'du shes kyi stong pa nyid dang / 'du byed rnams kyi stong pa nyid dang / rnam par shes pa'i stong pa nyid ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor gzugs kyi rang bzhin ni gnas pa 'am mi gnas pa ma yin pa dang / rnam par shes pa'i rang bzhin gyi bar du gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar gzugs ni gzugs kyis stong pa dang / rnam par shes pa'i bar du rnam par shes pas stong pa'i phyir ro/ /rab 'byor 'di lta ste dper na/ mig gi stong pa nyid ni gnas pa yang ma yin mi gnas pa yang ma yin no/ /yid kyi stong pa nyid kyi bar du gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor mig gi rang bzhin ni gnas pa 'am mi gnas pa ma yin pa dang / yid kyi rang bzhin gyi bar du gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar mig ni mig gis stong pa dang / yid kyi bar du yid kyis stong pa'i phyir ro/ /rab 'byor 'di lta ste dper na/ gzugs kyi stong pa nyid ni gnas pa yang ma yin mi gnas pa yang ma yin no/ /chos kyi stong pa nyid kyi bar du gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor gzugs kyi rang bzhin ni gnas pa 'am mi gnas pa ma yin pa dang / chos kyi rang bzhin gyi bar du</font><hr>34.194a<br><font size=+1>

gnas pa 'am mi gnas pa ma yin pa'i phyir ro/ /de ci'i phyir zhe na/ rab 'byor 'di ltar gzugs ni gzugs kyis stong pa dang / chos rnams kyi bar ni chos rnams kyis stong pa'i phyir ro/ /rab 'byor 'di lta ste dper na/ mig gi rnam par shes pa'i stong pa nyid ni gnas pa yang ma yin/ mi gnas pa yang ma yin no/ /yid kyi rnam par shes pa'i stong pa nyid kyi bar du gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor mig gi rnam par shes pa'i rang bzhin ni gnas pa 'am mi gnas pa ma yin pa dang / yid kyi rnam par shes pa'i rang bzhin gyi bar du gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar mig gi rnam par shes pa ni mig gi rnam par shes pas stong pa dang / yid kyi rnam par shes pa'i bar du yid kyi rnam par shes pas stong pa'i phyir ro/ /rab 'byor 'di lta ste dper na/ mig gi 'dus te reg pa'i stong pa nyid ni gnas pa yang ma yin mi gnas pa yang ma yin no/ /yid kyi 'dus te reg pa'i stong pa nyid kyi bar du gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor mig gi 'dus te reg pa'i rang bzhin ni gnas pa 'am mi gnas pa ma yin pa dang / yid kyi 'dus te reg pa'i rang bzhin gyi bar du gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar mig gi 'dus te reg pa ni mig gi 'dus te reg pas stong pa dang / yid kyi 'dus te reg pa'i bar du yid kyi 'dus te reg pas stong pa'i phyir ro/ /rab 'byor 'di lta ste dper na/ mig gi 'dus te reg pa'i rkyen gyis tshor ba'i stong pa nyid ni gnas pa yang ma yin mi gnas</font><hr>34.194b<br><font size=+1>

pa yang ma yin no/ /yid kyi 'dus te reg pa'i rkyen gyis tshor ba'i stong pa nyid kyi bar du gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor de ci'i phyir zhe na/ mig gi 'dus te reg pa'i rkyen gyis tshor ba'i rang bzhin ni gnas pa 'am mi gnas pa ma yin pa dang / yid kyi 'dus te reg pa'i rkyen gyis tshor ba'i rang bzhin gyi bar du gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar mig gi 'dus te reg pa'i rkyen gyis tshor ba ni mig gi 'dus te reg pa'i rkyen gyis tshor bas stong pa dang / yid kyi 'dus te reg pa'i rkyen gyis tshor ba'i bar du yid kyi 'dus te reg pa'i rkyen gyis tshor bas stong pa'i phyir ro/ /rab 'byor 'di lta ste dper na/ rmi lam ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na/ sgyu ma dang / smig rgyu dang / brag cha dang / mig yor dang / de bzhin gshegs pas sprul pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor rmi lam gyi rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar rmi lam gyi rang bzhin ni rmi lam gyi rang bzhin gyis stong pa'i phyir ro/ /sgyu ma dang / smig rgyu dang / brag cha dang / mig yor dang / de bzhin gshegs pas sprul pa ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar sgyu ma'i rang bzhin ni sgyu ma'i rang bzhin gyis stong pa dang / smig rgyu'i rang bzhin ni smig rgyu'i rang bzhin gyis stong pa dang / brag cha'i rang bzhin ni brag cha'i rang bzhin gyis stong pa dang / mig yor gyi rang bzhin ni mig yor gyi rang bzhin gyis stong pa dang / de bzhin gshegs pas</font><hr>34.195a<br><font size=+1>

sprul pa'i rang bzhin ni de bzhin gshegs pas sprul pa'i rang bzhin gyis stong pa'i phyir ro/ /rab 'byor 'di lta ste dper na/ sbyin pa'i pha rol du phyin pa ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor sbyin pa'i pha rol du phyin pa'i rang bzhin ni gnas pa 'am mi gnas pa ma yin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar sbyin pa'i pha rol du phyin pa'i rang bzhin ni/ sbyin pa'i pha rol du phyin pa'i rang bzhin gyis stong pa dang / shes rab kyi pha rol du phyin pa'i rang bzhin gyi bar du shes rab kyi pha rol du phyin pa'i rang bzhin gyis stong pa'i phyir ro/ /rab 'byor 'di lta ste dper na/ nang stong pa nyid ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste dper na/ dngos po med pa'i ngo bo nyid stong pa nyid kyi bar du gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor nang </font><hr>34.195b<br><font size=+1>

stong pa nyid kyi rang bzhin ni gnas pa 'am mi gnas pa ma yin pa dang / dngos po med pa'i ngo bo nyid stong pa nyid kyi rang bzhin gyi bar du gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar nang stong pa nyid kyi rang bzhin ni nang stong pa nyid kyi rang bzhin gyis stong pa dang / dngos po med pa'i ngo bo nyid stong pa nyid kyi rang bzhin gyi bar du dngos po med pa'i ngo bo nyid stong pa nyid kyi rang bzhin gyis stong pa'i phyir ro/ /rab 'byor 'di lta ste dper na/ dran pa nye bar gzhag pa rnams ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor dran pa nye bar gzhag pa'i rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar dran pa nye bar gzhag pa'i rang bzhin ni dran pa nye bar gzhag pa'i rang bzhin gyis stong pa'i phyir ro/ /rab 'byor 'di lta ste dper na/ 'phags pa'i lam yan lag brgyad pa'i bar du gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor 'di ltar 'phags pa'i lam yan lag brgyad pa'i bar gyi rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar lam ni lam gyis stong pa'i phyir ro/ /rab 'byor 'di lta ste dper na/ de bzhin gshegs pa'i stobs bcu ni gnas pa yang ma yin mi gnas pa yang ma yin no/ /sangs rgyas kyi chos ma 'dres pa bcwa brgyad kyi bar du gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor de bzhin gshegs pa'i stobs bcu'i rang bzhin ni gnas pa 'am mi gnas pa ma yin pa dang / sangs rgyas kyi</font><hr>34.196a<br><font size=+1>

chos ma 'dres pa bcwa brgyad kyi bar gyi rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar de bzhin gshegs pa'i stobs bcu ni de bzhin gshegs pa'i stobs rnams kyis stong pa dang / sangs rgyas kyi chos ma 'dres pa'i bar dag ni sangs rgyas kyi chos ma 'dres pa rnams kyis stong pa'i phyir ro/ /rab 'byor 'di lta ste dper na dgra bcom pa zag pa zad pa ni gnas pa yang ma yin/ mi gnas pa yang ma yin no/ /rang sangs rgyas ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor dgra bcom pa'i rang bzhin ni gnas pa 'am mi gnas pa ma yin pa dang / rang sangs rgyas kyi rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar dgra bcom pa'i rang bzhin ni dgra bcom pa'i rang bzhin gyis stong pa dang / rang sangs rgyas kyi rang bzhin ni rang sangs rgyas kyi rang bzhin gyis stong pa'i phyir ro/ /rab 'byor 'di lta ste dper na/ byang chub sems dpa' sems dpa' chen po ni gnas pa yang ma yin mi gnas pa yang ma yin no/ /de bzhin gshegs pa dgra bcom pa yang dag par rdzogs pa'i sangs rgyas ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor byang chub sems dpa'i rang bzhin ni gnas pa 'am mi gnas pa ma yin pa dang / de bzhin gshegs pa'i rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar byang chub sems dpa'i rang bzhin ni byang chub sems dpa'i rang bzhin gyis stong pa dang / de bzhin gshegs pa'i rang bzhin ni de bzhin gshegs pa'i rang bzhin gyis stong pa'i phyir ro/ /rab 'byor 'di lta ste dper na/ </font><hr>34.196b<br><font size=+1>

rgyun du zhugs pa'i 'bras bu ni gnas pa yang ma yin mi gnas pa yang ma yin no/ /dgra bcom pa nyid kyi bar du gnas pa yang ma yin mi gnas pa yang ma yin no/ /rang byang chub ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor rgyun du zhugs pa'i 'bras bu'i rang bzhin ni gnas pa 'am mi gnas pa ma yin pa dang / dgra bcom pa nyid kyi rang bzhin gyi bar du gnas pa 'am mi gnas pa ma yin pa dang / rang byang chub kyi rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar rgyun du zhugs pa'i 'bras bu'i rang bzhin ni rgyun du zhugs pa'i 'bras bu'i rang bzhin gyis stong pa dang / dgra bcom pa nyid kyi rang bzhin gyi bar du dgra bcom pa nyid kyi rang bzhin gyis stong pa dang / rang byang chub kyi rang bzhin ni rang byang chub kyi rang bzhin gyis stong pa'i phyir ro/ /rab 'byor 'di lta ste dper na/ lam gyi rnam pa shes pa nyid ni gnas pa yang ma yin mi gnas pa yang ma yin no/ /rnam pa thams cad mkhyen pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor lam gyi rnam pa shes pa nyid kyi rang bzhin ni gnas pa 'am mi gnas pa ma yin pa dang / rnam pa thams cad mkhyen pa nyid kyi rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar lam gyi rnam pa shes pa nyid kyi rang bzhin ni lam gyi rnam pa shes pa nyid kyi rang bzhin gyis stong pa dang / rnam pa thams cad mkhyen pa nyid kyi rang bzhin ni rnam pa thams cad mkhyen pa nyid kyi rang bzhin gyis stong pa'i phyir ro/ /rab 'byor 'di lta ste</font><hr>34.197a<br><font size=+1>

dper na/ ming ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na/ mtshan ma dang / brda dang / tha snyad dang / gdags pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor ming gi rang bzhin ni gnas pa 'am mi gnas pa ma yin pa dang / mtshan ma'i rang bzhin dang / brda'i rang bzhin dang / tha snyad kyi rang bzhin dang / gdags pa'i rang bzhin ni gnas pa 'am mi gnas pa ma yin pa'i phyir ro/ /de ci'i phyir zhe na/ 'di ltar ming gi rang bzhin ni ming gi rang bzhin gyis stong pa dang / mtshan ma'i rang bzhin ni mtshan ma'i rang bzhin gyis stong pa dang / brda'i rang bzhin ni brda'i rang bzhin gyis stong pa dang / tha snyad kyi rang bzhin ni tha snyad kyi rang bzhin gyis stong pa dang / gdags pa'i rang bzhin ni gdags pa'i rang bzhin gyis stong pa'i phyir ro/ /rab 'byor 'di lta ste dper na skye ba med pa ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na/ 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor skye ba med pa'i rang bzhin ni gnas pa 'am mi gnas pa ma yin pa dang / 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa'i rang bzhin ni gnas pa 'am/ </font><hr>34.197b<br><font size=+1>

mi gnas pa ma yin pa'i phyir ro/ /de ci'i phyir zhe na/ 'di ltar skye ba med pa'i rang bzhin ni skye ba med pa'i rang bzhin gyis stong pa dang / 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa'i rang bzhin ni mngon par 'du bya ba med pa'i rang bzhin gyis stong pa'i phyir ro/ /rab 'byor de ltar na theg pa de ni mi gnas par gnas pa'i tshul dang bskyod du med pa'i tshul gyis gang du yang gnas par 'gyur ba med do/ /rab 'byor khyod 'di skad du theg pa des su zhig nges par 'byung bar 'gyur zhes zer ba ni theg pa des su yang nges par 'byung ba med do/ /de ci'i phyir zhe na/ rab 'byor 'di ltar theg pa gang yin pa de dang / gang nges par 'byung bar 'gyur ba dang / gang gis nges par 'byung bar 'gyur ba dang / gang nas nges par 'byung bar 'gyur ba'i chos de dag thams cad med cing mi dmigs pa'i phyir ro/ /de ltar chos thams cad med cing mi dmigs pa la chos gang zhig chos gang gis nges par 'byung bar 'gyur/ de ci'i phyir zhe na/ rab 'byor 'di ltar bdag shin tu rnam par dag pa'i phyir/ bdag mi dmigs pa dang / sems can dang / srog dang / gang zag dang / byed pa po dang / tshor ba po dang / shes pa po dang / mthong ba po mi dmigs/ shin du rnam par dag pa'i phyir de bzhin nyid mi dmigs/ yang dag pa'i mtha' mi dmigs/ shin du rnam par dag pa'i phyir bsam gyis mi khyab pa'i dbyings mi dmigs shin du rnam par dag pa'i phyir phung po dang / khams dang / skye mched rnams mi dmigs/ shin du rnam par dag pa'i phyir sbyin pa'i pha rol du phyin pa mi dmigs/ de bzhin du shin du rnam par dag pa'i phyir/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / </font><hr>34.198a<br><font size=+1>

shes rab kyi pha rol du phyin pa mi dmigs/ shin du rnam par dag pa'i phyir nang stong pa nyid mi dmigs/ shin du rnam par dag pa'i phyir dngos po med pa'i ngo bo nyid stong pa nyid kyi bar du mi dmigs/ shin du rnam par dag pa'i phyir byang chub kyi phyogs kyi chos sum bcu rtsa bdun mi dmigs/ shin du rnam par dag pa'i phyir stobs bcu dang mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad mi dmigs/ de bzhin du shin du rnam par dag pa'i phyir rgyun du zhugs pa mi dmigs/ shin du rnam par dag pa'i phyir lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas mi dmigs/ de bzhin du shin du rnam par dag pa'i phyir rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid mi dmigs/ shin du rnam par dag pa'i phyir skye ba med pa mi dmigs/ de bzhin du shin du rnam par dag pa'i phyir/ 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa mi dmigs/ shin du rnam par dag pa'i phyir sngon gyi mtha' mi dmigs/ de bzhin du shin du rnam par dag pa'i phyir phyi ma'i mtha' dang / da ltar byung ba mi dmigs/ de bzhin du shin du rnam par dag pa'i phyir 'ong ba dang / 'gro ba dang / gnas pa dang / 'chi 'pho dang skye ba mi dmigs/ de bzhin du shin du rnam par dag pa'i phyir 'grib pa dang / 'phel ba mi dmigs pa'i phyir ro/ /gang dmigs su med pas thams cad mi dmigs she na/ chos kyi dbyings dmigs su med pas mi dmigs so/ /</font><hr>34.198b<br><font size=+1>

de ci'i phyir zhe na/ rab 'byor chos kyi dbyings dmigs su med pas chos kyi dbyings mi dmigs so/ /skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du byed pa med pa dmigs su med pas mngon par 'du byed pa med pa mi dmigs so/ /de bzhin nyid dmigs su med pas de bzhin nyid mi dmigs so/ /yang dag pa'i mtha' dmigs su med pas yang dag pa'i mtha' mi dmigs so/ /sbyin pa'i pha rol du phyin pa dmigs su med pas sbyin pa'i pha rol du phyin pa mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dmigs su med pas/ shes rab kyi pha rol du phyin pa mi dmigs so/ /nang stong pa nyid dmigs su med pas nang stong pa nyid mi dmigs so/ /dngos po med pa'i ngo bo nyid stong pa nyid kyi bar du dmigs su med pas dngos po med pa'i ngo bo nyid stong pa nyid mi dmigs so/ /dran pa nye bar gzhag pa rnams dmigs su med pas/ dran pa nye bar gzhag pa rnams mi dmigs so/ /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dmigs su med pas/ lam mi dmigs so/ /de bzhin du stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dmigs su med pas/ sangs rgyas kyi chos rnams mi dmigs so/ /rgyun du zhugs pa dmigs su med pas rgyun du zhugs pa mi dmigs so/ /lan cig phyir 'ong ba dang / phyir mi 'ong ba dang / dgra bcom pa dmigs su med pas dgra bcom pa mi dmigs so/ /rang sangs rgyas dmigs su med pas rang sangs rgyas mi dmigs so/ /de bzhin gshegs pa'i bar du dmigs</font><hr>34.199a<br><font size=+1>

su med pas/ de bzhin gshegs pa mi dmigs so/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid dang / sangs rgyas nyid dmigs su med pas/ sangs rgyas nyid mi dmigs so/ /de bzhin du sa dmigs su med pas rab du dga' ba'i sa mi dmigs so/ /shin du rnam par dag pa'i phyir sa dmigs su med pas/ dri ma med pa dang / 'od byed pa dang / 'od 'phro can dang / shin du sbyang dka' dang / mngon du gyur dang / ring du song dang / mi g.yo ba dang / legs pa'i blo gros dang / chos kyi sprin gyi sa mi dmigs so/ /gzhan yang sa dmigs su med pas/ sa bcu mi dmigs te/ bcu gang zhe na/ sa dang po dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa dang / byang chub sems dpa'i sa dang / sangs rgyas kyi sa ste/ nang stong pa nyid kyis sa dang po mi dmigs so/ /dngos po med pa'i ngo bo nyid stong pa nyid kyi bar gyis sa dang po mi dmigs so/ /shin du rnam par dag pa'i phyir nang stong pa nyid dang / dngos po med pa'i ngo bo nyid stong pa nyid kyi bar gyis sa bcu'i bar du mi dmigs so/ /shin du rnam par dag pa'i phyir/ nang stong pa nyid dang dngos po med pa'i ngo bo nyid stong pa nyid kyi bar gyis sems can yongs su smin par byed pa mi dmigs so/ /shin du rnam par dag pa'i phyir nang stong pa nyid dang / dngos po med pa'i ngo bo nyid stong pa nyid kyi bar gyis sangs rgyas kyi zhing yongs su dag pa mi dmigs so/ /shin du rnam par dag pa'i phyir nang stong pa nyid dang / dngos po med pa'i ngo bo nyid stong pa nyid kyi bar gyis mig lnga mi dmigs so/ /rab 'byor byang chub sems</font><hr>34.199b<br><font size=+1>

dpa' sems dpa' chen po shes rab kyi pha rol du phyin pa la de ltar spyod pa ni chos thams cad mi dmigs pa'i tshul gyis theg pa chen pos rnam pa thams cad mkhyen pa nyid du nges par 'byung bar 'gyur ro/ /shes rab kyi pha rol du phyin pa khri brgyad stong pa las/ theg pa chen po'i sa nges par 'byung ba bstan pa'i le'u zhes bya ste/ bcwa brgyad pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das theg pa chen po theg pa chen po zhes bgyi ba 'di ni lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur te/ de'i slad du theg pa chen po zhes bgyi'o/ /bcom ldan 'das theg pa de ni nam mkha' dang mnyam pa lags so/ /bcom ldan 'das 'di lta ste dper bgyi na nam mkha' ni sems can dpag du ma mchis grangs ma mchis/ tshad ma mchis pa rnams kyi go 'byed pa lags so/ /bcom ldan 'das de bzhin du theg pa chen po de yang sems can dpag tu ma mchis/ grangs ma mchis/ tshad ma mchis pa rnams kyi go 'byed pa lags te/ bcom ldan 'das de ltar na de ni byang chub sems dpa' sems dpa' chen po'i theg pa chen po lags so/ /bcom ldan 'das theg pa chen po de la ni 'ong ba 'am 'gro ba 'am/ gnas pa mi dmigs/ sngon gyi mtha' yang mi dmigs/ phyi ma'i mtha' yang mi dmigs/ dbus kyang mi dmigs lags so/ /bcom ldan 'das 'di lta ste dper bgyi na/ nam mkha' la ni 'ong pa mi dmigs/ 'gro ba mi dmigs/ gnas pa mi dmigs lags so/ /bcom ldan 'das de bzhin du theg pa chen po 'di la yang 'ong ba mi dmigs/ 'gro ba mi dmigs/ gnas pa mi dmigs lags so/ /</font><hr>34.200a<br><font size=+1>

bcom ldan 'das 'di lta ste dper bgyi na/ dus gsum mnyam pa nyid kyi slad du nam mkha' la ni sngon gyi mtha' mi dmigs/ phyi ma'i mtha' mi dmigs/ dbus mi dmigs lags so/ /bcom ldan 'das de bzhin du theg pa chen po de la yang sngon gyi mtha' mi dmigs/ phyi ma'i mtha' mi dmigs/ dbus mi dmigs lags pas/ bcom ldan 'das 'di lta ste/ theg pa chen po de ni dus gsum mnyam pa nyid kyi theg pa lags te/ de'i slad du theg pa chen po theg pa chen po zhes bgyi'o/ /bcom ldan 'das kyis bka' stsal pa/ rab 'byor de de bzhin te de de bzhin no/ /'di lta ste/ pha rol du phyin pa drug ni byang chub sems dpa' sems dpa' chen po'i theg pa chen po yin te/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ste/ rab 'byor de ni byang chub sems dpa' sems dpa' chen po'i theg pa chen po zhes bya'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ gzungs kyi sgo thams cad dang / ting nge 'dzin gyi sgo thams cad de dpa' bar 'gro ba'i ting nge 'dzin dang / nam mkha' ltar chags pa med pas rnam par grol zhing gos pa med pa'i ting nge 'dzin gyi bar dag ste/ de ni byang chub sems dpa' sems dpa' chen po'i theg pa chen po zhes bya'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ nang stong pa nyid dang / dngos po med pa'i ngo bo nyid stong pa nyid kyi bar dag ste/ de ni byang chub sems dpa' sems dpa' chen po'i theg pa chen po zhes bya'o/ /rab 'byor gzhan yang byang chub sems dpa' sems dpa' chen po'i theg pa chen po ni</font><hr>34.200b<br><font size=+1>

'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi bar dag ste/ de ni byang chub sems dpa' sems dpa' chen po'i theg pa chen po zhes bya'o/ /rab 'byor gang yang khyod kyis 'di skad du theg pa chen po de ni lha dang / mi dang / lha ma yin du bcas pa'i 'jig rten zil gyis mnan nas nges par 'byung bar 'gyur zhes smras pa la/ lha dang / mi dang / lha ma yin du bcas pa'i 'jig rten gang zhe na/ 'di lta ste/ 'dod pa'i khams dang / gzugs kyi khams dang / gzugs med pa'i khams so/ /rab 'byor de la gal te 'dod pa'i khams de bzhin du gyur te/ ma nor ba dang / gzhan ma yin pa dang / phyin ci ma log pa dang / de kho na dang / yang dag pa dang / bden pa dang / ji lta ba bzhin dang / rtag pa dang / brtan pa dang / ther zug dang / mi 'gyur ba'i chos can yin la/ dngos po med pa ma yin na ni/ theg pa chen po 'dis lha dang / mi dang / lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir/ 'dod pa'i khams ni brtags pa rnam par bsgrubs pa tshig gis bstan pa ste/ de thams cad mi rtag mi brtan zhing / ther zug ma yin la 'gyur ba'i chos can te/ dngos po med cing dngos po yod pa ma yin pas de'i phyir/ theg pa chen pos lha dang mi dang / lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te gzugs kyi khams de bzhin du gyur te/ ma nor ba dang / gzhan ma yin pa dang / phyin ci ma log pa dang / de kho na dang / yang dag pa dang / bden pa dang / ji lta ba</font><hr>34.201a<br><font size=+1>

bzhin dang / rtag pa dang / brtan pa dang / ther zug dang / mi 'gyur ba'i chos can yin la/ dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir gzugs kyi khams ni brtags pa/ rnam par bsgrubs pa tshig gis bstan pa ste/ de thams cad mi rtag mi brtan zhing / ther zug ma yin la 'gyur ba'i chos can te/ dngos po med cing dngos po yod pa ma yin pas/ de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te gzugs med pa'i khams de bzhin du gyur te/ ma nor ba dang / gzhan ma yin pa dang / phyin ci ma log pa dang / de kho na dang yang dag pa dang / bden pa dang / ji lta ba bzhin dang / rtag pa dang / brtan pa dang / ther zug dang / mi 'gyur ba'i chos can yin la dngos po med pa ma yin na ni/ theg pa chen po 'dis lha dang / mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir gzugs med pa'i khams ni brtags pa rnam par bsgrubs pa tshig gis bstan pa ste/ de thams cad mi rtag mi brtan zhing ther zug ma yin la/ 'gyur ba'i chos can te/ dngos po med cing dngos po yod pa ma yin pas/ de'i phyir theg pa chen pos lha dang mi dang / lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te/ gzugs de bzhin du gyur te/ ma nor ba dang / gzhan ma yin pa dang / phyin ci ma log pa dang / de kho na dang / yang dag pa dang / bden pa dang / ji lta ba bzhin dang / rtag pa dang brtan pa dang / ther zug dang / mi 'gyur ba'i chos can yin la/ de dngos po med pa ma yin na ni theg pa chen po 'dis lha dang mi dang lha ma yin du bcas pa'i</font><hr>34.201b<br><font size=+1>

'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir gzugs ni brtags pa/ rnam par bsgrubs pa/ tshig gis bstan pa ste/ de thams cad mi rtag mi brtan zhing ther zug ma yin la/ 'gyur ba'i chos can te/ dngos po med cing dngos po yod pa ma yin pas de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor de bzhin du gal te tshor ba dang / 'du shes dang / 'du byed rnams dang / rnam par shes pa de bzhin du gyur te/ ma nor ba dang / gzhan ma yin pa dang / phyin ci ma log pa dang / de kho na dang / yang dag pa dang / bden pa dang / ji lta ba bzhin dang / rtag pa dang / brtan pa dang / ther zug dang / mi 'gyur ba'i chos can yin la/ de dngos po med pa ma yin na ni/ theg pa chen po 'dis lha dang / mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir rnam par shes pa ni brtags pa/ rnam par bsgrubs pa/ tshig gis bstan pa ste/ de thams cad mi rtag mi brtan zhing ther zug ma yin la 'gyur ba'i chos can te/ dngos po med cing / dngos po yod pa ma yin pas de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor de bzhin du sbyar te/ gal te mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg bya dang / chos rnams dang / mig gi rnam par shes pa dang / rna ba dang sna dang / lce dang / lus dang / yid kyi rnam par shes pa dang / mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa dang / mig gi 'dus te reg pa las byung ba'i tshor ba dang / rna ba dang / </font><hr>34.202a<br><font size=+1>

sna dang / lce dang / lus dang / yid kyi 'dus te reg pa las byung ba'i tshor ba de bzhin du gyur te/ ma nor ba dang / gzhan ma yin pa dang / phyin ci ma log pa dang / de kho na dang / yang dag pa dang / bden pa dang / ji lta ba bzhin dang / rtag pa dang / brtan pa dang / ther zug dang / mi 'gyur ba'i chos can yin la/ de dngos po med pa ma yin na ni/ theg pa chen po 'dis lha dang / mi dang / lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir yid kyi 'dus te reg pa las byung ba'i tshor ba ni brtags pa/ rnam par bsgrubs pa/ tshig gis bstan pa ste/ de thams cad mi rtag mi brtan zhing ther zug ma yin la 'gyur ba'i chos can te/ dngos po med cing / dngos po yod pa ma yin pas de'i phyir theg pa chen pos lha dang mi dang / lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te sa'i khams dang / chu dang / me dang / rlung dang / nam mkha' dang / rnam par shes pa'i khams dang / ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi de bzhin du gyur te/ ma nor ba dang / gzhan ma yin pa dang / phyin ci ma log pa dang / de kho na dang / yang dag pa dang / bden pa dang / ji lta ba bzhin dang / rtag pa dang / brtan pa dang / ther zug dang / mi 'gyur ba'i chos can yin la/ de dngos po med pa ma yin na ni theg pa chen po 'dis lha dang / mi dang / lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir rga shi ni brtags pa rnam par bsgrubs pa/ tshig gis bstan pa ste/ mi rtag mi brtan zhing / ther zug ma yin la</font><hr>34.202b<br><font size=+1>

'gyur ba'i chos can te/ dngos po med cing dngos po yod pa ma yin pas/ de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te de bzhin nyid dngos po yin te/ dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir de bzhin nyid dngos po med cing dngos po yod pa ma yin pas/ de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang chos gnas pa nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings dngos po yin te dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings dngos po med cing / dngos po yod pa ma yin pas de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te/ sbyin pa'i pha rol du phyin pa dngos po yin te/ dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir sbyin pa'i pha rol du phyin pa dngos po med cing dngos po yod pa ma</font><hr>34.203a<br><font size=+1>

yin pas/ de'i phyir theg pa chen pos lha dang mi dang / lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor de bzhin du gal te tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dngos po yin te/ dngos po med pa ma yin na ni theg pa chen po 'dis lha dang mi dang / lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir shes rab kyi pha rol du phyin pa dngos po med cing / dngos po yod pa ma yin pas de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te nang stong pa nyid dngos po yin te/ dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir nang stong pa nyid dngos po med cing dngos po yod pa ma yin pas/ de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor de bzhin du gal te dngos po med pa'i ngo bo nyid stong pa nyid kyi bar du dngos po yin te/ dngos po med pa ma yin na ni theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir dngos po med pa'i ngo bo nyid stong pa nyid kyi bar du dngos po med cing dngos po yod pa ma yin pas de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te dran pa nye bar gzhag pa bzhi dngos po yin te/ </font><hr>34.203b<br><font size=+1>

dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir dran pa nye bar gzhag pa bzhi dngos po med cing dngos po yod pa ma yin pas/ de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dngos po yin te/ dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir lam dngos po med cing dngos po yod pa ma yin pas/ de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te tshad med pa rnams dang / bsam gtan rnams dang / gzugs med pa'i snyoms par 'jug pa rnams dngos po yin te/ dngos po med pa ma yin na ni theg pa chen po 'dis lha dang / mi dang / lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir tshad med pa rnams dang / bsam gtan rnams dang / gzugs med pa'i snyoms par 'jug pa rnams dngos po med cing dngos po yod pa ma yin pas/ de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dngos</font><hr>34.204a<br><font size=+1>

po yin te/ dngos po med pa ma yin na ni/ theg pa chen po 'dis lha dang / mi dang / lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir sangs rgyas kyi chos ma 'dres pa bcwa brgyad dngos po med cing dngos po yod pa ma yin pas/ de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te rigs kyi sa'i chos rnams dngos po yin te/ dngos po med pa ma yin na ni/ theg pa chen po 'dis lha dang / mi dang / lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir rigs kyi sa'i chos rnams dngos po med cing dngos po yod pa ma yin pas/ de'i phyir theg pa chen pos lha dang / mi dang / lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te brgyad pa'i sa'i chos rnams dngos po yin te/ dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir brgyad pa'i chos rnams dngos po med cing / dngos po yod pa ma yin pas de'i phyir theg pa chen pos lha dang mi dang / lha ma yin du bcas pa'i 'jig rten zil gyis mnan nas nges par 'byung bar 'gyur ro/ /de bzhin du rgyun du zhugs pa'i chos rnams dang / lan cig phyir 'ong ba'i chos rnams dang / phyir mi 'ong ba'i chos rnams dang / dgra bcom pa'i chos rnams dang / rang sangs rgyas kyi chos rnams dang / byang chub sems dpa'i chos rnams dang / rab 'byor gal te sangs rgyas kyi chos rnams dngos po yin te/ dngos po med pa ma yin na ni theg pa chen po 'dis lha dang mi dang lha ma yin du</font><hr>34.204b<br><font size=+1>

bcas pa'i 'jig rten zil gyis mnan nas nges par 'byung bar mi 'gyur ba zhig na rab 'byor gang gi phyir sangs rgyas kyi chos rnams dngos po med cing / dngos po yod pa ma yin pas de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te rigs kyi sa dngos po yin te/ dngos po med pa ma yin na ni theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir rigs kyi sa dngos po med cing / dngos po yod pa ma yin pas de'i phyir theg pa chen po 'dis lha dang / mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te brgyad pa'i sa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / rab 'byor gal te sangs rgyas dngos po yin te/ dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir sangs rgyas dngos po med cing / dngos po yod pa ma yin pas de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te lha dang mi dang lha ma yin du bcas pa'i 'jig rten dngos po yin te/ dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir lha dang mi dang lha ma yin du bcas pa'i 'jig rten dngos po med cing dngos po yod pa ma yin pas/ de'i phyir theg pa chen po 'dis lha dang mi dang lha ma</font><hr>34.205a<br><font size=+1>

yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te sems dang po bskyed nas bzung ste/ byang chub kyi snying po la thug gi bar du bar der byang chub sems dpa' sems dpa' chen po'i sems bskyed pa gang yin pa de dag dngos po yin te/ dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir sems dang po bskyed pa nas bzung ste/ byang chub kyi snying po la thug gi bar du bar der byang chub sems dpa' sems dpa' chen po'i sems bskyed pa gang yin pa de dag dngos po med cing / dngos po yod pa ma yin pas/ de'i phyir theg pa chen pos lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te byang chub sems dpa' sems dpa' chen po'i rdo rje lta bu'i ye shes dngos po yin te/ dngos po med pa ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur ba zhig na/ rab 'byor gang gi phyir byang chub sems dpa' sems dpa' chen po'i rdo rje lta bu'i ye shes dngos po med cing dngos po yod pa ma yin pas/ de'i phyir theg pa chen pos lha dang / mi dang / lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te byang chub sems dpa' sems dpa' chen po'i rdo rje lta bu'i ye shes dngos po yin te/ dngos po med pa ma yin na ni/ theg pa chen po 'dis byang chub sems dpa' sems dpa' chen pos bag chags dang / mtshams sbyor ba dang / nyon mongs pa thams cad dngos po med par rtogs nas/ rnam pa thams cad mkhyen pa nyid kyi ye shes rnam pa thams cad kyi mchog dang ldan pa thob nas lha dang mi dang lha ma yin du bcas pa'i 'jig rten zil gyis mnan te/ nges par 'byung</font><hr>34.205b<br><font size=+1>

bar mi 'gyur ba zhig na/ rab 'byor gang gi phyir byang chub sems dpa' sems dpa' chen po'i rdo rje lta bu'i ye shes dngos po med cing / dngos po yod pa ma yin pas/ de'i phyir byang chub sems dpa' sems dpa' chen pos bag chags dang / mtshams sbyor ba dang nyon mongs pa thams cad dngos po med par rtogs nas rnam pa thams cad mkhyen pa nyid kyi ye shes rnam pa thams cad kyi mchog dang ldan pa thob ste/ lha dang mi dang lha ma yin du bcas pa'i 'jig rten zil gyis mnan nas nges par 'byung bar 'gyur ro/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi skyes bu chen po'i mtshan sum bcu rtsa gnyis dngos po yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyis 'od dang sku mdog dang / gzi brjid dang / dpal gyis lha dang mi dang lha ma yin du bcas pa'i 'jig rten zil gyis mnan te/ mdzes shing / lham me/ lhan ne/ lhang nger mi 'gyur ba zhig na/ rab 'byor gang gi phyir de bzhin gshegs pa dgra bcom pa yang dag par rdzogs pa'i sangs rgyas kyi skyes bu chen po'i mtshan sum bcu rtsa gnyis dngos po med cing dngos po yod pa ma yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas kyis 'od dang sku mdog dang / gzi brjid dang / dpal gyis lha dang mi dang lha ma yin du bcas pa'i 'jig rten zil gyis mnan te/ mdzes shing lham me/ lhan ne/ lhang nge'o/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi 'od dngos po yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyi 'od kyis 'jig rten gyi khams gang gA'i klung gi bye ma snyed dag snang bas khyab par mi 'gyur ba zhig na/ rab 'byor gang gi phyir de bzhin gshegs pa dgra bcom pa yang dag par rdzogs pa'i sangs rgyas kyi 'od dngos po med cing</font><hr>34.206a<br><font size=+1>

dngos po yod pa ma yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas kyi 'od kyis 'jig rten gyi khams gang gA'i klung gi bye ma snyed dag snang bas khyab par 'gyur ro/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi dbyangs kyi yan lag drug bcu dang ldan pa dngos po yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyis phyogs bcu'i 'jig rten gyi khams dpag tu med grangs med pa dag tu go bar mi 'gyur ba zhig na/ rab 'byor gang gi phyir de bzhin gshegs pa dgra bcom pa yang dag par rdzogs pa'i sangs rgyas kyi dbyangs kyi yan lag drug bcu dang ldan pa dngos po med cing / dngos po yod pa ma yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas kyi dbyangs kyis phyogs bcu'i 'jig rten gyi khams grangs med dpag tu med pa dag du go bar 'gyur ro/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dngos po yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyis dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang 'jig rten du chos dang 'thun par bskor bar mi nus pa'i chos kyi 'khor lo bskor bar mi 'gyur ba zhig na/ rab 'byor gang gi phyir de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dngos po med cing / dngos po yod pa ma yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas kyis dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang 'jig rten du chos dang 'thun par bskor bar mi nus</font><hr>34.206b<br><font size=+1>

pa'i chos kyi 'khor lo bskor ro/ /rab 'byor gal te sems can rnams dngos po yin te/ dngos po med pa ma yin na ni/ gang dag gi ched du de bzhin gshegs pa dgra bcom pa yang dag par rdzogs pa'i sangs rgyas kyis chos kyi 'khor lo bskor ba'i sems can de dag phung po'i lhag ma med pa'i mya ngan las 'das pa'i dbyings su yongs su mya ngan las 'da' bar mi 'gyur ba zhig na/ rab 'byor gang gi phyir sems can rnams dngos po med cing / dngos po yod pa ma yin pas/ de'i phyir gang dag gi ched du de bzhin gshegs pas chos kyi 'khor lo bskor ba'i sems can de dag phung po'i lhag ma med pa'i mya ngan las 'das pa'i dbyings su yongs su mya ngan las 'da'o/ /yongs su mya ngan las 'das so/ /yongs su mya ngan las 'da' bar 'gyur ro/ /shes rab kyi pha rol du phyin pa khri brgyad stong pa/ bam po bcwa lnga pa/ rab 'byor gang yang khyod kyis 'di skad du theg pa chen po de ni nam mkha' dang mnyam pa lags so zhes smras pa ni/ rab 'byor de de bzhin no/ /de de bzhin te/ rab 'byor theg pa de ni nam mkha' dang mnyam pa yin no/ /rab 'byor 'di lta ste dper na/ nam mkha' la ni/ shar phyogs mngon pa med do/ /lho dang / nub dang / byang dang / 'og dang steng dang / phyogs mtshams mngon pa med do/ /rab 'byor de bzhin du theg pa chen po de la yang shar phyogs mngon pa med do/ /lho dang / nub dang / byang dang / 'og dang / steng dang / phyogs mtshams mngon pa med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni ring po ma yin/ thung ngu ma yin/ lham pa ma yin/ zlum po ma yin/ mnyam pa ma yin/ mi mnyam pa ma yin no/ /rab 'byor de bzhin du theg pa chen po de yang ring po ma yin/ </font><hr>34.207a<br><font size=+1>

thung ngu ma yin/ lham pa ma yin/ zlum po ma yin/ mnyam pa ma yin/ mi mnyam pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni sngon po ma yin/ ser po ma yin/ dmar po ma yin/ dkar po ma yin/ btsod ka ma yin/ shel dang dngul gyi kha dog lta bu ma yin no/ /rab 'byor de bzhin du theg pa chen po de yang sngon po ma yin/ ser po ma yin/ dmar po ma yin/ dkar po ma yin/ btsod ka ma yin/ shel dang / dngul gyi kha dog lta bu ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni 'das pa ma yin ma 'ongs pa ma yin/ da ltar byung ba ma yin no/ /rab 'byor de bzhin du theg pa chen po de yang 'das pa ma yin/ ma 'ongs pa ma yin/ da ltar byung ba ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni 'grib pa med/ 'phel ba med/ 'bri ba med do/ /rab 'byor de bzhin du theg pa chen po de la yang 'grib pa med/ 'phel ba med/ 'bri ba med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni kun nas nyon mongs pa med/ rnam par byang ba med do/ /rab 'byor de bzhin du theg pa chen po de la yang kun nas nyon mongs pa med/ rnam par byang ba med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni skye ba med/ 'gag pa med/ gnas pa med/ gnas pa dang bral ba med/ gnas pa las gzhan du 'gyur ba med do/ /rab 'byor de bzhin du theg pa chen po de la yang skye ba med/ 'gag pa med/ gnas pa med/ gnas pa dang bral ba med/ gnas pa las gzhan du 'gyur ba med de/ de'i phyir theg</font><hr>34.207b<br><font size=+1>

pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni dge ba ma yin/ mi dge ba ma yin/ lung bstan du yod pa ma yin/ lung du ma bstan pa ma yin no/ /rab 'byor de bzhin du theg pa chen po de yang dge ba ma yin/ mi dge ba ma yin/ lung bstan du yod pa ma yin/ lung du ma bstan pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni mthong ba ma yin/ thos pa ma yin/ dran pa ma yin/ rnam par shes pa ma yin no/ /rab 'byor de bzhin du theg pa chen po de yang mthong ba ma yin/ thos pa ma yin/ dran pa ma yin/ rnam par shes pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni shes par bya ba ma yin/ shes par mi bya ba yang ma yin/ yongs su shes par bya ba ma yin/ spang bar bya ba ma yin/ mngon sum du bya ba ma yin/ bsgom par bya ba ma yin no/ /rab 'byor de bzhin du theg pa chen po de yang shes par bya ba ma yin/ shes par mi bya ba ma yin/ yongs su shes par bya ba ma yin/ spang bar bya ba ma yin/ mngon sum du bya ba ma yin bsgom par bya ba ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni rnam par smin pa ma yin/ rnam par smin pa'i chos can ma yin no/ /rab 'byor de bzhin du theg pa chen po de yang rnam par smin pa ma yin/ rnam par smin pa'i chos can ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni 'dod pa'i khams su gtogs pa ma yin/ gzugs kyi khams su gtogs pa ma yin/ gzugs med pa'i khams su gtogs pa ma yin no/ /rab 'byor de bzhin du theg pa chen po de yang 'dod pa'i khams su gtogs pa ma yin/ </font><hr>34.208a<br><font size=+1>

gzugs kyi khams su gtogs pa ma yin/ gzugs med pa'i khams su gtogs pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni 'dod chags dang bcas pa ma yin/ 'dod chags dang bral ba ma yin/ zhe sdang dang bcas pa ma yin/ zhe sdang dang bral ba ma yin/ gti mug dang bcas pa ma yin/ gti mug dang bral ba ma yin no/ /rab 'byor de bzhin du theg pa chen po de yang 'dod chags dang bcas pa ma yin/ 'dod chags dang bral ba ma yin/ zhe sdang dang bcas pa ma yin/ zhe sdang dang bral ba ma yin/ gti mug dang bcas pa ma yin/ gti mug dang bral ba ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni sems dang po bskyed pa med/ gnyis pa med/ gsum pa med/ bzhi pa med/ lnga pa med/ drug pa med/ bdun pa med/ brgyad pa med/ dgu pa med cing / sems bskyed pa bcu pa med do/ /rab 'byor de bzhin du theg pa chen po de la yang sems dang po bskyed pa med/ gnyis pa med/ gsum pa med/ bzhi pa med/ lnga pa med/ drug pa med/ bdun pa med/ brgyad pa med/ dgu pa med cing / sems bskyed pa bcu pa med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni dkar po rnam par mthong ba'i sa med/ rigs kyi sa med/ brgyad pa'i sa med/ mthong ba'i sa med/ bsrabs pa'i sa med/ 'dod chags dang bral ba'i sa med/ byas pa rtogs pa can gyi sa med do/ /rab 'byor de bzhin du theg pa chen po de la yang dkar po rnam par mthong pa'i sa med/ rigs kyi sa med/ brgyad pa'i sa med/ mthong ba'i sa med/ bsrabs pa'i sa med/ 'dod chags dang bral ba'i sa med/ byas pa rtogs pa can gyi sa med de/ de'i phyir theg pa de ni nam mkha' dang mnyam pa zhes bya'o/ /</font><hr>34.208b<br><font size=+1>

rab 'byor 'di lta ste dper na/ nam mkha' la ni rgyun du zhugs pa'i 'bras bu med/ lan cig phyir 'ong ba'i 'bras bu med/ dgra bcom pa nyid med/ rang byang chub med do/ /rab 'byor de bzhin du theg pa chen po de la yang rgyun du zhugs pa'i 'bras bu med/ lan cig phyir 'ong ba'i 'bras bu med/ phyir mi 'ong ba'i 'bras bu med/ dgra bcom pa nyid med/ rang byang chub med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni nyan thos kyi sa med/ rang sangs rgyas kyi sa med/ byang chub sems dpa'i sa med/ yang dag par rdzogs pa'i sangs rgyas kyi sa med do/ /rab 'byor de bzhin du theg pa chen po de la yang nyan thos kyi sa med/ rang sangs rgyas kyi sa med/ byang chub sems dpa'i sa med/ yang dag par rdzogs pa'i sangs rgyas kyi sa med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni gzugs can ma yin/ gzugs med pa ma yin/ bstan du yod pa ma yin/ bstan du med pa ma yin/ thogs pa dang bcas pa ma yin/ thogs pa med pa ma yin/ ldan pa ma yin mi ldan pa ma yin no/ /rab 'byor de bzhin du theg pa chen po de yang gzugs can ma yin/ gzugs med pa ma yin/ bstan du yod pa ma yin/ bstan du med pa ma yin/ thogs pa dang bcas pa ma yin/ thogs pa med pa ma yin/ ldan pa ma yin/ mi ldan pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni rtag pa ma yin/ mi rtag pa ma yin/ bde ba ma yin/ sdug bsngal ba ma yin/ bdag ma yin/ bdag med pa ma yin/ zhi ba ma yin/ ma zhi ba ma yin no/ /rab 'byor de bzhin du theg pa chen po de yang rtag pa ma yin/ mi rtag pa ma yin/ bde ba ma yin/ </font><hr>34.209a<br><font size=+1>

sdug bsngal ba ma yin/ bdag ma yin/ bdag med pa ma yin/ zhi ba ma yin/ ma zhi ba ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni stong pa ma yin/ mi stong pa ma yin/ mtshan ma yod pa ma yin/ mtshan ma med pa ma yin/ smon pa yod pa ma yin smon pa med pa ma yin no/ /rab 'byor de bzhin du theg pa chen po de yang stong pa ma yin/ mi stong pa ma yin/ mtshan ma yod pa ma yin/ mtshan ma med pa ma yin/ smon pa yod pa ma yin/ smon pa med pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni dben pa ma yin/ mi dben pa ma yin/ snang ba ma yin/ mun pa ma yin no/ /rab 'byor de bzhin du theg pa chen po de yang dben pa ma yin/ mi dben pa ma yin/ snang ba ma yin mun pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni 'thob pa ma yin/ dmigs su yod pa ma yin no/ /rab 'byor de bzhin du theg pa chen po de yang 'thob pa ma yin/ dmigs su yod pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni brjod du yod pa ma yin/ brjod du med pa ma yin no/ /rab 'byor de bzhin du theg pa chen po de yang brjod du yod pa ma yin/ brjod du med pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor gang yang khyod kyis 'di skad du bcom ldan 'das 'di lta ste dper bgyi na/ nam mkha' ni sems can dpag tu ma mchis/ grangs ma mchis/ tshad ma mchis pa rnams kyi go 'byed lags so/ /bcom ldan 'das de bzhin du theg pa chen po de yang sems can dpag tu ma mchis/ grangs ma mchis/ tshad ma mchis pa rnams kyi go 'byed lags</font><hr>34.209b<br><font size=+1>

te/ de'i slad du theg pa chen po zhes bgyi'o zhes smras pa ni/ rab 'byor de de bzhin te/ de de bzhin no/ /rab 'byor ji ltar nam mkha' sems can dpag tu med/ grangs med/ tshad med pa rnams kyi go 'byed pa de bzhin du theg pa chen po de yang sems can dpag tu med/ grangs med/ tshad med pa rnams kyi go 'byed do/ /de ci'i phyir zhe na/ rab 'byor sems can med pa'i phyir/ nam mkha' med par rig par bya zhing / nam mkha' med pa'i phyir/ theg pa chen po med par rig par bya ba'i phyir te/ rab 'byor de ltar na theg pa chen po de ni sems can dpag tu med/ grangs med/ tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar sems can gang yin pa dang / dpag tu med pa gang yin pa dang / nam mkha' gang yin pa dang / theg pa chen po gang yin pa de dag thams cad dmigs su med pa'i phyir ro/ /rab 'byor gzhan yang sems can dpag tu med pa'i phyir/ nam mkha' dpag tu med par rig par bya'o/ /nam mkha' dpag tu med pa'i phyir/ theg pa chen po dpag tu med par rig par bya ste/ rab 'byor de ltar na theg pa chen po de ni sems can dpag tu med/ grangs med tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar sems can rnams gang yin pa dang / dpag tu med pa gang yin pa dang / nam mkha' gang yin pa dang / theg pa chen po gang yin pa de dag thams cad dmigs su med pa'i phyir ro/ /rab 'byor gzhan yang sems can grangs med pa'i phyir nam mkha' grangs med par rig par bya'o/ /nam mkha' grangs med pa'i phyir theg pa chen po grangs med par rig par bya ste/ rab 'byor de ltar na theg pa chen po de ni sems can dpag tu med/ grangs med tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar sems can rnams gang yin pa dang / grangs med pa gang yin pa dang / nam mkha' gang yin pa dang / theg pa chen po gang</font><hr>34.210a<br><font size=+1>

yin pa de dag thams cad dmigs su med pa'i phyir ro/ /rab 'byor gzhan yang sems can tshad med pa'i phyir nam mkha' tshad med par rig par bya'o/ /nam mkha' tshad med pa'i phyir theg pa chen po tshad med par rig par bya ste/ rab 'byor de ltar na theg pa chen po de ni sems can dpag tu med/ grangs med/ tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar sems can rnams gang yin pa dang / tshad med pa gang yin pa dang / nam mkha' gang yin pa dang / theg pa chen po gang yin pa de dag thams cad dmigs su med pa'i phyir ro/ /rab 'byor gzhan yang sems can med pa'i phyir/ chos kyi dbyings med par rig par bya'o/ /chos kyi dbyings med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir dpag tu med pa yod pa ma yin par rig par bya'o/ /dpag tu med pa yod pa ma yin pa'i phyir grangs med pa yod pa ma yin par rig par bya'o/ /grangs med pa yod pa ma yin pa'i phyir/ tshad med pa yod pa ma yin par rig par bya ste/ rab 'byor de ltar na theg pa chen po de ni sems can dpag tu med/ grangs med tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar sems can rnams gang yin pa dang / chos kyi dbyings gang yin pa dang / nam mkha' gang yin pa dang / theg pa chen po gang yin pa dang / dpag tu med pa gang yin pa dang / grangs med pa gang yin pa dang / tshad med pa gang yin pa de dag thams cad dmigs su med pa'i phyir ro/ /rab 'byor gzhan yang sems can med pa'i phyir de bzhin nyid med par rig par bya'o/ /de bzhin nyid med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir dpag tu med pa yod pa ma yin par rig par bya'o/ /dpag tu med pa yod pa ma yin pa'i phyir</font><hr>34.210b<br><font size=+1>

grangs med pa yod pa ma yin par rig par bya'o/ /grangs med pa yod pa ma yin pa'i phyir tshad med pa yod pa ma yin par rig par bya'o/ /tshad med pa yod pa ma yin pa'i phyir chos thams cad med par rig par bya ste/ rab 'byor de'i phyir theg pa chen po de ni sems can dpag tu med/ grangs med/ tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar sems can rnams gang yin pa dang / de bzhin nyid gang yin pa dang / nam mkha' gang yin pa dang / theg pa chen po gang yin pa dang / dpag tu med pa gang yin pa dang / grangs med pa gang yin pa dang / tshad med pa gang yin pa dang / chos thams cad gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir sems can med par rig par bya'o/ /sems can med pa'i phyir srog dang / skye ba po dang / gso ba dang / skyes bu dang / gang zag dang shed las skyes dang / shed bu dang / byed pa po dang / tshor ba po dang / shes pa po dang / mthong ba po med par rig par bya'o/ /shes pa po dang / mthong ba po med pa'i phyir yang dag pa'i mtha' med par rig par bya'o/ /yang dag pa'i mtha' med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir dpag tu med pa dang / grangs med pa dang / tshad med pa yod pa ma yin par rig par bya'o/ /tshad med pa yod pa ma yin pa'i phyir chos thams cad med par rig par bya ste/ rab 'byor de ltar na theg pa chen po de ni sems can dpag tu med grangs med tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / shes pa po dang / mthong ba po'i bar gang yin pa dang / yang dag pa'i mtha' gang yin pa dang / nam mkha' gang yin pa dang / theg pa chen po gang yin pa dang / dpag tu med pa gang yin pa dang / grangs</font><hr>34.211a<br><font size=+1>

med pa gang yin pa dang / tshad med pa gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir sems can med pa dang / shes pa po dang / mthong ba po'i bar du med par rig par bya'o/ /shes ba po dang / mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir nam mkha' med par rig par bya'o/ nam mkha' med pa'i phyir theg pa chen po med par rig par bya'o/ /theg pa chen po med pa'i phyir dpag tu med pa dang / grangs med pa dang / tshad med pa yod pa ma yin par rig par bya'o/ /tshad med pa yod pa ma yin pa'i phyir chos thams cad med par rig par bya ste/ rab 'byor de ltar na theg pa chen po de ni sems can dpag tu med/ grangs med tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir/ sems can med pa dang / shes pa po dang / mthong ba po'i bar du med par rig par bya'o/ /shes pa po dang / mthong ba po med pa'i phyir gzugs med par rig par bya'o/ /gzugs med pa'i phyir tshor ba dang / 'du shes dang / 'du byed rnams dang / rnam par shes pa med par rig par bya'o/ /rnam par shes pa med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir dpag tu med pa dang / grangs med pa dang / tshad med pa yod pa ma yin par rig par bya'o/ /tshad med pa yod pa ma yin pa'i phyir/ chos thams cad med par rig par bya ste/ rab 'byor de ltar na theg pa chen po de ni</font><hr>34.211b<br><font size=+1>

sems can dpag tu med/ grangs med/ tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir/ sems can med pa dang / shes pa po dang / mthong ba po'i bar du med par rig par bya'o/ /shes pa po dang mthong ba po med pa'i phyir mig med par rig par bya'o/ /mig med pa'i phyir/ rna ba dang / sna dang / lce dang / lus dang / yid med par rig par bya'o/ /yid med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir dpag tu med pa dang / grangs med pa dang / tshad med pa yod pa ma yin par rig par bya'o/ /tshad med pa yod pa ma yin pa'i phyir/ chos thams cad med par rig par bya ste/ rab 'byor de ltar na theg pa chen po de ni sems can dpag tu med/ grangs med/ tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir sems can med pa dang / shes pa po dang / mthong ba po'i bar du med par rig par bya'o/ /shes ba po dang / mthong ba po med pa'i phyir/ sbyin pa'i pha rol du phyin pa med par rig par bya'o/ /sbyin pa'i pha rol du phyin pa med pa'i phyir tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med par rig par bya'o/ /shes rab kyi pha rol du phyin pa med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /</font><hr>34.212a<br><font size=+1>

theg pa chen po med pa'i phyir dpag tu med pa dang / grangs med pa dang / tshad med pa yod pa ma yin par rig par bya'o/ /tshad med pa yod pa ma yin pa'i phyir chos thams cad med par rig par bya ste/ rab 'byor de ltar na theg pa chen po de ni sems can dpag tu med/ grangs med tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir sems can med pa dang / shes pa po dang / mthong ba po'i bar du med par rig par bya'o/ /shes pa po dang mthong ba po med pa'i phyir nang stong pa nyid med par rig par bya'o/ /nang stong pa nyid med pa'i phyir dngos po med pa'i ngo bo nyid stong pa nyid kyi bar du med par rig par bya'o/ /dngos po med pa'i ngo bo nyid stong pa nyid med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir dpag tu med pa dang / grangs med pa dang / tshad med pa yod pa ma yin par rig par bya'o/ /tshad med pa yod pa ma yin pa'i phyir chos thams cad med par rig par bya ste/ rab 'byor de ltar na theg pa chen po de ni sems can dpag tu med/ grangs med tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir sems can med pa dang shes pa po dang / mthong ba po'i bar du med par rig par bya'o/ /shes pa po dang mthong ba po med pa'i phyir/ dran pa nye bar gzhag pa med par rig par bya'o/ /dran pa nye bar gzhag pa med pa'i phyir/ yang dag par spong ba med par rig par bya'o/ /</font><hr>34.212b<br><font size=+1>

yang dag par spong ba med pa'i phyir/ rdzu 'phrul gyi rkang pa med par rig par bya'o/ /rdzu 'phrul gyi rkang pa med pa'i phyir dbang po med par rig par bya'o/ /dbang po med pa'i phyir stobs med par rig par bya'o/ /stobs med pa'i phyir byang chub kyi yan lag med par rig par bya'o/ /byang chub kyi yan lag med pa'i phyir lam med par rig par bya'o/ /lam med pa'i phyir stobs bcu med par rig par bya'o/ /stobs bcu med pa'i phyir mi 'jigs pa med par rig par bya'o/ /mi 'jigs pa med pa'i phyir so so yang dag par rig pa med par rig par bya'o/ /so so yang dag par rig pa med pa'i phyir sangs rgyas kyi chos ma 'dres pa med par rig par bya'o/ /sangs rgyas kyi chos ma 'dres pa med pa'i phyir/ nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir/ dpag tu med pa dang / grangs med pa dang / tshad med pa yod pa ma yin par rig par bya'o/ /tshad med pa yod pa ma yin pa'i phyir chos thams cad med par rig par bya ste/ rab 'byor de ltar na theg pa chen po de ni sems can dpag tu med grangs med tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir sems can med pa dang / shes pa po dang / mthong ba po'i bar du med par rig par bya'o/ /shes pa po dang / mthong ba po med pa'i phyir/ rigs kyi sa'i chos rnams med par rig par bya'o/ /rigs kyi sa'i chos rnams med pa'i phyir brgyad pa'i sa'i chos rnams dang / mthong ba'i sa'i chos rnams dang / bsrabs pa'i sa'i chos rnams dang / 'dod chags dang bral ba'i sa'i chos rnams dang / byas pa rtogs pa can gyi sa'i</font><hr>34.213a<br><font size=+1>

chos rnams med par rig par bya'o/ /byas pa rtogs pa can gyi sa'i chos rnams med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir dpag tu med pa dang grangs med pa dang tshad med pa yod pa ma yin par rig par bya'o/ /tshad med pa yod pa ma yin pa'i phyir chos thams cad med par rig par bya ste/ rab 'byor de ltar na theg pa chen po de ni sems can dpag tu med/ grangs med/ tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir sems can med pa dang / shes pa po dang / mthong ba po'i bar du med par rig par bya'o/ /shes pa po dang / mthong ba po med pa'i phyir rgyun du zhugs pa med par rig par bya'o/ /rgyun du zhugs pa med pa'i phyir lan cig phyir 'ong ba med par rig par bya'o/ /lan cig phyir 'ong ba med pa'i phyir phyir mi 'ong ba med par rig par bya'o/ /phyir mi 'ong ba med pa'i phyir dgra bcom pa med par rig par bya'o/ /dgra bcom pa med pa'i phyir nam mkha' dang / theg pa chen po dang / dpag tu med pa dang grangs med pa dang / tshad med pa dang / chos thams cad kyi bar du med par rig par bya ste/ rab 'byor de ltar na theg pa chen po de ni sems can dpag tu med/ grangs med/ tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir sems can med pa dang / shes pa po dang / mthong ba po'i bar du med par rig par bya'o/ /</font><hr>34.213b<br><font size=+1>

shes pa po dang / mthong ba po med pa'i phyir rang sangs rgyas med par rig par bya'o/ /rang sangs rgyas med pa'i phyir/ byang chub sems dpa' med par rig par bya'o/ /byang chub sems dpa' med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir dpag tu med pa dang / grangs med pa dang / tshad med pa yod pa ma yin par rig par bya'o/ /tshad med pa yod pa ma yin pa'i phyir/ chos thams cad med par rig par bya ste/ rab 'byor de ltar na theg pa chen po de ni sems can dpag tu med grangs med tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir/ sems can med pa dang / shes pa po dang mthong ba po'i bar du med par rig par bya'o/ /shes pa po dang / mthong ba po med pa'i phyir nyan thos kyi theg pa med par rig par bya'o/ /nyan thos kyi theg pa med pa'i phyir rang sangs rgyas kyi theg pa med par rig par bya'o/ /rang sangs rgyas kyi theg pa med pa'i phyir sangs rgyas kyi theg pa med par rig par bya'o/ /sangs rgyas kyi theg pa med pa'i phyir rnam pa thams cad mkhyen pa nyid med par rig par bya'o/ /rnam pa thams cad mkhyen pa nyid med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir dpag tu med pa dang / grangs med pa dang / tshad med pa yod pa ma yin par rig par bya'o/ /tshad med pa yod pa ma yin pa'i phyir chos thams cad med par rig par bya ste/ rab 'byor de ltar na theg pa chen po de ni sems can dpag tu med grangs med/ </font><hr>34.214a<br><font size=+1>

tshad med pa rnams kyi go 'byed pa yin no/ /de ci'i phyir zhe na/ rab 'byor 'di ltar bdag gang yin pa dang / chos thams cad kyi bar gang yin pa de dag thams cad dmigs su med pa'i phyir ro/ /rab 'byor 'di lta ste dper na/ mya ngan las 'das pa'i dbyings ni sems can dpag tu med/ grangs med tshad med pa rnams kyi go 'byed do/ /rab 'byor de bzhin du theg pa chen po de yang sems can dpag tu med/ grangs med/ tshad med pa rnams kyi go 'byed de/ rab 'byor rnam grangs des na/ ji ltar nam mkha' sems can dpag tu med grangs med tshad med pa rnams kyi go 'byed pa de bzhin du/ theg pa chen po de yang sems can dpag tu med grangs med tshad med pa rnams kyi go 'byed pa yin no/ /rab 'byor gang yang khyod kyis 'di skad du bcom ldan 'das theg pa chen po de la ni 'ong ba 'am 'gro ba mi dmigs shing / gnas pa mi dmigs zhes smras pa ni/ rab 'byor de de bzhin no/ /de de bzhin te/ theg pa chen po de la ni 'ong ba dang 'gro ba mi dmigs shing gnas pa mi dmigs so/ /de ci'i phyir zhe na/ rab 'byor chos thams cad ni g.yo ba med pa ste/ de dag ni gang du 'ang 'dong ba med/ gang nas kyang 'ong ba med/ gang na yang gnas pa med pa'i phyir ro/ /de ci'i phyir zhe na/ rab 'byor gzugs kyi rang bzhin ni gang nas kyang 'ong ba med/ gang du yang 'gro ba med/ gang na yang gnas pa med/ tshor ba dang / 'du shes dang 'du byed rnams dang / rnam par shes pa'i rang bzhin ni gang nas kyang 'ong ba med/ gang du yang 'gro ba med/ gang na yang gnas pa med/ gzugs kyi de bzhin nyid ni gang nas kyang 'ong ba med/ gang du yang 'gro ba med/ gang na yang gnas pa med/ tshor ba dang 'du shes dang 'du byed rnams dang / rnam par shes pa'i de bzhin nyid ni gang nas kyang 'ong ba med gang du yang 'gro ba med/ gang na yang gnas pa med/ gzugs kyi ngo bo nyid ni gang nas kyang 'ong ba med/ </font><hr>34.214b<br><font size=+1>

gang du yang 'gro ba med/ gang na yang gnas pa med/ tshor ba dang / 'du shes dang / 'du byed rnams dang / rnam par shes pa'i ngo bo nyid ni gang nas kyang 'ong ba med/ gang du yang 'gro ba med/ gang na yang gnas pa med/ gzugs kyi mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med/ tshor ba dang 'du shes dang 'du byed rnams dang / rnam par shes pa'i mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor de bzhin du mig gi rang bzhin ni gang nas kyang 'ong ba med/ gang du yang 'gro ba med/ gang na yang gnas pa med/ rna ba dang sna dang lce dang lus dang / yid kyi rang bzhin ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor de bzhin du mig gi de bzhin nyid dang / ngo bo nyid dang / mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med la/ rna ba dang sna dang lce dang lus dang yid kyi de bzhin nyid dang / ngo bo nyid dang / mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor sa'i khams kyi rang bzhin dang / de bzhin nyid dang ngo bo nyid dang mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med la/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi rang bzhin dang / de bzhin nyid dang / ngo bo nyid dang / mtshan nyid kyang gang nas kyang 'ong ba med/ gang du yang 'gro ba med gang na yang gnas pa med pa'i phyir ro/ /rab 'byor chos kyi dbyings kyi rang bzhin ni gang nas kyang 'ong ba med/ gang du yang 'gro ba med/ gang na yang gnas pa med cing / chos kyi dbyings kyi de bzhin nyid dang / ngo bo nyid dang / mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med</font><hr>34.215a<br><font size=+1>

pa'i phyir ro/ /rab 'byor de bzhin nyid kyi rang bzhin ni gang nas kyang 'ong ba med/ gang du yang 'gro ba med/ gang na yang gnas pa med cing / de bzhin nyid kyi de bzhin nyid dang / de bzhin nyid kyi ngo bo nyid dang / de bzhin nyid kyi mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor yang dag pa'i mtha'i rang bzhin ni gang nas kyang 'ong ba med/ gang du yang 'gro ba med/ gang na yang gnas pa med cing / rab 'byor yang dag pa'i mtha'i de bzhin nyid dang / yang dag pa'i mtha'i ngo bo nyid dang / yang dag pa'i mtha'i mtshan nyid ni gang nas kyang 'ong ba med/ gang du yang 'gro ba med gang na yang gnas pa med pa'i phyir ro/ /rab 'byor bsam gyis mi khyab pa'i dbyings kyi rang bzhin ni gang nas kyang 'ong ba med/ gang du yang 'gro ba med/ gang na yang gnas pa med cing / bsam gyis mi khyab pa'i dbyings kyi de bzhin nyid dang / bsam gyis mi khyab pa'i dbyings kyi ngo bo nyid dang / bsam gyis mi khyab pa'i dbyings kyi mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor sbyin pa'i pha rol du phyin pa'i rang bzhin ni gang nas kyang 'ong ba med/ gang du yang 'gro ba med/ gang na yang gnas pa med la/ sbyin pa'i pha rol du phyin pa'i de bzhin nyid dang sbyin pa'i pha rol du phyin pa'i ngo bo nyid dang / sbyin pa'i pha rol du phyin pa'i mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med cing / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i rang bzhin ni gang nas kyang 'ong ba med/ gang du yang 'gro ba med/ gang na yang gnas pa med la/ shes rab kyi pha rol du phyin pa'i de bzhin nyid dang / shes rab kyi pha rol du phyin pa'i ngo bo nyid dang / shes rab kyi</font><hr>34.215b<br><font size=+1>

pha rol du phyin pa'i mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor dran pa nye bar gzhag pa rnams kyi rang bzhin ni gang nas kyang 'ong ba med/ gang du yang 'gro ba med/ gang na yang gnas pa med la/ rab 'byor dran pa nye bar gzhag pa rnams kyi de bzhin nyid dang / dran pa nye bar gzhag pa rnams kyi ngo bo nyid dang / dran pa nye bar gzhag pa rnams kyi mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med cing / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / mngon par shes pa drug dang / sangs rgyas kyi chos ma 'dres pa bcwa brgyad po dag gi rang bzhin ni gang nas kyang 'ong ba med/ gang du yang 'gro ba med gang na yang gnas pa med la/ de bzhin du sangs rgyas kyi chos ma 'dres pa bcwa brgyad kyi de bzhin nyid dang / sangs rgyas kyi chos ma 'dres pa bcwa brgyad kyi ngo bo nyid dang / sangs rgyas kyi chos ma 'dres pa bcwa brgyad kyi mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor byang chub kyi rang bzhin ni gang nas 'ong ba med/ gang du yang 'gro ba med gang na yang gnas pa med la/ byang chub kyi de bzhin nyid dang / byang chub kyi ngo bo nyid dang / byang chub kyi mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor sangs rgyas kyi rang bzhin ni gang nas kyang 'ong ba med/ gang du yang 'gro ba med gang na yang gnas pa med la/ sangs rgyas kyi de bzhin nyid dang / sangs rgyas kyi ngo bo nyid dang / sangs rgyas kyi mtshan</font><hr>34.216a<br><font size=+1>

nyid ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor 'dus byas kyi rang bzhin ni gang nas kyang 'ong ba med/ gang du yang 'gro ba med/ gang na yang gnas pa med la/ 'dus byas kyi de bzhin nyid dang / 'dus byas kyi ngo bo nyid dang / 'dus byas kyi mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor 'dus ma byas kyi rang bzhin ni gang nas kyang 'ong ba med/ gang du yang 'gro ba med/ gang na yang gnas pa med la/ 'dus ma byas kyi de bzhin nyid dang / 'dus ma byas kyi ngo bo nyid dang / 'dus ma byas kyi mtshan nyid ni gang nas kyang 'ong ba med/ gang du yang 'gro ba med/ gang na yang gnas pa med pa'i phyir ro/ /rab 'byor de ltar na theg pa chen po de la ni 'ong ba mi dmigs 'gro ba mi dmigs/ gnas pa yang mi dmigs so/ /rab 'byor gang yang khyod 'di skad du/ bcom ldan 'das theg pa de la ni sngon gyi mtha' yang mi dmigs/ phyi ma'i mtha' yang mi dmigs/ dbus kyang mi dmigs lags pas/ de ni dus gsum mnyam pa nyid kyi theg pa lags te/ de'i slad du theg pa chen po theg pa chen po zhes bgyi'o zhes smras pa ni rab 'byor de de bzhin no/ /de de bzhin te/ theg pa chen po de la ni sngon gyi mtha' yang mi dmigs/ phyi ma'i mtha' yang mi dmigs/ dbus kyang mi dmigs pas/ de ni dus gsum mnyam pa nyid kyi theg pa yin te/ de'i phyir theg pa chen po theg pa chen po zhes bya'o/ /de ci'i phyir zhe na/ rab 'byor 'di ltar 'das pa'i dus kyang 'das pa'i dus kyis stong / ma 'ongs pa'i dus kyang ma 'ongs pa'i dus kyis stong / da ltar byung ba'i dus kyang da ltar byung ba'i dus kyis stong / dus gsum mnyam pa nyid kyang dus gsum mnyam</font><hr>34.216b<br><font size=+1>

pa nyid kyis stong / theg pa chen po yang theg pa chen pos stong / byang chub sems dpa' yang byang chub sems dpas stong la/ rab 'byor stong pa nyid la ni gcig ces bya ba med cing / gnyis sam/ gsum 'am/ bzhi 'am/ lnga 'am/ drug gam/ bdun nam/ brgyad dam/ dgu 'am/ bcu zhes bya ba 'am/ tha dad du dbye ba med pa'i phyir te/ de bas na 'di ni byang chub sems dpa' sems dpa' chen po rnams kyi dus gsum mnyam pa nyid kyi theg pa yin te/ theg pa chen po de la ni mnyam pa dang mi mnyam pa mi dmigs so/ /de la ni 'dod chags dang 'dod chags dang bral ba yang mi dmigs so/ /zhe sdang dang zhe sdang med pa yang mi dmigs so/ /gti mug dang gti mug med pa yang mi dmigs so/ /ming dang ming med pa yang mi dmigs so/ /de bzhin du dge ba dang mi dge ba yang mi dmigs so/ /zag pa dang bcas pa dang / zag pa med pa yang mi dmigs so/ /kha na ma tho ba dang bcas pa dang / kha na ma tho ba med pa yang mi dmigs so/ /nyon mongs pa dang bcas pa dang / nyon mongs pa med pa yang mi dmigs so/ /'jig rten pa dang 'jig rten las 'das pa yang mi dmigs so/ /kun nas nyon mongs pa dang rnam par byang ba yang mi dmigs so/ /'khor ba dang mya ngan las 'das pa yang mi dmigs so/ /de la ni rtag pa dang mi rtag pa yang mi dmigs so/ /bde ba dang sdug bsngal ba yang mi dmigs so/ /bdag dang bdag med pa yang mi dmigs so/ /zhi ba dang ma zhi ba yang mi dmigs so/ /'dod pa'i khams dang / 'dod pa'i khams las yang dag par 'da' ba yang mi dmigs so/ /gzugs kyi khams dang / gzugs kyi khams las yang dag par 'da' ba yang mi dmigs so/ /gzugs med pa'i khams dang / gzugs med pa'i khams las yang dag par 'da' ba yang mi dmigs so/ /de ci'i phyir zhe na/ rab 'byor 'di ltar de'i rang bzhin dmigs su med pa'i phyir te/ </font><hr>34.217a<br><font size=+1>

rab 'byor 'das pa'i gzugs ni 'das pa'i gzugs kyis stong ngo / /de bzhin du 'das pa'i tshor ba dang / 'du shes dang / 'du byed rnams dang / 'das pa'i rnam par shes pa ni 'das pa'i rnam par shes pas stong ngo / /rab 'byor ma 'ongs pa'i gzugs ni ma 'ongs pa'i gzugs kyis stong ngo / /de bzhin du ma 'ongs pa'i tshor ba dang / 'du shes dang / 'du byed rnams dang / ma 'ongs pa'i rnam par shes pa ni ma 'ongs pa'i rnam par shes pas stong ngo / /rab 'byor da ltar byung ba'i gzugs ni da ltar byung ba'i gzugs kyis stong ngo / /de bzhin du da ltar byung ba'i tshor ba dang / 'du shes dang / 'du byed rnams dang / da ltar byung ba'i rnam par shes pa ni/ da ltar byung ba'i rnam par shes pas stong ngo / /de ci'i phyir zhe na/ rab 'byor 'di ltar stong pa nyid la 'das pa'i gzugs dmigs su med pa'i phyir te/ stong pa nyid kyang stong pa nyid kyis stong pas dmigs su med na/ stong pa nyid la 'das pa'i gzugs dmigs par lta ga la 'gyur/ stong pa nyid la 'das pa'i tshor ba dang / 'du shes dang / 'du byed rnams dang / rnam par shes pa dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la 'das pa'i tshor ba dang / 'du shes dang / 'du byed rnams dang / rnam par shes pa dmigs par lta ga la 'gyur/ de bzhin du stong pa nyid la ma 'ongs pa'i gzugs dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la ma 'ongs pa'i gzugs dmigs par lta ga la 'gyur/ stong pa nyid la ma 'ongs pa'i tshor ba dang / 'du shes dang / 'du byed rnams dang / rnam par shes pa dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la ma 'ongs pa'i tshor ba dang / 'du shes dang / 'du byed rnams dang / rnam par shes pa dmigs par lta ga la 'gyur/ stong</font><hr>34.217b<br><font size=+1>

pa nyid la da ltar byung ba'i gzugs dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la da ltar byung ba'i gzugs dmigs par lta ga la 'gyur/ stong pa nyid la da ltar byung ba'i tshor ba dang / 'du shes dang / 'du byed rnams dang / rnam par shes pa dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la da ltar byung ba'i tshor ba dang / 'du shes dang / 'du byed rnams dang / rnam par shes pa dmigs par lta ga la 'gyur/ rab 'byor sbyin pa'i pha rol du phyin pa ni sngon gyi mthar mi dmigs so/ /rab 'byor sbyin pa'i pha rol du phyin pa ni phyi ma'i mthar mi dmigs so/ /rab 'byor sbyin pa'i pha rol du phyin pa ni da ltar byung bar mi dmigs so/ /rab 'byor sbyin pa'i pha rol du phyin pa ni dus gsum mnyam pa nyid la mi dmigs te/ rab 'byor mnyam pa nyid la ni 'das pa'i dus mi dmigs so/ /mnyam pa nyid la ni ma 'ongs pa'i dus mi dmigs so/ /mnyam pa nyid la ni da ltar byung ba'i dus mi dmigs te/ mnyam pa nyid la mnyam pa nyid mi dmigs na/ mnyam pa nyid la 'das pa dang ma 'ongs pa dang da ltar byung ba'i sbyin pa'i pha rol du phyin pa dmigs par lta ga la 'gyur/ rab 'byor tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa ni sngon gyi mtha' dang / phyi ma'i mtha' dang / da ltar byung ba'i dus rnams ni mi dmigs so/ /rab 'byor shes rab kyi pha rol du phyin pa ni sngon gyi mtha' dang / phyi ma'i mtha' dang / da ltar byung ba'i dus rnams ni mi dmigs so/ /shes rab kyi pha rol du phyin pa ni dus gsum mnyam pa nyid la mi dmigs te/ rab 'byor mnyam pa nyid la ni 'das pa dang ma 'ongs pa dang da ltar byung ba'i dus mi dmigs te/ mnyam pa nyid la mnyam</font><hr>34.218a<br><font size=+1>

pa nyid kyang mi dmigs na/ mnyam pa nyid la 'das pa dang ma 'ongs pa dang / da ltar byung ba'i shes rab kyi pha rol du phyin pa dmigs par lta ga la 'gyur/ rab 'byor gzhan yang dran pa nye bar gzhag pa rnams ni sngon gyi mtha' dang / phyi ma'i mtha' dang dbus rnams ni mi dmigs so/ /dran pa nye bar gzhag pa rnams ni dus gsum mnyam pa nyid la mi dmigs so/ /rab 'byor mnyam pa nyid la ni 'das pa dang ma 'ongs pa dang / da ltar byung ba'i dus mi dmigs te/ mnyam pa nyid la mnyam pa nyid kyang mi dmigs na/ mnyam pa nyid la 'das pa dang ma 'ongs pa dang / da ltar byung ba'i dran pa nye bar gzhag pa rnams dmigs par lta ga la 'gyur/ rab 'byor de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad po dag ni sngon gyi mtha' dang / phyi ma'i mtha' dang / dbus rnams su mi dmigs so/ /sangs rgyas kyi chos ma 'dres pa bcwa brgyad kyi bar ni dus gsum mnyam pa nyid la mi dmigs so/ /rab 'byor mnyam pa nyid la ni 'das pa'i dus mi dmigs ma 'ongs pa'i dus mi dmigs/ da ltar byung ba'i dus mi dmigs te/ mnyam pa nyid la mnyam pa nyid kyang mi dmigs na/ mnyam pa nyid la 'das pa dang / ma 'ongs pa dang / da ltar byung ba'i sangs rgyas kyi chos ma 'dres pa bcwa brgyad kyi bar dag dmigs par lta ga la 'gyur/ rab 'byor gzhan yang so so'i skye bo ni sngon gyi mthar mi dmigs so/ /so so'i skye bo ni phyi ma'i mthar mi dmigs so/ /so so'i skye bo ni da ltar byung bar mi dmigs so/ /so so'i skye bo ni dus gsum mnyam pa nyid la mi dmigs so/ /de ci'i phyir zhe na/ rab 'byor sems can dmigs su med pa'i phyir ro/ /rab 'byor gzhan yang nyan thos ni sngon gyi mthar mi dmigs so/ /rang sangs rgyas dang / byang chub sems dpa' ni sngon gyi mthar</font><hr>34.218b<br><font size=+1>

mi dmigs so/ /de bzhin gshegs pa ni sngon gyi mthar mi dmigs so/ /de bzhin gshegs pa ni phyi ma'i mthar mi dmigs so/ /de bzhin gshegs pa ni da ltar byung bar mi dmigs so/ /de bzhin gshegs pa ni dus gsum mnyam pa nyid la mi dmigs so/ /de ci'i phyir zhe na/ sems can dmigs su med pa'i phyir ro/ /rab 'byor byang chub sems dpa' sems dpa' chen pos shes rab kyi pha rol du phyin pa la de ltar gnas te/ dus gsum mnyam pa nyid la de ltar bslabs shing / rnam pa thams cad mkhyen pa nyid yongs su rdzogs par bya'o/ /rab 'byor de ni byang chub sems dpa' sems dpa' chen po'i dus gsum mnyam pa nyid ces bya ba'i theg pa chen po yin te/ de la gnas nas byang chub sems dpa' sems dpa' chen pos lha dang / mi dang lha ma yin du bcas pa'i 'jig rten zil gyis mnan nas rnam pa thams cad mkhyen pa nyid du nges par 'byung bar 'gyur ro/ /de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das ji tsam du bcom ldan 'das kyis byang chub sems dpa' sems dpa' chen po rnams kyi dus gsum mnyam pa nyid ces bgyi ba'i theg pa chen po 'di legs par bka' stsal pa ni/ legs so/ legs so/ /bcom ldan 'das 'das pa'i byang chub sems dpa' sems dpa' chen po rnams kyis kyang theg pa chen po 'di la bslabs nas/ rnam pa thams cad mkhyen pa nyid thob lags so/ /bcom ldan 'das ma 'ongs pa'i byang chub sems dpa' sems dpa' chen po rnams kyang theg pa chen po 'di la slob cing / rnam pa thams cad mkhyen pa nyid thob par 'gyur lags so/ /bcom ldan 'das gang dag da ltar phyogs bcu'i 'jig rten gyi khams dpag tu ma mchis grangs ma mchis tshad ma mchis pa dag na mchis pa'i byang chub sems dpa' sems dpa' chen po dpag tu ma mchis/ grangs ma mchis/ tshad ma</font><hr>34.219a<br><font size=+1>

mchis pa de dag kyang theg pa chen po 'di la bslabs shing / rnam pa thams cad mkhyen pa nyid thob par bgyid lags te/ bcom ldan 'das de'i slad du de ni byang chub sems dpa' sems dpa' chen po rnams kyi theg pa chen po lags te/ 'di ltar dus gsum mnyam pa nyid ces bgyi ba'i theg pa lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang theg pa chen po 'di la bslabs shing / rnam pa thams cad mkhyen pa nyid brnyes so/ /brnyes par 'gyur ro/ /brnyes par mdzad do/ /shes rab kyi pha rol du phyin pa khri brgyad stong pa las zil gyis gnon pa'i le'u zhes bya ste/ bcu dgu pa'o// // 'phags pa shes rab kyi pha rol du phyin pa khri brgyad stong pa/ bam po bcu drug pa/ de nas bcom ldan 'das la/ tshe dang ldan pa byams ma'i bu gang pos 'di skad ces gsol to/ /bcom ldan 'das gnas brtan rab 'byor 'di ni de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi pha rol du phyin pa'i slad du bskul ba mdzad pas 'di ni theg pa chen po bstan par sems lags so/ /de nas bcom ldan 'das la tshe dang ldan pa rab 'byor kyis 'di skad ces gsol to/ /bcom ldan 'das bdag gis shes rab kyi pha rol du phyin pa dang 'gal bar theg pa chen po bstan pa 'am gcig tu ma gyur lags sam/ bcom ldan 'das kyis bka' stsal pa/ rab 'byor de ltar gyur pa med de/ rab 'byor khyod ni shes rab kyi pha rol du phyin pa dang 'thun par theg pa chen po ston pa yin no/ /de ci'i phyir zhe</font><hr>34.219b<br><font size=+1>

na/ rab 'byor 'di ltar nyan thos kyi chos rnams sam/ rang sangs rgyas kyi chos rnams sam/ byang chub sems dpa'i chos rnams sam/ sangs rgyas kyi chos rnams sam/ dge ba'i chos gang ci yang rung ba de dag thams cad ni shes rab kyi pha rol du phyin pa'i nang du 'dus shing / yang dag par gzhol ba'i phyir ro/ rab 'byor gyis gsol pa/ bcom ldan 'das nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos gang dag shes rab kyi pha rol du phyin pa'i nang du 'dus shing yang dag par gzhol ba'i byang chub kyi phyogs kyi dge ba'i chos de dag gang lags/ bcom ldan 'das kyis bka' stsal pa/ rab 'byor 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / bsnyel ba mi mnga' ba'i chos nyid dang rtag du btang snyoms su gnas pa ste/ rab 'byor de dag ni nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos gang dag shes rab kyi pha rol du phyin pa'i nang du 'dus shing / </font><hr>34.220a<br><font size=+1>

yang dag par gzhol ba'i byang chub kyi phyogs kyi dge ba'i chos rnams yin no/ /rab 'byor de la theg pa chen po gang yin pa dang / shes rab kyi pha rol du phyin pa gang yin pa dang / bsam gtan gyi pha rol du phyin pa gang yin pa dang / brtson 'grus kyi pha rol du phyin pa gang yin pa dang / bzod pa'i pha rol du phyin pa gang yin pa dang / tshul khrims kyi pha rol du phyin pa gang yin pa dang / sbyin pa'i pha rol du phyin pa gang yin pa dang / gzugs gang yin pa dang / tshor ba dang / 'du shes dang / 'du byed rnams dang / rnam par shes pa gang yin pa dang / mig gang yin pa dang / gzugs gang yin pa dang / mig gi rnam par shes pa gang yin pa dang / mig gi 'dus te reg pa gang yin pa dang / mig gi 'dus te reg pa las byung ba'i chor ba gang yin pa dang / rna ba dang / sna dang / lce dang / lus dang / yid gang yin pa dang / chos rnams gang yin pa dang / yid kyi rnam par shes pa gang yin pa dang / yid kyi 'dus te reg pa gang yin pa dang / yid kyi 'dus te reg pa'i rkyen gyis tshor ba gang yin pa dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / stong pa nyid dang / mtshan ma med pa dang / smon pa med pa dang / 'dus byas kyi chos rnams dang / 'dus ma byas kyi chos rnams dang / sdug bsngal dang / kun 'byung ba dang / 'gog pa dang / lam dang / 'dod pa'i khams dang / gzugs kyi khams dang / gzugs med pa'i khams gang yin pa dang / nang stong pa nyid dang / dngos po med pa'i ngo bo nyid stong pa nyid kyi bar gang yin pa dang / ting nge 'dzin rnams gang yin pa dang / </font><hr>34.220b<br><font size=+1>

gzungs kyi sgo rnams gang yin pa dang / sangs rgyas kyi chos ma 'dres pa bcwa brgyad kyi bar dag gang yin pa dang / de bzhin gshegs pa gang yin pa dang / de bzhin gshegs pas gsungs pa'i chos 'dul ba gang yin pa dang / chos kyi dbyings gang yin pa dang / de bzhin nyid gang yin pa dang / yang dag pa'i mtha' gang yin pa dang / bsam gyis mi khyab pa'i dbyings gang yin pa dang / mya ngan las 'das pa gang yin pa'i chos de dag thams cad ni ldan pa yang ma yin/ mi ldan pa yang ma yin/ gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa yin pas/ rab 'byor rnam grangs des na/ khyod ni shes rab kyi pha rol du phyin pa dang 'thun par theg pa chen po ston pa yin no/ /de ci'i phyir zhe na/ rab 'byor theg pa chen po yang gzhan la shes rab kyi pha rol du phyin pa yang gzhan/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang gzhan/ theg pa chen po yang gzhan/ dran pa nye bar gzhag pa rnams kyang gzhan zhing / theg pa chen po yang gzhan pa ma yin pa'i phyir te/ de ltar na theg pa chen po dang / dran pa nye bar gzhag pa de dag ni gnyis su med cing gnyis su dbyer med do/ /theg pa chen po yang gzhan la sangs rgyas kyi chos ma 'dres pa bcwa brgyad kyi bar dag kyang gzhan pa ma yin te/ de ltar na theg pa chen po dang / sangs rgyas kyi chos de dag ni gnyis su med cing gnyis su dbyer med do/ /rab 'byor de'i phyir theg pa chen po bstan pas shes rab kyi pha rol du phyin pa bstan par 'gyur ro/ /shes rab kyi pha rol du phyin pa bstan pas theg pa chen po bstan par 'gyur ro/ /de nas bcom ldan 'das la/ tshe dang ldan pa rab 'byor kyis 'di skad ces gsol to/ /bcom ldan 'das 'di ltar yang byang chub sems dpa' ni sngon</font><hr>34.221a<br><font size=+1>

gyi mthar khas mi len lags so/ /byang chub sems dpa' ni phyi ma'i mthar khas mi len lags so/ /byang chub sems dpa' ni dbus su khas mi len lags so/ /bcom ldan 'das gzugs mu ma mchis pa'i slad du/ byang chub sems dpa' mu ma mchis par rig par bgyi'o/ /tshor ba dang / 'du shes dang / 'du byed rnams dang / rnam par shes pa mu ma mchis pa'i slad du/ byang chub sems dpa' mu ma mchis par rig par bgyi'o/ /bcom ldan 'das gzugs byang chub sems dpa' zhes bgyi ba de lta bu yang ma mchis shing / mi dmigs lags so/ /tshor ba dang / 'du shes dang / 'du byed rnams dang / rnam par shes pa byang chub sems dpa' zhes bgyi ba de lta bu yang ma mchis shing mi dmigs lags so/ /bcom ldan 'das de ltar bdag gis thams cad kyi thams cad rnam pa thams cad kyi thams cad du byang chub sems dpa' sems dpa' chen po yang dag par rjes su ma mthong / ma dmigs lags na/ byang chub sems dpa' sems dpa' chen po gang zhig shes rab kyi pha rol du phyin pa gang la gdams shing rjes su bstan par bgyi/ bcom ldan 'das 'di lta ste/ byang chub sems dpa' zhes bgyi ba de ni ming tsam du bas lags so/ /bcom ldan 'das 'di lta ste dper bgyi na/ bdag bdag ces bgyi ba yang bdag mngon par grub pa ni gtan ma mchis lags so/ /bcom ldan 'das de bzhin du byang chub sems dpa' byang chub sems dpa' zhes bgyi yang / byang chub sems dpa' mngon par grub pa ni gtan ma mchis lags so/ /bcom ldan 'das de ltar chos rnams rang bzhin ma mchis pa lags na/ gang mngon par grub pa'i gzugs de gang lags/ gang mngon par grub pa'i tshor ba dang / 'du shes dang / 'du byed rnams dang / gang mngon par grub pa'i rnam par shes pa de gang lags/ bcom ldan 'das gang mngon par ma grub pa de ni</font><hr>34.221b<br><font size=+1>

gzugs ma lags so/ /gang mngon par ma grub pa de ni tshor ba dang / 'du shes dang / 'du byed rnams dang / rnam par shes pa ma lags so/ /bcom ldan 'das mngon par ma grub pa las gud na gang byang chub kyi slad du spyod pa'i byang chub sems dpa' dmigs su ma mchis na/ ci mngon par ma grub pa de mngon par ma grub pa'i shes rab kyi pha rol du phyin pa la gdams par bgyi zhing rjes su bstan par bgyi lags sam/ bcom ldan 'das de ltar bstan pa'i tshe/ byang chub sems dpa' sems dpa' chen po'i sems mi zhum mi 'gong zhing / yid 'gyod par mi 'gyur la/ mi skrag mi dngang zhing dngang bar mi 'gyur na/ byang chub sems dpa' sems dpa' chen po de ni shes rab kyi pha rol du phyin pa la spyod pa lags par rig par bgyi'o/ /de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor ci'i phyir/ byang chub sems dpa' sngon gyi mthar khas mi len pa yin/ byang chub sems dpa' phyi ma'i mthar khas mi len pa yin/ byang chub sems dpa' dbus su khas mi len pa yin/ tshe dang ldan pa rab 'byor ci'i phyir/ gzugs mu med pa'i phyir byang chub sems dpa' mu med par rig par bya/ tshor ba dang / 'du shes dang / 'du byed rnams dang / rnam par shes pa mu med pa'i phyir/ byang chub sems dpa' mu med par rig par bya/ tshe dang ldan pa rab 'byor ci'i phyir gzugs byang chub sems dpa' zhes bya ba de lta bu yang med cing mi dmigs pa yin/ tshor ba dang / 'du shes dang / 'du byed rnams dang / rnam par shes pa byang chub sems dpa' zhes bya ba de lta bu yang med cing mi dmigs pa yin/ tshe dang ldan pa rab 'byor ci'i phyir 'di skad du/ bcom ldan 'das de ltar bdag gis thams cad kyi thams cad/ rnam pa thams cad kyi thams cad du/ byang chub sems dpa' sems dpa' chen po yang dag par rjes su mi mthong / </font><hr>34.222a<br><font size=+1>

ma dmigs lags na/ byang chub sems dpa' sems dpa' chen po gang zhig shes rab kyi pha rol du phyin pa gang la gdams par bgyi zhing rjes su bstan par bgyi zhes smra/ tshe dang ldan pa rab 'byor ci'i phyir 'di skad du/ byang chub sems dpa' zhes bgyi ba de ni ming tsam du bas lags so zhes bya ba'i bar du smra/ tshe dang ldan pa rab 'byor ci'i phyir 'di skad du/ bcom ldan 'das dper bgyi na/ bdag bdag ces bgyi yang bdag mngon par grub pa ni gtan ma mchis lags so/ /bcom ldan 'das de bzhin du byang chub sems dpa' byang chub sems dpa' zhes bgyi yang byang chub sems dpa' mngon par grub pa ni gtan ma mchis lags so zhes smra/ tshe dang ldan pa rab 'byor ci'i phyir 'di skad du/ bcom ldan 'das de ltar chos rnams dngos po ma mchis pa'i ngo bo nyid lags na/ gang mngon par ma grub pa'i gzugs de gang lags/ gang mngon par ma grub pa'i tshor ba dang / 'du shes dang / 'du byed rnams dang / gang mngon par ma grub pa'i rnam par shes pa de gang lags/ gang mngon par ma grub pa de ni gzugs ma lags so/ /gang mngon par ma grub pa de ni tshor ba dang / 'du shes dang / 'du byed rnams dang / rnam par shes pa ma lags so zhes smra/ tshe dang ldan pa rab 'byor ci'i phyir 'di skad du/ mngon par ma grub pa de mngon par ma grub ba'i shes rab kyi pha rol du phyin pa la gdams par bgyi zhing rjes su bstan par bgyi lags sam zhes smra/ tshe dang ldan pa rab 'byor ci'i phyir 'di skad du/ bcom ldan 'das mngon par ma grub pa las gud na yang gang byang chub kyi slad du spyod pa'i byang chub sems dpa' sems dpa' chen po dmigs su ma mchis pa lags so zhes smra / tshe dang ldan pa rab 'byor ci'i phyir 'di skad du/ bcom ldan 'das gal te de ltar bstan pa'i tshe/ byang chub sems</font><hr>34.222b<br><font size=+1>

dpa' sems dpa' chen po'i sems mi zhum/ mi 'gong zhing yid 'gyod par mi 'gyur la/ mi skrag mi dngang zhing / dngang bar mi 'gyur na/ byang chub sems dpa' sems dpa' chen po de ni shes rab kyi pha rol du phyin pa la spyod pa lags par rig par bgyi'o zhes smra/ rab 'byor gyis smras pa/ tshe dang ldan pa shA ri'i bu sems can med pa'i phyir/ byang chub sems dpa' sngon gyi mthar khas mi len to/ /tshe dang ldan pa shA ri'i bu sems can stong pa'i phyir byang chub sems dpa' sngon gyi mthar khas mi len to/ /tshe dang ldan pa shA ri'i bu sems can dben pa'i phyir byang chub sems dpa' sngon gyi mthar khas mi len to/ /tshe dang ldan pa shA ri'i bu sems can dngos po med pa'i phyir byang chub sems dpa' sngon gyi mthar khas mi len to/ /tshe dang ldan pa shA ri'i bu gzugs med pa'i phyir byang chub sems dpa' sngon gyi mthar khas mi len to/ /gzugs stong pa dang / gzugs dben pa dang / gzugs ngo bo nyid med pa'i phyir byang chub sems dpa' sngon gyi mthar khas mi len to/ /de bzhin du tshor ba dang / 'du shes dang / 'du byed rnams dang / rnam par shes pa med pa'i phyir byang chub sems dpa' sngon gyi mthar khas mi len to/ /rnam par shes pa stong pa dang / rnam par shes pa dben pa dang / rnam par shes pa ngo bo nyid med pa'i phyir/ byang chub sems dpa' sngon gyi mthar khas mi len to/ /tshe dang ldan pa shA ri'i bu sbyin pa'i pha rol du phyin pa med pa'i phyir/ byang chub sems dpa' sngon gyi mthar khas mi len to/ /sbyin pa'i pha rol du phyin pa stong pa dang / sbyin pa'i pha rol du phyin pa dben pa dang / sbyin pa'i pha rol du phyin pa ngo bo nyid med pa'i phyir byang chub sems dpa' sngon gyi mthar khas mi len to/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson</font><hr>34.223a<br><font size=+1>

'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa'i phyir/ byang chub sems dpa' sngon gyi mthar khas mi len to/ /shes rab kyi pha rol du phyin pa stong pa dang / shes rab kyi pha rol du phyin pa dben pa dang / shes rab kyi pha rol du phyin pa ngo bo nyid med pa'i phyir/ byang chub sems dpa' sngon gyi mthar khas mi len to/ /de ci'i phyir zhe na/ tshe dang ldan pa shA ri'i bu 'di ltar stong pa nyid la sngon gyi mtha' dang / phyi ma'i mtha' dang / dbus rnams kyang mi dmigs te/ stong pa nyid kyang gzhan la/ byang chub sems dpa' yang gzhan zhing / sngon gyi mtha' dang / phyi ma'i mtha' dang / dbus rnams kyang gzhan ma yin pas/ tshe dang ldan pa shA ri'i bu de ltar na stong pa nyid gang yin pa dang / byang chub sems dpa' gang yin pa dang / sngon gyi mtha' dang phyi ma'i mtha' dang / dbus gang yin pa de dag thams cad ni gnyis su med cing gnyis su dbyer med pa'i phyir ro/ /tshe dang ldan pa shA ri'i bu rnam grangs des na/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /tshe dang ldan pa shA ri'i bu med pa yang gzhan stong pa nyid kyang gzhan dben pa yang gzhan/ ngo bo nyid med pa yang gzhan/ byang chub sems dpa' yang gzhan/ sbyin pa'i pha rol du phyin pa yang gzhan/ tshul khrims kyi pha rol du phyin pa yang gzhan/ bzod pa'i pha rol du phyin pa yang gzhan/ brtson 'grus kyi pha rol du phyin pa yang gzhan/ bsam gtan gyi pha rol du phyin pa yang gzhan/ shes rab kyi pha rol du phyin pa yang gzhan zhing / sngon gyi mtha' dang / phyi ma'i mtha' dang / dbus rnams kyang gzhan pa ma yin te/ tshe dang ldan pa shA ri'i bu de ltar na med pa gang yin pa dang / stong pa nyid gang yin pa dang / dben pa gang yin pa dang / ngo bo nyid med pa</font><hr>34.223b<br><font size=+1>

gang yin pa dang / pha rol du phyin pa drug gang yin pa dang / byang chub sems dpa' gang yin pa dang / sngon gyi mtha' dang / phyi ma'i mtha' dang / dbus rnams gang yin pa de dag thams cad ni gnyis su med cing gnyis su dbyer med do/ /tshe dang ldan pa shA ri'i bu rnam grangs des na/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /de ci'i phyir zhe na/ tshe dang ldan pa shA ri'i bu nang stong pa nyid med pa'i phyir/ byang chub sems dpa' sngon gyi mthar khas mi len to/ /dngos po med pa'i ngo bo nyid stong pa nyid kyi bar du med pa'i phyir/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /de ci'i phyir zhe na/ tshe dang ldan pa shA ri'i bu nang stong pa nyid med pa dang / nang stong pa nyid stong pa dang / nang stong pa nyid dben pa dang / nang stong pa nyid ngo bo nyid med pa la sngon gyi mtha' dang / phyi ma'i mtha' dang / dbus rnams mi dmigs pa'i phyir ro/ /dngos po med pa'i ngo bo nyid stong pa nyid kyi bar du med pa dang / dngos po med pa'i ngo bo nyid stong pa nyid stong pa dang / dngos po med pa'i ngo bo nyid stong pa nyid dben pa dang / dngos po med pa'i ngo bo nyid stong pa nyid ngo bo nyid med pa la sngon gyi mtha' dang / phyi ma'i mtha' dang / dbus rnams mi dmigs pa'i phyir ro/ /nang stong pa nyid med pa dang / stong pa dang / dben pa dang / ngo bo nyid med pa yang gzhan la/ dngos po med pa'i ngo bo nyid stong pa nyid kyi bar du med pa dang / stong pa dang / ngo bo nyid med pa yang gzhan zhing / byang chub sems dpa' yang gzhan la/ sngon gyi mtha' dang / phyi ma'i mtha' dang / dbus rnams kyang gzhan pa ma yin te/ tshe dang ldan pa shA ri'i bu de ltar na/ nang stong pa nyid med pa dang / stong pa dang / dben pa dang / ngo bo nyid med pa gang yin pa dang / dngos po med pa'i ngo bo nyid stong pa</font><hr>34.224a<br><font size=+1>

nyid kyi bar du med pa dang / stong pa dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' dang / phyi ma'i mtha' dang / dbus rnams gang yin pa de dag thams cad ni gnyis su med cing gnyis su dbyer med do/ /tshe dang ldan pa shA ri'i bu rnam grangs des na/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /tshe dang ldan pa shA ri'i bu gzhan yang dran pa nye bar gzhag pa rnams med pa'i phyir byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /dran pa nye bar gzhag pa rnams stong pa dang / dran pa nye bar gzhag pa rnams dben pa dang / dran pa nye bar gzhag pa rnams ngo bo nyid med pa'i phyir/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /de bzhin du yang dag par spong ba rnams med pa dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams med pa'i phyir/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /de bzhin du sbyar te/ sangs rgyas kyi chos rnams stong pa dang / sangs rgyas kyi chos rnams dben pa dang / sangs rgyas kyi chos rnams ngo bo nyid med pa'i phyir/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /de ci'i phyir zhe na/ tshe dang ldan pa shA ri'i bu 'di ltar med pa dang / stong pa dang / dben pa dang / ngo bo nyid med pa la sngon gyi mtha' dang / phyi ma'i mtha' dang / dbus rnams mi dmigs</font><hr>34.224b<br><font size=+1>

pa'i phyir ro/ /med pa yang gzhan ma yin/ stong pa yang gzhan ma yin/ dpen pa yang gzhan ma yin/ ngo bo nyid med pa yang gzhan ma yin zhing / dran pa nye bar gzhag pa rnams kyang gzhan ma yin la/ sangs rgyas kyi chos rnams kyi bar du yang gzhan ma yin zhing / sngon gyi mtha' dang / phyi ma'i mtha' dang / dbus rnams kyang gzhan ma yin pa'i phyir te/ tshe dang ldan pa shA ri'i bu de ltar na/ dran pa nye bar gzhag pa rnams med pa dang / stong pa dang / dben pa dang / ngo bo nyid med pa gang yin pa dang / sangs rgyas kyi chos ma 'dres pa rnams kyi bar dang / sngon gyi mtha' dang / phyi ma'i mtha' dang / dbus rnams gang yin pa de dag thams cad ni gnyis su med cing gnyis su dbyer med do/ /tshe dang ldan pa shA ri'i bu rnam grangs des na/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /tshe dang ldan pa shA ri'i bu gzhan yang ting nge 'dzin thams cad med pa dang / gzungs kyi sgo thams cad med pa dang / chos kyi dbyings med pa dang / de bzhin nyid med pa dang / yang dag pa'i mtha' med pa dang / yang dag pa'i mtha' stong pa dang / yang dag pa'i mtha' dben pa dang / yang dag pa'i mtha' ngo bo nyid med pa'i phyir/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /de ci'i phyir zhe na/ ting nge 'dzin med pa dang / yang dag pa'i mtha'i bar du med pa dang / yang dag pa'i mtha'i bar du ngo bo nyid med pa la sngon gyi mtha' dang / phyi ma'i mtha' dang / dbus rnams mi dmigs pa'i phyir ro/ /tshe dang ldan pa shA ri'i bu med pa yang gzhan/ stong pa yang gzhan/ dben pa yang gzhan/ ngo bo nyid med pa yang gzhan/ byang chub sems dpa' yang gzhan/ yang dag pa'i mtha'i bar du yang gzhan zhing / sngon gyi mtha' dang / phyi ma'i</font><hr>34.225a<br><font size=+1>

mtha' dang / dbus rnams kyang gzhan pa ma yin te/ tshe dang ldan pa shA ri'i bu de ltar na med pa gang yin pa dang / ngo bo nyid med pa'i bar gang yin pa dang / ting nge 'dzin gang yin pa dang / yang dag pa'i mtha'i bar dang / byang chub sems dpa' dang / sngon gyi mtha' dang / phyi ma'i mtha' dang / dbus rnams gang yin pa de dag ni thams cad kyi thams cad/ rnam pa thams cad kyi thams cad du gnyis su med cing gnyis su dbyer med do/ /tshe dang ldan pa shA ri'i bu rnam grangs des na/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /tshe dang ldan pa shA ri'i bu gzhan yang nyan thos med pa'i phyir byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /nyan thos stong pa dang / nyan thos dben pa dang / nyan thos ngo bo nyid med pa'i phyir byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /rang sangs rgyas med pa dang / byang chub sems dpa' med pa dang / rnam pa thams cad mkhyen pa nyid med pa dang / rnam pa thams cad mkhyen pa nyid stong pa dang / rnam pa thams cad mkhyen pa nyid dben pa dang / rnam pa thams cad mkhyen pa nyid ngo bo nyid med pa'i phyir/ byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /de ci'i phyir zhe na/ tshe dang ldan pa shA ri'i bu med pa dang / stong pa dang / dben pa dang / ngo bo nyid med pa la sngon gyi mtha' dang / phyi ma'i mtha' dang / dbus rnams mi dmigs pa'i phyir ro/ /med pa dang / stong pa dang / dben pa dang / ngo bo nyid med pa yang gzhan zhing byang chub sems dpa' dang / nyan thos dang / rang sangs rgyas kyang gzhan la sngon gyi mtha' dang / phyi ma'i mtha' dang / dbus rnams kyang gzhan ma yin te/ tshe dang ldan pa shA ri'i bu de ltar na med pa dang / stong pa dang / dben pa dang / ngo bo nyid med pa dang / </font><hr>34.225b<br><font size=+1>

nyan thos dang / rang sangs rgyas dang / byang chub sems dpa' dang / sangs rgyas de dag ni gnyis su med cing gnyis su dbyer med do/ /tshe dang ldan pa shA ri'i bu rnam grangs des na byang chub sems dpa' sngon gyi mtha' dang / phyi ma'i mtha' dang / dbus rnams su khas mi len to/ /tshe dang ldan pa shA ri'i bu khyod gang 'di skad du/ tshe dang ldan pa rab 'byor ci'i phyir/ gzugs mu med pa'i phyir byang chub sems dpa' mu med par rig par bya/ tshor ba dang / 'du shes dang / 'du byed rnams dang / rnam par shes pa mu med pa'i phyir byang chub sems dpa' mu med par rig par bya zhes zer ba ni/ tshe dang ldan pa shA ri'i bu gzugs ni nam mkha' dang mnyam pa yin no/ /tshor ba dang / 'du shes dang / 'du byed rnams dang / rnam par shes pa ni nam mkha' dang mnyam pa yin no/ /de ci'i phyir zhe na/ tshe dang ldan pa shA ri'i bu 'di lta ste dper na nam mkha' la ni mtha' dang / dbus dang / mtha' mi dmigs kyang / nam mkha' zhes tha snyad 'dogs so/ /tshe dang ldan pa shA ri'i bu de bzhin du gzugs stong pa nyid yin pa'i phyir gzugs kyi sngon gyi mtha' mi dmigs/ phyi ma'i mtha' mi dmigs/ dbus mi dmigs te/ stong pa nyid la ni mtha' 'am/ dbus dmigs su med pa'i phyir ro/ /tshe dang ldan pa shA ri'i bu de bzhin du tshor ba dang / 'du shes dang / 'du byed rnams dang / rnam par shes pa stong pa nyid yin pa'i phyir tshor ba dang / 'du shes dang / 'du byed rnams dang / rnam par shes pa'i sngon gyi mtha' mi dmigs/ phyi ma'i mtha' mi dmigs/ dbus mi dmigs te/ stong pa nyid la ni mtha' 'am/ dbus dmigs su med pa'i phyir ro/ /tshe dang ldan pa shA ri'i bu rnam grangs des na/ gzugs mu med pa'i phyir byang chub sems dpa' mu med par rig par bya'o/ /tshor ba dang 'du shes dang / 'du byed rnams dang / rnam par shes pa mu med pa'i phyir byang chub</font><hr>34.226a<br><font size=+1>

sems dpa' mu med par rig par bya'o/ /tshe dang ldan pa shA ri'i bu de bzhin du khams dang / skye mched rnams dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams ni nam mkha' dang mnyam pa yin no/ /de ci'i phyir zhe na/ tshe dang ldan pa shA ri'i bu 'di lta ste dper na/ mtha' yas mu med pa'i phyir nam mkha' la mtha' 'am/ dbus mi dmigs kyang nam mkha' zhes tha snyad 'dogs so/ /tshe dang ldan pa shA ri'i bu de bzhin du sangs rgyas kyi chos rnams kyi bar du stong pa nyid yin pa'i phyir/ sangs rgyas kyi chos rnams la mtha' 'am/ dbus mi dmigs te/ stong pa nyid la mtha' 'am/ dbus dmigs su med pa'i phyir ro/ /tshe dang ldan pa shA ri'i bu rnam grangs des na sangs rgyas kyi chos rnams mu med pa'i phyir byang chub sems dpa' mu med par rig par bya'o/ /tshe dang ldan pa shA ri'i bu gang yang khyod 'di skad du/ tshe dang ldan pa rab 'byor ci'i phyir gzugs byang chub sems dpa' zhes bya ba de lta bu yang med cing mi dmigs pa yin/ tshor ba dang / 'du shes dang / 'du byed rnams dang / rnam par shes pa byang chub sems dpa' zhes bya ba de lta bu yang med cing mi dmigs pa yin zhes zer ba ni tshe dang ldan pa shA ri'i bu gzugs ni gzugs kyis stong ngo / /tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa ni rnam par shes pas stong ngo / /de ci'i phyir zhe na/ tshe dang ldan pa shA ri'i bu stong pa nyid la ni gzugs med cing mi dmigs/ stong pa nyid la ni byang chub sems dpa' med cing mi dmigs la/ de bzhin du stong pa nyid la ni tshor ba dang / 'du shes dang / 'du byed rnams dang / rnam par shes pa med</font><hr>34.226b<br><font size=+1>

cing mi dmigs/ stong pa nyid la ni byang chub sems dpa' med cing mi dmigs pa'i phyir te/ tshe dang ldan pa shA ri'i bu rnam grangs des na gzugs byang chub sems dpa' zhes bya ba de lta bu yang med cing mi dmigs pa yin no/ /tshor ba dang / 'du shes dang / 'du byed rnams dang / rnam par shes pa byang chub sems dpa' zhes bya ba de lta bu yang med cing mi dmigs pa yin no/ /tshe dang ldan pa shA ri'i bu gzhan yang sbyin pa'i pha rol du phyin pa ni sbyin pa'i pha rol du phyin pas stong ngo / /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni shes rab kyi pha rol du phyin pas stong ngo / /de ci'i phyir zhe na/ tshe dang ldan pa shA ri'i bu stong pa nyid la ni shes rab kyi pha rol du phyin pa med cing / stong pa nyid la ni byang chub sems dpa' med pa'i phyir ro/ /tshe dang ldan pa shA ri'i bu nang stong pa nyid ni nang stong pa nyid kyis stong ngo / /dngos po med pa'i ngo bo nyid stong pa nyid kyi bar ni dngos po med pa'i ngo bo nyid stong pa nyid kyi bar gyis stong ngo / /dran pa nye bar gzhag pa rnams ni/ dran pa nye bar gzhag pa rnams kyis stong ngo / /yang dag pa'i spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams ni sangs rgyas kyi chos ma 'dres pa rnams kyis stong ngo / /chos kyi dbyings ni chos kyi dbyings kyis stong ngo / /de bzhin nyid ni de bzhin nyid kyis stong ngo / /yang dag pa'i mtha' ni yang dag pa'i mthas stong ngo / /bsam gyis mi khyab pa'i dbyings ni bsam gyis mi khyab pa'i dbyings kyis stong ngo / /ting nge 'dzin ni ting nge 'dzin gyis stong ngo / /gzungs kyi sgo rnams ni gzungs kyi sgo rnams kyis</font><hr>34.227a<br><font size=+1>

stong ngo / /thams cad shes pa nyid ni thams cad shes pa nyid kyis stong ngo / /lam gyi rnam pa shes pa nyid ni lam gyi rnam pa shes pa nyid kyis stong ngo / /rnam pa thams cad mkhyen pa nyid ni rnam pa thams cad mkhyen pa nyid kyis stong ngo / /nyan thos kyi theg pa ni nyan thos kyi theg pas stong ngo / /rang sangs rgyas kyi theg pa ni rang sangs rgyas kyi theg pas stong ngo / /sangs rgyas kyi theg pa ni sangs rgyas kyi theg pas stong ngo / /nyan thos ni nyan thos kyis stong ngo / /rang sangs rgyas ni rang sangs rgyas kyis stong ngo / /byang chub sems dpa' ni byang chub sems dpas stong ngo / /de bzhin gshegs pa ni de bzhin gshegs pas stong ste/ tshe dang ldan pa shA ri'i bu de bzhin gshegs pa stong pa nyid la ni gzugs med cing mi dmigs so/ /de bzhin gshegs pa stong pa nyid la ni tshor ba dang / 'du shes dang / 'du byed rnams dang / rnam par shes pa med cing mi dmigs so/ /tshe dang ldan pa shA ri'i bu rnam grangs des na/ gzugs byang chub sems dpa' zhes bya ba de lta bu yang med cing mi dmigs pa yin no/ /tshor ba dang / 'du shes dang / 'du byed rnams dang / rnam par shes pa byang chub sems dpa' zhes bya ba de lta bu yang med cing mi dmigs pa yin no/ /tshe dang ldan pa shA ri'i bu gang yang khyod 'di skad du/ tshe dang ldan pa rab 'byor ci'i phyir 'di skad du/ bcom ldan 'das de ltar bdag gis thams cad kyi thams cad rnam pa thams cad kyi thams cad du/ byang chub sems dpa' sems dpa' chen po yang dag par rjes su ma mthong / ma dmigs lags na/ byang chub sems dpa' gang zhig shes rab kyi pha rol du phyin pa gang la gdams par bgyi zhing rjes su bstan par bgyi zhes smra zhes zer ba ni/ tshe dang ldan pa shA ri'i bu gzugs ni gzugs la dmigs su med do/ /gzugs ni tshor</font><hr>34.227b<br><font size=+1>

ba la dmigs su med do/ /tshor ba ni tshor ba la dmigs su med do/ /tshor ba ni gzugs la dmigs su med do/ /gzugs dang / tshor ba dag ni 'du shes la dmigs su med do/ /'du shes ni 'du shes la dmigs su med do/ /'du shes ni gzugs dang / tshor ba dag la dmigs su med do/ /'du byed rnams ni 'du shes la med cing mi dmigs so/ /'du byed rnams ni 'du byed rnams la med cing mi dmigs so/ /'du shes ni 'du byed rnams la med cing mi dmigs so/ /rnam par shes pa ni 'du byed rnams la med cing mi dmigs so/ /'du byed rnams ni rnam par shes pa la med cing mi dmigs so/ /gzugs dang / tshor ba dang / 'du shes ni 'du byed rnams la med cing mi dmigs so/ /rnam par shes pa ni rnam par shes pa la med cing mi dmigs so/ /gzugs dang / tshor ba dang / 'du shes dang / 'du byed rnams ni rnam par shes pa la med cing mi dmigs so/ /rnam par shes pa ni gzugs dang / tshor ba dang / 'du shes dang / 'du byed rnams la med cing mi dmigs so/ /tshe dang ldan pa shA ri'i bu mig ni mig la med cing mi dmigs so/ /mig ni rna ba la med cing mi dmigs so/ /rna ba ni mig la med cing mi dmigs so/ /rna ba ni rna ba la med cing mi dmigs so/ /rna ba ni sna la med cing mi dmigs so/ /sna ni sna la med cing mi dmigs so/ /sna ni mig dang rna ba la med cing mi dmigs so/ /sna ni lce la med cing mi dmigs so/ /lce ni lce la med cing mi dmigs so/ /lce ni mig dang rna ba dang / sna dag la med cing mi dmigs so/ /lce ni lus la med cing mi dmigs so/ /lus ni lus la med cing mi dmigs so/ /lus ni mig dang / rna ba dang / sna dang / lce rnams la med cing mi dmigs so/ /lus ni yid la med cing</font><hr>34.228a<br><font size=+1>

mi dmigs so/ /yid ni yid la med cing mi dmigs so/ /yid ni mig dang rna ba dang / sna dang / lce dang / lus rnams la med cing mi dmigs so/ /gzugs ni gzugs la med cing mi dmigs so/ /gzugs ni sgra dang / dri dang / ro dang / reg bya dang / chos rnams la med cing mi dmigs so/ /sgra ni sgra la med cing mi dmigs so/ /sgra ni gzhan dag la yang med cing mi dmigs so/ /de bzhin du dri ni dri dang / gzhan dag la yang med cing mi dmigs so/ /ro ni ro dang gzhan dag la yang med cing mi dmigs so/ /reg bya ni reg bya dang gzhan dag la yang med cing mi dmigs so/ /chos ni chos rnams dang gzhan dag la yang med cing mi dmigs so/ /mig gi rnam par shes pa ni mig gi rnam par shes pa la med cing mi dmigs so/ /gzhan dag kyang de la med cing mi dmigs so/ /de dag la yang de med cing mi dmigs so/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni de bzhin te/ yid kyi rnam par shes pa yang yid kyi rnam par shes pa la med cing mi dmigs so/ /gzhan dag kyang de la med cing mi dmigs so/ /de yang gzhan dag la med cing mi dmigs so/ /mig gi 'dus te reg pa ni mig gi 'dus te reg pa la med cing mi dmigs so/ /de ni gzhan dag la yang med cing mi dmigs so/ /de la gzhan dag kyang med cing mi dmigs so/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang de bzhin te/ yid kyi 'dus te reg pa ni yid kyi 'dus te reg pa la med cing mi dmigs so/ /yid kyi 'dus te reg pa la yang reg pa gzhan dag med cing mi dmigs so/ /mig gi 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba la med cing mi dmigs so/ /de la yang gzhan dag dang gzhan dag la yang gzhan dag med cing mi dmigs so/ /rna ba dang / sna dang / lce dang / </font><hr>34.228b<br><font size=+1>

lus dang / yid kyi 'dus te reg pa las byung ba'i tshor ba yang yid kyi 'dus te reg pa las byung ba'i tshor ba la med cing mi dmigs so/ /de la yang gzhan dag dang / gzhan dag la yang gzhan dag med cing mi dmigs so/ /dran pa nye bar gzhag pa rnams ni dran pa nye bar gzhag pa rnams la med cing mi dmigs so/ /de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad po dag ni sangs rgyas kyi chos rnams la med cing mi dmigs so/ /so so yang dag par rig pa rnams ni so so yang dag par rig pa rnams la med cing mi dmigs so/ /sangs rgyas kyi chos rnams ni/ so so yang dag par rig pa rnams la med cing mi dmigs so/ /so so yang dag par rig pa rnams ni sangs rgyas kyi chos rnams la med cing mi dmigs so/ /chos thams cad ni chos thams cad la med cing mi dmigs so/ /chos thams cad ni sangs rgyas kyi chos rnams la med cing mi dmigs so/ /nang stong pa nyid ni nang stong pa nyid la med cing mi dmigs so/ /nang stong pa nyid ni/ dngos po med pa'i ngo bo nyid stong pa nyid kyi bar la med cing mi dmigs so/ /dngos po med pa'i ngo bo nyid stong pa nyid kyang dngos po med pa'i ngo bo nyid stong pa nyid la med cing mi dmigs so/ /dngos po med pa'i ngo bo nyid stong pa nyid ni nang stong pa nyid kyi bar la med cing mi dmigs so/ /ting nge 'dzin ni ting nge 'dzin la med cing mi dmigs so/ /ting nge 'dzin ni gzungs rnams la med cing mi dmigs so/ /gzungs ni gzungs la med cing mi dmigs so/ /gzungs ni ting nge 'dzin la med cing mi dmigs so/ /so so'i skye bo'i sa ni so so skye bo'i sa la med cing mi dmigs so/ /rigs kyi sa dang / brgyad pa'i sa dang / mthong ba'i sa dang / 'dod chags dang bral</font><hr>34.229a<br><font size=+1>

ba'i sa dang / bsrabs pa'i sa dang / byas pa rtogs pa can gyi sa dang / rang sangs rgyas kyi sa dang / byang chub sems dpa'i sa dang / de bzhin gshegs pa'i sa dang / rnam pa thams cad mkhyen pa'i sa ni rnam pa thams cad mkhyen pa'i sa la med cing mi dmigs so/ /de bzhin du rgyun du zhugs pa ni rgyun du zhugs pa la med cing mi dmigs so/ /lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas ni rang sangs rgyas nyid la med cing mi dmigs so/ /byang chub sems dpa' dang / yang dag par rdzogs pa'i sangs rgyas ni/ yang dag par rdzogs pa'i sangs rgyas la med cing mi dmigs so/ /byang chub sems dpa' ni shes rab kyi pha rol du phyin pa la med cing mi dmigs so/ /shes rab kyi pha rol du phyin pa yang shes rab kyi pha rol du phyin pa la med cing mi dmigs so/ /gdams pa dang / rjes su bstan pa ni shes rab kyi pha rol du phyin pa la med cing mi dmigs so/ gdams pa dang / rjes su bstan pa ni/ gdams pa dang / rjes su bstan pa la med cing mi dmigs so/ /byang chub sems dpa' ni gdams pa dang / rjes su bstan pa la med cing mi dmigs so/ /tshe dang ldan pa shA ri'i bu de ltar na chos thams cad med cing mi dmigs pas/ byang chub sems dpa' yang med cing mi dmigs te bstan du med do/ /tshe dang ldan pa shA ri'i bu gang yang khyod 'di skad du/ tshe dang ldan pa rab 'byor ci'i phyir 'di lta ste/ byang chub sems dpa' zhes bgyi ba de ni ming tsam du bas lags so zhes smra zhes zer ba ni/ tshe dang ldan pa shA ri'i bu 'di lta ste/ byang chub sems dpa' zhes bya ba de ni glo bur du ming du btags pa ste/ de'i phyir 'di lta ste/ byang chub sems dpa' zhes bya ba de ni ming tsam zhes bya'o/ /tshe dang ldan pa shA ri'i bu 'di ltar chos thams cad kyi ming de ni phyogs bcu gang nas kyang mi 'ong gang du yang mi 'gro'o/ /de bzhin du byang chub sems dpa'i ming yang gang nas kyang mi 'ong / </font><hr>34.229b<br><font size=+1>

gang du yang mi 'gro'o/ /'di ltar 'di lta ste/ gzugs shes bya ba dang / tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba de dag ni glo bur du ming du btags pa yin no/ /ming gang yin pa de yang gzugs ma yin/ tshor ba ma yin/ 'du shes ma yin/ 'du byed rnams ma yin/ rnam par shes pa ma yin no/ /de ci'i phyir zhe na/ 'di ltar ming ni ming gi ngo bo nyid kyis stong la/ stong pa gang yin pa de ni ming ma yin pa'i phyir te/ de'i phyir 'di lta ste/ byang chub sems dpa' zhes bya ba de ni ming tsam zhes bya'o/ /tshe dang ldan pa shA ri'i bu gzhan yang 'di lta ste/ sbyin pa'i pha rol du phyin pa zhes bya ba de ni ming tsam ste/ ming la yang sbyin pa'i pha rol du phyin pa med la/ sbyin pa'i pha rol du phyin pa la yang ming med do/ /de ci'i phyir zhe na/ tshe dang ldan pa shA ri'i bu 'di ltar ming gang yin pa dang / sbyin pa'i pha rol du phyin pa gang yin pa de gnyi ga yang med cing mi dmigs pa'i phyir te/ de'i phyir 'di lta ste/ byang chub sems dpa' zhes bya ba de ni ming tsam du zad do/ /de bzhin du 'di lta ste/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa zhes bya ba de ni ming tsam ste/ ming la yang shes rab kyi pha rol du phyin pa med la/ shes rab kyi pha rol du phyin pa la yang ming med do/ /de ci'i phyir zhe na/ tshe dang ldan pa shA ri'i bu 'di ltar ming gang yin pa dang / shes rab kyi pha rol du phyin pa gang yin pa de gnyi ga med cing mi dmigs pa'i phyir te/ de'i phyir 'di lta ste/ byang chub sems dpa' zhes bya ba de ni glo bur du ming du btags pa yin pas/ 'di lta ste/ byang chub sems dpa' zhes bya ba de ni ming tsam du zad do/ /tshe dang ldan pa shA ri'i bu 'di lta ste/ nang stong pa nyid ces bya ba dang / dngos po med pa'i ngo bo nyid stong pa nyid ces bya ba'i</font><hr>34.230a<br><font size=+1>

bar de ni ming tsam ste/ nang stong pa nyid las gud na yang ming med la/ ming la yang nang stong pa nyid med do/ /dngos po med pa'i ngo bo nyid stong pa nyid kyi bar las gud na yang ming med la/ ming la yang dngos po med pa'i ngo bo nyid stong pa nyid kyi bar dag med do/ /de ci'i phyir zhe na/ tshe dang ldan pa shA ri'i bu 'di ltar ming gang yin pa dang / nang stong pa nyid gang yin pa dang / dngos po med pa'i ngo bo nyid stong pa nyid kyi bar gang yin pa de gnyi ga yang med cing mi dmigs pa'i phyir te/ tshe dang ldan pa shA ri'i bu rnam grangs des na 'di lta ste/ byang chub sems dpa' zhes bya ba de ni ming tsam du zad do/ /tshe dang ldan pa shA ri'i bu 'di lta ste/ dran pa nye bar gzhag pa rnams shes bya ba de ni glo bur du ming du btags pa ste/ dran pa nye bar gzhag pa rnams las gud na yang ming med la/ ming la yang dran pa nye bar gzhag pa rnams med do/ /de ci'i phyir zhe na/ tshe dang ldan pa shA ri'i bu 'di ltar ming gang yin pa dang / dran pa nye bar gzhag pa rnams gang yin pa de gnyi ga yang med cing mi dmigs pa'i phyir ro/ /de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ces bya ba de dag ni glo bur du ming du btags pa ste/ sangs rgyas kyi chos rnams las gud na yang ming med la/ ming la yang sangs rgyas kyi chos rnams med do/ /de ci'i phyir zhe na/ tshe dang ldan pa shA ri'i bu 'di ltar ming gang yin pa dang / sangs rgyas kyi chos rnams gang yin pa de gnyi ga yang med cing mi dmigs pa'i phyir ro/ /tshe dang ldan pa shA ri'i bu de bzhin du 'di lta ste/ ting nge 'dzin ces bya ba dang / gzungs kyi sgo rnams shes bya ba dang / rnam pa thams cad mkhyen pa nyid ces bya ba'i bar dag ni glo bur du ming du btags pa ste/ rnam pa thams cad mkhyen pa nyid las</font><hr>34.230b<br><font size=+1>

gud na yang ming med la/ ming la yang rnam pa thams cad mkhyen pa nyid med do/ /de ci'i phyir zhe na/ tshe dang ldan pa shA ri'i bu 'di ltar ming gang yin pa dang / rnam pa thams cad mkhyen pa nyid kyi bar gang yin pa de gnyi ga yang med cing mi dmigs pa'i phyir ro/ /tshe dang ldan pa shA ri'i bu gang yang khyod 'di skad du/ tshe dang ldan pa rab 'byor ci'i phyir 'di skad du/ 'di lta ste/ dper bgyi na/ bdag bdag ces bgyi ba yang bdag mngon par grub pa ni gtan ma mchis lags so/ /zhes smra zhes zer ba ni/ tshe dang ldan pa shA ri'i bu bdag gtan med cing mi dmigs na/ de mngon par 'grub par 'gyur ba lta ga la yod/ tshe dang ldan pa shA ri'i bu sems can dang / srog dang / skye ba po dang / gso ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po gtan med cing mi dmigs na/ de mngon par 'grub par 'gyur ba lta ga la yod/ tshe dang ldan pa shA ri'i bu gzugs gtan med cing mi dmigs na/ de mngon par 'grub par 'gyur ba lta ga la yod/ tshor ba dang / 'du shes dang / 'du byed rnams dang / rnam par shes pa gtan med cing mi dmigs na/ de mngon par 'grub par 'gyur ba lta ga la yod/ tshe dang ldan pa shA ri'i bu mig gtan med cing mi dmigs na/ de mngon par 'grub par 'gyur ba lta ga la yod/ de bzhin du rna ba dang / sna dang / lce dang / lus dang / yid gtan med cing mi dmigs na/ de dag mngon par 'grub par 'gyur ba lta ga la yod/ tshe dang ldan pa shA ri'i bu gzugs gtan med cing mi dmigs na/ de mngon par 'grub par 'gyur ba lta ga la yod/ de bzhin du sgra dang / dri dang / ro dang / reg bya dang / chos rnams gtan med cing mi dmigs na/ de dag mngon par 'grub par 'gyur ba lta ga la yod/ tshe dang ldan pa shA ri'i bu mig gi rnam par shes pa gtan med cing mi dmigs na/ de mngon par 'grub par 'gyur ba lta ga la yod/ rna ba dang / sna dang / lce dang / lus dang / yid kyi rnam par shes pa gtan med cing mi dmigs na/ </font><hr>34.231a<br><font size=+1>

de dag mngon par 'grub par 'gyur ba lta ga la yod/ tshe dang ldan pa shA ri'i bu mig gi 'dus te reg pa gtan med cing mi dmigs na/ de mngon par 'grub par 'gyur ba lta ga la yod/ de bzhin du rna ba dang / sna dang / lce dang / lus dang / yid kyi 'dus te reg pa gtan med cing mi dmigs na/ de dag mngon par 'grub par 'gyur ba lta ga la yod/ tshe dang ldan pa shA ri'i bu mig gi 'dus te reg pa las byung ba'i tshor ba gtan med cing mi dmigs na/ de mngon par 'grub par 'gyur ba lta ga la yod/ rna ba dang / sna dang / lce dang / lus dang / yid kyi 'dus te reg pa las byung ba'i tshor ba gtan med cing mi dmigs na/ de dag mngon par 'grub par 'gyur ba lta ga yod/ tshe dang ldan pa shA ri'i bu sbyin pa'i pha rol du phyin pa gtan med cing mi dmigs na/ de mngon par 'grub par 'gyur ba lta ga la yod/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa gtan med cing mi dmigs na/ de dag mngon par 'grub par 'gyur ba lta ga la yod/ tshe dang ldan pa shA ri'i bu nang stong pa nyid gtan med cing mi dmigs na/ de mngon par 'grub par 'gyur ba lta ga la yod/ dngos po med pa'i ngo bo nyid stong pa nyid kyi bar du gtan med cing mi dmigs na/ de dag mngon par 'grub par 'gyur ba lta ga la yod/ tshe dang ldan pa shA ri'i bu dran pa nye bar gzhag pa rnams gtan med cing mi dmigs na/ de dag mngon par 'grub par 'gyur ba lta ga la yod/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad gtan med cing mi dmigs na/ de dag mngon par 'grub par 'gyur ba lta</font><hr>34.231b<br><font size=+1>

ga la yod/ tshe dang ldan pa shA ri'i bu ting nge 'dzin rnams dang / gzungs kyi sgo rnams gtan med cing mi dmigs na/ de dag mngon par 'grub par 'gyur ba lta ga la yod/ nyan thos gtan med cing mi dmigs na/ de mngon par 'grub par 'gyur ba lta ga la yod/ rang sangs rgyas gtan med cing mi dmigs na/ de mngon par 'grub par 'gyur ba lta ga la yod/ byang chub sems dpa' gtan med cing mi dmigs na/ de mngon par 'grub par 'gyur ba lta ga la yod/ de bzhin gshegs pa dgra bcom pa yang dag par rdzogs pa'i sangs rgyas gtan med cing mi dmigs na/ de mngon par 'grub par 'gyur ba lta ga la yod de/ tshe dang ldan pa shA ri'i bu rnam grangs des na/ bdag bdag ces bya ba yang bdag mngon par grub pa ni gtan med pa yin no/ /tshe dang ldan pa shA ri'i bu gzhan yang khyod 'di skad du/ ci'i phyir 'di ltar chos thams cad dngos po ma mchis pa'i ngo bo nyid lags na zhes smra zhes zer ba ni/ tshe dang ldan pa shA ri'i bu de de bzhin no/ /de ci'i phyir zhe na/ tshe dang ldan pa shA ri'i bu 'di ltar 'dus pa las byung pa'i ngo bo nyid med pa'i phyir ro/ /shA ri'i bus smras pa/ tshe dang ldan pa rab 'byor gang gi 'dus pa las byung pa'i ngo bo nyid med/ rab 'byor gyis smras pa/ tshe dang ldan pa shA ri'i bu gzugs kyi 'dus pa las byung ba'i ngo bo nyid med do/ /tshor ba dang / 'du shes dang / 'du byed rnams dang / rnam par shes pa'i 'dus pa las byung ba'i ngo bo nyid med do/ /tshe dang ldan pa shA ri'i bu mig gi 'dus pa las byung ba'i ngo bo nyid med do/ /de bzhin du rna ba dang / sna dang / lce dang / lus dang / yid kyi 'dus pa las byung ba'i ngo bo nyid med do/ /tshe dang ldan pa shA ri'i bu de bzhin du/ gzugs dang / sgra dang / dri dang / ro dang reg bya dang / chos rnams dang / mig gi rnam par shes pa dang / rna ba dang / sna dang / lce dang / lus dang / yid kyi rnam par shes pa dang / mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa dang / </font><hr>34.232a<br><font size=+1>

mig gi 'dus te reg pa las byung ba'i tshor ba dang / rna ba dang / sna dang / lce dang / lus dang / yid kyi 'dus te reg pa las byung ba'i tshor ba'i 'dus pa las byung ba'i ngo bo nyid med do/ /tshe dang ldan pa shA ri'i bu sbyin pa'i pha rol du phyin pa'i 'dus pa las byung ba'i ngo bo nyid med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i 'dus pa las byung ba'i ngo bo nyid med de/ tshe dang ldan pa shA ri'i bu rnam grangs des na/ chos thams cad ni dngos po med pa'i ngo bo nyid yin no/ /tshe dang ldan pa shA ri'i bu gzhan yang chos thams cad ni mi rtag pa ste/ gang dang yang bral bas ma yin no/ /shA ri'i bus smras pa/ tshe dang ldan pa rab 'byor chos thams cad ni mi rtag pa ste/ gang dang yang bral bas ma yin pa de gang yin/ rab 'byor kyis smras pa/ tshe dang ldan pa shA ri'i bu gzugs ni mi rtag pa ste/ gang dang yang bral bas ma yin no/ /tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa ni mi rtag pa ste/ gang dang yang bral bas ma yin no/ /de ci'i phyir zhe na/ tshe dang ldan pa shA ri'i bu 'di ltar mi rtag pa gang yin pa de ni zad pa'i dngos po med pa'o/ /de bzhin du chos thams cad ni sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa ste/ gang dang yang bral bas ma yin no/ /de ci'i phyir zhe na/ tshe dang ldan pa shA ri'i bu 'di ltar smon pa med pa gang yin pa de ni zad pa'i dngos po med pa'o/ /tshe dang ldan pa shA ri'i bu de bzhin du chos thams cad ni dge ba dang / kha na ma tho ba med pa dang / zag pa med pa dang / nyon mongs pa med pa dang / 'jig rten las 'das pa dang / rnam par byang ba dang / 'dus ma byas pa ste/ gang dang yang bral bas ma yin no/ /de ci'i phyir zhe</font><hr>34.232b<br><font size=+1>

na/ tshe dang ldan pa shA ri'i bu 'di ltar 'dus ma byas pa gang yin pa de ni zad pa'i dngos po med pa'i phyir te/ tshe dang ldan pa shA ri'i bu rnam grangs des na/ chos thams cad ni ngo bo nyid med pa ste/ gang dang yang bral bas ma yin no/ /tshe dang ldan pa shA ri'i bu gzhan yang chos thams cad ni ther zug tu gnas pa ma yin/ 'jig pa ma yin no/ /shA ri'i bus smras pa/ tshe dang ldan pa rab 'byor ci'i phyir chos thams cad ther zug tu gnas pa ma yin/ 'jig pa ma yin/ rab 'byor kyis smras pa/ tshe dang ldan pa shA ri'i bu gzugs ni ther zug tu gnas pa ma yin/ 'jig pa ma yin no/ /de ci'i phyir zhe na/ de'i rang bzhin de yin pa'i phyir ro/ /tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa ni ther zug tu gnas pa ma yin/ 'jig pa ma yin no/ /de ci'i phyir zhe na/ de'i rang bzhin de yin pa'i phyir ro/ /de bzhin du dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'dus byas dang / 'dus ma byas dang / kun nas nyon mongs pa dang / rnam par byang ba'i chos rnams dang / 'khor ba dang mya ngan las 'das pa yang ther zug tu gnas pa ma yin/ 'jig pa ma yin no/ /de ci'i phyir zhe na/ de'i rang bzhin de yin pa'i phyir te/ tshe dang ldan pa shA ri'i bu rnam grangs des na/ chos thams cad ni dngos po med pa'i ngo bo nyid yin no/ /tshe dang ldan pa shA ri'i bu gang yang khyod 'di skad du/ ci'i phyir gang mngon par grub pa'i gzugs de gang lags/ gang mngon par grub pa'i tshor ba dang / 'du shes dang / 'du byed rnams dang / gang mngon par grub pa'i rnam par shes pa de gang lags shes smra zhes zer ba ni/ tshe dang ldan pa shA ri'i bu 'di ltar gzugs ni mngon par 'dus ma byas pa'o/ /tshor ba dang / 'du shes dang / 'du byed rnams dang / rnam par shes</font><hr>34.233a<br><font size=+1>

pa ni mngon par 'dus ma byas pa'o/ /de ci'i phyir zhe na/ tshe dang ldan pa shA ri'i bu 'di ltar mngon par 'du byed pa po med pa'i phyir ro/ /tshe dang ldan pa shA ri'i bu mig ni mngon par 'dus ma byas pa'o/ /de ci'i phyir zhe na/ 'di ltar mngon par 'du byed pa po med pa'i phyir ro/ /tshe dang ldan pa shA ri'i bu de bzhin du rna ba dang / sna dang / lce dang / lus dang / yid ni mngon par 'dus ma byas pa'o/ /de ci'i phyir zhe na/ 'di ltar mngon par 'du byed pa po med pa'i phyir ro/ /tshe dang ldan pa shA ri'i bu gzhan yang gzugs dang / sgra dang / dri dang / ro dang / reg bya dang / chos rnams ni mngon par 'dus ma byas pa'o/ /de ci'i phyir zhe na/ 'di ltar mngon par 'du byed pa po mi dmigs pa'i phyir ro/ /chos thams cad kyi bar du yang mngon par 'dus ma byas pa'o/ /de ci'i phyir zhe na/ 'di ltar mngon par 'du byed pa po mi dmigs pa'i phyir ro/ /tshe dang ldan pa shA ri'i bu rnam grangs des na/ gzugs dang / tshor ba dang / 'du shes dang / 'du byed rnams dang / rnam par shes pa rnams ni mngon par ma grub pa zhes bya'o/ /tshe dang ldan pa shA ri'i bu gang yang khyod 'di skad du/ ci'i phyir gang mngon par ma grub pa de/ gzugs ma lags/ gang mngon par ma grub pa de tshor ba dang / 'du shes dang / 'du byed rnams dang / rnam par shes pa ma lags shes smra zhes zer ba ni/ tshe dang ldan pa shA ri'i bu de de bzhin te/ de de bzhin no/ /tshe dang ldan pa shA ri'i bu 'di ltar gzugs ni rang bzhin gyis stong ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa gang yin pa de la gzhan du 'gyur ba med do/ /de bzhin du tshor ba dang / 'du shes dang / 'du byed rnams dang / rnam par shes pa ni rang bzhin gyis stong ste/ rang bzhin gyis stong pa gang yin pa de la skye ba med cing / 'jig pa med do/ /gang la skye ba med cing 'jig pa med pa de la gzhan du 'gyur ba med do/ /chos thams cad kyi bar du rang bzhin gyis stong ste/ gang dag rang</font><hr>34.233b<br><font size=+1>

bzhin gyis stong pa de dag la skye ba med cing 'jig pa med do/ /gang dag la skye ba med cing 'jig pa med pa de dag la gzhan du 'gyur ba med de/ rnam grangs des na/ gang mngon par ma grub pa de ni gzugs ma yin no/ /gang mngon par ma grub pa de ni tshor ba dang / 'du shes dang / 'du byed rnams dang / rnam par shes pa ma yin no/ /tshe dang ldan pa shA ri'i bu gang yang khyod 'di skad du ci'i phyir ci mngon par ma grub pa de mngon par ma grub pa'i shes rab kyi pha rol du phyin pa la gdams par bgyi zhing rjes su bstan par bgyi lags sam zhes smra zhes zer ba ni/ tshe dang ldan pa shA ri'i bu 'di ltar mngon par ma grub pa gang yin pa de ni shes rab kyi pha rol du phyin pa'o/ /shes rab kyi pha rol du phyin pa gang yin pa de ni mngon par ma grub pa ste/ de ltar na mngon par ma grub pa dang / shes rab kyi pha rol du phyin pa de ni gnyis su med cing gnyis su dbyer med de/ tshe dang ldan pa shA ri'i bu rnam grangs des na/ kho bos 'di skad du/ ci mngon par ma grub pa de mngon par ma grub pa'i shes rab kyi pha rol du phyin pa la gdams par bgyi zhing rjes su bstan par bgyi lags sam zhes smras so/ /tshe dang ldan pa shA ri'i bu gang yang khyod 'di skad du ci'i phyir mngon par ma grub pa las gud na yang gang byang chub kyi slad du spyod pa'i byang chub sems dpa' sems dpa' chen po dmigs su ma mchis lags so zhes smra zhes zer ba ni/ tshe dang ldan pa shA ri'i bu 'di ltar byang chub sems dpa' sems dpa' chen po shes rab kyi pha rol du phyin pa la spyod pas/ mngon par ma grub pa yang gzhan la/ byang chub sems dpa' yang gzhan zhes bya bar yang dag par rjes su mi mthong ste/ de ltar na mngon par ma grub pa dang / byang chub sems dpa' zhes bya ba de ni gnyis su med cing gnyis su dbyer med do/ /mngon par ma grub pa las gud na gzugs yang dag par rjes su mi mthong / mngon par ma grub pa las gud na tshor ba dang / 'du shes dang / 'du byed rnams dang / rnam par shes pa yang</font><hr>34.234a<br><font size=+1>

dag par rjes su mi mthong ste/ de ltar na mngon par ma grub pa dang / gzugs de ni gnyis su med cing gnyis su dbyer med do/ /de ltar na mngon par ma grub pa dang / tshor ba dang / 'du shes dang / 'du byed rnams dang / rnam par shes pa de ni gnyis su med cing gnyis su dbyer med do/ /de bzhin du mngon par ma grub pa las gud na chos thams cad kyi bar du yang dag par rjes su mi mthong ste/ de ltar na mngon par ma grub pa dang / chos thams cad kyi bar de ni gnyis su med cing gnyis su dbyer med do/ /tshe dang ldan pa shA ri'i bu rnam grangs des na/ mngon par ma grub pa las gud na gang byang chub kyi phyir spyod pa'i byang chub sems dpa' dmigs su med pa yin no/ /shes rab kyi pha rol du phyin pa khri brgyad stong pa/ bam po bcu bdun pa/ tshe dang ldan pa shA ri'i bu gang yang khyod 'di skad du ci'i phyir gal te de ltar bstan pa'i tshe/ byang chub sems dpa' sems dpa' chen po'i sems mi zhum mi 'gong zhing / yid 'gyod par mi 'gyur la/ mi skrag mi dngang zhing / dngang bar mi 'gyur na/ byang chub sems dpa' sems dpa' chen po de ni shes rab kyi pha rol du phyin pa la spyod pa lags par rig par bgyi'o zhes smra zhes zer ba ni/ tshe dang ldan pa shA ri'i bu 'di ltar byang chub sems dpa' sems dpa' chen pos ni chos thams cad g.yo ba med par yang dag par rjes su mthong zhing chos thams cad rmi lam lta bu dang / sgyu ma lta bu dang / smig rgyu lta bu dang / brag cha lta bu dang / mig yor lta bu dang / gzugs brnyan lta bu dang / sprul pa lta bur yang dag par rjes su mthong ste/ tshe dang ldan pa shA ri'i bu rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pa ni/ bstan pa 'di thos na mi skrag mi dngang zhing dngang bar mi 'gyur ro/ /de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das gang gi tshe/ byang chub sems dpa' sems dpa' chen po shes rab kyi pha rol du phyin pa la spyod cing</font><hr>34.234b<br><font size=+1>

chos de dag la de ltar nye bar rtog pa de'i tshe/ gzugs khas mi len cing mi 'dzin la/ gnas par mi bgyid de/ mngon par zhen par mi bgyid cing / 'di ni gzugs so zhes 'dogs par mi bgyid lags so/ /de'i tshe tshor ba dang / 'du shes dang / 'du byed rnams dang / rnam par shes pa khas mi len cing / mi 'dzin la gnas par mi bgyid de/ mngon par zhen par mi bgyid cing / 'di ni rnam par shes pa'o zhes 'dogs par mi bgyid lags so/ /de bzhin du de'i tshe/ mig khas mi len cing / mi 'dzin la gnas par mi bgyid de/ mngon par zhen par mi bgyid cing / 'di ni mig go zhes 'dogs par mi bgyid lags so/ /de bzhin du de'i tshe rna ba dang / sna dang / lce dang / lus dang / yid khas mi len cing mi 'dzin la gnas par mi bgyid de/ mngon par zhen par mi bgyid cing 'di ni yid do zhes 'dogs par mi bgyid lags so/ /de'i tshe sbyin pa'i pha rol du phyin pa khas mi len cing mi 'dzin la gnas par mi bgyid de/ mngon par zhen par mi bgyid cing / 'di ni sbyin pa'i pha rol du phyin pa'o zhes 'dogs par mi bgyid lags so/ /de bzhin du de'i tshe tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa khas mi len cing mi 'dzin la gnas par mi bgyid de/ mngon par zhen par mi bgyid cing / 'di ni shes rab kyi pha rol du phyin pa'o zhes 'dogs par mi bgyid lags so/ /de'i tshe nang stong pa nyid khas mi len cing mi 'dzin la gnas par mi bgyid de/ mngon par zhen par mi bgyid cing 'di ni nang stong pa nyid do zhes 'dogs par mi bgyid lags so/ /de bzhin du de'i tshe/ dngos po med pa'i ngo bo nyid stong pa nyid kyi bar du khas mi len cing / mi 'dzin la gnas par mi bgyid de/ mngon par zhen par mi bgyid cing / 'di ni dngos po med pa'i ngo bo nyid stong pa nyid do zhes 'dogs par</font><hr>34.235a<br><font size=+1>

mi bgyid lags so/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ dran pa nye bar gzhag pa rnams khas mi len cing / mi 'dzin la gnas par mi bgyid de/ mngon par zhen par mi bgyid cing 'di ni dran pa nye bar gzhag pa rnams so zhes 'dogs par mi bgyid lags so/ /de bzhin du byang chub sems dpa' de'i tshe/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad khas mi len cing / mi 'dzin la gnas par mi bgyid do/ mngon par zhen par mi bgyid cing / 'di dag ni sangs rgyas kyi chos rnams so zhes 'dogs par mi bgyid lags so/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni ting nge 'dzin gyi sgo thams cad dang / gzungs kyi sgo thams cad khas mi len cing / mi 'dzin la gnas par mi bgyid de mngon par zhen par mi bgyid cing / 'di dag ni ting nge 'dzin dang / gzungs kyi sgo rnams so zhes 'dogs par mi bgyid lags so/ /de ci'i slad du zhe na/ bcom ldan 'das 'di ltar byang chub sems dpa' sems dpa' chen po shes rab kyi pha rol du phyin pa la spyod pa ni gzugs yang dag par rjes su mi mthong / de bzhin du phung po dang / khams dang / skye mched rnams yang dag par rjes su mi mthong / byang chub kyi phyogs kyi chos sum bcu rtsa bdun yang dag par rjes su mi mthong / pha rol du phyin pa rnams yang dag par rjes su mi mthong / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar du yang dag par rjes su mi mthong ba'i slad du'o/ /de ci'i slad du</font><hr>34.235b<br><font size=+1>

zhe na/ bcom ldan 'das 'di ltar gzugs ni ma skyes pa ste/ gzugs kyi skye ba ma mchis pa gang lags pa de gzugs ma lags pa'i slad du'o/ /de ltar na gzugs dang / skye ba ma mchis pa de gnyis su ma mchis shing gnyis su dbyer ma mchis lags so/ /de ci'i slad du zhe na/ bcom ldan 'das 'di ltar skye ba ma mchis pa ni gcig ma lags/ mang po ma lags pa'i slad du'o/ /tshor ba dang / 'du shes dang / 'du byed rnams dang / rnam par shes pa'i skye ba ma mchis pa gang lags pa de ni rnam par shes pa ma lags so/ /mig gi skye ba ma mchis pa gang lags pa de ni mig ma lags so/ /rna ba dang / sna dang / lce dang / lus dang / yid kyi skye ba ma mchis pa gang lags pa de ni yid ma lags so/ /sbyin pa'i pha rol du phyin pa'i skye ba ma mchis pa gang lags pa de ni sbyin pa'i pha rol du phyin pa ma lags so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i skye ba ma mchis pa gang lags pa de ni shes rab kyi pha rol du phyin pa ma lags pa'i slad du'o/ /de ltar na shes rab kyi pha rol du phyin pa dang skye ba ma mchis pa de ni gnyis su ma mchis shing gnyis su dbyer ma mchis lags so/ /nang stong pa nyid kyi skye ba ma mchis pa gang lags pa de ni nang stong pa nyid ma lags so/ /dngos po med pa'i ngo bo nyid stong pa nyid kyi bar gyi skye ba ma mchis pa gang lags pa de ni dngos po med pa'i ngo bo nyid stong pa nyid ma lags te/ de ltar na dngos po med pa'i ngo bo nyid stong pa nyid dang / skye ba ma mchis pa de ni gnyis su ma mchis shing gnyis su dbyer ma mchis lags so/ /bcom ldan 'das dran pa nye bar gzhag pa rnams kyi skye ba ma mchis pa gang lags pa de ni dran pa nye bar gzhag pa rnams ma lags te/ de ltar na dran pa nye bar gzhag pa rnams dang skye ba ma mchis pa de ni gnyis su ma mchis shing</font><hr>34.236a<br><font size=+1>

gnyis su dbyer ma mchis lags so/ /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / mi 'jigs pa rnams dang / mngon par shes pa rnams dang / stobs bcu dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyi skye ba ma mchis pa gang lags pa de dag ni sangs rgyas kyi chos rnams ma lags te/ de ltar na sangs rgyas kyi chos rnams dang / skye ba ma mchis pa de ni gnyis su ma mchis shing gnyis su dbyer ma mchis lags so/ /de ci'i slad du zhe na/ 'di ltar sangs rgyas kyi chos rnams kyi skye ba ma mchis pa gang lags pa de dag ni sangs rgyas kyi chos rnams ma lags pa'i slad du'o/ /bcom ldan 'das 'di ltar de bzhin nyid ni ma skyes pa ste/ de bzhin nyid kyi skye ba ma mchis pa gang lags pa de ni de bzhin nyid ma lags te/ de ltar na de bzhin nyid dang / skye ba ma mchis pa de ni gnyis su ma mchis shing gnyis su dbyer ma mchis lags so/ /de ci'i slad du zhe na/ bcom ldan 'das 'di ltar skye ba ma mchis pa ni gcig ma lags/ mang po ma lags pa'i slad du ste/ de'i slad du de bzhin nyid kyi skye ba ma mchis pa gang lags pa de ni de bzhin nyid ma lags so/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings kyi skye ba ma mchis pa gang lags pa de ni bsam gyis mi khyab pa'i dbyings ma lags so/ /de ci'i slad du zhe na/ 'di ltar bsam gyis mi khyab pa'i dbyings dang / skye ba ma mchis pa de ni gnyis su ma mchis shing gnyis su dbyer ma mchis pa'i slad du'o/ /bcom ldan 'das byang chub dang / rnam pa thams cad mkhyen pa nyid kyi skye ba ma mchis pa gang lags pa de ni/ rnam pa</font><hr>34.236b<br><font size=+1>

thams cad mkhyen pa nyid ma lags te/ de ltar na rnam pa thams cad mkhyen pa nyid dang / skye ba ma mchis pa de ni gnyis su ma mchis shing gnyis su dbyer ma mchis lags so/ /de ci'i slad du zhe na/ bcom ldan 'das 'di ltar skye ba ma mchis pa ni gcig ma lags/ mang po ma lags pa'i slad du ste/ de'i slad du rnam pa thams cad mkhyen pa nyid dang / skye ba ma mchis pa de ni gnyis su ma mchis shing gnyis su dbyer ma mchis lags so/ /bcom ldan 'das 'di ltar gzugs ni mi rtag pa ste/ gzugs kyi 'grib pa gang lags pa de ni gzugs ma lags so/ /tshor ba dang / 'du shes dang / 'du byed rnams dang / rnam par shes pa'i 'grib pa gang lags pa de ni rnam par shes pa ma lags te/ de ltar na phung po rnams dang / 'grib pa de ni gnyis su ma mchis shing gnyis su dbyer ma mchis lags so/ /de ci'i slad du zhe na/ bcom ldan 'das 'di ltar 'grib pa ni gcig ma lags/ mang po ma lags pa'i slad du'o/ /khams dang / skye mched rnams kyi 'grib pa gang lags pa de dag ni khams dang / skye mched rnams ma lags te/ de ltar na khams dang / skye mched rnams dang / 'grib pa de gnyis su ma mchis shing gnyis su dbyer ma mchis lags so/ /bcom ldan 'das sbyin pa'i pha rol du phyin pa'i 'grib pa gang lags pa de ni/ sbyin pa'i pha rol du phyin pa ma lags te/ de ltar na sbyin pa'i pha rol du phyin pa dang 'grib pa de ni gnyis su ma mchis shing gnyis su dbyer ma mchis lags so/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i 'grib pa gang lags pa de ni shes rab kyi pha rol du phyin pa ma lags te/ de ltar na shes rab kyi pha rol du phyin pa dang / 'grib pa de ni gnyis su ma mchis shing gnyis su</font><hr>34.237a<br><font size=+1>

dbyer ma mchis lags so/ /de ci'i slad du zhe na/ bcom ldan 'das 'di ltar 'grib pa ni gcig ma lags/ mang po ma lags pa'i slad du ste/ de'i slad du shes rab kyi pha rol du phyin pa'i 'grib pa gang lags pa de ni shes rab kyi pha rol du phyin pa ma lags so/ /bcom ldan 'das nang stong pa nyid kyi 'grib pa gang lags pa de ni nang stong pa nyid ma lags te/ de ltar na nang stong pa nyid dang 'grib pa de ni gnyis su ma mchis shing gnyis su dbyer ma mchis so/ /de ci'i slad du zhe na/ bcom ldan 'das 'di ltar 'grib pa ni gcig ma lags/ mang po ma lags pa'i slad du ste/ de'i slad du nang stong pa nyid kyi 'grib pa gang lags pa de ni nang stong pa nyid ma lags so/ /de bzhin du dngos po med pa'i ngo bo nyid stong pa nyid kyi bar gyi 'grib pa gang lags pa de ni/ dngos po med pa'i ngo bo nyid stong pa nyid ma lags te/ de ltar na dngos po med pa'i ngo bo nyid stong pa nyid dang / 'grib pa de ni gnyis su ma mchis shing gnyis su dbyer ma mchis lags so/ /de ci'i slad du zhe na/ bcom ldan 'das 'di ltar 'grib pa ni gcig ma lags/ mang po ma lags pa'i slad du ste/ de'i slad du dngos po med pa'i ngo bo nyid stong pa nyid kyi 'grib pa gang lags pa de ni dngos po med pa'i ngo bo nyid stong pa nyid ma lags so/ /bcom ldan 'das dran pa nye bar gzhag pa rnams kyi 'grib pa gang lags pa de ni/ dran pa nye bar gzhag pa rnams ma lags te/ de ltar na dran pa nye bar gzhag pa rnams dang / 'grib pa de ni gnyis su ma mchis shing gnyis su dbyer ma mchis lags so/ /de ci'i slad du zhe na/ bcom ldan 'das 'di ltar 'grib pa ni gcig ma lags/ mang po ma lags pa'i slad du ste/ de'i slad du dran pa nye bar gzhag pa rnams kyi 'grib pa gang lags pa de ni dran pa nye bar gzhag pa rnams ma lags so/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags</font><hr>34.237b<br><font size=+1>

pa'i lam yan lag brgyad pa'i 'grib pa gang lags pa de ni lam ma lags te/ de ltar na lam dang / 'grib pa de ni gnyis su ma mchis shing gnyis su dbyer ma mchis lags so/ /de ci'i slad du zhe na/ bcom ldan 'das 'di ltar 'grib pa ni gcig ma lags/ mang po ma lags pa'i slad du ste/ de'i slad du lam gyi 'grib pa gang lags pa de ni lam ma lags so/ /de bzhin du mngon par shes pa rnams dang / mi 'jigs pa rnams dang / so so yang dag par rig pa rnams dang / stobs bcu dang / sangs rgyas kyi chos ma 'dres pa bcwa brgyad kyi 'grib pa gang lags pa de dag sangs rgyas kyi chos rnams ma lags te/ de ltar na sangs rgyas kyi chos ma 'dres pa rnams dang 'grib pa de ni gnyis su ma mchis shing gnyis su dbyer ma mchis lags so/ /de ci'i slad du zhe na/ bcom ldan 'das 'di ltar 'grib pa ni gcig ma lags/ mang po ma lags pa'i slad du ste/ de'i slad du sangs rgyas kyi chos ma 'dres pa rnams kyi 'grib pa gang lags pa de ni sangs rgyas kyi chos ma 'dres pa rnams ma lags so/ /bcom ldan 'das gang yang gzugs shes bgyi ba de ni gnyis su ma mchis pa'i grangs su bgyis pa lags so/ /de bzhin du gang yang tshor ba dang / 'du shes dang / 'du byed rnams dang / rnam par shes pa zhes bgyi ba de ni gnyis su ma mchis pa'i grangs su bgyis pa lags so/ /gang yang rnam pa thams cad mkhyen pa nyid ces bgyi ba'i bar de yang gnyis su ma mchis pa'i grangs su bgyis pa lags so/ /shes rab kyi pha rol du phyin pa khri brgyad stong pa las/ gnyis su med pa'i le'u zhes bya ba ste nyi shu pa'o// // de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po shes rab kyi pha rol du phyin pa la spyod pa chos 'di dag la ni ji ltar nye bar rtog /tshe dang ldan pa rab 'byor byang chub sems dpa' ni gang yin/ shes rab</font><hr>34.238a<br><font size=+1>

kyi pha rol du phyin pa ni gang yin/ nye bar rtog pa ni gang yin/ rab 'byor gyis smras pa/ tshe dang ldan pa shA ri'i bu gang khyod 'di skad du byang chub sems dpa' ni gang yin zhes zer ba ni/ tshe dang ldan pa shA ri'i bu byang chub gang yin pa nyid sems dpa' yin pas/ de'i phyir byang chub sems dpa' zhes bya'o/ /byang chub des kyang chos thams cad kyi rnam pa shes te/ chos de dag la mngon par zhen pa yang med do/ /chos gang dag gi rnam pa shes she na/ gzugs kyi rnam pa shes te/ de la yang mngon par zhen pa med do/ /tshor ba dang / 'du shes dang / 'du byed rnams dang / rnam par shes pa'i rnam pa shes te/ de la yang mngon par zhen pa med do/ /de bzhin du khams rnams dang / skye mched rnams dang / rten cing 'brel bar 'byung ba dang / byang chub kyi phyogs kyi chos sum bcu rtsa bdun gyi rnam pa shes te/ de la yang mngon par zhen pa med do/ /stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyi rnam pa shes te/ de la yang mngon par zhen pa med do/ /shA ri'i bus smras pa/ tshe dang ldan pa rab 'byor chos thams cad kyi rnam pa gang yin/ rab 'byor kyis smras pa/ tshe dang ldan pa shA ri'i bu rnam pa gang dag dang / rtags gang dag dang / mtshan ma gang dag gis chos rnams 'dzin pa ste/ 'di lta ste rnam pa gang dag dang / rtags gang dag dang / mtshan ma gang dag gis 'dus byas dang / 'dus ma byas kyi chos rnams dang / gzugs rnams sam/ sgra rnams sam/ dri rnams sam/ ro rnams sam/ reg bya rnams sam/ chos rnams sam/ nang dang phyi'i chos rnams su 'dzin pa ste/ de ni chos thams cad kyi rnam pa zhes bya'o/ /tshe dang ldan pa shA ri'i bu gang yang khyod 'di skad du/ shes rab kyi pha rol du phyin pa gang yin zhes zer ba ni/ tshe dang ldan pa shA ri'i bu gang la shes rab kyi pha rol du phyin pa</font><hr>34.238b<br><font size=+1>

zhes bya ba de ni ring du song ba ste/ de'i phyir shes rab kyi pha rol du phyin pa zhes bya'o/ /gang las ring du song zhe na/ tshe dang ldan pa shA ri'i bu phung po rnams dang / khams rnams dang / skye mched rnams dang / rten cing 'brel bar 'byung ba las ring du song / nyon mongs pa thams cad dang / lta bar gyur pa thams cad las ring du song / 'gro ba drug las ring du song ste/ de'i phyir ring du song ba zhes bya'o/ /sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa las ring du song ste/ de'i phyir ring du song ba zhes bya'o/ /nang stong pa nyid dang / dngos po med pa'i ngo bo nyid stong pa nyid kyi bar las ring du song ste/ de'i phyir ring du song ba zhes bya'o/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa las ring du song ste/ de'i phyir shes rab kyi pha rol du phyin pa 'di ring du song ba zhes bya'o/ /stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad po dag las ring du song ste/ de'i phyir shes rab kyi pha rol du phyin pa 'di ring du song ba zhes bya'o/ /rnam pa thams cad mkhyen pa nyid kyi bar las ring du song ste/ de'i phyir shes rab kyi pha rol du phyin pa 'di ring du song ba zhes bya'o/ /tshe dang ldan pa shA ri'i bu rnam grangs des na 'di lta ste/ shes rab kyi pha rol du phyin pa 'di ni ring du song ba zhes bya'o/ /tshe dang ldan pa shA ri'i bu gang yang khyod 'di skad du nye bar rtog pa ni gang yin zhes zer ba ni/ tshe dang ldan pa shA ri'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa ni/ gzugs rtag ces bya ba dang / mi rtag ces bya bar nye bar</font><hr>34.239a<br><font size=+1>

mi rtog go/ /gzugs bde zhes bya ba dang / sdug bsngal zhes bya bar nye bar mi rtog go/ /gzugs bdag ces bya ba dang / bdag med ces bya bar nye bar mi rtog go/ /gzugs zhi zhes bya ba dang / ma zhi zhes bya bar nye bar mi rtog go/ /gzugs stong zhes bya ba dang / mi stong zhes bya bar nye bar mi rtog go/ /gzugs mtshan ma yod ces bya ba dang / mtshan ma med ces bya bar nye bar mi rtog go/ /gzugs smon pa yod ces bya ba dang / smon pa med ces bya bar nye bar mi rtog go/ /gzugs dben zhes bya ba dang / mi dben zhes bya bar nye bar mi rtog go/ /de bzhin du tshor ba dang / 'du shes dang / 'du byed rnams dang / rnam par shes pa rtag ces bya ba dang / mi rtag ces bya bar nye bar mi rtog go/ /rnam par shes pa bde zhes bya ba dang / sdug bsngal zhes bya bar nye bar mi rtog go/ /rnam par shes pa bdag ces bya ba dang / bdag med ces bya bar nye bar mi rtog go/ /rnam par shes pa zhi zhes bya ba dang / ma zhi zhes bya bar nye bar mi rtog go/ /rnam par shes pa stong zhes bya ba dang / mi stong zhes bya bar nye bar mi rtog go/ /rnam par shes pa mtshan ma yod ces bya ba dang / mtshan ma med ces bya bar nye bar mi rtog go/ /rnam par shes pa smon pa yod ces bya ba dang / smon pa med ces bya bar nye bar mi rtog go/ /rnam par shes pa dben zhes bya ba dang / mi dben zhes bya bar nye bar mi rtog go/ /de bzhin du/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rtag ces bya ba dang / mi rtag ces bya bar nye bar mi rtog go/ /de bzhin du sbyar te/ shes rab kyi pha rol du phyin pa bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / stong zhes bya ba dang / mi stong</font><hr>34.239b<br><font size=+1>

zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya ba dang / dben zhes bya ba dang / mi dben zhes bya bar nye bar mi rtog go/ /de bzhin du nang stong pa nyid rtag ces bya ba dang / mi rtag ces bya bar nye bar mi rtog go/ /de bzhin du sbyar te/ dngos po med pa'i ngo bo nyid stong pa nyid kyi bar du rtag ces bya ba dang / mi rtag ces bya bar nye bar mi rtog go/ /dngos po med pa'i ngo bo nyid stong pa nyid stong zhes bya ba dang / mi stong zhes bya ba'i bar du nye bar mi rtog go/ /dben zhes bya ba dang / mi dben zhes bya ba'i bar du nye bar mi rtog go/ /de bzhin du dran pa nye bar gzhag pa rnams rtag ces bya ba dang / mi rtag ces bya bar nye bar mi rtog go/ /de bzhin du sbyar te/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / ting nge 'dzin thams cad dang / gzungs kyi sgo thams cad dang / rnam pa thams cad mkhyen pa nyid rtag ces bya ba dang / mi rtag ces bya bar nye bar mi rtog go/ /bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / stong zhes bya ba dang / mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya ba dang / dben zhes bya ba dang / mi dben zhes bya bar nye bar mi rtog ste/ tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa ni/ chos de dag la de ltar nye bar rtog par byed do/ /shA ri'i bus smras pa/ tshe dang ldan pa rab 'byor ci'i phyir khyod 'di skad du/ bcom ldan 'das 'di ltar gzugs kyi ma skyes pa gang lags pa de ni gzugs ma lags so/ /tshor ba</font><hr>34.240a<br><font size=+1>

dang / 'du shes dang / 'du byed rnams dang / rnam par shes pa'i ma skyes pa gang lags pa de ni rnam par shes pa ma lags so/ /de bzhin du khams dang / skye mched dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs rnams dang / mi 'jigs pa rnams dang / so so yang dag par rig pa rnams dang / ting nge 'dzin rnams dang / gzungs kyi sgo rnams dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi skye ba ma mchis pa gang lags pa de/ rnam pa thams cad mkhyen pa nyid ma lags so zhes smra/ rab 'byor gyis smras pa/ tshe dang ldan pa shA ri'i bu gzugs ni gzugs kyis stong ngo / /tshe dang ldan pa shA ri'i bu gzugs kyi stong pa nyid gang yin pa de ni gzugs ma yin te/ skye ba med do/ /tshe dang ldan pa shA ri'i bu rnam grangs des na/ gzugs kyi skye ba med pa gang yin pa de ni gzugs ma yin no/ /tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa ni rnam par shes pas stong ngo / /tshe dang ldan pa shA ri'i bu rnam par shes pa'i stong pa nyid gang yin pa de ni rnam par shes pa ma yin te/ skye ba med do/ /tshe dang ldan pa shA ri'i bu rnam grangs des na/ rnam par shes pa'i skye ba med pa gang yin pa de ni rnam par shes pa ma yin no/ /tshe dang ldan pa shA ri'i bu sbyin pa'i pha rol du phyin pa ni sbyin pa'i pha rol du phyin pas stong ngo / /sbyin pa'i pha rol du phyin pa'i stong pa nyid gang yin pa de ni/ sbyin pa'i pha rol du phyin pa ma yin te/ skye ba med do/ /tshe dang ldan pa shA ri'i bu de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni shes rab kyi pha rol du phyin pas stong ngo / /shes rab kyi pha rol du phyin pa'i stong pa nyid gang yin pa de ni shes rab kyi pha rol du phyin pa ma yin te/ skye ba med do/ /tshe dang ldan pa shA ri'i</font><hr>34.240b<br><font size=+1>

bu rnam grangs des na/ shes rab kyi pha rol du phyin pa'i skye ba med pa gang yin pa de ni/ shes rab kyi pha rol du phyin pa ma yin no/ /tshe dang ldan pa shA ri'i bu nang stong pa nyid ni nang stong pa nyid kyis stong ngo / /nang stong pa nyid kyi stong pa nyid gang yin pa de ni nang stong pa nyid ma yin te/ skye ba med do/ /dngos po med pa'i ngo bo nyid stong pa nyid kyi bar ni dngos po med pa'i ngo bo nyid stong pa nyid kyis stong ngo / /dngos po med pa'i ngo bo nyid stong pa nyid kyi stong pa nyid gang yin pa de ni/ dngos po med pa'i ngo bo nyid stong pa nyid ma yin te/ skye ba med do/ /tshe dang ldan pa shA ri'i bu rnam grangs des na/ dngos po med pa'i ngo bo nyid stong pa nyid kyi skye ba med pa gang yin pa de ni/ dngos po med pa'i ngo bo nyid stong pa nyid ma yin no/ /tshe dang ldan pa shA ri'i bu dran pa nye bar gzhag pa rnams ni dran pa nye bar gzhag pa rnams kyis stong ngo / /dran pa nye bar gzhag pa rnams kyi stong pa nyid gang yin pa de ni dran pa nye bar gzhag pa rnams ma yin te skye ba med do/ tshe dang ldan pa shA ri'i bu de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / stobs bcu dang / mi 'jigs pa dang / so so yang dag par rig pa rnams dang / ting nge 'dzin dang / gzungs kyi sgo dang / sangs rgyas kyi chos dang / rnam pa thams cad mkhyen pa nyid ni rnam pa thams cad mkhyen pa nyid kyis stong ngo / /rnam pa thams cad mkhyen pa nyid kyi stong pa nyid gang yin pa de ni/ rnam pa thams cad mkhyen pa nyid ma yin te skye ba med do/ /tshe dang ldan pa shA ri'i bu rnam grangs des na/ rnam pa thams cad mkhyen pa nyid kyi skye ba med pa gang yin pa de ni rnam pa thams cad mkhyen pa nyid ma yin no/ /shA ri'i bus smras pa/ tshe dang ldan pa rab 'byor ci'i phyir khyod 'di skad du/ 'di ltar gzugs kyi 'grib pa gang lags pa de ni gzugs ma lags so/ /tshor ba dang / 'du shes dang / 'du byed rnams dang / rnam par shes pa'i 'grib pa gang lags pa de ni rnam par shes pa ma lags</font><hr>34.241a<br><font size=+1>

so/ /de bzhin du khams dang / skye mched dang / rten cing 'brel par 'byung ba dang / stong pa nyid dang / byang chub kyi phyogs kyi chos rnams dang / pha rol du phyin pa rnams dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos rnams dang / rnam pa thams cad mkhyen pa nyid kyi 'grib pa gang lags pa de ni rnam pa thams cad mkhyen pa nyid ma lags shes zer/ rab 'byor gyis smras pa/ tshe dang ldan pa shA ri'i bu 'di ltar 'grib pa gang yin pa dang / gzugs gang yin pa dang / gnyis su dbyer med pa gang yin pa dang / 'grib pa gang yin pa dang / tshor ba dang / 'du shes dang / 'du byed rnams dang / rnam par shes pa gang yin pa dang / gnyis su dbyer med pa gang yin pa'i chos de dag thams cad ni ldan pa yang ma yin/ mi ldan pa yang ma yin zhing / gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa'o/ /khams dang / skye mched dang / rten cing 'brel par 'byung ba dang / pha rol du phyin pa rnams dang / byang chub kyi phyogs kyi chos rnams dang / stong pa nyid thams cad dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyang de bzhin te/ de ltar na 'grib pa gang yin pa dang / rnam pa thams cad mkhyen pa nyid gang yin pa dang / gnyis su dbyer med pa gang yin pa'i chos de dag thams cad ni ldan pa yang ma yin/ mi ldan pa yang ma yin zhing / gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa'o/ /tshe dang ldan pa shA ri'i bu rnam grangs des na/ gzugs kyi 'grib pa gang yin pa de ni gzugs ma yin no/ /tshor ba dang / 'du shes dang / 'du byed rnams dang / rnam par shes pa'i 'grib pa gang yin pa de ni rnam par shes pa ma yin no/ /de bzhin du</font><hr>34.241b<br><font size=+1>

sbyar te/ rnam pa thams cad mkhyen pa nyid kyi bar gyi 'grib pa gang yin pa de ni rnam pa thams cad mkhyen pa nyid ma yin no/ /shA ri'i bus smras pa/ tshe dang ldan pa rab 'byor ci'i phyir/ khyod 'di skad du gang yang gzugs shes bgyi ba de ni gnyis su ma mchis pa'i grangs su bgyis pa lags so/ /de bzhin du tshor ba dang / 'du shes dang / 'du byed rnams dang / rnam par shes pa zhes bgyi ba de ni gnyis su ma mchis pa'i grangs su bgyis pa lags so/ /gang yang rnam pa thams cad mkhyen pa nyid ces bgyi ba'i bar de yang gnyis su ma mchis pa'i grangs su bgyis pa lags so zhes smra/ rab 'byor kyis smras pa/ tshe dang ldan pa shA ri'i bu 'di ltar skye ba med pa yang gzhan ma yin la/ gzugs kyang gzhan ma yin te/ skye ba med pa nyid kyang gzugs so/ /gzugs nyid kyang skye ba med pa'o/ /skye ba med pa yang gzhan ma yin la/ tshor ba dang / 'du shes dang / 'du byed rnams dang / rnam par shes pa yang gzhan ma yin te/ skye ba med pa nyid kyang rnam par shes pa'o/ /rnam par shes pa nyid kyang skye ba med pa ste/ tshe dang ldan pa shA ri'i bu rnam grangs des na/ gang yang gzugs shes bya ba de ni gnyis su med pa'i grangs su byas pa yin no/ /gang yang tshor ba dang / 'du shes dang / 'du byed rnams dang / rnam par shes pa zhes bya ba de ni gnyis su med pa'i grangs su byas pa yin no/ /khams dang / skye mched rnams dang / rten cing 'brel bar 'byung ba dang / pha rol du phyin pa rnams dang / byang chub kyi phyogs kyi chos rnams dang / stong pa nyid thams cad dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyang de bzhin no/ /tshe dang ldan pa shA ri'i bu 'di ltar rnam pa thams cad mkhyen pa nyid kyang gzhan ma yin la/ skye ba med pa yang gzhan ma yin te/ skye ba med pa nyid kyang rnam pa thams cad mkhyen pa nyid do/ /rnam</font><hr>34.242a<br><font size=+1>

pa thams cad mkhyen pa nyid kyang skye ba med pa ste/ tshe dang ldan pa shA ri'i bu rnam grangs des na/ gang yang rnam pa thams cad mkhyen pa nyid ces bya ba de ni gnyis su med pa'i grangs su byas pa yin no/ /de nas bcom ldan 'das la/ tshe dang ldan pa rab 'byor kyis 'di skad ces gsol to/ /bcom ldan 'das gang gi tshe byang chub sems dpa' sems dpa' chen po shes rab kyi pha rol du phyin pa la spyod cing chos de dag la de ltar nye bar rtog par bgyid pa de'i tshe shin du rnam par dag pa'i slad du/ gzugs kyi skye ba ma mchis pa mthong lags so/ /shin du rnam par dag pa'i slad du/ tshor ba dang / 'du shes dang / 'du byed rnams dang / rnam par shes pa'i skye ba ma mchis pa mthong lags so/ /shin du rnam par dag pa'i slad du/ bdag gi skye ba ma mchis pa mthong lags so/ /shin du rnam par dag pa'i slad du/ sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po'i skye ba ma mchis pa mthong lags so/ /de bzhin du shin du rnam par dag pa'i slad du/ khams dang / skye mched rnams dang / rten cing 'brel par 'byung ba'i skye ba ma mchis pa mthong lags so/ /shin du rnam par dag pa'i slad du sbyin pa'i pha rol du phyin pa'i skye ba ma mchis pa mthong lags so/ /de bzhin du shin du rnam par dag pa'i slad du/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i skye ba ma mchis pa mthong lags so/ /shin du rnam par dag pa'i slad du/ nang stong pa nyid kyi skye ba ma mchis pa mthong lags so/ /shin du rnam par dag pa'i slad du/ dngos po med pa'i ngo bo nyid stong pa nyid kyi bar gyi skye ba ma mchis pa mthong lags so/ /shin du rnam par dag pa'i slad du/ dran pa nye bar gzhag pa rnams kyi</font><hr>34.242b<br><font size=+1>

skye ba ma mchis pa mthong lags so/ /shin du rnam par dag pa'i slad du/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / stobs bcu dang / mi 'jigs pa dang / so so yang dag par rig pa dang / gzungs dang / ting nge 'dzin gyi sgo dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi skye ba ma mchis pa mthong lags so/ /shin du rnam par dag pa'i slad du/ so so'i skye bo'i skye ba ma mchis pa mthong lags so/ /shin du rnam par dag pa'i slad du/ so so'i skye bo'i chos rnams kyi skye ba ma mchis pa mthong lags so/ /shin du rnam par dag pa'i slad du/ rgyun du zhugs pa dang / rgyun du zhugs pa'i chos rnams dang / lan cig phyir 'ong ba dang / lan cig phyir 'ong ba'i chos rnams dang / phyir mi 'ong ba dang / phyir mi 'ong ba'i chos rnams dang / dgra bcom pa dang / dgra bcom pa'i chos rnams dang / rang sangs rgyas dang / rang sangs rgyas kyi chos rnams dang / byang chub sems dpa' dang / byang chub sems dpa'i chos rnams dang / sangs rgyas kyi skye ba ma mchis pa mthong lags so/ /sangs rgyas kyi chos rnams kyi skye ba ma mchis pa mthong lags so/ /shA ri'i bus smras pa/ tshe dang ldan pa rab 'byor gyis smras pa'i don kho bos shes pa ltar na/ gzugs ni skye ba med pa yin/ tshor ba dang / 'du shes dang / 'du byed rnams dang / rnam par shes pa yang skye ba med pa yin/ khams rnams skye ba med pa yin/ skye mched rnams skye ba med pa yin/ rten cing 'brel bar 'byung ba skye ba med pa yin/ pha rol du phyin pa rnams skye ba med pa yin/ stong pa nyid thams cad skye ba med pa yin/ byang chub kyi phyogs kyi chos sum bcu rtsa bdun skye ba med pa yin/ ting nge 'dzin rnams dang / gzungs kyi sgo rnams skye ba med pa yin/ stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad skye ba med pa yin/ rnam pa</font><hr>34.243a<br><font size=+1>

thams cad mkhyen pa nyid kyang skye ba med pa yin/ so so'i skye bo yang skye ba med pa yin/ so so'i skye bo'i chos rnams kyang skye ba med pa yin/ rgyun du zhugs pa dang / rgyun du zhugs pa'i chos rnams dang / lan cig phyir 'ong ba dang / lan cig phyir 'ong ba'i chos rnams dang / phyir mi 'ong ba dang / phyir mi 'ong ba'i chos rnams dang / dgra bcom pa dang / dgra bcom pa'i chos rnams dang / rang sangs rgyas dang / rang sangs rgyas kyi chos rnams dang / byang chub sems dpa' dang / byang chub sems dpa'i chos rnams dang / sangs rgyas kyang skye ba med pa yin/ sangs rgyas kyi chos rnams kyang skye ba med pa yin no/ /tshe dang ldan pa rab 'byor gal te gzugs kyang skye ba med la/ sangs rgyas kyi chos rnams kyi bar du yang skye ba med pa yin na ni/ tshe dang ldan pa rab 'byor nyan thos kyis kyang / nyan thos kyi byang chub thob zin par mi 'gyur 'am/ de de bzhin du so so'i skye bos kyang / rang sangs rgyas kyi byang chub dang / de bzhin du byang chub sems dpas kyang rnam pa thams cad mkhyen pa nyid thob zin par mi 'gyur 'am/ 'gro ba rnam pa lnga yang tha dad pa med par 'gyur ro/ /byang chub sems dpa' sems dpa' chen pos byang chub rnam pa lnga yang thob zin par 'gyur ro/ /tshe dang ldan pa rab 'byor gal te chos thams cad skye ba med pa yin na/ ci'i phyir rgyun du zhugs pas ni kun du sbyor ba gsum spang pa'i phyir lam bsgom par bya/ lan cig phyir 'ong bas ni 'dod chags dang / zhe sdang dang / gti mug bsrab pa'i phyir lam bsgom par bya/ phyir mi 'ong bas ni tha ma'i cha dang 'thun pa'i kun du sbyor ba lnga spang ba'i phyir lam bsgom par bya/ dgra bcom pas ni gong ma'i cha dang 'thun pa'i kun du sbyor ba lnga spang ba'i phyir lam bsgom par bya/ rang sangs rgyas kyi theg pa pa rnams kyis ni rang byang chub thob par bya ba'i phyir lam bsgom par bya/ ci'i phyir byang chub sems dpa' sems dpa' chen po ni sems can rnams kyi ched du dka' ba spyad pa spyod cing sdug bsngal gang yin pa de dag nyams su myong bar byed/ ci'i phyir</font><hr>34.243b<br><font size=+1>

de bzhin gshegs pa dgra bcom pa yang dag par rdzogs pa'i sangs rgyas kyis ni bla na med pa yang dag par rdzogs pa'i byang chub mngon par rdzogs par sangs rgyas/ ci'i phyir de bzhin gshegs pas ni chos kyi 'khor lo bskor/ rab 'byor kyis smras pa/ tshe dang ldan pa shA ri'i bu kho bo ni chos ma skyes pa la 'thob pa dang / mngon par rtogs pa yod par mi 'dod do/ /kho bo ni ma skyes pa la rgyun du zhugs pa nyid yod par mi 'dod do/ /rgyun du zhugs pa'i 'bras bu yod par mi 'dod do/ /lan cig phyir 'ong ba dang / lan cig phyir 'ong ba'i 'bras bu dang / phyir mi 'ong ba dang / phyir mi 'ong ba'i 'bras bu dang / dgra bcom pa nyid dang / dgra bcom pa nyid kyi 'bras bu dang / skye ba med pa la rang byang chub dang / rang sangs rgyas yod par mi 'dod do/ /tshe dang ldan pa shA ri'i bu kho bo ni/ byang chub sems dpa' dka' ba spyad pa spyod par mi 'dod de/ byang chub sems dpa' sems dpa' chen po yang dka' ba'i 'du shes kyis mi spyod do/ /de ci'i phyir zhe na/ tshe dang ldan pa shA ri'i bu 'di ltar dka' ba'i 'du shes la gnas pas ni/ sems can dpag du med/ grangs med pa rnams kyi don byed par mi nus pa'i phyir ro/ /tshe dang ldan pa shA ri'i bu 'on kyang phar 'du shes bskyed pa dang / mar 'du shes bskyed pa dang / bur 'du shes bskyed pa dang / bdag tu 'du shes bskyed na sems can dpag tu med/ grangs med pa rnams kyi don byed par nus so/ /tshe dang ldan pa shA ri'i bu byang chub sems dpa' sems dpa' chen pos 'di snyam du sems bskyed par bya ste/ ji ltar bdag bdag ces bya ba yang de ni thams cad kyi thams cad rnam pa thams cad kyi thams cad du med cing mi dmigs pa de bzhin du phyi dang nang gi chos rnams la yang de ltar sems bskyed par bya'o/ /gal te de lta bu'i 'du shes bskyed par 'gyur na/ dka' ba'i 'du shes bskyed par mi 'gyur ro/ /de ci'i phyir zhe na/ 'di ltar byang chub sems dpa' sems dpa' chen po ni thams cad kyi thams cad/ rnam pa thams cad kyi thams cad du chos 'ga' yang mi len cing</font><hr>34.244a<br><font size=+1>

mi dmigs pa'i phyir ro/ /tshe dang ldan pa shA ri'i bu kho bo ni skye ba med pa la de bzhin gshegs pa yod par mi 'dod do/ /bla na med pa yang dag par rdzogs pa'i byang chub dang / chos kyi 'khor lo bskor ba yod par mi 'dod do/ /chos ma skyes pas kyang 'thob pa ma skyes pa 'thob par mi 'dod do/ /shA ri'i bus smras pa/ tshe dang ldan pa rab 'byor ci ma skyes pa'i chos kyis 'thob pa skyes pa 'thob 'am/ 'on te skyes pa'i chos kyi 'thob pa ma skyes pa 'thob/ rab 'byor kyis smras pa/ tshe dang ldan pa shA ri'i bu kho bo ni skyes pa'i chos kyis 'thob pa ma skyes pa 'thob par yang mi 'dod la/ ma skyes pa'i chos kyis 'thob pa skyes pa 'thob par yang mi 'dod do/ /shA ri'i bus smras pa/ tshe dang ldan pa rab 'byor ci 'thob pa yang med la/ mngon par rtogs pa yang med dam/ rab 'byor gyis smras pa/ tshe dang ldan pa shA ri'i bu 'thob pa yang yod/ mngon par rtogs pa yang yod de gnyis kyi tshul gyis ni ma yin no/ /tshe dang ldan pa shA ri'i bu 'thob pa dang / mngon par rtogs pa dag ni 'jig rten gyi tha snyad kyis gdags pa'o/ /rgyun du zhugs pa 'am/ lan cig phyir 'ong ba 'am/ phyir mi 'ong ba 'am/ dgra bcom pa 'am/ rang sangs rgyas sam/ byang chub sems dpa' 'am/ sangs rgyas kyang 'jig rten gyi tha snyad kyis gdags pa yin te/ don dam par ni 'thob pa yang med/ mngon par rtogs pa yang med/ rgyun du zhugs pa yang med/ lan cig phyir 'ong ba yang med/ phyir mi 'ong ba yang med/ dgra bcom pa yang med/ rang sangs rgyas kyang med/ byang chub sems dpa' yang med/ sangs rgyas kyang med do/ /shA ri'i bus smras pa tshe dang ldan pa rab 'byor 'thob pa dang / mngon par rtogs pa ji ltar 'jig rten gyi tha snyad du gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa bzhin du/ skye ba med pa yang de lta yin nam/ rab 'byor kyis smras pa tshe dang ldan pa shA ri'i bu de de bzhin te/ tshe dang ldan pa shA ri'i bu rnam grangs des na/ skye ba yang mi skye la</font><hr>34.244b<br><font size=+1>

skye ba med pa yang mi skye'o/ /shA ri'i bus smras pa/ tshe dang ldan pa rab 'byor chos ma skyes so chos ma skyes so zhes bya bar brjod par spobs sam/ tshe dang ldan pa rab 'byor chos ma skyes pa rnams kyi skye ba med pa yang brjod par spobs sam/ rab 'byor gyis smras pa/ tshe dang ldan pa shA ri'i bu chos ma skyes so/ /chos ma skyes so zhes bya bar brjod par khyod spobs sam zhes zer ba ni/ tshe dang ldan pa shA ri'i bu chos ma skyes so chos ma skyes so zhes bya bar brjod pa'i spobs pa yang kho bo la med do/ /chos ma skyes pa rnams kyi skye ba med par brjod pa'i spobs pa yang kho bo la med do/ /de ci'i phyir zhe na/ tshe dang ldan pa shA ri'i bu 'di ltar chos ma skyes pa gang yin pa dang / skye ba med pa gang yin pa dang / spobs pa gang yin pa dang / brjod pa gang yin pa dang / mi skye ba gang yin pa'i chos de dag thams cad ni ldan pa yang ma yin/ mi ldan pa yang ma yin zhing / gzugs can ma yin pa bstan du med pa/ thogs pa med pa ste/ 'di ltar mtshan nyid med par mtshan nyid gcig pa'i phyir ro/ /shA ri'i bus smras pa/ tshe dang ldan pa rab 'byor brjod pa yang skye ba med/ spobs pa yang skye ba med/ chos kyang skye ba med de/ gang dag las brtsams te/ brjod par bya ba'i chos de dag kyang skye ba med pa yin nam/ rab 'byor kyis smras pa/ tshe dang ldan pa shA ri'i bu de de bzhin te/ brjod pa ni skye ba med pa'o/ /spobs pa ni skye ba med pa'o/ /chos ni skye ba med pa'o/ /gang dag las brtsams te/ brjod par spobs pa'i chos de dag kyang skye ba med pa'o/ /de ci'i phyir zhe na/ gzugs skye ba med pa dang / tshor ba dang / 'du shes dang / 'du byed rnams dang / rnam par shes pa skye ba med pa dang / de bzhin du khams rnams dang / skye mched rnams dang / rten cing 'brel par 'byung ba dang / pha rol du phyin pa rnams dang / byang chub kyi phyogs kyi chos sum bcu rtsa bdun dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs rnams dang / mi 'jigs pa rnams dang / so so yang dag</font><hr>34.245a<br><font size=+1>

par rig pa rnams dang / sangs rgyas kyi chos ma 'dres pa bcwa brgyad kyang skye ba med pa dang / rnam pa thams cad mkhyen pa nyid kyi bar du yang skye ba med pa'i phyir ro/ /shA ri'i bus smras pa/ tshe dang ldan pa rab 'byor de de bzhin te/ brjod pa skye ba med do/ /spobs pa skye ba med do/ /chos skye ba med do/ /gang dag las brtsams te/ brjod par spobs pa'i chos de dag kyang skye ba med do/ /phung po dang / khams dang / skye mched dang / rten cing 'brel bar 'byung ba dang / pha rol du phyin pa rnams dang / byang chub kyi phyogs kyi chos rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyi bar du skye ba med do/ /de bzhin du sbyar te/ rnam pa thams cad mkhyen pa nyid kyi bar du skye ba med do/ /de ltar na 'jig rten gyi tha snyad kyis 'gro ba lnga po dag tha dad pa yin gyi/ don dam par ni ma yin no/ /rab 'byor kyis smras pa/ tshe dang ldan pa shA ri'i bu de de bzhin no/ /de de bzhin te/ tshe dang ldan pa shA ri'i bu ji ltar 'thob pa dang / mngon par rtogs pa 'jig rten gyi tha snyad du yod pa de bzhin du/ 'gro ba lnga po dag kyang 'jig rten gyi tha snyad kyis tha dad kyi/ don dam par ni ma yin no/ /de ci'i phyir zhe na/ tshe dang ldan pa shA ri'i bu 'di ltar don dam par ni las kyi rnam par smin pa yang med/ skye ba yang med/ 'gag pa yang med/ kun nas nyon mongs pa yang med/ rnam par byang ba yang med pa'i phyir ro/ /shA ri'i bus smras pa/ tshe dang ldan pa rab 'byor ci chos ma skyes pa skye 'am/ 'on te chos skyes pa skye/ rab 'byor kyis smras pa/ tshe dang ldan pa shA ri'i bu kho bo ni chos ma skyes pa skye bar yang mi 'dod la/ chos skyes pa skye bar yang mi 'dod do/ /shA ri'i bus smras pa/ tshe dang ldan pa rab 'byor khyod chos ma skyes pa gang skye bar mi 'dod/ rab 'byor gyis smras pa/ tshe dang ldan</font><hr>34.245b<br><font size=+1>

pa shA ri'i bu kho bo ni gzugs ma skyes pa skye bar mi 'dod do/ /kho bo ni tshor ba dang / 'du shes dang / 'du byed rnams dang / rnam par shes pa ma skyes pa skye bar mi 'dod do/ /de bzhin du khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / byang chub kyi phyogs kyi chos rnams dang / stong pa nyid thams cad dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / byang chub ma skyes pa 'thob par mi 'dod/ mngon par rtogs par mi 'dod do/ /shA ri'i bus smras pa/ tshe dang ldan pa rab 'byor chos skyes pa gang skye bar mi 'dod/ rab 'byor kyis smras pa/ tshe dang ldan pa shA ri'i bu kho bo ni gzugs skyes pa ngo bo nyid kyis stong pa skye bar mi 'dod do/ /tshe dang ldan pa shA ri'i bu kho bo ni tshor ba dang / 'du shes dang / 'du byed rnams dang / rnam par shes pa skyes pa ngo bo nyid kyis stong pa skye bar mi 'dod do/ /tshe dang ldan pa shA ri'i bu de bzhin du sbyar te/ kho bo ni byang chub kyi bar du skyes pa ngo bo nyid kyis stong pa skye bar mi 'dod do/ /shA ri'i bus smras pa/ tshe dang ldan pa rab 'byor ci ma skyes pa'i chos skye 'am/ skyes pa'i chos skye/ rab 'byor kyis smras pa/ tshe dang ldan pa shA ri'i bu ma skyes pa yang mi skye la/ skyes pa yang mi skye'o/ /de ci'i phyir zhe na/ tshe dang ldan pa shA ri'i bu 'di ltar skyes pa gang yin pa dang / ma skyes pa'i chos gang yin pa de gnyi ga yang ldan pa yang ma yin mi ldan pa yang ma yin te/ skye ba med pa'i phyir ro/ /de ci'i phyir zhe na/ tshe dang ldan pa shA ri'i bu 'di ltar gzugs skye ba med pa dang / tshor ba dang / 'du shes dang / 'du byed rnams dang / rnam par shes pa skye ba med pa dang / de bzhin du khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / byang chub kyi phyogs kyi chos sum bcu rtsa bdun dang / stong pa nyid thams cad dang / ting nge 'dzin thams cad dang / gzungs</font><hr>34.246a<br><font size=+1>

kyi sgo thams cad dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwo brgyad dang / de bzhin du sbyar te/ lus kyi 'du byed rnams dang / ngag gi 'du byed rnams dang / yid kyi 'du byed rnams dang / rnam pa thams cad mkhyen pa nyid kyi bar du skye ba med pa'i phyir te/ tshe dang ldan pa shA ri'i bu rnam grangs des na/ brjod pa skye ba med/ spobs pa skye ba med/ chos skye ba med/ gang dag las brtsams te/ brjod par spobs pa'i chos de dag kyang skye ba med do/ /shA ri'i bus smras pa/ tshe dang ldan pa rab 'byor ni chos smra ba rnams kyi mchog tu bzhag pa'o/ /de ci'i phyir zhe na/ 'di ltar tshe dang ldan pa rab 'byor ni gang dang gang yongs su dris pa de dang de nyid las nges par 'byung ba'i phyir ro/ /rab 'byor gyis smras pa/ 'di ltar chos thams cad la mi gnas pa'i phyir ro/ /shA ri'i bus smras pa/ tshe dang ldan pa rab 'byor ji ltar na/ chos thams cad la mi gnas pa yin/ rab 'byor gyis smras pa/ tshe dang ldan pa shA ri'i bu gzugs ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu mig ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu de bzhin du rna ba dang / sna dang / lce dang / lus dang / yid ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu gzugs ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu sgra dang / dri dang / ro dang / reg</font><hr>34.246b<br><font size=+1>

bya dang / chos rnams ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu sbyin pa'i pha rol du phyin pa ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu de bzhin du/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu nang stong pa nyid ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu dngos po med pa'i ngo bo nyid stong pa nyid kyi bar ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu dran pa nye bar gzhag pa rnams ni rang bzhin gyis stong ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam ni rang bzhin gyis stong ste/ de dag ni nang na yang mi gnas/ phyi rol na yang mi gnas/ gnyis ka med par yang mi dmigs so/ /stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwo brgyad ni rang bzhin gyis stong ste/ de dag ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu rnam pa thams cad mkhyen pa nyid kyi bar ni rang bzhin gyis stong ste/ de ni nang na yang mi gnas/ /phyi rol na yang mi gnas/ gnyis ka med par yang mi dmigs te/ tshe dang ldan pa shA ri'i bu</font><hr>34.247a<br><font size=+1>

rnam grangs des na/ chos thams cad ni rang bzhin gyis stong pa'i phyir mi gnas pa yin no/ /tshe dang ldan pa shA ri'i bu de ltar na/ byang chub sems dpa' sems dpa' chen po pha rol du phyin pa drug la spyod pas gzugs yongs su sbyang bar bya'o/ /tshor ba dang / 'du shes dang / 'du byed rnams dang / rnam par shes pa yongs su sbyang bar bya'o/ /khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / ting nge 'dzin rnams dang / gzungs kyi sgo rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad yongs su sbyang bar bya'o/ /rnam pa thams cad mkhyen pa nyid kyi bar du yongs su sbyang bar bya'o/ /shA ri'i bus smras pa/ tshe dang ldan pa rab 'byor byang chub sems dpa' sems dpa' chen po pha rol du phyin pa drug la spyod pa/ ji ltar byang chub kyi lam yongs su sbyong bar byed/ rab 'byor kyis smras pa/ tshe dang ldan pa shA ri'i bu sbyin pa'i pha rol du phyin pa ni 'jig rten pa yang yod/ 'jig rten las 'das pa yang yod do/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni 'jig rten pa yang yod/ 'jig rten las 'das pa yang yod do/ /shA ri'i bus smras pa/ tshe dang ldan pa rab 'byor 'jig rten pa'i sbyin pa'i pha rol du phyin pa ni gang yin/ 'jig rten las 'das pa ni gang yin/ rab 'byor gyis smras pa/ tshe dang ldan pa shA ri'i bu 'di la byang chub sems dpa' sems dpa' chen po ni sbyin pa po dang / sbyin bdag du gyur cing / dge sbyong dang / bram ze dang / bkren pa dang / sdug phongs pa dang / 'dron pa dang / slongs mo pa</font><hr>34.247b<br><font size=+1>

zas 'dod pa rnams la ni zas/ skom 'dod pa rnams la ni skom/ bzhon pa 'dod pa rnams la ni bzhon pa/ gos 'dod pa rnams la ni gos/ me tog 'dod pa rnams la ni me tog /me tog phreng 'dod pa rnams la ni me tog phreng / spos 'dod pa rnams la ni spos/ byug pa 'dod pa rnams la ni byug pa/ gnas 'dod pa rnams la ni gnas/ mal cha dang stan 'dod pa rnams la ni mal cha dang stan/ 'tshog chas 'dod pa rnams la ni 'tshog chas/ sman 'dod pa rnams la ni sman/ mi'i yo byad gang yang rung ba'i bar dag sbyin par byed cing / bu 'dod pa rnams la ni bu sbyin par byed/ bu mo 'dod pa rnams la ni bu mo sbyin par byed/ chung ma 'dod pa rnams la ni chung ma sbyin par byed/ rgyal srid 'dod pa rnams la ni rgyal srid sbyin par byed/ mgo 'dod pa rnams la ni mgo sbyin par byed/ mig 'dod pa rnams la ni mig sbyin par byed/ yan lag dang nying lag 'dod pa rnams la ni yan lag dang nying lag sbyin par byed/ sha dang / khrag dang / rkang 'dod pa rnams la ni sha dang khrag dang rkang sbyin par byed la de yang gnas shing yongs su gtong bar byed de/ de 'di snyam du bdag ni sbyin pa byed pa'o/ /'di ni len pa'o/ /'di ni sbyin pa'o/ /bdag ni ser sna med pa'o/ /bdag ni sbyin bdag go/ /bdag ni bdog pa thams cad yongs su gtong ba'o/ /bdag ni sangs rgyas kyi bka' bzhin byed pa'o/ /bdag ni sbyin pa'i pha rol du phyin pa la spyod pa'o snyam du sems shing sbyin pa de yang byin nas/ dmigs pa'i tshul gyis sems can thams cad dang thun mong du byas shing bdag gi sbyin pa'i 'bras bu 'dis sems can 'di dag tshe 'di la yang bde bar 'gyur zhing / len pa med par yongs su mya ngan las 'da' bar gyur cig ces bla na med pa yang dag par rdzogs pa'i byang chub tu yongs su bsngo bar byed do/ /de ni chags pa gsum la chags shing sbyin pa sbyin par byed de/ gsum gang zhe na/ 'di lta ste/ bdag tu 'du shes pa dang / gzhan du 'du shes pa dang / </font><hr>34.248a<br><font size=+1>

sbyin par 'du shes pa ste/ chags pa gsum po de dag la chags shing sbyin pa sbyin par byed de/ de ni 'jig rten pa'i sbyin pa'i pha rol du phyin pa zhes bya'o/ /ci'i phyir/ 'jig rten pa'i sbyin pa'i pha rol du phyin pa zhes bya zhe na/ 'di ltar 'jig rten las mi g.yo mi 'phags shing mi 'da' ste/ de'i phyir 'jig rten pa'i sbyin pa'i pha rol du phyin pa zhes bya'o/ /de la 'jig rten las 'das pa'i sbyin pa'i pha rol du phyin pa gang zhe na/ 'di lta ste/ 'khor gsum yongs su dag pa'o/ /de la 'khor gsum yongs su dag pa gang zhe na/ tshe dang ldan pa shA ri'i bu 'di la byang chub sems dpa' sems dpa' chen po sbyin pa sbyin pa na/ bdag tu mi dmigs/ len par mi dmigs/ sbyin par mi dmigs shing / de'i rnam par smin pa la yang mngon par dga' ba med pa ste/ tshe dang ldan pa shA ri'i bu de ni byang chub sems dpa' sems dpa' chen po'i 'khor gsum yongs su dag pa yin no/ /tshe dang ldan pa shA ri'i bu gzhan yang byang chub sems dpa' sems dpa' chen po sbyin pa sbyin par byed de/ sbyin pa de sems can thams cad la stobs par byed kyang sems can thams cad kyang mi dmigs/ bdag kyang mi dmigs/ sbyin pa yang mi dmigs la/ sbyin pa de yang bla na med pa yang dag par rdzogs pa'i byang chub tu yongs su bsngo bar byed cing / byang chub kyang mi dmigs pa de ni/ tshe dang ldan pa shA ri'i bu 'jig rten las 'das pa'i sbyin pa'i pha rol du phyin pa zhes bya'o/ /ci'i phyir 'jig rten las 'das pa'i sbyin pa'i pha rol du phyin pa zhes bya zhe na/ tshe dang ldan pa shA ri'i bu 'di ltar 'jig rten las g.yo zhing 'phags la 'da' ste/ de'i phyir 'jig rten las 'das pa'i sbyin pa'i pha rol du phyin pa zhes bya'o/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa yang de bzhin no/ /shes rab kyi pha rol du phyin pa khri brgyad stong pa/ bam po bcwa brgyad pa/ tshe</font><hr>34.248b<br><font size=+1>

dang ldan pa shA ri'i bu shes rab kyi pha rol du phyin pa yang 'jig rten pa'i yang yod/ 'jig rten las 'das pa'i yang yod de/ de la 'jig rten pa'i shes rab kyi pha rol du phyin pa gang zhe na/ tshe dang ldan pa shA ri'i bu 'di la byang chub sems dpa' sems dpa' chen po bdag gis ser sna'i sems tshar bcad do/ /zhes dmigs pa la gnas nas sbyin pa sbyin par byed de/ de yang bdag dang / sems can dang / sbyin pa'i 'du shes la gnas shing / de bdog pa thams cad yongs su gtong ste/ dmigs pa la gnas nas/ phyi dang nang gi dngos po 'am/ zin pa 'am/ ma zin pa 'am/ ci bdog pa thams cad yongs su gtong ba dang / de sbyangs pa'i yon tan la gnas shing / lus dang / ngag dang / sems kyi dmigs pa la gnas te/ bdag tu lta ba la gnas/ sems can du lta ba dang / dge bar lta ba la gnas shing / tshul khrims dang / dge ba bcu'i las kyi lam de dag la bsten pa tshul khrims dag sems can thams cad dang thun mong du byas shing byang chub dmigs nas/ dmigs pa'i tshul gyis byang chub tu yongs su bsngo ba dang / de bdag la bstod cing gzhan la smod la/ bdag dang sems can dang / bzod par lta ba la gnas shing / sems can thams cad kyis nyes par byas pa bzod par byed la/ dge ba'i rtsa ba de yang sems can thams cad dang thun mong du byas nas/ dmigs pa'i tshul gyis bla na med pa yang dag par rdzogs pa'i byang chub tu yongs su bsngo ba dang / de lus dmigs shing / bsod nams kyi tshogs dmigs la/ ye shes kyi tshogs dmigs shing / bdag dmigs la sems can rnams dmigs te/ byang chub dmigs shing / brtson 'grus rtsom ste/ de brtson 'grus rtsom pa des rlom sems su byed pa dang / de byams pa dang / snying rje dang / dga' ba dang / btang snyoms sgom par byed cing / bsam gtan rnams dang / mngon</font><hr>34.249a<br><font size=+1>

par shes pa rnams dang / ting nge 'dzin rnams dang / snyoms par 'jug pa rnams la yang snyoms par 'jug la/ ldang bar yang byed cing / de dag gi ro myang bar yang byed la/ de dag gis rlom sems su yang byed cing / dmigs pa'i lta ba can du gyur nas/ dge ba'i rtsa ba rnams sems can thams cad dang thun mong du byas shing / byang chub tu yongs su bsngo ba de ni 'jig rten pa'i 'o/ /de gzugs stong ngo zhes bya bar dmigs/ tshor ba dang / 'du shes dang / 'du byed rnams dang / rnam par shes pa stong ngo zhes bya bar dmigs shing / de bzhin du sangs rgyas kyi byang chub kyi bar du dmigs nas/ stong pa nyid sgom ste/ de dmigs pa la spyod cing / dge ba'i rtsa ba de dag kyang sems can thams cad dang thun mong du byas nas/ de yang dmigs pa'i tshul gyis bla na med pa yang dag par rdzogs pa'i byang chub tu yongs su bsngo ba dang / dmigs pa'i tshul gyis sdig pa thams cad so sor 'chags pa dang / bdag dang gzhan gyi bsod nams thams cad la rjes su yi rang ba dang / bdag dang gzhan gyi don gyi phyir dmigs nas/ thabs ma yin pas sangs rgyas thams cad la gsol ba 'debs pa dang / phung po gsum pa'i bsod nams thabs ma yin pas sems can thams cad dang thun mong du byas nas rnam pa thams cad mkhyen pa nyid du yongs su bsngo ba de ni 'jig rten pa'i shes rab kyi pha rol du phyin pa zhes bya'o/ /de la 'jig rten las 'das pa'i shes rab kyi pha rol du phyin pa gang zhe na/ bdag dang / sems can dang / sbyin par bya ba mi dmigs pa'i shes rab 'khor gsum yongs su dag pas byang chub kyi phyir sbyin pa'i pha rol du phyin pa yongs su sbyong bar byed pa dang / bdag dang / sems can dang / tshul khrims dang / byang chub mi dmigs te/ 'khor gsum yongs su dag pas/ byang chub kyi phyir tshul khrims</font><hr>34.249b<br><font size=+1>

yongs su sbyong bar byed pa dang / bdag dang / bzod pa dang / byang chub mi dmigs te/ 'khor gsum yongs su dag pas/ byang chub kyi phyir bzod pa'i pha rol du phyin pa yongs su sbyong bar byed pa dang / bdag dang / lus dang / sems dang / brtson 'grus dang / bsod nams dang / ye shes mi dmigs te/ 'khor gsum yongs su dag pas byang chub kyi phyir/ brtson 'grus kyi pha rol du phyin pa yongs su sbyong bar byed pa dang / bdag dang / sems can dang / bsam gtan dang / ting nge 'dzin dang / snyoms par 'jug pa rnams mi dmigs te/ 'khor gsum yongs su dag pas byang chub kyi phyir bsam gtan gyi pha rol du phyin pa yongs su sbyong bar byed pa dang / sems can thams cad mi dmigs pas byang chub kyi phyir shes rab kyi pha rol du phyin pa yongs su sbyong bar byed pa dang / dge ba'i rtsa ba thams cad kyang yongs su bsngo ba dug med pa dang / yongs su bsngo ba bla na med pa dang / yongs su bsngo ba mi mnyam pa dang mnyam pa dang / yongs su bsngo ba bsam gyis mi khyab pa dang / yongs su bsngo ba mtshungs pa med pa dang / yongs su bsngo ba dpag tu med pas/ bla na med pa yang dag par rdzogs pa'i byang chub tu yongs su bsngo bar byed pa ste/ de ni 'jig rten las 'das pa'i shes rab kyi pha rol du phyin pa zhes bya'o/ /ci'i phyir na/ 'jig rten pa zhes bya/ ci'i phyir na/ 'jig rten las 'das pa zhes bya zhe na/ de la 'jig rten pa zhes bya ba ni/ gang dag gis 'jig rten du 'gyur ba dang / gang dag 'jig rten 'grub par byed pa dang / gang dag 'jig rten dang mnyam pa dang / gang dag gis 'jig rten gyi phyir sbyin pa dang / gang dag gis 'jig rten las 'byung bar mi 'gyur ba dang / gang dag 'jig rten 'byung bar 'gyur ba dang / gang dag 'jig rten du 'byung bar 'gyur ba ste/ de dag</font><hr>34.250a<br><font size=+1>

ni 'jig rten pa zhes bya'o/ /de la 'jig rten las 'das pa gang zhe na/ gang dag gis 'jig rten sgrol ba dang / gang dag 'jig rten sel bar byed pa dang / 'jig rten gang dag gis sgrol bar byed pa dang / gang dag 'jig rten ma yin par 'gyur ba dang / gang dag gis 'jig rten las 'byung bar 'gyur ba dang / gang dag 'jig rten las sgrol ba dang / gang dag 'jig rten du sgrol bar byed pa ste/ de dag ni 'jig rten las 'das pa zhes bya'o/ /tshe dang ldan pa shA ri'i bu byang chub sems dpa' sems dpa' chen po pha rol du phyin pa drug la spyod pa ni de ltar byang chub kyi lam yongs su sbyong bar byed do/ /shA ri'i bus smras pa/ tshe dang ldan pa rab 'byor byang chub sems dpa' sems dpa' chen po'i byang chub kyi lam gang yin/ rab 'byor gyis smras pa/ tshe dang ldan pa shA ri'i bu dran pa nye bar gzhag pa bzhi ni/ byang chub sems dpa' sems dpa' chen po'i byang chub kyi lam yin no/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po ste/ tshe dang ldan pa shA ri'i bu de dag ni byang chub sems dpa' sems dpa' chen po'i byang chub kyi lam zhes bya'o/ /shA ri'i bus smras pa/ tshe dang ldan pa rab 'byor de pha rol du phyin pa gang gi skyes bu'i rtsal yin/ rab 'byor gyis smras pa/ tshe dang ldan pa shA ri'i bu de ni shes rab kyi pha rol du phyin pa'i skyes</font><hr>34.250b<br><font size=+1>

bu'i rtsal yin no/ /de ci'i phyir zhe na/ tshe dang ldan pa shA ri'i bu 'di ltar shes rab kyi pha rol du phyin pa ni nyan thos kyi chos rnams dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams dang / dge ba'i chos thams cad bskyed par byed pa yin te/ tshe dang ldan pa shA ri'i bu shes rab kyi pha rol du phyin pa ni nyan thos kyi chos rnams dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams dang / dge ba'i chos thams cad yongs su 'dzin zhing yang dag par 'dzin par byed pa yin no/ /tshe dang ldan pa shA ri'i bu sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis kyang shes rab kyi pha rol du phyin pa 'di la spyad nas/ bla na med pa yang dag par rdzogs pa'i byang chub mngon par rdzogs par sangs rgyas par gyur to/ /tshe dang ldan pa shA ri'i bu ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang shes rab kyi pha rol du phyin pa 'di nyid la bslabs nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /tshe dang ldan pa shA ri'i bu de bzhin gshegs pa dgra bcom pa yang dag par rdzogs pa'i sangs rgyas gang dag da ltar phyogs bcu'i 'jig rten na bzhugs te/ 'tsho zhing gzhes pa de dag kyang shes rab kyi pha rol du phyin pa 'di nyid la bslabs nas/ bla na med pa yang dag par rdzogs pa'i byang chub mngon par rdzogs par sangs rgyas so/ /tshe dang ldan pa shA ri'i bu shes rab kyi pha rol du phyin pa 'di bshad pa na gal te byang chub sems dpa' sems dpa' chen po nem nur med cing rmongs pa med par gyur na/ byang chub sems dpa' sems dpa' chen po de ni 'di lta ste/ sems can thams cad bskyab pa dang / sems can thams cad yongs su mi</font><hr>34.251a<br><font size=+1>

btang ba'i phyir/ 'di ltar gnas pa 'dis gnas pa yin par rig par bya ste/ de yang mi gnas pa'i tshul gyis gnas shing / byang chub sems dpa' sems dpa' chen po de ni 'di lta ste/ snying rje chen po yid la byed pa de dang ma bral bar rig par bya'o/ /shA ri'i bus smras pa/ tshe dang ldan pa rab 'byor 'di lta ste/ snying rje chen po yid la byed pa'i yid la byed pa de dang ma bral bar gnas pa des gnas pa de byang chub sems dpa' sems dpa' chen po yin par 'dod na/ tshe dang ldan pa rab 'byor de ltar na sems can thams cad kyang byang chub sems dpa' yin par 'gyur ro/ /de ci'i phyir zhe na/ tshe dang ldan pa rab 'byor 'di ltar sems can thams cad ni yid la byed pa dang ma bral ba'i phyir ro/ /rab 'byor gyis smras pa/ tshe dang ldan pa shA ri'i bu legs so legs so/ /tshe dang ldan pa shA ri'i bus yang dag pa'i tshig brjod pas don de nyid yongs su bzung ba ni/ tshe dang ldan pa shA ri'i bu dmigs su phebs so/ /de ci'i phyir zhe na/ tshe dang ldan pa shA ri'i bu sems can med pa'i phyir yid la byed pa med par rig par bya/ sems can stong pa nyid kyi phyir yid la byed pa stong pa nyid du rig par bya/ sems can dben pa'i phyir yid la byed pa dben par rig par bya/ sems can ngo bo nyid med pa'i phyir yid la byed pa ngo bo nyid med par rig par bya zhing sems can mngon par rdzogs par 'tshang rgya ba med pa'i phyir yid la byed pa mngon par rdzogs par 'tshang rgya ba med par rig par bya ba'i phyir ro/ /tshe dang ldan pa shA ri'i bu gzugs med pa'i phyir/ yid la byed pa med par rig par bya/ gzugs stong pa nyid kyi phyir yid la byed pa stong pa nyid du rig par bya/ gzugs dben pa nyid kyi phyir yid la byed pa dben pa nyid du rig par bya/ gzugs ngo bo nyid med pa'i phyir yid la byed pa ngo bo nyid med par rig par bya/ gzugs mngon par rdzogs par 'tshang rgya ba med pa'i phyir yid la</font><hr>34.251b<br><font size=+1>

byed pa mngon par rdzogs par 'tshang rgya ba med par rig par bya'o/ /de bzhin du tshor ba dang / 'du shes dang / 'du byed rnams dang / rnam par shes pa med pa'i phyir yid la byed pa med par rig par bya'o/ /rnam par shes pa stong pa nyid kyi phyir yid la byed pa stong pa nyid du rig par bya'o/ /rnam par shes pa dben pa nyid kyi phyir yid la byed pa dben pa nyid du rig par bya'o/ /rnam par shes pa ngo bo nyid med pa'i phyir yid la byed pa ngo bo nyid med par rig par bya'o/ /rnam par shes pa mngon par rdzogs par 'tshang rgya ba med pa'i phyir yid la byed pa mngon par rdzogs par 'tshang rgya ba med par rig par bya'o/ /de bzhin du khams rnams dang / skye mched rnams dang / rten cing 'brel par 'byung ba dang / bden pa dang / byang chub kyi phyogs kyi chos dang / pha rol du phyin pa dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / rnam pa thams cad mkhyen pa nyid kyi bar du med pa'i phyir/ yid la byed pa med par rig par bya'o/ /de bzhin du rnam pa thams cad mkhyen pa nyid stong pa nyid dang / rnam pa thams cad mkhyen pa nyid dben pa dang / rnam pa thams cad mkhyen pa nyid ngo bo nyid med pa dang / rnam pa thams cad mkhyen pa nyid mngon par rdzogs par 'tshang rgya ba med pa'i phyir/ yid la byed pa mngon par rdzogs par 'tshang rgya ba med par rig par bya ste/ tshe dang ldan pa shA ri'i bu rnam grangs des na/ byang chub sems dpa' sems dpa' chen po ni gnas pa 'di dang / yid la byed pa 'di dang ma bral lo zhes kho bo smra'o/ /de nas bcom ldan 'das kyis tshe dang ldan pa rab 'byor la legs so zhes bya ba byin te/ rab 'byor legs so legs so/ /'di ltar de bzhin gshegs pa'i mthus/ ji ltar khyod kyis bstan pa de ltar byang chub sems dpa' sems dpa' chen po rnams la yang shes rab kyi pha rol du phyin pa bstan par bya ste/ byang chub sems dpa' sems dpa' chen pos kyang ji ltar khyod kyis bstan pa de ltar shes</font><hr>34.252a<br><font size=+1>

rab kyi pha rol du phyin pa la bslab par bya'o/ /tshe dang ldan pa rab 'byor gyis shes rab kyi pha rol du phyin pa'i le'u 'di bshad pa na/ stong gsum gyi stong chen po'i 'jig rten gyi khams 'di rnam pa drug tu rab tu g.yos te/ g.yos rab tu g.yos/ kun du rab tu g.yos so/ /'gul rab tu 'gul/ kun du rab tu 'gul to/ /ldeg rab tu ldeg /kun tu rab tu ldeg go/ /'khrugs rab tu 'khrugs/ kun du rab tu 'khrugs so/ /'ur 'ur/ rab tu 'ur 'ur/ kun du rab tu 'ur 'ur ro/ /chem chem/ rab tu chem chem/ kun du rab tu chem chem mo/ /shar phyogs dma' na nub phyogs mtho/ nub phyogs dma' na shar phyogs mtho/ lho phyogs dma' na byang phyogs mtho/ byang phyogs dma' na lho phyogs mtho/ dbus dma' na mtha' mtho/ mtha' dma' na dbus mtho bar gyur to/ /de nas de'i tshe/ bcom ldan 'das 'dzum pa mdzad do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ rab 'byor ji ltar 'jig rten gyi khams mi mjed 'di na nga shes rab kyi pha rol du phyin pa ston pa de bzhin du/ shar phyogs kyi 'jig rten gyi khams dpag tu med/ grangs med pa dag na yang de bzhin gshegs pa dgra bcom pa yang dag par rdzogs pa'i sangs rgyas rnams byang chub sems dpa' sems dpa' chen po rnams la shes rab kyi pha rol du phyin pa 'di nyid ston par mdzad do/ /de bzhin du phyogs bcu khor yug kun gyi 'jig rten gyi khams dpag tu med/ grangs med pa dag na de bzhin gshegs pa dgra bcom pa yang dag par rdzogs pa'i sangs rgyas rnams byang chub sems dpa' sems dpa' chen po rnams la shes rab kyi pha rol du phyin pa 'di nyid ston par mdzad do/ /tshe dang ldan pa rab 'byor gyis shes rab kyi pha rol du phyin pa bstan pa 'di bshad pa na/ lha dang mi'i skye dgu rnams las srog chags 'bum nyi khris mi skye ba'i</font><hr>34.252b<br><font size=+1>

chos la bzod pa thob par gyur to/ /phyogs bcu kun gyi 'jig rten gyi khams su sangs rgyas bcom ldan 'das de dag gis/ byang chub sems dpa' sems dpa' chen po rnams la shes rab kyi pha rol du phyin pa 'di nyid ston pa mdzad na yang sems can dpag tu med/ grangs med pa rnams kyis/ bla na med pa yang dag par rdzogs pa'i byang chub tu sems bskyed par gyur to/ /sangs rgyas dang byang chub sems dpa' thams cad kyi yum/ 'phags pa shes rab kyi pha rol du phyin pa khri brgyad stong pa las/ gnas brtan rab 'byor gyi le'u zhes bya ste/ nyi shu rtsa gcig pa'o// // de nas stong gsum gyi stong chen po'i 'jig rten gyi khams 'di na rgyal po chen po gang dag 'khod pa de dag thams cad lha'i bu bye ba khrag khrig phrag 'bum phrag du ma dang lhan cig tu 'khor de nyid du 'dus par gyur to/ /de bzhin du lha'i dbang po brgya byin rnams dang / rab 'thab bral rnams dang / yongs su dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs pa'i mdun na 'don rnams kyang / tshangs pa'i bar dag dang lhan cig tu 'dus par gyur to/ /stong gsum gyi stong chen po'i 'jig rten gyi khams 'di na tshangs pa dang / gnas gtsang ma'i ris kyi bar gyi lha'i bu gang dag ji snyed 'khod pa rnams kyang lha'i bu bye ba khrag khrig phrag 'bum phrag du ma dang lhan cig tu 'dus par gyur to/ /rgyal chen bzhi'i ris kyi lha'i bu de dag gi las kyi rnam par smin pa las byung ba'i lus kyi 'od gang yin pa dang / sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs pa dang / gnas gtsang ma'i ris kyi bar gyi lha'i bu rnams kyi las kyi rnam par smin pa las byung ba'i lus kyi 'od gang yin pa de dag ni de bzhin gshegs pa'i rang bzhin gyi 'od kyi brgya'i char yang nye bar mi 'gro'o/ /</font><hr>34.253a<br><font size=+1>

stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang mi bzod do/ /de bzhin gshegs pa'i rang bzhin gyi 'od kyi gan na/ lha rnams kyi las kyi rnam par smin pa las byung ba'i lus kyi 'od de dag thams cad ni lam me ma yin/ lhan ne ma yin/ lhang nge ma yin no/ /de bzhin gshegs pa'i 'od ni de dag gi nang na mchog tu snang ngo / /phul du snang ngo / /khyad par du 'phags par snang ngo / /rab dang / rab mchog dang / gya nom pa dang / bla na med pa dang / gong na med par snang ngo / /'di lta ste dper na/ 'dzam bu chu bo'i gser gyi gan na lcags nag po ni ka ba tshig pa bzhin du lam me ma yin/ lhan ne ma yin/ lhang nge ma yin no/ /de bzhin du/ de bzhin gshegs pa'i rang bzhin gyi 'od kyi gan na lha rnams kyi las kyi rnam par smin pa las byung ba'i lus kyi 'od de dag thams cad kyang lam me ma yin/ lhan ne ma yin/ lhang nge ma yin te/ de bzhin gshegs pa'i 'od ni de dag gi nang na mchog tu snang ngo / /phul du snang ngo / /khyad par du 'phags par snang ngo / /rab dang / rab mchog dang / gya nom pa dang / bla na med pa dang / gong na med par snang ngo / /de nas lha'i dbang po brgya byin gyis tshe dang ldan pa rab 'byor la 'di skad ces smras so/ /btsun pa rab 'byor stong gsum gyi stong chen po'i 'jig rten gyi khams 'di na rgyal chen bzhi'i ris kyi lha rnams dang / sum bcu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / gnas gtsang ma'i ris kyi bar gyi lha'i bu gang dag 'khod pa de dag thams cad btsun pa rab 'byor la chos nyan pa'i phyir 'dus te/ shes rab kyi pha rol du phyin pa bstan pa nyan par 'dod na/ btsun pa rab 'byor byang chub sems dpa' sems dpa' chen pos ji ltar shes rab kyi pha rol du phyin pa la gnas par bya/ byang chub sems dpa' sems dpa' chen po'i shes rab kyi pha rol du phyin pa ni</font><hr>34.253b<br><font size=+1>

gang yin/ byang chub sems dpa' sems dpa' chen pos shes rab kyi pha rol du phyin pa la ni ji ltar bslab par bya/ de skad ces smras pa dang / tshe dang ldan pa rab 'byor gyis lha'i dbang po brgya byin la 'di skad ces smras so/ /kau shi ka de'i phyir legs par rab tu nyon la/ yid la zung shig dang / sangs rgyas kyi mthu dang / sangs rgyas kyi byin gyi rlabs kyis byang chub sems dpa' sems dpa' chen po rnams kyi shes rab kyi pha rol du phyin pa gang yin pa dang / byang chub sems dpa' sems dpa' chen pos ji ltar shes rab kyi pha rol du phyin pa la gnas par bya ba dang / byang chub sems dpa' sems dpa' chen pos ji ltar shes rab kyi pha rol du phyin pa la bslab par bya ba dag bstan par byas/ lha'i bu gang dag gis bla na med pa yang dag par rdzogs pa'i byang chub tu sems ma bskyed pa de dag gis kyang / bla na med pa yang dag par rdzogs pa'i byang chub tu sems bskyed par gyis shig /gang dag yang dag pa skyon med pa la zhugs pa de dag ni bla na med pa yang dag par rdzogs pa'i byang chub tu sems bskyed pa'i mthu med do/ /de ci'i phyir zhe na/ de dag gis 'khor ba'i rgyun gyi mtshams bcad pa'i phyir ro/ /'on kyang gal te de dag bla na med pa yang dag par rdzogs pa'i byang chub tu sems bskyed na/ kho bo ni dge ba'i phyogs kyi bar chad mi byed pas de dag la yang rjes su yi rang ste/ khyad par du 'phags pa'i chos rnams las khyad par du 'phags pa'i chos rnams la lhag par dmigs par bya'o/ /kau shi ka de la byang chub sems dpa' sems dpa' chen po'i shes rab kyi pha rol du phyin pa gang zhe na/ kau shi ka 'di la byang chub sems dpa' sems dpa' chen pos rnam pa thams cad mkhyen pa nyid dang ldan pa'i sems bskyed pas gzugs mi rtag par yid la bya'o/ /sdug bsngal ba dang / bdag med pa dang / stong pa dang / nad dang / 'bras dang / zug rngu dang / sdig pa dang / gzhan la rag las pa dang / 'jig pa'i chos can dang / </font><hr>34.254a<br><font size=+1>

mi brtan pa dang / rab tu 'jig pa'i ngang tshul can dang / 'jigs pa dang / 'tshe ba dang / 'go ba'i nad lta bur yid la bya ste/ de yang mi dmigs pa'i tshul gyis yid la byed do/ /de bzhin du tshor ba dang / 'du shes dang / 'du byed rnams dang / rnam par shes pa dang / de bzhin du mig dang / rna ba dang / sna dang / lce dang / lus dang / yid dang / de bzhin du sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi rtag par yid la byed do/ /sdug bsngal ba dang / bdag med pa dang / stong pa dang / nad dang / 'bras dang / zug rngu dang / sdig pa dang / gzhan la rag las pa dang / 'jig pa'i chos can dang / mi brtan pa dang / rab tu 'jig pa'i ngang tshul can dang / 'jigs pa dang / 'tshe ba dang / 'go ba'i nad lta bur yid la bya ste/ de yang mi dmigs pa'i tshul gyis yid la byed do/ /rnam pa thams cad mkhyen pa nyid dang ldan pa'i sems bskyed pas ma rig pa'i rkyen gyis 'du byed rnams shes bya bar yid la bya ste/ de yang mi rtag pa dang / sdug bsngal ba dang / bdag med pa dang / zhi ba dang / dben pa dang / stong par yid la byed do/ /'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar na sdug bsngal gyi phung po chen po 'ba' shig po 'di 'byung bar 'gyur te/ de yang mi rtag pa dang / sdug bsngal ba dang / bdag med pa dang / zhi ba dang / dben pa dang / stong par yid la byed de/ de yang mi dmigs pa'i tshul gyis byed do/ /rnam pa thams</font><hr>34.254b<br><font size=+1>

cad mkhyen pa nyid dang ldan pa'i yid la bya ba dag gis ma rig pa 'gags pas 'du byed 'gag ste/ de yang mi rtag pa dang / sdug bsngal ba dang / bdag med pa dang / zhi ba dang / dben pa dang / stong pa nyid dang / mtshan ma med pa dang / smon pa med pa dang / mngon par 'du bya ba med par yid la bya'o/ /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar na sdug bsngal gyi phung po chen po 'ba' zhig po 'di 'gag par 'gyur te/ de yang bdag med pa dang / zhi ba dang / dben pa dang / stong pa nyid dang / mtshan ma med pa dang / smon pa med pa dang / mngon par 'du byed pa med par yid la byed de/ de yang mi dmigs pa'i tshul gyis byed do/ /kau shi ka gzhan yang byang chub sems dpa' sems dpa' chen pos rnam pa thams cad mkhyen pa nyid dang ldan pa'i sems bskyed pas dran pa nye bar gzhag pa bzhi sgom ste/ de yang mi dmigs pa'i tshul gyis sgom mo/ /de bzhin du yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad bsgom ste/ de yang mi dmigs pa'i tshul gyis bsgom mo/ /kau shi ka gzhan yang byang chub sems dpa'</font><hr>34.255a<br><font size=+1>

sems dpa' chen po rnam pa thams cad mkhyen pa nyid dang ldan pa'i sems bskyed pas sbyin pa'i pha rol du phyin pa la spyod de / de yang mi dmigs pa'i tshul gyis spyod do/ /de bzhin du rnam pa thams cad mkhyen pa nyid dang ldan pa'i sems bskyed pa dag gis tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod de/ de yang mi dmigs pa'i tshul gyis spyod do/ /kau shi ka gzhan yang gang gi tshe/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di ltar chos dang / chos rnams sbyor bar byed cing / rtog sbyor du byed la/ yongs su rdzogs par byed cing / yongs su khyab par byed de/ chos 'di dag thams cad ni bdag med cing / bdag dang bdag gi dang bral ba'o zhes so sor rtog par byed do/ /de ci'i phyir zhe na/ 'di ltar byang chub sems dpa' sems dpa' chen po'i dge ba'i rtsa ba'i sems gang yin pa de ni byang chub kyi sems dang 'grogs pa ma yin la/ yongs su bsngo ba'i sems gang yin pa de yang dge ba'i rtsa ba'i sems dang 'grogs pa ma yin pa'i phyir te/ kau shi ka dge ba'i rtsa ba'i sems gang yin pa de ni byang chub kyi sems la med cing mi dmigs/ byang chub kyi sems gang yin pa de yang dge ba'i rtsa ba'i sems la med cing mi dmigs/ byang chub kyi sems gang yin pa de ni yongs su bsngo ba'i sems la med cing mi dmigs/ yongs su bsngo ba'i sems gang yin pa de yang byang chub kyi sems la med cing mi dmigs la/ dge ba'i rtsa ba'i sems gang yin pa de yang dge ba'i rtsa ba'i sems la med/ byang chub kyi sems gang yin pa de yang byang chub kyi sems la med/ yongs su bsngo ba'i sems gang yin pa de yang yongs su bsngo ba'i sems la med de/ kau shi ka gang de ltar chos thams cad la so sor rtog kyang / chos gang la yang mngon par zhen pa med cing</font><hr>34.255b<br><font size=+1>

mi dmigs pa de ni/ byang chub sems dpa' sems dpa' chen po'i shes rab kyi pha rol du phyin pa yin no/ /de skad ces smras pa dang / lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor ji ltar na yongs su bsngo ba'i sems byang chub kyi sems dang mi 'grogs pa yin/ ji ltar na byang chub kyi sems yongs su bsngo ba'i sems dang mi 'grogs pa yin/ ji ltar na yongs su bsngo ba'i sems byang chub kyi sems la med cing mi dmigs pa yin/ ji ltar na byang chub kyi sems yongs su bsngo ba'i sems la med cing mi dmigs pa yin/ rab 'byor gyis smras pa/ kau shi ka yongs su bsngo ba'i sems gang yin pa de ni sems ma yin la/ byang chub kyi sems gang yin pa de yang sems ma yin te/ de ltar na sems ma yin pa gang yin pa de ni bsam gyis mi khyab pa yin la/ bsam gyis mi khyab pa gang yin pa de yang sems ma yin pas sems ma yin pas ni/ sems ma yin par yongs su bsngo bar mi byed la/ bsam gyis mi khyab pas ni/ bsam gyis mi khyab par yongs su bsngo bar mi byed de/ de ltar na sems ma yin pa gang yin pa de ni/ bsam gyis mi khyab pa yin la/ bsam gyis mi khyab pa gang yin pa de yang sems ma yin te/ kau shi ka de ni byang chub sems dpa' sems dpa' chen po'i shes rab kyi pha rol du phyin pa yin no/ /de nas bcom ldan 'das kyis/ tshe dang ldan pa rab 'byor la 'di skad ces bka' stsal to/ /rab 'byor legs so legs so/ /rab 'byor gang khyod byang chub sems dpa' sems dpa' chen po rnams la shes rab kyi pha rol du phyin pa ston cing / spro ba bskyed pa ni yang khyod legs so/ /rab 'byor gyis gsol pa/ bcom ldan 'das bdag gis ni byas pa gzo bar bgyi ste/ byas pa mi gzo bar mi bgyi lags so/ /'di ltar bcom ldan 'das kyis sngon byang chub sems dpa' sems dpa' chen po'i spyod pa spyad pa mdzad pa na/ sngon gyi de</font><hr>34.256a<br><font size=+1>

bzhin gshegs pa dgra bcom pa yang dag par rdzogs pa'i sangs rgyas rnams kyi thad na de dag gi nyan thos rnams kyis pha rol du phyin pa drug la gdams shing rjes su bstan te/ yang dag par bstan/ yang dag par 'dzin du bcug /yang dag par gzeng bstod/ yang dag par rab tu dgyes par bgyis shing gzhug pa bgyis te bzhag nas/ bcom ldan 'das byang chub sems dpar gyur pas pha rol du phyin pa drug po de la bslabs te/ bla na med pa yang dag par rdzogs pa'i byang chub mngon par rdzogs par sangs rgyas lags so/ /bcom ldan 'das de bzhin du bdag cag gis kyang byang chub sems dpa' sems dpa' chen po rnams pha rol du phyin pa drug la gdams par bgyi rjes su bstan par bgyi/ yang dag par bstan par bgyi/ yang dag par 'dzin du stsal bar bgyi/ yang dag par gzeng bstod par bgyi/ yang dag par rab tu dga' bar bgyi/ gzung bar bgyi zhing bzhag par bgyi lags so/ /bdag cag gis byang chub sems dpa' sems dpa' chen po rnams pha rol du phyin pa drug la gdams shing rjes su bstan te/ yang dag par bstan/ yang dag par 'dzin du stsal/ yang dag par gzeng bstod/ yang dag par rab tu dga' bar bgyis shing btsud de bzhag pa rnams ni/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags so/ /de nas tshe dang ldan pa rab 'byor gyis/ lha'i dbang po brgya byin la 'di skad ces smras so/ /kau shi ka de'i phyir legs par rab tu nyon la yid la zung shig dang / byang chub sems dpa' sems dpa' chen pos ji ltar shes rab kyi pha rol du phyin pa la gnas par bya ba dang / ji ltar gnas par mi bya ba dag bshad par bya'o/ /kau shi ka gzugs ni gzugs kyis stong / tshor ba dang / 'du shes dang / 'du byed rnams dang / rnam par shes pa ni rnam par shes pas stong / byang chub sems dpa' ni byang chub sems dpas</font><hr>34.256b<br><font size=+1>

stong ste/ kau shi ka de ltar na gzugs kyi stong pa nyid gang yin pa dang / tshor ba dang / 'du shes dang / 'du byed rnams dang / rnam par shes pa'i stong pa nyid gang yin pa dang / byang chub sems dpa'i stong pa nyid gang yin pa de ni gnyis su med cing gnyis su dbyer med de/ kau shi ka byang chub sems dpa' sems dpa' chen pos de ltar shes rab kyi pha rol du phyin pa la gnas par bya'o/ /kau shi ka gzhan yang mig ni mig gis stong / rna ba dang / sna dang / lce dang / lus dang / yid ni yid kyis stong / byang chub sems dpa' ni byang chub sems dpas stong ste/ de ltar na mig gi stong pa nyid gang yin pa dang / rna ba dang / sna dang / lce dang / lus dang / yid kyi stong pa nyid gang yin pa dang / byang chub sems dpa'i stong pa nyid gang yin pa de ni gnyis su med cing gnyis su dbyer med de/ kau shi ka byang chub sems dpa' sems dpa' chen pos de ltar shes rab kyi pha rol du phyin pa la gnas par bya'o/ /kau shi ka gzhan yang sa'i khams ni sa'i khams kyis stong / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni rnam par shes pa'i khams kyis stong / byang chub sems dpa' ni byang chub sems dpas stong ste/ de ltar na sa'i khams kyi stong pa nyid gang yin pa dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi stong pa nyid gang yin pa dang / byang chub sems dpa'i stong pa nyid gang yin pa de ni gnyis su med cing gnyis su dbyer med de/ kau shi ka byang chub sems dpa' sems dpa' chen pos de ltar shes rab kyi pha rol du phyin pa la gnas par bya'o/ /kau shi ka gzhan yang ma rig pa ni ma rig pas stong / de bzhin du 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / </font><hr>34.257a<br><font size=+1>

sred pa dang / len pa dang / srid pa dang / skye ba dang / rga shi ni rga shis stong / ma rig pa 'gag pa ni ma rig pa 'gag pas stong / de bzhin du 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi 'gag pa ni rga shi 'gag pas stong / byang chub sems dpa' ni byang chub sems dpas stong ste/ de ltar na ma rig pa'i stong pa nyid gang yin pa dang / ma rig pa 'gag pa'i stong pa nyid gang yin pa dang / rga shi'i bar gyi stong pa nyid gang yin pa dang / rga shi 'gag pa'i bar gyi stong pa nyid gang yin pa dang / byang chub sems dpa'i stong pa nyid gang yin pa de ni gnyis su med cing gnyis su dbyer med de/ kau shi ka byang chub sems dpa' sems dpa' chen pos de ltar shes rab kyi pha rol du phyin pa la gnas par bya'o/ /kau shi ka gzhan yang sbyin pa'i pha rol du phyin pa ni sbyin pa'i pha rol du phyin pas stong / de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni shes rab kyi pha rol du phyin pas stong / byang chub sems dpa' ni byang chub sems dpas stong ste/ de ltar na sbyin pa'i pha rol du phyin pa'i stong pa nyid gang yin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i stong pa nyid gang yin pa dang / byang chub sems dpa'i stong pa nyid gang yin pa de ni gnyis su med cing gnyis su dbyer med do/ /kau shi ka gzhan yang nang stong pa nyid ni nang stong pa nyid kyis stong / dngos po med pa'o ngo bo nyid stong pa nyid kyi bar ni/ dngos po med pa'i ngo bo nyid stong pa nyid kyi bar gyis stong / byang chub sems</font><hr>34.257b<br><font size=+1>

dpa' ni byang chub sems dpas stong ste/ de ltar na nang stong pa nyid kyi stong pa nyid gang yin pa dang / dngos po med pa'i ngo bo nyid stong pa nyid kyi bar gyi stong pa nyid gang yin pa dang / byang chub sems dpa'i stong pa nyid gang yin pa de ni gnyis su med cing gnyis su dbyer med do/ /kau shi ka gzhan yang dran pa nye bar gzhag pa rnams ni dran pa nye bar gzhag pa rnams kyis stong / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyi bar ni/ sangs rgyas kyi chos ma 'dres pa rnams kyis stong / byang chub sems dpa' ni byang chub sems dpas stong ste/ de ltar na dran pa nye bar gzhag pa rnams kyi stong pa nyid gang yin pa dang / sangs rgyas kyi chos ma 'dres pa rnams kyi bar gyi stong pa nyid gang yin pa dang / byang chub sems dpa'i stong pa nyid gang yin pa de ni gnyis su med cing gnyis su dbyer med do/ /kau shi ka gzhan yang ting nge 'dzin rnams ni ting nge 'dzin rnams kyis stong / gzungs kyi sgo rnams ni gzungs kyi sgo rnams kyis stong / byang chub sems dpa' ni byang chub sems dpas stong ste/ de ltar na ting nge 'dzin rnams kyi stong pa nyid gang yin pa dang / gzungs kyi sgo rnams kyi stong pa nyid gang yin pa dang / byang chub sems dpa'i stong pa nyid gang yin pa de ni gnyis su med cing gnyis su dbyer med do/ /kau shi ka gzhan yang nyan thos kyi theg pa ni nyan thos kyi theg pas stong / rang sangs rgyas kyi theg pa ni rang sangs rgyas kyi theg pas stong / theg pa chen po ni theg pa chen pos stong / nyan thos ni nyan thos nyid kyis stong / rang sangs rgyas ni rang sangs rgyas nyid kyis stong / </font><hr>34.258a<br><font size=+1>

sangs rgyas ni sangs rgyas nyid gyis stong / byang chub sems dpa' ni byang chub sems dpas stong ste/ de ltar na nyan thos kyi theg pa'i stong pa nyid gang yin pa dang / nyan thos kyi stong pa nyid gang yin pa dang / theg pa chen po'i bar gyi stong pa nyid gang yin pa dang / sangs rgyas kyi stong pa nyid gang yin pa dang / byang chub sems dpa'i stong pa nyid gang yin pa de ni gnyis su med cing gnyis su dbyer med do/ /kau shi ka gzhan yang rnam pa thams cad mkhyen pa nyid kyi bar ni rnam pa thams cad mkhyen pa nyid kyi bar gyis stong / byang chub sems dpa' ni byang chub sems dpas stong ste/ de ltar na rnam pa thams cad mkhyen pa nyid kyi bar gyi stong pa nyid gang yin pa dang / byang chub sems dpa'i stong pa nyid gang yin pa de ni gnyis su med cing gnyis su dbyer med de/ kau shi ka byang chub sems dpa' sems dpa' chen pos de ltar shes rab kyi pha rol du phyin pa la gnas par bya'o/ /de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor byang chub sems dpa' sems dpa' chen pos ji ltar shes rab kyi pha rol du phyin pa la gnas par mi bya ba yin/ rab 'byor gyis smras pa/ kau shi ka 'di la byang chub sems dpa' sems dpa' chen pos gzugs la dmigs pa'i tshul gyis gnas par mi bya'o/ /tshor ba dang / 'du shes dang / 'du byed rnams dang / rnam par shes pa la dmigs pa'i tshul gyis gnas par mi bya'o/ /mig la gnas par mi bya'o/ /gzugs la gnas par mi bya'o/ /mig gi rnam par shes pa la gnas par mi bya'o/ /mig gi 'dus te reg pa la gnas par mi bya'o/ /mig gi 'dus te reg pa las byung ba'i tshor ba la gnas par mi bya'o/ /de bzhin du rna ba dang / sna dang / lce dang / lus dang / yid la gnas par mi bya'o/ /chos rnams dang / yid kyi rnam par shes pa dang / yid kyi 'dus te reg pa dang / yid kyi 'dus</font><hr>34.258b<br><font size=+1>

te reg pa las byung ba'i tshor ba la dmigs pa'i tshul gyis gnas par mi bya'o/ /sa'i khams la dmigs pa'i tshul gyis gnas par mi bya'o/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la dmigs pa'i tshul gyis gnas par mi bya'o/ /dran pa nye bar gzhag pa rnams la dmigs pa'i tshul gyis gnas par mi bya'o/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid la dmigs pa'i tshul gyis gnas par mi bya'o/ /rgyun du zhugs pa'i 'bras bu la dmigs pa'i tshul gyis gnas par mi bya'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid la dmigs pa'i tshul gyis gnas bar mi bya'o/ /sangs rgyas nyid la dmigs pa'i tshul gyis gnas par mi bya'o/ /kau shi ka de ltar na gzugs shes bya bar dmigs pa'i tshul gyis gnas par mi bya'o/ /rnam pa thams cad mkhyen pa nyid ces bya ba'i bar du dmigs pa'i tshul gyis gnas par mi bya'o/ /de ltar na rgyun du zhugs pa'i 'bras bu zhes bya bar dmigs pa'i tshul gyis gnas par mi bya'o/ /sangs rgyas nyid ces bya ba'i bar du dmigs pa'i tshul gyis gnas par mi bya'o/ /gzugs rtag ces bya bar dmigs pa'i tshul gyis gnas par mi bya'o/ /de bzhin du mi rtag ces bya ba dang / bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / dben zhes bya ba dang / mi</font><hr>34.259a<br><font size=+1>

dben zhes bya ba dang / stong zhes bya ba dang / mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya bar dmigs pa'i tshul gyis gnas par mi bya'o/ /de bzhin du tshor ba dang / 'du shes dang / 'du byed rnams dang / rnam par shes pa rtag ces bya ba dang / mi rtag ces bya ba dang / bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / dben zhes bya ba dang / mi dben zhes bya ba dang / stong zhes bya ba dang / mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya bar dmigs pa'i tshul gyis gnas par mi bya'o/ /de bzhin du khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams rtag ces bya ba dang / mi rtag ces bya ba dang / smon pa yod ces bya ba dang / smon pa med ces bya ba'i bar du dmigs pa'i tshul gyis gnas par mi bya'o/ /kau shi ka gzhan yang rgyun du zhugs pa'i 'bras bu ni 'dus ma byas kyis rab tu phye ba'o zhes bya bar dmigs pa'i tshul gyis gnas par mi bya'o/ /de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas ni 'dus ma byas kyis rab tu phye ba'o zhes bya bar dmigs pa'i tshul gyis gnas par mi bya'o/ /rnam pa thams cad mkhyen pa nyid kyi bar du 'dus ma byas kyis rab tu phye ba'o zhes bya bar dmigs pa'i tshul</font><hr>34.259b<br><font size=+1>

gyis gnas par mi bya'o/ /rgyun du zhugs pa ni sbyin gnas so zhes bya bar dmigs pa'i tshul gyis gnas par mi bya'o/ /de bzhin du lan cig phyir 'ong ba dang / phyir mi 'ong ba dang / dgra bcom pa nyid dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas ni sbyin gnas so zhes bya bar dmigs pa'i tshul gyis gnas par mi bya'o/ /kau shi ka gzhan yang byang chub sems dpa' sems dpa' chen pos sa dang po la dmigs pa'i tshul gyis gnas par mi bya'o/ /de bzhin du sa bcu pa'i bar la dmigs pa'i tshul gyis gnas par mi bya'o/ /de ci'i phyir zhe na/ gnas pa yod na g.yo bar 'gyur ba'i phyir ro/ /kau shi ka gzhan yang byang chub sems dpa' sems dpa' chen pos sems dang po bskyed ba la gnas te/ sbyin pa'i pha rol du phyin pa yongs su rdzogs par bya'o snyam du dmigs pa'i tshul gyis gnas par mi bya'o/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bya'o snyam du dmigs pa'i tshul gyis gnas par mi bya'o/ /dran pa nye bar gzhag pa rnams yongs su rdzogs par bya'o snyam du dmigs pa'i tshul gyis gnas par mi bya'o/ /yang dag par spong ba rnams dang / rdzu 'phrul gyi rkang pa rnams dang / dbang po dang / stobs dang / byang chub kyi yan lag dang / lam rnams yongs su rdzogs par bya'o snyam du dmigs pa'i tshul gyis gnas par mi bya'o/ /byang chub sems dpa' sems dpa' chen pos byang chub sems dpa'i skyon med pa la 'jug par bya'o snyam du dmigs pa'i tshul gyis gnas par mi bya'o/ /byang chub sems dpa' sems dpa' chen pos byang chub sems dpa'i skyon med pa la zhugs nas phyir mi ldog pa'i sa la gnas par bya'o snyam du dmigs pa'i tshul</font><hr>34.260a<br><font size=+1>

gyis gnas par mi bya'o/ /byang chub sems dpa' sems dpa' chen pos mngon par shes pa lnga yongs su rdzogs par bya'o snyam du dmigs pa'i tshul gyis gnas par mi bya'o/ /byang chub sems dpa' sems dpa' chen pos byang chub sems dpa'i mngon par shes pa lnga la gnas te/ sangs rgyas bcom ldan 'das rnams la phyag bya ba dang / bsnyen bkur bya ba dang / chos mnyan pa'i phyir sangs rgyas kyi zhing dpag tu med grangs med pa rnams su 'gro bar bya zhing / chos thos nas kyang de bzhin nyid du bsgrub cing / gzhan dag la yang bstan par bya'o snyam du dmigs pa'i tshul gyis gnas par mi bya'o/ /byang chub sems dpa' sems dpa' chen pos sangs rgyas bcom ldan 'das de dag gi sangs rgyas kyi zhing ci 'dra ba de lta bu dag bsgrub par bya'o snyam du dmigs pa'i tshul gyis gnas par mi bya'o/ /byang chub sems dpa' sems dpa' chen pos shes rab kyi pha rol du phyin pa la spyad de/ sems can rnams bla na med pa yang dag par rdzogs pa'i byang chub tu yongs su smin par bya'o snyam du dmigs pa'i tshul gyis gnas par mi bya'o/ /byang chub sems dpa' sems dpa' chen pos 'jig rten gyi khams dpag tu med/ grangs med pa dag tu song zhing / de bzhin gshegs pa dgra bcom pa yang dag par rdzogs pa'i sangs rgyas rnams la me tog dang / spos dang / bdug pa dang / me tog phreng dang / byug pa dang / na bza' dang / gdugs dang / rgyal mtshan dang / ba dan dag gis bkur bstir bya/ bla mar bya/ brjed par bya/ mchod par bya zhing / ras bcos bu bye ba khrag khrig phrag 'bum phrag du ma dag gis/ de bzhin gshegs pa dgra bcom pa yang dag par rdzogs pa'i sangs rgyas de dag gi sku la gsol bar bya'o snyam du yang dmigs pa'i tshul gyis gnas par mi bya'o/ /byang chub sems dpa' sems dpa' chen pos sems can dpag tu med/ grangs med/ tshad med pa dag bla na med pa yang dag par rdzogs pa'i byang chub la dgod par bya'o snyam du dmigs pa'i tshul gyis gnas par mi bya'o/ /byang chub sems dpa' sems dpa' chen pos mig lnga bsgrub par bya ste/ sha'i mig dang / lha'i mig dang / shes rab kyi</font><hr>34.260b<br><font size=+1>

mig dang / chos kyi mig dang / sangs rgyas kyi mig bsgrub par bya'o snyam du dmigs pa'i tshul gyis gnas par mi bya'o/ /ting nge 'dzin thams cad bsgrub par bya'o snyam du dmigs pa'i tshul gyis gnas par mi bya'o/ /ting nge 'dzin gang dang gang gis rnam par rtse bar 'dod pa'i ting nge 'dzin de dang des rnam par rtse bar bya'o snyam du dmigs pa'i tshul gyis gnas par mi bya'o/ /gzungs kyi sgo thams cad bsgrub par bya'o snyam du dmigs pa'i tshul gyis gnas par mi bya'o/ /byang chub sems dpa' sems dpa' chen pos de bzhin gshegs pa'i stobs bcu bsgrub par bya'o snyam du dmigs pa'i tshul gyis gnas par mi bya'o/ /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par bya'o snyam du dmigs pa'i tshul gyis gnas par mi bya'o/ /byams pa chen po dang / snying rje chen po bsgrub par bya'o snyam du dmigs pa'i tshul gyis gnas par mi bya'o/ /skyes bu chen po'i mtshan sum bcu rtsa gnyis lus la bsgrub par bya'o snyam du dmigs pa'i tshul gyis gnas par mi bya'o/ /dpe byad bzang po brgyad bcu lus la bsgrub par bya'o snyam du dmigs pa'i tshul gyis gnas par mi bya'o/ /dad pas rjes su 'brang ba dang / chos kyi rjes su 'brang ba ni brgyad pa'o zhes bya ba dang / re ltar thogs na srid pa lan bdun pa ni rgyun du zhugs pa'o zhes bya bar dmigs pa'i tshul gyis gnas par mi bya'o/ /rigs nas rigs su skye ba dang / bar chad gcig pa zhes bya bar dmigs pa'i tshul gyis gnas par mi bya'o/ /tshe zad pa dang / nyon mongs pa zad pa ni gang zag mgo mnyam pa zhes bya bar dmigs pa'i tshul gyis gnas par mi bya'o/ /rgyun du zhugs pa ni bar ma dor yongs su mya ngan las 'da' bar 'gyur ro zhes bya bar dmigs pa'i tshul gyis gnas par mi bya'o/ /lan cig phyir 'ong ba ni 'jig rten 'dir lan cig 'ongs nas sdug bsngal</font><hr>34.261a<br><font size=+1>

mthar phyin par 'gyur ba'o zhes bya bar dmigs pa'i tshul gyis gnas par mi bya'o/ /phyir mi 'ong ba'i 'bras bu mngon sum du bya ba'i phyir zhugs pa'o zhes bya bar dmigs pa'i tshul gyis gnas par mi bya'o/ /phyir mi 'ong ba ni der yongs su mya ngan las 'da' ba'o zhes bya bar dmigs pa'i tshul gyis gnas par mi bya'o/ /dgra bcom pa'i 'bras bu mngon sum du bya ba'i phyir zhugs pa'o zhes bya bar dmigs pa'i tshul gyis gnas par mi bya'o/ /dgra bcom pa ni 'di nyid la phung po'i lhag ma med pa'i mya ngan las 'das pa'i dbyings su yongs su mya ngan las 'da' ba'o zhes bya bar dmigs pa'i tshul gyis gnas par mi bya'o/ /rang sangs rgyas zhes bya bar dmigs pa'i tshul gyis gnas par mi bya'o/ /byang chub sems dpa' ni nyan thos kyi sa dang / rang sangs rgyas kyi sa las shin du 'das nas byang chub sems dpa'i sa la gnas par 'gyur ro zhes bya bar dmigs pa'i tshul gyis gnas par mi bya'o/ /lam gyi rnam pa shes pa'i ye shes la dmigs pa'i tshul gyis gnas par mi bya'o/ /chos thams cad rnam pa thams cad du mngon par rdzogs par sangs rgyas nas bag chags dang / mtshams sbyor ba dang / nyon mongs pa thams cad zad do zhes bya bar dmigs pa'i tshul gyis gnas par mi bya'o/ /de bzhin gshegs pa dgra bcom pa yang dag par rdzogs pa'i sangs rgyas/ bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo bskor bar bya'o snyam du dmigs pa'i tshul gyis gnas par mi bya'o/ /sangs rgyas kyi mdzad pa byas nas sems can dpag tu med/ grangs med pa dag yongs su mya ngan las bzla bar bya'o snyam du de lta bur yang dmigs pa'i tshul gyis gnas par mi bya'o/ /rdzu 'phrul gyi rkang pa bzhi la gnas te/ ting nge 'dzin gang la snyoms par zhugs pas/ bskal pa gang gA'i</font><hr>34.261b<br><font size=+1>

klung gi bye ma snyed du gnas par 'gyur ba de lta bu'i ting nge 'dzin la snyoms par 'jug par bya'o snyam du yang dmigs pa'i tshul gyis gnas par mi bya'o/ /bdag gi tshe'i tshad ni dpag tu med par 'gyur ro zhes bya bar yang dmigs pa'i tshul gyis gnas par mi bya'o/ /bdag gi mtshan sum bcu rtsa gnyis kyi mtshan re re yang bsod nams brgyas yongs su grub par 'byung bar 'gyur ro snyam du yang dmigs pa'i tshul gyis gnas par mi bya'o/ /bdag gi sangs rgyas kyi zhing gcig gi khyon yang shar phyogs kyi 'jig rten gyi khams gang gA'i klung gi bye ma snyed dag dang / de bzhin du lho dang / nub dang / byang phyogs kyi 'jig rten gyi khams gang gA'i klung gi bye ma snyed dag gi khyon ci tsam pa de tsam du 'gyur ro zhes bya bar yang dmigs pa'i tshul gyis gnas par mi bya'o/ /bdag gi stong gsum gyi stong chen po'i 'jig rten gyi khams rdo rje las grub par 'gyur ro zhes bya bar yang dmigs pa'i tshul gyis gnas par mi bya'o/ /bdag gi byang chub kyi shing las sems can gang dag gis dri bsnams pa de dag 'dod chags kyi gnod pa med pa dang / zhe sdang dang / gti mug gi gnod pa med cing / nyan thos dang / rang sangs rgyas kyi sems 'ga' yang bskyed par mi 'gyur bar sems can de dag thams cad bla na med pa yang dag par rdzogs pa'i byang chub tu nges par 'gyur ba dang / sems can gang dag dri de la snom par 'gyur ba de dag la lus dang / sems kyi nad 'ga' yang 'byung bar mi 'gyur ba de lta bu'i dri dag 'byung bar gyur cig ces bya bar yang dmigs pa'i tshul gyis gnas par mi bya'o/ /bdag gi sangs rgyas kyi zhing der gzugs kyi sgra 'byung bar mi 'gyur ba dang / tshor ba dang / 'du shes dang / 'du byed rnams dang / rnam par shes pa'i sgra 'byung bar mi 'gyur ro zhes bya bar yang dmigs pa'i tshul gyis gnas par mi bya'o/ /sbyin pa'i pha rol du phyin pa'i sgra 'byung bar mi 'gyur ba dang / tshul </font><hr>34.262a<br><font size=+1>

khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i sgra 'byung bar mi 'gyur ro zhes bya bar yang dmigs pa'i tshul gyis gnas par mi bya'o/ /dran pa nye bar gzhag pa rnams kyi sgra 'byung bar mi 'gyur pa dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyi sgra 'byung bar mi 'gyur zhes bya ba dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / sangs rgyas kyi sgra 'byung bar mi 'gyur ro zhes bya bar yang dmigs pa'i tshul gyis gnas par mi bya'o/ /de ci'i phyir zhe na/ 'di ltar de bzhin gshegs pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub mngon par rdzogs par sangs rgyas nas chos thams cad ma dmigs pa'i phyir ro/ /kau shi ka byang chub sems dpa' sems dpa' chen pos de ltar shes rab kyi pha rol du phyin pa la dmigs pa'i tshul gyis gnas par mi bya'o/ /de nas tshe dang ldan pa shA ri'i bu 'di snyam du sems te/ 'o na ji ltar byang chub sems dpa' sems dpa' chen pos shes rab kyi pha rol du phyin pa la gnas par bya snyam mo/ /de nas tshe dang ldan pa rab 'byor gyis tshe dang ldan pa shA ri'i bu'i sems kyi yongs su rtog pa sems kyis shes nas/ tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu 'di ji snyam du sems/ de bzhin gshegs pa ci la gnas</font><hr>34.262b<br><font size=+1>

snyam/ shA ri'i bus smras pa/ tshe dang ldan pa rab 'byor de bzhin gshegs pa ni ci la yang mi gnas pa yin la/ tshe dang ldan pa rab 'byor de bzhin gshegs pa dgra bcom pa yang dag par rdzogs pa'i sangs rgyas kyi thugs kyang ci la yang gnas pa ma yin te/ de ni gzugs la yang mi gnas/ tshor ba dang / 'du shes dang / 'du byed rnams dang / rnam par shes pa la yang mi gnas/ 'dus byas kyi khams la yang mi gnas/ 'dus ma byas kyi khams la yang mi gnas shing / de bzhin du sangs rgyas kyi chos ma 'dres pa bcwa brgyad kyi bar la yang mi gnas/ rnam pa thams cad mkhyen pa nyid kyi bar la yang mi gnas pa yin no/ /de skad ces smras pa dang / tshe dang ldan pa rab 'byor gyis/ tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu ji ltar de bzhin gshegs pa dgra bcom pa yang dag par rdzogs pa'i sangs rgyas gzugs la gnas pa yang ma yin/ mi gnas pa yang ma yin no/ /tshor ba dang / 'du shes dang / 'du byed rnams dang / rnam par shes pa la gnas pa yang ma yin/ mi gnas pa yang ma yin zhing / rnam pa thams cad mkhyen pa nyid kyi bar la yang gnas pa yang ma yin/ mi gnas pa yang ma yin pa de ltar byang chub sems dpa' sems dpa' chen pos shes rab kyi pha rol du phyin pa la gnas par bya ste/ tshe dang ldan pa shA ri'i bu byang chub sems dpa' sems dpa' chen pos de ltar shes rab kyi pha rol du phyin pa la mi gnas pa'i tshul gyis gnas par bya'o/ /'phags pa shes rab kyi pha rol du phyin pa khri brgyad stong pa/  bam po bcu dgu pa/ de nas 'khor de las lha'i bu kha cig 'di snyam du sems te/ gnod sbyin rnams kyi gnod sbyin gyi skad dang / gnod sbyin gyis smras pa dang / gnod sbyin gyis brjod pa</font><hr>34.263a<br><font size=+1>

dang / gnod sbyin gyi tshig gang dag yod pa de dag ni rjod na shes par yang rung gi /'di lta ste/ gnas brtan rab 'byor shes rab kyi pha rol du phyin pa smra ba dang / brjod pa dang / 'chad pa dang / ston pa 'di ni shes par mi rung ngo snyam mo/ /de nas tshe dang ldan pa rab 'byor gyis/ lha'i bu de dag gi sems kyi yongs su rtog pa sems kyis shes nas lha'i bu de dag la smras pa/ lha'i bu dag gang smras pa shes par mi rung ngam/ lha'i bu rnams kyis smras pa/ 'phags pa rab 'byor shes par mi rung ngo / /rab 'byor gyis smras pa/ lha'i bu dag 'di ltar yi ge gcig kyang ma brjod de/ gang ma brjod pa de ni thos par mi rung ngo / /de ci'i phyir zhe na/ shes rab kyi pha rol du phyin pa ni yi ge med pa ste/ de la ni nyan pa 'am ston pa yang med la/ de bzhin gshegs pa dgra bcom pa yang dag par rdzogs pa'i sangs rgyas rnams kyi yang dag par rdzogs pa'i sangs rgyas kyi byang chub la yang yi ge med pa'i phyir ro/ /lha'i bu dag 'di lta ste/ dper na/ de bzhin gshegs pa dgra bcom pa yang dag par rdzogs pa'i sangs rgyas kyis sangs rgyas sprul pa sprul pa mdzad de/ 'khor bzhi po dge slong dang / dge slong ma dang / dge bsnyen dang / dge bsnyen ma dag kyang mngon par sprul la/ sprul pa des sprul pa'i 'khor bzhi po dag la chos bstan par gyur na lha'i bu dag 'di ji snyam du sems/ de la sus kyang ci yang bstan pa 'am/ mnyan pa yod snyam 'am/ lha'i bu rnams kyis smras pa/ btsun pa rab 'byor de ni med do/ /rab 'byor gyis smras pa/ lha'i bu dag de bzhin du chos thams cad kyang sprul pa lta bu ste/ de la sus kyang bshad pa med cing / sus kyang mnyan pa med la/ sus kyang shes pa med do/ /lha'i bu dag /'di lta ste dper na/ mi gnyid kyis log pa'i rmi lam na/ de bzhin gshegs pa dgra bcom pa yang dag</font><hr>34.263b<br><font size=+1>

par rdzogs pa'i sangs rgyas chos ston pa zhig mthong bar gyur na lha'i bu dag 'di ji snyam du sems/ de la sus kyang bshad pa 'am/ mnyan pa 'am/ shes pa yod snyam 'am/ lha'i bu rnams kyis smras pa/ btsun pa rab 'byor de ni med do/ /rab 'byor gyis smras pa/ lha'i bu dag de bzhin du chos thams cad kyang rmi lam lta bu ste/ de la sus kyang bshad pa med cing / sus kyang mnyan pa med la/ sus kyang shes pa med do/ /lha'i bu dag 'di lta ste/ dper na/ mi gnyis shig ri khrod gcig tu 'khod de/ sangs rgyas kyi bsngags pa brjod/ chos kyi bsngags pa brjod/ dge 'dun gyi bsngags pa brjod nas de gnyis kyi skad kyi brag cha byung bar gyur na/ lha'i bu dag 'di ji snyam du sems/ de la gcig gi brag chas/ gcig shos kyi brag cha'i sgra shes par gyur snyam 'am/ lha'i bu rnams kyis smras pa/ btsun pa rab 'byor de ni ma yin no/ /rab 'byor gyis smras pa/ lha'i bu dag de bzhin du chos thams cad kyang brag cha lta bu ste/ de la sus kyang bshad pa med cing / sus kyang mnyan pa med la/ sus kyang shes pa med do/ /lha'i bu dag 'di lta ste dper na/ sgyu ma mkhan nam/ sgyu ma mkhan gyi slob ma mkhas pa zhig gis/ lam po che'i bzhi mdor/ de bzhin gshegs pa dgra bcom pa yang dag par rdzogs pa'i sangs rgyas shig mngon par sprul nas/ des sprul pa'i 'khor bzhi po dag la chos bstan par gyur na/ lha'i bu dag 'di ji snyam du sems/ de la sus kyang bshad pa 'am/ mnyan pa 'am/ shes pa yod snyam 'am/ lha'i bu rnams kyis smras pa/ btsun pa rab 'byor de ni med do/ /rab 'byor gyis smras pa/ lha'i bu dag de bzhin du chos thams cad kyang sgyu ma lta bu ste/ de la sus kyang bshad pa med cing / sus kyang nyan pa med la/ sus kyang shes pa med do/ /de nas lha'i bu de dag 'di</font><hr>34.264a<br><font size=+1>

snyam du sems te/ kye ma 'phags pa rab 'byor 'di ni zab pa bas kyang ches zab pa ston/ phra ba bas kyang ches phra ba la 'jug pas/ kye ma 'phags pa rab 'byor 'di ni shes rab kyi pha rol du phyin pa gsal bar byed pa'o/ /kye ma 'phags pa rab 'byor 'di ni shes rab kyi pha rol du phyin pa gsal bar byed pa'o snyam mo/ /de nas tshe dang ldan pa rab 'byor gyis lha'i bu de dag gi sems kyi yongs su rtog pa sems kyis shes nas lha'i bu de dag la 'di skad ces smras so/ /lha'i bu dag gzugs ni zab pa ma yin/ phra ba ma yin no/ /tshor ba dang / 'du shes dang / 'du byed rnams dang / rnam par shes pa ni zab pa ma yin/ phra ba ma yin no/ /de ci'i phyir zhe na/ lha'i bu dag 'di ltar gzugs kyi rang bzhin ni zab pa ma yin/ phra ba ma yin/ tshor ba dang / 'du shes dang / 'du byed rnams dang / rnam par shes pa'i rang bzhin ni zab pa ma yin/ phra ba ma yin no/ /mig ni zab pa ma yin/ phra ba ma yin/ rna ba dang / sna dang / lce dang / lus dang / yid ni zab pa ma yin/ phra ba ma yin no/ /gzugs ni zab pa ma yin/ phra ba ma yin no/ /sgra dang / dri dang / ro dang / reg bya dang / chos rnams ni zab pa ma yin/ phra ba ma yin/ sa'i khams ni zab pa ma yin/ phra ba ma yin/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni zab pa ma yin/ phra ba ma yin/ sbyin pa'i pha rol du phyin pa ni zab pa ma yin/ phra ba ma yin/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni zab pa ma yin/ phra ba ma yin/ nang stong pa nyid ni zab pa ma yin/ phra ba ma yin/ dngos po med pa'i ngo bo nyid stong pa nyid kyi bar ni zab pa ma yin/ phra ba ma yin/ dran pa nye bar gzhag pa rnams ni zab</font><hr>34.264b<br><font size=+1>

pa ma yin/ phra ba ma yin/ de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni zab pa ma yin/ phra ba ma yin/ ting nge 'dzin thams cad dang / gzungs kyi sgo thams cad ni zab pa ma yin/ phra ba ma yin/ rnam pa thams cad mkhyen pa nyid kyi bar ni zab pa ma yin/ phra ba ma yin no/ /de ci'i phyir zhe na/ 'di ltar rnam pa thams cad mkhyen pa nyid kyi bar gyi rang bzhin ni zab pa ma yin phra ba ma yin pa'i phyir ro/ /de nas lha'i bu de dag 'di snyam du sems te/ 'o na chos bstan pa 'di la gzugs su btags pa yang med dam/ tshor ba dang / 'du shes dang / 'du byed rnams dang / rnam par shes par btags pa yang med dam/ khams rnams dang / skye mched rnams dang / rten cing 'brel bar 'byung bar btags pa yang med dam/ pha rol du phyin pa rnams dang / byang chub kyi phyogs kyi chos rnams su btags pa yang med dam/ stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad tu btags pa yang med dam/ chos bstan pa 'di la rgyun du zhugs pa'i 'bras bur btags pa yang med dam/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid du btags pa yang med dam/ byang chub sems dpar btags pa yang med dam/ sangs rgyas nyid du btags pa yang med dam/ yi ge rnams su btags pa yang med dam snyam mo/ /de nas tshe</font><hr>34.265a<br><font size=+1>

dang ldan pa rab 'byor gyis lha'i bu de dag gi sems kyi yongs su rtog pa sems kyis shes nas/ lha'i bu de dag la 'di skad ces smras so/ /lha'i bu dag de de bzhin no/ /de de bzhin te/ de bzhin gshegs pa rnams kyi byang chub ni brjod du med cing / bsnyad du med pa ste/ de ni sus kyang mnyan du med cing shes par byar med do/ /lha'i bu dag de ltar na gang dag rgyun du zhugs pa'i 'bras bu la gnas par 'dod pa dang / rgyun du zhugs pa'i 'bras bu mngon sum du bya bar 'dod pa de dag gis kyang bzod pa 'di la mi brten du mi rung ngo / /gang dag lan cig phyir 'ong ba'i 'bras bu dang / gang dag dgra bcom pa nyid dang / gang dag rang sangs rgyas nyid dang / gang dag sangs rgyas nyid mngon sum du bya bar 'dod pa de dag gis kyang bzod pa 'di la mi rten du mi rung ste/ lha'i bu dag byang chub sems dpa' sems dpa' chen pos sems dang po bskyed phyin chad bsnyad du med pa dang / mnyan du med par de ltar shes rab kyi pha rol du phyin pa la gnas par bya'o/ /shes rab kyi pha rol du phyin pa khri brgyad stong pa las/ brgya byin gyi le'u dang po zhes bya ste nyi shu rtsa gnyis pa'o// // de nas lha'i bu de dag 'di snyam du sems te/ gnas brtan rab 'byor la chos nyan pa ji lta bu dag tu 'dod par bya snyam mo/ /de nas tshe dang ldan pa rab 'byor gyis/ lha'i bu de dag gi sems kyi yongs su rtog pa sems kyis shes nas/ lha'i bu de dag la 'di skad ces smras so/ /lha'i bu dag bdag la chos nyan pa ni sgyu ma'i skyes bu lta bur 'dod par bya'o/ /bdag la chos nyan pa ni sprul pa lta bur 'dod par bya ste/ de dag ni cung zad kyang nyan pa med cing / kun chub par byed pa med la/ mngon sum du byed pa med do/ /de nas lha'i bu de dag gis/ tshe dang ldan pa rab 'byor la 'di skad ces smras so/ /btsun pa rab 'byor ci sems can de dag kyang sgyu ma lta bu yin la/ chos nyan pa de dag kyang sgyu ma lta bu yin nam/ sems can de dag kyang sprul pa lta bu</font><hr>34.265b<br><font size=+1>

yin la/ chos nyan pa de dag kyang sprul pa lta bu yin no/ /lha'i bu dag sems can rnams ni rmi lam lta bu dang / sgyu ma lta bu yin te/ lha'i bu dag gzugs kyang rmi lam lta bu dang / sgyu ma lta bu yin no/ /lha'i bu dag tshor ba dang / 'du shes dang / 'du byed rnams dang / rnam par shes pa yang rmi lam lta bu dang / sgyu ma lta bu yin no/ /lha'i bu dag mig kyang rmi lam lta bu dang / sgyu ma lta bu yin no/ /de bzhin du rna ba dang / sna dang / lce dang / lus dang / yid kyang rmi lam lta bu dang / sgyu ma lta bu yin no/ /lha'i bu dag gzugs kyang rmi lam lta bu dang / sgyu ma lta bu yin no/ /sgra dang / dri dang / ro dang / reg bya dang / chos rnams kyang rmi lam lta bu dang / sgyu ma lta bu yin no/ /lha'i bu dag mig gi rnam par shes pa dang / mig gi 'dus te reg pa dang / mig gi 'dus te reg pa las byung ba'i tshor ba yang rmi lam lta bu dang / sgyu ma lta bu yin no/ /de bzhin du rna ba dang / sna dang / lce dang / lus dang / yid kyi rnam par shes pa dang / yid kyi 'dus te reg pa dang / yid kyi 'dus te reg pa las byung ba'i tshor ba yang rmi lam lta bu dang / sgyu ma lta bu yin no/ /sbyin pa'i pha rol du phyin pa yang rmi lam lta bu dang / sgyu ma lta bu yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang rmi lam lta bu dang / sgyu ma lta bu yin no/ /nang stong pa nyid kyang rmi lam lta bu dang / sgyu ma lta bu yin no/ /dngos po med pa'i ngo bo nyid stong pa nyid kyi bar yang rmi lam lta bu dang / sgyu ma lta bu yin no/ /dran pa nye bar gzhag pa rnams kyang rmi lam lta bu dang / sgyu ma lta bu yin no/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa rnams dang / so so</font><hr>34.266a<br><font size=+1>

yang dag par rig pa rnams dang / sangs rgyas kyi chos ma 'dres pa rnams kyang rmi lam lta bu dang / sgyu ma lta bu yin no/ /rgyun du zhugs pa'i 'bras bu yang rmi lam lta bu dang / sgyu ma lta bu yin no/ /rgyun du zhugs pa yang rmi lam lta bu dang / sgyu ma lta bu yin no/ /lan cig phyir 'ong ba'i 'bras bu dang / lan cig phyir 'ong ba dang / phyir mi 'ong ba'i 'bras bu dang / phyir mi 'ong ba dang / dgra bcom pa nyid dang / dgra bcom pa yang rmi lam lta bu dang / sgyu ma lta bu yin no/ /rang byang chub kyang rmi lam lta bu dang / sgyu ma lta bu yin no/ /rang sangs rgyas kyang rmi lam lta bu dang / sgyu ma lta bu yin no/ /bla na med pa yang dag par rdzogs pa'i byang chub kyang rmi lam lta bu dang / sgyu ma lta bu yin no/ /sangs rgyas nyid kyang rmi lam lta bu dang / sgyu ma lta bu yin no/ /de nas lha'i bu de dag gis/ tshe dang ldan pa rab 'byor la 'di skad ces smras so/ /btsun pa rab 'byor sangs rgyas nyid kyang rmi lam lta bu dang / sgyu ma lta bu yin na/ ci mya ngan las 'das pa yang rmi lam lta bu dang / sgyu ma lta bu'o zhes smra 'am/ rab 'byor gyis smras pa/ lha'i bu dag kho bo ni mya ngan las 'das pa yang rmi lam lta bu dang / sgyu ma lta bu'o zhes smra ste/ lha'i bu dag gal te/ mya ngan las 'das pa bas ches khyad par du 'phags pa'i chos 'ga' zhig yod na yang de yang rmi lam lta bu dang / sgyu ma lta bu'o zhes kho bo smra'o/ /de ci'i phyir zhe na/ lha'i bu dag 'di ltar rmi lam gang yin pa dang / sgyu ma gang yin pa dang / mya ngan las 'das pa gang yin pa de ni gnyis su med cing gnyis su dbyer med pa'i phyir ro/ /de nas tshe dang ldan pa shA ri'i bu dang / tshe dang ldan pa maud gal gyi bu chen po dang / tshe dang ldan pa gsus po che dang / tshe dang ldan pa kA t+yA'i bu chen po dang / tshe dang ldan pa byams ma'i bu gang po dang / tshe dang ldan pa 'od srung chen po dang / byang chub sems dpa' sems dpa' chen po stong phrag du ma dag gis tshe dang ldan pa rab 'byor la 'di skad ces smras so/ /btsun pa</font><hr>34.266b<br><font size=+1>

rab 'byor shes rab kyi pha rol du phyin pa 'di ltar zab pa/ 'di ltar mthong bar dka' ba/ 'di ltar rtogs par dka' ba/ 'di ltar zhi ba/ 'di ltar gya nom pa/ 'di ltar phra ba/ 'di ltar gzhan ma yin pa/ 'di ltar rtog ge'i spyod yul ma yin pa/ 'di ltar mkhas pa/ 'di ltar shin du 'phags pa/ 'di ltar mkhas pa dang / 'dzangs pas rig par bya ba 'di len par byed par 'gyur ba su dag yod/ de skad ces smras pa dang / tshe dang ldan pa rab 'byor gyis nyan thos chen po de dag dang / byang chub sems dpa' sems dpa' chen po de dag la 'di skad ces smras so/ /tshe dang ldan pa dag phyir mi ldog pa'i byang chub sems dpa' sems dpa' chen po dag shes rab kyi pha rol du phyin pa 'di ltar zab pa/ 'di ltar mthong bar dka' ba/ 'di ltar rtogs par dka' ba/ 'di ltar zhi ba/ 'di ltar gya nom pa/ 'di ltar phra ba/ 'di ltar gzhan ma yin pa/ 'di ltar rtog ge'i spyod yul ma yin pa/ 'di ltar mkhas pa/ 'di ltar shin du 'phags pa/ 'di ltar mkhas pa dang 'dzangs pas rig par bya ba 'di len par byed par 'gyur ro/ /bden pa mthong ba'i gang zag gam/ dgra bcom pa zag pa zad pa 'am/ brnag pa yongs su rdzogs pa 'am/ sngon gyi rgyal ba la lhag par bya ba byas pa 'am/ sangs rgyas bye ba phrag mang po las dge ba'i rtsa ba bskyed pa 'am/ dge ba'i bshes gnyen gyis yongs su zin pa'i rigs kyi bu 'am/ rigs kyi bu mo dag kyang shes rab kyi pha rol du phyin pa 'di ltar zab pa/ 'di ltar mthong bar dka' ba/ 'di ltar rtogs par dka' ba/ 'di ltar zhi ba/ 'di ltar gya nom pa/ 'di ltar phra ba/ 'di ltar gzhan ma yin pa/ 'di ltar rtog ge'i spyod yul ma yin pa/ 'di ltar mkhas pa/ 'di ltar shin du 'phags pa/ 'di ltar mkhas pa dang / 'dzangs pas rig par bya ba 'di len par byed par 'gyur te/ de dag ni gzugs stong ngo zhes bya bar rnam par rtog par mi 'gyur ro/ /stong pa nyid gzugs so zhes bya bar rnam par rtog par mi 'gyur ro/ /tshor ba dang / </font><hr>34.267a<br><font size=+1>

'du shes dang / 'du byed rnams dang / rnam par shes pa stong ngo zhes bya bar rnam par rtog par mi 'gyur ro/ /stong pa nyid rnam par shes pa'o zhes bya bar rnam par rtog par mi 'gyur ro/ /gzugs mtshan ma med do zhes bya bar rnam par rtog par mi 'gyur ro/ /mtshan ma med pa gzugs so zhes bya bar rnam par rtog par mi 'gyur ro/ /tshor ba dang / 'du shes dang / 'du byed rnams dang / rnam par shes pa mtshan ma med do zhes bya bar rnam par rtog par mi 'gyur ro/ /mtshan ma med pa rnam par shes pa'o zhes bya bar rnam par rtog par mi 'gyur ro/ /gzugs smon pa med do zhes bya bar rnam par rtog par mi 'gyur ro/ /smon pa med pa gzugs so zhes bya bar rnam par rtog par mi 'gyur ro/ /gzugs skye ba med do zhes bya bar rnam par rtog par mi 'gyur ro/ /skye ba med pa gzugs so zhes bya bar rnam par rtog par mi 'gyur ro/ /gzugs 'gag pa med do zhes bya bar rnam par rtog par mi 'gyur ro/ /'gag pa med pa gzugs so zhes bya bar rnam par rtog par mi 'gyur ro/ /de bzhin du zhi zhes bya ba dang / ma zhi zhes bya ba dang / dben zhes bya ba dang / mi dben zhes bya bar rnam par rtog par mi 'gyur ro/ /tshor ba dang / 'du shes dang / 'du byed rnams dang / rnam par shes pa smon pa med do zhes bya bar rnam par rtog par mi 'gyur ro/ /smon pa med pa rnam par shes pa zhes bya bar rnam par rtog par mi 'gyur ro/ /de bzhin du skye ba med ces bya ba dang / 'gag pa med ces bya ba dang / zhi zhes bya ba dang / dben zhes bya bar rnam par rtog par mi 'gyur ro/ /de bzhin du khams rnams dang / skye mched rnams dang / rten cing 'brel bar 'byung ba rnams dang / pha rol du phyin pa rnams dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / </font><hr>34.267b<br><font size=+1>

'phags pa'i lam yan lag brgyad pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / ting nge 'dzin thams cad dang / gzungs kyi sgo thams cad dang / de bzhin du rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid kyang de bzhin no/ /rnam pa thams cad mkhyen pa nyid stong ngo zhes bya bar rnam par rtog par mi 'gyur ro/ /stong pa nyid rnam pa thams cad mkhyen pa nyid do zhes bya bar rnam par rtog par mi 'gyur ro/ /rnam pa thams cad mkhyen pa nyid mtshan ma med do zhes bya bar rnam par rtog par mi 'gyur ro/ /mtshan ma med pa rnam pa thams cad mkhyen pa nyid do zhes bya bar rnam par rtog par mi 'gyur ro/ /rnam pa thams cad mkhyen pa nyid smon pa med do zhes bya ba rnam par rtog bar mi 'gyur ro/ /smon pa med pa rnam pa thams cad mkhyen pa nyid do zhes bya bar rnam par rtog par mi 'gyur ro/ /rnam pa thams cad mkhyen pa nyid skye ba med ces bya ba dang / 'gag pa med ces bya ba dang / zhi zhes bya ba dang / dben zhes bya bar rnam par rtog par mi 'gyur ro/ /'dus byas kyi khams stong zhes bya bar rnam par rtog par mi 'gyur ro/ /stong pa nyid 'dus byas kyi khams so zhes bya bar rnam par rtog par mi 'gyur ro/ /'dus byas kyi khams mtshan ma med do zhes bya bar rnam par rtog par mi 'gyur ro/ /mtshan ma med pa 'dus byas kyi khams so zhes bya bar rnam par rtog par mi 'gyur ro/ /'dus byas kyi khams smon pa med do zhes bya par rnam par rtog par mi 'gyur ro/ /smon pa med pa 'dus byas kyi khams so zhes bya bar rnam par rtog par mi 'gyur ro/ /de bzhin du 'dus byas kyi khams skye ba med ces bya ba dang / 'gag pa med ces bya ba dang / zhi zhes bya ba dang / dben zhes bya bar rnam par rtog par mi 'gyur ro/ /'dus ma byas kyi khams stong zhes bya bar rnam</font><hr>34.268a<br><font size=+1>

par rtog par mi 'gyur ro/ /stong pa nyid 'dus ma byas kyi khams so zhes bya bar rnam par rtog par mi 'gyur ro/ /'dus ma byas gyi khams mtshan ma med do zhes bya bar rnam par rtog par mi 'gyur ro/ /mtshan ma med pa 'dus ma byas kyi khams so zhes bya bar rnam par rtog par mi 'gyur ro/ /'dus ma byas kyi khams smon pa med do zhes bya bar rnam par rtog par mi 'gyur ro/ /smon pa med pa 'dus ma byas kyi khams zhes bya bar rnam par rtog par mi 'gyur ro/ /de bzhin du 'dus ma byas kyi khams skye ba med ces bya ba dang / 'gag pa med ces bya ba dang / zhi zhes bya ba dang / dben zhes bya bar rnam par rtog par mi 'gyur ro/ /lha'i bu dag rnam grangs des na/ shes rab kyi pha rol du phyin pa 'di ltar zab pa/ 'di ltar shin du 'phags pa/ 'di ltar mkhas pa dang / 'dzangs pas rig par bya ba'i bar 'di la len par byed pa ni su yang med do/ /de ci'i phyir zhe na/ 'di ltar 'dir chos 'ga' yang ma bshad ma brjod/ ma bstan pa'i phyir te/ ji ltar 'dir chos 'ga' yang ma bshad/ ma brjod/ ma bstan pa de ltar ji ltar 'di len par byed pa'i sems can su yang med do/ /de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor shes rab kyi pha rol du phyin pa 'di las theg pa gsum po 'di lta ste/ nyan thos kyi theg pa dang / rang sangs rgyas kyi theg pa dang / yang dag par rdzogs pa'i sangs rgyas kyi theg pa rgya cher bstan cing / byang chub sems dpa' sems dpa' chen po rnams yongs su bzung ba'i phyir sems dang po bskyed pa nas nye bar bzung ste/ sems bcu pa bskyed pa'i bar dag kyang bstan la/ byang chub sems dpa'i lam 'di lta ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / </font><hr>34.268b<br><font size=+1>

shes rab kyi pha rol du phyin pa dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi bar dag kyang bstan cing / byang chub sems dpa' sems dpa' chen po rnams yongs su bzung ba'i phyir/ de bzhin du byang chub sems dpa' sems dpa' chen po shes rab kyi pha rol du phyin pa la spyod pa rnams rdzus te skye bar 'gyur ba dang / de bzhin du mngon par shes pa yongs su mi nyams pa'i chos can du 'gyur zhing / dge ba'i rtsa ba gang dag gis 'dod na/ sangs rgyas kyi zhing nas sangs rgyas kyi zhing du 'gro bar 'gyur zhing / sangs rgyas bcom ldan 'das de dag la bsti stang du bya ba dang / bla mar bya ba dang / brjod par bya ba dang / mchod par byed par 'gyur ba'i dge ba'i rtsa ba de lta bu dag 'grub par 'gyur ba dang / sangs rgyas bcom ldan 'das de dag las chos gang thos pa de/ bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang brjed par mi 'gyur ba dang / rnam par g.yeng ba med cing / mnyam par gzhag pa'i tshul gyis rtag tu mnyam par gzhag par 'gyur ba dang / thogs pa med pa'i spobs pa dang / rgyun mi chad pa'i spobs pa dang / mnyam par gzhag pa'i spobs pa dang / rigs pa'i spobs pa dang / 'brel pa'i spobs pa dang / don dang ldan pa'i spobs pa dang / 'jig rten thams cad las khyad par du 'phags pa'i spobs pa can du 'gyur ba dag kyang bstan pa ma yin nam/ rab 'byor gyis smras pa/ tshe dang ldan pa shA ri'i bu de de bzhin te/ de de bzhin no/ /ji skad smras pa bzhin te/ shes rab kyi pha rol du phyin pa 'di las theg pa gsum po 'di lta ste/ nyan thos kyi theg pa dang / </font><hr>34.269a<br><font size=+1>

rang sangs rgyas kyi theg pa dang / yang dag par rdzogs pa'i sangs rgyas kyi theg pa yang rgya cher bstan to/ /de bzhin du sbyar te/ byang chub sems dpa' sems dpa' chen po rnams yongs su bzung ba'i phyir/ byang chub sems dpa' sems dpa' chen po rnams 'jig rten thams cad las khyad par du 'phags pa'i spobs pa can du 'gyur ba'i bar dag kyang bstan te/ de yang mi dmigs pa'i tshul gyis bstan to/ /ci zhig mi dmigs pa'i tshul gyis she na/ bdag mi dmigs pa'i tshul dang / shes pa po dang / mthong ba po'i bar du mi dmigs pa'i tshul dang / gzugs mi dmigs pa'i tshul dang / tshor ba dang / 'du shes dang / 'du byed rnams dang / rnam par shes pa mi dmigs pa'i tshul dang / mig mi dmigs pa'i tshul dang / rna ba dang / sna dang / lce dang / lus dang / yid mi dmigs pa'i tshul dang / sa'i khams mi dmigs pa'i tshul dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi dmigs pa'i tshul dang / sbyin pa'i pha rol du phyin pa mi dmigs pa'i tshul dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mi dmigs pa'i tshul dang / nang stong pa nyid mi dmigs pa'i tshul dang / dngos po med pa'i ngo bo nyid stong pa nyid kyi bar du mi dmigs pa'i tshul dang / dran pa nye bar gzhag pa rnams mi dmigs pa'i tshul dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa mi dmigs pa'i tshul dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad mi dmigs pa'i tshul dang / rnam pa thams cad mkhyen pa nyid kyi bar du mi dmigs pa'i tshul gyis bstan to/ /de nas tshe dang ldan pa shA ri'i bus/ tshe</font><hr>34.269b<br><font size=+1>

dang ldan pa rab 'byor la 'di skad ces smras so/ /tshe dang ldan pa rab 'byor ci'i phyir/ shes rab kyi pha rol du phyin pa 'di las theg pa gsum po dag mi dmigs pa'i tshul gyis rgya cher bstan/ ci'i phyir byang chub sems dpa' sems dpa' chen po rnams yongs su gzung ba'i phyir/ byang chub sems dpa' sems dpa' chen po rnams 'jig rten thams cad las khyad par du 'phags pa'i spobs pa can du 'gyur ba'i bar dag kyang mi dmigs pa'i tshul gyis bstan/ rab 'byor gyis smras pa/ tshe dang ldan pa shA ri'i bu nang stong pa nyid kyi phyir/ theg pa gsum po dag mi dmigs pa'i tshul gyis rgya cher bstan to/ /phyi stong pa nyid dang / dngos po med pa'i ngo bo nyid stong pa nyid kyi bar gyi phyir/ theg pa gsum po dag mi dmigs pa'i tshul gyis rgya cher bstan to/ /nang stong pa nyid kyi phyir byang chub sems dpa' sems dpa' chen po rnams yongs su gzung ba'i don du byang chub sems dpa' sems dpa' chen po rnams 'jig rten thams cad las khyad par du 'phags pa'i spobs pa can du 'gyur ba'i bar dag kyang bstan to/ /phyi stong pa nyid dang / dngos po med pa'i ngo bo nyid stong pa nyid kyi bar gyi phyir byang chub sems dpa' sems dpa' chen po rnams yongs su gzung ba'i don du byang chub sems dpa' sems dpa' chen po rnams 'jig rten thams cad las khyad par du 'phags pa'i spobs pa can du 'gyur ba'i bar dag kyang bstan to/ /shes rab kyi pha rol du phyin pa khri brgyad stong pa las/ rtogs par dka' ba zhes bya ba'i le'u ste/ nyi shu gsum pa'o// // de nas lha'i dbang po brgya byin 'di snyam du sems te/ gnas brtan rab 'byor gyis chos kyi char phab cing bstan pa 'di la mchod pa bya ba'i phyir bdag gis me tog dag cig mngon par sprul la/ me tog de dag gis sangs rgyas bcom ldan 'das dang / byang chub sems dpa' sems dpa' chen po rnams dang / dge slong gi dge 'dun dang / gnas brtan rab 'byor dang / </font><hr>34.270a<br><font size=+1>

shes rab kyi pha rol du phyin pa la gtor bar bya'o/ /mngon par gtor bar bya'o/ /mngon par rab tu gtor bar bya'o snyam mo/ stong gsum gyi stong chen po'i 'jig rten gyi khams na rgyal chen bzhi'i ris kyi lha'i bu dang / 'og min gyi bar gyi lha'i bu ji snyed 'khod pa de dag thams cad kyang 'di snyam du sems te/ gnas brtan rab 'byor gyis chos kyi char phab cing / bstan pa 'di la mchod pa bya ba'i phyir/ bdag cag gis me tog dag cig mngon par sprul la/ me tog de dag gis sangs rgyas bcom ldan 'das dang / byang chub sems dpa' sems dpa' chen po rnams dang / dge slong gi dge 'dun dang / gnas brtan rab 'byor dang / shes rab kyi pha rol du phyin pa la gtor bar bya'o/ /mngon par gtor bar bya'o/ /mngon par rab tu gtor bar bya'o snyam mo/ de nas lha'i dbang po brgya byin dang / stong gsum gyi stong chen po'i 'jig rten gyi khams na rgyal chen bzhi'i ris kyi lha'i bu dang / 'og min gyi bar gyi lha'i bu ji snyed 'khod pa de dag gis lha'i me tog man dA ra ba dag mngon par sprul nas/ me tog de dag gis bcom ldan 'das dang / byang chub sems dpa' sems dpa' chen po rnams dang / dge slong gi dge 'dun dang / gnas brtan rab 'byor dang / shes rab kyi pha rol du phyin pa 'di la gtor/ mngon par gtor/ mngon par rab tu gtor to/ /lha'i dbang po brgya byin dang / 'og min gyi bar gyi lha'i bu de dag gis me tog de dag mngon par gtor ma thag tu/ de nas stong gsum gyi stong chen po'i 'jig rten gyi khams 'di me tog chal par bkram par gyur cing / steng gi bar snang la yang me tog gi khang pa brtsegs pa nyams dga' ba/ yid du 'ong ba zhig tu yang kun nas gnas par gyur to/ /de nas gnas brtan rab 'byor 'di snyam du sems te/ gang dag lha'i bu dag gis mngon par gtor ba'i me tog 'di lta bu dag ni bdag gis sngon chad lha'i gnas thams cad na yang spyod par ma mthong ngo / /gang dag lha'i bu dag gis mngon par gtor ba'i</font><hr>34.270b<br><font size=+1>

me tog 'di dag ni yal ga 'gel pa las skyes pa yang ma yin/ chu las skyes pa yang ma yin/ thang las skyes pa yang ma yin te/ me tog 'di dag ni sprul pa yin no/ /gang dag lha'i bu dag gis mngon par gtor ba'i me tog 'di dag ni yid las byung ba yin te/ yal ga 'gel ba las skyes pa ni ma yin no snyam mo/ /de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor me tog 'di dag ni yid las byung ba yang ma yin/ yal ga 'gel ba las skyes pa yang ma yin te/ me tog 'di dag ni ma skyes pa yin no/ /rab 'byor gyis smras pa/ kau shi ka 'di skad du/ me tog 'di dag ni yid las byung ba yang ma yin la/ yal ga 'gel ba las skyes pa yang ma yin te/ me tog 'di dag ni nges par ma skyes pa yin no zhes zer ba ni/ kau shi ka gang dag nges par ma skyes pa de dag ni me tog ma yin no/ /brgya byin gyis smras pa/ btsun pa rab 'byor ci me tog 'di dag nyi tshe nges par ma skyes par zad dam/ 'on te gzugs kyang nges par ma skyes pa yin la/ tshor ba dang / 'du shes dang / 'du byed rnams dang / rnam par shes pa yang nges par ma skyes pa yin/ rab 'byor gyis smras pa/ kau shi ka me tog 'di dag nyi tshe ma skyes par ma zad kyi/ kau shi ka gzugs kyang nges par ma skyes pa ste/ nges par ma skyes pa gang yin pa de ni gzugs ma yin no/ /kau shi ka tshor ba dang / 'du shes dang / 'du byed rnams dang / rnam par shes pa yang nges par ma skyes pa ste/ nges par ma skyes pa gang yin pa de ni rnam par shes pa ma yin no/ /kau shi ka mig kyang nges par ma skyes pa ste/ nges par ma skyes pa gang yin pa de ni mig ma yin no/ /kau shi ka rna ba dang / sna dang / lce dang / lus dang / yid kyang nges par ma skyes pa ste/ nges par ma skyes pa gang yin pa de ni yid ma yin no/ /kau shi ka sa'i</font><hr>34.271a<br><font size=+1>

khams kyang nges par ma skyes pa ste/ nges par ma skyes pa gang yin pa de ni sa'i khams ma yin no/ /kau shi ka chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyang nges par ma skyes pa ste/ nges par ma skyes pa gang yin pa de ni rnam par shes pa'i khams ma yin no/ /kau shi ka sbyin pa'i pha rol du phyin pa yang nges par ma skyes pa ste/ nges par ma skyes pa gang yin pa de ni sbyin pa'i pha rol du phyin pa ma yin no/ /kau shi ka tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang nges par ma skyes pa ste/ nges par ma skyes pa gang yin pa de ni shes rab kyi pha rol du phyin pa ma yin no/ /kau shi ka nang stong pa nyid kyang nges par ma skyes pa ste/ nges par ma skyes pa gang yin pa de ni nang stong pa nyid ma yin no/ /kau shi ka dngos po med pa'i ngo bo nyid stong pa nyid kyi bar yang nges par ma skyes pa ste/ nges par ma skyes pa gang yin pa de ni dngos po med pa'i ngo bo nyid stong pa nyid ma yin no/ /kau shi ka dran pa nye bar gzhag pa rnams kyang nges par ma skyes pa ste/ nges par ma skyes pa gang yin pa de ni dran pa nye bar gzhag pa rnams ma yin no/ /kau shi ka de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yang nges par ma skyes pa ste/ nges par ma skyes pa gang yin pa de ni lam ma yin no/ /kau shi ka de bzhin du stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyang nges par ma skyes pa ste/ nges par ma skyes pa gang yin pa de ni sangs rgyas kyi chos rnams ma yin no/ /kau shi ka rgyun du zhugs pa'i 'bras bu nges par ma skyes pa ste/ </font><hr>34.271b<br><font size=+1>

nges par ma skyes pa gang yin pa de ni rgyun du zhugs pa'i 'bras bu ma yin no/ /kau shi ka lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid kyang nges par ma skyes pa ste/ nges par ma skyes pa gang yin pa de ni rang sangs rgyas nyid ma yin no/ /kau shi ka thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid kyi bar yang nges par ma skyes pa ste/ nges par ma skyes pa gang yin pa de ni rnam pa thams cad mkhyen pa nyid ma yin no/ /kau shi ka rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas kyang nges par ma skyes pa ste/ nges par ma skyes pa gang yin pa de ni de bzhin gshegs pa dgra bcom pa yang dag par rdzogs pa'i sangs rgyas ma yin no/ /de nas lha'i dbang po brgya byin 'di snyam du sems te/ kye ma gnas brtan rab 'byor 'di ni btags pa dang yang mi 'gal la/ chos nyid kyang ston pa ni shes rab zab pa yin no snyam mo/ /de nas bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin no/ /de de bzhin te/ kye ma rab 'byor 'di btags pa dang yang mi 'gal la/ chos nyid kyang ston pa ni shes rab zab pa yin no/ /de nas bcom ldan 'das la/ lha'i dbang po brgya byin gyis 'di skad ces gsol to/ /bcom ldan 'das ji ltar na/ gnas brtan rab 'byor 'di btags pa dang yang mi 'gal la/ chos nyid kyang ston par bgyid pa lags/ bcom ldan 'das kyis bka' stsal pa/ kau shi ka gzugs ni btags pa tsam ste/ btags pa tsam gang yin pa de ni chos nyid yin pas/ rab 'byor ni de dang mi 'gal bar ston to/ /kau shi ka tshor ba dang / 'du shes dang / 'du byed rnams dang / rnam par shes pa ni btags </font><hr>34.272a<br><font size=+1>

pa tsam ste/ btags pa tsam gang yin pa de ni chos nyid yin pas/ rab 'byor ni de dang mi 'gal bar ston to/ /de ci'i phyir zhe na/ chos nyid gang yin pa de ni 'gal ba med pa yin la/ gang 'gal ba med pa de ni rab 'byor ston par byed cing / mi 'gal bar byed pa'i phyir ro/ /kau shi ka de bzhin du khams rnams dang / skye mched rnams dang / de bzhin du sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / de bzhin du nang stong pa nyid dang / dngos po med pa'i ngo bo nyid stong pa nyid kyi bar dang / de bzhin du dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang / de bzhin du rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid dang / de bzhin du rgyun du zhugs pa yang btags pa tsam mo/ /kau shi ka lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas kyang btags pa tsam ste/ btags pa tsam gang yin pa de ni chos nyid yin pas/ rab 'byor ni de dang mi 'gal bar ston to/ /de ci'i phyir zhe na/ kau shi ka chos nyid gang yin pa de ni 'gal ba med pa yin la/ 'gal ba med pa gang yin pa de ni/ rab 'byor ston par byed cing mi 'gal bar byed pa'i phyir te/ kau shi ka de ltar na/ rab 'byor ni btags pa</font><hr>34.272b<br><font size=+1>

dang yang mi 'gal la/ chos nyid kyang ston to/ /rab 'byor gyis smras pa/ kau shi ka de de bzhin te/ ji ltar bcom ldan 'das kyis chos thams cad btags pa tsam du bstan pa de ni de bzhin no/ /kau shi ka byang chub sems dpa' sems dpa' chen pos de ltar chos thams cad btags pa tsam du rig par byas la/ shes rab kyi pha rol du phyin pa la bslab par bya'o/ /kau shi ka de ltar slob pa'i byang chub sems dpa' sems dpa' chen po ni gzugs la mi slob bo/ /tshor ba dang / 'du shes dang / 'du byed rnams dang / rnam par shes pa la mi slob bo/ /de ci'i phyir zhe na/ 'di ltar des gang la bslab par bya ba'i gzugs yang dag par rjes su mi mthong zhing / gang la bslab par bya ba'i tshor ba dang / 'du shes dang / 'du byed rnams dang / rnam par shes pa yang dag par rjes su mi mthong ba'i phyir ro/ /kau shi ka de ltar slob pa'i byang chub sems dpa' sems dpa' chen po ni sbyin pa'i pha rol du phyin pa la mi slob bo/ /de ci'i phyir zhe na/ 'di ltar des gang la bslab par bya ba'i sbyin pa'i pha rol du phyin pa yang dag par rjes su mi mthong ba'i phyir ro/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la mi slob bo/ /de ci'i phyir zhe na/ 'di ltar des gang la bslab par bya ba'i shes rab kyi pha rol du phyin pa yang dag par rjes su mi mthong ba'i phyir ro/ /nang stong pa nyid la'ang mi slob bo/ /dngos po med pa'i ngo bo nyid stong pa nyid kyi bar la yang mi slob bo/ /de ci'i phyir zhe na/ 'di ltar des gang la bslab par bya ba'i nang stong pa nyid kyang yang dag par rjes su mi mthong la/ dngos po med pa'i ngo bo nyid stong pa nyid kyi bar yang dag par rjes su mi mthong ba'i phyir ro/ /dran pa nye bar gzhag pa rnams</font><hr>34.273a<br><font size=+1>

la yang mi slob bo/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyi bar la yang mi slob bo/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid la yang mi slob bo/ /rnam pa thams cad mkhyen pa nyid kyi bar la yang mi slob bo/ /de ci'i phyir zhe na/ 'di ltar des gang la bslab par bya ba'i rnam pa thams cad mkhyen pa nyid kyi bar dag yang dag par rjes su mi mthong ba'i phyir ro/ /de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor de ci'i phyir/ byang chub sems dpa' sems dpa' chen pos gzugs yang dag par rjes su mi mthong / tshor ba dang / 'du shes dang / 'du byed rnams dang / rnam par shes pa yang dag par rjes su mi mthong / de bzhin du khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams yang dag par rjes su mi mthong / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad yang dag par rjes su mi mthong / ci'i phyir rnam pa thams cad mkhyen pa nyid kyi bar dag yang dag par rjes su mi mthong / rab 'byor gyis smras pa/ kau shi ka 'di ltar gzugs ni gzugs kyis stong / tshor ba dang / 'du shes dang / 'du byed rnams dang / rnam par shes pa ni rnam par shes pas stong / de bzhin du khams rnams dang / skye mched</font><hr>34.273b<br><font size=+1>

rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams ni byang chub kyi phyogs kyi chos rnams kyis stong / stobs bcu dang / mi 'jigs pa rnams dang / so so yang yang dag par rig pa rnams dang / sangs rgyas kyi chos ma 'dres pa bcwa brgyad ni sangs rgyas kyi chos ma 'dres pa rnams kyis stong / rnam pa thams cad mkhyen pa nyid kyi bar ni/ rnam pa thams cad mkhyen pa nyid kyi bar gyis stong pa'i phyir ro/ /de ci'i phyir zhe na/ kau shi ka gzugs stong pa nyid ni gzugs stong pa nyid la mi slob/ rnam pa thams cad mkhyen pa nyid kyi bar gyi stong pa nyid ni rnam pa thams cad mkhyen pa nyid kyi bar gyi stong pa nyid la mi slob pa'i phyir ro/ /kau shi ka gang stong pa nyid la mi slob pa de ni gnyis su dbyer med par stong pa nyid la slob pa yin no/ /de ni gnyis su dbyer med par gzugs stong pa nyid la slob pa yin no/ /de bzhin du de ni gnyis su dbyer med par rnam pa thams cad mkhyen pa nyid kyi bar la slob pa yin no/ /kau shi ka gang gnyis su dbyer med par gzugs stong pa nyid la slob pa dang / gnyis su dbyer med par rnam pa thams cad mkhyen pa nyid kyi bar la slob pa de ni gnyis su dbyer med par sbyin pa'i pha rol du phyin pa la yang slob pa yin no/ /de bzhin du gnyis su dbyer med par tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la yang slob pa yin no/ /gnyis su dbyer med par nang stong pa nyid la yang slob pa yin no/ /dngos po med pa'i ngo bo nyid stong pa nyid kyi bar la yang slob pa yin no/ /de ni gnyis su dbyer med par dran pa nye bar gzhag pa rnams la slob pa yin no/ /gnyis su dbyer med par yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams la slob pa yin no/ /de ni gnyis</font><hr>34.274a<br><font size=+1>

su dbyer med par stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams la slob pa yin no/ /de ni gnyis su dbyer med par rgyun du zhugs pa'i 'bras bu la slob pa yin no/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid dang / sangs rgyas nyid dang / rnam pa thams cad mkhyen pa nyid la slob pa yin no/ /gnyis su dbyer med par sangs rgyas nyid dang / rnam pa thams cad mkhyen pa nyid la slob pa de ni/ sangs rgyas kyi chos grangs med/ dpag tu med pa rnams la slob pa yin no/ /gang sangs rgyas kyi chos grangs med dpag tu med pa rnams la slob pa de ni gzugs 'phel bar bya ba dang / 'grib par bya ba'i phyir mi slob bo/ /tshor ba dang / 'du shes dang / 'du byed rnams dang / rnam par shes pa 'phel bar bya ba dang / 'grib par bya ba'i phyir mi slob bo/ /de bzhin du khams rnams dang / skye mched rnams 'phel bar bya ba dang / 'grib par bya ba'i phyir mi slob bo/ /rten cing 'brel bar 'byung ba 'phel bar bya ba dang / 'grib par bya ba'i phyir mi slob bo/ /sbyin pa'i pha rol du phyin pa 'phel bar bya ba dang / 'grib par bya ba'i phyir mi slob bo/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'phel bar bya ba dang / 'grib par bya ba'i phyir mi slob bo/ /dran pa nye bar gzhag pa rnams 'phel bar bya ba dang / 'grib par bya ba'i phyir mi slob bo/ /de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam 'phel bar bya ba dang / 'grib par bya ba'i phyir mi slob bo/ /nang stong pa nyid 'phel bar bya ba dang / 'grib par bya ba'i phyir mi slob bo/ /</font><hr>34.274b<br><font size=+1>

dngos po med pa'i ngo bo nyid stong pa nyid kyi bar du 'phel bar bya ba dang / 'grib par bya ba'i phyir mi slob bo/ /stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid 'phel bar bya ba dang / 'grib par bya ba'i phyir mi slob bo/ /gang gzugs 'phel bar bya ba dang / 'grib par bya ba'i phyir mi slob pa dang / gang rnam pa thams cad mkhyen pa nyid kyi bar du 'phel bar bya ba dang / 'grib par bya ba'i phyir mi slob pa de ni gzugs yongs su gzung ba dang / med par bya ba'i phyir mi slob bo/ /tshor ba dang / 'du shes dang / 'du byed rnams dang / rnam par shes pa yongs su gzung ba dang / med par bya ba'i phyir mi slob bo/ /de bzhin du rnam pa thams cad mkhyen pa nyid kyi bar du yongs su gzung ba dang / med par bya ba'i phyir mi slob bo/ /'phags pa shes rab kyi pha rol du phyin pa khri brgyad stong pa/ bam po nyi shu pa/ shA ri'i bus smras pa/ tshe dang ldan pa rab 'byor ci'i phyir/ byang chub sems dpa' sems dpa' chen po gzugs yongs su gzung ba dang / med par bya ba'i phyir mi slob/ tshor ba dang / 'du shes dang / 'du byed rnams dang / rnam par shes pa yongs su gzung ba dang / med par bya ba'i phyir mi slob/ de bzhin du rnam pa thams cad mkhyen pa nyid kyi bar du yongs su gzung ba dang / med par bya ba'i phyir mi slob/ rab 'byor gyis smras pa/ tshe dang ldan pa shA ri'i bu 'di ltar gzugs la yongs su gzung ba med do/ /de ci'i phyir zhe na/ 'di ltar nang stong pa nyid kyi phyir gzugs la gzugs yongs su mi 'dzin pa'i phyir ro/ /tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa la yongs su gzung ba med do/ /de ci'i phyir zhe na/ 'di ltar nang stong pa nyid kyi phyir rnam par shes pa la rnam par shes pa yongs su mi 'dzin pa'i</font><hr>34.275a<br><font size=+1>

phyir ro/ /tshe dang ldan pa shA ri'i bu de bzhin du rnam pa thams cad mkhyen pa nyid kyi bar la yang yongs su gzung ba med do/ /de ci'i phyir zhe na/ 'di ltar nang stong pa nyid dang / phyi stong pa nyid kyi phyir rnam pa thams cad mkhyen pa nyid la rnam pa thams cad mkhyen pa nyid yongs su mi 'dzin pa'i phyir te/ tshe dang ldan pa shA ri'i bu chos thams cad yongs su gzung ba med pa'i tshul gyis/ rnam pa thams cad mkhyen pa nyid la de ltar slob pa'i byang chub sems dpa' sems dpa' chen po ni rnam pa thams cad mkhyen pa nyid du nges par 'byung bar 'gyur ro/ /shA ri'i bus smras pa/ tshe dang ldan pa rab 'byor de ltar slob pa'i byang chub sems dpa' sems dpa' chen po shes rab kyi pha rol du phyin pa la bslabs nas/ rnam pa thams cad mkhyen pa nyid du nges par 'byung bar 'gyur ram/ rab 'byor gyis smras pa/ tshe dang ldan pa shA ri'i bu de ltar slob pa'i byang chub sems dpa' sems dpa' chen po ni chos thams cad yongs su gzung ba med pa'i tshul gyis shes rab kyi pha rol du phyin pa la bslabs nas rnam pa thams cad mkhyen pa nyid du nges par 'byung bar 'gyur ro/ /shA ri'i bus smras pa/ tshe dang ldan pa rab 'byor de ltar slob pa'i byang chub sems dpa' sems dpa' chen po ji ltar na chos thams cad yongs su gzung bar bya ba'i phyir ma yin zhing med par bya ba'i phyir ma yin par bslabs nas/ rnam pa thams cad mkhyen pa nyid du nges par 'byung bar 'gyur/ rab 'byor gyis smras pa/ tshe dang ldan pa shA ri'i bu byang chub sems dpa' sems dpa' chen po shes rab kyi pha rol du phyin pa la spyod pas/ gzugs kyi skye ba dang / 'gag pa dang / blang ba dang / dor ba dang / kun nas nyon mongs pa dang / rnam par byang ba dang / 'grib pa dang / 'phel ba yang dag par rjes su mi mthong ngo / /de ci'i phyir zhe na/ tshe dang ldan pa shA ri'i bu 'di ltar gzugs ni gzugs kyi ngo bo nyid kyis med pa'i phyir ro/ /tshe dang ldan pa shA ri'i bu de bzhin du/ byang chub sems dpa' sems dpa'</font><hr>34.275b<br><font size=+1>

chen pos tshor ba dang / 'du shes dang / 'du byed rnams dang / rnam par shes pa'i skye ba dang / 'gag pa dang / blang ba dang / dor ba dang / kun nas nyon mongs pa dang / rnam par byang ba dang / 'grib pa dang / 'phel ba yang dag par rjes su mi mthong ngo/ /de ci'i phyir zhe na/ tshe dang ldan pa shA ri'i bu 'di ltar rnam par shes pa ni rnam par shes pa'i ngo bo nyid kyis med pa'i phyir ro/ /tshe dang ldan pa shA ri'i bu de bzhin du/ khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / byang chub kyi phyogs kyi chos rnams dang / stong pa nyid thams cad dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi skye ba dang / 'gag pa dang / blang ba dang / dor ba dang / kun nas nyon mongs pa dang / rnam par byang ba dang / 'grib pa dang / 'phel ba yang dag par rjes su mi mthong ngo/ /de ci'i phyir zhe na/ tshe dang ldan pa shA ri'i bu 'di ltar rnam pa thams cad mkhyen pa nyid ni rnam pa thams cad mkhyen pa nyid kyi ngo bo nyid kyis med pa'i phyir te/ tshe dang ldan pa shA ri'i bu de ltar chos thams cad skye ba med pa dang / 'gag pa med pa dang / blang ba med pa dang / dor ba med pa dang / kun nas nyon mongs pa med pa dang / rnam par byang ba med pa dang / 'grib pa med pa dang / 'phel ba med par slob pa'i byang chub sems dpa' sems dpa' chen po ni slob pa med pa dang / nges par 'byung ba med pa'i tshul gyis shes rab kyi pha rol du phyin pa la slob cing / rnam pa thams cad mkhyen pa nyid du nges par 'byung bar 'gyur ro/ /de nas lha'i dbang po brgya byin gyis tshe dang ldan pa shA ri'i bu la 'di skad ces smras so/ /btsun pa shA ri'i bu shes rab kyi pha rol du phyin pa gang nas btsal bar bya/ shA ri'i bus smras pa/ kau shi ka shes rab kyi pha rol du phyin pa ni/ rab 'byor gyi le'u las btsal bar bya'o/ /</font><hr>34.276a<br><font size=+1>

de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor 'phags pa shA ri'i bu 'di skad du/ kau shi ka shes rab kyi pha rol du phyin pa ni/ tshe dang ldan pa rab 'byor gyi le'u las btsal bar bya'o zhes zer na ci de 'phags pa khyod kyi byin gyi rlabs yin nam/ de khyod kyi mthu yin nam/ rab 'byor gyis smras pa/ kau shi ka de ni kho bo'i mthu ma yin no/ /de ni kho bo'i byin gyi rlabs ma yin no/ /brgya byin gyis smras pa/ btsun pa rab 'byor 'o na de su'i mthu yin/ de su'i byin gyi rlabs yin/ rab 'byor gyis smras pa/ kau shi ka 'di ni de bzhin gshegs pa'i mthu yin no/ /'di ni de bzhin gshegs pa'i byin gyi rlabs yin no/ /brgya byin gyis smras pa/ btsun pa rab 'byor chos thams cad ni byin gyi rlabs med pa yin na/ ci'i phyir 'di skad du 'di ni de bzhin gshegs pa'i mthu yin no/ /'di ni de bzhin gshegs pa'i byin gyi rlabs yin no zhes smra/ rab 'byor gyis smras pa/ kau shi ka de de bzhin no/ /de de bzhin te/ byin gyi rlabs med pa'i chos nyid la de bzhin gshegs pa dmigs su med/ byin gyi rlabs med pa'i chos nyid las gud na yang de bzhin gshegs pa dmigs su med/ de bzhin gshegs pa la yang byin gyi rlabs med pa'i chos nyid dmigs su med/ de bzhin gshegs pa las gud na yang byin gyi rlabs med pa'i chos nyid dmigs su med do/ /de bzhin nyid la yang de bzhin gshegs pa dmigs su med la/ de bzhin gshegs pa la yang de bzhin nyid dmigs su med do/ /gzugs kyi de bzhin nyid la yang de bzhin gshegs pa dmigs su med la/ de bzhin gshegs pa la yang gzugs kyi de bzhin nyid dmigs su med do/ /gzugs kyi chos nyid la yang de bzhin gshegs pa dmigs su med la/ de bzhin gshegs pa la yang gzugs kyi chos nyid dmigs su med do/ /tshor ba dang / 'du shes dang / 'du byed rnams dang / rnam par shes pa'i de bzhin nyid la yang de bzhin gshegs pa dmigs su med la/ de bzhin gshegs pa la yang</font><hr>34.276b<br><font size=+1>

rnam par shes pa'i de bzhin nyid dmigs su med do/ /rnam par shes pa'i chos nyid la yang de bzhin gshegs pa dmigs su med la/ de bzhin gshegs pa la yang rnam par shes pa'i chos nyid dmigs su med do/ /de bzhin du khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / rnam par thar pa'i sgo rnams dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar gyi de bzhin nyid la yang de bzhin gshegs pa dmigs su med la/ de bzhin gshegs pa la yang rnam pa thams cad mkhyen pa nyid kyi bar gyi de bzhin nyid dmigs su med do/ /rnam pa thams cad mkhyen pa nyid kyi chos nyid la yang de bzhin gshegs pa dmigs su med la/ de bzhin gshegs pa la yang rnam pa thams cad mkhyen pa nyid kyi chos nyid dmigs su med do/ /de ci'i phyir zhe na/ kau shi ka de bzhin gshegs pa'i chos nyid gang yin pa de ni gzugs kyi chos nyid dang ldan pa yang ma yin/ mi ldan pa yang ma yin la/ kau shi ka de bzhin gshegs pa'i chos nyid gang yin pa de ni/ tshor ba dang / 'du shes dang / 'du byed rnams dang / rnam par shes pa'i chos nyid dang ldan pa yang ma yin/ mi ldan pa yang ma yin/ gzugs kyi chos nyid ma yin pa gzhan dang ldan pa yang ma yin/ mi ldan pa yang ma yin tshor ba dang / 'du shes dang / 'du byed rnams dang / rnam par shes pa'i chos nyid ma yin pa gzhan dang ldan pa yang ma yin/ mi ldan pa yang ma yin/ gzugs kyi de bzhin nyid dang ldan pa yang ma yin/ mi ldan pa yang ma yin/ tshor ba dang / 'du shes dang / 'du byed rnams dang / rnam par shes pa'i de bzhin nyid dang ldan pa yang ma yin/ mi ldan pa yang ma yin/ gzugs kyi de bzhin</font><hr>34.277a<br><font size=+1>

nyid ma yin pa gzhan dang ldan pa yang ma yin/ mi ldan pa yang ma yin/ tshor ba dang / 'du shes dang / 'du byed rnams dang / rnam par shes pa'i de bzhin nyid ma yin pa gzhan dang ldan pa yang ma yin/ mi ldan pa yang ma yin la/ de bzhin du de bzhin gshegs pa'i chos nyid gang yin pa de ni rnam pa thams cad mkhyen pa nyid kyi bar gyi chos nyid dang ldan pa yang ma yin/ mi ldan pa yang ma yin/ rnam pa thams cad mkhyen pa nyid kyi bar gyi de bzhin nyid dang ldan pa yang ma yin/ mi ldan pa yang ma yin/ rnam pa thams cad mkhyen pa nyid kyi bar gyi chos nyid ma yin pa gzhan dang ldan pa yang ma yin/ mi ldan pa yang ma yin/ rnam pa thams cad mkhyen pa nyid kyi bar gyi de bzhin nyid ma yin pa gzhan dang ldan pa yang ma yin/ mi ldan pa yang ma yin pa'i phyir te/ kau shi ka de ltar chos thams cad ldan pa yang ma yin/ mi ldan pa yang ma yin pas na byin gyi rlabs med pa'i tshul gyis de ni de'i mthu yin no/ /de ni de'i byin gyi rlabs yin no/ /kau shi ka gang khyod 'di skad du byang chub sems dpa' sems dpa' chen po shes rab kyi pha rol du phyin pa gang nas btsal bar bya zhes zer ba ni/ kau shi ka gzugs las kyang btsal bar mi bya'o/ /gzugs las gzhan du yang btsal bar mi bya'o/ /tshor ba dang / 'du shes dang / 'du byed rnams dang / rnam par shes pa las kyang btsal bar mi bya'o/ /rnam par shes pa las gzhan du yang btsal bar mi bya'o/ /de ci'i phyir zhe na/ kau shi ka 'di ltar shes rab kyi pha rol du phyin pa gang yin pa dang / gzugs gang yin pa dang / tshor ba dang / 'du shes dang / 'du byed rnams dang / rnam par shes pa gang yin pa'i chos de dag thams cad ni ldan pa yang ma yin/ mi ldan pa yang ma yin zhing / gzugs can ma yin pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa'i phyir ro/ /kau shi ka gzhan yang byang chub sems dpa' sems dpa' chen pos shes rab kyi pha rol du</font><hr>34.277b<br><font size=+1>

phyin pa ni khams rnams dang / skye mched rnams dang / rten cing 'brel par 'byung ba las kyang btsal bar mi bya'o/ /rten cing 'brel bar 'byung ba las gzhan du yang btsal bar mi bya'o/ /pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar las kyang btsal bar mi bya'o/ /rnam pa thams cad mkhyen pa nyid las gzhan du yang btsal bar mi bya'o/ /de ci'i phyir zhe na/ 'di ltar shes rab kyi pha rol du phyin pa gang yin pa dang / rnam pa thams cad mkhyen pa nyid gang yin pa dang / btsal ba gang yin pa'i chos de dag thams cad ni ldan pa yang ma yin/ mi ldan pa yang ma yin zhing / gzugs can ma yin pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa'i phyir ro/ /de ci'i phyir zhe na/ kau shi ka 'di ltar gzugs kyang shes rab kyi pha rol du phyin pa ma yin la/ gzugs las gud na yang shes rab kyi pha rol du phyin pa med/ de bzhin du tshor ba dang / 'du shes dang / 'du byed rnams dang / rnam par shes pa yang shes rab kyi pha rol du phyin pa ma yin la/ rnam par shes pa las gud na yang shes rab kyi pha rol du phyin pa med/ de bzhin du rnam pa thams cad mkhyen pa nyid kyi bar yang shes rab kyi pha rol du phyin pa ma yin la/ rnam pa thams cad mkhyen pa nyid las gud na yang shes rab kyi pha rol du phyin pa med/ de bzhin du gzugs kyi de bzhin nyid kyang shes rab kyi pha rol du phyin pa ma yin la/ gzugs kyi de bzhin nyid las gud na shes rab kyi pha rol du phyin pa med/ tshor ba dang / 'du shes dang / 'du byed rnams dang / rnam par shes pa'i de bzhin nyid kyang shes rab kyi pha rol du phyin pa ma yin la/ rnam par shes</font><hr>34.278a<br><font size=+1>

pa'i de bzhin nyid las gud na yang shes rab kyi pha rol du phyin pa med/ rnam pa thams cad mkhyen pa nyid kyi bar gyi de bzhin nyid kyang shes rab kyi pha rol du phyin pa ma yin la/ rnam pa thams cad mkhyen pa nyid kyi de bzhin nyid las gud na yang shes rab kyi pha rol du phyin pa med/ gzugs kyi chos nyid kyang shes rab kyi pha rol du phyin pa ma yin la/ gzugs kyi chos nyid las gud na yang shes rab kyi pha rol du phyin pa med/ tshor ba dang / 'du shes dang / 'du byed rnams dang / rnam par shes pa'i chos nyid kyang shes rab kyi pha rol du phyin pa ma yin la/ rnam par shes pa'i chos nyid las gud na yang shes rab kyi pha rol du phyin pa med/ rnam pa thams cad mkhyen pa nyid kyi bar gyi chos nyid kyang shes rab kyi pha rol du phyin pa ma yin la/ rnam pa thams cad mkhyen pa nyid kyi chos nyid las gud na yang shes rab kyi pha rol du phyin pa med pa'i phyir ro/ /de ci'i phyir zhe na/ kau shi ka 'di ltar chos 'di dag thams cad ni yod pa ma yin zhing dmigs su med pa'i phyir te/ de ltar chos thams cad yod pa ma yin zhing dmigs su med pas na/ gzugs kyang shes rab kyi pha rol du phyin pa ma yin no/ /gzugs las gud na yang shes rab kyi pha rol du phyin pa med do/ /gzugs kyi de bzhin nyid kyang shes rab kyi pha rol du phyin pa ma yin no/ /gzugs kyi de bzhin nyid las gud na yang shes rab kyi pha rol du phyin pa med do/ /gzugs kyi chos nyid kyang shes rab kyi pha rol du phyin pa ma yin no/ /gzugs kyi chos nyid las gud na yang shes rab kyi pha rol du phyin pa med do/ /de bzhin du sbyar te/ rnam pa thams cad mkhyen pa nyid kyang shes rab kyi pha rol du phyin pa ma yin no/ /rnam pa thams cad mkhyen pa nyid las gud na yang shes rab kyi pha rol du phyin pa med do/ /rnam pa thams cad mkhyen pa nyid kyi de bzhin nyid kyang shes rab kyi pha rol du phyin pa ma yin no/ /rnam pa thams cad mkhyen pa nyid kyi de bzhin nyid las</font><hr>34.278b<br><font size=+1>

gud na yang shes rab kyi pha rol du phyin pa med do/ /rnam pa thams cad mkhyen pa nyid kyi chos nyid kyang shes rab kyi pha rol du phyin pa ma yin no/ /rnam pa thams cad mkhyen pa nyid kyi chos nyid las gud na yang shes rab kyi pha rol du phyin pa med do/ /de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor 'di lta ste/ byang chub sems dpa' sems dpa' chen po rnams kyi shes rab kyi pha rol du phyin pa pha rol du phyin pa 'di ni che ba'o/ /btsun pa rab 'byor 'di lta ste/ byang chub sems dpa' sems dpa' chen po rnams kyi shes rab kyi pha rol du phyin pa pha rol du phyin pa 'di ni tshad med pa'o/ /btsun pa rab 'byor 'di lta ste/ byang chub sems dpa' sems dpa' chen po rnams kyi shes rab kyi pha rol du phyin pa pha rol du phyin pa 'di ni dpag tu med pa'o/ /btsun pa rab 'byor 'di lta ste/ byang chub sems dpa' sems dpa' chen po rnams kyi shes rab kyi pha rol du phyin pa pha rol du phyin pa 'di ni mtha' yas pa ste/ de la bslabs nas rgyun du zhugs pa rnams kyis kyang rgyun du zhugs pa'i 'bras bu thob bo/ /'thob bo/ /'thob par 'gyur ro/ /lan cig phyir 'ong ba rnams dang / phyir mi 'ong ba rnams dang / dgra bcom pa rnams kyis kyang dgra bcom pa nyid thob bo/ /'thob bo/ /'thob par 'gyur ro/ /rang sangs rgyas rnams kyis kyang / rang byang chub mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /byang chub sems dpa' sems dpa' chen po rnams kyis kyang sems can rnams yongs su smin par byas shing / sangs rgyas kyi zhing yongs su dag par byas nas bla na med pa yang dag par rdzogs pa'i byang chub mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs pa 'tshang rgya bar 'gyur ro/ /rab 'byor gyis smras pa/ kau shi ka de de bzhin no/ /de de bzhin te/ 'di lta ste/ byang chub sems</font><hr>34.279a<br><font size=+1>

dpa' sems dpa' chen po rnams kyi shes rab kyi pha rol du phyin pa pha rol du phyin pa 'di ni che ba'o/ /byang chub sems dpa' sems dpa' sems dpa' chen po rnams kyi shes rab kyi pha rol du phyin pa pha rol du phyin pa 'di ni tshad med pa'o/ /byang chub sems dpa' sems dpa' chen po rnams kyi shes rab kyi pha rol du phyin pa pha rol du phyin pa 'di ni dpag tu med pa'o/ /byang chub sems dpa' sems dpa' chen po rnams kyi shes rab kyi pha rol du phyin pa pha rol du phyin pa 'di ni mtha' yas pa ste/ de la bslabs nas rgyun du zhugs pa rnams kyis kyang rgyun du zhugs pa'i 'bras bu thob bo/ /'thob bo/ /'thob par 'gyur ro/ /lan cig phyir 'ong ba rnams dang / phyir mi 'ong ba rnams dang / dgra bcom pa rnams kyis kyang dgra bcom pa thob bo/ /'thob bo/ /'thob par 'gyur ro/ /rang sangs rgyas rnams kyis rang byang chub mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /byang chub sems dpa' sems dpa' chen po rnams kyis kyang sems can rnams yongs su smin par byas te/ sangs rgyas kyi zhing yongs su dag par byas nas/ bla na med pa yang dag par rdzogs pa'i byang chub mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /de ci'i phyir zhe na/ kau shi ka gzugs che ba'i phyir byang chub sems dpa' sems dpa' chen po rnams kyi pha rol du phyin pa 'di yang che ba yin no/ /de ci'i phyir zhe na/ kau shi ka 'di ltar gzugs kyi sngon gyi mtha' mi dmigs/ phyi ma'i mtha' mi dmigs/ dbus mi dmigs pa'i phyir ro/ /kau shi ka tshor ba dang / 'du shes dang / 'du byed rnams dang / rnam par shes pa che ba'i phyir byang chub sems dpa' sems dpa' chen po rnams kyi pha rol du phyin pa 'di yang che ba yin no/ /de ci'i phyir zhe na/ kau shi ka 'di ltar rnam par shes pa'i sngon gyi mtha' mi dmigs/ </font><hr>34.279b<br><font size=+1>

phyi ma'i mtha' mi dmigs/ dbus mi dmigs pa'i phyir ro/ /kau shi ka de bzhin du sbyar te/ rnam pa thams cad mkhyen pa nyid kyi bar du che ba'i phyir/ byang chub sems dpa' sems dpa' chen po rnams kyi pha rol du phyin pa 'di yang che ba yin no/ /de ci'i phyir zhe na/ kau shi ka 'di ltar rnam pa thams cad mkhyen pa nyid kyi sngon gyi mtha' mi dmigs/ phyi ma'i mtha' mi dmigs/ dbus mi dmigs pa'i phyir te/ kau shi ka rnam grangs des na/ 'di lta ste/ byang chub sems dpa' sems dpa' chen po rnams kyi shes rab kyi pha rol du phyin pa pha rol du phyin pa 'di ni che ba yin no/ /kau shi ka gzugs tshad med pa'i phyir/ byang chub sems dpa' sems dpa' chen po rnams kyi pha rol du phyin pa 'di yang tshad med pa yin no/ /de ci'i phyir zhe na/ kau shi ka 'di ltar gzugs kyi tshad dmigs su med pa'i phyir ro/ /kau shi ka 'di lta ste dper na/ nam mkha'i tshad ni dmigs su med do/ /de bzhin du gzugs kyi tshad kyang dmigs su med do/ /nam mkha' tshad med pa'i phyir gzugs tshad med do/ /gzugs tshad med pa'i phyir byang chub sems dpa' sems dpa' chen po rnams kyi pha rol du phyin pa 'di yang tshad med do/ /de bzhin du sbyar te/ rnam pa thams cad mkhyen pa nyid kyi bar du tshad med pa'i phyir byang chub sems dpa' sems dpa' chen po rnams kyi pha rol du phyin pa 'di yang tshad med pa yin no/ /de ci'i phyir zhe na/ kau shi ka 'di ltar rnam pa thams cad mkhyen pa nyid kyi tshad dmigs su med pa'i phyir ro/ /kau shi ka 'di lta ste dper na/ nam mkha'i tshad ni dmigs su med do/ /kau shi ka de bzhin du rnam pa thams cad mkhyen pa nyid kyi tshad kyang dmigs su med do/ /nam mkha' tshad med pa'i phyir rnam pa thams cad mkhyen pa nyid tshad med do/ /rnam pa thams cad mkhyen pa nyid tshad med pa'i phyir byang chub sems dpa' sems dpa' chen po rnams kyi shes rab kyi pha rol du phyin pa 'di yang tshad med pa yin te/ kau shi ka rnam grangs des na/ byang chub sems dpa'</font><hr>34.280a<br><font size=+1>

sems dpa' chen po rnams kyi pha rol du phyin pa 'di tshad med pa yin no/ /kau shi ka gzugs dpag tu med pa'i phyir byang chub sems dpa' sems dpa' chen po rnams kyi pha rol du phyin pa 'di yang dpag du med pa yin no/ /de ci'i phyir zhe na/ kau shi ka 'di ltar gzugs dpag tu med pa'i phyir ro/ /kau shi ka 'di lta ste dper na/ nam mkha' ni dpag tu med do/ /de bzhin du gzugs kyang dpag tu med do/ /nam mkha' dpag tu med pa'i phyir gzugs dpag tu med do/ /gzugs dpag tu med pa'i phyir byang chub sems dpa' sems dpa' chen po rnams kyi pha rol du phyin pa 'di yang dpag tu med do/ /de bzhin du rnam pa thams cad mkhyen pa nyid kyi bar du dpag tu med pa'i phyir byang chub sems dpa' sems dpa' chen po rnams kyi pha rol du phyin pa 'di yang dpag tu med pa yin no/ /de ci'i phyir zhe na/ kau shi ka 'di ltar rnam pa thams cad mkhyen pa nyid dpag tu med pa'i phyir ro/ /kau shi ka 'di lta ste dper na/ nam mkha' ni dpag tu med do/ /de bzhin du rnam pa thams cad mkhyen pa nyid kyang dpag tu med do/ /nam mkha' dpag tu med pa'i phyir rnam pa thams cad mkhyen pa nyid kyang dpag tu med do/ /rnam pa thams cad mkhyen pa nyid dpag tu med pa'i phyir byang chub sems dpa' sems dpa' chen po rnams kyi pha rol du phyin pa 'di yang dpag tu med pa yin te/ kau shi ka rnam grangs des na/ 'di lta ste/ byang chub sems dpa' sems dpa' chen po rnams kyi pha rol du phyin pa 'di dpag tu med pa yin no/ /kau shi ka gzugs mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /de ci'i phyir zhe na/ kau shi ka 'di ltar gzugs kyi mtha' dang / dbus mi dmigs pa'i phyir ro/ /kau shi ka tshor ba dang / 'du shes dang / 'du byed rnams dang / rnam par shes pa mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /de ci'i</font><hr>34.280b<br><font size=+1>

phyir zhe na/ kau shi ka 'di ltar rnam par shes pa'i mtha' dang / dbus mi dmigs pa'i phyir ro/ /kau shi ka de bzhin du sbyar te/ rnam pa thams cad mkhyen pa nyid kyi bar du mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /de ci'i phyir zhe na/ kau shi ka 'di ltar rnam pa thams cad mkhyen pa nyid kyi mtha' dang / dbus mi dmigs pa'i phyir te/ kau shi ka rnam grangs des na/ gzugs mtha' yas pa dang / rnam pa thams cad mkhyen pa nyid kyi bar du mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /kau shi ka gzhan yang dmigs pa mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /lha'i dbang pos smras pa/ btsun pa rab 'byor ji ltar na dmigs pa mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di mtha' yas pa yin/ /rab 'byor gyis smras pa/ kau shi ka rnam pa thams cad mkhyen pa nyid mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /kau shi ka gzhan yang chos kyi dmigs pa mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /lha'i dbang pos smras pa/ btsun pa rab 'byor ji ltar na/ chos kyi dmigs pa mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di mtha' yas pa yin/ rab 'byor gyis smras pa/ kau shi ka chos kyi dbyings mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /kau shi ka gzhan yang de bzhin nyid kyi dmigs pa mtha'</font><hr>34.281a<br><font size=+1>

yas pa'i phyir byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /lha'i dbang pos smras pa/ btsun pa rab 'byor ji ltar na/ de bzhin nyid kyi dmigs pa mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di mtha' yas pa yin/ rab 'byor gyis smras pa/ kau shi ka 'di ltar de bzhin nyid mtha' yas pa'i phyir/ dmigs pa mtha' yas pa yin no/ /dmigs pa mtha' yas pa'i phyir de bzhin nyid mtha' yas pa yin te/ kau shi ka de bzhin nyid kyi dmigs pa mtha' yas pa'i phyir/ 'di lta ste/ byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /kau shi ka gzhan yang sems can mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin no/ /lha'i dbang pos smras pa/ btsun pa rab 'byor ci ltar na/ sems can mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di yang mtha' yas pa yin/ rab 'byor gyis smras pa/ kau shi ka 'di ji snyam du sems/ 'di lta ste sems can sems can zhes bya ba de chos gang gi tshig bla dgas yin snyam 'am/ lha'i dbang pos smras pa/ btsun pa rab 'byor de ni chos kyi tshig bla dgas kyang ma yin chos ma yin pa'i tshig bla dgas kyang ma yin te/ 'di lta ste sems can sems can zhes bya ba de ni glo bur du ming du btags pa'o/ /de ni dngos po med par ming du btags pa'o/ /de ni dmigs pa med par ming du btags pa'o/ /rab 'byor gyis smras pa/ kau shi ka 'di ji snyam du sems/ shes rab kyi pha rol du phyin pa 'di la 'ga' yang sems can du yongs su brjod pa yod snyam 'am/ lha'i dbang pos smras pa/ btsun pa rab</font><hr>34.281b<br><font size=+1>

'byor de ni med do/ /rab 'byor gyis smras pa/ kau shi ka gang la 'ga' yang sems can du yongs su brjod pa med pa de la sems can mtha' yas pa ci zhig yod/ kau shi ka gal te de bzhin gshegs pa dgra bcom pa yang dag par rdzogs pa'i sangs rgyas bskal pa gang gA'i klung gi bye ma snyed du bzhugs te/ sems can sems can zhes gsung du brjod na/ kau shi ka 'di ji snyam du sems/ de la sems can 'ga' yang skyes pa 'am/ 'gags pa yod snyam 'am/ lha'i dbang pos smras pa/ btsun pa rab 'byor de ni med do/ /de ci'i phyir zhe na/ sems can gzod ma nas rnam par dag pa'i phyir ro/ /rab 'byor gyis smras pa/ kau shi ka rnam grangs des na/ sems can mtha' yas pa'i phyir shes rab kyi pha rol du phyin pa mtha' yas par rig par bya'o/ /shes rab kyi pha rol du phyin pa khri brgyad stong pa las/ mtha' yas pa'i le'u zhes bya ste nyi shu bzhi pa'o// // de nas dbang po dang bcas pa'i lha rnams dang / tshangs pa dang bcas pa rnams dang / skye dgu'i bdag po dang bcas pa rnams dang / skyes pa dang / bud med rnams dang / drang srong gi tshogs rnams kyis 'di lta ste/ de bzhin gshegs pa'i mthu dang / de bzhin gshegs pa'i byin gyi rlabs kyis/ gnas brtan rab 'byor gyis gang bshad pa dang / brjod pa dang / bstan pa dang / yang dag par rab tu bstan pa'i chos 'di ni a la la legs par bshad pa'o/ /a la la chos 'di ni legs par bshad pa'o/ /a la la chos kyi chos nyid 'di ni legs par bshad pa'o zhes ched du brjod pa lan gsum ched du brjod de/ bcom ldan 'das byang chub sems dpa' sems dpa' chen po gang dag shes rab kyi pha rol du phyin pa 'di dang mi 'bral ba de dag ni bdag cag gis de bzhin gshegs pa nyid du gzung bar bgyi'o/ /gzugs sam/ tshor ba 'am/ 'du shes sam/ 'du byed rnams sam/ </font><hr>34.282a<br><font size=+1>

rnam par shes pa 'am/ rnam pa thams cad mkhyen pa nyid kyi bar du chos gang yang dmigs su ma mchis kyang / theg pa gsum po nyan thos kyi theg pa dang / rang sangs rgyas kyi theg pa dang / theg pa chen po dag rnam par dgod pa yang mdzad do zhes kyang gsol to/ /de nas bcom ldan 'das kyis lha'i bu de dag la bka' stsal pa/ lha'i bu dag de de bzhin te/ de de bzhin no/ /ji skad smras pa de bzhin te/ gzugs sam/ tshor ba 'am/ 'du shes sam/ 'du byed rnams sam/ rnam par shes pa 'am/ rnam pa thams cad mkhyen pa nyid kyi bar du chos gang yang dmigs su med kyang theg pa gsum po nyan thos kyi theg pa dang / rang sangs rgyas kyi theg pa dang / theg pa chen po dag rnam par dgod pa yang mdzad do/ /lha'i bu dag byang chub sems dpa' sems dpa' chen po gang dag mi dmigs pa'i tshul gyis shes rab kyi pha rol du phyin pa 'di dang mi 'bral bar de dag kyang de bzhin gshegs pa nyid du gzung bar bya ba yin no/ /de ci'i phyir zhe na/ 'di ltar shes rab kyi pha rol du phyin pa 'di las theg pa gsum po nyan thos kyi theg pa dang / rang sangs rgyas kyi theg pa dang / theg pa chen po dag rgya cher bstan cing / sbyin pa'i pha rol du phyin pa las gud na yang de bzhin gshegs pa dmigs su med la/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa las gud na yang de bzhin gshegs pa dmigs su med/ nang stong pa nyid dang / dngos po med pa'i ngo bo nyid stong pa nyid kyi bar las gud na yang de bzhin gshegs pa dmigs su med/ dran pa nye bar gzhag pa rnams las gud na yang de bzhin gshegs pa dmigs su med/ yang dag par spong ba rnams dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams las</font><hr>34.282b<br><font size=+1>

gud na yang de bzhin gshegs pa dmigs su med/ stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams las gud na yang de bzhin gshegs pa dmigs su med/ rnam pa thams cad mkhyen pa nyid kyi bar las gud na yang de bzhin gshegs pa dmigs su med la/ lha'i bu dag byang chub sems dpa' sems dpa' chen po rnams kyang sbyin pa'i pha rol du phyin pa la sogs pa chos de dag la slob cing / rnam pa thams cad mkhyen pa nyid kyi bar dag la yang slob par byed pa'i phyir te/ lha'i bu dag de lta bas na byang chub sems dpa' sems dpa' chen po gang dag shes rab kyi pha rol du phyin pa 'di dang mi 'bral bar spyod pa de dag ni de bzhin gshegs pa nyid du brjod par bya ba yin no/ /lha'i bu dag gang gi tshe nga de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi thad na rgyal po'i pho brang 'khor pad ma can zhes bya ba'i tshong 'dus kyi dbus na 'dug cing mi dmigs pa'i tshul gyis/ sbyin pa'i pha rol du phyin pa dang bral bar ma gyur/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang bral bar ma gyur/ nang stong pa nyid dang bral bar ma gyur/ dngos po med pa'i ngo bo nyid stong pa nyid kyi bar dang bral bar ma gyur/ dran pa nye bar gzhag pa rnams dang bral bar ma gyur yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams dang bral bar ma gyur/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / </font><hr>34.283a<br><font size=+1>

sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang / sangs rgyas kyi chos dpag tu med pa gzhan dag dang yang bral bar ma gyur pa de'i tshe/ lha'i bu dag de bzhin gshegs pa dgra bcom pa yang dag par rdzogs pa'i sangs rgyas mar me mdzad des nga la bram ze'i khye'u khyod ma 'ongs pa'i dus kyi bskal pa grangs med pa 'das pa'i 'og tu bskal pa bzang po la 'jig rten gyi khams 'di nyid du/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa/ sangs rgyas bcom ldan 'das su 'gyur ro zhes bla na med pa yang dag par rdzogs pa'i byang chub tu lung bstan to/ /de nas bcom ldan 'das la lha'i bu de dag gis 'di skad ces gsol to/ /bcom ldan 'das ci tsam du shes rab kyi pha rol du phyin pa 'di gzugs yongs su mi 'dzin/ mi 'dor ba'i tshul dang / tshor ba dang / 'du shes dang / 'du byed rnams dang / rnam par shes pa yongs su mi 'dzin/ mi 'dor ba'i tshul dang / de bzhin du rnam pa thams cad mkhyen pa nyid kyi bar du yongs su mi 'dzin/ mi 'dor ba'i tshul gyis/ byang chub sems dpa' sems dpa' chen po rnams kyi rnam pa thams cad mkhyen pa nyid 'thun par yongs su 'dzin pa ni ngo mtshar lags so/ /de nas bcom ldan 'das kyi 'khor bzhi po dge slong dang / dge slong ma dang / dge bsnyen dang / dge bsnyen ma rnams dang / byang chub sems dpa' sems dpa' chen po rnams dang / rgyal po chen po bzhi dang / rgyal chen bzhi'i ris kyi lha'i bu rnams dang / 'og min gyi bar gyi lha'i bu rnams 'dus te/ 'dug par thugs su chud nas de dag thams cad dpang por bzhag ste/ lha'i dbang po brgya byin la 'di skad ces bka' stsal to/ /kau shi ka byang chub sems</font><hr>34.283b<br><font size=+1>

dpa' sems dpa' chen po 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ rigs kyi bu 'am/ rigs kyi bu mo 'am/ lha'i bu 'am/ lha'i bu mo gang la la dag shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub bar byed pa dang / sgom pa dang / gzhan dag la yang yang dag par rab tu ston pa dang / tshul bzhin du yid la byed cing / rnam pa thams cad mkhyen pa nyid kyi sems dang bral bar mi 'gyur ba de dag la ni bdud dam/ bdud kyi ris kyi lha rnams kyis glags rnyed par mi 'gyur ro/ /de ci'i phyir zhe na/ 'di ltar rigs kyi bu dang rigs kyi bu mo de dag gis gzugs stong pa nyid du legs par gnas su byas par 'gyur zhing / tshor ba dang / 'du shes dang / 'du byed rnams dang / rnam par shes pa stong pa nyid du legs par gnas su byas par 'gyur ba'i phyir ro/ /de ci'i phyir zhe na/ 'di ltar stong pa nyid la stong pa nyid kyis glags mi rnyed cing / mtshan ma med pa la yang mtshan ma med pas glags mi rnyed la/ smon pa med pa la yang smon pa med pas glags mi rnyed pa'i phyir ro/ /de bzhin du rigs kyi bu dang / rigs kyi bu mo de dag gis rnam pa thams cad mkhyen pa nyid kyi bar du stong pa nyid du legs par gnas su byas par 'gyur ba'i phyir ro/ /de ci'i phyir zhe na/ 'di ltar stong pa nyid la stong pa nyid kyis glags mi rnyed cing / mtshan ma med pa la yang mtshan ma med pas glags mi rnyed la/ smon pa med pa la yang smon pa med pas glags mi rnyed pa'i phyir ro/ /de ci'i phyir zhe na/ 'di ltar gang gis glags rnyed par 'gyur ba dang / gang du glags rnyed par 'gyur ba dang / gang la glags rnyed par 'gyur ba de dag ngo bo nyid med pa'i phyir ro/ /kau shi ka rigs kyi bu 'am rigs kyi bu mo de dag la mi dang / mi ma yin pa rnams kyis kyang glags rnyed par mi 'gyur ro/ /de ci'i phyir zhe na/ 'di ltar rigs kyi bu dang / rigs kyi bu mo de dag gis sems can thams cad la byams pa dang / </font><hr>34.284a<br><font size=+1>

snying rje dang / dga' ba dang / btang snyoms shin du bsgoms shing / de yang mi dmigs pa'i tshul gyis bsgoms pa'i phyir ro/ /kau shi ka rigs kyi bu 'am/ rigs kyi bu mo de dag ni/ gshis ngan du 'chi bar mi 'gyur ro/ /de ci'i phyir zhe na/ 'di ltar rigs kyi bu 'am/ rigs kyi bu mo de dag gis sbyin pa'i pha rol du phyin pa la spyad pas sems can thams cad la yang dag pa'i yongs su spyad pa dag gis bsnyen bkur byas pa'i phyir ro/ /kau shi ka stong gsum gyi stong chen po'i 'jig rten gyi khams su gtogs pa'i rgyal chen bzhi'i ris kyi lha'i bu rnams dang / sum bcu rtsa gsum pa'i ris kyi lha rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / 'od gsal rnams dang / dge rgyas rnams dang / 'bras bu che ba'i lha'i bu gang dag gis bla na med pa yang dag par rdzogs pa'i byang chub tu sems bskyed pa rnams dang / lha'i bu gang dag gis shes rab kyi pha rol du phyin pa 'di ma thos pa dang / ma bzung ba dang / ma bcangs pa dang / kun chub par ma byas pa dang / tshul bzhin du yid la ma byas pa'i lha'i bu de dag gis kyang rnam pa thams cad mkhyen pa nyid kyi sems dang ma bral bas shes rab kyi pha rol du phyin pa 'di mnyan par bya/ gzung bar bya/ bcang bar bya/ klag par bya/ kun chub par bya/ tshul bzhin du yid la bya'o/ /kau shi ka gzhan yang rigs kyi bu 'am/ rigs kyi bu mo gang dag shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing / rnam pa thams cad mkhyen pa nyid kyi sems dang 'bral bar mi 'gyur na/ kau shi ka rigs kyi bu dang / rigs kyi bu mo de dag ni khyim stong pa na 'dug kyang rung / bla gab med pa na 'dug kyang rung / lam gol ba na 'dug kyang rung ste/ 'jigs pa 'am/ bag tsha bar 'gyur ba med do/ /de ci'i phyir</font><hr>34.284b<br><font size=+1>

zhe na/ kau shi ka 'di ltar rigs kyi bu dang / rigs kyi bu mo dag gis mi dmigs pa'i tshul gyis nang stong pa nyid shin du sgoms shing mi dmigs pa'i tshul gyis phyi stong pa nyid kyang shin du bsgoms la/ mi dmigs pa'i tshul gyis dngos po med pa'i ngo bo nyid stong pa nyid kyi bar dag kyang shin du bsgoms pa'i phyir ro/ /de nas bcom ldan 'das la stong gsum gyi stong chen po'i 'jig rten gyi khams na/ rgyal chen bzhi'i ris kyi lha'i bu dang / sum bcu rtsa gsum pa dang / 'thabral dang / dga' ldan dang / 'phrul dga' dang / gzhan 'phrul dbang byed dang / gnas gtsang ma'i ris kyi bar gyi lha'i bu ji snyed 'khod pa de dag gis 'di skad ces gsol to/ /bcom ldan 'das bdag cag gis kyang rigs kyi bu dang rigs kyi bu mo gang dag shes rab kyi pha rol du phyin pa zab mo 'di nyid la mos pa dang / 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid cing / rnam pa thams cad mkhyen pa nyid kyi sems dang 'bral bar mi 'gyur ba de dag rtag par rgyun mi chad par bsrung ba dang / bskyab pa dang / sba bar bgyi'o/ /de ci'i slad du zhe na/ bcom ldan 'das 'di ltar byang chub sems dpa' sems dpa' chen po la brten nas sems can dmyal ba rnams rgyun chad par 'gyur/ dud 'gro'i skye gnas rnams dang / gshin rje'i 'jig rten rnams dang / lha dbul po rnams dang / mi dbul po rnams dang / yams kyi bro nad rnams dang / bro nad 'go ba rnams dang / gnod pa dang / 'tshe ba thams cad rgyun chad par 'gyur/ byang chub sems dpa' sems dpa' chen po la brten nas dge ba bcu'i las kyi lam rnams kyang 'jig rten du 'byung ba dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / sbyin pa'i pha rol du</font><hr>34.285a<br><font size=+1>

phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dag kyang 'jig rten du 'byung ba dang / byang chub sems dpa' la brten nas dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar dag kyang 'jig rten du 'byung bar 'gyur ba'i slad du'o/ /bcom ldan 'das gzhan yang byang chub sems dpa' sems dpa' chen po la brten nas/ rgyal rigs shing sa la chen po lta bu rnams 'jig rten na mchis lags so/ /bram ze'i rigs shing sa la chen po lta bu rnams 'jig rten na mchis lags so/ /khyim bdag gi rigs shing sa la chen po lta bu rnams 'jig rten na mchis lags so/ /'khor los bsgyur ba'i rgyal rigs dag 'jig rten na mchis lags so/ /rgyal chen bzhi'i ris kyi lha'i bu rnams 'jig rten na mchis lags so/ /'og min gyi ris kyi bar gyi lha'i bu dag 'jig rten na mchis lags so/ /bcom ldan 'das gzhan yang byang chub sems dpa' sems dpa' chen po la brten nas rgyun du zhugs pa'i 'bras bu 'jig rten na mchis lags so/ /rgyun du zhugs pa 'jig rten na mchis lags so/ /lan cig phyir 'ong ba'i 'bras bu dang / lan cig phyir 'ong ba dang / phyir mi 'ong ba'i 'bras bu dang / phyir mi 'ong ba dang / dgra bcom pa nyid dang / dgra bcom pa 'jig</font><hr>34.285b<br><font size=+1>

rten na mchis lags so/ /rang byang chub dang rang sangs rgyas 'jig rten na mchis lags so/ /byang chub sems dpa' sems dpa' chen po la brten nas sems can yongs su smin par bgyi ba 'jig rten na mchis lags so/ /sangs rgyas kyi zhing yongs su dag pa 'jig rten na mchis lags so/ /de bzhin gshegs pa dgra bcom pa yang dag par rdzogs pa'i sangs rgyas 'jig rten na bzhugs lags so/ /chos kyi 'khor lo bskor ba 'jig rten na mchis lags so/ /sangs rgyas dkon mchog 'jig rten na bzhugs lags so chos dkon mchog 'jig rten na mchis lags so/ /dge 'dun dkon mchog 'jig rten na mchis lags so/ /bcom ldan 'das rnam grangs des na byang chub sems dpa' sems dpa' chen po ni lha dang mi dang / lha ma yin du bcas pa'i 'jig rten gyis bsrung ba dang / skyab pa dang / sba bar bgyi ba lags so/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin no/ /de de bzhin te/ byang chub sems dpa' sems dpa' chen po la brten nas sems can dmyal ba dang / dud 'gro'i skye gnas dang / gshin rje'i 'jig rten rgyun chad par 'gyur ro/ /de bzhin du sangs rgyas dkon mchog dang / chos dkon mchog dang / dge 'dun dkon mchog gi bar du 'jig rten na yod pa yin no/ /kau shi ka de lta bas na/ lha dang / mi dang / lha ma yin du bcas pa'i 'jig rten gyis byang chub sems dpa' sems dpa' chen po la rgyun mi 'chad par bkur bstir bya/ bla mar bya/ brjed par bya/ mchod par bya zhing / bsrung ba dang / bskyab pa dang / sba bar bya'o/ /kau shi ka gang dag byang chub sems dpa' sems dpa' chen po la sti stang du bya ba dang / bla mar bya ba dang / brjed par bya ba dang / mchod par bya bar sems pa de dag ni nga la sti stang du bya ba dang / bla mar bya ba dang / brjed par bya ba dang / mchod par bya bar sems pa yin te/ kau shi ka de lta bas na/ </font><hr>34.286a<br><font size=+1>

lha dang / mi dang / lha ma yin du bcas pa'i 'jig rten gyis byang chub sems dpa' sems dpa' chen po la rgyun mi chad par sti stang du bya/ bla mar bya/ brjed par bya/ mchod par bya zhing / bsrung ba dang / bskyab pa dang / sba bar bya'o/ /kau shi ka stong gsum gyi stong chen po'i 'jig rten gyi khams 'di nyan thos dang / rang sangs rgyas sha stag gis/ 'di lta ste dper na/ bu ram shing gi tshal lam/ 'dam bu'i tshal lam/ 'od ma'i tshal lam/ mda' rgyu'i tshal lam/ 'bras kyi zhing ngam/ til gyi zhing ltar yongs su gang bar gyur nas de dag la rigs kyi bu 'am/ rigs kyi bu mo la la zhig gis ji srid 'tsho'i bar du yo byad thams cad kyis sti stang du byas/ bla mar byas/ brjed par byas/ mchod pa byas pa bas gang gis byang chub sems dpa' sems dpa' chen po sems dang po bskyed pa/ pha rol du phyin pa drug dang ma bral ba gcig cig la sti stang du byas/ bla mar byas/ brjed par byas/ mchod pa byas na/ de nyid snga ma bas ches bsod nams mang du bskyed do/ /de ci'i phyir zhe na/ kau shi ka 'di ltar nyan thos dang / rang sangs rgyas rnams la brten nas byang chub sems dpa' sems dpa' chen po rnams dang / de bzhin gshegs ba dgra bcom pa yang dag par rdzogs pa'i sangs rgyas rnams 'jig rten na yod pa ma yin gyi/ byang chub sems dpa' sems dpa' chen po la brten nas/ nyan thos dang / rang sangs rgyas rnams dang / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten na yod pa yin pa'i phyir ro/ /kau shi ka de lta bas na/ lha dang / mi dang / lha ma yin du bcas pa'i 'jig rten gyis byang chub sems dpa' sems dpa' chen po la rtag tu rgyun mi 'chad par sti stang du bya/ bla mar bya/ brjed par bya/ mchod par bya zhing bsrung ba dang / bskyab pa dang / sba bar bya'o/ /shes rab kyi pha rol du phyin pa khri brgyad stong pa las/ brgya byin gyi le'u</font><hr>34.286b<br><font size=+1>

gnyis pa ste/ nyi shu rtsa lnga pa// // 'phags pa shes rab kyi pha rol du phyin pa khri brgyad stong pa/ bam po nyi shu rtsa gcig pa/ de nas bcom ldan 'das la/ lha'i dbang po brgya byin gyis 'di skad ces gsol to/ /bcom ldan 'das ci tsam du byang chub sems dpa' sems dpa' chen po de dag gis shes rab kyi pha rol du phyin pa 'di bzung ngam/ bcangs sam/ klags sam/ kun chub par bgyis sam/ tshul bzhin du yid la bgyis na/ tshe 'di la yon tan 'di dag yongs su 'dzin par 'gyur te/ sems can rnams yongs su smin par bgyid pa dang / sangs rgyas kyi zhing yongs su dag par bgyid pa dang / sangs rgyas bcom ldan 'das rnams la bsnyen bkur bgyi ba'i slad du sangs rgyas kyi zhing nas sangs rgyas kyi zhing du mchi ba dang / dge ba'i rtsa ba gang dag gis sangs rgyas bcom ldan 'das de dag la sti stang du bgyi ba dang / bla mar bgyi ba dang / brjed par bgyi ba dang / mchod par bgyid par 'tshal na yang / dge ba'i rtsa ba de dag gis de bzhin du 'grub par 'gyur ba dang / sangs rgyas bcom ldan 'das de dag gi spyan sngar mchis shing chos nyan par bgyid pa dang / de dag gi chos de yang bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang bskyed par mi 'gyur ba dang / rigs phun sum tshogs pa yongs su 'dzin pa dang / ming phun sum tshogs pa dang / tshe rabs phun sum tshogs pa dang / 'khor phun sum tshogs pa dang / mtshan phun sum tshogs pa dang / 'od phun sum tshogs pa dang / mig phun sum tshogs pa dang / dbyangs phun sum tshogs pa dang / ting nge 'dzin phun sum tshogs pa dang / gzungs phun sum tshogs pa yongs su 'dzin pa dang / thabs la mkhas pas bdag nyid sangs rgyas kyi skur mngon par sprul nas gang du sangs rgyas bcom ldan 'das rnams mi 'byung ba'i 'jig rten gyi khams</font><hr>34.287a<br><font size=+1>

nas 'jig rten gyi khams su mchi zhing der mchis nas kyang / sbyin pa'i pha rol du phyin pa'i bsngags pa rjod par bgyid/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i bsngags pa rjod par bgyid/ nang stong pa nyid kyi bsngags pa brjod par bgyid/ dngos po med pa'i ngo bo nyid stong pa nyid kyi bar gyi bsngags pa rjod par bgyid/ bsam gtan rnams kyi bsngags pa rjod par bgyid/ tshad med pa rnams dang / gzugs med pa'i snyoms par 'jug pa rnams kyi bsngags pa rjod par bgyid/ dran pa nye bar gzhag pa rnams kyi bsngags pa rjod par bgyid/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i bsngags pa brjod par bgyid/ stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyi bar gyi bsngags pa brjod par bgyid cing / thabs la mkhas pas sems can rnams theg pa gsum po nyan thos kyi theg pa dang / rang sangs rgyas kyi theg pa dang / theg pa chen pos 'dul la/ chos ston par bgyid pa ni ngo mtshar lags so/ /de nas yang bcom ldan 'das la/ lha'i dbang po brgya byin gyis 'di skad ces gsol to/ /bcom ldan 'das ji tsam du shes rab kyi pha rol du phyin pa 'di yongs su bzung bas/ pha rol du phyin pa lnga po thams cad kyang yongs su bzung bar 'gyur zhing / de bzhin du byang chub kyi phyogs kyi chos thams cad dang / ting nge 'dzin thams cad dang / gzungs kyi sgo thams cad dang / stong pa nyid thams cad dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas</font><hr>34.287b<br><font size=+1>

kyi chos ma 'dres pa bcwa brgyad kyi bar dag yongs su bzung bar 'gyur ba dang / rgyun du zhugs pa'i 'bras bu yongs su bzung bar 'gyur ba dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar dag yongs su bzung bar 'gyur ba dang / bcom ldan 'das shes rab kyi pha rol du phyin pa yongs su bzung bas/ sangs rgyas kyi chos thams cad yongs su bzung bar 'gyur ba ni ngo mtshar lags so/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin no/ /de de bzhin te/ kau shi ka shes rab kyi pha rol du phyin pa yongs su bzung bas/ pha rol du phyin pa lnga po thams cad kyang yongs su bzung bar 'gyur la/ de bzhin du rnam pa thams cad mkhyen pa nyid kyi bar dag kyang yongs su bzung bar 'gyur ba yin no/ /kau shi ka gzhan yang shes rab kyi pha rol du phyin pa 'di yongs su bzung ngam/ bcangs sam/ blags sam/ kun chub par byas sam/ tshul bzhin du yid la byas na/ rigs kyi bu 'am rigs kyi bu mo de dag gis tshe 'di nyid la yon tan gang dag thob par 'gyur ba de dag legs par rab tu nyon la yid la zung shig dang / ngas khyod la bshad par bya'o/ /lha'i dbang po brgya byin gyis/ bcom ldan 'das de bzhin no zhes gsol te/ bcom ldan 'das kyis ltar nyan pa dang / bcom ldan 'das kyis 'di skad ces bka' stsal to/ /kau shi ka gzhan mu stegs can kun du rgyu 'am/ bdud dam/ bdud kyi ris kyi lha 'am/ gang zag lhag pa'i nga rgyal can gang la la dag /byang chub sems dpa' sems dpa' chen po 'am/ rigs kyi bu 'am/ rigs kyi bu mo dag la 'thab par 'dod/ rtsod par 'dod/ dbral bar 'dod/ 'gal bar bya bar 'dod kyang de dag gi 'thab par 'dod pa dang / rtsod par 'dod pa dang / dbral bar 'dod pa dang / 'gal bar bya bar 'dod pa de dag </font><hr>34.288a<br><font size=+1>

myur ba nyid du med par 'gyur zhing / 'thab par 'dod pa dang / rtsod par 'dod pa dang / dbral bar 'dod pa dang / 'gal bar bya bar 'dod pa de dag gi bsam pa de dag yongs su rdzogs par mi 'gyur ro/ /de ci'i phyir zhe na/ kau shi ka 'di ltar byang chub sems dpa' sems dpa' chen pos yun ring por sbyin pa'i pha rol du phyin pa la spyad cing / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyad pas gang dag gi ched du sems can rnams yun ring po nas 'thab pa dang / rtsod pa dang / 'bral ba dang / 'gal bar byed par gyur pa'i phyi dang nang gi chos de dag thams cad/ byang chub sems dpa' sems dpa' chen pos rtag par yongs su btang ste/ sems can rnams sbyin pa'i pha rol du phyin pa la bkod pa dang / gang dag gi ched du sems can rnams yun ring po nas 'chal ba'i tshul khrims can du gyur pa'i phyi dang nang gi chos de dag thams cad byang chub sems dpa' sems dpa' chen pos rtag par yongs su btang ste/ sems can rnams tshul khrims kyi pha rol du phyin pa la bkod pa dang / gang dag gi ched du sems can rnams yun ring po nas thab mo dang / 'thab pa dang / rtsod par gyur pa'i phyi dang nang gi chos de dag thams cad byang chub sems dpa' sems dpa' chen pos rtag par yongs su btang ste/ sems can rnams bzod pa'i pha rol du phyin pa la bkod pa dang / gang dag gi ched du sems can rnams yun ring po nas le lo can du gyur pa'i phyi dang / nang gi chos de dag thams cad byang chub sems dpa' sems dpa' chen pos rtag par yongs su btang ste/ sems can rnams brtson 'grus kyi pha rol du phyin pa la bkod pa dang / gang dag gi ched du sems can rnams yun ring po nas rgyun du sems rnam par g.yengs par gyur pa'i phyi dang nang gi chos de dag thams cad byang chub sems dpa' sems dpa' chen pos rtag par yongs su btang ste/ sems can rnams bsam gtan gyi pha rol du phyin pa la bkod pa dang / gang dag gi ched du sems can rnams yun ring po nas 'chal ba'i shes rab can du gyur pa'i phyi dang / nang gi chos de dag thams cad byang chub/ </font><hr>34.288b<br><font size=+1>

sems dpa' sems dpa' chen pos rtag par yongs su btang ste/ sems can rnams shes rab kyi pha rol du phyin pa la bkod cing / yang dag par 'dzin du bcug pa dang / kau shi ka gang dag gi ched du sems can rnams 'di lta ste/ rjes su chags pa dang / khong khro ba dang / kun nas dkris pas yun ring por 'khor ba na 'khor bar gyur pa'i sems can de dag gi rjes su chags pa dang / khong khro ba dang kun nas dkris pa de dag byang chub sems dpa' sems dpa' chen pos thabs la mkhas pas rnam par bsal nas bsam gtan bzhi yang dag par 'dzin du bcug /tshad med pa bzhi dang / gzugs med pa'i snyoms par 'jug pa bzhi yang dag par 'dzin du bcug /dran pa nye bar gzhag pa bzhi dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / ting nge 'dzin rnams dang / gzungs kyi sgo rnams la bkod cing yang dag par 'dzin du bcug /de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad la bkod cing yang dag par 'dzin du bcug /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la bkod cing yang dag par 'dzin du bcug pa'i phyir te/ kau shi ka byang chub sems dpa' sems dpa' chen po byang chub sems dpa'i spyad pa spyod pa na/ tshe 'di'i yon tan de lta bu dag kyang 'byung bar 'gyur la/ tshe phyi ma la yang bla na med pa yang dag par rdzogs pa'i byang chub mngon par rdzogs par 'tshang rgya zhing / chos kyi 'khor lo bskor te/ sems can rnams smon lam ji lta ba bzhin du bkod cing / 'u phung po lhag ma</font><hr>34.289a<br><font size=+1>

med pa'i mya ngan las 'das pa'i dbyings su yongs su mya ngan las 'da' bar byed par 'gyur te/ kau shi ka de dag ni byang chub sems dpa' sems dpa' chen po'i tshe phyi ma la 'byung bar 'gyur ba'i yon tan dang / phan yon yin no/ kau shi ka gzhan yang / sa phyogs gang du rigs kyi bu 'am/ rigs kyi bu mo gang dag shes rab kyi pha rol du phyin pa 'di 'dzin tam/ 'chang ngam/ klog gam/ kun chub par byed dam/ tshul bzhin du yid la byed pa'i sa phyogs der ni bdud dam/ bdud kyi ris kyi lha rnams sam/ gzhan mu stegs can kun du rgyu rnams sam/ gang zag lhag pa'i nga rgyal can rnams kyis kyang shes rab kyi pha rol du phyin pa 'di la brgal ba dang brtsad pa dang / 'gal bar bya ba dang / gzhig par bya ba'i phyir sems rnam par dkrug par mi nus la/ de'i steng du de dag la yon tan dang / phan yon 'di lta bu dag kyang 'byung bar 'gyur te/ gang dag gis shes rab kyi pha rol du phyin pa 'di thos pa dag theg pa gsum po dag gis rim gyis nges par 'byung zhing sdug bsngal mthar byed par yang 'gyur ro/ /kau shi ka 'di lta ste dper na/ rtsi ma g+hi zhes bya ba dug thams cad rab tu zhi bar byed pa zhig yod de/ der srog chags skye ba po sbrul gdug pa bkres pas zin cing / kha zas tshol ba zhig gis srog chags kyi rigs 'ga' zhig mthong bar gyur nas/ des srog chags kyi rigs de bza' bar 'dod nas srog chags kyi rigs de'i phyi bzhin bsnyags pa dang / de nas srog chags kyi rigs de 'chi bas 'jigs shing skrag nas/ rtsi ma g+hi zhes bya ba ga la ba der bros pa dang / sbrul gdug pa des/ rtsi de'i dri tshor nas phyir ldog par byed do/ /de ci'i phyir zhe na/ 'di ltar rtsi de'i sman gyi yon tan gyis sbrul gdug pa de'i dug gang yin pa de zil gyis non pa'i phyir te/ kau shi ka rtsi ma g+hi zhes bya ba de ni de ltar mthu dang ldan pa yin no/ /kau shi</font><hr>34.289b<br><font size=+1>

ka de bzhin du rigs kyi bu 'am rigs kyi bu mo gang la la dag shes rab kyi pha rol du phyin pa 'di 'dzin tam/ 'chang ngam/ klog gam/ kun chub par byed dam/ tshul bzhin du yid la byed na/ kau shi ka der 'thab pa dang / rtsod pa dang / 'gal bar byed pa dag 'byung bar gyur kyang shes rab kyi pha rol du phyin pa'i gzi brjid dang / shes rab kyi pha rol du phyin pa'i mthus de dag myur du nye bar zhi bar 'gyur zhing med par gyur te/ gang dang gang nas byung ba de dang de nyid du med par 'gyur te/ rnam par 'phel bar mi 'gyur ro/ /de ci'i phyir zhe na/ kau shi ka 'di ltar shes rab kyi pha rol du phyin pa ni/ sdig pa mi dge ba'i chos thams cad nye bar zhi bar byed cing / rnam par 'phel bar mi byed pa'i phyir ro/ /sdig pa mi dge ba'i chos gang dag nye bar zhi bar byed cing / rnam par 'phel bar mi byed ce na / 'di lta ste/ 'dod chags dang / zhe sdang dang / gti mug dang / ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dang / sdug bsngal gyi phung po chen po 'ba' zhig po 'di nye bar zhi bar byed cing rnam par 'phel bar mi byed pa yin no/ /sgrib pa dang / bar du gcod pa dang / rjes su chags pa dang / bag la nyal dang / kun nas dkris pa dang / bdag tu lta ba dang / sems can du lta ba dang / srog tu lta ba dang / gang zag tu lta ba dang / shes pa po dang / mthong ba po'i bar du lta ba dang / rtag par lta ba dang / chad par lta ba dang / yod par lta ba dang / med par lta ba dang / lta bar gyur pa thams cad kyi bar dag dang / ser sna dang / 'chal ba'i tshul khrims dang / gnod sems dang / le lo dang / rnam par g.yeng ba dang / 'chal ba'i shes rab dang / rtag par 'du shes pa dang / bde bar 'du shes pa dang / bdag tu 'du shes pa dang / sdug par 'du shes pa dang / sred pa la spyod pa</font><hr>34.290a<br><font size=+1>

rnams dang / gzugs su 'dzin pa dang / tshor ba dang / 'du shes dang / 'du byed rnams dang / rnam par shes par 'dzin pa dang / sbyin pa'i pha rol du phyin par 'dzin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin par 'dzin pa dang / nang stong pa nyid du 'dzin pa dang / dngos po med pa'i ngo bo nyid stong pa nyid kyi bar du 'dzin pa dang / dran pa nye bar gzhag par 'dzin pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres par 'dzin pa dang / thams cad shes pa nyid dang / lam gyi rnam pa shes pa nyid du 'dzin pa dang / rnam pa thams cad mkhyen pa nyid du 'dzin pa dang / mya ngan las 'das pa nyid du 'dzin pa dag nye bar zhi bar byed cing rnam par 'phel bar mi byed pa yin no/ /kau shi ka rigs kyi bu 'am rigs kyi bu mo gang dag shes rab kyi pha rol du phyin pa 'di 'dzin tam/ 'chang ngam/ klog gam/ kun chub par byed dam/ tshul bzhin du yid la byed pa de dag la stong gsum gyi stong chen po'i 'jig rten gyi khams 'di na rgyal po chen po rnams dang / 'jig rten skyong ba rnams dang / lha rnams dang / lha'i dbang po brgya byin rnams dang / tshangs pa rnams dang / mi mjed kyi bdag po tshangs pa rnams dang / 'og min gyi bar gyi lha'i bu gang dag 'khod pa de dag kyang rtag tu rgyun mi 'chad par bsrung ba dang / bskyab pa dang / sba bar byed par 'gyur ro/ /rigs kyi bu 'am rigs kyi bu mo gang dag shes rab kyi pha rol du phyin pa 'di 'dzin tam/ 'chang ngam/ klog gam/ kun chub par byed dam/ tshul bzhin du yid la byed pa de dag la phyogs bcu'i 'jig rten gyi khams na sangs rgyas bcom ldan 'das gang dag bzhugs te/ 'tsho zhing gzhes pa de dag kyang rtag tu rgyun mi 'chad par bsrung ba dang / bskyab pa dang / sba bar mdzad par 'gyur ro/ /'di ltar de dag gi mi dge ba'i chos rnams ni</font><hr>34.290b<br><font size=+1>

yongs su 'bri bar 'gyur/ dge ba'i chos rnams ni rnam par 'phel par 'gyur te/ 'di lta ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mi dmigs pa'i tshul gyis rnam par 'phel bar 'gyur zhing / yongs su nyams par mi 'gyur ro/ /nang stong pa nyid mi dmigs pa'i tshul gyis rnam par 'phel bar 'gyur zhing / yongs su nyams par mi 'gyur ro/ /dngos po med pa'i ngo bo nyid stong pa nyid kyi bar dag mi dmigs pa'i tshul gyis rnam par 'phel bar 'gyur zhing / yongs su nyams par mi 'gyur ro/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams mi dmigs pa'i tshul gyis rnam par 'phel bar 'gyur zhing yongs su nyams par mi 'gyur ro/ /stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad mi dmigs pa'i tshul gyis rnam par 'phel bar 'gyur zhing / yongs su nyams par mi 'gyur ro/ /ting nge 'dzin thams cad dang / gzungs kyi sgo thams cad mi dmigs pa'i tshul gyis rnam par 'phel bar 'gyur zhing yongs su nyams par mi 'gyur ro/ /rnam pa thams cad mkhyen pa nyid kyi bar du mi dmigs pa'i tshul gyis rnam par 'phel bar 'gyur zhing yongs su nyams par mi 'gyur ro/ /de'i tshig btsun par 'gyur/ tshig ran par 'gyur zhing / tshig 'chal bar mi 'gyur ro/ /khro bas zil gyis non par mi 'gyur/ nga rgyal gyis zil gyis non par mi 'gyur/ ser snas zil gyis non par mi 'gyur zhing / phrag dog can du mi 'gyur ro/ /de bdag kyang srog gcod pa spong bar byed la/ gzhan dag kyang srog gcod pa spong ba yang dag par 'dzin du 'jug cing srog gcod pa spong ba'i bsngags pa yang brjod la/ </font><hr>34.291a<br><font size=+1>

gzhan gang dag srog gcod pa spong ba de dag gi bsngags pa yang rjod cing rjes su dga' bar 'gyur ro/ /bdag kyang ma byin par len pa spong bar byed la/ gzhan dag kyang ma byin par len pa spong ba yang dag par 'dzin du 'jug cing / ma byin par len pa spong ba'i bsngags pa yang rjod la/ gzhan gang dag ma byin par len pa spong ba de dag gi bsngags pa yang rjod cing / rjes su dga' bar 'gyur ro/ /bdag kyang 'dod pa la log par g.yem pa spong bar byed la/ gzhan dag kyang 'dod pa la log par g.yem pa spong ba yang dag par 'dzin du 'jug cing / 'dod pa la log par g.yem pa spong ba'i bsngags pa yang brjod la/ gzhan gang dag 'dod pa la log par g.yem pa spong ba de dag gi bsngags pa yang rjod cing rjes su dga' bar 'gyur ro/ /bdag kyang rdzun du smra ba spong bar byed la/ gzhan dag kyang rdzun du smra ba spong ba yang dag par 'dzin du 'jug cing / brdzun du smra ba spong ba'i bsngags pa yang rjod la/ gzhan gang dag brdzun du smra ba spong ba de dag gi bsngags pa yang rjod cing rjes su dga' bar 'gyur ro/ /de bzhin du bdag kyang phra ma dang / tshig rtsub po dang / tshig kyal pa smra ba spong bar byed la/ gzhan dag kyang tshig kyal ba smra ba spong ba yang dag par 'dzin du 'jug cing / tshig kyal pa smra ba spong ba'i bsngags pa yang rjod la/ gzhan gang dag tshig kyal pa smra ba spong ba de dag gi bsngags pa yang rjod cing rjes su dga' bar 'gyur ro/ /bdag kyang brnab sems dang / gnod sems dang / log par lta ba spong bar byed la/ gzhan dag kyang log par lta ba spong ba yang dag par 'dzin du 'jug cing log par lta ba spong ba'i bsngags pa yang rjod la/ gzhan gang dag log par lta ba spong bar byed pa de dag gi bsngags pa yang rjod cing rjes su dga' bar 'gyur ro/ /bdag kyang sbyin pa'i pha rol du phyin pa la gnas par byed la/ gzhan dag kyang sbyin pa'i pha rol du phyin pa yang dag par 'dzin du 'jug cing / sbyin pa'i pha rol du phyin pa'i bsngags pa yang rjod la/ gzhan gang dag sbyin pa'i</font><hr>34.291b<br><font size=+1>

pha rol du phyin pa la spyod pa de dag gi bsngags pa yang rjod cing / rjes su dga' bar 'gyur ro/ /de bzhin du bdag kyang tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas par byed la/ gzhan dag kyang shes rab kyi pha rol du phyin pa yang dag par 'dzin du 'jug cing / shes rab kyi pha rol du phyin pa'i bsngags pa yang rjod la/ gzhan gang dag shes rab kyi pha rol du phyin pa la spyod pa de dag gi bsngags pa yang rjod cing / rjes su dga' bar 'gyur ro/ /bdag kyang nang stong pa nyid sgom par byed la/ gzhan dag kyang nang stong pa nyid yang dag par 'dzin du 'jug cing / nang stong pa nyid kyi bsngags pa yang rjod la/ gzhan gang dag nang stong pa nyid sgom pa de dag gi bsngags pa yang rjod cing rjes su dga' bar 'gyur ro/ /de bzhin du bdag kyang dngos po med pa'i ngo bo nyid stong pa nyid kyi bar dag bsgom par byed la/ gzhan dag kyang dngos po med pa'i ngo bo nyid stong pa nyid kyi bar dag yang dag par 'dzin du 'jug cing / dngos po med pa'i ngo bo nyid stong pa nyid kyi bar dag gi bsngags pa yang rjod la/ gzhan gang dag dngos po med pa'i ngo bo nyid stong pa nyid kyi bar dag sgom pa de dag gi bsngags pa yang rjod cing rjes su dga' bar 'gyur ro/ /bdag kyang ting nge 'dzin thams cad la snyoms par 'jug par byed la/ gzhan dag kyang ting nge 'dzin thams cad la snyoms par 'jug pa yang dag par 'dzin du 'jug cing / ting nge 'dzin thams cad la snyoms par 'jug pa'i bsngags pa yang rjod la/ gzhan gang dag ting nge 'dzin thams cad la snyoms par 'jug pa de dag gi bsngags pa yang rjod cing rjes su dga' bar 'gyur ro/ /bdag kyang gzungs thob par byed la/ gzhan dag kyang gzungs thob pa yang dag par 'dzin du 'jug cing / gzungs thob pa'i bsngags pa yang rjod la/ gzhan gang dag gzungs thob pa de dag gi bsngags pa yang rjod cing rjes su dga' bar 'gyur ro/ /bdag kyang bsam</font><hr>34.292a<br><font size=+1>

gtan dang po la snyoms par 'jug la/ gzhan dag kyang bsam gtan dang po la snyoms par 'jug pa yang dag par 'dzin du 'jug cing / bsam gtan dang po la snyoms par 'jug pa la gnas pa'i bsngags pa yang rjod la/ gzhan gang dag bsam gtan dang po la snyoms par 'jug pa de dag gi bsngags pa yang rjod cing rjes su dga' bar 'gyur ro/ /bdag kyang bsam gtan gnyis pa dang / bsam gtan gsum pa dang / bsam gtan bzhi pa la snyoms par 'jug par byed la/ gzhan dag kyang bsam gtan bzhi pa la snyoms par 'jug pa yang dag par 'dzin du 'jug cing / bsam gtan bzhi pa'i bsngags pa yang rjod la/ gzhan gang dag bsam gtan bzhi pa la snyoms par 'jug pa de dag gi bsngags pa yang rjod cing rjes su dga' bar 'gyur ro/ /bdag kyang byams pa la snyoms par 'jug par byed la/ gzhan dag kyang byams pa la snyoms par 'jug pa yang dag par 'dzin du 'jug cing / byams pa'i ting nge 'dzin gyi bsngags pa yang rjod la/ gzhan gang dag byams pa la snyoms par 'jug pa de dag gi bsngags pa yang rjod cing rjes su dga' bar 'gyur ro/ /bdag kyang snying rje dang / dga' ba dang / btang snyoms la snyoms par 'jug par byed la/ gzhan dag kyang snying rje dang / dga' ba dang / btang snyoms la snyoms par 'jug pa yang dag par 'dzin du 'jug cing / btang snyoms kyi ting nge 'dzin gyi bsngags pa yang rjod la/ gzhan gang dag btang snyoms la snyoms par 'jug pa de dag gi bsngags pa yang rjod cing rjes su dga' bar 'gyur ro/ /bdag kyang nam mkha' mtha' yas skye mched la snyoms par 'jug par byed/ rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched kyi snyoms par 'jug pa yang dag par 'dzin du 'jug cing / 'du shes med 'du shes med min skye mched kyi snyoms par 'jug pa'i bsngags pa yang rjod la/ gzhan gang dag 'du shes med 'du shes med min skye mched kyi snyoms par 'jug pa la snyoms par 'jug pa de dag gi</font><hr>34.292b<br><font size=+1>

bsngags pa yang rjod cing rjes su dga' bar 'gyur ro/ /bdag kyang dran pa nye bar gzhag pa bzhi sgom par byed la/ gzhan dag kyang dran pa nye bar gzhag pa bzhi sgom pa yang dag par 'dzin du 'jug /dran pa nye bar gzhag pa rnams sgom pa'i bsngags pa yang rjod la/ gzhan gang dag dran pa nye bar gzhag pa rnams sgom pa de dag gi bsngags pa yang rjod cing rjes su dga' bar 'gyur ro/ /de bzhin du bdag kyang yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa sgom par byed la/ gzhan dag kyang 'phags pa'i lam yan lag brgyad pa sgom pa yang dag par 'dzin du 'jug cing / 'phags pa'i lam yan lag brgyad pa sgom pa'i bsngags pa yang rjod la/ gzhan gang dag 'phags pa'i lam yan lag brgyad pa sgom pa de dag gi bsngags pa yang rjod cing rjes su dga' bar 'gyur ro/ /bdag kyang stong pa nyid dang / mtshan ma med pa dang / smon pa med pa'i ting nge 'dzin sgom par byed la/ gzhan dag kyang stong pa nyid dang / mtshan ma med pa dang / smon pa med pa'i ting nge 'dzin sgom pa yang dag par 'dzin du 'jug cing / stong pa nyid dang / mtshan ma med pa dang / smon pa med pa'i ting nge 'dzin sgom pa'i bsngags pa yang rjod la/ gzhan gang dag stong pa nyid dang / mtshan ma med pa dang / smon pa med pa'i ting nge 'dzin sgom pa de dag gi bsngags pa yang rjod cing rjes su dga' bar 'gyur ro/ /bdag kyang rnam par thar pa brgyad la snyoms par 'jug par byed la/ gzhan dag kyang rnam par thar pa brgyad la snyoms par 'jug pa yang dag par 'dzin du 'jug cing / rnam par thar pa brgyad kyi bsngags pa yang rjod la/ gzhan gang dag rnam par thar pa brgyad la snyoms par 'jug pa de dag gi bsngags pa yang rjod cing rjes su dga' bar 'gyur ro/ /bdag kyang mthar gyis gnas pa'i snyoms par 'jug pa dgu la snyoms par 'jug par byed/ bdag kyang de bzhin gshegs pa'i stobs bcu la snyoms par 'jug par byed/ </font><hr>34.293a<br><font size=+1>

mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / bsnyel ba mi mnga' ba'i chos nyid la snyoms par 'jug par byed/ bdag kyang rnam pa thams cad mkhyen pa nyid thob par byed la/ gzhan dag kyang rnam pa thams cad mkhyen pa nyid thob pa yang dag par 'dzin du 'jug cing / rnam pa thams cad mkhyen pa nyid thob pa'i bsngags pa yang brjod la/ gzhan gang dag rnam pa thams cad mkhyen pa nyid thob par byed pa de dag gi bsngags pa yang rjod cing rjes su dga' bar 'gyur ro/ /kau shi ka gzhan yang byang chub sems dpa' sems dpa' chen po pha rol du phyin pa drug la spyod pa ni/ sbyin pa gang sbyin pa de thams cad sems can thams cad dang thun mong du byas shing mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo bar byed do/ /de bzhin du tshul khrims gang bsrung ba dang / bzod pa gang sgom pa dang / brtson 'grus gang rtsom pa dang / bsam gtan gang la snyoms par 'jug pa dang / shes rab gang sgom pa de dag thams cad sems can thams cad dang thun mong du byas shing / mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo bar byed do/ /de ltar pha rol du phyin pa drug la spyod pa'i rigs kyi bu 'am rigs kyi bu mo dag ni dran pa 'di lta bu skye bar 'gyur te/ gal te bdag gis sbyin pa ma btang na/ dbul po'i rigs rnams su skye bar 'gyur te/ bdag sems can yongs su smin par byed par yang mi 'gyur/ sangs rgyas kyi zhing yongs su dag par byed par yang mi 'gyur/ rnam pa thams cad mkhyen pa nyid thob par yang mi 'gyur ro snyam du sems so/ /de 'di snyam du gal te bdag gis tshul khrims ma bsrungs na bdag ngan song gsum gyi sgo 'byed par 'gyur zhing / lha dang mir skye bar mi 'gyur te/ bdag sems can yongs su smin par byed pa dang / sangs rgyas kyi zhing yongs su dag par byed par</font><hr>34.293b<br><font size=+1>

yang mi 'gyur na/ rnam pa thams cad mkhyen pa nyid thob par lta ga la 'gyur snyam du sems so/ /de 'di snyam du gal te bdag gis bzod pa ma bsgoms na/ bdag gi dbang po rnams nyams par 'gyur zhing / bdag gi bzhin gyi dkyil 'khor mog mog por 'gyur te/ bdag gzugs phun sum tshogs pa gang gis byang chub sems dpa'i spyad pa spyod pa mthong ma thag tu sems can rnams bla na med pa yang dag par rdzogs pa'i byang chub tu nges par 'gyur ba'i gzugs phun sum tshogs pa yang thob par mi 'gyur/ gzugs phun sum tshogs pa ma thob par sems can rnams yongs su smin par byed par yang mi 'gyur/ sangs rgyas kyi zhing yongs su dag par byed par yang mi 'gyur na/ rnam pa thams cad mkhyen pa nyid thob par lta ga la 'gyur snyam du sems so/ /de 'di snyam du gal te/ bdag le lo can du gyur te/ brtson 'grus ma brtsams na/ byang chub sems dpa'i lam 'di la yang sgom par mi 'gyur na/ sangs rgyas kyi chos rnams yongs su rdzogs par byed par lta ji ltar 'gyur te/ rnam pa thams cad mkhyen pa nyid thob par lta ga la 'gyur snyam du sems so/ /de 'di snyam du bdag sems rnam par g.yengs par gyur na/ ting nge 'dzin thams cad yongs su bsgrubs pa'i phyir/ slob par yang mi 'gyur la/ sems can rnams yongs su smin par byed par yang mi 'gyur/ sangs rgyas kyi zhing yongs su dag par byed par yang mi 'gyur na/ rnam pa thams cad mkhyen pa nyid thob par lta ga la 'gyur snyam du sems so/ /de 'di snyam du gal te bdag 'chal ba'i shes rab can du gyur na/ shes rab dang / thabs la mkhas pa 'di la yang slob par mi 'gyur zhing / nyan thos dang / rang sangs rgyas kyi sa las shin du 'das nas/ sems can rnams yongs su smin par byed par yang mi 'gyur/ sangs rgyas kyi zhing yongs su dag par byed par yang mi 'gyur na/ rnam pa thams cad mkhyen pa nyid mngon par rdzogs par 'tshang rgya bar lta ga la 'gyur</font><hr>34.294a<br><font size=+1>

snyam du sems shing / de 'di ltar yang dag par slob ste/ gang bdag gis ser sna'i dbang gis sbyin pa'i pha rol du phyin pa yongs su rdzogs par mi bya ba dang / 'chal ba'i tshul khrims kyi dbang gis tshul khrims kyi pha rol du phyin pa dang / gnod sems kyi dbang gis bzod pa'i pha rol du phyin pa dang / le lo'i dbang gis brtson 'grus kyi pha rol du phyin pa dang / rnam par g.yengs pa'i dbang gis bsam gtan gyi pha rol du phyin pa dang / 'chal ba'i shes rab kyi dbang gis shes rab kyi pha rol du phyin pa yongs su rdzogs par mi bya ba de ni bdag la rigs pa ma yin te/ sbyin pa'i pha rol du phyin pa yongs su ma rdzogs pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su ma rdzogs par ni/ rnam pa thams cad mkhyen pa nyid du nges par 'byung bar yang mi 'gyur ro snyam du sems so/ /kau shi ka de ltar rigs kyi bu 'am rigs kyi bu mo gang dag shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing / rnam pa thams cad mkhyen pa nyid kyi sems dang ma bral ba de dag gis ni tshe 'di dang / tshe phyi ma'i yon tan dang / phan yon de lta bu dag 'thob par 'gyur ro/ /de skad ces bka' stsal pa dang / bcom ldan 'das la/ lha'i dbang po brgya byin gyis 'di skad ces gsol to/ /bcom ldan 'das ci tsam du shes rab kyi pha rol du phyin pa 'di byang chub sems dpa' sems dpa' chen po rnams yongs su 'dul ba dang / khengs pa ma mchis par bgyi ba'i don du nye bar gnas pa ni ngo mtshar lags so/ /bcom ldan 'das kyis bka' stsal pa/ kau shi ka ji ltar na/ shes rab kyi pha rol du phyin pa 'di byang chub sems dpa' sems dpa' chen po rnams yongs su 'dul ba dang / khengs pa med par bya ba'i</font><hr>34.294b<br><font size=+1>

phyir nye bar gnas pa yin/ de skad ces bka' stsal pa dang / bcom ldan 'das la/ lha'i dbang po brgya byin gyis 'di skad ces gsol to/ /bcom ldan 'das 'di la byang chub sems dpa' sems dpa' chen po 'jig rten pa'i sbyin pa'i pha rol du phyin pa la spyod cing / sangs rgyas bcom ldan 'das rnams dang / byang chub sems dpa' rnams dang / rang sangs rgyas rnams dang / nyan thos rnams la sbyin pa gtong bar bgyid pa'i tshe/ thabs la mi mkhas pas de 'di snyam du/ bdag ni sangs rgyas bcom ldan 'das rnams dang / byang chub sems dpa' rnams dang / rang sangs rgyas rnams dang / nyan thos rnams dang / bkren pa dang / sdug phongs pa dang / 'dron po dang / slongs mo pa rnams la sbyin pa gtong bar bgyid pa'o snyam du sems na de sbyin pa des khangs par 'gyur lags so/ /byang chub sems dpa' de 'jig rten pa'i tshul khrims bsrung ba ni thabs la mi mkhas pas/ de 'di snyam du bdag ni tshul khrims kyi pha rol du phyin pa la spyod pa'o/ /bdag ni tshul khrims kyi pha rol du phyin pa yongs su rdzogs par 'gyur ro snyam du sems na de tshul khrims des khengs par 'gyur lags so/ /de bzhin du thabs la mi mkhas pas bdag ni bzod pa'i pha rol du phyin pa la spyod pa'o/ /bdag ni brtson 'grus kyi pha rol du phyin pa la spyod pa'o/ /bdag ni bsam gtan gyi pha rol du phyin pa la spyod pa'o/ /bdag ni shes rab kyi pha rol du phyin pa la spyod pa'o snyam du sems na/ de 'jig rten pa'i shes rab kyi pha rol du phyin pa des khengs par 'gyur lags so/ /de 'jig rten pa'i dran pa nye bar gzhag pa rnams sgom pa na/ thabs la mi mkhas pas bdag ni dran pa nye bar gzhag pa rnams sgom pa'o/ /bdag ni yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa bsgom pa'o/ /bdag ni stong pa nyid dang / mtshan</font><hr>34.295a<br><font size=+1>

ma med pa dang / smon pa med pa'i ting nge 'dzin sgom pa'o/ /bdag ni ting nge 'dzin thams cad dang / gzungs kyi sgo thams cad sgom pa'o/ /bdag ni stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad sgom pa'o/ /bdag ni sems can rnams yongs su smin par byed do/ /bdag ni sangs rgyas kyi zhing yongs su dag par byed do/ /bdag gis ni rnam pa thams cad mkhyen pa nyid thob par 'gyur ro snyam du sems na/ de ngar 'dzin pa dang / nga yir 'dzin pa la mngon par zhen pa des khengs par 'gyur lags te/ bcom ldan 'das de ltar na byang chub sems dpa' sems dpa' chen po 'jig rten pa'i chos rnams la spyod pa ni ngar 'dzin pa dang / nga yir 'dzin pa la mngon par zhen pa lags pas/ de dag la ni shes rab kyi pha rol du phyin pa 'di yongs su 'dul ba dang / khengs pa ma mchis par bgyi ba'i slad du nye bar gnas pa ma lags so/ /bcom ldan 'das 'di la byang chub sems dpa' sems dpa' chen po 'jig rten las 'das pa'i chos rnams la spyod pa ni sbyin pa gtong ba na sbyin pa po yang mi dmigs/ sbyin par bgyi ba yang mi dmigs/ len pa po yang mi dmigs lags te/ de ltar na shes rab kyi pha rol du phyin pa ni/ byang chub sems dpa' sems dpa' chen po yongs su 'dul ba dang / khengs pa ma mchis par bgyi ba'i slad du nye bar gnas pa lags so/ /de bzhin du tshul khrims bsrung ba dang / bzod pa sgom pa dang / brtson 'grus rtsom pa dang / bsam gtan sgom pa dang / shes rab kyi pha rol du phyin pa sgom pa na/ shes rab kyang mi dmigs/ shes rab dang ldan pa yang mi dmigs/ chos rnams kyang mi dmigs lags so/ /de bzhin du dran pa nye bar bzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams</font><hr>34.295b<br><font size=+1>

dang / 'phags pa'i lam yan lag brgyad pa yang mi dmigs/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad sgom pa yang mi dmigs/ de bzhin du byams pa chen po dang / snying rje chen po sgom pa yang mi dmigs/ rnam pa thams cad mkhyen pa nyid kyi bar du sgom pa yang mi dmigs lags pas/ bcom ldan 'das de ltar na shes rab kyi pha rol du phyin pa ni byang chub sems dpa' sems dpa' chen po yongs su 'dul ba dang / khengs pa ma mchis par bgyi ba'i slad du nye bar gnas pa lags so/ /shes rab kyi pha rol du phyin pa khri brgyad stong pa las yongs su bzung ba'i le'u zhes bya ste/ nyi shu rtsa drug pa'o// // de nas bcom ldan 'das kyis/ lha'i dbang po brgya byin la 'di skad ces bka' stsal to/ /kau shi ka rigs kyi bu 'am rigs kyi bu mo shes rab kyi pha rol du phyin pa zab mo 'di 'dzin tam/ 'chang ngam/ klog gam/ kha ton du byed dam/ ston par byed dam/ 'don tam/ 'thun par byed dam/ tshul bzhin du yid la byed pa gang la la zhig g.yul ngo'i gdong la song ste/ g.yul 'gyed pa'i nang du zhugs sam 'jug gam/ 'gro 'am/ 'dug gam/ 'greng bar gyur kyang rung / kau shi ka rigs kyi bu 'am rigs kyi bu mo gang shes rab kyi pha rol du phyin pa zab mo 'di 'dzin tam/ 'chang ba 'am/ klog pa 'am/ kha ton du byed pa 'am/ ston par byed pa 'am/ 'don pa 'am/ 'thun par byed pa 'am/ tshul bzhin du yid la byed pa de la mda' 'am/ dbyig pa 'am/ shing ngam/ bong ba 'am/ mtshon cha gang gis 'phangs par gyur kyang / de'i lus la mtshon cha de dag gis phog par 'gyur ba ni gnas med cing skabs med la/ pha rol gyi gnod pas srog gi bar chad du 'gyur ba de'i gnas med do/ /de ci'i phyir zhe na/ kau shi ka 'di ltar rigs kyi bu 'am rigs kyi bu mo des yun ring po nas shes rab kyi pha rol du phyin pa la spyad cing / rang</font><hr>34.296a<br><font size=+1>

gi 'dod chags kyi mda' rnams dang / 'dod chags kyi mtshon rnams kyang nges par bcom/ gzhan dag gi 'dod chags kyi mda' rnams dang / 'dod chags kyi mtshon rnams kyang nges par bcom/ rang gi zhe sdang gi mda' rnams dang / gti mug gi mda' rnams dang / zhe sdang gi mtshon rnams dang / gti mug gi mtshon rnams kyang nges par bcom/ gzhan dag gi zhe sdang gi mda' rnams dang / gti mug gi mda' rnams dang / zhe sdang gi mtshon rnams dang / gti mug gi mtshon rnams kyang nges par bcom/ rang gi lta bar gyur pa'i mda' rnams dang / lta bar gyur pa'i mtshon rnams kyang nges par bcom/ gzhan dag gi lta bar gyur pa'i mda' rnams dang / lta bar gyur pa'i mtshon rnams kyang nges par bcom/ rang gi kun nas ldang ba'i mda' rnams dang / kun nas ldang ba'i mtshon rnams kyang nges par bcom/ gzhan dag gi kun nas ldang ba'i mda' rnams dang / kun nas ldang ba'i mtshon rnams kyang nges par bcom/ rang gi bag la nyal gyi mda' rnams dang / bag la nyal gyi mtshon rnams kyang nges par bcom/ gzhan dag gi bag la nyal gyi mda' rnams dang / bag la nyal gyi mtshon rnams kyang nges par bcom pa'i phyir te/ kau shi ka rnam grangs des na/ rigs kyi bu 'am rigs kyi bu mo de'i lus la mda' 'am/ mtshon gyis 'phangs kyang phog par mi 'gyur ro/ /kau shi ka gzhan yang rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing rnam pa thams cad mkhyen pa nyid kyi sems dang mi 'bral ba de la/ gal te la la zhig gis sman ma yin pas gtor tam/ byad byas sam/ me'i 'obs nye bar bsgrubs sam/ mtshon gyis btab bam/ dug blud dam/ chus gtor bar gyur na yang de dag thams cad kyis de la mi tshugs so/ /de ci'i phyir zhe na/ kau shi ka 'di lta ste/ shes rab kyi pha rol du phyin pa 'di ni rig sngags chen mo</font><hr>34.296b<br><font size=+1>

yin la/ kau shi ka 'di lta ste/ shes rab kyi pha rol du phyin pa 'di ni rig sngags bla na med pa yin zhing / kau shi ka 'di lta ste shes rab kyi pha rol du phyin pa 'di ni rig sngags mi mnyam pa dang mnyam pa yin te/ kau shi ka de la slob pa'i rigs kyi bu 'am rigs kyi bu mo dag ni bdag la yang gnod pa bya bar mi sems/ gzhan la yang gnod pa bya bar mi sems/ gnyi ga la yang gnod pa bya bar mi sems pa'i phyir ro/ /de ci'i phyir zhe na/ 'di ltar des bdag kyang mi dmigs/ gzhan yang mi dmigs/ gnyi ga yang mi dmigs/ gzugs kyang mi dmigs/ tshor ba dang / 'du shes dang / 'du byed rnams dang / rnam par shes pa yang mi dmigs/ khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar dag kyang mi dmigs pa'i phyir ro/ /mi dmigs pas na bdag la gnod pa bya bar yang mi sems/ gzhan la gnod pa bya bar yang mi sems/ gnyi ga la gnod pa bya bar yang mi sems la/ bla na med pa yang dag par rdzogs pa'i byang chub kyang 'thob cing / sems can thams cad la lta bar yang 'gyur ro/ /de ci'i phyir zhe na/ 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang rig sngags 'di la bslabs nas/ bla na med pa yang dag par rdzogs pa'i byang chub mngon par rdzogs par sangs rgyas la/ gang dag ma 'ongs pa'i dus na 'byung bar 'gyur ba'i de bzhin gshegs pa dgra bcom pa yang dag par rdzogs pa'i sangs rgyas de dag kyang shes rab kyi pha rol du phyin pa 'di la bslabs te/ bla na med pa yang dag par rdzogs pa'i byang chub mngon par rdzogs par 'tshang rgya</font><hr>34.297a<br><font size=+1>

bar 'gyur zhing / gang dag da ltar phyogs bcu'i 'jig rten gyi khams dag tu byung ba'i de bzhin gshegs pa dgra bcom pa yang dag par rdzogs pa'i sangs rgyas de dag kyang shes rab kyi pha rol du phyin pa 'di la bslabs nas/ bla na med pa yang dag par rdzogs pa'i byang chub mngon par rdzogs par sangs rgyas pa'i phyir ro/ /kau shi ka gzhan yang gang du shes rab kyi pha rol du phyin pa 'di yi ger bris te 'chang na/ ma bzung / ma blags/ kha ton du ma byas/ kun chub par ma byas/ tshul bzhin du yid la ma byas kyang rung ste/ der mi dang mi ma yin pa glags lta ba rnams kyis glags rnyed par mi 'gyur ro/ /de ci'i phyir zhe na/ 'di ltar shes rab kyi pha rol du phyin pa 'di la mchod pa bya ba'i phyir stong gsum gyi stong chen po'i 'jig rten gyi khams 'di na rgyal chen bzhi'i ris kyi lha'i bu dang / sum bcu rtsa gsum pa dang / 'og min gyi ris kyi bar gyi lha'i bu gang dag 'khod pa dang / 'jig rten gyi khams grangs med dpag tu med pa dag na/ rgyal chen bzhi'i ris kyi lha'i bu dang / sum bcu rtsa gsum pa dang / 'og min gyi ris kyi bar gyi lha'i bu gang dag 'khod pa de dag thams cad rigs kyi bu 'am rigs kyi bu mo de dag la rtag par rgyun du srung ba dang / skyob pa dang / sbed par byed cing gang du shes rab kyi pha rol du phyin pa 'di yi ger bris nas 'chang ba der lha'i bu de dag 'ongs nas shes rab kyi pha rol du phyin pa 'di la sti stang du byed/ bla mar byed/ rjed par byed/ mchod par byed de/ mchod pa byas nas kyang phyir 'gro bar 'gyur ba'i phyir ro/ /kau shi ka gang la las shes rab kyi pha rol du phyin pa 'di yi ger bris shing 'chang na yang / de la tshe 'di'i yon tan dang / phan yon de lta bu de dag 'byung bar 'gyur na/ gang gis shes rab kyi pha rol du phyin pa 'di yi ger bris nas/ 'dzin pa dang / 'chang ba dang / klog pa dang / kha ton du byed pa dang / kun chub par byed pa dang / tshul bzhin du yid la byed pa dag lta la smos kyang ci dgos/ kau shi ka 'di lta ste dper na/ </font><hr>34.297b<br><font size=+1>

mir gyur pa 'am/ dud 'gro'i skye gnas su skyes pa'i srog chags gang la la zhig /byang chub kyi snying po 'am/ byang chub kyi snying po'i nyen 'khor tam/ byang chub kyi snying po'i nang du song na/ de la mi 'am/ mi ma yin pas rnam par rtse ba 'am/ mtho brtsam par mi nus so/ /de ci'i phyir zhe na/ sngon gyi de bzhin gshegs pa dgra bcom pa yang dag par rdzogs pa'i sangs rgyas de dag kyang der bzhugs nas bla na med pa yang dag par rdzogs pa'i byang chub mngon par rdzogs par sangs rgyas la/ da ltar byung ba dang / ma byon pa'i de bzhin gshegs pa dgra bcom pa yang dag par rdzogs pa'i sangs rgyas de dag kyang der bzhugs nas bla na med pa yang dag par rdzogs pa'i byang chub mngon par rdzogs par 'tshang rgya zhing / mngon par rdzogs par 'tshang rgya bar 'gyur te/ mngon par rdzogs par sangs rgyas nas kyang sems can thams cad 'jigs pa med pa dang / khon med pa dang / gnod pa med pa dang / gcugs med pa la bkod de 'jigs pa med pa dang / khon med pa dang / gnod pa med pa dang / gcugs med pa la bkod nas kyang sems can dpag tu med grangs med pa dag lha dang / mi'i phun sum tshogs pa dag la bkod cing / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la bkod pa'i phyir ro/ /de ci'i phyir zhe na/ kau shi ka shes rab kyi pha rol du phyin pa 'di nyid kyis sa phyogs de sems can thams cad kyi mchod rten du gyur par byas pas na me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis mchod par 'os pa dang / ri mo bya bar 'os pa dang / sti stang du bya bar 'os shing / phyag bya bar 'os pa yin pa'i phyir ro/ /de skad ces bka' stsal pa dang / bcom ldan 'das la/ lha'i dbang po brgya byin gyis 'di skad ces gsol</font><hr>34.298a<br><font size=+1>

to/ /bcom ldan 'das rigs kyi bu 'am rigs kyi bu mo gang la la zhig gis shes rab kyi pha rol du phyin pa 'di yi ger bris shing glegs bam du bgyis te/ bcangs la de la me tog dang / bdug pa dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis sti stang du bgyid/ bla mar bgyid/ ri mor bgyid/ mchod par bgyid pa dang / gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i sku gdung rnams mchod rten du stsal te/ stsal nas kyang yongs su 'dzin zhing 'chang la/ de la me tog dang / bdug pa dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis sti stang du bgyid/ bla mar bgyid/ ri mor bgyid/ mchod par bgyid na/ de las gang bsod nams ches mang du bskyed par 'gyur lags/ de skad ces gsol pa dang / bcom ldan 'das kyis/ lha'i dbang po brgya byin la 'di skad ces bka' stsal to/ /kau shi ka de'i phyir/ de khyod nyid la dris/ khyod kyis ji ltar bzod pa de ltar lan thob shig /kau shi ka 'di ji snyam du sems/ de bzhin gshegs pa dgra bcom pa yang dag par rdzogs pa'i sangs rgyas kyis rnam pa thams cad mkhyen pa nyid brnyes pa dang / de bzhin gshegs pas sku 'di lta bu mngon par grub pa de/ de bzhin gshegs pa dgra bcom pa yang dag par rdzogs pa'i sangs rgyas kyis lam gang la bslabs nas/ bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid brnyes shing / sku 'di lta bu mngon par grub pa yin snyam 'am/ de skad ces bka' stsal pa dang / bcom ldan 'das la/ lha'i dbang po brgya byin gyis 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis shes</font><hr>34.298b<br><font size=+1>

rab kyi pha rol du phyin pa 'di nyid la bslabs nas bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid brnyes shing sku 'di lta bu mngon par grub lags so/ /bcom ldan 'das kyis bka' stsal pa/ kau shi ka de de bzhin no/ /de de bzhin te/ de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi pha rol du phyin pa 'di nyid la bslabs nas bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid brnyes shing / sku 'di lta bu mngon par grub pa yin no/ /kau shi ka de lta bas na sku 'di lta bu brnyes pas de bzhin gshegs pa de bzhin gshegs pa zhes bya ba'i grangs su 'gro ba ma yin gyi/ rnam pa thams cad mkhyen pa nyid brnyes pas de bzhin gshegs pa de bzhin gshegs pa zhes bya ba'i grangs su 'gro ba yin te/ kau shi ka rnam pa thams cad mkhyen pa nyid gang yin pa de ni/ shes rab kyi pha rol du phyin pa las nges par byung ba yin la/ de bzhin du de bzhin gshegs pa'i sku lus 'di lta bu brnyes pa yang shes rab kyi pha rol du phyin pa las nges par byung ba yin pas/ de ni rnam pa thams cad mkhyen pa nyid kyi gzhir gyur pa yin no/ /gzhi de la brten nas/ rnam pa thams cad mkhyen pa nyid kyi ye shes yod par grags pa yin no/ /rnam pa thams cad mkhyen pa nyid kyi ye shes yod par grags pa de las sangs rgyas yod par grags pa yin/ chos yod par grags pa yin/ dge 'dun yod par grags pa yin no/ /de ltar na sku brnyes pa ni rnam pa thams cad mkhyen pa nyid kyi ye shes kyi gzhir gyur pa yin te/ gzhir gyur pa'i phyir sems can thams cad kyi mchod rten du gyur cing phyag bya bar 'os pa dang / ri mo bya bar 'os pa dang / mchod par bya bar 'os pa dang / bsti stang bya bar 'os pa dang / bla mar bya bar 'os pa dang / gsal bar 'os pa yin zhing / de yongs su mya ngan las 'das na yang sku gdung de dag la mchod par 'gyur ro/ /kau shi ka</font><hr>34.299a<br><font size=+1>

de lta bas na/ rigs kyi bu 'am rigs kyi bu mo gang la las shes rab kyi pha rol du phyin pa 'di yi ger bris te/ glegs bam du byas shing / gus par bcangs la/ me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag dang / mchod pa sna tshogs kyis bsti stang du byed pa dang / bla mar byed pa dang / ri mor byed pa dang / mchod par byed pa dang / rjed par byed pa dang / gsol bar byed pa nyid de bas bsod nams ches mang du bskyed do/ /de ci'i phyir zhe na/ kau shi ka 'di ltar rigs kyi bu 'am rigs kyi bu mo des rnam pa thams cad mkhyen pa nyid kyi ye shes la mchod pa byas par gyur pa'i phyir ro/ /rigs kyi bu 'am rigs kyi bu mo gang la las shes rab kyi pha rol du phyin pa 'di yi ger bris shing / glegs bam du byas te/ bsti stang du byed/ bla mar byed/ ri mor byed/ mchod par byed/ rjed par byed/ gsol bar byed na/ de nyid de bas bsod nams ches mang du bskyed do/ /de ci'i phyir zhe na/ des rnam pa thams cad mkhyen pa nyid kyi ye shes la mchod pa byas par 'gyur ba dang / pha rol du phyin pa lnga yang 'di las nges par byung ba dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyang 'di las nges par byung ba dang / ting nge 'dzin thams cad dang / gzungs kyi sgo thams cad kyang 'di las nges par byung ba dang / sems can yongs su smin par bya ba yang 'di las nges par byung ba dang / sangs rgyas kyi zhing yongs su dag pa yang 'di las nges par byung ba dang / byang chub sems dpa' sems dpa' chen po</font><hr>34.299b<br><font size=+1>

rnams kyi rigs phun sum tshogs pa dang / longs spyod phun sum tshogs pa dang / 'khor phun sum tshogs pa yang 'di las nges par byung ba dang / byams pa chen po dang / snying rje chen po yang 'di las nges par byung ba dang / rgyal rigs shing sa la chen po lta bu rnams dang / bram ze'i rigs shing sA la chen po lta bu rnams dang / khyim bdag gi rigs shing sA la chen po lta bu rnams kyang 'di las nges par byung ba dang / rgyal chen bzhi'i ris kyi lha'i bu rnams dang / 'og min gyi bar gyi lha'i bu rnams kyang 'di las nges par byung ba dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams kyang 'di las nges par byung ba dang / byang chub sems dpa' sems dpa' chen po rnams kyang 'di las nges par byung ba dang / de bzhin gshegs pa dgra bcom pa yang dag par rdzogs pa'i sangs rgyas rnams kyang 'di las nges par byung ba dang / rnam pa thams cad mkhyen pa nyid kyang 'di las nges par byung ba'i phyir ro/ /'phags pa shes rab kyi pha rol du phyin pa khri brgyad stong pa/ bam po nyi shu gnyis pa/ de nas bcom ldan 'das la/ lha'i dbang po brgya byin gyis 'di skad ces gsol to/ /bcom ldan 'das 'dzam bu'i gling gi mi gang dag shes rab kyi pha rol du phyin pa 'di la me tog dang / bdug pa dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis sti stang du mi bgyid/ bla mar mi bgyid/ ri mo mi bgyid/ mchod pa mi bgyid/ rjed par mi bgyid/ gsol bar mi bgyid pa de dag gis shes rab kyi pha rol du phyin pa la mchod pa bgyis na/ de ltar mthu che ba dang / shes rab kyi pha rol du phyin pa la mchod pa bgyis na/ de ltar phan yon che bar ma 'tshal lags sam/ de skad ces gsol pa dang / bcom ldan 'das kyis/ lha'i dbang po brgya byin la</font><hr>34.300a<br><font size=+1>

'di skad ces bka' stsal to/ /kau shi ka 'di ji snyam du sems/ 'dzam bu'i gling gi mi de dag las gang dag sangs rgyas la dad pa mi phyed pa dang ldan pa dang / gang dag chos dang / dge 'dun la dad pa mi phyed pa dang ldan pa dang / gang dag sangs rgyas la nem nur med pa dang / gang dag chos dang / dge 'dun la nem nur med pa dang / gang dag sangs rgyas la shin du rton pa dang / gang dag chos dang dge 'dun la shin du rton pa ji snyed cig yod snyam 'am/ de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to/ /bcom ldan 'das 'dzam bu'i gling gi mi de dag las gang dag sangs rgyas la dad pa mi phyed pa dang ldan pa dang / gang dag chos dang dge 'dun la dad pa mi phyed pa dang ldan pa dang / gang dag sangs rgyas la nem nur ma mchis pa dang / gang dag chos dang dge 'dun la ner nur ma mchis pa dang / gang dag sangs rgyas la shin du rton pa dang / gang dag chos dang / dag 'dun la shin du rton pa ni nyung lags so/ /bcom ldan 'das kyis bka' stsal pa/ kau shi ka de de bzhin no/ /de de bzhin te/ 'dzam bu'i gling gi mi de dag las/ gang dag sangs rgyas dang / chos dang / dge 'dun la dad pa mi phyed pa dang ldan pa ni nyung ngo / /de bas kyang gang dag dge ba bcu'i las kyi lam la bsten pa ni ches nyung ngo / /de bas kyang gang dag sbyin pa dang / tshul khrims bsgom pa la shin du brtson pa ni ches nyung ngo / /de bas kyang gang dag byang chub kyi phyogs kyi chos sum bcu rtsa bdun bsgom pa ni ches nyung ngo / /de bas kyang gang dag rnam par thar pa'i sgo gsum bsgom pa ni ches nyung ngo / /de bas kyang gang dag rnam par thar pa brgyad bsgom pa ni ches nyung ngo / /de bas kyang gang dag mthar gyis gnas pa'i snyoms par 'jug pa dgu bsgom pa ni ches nyung ngo / /de bzhin du gang dag so so yang dag par rig pa bzhi dang / mngon par shes pa drug bsgom pa yang ches nyung ngo / /kau shi ka 'dzam bu'i gling gi mi</font><hr>34.300b<br><font size=+1>

rnams las gang dag gis kun du sbyor ba gsum spangs pa'i phyir rgyun du zhugs pa dang / 'dod chags dang / zhe sdang dang / gti mug bsrabs pa'i phyir lan cig phyir 'ong ba dang / tha ma'i cha dang 'thun pa'i kun du sbyor ba lnga spangs pas/ phyir mi 'ong ba dang / gong ma'i cha dang 'thun pa'i kun du sbyor ba lnga spangs pa'i phyir dgra bcom pa thob pa ni ji snyed cig yod/ 'dzam bu'i gling gi mi rnams las gang dag rang sangs rgyas kyi theg pa la yang dag par zhugs pa ni ji snyed cig yod/ 'dzam bu'i gling gi mi rnams las bla na med pa yang dag par rdzogs pa'i byang chub la yang dag par zhugs pa ni ji snyed cig yod/ brgya byin gyis gsol pa/ bcom ldan 'das 'dzam bu'i gling gi mi rnams las gang dag dge ba bcu'i las kyi lam la bsten pa dang / de bzhin du sbyar te/ gang dag bla na med pa yang dag par rdzogs pa'i byang chub la yang dag par zhugs pa'i bar dag ni shin du nyung lags so/ /bcom ldan 'das kyis bka' stsal pa/ kau shi ka de de bzhin no/ /ji skad smras pa de bzhin te/ de bas kyang gang dag byang chub kyi phyir spyod pa ni ches nyung ngo / /de ci'i phyir zhe na/ 'di ltar de dag 'khor ba na 'khor bas/ sangs rgyas ma mthong / chos ma thos/ dge 'dun la bsnyen bkur ma byas/ sbyin pa ma byin/ tshul khrims ma bsten/ shes rab ma bsgoms shing / sbyin pa'i pha rol du phyin pa ma thos/ tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa ma thos/ nang stong pa nyid ma thos/ dngos po med pa'i ngo bo nyid stong pa nyid kyi bar dag ma thos/ byang chub kyi phyogs kyi chos sum bcu rtsa bdun ma thos/ ting nge 'dzin rnams dang / gzungs kyi sgo rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad ma thos ma bsgoms/ rnam pa thams cad mkhyen pa nyid kyi bar du ma thos ma bsgoms pa'i phyir te/ </font><hr>34.301a<br><font size=+1>

kau shi ka rgyu des na 'dzam bu'i gling gi sems can rnams las gang dag sangs rgyas la dad pa mi phyed pa dang ldan pa dang / de bzhin du sbyar te/ gang dag bla na med pa yang dag par rdzogs pa'i byang chub la yang dag par zhugs pa'i bar dag ni ches nyung ngo / /de bas kyang gang dag byang chub kyi phyir spyod pa ni ches nyung ngo / /de bas kyang gang dag byang chub tu sems bskyed pa ni ches nyung ngo / /de bas kyang gang dag shes rab kyi pha rol du phyin pa la rnal 'byor du byed pa ni ches nyung ngo / /de bas kyang gang dag shes rab kyi pha rol du phyin pa la spyod pa ni ches nyung ngo / /de bas kyang gang dag phyir mi ldog pa'i sa la gnas shing / bla na med pa yang dag par rdzogs pa'i byang chub mngon par rdzogs par 'tshang rgya ba ni ches nyung ngo / /kau shi ka 'di la ngas sangs rgyas kyi spyan sgrib pa mi mnga' bas/ shar phyogs na sems can dpag tu med grangs med pa dag gis bla na med pa yang dag par rdzogs pa'i byang chub tu sems bskyed de/ shes rab kyi pha rol du phyin pa la spyod kyang / de dag las byang chub sems dpa' gcig gam/ gnyis shig phyir mi ldog pa nyid la gnas par zad kyi/ phal cher ni thabs la mkhas pa dang bral bas nyan thos kyi sa dang / rang sangs rgyas kyi sa la gnas pa dag mthong ngo / /de ci'i phyir zhe na/ kau shi ka bla na med pa yang dag par rdzogs pa'i byang chub ni le lo can/ brtson 'grus zhan pa/ snying stobs chung ba/ dman pa la mos pa/ shes rab 'chal ba rnams kyis bsgrub par dka' ba'i phyir ro/ /de bzhin du ngas sangs rgyas kyi spyan sgrib pa mi mnga' bas/ lho dang / nub dang / byang dang / 'og dang / steng dang / phyogs mtshams dag na yang sems can dpag tu med grangs med pa dag gis bla na med pa yang dag par rdzogs pa'i byang chub tu sems bskyed de/ shes rab kyi pha rol du phyin pa la spyod kyang / de dag las byang chub sems dpa' gcig gam/ gnyis shig phyir mi ldog pa nyid</font><hr>34.301b<br><font size=+1>

la gnas par zad kyi/ phal cher ni thabs la mkhas pa dang bral bas/ nyan thos kyi sa dang / rang sangs rgyas kyi sa la gnas pa dag mthong ngo / /de ci'i phyir zhe na/ kau shi ka bla na med pa yang dag par rdzogs pa'i byang chub ni le lo can/ brtson 'grus zhan pa/ snying stobs chung ba/ dman pa la mos pa shes rab 'chal pa rnams kyis bsgrub par dka' ba'i phyir ro/ /kau shi ka de lta bas na rigs kyi bu 'am rigs kyi bu mo myur du bla na med pa yang dag par rdzogs pa'i byang chub bde blag tu mngon par rdzogs par 'tshang rgya bar 'dod pas yang dang yang du shes rab kyi pha rol du phyin pa 'di nyid mnyan par bya/ gzung bar bya/ bcang bar bya/ klag par bya/ kun chub par bya/ 'jug par bya/ yongs su bri bar bya/ tshul bzhin du yid la bya zhing / me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis kyang sti stang du bya/ bla mar bya/ ri mor bya/ mchod par bya'o/ /dge ba'i chos gzhan gang dag shes rab kyi pha rol du phyin pa'i nang du 'dus pa 'di lta ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po de dag</font><hr>34.302a<br><font size=+1>

kyang gzung bar bya/ bcang bar bya/ klag par bya/ kun chub par bya zhing / tshul bzhin du yid la bya'o/ /sangs rgyas kyi chos dpag tu med pa gzhan gang dag shes rab kyi pha rol du phyin pa'i nang du 'dus pa de dag kyang gzung bar bya/ bcang bar bya/ klag par bya/ kun chub par bya zhing tshul bzhin du yid la bya'o/ /de ci'i phyir zhe na/ kau shi ka 'di ltar rigs kyi bu 'am rigs kyi bu mo de dag gis 'di ltar/ de bzhin gshegs pa shes rab kyi pha rol du phyin pa 'di la slob pa na yang shes rab kyi pha rol du phyin pa dang / bsam gtan gyi pha rol du phyin pa dang / brtson 'grus kyi pha rol du phyin pa dang bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang / sangs rgyas kyi chos dpag tu med pa gzhan dag la yang bslab pa mdzad kyis/ bdag cag gis kyang de'i rjes su bslab par bya ste/ shes rab kyi pha rol du phyin pa 'di ni bdag cag gi ston pa yin no snyam du shes pa'i phyir ro/ /kau shi ka de lta bas na byang chub sems dpa' sems dpa' chen po rnams kyis kyang de bzhin gshegs pa bzhugs kyang rung yongs su mya ngan las 'das kyang rung ste/ shes rab kyi pha rol du phyin pa 'di nyid la brten par bya'o/ /de nas bcom ldan 'das la/ lha'i dbang po brgya byin gyis 'di skad ces gsol to/ /bcom ldan 'das rigs kyi bu 'am rigs kyi bu mo gang shes rab kyi pha rol du phyin pa 'di la mchod pa bgyid pa de/ bsod nams ji tsam zhig skyed par 'gyur ba lags/ bcom ldan 'das kyis bka'</font><hr>34.302b<br><font size=+1>

stsal pa/ kau shi ka gal te rigs kyi bu 'am rigs kyi bu mo gang gis de bzhin gshegs pa yongs su mya ngan las 'das pa la mchod pa'i phyir rin po che sna bdun gyi mchod rten byed du bcug ste/ byas nas kyang ji srid 'tsho'i bar du lha'i me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed par gyur na/ kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du skyed snyam 'am/ brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang rnam pa thams cad mkhyen pa nyid kyi sems dang ma bral bas shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / gzhan dag la yang yang dag par rab tu ston pa dang / tshul bzhin du yid la byed pa dang / yi ger bris nas me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed pa de ches bsod nams mang du bskyed do/ /kau shi ka rin po che sna bdun gyi mchod rten lta zhog gi /kau shi ka gal te rigs kyi bu 'am rigs kyi bu mo gang la la zhig gis de bzhin gshegs pa yongs su mya ngan las 'das pa la mchod pa'i phyir 'dzam bu'i gling 'di rin po che sna bdun las byas pa'i mchod rten 'phang du dpag tshad tsam yod pa sha stag gis yongs su bkang ste/ de dag la lha'i me tog dang / bdug pa dang / spos dang / me tog phreng dang / byug pa dang / phye ma dang / </font><hr>34.303a<br><font size=+1>

gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed/ rjed par byed/ gsol bar byed na/ kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du bskyed snyam 'am/ brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang rnam pa thams cad mkhyen pa nyid kyi sems dang ma bral bas/ shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / gzhan dag la yang dag par rab tu ston pa dang / tshul bzhin du yid la byed pa dang / yi ger bris nas/ me tog dang / bdug pa dang / spos dang / me tog phreng dang / phye ma dang / byug pa dang / gos dang / gdugs dang / rgyal mtshan dang / ba dan dang / mchod pa sna tshogs dag gis sti stang du byed/ bla mar byed ri mor byed/ mchod par byed/ rjed par byed/ gsol bar byed pa de ches bsod nams mang du bskyed do/ /kau shi ka 'dzam bu'i gling de bzhin gshegs pa'i mchod rten gyis yongs su bkang ba lta yang zhog gi /kau shi ka gal te rigs kyi bu 'am rigs kyi bu mo gang la la zhig gis/ de bzhin gshegs pa yongs su mya ngan las 'das pa la mchod pa'i phyir/ gling bzhi pa'i 'jig rten gyi khams 'di rin po che sna bdun las byas pa'i mchod rten 'phang du dpag tshad tsam yod pa sha stag gis yongs su bkang ste/ de dag la lha'i me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed/ rjed par byed/ gsol bar byed na/ </font><hr>34.303b<br><font size=+1>

kau shi ka 'di ji snyam du sems/ rigs kyi bu 'am rigs kyi bu mo de dag gzhi de las bsod nams mang du bskyed snyam 'am/ brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang rnam pa thams cad mkhyen pa nyid kyi sems dang ma bral bas/ shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / gzhan dag la yang yang dag par rab tu ston pa dang / tshul bzhin du yid la byed pa dang / tha na glegs bam du chud par byas te/ me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed/ rjed par byed/ gsol bar byed pa de ches bsod nams mang du bskyed do/ /kau shi ka gling bzhi pa'i 'jig rten gyi khams 'di de bzhin gshegs pa'i mchod rten gyis yongs su bkang ba lta yang zhog gi /kau shi ka gal te rigs kyi bu 'am rigs kyi bu mo gang la la zhig gis de bzhin gshegs pa yongs su mya ngan las 'das pa la mchod pa'i phyir/ stong spyi phud kyi 'jig rten gyi khams 'di rin po che sna bdun las byas pa'i mchod rten 'phang du dpag tshad tsam yod pa sha stag gis yongs su bkang ste/ bkang nas kyang de dag la lha'i me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed/ rjed par byed/ gsol bar byed na/ kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du bskyed snyam 'am/ </font><hr>34.304a<br><font size=+1>

brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang la las shes rab kyi pha rol du phyin pa 'di tha na yi ger bris shing glegs bam du byas te/ 'dzin par byed/ 'chang bar byed/ klog par byed/ kun chub par byed/ tshul bzhin du yid la byed cing / me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed pa de nyid gzhi de las bsod nams ches mang du bskyed do/ /kau shi ka stong gi 'jig rten gyi khams rin po che sna tshogs kyi mchod rten gyis yongs su bkang ba lta yang zhog gi/ kau shi ka gal te mi la la zhig gis de bzhin gshegs pa yongs su mya ngan las 'das pa la mchod pa'i phyir/ stong gnyis pa'i 'jig rten gyi khams 'di rin po che sna tshogs las byas pa'i mchod rten 'phang du dpag tshad tsam yod pa sha stag gis yongs su gang bar byed du bcug ste/ byas nas kyang me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed cing mchod na/ kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du bskyed snyam 'am/ brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis shes rab kyi pha rol du phyin pa 'di tha na glegs bam du chud par byas te/ me tog dang / </font><hr>34.304b<br><font size=+1>

bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed cing mchod na/ de nyid de bas ches bsod nams mang du bskyed do/ /kau shi ka stong gnyis pa'i 'jig rten gyi khams 'di rin po che sna tshogs kyi mchod rten gyis yongs su bkang ba lta yang zhog gi/ kau shi ka gal te rigs kyi bu 'am rigs kyi bu mo gang la la zhig gis de bzhin gshegs pa yongs su mya ngan las 'das pa la mchod pa'i phyir stong gsum gyi stong chen po'i 'jig rten gyi khams 'di rin po che sna bdun las byas pa'i mchod rten 'phang du dpag tshad tsam yod pa sha stag gis yongs su bkang ste/ bkang nas kyang rigs kyi bu 'am rigs kyi bu mo des me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis mchod rten de dag la sti stang du byed/ bla mar byed/ ri mor byed/ mchod par byed na/ kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du bskyed snyam 'am/ brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis shes rab kyi pha rol du phyin pa 'di tha na yi ger bris te glegs bam du byas nas 'dzin par byed/ 'chang bar byed/ klog par byed/ kun chub par byed cing / me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis de la sti stang du byed/ bla mar byed/ ri mor byed/ mchod par byed cing / </font><hr>34.305a<br><font size=+1>

mchod na de ches bsod nams mang du bskyed do/ /kau shi ka stong gsum gyi stong chen po'i 'jig rten gyi khams 'di rin po che sna tshogs kyi mchod rten gyis yongs su bkang ste mchod pa lta yang zhog gi/ kau shi ka gal te stong gsum gyi stong chen po'i 'jig rten gyi khams na sems can du bsdu bar bsdus pa'i sems can gang dag 'khod pa de dag las sems can re res kyang / de bzhin gshegs pa yongs su mya ngan las 'das pa la mchod pa'i phyir/ rin po che sna bdun las byas pa'i mchod rten dag byed du bcug ste/ de dag la me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed pa bas/ rigs kyi bu 'am rigs kyi bu mo gang rnam pa thams cad mkhyen pa nyid kyi sems dang ma bral bas/ shes rab kyi pha rol du phyin pa 'di glegs bam du chud par byas te/ 'dzin par byed/ 'chang bar byed/ klog par byed/ kun chub bar byed/ tshul bzhin du yid la byed cing / me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis mchod par byed na/ de nyid de bas ches bsod nams mang du bskyed do/ /de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to/ /bcom ldan 'das de de lta lags so/ /de de lta lags te/ bcom ldan 'das shes rab kyi pha rol du phyin pa la sti stang bgyis pa dang / bla mar bgyis pa dang / </font><hr>34.305b<br><font size=+1>

ri mor bgyis pa dang / mchod pa bgyis pas ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams la sti stang du bgyis pa dang / bla mar bgyis pa dang / ri mo bgyis pa dang / mchod pa bgyis par 'gyur lags so/ /bcom ldan 'das gang yang shar phyogs kyi 'jig rten gyi khams gang gA'i klung gi bye ma snyed dag gi sems can de dag las sems can re res kyang de bzhin gshegs pa yongs su mya ngan las 'das pa la mchod pa'i slad du/ rin po che sna bdun las bgyis pa'i mchod rten 'phang du dpag tshad tsam mchis pa sha stag bgyid du stsal nas/ de dag la bskal pa 'am bskal pa las lhag par lha'i me tog dang / bdug pa dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis sti stang du bgyid/ bla mar bgyid/ ri mor bgyid/ mchod par bgyid na/ bcom ldan 'das rigs kyi bu 'am rigs kyi bu mo de dag gzhi de las bsod nams mang du bskyed lags sam/ bcom ldan 'das de bzhin du phyogs bcu re re'i 'jig rten gyi khams gang gA'i klung gi bye ma snyed dag gi sems can de dag las/ sems can re res kyang de bzhin gshegs pa yongs su mya ngan las 'das pa la mchod pa'i slad du rin po che sna bdun las bgyis pa'i mchod rten 'phang du dpag tshad tsam mchis pa sha stag bgyid du stsal cing / de dag la bskal pa 'am/ bskal pa las lhag par lha'i me tog dang / bdug pa dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis sti</font><hr>34.306a<br><font size=+1>

stang du bgyid/ bla mar bgyid/ ri mor bgyid/ mchod par bgyid na/ bcom ldan 'das rigs kyi bu 'am rigs kyi bu mo de dag gzhi de las bsod nams mang du bskyed lags sam/ bcom ldan 'das kyis bka' stsal pa/ kau shi ka de de bzhin no/ /de de bzhin te/ kau shi ka mang ngo / /brgya byin gyis gsol pa/ bcom ldan 'das de bas kyang rigs kyi bu 'am rigs kyi bu mo gang shes rab kyi pha rol du phyin pa 'di yi ger bris te/ glegs bam du bgyis nas/ 'dzin par bgyid/ 'chang bar bgyid/ klog par bgyid/ /kun chub par bgyid/ tshul bzhin du yid la bgyid cing / de la yang me tog dang / bdug pa dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis sti stang du bgyid/ bla mar bgyid/ ri mor bgyid/ mchod par bgyid pa de ches bsod nams mang du bskyed lags so/ /de ci'i slad du zhe na/ bcom ldan 'das 'di ltar shes rab kyi pha rol du phyin pa 'dir dge ba'i chos thams cad 'dus pa'i slad du ste/ 'di lta ste/ dge ba bcu'i las kyi lam dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / byang chub kyi phyogs kyi chos sum bcu rtsa bdun dang / rnam par thar pa'i sgo gsum dang / 'phags pa'i bden pa bzhi dang / mngon par shes pa drug dang / rnam par thar pa brgyad dang / mthar gyis gnas pa'i snyoms par 'jug pa dgu dang / sbyin pa'i pha rol du phyin pa dang / tshul khrims kyi pha rol du phyin pa dang / bzod</font><hr>34.306b<br><font size=+1>

pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying chen po dang / thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid dang / dge ba'i chos thams cad shes rab kyi pha rol du phyin pa'i nang du 'dus pa'i slad du'o/ /bcom ldan 'das de'i slad du/ 'di ni sangs rgyas bcom ldan 'das rnams kyi bstan pa lags te/ de la bslab nas 'das pa dang / ma 'ongs pa dang / da ltar byung ba'i byang chub sems dpa' rnams dang / rang sangs rgyas rnams dang / nyan thos rnams kyang nges par byung lags so/ /nges par 'byung lags so/ /nges par 'byung bar 'gyur lags so/ /shes rab kyi pha rol du phyin pa khri brgyad stong pa las/ mchod rten gyi le'u zhes bya ste/ nyi shu rtsa bdun pa'o// // de nas bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin no/ /de de bzhin te/ rigs kyi bu 'am rigs kyi bu mo gang dag gis shes rab kyi pha rol du phyin pa 'di yi ger bris shing glegs bam du byas te/ 'dzin tam/ 'chang ngam/ klog gam/ kun chub par byed dam/ tshul</font><hr>34.307a<br><font size=+1>

bzhin du yid la byed kyi steng du/ me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod pa byed pa de dag ni gzhi de las bsod nams mang po tshad med/ grangs med/ bsam gyis mi khyab/ gzhal du med/ dpag tu med pa dag bskyed par 'gyur ro/ /de ci'i phyir zhe na/ kau shi ka de bzhin gshegs pa dgra bcom pa yang dag par rdzogs pa'i sangs rgyas rnams kyi/ rnam pa thams cad mkhyen pa nyid kyang shes rab kyi pha rol du phyin pa las nges par byung la/ kau shi ka pha rol du phyin pa lnga dang / stong pa nyid thams cad dang / byang chub kyi phyogs kyi chos sum bcu rtsa bdun dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / mig lnga dang / mngon par shes pa drug dang / sems can yongs su smin par bya ba dang / sangs rgyas kyi zhing phun sum tshogs pa yang shes rab kyi pha rol du phyin pa las nges par byung zhing / kau shi ka lam gyi rnam pa shes pa nyid dang / rnam pa thams cad mkhyen pa nyid kyang shes rab kyi pha rol du phyin pa las nges par byung ba yin/ kau shi ka nyan thos kyi theg pa dang / rang sangs rgyas kyi theg pa dang / theg pa chen po yang shes rab kyi pha rol du phyin pa las nges par byung ba yin zhing / kau shi ka bla na med pa yang dag par rdzogs pa'i byang chub kyang shes rab kyi pha rol du phyin pa las nges par byung ba yin pa'i phyir ro/ /kau shi ka de lta bas na/ rigs</font><hr>34.307b<br><font size=+1>

kyi bu 'am rigs kyi bu mo gang la la shes rab kyi pha rol du phyin pa 'di yi ger bris shing / glegs bam du chud par byas te/ 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing / de la yang me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod par byed pa'i bsod nams mngon par 'du byed pa de la bsod nams mngon par 'du bya ba snga ma des brgya'i char yang nye bar mi 'gro/ stong gi cha dang / 'bum gyi cha dang / bye ba phrag 'bum gyi bar gyi char yang nye bar mi 'gro'o/ /grangs dang / cha dang / rgyu dang / dpe'i bar du yang mi bzod do/ /de ci'i phyir zhe na/ kau shi ka ji srid du shes rab kyi pha rol du phyin pa 'di 'dzam bu'i gling na gnas par 'gyur ba de srid du sangs rgyas dkon mchog med par mi 'gyur/ chos dkon mchog dang / dge 'dun dkon mchog med par mi 'gyur zhing / de srid du dge ba bcu'i las kyi lam dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / thams cad shes</font><hr>34.308a<br><font size=+1>

pa nyid dang / lam gyi rnam pa shes pa nyid dang / rnam pa thams cad mkhyen pa nyid 'jig rten du 'byung bar 'gyur la/ rgyal rigs shing sa la chen po lta bu rnams dang / bram ze'i rigs shing sa la chen po lta bu rnams dang / khyim bdag gi rigs shing sa la chen po lta bu rnams dang / rgyal chen bzhi'i ris kyi lha rnams dang / sum bcu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / 'og min gyi bar gyi lha rnams kyang 'jig rten du 'byung bar 'gyur/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / byang chub sems dpa' rnams kyang yang dag par 'byung bar 'gyur/ sangs rgyas kyi mkhyen pa bla na med pa dang / chos kyi 'khor lo bskor ba dang / sems can yongs su smin par bya ba dang / sangs rgyas kyi zhing yongs su dag pa yang yod pa'i phyir ro/ /de nas lha'i dbang po brgya byin gyis stong gsum gyi stong chen po'i 'jig rten gyi khams 'di na rgyal chen bzhi'i ris kyi lha'i bu dang / 'og min gyi bar gyi lha'i bu de dag la smras pa/ grogs po dag shes rab kyi pha rol du phyin pa gzung bar bya/ bcang bar bya/ klag par bya/ kun chub par bya'o/ /grogs po dag shes rab kyi pha rol du phyin pa gdon par bya/ shes rab kyi pha rol du phyin pa tshul bzhin du yid la bya'o/ /de ci'i phyir zhe na/ grogs po dag shes rab kyi pha rol du phyin pa bzung ngam/ bcangs sam/ blags sam/ kun chub par byas sam/ tshul bzhin du yid la byas na/ mi dge ba'i chos thams cad ni yongs su 'grib par 'gyur/ dge ba'i chos thams cad ni mngon par 'phel bar 'gyur/ lha ma yin gyi ris rnams ni yongs su 'grib par</font><hr>34.308b<br><font size=+1>

'gyur/ lha'i ris rnams ni mngon par 'phel bar 'gyur zhing / grogs po dag shes rab kyi pha rol du phyin pa bzung ngam/ bcangs sam/ blags sam/ kun chub par byas sam/ tshul bzhin du yid la byas na sangs rgyas kyi tshul rgyun chad par mi 'gyur/ chos kyi tshul dang / dge 'dun gyi tshul rgyun chad par mi 'gyur zhing / dkon mchog gsum gyi gdung rgyud chad par mi 'gyur la/ grogs po dag pha rol du phyin pa thams cad kyang 'jig rten du 'byung bar 'gyur/ byang chub kyi phyogs kyi chos sum bcu rtsa bdun dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi bar du yang 'jig rten du 'byung bar 'gyur/ byang chub sems dpa'i spyod pa rnams kyang 'jig rten du 'byung bar 'gyur/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' sems dpa' chen po rnams kyang 'jig rten du 'byung bar 'gyur zhing yod pa'i phyir ro/ /de nas bcom ldan 'das kyis/ lha'i dbang po brgya byin la 'di skad ces bka' stsal to/ /kau shi ka khyod kyis shes rab kyi pha rol du phyin pa zung shig /kau shi ka khyod kyis shes rab kyi pha rol du phyin pa chongs shig /kun chub par gyis shig /tshul bzhin du yid la gyis shig /de ci'i phyir zhe na/ kau shi ka gang gi tshe/ lha ma yin rnams 'di snyam du sum bcu rtsa gsum pa'i lha rnams dang lhan cig tu g.yul sprad par bya'o snyam du sems shing shom pa de'i tshe/ kau shi ka khyed kyis/ shes rab kyi pha rol du phyin pa 'di yid la soms la kha ton du gyis shig dang / des lha ma yin de dag gi bsam pa de phyir nub par 'gyur zhing / phyis kyang g.yul sprod pa'i sems skyed par mi</font><hr>34.309a<br><font size=+1>

'gyur ba'i phyir ro/ /kau shi ka lha'i bu 'am lha'i bu mo gang dag 'chi 'pho ba'i tshe yang de dag gi mdun du khyod kyis shes rab kyi pha rol du phyin pa 'di kha ton gyis shig dang / gal te de dag gis bdag nyid ngan song du skye bar mthong na yang / de dag gis shes rab kyi pha rol du phyin pa 'di thos pas/ ngan song du skye ba'i sems bskyed pa de nub cing / lha'i gnas de nyid du phyir skye bar 'gyur te/ kau shi ka shes rab kyi pha rol du phyin pa 'di mnyan pa ni de ltar mthu che ba yin no/ /kau shi ka rigs kyi bu 'am rigs kyi bu mo 'am/ lha'i bu 'am/ lha'i bu mo gang yang rung ba'i rna lam du shes rab kyi pha rol du phyin pa 'di grag par gyur pa de dag thams cad ni dge ba'i rtsa ba des rim gyis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de ci'i phyir zhe na/ kau shi ka 'di ltar 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa gang dag byung bar gyur pa de dag gis kyang shes rab kyi pha rol du phyin pa 'di nyid la bslabs nas bla na med pa yang dag par rdzogs pa'i byang chub mngon par rdzogs par sangs rgyas la/ gang dag ma 'ongs pa'i dus kyi sangs rgyas bcom ldan 'das nyan thos kyi dge 'dun dang bcas pa rnams dang / da ltar phyogs bcu'i 'jig rten na/ da ltar byung ba'i dus kyi sangs rgyas bcom ldan 'das gang dag bzhugs te 'tsho zhing gzhes pa de dag thams cad kyang shes rab kyi pha rol du phyin pa 'di nyid la bslabs nas/ bla na med pa yang dag par rdzogs pa'i byang chub mngon par rdzogs par 'tshang rgya ba'i phyir ro/ /de ci'i phyir zhe na/ 'di ltar sangs rgyas kyi chos thams cad dang / byang chub sems dpa'i chos thams cad dang / rang sangs rgyas kyi chos thams cad dang / nyan thos kyi chos thams cad shes rab kyi pha rol du phyin pa'i nang du 'dus pa'i phyir ro/ /de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to/ /bcom ldan 'das 'di lta ste/ shes rab kyi</font><hr>34.309b<br><font size=+1>

pha rol du phyin pa 'di ni rig sngags chen mo lags so/ /bcom ldan 'das 'di lta ste/ shes rab kyi pha rol du phyin pa 'di ni rig sngags bla na ma mchis pa lags so/ /bcom ldan 'das 'di lta ste/ shes rab kyi pha rol du phyin pa 'di ni rig sngags mi mnyam pa dang mnyam pa lags so/ /de ci'i slad du zhe na/ bcom ldan 'das 'di ltar shes rab kyi pha rol du phyin pa ni mi dge ba'i chos thams cad spong ba dang / dge ba'i chos thams cad yongs su rdzogs par bgyi ba'i ched du yang dag par zhugs pa'i slad du'o/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin no/ /de de bzhin te/ kau shi ka 'di lta ste/ shes rab kyi pha rol du phyin pa 'di ni rig sngags chen mo yin no/ /kau shi ka 'di lta ste/ shes rab kyi pha rol du phyin pa 'di ni rig sngags bla na med pa yin no/ /kau shi ka 'di lta ste/ shes rab kyi pha rol du phyin pa 'di ni rig sngags mi mnyam pa dang mnyam pa yin no/ /de ci'i phyir zhe na/ kau shi ka 'di ltar shes rab kyi pha rol du phyin pa 'di nyid la brten nas gang dag phyogs bcu'i 'jig rten na 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas de dag thams cad kyang mngon par rdzogs par sangs rgyas mngon par rdzogs par 'tshang rgya'o/ /mngon par rdzogs par 'tshang rgya bar 'gyur ba dang / kau shi ka shes rab kyi pha rol du phyin pa 'di nyid la brten nas/ dge ba bcu'i las kyi lam 'jig rten na yod pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyang 'jig rten na yod pa dang / rnam par thar pa'i sgo rnams dang / chos kyi dbyings dang / yang dag pa'i mtha' dang / de bzhin nyid dang / </font><hr>34.310a<br><font size=+1>

ma nor ba de bzhin nyid dang / gzhan ma yin pa de bzhin nyid dang / chos nyid dang / chos gnas pa nyid dang / chos skyon med pa nyid kyang 'jig rten na yod pa dang / mig lnga dang mngon par shes pa drug dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid dang / byang chub sems dpa' dang / rnam pa thams cad mkhyen pa nyid kyang 'jig rten na yod pa dang / kau shi ka byang chub sems dpa' la brten nas kyang dge ba bcu'i las kyi lam rnams 'jig rten na yod pa dang / rnam pa thams cad mkhyen pa nyid kyi bar dag 'jig rten na yod pa dang / de bzhin gshegs pa dgra bcom pa yang dag par rdzogs pa'i sangs rgyas kyi bar dag 'jig rten na yod pa'i phyir ro/ /kau shi ka 'di lta ste dper na/ zla ba'i dkyil 'khor la brten nas rtsi dang / skar ma'i tshogs thams cad yod pa yin no/ /kau shi ka de bzhin du byang chub sems dpa'i zla ba'i dkyil 'khor la brten nas kyang dge ba bcu'i las kyi lam dang / dge ba'i spyod pa dang / yang dag pa'i spyod pa dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / stong pa nyid dang / mtshan ma med pa dang / smon pa med pa'i ting nge 'dzin kyi rtsi dag kyang yod pa yin la/ slob pa dang mi slob pa rnams dang / nyan thos dang rang sangs rgyas thams cad kyi rgyu skar dang / skar ma dag kyang yod pa yin/ thams cad shes pa nyid kyang yod pa yin/ de bzhin gshegs pa yang yod pa yin te/ gang gi tshe sangs rgyas bcom ldan 'das 'jig rten du mngon par rdzogs par sangs ma rgyas shing / de bzhin gshegs pa ma byung ba de'i tshe/ byang chub sems dpa' sems dpa' chen po de dag nyid sems can rnams la 'jig rten dang / 'jig rten las 'das pa'i chos rnams ston par byed do/ /de ci'i phyir zhe na/ 'di ltar lha'i theg pa dang / mi'i theg pa dang / nyan thos kyi theg pa dang / rang sangs rgyas kyi theg pa dang / theg pa chen po yang byang chub sems dpa' las nges par byung</font><hr>34.310b<br><font size=+1>

la/ byang chub sems dpa' sems dpa' chen po'i thabs la mkhas pa gang gis pha rol du phyin pa drug yongs su rdzogs par byed pa dang / stong pa nyid thams cad la sgom pa dang / byang chub kyi phyogs kyi chos sum bcu rtsa bdun sgom pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad thob par byed pa dang / skyes bu chen po'i mtshan sum bcu rtsa gnyis dang / dpe byad bzang po brgyad bcu thob par byed pa dang / nyan thos dang rang sangs rgyas kyi sa mngon sum du mi byed pa dang / sems can rnams yongs su smin par byed pa dang / sangs rgyas kyi zhing yongs su dag par byed pa dang / byang chub sems dpa'i phun sum tshogs pa yongs su 'dzin par byed pa dang / rnam pa thams cad mkhyen pa nyid thob par byed pa'i thabs la mkhas pa de ni shes rab kyi pha rol du phyin pa las nges par byung ba'i phyir ro/ /kau shi ka gzhan yang rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa de ni tshe 'di'i yon tan 'di dag dang yang ldan par 'gyur ro/ /de skad ces bka' stsal pa dang / bcom ldan 'das la lha'i brgya byin gyis 'di skad ces gsol to/ /bcom ldan 'das rigs kyi bu 'am rigs kyi bu mo gang dag shes rab kyi pha rol du phyin pa 'di 'dzin pa dang / 'chang ba dang / glog pa dang / kun chub par bgyid pa dang / tshul bzhin du yid la bgyid pa de dag tshe 'di'i yon tan gang dag dang ldan par 'gyur ba lags/ bcom ldan 'das kyis bka' stsal pa/ kau shi ka rigs kyi bu 'am rigs kyi bu mo gang dag shes rab kyi pha rol du phyin pa 'di 'dzin pa dang / 'chang ba dang / glog pa dang / kun chub par byed pa dang / tshul bzhin du yid la byed pa de dag ni dug gis 'chi ba'i dus byed par mi 'gyur/ me dang mtshon dang / chus kyang 'chi ba'i dus byed par mi 'gyur zhing / nad gang yang rung ba'i bar dag gis kyang 'chi ba'i dus byed par mi 'gyur te/ las kyi rnam par smin pa ni ma gtogs so/ /kau shi ka gal te rigs kyi bu 'am rigs kyi bu mo de la rgyal po'i pho brang</font><hr>34.311a<br><font size=+1>

nas 'tshe ba zhig byung bar gyur na yang de shes rab kyi pha rol du phyin pa 'di kha ton du byas te rgyal po'i pho brang du zhugs na de la glags lta ba de dag gis glags btsal kyang glags rnyed par mi 'gyur ro/ /de ci'i phyir zhe na/ shes rab kyi pha rol du phyin pa 'di nyid kyi gzi brjid yin pa'i phyir ro/ /kau shi ka gal te rigs kyi bu 'am rigs kyi bu mo gang shes rab kyi pha rol du phyin pa 'di kha ton du 'don cing rgyal po'i pho brang der song na/ de la rgyal po'i bu 'am/ rgyal po'i blon po sna chen po la gtogs pa dag kyang gsong por smra bar bya'o snyam du sems snyan par smra bar bya'o snyam du sems/ dga' bar bya'o snyam du sems par 'gyur ro/ /de ci'i phyir zhe na/ 'di ltar rigs kyi bu 'am rigs kyi bu mo de dag gis sems can thams cad la byams pa'i sems nye bar bzhag cing snying rje dang / dga' ba dang / btang snyoms kyi sems nye bar bzhag pa'i phyir ro/ /kau shi ka rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa de ni tshe 'di'i yon tan de dag dang ldan par 'gyur ro/ /kau shi ka gzhan yang rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa de ni tshe phyi ma'i yon tan 'di dag dang yang ldan par 'gyur te/ 'di lta ste/ nam du yang dge ba bcu'i las kyi lam dang 'bral bar mi 'gyur/ nam du yang bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang 'bral bar mi 'gyur ro/ /de sems can yongs su smin par bya ba'i phyir smon lam gyi dbang ma gtogs par nam du yang sems can dmyal ba dang / dud 'gro'i skye gnas dang / </font><hr>34.311b<br><font size=+1>

gshin rje'i 'jig rten rnams su skye bar mi 'gyur/ nam du yang dbang po ma tshang bar mi 'gyur/ nam du yang yan lag ma tshang bar mi 'gyur/ nam du yang dbul po'i khyim rnams su skye bar mi 'gyur/ 'od ma mkhan gyi khyim rnams su skye bar mi 'gyur/ g.yung po'i khyim rnams su skye bar mi 'gyur/ dmangs rigs rnams su skye bar mi 'gyur zhing / de de phyin chad kyang rtag par rgyun du skyes bu chen po'i mtshan sum bcu rtsa gnyis kyis brgyan pa'i lus thob par 'gyur la/ 'jig rten gyi khams gang na/ sangs rgyas bcom ldan 'das bzhugs pa der sangs rgyas bcom ldan 'das rnams kyi spyan sngar pad ma las rdzus te skye bar 'gyur zhing / nam du yang mngon par shes pa nyams par mi 'gyur ro/ /de 'dod na sangs rgyas bcom ldan 'das de dag la bsnyen bkur bya ba dang / chos nyan pa'i phyir/ sangs rgyas kyi zhing nas sangs rgyas kyi zhing du 'gro bar 'gyur ro/ /sangs rgyas kyi zhing nas sangs rgyas kyi zhing du 'gro ba na yang sems can rnams kyang yongs su smin par byed/ sangs rgyas kyi zhing yang yongs su dag par byed par 'gyur ro/ /kau shi ka de lta bas na rigs kyi bu 'am rigs kyi bu mo yon tan phun sum tshogs pa de dag thob par 'dod pas shes rab kyi pha rol du phyin pa 'di gzung bar bya/ bcang bar bya/ klag par bya/ kun chub par bya tshul bzhin du yid la bya zhing rnam pa thams cad mkhyen pa nyid kyi sems dang yang mi 'bral bar bya ste/ de ni bla na med pa yang dag par rdzogs pa'i byang chub mngon par rdzogs par sangs rgyas kyi bar du tshe 'di'i yon tan dang / tshe phyi ma'i yon tan de dag dang nam du yang 'bral bar mi 'gyur ro/ /shes rab kyi pha rol du phyin pa khri brgyad stong pa las/ byang chub kyi sems kyi yon tan yongs su brjod pa'i le'u zhes bya ste/ nyi shu rtsa brgyad pa'o// // de nas gzhan mu stegs can kun du rgyu klan kha tshol ba'i bsam pa can rab tu mang po brgya zhig klan ka btsal ba'i phyir/ bcom ldan 'das ga la ba der dong ngo / /de nas lha'i dbang po brgya byin 'di snyam du sems te/ gzhan mu stegs can kun du rgyu/ bcom ldan 'das kyi bstan pa la glan ka</font><hr>34.312a<br><font size=+1>

'tshol ba'i bsam pa can rab tu mang po brgya po 'di dag bcom ldan 'das ga la ba der dong gis/ gzhan mu stegs can kun du rgyu 'di dag ci nas kyang bcom ldan 'das kyi thad du mi 'dong zhing / shes rab kyi pha rol du phyin pa ston pa'i bar chad byed par mi 'gyur bar/ bdag gis bcom ldan 'das las shes rab kyi pha rol du phyin pa ji tsam zhig bzung ba de bdag gis nges par kha ton du bya'o snyam mo/ /de nas lha'i dbang po brgya byin gyis/ bcom ldan 'das las shes rab kyi pha rol du phyin pa ji tsam zhig bzung ba de kha ton du byas so/ /de nas gzhan mu stegs can kun du rgyu de dag gis rgyang ring po nas bcom ldan 'das la bskor ba byas te/ lam gang nas lhags pa'i lam de nyid nas phyir dong ngo / /de nas tshe dang ldan pa shA ri'i bu 'di snyam du sems te/ ci'i phyir gzhan mu stegs can kun du rgyu glan ka tshol ba'i bsam pa can 'di dag rgyang ring po nas/ bcom ldan 'das la bskor ba byas nas gang nas lhags pa'i lam de nyid nas phyir dong zhig gu snyam mo/ /de nas bcom ldan 'das kyis tshe dang ldan pa shA ri'i bu'i sems kyi yongs su rtog pa thugs kyis mkhyen nas/ tshe dang ldan pa shA ri'i bu la bka' stsal pa/ shA ri'i bu lha'i dbang po brgya byin gyis shes rab kyi pha rol du phyin pa 'di bsams te/ des na gzhan mu stegs can kun du rgyu 'di dag gis rgyang ring po nyid nas/ nga la bskor ba byas te/ lam gang nas lhags pa de nyid nas phyir dong ngo / /shA ri'i bu gzhan yang mu stegs can kun du rgyu 'di dag gi nang na gcig la yang dkar po'i cha yod par ngas ma mthong ngo / /gzhan mu stegs can kun du rgyu 'di dag thams cad ni zhe 'gras pa'i sems dang / glan ka tshol ba'i bsam pas 'ong bar sems te/ shA ri'i bu gang shes rab kyi pha rol du phyin pa la glan ka btsal ba'i bsam pa 'am/ zhe 'gras pa'i sems kyis 'ong bar nus pa de ni 'jig rten lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i nang na ngas ma mthong ste/ de ni gnas med do/ /de ci'i phyir zhe na/ shA ri'i bu 'di ltar stong gsum gyi stong chen po'i 'jig</font><hr>34.312b<br><font size=+1>

rten gyi khams 'di na rgyal chen bzhi'i ris kyi lha rnams dang / 'og min man chad kyi lha rnams dang / nyan thos gang dag dang / rang sangs rgyas kyi theg pa la yang dag par zhugs pa gang dag dang / byang chub sems dpa' gang dag 'khod pa de dag thams cad kyis kyang shes rab kyi pha rol du phyin pa 'di yongs su bzung ba'i phyir ro/ /de ci'i phyir zhe na/ 'di ltar de dag thams cad ni shes rab kyi pha rol du phyin pa las byung pa'i phyir ro/ /shA ri'i bu gzhan yang shar phyogs kyi 'jig rten gyi khams gang gA'i klung gi bye ma snyed dag dang / phyogs bcu'i bar du phyogs re rer yang 'jig rten gyi khams gang gA'i klung gi bye ma snyed dag gi sangs rgyas bcom ldan 'das nyan thos kyi dge 'dun dang bcas pa rnams dang / rang sangs rgyas rnams dang / byang chub sems dpa' sems dpa' chen po rnams dang / lha dang klu dang / gnod sbyin dang / dri za dang lha ma yin dang / nam mkha' lding dang / mi 'am ci dang / lo 'phye chen po gang yin pa de dag thams cad kyis kyang shes rab kyi pha rol du phyin pa 'di yongs su bzung ba'i phyir ro/ /de ci'i phyir zhe na/ 'di ltar de dag thams cad ni shes rab kyi pha rol du phyin pa las byung ba'i phyir ro/ /de nas bdud sdig can 'di snyam du sems te/ de bzhin gshegs pa dgra bcom pa yang dag par rdzogs pa'i sangs rgyas kyi 'khor bzhi po 'di dag spyan snga na 'khod cing / 'dod pa na spyod pa dang / gzugs na spyod pa'i lha'i bu 'di dag kyang spyan snga na 'khod pa las na/ byang chub sems dpa' sems dpa' chen po rnams 'di ltar bla na med pa yang dag par rdzogs pa'i byang chub tu lung ston par 'gyur du nges kyis/ mig gis mi rtsol bar bya ba'i phyir bdag bcom ldan 'das ga la ba der 'gro bar bya'o snyam mo/ /de nas bdud sdig can gyis dpung gi tshogs yan lag bzhi pa mngon par sprul nas/ bcom ldan 'das ga la ba der 'gro bar bsams so/ /de nas lha'i dbang po brgya byin 'di snyam du sems te/ kye ma bdud sdig can 'di ni dpung gi tshogs yan lag bzhi pa mngon par sprul nas/ </font><hr>34.313a<br><font size=+1>

bcom ldan 'das ga la ba der 'gro bar 'dod de/ bdud sdig can 'di dpung gi tshogs yan lag bzhi pa'i bkod pa gang yin pa/ dpung gi tshogs yan lag bzhi pa'i bkod pa 'di lta bu 'di ni rgyal po gzugs can snying po'i yang ma yin/ dpung gi tshogs yan lag bzhi pa'i bkod pa 'di lta bu ni rgyal po gsal rgyal gyi yang ma yin/ shAkya rnams kyi yang ma yin/ li tsa byi rnams kyi yang ma yin gyi/ bdud sdig can ni yun ring po nas/ bcom ldan 'das la glags lta zhing / skabs 'tshol ba dang / sems can yang dag pa la zhugs pa rnams la/ gtse ba'i bsam pa dang ldan pa yin pas/ dpung gi tshogs yan lag bzhi pa gang yin pa 'di ni bdud sdig can gyis mngon par sprul pa yin gyis/ bdag gis shes rab kyi pha rol du phyin pa 'di bsam par bya'o/ /dran nas kyang kha ton du bya'o snyam mo/ /de nas lha'i dbang po brgya byin gyis shes rab kyi pha rol du phyin pa 'di bsams so/ /dran nas kyang kha ton du byas te/ lha'i dbang po brgya byin shes rab kyi pha rol du phyin pa 'di ji tsam du kha ton byed pa de tsam du/ bdud sdig can lam de nyid dang / sgo de nyid nas phyir log go/ /de nas 'khor der rgyal chen bzhi'i ris kyi lha'i bu rnams dang / 'og min man chad kyi lha gang yin pa de dag gis lha'i me tog rnams mngon par sprul nas/ bar snang la 'khod bzhin du bcom ldan 'das ga la ba der logs su 'dor zhing 'thor bar byed la/ tshig 'di skad ces shes rab kyi pha rol du phyin pa 'di ji srid du 'dzam bu'i gling gi mi rnams la gnas pa de srid du/ de bzhin gshegs pa dgra bcom pa yang dag par rdzogs pa'i sangs rgyas med par mi 'gyur zhing / dam pa'i chos kyang yun ring du gnas par 'gyur la/ dge 'dun yang 'jig rten du 'byung bar 'gyur ba dang / de bzhin du stong gsum gyi stong chen po'i 'jig rten gyi khams dang / de bzhin du phyogs</font><hr>34.313b<br><font size=+1>

bcu'i sangs rgyas kyi zhing thams cad du byang chub sems dpa' sems dpa' chen po rnams kyi spyod pa'i khyad par yang grag par 'gyur la/ phyogs gang logs na rigs kyi bu 'am rigs kyi bu mo/ shes rab kyi pha rol du phyin pa 'di yi ger bris te/ glegs bam du byas nas 'chang ba'i phyogs de snang ba dang ldan par 'gyur la/ gang na shes rab kyi pha rol du phyin pa 'di spyod pa'i sa phyogs de yang mgon yod cing mun pa dang bral bar 'gyur bas na/ shes rab kyi pha rol du phyin pa 'di 'dzam bu gling pa'i mi rnams yun ring du spyod par gyur cig ces smras so/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin te/ kau shi ka phyogs gang dang / gang gi 'jig rten gyi khams rab 'byam na shes rab kyi pha rol du phyin pa 'di spyod cing glegs bam la bris pa yod pa'i sa phyogs de ni snang bar gyur pa yin te/ sa phyogs de ni mgon yod cing / mun pa mun nag dang bral bar 'gyur ro/ /de nas lha'i bu de dag gis lha'i me tog rnams mngon par sprul nas/ bcom ldan 'das ga la ba der logs su gtor te/ tshig 'di skad ces gsol to/ /bcom ldan 'das rigs kyi bu 'am rigs kyi bu mo gang la la shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la bgyid pa de la ni bdud dang / bdud kyi ris kyi lha rnams kyis glags rnyed par mi 'gyur lags so/ /bcom ldan 'das bdag cag gis kyang rigs kyi bu 'am rigs kyi bu mo de la rtag tu rgyun mi 'chad par bsrung ba dang / bskyab pa dang / sba bar bgyi'o/ /bdag cag ni rigs kyi bu gang shes rab kyi pha rol du phyin pa 'di 'dzin pa dang / 'chang ba dang / kun chub par byed pa dang /  klog pa dang / tshul bzhin du yid la bgyid pa de la ston pa lags so snyam du 'dzin lags so/ /</font><hr>34.314a<br><font size=+1>

de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das rigs kyi bu 'am rigs kyi bu mo gang dag shes rab kyi pha rol du phyin pa 'di 'dzin tam / 'chang ngam/ klog gam/ kun chub par bgyid dam/ tshul bzhin du yid la bgyid pa de dag ni dge ba'i rtsa ba ngan ngon dang ldan pa ma lags so/ /rigs kyi bu 'am rigs kyi bu mo de dag ni rgyal ba thams cad la lhag par bgyi ba bgyis pa lags so/ /rigs kyi bu 'am rigs kyi bu mo gang dag shes rab kyi pha rol du phyin pa 'di 'dzin pa dang / tshul bzhin du yid la bgyid pa'i bar dag du bgyid pa de dag ni sangs rgyas mang po la bsnyen bkur bgyid bgyid pa dang / dge ba'i bshes gnyen gyis yongs su zin pa lags so/ /de ci'i slad du zhe na/ rnam pa thams cad mkhyen pa nyid ni 'di lta ste/ shes rab kyi pha rol du phyin pa 'di las byung ba lags la/ shes rab kyi pha rol du phyin pa yang 'di lta ste/ rnam pa thams cad mkhyen pa nyid las byung ba lags pa'i slad du'o/ /de ci'i slad du zhe na/ 'di ltar rnam pa thams cad mkhyen pa nyid kyang gzhan ma lags la/ shes rab kyi pha rol du phyin pa yang gzhan ma lags pa'i slad du ste/ de ltar na rnam pa thams cad mkhyen pa nyid dang / shes rab kyi pha rol du phyin pa 'di ni gnyis su ma mchis te gnyis su dbyer ma mchis shing tha mi dad de/ gcad du ma mchis pa lags so/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin no/ /ji skad smras pa de bzhin te/ rnam pa thams cad mkhyen pa nyid dang / shes rab kyi pha rol du phyin pa 'di ni gnyis su med de gnyis su dbyer med cing tha mi dad de gcad du med do/ /shes rab kyi pha rol du phyin pa khri brgyad stong pa las gzhan mu stegs can gyi le'u zhes bya ste/ nyi shu rtsa dgu pa'o// // #
</font><hr>35.1a<br><font size=+1>

(kha) @#/ ! /khri brgyad stong pa bzhugs so/ /[(黃) 第二大般若經第二部]</font><hr>35.1b<br><font size=+1>

'phags pa shes rab kyi pha rol tu phyin pa khri brgyad stong pa zhes bya ba theg pa chen po'i mdo/ 'phags pa shes rab kyi pha rol tu phyin pa khri brgyad stong pa/  bam po nyi shu gsum pa/ de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ ji ltar shes rab kyi pha rol tu phyin pa'i ming yongs su brjod pa mdzad pa ltar/ sbyin pa'i pha rol tu phyin pa'i bsngags pa yongs su brjod pa ma mdzad lags so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa'i bsngags pa yongs su brjod pa ma mdzad lags so/ /de bzhin du sangs rgyas kyi chos ma 'dres pa bco brgyad kyi bar gyi ming yongs su brjod pa ma mdzad lags so/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka'</font><hr>35.2a<br><font size=+1>

stsal to/ /kun dga' bo shes rab kyi pha rol du phyin pa ni 'di lta ste/ pha rol du phyin pa lnga po rnams dang / de bzhin du sbyar te/ sangs rgyas kyi chos ma 'dres pa bcwa brgyad kyi bar gyi sngon du 'gro ba yin no/ /kun dga' bo 'di ji snyam du sems/ sbyin pa rnam pa thams cad mkhyen pa nyid du yongs su ma bsngos par pha rol du phyin pa'i ming 'thob par 'gyur snyam 'am/ kun dga' bo 'di ji snyam du sems/ tshul khrims dang / bzod pa dang / brtson 'grus dang / bsam gtan dang / shes rab rnam pa thams cad mkhyen pa nyid du yongs su ma bsngos par pha rol du phyin pa'i ming 'thob par 'gyur snyam 'am/ kun dga' bos gsol pa/ bcom ldan 'das de ni ma lags na/ bcom ldan 'das sbyin pa rnam pa thams cad mkhyen pa nyid du yongs su bsngos pa dang / tshul khrims dang / bzod pa dang / brtson 'grus dang / bsam gtan dang / shes rab rnam pa thams cad mkhyen pa nyid du yongs su bsngos pas/ ji ltar pha rol du phyin pa'i ming thob par 'gyur ba lags/ bcom ldan 'das kyis bka' stsal pa/ kun dga' bo/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab gnyis su med pa'i tshul gyis rnam pa thams cad mkhyen pa nyid du yongs su bsngos na/ pha rol du phyin pa'i ming thob par 'gyur ro/ /len pa med pa'i tshul dang / mi dmigs pa'i tshul gyis rnam pa thams cad mkhyen pa nyid du yongs su bsngos na/ pha rol du phyin pa'i ming thob par 'gyur ro/ /kun dga' bos gsol pa/ bcom ldan 'das sbyin pa gnyis su ma mchis pa'i tshul gyis rnam pa thams cad mkhyen pa nyid du/ yongs su bsngos pas ji ltar pha rol du phyin pa'i ming thob par 'gyur ba lags/ bcom ldan 'das tshul khrims dang / bzod pa dang / brtson 'grus dang / bsam gtan dang / shes rab gnyis su ma mchis pa'i tshul gyis rnam pa thams cad mkhyen pa nyid du yongs su bsngos pas/ ji ltar</font><hr>35.2b<br><font size=+1>

pha rol du phyin pa'i ming thob par 'gyur ba lags/ bcom ldan 'das kyis bka' stsal pa/ kun dga' bo gzugs gnyis su med pa dang / tshor ba dang / 'du shes dang 'du byed rnams dang / rnam par shes pa dang / byang chub kyi bar du gnyis su med pa'i tshul gyis yongs su bsngos pa'i phyir ro/ /kun dga' bos gsol pa/ bcom ldan 'das gzugs gnyis su ma mchis pa'i tshul ji lta bu lags/ tshor ba dang / 'du shes dang 'du byed rnams dang / rnam par shes pa gnyis su ma mchis pa'i tshul ji lta bu lags/ byang chub kyi bar du gnyis su ma mchis pa'i tshul ji lta bu lags/ bcom ldan 'das kyis bka' stsal pa/ 'di ltar gzugs ni gzugs kyis stong ngo / /tshor ba ni tshor bas stong ngo / /'du shes ni 'du shes kyis stong ngo / /'du byed rnams ni 'du byed rnams kyis stong ngo / /rnam par shes pa ni rnam par shes pas stong ngo / /de ci'i phyir zhe na/ 'di ltar gzugs dang / tshor ba dang / 'du shes dang / 'du byed rnams dang / rnam par shes pa dang / pha rol du phyin pa de ni gnyis su med cing gnyis su dbyer med pa dang / pha rol du phyin pa dang / byang chub kyi bar de ni gnyis su med cing gnyis su dbyer med pa'i phyir ro/ /kun dga' bo de bas na 'di la shes rab kyi pha rol du phyin pa nyid pha rol du phyin pa lnga po rnams dang / byang chub dang / rnam pa thams cad mkhyen pa nyid kyi bar gyi sngon du 'gro ba yin no/ /kun dga' bo 'di lta ste dper na/ sa chen po la brten na tshogs pa'i dbang gis sa bon rnams skye bar 'gyur ro/ /kun dga' bo de bzhin du shes rab kyi pha rol du phyin pa la brten na/ pha rol du phyin pa thams cad dang / byang chub kyi phyogs kyi chos sum bcu rtsa bdun dang / rnam pa thams cad mkhyen pa nyid kyi bar du skye bar 'gyur ro/ /rnam pa thams cad mkhyen pa nyid la brten na yang / pha rol du</font><hr>35.3a<br><font size=+1>

phyin pa thams cad dang / byang chub kyi phyogs kyi chos sum bcu rtsa bdun dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams skye bar 'gyur ro/ /kun dga' bo de bas na/ shes rab kyi pha rol du phyin pa nyid pha rol du phyin pa 'di dag dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar gyi yongs su 'dren pa yin no/ /brgya byin gyis gsol pa/ bcom ldan 'das rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang klog pa dang / kun chub par bgyid pa dang / tshul bzhin du yid la bgyid pa de/ shes rab kyi pha rol du phyin pa'i yon tan gang dag yongs su 'dzin pa'i yon tan de dag thams cad de bzhin gshegs pa dgra bcom pa yang dag par rdzogs pa'i sangs rgyas kyis yongs su brjod pa ma mdzad lags so/ /bcom ldan 'das shes rab kyi pha rol du phyin pa bzung zhing tshul bzhin du yid la bgyis pas ni/ dge ba bcu'i las kyi lam rnams 'jig rten du 'byung lags so/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / sangs rgyas kyi chos ma 'dres pa bcwa brgyad kyi bar dag 'jig rten du 'byung lags so/ /bcom ldan 'das shes rab kyi pha rol du phyin pa bzung ba nas/ tshul bzhin du yid la bgyid pa'i bar du bgyis pas ni rgyal rigs shing sA la chen po lta bu rnams 'jig rten na mchis pa lags so/ /bram ze'i rigs shing sA la chen po lta bu rnams dang / khyim bdag gi rigs shing sA la chen po lta bu rnams 'jig rten na mchis pa lags so/ /rgyal chen bzhi'i rigs kyi lha rnams dang / 'og min gyi bar gyi lha rnams 'jig rten na mchis pa lags so/ /bcom ldan 'das shes rab kyi pha rol du phyin pa bzung ba nas</font><hr>35.3b<br><font size=+1>

tshul bzhin du yid la bgyid pa'i bar du bgyis pas ni rgyun du zhugs pa rnams 'jig rten na mchis pa lags so/ /lan cig phyir 'ong ba rnams dang / phyir mi 'ong ba rnams dang / dgra bcom pa rnams mchis pa lags so/ /rang sangs rgyas rnams mchis pa lags so/ /byang chub sems dpa' rnams mchis pa lags so/ /bcom ldan 'das shes rab kyi pha rol du phyin pa bzung ba nas/ tshul bzhin du yid la bgyid pa'i bar du bgyis pas ni/ de bzhin gshegs pa dgra bcom pa yang dag par rdzogs pa'i sangs rgyas rnams 'jig rten na bzhugs pa lags so/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka rigs kyi bu 'am rigs kyi bu mo gang dag gis shes rab kyi pha rol du phyin pa 'di bzung ba nas/ tshul bzhin du yid la byed pa'i bar du byas pas de dag gi yon tan ni de tsam du zad ces nga mi smra'o/ /de ci'i phyir zhe na/ kau shi ka rigs kyi bu 'am rigs kyi bu mo shes rab kyi pha rol du phyin pa 'di 'dzin pa dang / 'chang ba dang klog pa dang / kun chub par byed pa dang / tshul bzhin du yid la byed pa gang yin pa de dag ni/ tshul khrims kyi phung po tshad med pa dang ldan par 'gyur la/ rnam pa thams cad mkhyen pa nyid kyi sems dang yang 'bral bar mi 'gyur ro/ /gang dag shes rab kyi pha rol du phyin pa 'di 'dzin pa dang / 'chang ba dang klog pa dang / kun chub par byed pa dang / tshul bzhin du yid la byed pa dag ni ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po tshad med pa dang ldan par 'gyur la/ rnam pa thams cad mkhyen pa'i sems dang yang 'bral bar mi 'gyur ro/ /kau shi ka rigs kyi bu 'am rigs kyi bu mo tshul bzhin du yid la byed pa'i bar du byed pa de dag ni de bzhin gshegs</font><hr>35.4a<br><font size=+1>

pa dang 'dra bar rig par bya ste/ rnam pa thams cad mkhyen pa nyid kyi sems dang yang 'bral bar mi 'gyur ro/ /kau shi ka nyan thos dang / rang sangs rgyas thams cad kyi tshul khrims kyi phung po dang / ting nge 'dzin kyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po gang yin pa'i tshul khrims dang / ting nge 'dzin dang / shes rab dang / rnam paragrol ba dang / rnam par grol ba'i ye shes mthong ba'i phung po de ni kau shi ka rigs kyi bu 'am rigs kyi bu mo shes rab kyi pha rol du phyin pa la gnas pa rnams kyi tshul khrim kyi phung po nas/ rnam par grol ba'i ye shes mthong ba'i phung po'i bar gang yin pa'i tshul khrims kyi phung po nas/ rnam par grol ba'i ye shes mthong ba'i phung po'i bar de'i brgya'i char yang nye bar mi 'gro zhing / stong gi cha dang / 'bum gyi cha dang / grangs dang cha dang / bgrang ba dang dpe dang / rgyur yang mi bzod do/ /de ci'i phyir zhe na/ 'di ltar rigs kyi bu dang rigs kyi bu mo de dag gi sems ni nyan thos dang / rang sangs rgyas kyi sa las rnam par grol zhing / chos gang dang yang bral ba med la skyes pa yang med pa'i phyir ro/ /kau shi ka rigs kyi bu 'am rigs kyi bu mo shes rab kyi pha rol du phyin pa 'di yi ger bris nas 'chang zhing me tog dang bdug pa dang / spos dang / me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis bkur sti byed/ bla mar byed/ ri mor byed/ mchod par byed pa gang yin pa'i rigs kyi bu 'am rigs kyi bu mo de dag gis kyang tshe 'di dang / tshe phyi ma'i yon tan rnams 'thob par re bar bya'o/ /de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to/ /bcom ldan 'das rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / </font><hr>35.4b<br><font size=+1>

'chang ba dang klog pa dang / kun chub par bgyid pa dang / tshul bzhin du yid la bgyid cing / shes rab kyi pha rol du phyin pa 'di la me tog dang / bdug pa dang spos dang me tog phreng dang byug pa dang / phye ma dang / gos dang gdugs dang / rgyal mtshan dang / ba dan dag gis bkur sti bgyid/ bla mar bgyid/ ri mor bgyid/ mchod par bgyid pa gang lags pa de la bdag gis kyang rtag tu rgyun mi 'chad par bsrung ba dang bskyab pa dang sba bar bgyi'o/ /rnam pa thams cad mkhyen pa nyid kyi sems dang yang 'bral bar mi 'gyur lags so/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /ko+o shi ka rigs kyi bu 'am rigs kyi bu mo shes rab kyi pha rol du phyin pa 'di kha ton du byed pa de'i gan du lha'i bu 'bum phrag mang po nyan pa'i phyir 'ong bar 'gyur te/ lha'i bu rnams rigs kyi bu 'am rigs kyi bu mo de dag la shes rab kyi pha rol du phyin pa dang ldan pa'i spobs pa nye bar sgrub par sems par 'gyur ro/ /bdag gi tshe chos smra ba de dag smra bar mi 'dod pa na yang lha'i bu de dag nyid chos la gus pas spobs pa nye bar sgrub par sems par 'gyur ro/ /kau shi ka rigs kyi bu 'am rigs kyi bu mo gang zhig shes rab kyi pha rol du phyin pa 'di 'dzin pa dang / 'chang ba dang klog pa dang / kun chub par byed pa dang / tshul bzhin du yid la byed cing de glegs bam du yang bris nas/ me tog dang / bdug pa dang / spos dang / me tog phreng dang / byug pa dang / phye ma dang / gos dang gdugs dang / rgyal mtshan dang / ba dan dag gis sti stang byed/ bla mar byed/ ri mor byed mchod par byed pa de ni tshe 'di'i yon tan de dag kyang thob par 'gyur ro/ /kau shi ka gzhan yang rigs kyi bu 'am rigs kyi bu mo shes rab kyi pha rol du phyin pa 'di ston pa de dag ni 'khor bzhi po dag gis mdun du bdag la la la zhig dkar gcog cing glan ka tshol du 'ong ngo snyam du sems zhum par mi 'gyur ro/ /</font><hr>35.5a<br><font size=+1>

de ci'i phyir zhe na/ 'di ltar rigs kyi bu 'am rigs kyi bu mo de dag la shes rab kyi pha rol du phyin pa 'di srung zhing skyob la sbed par byed pa'i phyir ro/ /'di ltar shes rab kyi pha rol du phyin pa la ni 'jig rten pa rnams dang / 'jig rten las 'das pa rnams dang / zag pa dang bcas pa rnams dang / zag pa med pa rnams dang / thun mong pa rnams dang / thun mong ma yin pa rnams dang / dge ba rnams dang / mi dge ba rnams dang / 'dus byas rnams dang / 'dus ma byas rnams dang / nyan thos kyi chos rnams dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams dang / chos thams cad tha dad pa med do/ /de ci'i phyir zhe na/ 'di ltar rigs kyi bu 'am rigs kyi bu mo nang stong pa nyid la gnas pa dang / dngos po med pa'i ngo bo nyid stong pa nyid kyi bar la gnas pa des ni shes rab kyi pha rol du phyin pa la klan ka tshol ba yang dag par rjes su mi mthong zhing / klan ka tshol bar byed pa de yang yang dag par rjes su mi mthong ba'i phyir ro/ /de ltar na rigs kyi bu 'am rigs kyi bu mo shes rab kyi pha rol du phyin pas yongs su zin pa de la ni glan ka tshol ba med do/ /ko+o shi ka gzhan yang rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / tshul bzhin du yid la byed pa'i bar du byed pa ni/ sems zhum par mi 'gyur/ kun du zhum par mi 'gyur/ skrag par mi 'gyur/ dngang bar mi 'gyur/ kun du dngang bar mi 'gyur ro/ /de ci'i zhe na/ 'di ltar rigs kyi bu 'am rigs kyi bu mo de dag gis ni gang zhum pa 'am/ kun du zhum pa 'am/ skrag pa 'am dngang ba 'am/ kun du dngang bar 'gyur ba'i dngos po yang dag par rjes su ma mthong ba'i phyir ro/ /kau shi ka rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang klog pa dang / kun chub par byed pa dang / tshul bzhin du yid la byed cing / </font><hr>35.5b<br><font size=+1>

me tog dang / bdug pa dang / spos dang me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod pa byed pa de ni tshe 'di'i yon tan de dag yongs su 'dzin par 'gyur ro/ /kau shi ka gzhan yang rigs kyi bu 'am rigs kyi bu mo gang la la shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing de glegs bam du yang bris te/ me tog dang / bdug pa dang / spos dang me tog phreng dang / byug pa dang / phye ma dang / gos dang gdugs dang / rgyal mtshan dang / ba dan dag gis sti stang du byed/ bla mar byed/ ri mor byed mchod par byed pa de ni pha ma dang mdza' bo dang / phyi 'khor dang gnyen dang / snag gi gnyen mtshams rnams dang / dge sbyong dang / bram ze rnams kyi snying du sdug par 'gyur ro/ /byang chub sems dpa' de ni phyogs bcu'i 'jig rten gyi khams thams cad na bzhugs pa'i sangs rgyas bcom ldan 'das rnams dang / byang chub sems dpa' rnams dang / rang sangs rgyas rnams dang / dgra bcom pa rnams dang / slob pa thams cad dang / mi slob pa de dag thams cad la sdug par 'gyur ro/ /'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu rnams dang / lha dang / mi dang / lha ma yin du bcas pa rnams kyi yid du 'ong bar 'gyur ro/ /spobs pa mi chod pa dang yang ldan par 'gyur ro/ /sbyin pa'i pha rol du phyin pa mi chod pa dang yang ldan par 'gyur ro/ /tshul khrims dang / bzod pa dang / brtson</font><hr>35.6a<br><font size=+1>

'grus dang / bsam gtan dang / shes rab kyi pha rol du phyin pa mi chod pa dang yang ldan par 'gyur ro/ /nang stong pa nyid dang / dngos po med pa'i ngo bo nyid stong pa nyid kyi bar du mi chod pa dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams dang / de bzhin gshegs pa'i stobs bcu dang / mi 'jigs pa bzhi mi chod pa dang / so so yang dag par rig pa bzhi mi chod pa dang / sangs rgyas kyi chos ma 'dres pa bcwa brgyad mi chod pa dang / ting nge 'dzin gyi sgo dang / gzungs kyi sgo rnams mi chod pa dang / mngon par shes pa rnams dang / sems can yongs su smin par bya ba dang / sangs rgyas kyi zhing yongs su dag par bya ba mi chod pa dang / rnam pa thams cad mkhyen pa nyid mi chod pa dang ldan par 'gyur ro/ /mu stegs can gyi rgol ba byung ngo cog la/ chos dang ldan pas tshar gcod nus par 'gyur ro/ /kau shi ka rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang klog pa dang kun chub par byed pa dang / tshul bzhin du yid la byed cing de yi ger yang bris te/ me tog dang bdug pa dang / spos dang me tog phreng dang / byug pa dang / phye ma dang gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed mchod par byed pa ni tshe 'di dang / tshe phyi ma'i yon tan de dag kyang yongs su 'dzin par 'gyur te/ rnam pa thams cad mkhyen pa nyid kyi sems dang yang 'bral bar mi 'gyur ro/ /kau shi ka gzhan yang rigs kyi bu 'am rigs kyi bu mo shes rab kyi pha rol du phyin pa 'di glegs bam du bris te/ 'chang bar byed pa der/ kau shi ka stong gsum gyi stong chen po'i 'jig rten gyi khams na 'khod pa'i rgyal chen bzhi'i ris kyi lha'i bu bla na med pa'i byang chub la yang</font><hr>35.6b<br><font size=+1>

dag par zhugs pa gang yin pa de dag der lhags nas/ shes rab kyi pha rol du phyin pa 'di 'dzin par byed/ 'chang bar byed/ klog par byed/ kun chub par byed cing / phyag byas te btud nas phyir 'dong bar 'gyur ro/ /de bzhin du sum bcu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don rnams dang / tshangs 'khor rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / 'bras bu che ba rnams dang / tshangs pa gang dag bla na med pa yang dag par rdzogs pa'i byang chub tu smon lam btab pa de dag kyang der lhags nas/ shes rab kyi pha rol du phyin pa 'di gzung ba dang / bcang ba dang / klag pa dang / kun chub par byas nas phyir 'dong bar 'gyur ro/ /kau shi ka de la gnas gtsang ma'i ris kyi lha'i bu mi che ba dang / shin du mthong dang / gya nom snang dang / mi gdung ba dang / 'og min gyi lha'i bu gang yin pa de dag kyang der lhags nas/ shes rab kyi pha rol du phyin pa 'di gzung ba dang / bcang ba dang / klag pa dang / kun chub par byas te/ phyag byas nas phyir 'dong bar sems par 'gyur ro/ /kau shi ka rigs kyi bu 'am rigs kyi bu mo des kyang 'di snyam du sems bskyed par bya ste/ phyogs bcu'i 'jig rten gyi khams dag na 'khod pa'i lha'i bu rgyal chen bzhi'i ris su gtogs pa nas 'bras bu che ba man chad bla na med pa yang dag par rdzogs pa'i byang chub la yang dag par zhugs pa gang yin pa de dag dang / gnas gtsang ma'i ris kyi lha'i bu gang yin pa rnams dang / gzhan yang lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang</font><hr>35.7a<br><font size=+1>

yin pa de dag 'dir lhags nas/ shes rab kyi pha rol du phyin pa 'di gzung ba dang / bcang ba dang klag pa dang kun chub par byas shing phyag byas te/ mchod pa byas pa rnams phyir deng shig / chos kyi sbyin pa 'di yang de dag la byin par gyur cig snyam du sems bskyed par bya'o/ /phyogs bcu'i 'jig rten gyi khams dag na 'khod pa'i rgyal chen bzhi'i ris kyi lha'i bu gang yin pa rnams dang / 'bras bu che ba'i lha'i bu man chad bla na med pa yang dag par rdzogs pa'i byang chub la yang dag par zhugs pa gang yin pa rnams dang / gnas gtsang ma'i ris kyi lha'i bu gang yin pa de dag kyang der lhags nas/ shes rab kyi pha rol du phyin pa 'di 'dzin par byed/ 'chang bar byed/ klog par byed/ kun chub par byed cing phyag byas te/ btud nas phyir 'dong bar sems so/ /stong gsum gyi stong chen po'i 'jig rten gyi khams 'di na 'khod pa'i rgyal chen bzhi'i ris kyi lha'i bu gang yin pa rnams dang / 'og min gyi lha'i bu man chad dang / phyogs bcu'i 'jig rten gyi khams dag na 'khod pa'i rgyal chen bzhi'i ris kyi lha'i bu rnams dang / 'og min gyi lha man chad gang yin pa de dag kyang rigs kyi bu 'am rigs kyi bu mo de la srung ba dang / skyob pa dang / sbed par byed cing / de la glags tshol ba gang gis kyang glags mi rnyed de/ las kyi rnam par smin pa ni ma gtogs so/ /kau shi ka rigs kyi bu 'am rigs kyi bu mo de dag ni tshe 'di'i yon tan de dag kyang yongs su 'dzin par 'gyur ro/ /de ci'i phyir zhe na/ 'di ltar rigs kyi bu 'am rigs kyi bu mo de dag ni bla na med pa yang dag par rdzogs pa'i byang chub la yang dag par zhugs pa/ sems can thams cad kyi skyabs bya ba dang / sems can thams cad yongs su mi gtong ba dang / sems can thams cad la phan pa dang / </font><hr>35.7b<br><font size=+1>

bde bar bya ba'i ched du yang dag par zhugs pa'i phyir ro/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das shes rab kyi pha rol du phyin pa 'di gzung ba dang / bcang ba dang klag pa dang / kun chub par bgyi ba dang / sti stang du bgyi ba dang / bla mar bgyi ba dang / ri mor bgyi ba dang / mchod par bgyi ba dang / phyag bgyi ba dang / gdud par bgyi ba'i slad du/ phyogs bcu'i khor yug dag nas rgyal chen bzhi'i ris kyi lha'i bu rnams der mchi ba dang / 'og min gyi lha'i bu man chad mchi bar rigs kyi bu 'am rigs kyi bu mo de dag gis ji ltar rtogs par bgyi/ bcom ldan 'das kyis bka' stsal pa/ ko+o shi ka gal te rigs kyi bu 'am rigs kyi bu mos mi ma yin pa'i lha'i dri sngon ma myong bar tshor bar gyur na/ des lha'i bu gzi brjid che ba gzi brjid che ba dag shes rab kyi pha rol du phyin pa 'di mnyan pa dang / gzung ba dang / bcang ba dang / klag pa dang / kun chub par bya ba dang / sti stang du bya ba dang / bla mar bya ba dang / ri mor bya ba dang / mchod par bya ba'i phyir 'dir lhags so snyam du shes par bya'o/ /kau shi ka gzhan yang rigs kyi bu 'am rigs kyi bu mo des gtsang sbra byas na/ gtsang sbra byas pa des lha de dag lhags nas/ shes rab kyi pha rol du phyin pa 'di gzung ba dang / bcang ba dang / klag pa dang kun chub par bya ba dang / sti stang du bya ba dang / bla mar bya ba dang / ri mor bya ba dang / mchod pa byas nas yid rangs par 'gyur ro/ /phyogs de na lha gzi brjid chung ngu gang yin pa de dag ni/ lha gzi brjid che ba gzi brjid che ba de dag gis gzi brjid dang / byin mi bzod pas de nas gud du 'dong bar sems so/ /lha gzi brjid che ba gzi brjid che ba de dag ji tsam du der 'ong ba de tsam du rigs kyi bu 'am rigs kyi bu mo de dag rgya cher mos par 'gyur ro/ /sa phyogs der yang gtsang sbra mi byed pa'i bag spyad par mi bya ste/ me tog dang bdug pa dang / spos dang me tog phreng dang / byug pa dang phye ma dang / </font><hr>35.8a<br><font size=+1>

gos dang gdugs dang / rgyal mtshan dang / ba dan dag gis kyang sa phyogs de brgyan cing spos kyis byugs la me tog sil mas gtor bar bya'o/ /dar gyi lda ldi mang po spyang zhing bla re bres la rnam pa du mas sa phyogs de brgyan par bya'o/ /kau shi ka gzhan yang rigs kyi bu 'am rigs kyi bu mo de'i lus ngal bar mi 'gyur ba dang / lus bde bar 'gyur ba dang / lus yang bar 'gyur ba dang / lus las su rung ba dang / sems yang ba dang / sems las su rung ba dang / sems bde bar nyams su tshor bar 'gyur te/ de phyin chad de shes rab kyi pha rol du phyin pa la bsam pa thag pa nas/ yongs su rtog cing sdig pa'i rmi lam rmi bar mi 'gyur ro/ /de rmi lam na de bzhin gshegs pa dgra bcom pa yang dag par rdzogs pa'i sangs rgyas skyes bu chen po'i mtshan sum bcu rtsa gnyis kyis spras pa/ sku gser gyi kha dog can/ dge slong gi dge 'dun gyis mdun gyis bltas pa/ byang chub sems dpa'i tshogs kyis mdun gyis bltas pa/ chos ston cing bzhugs pa dag mthong bar 'gyur te/ de bzhin gshegs pa de dag las pha rol du phyin pa drug dang ldan pa'i gtam nyid thos par 'gyur zhing / byang chub kyi phyogs kyi chos sum bcu rtsa bdun dang ldan pa dang / sangs rgyas kyi chos ma 'dres pa bcwa brgyad kyi bar dang ldan pa'i gtam nyid thos par 'gyur te/ pha rol du phyin pa de dag gi don thos pa nas/ sangs rgyas kyi chos ma 'dres pa bcwa brgyad kyi bar gyi don thos par 'gyur ro/ /byang chub kyi shing yang mthong bar 'gyur ro/ /byang chub sems dpa' sems dpa' chen po byang chub kyi snying por 'gro ba yang mthong bar 'gyur ro/ /bla na med pa yang dag par rdzogs pa'i byang chub mngon par rdzogs par 'tshang rgya ba yang mthong bar 'gyur ro/ /byang chub sems dpa' bye ba khrag khrig phrag 'bum phrag mang po rnam pa thams cad mkhyen pa</font><hr>35.8b<br><font size=+1>

nyid ni 'di ltar yongs su bzung bar bya'o/ /sems can rnams ni 'di ltar yongs su smin par bya'o/ /sangs rgyas kyi zhing ni 'di ltar yongs su gzung bar bya zhes/ chos bgro ba byed pa dag kyang mthong bar 'gyur ro/ /shar phyogs nas sangs rgyas bye ba khrag khrig phrag 'bum phrag mang po dag gi sgra yang thos par 'gyur ro/ /de bzhin du lho dang / nub dang / byang dang / 'og dang / steng dang / phyogs mtshams dag nas/ sangs rgyas bye ba khrag khrig phrag 'bum phrag mang po'i sgra thos par 'gyur te/ 'jig rten gyi khams ga ge mo zhig na/ de bzhin gshegs pa dgra bcom pa yang dag par rdzogs pa'i sangs rgyas 'di zhes bya ba/ byang chub sems dpa' bye ba khrag khrig phrag 'bum phrag 'di snyed cig dang / nyan thos bye ba khrag khrig phrag 'bum phrag 'di snyed cig gis mdun gyis bltas nas/ yongs su bskor te chos ston cing bzhugs so zhes thos par 'gyur ro/ /shar phyogs na sangs rgyas bye ba khrag khrig phrag 'bum phrag mang po yongs su mya ngan las 'da' ba dag kyang mthong zhing phyogs bcu'i bar du sangs rgyas bye ba khrag khrig phrag 'bum phrag du ma yongs su mya ngan las 'da' ba dag kyang mthong bar 'gyur ro/ /de bzhin gshegs pa de dag gi mchod rten sku gdung gi rten rin po che sna tshogs las byas pa'i mchod rten bye ba khrag khrig phrag 'bum dag kyang mthong bar 'gyur ro/ /mchod rten de dag la yang me tog dang bdug pa dang / spos dang / me tog phreng dang / byug pa dang / phye ma dang / gos dang gdugs dang / rgyal mtshan dang / ba dan dag gis sti stang du byed/ bla mar byed/ ri mo byed/ mchod pa byed pa dag mthong bar 'gyur te/ ko+o shi ka de ltar/ rigs kyi bu 'am rigs kyi bu mo rmi lam bzang po de lta bu de dag rmi bar 'gyur ro/ /bde bar gnyid kyis log cing bde bar sad par 'gyur te/ lus la gzi brjid 'jug par nyams su tshor zhing lus kyang lci ba med de/ yang bar nyams</font><hr>35.9a<br><font size=+1>

su tshor bar 'gyur ro/ /de kha zas la yang brkam pa'i shas che bar mi 'gyur ro/ /gos dang zas dang / mal cha dang / stan dang / na ba'i gsos sman dang / yo byad la brkam par mi 'gyur te/ kau shi ka 'di lta ste dper na/ dge slong rnal 'byor spyod pa ting nge 'dzin las langs pa de ni yid la byed pas tshim par gyur pa'i sems kyis zas la brkam pa'i shas che bar mi 'gyur gyi chung bar 'gyur ba bzhin no/ /kau shi ka de bzhin du rigs kyi bu 'am rigs kyi bu mo de la mi ma yin pa rnams gzi brjid sgrub par 'gyur ro/ /phyogs bcu na sangs rgyas bcom ldan 'das gang dag bzhugs pa de dag dang / lha dang / klu dang / gnod sbyin dang dri za dang / lha ma yin dang / nam mkha' lding dang / mi 'am ci dang / lto 'phye chen po de dag kyang lus la gzi brjid 'jug par byed do/ /kau shi ka rigs kyi bu 'am rigs kyi bu mo gang gis rnam pa thams cad mkhyen pa nyid kyi sems dang ldan pas/ shes rab kyi pha rol du phyin pa 'di 'dzin pa dang / 'chang ba dang / klog pa dang kun chub par byed pa dang / tshul bzhin du yid la byed pa de ni tshe 'di'i yon tan de dag yongs su 'dzin par 'gyur ro/ /kau shi ka gzhan yang rigs kyi bu 'am rigs kyi bu mo gang shes rab kyi pha rol du phyin pa 'di 'dzin par mi byed/ 'chang bar mi byed/ klog par mi byed/ kun chub par mi byed/ tshul bzhin du yid la mi byed par glegs bam du bris te 'chang la me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ ri mor byed/ mchod pa byed kyang / kau shi ka rigs kyi bu 'am rigs kyi bu mo de gzhi de las bsod nams mang du skyed par 'gyur gyi/ gang gis phyogs bcu khor yug gi 'jig rten gyi khams na</font><hr>35.9b<br><font size=+1>

de bzhin gshegs pa dgra bcom pa yang dag par rdzogs pa'i sangs rgyas bzhugs pa nyan thos kyi dge 'dun dang bcas pa rnams la gos dang / zas dang mal cha dang / stan dang / na ba'i gsos sman dang / yo byad rnams kyis sti stang du byed/ bla mar byed/ ri mo byed/ mchod pa byed pa dang / de bzhin gshegs pa dgra bcom pa yang dag par rdzogs pa'i sangs rgyas de dag yongs su mya ngan las 'das pa'i mchod rten dang / nyan thos dang bcas pa'i dge 'dun la yang gos dang / zas dang / mal cha dang / stan dang na ba'i gsos sman dang / yo byad rnams kyis sti stang du byed/ bla mar byed ri mo byed/ mchod pa byed pa ni de lta ma yin no/ /shes rab kyi pha rol du phyin pa khri brgyad stong pa las 'dzin pa dang / ri mo byed pa'i phan yon gyi le'u zhes bya ste/ sum bcu pa'o// // de nas bcom ldan 'das kyis lha'i dbang po brgya byin la 'di skad ces bka' stsal to/ /kau shi ka gal te 'dzam bu gling 'di de bzhin gshegs pa'i sku gdung gis byur bur byas te bkang la/ de dag la yang me tog dang / bdug pa dang / spos dang / me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis sti stang du byed/ bla mar byed ri mor byed/ mchod pa byed pa gang yin pa dang / shes rab kyi pha rol du phyin pa 'di khyod la byin pa gang yin pa cha 'di gnyis las khyod gang 'dom/ brgya byin gyis gsol pa/ bcom ldan 'das gal te 'dzam bu'i gling 'di de bzhin gshegs pa'i sku gdung gis byur bur gang ba bdag la stsal pa dang / shes rab kyi pha rol du phyin pa 'di glegs bam du bris te stsal pa la/ bdag ni cha 'di gnyis bzhag pa las shes rab kyi pha rol du phyin pa 'tshal lags so/ /de ci'i slad du</font><hr>35.10a<br><font size=+1>

zhe na/ bcom ldan 'das bdag ni de bzhin gshegs pa'i sku gdung de dag la ma gus pa yang ma lags so/ /bcom ldan 'das bdag ni gus pa kho na lags te/ bdag ni de bzhin gshegs pa'i sku gdung dag la sti stang bgyid par mi 'tshal ba 'am/ bla mar bgyid par mi 'tshal ba 'am/ ri mo bgyid par mi 'tshal ba 'am/ mchod pa bgyid par mi 'tshal ba yang ma lags mod kyi/ 'on kyang bcom ldan 'das 'di ltar de bzhin gshegs pa'i sku gdung rnams ni shes rab kyi pha rol du phyin pa 'di las byung ba lags te/ de'i slad du de dag sti stang du bgyi ba dang / bla mar bgyi ba dang / ri mo bgyi ba dang / mchod pa bgyi ba lags so/ /de bzhin gshegs pa'i sku gdung rnams ni shes rab kyi pha rol du phyin pas yongs su bsgos pa lags te/ de'i slad du de bzhin gshegs pa'i sku gdung rnams kyis mchod pa brnyes pa lags so/ /de nas tshe dang ldan pa shA ri'i bus lha'i dbang po brgya byin la 'di skad ces smras so/ /kau shi ka shes rab kyi pha rol du phyin pa 'di ni gzung du med pa/ bstan du med pa thogs pa med pa ste/ 'di ltar mtshan nyid med pa mtshan nyid gcig pa yin no/ shes rab kyi pha rol du phyin pa gzung du med pa/ bstan du med pa/ thogs pa med pa/ 'di ltar mtshan nyid med pa mtshan nyid gcig pa de khyod kyis ji ltar blang bar sems/ de ci'i phyir zhe na/ shes rab kyi pha rol du phyin pa ni gzung ba 'am/ mi gzung ba 'am 'grib pa 'am/ 'phel ba 'am dbri ba 'am/ bsnan pa 'am kun nas nyon mongs pa 'am/ rnam par byang ba'i phyir gnas pa ma yin/ sangs rgyas kyi chos rnams sbyin par byed pa ma yin/ so so'i skye bo'i chos rnams 'dor bar byed pa ma yin/ byang chub sems dpa'i chos rnams dang / rang sangs rgyas kyi chos rnams dang / slob pa'i chos rnams dang mi slob pa'i chos</font><hr>35.10b<br><font size=+1>

rnams sbyin par byed pa ma yin/ so so'i skye bo'i chos rnams 'dor bar byed pa ma yin/ 'dus ma byas kyi khams sbyin par byed pa ma yin/ 'dus byas kyi khams 'dor bar byed pa ma yin/ nang snong pa nyid dang / dngos po med pa'i ngo bo nyid stong pa nyid kyi bar du sbyin par byed pa ma yin/ pha rol du phyin pa rnams dang / dran pa nye bar gzhag pa rnams dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / sangs rgyas kyi chos ma 'dres pa bcwa brgyad sbyin par byed pa ma yin/ rnam pa thams cad mkhyen pa nyid sbyin par byed pa ma yin pa'i phyir ro/ /brgya byin gyis smras pa/ btsun pa shA ri'i bu de de bzhin te/ shes rab kyi pha rol du phyin pa ni/ sangs rgyas kyi chos rnams dang / rnam pa thams cad mkhyen pa nyid kyi bar du sbyin par byed pa ma yin par bdag gis kyang shes so/ /de ci'i phyir zhe na/ shes rab kyi pha rol du phyin pa gnyis su med pa'i phyir/ shes rab kyi pha rol du phyin pa ni gnyis su nye bar gnas pa ma yin no/ /de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang sbyin pa'i pha rol du phyin pa gnyis su med pa'i phyir gnyis su nye bar gnas pa ma yin no/ /de nas bcom ldan 'das kyis lha'i dbang po brgya byin la legs so zhes bya ba byin te/ kau shi ka de de bzhin no/ /ji skad smras pa de bzhin te legs so legs so/ /shes rab kyi pha rol du phyin pa gnyis su med pa'i phyir/ shes rab kyi pha rol du phyin pa ni gnyis su nye bar gnas pa ma yin no/ /de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol</font><hr>35.11a<br><font size=+1>

du phyin pa yang sbyin pa'i pha rol du phyin pa gnyis su med pa'i phyir gnyis su nye bar gnas pa ma yin no/ /kau shi ka shes rab kyi pha rol du phyin pa la gnyis su 'dod pa gang yin pa de ni chos kyi dbyings la gnyis su 'dod par zad do/ /de ci'i phyir zhe na/ kau shi ka chos kyi dbyings dang / shes rab kyi pha rol du phyin pa ni gnyis su med cing gnyis su dbyer med do/ /de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang / chos kyi dbyings kyang gnyis su med cing gnyis su dbyer med do/ /de bzhin du sbyar te/ shes rab kyi pha rol du phyin pa la gnyis su 'dod pa gang yin pa de ni de bzhin nyid la gnyis su 'dod par zad do/ /de ni yang dag pa'i mtha' dang / bsam gyis mi khyab pa'i dbyings kyi bar du gnyis su 'dod par zad do/ /brgya byin gyis gsol pa/ bcom ldan 'das byang chub sems dpa' sems dpa' chen pos gang la bslab na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i shes rab kyi pha rol du phyin pa ni lha dang / mi dang lha ma yin du bcas pa'i 'jig rten gyis phyag bgyi ba'i gnas lags so/ /bcom ldan 'das gang gi tshe/ lha'i mdun sa chos bzang na/ lha'i dbang po'i stan la bdag mchis pa'i gnas la/ bdag mchis pa na der lha'i bu dag bdag la bsnyen bkur bgyid pa'i slad du mchis te/ gang gi tshe bdag gi seng ge'i khri la bdag ma mchis pa de'i tshe/ lha'i bu de dag chos kyi stan 'di la/ lha'i dbang po brgya byin 'dug nas sum bcu rtsa gsum gyi lha rnams la chos bstan to zhes bdag gi stan de la phyag bgyis nas slar mchis so/ /bcom ldan 'das de bzhin du gang du shes rab kyi pha rol du phyin pa 'di yi ger bris pa gnas sam/ </font><hr>35.11b<br><font size=+1>

kha ton du bgyid dam/ gzhan dag la yang dag par ston pa der phyogs bcu nas lha'i bu dang / klu dang gnod sbyin dang / dri za dang lha ma yin dang / nam mkha' lding dang / mi 'am ci dang / lto 'phye chen po gang lhags pa de dag shes rab kyi pha rol du phyin pa 'di la phyag 'tshal du mchi zhing / phyag bgyis nas slar mchi bar sems lags so/ /de ci'i slad du zhe na/ de bzhin gshegs pa dgra bcom pa yang dag par rdzogs pa'i sangs rgyas rnams kyang 'di las byung la/ sems can thams cad kyi bde ba'i yo byad rnams kyang 'di las skyes te/ de bzhin gshegs pa'i sku gdung gang lags pa de dag kyang shes rab kyi pha rol du phyin pa 'di las byung ba'i slad du'o/ /de bzhin du shes rab kyi pha rol du phyin pa 'di ni de bzhin gshegs pa byang chub kyi spyad pa spyod pa na yang rnam pa thams cad mkhyen pa nyid kyi rten du gyur cing / rkyen du gyur rgyur gyur/ stobs par gyur pa lags so/ /bcom ldan 'das de lta lags pas bdag ni cha de gnyis las/ shes rab kyi pha rol du phyin pa nyid 'tshal lags te/ shes rab kyi pha rol du phyin pa 'di blangs nas/ dam pa'i chos la sems gdungs pas kha ton du bgyi'o/ /bcom ldan 'das gang gi tshe bdag shes rab kyi pha rol du phyin pa yid la bgyid pa de'i tshe/ 'jigs par 'gyur ba 'am/ bag 'khums par 'gyur ba'i rgyu yang dag par rjes su mi mthong lags so/ /de ci'i slad du zhe na/ bcom ldan 'das shes rab kyi pha rol du phyin pa ni mtshan ma ma mchis shing / bcom ldan 'das shes rab kyi pha rol du phyin pa ni rtags ma mchis// brjod du ma mchis/ smos su ma mchis pa lags pa'i slad du'o/ /bcom ldan 'das de bzhin du bsam gtan dang / brtson 'grus dang / bzod pa dang tshul khrims dang / sbyin pa'i pha rol du phyin pa nas/ rnam pa thams cad</font><hr>35.12a<br><font size=+1>

mkhyen pa nyid kyi bar du smos su ma mchis pa'i slad du'o/ /bcom ldan 'das gal te shes rab kyi pha rol du phyin pa mtshan ma dang bcas pa zhig lags te/ mtshan ma ma mchis pa ma lags na ni/ de bzhin gshegs pa dgra bcom pa yang dag par rdzogs pa'i sangs rgyas kyis chos thams cad mtshan ma ma mchis pa dang / rtags ma mchis pa dang / brjod du ma mchis pa dang / smos su ma mchis par thugs su chud nas/ bla na med pa yang dag par rdzogs pa'i byang chub mngon par rdzogs par sangs rgyas te/ sems can rnams la mtshan ma ma mchis pa dang / rtags ma mchis pa dang / brjod du ma mchis pa dang / smos su ma mchis par chos ston par mi 'gyur ba zhig na/ bcom ldan 'das gang gi slad du shes rab kyi pha rol du phyin pa mtshan ma ma mchis/ rtags ma mchis brjod du ma mchis/ smos su ma mchis pa lags pa de'i slad du de bzhin gshegs pas chos thams cad mtshan ma ma mchis pa dang / rtags ma mchis pa dang brjod du ma mchis pa dang / smos su ma mchis pa dang / bsam gyis mi khyab par thugs su chud nas/ bla na med pa yang dag par rdzogs pa'i byang chub mngon par rdzogs par sangs rgyas te/ sems can rnams la mtshan ma ma mchis pa dang / rtags ma mchis pa dang / brjod du ma mchis pa dang / smos su ma mchis pa dang / bsam gyis mi khyab pa dang / tha snyad ma mchis pa'i chos ston lags so/ /bcom ldan 'das de ltar lags pas shes rab kyi pha rol du phyin pa 'di la ni lha dang bcas pa'i 'jig rten gyis me tog dang / bdug pa dang spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis sti stang du bgyi ba dang / bla mar bgyi ba dang / ri mor bgyi ba dang / mchod par bgyi ba dang / gzung ba dang / bcang ba dang / </font><hr>35.12b<br><font size=+1>

klag pa dang / kun chub par bgyi ba lags te/ de la ni sems can dmyal ba dang / dud 'gro'i skye gnas dang / gshin rje'i 'jig rten gyi 'gro ba ma mchis par 'tshal bar bgyi lags so/ /nyan thos kyi sa dang / rang sangs rgyas kyi sar ltung ba yang ma mchis par 'tshal bar bgyi ste/ bla na med pa yang dag par rdzogs pa'i byang chub mngon par rdzogs par sangs rgyas par gyur gyi bar du/ de bzhin gshegs pa mthong ba dang / sems can yongs su smin par bgyi ba dang / sangs rgyas kyi zhing nas sangs rgyas kyi zhing du mchi ba dang / de bzhin gshegs pa de dag la me tog dang / bdug pa dang / spos dang me tog phreng dang / byug pa dang / phye ma dang na bza' dang / gdugs dang / rgyal mtshan dang / ba dan dag gis sti stang du bgyi ba dang / bla mar bgyi ba dang / ri mo bgyi ba dang / mchod pa bgyi ba dang 'bral bar mi 'gyur lags so/ /bcom ldan 'das gzhan yang gal te stong gsum gyi stong chen po'i 'jig rten gyi khams 'di de bzhin gshegs pa'i sku gdung gis yongs su bkang ste/ byur bur bgyis pa zhig kyang bdag la stsal la/ shes rab kyi pha rol du phyin pa 'di glegs bam du bris pa zhig kyang bdag la stsal na/ bdag ni cha gnyis bzhag pa 'di las shes rab kyi pha rol du phyin pa 'di nyid 'tshal lags so/ /de ci'i slad du zhe na/ de bzhin gshegs pa'i sku gdung rnams ni de las byung ste/ sti stang du bgyi ba dang / bla mar bgyi ba dang / ri mor bgyi ba dang / mchod pa bgyi ba lags pas/ des na/ rigs kyi bu gang dag gis sti stang du bgyid/ bla mar bgyid/ ri mo bgyid/ mchod pa bgyid na/ de dag ngan 'gro dag tu skye bar mi 'gyur te/ lha dang mi'i phun sum tshogs pa nyams su myong nas/ smon lam ji ltar btab pa bzhin du nyan thos kyi theg pa 'am/ rang sangs rgyas kyi theg pa 'am/ theg pa</font><hr>35.13a<br><font size=+1>

chen pos yongs su mya ngan las 'da' bar 'gyur ba'i slad du'o/ /bcom ldan 'das de bzhin gshegs pa mthong ba gang lags pa dang / shes rab kyi pha rol du phyin pa mthong ba gang lags pa 'di ni mtshungs pa lags te/ bcom ldan 'das de ltar lags pas shes rab kyi pha rol du phyin pa gang lags pa dang / de bzhin gshegs pa gang lags pa 'di ni gnyis su ma mchis shing gnyis su dbyer ma mchis lags so/ /bcom ldan 'das gzhan yang de bzhin gshegs pa dgra bcom pa yang dag par rdzogs pa'i sangs rgyas kyis cho 'phrul rnam pa gsum gyis mdo'i sde dang / dbyangs kyis bsnyad pa'i sde dang / lung bstan pa'i sde dang / gtan la dbab par bstan pa'i sde'i bar du yan lag bcu gnyis pa'i chos bstan pa gang lags pa dang / rigs kyi bu 'am rigs kyi bu mos shes rab kyi pha rol du phyin pa 'di gzung ste/ kun chub par bgyis nas gzhan dag la yang bstan pa gang lags pa de ni mtshungs pa lags so/ /de ci'i slad du zhe na/ bcom ldan 'das cho 'phrul rnam pa gsum dang / mdo'i sde dang / dbyangs kyis bsnyad pa'i sde dang / lung bstan pa'i sde dang / gtan la bab par bstan pa'i sde'i bar dag ni 'di las byung ba'i slad du'o/ /bcom ldan 'das gzhan yang shar phyogs na de bzhin gshegs pa gang gA'i klung gi bye ma snyed dag cho 'phrul rnam pa gsum gyis mdo'i sde dang / dbyangs kyis bsnyad pa'i sde dang / lung bstan pa'i sde dang / gtan la bab par bstan pa'i sde'i bar gyi chos ston pa gang lags pa dang / de bzhin du lho phyogs dang / nub phyogs dang / byang phyogs dang / steng dang 'og dang / phyogs mtshams kyi bar gyi 'jig rten gyi khams gang gA'i klung gi bye ma snyed dag na sangs rgyas bcom ldan 'das dag cho 'phrul rnam pa gsum gyis mdo'i sde dang / </font><hr>35.13b<br><font size=+1>

dbyangs kyis bsnyad pa'i sde dang / gtan la bab par bstan pa'i sde'i bar du chos ston pa gang lags pa dang / rigs kyi bu 'am rigs kyi bu mo shes rab kyi pha rol du phyin pa 'di 'dzin pa nas/ gzhan dag la ston pa'i bar du bgyid pa gang lags pa de ni mtshungs pa lags so/ /de ci'i slad du zhe na/ de bzhin gshegs pa rnams kyang 'di las byung ba lags la/ mdo'i sde dang dbyangs kyis bsnyad pa'i sde dang / lung bstan pa'i sde dang / gtan la bab par bstan pa'i sde'i bar de dag kyang 'di las byung ba'i slad du'o/ /bcom ldan 'das gzhan yang phyogs bcu'i phyogs re rer yang de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed gang lags pa de dag la yang me tog dang / bdug pa dang spos dang / me tog phreng dang / byug pa dang phye ma dang / na bza' dang gdugs dang / rgyal mtshan dang / ba dan dag gis sti stang du bgyid/ bla mar bgyid/ ri mo bgyid/ mchod pa bgyid pa dang / gang gis shes rab kyi pha rol du phyin pa 'di glegs bam du bris te/ me tog dang bdug pa dang / spos dang me tog phreng dang / byug pa dang phye ma dang / na bza' dang gdugs dang / rgyal mtshan dang / ba dan dag gis sti stang du bgyid/ bla mar bgyid/ ri mo bgyid mchod pa bgyid pa de ni mtshungs pa lags so/ /de ci'i slad du zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni 'di las byung ba'i slad du'o/ /bcom ldan 'das gzhan yang rigs kyi bu 'am rigs kyi bu mo shes rab kyi pha rol du phyin pa la 'dzin pa dang / 'chang ba dang klog pa dang kun chub par bgyid pa dang tshul bzhin du yid la bgyid pas/ gzhan dag la yang yang dag par ston pa gang lags pa de la ni sems can dmyal ba dang / dud 'gro'i skye gnas dang / gshin rje'i 'jig rten gyi 'gro ba ma mchis par 'tshal bar bgyi lags so/ /nyan thos dang / rang sangs rgyas kyi sar ltung ba yang ma mchis par 'tshal bar bgyi ste/ phyir mi ldog pa'i byang chub</font><hr>35.14a<br><font size=+1>

sems dpa'i sa la gnas pa lags so/ /de ci'i slad du zhe na/ 'di ltar rigs kyi bu 'am rigs kyi bu mo shes rab kyi pha rol du phyin pa 'di yi ger bris nas/ 'dzin pa dang / 'chang ba dang / klog pa dang kun chub par bgyid pa dang / tshul bzhin du yid la bgyid pa dang / de la me tog dang / bdug pa dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis sti stang du bgyid/ bla mar bgyid/ ri mo bgyid/ mchod pa bgyid pa de la ni gang las kyang 'jigs pa 'byung ba ma mchis par 'tshal bar bgyi lags so/ /bcom ldan 'das dper bgyi na/ bu lon pas 'jigs pa'i mi rgyal po la brten na/ de rgyal po la 'khor bas/ de gang dag gis 'jigs par gyur pa de dag nyid kyis bsten par 'gyur te/ de dag gis 'jigs par yang mi 'gyur lags so/ /de ci'i slad du zhe na / bcom ldan 'das mthu dang ldan pa la brten pa ni de ltar 'gyur ba'i slad du ste rgyal po la rten pa ni 'jigs pa ma mchis pa lags so/ /bcom ldan 'das de bzhin du shes rab kyi pha rol du phyin pas yongs su bsgos pa'i sku gdung rnams kyis ni mchod pa brnyes lags so/ /bcom ldan 'das de la rgyal po de ji lta ba de bzhin du ni shes rab kyi pha rol du phyin pa blta bar bgyis lags so/ /rgyal po la brten pa'i mi mchod pa 'thob pa ji lta ba de bzhin du ni/ de bzhin gshegs pa'i sku gdung shes rab kyi pha rol du phyin pas yongs su bsgos pas mchod pa brnyes par blta bar bgyi lags so/ /thams cad mkhyen pa'i ye shes gang lags pa de yang shes rab kyi pha rol du phyin pas yongs su bsgos par rig par bgyi lags so/ /de lta lags pas bdag ni cha 'di gnyis las shes rab kyi pha rol du phyin pa 'di nyid 'tshal lags so/ /de ci'i slad du zhe na/ de bzhin gshegs pa'i</font><hr>35.14b<br><font size=+1>

sku gdung rnams ni 'di las byung ba lags/ skyes bu chen po'i mtshan sum bcu rtsa gnyis ni 'di las byung ba lags/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni 'di las byung ba lags/ byams pa chen po dang / snying rje chen po ni 'di las byung ba lags/ bcom ldan 'das pha rol du phyin pa lnga po rnams ni 'di las byung bas/ pha rol du phyin pa'i ming thob pa lags/ de bzhin gshegs pa'i rnam pa thams cad mkhyen pa nyid ni 'di las byung ba lags pa'i slad du'o/ /'phags pa shes rab kyi pha rol du phyin pa khri brgyad stong pa/  bam po nyi shu bzhi pa/ bcom ldan 'das stong gsum gyi stong chen po'i 'jig rten gyi khams gang na sems can rnams shes rab kyi pha rol du phyin pa 'dzin pa dang / 'chang ba dang / klog pa dang kun chub par bgyid pa der sems can de dag la mi 'am/ mi ma lags pa glags tshol bas glags rnyed par mi 'gyur te/ sems can de dag thams cad ni rim gyis mya ngan las 'da' ba'i chos can du yang 'gyur lags so/ /bcom ldan 'das shes rab kyi pha rol du phyin pa 'di ni de ltar rin po che ltar don che ba lags so/ /bcom ldan 'das shes rab kyi pha rol du phyin pa ni stong gsum gyi stong chen po'i 'jig rten gyi khams na sems can gang dag 'khod pa de dag la sangs rgyas kyi phrin las bgyid pa'i slad du nye bar gnas pa lags so/ /bcom ldan 'das 'jig rten gyi khams gang na shes rab kyi pha rol du phyin pa 'di spyod pa'i 'jig rten gyi khams der ni/ sangs rgyas byung bar 'tshal bar bgyi'o/ /bcom ldan 'das dper bgyi na nor bu rin po che chen po rin thang ma mchis pa zhig mchis la/ </font><hr>35.15a<br><font size=+1>

nor bu rin po che de yang yon tan 'di lta bu dag dang ldan te/ nor bu rin po che de gang dang gang du bzhag pa de dang der mi ma lags pas glags rnyed par mi 'gyur zhing / gang dang gang na skyes pa 'am/ bud med mi ma lags pas zin pa de dang der/ nor bu rin po che de phyung na/ nor bu rin po che der phyung ma thag tu mi ma lags pa de nor bu rin po che chen po de'i gzi brjid mi bzod pas 'bros par 'gyur lags so/ /mkhris pa'i dbang gis tsha bar gyur pa'i lus la nor bu rin po che de btags na/ mkhris pa de yang sel bar 'gyur zhing / rnam par 'phel bar mi 'gyur la/ zhi bar 'gyur lags so/ /bser ma'i bro nad kyis thebs pa'i lus la nor bu rin po che de btags na yang rlung de sel bar 'gyur lags so/ /bad kan gyi bro nad kyis thebs pa'i lus la nor bu rin po che de btags na yang / bad kan de dag thams cad zhi bar 'gyur lags so/ /rigs kyi bu 'am rigs kyi bu mo 'dus pa'i bro nad kyis thebs pa de'i lus la nor bu rin po che de btags na yang de'i nad de zhi bar 'gyur lags so/ /nor bu rin po che de mtshan mo yang snang bar bgyid par 'gyur lags so/ /tsha ba'i dus la bab pa'i chos phyogs gang tu nor bu rin po che de bzhags pa'i sa phyogs de yang bsil bar 'gyur lags so/ /lhags pa'i dus la bab pa'i tshe/ sa phyogs gang du nor bu rin po che de bzhags pa'i sa phyogs de yang dro bar 'gyur lags so/ /nor bu rin po che de gang du bzhags pa'i sa phyogs de grang yang mi grang / tsha yang mi tsha ste/ dus tshigs bde bar 'gyur lags so/ /sa phyogs gang du nor bu rin po che de gnas pa'i sa phyogs der sbrul gdug pa dang / sdig pa la sogs pa 'am/ sdig sbrul rnams kyang gnas par mi 'gyur lags so/ /rigs kyi bu 'am rigs kyi bu mo gang la la sbrul gdug pas zin par gyur pa de la nor bu rin po che de bstan na/ </font><hr>35.15b<br><font size=+1>

de la bstan ma thag tu dug de dag thams cad ma mchis par 'gyur lags so/ /nor bu rin po che de ni yon tan de dag la sogs pa dang ldan pa lags te/ bcom ldan 'das skyes pa 'am/ bud med bro nad sna tshogs kyis thebs pa gang lags pa de dag gis lus la gal te nor bu rin po che de btags na/ de dag gi bro nad thams cad kyang zhi bar 'gyur lags so/ /bcom ldan 'das chab gang gi nang du nor bu rin po che de stsal ba'i chab de dag thams cad kyang rang bzhin gyi kha dog ji lta ba dang yan lag brgyad dang ldan par 'gyur lags so/ /bcom ldan 'das gal te nor bu rin po che de ras sngon pos dkris te chab kyi nang du stsal na yang chab de sngon por 'gyur bar bgyi lags so/ /gal te ser po 'am/ gal te dmar po 'am/ gal te btsod ka 'am/ gal te shel gyi kha dog lta bu'i ras kyis nor bu rin po che de dkris te chab kyi nang du stsal na yang chab de de dag gi kha dog tu 'gyur lags so/ /ras tshon sna tshogs su bsgral ba'i ras kyis nor bu rin po che dkris nas chab kyi nang du stsal na yang chab de kha dog sna tshogs su 'gyur bar bgyid lags so/ /bcom ldan 'das/ chab rnyog pa can gang gi nang du nor bu rin po che de stsal ba'i chab de dag thams cad kyang dang bar 'gyur te/ nor bu rin po che de ni yon tan de dag la sogs pa dang ldan lags so/ /de nas tshe dang ldan pa kun dga' bos/ lha'i dbang po brgya byin la 'di skad ces smras so/ /kau shi ka 'di ji snyam du sems/ nor bu rin po che de lha'i yin nam/ 'on te 'dzam bu'i gling gi mi rnams la yang rin po che de lta bu yod snyam 'am/ brgya byin gyis smras pa/ btsun pa kun dga' bo nor bu rin po che de ni lha'i yin no/ /'dzam bu'i gling gi mi rnams kyi nor bu rin po che gang yin pa ni chung la lci'o/ /lha'i nor bu rin po che gang yin pa de dag ni che la yang ste/ 'dzam bu'i gling gi mi rnams kyi nor bu rin po che</font><hr>35.16a<br><font size=+1>

rnams ni/ lha'i rin po che de dag ltar yon tan gyi rnam pa shin du yongs su rdzogs pa ma yin te 'dzam bu gling pa'i nor bu rin po che de dag ni lha'i rin po che rnams kyi grangs su yang nye bar mi 'gro ste/ cha dang bgrang ba dang dper yang mi bzod do/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das nor bu rin po che de za ma tog gi nang du stsal ba las/ gang gi tshe nor bu rin po che de za ma tog de'i nang nas phyung na yang nor bu rin po che de de'i nang na mchis mchis so zhes za ma tog de yang yid du mchi bar 'gyur lags so/ /bcom ldan 'das de bzhin du sa phyogs gang na shes rab kyi pha rol du phyin pa 'di spyod pa der/ rigs kyi bu 'am rigs kyi bu mo dag gi lus dang / sems kyi sdug bsngal dang / gnod pa mis bgyis pa 'am/ mi ma lags pas bgyis pa rnams 'byung bar mi 'gyur lags so/ /de la nor bu rin po che zhes bgyi ba de ni/ shes rab kyi pha rol du phyin pa dang / thams cad mkhyen pa'i ye shes kyi tshig bla dgas lags so/ /shes rab kyi pha rol du phyin pa'i yon tan ni dpag tu ma mchis pa lags na/ shes rab kyi pha rol du phyin pa'i yon tan ji snyed cig yongs su brjod par rngo thog lags/ de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam dang sangs rgyas kyi chos ma 'dres pa bcwa brgyad kyi bar dang / </font><hr>35.16b<br><font size=+1>

thams cad mkhyen pa nyid kyi ye shes dang / chos kyi dbyings dang / chos skyon med pa nyid dang / de bzhin nyid dang yang dag pa'i mtha' dang / bsam gyis mi khyab pa'i dbyings kyi yon tan yang de bzhin te/ rnam pa thams cad mkhyen pa nyid kyi ye shes kyi yon tan de dag ni gang dag gis de bzhin gshegs pa yongs su mya ngan las 'das pa'i sku gdung rnams kyis mchod pa brnyes par 'gyur ba lags so/ /bcom ldan 'das gzhan yang sku gdung de dag ni rnam pa thams cad mkhyen pa nyid kyi ye shes dang / bag chags dang / nying mtshams sbyor ba dang / nyon mongs pa thams cad spong ba dang / rtag tu btang snyoms su gnas pa dang / bsnyel ba mi mnga' ba'i chos nyid kyi snod du gyur pa lags te/ de'i slad du de bzhin gshegs pa'i sku gdung rnams kyis mchod pa brnyes pa lags so/ /bcom ldan 'das sku gdung de dag ni pha rol du phyin pa rin po che rnams kyi snod du gyur pa lags so/ /de bzhin gshegs pa'i sku gdung de dag ni kun nas nyon mongs pa ma mchis pa dang / rnam par byang ba ma mchis pa'i pha rol du phyin pa dang / skye ba ma mchis pa dang / 'gag pa ma mchis pa'i pha rol du phyin pa dang / blang ba ma mchis pa dang dor ba ma mchis pa'i pha rol du phyin pa dang / 'ong ba ma mchis pa dang / 'gro ba ma mchis pa'i pha rol du phyin pa'i snod du gyur pa lags so/ /de bzhin gshegs pa'i sku gdung de dag ni chos nyid kyi pha rol du phyin pa'i snod du gyur pa lags so/ /de bzhin gshegs pa'i sku gdung de dag ni/ chos nyid kyis yongs su bsgos pa lags te/ de'i slad du de bzhin gshegs pa'i sku gdung rnams ni mchod pa brnyes pa lags so/ /bcom ldan 'das gzhan yang stong gsum gyi stong chen po'i 'jig rten gyi khams de bzhin gshegs pa'i sku gdung gis yongs su bkang ste/ byur bur bgyis pa lta zhog lags kyi/ bcom ldan 'das gal te 'jig rten gyi khams gang</font><hr>35.17a<br><font size=+1>

gA'i klung gi bye ma snyed de bzhin gshegs pa'i sku gdung gis yongs su bkang ste/ byur bur bgyis la/ shes rab kyi pha rol du phyin pa 'di yang glegs bam du bris te stsal na/ bcom ldan 'das bdag ni cha 'di gnyis bzhag pa las shes rab kyi pha rol du phyin pa 'di 'tshal lags so/ /de ci'i slad du zhe na/ de bzhin gshegs pa'i sku gdung shes rab kyi pha rol du phyin pas yongs su bsgos pa de las byung ba'i slad du mchod pa brnyes pa lags so/ /bcom ldan 'das rigs kyi bu 'am rigs kyi bu mo de bzhin gshegs pa'i sku gdung rnams la sti stang du bgyid/ bla mar bgyid/ ri mor bgyid/ mchod pa bgyid pa gang lags pa de'i dge ba'i rtsa ba de ni mthar phyin nas/ lha rnams dang / mi rnams kyi bde ba dag nyams su myong ste/ rgyal rigs shing sA la chen po lta bu rnams su 'am/ bram ze'i rigs shing sA la chen po lta bu rnams su 'am/ khyim bdag gi rigs shing sA la chen po lta bu rnams su 'am/ rgyal chen bzhi'i ris kyi lha'i bu dang / sum bcu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyi nang du bde ba nyams myong ste/ dge ba'i rtsa ba de nyid kyis sdug bsngal mthar bgyid par 'gyur ba tsam du bas kyi/ rigs kyi bu 'am rigs kyi bu mo shes rab kyi pha rol du phyin pa 'di 'dzin pa dang / 'chang ba dang / klog pa dang kun chub par bgyid pa dang tshul bzhin du yid la bgyid pa gang lags pa de ni bsam gtan gyi pha rol du phyin pa yang yongs su rdzogs par 'gyur lags so/ /bsam gtan gyi pha rol du phyin pas kyang / brtson 'grus kyi pha rol du phyin pa yongs su rdzogs par bgyid lags so/ /brtson 'grus kyi pha rol du phyin pas kyang / bzod pa'i pha rol du phyin pa yongs su rdzogs par bgyid lags so/ /bzod pa'i pha rol du phyin pas kyang / tshul khrims kyi</font><hr>35.17b<br><font size=+1>

pha rol du phyin pa yongs su rdzogs par bgyid lags so/ /tshul khrims kyi pha rol du phyin pas kyang / sbyin pa'i pha rol du phyin pa yongs su rdzogs par bgyid lags so/ /de bzhin du byang chub kyi phyogs kyi chos sum bcu rtsa bdun dang / sangs rgyas kyi chos ma 'dres pa bcwa brgyad kyi bar du yongs su rdzogs par bgyid lags te/ nyan thos dang rang sangs rgyas kyi sa las 'das nas/ byang chub sems dpa'i skyon ma mchis pa la 'jug par bgyid lags so/ byang chub sems dpa'i skyon ma mchis pa la zhugs nas/ byang chub sems dpa'i mngon par shes pa rnams thob par 'gyur lags so/ /byang chub sems dpa'i mngon par shes pa rnams thob nas/ sangs rgyas kyi zhing nas sangs rgyas kyi zhing du mchi zhing lus gang dag gis sems can rnams yongs su smin par bgyid par 'gyur ba'i lus bsam bzhin du len par bgyid de/ yang na 'khor los sgyur ba'i lus sam/ rgyal rigs shing sA la chen po lta bu 'am/ bram ze'i rigs shing sA la chen po lta bu 'am/ khyim bdag gi rigs shing sA la chen po lta bu'i lus blangs nas/ sems can rnams yongs su smin par bgyid lags so/ /bcom ldan 'das de lta lags pas/ bdag ni de bzhin gshegs pa'i sku gdung rnams la gus par mi bgyid pa yang ma lags la/ len par mi 'tshal ba yang ma lags mod kyi/ 'on kyang shes rab kyi pha rol du phyin pa la sti stang bgyid pas/ de bzhin gshegs pa'i sku gdung rnams la yang sti stang bgyis par 'gyur/ bla mar bgyis par 'gyur/ ri mor bgyis par 'gyur/ mchod par bgyis par 'gyur lags so/ /bcom ldan 'das gzhan yang phyogs bcu'i 'jig rten gyi khams grangs ma mchis dpag tu ma mchis pa dag ni/ de bzhin gshegs pa dgra bcom pa yang dag par rdzogs pa'i sangs rgyas</font><hr>35.18a<br><font size=+1>

bzhugs pa de dag chos kyi sku dang gzugs kyi skur mthong bar 'tshal ba gang lags pa des ni/ shes rab kyi pha rol du phyin pa 'di nyid gzung bar bgyi/ bcang bar bgyi/ klag par bgyi/ kun chub par bgyi/ gzhan dag la yang rgya cher yang dag par bstan par bgyi zhing / tshul bzhin du yang yid la bgyi'o/ /rigs kyi bu 'am rigs kyi bu mo gang phyogs bcu'i de bzhin gshegs pa dgra bcom pa yang dag par rdzogs pa'i sangs rgyas de dag mthong bar 'tshal ba'i rigs kyi bu 'am rigs kyi bu mo shes rab kyi pha rol du phyin pa la spyod pa des ni/ chos nyid du sangs rgyas rjes su dran pa bsgom par bgyi'o/ /bcom ldan 'das chos nyid ni 'di gnyis lags te/ gnyis gang zhe na 'di lta ste/ 'dus byas kyi chos kyi chos nyid dang / 'dus ma byas kyi chos kyi chos nyid lags so/ /bcom ldan 'das de la 'dus byas kyi chos kyi chos nyid gang lags she na/ nang stong pa nyid 'tshal ba dang / dngos po med pa'i ngo bo nyid stong pa nyid 'tshal ba gang lags pa'i bar dang / byang chub kyi phyogs kyi chos sum bcu rtsa bdun 'tshal ba gang lags pa dang / de bzhin gshegs pa'i stobs bcu 'tshal ba gang lags pa dang / mi 'jigs pa bzhi 'tshal ba gang lags pa dang / so so yang dag par rig pa bzhi 'tshal ba gang lags pa dang / sangs rgyas kyi chos ma 'dres pa bcwa brgyad 'tshal ba gang lags pa dang / dge ba dang mi dge ba'i chos rnams 'tshal ba gang lags pa dang / zag pa dang bcas pa dang / zag pa ma mchis pa rnams dang / kha na ma tho ba dang bcas pa dang / kha na ma tho ba ma mchis pa rnams dang / 'jig rten pa dang / 'jig rten las 'das pa rnams dang / kun nas nyon mongs pa dang / rnam par byang ba'i chos rnams 'tshal ba gang lags pa ste/ 'di ni 'dus byas kyi chos kyi chos nyid ces bgyi'o/ /de la 'dus ma byas kyi chos kyi chos nyid gang lags she na/ </font><hr>35.18b<br><font size=+1>

chos gang la skye ba ma mchis pa 'gag pa ma mchis pa dang / gnas pa ma mchis pa dang gnas pa las gzhan du 'gyur ba ma mchis pa dang / kun nas nyon mongs pa ma mchis pa dang / rnam par byang ba ma mchis pa dang 'grib pa ma mchis pa dang 'phel ba ma mchis pa dang / chos thams cad ngo bo nyid ma mchis pa nyid kyi bar dag lags so/ /chos thams cad ngo bo nyid ma mchis pa nyid kyang gang lags she na/ chos thams cad ni dngos po ma mchis pa'i ngo bo nyid lags pas 'di ni 'dus ma byas kyi chos kyi chos nyid ces bgyi'o/ /de nas bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin no de de bzhin te 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas byung ba gang yin pa de dag kyang shes rab kyi pha rol du phyin pa 'di nyid la brten nas/ bla na med pa yang dag par rdzogs pa'i byang chub mngon par rdzogs par sangs rgyas so/ /ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag 'byung bar 'gyur ba de dag kyang shes rab kyi pha rol du phyin pa 'di nyid la brten nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de ltar phyogs bcu'i 'jig rten gyi khams grangs med dpag tu med pa dag na de bzhin gshegs pa dgra bcom pa yang dag par rdzogs pa'i sangs rgyas gang dag bzhugs te/ 'tsho zhing gzhes pa de dag kyang shes rab kyi pha rol du phyin pa 'di nyid la brten te/ bla na med pa yang dag par rdzogs pa'i byang chub tu mngon par rdzogs par sangs rgyas so/ /'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos su gyur pa gang yin pa de dag dang / ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos su 'gyur ba gang yin</font><hr>35.19a<br><font size=+1>

pa de dag dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos da ltar 'khod pa gang yin pa de dag gis kyang shes rab kyi pha rol tu phyin pa 'di nyid la bsten nas rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom ba'i 'bras bu thob bo/ /thob bar 'gyur ro 'thob bo/ /'das pa'i dus na rang sangs rgyas su gyur pa gang yin pa de dag dang / ma 'ongs pa'i dus na rang sangs rgyas su 'gyur ba gang yin pa de dag dang / da ltar phyogs bcu'i 'jig rten gyi khams dpag tu med/ grangs med pa dag na rang sangs rgyas gnas te/ 'tsho zhing sdod pa gang yin pa de dag gis kyang shes rab kyi pha rol du phyin pa 'di nyid la brten nas/ rang byang chub thob bo/ /thob par 'gyur ro/ /'thob bo/ /de ci'i phyir zhe na/ 'di ltar shes rab kyi pha rol du phyin pa 'di las theg pa gsum rgya cher bstan pa'i phyir te/ de dag kyang mtshan ma med pa'i tshul dang / skye ba med pa dang / 'gag pa med pa'i tshul dang / kun nas nyon mongs pa med pa dang / rnam par byang ba med pa'i tshul dang / mngon par 'du byed pa med pa'i tshul dang / blang ba med pa dang / dor ba med pa'i tshul dang / dbri ba med pa dang / bsnan pa med pa'i tshul dang / gzung ba med pa dang / spong ba med pa'i tshul gyis bstan te/ de yang 'jig rten gyi tha snyad kyis bya ba yin gyi/ don dam par ni ma yin no/ /de ci'i phyir zhe na/ shes rab kyi pha rol du phyin pa ni pha rol du phyin pa yang ma yin/ pha rol du phyin pa ma yin pa yang ma yin pa'i phyir te/ shes rab kyi pha rol du phyin pa ni pha rol lam/ tshu rol lam/ thang ngam/ gshong ngam/ mnyam pa 'am/ mi mnyam ba 'am/ mtshan ma 'am/ mtshan ma med pa 'am/ 'jig rten pa 'am/ 'jig rten las 'das pa 'am/ 'dus byas sam/ </font><hr>35.19b<br><font size=+1>

'dus ma byas sam/ dge ba 'am/ mi dge ba 'am/ 'das pa 'am/ ma 'ongs pa 'am/ da ltar byung ba yang ma yin no/ /kau shi ka shes rab kyi pha rol du phyin pa ni chos gang yang sbyin par byed pa ma yin te/ rang sangs rgyas kyi chos rnams dang / dgra bcom pa'i chos rnams dang / so so'i skye bo'i chos rnams kyang sbyin par byed pa ma yin no/ /brgya byin gyis gsol pa/ bcom ldan 'das 'di lta ste/ shes rab kyi pha rol du phyin pa 'di ni che ba lags so/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa ni sems can thams cad kyi sems kyi spyod pa rnams kyang rab tu 'tshal la sems can yang mi dmigs/ shes pa po dang / mthong ba po'i bar yang mi dmigs/ gzugs kyang mi dmigs/ tshor ba dang / 'du shes dang / 'du byed rnams dang / rnam par shes pa yang mi dmigs/ mig kyang mi dmigs/ gzugs kyang mi dmigs/ mig gi rnam par shes pa yang mi dmigs/ mig gi 'dus te reg pa yang mi dmigs/ mig gi 'dus te reg ba'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma lags/ sdug bsngal ba yang ma lags pa gang lags pa de yang mi dmigs lags so/ /de bzhin du rna ba dang sna dang / lce dang lus dang yid kyang mi dmigs/ yid kyi rnam par shes pa dang / yid kyi 'dus te reg pa dang / yid kyi 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am bde ba yang ma lags/ sdug bsngal ba yang ma lags pa gang lags pa de yang mi dmigs lags so/ /dran pa nye bar gzhag pa rnams</font><hr>35.20a<br><font size=+1>

kyang mi dmigs/ yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / lam yang mi dmigs lags so/ /de bzhin gshegs pa'i stobs bcu dang mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad kyang mi dmigs lags so/ /byang chub dang sangs rgyas dang / sangs rgyas kyi chos rnams kyang mi dmigs lags so/ /de ci'i slad du zhe na/ shes rab kyi pha rol du phyin pa 'di ni mi dmigs pa'i tshul gyis nye bar gnas pa ma lags pa'i slad du'o/ /de ci'i slad du zhe na/ 'di ltar gang gis dmigs pa dang / gang la dmigs pa rang bzhin gyis ma mchis pa'i slad du'o/ /bcom ldan 'das kyis bka' stsal pa/ kau shi ka de de bzhin no/ /de de bzhin te/ kau shi ka 'di ltar byang chub sems dpa' sems dpa' chen po mi dmigs pa'i tshul gyis shes rab kyi pha rol du phyin pa la spyod pa de ni/ byang chub kyang mi dmigs na/ byang chub sems dpa' lta ci smos/ byang chub sems dpa'i chos rnams lta yang ci smos/ brgya byin gyis gsol pa/ bcom ldan 'das byang chub sems dpa' sems dpa' chen po ci'i slad du shes rab kyi pha rol du phyin pa 'ba' shig la spyod par bgyid kyi pha rol du phyin pa gzhan dag la spyod par mi bgyid lags/ bcom ldan 'das kyis bka' stsal pa/ kau shi ka byang chub sems dpa' ni shes rab kyi pha rol du phyin pa 'ba' shig la spyod pa ma yin gyi/ pha rol du phyin pa thams cad la yang spyod do/ /deyang mi dmigs pa'i tshul gyis spyod de/ de sbyin pa yang mi dmigs/ sbyin pa po yang mi dmigs/ len pa po yang mi dmigs so/ /tshul khrims kyang mi dmigs/ tshul khrims dang ldan pa yang mi dmigs/ tshul khrims 'chal pa yang mi dmigs so/ /</font><hr>35.20b<br><font size=+1>

bzod pa yang mi dmigs/ bzod par bya ba yang mi dmigs/ bzod pa dang ldan pa yang mi dmigs so/ /brtson 'grus kyang mi dmigs/ bya ba yang mi dmigs / lus dang sems kyang mi dmigs so/ /sems kyang mi dmigs/ ting nge 'dzin kyang mi dmigs mnyam par bzhag pa yang mi dmigs so/ /shes rab kyang mi dmigs shes par bya ba yang mi dmigs/ shes rab dang ldan pa yang mi dmigs so/ /kau shi ka shes rab kyi pha rol du phyin pa ni chos thams cad mi dmigs pa'i tshul gyis/ byang chub sems dpa' sems dpa' chen po sbyin pa sbyin pa'i sngon du 'gro ba yin no/ /shes rab kyi pha rol du phyin pa ni byang chub sems dpa' tshul khrims srung ba dang / bzod pa sgom pa dang / brtson 'grus rtsom pa dang / bsam gtan la snyoms par 'jug pa'i sngon du 'gro ba yin no/ /shes rab kyi pha rol du phyin pa ni byang chub sems dpa'i chos rnams rnam par 'byed pa'i sngon du 'gro ba yin no/ /de bzhin du phung po dang / khams dang skye mched rnams la yang mi dmigs pa'i tshul gyis sbyar bar bya'o/ /byang chub kyi phyogs kyi chos sum bcu rtsa bdun la yang mi dmigs pa'i tshul gyis sbyar bar bya'o/ /stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad la yang mi dmigs pa'i tshul gyis sbyar bar bya'o/ /rnam pa thams cad mkhyen pa nyid kyi bar du yang mi dmigs pa'i tshul gyis sbyar bar bya'o/ /kau shi ka 'di lta ste dper na/ 'dzam bu'i gling gi shing ljon pa lo ma tha dad pa dang 'bras bu tha dad pa'i shing ljon pa ji snyed pa de dag gi grib ma ni grib ma grib ma zhes bya ba'i grangs su 'gro ba ma gtogs par khyad par ram tha dad du dbye ba med do/ /kau shi ka de bzhin du pha rol du phyin pa</font><hr>35.21a<br><font size=+1>

lnga mi dmigs pa'i tshul gyis/ shes rab kyi pha rol du phyin pas yongs su zin pa dang / rnam pa thams cad mkhyen pa nyid du yongs su bsngos pa rnams la ni khyad par ram/ tha dad du dbye ba med do/ /brgya byin gyis gsol pa/ bcom ldan 'das shes rab kyi pha rol du phyin pa 'di ni snying rje chen po dang ldan pa lags/ yon tan thams cad yongs su rdzogs par bgyid pa lags/ yon tan tshad ma mchis pa dang ldan pa lags/ yon tan mtha' yas pa dang ldan pa lags/ shes rab kyi pha rol du phyin pa 'di ni yon tan thug pa ma mchis pa dang ldan pa lags so/ /bcom ldan 'das rigs kyi bu 'am rigs kyi bu mo gang la las shes rab kyi pha rol du phyin pa 'di glegs bam la yang bris te 'chang la/ me tog dang / spos dang / bdug pa dang / me tog phreng dang / byug pa dang / phye ma dang na bza' dang / gdugs dang / rgyal mtshan dang / ba dan dag gis sti stang du bgyid/ bla mar bgyid/ ri mo bgyid/ mchod pa bgyid de/ ji ltar lung phog pa bzhin du yang shes rab kyi pha rol du phyin pa tshul bzhin du yid la bgyid pa dang / rigs kyi bu 'am rigs kyi bu mo gang gis shes rab kyi pha rol du phyin pa 'di glegs bam la bris te/ gzhan dag la stsal na/ 'di gnyis las gang bsod nams ches mang du skyed pa lags/ bcom ldan 'das kyis bka' stsal pa/ kau shi ka de'i phyir 'di khyod nyid la dris/ khyod kyis ji ltar bzod pa de ltar lan thob shig /kau shi ka 'di ji snyam du sems/ rigs kyi bu 'am rigs kyi bu mo gang la las de bzhin gshegs pa'i sku gdung rnams la me tog dang / bdug pa dang / spos dang me tog phreng dang / byug pa dang phye ma dang / gos dang / gdugs dang / rgyal mtshan dang / ba dan dag gis sti stang du byed/ bla mar byed/ </font><hr>35.21b<br><font size=+1>

ri mo byed/ mchod pa byed pa dang / rigs kyi bu 'am rigs kyi bu mo gang gis de bzhin gshegs pa'i sku gdung yungs 'bru tsam gzhan dag la byin te/ bgo bsha' byas nas/ rigs kyi bu 'am rigs kyi bu mo deyang de bzhin gshegs pa'i sku gdung yungs 'bru tsam po de la me tog dang / bdug pa dang / spos dang me tog phreng dang / byug pa dang / phye ma dang gos dang / gdugs dang rgyal mtshan dang / ba dan dag gis sti stang du byed/ bla mar byed/ ri mor byed/ mchod pa byed na/ de gnyis las gang bsod nams ches mang du bskyed snyam 'am brgya byin gyis gsol pa/ bcom ldan 'das kyis bka' stsal pa'i don bdag gis 'tshal ba ltar na/ rigs kyi bu 'am rigs kyi bu mo gang de bzhin gshegs pa'i sku gdung de dag la bdag nyid kyang me tog la sogs pas sti stang du bgyid/ bla mar bgyid/ ri mo bgyid/ mchod pa bgyid pa bas/ gzhan dag la yang stsol bar bgyid pa de ni/ de las bsod nams ches mang du skyed lags so/ /de bzhin gshegs pas don gyi dbang de gzigs nas/ sems can gyi tshogs kyi nang na/ sems can de bzhin gshegs pa'i sku gdung gis 'dul bar 'gyur ba rnams la thugs rje chen po bskyed de/ de bzhin gshegs pas rdo rje lta bu'i ting nge 'dzin la snyoms par zhugs nas/ rdo rje lta bu'i sku bshig ste/ de bzhin gshegs pa'i sku gdung rnams su byin gyis brlabs lags so/ /bcom ldan 'das tha na de bzhin gshegs pa yongs su mya ngan las 'das pa'i de bzhin gshegs pa'i sku gdung yungs 'bru tsam la mchod par bgyid pa'i dge ba'i rtsa ba ni yongs su mya ngan las 'das par gyur gyi bar du de dag thams cad kyis de'i mtha' rtogs par rngo mi thogs lags so/ /bcom ldan 'das kyis bka' stsal pa/ kau shi ka de de bzhin no/ de de bzhin te/ </font><hr>35.22a<br><font size=+1>

kau shi ka rigs kyi bu 'am rigs kyi bu mo gang la la zhig shes rab kyi pha rol du phyin pa 'di la me tog dang / bdug pa dang / spos dang / me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis sti stang du byed pa dang / bla mar byed pa dang / ri mo byed pa dang / mchod pa byed pa bas gang gis yi ger bris nas gzhan dag la sbyin par byed na/ rigs kyi bu 'am rigs kyi bu mo de de las ches bsod nams mang du bskyed do/ /ko+o shi ka gzhan yang rigs kyi bu 'am rigs kyi bu mo gang shes rab kyi pha rol du phyin pa 'di ji ltar lung phog pa bzhin du gzhan dag gi drung du song ste/ 'chad cing ston pa dang / rjod cing 'grel pa dang / gsal bar byed na/ rigs kyi bu 'am rigs kyi bu mo de ni/ rigs kyi bu 'am rigs kyi bu mo snga ma bas/ ches bsod nams mang du skyed de/ ston pa 'am bla ma'i gnas tshangs pa mtshungs par spyod pa mkhas pa gang yang rung ba zhig yin par shes par bya'o/ /de ci'i phyir zhe na/ 'di la ston pa yang gzhan la/ shes rab kyi pha rol du phyin pa yang gzhan pa ni ma yin gyi/ shes rab kyi pha rol du phyin pa 'di nyid ston pa yin la/ ston pa nyid shes rab kyi pha rol du phyin pa yin pas na/ 'di ltar shes rab kyi pha rol du phyin pa 'di nyid ston pa yin par blta'o/ de ci'i phyir zhe na/ 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyang / shes rab kyi pha rol du phyin pa 'di la bslabs pas byung ba yin la/ tshangs pa mtshungs par spyod pa mkhas pa gang yang rung ba dang / phyir mi ldog pa la gnas pa'i byang chub sems dpa' gang yin pa de dag kyang shes rab kyi pha rol du phyin pa 'di nyid la bslabs pas/ bla na</font><hr>35.22b<br><font size=+1>

med pa yang dag par rdzogs pa'i byang chub mngon par rdzogs par sangs rgyas pa'i phyir ro/ shes rab kyi pha rol du phyin pa 'di la bslabs pas/ nyan thos kyi theg pa pa rnams kyis kyang dgra bcom pa nyid thob par gyur to/ /rang sangs rgyas kyi theg pa pa rnams kyis kyang rang byang chub thob par gyur to/ /byang chub sems dpa' rnams kyang byang chub sems dpa'i skyon med pa la zhugs so/ /'jug go/ /'jug par 'gyur ro/ /ko+o shi ka de bas na rigs kyi bu 'am rigs kyi bu mo de bzhin gshegs pa dgra bcom pa yang dag par rdzogs pa'i sangs rgyas rnams mngon sum du bya bar 'dod pa dang / me tog dang / bdug pa dang / spos dang / me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis sti stang du bya ba dang / bla mar bya ba dang / ri mo bya ba dang / mchod pa bya bar 'dod pa des shes rab kyi pha rol du phyin pa 'di nyid glegs bam la bris te/ me tog dang / bdug pa dang spos dang / me tog phreng dang / byug pa dang / phye ma dang gos dang gdugs dang / rgyal mtshan dang / ba dan dag gis sti stang du bya/ bla mar bya/ ri mo bya / mchod pa bya'o/ /nga bla na med pa yang dag par rdzogs pa'i byang chub mngon par rdzogs par sangs rgyas te/ don gyi dbang 'di mthong nas/ 'di snyam du bsams te/ ngas gang la brten te gnas par bya/ gang zhig la ni sti stang bya/ bla mar bya/ ri mo bya/ mchod pa bya snyam pa las/ kau shi ka de'i tshe ngas 'jig rten lha dang bcas pa/ bdud dang bcas pa/ dge sbyong dang / bram zer bcas pa'i skye dgu'i nang na/ /</font><hr>35.23a<br><font size=+1>

nga dang 'dra ba ma mthong ste/ nga dang 'dra ba yang dag par rjes su ma mthong nas/ yang 'di snyam du bsams te/ 'o na de ltar ngas chos gang mngon par rdzogs par sangs rgyas pa'i chos de nyid la bdag gis sti stang du bya/ bla mar bya/ ri mo bya/ mchod pa bya zhing brten te/ gnas par bya'o snyam du bsams pa'i chos gang yin pa de ni/ kau shi ka shes rab kyi pha rol du phyin pa 'di nyid yin te/ kau shi ka shes rab kyi pha rol du phyin pa 'di la ni nga nyid kyang sti stang du byed/ bla mar byed/ ri mo byed/ mchod pa byed de/  sti stang du byas/ bla mar byas/ ri mo byas/ mchod pa byas nas rten cing gnas na/ kau shi ka rigs kyi bu 'am rigs kyi bu mo bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ shes rab kyi pha rol du phyin pa 'di la me tog dang / bdug pa dang / spos dang / me tog phreng dang / byug pa dang / phye ma dang / gos dang gdugs dang / rgyal mtshan dang / ba dan dag gis sti stang du bya ba dang / /bla mar bya ba dang / ri mo bya ba dang / mchod pa bya ba dang / rigs kyi bu 'am rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa dag gis/ shes rab kyi pha rol du phyin pa 'di la me tog dang / bdug pa dang / spos dang me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis sti stang du bya ba dang / bla mar bya ba dang / ri mo bya ba dang / mchod par bya ba lta ci smos/ de ci'i phyir zhe na/ shes rab kyi pha rol du phyin pa las ni/ byang chub sems dpa' rnams byung la/ byang chub</font><hr>35.23b<br><font size=+1>

sems dpa' las ni de bzhin gshegs pa dgra bcom pa yang dag par rdzogs pa'i sangs rgyas rnams byung zhing / de bzhin gshegs pa las ni nyan thos dang / rang sangs rgyas rnams byung ba'i phyir te/ kau shi ka de lta bas na/ rigs kyi bu 'am rigs kyi bu mo theg pa chen po pa rnams dang / nyan thos kyi theg pa pa rnams dang / rang sangs rgyas kyi theg pa pa rnams kyis gang la bslabs na/ rigs kyi bu 'am rigs kyi bu mo rnams/ bla na med pa yang dag par rdzogs pa'i byang chub mngon par rdzogs par sangs rgyas pa dang / mngon par rdzogs par 'tshang rgya ba dang / mngon par rdzogs par 'tshang rgya bar 'gyur ba'i shes rab kyi pha rol du phyin pa 'di nyid la me tog dang / bdug pa dang / spos dang / me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis sti stang du bya'o/ /bla mar bya'o/  ri mo bya'o/ /mchod par bya'o/ /shes rab kyi pha rol du phyin pa khri brgyad stong pa las/ sku gdung gi le'u zhes bya ste/ sum bcu rtsa gcig pa'o// // kau shi ka sems can gcig cig rgyun du zhugs pa'i 'bras bu la bzhag pa ni/ bsod nams ches dpag du med pa yin gyi/ 'dzam bu'i gling gi sems can rnams dge ba bcu'i las kyi lam rnams la bkod pa ni de lta ma yin no/ de ci'i phyir zhe na/ kau shi ka sems can dge ba bcu'i las kyi lam rnams la bkod pa dag ni/ sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi 'gro ba dag gis yongs su btang ba ma yin gyi/ sems can rgyun du zhugs pa'i 'bras bu la bzhag pa ni/ ngan 'gro thams cad las thar pa yin pa'i phyir ro/ /de bzhin du sems can gcig cig rang byang chub la bzhag pa ni bsod nams ches mang ba yin gyi/ 'dzam bu'i gling</font><hr>35.24a<br><font size=+1>

gi sems can rnams dge ba bcu'i las kyi lam rnams la bkod pa ni de lta ma yin no/ /kau shi ka rigs kyi bu 'am rigs kyi bu mo gang la las/ sems can gcig cig bla na med pa yang dag par rdzogs pa'i byang chub la bzhag na/ de ni de bas ches bsod nams mang du skyed do/ /de ci'i phyir zhe na/ de ni sangs rgyas kyi tshul rgyun mi 'chad par bgyi ba'i ched du bzhag pa'i phyir ro/ /kau shi ka rigs kyi bu 'am rigs kyi bu mo bla na med pa yang dag par rdzogs pa'i byang chub la 'jog pa gang yin pa de ni/ bsod nams mang du skyed do/ /de ci'i phyir zhe na/ 'di ltar byang chub sems dpa' las ni dkon mchog gsum byung la/ dkon mchog gsum yang 'jig rten thams cad kyi mchod pa'i gnas yin pa'i phyir te/ kau shi ka de bas na/ byang chub sems dpa' sems dpa' chen po la ni 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang / bram zer bcas pa'i skye dgus/ me tog dang / bdug pa dang / spos dang me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis sti stang du bya'o/ /bla mar bya'o/ /ri mo bya'o/ /mchod pa bya'o/ /kau shi ka gzhan yang rigs kyi bu 'am rigs kyi bu mo gang la las 'dzam bu'i gling gi sems can rnams dge ba bcu'i las kyi lam rnams la bkod na/ kau shi ka 'di ji snyam du sems/ ci gzhi de las rigs kyi bu 'am rigs kyi bu mo de bsod nams mang du skyed snyam 'am/ brgya byin gyis gsol pa bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas na rigs kyi bu 'am rigs kyi bu mo gang gis shes rab kyi pha rol du phyin pa 'di glegs bam la bris nas tha na dpe bri ba dang / bklag pa tsam gyi phyir yang gzhan la</font><hr>35.24b<br><font size=+1>

sbyin par byed pa de ches bsod nams mang du skyed do/ /de ci'i phyir zhe na/ rigs kyi bu 'am rigs kyi bu mo rnams kyis gang la bslabs na/ yang dag pa'i skyon med pa la zhugs pa dang / 'jug pa dang 'jug par 'gyur ba dang / dgra bcom pa nyid kyi bar du thob par gyur pa dang / 'thob pa dang / thob par 'gyur ba dang / byang chub sems dpa' sems dpa' chen po rnams skyon med pa la zhugs te/ bla na med pa yang dag par rdzogs pa'i byang chub mngon par rdzogs par sangs rgyas pa dang / mngon par rdzogs par 'tshang rgya ba dang / mngon par rdzogs par 'tshang rgya bar 'gyur ba'i zag pa med pa'i chos rnams shes rab kyi pha rol du phyin pa 'di las rgya cher bstan pa'i phyir ro/ /kau shi ka zag pa med pa'i chos rnams gang zhe na/ 'di lta ste pha rol du phyin pa rnams dang / byang chub kyi phyogs kyi chos sum bcu rtsa bdun dang / bden pa bzhi dang / nang stong pa nyid dang / dngos po med pa'i ngo bo nyid stong pa nyid kyi bar dang / de bzhin gshegs pa'i stobs bcu dang / sangs rgyas kyi chos tshad med pa'i bar du/ de bzhin gshegs pa dgra bcom pa yang dag par rdzogs pa'i sangs rgyas rnams kyis/ shes rab kyi pha rol du phyin phyin pa las rgya cher bstan pa dag yin no/ /kau shi ka de bas na rnam grangs des kyang rigs kyi bu 'am rigs kyi bu mo gang dag gis shes rab kyi pha rol du phyin pa glegs bam la bris te/ tha na dpe 'bri ba dang / klog pa tsam gyi phyir yang gzhan la sbyin par byed pa de/ ches bsod nams mang du skyed par rig par bya'o/ /de ci'i phyir zhe na/ kau shi ka 'di ltar chos gang dag gis rgyal rigs shing sA la chen po lta bu rnams yod pa dang / bram ze'i rigs shing sA la chen po lta bu rnams dang / khyim bdag gis rigs shing sA la chen po lta bu rnams yod pa dang / rgyal chen bzhi'i ris kyi lha rnams yod pa dang / sum bcu rtsa gsum pa dang / 'du shes med 'du shes med min skye mched du nye bar 'gro ba'i</font><hr>35.25a<br><font size=+1>

ba'i bar gyi lha rnams yod pa dang / pha rol du phyin pa rnams yod pa dang / byang chub kyi phyogs kyi chos sum bcu rtsa bdun gyi bar du yod pa dang / rnam pa thams cad mkhyen pa nyid kyi bar du yod pa dang / rgyun du zhugs pa dang / lan cig phyir 'ong ba dang / phyir mi 'ong ba dang dgra bcom pa dang / rang sangs rgyas rnams yod pa'i chos thams cad shes rab kyi pha rol du phyin pa las rgya cher bstan pa'i phyir ro/ /kau shi ka 'dzam bu'i gling gi sems can rnams rang byang chub kyi bar la bkod pa lta zhog gi/ kau shi ka gling bzhi pa'i 'jig rten gyi khams na sems can ji snyed yod pa de dag thams cad rigs kyi bu 'am rigs kyi bu mo gang la las dge ba bcu'i las kyi lam rnams la bkod na/ kau shi ka 'di ji snyam du sems/ ci rigs kyi bu 'am rigs kyi bu mo de gzhi de las bsod nams mang du skyed snyam 'am/ brgya byin gyis gsol pa bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas na rigs kyi bu 'am rigs kyi bu mo gang gis shes rab kyi pha rol du phyin pa 'di glegs bam la bris nas/ tha na dpe bri ba dang / klag pa tsam gyi phyir yang gzhan la sbyin par byed pa de/ ches bsod nams mang du bskyed do/ /de ci'i phyir zhe na/ kau shi ka 'di ltar nyan thos dang / rang sangs rgyas dang / byang chub sems dpa'i chos dang / sangs rgyas kyi chos thams cad ni shes rab kyi pha rol du phyin pa las byung ba'i phyir ro/ /de bzhin du sbyar te/ kau shi ka gling chen po bzhi'i 'jig rten gyi khams na/ sems can 'khod pa rnams dge ba bcu'i las kyi lam rnams dang / dgra bcom pa'i bar dang / rang sangs rgyas kyi bar du bkod pa lta zhog gi/ rigs kyi bu 'am rigs kyi bu mo gang la las stong gi 'jig rten gyi khams na sems can gang dag</font><hr>35.25b<br><font size=+1>

'khod pa de dag thams cad dge ba bcu'i las kyi lam rnams la bkod pa dang / dgra bcom pa nyid kyi bar dang / rang sangs rgyas nyid kyi bar du bkod pa bas/ rigs kyi bu 'am rigs kyi bu mo gang zhig shes rab kyi pha rol du phyin pa 'di glegs bam la bris nas/ tha na dpe bri ba dang / bklag pa tsam gyi phyir yang gzhan la sbyin par byed pa de ni de bas ches bsod nams mang du skyed do/ /de bzhin du sbyar te/ kau shi ka stong gi 'jig rten gyi khams na sems can 'khod pa lta zhog gi/ stong gnyis kyi 'jig rten gyi khams na/ sems can gang dag 'khod pa de dag thams cad de dge ba bcu'i las kyi lam dang / dgra bcom pa nyid dang / rang sangs rgyas nyid kyi bar du bkod pa bas/ rigs kyi bu 'am rigs kyi bu mo gang zhig shes rab kyi pha rol du phyin pa 'di glegs bam la bris nas/ tha na dpe bri ba dang / bklag pa tsam gyi phyir yang / gzhan dag la sbyin par byed pa de ni de bas ches bsod nams mang du skyed do/ /de bzhin du sbyar te/ kau shi ka stong gnyis kyi 'jig rten gyi khams na/ sems can 'khod pa rnams dge ba bcu'i las kyi lam dang / rang sangs rgyas nyid kyi bar du bkod pa lta zhog gi/ kau shi ka rigs kyi bu 'am rigs kyi bu mo gang la las stong gsum gyi stong chen po'i 'jig rten gyi khams na/ sems can ji snyed gnas pa de dag dge ba bcu'i las kyi lam la bkod pa dang / rang sangs rgyas nyid kyi bar du bkod pa bas/ rigs kyi bu 'am rigs kyi bu mo gang zhig shes rab kyi pha rol du phyin pa 'di glegs bam la bris nas/ tha na dpe 'bri ba dang / bklag pa tsam gyi phyir yang gzhan la sbyin par byed na/ rigs kyi bu 'am rigs kyi bu mo de ni de bas ches bsod nams mang du bskyed do/ /de bzhin du sbyar te/ kau shi ka stong gsum gyi stong chen po'i 'jig rten gyi khams na 'khod pa'i sems can rnams lta zhog gi/ kau shi ka 'jig rten gyi khams</font><hr>35.26a<br><font size=+1>

gang gA'i klung gi bye ma snyed dag na sems can ji snyed gnas pa de dag thams cad rigs kyi bu 'am rigs kyi bu mo gang dag gis dge ba bcu'i las kyi lam la bkod pa dang / dgra bcom pa nyid dang / rang sangs rgyas nyid kyi bar du bkod pa bas/ rigs kyi bu 'am rigs kyi bu mo gang zhig shes rab kyi pha rol du phyin pa 'di glegs bam la bris nas/ tha na dpe 'bri ba dang / bklag pa tsam gyi phyir yang gzhan la sbyin par byed na/ kau shi ka rigs kyi bu 'am rigs kyi bu mo de ni de bas ches bsod nams mang du skyed do/ /kau shi ka gzhan yang 'dzam bu'i gling gi sems can gang yin pa de dag rigs kyi bu 'am rigs kyi bu mo la la zhig gis bsam gtan bzhi la bkod cing / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga la bkod na/ rigs kyi bu 'am rigs kyi bu mo de gzhi de las bsod nams mang du skyed snyam 'am/ brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas na rigs kyi bu 'am rigs kyi bu mo gang zhig shes rab kyi pha rol du phyin pa 'di glegs bam la bris nas/ tha na dpe 'bri ba dang / bklag pa tsam gyi phyir yang gzhan la sbyin par byed na/ de ni de bas ches bsod nams mang du skyed do/ /de ci'i phyir zhe na/ shes rab kyi pha rol du phyin pa 'di las chos thams cad rgya cher bstan pa'i phyir ro/ /kau shi ka gzhan yang rigs kyi bu 'am rigs kyi bu mo shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa'i rigs kyi bu 'am rigs kyi bu mo de bsod nams ches mang</font><hr>35.26b<br><font size=+1>

du bskyed kyi/ 'dzam bu'i gling gi sems can rnams/ dge ba bcu'i las kyi lam rnams dang / bsam gtan dang / tshad med pa dang / gzugs med pa dang / mngon par shes pa rnams la bkod pa ni de lta ma yin no/ /de la tshul bzhin du yid la byed pa ni 'di yin te gnyis su spyod pa ma yin pa'i blos shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / gnyis su spyod pa ma yin pa'i blos bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / gnyis su spyod pa ma yin pa'i blos nang stong pa nyid tshul bzhin du yid la byed pa dang / dngos po med pa'i ngo bo nyid stong pa nyid kyi bar du tshul bzhin du yid la byed pa dang / gnyis su spyod pa ma yin pa'i blos dran pa nye bar gzhag pa dang / yang dag pa'i spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam tshul bzhin du yid la byed pa dang / gnyis su spyod pa ma yin pa'i blos sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar du tshul bzhin du yid la byed pa yin no/ /kau shi ka gzhan yang rigs kyi bu 'am rigs kyi bu mo gang la la rnam grangs des shes rab kyi pha rol du phyin pa gzhan dag la rgya cher ston cing 'chad la rab du 'byed pa dang / 'grel cing gsal bar byed pa dang / don kyang ston par byed la de la shes rab kyi pha rol du phyin pa'i don ni 'di yin te/ gang</font><hr>35.27a<br><font size=+1>

shes rab kyi pha rol du phyin pa la gnyis su mi lta/ gnyis su med par mi lta zhing / mtshan mar ma yin/ mtshan ma med par ma yin/ blang bar ma yin/ dor bar ma yin/ dbri bar ma yin/ bsnan par ma yin/ kun nas nyon mongs par ma yin/ rnam par byang bar ma yin/ skye bar ma yin/ 'gag par ma yin/ gzung bar ma yin/ spang bar ma yin/ gnas su ma yin/ gnas ma yin par ma yin/ yang dag par ma yin/ log par ma yin/ rig par ma yin/ mi rig par ma yin/ bag tsam du ma yin/ bag tsam ma yin par ma yin/ cha shas su ma yin/ cha shas su med par ma yin/ chos su ma yin/ chos ma yin par ma yin/ de bzhin nyid du ma yin/ de bzhin nyid ma yin par ma yin/ yang dag pa'i mtha' ma yin zhing / yang dag pa'i mtha' ma yin par yang mi lta ba ste/ 'di ni gnyis su med pa'i don to/ /rigs kyi bu 'am rigs kyi bu mo gang shes rab kyi pha rol du phyin pa gzhan dag la rgya cher ston cing 'chad la/ rab du 'byed pa dang / 'grel cing gsal bar byed pa dang / don kyang ston par byed pa de ni gzhi de las bsod nams mang du bskyed kyi/ gang bdag 'ba' shig 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa ni de lta ma yin no/ /kau shi ka gzhan yang rigs kyi bu 'am rigs kyi bu mo gang bdag nyid shes rab kyi pha rol du phyin pa 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa bas gang zhig gzhan dag la rgya cher ston cing 'doms par byed pa dang / de la 'god par byed pa dang / rnam par 'byed cing gsal bar byed la don kyang ston</font><hr>35.27b<br><font size=+1>

par byed na/ de ni de bas ches bsod nams mang du skyed do/ /brgya byin gyis gsol pa/ bcom ldan 'das de de ltar lags te/ de de ltar lags so/ /bcom ldan 'das kyis bka' stsal pa/ kau shi ka rigs kyi bu 'am rigs kyi bu mos de ltar shes rab kyi pha rol du phyin pa don dang bcas/ tshig 'bru dang bcas par bstan par bya'o/ /rigs kyi bu 'am rigs kyi bu mos de ltar bstan na/ bsod nams kyi phung po dpag tu med/ grangs med tshad med pa dag dang ldan par 'gyur ro/ /gal te rigs kyi bu 'am rigs kyi bu mo la las phyogs bcu'i phyogs re rer/ de bzhin gshegs pa dgra bcom pa yang dag par rdzogs pa'i sangs rgyas grangs med/ dpag tu med pa dag la ji srid 'tsho'i bar du me tog dang / bdug pa dang / spos dang / me tog phreng dang / byug pa dang phye ma dang / gos dang / gdugs dang / rgyal mtshan dang / ba dan dang / bde ba'i yo byad thams cad kyis sti stang du byed/ bla mar byed/ ri mo byed/ mchod pa byed pa bas/ ko+o shi ka rigs kyi bu 'am rigs kyi bu mo gang zhig shes rab kyi pha rol du phyin pa 'di rnam grangs du mar gzhan dag la rgya cher ston cing / don go bar byed la rnam par 'byed cing gsal bar byed na/ rigs kyi bu 'am rigs kyi bu mo de ni de bas ches bsod nams mang du bskyed do/ /de ci'i phyir zhe na/ 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas de dag gis kyang shes rab kyi pha rol du phyin pa 'di la bslabs pas bla na med pa yang dag par rdzogs pa'i byang chub mngon par rdzogs par sangs rgyas pa dang / mngon par rdzogs par 'tshang rgya ba dang / mngon par rdzogs par 'tshang rgya bar 'gyur ba'i phyir ro/ /kau shi ka gzhan yang rigs kyi</font><hr>35.28a<br><font size=+1>

bu 'am rigs kyi bu mo gang gis bskal pa grangs med pa/ dpag tu med par dmigs pa'i tshul gyis/ sbyin pa'i pha rol du phyin pa la spyad pa bas/ gang zhig shes rab kyi pha rol du phyin pa gzhan dag la rgya cher ston par rjod pa dang / mchod pa'i bar du byed la/ de yang mi dmigs pa'i tshul gyis byed na/ de ni de bas ches bsod nams mang du skyed do/ /kau shi ka de la dmigs pa gang zhe na/ byang chub sems dpa' dmigs pa'i tshul gyis sbyin pa sbyin pa gang yin pa ste/ 'di snyam du bdag gis sbyin pa sbyin no/ /'di ni sbyin pa yin te/ gzhan la sbyin no snyam du sems na/ de ni sbyin pa nyid la gnas pa yin gyi/ sbyin pa'i pha rol du phyin pa ni ma yin no/ /'di ni tshul khrims so/ /bdag ni tshul khrims can yin gyis/ 'di ni tshul khrims so/ sems can 'di dag gi don du srung ngo / /snyam du sems na/ de ni tshul khrims kyi pha rol du phyin pa ma yin no/ /bdag ni bzod pa can no/ /'di ni bzod pa'o/ /'di la bzod par bya ste/ bzod pa 'di la gnas par bya'o snyam du sems na/ de ni bzod pa'i pha rol du phyin pa ma yin no/ /bdag gis brtson 'grus brtsam mo/ /'di ni brtson 'grus so/ /'di dag gi don du brtson 'grus 'di la gnas par bya'o snyam du sems na/ de ni brtson 'grus kyi pha rol du phyin pa ma yin no/ /bdag bsam gtan la snyoms par 'jug go/ /'di ni bsam gtan no/ /'di dag gi don du snyoms par zhugs te/ bsam gtan 'di la gnas par bya'o snyam du sems na/ de ni bsam gtan gyi pha rol du phyin pa ma yin no/ /bdag gis shes rab bsgom mo/ /'di ni shes rab bo/ /'di dag gi don du shes rab 'di la gnas par bya'o snyam du sems na/ de ni shes rab kyi pha rol du phyin pa ma yin no/ /</font><hr>35.28b<br><font size=+1>

kau shi ka rigs kyi bu 'am rigs kyi bu mo de ltar dmigs pa la spyod pa'i sbyin pa'i pha rol du phyin pa yongs su rdzogs pa ma yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs pa ma yin no/ /shes rab kyi pha rol du phyin pa khri brgyad stong pa/ bam po nyi shu lnga pa/ brgya byin gyis gsol pa/ bcom ldan 'das ji ltar spyad na/ byang chub sems dpa' sems dpa' chen po'i sbyin pa'i pha rol du phyin pa yongs su rdzogs par 'gyur ba lags/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par 'gyur ba lags/ bcom ldan 'das kyis bka' stsal pa/ kau shi ka 'di la byang chub sems dpa' sems dpa' chen po sbyin pa sbyin pa na sbyin pa po dang / sbyin pa dang / len pa po mi dmigs na/ de ni de'i sbyin pa'i pha rol du phyin pa yin no/ /tshul khrims dang / tshul khrims can dang / sems can mi dmigs na/ de ni de'i tshul khrims kyi pha rol du phyin pa yin no/ /bzod pa dang bzod par bya ba dang / bzod pa can mi dmigs na/ de ni de'i bzod pa'i pha rol du phyin pa yin no/ /brtson 'grus dang / bya ba'i dngos po dang / sems mi dmigs na/ de ni de'i brtson 'grus kyi pha rol du phyin pa yin no/ /bsam gtan dang / bsam gtan pa dang / bsam gtan du bya ba mi dmigs na/ de ni de'i bsam gtan gyi pha rol du phyin pa yin no/ /shes rab dang / shes rab can dang / shes par bya ba'i don mi dmigs so/ de ni de'i shes rab kyi pha rol du phyin pa yin te/ </font><hr>35.29a<br><font size=+1>

kau shi ka byang chub sems dpa' sems dpa' chen po de ltar spyod pa'i sbyin pa'i pha rol du phyin pa yongs su rdzogs par 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par 'gyur ro/ /kau shi ka rigs kyi bu 'am rigs kyi bu mo des de ltar mi dmigs pa'i tshul gyis/ shes rab kyi pha rol du phyin pa 'di don dang bcas/ tshig 'bru dang bcas par bstan par bya'o/ /de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang bstan par bya'o/ /de ci'i phyir zhe na/ kau shi ka ma 'ongs pa'i dus na/ rigs kyi bu 'am rigs kyi bu mo shes rab kyi pha rol du phyin pa ltar bcos pa ston pa dag 'byung bar 'gyur te/ der rigs kyi bu 'am rigs kyi bu mo bla na med pa yang dag par rdzogs pa'i byang chub la yang dag par zhugs pa dag shes rab kyi pha rol du phyin pa ltar bcos pa thos par byas pas/ phung bar byed de/ de dag ni shes rab kyi pha rol du phyin pa 'di don dang bcas/ tshig 'bru dang bcas par ston par mi byed pa'i phyir ro/ /brgya byin gyis gsol pa/ bcom ldan 'das shes rab kyi pha rol du phyin pa ltar bcos pa de gang lags/ bcom ldan 'das kyis bka' stsal pa/ kau shi ka 'di la rigs kyi bu 'am/ rigs kyi bu mo shes rab kyi pha rol du phyin pa ltar bcos pa ni 'di lta bur ston to/ /de la shes rab kyi pha rol du phyin pa ltar bcos pa ni 'di yin te/ gzugs mi rtag go zhes gang de ltar spyod pa de ni shes rab</font><hr>35.29b<br><font size=+1>

kyi pha rol du phyin pa la spyod pa yin no zhes ston to/ /rigs kyi bu 'am rigs kyi bu mo gang dag la bstan pa de dag kyang gzugs mi rtag go zhes dpyod cing / tshor ba dang / 'du shes dang / 'du byed rnams dang / rnam par shes pa mi rtag go zhes dpyod par byed do/ /gang dag shes rab kyi pha rol du phyin pa ltar bcos pa ston pa de dag kyang / shes rab kyi pha rol du phyin pa ltar bcos pa la spyod par 'gyur te/ de dag mig mi rtag go zhes ston par byed do/ /rna ba dang / sna dang / lce dang / lus dang / yid mi rtag go zhes ston par byed do/ /gzugs mi rtag go zhes ston par byed do/ /sgra dang dri dang / ro dang reg bya dang / chos rnams mi rtag go zhes ston par byed do/ /sa'i khams mi rtag go zhes ston par byed do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi rtag go zhes ston par byed do/ /mig gi khams mi rtag go zhes ston par byed do/ /rna ba'i khams dang / sna'i khams dang / lce'i khams dang / lus kyi khams dang yid kyi khams mi rtag go zhes ston par byed do/ /gzugs kyi khams dang / sgra'i khams dang / dri'i khams dang / ro'i khams dang / reg bya'i khams dang / chos kyi khams mi rtag go zhes ston par byed do/ /mig gi rnam par shes pa'i khams mi rtag go zhes ston par byed do/ /rna ba dang sna dang / lce dang lus dang / yid kyi rnam par shes pa'i khams mi rtag go zhes ston par byed do/ /mig gi 'dus te reg pa mi rtag go zhes ston par byed do/ /rna ba dang sna dang / lce dang lus dang / yid kyi 'dus te reg pa mi rtag go zhes ston par byed do/ /gzugs sdug bsngal lo zhes bya ba dang / bdag</font><hr>35.30a<br><font size=+1>

med do zhes bya ba dang / mi sdug pa'o zhes ston par byed do/ /tshor ba dang / 'du shes dang / 'du byed rnams dang / rnam par shes pa sdug bsngal ba dang / bdag med pa dang / mi sdug pa'o zhes ston par byed do/ /de bzhin du mig dang / gzugs dang / mig gi rnam par shes pa'i khams sdug bsngal pa dang / bdag med pa dang / mi sdug pa'o zhes ston par byed do/ /rna ba dang sna dang / lce dang lus dang yid dang chos dang yid kyi rnam par shes pa'i khams sdug bsngal ba dang / bdag med pa dang / mi sdug pa'o zhes ston par byed do/ /de bzhin du sbyar te/ de bzhin du bsam gtan gyi pha rol du phyin pa ltar bcos pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ltar bcos pa ston par byed do/ /gzugs mi rtag pa dang / sdug bsngal ba dang / bdag med pa dang / mi sdug pa'o zhes ston par byed do/ /tshor ba dang 'du shes dang / 'du byed rnams dang / rnam par shes pa mi rtag pa dang / sdug bsngal ba dang / bdag med pa dang / mi sdug pa'o zhes ston par byed do/ /de bzhin du mig dang gzugs dang / mig gi rnam par shes pa'i khams mi rtag pa dang / sdug bsngal ba dang / bdag med pa dang / mi sdug pa'o zhes ston par byed do/ /de bzhin du rna ba dang sna dang lce dang lus dang yid kyi rnam par shes pa'i khams mi rtag pa dang / sdug bsngal ba dang / bdag med pa dang / mi sdug pa'o zhes ston par byed do/ /de bzhin du sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan</font><hr>35.30b<br><font size=+1>

gyi pha rol du phyin pa dang / shes rab kyi pha rol du phyin pa mi rtag pa dang / sdug bsngal ba dang / bdag med pa dang / mi sdug pa'o zhes ston par byed do/ /de bzhin du tshad med pa rnams dang / gzugs med pa'i snyoms par 'jug pa rnams mi rtag pa dang / sdug bsngal ba dang / bdag med pa dang / mi sdug pa'o zhes ston par byed do/ /dran pa nye bar gzhag pa mi rtag pa dang / sdug bsngal ba dang / bdag med pa dang / mi sdug pa'o zhes ston par byed do/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam mi rtag pa dang sdug bsngal ba dang / bdag med pa dang / mi sdug pa'o zhes ston par byed do/ /rnam pa thams cad mkhyen pa nyid kyi bar du mi rtag pa dang / sdug bsngal ba dang / bdag med pa dang / mi sdug pa'o zhes ston par byed de/ 'di skad du de ltar spyod pa gang yin pa de ni shes rab kyi pha rol du phyin pa la spyod pa yin no zhes kyang zer te/ kau shi ka 'di ni shes rab kyi pha rol du phyin pa ltar bcos pa yin no/ /kau shi ka gzhan yang rigs kyi bu 'am rigs kyi bu mo de dag shes rab kyi pha rol du phyin pa ston pa ni/ 'di skad du ston te rigs kyi bu shes rab kyi pha rol du phyin pa sgoms shig /khyod shes rab kyi pha rol du phyin pa bsgoms na/ sa dang po dang sa bcu pa'i bar la gnas par 'gyur ro/ /de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa bsgoms na/ sa dang po la gnas par 'gyur zhing / sa bcu pa'i bar la gnas par 'gyur ro zhes ston te/ de yang mtshan ma'i tshul dang / dmigs pa'i tshul dang // </font><hr>35.31a<br><font size=+1>

dus kyi 'du shes kyis de shes rab kyi pha rol du phyin pa sgoms par byed de/ ko+o shi ka 'di ni shes rab kyi pha rol du phyin pa ltar bcos pa yin no/ /kau shi ka gzhan yang rigs kyi bu 'am rigs kyi bu mo de dag 'di skad du/ rigs kyi bu khyod tshur shog /shes rab kyi pha rol du phyin pa sgoms shig /khyod shes rab kyi pha rol du phyin pa bsgoms na/ nyan thos kyi sa las yang dag par 'da' bar 'gyur zhing / rang sangs rgyas kyi sa las yang dag par 'da' bar 'gyur ro/ /zhes ston par byed de/ 'di ni shes rab kyi pha rol du phyin pa ltar bcos pa yin no/ /ko+o shi ka gzhan yang rigs kyi bu 'am rigs kyi bu mo de dag theg pa chen po pa'i rigs kyi bu 'am rigs kyi bu mo de dag la ston pa na/ 'di skad du rigs kyi bu khyod tshur shog /shes rab kyi pha rol du phyin pa sgoms shig / de ltar bsgoms na/ byang chub sems dpa'i skyon med pa la 'jug par 'gyur ro/ /zhes ston par byed de/ 'di ni shes rab kyi pha rol du phyin pa ltar bcos pa yin no/ /ko+o shi ka gzhan yang rigs kyi bu 'am rigs kyi bu mo de dag rigs kyi bu 'am rigs kyi bu mo de dag la/ shes rab kyi pha rol du phyin pa ston pa na/ 'di skad du rigs kyi bu khyod tshur shog /shes rab kyi pha rol du phyin pa sgoms shig /khyod shes rab kyi pha rol du phyin pa bsgoms na/ mi skye ba'i chos la bzod pa thob par 'gyur ro/ /khyod mi skye ba'i chos la bzod pa thob pa na/ byang chub sems dpa'i mngon par shes pa la gnas par 'gyur ro/ /byang chub sems dpa'i mngon par shes pa la gnas na/ sangs rgyas bcom ldan 'das rnams la sti stang du bya ba dang / bla mar bya ba dang / ri mo bya ba dang / mchod pa bya ba dang / rjed pa bya ba'i phyir/ sangs rgyas kyi</font><hr>35.31b<br><font size=+1>

zhing nas sangs rgyas kyi zhing du 'gro bar 'gyur ro zhes ston te/ ko+o shi ka rigs kyi bu 'am rigs kyi bu' mo de dag de ltar shes rab kyi pha rol du phyin pa ltar bcos pa ston par byed do/ /kau shi ka gzhan yang rigs kyi bu 'am rigs kyi bu mo de dag byang chub sems dpa'i theg pa pa'i rigs kyi bu 'am rigs kyi bu mo de dag la 'di skad du/ rigs kyi bu dag gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed dang / tshul bzhin du yid la byed pa de ni bsod nams gyi phung po grangs med dpag tu med/ tshad med pa dang ldan par 'gyur ro zhes ston na/ kau shi ka rigs kyi bu 'am rigs kyi bu mo de dag shes rab kyi pha rol du phyin pa ltar bcos pa ston pa yin no/ /kau shi ka gzhan yang rigs kyi bu 'am rigs kyi bu mo de dag ni rigs kyi bu 'am rigs kyi bu mo byang chub sems dpa'i theg pa pa de dag la 'di skad du/ rigs kyi bu khyod tshur shog /'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi thugs dang po bskyed pa nas/ bla na med pa yang dag par rdzogs pa'i byang chub mngon par rdzogs par sangs rgyas kyi bar du/ dge ba'i rtsa ba ci mnga' ba de dag thams cad la rjes su yi rang bar byas nas/ gcig tu sdus la bla na med pa yang dag par rdzogs pa'i byang chub tu yong su bsngos shig ces ston na/ kau shi ka rigs kyi bu 'am rigs kyi bu mo de dag ni shes rab kyi pha rol du phyin pa ltar bcos pa ston pa yin no/ /brgya byin gyis gsol pa/ bcom ldan 'das rigs kyi bu 'am rigs kyi bu mo de dag gis ji skad du bstan na/ rigs kyi bu 'am rigs kyi bu mo theg pa chen po la yang dag par zhugs pa de dag la shes rab kyi pha rol</font><hr>35.32a<br><font size=+1>

du phyin pa ltar bcos pa mi ston pa lags/ bcom ldan 'das kyis bka' stsal pa/ kau shi ka 'di la rigs kyi bu 'am rigs kyi bu mo de dag 'di ltar ston na/ rigs kyi bu 'am rigs kyi bu mo theg pa chen po la yang dag par zhugs pa rnams la/ shes rab kyi pha rol du phyin pa ltar bcos pa ston pa ma yin te/ rigs kyi bu khyod tshur shog /shes rab kyi pha rol du phyin pa bsgoms la gzugs mi rtag par yang ma lta shig /de ci'i phyir zhe na/ gzugs ni gzugs kyi ngo bo nyid kyis stong ste/ gzugs kyi ngo bo nyid gang yin pa de yang dngos po med la/ dngos po med pa gang yin pa de ni shes rab kyi pha rol du phyin pa yin te/ shes rab kyi pha rol du phyin pa gang yin pa de la ni gzugs rtag ces bya ba 'am/ mi rtag ces bya bar brjod du med pa'i phyir ro/ /de ci'i phyir zhe na/ de la ni gzugs nyid kyang med na/ rtag pa 'am mi rtag par lta ga la 'gyur zhes de skad du ston na/ kau shi ka rigs kyi bu 'am rigs kyi bu mo de dag ni shes rab kyi pha rol du phyin pa ltar bcos pa ston pa ma yin no/ /de bzhin du tshor ba dang / 'du shes dang / 'du byed rnams dang / rnam par shes pa mi rtag par yang ma lta shig /de ci'i phyir zhe na/ rnam par shes pa ni rnam par shes pa'i ngo bo nyid kyis stong ste/ rnam par shes pa'i ngo bo nyid gang yin pa de yang dngos po med la/ dngos po med pa gang yin pa de ni shes rab kyi pha rol du phyin pa yin te/ shes rab kyi pha rol du phyin pa gang yin pa de la ni/ rnam par shes pa rtag ces bya ba 'am/ mi rtag ces bya bar brjod du med pa'i phyir ro/ /de ci'i phyir zhe na/ de la ni rnam par shes pa nyid kyang med na rtag pa 'am mi rtag par lta ga la 'gyur zhes de skad du ston na/ kau shi ka rigs kyi bu 'am rigs kyi bu mo de dag ni shes rab kyi pha rol du phyin pa ltar bcos pa ston pa ma yin no/ /kau shi ka gzhan yang rigs kyi bu 'am rigs kyi bu mo</font><hr>35.32b<br><font size=+1>

shes rab kyi pha rol du phyin pa sgom pa 'di skad du ston te/ rigs kyi bu khyod tshur shog /shes rab kyi pha rol du phyin pa bsgoms la/ rigs kyi bu khyod chos ci la yang ma lta shig /chos gang la yang gnas par ma byed cig /de ci'i phyir zhe na/ shes rab kyi pha rol du phyin pa la ni chos gang las 'da' bar bya ba 'am/ gang la gnas par bya ba'i chos de med pa'i phyir ro/ /de ci'i phyir zhe na/ kau shi ka 'di ltar chos thams cad ni rang bzhin gyis stong ste/ chos gang rang bzhin gyis stong pa de ni dngos po med la/ dngos po med pa gang yin pa de ni shes rab kyi pha rol du phyin pa yin te/ shes rab kyi pha rol du phyin pa gang yin pa de la ni chos gang blang ba 'am/ dor ba 'am skye ba 'am/ 'gag pa med pa'i phyir ro zhes de ltar ston na/ kau shi ka rigs kyi bu mo de dag ni shes rab kyi pha rol du phyin pa ltar bcos pa ston pa ma yin no/ /phung po dang / khams dang / skye mched rnams dang / rten cing 'brel bar 'byung ba dang / pha rol du phyin pa thams cad dang / byang chub kyi phyogs kyi chos sum bcu rtsa bdun dang / stong pa nyid thams cad dang / stobs rnams dang / mi 'jigs pa rnams dang / so sor yang dag par rig pa rnams dang / sangs rgyas kyi chos ma 'dres pa bcwa brgyad la yang de bzhin du sbyar bar bya'o/ /rigs kyi bu de ltar rnam pa thams cad mkhyen pa nyid la mi rtag par yang ma lta shig /de ci'i phyir zhe na/ 'di ltar rnam pa thams cad mkhyen pa nyid ni rnam pa thams cad mkhyen pa nyid kyi ngo bo nyid kyis stong ste/ rnam pa thams cad mkhyen pa nyid kyi ngo bo nyid gang yin pa de yang dngos po med la/ dngos po med pa gang yin pa de ni shes rab kyi pha rol du phyin pa yin te/ shes rab kyi pha rol du phyin pa gang yin pa de la ni rnam pa thams cad mkhyen pa nyid rtag ces bya ba 'am mi rtag ces bya bar brjod du med pa'i phyir ro/ /de ci'i phyir zhe na/ de la ni rnam pa thams cad mkhyen pa nyid kyang med na rtag pa 'am/ </font><hr>35.33a<br><font size=+1>

mi rtag par 'gyur zhes de skad du ston na/ kau shi ka rigs kyi bu 'am rigs kyi bu mo de dag ni shes rab kyi pha rol du phyin pa ltar bcos pa ston pa ma yin no/ /kau shi ka de bas na/ rigs kyi bu 'am rigs kyi bu mos shes rab kyi pha rol du phyin pa'i don de ltar bstan par bya'o/ /kau shi ka rigs kyi bu 'am rigs kyi bu mo de ltar ston na/ bsod nams ches mang du bskyed do/ /kau shi ka gzhan yang 'dzam bu'i gling gi sems can ji snyed yod pa de dag /rigs kyi bu 'am rigs kyi bu mo la la zhig gis rgyun tu zhugs pa'i 'bras bu la bkod na/ kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du skyed snyam 'am/ brgya byin gyis gsol pa/ bcom ldan 'das mang lags so bde bar gshegs pa mang lags so/ bcom ldan 'das kyis bka' stsal pa/ kau shi ka de bas na rigs kyi bu 'am rigs kyi bu mo gang gis shes rab kyi pha rol du phyin pa don dang bcas tshig 'bru dang bcas par gzhan dag la rnam grangs du mar rjod cing 'chad la/ rnam par 'byed de gsal bar byed cing yang dag par ston la/ 'di skad du rigs kyi bu khyod tshur shog /shes rab kyi pha rol du phyin pa zung shig /chongs shig /lhogs shig /kun chub par gyis shig /tshul bzhin du yid la gyis shig /ji skad bstan pa'i shes rab kyi pha rol du phyin pa la nan tan gyis shig ces kyang zer na/ de ches bsod nams mang du skyed do/  de ci'i phyir zhe na/ kau shi ka rgyun tu zhugs pa dang / rgyun du zhugs pa'i 'bras bu ni/ shes rab kyi pha rol du phyin pa 'di las 'byung ba'i phyir ro/ /kau shi ka 'dzam bu'i gling gi sems can rnams rgyun du zhugs pa'i 'bras bu la btul ba lta yang zhog /stong gi 'jig rten gyi khams kyi sems can thams cad rgyun du zhugs pa'i 'bras bu la btul ba lta yang zhog /stong gnyis kyi 'jig rten gyi khams kyi sems can thams cad rgyun du zhugs pa'i 'bras bu la btul ba lta yang zhog /kau shi ka stong gsum gyi stong chen</font><hr>35.33b<br><font size=+1>

po'i 'jig rten gyi khams kyi sems can thams cad rgyun du zhugs pa'i 'bras bu la btul ba lta yang zhog gi/ kau shi ka shar phyogs su 'jig rten gyi khams gang gA'i klung gi bye ma snyed dag na/ sems can ji snyed 'khod pa de dag rigs kyi bu 'am rigs kyi bu mo la las rgyun du zhugs pa'i 'bras bu la bkod la/ de bzhin du lho phyogs dang / nub phyogs dang / byang phyogs dang / phyogs mtshams rnams dang / steng dang 'og tu 'jig rten gyi khams gang gA'i klung gi bye ma snyed na sems can ji snyed 'khod pa de dag thams cad rigs kyi bu 'am rigs kyi bu mo la la zhig gis rgyun du zhugs pa'i 'bras bu la bkod na kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du skyed snyam 'am brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas na rigs kyi bu 'am rigs kyi bu mo gang gis shes rab kyi pha rol du phyin pa 'di don dang bcas tshig 'bru dang bcas par gzhan dag la rgya cher 'chad cing yang dag par ston la/ rnam par 'byed cing 'grel te/ gsal bar byed la 'di skad du rigs kyi bu khyod tshur shog /shes rab kyi pha rol du phyin pa zung shig /chongs shig /lhogs shig /kun chub par gyis shig /tshul bzhin du yid la gyis shig /ji skad bstan pa'i shes rab kyi pha rol du phyin pa la nan tan gyis shig ces kyang zer na/ de ches bsod nams mang du skyed do/ /de ci'i phyir zhe na/ kau shi ka rgyun du zhugs pa ni shes rab kyi pha rol du phyin pa las byung ba'i phyir ro/ /kau shi ka gzhan yang rigs kyi bu 'am rigs kyi bu mo gang la las 'dzam bu'i gling gi sems can ji snyed pa de dag thams cad lan cig phyir 'ong ba'i 'bras bu la bkod phyir mi 'ong ba'i 'bras bu la bkod dgra bcom pa nyid kyi bar du bkod na/ kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du skyed snyam 'am/ brgya byin gyis gsol pa/ bcom ldan 'das mang lags so/ bde bar gshegs pa mang lags</font><hr>35.34a<br><font size=+1>

so bcom ldan 'das kyis bka' stsal pa/ kau shi ka de bas na rigs kyi bu 'am rigs kyi bu mo gang gis shes rab kyi pha rol du phyin pa 'di don dang bcas/ tshig 'bru dang bcas par sems can gzhan dag la rgya cher 'chad pa nas/ yang dag par rab tu ston pa'i bar du byed la 'di skad du khyod tshur shog /shes rab kyi pha rol du phyin pa zung shig /chongs shig /lhogs shig /kun chub par gyis shig tshul bzhin du yid la gyis shig /ji skad bstan pa'i shes rab kyi pha rol du phyin pa la nan tan gyis shig ces kyang zer na/ de ches bsod nams mang du skyed do/ /de ci'i phyir zhe na/ kau shi ka dgra bcom pa nyid kyi bar du shes rab kyi pha rol du phyin pa 'di las byung ba'i phyir ro/ /kau shi ka 'dzam bu'i gling gi sems can thams cad dgra bcom pa'i bar du btul ba lta zhog gi /rigs kyi bu 'am rigs kyi bu mo gang la las gling bzhi pa'i sems can thams cad dgra bcom pa nyid kyi bar du bkod la stong gi 'jig rten gyi khams kyi sems can rnams dang stong gnyis kyi 'jig rten gyi khams kyi sems can rnams dang / stong gsum gyi stong chen po'i 'jig rten gyi khams kyi sems can rnams dgra bcom pa nyid kyi bar du bkod de/ kau shi ka shar phyogs su 'jig rten gyi khams gang gA'i klung gi bye ma snyed dag na/ sems can 'khod pa de dag thams cad dgra bcom pa nyid kyi bar du bkod na/ kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du bskyed snyam 'am/ brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas na rigs kyi bu 'am rigs kyi bu mo gang gis shes rab kyi pha rol du phyin pa 'di gzhan dag la yang dag par ston cing 'chad la/ 'di skad du rigs kyi bu khyod tshur shog /shes rab kyi pha rol du phyin pa zung shig /kun chub par bya ba'i bar du gyis shig /ji skad bstan pa'i shes rab kyi pha rol du phyin pa la nan tan gyis shig /</font><hr>35.34b<br><font size=+1>

ces zer na/ de ches bsod nams mang du bskyed do/ /de ci'i phyir zhe na/ kau shi ka lan cig phyir 'ong ba dang phyir mi 'ong ba dang / dgra bcom pa ni shes rab kyi pha rol du phyin pa 'di las byung ba'i phyir ro/ /kau shi ka gzhan yang phyogs bcu'i phyogs re rer yang 'jig rten gyi khams gang gA'i klung gi bye ma snyed dag na/ sems can ji snyed 'khod pa de dag thams cad rigs kyi bu 'am rigs kyi bu mo la la zhig gis/ rang sangs rgyas nyid la bkod na/ kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du bskyed snyam 'am/ brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ kau shi ka de bas na/ rigs kyi bu 'am rigs kyi bu mo gang gis shes rab kyi pha rol du 'di 'dod pa dag la don dang bcas/ tshig 'bru dang bcas par ston cing yang dag par ston pa'i bar du byed la/ 'di skad du rigs kyi bu khyod tshur shog /shes rab kyi pha rol du phyin pa zung shig /kun chub par gyis shig /ji skad bstan pa'i shes rab kyi pha rol du phyin pa la nan tan gyis shig /ces kyang zer na/ de ches bsod nams mang du bskyed do/ de ci'i phyir zhe na/ kau shi ka rang sangs rgyas ni shes rab kyi pha rol du phyin pa 'di la 'byung ba'i phyir ro/ /kau shi ka gzhan yang 'dzam bu'i gling gi sems can gang yin pa de dag rigs kyi bu 'am rigs kyi bu mo la la zhig gis/ bla na med pa yang dag par rdzogs pa'i byang chub la bkod pa bas gang zhig shes rab kyi pha rol du phyin pa 'di don dang bcas/ tshig 'bru dang bcas par gzhan dag la rgya cher 'chad cing yang dag par ston pa'i bar du byed la/ 'di skad du rigs kyi bu khyod ji ltar shes rab kyi pha rol du phyin pa 'di la slob pa de lta de ltar khyod kyis rnam pa thams cad mkhyen pa nyid kyi chos rnams thob par 'gyur ro/ /ji lta ji ltar khyod kyis rnam pa thams cad mkhyen pa nyid kyi chos rnams thob par 'gyur ba de lta de ltar khyod kyi shes rab kyi pha rol du phyin pa rgya cher sgom pa yongs su rdzogs par 'gyur ro ji lta ji ltar</font><hr>35.35a<br><font size=+1>

khyod kyi shes rab kyi pha rol du phyin pa rgya cher bsgom pa yongs su rdzogs par 'gyur ba de lta de ltar khyod bla na med pa yang dag par rdzogs pa'i byang chub dang nye bar 'gyur ro zhes kyang zer na/ de ches bsod nams mang du skyed do/ /de ci'i phyir zhe na/ kau shi ka byang chub sems dpa' sems dpa' chen po sems dang po bskyed pa rnams ni de las byung la phyogs bcu'i phyogs re rer yang 'jig rten gyi khams gang gA'i klung gi bye ma snyed dag na/ byang chub sems dpa' gang su dag 'khod pa de dag thams cad kyang / shes rab kyi pha rol du phyin pa las byung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i phyir ro/ /kau shi ka gzhan yang rigs kyi bu 'am rigs kyi bu mo la la zhig gis phyogs bcu'i phyogs re rer yang 'jig rten gyi khams gang gA'i klung gi bye ma snyed dag na/ sems can ji snyed 'khod pa de dag thams cad phyir mi ldog pa nyid la bkod na/ kau shi ka 'di ji snyam du sems/ rigs kyi bu 'am rigs kyi bu mo de gzhi de las bsod nams mang du bskyed snyam 'am/ brgya byin gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal ba/ kau shi ka de bas na/ ji skad bstan pa'i shes rab kyi pha rol du phyin pa 'di don dang bcas/ tshig 'bru dang bcas par gzhan dag la 'chad cing yang dag par ston pa'i bar du byed la 'di skad du rigs kyi bu khyod tshur shog /shes rab kyi pha rol du phyin pa zung shig ji skad bstan pa'i shes rab kyi pha rol du phyin pa la nan tan bya ba'i bar du gyis shig dang / rigs kyi bu khyod ji lta ji ltar ji skad/ bstan pa'i shes rab kyi pha rol du phyin pa la nan tan byed pa de lta de ltar rigs kyi bu khyod kyis rnam pa thams cad mkhyen pa'i chos rnams thob par 'gyur ro/ /de bzhin du sbyar te/ bla na med pa yang dag par rdzogs pa'i</font><hr>35.35b<br><font size=+1>

byang chub kyi bar du mngon par rdzogs par 'tshang rgya bar 'gyur ro zhes de skad kyang zer na/ ko+o shi ka de ches bsod nams mang du bskyed do/ /de ci'i phyir zhe na/ kau shi ka phyir mi ldog pa'i byang chub sems dpa' rnams shes rab kyi pha rol du phyin pa 'di las byung ba'i phyir ro/ /kau shi ka gzhan yang 'dzam bu'i gling gi sems can ji snyed pa de dag thams cad bla na med pa yang dag par rdzogs pa'i byang chub la yang dag par zhugs pa bas ni/ de dag la rigs kyi bu 'am rigs kyi bu mo gang la la zhig gis shes rab kyi pha rol du phyin pa 'di don dang bcas/ tshig 'bru dang bcas par 'chad cing yang dag par ston pa'i bar du byed la/ 'di skad du rigs kyi bu khyod tshur shog /shes rab kyi pha rol du phyin pa 'di zung shig /ji skad bstan pa'i shes rab kyi pha rol du phyin pa 'di la nan tan bya ba'i bar du gyis shig dang / rigs kyi bu khyod ji skad bstan pa'i shes rab kyi pha rol du phyin pa la ji lta ji ltar nan tan byed pa de lta de ltar khyod shes rab kyi pha rol du phyin pa la bslabs pas/ phyir mi ldog pa nyid la gnas par 'gyur te/ rim gyis bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro zhes kyang zer na/ kau shi ka rigs kyi bu 'am rigs kyi bu mo de ches bsod nams mang du skyed do/ /kau shi ka gzhan yang gling bzhi pa'i 'jig rten gyi khams na sems can 'khod pa rnams dang / stong gi 'jig rten gyi khams dang / stong gnyis kyi 'jig rten gyi khams dang / stong gsum gyi stong chen po'i 'jig rten gyi khams na sems can 'khod pa rnams dang / phyogs bcu'i phyogs re rer yang 'jig rten gyi khams gang gA'i klung gi bye ma snyed dag na/ sems can ji snyed 'khod pa de dag rigs kyi bu 'am rigs kyi bu mo la la zhig gis bla na med pa yang dag par rdzogs pa'i byang chub la bkod pa bas/ rigs kyi bu 'am/ </font><hr>35.36a<br><font size=+1>

rigs kyi bu mo gang gis shes rab kyi pha rol du phyin pa 'di don dang bcas/ tshig 'bru dang bcas par sems can de dag la bshad cing yang dag par bstan la/ 'di skadu rigs kyi bu khyod tshur shog /shes rab kyi pha rol du phyin pa 'di zung shig /ji skad bstan pa'i shes rab kyi pha rol du phyin pa 'di la nan tan bya ba'i bar du gyis shig dang / khyod 'di la nan tan byas pas/ phyir mi ldog pa'i sa la gnas par 'gyur te/ rim gyis bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro zhes kyang zer na/ de ches bsod nams mang du bskyed do/ /kau shi ka gzhan yang rigs kyi bu 'am rigs kyi bu mo gang la la zhig /'dzam bu'i gling gi sems can ji snyed yod pa de dag thams cad bla na med pa yang dag par rdzogs pa'i byang chub las phyir mi ldog pa nyid la bkod de/ de dag la shes rab kyi pha rol du phyin pa yang don dang bcas/ tshig 'bru dang bcas par bshad pa nas/ yang dag par bstan pa'i bar du byed pa bas/ de dag gi nang nas gcig cig 'di skad du/ bdag ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod do zhes zer ba de la/ rigs kyi bu 'am rigs kyi bu mo la la zhig shes rab kyi pha rol du phyin pa 'di don dang bcas/ tshig 'bru dang bcas par ston na/ de ches bsod nams mang du bskyed do/ /phyogs bcu'i phyogs re rer yang 'jig rten gyi khams gang gA'i klung gi bye ma snyed dag na sems can ji snyed 'khod pa de dag la la zhig gis phyir mi ldog pa'i sa la bkod pa dang / la la zhig gis de dag la shes rab kyi pha rol du phyin pa 'di bshad pa bas ni/ de dag gi nang nas 'ga' zhig 'di skad du bdag ni myur du bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes zer ba de la gang zhig shes rab kyi pha rol du phyin pa 'di don dang bcas/ tshig 'bru dang bcas par ston na/ de ches bsod nams mang du bskyed do brgya byin gyis gsol pa/ bcom ldan 'das byang chub sems dpa' sems dpa' chen po ni ji lta ji ltar bla na med pa yang dag par rdzogs pa'i</font><hr>35.36b<br><font size=+1>

byang chub dang nye bar gyur pa de lta de ltar byang chub sems dpa' sems dpa' chen po shes rab kyi pha rol tu phyin pa la gdams shing rjes su bstan 'tshal lags te/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la gdams shing rjes su bstan 'tshal lags so/ /stong pa nyid thams cad la gdams shing rjes su bstan 'tshal lags so/ /bran pa nye bar gzhag pa rnams dang / yang dag pa'i spong ba dang rdzu 'phrul gyi rkang pa dang dbang po dang / stobs dang byang chub kyi yan lag dang / lam rnams la gdams shing rjes su bstan 'tshal lags so/ /de bzhin gshegs pa'i stobs bcu dang / mi 'jigs pa dang / so sor yang dag par rig pa dang / sangs rgyas kyi chos ma 'dres pa bcwa brgyad la gdams shing rjes su bstan 'tshal lags so/ /gos dang / zas dang / mal cha dang / stan dang / na ba'i gsos sman dang / yo byad rnams kyis sman gdags 'tshal lags so/ /byang chub sems dpa' sems dpa' chen po de ni chos dang / zang zing gi bsdu ba gnyis kyis sman gdags 'tshal te/ chos dang / zang zing gis sman 'dogs pa de ni snga ma gnyis pas ches bsod nams mang du skyed lags so/ /de ci'i slad du zhe na/ de ni 'di ltar byang chub sems dpa' sems dpa' chen po pha rol du phyin pa rnams kyis 'doms shing rjes su ston pa dang / stong pa nyid thams cad dang / byang chub kyi phyogs kyi chos sum bcu rtsa bdun dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyis 'doms shing rjes su ston pa'i slad du'o/ /de nas tshe dang ldan pa rab 'byor gyis/ lha'i</font><hr>35.37a<br><font size=+1>

dbang po brgya byin la 'di skad ces smras so/ /kau shi ka gang khyod kyis rigs kyi bu 'am rigs kyi bu mo byang chub sems dpa'i theg pa pa rnams kyi spro ba bskyed pa ni legs so legs so/ /khyod kyi las ni de yin no/ /'phags pa nyan thos gang sems can rnams la phan gdags par 'dod pa des ni byang chub sems dpa' sems dpa' chen po rnams bla na med pa yang dag par rdzogs pa'i byang chub la spro ba bskyed par bya'o/ /chos dang / zang zing gi bsdu bas/ byang chub sems dpa' rnams la phan gdags par bya zhing yongs su bskyang bar bya'o/ /de ci'i phyir zhe na/ bcom ldan 'das kyi nyan thos kyi dge 'dun ni de las byung ste/ rang sangs rgyas kyi theg pa yang de las byung la/ theg pa chen po yang de las byung ba'i phyir ro/ /gal te byang chub sems dpa' sems dpa' chen pos bla na med pa yang dag par rdzogs pa'i byang chub tu sems bskyed par ma gyur la/ gal te byang chub sems dpa' sems dpa' chen pos pha rol du phyin pa drug la ma bslabs te/ byang chub kyi phyogs kyi chos sum bcu rtsa bdun dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad la ma bslabs na/ chos de dag la ma bslabs pas/ bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ro/ /mngon par rdzogs par sangs ma rgyas na bla na med pa yang dag par rdzogs pa'i byang chub dang / rang sangs rgyas kyi byang chub dang / nyan thos kyi byang chub yod par mi 'gyur ba zhig na/ kau shi ka gang gi phyir byang chub sems dpa' pha rol du phyin pa drug dang / sangs rgyas kyi chos thams cad kyi bar dag la slob pa de'i phyir byang chub sems dpa' sems dpa' chen po bla na med pa yang dag par rdzogs pa'i byang chub</font><hr>35.37b<br><font size=+1>

mngon par rdzogs par 'chang rgya bar 'gyur te/ bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi khams thams cad kyi sems can dmyal ba rnams rgyun gcod par 'gyur zhing / dud 'gro'i skye gnas dang / yid dgas kyi yul thams cad rgyun gcod par 'gyur ro/ /rgyal rigs shing sA la chen po lta bu 'byung bar 'gyur ro/ /bram ze'i rigs shing sA la chen po lta bu 'byung bar 'gyur ro/ /khyim bdag gi rigs shing sA la chen po lta bu 'byung bar 'gyur ro/ /rgyal chen bzhi'i ris kyi lha rnams 'byung bar 'gyur ro/ /sum bcu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / 'bras bu che ba dang / gnas gtsang ma mi che ba dang / gya nom snang dang / shin du mthong dang / mi gdung ba dang / 'og min dang / nam mkha' mtha' yas skye mched du nye bar 'gro ba dang / rnam shes mtha' yas skye mched du nye bar 'gro pa dang / ci yang med pa'i skye mched du nye bar 'gro ba dang / 'du shes med 'du shes med min skye mched du nye bar 'gro ba'i lha rnams yod par 'gyur ro/ /sbyin pa'i pha rol du phyin pa 'jig rten du 'byung ngo / /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'jig rten du 'byung ngo / /nang stong pa nyid dang / dngos po med pa'i ngo bo nyid stong pa nyid kyi bar dag 'jig rten du 'byung ngo / /byang chub kyi phyogs kyi chos sum bcu rtsa bdun 'jig rten du 'byung ngo / /sangs</font><hr>35.38a<br><font size=+1>

rgyas kyi chos ma 'dres pa bcwa brgyad kyi bar dag 'jig rten du 'byung ngo / /nyan thos kyi theg pa dang / rang sangs rgyas kyi theg pa dang / theg pa chen po 'jig rten du 'byung ngo / /shes rab kyi pha rol du phyin pa khri brgyad stong pa las bsod nams kyi khyad par gyi le'u ste/ sum bcu rtsa gnyis pa'o// // de nas byang chub sems dpa' sems dpa' chen po byams pas/ gnas brtan rab 'byor la 'di skad ces smras so/ btsun pa rab 'byor byang chub sems dpa' sems dpa' chen po'i rjes su yi rang ba'i mod las skyes pa'i bsod nams bya ba'i dngos po gang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngos te/ de yang mi dmigs pa'i tshul gyis yongs su bsngos na/ sems can thams cad kyi rjes su yi rang ba'i mod las skyes pa'i bsod nams bya ba'i dngos po gang yin pa dang / nyan thos kyi theg pa la yang dag par zhugs pa rnams dang / rang sangs rgyas kyi theg pa la yang dag par zhugs pa rnams kyi sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / bsgom pa las byung ba'i bsod nams bya ba'i dngos po gang yin pa de bas ni/ byang chub sems dpa'i rjes su yi rang ba'i mod las skyes pa'i bsod nams bya ba'i dngos po sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngos pa de mchog ces bya phul du byung ba zhes bya/ gtso bo zhes bya/ rab ces bya/ rab mchog ces bya/ gya nom pa zhes bya/ bla na med pa zhes bya/ gong na med pa zhes bya'o/ de ci'i phyir zhe na/ 'di ltar nyan thos dang / rang sangs rgyas kyi theg pa pa rnams kyi</font><hr>35.38b<br><font size=+1>

sbyin pa las byung ba dang / tshul khrims las byung ba dang / bsgom pa las byung ba'i bsod nams bya ba'i dngos po de dag thams cad ni bdag nyid dul bar bya ba dang / bdag nyid zhi bar bya ba dang / bdag nyid yongs su mya ngan las 'da' bar bya ba'i phyir byed cing / byang chub kyi phyogs kyi chos sum bcu rtsa bdun dang / stong pa nyid dang / mtshan ma med pa dang / smon pa med pa'i bar du yang bdag nyid dul bar bya ba dang / bdag nyid zhi bar bya ba dang / bdag nyid yongs su mya ngan las 'da' bar bya ba'i phyir yin gyi/ byang chub sems dpa'i rjes su yi rang ba'i mod las skyes pa'i bsod nams bya ba'i dngos po de ni sems can thams cad dul bar bya ba dang / sems can thams cad zhi bar bya ba dang / sems can thams cad yongs su mya ngan las 'da' bar bya ba'i phyir bla na med pa yang dag par rdzogs pa'i byang chub tu yongs su bsngos pa yin pa'i phyir ro/ de nas tshe dang ldan pa rab 'byor gyis/ byang chub sems dpa' sems dpa' chen po byams pa la 'di skad ces smras so/ byang chub sems dpa' sems dpa' chen pos shar phyogs kyi 'jig rten gyi khams grangs med tshad med pa dag gi 'jig rten gyi khams re rer yang sangs rgyas bcom ldan 'das grangs med dpag tu med pa yongs su mya ngan las 'das pa gang yin pa de dag gi thugs dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i bar dag dang / phung po'i lhag ma med pa'i mya ngan las 'das pa'i dbyings su yongs su mya ngan las 'das pa'i bar dag dang / ji srid du dam pa'i chos nub par ma gyur pa'i bar de'i pha rol du phyin pa drug dang ldan pa'i dge ba'i rtsa ba gang yin pa dang de dag gi nyan thos kyi theg pa pa dag gi sbyin pa las byung ba'i bsod nams bya ba'i dngos po dang / tshul khrims las byung ba</font><hr>35.39a<br><font size=+1>

dang bsgom pa las byung ba'i bsod nams bya ba'i dngos po gang yin pa dang / slob pa dang / mi slob pa rnams kyi zag pa med pa'i dge ba'i rtsa ba gang yin pa dag dang / de bzhin gshegs pa de dag gi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po gang yin pa dag dang / phan par bzhed pa gang yin pa dag dang / thugs rje chen po dang / sangs rgyas kyi chos dpag tu med pa/ grangs med pa gang yin pa de dag dang / sangs rgyas bcom ldan 'das de dag gis chos bstan pa gang yin pa dag dang / chos bstan pa de dag gis rgyun du zhugs pa'i 'bras bu thob pa dang / dgra bcom pa nyid kyi bar dang / rang byang chub thob pa'i bar dang / byang chub sems dpa'i skyon med pa la zhugs pa gang yin pa de dag gi dge ba'i rtsa ba gang yin pa dag dang / de bzhin gshegs pa bzhugs pa 'am/ yongs su mya ngan las 'das pa de dag la gang dag gis dge ba'i rtsa ba bskyed pa de dag thams cad mngon par bsdus te/ rjes su yi rang ba'i mchog gis rjes su yi rang zhing / rjes su yi rang ba'i gtso bo dang / khyad par du 'phags pa dang / rab dang / rab mchog dang / gya nom pa dang / bla ma dang / bla na med pa dang / gong na med pa dang / mnyam pa med pa dang / mi mnyam pa dang mnyam pa'i rjes su yi rang bas rjes su yi rang nas/ rjes su yi rang ba'i mod las skyes pa'i dge ba'i rtsa ba sems can thams cad dang thun mong du byas te/ bla na med pa yang dag par rdzogs pa'i byang chub sgrub par gyur cig ces/ bla na med pa yang dag par rdzogs pa'i byang chub du yongs su bsngos la/ theg pa chen po pa gang yin pa des de skad du smras te/ sems kyis de ltar yongs su bsngo bar byed na/ dmigs pa gang dang / </font><hr>35.39b<br><font size=+1>

dngos po gang dag gis sems de bskyed pa'i dngos po de dag dang / dmigs pa de dag rigs kyi bu de dag gis ji ltar mtshan mar bzung ba de bzhin du yod cing dmigs pa zhig yin nam/ byams pas smras pa/ btsun pa rab 'byor gyis dngos po de dag dang / dmigs pa de dag ni theg pa chen po pa'i rigs kyi bu de dag gis ji ltar mtshan mar bzung nas/ bla na med pa yang dag par rdzogs pa'i byang chub tu yongs su bsngos pa bzhin du yod pa ma yin zhing dmigs su med do/ /rab 'byor gyis smras pa/ gal te dngos po med pa la dmigs pa med pa dag gis phyogs bcu'i 'jig rten gyi khams rab 'byams thams cad na/ sangs rgyas bcom ldan 'das gang dag bzhugs pa de dag mtshan mar bzung nas/ de dag gis thugs dang po bskyed pa nas bzung ste/ dam pa'i chos gnas pa'i bar gyi dge ba'i rtsa ba gang yin pa dag dang / nyan thos kyi theg pa pa slob pa dang / mi slob pa de dag gi dge ba'i rtsa ba gang yin pa de dag thams cad mngon par bsdus te/ bla na med pa yang dag par rdzogs pa'i byang chub tu yongs su bsngos na/ mi rtag pa la rtag par 'du shes phyin ci log pa dang / sems phyin ci log pa dang / lta ba phyin ci log pa dang / sdug bsngal ba la bde zhes bya ba dang / bdag med pa la bdag ces bya ba dang / mi sdug pa la sdug ces bya bar 'du shes phyin ci log pa dang / sems phyin ci log pa dang / lta ba phyin ci log pa dang / ji lta ba bzhin du de yang phyin ci log par mi 'gyur grang / ji ste dngos po ji lta ba dang / dmigs pa ji lta ba bzhin du/ byang chub kyang de lta bu yin la sems kyang de bzhin/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang de bzhin/ byang chub kyi</font><hr>35.40a<br><font size=+1>

phyogs kyi chos sum bcu rtsa bdun yang de bzhin/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyang de bzhin pa zhig yin la/ de ltar gal te dngos po ji lta ba bzhin du dmigs pa yang de bzhin te/ byang chub kyang de lta bu yin la/ sems kyang de bzhin/ gzugs kyang de bzhin/ tshor ba dang / 'du shes dang / 'du byed rnams dang / rnam par shes pa yang de bzhin/ mig kyang de bzhin/ rna ba dang / sna dang / lce dang / lus dang / yid kyang de bzhin/ nang stong pa nyid dang / dngos po med pa'i ngo bo nyid stong pa nyid kyi bar du yang de bzhin dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam yang de bzhin/ stobs bcu yang de bzhin/ mi 'jigs pa rnams kyang de bzhin/ so so yang dag par rig pa rnams kyang de bzhin/ sangs rgyas kyi chos ma 'dres pa bcwa brgyad kyang de bzhin pa zhig yin na/ de la dngos po ni gang yin/ dmigs pa ni gang yin/ ting nge 'dzin ni gang yin/ sems ni gang yin/ dge ba'i rtsa ba de dag ni gang yin/ rjes su yi rang ba'i mod las skyes pa'i sems gang bla na med pa yang dag par rdzogs pa'i byang chub tu yongs su bsngo ba ni gang yin/ byams pas smras pa/ btsun pa rab 'byor gal te byang chub sems dpa' sems dpa' chen po de dag pha rol du phyin pa drug la spyod spyod pa yang yin la/ sangs rgyas mang po la bsnyen bkur byed pa yang yin/ dge ba'i rtsa ba skyed skyed pa yang yin/ dge ba'i bshes gnyen gyis yongs su zin pa yang yin/ rang gi mtshan nyid kyis stong pa'i chos rnams la slob slob pa yang yin na ni/ de dag gis dngos po</font><hr>35.40b<br><font size=+1>

de dag dang / dmigs pa de dag dang / sangs rgyas bcom ldan 'das de dag dang / dge ba'i rtsa ba de dag dang / rjes su yi rang ba'i mod las skyes pa'i bsod nams bya ba'i dngos po de dag mtshan mar bzung ste bla na med pa yang dag par rdzogs pa'i byang chub tu yongs su bsngo bar mi byed kyi gnyis su med pa'i tshul dang / mtshan ma med pa'i tshul ji lta ba de bzhin du yongs su bsngo bar byed de/ dmigs pa'i tshul dang / dmigs pa med pa'i tshul dang / kun nas nyon mongs pa'i tshul dang / rnam par byang ba'i tshul dang / skye ba'i tshul dang / 'gag pa'i tshul gyis ni ma yin no/ /gal te byang chub sems dpa' de dag gis pha rol du phyin pa drug la yang ma bslabs/ sangs rgyas mang po la yang bsnyen bkur ma byas/ dge ba'i rtsa ba rnams kyang ma bskyed/ dge ba'i bshes gnyen gyis kyang yongs su ma zin/ rang gi mtshan nyid kyis stong pa'i chos rnams la yang ma bslabs na/ de dag gis ni dngos po de dag dang / dmigs pa de dag dang / dge ba'i rtsa ba de dag dang / rjes su yi rang ba'i mod las skyes pa'i sems bskyed pa de dag mtshan mar bzung nas/ bla na med pa yang dag par rdzogs pa'i byang chub tu yongs su bsngo bar 'gyur ro/ /btsun pa rab 'byor shes rab kyi pha rol du phyin pa de ltar bstan pa 'di ni theg pa la gsar du yang dag par zhugs pa'i byang chub sems dpa'i mdun du brjod par mi bya'o/ /de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar du bstan par mi bya'o/ /de ci'i phyir zhe na/ de'i dad pa tsam dang / </font><hr>35.41a<br><font size=+1>

dang ba tsam dang / dga' ba tsam dang / gus pa tsam yod pa gang yin pa de yang med par 'gyur ba'i phyir ro/ /phyir mi ldog pa'i byang chub sems dpa' sems dpa' chen po'i mdun du ni brjod par bya/ bstan par bya ste/ rang gi mtshan nyid kyis stong pa'i chos rnams kyi bar du yang bstan par bya'o/ /de ni de lta bu thos na mi skrag mi dngang zhing dngang bar mi 'gyur ro/ /gal te de dge ba'i bshes gnyen gyis zin la sngon gyi rgyal ba dag la lhag par bya ba byas shing dge ba'i rtsa ba bskyed pa dang / sangs rgyas mang po la bsnyen bkur byas pa zhig yin na ni/ btsun pa rab 'byor byang chub sems dpa' sems dpa' chen po des rjes su yi rang ba'i mod las bskyed pa'i bsod nams bya ba'i dngos po bla na med pa yang dag par rdzogs pa'i byang chub tu de ltar yongs su bsngo bar bya'o/ /shes rab kyi pha rol du phyin pa khri brgyad stong pa/ bam po nyi shu drug pa/ rab 'byor gyis smras pa/ byams pa sems gang gis rjes su yi rang nas yongs su bsngo bar byed pa'i sems de ni zad cing 'gag la med de/ rnam par gyur pa yin la/ dngos po de dag dang / dmigs pa de dag dang / dge ba'i rtsa ba de dag dang / rjes su yi rang ba'i mod las skyes pa'i bsod nams bya ba'i dngos po de yang zad cing 'gag la med de/ rnam par gyur pa yin na/ rjes su yi rang ba'i mod las skyes pa'i sems de ni gang yin/ dngos po de dag ni gang yin/ dmigs pa de dag ni gang yin/ dge ba'i rtsa ba gang dag bla na med pa yang dag par rdzogs pa'i byang chub tu yongs su bsngo ba ni gang yin/ ci sems kyis sems yongs su bsngo 'am gal te sems kyis sems yongs su bsngor ni/ sems gnyis phrad par 'gyur ba med de/ sems kyi rang bzhin gang yin pa de ni yongs su bsngo bar mi nus so/ /byams pas smras pa/ gal te byang</font><hr>35.41b<br><font size=+1>

chub sems dpa' sems dpa' chen po shes rab kyi pha rol du phyin pa la spyod pa 'di ltar shes rab kyi pha rol du phyin pa dngos po med pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dngos po med pa dang / gzugs dngos po med pa dang / tshor ba dang / 'du shes dang / 'du byed rnams dang / rnam par shes pa dngos po med pa dang / byang chub kyi phyogs kyi chos sum bcu rtsa bdun dngos po med pa dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dngos po med pa dang / byang chub dngos po med par shes na/ 'di ltar byang chub sems dpa' sems dpa' chen pos rjes su yi rang ba'i mod las skyes pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo bar bya ste/ gal te de ltar bsngos na/ bla na med pa yang dag par rdzogs pa'i byang chub du yongs su bsngos pa yin no/ /byang chub sems dpa' byams pas/ gnas brtan rab 'byor la 'di skad ces smras so/ /btsun pa rab 'byor theg pa la gsar du yang dag par zhugs pa'i byang chub sems dpa' sems dpa' chen pos bstan pa 'di thos na skrag ste/ dngang zhing dngang par mi 'gyur grang / btsun pa rab 'byor/ theg pa la gsar du yang dag par zhugs pa'i byang chub sems dpa' sems dpa' chen pos dge ba'i rtsa ba de dag kyang ji ltar bla na med pa yang dag par rdzogs pa'i byang chub tu yongs su bsngo bar bya/ rjes su yi rang ba'i mod las skyed pa'i bsod nams bya ba'i dngos po yongs su bzung ba yang / ji ltar bla na med pa yang dag par rdzogs pa'i byang chub tu yongs su bsngos par 'gyur/ rab 'byor gyis smras pa/ byams pa gal</font><hr>35.42a<br><font size=+1>

te theg pa la gsar du yang dag par zhugs pa'i byang chub sems dpa' sems dpa' chen po shes rab kyi pha rol du phyin pa la spyod la/ shes rab kyi pha rol du phyin pa de yang mi dmigs pa'i tshul gyis 'dzin gyi/ mtshan ma'i tshul gyis ma yin pa dang / de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyod la/ sbyin pa'i pha rol du phyin pa de yang mi dmigs pa'i tshul gyis 'dzin gyi/ mtshan ma'i tshul gyis ma yin pa dang / nang stong pa nyid la spyod la/ stong pa nyid de yang mi dmigs pa'i tshul gyis 'dzin gyi/ mtshan ma'i tshul gyis ma yin pa dang / dngos po med pa'i ngo bo nyid stong pa nyid kyi bar la spyod la/ dngos po med pa'i ngo bo nyid stong pa nyid de yang mi dmigs pa'i tshul gyis 'dzin gyi/ mtshan ma'i tshul gyis ma yin pa dang / byang chub kyi phyogs kyi chos sum bcu rtsa bdun la spyod la byang chub kyi phyogs kyi chos sum bcu rtsa bdun de dag kyang mi dmigs pa'i tshul gyis 'dzin gyi/ mtshan ma'i tshul gyis ma yin pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la spyod la/ de dag kyang mi dmigs pa'i tshul gyis 'dzin gyi/ mtshan ma'i tshul gyis ma yin no/ /de ltar na shes rab kyi pha rol du phyin pa la mos pa mang bar 'gyur/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la mos pa mang bar 'gyur/ nang stong pa nyid la mos pa mang bar 'gyur/ dngos po med pa'i ngo bo nyid stong pa nyid kyi bar la mos pa mang bar 'gyur/ byang chub kyi phyogs kyi chos sum bcu rtsa bdun la mos pa mang bar 'gyur/ stobs bcu dang mi 'jigs</font><hr>35.42b<br><font size=+1>

pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la mos pa mang bar 'gyur zhing / dge ba'i bshes gnyen gyis kyang yongs su zin par 'gyur te/ dge ba'i bshes gnyen de dag kyang de la shes rab kyi pha rol du phyin pa 'di nyid dang / sbyin pa'i pha rol du phyin pa'i bar du don dang bcas/ tshig 'bru dang bcas pa ston te/ ci nas kyang byang chub sems dpa'i skyon med par zhugs kyi bar du shes rab kyi pha rol du phyin pa dang 'bral bar mi 'gyur ba dang / de bzhin du byang chub sems dpa'i skyon med par zhugs kyi bar du pha rol du phyin pa thams cad kyi bar dang 'bral bar mi 'gyur ba dang / stong pa nyid thams cad dang / byang chub kyi phyogs kyi chos sum bcu rtsa bdun dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad kyi bar dag dang 'bral bar mi 'gyur ba de lta bur yang ston to/ /bdud kyi las rnams kyang ston te/ des bdud kyi las de dag thos na 'grib par yang mi 'gyur 'phel bar yang mi 'gyur ro/ /de ci'i phyir zhen/ 'di ltar bdud kyi las de dag rang bzhin gyis mi dmigs pa'i phyir ro/ /de ni byang chub sems dpa'i skyon med par zhugs kyi bar du sangs rgyas bcom ldan 'das rnams dang yang 'bral bar mi 'gyur zhing de dag la yang dge ba'i rtsa ba bskyed par 'gyur te/ dge ba'i rtsa ba de dag gis kyang byang chub sems dpa'i rigs yongs su 'dzin par 'gyur ro/ /bla na med pa yang dag par rdzogs pa'i byang chub mngon par rdzogs par sangs rgyas kyi bar du/ byang chub sems dpa'i rigs de dang yang 'bral bar mi 'gyur ro/ /byams pa gzhan yang theg pa la gsar du yang dag par zhugs pa'i byang chub sems dpa' sems dpa' chen pos sangs rgyas bcom ldan 'das lam gyi rgyun bcad pa/ spros pa dang srid par khrid pa'i rgyun bcad pa/ tshig gi lam chad pa/ khur bor</font><hr>35.43a<br><font size=+1>

ba tsher ma bsal ba/ srid par kun du sbyor ba bcad pa/ mnyam pa nyid kyi ye shes kyis rnam par grol ba'i de bzhin gshegs pa dgra bcom pa yang dag par rdzogs pa'i sangs rgyas phyogs bcu'i 'jig rten gyis khams dpag tu med/ grangs med pa dag na bzhugs te/ 'tsho zhing gzhes pa gang yin pa de dag dang / sangs rgyas bcom ldan 'das de dag gi nyan thos rnams kyi bsod nams mngon par 'du byed pa gang yin pa dang / de dag la gang dag gi dge ba'i rtsa ba bskyed pa dag dang / rgyal rigs shing sA la chen po lta bu rnams dang / bram ze'i rigs shing sA la chen po lta bu rnams dang / khyim bdag gi rigs shing sA la chen po lta bu rnams dang / rgyal chen bzhi'i ris kyi lha rnams dang / gnas gtsang ma'i ris kyi lha rnams kyi/ bar dag gi phyir dge ba'i rtsa ba bskyed pa gang yin pa de dag thams cad mngon par bsdus nas/ gcig tu brtul cing gzhal te/ rjes su yi rang ba'i mchog gis rjes su yi rang bar bya'o/ /rjes su yi rang ba phul du byung ba dang / gtso bo dang / rab dang / rab mchog dang / gya nom pas rjes su yi rang nas/ rjes su yi rang ba'i mod las skyed pa'i dge ba'i rtsa ba bla na med pa yang dag par rdzogs pa'i byang chub tu yongs su bsngo bar bya'o/ /byams pas smras pa/ btsun pa rab 'byor gal te theg pa la gsar du yang dag par zhugs pa'i byang chub sems dpa' sems dpa' chen pos/ sangs rgyas bcom ldan 'das nyan thos kyi dge 'dun dang bcas pa de dag gi dge ba'i rtsa ba thams cad la bsam ste/ rjes su yi rang ba'i mchog gis rjes su yi rang la/ rjes su yi rang ba gong na med pa'i bar gyis rjes su yi rang zhing / rjes su yi rang nas kyang / bla na med pa yang dag par rdzogs pa'i byang chub tu yongs su bsngo bar byed na/ byang chub sems</font><hr>35.43b<br><font size=+1>

dpa' sems dpa' chen po de 'du shes phyin ci log pa dang / sems phyin ci log pa dang / lta ba phyin ci log par ji ltar mi 'gyur/ /rab 'byor gyis smras pa/ byams pa gal te byang chub sems dpa' sems dpa' chen pos sangs rgyas bcom ldan 'das nyan thos kyi dge 'dun dang bcas pa de dag la bsams te/ de la yang sangs rgyas su 'du shes par mi 'gyur zhing / dge ba'i rtsa bar 'du shes par mi 'gyur la/ sems gang gis yongs su bsngos pa'i sems de la yang sems su 'du shes par mi 'gyur te/ de ltar bsngos na/ byang chub sems dpa'i 'du shes phyin ci log par mi 'gyur/ sems phyin ci log par mi 'gyur/ lta ba phyin ci log par mi 'gyur ro/ /gal te byang chub sems dpas sangs rgyas bcom ldan 'das de dag dang / dge ba'i rtsa ba de dag la bsams shing mtshan mar 'dzin te/ mtshan mar bzung nas rjes su yi rang zhing / bla na med pa yang dag par rdzogs pa'i byang chub tu bsngo bar byed na/ de ltar bsngo na ni 'du shes dang / sems dang / lta ba phyin ci log par 'gyur ro/ /gal te byang chub sems dpas sangs rgyas bcom ldan 'das de dag dang / dge ba'i rtsa ba de dag dang / sems gang gis bsams pa de dag de bzhin du zad pa la zad do zhes bya ba dang / zad pa gang yin pa de yang yongs su bsngo bar mi nus pa dang / sems gang gis yongs su bsngos pa'i sems de yang de'i chos nyid yin pa dang / gang du yongs su bsngos pa de yang de'i chos nyid yin par de ltar shes te/ gal te de ltar bsngos na/ 'thun par yongs su bsngo ba yin te/ yang dag par yongs su bsngo ba yin zhing / mi 'thun par yongs su bsngo ba ma yin la/ log par yongs su bsngo ba ma yin te/ byang chub sems dpa' sems dpa' chen pos de ltar yongs su bsngo bar bya'o/ /gal te byang chub sems dpa'</font><hr>35.44a<br><font size=+1>

sems dpa' chen pos 'das pa dang / ma byon pa dang / da ltar byung ba'i sangs rgyas bcom ldan 'das rnams las so so'i skye bo gang dag gis dge ba'i rtsa ba bskyed pa dag dang chos bstan pa thos pa gang yin pa dag dang / de dag la lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag gis dge ba'i rtsa ba bskyed pa dag dang / rgyal rigs shing sA la chen po lta bu rnams dang / bram ze'i rigs shing sA la chen po lta bu rnams dang / khyim bdag gi rigs shing sA la chen po lta bu rnams dang / rgyal chen bzhi'i ris kyi lha rnams kyis chos thos shing / dge ba'i rtsa ba yang bskyed pa dag dang / bla na med pa yang dag par rdzogs pa'i byang chub tu yang sems bskyed pa de dag thams cad yongs su bsdus nas/ gcig tu brtul cing gzhal te/ rjes su yi rang ba'i mchog gis rjes su yi rang ba dang / rjes su yi rang ba phul du byung ba dang / gtso bo dang / rab dang / rab mchog dang / gya nom pas rjes su yi rang ba dang / rjes su yi rang ba mnyam pa med pa dang / mi mnyam pa dang mnyam pas rjes su yi rang ste/ rjes su yi rang nas kyang de dag thams cad bla na med pa yang dag par rdzogs pa'i byang chub tu yongs su bsngo bar byed de/ gal te chos de dag ni zad pa dang / 'gag pa dang / med pa dang / rnam par gyur pa yin la/ gang du yongs su bsngo ba'i chos de yang rang bzhin gyis stong ngo zhes de ltar yang dag par shes te/ gal te de ltar yongs su bsngo na/ bla na med pa yang dag par rdzogs pa'i byang chub tu yongs su bsngo ba yin no/ /gal te chos rnams kyis chos rnams yongs su bsngo bar mi byed de/ de ci'i phyir zhe na/ 'di ltar chos thams cad ni rang bzhin gyis stong pa'i phyir ro zhes bya bar de ltar yang dag par shes par bya gal te de ltar yongs su bsngo na/ bla na med pa yang dag par rdzogs pa'i</font><hr>35.44b<br><font size=+1>

byang chub tu yongs su bsngo ba yin no/ /byang chub sems dpa' shes rab kyi pha rol du phyin pa la de ltar spyod pa dang / bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa la spyod pa'i 'du shes phyin ci log pa dang / sems phyin ci log pa dang / lta ba phyin ci log par mi 'gyur ro/ /de ci'i phyir zhe na/ 'di ltar yongs su bsngo ba de dang / dge ba'i rtsa ba de dag dang / byang chub de dang / sems de la mngon par zhen pa med cing / gang du mngon par zhen pa de yang yang dag par rjes su mi mthong ba'i phyir te/ de ni byang chub sems dpa' sems dpa' chen po'i bla na med pa yang dag par rdzogs pa'i byang chub tu yongs su bsngo ba yin no/ /gal te byang chub sems dpa' sems dpa' chen pos bsod nams bya ba'i dngos po mngon par 'du byed pa de/ phung po dang khams dang / skye mched rnams kyis dben par yang dag par shes shing / shes rab kyi pha rol du phyin pas dben par yang dag par shes/ bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pas dben par yang dag par shes/ nang stong pa nyid dang / dngos po med pa'i ngo bo nyid stong pa nyid kyi bar gyis dben par yang dag par shes/ byang chub kyi phyogs kyi chos sum bcu rtsa bdun po dag gis dben par yang dag par shes/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad po dag gis dben par yang dag par shes na/ de ltar na byang chub sems dpa' sems dpa' chen pos bsod nams bya ba'i dngos po bla na med pa yang dag par rdzogs pa'i</font><hr>35.45a<br><font size=+1>

byang chub tu yongs su bsngos pa yin no/ /gal te byang chub sems dpas rjes su yi rang ba'i mod las skyes pa'i bsod nams bya ba'i dngos po ni/ rjes su yi rang ba'i mod las skyes pa'i bsod nams bya ba'i dngos po'i rang bzhin gyis dben par yang dag par shes shing / sangs rgyas bcom ldan 'das de dag kyang / sangs rgyas kyi rang bzhin gyis dben pa dang / dge ba'i rtsa ba rnams kyang dge ba'i rtsa ba'i rang bzhin gyis dben pa dang / mngon par 'du byed pa yang mngon par 'du byed pa'i rang bzhin gyis dben pa dang / byang chub kyi sems kyang byang chub kyi sems kyi rang bzhin gyis dben pa dang / yongs su bsngo ba'i sems kyang yongs su bsngo ba'i sems kyi rang bzhin gyis dben pa dang / byang chub kyang byang chub kyi rang bzhin gyis dben pa dang / shes rab kyi pha rol tu phyin pa yang shes rab kyi pha rol tu phyin pa'i rang bzhin gyis dben pa dang de bzhin du bsam gtan dang / brtson 'grus dang / bzod pa dang / tshul khrims dang / shes rab dang / chos kyi dbyings dang / stobs dang / sbyin pa'i pha rol du phyin pa yang rang bzhin gyis dben pa dang / nang stong pa nyid dang / dngos po med pa'i ngo bo nyid stong pa nyid kyi bar yang rang bzhin gyis dben pa dang / byang chub kyi phyogs kyi chos sum bcu rtsa bdun dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad po dag kyang sangs rgyas kyi chos kyi rang bzhin gyis dben par yang dag par shes na/ byang chub sems dpa' sems dpa' chen pos shes rab kyi pha rol du phyin pa dben pa la de ltar spyod par bya ste/ de ni byang chub sems dpa' sems dpa' chen po'i shes rab kyi pha rol du phyin pa yin no/ /gzhan yang byang chub sems dpa' sems dpa' chen po sangs rgyas bcom ldan 'das yongs su mya ngan las 'das pa de dag gi</font><hr>35.45b<br><font size=+1>

dge ba'i rtsa ba de dag yang dag par rjes su dran pas/ 'di ltar yongs su bsngo bar bya ste/ gang gis yongs su bsngo ba'i sems de ni yongs su bsngo ba de ji lta ba de kho na bzhin te/ de'i rang bzhin can dang / de'i ngo bo nyid yin par gal te de ltar yang dag par shes nas/ bla na med pa yang dag par rdzogs pa'i byang chub tu yongs su bsngos pa yin te/ de ltar yongs su bsngo ba ni 'du shes phyin ci log pa ma yin/ sems phyin ci log pa ma yin/ lta ba phyin ci log pa ma yin no/ gal te byang chub sems dpa' sems dpa' chen po shes rab kyi pha rol du phyin pa la spyod pas/ sangs rgyas bcom ldan 'das de dag gi dge ba'i rtsa ba de dag mtshan ma'i tshul gyis shes na/ bla na med pa yang dag par rdzogs pa'i byang chub tu yongs su bsngo ba ma yin no/ gal te 'das pa'i sangs rgyas bcom ldan 'das yongs su mya ngan las 'das pa mtshan ma med pa yul ma yin pa gang yin pa de dag 'di ltar dran par byas shing / mtshan mar 'dzin par byed na/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba ma yin te/ de ltar na de ni 'du shes phyin ci log pa dang / sems phyin ci log pa dang / lta ba phyin ci log pa yin no/ gal te sangs rgyas bcom ldan 'das de dag dang / dge ba'i rtsa ba de dag dang / mngon par 'du byed pa de dag dang / sems bskyed pa de dag shes par mi byed cing / mtshan mar mi 'dzin na/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngos pa yin te/ de ltar na byang chub sems dpa' sems dpa' chen po de 'du shes phyin ci log pa ma yin sems phyin ci log pa ma yin lta ba phyin ci log pa ma yin no/ /byams pas smras pa/ btsun pa rab 'byor byang chub sems dpa' sems dpa' chen po mtshan mar yang mi 'dzin la/ yongs su bsngo bar yang byed pa ji lta bu yin/ </font><hr>35.46a<br><font size=+1>

rab 'byor gyis smras pa/ byang chub sems dpa' sems dpa' chen pos shes kyi pha rol du phyin pa 'di la thabs la mkhas pa de dag bslabs pas/ de'i phyir byang chub sems dpa' sems dpa' chen po ni shes rab kyi pha rol du phyin pa la thabs la mkhas par rig par bya ste/ shes rab kyi pha rol du phyin pa la ma brten par ni bsod nams bya ba'i dngos po yongs su bsngo bar yang mi nus so/ /byams pas smras pa/ btsun pa rab 'byor shes rab kyi pha rol du phyin pa la ni sangs rgyas bcom ldan 'das de dag dang / dge ba'i rtsa ba de dag dang / mngon par 'du byed pa de dag dang / bla na med pa yang dag dag par rdzogs pa'i byang chub tu yongs su bsngo ba gang yin pa'i sems bskyed pa de dag kyang med pa yin na/ 'di skyon du mi 'gyur ram/ de la byang chub sems dpa' sems dpa' chen po shes rab kyi pha rol du phyin pa la spyod pa des na 'di ltar rnam par brtag par bya ste/ sku de dag dang / mngon par 'du mdzad pa de dag ni 'gag pa yin na/ 'on kyang mtshan mar bzung nas rnam par rtog par byed de/ sangs rgyas bcom ldan 'das de dag dang / dge ba'i rtsa ba de dag dang / mngon par 'du mdzad pa de dag dang / sems bskyed pa de dag mtshan mar bzung nas/ rnam par rtog par byed do/ /de bzhin gshegs pa dgra bcom pa yang dag par rdzogs pa'i sangs rgyas rnams kyis ni/ de ltar mtshan ma'i tshul gyis yongs su bsngo ba la rjes su yi rang bar gnang par mi mdzad do/ /de ci'i phyir zhe na/ sangs rgyas bcom ldan 'das yongs su mya ngan las 'das pa dag mtshan mar 'dzin cing rnam par brtags nas/ dmigs pa gang yin pa de nyid de'i dmigs pa chen po yin pa'i phyir ro/ /de bas na byang chub sems dpa' sems dpa' chen po dge ba'i rtsa ba de dag yongs su bsngo bar 'dod pas ni dmigs nas mtshan mar bzung ste/ yongs su bsngo bar mi bya'o/ /dmigs pa'i 'du shes dang / mtshan ma'i 'du shes kyis yongs</font><hr>35.46b<br><font size=+1>

su bsngo ba ni/ de bzhin gshegs pa dgra bcom pa yang dag par rdzogs pa'i sangs rgyas rnams kyis don che bar ma gsungs so/ /de ci'i phyir zhe na/ bsngo ba de ni dug dang bcas pa/ zug rngu dang bcas pa yin pa'i phyir ro/ /'di lta ste dper na/ kha zas bsod pa/ dug dang sbyar ba/ kha dog dang / dri dang ldan pa de la byis pa'i rang bzhin can gyi mis bza' bar bsams nas/ des de za ba na kha dog dang dris kyang dga' bar byed la/ zhu ba'i tshe ni sdug bsngal ba'i rnam par smin par 'gyur ro/ /de bzhin du 'di la kha cig log par zin pa dang / log par shes pa dang / log par bslabs pas/ don ma rtogs te/ khong du ma chud par 'di skad du/ rigs kyi bu khyod tshur shog /'das pa dang / ma byon pa dang / da ltar byung ba'i sangs rgyas bcom ldan 'das rnams kyis thugs dang po bskyed pa nas bzung ste/ /bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang / phung po'i lhag ma med pa'i mya ngan las 'das pa'i dbyings su yongs su mya ngan las 'das pa'i bar dang / ji srid du dam pa'i chos nub par ma gyur pa'i bar der shes rab kyi pha rol du phyin pa la spyad pas dge ba'i rtsa ba mngon par 'du mdzad pa gang yin pa rnams dang / de bzhin du bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa la spyad pas/ dge ba'i rtsa ba mngon par 'du mdzad pa gang yin pa rnams dang / bsam gtan bzhi dang ldan pa dang / tshad med pa bzhi dang / gzugs med pa'i snyoms par 'jug pa bzhi dang / byang chub kyi phyogs kyi chos sum bcu rtsa bdun dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang ldan pa'i dge ba'i rtsa ba mngon par 'du mdzad pa rnams dang / sangs rgyas kyi chos ma 'dres pa bcwa brgyad dang ldan pa'i</font><hr>35.47a<br><font size=+1>

dge ba'i rtsa ba mngon par 'du mdzad pa rnams dang / dge ba'i rtsa ba mngon par 'du mdzad pa gang dag gis/ sangs rgyas kyi zhing rnams yongs su dag par mdzad cing / sems can rnams yongs su smin par mdzad pa dag dang / sangs rgyas bcom ldan 'das de dag gi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po gang yin pa dag dang / rnam pa thams cad mkhyen pa nyid kyi ye shes kyi bar dang / bsnyel ba mi mnga' ba'i chos nyid dang / rtag tu btang snyoms la gnas pa dang / de dag gi nyan thos kyi theg pa dag gis de dag la dge ba'i rtsa ba bskyed pa gang yin pa dag dang / rang sangs rgyas rnams lung bstan pa gang yin pa dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag gis de dag la dge ba'i rtsa ba mngon par 'dus byas pa de dag thams cad yongs su bsdus nas gcig tu btul cing gzhal te/ bla na med pa yang dag par rdzogs pa'i byang chub tu yongs su bsngos shig ces ston par byed de/ de ltar des yongs su bsngo ba mtshan ma'i tshul dang / dmigs pa'i tshul gyis yongs su bsngo ba ni 'di lta ste/ kha zas dug can bzhin du dug nyid du 'gyur ro/ /dmigs par lta ba'i bsngo ba ni bsngo bar yang mi 'gyur ro/ /de ci'i phyir zhe na/ dmigs pa de ni dug dang bcas pa/ mtshan ma dang bcas pa rgyu dang bcas pa/ rkyen dang bcas pa yin pa'i phyir ro/ /de ltar bsngos pas ni de bzhin gshegs pa la skur ba btab pa yin te/ de bzhin gshegs pas gsungs pa bzhin du smra ba yang ma yin la/ chos smra ba yang ma yin no zhes brtag par bya'o/ /de la rigs kyi bu 'am rigs kyi bu mo byang chub sems dpa'i theg pa pa dag gis ni 'di ltar bslab par bya ste/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi</font><hr>35.47b<br><font size=+1>

dge ba'i rtsa ba dag la ji ltar rjes su yi rang nas/ yongs su bsngo bar bya/ thugs dang po bskyed pa nas bzung ste /nyan thos kyi dge 'dun dang bcas pa rnams phung po'i lhag ma med pa'i mya ngan las 'das pa'i dbyings su yongs su mya ngan las 'das pa'i bar dang / ji srid du dam pa'i chos gnas pa'i bar der shes rab kyi pha rol tu phyin pa la spyad pas/ dge ba'i rtsa ba mngon par 'du mdzad pa gang yin pa rnams dang / rnam pa thams cad mkhyen pa nyid bsnyes pa'i bar dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dag gis dge ba'i rtsa ba bskyed pa'i bar dag la ji ltar rjes su yi rang nas/ yongs su bsngo bar bya/ dge ba'i rtsa ba de dag ji ltar yongs su bsngos na/ bla na med pa yang dag par rdzogs pa'i byang chub tu yongs su bsngos par 'gyur zhe na/ rigs kyi bu 'am rigs kyi bu mo theg pa chen po pa shes rab kyi pha rol tu phyin pa 'di la spyod cing / de bzhin gshegs pa la skur pa gdab par mi 'dod pas ni/ 'di skad du yongs su bsngo bar bya ste/ de bzhin gshegs pa dgra bcom pa yang dag par rdzogs pa'i sangs rgyas rnams kyis sangs rgyas kyi ye shes bla na med pas dge ba'i rtsa ba de dag ji ltar thugs su chud pa dang / rang bzhin gang yin pa dang / ngo bo nyid gang yin pa dang / mtshan nyid gang yin pa dang / chos nyid gang gis yod pa de bzhin du bdag kyang rjes su yi rang ngo / /sangs rgyas bcom ldan 'das de dag gis ji ltar thugs su chud pa de bzhin du bdag gis kyang bla na med pa yang dag par rdzogs pa'i byang chub tu yongs su bsngo'o zhes rigs kyi bu 'am rigs kyi bu mo theg pa chen po pas dge ba'i rtsa ba rnams bla na med pa yang dag par rdzogs pa'i byang chub tu de ltar yongs su bsngo bar bya'o/ /de ltar yongs su bsngos na/ de bzhin gshegs pa la yang skur ba btab par mi </font><hr>35.48a<br><font size=+1>

'gyur la/ de bzhin gshegs pas gsungs pa bzhin du smra ba dang / chos smra bar yang 'gyur ro/ /de ltar na byang chub sems dpa' sems dpa' chen po de'i yongs su bsngo ba dug med pa yin no zhes bslab par bya'o/ gzhan yang rigs kyi bu 'am rigs kyi bu mo theg pa chen po la yang dag par zhugs pa shes rab kyi pha rol du phyin pa la spyod pas/ dge ba'i rtsa ba de dag 'di ltar yongs su bsngo bar bya ste/ 'di ltar gzugs ni 'dod pa'i khams dang / gzugs kyi khams dang / gzugs med pa'i khams su gtogs pa ma yin no/ /tshor ba dang / 'du shes dang / 'du byed rnams dang / rnam par shes pa ni 'dod pa'i khams dang / gzugs kyi khams dang / gzugs med pa'i khams su gtogs pa ma yin no/ /de bzhin du khams rnams dang / skye mched rnams dang / shes rab kyi pha rol du phyin pa yang 'dod pa'i khams dang / gzugs kyi khams dang / gzugs med pa'i khams su gtogs pa ma yin no/ /de bzhin du bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa yang 'dod pa dang / gzugs dang / gzugs med pa'i khams su gtogs pa ma yin te/ ma gtogs pa gang yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /de bzhin du nang stong pa nyid dang / dngos po med pa'i ngo bo nyid stong pa nyid kyi bar du 'dod pa dang / gzugs dang / gzugs med pa'i khams su gtogs pa ma yin no/ /byang chub kyi phyogs kyi chos sum bcu rtsa bdun 'dod pa dang / gzugs dang / gzugs med pa'i khams su gtogs pa ma yin no/ /stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad 'dod pa dang / gzugs dang / /</font><hr>35.48b<br><font size=+1>

gzugs med pa'i khams su gtogs pa ma yin no/ /de bzhin du de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos gnas pa nyid dang / chos mi 'gyur ba nyid dang / yang dag pa'i mtha' dang / bsam gyis mi khyab pa'i dbyings dang / tshul khrims dang / ting nge 'dzin dang shes rab dang / rnam par grol ba dang / rnam par grol ba'i ye shes gzigs pa rnams dang / rnam pa thams cad mkhyen pa nyid dang / bsnyel ba mi mnga' ba'i chos nyid dang / rtag tu btang snyoms la gnas pa/ 'dod pa dang / gzugs dang / gzugs med pa'i khams su gtogs pa ma yin te/ ma gtogs pa gang yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /de ci'i phyir zhe na/ de ni de ltar gtogs pa ma yin pa nyid kyi phyir ma gtogs so de bzhin du yongs su bsngo ba dang gtogs pa ma yin no/ /chos gang la yongs su bsngo ba'i chos de dag kyang gtogs pa ma yin no/ /yongs su bsngo ba gang yin pa de yang gtogs pa ma yin no/ /sangs rgyas bcom ldan 'das de dag kyang gtogs pa ma yin no/ /dge ba'i rtsa ba de dag kyang gtogs pa ma yin no/ /nyan thos dang rang sangs rgyas de dag kyang gtogs pa ma yin no/ /de dag gi dge ba'i rtsa ba de dag kyang 'dod pa dang / gzugs dang / gzugs med pa'i khams su gtogs pa ma yin te/ ma gtogs pa gang yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no zhes yongs su bsngo bar bya'o/ /byang chub sems dpa' shes rab kyi pha rol du phyin pa la spyod pas gal te 'di ltar shes te/ gzugs gang yin pa de ni 'dod pa'i khams dang / gzugs kyi khams dang / gzugs med pa'i khams su gtogs pa ma yin no/ /de bzhin du tshor ba dang / 'du shes dang / 'du byed rnams</font><hr>35.49a<br><font size=+1>

dang / rnam par shes pa 'dod pa'i khams dang / gzugs kyi khams dang / gzugs med pa'i khams su gtogs pa ma yin no/ /de bzhin du khams rnams dang / skye mched rnams 'dod pa'i khams dang / gzugs kyi khams dang / gzugs med pa'i khams su gtogs pa ma yin te/ ma gtogs pa gang yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin te/ de ni mtshan ma'i tshul lam/ dmigs pa'i tshul gyis yongs su bsngo bar mi nus so/ /de ci'i phyir zhe na/ de la ni rang bzhin med de/ gang la rang bzhin med pa de ni dngos po med pa ste/ dngos po med pa ni dngos po med pas yongs su bsngo bar mi nus so/ /tshor ba dang / 'du shes dang / 'du byed rnams dang / rnam par shes pa dang khams rnams dang / skye mched rnams kyang de bzhin no/ /sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang de bzhin no/ /nang stong pa nyid dang / dngos po med pa'i ngo bo nyid stong pa nyid kyi bar du yang de bzhin no/ /byang chub kyi phyogs kyi chos bcu rtsa bdun dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid dang / bsnyel ba mi mnga' ba'i chos nyid dang / rtag tu btang snyoms la gnas pa yang de bzhin du 'dod pa'i khams su gtogs pa ma yin/ gzugs kyi khams su gtogs pa ma yin/ gzugs med pa'i khams su gtogs pa ma yin te/ ma gtogs pa gang yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /gang 'das pa yang ma yin/ ma 'ongs pa yang ma yin/ da ltar byung ba</font><hr>35.49b<br><font size=+1>

yang ma yin pa de ni mtshan ma'i tshul dang / dmigs pa'i tshul gyis yongs su bsngo bar mi nus so/ /de ci'i phyir zhe na/ 'di ltar de la ni rang bzhin med de/ gang la rang bzhin med pa de ni dngos po med pa yin la/ dngos po med pa ni dngos po med pas yongs su bsngo bar mi nus pa'i phyir ro zhes bya bar shes na/ de ltar na byang chub sems dpa'i bsngo ba de dug med pa yin no/ /rigs kyi bu 'am rigs kyi bu mo theg pa chen po la yang dag par zhugs pa gang mtshan ma'i tshul dang / dmigs pa'i tshul gyis dge ba'i rtsa ba de dag yongs su bsngo bar byed pa de ni dge ba'i rtsa ba de dag log par yongs su bsngo ba yin te/ log par yongs su bsngo ba ni yang dag par yongs su bsngo ba ma yin no/ /sangs rgyas bcom ldan 'das rnams kyis bsngags pa mi mdzad do/ /gang sangs rgyas bcom ldan 'das rnams kyis bsngags pa ma mdzad pa'i yongs su bsngo bas yongs su bsngo ba de ni sbyin pa'i pha rol du phyin pa yongs su rdzogs par mi byed do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab rab kyi pha rol du phyin pa yongs su rdzogs par mi byed do/ /gang pha rol du phyin pa drug po dag yongs su rdzogs par mi byed do/ /byang chub kyi phyogs kyi chos sum bcu rtsa bdun yongs su rdzogs par mi byed do/ /nang stong pa nyid dang / dngos po med pa'i ngo bo nyid stong pa nyid kyi bar dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad yongs su rdzogs par mi byed do/ /de ni sangs rgyas kyi zhing yongs su dag par mi byed do/ /sems can rnams yongs su smin par mi byed do/ /gang sangs rgyas kyi zhing yongs su dag par mi byed pa dang / sems can rnams yongs su</font><hr>35.50a<br><font size=+1>

smin par mi byed pa de ni/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro/ /de ci'i phyir zhe na/ 'di ltar de'i bsngo ba ni dug dang bcas pa yin pa'i phyir ro/ /gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ 'di ltar brtag par bya ste/ sangs rgyas bcom ldan 'das de dag gis chos nyid 'dis dge ba'i rtsa ba yongs su bsngo bar bya'o zhes thugs su chud pa de lta bur bdag gis kyang de ltar chos nyid des bla na med pa yang dag par rdzogs pa'i byang chub du yongs su bsngo bar bya'o/ /snyam du brtag par bya'o/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor legs so legs so/ /rab 'byor khyod kyis 'di ltar byang chub sems dpa' sems dpa' chen po rnams kyis yongs su bsngo ba'i phung po mtshan ma med pa'i tshul dang / dmigs pa med pa'i tshul dang / skye ba med pa'i tshul dang / 'byung ba med pa'i tshul dang / kun nas nyon mongs pa med pa'i tshul dang / rnam par byang ba med pa'i tshul dang / dngos po med pa'i ngo bo nyid kyi tshul dang / rang gi mtshan nyid stong pa nyid kyi tshul dang / chos kyi dbyings kyi tshul dang / de bzhin nyid kyi tshul dang / ma nor ba de bzhin nyid kyi tshul dang gzhan ma yin pa de bzhin nyid kyi tshul gyis bstan pa ni legs so/ /rab 'byor gal te stong gsum gyi stong chen po'i 'jig rten gyi khams na/ sems can 'khod pa de dag thams cad kyi dge ba bcu'i las kyi lam rnams thob par gyur cing / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga thob par gyur na/ rab 'byor 'di ji snyam du sems/ sems can de dag gzhi de las bsod nams mang</font><hr>35.50b<br><font size=+1>

du skyed snyam 'am/ rab 'byor gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas na rigs kyi bu 'am rigs kyi bu mo gang gis dge ba'i rtsa ba rnams gos pa med pas yongs su bsngos na/ de ches bsod nams mang du skyed do/ /rab 'byor rigs kyi bu 'am rigs kyi bu mo de'i dge ba'i rtsa ba yongs su bsngo ba de lta bu de ni mchog ces bya/ phul du byung ba zhes bya/ gtso bo zhes bya/ rab ces bya/ rab mchog ces bya/ gya nom pa zhes bya/ bla na med pa zhes bya/ gong na med pa zhes bya'o/ /rab 'byor gzhan yang stong gsum gyi stong chen po'i 'jig rten gyi khams na sems can ji snyed 'khod pa de dag thams cad rgyun du zhugs par gyur tam/ lan cig phyir 'ong ba 'am/ phyir mi 'ong ba 'am/ dgra bcom par gyur nas dgra bcom pa de dag thams cad la/ rigs kyi bu 'am rigs bu mo la la zhig gis/ ji srid 'tsho'i bar du gos dang / zas dang / mal cha dang / stan dang / na ba'i gsos sman dang / yo byad rnams kyis sti stang du byed/ bla mar byed/ ri mo byed/ mchod pa byed na/ rab 'byor 'di ji snyam du sems/ rigs kyi bu 'am rigs kyi bu mo de gzhi de las ches bsod nams mang du skyed snyam 'am/ rab 'byor gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas na rigs kyi bu 'am rigs kyi bu mo gang gis 'di ltar dge ba'i rtsa ba gos pa med pa'i yongs su bsngo bas yongs su bsngos na/ de ches bsod nams mang du skyed do/ /rab 'byor gzhan yang stong gsum gyi stong chen po'i 'jig rten gyi khams na sems can 'khod pa de dag thams cad rang sangs rgyas su gyur nas/ de dag thams cad la rigs kyi bu 'am/ rigs kyi bu mo la la zhig gis ji srid</font><hr>35.51a<br><font size=+1>

'tsho'i bar du gos dang / zas dang / mal cha dang / stan dang / na ba'i gsos sman dang / yo byad rnams kyis sti stang du byed/ bla mar byed/ ri mo byed/ mchod pa byed na/ rab 'byor 'di ji snyam du sems/ rigs kyi bu 'am rigs kyi bu mo de gzhi de las bsod nams mang du skyed snyam 'am/ rab 'byor gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas na rigs kyi bu 'am rigs kyi bu mo gang gis 'di ltar dge ba'i rtsa ba rnams gos pa med pas yongs su bsngo bas yongs su bsngos na/ de ches bsod nams mang du skyed do/ /rab 'byor gzhan yang stong gsum gyi stong chen po'i 'jig rten gyi khams na/ sems can gang dag 'khod pa de dag thams cad bla na med pa yang dag par rdzogs pa'i byang chub la yang dag par zhugs par gyur la/ der byang chub sems dpa' de dag re re la yang shar phyogs kyi 'jig rten gyi khams gang gA'i klung gi bye ma snyed dag na/ sems can gang dag 'khod pa de dag thams cad kyis bskal pa gang gA'i klung gi bye ma snyed du/ gos dang / zas dang / mal cha dang / stan dang / na ba'i gsos sman dang / yo byad rnams kyis sti stang du byed/ bla mar byed/ ri mo byed mchod pa byed cing / bde ba'i yo byad thams cad kyis bkur stir byed de/ de bzhin du lho dang / nub dang / byang dang / phyogs mtshams rnams dang / steng dang 'og gi phyogs kyi 'jig rten gyi khams gang gA'i klung gi bye ma snyed dag na/ sems can gang dag 'khod pa de dag thams cad kyis byang chub sems dpa' de dag las/ byang chub sems dpa' re re la yang bskal pa gang gA'i klung gi bye ma snyed du gos dang / zas dang / mal cha dang / stan dang / na ba'i gsos sman dang / yo</font><hr>35.51b<br><font size=+1>

byed rnams kyis sti stang du byed/ bla mar byed/ ri mo byed/ mchod pa byed cing bde ba'i yo byad thams cad kyis bkur sti byed na/ rab 'byor 'di ji snyam du sems/ rigs kyi bu 'am rigs kyi bu mo de dag ches bsod nams mang du skyed snyam 'am/ gsol pa bcom ldan 'das mang lags so/ /bde bar gshegs pa mang lags te/ dpag tu ma mchis/ grangs ma mchis/ tshad ma mchis lags so/ /bcom ldan 'das bsod nams bgyi ba'i dngos po de la ni dpe bgyi bar yang sla ba ma lags so/ /bcom ldan 'das gal te bsod nams bgyi ba'i dngos po de la gzugs mchis su lags na ni/ 'jig rten gyi khams gang gA'i klung gi bye ma snyed dag tu yang mi shong bar 'gyur lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to rab 'byor legs so legs so/ /rab 'byor gang khyod kyis de skad smras pa ni legs so rab 'byor de bas na rigs kyi bu 'am rigs kyi bu mo gang gis 'di ltar dge ba'i rtsa ba gos pa med pa'i yongs su bsngo bas/ bla na med pa yang dag par rdzogs pa'i byang chub tu yongs su bsngo bar byed pa de/ ches bsod nams mang du skyed do rab 'byor de ltar na rigs kyi bu 'am rigs kyi bu mo de'i dge ba'i rtsa ba yongs su bsngo ba 'di ni mchog ces bya/ phul du byung ba zhes bya/ gtso bo zhes bya/ rab ces bya/ rab mchog ces bya/ gya nom pa zhes bya/ bla na med pa zhes bya/ gong na med pa zhes bya ste/ rab 'byor gos pa med pas bsngo ba'i bsod nams kyi phung po de la ni bsod nams kyi phung po snga ma des brgya'i char yang nye bar mi 'gro'o stong gi cha dang / 'bum gyi cha dang / bye ba'i cha dang / bye ba brgya'i cha dang / bye ba phrag 'bum gyi cha dang / grangs</font><hr>35.52a<br><font size=+1>

dang / cha dang / bgrang ba dang / dpe dang / rgyur yang mi bzod do/ /de ci'i phyir zhe na/ 'di ltar rigs kyi bu 'am rigs kyi bu mo de dag dmigs pa'i 'du shes dang ldan zhing dge ba bcu'i las kyi lam dang ldan pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang ldan pa'i phyir ro/ /de ci'i phyir zhe na/ 'di ltar rigs kyi bu 'am rigs kyi bu mo de dag ni dmigs pa'i 'du shes dang ldan zhing / gos dang zas dang / mal cha dang stan dang / na ba'i gsos sman dang / yo byad rnams kyis sti stang du byed/ bla mar byed/ ri mor byed/ mchod pa byed cing / bde ba'i yo byad thams cad kyis bkur sti byed la/ byang chub sems dpa' pa dmigs pa can gang yin pa de dag la sti stang du byed/ bla mar byed/ ri mo byed/ mchod pa byed pa'i phyir ro/ /de nas rgyal chen bzhi'i ris kyi lha'i bu rnams kyi nang nas/ lha'i bu nyi khri thal mo sbyar te/ bcom ldan 'das la phyag 'tshal nas/ 'di skad ces gsol to/ bcom ldan 'das kye ma byang chub sems dpa' sems dpa' chen po'i thabs la mkhas pas gos pa ma mchis pa'i tshul dang / dmigs pa ma mchis pa'i tshul dang mtshan ma ma mchis pa'i tshul dang / bgyid pa ma mchis pa'i tshul gyis dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba dang / ji ltar gnyis dang / gnyis su ma mchis par yang khas mi len pa de ltar yongs su bsngo bar bgyid pa de ni yongs su bsngo ba chen po lags so/ /de nas lha'i dbang po brgya byin sum bcu rtsa gsum pa'i lha'i bu rnams dang lhan cig tu/ lha'i me tog dang / bdug pa dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag khyer te/ lha'i sil snyan dang / pheg rdob pa</font><hr>35.52b<br><font size=+1>

dang / rol mo'i sgra dag gis bcom ldan 'das la mchod pa byas nas tshig 'di skad ces gsol to/ bcom ldan 'das byang chub sems dpa' sems dpa' chen po rnams kyi thabs la mkhas pa 'dis dmigs pa ma mchis pa'i tshul dang / gos pa ma mchis pa'i tshul dang mtshan ma ma mchis pa'i tshul gyis dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba dang / ji ltar gnyis dang / gnyis su ma mchis par yang khas mi len pa de ltar yongs su bsngo bar bgyis pa de ni yongs su bsngo ba chen po lags so/ /de nas tshangs ris kyi lha'i bu bye ba khrag khrig phrag 'bum phrag du ma dag bcom ldan 'das ga la ba der dong ste lhag nas bcom ldan 'das kyi zhabs la mgo bos phyag 'tshal te/ bcom ldan 'das 'di ltar byang chub sems dpa' sems dpa' chen po shes rab kyi pha rol du phyin pa dang thabs mkhas pas yongs su zin pa dag gong du smos pa'i byang chub sems dpa' sems dpa' chen po dang / rigs kyi bu 'am rigs kyi bu mo dmigs pa can de dag gi dge ba'i rtsa ba de dag zil gyis gnon pa ni ngo mtshar lags so zhes sgra bsgrags shing dbyangs su brjod do/ /de bzhin du tshangs ris dang / tshangs pa'i mdun na 'don dang / tshangs 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / mi che ba dang / shin du mthong dang / gya nom snang dang / mi gdung ba dang / 'og min gyi lha rnams kyang lha'i bu bye ba khrag khrig phrag 'bum phrag du ma dag dang lhan cig tu/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te bcom ldan 'das 'di ltar byang chub sems dpa' sems dpa' chen po shes rab kyi pha rol du phyin pa dang / thabs la mkhas pas yongs su zin pa dag gong du</font><hr>35.53a<br><font size=+1>

smos pa'i byang chub sems dpa' sems dpa' chen po dang / rigs kyi bu 'am rigs kyi bu mo dmigs pa la spyod pa de dag gi dge ba'i rtsa ba de dag zil gyis gnon pa ni ngo mtshar lags so zhes sgra brjod pa byas so/ /de nas bcom ldan 'das kyis/ rgyal chen bzhi'i ris kyi lha'i bu rnams dang / 'og min gyi lha'i bu'i bar dag la bka' stsal pa/ lha'i bu dag gal te stong gsum gyi stong chen po'i 'jig rten gyi khams na sems can gang dag 'khod pa de dag thams cad bla na med pa yang dag par rdzogs pa'i byang chub la yang dag par zhugs par gyur la/ de dag thams cad kyis 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa rnams kyi dge ba'i rtsa ba gang yin pa thugs dang po bskyed pa nas bzung ste/ dam pa'i chos ji srid gnas pa'i bar der sangs rgyas bcom ldan 'das de dag dang / nyan thos dang / rang sangs rgyas de dag dang / de dag las gzhan pa sems can thams cad kyi dge ba'i rtsa ba sbyin pa'i pha rol du phyin pa las byung ba dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa las byung ba dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dang / sangs rgyas kyi chos tshad med pa gzhan dag dang / de dag thams cad mngon par bsdus nas dmigs pa'i tshul gyis rjes su yi rang ste/ rjes su yi rang nas bla na med pa yang dag par rdzogs pa'i byang chub tu yongs su bsngos la/ rigs kyi bu 'am rigs kyi bu mo gang zhig bla na med pa yang dag par rdzogs pa'i byang chub la yang dag par zhugs te/ des 'das pa dang / ma byon pa dang / da ltar byung ba'i sangs rgyas bcom ldan 'das nyan thos kyi dge</font><hr>35.53b<br><font size=+1>

'dun dang / rang sangs rgyas dang bcas pa rnams kyi thugs dang po bskyed pa nas bzung ste/ dam pa'i chos ji srid gnas pa'i bar der/ sbyin pa'i pha rol du phyin pa dang / shes rab kyi pha rol du phyin pa'i bar dang / sangs rgyas kyi chos tshad med pa'i bar de dag thams cad mngon par bsdus nas/ mi dmigs pa'i tshul dang / gnyis su med pa'i tshul dang / mtshan ma med pa'i tshul dang / gos pa med pa'i tshul dang / byed pa med pa'i tshul gyis rjes su yi rang ba mchog gis rjes su yi rang ste/ rjes su yi rang nas bla na med pa yang dag par rdzogs pa'i byang chub tu yongs su bsngo bar byed na 'di ltar byang chub sems dpa'i rigs kyi bu 'am rigs kyi bu mo de ni/ snga ma'i rigs kyi bu 'am rigs kyi bu mo de dag bas/ ches bsod nams mang du skyed de/ snga ma'i dge ba'i rtsa ba de yang dge ba'i rtsa ba 'di'i brgya'i char yang nye bar mi 'gro ba nas rgyu'i bar du yang mi bzod do/ /byang chub sems dpa' sems dpa' chen pos mi dmigs pa'i tshul gyis bsngos pa gang yin pa de ni mchog ces bya ba nas/ gong na med pa zhes bya ba'i bar du 'gyur ro/ /rab 'byor gyis gsol pa/ bcom ldan 'das kyis 'di skad du/ 'di ltar rigs kyi bu 'am rigs kyi bu mo de'i dge ba'i rtsa ba thams cad kyi rjes su yi rang ba dang / yongs su bsngo ba'i bar gyi bsod nams kyi phung po gcig tu brtul nas rjes su yi rang ba mchog gis rjes su yi rang ste/ rjes su yi rang ba gong na med pa'i bar dag gis rjes su yi rang bar byed pa zhes bka' stsal pa de la/ bcom ldan 'das rjes su yi rang ba'i mchog dang / rjes su yi rang ba gong na ma mchis pa'i bar du ni ji lta bu lags/ bcom ldan 'das kyis bka' stsal pa rigs kyi bu 'am rigs kyi bu mo de gang gi tshe/ 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos dang bcas pa rnams dang / de dag gi rang sangs rgyas</font><hr>35.54a<br><font size=+1>

rnams dang / sems can thams cad kyi dge ba'i rtsa ba de dag mi 'dzin mi 'dor la/ rlom sems su mi byed cing bsnyas par yang mi byed la/ mi dmigs shing de 'di snyam du 'di la chos 'ga' yang skye ba med/ 'gag pa med/ kun nas nyon mongs pa med/ rnam par byang ba med la/ chos de dag ni 'grib pa yang med/ 'phel ba yang med/ 'ong ba yang med/ 'gro ba yang med/ phung por gyur pa yang med do snyam du sems shing / rnam grangs des 'das pa dang / ma 'ongs pa dang / da ltar byung ba'i chos de dag gi de bzhin nyid dang / ma nor ba de bzhin nyid dang / gzhan ma yin pa de bzhin nyid dang chos nyid dang chos kyi gnas nyid dang / chos skyon med pa nyid ji lta ba de bzhin du bdag rjes su yi rang ste/ rjes su yi rang nas/ bla na med pa yang dag par rdzogs pa'i byang chub tu yongs su bsngo bar byed de/ de ltar yongs su bsngo ba'i byang chub sems dpa' sems dpa' chen po'i rjes su yi rang ba mchog tu 'gyur ba nas/ rjes su yi rang ba gong na med pa'i bar du 'gyur ro/ /rab 'byor rjes su yi rang ba gzhan thams cad ni rjes su yi rang ba de'i brgya'i char yang nye bar mi 'gro ba nas/ rgyu'i bar du yang mi bzod do/ /rjes su yi rang ba 'di ni rjes su yi rang ba gzhan dag bas rjes su yi rang ba'i mchog ces bya ba nas/ gong na med pa zhes bya ba'i bar du 'gyur ro/ /rab 'byor gzhan yang rigs kyi bu 'am rigs kyi bu mo theg pa la gsar du yang dag par zhugs pa dang 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas/ rang sangs rgyas dang bcas pa de dag gi thugs dang po skyed pa nas bzung ste/ dam pa'i chos ji srid gnas pa'i bar der dge ba'i rtsa ba sbyin pa'i pha rol du phyin pa dang ldan pa gang yin pa dang / tshul khrims</font><hr>35.54b<br><font size=+1>

dang / bzod pa dang / brtson 'grus dang / bsam gtan dang / shes rab kyi pha rol du phyin pa dang ldan pa dang / sangs rgyas kyi chos tshad med pa dang ldan pa'i bar dang / de ma yin pa gzhan sems can thams cad kyi dge ba'i rtsa ba gang yin pa de dag thams cad la rjes su yi rang bar 'dod pa des ni/ 'di ltar rjes su yi rang bar bya ste/ rnam par grol ba ji lta ba bzhin du sbyin pa yang de bzhin no/ /rnam par grol ba ji lta ba bzhin du tshul dang / bzod pa dang / brtson 'grus dang / bsam gtan yang de bzhin no/ /rnam par grol ba ji lta ba bzhin du shes rab kyang de bzhin no/ /rnam par grol ba ji lta ba bzhin du gzugs dang / tshor ba dang / 'du shes dang / 'du byed rnams kyang de bzhin no/ /rnam par shes pa yang de bzhin no/ /rnam par grol ba ji lta ba bzhin du nang stong pa nyid dang / dngos po med pa'i ngo bo nyid stong pa nyid kyi bar yang de bzhin no/ /rnam par grol ba ji lta ba bzhin du byang chub kyi phyogs kyi chos sum bcu rtsa bdun yang de bzhin no/ /rnam par grol ba ji lta ba bzhin du stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyang de bzhin no/ /rnam par grol ba ji lta ba bzhin du rnam par grol ba'i ye shes mthong ba yang de bzhin no/ /rnam par grol ba ji lta ba bzhin du mos pa yang de bzhin no/ /rjes su yi rang ba yang de bzhin no/ /rnam par grol ba ji lta ba bzhin du 'das pa dang / ma byon pa dang / da ltar byung ba'i sangs rgyas kyi chos de dag kyang de bzhin no/ /rnam par grol ba ji lta ba bzhin du sangs rgyas bcom ldan 'das de dag kyang de bzhin no/ /rnam par grol ba ji lta ba bzhin du sangs rgyas bcom ldan 'das de dag gi mngon par rdzogs par byang chub pa yang de bzhin no/ /rnam par grol ba ji lta ba bzhin du sangs rgyas</font><hr>35.55a<br><font size=+1>

bcom ldan 'das de dag gi yongs su mya ngan las 'das pa yang de bzhin no/[ ]rnam par grol ba ji lta ba bzhin du sangs rgyas bcom ldan 'das de dag gi nyan thos rnams kyang de bzhin no/ /rang sangs rgyas rnams kyang de bzhin no/ /nyan thos dang / rang sangs rgyas rnams kyi yongs su mya ngan las 'das pa yang de bzhin no/ /rnam par grol ba ji ba bzhin du sangs rgyas bcom ldan 'das de dag gi chos nyid kyang de bzhin no/ /rnam par grol ba ji lta ba bzhin du nyan thos dang / rang sangs rgyas thams cad kyi chos nyid kyang de bzhin no/ /rnam par grol ba ji lta ba bzhin du chos thams cad kyi de bzhin nyid kyang de bzhin no zhes rjes su yi rang bar bya'o/ /de bzhin du bcings pa med pa dang / grol ba med pa dang / kun nas nyon mongs pa med pa dang / rnam par byang ba med pa'i chos rnams kyi chos nyid gang yin pa dang / skye ba med pa gang yin pa dang / 'byung ba med pa dang / 'gag pa med pa'i chos rnams kyi chos nyid kyang de bzhin te/ 'pho ba med pa dang / rnam par 'jig pa med pa'i phyir de ltar bla na med pa yang dag par rdzogs pa'i byang chub tu yongs su bsngo bar byed na/ rab 'byor de ni byang chub sems dpa' sems dpa' chen po rnams kyi rjes su yi rang ba mchog yin te/ rab 'byor byang chub sems dpa' sems dpa' chen po rjes su yi rang ba de dang ldan pa ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /rab 'byor gzhan yang phyogs bcu'i phyogs re rer yang 'jig rten gyi khams gang gA'i klung gyi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa bzhugs te/ 'tsho zhing gzhes pa gang yin pa'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa de dag la/ rigs kyi bu 'am rigs kyi bu mo theg pa chen po la zhugs pa la la zhig gis ji srid 'tsho ba'i bar du bde ba'i yo byad thams cad dang gos dang zas dang mal cha dang stan dang na ba'i gsos</font><hr>35.55b<br><font size=+1>

sman dang yo byad rnams kyis sti stang du byed bla mar byed ri mo byed mchod pa byed cing sangs rgyas bcom ldan 'das yongs su mya ngan las 'das pa de dag la nyin mtshan du me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag gis sti stang du bya ba dang / bla mar bya ba dang / ri mo bya ba dang / mchod pa bya bar spro ba bskyed pa dang / tshul khrims la gnas te/ de yang dmigs pa'i tshul gyis gnas pa dang / bzod pa bsgom pa dang / brtson 'grus rtsom pa dang / bsam gtan la snyoms par 'jug pa dang / shes rab sgom ste/ de yang dmigs pa'i tshul gyis sgom la/ rigs kyi bu 'am rigs kyi bu mo bla na med pa yang dag par rdzogs pa'i byang chub la yang dag par zhugs pa/ sbyin pa'i pha rol du phyin pa la spyod cing / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa la spyod pa gang zhig dge ba'i rtsa ba de dag mi dmigs pa'i tshul gyis bla na med pa yang dag par rdzogs pa'i byang chug tu yongs su bsngo bar byed na/ bsod nams mngon par 'du byed pa de la ni/ snga ma'i bsod nams mngon par 'du byed pas/ brgya'i char yang nye bar mi 'gro ba nas/ rgyu'i bar du yang mi bzod do/ /yongs su bsngo ba de ni mchog ces bya ba nas/ gong na med pa zhes bya ba'i bar du 'gyur ro/ /rab 'byor byang chub sems dpa' sems dpa' chen po sbyin pa'i pha rol du phyin pa la spyod pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa la spyod pa thabs la mkhas pas ni mi dmigs pa'i tshul gyis dge ba'i rtsa ba de dag de ltar yongs su bsngo bar bya'o/ /shes rab kyi pha rol du phyin pa khri brgyad stong pa las rjes su yi rang ba dang / yongs su bsngo ba'i le'u zhes bya ste/ sum bcu rtsa gsum</font><hr>35.56a<br><font size=+1>

pa'o// // 'phags pa shes rab kyi pha rol du phyin pa khri brgyad stong pa/ bam po nyi shu rtsa bdun pa/ de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das shes rab kyi pha rol du phyin pa ni shin du rnam par dag pa'i slad du snang bar bgyid pa lags/ bcom ldan 'das shes rab kyi pha rol du phyin pa ni/ phyag bgyi bar 'os pa lags/ bcom ldan 'das shes rab kyi pha rol du phyin pa la bdag phyag 'tshal lags/ bcom ldan 'das shes rab kyi pha rol du phyin pa ni khams gsum thams cad kyis ma gos pa lags/ bcom ldan 'das shes rab kyi pha rol du phyin pa ni nyon mongs pa dang lta ba'i mun pa thams cad bsal ba'i slad du/ rab rib ma mchis par bgyid pa lags/ bcom ldan 'das shes rab kyi pha rol du phyin pa ni byang chub kyi phyogs kyi chos rnams kyi mchog tu bgyid pa lags/ bcom ldan 'das shes rab kyi pha rol du phyin pa ni 'jigs pa dang / khon dang / gnod pa thams cad spangs pa'i slad du bde bar bgyid pa lags/ bcom ldan 'das shes rab kyi pha rol du phyin pa ni sems can rnams kyi mig lnga yongs su 'dzin pa'i slad du gsal bar bgyid pa lags/ bcom ldan 'das shes rab kyi pha rol du phyin pa ni sems can shul ngan par zhugs pa rnams kyi mtha' rnam par spong ba'i slad du shul ston par bgyid pa lags/ bcom ldan 'das shes rab kyi pha rol du phyin pa ni bag chags dang / mtshams sbyor ba dang / nyon mongs pa thams cad spong ba'i slad du rnam pa thams cad mkhyen pa nyid du bgyid pa lags/ bcom ldan 'das shes rab kyi pha rol du phyin pa ni sangs rgyas kyi chos thams cad skyed par bgyid pa'i slad du byang chub sems dpa' sems dpa' chen po rnams kyi ma lags/ bcom ldan 'das shes rab kyi pha rol du phyin pa ni rang gi mtshan nyid stong pa nyid kyi slad du ma skyes pa dang / ma 'gag pa lags/ </font><hr>35.56b<br><font size=+1>

bcom ldan 'das shes rab kyi pha rol du phyin pa ni ther zug du gnas pa ma mchis pa dang / 'jig pa ma mchis pa'i slad du 'khor ba'i gnyen po lags/ bcom ldan 'das shes rab kyi pha rol du phyin pa ni chos rin po che thams cad stsal ba'i slad du sems can mgon ma mchis pa rnams kyi mgon bgyid pa lags/ bcom ldan 'das shes rab kyi pha rol du phyin pa ni mi thul ba'i slad du stobs bcu bgyid pa lags/ bcom ldan 'das shes rab kyi pha rol du phyin pa ni skor ba ma mchis pa dang / ldog pa ma mchis pa'i slad du lan gsum du bzlas te/ chos kyi 'khor lo rnam pa bcu gnyis su skor bar bgyid pa lags/ bcom ldan 'das shes rab kyi pha rol du phyin pa ni dngos po ma mchis pa'i ngo bo nyid stong pa nyid kyi slad du chos thams cad kyi ngo bo nyid ston par bgyid pa lags na/ bcom ldan 'das shes rab kyi pha rol du phyin pa la ji ltar gnas par bgyi/ bcom ldan 'das kyis bka' stsal pa/ shA ri'i bu ji ltar ston pa la gnas par bya ba de ltar shes rab kyi pha rol du phyin pa la gnas par bya'o/ /ji ltar ston pa la phyag bya ba de ltar shes rab kyi pha rol du phyin pa la phyag bya'o/ /de ci'i phyir zhe na/ shes rab kyi rol du phyin pa 'di nyid kyang ston pa las gzhan ma yin la/ ston pa yang shes rab kyi pha rol tu phyin pa las gzhan ma yin te/ shes rab kyi pha rol du phyin pa nyid kyang ston pa yin la/ ston pa nyid kyang shes rab kyi pha rol du phyin pa yin te/ de bzhin gshegs pa dgra bcom pa yang dag par rdzogs pa'i sangs rgyas rnams kyang shes rab kyi pha rol du phyin pa 'dis rab tu phye ba yin te/ byang chub sems dpa' rnams dang / rang sangs rgyas rnams dang / dgra bcom pa rnams dang / phyir mi 'ong ba rnams dang / lan cig phyir 'ong ba rnams dang / rgyun du zhugs pa rnams kyang 'dis rab tu phye ba yin/ dge ba bcu'i las kyi lam rnams kyang 'dis rab tu phye ba yin/ bsam gtan bzhi dang / tshad med pa bzhi dang / gzugs med pa'i snyoms</font><hr>35.57a<br><font size=+1>

par 'jug pa bzhi yang 'dis rab tu phye ba yin/ mngon par shes pa lnga dang / pha rol tu phyin pa lnga dang / nang stong pa nyid dang / dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyang 'dis rab tu phye ba yin/ rnam pa thams cad mkhyen pa nyid kyi bar du phye ba yin pa'i phyir ro/ /de nas lha'i dbang po brgya byin 'di snyam du sems te/ btsun pa shA ri'i bu'i zhu ba 'di ni ci las byung gleng gzhi ni gang yin snyam mo/ /de nas tshe dang ldan pa shA ri'i bus lha'i dbang po brgya byin gyi sems kyi yongs su rtog pa sems kyis shes nas/ lha'i dbang po brgya byin la 'di skad ces smras so/ /kau shi ka gang khyod 'di snyam du/ btsun pa shA ri'i bu'i zhu ba 'di ni ci las byung / gleng gzhi ni gang yin snyam du rnam par rtog pa ni/ kau shi ka shes rab kyi pha rol du phyin pas yongs su zin pa'i byang chub sems dpa' sems dpa' chen po rnams ni thabs la mkhas pas 'das pa dang / ma byon pa dang / da ltar byung ba'i sangs rgyas bcom ldan 'das de dag gi thugs dang po bskyed pa nas/ dam pa'i chos ji srid gnas pa'i bar de'i dge ba'i rtsa ba gang ji snyed pa de dag thams cad rnam pa thams cad mkhyen pa nyid du yongs su bsngo bar byed do snyam nas/ bdag gi zhu ba byung ngo / /kau shi ka byang chub sems dpa' sems dpa' chen rnams kyi shes rab kyi pha rol du phyin pa 'di ni sbyin pa'i pha rol du phyin pa zil gyis gnon par byed pa yin no/ /de bzhin du tshul khrims dang / bzod pa dang / brtson 'grus dang / bsam gtan gyi pha rol du phyin pa zil gyis gnon par byed pa yin no/ /kau shi ka 'di lta ste dper na/ dmus long rnams ni brgya 'am/ stong ngam 'bum yang rung ste/ dmigs bu med na lam du 'jug par mi nus na/ grong khyer du phyin par lta ga la nus/ kau shi ka de bzhin du pha rol du phyin pa lnga po dmus long lta bur gyur</font><hr>35.57b<br><font size=+1>

pa 'di dag kyang / shes rab kyi pha rol du phyin pa'i dmigs bu med na/ byang chub kyi lam du 'jug par yang mi nus na/ rnam pa thams cad mkhyen pa nyid kyi grong khyer chen por phyin par lta ga la nus/ kau shi ka gang gi tshe pha rol du phyin pa lnga po dag kyang / shes rab kyi pha rol du phyin pas yongs su bzung na/ de'i tshe mig dang ldan pas/ pha rol du phyin pa zhes bya ba'i ming 'thob bo/ /brgya byin gyis smras pa/ btsun pa shA ri'i bu gang khyod 'di skad du/ pha rol du phyin pa lnga po dag kyang shes rab kyi pha rol du phyin pas yongs su bzung na/ pha rol du phyin pa'i ming 'thob bo zhes zer na/ btsun pa shA ri'i bu 'o na/ pha rol du phyin pa lnga po dag sbyin pa'i pha rol du phyin pas yongs su bzung na/ pha rol du phyin pa'i ming mi 'thob bam/ de bzhin du tshul khrims dang / bzod pa dang / brtson 'grus dang / bsam gtan gyi pha rol du phyin pas yongs su bzung na yang pha rol du phyin pa lnga po dag gis pha rol du phyin pa'i ming mi 'thob bam/ shA ri'i bus smras pa/ kau shi ka de ni de lta ma yin no/ /de lta ma yin te/ kau shi ka pha rol du phyin pa lnga po dag sbyin pa'i pha rol du phyin pas yongs su bzung bas ni/ pha rol du phyin pa'i ming mi 'thob bo/ /de bzhin du tshul khrims dang / bzod pa dang / brtson 'grus dang / bsam gtan gyi pha rol du phyin pas yongs su bzung bas kyang / pha rol du phyin pa lnga po dag gis pha rol du phyin pa'i ming mi 'thob bo/ /kau shi ka de lta bas na/ shes rab kyi pha rol du phyin pa ni pha rol du phyin pa lnga po dag gi mchog ces bya'o/ /phul dang rab dang / rab mchog dang gya nom pa dang / bla na med pa dang / gong na med pa zhes bya'o/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das shes rab kyi pha rol du phyin pa 'di ji ltar mngon par bsgrub par bgyi/ bcom ldan 'das kyis bka' stsal pa/ shA ri'i bu gzugs mngon par bsgrub tu med pa'i phyir/ shes rab kyi pha</font><hr>35.58a<br><font size=+1>

rol du phyin pa mngon par bsgrub par bya'o/ /tshor ba dang / 'du shes dang / 'du byed rnams dang / rnam par shes pa mngon par bsgrub tu med pa'i phyir shes rab kyi pha rol du phyin pa mngon par bsgrub par bya'o/ /de bzhin du khams rnams dang / skye mched rnams dang / rten cing 'brel bar 'byung ba dang / sbyin pa'i pha rol du phyin pa mngon par bsgrub tu med pa'i phyir/ shes rab kyi pha rol du phyin pa mngon par bsgrub bar bya'o/ /tshul khrims dang / bzod pa dang / brtson 'grus dang / bsam gtan gyi pha rol du phyin pa mngon par bsgrub tu med pa'i phyir/ shes rab kyi pha rol du phyin pa mngon par bsgrub par bya'o/ /nang stong pa nyid mngon par bsgrub du med pa'i phyir/ shes rab kyi pha rol du phyin pa mngon par bsgrub par bya'o/ /dngos po med pa'i ngo bo nyid stong pa nyid kyi bar dag mngon par bsgrub tu med pa'i phyir/ shes rab kyi pha rol du phyin pa mngon par bsgrub par bya'o/ /byang chub kyi phyogs kyi chos sum bcu rtsa bdun mngon par bsgrub du med pa'i phyir/ shes rab kyi pha rol du phyin pa mngon par bsgrub par bya'o/ /stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams mngon par bsgrub tu med pa'i phyir/ shes rab kyi pha rol du phyin pa mngon par bsgrub par bya'o/ /rnam pa thams cad mkhyen pa nyid mngon par bsgrub tu med pa'i phyir/ shes rab kyi pha rol du phyin pa mngon par bsgrub par bya ste/ de ltar chos de dag thams cad mngon par bsgrub tu med pa'i phyir/ shes rab kyi pha rol du phyin pa mngon par bsgrub par bya'o/ /shA ri'i bus gsol pa bcom ldan 'das ji ltar gzugs mngon par bsgrub tu ma mchis pa'i slad du/ shes rab kyi pha rol du phyin pa mngon par bsgrub par bgyi/ bcom ldan 'das ji ltar chos thams cad kyi bar dag mngon par bsgrub tu ma mchis pa'i slad du/ shes rab kyi pha rol du phyin pa mngon par bsgrub par bgyi/ bcom ldan 'das kyis bka' stsal pa/ shA ri'i bu gzugs</font><hr>35.58b<br><font size=+1>

mngon par 'du byed pa med pa dang / skye ba med pa dang / 'gag pa med pa dang / 'byung ba med pa dang / 'jig pa med pa dang / dmigs su med pas shes rab kyi pha rol du phyin pa mngon par bsgrub par bya'o/ /chos thams cad kyi bar dag mngon par 'du byed pa med pa dang / skye ba med pa dang / 'gag pa med pa dang / 'byung ba med pa dang / 'jig pa med pa dang / dmigs su med pas/ shes rab kyi pha rol du phyin pa mngon par bsgrub par bya'o/ /shA ri'i bus gsol pa/ bcom ldan 'das de ltar shes rab kyi pha rol du phyin pa mngon par bsgrub na/ chos gang zhig thob par bgyid pa lags/ bcom ldan 'das kyis bka' stsal pa/ shA ri'i bu de ltar shes rab kyi pha rol du phyin pa mngon par bsgrub na/ chos gang yang thob par mi byed de/ gang gi phyir chos gang yang thob par mi byed pa de'i phyir/ shes rab kyi pha rol du phyin pa zhes bya ba'i grangs su 'gro'o/ /shA ri'i bus gsol pa/ bcom ldan 'das chos gang dag thob par mi bgyid pa lags/ bcom ldan 'das kyis bka' stsal pa/ shA ri'i bu dge ba'i chos rnams thob par mi byed do/ /mi dge ba'i chos rnams thob par mi byed do/ /de bzhin du kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang / 'dus ma byas dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / kun nas nyon mongs pa dang / rnam par byang ba'i chos rnams thob par mi byed do/ /'khor ba'i chos rnams thob par mi byed do/ /mya ngan las 'das pa'i chos rnams thob par mi byed do/[ ]de ci'i phyir zhe na/[ ]shes rab kyi pha rol du phyin pa ni/[ ]chos gang la yang dmigs</font><hr>35.59a<br><font size=+1>

pa'i tshul kyis nye bar gnas pa ma yin pa'i phyir te/[ ]des na chos gang yang thob par mi byed do/[ ]de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das ci shes rab kyi pha rol du phyin pa 'di rnam pa thams cad mkhyen pa nyid kyang thob par mi bgyid lags sam/ bcom ldan 'das kyis bka' stsal pa/ kau shi ka gang yang khyod 'di skad du/ bcom ldan 'das ci shes rab kyi pha rol du phyin pa 'di rnam pa thams cad mkhyen pa nyid kyang thob par mi bgyid pa lags sam zhes zer ba ni/ kau shi ka de de bzhin no/ /de de bzhin te/ kau shi ka shes rab kyi pha rol du phyin pa ni chos gang yang thob par mi byed/ dmigs par mi byed pas/ rnam pa thams cad mkhyen pa nyid kyang thob par mi byed do/ /dmyigs par mi byed do brgya byin gyis gsol pa/ bcom ldan 'das ji ltar shes rab kyi pha rol du phyin pa 'di rnam pa thams cad mkhyen pa nyid kyang thob par mi bgyid cing dmigs par mi bgyid pa lags/ bcom ldan 'ad sa kyis bka' stsal pa kau shi ka shes rab kyi pha rol du phyin pa ni ming ji lta ba dang / mtshan ma ji lta ba dang / mngon par 'du bya ba ji lta ba de ltar thob par mi byed pa yin no/ /brgya byin gyis gsol pa/ bcom ldan 'das 'o na ji ltar thob par bgyid pa lags/ bcom ldan 'das kyis bka' stsal pa/ kau shi ka ci nas kyang mi da migs pa dang / khas mi len pa dang / mi gnas pa dang / mi 'dor ba dang / mngon par zhen pa med pa dang / mi 'dzin pa dang / mi gtong ba de ltar shes rab kyi pha rol du phyin pa rnam pa thams cad mkhyen pa nyid thob par byed de/ chos gang yang thob par byed pa med do/ /brgya byin gyis gsol pa bcom ldan 'das</font><hr>35.59b<br><font size=+1>

'di ltar shes rab kyi pha rol du phyin pa 'di chos thams cad skye ba ma mchis pa dang / 'gag pa ma mchis pa dang / mngon par 'du bgyid pa ma mchis pa dang dmigs pa ma mchis pa dang rnam par byang ba ma mchis pa dang rnam par 'jig pa ma mchis pa'i slad du nye bar gnas pa ni ngo mtshar lags so/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te shes rab kyi pha rol du phyin pa ni chos thams cad thob par bgyid pa'o/ /shes rab kyi pha rol du phyin pa ni chos thams cad thob par mi bgyid pa'o zhes bgyi ba de lta bu'i 'du shes su 'gyur na/ bcom ldan 'das de ni shes rab kyi pha rol du phyin pa spong bar bgyid pa lags so/ /de ni shes rab kyi pha rol du phyin pa rgyang ring du bgyid pa lags so/ /bcom ldan 'das kyis bka' stsal pa/ rab 'byor rnam grangs gang gis byang chub sems dpa' sems dpa' chen po/ shes rab kyi pha rol du phyin pa spong ba dang shes rab kyi pha rol du phyin pa rgyang ring du byed pa'i rnam grangs yod do/ /gal te byang chub sems dpa' sems dpa' chen po/ shes rab kyi pha rol du phyin pa la spyod pa'i tshe/ /'di snyam du shes rab kyi pha rol du phyin pa/ 'di ni gsog go/ /shes rab kyi pha rol du phyin pa 'di ni gsob dang / snying po med pa dang / ya ma rla'o/ /zhes bya bar de lta bu'i 'du shes su gyur na/ byang chub sems dpa' sems dpa' chen po/ de ni shes rab kyi pha rol du phyin pa spong bar</font><hr>35.60a<br><font size=+1>

byed pa yin no/ /byang chub sems dpa' sems dpa' chen po/ de ni shes rab kyi pha rol du phyin pa rgyang ring du byed pa yin no/ /rab 'byor gyis gsol pa/ bcom ldan 'das kyis shes rab kyi pha rol du phyin pa la glo ba ches pas/ chos gang dag la glo ba ches par mi 'gyur ba lags/ bcom ldan 'das kyis bka' stsal pa/ rab 'byor shes rab kyi pha rol du phyin pa la yid ches pas/ gzugs la yid mi ches so/ /tshor ba dang / 'du shes dang / 'du byed rnams dang / rnam par shes pa la yid mi ches so/ mig la yid mi ches so/ /rna ba dang / sna dang / lce dang / lus dang / yid la yid mi ches so/ /gzugs la yid mi ches so/ /sgra dang / dri dang / ro dang / reg bya dang / chos rnams la yid mi ches so/ /sbyin pa'i pha rol du phyin pa la yid mi ches so/ /tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa la yid mi ches so/ /nang stong pa nyid la yid mi ches so/ /dngos po med pa'i ngo bo nyid stong pa nyid kyi bar la yid mi ches so/ /byang chub kyi phyogs kyi chos sum bcu rtsa bdun la yid mi ches so/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la yid mi ches so/ /rgyun du zhugs pa'i 'bras bu la yid mi ches so/ /lan cig phyir 'ong ba'i 'bras bu dang / </font><hr>35.60b<br><font size=+1>

phyir mi 'ong ba'i 'bras bu dang / dgra bcom pa nyid dang / rang sangs rgyas nyid la yid mi ches so/ /bla na med pa yang dag par rdzogs pa'i byang chub la yid mi ches so/ /shes rab kyi pha rol du phyin pa la yid ches pas/ /rnam pa thams cad mkhyen pa nyid la yid mi ches so/ /rab 'byor gyis gsol pa/ bcom ldan 'das ji ltar na shes rab kyi pha rol du phyin pa la glo ba ches pas/ gzugs la glo ba mi ches pa lags/ rnam pa thams cad mkhyen pa nyid kyi bar dag la yang glo ba mi ches pa lags/ bcom ldan 'das kyis bka' stsal pa/ rab 'byor gzugs mi dmigs pas shes rab kyi pha rol du phyin pa la yid ches so/ /rnam pa thams cad mkhyen pa nyid kyi bar du mi da migs pas shes rab kyi pha rol du phyin pa la yid ches so/ /rab 'byor de ltar na/ shes rab kyi pha rol du phyin pa la yid ches pas/ gzugs la yid mi ches pa yin no/ /rnam pa thams cad mkhyen pa nyid kyi bar dag la yang yid mi ches pa yin no/[ ]/rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa/ pha rol du phyin pa 'di ni che ba lags so/ /bcom ldan 'das kyis bka' stsal pa/ rab 'byor 'di ji snyam du sems/ rnam grangs gang gis 'di lta ste/ shes rab kyi pha rol du phyin pa pha rol du phyin pa 'di che ba yin snyam 'am/ rab 'byor gyis gsol pa/ bcom ldan 'das shes rab kyi pha rol du phyin pa ni gzugs che bar mi bgyid/ chung bar mi bgyid/ tshor ba dang 'du shes da nga / 'du byed rnams dang / rnam par shes pa che bar mi bgyid chung bar mi bgyid de</font><hr>35.61a<br><font size=+1>

de bzhin du khams rnams dang / skye mched rnams dang / rten cing 'brel bar 'byung ba che bar mi bgyid/ chung bar mi bgyid/ sbyin pa'i pha rol du phyin pa che bar mi bgyid/ chung bar mi bgyid/ de bzhin du tshul khrims dang / bzod pa dang brtson 'grus dang / bsam gtan gyi pha rol du phyin pa che bar mi bgyid/ chung bar mi bgyid/ nang stong pa nyid che bar mi bgyid/ chung bar mi bgyid/ dngos po med pa'i ngo bo nyid stong pa nyid kyi bar dag che bar mi bgyid/ chung bar mi bgyid/ byang chub kyi phyogs kyi chos sum bcu rtsa bdun che bar mi bgyid/ chung bar mi bgyid/ stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams che bar mi bgyid/ chung bar mi bgyid/ byang chub che bar mi bgyid/ chung bar mi bgyid/ sangs rgyas che bar mi bgyid/ chung bar mi bgyid pa lags so/ /gzugs sdud par mi bgyid/ 'phro bar mi bgyid/ tshor ba dang / 'du shes dang 'du byed rnams dang / rnam par shes pa sdud par mi bgyid/ 'phro bar mi bgyid/ byang chub dang sangs rgyas kyi bar du yang sdud par mi bgyid/ 'phro bar mi bgyid pa lags so/ /gzugs tshad mchis par mi bgyid/ tshad ma mchis par mi bgyid/ tshor ba dang 'du shes dang / 'du byed rnams dang / rnam par shes pa tshad mchis par mi bgyid/ tshad ma mchis par mi bgyid/ byang chub dang sangs rgyas kyi bar du yang tshad mchis par mi bgyid/ tshad ma mchis par mi bgyid pa lags so/ /gzugs yangs par mi bgyid/ dog par mi bgyid/ tshor ba dang 'du shes dang / 'du byed rnams dang rnam par shes pa yangs par mi bgyid/ dog par mi bgyid byang chub dang / sangs rgyas kyi bar du yang yangs par mi bgyid/ dog par mi bgyid pa lags so/ /gzugs stobs dang ldan par mi bgyid/ stobs chung bar mi bgyid/ tshor ba dang 'du shes dang 'du byed</font><hr>35.61b<br><font size=+1>

rnams dang / rnam par shes pa stobs dang ldan par mi bgyid/ stobs chung bar mi bgyid/ byang chub dang sangs rgyas kyi bar du yang stobs dang ldan par mi bgyid/ stobs chung bar mi bgyid pa lags te/ bcom ldan 'das rnam grangs des na/ 'di lta ste/ byang chub sems dpa' sems dpa' chen po rnams kyi shes rab kyi pha rol du phyin pa 'di ni che ba lags so/ /bcom ldan 'das gal te theg pa la gsar du yang par zhugs pa'i byang chub sems dpa' sems dpa' chen po shes rab kyi pha rol du phyin pa la brten te/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la brten nas 'di snyam du shes rab kyi pha rol du phyin pa ni gzugs che bar mi bgyid/ chung bar mi bgyid pa'o/ /sangs rgyas kyi bar du che bar mi bgyid chung bar mi bgyid pa'o/ /gzugs stobs dang ldan par mi bgyid/ stobs chung bar mi bgyid pa'o zhes bgyi ba'i bar du 'du shes par gyur na/ bcom ldan 'das de ltar shes su gyur pa'i byang chub sems dpa' sems dpa' chen po ni shes rab kyi pha rol du phyin pa la spyod pa ma lags so/ /de ci'i slad du zhe na/ bcom ldan 'das 'di ltar gang gzugs che ba 'am/ chung bar bgyid pa dang / sangs rgyas kyi bar du yang che ba 'am/ chung bar bgyid pa de ni shes rab kyi pha rol du phyin pa'i rgyu 'thun pa ma lags la gang gzugs stobs dang ldan par bgyid pa 'am/ stobs chung bar bgyid pa dang / sangs rgyas kyi bar du stobs dang ldan par bgyid pa 'am/ stobs chung bar bgyid pa de ni shes rab kyi pha rol du phyin pa'i rgyu 'thun pa ma lags pa'i slad du'o/ /de ci'i slad du zhe na/ dmigs pa'i 'du shes can la byang chub ma mchis pa'i slad du'o/ /'di ltar sems can skye ba ma mchis pa'i slad du shes rab kyi pha rol du phyin pa skye ba ma</font><hr>35.62a<br><font size=+1>

mchis par rig par bgyi'o/ /de bzhin du gzugs skye ba ma mchis pa'i slad du/ shes rab kyi pha rol du phyin pa skye ba ma mchis par rig par bgyi'o/ /sangs rgyas kyi bar du skye ba ma mchis pa'i slad du shes rab kyi pha rol du phyin pa skye ba ma mchis par rig par bgyi'o/ /sems can ngo bo nyid ma mchis pa'i slad du/ shes rab kyi pha rol du phyin pa ngo bo nyid ma mchis par rig par bgyi'o/ /gzugs ngo bo nyid ma mchis pa'i slad du shes rab kyi pha rol du phyin pa ngo bo nyid ma mchis par rig par bgyi'o/ /sangs rgyas kyi bar du ngo bo nyid ma mchis pa'i slad du/ shes rab kyi pha rol du phyin pa ngo bo nyid ma mchis par rig par bgyi'o/ /sems can dngos po ma mchis pa'i slad du/ shes rab kyi pha rol du phyin pa dngos po ma mchis par rig par bgyi'o/ /gzugs dngos po ma mchis pa'i slad du/ shes rab kyi pha rol du phyin pa dngos po ma mchis par rig par bgyi'o/ /tshor ba dang 'du shes dang 'du byed rnams dang / rnam par shes pa dngos po ma mchis pa'i slad du/ shes rab kyi pha rol du phyin pa dngos po ma mchis par rig par bgyi'o/ /sangs rgyas kyi bar du dngos po ma mchis pa'i slad du/ shes rab kyi pha rol du phyin pa dngos po ma mchis par rig par bgyi'o/ /sems can stong pa'i slad du/ shes rab kyi pha rol du phyin pa stong par rig par bgyi'o/ /gzugs stong pa'i slad du/ shes rab kyi pha rol du phyin pa stong par rig par bgyi'o/ /tshor ba dang 'du shes dang / 'du byed rnams dang / rnam par shes pa stong pa'i slad du/ shes rab kyi pha rol du phyin pa stong par rig par bgyi'o/ /sangs rgyas kyi bar du stong pa'i slad du shes rab kyi pha rol du phyin pa stong par rig par bgyi'o/ /de bzhin du sems can mtshan ma ma mchis pa dang / smon pa ma mchis pa'i slad du/ shes rab kyi pha rol du phyin pa mtshan ma ma mchis pa dang / smon pa ma mchis par rig par bgyi'o/ /gzugs mtshan ma</font><hr>35.62b<br><font size=+1>

mchis pa dang / smon pa ma mchis pa'i slad du/ shes rab kyi pha rol du phyin pa mtshan ma ma mchis pa dang / smon pa ma mchis par rig par bgyi'o/ /tshor ba dang / 'du shes dang / 'du byed rnams dang / rnam par shes pa mtshan ma mchis pa dang / smon pa ma mchis pa'i slad du/ shes rab kyi pha rol du phyin pa mtshan ma ma mchis pa dang / smon pa ma mchis par rig par bgyi'o/ /sangs rgyas kyi bar du mtshan ma ma mchis pa dang / smon pa ma mchis pa'i slad du/ shes rab kyi pha rol du phyin pa mtshan ma ma mchis pa dang / smon pa ma mchis par rig par bgyi'o/ /de bzhin du sems can dben pa dang / sems can ma mchis pa'i slad du/ shes rab kyi pha rol du phyin pa dben pa dang ma mchis par rig par bgyi'o/ /sems can bsam gyis mi khyab pa'i slad du/ shes rab kyi pha rol du phyin pa bsam gyis mi khyab par rig par bgyi'o/ /sems can rnam par bshig pa ma mchis pa'i slad du/ shes rab kyi pha rol du phyin pa rnam par bshig pa ma mchis par rig par bgyi'o/ /sems can mngon par rdzogs par byang chub pa ma mchis pa'i slad du/ shes rab kyi pha rol du phyin pa mngon par rdzogs par byang chub pa ma mchis par rig par bgyi'o/ /gzugs mngon par rdzogs par byang chub pa ma mchis pa'i slad du/ shes rab kyi pha rol du phyin pa mngon par rdzogs par byang chub pa ma mchis par rig par bgyi'o/ /de bzhin du tshor ba dang / 'du shes dang 'du byed rnams dang / rnam par shes pa mngon par rdzogs par byang chub pa ma mchis pa'i slad du/ shes rab kyi pha rol du phyin pa mngon par rdzogs par byang chub pa ma mchis par rig par bgyi'o/ /sangs rgyas kyi bar du mngon par rdzogs par byang chub pa ma mchis pa'i slad du/ shes rab kyi pha rol du phyin pa mngon par rdzogs par byang chub pa ma mchis par rig par bgyi'o/ /sems can stobs dang mi ldan</font><hr>35.63a<br><font size=+1>

pa'i slad du/ shes rab kyi pha rol du phyin pa stobs dang mi ldan par rig par bgyi'o/ /gzugs stobs dang mi ldan pa'i slad du shes rab kyi pha rol du phyin pa stobs dang mi ldan par rig par bgyi'o/ /tshor ba dang / 'du shes dang / 'du byed rnams dang / rnam par shes pa stobs dang mi ldan pa'i slad du/ shes rab kyi pha rol du phyin pa stobs dang mi ldan par rig par bgyi'o/ /sangs rgyas kyi bar du stobs dang mi ldan pa'i slad du/ shes rab kyi pha rol du phyin pa stobs dang mi ldan par rig par bgyi ste/ bcom ldan 'das rnam grangs des kyang 'di lta ste/ byang chub sems dpa' sems dpa' chen po rnams kyi shes rab kyi pha rol du phyin pa pha rol du phyin pa 'di ni che ba lags so/ /shes rab kyi pha rol du phyin pa khri brgyad stong pa las/ mngon par sgrub pa'i yon tan yang dag par bsngags pa'i le'u zhes bya ste/ sum bcu rtsa bzhi pa'o// // de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen po gang shes rab kyi pha rol du phyin pa 'di la mos pa de gang nas shi 'phos te 'dir mchis pa lags/ rigs kyi bu 'am rigs kyi bu mo gang shes rab kyi pha rol du phyin pa 'di la don dang / tshul las mos pa de bla na med pa yang dag par rdzogs pa'i byang chub las yang dag par zhugs nas ni ji srid cig lags/ des de bzhin gshegs pa dgra bcom pa yang dag par rdzogs pa'i sangs rgyas ji snyed cig la ni bsnyen bkur bgyis pa lags/ des sbyin pa'i pha rol du phyin pa la spyad nas ni ji srid cig lags/ des tshul khrims dang / bzod pa dang brtson 'grus dang bsam gtan gyi pha rol du phyin pa la spyad nas ni ji srid cig lags/ des shes rab kyi pha rol du phyin pa la spyad nas ni ji srid cig lags/ de skad ces gsol pa dang / bcom ldan 'das kyis tshe dang ldan</font><hr>35.63b<br><font size=+1>

ldan pa shA ri'i bu la 'di skad ces bka' stsal to/ /shA ri'i bu byang chub sems dpa' sems dpa' chen po de ni phyogs bcu'i de bzhin gshegs pa dgra bcom pa yang dag par rdzogs pa'i sangs rgyas rnams la bsnyen bkur byas nas/ 'dir 'ongs shing 'dir skyes pa yin no/ /shA ri'i bu byang chub sems dpa' sems dpa' chen po de ni bskal pa bye ba khrag khrig phrag 'bum phrag grangs med tshad med pa nas bla na med pa yang dag par rdzogs pa'i byang chub la yang dag par zhugs pa yin no/ /de ni sems dang po bskyed phyin chad nas/ sbyin pa'i pha rol du phyin pa la spyad cing tshul khrims dang bzod pa dang / brtson 'grus dang / bsam gtan dang / shes rab kyi pha rol du phyin pa la spyad nas/ 'dir skyes pa yin no/ /de ni de tshun chad nas de bzhin gshegs pa dgra bcom pa yang dag par rdzogs pa'i sangs rgyas grangs med tshad med dpag tu med/ bsam gyis mi khyab gzhal du med pa dag la bsnyen bkur byas shing 'dir 'ongs pa yin te/ shA ri'i bu byang chub sems dpa' sems dpa' chen po de ni shes rab kyi pha rol du phyin pa mthong ngam/ thos na yang 'di snyam du bdag gis ston pa mthong ngo snyam pa'i sems skye bar 'gyur zhing / bdag gis ston pa thos so snyam pa'i sems skye bar 'gyur te/ shA ri'i bu byang chub sems dpa' sems dpa' chen po des ni mtshan ma med pa dang / gnyis su med pa dang dmigs su med pa'i tshul gyis shes rab kyi pha rol du phyin pa 'di don dang tshul las khong du chud par 'gyur ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol du phyin pa blta ba 'am/ mnyan par nus lags sam/ bcom ldan 'das kyis bka' stsal pa/ rab 'byor de ni ma yin te/ rab 'byor chos bems po nyid kyi phyir/ shes rab kyi pha rol du phyin pa la lta ba po dang / nyan pa po ni med pas na/ de shes rab kyi pha rol du phyin pa mi mthong mi thos so/ /</font><hr>35.64a<br><font size=+1>

de bzhin du chos bems po nyid kyi phyir/ bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa mi mthong mi thos so/ chos bems po nyid kyi phyir des nang stong pa nyid dang / dngos po med pa'i ngo bo nyid stong pa nyid kyi bar dag mi mthong mi thos so/ /de bzhin du chos bems po nyid kyi phyir/ dran pa nye bar gzhag pa rnams mi mthong mi thos so/ /chos bems po nyid kyi phyir yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam mi mthong mi thos so/ /chos bems po nyid kyi phyir/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad mi mthong mi thos so/ /chos bems po nyid kyi phyir byang chub mi mthong mi thos so/ /sangs rgyas mi mthong mi thos so/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang / shes rab kyi pha rol du phyin pa zab mo 'di la rnal 'byor du bgyid pa des yun ji srid cig nas spyad pa lags/ bcom ldan 'das kyis bka' stsal pa/ rab 'byor de ni rnam par dbye zhing bshad dgos te/ rab 'byor byang chub sems dpa' sems dpa' chen po gang sems dang po bskyed phyin chad nas/ shes rab kyi pha rol du phyin pa zab mo 'di la rnal 'byor du byed cing / de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la rnal 'byor du byed de/ de yang thabs la mkhas pas rnal 'byor du byed cing chos 'ga' yang spong bar mi byed la/ ji ltar 'phel ba dang 'grib pa mi mthong bas nam du yang pha rol du phyin pa drug dang 'bral bar mi 'gyur zhing / sangs rgyas bcom ldan 'das rnams dang yang</font><hr>35.64b<br><font size=+1>

'bral bar mi 'gyur la mchod pa'i khyad par gang dag gis/ sangs rgyas bcom ldan 'das rnams la sti stang du bya ba dang / bla mar bya ba dang / ri mo bya ba dang / mchod pa bya bar 'dod pa'i mchod pa'i khyad par de dag des sems bskyed ma thag du 'grub par 'gyur zhing / sangs rgyas kyi zhing nas sangs rgyas kyi zhing du 'gro bar yang 'gyur ro/ /nam du yang ma'i mngal du skye bar mi 'gyur/ nam du yang mngon par shes pa rnams dang 'bral bar mi 'gyur/ nyon mongs pa gang dang yang 'grogs par mi 'gyur/ nyan thos kyi sems dang / rang sangs rgyas kyi sems dang yang 'grogs par mi 'gyur zhing / sems can rnams kyang yongs su smin par byed la/ sangs rgyas kyi zhing yang yongs su dag par byed cing / sangs rgyas kyi zhing nas sangs rgyas kyi zhing du 'gro ste/ rab 'byor byang chub sems dpa' sems dpa' chen po de dag ni shes rab kyi pha rol du phyin pa zab mo 'di la rnal 'byor du byed do/ /rab 'byor byang chub sems dpa'i theg pa pa'i rigs kyi bu 'am rigs kyi bu mo gang dag gis/ sangs rgyas brgya phrag mang po dang / sangs rgyas stong phrag mang po dang / sangs rgyas bye ba khrag khrig 'bum phrag mang po dag mthong bar gyur la/ de dag gi drung na slob pa'i tshe/ dmigs pa'i tshul gyis sbyin pa byin pa dang / tshul khrims dang / bzod pa dang / brtson 'grus dang / bsam gtan dang / shes rab bsgoms pa dag yod de/ de dag ni shes rab kyi pha rol du phyin pa zab mo 'di ston pa na 'khor de nas 'gro bar 'gyur te/ rigs kyi bu 'am rigs kyi bu mo de dag ni shes rab kyi pha rol du phyin pa zab mo 'di ston pa na gus pa med pas/ sangs rgyas bcom ldan 'das de dag gi drung nas 'gro bar 'gyur ro/ /rigs kyi bu 'am rigs kyi bu mo theg pa chen po pa de dag ni 'di nyid du yang 'dus te/ gang dag shes rab kyi pha rol du phyin pa zab mo ston pa na 'gro bar byed pa dag yin no/ /de ci'i phyir zhe na/ 'di ltar byang chub sems dpa' sems</font><hr>35.65a<br><font size=+1>

dpa' chen po de dag ni sngon gyi mthar yang shes rab kyi pha rol du phyin pa zab mo 'di bstan pa na phyir song bar gyur la/ da ltar shes rab kyi pha rol du phyin pa zab mo 'di ston pa na yang de dag phyir 'gro bar byed cing / lus dang sems kyi tshogs par mi byed pas/ de dag shes rab 'chal bar 'gyur ba'i las sogs par 'gyur te/ de dag gis shes rab 'chal bar 'gyur ba'i las byas shing bsags pa des/ shes rab kyi pha rol du phyin pa zab mo 'di ston pa na spong bar 'gyur ro/ /de dag gis shes rab kyi pha rol du phyin pa zab mo 'di spangs pas/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi rnam pa thams cad mkhyen pa nyid kyang spangs par gyur la/ de dag gis rnam pa thams cad mkhyen pa nyid spangs pa las byung ba'i las mngon par 'du bya ba byas shing bsags pa de dang / chos kyis phongs par 'gyur ba'i las byas shing bsags pa des lo mang po dang / lo brgya phrag mang po dang / lo stong phrag mang po dang / lo 'bum phrag mang po dang / lo bye ba khrag khrig phrag 'bum phrag mang po'i bar du sems can dmyal ba rnams su sreg par 'gyur ro/ /de dag sems can dmyal ba chen po rnams nas/ sems can dmyal ba chen po rnams su 'gro bar 'gyur zhing / de dag sems can dmyal ba chen po rnams nas/ sems can dmyal ba chen po rnams su 'gro ba na/ mes 'jig pa 'am/ chus 'jig pa 'am/ rlung gis 'jig pa dag kyang 'byung bar 'gyur te/ de dag der 'jig pa dag byung ba na/ 'jig rten gyi khams gzhan dag gi sems can dmyal ba chen po rnams gang yin pa de dag tu 'phen par 'gyur ro/ /de dag der skyes nas kyang / sems can dmyal ba chen po rnams nas/ sems can dmyal ba chen po rnams su 'gro bar 'gyur zhing / de dag sems can dmyal ba chen po rnams nas/ sems can dmyal ba chen po rnams su 'gro ste/ </font><hr>35.65b<br><font size=+1>

yang 'jig pa byung ba na de dag 'jig rten gyi khams de dag nas 'jig rten gyi khams gzhan dag tu 'phen par 'gyur ro/ /de dag tu yang gang gi tshe 'jig pa byung ba na de dag shar phyogs su 'phen par 'gyur/ lho dang nub dang byang dang / phyogs mtshams rnams dang / 'og dang steng gi phyogs rnams kyi sems can dmyal ba chen po rnams su 'phen par 'gyur ro/ /'jig rten gyi khams de dag tu yang 'jig pa byung ba na/ de dag 'jig rten gyi khams gzhan dag gi sems can dmyal ba chen po rnams su 'phen par 'gyur ro/ /'jig rten gyi khams de dag tu yang 'jig pa byung ba na/ chos kyis phongs par 'gyur ba'i las ma zad pas/ 'jig rten gyi khams gzhan dag nas shi 'phos nas/ yang 'di nyid du skye bar 'gyur zhing / de dag yang sems can dmyal ba chen po rnams nas sems can dmyal ba chen po rnams su 'gro bar 'gyur ro/ /de dag sems can dmyal ba chen po de rnams su skyes pa na yang / sems can dmyal ba'i sdug bsngal rnams nyams su myong bar 'gyur zhing / ji srid du 'jig pa 'byung bar mi 'gyur ba de srid du/ sems can dmyal ba'i sdug bsngal rnams nyams su myong bar 'gyur ro/ /'jig pa byung ba na yang 'di nas shi 'phos nas/ 'jig rten gyi khams gzhan dag gi sems can dmyal ba chen po rnams su skye bar 'gyur ro/ /de bzhin du yang nas yang du phyogs bcu kun gyi dud 'gro'i skye gnas rnams su yang skye bar 'gyur ro/ /yang dang yang du phyogs bcu kun gyi gshin rje'i 'jig rten rnams su yang skye bar 'gyur te/ de dag tu skyes nas sdug bsngal gyi tshor ba dag myong bas/ las zad par byed par 'gyur ro/ /de dag gis sdug bsngal mang po de dag myong bas/ las zad par byas nas/ ji ste brgya la mir skye ba 'thob par gyur na yang chos kyis phongs par 'gyur ba'i las byas shing / bsags pa de nyid kyis de dag gang dang gang du skye bar 'gyur ba de dang der dmus long gi khyim rnams su skye bar</font><hr>35.66a<br><font size=+1>

'gyur ro/ /gdol pa'i khyim rnams sam/ g.yung po'i khyim rnams sam/ ma rabs kyi khyim rnams su skye bar 'gyur ro/ /de dag du skyes na yang long ba rnams su 'gyur ba 'am/ zhar ba rnams sam/ lce med pa rnams sam/ lag pa med pa rnams sam/ rkang pa med pa rnams sam/ rna ba med pa rnams sam/ sna med pa rnams sam/ gang na sangs rgyas kyi sgra thos par mi 'gyur ba dang / chos kyi sgra dang / dge 'dun gyi sgra thos par mi 'gyur ba dang / byang chub sems dpa'i sgra dang rang sangs rgyas kyi sgra thos par mi 'gyur ba de lta bur skye bar 'gyur ro/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das mtshams ma mchis pa lnga po dag ni/ chos kyis phongs par 'gyur ba'i sug las bgyis shing bsags pa de'i 'ol du yang mi mchis lags so/ /bcom ldan 'das kyis bka' stsal pa/ shA ri'i bu gang dag shes rab kyi pha rol du phyin pa ston pa na bzlogs par sems shing / de dag 'di skad du 'di ni chos ma yin 'di ni 'dul ba ma yin 'di ni ston pa'i bka' ma yin/ 'di ni sangs rgyas kyi bstan pa ma yin/ 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyis ma gsungs/ mi gsung gsung bar mi 'gyur ba yin gyis/ 'di la bslab par mi bya'o zhes zer zhing / de bdag gis kyang bzlogs par bya'o snyam du sems la/ sems can gzhan dag kyang 'bral bar 'gyur bar byed/ de rang gis sems kyi rgyud la yang gnod pa byas nas/ gzhan gyi sems kyi rgyud la yang gnod pa bya bar sems/ de rang gi sems kyi rgyud kyang dug dang bcas par byas nas/ gzhan gyi sems kyi rgyud kyang dug dang bcas par byed par 'gyur/ de bdag kyang chud gzon cing gzhan yang chud gzon par 'dod/ de bdag kyang shes rab kyi pha rol du phyin pa zab mo ma rtogs shing mi shes pas zlog par sems la gzhan dag kyang de bzhin du 'dzin par 'gyur bar byed pas na/ chos kyis phongs par 'gyur ba'i las byas shing bsags pa de'i 'ol du yang mi 'ong ngo zhes brjod par bya ste/ shA ri'i bu ngas ni gang zag de lta bu dag</font><hr>35.66b<br><font size=+1>

thos par bya bar yang ma gnang na/ blta ba lta ci smos te gnas su lta ga la rung / de ci'i phyir zhe na/ shA ri'i bu gang zag de lta bu dag ni chos sun 'byin pa yin par rig par bya zhing / shA ri'i bu gang zag de lta bu dag ni shing rul pa lta bu dang nag po'i rang bzhin can yin par rig par bya ba'i phyir ro/ /shA ri'i bu gang dag gang zag de lta bu de dag la dad cing mnyan par bya bar sems pa de dag kyang tshul ma yin pas sdug bsngal bar 'gyur ro/ /shA ri'i bu gang nga'i shes rab kyi pha rol du phyin pa la sun 'byin pa'i gang zag de ni chos sun 'byin par byed par rig par bya'o/ /shA ri'i bus gsol pa bcom ldan 'das bcom ldan 'das kyis chos sun 'byin par bgyid pa'i gang zag der skyes pa de'i lus kyi tshad ni bka' ma stsal lags so/ /bcom ldan 'das kyis bka' stsal pa/ shA ri'i bu chos sun 'byin par byed pa'i gang zag der skyes pa de'i lus kyi tshad ni zhog shig /de ci'i phyir zhe na/ chos sun 'byin par byed pa'i gang zag de'i lus kyi tshad thos na/ ci tsam du chos sun 'byin par byed pa'i gang zag de'i lus thob pa'i tshad de ni de 'dra ste/ de la de 'dra ba'i skyon de yod do zhes kha nas khrag dron po skyug par 'gyur ba 'am/ 'chi bar 'gyur ba 'am/ shi la thug pa'i sdug bsngal du 'gyur ba 'am thos na mya ngan gyi zug rngu dang ldan par 'gyur ba 'am/ 'dam bu sngon po brngas pa ltar skam zhing rnyid par 'gyur du 'ong ngo / /zhes bcom ldan 'das kyis tshe dang ldan pa shA ri'i bu la/ de'i lus kyi tshad 'di tsam du 'gyur ro zhes skabs dbye ba ma mdzad do/ /shA ri'i bus gsol pa bcom ldan 'das chos kyis phongs par 'gyur ba'i sug las bgyis shing bsags pa de/ chos sun 'byin par bgyid pa'i gang zag rnams de lta bu'i lus yongs su 'dzin par 'gyur ro zhes/ slad ma'i skye bo rnams la snang ba bgyid par 'gyur ba lags na/ bcom ldan 'das kyis bka' stsal du gsol/ bcom ldan 'das kyis bka' stsal pa/ shA ri'i bu de ni chos kyis phongs par 'gyur ba'i las rdzogs par byas shing bsags pa des/ de srid du sems can dmyal ba rnams su sdug bsngal myong bar 'gyur zhing / sdug bsngal de'i tshad med de/ mang ba dang yun de srid du sdug bsngal myong bar 'gyur ro/ /</font><hr>35.67a<br><font size=+1>

zhes bya ba de nyid kyis kyang phyi ma'i skye bo rnam la snang ba byas par 'gyur ba yin no/ /shA ri'i bus gsol pa/ bcom ldan 'das 'di nyid kyis dkar po'i rang bzhin can gyi rigs kyi bu 'am rigs kyi bu mo chos kyis phongs par 'gyur ba'i sug las de dag las ldog par 'gyur te/ bdag cag kyang sdug bsngal 'di lta bu dag dang 'phrad du 'ong ngo zhes de dag srog gi slad du yang dam pa'i chos spang bar mi bgyid lags so/ /de nas bcom ldan 'das la/ tshe dang ldan par rab 'byor gyis 'di skad ces gsol to/ /bcom ldan 'das dam pa'i chos spong ba'i ngag gi las bgyis shing bsags pa des ni/ chos kyis phongs par 'gyur ba'i sug las bgyid cing sogs par 'gyur bas/ bcom ldan 'das rigs kyi bu 'am rigs kyi bu mo bdag cag sdug bsngal 'di lta bu dag dang phrad dam/ de bzhin gshegs pa mi mthong ngam/ chos mi thos sam/ dge 'dun la bsnyen bkur mi byed dam/ sangs rgyas 'byung ba med pa'i sangs rgyas kyi zhing rnams su skye 'am/ mi dbul po rnams su skye 'am/ tshig gzung bar mi 'os par gyur na mi rung ngo zhes lus dang ngag dang / yid gyi las rnams legs par bsdam par bgyi lags so/ /bcom ldan 'das kyis bka' stsal pa/ rab 'byor mi blun po gang dag legs par gsungs pa'i chos 'dul ba 'di la rab tu byung zhing / shes rab kyi pha rol du phyin pa 'di la sun dbyung bar bya'o/ /snyam du sems pa de dag ni ngag gis las byas shing bsags pa des/ chos kyis phongs par 'gyur ba'i las byed cing sogs par 'gyur te/ rab 'byor shes rab kyi pha rol du phyin pa la sun dbyung ba byas shing / bzlog pas sangs rgyas bcom ldan 'das rnams kyi/ byang chub la sun dbyung bar byas shing bzlog pa yin no/ /sangs rgyas bcom ldan 'das rnams kyi byang chub la sun dbyung</font><hr>35.67b<br><font size=+1>

bar byas shing bzlogs pas ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi rnam pa thams cad mkhyen pa nyid la sun dbyung bar byas shing bzlog pa yin no/ /rnam pa thams cad mkhyen pa nyid sun dbyung ba byas shing bzlogs pa ni/ chos bzlogs pa yin no/ /chos bzlogs pas ni dge 'dun bzlogs pa yin no/ /dge 'dun bzlogs pas ni 'jig rten pa'i yang dag pa'i lta ba dang / 'jig rten las 'das ba'i yang dag pa'i lta ba bzlogs pa yin no/ /de bzhin du pha rol du phyin pa drug dang / byang chub kyi phyogs kyi chos sum bcu rtsa bdun dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar dag bzlogs pa yin no/ /rnam pa thams cad mkhyen pa nyid bzlogs pas bsod nams ma yin pa'i phung po tshad med/ grangs med dpag du med pa dag yongs su bzung ba yin no/ /bsod nams ma yin pa'i phung po yongs su bzung ba des/ sdug bsngal dang / yid mi bde ba tshad med grangs med dpag tu med pa dag kyang yongs su bzung ba yin no/ /rab 'byor gyis gsol pa/ bcom ldan 'das mi blun po gang dag shes rab kyi pha rol du phyin pa zab mo 'di bzlogs par bgyid pa de dag rnam pa du zhig gis shes rab kyi pha rol tu phyin pa zab mo 'di bzlogs par bgyid pa lags/ bcom ldan 'das kyis bka' stsal pa/ rab 'byor mi blun po de dag ni rnam pa bzhis shes rab kyi pha rol du phyin pa zab mo 'di bzlogs par byed te/ bzhi gang zhe na/ 'di lta ste mi blun po de dag bdud kyis byin gyis brlab pa dang / chos zab mo rnams la mos pa med cing / dad pa ma rnyed pa dang / de dag sdig pa'i grogs po'i lag du song bas/ phung po lnga la mngon par zhen par 'gyur ba dang / </font><hr>35.68a<br><font size=+1>

mi blun po de dag nyes pa spyod cing / bdag la bstod pa dang / gzhan la smod pa yin te/ rab 'byor mi blun po de dag ni rnam pa de bzhi dang ldan pas/ shes rab kyi pha rol tu phyin pa zab mo 'di bzlog par byed pa yin no/ /rab 'byor gyis gsol pa/ bcom ldan 'das shes rab kyi pha rol du phyin pa ni mngon par mi brtson pa dang / dge ba'i rtsa ba dang bral ba dang / sdig pa'i grogs po'i sug par mchis pa dag gis mos par dka' ba lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ shes rab kyi pha rol du phyin pa zab mo ni mngon par mi brtson pa rnams dang / dge ba'i rtsa ba med pa rnams dang / sdig pa'i grogs pos lag tu song ba rnams kyis mos par dka' ba yin no/ /rab 'byor gyis gsol pa/ bcom ldan 'das gang de ltar mos par dka' ba'i shes rab kyi pha rol du phyin pa de ji tsam du zab pa lags/ bcom ldan 'das kyis bka' stsal pa/ rab 'byor gzugs ni ma bcings ma grol ba'o/ /de ci'i phyir zhe na/ gzugs dngos po med pa'i rang bzhin ni gzugs yin pa'i phyir ro/ /rab 'byor de bzhin du tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /de ci'i phyir zhe na/ rnam par shes pa dngos po med pa'i rang bzhin ni/ rnam par shes pa yin pa'i phyir ro/ /rab 'byor sbyin pa'i pha rol tu phyin pa ni ma bcings ma grol ba'o/ /de ci'i phyir zhe na/ sbyin pa'i pha rol du phyin pa dngos po med pa'i rang bzhin ni/ sbyin pa'i pha rol du phyin pa yin pa'i phyir ro/ /rab 'byor de bzhin tu tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan</font><hr>35.68b<br><font size=+1>

gyi pha rol du phyin pa dang / shes rab kyi pha rol du phyin pa ni ma bcings ma grol ba'o/ /de ci'i phyir zhe na/ shes rab kyi pha rol du phyin pa dngos po med pa'i rang bzhin ni/ shes rab kyi pha rol du phyin pa yin pa'i phyir ro/ /rab 'byor nang stong pa nyid ni ma bcings ma grol ba'o/ /de ci'i phyir zhe na/ nang stong pa nyid dngos po med pa'i rang bzhin ni/ nang stong pa nyid yin pa'i phyir ro/ /rab 'byor dngos po med pa'i ngo bo nyid gyi stong pa nyid kyi bar ni ma bcings ma grol ba'o/ /de ci'i phyir zhe na/ dngos po med pa'i ngo bo nyid stong pa nyid dngos po med pa'i rang bzhin ni/ dngos po med pa'i ngo bo nyid stong pa nyid yin pa'i phyir ro/ /rab 'byor dran pa nye bar gzhag pa rnams ni ma bcings ma grol ba'o/ /de ci'i phyir zhe na/ dran pa nye bar gzhag pa rnams dngos po med pa'i rang bzhin ni/ dran pa nye bar gzhag pa rnams yin pa'i phyir ro/ /rab 'byor de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams ni ma bcings ma grol ba'o/ /de ci'i phyir zhe na/ lam dngos po med pa'i rang bzhin ni lam yin pa'i phyir ro/ /rab 'byor de bzhin du stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid ni ma bcings ma grol ba'o/ /de ci'i phyir zhe na/ rnam pa thams cad mkhyen pa nyid dngos po med pa'i rang bzhin ni/ rnam pa thams cad mkhyen pa nyid yin pa'i phyir ro/ /rab 'byor gzugs kyi sngon gyi mtha' ni ma bcings ma grol ba'o/ /de ci'i phyir zhe na/ sngon kyi mtha' dngos po med pa'i rang bzhin ni gzugs yin pa'i phyir ro/ /rab 'byor de bzhin du tshor ba dang / 'du shes dang / </font><hr>35.69a<br><font size=+1>

'du byed rnams dang / rnam par shes pa dang / rnam pa thams cad mkhyen pa nyid kyi bar gyi sngon gyi mtha' ni ma bcings ma grol ba'o/ /de ci'i phyir zhe na/ sngon gyi mtha' dngos po med pa'i rang bzhin ni/ rnam pa thams cad mkhyen pa nyid yin pa'i phyir ro/ /rab 'byor gzugs phyi ma'i mtha' ni ma bcings ma grol ba'o/ /de ci'i phyir zhe na/ phyi ma'i mtha' dngos po med pa'i rang bzhin ni/ gzugs yin pa'i phyir ro/ /rab 'byor de bzhin du tshor ba dang / 'du shes dang / 'du byed rnams dang / rnam par shes pa dang / rnam pa thams cad mkhyen pa nyid kyi bar gyi phyi ma'i mtha' ni ma bcings ma grol ba'o/ /de ci'i phyir zhe na/ phyi ma'i mtha' dngos po med pa'i rang bzhin ni/ rnam pa thams cad mkhyen pa nyid yin pa'i phyir ro/ /rab 'byor gzugs da ltar byung ba ni ma bcings ma grol ba'o/ /de ci'i phyir zhe na/ da ltar byung ba dngos po med pa'i rang bzhin ni gzugs yin pa'i phyir ro/ /rab 'byor de bzhin du tshor ba dang / 'du shes dang / 'du byed rnams dang / rnam par shes pa dang / rnam pa thams cad mkhyen pa nyid kyi bar da ltar byung ba ni ma bcings ma grol ba'o/ /de ci'i phyir zhe na/ da ltar byung ba dngos po med pa'i rang bzhin ni/ rnam pa thams cad mkhyen pa nyid yin pa'i phyir ro/ /rab 'byor gyis gsol pa/ bcom ldan 'das shes rab kyi pha rol du phyin pa ni mngon par mi brtson pa rnams dang / dge ba'i rtsa ba ma bskrun pa rnams dang / sdig pa'i grogs po'i sug par mchis pa rnams dang / bdud kyi dbang du mchis pa rnams dang / le lo can rnams dang / brtson 'grus zhan pa rnams dang / bskyud ngas pa rnams dang / shes bzhin can ma lags pa rnams kyis mos par dka' ba lags so/ /bcom ldan 'das kyis bka' stsal pa/ rab 'byor de</font><hr>35.69b<br><font size=+1>

de bzhin no/ /de de bzhin te/ rab 'byor shes rab kyi pha rol du phyin pa ni mngon par mi brtson pa rnams dang / shes bzhin can ma yin pa'i bar dag gis mos par bka' ba yin no/ /rab 'byor gzugs rnam par dag pa gang yin pa de ni 'bras bu rnam par dag pa nyid do/ /tshor ba dang 'du shes dang / 'du byed rnams dang / rnam par shes pa rnam par dag pa gang yin pa de ni 'bras bu rnam par dag pa nyid do/ /rnam pa thams cad mkhyen pa nyid kyi bar du rnam par dag pa gang yin pa de ni 'bras bu rnam par dag pa nyid do/ /'phags pa shes rab kyi pha rol du phyin pa khri brgyad stong pa/ bam po nyi shu rtsa brgyad pa/ rab 'byor gzhan yang gzugs rnam par dag pa gang yin pa de ni 'bras bu rnam par dag pa'o/ /'bras bu rnam par dag pa gang yin pa de ni/ shes rab kyi pha rol du phyin pa rnam par dag pa'o/ /shes rab kyi pha rol du phyin pa rnam par dag pa gang yin pa de ni gzugs rnam par dag pa'o/ /rnam pa thams cad mkhyen pa nyid kyi bar du rnam par dag pa gang yin pa de ni 'bras bu rnam par dag pa'o/ /'bras bu rnam par dag pa gang yin pa de ni shes rab kyi pha rol du phyin pa rnam par dag pa'o/ /shes rab kyi pha rol du phyin pa rnam par dag pa gang yin pa de ni rnam pa thams cad mkhyen pa nyid kyi bar du rnam par dag pa ste/ de ltar na gzugs rnam par dag pa dang / 'bras bu rnam par dag pa dang / shes rab kyi pha rol du phyin pa rnam par dag pa dang / rnam pa thams cad mkhyen pa nyid kyi bar du rnam par dag pa 'di dag ni gnyis su med de/ gnyis su dbyer med cing tha mi dad de gcad du med do/ /rab 'byor gzhan yang gzugs rnam par dag pa gang yin pa de ni shes rab kyi pha rol du phyin pa rnam par dag pa'o/ /shes rab kyi pha rol du phyin pa rnam par dag pa gang yin pa de ni gzugs rnam par dag pa'o/ /rnam pa thams cad mkhyen</font><hr>35.70a<br><font size=+1>

pa nyid kyi bar du rnam par dag pa gang yin pa de ni shes rab kyi pha rol du phyin pa rnam par dag pa'o/ /shes rab kyi pha rol du phyin pa rnam par dag pa gang yin pa de ni/ rnam pa thams cad mkhyen pa nyid kyi bar tu rnam par dag pa ste/ de ltar na gzugs rnam par dag pa dang / rnam pa thams cad mkhyen pa nyid kyi bar du rnam par dag pa dang / shes rab kyi pha rol du phyin pa rnam par dag pa 'di ni gnyis su med de/ gnyis su dbyer med cing tha mi dad de gcad du med do/ /rab 'byor gzhan yang bdag rnam par dag pa gang yin pa de ni gzugs rnam par dag pa'o/ /gzugs rnam par dag pa gang yin pa de ni/ bdag rnam par dag pa ste/ de ltar na bdag rnam par dag pa dang / gzugs rnam par dag pa 'di ni gnyis su med de gnyis su dbyer med cing tha mi dad de gcad du med do/ /sems can dang / srog dang / shes pa po dang / mthong ba po'i bar tu rnam par dag pa dang / gzugs rnam par dag pa dang / tshor ba dang / 'du shes dang / 'du byed rnams dang / rnam par shes pa rnam par dag pa dang / rnam pa thams cad mkhyen pa nyid kyi bar du rnam par dag pa 'di ni gnyis su med de/ gnyis su dbyer med cing tha mi dad de gcad du med do/ /rab 'byor gzhan yang 'dod chags rnam par dag pas gzugs rnam par dag pa dang / rnam pa thams cad mkhyen pa nyid kyi bar du rnam par dag pa ste/ de ltar na 'dod chags rnam par dag pa dang / gzugs rnam par dag pa dang / rnam pa thams cad mkhyen pa nyid kyi bar du rnam par dag pa 'di ni gnyis su med de/ gnyis su dbyer med cing tha mi dad de gcad du med do/ /de bzhin du zhe sdang dang / gti mug rnam par dag pas/ gzugs rnam par dag pa dang / rnam pa thams cad mkhyen pa nyid kyi bar du rnam par dag pa ste/ de ltar na zhe sdang dang / </font><hr>35.70b<br><font size=+1>

gti mug rnam par dag pa dang / gzugs rnam par dag pa dang / rnam pa thams cad mkhyen pa nyid kyi bar du rnam par dag pa 'di ni gnyis su med de/ gnyis su dbyer med cing tha mi dad de gcad du med do/ /rab 'byor gzhan yang 'dod chags dang / zhe sdang dang / gti mug rnam par dag pas/ gzugs rnam par dag pa dang / rnam pa thams cad mkhyen pa nyid kyi bar du rnam par dag pa ste/ de ltar na 'dod chags dang / zhe sdang dang / gti mug rnam par dag pa dang / gzugs rnam par dag pa dang / rnam pa thams cad mkhyen pa nyid kyi bar du rnam par dag pa 'di ni/ gnyis su med de gnyis su dbyer med cing / tha mi dad de gcad du med do/ /rab 'byor gzhan yang ma rig pa rnam par dag pas/ 'du byed rnam par dag pa'o/ /'du byed rnam par dag pas/ rnam par shes pa rnam par dag pa'o/ /de bzhin du ming dang gzugs rnam par dag pa'o/ /skye mched drug rnam par dag pa'o/ /reg pa rnam par dag pa'o/ /tshor ba rnam par dag pa'o/ /sred pa rnam par dag pa'o/ /len pa rnam par dag pa'o/ /srid pa rnam par dag pa'o/ /skye ba rnam par dag pa'o/ /skye ba rnam par dag pas/ rga shi rnam par dag pa'o/ /rga shi rnam par dag pas/ sbyin pa'i pha rol du phyin pa rnam par dag pa'o/ /sbyin pa'i pha rol du phyin pa rnam par dag pas/ tshul khrims kyi pha rol du phyin pa rnam par dag pa'o/ /tshul khrims kyi pha rol du phyin pa rnam par dag pas/ bzod pa'i pha rol du phyin pa rnam par dag pa'o/ /bzod pa'i pha rol du phyin pa rnam par dag pas/ brtson 'grus kyi pha rol du phyin pa rnam par dag pa'o/ /brtson 'grus kyi pha rol du phyin pa rnam par dag pas/ bsam gtan gyi pha rol du phyin pa rnam par dag pa'o/ /bsam gtan gyi pha rol du phyin pa rnam par dag pas/ shes rab kyi</font><hr>35.71a<br><font size=+1>

pha rol du phyin pa rnam par dag pa'o/ /shes rab kyi pha rol du phyin pa rnam par dag pas/ nang stong pa nyid rnam par dag pa'o/ /nang stong pa nyid rnam par dag pas/ dngos po med pa'i ngo bo nyid stong pa nyid kyi bar du rnam par dag pa'o/ /dngos po med pa'i ngo bo nyid stong pa nyid rnam par dag pas/ dran pa nye bar gzhag pa rnams rnam par dag pa'o/ /de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnam par dag pa'o/ /lam rnam par dag pas/ thams cad shes pa nyid rnam par dag pa'o/ /thams cad shes pa nyid rnam par dag pas/ stobs bcu rnam par dag pa'o/ /stobs bcu rnam par dag pas/ mi 'jigs pa rnam par dag pa'o/ /mi 'jigs pa rnam par dag pas/ so so yang dag par rig pa dang / sangs rgyas kyi chos ma 'dres pa rnam par dag pa'o/ /sangs rgyas kyi chos ma 'dres pa rnam par dag pas/ rnam pa thams cad mkhyen pa nyid rnam par dag pa ste/ de ltar na rnam pa thams cad mkhyen pa nyid rnam par dag pa dang / sangs rgyas kyi chos ma 'dres pa rnam par dag pa 'di ni gnyis su med de gnyis su dbyer med cing tha mi dad de gcad du med do/ /rab 'byor gzhan yang shes rab kyi pha rol du phyin pa rnam par dag pa gang yin pa de ni gzugs rnam par dag pa'o/ /gzugs rnam par dag pa gang yin pa de ni/ rnam pa thams cad mkhyen pa nyid kyi bar du rnam par dag pa ste/ de ltar na shes rab kyi pha rol du phyin pa rnam par dag pa dang / gzugs rnam par dag pa dang / rnam pa thams cad mkhyen pa nyid kyi bar du rnam par dag pa 'di ni gnyis su med de gnyis su dbyer med cing tha mi dad de gcad du med do/ /de bzhin du bsam gtan gyi pha rol du phyin</font><hr>35.71b<br><font size=+1>

pa rnam par dag pa dang / brtson 'grus kyi pha rol du phyin pa rnam par dag pa dang / bzod pa'i pha rol du phyin pa rnam par dag pa dang / tshul khrims kyi pha rol du phyin pa rnam par dag pa dang / sbyin pa'i pha rol du phyin pa rnam par dag pa gang yin pa de ni gzugs rnam par dag pa'o/ /gzugs rnam par dag pa gang yin pa de ni rnam pa thams cad mkhyen pa nyid kyi bar du rnam par dag pa ste/ de ltar na sbyin pa'i pha rol du phyin pa rnam par dag pa dang / gzugs rnam par dag pa dang / rnam pa thams cad mkhyen pa nyid kyi bar du rnam par dag pa 'di ni gnyis su med de gnyis su dbyer med cing tha mi dad de gcad du med do/ /nang stong pa nyid rnam par dag pa dang / dngos po med pa'i ngo bo nyid stong pa nyid kyi bar du rnam par dag pas/ rnam pa thams cad mkhyen pa nyid kyi bar du rnam par dag pa'o/ /byang chub kyi phyogs kyi chos sum bcu rtsa bdun rnam par dag pas/ rnam pa thams cad mkhyen pa nyid kyi bar du rnam par dag pa'o/ /stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnam par dag pas/ rnam pa thams cad mkhyen pa nyid kyi bar du rnam par dag pa ste/ de ltar na phung po dang / khams dang / skye mched dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnam par dag pa dang / rnam pa thams cad mkhyen pa nyid rnam par dag pa 'di ni gnyis su med de gnyis su dbyer med cing tha mi dad de gcad du med do/ /rab 'byor gzhan yang 'dus byas rnam par dag pas/ 'dus ma byas rnam par dag pa'o/ /'dus ma byas rnam par dag pas/ rnam pa thams cad mkhyen pa nyid kyi bar du rnam par</font><hr>35.72a<br><font size=+1>

dag pa ste/ de ltar na 'dus byas rnam par dag pa dang / 'dus ma byas rnam par dag pa dang / rnam pa thams cad mkhyen pa nyid kyi bar du rnam par dag pa 'di ni gnyis su med de gnyis su dbyer med cing tha mi dad de gcad du med do/ /rab 'byor gzhan yang 'das pa rnam par dag pas/ ma 'ongs pa rnam par dag pa'o/ /ma 'ongs pa rnam par dag pas/ 'das pa rnam par dag pa'o/ /da ltar byung ba rnam par dag pas/ 'das pa dang / ma 'ongs pa rnam par dag pa'o/ /'das pa dang / ma 'ongs pa rnam par dag pas/ da ltar byung ba rnam par dag pa ste/ de ltar na 'das pa rnam par dag pa dang / ma 'ongs pa rnam par dag pa dang / da ltar byung ba rnam par dag pa 'di ni gnyis su med de gnyis dbyer med cing tha mi dad de gcad du med do/ /shes rab kyi pha rol du phyin pa khri brgyad stong pa las/ sems can dmyal ba'i le'u zhes bya ste/ sum bcu rtsa lnga pa'o// // de nas bcom ldan 'das la/ tshe dang ldan pa shA ri'i bus 'di skad ces gsol to/ /bcom ldan 'das rnam par dag pa 'di ni zab lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir zab po/ /shA ri'i bus gsol pa/ bcom ldan 'das gang shin du rnam par dag pa'i slad du zab pa lags/ bcom ldan 'das kyis bka' stsal pa/ shA ri'i bu gzugs shin du rnam par dag pa'i phyir zab pa yin no/ /tshor ba dang / 'du shes dang / 'du byed rnams dang / rnam par shes pa shin du rnam par dag pa'i phyir zab pa yin no/ /sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa dag pa'i phyir zab pa yin no/ /mig dang / </font><hr>35.72b<br><font size=+1>

rna ba dang / sna dang / lce dang / lus dang / yid shin du rnam par dag pa'i phyir zab pa yin no/ /gzugs dang / sgra dang / dri dang / ro dang / reg bya dang / chos shin du rnam par dag pa'i phyir zab pa yin no/ /sbyin pa'i pha rol du phyin pa shin du rnam par dag pa'i phyir zab pa yin no/ /tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa shin du rnam par dag pa'i phyir zab pa yin no/ /nang stong pa nyid shin du rnam par dag pa'i phyir zab pa yin no/ /dngos po med pa'i ngo bo nyid stong pa nyid kyi bar du shin du rnam par dag pa'i phyir zab pa yin no/ /dran pa nye bar gzhag pa rnams shin du rnam par dag pa'i phyir zab pa yin no/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam shin du rnam par dag pa'i phyir zab pa yin no/ /stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams shin du rnam par dag pa'i phyir zab pa yin no/ /byang chub shin du rnam par dag pa dang / rnam pa thams cad mkhyen pa nyid kyi bar du shin du rnam par dag pa'i phyir zab pa yin no/ /shA ri'i bus gsol pa/ bcom ldan 'das rnam par dag pa ni snang ba lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir rnam par dag pa ni snang ba yin no/ /shA ri'i bus gsol pa/ bcom ldan 'das gang shin du rnam par dag pa'i slad du snang ba lags/ bcom ldan 'das kyis bka' stsal pa/ shA ri'i bu gzugs shin du rnam par dag pa'i phyir/ rnam par dag pa ni snang ba yin no/ /tshor ba dang 'du shes dang / 'du byed rnams dang / rnam par shes pa shin du rnam par dag pa'i phyir rnam par dag pa ni snang ba yin no/ /mig shin du rnam par dag pa'i phyir rnam par dag</font><hr>35.73a<br><font size=+1>

pa ni snang ba yin no/ /rna ba dang / sna dang / lce dang lus dang / yid shin du rnam par dag pa'i phyir rnam par dag pa ni snang ba yin no/ /gzugs dang / sgra dang / dri dang / ro dang / reg bya dang / chos shin du rnam par dag pa'i phyir rnam par dag pa ni snang ba yin no/ /sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams shin du rnam par dag pa'i phyir rnam par dag pa ni snang ba yin no/ /sbyin pa'i pha rol du phyin pa shin du rnam par dag pa'i phyir/ rnam par dag pa ni snang ba yin no/ /tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa shin du rnam par dag pa'i phyir rnam par dag pa ni snang ba yin no/ /nang stong pa nyid shin du rnam par dag pa'i phyir rnam par dag pa ni snang ba yin no/ /dngos po med pa'i ngo bo nyid stong pa nyid kyi bar du shin du rnam par dag pa'i phyir rnam par dag pa ni snang ba yin no/ /dran pa nye bar gzhag pa shin du rnam par dag pa'i phyir rnam par dag pa ni snang ba yin no/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam shin du rnam par dag pa'i phyir rnam par dag pa ni snang ba yin no/ /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa shin du rnam par dag pa'i phyir rnam par dag pa ni snang ba yin no/ /rnam pa thams cad mkhyen pa nyid kyi bar du shin du rnam par dag pa'i phyir rnam par dag pa ni snang ba yin no/ /shA ri'i bus gsol pa/ bcom ldan 'das rnam par dag pa ni/ nying mtshams sbyor ba ma mchis pa lags so/ /bcom ldan 'das kyis bka' stsal pa/ shA ri'i bu shin du rnam par</font><hr>35.73b<br><font size=+1>

dag pa'i phyir ro/ /shA ri'i bus gsol pa/ bcom ldan 'das gang nying mtshams sbyor ba ma mchis pas/ rnam par dag pa lags/ bcom ldan 'das kyis bka' stsal pa/ shA ri'i bu gzugs 'pho ba med pas/ nying mtshams sbyor ba med pa ni rnam par dag pa yin no/ /rnam pa thams cad mkhyen pa nyid kyi bar du 'pho ba med pas/ nying mtshams sbyor ba med pa ni rnam par dag pa yin no/ /shA ri'i bus gsol pa/ bcom ldan 'das rnam par dag pa ni/ kun nas nyon mongs pa ma mchis pa lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das gang la kun nas nyon mongs pa ma mchis pas/ rnam par dag pa lags/ bcom ldan 'das kyis bka' stsal pa/ shA ri'i bu gzugs ni rang bzhin gyis kun nas nyon mongs pa med pa'i phyir rnam par dag pa yin no/ /rnam pa thams cad mkhyen pa nyid kyi bar ni rang bzhin gyis kun nas nyon mongs pa med pa'i phyir rnam par dag pa yin no/ /shA ri'i bus gsol pa/ bcom ldan 'das rnam par dag pa ni thob pa dang / mngon par rtogs pa ma mchis pa lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das gang la thob pa ma mchis pa dang / mngon par rtogs pa ma mchis pa'i slad du rnam par dag pa lags/ bcom ldan 'das kyis bka' stsal pa/ shA ri'i bu gzugs la thob pa med pa dang / mngon par rtogs pa med pa'i phyir rnam par dag pa yin no/ /rnam pa thams cad mkhyen pa nyid kyi bar du thob pa med pa dang / mngon par rtogs pa med pa'i phyir rnam par dag pa yin no/ /shA ri'i bus gsol pa/ bcom ldan 'das rnam par dag pa ni mngon par ma grub pa lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das gang mngon</font><hr>35.74a<br><font size=+1>

par grub pa ma mchis pa'i slad du rnam par dag pa lags/ bcom ldan 'das kyis bka' stsal pa/ shA ri'i bu gzugs mngon par grub pa med pa'i phyir/ rnam par dag pa yin no/ /rnam pa thams cad mkhyen pa nyid kyi bar du mngon par grub pa med pa'i phyir rnam par dag pa yin no/ /shA ri'i bus gsol pa/ bcom ldan 'das rnam par dag pa ni 'dod pa'i khams su mi skye ba lags so/ /bcom ldan 'das kyis bka' stsal pa/ shA ri'i bu shin du rnam par dag ba'i phyir ro/ /shA ri'i bus gsol pa/ bcom ldan 'das ji ltar na rnam par dag pa 'dod pa'i khams su mi skye ba lags/ bcom ldan 'das kyis bka' stsal pa/ shA ri'i bu 'dod pa'i khams kyi rang bzhin dmigs su med pa'i phyir rnam par dag pa mi skye'o/ /shA ri'i bus gsol pa/ bcom ldan 'das rnam par dag pa ni gzugs kyi khams su mi skye ba lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das ji ltar na rnam par dag pa gzugs kyi khams su mi skye ba lags so/ /bcom ldan 'das kyis bka' stsal pa/ shA ri'i bu gzugs kyi khams kyi rang bzhin dmigs su med pa'i phyir rnam par dag pa mi skye'o/ shA ri'i bus gsol pa/ bcom ldan 'das rnam par dag pa ni gzugs ma mchis pa'i khams su mi skye lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das ji ltar na rnam par dag pa gzugs ma mchis pa'i khams su mi skye ba lags/ bcom ldan 'das kyis bka' stsal pa/ shA ri'i bu gzugs med pa'i khams kyi rang bzhin dmigs su med pa'i phyir rnam par dag pa mi skye 'o/ /shA ri'i bus gsol pa/ bcom</font><hr>35.74b<br><font size=+1>

ldan 'das rnam par dag pa ni 'tshal ba ma mchis pa lags so/ /bcom ldan ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das ji ltar na rnam par dag pa 'tshal ba ma mchis pa lags/ bcom ldan 'das kyis bka' stsal pa/ shA ri'i bu chos bems po nyid kyi phyir/ rnam par dag pa ni shes pa med pa yin no/ /shA ri'i bus gsol pa/ bcom ldan 'das rnam par dag pa ni gzugs ma 'tshal ba lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das ji ltar na rnam par dag pas gzugs ma 'tshal ba lags/ bcom ldan 'das kyis bka' stsal pa/ shA ri'i bu rang gi mtshan nyid stong pa nyid kyi phyir rnam par dag pas gzugs mi shes so/ /shA ri'i bus gsol pa/ bcom ldan 'das de bzhin du rnam par dag pa ni tshor ba dang / 'du shes dang / 'du byed rnams dang / rnam par shes pa ma 'tshal ba lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das ji ltar na rnam par dag pas/ tshor ba dang / 'du shes dang / 'du byed rnams dang / rnam par shes pa ma 'tshal ba lags/ bcom ldan 'das kyis bka' stsal pa/ shA ri'i bu rang gi mtshan nyid stong pa nyid kyi phyir rnam par dag pas/ tshor ba dang / 'du shes dang / 'du byed rnams dang / rnam par shes pa mi shes so/ /shA ri'i bus gsol pa/ bcom ldan 'das rnam par dag pa ni chos thams cad ma 'tshal pa lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das ji ltar na rnam par dag pa'i chos thams cad ma 'tshal pa lags/ bcom ldan 'das</font><hr>35.75a<br><font size=+1>

kyis bka' stsal pa/ shA ri'i bu chos thams cad dmigs su med pa'i phyir/ rnam par dag pas chos thams cad mi shes so/ /shA ri'i bus gsol pa/ bcom ldan 'das shes rab kyi pha rol du phyin pa ni rnam pa thams cad mkhyen pa nyid la sman par yang mi bgyid/ gnod par mi bgyid pa lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das ji ltar na shes rab kyi pha rol du phyin pa rnam pa thams cad mkhyen pa nyid la sman par yang mi bgyid/ gnod par yang mi bgyid pa lags/ bcom ldan 'das kyis bka' stsal pa/ shA ri'i bu chos kyi dbyings gnas pa nyid kyi phyir/ shes rab kyi pha rol du phyin pa ni rnam pa thams cad mkhyen pa nyid la phan par yang mi byed/ gnod par yang mi byed do/ /shA ri'i bus gsol pa/ bcom ldan 'das shes rab kyi pha rol du phyin pa rnam par dag pa ni chos gang yang yongs su 'dzin par mi bgyid pa lags so/ /bcom ldan 'das kyis bka' stsal pa/ shA ri'i bu shin du rnam par dag pa'i phyir ro/ /shA ri'i bus gsol pa/ bcom ldan 'das ji ltar na shes rab kyi pha rol du phyin pa rnam par dag pa chos gang yang yongs su 'dzin par mi bgyid pa lags/ bcom ldan 'das kyis bka' stsal pa/ shA ri'i bu chos kyi dbyings mi g.yo ba nyid kyi phyir ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das bdag rnam par dag pa'i slad du/ gzugs rnam par dag pa lags so/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas gzugs shin du rnam par dag pa lags/ </font><hr>35.75b<br><font size=+1>

bcom ldan 'das kyis bka' stsal pa/ rab 'byor bdag med pa'i phyir gzugs med pa ni shin du rnam par dag pa yin no/ /rab 'byor gyis gsol pa/ bcom ldan 'das bdag rnam par dag pa'i slad du/ tshor ba dang / 'du shes dang / 'du byed rnams dang / rnam par shes pa rnam par dag pa lags so/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas/ tshor ba dang / 'du shes dang / 'du byed rnams dang / rnam par shes pa shin du rnam par dag pa lags/ bcom ldan 'das kyis bka' stsal pa/ rab 'byor bdag med pa'i phyir/ tshor ba dang / 'du shes dang / 'du byed rnams dang / rnam par shes pa med pa ni shin du rnam par dag pa yin no/ /rab 'byor gyis gsol pa/ bcom ldan 'das bdag rnam par dag pa'i slad du/ sbyin pa'i pha rol du phyin pa rnam par dag pa lags so/ /bcom ldan 'das de bzhin du bdag rnam par dag pa'i slad du/ tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa rnam par dag pa lags so/ /bcom ldan 'das bdag rnam par dag pa'i slad du/ dran pa nye bar gzhag pa rnams rnam par dag pa lags so/ /bcom ldan 'das bdag rnam par dag pa'i slad du/ yang dag pa'i spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / lam rnams rnam par dag pa lags so/ /bcom ldan 'das bdag rnam par dag pa'i slad du/ de bzhin gshegs pa'i stobs bcu rnam par dag pa lags so/ /bcom ldan 'das de bzhin du mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams rnam par dag pa lags so/ /bcom ldan 'das kyis bka' stsal pa/ rab 'byor</font><hr>35.76a<br><font size=+1>

shin du rnam par dag ba'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas/ sangs rgyas kyi chos thams cad rnam par dag pa lags/ bcom ldan 'das kyis bka' stsal pa/ rab 'byor bdag med pa'i phyir/ sangs rgyas kyi chos thams cad med pa ni shin du rnam par dag pa yin no/ /rab 'byor gyis gsol pa/ bcom ldan 'das bdag rnam par dag pa'i slad du/ rgyun du zhugs pa'i 'bras bu rnam par dag pa lags so/ /bcom ldan 'das de bzhin du bdag rnam par dag pa'i slad du/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub rnam par dag pa lags so/ /bcom ldan 'das kyis bka' stsal ba/ rab 'byor rang gi mtshan nyid stong pa nyid kyi phyir ro/ /rab 'byor gyis gsol pa/ bcom ldan 'das ci'i slad du/ bdag rnam par dag pas/ rgyun du zhugs pa'i 'bras bu rnam par dag pa dang / bdag rnam par dag pas/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub rnam par dag pa lags/ bcom ldan 'das kyis bka' stsal pa/ rab 'byor shin du rnam par dag pa'i phyir ro/ /rab 'byor gyis gsol pa/ bcom ldan 'das bdag rnam par dag pa'i slad du/ byang chub rnam par dag pa lags so/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas/ byang chub rnam par dag pa lags/ bcom ldan 'das kyis bka' stsal pa/ rab 'byor rang gi mtshan nyid stong pa nyid kyi phyir ro/ /rab 'byor gyis gsol pa/ bcom ldan 'das bdag rnam par dag pa'i slad du/ rnam pa thams cad mkhyen pa nyid rnam par dag pa lags so/ /bcom ldan 'das kyis bka' stsal pa/ </font><hr>35.76b<br><font size=+1>

rab 'byor shin du rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas/ rnam pa thams cad mkhyen pa nyid rnam par dag pa lags/ bcom ldan 'das kyis bka' stsal pa/ rab 'byor shes pa ma rnyed ma stor ba'i phyir ro/ /rab 'byor gyis gsol pa/ bcom ldan 'das gnyis su ma mchis shing / rnam par dag pa ni thob pa ma mchis pa dang / mngon par rtogs pa ma mchis pa lags so/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du gnyis su ma mchis shing / rnam par dag pa thob pa ma mchis pa dang / mngon par rtogs pa ma mchis pa lags/ bcom ldan 'das kyis bka' stsal pa/ rab 'byor kun nas nyon mongs pa med pa dang / rnam par byang ba med pa'i phyir ro/ /rab 'byor gyis gsol pa/ bcom ldan 'das bdag mu ma mchis pa'i slad du/ gzugs mu ma mchis pa lags so/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du/ bdag mu ma mchis pas/ gzugs mu ma mchis shing rnam par dag pa lags/ bcom ldan 'das kyis bka' stsal pa/ rab 'byor mtha' las 'das pa stong pa nyid dang / thog ma dang tha ma med pa stong pa nyid kyi phyir ro/ /rab 'byor gyis gsol pa/ bcom ldan 'das bdag mu ma mchis pa'i slad du/ tshor ba dang / 'du shes dang / 'du byed rnams dang / rnam par shes pa mu ma mchis pa lags/ bcom ldan 'das kyis bka' stsal pa/ rab 'byor shin du rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag mu ma mchis pas/ tshor ba dang / 'du shes dang / 'du byed rnams dang / rnam par shes pa mu ma mchis shing rnam par dag pa lags/ bcom ldan 'das</font><hr>35.77a<br><font size=+1>

kyis bka' stsal pa/ rab 'byor mtha' las 'das pa stong pa nyid dang / thog ma dang tha ma med pa stong pa nyid kyi phyir ro/ /rab 'byor gyis gsol pa/ bcom ldan 'das de ltar rtogs pa gang lags pa de ni byang chub sems dpa' sems dpa' chen po'i shes rab kyi pha rol tu phyin pa lags so/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du/ de ltar rtogs pa gang lags pa de byang chub sems dpa' sems dpa' chen po'i shes rab kyi pha rol du phyin pa lags/ bcom ldan 'das kyis bka' stsal pa/ rab 'byor lam gyi rnam pa shes pa nyid kyi phyir ro/ /rab 'byor gyis gsol pa/ bcom ldan 'das byang chub sems dpa' sems dpa' chen po rnams kyi shes rab kyi pha rol du phyin pa ni tshu rol gyi 'gram 'am/ pha rol gyi 'gram 'am/ gnyi ga ma mchis pa la yang mi dmigs pa lags so/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du/ byang chub sems dpa' sems dpa' chen po rnams kyi shes rab kyi pha rol du phyin pa tshu rol gyi 'gram 'am/ pha rol gyi 'gram 'am/ gnyi ga ma mchis pa la yang mi dmigs pa lags/ bcom ldan 'das kyis bka' stsal pa/ rab 'byor dus gsum mnyam pa nyid kyi phyir ro/ /rab 'byor gyis gsol pa/ bcom ldan 'das gal te theg pa chen po pa'i rigs kyi bu 'am rigs kyi bu mo thabs la mi mkhas pa/ shes rab kyi pha rol du phyin pa 'di la 'di ltar dmigs pa'i tshul gyis 'du shes su bgyid na/ de ni shes rab kyi pha rol du phyin pa gsog du bgyid pa lags so/ /shes rab kyi pha rol du phyin pa rgyang ring du bgyid pa lags so/ /bcom ldan 'das kyis bka' stsal pa/ rab 'byor legs so legs so/ /rab 'byor de de bzhin te de de bzhin no/ /</font><hr>35.77b<br><font size=+1>

ming du yang chags/ mtshan mar yang chags te/ rab 'byor chos thams cad ni mtshan ma med pa ming med pa'o/ /rab 'byor gyis gsol pa/ bcom ldan 'das ji ltar na ming du yang chags pa lags/ mtshan mar yang chags pa lags/ bcom ldan 'das kyis bka' stsal pa/ rab 'byor 'di la theg pa chen po pa'i rigs kyi bu 'am rigs kyi bu mo dag shes rab kyi pha rol du phyin pa la ming du yang 'dzin par byed/ mtshan mar yang 'dzin par byed cing / ming dang mtshan mar bzung nas shes rab kyi pha rol du phyin pa la rlom sems su byed de/ de dag shes rab kyi pha rol du phyin pa la rlom sems su byed pas/ shes rab kyi pha rol du phyin pa spong zhing rgyang ring du byed pa yin no/ /rab 'byor gyis gsol pa/ bcom ldan 'das 'di ltar byang chub sems dpa' sems dpa' chen po rnams la shes rab kyi pha rol du phyin pa 'di dang / chags pa dang / ma chags pa 'di dag legs par bshad cing shin du mthar gtugs pa ni ngo mtshar lags so/ /de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po rnams shes rab kyi pha rol du phyin pa la chags pa ni gang yin/ ma chags pa ni gang yin/ rab 'byor gyis smras pa/ tshe dang ldan pa shA ri'i bu 'di la byang chub sems dpa'i theg pa pa'i rigs kyi bu 'am rigs kyi bu mo thabs la mi mkhas pa gzugs stong zhes bya bar 'du shes na chags pa yin no/ /tshor ba dang / 'du shes dang / 'du byed rnams dang / rnam par shes pa stong zhes bya bar 'du shes na chags pa yin no/ /khams rnams dang / skye mched rnams dang / rten cing 'brel bar 'byung ba rnams la yang de bzhin no/ /sbyin pa'i pha rol du phyin pa stong zhes bya bar 'du shes na chags pa yin no/ /de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa stong zhes bya bar 'du shes na chags pa yin no/ /de bzhin du dran pa nye bar gzhag pa rnams stong zhes bya bar 'du shes na chags</font><hr>35.78a<br><font size=+1>

pa yin no/ /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid stong zhes bya bar 'du shes na chags pa yin no/ /tshe dang ldan pa shA ri'i bu gzhan yang byang chub sems dpa'i theg pa pa'i rigs kyi bu 'am rigs kyi bu mo thabs la mi mkhas pa 'das pa'i chos rnams la 'das pa'i chos zhes bya bar 'du shes na chags pa yin no/ /ma 'ongs pa'i chos rnams la ma 'ongs pa zhes bya bar 'du shes na chags pa yin no/ /da ltar byung ba'i chos rnams la/ da ltar byung ba zhes bya bar 'du shes na chags pa yin no/ /tshe dang ldan pa shA ri'i bu gzhan yang byang chub sems dpa'i theg pa pa'i rigs kyi bu 'am rigs kyi bu mo sems dang po bskyed phyin chad dmigs pa'i tshul gyis sbyin pa'i pha rol du phyin pa la spyod na chags pa yin no/ /tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa la spyod na chags pa yin no/ /dran pa nye bar gzhag pa dang / yang dag pa'i spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams la spyod na chags pa yin no/ /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid la spyod na chags pa yin no/ tshe dang ldan pa shA ri'i bu gang yang khyod 'di skad du byang chub sems dpa' sems dpa' chen po rnams shes rab kyi pha rol du phyin pa la spyod pa'i ma chags pa gang yin zhes zer ba ni/ tshe dang ldan pa shA ri'i bu byang chub sems dpa' sems dpa' chen po thabs la mkhas pa/ shes rab kyi pha rol du phyin pa la spyod pa ni/ 'di snyam du gzugs kyis gzugs kun du mi</font><hr>35.78b<br><font size=+1>

shes so/ /tshor ba dang 'du shes dang / 'du byed rnams dang / rnam par shes pas rnam par shes pa kun du mi shes so/ /'das pa'i chos rnams kyis 'das pa'i chos rnams kun du mi shes so/ /ma 'ongs pa'i chos rnams kyis ma 'ongs pa'i chos rnams kun du mi shes so/ /da ltar byung ba'i chos rnams kyis da ltar byung ba'i chos rnams kun du mi shes so snyam du mi sems so/ /tshe dang ldan pa shA ri'i bu/ byang chub sems dpa' sems chen po thabs la mkhas pa/ shes rab kyi pha rol du phyin pa la spyod pa ni/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi phyir 'di snyam du/ bdag gis sbyin pa sbyin par bya'o/ /'di la sbyin par bya'o/ /'di sbyin par bya'o zhe 'am/ de bzhin du bdag gis tshul khrims dang / bzod pa dang / brtson 'grus dang / bsam gtan dang / shes rab bsgom bar bya'o/ /shes rab 'di bsgom par bya'o/ /shes rab 'di ltar bsgom par bya'o zhe 'am/ bdag gis bsod nams spel bar byed pa'o/ /bsod nams 'di spel bar bya'o/ /bsod nams 'di ltar spel bar bya'o zhe 'am/ bdag ni byang chub sems dpa'i skyon med pa la 'jug pa'o/ /bdag ni sangs rgyas kyi zhing yongs su dag par byed pa'o/ /bdag ni sems can rnams yongs su smin par byed pa'o/ /bdag ni rnam pa thams cad mkhyen pa nyid rjes su thob par byed pa'o snyam du mi sems te/ tshe dang ldan pa shA ri'i bu byang chub sems</font><hr>35.79a<br><font size=+1>

dpa' sems dpa' chen po thabs la mkhas pa shes rab kyi pha rol du phyin pa la spyod pa dag la ni de lta bu'i rnam par rtog pa dag med do/ /tshe dang ldan pa shA ri'i bu de dag ni byang chub sems dpa' sems dpa' chen po thabs la mkhas pa shes rab kyi pha rol du phyin pa la spyod pa'i ma chags pa yin no/ /de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor rnam grangs gang gis byang chub sems dpa' sems dpa' chen po chags par 'gyur ba yin/ rab 'byor gyis smras pa/ kau shi ka 'di la byang chub sems dpa' sems su kun du shes pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab du kun du shes pa dang / nang stong pa nyid du kun du shes pa dang / dngos po med pa'i ngo bo nyid stong pa nyid kyi bar du kun du shes pa dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams su kun du shes pa dang / sangs rgyas bcom ldan 'das rnams su kun du shes pa dang / sangs rgyas las bskyed pa'i dge ba'i rtsa ba rnams su kun du shes pa de dag thams cad mngon par bsdus te/ brtul cing gzhal nas bla na med pa yang dag par rdzogs pa'i byang chub du yongs su bsngo bar byed pa de ni byang chub sems dpa' sems dpa' chen po'i chags pa ste/ des ni chags pa med pa'i shes rab kyi pha rol du phyin pa la spyod par mi nus so/ /de ci'i phyir zhe na/ kau shi ka 'di ltar gzugs kyi rang bzhin ni yongs su bsngo bar mi nus la/ kau shi ka tshor ba dang / 'du shes dang / 'du byed rnams dang / rnam par shes pa'i rang bzhin yang yongs su bsngo bar mi nus shing / de bzhin du rnam pa thams cad mkhyen pa nyid kyi bar gyi rang bzhin yang yongs su bsngo bar mi nus pa'i phyir ro/ /kau shi ka gzhan yang bla na med pa yang dag par rdzogs pa'i byang chub kyi don du gzhan dag la ston par</font><hr>35.79b<br><font size=+1>

'dod pa dang / yang dag par 'dzin du 'jug par 'dod pa'i byang chub sems dpa' sems dpa' chen pos yang dag pa ji lta ba bzhin du rtogs pa'i yid kyis yang dag par bstan par bya/ yang dag par 'dzin du gzhug par bya/ yang dag par gzeng bstod par bya/ yang dag par rab tu dga' bar bya zhing / sbyin pa'i pha rol du phyin pa la spyod pa'i tshe/ ci nas kyang bdag ni sbyin pa sbyin par byed pa'o/ /bdag ni tshul khrims srung ba'o/ /bdag ni bzod pa sgom pa'o/ /bdag ni brtson 'grus rtsom pa'o/ /bdag ni bsam gtan la snyoms par 'jug pa'o/ /bdag ni shes rab sgom pa'o/ /bdag ni nang stong pa nyid la spyod pa'o/ /bdag ni dngos po med pa'i ngo bo nyid stong pa nyid kyi bar la spyod pa'o/ /bdag ni byang chub kyi phyogs kyi chos sum bcu rtsa bdun sgom pa'o/ /bdag ni byang chub kyi phyir spyod pa'o/ / snyam du rnam par rtog par mi 'gyur ba de ltar yang dag par bstan par bya'o/ /byang chub sems dpa' sems dpa' chen po gang de ltar gzhan dag la yang dag par ston pa dang / yang dag par 'dzin du 'jug pa dang / yang dag par gzeng bstod pa dang / yang dag par rab du dga' bar byed pa de ni/ bdag kyang nyams par mi 'gyur la/ de dag la yang sangs rgyas kyis gnang ba'i yang dag par 'dzin du 'jug pa yin no/ /kau shi ka byang chub sems dpa' sems dpa' chen pos de ltar gzhan dag la yang dag par bstan par bya/ yang dag par 'dzin du gzhug par bya/ yang dag par gzeng bstod par bya/ yang dag par rab du dga' bar bya ste/ kau shi ka rigs kyi bu 'am rigs kyi bu mo de dag gis de ltar chags pa'i mtha' thams cad yongs su spang bar bya'o/ /de nas bcom ldan 'das kyis/ tshe dang ldan pa rab 'byor la bka' stsal pa/ rab 'byor gang khyod kyis byang chub sems dpa' sems dpa' chen po rnams la chags pa'i mtha' de dag bstan pa legs so legs so/ /rab 'byor chags pa'i rnam pa de bas kyang phra ba gzhan dag kyang khyod la bstan par byas/ de dag legs par</font><hr>35.80a<br><font size=+1>

rab du nyon la yid la zung shig dang / ngas khyod la bshad par bya'o/ /tshe dang ldan pa rab 'byor gyis bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /rab 'byor 'di la bla na med pa yang dag par rdzogs pa'i byang chub la yang dag par zhugs pa'i rigs kyi bu 'am rigs kyi bu mo dag gis/ de bzhin gshegs pa mtshan mar yid la byed na/ rab 'byor ji tsam du mtshan mar yid la byed pa de tsam du chags pa yin no/ /gang yang de bzhin gshegs pa de dag gi thugs dang po bskyed pa nas nye bar bzung ste/ bla na med pa yang dag par rdzogs pa'i byang chub mngon par rdzogs par sangs rgyas shing / phung po'i lhag ma med pa'i mya ngan las 'das pa'i dbyings su yongs su mya ngan las 'das nas/ ji srid du dam pa'i chos gnas pa'i bar de'i dge ba'i rtsa ba gang ji snyed pa de dag thams cad mtshan mar yid la byed cing / yid la byas nas kyang / bla na med pa yang dag par rdzogs pa'i byang chub tu yongs su bsngo bar byed na/ rab 'byor ji tsam du mtshan mar yid la byed pa de tsam du chags pa yin no/ /de bzhin gshegs pa chags pa thams cad dang bral ba rnams kyi dge ba'i rtsa ba gang yin pa de dag dang / de las gzhan pa sems can rnams kyi dge ba'i rtsa ba de dag kyang mtshan mar yid la byas nas/ bla na med yang dag par rdzogs pa'i byang chub du yongs su bsngo bar byed na/ rab 'byor ji tsam du mtshan mar yid la byed pa de tsam du chags pa yin no/ /de ci'i phyir zhe na/ rab 'byor de bzhin gshegs pa ni mtshan mar yid la bya ba ma yin la/ de dag las gzhan pa rnams kyi dge ba'i rtsa ba dag kyang mtshan mar yid la bya ba ma yin pa'i phyir ro/ /de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol du phyin pa ni</font><hr>35.80b<br><font size=+1>

zab pa lags so/ /bcom ldan 'das kyis bka' stsal pa/ rab 'byor chos thams cad rang bzhin kyis dben pa'i phyir ro/ /rab 'byor gyis gsol pa/ bcom ldan 'das shes rab kyi pha rol du phyin pa la bdag phyag 'tshal lags so/ /bcom ldan 'das kyis bka' stsal pa/ rab 'byor 'di ltar shes rab kyi pha rol du phyin pa ni/ ma byas shing mngon par 'dus ma byas pa ste/ de ni sus kyang mngon par rdzogs par rtogs par mi nus so/ /rab 'byor gyis gsol pa/ bcom ldan 'das chos thams cad ni mngon par rdzogs par rtogs par dka' ba lags so/ /bcom ldan 'das kyis bka' stsal pa/ rab 'byor 'di ltar chos kyi rang bzhin ni/ gnyis ma yin te/ gcig tu zad do/ /rab 'byor chos kyi rang bzhin gcig pa gang yin pa de ni rang bzhin ma yin no/ /gang rang bzhin ma yin pa de ni ma byas pa'o/ /gang ma byas pa de ni mngon par 'dus ma byas pa ste/ rab 'byor byang chub sems dpa' sems dpa' chen pos de ltar rang bzhin gcig pa dang / rang bzhin ma yin pa dang / ma byas pa dang / mngon par 'dus ma byas par shes na/ chags pa'i mtha' thams cad yongs su spangs pa yin no/ /rab 'byor kyis gsol pa/ bcom ldan 'das shes rab kyi pha rol du phyin pa ni rtogs par dka' ba lags so/ /bcom ldan 'das kyis bka' stsal pa/ rab 'byor 'di ltar shes rab kyi pha rol du phyin pa ni sus kyang ma mthong ma thos shing bye brag ma phyed de/ rnam par ma shes la mngon par rdzogs par khong du ma chud pa yin no/ /rab 'byor gyis gsol pa/ bcom ldan 'das shes rab kyi pha rol du phyin pa ni bsam gyis mi khyab pa lags so/ /bcom ldan 'das kyis bka' stsal pa/ rab 'byor 'di ltar shes rab kyi pha rol du phyin pa ni sus kyang mi shes pa ste/ gzugs kyis mi shes so/ /tshor ba dang / 'du shes dang / 'du byed rnams dang / rnam par shes pas mi shes so/ /khams dang / </font><hr>35.81a<br><font size=+1>

skye mched dang / rten cing 'brel bar 'byung pa rnams kyis mi shes so/ /pha rol du phyin pa rnams dang / stong pa nyid thams cad dang / byang chub kyi phyogs kyi chos rnams kyis mi shes so/ /stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyis mi shes so/ /shes rab kyi pha rol du phyin pa khri brgyad stong pa las/ chos thams cad rnam par dag par bstan pa'i le'u zhes bya ste/ sum bcu rtsa drug pa'o// // de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol du phyin pa ni bgyid pa po lags so/ /bcom ldan 'das kyis bka' stsal pa/ rab 'byor shes rab kyi pha rol du phyin pa ni chos thams cad dmigs su med par byed pa'o/ /rab 'byor gyis gsol pa/ bcom ldan 'das byang chub sems dpa' sems dpa' chen pos shes rab kyi pha rol du phyin pa la ji ltar spyad par bgyis/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te gzugs la mi spyod na/ shes rab kyi pha rol du phyin pa la spyod pa yin no/ /gal te tshor ba dang / 'du shes dang / 'du byed rnams dang / rnam par shes pa la mi spyod na/ shes rab kyi pha rol du phyin pa la spyod pa yin no/ /de bzhin du khams rnams dang / skye mched rnams dang / rten cing 'brel bar 'byung ba rnams dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs rnams dang / mi 'jigs rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar dag la mi spyod na/ shes rab kyi pha rol du phyin pa la spyod pa yin no/ /gal te</font><hr>35.81b<br><font size=+1>

gzugs rtag ces bya ba 'am/ mi rtag ces bya bar mi spyod na shes rab kyi pha rol du phyin pa la spyod pa yin no/ /gal te gzugs bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / sdug ces bya ba dang / mi sdug ces bya bar mi spyod na/ shes rab kyi pha rol du phyin pa la spyod pa yin no/ /de bzhin du gal te/ rnam pa thams cad mkhyen pa nyid kyi bar du rtag ces bya ba dang / mi rtag ces bya bar mi spyod na/ shes rab kyi pha rol du phyin pa la spyod pa yin no/ /bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / sdug ces bya ba dang / mi sdug ces bya bar mi spyod na/ shes rab kyi pha rol du phyin pa la spyod pa yin no/ /de ci'i phyir zhen/ gang rtag pa 'am/ mi rtag pa 'am/ bde ba 'am/ sdug bsngal ba 'am/ bdag gam/ bdag med pa 'am/ sdug pa 'am/ mi sdug par 'gyur ba de lta bu'i gzugs med la/ gang rtag pa 'am/ mi rtag pa 'am/ bde ba 'am sdug bsngal ba 'am/ bdag gam/ bdag med pa 'am/ sdug pa 'am/ mi sdug par 'gyur ba de lta bu'i tshor ba dang / 'du shes dang / 'du byed rnams dang / rnam par shes pa yang med cing / de bzhin du gang rtag pa 'am/ mi rtag pa 'am/ bde ba 'am/ sdug bsngal ba 'am/ bdag gam/ bdag med pa 'am/ sdug pa 'am/ mi sdug par 'gyur ba de lta bu'i rnam pa thams cad mkhyen pa nyid kyi bar dag kyang med pa'i phyir ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te gzugs yongs su rdzogs pa 'am/ yongs su ma rdzogs pa zhes bya bar mi spyod na/ shes rab kyi pha rol du phyin pa la spyod pa yin no/ /de bzhin du tshor ba dang / 'du shes dang / 'du byed rnams dang / rnam par shes pa yongs su rdzogs pa 'am yongs su ma rdzogs pa zhes bya bar mi spyod na/ shes rab kyi pha rol du phyin pa la spyod pa yin no/ /de bzhin du rnam pa thams</font><hr>35.82a<br><font size=+1>

cad mkhyen pa nyid kyi bar du yongs su rdzogs pa 'am/ yongs su ma rdzogs pa zhes bya bar mi spyod na/ shes rab kyi pha rol du phyin pa la spyod pa yin no/ /de ci'i phyir zhe na/ gzugs yongs su rdzogs pa 'am/ yongs su ma rdzogs pa gang yin pa de gzugs ma yin no zhes bya ba de ltar yang mi spyod na/ shes rab kyi pha rol du phyin pa la spyod pa yin la/ de bzhin du tshor ba dang / 'du shes dang / 'du byed rnams dang / rnam par shes pa yongs su rdzogs pa 'am/ yongs su ma rdzogs pa gang yin pa de rnam par shes pa ma yin no zhes bya ba de ltar yang mi spyod na/ shes rab kyi pha rol du phyin pa la spyod pa yin zhing / de bzhin du rnam pa thams cad mkhyen pa nyid kyi bar du yongs su rdzogs pa 'am/ yongs su ma rdzogs pa gang yin pa de/ rnam pa thams cad mkhyen pa nyid kyi bar ma yin no zhes bya ba de ltar yang mi spyod na/ shes rab kyi pha rol du phyin pa la spyod pa yin pa'i phyir ro/ /de skad ces bka' stsal pa dang / bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das 'di ltar chags pa dang / chags pa ma mchis pa gang lags pa de dag /bcom ldan 'das kyis byang chub sems dpa' sems dpa' chen po rnams la legs par gsungs pa ni ngo mtshar lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ de bzhin gshegs pa dgra bcom pa yang dag par rdzogs ba'i sangs rgyas kyis/ byang chub sems dpa' sems dpa' chen po rnams la chags pa dang / ma chags pa dag legs par bshad do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs chags pa med pa zhes bya bar mi spyod na/ shes rab kyi pha rol du phyin pa la spyod pa yin no/ /tshor ba dang / 'du shes dang / 'du byed rnams dang / rnam par shes pa chags pa med pa zhes bya bar mi spyod na/ </font><hr>35.82b<br><font size=+1>

shes rab kyi pha rol du phyin pa la spyod pa yin no/ /mig chags pa med pa zhes bya bar mi spyod na/ shes rab kyi pha rol du phyin pa la spyod pa yin no/ /de bzhin du rna ba dang / sna dang / lce dang / lus dang / yid chags pa med pa zhes bya bar mi spyod na/ shes rab kyi pha rol du phyin pa la spyod pa yin no/ /sbyin pa'i pha rol du phyin pa chags pa med pa zhes bya bar mi spyod na/ shes rab kyi pha rol du phyin pa la spyod pa yin no/ /de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa chags pa med pa zhes bya bar mi spyod na/ shes rab kyi pha rol du phyin pa la spyod pa yin no/ /de bzhin du stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid chags pa med pa zhes bya bar mi spyod na/ shes rab kyi pha rol du phyin pa la spyod pa yin no/ /rab 'byor byang chub sems dpa' sems dpa' chen po de ltar spyod pa ni gzugs chags pa med pa zhes bya bar 'du shes pa med do/ /tshor ba dang / 'du shes dang / 'du byed rnams dang / rnam par shes pa chags pa med pa zhes bya bar 'du shes pa med do/ /rnam pa thams cad mkhyen pa nyid kyi bar du chags pa med pa zhes bya bar 'du shes pa med do/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang bla na med pa yang dag par rdzogs pa'i byang chub chags pa med pa zhes bya bar 'du shes pa med do/ /'phags pa shes rab kyi pha rol du phyin pa khri brgyad stong pa/ bam po nyi shu dgu pa/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das 'di ltar chos bstan pa zab mo 'di bshad kyang 'phel ba ma mchis la/ ma bshad kyang</font><hr>35.83a<br><font size=+1>

'grib pa ma mchis pa de ni ngo mtshar lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ shes rab kyi pha rol du phyin pa ni bshad kyang 'phel ba med la ma bshad kyang 'grib pa med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas ji srid 'tsho'i bar du bzhugs shing nam mkha'i bsngags pa dang / bsngags pa ma yin pa brjod par gyur kyang / nam mkha' la ni bsngags pa brjod kyang 'phel ba med la/ bsngags pa ma yin pa brjod kyang 'grib pa med de/ nam mkha' la ni bsngags kyang 'phel ba med la/ ma bsngags kyang 'grib pa med do/ /rab 'byor 'di lta ste dper na/ sgyu ma'i skyes bu la ni bsngags pa brjod kyang 'phel ba med la/ bsngags pa ma yin pa brjod kyang 'grib pa med de/ bsngags pa brjod kyang rjes su chags pa med bsngags pa ma yin pa brjod kyang khong khro ba med do/ /rab 'byor de bzhin du chos rnams kyi chos nyid gang yin pa de yang bshad kyang de bzhin la/ ma bshad kyang de bzhin no/ /rab 'byor gyis gsol pa/ bcom ldan 'das byang chub sems dpa' sems dpa' chen po gang shes rab kyi pha rol du phyin pa la spyod cing / shes rab kyi pha rol du phyin pa sgom pa na/ zhum par yang mi 'gyur la/ shes rab kyi pha rol du phyin pa 'di la rnal 'byor du bgyid pa dang / bla na med pa yang dag par rdzogs pa'i byang chub las kyang slar mi ldog pa de dag ni dka' ba bgyid pa lags so/ /de ci'i slad du zhe na/ bcom ldan 'das 'di lta ste/ shes rab kyi pha rol du phyin pa sgom pa de ni nam mkha' sgom pa lags te/ nam mkha' la ni shes rab kyi pha rol du phyin pa ma mchis/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i</font><hr>35.83b<br><font size=+1>

pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang ma mchis/ nam mkha' la ni gzugs kyang ma mchis/ tshor ba dang / 'du shes dang / 'du byed rnams dang / rnam par shes pa yang ma mchis/ nam mkha' la ni nang stong pa nyid kyang ma mchis/ dngos po med pa'i ngo bo nyid stong pa nyid kyi bar yang ma mchis/ nam mkha' la ni dran pa nye bar gzhag pa rnams kyang ma mchis/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams kyang ma mchis/ nam mkha' la ni stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyang ma mchis/ nam mkha' la ni rgyun du zhugs pa'i 'bras bu ma mchis/ de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub kyang ma mchis/ bla na med pa yang dag par rdzogs pa'i byang chub kyang ma mchis pa'i slad du'o/ /bcom ldan 'das byang chub sems dpa' sems dpa' chen po gang dag gis sems can rnams kyi slad du/ go cha 'tshal ba de dag ni/ nam mkha'i slad du brtson par 'tshal ba dang / 'bad par 'tshal ba dang / rtsol bar 'tshal ba lags so/ /bcom ldan 'das gang dag sems can rnams kyi slad du go cha 'tshal ba de dag ni nam mkha' yongs su grol bar 'tshal ba lags so/ /bcom ldan 'das byang chub sems dpa' sems dpa' chen po gang dag gis nam mkha' lta bu'i chos thams cad kyi slad du/ go cha 'tshal ba de dag ni go cha chen po 'tshal ba lags so/ /bcom ldan 'das gang dag gis sems can rnams kyi slad du/ go cha chen po 'tshal ba de dag ni nam mkha' bar snang la gdeg par 'tshal ba lags so/ /bcom ldan 'das byang chub sems dpa' sems dpa' chen po gang dag sems can rnams kyi slad du</font><hr>35.84a<br><font size=+1>

bla na med pa yang dag par rdzogs pa'i byang chub mngon par rdzogs par 'tshang rgya bar 'tshal ba de dag ni brtson 'grus kyi pha rol du phyin pa thob pa lags te/ bcom ldan 'das byang chub sems dpa' sems dpa' chen po gang dag gis de lta bu'i go cha 'tshal ba de dag la bdag phyag 'tshal lags so/ /de ci'i slad du zhe na/ bcom ldan 'das gal te/ stong gsum gyi stong chen po'i 'jig rten gyi khams 'di de bzhin gshegs pa dag gis/ 'di lta ste dper bgyi na 'dam bu'i tshal lam/ 'od ma'i tshal lam/ bu ram shing gi tshal lam/ mda' rgyu'i tshal lam/ til gyi zhing ltar yongs su gtams par gyur cing / de bzhin gshegs pa de dag gis bskal pa 'am/ bskal pa las lhag par chos bshad par gyur nas/ de bzhin gshegs pa re res kyang sems can tshad ma mchis/ grangs ma mchis pa dag yongs su smin par mdzad kyang bcom ldan 'das sems can gyi khams la ni 'grib pa 'am 'phel bar mi mngon pa'i slad du'o/ /de ci'i slad du zhe na/ bcom ldan 'das sems can ma mchis pa dang / sems can dben pa'i slad du'o/ /bcom ldan 'das de bzhin du phyogs bcu thams cad kyi 'jig rten gyi khams re rer yang / de bzhin gshegs pa dag gis 'di lta ste dper bgyi na/ 'dam bu'i tshal lam/ 'od ma'i tshal lam/ bu ram shing gi tshal lam/ mda' rgyu'i tshal lam/ til gyi zhing ltar yongs su gtams par gyur cing bzhugs la/ de bzhin gshegs pa de dag gis bskal pa 'am/ bskal pa las lhag par chos bshad par gyur nas/ de bzhin gshegs pa re res kyang sems can tshad ma mchis/ grangs ma mchis pa dag yongs su smin par mdzad kyang / bcom ldan 'das sems can gyi khams la ni 'grib pa 'am 'phel bar mi mngon lags so/ /de ci'i slad du zhe na/ bcom ldan 'das sems can ma mchis pa dang / sems can dben</font><hr>35.84b<br><font size=+1>

pa'i slad du ste/ bcom ldan 'das rnam grangs des na/ bdag gis 'di skad du byang chub sems dpa' sems dpa' chen po gang dag sems can rnams kyi slad du/ bla na med pa yang dag par rdzogs pa'i byang chub mngon par rdzogs par 'tshang rgya ba de dag ni nam mkha' yongs su grol bar 'tshal ba lags so zhes gsol to/ /de nas dge slong zhig 'di snyam du sems te 'di lta ste/ chos gang yang skye ba yang med/ 'gag pa yang med la tshul khrims kyi phung po yang yod/ shes rab kyi phung po dang / ting nge 'dzin gyi phung po dang / rnam par grol ba'i phung po dang / rnam par grol ba ye shes mthong ba'i phung po yang yod/ rgyun du zhugs pa'i 'bras bu yang yod/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub kyang yod de bzhin gshegs pa dgra bcom pa yang dag par rdzogs pa'i sangs rgyas kyang yod/ dkon mchog gsum po sangs rgyas dang chos dang dge 'dun yang yod/ chos kyi 'khor lo bskor ba yang yod pa'i bcom ldan 'das ma shes rab kyi pha rol du phyin pa la bdag phyag 'tshal lo snyam mo/ /de nas lha'i dbang po brgya byin gyis tshe dang ldan pa rab 'byor la 'di skad ces smras so/ /btsun pa rab 'byor byang chub sems dpa' sems dpa' chen po gang shes rab kyi pha rol du phyin pa 'di la rnal 'byor du byed pa de gang la rnal 'byor du byed pa yin/ rab 'byor gyis smras pa/ kau shi ka byang chub sems dpa' sems dpa' chen po gang shes rab kyi pha rol du phyin pa 'di la bslab par bya bar sems pa de ni nam mkha' la rnal 'byor du byed pa yin no/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid pa de la bdag gis bsrung ba dang / bskyab pa dang / sba ba ji lta bu zhig bgyi lags/ rab 'byor gyis smras pa/ </font><hr>35.85a<br><font size=+1>

kau shi ka khyod kyis gang la bsrung ba dang / skyab pa dang sba bar bya ba'i chos de yang dag par rjes su mthong ngam/ brgya byin gyis smras pa/ btsun pa rab 'byor gang la bsrung pa dang / bskyab pa dang / sba bar bya ba'i chos de ni kho bos/ yang dag par rjes su ma mthong ngo / /rab 'byor gyis smras pa/ kau shi ka gal te rigs kyi bu 'am rigs kyi bu mo ji skad bstan pa'i shes rab kyi pha rol du phyin pa 'di la gnas na 'di nyid de la bsrung ba dang / skyob pa dang sbed par 'gyur ro/ /ji skad bstan pa'i shes rab kyi pha rol du phyin pa 'di dang ma bral na/ de la mi dang mi ma yin pa rnams kyis kyang glags rnyed par mi 'gyur ro/ /kau shi ka byang chub sems dpa' sems dpa' chen po shes rab kyi pha rol du phyin pa la spyod pa gang zhig bsrung ba dang / bskyab pa dang sba bar bya bar sems pa de ni nam mkha' la bsrung ba dang / bskyab pa dang sba bar sems pa yin no/ /kau shi ka 'di ji snyam du sems khyod kyis sgyu ma dang / smig rgyu dang / rmi lam dang brag cha dang / mig yor dag bsrung ba dang bskyab pa dang sba bar nus snyam 'am/ brgya byin gyi smras pa/ btsun pa rab 'byor de ni mi nus so/ /rab 'byor kyis smras pa/ kau shi ka de bzhin du gang zhig byang chub sems dpa' sems dpa' chen po shes rab kyi pha rol du phyin pa la spyod pa bdag la bsrung ba dang bskyab pa dang / sba bar bya bar sems pa de yang 'di ltar mi 'grub pa dang / ngal ba'i skal ba can du 'gyur bar zad do/ /kau shi ka 'di ji snyam du sems khyod kyis de bzhin gshegs pa 'am/ de bzhin gshegs pa'i sprul pa dag bsrung ba dang bskyab pa dang sba bar nus snyam 'am/ brgya byin gyis smras pa/ btsun pa rab 'byor de ni mi nus so/ /rab 'byor gyis smras pa/ kau shi ka de bzhin du gang zhig byang chub sems dpa' sems dpa' chen po shes rab kyi pha rol du phyin pa la spyod pa dag la bsrung ba dang / bskyab pa dang sba bar bya bar sems pa de yang 'di ltar mi 'grub pa dang / ngal ba'i skal ba can du 'gyur bar zad do kau shi ka 'di ji snyam du sems khyod kyi chos kyi dbyings dang yang</font><hr>35.85b<br><font size=+1>

dag pa'i mtha' dang / de bzhin nyid dang bsam gyis mi khyab pa'i dbyings bsrung ba dang / bskyab pa dang sba bar nus snyam 'am/ brgya byin gyis smras pa/ btsun pa rab 'byor de ni mi nus so/ /rab 'byor kyi smras pa/ kau shi ka de bzhin du gang zhig byang chub sems dpa' sems dpa' chen po shes rab kyi pha rol du phyin pa la spyod pa bdag la bsrung ba dang bskyab pa dang sba bar bya bar sems pa de yang 'di ltar mi grub pa dang / ngal ba'i skal ba can du 'gyur bar zad do/ /brgya byin gyis smras pa btsun pa rab 'byor byang chub sems dpa' sems dpa' chen po shes rab kyi pha rol du phyin pa la spyod pas/ ji tsam gyis na chos thams cad rmi lam lta bu dang / sgyu ma lta bu dang / smig rgyu lta bu dang brag cha lta bu dang mig yor lta bu dang / chos thams cad sprul pa lta bur yongs su shes par 'gyur zhing / de ltar yongs su shes nas kyang byang chub sems dpa' sems dpa' chen po rnams rmi lam rlom sems su mi byed/ rmi lam dag gi zhes bya bar rlom sems su mi byed/ rmi lam la rlom sems su mi byed/ rmi lam gyi mtshan mar yang rlom sems su mi byed cing / sprul pa'i bar du rlom sems su mi byed/ sprul pa dag gi zhes bya bar rlom sems su mi byed/ sprul pa la rlom sems su mi byed/ sprul pa'i mtshan mar yang rlom sems su mi byed pa yin/ rab 'byor gyis smras pa/ kau shi ka byang chub sems dpa' sems dpa' chen po shes rab kyi pha rol du phyin pa la spyod pa gal te/ gzugs rlom sems su mi byed/ gzugs bdag gi zhes bya bar rlom sems su mi byed/ gzugs la rlom sems su mi byed/ gzugs kyi mtshan mar yang rlom sems su mi byed na/ rmi lam du rlom sems su mi byed/ rmi lam bdag gi zhes bya bar rlom sems su mi byed/ rmi lam la rlom sems su mi byed/ rmi lam gyis mtshan mar yang rlom sems su mi byed cing / sprul pa'i bar du rlom sems su mi byed/ sprul pa bdag gi zhes bya bar rlom sems su mi byed/ sprul pa la rlom sems su mi byed/ sprul pa'i mtshan mar yang rlom sems su mi byed pa yin no/ /de bzhin du tshor ba dang / 'du shes dang / 'du byed rnams dang / rnam par shes pa rlom</font><hr>35.86a<br><font size=+1>

sems su mi byed/ rnam par shes pa bdag gi zhes bya bar rlom sems su mi byed/ rnam par shes pa la rlom sems su mi byed/ rnam par shes pa'i mtshan mar yang rlom sems su mi byed la/ rnam pa thams cad mkhyen pa nyid kyi bar du rlom sems su mi byed/ rnam pa thams cad mkhyen pa nyid bdag gi zhes bya bar rlom sems su mi byed/ rnam pa thams cad mkhyen pa nyid la rlom sems su mi byed/ rnam pa thams cad mkhyen pa nyid kyi mtshan mar yang rlom sems su mi byed na/ rmi lam du rlom sems su mi byed/ rmi lam bdag gi zhes bya bar rlom sems su mi byed/ rmi lam la rlom sems su mi byed/ rmi lam gyi mtshan mar yang rlom sems su mi byed cing / sprul pa'i bar du rlom sems su mi byed/ sprul pa bdag gi zhes bya bar rlom sems su mi byed/ sprul pa la rlom sems su mi byed/ sprul pa'i mtshan mar yang rlom sems su mi byed pa yin no/ /de nas sangs rgyas kyi mthus stong gsum gyi stong chen po'i 'jig rten gyi khams 'di na rgyal chen bzhi'i ris kyi lha dang / sum bcu rtsa gsum pa dang / 'thab bral dang dga' ldan dang / 'phrul dga' dang gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / gnas gtsang ma'i rigs kyi bar gyi lha'i bu gang ji snyed 'khod pa de dag thams cad lha'i tsan dan gyi phye ma dag thogs te/ bcom ldan 'das ga la ba de logs su mngon par 'thor zhing / bcom ldan 'das ga la ba der dong ste/ lhag nas/ bcom ldan 'das kyi zhabs la mgo bos phyag 'tshal te phyogs cig du 'khod do/ /de nas sangs rgyas kyi mthus rgyal po chen po bzhi dang / brgya byin dang / tshangs pa dang / gnas gtsang ma'i ris kyi bar gyi lha'i bu rnams kyis/ shar phyogs na sangs rgyas stong rnam pa 'di dag nyid dang / ming 'di dag nyid kyis chos ston cing / sangs rgyas kyi mthus dge slong rab 'byor ces bya ba sha stag gis/ shes rab kyi pha rol du phyin pa 'di dang shes rab</font><hr>35.86b<br><font size=+1>

kyi pha rol du phyin pa'i le'u 'di nyid yongs su zhu ba dang / lha'i dbang po brgya byin sha stag gis shes rab kyi pha rol du phyin pa 'di nyid yongs su zhu ba dag bsams par gyur to/ /de bzhin du lho dang / nub dang / byang dang / 'og dang / steng dang / phyogs mtshams kun na yang sangs rgyas stong stong rnam pa 'di dag nyid dang ming 'di dag nyid kyis chos ston cing / sangs rgyas kyi mthus dge slong rab 'byor ces bya ba sha stag gis/ shes rab kyi pha rol du phyin pa 'di dang / shes rab kyi pha rol du phyin pa'i le'u 'di nyid yongs su zhu ba dang / lha'i dbang po brgya byin sha stag gis shes rab kyi pha rol du phyin pa 'di nyid yongs su zhu ba dag bsam par gyur to/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par sangs rgyas nas kyang sa phyogs 'di nyid du shes rab kyi pha rol du phyin pa 'di nyid ston par 'gyur ro/ /gang dag bskal pa bzang po 'di la 'byung ba'i de bzhin gshegs pa dgra bcom pa yang dag par rdzogs pa'i sangs rgyas de dag kyang bla na med pa yang dag par rdzogs pa'i byang chub mngon par rdzogs par sangs rgyas nas/ sa phyogs 'di nyid du shes rab kyi pha rol du phyin pa 'di nyid ston par 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor kyi 'di skad ces gsol to/ /bcom ldan 'das byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par sangs rgyas nas/ rnam pa gang dag dang rtags gang dag dang mtshan ma gang dag gis shes rab kyi pha rol du phyin pa 'di ston par 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par sangs rgyas nas/ gzugs rtag ces bya ba 'am/ </font><hr>35.87a<br><font size=+1>

mi rtag ces bya bar chos ston par mi 'gyur ro/ /de bzhin du gzugs bde zhes bya ba dang sdug bsngal zhes bya ba dang / gzugs bdag ces bya ba dang bdag med ces bya ba dang / gzugs sdug ces bya ba dang / mi sdug ces bya bar chos ston par mi 'gyur ro/ /gzugs bcings shes bya ba dang grol shes bya bar chos ston par mi 'gyur ro/ /de bzhin du tshor ba dang 'du shes dang 'du byed rnams dang rnam par shes pa rtag ces bya ba dang mi rtag ces bya ba dang rnam par shes pa bde zhes bya ba dang / sdug bsngal zhes bya ba dang / rnam par shes pa bdag ces bya ba dang / bdag med ces bya ba dang / rnam par shes pa sdug ces bya ba dang mi sdug ces bya bar chos ston par mi 'gyur ro/ /rnam par shes pa bcings shes bya ba dang / grol zhes bya bar chos ston par mi 'gyur ro/ /gzugs 'das pa dang ma 'ongs pa dang da ltar byung ba zhes bya bar chos ston par mi 'gyur ro/ /de bzhin du tshor ba dang 'du shes dang 'du byed rnams dang / rnam par shes pa 'das pa dang ma 'ongs pa dang / da ltar byung ba zhes bya bar chos ston par mi 'gyur ro/ /de bzhin du rnam pa thams cad mkhyen pa nyid kyi bar du 'das pa dang / ma 'ongs pa dang da ltar byung ba zhes bya bar chos ston par mi 'gyur ro/ /rnam pa thams cad mkhyen pa nyid bcings shes bya ba dang / grol zhes bya bar chos ston par mi 'gyur ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par sangs rgyas nas ji ltar chos ston par 'gyur lags/ bcom ldan 'das kyis bka' stsal pa/ rab 'byor gzugs shin tu rnam par dag go zhes shin tu rnam par dag ba'i chos ston par 'gyur ro/ /de bzhin du tshor ba dang / 'du shes dang / 'du byed rnams dang / rnam par shes pa shin tu rnam par dag go zhes shin tu rnam par dag pa'i chos ston par 'gyur ro/ /de bzhin du rnam pa thams cad mkhyen pa nyid kyi bar du shin tu rnam par dag go zhes shin tu rnam par dag pa'i</font><hr>35.87b<br><font size=+1>

chos ston par 'gyur ro/ /rab 'byor gyis gsol pa/ bcom ldan 'das shes rab kyi pha rol du phyin pa ni yongs su dag pa lags so/ /bcom ldan 'das kyis bka' stsal pa/ rab 'byor gzugs yongs su dag pa'i phyir shes rab kyi pha rol du phyin pa yongs su dag pa yin no/ /rab 'byor tshor ba dang 'du shes dang 'du byed rnams dang / rnam par shes pa yongs su dag pa'i phyir/ shes rab kyi pha rol du phyin pa yongs su dag pa yin no/ /rab 'byor rnam pa thams cad mkhyen pa nyid kyi bar du yongs su dag pa'i phyir/ shes rab kyi pha rol du phyin pa yongs su dag pa yin no/ /rab 'byor gyis gsol pa/ bcom ldan 'das ji ltar na gzugs yongs su dag pa'i slad du shes rab kyi pha rol du phyin pa yongs su dag pa lags/ ji ltar na tshor ba dang / 'du shes dang 'du byed rnams dang / rnam par shes pa yongs su dag pa'i slad du/ shes rab kyi pha rol du phyin pa yongs su dag pa lags/ bcom ldan 'das ji ltar na rnam pa thams cad mkhyen pa nyid kyi bar du yongs su dag pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor gzugs skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni/ gzugs yongs su dag pa yin no/ /rab 'byor tshor ba dang / 'du shes dang / 'du byed rnams dang / rnam par shes pa skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni rnam par shes pa yongs su dag pa yin no/ /rab 'byor de bzhin du rnam pa thams cad mkhyen pa nyid kyi bar du skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni/ rnam pa thams cad mkhyen pa nyid yongs su dag pa yin no/ /rab 'byor gzhan yang nam mkha' yongs su dag pa'i phyir/ shes rab kyi pha rol du phyin pa yongs su dag pa yin no/ /rab 'byor gyis gsol pa/ bcom ldan 'das/ </font><hr>35.88a<br><font size=+1>

ji ltar nam mkha' yongs su dag pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor nam mkha' ni skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir yongs su dag pa ste/ rab 'byor nam mkha' gos pa med pa'i phyir/ shes rab kyi pha rol du phyin pa yongs su dag pa yin no/ /rab 'byor gyis gsol pa/ bcom ldan 'das ji ltar na nam mkha' gos pa ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor nam mkha' gzung du med pa'i phyir/ shes rab kyi pha rol du phyin pa yongs su dag pa yin no/ /rab 'byor gyis gsol pa/ bcom ldan 'das ji ltar na nam mkha' gzung du ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor nam mkha' smra ba med pa'i phyir/ shes rab kyi pha rol du phyin pa yongs su dag pa yin no/ /rab 'byor gyis gsol pa/ bcom ldan 'das ji ltar na nam mkha' smra ba ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor 'di lta ste dper na/ brag cha gnyis kyi sgra ji lta ba de bzhin du/ rab 'byor nam mkha' smra ba med pa'i phyir/ shes rab kyi pha rol du phyin pa yongs su dag pa yin no/ rab 'byor nam mkha' rab du brjod pa med pa'i phyir/ shes rab kyi pha rol du phyin pa yongs su dag pa</font><hr>35.88b<br><font size=+1>

yin no/ rab 'byor nam mkha' rab du brjod pa med pa'i phyir/ shes rab kyi pha rol du phyin pa yongs su dag pa yin no/ /rab 'byor gyis gsol pa/ bcom ldan 'das ji ltar na nam mkha' rab tu brjod pa ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor nam mkha' la ni rab tu brjod pa gang yang med de/ de ltar na nam mkha' rab du brjod pa med pa'i phyir/ shes rab kyi pha rol du phyin pa yongs su dag pa yin no/ /rab 'byor nam mkha' dmigs su med pa'i phyir/ shes rab kyi pha rol du phyin pa yongs su dag pa yin no/ /rab 'byor gyis gsol pa/ bcom ldan 'das ji ltar na nam mkha' dmigs su ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor nam mkha' la ni ci yang dmigs su med do/ /rab 'byor de ltar na nam mkha' dmigs su med pa'i phyir/ shes rab kyi pha rol du phyin pa yongs su dag pa yin no/ /rab 'byor gzugs shin du rnam par dag pa dang / dmigs su med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir/ shes rab kyi pha rol du phyin pa yongs su dag pa yin no/ /rab 'byor de bzhin du tshor ba dang / 'du shes dang / 'du byed rnams dang / rnam par shes pa shin du rnam par dag pa dang / dmigs su med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir/ shes rab kyi pha rol du phyin pa yongs su dag pa yin no/ /rab 'byor de bzhin du rnam pa thams cad mkhyen pa nyid kyi bar du shin du rnam par</font><hr>35.89a<br><font size=+1>

dag pa dang / dmigs su med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir/ shes rab kyi pha rol du phyin pa yongs su dag pa yin no/ /rab 'byor chos thams cad shin du rnam par dag pa dang / gang dmigs su med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir/ shes rab kyi pha rol du phyin pa yongs su dag pa yin no/ /rab 'byor gyis gsol pa/ bcom ldan 'das ji ltar na/ chos thams cad shin du rnam par dag pa dang / dmigs su ma mchis pa dang / skye ba ma mchis pa dang / 'gag pa ma mchis pa dang / kun nas nyon mongs pa ma mchis pa dang / rnam par byang ba ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor chos thams cad shin du rnam par dag pa'i phyir/ shes rab kyi pha rol du phyin pa yongs su dag pa yin no/ /rab 'byor gyis gsol pa/ bcom ldan 'das rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub bar bgyid pa dang / tshul bzhin du yid la bgyid pa de la ni mig gi nad 'byung bar mi 'gyur lags so/ /rna ba'i nad dang / sna'i nad dang / lce'i nad dang / lus kyi nad 'byung bar mi 'gyur lags so/ /yid kyi nad 'byung bar mi 'gyur lags so/ /yan lag ma tshang bar mi 'gyur lags so/ /lus ngal bar mi 'gyur lags so/ /rigs kyi bu 'am rigs kyi bu mo de ni gshis zhan du</font><hr>35.89b<br><font size=+1>

'gum par mi 'gyur lags so/ /de'i slad bzhin du chos nyan par 'tshal ba'i lha stong phrag mang po dag kyang 'brang bar 'gyur lags so/ /rgyal chen bzhi'i ris kyi lha rnams dang / gnas gtsang ma'i ris kyi bar gyi lha rnams kyang slad bzhin du 'brang bar 'gyur lags so/ /gang na dam pa'i chos smra ba'i rigs kyi bu 'am rigs kyi bu mo dag tshes brgyad dang / bcu bzhi dang / bcwa lnga dag la shes rab kyi pha rol du phyin pa 'di smra bar bgyid pa der lha'i tshogs mang po dag kyang 'du bar 'gyur lags so/ /rigs kyi bu 'am rigs kyi bu mo shes rab kyi pha rol du phyin pa 'di smra bar bgyid pa de ni bsod nams mang du skyed par 'gyur te/ bsod nams dpag du ma mchis/ grangs ma mchis/ bsam gyis mi khyab/ gzhal du ma mchis pa dag skyed par 'gyur lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rigs kyi bu 'am rigs kyi bu mo gang tshes brgyad dang / bcu bzhi dang / bcwa lnga dag la lha'i 'khor gyi mdun du shes rab kyi pha rol du phyin pa smra bar byed pa de ni bsod nams dpag du med/ grangs med/ bsam gyis mi khyab/ gzhal du med/ brjod du med pa dag skyed par 'gyur ro/ /de ci'i phyir zhe na/ rab 'byor 'di lta ste/ shes rab kyi pha rol du phyin pa 'di ni rin po che yin pa'i phyir ro/ /rab 'byor de la shes rab kyi pha rol du phyin pa rin po che 'di la sten na/ sems can dmyal ba las thar bar 'gyur ro/ /dud 'gro'i skye gnas las thar bar 'gyur ro/ /gshin rje'i 'jig rten las thar bar 'gyur ro/ /mi dbul po las thar bar 'gyur ro/ /</font><hr>35.90a<br><font size=+1>

rgyal rigs shing sA la chen po lta bu rnams su skye bar 'gyur ba dang / bram ze'i rigs shing sA la chen po lta bu rnams su skye bar 'gyur ro/ /khyim bdag gi rigs shing sA la chen po lta bu rnams su skye bar 'gyur ro/ /rgyal chen bzhi'i ris kyi lha rnams su skye bar 'gyur ro/ /'du shes med 'du shes med min skye mched du nye bar 'gro ba'i bar gyi lha rnams su skye bar 'gyur ro/ /shes rab kyi pha rol du phyin pa 'di ni rgyun du zhugs pa'i 'bras bu skyed par byed pa'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub skyed par byed pa yin no/ /de ci'i phyir zhe na 'di ltar shes rab kyi pha rol tu phyin pa 'di las dge ba bcu'i las kyi lam rnams rgya cher bstan te/ de la brten nas rgyal rigs shing sA la chen po lta bu rnams yod pa dang / bram ze'i rigs shing sA la chen po lta bu rnams yod pa dang / khyim bdag gi rigs shing sA la chen po lta bu rnams yod pa dang / rgyal chen bzhi'i ris kyi lha rnams dang / sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams yod pa dang / tshangs pa'i mdun na 'don rnams yod pa dang / tshangs ris dang / tshangs 'khor dang / tshad med 'od dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / 'bras bu che ba dang / 'du shes med pa'i sems can rnams dang / shin tu mthong dang / gya nom snang dang / mi che ba dang / mi gdung ba dang / 'og min gyi lha rnams dang / nam mkha' mtha' yas skye mched dang / </font><hr>35.90b<br><font size=+1>

rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched du nye bar 'gro ba'i lha rnams yod pa dang / rgyun du zhugs pa'i 'bras bu yod pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang rang byang chub dang / bla na med pa yang dag par rdzogs pa'i byang chub yod pa dang / shes rab kyi pha rol du phyin pa 'di la bsam gtan bzhi yod pa dang / tshad med pa bzhi dang / gzugs med pa'i snyoms par 'jug pa bzhi dang / sbyin pa'i pha rol du phyin pa yod pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa yod pa dang / dran pa nye bar gzhag pa rnams yod pa dang / yang dag par spong ba bzhi dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams yod pa dang / nang stong pa nyid yod pa dang / dngos po med pa'i ngo bo nyid stong pa nyid kyi bar du yod pa dang / stobs bcu yod pa dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad yod pa dang / rnam pa thams cad mkhyen pa nyid kyi bar du yod pa'i phyir te/ shes rab kyi pha rol du phyin pa 'di las de dag la sogs pa'i chos rnams rgya cher bstan pas na/ de'i phyir 'di lta ste/ shes rab kyi pha rol du phyin pa pha rol du phyin pa 'di ni rin po che zhes bya'o/ /rab 'byor shes rab kyi pha rol du phyin pa la ni skye ba 'am/ 'gag pa 'am/ kun nas nyon mongs pa 'am/ rnam par byang ba 'am/ yongs su gzung ba 'am/ dor ba'i</font><hr>35.91a<br><font size=+1>

chos gang yang med do/ /de ci'i phyir zhe na 'di ltar gang dag skye ba 'am 'gag pa 'am/ kun nas nyon mongs pa 'am/ rnam par byang ba 'am/ yongs su gzung ba 'am 'dor bar bya ba'i chos de dag med pa'i phyir ro/ /rab 'byor shes rab kyi pha rol du phyin pa rin po che 'di la ni/ dge ba 'am/ mi dge ba 'am/ zag pa dang bcas pa 'am/ zag pa med pa 'am/ kha na ma tho ba dang bcas pa 'am/ kha na ma tho ba med pa 'am/ nyon mongs pa dang bcas pa 'am/ nyon mongs pa med pa 'am/ 'jig rten pa 'am/ 'jig rten las 'das pa 'am/ 'dus byas sam/ 'dus ma byas kyi chos gang yang dmigs su med do/ /rab 'byor rnam grangs des kyang pha rol du phyin pa 'di ni nor bu rin po che yin te/ rab 'byor pha rol du phyin pa rin po che yin te rin po che de ni chos gang gis kyang ma gos pa yin no/ /de ci'i phyir zhe na/ 'di ltar gang gis gos par 'gyur ba'i chos de dmigs su med pa'i phyir te/ rab 'byor des na pha rol du phyin pa rin po che 'di ni gos pa med pa yin no/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa gal te/ de ltar 'du shes par yang mi byed/ de ltar rnam par rtog par yang mi byed de ltar dmigs par yang mi byed/ de ltar spros par yang mi byed na/ shes rab kyi pha rol du phyin pa la spyod pa dang / shes rab kyi pha rol du phyin pa la sgom pa dang / sangs rgyas bcom ldan 'das rnams mthong ba yin te/ sangs rgyas bcom ldan 'das rnams la sti stang du bya ba dang / bla mar bya ba dang ri mo bya ba dang / mchod pa bya ba'i phyir sangs rgyas kyi zhing nas sangs rgyas kyi</font><hr>35.91b<br><font size=+1>

zhing du 'gro zhing / sangs rgyas kyi zhing nas sangs rgyas kyi zhing du song nas kyang / sems can rnams yongs su smin par byed cing / sangs rgyas kyi zhing yongs su dag par byed do/ /rab 'byor shes rab kyi pha rol du phyin pa 'di ni chos gang yang thob par byed pa ma yin/ ston par byed pa ma yin/ 'dzin par byed pa ma yin/ sbyin par byed pa ma yin/ skyed par byed pa ma yin/ 'gog par byed pa ma yin/ kun nas nyon mongs par byed pa ma yin/ rnam par byang bar byed pa ma yin/ 'grib par byed pa ma yin/ 'phel bar byed pa ma yin/ 'das pa yang ma yin/ ma 'ongs pa yang ma yin/ da ltar byung ba yang ma yin no/ /rab 'byor shes rab kyi pha rol du phyin pa 'di ni 'dod pa'i khams las yang dag par 'da' bar byed pa yang ma yin/ gnas par byed pa yang ma yin/ gzugs kyi khams dang / gzugs med pa'i khams las yang dag par 'da' bar byed pa yang ma yin/ gnas par byed pa yang ma yin/ sbyin pa'i pha rol du phyin pa sbyin par byed pa yang ma yin/ 'dor bar byed pa yang ma yin/ tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa sbyin par byed pa yang ma yin/ 'dor bar byed pa yang ma yin/ nang stong pa nyid sbyin par byed pa yang ma yin/ 'dor bar byed pa yang ma yin/ dngos po med pa'i ngo bo nyid stong pa nyid kyi bar du sbyin par byed pa yang ma yin/ 'dor bar byed pa yang ma yin/ dran pa nye bar gzhag pa rnams sbyin par byed pa yang ma yin/ 'dor bar byed pa ma yin/ de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams sbyin par byed</font><hr>35.92a<br><font size=+1>

pa yang ma yin/ 'dor bar byed pa yang ma yin/ stobs bcu sbyin par byed pa yang ma yin/ 'dor bar byed pa yang ma yin/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad sbyin par byed pa yang ma yin/ 'dor bar byed pa yang ma yin/ rgyun du zhugs pa'i 'bras bu sbyin par byed pa yang ma yin/ 'dor bar byed pa yang ma yin/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid dang / rnam pa thams cad mkhyen pa nyid sbyin par byed pa yang ma yin/ 'dor bar byed pa yang ma yin no/ /shes rab kyi pha rol du phyin pa 'di ni sangs rgyas kyi chos rnams sbyin par byed pa yang ma yin/ 'dor bar byed pa yang ma yin/ so so'i skye bo'i chos rnams sbyin par byed pa yang ma yin/ 'dor bar byed pa yang ma yin/ nyan thos dang / rang sangs rgyas kyi chos rnams sbyin par byed pa yang ma yin/ 'dor bar byed pa yang ma yin/ sangs rgyas kyi chos rnams sbyin par byed pa yang ma yin/ 'dor bar byed pa yang ma yin no/ /rab 'byor shes rab kyi pha rol du phyin pa 'di ni 'dus byas kyi khams 'dor bar byed pa yang ma yin/ /'dus ma byas kyi khams sbyin par byed pa yang ma yin no/ /de ci'i phyir zhe na/ de bzhin gshegs pa rnams byung yang rung / de bzhin gshegs pa rnams ma byung yang rung / chos kyi dbyings kyi tshul 'di ni gnas pa nyid de/ de de bzhin gshegs pas mngon par rdzogs par sangs rgyas kyis mngon par thugs su chud de/ mngon par rdzogs par sangs rgyas shing / mngon par thugs su chud nas kyang / gsung ba dang / rnam par 'grel ba dang / rnam par 'byed pa dang / ston par</font><hr>35.92b<br><font size=+1>

mdzad pa'i phyir ro/ /de nas lha'i bu 'bum phrag rab tu mang po dag steng gi bar snang la 'khod nas/ ca co dang / ga zha 'don cing / lha'i me tog uta pa la dang / pad ma dang / ku mu da dang / pad ma dkar po dang / man da ra ba dag gis gtor nas/ 'di skad du/ a la la 'dzam bu'i gling du chos kyi 'khor lo lan gnyis bskor ba 'di mthong ngo / /zhes tshig du yang brjod do/ /shes rab kyi pha rol du phyin pa 'di bstan pa na/ de las lha'i bu stong phrag du ma dag gis mi skye ba'i chos la bzod pa thob par gyur to/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor dngos po med pa'i ngo bo nyid stong pa nyid kyi phyir/ shes rab kyi pha rol du phyin pa 'di ni chos gang yang 'jug par bya ba 'am/ ldog par bya ba'i phyir nye bar gnas pa ma yin pas/ rab 'byor 'di ni chos kyi 'khor lo bskor ba gnyis pa yang ma yin/ gcig pa yang ma yin no/ / rab 'byor gyis gsol pa/ bcom ldan 'das gang gi tshe/ shes rab kyi pha rol du phyin pa 'di ni chos gang yang 'jug par bgyi 'am/ ldog par bgyi ba'i slad du nye bar gnas pa ma lags pa'i dngos po ma mchis pa'i ngo bo nyid stong pa nyid gang lags/ bcom ldan 'das kyis bka' stsal pa/ rab 'byor shes rab kyi pha rol du phyin pa ni/ shes rab kyi pha rol du phyin pas stong ngo / /de bzhin du bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa ni sbyin pa'i pha rol du phyin pas stong ngo / /nang stong pa nyid ni nang stong pa nyid kyis stong ngo / /dngos po med pa'i ngo bo nyid stong pa nyid kyi bar ni dngos po med pa'i ngo bo nyid stong pa</font><hr>35.93a<br><font size=+1>

nyid kyis stong ngo / /dran pa nye bar gzhag pa rnams ni dran pa nye bar gzhag pa rnams kyis stong ngo / /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams ni lam gyis stong ngo / /stobs bcu ni stobs bcus stong ngo / /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni sangs rgyas kyi chos ma 'dres pa rnams kyis stong ngo / /rgyun du zhugs pa'i 'bras bu ni rgyun du zhugs pa'i 'bras bus stong ngo / /de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid dang / rnam pa thams cad mkhyen pa nyid ni rnam pa thams cad mkhyen pa nyid kyis stong ngo / /rab 'byor gyis gsol pa/ bcom ldan 'das 'di lta ste/ dngos po ma mchis pa'i ngo bo nyid stong pa nyid shes rab kyi pha rol du phyin pa 'di ni che ba lags te/ chos thams cad kyang chos thams cad kyi rang bzhin gyis stong la/ byang chub sems dpa' sems dpa' chen po rnams kyang / shes rab kyi pha rol du phyin pa la brten nas/ bla na med pa yang dag par rdzogs pa'i byang chub mngon par rdzogs par 'tshang rgya yang / chos gang yang mngon par rdzogs par 'tshang rgya ba ma mchis shing / chos kyi 'khor lo yang skor la chos gang yang 'jug par bgyid pa 'am/ ldog par bgyid pa yang ma mchis te/ chos gang yang yongs su mthong ba yang ma mchis la/ chos gang yang yongs su ma mthong ba yang ma mchis lags so/ /de ci'i slad du zhe na/ 'di ltar gang yang 'jug pa 'am/ ldog pa'i chos de dmigs su ma mchis pa'i slad du ste/ 'di ltar chos thams cad gtan mngon par ma grub pa lags</font><hr>35.93b<br><font size=+1>

pas stong pa nyid ni 'jug par bgyid pa 'am/ ldog par bgyid pa ma lags la/ mtshan ma ma mchis pa dang / smon pa ma mchis pa yang 'jug par bgyid pa 'am/ ldog par bgyid pa ma lags so/ /de ltar na gang shes rab kyi pha rol du phyin pa bstan pa dang / rab tu bstan pa dang / brjod pa dang / gdags pa dang / 'jug pa dang / rnam par 'grel ba dang / rnam par 'byed pa dang / smos pa dang / gsal bar bgyid pa dang / yang dag par rab du ston pa 'di ni shes rab kyi pha rol du phyin pa bstan pa yongs su dag pa lags so/ /shes rab kyi pha rol du phyin pa de yang sus kyang ma bstan/ sus kyang ma bzung lags so/ /gang sus kyang ma bstan sus kyang ma bzung ba de ni sus kyang mngon sum du ma bgyis lags so/ /gang sus kyang ma bstan sus kyang ma bzung / sus kyang mngon sum du ma bgyis pa de la ni yongs su mya ngan las 'das pa su yang ma mchis te/ chos bstan pa 'di la su yang sbyin gnas su 'gyur ba yang ma mchis lags so/ /shes rab kyi pha rol du phyin pa khri brgyad stong pa las gnas med pa'i le'u zhes bya ste/ sum bcu rtsa bdun pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni ma mchis pa lags so/ /bcom ldan 'das kyis bka' stsal pa/ rab 'byor nam mkha' med pa'i phyir ro/ /rab 'byor gyis gsol pa/ bcom ldan 'das shes rab kyi pha rol du phyin pa pha rol du phyin pa 'di ni mnyam pa nyid lags so/ /bcom ldan 'das kyis bka' stsal pa/ rab 'byor chos thams cad dmigs su med par mnyam pa nyid kyi phyir ro/ /rab 'byor gyis</font><hr>35.94a<br><font size=+1>

gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni dben pa lags so/ /bcom ldan 'das kyis bka' stsal pa/ mtha' las 'das pa stong pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni rdzi ba ma mchis pa lags so/ /bcom ldan 'das kyis bka' stsal pa/ chos thams cad dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni gzhi ma mchis pa lags so/ /bcom ldan 'das kyis bka' stsal pa/ ming med pa dang lus med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni nam mkha' lta bu lags so/ /bcom ldan 'das kyis bka' stsal pa/ dbugs phyi nang du rgyu ba dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni brjod du ma mchis pa lags so/ /bcom ldan 'das kyis bka' stsal pa/ rnam par rtog pa dang / rnam par dpyod pa dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni ming ma mchis pa lags so/ /bcom ldan 'das kyis bka' stsal pa/ tshor ba dang / 'du shes dang / 'du byed rnams dang / rnam par shes pa'i phung po dmigs su med pa'i phyir ro/ /rab 'byor gyis gsol pa/ /bcom ldan 'das 'di lta ste/ shes rab kyi pha rol du</font><hr>35.94b<br><font size=+1>

phyin pa pha rol du phyin pa 'di ni/ 'gro ba ma mchis pa lags so/ /bcom ldan 'das kyis bka' stsal pa/ chos thams cad 'gro ba med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni mi 'phrog pa lags so/ /bcom ldan 'das kyis bka' stsal pa/ chos thams cad gzung du med pa'i phyir ro/ /rab 'byor kyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni bas pa lags so/ /bcom ldan 'das kyis bka' stsal pa/ chos thams cad shin du byang zhing zad pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni skye ba ma mchis pa lags so/ /bcom ldan 'das kyis/ bka' stsal pa/ chos thams cad kyi skye ba med pa dang / 'gag pa med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni byed pa po ma mchis pa lags so/ /bcom ldan 'das kyis bka' stsal pa/ byed pa po dmigs su med pa'i phyir ro/ /rab 'bor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni shes pa po ma mchis pa lags so/ /bcom ldan 'das kyis bka' stsal pa/ shes pa po dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa/ pha rol du phyin pa 'di ni pho ba ma</font><hr>35.95a<br><font size=+1>

mchis pa lags so/ /bcom ldan 'das kyis bka' stsal pa/ 'chi 'pho dang skye ba dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni 'jig pa ma mchis pa lags so/ /bcom ldan 'das kyis bka' stsal pa/ chos thams cad rang bzhin gyis 'jig pa med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni rmi lam lta bu lags so/ /bcom ldan 'das kyis bka' stsal pa/ rmi lam rmis pa dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni brag cha lta bu lags so/ /bcom ldan 'das kyis bka' stsal pa/ sgra'i brjod pa dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni mig yor lta bu lags so/ /bcom ldan 'das kyis bka' stsal pa/ gzugs brnyan dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni smig rgyu lta bu lags so/ /bcom ldan 'das kyis bka' stsal pa/ chu 'bab pa dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni sgyu ma lta bu lags so/ /bcom ldan 'das kyis bka' stsal pa/ mtshan ma dmigs su med pa'i phyir ro/ /</font><hr>35.95b<br><font size=+1>

rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni gti mug ma mchis pa lags so/ /bcom ldan 'das kyis bka' stsal pa/ ma rig pa'i mun pa dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni kun nas nyon mongs pa ma mchis pa lags so/ /bcom ldan 'das kyis bka' stsal pa/ kun nas nyon mongs pa dmigs su med pa'i phyir ro/ /rab 'byor gyis gsol ba/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni rnam par byang ba ma mchis pa lags so/ /bcom ldan 'das kyis bka' stsal pa/ kun nas nyon mongs pa yod par mi dmigs pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni gnas ma mchis pa lags so/ /bcom ldan 'das kyis bka' stsal pa/ chos thams cad dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni dmigs su ma mchis pa lags so/ /bcom ldan 'das kyis bka' stsal pa/ gnas dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni spros pa ma mchis pa lags so/ /bcom ldan 'das kyis bka' stsal pa/ spros pa</font><hr>35.96a<br><font size=+1>

thams cad yang dag par bcom pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni rlom sems ma mchis pa lags so/ /bcom ldan 'das kyis bka' stsal pa/ rlom sems thams cad yang dag par bcom pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni g.yo ba ma mchis pa lags so/ /bcom ldan 'das kyis bka' stsal pa/ chos kyis dbyings gnas pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni 'dod chags dang bral ba lags so/ /bcom ldan 'das kyis bka' stsal pa/ chos thams cad ma nor ba de bzhin nyid du mngon par rdzogs par byang chub par byed pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni kun nas ldang ba ma mchis pa lags so bcom ldan 'das kyis bka' stsal pa/ chos thams cad rnam par rtog pa med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni zhi ba lags so/ /bcom ldan 'das kyis bka' stsal pa/ chos thams cad mtshan ma med cing dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni 'dod chags ma mchis pa lags so/ /bcom ldan 'das kyis bka' stsal pa/ 'dod chags kyi mtshan ma dmigs su med pa'i phyir ro/ /rab 'byor gyis gsol pa/ bcom ldan 'das/ </font><hr>35.96b<br><font size=+1>

'di lta ste/ shes rab kyi pha rol du phyin pa pha rol du phyin pa 'di ni zhe sdang ma mchis pa lags so/ /bcom ldan 'das kyis bka' stsal pa/ zhe sdang yod pa ma yin pa'i phyir ro/ /'phags pa shes rab kyi pha rol du phyin pa khri brgyad stong pa/  bam po sum bcu pa/ rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni gti mug ma mchis pa lags so/ /bcom ldan 'das kyis bka' stsal pa/ gti mug gi mun pa rnam par sel ba nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni/ nyon mongs pa ma mchis pa lags so/ /bcom ldan 'das kyis bka' stsal pa/ yongs su rtog pa med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni sems can ma mchis pa lags so/ /bcom ldan 'das kyis bka' stsal pa/ sems can dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni tshad ma mchis pa lags so/ /bcom ldan 'das kyis bka' stsal pa/ chos thams cad kun nas ldang ba med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni mtha' gnyis su ma mchis pa lags so/ /bcom ldan 'das gyis bka' stsal pa/ mtha' dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni ma 'dres pa lags so/ /bcom</font><hr>35.97a<br><font size=+1>

ldan 'das kyis bka' stsal pa/ chos thams cad 'dres pa med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni nag nog ma mchis pa lags so/ /bcom ldan 'das kyis bka' stsal pa/ nyan thos dang / rang sangs rgyas kyi sa las yang dag par 'das pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni rnam par mi rtog pa lags so/ /bcom ldan 'das kyis bka' stsal pa/ rnam par rtog pa dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni tshad ma mchis pa lags so/ /bcom ldan 'das kyis bka' stsal pa/ chos thams cad kyi tshad dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni nam mkha' lta bu lags so/ /bcom ldan 'das kyis bka' stsal pa/ chos thams cad nam mkha' ltar chags pa med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni mi rtag pa lags so/ /bcom ldan 'das kyis bka' stsal pa/ chos thams cad 'jig pa med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni sdug bsngal ba lags so/ /bcom ldan 'das kyis bka' stsal pa/ chos thams cad lhag par chags par bya ba'i 'os ma yin pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab</font><hr>35.97b<br><font size=+1>

kyi pha rol du phyin pa pha rol du phyin pa 'di ni bdag ma mchis pa lags so/ /bcom ldan 'das kyis bka' stsal pa/ chos thams cad mngon par zhen pa med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni stong pa nyid lags so/ /bcom ldan 'das kyis bka' stsal pa/ chos thams cad kyi rang bzhin dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni mtshan nyid ma mchis pa lags so/ /bcom ldan 'das kyis bka' stsal pa/ chos thams cad mtshan ma med pa'i phyir ro/ /rab 'byor gyis gsol pa/ bcom ldan 'das 'di lta ste shes rab kyi pha rol du phyin pa pha rol du phyin pa 'di ni nang stong pa nyid lags so/ /bcom ldan 'das kyis bka' stsal pa/ nang gi chos rnams dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni phyi stong pa nyid lags so/ /bcom ldan 'das kyis bka' stsal pa/ phyi'i chos rnams dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni phyi nang stong pa nyid lags so/ /bcom ldan 'das kyis bka' stsal pa/ phyi dang nang gi chos rnams dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni stong pa nyid stong pa nyid lags so/ /bcom ldan 'das kyis bka' stsal pa/ stong pa nyid stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni chen po stong pa nyid lags so/ /bcom ldan 'das kyis bka' stsal pa/ </font><hr>35.98a<br><font size=+1>

chen po stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni don dam pa stong pa nyid lags so/ /bcom ldan 'das kyis bka' stsal pa/ don dam pa stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni 'dus byas stong pa nyid lags so/ /bcom ldan 'das kyis bka' stsal pa/ 'dus byas stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni 'dus ma byas stong pa nyid lags so/ /bcom ldan 'das kyis bka' stsal pa/ 'dus ma byas stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni mtha' las 'das pa stong pa nyid lags so/ /bcom ldan 'das kyis bka' stsal pa/ mtha' las 'das pa stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni/ thog ma dang tha ma med pa stong pa nyid lags so/ /bcom ldan 'das kyis bka' stsal pa/ thog ma dang tha ma med pa stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni dor ba med pa stong pa nyid lags so/ /bcom ldan 'das kyis bka' stsal pa/ dor ba med pa stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni rang</font><hr>35.98b<br><font size=+1>

bzhin stong pa nyid lags so/ /bcom ldan 'das kyis bka' stsal pa/ 'dus byas dang 'dus ma byas kyis chos dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni chos thams cad stong pa nyid lags so/ /bcom ldan 'das kyis bka' stsal pa/ chos thams cad stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni rang gi mtshan nyid stong pa nyid lags so/ /bcom ldan 'das kyis bka' stsal pa/ rang gi mtshan nyid stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni mi dmigs pa stong pa nyid lags so/ /bcom ldan 'das kyis bka' stsal pa/ mi dmigs pa stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni dngos po med pa stong pa nyid lags so/ /bcom ldan 'das kyis bka' stsal pa/ dngos po med pa stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni ngo bo nyid stong pa nyid lags so/ /bcom ldan 'das kyis bka' stsal pa/ ngo bo nyid stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni dngos po med pa'i ngo bo nyid stong pa nyid lags so/ /bcom ldan 'das kyis bka' stsal pa/ dngos po med pa'i ngo bo nyid stong pa nyid dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha</font><hr>35.99a<br><font size=+1>

rol du phyin pa pha rol du phyin pa 'di ni dran pa nye bar gzhag pa lags so/ /bcom ldan 'das kyis bka' stsal pa/ lus dang / tshor ba dang / sems dang / chos dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni yang dag par spong ba lags so/ /bcom ldan 'das kyis bka' stsal pa/ dge ba dang / mi dge ba'i chos rnams dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni rdzu 'phrul gyis rkang pa lags so/ /bcom ldan 'das kyis bka' stsal pa/ rdzu 'phrul gyi rkang pa bzhi dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni dbang po lags so/ /bcom ldan 'das kyis bka' stsal pa/ dbang po lnga dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni stobs lags so/ /bcom ldan 'das kyis bka' stsal pa/ stobs lnga dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni byang chub kyi yan lag lags so/ /bcom ldan 'das kyis bka' stsal pa/ byang chub kyi yan lag bdun dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni lam lags so/ /bcom ldan 'das kyis bka' stsal pa/ lam yan lag brgyad pa dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni stong pa</font><hr>35.99b<br><font size=+1>

nyid lags so/ /bcom ldan 'das kyis bka' stsal pa/ lta bar gyur pa dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni mtshan ma ma mchis pa lags so/ /bcom ldan 'das kyis bka' stsal pa/ rnam par rtog pa dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni smon pa ma mchis pa lags so/ /bcom ldan 'das kyis bka' stsal pa/ smon lam dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni rnam par thar pa lags so/ /bcom ldan 'das kyis bka' stsal pa/ rnam par thar pa brgyad dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni snyoms par 'jug pa lags so/ /bcom ldan 'das kyis bka' stsal pa/ mthar gyis gnas pa'i snyoms par 'jug pa dgu dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni 'phags pa'i bden pa lags so/ /bcom ldan 'das kyis bka' stsal pa/ sdug bsngal ba dang / kun 'byung ba dang / 'gog pa dang / lam dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni sbyin pa lags so/ /bcom ldan 'das kyis bka' stsal pa/ ser sna dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni tshul khrims lags so/ /bcom ldan 'das</font><hr>35.100a<br><font size=+1>

kyis bka' stsal pa/ 'chal pa'i tshul khrims dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni bzod pa lags so/ /bcom ldan 'das kyis bka' stsal pa/ gnod sems dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni brtson 'grus lags so/ /bcom ldan 'das kyis bka' stsal pa/ le lo dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni bsam gtan lags so/ /bcom ldan 'das kyis bka' stsal pa/ g.yeng ba dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni shes rab lags so/ /bcom ldan 'das kyis bka' stsal pa/ 'chal pa'i shes rab dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni stobs bcu lags so/ /bcom ldan 'das kyis bka' stsal pa/ chos thams cad kyi rnam pa thams cad dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni mi 'jigs pa lags so/ /bcom ldan 'das kyis bka' stsal pa/ lam gyi rnam pa shes pa nyid zhum pa med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni so so yang dag par rig pa lags so/ /bcom ldan 'das kyis bka' stsal pa/ thams cad du ye shes</font><hr>35.100b<br><font size=+1>

chags pa med cing thogs pa med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni snying rje chen po lags so/ /bcom ldan 'das kyis bka' stsal pa/ sems can thams cad yongs su mi gtong ba'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni sangs rgyas kyi chos ma 'dres pa lags so/ /bcom ldan 'das kyis bka' stsal pa/ nyan thos dang / rang sangs rgyas kyi chos thams cad las yang dag par 'das pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni de bzhin nyid lags so/ /bcom ldan 'das kyis bka' stsal pa/ brjod pa thams cad kyi de bzhin nyid yin pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni rang byung lags so/ /bcom ldan 'das kyis bka' stsal pa/ chos thams cad la dbang sgyur ba'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni sangs rgyas lags so/ /bcom ldan 'das kyis bka' stsal pa/ chos thams cad rnam pa thams cad du mngon par rdzogs par byang chub pa'i phyir ro/ /shes rab kyi pha rol du phyin pa khri brgyad stong pa las/ dmigs su med pa'i le'u zhes bya ste/ sum bcu rtsa brgyad pa'o// // de nas lha'i dbang po brgya byin 'di snyam du sems te/ rigs kyi bu 'am rigs kyi bu mo gang dag gi rna lam du shes rab kyi pha rol du phyin pa 'di grag pa de dag kyang sngon gyi rgyal ba la lhag par bya ba byas pa yin la/ gang dag gi rna lam du shes rab kyi pha rol du</font><hr>35.101a<br><font size=+1>

phyin pa 'di grags par 'gyur ba de dag kyang / de bzhin gshegs pa las dge ba'i rtsa ba rnams bskyed cing / dge ba'i bshes gnyen gyis yongs su zin pa yin no/ /gang dag 'dzin pa dang / 'chang ba dang / klog pa dang / kun chub par byed pa dang / gzung zhing bcangs la blags shing kun chub par byas nas kyang / de bzhin nyid du sgrub par byed pa dag lta smos kyang ci dgos/ rigs kyi bu 'am rigs kyi bu mo gang dag shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / bzung zhing bcangs la blags shing kun chub par byas nas kyang / de bzhin nyid du sgrub par byed pa de dag gis ni sangs rgyas mang po dag la bsnyen bkur byas pa yin no/ /rigs kyi bu 'am rigs kyi bu mo gang dag gis shes rab kyi pha rol du phyin pa zab mo 'di thos nas kyang mi skrag mi dngang zhing / dngang bar mi 'gyur ba de dag gis ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la yang yongs su zhu ba byas pa yin no/ /gang dag gis shes rab kyi pha rol du phyin pa zab mo 'di thos nas kyang mi skrag mi dngang zhing dngang bar mi 'gyur ba de dag gis ni bskal pa bye ba phrag mang po dag nas/ sbyin pa'i pha rol du phyin pa la spyad cing / tshul khrims dang / bzod pa dang / brtson 'grus dang bsam gtan dang / shes rab kyi pha rol du phyin pa la spyad pa yin no snyam mo/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das rigs kyi bu 'am/ rigs kyi bu mo gang dag shes rab kyi pha rol du phyin pa zab mo 'di thos nas mi skrag mi dngang zhing / dngang bar mi 'gyur la/ 'chang ba dang / klog pa dang / kun chub par bgyid pa dang / tshul bzhin du yang brtson par bgyid pa'i rigs kyi bu 'am rigs kyi bu mo dag ni phyir mi ldog pa'i byang chub sems dpa' sems dpa' chen po rnams ji lta ba de ltar</font><hr>35.101b<br><font size=+1>

gzung bar bgyi lags so/ /de ci'i slad du zhe na/ bcom ldan 'das 'di ltar shes rab kyi pha rol du phyin pa 'di ni zab lags te/ sngon pha rol tu phyin pa drug po dag lam spyad pa dag gis ni/ shes rab kyi pha rol du phyin pa zab mo 'di la mos par rngo mi thog pa'i slad du'o/ /bcom ldan 'das rigs kyi bu 'am rigs kyi bu mo gang gis shes rab kyi pha rol du phyin pa zab mo 'di spong bar sems pa'i rigs kyi bu 'am rigs kyi bu mo de dag gis ni/ sngon gyi mthar yang shes rab kyi pha rol du phyin pa zab mo 'di spongs pa lags so/ /de ci'i slad du zhe na/ bcom ldan 'das 'di ltar rigs kyi bu 'am rigs kyi bu mo de dag ni shes rab kyi pha rol du phyin pa zab mo 'di la dad pa ma mchis pa dang / dga' ba ma mchis pa dang / dang ba ma mchis pas rigs kyi bu 'am rigs kyi bu mo de dag gis sangs rgyas rnams dang / sangs rgyas kyi nyan thos rnams la 'di skad du/ sbyin pa'i pha rol du phyin pa la ni ji ltar spyad par bgyi/ tshul khrims dang / bzod pa dang / brtson 'grus dang / bsam gtan dang shes rab kyi pha rol du phyin pa la ni ji ltar spyod par bgyi/ nang stong pa nyid la ni ji ltar bsgom par bgyi/ phyi stong pa nyid la ni ji ltar bsgom par bgyi/ phyi nang stong pa nyid la ni ji ltar bsgom par bgyi/ dngos po med pa'i ngo bo nyid stong pa nyid kyi bar la ni ji ltar bsgom par bgyi/ dran pa nye bar gzhag pa rnams la ni ji ltar bsgom par bgyi/ yang dag par spong ba dang rdzu 'phrul gyi rkang pa dang / dbang po dang / stobs dang byang chub kyi yan lag dang / lam rnams la ni ji ltar bsgom par bgyi/ de bzhin gshegs pa'i stobs bcu la ni ji ltar bsgom par bgyi/ mi 'jigs pa rnams dang so so yang dag par rig pa rnams dang / sangs rgyas kyi chos ma 'dres pa rnams la ni ji ltar bsgom par bgyi/ zhes yongs su zhu ba ma bgyis pa'i slad du'o/ /de nas lha'i dbang po brgya byin gyis tshe dang ldan pa shA ri'i bu la 'di skad ces smras so/ /btsun pa shA ri'i bu de ltar ngo mtshar yang ci che ste shes rab kyi pha rol du phyin pa ni shin du zab pas na byang chub sems</font><hr>35.102a<br><font size=+1>

dpa' sems dpa' chen po gang sngon gyi mthar yang shes rab kyi pha rol du phyin pa zab mo 'di la mos par ma gyur pa dang / sbyin pa'i pha rol du phyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa la mos par ma gyur pa dang / nang stong pa nyid la mos par ma gyur pa dang / dngos po med pa'i ngo bo nyid stong pa nyid kyi bar la mos par ma gyur pa dang / byang chub kyi phyogs kyi chos sum bcu rtsa bdun la mos par ma gyur pa dang / stobs bcu dang / mi 'jigs pa bzhi dang / so so yang dag par rig pa bzhi dang / mngon par shes pa lnga dang / sangs rgyas kyi chos ma 'dres pa bcwa brgyad la mos par ma gyur pa dag gis shes rab kyi pha rol du phyin pa zab mo 'di spong bar byed pa ni ngo mtshar mi che'o/ /btsun pa shA ri'i bu gang shes rab kyi pha rol du phyin pa la phyag 'tshal ba de ni/ rnam pa thams cad mkhyen pa nyid kyi ye shes la phyag 'tshal ba yin pas na/ bcom ldan 'das ma shes rab kyi pha rol du phyin pa la bdag phyag 'tshal lo de nas bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin no/ /de de bzhin te/ gang shes rab kyi pha rol du phyin pa la phyag 'tshal ba de ni/ rnam pa thams cad mkhyen pa nyid kyi ye shes la phyag 'tshal ba yin no/ /de ci'i phyir zhe na/ kau shi ka 'di ltar sangs rgyas bcom ldan 'das rnams kyi rnam pa thams cad mkhyen pa nyid kyang shes rab kyi pha rol du phyin pa 'di las nges par byung la/ shes rab kyi pha rol du phyin pa yang rnam pa thams cad mkhyen pa nyid kyi ye shes kyis rab du bskyed pa yin pa'i phyir te/ kau shi ka rnam pa thams cad mkhyen pa nyid la gnas par 'dod pa'i rigs kyi bu 'am/ rigs kyi bu mos shes rab kyi pha rol du phyin pa la gnas par bya'o/ /de bzhin du rnam pa thams cad mkhyen pa nyid kyi ye shes skyed par 'dod pa dang / bag chags dang / 'tshams sbyor ba dang / nyon mongs pa thams cad yang</font><hr>35.102b<br><font size=+1>

dag par 'jom par 'dod pa dang / bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dang / chos kyi 'khor lo skor bar 'dod pa'i rigs kyi bu 'am rigs kyi bu mos kyang shes rab kyi pha rol du phyin pa la gnas par bya'o/ /de bzhin du sems can rnams rgyun du zhugs pa'i 'bras bu la dgod par 'dod pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par 'dod pa dang / rang byang chub la dgod par 'dod pa dang / sems can rnams bla na med pa yang dag par rdzogs pa'i byang chub la dgod par 'dod pa dang / dge slong gi dge 'dun yongs su bsdu bar 'dod pa'i byang chub sems dpa' sems dpa' chen pos kyang shes rab kyi pha rol du phyin pa la rnal 'byor du bya'o/ /de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to/ /bcom ldan 'das ji ltar na byang chub sems dpa' sems dpa' chen po de/ shes rab kyi pha rol du phyin pa la gnas pa lags/ ji ltar na rnal 'byor du bgyid pa lags/ ji ltar na bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa la gnas pa lags/ ji ltar na rnal 'byor du bgyid pa lags/ ji ltar na shes rab kyi pha rol du phyin pa la spyad na/ nang stong pa nyid la rnal 'byor du bgyid pa lags/ ji ltar na dngos po med pa'i ngo bo nyid stong pa nyid kyi bar la rnal 'byor du bgyid pa lags/ bcom ldan 'das byang chub sems dpa' sems dpa' chen pos ji ltar shes rab kyi pha rol du phyin pa la spyad na/ byang chub kyi phyogs kyi chos sum bcu rtsa bdun la rnal 'byor du bgyid pa lags/ </font><hr>35.103a<br><font size=+1>

de bzhin du byang chub sems dpa' sems dpa' chen pos ji ltar shes rab kyi pha rol du phyin pa la spyad na/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / mngon par shes pa lnga dang / sangs rgyas kyi chos ma 'dres pa bcwa brgyad la rnal 'byor du bgyid pa lags/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka gang khyod de bzhin gshegs pa la don de yongs su zhu bar sems pa ni legs so legs so/ /kau shi ka khyod kyi spobs pa skyes pa de yang sangs rgyas kyi mthu yin te/ kau shi ka de'i phyir legs par rab du nyon la yid la zung shig dang / ngas khyod la bshad par bya'o/ /kau shi ka 'di la byang chub sems dpa' sems dpa' chen po shes rab kyi pha rol du phyin pa la spyod pa dang / gzugs la mi gnas te/ gang gi tshe gzugs la mi gnas pa de'i tshe gzugs la rnal 'byor du byed pa yin no/ /de bzhin du tshor ba dang / 'du shes dang / 'du byed rnams dang / rnam par shes pa la mi gnas te/ gang gi tshe rnam par shes pa la mi gnas pa de'i tshe/ rnam par shes pa la rnal 'byor du byed pa yin no/ /de bzhin du mig la mi gnas/ rna ba dang / sna dang / lce dang / lus dang / yid la mi gnas te/ de ltar shes rab kyi pha rol du phyin pa la rnal 'byor du byed do/ /de bzhin du gzugs la mi gnas/ sgra dang / dri dang / ro dang / reg bya dang / chos rnams la mi gnas te/ de ltar shes rab kyi pha rol du phyin pa la rnal 'byor du byed do/ /de bzhin du sbyin pa'i pha rol du phyin pa la mi gnas par shes rab kyi pha rol du phyin pa la rnal 'byor du byed do/ /de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa la mi gnas par shes rab kyi pha rol du phyin pa la rnal 'byor du byed do/ /nang stong pa nyid la mi gnas par shes rab kyi pha rol du phyin pa la rnal 'byor du byed do/ /dngos po med pa'i ngo bo nyid stong pa nyid</font><hr>35.103b<br><font size=+1>

kyi bar la mi gnas par shes rab kyi pha rol du phyin pa la rnal 'byor du byed do/ /dran pa nye bar gzhag pa rnams la mi gnas par shes rab kyi pha rol du phyin pa la rnal 'byor du byed do/ /de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam la mi gnas par shes rab kyi pha rol du phyin pa la rnal 'byor du byed do/ /tshad med pa bzhi la mi gnas par shes rab kyi pha rol du phyin pa la rnal 'byor du byed do/ /bsam gtan bzhi dang / gzugs med pa'i snyoms par 'jug pa bzhi dang / mngon par shes pa lnga la mi gnas/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la mi gnas par shes rab kyi pha rol du phyin pa la rnal 'byor du byed do/ /de ci'i phyir zhe na/ 'di ltar gang la gnas pa dang / gang la rnal 'byor du byed pa'i gzugs de dmigs su med pa dang / de bzhin du gang la gnas pa dang / gang la rnal 'byor du byed pa'i tshor ba dang / 'du shes dang / 'du byed rnams dang / rnam par shes pa dang / de bzhin du khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / byang chub kyi phyogs kyi chos sum bcu rtsa bdun dang / stong pa nyid thams cad dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dmigs su med pa'i phyir ro/ /kau shi ka gzhan yang byang chub sems dpa' sems dpa' chen po gzugs la sbyor bar mi byed de/ gang gi phyir gzugs la sbyor bar mi byed pa de ltar gzugs la rnal 'byor du byed do/ /de bzhin du tshor ba dang / 'du shes dang / 'du byed rnams dang / rnam par shes pa la sbyor bar mi byed de/ gang gi phyir rnam par shes pa la sbyor bar mi byed pa de ltar rnam par shes pa la rnal 'byor du byed do/ /de bzhin du khams rnams dang / skye mched</font><hr>35.104a<br><font size=+1>

rnams dang / rten cing 'brel par 'byung ba dang / pha rol du phyin pa rnams dang / byang chub kyi phyogs kyi chos sum bcu rtsa bdun dang / stong pa nyid thams cad dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad la sbyor bar mi byed de/ gang gi phyir sangs rgyas kyi ma 'dres pa bcwa brgyad la sbyor bar mi byed pa de ltar/ sangs rgyas kyi chos ma 'dres pa bcwa brgyad la rnal 'byor du byed do/ /de ci'i phyir zhe na/ 'di ltar byang chub sems dpa' sems dpa' chen po des gzugs sngon gyi mthar mi dmigs/ gzugs phyi ma'i mthar mi dmigs/ gzugs da ltar byung bar mi dmigs shing / de bzhin du tshor ba dang / 'du shes dang / 'du byed rnams dang / rnam par shes pa sngon gyi mthar mi dmigs/ rnam par shes pa phyi ma'i mthar mi dmigs/ rnam par shes pa da ltar byung bar mi dmigs la de bzhin du khams rnams dang / skye mched rnams dang / rten cing 'brel par 'byung ba dang / pha rol du phyin pa rnams dang / byang chub kyi phyogs kyi chos sum bcu rtsa bdun dang / stong pa nyid thams cad dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad sngon gyi mthar mi dmigs/ phyi ma'i mthar mi dmigs/ da ltar byung bar mi dmigs pa'i phyir ro/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das shes rab kyi pha rol du phyin pa ni zab pa lags so/ /bcom ldan 'das kyis bka' stsal pa/ shA ri'i bu gzugs kyi de bzhin nyid zab pa'i phyir/ shes rab kyi pha rol du phyin pa zab pa yin no/ /shA ri'i bu de bzhin du tshor ba dang / 'du shes dang / 'du byed rnams dang / rnam par shes pa'i de bzhin nyid zab pa'i phyir/ shes rab kyi pha rol du phyin pa zab pa yin no/ /shA ri'i bu de bzhin du khams rnams dang / skye mched rnams dang / rten</font><hr>35.104b<br><font size=+1>

cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa'i de bzhin nyid zab pa'i phyir shes rab kyi pha rol du phyin pa zab pa yin no/ shA ri'i bus gsol pa/ bcom ldan 'das shes rab kyi pha rol du phyin pa ni gting dpag dka' ba lags so/ /bcom ldan 'das kyis bka' stsal pa/ shA ri'i bu gzugs gting dpag dka' ba'i phyir/ shes rab kyi pha rol du phyin pa gting dpag dka' ba yin no/ /shA ri'i bu de bzhin du tshor ba dang / 'du shes dang / 'du byed rnams dang / rnam par shes pa gting dpag dka' ba'i phyir shes rab kyi pha rol du phyin pa gting dpag dka' ba yin no/ /shA ri'i bu de bzhin du khams rnams dang / skye mched rnams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams gting dpag dka' ba'i phyir/ shes rab kyi pha rol du phyin pa gting dpag dka' ba yin no/ /shA ri'i bus gsol pa/ bcom ldan 'das shes rab kyi pha rol du phyin pa ni tshad ma mchis pa lags so/ /bcom ldan 'das kyis bka' stsal pa/ shA ri'i bu gzugs tshad med pa'i phyir shes rab kyi pha rol du phyin pa tshad med pa yin no/ /shA ri'i bu tshor ba dang / 'du shes dang / 'du byed rnams dang / rnam par shes pa tshad med pa'i phyir/ shes rab kyi pha rol du phyin pa tshad med pa yin no/ /shA ri'i bu de bzhin du khams rnams dang / skye mched rnams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams</font><hr>35.105a<br><font size=+1>

tshad med pa'i phyir/ shes rab kyi pha rol du phyin pa tshad med pa yin no/ /shA ri'i bus gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la spyod pa lags/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po gal te gzugs zab ces bya bar mi spyod na/ shes rab kyi pha rol du phyin pa la spyod pa yin no/ /de bzhin du tshor ba dang / 'du shes dang / 'du byed rnams dang / rnam par shes pa zab ces bya bar mi spyod na/ shes rab kyi pha rol du phyin pa la spyod pa yin no/ /de bzhin du khams rnams dang / skye mched rnams dang / rten cing 'brel par 'byung ba dang / pha rol du phyin pa rnams dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams zab ces bya bar mi spyod na/ shes rab kyi pha rol du phyin pa la spyod pa yin no/ /de ci'i phyir zhe na/ shA ri'i bu 'di ltar gzugs kyi zab pa nyid gang yin pa de ni gzugs ma yin la/ tshor ba dang / 'du shes dang / 'du byed rnams dang / rnam par shes pa'i zab pa nyid gang yin pa de ni rnam par shes pa ma yin zhing / de bzhin du khams rnams dang / skye mched rnams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyi zab pa nyid gang yin pa de ni sangs rgyas kyi chos rnams ma yin no/ /zhes bya ba de ltar yang mi spyod na/ shes rab kyi pha rol du phyin pa la spyod pa yin pa'i phyir ro/ /shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa gal te gzugs gting dpag dka' zhes bya bar mi spyod na/ shes rab kyi pha rol du phyin pa la spyod pa yin no/ /gal te tshor ba dang / 'du shes dang / 'du byed rnams dang / rnam par shes pa gting</font><hr>35.105b<br><font size=+1>

dpag dka' zhes bya bar mi spyod na/ shes rab kyi pha rol du phyin pa la spyod pa yin no/ /de bzhin du khams rnams dang / skye mched rnams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams gting dpag dka' zhes bya bar mi spyod na/ shes rab kyi pha rol du phyin pa la spyod pa yin no/ /de ci'i phyir zhe na/ shA ri'i bu 'di ltar gzugs kyi gting dpag dka' ba nyid gang yin pa de ni gzugs ma yin la/ tshor ba dang / 'du shes dang / 'du byed rnams dang / rnam par shes pa'i gting dpag dka' ba nyid gang yin pa de ni rnam par shes pa ma yin zhing / de bzhin du khams rnams dang / skye mched rnams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyi gting dpag dka' ba nyid gang yin pa de ni sangs rgyas kyi chos rnams ma yin no zhes bya bar yang mi spyod na/ shes rab kyi pha rol du phyin pa la spyod pa yin pa'i phyir ro/ /de ci'i phyir zhe na/ sangs rgyas kyi chos rnams kyi gting dpag dka' ba nyid gang yin pa de ni sangs rgyas kyi chos rnams ma yin pa'i phyir ro/ /shA ri'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa gal te/ gzugs tshad med do zhes bya bar mi spyod na/ shes rab kyi pha rol du phyin pa la spyod pa yin no/ /de bzhin du tshor ba dang / 'du shes dang / 'du byed rnams dang / rnam par shes pa tshad med do zhes bya bar mi spyod na/ shes rab kyi pha rol du phyin pa la spyod pa yin no/ /de ci'i phyir zhe na/ </font><hr>35.106a<br><font size=+1>

shA ri'i bu 'di ltar gzugs kyi tshad med pa gang yin pa de ni/ gzugs ma yin la/ tshor ba dang / 'du shes dang / 'du byed rnams dang / rnam par shes pa'i tshad med pa nyid gang yin pa de ni rnam par shes pa ma yin zhing de bzhin du khams rnams dang / skye mched rnams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyi tshad med pa nyid gang yin pa de ni/ sangs rgyas kyi chos rnams ma yin no zhes bya ba de ltar yang mi spyod pa na/ shes rab kyi pha rol du phyin pa la spyod pa yin pa'i phyir ro/ /de ci'i phyir zhe na/ shA ri'i bu 'di ltar sangs rgyas kyi chos rnams kyi tshad med pa nyid gang yin pa de ni sangs rgyas kyi chos rnams ma yin pa'i phyir ro/ /shA ri'i bus gsol pa/ bcom ldan 'das shes rab kyi pha rol du phyin pa 'di ni de tsam du zab pa dang / de tsam du gting dpag dka' ba dang / de tsam du rtogs par dka' ba dang / de tsam du tshad ma mchis pa lags te/ bcom ldan 'das shes rab kyi pha rol du phyin pa 'di ni theg pa la gsar du zhugs pa'i byang chub sems dpa' sems dpa' chen po rnams kyi mdun du bshad par mi bgyi ste/ de dag gis shes rab kyi pha rol du phyin pa 'di thos na/ skrag cing dngang la dngang bar 'gyur lags so/ /bcom ldan 'das 'di ni phyir mi ldog pa'i byang chub sems dpa' sems dpa' chen po'i mdun du bshad par bgyi ste/ des shes rab kyi pha rol du phyin pa zab mo 'di thos na mi skrag mi dngang la dngang bar mi 'gyur zhing / nem nur bgyid par mi 'gyur/ the tshom 'tshal bar mi 'gyur ba'i steng du thos nas kyang mos par 'gyur lags so/ /de nas lha'i dbang po brgya</font><hr>35.106b<br><font size=+1>

byin gyis/ tshe dang ldan pa shA ri'i bu la 'di skad ces smras so/ /btsun pa shA ri'i bu theg pa la gsar du zhugs pa'i byang chub sems dpa' sems dpa' chen po'i mdun du gal te/ shes rab kyi pha rol du phyin pa zab mo 'di bshad na/ nyes pa cir 'gyur/ shA ri'i bus smras pa/ kau shi ka theg pa la gsar du zhugs pa'i byang chub sems dpa' sems dpa' chen po'i mdun du gal te/ shes rab kyi pha rol du phyin pa zab mo 'di bshad par gyur na/ skrag cing dngang la/ dngang bar 'gyur zhing / phyir spong bar 'gyur te/ mos par mi 'gyur la/ kau shi ka gang gi phyir theg pa la gsar du zhugs pa'i byang chub sems dpa' sems dpa' chen po des shes rab kyi pha rol du phyin pa zab mo 'di thos na phyir spong zhing / log par ltung bar 'gro ba'i las gsog par 'gyur te/ yun ring pos kyang bla na med pa yang dag par rdzogs pa'i byang chub mngon par rdzogs par 'tshang rgya bar dka' ba'i gnas de yod do/ /brgya byin gyis smras pa/ btsun pa shA ri'i bu byang chub sems dpa' sems dpa' chen po lung ma bstan pa gang dag gis shes rab kyi pha rol du phyin pa zab mo 'di thos na/ mi skrag mi dngang zhing / dngang bar mi 'gyur ba lta yod dam/ shA ri'i bus smras pa/ kau shi ka byang chub sems dpa' sems dpa' chen po gang dag gis shes rab kyi pha rol du phyin pa zab mo 'di thos na/ mi skrag mi dngang zhing / dngang bar mi 'gyur ba de dag ni ring po mi thogs par bla na med pa yang dag par rdzogs pa'i byang chub tu lung bstan pa 'thob par 'gyur te/ de dag ni de bzhin gshegs pa gcig gam/ gnyis las mi 'da' ba'i bar gyis bla na med pa yang dag par rdzogs pa'i byang chub tu lung bstan pa 'thob par 'gyur ba</font><hr>35.107a<br><font size=+1>

yin no/ /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu de de bzhin no/ /de de bzhin te/ shA ri'i bu byang chub sems dpa' sems dpa' chen po gang dag gis shes rab kyi pha rol du phyin pa zab mo 'di thos na/ mi skrag mi dngang zhing / dngang bar mi 'gyur ba'i steng du thos nas kyang 'dzin pa dang / 'chang ba dang / klog pa dang / kun chub par byed cing ji skad bstan pa bzhin du/ shes rab kyi pha rol du phyin pa la gnas par 'gyur ba de dag ni/ yun ring po nas theg pa la yang dag par zhugs shing / pha rol du phyin pa drug la spyod spyod pa dang / sangs rgyas mang po la bsnyen bkur byed byed pa yin no/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das dpe brjod par bdag shin du spobs lags so/ /bde bar gshegs pa bdag spobs lags so/ /bcom ldan 'das kyis bka' stsal pa/ shA ri'i bu khyod spobs par gyis shig /shA ri'i bus gsol pa/ bcom ldan 'das 'di lta ste dper bgyi na/ theg pa chen po la yang dag par zhugs pa'i rigs kyi bu 'am rigs kyi bu mo zhig gi g.yar lam du/ shes rab kyi pha rol du phyin pa la bsgom pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la sgom pa dang / byang chub kyi snying po la mchis pa'i bar dag rmis par gyur na/ bcom ldan 'das rigs kyi bu 'am rigs kyi bu mo de ni bla na med pa yang dag par rdzogs pa'i byang chub dang nye bar gyur pa lags</font><hr>35.107b<br><font size=+1>

par rig par bgyi na/ bcom ldan 'das gang dag sad pa na/ shes rab kyi pha rol du phyin pa la bsgom pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la sgom pa dang / bla na med pa yang dag par rdzogs pa'i byang chub mngon par rdzogs par sangs rgyas shing / mngon par rdzogs par sangs rgyas nas kyang / byang chub kyi snying po la mchis shing / /chos kyi 'khor lo bskor bar sems pa'i rigs kyi bu 'am/ rigs kyi bu mo de dag bla na med pa yang dag par rdzogs pa'i byang chub dang nye bar 'gyur ba lta smos kyang ci 'tshal te/ bcom ldan 'das rigs kyi bu 'am rigs kyi bu mo gang dag gis shes rab kyi pha rol du phyin pa zab mo 'di mnyan pa'i slad du rnyed cing thos nas kyang / de bzhin nyid du sgrub par bgyid pa de dag ni dge ba'i rtsa ba yongs su smin pa lags so/ /bcom ldan 'das rigs kyi bu 'am/ rigs kyi bu mo gang dag shes rab kyi pha rol du phyin pa zab mo 'di thos nas/ 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid pa de dag ni yun ring po nas theg pa la yang dag par zhugs pa dang / dge ba'i rtsa ba bskrun pa dang / sangs rgyas mang po la bsnyen bkur bgyis pa dang / dge ba'i bshes gnyen gyis yongs su zin pa lags so/ /bcom ldan 'das byang chub sems dpa' rnams dang / /rigs kyi bu 'am/ </font><hr>35.108a<br><font size=+1>

rigs kyi bu mo gang dag gis shes rab kyi pha rol du phyin pa 'di rnyed par 'gyur zhing / rnyed par gyur nas kyang 'dzin pa dang 'chang ba dang klog pa dang / kun chub par bgyid pa dang / tshul bzhin du yid la bgyid pa'i rigs kyi bu 'am rigs kyi bu mo de dag ni bla na med pa yang dag par rdzogs pa'i byang chub du lung bstan du nye ba 'am/ lung bstan par 'gyur ba 'am/ bla na med pa yang dag par rdzogs pa'i byang chub las phyir mi ldog par 'gyur lags so/ /bcom ldan 'das 'di lta ste dper bgyi na/ mi zhig 'brog dgon pa dpag tshad brgya pa zhig nas byung bar gyur tam/ 'brog dgon pa dpag tshad nyis brgya pa zhig nas sam/ dpag tshad sum brgya pa zhig nas sam dpag tshad bzhi brgya pa zhig nas sam/ dpag tshad lnga brgya pa zhig nas byung bar gyur nas/ de byung ba'i tshe grong khyer gyi snga ltas ba lang rdzi dag gam/ phyugs rdzi dag gam sa mtshams sam/ kun dga' ra ba 'am tshal dag gam/ bskyed mos tshal dag mthong bar gyur tam/ grong khyer gyi snga ltas grong dag gam/ grong rdal dag gam ljongs dag gam/ yul 'khor dag gam mtshan ma gzhan gang yang rung ba dag mthong bar gyur na/ de 'di snyam du snga ltas 'di lta bu 'di dag gda' ba las na/ 'di nas grong dang grong rdal dang grong khyer dang yul 'khor dang / rgyal po'i pho brang dang nye bar 'gyur ro snyam nas/ dbugs phyin par 'gyur zhing / de la slan chad chom rkun gyis 'jigs pa 'am/ gdug pas 'jigs pa 'am/ gdol pas 'jigs pa 'am/ gcan gzan khro bos 'jigs pa 'am bkres pa dang / skom pas 'jigs pa dag 'byung bar mi 'gyur lags so/ /bcom ldan 'das de bzhin du byang chub sems dpa' sems dpa' chen po gang shes rab kyi pha rol du phyin pa zab mo 'di rnyed par 'gyur zhing rnyed par gyur nas kyang 'dzin par bgyid 'chang bar bgyid klog par bgyid kun chub par bgyid tshul bzhin du yid la bgyid na/ bcom ldan 'das byang chub sems dpa' sems dpa' chen po de ni lung bstan</font><hr>35.108b<br><font size=+1>

du nye ba dang / bla na med pa yang dag par rdzogs pa'i byang chub kyang ring po mi thogs par mngon par rdzogs par 'tshang rgya bar 'gyur bar rig par bgyi ste/ byang chub sems dpa' sems dpa' chen po des nyan thos kyi sa 'am/ rang sangs rgyas kyi sas 'jigs par mi bgyid lags so/ /de ci'i slad du zhe na/ 'di ltar byang chub sems dpa' sems dpa' po des 'di lta ste/ shes rab kyi pha rol du phyin pa zab mo 'di la blta ba dang phyag bgyi ba dang / bsnyen bkur bgyi ba rnyed cing mnyan du rnyed de/ snga ltas de dag mchis pa'i slad du'o/ /de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu de de bzhin no de de bzhin te/ shA ri'i bu sangs rgyas kyi mthus khyod shin du spobs par gyis shig /shA ri'i bus gsol pa/ bcom ldan 'das 'di lta ste dper bgyi na mi zhig rgya mtsho chen po lta 'tshal bar gyur nas de rgya mtsho chen po blta ba'i slad du mchis na ji lta ji ltar rgya mtsho chen po blta ba'i slad du mchis pa/ de lta de ltar des yal ga gel ba 'am/ yal ga gel ba'i mtshan ma 'am/ ri 'am ri'i mtshan ma dag mthong bar gyur na des 'di ltar rgya mtsho chen po ni 'di nas thag ring ste rgya mtsho chen po ni 'di nas thag nye ba ma lags so/ /snyam du rig par bgyi'o/ /de ci'i slad du zhe na/ rgya mtsho chen po dang nye ba na yal ga gel pa 'am/ yal ga gel ba'i mtshan ma 'am/ ri 'am ri'i mtshan ma dag ma mchis pa'i slad du'o/ /bcom ldan 'das 'di lta ste dper bgyi na/ mi zhig rgya mtsho chen po lta 'tshal bar gyur nas/ ji lta ji ltar mchis pa de lta de ltar des yal ga gel pa 'am/ yal ga gel ba'i mtshan ma 'am/ ri 'am/ ri'i mtshan ma dag ma mthong bar gyur na/ de 'di snyam du rgya mtsho chen po ni 'di nas thag mi ring ngo snyam du sems par 'gyur lags so/ /de ci'i slad du zhe na/ rgya mtsho chen po dang nye ba na yal ga gel pa 'am/ yal ga gel ba'i mtshan ma 'am/ ri 'am ri'i mtshan</font><hr>35.109a<br><font size=+1>

ma dag mi gda' ba'i slad du'o/ /mi de'i mig gis rgya mtsho chen po ma mthong du lags kyang / des bdag ni rgya mtsho chen po dang nye bar gyur te/ rgya mtsho chen po ni 'di nas thag nye'o/ /rgya mtsho chen po ni 'di nas thag mi ring ngo zhes bgyi bar nges par rtogs lags so/ /bcom ldan 'das de bzhin du byang chub sems dpa' sems dpa' chen po shes rab kyi pha rol du phyin pa 'di nyan pa dang / 'dzin pa dang 'chang ba dang / klog pa dang / kun chub par bgyid pa des kyang 'di ltar rig par bgyi zhing / 'di ltar bsam par bgyi ste/ bdag de bzhin gshegs pas bskal pa 'di snyed cig gam/ bskal pa brgya phrag 'di snyed cig gam/ bskal pa stong phrag 'di snyed cig gam/ bskal pa 'bum phrag 'di snyed cig gam/ bskal pa bye ba khrag khrig phrag 'bum phrag 'di snyed cig na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /zhes mngon sum du lung ma bstan kyang / byang chub sems dpa' sems dpa' chen po des bdag bla na med pa yang dag par rdzogs pa'i byang chub du lung bstan du nye ba lags so snyam du rig par bgyi'o/ /de ci'i slad du zhe na/ 'di ltar bdag gis shes rab kyi pha rol du phyin pa zab mo 'di blta zhing mnyan du rnyed la thos nas kyang gzung ba dang / bcang ba dang klag pa dang / kun chub par bgyid pa dang / tshul bzhin du yid la bgyir mchis so snyam du sems pa'i slad du'o/ /bcom ldan 'das 'di lta ste/ dper bgyi na/ dpyid byung ste/ yal ga 'gel ba rnams kyi lo ma dang / 'dab ma lhags par gyur pa na/ 'dzam bu'i gling gi mi rnams kyis 'di ltar da ni ring po mi thogs par lo ma dang / me tog dang / 'bras bu dag 'byung bar 'gyur ro snyam du rig par bgyi lags so/ /de ci'i slad du zhe na/ 'di ltar yal ga 'gel pa rnams la snga ltas de dag gda' ba'i slad du ste/ 'dzam bu'i gling gi mi rnams kyis yal ga</font><hr>35.109b<br><font size=+1>

'gel ba rnams la snga ltas de dag mthong nas/ 'di snyam du da ni ring po mi thogs par lo ma dang / me tog dang / 'bras bu dag 'byung bar 'gyur ro snyam nas/ yid dga' bar 'gyur lags so/ /bcom ldan 'das de bzhin du gang gi tshe/ byang chub sems dpa' sems dpa' chen pos/ shes rab kyi pha rol du phyin pa zab mo 'di blta ba dang / mnyan pa'i slad du rnyed cing thos nas kyang 'dzin par bgyid/ 'chang bar bgyid/ klog par bgyid/ kun chub par bgyid/ tshul bzhin du yid la bgyid na/ bcom ldan 'das byang chub sems dpa' sems dpa' chen po de ni dge ba'i rtsa ba yongs su smin pa lags par rig par bgyi'o/ /bcom ldan 'das rigs kyi bu 'am/ rigs kyi bu mo de ni/ sangs rgyas mang po la bsnyen bkur bgyid bgyid pa lags par rig par bgyi'o/ /bcom ldan 'das byang chub sems dpa' sems dpa' chen po de dag gis kyang 'di snyam du/ gang gi slad du bdag cag gi/ shes rab kyi pha rol du phyin pa zab mo 'di rnyed cing bltar mchis pa dang / mnyan du mchis pa dang / phyag bgyir mchis pa dang / ji skad bstan pa'i shes rab kyi pha rol du phyin pa la bsgrub tu mchis pa las na/ bdag cag ni sngon gyi dge ba'i rtsa ba dag gis/ bla na med pa yang dag par rdzogs pa'i byang chub la bsnyen pa lags so/ /snyam du rig par bgyi lags so/ /de na gang dag sngon sangs rgyas mthong bar gyur pa'i lha'i bu dag 'di snyam du/ sngon gyi byang chub sems dpa' sems dpa' chen po rnams la yang lung bstan par 'gyur ba'i snga ltas 'di lta bu de dag byung bar gyur pas na/ byang chub sems dpa' sems dpa' chen po 'di dag kyang / ring po mi thogs par bla na med pa yang dag par rdzogs pa'i byang chub du lung bstan par 'gyur ro/ /snyam nas yid rangs shing rab du dga' ste/ dga' ba dang yid bde ba skye lags so/ /bcom ldan 'das</font><hr>35.110a<br><font size=+1>

'di lta ste dper bgyi na/ bud med sbrum pa ni ji lta ji ltar bu btsa' bar nye ba de lta de ltar de'i lus 'gyur te/ lus ngal ba'i tshor ba chen po skye ba dang / 'chag par mi bgyid pa dang / dran pa chung ba dang / g.yar zas kyi dad chung ba dang / rmugs pa dang / gnyid chung ba dang tshor ba de lta bu dag byung bas smra ba nyung ba dang / des sngon tshul bzhin ma lags pa yid la bgyis shing bsten pa dang / lan mang du bgyis shing kun du bsten pas 'di lta bu'i tshor ba 'di dag nyams su myong ngo snyam du rtogs nas/ mi sten pa'i ngang tshul can du 'gyur zhing / bud med gzhan dag gis kyang / bud med de'i mtshan ma gang lags pa de dag mthong nas/ 'di snyam du bud med 'di ni ring po mi thogs par bu btsa' bar 'gyur ro/ /zhes rtogs par 'gyur lags so/ /bcom ldan 'das de bzhin du byang chub sems dpa' sems dpa' chen po dge ba'i rtsa ba bskrun pa sangs rgyas mang po la bsnyen bkur bgyis pa spyod pa legs par spyad pa/ dge ba'i bshes gnyen kyis yongs su zin pa/ dge ba'i rtsa ba yongs su smin pa dag shes rab kyi pha rol du phyin pa zab mo 'di rnyed cing / rnyed nas kyang / 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid pa'i byang chub sems dpa' sems dpa' chen po de dag kyang ring po mi thogs par bla na med pa yang dag par rdzogs pa'i byang chub du lung bstan par 'gyur bar rig par bgyi lags so/ /bcom ldan 'das kyis bka' stsal pa/ shA ri'i bu khyod spobs pa skyes pa 'di ni/ sangs rgyas kyi mthu yin te/ shA ri'i bu legs so legs so/ /'phags pa shes rab kyi pha rol du phyin pa khri brgyad stong pa/ bam po sum bcu rtsa gcig pa/ de nas bcom ldan 'das</font><hr>35.110b<br><font size=+1>

la tshe dang ldan pa rab 'byor kyis 'di skad ces gsol to/ /bcom ldan 'das 'di ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po rnams la sman btags pa ni ngo mtshar lags so/ /bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen po rnams ni skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi skye bo phal po che'i don dang phan pa dang bde ba'i phyir/ bla na med pa yang dag par rdzogs pa'i byang chub tu zhugs pa yin te/ byang chub sems dpa' sems dpa' chen po de dag spyad pa spyod pa na/ bsdu ba'i dngos po bzhi po sbyin pa dang / snyan par smra ba dang / don 'thun pa dang / don spyod pa dag gis byang chub sems dpa' stong phrag mang po dag la phan 'dogs shing / sems can rnams kyang dge ba bcu'i las kyi lam rnams yang dag par 'dzin du 'jug pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi yang dag par 'dzin du 'jug cing / bdag kyang chos de dag la gnas par byed do/ /bdag kyang sbyin pa'i pha rol du phyin pa la spyod cing / gzhan dag kyang sbyin pa'i pha rol du phyin pa yang dag par 'dzin du 'jug go/ /bdag kyang tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod cing / gzhan dag kyang shes rab kyi pha rol du phyin pa yang dag par 'dzin du 'jug ste/ de shes rab kyi pha rol du phyin pa la brten cing / thabs la mkhas pas sems can rnams rgyun du zhugs pa'i 'bras bu la 'god par byed kyang / bdag nyid kyis mngon sum du ni mi byed do/ /de bzhin du/ lan gcig</font><hr>35.111a<br><font size=+1>

phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la 'god par byed kyang bdag nyid kyang rang byang chub mngon sum du mi byed do/ /bdag kyang phyir mi ldog pa'i sa gnon par byed cing / gzhan dag kyang phyir mi ldog pa'i sa la 'god par byed do/ /de bdag kyang sangs rgyas kyi zhing yongs su dag par byed cing / byang chub sems dpa' gzhan dag kyang / sangs rgyas kyi zhing yongs su dag par bya ba yang dag par 'dzin du 'jug go/ /bdag kyang sems can rnams yongs su smin par byed cing / gzhan dag kyang sems can rnams yongs su smin par bya ba yang dag par 'dzin du 'jug go/ /bdag kyang mngon par shes pa rnams bskyed par byed cing / gzhan dag kyang mngon par shes pa rnams thob par bya ba yang dag par 'dzin du 'jug go/ /bdag kyang gzungs kyi sgo yongs su dag par byed cing / gzhan dag kyang gzungs kyi sgo yongs su dag par bya ba la yang dag par 'dzin du 'jug go/ /bdag kyang spobs pa phun sum tshogs pa thob par byed cing / gzhan dag kyang spobs pa phun sum tshogs pa yang dag par 'dzin du 'jug go/ /bdag kyang gzugs phun sum tshogs pa yongs su 'dzin par byed cing / gzhan dag kyang gzugs phun sum tshogs pa thob par bya ba yang dag par 'dzin du 'jug go/ /bdag kyang mtshan phun sum tshogs pa yongs su 'dzin par byed cing / gzhan dag kyang mtshan phun sum tshogs pa thob par bya ba yang dag par 'dzin du 'jug go/ /bdag kyang gzhon nur gyur pa phun sum tshogs pa yongs su 'dzin par byed cing / gzhan dag kyang gzhon nur gyur pa phun sum tshogs pa thob par bya ba yang dag par 'dzin du 'jug go/ /bdag kyang de bzhin gshegs pa'i stobs rnams sgrub par byed cing / gzhan dag kyang de bzhin gshegs pa'i stobs rnams sgrub par bya ba yang dag par 'dzin du 'jug go/ /bdag kyang bsam gtan bzhi skyed par</font><hr>35.111b<br><font size=+1>

byed cing / gzhan dag kyang bsam gtan bzhi bskyed par bya ba yang dag par 'dzin du 'jug go/ /bdag kyang tshad med pa bzhi dang gzugs med pa'i snyoms par 'jug pa bzhi dang / mi 'jigs pa bzhi dang / so so yang dag par rig pa bzhi skyed par byed cing / gzhan dag kyang so so yang dag par rig pa bzhi thob par bya ba yang dag par 'dzin du 'jug go/ /bdag kyang sangs rgyas kyi chos ma 'dres pa bcwa brgyad sgrub par byed cing / gzhan dag kyang sangs rgyas kyi chos ma 'dres pa bcwa brgyad yang dag par 'dzin du 'jug go/ /bdag kyang rnam pa thams cad mkhyen pa nyid thob par byed cing / gzhan dag kyang rnam pa thams cad mkhyen pa nyid yang dag par 'dzin du 'jug go/ /bdag kyang bag chags dang 'tshams sbyor ba dang / nyon mongs pa thams cad spong bar byed cing / gzhan dag kyang bag chags dang / 'tshams sbyor ba dang / nyon mongs pa thams cad spang bar bya ba yang dag par 'dzin du 'jug go/ /bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar byed cing / gzhan dag kyang bla na med pa yang dag par rdzogs pa'i byang chub mngon par rdzogs par byang chub par bya bar yang dag par 'dzin du 'jug go/ /bdag kyang chos kyi 'khor lo skor bar byed cing gzhan dag kyang chos kyi 'khor lo bskor ba yang dag par 'dzin du 'jug go/ /rab 'byor gyis gsol pa/ bcom ldan 'das 'di ltar byang chub sems dpa' sems dpa' chen po gang dag sems can rnams kyi slad du/ shes rab kyi pha rol du phyin pa la spyod pa ni/ bla na med pa yang dag par rdzogs pa'i byang chub mngon par rdzogs par 'tshang rgya zhing / yon tan mang po dang ldan pa ni ngo mtshar lags so/ /bde bar gshegs pa ngo mtshar lags so/ /bcom ldan 'das ji ltar na byang chub sems dpa' sems dpa' chen po rnams kyi shes rab kyi pha rol du phyin pa bsgom pa yongs su rdzogs par 'gyur ba lags/ bcom ldan 'das kyis bka'</font><hr>35.112a<br><font size=+1>

stsal pa/ rab 'byor gang gi tshe byang chub sems dpa' sems dpa' chen po/ shes rab kyi pha rol du phyin pa la spyod pa na/ gzugs kyi rnam par 'phel ba yang dag par rjes su mi mthong ba dang / tshor ba dang / 'du shes dang / 'du byed rnams dang / rnam par shes pa'i rnam par 'phel ba yang dag par rjes su mi mthong ba de'i tshe/ byang chub sems dpa' sems dpa' chen po rnams kyi shes rab kyi pha rol du phyin pa bsgom pa yongs su rdzogs pa yin no/ /de bzhin du khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi rnam par 'phel ba yang dag par rjes su mi mthong ba de'i tshe/ byang chub sems dpa' sems dpa' chen po rnams kyi shes rab kyi pha rol du phyin pa bsgom pa yongs su rdzogs pa yin no/ /rab 'byor gang gi tshe byang chub sems dpa' sems dpa' chen po shes rab kyi pha rol du phyin pa la spyod pa na/ gzugs kyi yongs su 'grib pa yang dag par rjes su mi mthong ba dang / tshor ba dang 'du shes dang / 'du byed rnams dang / rnam par shes pa'i yongs su 'grib pa yang dag par rjes su mi mthong ba de'i tshe/ byang chub sems dpa' sems dpa' chen po rnams kyi shes rab kyi pha rol du phyin pa bsgom pa yongs su rdzogs pa yin no/ /de bzhin du khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / </font><hr>35.112b<br><font size=+1>

rnam pa thams cad mkhyen pa nyid kyi yongs su 'grib pa yang dag par rjes su mi mthong ba de'i tshe/ byang chub sems dpa' sems dpa' chen po rnams kyi shes rab kyi pha rol du phyin pa bsgom pa yongs su rdzogs pa yin no/ /rab 'byor gzhan yang gang gi tshe byang chub sems dpa' sems dpa' chen po/ shes rab kyi pha rol du phyin pa la spyod pa na/ chos shes bya bar yang dag par rjes su mi mthong ngo / /chos ma yin zhes bya bar yang dag par rjes su mi mthong ngo / /'das pa zhes bya bar yang dag par rjes su mi mthong / ma 'ongs pa zhes bya bar yang dag par rjes su mi mthong / da ltar byung ba zhes bya bar yang dag par rjes su mi mthong / dge ba dang mi dge ba dang / lung bstan du yod pa dang / lung du ma bstan pa zhes bya bar yang dag par rjes su mi mthong / 'dus byas dang / 'dus ma byas shes bya bar yang dag par rjes su mi mthong / 'dod pa'i khams yang dag par rjes su mi mthong / gzugs kyi khams yang dag par rjes su mi mthong / gzugs med pa'i khams yang dag par rjes su mi mthong / sbyin pa'i pha rol du phyin pa yang dag par rjes su mi mthong / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa yang dag par rjes su mi mthong / rnam pa thams cad mkhyen pa nyid kyi bar du yang dag par rjes su mi mthong ba de'i tshe/ byang chub sems dpa' sems dpa' chen po rnams shes rab kyi pha rol du phyin pa bsgom pa yongs su rdzogs pa yin no/ /de ci'i phyir zhe na/ rab 'byor 'di ltar chos rnams kyi chos kyi mtshan nyid ni phyir mi ldog pa nyid dang / gsog nyid dang / gsob nyid dang / snying po med pa nyid dang ya ma rla nyid yin pa'i phyir ro/ /rab 'byor gyis gsol pa/ bcom ldan 'das bsam gyis mi khyab pa bstan pa lags so/ /bcom ldan 'das kyis bka' stsal pa/ rab 'byor gzugs bsam gyis mi khyab pa'i</font><hr>35.113a<br><font size=+1>

phyir/ bsam gyis mi khyab pa bstan pa yin no/ /rab 'byor tshor ba dang / 'du shes dang / 'du byed rnams dang / rnam par shes pa bsam gyis mi khyab pa'i phyir/ bsam gyis mi khyab pa bstan pa yin no/ /rab 'byor sbyin pa'i pha rol du phyin pa bsam gyis mi khyab pa'i phyir/ bsam gyis mi khyab pa bstan pa yin no/ /de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa bsam gyis mi khyab pa'i phyir/ bsam gyis mi khyab pa bstan pa yin no/ /de bzhin du khams rnams dang / skye mched rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du bsam gyis mi khyab pa'i phyir/ bsam gyis mi khyab pa bstan pa yin no/ /rab 'byor gal te byang chub sems dpa' sems dpa' chen po shes rab kyi pha rol du phyin pa la spyod pa/ gzugs bsam gyis mi khyab ces bya bar kun tu shes par mi byed/ tshor ba dang 'du shes dang / 'du byed rnams dang / rnam par shes pa bsam gyis mi khyab ces bya bar kun tu shes par mi byed na/ shes rab kyi pha rol du phyin pa bsgom pa yongs su rdzogs pa yin no/ /gal te khams rnams dang skye mched rnams dang rten cing 'brel bar 'byung ba dang / pha rol du phyin pa rnams dang stong pa nyid thams cad dang / byang chub kyi phyogs kyi chos rnams dang / stobs rnams dang mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang rnam pa thams cad mkhyen pa nyid bsam gyis mi khyab ces bya bar kun du shes par mi byed na/ shes rab kyi pha rol du phyin pa sgom pa yongs su rdzogs pa yin no/ /rab 'byor gyis gsol pa bcom ldan 'das shes rab kyi pha rol du phyin pa zab</font><hr>35.113b<br><font size=+1>

mo 'di la su dag mos par 'gyur lags bcom ldan 'das kyis bka' stsal pa/ rab 'byor gang dag sngon pha rol du phyin pa drug la spyod spyod pa dang / de bzhin gshegs pa la dge ba'i rtsa ba skyed skyed pa dang / sangs rgyas mang po la bsnyen bkur byed byed pa dang / dge ba'i bshes gnyen gyis yongs su zin pa'i byang chub sems dpa' sems dpa' chen po de dag shes rab kyi pha rol du phyin pa zab mo 'di la mos par 'gyur ro/ /rab 'byor gyis gsol pa/ bcom ldan 'das ji tsam gyis na/ byang chub sems dpa' sems dpa' chen po pha rol du phyin pa drug la spyad cing / de bzhin gshegs pa las dge ba'i rtsa ba bskrun pa dang / sangs rgyas mang po la bsnyen bkur bgyis pa dang / dge ba'i bshes gnyen gyis yongs su zin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa ni gzugs su mi rtog rnam par mi rtog go/ /gzugs kyi mtshan mar mi rtog rnam par mi rtog go/ /gzugs kyi rang bzhin du mi rtog rnam par mi rtog go/ /tshor ba dang 'du shes dang 'du byed rnams dang / rnam par shes par mi rtog rnam par mi rtog go/ /rnam par shes pa'i mtshan mar mi rtog rnam par mi rtog go/ /rnam par shes pa'i rang bzhin du mi rtog rnam par mi rtog go/ /de bzhin du khams rnams dang / skye mched rnams dang / rten cing 'brel bar 'byung ba dang / 'dod pa dang / gzugs dang / gzugs med pa'i khams dang / sbyin pa'i pha rol du phyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa dang / yang dag pa'i spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / lam dang / stobs bcu dang mi 'jigs pa dang / so so yang dag par rig pa dang / </font><hr>35.114a<br><font size=+1>

sangs rgyas kyi chos ma 'dres pa rnams su mi rtog rnam par mi rtog go/ /rnam pa thams cad mkhyen pa nyid kyi bar du mi rtog rnam par mi rtog go/ /rnam pa thams cad mkhyen pa nyid kyi mtshan mar mi rtog rnam par mi rtog go/ /rnam pa thams cad mkhyen pa nyid kyi rang bzhin du mi rtog rnam par mi rtog go/ /de ci'i phyir zhe na/ rab 'byor 'di ltar gzugs ni bsam gyis mi khyab/ tshor ba dang 'du shes dang 'du byed rnams dang / rnam par shes pa yang bsam gyis mi khyab la/ de bzhin du khams rnams dang skye mched rnams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid kyang bsam gyis mi khyab pa'i phyir te/ rab 'byor de ltar na byang chub sems dpa' sems dpa' chen po pha rol du phyin pa drug la spyad cing / de bzhin gshegs pa las dge ba'i rtsa ba bskyed pa dang / sangs rgyas mang po la bsnyen bkur byas pa dang / dge ba'i bshes gnyen gyis yongs su zin pa yin no/ /rab 'byor gyis gsol pa/ bcom ldan 'das gzugs zab pa'i slad du shes rab kyi pha rol du phyin pa zab pa lags so/ /tshor ba dang 'du shes dang / 'du byed rnams dang / rnam par shes pa zab pa'i slad du/ shes rab kyi pha rol du phyin pa zab pa lags so/ /de bzhin du khams rnams dang / skye mched rnams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa zab pa'i slad du/ shes rab kyi pha rol du phyin pa zab pa lags so/ /rnam pa thams cad mkhyen pa nyid zab pa'i slad du/ shes rab kyi pha rol du phyin pa zab pa lags</font><hr>35.114b<br><font size=+1>

so/ /bcom ldan 'das shes rab kyi pha rol du phyin pa ni rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub rin po che dag skyed par bgyid pas/ rin po che'i phung po lags so/ /bcom ldan 'das shes rab kyi pha rol du phyin pa 'di ni chos kyi 'khor lo bskor bar bgyid pa lags so/ /bcom ldan 'das shes rab kyi pha rol du phyin pa ni chos thams cad kyi dag pa'i phung po lags so/ /bcom ldan 'das kyis bka' stsal pa/ rab 'byor gzugs dag pa nyid dang / tshor ba dang 'du shes dang 'du byed rnams dang / rnam par shes pa dag pa nyid dang / khams dang skye mched dang / rten cing 'brel par 'byung ba dang / pha rol du phyin pa dang / stong pa nyid thams cad dang / byang chub kyi phyogs kyi chos dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid dag pa nyid kyi phyir ro/ /rab 'byor gyis gsol pa/ bcom ldan 'das 'di ltar shes rab kyi pha rol du phyin pa zab mo 'di bshad pa na bar chad mang po mi 'byung ba ni ngo mtshar lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ shes rab kyi pha rol du phyin pa zab mo 'di la ni bar chad mang ste/ rigs kyi bu 'am rigs kyi bu mo shes rab kyi pha rol du phyin pa zab mo 'di yi ger 'dri ba dang ston pa dang klog pa dang 'chang ba dang tshul bzhin du yid la byed pa dang / sgom par byed pa dag gis shes rab kyi pha rol du phyin pa zab mo 'di yi ger 'dri ba dang / klag pa dang bstan pa dang / bshad pa dang / tshul bzhin du yid la byed pa'i bar dag la bar chad 'byung bar mi 'gyur bar myur ba nyid du yi ger bri bar bya zhing myur ba nyid du bsgom par bya'o/ /de ci'i phyir zhe na/ rab 'byor rigs kyi bu 'am rigs kyi bu mo des gal te shes rab kyi pha rol du phyin pa zab mo 'di zla ba gcig gis</font><hr>35.115a<br><font size=+1>

yi ger bri bar bya na yang des de bzhin du yi ger bri bar bya/ gal te zla ba gnyis sam/ gsum 'am/ bzhi 'am/ lnga 'am/ drug gam/ bdun nam lo'i bar gyis yi ger bri bar bya na yang des de bzhin du yi ger bri bar bya/ gal te lo'i bar gyis bshad pa dang / kha ton du bya ba dang / rab tu bstan par bya ba dang tshul bzhin du yid la bya ba dang bsgom par bya na yang des de bzhin du bsgom par bya ba'i phyir ro/ /de ci'i phyir zhe na/ rab 'byor rin po che chen po 'di la bar chad mang du 'byung bar 'gyur ba'i phyir ro/ /rab 'byor gyis gsol pa/ bcom ldan 'das bdud sdig can 'di lta ste/ shes rab kyi pha rol du phyin pa zab mo 'di yi ger mi bri ba dang / mi klag pa dang kha ton du mi bgyi ba dang / tshul bzhin du yid la mi bgyi ba dang / bsgom par mi bgyi ba'i slad du bar chad bgyid par mi 'gyur lags sam/ bcom ldan 'das kyis bka' stsal pa/ rab 'byor bdud sdig can ni 'di lta ste/ shes rab kyi pha rol du phyin pa zab mo 'di ci nas kyang yi ger mi bri ba dang / mi klag pa dang kha ton du mi bya ba dang / mi bsgom par bya ba'i bar gyi phyir bar chad bya bar brtson mod kyi/ 'on kyang byang chub sems dpa' sems dpa' chen po shes rab kyi pha rol du phyin pa zab mo 'di yi ger 'dri ba dang / klog pa dang / kha ton du byed pa dang tshul bzhin du yid la byed pa dang / sgom pa rnams la bar chad byed mi nus so/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das su'i mthus na/ byang chub sems dpa' sems dpa' chen po shes rab kyi pha rol du phyin pa zab mo 'di yi ger 'dri ba dang / klog pa dang sgom pa'i bar dag la bdud sdig can gyis bar chad bgyid par rngo mi thogs pa lags/ bcom ldan 'das kyis bka' stsal pa/ shA ri'i bu sangs rgyas kyi mthus na/ byang chub sems dpa' sems dpa' chen po shes rab kyi pha rol du phyin pa</font><hr>35.115b<br><font size=+1>

zab mo 'di yi ger 'dri ba dang / klog pa dang 'chang ba dang / kha ton du byed pa dang / tshul bzhin du yid la byed pa dang / sgom pa dag la bdud sdig can bar chad byed mi nus so/ /shA ri'i bu gang yang phyogs bcu kun na/ sangs rgyas bcom ldan 'das gang dag bzhugs te 'tsho zhing gzhes pa'i sangs rgyas bcom ldan 'das de dag gi mthu dang / sangs rgyas bcom ldan 'das de dag byang chub sems dpa' sems dpa' chen po de la dgongs shing phan 'dogs par 'gyur te/ sangs rgyas bcom ldan 'das de dag gis dgongs shing phan btags pa'i byang chub sems dpa' sems dpa' chen po shes rab kyi pha rol du phyin pa zab mo 'di yi ger 'dri ba dang / klog pa dang / ston pa dang / kha ton du byed pa dang / tshul bzhin du yid la byed pa dang / sgom pa rnams la bdud sdig can bar chad byed mi nus so/ /de ci'i phyir zhe na/ shA ri'i bu 'di ltar sangs rgyas kyis yongs su gzung ba'i byang chub sems dpa' sems dpa' chen po shes rab kyi pha rol du phyin pa zab mo 'di yi ger 'dri ba dang / klog pa dang kha ton du byed pa dang / 'chang ba dang / tshul bzhin du yid la byed pa dang / sgom pa rnams la bdud sdig can bar chad byed mi nus pa'i phyir ro/ /de ci'i phyir zhe na/ shA ri'i bu phyogs bcu kun gyi 'jig rten gyi khams tshad med grangs med pa dag na/ de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa gang dag bzhugs te/ 'tsho zhing gzhes pa de dag byang chub sems dpa' sems dpa' chen po gang shes rab kyi pha rol du phyin pa zab mo 'di yi ger 'dri ba dang / klog pa dang / kha ton du byed pa dang / 'chang ba dang / tshul bzhin du yid la byed cing sgom pa de la dgongs par 'gyur ba ni chos nyid yin pa'i phyir ro/ /shA ri'i bu rigs kyi bu 'am rigs kyi bu mo shes rab kyi pha rol du phyin pa zab mo 'di yi ger 'dri ba dang / klog pa dang kha ton du byed pa dang / </font><hr>35.116a<br><font size=+1>

ston pa dang / tshul bzhin du yid la byed pa dang / sgom pa des kyang 'di ltar bdag ni sangs rgyas kyi mthus/ shes rab kyi pha rol du phyin pa 'di yi ger 'dri'o/ /klog go/ /kha ton du byed do/ /ston to/ /tshul bzhin du yid la byed do/ /sgom mo snyam du rig par bya'o/ /shA ri'i bus gsol pa/ bcom ldan 'das rigs kyi bu 'am rigs kyi bu mo gang shes rab kyi pha rol du phyin pa zab mo 'di yi ger 'dri ba dang / klog pa dang kha ton du bgyid pa dang / ston pa dang sgom pa dang / tshul bzhin du yid la bgyid pa de dag thams cad sangs rgyas kyi mthu lags sam/ kun kyang sangs rgyas kyis yongs su gzung ba lags sam/ bcom ldan 'das kyis bka' stsal pa/ shA ri'i bu de de bzhin te/ de de bzhin no/ /ji skad smras pa de bzhin te/ rigs kyi bu 'am rigs kyi bu mo gang la la shes rab kyi pha rol du phyin pa 'di yi ger 'dri ba dang / klog pa dang / lung nod pa dang / kha ton du byed pa dang / gzhan dag la yang ston par byed pa dang / tshul bzhin du yid la byed pa dang / sgom par byed pa de dag thams cad ni/ shA ri'i bu sangs rgyas kyi mthu yin pa dang kun kyang sangs rgyas kyis yongs su bzung ba yin par rig par bya'o/ /shA ri'i bus gsol pa/ bcom ldan 'das rigs kyi bu 'am rigs kyi bu mo gang dag shes rab kyi pha rol du phyin pa zab mo 'di yi ger 'dri ba dang / klog pa dang / lung nod pa dang / kha ton du bgyid pa dang / 'chad pa dang / ston pa dang sgom pa dang / tshul bzhin du yid la bgyid pa de dag ni phyogs bcu kun gyi 'jig rten gyi khams tshad ma mchis/ grangs ma mchis pa dag na/ de bzhin gshegs pa dgra bcom pa yang dag par rdzogs pa'i sangs rgyas gang dag bzhugs te 'tsho zhing gzhes pa de dag gis mkhyen lags so/ /byang chub sems dpa' sems dpa' chen po gang dag shes rab kyi pha rol du phyin pa zab mo 'di yi ger 'dri ba dang / klog pa dang lung nod pa dang / kha ton</font><hr>35.116b<br><font size=+1>

du bgyid pa dang / 'chad pa dang / ston pa dang sgom pa dang / tshul bzhin du yid la bgyid pa de dag ni sangs rgyas bcom ldan 'das de dag gis sangs rgyas kyi spyan gyis gzigs shing thugs su chud lags so/ /bcom ldan 'das kyis bka' stsal pa/ shA ri'i bu de de bzhin no/ /de de bzhin te/ rigs kyi bu 'am rigs kyi bu mo gang dag shes rab kyi pha rol du phyin pa 'di yi ger 'dri ba dang / klog pa dang / lung nod pa dang / kha ton du byed pa dang / 'chad pa dang / ston pa dang sgom pa dang / tshul bzhin du yid la byed cing / de bzhin nyid du sgrub par byed pa de dag ni phyogs bcu kun gyi de bzhin gshegs pa dgra bcom pa yang dag par rdzogs pa'i sangs rgyas de dag gis mkhyen to/ /byang chub sems dpa' sems dpa' chen po de dag ni sangs rgyas bcom ldan 'das de dag gis sangs rgyas kyi spyan gyis gzigs shing thugs su chud de/ shA ri'i bu theg pa chen po pa'i rigs kyi bu 'am rigs kyi bu mo de dag ni bla na med pa yang dag par rdzogs pa'i byang chub dang nye bar 'gyur ba yin no/ /shA ri'i bu byang chub sems dpa'i theg pa pa'i rigs kyi bu 'am rigs kyi bu mo gang dag shes rab kyi pha rol du phyin pa zab mo 'di 'dzin par 'gyur ba'i rigs kyi bu 'am rigs kyi bu mo de dag ni shes rab kyi pha rol du phyin pa zab mo 'di la mos pa mang bar 'gyur zhing / me tog dang / bdug pa dang spos dang / me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis shes rab kyi pha rol du phyin pa zab mo 'di la sti stang du byed/ bla mar byed/ ri mor byed mchod pa byed par 'gyur te/ shA ri'i bu byang chub sems dpa' sems dpa' chen po de dag dang / rigs kyi bu 'am rigs kyi bu mo de dag kyang / de bzhin gshegs pas sangs rgyas kyi spyan gyis gzigs so/ /shA ri'i bu rigs kyi bu 'am rigs kyi bu mo gang shes rab kyi pha rol du phyin pa zab mo 'di yi ger bris shing 'chang ba de</font><hr>35.117a<br><font size=+1>

dag kyang don che ba dang / phan yon che ba dang / 'bras bu che ba dang / rnam par smin pa che bar 'gyur te/ dge ba'i rtsa ba des nam yang sangs rgyas bcom ldan 'das rnams dang 'bral bar mi 'gyur la/ nam yang ngan song rnams su skye bar mi 'gyur zhing / lha dang mi rnams su skyes na yang / sangs rgyas dang byang chub sems dpa' rnams dang 'bral bar mi 'gyur zhing / phyir mi ldog pa'i sa gnon par yang 'gyur ro/ /shA ri'i bu byang chub sems dpa' sems dpa' chen po de dag dang / rigs kyi bu 'am rigs kyi bu mo de dag ni dge ba'i rtsa ba des nam yang pha rol du phyin pa drug dang 'bral bar mi 'gyur ro/ /nam yang nang stong pa nyid dang / dngos po med pa'i ngo bo nyid stong pa nyid kyi bar dang 'bral bar mi 'gyur ro/ /nam yang dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam dang 'bral bar mi 'gyur ro/ /nam yang de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang 'bral bar mi 'gyur ro/ /nam yang rnam pa thams cad mkhyen pa nyid dang 'bral bar mi 'gyur ro/ /shA ri'i bu shes rab kyi pha rol du phyin pa 'di ni de bzhin gshegs pa 'das nas lho phyogs kyi rgyud na spyod par 'gyur te/ de na dge slong dang / dge slong ma dang / dge bsnyen dang / dge bsnyen ma dag shes rab kyi pha rol du phyin pa zab mo 'di yi ger 'dri ba dang / 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed par 'gyur te/ de dag dge ba'i rtsa ba des ngan 'gro log par ltung ba rnams su 'gro bar mi 'gyur zhing / lha dang mi'i phun sum tshogs pa dag nyams su myong ba dang / pha rol du phyin pa drug</font><hr>35.117b<br><font size=+1>

gis mngon par 'phags par 'gyur te/ sangs rgyas bcom ldan 'das rnams la sti stang du byed/ bla mar byed ri mo byed/ mchod pa byed cing / theg pa gsum po nyan thos kyi theg pa 'am/ rang sangs rgyas kyi theg pa 'am/ theg pa chen pos rim gyis yongs su mya ngan las 'da' bar 'gyur ro/ /shA ri'i bu shes rab kyi pha rol du phyin pa zab mo 'di lho phyogs kyi rgyud nas/ yul ba ta ni na spyod par 'gyur te/ der yang dge slong dang / dge slong ma dang / dge bsnyen dang / dge bsnyen ma dag shes rab kyi pha rol du phyin pa zab mo 'di yi ger 'dri ba dang / 'dzin pa dang 'chang ba dang / klog pa dang kun chub par byed pa dang / tshul bzhin du yid la byed par 'gyur zhing / me tog dang / bdug pa dang spos dang / me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis sti stang du byed/ bla mar byed/ ri mo byed/ mchod pa byed par 'gyur te/ de dag dge ba'i rtsa ba des ngan 'gro log par ltung ba rnams su 'gro bar mi 'gyur zhing / de dag lha dang mi'i phun sum tshogs pa dag nyams su myong ba dang / pha rol du phyin pa drug gis mngon par 'phags par 'gyur te/ sangs rgyas bcom ldan 'das rnams la mchod pa byed cing / theg pa gsum po nyan thos kyi theg pa dang / rang sangs rgyas kyi theg pa dang / theg pa chen pos rim gyis nges par 'byung bar 'gyur ro/ /shA ri'i bu shes rab kyi pha rol du phyin pa zab mo 'di yul ba ta ni nas/ byang phyogs kyi rgyud na spyod par 'gyur te/ shA ri'i bu der yang dge slong dang / dge slong ma dang / dge bsnyen dang dge bsnyen ma dag shes rab kyi pha rol du phyin pa zab mo 'di yi ger 'dri ba dang / 'dzin pa dang 'chang ba dang / klog pa dang kun chub par byed pa dang / tshul bzhin du yid la byed par 'gyur te/ de dag dge ba'i rtsa ba des ngan 'gro log</font><hr>35.118a<br><font size=+1>

par ltung ba rnams su 'gro bar mi 'gyur zhing / de dag lha dang mi'i phun sum tshogs pa dag nyams su myong ba dang / pha rol du phyin pa drug gis mngon par 'phags par 'gyur te/ sangs rgyas bcom ldan 'das rnams la mchod pa byed cing / theg pa gsum po nyan thos kyi theg pa dang / rang sangs rgyas kyi theg pa dang / theg pa chen pos rim gyis nges par 'byung bar 'gyur te/ shA ri'i bu de ltar na shes rab kyi pha rol du phyin pa zab mo 'di ni ma 'ongs pa'i dus lnga brgya tha ma la de dag ni sangs rgyas kyi mdzad pa byed par 'gyur ro/ /de ci'i phyir zhe na/ shA ri'i bu chos 'dul ba snying por gyur na/ dam pa'i chos nub par mi 'gyur ba'i phyir ro/ /shA ri'i bu rigs kyi bu dang rigs kyi bu mo gang dag shes rab kyi pha rol du phyin pa zab mo 'di yi ger 'dri ba dang / 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / de bzhin nyid du sgrub par 'gyur ba de dag ni ngas dgongs pa yin no/ /shA ri'i bu rigs kyi bu dang rigs kyi bu mo gang dag shes rab kyi pha rol du phyin pa zab mo 'di yi ger 'dri bar 'gyur ba dang / bris nas kyang me tog dang / bdug pa dang spos dang / me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis sti stang du bya ba dang / bla mar byed pa dang / ri mor byed pa dang / mchod par byed par 'gyur ba'i rigs kyi bu dang rigs kyi bu mo de dag ni dge ba'i rtsa ba des ngan 'gro log par ltung ba rnams su 'gro bar mi 'gyur zhing / lha dang mi'i phun sum tshogs pa dag nyams su myong ba dang / pha rol du phyin pa dag gis mngon par 'phags par 'gyur te/ mngon par 'phags nas kyang sangs rgyas bcom ldan 'das rnams la sti stang du byed/ bla mar byed/ ri mor byed mchod par byed cing theg pa</font><hr>35.118b<br><font size=+1>

gsum po nyan thos kyi theg pa dang / rang sangs rgyas kyi theg pa dang / theg pa chen pos rim gyis nges par 'byung bar 'gyur ro/ /de ci'i phyir zhe na/ shA ri'i bu 'di ltar rigs kyi bu dang rigs kyi bu mo de dag ni de bzhin gshegs pas sangs rgyas kyi spyan gyis gzigs shing de dag ni de bzhin gshegs pas bsngags pa dang / de dag ni de bzhin gshegs pas bstod pa yin la/ rigs kyi bu dang rigs kyi bu mo de dag ni phyogs bcu kun gyi 'jig rten gyi khams rab 'byams thams cad na sangs rgyas bcom ldan 'das gang dag bzhugs te/ 'tsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag gis kyang sangs rgyas kyi spyan gyis gzigs nas/ rigs kyi bu dang rigs kyi bu mo de dag bstod cing bsngags la rab tu bsngags pa'i phyir ro/ /shA ri'i bus gsol pa/ bcom ldan 'das slad ma'i dus slad ma'i tshe na/ shes rab kyi pha rol du phyin pa zab mo 'di byang phyogs su rgyas par 'gyur lags sam/ bcom ldan 'das kyis bka' stsal pa/ shA ri'i bu de de bzhin no/ /de de bzhin te/ shA ri'i bu phyi ma'i dus phyi ma'i tshe na/ shes rab kyi pha rol du phyin pa zab mo 'di byang phyogs su rgyas par 'gyur ro/ /shA ri'i bu phyi ma'i dus phyi ma'i tshe na de na rigs kyi bu dang rigs kyi bu mo de dag shes rab kyi pha rol du phyin pa zab mo 'di nyan par 'gyur zhing / thos nas kyang yi ger 'dri ba dang / 'dzin pa dang / 'chang ba dang klog pa dang / kun chub par byed pa dang / tshul bzhin du yid la byed cing / de bzhin nyid du sgrub par 'gyur te/ rigs kyi bu dang rigs kyi bu mo gang dag shes rab kyi pha rol du phyin pa zab mo 'di nyan par 'gyur zhing / thos nas kyang 'dzin pa dang / 'chang ba dang / klog pa dang kun chub par byed pa dang / tshul bzhin du yid la byed cing / de bzhin nyid du sgrub par byed pa de dag ni yun ring po nas theg pa la yang dag par zhugs shing sangs rgyas mang po la</font><hr>35.119a<br><font size=+1>

bsnyen bkur byas pa dang / de bzhin gshegs pa la dge ba'i rtsa ba bskyed pa yin no/ /shA ri'i bus gsol pa/ bcom ldan 'das slad ma'i tshe slad ma'i dus na/ byang phyogs logs su rigs kyi bu 'am rigs kyi bu mo gang dag shes rab kyi pha rol du phyin pa zab mo 'di nyan par 'gyur zhing thos nas kyang 'dzin pa dang / 'chang ba dang klog pa dang / kun chub par bgyid pa dang / tshul bzhin du yid la bgyid cing / de bzhin nyid du sgrub par 'gyur ba'i rigs kyi bu 'am rigs kyi bu mo ji snyed cig 'byung bar 'gyur lags/ bcom ldan 'das kyis bka' stsal pa/ shA ri'i bu phyi ma'i tshe phyi ma'i dus na/ byang phyogs logs su byang chub sems dpa' sems dpa' chen po ni mang du 'byung mod kyi/ shA ri'i bu gang dag shes rab kyi pha rol du phyin pa zab mo 'di nyan par 'gyur ba dang / thos nas kyang yi ger 'dri ba dang / 'dzin pa dang 'chang ba dang / klog pa dang kun chub par byed pa dang / tshul bzhin du yid la byed cing / de bzhin nyid du sgrub par byed pa'i byang chub sems dpa' sems dpa' chen po dang / rigs kyi bu 'am rigs kyi bu mo dag ni mang po mi 'byung ste/ byang chub sems dpa' sems dpa' chen po dang / rigs kyi bu dang rigs kyi bu mo de dag ni shes rab kyi pha rol du phyin pa zab mo 'di bshad pa thos na/ mi skrag mi dngang zhing dngang bar mi 'gyur ro/ /de ci'i phyir zhe na/ rigs kyi bu dang / rigs kyi bu mo de dag gis/ de bzhin gshegs pa dgra bcom pa yang dag par rdzogs pa'i sangs rgyas rnams kyi phyir bzhin 'brang zhing yongs su zhu ba dang / yongs su dri ba dag byas pa'i phyir ro/ /de ci'i phyir zhe na/ rigs kyi bu dang rigs kyi bu mo de dag shes rab kyi pha rol du phyin pa yongs su rdzogs par 'gyur zhing / de bzhin du rigs kyi bu dang rigs kyi bu mo de dag bsam gtan gyi pha rol du phyin pa dang / brtson 'grus kyi pha rol du phyin pa dang / </font><hr>35.119b<br><font size=+1>

bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yongs su rdzogs par 'gyur ba dang / rigs kyi bu dang rigs kyi bu mo de dag nang stong pa nyid dang / dngos po med pa'i ngo bo nyid stong pa nyid kyi bar dag yongs su rdzogs par 'gyur ba dang / rigs kyi bu dang rigs kyi bu mo de dag dran pa nye bar gzhag pa rnams yongs su rdzogs par 'gyur ba dang / rigs kyi bu dang rigs kyi bu mo de dag yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam yongs su rdzogs par 'gyur ba dang / rigs kyi bu dang rigs kyi bu mo de dag stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams yongs su rdzogs par 'gyur ba'i phyir ro/ /shA ri'i bu rigs kyi bu dang rigs kyi bu mo de dag ni dge ba'i rtsa bas nye bar brtan cing / bla na med pa yang dag par rdzogs pa'i byang chub 'di las brtsams nas/ de dag skye bo mang po'i don byed par 'gyur ro/ /de ci'i phyir zhe na/ shA ri'i bu 'di ltar rigs kyi bu dang rigs kyi bu mo de dag la ngas rnam pa thams cad mkhyen pa nyid dang ldan pa'i gtam brjod cing / 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag byung bar gyur pa'i sangs rgyas bcom ldan 'das de dag gis kyang rigs kyi bu dang rigs kyi bu mo de dag la rnam pa thams cad mkhyen pa nyid dang ldan pa'i gtam brjod pas/ de dag tshe rabs rjes na yang 'di ltar spyod par 'gyur te/ 'di lta ste/ bla na med pa yang dag par rdzogs pa'i byang chub las brtsams shing / de dag de lta bu'i gtam brjod par 'gyur ba'i phyir ro/ /bdud dam bdud kyi ris kyi lha rnams kyis kyang / rigs kyi bu dang rigs kyi bu mo de dag bla na med pa yang dag par rdzogs pa'i byang chub las dbye bar</font><hr>35.120a<br><font size=+1>

mi nus na/ gang dag shes rab kyi pha rol tu phyin pa zab mo 'di spong zhing / sdig pa la mos pa dang / sdig pa spyod pa gzhan dag gis lta smos kyang ci dgos/ shA ri'i bu byang chub sems dpa' sems dpa' chen po dang / rigs kyi bu dang rigs kyi bu mo de dag ni shes rab kyi pha rol du phyin pa zab mo 'di thos na/ dga' ba dang / mchog tu dga' ba rgya chen po 'thob par 'gyur zhing / 'di lta ste/ bla na med pa yang dag par rdzogs pa'i byang chub las brtsams te/ skye bo mang po dge ba'i rtsa ba rnams la 'god par yang 'gyur ro/ /rigs kyi bu dang rigs kyi bu mo de dag gis nga'i mngon sum du 'di skad du bcom ldan 'das bdag cag byang chub sems dpa'i spyad pa spyod pa na/ srog chags brgya phrag mang po dang / srog chags stong phrag mang po dang / srog chags 'bum phrag mang po dag dge ba'i chos rnams la dgod par bgyi zhing / 'di lta ste/ bla na med pa yang dag par rdzogs pa'i byang chub las brtsams te/ byang chub la dgod par bgyi/ yang dag par bstan par bgyi yang dag par 'dzin du gzhug par bgyi/ yang dag par gzeng bstod par bgyi/ yang dag par rab tu dga' bar bgyi zhing / phyir mi ldog pa nyid du lung bstan par bgyi'o zhes tshig tu yang brjod do/ /de ci'i phyir zhe na/ byang chub sems dpa'i theg pa pa'i rigs kyi bu dang rigs kyi bu mo de dag gis tshig de skad brjod pa'i sems la de bzhin gshegs pa dgra bcom pa yang dag par rdzogs pa'i sangs rgyas rnams kyi thugs kyi rnam par gzigs shing rjes su yi rang la/ shA ri'i bu byang chub sems dpa' sems dpa' chen po de dag byang chub kyi phyir spyod pa na/ srog chags brgya phrag mang po dang / srog chags stong phrag mang po dang / srog chags 'bum phrag mang po dag la bla na med pa yang dag par rdzogs pa'i byang chub yang dag par bstan</font><hr>35.120b<br><font size=+1>

par bya/ yang dag par 'dzin du gzhug par bya/ yang dag par gzeng bstod par bya/ yang dag par rab tu dga' bar bya zhing / bla na med pa yang dag par rdzogs pa'i byang chub la dgod par bya'o zhes zer ba'i tshig de la ngas kyang rjes su yi rang bar byas pa'i phyir ro/ /rigs kyi bu dang rigs kyi bu mo de dag gis 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyi spyan sngar yang 'di skad du bdag cag byang chub sems dpa'i spyad pa spyod pa na/ srog chags brgya phrag mang po dang / srog chags stong phrag mang po dang / srog chags 'bum phrag mang po dag bla na med pa yang dag par rdzogs pa'i byang chub la dgod par bgyi/ yang dag par bstan par bgyi/ yang dag par 'dzin du gzhug par bgyi/ yang dag par gzeng bstod par bgyi/ yang dag par rab tu dga' bar bgyi zhing / phyir mi ldog pa nyid du lung bstan par bgyi'o zhes tshig tu yang brjod do/ /de ci'i phyir zhe na/ 'di ltar byang chub sems dpa' sems dpa' chen po dang / rigs kyi bu dang rigs kyi bu mo de dag gis tshig de skad brjod pa'i sems la 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis thugs kyis rnam par gzigs shing / rjes su yi rang bar mdzad la/ shA ri'i bu byang chub sems dpa' sems dpa' chen po de dag byang chub kyi phyir spyod pa na/ srog chags brgya phrag mang po dang / srog chags stong phrag mang po dang / srog chags 'bum phrag mang po dag la bla na med pa yang dag par rdzogs pa'i byang chub yang dag par bstan par bya/ yang dag par 'dzin du gzhug par bya/ yang dag par gzeng bstod par bya/ yang dag par rab tu dga' bar bya zhing bla na med pa yang dag par rdzogs pa'i byang chub la dgod par bya'o zhes</font><hr>35.121a<br><font size=+1>

zer ba'i tshig de la ngas kyang rjes su yi rang ba byas pa'i phyir ro/ /shA ri'i bu rigs kyi bu dang rigs kyi bu mo de dag ni gzugs dang / sgra dang dri dang ro dang / reg bya dang chos rnams la mos pa rlabs chen po 'byung bar 'gyur zhing / de dag sbyin pa rgya chen po dag gtong bar yang 'gyur ro/ /de dag gis sbyin pa rgya chen po dag btang bas/ dge ba'i rtsa ba rgya chen po dag mngon par 'du byed par 'gyur ro/ /dge ba'i rtsa ba rgya chen po dag mngon par 'du byas pas rnam par smin pa rgya chen po yongs su 'dzin par 'gyur ro/ /rnam par smin pa rgya chen po yongs su bzung bas/ sems can de dag nyid kyi don du rnam par smin pa las/ rnam par smin pa rgya chen po yongs su 'dzin par 'gyur zhing / sems can de dag nyid la phyi dang nang gi dngos po thams cad yongs su gtong bar 'gyur te/ de dag dge ba'i rtsa ba des gang na de bzhin gshegs pa dgra bcom pa yang dag par rdzogs pa'i sangs rgyas dag mngon sum du gyur cing / chos ston pa'i sangs rgyas kyi zhing gzhan dag la dmigs par yang 'gyur te/ de dag gis sangs rgyas kyi zhing der shes rab kyi pha rol du phyin pa 'di nyid thos nas kyang srog chags brgya phrag mang po dang / srog chags stong phrag mang po dang / srog chags 'bum phrag mang po dag bla na med pa yang dag par rdzogs pa'i byang chub yang dag par 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar byed par 'gyur ro/ /shA ri'i bus gsol pa/ bcom ldan 'das 'di ltar de bzhin gshegs pa dgra bcom pa yang dag par rdzogs pa'i sangs rgyas kyis gang ma mkhyen pa'i chos de gang yang mi mnga' chos nyid dang / de bzhin nyid gang mkhyen par ma gyur pa de gang yang mi mnga'/ chos bstan pa gang mkhyen par ma gyur pa de/ gang yang mi mnga'/ sems can rnams kyi spyod pa gang mkhyen par ma gyur pa de gang</font><hr>35.121b<br><font size=+1>

yang mi mnga' ste/ 'di ltar 'das pa'i byang chub sems dpa' rnams kyang thugs su chud/ 'das pa'i sangs rgyas kyi zhing rnams kyang thugs su chud/ 'das pa'i de bzhin gshegs pa rnams kyi nyan thos dag kyang thugs su chud/ ma byon pa'i de bzhin gshegs pa rnams kyi byang chub sems dpa' dag kyang thugs su chud/ ma byon pa'i de bzhin gshegs pa rnams kyi sangs rgyas kyi zhing rnams dang / nyan thos dag kyang thugs su chud/ da ltar byung ba'i de bzhin gshegs pa rnams kyi byang chub sems dpa' dag dang / sangs rgyas kyi zhing rnams dang / nyan thos dag kyang thugs su chud cing / phyogs bcu'i 'jig rten gyi khams rab 'byams dag na/ de bzhin gshegs pa dgra bcom pa yang dag par rdzogs pa'i sangs rgyas gang dag bzhugs te/ 'tsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag gis byang chub sems dpa' rnams kyang thugs su chud/ de dag gis sangs rgyas kyi zhing rnams dang / nyan thos dag kyang thugs su chud pa ni ngo mtshar lags so/ /bcom ldan 'das gang yang byang chub sems dpa' chen po dag pha rol du phyin pa drug po 'di dag gi slad du brtson par bgyid cing / de dag pha rol du phyin pa drug po 'di dag tshol ba dang yongs su tshol bar bgyid de/ rigs kyi bu dang rigs kyi bu mo de dag shes rab kyi pha rol du phyin pa 'di tshol ba dang / yongs su tshol bar bgyid pa na/ kha cig gis ni pha rol tu phyin pa drug po 'di dag tshol ba na rnyed par 'gyur lags so/ /kha cig gis ni rnyed par mi 'gyur lags so/ /bcom ldan 'das kyis bka' stsal ba / shA ri'i bu de ni de lta ma yin no/ /de ni de lta ma yin te/ rigs kyi bu dang rigs kyi bu mo brtson par mi gtong ba de dag las phal cher pha rol du phyin pa drug po 'di dag thams cad rnyed par 'gyur ro/ /de ci'i phyir zhe na/ shA ri'i bu 'di ltar rigs kyi bu dang rigs kyi bu mo de dag ni pha rol du phyin pa drug po 'di dag gis ched du</font><hr>35.122a<br><font size=+1>

brtson par byed pa'i phyir ro/ /shA ri'i bus gsol pa/ bcom ldan 'das rigs kyi bu 'am rigs kyi bu mo de dag gis pha rol du phyin pa drug dang ldan pa'i mdo sde zab mo 'di dag rnyed par 'gyur lags sam/ bcom ldan 'das kyis bka' stsal pa/ shA ri'i bu rigs kyi bu dang rigs kyi bu mo gang dag 'dun pa drag po dang / dad pa chen pos lus dang srog la mi lta bar pha rol du phyin pa drug po dag la brtson par byed pa de dag gis ni rnyed par 'gyur ro/ /de ci'i phyir zhe na/ shA ri'i bu gang dag sems can rnams bla na med pa yang dag par rdzogs pa'i byang chub la yongs su smin par byed/ yang dag par ston par byed/ yang dag par 'dzin du 'jug yang dag par gzeng bstod par byed/ yang dag par rab tu dga' bar byed/ 'dzud par byed 'god par byed pa de dag de ltar 'gyur ba'i phyir ro/ /shA ri'i bu rigs kyi bu dang rigs kyi bu mo de dag ni tshe rabs rjes na yang pha rol du phyin pa drug po 'di dag rnyed par 'gyur te/ de dag ni ji srid du sangs rgyas kyi zhing rnams yongs su dag par ma byas pa dang / sems can rnams yongs su smin par ma byas pa dang / bla na med pa yang dag par rdzogs pa'i byang chub mngon par rdzogs par sangs rgyas kyi bar du ji skad bstan pa'i pha rol du phyin pa drug po 'di dag la spyod cing / brtson 'grus rgyun chad par mi 'gyur ro/ /shes rab kyi pha rol du phyin pa khri brgyad stong pa las byang phyogs kyi rgyud kyi le'u zhes bya ste sum bcu rtsa dgu pa'o// // shes rab kyi pha rol du phyin pa khri brgyad stong pa/ bam po sum bcu rtsa gnyis pa/ de nas bcom ldan 'das la tshe dang ldan pa rab 'byor kyis 'di skad ces gsol to/ /bcom ldan 'das rigs kyi bu dang rigs kyi bu mo gang dag bla na med pa yang dag par rdzogs pa'i byang chub la yang dag par zhugs shing / pha rol du phyin pa drug la spyod pa dang / sems</font><hr>35.122b<br><font size=+1>

can rnams yongs su smin par bgyid pa dang / sangs rgyas kyi zhing yongs su 'dzin par 'gyur ba de dag gis yon tan ni/ bcom ldan 'das kyis yongs su brjod pa de dag lags na/ bcom ldan 'das rigs kyi bu dang rigs kyi bu mo de dag la bar chad du 'gyur ba ji lta bu dag 'byung bar 'gyur lags/ bcom ldan 'das kyis bka' stsal pa/ rab 'byor spobs pa ha cang 'phyi ste skye na/ de ni byang chub sems dpa' sems dpa' chen pos bdud kyi las su rig par bya'o/ /rab 'byor gyis gsol pa/ bcom ldan 'das ci'i slad du spobs pa ha cang 'phyi ste skye ba de byang chub sems dpa' sems dpa' chen pos bdud kyi las su rig par bgyi ba lags/ bcom ldan 'das kyis bka' stsal pa rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa tshegs chen pos yongs su rdzogs par byed cing / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang / tshegs chen pos yongs su rdzogs par byed na/ rab 'byor rnam grangs des spobs pa ha cang 'phyi ste skye bar 'gyur bas/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang spobs pa ha cang myur bar skye na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gyis gsol pa/ bcom ldan 'das ci'i slad du spobs pa ha cang myur bar skye ba de/ byang chub sems dpa' sems dpa' chen pos bdud kyi las su rig par bgyi ba 'am/ rab 'byor gzhan yang glal zhing stan las langs te 'gro na/ rab 'byor de yang byang chub sems dpa' sems</font><hr>35.123a<br><font size=+1>

dpa' chen pos bdud kyi las su rig par bya'o/ /rab 'byor gzhan yang glal zhing kha ton byed dam/ 'dzin tam ston tam/ glal zhing yid la byed na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang phan tshun rgod cing 'dzin par byed/ 'chang bar byed klog par byed/ kun chub par byed phan tshun rgod cing tshul bzhin du yid la byed na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang phan tshun co 'dri zhing 'dzin par byed/ 'chang bar byed klog par byed/ kun chub par byed tshul bzhin du yid la byed na/ rab 'byor de yang byang chub sems dpa' sems chen pos bdud kyi las su rig par bya'o/ /rab 'byor gzhan yang sems rnam par g.yeng zhing 'dzin par byed/ 'chang bar byed klog par byed/ kun chub par byed/ ston par byed tshul bzhin du yid la byed na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang phan tshun sems 'thun par byed cing / 'dzin par byed/ 'chang bar byed klog par byed/ kun chub par byed ston par byed/ tshul bzhin du yid la byed na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor kyis 'di skad ces gsol to/ /bcom ldan 'das gang yang bcom ldan 'das kyis 'di skad du/ 'di la nyams ma rnyed do snyam nas stan las langs te 'gro na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /zhes bka' stsal na bcom ldan 'das ci'i slad du 'di la nyams ma rnyed pa lags/ bcom ldan 'das kyis</font><hr>35.123b<br><font size=+1>

bka' stsal pa/ rab 'byor 'di ltar byang chub sems dpa' sems dpa' chen po sngon shes rab kyi pha rol du phyin pa la ma spyad pa dang / sngon bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa la ma spyad pa dang / rab 'byor 'di ltar sngon sbyin pa'i pha rol du phyin pa la ma spyad pas/ rab 'byor de'i phyir shes rab kyi pha rol du phyin pa zab mo 'di bshad pa na nyams ma rnyed par stan las langs te 'gro bar 'gyur ro/ /rab 'byor gzhan yang byang chub sems dpa' sems dpa' chen po dag 'di snyam du bdag cag ni shes rab kyi pha rol du phyin pa las lung ma bstan to snyam nas/ de dag sems ma dad cing stan las langs te 'gro na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor kyis gsol pa/ bcom ldan 'das ci'i slad du shes rab kyi pha rol du phyin pa las lung ma bstan pa dag stan las langs te mchi bar 'gyur lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po skyon med par ma zhugs pa rnams ni bla na med pa yang dag par rdzogs pa'i byang chub tu lung mi ston to/ /shes rab kyi pha rol du phyin pa 'di las bdag gis ming ma smos so snyam nas dad pa mi 'thob na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gyis gsol pa/ bcom ldan 'das ci'i slad du shes rab kyi pha rol du phyin pa zab mo 'di las byang chub sems dpa' sems dpa' chen po rnams kyi ming yongs su brjod pa ma mdzad lags/ bcom ldan 'das kyis bka' stsal pa/ rab 'byor de bzhin gshegs pa ni byang chub sems dpa' sems dpa' chen po lung ma bstan pa rnams kyi</font><hr>35.124a<br><font size=+1>

ming yongs su brjod pa mi mdzad de/ de dag ni bdag gi ming dang bdag gang du skyes pa'i grong ngam / grong khyer ram/ grong rdal yang 'di las ma smos so snyam nas/ de shes rab kyi pha rol du phyin pa mnyan par bya'o snyam du mi sems shing de 'khor de nas 'gro bar bya bar sems so/ /de ji lta ji ltar 'gro bar bya bar sems shing / 'gro ba'i sems bskyed pa ji snyed byung bar gyur pa de snyed kyi bskal pa yongs su 'dzin par 'gyur ro/ /des shes rab kyi pha rol du phyin pa spangs nas/ des mdo sde gzhan gang dag rnam pa thams cad mkhyen pa nyid thob par byed pa ma yin pa de la rnal 'byor du dang / de dag kun chub par bya'o snyam du sems te/ de ltar na byang chub sems dpa' dang / rigs kyi bu dang rigs kyi bu mo de dag ni rnam pa thams cad mkhyen pa nyid kyi shing gi rtsa ba spangs te/ yal ga dang 'dab ma dang lo ma dag la dmigs par bya bar sems pas/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gyis gsol pa/ bcom ldan 'das gang dag rnam pa thams cad mkhyen pa nyid thob par bgyid pa ma lags pa de dag ni kun chub par bgyi bar sems pa'i mdo sde dag gang lags/ bcom ldan 'das kyis bka' stsal pa/ rab 'byor gang dag nyan thos kyi theg pa pa dang ldan pa'i mdo sde rnams te/ gang la gnas na rigs kyi bu dang rigs kyi bu mo rnams kyis rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid 'thob par 'gyur ba 'di lta ste/ dran pa nye bar gzhag pa dang / yang dag par spong ba dang / rdzu 'phrul gyi rkang ba dang / dbang po dang stobs dang / byang chub kyi yan lag dang / lam rnams dang rnam par thar pa'i sgo stong pa nyid dang / mtshan ma med pa dang smon pa med pa rnams so/ /rab 'byor de dag ni nyan thos kyi theg pa dang ldan pa'i mdo sde rnams te/ </font><hr>35.124b<br><font size=+1>

shes rab kyi pha rol du phyin pa spangs nas/ rnam pa thams cad mkhyen pa nyid kyi ye shes 'thob par mi 'gyur ba de dag kun chub par bya bar sems pa yin no/ /de ci'i phyir zhe na/ rab 'byor byang chub sems dpa' sems dpa' chen po shes rab kyi pha rol du phyin pa las nges par byung ba rnams ni 'jig rten pa dang 'jig rten las 'das pa'i chos rnams kyis nges par 'byung bar 'gyur la/ rab 'byor byang chub sems dpa' sems dpa' chen po rnams shes rab kyi pha rol du phyin pa la slob pa na yang 'jig rten pa dang / 'jig rten las 'das pa'i chos rnams la slob pa'i phyir ro/ /rab 'byor 'di lta ste dper na khyi zhig gis jo bo'i drung nas zan gong bor la/ las mi las zan kham cig blang bar sems pa de bzhin du rab 'byor ma 'ongs pa'i dus na/ theg pa chen po pa'i rigs kyi bu dang rigs kyi bu mo dag shes kyi pha rol du phyin pa zab mo 'di spangs nas/ nyan thos kyi theg pa dang ldan pa dang / rang sangs rgyas kyi theg pa dang ldan pa'i mdo sde dag kun chub par bya bar sems pa dag 'byung ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang ma 'ongs pa'i dus na/ byang chub sems dpa'i theg pa pa'i rigs kyi bu dang rigs kyi bu mo shes rab kyi pha rol du phyin pa zab mo 'di spangs nas/ rnyed pa dang bkur sti'i phyir nyan thos kyi theg pa dang ldan pa dang / rang sangs rgyas kyi theg pa dang ldan pa'i mdo sde dag kun chub par bya bar sems pa dag 'byung ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor 'di lta ste dper na/ mi la la zhig glang po che 'dod par gyur la/ des glang po che rnyed nas/ yang glang po che'i rjes btsal bar sems na/ rab 'byor 'di ji snyam du sems/ mi de mkhas pa'i rang bzhin can zhig yin snyam 'am/ rab 'byor gyis gsol pa/ bcom ldan 'das de ni ma lags so/ /</font><hr>35.125a<br><font size=+1>

bcom ldan 'das kyis bka' stsal pa/ rab 'byor de bzhin du byang chub sems dpa'i theg pa pa'i rigs kyi bu 'am rigs kyi bu mo gang dag gis shes rab kyi pha rol du phyin pa zab mo 'di spangs nas/ mdo sde gang dag nyan thos kyi theg pa dang ldan pa dang / rang sangs rgyas kyi theg pa dang ldan pa de dag kun chub par bya bar sems pa de dag kyang de bzhin du rig par bya ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang 'di lta ste dper na/ mi zhig rgya mtsho chen po lta 'dod par gyur la/ des rgya mtsho chen po mthong nas/ ba lang gi rmig rjes kyi chu btsal bar sems shing / des ba lang gi rmig rjes kyi chu mthong nas/ 'di snyam du rgya mtsho chen po'i tshad kyang 'di tsam zhig yin nam snyam du sems na/ rab 'byor 'di ji snyam du sems/ mi de mkhas pa'i rang bzhin can yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du theg pa chen po pa'i rigs kyi bu dang rigs kyi bu mo gang dag gis shes rab kyi pha rol du phyin pa zab mo 'di thos sam rnyed nas de spangs te nyan thos dang / rang sangs rgyas kyi theg pa dang ldan pa'i mdo sde dag gzung bar sems pa de dag kyang de ltar rig par bya ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor 'di lta ste dper na/ shing mkhan nam/ shing mkhan gyi slob ma mkhas pa zhig khang bzangs rnam par rgyal byed kyi tshad tsam gyi khang bzangs shig rtsig 'dod par gyur la/ des nyi ma dang zla ba'i dkyil 'khor dag las tshad blang bar sems na/ rab 'byor 'di ji snyam du sems/ khang bzangs rnam par rgyal byed la dpyad nas/ rnam par rgyal byed dang mnyam pa'i khang bzangs rtsig par 'dod la/ nyi ma dang zla ba'i gzhal med khang gi dkyil 'khor dag las tshad len </font><hr>35.125b<br><font size=+1>

pa'i mi de mkhas pa'i rang bzhin can zhig yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du ma 'ongs pa'i dus na 'byung ba'i byang chub sems dpa'i theg pa pa'i rigs kyi bu dang / rigs kyi bu mo gang la la dag gis shes rab kyi pha rol du phyin pa zab mo 'di thos sam/ rnyed nas de spangs shing bor te/ nyan thos dang / rang sangs rgyas kyi theg pa dang ldan pa'i mdo sde dag las rnam pa thams cad mkhyen pa nyid btsal bar sems na/ rab 'byor 'di ji snyam du sems/ byang chub sems dpa' dang / rigs kyi bu dang rigs kyi bu mo de dag mkhas pa'i rang bzhin can du yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang 'di lta ste dper na/ mi la la zhig 'khor los sgyur ba'i rgyal po blta 'dod par gyur la/ des mkhar gyi rgyal po mthong nas/ 'di snyam du 'khor los bsgyur ba'i rgyal po'i kha dog dang / dbyibs kyang mkhar gyi rgyal po 'di ci 'dra ba de lta bu zhig yin no snyam nas des mkhar gyi rgyal po'i kha dog dang / dbyibs dang / cha lugs dang / mtshan ma dang / rtags dag bzung nas 'di skad du/ 'khor los sgyur ba'i rgyal po'i kha dog dang / dbyibs dang cha lugs dang / mtshan ma dang / rtags kyi khyad par dag kyang 'di 'dra'o zhes zer na/ rab 'byor 'di ji snyam du sems/ mi de mkhas pa'i rang bzhin can yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du ma 'ongs pa'i dus na 'byung ba'i theg pa chen po pa'i rigs kyi bu dang rigs kyi bu mo gang</font><hr>35.126a<br><font size=+1>

dag kha cig gis shes rab kyi pha rol du phyin pa zab mo 'di thos sam rnyed nas de bor zhing spangs te/ nyan thos dang rang sangs rgyas kyi theg pa dang ldan pa'i mdo sde dag las rnam pa thams cad mkhyen pa nyid btsal zhing kun chub par bya'o snyam du sems na/ rab 'byor 'di ji snyam du sems/ theg pa chen po pa'i rigs kyi bu dang rigs kyi bu mo de dag mkhas pa'i rang bzhin can yin snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang rigs kyi bu dang / rigs kyi bu mo gang dag shes rab kyi pha rol du phyin pa zab mo 'di yi ger 'dri ba na/ de dag rnam par g.yengs shing 'dri bar 'gyur pa spobs pa mang du 'byung ste/ 'di lta ste gzugs la spobs pa dang / sgra dang dri dang ro dang reg bya dang / chos la spobs pa dang / sbyin pa'i pha rol du phyin pa la spobs pa dang / tshul khrims dang bzod pa dang / brtson 'grus dang bsam gtan dang / shes rab kyi pha rol du phyin pa la spobs pa dang / 'dod pa'i khams dang gzugs kyi khams dang / gzugs med pa'i khams la spobs pa dang / lung nod pa dang kha ton bya ba la spobs pa dang / zhal ta bya ba la spobs pa dang / dran pa nye bar gzhag pa la spobs pa dang / yang dag par spong ba dang / rdzu 'phrul gyi rkang pa dang / dbang po dang / stobs dang byang chub kyi yan lag dang / lam la spobs pa dang bsam gtan dang / rnam par thar pa dang ting nge 'dzin dang / snyoms par 'jug pa thams cad la spobs pa dang / nang stong pa nyid la spobs pa dang / dngos po med pa'i ngo bo nyid stong pa nyid kyi bar la spobs pa dang / stobs la spobs pa dang mi 'jigs pa dang / so so yang dag par rig pa dang / sangs rgyas kyi chos ma 'dres pa la spobs pa dang bla na med pa yang dag par rdzogs pa'i byang chub kyi bar la spobs</font><hr>35.126b<br><font size=+1>

pa dag skye bar 'gyur ro/ /de ci'i phyir zhe na/ rab 'byor shes rab kyi pha rol du phyin pa ni spobs pa med pa yin la/ rab 'byor shes rab kyi pha rol du phyin pa ni bsam gyis mi khyab pa dang / rab 'byor shes rab kyi pha rol du phyin pa ni skye ba med cing 'gag pa med pa dang / rab 'byor shes rab kyi pha rol du phyin pa ni kun nas nyon mongs pa med cing rnam par byang ba med pa dang / rab 'byor shes rab kyi pha rol du phyin pa ni rnam par g.yeng ba med pa dang / rab 'byor shes rab kyi pha rol du phyin pa ni brjod du med pa dang / rab 'byor shes rab kyi pha rol du phyin pa ni smrar med pa dang / rab 'byor shes rab kyi pha rol du phyin pa ni rab tu brjod du med pa dang / rab 'byor shes rab kyi pha rol du phyin pa ni dmigs su med pa yin pa'i phyir ro/ /de ci'i phyir zhe na/ rab 'byor 'di ltar shes rab kyi pha rol du phyin pa zab mo 'di la ni chos de dag thams cad yod pa ma yin pa'i phyir ro/ /rab 'byor gal te byang chub sems dpa'i theg pa pa'i rigs kyi bu 'am rigs kyi bu mo shes rab kyi pha rol du phyin pa zab mo 'di yi ger 'dri ba na/ chos de dag la rnam par g.yeng bar byed na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gyis gsol pa/ bcom ldan 'das shes rab kyi pha rol du phyin pa yi ger bri bar rngo thog lags sam/ bcom ldan 'das kyis bka' stsal pa/ rab 'byor de ni mi nus so/ /de ci'i phyir zhe na/ rab 'byor shes rab kyi pha rol du phyin pa ni rang bzhin med pa yin la/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni rang bzhin med pa yin zhing / stong pa nyid thams cad dang byang chub kyi phyogs kyi chos sum bcu rtsa bdun dang / stobs bcu dang mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyang rang bzhin med pa yin la/ </font><hr>35.127a<br><font size=+1>

rnam pa thams cad mkhyen pa nyid kyang rang bzhin med pa yin te/ gang la rang bzhin med pa de ni dngos po med pa yin la/ gang la dngos po med pa de ni shes rab kyi pha rol du phyin pa yin pas na/ dngos po med pas dngos po med pa bri bar mi nus pa'i phyir ro/ /rab 'byor gal te theg pa chen po pa'i rigs kyi bu dang rigs kyi bu mo dag shes rab kyi pha rol du phyin pa zab mo 'di dngos po med ces bya bar 'du shes na/ rab 'byor de yang de dag gis bdud kyi las su rig par bya'o/ /rab 'byor gyis gsol pa/ bcom ldan 'das theg pa chen po pa'i rigs kyi bu dang rigs kyi bu mo gang la la dag gis shes rab kyi pha rol du phyin pa zab mo 'di yi ge 'bru dag gis yi ger bris nas/ shes rab kyi pha rol du phyin pa zab mo 'di bdag gis bris so snyam du sems na/ de shes rab kyi pha rol du phyin pa zab mo 'di la yi ge rnams su mngon par zhen pa lags pas/ bcom ldan 'das de yang de dag gis bdud kyi las su rig par bgyi lags so/ /de ci'i slad du zhe na/ bcom ldan 'das shes rab kyi pha rol du phyin pa ni yi ge ma mchis pa lags la/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa yang yi ge ma mchis pa dang / sbyin pa'i pha rol du phyin pa yang yi ge ma mchis pa dang / bcom ldan 'das gzugs kyang yi ge ma mchis pa dang tshor ba dang / 'du shes dang 'du byed rnams dang rnam par shes pa yang yi ge ma mchis pa dang / bcom ldan 'das khams rnams kyang yi ge ma mchis pa dang / skye mched rnams kyang yi ge ma mchis pa dang / rnam par thar pa rnams kyang yi ge ma mchis pa dang / byang chub kyi phyogs kyi chos sum bcu rtsa bdun yang yi ge ma mchis pa dang / stobs rnams dang mi 'jigs pa rnams dang so so yang dag par rig pa rnams dang / sangs rgyas kyi chos ma 'dres pa bcwa brgyad kyang yi ge ma mchis pa dang rnam pa thams</font><hr>35.127b<br><font size=+1>

cad mkhyen pa nyid kyang yi ge ma mchis pa'i slad du'o/ /bcom ldan 'das gal te theg pa chen po pa'i rigs kyi bu 'am rigs kyi bu mo shes rab kyi pha rol du phyin pa ni yi ge ma mchis pa lags so snyam du mngon par zhen pa dang / de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni yi ge ma mchis pa lags so/ /snyam du mngon par zhen pa dang de bzhin du byang chub kyi phyogs kyi chos sum bcu rtsa bdun dang / rnam par thar pa'i sgo rnams dang stobs rnams dang / mi 'jigs pa rnams dang / so so yang dag par rig pa rnams dang sangs rgyas kyi chos ma 'dres pa bcwa brgyad kyang yi ge ma mchis pa lags so snyam du mngon par zhen pa dang / bcom ldan 'das gal te byang chub sems dpa' sems dpa' chen po 'di snyam du rnam pa thams cad mkhyen pa nyid kyang yi ge ma mchis pa lags so snyam du mngon par zhen na/ bcom ldan 'das de yang bdud kyi las su rig par bgyi'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ de yang bdud kyi las su rig par bya ba yin no rab 'byor gzhan yang byang chub sems dpa' dang / rigs kyi bu dang rigs kyi bu mo de dag shes rab kyi pha rol du phyin pa zab mo 'di yi ger 'dri ba na/ ljongs kyi rnam par rtog pa kun du 'byung bar 'gyur na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang theg pa chen po pa'i rigs kyi bu dang rigs kyi bu mo dag shes rab kyi pha rol du phyin pa zab mo 'di yi ger 'dri ba na grong yid la byed pa dang grong khyer yid la byed pa dang / rgyal po'i pho brang yid la byed pa dang / yul yid la byed pa dang bla ma dang mkhan po yid la byed pa dang / pha ma dang phu nu dang / sring mo dang nye du dang snag gi gnyen mtshams</font><hr>35.128a<br><font size=+1>

dang ldan pa'i yid la byed pa dag dang / rkun po yid la byed pa dang / gdol pa dang ldan pa'i yid la byed pa dag dang 'jig rten dang ldan pa dang / smad 'tshong ma dang ldan pa'i rnam par rtog pa yid la byed pa 'di dag dang / yid la byed pa gzhan dag 'byung bar 'gyur na/ shes rab kyi pha rol du phyin pa zab mo 'di lung nod pa dang / kha ton du byed pa dang / tshul bzhin du yid la byed pa na/ bdud sdig can bar chad dang rnam par g.yeng ba dag nye bar sgrub par 'gyur bas na rab 'byor de dag kyang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang byang chub sems dpa'i theg pa pa'i rigs kyi bu dang rigs kyi bu mo dag shes rab kyi pha rol du phyin pa zab mo 'di yi ger 'bri ba'i tshe/ rnyed pa dang bkur sti dang tshigs su bcad pa dag dang / gos dang zas dang mal cha dang stan dang nad kyi gsos sman dang / yo byad dag 'byung bar 'gyur zhing / byang chub sems dpa' dang rigs kyi bu dang rigs kyi bu mo dag de'i ro myang bar byed la/ shes rab kyi pha rol du phyin pa zab mo 'di yi ger 'bri bar byed/ lung nod par byed kha ton du byed/ tshul bzhin du yid la byed na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang byang chub sems dpa' sems dpa' chen po dag shes rab kyi pha rol du phyin pa zab mo 'di yi ger 'bri ba dang / lung nod pa dang kha ton du byed pa dang tshul bzhin du yid la byed pa'i tshe/ bdud sdig can mdo sde zab mo dag nye bar sgrub par byed na de la byang chub sems dpa' thabs la mkhas pa dag gis bdud kyis nye bar bsgrubs pa'i mdo sde zab mo de dag la dga' ba bskyed par mi bya'o/ /de ci'i phyir zhe na/ rab 'byor mdo sde de dag ni rnam pa thams cad mkhyen pa nyid thob par byed pa ma yin pa'i phyir ro/ /rab 'byor de la byang chub sems dpa' sems dpa' chen po thabs</font><hr>35.128b<br><font size=+1>

la mi mkhas pa dag ni shes rab kyi pha rol du phyin pa zab mo 'di thos nas spong bar 'gyur te/ de la ngas byang chub sems dpa' sems dpa' chen po rnams la thabs mkhas pa yang rgya cher bstan te/ shes rab kyi pha rol du phyin pa zab mo 'di nyid las kyang thabs la mkhas pa dag rgya cher btsal bar bya'o/ /rab 'byor theg pa chen po pa'i rigs kyi bu dang rigs kyi bu mo shes rab kyi pha rol du phyin pa zab mo 'di spangs nas/ nyan thos dang rang sangs rgyas kyi theg pa dang ldan pa'i mdo sde dag las thabs la mkhas pa btsal bar sems na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /shes rab kyi pha rol du phyin pa khri brgyad stong pa las bdud kyi le'u zhes bya ste bzhi bcu pa'o// // rab 'byor gzhan yang chos nyan pa ni shes rab kyi pha rol du phyin pa yi ger 'bri ba dang / gzung ba dang lung nod pa dang kha ton du bya ba dang / klag par 'dun la chos smra ba ni snyoms las byed par gyur na/ rab 'byor de yang byang chub sems dpa' sems dpa' chen pos bdud kyi lus su rig par bya'o/ /rab 'byor gzhan yang chos smra ba ni shes rab kyi pha rol du phyin pa zab mo 'di yi ger bri ba dang / gzung ba dang lung dbog pa dang / kha ton du bya ba la snyoms las med par gyur la/ chos nyan pa ni yul gzhan du song bar gyur na rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni shes rab kyi pha rol du phyin pa yi ger bri bar 'dod/ lung nod par 'dod kha ton du bya bar 'dod la/ chos smra ba ni yul gzhan du song bar gyur na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni rnyed pa dang bkur sti dang / tshigs su bcad pa la gdu zhing gos dang / zas dang mal cha dang stan dang / na ba'i gsos sman dang yo byad la chags la/ </font><hr>35.129a<br><font size=+1>

chos nyan pa ni 'dod pa chung zhing chog shes pa dang / brtson 'grus brtsams pa dang / dran pa nye bar gnas pa dang mnyam par gzhag pa dang / sems rtse gcig pa dang shes rab dang ldan par gyur na/ rab 'byor de yang shes rab kyi pha rol du phyin pa'i tshogs pa dang mi ldan par 'gyur te/ byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni 'dod pa chung ba dang / chog shes pa dang / rab tu dben pa dang brtson 'grus brtsams pa dang / dran pa nye bar gnas pa dang mnyam par gzhag pa dang / sems rtse gcig pa dang / shes rab dang ldan par gyur la/ chos nyan pa ni 'dod pa med pa dang sdig pa 'dod pa dang rnyed pa dang bkur sti dang / tshigs su bcad pa la gdu zhing / gos dang zas dang mal cha dang / stan dang na ba'i gsos sman dang / yo byad la gdu bar gyur na rab 'byor de yang shes rab kyi pha rol du phyin pa zab mo 'di yi ger bri ba dang lung dbog pa dang / kha ton du bya ba dang tshul bzhin du yid la bya ba'i tshogs pa dang mi ldan par 'gyur te/ byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni dgon pa pa dang bsod snyoms pa dang / phyag dar khrod pa dang / zas phyis mi len pa dang stan gcig pa dang / rnyed pas chog pa'i bsod snyoms pa dang / dur khrod pa dang / bla gab med pa dang shing drung pa dang / cog bu pa dang gzhi ji bzhin pa dang / chos gos gsum par gyur la/ chos nyan pa ni dgon pa pa dang / chos gos gsum pa'i bar dag la ma mos par gyur na/ rab 'byor de yang shes rab kyi pha rol du phyin pa zab mo 'di yi ger bri ba dang lung dbog pa dang kha ton du bya ba'i tshogs pa dang mi ldan par 'gyur te/ byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni dgon pa pa dang / </font><hr>35.129b<br><font size=+1>

chos gos gsum pa'i bar dag du gyur la/ chos smra ba ni dgon pa pa dang chos gos gsum pa'i bar dag du ma gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / lung mnod pa dang kha ton du bya ba dang tshul bzhin du yid la bya ba'i bar gyi tshogs pa dang mi ldan par 'gyur te/ byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni dad cing dge ba'i chos rnams dang shes rab kyi pha rol du phyin pa zab mo 'di yi ger 'bri bar 'dod pa dang / 'dzin par 'dod pa dang lung mnod par 'dod pa dang / kha ton byed par 'dod par gyur la chos smra ba ni ma dad cing / mi dge ba'i chos rnams 'dod pa dang / shes rab kyi pha rol du phyin pa zab mo 'di yi ger 'bri ba dang / sbyin par mi 'dod la don gyi tshogs 'dzin par mi 'dod na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni bdog pa thams cad yongs su gtong zhing sems la 'dzin pa med par gyur la/ chos nyan pa ni ser sna can du gyur cing / 'dod pa che ba dang / sdig pa 'dod pa dang rnyed pa dang / bkur sti dang tshigs su bcad pa la gdu ba dang / gos dang zas dang / mal cha dang stan dang / na ba'i gsos sman dang / yo byad la gdu bar gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / lung dbog pa dang / kha ton du bya ba dang tshul bzhin du yid la bya ba'i bar gyi tshogs pa dang mi ldan par 'gyur te/ byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni bdog pa thams cad yongs su gtong zhing / sems la 'dzin pa med par gyur la/ chos smra ba ni ser sna can dang / 'jungs par gyur na/ rab 'byor de yang shes rab kyi pha rol du phyin pa zab mo 'di yi ger bri ba dang lung mnod pa dang / </font><hr>35.130a<br><font size=+1>

kha ton du bya ba dang tshul bzhin du yid la bya ba'i bar dag gi tshogs pa dang mi ldan par 'gyur te/ byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni chos smra ba la gos dang zas dang / mal cha dang stan dang / na ba'i gsos sman dang / yo byad dag yongs su gtong bar 'dod la/ chos smra ba ni len par mi 'dod par gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / kha ton du bya ba dang tshul bzhin du yid la bya ba'i bar dag gis tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni mgo smos pas go ba yin la/ chos nyan pa ni bkri dgos pa dang / rnam par spros pas go ba dang tshig lhur len pa yin na rab 'byor de yang shes rab kyi pha rol du phyin pa zab mo 'di yi ger bri ba dang / lung dbog pa dang / kha ton du bya ba dang tshul bzhin du yid la bya ba'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni mgo smos pas go ba yin la/ chos smra ba ni bkri dgos pa dang / rnam par spros pas go ba dang / tshig lhur len pa yin na/ rab 'byor de yang shes rab kyi pha rol du phyin pa zab mo 'di yi ger bri ba dang / lung mnod pa dang / kha ton du bya ba dang / tshul bzhin du yid la bya ba'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni mdo'i sde dang dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / rtogs pa brjod pa'i sde dang / gleng gzhi'i sde dang de lta bu byung ba'i sde dang skyes pa'i rabs kyi sde dang / shin</font><hr>35.130b<br><font size=+1>

du rgyas pa'i sde dang / rmad du byung ba'i chos kyi sde dang / gtan la bab par bstan pa'i sde'i chos rnams kyi khyad par shes pa yin la/ chos nyan pa ni mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / rtogs pa brjod pa'i sde dang / de lta bu byung ba'i sde dang / skyes pa'i rabs kyi sde dang / gleng gzhi'i sde dang / shin du rgyas pa'i sde dang / rmad du byung ba'i chos kyi sde dang / gtan la bab par bstan pa'i sde'i chos rnams kyi khyad par mi shes na/ rab 'byor de yang shes rab kyi pha rol du phyin pa zab mo 'di yi ger bri ba dang / lung dbog pa dang / kha ton du bya ba dang / tshul bzhin du yid la bya ba'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni pha rol du phyin pa drug dang ldan par gyur la chos nyan pa ni pha rol du phyin pa drug dang mi ldan par gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / klag pa dang kha ton du bya ba dang / tshul bzhin du yid la bya ba'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni pha rol du phyin pa drug dang ldan par gyur la/ chos smra ba ni mi ldan par gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / tshul bzhin du yid la bya ba'i bar dag gi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni pha rol du phyin pa drug la thabs la mkhas pa yin la chos nyan pa ni thabs la mkhas pa ma yin na/ rab 'byor de yang shes rab kyi pha rol du phyin pa zab mo 'di yi ger bri ba dang / klag pa dang tshul bzhin du yid la bya ba'i bar dag gi tshogs pa dang mi ldan par 'gyur te/ rab 'byor de yang byang chub sems dpa' sems dpa'</font><hr>35.131a<br><font size=+1>

chen pos bdud kyi las su rig par bya'o rab 'byor gzhan yang chos nyan pa ni pha rol du phyin pa drug la thabs la mkhas pa yin la/ chos smra ba ni thabs la mkhas pa ma yin na/ rab 'byor de yang shes rab kyi pha rol du phyin pa zab mo 'di yi ger bri ba dang / tshul bzhin du yid la bya ba'i bar gyi tshogs pa dang mi ldan par gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni gzungs thob par gyur la/ chos nyan pa ni gzungs thob par ma gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / tshul bzhin du yid la bya ba'i bar gyi tshogs pa dang mi ldan par 'gyur te rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni yi ger bri bar 'dod cing / tshul bzhin du yid la bya ba'i bar du 'dod la/ chos nyan pa ni yi ger bri bar mi 'dod/ tshul bzhin du yid la bya ba'i bar du mi 'dod na/ rab 'byor de yang shes rab kyi pha rol du phyin pa zab mo 'di yi ger bri ba dang / klag pa dang bsgom par bya ba'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni yi ger bri bar 'dod cing / tshul bzhin du yid la bya ba'i bar du 'dod la/ chos smra ba ni yi ger 'bri bar mi 'dod/ tshul bzhin du yid la bya ba'i bar du mi 'dod na/ rab 'byor de yang shes rab kyi pha rol du phyin pa zab mo 'di yi ger bri ba dang / bsgom pa'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni 'dod pa la 'dun pa dang / gnod sems dang rmugs pa dang gnyid dang rgod pa dang / 'gyod pa dang the tshom dang</font><hr>35.131b<br><font size=+1>

bral bar gyur la/ chos nyan pa ni 'dod pa la 'dun pa dang / gnod sems dang rmugs pa dang gnyid dang / rgod pa dang 'gyod pa dang / the tshom dang bral bar ma gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / bsgom par 'dod pa'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni 'dod pa la 'dun pa dang / gnod sems dang / rmugs pa dang gnyid dang / rgod pa dang 'gyod pa dang / the tshom dang bral bar gyur la/ chos smra ba ni sgrib pa dang bral bar ma gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / bsgom pa'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang shes rab kyi pha rol du phyin pa zab mo 'di yi ger 'bri ba dang / bsgom pa'i bar du byed pa na/ der la la zhig 'ongs nas sems can dmyal ba rnams kyi bsngags pa ma yin pa brjod pa dang / dud 'gro'i skye gnas dang gshin rje'i 'jig rten dang yi dgas rnams kyi bsngags pa ma yin pa brjod par byed cing sems can dmyal ba rnams ni 'di ltar sdug bsngal ba'o dud 'gro'i skye gnas rnams ni 'di ltar sdug bsngal ba'o/ /yi dgas kyi yul ni 'di ltar sdug bsngal ba yin pas/ khyod kyis 'di nyid du sdug bsngal mthar phyin par gyis shig /bla na med pa yang dag par rdzogs pa'i byang chub mngon par rdzogs par sangs rgyas pas kyang khyod la ci zhig bya zhes zer na/ rab 'byor de yang shes rab kyi pha rol du phyin pa zab mo 'di yi ger bri ba dang / bsgom pa'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos</font><hr>35.132a<br><font size=+1>

bdud kyi' las su rig par bya'o/ /rab 'byor gzhan yang shes rab kyi pha rol du phyin pa zab mo 'di yi ger 'bri ba dang / sgom pa'i bar du byed pa na/ der la la zhig 'ongs nas/ rgyal chen bzhi'i ris kyi lha rnams kyi bsngags pa brjod par byed pa dang / 'du shes med 'du shes med min skye mched du nye bar 'gro ba'i bar gyi lha rnams kyi bsngags pa brjod par byed cing / 'dod pa'i khams ni 'dod pa'i longs spyod rnams kyis 'di ltar skyed do/ /gzugs kyi khams ni bsam gtan dang snyoms par 'jug pa rnams kyis 'di ltar bde'o/ /gzugs med pa'i khams ni zhi ba dang / snyoms par 'jug pa rnams kyis 'di ltar bde ste/ de dag thams cad kyang mi rtag pa/ sdug bsngal ba bdag gi ba med pa/ rnam par 'gyur ba'i chos can zad pa'i chos can/ 'dod chags dang bral ba'i chos can 'gog pa'i chos can yin pas/ khyod kyis 'di nyid du rgyun du zhugs pa'i 'bras bu thob par gyis shig /lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub thob par gyis shig /yun ring por 'khor ba na 'khor bar gyur ta re zhes zer na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni gcig pu gnyis su med par gyur cing / rang gis byed pa yin la/ chos nyan pa ni 'khor dang lhan cig tu spyod pa yin na/ rab 'byor de yang shes rab kyi pha rol du phyin pa zab mo 'di yi ger bri ba dang / klag pa dang kha ton du bya ba dang / bsgom pa'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni gcig pu gnyis su med par gyur cing / rang gis byed pa yin la/ chos smra ba ni 'khor dang lhan cig tu spyod par</font><hr>35.132b<br><font size=+1>

gyur na rab 'byor de yang shes rab kyi pha rol du phyin pa zab mo 'di yi ger bri ba dang / lung mnod pa dang kha ton du bya ba dang / tshul bzhin du yid la bya ba'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni 'di skad du gang zag nga'i phyi bzhin du 'brang ba de la ngas shes rab kyi pha rol du phyin pa 'di yi ger bri ba dang / tshul bzhin du yid la bya ba'i bar dag sbyin par bya'o zhes zer la/ chos nyan pa ni phyi bzhin 'brang bar mi 'gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / sgom par bya ba'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni chos smra ba'i phyi bzhin 'brang bar 'dod la/ chos smra ba ni phyi bzhin 'brang ba'i skabs 'byed par mi byed na rab 'byor de yang shes rab kyi pha rol du phyin pa zab mo 'di yi ger bri ba dang / bshad pa dang bsgom pa'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni zang zing cung zad tsam gyi phyir shes rab kyi pha rol du phyin pa zab mo 'di sbyin pa dang / yi ger bri ba dang / lung dbog pa dang / kha ton du bya ba dang / bsgom pa'i bar du byed par 'dod par gyur la/ chos nyan pa ni zang zing cung zad tsam gyi phyir 'gro 'dod par mi 'gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / lung mnod pa dang / kha ton du bya ba dang / tshul bzhin du yid la bya ba dang / bsgom pa'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni yul gang du srog</font><hr>35.133a<br><font size=+1>

gi bar chad 'byung bar 'gyur ba'i yul der 'gro 'dod par gyur la/ chos nyan pa ni der 'gro bar mi 'dod na/ rab 'byor de yang shes rab kyi pha rol du phyin pa zab mo 'di yi ger bri ba dang / bsgom par bya ba'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni gang du srog gi bar chad 'byung bar 'gyur ba'i phyogs der 'gro 'dod par gyur la/ chos smra ba ni der 'gro bar mi 'dod na/ rab 'byor de yang shes rab kyi pha rol du phyin pa zab mo 'di yi ger bri ba dang / bsgom par bya ba'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni gang na kha zas dkon pa dang / chu dkon pa der 'gro bar 'dod la chos smra ba ni der 'gro bar mi 'dod na/ rab 'byor de yang shes rab kyi pha rol du phyin pa zab mo 'di yi ger bri ba dang / bsgom par bya ba'i bar dag gi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni gang na kha zas mod pa dang / chu mod pa der 'gro bar 'dod la/ chos nyan pa yang rjes su 'brang bar gyur na/ des de la 'di skad du rigs kyi bu khyod zang zing gi don du song ste ci rung / re shig bsam pa legs par soms shig /zas thob pa dang ma thob pas phyis 'gyod par gyur ta re zhes zer na/ chos smra ba des thabs phra mos chos spangs par gyur pas/ de yang yi chad nas 'di snyam du 'di ni spang bar bya ba'i mtshan ma yin gyi/ sbyin par 'dod pa'i mtshan ma ni ma yin no snyam du shes na/ rab 'byor de yang shes rab kyi pha rol du phyin pa zab mo 'di yi ger bri ba dang / bsgom par bya ba'i bar gyi tshogs pa dang mi ldan par</font><hr>35.133b<br><font size=+1>

'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang dge slong chos smra ba ni/ gang na choms rkun gyis 'jigs pa dang / gdol pas 'jigs pa dang / rngon pas 'jigs pa dang / gcan zan khro bos 'jigs pa dang / sbrul gdug pas 'jigs pa dang / dgon pa dang 'brog dgon pa dang / gcong rong gis 'jigs pa yod pa der 'gro bar 'dod la/ chos nyan pa dag kyang shes rab kyi pha rol du phyin pa zab mo 'di nyan par 'dod nas chos smra ba'i rjes su 'brang ba na/ dge slong chos smra bas de dag la 'di skad du rigs kyi bu khyed cag gang na chom rkun gyis 'jig pa dang / 'brog dgon pa dang / dgon pas 'jigs pa yod pa der song ste/ ci rung zhes smra zhing de yang dge slong chos smra ba de shes rab kyi pha rol du phyin pa zab mo 'di 'chad par mi 'dod pa dang / yi ger 'dri bar ma 'dod pa dang / lung dbog par mi 'dod pa dang / nyan du gzhug par mi 'dod pa dang / sgom du gzhug par mi 'dod pa'i phyir te/ de dag gis dge slong chos smra ba las de skad thos nas/ yi chad pa'i tshul gyis gang du dge slong chos smra ba de 'gro bar 'gyur ba der de dag 'gro bar mi 'gyur na/ rab 'byor de yang shes rab kyi pha rol du phyin pa zab mo 'di yi ger bri ba dang / bsgom par bya ba'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang dge slong chos smra ba slongs mo ster ba'i khyim la gdu bar gyur nas/ de slongs mo ster ba'i khyim la gdu ba des na/ yang dang yang du de dag gis khyim blta bar sems shing / de yang dang yang du blta bar sems pa des chos nyan pa rnams spong zhing / tshe dang ldan pa dag kho bo ni slongs mo ster ba'i khyim dag lta zhing der 'gro dgos pa zhig yod do zhes zer zhing chos nyan pa de dag spong bar byed la/ de dag kyang spangs pas phyir ldog</font><hr>35.134a<br><font size=+1>

par 'gyur na rab 'byor de yang shes rab kyi pha rol du phyin pa zab mo 'di yi ger bri ba dang / bsgom par bya ba'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig can dge slong gi cha byad dang / de bzhin gshegs pa'i cha byad du bsgyur cing ci nas kyang shes rab kyi pha rol du phyin pa zab mo 'di su yang yi ger mi 'bri ba dang / mi 'dzin pa dang / mi 'chang ba dang / kha ton du mi byed pa dang / kun chub par mi byed pa dang / tshul bzhin du yid la mi byed pa dang / mi bsgom par 'gyur ba de lta de ltar thabs sbyor bar byed do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci'i slad du bdud sdig can dge slong gi cha byad du bsgyur cing / ci nas kyang shes rab kyi pha rol du phyin pa zab mo 'di su yang yi ger mi 'bri ba dang / lung mi nod pa dang / mi klog pa dang / kha ton du mi bgyid pa dang / tshul bzhin du yid la mi bgyid pa dang / bsgom par mi 'gyur ba de lta de ltar thabs sbyor bar 'gyur lags/ bcom ldan 'das kyis bka' stsal pa/ rab 'byor 'di la bdud sdig can dge slong gi cha byad du bsgyur cing / 'di skad du 'di ni shes rab kyi pha rol du phyin pa ma yin gyi mdo' sde gang / go'o la 'ongs shing kun chub par byas pa de ni shes rab kyi pha rol du phyin pa yin no/ /zhes 'byed par byed cing 'bral bar byed do/ /rab 'byor de la bdud sdig can gyis de ltar 'byed par byed pa'i tshe/ byang chub sems dpa' gang dag lung bstan par ma gyur pa de dag ni the tshom skye bar 'gyur te/ de dag the tshom skyes nas/ shes rab kyi pha rol du phyin pa zab mo 'di yi ger 'bri bar mi 'gyur/ lung nod par mi 'gyur/ klog par mi 'gyur/ kha ton du byed par mi 'gyur/ tshul bzhin du yid la byed par mi 'gyur/ sgom par mi 'gyur na rab 'byor de yang</font><hr>35.134b<br><font size=+1>

shes rab kyi pha rol du phyin pa zab mo 'di yi ger bri ba dang / lung nod pa dang kun chub par bgyi ba dang / kha ton du bya ba dang / sgom pa dang tshul bzhin du yid la bya ba'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig can dge slong gi cha byad du bsgyur cing / byang chub sems dpa' sems dpa' chen po'i drung du 'ongs nas 'di skad du byang chub sems dpa' gang shes rab kyi pha rol du phyin pa zab mo 'di la spyod pa de ni/ yang dag pa'i mtha' mngon sum du byed cing / rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid thob pa dang rang byang chub 'thob par 'gyur ro/ /zhes zer na/ rab 'byor de yang shes rab kyi pha rol du phyin pa zab mo 'di yi ger bri ba dang / bshad pa dang bstan pa dang / bsgom par bya ba'i bar gyi tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang shes rab kyi pha rol du phyin pa zab mo 'di yi ger 'bri ba dang / 'chang ba dang / sgom pa'i bar du byed pa na gang dag bar chad byed par 'gyur ba'i bdud kyi las mang po dag 'byung bar 'gyur te/ byang chub sems dpas bdud kyi las de dag rig par bya zhing / /rig nas kyang rnam par spang bar bya'o/ /rab 'byor gyi gsol pa/ bcom ldan 'das byang chub sems dpa' sems dpa' chen pos bdud kyi las gang dag rig par bgyi zhing / rig nas kyang rnam par spang bar bgyi ba de dag gang lags/ bcom ldan 'das kyis bka' stsal pa/ rab 'byor shes rab kyi pha rol du phyin pa ltar bcos pa dang ldan pa'i bdud kyi las dag 'byung bar 'gyur ro/ /de bzhin du bsam gtan dang / brtson 'grus dang / bzod pa dang tshul khrims dang / sbyin pa'i pha rol du phyin pa ltar bcos</font><hr>35.135a<br><font size=+1>

pa dang ldan pa'i bdud kyi las dag 'byung bar 'gyur te/ de dag ni byang chub sems dpas rig nas rnam par spang bar bya ba yin no/ /rab 'byor gzhan yang nang stong pa nyid ltar bcos pa dang / dngos po med pa'i ngo bo nyid stong pa nyid kyi bar dag ltar bcos pa'i bdud kyi las dag kyang 'byung bar 'gyur ro/ /nyan thos kyi theg pa dang / rang sangs rgyas kyi theg pa dang ldan pa'i bdud kyi las dag kyang 'byung bar 'gyur te/ byang chub sems dpas de dag kyang rig nas rnam par spang bar bya'o/ /'di skad kyang smra bar 'gyur te/ khyod kyis dran pa nye bar gzhag pa bzhi po 'di dag sgoms shig /yang dag pa'i spong ba dang / rdzu 'phrul gyi rkang pa dang / dbang po dang stobs dang byang chub kyi yan lag dang / lam yang sgoms shig /rnam par thar pa'i sgo stong pa nyid dang / rnam par thar pa'i sgo mtshan ma med pa dang smon pa med pa yang sgoms shig /de dag kun chub par gyis shig /de dag kun chub par byas nas kyang / 'di nyid la rgyun du zhugs pa'i 'bras bu thob par gyis shig /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par gyis shig /bla na med pa yang dag par rdzogs pa'i byang chub mngon par rdzogs par sangs rgyas pas kyang khyod la ci zhig bya zhes zer na/ rab 'byor de yang shes rab kyi pha rol du phyin pa zab mo 'di yi ger bri ba dang / gzung ba dang bstan pa dang / lung mnod pa dang / tshul bzhin du yid la bya ba dang / bsgom par bya ba'i bar gyi tshogs pa dang mi ldan par 'gyur te/ bdud sdig can bdud kyi las 'di lta bu 'di dag nye bar sgrub par 'gyur ro/ /rab 'byor gzhan yang bdud sdig can sangs rgyas kyi cha byad dang / lus gser gyi mdog lta bu 'od 'dom gang ba dang ldan par bsgyur te 'ongs nas/ byang chub sems dpa' rnams kyis de mthong nas/ dga' ba skye bar 'gyur te de dag dga' ba skyes na/ rnam pa thams cad mkhyen pa nyid las yongs su</font><hr>35.135b<br><font size=+1>

nyams par 'gyur ro/ /rab 'byor de yang shes rab kyi pha rol du phyin pa yi ger bri ba dang / lung mnod pa dang kha ton du bya ba dang / bshad pa dang tshul bzhin du yid la bya ba'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig can gyis rigs kyi bu dang rigs kyi bu mo de dag gi mdun du sangs rgyas la sogs pa dge slong gi dge 'dun nye bar ston par 'gyur te de la byang chub sems dpa' 'dod pa skye bar 'gyur zhing / bdag kyang ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas 'di lta bur 'gyur bar bya'o/ /de bzhin du tshogs yongs su bsdu bar yang bya'o ji ltar de bzhin gshegs pas chos bstan pa de ltar bdag gis kyang bstan par bya'o snyam du de dag de la 'dod pa bskyed na/ rnam pa thams cad mkhyen pa nyid las yongs su nyams par 'gyur ro/ /rab 'byor de yang shes rab kyi pha rol du phyin pa zab mo 'di yi ger bri ba dang / lung mnod pa dang kun chub par bya ba dang / bshad pa dang yid la bya ba dang / bsgom par bya ba'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig can gang dag sbyin pa'i pha rol du phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa'i byang chub sems dpa' brgya phrag du ma dang / byang chub sems dpa' stong phrag du ma dag nye bar ston par 'gyur te/ byang chub sems dpa' de dag bdud kyis sprul pa de dag la 'dod pa skyes par gyur na/ rnam pa thams cad mkhyen pa nyid las yongs su nyams par 'gyur ro/ /rab 'byor de yang shes rab kyi pha rol du phyin pa zab mo 'di yi ger bri ba dang / lung nod pa dang kha ton du bya ba dang bshad pa dang / tshul bzhin du yid la bya</font><hr>35.136a<br><font size=+1>

ba dang bsgom par bya ba'i tshogs pa dang mi ldan par 'gyur te/ rab 'byor de yang byang chub sems dpa' sems dpa' chen pos bdud kyi las su rig par bya'o/ /de ci'i phyir zhe na/ rab 'byor shes rab kyi pha rol du phyin pa zab mo la ni gzugs yod pa ma yin/ tshor ba dang 'du shes dang 'du byed rnams dang / rnam par shes pa yod pa ma yin khams rnams dang / skye mched rnams yod pa ma yin/ pha rol du phyin pa rnams dang / byang chub kyi phyogs kyi chos rnams dang stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam par thar pa'i sgo rnams dang / byang chub yod pa ma yin te/ rab 'byor gang la gzugs yod pa ma yin pa dang / tshor ba dang 'du shes dang / 'du byed rnams dang / rnam par shes pa yod pa ma yin pa dang / byang chub kyi bar du yang yod pa ma yin pa dang / gang la byang chub yod pa ma yin pa de la ni sangs rgyas kyang med/ byang chub sems dpa' rnams kyang med/ nyan thos rnams kyang med pa'i phyir ro/ /de ci'i phyir zhe na/ rab 'byor chos thams cad ngo bo nyid kyis stong pa'i phyir ro/ /rab 'byor gzhan yang rigs kyi bu dang rigs kyi bu mo dag shes rab kyi pha rol du phyin pa 'di yi ger 'bri ba dang klog pa dang lung nod pa dang / kha ton byed pa dang tshul bzhin du yid la byed pa na/ shes rab kyi pha rol du phyin pa 'di la bar chad mang du 'byung bar 'gyur ro/ /rab 'byor 'di lta ste dper na 'dzam bu'i gling na/ rin po che dag yod pa 'di lta ste/ gser dang nor bu dang mu tig dang / an da rnyil dang / bai dUr+ya dang dung dang / man shel dang / byu ru dang dngul gang ji snyed yod pa de dag la ni bar chad mang zhing phyir rgol ba dag mang bar 'gyur ro/ /rab 'byor de bzhin du rigs kyi bu dang rigs kyi bu mo shes rab kyi pha rol du phyin pa zab mo 'di yi ger 'bri ba dang / klog pa dang lung nod pa dang / kun chub par byed pa dang 'chang ba dang / tshul bzhin du yid la byed pa dang / sgom pa de dag la yang bar chad mang du 'byung zhing / phyir rgol ba mang du 'byung bar 'gyur ro/ /</font><hr>35.136b<br><font size=+1>

rab 'byor gyis gsol pa/ bcom ldan 'das de de lta lags so/ /de de lta lags te/ shes rab kyi pha rol du phyin pa dang ldan pa'i mdo sde dag la ni slar rgol ba dang / bar chad bgyid pa mang du 'byung lags te/ bdud kyis byin gyis brlabs pa'i mi blun po de dag ni gang dag shes rab kyi pha rol du phyin pa zab mo 'di yi ger 'bri ba dang lung nod pa dang / klog pa dang / kha ton du bgyid pa dang / tshul bzhin du yid la bgyid pa dag la bar chad bgyid par 'gyur lags so/ /bcom ldan 'das mi blun po blo chung zhing blo zhan pa de dag ni gang dag  /shes rab kyi pha rol du phyin pa zab mo 'di yi ger 'bri ba dang / sgom pa'i bar du bgyid pa la bar chad bgyid par 'gyur te/ gang dag shes rab kyi pha rol du phyin pa zab mo 'di yi ger 'bri bar mi 'gyur ba 'am/ yi ge 'bri ba'i bar chad bgyid par 'gyur ba de dag na sangs rgyas kyi chos rgya chen po dag la blo 'jug par mi 'gyur lags so/ /gang dag shes rab kyi pha rol du phyin pa zab mo 'di yi ger 'bri bar mi 'gyur ba 'am/ yi ger 'bri ba'i bar chad bgyid pa dang / sgom pa'i bar du mi 'gyur ba 'am/ sgom pa'i bar chad bgyid pa de dag ni/ sangs rgyas kyi chos rgya chen po dag la blo 'jug par mi 'gyur lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rigs kyi bu 'am rigs kyi bu mo gang dag shes rab kyi pha rol du phyin pa zab mo 'di yi ger 'bri bar mi 'gyur ba dang / klog par mi 'gyur ba dang / lung nod par mi 'gyur ba dang / kha ton byed par mi 'gyur ba dang / tshul bzhin du yid la byed par mi 'gyur ba dang / sgom par mi 'gyur zhing / bar chad byed par 'gyur ba de dag ni theg pa la gsar du zhugs pa dang / dge ba'i rtsa ba ma skyed pa dang / dge ba'i rtsa ba chung ba dang / sngon gyi rgyal ba la lhag par bya ba ma byas pa dang / dge ba'i bshes gnyen gyis yongs su ma zin pa yin no/ /rab 'byor </font><hr>35.137a<br><font size=+1>

rigs kyi bu 'am rigs kyi bu mo gang dag shes rab kyi pha rol du phyin pa zab mo 'di yi ger 'bri bar mi byed cing / sgom pa'i bar du mi byed la/ gzhan dag yi ger bri ba dang / sgom pa'i bar du byed pa la bar chad byed pa de dag ni blo chung ba dang / blo zhan pa dang / blo dman pa yin pas sangs rgyas kyi chos rgya chen po dag la blo 'jug par mi 'gyur ro/ /rab 'byor shes rab kyi pha rol tu phyin pa zab mo 'di yi ger 'bri ba dang / sgom pa'i bar du byed pa la/ bdud kyi las de lta bu gzhan dag kyang 'byung bar 'gyur ro/ /rab 'byor rigs kyi bu dang rigs kyi bu mo dag shes rab kyi pha rol du phyin pa zab mo 'di yi ger 'bri ba dang / kha ton du byed pa dang / tshul bzhin du yid la byed pa dang / sgom pa dag la gal te bdud kyi las dag 'byung bar 'gyur yang / gong nas gong du bsam gtan gyi pha rol du phyin pa yongs su rdzogs par 'gyur zhing / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yongs su rdzogs par 'gyur ba dang / byang chub kyi phyogs kyi chos sum bcu rtsa bdun yongs su rdzogs par 'gyur ba dang / rnam par thar pa'i sgo rnams dang / stobs rnams dang / mi 'jigs pa rnams dang / so so yang dag par rig pa rnam dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du yongs su rdzogs par 'gyur ba de ni/ rab 'byor sangs rgyas kyi mthu yin par rig par bya ste/ de'i phyir rigs kyi bu dang rigs kyi bu mo de dag shes rab kyi pha rol du phyin pa zab mo 'di yi ger 'bri ba dang / klog pa dang / lung nod pa dang sgom pa dang / tshul bzhin du yid la byed pa na bar chad 'byung bar mi 'gyur la gong nas gong du pha rol du phyin pa thams cad yongs su rdzogs par 'gyur zhing / byang chub kyi phyogs kyi chos thams cad dang / rnam par thar pa'i sgo thams cad dang / bsam gtan bzhi dang / tshad med pa bzhi dang / </font><hr>35.137b<br><font size=+1>

gzugs med pa'i snyoms par 'jug pa bzhi dang / mngon par shes pa lnga yang yongs su rdzogs par 'gyur ro/ /phyogs bcu na sangs rgyas bcom ldan 'das gang dag bzhugs te/ 'tsho zhing gzhes pa de dag kyang rigs kyi bu dang rigs kyi bu mo shes rab kyi pha rol du phyin pa zab mo 'di yi ger 'bri ba dang / klog pa dang lung nod pa dang kha ton du byed pa dang tshul bzhin du yid la byed pa de dag gi ched du brtson par mdzad do/ /phyogs bcu dag na phyir mi ldog pa'i byang chub sems dpa' sems dpa' chen po gang dag 'khod pa de dag kyang rigs kyi bu dang rigs kyi bu mo shes rab kyi pha rol du phyin pa zab mo 'di yi ger 'bri ba dang / klog pa dang lung nod pa dang kha ton du byed pa dang / tshul bzhin du yid la byed pa dang sgom pa de dag la phan 'dogs par brtson par byed par 'gyur ro/ /shes rab kyi pha rol du phyin pa khri brgyad stong pa las bdud kyi tshogs pa dang mi ldan pa'i le'u zhes bya te/ bzhi bcu rtsa cig pa'o// // shes rab kyi pha rol du phyin pa khri brgyad stong pa/ bam po sum bcu rtsa gsum pa/ rab 'byor 'di lta ste dper na bud med la la zhig la bu lnga 'am/ bcu 'am/ nyi shu 'am/ sum cu 'am/  lnga bcu 'am/ brgya 'am stong ngam/ 'bum zhig yod par gyur la de dag thams cad ma de na ba'i phyir ci ltar byed na/ bdag cag gi ma la bar chad 'byung bar mi 'gyur zhig gu/ ji ltar byas na bdag cag gi ma yun ring du 'tsho bar 'gyur zhig gu ji ltar byas na bdag cag gi ma'i lus la mi bde ba 'byung bar mi 'gyur zhig gu/ 'di ni bdag cag skyed pa dang / lus 'dzin pa dang srog sbyin pa yin no/ /zhes 'bad par byed cing 'di'i srog la bar chad 'byung ba 'am lus nyam chung ba 'am/ sbrang bu mchu ring dang sha sbrang dang / sdig sbrul gyi gnod pa 'am grang ba dang tsha ba dang bkres pa dang / skom pa'i sdug bsngal mi 'byung bar bya'o zhes bu de dag ma de la rim gror byed cing / bsrung ba'i mchog gis bsrung bar byed de/ de lta bu de dag ma de la bde bar sbyar ba thams cad snyan par byed cing 'di ni bdag cag la 'jig rten 'di ston pa yin no/ /zhes de ltar de dag ma de la rim gro byed do/ /rab 'byor de bzhin du de bzhin gshegs pa dgra bcom pa yang dag par rdzogs pa'i sangs rgyas</font><hr>35.138a<br><font size=+1>

rnams kyang / shes rab kyi pha rol du phyin pa zab mo 'di la sangs rgyas kyi spyan gyis rtag du rgyun mi chad par dgongs so/ /de ci'i phyir zhe na/ shes rab kyi pha rol du phyin pa zab mo 'di ni sangs rgyas kyi chos thams cad bskyed pa dang / ye shes kyi snang ba byed pa yin pa'i phyir ro/ /shar phyogs kyi 'jig rten gyi khams gang gA'i klung gi bye ma snyed dag na/ sangs rgyas gang dag bzhugs pa de dag kyang / shes rab kyi pha rol du phyin pa zab mo 'di la sangs rgyas kyi spyan gyis rtag tu rgyun mi chad par dgongs so/ /de ci'i phyir zhe na/ 'di ni de bzhin gshegs pa rnams bskyed pa dang / thams cad mkhyen pa'i ye shes yang dag par ston pa yin pa'i phyir te/ de bas na de bzhin gshegs pa de dag shes rab kyi pha rol du phyin pa zab mo 'di la sangs rgyas kyi spyan gyis rtag tu rgyun mi chad par dgongs so/ /de ci'i phyir zhe na/ de bzhin gshegs pa rnams kyi bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni 'di las byung zhing de bzhin gshegs pa rnams kyi nang stong pa nyid ni/ dngos po med pa'i ngo bo nyid stong pa nyid kyi bar dag kyang 'di las byung ba dang / dran pa nye bar gzhag pa bzhi dang / yang dag par spong ba dang / rdzu 'phrul gyi rkang pa dang / dbang po dang stobs dang byang chub kyi yan lag dang / lam rnams kyang 'di las byung ba dang / rnam par thar pa'i sgo rnams dang / stobs bcu dang mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyang 'di las byung ba dang / sangs rgyas thams cad kyi rnam pa thams cad mkhyen pa nyid kyi bar du yang 'di las byung ba dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / sangs rgyas rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyang 'di las byung ba'i phyir ro/ /rab 'byor de bzhin gshegs pa dgra bcom pa yang dag par rdzogs pa'i sangs rgyas gang su dag</font><hr>35.138b<br><font size=+1>

bla na med pa yang dag par rdzogs pa'i byang chub mngon par rdzogs par sangs rgyas pa dang / mngon par rdzogs par 'tshang rgya ba dang / mngon par rdzogs par 'tshang rgya bar 'gyur ba de dag thams cad kyang shes rab kyi pha rol du phyin pa zab mo 'di la brten nas bla na med pa yang dag par rdzogs pa'i byang chub mngon par rdzogs par sangs rgyas pa dang / mngon par rdzogs par 'tshang rgya ba dang / mngon par rdzogs par 'tshang rgya bar 'gyur ro/ /rab 'byor rigs kyi bu 'am rigs kyi bu mo theg pa chen po la yang dag par zhugs pa/ shes rab kyi pha rol du phyin pa zab mo 'di yi ger 'bri ba dang / klog pa dang / lung nod pa dang / kha ton byed pa dang / tshul bzhin du yid la byed pa gang yin pa de dag thams cad la yang de bzhin gshegs pa dgra bcom pa yang dag par rdzogs pa'i sangs rgyas rnams kyis sangs rgyas kyi spyan gyis rtag tu rgyun mi chad par dgongs so/ /rab 'byor byang chub sems dpa' sems dpa' chen po de dag dang / rigs kyi bu dang / rigs kyi bu mo de dag kyang ci nas bla na med pa yang dag par rdzogs pa'i byang chub las yongs su nyams par mi 'gyur ba de bzhin gshegs pa dgra bcom pa yang dag par rdzogs pa'i sangs rgyas rnams kyis rtag tu rgyun mi chad par bsrung ba dang / bskyab pa dang / sba ba mdzad do/ /rab 'byor gyis gsol pa/ bcom ldan 'das shes rab kyi pha rol du phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams skyed pa dang / 'jig rten 'di ston pa'o/ /zhes bcom ldan 'das kyis de skad ces bka' stsal na/ ji ltar na shes rab kyi pha rol du phyin pa byang chub sems dpa' sems dpa' chen po rnams dang sangs rgyas bcom ldan 'das rnams skyed pa lags bcom ldan 'das ji ltar na/ shes rab kyi pha rol du phyin pa 'jig rten 'di ston pa lags/ bcom ldan 'das ji ltar na/ shes rab kyi pha rol du phyin pa las de bzhin gshegs pa 'khrungs pa lags de bzhin gshegs pas bka' stsal pa'i 'jig rten ni gang lags bcom ldan 'das kyis bka' stsal pa/ rab 'byor shes rab kyi pha rol du phyin pa zab mo 'di de bzhin</font><hr>35.139a<br><font size=+1>

gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang sangs rgyas kyi chos ma 'dres pa bcwa brgyad dang rnam pa thams cad mkhyen pa nyid bskyed la rab 'byor chos 'di dag gis kyang de bzhin gshegs pa zhes bya bar grags par 'gyur te/ rab 'byor de bas na shes rab kyi pha rol du phyin pa zab mo 'di de bzhin gshegs pa bskyed pa yin no/ /rab 'byor gyis gsol pa/ bcom ldan 'das de bzhin gshegs pas 'jig rten du gsung pa yang gang lags/ bcom ldan 'das kyis bka' stsal pa/ rab 'byor phung po lnga ni de bzhin gshegs pas 'jig rten du gsungs so/ /rab 'byor gyis gsol pa/ bcom ldan 'das shes rab kyi pha rol du phyin pas phung po lnga ji ltar bstan pa lags/ bcom ldan 'das kyis bka' stsal pa/ rab 'byor shes rab kyi pha rol du phyin pa ni phung po lnga po de dag 'jig par ston pa ma yin rab tu 'jig par ston pa ma yin no/ /skye bar ston pa ma yin/ kun nas nyon mongs par ston pa ma yin/ rnam par byang bar ston pa ma yin/ 'phel ba dang / 'grib par ston pa ma yin/ 'das pa dang / ma 'ongs pa dang / da ltar byung ba'i chos rnams ston pa ma yin no/ /de ci'i phyir zhe na/ stong pa nyid kyi don ni 'jig pa ma yin/ mtshan ma med pa dang / smon pa med pa ni 'jig pa ma yin rab tu 'jig pa ma yin/ mngon par 'du byed pa med pa dang / skye ba med pa dang / 'gag pa med pa dang / dngos po med pa dang / rang bzhin med pa ni 'jig pa ma yin rab tu 'jig pa ma yin pa'i phyir ro/ /rab 'byor de ltar na shes rab kyi pha rol du phyin pa zab mo 'di 'jig rten ston par bshad do/ /rab 'byor sems can tshad med pa dag gi sems kyi spyod pa dpag tu med grangs med pa gang yin pa de dag de bzhin gshegs pas rab tu mkhyen pa yang shes rab kyi pha rol du phyin pa nyid la brten nas rab tu mkhyen te/ rab 'byor 'on kyang shes rab kyi pha rol du phyin pa zab mo 'di la ni sems can dang sems</font><hr>35.139b<br><font size=+1>

su gdags pa mi dmigs so/ /gzugs dang gzugs su gdags pa mi dmigs so/ /tshor ba dang / 'du shes dang / 'du byed rnams dang / rnam par shes pa dang / rnam par shes par gdags pa mi dmigs so/ /mig dang mig gi rnam par shes pa dang / mig gi 'dus te reg pa mi dmigs shing / mig gi 'dus te reg par gdags pa mi dmigs so/ /rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos dang / yid kyi rnam par shes pa dang / yid kyi 'dus te reg par gdags pa mi dmigs so/ /pha rol du phyin pa rnams dang / byang chub kyi phyogs kyi chos rnams dang / rnam par thar pa'i sgo rnams dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyi bar dang / rnam pa thams cad mkhyen pa nyid du gdags pa'i bar du mi dmigs so/ /rab 'byor de ltar na shes rab kyi pha rol du phyin pa zab mo 'di ni de bzhin gshegs pa rnams la 'jig rten 'di ston pa yin no/ /de ci'i phyir zhe na/ rab 'byor shes rab kyi pha rol du phyin pa nyid kyang / shes rab kyi pha rol du phyin pa zab mo 'di nyid la med cing mi dmigs na gzugs dang / tshor ba dang / 'du shes dang / 'du byed rnams dmigs par lta ga la 'gyur/ rnam par shes pa dmigs par lta ga la 'gyur/ rnam pa thams cad mkhyen pa nyid kyi bar du dmigs par lta ga la 'gyur/ rab 'byor gzhan yang sems can ji snyed sems can du gdags pas btags pa gzugs can nam/ gzugs med pa 'am/ 'du shes can nam/ 'du shes med pa 'am/ 'du shes med 'du shes med min gyi sems can gang dag 'jig rten 'di 'am/ phyogs bcu'i 'jig rten gyi khams rab 'byams gzhan dag na gnas pa de dag gi sems bsdus pa dang / sems rnam par g.yeng ba gang yin pa de dag de bzhin gshegs pas yang dag pa ji lta ba bzhin du rab tu mkhyen te/ rab 'byor de bzhin gshegs pas sems can de dag</font><hr>35.140a<br><font size=+1>

gi sems bsdus pa dang / rnam par g.yeng ba rnams yang dag pa ci ltar rab tu mkhyen ce na/ rab 'byor de bzhin gshegs pas sems can de dag gi sems bsdus pa dang rnam par g.yeng ba rnams chos nyid kyi yang dag pa ji lta ba bzhin du rab tu mkhyen to/ /rab 'byor gyis gsol pa/ bcom ldan 'das de bzhin gshegs pa chos nyid gang gis sems can de dag gi sems bsdus pa dang / rnam par g.yeng ba rnams yang dag pa ji lta ba bzhin du rab tu mkhyen pa lags/ bcom ldan 'das kyis bka' stsal pa/ rab 'byor chos nyid gang la chos nyid kho na'ang mi dmigs na/ sems bsdus pa dang / rnam par g.yengs ba rnams lta ci smos te/ rab 'byor de bzhin gshegs pas chos nyid 'dis sems bsdus pa dang / rnam par g.yeng ba rnams yang dag pa ci lta ba bzhin du rab tu mkhyen to/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis sems de dag gi sems bsdus pa dang / rnam par g.yeng ba rnams mi zad pa nyid du yang dag pa ci lta ba bzhin du rab du mkhyen te/ sems bsdus pa dang / rnam par g.yeng ba rnams mi zad pa nyid du yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pas sems can de dag gi sems de dag 'dod chags dang bral ba dang / 'gag pa dang / spongs par yang dag pa ji lta ba bzhin du rab tu mkhyen to/ rab 'byor 'di ltar de bzhin gshegs pa dgra bcom pa yang dag par rdzogs pa'i sangs rgyas kyis sems can de dag gi sems bsdus pa dang / rnam par g.yeng ba rnams dben par yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas sems can de dag gi sems 'dod chags dang bcas pa la/ sems 'dod chags dang bcas par yang dag pa ji lta ba bzhin du rab tu mkhyen to/ /sems 'dod chags dang bral ba la sems 'dod chags dang bral bar yang dag pa ji lta ba bzhin du rab tu mkhyen to/ /de bzhin du sems zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral bar yang dag pa ci lta ba bzhin du rab tu mkhyen to/ /rab 'byor gyis gsol pa/ </font><hr>35.140b<br><font size=+1>

bcom ldan 'das ji ltar na de bzhin gshegs pa dgra bcom pa yang dag par rdzogs pa'i sangs rgyas kyis sems can de dag gi sems 'dod chags dang bcas pa la/ sems 'dod chags dang bcas par yang dag pa ji lta ba bzhin du rab tu mkhyen pa lags/ sems 'dod chags dang bral ba la sems 'dod chags dang bral bar yang dag pa ji lta ba bzhin du rab tu mkhyen pa lags/ de bzhin du sems zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral bar yang dag pa ji lta ba bzhin du rab tu mkhyen pa lags/ bcom ldan 'das kyis bka' stsal pa/ rab 'byor sems 'dod chags dang bcas pa gang yin pa de ni yang dag pa ji lta ba nyid ma yin no/ /de ci'i phyir zhe na/ rab 'byor sems dang sems las byung ba'i chos rnams kyang yang dag pa ji lta ba bzhin du/ dmigs su med na 'dod chags dang bcas pa dang / 'dod chags dang bral ba 'am/ zhe sdang dang bcas pa dang / zhe sdang dang bral ba 'am gti mug dang bcas pa dang / gti mug dang bral ba lta ci smos/ rab 'byor sems gti mug dang bcas pa nyid gang yin pa de ni yang dag pa ji lta ba nyid ma yin no/ /de ci'i phyir zhe na/ rab 'byor sems dang sems las byung ba'i chos rnams kyang yang dag pa ji lta ba bzhin du dmigs su med na/ sems gti mug dang bral ba lta ci smos te/ rab 'byor de ltar na de bzhin gshegs pas shes rab kyi pha rol du phyin pa la brten nas/ sems 'dod chags dang bcas pa la sems 'dod chags dang bcas par yang dag pa ci lta ba bzhin du rab tu mkhyen to/ /de bzhin du sems 'dod chags dang bral ba dang / zhe sdang bcas pa dang zhe sdang dang bral ba dang / gti mug dang bcas pa dang gti mug dang bral ba la sems gti mug dang bral bar yang dag pa ji lta ba bzhin du rab tu mkhyen to/ /rab 'byor de bzhin gshegs pas sems can rnams kyi sems 'dod chags dang bral ba</font><hr>35.141a<br><font size=+1>

la sems 'dod chags dang bral bar yang dag pa ji lta ba bzhin du rab tu mkhyen ce na/ rab 'byor sems 'dod chags dang bcas pa nyid gang yin pa de ni sems 'dod chags dang bral ba nyid ma yin no/ /de ci'i phyir zhe na/ rab 'byor sems gnyis phrad pa med pa'i phyir ro/ /rab 'byor de ltar na sems 'dod chags dang bral ba nyid gang yin pa de ni/ sems 'dod chags dang bcas pa ma yin no/ /de bzhin du sems zhe sdang dang bral ba nyid gang yin pa de/ zhe sdang dang bcas pa ma yin no/ /sems gti mug dang bral ba nyid gang yin pa de sems gti mug dang bcas pa ma yin no/ /de ci'i phyir zhe na/ rab 'byor sems gnyis phrad pa med pa'i phyir ro/ /rab 'byor de ltar na de bzhin gshegs pa'i sems can de dag gi sems gti mug dang bral ba la/ sems gti mug dang bral bar yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol du phyin pa zab mo 'di la brten nas/ sems can gzhan dag dang gang zag gzhan dag gi sems rgya che ba la sems rgya che bar/ yang dag pa ji lta ba bzhin du rab tu mkhyen te/ rab 'byor de bzhin gshegs pas shes rab kyi pha rol du phyin pa la brten nas/ sems can gzhan dag dang gang zag gzhan dag gi sems rgya che ba la sems rgya che bar yang dag pa ji lta ba bzhin du ji ltar rab tu mkhyen ce na/ rab 'byor 'di la de bzhin gshegs pas sems can gzhan dang gang zag gzhan de dag gi sems rgya che ba ma yin/ sems zhum pa ma yin sems 'phel ba ma yin/ sems 'bri ba ma yin/ sems 'ong ba ma yin/ sems 'gro ba ma yin par yang dag pa ji lta ba bzhin du rab tu mkhyen to/ /de ci'i phyir zhe na/ </font><hr>35.141b<br><font size=+1>

rab 'byor 'di ltar gang gis rgya che bar bya ba dang / 'ong ba 'am 'gro ba'i bar gyi rang bzhin mi dmigs pa'i phyir ro/ /rab 'byor de ltar na de bzhin gshegs pas shes rab kyi pha rol du phyin pa 'di la brten nas/ sems can gzhan dag dang / gzhan gang zag gzhan dag gi sems rgya che ba la/ sems rgya che bar yang dag pa ji lta ba bzhin du rab du mkhyen to/ /rab 'byor gzhan yang de bzhin gshegs pas shes rab kyi pha rol du phyin pa 'di la brten nas/ sems can gzhan dag dang / gang zag gzhan dag gi sems rgya chen po gyur pa la sems rgya chen po gyur par yang dag pa ji lta ba bzhin du rab tu mkhyen te/ rab 'byor gzhan yang de bzhin gshegs pas shes rab kyi pha rol du phyin pa 'di la brten nas/ sems can gzhan dag dang / gang zag gzhan dag gi sems chen por gyur pa la sems chen por gyur par yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pas sems can gzhan dag dang gang zag gzhan dag gi sems kyi rang bzhin 'ong ba dang / 'gro ba dang / gnas pa dang / skye ba dang / 'gag pa dang / gnas pa las gzhan du 'gyur bar yang dag par rjes su mi gzigs so/ /de ci'i phyir zhe na/ rab 'byor sems de dag gi ngo bo nyid gang 'ong ba 'am 'gro ba 'am/ skye ba 'am 'gag pa 'am gnas pa 'am gnas pa las gzhan du 'gyur ba med pa'i phyir ro/ /rab 'byor de ltar na de bzhin gshegs pas shes rab kyi pha rol du phyin pa 'di la brten nas/ sems can gzhan dag dang gang zag gzhan dag gi sems chen por gyur pa la sems chen por gyur par yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol du phyin pa 'di la brten nas sems can gzhan dag dang gang zag gzhan dag gi sems tshad med pa la sems tshad med par yang dag pa ji lta ba bzhin du rab tu mkhyen te rab 'byor de bzhin gshegs pas</font><hr>35.142a<br><font size=+1>

shes rab kyi pha rol du phyin pa 'di la brten nas/ sems can gzhan dag dang / gang zag gzhan dag gi sems tshad med pa la/ sems tshad med par yang dag pa ji lta ba bzhin du rab tu mkhyen ce na/ rab 'byor de bzhin gshegs pas sems can gzhan dag dang / gang zag gzhan dag gi sems de gnas pa ma yin pa dang / rnam par gnas pa ma yin pa dang / yang dag par gnas pa ma yin pa dang / yang dag par mi gnas pa ma yin par yang dag par rjes su gzigs so/ /de ci'i phyir zhe na/ rab 'byor sems kyi rgyun rnams ni zag pa med cing tshad med de/ de dag gang la gnas pa'i rten de yang med pa'i phyir ro/ /rab 'byor de ltar na de bzhin gshegs pas shes rab kyi pha rol du phyin pa 'di la brten nas/ sems can gzhan dag dang / gang zag gzhan dag gi sems tshad med pa la sems tshad med par sems can med par yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas sems can gzhan/[  ]shes rab kyi pha rol du phyin pa 'di la brten nas sems can gzhan dag dang / gang zag gzhan dag gi sems bstan du med pa la sems bstan du med par yang dag pa ji lta ba bzhin du rab tu mkhyen te/ rab 'byor de bzhin gshegs pas sems can gzhan dag dang / gang zag gzhan dag gi sems bstan du med pa la sems bstan du med par yang dag pa ji lta ba bzhin du ji ltar rab tu mkhyen ce na/ rab 'byor 'di la de bzhin gshegs pas shes rab kyi pha rol du phyin pa 'di la brten nas/ rang gi mtshan nyid kyis stong pa'i phyir/ sems can gzhan dag dang / gang zag gzhan dag gi sems de mtshan nyid med cing</font><hr>35.142b<br><font size=+1>

ngo bo nyid dang bral bar gzigs te rab 'byor de ltar na de bzhin gshegs pas shes rab kyi pha rol du phyin pa 'di la brten nas/ sems can gzhan dag dang / gang zag gzhan dag gi sems bstan du med pa la sems bstan du med par yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol du phyin pa 'di la brten nas/ sems can gzhan dag dang gang zag gzhan dag gi sems mi snang ba la sems mi snang bar yang dag pa ji lta ba bzhin du rab tu mkhyen to/ /rab 'byor de bzhin gshegs pas shes rab kyi pha rol du phyin pa 'di la brten nas/ sems can gzhan dag dang / gang zag gzhan dag gi sems mi snang ba la sems mi snang bar yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pa'i spyan lnga la gzhan gyi sems de dag snang bar mi 'gyur te/ rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi pha rol du phyin pa 'di la brten nas sems can gzhan dag dang / gang zag gzhan dag gi sems mi snang ba la sems mi snang bar yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol du phyin pa 'di la brten nas/ sems can gzhan dag dang gang zag gzhan dag gi sems lhag par g.yo ba dang / bral bar g.yo ba rnams dang / bsdus par g.yo ba rnams dang / rgyas pa rnams yang dag pa ji lta ba bzhin du rab tu mkhyen te/ rab 'byor de bzhin gshegs pas shes rab kyi pha rol du phyin pa la 'di la brten nas/ sems can gzhan dag dang gang zag gzhan dag gi sems lhag par g.yo ba dang / bral bar g.yo ba rnams dang / bsdus par g.yo ba dang / rgyas pa rnams yang dag pa ji lta ba bzhin du/ ji ltar rab tu mkhyen ce na/ rab 'byor 'di la de bzhin gshegs pas sems</font><hr>35.143a<br><font size=+1>

can gzhan dang gang zag gzhan de dag gi sems de dag 'di ltar rab tu mkhyen te/ sems can rnams kyi sems lhag par g.yo ba dang / bral bar g.yo ba rnams dang / bsdus par g.yo ba dang rgyas pa rnams skye ba na/ skye ba gang ci yang rung ba de dag thams cad ni gzugs la brten tam/ tshor ba la brten tam/ 'du shes la brten tam/ 'du byed rnams la brten tam/ rnam par shes pa brten nas skye ba na skye ste/ rab 'byor de ltar na de bzhin gshegs pas/ shes rab kyi pha rol du phyin pa 'di la brten nas/ sems can gzhan dag dang / gang zag gzhan dag gi sems lhag par g.yo ba dang / bral bar g.yo ba rnams dang / bsdus par g.yo ba dang / rgyas pa rnams yang dag pa ji lta ba bzhin du rab tu mkhyen te/ bdag dang 'jig rten rtag pa'o zhes bya ba 'di kho na bden gyis/ gzhan ni rdzun pa'o/ /zhes bya ba de ni gzugs la gnas pa'o/ /bdag dang 'jig rten ni mi rtag pa dang / rtag kyang rtag la mi rtag kyang mi rtag pa dang / rtag pa yang ma yin/ mi rtag pa yang ma yin/ zhes bya ba 'di kho na bden gyis/ gzhan ni rdzun pa'o/ /zhes bya ba de ni gzugs la gnas pa'o/ /tshor ba dang / 'du shes dang / 'du byed rnams dang / yang de bzhin du sbyor ro/ /bdag dang 'jig rten ni rtag pa'o zhes bya ba 'di kho na bden gyi/ gzhan ni rdzun pa'o zhes bya ba de ni rnam par shes pa la gnas pa'o/ /bdag dang 'jig rten ni mi rtag pa dang / rtag kyang rtag la/ mi rtag kyang mi rtag pa dang / rtag pa yang ma yin mi rtag pa yang ma yin no/ /zhes bya ba 'di kho na bden gyi/ gzhan ni rdzun pa'o/ /zhes bya ba de ni rnam par shes pa la gnas pa'o/ /de bzhin du bdag dang / 'jig rten ni mtha' yod pa'o zhes bya ba 'di</font><hr>35.143b<br><font size=+1>

kho na bden gyi/ gzhan ni rdzun pa'o/ /zhes bya ba de ni gzugs la gnas pa'o/ /bdag dang 'jig rten ni mtha' yod pa yang ma yin pa dang / mtha' yod kyang yod la mtha' med kyang med pa dang / mtha' yod pa yang ma yin/ mtha' med pa yang ma yin pa zhes bya ba 'di kho na bden gyi gzhan ni rdzun pa'o/ /zhes bya ba de ni gzugs la gnas pa yin no/ /tshor ba dang / 'du shes dang / 'du byed rnams la yang de bzhin du sbyar ro/ /bdag dang 'jig rten ni mtha' yod pa'o/ /zhes bya ba de 'di kho na bden gyi/ gzhan ni rdzun pa'o zhes bya ba de ni rnam par shes pa la gnas pa'o/ /bdag dang 'jig rten ni mtha' yod pa ma yin pa dang / mtha' yod kyang yod la/ mtha' med kyang med pa dang / mtha' yod pa yang ma yin/ mtha' med pa yang ma yin pa zhes bya ba 'di kho na bden gyi gzhan ni rdzun pa'o/ /zhes bya ba de ni rnam par shes pa la gnas pa'o bdag dang 'jig rten shi phan chad yod do zhes bya ba 'di kho na bden gyi gzhan ni rdzun pa'o zhes bya ba de ni gzugs la gnas pa'o/ /bdag dang 'jig rten shi phan chad med pa dang / yod kyang yod la med kyang med pa dang / yod pa yang ma yin med pa yang ma yin no/ /zhes bya ba 'di kho na bden gyi gzhan ni rdzun pa'o zhes bya ba de ni gzugs la gnas pa'o/ /tshor ba dang / 'du shes dang / 'du byed rnams la yang de bzhin du sbyar ro/ /bdag dang 'jig rten shi phan chad yod do zhes bya ba 'di kho na bden gyi gzhan ni rdzun pa'o/ /zhes bya ba de ni rnam par shes pa la gnas pa'o/ /bdag dang 'jig rten shi phan chad med pa dang / yod kyang yod la med kyang med pa dang / yod pa yang ma yin med pa yang ma yin no/ /zhes bya ba 'di kho na bden gyi/ gzhan ni rdzun pa'o zhes bya ba de ni rnam par shes pa la gnas pa'o/ /srog de lus de yin no/ /</font><hr>35.144a<br><font size=+1>

zhes bya ba dang / srog kyang gzhan la/ lus kyang gzhan yin no/ /zhes bya ba 'di kho na bden gyi gzhan ni rdzun pa'o/ /zhes bya ba de ni gzugs la gnas pa'o/ /tshor ba dang / 'du shes dang / 'du byed rnams la yang de bzhin du sbyor ro/ /srog de lus de yin no zhes bya ba dang / srog kyang gzhan la lus kyang gzhan yin no zhes bya ba 'di kho na bden gyi gzhan ni rdzun pa'o zhes bya ba de ni rnam par shes pa gnas pa'o/ /rab 'byor de ltar na/ de bzhin gshegs pas shes rab kyi pha rol tu phyin pa 'di la brten nas/ sems can gzhan dag dang gang zag gzhan dag gi sems lhag par g.yo ba dang bral bar g.yo ba rnams dang / bsdus par g.yo ba dang / rgyas pa rnams yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol tu phyin pa 'di la brten nas gzugs mkhyen te/ gzugs ji ltar mkhyen ce na ji ltar de bzhin nyid 'gyur ba med cing rnam par rtog par med la/ mtshan ma med cing rtsol ba med pa dang / spros pa med pa dang / dmigs su med pa de bzhin du mkhyen to/ /de bzhin du tshor ba dang / 'du shes dang / 'du byed rnams dang / rnam par shes pa mkhyen te rnam par shes pa ji ltar mkhyen ce na ji ltar de bzhin nyid 'gyur ba med cing / rnam par rtog pa med la mtshan ma med cing rtsol ba med pa dang / spros pa med pa dang / dmigs su med pa de bzhin du mkhyen to/ /rab 'byor de ltar na de bzhin gshegs pas shes rab kyi pha rol du phyin pa 'di la brten nas/ sems can gzhan dag dang / gang zag gzhan dag gi sems lhag par g.yo ba dang / bral bar g.yo ba rnams dang / bsdus par g.yo ba rnams dang / rgyas pa rnams yang dag pa ji lta ba bzhin du rab du mkhyen to/ /rab 'byor de ltar na lhag par g.yo ba dang / bral bar g.yo ba dang / bsdus par g.yo ba</font><hr>35.144b<br><font size=+1>

dang / rgyas pa'i de bzhin nyid gang yin pa/ de ni phung po dang / khams dang skye mched rnams kyi de bzhin nyid do/ /phung po dang / khams dang skye mched rnams kyi de bzhin nyid gang yin pa de ni/ chos thams cad kyi de bzhin nyid do/ /chos thams cad kyi de bzhin nyid gang yin pa de ni/ pha rol du phyin pa drug po rnams kyi de bzhin nyid do/ /pha rol du phyin pa drug po rnams kyi de bzhin nyid gang yin pa de ni byang chub kyi phyogs kyi chos sum bcu rtsa bdun gyi de bzhin nyid do/ /byang chub kyi phyogs kyi chos sum bcu rtsa bdun gyi de bzhin nyid gang yin pa de ni stong pa nyid rnams kyi de bzhin nyid do stong pa nyid rnams kyi de bzhin gang yin pa de ni rnam par thar pa brgyad kyi de bzhin nyid do/ /rnam par thar pa brgyad kyi de bzhin nyid gang yin pa de ni mthar gyis gnas pa'i snyoms par 'jug pa dgu'i de bzhin nyid do/ /mthar gyis gnas pa'i snyoms par 'jug pa dgu'i de bzhin nyid gang yin pa de ni/ de bzhin gshegs pa'i stobs bcu'i de bzhin nyid do/ /de bzhin gshegs pa'i stobs bcu'i de bzhin nyid gang yin pa de ni mi 'jigs pa rnams kyi de bzhin nyid do/ /mi 'jigs pa rnams kyi de bzhin nyid gang yin pa de ni so so yang dag par rig pa rnams kyi de bzhin nyid do/ /so so yang dag par rig pa rnams kyi de bzhin nyid gang yin pa de ni byams pa dang / snying rje'i de bzhin nyid do/ /byams pa dang / snying rje'i de bzhin nyid gang yin pa de ni sangs rgyas kyi chos ma 'dres pa bcwa brgyad kyi de bzhin nyid do/ /sangs rgyas kyi chos ma 'dres bcwa brgyad kyi de bzhin nyid gang yin de ni rnam pa thams cad mkhyen pa nyid kyi de bzhin nyid do/ /rnam pa thams cad mkhyen pa nyid kyi de bzhin nyid gang yin pa de ni dge ba dang / </font><hr>35.145a<br><font size=+1>

mi dge ba'i chos rnams kyi de bzhin nyid do/ /dge ba dang mi dge ba'i chos rnams kyi de bzhin nyid gang yin pa de ni 'jig rten pa dang 'jig rten las 'das pa rnams dang / zag pa dang bcas pa dang / zag pa med pa rnams dang / kha na ma tho ba dang bcas pa dang / kha na ma tho ba med pa rnams dang / nyon mongs pa dang bcas pa dang / nyon mongs pa med pa rnams dang / kun nas nyon mongs pa dang / rnam par byang ba rnams dang / 'dus byas dang / 'dus ma byas kyi chos rnams kyi de bzhin nyid do/ /'dus byas dang / 'dus ma byas kyi chos rnams kyi de bzhin nyid gang yin pa de ni 'das pa dang / ma 'ongs pa dang / da ltar byung ba'i chos rnams kyi de bzhin nyid do/ /'das pa dang / ma 'ongs pa dang da ltar byung ba'i chos rnams kyi de bzhin nyid gang yin pa de ni rgyun du zhugs pa'i de bzhin nyid do/ /rgyun du zhugs pa'i de bzhin nyid gang yin pa de ni/ rgyun tu zhugs pa'i 'bras bu'i de bzhin nyid do/ /de bzhin du lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas kyi de bzhin nyid do/ /rang sangs rgyas kyi de bzhin nyid gang yin pa de ni/ rang byang chub kyi de bzhin nyid do/ /rang byang chub kyi de bzhin nyid gang yin pa de ni bla na med pa yang dag par rdzogs pa'i byang chub kyi de bzhin nyid de/ /bla na med pa yang dag par rdzogs pa'i byang chub kyi de bzhin nyid gang yin pa de ni/ de bzhin gshegs pa'i de bzhin nyid do/ /de bzhin gshegs pa'i de bzhin nyid gang yin pa de ni sems can thams cad kyi de bzhin nyid do/ /rab 'byor de ltar na de bzhin gshegs pa'i de bzhin nyid gang yin pa dang / sems can thams cad kyi de bzhin nyid gang yin pa de ni de bzhin nyid gcig pa ste/ tha mi dad pa'i de bzhin nyid do/ /tha mi dad pa'i de bzhin nyid gang yin pa de ni mi zad pa yin no/ /mi zad pas na gnyis su med de/ rab 'byor chos thams cad kyi de bzhin nyid 'di ni/ </font><hr>35.145b<br><font size=+1>

de bzhin gshegs pa'i shes rab kyi pha rol du phyin pa 'di la brten nas/ mngon par rdzogs par sangs rgyas so/ /rab 'byor shes rab kyi pha rol du phyin pa 'di 'ang de bzhin gshegs pa rnams bskyed pa yin no/ /rab 'byor de bzhin du shes rab kyi pha rol du phyin pa 'di ni 'jig rten ston pa yin te/ rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis de bzhin nyid gang gi de bzhin gshegs pa dgra bcom pa yang dag par rdzogs pa'i sangs rgyas shes bya bar gyur pa'i chos thams cad kyi de bzhin nyid thugs su chud cing ma nor ba de bzhin nyid dang / gzhan ma yin pa de bzhin nyid thugs su chud do/ /rab 'byor gyis gsol pa/ bcom ldan 'das 'di lta ste/ shes rab kyi pha rol du phyin pa chos thams cad kyi de bzhin nyid dang / ma nor ba de bzhin nyid dang / gzhan ma yin pa de bzhin nyid ni zab pa lags so/ /bcom ldan 'das de bzhin nyid 'di ni sangs rgyas bcom ldan 'das rnams kyi byang chub snang bar bgyis so/ /bcom ldan 'das phyir mi ldog pa'i byang chub sems dpa' rnams dang / gang zag lta ba phun sum tshogs par gyur pa rnams dang / dgra bcom pa zag pa zad pa rnams ma gtogs par su zhig 'di la mos par 'gyur/ bcom ldan 'das chos 'di dag ni zab te/ de bzhin gshegs pas mngon par rdzogs par sangs rgyas nas bstan pa lags so/ /bcom ldan 'das kyis bka' stsal pa/ rab 'byor 'di ltar/ de bzhin nyid ni mi zad pa'o/ /ci'i phyir mi zad ce na/ chos thams cad mi zad pa'i phyir de bzhin nyid mi zad pa'o/ /rab 'byor 'di lta ste/ chos thams cad kyi de bzhin nyid 'di ni de bzhin gshegs pa'i bla na med pa</font><hr>35.146a<br><font size=+1>

yang dag par rdzogs pa'i byang chub mngon par rdzogs par sangs rgyas nas bshad pa yin no/ /shes rab kyi pha rol du phyin pa khri brgyad stong pa las/ 'jig rten ston pa'i le'u zhes bya ste/ bzhi bcu rtsa gnyis pa'o// // de nas stong gsum gyi stong chen po'i 'jig rten gyi khams na/ 'dod pa na spyod pa dang / gzugs na spyod pa'i lha'i bu ji snyed 'khod pa de dag gis lha'i tsan dan gyi phye ma dag khyer nas/ bcom ldan 'das ga la ba der dong ste/ lhags nas bcom ldan 'das kyi zhabs la mgo bos phyag 'tshal te/ phyogs gcig tu 'khod do/ /phyogs gcig tu 'khod nas kyang 'dod pa na spyod pa dang / gzugs na spyod pa'i lha'i bu de dag gis/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa bstan pa 'di ni zab pa lags na/ bcom ldan 'das shes rab kyi pha rol du phyin pa ci'i slad du zab pa lags/ bcom ldan 'das kyis bka' stsal pa/ lha'i bu dag shes rab kyi pha rol tu phyin pa 'di ni stong pa nyid kyi mtshan nyid yin pa'i phyir zab bo/ /lha'i bu dag shes rab kyi pha rol tu phyin pa ni mtshan ma med pa'i mtshan nyid dang / smon pa med pa'i mtshan nyid dang / mngon par 'du bya ba med pa'i mtshan nyid dang / skye ba med pa'i mtshan nyid dang / 'gag pa med pa'i mtshan nyid dang / kun nas nyon mongs pa med pa'i mtshan nyid dang / rnam par byang ba med pa'i mtshan nyid dang / dngos po med pa'i mtshan nyid dang / mi gnas pa'i mtshan nyid dang / ngo bo nyid kyi mtshan nyid dang mi gnas pa'i mtshan nyid dang / chad pa med pa'i mtshan nyid dang / rtag pa med pa'i mtshan nyid dang / don gcig pa ma</font><hr>35.146b<br><font size=+1>

yin pa'i mtshan nyid dang don tha dad pa ma yin pa'i mtshan nyid dang 'ong ba med pa'i mtshan nyid dang / 'gro ba med pa'i mtshan nyid dang / nam mkha'i mtshan nyid yin pa'i phyir zab bo/ /lha'i bu dag shes rab kyi pha rol du phyin pa 'di ni mtshan nyid de lta bu yin pas na/ de bzhin gshegs pas 'jig rten gyi brdar bka' stsal te/ don dam par ni ma yin no/ /lha'i bu dag mtshan nyid de dag ni lha dang / mi dang lha ma yin du bcas pa'i 'jig rten gyis rnam par 'khrug par byed mi nus so/ /de ci'i phyir zhe na/ lha dang mi dang / lha ma yin du bcas pa'i 'jig rten yang de'i mtshan nyid kho na yin pa'i phyir ro/ /lha'i bu dag mtshan nyid kyis ni/ mtshan nyid rnam par 'khrug par mi byed do/ /mtshan nyid kyis ni mtshan nyid mi shes so/ /mtshan nyid kyis ni mtshan nyid med pa mi shes so/ /mtshan nyid med pas kyang mtshan nyid mi shes so/ /mtshan nyid med pas kyang mtshan nyid med pa mi shes so/ /de ltar na mtshan nyid gang yin pa dang / mtshan nyid med pa gang yin pa de gnyis ka la yang / gang gis shes par byed pa dang / gang shes par byed pa dang / gang la shes par byed pa'i ngo bo nyid med do/ /lha'i bu dag mtshan nyid de dag ni/ gzugs kyis mngon par 'dus byas pa ma yin no/ /tshor ba dang / 'du shes dang / 'du byed rnams dang / rnam par shes pas mngon par 'dus byas pa ma yin no/ /sbyin pa'i pha rol du phyin pas mngon par 'dus byas pa ma yin no/ /tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pas mngon par 'dus byas pa ma yin no/ /</font><hr>35.147a<br><font size=+1>

stong pa nyid thams cad kyis mngon par 'dus byas pa ma yin no/ /byang chub kyi phyogs kyi chos rnams kyis mngon par 'dus byas pa ma yin no/ /stobs dang mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyis mngon par 'dus byas pa ma yin no/ /rnam pa thams cad mkhyen pa nyid kyis mngon par 'dus byas pa ma yin no/ /lha'i bu dag mtshan nyid 'di dag ni mi rnams dang / mi ma yin pa rnams kyis/ zag pa dang bcas pa rnams sam/ zag pa med pa rnams sam/ 'jig rten pa rnams sam/ 'jig rten las 'das pa rnams sam/ 'dus byas rnams sam/ 'dus ma byas rnams ma yin te/ mtshan nyid thams cad mtshan nyid med pa'i phyir ro/ /lha'i bu dag la la zhig 'di skad du nam mkha'i mtshan nyid ni 'di lta bu yin no/ /zhes zer na/ ci yang dag par smras pas smras pa yin nam/ lha'i bu rnams kyis gsol pa/ bcom ldan 'das yang dag par smras pas smras pa ma lags so/ /de ci'i slad du zhe na/ bcom ldan 'das nam mkha'i khams ni 'dus byas ma lags pa'i slad du nam mkha' ni mtshan nyid gang gis kyang mchis pa ma lags so/ /bcom ldan 'das kyis bka' stsal pa/ lha'i bu dag de bzhin gshegs pa rnams byung yang rung / /de bzhin gshegs pa rnams ma byung yang rung ste/ mtshan nyid kyi dbyings ni mtshan nyid med pa'i dbyings ji ltar gnas pa bzhin tu gnas pa nyid de/ de ni de bzhin gshegs pas yang dag par mngon par rdzogs par/ sangs rgyas pas de'i phyir/ de bzhin gshegs pa de bzhin gshegs pa zhes bya'o/ /lha'i bu</font><hr>35.147b<br><font size=+1>

rnams kyis gsol pa/ bcom ldan 'das mtshan nyid gang dag mngon par rdzogs par sangs rgyas pa'i de bzhin gshegs pa'i ye shes chags pa ma mchis pa dang / mtshan nyid gang dag la gnas nas/ de bzhin gshegs pas mtshan nyid thams cad bstan pa'i mtshan nyid de bzhin gshegs pas mngon par rdzogs par sangs rgyas pa 'di dag ni zab lags so/ /bcom ldan 'das de bzhin gshegs pas shes rab kyi pha rol tu phyin pa yang dag par rab tu bstan pas/ mtshan nyid thams cad yang dag par rab tu bstan pa lags so/ /bcom ldan 'das 'di ltar de bzhin gshegs pas gang la spyad pas/ bla na med pa yang dag par rdzogs pa'i byang chub/ mngon par rdzogs par sangs rgyas par gyur la/ bla na med pa yang dag par rdzogs pa'i byang chub mngon par rdzogs par sangs rgyas nas kyang / mtshan nyid thams cad rab tu dbye ba mdzad de/ gzugs kyi mtshan nyid dang tshor ba dang 'du shes dang / 'du byed rnams dang / rnam par shes pa'i mtshan nyid kyi rab tu dbye bar mdzad pa nas/ mtshan nyid thams cad kyi rab tu dbye ba'i bar du mdzad pa dang / rnam pa thams cad mkhyen pa'i mtshan nyid kyi bar du/ rab tu dbye ba mdzad pas shes rab kyi pha rol tu phyin pa de bzhin gshegs pa dgra bcom pa yang dag par rdzogs pa'i sangs rgyas rnams kyi spyod yul 'di ni zab ste ngo mtshar lags so/ /de nas bcom ldan 'das kyis 'dod pa na spyod pa dang / gzugs na spyod pa'i lha'i bu de dag la 'di skad ces bka' stsal to/ /lha'i bu dag gzugs ni gzugs su rung ba'i mtshan nyid de/ gzugs nyid kyang de bzhin gshegs pas/ mtshan nyid med par mngon par rdzogs par sangs rgyas</font><hr>35.148a<br><font size=+1>

so/ /de bzhin du tshor ba ni myong ba'i mtshan nyid 'du shes ni 'dzin pa'i mtshan nyid dang / 'du byed rnams ni mngon par 'du byed pa'i mtshan nyid rnam par shes pa ni so sor rnam par rig pa'i mtshan nyid de de yang de bzhin gshegs pas mtshan nyid med par mngon par rdzogs par sangs rgyas so/ /phung po rnams ni sdug bsngal ba'i mtshan nyid de/ de dag kyang de bzhin gshegs pa'i mtshan nyid med par mngon par rdzogs par sangs rgyas so khams rnams ni sbrul gdug pa lta bu'i mtshan nyid de de dag kyang de bzhin gshegs pas mtshan nyid med par mngon par rdzogs par sangs rgyas so/ /skye mched rnams ni skye ba'i sgo'i mtshan nyid de/ de dag kyang de bzhin gshegs pas mtshan nyid med par mngon par rdzogs par sangs rgyas so/ /rten cing 'brel bar 'byung ba ni tshogs pa'i mtshan nyid de de yang de bzhin gshegs pas mtshan nyid med par mngon par rdzogs par sangs rgyas so/ /sbyin pa'i pha rol du phyin pa ni yongs su gtong ba'i mtshan nyid de de yang de bzhin gshegs pas mtshan nyid med par mngon par rdzogs par sangs rgyas so/ /tshul khrims kyi pha rol du phyin pa ni gdung ba med pa'i mtshan nyid bzod pa'i pha rol tu phyin pa ni 'khrug pa med pa'i mtshan nyid brtson 'grus kyi pha rol du phyin pa ni phub pa med pa'i mtshan nyid/ bsam gtan gyis pha rol du phyin pa ni sdud pa'i mtshan nyid shes rab kyi pha rol du phyin pa ni spong ba'i mtshan nyid de/ de yang de bzhin gshegs pas mtshan nyid med par mngon par rdzogs par sangs rgyas so/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi ni 'khrug pa med pa'i mtshan nyid de/ de dag kyang de bzhin gshegs pas mtshan nyid med par mngon par rdzogs par sangs rgyas so/ /</font><hr>35.148b<br><font size=+1>

byang chub kyi phyogs kyi chos sum bcu rtsa bdun ni nges par 'byin pa'i mtshan nyid de/ de dag kyang de bzhin gshegs pas mtshan nyid med par mngon par rdzogs par sangs rgyas so/ /stong pa nyid ni dben pa'i mtshan nyid mtshan ma med pa ni zhi ba'i mtshan nyid/ smon pa med pa ni sdug bsngal sel ba'i mtshan nyid de/ de yang de bzhin gshegs pas mtshan nyid med par mngon par rdzogs par sangs rgyas so/ /rnam par thar pa rnams ni rnam par grol bar byed pa'i mtshan nyid de/ de dag kyang de bzhin gshegs pas mtshan nyid med par mngon par rdzogs par sangs rgyas so/ /de bzhin du sbyar te/ stobs rnams ni shin du rnam par nges pa'i mtshan nyid/ mi 'jigs pa rnams ni shin tu brtan pa'i mtshan nyid/ so so yang dag par rig pa rnams ni mi chod pa'i mtshan nyid/ byams pa chen po ni phan pa sgrub pa'i mtshan nyid/ snying rje chen po ni skyob pa'i mtshan nyid dga' ba chen po ni sangs rgyas kyi chos thams cad la mchog tu dga' ba'i mtshan nyid/ btang snyoms chen po ni sems can gyi nyes pa dang / bde ba dang sdug bsngal ba dang rnyed pa dang / ma rnyed pa dang grags pa dang grags pa ma yin pa dang bstod pa dang smad pa la btang snyoms su 'jog pa'i mtshan nyid/ sangs rgyas kyi chos ma 'dres pa bcwa brgyad ni mi 'phrog pa'i mtshan nyid de de dag kyang de bzhin gshegs pas mtshan nyid med par mngon par rdzogs par sangs rgyas so/ /rnam pa thams cad mkhyen pa'i ye shes ni mngon sum gyi mtshan nyid de yang de bzhin gshegs pas mtshan nyid med par mngon par rdzogs par sangs rgyas so lha'i bu dag de ltar na de bzhin gshegs pas chos thams cad mtshan nyid med par mngon par rdzogs par sangs rgyas te/ des na de bzhin gshegs pa ni chags pa med pa'i ye shes dang ldan pa zhes bya'o/ /de nas bcom ldan 'das kyis tshe dang ldan pa rab 'byor la bka' stsal pa/ </font><hr>35.149a<br><font size=+1>

rab 'byor shes rab kyi pha rol tu phyin pa ni/ de bzhin gshegs pa dgra bcom pa yang dag par rdzogs pa'i sangs rgyas skyed pa yin no/ /shes rab kyi pha rol tu phyin pa ni de bzhin gshegs pa la 'jig rten ston pa yin no/ /de ci'i phyir zhe na de bzhin gshegs pa ni chos 'di rten cing gnas nas 'di lta ste/ shes rab kyi pha rol tu phyin pa'i chos 'di la sti stang mdzad/ bla mar mdzad ri mo mdzad mchod pa mdzad de/ rab 'byor de bas na/ de bzhin gshegs pa shes rab kyi pha rol tu phyin pa 'di la sti stang mdzad/ bla mar mdzad/ ri mo mdzad/ mchod pa mdzad pa de ni chos nyid yin no/ /de ci'i phyir zhe na/ rab 'byor sangs rgyas bcom ldan 'das rnams ni/ shes rab kyi pha rol du phyin pa 'di las byung ba'i phyir ro/ /rab 'byor de bzhin gshegs pas ni byas pa gzo ba dang / byas pa tshor ba yin te/ rab 'byor de bzhin gshegs pa byas pa gzo ba dang / byas pa tshor ba yin no/ /zhes smras pa gang yin pa de dag ni yang dag par smra bas smra ba yin no/ /rab 'byor de bzhin gshegs pa ji ltar byas pa gzo ba dang / byas pa tshor ba yin zhe na/ rab 'byor de bzhin gshegs pa ni/ theg pa des gshegs shing lam des bla na med pa yang dag par rdzogs pa'i byang chub mngon par rdzogs par sangs rgyas te/ de bas na de bzhin gshegs pa ni theg pa de nyid dang / lam de nyid la sti stang mdzad/ bla mar mdzad/ ri mo mdzad/ mchod pa mdzad cing yongs su 'dzin la/ rjes su yongs su skyong bar mdzad de/ rab 'byor de ni de bzhin gshegs pa'i byas pa gzo ba dang / byas pa tshor ba yin par blta bar bya'o/ /rab 'byor gzhan yang byed pa po med pa'i phyir/ de bzhin gshegs pas chos thams cad ma byas pa dang / 'gyur ba med par mngon par rdzogs par sangs rgyas</font><hr>35.149b<br><font size=+1>

so/ /lus med pa'i phyir ma byas par mngon par rdzogs par sangs rgyas so/ /rab 'byor de bzhin gshegs pas shes rab kyi pha rol du phyin pa la brten nas chos thams cad byas pa med par mngon par rdzogs par sangs rgyas pa gang yin pa de ni de bzhin gshegs pas ma byas pa mkhyen pa dang / ma byas pa rig pa'o/ /rab 'byor gzhan yang de bzhin gshegs pas shes rab kyi pha rol tu phyin pa la brten nas/ don dam par byung ba med pa'i phyir ye shes byas pa med pa chos thams cad la zhugs so/ /rab 'byor rnam grangs des na/ shes rab kyi pha rol tu phyin pa ni de bzhin gshegs pa skyed pa yin no/ /rab 'byor gyis gsol pa/ bcom ldan 'das gang gi tshe/ chos thams cad skyed pa po ma lags shing / ston pa po ma lags pa'i tshe shes rab kyi pha rol tu phyin pa ji ltar de bzhin gshegs pa bskyed pa dang / 'jig rten 'di ston pa lags/ bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad ni skyed pa po ma yin zhing / ston pa po ma yin no/ rab 'byor ji ltar chos thams cad skyed pa po ma yin zhing / ston pa po ma yin zhe na/ rab 'byor chos thams cad ni stong pa dang gsob dang / gsog dang ya ma rla dang / snying po med pa'i phyir te/ rab 'byor rnam grangs des na/ chos thams cad skyed pa po ma yin zhing ston pa po ma yin no/ /rab 'byor ji ltar chos thams cad skyed pa po ma yin zhing / ston pa po ma yin zhe na/ rab 'byor chos thams cad ni gnas pa med pa/ khongs su gtogs pa med pa yin pa'i phyir te/ rab 'byor rnam grangs des kyang chos thams cad skyed pa po ma yin zhing / ston pa po ma yin no/ /rab 'byor de ltar na shes rab kyi pha rol tu phyin pa ni de bzhin gshegs pa skyed pa dang / 'jig rten ston pa yin te/ de yang gzugs ma mthong ba'i phyir ston pa yin no/ /tshor ba dang 'du shes dang / 'du byed rnams dang rnam par shes pa ma mthong ba'i phyir ston pa yin te/ rab 'byor de ltar</font><hr>35.150a<br><font size=+1>

na shes rab kyi pha rol du phyin pa ni de bzhin gshegs pa skyed pa dang / 'jig rten ston pa yin no/ /rab 'byor gyis gsol pa/ gzugs dang / tshor ba dang / 'du shes dang / 'du byed rnams dang / rnam par shes pa ma mthong ba'i slad du ji ltar ston pa lags/ de bzhin du rnam pa thams cad mkhyen pa nyid ma mthong ba'i slad du ji ltar ston pa lags/ bcom ldan 'das kyis bka' stsal pa/ rab 'byor gang gi tshe gzugs la dmigs pa'i rnam par shes pa mi 'byung na rab 'byor de ltar gzugs ma mthong ba'i phyir ston pa yin no/ /de bzhin du tshor ba dang / 'du shes dang / 'du byed rnams dang / rnam par shes pa la dmigs pa'i sems mi 'byung na/ de ltar rnam par shes pa ma mthong ba'i phyir ston pa yin no/ /de bzhin du sbyar te/ gang gi tshe rnam pa thams cad mkhyen pa nyid la dmigs pa'i rnam par shes pa'i bar du mi 'byung na/ de ltar rnam pa thams cad mkhyen pa nyid ma mthong ba'i phyir ston pa yin no/ /rab 'byor de ltar na shes rab kyi pha rol du phyin pa zab mo 'di ni de bzhin gshegs pa skyed pa dang / 'jig rten ston pa yin no/ /rab 'byor gzhan yang shes rab kyi pha rol du phyin pa ji ltar de bzhin gshegs pa skyed pa dang / 'jig rten ston pa yin zhe na/ rab 'byor 'di la shes rab kyi pha rol du phyin pa 'di ni 'jig rten stong ngo zhes rjod par byed do/ /'jig rten stong ngo zhes ji ltar rjod ce na/ phung po lnga po rnams kyi 'jig rten stong ngo zhes rjod do/ /khams bcwa brgyad kyi 'jig rten stong ngo zhes rjod do/ /skye mched bcu gnyis kyi 'jig rten stong ngo zhes rjod do/ /dge ba bcu'i las kyi lam gyi 'jig rten stong ngo / /zhes rjod do/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi'i 'jig rten stong ngo zhes rjod do/ /ma rig pa'i rkyen gyis 'byung ba rten cing 'brel bar 'byung ba'i yan lag bcu gnyis kyi 'jig rten stong ngo zhes rjod do/ /'jig tshogs la lta ba la sogs pa lta bar gyur pa drug bcu rtsa gnyis kyi 'jig rten stong ngo / /</font><hr>35.150b<br><font size=+1>

zhes rjod do/ /byang chub kyi phyogs kyi chos sum bcu rtsa bdun gyi 'jig rten stong ngo zhes rjod do/ /pha rol du phyin pa drug gi 'jig rten stong ngo / /zhes rjod do/ /de bzhin du nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar gyi 'jig rten stong ngo zhes rjod do/ /de bzhin du stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi 'jig rten stong ngo zhes rjod do/ /rnam pa thams cad mkhyen pa nyid kyi 'jig rten gyi bar du stong ngo zhes rjod do/ /rab 'byor de ltar na/ shes rab kyi pha rol du phyin pa ni de bzhin gshegs pa skyed pa dang / 'jig rten ston pa yin no/ /rab 'byor gzhan yang de bzhin gshegs pa ni 'jig rten stong par rig go/ /'jig rten stong par yang dag par mkhyen to/ /'jig rten stong par rtogs so/ /'jig rten stong par thugs su chud do/ /rab 'byor de ltar na shes rab kyi pha rol du phyin pa ni/ de bzhin gshegs pa skyed pa dang / 'jig rten ston pa yin no/ /rab 'byor gzhan yang shes rab kyi pha rol du phyin pa ni de bzhin gshegs pa la 'jig rten stong ngo zhes ston te/ 'jig rten stong ngo zhes ji ltar ston ce na/ 'di ltar phung po rnams dang / khams rnams dang / skye mched rnams dang / dge ba bcu'i las kyi lam rnams dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rten cing 'brel par 'byung ba dang / 'jig tshogs la lta ba la sogs pa lta bar gyur pa drug bcu rtsa gnyis dang / pha rol du phyin pa drug dang / byang chub kyi phyogs kyi chos sum bcu rtsa bdun dang / stong pa nyid thams cad dang / stobs dang mi 'jigs pa dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi 'jig rten stong ngo zhes ston te/ rab 'byor de ltar na shes rab kyi pha rol du phyin pa ni de bzhin</font><hr>35.151a<br><font size=+1>

gshegs pa skyed pa dang / 'jig rten ston pa yin no/ /rab 'byor gzhan yang shes rab kyi pha rol du phyin pa ni de bzhin gshegs pa la 'jig rten bsam gyis mi khyab par ston te/ 'jig rten bsam gyis mi khyab par ji ltar ston ce na/ phung po lnga nas rnam pa thams cad mkhyen pa nyid kyi bar gyi 'jig rten bsam gyis mi khyab par ston to/ /de bzhin du shin du dben pa dang / nang stong pa nyid nas dngos po med pa'i ngo bo nyid stong pa nyid kyi bar gyi 'jig rten bsam gyis mi khyab par ston te/ /rab 'byor de ltar na shes rab kyi pha rol du phyin pa ni de bzhin gshegs pa skyed pa dang / 'jig rten ston pa yin no/ /rab 'byor gzhan yang shes rab kyi pha rol du phyin pa ni de bzhin gshegs pa la 'jig rten zhi bar ston te 'jig rten ji ltar zhi bar ston ce na/ phung po dang khams dang skye mched dang / rten cing 'brel par 'byung ba rnams dang / rnam pa thams cad mkhyen pa nyid kyi bar du zhi bar ston te/ rab 'byor de ltar na shes rab kyi pha rol du phyin pa ni/ de bzhin gshegs pa skyed pa dang 'jig rten ston pa yin no/ /rab 'byor gzhan yang shes rab kyi pha rol du phyin pa ni de bzhin gshegs pa la 'jig rten stong pa nyid kho nar ston te/ 'jig rten stong pa nyid kho nar ji ltar ston ce na/ phung po lnga'i 'jig rten stong pa nyid kho nar ston pa nas/ rnam pa thams cad mkhyen pa nyid kyi bar gyi 'jig rten stong pa nyid kho nar ston te/ rab 'byor de ltar na shes rab kyi pha rol du phyin pa ni de bzhin gshegs pa skyed pa dang / 'jig rten ston pa yin no/ /rab 'byor shes rab kyi pha rol du phyin pa 'di ni ci nas 'jig rten 'di'i 'du shes med pa dang / 'jig rten pha rol gyi 'du shes med pa de ltar de bzhin gshegs pa la 'jig rten ston to/ /de ci'i phyir zhe na/ 'di ltar gang gis 'jig rten 'di'i 'du shes sam/ 'jig rten pha rol gyi 'du shes byed pa'i chos de dag med pa'i phyir ro/ /shes rab kyi pha rol du phyin pa khri brgyad stong pa/ bam po sum bcu rtsa bzhi pa/ rab 'byor gyis gsol pa/ /bcom ldan 'das kye ma shes rab kyi</font><hr>35.151b<br><font size=+1>

pha rol du phyin pa 'di ni bcom ldan 'das rnams kyi mdzad pa chen pos nye bar gnas pa lags so/ /bcom ldan 'das shes rab kyi pha rol du phyin pa 'di ni mdzad pa bsam gyis mi khyab pa dang / mdzad pa gzhal du ma mchis pa dang / mdzad pa dpag tu ma mchis pa dang / mdzad pa mi mnyam pa dang mnyam pas nye bar gnas pa lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor shes rab kyi pha rol du phyin pa ni de bzhin gshegs pa rnams kyi mdzad pa chen pos nye bar gnas pa yin no/ /rab 'byor shes rab kyi pha rol du phyin pa ji ltar mdzad pa chen pos nye bar gnas she na/ rab 'byor 'di lta ste/ sems can thams cad skyab pa dang gnas byed pa dang / yongs su mi gtong ba 'di ni de bzhin gshegs pa rnams kyi mdzad pa chen po yin te/ rab 'byor rnam grangs des na/ shes rab kyi pha rol du phyin pa ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi mdzad pa chen pos nye bar gnas pa yin no/ /rab 'byor shes rab kyi pha rol du phyin pa ji ltar de bzhin gshegs pa rnams kyi mdzad pa bsam gyis mi khyab pas nye bar gnas she na/ rab 'byor sangs rgyas nyid dang / de bzhin gshegs pa nyid dang / rang byung nyid dang / thams cad mkhyen pa nyid bsam gyis mi khyab ste/ rab 'byor rnam grangs des na/ shes rab kyi pha rol du phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams kyi mdzad pa bsam gyis mi khyab pas nye bar gnas pa yin no/ /rab 'byor shes rab kyi pha rol du phyin pa ji ltar de bzhin gshegs pa rnams kyi mdzad pa gzhal du med pas nye bar gnas she na/ rab 'byor sems can gyi tshogs kyi nang na/ de bzhin gshegs pa dgra bcom pa yang dag par rdzogs pa'i sangs rgyas bsam pa 'am gzhal bar nus pa'i sems can gang yang med de rab 'byor rnam grangs des na/ shes rab kyi pha rol du phyin pa ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi mdzad pa gzhal du med pas nye bar gnas pa yin no/ /rab 'byor shes rab kyi pha rol du phyin pa ji</font><hr>35.152a<br><font size=+1>

ltar de bzhin gshegs pa rnams kyi mdzad pa dpag tu med pas nye bar gnas she na/ rab 'byor sangs rgyas nyid dang / de bzhin gshegs pa nyid dang / rang byung nyid dang thams cad mkhyen pa nyid ni dpag tu med la sus kyang tshad gzung bar mi nus te/ rab 'byor rnam grangs des na/ shes rab kyi pha rol du phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams kyi mdzad pa dpag tu med pas nye bar gnas pa yin no/ /rab 'byor shes rab kyi pha rol du phyin pa ji ltar mdzad pa mi mnyam pa dang mnyam pas nye bar gnas she na/ rab 'byor de bzhin gshegs pa rnams dang mnyam pa yang med na/ lhag pa lta ga la yod de/ rab 'byor rnam grangs des na/ shes rab kyi pha rol du phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams kyi mdzad pa mi mnyam pa dang mnyam pas nye bar gnas pa yin no/ /rab 'byor gyis gsol pa/ bcom ldan 'das ci sangs rgyas nyid dang / de bzhin gshegs pa nyid dang / rang byung nyid dang / thams cad mkhyen pa nyid bsam gyis mi khyab pa dang / gzhal du ma mchis pa dang / dpag tu ma mchis dang / grangs ma mchis pa dang / mi mnyam pa dang mnyam pa lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor sangs rgyas nyid dang de bzhin gshegs pa nyid dang / rang byung nyid dang thams cad mkhyen pa nyid ni bsam gyis mi khyab pa yin no/ /rab 'byor de bzhin du sangs rgyas nyid dang / de bzhin gshegs pa nyid dang rang byung nyid dang / thams cad mkhyen pa nyid ni gzhal du med pa dang / dpag tu med pa dang grangs med pa dang / mi mnyam pa dang mnyam pa yin no/ /rab 'byor chos rnams kyi chos nyid gang yin pa de la ni sems dang sems las byung ba'i chos rnams mi dmigs so/ /rab 'byor gzugs ni bsam gyis mi khyab pa dang / gzhal du med pa dang dpag tu med pa dang / grangs med pa dang mi mnyam</font><hr>35.152b<br><font size=+1>

pa dang mnyam pa ste/ shes par byar med pa'i phyir ro/ /rab 'byor de bzhin du tshor ba dang / 'du shes dang 'du byed rnams dang / rnam par shes pa yang bsam gyis mi khyab pa dang / gzhal du med pa dang / dpag tu med pa dang grangs med pa dang / mi mnyam pa dang mnyam pa ste/ shes par byar med pa'i phyir ro/ /rnam pa thams cad mkhyen pa'i bar du yang bsam gyis mi khyab pa dang / gzhal du med pa dang / dpag tu med pa dang / grangs med pa dang mi mnyam pa dang mnyam pa ste/ shes par byar med pa'i phyir ro/ /rab 'byor gyis gsol pa/ bcom ldan 'das ci'i slad du gzugs bsam gyis mi khyab pa dang / gzhal du ma mchis pa dang / dpag tu ma mchis pa dang / grangs ma mchis pa dang / mi mnyam pa dang mnyam pa dang / 'tshal bar bgyir ma mchis pa lags/ tshor ba dang 'du shes dang / 'du byed rnams dang rnam par shes pa yang bsam gyis mi khyab pa dang / gzhal du ma mchis pa dang / dpag tu ma mchis pa dang / grangs ma mchis pa dang mi mnyam pa dang mnyam pa ste/ 'tshal bar bgyir ma mchis pa lags/ rnam pa thams cad mkhyen pa nyid kyi bar du yang bsam gyis mi khyab pa dang / gzhal du ma mchis pa dang / dpag tu ma mchis pa dang / grangs ma mchis pa dang / mi mnyam pa dang mnyam pa ste/ 'tshal bar bgyir ma mchis pa lags/ bcom ldan 'das kyis bka' stsal pa/ rab 'byor gzugs kyi ngo bo nyid ni/ ngo bo nyid med pa'i phyir/ bsam gyis mi khyab pa dang gzhal du med pa dang / dpag tu med pa dang grangs med pa dang / mi mnyam pa dang mnyam pa ste/ shes par byar med pa yin no/ /rab 'byor tshor ba dang / 'du shes dang 'du byed rnams dang rnam par shes pa'i ngo bo nyid ni ngo bo nyid med pa'i phyir/ bsam gyis mi khyab pa dang / gzhal du med pa dang / dpag tu med pa dang grangs med pa dang / mi mnyam pa dang mnyam pa ste/ shes par byar med pa yin no/ /</font><hr>35.153a<br><font size=+1>

rnam pa thams cad mkhyen pa nyid kyi bar gyi ngo bo nyid ni ngo bo nyid med pa'i phyir bsam gyis mi khyab pa dang / gzhal du med pa dang / dpag tu med pa dang / grangs med pa dang / mi mnyam pa dang mnyam pa ste/ shes par byar med pa yin no/ /rab 'byor 'di ji snyam du sems/ ci gzugs bsam gyis mi khyab pa dang / gzhal du med pa dang / dpag tu med pa dang / grangs med pa dang / mi mnyam pa dang mnyam pa gang yin pa de la gzugs dmigs sam/ rab 'byor de bzhin du tshor ba dang / 'du shes dang 'du byed rnams dang / rnam par shes pa bsam gyis mi khyab pa dang / gzhal du med pa dang / dpag tu med pa dang / grangs med pa dang / mi mnyam pa dang / mnyam pa gang yin pa de la rnam par shes pa dmigs sam/ rab 'byor 'di ji snyam du sems/ rnam pa thams cad mkhyen pa nyid kyi bar du bsam gyis mi khyab pa dang / gzhal du med pa dang / dpag tu med pa dang / mi mnyam pa dang / mnyam pa gang yin pa de la rnam pa thams cad mkhyen pa nyid dmigs snyam 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor rnam grangs des na/ chos thams cad bsam gyis mi khyab pa dang / gzhal du med pa dang / dpag tu med pa dang / grangs med pa dang / mi mnyam pa dang mnyam pa ste/ rab 'byor 'di dag ni chos thams cad bsam gyis mi khyab pa dang / gzhal du med pa dang / dpag tu med pa dang / grangs med pa dang / mi mnyam pa dang mnyam pa yin no/ /rab 'byor de bzhin du de bzhin gshegs pa rnams kyi de bzhin gshegs pa'i chos rnams bsam gyis mi khyab pa dang / gzhal du med pa dang / dpag tu med pa dang grangs med pa dang / mi mnyam pa dang mnyam pa ste/ rab 'byor de bzhin gshegs pa rnams kyi de bzhin gshegs pa'i chos de dag ni bsam gyis mi khyab pa'i phyir/ bsam</font><hr>35.153b<br><font size=+1>

du med pa dang / gzhal gyis mi lang ba'i phyir gzhal du med pa dang / dpag gis mi lang ba'i phyir dpag tu med pa dang / bgrang gis mi lang ba'i phyir grangs med pa dang / mi nyam pa dang mi mnyam pa med pa'i phyir/ mi mnyam pa dang mnyam pa yin te/ rab 'byor rnam grangs des na/ chos thams cad bsam gyis mi khyab pa dang / gzhal du med pa dang / dpag tu med pa dang / grangs med pa dang / mi mnyam pa dang mnyam pa yin no/ /rab 'byor de bzhin gshegs pa rnams kyi de bzhin gshegs pa'i chos de dag ni bsam pa las 'das pa'i phyir/ bsam gyis mi khyab pa dang / gzhal ba las 'das pa'i phyir gzhal du med pa dang / tshad las 'das pa'i phyir dpag tu med pa dang / bgrang pa las 'das pa'i phyir grangs med pa dang / mnyam pa dang mi mnyam pa las 'das pa'i phyir/ mi mnyam pa dang mnyam pa yin no/ /rab 'byor bsam gyis mi khyab pa zhes bya ba de ni bsam gyis mi lang ba'i tshig bla dgas so/ /rab 'byor gzhal du med pa zhes bya ba de ni gzhal gyis mi lang pa'i tshig bla dgas so/ /rab 'byor dpag tu med pa zhes bya ba de ni tshad med pa'i tshig bla dgas so/ /rab 'byor grangs med pa zhes bya ba de ni grangs las 'das pa'i tshig bla dgas so/ /rab 'byor mi mnyam pa dang mnyam pa zhes bya ba de ni mnyam pa med pa dang mnyam pa'i tshig bla dgas so/ /rab 'byor de bzhin gshegs pa rnams kyis de bzhin gshegs pa'i chos de dag ni bsam gyis mi khyab pa dang / gzhal du med pa dang dpag tu med pa dang grangs med pa dang mi mnyam pa dang mnyam pa yin no/ /rab 'byor bsam gyis mi khyab pa zhes bya ba ni nam mkha' bsam gyis mi khyab pa'i phyir ro/ /de bzhin du gzhal du med pa dang / dpag tu med pa dang / grangs med pa dang / mi mnyam pa dang mnyam pa yang nam mkha' dang mtshungs pa'i phyir ro/ /rab 'byor de ltar na de bzhin gshegs pa'i chos rnams ni bsam gyis mi khyab pa dang / gzhal du med pa dang / dpag tu med pa dang / grangs med pa dang / mi mnyam pa dang mnyam pa yin te/ de dag ni nyan</font><hr>35.154a<br><font size=+1>

thos dang / rang sangs rgyas thams cad dang lha dang bcas pa'i 'jig rten gyis kyang bsam pa 'am/ gzhal ba 'am dpag pa 'am/ bgrang bar mi nus te/ de ltar na sangs rgyas rnams kyang dpag tu med la/ sangs rgyas kyi chos rnams kyang dpag tu med do/ /bsam gyis mi khyab pa dang / gzhal du med pa dang / dpag tu med pa dang / grangs med pa dang / mi mnyam pa dang mnyam pa'i le'u chos kyi rnam grangs 'di bshad pa na/ dge slong lnga brgya ni len pa med par zag pa rnams las sems rnam par grol lo/ /dge slong ma nyis stong yang len pa med par zag pa rnams las sems rnam par grol lo/ /dge bsnyen drug khri ni chos rnams la chos kyi mig rdul med cing dri ma dang bral ba rnam par dag go/ /dge bsnyen ma sum khri yang chos rnams la chos kyi mig rdul med cing dri ma dang bral ba rnam par dag go/ /byang chub sems dpa' nyi khri ni mi skye ba'i chos la bzod pa thob par gyur te/ de dag kyang bcom ldan 'das kyis skal pa bzang po 'di nyid la sangs rgyas su 'gyur bar lung bstan to/ /shes rab kyi pha rol du phyin pa khri brgyad stong pa las bsam gyis mi khyab pa'i le'u zhes bya ste bzhi bcu rtsa gsum pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol du phyin pa 'di ni zab lags so/ /bcom ldan 'das shes rab kyi pha rol du phyin pa 'di ni bgyid pa chen pos nye bar gnas pa lags so/ /shes rab kyi pha rol du phyin pa 'di ni bgyid pa mtshungs pa ma mchis pa dang / bgyid pa dpag tu ma mchis pa dang / bgyid pa grangs ma mchis pa dang / bgyid pa mi mnyam pa dang mnyam pas nye bar gnas pa lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor shes rab kyi pha rol</font><hr>35.154b<br><font size=+1>

du phyin pa 'di ni byed pa chen pos nye bar gnas pa yin no/ /rab 'byor shes rab kyi pha rol du phyin pa 'di ni byed pa mtshungs pa med pa dang / byed pa dpag tu med pa dang / byed pa grangs med pa dang / byed pa mi mnyam pa dang mnyam pas nye bar gnas pa yin no/ /de ci'i phyir zhe na/ rab 'byor shes rab kyi pha rol du phyin pa zab mo 'dir pha rol du phyin pa drug 'dus pa dang / rab 'byor shes rab kyi pha rol du phyin pa zab mo 'dir nang stong pa nyid 'dus pa dang / dngos po med pa'i ngo bo nyid stong pa nyid kyi bar du 'dus pa dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang stobs lnga dang / byang chub kyi yan lag bdun dang / 'phags pa'i lam yan lag brgyad pa 'dus pa dang / rab 'byor shes rab kyi pha rol du phyin pa zab mo 'dir de bzhin gshegs pa'i stobs bcu 'dus pa dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad 'dus pa dang / rab 'byor shes rab kyi pha rol du phyin pa zab mo 'dir sangs rgyas kyis 'dus pa dang / rnam pa thams cad mkhyen pa nyid kyi bar dag 'dus pa'i phyir ro/ /rab 'byor 'di lta ste dper na/ rgyal po rgyal rigs spyi bo nas dbang bskur ba/ yul gyi mi rnams la mthu che zhing dbang thob pa'i rgyal po'i bya ba dang yul gyi mi rnams kyi bya ba ci yod pa de dag thams cad blon po byed du bcug na/ rgyal po'i bya ba 'am yul gyi mi'i bya ba de dag la rgyal po snying las chung zhing khur bor ba yin no/ /rab 'byor de bzhin du nyan thos kyi chos rnams sam/ rang sangs rgyas kyi chos rnams sam/ byang chub sems dpa'i chos rnams sam/ sangs rgyas kyi chos gang ci yang rung ba de dag thams cad ni shes rab kyi pha rol du phyin pa'i nang du 'dus te shes rab kyi pha rol du phyin pa 'di ni de dag gi bya ba byed pa yin no/ /rab 'byor de bas na shes rab kyi pha rol du phyin pa 'di ni byang chub sems dpa' rnams kyi byed pa chen pos nye bar gnas pa yin no/ /rab 'byor shes rab kyi pha rol du phyin pa 'di ni byed pa mtshungs pa med</font><hr>35.155a<br><font size=+1>

pa dang byed pa dpag tu med pa dang byed pa grangs med pa dang / byed pa mi mnyam pa dang mnyam pas nye bar gnas pa yin no/ /de ci'i phyir zhe na/ rab 'byor 'di ltar shes rab kyi pha rol du phyin pa zab mo 'di ni gzugs la yongs su 'dzin pa med cing / mngon par zhen pa med par nye bar gnas pa dang / tshor ba dang / 'du shes dang / 'du byed rnams dang / rnam par shes pa la yongs su 'dzin pa med cing / mngon par zhen pa med par nye bar gnas pa dang / rnam pa thams cad mkhyen pa nyid kyi bar dag la yongs su 'dzin pa med cing mngon par zhen pa med par nye bar gnas pa dang / rgyun du zhugs pa'i 'bras bu la yongs su 'dzin pa med cing / mngon par zhen pa med par nye bar gnas pa dang / de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub kyi bar dag la yongs su 'dzin pa med cing mngon par zhen pa med par nye bar gnas pa'i phyir ro/ /rab 'byor gyis gsol pa bcom ldan 'das shes rab kyi pha rol du phyin pa 'di ji ltar gzugs la yongs su 'dzin pa ma mchis shing / mngon par zhen pa ma mchis par nye bar gnas pa lags/ bcom ldan 'das ji ltar tshor ba dang / 'du shes dang / 'du byed rnams dang / rnam par shes pa la yongs su 'dzin pa ma mchis shing / mngon par zhen pa ma mchis par nye bar gnas pa lags/ ji ltar bla na med yang dag par rdzogs pa'i byang chub kyi bar dag la yongs su 'dzin pa ma mchis shing / mngon par zhen pa ma mchis par nye bar gnas pa lags/ bcom ldan 'das kyis bka' stsal pa/ rab 'byor khyod kyis gang la yongs su 'dzin pa dang / gang la mngon par zhen pa dang / gang yongs su 'dzin pa dang / gang mngon par zhen pa'i gzugs de yang dag par rjes su mthong ngam/ </font><hr>35.155b<br><font size=+1>

rab 'byor khyod kyis gang la yongs su 'dzin pa dang / gang la mngon par zhen pa dang / gang yongs su 'dzin pa dang / gang mngon par zhen pa'i tshor ba dang / 'du shes dang / 'du byed rnams dang / rnam par shes pa de yang dag par rjes su mthong ngam/ gsol pa/ bcom ldan 'das de ni ma lags so/ /bka' stsal pa/ rab 'byor khyod kyis gang la yongs su 'dzin pa dang / gang la mngon par zhen pa dang / gang yongs su 'dzin pa dang / gang mngon par zhen pa'i bla na med pa yang dag par rdzogs pa'i byang chub de yang dag par rjes su mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor legs so/ /legs so/ /rab 'byor ngas kyang gang la yongs su 'dzin pa 'am/ mngon par zhen pa 'am/ gang yongs su 'dzin pa 'am/ mngon par zhen pa'i gzugs yang dag par rjes su ma mthong ngo / /rab 'byor ngas kyang bla na med pa yang dag par rdzogs pa'i byang chub kyi bar du yang dag par rjes su ma mthong ngo / /yang dag par rjes su ma mthong bas yongs su mi 'dzin to/ /yongs su mi 'dzin pas mngon par zhen pa med do/ /rab 'byor ngas kyang sangs rgyas kyi sa dang / thams cad mkhyen pa nyid dang / rnam pa thams cad mkhyen pa nyid dang / de bzhin gshegs pa nyid yang dag par rjes su ma mthong ngo / /yang dag par rjes su ma mthong bas yongs su mi 'dzin te/ yongs su mi 'dzin pas mngon par zhen pa med do/ /rab 'byor de bas na byang chub sems dpa' sems dpa' chen po rnams kyis gzugs la yongs su bzung bar mi bya zhing mngon par zhen par mi bya'o/ /tshor ba dang / 'du shes dang / 'du byed rnams dang / rnam par shes pa la yongs su bzung bar mi bya zhing / mngon par zhen par mi bya'o/ /de bzhin du sbyar te/ sangs rgyas nyid dang / thams cad mkhyen pa nyid dang / rnam pa thams cad mkhyen pa nyid dang / de bzhin gshegs</font><hr>35.156a<br><font size=+1>

pa nyid la yongs su bzung bar mi bya zhing mngon par zhen par mi bya'o/ /de nas bcom ldan 'das la 'dod pa na spyod pa dang / gzugs na spyod pa'i lha'i bu rnams kyis 'di skad ces gsol to/ /bcom ldan 'das shes rab kyi pha rol du phyin pa 'di ni zab cing mthong bar dka' la rtogs par dka' ste/ brtag par mi nus shing / rtog ge'i spyod pa ma lags la/ zhi ba zhib mo brtag pa'i mkhas pa dang / 'dzangs pa'i rig par bgyi ba lags so/ /bcom ldan 'das byang chub sems dpa' gang dag shes rab kyi pha rol du phyin pa 'di la mos pa de dag ni sngon gyi rgyal ba rnams la lhag par bgyi ba bgyis pa dang / dge ba'i bshes gnyen gyis yongs su zin pa lags so/ /bcom ldan 'das sems can gang dag shes rab kyi pha rol du phyin pa zab mo 'di la/ mos pa de dag ni dge ba'i rtsa ba skyed skyed pa lags so/ /bcom ldan 'das gal te stong gsum gyi stong chen po'i 'jig rten gyi khams na/ sems can gang dag gnas pa de dag thams cad dad pas rjes su 'brang ba dang / chos kyis rjes su 'brang ba dang / brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas su gyur kyang de dag thams cad kyi shes pa gang lags pa dang spong ba gang lags pa dang / shes rab kyi pha rol du phyin pa zab mo 'di la gdugs gcig bzod pa dang / 'dod pa dang / sems pa dang / 'jal ba dang / dpyod pa dang / rtog pa gang lags pa las shes rab kyi pha rol du phyin pa 'di lta bu 'di la 'dod cing / bzod pa gang lags pa de nyid ches mchog tu gyur pa lags so/ /de ci'i slad du zhe na/ 'di ltar dad pas rjes su 'brang ba dang / chos kyis rjes su 'brang ba dang / brgyad pa dang / rgyun du zhugs pa rnams kyi shes pa dang / </font><hr>35.156b<br><font size=+1>

spong ba dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams kyi shes rab dang / spong ba gang lags pa de ni byang chub sems dpa' sems dpa' chen po mi skye ba'i chos la bzod pa thob pa'i bzod pa lags pa'i slad du'o/ /de nas bcom ldan 'das kyis 'dod pa na spyod pa dang / gzugs na spyod pa'i lha'i bu rnams la bka' stsal pa/ lha'i bu dag legs so legs so/ /lha'i bu dag de de bzhin no/ /de de bzhin te/ dad pas rjes su 'brang ba dang / chos kyis rjes su 'brang ba dang / brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas kyis shes pa dang / spong ba gang yin pa de ni byang chub sems dpa' sems dpa' chen po mi skye ba'i chos la bzod pa thob pa'i bzod pa yin no/ /lha'i bu dag rigs kyi bu 'am rigs kyi bu mo gang la las shes rab kyi pha rol du phyin pa zab mo 'di thos la/ thos nas kyang yi ger 'bri ba dang / bris nas kyang lung 'bog pa dang / kha ton byed pa dang / tshul bzhin du yid la byed pa'i rigs kyi bu 'am rigs kyi bu mo de dag ni myur du yongs su mya ngan las 'da' bar shes par bya'i/ nyan thos kyi theg pa pa 'am/ rang sangs rgyas kyi theg pa pa shes rab kyi pha rol du phyin pa dang bral ba'i mdo sde gzhan dag la spyod pa de dag ni de ltar mi 'gyur ro/ /de ci'i phyir zhe na/ 'di ltar dad pas rjes su 'brang ba rnams dang / chos kyi rjes su 'brang ba rnams kyis gang la bslab par bya ba dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas kyi theg pa la yang dag par zhugs pa rnams dang / byang chub sems dpa' sems dpa' chen po rnams kyis gang la bslab par bya ba dang / de bzhin gshegs pa dgra bcom pa yang dag</font><hr>35.157a<br><font size=+1>

par rdzogs pa'i sangs rgyas rnams kyi gang la bslabs nas/ bla na med pa yang dag par rdzogs pa'i byang chub tu mngon par rdzogs par sangs rgyas pa dang / mngon par rdzogs par 'tshang rgya ba dang / mngon par rdzogs par 'tshang rgya bar 'gyur ba yang dag phul gyi chos rnams shes rab kyi pha rol du phyin pa zab mo 'di las rgya cher bstan pa'i phyir ro/ /de nas 'dod pa na spyod pa dang / gzugs na spyod pa'i lha'i bu de dag gi bcom ldan 'das la 'di skad ces gsol to/ /bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni che ba lags so/ /bcom ldan 'das 'di lta ste/ shes rab kyi pha rol du phyin pa pha rol du phyin pa 'di ni mtshungs pa ma mchis pa dang / pha rol du phyin pa dpag du ma mchis pa dang / pha rol du phyin pa grangs ma mchis pa dang / pha rol du phyin pa mi mnyam pa dang mnyam pa lags so/ /bcom ldan 'das shes rab kyi pha rol du phyin pa 'di la dad pa'i rjes su 'brang ba rnams dang chos kyi rjes su 'brang ba rnams dang / brgyad pa rnams dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams kyis bslab pa'i nges par byung bar gyur la/ byang chub sems dpa' sems dpa' chen po rnams kyis de la bslab pas bla na med pa yang dag par rdzogs pa'i byang chub mngon par rdzogs par sangs rgyas kyang / shes rab kyi pha rol du phyin pa zab mo 'di la ni bri ba 'am/ gang ba ma mchis so/ /zhes ched du brjod pa ched du brjod do/ /de nas 'dod pa na spyod pa dang / gzugs na spyod pa'i lha'i bu rnams kyis bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi thad nas dong</font><hr>35.157b<br><font size=+1>

ste/ de dag ha cang yang mi ring ba zhig tu phyin nas mi snang bar gyur te/ 'dod pa na spyod pa'i lha'i bu gang yin pa de dag ni 'dod pa'i khams su 'khod do/ /gzugs na spyod pa'i lha'i bu gang yin pa de dag ni gzugs kyi khams su 'khod do/ /de nas bcom ldan 'das la tshe dang ldan pa rab 'byor kyis 'di skad ces gsol to/ /bcom ldan 'das byang chub sems dpa' sems dpa' chen po gang shes rab kyi pha rol du phyin pa zab mo 'di thos ma thag tu mos par 'gyur ba de gang nas shi 'phos te 'dir skyes pa lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol du phyin pa zab mo 'di thos ma thag tu mos par 'gyur te/ zhum par mi 'gyur zhing / yongs su zhum par mi 'gyur la/ de yid rtul bar mi 'gyur zhing / de yid gnyis mi byed la/ the tshom mi za zhing / shes rab kyi pha rol du phyin pa zab mo 'di thos par mngon par dga' ste/ thos nas kyang shes rab kyi pha rol du phyin pa zab mo 'di yid la byed pa 'di nyid dang mi 'bral zhing / 'gro yang rung / 'ong yang rung / 'greng yang rung / 'dug kyang rung ste/ rtag tu rgyun mi chad par yid la byed pa de dag mi gtong la/ chos smra bas gang zag de dag gi phyi bzhin du rtag tu rgyun mi chad par 'brang te/ rab 'byor 'di lta ste dper na/ ba drus ma be'u mi gtong ba bzhin du rab 'byor byang chub sems dpa' sems dpa' chen po yang shes rab kyi pha rol du phyin pa zab mo 'di/ nam lus la gnas par byas pa dang / zin pa dang / byang ba dang / chub par blags pa dang / yid kyis rtag pa dang / mthong bas shin du rtog par ma gyur kyi bar du shes rab kyi pha rol du phyin pa zab mo 'di'i phyir/ chos smra ba mi gtong ba'i byang chub sems dpa' sems dpa' chen po theg pa la gsar du zhugs pa'i gang zag de ni/ </font><hr>35.158a<br><font size=+1>

rab 'byor mi las shi 'phos nas mir skyes pa yin no/ /de ci'i phyir zhe na/ 'di ltar theg pa la gsar du zhugs pa'i byang chub sems dpa' des sngon shes rab kyi pha rol du phyin pa zab mo 'di yi ger bris la/ bris nas kyang gleg bam du chud par byas te/ me tog dang / bdug pa dang / spos dang / me tog phreng dang / byug pa dang / phye ma dang gos dang / gdugs dang rgyal mtshan dang / ba dan dag gis sti stang byas/ bla mar byas ri mo byas/ mchod par byas pa'i phyir te/ de ni dge ba'i rtsa ba des mi las shi 'phos te/ mir skyes nas shes rab kyi pha rol du phyin pa zab mo 'di thos ma thag tu mos par 'gyur ro/ /rab 'byor gyis gsol pa/ bcom ldan 'das byang chub sems dpa' yon tan de dag dang ldan pa sangs rgyas bcom ldan 'das gzhan dag la bsnyen bkur bgyis nas de nas shi 'phos te/ 'dir skyes nas shes rab kyi pha rol du phyin pa zab mo 'di thos ma thag tu mos la/ mos nas kyang yi ger 'bri ba dang / bris nas kyang lung 'bog pa dang / kha ton du bgyid pa dang / tshul bzhin du yid la bgyid par 'gyur ba'i rnam grangs mchis lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po gang sangs rgyas kyi zhing gzhan dag tu/ sangs rgyas bcom ldan 'das rnams la bsnyen bkur byed pa yang de nas shi 'phos nas 'dir skyes te/ shes rab kyi pha rol du phyin pa zab mo 'di thos ma thag tu mos la/ mos nas kyang yi ger 'bri ba dang / bris nas kyang lung 'bog pa dang / kha ton du byed pa dang / tshul bzhin du yid la byed par 'gyur ro/ /de ci'i phyir zhe na/ 'di ltar byang chub sems dpa' sems dpa' chen po des sangs rgyas bcom ldan 'das de dag las shes rab kyi pha rol du phyin pa zab mo 'di thos la thos nas kyang bzung zhing</font><hr>35.158b<br><font size=+1>

bcang la/ kha ton du byas shing tshul bzhin du yid la byas pa'i phyir te/ dge ba'i rtsa ba de dag dang / yid la byed pa de dag gis 'dir skyes so/ /rab 'byor gzhan yang byang chub sems dpa' sems dpa' chen po dga' ldan gyi lha rnams kyi nang nas shi 'phos nas mi rnams dang skal ba mnyam par 'dir skyes pa de nyid kyang yon tan de dag dang ldan par rig par bya'o/ /de ci'i phyir zhe na rab 'byor 'di ltar byang chub sems dpa' sems dpa' chen po des ni byang chub sems dpa' sems dpa' chen po byams pa la shes rab kyi pha rol du phyin pa 'di yongs su dri ba byas pas na/ de ni dge ba'i rtsa ba des 'dir skyes pa'i phyir ro/ /rab 'byor byang chub sems dpa' sems dpa' chen po gang sngon gyi mtha' nas/ shes rab kyi pha rol du phyin pa zab mo 'di ma thos la yongs su bri ba ma byas pa de ni mi'i 'jig rten du skyes na/ the tshom can dang yid rtul bar 'gyur te/ de'i sems zhum par 'gyur ro/ /rab 'byor byang chub sems dpa' sems dpa' chen po gang sngon gyi mtha' nas/ shes rab kyi pha rol du phyin pa 'di thos la yongs su dri ba byas pa de ni/ shes rab kyi pha rol du phyin pa zab mo 'di bshad pa thos na/ the tshom can du mi 'gyur zhing yid rtul bar mi 'gyur te/ sems zhum par mi 'gyur ro/ /rab 'byor bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa la yang de bzhin du sbyar ro/ /rab 'byor gzhan yang byang chub sems dpa' sems dpa' chen po gang gis sngon gyi mtha' nas kyang / sbyin pa'i pha rol du phyin pa 'di ma thos la yongs su dri ba ma byas pa de ni/ shes rab kyi pha rol du phyin pa zab mo 'di bshad pa thos na the tshom can du 'gyur zhing yid rtul bar 'gyur te/ sems zhum par 'gyur ro/ /rab 'byor gzhan yang byang chub sems dpa' sems dpa' chen po gang gis sngon gyi mtha' nas kyang </font><hr>35.159a<br><font size=+1>

nang stong pa nyid dang / dngos po med pa'i ngo bo nyid stong pa nyid kyi bar du ma thos shing / yongs su dri ba ma byas pa de ni shes rab kyi pha rol du phyin pa zab mo 'di bshad pa thos na the tshom can du 'gyur zhing yid rtul bar 'gyur te/ sems zhum par 'gyur ro/ /rab 'byor gzhan yang byang chub sems dpa' sems dpa' chen po gang gis sngon gyi mtha' nas kyang / dran pa nye bar gzhag pa bzhi ma thos la yongs su dri ba ma byas pa de ni shes rab kyi pha rol du phyin pa zab mo 'di bshad pa thos nas the tshom can du 'gyur zhing / yid rtul bar 'gyur te sems zhum par 'gyur ro/ /rab 'byor gzhan yang byang chub sems dpa' sems dpa' chen po gang gi sngon gyi mtha' nas kyang yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ma thos sam/ thos nas kyang yongs su dri ba ma byas pa de ni/ shes rab kyi pha rol du phyin pa zab mo 'di bshad pa thos na the tshom can du 'gyur zhing yid rtul bar 'gyur te/ sems kyang zhum par 'gyur ro/ /rab 'byor gzhan yang byang chub sems dpa' sems dpa' chen po gang gis sngon gyi mtha' nas kyang / shes rab kyi pha rol du phyin pa zab mo 'di thos shing yongs su dris la/ thos shing yongs su dri nas/ nyi ma gcig gam/ nyi ma gnyis sam/ nyi ma gsum 'am/ bzhi 'am/ lnga 'am/ drug gam/ nyi ma bcur yang shes rab kyi pha rol du phyin pa zab mo 'di nyams su mi len cing mi bsgom pa de ni 'phrog par 'gyur te/ shes rab kyi pha rol du phyin pa zab mo 'di dang yang 'bral bar 'gyur ro/ /de ci'i phyir zhe na/ rab 'byor 'di ltar byang chub sems dpa' sems dpa' chen po gang gis shes rab kyi</font><hr>35.159b<br><font size=+1>

pha rol du phyin pa zab mo 'di la res 'ga' ni 'dun par 'gyur te/ res 'ga' ni 'dun par mi 'gyur ba de ni 'phrog par 'gyur te/ shing bal gyi 'da' ba bzhin du blo shin du mi brtan par 'gyur ba'i phyir ro/ /rab 'byor byang chub sems dpa' sems dpa' chen po de ni theg pa la yang dag par zhugs nas/ ring po ma lon pa dang / dge ba'i bshes gnyen gyis yongs su ma zin pa dang / yang dag par rdzogs pa'i sangs rgyas la bsnyen bkur ma byas par rig par bya'o/ /rab 'byor byang chub sems dpa' sems dpa' chen po gang gis shes rab kyi pha rol du phyin pa zab mo 'di lung ma mnos kha ton du ma byas/ tshul bzhin du yid la ma byas pa dang / shes rab kyi pha rol du phyin pa la ma slab pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la ma bslab pa dang / nang stong pa nyid la ma bslab pa dang / dngos po med pa'i ngo bo nyid stong pa nyid kyi bar la ma bslab pa dang / dran pa nye bar bzhag pa rnams la ma bslab pa dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam la ma bslab pa dang / mngon par shes pa lnga dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar la ma bslab pa'i byang chub sems dpa' sems dpa' chen po de dag ni/ rab 'byor theg pa la gsar du yang dag par zhugs pa yin par rig par bya ste rab 'byor de dag ni dad pa tsam dang / dga' ba tsam dang ldan pa yin gyi/ shes rab kyi pha</font><hr>35.160a<br><font size=+1>

rol du phyin pa zab mo 'di yi ger bri ba dang / klag pa dang / lung mnod pa dang / nan tan du bya ba dang / tshul bzhin du yid la bya bar mi nus so/ /rab 'byor rigs kyi bu 'am rigs kyi bu mo byang chub sems dpa'i theg pa pas shes rab kyi pha rol du phyin pa zab mo 'di yi ger bri bar mi byed/ lung nod par mi byed/ kha ton du mi byed/ tshul bzhin du yid la mi byed pa dang / shes rab kyi pha rol du phyin pa zab mo 'di yang 'dzin par mi byed pa dang / rnam pa thams cad mkhyen pa nyid kyi bar du 'dzin par mi byed pa dang / shes rab kyi pha rol du phyin pa zab mo 'di yang nyams su mi len pa dang / de bzhin du sbyar te/ rnam pa thams cad mkhyen pa nyid kyi bar du nyams su mi len pa de dag ni/ 'di lta ste/ nyan thos kyi sa dang / rang sangs rgyas kyi sa dang / sa rnam pa 'di gnyis las gcig tu 'gyur bar rig par bya'o/ /de ci'i phyir zhe na/ 'di ltar rigs kyi bu 'am rigs kyi bu mo de dag gis ni sngon gyi mtha' nas kyang / shes rab kyi pha rol du phyin pa zab mo 'di yi ger ma bris shing lung ma mnod te/ kha ton du ma byas la/ tshul bzhin du yid la ma byas pa dang / shes rab kyi pha rol du phyin pa 'dis kyang yongs su ma zin pa dang / byang chub sems dpa' sems dpa' chen po de dag gis kyang shes rab kyi pha rol du phyin pa 'di nyams su ma blangs pa'i phyir te/ de'i phyir rigs kyi bu 'am rigs kyi bu mo de dag sa rnam pa gnyis su 'gyur bar shes par bya'o/ /shes rab kyi pha rol du phyin pa khri brgyad stong pa las/ 'dus pa'i le'u zhes bya ste/ bzhi bcu rtsa bzhi pa'o// // rab 'byor 'di lta ste dper na/ gang gi tshe rgya mtsho'i gru zhig par gyur pa na/ de'i nang na mi 'khod pa dag gis shing ngam/ rkyal po 'am/ mi ro la ma 'jus shing ma bzung na/ rab 'byor mi de dag ni rgya mtsho'i 'gram du ma phyin par 'chi ba'i dus byed par rig par bya'o/ /rab 'byor rgya mtsho'i</font><hr>35.160b<br><font size=+1>

gru zhig pa na/ mi gang dag shing ngam/ rgyal po 'am/ mi ro la 'ju zhing 'dzin par sems na/ rab 'byor mi de dag ni rgya mtsho'i nang du 'chi bar mi 'gyur te/ bde bar rgya mtsho las rgal bar 'gyur zhing nye zho med par thang la gnas par 'gyur ro/ /rab 'byor de bzhin du rigs kyi bu 'am rigs kyi bu mo byang chub sems dpa'i theg pa pa dad pa tsam dang / dga' ba tsam dang ldan pa te/ shes rab kyi pha rol du phyin pa zab mo 'di yi ger 'bri bar mi byed/ lung nod par mi byed/ kha ton du mi byed/ tshul bzhin du yid la mi byed pa dang / de bzhin du sbyar te/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yi ger 'bri bar mi byed/ lung nod par mi byed/ kha ton du mi byed/ lhag par dmigs par mi byed pa dang / de bzhin du sbyar te/ rnam pa thams cad mkhyen pa nyid kyi bar dang ldan pa'i mdo sde yi ger 'bri bar mi byed/ lung nod par mi byed/ kha ton du mi byed/ tshul bzhin du yid la mi byed pa dang / lhag par dmigs par mi byed pa'i gang zag byang chub sems dpa'i theg pa pa rnam pa thams cad mkhyen pa nyid la zhugs pa gang yin pa de dag ni/ bar ma dor lam du nyon mongs par 'gyur bar rig par bya te/ de dag ni nyan thos kyi sa 'am/ rang sangs rgyas kyi sa mngon sum du byed par 'gyur ro/ /rab 'byor gang zag byang chub sems dpa'i theg pa pa gang dag bla na med pa yang dag par rdzogs pa'i byang chub mngon par rdzogs par 'tshang rgya bar bya ba'i phyir/ dad pa yod pa dang / bzod pa yod pa dang / dang ba yod pa dang / lhag pa'i bsam pa yod pa dang / 'dod pa yod pa dang / mos pa yod pa dang / gtong ba yod pa dang / brtson pa mi gtong ba yod pa de dag ni shes rab kyi pha rol du phyin pa 'di</font><hr>35.161a<br><font size=+1>

yi ger 'bri bar byed/ lung nod par byed/ kha ton du byed/ tshul bzhin du yid la byed par 'gyur ro/ /rab 'byor rigs kyi bu 'am rigs kyi bu mo bla na med pa yang dag par rdzogs pa'i byang chub kyi phyir dad pa dang / bzod pa dang / dang ba dang / lhag pa'i bsam pa dang / 'dod pa dang / mos pa dang gtong ba dang / brtson pa mi gtong ba de dag dang gang dag shes rab kyi pha rol du phyin pa yongs su 'dzin cing / rnam pa thams cad mkhyen pa'i bar du yongs su 'dzin pa de dag bar ma dor nyon mongs par mi 'gyur zhing / de dag nyan thos dang / rang sangs rgyas kyi sa las 'das te sems can rnams yongs su smin par byas shing / sangs rgyas kyi zhing yongs su dag par byas nas/ bla na med pa yang dag par rdzogs pa'i byang chub mngon par rdzogs par 'tshang rgya ba la ltos/ rab 'byor 'di lta ste dper na skyes pa 'am/ bud med cig gis/ bum pa so ma btang / ma bsregs pas chu bcu bar sems na/ rab 'byor bum pa de ni ring por mi thub ste/ myur ba nyid du 'jig cing zhu bar 'gyur bar rig par bya'o/ /de ci'i phyir zhe na/ 'di ltar bum pa so ma btang ba'i phyir te/ de ni phyir sa tha mal pa nyid du 'gyur ro/ /rab 'byor de bzhin du rigs kyi bu 'am rigs kyi bu mo byang chub sems dpa'i theg pa pa rnams la bla na med pa yang dag par rdzogs pa'i byang chub kyi phyir dad pa yang yod/ bzod pa yang yod/ dga' ba yang yod/ dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ gtong ba yang yod/ brtson pa mi gtong ba yang yod du zin kyang de dag shes rab kyi pha rol du phyin pas yongs su ma zin la/ thabs la mkhas pas yongs su ma zin pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin</font><hr>35.161b<br><font size=+1>

pa dang / tshul khrims kyi pha rol du phyin pa dang / sbyin pa'i pha rol du phyin pa yongs su ma zin pa dang / nang stong pa nyid kyi yongs su ma zin/ dngos po med pa'i ngo bo nyid stong pa nyid kyi bar gyi yongs su ma zin/ dran pa nye bar bzhag pa rnams kyi yongs su ma zin/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam gyi yongs su ma zin/ mngon par shes pa lngas yongs su ma zin/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyis yongs su ma zin/ rnam pa thams cad mkhyen pa nyid kyi bar gyi yongs su ma zin na/ rab 'byor rigs kyi bu 'am rigs kyi bu mo byang chub sems dpa'i theg pa pa de dag ni bar ma dor nyon mongs par 'gyur ro/ /rab 'byor rigs kyi bu 'am rigs kyi bu mo byang chub sems dpa'i theg pa pa bar ma dor nyon mongs par 'gyur ba gang yin zhe na/ 'di lta ste/ nyan thos kyi sa dang / rang sangs rgyas kyi sa yin no/ /rab 'byor 'di lta ste dper na/ skyes pa 'am bud med cig gis bum pa so btang bas chu klung ngam/ khron pa 'am/ mtsho 'am/ mtshe'u 'am/ lteng ka nas chu bcus na/ rab 'byor bum pa de ni bde bar khyim du phyin par 'gyur bar rig par bya'o/ /de bzhin du byang chub sems dpa' sems dpa' chen po bla na med pa yang dag par rdzogs pa'i byang chub kyi phyir/ dad pa yang yod/ bzod pa yang yod/ dga' ba yang yod/ dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ gtong ba yang yod/ brtson pa mi gtong ba yang yod la de shes rab kyi pha rol du phyin pas yongs su zin cing thabs la mkhas pa dang / rnam pa thams cad mkhyen pa nyid kyi bar gyi</font><hr>35.162a<br><font size=+1>

yongs su zin na/ rab 'byor byang chub sems dpa' sems dpa' chen po de ni bar ma dor lam du 'di lta ste/ nyan thos kyi theg pa 'am/ rang sangs rgyas kyi theg par nyon mongs par mi 'gyur zhing nye zho med par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar rig par bya'o/ /rab 'byor 'di lta ste dper na/ rgya mtsho'i gru legs par ma brtsems shing zag lhan ma byas par rdzas kyis lci bar byas te/ chu la btang na/ rab 'byor bar ma dor gru de ni nub par 'gyur te/ rdzas kyang logs su shig gru yang logs su shig du 'gro bar 'gyur te/ de lta bu'i tshong pa de ni thabs la mi mkhas shing gnod pa chen po dang phrad par 'gyur ba dang / rin po che chen po dag dang bral bar 'gyur bar rig par bya'o/ /rab 'byor de bzhin du byang chub sems dpa' bla na med pa yang dag par rdzogs pa'i byang chub kyi phyir/ dad pa yang yod/ bzod pa yang yod/ dga' ba yang yod/ dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ gtong ba yang yod/ brtson pa mi gtong ba yang yod du zin kyang / shes rab kyi pha rol du phyin pas yongs su ma zin la/ thabs la mkhas pas yongs su ma zin te/ rnam pa thams cad mkhyen pa nyid kyi bar gyis yongs su ma zin na/ rab 'byor byang chub sems dpa' sems dpa' chen po de ni bar ma dor nyon mongs par 'gyur te/ don chen po las yongs su nyams shing 'di lta ste/ rnam pa thams cad mkhyen pa nyid kyi rin po che'i phung po chen po las yongs su nyams par 'gyur ro/ /rab 'byor byang chub sems dpa' sems dpa' chen po'i bar ma dor nyon mongs par 'gyur ba gang zhe na/ 'di lta ste / nyan thos kyi sa dang / rang sangs rgyas kyi sa yin no/ /</font><hr>35.162b<br><font size=+1>

rab 'byor 'di lta ste dper na/ skyes bu mkhas pa'i rang bzhin can gyis rgya mtsho'i gru legs par brtsems shing zag lhan byas la shin du sbyang na/ rab 'byor rgya mtsho'i gru de ni bar ma dor zhig par mi 'gyur zhing / des gang du bgrod par bya ba der phyin par 'gyur ro/ /rab 'byor de bzhin du byang chub sems dpa' sems dpa' chen po bla na med pa yang dag par rdzogs pa'i byang chub kyi phyir dad pa yang yod/ bzod pa yang yod/ dga' ba yang yod/ dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ gtong ba yang yod/ brtson pa mi gtong ba yang yod la/ shes rab kyi pha rol du phyin pas kyang / yongs su zin cing / thabs la mkhas pas kyang yongs su zin te/ rnam pa thams cad mkhyen pa nyid kyi bar gyis kyang yongs su zin na/ rab 'byor byang chub sems dpa' sems dpa' chen po de ni bar ma dor bla na med pa yang dag par rdzogs pa'i byang chub las ldog par mi 'gyur ro/ /de ci'i phyir zhe na/ rab 'byor byang chub sems dpa' gang bla na med pa yang dag par rdzogs pa'i byang chub kyi phyir/ dad pa yang yod/ bzod pa yang yod/ dga' ba yang yod/ dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ gtong ba yang yod/ brtson pa mi gtong ba yang yod la/ de shes rab kyi pha rol du phyin pas kyang yongs su zin cing / thabs la mkhas pas kyang yongs su zin te/ rnam pa thams cad mkhyen pa nyid kyi bar gyis kyang yongs su zin pa'i phyir te/ byang chub sems dpa' sems dpa' chen po de ni nyan thos kyi sa dang / rang sangs rgyas kyis sar ltung bar mi 'gyur ro/ /rab 'byor 'di lta ste dper na/ mi skyes nas lo brgya nyi shu lon pa/ rgas shing 'khog la gtug pa zhig yod de/ de'i lus la rlung las gyur pa 'am/ </font><hr>35.163a<br><font size=+1>

mkhris pa las gyur pa 'am/ bad kan las gyur pa 'am/ 'dus pa las gyur pa'i nad 'ga' zhig byung na/ rab 'byor 'di ji snyam du sems/ ci mi de rang dgar ldang ba'i mthu dang ldan nam/ gsol pa bcom ldan 'das de ni ma lags so/ /bcom ldan 'das kyis bka' stsal pa/ rab 'byor ci mi de ldang bar 'gyur ram/ rab 'byor gyis gsol pa/ bcom ldan 'das mi de ni khri las ldang ba'i rngo thog du lags kyang de ni rgas pa de dang / bro nad de dag gis nyams dmas pas/ dpag tshad gcig gis bar 'am/ dpag tshad gnyis gyi bar du mchi ba'i mthu yang ma mchis te/ khri de las ldang ba'i rngo thog tu lags kyang mchi ba'i rngo ni mi thog lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po yang bla na med pa yang dag par rdzogs pa'i byang chub kyi phyir dad pa yang yod/ bzod pa yang yod/ dga' ba yang yod/ dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ gtong ba yang yod/ brtson pa mi gtong ba yang yod du zin kyang / de shes rab kyi pha rol du phyin pas yongs su ma zin la/ rnam pa thams cad mkhyen pa nyid kyi bar gyis yongs su ma zin na/ rab 'byor byang chub sems dpa' sems dpa' chen po de ni 'di ltar shes rab kyi pha rol du phyin pas yongs su ma zin pa dang / thabs la mkhas pas yongs su ma zin pa'i phyir/ bar ma dor lam du nyan thos kyi sa 'am/ rang sangs rgyas kyi sar ltung bar 'gyur ro/ /rab 'byor 'di lta ste dper na/ mi skyes nas lo brgya nyi shu lon pa rgas shing 'khogs la/ gtugs par gyur pa de la rlung las gyur pa 'am/ mkhris pa las gyur pa 'am/ bad kan las gyur pa 'am/ 'dus pa las gyur pa'i nad kyis nyams dmas pa de nyid mi</font><hr>35.163b<br><font size=+1>

stobs dang ldan pa gnyis kyis mchan g.yas g.yon nas brten te/ bteg nas khri de las bslang te/ 'di skad du kye mi khyod kho bo cag gnyis kyis brten te bzung gis gang du 'dod pa dang / gang dga' bar song shig dang gnas der ma phyin gyi bar du bar ma dor 'gyel bar mi 'gyur ro/ /zhes zer ba de bzhin du/ rab 'byor byang chub sems dpa' sems dpa' chen po gang bla na med pa yang dag par rdzogs pa'i byang chub kyi phyir/ dad pa yang yod/ bzod pa yang yod/ dga' ba yang yod/ dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ gtong ba yang yod/ brtson pa mi gtong ba yang yod la/ de shes rab kyi pha rol du phyin pas kyang yongs su zin cing / thabs la mkhas pas kyang yongs su zin na/ rab 'byor byang chub sems dpa' sems dpa' chen po de ni bar ma dor ldog par mi 'gyur bar rig par bya ste/ byang chub sems dpa' sems dpa' chen po de ni 'di lta ste/ bla na med pa yang dag par rdzogs pa'i byang chub kyi gnas de 'thob pa'i mthu dang ldan pa yin no/ /rab 'byor gyis gsol pa/ bcom ldan 'das rigs kyi bu 'am rigs kyi bu mo byang chub sems dpa'i theg pa la yang dag par zhugs pa dag /ji ltar shes rab kyi pha rol du phyin pas yongs su ma zin cing thabs la mkhas pas yongs su ma zin la/ nyan thos kyi sa dang / rang sangs rgyas kyi sar yang ltung bar 'gyur ba lags/ bcom ldan 'das kyis bka' stsal pa/ rab 'byor khyod de bzhin gshegs pa dgra bcom pa yang dag par rdzogs pa'i sangs rgyas la don 'di 'dri bar sems pa legs so legs so/ /rab 'byor 'di la byang chub sems dpa' thog ma kho nar sbyin pa sbyin par byed pa na ngar 'dzin pa dang / nga yir 'dzin par ltung ba'i sems kyi rgyud kyis</font><hr>35.164a<br><font size=+1>

sbyin pa sbyin par byed cing / tshul khrims gang srung ba dang bzod pa gang bsgom pa dang / brtson 'grus gang rtsom pa dang / bsam gtan gang la snyoms par 'jug pa dang / shes rab gang sgom pa de yang ngar 'dzin pa dang / nga yir 'dzin par ltung ba'i sems kyis shes rab sgom par byed do/ /sbyin pa sbyin par byed pa na 'di snyam du sems te/ bdag gis sbyin pa sbyin no sbyin pa 'di sbyin par bya'o/ /bdag ni sbyin pa dang ldan no/ /bdag gis tshul khrims bsrung ngo / /bdag gis tshul khrims bsgom par bya'o/ /bdag ni tshul khrims dang ldan no/ /bdag gis bzod par bya'o/ /bdag gis bzod pa bsgom par bya'o/ /bdag ni bzod pa dang ldan no/ /bdag gis brtson 'grus brtsoms so/ /bdag gis brtson 'grus brtsam par bya'o/ /bdag ni brtson 'grus dang ldan no/ /bdag bsam gtan la snyoms par 'jug go/ /bdag gis bsam gtan bsgom par bya'o/ /bdag ni bsam gtan dang ldan no/ /bdag gis shes rab bsgom mo/ /bdag gis shes rab 'di sgom par bya'o/ /bdag ni shes rab dang ldan no snyam ste/ de sbyin pa des rlom sems su byed do/ /sbyin pa de rlom sems su byed do/ /bdag gi sbyin pa'o snyam du rlom sems su byed do/ /de bzhin du tshul khrims dang / bzod pa dang / brtson 'grus dang / bsam gtan dang / shes rab rlom sems su byed do/ /shes rab kyis rlom sems su byed do/ /bdag gi shes rab snyam du rlom sems su byed do/ /de ci'i phyir zhe na/ sbyin pa'i pha rol du phyin pa la ni rnam par rtog pa de dag med de sbyin pa'i pha rol du phyin pa ni mthar phyin pa yin pa'i phyir ro/ /tshul khrims kyi pha rol du phyin pa la ni/ rnam par rtog pa de dag med do/ /bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa</font><hr>35.164b<br><font size=+1>

dang / shes rab kyi pha rol du phyin pa la yang de bzhin du rnam par rtog pa mi skye'o/ /de ci'i phyir zhe na/ shes rab kyi pha rol du phyin pa ni pha mthar phyin pa yin no/ /byang chub sems dpa'i theg pa pa des ni pha mtha' yang mi shes pha rol kyang mi shes pa'i phyir te/ de ni sbyin pa'i pha rol du phyin pas yongs su ma zin cing / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pas yongs su ma zin la/ rnam pa thams cad mkhyen pa nyid kyi bar gyis yongs su ma zin pas/ nyan thos kyi sa dang rang sangs rgyas kyi sar ltung bar 'gyur te/ rnam pa thams cad mkhyen pa nyid du nges par 'byung bar mi 'gyur ro/ /rab 'byor rigs kyi bu 'am rigs kyi bu mo byang chub sems dpa'i theg pa pa ji ltar thabs la mi mkhas pa yin zhe na/ rab 'byor 'di la rigs kyi bu 'am rigs kyi bu mo byang chub sems dpa'i theg pa pa thabs la mi mkhas pas thog ma kho nar sbyin pa sbyin par byed cing thabs la mi mkhas pas/ tshul khrims bsrung bar byed thabs la mi mkhas pas bzod pa sgom par byed thabs la mi mkhas pas/ brtson 'grus rtsom par byed thabs la mi mkhas pas/ bsam gtan la snyoms par 'jug par byed thabs la mi mkhas pas/ shes rab sgom par byed cing de 'di snyam du sems te/ bdag gis sbyin pa sbyin no 'di la sbyin par bya'o sbyin pa 'di sbyin par bya'o bdag gis tshul khrims srung ngo / /bdag gis bzod pa bsgom mo bdag gis brtson 'grus rtsom mo bdag gis bsam gtan la snyoms par 'jug par bya'o/ /bdag gis shes rab bsgom par bya'o/ /shes rab 'di bsgom par bya'o snyam ste/ de sbyin pa de rlom sems su byed/ sbyin pas rlom sems su byed bdag ni sbyin pa po'o</font><hr>35.165a<br><font size=+1>

snyam du rlom sems su byed do/ /de tshul khrims rlom sems su byed do/ /tshul khrims kyis rlom sems su byed/ bdag ni tshul khrims dang ldan pa'o snyam du rlom sems su byed do/ /bzod pa rlom sems su byed bzod pas rlom sems su byed/ bdag ni bzod pa dang ldan pa'o snyam du rlom sems su byed do/ /brtson 'grus rlom sems su byed/ brtson 'grus kyis rlom sems su byed/ bdag ni brtson 'grus dang ldan pa'o snyam du rlom sems su byed do/ /bsam gtan rlom sems su byed bsam gtan gyis rlom sems su byed/ bdag ni bsam gtan dang ldan pa'o snyam du rlom sems su byed do/ /shes rab rlom sems su byed/ shes rab kyis rlom sems su byed/ bdag ni shes rab dang ldan pa'o snyam du rlom sems su byed do/ /de ci'i phyir zhe na/ de ji ltar rnam par rtog pa bzhin du sbyin pa'i pha rol du phyin pa la rnam par rtog pa med pa'i phyir ro/ /de ci'i phyir zhe na/ 'di lta ste sbyin pa'i pha rol du phyin pa de ni mthar phyin pa yin la/ de bzhin du sbyar te/ 'di lta ste/ shes rab kyi pha rol du phyin pa 'di ni pha mthar phyin pa yin pa'i phyir ro/ /de ji ltar rnam par rtog pa bzhin du shes rab kyi pha rol du phyin pa la rnam par rtog pa de dag med do/ /de ci'i phyir zhe na/ 'di lta ste shes rab kyi pha rol du phyin pa de ni pha mthar phyin pa yin na/ rigs kyi bu byang chub sems dpa'i theg pa pa des ni pha mtha' yang mi shes pha rol yang mi shes pa'i phyir ro/ /de ni sbyin pa'i pha rol du phyin pas yongs su ma zin pa nas snga ma bzhin du sbyar te/ shes rab kyi pha rol du phyin pa'i bar gyis yongs su ma zin la/ rnam pa thams cad mkhyen pa nyid kyi bar gyis yongs su ma zin pas/ nyan thos kyi sa dang rang sangs rgyas kyi sar ltung bar 'gyur zhing / rnam pa thams cad mkhyen pa nyid du nges par 'byung bar mi 'gyur te/ rab 'byor de ltar na byang chub sems dpa' sems dpa' chen</font><hr>35.165b<br><font size=+1>

po shes rab kyi pha rol du phyin pa dang / thabs la mkhas pas yongs su ma zin pas/ nyan thos kyi sa dang rang sangs rgyas kyi sar ltung bar 'gyur ro/ /rab 'byor byang chub sems dpa' sems dpa' chen po ji ltar shes rab kyi pha rol du phyin pa dang / thabs la mkhas pas yongs su zin la nyan thos kyi sa 'am/ rang sangs rgyas kyi sar mi ltung zhing / bla na med pa yang dag par rdzogs pa'i byang chub thob par 'gyur zhe na/ rab 'byor 'di la byang chub sems dpa' sems dpa' chen po thog ma kho nar sbyin pa sbyin pa na/ ngar 'dzin pa dang nga yir 'dzin pa'i sems kyis sbyin pa sbyin par mi byed cing / shes rab kyi bar du sgom par byed de/ de 'di snyam du bdag gis sbyin pa sbyin no sbyin pa 'di sbyin par bya'o/ /'di la sbyin pa sbyin par bya'o/ /snyam du rlom sems su mi byed do/ /shes kyi pha rol du phyin pa'i bar du yang de bzhin du sbyar te/ de sbyin pa la rlom sems su mi byed sbyin pas rlom sems su mi byed/ bdag gi sbyin pa'o snyam du rlom sems su mi byed do/ /de bzhin du sbyar te shes rab kyi pha rol du phyin pa'i bar du rlom sems su mi byed/ shes rab kyis rlom sems su mi byed bdag gi shes rab bo snyam du rlom sems su mi byed do/ /de ci'i phyir zhe na/ 'di ltar sbyin pa'i pha rol du phyin pa la ni gang gis rlom sems su byed pa'i rnam par rtog pa med pa dang / shes rab kyi pha rol du phyin pa'i bar du gang gis rlom sems su byed pa'i rnam par rtog pa med pa'i phyir ro/ /'di lta ste sbyin pa'i pha rol du phyin pa de dang / shes rab kyi pha rol du phyin pa'i bar du pha mthar phyin pa yin la/ byang chub sems dpa' de yang pha mtha' yang shes/ pha rol yang shes te/ rlom sems su mi byed pa de ni sbyin pa'i pha rol du phyin pas yongs su zin pa yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus</font><hr>35.166a<br><font size=+1>

kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pas yongs su zin cing / rnam pa thams cad mkhyen pa nyid kyi bar gyis yongs su zin te/ nyan thos kyi sa dang rang sangs rgyas kyi sar ltung bar 'gyur zhing / rnam pa thams cad mkhyen pa nyid thob par 'gyur ro/ /rab 'byor de ltar na byang chub sems dpa' sems dpa' chen po shes rab kyi pha rol du phyin pas yongs su zin cing de bzhin du thabs la mkhas pas yongs su zin te/ nyan thos kyi sa dang rang sangs rgyas kyi sar ltung bar mi 'gyur ro/ /nag po'i phyogs la ji lta ba bzhin du dkar po'i phyogs thams cad la yang de bzhin du sbyar bar bya'o/ /shes rab kyi pha rol du phyin pa khri brgyad stong pa las gru'i le'u zhes bya ste bzhi bcu rtsa lnga pa'o// //shes rab kyi pha rol tu phyin pa khri brgyad stong pa/ bam po sum bcu rtsa lnga pa/   de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das las dang po pa'i byang chub sems dpa' sems dpa' chen po shes rab kyi pha rol du phyin pa la ji ltar bslab par bgyi/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la ji ltar bslab par bgyi/ bcom ldan 'das kyis bka' stsal pa/ rab 'byor 'di la las dang po pa'i byang chub sems dpa' sems dpa' chen po shes rab kyi pha rol du phyin pa la slob par 'dod pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la slob par 'dod pas/ shes rab kyi pha rol du phyin pa 'di ston pa gang yin pa'i dge ba'i bshes gnyen dag la bsnyen bkur bya'o/ /sbyin pa'i pha rol du phyin pa'i bar du slob par 'dod pas/ sbyin pa'i pha rol du phyin pa ston pa'i dge ba'i bshes gnyen dag la bsten par bya/ bsnyen par bya bsnyen bkur bya'o/ /de dag kyang de la shes rab kyi pha rol du phyin pa 'di ston te/ rigs kyi bu tshur shog khyod kyis sbyin pa gang dang gang sbyin pa de dag thams cad bla na med pa yang dag par rdzogs</font><hr>35.166b<br><font size=+1>

pa'i byang chub tu yongs su bsngos shig /rigs kyi bu tshur shog khyod tshul khrims gang dang gang srung pa dang / bzod pa sgom pa dang / brtson 'grus rtsom pa dang / bsam gtan la snyoms par 'jug pa dang / shes rab sgom pa de dag thams cad bla na med pa yang dag par rdzogs pa'i byang chub tu yongs su bsngos la/ rigs kyi bu khyod kyis bla na med pa yang dag par rdzogs pa'i byang chub gzugs las rtog par ma byed cig /tshor ba dang / 'du shes dang / 'du byed rnams dang / rnam par shes pa las rtog par ma byed cig /rigs kyi bu khyod kyis bla na med pa yang dag par rdzogs pa'i byang chub sbyin pa'i pha rol du phyin pa las rtog par ma byed cig /tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa las rtog par ma byed cig /nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams las rtog par ma byed cig /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams las rtog par ma byed cig /mngon par shes pa lnga dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad las rtog par ma byed cig /rigs kyi bu khyod bla na med pa yang dag par rdzogs pa'i byang chub la yang rtog par ma byed cig /rnam pa thams cad mkhyen pa nyid kyi bar la yang rtog par ma byed cig /de ci'i phyir zhe na/ gzugs la mi rtog na/ rnam pa thams cad mkhyen pa nyid kyi bar du thob par 'gyur zhing / tshor ba dang / 'du shes dang / 'du byed rnams dang rnam par shes pa la mi rtog na/ rnam pa thams cad mkhyen pa nyid thob par 'gyur te/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa la mi rtog /</font><hr>35.167a<br><font size=+1>

shes rab kyi pha rol du phyin pa la mi rtog /nang stong pa nyid dang dngos po med pa'i ngo bo nyid stong pa nyid kyi bar la mi rtog dran pa nye bar bzhag pa rnams la mi rtog /yang dag pa'i spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / lam la mi rtog mngon par shes pa rnams dang / stobs bcu dang mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad la mi rtog na rnam pa thams cad mkhyen pa nyid kyi bar du thob par 'gyur ba'i phyir ro/ /rigs kyi bu khyod shes rab kyi pha rol du phyin pa la spyod pa na/ gzugs la 'dod pa ma skyed cig /de ci'i phyir zhe na/ gzugs ni 'dod pa med pa yin pa'i phyir ro/ /rigs kyi bu khyod tshor ba dang 'du shes dang 'du byed rnams dang / rnam par shes pa'i bar la 'dod pa ma skyed cig /de ci'i phyir zhe na/ rigs kyi bu rnam par shes pa ni 'dod pa med pa'i phyir ro/ /rigs kyi bu khyod sbyin pa'i pha rol du phyin pa la 'dod pa ma skyed cig /tshul khrims dang / bzod pa dang / brtson 'grus dang / bsam gtan gyi pha rol du phyin pa la 'dod pa ma skyed cig /rigs kyi bu khyod shes rab kyi pha rol du phyin pa la 'dod pa ma skyed cig /nang stong pa nyid la 'dod pa ma skyed cig /dngos po med pa'i ngo bo nyid stong pa nyid kyi bar la 'dod pa ma skyed cig /dran pa nye bar gzhag pa rnams la 'dod pa ma skyed cig /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams kyi bar la 'dod pa ma skyed cig /mngon par shes pa lnga dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la 'dod pa ma skyed cig /rigs kyi bu khyod rnam pa thams cad mkhyen pa nyid la yang 'dod pa ma skyed cig /de ci'i phyir zhe na/ rigs kyi bu rnam pa thams cad mkhyen pa nyid ni 'dod pa med cing / 'dod par bya ba ma yin pa'i phyir ro/ /rigs kyi bu khyod rgyun du zhugs pa'i 'bras bu la 'dod pa ma bskyed cig /</font><hr>35.167b<br><font size=+1>

lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la 'dod pa ma skyed cig /byang chub sems dpa'i skyon med pa la 'dod pa ma skyed cig /de ci'i phyir zhen/ rigs kyi bu byang chub ni 'dod pa med pa'i phyir ro/ /de ci'i phyir zhe na/ rigs kyi bu chos thams cad ni ngo bo nyid kyis stong pa'i phyir ro/ /zhes chos ston to/ /rab 'byor gyis gsol pa/ bcom ldan 'das byang chub sems dpa' sems dpa' chen po gang dag chos thams cad rang gi mtshan nyid kyis stong pa la bla na med pa yang dag par rdzogs pa'i byang chub don du gnyer zhing / bla na med pa yang dag par rdzogs pa'i byang chub mngon par rdzogs par 'tshang rgya bar 'tshal ba dag ni dka' ba bgyid pa lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang dag chos thams cad rang gi mtshan nyid kyis stong pa la/ bla na med pa yang dag par rdzogs pa'i byang chub don du gnyer zhing / bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dag ni dka' ba byed pa yin no/ /rab 'byor 'on kyang byang chub sems dpa' sems dpa' chen po rnams ni chos thams cad sgyu ma lta bu dang / rmi lam lta bur shes na/ bla na med pa yang dag par rdzogs pa'i byang chub la yang dag par zhugs pa yin no/ /byang chub sems dpa' sems dpa' chen po rnams ni 'jig rten la phan pa dang / bde ba'i phyir yang dag par zhugs pa yin te/ bdag 'jig rten gyi skyob par gyur cig /ces bla na med pa yang dag par rdzogs pa'i byang chub la yang dag par zhugs pa yin/ 'jig rten gyi skyabs su gyur cig 'jig rten gyi gnas dang / 'jig rten gyi dpung gnyen dang / 'jig rten gyi gling dang / 'jig rten gyi yongs su 'dren pa dang / 'jig rten gyi rten du gyur cig ces bla na med pa yang dag par rdzogs pa'i byang chub la yang dag</font><hr>35.168a<br><font size=+1>

par zhugs pa yin no/ /rab 'byor byang chub sems dpa' sems dpa' chen po rnams ji ltar 'jig rten la phan pa'i phyir yang dag par zhugs pa yin zhe na/ rab 'byor 'di la byang chub sems dpa' sems dpa' chen po rnams kyi sems can rnams 'gro ba lnga las yongs su grol bar byas nas/ mya ngan las 'das pa 'jigs pa med pa bde ba'i thang la 'god par byed de/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams 'jig rten la phan pa'i phyir yang dag par zhugs pa yin no/ /rab 'byor byang chub sems dpa' sems dpa' chen po rnams ji ltar 'jig rten la bde ba'i phyir yang dag par zhugs pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams kyi sems can rnams sdug bsngal ba dang / yid mi bde ba dang 'khrug pa thams cad las grol bar byas nas/ mya ngan las 'das pa 'jig pa med pa bde ba'i thang la 'god par byed de/ rab 'byor de ltar na byang chub sems dpa' sems dpa' chen po rnams 'jig rten la bde ba'i phyir yang dag par zhugs pa yin no/ /rab 'byor byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams ji ltar 'jig rten gyi skyob pa yin zhe na rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams kyis 'khor ba na yod pa'i sdug bsngal gang yin pa de dag las sems can rnams la skyob cing / de dag spong ba'i phyir chos ston te/ de dag gis chos de thos nas rim gyis theg pa gsum po dag gis yongs su mya ngan las 'da' bar 'gyur te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par</font><hr>35.168b<br><font size=+1>

rdzogs par 'tshang rgya bar 'dod pa rnams 'jig rten gyi skyob pa yin no/ /rab 'byor byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams ji ltar 'jig rten gyi skyabs yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams kyis sems can skye ba dang / rga ba dang / na ba dang 'chi ba dang / mya ngan dang / smre sngags 'don pa dang / sdug bsngal ba dang yid mi bde ba dang / 'khrug pa'i chos can rnams skye ba dang / rga ba dang na ba dang / 'chi ba dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol bar byed la/ yongs su bkrol nas/ phung po'i lhag ma med pa'i mya ngan las 'das pa'i dbyings su yongs su mya ngan las 'da' bar byed de/ rab 'byor de ltar na byang chub sems dpa' sems dpa' chen po rnams 'jig rten gyi skyabs yin no/ /rab 'byor byang chub sems dpa' sems dpa' chen po rnams ji ltar 'jig rten gyi gnas yin zhe na/ rab 'byor 'di la byang chub sems dpa' sems dpa' chen po rnams chos thams cad 'dre ba med par bya ba'i phyir chos ston te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams 'jig rten gyi gnas yin no/ /rab 'byor kyis gsol pa/ bcom ldan 'das ji ltar chos thams cad 'dre ba ma mchis pa lags/ bcom ldan 'das kyis bka' stsal pa/ rab 'byor gzugs kyi 'dre ba med pa de ni gzugs kyi 'dre ba med pa yin te/ de ni gzugs kyi skye ba med pa yin no/ /gzugs kyi skye ba med pa gang yin pa de ni/ gzugs kyi 'gag pa med pa yin te/ de ni gzugs kyi 'dre ba med pa</font><hr>35.169a<br><font size=+1>

yin no/ /tshor ba dang / 'du shes dang / 'du byed rnams dang / rnam par shes pa'i skye ba med pa dang / 'gag pa med pa gang yin pa de ni rnam par shes pa'i 'dre ba med pa yin te/ de bzhin du rnam pa thams cad mkhyen pa nyid kyi bar du yang sbyar bar bya'o/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams chos thams cad 'dre ba med par bya ba'i phyir chos ston to/ /rab 'byor byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams ji ltar 'jig rten gyi dbung gnyen yin zhe na/ rab 'byor 'di la byang chub sems dpa' sems dpa' chen po rnams sems can rnams la 'di skad du chos ston te/ gzugs kyi pha rol gang yin pa de ni gzugs ma yin no/ /tshor ba dang 'du shes dang 'du byed rnams dang rnam par shes pa'i pha rol gang yin pa de ni rnam par shes pa ma yin no/ /de bzhin du sbyar te/ rnam pa thams cad mkhyen pa nyid kyi bar gyi pha rol gang yin pa de ni rnam pa thams cad mkhyen pa nyid ma yin no/ /zhes chos ston te/ rab 'byor gzugs ji lta ba bzhin du chos thams cad kyang de bzhin no/ /rab 'byor gyis gsol pa/ bcom ldan 'das gal te chos thams cad gzugs ji lta ba bzhin lags na/ byang chub sems dpa' sems dpa' chen pos rnam pa thams cad mkhyen pa nyid mngon par rdzogs par sangs rgyas pa nyid du mi 'gyur lags sam/ de ci'i slad du zhe na/ bcom ldan 'das gzugs kyi pha rol na rnam par rtog pa ci yang ma mchis la/ tshor ba dang 'du shes dang 'du byed rnams dang rnam par shes pa'i pha rol na rnam par rtog pa ci yang ma mchis te/ de bzhin du 'di ni gzugs so/ /'di ni tshor ba'o 'di ni 'du shes so/ /'di dag ni 'du byed rnams so 'di ni rnam par shes pa'o zhes bgyi ba dang / 'di ni rnam pa thams cad mkhyen pa nyid do zhes bgyi</font><hr>35.169b<br><font size=+1>

ba'i bar du rnam pa thams cad mkhyen pa nyid kyi bar gyi pha rol na/ rnam par rtog pa ci yang ma mchis pa'i slad du'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor gzugs kyi pha rol ni rnam par rtog pa ci yang med la/ rnam pa thams cad mkhyen pa nyid kyi bar gyi pha rol na/ rnam par rtog pa ci yang med de rab 'byor 'on kyang byang chub sems dpa' sems dpa' chen po rnams chos de lta bu dag la nges par sems shing zhum par yang mi 'gyur la de ltar chos de dag mngon par rdzogs par 'tshang rgya bar bya'o snyam te/ de ltar bla na med pa yang dag par rdzogs pa'i byang chub mngon par rdzogs par sangs rgyas nas chos de dag ni 'di ltar zhi ba'o/ /'di ltar gya nom pa'o zhes sten par byed pa ni dka' ba byed pa yin te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams 'jig rten gyi dpung gnyen yin no/ /rab 'byor byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par sangs rgyas nas/ ji ltar 'jig rten gyi gling du 'gyur zhe na/ rab 'byor 'di lta ste dper na/ chu klung chen po rnams sam rgya mtsho chen po dag na/ sa phyogs gang dag chus yongs su chod pa de dag ni gling zhes bya'o/ /rab 'byor de bzhin du gzugs ni sngon gyi mtha' dang / phyi ma'i mtha' yongs su chad pa'o/ /rab 'byor tshor ba dang 'du shes dang 'du byed rnams dang / rnam par shes pa ni sngon gyi mtha' dang phyi ma'i mtha' yongs su chad pa'o/ /rnam pa thams cad mkhyen pa nyid kyi bar ni sngon gyi mtha' dang phyi ma'i mtha' yongs su chad pa'o rab 'byor sngon gyi mtha' dang phyi ma'i mtha' yongs su chad pa de dag gis chos thams cad yongs su chad do/ /rab 'byor chos thams cad kyi sngon gyi mtha' dang phyi ma'i mtha' yongs su chad pa gang yin pa de ni 'di lta ste stong pa nyid dang / dmigs su med pa dang / </font><hr>35.170a<br><font size=+1>

lam chad pa dang / sred pa zad pa dang / lhag ma med pa dang / 'dod chags dang bral ba dang / 'gog pa dang mya ngan las 'das pa yin te/ de ni zhi ba'o de ni gya nom pa'o/ /de ni ji lta ba'i bdag nyid yin te/ rab 'byor de ltar na byang chub sems dpa' sems dpa' chen po rnams kyis bla na med pa yang dag par rdzogs pa'i byang chub mngon par rdzogs par sangs rgyas nas/ chos thams cad sngon gyi mtha' dang phyi ma'i mtha' yongs su chad par ston pa ni 'jig rten gyi gling yin no/ /rab 'byor byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par sangs rgyas nas/ ji ltar 'jig rten gyi yongs su 'dren par 'gyur zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams sems can gyi ris la snying rje chen po bskyed nas/ gzugs skye ba med pa dang 'gag pa med pa dang / kun nas nyon mongs pa med pa dang rnam par byang ba med par chos ston cing 'chad do/ /tshor ba dang / 'du shes dang / 'du byed rnams dang rnam par shes pa skye ba med pa dang / 'gag pa med pa dang kun nas nyon mongs pa med pa dang / rnam par byang ba med par chos ston te/ de bzhin du pha rol du phyin pa thams cad dang / stong pa nyid thams cad dang byang chub kyi phyogs kyi chos rnams dang / stobs bcu dang / mi 'jig pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid skye ba med pa dang / 'gag pa med pa dang / kun nas nyon mongs pa med pa dang / rnam par byang ba med par chos ston cing 'chad do/ /rang byang chub skye ba med pa dang / 'gag pa med pa dang / kun nas nyon mongs pa med pa dang / rnam par byang ba med par chos ston cing 'chad do/ /rgyun du zhugs pa'i 'bras bu skye ba med pa dang / 'gag pa med pa dang / kun nas nyon mongs pa med pa dang / rnam par byang ba med par chos ston cing 'chad do/ /</font><hr>35.170b<br><font size=+1>

de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid skye ba med pa dang / 'gag pa med pa dang / kun nas nyon mongs pa med pa dang / rnam par byang ba med par chos ston cing 'chad do/ /rab 'byor de ltar na byang chub sems dpa' sems dpa' chen po rnams/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams kyi yongs su 'dren par 'gyur ro/ /rab 'byor byang chub sems dpa' sems dpa' chen po rnams/ bla na med pa yang dag par rdzogs pa'i byang chub mngon par rdzogs par sangs rgyas nas/ ji ltar sems can rnams kyi rten du 'gyur zhe na/ rab 'byor 'di la byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par sangs rgyas nas/ gzugs ni nam mkha'i tshul can no zhes chos ston cing 'chad do/ /tshor ba dang / 'du shes dang / 'du byed rnams dang / rnam par shes pa ni nam mkha'i tshul can no zhes sems can rnams la chos ston cing / rnam pa thams cad mkhyen pa nyid kyi bar du nam mkha'i tshul can no zhes chos ston to/ /gzugs kyi stong pa nyid ni 'gro ba dang 'ong ba med pa ste/ de la 'gro ba med cing 'ong ba med do/ /zhes sems can rnams la chos ston to/ /tshor ba dang 'du shes dang / 'du byed rnams kyi stong pa nyid ni 'gro ba dang 'ong ba med pa'o/ /rnam par shes pa'i stong pa nyid ni 'gro ba dang 'ong ba med pa ste/ de la 'gro ba dang 'ong ba med do/ /zhes sems can rnams la chos ston to/ /de bzhin du rnam pa thams cad mkhyen pa nyid kyi bar gyi stong pa nyid ni 'gro ba dang 'ong ba med pa ste/ de la 'gro ba dang 'ong ba med do zhes sems can rnams la chos ston te/ rab 'byor de ltar na byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams kyi rten du 'gyur ro/ /de ci'i phyir zhe na/ rab 'byor chos thams cad ni stong pa</font><hr>35.171a<br><font size=+1>

nyid kyi tshul can te/ de dag tshul de las mi 'da' ba'i phyir ro/ /de ci'i phyir zhe na/ stong pa nyid la 'gro ba 'am 'ong ba mi dmigs pa'i phyir ro/ /rab 'byor chos thams cad ni mtshan ma med pa'i tshul can te/ de dag ni tshul de las mi 'da'o/ /de ci'i phyir zhe na/ mtshan ma med pa la 'gro ba 'am 'ong ba mi dmigs pa'i phyir ro/ /rab 'byor chos thams cad ni smon pa med pa'i tshul can te de dag ni tshul de las mi 'da'o/ /de ci'i phyir zhe na/ smon pa med pa la 'gro ba 'am 'ong ba mi dmigs pa'i phyir ro/ /rab 'byor chos thams cad ni mngon par 'du byed pa med pa ste de dag ni tshul de las mi 'da'o/ /de ci'i phyir zhe na/ mngon par 'du byed pa med pa la 'gro ba dang 'ong ba mi dmigs pa'i phyir ro/ /de bzhin du sbyar te/ rab 'byor chos thams cad ni skye ba med pa dang / 'gag pa med pa dang kun nas nyon mongs pa med pa dang / rnam par byang ba med pa'i tshul can te/ de dag ni tshul de las mi 'da'o/ /de ci'i phyir zhe na/ skye ba med pa dang 'gag pa med pa dang kun nas nyon mongs pa med pa dang / rnam par byang ba med pa la 'gro ba 'am 'ong ba mi dmigs pa'i phyir ro/ /rab 'byor chos thams cad ni rmi lam lta bu'i tshul can te/ de dag ni tshul de las mi 'da'o/ /de ci'i phyir zhe na/ rmi lam la 'gro ba 'am/ 'ong ba mi dmigs pa'i phyir ro/ /rab 'byor de bzhin du chos thams cad ni sgyu ma lta bu'i tshul can dang / mig yor lta bu'i tshul can dang / sprul pa lta bu'i tshul can te/ de dag ni tshul de las mi 'da'o/ /de ci'i phyir zhe na/ sprul pa la 'gro ba 'am 'ong ba mi dmigs pa'i phyir ro/ /rab 'byor chos thams cad ni skye ba med pa dang dngos po med pa'i tshul can te/ de dag ni tshul de las mi 'da'o/ /de ci'i phyir zhe na/ skye ba med pa dang dngos po med pa la 'ong ba 'am/ 'gro ba mi dmigs pa'i phyir ro/ /rab 'byor chos thams cad ni mtha' yas mu med pa'i tshul can te de dag ni tshul de las mi 'da'o/ /de ci'i phyir zhe na/ mtha' yas mu med pa la 'gro ba 'am 'ong ba mi dmigs pa'i phyir ro/ /rab 'byor chos thams cad ni dbri ba med pa dang bsnan pa med pa'i tshul can te/ </font><hr>35.171b<br><font size=+1>

de dag ni tshul de las mi 'da'o/ /de ci'i phyir zhe na/ dbri ba med pa dang bsnan pa med pa la 'gro ba 'am 'ong ba mi dmigs pa'i phyir ro/ /rab 'byor chos thams cad ni 'gro ba dang 'ong ba med pa'i tshul can no/ /rab 'byor chos thams cad ni blang ba med pa dang / dor ba med pa'i tshul can no rab 'byor chos thams cad ni phrad pa med pa dang bral ba med pa dang 'dre ba med pa dang mi 'dre ba med pa'i tshul can no/ /rab 'byor chos thams cad ni bdag gi tshul can te de dag ni tshul de las mi 'da'o/ /de ci'i phyir zhe na/ rab 'byor bdag la 'gro ba 'am 'ong ba mi dmigs pa'i phyir ro/ /rab 'byor chos thams cad ni sems can gyi tshul can no/ /rab 'byor chos thams cad ni srog dang skye ba po dang gso ba dang skyes bu dang gang zag dang shed las skyes pa dang shed bu dang byed pa po dang / tshor ba po dang slong ba po dang shes pa po dang mthong ba po'i tshul can te/ de dag ni tshul de las mi 'da'o/ /de ci'i phyir zhe na/ rab 'byor bdag gtan med cing sems can dang srog dang skye ba po dang gso ba dang skyes bu dang gang zag dang shed las skyes dang shed bu dang byed pa po dang / tshor ba po dang slong ba po dang shes pa po dang / mthong ba po yang gtan med na/ rab 'byor 'gro ba 'am 'ong ba lta dmigs par ga la 'gyur rab 'byor chos thams cad ni rtag ba'i tshul can te/ de dag ni tshul de las mi 'da'o/ /de ci'i phyir zhe na/ rab 'byor rtag pa ci yang gtan med na/ 'gro ba 'am 'ong ba lta ga la yod rab 'byor chos thams cad ni bde ba'i tshul can te/ de dag ni tshul de las mi 'da'o/ /rab 'byor chos thams cad ni bdag gi tshul can dang / sdug pa'i tshul can te de dag ni tshul de las mi 'da'o/ /de ci'i phyir zhe na/ rab 'byor rtag pa dang bde ba dang / bdag dang / sdug pa gtan med na de dag gi 'gro ba 'am/ 'ong ba lta ga la yod/ rab 'byor chos thams cad ni mi rtag pa'i tshul can yin no/ /rab 'byor chos thams cad ni sdug bsngal ba dang bdag med pa dang mi sdug pa'i tshul can te/ de dag ni tshul de las mi 'da'o/ /de ci'i phyir zhe na/ rab 'byor mi rtag pa gtan med cing sdug bsngal ba 'am/ </font><hr>35.172a<br><font size=+1>

bdag med pa 'am/ mi sdug pa gtan med na de'i 'gro ba 'am 'ong ba lta ga la yod/ rab 'byor chos thams cad ni 'dod chags kyi tshul can te/ de dag ni tshul de las mi 'da' 'o/ /de ci'i phyir zhe na/ rab 'byor 'dod chags kyi dngos po gtan med na 'dod chags lta ga la yod/ rab 'byor chos thams cad ni zhe sdang gi tshul can te/ de dag ni tshul de las mi 'da'o/ /de ci'i phyir zhe na/ rab 'byor zhe sdang gi dngos po gtan med na/ zhe sdang lta ga la yod/ rab 'byor chos thams cad ni gti mug gi tshul can te/ de dag ni tshul de las mi 'da' 'o/ /de ci'i phyir zhe na/ rab 'byor gti mug gi dngos po gtan med na gti mug lta ga la yod/ rab 'byor chos thams cad ni lta bar gyur pa'i tshul can te/ de dag ni tshul de las mi 'da' 'o/ /de ci'i phyir zhe na/ rab 'byor lta bar gyur pa'i dngos po gtan med na lta bar gyur pa lta ga la yod/ rab 'byor chos thams cad ni de bzhin nyid kyi tshul can te/ de dag ni tshul de las mi 'da' 'o/ /de ci'i phyir zhe na/ rab 'byor de bzhin nyid la 'gro ba 'am 'ong ba mi dmigs pa'i phyir ro/ /rab 'byor chos thams cad ni chos kyi dbyings kyi tshul can no/ /rab 'byor chos thams cad ni yang dag pa'i mtha'i tshul can dang mnyam pa nyid kyi tshul can dang / bsam kyi mi khyab pa'i dbyings kyi tshul can te/ de dag ni tshul de las mi 'da' 'o/ /de ci'i phyir zhe na/ rab 'byor bsam gyis mi khyab pa'i dbyings la 'gro ba 'am 'ong ba mi dmigs pa'i phyir ro/ /rab 'byor chos thams cad ni mi g.yo ba'i tshul can te/ de dag ni tshul de las mi 'da' 'o/ /de ci'i phyir zhe na/ rab 'byor chos 'ga' la yang g.yo ba med pas 'gro ba 'am 'ong ba med pa'i phyir ro/ /rab 'byor chos thams cad ni gzugs kyi tshul can te/ de dag ni tshul de las mi 'da' 'o/ /de ci'i phyir zhe na/ rab 'byor gzugs gtan med na/ de la 'gro ba 'am 'ong ba lta ga la yod/ /rab 'byor de bzhin</font><hr>35.172b<br><font size=+1>

du chos thams cad ni tshor ba dang / 'du shes dang 'du byed rnams dang / rnam par shes pa'i tshul can te de dag ni tshul de las mi 'da'o/ /de ci'i phyir zhe na/ rab 'byor rnam par shes pa gtan mi dmigs na/ de'i 'gro ba 'am 'ong ba lta dmigs par ga la 'gyur/ rab 'byor chos thams cad ni sbyin pa'i pha rol du phyin pa'i tshul can te/ de dag ni tshul de las mi 'da' 'o/ /de ci'i phyir zhe na/ rab 'byor sbyin pa gtan med na/ sbyin pa'i pha rol du phyin pa lta ga la yod/ rab 'byor de bzhin du chos thams cad ni tshul khrims kyi pha rol du phyin pa'i tshul can no/ /rab 'byor chos thams cad ni bzod pa dang / brtson 'grus dang bsam gtan dang / shes rab kyi pha rol du phyin pa'i tshul can te/ de dag ni tshul de las mi 'da' 'o/ /de ci'i phyir zhe na/ rab 'byor shes rab kyi pha rol du phyin pa gtan med na/ de'i 'gro ba 'am 'ong ba lta ga la yod/ rab 'byor chos thams cad ni nang stong pa nyid kyi tshul can yin no/ /rab 'byor chos thams cad ni dngos po med pa'i ngo bo nyid stong pa nyid kyi bar gyi tshul can te de dag ni tshul de las mi 'da' 'o/ /de ci'i phyir zhe na/ dngos po med pa'i ngo bo nyid stong pa nyid gtan med na de'i 'gro ba 'am 'ong ba lta ga la yod/ rab 'byor chos thams cad ni dran pa nye bar bzhag pa'i tshul can te/ de dag ni tshul de las mi 'da' 'o/ /de ci'i phyir zhe na/ dran pa nye bar bzhag pa rnams gtan med na de dag gi 'gro ba 'am 'ong ba lta ga la yod/ rab 'byor de bzhin du chos thams cad ni/ yang dag par spong ba dang rdzu 'phrul gyi rkang pa dang / dbang po dang stobs dang / byang chub kyi yan lag dang / lam dang stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi tshul can te/ de dag ni tshul de las mi 'da' 'o/ /de ci'i phyir zhe na/ rab 'byor sangs rgyas kyi chos rnams la 'gro ba 'am 'ong ba mi dmigs pa'i phyir ro/ /rab 'byor chos thams cad ni rgyun tu zhugs pa'i tshul can te/ de dag ni tshul de las mi 'da' 'o/ /rab 'byor chos thams cad ni lan cig</font><hr>35.173a<br><font size=+1>

phyir 'ong ba dang / phyir mi 'ong ba dang / dgra bcom pa nyid dang / rang sangs rgyas kyi tshul can te/ de dag ni tshul de las mi 'da' 'o/ /de ci'i phyir zhe na/ rab 'byor rang sangs rgyas rnams la 'gro ba 'am 'ong ba mi dmigs pa'i phyir ro/ /rab 'byor chos thams cad ni bla na med pa yang dag par rdzogs pa'i byang chub kyi tshul can te/ de dag ni tshul de las mi 'da' 'o/ /de ci'i phyir zhe na/ rab 'byor bla na med pa yang dag par rdzogs pa'i byang chub la ni 'gro ba 'am 'ong ba mi dmigs pa'i phyir ro/ /rab 'byor gyis gsol pa/ bcom ldan 'das shes rab kyi pha rol du phyin pa zab mo 'di las su dag mos par 'gyur lags/ bcom ldan 'das kyis bka' stsal pa/ byang chub sems dpa' sems dpa' chen po gang dag sngon bla na med pa yang dag par rdzogs pa'i byang chub kyi phyir spyod spyod pa dang / sngon gyi rgyal ba dag la lhag par bya ba byas pa dang / sngon gyi sangs rgyas rnams gyis yongs su smin par byas shing / dge ba'i rtsa ba bsags pa dang / sangs rgyas mang po bye ba khrag khrig phrag 'bum dag la bsnyen bkur byed byed pa dang / dge ba'i bshes gnyen gyis yongs su zin pa dag shes rab kyi pha rol du phyin pa zab mo 'di la mos par 'gyur ro/ /shes rab kyi pha rol du phyin pa khri brgyad stong pa las/ chos thams cad kyi ngo bo nyid bstan pa'i le'u zhes bya ste/ bzhi bcu rtsa drug pa'o// // rab 'byor gyis gsol pa/ bcom ldan 'das byang chub sems dpa' sems dpa' chen po gang dag shes rab kyi pha rol du phyin pa zab mo 'di la mos par 'gyur ba de dag gi rtags rnams dang / rnam pa rnams dang mtshan ma rnams dang / rang bzhin du 'gyur ba gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po gang dag shes rab kyi pha rol du phyin pa zab mo 'di la/ mos pa de dag ni 'dod chags bsal bas/ dben pa'i</font><hr>35.173b<br><font size=+1>

rang bzhin can dang / zhe sdang dang / gti mug bsal bas dben pa'i rang bzhin can du 'gyur ro/ /rab 'byor de dag ni 'dod chags kyi rtags kyis dben pa'i rang bzhin can du 'gyur ro/ /rab 'byor byang chub sems dpa' sems dpa' chen po de dag ni zhe sdang dang / gti mug gi rtags kyis dben pa'i rang bzhin can du 'gyur ro/ /rab 'byor de dag ni 'dod chags kyi mtshan mas dben pa'i rang bzhin can du 'gyur ro/ /rab 'byor byang chub sems dpa' sems dpa' chen po de dag ni zhe sdang dang / gti mug gi mtshan mas dben pa'i rang bzhin can du 'gyur ro/ /rab 'byor gyis gsol pa/ bcom ldan 'das byang chub sems dpa' sems dpa' chen po gang dag shes rab kyi pha rol du phyin pa zab mo 'di rtogs par gyur pa de dag ji lta bu'i tshul can du 'gyur lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang dag shes rab kyi pha rol du phyin pa zab mo 'di rtogs pa de dag ni/ rnam pa thams cad mkhyen pa nyid kyi tshul can du 'gyur ro/ /rab 'byor gyis gsol pa/ bcom ldan 'das byang chub sems dpa' sems dpa' chen po rnam pa thams cad mkhyen pa nyid kyi tshul can de dag ni sems can thams cad kyi rten lags so/ /bcom ldan 'das kyis bka' stsal pa/ rab 'byor de de bzhin te/ de de bzhin no/ /rab 'byor byang chub sems dpa' sems dpa' chen po gang dag shes rab kyi pha rol du phyin pa zab mo 'di la mos pa de dag ni rnam pa thams cad mkhyen pa nyid kyi tshul can yin pas sems can thams cad kyi rten yin no/ /rab 'byor gyis gsol pa/ bcom ldan 'das byang chub sems dpa' sems dpa' chen po gang dag gis 'di ltar bdag cag gis sems can thams cad yongs su mya ngan las 'da' bar bya'o/ /zhes go cha de dag 'tshal la de la sems can dang sems can du gdags pa yang mi dmigs pa ni dka' ba bgyid pa lags so/ /bcom ldan 'das kyis bka' stsal pa/ rab 'byor de de bzhin no de de bzhin te/ </font><hr>35.174a<br><font size=+1>

rab 'byor byang chub sems dpa' sems dpa' chen po gang dag gis sems can thams cad yongs su mya ngan las bzla bar bya'o/ /zhes go cha de bgos pa de dag ni dka' ba byed pa yin no/ /rab 'byor byang chub sems dpa' sems dpa' chen po'i go cha de ni gzugs dang 'brel ba ma yin no/ /de ci'i phyir zhe na/ rab 'byor gzugs dang byang chub sems dpa'i go cha gtan med pa'i phyir te/ de bas na go cha de ni gzugs dang 'brel ba ma yin no zhes bya'o/ /rab 'byor go cha de ni tshor ba dang / 'du shes dang / 'du byed rnams dang rnam par shes pa dang 'brel ba ma yin no/ /de ci'i phyir zhe na/ rab 'byor rnam par shes pa dang / byang chub sems dpa'i go cha gtan med pa'i phyir te/ rab 'byor de bas na go cha de ni rnam par shes pa dang 'brel ba ma yin no/ /rab 'byor go cha de ni bdag gi bar dang 'brel ba ma yin zhing / sems can dang srog dang skye ba po dang / gso ba dang / skyes bu dang / gang zag dang shed las skyes dang / shed bu dang / byed pa po dang / tshor ba po dang / slong ba po dang / shes pa po dang / mthong ba po dang 'brel ba ma yin no/ /rab 'byor go cha de ni rnam pa thams cad mkhyen pa nyid kyi bar dang 'brel ba ma yin no/ /de ci'i phyir zhe na/ rab 'byor rnam pa thams cad mkhyen pa nyid gtan med la/ byang chub sems dpa'i go cha gtan med cing mi dmigs pa'i phyir te/ de bas na byang chub sems dpa' sems dpa' chen po'i go cha de ni rnam pa thams cad mkhyen pa nyid kyi bar dang 'brel ba ma yin no/ /rab 'byor kye ma shes rab kyi pha rol du phyin pa zab mo 'di la spyod pa gang dag gi 'di ltar bdag cag gis sems can thams cad yongs su mya ngan las bzla bar bya'o/ /zhes go cha bgos pa'i byang chub sems dpa' sems dpa' chen po'i go cha de ni chos thams cad dang 'brel ba ma yin no/ /rab 'byor gyis gsol pa/ bcom ldan 'das byang chub sems dpa' sems dpa' chen po sems can thams cad yongs su mya ngan las bzla bar bya'o/ /zhes go cha 'tshal ba de ni nyan thos kyi sa 'am rang sangs rgyas kyi sa'i gnas gnyis su mi mchi bar 'tshal bar bgyi ba lags so bcom ldan 'das 'di ni gnas</font><hr>35.174b<br><font size=+1>

ma mchis shing go skabs ma lags te/ byang chub sems dpa' sems dpa' chen po gang sems can thams cad yongs su mya ngan las bzla bar bya'o zhes de ltar go cha 'tshal ba de nyan thos kyi sa 'am/ rang sangs rgyas kyi sar ltung ba de ni gnas ma mchis lags so/ /de ci'i slad du zhe na/ byang chub sems dpa' sems dpa' chen po rnams ni sa mtshams bkum ste/ sems can rnams kyi ched du go cha 'tshal ba ma lags pa'i slad du'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor khyod kyis don gyi dbang ci zhig mthong na 'di skad du/ byang chub sems dpa' sems dpa' chen po de ltar go cha bgos pa dang / shes rab kyi pha rol du phyin pa zab mo 'di la spyod pa de ni nyan thos kyi sa 'am/ rang sangs rgyas kyi sa'i gnas gnyis las gnas cig tu mi 'gro bar shes par bya'o zhes zer/ rab 'byor gyis gsol pa/ bcom ldan 'das 'di ltar byang chub sems dpa' sems dpa' chen po ni phyogs cig gi sems can rnams kyi slad du go cha 'tshal ba ma lags kyi/ bcom ldan 'das byang chub sems dpa' sems dpa' chen po ni sems can thams cad yongs su mya ngan las bzla ba'i slad du go cha 'tshal ba lags so/ /bcom ldan 'das byang chub sems dpa' sems dpa' chen po ni rnam pa thams cad mkhyen pa nyid kyi ye shes kyi slad du go cha 'tshal ba lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po ni phyogs cig gi sems can rnams kyi phyir go cha bgos pa ma yin gyi/ rab 'byor byang chub sems dpa' sems dpa' chen po ni sems can thams cad yongs su mya ngan las bzla ba dang / rnam pa thams cad mkhyen pa nyid kyi ye shes kyi phyir go cha bgos pa yin no/ /rab 'byor gyis gsol pa/ bcom ldan 'das shes rab kyi pha rol du phyin pa ni zab lags te/ de ni sus kyang bsgom par bgyi ba ma lags/ gang du yang bsgom par bgyi ba ma lags/ </font><hr>35.175a<br><font size=+1>

ji ltar yang bsgom par bgyi ba ma lags so/ /de ci'i slad du zhe na/ bcom ldan 'das shes rab kyi pha rol du phyin pa zab mo 'di la ni gang bsgom pa dang / gang la bsgom pa dang / gang gis sgom pa'i chos 'ga' yongs su grub pa yang mi dmigs te/ bcom ldan 'das 'di lta ste shes rab kyi pha rol du phyin pa sgom pa de ni nam mkha' bsgom pa lags so 'di lta ste/ shes rab kyi pha rol du phyin pa bsgom pa de ni chos thams cad ma mchis pa bsgom pa lags so/ /'di lta ste shes rab kyi pha rol du phyin pa bsgom pa de ni ma mchis pa bsgom pa lags so/ /bcom ldan 'das 'di lta ste/ shes rab kyi pha rol du phyin pa bsgom pa de ni yongs su 'dzin pa ma mchis pa bsgom pa lags so/ /bcom ldan 'das 'di lta ste shes rab kyi pha rol du phyin pa bsgom pa de ni bsgom pa rnam par 'jig pa lags so/ /bcom ldan 'das kyis bka' stsal pa/ rab 'byor 'di lta ste/ shes rab kyi pha rol du phyin pa bsgom pa de gang bsgom pa rnam par 'jig pa yin/ rab 'byor gyis gsol pa bcom ldan 'das 'di lta ste/ shes rab kyi pha rol du phyin pa bsgom pa de ni gzugs bsgom pa rnam par 'jig pa lags so/ /de bzhin du 'di lta ste/ shes rab kyi pha rol du phyin pa bsgom pa de ni tshor ba dang / 'du shes dang / 'du byed rnams dang / rnam par shes pa bsgom pa rnam par 'jig pa lags so/ /bcom ldan 'das 'di lta ste shes rab kyi pha rol du phyin pa bsgom pa de ni bdag bsgom pa rnam par 'jig pa lags so/ /bcom ldan 'das 'di lta ste shes rab kyi pha rol du phyin pa bsgom pa de ni/ shes pa po dang mthong ba po'i bar du bsgom pa rnam par 'jig pa lags so/ /bcom ldan 'das 'di lta ste shes rab kyi pha rol du phyin pa bsgom pa de ni sbyin pa'i pha rol du phyin pa bsgom pa rnam par 'jig pa lags so/ /de bzhin du bcom ldan 'das 'di lta ste shes rab kyi pha rol du phyin pa bsgom pa de ni shes rab kyi pha rol du phyin pa'i bar gyi bsgom pa rnam par 'jig pa lags so bcom ldan 'das/ </font><hr>35.175b<br><font size=+1>

'di lta ste shes rab kyi pha rol du phyin pa bsgom pa de ni nang stong pa nyid bsgom pa rnam par 'jig pa dang / dngos po med pa'i ngo bo nyid stong pa nyid kyi bar du bsgom pa rnam par 'jig pa lags so/ /bcom ldan 'das 'di lta ste shes rab kyi pha rol du phyin pa bsgom pa de ni dran pa nye bar gzhag pa bsgom pa rnam par 'jig pa lags so/ /'di lta ste shes rab kyi pha rol du phyin pa bsgom pa de ni yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / lam bsgom pa rnam par 'jig pa lags so/ /'di lta ste shes rab kyi pha rol du phyin pa bsgom pa de ni stobs bcu bsgom pa rnam par 'jig pa lags so/ /'di lta ste shes rab kyi pha rol du phyin pa bsgom pa de ni mi 'jigs pa dang / so so yang dag par rig pa dang sangs rgyas kyi chos bsgom pa rnam par 'jig pa lags so/ /'di lta ste shes rab kyi pha rol du phyin pa bsgom pa de ni rgyun du zhugs pa'i 'bras bu bsgom pa rnam par 'jig pa lags so/ /'di lta ste shes rab kyi pha rol du phyin pa bsgom pa de ni lan cig phyir 'ong ba'i 'bras bu dang / phyir mi 'ong ba'i 'bras bu dang dgra bcom pa nyid dang / rang byang chub dang byang chub sems dpa'i sa nas rnam pa thams cad mkhyen pa nyid kyi bar du bsgom pa rnam par 'jig pa lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ 'di lta ste shes rab kyi pha rol du phyin pa bsgom pa de ni gzugs bsgom pa rnam par 'jig pa yin no/ /de bzhin du sbyar te/ 'di lta ste shes rab kyi pha rol du phyin pa bsgom pa de ni rnam pa thams cad mkhyen pa nyid kyi bar du bsgom pa rnam par 'jig pa yin no/ /rab 'byor ci byang chub sems dpa' sems dpa' chen po shes rab kyi pha rol du phyin pa zab mo 'di la mngon par zhen par ma gyur tam zhes/ shes rab kyi pha rol du phyin pa zab mo 'di las phyir mi ldog pa'i byang chub sems dpa' sems dpa' chen po yongs su brtag par bya'o/ /de bzhin du sbyar te/ bsam gtan gyi pha rol du phyin pa dang / brtson 'grus kyi pha rol du phyin pa dang / </font><hr>35.176a<br><font size=+1>

bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa las phyir mi ldog pa'i byang chub sems dpa' sems dpa' chen po yongs su brtag par bya'o/ /rab 'byor rnam pa thams cad mkhyen pa nyid kyi bar dag las phyir mi ldog pa'i byang chub sems dpa' sems dpa' chen po yongs su brtag par bya ste/ ci byang chub sems dpa' sems dpa' chen po rnam pa thams cad mkhyen pa nyid la mngon par zhen par ma gyur tam/ ci phyir mi ldog pa'i byang chub sems dpa' sems dpa' chen po shes rab kyi pha rol du phyin pa zab mo 'di la spyod pa de ni gzhan gyis smras pa dang gzhan gyis bstan pa la snying por mi lta 'am/ ci phyir mi ldog ba'i byang chub sems dpa' sems dpa' chen po shes rab kyi pha rol du phyin pa zab mo 'di la spyod pa de gzhan gyi dad pas mi 'gro 'am/ ci phyir mi ldog pa'i byang chub sems dpa' sems dpa' chen po shes rab kyi pha rol du phyin pa zab mo 'di la spyod pa de 'dod chags dang ldan pa'i sems bskyed pa dag gis mi 'phrogs sam zhe sdang dang / gti mug dang ldan pa'i sems bskyed pa dag gis mi 'phrogs sam/ ci phyir mi ldog pa'i byang chub sems dpa' sems dpa' chen po shes rab kyi pha rol du phyin pa zab mo 'di la spyod pa de sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang bral bar ma gyur tam/ ci phyir mi ldog pa'i byang chub sems dpa' sems dpa' chen po shes rab kyi pha rol du phyin pa zab mo 'di la spyod pa de/ shes rab kyi pha rol du phyin pa zab mo 'di ston pa na/ mi skrag gam/ mi dngang ngam/ dngang bar mi 'gyur ram/ zhum par mi 'gyur ram/ 'gong bar mi 'gyur ram/ de'i yid phyir phyogs par mi 'gyur ram/ shes rab kyi pha rol du phyin pa dang mi 'brel lam/ shes rab kyi pha rol du phyin pa dang / </font><hr>35.176b<br><font size=+1>

shes rab kyi pha rol du phyin pa nyan pa la mngon par dga' 'am/ thos nas kyang 'dzin tam/ 'chang ngam klog gam/ kun chub par byed dam/ tshul bzhin du yid la byed dam/ de bzhin nyid du nan tan byed dam zhes brtag par bya'o/ /rab 'byor phyir mi ldog pa'i byang chub sems dpa' sems dpa' chen po de ni sngon gyi dus na yang shes rab kyi pha rol du phyin pa zab mo 'di yongs su dri ba byas pa dang / bzung ba dang / bcangs pa dang / blags pa dang / kun chub par byas pa dang / tshul bzhin du yid la byas par rig par bya'o/ /de ci'i phyir zhe na/ 'di ltar phyir mi ldog pa'i byang chub sems dpa' sems dpa' chen po de ni shes rab kyi pha rol du phyin pa zab mo 'di ston pa na/ mi skrag mi dngang dngang bar mi 'gyur zhing / zhum par mi 'gyur/ 'gong bar mi 'gyur te/ yid phyir ldog par mi 'gyur ba'i steng du thos nas kyang 'dzin pa dang / 'chang ba dang / klog pa dang / kun chub par byed pa dang / tshul bzhin yid la byed pa'i phyir ro/ /rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa zab mo 'di ston pa na/ mi skrag mi dngang dngang bar mi 'gyur zhing / zhum par mi 'gyur gong bar mi 'gyur te de'i yid phyir phyogs par yang mi 'gyur ba lags na/ byang chub sems dpa' sems dpa' chen po des shes rab kyi pha rol du phyin pa zab mo 'di la ji ltar rnam par dpyad par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos sems kyi rgyud rnam pa thams cad mkhyen pa nyid la gzhol bas/ shes rab kyi pha rol du phyin pa zab mo 'di la rnam par dpyad par bya'o/ /rab 'byor gyis gsol pa/ bcom ldan 'das byang chub sems dpa' sems dpa' chen pos sems kyi rgyud rnam pa thams cad mkhyen pa nyid la gzhol bas/ shes rab kyi pha rol du phyin pa zab mo 'di la ji ltar rnam par dpyad par bgyi/ bcom ldan 'das kyis bka'</font><hr>35.177a<br><font size=+1>

stsal pa/ rab 'byor byang chub sems dpa' sems dpa' chen po'i sems kyi rgyud stong pa nyid la gzhol ba dang / stong pa nyid la 'bab pa dang / stong pa nyid la bab pas/ shes rab kyi pha rol du phyin pa zab mo 'di la rnam par dpyod pa yin no/ /rab 'byor sems kyi rgyud mtshan ma med pa la gzhol ba dang / smon pa med pa la gzhol ba dang / sems kyi rgyud nam mkha' la gzhol ba dang / de bzhin du sbyar te/ rab 'byor sems kyi rgyud skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa la gzhol ba dang / sems kyi rgyud de bzhin nyid dang chos kyi dbyings dang / yang dag pa'i mtha' dang mnyam pa nyid dang / bsam gyi mi khyab pa dang / mngon par 'du byed pa med pa la gzhol bas shes rab kyi pha rol du phyin pa zab mo 'di la rnam par dpyod pa yin no/ /rab 'byor sems kyi rgyud rmi lam lta bu la gzhol ba dang / sprul pa lta bu la gzhol bas shes rab kyi pha rol du phyin pa zab mo 'di la rnam par dpyod pa yin no/ /rab 'byor gyis gsol pa/ bcom ldan 'das byang chub sems dpa' sems dpa' chen po rnams kyi sems kyi rgyud stong pa nyid la gzhol bas/ shes rab kyi pha rol du phyin pa zab mo 'di la rnam par dpyod pa yin no/ /zhes bgyi ba nas byang chub sems dpa' sems dpa' chen po rnams kyi sems kyi rgyud rmi lam lta bu'i bar la gzhol bas/ shes rab kyi pha rol du phyin pa zab mo 'di la rnam par dpyod pa yin no/ /zhes bka' stsal na/ bcom ldan 'das ci byang chub sems dpa' sems dpa' chen po/ gzugs la yang rnam par dpyod pa bgyid pa lags sam/ tshor ba dang / 'du shes dang / 'du byed rnams dang / rnam par shes pa la yang rnam par dpyod par bgyid lags sam/ de bzhin du rnam pa thams cad mkhyen pa nyid kyi bar la yang rnam par dpyod pa bgyid lags sam/ bcom ldan 'das kyis bka' stsal pa/ rab 'byor byang chub sems dpa'</font><hr>35.177b<br><font size=+1>

sems dpa' chen po ni gzugs la rnam par dpyod par mi byed do/ /tshor ba dang / 'du shes dang / 'du byed rnams dang / rnam par shes pa la rnam par dpyod par mi byed do/ /de bzhin du sbyar te/ rab 'byor byang chub sems dpa' sems dpa' chen po ni rnam pa thams cad mkhyen pa nyid kyi bar la rnam par dpyod par mi byed do/ /de ci'i phyir zhe na/ rab 'byor 'di ltar rnam pa thams cad mkhyen pa nyid ni sus kyang ma byas/ 'gyur bar ma byas/ gang nas kyang ma 'ongs/ gang du yang ma song / gang na yang mi 'dug la/ yul na yang mi gnas/ phyogs na yang mi gnas te/ de la ni grangs dang / 'gro ba dang / 'ong ba mi dmigs la/ gang la grangs dang / 'ong ba dang / 'gro ba mi dmigs pa de ni sus kyang mngon par rdzogs par byang chub par mi nus te/ gzugs dang / tshor ba dang / 'du shes dang / 'du byed rnams dang / rnam par shes pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang rnam pa thams cad mkhyen pa nyid kyi ye shes kyi bar gyis mngon par rdzogs par byang chub par mi 'gyur ba'i phyir ro/ /de ci'i phyir zhe na/ gzugs nyid rnam pa thams cad mkhyen pa nyid yin pa dang / tshor ba nyid dang / 'du shes nyid dang / 'du byed nyid dang / rnam par shes pa nyid rnam pa thams cad mkhyen pa nyid yin pa'i phyir ro/ /de ci'i phyir zhe na/ rab 'byor 'di ltar gzugs kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa 'di ni de bzhin nyid gcig go/ /de bzhin du tshor ba dang / 'du shes dang / 'du byed rnams dang / rnam par shes pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa 'di ni de bzhin nyid gcig go/ /de bzhin du pha rol du phyin pa rnams kyi de bzhin nyid gang yin pa dang / byang chub kyi phyogs kyi chos kyi de bzhin nyid gang yin pa dang stobs</font><hr>35.178a<br><font size=+1>

dang mi 'jigs pa dang / so so yang dag par rig pa'i de bzhin nyid gang yin pa dang / sangs rgyas kyi chos ma 'dres pa'i de bzhin nyid gang yin pa de ni rnam pa thams cad mkhyen pa nyid kyi de bzhin nyid yin no/ /de ni sangs rgyas kyi chos ma 'dres pa bcwa brgyad kyi de bzhin nyid yin no/ /shes rab kyi pha rol du phyin pa khri brgyad stong pa las 'dod chags 'dul ba'i le'u zhes bya ste bzhi bcu rtsa bdun pa'o// // bam po sum bcu rtsa drug pa/ de nas 'dod pa na spyod pa dang / gzugs na spyod pa'i lha'i bu rnams lha'i tsan dan gyi phye ma blangs shing / lha'i me tog uta pa la dang / ku mu da dang / pad ma dkar po dag blangs te/ bcom ldan 'das ga la ba de logs su gtor to/ /gtor nas bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs cig du 'khod do/ /phyogs gcig tu 'khod nas kyang 'dod pa na spyod pa dang / gzugs na spyod pa'i lha'i bu de dag gis bcom ldan 'das la 'di skad ces gsol to/ /bcom ldan 'das 'di ltar de bzhin gshegs pa dgra bcom pa yang dag par rdzogs pa'i sangs rgyas rnams shes rab kyi pha rol du phyin pa zab mo 'di las 'di skad du gzugs nyid rnam pa thams cad mkhyen pa nyid yin la/ rnam pa thams cad mkhyen pa nyid kyang gzugs so/ /tshor ba dang / 'du shes dang / 'du byed rnams dang / rnam par shes pa nyid kyang rnam pa thams cad mkhyen pa nyid yin la/ rnam pa thams cad mkhyen pa nyid kyang rnam par shes pa'o/ /gzugs kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa'i de bzhin nyid de ni gcig ste/ gnyis su med cing gnyis su dbyer med do/ /de bzhin du sbyar te/ sangs rgyas rnams kyi bar gyi de bzhin nyid gang yin pa dang / rnam pa thams cad mkhyen pa nyid kyi bar gyi de bzhin nyid gang yin pa'i de bzhin nyid de ni gcig ste/ gnyis su med cing gnyis su dbyer med do/ /zhes ston pa 'di lta ste/ de bzhin gshegs pa rnams kyi byang</font><hr>35.178b<br><font size=+1>

chub shes rab kyi pha rol du phyin pa ni zab cing mthong bar dka' la rtogs par dka' ste/ brtag mi nus shing rtog ge'i spyod pa ma lags la/ zhi ba zhib mor brtags pa'i mkhas pa dang 'dzangs pas rig pa lags te/ 'jig rten thams cad dang mi mthun pa lags so/ /de skad ces gsol pa dang / bcom ldan 'das kyis 'dod pa na spyod pa dang / gzugs na spyod pa'i lha'i bu rnams la 'di skad ces bka' stsal to/ /lha'i bu dag de de bzhin no/ /de de bzhin te/ lha'i bu dag gzugs nyid rnam pa thams cad mkhyen pa nyid de/ rnam pa thams cad mkhyen pa nyid kyang gzugs so/ /de bzhin du tshor ba dang / 'du shes dang / 'du byed rnams dang / rnam par shes pa nyid kyang rnam pa thams cad mkhyen pa nyid de/ rnam pa thams cad mkhyen pa nyid kyang rnam par shes pa'o/ /de bzhin du sbyar te/ sangs rgyas kyi bar nyid kyang rnam pa thams cad mkhyen pa nyid de/ rnam pa thams cad mkhyen pa nyid kyang sangs rgyas so/ /gzugs kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa'i de bzhin nyid de ni gcig ste/ gnyis su med cing gnyis su dbyer med do/ /de bzhin du sbyar te sangs rgyas kyi bar gyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa'i de bzhin nyid de ni gcig ste/ gnyis su med cing gnyis su dbyer med do/ /don gyi dbang de gzigs pas/ de bzhin gshegs pa 'phrin las chung ngu la thugs gzhol te/ chos bstan pa la gzhol ba ma yin no/ /de ci'i phyir zhe na/ kye ma 'di lta ste/ de bzhin gshegs pa rnams kyi byang chub 'di ni zab cing mthong bar dka' la rtogs par dka' ste/ brtag mi nus shing rtog ge'i spyod pa ma yin la/ zhi ba zhib mor brtag pa'i mkhas pa dang / 'dzangs pas rig pa 'jig rten thams cad dang mi mthun pa yin te/ de ni sus kyang mngon par rdzogs par sangs ma rgyas shing / gang du yang mngon par rdzogs par sangs ma rgyas te/ gang la</font><hr>35.179a<br><font size=+1>

gnyis kun du rgyu ba med pa de ni chos rnams kyi zab pa nyid do/ /lha'i bu dag nam mkha' zab pa'i phyir chos 'di zab bo lha'i bu dag de bzhin nyid zab pa dang chos kyi dbyings zab pa dang / yang dag pa'i mtha' zab pa dang / bsam gyis mi khyab pa'i dbyings zab pa'i phyir chos 'di zab bo/ /lha'i bu dag mtha' yas mu med pa dang / 'ong ba dang 'gro ba med pa mnyam pa nyid dang / skye ba dang / 'gag pa med pa mnyam pa nyid dang / kun nas nyon mongs pa dang / rnam par byang ba med pa mnyam pa nyid dang / mngon par 'du byed pa med pa mnyam pa nyid dang / bdag zab pa nyid dang / shes pa po dang / mthong ba po'i bar du zab pa'i phyir chos 'di zab bo/ /lha'i bu dag gzugs zab pa'i phyir chos 'di zab bo/ /lha'i bu dag tshor ba dang / 'du shes dang / 'du byed rnams dang / rnam par shes pa zab pa'i phyir chos 'di zab bo/ /lha'i bu dag sbyin pa'i pha rol du phyin pa zab pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa zab pa'i phyir chos 'di zab bo/ /nang stong pa nyid zab pa'i phyir chos 'di zab bo/ /dngos po med pa'i ngo bo nyid stong pa nyid kyi bar du zab pa'i phyir chos 'di zab bo/ /dran pa nye bar gzhag pa zab pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam zab pa'i phyir chos 'di zab bo/ /stobs bcu dang / mi 'jigs pa dang / so so yang dag par rig pa zab pa dang / sangs rgyas kyi chos ma 'dres pa bcwa brgyad kyi bar du zab pa dang / rnam pa thams cad mkhyen pa nyid kyi bar du zab pa'i phyir/ lha'i bu dag kye ma chos 'di zab bo/ /lha'i bu rnams kyis gsol pa/ bcom ldan 'das kye ma 'jig rten thams cad dang mi mthun pa'i chos 'di bstan lags so/ /de ci'i slad du zhe na bcom ldan 'das chos 'di ni gzugs gzung ba'i slad du bstan pa ma lags/ mi gzung ba'i slad du yang</font><hr>35.179b<br><font size=+1>

ma lags/ tshor ba dang / 'du shes dang / 'du byed rnams dang / rnam par shes pa gzung ba'i slad du bstan pa ma lags/ mi gzung ba'i slad du yang ma lags/ sangs rgyas kyi chos ma 'dres pa bcwa brgyad kyi bar du gzung ba'i slad du bstan pa ma lags/ mi gzung ba'i slad du yang ma lags/ sangs rgyas kyi chos rnams gzung ba'i slad du bstan pa ma lags/ mi gzung ba'i slad du yang ma lags pa'i slad du'o/ /bcom ldan 'das chos bstan pa zab mo 'di ni rgyun du zhugs pa'i 'bras bu gzung ba'i slad du bstan pa ma lags/ mi gzung ba'i slad du yang ma lags/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid gzung ba'i slad du bstan pa ma lags/ mi gzung ba'i slad du yang ma lags so/ /bcom ldan 'das 'jig rten ni bdag gi gzugs so/ /bdag ni gzugs so/ /bdag gi tshor ba'o/ /'du shes so/ /'du byed rnams so/ /rnam par shes pa'o/ /bdag ni rnam par shes pa'o/ /sangs rgyas kyi chos ma 'dres pa bcwa brgyad kyi bar du de bzhin du sbyar te/ bdag gi rgyun du zhugs pa'i 'bras bu'o/ /bdag ni rgyun du zhugs pa'i 'bras bu'o/ /bdag gi lan cig phyir 'ong ba'i 'bras bu'o/ /bdag ni lan cig phyir 'ong ba'i 'bras bu'o/ /bdag gi phyir mi 'ong ba'i 'bras bu'o/ /bdag ni phyir mi 'ong ba'i 'bras bu'o/ /bdag gi dgra bcom pa nyid do/ /bdag ni dgra bcom pa nyid do/ /bdag gi rang byang chub bo/ /bdag ni rang byang chub bo/ /bdag gi rnam pa thams cad mkhyen pa nyid do/ /bdag ni rnam pa thams cad mkhyen pa nyid do/ /zhes bgyi bar 'dzin pa la spyod lags so/ /bcom ldan 'das kyis bka' stsal pa/ lha'i bu dag de de bzhin no/ /de de bzhin te/ lha'i bu dag chos de ni gzugs gzung ba'i phyir bstan pa yang ma yin/ mi gzung ba'i phyir bstan pa yang ma yin no/ /tshor ba dang / 'du shes dang / 'du byed rnams</font><hr>35.180a<br><font size=+1>

dang / rnam par shes pa gzung ba'i phyir bstan pa yang ma yin/ mi gzung ba'i phyir bstan pa yang ma yin no/ /lha'i bu dag gang dag gzugs gzung ba'i phyir spyod pa dang / rnam pa thams cad mkhyen pa nyid kyi bar du gzung ba'i phyir spyod pa de dag la ni shes rab kyi pha rol du phyin pa bsgom pa'i skal ba med de/ bsam gtan dang brtson 'grus dang bzod pa dang / tshul khrims dang / sbyin pa'i pha rol du phyin pa'i bar du bsgom par mi nus so/ /rnam pa thams cad mkhyen pa nyid kyi bar du bsgom par mi nus so/ /rab 'byor gyis gsol pa/ bcom ldan 'das chos 'di ni chos thams cad dang 'thun pa lags te/ chos 'di ni chos gang dag dang mthun pa lags she na/ chos 'di ni shes rab kyi pha rol du phyin pa dang 'thun pa lags so/ /bcom ldan 'das chos 'di ni bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa'i bar dang 'thun pa lags so/ /bcom ldan 'das chos 'di ni nang stong pa nyid dang 'thun pa lags so/ /bcom ldan 'das chos 'di ni dngos po med pa'i ngo bo nyid stong pa nyid kyi bar dang 'thun pa lags so/ /bcom ldan 'das chos 'di ni rnam pa thams cad mkhyen pa nyid kyi bar dang 'thun pa lags so/ /chos 'di ni gang la yang thogs pa ma mchis pa lags te/ ci la thogs pa ma mchis pa lags she na/ gzugs la thogs pa ma mchis pa lags so/ /tshor ba dang 'du shes dang 'du byed rnams dang / rnam par shes pa la thogs pa ma mchis pa lags so/ /de bzhin du rnam pa thams cad mkhyen pa nyid kyi bar la thogs pa ma mchis pa lags so/ /chos 'di ni nam mkha' mnyam pa nyid dang de bzhin nyid mnyam pa nyid dang chos kyi dbyings mnyam pa nyid dang yang dag pa'i mtha' mnyam pa nyid dang bsam kyi mi khyab pa'i dbyings mnyam pa nyid dang / stong pa nyid dang mtshan ma med pa dang smon pa</font><hr>35.180b<br><font size=+1>

med pa mnyam pa nyid dang / skye ba ma mchis pa dang / 'gag pa ma mchis pa mnyam pa nyid dang / kun nas nyon mongs pa ma mchis pa dang / rnam par byang ba ma mchis pa mnyam pa nyid kyi slad du thogs pa ma mchis pa'i mtshan nyid lags so/ /chos 'di ni gzugs skye ba ma mchis pa dang / 'gag pa ma mchis pa dang / tshor ba dang 'du shes dang / 'du byed rnams dang / rnam par shes pa skye ba ma mchis pa dang / 'gag pa ma mchis pa dang de bzhin du rnam pa thams cad mkhyen pa nyid kyi bar du skye ba ma mchis pa dang / 'gag pa ma mchis pa'i slad du skye ba ma mchis pa lags so/ /chos 'di ni gzugs kyi gzhi dmigs su ma mchis pa dang / tshor ba dang 'du shes dang 'du byed rnams dang rnam par shes pa'i gzhi dmigs su ma mchis pa dang / de bzhin du rnam pa thams cad mkhyen pa nyid kyi bar gyi gzhi dmigs su ma mchis pa'i slad du gzhi ma mchis pa lags so/ /de nas bcom ldan 'das la 'dod pa na spyod pa dang / gzugs na spyod pa'i lha'i bu de dag gis 'di skad ces gsol to/ /bcom ldan 'das gnas brtan rab 'byor ni bcom ldan 'das kyi rjes su skyes pa lags so/ /de ci'i slad du zhe na/ 'di ltar gnas brtan rab 'byor ci dang ci ston pa de thams cad stong pa nyid kho na las brtsams te/ ston pa'i slad du'o/ /de nas tshe dang ldan pa rab 'byor gyis 'dod pa na spyod pa dang / gzugs na spyod pa'i lha'i bu de dag la 'di skad ces smras so/ /lha'i bu dag gang 'di skad du bcom ldan 'das gnas brtan rab 'byor 'di ni bcom ldan 'das kyis rjes su skyes pa lags so/ /zhes smras pa ni ji ltar rjes su skyes pas/ gnas brtan rab 'byor bcom ldan 'das kyi rjes su skyes pa yin zhe na/ de bzhin gshegs pa'i de bzhin nyid gang yin pa de ni ma 'ongs ma song ba ste/ de bzhin du rab 'byor gyi de bzhin nyid kyang ma 'ongs ma song ba ste/ de ltar na gnas brtan rab 'byor ni de bzhin gshegs pa'i rjes su skyes pa yin no de bzhin gshegs pa'i</font><hr>35.181a<br><font size=+1>

de bzhin nyid gang yin pa de nyid chos thams cad kyi de bzhin nyid do/ /chos thams cad kyi de bzhin nyid gang yin pa de ni/ rab 'byor gyi de bzhin nyid de de ltar na/ gnas brtan rab 'byor ni de bzhin gshegs pa'i rjes su skyes pa yin no/ /de bzhin gshegs pa'i de bzhin nyid ji ltar gnas pa de bzhin du gnas brtan rab 'byor gnas pas de bzhin gshegs pa'i rjes su skyes pa yin no/ /ji ltar de bzhin gshegs pa'i de bzhin nyid 'gyur ba med cing rnam par rtog pa med pa de bzhin du gnas brtan rab 'byor gyi de bzhin nyid kyang 'gyur ba med cing / rnam par rtog pa med la ji ltar de bzhin gshegs pa'i de bzhin nyid gang la yang thogs pa med pa de bzhin du chos thams cad kyi de bzhin nyid kyang gang la yang thogs pa med de/ de bzhin gshegs pa'i de bzhin nyid gang yin pa dang / chos thams cad kyi de bzhin nyid gang yin pa de ni gnyis su med de gnyis su dbyer med do/ /de bzhin nyid ni ma byas pa ste de bzhin nyid de ni gang gi de bzhin nyid du ma gyur pa yang med de/ gang gi phyir de bzhin nyid de gang gi de bzhin nyid du ma gyur pa yang med cing / nam yang de bzhin nyid du ma gyur pa ma yin pa de'i phyir/ de bzhin nyid de ni gnyis su med cing gnyis su dbyer med do/ /de ltar na gnas brtan rab 'byor de bzhin gshegs pa'i rjes su skyes pa yin no/ /de bzhin gshegs pa'i de bzhin nyid gang yin pa de ni thams cad du 'gyur ba med cing rnam par rtog pa med pa ste/ de bzhin du gnas brtan rab 'byor gyi de bzhin nyid kyang thams cad du 'gyur ba med cing rnam par rtog pa med do/ /ji ltar de bzhin gshegs pa'i de bzhin nyid tha mi dad pa dbyer med pa/ dmigs su med pa de bzhin du chos thams cad kyi de bzhin nyid kyang tha mi dad pa dbyer med pa dmigs su med pa'o/ /de bzhin du gnas brtan rab 'byor gyi de bzhin nyid kyang tha mi dad pa dbyer med pa dmigs su med pa ste/ de ltar na gnas brtan rab 'byor ni de bzhin gshegs pa'i rjes su skyes pa yin no/ /de bzhin gshegs pa'i de bzhin nyid gang yin pa de ni chos thams cad kyi de bzhin nyid las gud na yod pa</font><hr>35.181b<br><font size=+1>

ma yin te/ chos thams cad kyi de bzhin nyid las gud na yod pa ma yin pa gang yin pa de ni nam yang de bzhin nyid ma yin pa ma yin zhing de ni rtag du de bzhin nyid do/ /gnas brtan rab 'byor gyi de bzhin nyid kyang de lta bu ste de'i phyir rnam pa gzhan ma yin pas/ de bzhin gshegs pa'i rjes su skyes kyang gang du yang skyes pa med do/ /ji ltar de bzhin gshegs pa'i de bzhin nyid 'das pa ma yin ma 'ongs pa ma yin/ da ltar byung ba yang ma yin pa de bzhin du chos thams cad kyi de bzhin nyid kyang 'das pa ma yin ma 'ongs pa ma yin da ltar byung ba ma yin no/ /de bzhin du gnas brtan rab 'byor gyi de bzhin nyid kyang 'das pa ma yin/ ma 'ongs pa ma yin da ltar byung ba ma yin te/ de ltar na gnas brtan rab 'byor de bzhin gshegs pa'i rjes su skyes pa zhes bya'o/ /lha'i bu dag 'di la 'das pa'i de bzhin nyid mnyam pa nyid kyis de bzhin gshegs pa'i de bzhin nyid mnyam pa nyid du rig par bya'o/ /de bzhin gshegs pa'i de bzhin nyid mnyam pa nyid kyis 'das pa'i de bzhin nyid mnyam pa nyid do/ /ma 'ongs pa'i de bzhin nyid mnyam pa nyid kyis de bzhin gshegs pa'i de bzhin nyid mnyam pa nyid do/ /de bzhin gshegs pa'i de bzhin nyid mnyam pa nyid kyis ma 'ongs pa'i de bzhin nyid mnyam pa nyid do/ /da ltar byung ba'i de bzhin nyid mnyam pa nyid kyis de bzhin gshegs pa'i de bzhin nyid mnyam pa nyid do/ /de bzhin gshegs pa'i de bzhin nyid mnyam pa nyid kyis/ da ltar byung ba'i de bzhin nyid mnyam pa nyid do/ /de ltar na 'das pa dang ma 'ongs pa dang da ltar byung ba'i de bzhin nyid dang / de bzhin gshegs pa'i de bzhin nyid de ni gnyis su med de gnyis su dbyer med do/ /gzugs kyi de bzhin nyid gyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis gzugs kyi de bzhin nyid do/ /de bzhin du tshor ba dang 'du shes dang / 'du byed rnams dang rnam par shes pa'i de bzhin nyid kyis de bzhin gshegs pa'i de bzhin nyid do de bzhin gshegs pa'i de</font><hr>35.182a<br><font size=+1>

bzhin nyid kyis tshor ba dang / 'du shes dang 'du byed rnams dang / rnam par shes pa'i de bzhin nyid do/ /de ltar na gzugs kyi de bzhin nyid dang / tshor ba dang / 'du shes dang 'du byed rnams dang / rnam par shes pa'i de bzhin nyid dang / de bzhin gshegs pa'i de bzhin nyid de ni gnyis su med de gnyis su dbyer med do/ /de bzhin du sbyar te bdag gi de bzhin nyid kyis de bzhin gshegs pa'i de bzhin nyid do de bzhin gshegs pa'i de bzhin nyid kyis bdag gis de bzhin nyid do/ /de bzhin du shes pa po dang mthong ba po'i bar gyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis shes pa po dang / mthong ba po'i bar gyi de bzhin nyid do/ /de ltar na bdag gi de bzhin nyid dang / shes pa po dang mthong ba po'i bar gyi de bzhin nyid dang / de bzhin gshegs pa'i de bzhin nyid de ni gnyis su med de gnyis su dbyer med do/ /de bzhin du sbyar te/ sbyin pa'i pha rol du phyin pa'i de bzhin nyid dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol du phyin pa'i de bzhin nyid dang / de bzhin gshegs pa'i de bzhin nyid de ni gnyis su med de gnyis su dbyer med do/ /nang stong pa nyid kyi de bzhin nyid dang / dngos po med pa'i ngo bo nyid stong pa nyid kyi bar gyi de bzhin nyid dang / de bzhin gshegs pa'i de bzhin nyid de ni gnyis su med de gnyis su dbyer med do/ /dran pa nye bar gzhag pa'i de bzhin nyid dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyi de bzhin nyid dang / de bzhin gshegs pa'i de bzhin nyid de ni gnyis su med de gnyis su dbyer med do/ /de bzhin gshegs pa'i stobs bcu dang mi 'jigs pa dang / so so yang dag par rig pa dang / sangs rgyas kyi chos ma 'dres pa'i de bzhin nyid dang / rnam pa thams cad mkhyen pa nyid kyi bar gyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis rnam pa thams cad</font><hr>35.182b<br><font size=+1>

mkhyen pa nyid kyi de bzhin nyid do/ /de ltar na rnam pa thams cad mkhyen pa nyid kyi de bzhin nyid dang / de bzhin gshegs pa'i de bzhin nyid de ni gnyis su med de gnyis su dbyer med do/ /lha'i bu dag de bzhin gshegs pas yang dag pa'i de bzhin nyid 'di la brten nas/ bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa zhes bya ba'i mtshan brnyes so/ /de bzhin nyid kyi le'u 'di bshad pa na/ stong gsum gyi stong chen po'i 'jig rten gyi khams 'di rnam pa drug tu g.yos te 'gul rab tu 'gul/ kun tu rab tu 'gul to/ /g.yos rab tu g.yos kun tu rab tu g.yos so/ /ldeg rab tu ldeg kun tu rab tu ldeg go/ /chem chem rab tu chem chem kun tu rab tu chem chem mo/ /'ur 'ur/ rab tu 'ur 'ur kun tu rab tu 'ur 'ur ro/ /'khrugs rab tu 'khrugs kun tu rab tu 'khrugs so/ /shar phyogs mtho na nub phyogs dma'/ /nub phyogs mtho na shar phyogs dma'o/ /byang phyogs mtho na lho phyogs dma'o/ /lho phyogs mtho na byang phyogs dma'o/ /mtha' mtho na dbus dma'o/ /dbus mtho na mtha' dma'o/ /de nas 'dod pa na spyod pa dang / gzugs na spyod pa'i lha'i bu de dag gis bcom ldan 'das dang gnas brtan rab 'byor la lha'i tsan dan gyi phye ma dag gis gtor mngon par gtor/ mngon par rab tu gtor nas/ 'di skad ces bcom ldan 'das 'di ltar gnas brtan rab 'byor 'di de bzhin gshegs pa'i de bzhin nyid kyis de bzhin gshegs pa'i rjes su skyes pa ni ngo mtshar lags so zhes tshig du brjod do/ /de nas gnas brtan rab 'byor gyis lha'i bu de dag gi gtam de nyid kyi rgyud nas gzung ste/ lha'i bu de dag la 'di skad ces smras so/ /lha'i bu dag 'di ltar gnas brtan rab 'byor ni gzugs kyi rjes su ma skyes/ gzugs las gzhan gyi rjes su ma skyes so/ /gzugs kyi de bzhin nyid kyi rjes su ma skyes gzugs gyi de bzhin nyid las gzhan gyi rjes su ma skyes so/ /tshor ba dang 'du shes dang / 'du byed rnams dang rnam par shes pa'i rjes su ma skyes so/ /</font><hr>35.183a<br><font size=+1>

rnam par shes pa las gzhan gyi rjes su ma skyes so/ rnam par shes pa'i de bzhin nyid kyi rjes su ma skyes/ rnam par shes pa'i de bzhin nyid las gzhan gyi rjes su ma skyes so/ /de bzhin du sbyar te/ rnam pa thams cad mkhyen pa nyid kyi bar gyi rjes su ma skyes/ rnam pa thams cad mkhyen pa nyid las gzhan gyi rjes su ma skyes so/ /rnam pa thams cad mkhyen pa nyid kyi de bzhin nyid kyi rjes su ma skyes/ rnam pa thams cad mkhyen pa nyid kyi de bzhin nyid las gzhan gyi rjes su ma skyes so/ /'dus byas kyi rjes su ma skyes 'dus byas las gzhan gyi rjes su ma skyes so/ /'dus byas kyi de bzhin nyid kyi rjes su ma skyes/ 'dus byas kyi de bzhin nyid las gzhan gyi rjes su ma skyes so/ /'dus ma byas kyi rjes su ma skyes/ 'dus ma byas las gzhan gyi rjes su ma skyes so/ /'dus ma byas kyi de bzhin nyid kyi rjes su ma skyes/ 'dus ma byas kyi de bzhin nyid las gzhan gyi rjes su ma skyes so/ /de ci'i phyir zhe na/ 'di ltar gang gis rjes su skyes pa dang / gang rjes su skye ba'i chos de med cing mi dmigs pa'i phyir ro/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings ni zab pa ste/ de la ni gzugs mi dmigs gzugs kyi de bzhin nyid mi dmigs te/ gzugs nyid kyang mi dmigs na gzugs kyi de bzhin nyid dmigs par lta ga la 'gyur/ de la ni tshor ba dang / 'du shes dang / 'du byed rnams dang / rnam par shes pa mi dmigs/ rnam par shes pa'i de bzhin nyid mi dmigs te/ rnam par shes pa nyid kyang mi dmigs na/ rnam par shes pa'i de bzhin nyid dmigs par lta ga la 'gyur/ de bzhin du sbyar te/ de la rnam pa thams cad mkhyen pa nyid kyi bar du mi</font><hr>35.183b<br><font size=+1>

dmigs/ rnam pa thams cad mkhyen pa nyid kyi de bzhin nyid mi dmigs te/ rnam pa thams cad mkhyen pa nyid kyang mi dmigs na/ rnam pa thams cad mkhyen pa nyid kyi de bzhin nyid dmigs par lta ga la 'gyur/ bcom ldan 'das kyis bka' stsal pa/ shA ri'i bu de de bzhin no/ /de de bzhin te/ shA ri'i bu de bzhin nyid ni zab pa ste/ de la gzugs mi dmigs gzugs kyi de bzhin nyid mi dmigs te/ gzugs nyid kyang mi dmigs na/ gzugs kyi de bzhin nyid dmigs par ga la 'gyur/ de la tshor ba dang / 'du shes dang 'du byed rnams dang / rnam par shes pa mi dmigs/ rnam par shes pa'i de bzhin nyid mi dmigs te/ rnam par shes pa nyid kyang mi dmigs na/ rnam par shes pa'i de bzhin nyid dmigs par lta ga la 'gyur/ de bzhin du sbyar te/ rnam pa thams cad mkhyen pa nyid kyi bar du mi dmigs/ rnam pa thams cad mkhyen pa nyid kyi de bzhin nyid mi dmigs te/ rnam pa thams cad mkhyen pa nyid kyang mi dmigs na/ rnam pa thams cad mkhyen pa nyid kyi de bzhin nyid dmigs par lta ga la 'gyur te/ de bzhin nyid dang / ma nor ba de bzhin nyid dang / gzhan ma yin pa de bzhin nyid kyi le'u 'di bshad pa na/ dge slong nyis brgya len pa med par zag pa rnams las sems rnam par grol lo/ /dge slong ma lnga brgya ni chos rnams la chos kyi mig rdul med cing dri ma dang bral ba rnam par dag go/ /byang chub sems dpa' lnga stong ni mi skye ba'i chos la bzod pa thob bo/ /byang chub sems dpa' yongs su nyams pa'i chos can drug bcu ni len pa med par zag pa rnams las sems rnam par grol lo/ /shA ri'i bu byang chub sems dpa' de dag gis ni sangs rgyas lnga brgya la bsnyen bkur byas ste/ thams cad du sbyin pa byin tshul khrims bsrung / bzod pa bsgoms/ brtson 'grus brtsams/ bsam gtan bskyed/ shes rab bsgoms kyang / de dag shes rab kyi pha rol du phyin pas yongs su ma zin cing / </font><hr>35.184a<br><font size=+1>

thabs la mkhas pas yongs su ma zin pas/ 'di ltar spyad de/ 'di ni sbyin pa'o 'di la sbyin par bya'o/ /bdag gis tshul khrims 'di bsrung ngo / /bzod pa 'di bsgom mo/ /brtson 'grus 'di brtsam mo/ /bsam gtan 'di la snyoms par 'jug par bya'o/ /shes rab 'di bsgom par bya'o snyam du de ltar spyod pa de dag shes rab kyi pha rol du phyin pa dang bral zhing thabs la mkhas pas yongs su ma zin pas/ sbyin pa dang / tshul khrims dang / bzod pa dang brtson 'grus dang / bsam gtan dang / shes rab bsgom zhing de dag 'du shes sna tshogs la spyod pas tha dad pa med pa ma dmigs pa'i phyir/ de dag byang chub sems dpa'i skyon med pa la ma zhugs so/ /de dag byang chub sems dpa'i skyon med pa la ma zhugs pas rgyun du zhugs pa'i 'bras bu thob bo/ /dgra bcom pa nyid kyi bar du thob bo/ /shA ri'i bu gzhan yang byang chub sems dpa' sems dpa' chen po'i lam stong pa nyid dam/ mtshan ma med pa 'am/ smon pa med pa yod mod kyi de dag shes rab kyi pha rol du phyin pa dang bral zhing / thabs la mkhas pas yongs su ma zin na/ yang dag pa'i mtha' mngon sum du byas nas/ nyan thos sam rang sangs rgyas su 'gyur ro/ /shA ri'i bus gsol pa bcom ldan 'das ci'i slad du stong pa nyid dang / mtshan ma ma mchis pa dang / smon pa ma mchis pa'i chos de dag nyid la bsgoms su 'dra yang thabs la mkhas pa dang bral ba dag yang dag pa'i mtha' mngon sum du bgyis nas nyan thos dang / rang sangs rgyas su 'gyur la/ bcom ldan 'das byang chub sems dpa' rnams ni stong pa nyid dang / mtshan ma ma mchis pa dang / smon pa ma mchis pa'i chos de dag nyid sgom du bas kyang thabs la mkhas pa la brten nas bla na med pa yang dag par rdzogs pa'i byang chub mngon par rdzogs par 'tshang rgya ba lags/ bcom ldan 'das kyis bka' stsal pa/ shA ri'i bu 'di la kha cig rnam pa thams cad mkhyen pa nyid kyi sems dang bral bar stong pa nyid</font><hr>35.184b<br><font size=+1>

dang / mtshan ma med pa dang / smon pa med pa'i chos rnams sgom zhing / thabs la mkhas pa la ma brten pas nyan thos dang rang sangs rgyas su 'gyur ro/ /shA ri'i bu 'di la byang chub sems dpa' sems dpa' chen po rnam pa thams cad mkhyen pa nyid kyi sems dang ma bral ba rnams ni stong pa nyid dang / mtshan ma med pa dang / smon pa med pa'i chos rnams sgom zhing / thabs la mkhas pa la brten nas/ byang chub sems dpa'i skyon med pa la 'jug cing / bla na med pa yang dag par rdzogs pa'i byang chub mngon par rdzogs par 'tshang rgya'o/ /shA ri'i bu 'di lta ste dper na/ 'dab chags bya zhig lus dpag tshad brgya 'am/ lus dpag tshad nyis brgya 'am/ dpag tshad sum brgya 'am/ dpag tshad bzhi brgya 'am/ dpag tshad lnga brgya pa zhig yod la/ de sum bcu rtsa gsum gyi lha'i ris nas 'dzam bu'i gling du 'ong bar sems la bya de yang 'dab ma med pa zhig yin zhing / de sum bcu rtsa gsum gyi lha'i ris nas bdag nyid mchongs te 'dzam bu'i gling du 'gro bar bya bar sems la gal te bya de sa la ma lhung bar 'di snyam du sems te/ ma la bdag sum bcu rtsa gsum gyi lha'i ris su gnas par bya'o snyam du sems na shA ri'i bu 'di ji snyam du sems/ bya de phyir sum bcu rtsa gsum gyi lha'i nang du gnas par nus snyam 'am/ shA ri'i bus gsol pa/ bcom ldan 'das de ni rngo mi thogs lags so/ /bcom ldan 'das kyis bka' stsal pa/ gal te de bar de nas 'di snyam du ma la bdag ma smas ma snad par 'dzam bu'i gling du gnas par bya'o/ /snyam du bsam na shA ri'i bu 'di ji snyam du sems/ bya de ma smas ma snad par 'dzam bu'i gling du gnas par 'gyur snyam 'am/ shA ri'i bus gsol pa bcom ldan 'das de ni rngo mi thogs lags te/ bcom ldan 'das bya de ni smas pa 'am snad par yang 'gyur la 'dzam bu'i gling du ma mchis par 'gum pa 'am/ 'gum la thug par sdug bsngal bar yang 'gyur lags so/ /de ci'i slad du zhe na/ bcom ldan 'das 'di ltar de ni lus che la 'dab ma ma mchis shing / </font><hr>35.185a<br><font size=+1>

mthon po zhig nas mchongs pas/ de ltar 'gyur du gdon mi 'tshal lags so/ /bcom ldan 'das kyis bka' stsal pa/ shA ri'i bu de bzhin du byang chub sems dpa' bskal pa gang gA'i klung gi bye ma snyed dag du sbyin pa sbyin par byed/ tshul khrims bsrung / bzod pa sgom/ brtson 'grus rtsom/ bsam gtan la snyoms par 'jug cing / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i phyir/ de'i 'jug pa yang che/ sems bskyed pa yang che/ phan gdags par bsam pa yang tshad med du zin kyang / shes rab kyi pha rol du phyin pa dang bral zhing thabs la mkhas pas yongs su ma zin na/ nyan thos kyi sa 'am/ rang sangs rgyas kyi sar lhung ngo / /de ci'i phyir zhe na/ 'di ltar byang chub sems dpa' sems dpa' chen po des rnam pa thams cad mkhyen pa nyid kyi sems dang bral bar sbyin pa byin/ tshul khrims bsrungs/ bzod pa bsgoms/ brtson 'grus brtsams/ bsam gtan bskyed kyang byang chub sems dpa' de shes rab kyi pha rol du phyin pa dang / thabs la mkhas pa dang bral bar 'gyur te/ des na nyan thos kyi sa dang / rang sangs rgyas kyi sar lhung ngo / /shA ri'i bu byang chub sems dpa' 'das pa dang / ma byon pa dang da ltar byung ba'i sangs rgyas bcom ldan 'das rnams kyi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes gzigs pa la sems shing / kun du 'dzin la mtshan mar byed kyang de bzhin gshegs pa rnams kyi tshul khrims mi shes/ rnam par grol ba'i ye shes gzigs pa'i bar du mi shes na/ de mi shes shing khong du ma chud pas/ stong pa nyid dang / mtshan ma med pa dang smon pa med pa'i sgra thos na/ zhi bar mtshan mar 'dzin te/ mtshan mar bzung nas/ bla na med pa yang dag par rdzogs pa'i byang chub du yongs su bsngo bar byed do/ /de ltar yongs su bsngo ba'i byang chub sems</font><hr>35.185b<br><font size=+1>

dpa' ni nyan thos kyi sa 'am/ rang sangs rgyas kyi sa la gnas par 'gyur ro/ /de ci'i phyir zhe na/ shA ri'i bu 'di ltar shes rab kyi pha rol du phyin pa dang / thabs la mkhas pa dang bral bas/ dge ba'i rtsa ba rnams bla na med pa yang dag par rdzogs pa'i byang chub du yongs su bsngo bar byed pa ni de ltar 'gyur te/ de nyan thos kyi sa 'am/ rang sangs rgyas kyi sar lhung ngo / /shA ri'i bu 'di la byang chub sems dpa' sems dpa' chen po sems dang po bskyed pa nas nye bar bzung ste/ rnam pa thams cad mkhyen pa nyid kyi sems dang ma bral bar sbyin pa sbyin par byed/ tshul khrims bsrung bzod pa sgrub/ brtson 'grus rtsom/ bsam gtan la snyoms par 'jug pa ni/ shes rab kyi pha rol du phyin pa dang thabs la mkhas pa dang ma bral ba ste/ 'das pa dang ma byon pa dang / da ltar byung ba'i sangs rgyas bcom ldan 'das rnams kyi tshul khrims dang / ting nge 'dzin dang shes rab dang rnam par grol ba dang rnam par grol ba'i ye shes gzigs pa gang yin pa de thams cad mtshan mar mi 'dzin te/ de stong pa nyid kyi ting nge 'dzin la mtshan mar mi 'dzin/ mtshan ma med pa dang smon pa med pa'i ting nge 'dzin la mtshan mar mi 'dzin na/ shA ri'i bu byang chub sems dpa' sems dpa' chen po de ni nyan thos kyi sa 'am/ rang sangs rgyas kyi sa la gnas par mi 'gyur bar rig par bya'o/ /de ci'i phyir zhe na/ 'di ltar byang chub sems dpa' sems dpa' chen pos sems dang po bskyed pa nas nye bar bzung ste/ sbyin pa byin yang mtshan mar ma bzung / tshul khrims bsrungs bzod pa bsgrubs/ brtson 'grus brtsam/ bsam gtan la snyoms par zhugs shes rab sgoms kyang mtshan mar ma bzung / 'das pa dang ma byon pa dang / da ltar byung ba'i sangs rgyas bcom ldan 'das rnams kyi tshul khrims dang ting nge 'dzin dang / shes rab dang rnam par grol ba dang rnam par grol ba'i ye shes gzigs pa mtshan mar ma bzung / stong pa nyid dang mtshan ma</font><hr>35.186a<br><font size=+1>

med pa dang / smon pa med pa'i ting nge 'dzin sgoms kyang mtshan mar ma bzung ba'i phyir ro/ /shA ri'i bu 'di ltar mtshan ma dang bral ba'i sems kyis sbyin pa sbyin pa dang / tshul khrims bsrung ba dang / bzod pa sgrub pa dang / brtson 'grus rtsom pa dang / bsam gtan la snyoms par 'jug pa dang / shes rab bsgom pa dang / de bzhin du sbyar te/ rnam pa thams cad mkhyen pa nyid kyi bar la spyod kyang mtshan mar ma bzung ba 'di ni byang chub sems dpa' sems dpa' chen po rnams kyi thabs la mkhas pa yin no/ /shA ri'i bus gsol pa bcom ldan 'das bdag gis bcom ldan 'das kyis gsungs pa'i don 'tshal ba ltar na/ byang chub sems dpa' sems dpa' chen po gang sems dang po bskyed pa nas nye bar bzung ste/ shes rab kyi pha rol du phyin pa dang / thabs la mkhas pa dang ma bral ba de'i bla na med pa yang dag par rdzogs pa'i byang chub ni the tshom ma mchis lags so/ /de ci'i slad du zhe na/ /bcom ldan 'das 'di ltar byang chub sems dpa' sems dpa' chen pos sems dang po bskyed pa nas nye bar bzung ste/ gang mngon par rdzogs par 'tshang rgya bar bgyi ba dang / gang gis mngon par rdzogs par 'tshang rgya ba dang / gang mngon par rdzogs par 'tshang rgya ba'i gzugs sam/ tshor ba 'am/ 'du shes sam/ 'du byed rnams sam/ rnam par shes pa 'am/ de bzhin du rnam pa thams cad mkhyen pa nyid kyi bar gyi chos gang yang ma dmigs pa'i slad du'o/ /bcom ldan 'das byang chub sems dpa'i theg pa pa'i rigs kyi bu 'am/ rigs kyi bu mo gang dag shes rab kyi pha rol du phyin pa dang bral zhing / thabs la mkhas pa dang bral ba de dag gi bla na med pa yang dag par rdzogs pa'i byang chub ni the tshom mchis par rig par bgyi lags so/ /de ci'i slad du zhe na/ bcom ldan 'das 'di ltar byang chub sems dpa'i theg pa pa'i rigs kyi bu 'am/ rigs kyi bu mo shes rab kyi pha rol tu phyin pa dang thabs la mkhas pa dang bral ba bdag gis sbyin pa ci dang ci stsal ba de thams cad mtshan mar bzung</font><hr>35.186b<br><font size=+1>

nas stsal ba dang / tshul khrims ci dang ci bsrungs pa dang / bzod pa bsgrub pa dang / brtson 'grus brtsams pa dang / bsam gtan gang dang gang la mnyam par bzhag pa de thams cad kyang mtshan mar bzung nas mnyam par bzhag pa'i slad du ste/ de'i slad du byang chub sems dpa'i theg pa pa'i rigs kyi bu dang / rigs kyi bu mo de dag gi bla na med pa yang dag par rdzogs pa'i byang chub ni the tshom mchis par rig par bgyi lags so/ /bcom ldan 'das de ltar lags pas/ byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ shes rab kyi pha rol du phyin pa dang / thabs la mkhas pa dang ma bral bar rig par bgyi'o/ /shes rab kyi pha rol du phyin pa dang thabs la mkhas pa la gnas te/ mi dmigs pa'i tshul gyis mtshan ma ma mchis pa dang ldan pa'i sems kyis sbyin pa stsal bar bgyi/ tshul khrims bsrung bar bgyi/ bzod pa bsgrub par bgyi/ brtson 'grus brtsom par bgyi/ bsam gtan la snyoms par 'jug par bgyi/ shes rab bsgom par bgyi'o/ /de bzhin du rnam pa thams cad mkhyen pa nyid kyi bar la spyad par bgyi'o/ /de nas bcom ldan 'das la 'dod pa na spyod pa dang / gzugs na spyod pa'i lha'i bu rnams kyis 'di skad ces gsol to/ /bcom ldan 'das 'di ltar byang chub sems dpa' sems dpa' chen pos chos thams cad mngon par rdzogs par 'tshang rgya bar yang bgyi 'tshal la chos de dag kyang ma mchis shing mi dmigs pas bla na med pa yang dag par rdzogs pa'i byang chub ni mngon par 'byung bar dka' ba lags so/ /bcom ldan 'das kyis bka' stsal pa/ lha'i bu dag de de bzhin te bla na med pa yang dag par rdzogs pa'i byang chub ni mngon par 'byung bar dka' ba yin no/ /lha'i bu dag ngas kyang chos thams cad rnam pa thams cad du mngon par rdzogs par sangs rgyas te/ ngas ni gang mngon par rdzogs par 'tshang rgya ba 'am/ gang gis mngon par rdzogs par 'tshang rgya ba 'am/ gang mngon par rdzogs par 'tshang rgya bar bya ba'i</font><hr>35.187a<br><font size=+1>

chos gang yang ma dmigs so/ /de ci'i phyir zhe na/ lha'i bu dag chos thams cad shin du rnam par dag pa'i phyir ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das kyis gang 'di skad du bla na med pa yang dag par rdzogs pa'i byang chub ni mngon par 'byung bar dka'o zhes bka' stsal pa/ bcom ldan 'das kyis gsungs pa'i don bdag gis 'tshal ba dang bdag sems pa ltar na/ bcom ldan 'das bla na med pa yang dag par rdzogs pa'i byang chub ni mngon par rdzogs par 'tshang rgya bar sla lags so/ /de ci'i slad du zhe na/ bcom ldan 'das 'di ltar gang yang mngon par rdzogs par 'tshang rgya bar bgyid pa su yang ma mchis shing / mngon par rdzogs par 'tshang rgya bar bgyi ba ci yang ma mchis pas/ chos thams cad ni stong pa lags te/ chos thams cad stong pa la ni gang mngon par rdzogs par 'tshang rgya bar bgyid pa dang / gang gis mngon par rdzogs par 'tshang rgya ba dang / gang mngon par rdzogs par 'tshang rgya bar bgyi ba'i chos de ma mchis pa'i slad du'o/ /de ci'i slad du zhe na/ bcom ldan 'das 'di ltar chos thams cad ni stong pa lags te/ chos gang rnam par 'phel bar bgyi ba 'am/ yongs su 'grib par bgyi ba'i slad du sbyin pa stsol bar bgyid pa dang bsam gtan gyi bar la snyoms par 'jug par bgyid pa dang / rnam pa thams cad mkhyen pa nyid kyi bar la slob pa'i chos de dag kyang ma mchis shing / gang mngon par rdzogs par 'tshang rgya bar bgyid pa dang / gang mngon par rdzogs par 'tshang rgya bar bgyi ba'i chos de dag thams cad kyang stong pa lags te/ bcom ldan 'das rnam grangs des na byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par 'tshang rgya bar sla lags so/ /de ci'i slad du zhe na/ bcom ldan 'das 'di ltar gzugs ni gzugs kyi ngo bo nyid kyis stong / tshor ba dang / 'du shes dang / 'du byed rnams dang / rnam par shes pa</font><hr>35.187b<br><font size=+1>

ni rnam par shes pa'i ngo bo nyid kyis stong zhing / de bzhin du rnam pa thams cad mkhyen pa nyid kyi bar ni/ rnam pa thams cad mkhyen pa nyid kyi ngo bo nyid kyis stong pa'i slad du'o/ /de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor rnam grangs des na/ bla na med pa yang dag par rdzogs pa'i byang chub ni mngon par rdzogs par 'tshang rgya bar dka'o/ /de ci'i phyir zhe na/ tshe dang ldan pa rab 'byor 'di ltar nam mkha' ni 'di snyam du bdag gis bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du mi sems so/ /tshe dang ldan pa rab 'byor de bzhin du byang chub sems dpa' sems dpa' chen po yang 'di snyam du bdag gis bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du mi sems so/ /de ci'i phyir zhe na/ 'di ltar chos thams cad ni nam mkha' dang mnyam pa'i phyir te/ 'on kyang byang chub sems dpa' sems dpa' chen po ni chos thams cad nam mkha' lta bur mos nas/ bla na med pa yang dag par rdzogs pa'i byang chub mngon par rdzogs par 'tshang rgya'o/ /gal te byang chub sems dpa' sems dpa' chen po chos thams cad nam mkha' lta bur mos par mi byed kyang / bla na med pa yang dag par rdzogs pa'i byang chub mngon par rdzogs par 'tshang rgya bar sla te/ mngon par rdzogs par 'tshang rgya bar dka' ba ma yin na ni/ byang chub sems dpa' gang gA'i klung gi bye ma snyed dag bla na med pa yang dag par rdzogs pa'i byang chub las phyir ldog par yang mi 'gyur ro/ /tshe dang ldan pa rab 'byor rnam grangs des na/ bla na med pa yang dag par rdzogs pa'i byang chub ni mngon par rdzogs par 'tshang rgya bar dka' ste/ mngon par rdzogs par 'tshang rgya bar sla ba ma yin par mngon no/ /de nas tshe dang ldan pa rab 'byor gyis tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu 'di ji snyam du sems/ </font><hr>35.188a<br><font size=+1>

gzugs bla na med pa yang dag par rdzogs pa'i byang chub las ldog snyam 'am/ smras pa tshe dang ldan pa rab 'byor de ni ma yin no/ /smras pa tshor ba dang / 'du shes dang / 'du byed rnams dang / rnam par shes pa bla na med pa yang dag par rdzogs pa'i byang chub las ldog snyam 'am/ smras pa tshe dang ldan pa rab 'byor de ni ma yin no/ /smras pa de bzhin du sbyar te/ de bzhin nyid kyi bar dag bla na med pa yang dag par rdzogs pa'i byang chub las ldog snyam 'am/ smras pa tshe dang ldan pa rab 'byor de ni ma yin no/ /smras pa tshe dang ldan pa shA ri'i bu 'di ji snyam du sems/ gang bla na med pa yang dag par rdzogs pa'i byang chub las ldog pa'i chos de gzugs las gud na yod snyam 'am/ smras pa tshe dang ldan pa rab 'byor de ni ma yin no/ /smras pa gang bla na med pa yang dag par rdzogs pa'i byang chub las ldog pa'i chos de tshor ba dang / 'du shes dang 'du byed rnams dang / rnam par shes pa las gud na yod snyam 'am/ smras pa tshe dang ldan pa rab 'byor de ni ma yin no/ /de bzhin du sbyar te/ gang bla na med pa yang dag par rdzogs pa'i byang chub las ldog pa'i chos de rnam pa thams cad mkhyen pa nyid kyi bar las gud na yod snyam 'am/ smras pa tshe dang ldan pa rab 'byor de ni ma yin no/ /smras pa tshe dang ldan pa shA ri'i bu 'di ji snyam du sems/ gzugs kyi de bzhin nyid gang yin pa de bla na med pa yang dag par rdzogs pa'i byang chub las ldog snyam 'am/ rnam pa thams cad mkhyen pa nyid kyi bar gyi de bzhin nyid gang yin pa de bla na med pa yang dag par rdzogs pa'i byang chub las ldog snyam 'am/ smras pa tshe dang ldan pa rab 'byor de ni ma yin no smras pa tshe dang ldan pa shA ri'i bu 'di ji snyam du sems/ gang bla na med pa yang dag par rdzogs pa'i byang chub las ldog pa'i chos de gzugs kyi de bzhin nyid las gud na yod snyam 'am/ smras pa tshe dang ldan pa rab 'byor de ni ma yin no/ /smras pa de bzhin du</font><hr>35.188b<br><font size=+1>

gang bla na med pa yang dag par rdzogs pa'i byang chub las ldog pa'i chos de rnam pa thams cad mkhyen pa nyid kyi bar gyi de bzhin nyid las gud na yod snyam 'am/ smras pa tshe dang ldan pa rab 'byor de ni ma yin no/ /smras pa tshe dang ldan pa shA ri'i bu 'di ji snyam du sems/ de bzhin nyid bla na med pa yang dag par rdzogs pa'i byang chub las ldog snyam 'am/ smras pa tshe dang ldan pa rab 'byor de ni ma yin no/ smras pa tshe dang ldan pa shA ri'i bu 'di ji snyam du sems/ chos nyid bla na med pa yang dag par rdzogs pa'i byang chub las ldog snyam 'am/ chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings bla na med pa yang dag par rdzogs pa'i byang chub las ldog snyam 'am/ smras pa tshe dang ldan pa rab 'byor de ni ma yin no/ /smras pa tshe dang ldan pa shA ri'i bu 'di ji snyam du sems/ gang bla na med pa yang dag par rdzogs pa'i byang chub las ldog pa'i chos de de bzhin nyid las gud na yod snyam 'am/ smras pa tshe dang ldan pa rab 'byor de ni ma yin no/ /smras pa tshe dang ldan pa shA ri'i bu 'di ji snyam du sems/ gang bla na med pa yang dag par rdzogs pa'i byang chub las ldog pa'i chos de bsam gyis mi khyab pa'i dbyings kyi bar las gud na yod snyam 'am/ smras pa tshe dang ldan pa rab 'byor de ni ma yin no/ /smras pa de ltar bden pa'i tshul bzhin du chos de dag mi dmigs na/ gang bla na med pa yang dag par rdzogs pa'i byang chub las ldog par 'gyur ba'i chos de gang yin de skad ces smras pa dang / tshe dang ldan pa shA ri'i bus tshe dang ldan pa rab 'byor la 'di skad ces smras so/ /gnas brtan rab 'byor gyis chos kyi tshul gyi rnam pa des bstan pa ltar na byang chub sems dpa' sems dpa' chen po bla na med pa yang dag par rdzogs pa'i byang chub las ldog pa gang yang med de/ de'i phyir gang zag byang chub sems dpa'i theg pa pa gsum po gang dag de bzhin gshegs pas bstan pa'i</font><hr>35.189a<br><font size=+1>

byang chub sems dpa'i theg pa pa'i gang zag gsum po de dag rnam par gzhag par yang mi 'gyur te/ tshe dang ldan pa rab 'byor gyis bstan pa ltar na/ 'di lta ste byang chub sems dpa' sems dpa' chen po ni sangs rgyas kyi theg pa pa gcig pur 'gyur ro/ /de nas tshe dang ldan pa byams ma'i bu gang pos tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu gnas rtan rab 'byor byang chub gcig kyang 'dod dam zhes gnas brtan rab 'byor 'di la dri dgos sam/ /de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor ci sangs rgyas kyi theg pa pa'i byang chub sems dpa' sems dpa' chen po 'dod dam tshe dang ldan pa rab 'byor gyis/ tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu ci de bzhin nyid la byang chub sems dpa' gsum 'dod dam/ nyan thos kyi theg pa pa'i byang chub sems dpa' 'am/ rang sangs rgyas kyi theg pa pa'i byang chub sems dpa' 'am/ sangs rgyas kyi theg pa pa'i byang chub sems dpa' 'dod dam/ smras pa/ tshe dang ldan pa rab 'byor de ni ma yin no/ /smras pa tshe dang ldan pa shA ri'i bu ci de bzhin nyid la byang chub sems dpa' gsum du dmigs sam/ smras pa/ tshe dang ldan pa rab 'byor de ni ma yin no/ /smras pa/ tshe dang ldan pa shA ri'i bu de bzhin nyid rnam pa gcig gam/ gnyis sam gsum du dmigs sam/ smras pa/ tshe dang ldan pa rab 'byor de ni ma yin no/ /smras pa/ tshe dang ldan pa shA ri'i bu de bzhin nyid la byang chub sems dpa' gcig kyang dmigs sam/ smras pa/ tshe dang ldan pa rab 'byor de ni ma yin no/ /smras pa de ltar bden pa'i tshul bzhin du chos de dag mi dmigs na/ ci las tshe dang ldan pa shA ri'i bu 'di snyam du/ byang chub sems dpa' 'di ni nyan thos kyi theg pa pa'o/ /byang chub sems dpa' 'di ni rang sangs rgyas kyi theg pa pa'o/ /byang chub sems dpa' 'di ni</font><hr>35.189b<br><font size=+1>

sangs rgyas kyi theg pa pa'o zhes bya bar sems par gyur/ tshe dang ldan pa shA ri'i bu de ltar byang chub sems dpa' sems dpa' chen po chos thams cad kyi de bzhin nyid kyis bye brag med par rab tu phye ba la byang chub sems dpa' sems dpa' chen po gang sems mi zhum mi 'gong zhing yid 'gyod pa med pa de ni bla na med pa yang dag par rdzogs pa'i byang chub tu nges par 'byung bar 'gyur ro/ /de nas bcom ldan 'das kyis tshe dang ldan pa rab 'byor la bka' stsal pa/ 'di ltar sangs rgyas kyi mthus rab 'byor khyod spobs pa legs so legs so/ /rab 'byor de ltar na byang chub sems dpa' sems dpa' chen po chos thams cad kyi de bzhin nyid kyis bye brag med par rab tu phye ba la byang chub sems dpa' sems dpa' chen po gang sems mi zhum mi 'gong zhing / yid 'gyod pa med la mi skrag mi dngang zhing / dngang bar mi 'gyur ba'i byang chub sems dpa' sems dpa' chen po de ni bla na med pa yang dag par rdzogs pa'i byang chub du nges par 'byung bar 'gyur ro/ /de nas bcom ldan 'das la/ tshe dang ldan pa shA ri'i bus 'di skad ces gsol to/ /bcom ldan 'das de lta bu'i chos dang ldan pa'i byang chub sems dpa' sems dpa' chen po byang chub gang la nges par 'byung bar 'gyur lags/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po de ni bla na med pa yang dag par rdzogs pa'i byang chub du nges par 'byung bar 'gyur ro/ /de nas bcom ldan 'das la tshe dang ldan pa rab 'byor kyis 'di skad ces gsol to/ /bcom ldan 'das bla na med pa yang dag par rdzogs pa'i/ byang chub du nges par 'byung bar 'tshal ba'i byang chub sems dpa' sems dpa' chen pos ji ltar gnas par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos sems can thams cad la snyom pa'i sems la gnas par bya'o sems can</font><hr>35.190a<br><font size=+1>

thams cad la mnyam pa'i sems bskyed par bya ste/ mi mnyam pa'i sems bskyed par mi bya'o/ /sems can thams cad la mnyam pa'i sems kyis dmigs par bya ste/ mi mnyam pa'i sems kyis dmigs par mi bya'o/ /sems can thams cad la byams pa chen po dang snying rje chen po bskyed par bya'o/ /sems can thams cad la byams pa'i sems kyis dmigs par bya ste/ brlang pa'i sems kyis dmigs par mi bya'o/ /sems can thams cad la nga rgyal med par bya'o/ /sems can thams cad la g.yo med par dmigs par bya'o/ /sems can thams cad la phan par bya ba'i sems bskyed par bya ste/ gnod pa'i sems bskyed par mi bya'o/ /sems can thams cad la phan pa'i sems kyis dmigs par bya ste/ gnod pa'i sems kyis dmigs par mi bya'o/ /sems can thams cad la zhe 'gras pa med pa'i sems bskyed par bya ste/ zhe 'gras pa'i sems bskyed par mi bya'o/ /sems can thams cad la rnam par tho 'tsham pa med pa'i sems bskyed par bya ste/ rnam par tho 'tsham pa'i sems bskyed par mi bya'o/ /sems can thams cad la rnam par tho 'tsham pa med pa'i sems kyis dmigs par bya ste/ rnam par tho 'tsham pa'i sems kyis dmigs par mi bya'o/ /sems can thams cad la ma'i sems bskyed par bya'o/ /spun dang / sring mo dang / mdza' bshes dang / nye du dang / snag gi gnyen mtshams kyis sems bskyed par bya'o/ /sems can thams cad la ma'i sems kyis dmigs par bya zhing mdza' bshes dang / nye du dang / snag gi gnyen mtshams gyi bar gyi sems kyis dmigs par bya'o/ /bdag gis kyang srog gcod pa spang bar bya'o/ /gzhan yang srog gcod pa spong ba yang dag par 'dzin du 'jug par bya'o/ srog gcod pa spang ba'i bsngags pa brjod par bya/ gzhan gang dag srog</font><hr>35.190b<br><font size=+1>

gcod pa spangs pa/ de dag gi bsngags pa yang brjod cing rjes su dga' bar bya'o/ /bdag gis kyang ma byin par len pa spang bar bya/ gzhan yang ma byin par len pa spang ba yang dag par 'dzin du gzhug par bya/ ma byin par len pa spong ba'i bsngags pa brjod par bya/ gzhan gang dag ma byin par len pa spangs pa de dag gi bsngags pa yang brjod cing rjes su dga' bar bya'o/ /bdag kyang 'dod pa la log par g.yem pa spang bar bya/ gzhan yang 'dod pa la log par g.yem pa spang ba yang dag par 'dzin du gzhug par bya/ 'dod pas log par g.yem pa spang ba'i bsngags pa brjod par bya/ gzhan gang dag 'dod pa la log par g.yem pa spang ba de dag gi bsngags pa yang brjod cing rjes su dga' bar bya ste/ byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas de ltar gnas par bya'o/ /de bzhin du bdag gis kyang log par lta ba'i bar du spang bar bya/ gzhan yang log par lta ba spong ba yang dag par 'dzin du gzhug par bya/ log par lta ba spong ba'i bsngags pa brjod par bya/ gzhan yang gang dag log par lta ba spangs pa de dag gi bsngags pa yang brjod cing rjes su dga' bar bya'o/ /bdag gis kyang bsam gtan dang po la snyoms par 'jug par bya/ gzhan yang bsam gtan dang po yang dag par 'dzin du gzhug par bya/ bsam gtan dang po la snyoms par 'jug pa'i bsngag pa brjod par bya/ gzhan gang dag bsam gtan dang po la snyoms par 'jug pa de dag gi bsngags pa yang brjod cing rjes su dga' bar bya'o/ /de bzhin du bdag gis kyang bsam gtan bzhi pa'i bar la snyoms par 'jug par bya/ gzhan yang bsam gtan bzhi pa'i bar la snyoms par 'jug pa dag gi bsngags pa yang brjod cing rjes su dga' bar bya ba'i bar du bya ste/ byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas de ltar gnas par bya'o/ /rab 'byor gzhan yang byang chub sems dpa' sems dpa' chen po bla na med pa yang dag par rdzogs pa'i byang chub</font><hr>35.191a<br><font size=+1>

tu nges par 'byung bar 'dod pas/ bdag gis kyang byams pa la snyoms par 'jug par bya/ gzhan gang dag byams pa la snyoms par 'jug pa de dag gi bsngags pa yang brjod cing rjes su dga' ba'i bar du bya'o/ /snying rje dang / dga' ba dang / btang snyoms la yang de bzhin du bya'o/ /bdag gis kyang nam mkha' mtha' yas skye mched kyi snyoms par 'jug pa la snyoms par 'jug par bya/ de bzhin du gzhan gang dag nam mkha' mtha' yas skye mched kyi snyoms par 'jug pa la snyoms par 'jug pa de dag gi bsngags pa yang brjod cing rjes su dga' ba'i bar du bya'o/ /'du shes med 'du shes med min skye mched kyi bar du yang de bzhin du bya'o/ /bdag gis kyang sbyin pa'i pha rol du phyin pa yongs su rdzogs par bya gzhan yang sbyin pa'i pha rol du phyin pa yang dag par 'dzin du gzhug par bya/ sbyin pa'i pha rol du phyin pa'i bsngags pa brjod par bya/ gzhan gang dag sbyin pa'i pha rol du phyin pa yongs su rdzogs par byed pa de dag gi bsngags pa yang brjod cing rjes su dga' bar bya'o/ /bdag gis kyang shes rab kyi pha rol du phyin pa'i bar du yongs su rdzogs par bya/ gzhan yang shes rab kyi pha rol du phyin pa yang dag par 'dzin du gzhug par bya/ shes rab kyi pha rol du phyin pa'i bsngags pa brjod par bya/ gzhan gang dag shes rab kyi pha rol du phyin pa yongs su rdzogs par byed pa de dag gi bsngags pa yang brjod cing rjes su dga' bar bya ste/ byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas de ltar gnas par bya'o/ /bdag gis kyang nang stong pa nyid la snyoms par 'jug par bya/ gzhan yang nang stong pa nyid la snyoms par 'jug pa yang dag par 'dzin du gzhug par bya/ nang stong pa nyid kyi bsngags pa brjod par bya/ gzhan gang dag nang stong pa nyid la snyoms par 'jug pa de dag gi bsngags pa yang brjod cing rjes su dga' bar bya'o/ /de bzhin du bdag gis kyang dngos po med pa'i ngo bo nyid stong pa nyid kyi bar la/ </font><hr>35.191b<br><font size=+1>

snyoms par 'jug par bya/ gzhan yang dngos po med pa'i ngo bo nyid stong pa nyid la snyoms par 'jug pa yang dag par 'dzin du gzhug par bya/ dngos po med pa'i ngo bo nyid stong pa nyid kyi bsngags pa brjod par bya/ gzhan gang dag dngos po med pa'i ngo bo nyid stong pa nyid la snyoms par 'jug pa de dag gi bsngags pa yang brjod cing rjes su dga' bar bya'o/ /bdag gis kyang dran pa nye bar gzhag pa bzhi bsgom par bya/ gzhan yang dran pa nye bar gzhag pa rnams yang dag par 'dzin du gzhug par bya/ dran pa nye bar gzhag pa rnams kyi bsngags pa brjod par bya/ gzhan gang dag dran pa nye bar gzhag pa rnams sgom pa de dag gi bsngags pa yang brjod cing rjes su dga' bar bya'o/ /de bzhin du 'phags pa'i lam yan lag brgyad pa'i bar du bya'o/ /de bzhin du bdag gis kyang stong pa nyid dang / mtshan ma med pa dang / smon pa med pa'i ting nge 'dzin la snyoms par 'jug par bya/ gzhan yang stong pa nyid dang / mtshan ma med pa dang / smon pa med pa'i ting nge 'dzin yang dag par 'dzin du gzhug par bya/ stong pa nyid dang / mtshan ma med pa dang smon pa med pa'i ting nge 'dzin gyi bsngags pa brjod par bya/ gzhan gang dag stong pa nyid dang / mtshan ma med pa dang / smon pa med pa'i ting nge 'dzin la snyoms par 'jug pa de dag gi bsngags pa yang brjod cing rjes su dga' bar bya'o/ /bdag gis kyang rnam par thar pa brgyad la snyoms par 'jug par bya/ gzhan yang rnam par thar pa brgyad yang dag par 'dzin du gzhug par bya/ rnam par thar pa brgyad kyi bsngags pa brjod par bya/ gzhan gang dag rnam par thar pa brgyad la snyoms par 'jug pa de dag gi bsngags pa yang brjod cing rjes su dga' bar bya'o/ /bdag gis kyang de bzhin gshegs pa'i stobs bcu yongs su rdzogs par bya/ gzhan yang de bzhin gshegs pa'i stobs bcu yang dag par 'dzin du gzhug par bya/ de bzhin gshegs pa'i stobs bcu'i bsngags pa brjod par bya/ gzhan gang dag de bzhin gshegs pa'i stobs bcu</font><hr>35.192a<br><font size=+1>

yongs su rdzogs par byed pa de dag gi bsngags pa yang brjod cing rjes su dga' bar bya'o/ /de bzhin du bdag gis kyang mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang byams pa chen po dang / snying rje chen po yongs su rdzogs par bya/ gzhan yang byams pa chen po dang / snying rje chen po'i bar du yang dag par 'dzin du gzhug par bya/ snying rje chen po yongs su rdzogs par bya ba'i bsngags pa brjod par bya/ gzhan gang dag snying rje chen po yongs su rdzogs par byed pa de dag gi bsngags pa yang brjod cing rjes su dga' bar bya'o/ /bdag gis kyang rten cing 'brel bar 'byung ba lugs su 'byung ba dang / lugs su mi 'byung ba la snyoms par 'jug par bya/ gzhan yang rten cing 'brel bar 'byung ba lugs su 'byung ba dang / lugs su mi 'byung ba yang dag par 'dzin du gzhug par bya/ rten cing 'brel bar 'byung ba la snyoms par 'jug pa'i bsngags pa brjod par bya/ gzhan gang dag rten cing 'brel bar 'byung ba la snyoms par 'jug pa de dag gi bsngags pa yang brjod cing rjes su dga' bar bya ste/ byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas de ltar gnas par bya'o/ /bdag gis kyang sdug bsngal yongs su shes par bya/ kun 'byung ba spang bar bya/ 'gog pa mngon sum du bya/ lam bsgom par bya/ gzhan yang sdug bsngal yongs su shes par bya ba dang / kun 'byung ba spang bar bya ba dang / 'gog pa mngon sum du bya ba dang / lam bsgom par bya ba yang dag par 'dzin du gzhug par bya/ sdug bsngal yongs su shes pa dang / lam bsgom pa'i bar gyi bsngags pa brjod par bya/ gzhan gang dag sdug bsngal yongs su shes pa dang / kun 'byung ba spang ba dang / 'gog pa mngon sum du byed pa dang / lam sgom pa de dag gi bsngags pa yang brjod cing rjes su dga' bar bya'o/ /bdag gis kyang rgyun du zhugs pa'i 'bras bu shes pa mngon sum du bya ba'i shes pa bskyed par bya zhing / yang dag pa'i mtha'</font><hr>35.192b<br><font size=+1>

mngon sum du yang mi bya/ gzhan yang rgyun du zhugs pa'i 'bras bu shes pa mngon sum du bya ba yang dag par 'dzin du gzhug par bya/ bdag gis kyang lan cig phyir 'ong ba'i 'bras bu shes pa mngon sum du bya ba'i shes pa bskyed par bya zhing / yang dag pa'i mtha' mngon sum du yang mi bya/ gzhan yang lan cig phyir 'ong ba'i 'bras bu shes pa mngon sum du bya ba yang dag par 'dzin du gzhug par bya/ bdag gis kyang phyir mi 'ong ba'i 'bras bu shes pa mngon sum du bya ba'i shes pa bskyed par bya zhing / yang dag pa'i mtha' mngon sum du yang mi bya/ gzhan yang phyir mi 'ong ba'i 'bras bu shes pa mngon sum du bya ba yang dag par 'dzin du gzhug par bya/ bdag gis kyang dgra bcom pa nyid kyi 'bras bu shes pa mngon sum du bya ba'i shes pa bskyed par bya zhing / yang dag pa'i mtha' mngon sum du yang mi bya/ gzhan yang dgra bcom pa nyid kyi 'bras bu shes pa mngon sum du bya ba yang dag par 'dzin du gzhug par bya/ bdag gis kyang rang sangs rgyas kyi shes pa mngon sum du bya ba'i shes pa bskyed par bya zhing / rang sangs rgyas kyi shes pa mngon sum du yang mi bya/ gzhan yang rang sangs rgyas kyi shes pa mngon sum du bya ba la 'dzin du gzhug par bya/ bdag kyang byang chub sems dpa'i skyon med pa la 'jug par bya/ gzhan yang byang chub sems dpa'i skyon med pa la 'jug pa yang dag par 'dzin du gzhug par bya/ byang chub sems dpa'i skyon med pa la 'jug pa'i bsngags pa brjod par bya/ byang chub sems dpa' gzhan gang dag byang chub sems dpa'i skyon med pa la 'jug pa de dag gi bsngags pa yang brjod cing rjes su dga' bar bya te/ byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas de ltar gnas par bya'o/ /bdag gis kyang sems can rnams yongs su smin par bya/ gzhan yang sems can yongs su smin par bya ba yang dag par 'dzin du gzhug par bya/ </font><hr>35.193a<br><font size=+1>

sems can yongs su smin par byed pa'i bsngags pa brjod par bya/ gzhan gang dag sems can yongs su smin par byed pa de dag gi bsngags pa yang brjod cing rjes su dga' bar bya'o/ /bdag gis kyang sangs rgyas kyi zhing yongs su dag par bya/ gzhan sangs rgyas kyi zhing yongs su dag par bya ba yang dag par 'dzin du gzhug par bya/ sangs rgyas kyi zhing yongs su dag par byed pa'i bsngags pa brjod par bya/ gzhan gang dag sangs rgyas kyi zhing yongs su dag par byed pa de dag gi bsngags pa yang rjod cing rjes su dga' bar bya'o/ /bdag gis kyang byang chub sems dpa'i mngon par shes pa bskyed par bya/ gzhan yang byang chub sems dpa'i mngon par shes pa bskyed pa yang dag par 'dzin du gzhug par bya/ byang chub sems dpa'i mngon par shes pa bskyed pa'i bsngags pa brjod par bya/ gzhan gang dag byang chub sems dpa'i mngon par shes pa bskyed pa de dag gi bsngags pa yang brjod cing rjes su dga' bar bya'o/ /bdag gis kyang rnam pa thams cad mkhyen pa'i ye shes bskyed par bya/ gzhan yang rnam pa thams cad mkhyen pa'i ye shes yang dag par 'dzin du gzhug par bya/ rnam pa thams cad mkhyen pa nyid kyi ye shes bsngags pa brjod par bya/ gzhan gang dag rnam pa thams cad mkhyen pa nyid kyi ye shes skyed pa de dag gi bsngags pa yang brjod cing rjes su dga' bar bya'o/ /bdag gis kyang bag chags dang / mtshams sbyor ba dang / nyon mongs pa thams cad spong bar bya/ gzhan yang bag chags dang / mtshams sbyor ba dang / nyon mongs pa thams cad spang ba yang dag par 'dzin du gzhug par bya/ bag chags dang / mtshams sbyor ba dang nyon mongs pa thams cad spang ba'i bsngags pa brjod par bya/ gzhan gang dag bag chags dang mtshams sbyor ba dang nyon mongs pa thams cad spong ba de dag gis bsngags pa yang brjod cing rjes su dga' bar bya ste/ rab 'byor byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas de ltar gnas</font><hr>35.193b<br><font size=+1>

par bya'o/ /bdag gis kyang tshe phun sum tshogs pa yongs su gzung bar bya/ gzhan yang tshe phun sum tshogs pa yang dag par 'dzin du gzhug par bya/ tshe phun sum tshogs pa'i bsngags pa brjod par bya/ gzhan gang dag tshe phun sum tshogs pa yongs su 'dzin pa de dag gi bsngags pa yang brjod cing rjes su dga' bar bya'o/ /bdag gis kyang dam pa'i chos gnas pa yongs su gzung bar bya/ gzhan yang dam pa'i chos gnas pa yongs su gzung ba yang dag par 'dzin du gzhug par bya/ dam pa'i chos gnas pa yongs su gzung pa'i bsngags pa brjod par bya/ gzhan gang dag dam pa'i chos gnas pa yongs su 'dzin pa de dag gi bsngags pa yang brjod cing rjes su dga' bar bya ste/ rab 'byor byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas de ltar gnas par bya'o/ /byang chub sems dpa' sems dpa' chen pos shes rab kyi pha rol du phyin pa dang / thabs la mkhas pa la de ltar bslab par bya'o/ /de ltar slob cing de ltar gnas pa de'i gzugs sgrib pa med par 'gyur ro/ /tshor ba dang / 'du shes dang / 'du byed rnams dang / rnam par shes pa sgrib pa med par 'gyur ro/ /de bzhin du sbyar te/ dam pa'i chos gnas pa'i bar du sgrib pa med par 'gyur ro/ /de ci'i phyir zhe na/ 'di ltar byang chub sems dpa' sems dpa' chen po des sngon gyi mtha' nas kyang gzugs yongs su ma bzung / tshor ba dang / 'du shes dang / 'du byed rnams dang / rnam par shes pa yongs su ma bzung / de bzhin du rnam pa thams cad mkhyen pa nyid kyi bar du yongs su ma bzung ba'i phyir ro/ /de ci'i phyir zhe na/ rab 'byor 'di ltar gzugs yongs su gzung du med pa gang yin pa de ni gzugs ma yin la/ de bzhin du rnam pa thams cad mkhyen pa nyid kyi bar du yongs su gzung du med pa gang yin pa de ni rnam pa thams cad mkhyen pa nyid ma yin pa'i phyir ro/ /byang chub sems dpa'i bslab</font><hr>35.194a<br><font size=+1>

gnas 'di bshad pa na/ byang chub sems dpa' nyis stong gis mi skye ba'i chos la bzod pa thob par gyur to/ /shes rab kyi pha rol tu phyin pa khri brgyad stong pa las byang chub sems dpa'i bslab pa rnam par gzhag pa'i le'u zhes bya ste bzhi bcu rtsa brgyad pa'o// // shes rab kyi pha rol tu phyin pa khri brgyad stong pa/ bam po sum bcu rtsa bdun pa/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po'i rnam pa ni gang lags/ rtags ni gang lags mtshan ma ni gang lags/ bdag gis ji ltar byang chub sems dpa' sems dpa' chen po 'di ni phyir mi ldog pa'o zhes bgyi bar 'tshal bar bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la so so'i skye bo'i sa gang yin pa dang / nyan thos kyi sa gang yin pa dang / rang sangs rgyas kyi sa gang yin pa dang / byang chub sems dpa'i sa gang yin pa dang / de bzhin gshegs pa'i sa gang yin pa bshad pa de dag thams cad ni de bzhin nyid de 'gyur ba med cing rnam par rtog pa med la gnyis su med de gnyis su dbyer med do/ /de bzhin nyid de'i ji lta ba de bzhin du 'jug cing / de ltar rnam par mi rtog la rnam par mi rtog pas de ltar 'jug cing de ltar zhugs pa ni de bzhin nyid ji lta ba de bzhin du thos nas de las 'das te/ de bzhin nyid las de dag re re ma yin pa dang gnyis ka ma yin par the tshom za ba gang yang med do/ /de ni byung rgyal du smra ba ci yang med de/ don dang ldan par smra'i don dang mi ldan par smra ba ma yin/ gzhan gyis byas pa dang ma byas pa la mi lta zhing legs par brjod pa tshol ba yin te/ rab 'byor rnam pa de dag dang rtags de dag dang / mtshan ma de dag dang ldan pa'i byang chub sems dpa' sems dpa' chen</font><hr>35.194b<br><font size=+1>

po dag ni phyir mi ldog par rig par bya'o/ /rab 'byor gyis gsol pa/ bcom ldan 'das rnam pa gang dag dang / rtags gang dag dang mtshan ma gang dag gis byang chub sems dpa' sems dpa' chen po phyir mi ldog par rig par bgyi/ bcom ldan 'das kyis bka' stsal pa/ rab 'byor chos thams cad ni rnam pa med pa dang rtags med pa dang mtshan ma med pa yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad rnam pa ma mchis pa dang / rtags ma mchis pa dang / mtshan ma ma mchis pa/ lags na/ byang chub sems dpa' sems dpa' chen po chos gang dag las slar mi ldog pa'i slad du phyir mi ldog pa zhes bstan pa lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang gzugs las phyir ldog pa dang / tshor ba dang / 'du shes dang / 'du byed rnams dang / rnam par shes pa las phyir ldog pa de ni/ rab 'byor phyir mi ldog pa'i byang chub sems dpa' sems dpa' chen por rig par bya'o/ /rab 'byor byang chub sems dpa' sems dpa' chen po gang sbyin pa'i pha rol tu phyin pa dang / shes rab kyi pha rol tu phyin pa'i bar dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / sangs rgyas kyi chos ma 'dres pa bcwa brgyad kyi bar dag las phyir ldog pa dang / nyan thos kyi sa dang / rang sangs rgyas kyi sa las phyir ldog pa dang / byang chub kyi bar las phyir ldog pa de ni/ rab 'byor phyir mi ldog pa'i byang chub sems dpa' sems dpa' chen por rig par bya'o/ /de ci'i phyir zhe na/ rab 'byor 'di ltar gang la byang chub sems dpa' gnas par 'gyur ba'i gzugs kyi ngo bo nyid med pa'i phyir ro/ /de bzhin du sbyar te/ gang la byang chub sems dpa'</font><hr>35.195a<br><font size=+1>

gnas par 'gyur ba'i byang chub kyi bar gyi ngo bo nyid med pa'i phyir ro/ /rab 'byor gzhan yang byang chub sems dpa' sems dpa' chen po ni dge sbyong dang / bram ze 'di dag ni shes par bya ba shes pa'o/ /blta bar bya ba mthong ba'o/ /yang dag pa'i lta ba gdags pa 'dogs pa'o/ /zhes 'di las phyi rol pa'i dge sbyong dang / bram ze gzhan dag gi ngor mi lta ste/ de ni gnas med cing the tshom mi za'o/ /tshul khrims dang brtul zhugs la mchog tu mi 'dzin to/ /lta ba ngan par mi ltung ngo / /dge mtshan dang bkra shis kyis dga' bar mi 'dzin to/ /lha gzhan dag la phyag mi 'tshal zhing me tog gam me tog phreng ngam/ spos sam/ byug pa 'am/ phye ma 'am/ gos sam/ gdugs sam/ rgyal mtshan nam/ ba dan dag de la sbyin par bya bar mi sems te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni sems can dmyal bar mi skye mi khom pa brgyad kyi bar rnams su mi skye/ bud med kyi dngos po yongs su mi 'dzin te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni dge ba bcu'i las kyi lam yang dag par blangs nas gnas te/ de bdag gis kyang srog gcod pa spangs shing / gzhan yang srog gcod pa spong ba yang dag par 'dzin du 'jug pa yin/ srog gcod pa spong ba'i bsngags pa brjod pa yin/ gzhan gang dag srog gcod pa spangs pa de dag gi bsngags pa yang brjod cing rjes su dga' ba yin no/ /log par lta ba'i bar du yang de bzhin te/ rab 'byor rnam pa de dag dang / rtags de dag dang / mtshan ma de dag dang</font><hr>35.195b<br><font size=+1>

ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni rmi lam na yang mi dge ba bcu'i las kyi lam mi spyod na/ sad pa na lta ci smos te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni gang gi tshe/ sbyin pa'i pha rol du phyin pa la gnas pa na/ de thams cad sems can thams cad kyi ched du sbyin pa sbyin par byed do/ /shes rab bsgom pa'i bar du yang de bzhin te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni gang gi tshe/ mdo'i sde 'am/ dbyangs kyis bsnyad pa'i sde 'am/ lung bstan pa'i sde 'am/ rtogs pa brjod pa'i sde 'am/ gtan la dbab par bstan pa'i sde'i bar du chos gang kun chub par byed pa'i chos de sbyin pa sbyin pa na/ 'di snyam du chos kyi sbyin pa 'dis sems can thams cad kyi bsam pa yongs su rdzogs par gyur cig /snyam du bsams nas/ de chos kyi sbyin pa de sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo bar byed de/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni chos zab mo rnams la som nyi mi za zhing yid gnyis med la the tshom mi za'o/ /rab 'byor gyis gsol pa/ bcom ldan 'das ci'i slad du phyir mi ldog </font><hr>35.196a<br><font size=+1>

pa'i byang chub sems dpa' sems dpa' chen po chos zab mo rnams la som nyi mi 'tshal zhing yid gnyis ma mchis la the tshom mi 'tshal ba lags/ bcom ldan 'das kyis bka' stsal pa/ rab 'byor 'di ltar phyir mi ldog pa'i byang chub sems dpa' sems dpa' chen po ni gang la de som nyi 'am yid gnyis sam the tshom za bar 'gyur ba'i chos gang yang yang dag par rjes su mi mthong ste/ gzugs sam/ tshor ba 'am/ 'du shes sam/ 'du byed rnams sam/ rnam par shes pa yang dag par rjes su mi mthong / de bzhin du byang chub kyi bar du yang dag par rjes su mi mthong ste/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni lus kyi las 'jam pa dang ldan pa yin ngag gi las dang / yid kyi las 'jam pa dang ldan pa yin te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po de dag ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni rtag tu rgyun mi chad par byams pa'i lus kyi las dang / byams pa'i ngag gi las dang / byams pa'i yid kyi las dang ldan pa yin te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni sgrib pa lnga po 'di lta ste/ 'dod pa la 'dun pa dang gnod sems dang / rmugs pa dang / gnyid dang / rgod pa dang / 'gyod pa dang / the tshom dang / lhan cig mi gnas te/ rab 'byor rnam pa de dag dang / </font><hr>35.196b<br><font size=+1>

rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po la ni bag la nyal thams cad kyi thams cad du med de/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni 'gro 'am ldog kyang rung ste/ 'khrul pa'i sems kyis mi 'gro/ 'khrul pa'i sems kyis mi ldog gi/ 'gro 'am ldog na yang dran pa nye bar gzhag cing 'gro/ dran pa nye bar gzhag cing ldog ste/ dran bzhin du 'gro/ dran bzhin du ldog /dran bzhin du 'chag /dran bzhin du sdod/ dran bzhin du 'dug /dran bzhin du nyal te/ gya tshom du rkang pa sa las mi 'deg /gya tshom du rkang pa sa la mi 'jog gi/ dran bzhin du rkang pa 'degs/ dran bzhin du rkang pa 'jog cing / de sa'i phyogs mthong bzhin du 'gro ste/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po'i go sa spyod pa ni smad du med pa yin/ rab 'byor phyir mi ldog pa'i byang chub sems dpa' sems dpa' chen po ni gtsang sbra spyod pa dang ldan te/ gtsang zhing dri nga ba med la rdul dang dri ma dang bral zhing nad nyung ba yin te/ rab 'byor rnam pa de dag dang / rtags de dag dang / mtshan ma de dag dang / ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang mir gyur pa rnams kyi lus la srin bu'i rigs brgyad khri gang dag yod cing lus de nyid la za ba de dag ni phyir mi ldog pa'i byang chub sems dpa' sems dpa' chen po'i</font><hr>35.197a<br><font size=+1>

lus la thams cad kyi thams cad rnam pa thams cad kyi thams cad du med do/ /de ci'i phyir zhe na/ rab 'byor 'di ltar byang chub sems dpa' sems dpa' chen po'i dge ba'i rtsa ba de dag ni 'jig rten thams cad las mngon par 'phags pa ste/ de'i phyir byang chub sems dpa' sems dpa' chen po'i lus la srin bu'i rigs brgyad khri po de dag med de/ rab 'byor ji lta ji ltar byang chub sems dpa' sems dpa' chen po'i dge ba'i rtsa ba de dag rab tu 'phel ba de lta de ltar byang chub sems dpa' sems dpa' chen po lus yongs su dag pa yongs su 'dzin/ ngag dang / sems yongs su dag pa yongs su 'dzin te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji ltar na byang chub sems dpa' sems dpa' chen po'i lus yongs su dag pa dang / ngag yongs su dag pa dang / sems yongs su dag pa lags/ bcom ldan 'das kyis bka' stsal pa/ rab 'byor ji lta ji ltar byang chub sems dpa' sems dpa' chen po'i dge ba'i rtsa ba de dag rab tu 'phel ba de lta de ltar dge ba'i rtsa ba de dag gi lus dang / ngag dang / sems mi drang ba dang / lus dang / ngag dang / sems kyi gya gyu yongs su byang bar byed de/ de lta de ltar lus kyis legs par spyad pa rnam pa gsum spyod/ ngag gis legs par spyad pa rnam pa bzhi spyod yid kyis legs par spyad pa rnam pa gsum spyod de/ rab 'byor 'di ni byang chub sems dpa' sems dpa' chen po ni lus yongs su dag pa dang / ngag dang / sems yongs su dag pa yin no/ /de lus yongs su dag pa dang / ngag dang / sems yongs su dag pa des nyan thos kyi sa dang / rang sangs rgyas kyi sa las shin du</font><hr>35.197b<br><font size=+1>

'da' yang / yang dag pa'i mtha' mngon sum du yang mi byed de/ rab 'byor 'di yang byang chub sems dpa' sems dpa' chen po'i lus yongs su dag pa dang / ngag yongs su dag pa dang / sems yongs su dag pa yin te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni rnyed pa dang / bkur sti la gdu ba ma yin/ zas la gdu ba ma yin/ chos gos gsum pa'i bar du lhur len pa yang ma yin zhing / de sbyangs pa'i yon tan bcu gnyis kyang yang dag par blangs nas gnas te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni ser sna'i sems mi skyed 'chal pa'i tshul khrims kyi sems mi skyed 'khrug pa'i sems mi skyed le lo'i sems mi skyed mnyam par ma bzhag pa'i sems mi skyed/ 'chal ba'i shes rab kyi sems mi skyed/ phrag dog gi sems mi skyed de/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni blo brtan pa yin/ blo zab pa yin/ gus par gzhan la chos nyan pa yin/ gzhan las chos gang ci thos pa de dag thams cad kyang shes rab kyi pha rol du phyin pa dang sbyor bar byed pa yin/ 'jig rten pa'i bya ba gang yin pa de dag thams cad kyang shes rab kyi pha rol du phyin pa la brten nas chos nyid dang sbyor bar byed cing / chos gang yang chos kyi dbyings dang mi 'byor ba'i chos de gang yang yang</font><hr>35.198a<br><font size=+1>

dag par rjes su mi mthong gi/ de thams cad kyang shes rab kyi pha rol du phyin pa dang 'byor par yang dag par rjes su mthong ste/ rab 'byor de ni phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang phyir mi ldog pa'i byang chub sems dpa'i mdun du bdud sdig can gyis sems can dmyal ba chen po brgyad mngon par sprul nas/ sems can dmyal ba chen po re rer yang byang chub sems dpa' stong phrag mang po dang / byang chub sems dpa' 'bum phrag mang po dang / byang chub sems dpa' bye ba khrag khrig phrag 'bum phrag mang po bsreg cing btso ba dang / sdug bsngal mi bzad pa/ drag pa rtsub pa dag myong bar mngon par sprul nas/ de la 'di skad ces byang chub sems dpa' sems dpa' chen po 'di dag ni phyir mi ldog par de bzhin gshegs pas lung bstan pa sha stag ste/ 'di dag sems can dmyal ba 'dir skyes so/ /khyod kyang de bzhin gshegs pas phyir mi ldog par lung bstan pa ni sems can dmyal bar lung bstan pa yin gyis khyod kyis da dung yang byang chub kyi sems 'di thong shig /de ltar na khyod sems can dmyal bar skye bar mi 'gyur te/ des na khyod mtho ris su 'gro bar 'gyur ro zhes zer la gal te/ byang chub sems dpa' sems dpa' chen po sems ma 'khrugs shing the tshom mi za na/ byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis lung bstan par rig par bya'o/ /byang chub sems dpa' sems dpa' chen po de ni phyir mi ldog pa'i khams la nges par gnas pa yin no/ /rab 'byor 'di ni gnas ma yin zhing go skabs med pa ste/ phyir mi ldog pa'i byang chub sems dpa' sems can dmyal ba pa 'am/ dud 'gro'i skye gnas sam/ gshin rje'i 'jig rten du skye bar 'gyur ba de ni gnas med do/ /rab 'byor rnam pa</font><hr>35.198b<br><font size=+1>

de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang gal te byang chub sems dpa' sems dpa' chen po'i mdun du bdud sdig can dge sbyong gi cha byad kyis 'ongs te/ 'di skad du gang khyod kyis sngon 'di ltar bdag gis sbyin pa'i pha rol du phyin pa yongs su sbyang bar bya'o/ /'di ltar bdag gis shes rab kyi pha rol du phyin pa'i bar du yongs su sbyang bar bya'o/ /'di ltar bdag gis rnam pa thams cad mkhyen pa nyid kyi bar du yongs su sbyang bar bya'o/ /'di ltar bdag gis bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /zhes bya ba thos par gyur pa de dag slar bshags par gyis shig /khyod kyis 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa rnams kyi thugs dang po bskyed pa nas nye bar bzung ste/ dam pa'i chos gnas pa'i bar de dge ba'i rtsa ba gang yin pa de dag thams cad la rjes su yi rang bar byas pa de dag kyang so sor shogs shig thong shig /gal te khyod dge ba'i rtsa ba de dag so sor 'chags shing gtong ba lta na/ khyod kyis gang thos pa de ni sangs rgyas kyi bka' ma yin gyi de ni snyan dngags mkhan gyis rang bzor sbyar ba ste/ ngas khyod la sangs rgyas kyi bka' de dang / de bzhin gshegs pas gsungs pa de brjod par bya'o/ /zhes zer la gal te byang chub sems dpa' sems dpa' chen po 'khrug cing nem nur byed dam the tshom za na/ byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis lung ma bstan par rig par bya'o/ /byang chub sems dpa' de ni phyir mi ldog pa'i khams la nges par gnas pa ma yin no/ /gal te byang chub sems dpa' sems dpa' chen po mi 'khrug cing nem nur mi byed the tshom mi za</font><hr>35.199a<br><font size=+1>

la chos nyid la rton cing mngon par 'du byed pa med pa dang / skye ba med pa la rton te/ gzhan la yid ches pas mi 'gro zhing / sbyin pa'i pha rol du phyin pa dang / shes rab kyi pha rol du phyin pa'i bar la gzhan gyi dring mi 'jog /byang chub kyi bar la gzhan gyi dring mi 'jog cing / 'di lta ste dper na/ dgra bcom pa zag pa zad pa/ gzhan la yid mi ches pas mi 'gro zhing chos nyid mngon sum du gyur pas bdud sdig can gyis mi 'phrogs pa de bzhin du rab 'byor phyir mi ldog pa'i byang chub sems dpa' sems dpa' chen po nyan thos kyi theg pa pa dang / rang sangs rgyas kyi theg pa pa rnams kyis mi rdzi zhing bla na med pa yang dag par rdzogs pa'i byang chub las mi zlogs na/ rab 'byor byang chub sems dpa' sems dpa' chen po de ni phyir mi ldog pa'i khams la nges par gnas shing gzhan gyi dring mi 'jog pa yin te/ de ni de bzhin gshegs pa dgra bcom pa yang dag par rdzogs pa'i sangs rgyas la yid ches pas kyang mi 'gro na/ nyan thos kyi theg pa pa 'am/ rang sangs rgyas kyi theg pa pa 'am/ bdud sdig can lta la ci smos/ gzhan mu stegs can kun du rgyu gzhan dag la yid ches pas 'gro ba lta ci smos te/ de ni gnas med do/ /de ci'i phyir zhe na/ 'di ltar des gang la yid ches pas 'gro ba'i chos gang yang yang dag par rjes su mi mthong ste/ gzugs sam/ tshor ba 'am/ 'du shes sam/ 'du byed rnams sam/ rnam par shes pa 'am/ gzugs kyi de bzhin nyid dam/ rnam par shes pa'i bar gyi de bzhin nyid dam/ de bzhin du byang chub kyi bar du yang dag par rjes su mi mthong zhing byang chub kyi de bzhin nyid yang dag par rjes su mi mthong ba'i phyir te/ rab 'byor rnam pa de dag dang rtags de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o rab 'byor gzhan yang byang chub sems dpa' sems dpa' chen po'i drung du bdud</font><hr>35.199b<br><font size=+1>

sdig can dge sbyong gi cha byad kyis 'ongs te 'di skad du 'di ni 'khor ba'i spyod pa yin te 'di ni rnam pa thams cad mkhyen pa nyid kyi spyod pa ma yin gyis 'di nyid du khyod kyis sdug bsngal gyi mthar phyin par gyis shig ces ston cing / bdud sdig can de byang chub sems dpa' sems dpa' chen po de la lam ltar bcos pa gang 'khor ba na spyod pa'i 'jig rten pa'i rnam pa dag gis lam ltar bcos pa ston te/ yang na rus gong du 'du shes par ston/ yang na bsam gtan dang po dang / 'du shes med 'du shes med min skye mched kyi bar du nye bar ston cing / tshe dang ldan pa lam gang dang / nan tan gang gis rgyun du zhugs pa'i 'bras bu 'thob pa dang / dgra bcom pa nyid kyi bar du 'thob par 'gyur ba'i lam ni 'di yin/ nan tan ni 'di yin gyis/ tshe dang ldan pa khyod kyis lam 'di dang / nan tan 'dis 'di nyid du sdug bsngal gyi mthar phyin par gyis shig dang / phyin chad 'khor ba na spyod pa'i sdug bsngal de dag myong bar mi 'gyur ro/ /kye ma 'di nyid du khyod kyis lus 'di mngon par grub par ma gyur na khyod kyis lus gzhan yang ji ltar yongs su gzung bar sems shes zer yang / rab 'byor gal te byang chub sems dpa' sems dpa' chen po sems mi 'khrug mi g.yo zhing gong du yang 'di snyam du sems te/ bdag la lam ltar bcos pa ston pa ni dge slong 'di bdag la gces pras byed pa yin te/ lam ltar bcos pa gang yin pa des ni rgyun du zhugs pa'i 'bras bu mngon sum du bya bar yang mi 'gyur/ dgra bcom pa nyid kyi bar dang / rang byang chub mngon sum du bya bar yang mi 'gyur/ bla na med pa yang dag par rdzogs pa'i byang chub mngon sum du bya bar yang mi 'gyur ro snyam ste/ de las kyang gong du gang bdag la chags pa rnams ston pa 'di ni bdag la gces pras byed pa yin gyis bdag gis chags pa de dag mngon du rdzogs par khong du chud par byas la theg pa gsum po kun la bslab par bya'o/ /zhes dga' ba skyes te/ bdud sdig can des kyang byang chub sems dpa' sems dpa' chen po/ </font><hr>35.200a<br><font size=+1>

de dga' bar gyur par shes nas/ de la 'di skad du rigs kyi bu khyod byang chub sems dpa' sems dpa' chen po gang dag gis/ sangs rgyas bcom ldan 'das gang gA'i klung gi bye ma snyed dag la na bza' dang / zhal zas dang / gzims cha dang / gdan dang snyun gyi gsos sman dang / yo byad rnams kyis snyen bkur byas pa dang / de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed dag gi drung du sbyin pa'i pha rol du phyin pa yongs su rdzogs par byas pa dang / de bzhin du shes rab kyi pha rol du phyin pa'i bar du bsgoms pa dang / sangs rgyas bcom ldan 'das gang gA'i klung gi bye ma snyed dag la bsnyen bkur byas te/ byang chub sems dpa' sems dpa' chen po sbyin pa'i pha rol du phyin pa la spyod pa dang / de bzhin du shes rab kyi pha rol du phyin pa'i bar la spyod pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang lam dang / de bzhin du snying rje chen po'i bar dang / rnam pa thams cad mkhyen pa nyid kyi bar la spyod pa dag gis/ byang chub sems dpa'i theg pa la ji ltar gnas par bgyi zhes byang chub sems dpa'i theg pa 'di nyid kyi don du yongs su zhus shing yongs su dris pa rnams lta bar 'dod dam/ sangs rgyas bcom ldan 'das de dag gis gang bshad pa la de bzhin du gnas te/ de bzhin du spyad/ de bzhin du brtson par byas kyang / byang chub sems dpa' sems dpa' chen po de dag gis bla na med pa yang dag par rdzogs pa'i byang chub mngon par rdzogs par sangs ma rgyas te/ de ltar gdams pa dang / de ltar rjes su bstan pa dang / de ltar gnas pa dang / de ltar slob slob pa rnams kyis kyang rnam pa thams cad mkhyen pa nyid ma thob na/ khyod ltas bla na med pa yang dag par rdzogs pa'i byang chub thob par ga la 'gyur zhes brjod de/ de ltar byang chub sems dpa' sems dpa' chen po de la dbral ba byas kyang / gal te de'i sems gzhan du ma gyur la mi skrag mi dngang zhing dngang</font><hr>35.200b<br><font size=+1>

bar ma gyur la/ gong du yang gang chags pa gang dag gis rgyun du zhugs pa'i 'bras bu yang 'thob par mi 'gyur/ de bzhin du rnam pa thams cad mkhyen pa nyid kyi bar du yang thob par mi 'gyur ba'i chags pa rnams bdag la ston pa'i dge slong 'di ni bdag la gces pras byed pa yin no/ /zhes dga' ba bskyed pas/ bdud sdig can gyis byang chub sems dpa' sems dpa' chen po de'i sems zhum pa med par rig nas sa phyogs de nyid du dge slong rab du mang po mngon par sprul nas/ 'di dag thams cad ni dgra bcom pa zag pa zad pa ste/ 'di dag kyang bla na med pa yang dag par rdzogs pa'i byang chub la yang dag par zhugs pa las dgra bcom pa nyid la gnas par gyur na/ khyod ltas bla na med pa yang dag par rdzogs pa'i byang chub mngon par rdzogs par 'tshang rgya bar ga la 'gyur zhes zer yang gal te/ byang chub sems dpa' sems dpa' chen po de 'di snyam du kye ma 'di ni bdud sdig can yin te/ lam ltar bcos pa ston to snyam du sems shing / byang chub sems dpa' sems dpa' chen po shes rab kyi pha rol du phyin pa la spyod pa/ bla na med pa yang dag par rdzogs pa'i byang chub las phyir mi ldog cing nyan thos kyi sa 'am/ rang sangs rgyas kyi sar mi ltung la/ gong du yang de 'di snyam du byang chub sems dpa' sems dpa' chen po/ sbyin pa'i pha rol du phyin pa la spyod pa dang / rnam pa thams cad mkhyen pa nyid kyi ye shes kyi bar du sgom pa ni/ bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ba'i gnas med do/ /go skabs ma yin zhing / de ni gnas med do/ /snyam du sems na/ rab 'byor rnam pa de dag dang / rtags de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol du phyin pa la spyod pa 'di snyam du gal te de bzhin gshegs pas ji</font><hr>35.201a<br><font size=+1>

skad bstan pa de bzhin du bslab la spyod pa de dag dang ma bral zhing pha rol du phyin pa dang ldan pa'i yid la byed pa 'di dag gis gnas pa de ni sbyin pa'i pha rol du phyin pa las yongs su mi nyam/ de bzhin du rnam pa thams cad mkhyen pa nyid kyi bar las yongs su mi nyam mo snyam du sems na/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir ldog pa'i byang chub sems dpa' sems dpa' chen po shes rab kyi pha rol du phyin pa la spyod pa de 'di snyam du gang bdud kyi las rnams khong du chud pa de bla na med pa yang dag par rdzogs pa'i byang chub las yongs su nyams par mi 'gyur ro/ /snyam du sems na/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni bla na med pa yang dag par rdzogs pa'i byang chub las phyir mi ldog par rig par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po gang las slar ldog pa'i slad du des na phyir mi ldog pa zhes bgyi bar 'tshal bar bgyi ba lags/ bcom ldan 'das kyis bka' stsal pa/ rab 'byor de ni gzugs kyi 'du shes las log go/ /tshor ba'i 'du shes las log go/ /'du shes kyi 'du shes las log go/ /'du byed kyi 'du shes las log go/ /rnam par shes pa'i 'du shes las log go/ /khams kyi 'du shes dang skye mched kyi 'du shes dang / 'dod chags kyi 'du shes dang / zhe sdang gi 'du shes dang / gti mug gi 'du shes dang lta ba'i 'du shes dang / pha rol du phyin pa'i 'du shes dang / stong pa nyid kyi 'du shes dang / dran pa nye bar bzhag pa'i 'du shes dang / de bzhin du nyan thos dang / rang sangs rgyas kyi bar gyi 'du shes las log go/ /sangs rgyas kyi bar gyi 'du shes las log go/ /</font><hr>35.201b<br><font size=+1>

de ci'i phyir zhe na/ 'di ltar phyir mi ldog pa'i byang chub sems dpa' sems dpa' chen po ni chos thams cad rang gi mtshan nyid kyis stong pas/ byang chub sems dpa'i skyon med pa la 'jug ste/ des chos phra rab tsam yang mi dmigs pas mngon par 'du mi byed do/ /mngon par 'du mi byed pas mi skyed de/ de phyir mi ldog pa'i byang chub sems dpa' sems dpa' chen po mi skye ba'i chos la bzod pa thob pa zhes bya ste/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /shes rab kyi pha rol du phyin pa khri brgyad stong pa las phyir mi ldog pa'i le'u zhes bya ste bzhi bcu rtsa dgu pa'o// // rab 'byor gzhan yang byang chub sems dpa' sems dpa' chen po'i drung du bdud sdig can 'ongs nas mos pa zlog cing / 'di skad du rnam pa thams cad mkhyen pa nyid 'di ni nam mkha' dang mtshungs shing dngos po med pa'i ngo bo nyid de/ rang gi mtshan nyid kyis stong pa'o/ /chos 'di dag kyang nam mkha' dang mtshungs shing / dngos po med pa'i ngo bo nyid de rang gi mtshan nyid kyis stong pa'o/ /nam mkha' dang mtshungs shing dngos po med pa'i ngo bo nyid de/ rang gi mtshan nyid kyis stong pa'i chos rnams la ni gang mngon par rdzogs par 'tshang rgya ba dang / gang gis mngon par rdzogs par 'tshang rgya ba dang / gang mngon par rdzogs par 'tshang rgya bar bya ba'i chos de gang yang mi dmigs te/ chos 'di dag thams cad ni nam mkha' dang mtshungs shing dngos po med pa'i ngo bo nyid de/ rang gi mtshan nyid kyis stong pas/ 'di lta ste/[ ]bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /zhes bya ba 'di ni khyod nyon mongs shing don med par 'gyur ba ste/ de skad bstan pa 'di ni bdud kyi las so/ /'di ni yang dag par rdzogs pa'i sangs rgyas kyis bstan pa ma yin no/ /rigs kyi bu yid la byed pa de dag thong shig /khyod la yun ring por gnod</font><hr>35.202a<br><font size=+1>

pa dang sdug bsngal ba dang / log par ltung bar gyur ta re zhes zer na/ de la rigs kyi bu 'am/ rigs kyi bu mo de dag gis tshig de dag thos nas/ 'di ltar yongs su brtag par bya te/ gang dag bla na med pa yang dag par rdzogs pa'i byang chub dang 'bral bar byed pa 'di dag ni bdud kyi las te/ 'di ltar chos thams cad ni nam mkha' dang mtshungs shing / dngos po med pa'i ngo bo nyid de/ rang gi mtshan nyid kyis stong mod kyi/ de dag sems can rnams kyis ma shes ma mthong zhing khong du ma chud kyis/ de'i phyir bdag gis nam mkha' dang mtshungs shing dngos po med pa'i ngo bo nyid de/ rang gi mtshan nyid kyis stong pa'i go cha bgos la/ rnam pa thams cad mkhyen pa nyid mngon par rdzogs par sangs rgyas par byas te/ sems can rnams la nges par 'byung ba'i chos bstan par bya'o/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o/ /rang byang chub la dgod par bya'o/ /bla na med pa yang dag par rdzogs pa'i byang chub la dgod par bya'o/ /snyam du sems shing / de la byang chub sems dpa' sems dpa' chen po rnams kyis sems dang po bskyed pa nas nye bar bzung ste/ chos de dag thos na sems brtan par bya'o/ /sems mi g.yo bar bya'o/ /sems mi phrogs par bya'o/ /de sems brtan pa dang / sems mi g.yo ba dang / sems mi 'phrogs pa de dang ldan pas pha rol du phyin pa drug po dag la spyod na/ byang chub sems dpa'i skyon med pa la 'jug par 'gyur ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po la phyir mi ldog pa zhes bgyi 'am/ 'on te phyir ldog pa'i byang chub sems dpa' la phyir mi ldog pa zhes bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor phyir</font><hr>35.202b<br><font size=+1>

mi ldog pa'i byang chub sems dpa' ni phyir ldog pa zhes bya'o/ /phyir ldog pa'i byang chub sems dpa' ni phyir mi ldog pa zhes bya'o/ /rab 'byor gyis gsol pa/ bcom ldan 'das ji ltar na phyir ldog pa'i byang chub sems dpa' ni phyir mi ldog pa zhes bgyi/ ji ltar na phyir mi ldog pa'i byang chub sems dpa' ni phyir ldog pa zhes bgyi/ bcom ldan 'das kyis bka' stsal pa/ rab 'byor byang chub sems dpa' gang nyan thos kyi sa 'am/ rang sangs rgyas kyi sa las log pa de ni/ rab 'byor phyir ldog pa'i byang chub sems dpa' yin te phyir mi ldog pa zhes bya'o/ /rab 'byor byang chub sems dpa' gang nyan thos kyi sa 'am/ rang sangs rgyas kyi sar mi ldog pa de ni/ rab 'byor phyir mi ldog pa'i byang chub sems dpa' yin te/ phyir ldog pa zhes bya'o/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog pa'i mtshan nyid du rig par bya ste/ rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni bdud sdig can gyis bla na med pa yang dag par rdzogs pa'i byang chub las bzlog par mi nus so/ /rab 'byor gzhan yang phyir mi ldog pa'i byang chub sems dpa' sems dpa' chen po ni 'dod na bsam gtan dang po la snyoms par 'jug go/ /bsam gtan bzhi pa'i bar la snyoms par 'jug go/ /'gog pa'i snyoms par 'jug pa'i bar la snyoms par 'jug go/ /rab 'byor gzhan yang phyir mi ldog pa'i byang chub sems dpa' sems dpa' chen po ni 'dod na dran pa nye bar gzhag pa bzhi la snyoms par 'jug go/ /'phags pa'i lam yan lag brgyad pa'i bar la snyoms par 'jug go/ /stong pa nyid dang / mtshan ma med pa dang / smon pa med pa'i ting nge 'dzin gyi bar la snyoms par 'jug go/ /mngon par shes pa lnga mngon par sgrub bo/ /de bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / 'gog pa'i</font><hr>35.203a<br><font size=+1>

snyoms par 'jug pas 'dris par byed de/ dran pa nye bar gzhag pa bzhi po dag sgom par byed cing / de bzhin du 'phags pa'i lam yan lag brgyad pa'i bar dang / stong pa nyid dang / mtshan ma med pa dang / smon pa med pa'i ting nge 'dzin la snyoms par 'jug la mngon par shes pa lnga mngon par sgrub kyang bsam gtan gyi 'bras bu yongs su mi 'dzin to/ /de bzhin du 'gog pa'i snyoms par 'jug pa'i bar gyi 'bras bu yongs su mi 'dzin to/ /rgyun du zhugs pa'i 'bras bu thob par mi byed do/ /de bzhin du rang byang chub kyi bar du thob par mi byed do/ /'dod na bsam bzhin du lus yongs su 'dzin te lus gang gis sems can rnams kyi don byed pa'i lus de yongs su 'dzin te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni byang chub sems dpa'i yid la byed pa dang ldan te/ byang chub kyi sems dang ma bral bas gzugs lhur len pa ma yin/ mtshan ma lhur len pa ma yin/ lus lhur len pa ma yin/ sbyin pa lhur len pa ma yin/ de bzhin du shes rab kyi bar du lhur len pa ma yin/ bsam gtan lhur len pa ma yin/ tshad med pa lhur len pa ma yin/ gzugs med pa'i snyoms par 'jug pa lhur len pa ma yin/ mngon par shes pa lhur len pa ma yin/ de bzhin gshegs pa'i stobs lhur len pa ma yin/ mi 'jigs pa lhur len pa ma yin/ byang chub kyi bar du lhur len pa ma yin/ sangs rgyas kyi zhing yongs su dag par bya ba lhur len pa ma yin/ sems can yongs su smin par bya ba lhur len pa ma yin/ sangs rgyas blta ba lhur len pa ma yin/ dge ba'i rtsa ba bskyed pa lhur len pa ma yin no/ /de ci'i phyir zhe na/ 'di ltar chos de dag ni nam mkha' dang mnyam pa dang / dngos po med pa'i ngo bo nyid dang / rang gi mtshan nyid kyis stong pa'i phyir te/ rab 'byor phyir mi ldog</font><hr>35.203b<br><font size=+1>

pa'i byang chub sems dpa' sems dpa' chen po de ni spyod lam rnam bzhir yang byang chub sems dpa'i yid la byed pa 'di dang ldan pas 'gro yang rung ldog kyang rung ste/ sems 'khrul bzhin du mi 'ong / sems 'khrul bzhin du mi 'gro/ sems 'khrul bzhin du mi 'greng / sems 'khrul bzhin du mi 'chag /sems 'khrul bzhin du mi 'dug /sems 'khrul bzhin du mi nyal gyi/ de ni dran bzhin du 'ong ba dang / 'gro ba dang / 'chag pa dang / 'greng ba dang / 'dug pa dang / nyal bar byed de/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni khyim gyi nang na gnas shing thabs la mkhas pas/ sems can rnams yongs su smin par bya ba'i phyir 'dod pa'i yon tan lnga ston te/ sems can rnams la sbyin pa sbyin zhing / zas 'dod pa rnams la ni zas sbyin pa nas/ mi'i yo byad gang yang rung ba'i bar du sbyin par byed de/ de bdag nyid kyang sbyin pa'i pha rol du phyin pa la spyod la/ gzhan dag kyang sbyin pa'i pha rol du phyin pa yang dag par 'dzin du 'jug cing / sbyin pa'i pha rol du phyin pa'i bsngags pa yang brjod la/ gzhan gang dag sbyin pa'i pha rol du phyin pa la spyod pa de dag gi bsngags pa yang brjod cing rjes su dga' bar byed do/ /de bzhin du sbyar te/ gzhan gang dag shes rab kyi pha rol du phyin pa'i bar la spyod pa de dag gi bsngags pa</font><hr>35.204a<br><font size=+1>

yang brjod cing rjes su dga' bar byed do/ /rab 'byor phyir mi ldog pa'i byang chub sems dpa'i sems dpa' chen po de ni khyim gyi nang na gnas shing / 'dzam bu'i gling rin po che sna bdun gyis bkang ste sbyin pa sbyin par byed do/ /stong gsum gyi stong chen po'i 'jig rten gyi khams kyi bar du rin po che sna bdun gyis bkang ste sbyin pa sbyin par byed la/ 'dod pa dag la yang yongs su mi spyod de/ rtag tu rgyun mi chad par tshangs par spyod cing / de su la yang gnod pa gang gis pha rol gyi yid mi dga' bar 'gyur ba'i gnod pa mi bskyed de/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang byang chub sems dpa' sems dpa' chen po 'di ni ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /snyam nas bsrung ba dang / yongs su bskyang ba'i phyir gnod sbyin lag na rdo rje rtag tu rgyun mi chad par</font><hr>35.204b<br><font size=+1>

byang chub sems dpa' sems dpa' chen po phyir mi ldog pa'i phyi bzhin 'brang bar 'gyur te/ bla na med pa yang dag par rdzogs pa'i sangs rgyas nga'i phyi bzhin 'brang ba bzhin no/ /rdo rje'i rigs lnga'i bar du rtag tu rgyun mi chad par phyi bzhin 'brang te/ de la mi rnams sam/  mi ma yin pa rnams kyis gnod par byed mi nus te/ de la 'jig rten na lha 'am/ bdud dam/ tshangs pa 'am/ sus kyang chos dang 'thun par thub pa med do/ /bla na med pa yang dag par rdzogs pa'i byang chub mngon par rdzogs par sangs rgyas kyi bar du byang chub yid la byed pa las/ de'i sems rnam par g.yeng bar mi 'gyur ro/ /byang chub sems dpa' de'i dbang po ma tshang bar mi 'gyur te/ 'di lta ste/ mig gi dbang po dang / yid kyi dbang po'i bar dang / dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ma tshang bar mi 'gyur ro/ /</font><hr>35.205a<br><font size=+1>

skye bu dam pa yin gyi/ skye bu dam pa ma yin par mi 'gyur ro/ /rab 'byor gyis gsol pa/ bcom ldan 'das byang chub sems dpa' sems dpa' chen po ji tsam gyis na skyes bu dam pa lags kyi/ skye bu dam pa ma lags par mi 'gyur ba lags/ bcom ldan 'das kyis bka' stsal pa/ rab 'byor ji tsam du byang chub sems dpa' sems dpa' chen po'i byang chub kyi sems rnam par g.yeng bar mi 'gyur ba de tsam gyis na/ rab 'byor byang chub sems dpa' sems dpa' chen po skye bu dam pa yin gyi/ skyes bu dam pa ma yin par mi 'gyur ro/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po byang chub sems dpa'i yid la byed pa dag dang ldan pa ni bud med 'gug par byed pa'i gsang sngags dang / rig sngags dang / sman dang / sbyar sman gang yin pa de dag thams cad kyi thams cad rnam pa thams cad kyi thams cad du mi sbyor zhing sbyor du 'jug par mi byed la/ bud med rnams 'gug pa gang yang mi byed do/ /skyes pa 'am/ bud med la bu phor 'gyur ro zhe 'am/ bu mor 'gyur ro zhe 'am/ rigs dman par 'gyur ro zhe 'am/ tshe ring bar 'gyur ro zhes kun brjod pa'i cho 'phrul ston par mi byed do/ /de ci'i phyir zhe na/ rab 'byor 'di ltar byang chub sems dpa' sems dpa' chen pos rang gi mtshan nyid kyis stong pa'i chos rnams la mtshan ma yang dag par rjes su ma mthong ba'i phyir te/ des mtshan ma yang dag par rjes su ma mthong bas/ 'tsho ba yongs su dag par gnas so/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog</font><hr>35.205b<br><font size=+1>

par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po rnam pa dang / rtags dang / mtshan ma gang dag dang ldan na phyir mi ldog pa'i byang chub sems dpa' sems dpa' chen po yin par rig par bya ba'i rnam pa de dag dang / rtags de dag dang / mtshan ma de dag bstan gyi de dag legs par rab tu nyon la yid la zung shig dang bshad do/ /tshe dang ldan pa rab 'byor gyis/ bcom ldan 'das de bzhin no zhes gsol te bcom ldan 'das kyis ltar nyan pa dang / bcom ldan 'das kyis 'di skad ces bka' stsal to/ /rab 'byor byang chub sems dpa' sems dpa' chen po shes rab kyi pha rol du phyin pa zab mo 'di la spyod pa ni byang chub sems dpa'i yid la byed pa dag dang ma bral bas phung po'i sbyor ba la brtson par mi gnas so/ khams dang / skye mched kyi sbyor ba la brtson par mi gnas so/ /de ci'i phyir zhe na/ 'di ltar de stong pa nyid la gnas pas chos gang la yang ngan pa 'am/ mchog tu gyur par yang dag par rjes su mi mthong ba'i phyir ro/ /de chom rkun gyi gtam gyi sbyor ba la brtson par mi gnas so/ /de ci'i phyir zhe na/ 'di ltar de ni rang gi mtshan nyid kyis stong pa'i chos rnams la chos gang la yang bsdu ba 'am/ dbrog pa yang dag par rjes su ma mthong ba'i phyir ro/ /de dmag gi gtam gyi sbyor ba la brtson par mi gnas so/ /de ci'i phyir zhe na/ 'di ltar de ni rang bzhin stong pa nyid la gnas pas chos gang la yang nyung ngu 'am/ mang por yang dag par rjes su ma mthong ba'i phyir ro/ /de g.yul 'gyed pa'i gtam gyi sbyor ba la brtson par mi gnas so/ /de ci'i phyir zhe na/ 'di ltar chos thams cad ni de bzhin nyid la gnas pas chos gang la yang rjes su chags pa 'am/ khong khro ba yang dag par rjes su ma mthong ba'i phyir ro/ /de grong gi gtam gyi sbyor ba la brtson par mi gnas so/ /de ci'i phyir zhe na/ 'di ltar de chos thams cad stong pa nyid la gnas pa'i chos gang la yang tshogs sam tshogs</font><hr>35.206a<br><font size=+1>

ma yin par yang dag par rjes su ma mthong ba'i phyir ro/ /de grong khyer gyi gtam gyi sbyor ba la brtson par mi gnas so/ /de ci'i phyir zhe na/ 'di ltar de nam mkha' stong pa nyid la gnas pas/ chos gang la yang bsdu ba 'am mi bsdu ba yang dag par rjes su ma mthong ba'i phyir ro/ /de grong rdal gyi gtam gyi sbyor ba la brtson par mi gnas so/ /de ci'i phyir zhe na/ 'di ltar de yang dag pa'i mtha' la gnas pas chos gang la yang 'phel ba 'am/ 'bri bar yang dag par rjes su ma mthong ba'i phyir ro/ /de bdag gis gtam gyi sbyor ba la brtson par mi gnas te/ de bzhin du shes pa po dang / mthong ba po'i bar gyi gtam gyi sbyor ba la brtson par mi gnas so/ /de ci'i phyir zhe na/ chos thams cad shin du rnam par dag pa'i phyir te/ gzhan du na shes rab kyi pha rol du phyin pa'i gtam gyi sbyor ba la brtson par gnas shing / rnam pa thams cad mkhyen pa nyid kyi bar dang ldan pa'i yid la bya ba dag dang ma bral bar gnas so/ /de pha rol du phyin pa drug po dag gis gnas shing / de sbyin pa'i pha rol du phyin pa la spyod de/ ser sna'i sbyor ba la brtson par mi gnas so/ /tshul khrims kyi pha rol du phyin pa la spyod de/ 'chal pa'i tshul khrims kyi sbyor ba la brtson par mi gnas so/ /bzod pa'i pha rol du phyin pa la spyod de/ 'khrug pa'i sbyor ba la brtson par mi gnas so/ /brtson 'grus kyi pha rol du phyin pa la spyod de/ le lo'i sbyor ba la brtson par mi gnas so/ /bsam gtan gyi pha rol du phyin pa la spyod de/ rnam par g.yeng ba'i sbyor ba la brtson par mi gnas so/ /shes rab kyi pha rol du phyin pa la spyod de/ 'chal pa'i shes rab kyi sbyor ba la brtson par mi gnas so/ /de chos thams cad stong pa nyid la gnas shing / chos 'dod pa nyid yin gyi/ chos mi 'dod pa nyid ma yin no/ /chos kyi dbyings la spyod</font><hr>35.206b<br><font size=+1>

cing chos tha dad pa'i sngags pa brjod pa ma yin no/ /de sangs rgyas bcom ldan 'das rnams dang / byang chub sems dpa' sems dpa' chen po rnams la dge ba'i bshes gnyen du 'dod pa yin no/ /rigs kyi bu 'am/ rigs kyi bu mo nyan thos dang / rang sangs rgyas kyi theg pa pa gang yin pa de dag kyang bla na med pa yang dag par rdzogs pa'i byang chub yang dag par 'dzin du 'jug go/ /'dzud do/ /'dul lo/ /'god do/ /de de bzhin gshegs pa dgra bcom pa yang dag par rdzogs pa'i sangs rgyas mnyes par byed cing / blta ba'i phyir/ 'jig rten gyi khams gang na bzhugs shing gzhes pa der skye ba ste/ de 'dod na der skye zhing / 'di lta ste/ sangs rgyas yid la byed pa'i yid la byed pa de dag gis nyin mtshan du gnas so/ /de ci'i phyir zhe na/ rab 'byor 'di ltar phyir mi ldog pa'i byang chub sems dpa' sems dpa' chen po rnams ni phal cher 'dod pa'i khams dang ldan pa'i yid la bya ba dag bskyed nas/ dge ba bcu'i las kyi lam rnams la gnas te/ gang na de bzhin gshegs pa dgra bcom pa yang dag par rdzogs pa'i sangs rgyas rnams mngon du gyur par bzhugs te 'tsho zhing gzhes pa'i sangs rgyas kyi zhing de dag tu skye ba dang / bsam gtan dang po bskyed cing / 'du shes med 'du shes med min skye mched kyi snyoms par 'jug pa'i bar du bskyed nas/ gang na de bzhin gshegs pa dgra bcom pa yang dag pa'i sangs rgyas rnams mngon du gyur par bzhugs te/ 'tsho zhing gzhes pa der skye ba'i phyir te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol du phyin pa la spyod pa nang stong pa nyid la gnas pa dang / </font><hr>35.207a<br><font size=+1>

dngos po med pa'i ngo bo nyid stong pa nyid kyi bar la gnas pa dang / dran pa nye bar bzhag pa la gnas pa dang / de bzhin du sbyar te/ rnam par thar pa'i sgo stong pa nyid dang / mtshan ma med pa dang / smon pa med pa'i bar la gnas pa de 'di snyam du bdag ni phyir mi ldog pa 'am/ phyir mi ldog pa ma yin no snyam du the tshom mi skye zhing / rang gi sa la som nyi med pa yin no/ /de ci'i phyir zhe na/ 'di ltar de ni phyir mi ldog pa 'am/ phyir mi ldog pa ma yin pa'i chos phra rab tsam yang yang dag par rjes su mi mthong ba'i phyir ro/ /rab 'byor 'di lta ste dper na rgyun du zhugs pa'i 'bras bu'i sa la gnas pa ni rang gi sa la som nyi med cing the tshom mi za'o/ /de bzhin du sbyar te/ sangs rgyas kyi sa'i bar la gnas pa yang som nyi med cing the tshom mi za'o/ /rab 'byor de bzhin du byang chub sems dpa' sems dpa' chen po rang gi sa la gnas pa yang som nyi med cing the tshom mi za'o/ /de phyir mi ldog pa'i sa de la gnas te sangs rgyas kyi zhing yongs su dag par byed do/ /sems can rnams kyang yongs su smin par byed do/ /bdud kyi las skyes shing byung ba dag kyang shes te/ bdud kyi las kyis dbang du yang mi 'gro'o/ /bdud kyi las thams cad shes nas kyang rnam par 'joms shing srab mor byed do/ /rab 'byor 'di lta ste dper na/ mtshams med pa byed pa'i mi ni 'chi ka'i bar du yang mtshams med pa'i sems dang mi bral zhing / de'i mtshams med pa'i sems de rjes su 'brang zhing / mtshams med pa'i sems de ni thabs thams cad kyis kyang gzhil bar mi nus te/ de ni kun nas ldang ba'i sems de ni 'chi ka'i bar du yang rjes su 'brang ngo / /rab 'byor de bzhin du phyir mi ldog pa'i byang chub sems dpa' sems dpa' chen po'i phyir mi ldog pa'i sems de yang phyir mi ldog pa'i sa la gnas par gyur nas sems de rnam par rtag tu</font><hr>35.207b<br><font size=+1>

med cing mi g.yo ste/ de ni lha dang mi dang / lha ma yin du bcas pa'i 'jig rten gyis bzlogs par mi nus so/ /de ci'i phyir zhe na/ 'di ltar phyir mi ldog pa'i sems de ni/ lha dang mi dang / lha ma yin du bcas pa'i 'jig rten las 'das nas/ yang dag pa nyid skyon med pa la zhugs te/ de rang gi sa la gnas nas mngon par shes pa rnams kyi dam pa'i pha rol du son pas/ sangs rgyas kyi zhing yang yongs su dag par byed/ sems can rnams kyang yongs su smin par byed de/ sangs rgyas bcom ldan 'das rnams la blta ba dang / phyag bya ba dang / chos mnyan pa'i phyir/ sangs rgyas kyi zhing nas sangs rgyas kyi zhing du 'gro ste/ sangs rgyas kyi zhing de dag tu sangs rgyas bcom ldan 'das rnams la dge ba'i rtsa ba rnams kyang bskyed cing / sangs rgyas bcom ldan 'das de dag la yongs su 'dri bar byed/ yongs su zhu bar byed/ bsnyen bkur byed pa'i phyir rab 'byor byang chub sems dpa' sems dpa' chen po de de ltar gnas pa'i bdud kyi las skyes shing byung ba rnams khong du chud de/ bdud kyi las skyes shing byung ba rnams kyi dbang du yang mi 'gro'o/ /bdud kyi las de dag kyang thabs la mkhas pas yang dag pa'i mtha' la sbyor bar byed cing / de rang gi sa la nem nur med de the tshom mi za'o/ /de ci'i phyir zhe na/ 'di ltar de yang dag pa'i mtha' la som nyi med pa'i/ yang dag pa'i mtha' la gcig gam/ gnyis su rnam par mi rtogs te/ de ltar shes pas de tshe rjes nas kyang nyan thos dang rang sangs rgyas kyi sar sems mi skyed do/ /de ci'i phyir zhe na/ rab 'byor 'di ltar byang chub sems dpa' sems dpa' chen po ni rang gi mtshan nyid kyis stong pa'i chos rnams la chos gang yang skye ba 'am/ 'gag pa 'am/ kun nas nyon mongs pa 'am/ rnam par byang bar yang dag par rjes su mi mthong ba'i phyir ro/ /rab 'byor byang chub sems dpa' sems dpa' chen po de tshe rjes nas kyang 'di snyam du/ </font><hr>35.208a<br><font size=+1>

bdag ni bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ro snyam du mi sems kyi bdag gdon mi za bar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /snyam du sems so/ /de ci'i phyir zhe na/ rab 'byor de ltar bla na med pa yang dag par rdzogs pa'i byang chub tu rang gi mtshan nyid kyis stong pa'i phyir ro/ /rab 'byor byang chub sems dpa' sems dpa' chen po rang gi sa la de ltar gnas pa de ni rang gi sa la gzhan gyi dring mi 'jog pa yin/ rang gi sa la thub pa med pa yin no/ /de ci'i phyir zhe na/ rab 'byor 'di ltar phyir mi ldog pa'i byang chub sems dpa' sems dpa' chen po de ltar gnas pa ni mi 'phrog pa'i ye shes dang ldan pa yin pa'i phyir te/ rab 'byor gal te phyir mi ldog pa'i byang chub sems dpa' sems dpa' chen po'i drung du bdud sdig can sangs rgyas kyi cha byad kyis 'ongs nas/ 'di skad du khyod kyis 'di nyid du dgra bcom pa nyid thob par gyis shig /khyod ni bla na med pa yang dag par rdzogs pa'i byang chub tu lung ma bstan to/ /de bzhin gshegs pa dgra bcom pa yang dag par rdzogs pa'i sangs rgyas de dag gis gang gis khyod bla na med pa yang dag par rdzogs byang chub tu lung bstan par 'gyur ba'i mi skye ba'i chos la bzod pa yang khyed kyis ma thob bo/ /rnam pa gang dag dang / rtags gang dag dang / mtshan ma gang dag dang ldan na byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan par 'gyur ba'i rnam pa de dag dang / rtags de dag dang / mtshan ma de dag kyang khyod la med do zhes zer yang rab 'byor gal te byang chub sems dpa' sems dpa' chen pos sgra de thos nas/ mi zhum/ mi 'gong zhing / de'i sems gzhan du mi 'gyur la yid skrag par mi 'gyur na/ rab 'byor byang chub sems dpa' sems dpa' chen po</font><hr>35.208b<br><font size=+1>

bdag ni de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan to snyam du rig par bya'o/ /de ci'i phyir zhe na/ 'di ltar chos gang dag dang ldan na/ byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan par 'gyur ba'i chos de dag bdag la yod do snyam pa'i phyir ro/ /rab 'byor gal te byang chub sems dpa' sems dpa' chen po'i drung du bdud sdig can sangs rgyas kyi cha byad kyis 'ongs nas/ 'di skad ces khyod ni bla na med pa yang dag par rdzogs pa'i byang chub tu lung ma bstan te/ khyod nyan thos kyi sa 'am/ rang sangs rgyas kyi sar nges so zhes zer yang / rab 'byor gal te byang chub sems dpa' sems dpa' chen po 'di snyam du/ kye ma 'di ni bdud dam/ bdud kyis byin gyis brlabs pa'i mi zhig sangs rgyas kyi cha byad kyis 'ongs kyi/ de bzhin gshegs pa dgra bcom pa yang dag par rdzogs pa'i sangs rgyas ni/ byang chub sems dpa' sems dpa' chen po nyan thos kyi sa 'am/ rang sangs rgyas kyi sa yang dag par 'dzin du 'jug par mi mdzad do snyam du sems na/ rab 'byor byang chub sems dpa' de ni lung bstan pa yin par rig par bya'o/ /rab 'byor gal te byang chub sems dpa' sems dpa' chen po shin du rgyas pa'i mdo sde dag klog cing / kha ton byed pa'i drung du bdud sdig can sangs rgyas kyi cha byad kyis 'ongs nas/ 'di skad ces gang la khyod spyod pa'i mdo sde 'di dag ni/ sangs rgyas rnams dang nyan thos rnams kyis bshad pa ma yin gyi mdo sde 'di dag ni bdud kyis bshad pa'o zhes zer na/ rab 'byor de la byang chub sems dpa' sems dpa' chen pos kye ma gang dag bla na med pa yang dag par rdzogs pa'i byang chub dang bral bar byed pa 'di ni bdud sdig can nam/ bdud kyis byin gyis brlabs pa'i mi zhig yin no snyam du rig par bya'o/ /rab 'byor byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan cing byang chub</font><hr>35.209a<br><font size=+1>

sems dpa' sems dpa' chen po de ni phyir mi ldog pa'i sa la gnas par rig par bya'o/ /de ci'i phyir zhe na/ rab 'byor 'di ltar phyir mi ldog pa'i byang chub sems dpa' sems dpa' chen po rnams kyi rnam pa de dag dang rtags de dag dang / mtshan ma de dag de la yod pa'i phyir ro/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya 'o rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol du phyin pa la spyod pa ni/ dam pa'i chos yongs su gzung ba'i ched du bdag kyang yongs su gtong bar byed la/ srog kyang yongs su gtong bar byed do/ /rab 'byor byang chub sems dpa' sems dpa' chen po de ni dam pa'i chos yongs su gzung ba'i ched du ji ltar 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dam pa'i chos yongs su 'dzin par byed pa de ltar brtson par byed do/ /de ci'i phyir zhe na/ 'di ltar de ni 'di snyam du sems te/ dam pa'i chos yongs su bzung na/ 'das pa dang / ma byon pa dang / da ltar byung ba'i sangs rgyas bcom ldan 'das rnams la mchod par 'gyur/ de dag gi dam pa'i chos kyang yongs su bzung bar 'gyur ro snyam pa'i phyir ro de la chos gang gi ched du bdag kyang yongs su gtong bar byed pa'i chos gang zhe na/ 'di la de bzhin gshegs pa dgra bcom pa yang dag par rdzogs pa'i sangs rgyas kyis chos thams cad stong ngo zhes chos ston pa ste/ de la mi blun po kha cig 'di ni chos ma yin 'di ni 'dul ba ma yin/ 'di ni ston pa'i bstan pa ma yin no/ /zhes phyir zlog cing phyir rgol te/ rab 'byor chos de'i ched du byang chub sems dpa' sems dpa' chen po bdag kyang yongs su gtong bar byed do/ /rab 'byor de la byang chub sems dpa' sems dpa' chen pos 'di ltar bslab par bya ste/ de bzhin gshegs pa dgra bcom pa yang dag par rdzogs pa'i</font><hr>35.209b<br><font size=+1>

sangs rgyas gang dag ma 'ongs pa na 'byung ba de dag gi nang du bdag kyang grangs su chud par bya'o/ /bdag kyang der lung bstan to/ /chos gang gi ched du bdag gis bdag kyang yongs su gtang bar bya ba dang / srog kyang yongs su gtang bar bya ba de yang bdag gi chos so zhes bslab par bya'o/ /rab 'byor byang chub sems dpa' sems dpa' chen pos don gyi dbang 'di mthong bas/ dam pa'i chos kyi ched du bdag kyang yongs su gtong bar byed do/ /rab 'byor rnam pa de dag dang rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni de bzhin gshegs pa dgra bcom pa yang dag par rdzogs pa'i sangs rgyas kyi chos ston pa la som nyi med cing the tshom mi za ste/ sangs rgyas bcom ldan 'das de dag gis gang gsungs pa de thams cad yongs su 'dzin to/ /de ltar bzung nas kyang chud za bar mi byed do/ /de ci'i phyir zhe na/ 'di ltar gzungs thob pa'i phyir ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gzungs gang thob pas de bzhin gshegs pas gsungs pa'i mdo sde rnams byang chub sems dpa' sems dpa' chen po la chab mi 'tshal bar 'gyur ba lags/ bcom ldan 'das kyis bka' stsal pa/ rab 'byor 'dzin pa'i gzungs thob pas de bzhin gshegs pas gsungs pa'i mdo sde rnams byang chub sems dpa' sems dpa' chen po la chud za bar mi 'gyur ro/ /rab 'byor gyis gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis gsungs pa kho na la the tshom mi tshal du bas kyang nyan thos kyi bshad pa rnams la ma lags sam/ lhas bshad pa rnams la ma lags sam/ klus bshad pa rnams la ma lags sam/ gnod sbyin gyis bshad pa rnams la ma lags sam dri zas bshad pa rnams la ma lags sam/ lha ma yin gyis bshad pa rnams la ma lags sam nam</font><hr>35.210a<br><font size=+1>

mkha' lding gis bshad pa rnams la ma lags sam/ mi 'am cis bshad pa rnams la ma lags sam/ lto 'phye chen pos bshad pa rnams la ma lags sam/ bcom ldan 'das kyis bka' stsal pa rab 'byor byang chub sems dpa' sems dpa' chen po ni skad dang / brda dang / sgra gang dag ci yang rung ste/ thams cad la som nyi med cing the tshom mi za'o/ /de ci'i phyir zhe na/ 'di ltar 'dzin pa'i gzungs thob pa'i phyir ro/ /rab 'byor rnam pa de dag dang / rtags de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /shes rab kyi pha rol du phyin pa khri brgyad stong pa las phyir mi ldog pa'i rtags bstan pa'i le'u zhes bya ste/ lnga bcu pa'o// // 'phags pa shes rab kyi pha rol du phyin pa khri brgyad stong pa/ bam po sum bcu rtsa brgyad pa/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po ni yon tan chen po dang ldan pa lags so/ /bcom ldan 'das phyir mi ldog pa'i byang chub sems dpa' sems dpa' chen po ni yon tan dpag tu ma mchis pa dang ldan pa lags so/ /bcom ldan 'das phyir mi ldog pa'i byang chub sems dpa' sems dpa' chen po ni yon tan tshad ma mchis pa dang ldan pa lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ phyir mi ldog pa'i byang chub sems dpa' sems dpa' chen po ni yon tan chen po dang ldan pa yin no/ /rab 'byor phyir mi ldog pa'i byang chub sems dpa' sems dpa' chen po ni yon tan dpag tu med pa dang ldan pa yin no/ /rab 'byor phyir mi ldog pa'i byang chub sems dpa' sems dpa' chen po ni yon tan tshad med pa dang ldan pa yin no/ /de ci'i phyir zhe na/ 'di ltar des nyan thos dang / rang sangs rgyas thams cad dang thun mong ma yin pa'i ye shes mtha' yas mu med pa thob pa'i phyir te/ phyir mi</font><hr>35.210b<br><font size=+1>

ldog pa'i byang chub sems dpa' sems dpa' chen po ni ye shes de la gnas shing so so yang dag par rig pa gang dag mngon par bsgrubs pas lha dang mi dang lha ma yin du bcas pa'i 'jig rten gyis dris kyang tshig gi lan mthar thug par mi nus pa'i so so yang dag par rig pa dag mngon par sgrub bo/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni rnam pa gang dag dang / rtags gang dag dang / mtshan ma gang dag gis phyir mi ldog pa'i byang chub sems dpa' sems dpa' chen po legs par rab tu dbye bar bgyi ba phyir mi ldog pa'i byang chub sems dpa' sems dpa' chen po'i rnam pa rnams dang / rtags rnams dang / mtshan ma rnams bskal pa gang gA'i klung gi bye ma snyed du ston par spyod lags na/ bcom ldan 'das byang chub sems dpa' sems dpa' chen po dag gang la gnas shing pha rol du phyin pa drug la spyod pa na/ dran pa nye bar bzhag pa bzhi yongs su rdzogs par bgyid pa dang / rnam pa thams cad mkhyen pa nyid kyi bar du yongs su rdzogs par bgyid pa'i gnas zab mo rnams legs par bstan du gsol/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor legs so legs so/ /rab 'byor khyod phyir mi ldog pa'i byang chub sems dpa' sems dpa' chen po rnams kyi don du gnas zab mo zab mo rnams yongs su 'dri bar sems pa ni yang khyod legs so/ /rab 'byor gnas zab mo zhes bya ba ni stong pa nyid dang mtshan ma med pa dang smon pa med pa dang / mngon par 'du bya ba med pa dang / skye ba med pa dang / 'dod chags dang bral ba dang 'gog pa dang / mya ngan las 'das pa dang zhi ba dang de bzhin nyid dang yang dag pa'i mtha' dang chos kyi dbyings kyi tshig bla dgas yin te/ rab 'byor zab mo zab mo'i gnas de dag ni gang dag mya ngan las 'das pa zhes bya ba'i tshig bla dgas su gyur pa rnams yin no/ /rab 'byor gyis gsol pa/ bcom ldan 'das ci de mya ngan las 'das pa'i tshig skabs su bas kyi bcom ldan 'das chos thams cad kyi tshig bla dgas ma lags</font><hr>35.211a<br><font size=+1>

sam/ bcom ldan 'das kyis bka' stsal pa/ rab 'byor 'di lta ste zab mo zab mo zhes bya ba de ni chos thams cad kyi tshig bla dgas kyang yin no/ /de ci'i phyir zhe na/ rab 'byor gzugs zab pa dang / rab 'byor tshor ba dang / 'du shes dang / 'du byed rnams dang / rnam par shes pa yang zab pa dang / rab 'byor mig kyang zab pa dang / rab 'byor de bzhin du sbyar te/ yid kyi bar du yang zab pa dang / rab 'byor byang chub kyi bar du yang zab pa'i phyir ro/ /rab 'byor ji ltar na gzugs zab pa yin zhe na/ gzugs kyi de bzhin nyid ji lta ba de ltar gzugs zab bo/ /tshor ba dang 'du shes dang / 'du byed rnams dang / rnam par shes pa'i de bzhin nyid ji lta ba de ltar rnam par shes pa zab bo/ /rab 'byor de bzhin du sbyar te/ byang chub kyi bar gyi de bzhin nyid ji lta ba de ltar byang chub zab bo/ /rab 'byor gyis gsol pa/ bcom ldan 'das gzugs kyi de bzhin nyid ji lta bu lags/ byang chub kyi bar gyi de bzhin nyid ji lta bu lags/ bcom ldan 'das kyis bka' stsal pa/ rab 'byor gzugs kyi de bzhin nyid de la ni gzugs med la gzugs las gud na yang de bzhin nyid med de/ gzugs kyi de bzhin nyid la ni de lta bu'o/ /rab 'byor de bzhin nyid la ni rnam par shes pa'i bar du med la/ rnam par shes pa las gud na yang de bzhin nyid med de/ rnam par shes pa'i de bzhin nyid ni de lta bu'o/ /de bzhin nyid la ni byang chub kyi bar du med la/ byang chub las gud na yang de bzhin nyid med de byang chub kyi de bzhin nyid ni de lta bu'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji tsam du thabs sla bas phyir mi ldog pa'i byang chub sems dpa' sems dpa' chen po dag gzugs las kyang bzlog mya ngan las 'das pa yang ston/ tshor ba dang 'du shes dang 'du byed rnams dang rnam par shes pa las kyang bzlog /mya ngan las 'das pa yang bstan 'jig rten pa dang 'jig rten las 'das pa dang thun mong dang thun mong ma lags pa dang / zag pa dang bcas pa dang zag pa ma mchis pa la 'dzin pa thams cad kyang zlog /mya ngan las 'das pa yang ston pa ni ngo mtshar lags so/ /</font><hr>35.211b<br><font size=+1>

de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang gi tshe byang chub sems dpa' sems dpa' chen pos ji skad bstan pa'i shes rab kyi pha rol du phyin pa la bdag gis 'di ltar gnas par bya'o/ /ji skad bstan pa'i shes rab kyi pha rol du phyin pa la bdag gis 'di ltar bslab par bya'o/ /snyam du shes rab kyi pha rol du phyin pa dang ldan pa'i gnas zab mo zab mo 'di dag la sems par byed 'jal bar byed nges par sems par byed na rab 'byor byang chub sems dpa' sems dpa' chen po ji skad bstan pa'i shes rab kyi pha rol du phyin pa la de ltar sgrub pa dang / ji skad bstan pa'i shes rab kyi pha rol du phyin pa la de ltar nges par sems pa dang de ltar nye bar rtog pa dang / de ltar sbyor ba dang de ltar 'bad pa dang de ltar rtsol ba de ni sems bskyed pa gcig gis kyang dge ba'i rtsa ba grangs med dpag tu med tshad med pa dag yongs su 'dzin par 'gyur zhing / bskal pa dpag du med pa 'khor ba spong bar 'gyur na/ shes rab kyi pha rol du phyin pa la ma 'dres par spyod cing / byang chub dang ldan pa'i yid la byed pa dag gis gnas pa lta smos kyang ci dgos/ rab 'byor 'di lta ste dper na skyes bu 'dod chags la spyod cing rnam par rtog pa la spyod pa zhig yod la/ des bud med gzugs bzang ba mdzes pa lta na sdug pa zhig btus par gyur la/ bud med de yang gzhan gyis yongs su bzung ba zhig ste khyim nas phyir 'byung bar ma nus na/ rab 'byor 'di ji snyam du sems/ skyes bu de rnam par rtog pa ji lta bu dang ldan pa dag 'byung bar 'gyur snyam/ rab 'byor gyis gsol pa/ bcom ldan 'das skyes bu de ni mchi lags grang de mchis nas kyang de dang lhan cig tu mchis te nyal bar bgyi ba dang / slar ldog par bgyi ba dang / dga' mgur spyad par bgyi'o/ /snyam ste/ bud med dang ldan pa'i rnam par rtog pa rnams 'byung bar 'gyur lags so/ /bcom ldan 'das kyis bka' stsal pa/ rab 'byor 'di ji snyam du sems/ nyin par ram mtshan mo 'das nas/ skyes bu de'i rnam par rtog pa ji snyed 'byung bar 'gyur snyam/ rab 'byor gyis gsol pa/ bcom ldan 'das</font><hr>35.212a<br><font size=+1>

gdugs sam/ mtshan mo 'das nas skyes bu de'i rnam par rtog pa 'byung ba ni mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor nyin mtshan 'das na/ skyes bu de'i rnam par rtog pa ji snyed 'byung bar 'gyur ba de snyed du/ rab 'byor byang chub sems dpa' sems dpa' chen po gang ji skad bstan pa'i shes rab kyi pha rol du phyin pa zab mo 'di la slob pa dang nye bar rtog pa dang / skyon gang gis byang chub sems dpa' sems dpa' chen po bla na med pa yang dag par rdzogs pa'i byang chub las phyir ldog par 'gyur ba'i skyon de dag ji ltar spong bar 'gyur ba de lta de ltar brtson par byed pa de ni/ de snyed kyi bskal par 'khor ba spong bar 'gyur snyil bar 'gyur ro/ /rab 'byor byang chub sems dpa' sems dpa' chen po de ltar ji skad bstan pa'i shes rab kyi pha rol du phyin pa la rnal 'byor du bya ba la brtson zhing gnas pa 'dis gnas pas nyin gcig la dge ba'i rtsa ba gang yongs su bzung ba des 'jig rten gyi khams gang gA'i klung gi bye ma snyed dag yongs su gang bar gyur kyang / de ni dge ba'i rtsa ba de'i lhag ma'i brgya'i cha 'am/ stong gi cha 'am 'bum gyi cha 'am/ grangs sam cha 'am/ bgrang ba 'am/ dpe 'am rgyur yang nye bar mi 'gro'o/ /rab 'byor gzhan yang byang chub sems dpa' sems dpa' chen pos shes rab kyi pha rol du phyin pa dang bral bar skal pa gang gA'i klung gi bye ma snyed du dkon mchog gsum po sangs rgyas dkon mchog dang chos dkon mchog dang dge 'dun dkon mchog la sbyin pa sbyin par byed na/ rab 'byor 'di ji snyam du sems/ byang chub sems dpa' sems dpa' chen po de gzhi de las bsod nams mang du skyed par 'gyur snyam 'am/ rab 'byor gyis gsol pa/ bcom ldan 'das mang lags so/ /bde bar gshegs pa mang lags te/ grangs ma mchis/ dpag du ma mchis/ tshad ma mchis lags so/ /bcom ldan 'das kyis bka' stsal pa/ rab 'byor de bas kyang byang chub sems dpa' sems dpa' chen po gang ji skad bstan pa'i shes rab kyi pha rol du phyin pa 'di la brtson par byed pa de nyid ches bsod nams mang du skyed do/ /de ci'i phyir zhe na/ rab 'byor 'di nyid byang chub sems dpa' sems dpa' chen po</font><hr>35.212b<br><font size=+1>

rnams kyi theg pa yin te/ theg pa de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i phyir ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa dang ma bral bar bskal pa gang gA'i klung gi bye ma snyed du gnas shing rgyun du zhugs pa rnams la sbyin pa sbyin pa dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams la sbyin pa sbyin pa dang / rang sangs rgyas rnams la sbyin pa sbyin pa dang / de bzhin gshegs pa dgra bcom pa yang dag par rdzogs pa'i sangs rgyas rnams la sbyin pa sbyin par byed na/ rab 'byor 'di ji snyam du sems/ byang chub sems dpa' sems dpa' chen po de gzhi de las bsod nams mang du skyed par 'gyur snyam 'am/ rab 'byor gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang ji skad bstan pa'i shes rab kyi pha rol du phyin pa zab mo 'di la brtson par byed na/ de nyid ches bsod nams mang du skyed par 'gyur ro/ /de ci'i phyir zhe na/ byang chub sems dpa' sems dpa' chen pos shes rab kyi pha rol du phyin pa 'di la spyad nas/ nyan thos dang / rang sangs rgyas kyi sa las shin du 'das shing / byang chub sems dpa'i skyon med pa la 'jug pa dang / bla na med pa yang dag par rdzogs pa'i byang chub kyi bar du yang mngon par rdzogs par 'tshang rgya bar 'gyur ba'i phyir ro/ /rab 'byor 'di ji snyam du sems/ byang chub sems dpa' sems dpa' chen po shes rab kyi pha rol du phyin pa dang bral ba gang zhig bskal pa gang gA'i klung gi bye ma snyed du gnas shing sbyin pa sbyin pa dang / tshul khrims bsrungs pa dang / bzod pa bsgrub pa dang / brtson 'grus rtsom pa dang / bsam gtan la mnyam par 'jog pa dang / shes rab sgom par byed na/ rab 'byor byang chub sems dpa' sems dpa' chen po de gzhi de las bsod nams mang du bskyed par 'gyur snyam 'am/ rab 'byor gyis gsol pa/ bcom ldan 'das</font><hr>35.213a<br><font size=+1>

mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang nyin gcig cig ji skad bstan pa'i shes rab kyi pha rol du phyin pa zab mo 'di la gnas te sbyin pa sbyin pa dang / tshul khrims bsrung ba dang / bzod pa sgrub pa dang / brtson 'grus rtsom pa dang / bsam gtan la mnyam par 'jog pa dang / shes rab sgom pa de ches bsod nams mang du bskyed par 'gyur ro/ /de ci'i phyir zhe na/ rab 'byor 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi ma yin pa dang / shes rab kyi pha rol du phyin pa 'di ni byang chub sems dpa' sems dpa' chen po rnams kyi skyed pa yin pa dang / rab 'byor byang chub sems dpa' sems dpa' chen po rnams shes rab kyi pha rol du phyin pa 'di la gnas nas chos thams cad yongs su rdzogs par byed pa'i phyir ro/ /rab 'byor 'di ji snyam du sems/ byang chub sems dpa' sems dpa' chen po shes rab kyi pha rol du phyin pa dang bral ba gang zhig bskal pa gang gA'i klung gi bye ma snyed du gnas shing / chos kyi sbyin pa sbyin par byed na/ rab 'byor 'di ji snyam du sems/ rigs kyi bu 'am/ rigs kyi bu mo de gzhi de las bsod nams mang du bskyed par 'gyur snyam 'am/ rab 'byor gyis gsol ba/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas kyang rigs kyi bu 'am/ rigs kyi bu mo gang ji skad bstan pa bzhin du shes rab kyi pha rol du phyin pa zab mo 'di la nyin gcig cig gnas te/ chos kyi sbyin pa sbyin par byed na/ de ches bsod nams mang du bskyed par 'gyur ro/ /de ci'i phyir zhe na/ rab 'byor 'di ltar byang chub sems dpa' sems dpa' chen po gang shes rab kyi pha rol du phyin pa dang bral ba de ni rnam pa thams cad mkhyen pa nyid dang bral ba yin la/ rab 'byor byang chub sems dpa' sems dpa' chen po</font><hr>35.213b<br><font size=+1>

gang shes rab kyi pha rol du phyin pa dang ma bral ba de ni rnam pa thams cad mkhyen pa nyid dang ma bral ba yin pa'i phyir te/ rab 'byor de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas shes rab kyi pha rol du phyin pa dang mi 'bral bar bya'o/ /rab 'byor 'di ji snyam du sems/ byang chub sems dpa' sems dpa' chen po gang shes rab kyi pha rol du phyin pa dang bral ba zhig gis bskal pa gang gA'i klung gi bye ma snyed du dran pa nye bar gzhag pa bzhi la brtson par byas pa dang / stong pa nyid dang / mtshan ma med pa dang / smon pa med pa'i ting nge 'dzin gyi bar dag la brtson par byas na/ rab 'byor 'di ji snyam du sems/ rigs kyi bu 'am/ rigs kyi bu mo de gzhi de las bsod nams mang du bskyed par 'gyur snyam 'am/ rab 'byor gyis gsol pa/ bcom ldan 'das mang lags so/ /bde bar gshegs ba mang lags so/ /bcom ldan 'das kyis bka' stsal pa/ rab 'byor de bas kyang rigs kyi bu 'am/ rigs kyi bu mo gang gis ji skad bstan pa'i shes rab kyi pha rol du phyin pa zab mo 'di dang / dran pa nye bar gzhag pa bzhi dang / sangs rgyas kyi chos ma 'dres pa bcwa brgyad kyi bar la nyin gcig brtson par byas na/ de nyid ches/ bsod nams mang du bskyed par 'gyur ro/ /de ci'i phyir zhe na/ rab 'byor byang chub sems dpa' sems dpa' chen po gang shes rab kyi pha rol du phyin pa dang ma bral ba/ rnam pa thams cad mkhyen pa nyid las phyir mi ldog pa de ni gnas ma yin/ skabs ma yin te/ de ni gnas med la/ rab 'byor byang chub sems dpa' sems dpa' chen po gang shes rab kyi pha rol du phyin pa dang bral ba rnam pa thams cad mkhyen pa nyid las phyir ldog pa ni gnas yin skabs yin te/ de ni gnas yod pa'i phyir ro/ /rab 'byor de lta bas na/ byang chub sems dpa' sems dpa' chen pos shes rab kyi pha rol du phyin pa dang mi 'bral bar bya'o/ /rab 'byor 'di ji snyam du sems/ byang chub sems dpa'</font><hr>35.214a<br><font size=+1>

sems dpa' chen po shes rab kyi pha rol du phyin pa dang bral ba gang zhig bskal pa gang gA'i klung gi bye ma snyed du gnas shing zang zing gi sbyin pa dang / chos kyi sbyin pa dang / nang du yang dag par 'jog pa dang ldan pa'i yid la byed pa de dag bla na med pa yang dag par rdzogs pa'i byang chub tu yongs su bsngo bar byed na/ rab 'byor 'di ji snyam du sems/ rigs kyi bu 'am/ rigs kyi bu mo de gzhi de las bsod nams mang du bskyed par 'gyur snyam 'am/ rab 'byor gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas kyang rigs kyi bu 'am/ rigs kyi bu mo gang nyin gcig cig shes rab kyi pha rol du phyin pa zab mo 'di la gnas te zang zing gi sbyin pa dang / chos kyi sbyin pa dang / shes rab kyi pha rol du phyin pa dang / nang du yang dag 'jog dang ldan pa'i yid la byed pa de dag bla na med pa yang dag par rdzogs pa'i byang chub tu yongs su bsngo bar byed na/ de ni ches bsod nams mang du skyed par 'gyur ro/ /de ci'i phyir zhe na/ rab 'byor 'di lta ste/ shes rab kyi pha rol du phyin pas yongs su bsngo ba 'di ni yongs su bsngo ba'i dam pa yin la/ gang shes rab kyi pha rol du phyin pa dang bral bas yongs su bsngo ba de ni yongs su bsngo ba ma yin pa'i phyir ro/ /rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ shes rab kyi pha rol du phyin pas yongs su bsngo ba la mkhas par bya'o/ /rab 'byor 'di ji snyam du sems/ rigs kyi bu 'am/ rigs kyi bu mo shes rab kyi pha rol du phyin pa dang bral ba gang la la zhig bskal pa gang gA'i klung gi bye ma snyed du gnas te/ 'das pa dang / ma byon pa dang / da ltar byung ba'i sangs rgyas bcom ldan 'das/ nyan thos kyi dge 'dun dang bcas pa rnams kyi dge ba'i rtsa ba gang</font><hr>35.214b<br><font size=+1>

ji snyed pa de dag thams cad la rjes su yi rang zhing / bla na med pa yang dag par rdzogs pa'i byang chub du yongs su bsngo bar byed na/ rab 'byor 'di ji snyam du sems/ rigs kyi bu 'am rigs kyi bu mo de gzhi de las bsod nams mang du skyed snyam 'am/ rab 'byor gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas kyang rigs kyi bu 'am/ rigs kyi bu mo gang ji skad bstan pa'i shes rab kyi pha rol du phyin pa 'di la nyin gcig cig gnas te/ dge ba'i rtsa ba de bla na med pa yang dag par rdzogs pa'i byang chub du yongs su bsngo bar byed na/ de nyid ches bsod nams mang du bskyed do/ /rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ shes rab kyi pha rol du phyin pas yongs su bsngo ba la mkhas par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gang mngon par 'du bgyid pa thams cad ni/ kun brtags pa'o/ /zhes bcom ldan 'das kyis bka' stsal ba/ ji ltar rigs kyi bu 'am/ rigs kyi bu mo bsod nams ches mang du bskyed par 'gyur ba lags/ bcom ldan 'das mngon par 'du bgyid pa/ ma mchis pas ni yang dag pa'i lta ba dang / skyon ma mchis par 'jug pa dang / rgyun du zhugs pa'i 'bras bu thob pa dang / de bzhin du bla na med pa yang dag par rdzogs pa'i byang chub kyi bar du mngon par rdzogs par 'tshang rgya bar rngo mi thogs lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ mngon par 'du byed pa med pas</font><hr>35.215a<br><font size=+1>

ni yang dag pa'i lta ba dang / skyon med par 'jug pa dang / rgyun du zhugs pa'i 'bras bu thob pa dang / bla na med pa yang dag par rdzogs pa'i byang chub kyi bar du mngon par rdzogs par 'tshang rgya bar mi nus so/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i mngon par 'du byed pa de yang stong pa nyid du snang ngo / /gsog nyid du snang ngo / /gsob nyid du snang ngo / /snying po med pa nyid du snang ngo / /de ci'i phyir zhe na/ rab 'byor 'di ltar byang chub sems dpa' sems dpa' chen pos nang stong pa nyid la shin du slabs shing de bzhin du sbyar te/ dngos po med pa'i ngo bo nyid stong pa nyid kyi bar la shin du bslabs pa'i phyir te/ rab 'byor byang chub sems dpa' sems dpa' chen po de stong pa nyid 'di la gnas nas/ ji lta ji ltar mngon par 'du byed pa de dag la so sor rtog pa de lta de ltar byang chub sems dpa' sems dpa' chen po shes rab kyi pha rol du phyin pa dang ma bral ba yin no/ /ji lta ji ltar byang chub sems dpa' sems dpa' chen po shes rab kyi pha rol du phyin pa dang ma bral ba de lta de ltar bsod nams grangs med pa dang / dpag tu med pa dang tshad med pa skyed pa yin no/ /rab 'byor gyis gsol pa bcom ldan 'das grangs ma mchis pa dang / dpag tu ma mchis pa dang / tshad ma mchis pa la bye brag ni ci mchis tha dad du bgyi ba ni ci mchis/ bcom ldan 'das kyis bka' stsal pa/ rab 'byor grangs med pa zhes bya ba ni gang la bgrang du med pa ste/ gang grangs kyi khams dang / grangs med pa'i khams kyi grangs su mi 'gro ba yin no/ /rab 'byor dpag tu med pa zhes bya ba ni 'das pa dang / ma 'ongs pa dang / da ltar byung ba'i chos rnams la gang gi tshad dmigs su med pa yin no/ /rab 'byor tshad med pa zhes bya ba ni tshad gzung bar mi nus pa gang yin pa'o/ /rab 'byor gyis gsol pa/ bcom ldan 'das rnam grangs gang gis gzugs kyang grangs ma mchis pa dang / dpag tu ma mchis pa dang / tshad ma mchis</font><hr>35.215b<br><font size=+1>

par 'gyur ba de lta bu ma mchis lags sam/ tshor ba dang / 'du shes dang / 'du byed rnams dang / rnam par shes pa yang grangs ma mchis pa dang /  tshad ma mchis par 'gyur ba de lta bu mchis lags sam/ bcom ldan 'das kyis bka' stsal pa rab 'byor rnam grangs gang gis gzugs kyang grangs med pa dang / dpag tu med pa dang / tshad med par 'gyur pa dang / tshor ba dang / 'du shes dang 'du byed rnams dang rnam par shes pa yang grangs med pa dang dpag tu med pa dang tshad med par 'gyur ba'i rnam grangs yod do/ /rab 'byor gyis gsol pa/ bcom ldan 'das rnam grangs gang gis na/ gzugs grangs ma mchis pa dang / dpag tu ma mchis pa dang / tshad ma mchis par 'gyur ba dang / tshor ba dang / 'du shes dang / 'du byed rnams dang / rnam par shes pa yang grangs ma mchis pa dang / dpag tu ma mchis pa dang tshad ma mchis par 'gyur ba lags/ bcom ldan 'das kyis bka' stsal pa/ rab 'byor gzugs ni stong pas na grangs med pa dang / dpag tu med pa dang / tshad med pa yin no/ /tshor ba dang / 'du shes dang / 'du byed rnams dang / rnam par shes pa yang stong pas na/ grangs med pa dang / dpag tu med pa dang / tshad med pa yin no/ /rab 'byor gyis gsol pa/ bcom ldan 'das ci gzugs kho na stong par bas kyi/ chos thams cad kyang de ltar stong pa ma lags sam/ tshor ba dang / 'du shes dang / 'du byed rnams dang rnam par shes pa kho na stong par bas kyi chos thams cad kyang de ltar stong pa ma lags sam/ bcom ldan 'das kyis bka' stsal pa/ rab 'byor 'di ji snyam du sems/ ngas chos thams cad stong ngo zhes ma bshad dam/ rab 'byor gyis gsol pa/ bcom ldan 'das de bzhin gshegs pas chos thams cad stong ngo / /zhes bka' stsal lags te/ bcom ldan 'das stong pa gang lags pa de ni bas ma 'tshal ba lags te/ grangs ma mchis pa yang de lags/ dpag tu ma mchis pa yang de lags/ tshad ma mchis pa yang de lags so/ /bcom ldan 'das</font><hr>35.216a<br><font size=+1>

stong pa nyid la ni grangs kyang dmigs su ma mchis/ dpag pa yang dmigs su ma mchis/ tshad kyang dmigs su ma mchis lags te/ bcom ldan 'das de ltar lags pas/ chos de dag la ni don tam/ tshig 'brus tha dad du bgyi ba mi dmigs lags so/ /bcom ldan 'das kyis bka' stsal pa rab 'byor de de bzhin no/ /de de bzhin te/ chos de dag la ni don nam/ tshig 'brus tha dad du bya ba dmigs su med do/ /rab 'byor de ni brjod du med pa las de bzhin gshegs pas mi zad pa zhes bya ba 'am/ grangs med pa zhes bya ba 'am/ tshad med pa zhes bya ba 'am/ stong pa zhes bya ba 'am/ mtshan ma med pa zhes bya ba 'am/ smon pa med pa zhes bya ba 'am/ mngon par 'du byed pa med pa zhes bya ba 'am/ skye ba med pa zhes bya ba 'am/ 'dod chags dang bral ba zhes bya ba 'am/ 'gog pa zhes bya ba 'am/ mya ngan las 'das pa zhes bya bar brjod cing zad pa zhes bya ba 'am/ mya ngan las 'das pa zhes bya ba'i bar de ni de bzhin gshegs pa'i bshad pa'i rgyu 'thun par bstan pa yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to bcom ldan 'das ji tsam du de bzhin gshegs pas chos rnams kyi chos nyid 'di bka' stsal la/ chos nyid de yang brjod du ma mchis pa ni ngo mtshar lags so/ /bcom ldan 'das bdag gis bcom ldan 'das kyis gsungs pa'i don 'tshal ba ltar na/ chos thams cad ni brjod du ma mchis pa nyid lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor chos thams cad ni brjod du med pa yin te/ rab 'byor chos thams cad kyi brjod du med pa nyid gang yin pa de ni stong pa nyid yin la stong pa nyid kyang brjod par mi nus so/ /rab 'byor gyis gsol pa/ bcom ldan 'das ci brjod du ma mchis pa'i don la 'phel ba 'am yongs su 'grib pa ma mchis lags sam/ bcom</font><hr>35.216b<br><font size=+1>

ldan 'das kyis bka' stsal pa/ rab 'byor brjod du med pa'i don la ni 'phel ba 'am yongs su 'grib pa med do/ /rab 'byor gyis gsol pa/ bcom ldan 'das gal te brjod du ma mchis pa'i don la 'phel ba ma mchis shing yongs su 'grib pa ma mchis su lags na ni/ bcom ldan 'das sbyin pa'i pha rol du phyin pa yang 'phel ba ma mchis pa dang / yongs su 'grib pa ma mchis par 'gyur lags so/ /bcom ldan 'das de bzhin du shes rab kyi pha rol du phyin pa'i bar la yang 'phel ba ma mchis shing yongs su 'grib pa ma mchis par 'gyur lags so/ /dran pa nye bar gzhag pa bzhi la yang 'phel ba ma mchis shing yongs su 'grib pa ma mchis par 'gyur lags so/ /'phags pa'i lam yan lag brgyad pa'i bar la yang 'phel ba ma mchis shing yongs su 'grib pa ma mchis par 'gyur lags so/ /rnam par thar pa'i sgo rnams la yang 'phel ba ma mchis shing yongs su 'grib pa ma mchis par 'gyur lags so/ /rnam par thar pa brgyad la yang 'phel ba ma mchis shing yongs su 'grib pa ma mchis par 'gyur lags so/ /mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi la yang 'phel ba ma mchis shing yongs su 'grib pa ma mchis par 'gyur lags so/ /sangs rgyas kyi chos ma 'dres pa bcwa brgyad la yang 'phel ba ma mchis shing yongs su 'grib pa ma mchis par 'gyur lags so/ /bcom ldan 'das gal te de ltar pha rol du phyin pa drug dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi bar la yang 'phel ba ma mchis shing yongs su 'grib pa ma mchis lags na ni/ rnam pa thams cad mkhyen pa nyid kyang bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba can du mi 'gyur lags so/ /bcom ldan 'das kyis bka' stsal pa/ rab 'byor de de bzhin no/ /de de</font><hr>35.217a<br><font size=+1>

bzhin no/ brjod du med pa'i don la ni 'phel ba 'am yongs su 'grib pa med do/ /rab 'byor gal te byang chub sems dpa' sems dpa' chen po shes rab kyi pha rol du phyin pa la spyod cing / shes rab kyi pha rol du phyin pa la sgom pa/ shes rab kyi pha rol du phyin pa la brtson par byed pa na/ thabs la mkhas pas 'di snyam du bdag ni shes rab kyi pha rol du phyin pas rnam par 'phel lo/ /bdag ni sbyin pa'i pha rol du phyin pa'i bar gyis rnam par 'phel lo snyam du mi sems te/ 'on kyang 'di snyam du sbyin pa'i pha rol du phyin pa gang yin pa 'di ni ming tsam mo snyam du sems shing / de sbyin pa'i pha rol du phyin pa la spyod pa na/ yid la byed pa de dag dang / sems bskyed pa de dag dang dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo bar byed do/ /bla na med pa yang dag par rdzogs pa'i byang chub ji lta ba de ltar yongs su bsngo bar byed do/ /de bzhin du sbyar te/ shes rab kyi pha rol du phyin pa la spyod pa na yang yid la byed pa de dag dang / sems bskyed pa de dag dang / dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar byed de/ bla na med pa yang dag par rdzogs pa'i byang chub ji lta ba de ltar yongs su bsngo bar byed do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das bla na med pa yang dag par rdzogs pa'i byang chub ji lta bu lags/ bcom ldan 'das kyis bka' stsal pa/ rab 'byor chos thams cad kyi de bzhin nyid ji lta bu yin pa bla na med pa yang dag par rdzogs pa'i byang chub kyang de lta bu yin no/ /rab 'byor gyis gsol pa/ bcom ldan 'das chos thams cad kyi de bzhin nyid ji lta bu zhig bla na med pa yang dag par rdzogs pa'i byang chub lags/ bcom ldan 'das kyis bka' stsal pa/ rab 'byor gzugs kyi de bzhin nyid gang</font><hr>35.217b<br><font size=+1>

yin pa dang / mya ngan las 'das pa'i bar gyi de bzhin nyid gang yin pa de bla na med pa yang dag par rdzogs pa'i byang chub yin te/ de la de ni 'phel ba yang med yongs su 'grib pa yang med do/ /rab 'byor byang chub sems dpa' sems dpa' chen po shes rab kyi pha rol du phyin pa dang ma bral ba ni/ de la yang dang yang du lan mang du gnas kyang chos gang yang 'phel ba 'am yongs su 'grib pa yang dag par rjes su mi mthong ngo / /rab 'byor de ltar na brjod du med pa'i don la ni 'phel ba yang med/ yongs su 'grib pa yang med la/ rab 'byor de bzhin du sbyin pa'i pha rol du phyin pa la yang 'phel ba yang med yongs su 'grib pa yang med do/ /shes rab kyi pha rol du phyin pa'i bar la yang med yongs su 'grib pa yang med do/ /de bzhin du sbyar te so so yang dag par rig pa rnams la yang 'phel ba yang med/ yongs su 'grib pa yang med de/ rab 'byor byang chub sems dpa' sems dpa' chen pos de ltar 'phel ba dang yongs su 'grib pa/ med pa'i tshul gyis shes rab kyi pha rol du phyin pa la spyad par bya'o/ /rab 'byor gyis gsol pa/ bcom ldan 'das ci byang chub sems dpa' sems dpa' chen po sems bskyed pa dang pos bla na med pa yang dag par rdzogs pa'i byang chub mngon par rdzogs par 'tshang rgya lags sam/ 'on te sems bskyed pa slad mas byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya lags so/ /bcom ldan 'das gal te sems bskyed pa dang pos byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya zhes bgyir ni sems bskyed pa dang po de yang sems bskyed pa slad ma dang mi mjal la/ sems bskyed pa slad ma yang sems bskyed pa dang po dang mi mjal te/ bcom ldan 'das de ltar sems dang sems las byung ba'i chos rnams mi mjal lags na/ dge ba'i rtsa ba dag sogs par yang ji ltar 'gyur lags dge ba'i rtsa ba</font><hr>35.218a<br><font size=+1>

dag ma bsags par ni bla na med pa yang dag par rdzogs pa'i byang chub mngon par rdzogs par 'tshang rgya bar yang rngo mi thogs lags so/ /bcom ldan 'das kyis bka' stsal pa/ rab 'byor 'di la skyes bu mkhas pa la la dag ni dpes bshad pa'i don shes par 'gyur bas na/ de'i phyir 'di lta ste/ bshad pa 'di'i don shes par bya ba'i phyir khyod la dpe bstan par bya'o/ /rab 'byor 'di ji snyam du sems/ 'bru mar gyi mar me 'bar bas snying po sreg pa na/ me lce dang po dang phrad pas snying po tshig gam 'on te me lce phyi ma dang phrad pas snying po de tshig snyam 'am/ rab 'byor gyis gsol pa/ bcom ldan 'das me lce dang po dang mjal bas kyang snying po tshig pa ma lags la/ bcom ldan 'das me lce dang po la ma brten par yang snying po de tshig par mi 'gyur lags so/ /bcom ldan 'das me lce slad ma dang mjal bas kyang snying po de tshig pa ma lags la/ bcom ldan 'das me lce slad ma dang mjal ba la ma brten par yang snying po de tshig par mi 'gyur lags so/ /bcom ldan 'das kyis bka' stsal pa/ rab 'byor 'di ji snyam du sems/ snying po de tshig gam mi tshig snyam/ rab 'byor gyis gsol pa/ bcom ldan 'das tshig lags so/ /bde bar gshegs pa tshig lags so/ /bcom ldan 'das kyis bka' stsal pa/ rab 'byor de bzhin du sems bskyed pa dang pos kyang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi rgya la/ sems bskyed pa dang po la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi rgya zhing / sems bskyed pa phyi mas kyang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi rgya la sems bskyed pa phyi ma la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par</font><hr>35.218b<br><font size=+1>

'tshang mi rgya mod kyi 'on kyang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi rgya ba yang ma yin te/ rab 'byor byang chub sems dpa' sems dpa' chen po shes rab kyi pha rol du phyin pa 'di la spyod cing / sems dang po bskyed pa nas nye bar bzung ste/ sa bcu pa'i bar du yongs su rdzogs par byas nas/ bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor gyis gsol pa/ bcom ldan 'das byang chub sems dpa' sems dpa' chen chen pos sa bcu po gang dag yongs su rdzogs par bgyis nas/ bla na med pa yang dag par rdzogs pa'i byang chub mngon par rdzogs par 'tshang rgya'o/ /lags bcom ldan 'das kyis bka' stsal pa/ rab 'byor byang chub sems dpa' sems dpa' chen pos dkar po rnam par mthong ba'i sa yongs su rdzogs par byas nas/ bla na med pa yang dag par rdzogs pa'i byang chub mngon par rdzogs par 'tshang rgya'o/ /byang chub sems dpa' sems dpa' chen pos rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa yongs su rdzogs par byas nas/ bla na med pa yang dag par rdzogs pa'i byang chub mngon par rdzogs par 'tshang rgya'o/ /byang chub sems dpa' sems dpa' chen pos rang sangs rgyas kyi sa yongs su rdzogs par byas nas/ bla na med pa yang dag par rdzogs pa'i byang chub mngon par rdzogs par 'tshang rgya'o/ /byang chub sems dpa' sems dpa' chen pos byang chub sems dpa'i sa yongs su rdzogs par byas nas/ bla na med pa yang dag par rdzogs pa'i byang chub mngon par rdzogs par 'tshang rgya'o/ /byang chub sems dpa' sems dpa' chen pos sangs rgyas kyi sa yongs su rdzogs par byas nas/ bla na med pa yang dag par rdzogs pa'i byang chub mngon par rdzogs par 'tshang rgya ste/ de la byang chub sems dpa' sems dpa'</font><hr>35.219a<br><font size=+1>

chen po sa bcu po dag la slob pa na/ sems bskyed pa dang pos kyang bla na med pa yang dag par rdzogs pa'i byang chub mngon par rdzogs par 'tshang mi rgya la/ sems bskyed pa dang po la ma brten par yang bla na med pa yang dag par rdzogs pa'i byang chub mngon par rdzogs par 'tshang mi rgya zhing / sems bskyed pa phyi mas kyang ma yin la/ sems bskyed pa phyi ma la ma brten par yang bla na med pa yang dag par rdzogs pa'i byang chub mngon par rdzogs par 'tshang mi rgya mod kyi/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang yang rgya'o/ /rab 'byor gyis gsol pa/ bcom ldan 'das sems bskyed pa dang pos kyang ma lags la/ sems bskyed pa dang po la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi rgya ba dang / bcom ldan 'das de ltar sems bskyed pa slad mas kyang ma lags la/ sems bskyed pa slad ma la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi rgya yang / byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya ba yang mchis pa'i rten cing 'brel par 'byung ba de ni zab lags so/ /bcom ldan 'das kyis bka' stsal pa/ rab 'byor 'di ji snyam du sems/ sems gang 'gag pa de phyir skye bar 'gyur snyam 'am/ rab 'byor gyis gsol pa/ bcom ldan 'das de ni ma lags so/ /bka' stsal pa/ rab 'byor 'di ji snyam du sems/ sems gang skyes pa de 'gag pa'i chos can yin snyam 'am/ gsol pa/ bcom ldan 'das 'gag pa'i chos can lags so/ /bde bar gshegs pa 'gag pa'i chos can lags so/ /bka' stsal pa/ rab 'byor 'di ji snyam du sems/ gang 'gag pa'i chos can de 'gag par 'gyur snyam 'am/ gsol pa bcom ldan 'das de ni ma lags so/ /</font><hr>35.219b<br><font size=+1>

bka' stsal pa/ rab 'byor 'di ji snyam du sems/ de bzhin nyid ji lta ba de ltar gnas par 'gyur snyam 'am/ gsol pa/ bcom ldan 'das de bzhin nyid ji lta ba de ltar gnas par 'gyur lags so/ /bka' stsal pa/ rab 'byor gal te de bzhin nyid ji lta ba de ltar gnas par 'gyur na/ de ther zug tu gnas par mi 'gyur ram/ gsol pa bcom ldan 'das de ni ma lags so/ /bka' stsal pa/ rab 'byor 'di ji snyam du sems de bzhin nyid zab snyam 'am gsol pa/ bcom ldan 'das zab lags so/ /bka' stsal pa/ rab 'byor 'di ji snyam du sems/ sems de bzhin nyid yin snyam 'am/ gsol pa bcom ldan 'das de ni ma lags so/ /bka' stsal pa/ rab 'byor 'di ji snyam du sems/ de bzhin nyid las sems de gzhan zhig yin snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'di ji snyam du sems/ de bzhin nyid la sems yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'di ji snyam du sems/ sems la de bzhin nyid yod snyam 'am/ gsol pa bcom ldan 'das de ni ma lags so/ /bka' stsal pa/ rab 'byor 'di ji snyam du sems/ de bzhin nyid kyis de bzhin nyid yang dag par rjes su mthong snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor di ji snyam du sems/ gang de ltar spyod pa de shes rab kyi pha rol du phyin pa zab mo la spyod pa yin snyam 'am/ gsol pa/ bcom ldan 'das gang de ltar spyod pa de ni shes rab kyi pha rol du phyin pa zab mo la spyod pa lags so/ /bka' stsal pa/ rab 'byor 'di ji snyam du sems gang de ltar spyod pa de ci zhig la spyod snyam/ gsol pa bcom ldan 'das gang de ltar spyod pa de ni ci la yang mi spyod lags so de ci'i slad du zhe na bcom ldan 'das 'di</font><hr>35.220a<br><font size=+1>

ltar de bzhin nyid la gnas pa'i byang chub sems dpa' sems dpa' chen po shes rab kyi pha rol du phyin pa la spyod pa la ni rgyu ba de dag mi 'byung zhing kun du mi spyod pa'i slad du'o/ /de ci'i slad du zhe na/ bcom ldan 'das de bzhin nyid ni gang la yang kun du spyod pa ma mchis la/ de la yang su yang kun du spyod pa ma mchis pa'i slad du'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po gang shes rab kyi pha rol du phyin pa 'di la spyod pa de gang zhig la spyod pa yin/ gsol pa bcom ldan 'das de ni gang la gnyis kun du 'byung ba ma mchis pa'i don dam pa la spyod pa lags so/ /bka' stsal pa rab 'byor 'di ji snyam du sems/ gang don dam pa la spyod pa de kun du 'byung ba la spyod pa dang mtshan ma la spyod pa yin snyam 'am/ gsol pa bcom ldan 'das de ni ma lags so/ /bka' stsal pa rab 'byor 'di ji snyam du sems/ de mtshan mar 'du shes pa rnam par bshig pa yin snyam 'am gsol pa bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'o na byang chub sems dpa' sems dpa' chen pos mtshan ma'i 'du shes de ji ltar rnam par bshig /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa ni 'di snyam du mtshan ma ni bsgom par bgyi'o zhe 'am/ mtshan ma ma mchis pa ni rnam par gzhig par bgyi'o zhes bgyi bar sbyor bar mi bgyid lags so/ /bcom ldan 'das byang chub sems dpa' sems dpa' chen po shes rab kyi pha rol du phyin pa 'di la spyod pa ni/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa</font><hr>35.220b<br><font size=+1>

chen po dang / snying rje chen po dang / sangs rgyas kyi chos ma 'dres pa bcwa brgyad yongs su ma rdzogs par bla na med pa yang dag par rdzogs pa'i byang chub mngon par rdzogs par 'tshang mi rgya ste/ bcom ldan 'das de ni byang chub sems dpa' sems dpa' chen po dang / thabs la mkhas pa lags te/ thabs la mkhas pa des chos gang yang bsgom par yang mi bgyid/ rnam par 'jig par yang mi bgyid lags so/ /de ci'i slad du zhe na/ bcom ldan 'das 'di ltar byang chub sems dpa' sems dpa' chen pos chos thams cad kyi rang gi mtshan nyid stong pa nyid du rtogs pa'i slad du ste/ rang gi mtshan nyid stong pa nyid de la gnas nas/ sems can rnams kyi ched du ting nge 'dzin gang dag gis sems can rnams yongs su smin par bgyid pa'i ting nge 'dzin gsum la snyoms par 'jug lags na/ bcom ldan 'das ji ltar byang chub sems dpa' sems dpa' chen pos sems can rnams kyi ched du ting nge 'dzin gsum la snyoms par 'jug pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po ting nge 'dzin gsum la gnas shing sems can smon pa med pa la sbyor bar byed do/ /sems can rnam par rtog pa la spyod pa dag ni byang chub sems dpas stong pa nyid la 'god par byed do/ /sems can mtshan ma la spyod pa dag ni mtshan ma med pa la 'god par byed de/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa ni 'di ltar/ ting nge 'dzin gsum po dag gis sems can rnams yongs su smin par byed do/ /shes rab kyi pha rol du phyin pa khri brgyad stong pa las thabs la mkhas pa bstan pa'i le'u zhes bya ste lnga bcu rtsa gcig pa'o// // de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po gang zhig rmi lam na stong pa nyid dang / </font><hr>35.221a<br><font size=+1>

mtshan ma med pa dang / smon pa med pa'i ting nge 'dzin gsum la snyoms par zhugs na/ de shes rab kyi pha rol du phyin pas rnam par 'phel lam/ de skad ces smras pa dang / tshe dang ldan pa rab 'byor kyis tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu gal te nyin par bsgoms pas rnam par 'phel na/ de bzhin du rmi lam na yang rnam par 'phel lo/ /de ci'i phyir zhe na/ tshe dang ldan pa shA ri'i bu rmi lam dang / nyin par ni rnam par rtog pa med pa'i phyir ro/ /tshe dang ldan pa shA ri'i bu gal te byang chub sems dpa' sems dpa' chen po gang nyin par shes rab kyi pha rol du phyin pa la sgom zhing spyod pa de la shes rab kyi pha rol du phyin pa sgom pa yod na ni/ de'i phyir byang chub sems dpa' sems dpa' chen po'i rmi lam na yang shes rab kyi pha rol du phyin pa sgom pa yod par 'gyur ro/ /de skad ces smras pa dang / tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen pos rmi lam du las shig byas na/ las de la sogs pa 'am/ 'bri bar 'gyur ba yod dam rab 'byor gyis smras pa/ tshe dang ldan pa shA ri'i bu gal te bcom ldan 'das kyis chos thams cad rmi lam lta bur gsungs na ni/ de la sogs pa 'am 'bri bar 'gyur ba med do/ /de ci'i phyir zhe na/ rmi lam la chos gang yang sogs pa 'am 'bri ba dmigs su med pa'i phyir ro/ /shA ri'i bus smras pa/ tshe dang ldan pa rab 'byor gal te sad nas rnam par rtog na ni las de la sogs pa 'am 'bri ba yang yod do/ /de nas tshe dang ldan pa rab 'byor gyis tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu gang gis nyin par srog bcad pa dang / gang gi rmi lam na srog bcad de sad nas/ bdag gis de bsad do/ /bdag gis de legs par bsad do snyam du rnam par rtog na/ tshe dang ldan pa shA ri'i bu las de la khyod ji skad smra/ shA ri'i bus smras pa/ tshe dang ldan pa rab 'byor dmigs pa med par las mi 'byung / dmigs pa med par sems pa mi</font><hr>35.221b<br><font size=+1>

'byung ste/ dmigs pa dang bcas pa nyid las las 'byung zhing / dmigs pa dang bcas pa nyid las sems pa 'byung ngo / /rab 'byor gyis smras pa/ tshe dang ldan pa shA ri'i bu de de bzhin no/ /de de bzhin te/ dmigs pa med par las mi 'byung zhing / dmigs pa med par sems pa mi 'byung ste/ tshe dang ldan pa shA ri'i bu dmigs pa dang bcas pa nyid las las 'byung gi dmigs pa med par ni ma yin no/ /dmigs pa dang bcas pa nyid las sems pa 'byung gi dmigs pa med par ni ma yin te/ mthong ba dang / mthos pa dang / bye brag phyed pa dang / rnam par rig pa'i chos rnams la blo 'jug gi/ ma thong ba dang / ma thos pa dang / bye brag ma phyed pa dang / rnam par ma rig pa'i chos rnams la ni blo mi 'jug go/ /de la blo la la ni kun nas nyon mongs pa yongs su 'dzin to/ /blo la la ni rnam par byang ba yongs su 'dzin to/ /tshe dang ldan pa shA ri'i bu de lta bas na dmigs pa dang bcas pa nyid las las 'byung gi dmigs pa med par ni ma yin no/ /dmigs pa dang bcas pa nyid las sems pa 'byung ngo / /dmigs pa med par ni ma yin no/ /shA ri'i bus smras pa/ tshe dang ldan pa rab 'byor las thams cad dang / sems pa thams cad ni dben pa'o zhes bcom ldan 'das kyis gsungs na de ji ltar na dmigs pa dang bcas pa nyid las las 'byung gi/ dmigs pa med par ni ma yin zhing dmigs pa dang bcas pa nyid las sems pa 'byung gi/ dmigs pa med par ni ma yin/ rab 'byor gyis smras pa/ tshe dang ldan pa shA ri'i bu byis pa so so'i skye bo rnams ni mtshan mar byas nas/ las rnams mngon par 'du byed de/ dmigs pa dang bcas pa nyid las las 'byung gi/ dmigs pa med par ni ma yin no/ /dmigs pa dang bcas pa nyid las sems pa 'byung gi/ dmigs pa med par ni ma yin no/ /de skad ces smras pa dang / tshe dang ldan pa shA ri'i</font><hr>35.222a<br><font size=+1>

bus tshe dang ldan pa rab 'byor la 'di skad ces smras so/ /tshe dang ldan pa rab 'byor gal te/ byang chub sems dpa' sems dpa' chen po rmi lam na sbyin pa sbyin/ tshul khrims bsrungs/ bzod pa sgom brtson 'grus brtsom/ bsam gtan la snyoms par 'jug /shes rab sgom zhing dge ba'i rtsa ba de yang bla na med pa yang dag par rdzogs pa'i byang chub du yongs su bsngos na/ bla na med pa yang dag par rdzogs pa'i byang chub du yongs su bsngos par 'gyur ram/ rab 'byor gyis smras pa/ tshe dang ldan pa shA ri'i bu byang chub sems dpa' sems dpa' chen po byams pa ni skye ba gcig gis thogs shing / bcom ldan 'das kyis phyir mi ldog par lung bstan pa ste/ 'di mngon sum du gyur gyis 'di la dris shig dang / des lan ldon par 'gyur ro/ /de nas tshe dang ldan pa shA ri'i bus byang chub sems dpa' sems dpa' chen po byams pa la 'di skad ces smras so/ /rigs kyi bu gnas brtan rab 'byor 'di 'di skad du byang chub sems dpa' sems dpa' chen po byams pa ni skye ba gcig gis thogs shing / bcom ldan 'das kyis phyir mi ldog par lung bstan pa ste/ 'di mngon sum du gyur gyis 'di la dris shig dang / des lan ldon par 'gyur ro zhes zer ro/ /de skad ces smras pa dang / byang chub sems dpa' sems dpa' chen po byams pas/ tshe dang ldan pa shA ri'i bu la 'di skad ces smras so/ /btsun pa shA ri'i bu 'di ji snyam du sems gang 'di byang chub sems dpa' sems dpa' chen po byams pa zhes bya ba'i ming gis lan ldon par 'gyur snyam 'am/ 'on te gzugs kyis lan ldon par 'gyur snyam 'am/ tshor ba dang / 'du shes dang / 'du byed rnams dang / rnam par shes pas lan ldon par 'gyur snyam 'am/ 'on te gzugs kyi stong pa nyid kyis lan ldon par 'gyur snyam 'am/ tshor ba dang / 'du shes dang / 'du byed rnams dang / rnam par</font><hr>35.222b<br><font size=+1>

shes pa'i stong pa nyid kyis lan ldon par 'gyur snyam 'am/ gzugs kyi stong pa nyid gang yin pa des ni lan ldon par mi nus la/ tshor ba dang 'du shes dang / 'du byed rnams dang / rnam par shes pa'i stong pa nyid gang yin pa des kyang lan ldon par mi nus te kho bos ni gang lan glon par byed pa dang / gang lan glan par bya ba dang gang la lan glan par bya ba'i chos de dag yang dag par rjes su mi mthong ste kho bos ni gang bla na med pa yang dag par rdzogs pa'i byang chub tu lung bstan pa dang / gang gis lung bstan pa dang / gang du lung bstan pa'i chos de dag kyang yang dag par rjes su mi mthong ste chos de dag thams cad ni gnyis su med de/ gnyis su dbyer med pas na kho bos chos de dag ni yang dag par rjes su ma mthong ngo / de nas tshe dang ldan pa shA ri'i bus byang chub sems dpa' sems dpa' chen po byams pa la 'di skad ces smras so rigs kyi bu chos de dag ji skad bshad pa de bzhin du khyod kyis chos de dag mngon sum du byas sam/ byams pas smras pa/ btsun pa shA ri'i bu chos de dag ji ltar kho bos smras pa de ltar chos de dag kho bos mngon sum du byas pa med de/ /de nas tshe dang ldan pa shA ri'i bu 'di snyam du sems te/ kye ma byang chub sems dpa' sems dpa' chen po byams pa 'di ni shes rab zab pa ste/ ji ltar sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyad spyad pa/ dmigs pa med par spyad pa'i bstan pa ni de yin no snyam mo/ /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu 'di ji snyam du sems/ chos gang gis khyod dgra bcom par brjod pa'i chos de khyod kyis yang dag par rjes su mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa yang 'di snyam du/ chos 'di ni bla na med pa yang dag par rdzogs pa'i byang chub tu lung bstan pa'o/ /chos</font><hr>35.223a<br><font size=+1>

'di ni lung bstan par bya ba'o/ /chos 'di ni lung bstan par 'gyur ba'o snyam du mi sems te/ de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la spyod pa yin no/ /de ni bdag bla na med pa yang dag par rdzogs pa'i byang chub mngon par rdzogs par 'tshang mi rgya bar mi 'gyur grang snyam du the tshom za bar mi 'gyur te/ bla na med pa yang dag par rdzogs pa'i byang chub mngon par rdzogs par 'tshang rgya'o/ /shA ri'i bu byang chub sems dpa' sems dpa' chen po gang de ltar spyod pa de ni shes rab kyi pha rol du phyin pa la spyod pa yin no/ /shA ri'i bu de ltar spyod pa'i byang chub sems dpa' sems dpa' chen po ni bdag bla na med pa yang dag par rdzogs pa'i byang chub mngon par rdzogs par 'tshang mi rgya bar mi 'gyur ro zhes mi skrag mi dngang zhing / dngang bar mi 'gyur te/ bla na med pa yang dag par rdzogs pa'i byang chub mngon par rdzogs par 'tshang rgya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po ji ltar pha rol du phyin pa drug yongs su rdzogs par bgyid cing / rnam pa thams cad mkhyen pa nyid dang yang nye bar gyur pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po sbyin pa'i pha rol du phyin pa la spyod pas/ sems can bkres pa rnams mthong ngam/ sems can skom pa rnams dang / gos ngan pa rnams dang / bgo ba ngan pa rnams dang / mal cha ngan cing mal chas phongs pa dag mthong na/ 'di snyam du ci nas kyang bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na sems can rnams la skyon 'di lta bu dag thams cad kyi thams cad du med cing mi 'byung ba dang sangs rgyas kyi zhing de'i sems</font><hr>35.223b<br><font size=+1>

can rnams rgyal chen bzhi'i ris dang / sum bcu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyi longs spyod pa dang / yongs su spyod pa dang / ji lta de lta bu'i longs spyod pa dang / yongs su spyod pa dag dang ldan par 'gyur ba de ltar sbyin pa'i pha rol du phyin pa la spyad par bya'o snyam du nye bar brtag par bya ste/ rab 'byor byang chub sems dpa' sems dpa' chen po de ltar sbyin pa'i pha rol du phyin pa la spyod pa ni/ sbyin pa'i pha rol du phyin pa yongs su rdzogs par byed pa yin no/ /rab 'byor gzhan yang byang chub sems dpa' sems dpa' chen po tshul khrims kyi pha rol du phyin pa la spyod pas sems can srog gcod pa rnams mthong zhing / log par lta ba'i bar gyi sems can dag mthong ngam/ sems can tshe thung ba rnams dang / mdog ngan pa rnams dang / dbang thang chung ba rnams dang / gnod pa mang ba rnams dang / gzi brjid chung ba rnams dang / longs spyod chung ba rnams dang / rigs ngan pa rnams dang / yan lag ma tshang ba dag mthong na/ 'di snyam du ci nas kyang bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na sems can rnams la skyon de lta bu dag thams cad kyi thams cad du med cing mi 'byung bar gyur cig /ces nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni tshul khrims kyi pha rol du phyin pa yongs su rdzogs par byed pa yin no/ /rab 'byor gzhan yang byang chub sems dpa' sems dpa' chen po bzod pa'i pha rol du phyin pa la spyod pas sems can gcig la gcig gnod par sems shing / shing dang / bong ba dang / mtshon chas 'debs pa dang / srog gi bar chad byed pa dag mthong na/ 'di snyam du ci nas kyang bdag bla na med</font><hr>35.224a<br><font size=+1>

pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de ni/ sems can rnams la skyon 'di lta bu dag thams cad kyi thams cad du med cing mi 'byung ba dang / sems can thams cad kyang pha ma lta bu'i sems dang spun dang / sring mo lta bu'i sems su 'gyur ba dang / byams pa'i sems dang / phan pa'i sems su 'gyur ba de ltar byang chub la spyod par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni bzod pa'i pha rol du phyin pa yongs su rdzogs par byed cing / bla na med pa yang dag par rdzogs pa'i byang chub dang nye bar gyur pa yin no/ /rab 'byor gzhan yang byang chub sems dpa' sems dpa' chen po brtson 'grus kyi pha rol du phyin pa la spyod pas sems can brtson 'grus zhan pa rnams dang / le lo can dag mthong ngam/ theg pa gsum la dga' ba med pa rnams dang / theg pa gsum la rgyab kyis phyogs pa rnams dang / nyan thos kyi theg pa 'am/ rang sangs rgyas kyi theg pa 'am/ sangs rgyas kyi theg pa la 'jug pa dang ring du gyur pa dag mthong na/ 'di snyam du ci nas kyang bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ sems can rnams la skyon 'di lta bu dag thams cad kyi thams cad du med cing mi 'byung ba dang / sems can thams cad kyang brtson 'grus brtan pa rtsom zhing theg pa gsum po nyan thos kyi theg pa 'am/ rang sangs rgyas kyi theg pa 'am/ theg pa chen po gang yang rung bas yongs su mya ngan las 'da' bar 'gyur ba de ltar brtson 'grus kyi pha rol du phyin pa la spyad par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni brtson 'grus kyi pha rol du phyin pa yongs su rdzogs par byed cing / bla na med pa yang dag par rdzogs pa'i byang chub dang nye bar gyur pa yin no/ /rab 'byor</font><hr>35.224b<br><font size=+1>

gzhan yang byang chub sems dpa' sems dpa' chen po bsam gtan gyi pha rol du phyin pa la spyod pas/ sems can sgrib pa lnga po 'dod pa la 'dun pa dang / gnod sems dang / rmugs pa dang / gnyid dang / rgod pa dang 'gyod pa dang / the tshom gyis bsgribs pa dag mthong ngam/ sgrib pa lnga po de dag la zhugs pa dag mthong ngam/ bsam gtan dang po dang bral ba dang / bsam gtan bzhi pa'i bar dag dang bral ba dag mthong ngam/ byams pa dang / snying rje dang / dga' ba dang / btang snyoms dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / ci yang med pa'i skye mched kyi snyoms par 'jug pa dang 'du shes med 'du shes med min skye mched kyis snyoms par 'jug pa dang bral ba dag mthong na 'di snyam du ci nas kyang bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ sems can rnams la skyon 'di lta bu dag thams cad du thams cad med cing mi 'byung ba de ltar bsam gtan gyi pha rol du phyin pa la spyad par bya zhing / sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni bsam gtan gyi pha rol du phyin pa yongs su rdzogs par byed cing / bla na med pa yang dag par rdzogs pa'i byang chub dang nye bar gyur pa yin no/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ sems can 'chal pa'i shes rab can rnams mthong ngam/ 'jig rten dang 'jig rten las 'das pa'i yang dag pa'i lta ba dang bral ba dag dang / bya ba ma yin pa smra ba rnams dang yod par smra ba rnams dang med par smra ba rnams dang rtag par smra ba rnams dang / chad par smra ba'i sems can rnams mthong na/ 'di snyam du ci nas kyang bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na ci nas kyang / </font><hr>35.225a<br><font size=+1>

sems can rnams la skyon 'di lta bu dag thams cad kyi thams cad du med cing mi 'byung ba dang / ji ltar spyad pas sangs rgyas kyi zhing yongs su dag par bya ba dang / sems can rnams yongs su smin par bya ba de ltar pha rol du phyin pa drug po dag la spyad par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni shes rab kyi pha rol du phyin pa yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /'phags pa shes rab kyi pha rol du phyin pa khri brgyad stong pa/ bam po sum bcu rtsa dgu pa/ rab 'byor gzhan yang byang chub sems dpa' sems dpa' chen po pha rol du phyin pa drug la spyod pas sems can phung po gsum po yang dag pa nyid du nges pa dang / log pa nyid du nges pa dang / ma nges pa la zhugs pa dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de ni/ ci nas kyang tha na sems can log pa nyid du nges pa dang / ma nges pa dag gi sgra yang med cing mi 'byung bar 'gyur ba de lta de ltar bdag gis/ pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can dmyal ba pa rnams mthong ngam/ dud 'gro'i skye gnas su skyes pa rnams sam/ gshin rje'i 'jig rten pa rnams mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang tha na ngan song gsum po dag</font><hr>35.225b<br><font size=+1>

gi sgra yang med cing mi 'byung bar 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o/ /snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas sa chen po 'di la sdong dum dang / tsher ma dang / gcong rong dang / bya skyibs dang / g.yang sa dang / gtor khung nas 'bab pa dang / gcin rtug gi khung dag mthong na 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang sems can rnams la skyon 'di lta bu dag med cing mi 'byung ba dang /[ ]bdag gi sangs rgyas kyi zhing de lag mthil ltar mnyam par 'gyur ba de lta de ltar/ bdag gis pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o/ snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sa chen po 'di sa 'jim las grub cing / gser dngul dang bral bar mthong na 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de'i sa chen po de ci nas kyang gser gyi bye mas kun du khebs par 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o/ /</font><hr>35.226a<br><font size=+1>

snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / bla na med pa yang dag par rdzogs pa'i byang chub dang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can yongs su 'dzin par gyur pa dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang sems can rnams yongs su 'dzin pa med cing mi 'byung ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du/ nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ rigs bzhi po rgyal rigs dang / bram ze'i rigs dang / rje'u rigs dang / dmangs rigs dag mthong na 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas kyi zhing de na/ ci nas kyang tha na rigs bzhi po dag gi ming yang med cing mi grag pa de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas sems can rab dang 'bring dang / tha</font><hr>35.226b<br><font size=+1>

ma dag mthong ngam/ sems can rigs dma' ba rnams dang / rigs ngan pa rnams dang / rigs bzang po dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na ci nas kyang sems can rnams la skyon 'di lta bu dag med cing mi 'byung ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o/ /snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur ba yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can kha dog tha dad pa dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na ci nas kyang sems can rnams la kha dog tha dad pa med cing mi 'byung ba dang / gzhan du na sems can thams cad gzugs bzang ba dang / mdzes pa dang / blta na sdug pa dang / kha dog bzang po rgyas pa mchog dang ldan par 'gyur pa de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o/ /snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas bdag po mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na ci nas kyang chos kyi rgyal po de bzhin gshegs</font><hr>35.227a<br><font size=+1>

pa dgra bcom pa yang dag par rdzogs pa'i sangs rgyas ma gtogs par bdag por btags pa yang med cing mi 'byung ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can rnams kyi 'gro ba tha dad pa dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang sems can dmyal ba dang / dud 'gro'i skye gnas dang / gshin rje'i 'jig rten dang / lha dang / mi rnams kyi 'gro ba tha dad pa dag med cing mi 'byung ba dang / gzhan du na sems can thams cad las gcig par 'gyur ba dang / dran pa nye bar gzhag pa bzhi dang / so so yang dag par rig pa bzhi'i bar dag dang mi 'bral bar 'gyur pa de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can rnams kyi skye gnas bzhi po sgo nga las skye ba dang / mngal nas skye ba dang / drod gsher las skye ba dang rdzus te skye ba dag mthong na/ 'di snyam du bdag bla na med pa yang dag par rdzogs pa'i byang</font><hr>35.227b<br><font size=+1>

chub mngon par rdzogs par sangs rgyas pa'i sangs rgyas kyi zhing de na/ ci nas kyang sems can thams cad rdzus te skye bar 'gyur ba ma gtogs par skye gnas gsum po sgo nga las skye ba dang / mngal nas skye ba dang / drod gsher las skye ba dag 'byung bar mi 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can mngon par shes pa lnga dang bral ba dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang sems can thams cad mngon par shes pa lnga dang ldan par 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o/ /snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can rnams kyi gshang gci dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na ci nas kyang sems can thams cad dga' ba'i zas dang ldan par 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can</font><hr>35.228a<br><font size=+1>

rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can 'od dang mi ldan pa dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang sems can thams cad rang las 'od byung bar 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya'o/ /rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa/ sems can thams cad kyi zla ba dang / zla ba phyed dang / dus dang / lo khyud khor dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang sems can thams cad kyi zla ba dang / zla ba phyed dang / dus dang / lo khyud 'khor dag gi ming yang grag par mi 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya'o/ /sems can rnams yongs su smin par bya'o/ /snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar</font><hr>35.228b<br><font size=+1>

gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can tshe thung ba dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na ci nas kyang sems can thams cad tshe dpag tu med par 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can mtshan dang mi ldan pa dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang sems can thams cad skyes bu chen po'i mtshan sum bcu rtsa gnyis dang ldan par 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o/ /snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas sems can dge ba'i rtsa ba dang mi ldan pa dag mthong na/ 'di snyam du bdag bla na med pa/ yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na ci nas kyang sems</font><hr>35.229a<br><font size=+1>

can thams cad dge ba'i rtsa ba dang ldan par 'gyur zhing / dge ba'i rtsa ba de dag dang ldan pas/ sangs rgyas bcom ldan 'das rnams kyi drung du gnas par 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can nad kyis btab pa dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang sems can rnams la nad bzhi po rlung las gyur pa 'am/ mkhris pa las gyur pa 'am/ bad kan las gyur pa 'am/ 'dus pa las gyur pa dag 'byung bar mi 'gyur ba de lta de ltar pha rol du phyin pa drug yongs su rdzogs par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ nyon mongs pa gsum gyis nyon mongs pa can du gyur pa'i sems can dag mthong na/ 'di snyam</font><hr>35.229b<br><font size=+1>

du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na ci nas kyang sems can rnams la nyon mongs pa gsum po 'dod chags dang / zhe sdang dang / gti mug dag 'byung bar mi 'gyur zhing sems can thams cad 'dod chags dang bral ba dang / zhe sdang dang bral ba dang / gti mug dang bral bar 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /'gres dang po la ji ltar sbyar ba de bzhin du lhag ma rnams la yang rgya cher sbyar bar bya'o/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can dman pa la mos pa dag mthong na 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang theg pa gnyis po nyan thos kyi theg pa dang / rang sangs rgyas kyi theg pa dag gi sgra yang grag par mi 'gyur ba dang / sems can thams cad rnam pa thams cad mkhyen pa nyid la mngon du yang dag par 'jug par 'gyur ba de lta de ltar pha rol du phyin pa drug la spyad par bya sangs rgyas kyi zhing yongs su dag par bya/ sems can rnams yongs su smin par bya'o snyam du nye bar brtag par bya'o/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ sems can lhag pa'i nga rgyal can dag mthong na/ 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang lhag pa'i nga rgyal can gyi sgra yang mi grag cing / gzhan du na sems can thams</font><hr>35.230a<br><font size=+1>

cad lhag pa'i nga rgyal med par 'gyur ba de lta de ltar pha rol du phyin pa drug la spyad par bya'o snyam du nye bar brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ 'di snyam du gal te bdag gi sangs rgyas kyi zhing de na/ tshe'i tshad dpag du yod pa dang / 'od kyi tshad dpag tu yod pa dang / dge slong gi dge 'dun dpag tu yod par 'gyur na/ bdag re shig bla na med pa yang dag par rdzogs pa'i byang chub mngon par rdzogs par 'tshang rgya bar mi bya'i/ bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang tshe'i tshad dpag tu med par 'gyur ba dang / 'od dpag tu med pa dang / dge slong gi dge 'dun tshad med dpag tu med par 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam du sems bskyed par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po ni pha rol du phyin pa drug la spyod pas/ 'di snyam du gal te de'i tshe/ bdag gi sangs rgyas kyi zhing gcig pu zhig tu 'gyur na/ re shig bdag bla na med pa yang dag par rdzogs pa'i byang chub mngon par rdzogs par 'tshang rgya bar mi bya'i/ bdag gis byang chub thob pa na/ ci nas kyang sangs rgyas kyi zhing gang gA'i klung gi bye ma snyed dag gcig du 'gyur ba de lta de ltar pha rol du phyin pa drug la spyad par bya/ sangs rgyas kyi zhing yongs su dag par bya/ sems can rnams yongs su smin par bya'o snyam</font><hr>35.230b<br><font size=+1>

du nye bar brtag par bya ste/ rab 'byor de lta de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pas/ 'di snyam du kye ma 'khor ba 'di ni ring ngo / /kye ma sems can gyi khams 'di ni mtha' yas so snyam du nye bar brtag par bya zhing / des 'di snyam du kye ma 'khor ba 'di ni nam mkha' ltar mu med la/ kye ma sems can gyi khams 'di yang nam mkha' ltar mu med kyang / 'di la su yang 'khor ba yang med la su yang grol ba yang med do snyam du tshul bzhin du yid la bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug yongs su rdzogs par byed cing / rnam pa thams cad mkhyen pa nyid dang yang nye bar gyur pa yin no/ /shes rab kyi pha rol du phyin pa khri brgyad stong pa las/ pha rol du phyin pa drug gi thabs yongs su rdzogs pa'i le'u zhes bya ste lnga bcu rtsa gnyis pa'o// // de nas 'khor de nyid du gang gA'i lha mo zhes bya ba'i sring mo zhig 'dus te/ 'dug par gyur pa de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das bdag gis kyang bde bar gshegs pa bdag gis kyang pha rol du phyin pa drug la legs par spyad par bgyi zhing / ji ltar de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa 'di las nye bar bstan pa'i sangs rgyas kyi zhing de lta bu dag yongs su gzung bar bgyi lags so/ /de nas bud med des gser gyi me tog dag blangs shing dngul gyi me tog dag dang / skams las skyes pa dang / chu las skyes pa'i me tog dag kyang</font><hr>35.231a<br><font size=+1>

blangs/ rgyan thams cad kyang blangs/ ras bcos bu gser gyis kha dog lta bu zung cig kyang blangs nas/ bcom ldan 'das ga la ba de logs su gtor to/ /ras bcos bu zung cig la sogs pa de dag thams cad gtor ma thag tu de nas bcom ldan 'das kyi mthus de'i mod la bcom ldan 'das kyi drang thad kyi steng gi nam mkha' bar snang la khang pa brtsegs ma gru bzhi lham pa/ ka ba bzhi zug pa cha mnyam pa shin du legs pa shin du 'byed pa/ nyams dga' ba zhig du red de kun nas gnas par gyur to/ /de nas bud med des khang pa brtsegs ma de sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngos so/ /de nas bcom ldan 'das kyis bud med de'i bsam pa thugs su chud nas/ de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog du ma/ kha dog sna tshogs 'di lta ste sngon po dang ser po dang dkar po dang / btsod kha dang / shel dang / dngul gyi kha dog lta bu dag byung ste/ 'jig rten gyi khams mtha' yas mu med pa dag tu dong nas yang phyir log ste/ bcom ldan 'das la lan gsum bskor ba byas nas bcom ldan ldan 'das kyi dbu'i gtsug tu nub bo/ /de nas tshe dang ldan pa kun dga' bo stan las langs te/ bla gos phrag pa cig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis pa dang / rkyen ma mchis par 'dzum pa mi mdzad lags na/ 'dzum pa mdzad pa'i rgyu ni gang lags rkyen ni gang lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo sring mo gang gA'i lha mo 'di ni/ ma 'ongs pa'i dus</font><hr>35.231b<br><font size=+1>

na/ bskal pa skar ma lta bu zhes bya ba la de bzhin gshegs pa dgra bcom pa yang dag par rdzogs pa'i sangs rgyas gser gyi me tog ces bya bar 'gyur zhing / 'jig rten du 'byung bar 'gyur te/ kun dga' bo bud med 'di'i bud med kyi lus kyi tha ma ni 'di yin no/ /kun dga' bo sring mo gang gA'i lha mo 'di ni bud med kyi lus spangs shing / skyes pa'i lus thob par byas nas/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing 'jig rten gyi khams mngon par dga' ba zhes bya bar skye bar 'gyur zhing / de der tshangs par spyod par 'gyur ro/ /kun dga' bo byang chub sems dpa' sems dpa' chen po de'i ming yang gser gyi me tog ces bya bar 'gyur ro/ /kun dga' bo byang chub sems dpa' sems dpa' chen po gser gyi me tog de/ de nas shi 'phos nas kyang sangs rgyas kyi zhing nas/ sangs rgyas kyi zhing du 'gro bar 'gyur zhing / sangs rgyas bcom ldan 'das rnams dang 'bral bar mi 'gyur ro/ /kun dga' bo 'di lta ste dper na/ 'khor los sgyur ba'i rgyal po ni ji srid 'tsho'i bar du khang bzangs nas/ khang bzangs su 'chag cing 'gro ste/ de nam 'chi ba'i dus kyi bar du rkang mthil dag gis sa la gnon par mi byed do/ /kun dga' bo de bzhin du byang chub sems dpa' sems dpa' chen po gser gyi me tog ces bya ba yang bla na med pa yang dag par rdzogs pa'i byang chub mngon par rdzogs par sangs rgyas kyi bar du sangs rgyas kyi zhing nas sangs rgyas kyi zhing du 'gro bar 'gyur zhing / sangs rgyas bcom ldan 'das rnams dang 'bral bar mi 'gyur ro/ /de nas tshe dang ldan pa kun dga' bo 'di snyam du sems te/ sangs rgyas kyi zhing der byang chub sems dpa' sems dpa' chen po ji snyed 'dus par gyur pa de dag ni/ de bzhin gshegs pa 'dus pa yin par rig par bya'o snyam mo/ /de nas bcom ldan 'das kyis tshe dang ldan pa kun dga' bo'i sems kyi yongs su rtog pa thugs kyis mkhyen nas/ tshe dang ldan pa kun dga' bo la</font><hr>35.232a<br><font size=+1>

la 'di skad ces bka' stsal to/ /kun dga' bo ji snyam du sems pa de de bzhin no/ /de de bzhin te/ byang chub sems dpa' sems dpa' chen po de dag ni de bzhin gshegs pa 'dus pa yin par rig par bya'o/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas gser gyi me tog gi sangs rgyas kyi zhing na/ de'i dge slong gi dge 'dun ni tshad med par 'gyur te/ nyan thos 'di snyed cig go zhe 'am/ nyan thos brgya phrag 'di snyed cig go zhe 'am nyan thos stong phrag 'di snyed cig go zhe 'am nyan thos 'bum phrag 'di snyed cig go zhe 'am nyan thos bye ba phrag 'di snyed cig go zhe 'am/ nyan thos bye ba brgya phrag 'di snyed cig go zhe 'am/ nyan thos bye ba stong phrag 'di snyed cig go zhe 'am nyan thos bye ba 'bum phrag 'di snyed cig go zhe 'am/ nyan thos bye ba khrag khrig 'bum phrag 'di snyed cig go zhes de'i dge slong gi dge 'dun gyi tshad gzung bar mi nus te/ gzhan du na nyan thos bye ba khrag khrig 'bum phrag grangs med dpag tu med pa zhes bya bar 'gyur ro/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas gser gyi me tog de/ bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ gang shes rab kyi pha rol du phyin pa zab mo 'di las yongs su brjod pa'i skyon de dag ni/ thams cad kyi thams cad rnam pa thams cad kyi thams cad du med cing mi 'byung bar 'gyur ro/ /de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das sring mo 'disu las dge ba'i rtsa ba bskyed lags/ bcom ldan 'das kyis bka' stsal pa/ kun dga' bo sring mo 'di ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad la dge ba'i rtsa ba bskyed cing / dge ba'i rtsa ba de yang bla na med pa yang dag par rdzogs pa'i byang chub tu yongs su bsngos nas/ bla na</font><hr>35.232b<br><font size=+1>

na med pa yang dag par rdzogs pa'i byang chub 'dod pa'i phyir/ de bzhin gshegs pa dgra bcom pa yang dag par rdzogs pa'i sangs rgyas mar me mdzad de la gser gyi me tog dag gis kyang mngon par gtor to/ /kun dga' bo gang gi tshe ngas bla na med pa yang dag par rdzogs pa'i byang chub 'dod pa'i phyir de bzhin gshegs pa dgra bcom pa yang dag par rdzogs pa'i sangs rgyas mar me mdzad la me tog ut+pa la lngas gtor ba de'i tshe/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis nga dge ba'i rtsa ba dang ldan par rig nas/ bla na med pa yang dag par rdzogs pa'i byang chub tu lung bstan to/ /de'i tshe sring mo 'dis nga lung bstan pa thos nas/ 'di ltar kye ma ji ltar bram ze'i khye'u 'di bla na med pa yang dag par rdzogs pa'i byang chub tu lung bstan pa de bzhin du bdag kyang ma 'ongs pa'i dus na/ bla na med pa yang dag par rdzogs pa'i byang chub tu lung ston par gyur cig ces sems bskyed do/ /kun dga' bo de ltar sring mo 'di ni dang po de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi drung du/ bla na med pa yang dag par rdzogs pa'i byang chub tu sems bskyed pa yin no/ /de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das sring mo 'di ni bla na med pa yang dag par rdzogs pa'i byang chub tu yongs su sbyang ba bgyid pa lags so/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de de bzhin no/ /ji skad smras pa de bzhin te/ kun dga' bo sring mo 'di ni bla na med pa yang dag par rdzogs pa'i byang chub tu yongs su sbyang ba byas pa yin no/ /shes rab kyi pha rol du phyin pa khri brgyad stong pa las/ gang gA'i lha mo lung bstan pa'i</font><hr>35.233a<br><font size=+1>

le'u zhes bya ste/ lnga bcu rtsa gsum pa'o// // de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pas ji ltar stong pa nyid la yongs su 'dris par bgyi/ ji ltar stong pa nyid kyi ting nge 'dzin la snyoms par 'jug par bgyi/ ji ltar mtshan ma ma mchis pa la yongs su 'dris par bgyi/ ji ltar mtshan ma ma mchis pa'i ting nge 'dzin la snyoms par 'jug par bgyi/ ji ltar smon pa ma mchis pa la yongs su 'dris par bgyi/ ji ltar smon pa ma mchis pa'i ting nge 'dzin la snyoms par 'jug par bgyi/ ji ltar 'phags pa'i lam yan lag brgyad pa'i bar la yongs su 'dris par bgyi/ ji ltar 'phags pa'i lam yan lag brgyad pa sgom par bgyi/ ji ltar byang chub kyi phyogs kyi chos rnams la yongs su 'dris par bgyi/ ji ltar byang chub kyi phyogs kyi chos rnams bsgom par bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pas/ gzugs stong zhes bya bar so sor brtag par bya'o/ /tshor ba dang / 'du shes dang / 'du byed rnams dang / rnam par shes pa stong zhes bya bar so sor brtag par bya'o/ /de bzhin du sbyar te/ 'dod pa'i khams kyi bar du stong zhes bya bar so sor brtag par bya'o/ /gzugs kyi khams dang / gzugs med pa'i khams stong zhes bya bar so sor brtag par bya'o/ /ci nas kyang so sor rtog pa na sems rnam par g.yeng bar mi 'gyur ba de ltar so sor brtag par bya ste/ de sems rnam par g.yeng ba med pas/ chos gang mngon sum du bya ba'i chos de yang dag par rjes su mi mthong ngo / /des chos de yang dag par rjes su ma mthong bas</font><hr>35.233b<br><font size=+1>

mngon sum du mi byed do/ /de ci'i phyir zhe na/ 'di ltar des rang gi mtshan nyid kyis stong pa'i chos rnams la shin du bslabs pas na/ de ni chos gang yang 'chad par mi byed de/ /gang mngon sum du byed pa dang / gang zhig mngon sum du bya ba dang / gang gis mngon sum du byed pa'i chos de dag thams cad dang ldan pa yang ma yin mi ldan pa yang ma yin par mthong ba'i phyir ro/ /de skad ces bka' stsal pa dang bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das bcom ldan 'das kyis 'di skad du/ byang chub sems dpa' sems dpa' chen pos stong pa nyid mngon sum du mi bya'o zhes gang bka' stsal pa de la/ ji ltar na byang chub sems dpa' sems dpa' chen po stong pa nyid la gnas la/ stong pa nyid mngon sum du mi bgyid pa lags/ bcom ldan 'das kyis bka' stsal pa/ rab 'byor gang gi tshe byang chub sems dpa' sems dpa' chen po rnam pa thams cad kyi mchog dang ldan pa'i stong pa nyid la rtog pa na/ mngon sum du bya'o snyam du rtog par mi byed kyi yongs su 'dris par bya'o snyam du rtog par byed de/ 'di ni mngon sum du bya ba'i dus ma yin gyi yongs su 'dris par bya ba'i dus yin no zhes bya bar rtog go/ /byang chub sems dpa' sems dpa' chen po ni mnyam par ma gzhag pa nyid du sems dmigs pa la 'dogs te/ bar ma dor byang chub sems dpa' sems dpa' chen po byang chub kyi phyogs kyi chos rnams las yongs su mi nyams shing / zag pa med pa yang mngon sum du mi byed do/ /de ci'i phyir zhe na/ byang chub sems dpa' sems dpa' chen po ni 'di lta bu'i ye shes rlabs chen po dang ldan pa'i phyir te/ de ni byang chub kyi phyogs kyi chos rnams la gnas shing / 'di ltar 'di ni yongs su 'dris par bya ba'i dus yin gyi/ 'di ni mngon sum du bya ba'i dus ma yin no zhes bya bar rnam par shes so/ /rab 'byor de la byang chub sems dpa' sems dpa' chen po shes rab kyi pha rol du phyin</font><hr>35.234a<br><font size=+1>

pa la spyod pas 'di ltar 'di ni sbyin pa'i pha rol du phyin pa'i dus so/ /'di ni tshul khrims dang bzod pa dang brtson 'grus dang bsam gtan dang shes rab kyi pha rol du phyin pa'i dus so/ /'di ni dran pa nye bar gzhag pa rnams bsgom pa'i dus so/ /'di ni 'phags pa'i lam yan lag brgyad pa'i bar dag bsgom pa'i dus so/ /'di ni stong pa nyid dang / mtshan ma med pa dang / smon pa med pa'i ting nge 'dzin bsgom pa'i dus so/ /'di ni de bzhin gshegs pa'i stobs bcu thob par bya ba'i dus so/ /'di ni mi 'jigs pa bzhi thob par bya ba'i dus so/ /'di ni so so yang dag par rig pa bzhi thob par bya ba'i dus so/ /'di ni byams pa chen po dang / snying rje chen po thob par bya ba'i dus yin gyi/ 'di ni rgyun du zhugs pa'i 'bras bu mngon sum du bya ba'i dus ma yin no/ /'di ni dgra bcom pa nyid kyi bar dag mngon sum du bya ba dang / rang sangs rgyas kyi shes pa mngon sum du bya ba'i dus ma yin no/ /'di ni thams cad shes pa nyid thob par bya ba dang / yongs su 'dris par bya ba'i dus ma yin no zhes bya bar so sor brtag par bya ste/ rab 'byor byang chub sems dpa' sems dpa' chen po de ltar shes rab kyi pha rol du phyin pa la spyod pa ni/ stong pa nyid la yongs su 'dris par byed cing stong pa nyid kyis gnas pa dang / mtshan ma med pa dang / smon pa med pa dag la yongs su 'dris par byed cing / mtshan ma med pa dang / smon pa med pa dag gis gnas pa dang / 'phags pa'i lam yan lag brgyad pa sgom pa yang mngon sum du mi byed do/ /de bzhin du sbyar te/ dran pa nye bar gzhag pa rnams la sgom zhing dran pa nye bar gzhag pa rnams la gnas kyang mngon sum du mi byed do/ /rab 'byor byang chub sems dpa' sems dpa' chen po ni de ltar byang chub kyi phyogs kyi chos rnams la yongs su 'dris par byed cing / byang chub kyi phyogs kyi chos rnams la sgom pa dang / byang chub kyi phyogs kyi chos rnams kyis gnas kyang / rgyun du zhugs pa'i 'bras bu dang / dgra bcom</font><hr>35.234b<br><font size=+1>

pa nyid kyi bar dag mngon sum du mi byed do/ /rab 'byor 'di lta ste/ dper na/ skyes bu la la zhig dpa' ba dang / rtul phod pa dang shin du brtan pa dang / gzugs bzang ba dang / mdzes pa dang / blta na sdug pa dang / kha dog bzang po rgyas pa mchog dang ldan par gyur pa / 'phong shin du byang zhing / mtshon cha sra ba dag thogs pa/ sgyu rtsal drug bcu rtsa bzhi shin du rdzogs pa/ bzo'i gnas dang / las kyi gnas thams cad rtogs par khong du chud pa/ 'gro ba mang po'i yid du 'ong zhing mdzes par gyur na/ de bya ba gang dang gang rtsom yang de thams cad du rnyed pa chen po dang ldan par 'gyur te/ rnyed pa des skye bo mang po la sti stang du byed/ bla mar byed/ ri mor byed/ mchod pa byed cing de yid rangs pa dang / rab tu dga' ba dang / dga' ba dang / bde ba rgya chen po dag skyes nas/ de dgos pa zhig gi phyir pha ma dang / bu mo dag khrid de 'brog dgon pa/ byis pa rnams 'jigs shing spu zing zhes byed pa zhig tu zhugs te/ skyes bu de der zhugs nas kyang / pha ma dang / bu dang / bu mo dag la kho bos khyed cag 'jigs pa dang / bag tsha ba 'di las myur ba nyid du thar par byas ma 'jigs shig ma 'jigs shig ces mi 'jigs pa bstabs nas/ 'brog dgon pa der skyes bu de'i dgra dag dang / gsod pa dag dang / phyir rgol ba mang po dag nye bar gnas par gyur na/ skyes bu de yang shes rab kyi stobs dam pa dang ldan par gyur pa yin pas/ des pha ma dang / bu dang bu mo de dag khrid de/ 'brog dgon pa de nas bton cing thar par byas nas/ ma smas/ ma nyams par phyir grong ngam/ grong rdal lam/ ljongs sam/ yul phyogs su song nas/ dga' zhing yid bde ba skyes kyang / phyir rgol ba dang / dgra bo'i sems can de dag la yid sdang bar byed pa yang med do/ /de ci'i phyir zhe na/ 'di ltar des sgyu rtsal thams</font><hr>35.235a<br><font size=+1>

cad la byang bar byas pa'i phyir te/ des 'brog dgon pa der phyir rgol ba dang / dgra bo de dag bas kyang ches mang ba dang / ches dpa' ba dang / ches mtshon cha sra ba dang / ches rgya che ba'i phyir rgol ba gzhan dag sprul nas 'jigs pa des phyir rgol ba de dag med par byas te/ de nas skyes bu des pha ma dang / bu dang bu mo dag bde bar yongs su thar par byas shing / bde bar gnas par byed do/ rab 'byor de bzhin du gang gi tshe/ byang chub sems dpa' sems dpa' chen pos kyang / sems can thams cad la byams par dmigs pa'i sems dang / snying rje dang / dga' ba dang / btang snyoms su dmigs pa'i sems kyis khyab par byas te/ gnas kyang bar ma dor byang chub sems dpa' sems dpa' chen po mtshan mas tha snyad 'dogs par yang mi byed la/ gang mngon sum du byas pas/ nyan thos dang / rang sangs rgyas kyi sa la gnas par 'gyur ba'i mtshan ma med pa'i ting nge 'dzin kyang mngon sum du mi byed do/ /rab 'byor 'di lta ste dper na/ mdab chags bya ni bar snang la rgyu yang sa la mi ltung la/ bar snang gi nam mkha' la rnam par rgyu yang de la gnas shing brten pa yang med do/ /rab 'byor de bzhin du byang chub sems dpa' sems dpa' chen po yang stong pa nyid la yongs su 'dris par byed cing stong pa nyid la spyod pa dang / mtshan ma med pa dang / smon pa med pa dag la yongs su 'dris par byed cing / mtshan ma med pa dang / smon pa med pa dag la spyod par byed kyang gang mngon sum du byas na/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / gang yang sangs rgyas kyi chos dpag tu med pa dag la spyad nas/ rnam pa thams cad mkhyen pa nyid 'thob bar 'gyur ba dag yongs su ma rdzogs par nyan thos kyi sa 'am/ rang sangs rgyas kyi sar ltung bar 'gyur ba'i stong pa nyid dang / mtshan ma med pa dang / smon pa med pa dag mngon</font><hr>35.235b<br><font size=+1>

sum du mi byed do/ /rab 'byor 'di lta ste dper na/ skyes bu mthu dang ldan pa 'phong gi slob dpon du gyur pa/ 'phong shin du bslab pa des ni/ mda' gnam rgyang du 'phangs la des mda' gnam rgyang du 'phangs nas kyang mda' gzhan dag gis mda' snga ma de'i phyi bzhin brgyud cing sa la ltung du mi ster bar byed de/ ji srid du skyes bu de mi 'dod pa de srid du mda' de dag sa la mi ltung ngo / /de nas des mda' 'di dag sa la ltung bar bya snyam nas mda' phyi ma gnam rgyang du ma 'phangs na/ gdod mda' brgyud pa de dag sa la ltung bar 'gyur ro/ /rab 'byor de bzhin du byang chub sems dpa' sems dpa' chen po thabs la mkhas pas yongs su zin cing shes rab kyi pha rol du phyin pa la spyod pa yang ji srid du bla na med pa yang dag par rdzogs pa'i byang chub kyi dge ba'i rtsa ba de dag yongs su ma smin pa de srid du yang dag pa'i mtha' dam pa de mngon sum du mi byed kyi gang gi tshe bla na med pa yang dag par rdzogs pa'i byang chub kyi dge ba'i rtsa ba de dag yongs su smin par gyur pa de'i tshe yang dag pa'i mtha' dam pa de mngon sum du byed do/ /rab 'byor de lta bas na byang chub sems dpa' sems dpa' chen po shes rab kyi pha rol du phyin pa la spyod pas/ chos 'di dag gi chos nyid de ltar nye bar brtag par bya'o de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang chos nyid 'di la slob pa dang / yang dag pa'i mtha' la slob pa dang / de bzhin nyid la slob pa dang / chos kyi dbyings la slob ba dang / mtha' las 'das pa stong pa nyid la slob pa dang / rang gi mtshan nyid stong pa nyid kyi bar la slob pa dang / rnam par thar pa'i sgo gsum po dag gi bar la slob par bgyid kyang / bar ma dor bla na med pa yang dag par rdzogs pa'i byang chub las nyams par mi 'gyur ba ni dka' ba bgyid pa lags te/ bcom ldan 'das ngo mtshar lags so/ /bde bar gshegs pa ngo mtshar lags so/ /</font><hr>35.236a<br><font size=+1>

bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen pos sems can thams cad yongs su ma btang ba'i phyir te/ rab 'byor gang gis sems can thams cad yongs su ma btang ba de'i smon lam gyi khyad par ni rnam pa 'di lta bu yin te/ rab 'byor byang chub sems dpa' sems dpa' chen po 'di snyam du sems can 'di dag ni yod pa ma yin pa'i chos rnams la yod par 'du shes pas bslus pa dag ste/ bdag gis sems can mi shes pa de dag yongs su btang bar mi bya'o/ /bdag gis sems can thams cad yongs su ma btang bas na/ yod pa ma yin pa'i chos rnams la zhugs pa'i sems can 'di dag kyang bdag gis yongs su grol bar bya'o snyam du sems mngon par sgrub par byed cing / gang gi tshe rnam par thar pa'i sgo stong pa nyid kyi ting nge 'dzin mngon par sgrub/ rnam par thar pa'i sgo mtshan ma med pa'i ting nge 'dzin mngon par sgrub/ rnam par thar pa'i sgo smon pa med pa'i ting nge 'dzin mngon par sgrub kyang rnam pa thams cad mkhyen pa nyid ma thob kyi bar du bar ma dor yang dag pa'i mtha' mngon sum du mi byed pa de'i tshe/ byang chub sems dpa' sems dpa' chen po de thabs la mkhas pa dang ldan par rig par bya'o/ /rab 'byor gzhan yang byang chub sems dpa' sems dpa' chen po ni gang 'di zab mo zab mo'i gnas 'di lta ste/ nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa bzhi dang rnam par thar pa'i sgo gsum po dag la so sor rtog par 'dod nas/ des 'di ltar sems can 'di dag ni yun ring po nas bdag du 'du shes pa dang / sems can du 'du shes pa dang / shes pa po dang mthong ba po'i bar du 'du shes pas/ dmigs pa la spyod pa yin</font><hr>35.236b<br><font size=+1>

pas na/ de dag gi dmigs pa'i lta ba spang ba'i phyir bdag bla na med pa yang dag par rdzogs pa'i byang chub mngon par rdzogs par sangs rgyas nas/ chos bstan par bya'o snyam du sems bskyed pa mngon par sgrub cing de'i tshe byang chub sems dpa' sems dpa' chen po stong pa nyid kyi ting nge 'dzin la snyoms par 'jug kyang / gang mngon sum du byas pas/ rgyun du zhugs pa'i 'bras bu 'thob par 'gyur ba dang / rang byang chub kyi bar du 'thob par 'gyur ba'i yang dag pa'i mtha' mngon sum du mi byed do/ /rab 'byor gang gi tshe byang chub sems dpa' sems dpa' chen po rnam par thar pa'i sgo mtshan ma med pa dang / smon pa med pa'i teng nge 'dzin la snyoms par 'jug la/ rab 'byor byang chub sems dpa' sems dpa' chen po sgom zhing snyoms par 'jug pa de'i tshe/ gang mngon sum du byas pas/ rgyun du zhugs pa'i 'bras bu 'thob par 'gyur ba dang / dgra bcom pa nyid dang / rang byang chub kyi bar dag 'thob par 'gyur ba'i yang dag pa'i mtha' mngon sum du mi byed do/ /rab 'byor de ltar spyod pa'i byang chub sems dpa' sems dpa' chen po ni sems bskyed pa des/ dge ba'i rtsa ba de dag dang ldan zhing bar ma dor yang dag pa'i mtha' mngon sum du mi byed kyang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang dran pa nye bar gzhag pa bzhi dang / 'phags pa'i lam yan lag brgyad pa'i bar dang / stong pa nyid dang / mtshan ma med pa dang / smon pa med pa'i ting nge 'dzin rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dag las kyang yongs su nyams par mi 'gyur ro/ /de'i tshe byang chub sems dpa'</font><hr>35.237a<br><font size=+1>

sems dpa' chen po byang chub kyi phyogs kyi chos rnams dang ldan zhing de dag las yongs su nyams pa med de/ byang chub sems dpa' sems dpa' chen po thabs la mkhas pas yongs su zin pa ni/ dge ba'i chos rnams kyis rnam par 'phel zhing / de'i dbang po rnams kyang nyan thos dang / rang sangs rgyas dag gi lta bu ma yin gyi/ ches rno bar 'gyur ro/ /rab 'byor gzhan yang byang chub sems dpa' sems dpa' chen po ni 'di snyam du sems can 'di dag ni yun ring po nas rtag par 'du shes pa dang / sdug par 'du shes pa dang / bde bar 'du shes pa dang bdag tu 'du shes pa'i phyin ci log bzhis sems phyin ci log tu gyur pa dag ste de dag gi don du bdag gis byang chub la spyad par bya zhing / de ltar bla na med pa yang dag par rdzogs pa'i byang chub mngon par rdzogs par sangs rgyas nas/ ci nas kyang rtag pa zhes bya ba 'am/ sdug pa zhes bya pa 'am/ bde ba zhes bya ba 'am/ bdag ces bya bar spyod par mi 'gyur bar mi rtag pa zhes bya ba 'am/ mi sdug pa zhes bya ba 'am/ sdug bsngal ba zhes bya ba 'am/ bdag med pa zhes bya ba de ltar chos bstan par bya'o snyam du sems te/ sems bskyed pa 'di dang ldan zhing thabs la mkhas pas shes rab kyi pha rol du phyin pa la spyod pa ni/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po yongs su ma rdzogs kyi bar du sangs rgyas kyi ting nge 'dzin la snyoms par mi 'jug pa de'i tshe/ byang chub sems dpa' sems dpa' chen po/ smon pa med pa'i ting nge 'dzin la bsgom zhing / snyoms par 'jug kyang bla na med pa yang dag par rdzogs pa'i byang chub mngon par rdzogs par sangs rgyas kyi bar du yang dag pa'i mtha' mngon sum du mi byed do/ /rab 'byor gzhan yang byang chub sems dpa' sems dpa' chen po ni 'di snyam du sems</font><hr>35.237b<br><font size=+1>

can 'di dag ni yun ring po nas bdag ces bya ba 'am/ sems can zhes bya ba 'am/ shes pa po dang / mthong ba po zhes bya ba'i bar dag dang / gzugs shes bya ba 'am/ tshor ba zhes bya ba 'am/ 'du shes zhes bya ba 'am/ 'du byed rnams shes bya ba 'am/ rnam par shes pa zhes bya ba 'am/ phung po rnams zhes bya ba 'am/ khams rnams shes bya ba 'am/ skye mched rnams shes bya ba 'am/ bsam gtan bzhi zhes bya ba 'am/ tshad med pa bzhi zhes bya ba 'am/ gzugs med pa'i snyoms par 'jug pa bzhi zhes bya bar dmigs pa la spyod spyod pa dag ste/ de dag la bdag bla na med pa yang dag par rdzogs pa'i byang chub mngon par rdzogs par sangs rgyas pa na/ ci nas kyang sems can rnams kyi dmigs pa'i skyon 'di dag 'byung bar mi 'gyur ba de ltar bya'o snyam du sems te/ de sems bskyed pa de dag dang ldan zhing / thabs la mkhas pas shes rab kyi pha rol du phyin pa la spyod pa ni/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po yongs su ma rdzogs kyi bar du yang dag pa'i mtha' mngon sum du mi byed de/ de'i tshe byang chub sems dpa' sems dpa' chen po rnam par thar pa'i sgo stong pa nyid kyi ting nge 'dzin bsgom pa yongs su rdzogs par 'gyur ro/ /rab 'byor gzhan yang byang chub sems dpa' sems dpa' chen po/ shes rab kyi pha rol du phyin pa la spyod pa ni/ 'di snyam du sems can 'di dag ni yun ring po nas/ bud med kyi mtshan ma 'am/ skyes pa'i mtshan ma 'am/ gzugs kyi mtshan ma 'am/ gzugs med pa'i mtshan ma'i mtshan ma</font><hr>35.238a<br><font size=+1>

la spyod spyod pa dag ste/ de dag la bdag bla na med pa yang dag par rdzogs pa'i byang chub mngon par rdzogs par sangs rgyas pa na/ ci nas kyang sems can de dag la skyon 'di lta bu dag 'byung bar mi 'gyur ba de ltar bya'o snyam du sems te/ de sems bskyed pa de dang ldan zhing thabs la mkhas pa de dang yang ldan pas/ shes rab kyi pha rol du phyin pa la spyod pa na/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po yongs su ma rdzogs kyi bar du/ bar ma dor yang dag pa'i mtha' mngon sum du mi byed de/ sems bskyed pa de dang ldan pa de/ byang chub sems dpa' sems dpa' chen po'i rnam par thar pa'i sgo mtshan ma med pa'i ting nge 'dzin gyi bsgom pa yongs su rdzogs par 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ 'di snyam du sems can 'di dag ni yun ring po nas/ smon lam la spyod spyod pa dag ste/ 'di ltar brgya byin dang / tshangs pa dang / 'jig rten skyong ba dang / 'khor los sgyur ba la mngon par dga' ba/ gzugs la mngon par dga' ba/ tshor ba dang 'du shes dang / 'du byed rnams dang / rnam par shes pa la mngon par dga' ba/ rnam pa thams cad mkhyen pa nyid kyi bar la mngon par dga' ba dag ste/ de lta bas na de dag gi don du bdag bla na med pa yang dag par rdzogs pa'i byang chub mngon par rdzogs par sangs rgyas la/ ci nas kyang sems can rnams kyi smon pa'i nyes pa de dag med par 'gyur ba de ltar chos bstan par bya'o snyam du sems te/ rab 'byor de ltar byang chub sems dpa' sems dpa' chen po/ sems bskyed pa de dag dang ldan zhing thabs la mkhas pas/ shes rab kyi</font><hr>35.238b<br><font size=+1>

pha rol du phyin pa la spyod pas rnam par thar pa'i sgo stong pa nyid dang / mtshan ma med pa dang / smon pa med pa'i ting nge 'dzin bsgom pa yongs su rdzogs par 'gyur te/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po yongs su rdzogs shing / bla na med pa yang dag par rdzogs pa'i byang chub mngon par rdzogs par sangs rgyas kyi bar du/ bar ma dor yang dag pa'i mtha' mngon sum du mi byed de/ rab 'byor byang chub sems dpa' sems dpa' chen po gang pha rol du phyin pa drug la spyod pa dang / nang stong pa nyid dang dngos po med pa'i ngo bo nyid stong pa nyid kyi bar la spyod pa dang / dran pa nye bar gzhag pa rnams la spyod pa dang / stong pa nyid dang / mtshan ma med pa dang / smon pa med pa'i ting nge 'dzin la spyod pa dang / de bzhin gshegs pa'i stobs bcu la spyod pa dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyi bar la spyod cing / yongs su 'dris par byed pa de lta bu'i ye shes dang ldan pa'i byang chub sems dpa' sems dpa' chen po ni/ mngon par 'du byed pa med par ltung ba 'am/ khams gsum pa dang lhan cig gnas pa ni gnas ma yin/ skabs ma yin te/ de ni gnas med do/ /rab 'byor byang chub sems dpa' sems dpa' chen po de ltar spyod cing / byang chub kyi phyogs kyi chos de dag la yongs su 'dris par byed pa la/ 'di skad du byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ ji ltar chos 'di dag la yongs</font><hr>35.239a<br><font size=+1>

su 'dris par byas na/ gang rtogs pas rgyun du zhugs pa'i 'bras bu 'am/ dgra bcom pa nyid kyi bar 'am/ rang byang chub thob par 'gyur pa'i stong pa nyid mngon sum du mi byed cing / yang dag pa'i mtha' rtogs par mi byed pa dang / mtshan ma med pa dang / smon pa med pa dang / mngon par 'du bya ba med pa dang / skye ba med pa dang / dngos po med pa mngon sum du mi byed cing / shes rab kyi pha rol du phyin pa la sgom pa yin zhes yongs su dri bar bya'o/ /rab 'byor byang chub sems dpa' sems dpa' chen po la/ byang chub sems dpa' sems dpa' chen po rnams kyis de skad du yongs su dris pa na/ gal te de 'di skad du/ byang chub sems dpa' sems dpa' chen po des stong pa nyid yid la bya'o/ /mtshan ma med pa nyid yid la bya'o/ /smon pa med pa nyid yid la bya'o/ /des mngon par 'du bya ba med pa nyid dang / skye ba med pa dang / dngos po med pa nyid yid la bya'o zhes lan 'debs na/ rab 'byor byang chub sems dpa' sems dpa' chen po rnams kyis/ byang chub sems dpa' sems dpa' chen po 'di ni sangs rgyas bcom ldan 'das rnams kyis/ bla na med pa yang dag par rdzogs pa'i byang chub tu lung bstan pa yin par rig par bya'o/ /de ci'i phyir zhe na/ rab 'byor 'di ltar phyir mi ldog pa'i byang chub sems dpa' sems dpa' chen po'i yongs su dris pa gang yin pa des brjod par byed/ de ston par byed/ de rab tu 'byed par byed pa'i phyir ro/ /rab 'byor de skad dris pa na/ gal te 'di skad du des stong pa nyid yid la mi bya'o/ /des mtshan ma med pa dang / smon pa med pa dang / mngon par 'du bya ba med pa dang / skye ba med pa dang dngos po med pa dag yid la mi bya'o/ /des byang chub kyi phyogs kyi chos rnams yongs su 'dris par mi bya'o zhes lan 'debs na/ rab 'byor byang chub sems</font><hr>35.239b<br><font size=+1>

dpa' sems dpa' chen po rnams kyis/ byang chub sems dpa' sems dpa' chen po 'di ni/ sangs rgyas bcom ldan 'das rnams kyis/ bla na med pa yang dag par rdzogs pa'i byang chub tu lung bstan pa ma yin par rig par bya'o/ /de ci'i phyir zhe na/ rab 'byor 'di ltar phyir mi ldog pa'i byang chub sems dpa' sems dpa' chen po'i yongs su dris pa gang yin pa de rjod par mi byed/ de ston par mi byed/ de rab tu 'byed par mi byed pa'i phyir te/ rab 'byor gang phyir mi ldog pa'i byang chub sems dpa' sems dpa' chen po'i chos de rjod par mi byed/ de ston par mi byed/ de rab tu 'byed par mi byed pa de la ni/ byang chub sems dpa' sems dpa' chen po rnams kyis byang chub sems dpa' sems dpa' chen po 'di ni ji ltar phyir mi ldog pa'i byang chub sems dpa' sems dpa' chen pos yongs su 'dris par byas te/ phyir mi ldog pa'i sa non pa ltar bsrabs pa'i sa las 'das pa ma yin par rig par bya'o/ /rab 'byor gyis gsol pa/ bcom ldan 'das gang gis slar mi ldog par 'gyur ba'i rnam grangs mchis lags sam/ bcom ldan 'das kyis bka' stsal pa/ rab 'byor de ni yod do/ /rab 'byor gal te byang chub sems dpa' sems dpa' chen pos/ pha rol du phyin pa drug thos kyang rung / ma thos kyang rung ste/ phyir mi ldog pa'i byang chub sems dpa' sems dpa' chen po ji lta ba de ltar lan 'debs pa'o/ /rab 'byor gyis gsol pa/ bcom ldan 'das de'i slad du/ byang chub sems dpa' sems dpa' chen po gang dag byang chub kyi slad du spyod pa ni mang lags mod kyi/ gang dag yongs su spyod pa bgyid pa'i sa 'am/ yongs su sbyong ba bgyid pa ma lags pa'i sa yang mi mngon ste/ ji ltar phyir mi ldog pa'i byang chub sems dpa' sems dpa' chen po ltar lan 'debs</font><hr>35.240a<br><font size=+1>

par bgyid pa'i byang chub sems dpa' sems dpa' chen po de dag ni nyung lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po gang dag phyir mi ldog pa'i ye shes kyi sar lung bstan pa de dag nyung ste/ gang dag lung bstan par 'gyur ba de dag ni de bzhin du lan 'debs par 'gyur ro/ /gang dag de ltar lan 'debs pa de dag ni dge ba'i rtsa ba sbyangs pa yin par rig par bya ste/ byang chub sems dpa' sems dpa' chen po de dag ni lha dang mi dang lha ma yin du bcas pa'i 'jig rten gyis mi 'phrogs pa yin no/ /shes rab kyi pha rol du phyin pa khri brgyad stong pa las/ thabs la mkhas pa bsgom pa bstan pa'i le'u zhes bya ste/ lnga bcu rtsa bzhi pa'o// // shes rab kyi pha rol du phyin pa khri brgyad stong pa/ bam po bzhi bcu pa/ rab 'byor gzhan yang byang chub sems dpa' sems dpa' chen po ni rmi lam na yang nyan thos kyi sa 'am/ rang sangs rgyas kyi sa 'am/ khams gsum pa la 'dod pa med cing / phan yon gyi sems mi bskyed la/ chos thams cad rmi lam lta bu nyid du lta zhing / chos thams cad brag cha lta bu dang / smig rgyu lta bu dang / sprul pa lta bu nyid du lta la/ mngon sum du yang mi byed na/ rab 'byor de yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang gal te byang chub sems dpa' sems dpa' chen pos rmi lam na/ de bzhin gshegs pa 'khor brgya phrag du ma dang / 'khor stong phrag du ma dang / 'khor 'bum phrag du ma dang / 'khor bye ba khrag khrig 'bum phrag du ma mnga' ba/ dge slong dang / dge slong ma dang / dge bsnyen dang / dge bsnyen ma rnams dang / lha dang / klu dang / gnod sbyin dang / dri za dang / </font><hr>35.240b<br><font size=+1>

lha ma yin dang / nam mkha' lding dang / mi 'am ci dang / lto 'phye chen po dag gis yongs su bskor cing / mdun gyis bltas te/ de bzhin gshegs pa dgra bcom pa yang dag par rdzogs pa'i sangs rgyas chos ston pa mthong la/ des chos de thos nas kyang / chos de'i don kun shes par bya'o/ /zhes chos dang rjes su mthun pa'i chos la zhugs shing / gnas pa dang mthun par zhugs shing rjes su mthun pa'i chos la spyod na/ rab 'byor de yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang gal te/ byang chub sems dpa' sems dpa' chen pos rmi lam na/ de bzhin gshegs pa skyes bu chen po'i mtshan sum bcu rtsa gnyis dang / 'od 'dom gang dang ldan pa nam mkha' la mngon par 'phags te/ dge slong gi dge 'dun la chos ston cing / rdzu 'phrul gyi cho 'phrul ston pa dang / sprul pa sprul par mdzad cing / sprul pa de dag gis kyang / 'jig rten gyi khams gzhan dag tu sangs rgyas kyi bya ba byed pa dag mthong na/ rab 'byor de yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang byang chub sems dpa' sems dpa' chen pos rmi lam na/ grong 'joms pa byung ba 'am/ grong khyer 'joms pa byung ba 'am/ me shor bar gyur pa 'am/ gcan zan gdug pa dag mthong ngam/ de dag las gzhan pa'i gcan zan khro bo'i rigs dag mthong ngam/ mgo gcod pa nye bar gnas pa dag mthong ngam/ gang dag de las gzhan pa'i 'jigs pa dang / sngang ba dag mthong ngam/ sdug bsngal ba dang / yid mi bde ba dang / 'khrugs pa dag mthong ngam/ bkres pas 'jigs pa mthong ngam/ skoms pas 'jigs pa mthong ngam/ ma shi ba mthong</font><hr>35.241a<br><font size=+1>

ngam/ pha shi ba mthong ngam/ phu nu shi ba mthong ngam/ sring mo shi ba mthong ngam/ mdza' bshes dang / blon po dang / nye du dang / snag gi gnyen mtshams dag shi ba mthong na/ mya ngan dang / 'jig pa dang / skrag pa dang / dngang bar mi 'gyur zhing / mi skrag mi dngang la/ dngang bar mi 'gyur zhing / rmi lam de rmis pa'i 'og tu sad nas kyang 'di snyam du/ kye ma khams gsum pa 'di dag thams cad ni rmi lam lta bu ste/ bdag bla na med pa yang dag par rdzogs pa'i byang chub mngon par rdzogs par sangs rgyas nas kyang khams gsum pa'i chos thams cad rmi lam lta bu'o/ /zhes chos bstan par bya'o snyam du sems na/ rab 'byor de yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyis zhing der ngan song gsum po dag thams cad kyi thams cad rnam pa thams cad kyi thams cad du 'byung bar mi 'gyur bar ji ltar shes par bya zhe na/ rab 'byor gal te byang chub sems dpa' sems dpa' chen pos rmi lam na/ sems can dmyal ba pa'i sems can mthong ngam dud 'gro'i skye gnas pa 'am/ gshin rje'i 'jig rten pa'i sems can mthong na/ 'di lta bu'i dran pa rnyed par 'gyur te/ dran pa rnyed nas kyang 'di snyam du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na/ ci nas kyang ngan song gsum po thams cad kyi thams cad/ rnam pa thams cad kyi thams cad du 'byung bar mi 'gyur ba de ltar bya'o snyam du sems so/ /de ci'i phyir zhe na/ 'di ltar rmi lam gang yin pa dang / rmi lam gyi mtha' gang yin pa'i chos de gnyis ni gnyis su med cing / gnyis su dbyer med pa'i phyir te/ rab 'byor de yang phyir mi ldog pa'i byang chub sems dpa' sems dpa' chen po'i phyir mi</font><hr>35.241b<br><font size=+1>

ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po rmi lam 'am/ sad pa na grong khyer tshig pa mthong na 'di snyam du sems te/ gang bdag gi rmi lam 'am/ rmi lam gyi mtha' sad pa na/ rnam pa gang dag dang / rtags gang dag dang / mtshan ma gang dag dang ldan na/ byang chub sems dpa' sems dpa' chen po phyir mi ldog par 'gyur ba'i rnam pa de dag dang / rtags de dag dang / mtshan ma de dag mthong ba'i rnam pa de dag dang / rtags de dag dang / mtshan ma de dag gal te/ bdag la yod na/ bden pa dang / bden pa'i tshig 'dis grong khyer tshig pa 'di nye bar zhi ba dang / bsil ba dang / med par gyur cig ces phyir mi ldog pa'i byang chub sems dpa' sems dpa' chen pos de ltar bden pa'i byin gyis rlob par byed pa na/ gal te nye bar zhi ba dang / bsil ba dang / med par gyur na/ rab 'byor byang chub sems dpa' sems dpa' chen po de ni/ bla na med pa yang dag par rdzogs pa'i byang chub las phyir mi ldog par lung bstan pa yin par rig par bya'o/ /rab 'byor gal te me'i phung po de dag bden pa'i tshig de las 'das nas/ khyim nas khyim du sreg par byed/ srang nas srang du sreg par byed cing / khyim la la ni tshig /khyim la la ni ma tshig /srang la la ni tshig /srang la la ni ma tshig na/ rab 'byor byang chub sems dpa' sems dpa' chen pos 'di ltar gang gi phyir sems can 'di dag gi khyim la la ni tshig /khyim la la ni ma tshig /sems can 'di dag gis chos spong bar 'gyur ba'i las nye bar bsags pas na/ de dag tshe 'di nyid la las rnam par smin te/ chos spong ba'i las kyi lhag ma de nyid las rnam par smin par gyur to/ /zhes bya bar rig par bya ste/ rab 'byor phyir mi ldog pa'i byang chub sems dpa' sems dpa' chen po'i rkyen ni de yin no/ /rgyu ni de yin te/ rgyu de dag dang / rkyen de</font><hr>35.242a<br><font size=+1>

dag gis phyir mi ldog pa'i byang chub sems dpa' sems dpa' chen po yin par rig par bya'o/ /rab 'byor gzhan yang rnam pa gang dag dang / rtags gang dag dang / mtshan ma gang dag gis phyir mi ldog pa'i byang chub sems dpa' sems dpa' chen po yin par rig par bya ba'i rnam pa de dag dang / rtags de dag dang / mtshan ma de dag bstan par bya'o/ /rab 'byor gal te skyes pa 'am/ bud med gang yang rung ba zhig mi ma yin pas byin gyis brlabs shing babs par gyur na/ de la byang chub sems dpa' sems dpa' chen po 'di ltar bsam par bya ste/ gal te bdag sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis/ bla na med pa yang dag par rdzogs pa'i byang chub tu lung bstan pa yin zhing ji ltar bdag bla na med pa yang dag par rdzogs pa'i byang chub mngon par rdzogs par 'tshang rgya bar 'dod la/ ji ltar bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / bdag gi bsam pa rnam par dag la/ bdag bla na med pa yang dag par rdzogs pa'i byang chub yid la byed pa yongs su dag cing / bdag la nyan thos kyi sems med la/ bdag rang sangs rgyas kyi sems dang bral ba dang / bdag nyan thos dang / rang sangs rgyas kyi sems dang bral bas/ bla na med pa yang dag par rdzogs pa'i byang chub mngon par rdzogs par 'tshang rgya bar bya zhing / bdag bla na med pa yang dag par rdzogs pa'i byang chub mngon par rdzogs par 'tshang mi rgya bar mi 'gyur la/ bdag bla na med pa yang dag par rdzogs pa'i byang chub mngon par rdzogs par 'tshang rgya ba nyid du 'gyur zhing / 'jig rten gyi khams grangs med/ dpag tu med pa dag na/ sangs rgyas bcom ldan 'das gang dag bzhugs te/ 'tsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag gis ni gang ci yang ma gzigs pa 'am/ ma gsan pa 'am/ mi mkhyen pa 'am/ </font><hr>35.242b<br><font size=+1>

mi rig pa 'am/ mngon sum du ma mdzad pa 'am/ mngon par rdzogs par sangs ma rgyas pa ci yang mi mnga' bas/ sangs rgyas bcom ldan 'das de dag gis/ bdag gis lhag pa'i bsam pa thugs su chud cing / bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lta na/ bden pa dang / bden pa'i tshig 'dis/ skyes pa 'am/ bud med 'di mi ma yin pa gang gis bzung ba 'am gtses par gyur pa'i mi ma yin pa de gud du 'gro bar gyur cig ces bsam par bya'o/ /rab 'byor gal te byang chub sems dpa' sems dpa' chen po des de skad brjod pa na gal te mi ma yin pa de gud du ma song bar gyur na/ rab 'byor byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis/ bla na med pa yang dag par rdzogs pa'i byang chub tu lung ma bstan pa yin par rig par bya'o/ /rab 'byor byang chub sems dpa' sems dpa' chen po des/ de skad brjod pa na gal te/ mi ma yin par gyur pa de gud du song bar gyur na/ rab 'byor byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan pa yin par rig par bya ste/ rab 'byor rnam pa de dag dang / rtags de dag dang / mtshan ma de dag gis byang chub sems dpa' sems dpa' chen po phyir mi ldog pa yin par rig par bya'o/ /rab 'byor gzhan yang byang chub sems dpa' sems dpa' chen po pha rol tu phyin pa drug la mi spyod pa/ thabs la mkhas pa dang / bral ba/ dran pa nye bar gzhag pa bzhi dang / stong pa nyid dang / mtshan ma med pa dang / smon pa med pa'i bar dag la ma spyod pa/ byang chub sems dpa'i skyon med par ma zhugs pa'i bden pa'i byin gyi rlabs kyis bdud sdig can dbar 'gyur te/ rab 'byor gal te byang chub sems dpa' sems dpa' chen po 'di snyam du bden pa dang</font><hr>35.243a<br><font size=+1>

bden pa'i tshig gang gis bdag bla na med pa yang dag par rdzogs pa'i byang chub tu lung bstan pa'i bden pa dang / bden pa'i tshig des/ mi ma yin pa 'di gud du 'gro bar gyur cig ces/ de ltar bden pa'i byin gyis rlabs byed pa de la/ bdud sdig can 'di snyam du/ ji ltar mi ma yin pa de/ 'di nas gud du 'gro bar 'gyur snyam du spro ba skye bar 'gyur ro/ /de ci'i phyir zhe na/ 'di ltar bdud sdig can ni/ shin du mthu dang ldan zhing / shin du gzi brjid dang ldan pa yin la/ mi ma yin pa de ni de lta ma yin pa'i phyir te/ de'i phyir bdud sdig can de'i byin gyis rlabs kyi/ de gud du song bar gyur pa na/ byang chub sems dpa' sems dpa' chen po de 'di snyam du sems te/ bdag gis mthus mi ma yin pa de 'di nas gud du song ngo snyam zhing / bdud kyi mthus mi ma yin pa de de nas/ gud du song bar ni ma shes nas/ de byang chub sems dpa' gzhan dag la 'di snyam du bdag ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis/ bla na med pa yang dag par rdzogs pa'i byang chub tu lung bstan pa yin gyis/ 'di dag gzhan ni bla na med pa yang dag par rdzogs pa'i byang chub tu lung bstan pa ma yin no/ /snyam nas rlom sems su byed/ 'phya bar byed/ sting bar byed/ 'khrug par byed/ smod par byed de/ de de tsam gyis nga rgyal 'phel ba dang / nga rgyal skyed par 'gyur zhing rnam pa thams cad mkhyen pa nyid kyang ring du byed/ sangs rgyas kyi ye shes bla na med pa yang ring du byed de/ byang chub sems dpa' sems dpa' chen po de ltar thabs la mi mkhas pa de ni/ de tsam gyis lhag pa'i nga rgyal skyed par 'gyur bas na/ de'i sa ni gnyis su shes par bya ste/ gnyis gang zhe na/ 'di lta ste/ nyan thos kyi sa dang / rang sangs rgyas kyis sa'o/ /de ltar bden pa'i byin gyis rlabs kyi byang chub sems dpa' sems dpa' chen po la bdud</font><hr>35.243b<br><font size=+1>

kyi las 'byung bar 'gyur te/ de la de dge ba'i bshes gnyen dag la bsten par mi 'gyur/ bsnyen par mi 'gyur phyir 'brang bar mi 'gyur/ gom par byed par mi 'gyur/ bsnyen bkur byed par mi 'gyur zhing / bdud kyi bcing ba de nyid dam por byed par 'gyur ro de ci'i phyir zhe na/ 'di ltar pha rol du phyin pa drug la ma spyad cing / thabs la mkhas pas yongs su ma zin pa'i phyir te/ rab 'byor byang chub sems dpa' sems dpa' chen po de yang bdud kyi las su rig par bya'o/ /rab 'byor ji ltar na byang chub sems dpa' sems dpa' chen po pha rol du phyin pa drug la ma spyad cing de bzhin du sbyar te/ skyon med par ma zhugs pa'i bar gyi drung du bdud sdig can ming gi byin gyi brlabs kyi 'ong bar 'gyur zhe na/ rab 'byor 'di la bdud sdig can cha byad gang yang rung ba'i byang chub sems dpa' sems dpa' chen po'i drung du 'ongs nas/ 'di skad du rigs kyi bu khyod ni de bzhin gshegs pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub tu lung bstan pa yin te/ khyod kyi ming ni 'di zhes bya'o/ /khyod kyi ma'i ming ni 'di zhes bya'o/ /khyod kyi pha'i ming ni 'di zhes bya'o/ /khyod kyi phu nu'i ming ni 'di zhes bya'o/ /khyod kyi mdza' shes dang / blon po dang / nye du dang / snag gi gnyen mtshams kyi ming ni 'di zhes bya'o/ /khyod kyi phyi mo dang / mes po gnyis kyi bdun rgyud tshun chad kyi bar gyi ming ni 'di zhes bya'o zhes nye bar ston cing / khyod ni ljongs ga ge mo zhig dang / khyod ni grong khyer ga ge mo zhig dang / khyod ni grong ga ge mo zhig dang / khyod ni yul ga ge mo zhig nas/ ljongs ga ge mo zhig tu skyes so/ /grong khyer ga ge mo zhig dang / grong ga ge mo zhig du skye ba yin no zhes zer zhing / gal te de rang bzhin gyi dman pa zhig yin na/ de de la 'di skad du/ khyod ni sngon yang 'di bzhin du dman pa nyid du gyur pa yin no zhes zer ro/ /gal te rno ba zhig yin na/ de 'di skad du khyod ni sngon yang de bzhin du rno ba nyid du gyur to zhes zer ro/ /gal te dgon pa pa zhig yin nam/ gal te bsod snyoms</font><hr>35.244a<br><font size=+1>

pa zhig yin nam/ gal te phyag dar khrod pa zhig yin nam/ gal te zas phyis mi len pa zhig yin nam/ gal te stan gcig pa zhig yin nam/ gal te rnyed pas chog pa'i bsod snyoms pa zhig yin nam/ gal te dur khrod pa zhig yin nam/ gal te bla gab med pa zhig yin nam/ gal te shing drung pa zhig yin nam/ gal te cog bu pa zhig yin nam/ gal te gzhi ji bzhin pa zhig yin nam/ gal te chos gos gsum pa zhig yin nam/ gal te 'dod pa chung ba zhig yin nam/ gal te chog shes pa zhig yin nam/ gal te rab tu dben pa zhig yin nam/ gal te rkang pa skud pa dang bral ba zhig yin nam/ gal te smra ba nyung ba zhig yin na/ yang de 'di skad du khyod ni sngon yang 'di ltar smra ba nyung ba nyid du gyur to zhes zer ro/ /gal te brjod pa nyung ba zhig yin na yang de 'di skad du khyod ni sngon yang 'di bzhin du brjod pa nyung ba nyid du gyur pa yin no/ /de ci'i phyir zhe na/ 'di ltar khyod la rnam pa 'di lta bu'i sbyangs pa'i yon tan dag yod pa las na/ gdon mi za bar sngon yang khyod sbyangs pa'i yon tan dang / legs par sdom pa 'di dag dang ldan par ma gyur mi srid pa'i phyir ro zhes zer ro/ /de de ltar sngon gyi ming bstan pa dang / rus bstan pa de dang / da ltar byung ba'i sbyangs pa'i yon tan bstan pa des rlom sems skye bar 'gyur te/ der yang bdud sdig can 'ong zhing 'di skad du rigs kyi bu khyod la sbyangs pa'i yon tan ji ltar yod pa de bzhin du/ de bzhin gshegs pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub las phyir mi ldog pa nyid du lung bstan to zhes zer zhing / yang na dge slong gis cha byad du sgyur cing 'ong ngo / /yang na dge slong ma'i cha byad du bsgyur cing 'ong ngo / /yang na khyim bdag gi cha byad du bsgyur cing 'ong ngo / /yang na ma'i cha byad du sgyur cing 'ong ngo / /yang na pha'i cha byad du sgyur cing 'ong ngo / /'ong nas kyang 'di skad du rigs kyi bu khyod</font><hr>35.244b<br><font size=+1>

ni de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu lung bstan pa yin no/ /de ci'i phyir zhe na/ 'di ltar phyir mi ldog pa'i byang chub sems dpa' sems dpa' chen po rnams kyi yon tan gang yin pa de dag khyod la yod pa'i phyir ro/ /zhes zer la/ rab 'byor ngas phyir mi ldog pa'i byang chub sems dpa' sems dpa' chen po'i rnam pa rnams dang / rtags rnams dang / mtshan ma rnams bstan pa gang yin pa de dag ni byang chub sems dpa' sems dpa' chen po de la med na/ rab 'byor de las gzhan pa'i byang chub sems dpa' sems dpa' chen po rnams kyis/ byang chub sems dpa' sems dpa' chen po 'di ni bdud kyis byin gyis rlab pa yin par rig par bya'o/ /de ci'i phyir zhe na/ 'di ltar phyir mi ldog pa'i byang chub sems dpa' sems dpa' chen po'i rnam pa gang yin pa dang / rtags gang yin pa dang / mtshan ma gang yin pa de dag kyang de la med la/ ming bstan pa des kyang de las gzhan pa'i byang chub sems dpa' sems dpa' chen po dag la rlom sems su byed/ 'phya bar byed/ sting bar byed/ khyad du gsod par byed cing / smod par byed pa'i phyir te/ rab 'byor ming bstan pa de yang byang chub sems dpa' sems dpa' chen pos ming gi byin gyis rlab kyis bdud kyi las su rig par bya'o/ /rab 'byor gzhan yang byang chub sems dpa' sems dpa' chen po ming gis byin gyi rlabs kyis bdud kyi las su rig par bya'o/ /de ci'i phyir zhe na/ rab 'byor 'di ltar byang chub sems dpa' sems dpa' chen po pha rol du phyin pa drug la ma spyad pas/ phung po'i bdud mi shes te/ gzugs mi shes/ tshor ba dang / 'du shes dang / 'du byed rnams dang / rnam par shes pa mi shes pa'i phyir te/ de la bdud sdig can ming gis byin gyis rlab kyis/ lung ston par 'gyur te/ khyod bla na med pa yang dag par rdzogs pa'i byang chub mngon par rdzogs par</font><hr>35.245a<br><font size=+1>

sangs rgyas kyi bar du ming 'di skad ces bya bar 'gyur ro zhes byang chub sems dpa' sems dpa' chen po des mi gang rjes su brtag pa dang / rjes su spyod pa de nyid rjod par byed de/ de la byang chub sems dpa' sems dpa' chen po shes rab 'chal ba'i rang bzhin can/ thabs la mkhas pa de 'di snyam du bdag gis ming gang yin gyis rjes su brtags shing / rjes su dpyad pa de nyid bdag bla na med pa yang dag par rdzogs pa'i byang chub mngon par rdzogs par sangs rgyas pa'i ming du 'gyur ro snyam nas/ ji lta ji ltar bdud sdig can nam/ bdud kyi ris kyi lha 'am/ bdud kyi byin gyis brlabs pa'i dge slong dag gis bstan pa na/ de 'di snyam du ji ltar bdag gis sems skyed pa 'byung ba dang / bdag gis ming ji lta ba bzhin du dge slong 'dis bstan te/ ming dang / ming du 'thun pas na/ bdag ni de bzhin gshegs pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub tu lung bstan pa yin no snyam du sems la/ rab 'byor ngas phyir mi ldog pa'i byang chub sems dpa' sems dpa' chen po'i rnam pa dang / rtags dang / mtshan ma bstan pa gang yin pa de dag kyang / byang chub sems dpa' sems dpa' chen po de la med cing / rnam pa dang / rtags dang / mtshan ma de dag dang yang bral la ming bstan pa des kyang / nga rgyal skyed cing de byang chub sems dpa' sems dpa' chen po gzhan dag la rlom sems su byed/ brnyas par byed na/ de rlom sems dang brnyas pa dang / khyad du gsod pa des/ bla na med pa yang dag par rdzogs pa'i byang chub las ring du 'gyur ro/ /de ltar thabs la mkhas pa dang bral zhing / shes rab kyi pha rol du phyin pa dang bral ba dang / dge ba'i bshes gnyen dang bral ba dang / sdig pa'i grogs pos yongs su zin pa de'i sa ni rnam pa gnyis su shes par bya ste/ 'di lta ste nyan thos kyi sa dang / rang sangs rgyas kyi sa'o/ /yang na shin du yun ring por 'khyams shing 'khor bar 'khor nas shes rab</font><hr>35.245b<br><font size=+1>

kyi pha rol du phyin pa 'di la brten te/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de gal te dga' ba dang / yid rangs bas yang dang yang du dge ba'i bshes gnyen la lta ba rnyed cing de la bsnyen bkur byed par 'gyur yang / gal te de'i lus rnyed pa des sems skyed pa snga ma de dag la smod par mi byed cing / 'chag par mi byed na/ de'i sa yang rnam pa gnyis su shes par bya ste/ 'di lta ste/ nyan thos kyi sa dang / rang sangs rgyas kyi sa'o/ /rab 'byor 'di lta ste dper na/ dge slong zhig la ltung ba'i rtsa ba bzhi po dag las gang yang rung ba zhig byung na/ dge sbyong ma yin/ shAkya'i sras ma yin te/ de ni lus de nyid kyis dge sbyong gi 'bras bu bzhi po gang yang rung ba dag 'thob pa'i skal pa med do/ /rab 'byor de bzhin du byang chub sems dpa' sems dpa' chen po gang ming bstan pa tsam gyis/ rlom sems dang ldan pas sems skyed cing / ming tsam brjod pa des byang chub sems dpa' gzhan dag la rlom sems su byed la/ brnyas par byed pa de ni/ de bas kyang shin du lci ba ste/ sems bskyed pa de ni de bas kyang shin du lci bar rig par bya'o/ /rab 'byor ltung ba'i rtsa ba lci ba bzhi lta zhog gi/ byang chub sems dpa'i ming bstan pa tsam gyis rlom sems dang ldan pas sems skyed pa de ni/ mtshams med pa lnga bas kyang shin du lci ba yin te/ sems bskyed pa de ni de bas kyang shin du lci bar rig par bya'o/ /rab 'byor de ltar na ming bstan pas bdud kyi las phra mo de lta bu dag 'byung bar 'gyur ro/ /rab 'byor gzhan yang bdud sdig can byang chub sems dpa' sems dpa' chen po'i dben pa'i yon tan dag rjod cing 'ong bar 'gyur te/ 'ong nas kyang 'di skad du/ de bzhin gshegs pa ni dben pa'i yon tan dag gsung ba'o zhes zer te rab 'byor nga ni 'di lta ste dgon pa dang nags 'dab dang bas mtha'i gnas mal dag ni byang chub sems dpa' sems dpa' chen po'i dben pa yin par mi smra'o/ /</font><hr>35.246a<br><font size=+1>

rab 'byor gyis gsol pa/ bcom ldan 'das gal te de ltar dgon pa dang / nags 'dab dang / bas mtha'i gnas mal dag dben pa ma lags na/ byang chub sems dpa' sems dpa' chen po'i dben pa gzhan gang zhig lags/ bcom ldan 'das byang chub sems dpa' sems dpa' chen po'i dben pa gzhan ji lta bu zhig mchis lags/ bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po nyan thos dang ldan pa'i yid la byed pa dag gis dben zhing / rang sangs rgyas dang ldan pa'i yid la byed pa dag gis dben na/ byang chub sems dpa' sems dpa' chen po'i dben pa yin te/ dgon pa dang / nags 'dab dang / bas mtha'i gnas mal dag tu gnas pa ni byang chub sems dpa' sems dpa' chen po'i dben pa ma yin gyi/ rab 'byor de ni byang chub sems dpa' sems dpa' chen po'i dben pa ste/ ngas rjes su gnang ba yin no/ /gal te byang chub sems dpa' sems dpa' chen po dben pa 'dis nyin mtshan du gnas pa ni/ dben pa nyid du gnas pa yin no/ /byang chub sems dpa' sems dpa' chen po 'di lta ste/ byang chub sems dpa'i dben pa 'dis dgon pa dang / nags 'dab dang / bas mtha'i gnas mal rnams su gnas pa ni dben pa nyid du gnas pa yin no/ /gal te byang chub sems dpa' sems dpa' chen po dben pa 'dis/ grong 'dab tu gnas na yang dben pa/ nyid du gnas pa yin no/ /rab 'byor ngas byang chub sems dpa' sems dpa' chen po'i dben pa rjes su gnang ba gang yin pa de la/ bdud sdig can gyi dgon pa dang / nags 'dab dang / bas mtha'i gnas mal rnams su gnas par bya'o/ /zhes ston par byed do/ /de dben pa des nyan thos dang ldan pa yid la byed pa dang / rang sangs rgyas dang ldan pa'i yid la byed pa dang shan 'dres pa'i shes rab kyi pha rol du phyin pa la mi brtson zhing / rnam pa thams cad mkhyen pa nyid kyang yongs su rdzogs par mi 'gyur ro/ /de de ltar yid la</font><hr>35.246b<br><font size=+1>

byed pa yongs su ma dag par gnas pa des gnas shing / de las gzhan pa'i byang chub sems dpa' sems dpa' chen po gang dag grong 'dab na gnas shing sems dang / yid la byed pa yongs su dag pa/ nyan thos kyi sems dang ma 'dres pa/ rang sangs rgyas kyi sems dang ma 'dres pa/ de las gzhan pa'i sdig ba'i sems skyed pa dag dang / ma 'dres pa'i bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa dang / yongs su shes pa dag yongs su rdzogs par gyur pa de dag la rlom sems su byed do/ /gzhan yang thabs la mi mkhas pa'i byang chub sems dpa' sems dpa' chen po de/ 'brog dgon pa dpag tshad brgya pa/ gdug pa dang / ri dgas dang / bya dag med pa/ chom rkun gyi dgon pa dag med pa/ srin po rgyu ba'i las kyi mngon sum du bab pa ma yin pa/ de lta bu'i nang du lo 'am/ lo brgya 'am/ lo stong ngam/ lo 'bum 'am/ lo bye ba khrag khrig phrag 'bum 'am/ de bas kyang lhag par gnas su zin kyang / dben pa gang gis byang chub sems dpa' sems dpa' chen po lhag pa'i bsam pa la yang dag par zhugs shing / gnas pa'i dben pa de mi shes na/ byang chub sems dpa' sems dpa' chen po de ni 'dres pa nyid du gnas pa yin te/ dben pa de la chags shing zhen par gnas pas kun nas nyon mongs pa can nyid yin zhing / des de tsam gyi nga'i sems rang par byed pa ma yin te/ ngas byang chub sems dpa' sems dpa' chen po rnams kyi dben pa bshad pa gang yin pa'i dben pa de dang de mi ldan zhing / de ni dben pa de la mi snang ngo / /de ci'i phyir zhe na/ 'di ltar de ni dben pa des mi gnas pa'i phyir ro/ /de'i drung du bdud sdig can 'ongs shing / steng gi bar snang la 'dug nas/ 'di skad du rigs kyi bu legs so legs so/ /'di ni de bzhin gshegs pas bstan pa'i dben pa ma nor ba yin gyi/ khyod dben pa 'di nyid du 'dug shig dang / khyod myur du</font><hr>35.247a<br><font size=+1>

bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes smras pa dang / de dben pa de bas kyang dben pa gces par sems shing de byang chub sems dpa'i theg pa pa'i dge slong rnams dang de bzhin du sbyar te/ dge ba'i chos can gzhan dag la tshe dang ldan pa 'di dag ni 'dres par gnas pas gnas pa yin no/ /zhes rlom sems su byed cing / byang chub sems dpa' sems dpa' chen po gang dag dben pa'i gnas pas gnas pa de dag la 'dres par gnas pas/ bskul bar byed/ rloms sems su byed de/ gang dag 'dres par gnas pas gnas pa de dag ni dben par gnas pas/ spyod pa ma yin no/ /zhes zer zhing gang la zhes bskyed par bya ba de dag la/ zhes bskyed par mi byed cing / de la nga rgyal bskyed par byed de/ /de ci'i phyir zhe na/ bdag gnas pa gang gis gnas pas gnas 'di ni/ yang dag pa nyid yin pas na/ bdag la mi ma yin rnams skul bar byed cing / bdag la mi ma yin pa rnams dran par byed kyi/ grong 'dab na gnas pa dag lta la su zhig skul zhing / dran par byed par 'gyur snyam du sems pa'i phyir te/ byang chub sems dpa' de ni de ltar byang chub sems dpa'i theg pa pa'i rigs kyi bu gzhan dag la rloms sems su byed pa yin te/ rab 'byor de ni byang chub sems dpa' gdol pa yin par rig par bya'o/ /byang chub sems dpa' sun 'byin pa yin par rig par bya'o/ /byang chub sems dpa' ltar bcos pa yin par rig par bya'o/ /lha dang / mi dang / lha ma yin du bcas pa'i 'jig rten gyi chom rkun pa yin par rig par bya'o/ /dge sbyong gi cha byad kyis lha dang / mi dang lha ma yin du bcas pa'i 'jig rten la rku ba yin par rig par bya'o/ /byang chub sems dpa'i theg pa pa'i rigs kyi bu rnams kyi chom rkun pa yin par rig par bya ste de lta bu'i rang bzhin can gyi gang zag ni bsnyen par mi bya bsten par mi bya bsnyen</font><hr>35.247b<br><font size=+1>

bkur mi bya'o/ /de ci'i phyir zhe na/ rab 'byor gang zag de lta bu ni mngon pa'i nga rgyal can du rig par bya ba'i phyir ro rab 'byor byang chub sems dpa' sems dpa' chen po gang gis rnam pa thams cad mkhyen pa nyid yongs su ma btang zhing / bla na med pa yang dag par rdzogs pa'i byang chub kyang yongs su ma btang ba'i byang chub sems dpa' sems dpa' chen po lhag pa'i bsam pas/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dang sems can thams cad kyi don byed par 'dod pa'i byang chub sems dpa' sems dpa' chen pos/ de lta bu'i rang bzhin can gyis gang zag dag la bsnyen par mi bya/ brten par mi bya/ bsnyen bkur mi bya ste/ gzhan du na rtag tu 'khor bas yid 'byung ba dang / yid dngangs pa dang / khams gsum dang / ma 'dres pas rang gis don sbyor ba la rjes su brtson par bya'o/ /de nyid la yang byams pa'i sems bskyed par bya'o/ /de nyid la yang snying brtse ba dang snying rje bskyed par bya'o/ /dga' ba dang / btang snyoms bskyed par bya'o/ /ci nas kyang bdag la skyon de lta bu dag thams cad kyi thams cad rnam pa thams cad kyi thams cad du 'byung bar mi 'gyur zhing / skye bar mi 'gyur ba de ltar bya'o/ /gal te byung na yang myur ba nyid du spang bar bya'o/ /zhes bslab par bya ste/ rab 'byor de ni byang chub sems dpa' sems dpa' chen po rnams kyi rang gis mngon par shes par rdul pa yin par rig par bya'o/ /rab 'byor gzhan yang byang chub sems dpa' sems dpa' chen po lhag pa'i bsam pas bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas dge ba'i bshes gnyen dag la bsnyen par bya/ bsten par bya bsnyen bkur bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po rnams kyi dge ba'i gshes gnyen dag gang lags par rig par bgyi lags de skad ces gsol pa dang bcom ldan 'das kyis tshe dang</font><hr>35.248a<br><font size=+1>

ldan pa rab 'byor la 'di skad ces bka' stsal to/ /rab 'byor sangs rgyas bcom ldan 'das rnams ni byang chub sems dpa' sems dpa' chen po rnams kyi dge ba'i bshes gnyen du rig par bya'o/ /rab 'byor byang chub sems dpa' rnams kyang byang chub sems dpa' sems dpa' chen po rnams kyi dge ba'i bshes gnyen du rig par bya'o/ /rab 'byor nyan thos rnams kyang / byang chub sems dpa' sems dpa' chen po rnams kyi dge ba'i gshes gnyen du rig par bya'o/ /rab 'byor gang dag pha rol du phyin pa drug smra ba dang / brjod pa dang / ston pa dang / 'dogs pa dang / 'god pa dang / rnam par 'byed pa dang / rnam par 'grel ba dang / gsal bar byed pa dang / yang dag par ston par byed pa de dag kyang / byang chub sems dpa' sems dpa' chen po rnams kyi dge ba'i bshes gnyen du rig par bya'o/ /rab 'byor pha rol tu phyin pa drug kyang byang chub sems dpa' sems dpa' chen po rnams kyi dge ba'i bshes gnyen du rig par bya'o/ /dran pa nye bar bzhag pa rnams dang / de bzhin du sbyar te/ sangs rgyas kyis chos ma 'dres pa bcwa brgyad kyi bar dag kyang byang chub sems dpa' sems dpa' chen po rnams kyi dge ba'i bshes gnyen du rig par bya'o/ /de bzhin nyid dang / yang dag pa'i mtha' dang / chos kyi dbyings kyang byang chub sems dpa' sems dpa' chen po rnams kyi dge ba'i bshes gnyen du rig par bya'o/ /rab 'byor pha rol tu phyin pa drug ni ston par rig par bya'o/ /pha rol du phyin drug ni snang ba'o/ /pha rol du phyin pa drug ni sgron ma'o/ /pha rol du phyin pa drug ni snang gsal lo/ /blo'o shes pa'o/ /shes rab bo/ /pha rol du phyin pa drug ni skyob pa'o/ /pha rol du phyin pa drug ni skyabs so/ /pha rol du phyin drug ni dpung gnyen no/ /pha rol du phyin pa drug ni pha'o/ /pha rol du phyin pa drug ni ma'o/ /dran pa nye bar bzhag pa rnams dang / de bzhin du sbyar te/ rnam pa thams cad</font><hr>35.248b<br><font size=+1>

mkhyen pa nyid kyi bar dag ni bag chags dang mtshams sbyor ba dang / nyon mongs pa thams cad spang bar 'gyur ba yin no/ /de ci'i phyir zhe na/ rab 'byor 'di ltar byang chub kyi phyogs kyi chos sum bcu rtsa bdun po 'di dag ni/ de bzhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na/ byung bar gyur pa'i sangs rgyas bcom ldan 'das de dag gis yang yab dang yum du gyur pa yin la/ rab 'byor byang chub kyi phyogs kyi chos sum bcu rtsa bdun po 'di dag ni/ de bzhin gshegs pa dgra bcom pa yang dag par rdzogs pa'i sangs rgyas gang dag ma 'ongs pa'i dus na/ 'byung bar 'gyur ba'i sangs rgyas bcom ldan 'das de dag gi yang yab dang / yum du 'gyur ba yin zhing / rab 'byor byang chub kyi phyogs kyi chos sum bcu rtsa bdun po 'di dag ni/ sangs rgyas bcom ldan 'das gang dag da ltar phyogs bcu'i 'jig rten gyi khams dag na bzhugs te/ 'tsho zhing gzhes pa'i sangs rgyas bcom ldan 'das de dag gis yang yab dang yum du gyur pa yin pa'i phyir ro/ /de ci'i phyir zhe na/ rab 'byor 'di ltar 'das pa dang / ma byon pa dang / da ltar byung ba'i sangs rgyas bcom ldan 'das rnams ni 'di las nges par byung ba'i phyir ro/ /rab 'byor de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dang / sangs rgyas kyi zhing yongs su dag par bya bar 'dod pa dang / sems can rnams kyang yongs su smin par bya bar 'dod pas/ bsdu ba'i dngos po bzhi po dag gis sems can rnams yang dag par bsdu bar bya'o/ /gzhi gang zhe na/ sbyin pa dang / snyan par smra ba dang / don dpyod pa dang / don mthun pa rnams so/ /rab 'byor ngas don gyi dbang 'di mthong bas 'di skad du 'di lta ste/ byang chub kyi phyogs kyi chos sum bcu rtsa bdun po 'di dag nyid ni byang chub sems dpa' sems dpa' chen po rnams kyi ston pa dang / pha dang ma dang gnas dang skyob pa dang / </font><hr>35.249a<br><font size=+1>

gling dang / skyabs dang / dpung gnyen yin no zhes smra'o/ /rab 'byor de lta bas na/ byang chub sems dpa' sems dpa' chen po gzhan gyi dring la mi 'jog par 'gro bar 'dod pa dang / gzhan gyis dring mi 'jog pa la gnas par 'dod pa dang / sems can thams cad kyi som nyi gcod par 'dod pa dang / sangs rgyas kyi zhing yongs su dag par bya bar 'dod pa dang / sems can rnams yongs su smin par bya bar 'dod pas kyang / shes rab kyi pha rol du phyin pa 'di nyid la bslabs par bya'o/ /de ci'i phyir zhe na/ byang chub sems dpa' sems dpa' chen pos gang la bslab par bya ba'i chos rnams shes rab kyi pha rol du phyin pa 'di las rgya cher bstan pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol du phyin pa'i mtshan nyid ji lta bu lags/ bcom ldan 'das kyis bka' stsal pa rab 'byor nam mkha' ltar chags pa med pa'i mtshan nyid ni shes rab kyi pha rol du phyin pa yin no/ /rab 'byor shes rab kyi pha rol du phyin pa ni mtshan nyid med pa ste/ shes rab kyi pha rol du phyin pa'i mtshan nyid gang yang med do/ /rab 'byor gyis gsol pa/ bcom ldan 'das mtshan nyid gang gis shes rab kyi pha rol du phyin pa mchis pa'i mtshan nyid des chos thams cad kyang mchis par 'gyur ba'i rnam grangs mchis lags sam/ bcom ldan 'das kyis bka' stsal pa rab 'byor de de bzhin no/ /de de bzhin te/ rab 'byor mtshan nyid gang gis shes rab kyi pha rol du phyin pa yod pa'i mtshan nyid kyis chos thams cad kyang yod pa yin no/ /de ci'i phyir zhe na/ rab 'byor chos thams cad ni rang bzhin gyis dben la/ chos thams cad ni rang bzhin gyis stong pa'i phyir te/ /rab 'byor rnam grangs des na mtshan nyid gang gis shes rab kyi pha rol du phyin pa yod pa'i mtshan nyid des/ chos thams cad yod pa yin te/ 'di lta ste/ </font><hr>35.249b<br><font size=+1>

stong pa nyid kyi mtshan nyid dang / dben pa'i mtshan nyid do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad ni chos thams cad kyi dben pa lags la/ chos thams cad ni chos thams cad kyis stong pa lags na/ bcom ldan 'das sems can rnams kyi kun nas nyon mongs pa dang / rnam par byang ba ji ltar mchis par 'gyur lags/ bcom ldan 'das dben pa ni kun nas nyon mongs par mi 'gyur zhing / rnam par byang bar mi 'gyur la/ stong pa nyid kyang kun nas nyon mongs par mi 'gyur zhing / rnam par byang bar mi 'gyur lags pas/ dben pa dang / stong pa nyid ni bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur lags te/ dben pas kyang stong pa nyid la byang chub mngon par rdzogs par 'tshang rgya ba'i chos gang yang dmigs par mi 'gyur la/ stong pa nyid kyis kyang dben pa la/ byang chub mngon par rdzogs par 'tshang rgya ba'i chos gang yang dmigs par mi 'gyur lags na/ bcom ldan 'das kyis gsungs pa 'di'i don ji ltar rtogs par bgyi lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di ji snyam du sems/ sems can 'di dag yun ring po nas ngar 'dzin pa dang / nga yir 'dzin pa la spyod spyod pa yin snyam 'am/ rab 'byor gyis gsol pa/ bcom ldan 'das de de lta lags so/ /bde bar gshegs pa de de lta lags te/ sems can 'di dag ni yun ring po nas ngar 'dzin pa dang / nga yir 'dzin pa la spyod spyod pa lags so/ /bcom ldan 'das kyis bka' stsal pa/ rab 'byor 'di ji snyam du sems/ ngar 'dzin pa dang / nga yir 'dzin pa dag dben pa yin zhing / ngar 'dzin pa dang / nga yir 'dzin pa dag stong pa yin snyam 'am/ rab 'byor gyis gsol pa/ bcom ldan 'das dben pa lags so/ /</font><hr>35.250a<br><font size=+1>

bde bar gshegs pa stong pa lags so/ /bcom ldan 'das kyis bka' stsal pa/ rab 'byor 'di ji snyam du sems/ ngar 'dzin pa dang / nga yir 'dzin pa'i sems can rnams 'phyan zhing 'khor snyam 'am/ rab 'byor gyis gsol pa/ bcom ldan 'das de de lta lags so/ /bde bar gshegs pa de de lta lags te/ ngar 'dzin pa dang / nga yir 'dzin pa'i sems can rnams 'phyan zhing 'khor lags so/ /bcom ldan 'das kyis bka' stsal pa/ rab 'byor de ltar na/ 'khor ba na 'khor zhing 'phyan pa'i sems can rnams kyis kun nas nyon mongs pa'ang yod pa yin no/ /rab 'byor gang la ngar 'dzin pa med pa dang / nga yir 'dzin pa med pa de la 'dzin pa med de sems can de dag ni 'khor bar mi 'phyan zhing mi 'khor ro/ /gang la 'khor bar 'phyan pa med pa dang / 'khor ba med pa de la kun nas nyon mongs par 'gyur ba med de/ rab 'byor de ltar na rnam par byang ba yang yod pa yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das de ltar spyod pa'i byang chub sems dpa' sems dpa' chen po ni gzugs la mi spyod lags so/ /tshor ba dang / 'du shes dang / 'du byed rnams dang / rnam par shes pa la mi spyod lags so/ /de bzhin du dran pa nye bar gzhag pa rnams kyi bar la mi spyod lags so/ /so so yang dag par rig pa bzhi'i bar la mi spyod lags so/ /de ci'i slad du zhe na/ 'di ltar gang spyod pa 'am/ gang gis spyad pa 'am/ gang la spyad par bgyi ba'i chos de dag thams cad dmigs su ma mchis pa'i slad du ste/ bcom ldan 'das de ltar spyod pa'i byang chub sems dpa' sems dpa' chen po ni lha dang / mi dang lha ma yin du bcas pa'i 'jig rten gyis mi thul ba lags so/ /bcom ldan 'das de ltar spyod pa'i byang chub sems dpa' sems dpa' chen po ni nyan thos dang / rang sangs rgyas thams cad</font><hr>35.250b<br><font size=+1>

kyis zil gyis mi non pa lags so/ /de ci'i slad du zhe na/ 'di ltar de ni zil gyis mi non pa'i gnas 'di lta ste/ byang chub sems dpa'i skyon ma mchis pa la gnas pa'i slad du/ bcom ldan 'das byang chub sems dpa' sems dpa' chen po rnam pa thams cad mkhyen pa nyid yid la bgyid pas/ gnas pa ni zil gyis non par mi 'gyur lags so/ /bcom ldan 'das de ltar spyod pa'i byang chub sems dpa' sems dpa' chen po ni rnam pa thams cad mkhyen pa nyid dang yang nye bar gyur pa lags so/ /bcom ldan 'das kyis bka' stsal pa/ rab 'byor 'di ji snyam du sems/ 'dzam bu'i gling gi sems can gang ji snyed pa de dag thams cad kyis mi'i lus 'thob par gyur la/ mi'i lus thob nas kyang / bla na med pa yang dag par rdzogs pa'i byang chub mngon par rdzogs par sangs rgyas par gyur nas/ de dag la rigs kyi bu 'am rigs kyi bu mo la la zhig ji srid 'tsho'i bar du bsnyen bkur byed de/ na bza' dang / zhal zas dang / gzim cha dang / gdan dang / snyun gyi gsos sman dang / yo byad dag gis sti stang du byed/ bla mar byed/ ri mor byed/ mchod par byed cing / dge ba'i rtsa ba de yang bla na med pa yang dag par rdzogs pa'i byang chub tu yongs su bsngos nas/ rab 'byor 'di ji snyam du sems/ rigs kyi bu 'am rigs kyi bu mo de gzhi de las bsod nams mang du bskyed par 'gyur snyam 'am/ rab 'byor gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang shes rab kyi pha rol du phyin pa dang ldan pa'i yid la byed pas/ gnas shing gzhan dag la yang shes rab kyi pha rol du phyin pa 'chad par byed/ ston par byed/ 'dogs par byed/ 'god par byed/ rnam par 'grel bar byed/ rnam par 'byed par byed/ gsal bar byed</font><hr>35.251a<br><font size=+1>

cing yang dag par rab tu ston par byed pa de/ ches bsod nams mang du skyed par 'gyur ro/ /de bzhin du sbyar te/ stong gsum gyi stong chen po'i 'jig rten gyi khams na sems can gang dag ji snyed pa de dag thams cad snga phyi med par mi'i lus thob par 'gyur la/ rigs kyi bu 'am rigs kyi bu mo la la zhig gis de dag dge ba bcu'i las kyi lam la bkod cing / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rgyun du zhugs pa'i 'bras bu dang de bzhin du sbyar te/ rang byang chub kyi bar la bkod pa dang / bla na med pa yang dag par rdzogs pa'i byang chub kyi bar la bkod cing / dge ba'i rtsa ba de yang bla na med pa yang dag par rdzogs pa'i byang chub tu yongs su bsngos na/ rab 'byor 'di ji snyam du sems/ rigs kyi bu 'am rigs kyi bu mo de gzhi de las bsod nams mang du bskyed par 'gyur snyam 'am/ rab 'byor gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang rnam pa thams cad mkhyen pa nyid dang ldan pa'i yid la byed pas gnas shing / gzhan dag la yang shes rab kyi pha rol du phyin pa 'chad par byed/ ston par byed/ 'dogs par byed/ 'god par byed/ rnam par 'grel bar byed/ rnam par 'byed par byed/ gsal bar byed cing yang dag par rab tu ston par byed pa de/ ches bsod nams mang du skyed par 'gyur te/ rab 'byor byang chub sems dpa' sems dpa' chen po ni sems can thams cad kyi sbyin gnas su gyur pa yin no/ /de ci 'i phyir zhe na/ 'di ltar de bzhin gshegs pa dgra bcom pa yang dag par rdzogs pa'i sangs rgyas ma gtogs par/ byang chub sems dpa' sems dpa' chen po'i gnas pa ji lta ba de lta bu'i sems can gang yang med pa'i phyir ro/ /de ci'i phyir zhe na/ </font><hr>35.251b<br><font size=+1>

'di ltar rigs kyi bu dag shes rab kyi pha rol du phyin pa la spyod pa na/ byams pa chen po mngon par sgrub par byed cing / de dag shes rab kyi pha rol du phyin pa la spyod pa na/ sems can thams cad gsad par gyur pa lta bur yang dag par rjes su mthong nas/ de dag snying rje chen po mngon par sgrub par byed de/ de dag gnas pa des gnas shing / dga' bas rab tu dga' bar byed cing / de dag dga' ba chen po mngon par sgrub par byed kyang / de dag mtshan ma de dang lhan cig mi gnas pa de dag btang snyoms chen po thob par byed pa'i phyir ro/ /rab 'byor 'di ni byang chub sems dpa' sems dpa' chen po rnams kyi shes rab kyi snang ba chen po yin te/ 'di lta ste/ shes rab kyi pha rol du phyin pa'i snang ba dang / bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa'i snang ba yin no/ /rigs kyi bu de dag ni mngon par rdzogs par sangs rgyas kyang / sems can thams cad kyi sbyin pa'i gnas su gyur pa yang yin la/ bla na med pa yang dag par gas pa'i byang chub las kyang phyir mi ldog go/ /gang gis gos dang / zas dang / mal cha dang / stan dang na ba'i gsos sman dang / yo byad de yongs su spyad na/ shes rab kyi pha rol du phyin pa dang ldan pa'i yid la byed pas gnas la/ sbyin pa po dang / sbyin bdag rnams kyi sbyin pa de dag yongs su sbyong zhing / rnam pa thams cad mkhyen pa nyid dang yang nye bar gyur pas na/ de'i yo byad de dag ni 'bras bu che ba dang / phan yon che bar 'gyur ro/ /rab 'byor de lta bas na/ byang chub sems dpa' sems dpa' chen po yul 'khor gyi bsod snyoms 'bras bu yod par spyod par 'dod pa dang / sems can thams cad la lam nye bar ston par 'dod pa dang / snang ba chen po byed par 'dod pa dang / sems can bcings par gyur pa rnams yongs su dgrol bar 'dod pa dang / sems can</font><hr>35.252a<br><font size=+1>

thams cad la bla na med pa'i shes rab kyi mig nye bar ston pa 'dod pa ni shes rab kyi pha rol du phyin pa dang ldan pa'i yid la byed pa dag gis gnas par bya'o/ /rab 'byor gal te byang chub sems dpa' sems dpa' chen po shes rab kyi pha rol du phyin pa dang ldan pa'i yid la byed pa de dag gis yid la byed cing gal te byang chub sems dpa' sems dpa' chen po shes rab kyi pha rol du phyin pa dang ldan pa'i yid la byed pa de dag gis yid la byed na/ des shes rab kyi pha rol du phyin pa dang ldan pa nyid kyi gtam yang brjod par bya'o/ /des shes rab kyi pha rol du phyin pa dang ldan pa nyid kyi gtam brjod nas kyang / shes rab kyi pha rol du phyin pa dang ldan pa nyid kyi yid la byed pa dag yid la bya'o/ /shes rab kyi pha rol du phyin pa dang ldan pa nyid kyis yid la byed pas gnas pa des yid la byed pa gzhan dag gis go skabs mi dbye bar ji ltar shes rab kyi pha rol du phyin pa dang ldan pa'i yid la byed pa de dag gis brtson pa mi btang bar nyin mtshan du gnas par byed pa de ltar bya'o/ /rab 'byor 'di lta ste dper na/ sngon chad nor bu rin po che rnyed ma myong ba'i mi zhig yod la/ des dus gzhan zhig na nor bu rin po che rnyed par gyur te/ des nor bu rin po che rnyed pas/ dga' ba dang / mchog du dga' ba dang / yid bde ba rgya chen po dang ldan par gyur pa las des nor bu rin po che de rnyed ma thag tu stor bar gyur na/ de gzhi de las sdug bsngal ba dang / yid mi bde ba chen po dang ldan par 'gyur te/ de rtag tu rgyun mi 'chad par/ e ma'o kye hud bdag ni nor bu rin po che de dang bral bar gyur to/ /snyam du nor bu rin po che dang ldan pa'i yid la byed pa sha stag 'byung bar 'gyur ro/ /rab 'byor de bzhin du byang chub sems dpa' sems dpa' chen pos kyang 'di ni rin po che yin no snyam du bsam zhing rnam pa thams cad mkhyen pa nyid dang ldan pa'i yid la byed pa dag dang mi 'bral bar bya'o de skad ces bka' stsal pa dang bcom ldan la tshe dang ldan pa rab 'byor gyis 'di skad ces</font><hr>35.252b<br><font size=+1>

gsol to/ /bcom ldan 'das yid la bgyid pa thams cad ni rang bzhin dang bral ba lags la/ yid la bgyid pa thams cad ni rang bzhin gyi stong pa lags na/ bcom ldan 'das ji ltar byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bgyid pa dag dang ma bral bar gyur pa lags/ bral ba la ni byang chub sems dpa' dang yid la bgyid pa dag dang / rnam pa thams cad mkhyen pa nyid kyang dmigs su ma mchis pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te byang chub sems dpa' sems dpa' chen pos 'di ltar chos thams cad ni rang bzhin dang bral ba ste/ de dag ni nyan thos rnams kyis ma byas/ rang sangs rgyas rnams kyis ma byas/ sangs rgyas bcom ldan 'das rnams kyis kyang ma mdzad de/ chos kyi dbyings dang / chos gnas pa nyid dang / chos skyon med pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa'i mtha' ni gnas pa nyid yin no/ /zhes bya bar shes pa'i byang chub sems dpa' sems dpa' chen po ni shes rab kyi pha rol du phyin pa dang ma bral ba yin no/ /de ci'i phyir zhe na/ rab 'byor 'di ltar shes rab kyi pha rol du phyin pa ni rang bzhin gyis dben zhing / rang bzhin gyis stong pa yin pas na/ de la rnam par 'phel ba med cing yongs su 'grib pa med pa'i phyir ro/ /rab 'byor gyis gsol pa bcom ldan 'das gal te shes rab kyi pha rol du phyin pa rang bzhin gyis dben zhing / rang bzhin gyi stong pa lags na/ bcom ldan 'das ji ltar byang chub sems dpa' sems dpa' chen pos shes rab kyi pha rol du phyin pa la yang dag par bsgrubs par bgyis shing / bla na med pa yang dag par rdzogs pa'i byang chub mngon par rdzogs par 'tshang rgya bar</font><hr>35.253a<br><font size=+1>

'gyur lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos/ shes rab kyi pha rol du phyin pa yang dag par bsgrubs kyang / rnam par 'phel ba 'am yongs su 'grib pa med de/ yang dag pa'i mtha' la yang rnam par 'phel ba 'am/ yongs su 'grib pa med la/ chos kyi dbyings la yang rnam par 'phel ba 'am/ yongs su 'grib pa med do/ /de ci'i phyir zhe na/ 'di ltar shes rab kyi pha rol du phyin pa ni/ gcig kyang ma yin la gnyis kyang ma yin pa'i phyir ro/ /rab 'byor gal te de ltar bstan pa na byang chub sems dpa' sems dpa' chen po'i sems mi zhum mi 'gong / mi skrag mi dngang zhing / dngang bar mi 'gyur na/ byang chub sems dpa' sems dpa' chen po de ni phyir mi ldog pa'i sa la gnas shing mthar thug par 'gro ba yin te/ byang chub sems dpa' sems dpa' chen po de ni shes rab kyi pha rol du phyin pa la spyod pa yin no/ /de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol du phyin pa'i stong pa nyid dang / gsog nyid dang / gsob nyid dang / ya ma rla nyid dang / snying po ma mchis pa gang lags pa de/ shes rab kyi pha rol du phyin pa la spyod lags sam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das shes rab kyi pha rol du phyin pa las gud na/ gang shes rab kyi pha rol du phyin pa la spyod pa'i chos 'ga' yang dmigs su ma mchis lags sam/ bka' stsal pa/ rab 'byor de ni ma yin no/ /gsol pa/ bcom ldan 'das shes rab kyi pha rol du phyin pa shes rab kyi pha rol du phyin pa la spyod lags sam bka' stsal pa rab 'byor de ni ma yin no gsol pa/ bcom ldan 'das stong pa nyid stong pa nyid la spyod lags sam/ </font><hr>35.253b<br><font size=+1>

bka' stsal pa/ rab 'byor de ni ma yin no/ /gsol pa/ bcom ldan 'das stong pa nyid las gzhan pa zhig stong pa nyid la spyod lags sam/ bka' stsal pa/ rab 'byor de ni ma yin no/ /gsol pa bcom ldan 'das gzugs shes rab kyi pha rol du phyin pa la spyod lags sam/ tshor ba dang / 'du shes dang / 'du byed rnams dang / rnam par shes pa shes rab kyi pha rol du phyin pa la spyod lags sam/ bka' stsal pa/ rab 'byor de ni ma yin no/ /gsol pa/ bcom ldan 'das pha rol du phyin pa drug po dag shes rab kyi pha rol du phyin pa la spyod lags sam/ de bzhin du so so yang dag par rig pa bzhi'i bar dag shes rab kyi pha rol du phyin pa la spyod lags sam/ bka' stsal pa/ rab 'byor de ni ma yin no/ /gsol pa/ bcom ldan 'das gzugs kyi stong pa nyid dang / gsog nyid dang / gsob nyid dang / ya ma rla nyid dang / snying po ma mchis pa nyid dang / de bzhin nyid dang / ma nor ba de bzhin nyid dang / gzhan ma lags pa de bzhin nyid dang / chos nyid dang chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' gang lags pa de shes rab kyi pha rol du phyin pa la spyod lags sam/ bka' stsal pa/ rab 'byor de ni ma yin no/ /gsol pa/ bcom ldan 'das de bzhin du mi 'jigs pa bzhi'i bar gyi stong pa nyid dang / gsog nyid dang / gsob nyid dang / ya ma rla nyid dang / snying po ma mchis pa nyid gang lags pa de shes rab kyi pha rol du phyin pa la spyod lags sam/ bka' stsal pa/ rab 'byor de ni ma yin no/ /gsol pa bcom ldan 'das gal te chos de dag shes rab kyi pha rol du phyin pa la mi spyod lags na/ bcom ldan 'das byang chub sems dpa' sems dpa' chen pos ji ltar spyad na/ shes rab kyi pha rol du phyin pa la spyod pa lags/ </font><hr>35.254a<br><font size=+1>

de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di ji snyam du sems/ khyod kyis chos gang shes rab kyi pha rol du phyin pa la spyod pa'i chos de yang dag par rjes su mthong snyam 'am/ gsol pa bcom ldan 'das de ni ma lags so/ /bka' stsal pa/ rab 'byor 'di ji snyam du sems/ khyod kyis gang la byang chub sems dpas spyad par bya ba'i shes rab kyi pha rol du phyin pa yang dag par rjes su mthong snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'di ji snyam du sems khyod kyi gang yang dag par rjes su ma mthong ba'i chos de la chos 'ga' zhig dmigs su yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'di ji snyam du sems/ chos gang dmigs su med pa de la skye ba 'am 'gag par 'gyur pa yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'di ni byang chub sems dpa' sems dpa' chen po rnams kyi mi skye ba'i chos la bzod pa yin te/ rab 'byor bzod pa de lta bu dang ldan pa'i byang chub sems dpa' sems dpa' chen po ni bla na med pa yang dag par rdzogs pa'i byang chub tu lung bstan par 'gyur ro/ /rab 'byor 'di ni de bzhin gshegs pa'i mi 'jigs pa dang / so so yang dag par rig pa yin te/ byang chub sems dpa' sems dpa' chen po de ltar bsgrubs cing de ltar spyod pa dang / de ltar 'bad cing de ltar brtsol bas/ bla na med pa yang dag par rdzogs pa'i byang chub kyi ye shes dang / ye shes chen po dang / rnam pa thams cad mkhyen pa nyid rjes su 'thob par mi 'gyur ba de ni gnas med do/ /de ci'i phyir zhe na/ 'di ltar byang chub sems dpa' sems dpa' chen po de mi skye ba'i chos la bzod pa thob pas na/ 'di ltar de ni bla na med pa yang dag par rdzogs pa'i byang chub mngon par rdzogs par sangs rgyas kyi bar du de la gzhol</font><hr>35.254b<br><font size=+1>

bar 'gyur ba'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor kyis 'di skad ces gsol to/ /bcom ldan 'das chos thams cad skye ba'i slad du/ byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan par 'gyur lags sam/ bka' stsal pa/ rab 'byor de ni ma yin no/ /gsol pa/ bcom ldan 'das chos thams cad skye ba ma mchis pa'i slad du/ byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan par 'gyur lags sam/ bka' stsal pa/ rab 'byor de ni ma yin no/ /gsol pa/ bcom ldan 'das gal te skye ba'i slad du yang / byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan par mi 'gyur la/ skye ba ma mchis pa'i slad du yang ma lags na/ bcom ldan 'das 'o na ji ltar byang chub sems dpa' sems dpa' chen po rnams bla na med pa yang dag par rdzogs pa'i byang chub tu lung bstan par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di ji snyam du sems/ khyod kyis chos gang bla na med pa yang dag par rdzogs pa'i byang chub tu lung bstan pa'i chos de yang dag par rjes su mthong snyam 'am/ gsol pa/ bcom ldan 'das de ni ma lags te/ bcom ldan 'das bdag gis ni chos gang bla na med pa yang dag par rdzogs pa'i byang chub tu lung bstan pa'i chos de yang yang dag par rjes su ma mthong la/ bcom ldan 'das bdag gis ni chos gang bla na med pa yang dag par rdzogs pa'i byang chub mngon par rdzogs par 'tshang rgya bar dang / gang gis mngon par rdzogs par 'tshang rgya ba dang / gang zhig mngon par rdzogs par 'tshang rgya bar bgyi ba'i chos de yang</font><hr>35.255a<br><font size=+1>

yang dag par rjes su ma mthong lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po chos thams cad mi dmigs pa ni 'di snyam du bdag mngon par rdzogs par 'tshang rgya bar 'gyur ro/ /'dis mngon par rdzogs par 'tshang rgya bar 'gyur ro/ /'di mngon par rdzogs par 'tshang rgya bar 'gyur ro snyam du mi sems so/ / de ci'i phyir zhe na/ rab 'byor 'di ltar byang chub sems dpa' sems dpa' chen po shes rab kyi pha rol du phyin pa la spyod pa la rnam par rtog pa/ de dag thams cad du mi 'byung ba'i phyir ro/ /de ci'i phyir zhe na/ rab 'byor shes rab kyi pha rol du phyin pa ni rnam par rtog pa med pa'i phyir ro/ /shes rab kyi pha rol du phyin pa khri brgyad stong pa las/ rnam par rtog pa spang bar bstan pa'i le'u zhes bya ste lnga bcu rtsa lnga'o// // 'phags pa shes rab kyi pha rol du phyin pa khri brgyad stong pa/ bam po bzhi bcu rtsa gcig pa/ de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das shes rab kyi pha rol du phyin pa ni/ shin du dben pa nyid kyi slad du shes rab kyi pha rol du phyin pa 'di ni zab pa/ mthong bar dka' ba/ khong du chud par dka' ba/ brtags mi nus pa/ rtog ges spyod pa ma lags pa/ zhib mor brtags pa'i mkhas pa dang 'dzangs pas/ rigs par bgyi ba'i bar dag lags te/ bcom ldan 'das gang dag shes rab kyi pha rol du phyin pa zab mo 'di nyan pa dang / 'dzin pa dang / 'chang ba dang / klog pa dang / kun chub par bgyid pa dang / de bzhin nyid du bsgrub par bgyid cing / bla na med pa yang dag par rdzogs pa'i byang chub mngon par rdzogs par sangs rgyas kyi bar du sems dang sems las byung ba'i chos gzhan dag gis skabs mi 'byed pa de dag ni dge ba'i rtsa ba ngan ngon dang ldan pa ma lags so/ /bcom ldan 'das kyis bka' stsal pa/ </font><hr>35.255b<br><font size=+1>

kau shi ka de de bzhin no/ /de de bzhin te/ kau shi ka gang dag shes rab kyi pha rol du phyin pa zab mo 'di nyan pa dang / 'dzin pa dang / klog pa dang / kun chub par byed pa dang / de bzhin nyid du bsgrub par byed cing / bla na med pa yang dag par rdzogs pa'i byang chub mngon par rdzogs par sangs rgyas kyi bar du sems dang sems las byung ba'i chos gzhan dag gi skabs mi 'byed pa de dag ni dge ba'i rtsa ba ngan ngon dang ldan pa ma yin no/ /kau shi ka 'di ji snyam du sems/ 'dzam bu'i gling gi sems can gang dag ji snyed pa de dag thams cad dge ba bcu'i las kyi lam dang ldan par gyur cing / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang ldan par gyur la/ rigs kyi bu 'am rigs kyi bu mo la la zhig kyang shes rab kyi pha rol du phyin pa zab mo 'di 'dzin pa dang / 'chang ba dang / klog pa dang / kun chub par byed la bzung zhing bcangs la/ blang bar byed nas kyang / de bzhin nyid du sgrub par byed na/ kau shi ka dge ba'i rtsa ba de la dge ba'i rtsa ba snga ma des ni brgya'i char yang nye bar mi 'gro'o/ /stong gi cha dang / 'bum gyi cha dang bye ba phrag 'bum gyi char yang nye bar mi 'gro'o/ /grangs dang / cha dang / bgrang ba dang / dpe' dang / rgyur yang nye bar mi 'gro'o/ /de nas dge slong zhig gis lha'i dbang bo brgya byin la 'di skad ces smras so/ /kau shi ka rigs kyi bu 'am/ rigs kyi bu mo gang dag g.yeng ba med pa'i sems kyis shes rab kyi pha rol du phyin pa zab mo 'di 'dzin pa dang / 'chang zhing klog la kun chub par byed pa dang / de bzhin nyid du sgrub par byed cing bla na med pa yang dag par rdzogs pa'i byang chub mngon par rdzogs par sangs rgyas kyi bar du sems dang sems las byung ba'i chos gzhan dag gi skabs mi 'byed pa de dag gis ni 'dzam bu'i gling gi sems can rnams dge ba bcu'i</font><hr>35.256a<br><font size=+1>

las kyi lam dang ldan par gyur pa dang / bsam gtan bzhi dang ldan pa dang / tshad med pa bzhi dang ldan pa dang / gzugs med pa'i snyoms par 'jug pa bzhi dang ldan pa dang / mngon par shes pa lnga dang ldan pa de dag zil gyis non pa yin no/ /de skad ces smras pa dang / lha'i dbang po brgya byin gyis dge slong de la 'di skad ces smras so/ /dge slong byang chub sems dpa' sems dpa' chen po des sems bskyed pa gcig gis kyang 'dzam bu'i gling gi sems can dge ba bcu'i las kyi lam dang ldan pa dang / bsam gtan bzhi dang ldan pa dang / tshad med pa bzhi dang ldan pa dang / gzugs med pa'i snyoms par 'jug pa bzhi dang ldan pa dang / mngon par shes pa lnga dang ldan pa de dag zil gyis non na/ gang dag shes rab kyi pha rol du phyin pa zab mo 'di 'dzin pa dang / 'chang ba dang / klog pa dang / kun chub par byed pa dang / bzung zhing bcangs la klag shing / kun chub par byas nas kyang / de bzhin nyid du sgrub par byed pa dag gis lta smos kyang ci dgos te/ lha dang mi dang / lha ma yin du bcas pa'i 'jig rten zil gyis non par 'gyur ba'i byang chub sems dpa' sems dpa' chen po rnams kyis ni lha dang mi dang lha ma yin du bcas pa'i 'jig rten zil gyis non par 'gyur ro/ /byang chub sems dpa' sems dpa' chen po rnams kyis lha dang / mi dang / lha ma yin du bcas pa'i 'jig rten nyi tshe zil gyis non par 'gyur ba yang ma zad de/ byang chub sems dpa' sems dpa' chen po rnams kyis ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas gang ji snyed pa de dag thams cad kyang zil gyis non par 'gyur ro/ /rgyun du zhugs pa rnams dang / rang sangs rgyas kyis bar dag nyi tser yang zad de/ byang chub sems dpa' sems dpa' chen po rnams</font><hr>35.256b<br><font size=+1>

kyis ni byang chub sems dpa' sems dpa' chen po gang dag sbyin pa'i pha rol du phyin pa la spyod pa thams la mkhas pa dang mi ldan zhing / shes rab kyi pha rol du phyin pa dang bral ba de dag thams cad kyang zil gyi non par 'gyur ro/ /gang dag sbyin pa'i pha rol du phyin pa la spyod pa dag nyi tser yang ma zad de/ byang chub sems dpa' sems dpa' chen po rnams kyis ni/ byang chub sems dpa' sems dpa' chen po gang dag tshul khrims kyi pha rol du phyin pa la spyod pa thabs la mkhas pa dang mi ldan zhing / shes rab kyi pha rol du phyin pa dang bral ba de dag kyang zil gyis non par 'gyur ro/ /gang dag tshul khrims kyi pha rol du phyin pa la spyod pa dag nyi tser yang ma zad de byang chub sems dpa' sems dpa' chen po rnams kyis ni/ byang chub sems dpa' sems dpa' chen po gang dag bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa la spyod pa thabs la mkhas pa dang mi ldan zhing / shes rab kyi pha rol du phyin pa dang bral ba dag kyang zil gyis non par 'gyur te/ byang chub sems dpa' sems dpa' chen po gang dag ji skad bstan pa'i shes rab kyi pha rol du phyin pa la spyod pa de dag ni lha dang mi dang lha ma yin du bcas pa'i 'jig rten gyis zil gyis non par mi nus so/ /byang chub sems dpa' sems dpa' chen po gang dag ji skad bstan pa'i shes rab kyi pha rol du phyin pa la spyod pa ni/ ji skad bstan pa'i shes rab kyi pha rol du phyin pa'i rjes su 'jug pa ste/ byang chub sems dpa' sems dpa' chen po de dag ni rnam pa thams cad mkhyen pa nyid kyi gdung rgyun mi 'chad par byed par gnas pa yin no/ /byang chub sems dpa' sems dpa' chen po de dag ni de bzhin gshegs pa ring du mi byed pa yin no/ /byang chub sems dpa' sems dpa' chen po de ltar sgrub pa de dag ni</font><hr>35.257a<br><font size=+1>

byang chub kyi snying po las ldog par mi 'gyur ro/ /byang chub sems dpa' sems dpa' chen po de dag ni sems can bying ba rnams 'don par 'dod pa yin no/ /byang chub sems dpa' sems dpa' chen po de ltar slob pa de dag ni byang chub sems dpa'i bslab pa la slob pa ste nyan thos kyi bslab pa la slob pa ma yin no/ /rang sangs rgyas kyi bslab pa la slob pa ma yin no/ /de ltar slob pa'i byang chub sems dpa' sems dpa' chen po'i drung du rgyal po chen po bzhi po dag kyang 'gro bar sems shing 'ongs nas kyang 'di skad du skyen par slob shig /myur du slobs shig /lhung bzed bzhi po 'di dag ni/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang bzhes pa yin pas khyod byang chub kyi snying po la 'dug ste/ bla na med pa yang dag par rdzogs pa'i byang chub mngon par rdzogs par sangs rgyas nas kyang blang bar bya ba yin no/ /zhes smra bar 'gyur ro/ /byang chub sems dpa' sems dpa' chen po shes rab kyi pha rol du phyin pa la de ltar spyod pa'i drung du rgyal po chen po bzhi po dag kyang rgyal chen bzhi'i ris kyi lha'i bu rnams dang lhan cig 'gro bar sems so/ /kho bo yang sum bcu rtsa gsum pa'i lha'i bu rnams dang lhan cig 'gro bar sems so/ /lha'i bu rab 'thab bral yang / 'thab bral ba'i lha'i bu rnams dang lhan cig 'gro bar sems so/ /lha'i bu yongs su dga' ldan yang dga' ldan gyi lha'i bu rnams dang lhan cig 'gro bar sems so/ /de bzhin du lha'i bu rab 'phrul dga' dang / lha'i bu dbang sgyur dang mi mjed kyi bdag po tshangs pa yang tshangs ris kyi lha'i bu rnams dang lhan cigs 'gro ba sems so/ /de bzhin du lha'i bu 'od gsal yang 'od gsal gyi lha'i bu rnams dang lhan cig 'gro bar sems so/ /</font><hr>35.257b<br><font size=+1>

de bzhin du dge rgyas dang / 'bras bu che dang / mi che dang / mi gdung dang / shin du mthong dang / gya nom snang dang / gnas gtsang ma'i ris kyi bar gyi lha'i bu rnams kyang 'gro bar sems so/ /byang chub sems dpa' sems dpa' chen po gang shes rab kyi pha rol du phyin pa zab mo 'di la spyod pa de la ni/ de bzhin gshegs pa dgra bcom pa yang dag par rdzogs pa'i sangs rgyas rnams kyang rtag du dgongs par 'gyur ro/ /byang chub sems dpa' sems dpa' chen po gang de ltar shes rab kyi pha rol du phyin pa zab mo 'di la spyod pa de'i lus la ni/ 'jig rten pa'i sdug bsngal gzhan gyis gnod par bya ba gang ji snyed gcig lus la 'byung bar 'gyur ba de dag kyang thams cad kyi thams cad rnam pa thams cad kyi thams cad du 'byung bar mi 'gyur ro/ /dge slong 'di ni byang chub sems dpa' sems dpa' chen po shes rab kyi pha rol du phyin pa zab mo 'di la spyod pa de'i tshe 'di'i yon tan yin no/ /de'i lus la 'dus pa las gyur pa'i nad gang ji snyed pa 'di lta ste/ mig nad dang / rna ba'i nad dang / sna nad dang / lce nad dang / so nad dang / lus kyi nad dang / sems kyi nad gang ji snyed pa de dag thams cad kyang 'byung bar mi 'gyur te/ de yang byang chub sems dpa' sems dpa' chen po shes rab kyi pha rol du phyin pa zab mo 'di la spyod pa'i tshe/ 'di'i yon tan du shes par bya ba yin no/ /de nas tshe dang ldan pa kun dga' bo 'di snyam du sems te/ ci lha'i dbang po brgya byin 'di rang gi spobs pas shes rab kyi pha rol du phyin pa ston tam/ 'on te sangs rgyas kyis mthus ston snyam mo/ /de nas lha'i dbang po brgya byin gyis tshe dang ldan pa kun dga' bo'i sems kyi yongs su rtog pa sems kyis shes nas/ tshe dang ldan pa kun dga' bo la 'di skad ces smras so/ /btsun pa kun dga' bo 'di ltar kho bo shes rab kyi pha rol du phyin pa ston pa 'di ni sangs rgyas kyis mthus yin par rig par</font><hr>35.258a<br><font size=+1>

bya'o/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de de bzhin no/ /de de bzhin te/ 'di ltar lha'i dbang po brgya byin 'di shes rab kyi pha rol du phyin pa ston pa de ni de bzhin gshegs pa'i mthus yin no/ /de ni de bzhin gshegs pa'i byin gyis brlab pa yin no/ /kun dga' bo gang gi tshe byang chub sems dpa' sems dpa' chen po shes rab kyi pha rol du phyin pa la slob pa dang / shes rab kyi pha rol du phyin pa la rnal 'byor du byed pa dang / shes rab kyi pha rol du phyin pa la sgom pa de'i tshe/ stong gsum gyi stong chen po'i 'jig rten gyi khams kyi bdud sdig can de dag thams cad 'di snyam du ci byang chub sems dpa' sems dpa' chen po 'di yang dag pa'i mtha' mngon sum du byed par 'gyur zhing / yang dag pa'i mtha' mngon sum du byas nas rgyun du zhugs pa'i 'bras bu mngon sum du byed par 'gyur ram/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid mngon sum du byed par 'gyur ram/ rang byang chub thob par 'gyur ram/ 'on te bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam du the tshom skye bar 'gyur ro/ /kun dga' bo gzhan yang gang gi tshe/ byang chub sems dpa' sems dpa' chen po shes rab kyi pha rol du phyin pa dang bral bar gyur pa de'i tshe/ bdud sdig can mya ngan gyi zug rngus zug par 'gyur ro/ /kun dga' bo gzhan yang bdud sdig can gyis byang chub sems dpa' sems dpa' chen po spa bkong bar bya ba dang / spu zing zhes byed par 'gyur ba dang / sems zhum par 'gyur ba dang / rnam pa thams cad mkhyen pa nyid yid la byed pa'i sems skyed pa gcig tsam yang rnam par g.yeng bar bya ba'i phyir/ skar mda' gtong zhing</font><hr>35.258b<br><font size=+1>

'jigs pa skyed par byed do/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das ci byang chub sems dpa' sems dpa' chen po thams cad kyi drung du bdud sdig can tho 'tsham pa'i bsam pas mchi bar 'gyur lags sam/ bcom ldan 'das kyi bka' stsal pa/ kun dga' bo byang chub sems dpa' sems dpa' chen po thams cad kyi drung du bdud sdig can tho 'tsham pa'i bsam pas 'ong ba ma yin te/ kun dga' bo byang chub sems dpa' sems dpa' chen po kha cig gi drung du ni bdud sdig can tho 'tsham pas 'ong bar 'gyur ro/ /kha cig gi drung du ni 'ong bar mi 'gyur ro/ /kun dga' bos gsol pa/ bcom ldan 'das byang chub sems dpa' sems dpa' chen po ji lta bu dag gi drung du bdud sdig can tho mtsham pas bsam pas mchi bar 'gyur la/ ji lta bu dag gi drung du ni mchi bar mi 'gyur lags/ bcom ldan 'das kyis bka' stsal pa/ kun dga' bo byang chub sems dpa' sems dpa' chen po gang dag sngon gyi mthar yang shes rab kyi pha rol du phyin pa zab mo 'di bshad pa na/ sems mos par ma gyur pa de dag gi drung du ni bdud sdig can tho mtsham pas 'ong bar 'gyur ro/ /kun dga' bo gzhan yang byang chub sems dpa' gang dag shes rab kyi pha rol du phyin pa zab mo 'di bshad pa na/ 'di shes rab kyi pha rol du phyin pa yin nam/ 'on te 'di shes rab kyi pha rol du phyin pa ma yin snyam du the tshom za bar gyur na/ kun dga' bo byang chub sems dpa' sems dpa' chen po de dag gi drung du yang / bdud sdig can tho 'tsham pa'i bsam pas 'ong bar 'gyur ro/ /kun dga' bo gzhan yang byang chub sems dpa' sems dpa' chen po/ dge ba'i bshes gnyen dang bral bar gyur na/ des dge ba'i bshes gnyen dag mi mthong bas/ shes rab</font><hr>35.259a<br><font size=+1>

kyi pha rol du phyin pa zab mo 'di mi thos so/ /ma thos na mi shes pas/ ji ltar shes rab kyi pha rol du phyin pa 'di bsgom par bya zhes de bzhin nyid du sgrub par mi byed do/ /kun dga' bo gzhan yang byang chub sems dpa' sems dpa' chen po shes rab kyi pha rol du phyin pa dang bral na/ dam pa ma yin pa'i chos yongs su 'dzin par byed de/ kun dga' bo byang chub sems dpa' sems dpa' chen po de la yang bdud sdig can gyis glags rnyed par 'gyur ro/ /kun dga' bo gzhan yang shes rab kyi pha rol du phyin pa dang bral ba'i byang chub sems dpa' dam pa ma yin pa'i chos kyi bsngags pa brjod na/ de la bdud sdig can 'di snyam du gang dam pa ma yin pa'i chos kyi bsngags pa brjod pa 'di ni bdag gi grogs yin te/ gang dam pa ma yin pa'i chos kyis bsngags pa brjod pa de ni byang chub sems dpa'i theg pa pa mang po dag gis nang nas bdag gi grogs su rnyed pa yin te/ byang chub sems dpa'i theg pa pa'i gang zag gang yin pa de dag kyang / 'di lta ste/ sa gnyis po nyan thos kyi sa 'am/ rang sangs rgyas kyi sa dag la gnas par 'gyur bas na/ 'di ni bdag gi bsam pa yongs su rdzogs par byed pa yin no snyam du sems so/ /kun dga' bo gzhan yang byang chub sems dpa' sems dpa' chen po ji lta bu dag la bdud sdig can gyis glags rnyed par 'gyur zhe na/ byang chub sems dpa' gang shes rab kyi pha rol du phyin pa zab mo 'di bshad pa na/ 'di skad du shes rab kyi pha rol du phyin pa 'di ni zab pas na/ khyod kyis shes rab kyi pha rol du phyin pa zab mo 'di mnyan pa dang / bshad pa dang / bzung ba dang / klag pa dang / kun chub par bya ba dang / yongs su rdzogs par byas te/ ci rung ngas kyang da dung 'di'i gting ma rnyed na/ khyod kyis lta rnyed par mi 'gyur zhes zer na/ kun dga' bo byang chub sems</font><hr>35.259b<br><font size=+1>

dpa' sems dpa' chen po de la yang bdud sdig can gyis glags rnyed par 'gyur ro/ /kun dga' bo gzhan yang gang gi tshe/ byang chub sems dpa'/ byang chub sems dpa' gzhan dag la rlom sems su byed de/ kho bo ni sbyin pa'i pha rol du phyin pa la spyod pa yin gyi/ khyod ni sbyin pa'i pha rol du phyin pa la spyod pa ma yin no/ /de bzhin du sbyar te/ kho bo ni shes rab kyi pha rol du phyin pa'i bar la spyod pa yin gyi/ khyod ni shes rab kyi pha rol du phyin pa la spyod pa ma yin no zhes rlom sems su byed na/ kun dga' bo byang chub sems dpa' de la yang bdud sdig can gyis glags rnyed par 'gyur ro/ /kun dga' bo gzhan yang gang gi tshe byang chub sems dpa' sems dpa' chen po bdag la bstad par sems na/ de'i tshe bdud sdig can dga' ba dang / mgu ba dang / yid rangs pa dang / rab du dga' ba dang dga' ba dang yid bde ba skye bar 'gyur te/ kun dga' bo byang chub sems dpa' sems dpa' chen po de la yang bdud sdig can gyis glags rnyed par 'gyur ro/ /kun dga' bo gzhan yang gang gi tshe/ byang chub sems dpa'i ming smos sam/ rus smos ste/ yongs su bsgrag nas/ ming smos pa 'am/ rus smos pa des de las gzhan pa'i byang chub sems dpa' des pa dge ba'i chos can dag la rlom sems su byed cing / bdag stod par byed/ gzhan smod par byed la/ phyir mi ldog pa'i byang chub sems dpa' sems dpa' chen po rnams kyi rnam pa dang / rtags dang mtshan ma gang yin pa'i yon tan de dag kyang de la med la/ de rnam pa dang / rtags dang / mtshan ma de dag med bzhin du nyon mongs pa skyed cing bdag la stod par byed/ gzhan la smod par byed de/ ji ltar kho bo byang chub sems dpa'i theg pa dang / byang chub sems dpa'i rigs la yang dag par snang ba ltar/ khyod ni byang chub sems dpa'i</font><hr>35.260a<br><font size=+1>

theg pa dang / byang chub sems dpa'i rigs la yang dag par mi snang ngo zhes/ de des byang chub sems dpa'i theg pa pa'i gang zag rnams la brnyas shing smod par byed na/ de la bdud sdig can 'di snyam du bdag gi gnas kyang stong par mi 'gyur la/ sems can dmyal ba chen po dang / dud 'gro'i skye gnas dang / gshin rje'i 'jig rten dang / yi dgas kyi yul dag kyang shin du 'phel bar 'gyur ro/ /snyam du sems shing / bdud sdig can gyis ci nas kyang / byang chub sems dpa' de'i tshig gzung bar 'os par 'gyur ba de lta de ltar byin gyis rlob par byed do/ /de'i tshig gzung bar 'os pa/ de la 'gro ba mang po dag kyang mnyan par bya bar sems te/ de dag gis de la mnyan cing / dad par bya bar bsam pas de dag gis mthong ba na 'thun par byed de/ de dag gis de mthong nas rjes su 'thun par spyod cing de dag de bzhin nyid du slob par 'gyur ro/ /de bzhin nyid du slob cing de bzhin nyid du sgrub pas/ nyon mongs pa 'phel bar 'gyur te/ de ltar de dag sems phyin ci log du gyur pa'i lus dang ngag dang / yid kyi las gang dang / gang rtsam pa de thams cad kyang mi 'dod pa dang / mi sdug pa dang / yid du mi 'ong ba nyid du 'gyur te/ de ltar sems can dmyal ba chen po dag kyang 'phel par 'gyur ro/ /dud 'gro'i skye gnas dang / gshin rje'i 'jig rten dang / yi dgas kyi yul yang 'phel bar 'gyur ro/ /bdud kyi gnas kyang 'phel bar 'gyur te/ kun dga' bo don gyi dbang de mthong bas na/ bdud sdig can yid rangs pa dang / rab du dga' ba dang / dga' ba dang / yid bde ba skye bar 'gyur ro/ /kun dga' bo gzhan yang gal te/ byang chub sems dpa'i theg pa pa'i gang zag nyan thos kyi theg pa pa'i gang zag dang / lhan cig rtsod par byed na/ de la bdud sdig can 'di snyam du/ a la la rigs kyi bu 'di</font><hr>35.260b<br><font size=+1>

dag ni rnam pa thams cad mkhyen pa nyid ring du byed pa yin te/ 'di dag ni rnam pa thams cad mkhyen pa nyid dang nye bar mi 'gyur ro/ /de ci'i phyir zhe na/ 'thab mo dang / mtshang 'bru ba dang / 'thab pa dang / rtsod pa 'di ni rnam pa thams cad mkhyen pa nyid kyi lam ma yin gyi 'di ni sems can dmyal ba'i lam yin la/ 'di ni dud 'gro'i skye gnas dang / gshin rje'i 'jig rten gyi lam yin te/ rnam pa thams cad mkhyen pa nyid kyi lam ma yin pa'i phyir ro snyam mo kun dga' bo gzhan yang byang chub sems dpa'i theg pa pa'i gang zag gal te/ byang chub sems dpa'i theg pa pa'i gang zag gzhan dang / 'thab mo dang / 'tshang 'bru ba dang / 'thab pa dang rtsod pa dag byed par gyur na/ de la bdud sdig can 'di snyam du 'di gnyis ni rnam pa thams cad mkhyen pa nyid ring du byed pa yin te/ 'di gnyis kyis ni/ bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ro/ /de ci'i phyir zhe na/ 'di ltar gang rigs kyi bu 'di dag rtsom pa 'di ni rnam pa thams cad mkhyen pa nyid kyi lam ma yin gyi/ gang rigs kyi bu 'di dag rtsom pa 'di ni sems can dmyal ba'i lam dang / dud 'gro'i skye gnas kyi lam dang / gshin rje'i 'jig rten gyi lam yin pa'i phyir ro snyam mo/ /kun dga' bo gzhan yang gal te byang chub sems dpa' lung ma bstan pa zhig lung bstan pa'i byang chub sems dpa' la gnod sems kyi sems skyed par byed cing / 'thab mo dang / 'khrug long dang / 'tshang 'bru dang / rtsod pa dang / 'gyed par byed pa dang / gal te des rnam pa thams cad mkhyen pa nyid yongs su ma btang na/ des ji snyed du 'thab mo dang / mtshang 'dru ba dang / 'thab pa dang / rtsod par bya ba'i sems skyed pa de snyed kyi bskal par des go cha bgo bar bya dgos so/ /de skad ces bka' stsal pa dang / bcom ldan 'das la tshe dang ldan pa kun dga'</font><hr>35.261a<br><font size=+1>

bos 'di skad ces gsol to/ /bcom ldan 'das sems skyed pa de dag la nges par 'byung ba mchis sam/ 'on te de snyed kyi bskal pa kho nar go cha bgo bar bgyi 'tshal lags/ de skad ces gsol pa dang bcom ldan 'das kyis tshe dang ldan pa kun dga' bo la 'di skad ces dka' stsal to/ /kun dga' bo ngas ni nyan thos kyi theg pa pa rnams dang / rang sangs rgyas kyi theg pa pa rnams dang / byang chub sems dpa'i theg pa pa'i gang zag rnams la nges par 'byung ba dang bcas pa'i chos bstan te/ kun dga' bo de la byang chub sems dpa'i theg pa pa'i gang zag /byang chub sems dpa'i theg pa pa'i gang zag la 'thab pa dang / rtsod pa dang / khro ba dang / spyo bar byed cing 'thabs shing rtsod la khros shing spyos nas kyang chags par mi byed par mdud par 'dzin cing / bag la nyal bas gnas par byed na/ kun dga' bo gang zag de la ni nges par 'byung ba yod par nga mi smra ste/ gang zag des ni gal te rnam pa thams cad mkhyen pa nyid mi gtong na/ de snyed kyi bskal par gdon mi za bar go cha bgo bar bya dgos so/ /kun dga' bo gzhan yang byang chub sems dpa' sems dpa' chen pos 'thabs shing rtsod la khros shing spyos nas kyang 'chag par byed cing / bag la nyal bas mi gnas te/ bdag gis ni thob par bya ba nges par thob te/ bdag gis sems can thams cad kyi sdug bsngal bsal dgos na smras pa la bdag gis phyir smra ba dang / 'di ltar bdag sems can thams cad kyi zam par gyur par bya dgos na/ bdag gzhan la mi snyan bar smra zhing phyir zlog pa ni mi tshul gyi bdag gis de ltar mi bya bar/ bdag lug ltar lkug par bya zhing mi smra bar bya'o/ /bdag gis lhag pa'i bsam pa dkrug par mi bya ste/ bdag bla na med pa yang dag par rdzogs pa'i byang chub mngon par rdzogs par sangs rgyas nas kyang / sems can 'di dag yongs su mya ngan las zla bar</font><hr>35.261b<br><font size=+1>

bya dgos na/ de bdag nyid la bdag gnod sems bskyed pa dang / de bdag nyid la bdag 'khrug par byed pa ni mi tshul gyis bdag gis de dag la gnod sems mi skyed cing / bdag gis de dag la 'khrug par mi bya'o/ /zhes phyin cad kyang sdom pa 'dzin par byed na/ kun dga' bo byang chub sems dpa' sems dpa' chen po de ni nges par 'byung ba dang bcas pa yin no zhes nga smra ste/ de la bdud sdig can gyi glags rnyed par mi 'gyur ro/ /kun dga' bo gzhan yang byang chub sems dpa' sems dpa' chen po nyan thos kyi theg pa pa'i gang zag rnams dang lhan cig gnas par mi bya'o/ /gal te gnas na yang gang la yang gnod sems kyi sems skyed par mi bya'o/ /de ci'i phyir zhe na 'di ltar gang gi phyir 'di dag la gnod sems skyed pa 'am/ 'khrug par bya ba ni bdag la rigs pa ma yin pa'i phyir ro/ /de ci'i phyir zhe na/ 'di ltar 'di dag ni bla na med pa yang dag par rdzogs pa'i byang chub mngon par rdzogs par sangs rgyas nas/ sdug bsngal thams cad las yongs su thar par bya dgos pa'i phyir ro snyam mo/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das byang chub sems dpa' sems dpa' chen pos byang chub sems dpa'i theg pa pa'i gang zag rnams kyi drung du ji ltar gnas par bgyi lags/ bcom ldan 'das kyis bka' stsal pa/ kun dga' bo byang chub sems dpa' sems dpa' chen pos ston pa la ji lta ba bzhin du byang chub sems dpa'i theg pa pa'i gang zag rnams kyi drung du gnas par bya'o/ /de ci'i phyir zhe na/ 'di ni bdag gi grogs yin te theg pa cig la zhugs pa yin zhing 'dis ji ltar bslab par bya ba de ltar bdag gis kyang bslab par bya dgos la/ 'dis gang la bslab par bya ba'i sbyin pa'i pha rol du phyin pa dang / rnam pa thams cad mkhyen pa nyid kyi bar de la bdag gis kyang bslab par bya dgos pa'i phyir ro/ /gal te 'di rnam pa thams cad mkhyen pa nyid dang ldan pa'i yid la byed</font><hr>35.262a<br><font size=+1>

pa dag dang bral bas 'dres par gnas na/ bdag gis de la bslab par mi bya'i/ gal te byang chub sems dpa' sems dpa' chen po 'di rnam pa thams cad mkhyen pa nyid dang ldan pa'i yid la byed pa dag dang ma bral bar gnas na/ bdag gis kyang de bzhin du gnas par bya'o snyam ste/ de ltar slob pa'i byang chub sems dpa' sems dpa' chen po ni bslab pa mnyam pa yin no/ /shes rab kyi pha rol tu phyin pa khri brgyad stong pa las/ bslab pa mnyam pa'i le'u zhes bya ste/ lnga bcu rtsa drug pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen pos mnyam pa nyid gang la bslab par bgyi ba'i byang chub sems dpa' sems dpa' chen po rnams kyi mnyam pa nyid gang lags/ bcom ldan 'das kyis bka' stsal pa/ rab 'byor nang stong pa nyid dang / de bzhin du sbyar te/ dngos po med pa'i ngo bo nyid stong pa nyid kyi bar ni/ byang chub sems dpa' sems dpa' chen po rnams kyi mnyam pa nyid yin no/ /gzugs ni gzugs kyis stong ngo / /tshor ba dang / 'du shes dang / 'du byed rnams dang / rnam par shes pa ni rnam par shes pas stong ngo / /de bzhin du byang chub kyi bar du yang byang chub kyis stong ste/ rab 'byor de ni byang chub sems dpa' sems dpa' chen po rnams kyi mnyam pa nyid yin te/ mnyam pa nyid de la gnas nas/ byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor gyis gsol pa/ bcom ldan 'das ci byang chub sems dpa' sems dpa' chen po gzugs bas par bgyi ba'i slad du slob na/ rnam pa thams cad mkhyen pa nyid la slob pa lags sam/ gzugs 'dod chags dang bral bar bgyi ba'i slad du</font><hr>35.262b<br><font size=+1>

slob na/ rnam pa thams cad mkhyen pa nyid la slob pa lags sam/ gzugs 'gog pa'i slad du slob na/ rnam pa thams cad mkhyen pa nyid la slob pa lags sam/ gzugs skye ba ma mchis pa'i slad du slob na rnam pa thams cad mkhyen pa nyid du slob pa lags sam/ de bzhin du so so yang dag par rig pa bzhi'i bar dag bas par bgyi ba'i bar du slob na/ rnam pa thams cad mkhyen pa nyid la slob pa lags sam/ de bzhin du so so yang dag par rig pa bzhi skye ba ma mchis pa'i bar du slob na/ rnam pa thams cad mkhyen pa nyid la slob pa lags sam/ tshor ba dang / 'du shes dang / 'du byed rnams dang / rnam par shes pa bas par bgyi ba'i bar du slob na/ rnam pa thams cad mkhyen pa nyid la slob pa lags sam/ skye ba ma mchis pa'i bar gyi slad du slob na/ rnam pa thams cad mkhyen pa nyid la slob pa lags sam/ byang chub kyi bar du bas par bgyi ba dang / 'dod chags dang bral ba dang / 'gog pa dang / skye ba ma mchis pa'i bar du slob na/ rnam pa thams cad mkhyen pa nyid la slob pa lags sam/ de bzhin du thams cad la yang rgya cher sbyar bar bgyi'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang yang khyod 'di skad du/ gang gzugs zad par bya ba'i phyir slob na/ rnam pa thams cad mkhyen pa nyid la slob pa yin nam/ skye ba med pa'i bar du slob na/ rnam pa thams cad mkhyen pa nyid la slob pa yin nam/ tshor ba dang / 'du shes dang / 'du byed rnams dang / rnam par shes pa zad par bya ba'i phyir slob na/ rnam pa thams cad mkhyen pa nyid la slob pa yin nam/ skye ba med pa'i phyir slob na rnam pa thams cad mkhyen pa nyid la slob pa yin nam/ byang chub kyi bar du zad par bya ba dang / 'dod chags dang bral ba dang / 'gog pa dang / </font><hr>35.263a<br><font size=+1>

skye ba med pa'i phyir slob na/ rnam pa thams cad mkhyen pa nyid la slob pa yin nam/ de bzhin du thams cad la yang rgya cher sbyar bar bya'o zhes zer ba ni/ rab 'byor 'di ji snyam du sems/ gzugs kyi de bzhin nyid gang yin pa dang / tshor ba dang / 'du shes dang / 'du byed rnams dang / rnam par shes pa'i de bzhin nyid dang / de bzhin du sbyar te/ byang chub kyi bar gyi de bzhin nyid gang yin pa dang / de bzhin gshegs pa'i de bzhin nyid gang yin pa'i de bzhin nyid gang gis de bzhin gshegs par gdags pa'i de bzhin nyid de la zad pa 'am/ 'gag pa 'am/ 'bri bar 'gyur ba yod snyam 'am/ rab 'byor gyis gsol pa/ bcom ldan 'das de ni ma lags so/ /bde bar gshegs pa de ni ma lags so/ /bcom ldan 'das kyis bka' stsal pa/ rab 'byor de ltar slob pa'i byang chub sems dpa' sems dpa' chen po ni de bzhin nyid la slob cing / rnam pa thams cad mkhyen pa nyid la slob pa yin te/ de bzhin nyid la ni zad pa 'am/ 'gag pa 'am/ 'bri bar 'gyur ba yang med do/ /rab 'byor de ltar slob pa'i byang chub sems dpa' sems dpa' chen po ni de bzhin nyid la slob cing rnam pa thams cad mkhyen pa nyid la slob pa yin no/ /rab 'byor de ltar slob pa'i byang chub sems dpa' sems dpa' chen po ni pha rol du phyin pa drug po dag la slob pa yin no/ /dran pa nye bar bzhag pa rnams dang / de bzhin du sbyar te/ sangs rgyas kyi chos ma 'dres pa bcwa brgyad kyi bar dang / rnam pa thams cad mkhyen pa nyid kyi bar la slob pa yin no/ /rab 'byor de ltar slob pa'i byang chub sems dpa' sems dpa' chen po ni pha rol du phyin pa'i bslab pa thams cad kyi pha rol du phyin pa rjes su thob par 'gyur ro/ /rab 'byor de ltar slob</font><hr>35.263b<br><font size=+1>

pa'i byang chub sems sems dpa' chen po ni bdud dam/ bdud kyi ris kyi lha rnams kyis thul bar mi nus pa yin no/ /rab 'byor de ltar slob pa'i byang chub sems dpa' sems dpa' chen po ni myur ba nyid du phyir mi ldog pa'i rjes su thob par 'gyur ro/ /rab 'byor de ltar slob pa'i byang chub sems dpa' sems dpa' chen po ni rang gi pha de bzhin gshegs pa'i spyod yul la spyod pa yin no/ /rab 'byor de ltar slob pa'i byang chub sems dpa' sems dpa' chen po ni mun pa med par byed pa'i chos rnams la spyod pa yin no/ /rab 'byor de ltar slob pa'i byang chub sems dpa' sems dpa' chen po ni sangs rgyas kyi zhing yongs su dag par byed pa'i chos rnams la spyod pa yin no/ /rab 'byor de ltar slob pa'i byang chub sems dpa' sems dpa' chen po ni byams pa chen po la slob pa yin/ snying rje chen po la slob pa yin/ sangs rgyas kyi zhing yongs su dag par bya ba'i phyir slob pa yin/ sems can rnams yongs su smin par bya ba dag la slob pa yin no/ /rab 'byor de ltar slob pa'i byang chub sems dpa' sems dpa' chen po ni lan gsum du bzlas te/ chos kyi 'khor lo rnam pa bcu gnyis su bskor ba'i phyir slob pa yin no/ /rab 'byor de ltar slob pa'i byang chub sems dpa' sems dpa' chen po ni sems can rnams yongs su mya ngan las 'da' bar bya'o zhes slob pa yin no/ /rab 'byor 'di ltar slob pa'i byang chub sems dpa' sems dpa' chen po ni de bzhin gshegs pa'i gdung rgyun mi 'chad par bya ba'i phyir slob pa yin no/ /rab 'byor de ltar slob pa'i byang chub sems dpa' sems dpa' chen po ni 'chi ba med pa'i sgo rnam par dbye bar bya'o zhes slob pa yin/ 'dus ma byas kyi khams yang dag par bstan par bya'o/ /zhes slob pa yin te/ rab 'byor sems can dman pa rnams kyis ni bslab pa 'di la slob par mi nus so/ /</font><hr>35.264a<br><font size=+1>

byang chub sems dpa' sems dpa' chen po gang bslab pa 'di la slob pa/ de ni sems can thams cad 'khor ba las 'don par 'dod pa yin te/ rab 'byor de ltar slob pa'i byang chub sems dpa' sems dpa' chen po ni sems can dmyal bar mi skye'o/ /dud 'gro'i skye gnas dang / gshin rje'i 'jig rten dang / yul mtha' 'khob rnams su mi skye'o/ /gdol pa'i rigs rnams su mi skye'o/ /zhar bar mi 'gyur/ 'theng por mi 'gyur/ 'on par mi 'gyur lba ba can du mi 'gyur/ gzhogs phyed skam par mi 'gyur/ dbang po ma tshang bar mi 'gyur te/ dbang po yongs su rdzogs par 'gyur zhing / yongs su ma rdzogs par mi 'gyur ro/ /srog gcod par mi 'gyur/ log par lta ba'i bar du mi 'gyur/ log pa'i 'tsho bas 'tsho bar mi 'gyur ro/ /yang dag pa ma yin pa yongs su 'dzin par mi byed do/ /tshul khrims 'chal bar mi 'gyur ro/ /tshul khrims 'chal pa yongs su 'dzin par mi byed do/ /rab 'byor de ltar slob pa'i byang chub sems dpa' sems dpa' chen po/ lha tshe ring po rnams kyi nang du skye bar mi 'gyur ro/ /de ci'i phyir zhe na/ thabs la mkhas pa gang dang ldan pas byang chub sems dpa' sems dpa' chen po bsam gtan rnams la snyoms par 'jug pa dang / tshad med pa rnams la snyoms par 'jug pa dang / gzugs med pa'i snyoms par 'jug pa rnams la snyoms par 'jug kyang bsam gtan rnams dang / tshad med pa rnams dang / gzugs med pa'i snyoms par 'jug pa rnams kyis dbang gis mi skye ba'i thabs la mkhas pa de la yod pa'i phyir ro/ /rab 'byor de ltar/ slob pa'i byang chub sems dpa' sems dpa' chen po ni/ 'di lta ste/ nyan thos dang / rang sangs rgyas kyis yongs su dag pas/ sangs rgyas kyi chos thams cad kyi stobs yongs su dag pa rtogs</font><hr>35.264b<br><font size=+1>

par 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad rang bzhin gyi yongs su dag pa lags na/ byang chub sems dpa' sems dpa' chen po chos gang zhig gi yongs su dag pa rtog par 'gyur lags/ bcom ldan 'das kyis bka' stsal pa/ rab 'byor de de bzhin te/ de de bzhin no/ /ji skad smras pa de bzhin te/ rab 'byor chos thams cad ni rang bzhin gyi yongs su dag pa ste/ rab 'byor de ltar chos thams cad yongs su dag pa la/ byang chub sems dpa' sems dpa' chen po shes rab kyi pha rol du phyin pa la spyod pa'i sems mi zhum mi 'gong ba gang yin pa de ni rab 'byor byang chub sems dpa' sems dpa' chen po'i shes rab kyi pha rol du phyin pa yin na/ byis pa so so'i skye bo rnams kyis chos nyid de mi shes mi mthong bas/ sems can de dag gi don du/ byang chub sems dpa' sems dpa' chen po sbyin pa'i pha rol du phyin pa la spyod cing / shes rab kyi pha rol du phyin pa'i bar la spyod de/ rab 'byor chos thams cad la de ltar spyod pa'i byang chub sems dpa' sems dpa' chen po ni stobs dang / mi 'jigs pa rjes su 'thob par 'gyur ro/ /rab 'byor de ltar slob pa'i byang chub sems dpa' sems dpa' chen po ni sems can thams cad kyi sems kyi spyod pa rnam par g.yo ba'i pha rol du 'gro ba yin no/ /rab 'byor 'di lta ste/ dper na/ sa chen po'i phyogs dag na gang na 'dzam bu chu bo'i gser gyi sa le sbram dang / dngul dag 'byung bar 'gyur ba ni nyung ngo / /rab 'byor de bzhin du sems can gang dag 'di lta ste/ shes rab kyi pha rol du phyin pa'i bslab pa 'di la slob pa de dag ni nyung gi/ sems can gang dag nyan thos kyi sa 'am/ rang sangs rgyas kyi sa la gnas</font><hr>35.265a<br><font size=+1>

pa de dag ni de bas ches mang ngo / /rab 'byor 'di lta ste/ dper na/ sems can gang dag 'khor los bsgyur ba'i rgyal por 'gyur ba'i las yang dag par blangs te/ gnas pa de dag ni nyung gis/ sems can gang dag khams kyi rgyal por 'gyur ba'i las yang dag par blang te/ gnas pa de dag ni ches mang ngo / /rab 'byor de bzhin du sems can gang dag rnam pa thams cad mkhyen pa nyid kyi lam 'di la yang dag par zhugs pa de dag ni nyung gis/ sems can gang dag nyan thos dang / rang sangs rgyas kyi lam du yang dag par zhugs pa de dag ni ches mang ngo / /rab 'byor byang chub sems dpa' sems dpa' chen po gang dag bla na med pa yang dag par rdzogs pa'i byang chub la yang dag par zhugs pa de dag pas kyang byang chub sems dpa' sems dpa' chen po gang dag de bzhin nyid la sgrub pa dag ches nyung ngo / /de bas kyang gang dag nyan thos dang / rang sangs rgyas nyid la gnas par 'gyur ba ni ches mang ngo / /rab 'byor byang chub sems dpa'i theg pa pa'i rigs kyi bu gang dag shes rab kyi pha rol du phyin pa la gnas shing phyir mi ldog pa'i sa gnon par 'gyur ba de dag bas ni/ gang dag phyir mi ldog pa'i sa gnon par mi 'gyur ba dag ches mang ngo / /rab 'byor de lta bas na/ byang chub sems dpa' sems dpa' chen po phyir mi ldog pa'i sa 'thob par 'dod pa dang / phyir mi ldog pa'i sar bgrang bar chud par 'dod pas/ shes rab kyi pha rol du phyin pa zab mo 'di nyid la bslab par bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ ser sna dang ldan pa'i sems mi bskyed do/ /'chal pa'i tshul khrims dang ldan pa'i sems mi bskyed do/ /'khrugs pa dang ldan pa'i sems mi bskyed do/ /</font><hr>35.265b<br><font size=+1>

le lo dang ldan pa'i sems mi bskyed do/ /rnam par g.yeng ba dang ldan pa'i sems mi bskyed do/ /'chal ba'i shes rab dang ldan pa'i sems mi bskyed do/ /'dod chags dang ldan pa'i sems mi bskyed do/ /zhe sdang dang ldan pa'i sems mi bskyed do/ /gti mug dang ldan pa'i sems mi bskyed do/ /tha ba dang ldan pa'i sems mi bskyed do/ /gzugs dang ldan pa'i sems mi bskyed do/ /tshor ba dang / 'du shes dang / 'du byed rnams dang / rnam par shes pa dang ldan pa'i sems mi bskyed do/ /de bzhin du sbyar te/ byang chub kyi bar dang ldan pa'i sems mi bskyed do/ /de ci'i phyir zhe na/ rab 'byor 'di ltar byang chub sems dpa' sems dpa' chen po shes rab kyi pha rol du phyin pa zab mo 'di la spyod pa ni chos gang yang mi dmigs te/ mi dmigs pas chos gang la yang sems bskyed par mi byed pa'i phyir ro/ /rab 'byor de ltar shes rab kyi pha rol tu phyin pa zab mo 'di la spyod pa'i byang chub sems dpa' sems dpa' chen pos ni/ pha rol du phyin pa drug po thams cad yang dag par bzung ba yin no/ /pha rol du phyin pa thams cad yang dag par bsgrubs pa yin no/ /pha rol du phyin pa thams cad kyi rjes su song ba yin no/ /de ci'i phyir zhe na/ rab 'byor 'di ltar pha rol du phyin pa thams cad ni/ shes rab kyi pha rol du phyin pa zab mo 'di'i nang du 'dus pa'i phyir ro/ /rab 'byor 'di lta ste dper na/ lta bar gyur pa drug bcu rtsa gnyis po dag ni 'jig tshogs la lta ba'i nang du 'dus so/ /rab 'byor de bzhin du pha rol du phyin pa thams cad kyang shes rab kyi pha rol du phyin pa zab mo 'di'i nang du 'dus so/ /rab 'byor 'di lta ste dper na/ 'chi ba'i dus byas pas srog gi dbang po 'gag na dbang po thams cad kyang 'gag par 'gyur ro/ /rab 'byor de bzhin du byang chub sems dpa' sems dpa' chen po</font><hr>35.266a<br><font size=+1>

shes rab kyi pha rol du phyin pa la spyod pa la pha rol du phyin pa thams cad rjes su song ba yin no/ /rab 'byor de lta bas na byang chub sems dpa' sems dpa' chen po pha rol du phyin pa thams cad kyi pha rol du 'gro bar 'dod pas/ shes rab kyi pha rol du phyin pa zab mo 'di la bslab par bya'o/ /rab 'byor byang chub sems dpa' sems dpa' chen po shes rab kyi pha rol du phyin pa zab mo 'di la slob pa ni sems can thams cad kyi mchog du 'gyur bar slob pa yin no/ /rab 'byor 'di ji snyam du sems/ stong gsum gyi stong chen po'i 'jig rten gyi khams na sems can gang dag 'khod pa de dag mang ba yin snyam 'am/ gsol pa/ bcom ldan 'das 'dzam bu'i gling gi sems can nyid kyang mang ba lags na/ gang dag stong gsum gyi stong chen po'i 'jig rten gyi khams kyi sems can rnams lta smos kyang ci 'tshal te/ mang lags so/ /bde bar gshegs pa mang lags so/ /bka' stsal pa/ rab 'byor stong gsum gyi stong chen po'i 'jig rten gyi khams na sems can gang dag ji snyed pa de dag thams cad snga phyi med par mi'i lus thob nas/ bla na med pa yang dag par rdzogs pa'i byang chub mngon par rdzogs par sangs rgyas par gyur la byang chub sems dpa' sems dpa' chen po zhig gis ji srid 'tsho'i bar du/ de bzhin gshegs pa dgra bcom pa yang dag par rdzogs pa'i sangs rgyas de dag thams cad re re la na bza' dang / bshos dang / gzims cha dang / gdan dang / bsnyun gyi gsos sman dang / yo byad dag gis bsnyen bkur byas na/ rab 'byor 'di ji snyam du sems/ byang chub sems dpa' sems dpa' chen po de gzhi de las bsod nams mang du bskyed par 'gyur snyam 'am/ gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang</font><hr>35.266b<br><font size=+1>

shes rab kyi pha rol du phyin pa zab mo 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa de dag ches bsod nams mang du skyed par 'gyur ro/ /de ci'i phyir zhe na/ rab 'byor 'di ltar byang chub sems dpa' sems dpa' chen po rnams kyi shes rab kyi pha rol du phyin pa ni/ bla na med pa yang dag par rdzogs pa'i byang chub bsgrub pa'i don chen po byed pa'i phyir ro/ /rab 'byor de lta bas na byang chub sems dpa' sems dpa' chen po sems can thams cad kyi bla na med par 'gyur bar 'dod pa dang / sems can mgon med pa rnams kyi mgon du 'gyur bar 'dod pa dang / skyabs med pa rnams kyi skyabs su 'gyur bar 'dod pa dang / dpung gnyen med pa rnams kyi dpung gnyen du 'gyur bar 'dod pa dang / mun pa can rnams kyi sgron mar 'gyur bar 'dod pa dang / sangs rgyas nyid rjes su thob par 'dod pa dang / sangs rgyas kyi yul du phyin par 'dod pa dang / sangs rgyas kyi rnam par rol pas rnam par rtse bar 'dod pa dang / sangs rgyas kyi seng ge'i sgra sgrogs par 'dod pa dang / sangs rgyas kyi rnga bo che brdung bar 'dod pa dang / sangs rgyas kyi dung 'bud par 'dod pa dang / sangs rgyas kyi chos dang 'bel ba'i gtam zer bar 'dod pas shes rab kyi pha rol du phyin pa zab mo 'di nyid la de ltar bslab par bya'o/ /de ci'i phyir zhe na/ rab 'byor shes rab kyi pha rol du phyin pa la slob pa'i byang chub sems dpa' sems dpa' chen pos ni phun sum tshogs pa gang thob par bya ba de dag las mi 'thob pa gang yang med pa'i phyir ro/ /rab 'byor gyis gsol pa/ bcom ldan 'das ci nyan thos kyi phun sum tshogs pa yang des thob par bgyi lags sam/ bcom ldan 'das rang sangs rgyas kyi phun sum tshogs pa yang des thob par bgyi lags sam/ bcom ldan 'das kyis bka' stsal pa/ rab 'byor nyan thos kyi phun sum</font><hr>35.267a<br><font size=+1>

tshogs pa yang des thob par bya zhing rang sangs rgyas kyi phun sum tshogs pa yang des thob par bya mod kyi/ de la gnas par mi bya/ brten par mi bya ste/ shes pa dang / mthong bas rnam par bltas nas/ shin du 'da' bar bya ste/ byang chub sems dpa'i skyon med pa la 'jug par bya'o/ /rab 'byor de ltar slob pa'i byang chub sems dpa' sems dpa' chen po ni rnam pa thams cad mkhyen pa nyid dang nye bar gyur pa yin te/ bla na med pa yang dag par rdzogs pa'i byang chub mngon par rdzogs par 'tshang rgya'o/ /de ltar slob pa'i byang chub sems dpa' sems dpa' chen po ni lha dang / mi dang lha ma yin du bcas pa'i 'jig rten gyi sbyin pa'i gnas su gyur pa yin te/ rab 'byor/ de ltar slob pa'i byang chub sems dpa' sems dpa' chen po ni gang dag de las gzhan pa'i sbyin pa'i gnas/ nyan thos dang / rang sangs rgyas gang dag ji snyed pa de dag thams cad zil gyis mnan cing / rnam pa thams cad mkhyen pa nyid dang nye bar gyur pa yin no/ /rab 'byor de ltar slob pa'i byang chub sems dpa' sems dpa' chen po ni shes rab kyi pha rol du phyin pa mi gtong zhing shes rab kyi pha rol du phyin pa la spyod de/ shes rab kyi pha rol du phyin pa dang ma bral ba yin no/ /rab 'byor de ltar shes rab kyi pha rol du phyin pa zab mo 'di la spyod pa'i byang chub sems dpa' sems dpa' chen po ni rnam pa thams cad mkhyen pa nyid las yongs su mi nyams pa'i chos can du rig par bya ste/ nyan thos kyi sa dang / rang sangs rgyas kyi sa ring du byed cing / bla na med pa yang dag par rdzogs pa'i byang chub dang nye bar gyur pa yin no/ /gal te de 'di snyam du 'di ni shes rab kyi pha rol du phyin pa'o/ /shes rab kyi pha rol du phyin pa 'di la shes rab kyi pha rol du phyin pa 'dis rnam pa thams cad mkhyen pa nyid bsgrub par bya'o snyam du</font><hr>35.267b<br><font size=+1>

gal te de ltar kun du shes par byed na/ shes rab kyi pha rol du phyin pa la spyod pa ma yin no/ /gal te 'di ni shes rab kyi pha rol du phyin pa'o/ /shes rab kyi pha rol du phyin pa ni 'di na yod do zhes bya bar kun du shes pa med pa de/ gang gi shes rab kyi pha rol du phyin par 'gyur ba dang / gang gis shes rab kyi pha rol du phyin par 'gyur ba dang / gang shes rab kyi pha rol du phyin pas nges par 'byung zhing / bla na med pa yang dag par rdzogs pa'i byang chub mngon par rdzogs par 'tshang rgya ba de lta bu yang mi shes/ mi mthong la/ gal te yang de 'di snyam du chos kyi dbyings dang / de bzhin nyid dang / yang dag pa'i mtha' gnas pa'i phyir 'di ni shes rab kyi pha rol du phyin pa yang ma yin/ 'di la shes rab kyi pha rol du phyin pa yod pa yang ma yin/ shes rab kyi pha rol du phyin pa 'dis chos gang yang nges par 'byung bar 'gyur ba yang med do snyam du sems na/ rab 'byor de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la spyod pa yin no/ /shes rab kyi pha rol du phyin pa khri brgyad stong pa las/ spyod pa'i le'u zhes bya ste/ lnga bcu rtsa bdun pa'o// // de nas lha'i dbang po brgya byin 'di snyam du sems te/ 'di la byang chub sems dpa' sems dpa' chen po sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / de bzhin du sbyar te/ sangs rgyas kyi chos ma 'dres pa bcwa brgyad kyi bar dag la spyod pas kyang / sems can thams cad zil gyis non par 'gyur na/ gang bla na med pa yang dag par rdzogs pa'i byang chub mngon par rdzogs par sangs rgyas pas lta smos kyang ci dgos/ sems can gang dag rnam pa thams cad mkhyen pa nyid la sems 'jug pa</font><hr>35.268a<br><font size=+1>

de dag kyang rnyed pa legs par rnyed cing / 'tsho ba legs par 'tsho ba yin na/ gang dag bla na med pa yang dag par rdzogs pa'i byang chub du sems bskyed pa dag lta smos kyang ci dgos te/ sems can gang dag bla na med pa yang dag par rdzogs pa'i byang chub du sems bskyed pa de dag ni 'dod par bya ba yin no/ /sems can gang dag gis bla na med pa yang dag par rdzogs pa'i byang chub du sems bskyed pa de dag kyang 'dod par bya ba yin no/ /snyam nas de nas lha'i dbang po brgya byin gyis me tog man da ra ba dag blangs nas/ bcom ldan 'das ga la ba der dong ste phyin pa dang / me tog man dA ra ba de dag gis/ de bzhin gshegs pa dgra bcom pa yang dag par rdzogs pa'i sangs rgyas la gtor to/ /mngon par rab tu gtor to/ /mngon par gtor mngon par rab tu gtor nas kyang tshig 'di skad ces smras so/ /dge ba'i rtsa ba 'dis byang chub sems dpa'i theg pa pa'i gang zag gang dag bla na med pa yang dag par rdzogs pa'i byang chub la dmigs pa de dag la sangs rgyas kyi chos rnams yongs su rdzogs par gyur cig /rnam pa thams cad mkhyen pa nyid kyis chos rnams kyang yongs su rdzogs par gyur cig /rang byung gi chos 'di dag nyid kyang yongs su rdzogs par gyur cig /'dis zag pa med pa'i chos rnams kyang yongs su rdzogs par gyur cig /bcom ldan 'das bdag ni byang chub sems dpa'i theg pa pa'i gang zag gang bla na med pa yang dag par rdzogs pa'i byang chub la yang dag par zhugs pa/ bla na med pa gang dag par rdzogs pa'i byang chub las slar ldog par 'gyur bar sems skye ba 'ga' tsam yang skye ba ma mchis lags so/ /bcom ldan 'das bdag ni byang chub sems dpa' sems dpa' chen po gang dag byang chub las slar ldog cing / nyan thos sam/ rang sangs rgyas su 'gyur bar sems pa skye ba 'ga' tsam yang skye ba ma mchis te/ gzhan du na</font><hr>35.268b<br><font size=+1>

lha dang / mi dang lha ma yin du bcas pa'i 'jig rten gyi don dang / sman pa dang / bde bar 'tshal ba'i byang chub sems dpa' dag ni de ltar 'khor ba na rgyu ba'i sdug bsngal 'di dag mthong nas 'di ltar sems bskyed par bgyid de/ bdag brgal nas ma brgal ba'i sems can rnams ji ltar bsgral bar bgyi/ bdag grol nas ma grol ba'i sems can rnams ji ltar dgrol bar bgyi bdag dbugs phyin nas dbugs ma phyin pa'i sems can rnams ji ltar dbugs dbyung bar bgyi/ bdag yongs su mya ngan las 'das nas yongs su mya ngan las ma 'das pa'i sems can rnams ji ltar yongs su mya ngan las bzla bar bgyi zhes/ bla na med pa yang dag par rdzogs pa'i byang chub du 'dun pa skyed par bgyid cing / bla na med pa yang dag par rdzogs pa'i byang chub tu smon lam rgya chen po dag kyang 'debs par bgyid lags so/ /bcom ldan 'das rigs kyi bu 'am rigs kyi bu mo gang gis theg pa la gsar du zhugs pa'i byang chub sems dpa' sems dpa' chen po rnams kyi sems bskyed pa la rjes su yi rang bar bgyid pa dang / yun ring du spyad pa'i byang chub sems dpa' sems dpa' chen po rnams kyi sems bskyed pa la rjes su yi rang bar bgyid pa dang / phyir mi ldog pa'i byang chub sems dpa' sems dpa' chen po rnams kyi sems bskyed pa la rjes su yi rang bar bgyid pa dang / skye ba gcig gis thog pa'i byang chub sems dpa' sems dpa' chen po rnams kyi sems bskyed pa la rjes su yi rang bar bgyid pa de dag gis dge ba'i rtsa ba ji tsam zhig bskyed par 'gyur lags/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka gling chen po bzhi pa'i 'jig rten gyi khams ni srang la gzhal bas tshad gzung du rung yang srid kyi/ rjes su yi rang ba'i mod las</font><hr>35.269a<br><font size=+1>

byung ba'i sems bskyed pa de dag gis bsod nams kyi tshad ni de lta ma yin no/ /kau shi ka stong gsum gyi stong chen po'i 'jig rten gyi khams ni srang la gzhal bas tshad gzung du rung yang srid kyi/ rjes su yi rang ba'i mod las byung ba'i sems bskyed pa de dag gis bsod nams kyi tshad ni de lta ma yin no/ /kau shi ka stong gsum gyi stong chen po'i 'jig rten gyi khams kyi rgya mtsho chen po dag ni skra'i rtse mo brgyar gshegs pa'i rtse mos chu'i thigs pa re re nas bcu zhing tshad gzung du rung yang srid kyi rjes su yi rang ba'i mod las byung ba'i sems bskyed pa de dag gi bsod nams kyi tshad ni de lta ma yin no/ /de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to/ /bcom ldan 'das sems can gang dag sems bskyed pa de dag la rjes su yi rang bar mi 'gyur ba de dag ni bdud kyis byin gyis brlabs pa lags so/ /bcom ldan 'das sems can gang dag sems bskyed pa de dag la rjes su yi rang bar mi 'gyur ba de dag ni bdud kyi phyogs lags so/ /bcom ldan 'das sems can gang dag sems bskyed pa de dag la rjes su yi rang bar mi 'gyur ba de dag ni bdud kyi gnas nas shi 'phos pa lags so/ /de ci'i slad du zhe na/ bcom ldan 'das sems can gang dag sems bskyed pa de dag la rjes su yi rang ba mngon par sgrub cing / bla na med pa yang dag par rdzogs pa'i byang chub du yongs su bsngo bar bgyid pa de/ de dag bdud kyi gnas rnam par 'jig par bgyid pa lags pa'i slad du'o/ /bcom ldan 'das gang dag gis bla na med pa yang dag par rdzogs pa'i byang chub tu sems bskyed par 'gyur ba'i sems bskyed pa de dag la ni rjes su yi rang bar bgyid pa lags so/ /gang dag gis sangs rgyas yongs su ma gtong ba dang / chos yongs su ma gtong ba dang / dge 'dun yongs su ma gtong ba de dag gis kyang sems bskyed pa 'di dag la rjes su yi rang bar bgyi'o/ /de dag gis rjes su</font><hr>35.269b<br><font size=+1>

yi rang nas kyang / ci nas kyang gnyis su 'du shes su 'gyur ba ma mchis pa dang / gnyis ma lags pa'i 'du shes su 'gyur ba ma mchis pa de ltar/ bla na med pa yang dag par rdzogs pa'i byang chub du yongs su bsngo bar bgyi'o/ /bcom ldan 'das kyis bka' stsal pa/ kau shi ka de de bzhin te/ de de bzhin no/ /ji skad smras pa de bzhin te/ kau shi ka gang sems bskyed pa de la rjes su yi rang ba de dag ni myur ba nyid du/ de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur zhing / mnyes par byas nas kyang thugs byung bar byed par mi 'gyur ro/ /de ltar sems bskyed pa la rjes su yi rang ba'i mod las byung ba'i dge ba'i rtsa ba dang ldan pa de dag ni/ gang dang gang du skyes pa de dag dang der yang sti stang du bya bar 'gyur/ bla mar bya ba dang / ri mor bya ba dang / mchod par bya bar 'gyur ro/ /nam du yang gzugs yid du mi 'ong ba mthong bar mi 'gyur/ sgra yid du mi 'ong ba thos par mi 'gyur dri yid du mi 'ong ba tshor bar mi 'gyur/ ro yid du mi 'ong ba myong bar mi 'gyur/ reg bya yid du mi 'ong ba reg par mi 'gyur/ chos yid du mi 'ong ba rnam par shes par mi 'gyur ro/ /nam du yang sangs rgyas bcom ldan 'das rnams dang 'bral bar mi 'gyur zhing / sangs rgyas kyi zhing nas sangs rgyas kyi zhing du 'gro bar 'gyur te/ sangs rgyas bcom ldan 'das de dag la yang bsnyen bkur byed par 'gyur zhing dge ba'i rtsa ba bskyed par yang 'gyur ro/ /de ci'i phyir zhe na/ kau shi ka 'di ltar rigs kyi bu 'am rigs kyi bu mo de dag gis theg pa la gsar du zhugs pa'i byang chub sems dpa' sems dpa' chen po grangs med pa dag gi dge ba'i rtsa ba rnams la rjes su yi rang ba byas shing / bla na med pa yang dag par rdzogs pa'i byang chub du yongs su bsngos pa dang / sa dang po la gnas pa rnams dang / sa</font><hr>35.270a<br><font size=+1>

gnyis pa la gnas pa rnams dang / sa bcu pa'i bar la gnas pa rnams kyi dge ba'i rtsa ba la rjes su yi rang bar byas pa dang / skye ba gcig gis thogs pa'i bar gyi byang chub sems dpa' sems dpa' chen po rnams kyi dge ba'i rtsa ba dag la rjes su yi rang ba byas shing / bla na med pa yang dag par rdzogs pa'i byang chub tu yongs su bsngos pa'i phyir ro/ /de dag dge ba'i rtsa ba rnam par 'phel ba de dag gis bla na med pa yang dag par rdzogs pa'i byang chub dang nye bar 'gyur ro/ /de dag bla na med pa yang dag par rdzogs pa'i byang chub mngon par rdzogs par sangs rgyas nas kyang / sems can tshad med/ grangs med/ dpag tu med pa dag /yongs su mya ngan las 'da' bar byed par 'gyur te/ kau shi ka rnam grangs des na rigs kyi bu dang rigs kyi bu mo de dag gis sems dang po bskyed pa'i byang chub sems dpa' sems dpa' chen po rnams kyi dge ba'i rtsa ba de dag la rjes su yi rang zhing / bla na med pa yang dag par rdzogs pa'i byang chub tu yongs su bsngo bar bya ste/ ci nas kyang sems de la yang ma yin zhing / sems gzhan la yang ma yin pa de ltar yongs su bsngo bar bya'o/ /byang chub sems dpa' sems dpa' chen po spyad pa spyod pa rnams dang / phyir mi ldog pa rnams dang / skye ba gcig gis thogs pa rnams kyi dge ba'i rtsa ba de dag la yang rjes su yi rang zhing / bla na med pa yang dag par rdzogs pa'i byang chub tu yongs su bsngo bar bya ste/ ci nas kyang sems de la yang ma yin zhing / sems gzhan la yang ma yin pa de ltar yongs su bsngo bar bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji ltar na sgyu ma lta bu'i sems bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di</font><hr>35.270b<br><font size=+1>

ji snyam du sems/ sgyu ma lta bu'i sems de khyod kyis yang dag par rjes su mthong snyam 'am/ gsol pa/ bcom ldan 'das de ni ma mthong lags te/ bcom ldan 'das bdag gis ni sgyu ma dang / sgyu ma lta bu'i sems kyang yang dag par rjes su ma mthong lags so/ /bka' stsal pa/ rab 'byor 'di ji snyam du sems/ gang la sgyu ma dang / sgyu ma lta bu'i sems khyod kyis yang dag par rjes su ma mthong ba'i sems gang yin pa de/ bla na med pa yang dag par rdzogs pa'i byang chub mngon par rdzogs par 'tshang rgya snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'di ji snyam du sems sgyu ma dang / sgyu ma lta bu'i sems las gzhan pa'i chos gang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba yang dag par rjes su mthong snyam 'am/ bcom ldan 'das de ni ma lags te/ bcom ldan 'das bdag gis ni sgyu ma dang / sgyu ma lta bu'i sems las gzhan pa'i chos gang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i chos de yang dag par rjes su ma mthong lags te/ bcom ldan 'das bdag gis chos gzhan yang dag par rjes su ma mthong na/ chos gang zhig mchis shes bgyi ba 'am/ ma mchis shes bgyid par nye bar bstan par bgyi/ chos gang shin du dben pa de ni mchis pa 'am/ ma mchis par mi 'gyur lags te/ chos gang shin du dben pa de ni/ bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur la/ mchis pa ma lags pa'i chos kyang / bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur lags so/ /de ci'i slad du zhe na/ bcom ldan 'das 'di ltar gang kun nas nyon mongs par 'gyur ba 'am/ rnam par byang bar 'gyur ba'i chos de dag thams cad ni ma mchis shing mi dmigs</font><hr>35.271a<br><font size=+1>

pa'i slad du'o/ /de ci'i slad du zhe na/ bcom ldan 'das 'di ltar shes rab kyi pha rol du phyin pa yang shin du dben pa lags la/ de bzhin du sbyin pa'i pha rol du phyin pa'i bar du yang shin du dben pa lags shing de bzhin du byang chub kyi bar du yang shin du dben pa lags pa'i slad du ste/ chos gang shin du dben pa de ni bsgom par bgyi pa yang ma lags/ rnam par gzhig par bgyi ba yang ma lags so/ /shes rab kyi pha rol du phyin pa ni/ shin du dben pa'i slad du/ chos gang yang sgrub par mi bgyid lags te/ shes rab kyi pha rol du phyin pa shin du dben pa lags na/ byang chub sems dpa' sems dpa' chen po shes rab kyi pha rol du phyin pa la brten nas bla na med pa yang dag par rdzogs pa'i byang chub mngon par rdzogs par 'tshang rgya bar yang ji ltar 'gyur/ bla na med pa yang dag par rdzogs pa'i byang chub kyang shin du dben pa lags na/ ji ltar dben pas dben pa rjes su rtogs par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor legs so legs so/ /rab 'byor de de bzhin no/ /de de bzhin te/ rab 'byor shes rab kyi pha rol du phyin pa ni shin du dben pa yin no/ /bsam gtan gyi pha rol du phyin pa yang shin du dben pa yin no/ /rab 'byor de bzhin du sbyar te/ tshul khrims kyi pha rol du phyin pa dang / sbyin pa'i pha rol du phyin pa'i bar du yang shin du dben pa yin no/ /byang chub kyang shin du dben pa yin no/ /rnam pa thams cad mkhyen pa nyid kyi bar du yang shin du dben pa yin te/ rab 'byor ji ltar shes rab kyi pha rol du phyin pa shin du dben pa dang / rnam pa thams cad mkhyen pa nyid kyi bar du shin du dben pa de ltar bla na med pa yang dag par rdzogs pa'i byang chub mngon par rdzogs par 'tshang rgya ba yang dben pa yin no/ /rab 'byor gal te shes rab kyi pha rol du phyin</font><hr>35.271b<br><font size=+1>

pa shin du dben par ma gyur la/ de bzhin du sbyar te/ rnam pa thams cad mkhyen pa nyid kyi bar du yang shin du dben par ma gyur na/ de ni shes rab kyi pha rol du phyin par yang mi 'gyur la/ rnam pa thams cad mkhyen pa nyid kyi bar du yang mi 'gyur ro rab 'byor de lta bas na/ ji ltar shes rab kyi pha rol du phyin pa shin du dben pa dang / rnam pa thams cad mkhyen pa nyid kyi bar du shin du dben pa de ltar/ rab 'byor shes rab kyi pha rol du phyin pa la brten nas/ bla na med pa yang dag par rdzogs par 'tshang rgya ba ma yin la/ dben pas kyang dben pa mngon par rdzogs par 'tshang mi rgya yang / mngon par rdzogs par 'tshang yang rgya ste/ shes rab kyi pha rol du phyin pa la ma brten par yang bla na med pa yang dag par rdzogs pa'i byang chub mngon par rdzogs par 'tshang mi rgya'o/ /rab 'byor gyis gsol pa/ bcom ldan 'das byang chub sems dpa' sems dpa' chen po ni don zab mo la spyod pa lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po ni don zab mo dag la spyod pa yin no/ /rab 'byor byang chub sems dpa' sems dpa' chen po gang don zab mo la spyod kyang 'di lta ste don de dang nyan thos kyi sa 'am/ rang sangs rgyas kyi sa mngon sum du mi byed pa ni dka' ba byed pa yin no/ /rab 'byor gyis gsol pa bcom ldan 'das bdag gis bcom ldan 'das kyis gsungs pa'i don 'tshal ba ltar na/ byang chub sems dpa' sems dpa' chen po ni dka' ba bgyid pa ma lags so/ /de ci'i slad du zhe na/ bcom ldan 'das 'di ltar gang mngon sum du bgyid pa'i don de yang dmigs su ma mchis la/ gang gis mngon sum du bgyi ba'i shes rab kyi pha rol du phyin pa de yang dmigs su ma mchis shing / gang mngon sum du bgyi ba'i chos de yang dmigs su ma mchis pa'i slad du'o/ /bcom ldan 'das chos thams cad dmigs su ma mchis na/  </font><hr>35.272a<br><font size=+1>

gang mngon sum du bgyis nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i don gang mngon sum du bgyi bar 'gyur/ shes rab kyi pha rol du phyin pa gang mngon sum du bgyi bar 'gyur/ chos gang mngon sum du bgyi bar 'gyur/ bcom ldan 'das mi dmigs par spyod pa 'di ni/ byang chub sems dpa' spyod pa lags te/ de la spyod pa'i byang chub sems dpa' sems dpa' chen po ni chos thams cad la mun pa ma mchis par rjes su 'thob lags so/ /bcom ldan 'das gal te de skad bstan pa na/ byang chub sems dpa' sems dpa' chen po'i sems mi zhum mi 'gong zhing mi skrag mi dngang la dngang bar mi 'gyur na/ bcom ldan 'das de ltar spyod pa'i byang chub sems dpa' sems dpa' chen po ni/ shes rab kyi pha rol du phyin pa la spyod pa lags te/ des ni mtshan ma yang yang dag par rjes su mi mthong / shes rab kyi pha rol du phyin pa yang yang dag par rjes su mi mthong / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes bgyi bar yang yang dag par rjes su mi mthong lags te/ bcom ldan byang chub sems dpa' sems dpa' chen po shes rab kyi pha rol du phyin pa la spyod pa de ni 'di snyam du nyan thos kyi sa 'am/ rang sangs rgyas kyi sa ni bdag dang ring la/ rnam pa thams cad mkhyen pa nyid ni bdag dang nye ba'o snyam du mi sems lags so/ /bcom ldan 'das 'di lta ste/ dper bgyi na/ nam mkha' ni 'di snyam du bdag ni la la dang ni nye'o/ /la la dang ni ring ngo snyam du mi sems lags so/ /de ci'i slad du zhe na/ bcom ldan 'das nam mkha' la ni bye brag ma mchis la/ bcom ldan 'das nam mkha' la ni rnam par rtog pa ma mchis pa'i slad du'o/ /bcom ldan 'das de bzhin du shes rab kyi pha rol du phyin pa yang 'di snyam du nyan thos</font><hr>35.272b<br><font size=+1>

kyi sa 'am/ rang sangs rgyas kyi sa ni bdag dang ring la/ bla na med pa yang dag par rdzogs pa'i byang chub ni nye ba'o snyam du mi sems lags so/ /de ci'i slad du zhe na/ bcom ldan 'das shes rab kyi pha rol du phyin pa ni rnam par rtog pa ma mchis pa'i slad du'o/ /bcom ldan 'das 'di lta ste/ dper bgyi na/ sgyu ma'i skyes bu ni 'di snyam du/ sgyu ma ni bdag dang ring la/ sgyu ma mkhan dang ni nye ba'o zhe 'am/ skye bo'i tshogs 'dus pa 'di dag ni bdag dang nye'o zhe 'am/ ring ngo zhes bgyi bar mi sems lags so/ /de ci'i slad du zhe na/ bcom ldan 'das sgyu ma'i skyes bu la ni rnam par rtog pa ma mchis pa'i slad du'o/ /bcom ldan 'das de bzhin du shes rab kyi pha rol du phyin pa yang 'di snyam du/ nyan thos kyi sa 'am/ rang sangs rgyas kyi sa ni bdag dang ring la/ bla na med pa yang dag par rdzogs pa'i byang chub ni bdag dang nye ba'o snyam du mi sems lags so/ /bcom ldan 'das 'di lta ste dper bgyi na/ gzugs brnyan ni 'di snyam du dmigs pa gang gis gzugs brnyan byung ba de ni bdag dang nye la/ me long ngam/ snod kyi chab der ma byung ba dag ni bdag dang ring ba'o snyam du mi sems lags so/ /de ci'i slad du zhe na/ bcom ldan 'das gzugs brnyan ni ma mchis pa lags pa'i slad du'o/ bcom ldan 'das de bzhin du byang chub sems dpa' sems dpa' chen po shes rab kyi pha rol du phyin pa la spyod pa yang 'di snyam du/ nyan thos kyi sa 'am/ rang sangs rgyas kyi sa ni bdag dang ring la/ bla na med pa yang dag par rdzogs pa'i byang chub ni bdag dang nye ba'o snyam du mi sems lags so/ /de ci'i slad du zhe na/ bcom ldan 'das shes rab kyi pha rol du phyin pa yang ma mchis pa lags pa'i slad du'o/ /bcom ldan 'das shes rab kyi pha rol du phyin pa la ni sdug pa 'am/ mi sdug pa ma mchis lags so/ /de ci'i slad du zhe na/ de la gang sdug pa 'am/ mi sdug par 'gyur ba'i rang bzhin dmigs su nam</font><hr>35.273a<br><font size=+1>

mchis pa'i slad du'o/ /bcom ldan 'das 'di lta ste/ dper bgyi na/ de bzhin gshegs pa dgra bcom pa yang dag par rdzogs pa'i sangs rgyas la ni sdug pa 'am/ mi sdug par 'gyur ba gang yang mi mnga' lags so/ /bcom ldan 'das de bzhin du shes rab kyi pha rol du phyin pa la yang sdug pa 'am mi sdug par 'gyur ba gang yang ma mchis lags so/ /bcom ldan 'das 'di lta ste dper bgyi na de bzhin gshegs pa dgra bcom pa yang dag par rdzogs pa'i sangs rgyas kyi ni rnam par rtog pa thams cad spangs pa lags so/ /bcom ldan 'das de bzhin du shes rab kyi pha rol du phyin pa yang rnam par rtog pa ma mchis pa'i slad du rnam par rtog pa thams cad spangs pa lags so/ /bcom ldan 'das 'di lta ste dper bgyi na/ de bzhin gshegs pa'i sprul pa ni 'di snyam du/ nyan thos kyi sa 'am/ rang sangs rgyas kyi sa ni bdag dang ring la bla na med pa yang dag par rdzogs pa'i byang chub ni bdag dang nye ba'o snyam du mi sems lags so/ /de ci'i slad du zhe na/ bcom ldan 'das de bzhin gshegs pa dang / de bzhin gshegs pa'i sprul pa la ni rnam par rtog pa mi mnga' ba'i slad du'o/ /bcom ldan 'das de bzhin du byang chub sems dpa' sems dpa' chen po shes rab kyi pha rol du phyin pa la spyod pa yang 'di snyam du nyan thos kyi sa 'am/ rang sangs rgyas kyi sa ni bdag dang ring la bla na med pa yang dag par rdzogs pa'i byang chub ni bdag dang nye ba'o snyam du mi sems lags so/ /bcom ldan 'das 'di lta ste dper bgyi na/ de bzhin gshegs pas sprul pa zhig sprul mdzad na/ de na de ni gang gi slad du sprul pa de'i bgyi ba bgyid kyang sprul pa de ni mi rtog /rnam par mi rtog lags so/ /bcom ldan 'das de bzhin du shes rab kyi pha rol du phyin pa yang bgyi ba gang gi slad du sgom pa'i bgyi ba de bgyid kyang shes rab kyi</font><hr>35.273b<br><font size=+1>

pha rol du phyin pa de ni mi rtog /rnam par mi rtog lags so/ /bcom ldan 'das 'di lta ste dper bgyi na/ shing mkhan nam/ shing mkhan gyi slob ma mkhas pa zhig gis bud med kyi gzugs sam/ skyes pa'i gzugs sam/ glang po che'i gzugs sam/ glang gi gzugs kyi 'khrul 'khor zhig sbyar bar gyur na 'khrul 'khor de bgyi ba gang gi slad du bgyis pa'i bgyi ba de bgyid kyang 'khrul 'khor de ni mi rtog /rnam par mi rtog lags so/ /bcom ldan 'das de bzhin du shes rab kyi pha rol du phyin pa yang bgyi ba gang gi slad du sgom pa'i bgyi ba de bgyid kyang shes rab kyi pha rol du phyin pa de ni mi rtog /rnam par mi rtog lags so/ /de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor ci shes rab kyi pha rol du phyin pa 'ba' shig mi rtog /rnam par mi rtog pa yin nam/ 'on te bsam gtan gyi pha rol du phyin pa yang mi rtog /rnam par mi rtog pa yin la/ sbyin pa'i pha rol du phyin pa'i bar yang mi rtog /rnam par mi rtog pa yin/ rab 'byor gyis smras pa/ tshe dang ldan pa shA ri'i bu sbyin pa'i pha rol du phyin pa'i bar yang mi rtog /rnam par mi rtog pa yin no/ /shA ri'i bus smras pa/ tshe dang ldan pa shA ri'i bu sbyin pa'i pha rol du phyin pa'i bar yang mi rtog /rnam par mi rtog pa yin no/ /shA ri'i bus smras pa tshe dang ldan pa rab 'byor 'o na ci gzugs kyang mi rtog /rnam par mi rtog pa yin la/ tshor ba dang 'du shes dang 'du byed rnams dang / rnam par shes pa yang mi rtog /rnam par mi rtog pa yin nam/ tshe dang ldan pa rab 'byor ci mig kyang mi rtog /rnam par mi rtog pa yin la/ rna ba dang sna dang / lce dang / lus dang / yid kyang mi rtog /rnam par mi rtog pa yin nam/ tshe dang ldan pa rab 'byor ci gzugs kyang / mi rtog rnam par mi rtog pa yin la/ sgra dang / dri dang / ro dang / reg bya dang / chos kyang mi rtog /rnam par mi rtog pa yin</font><hr>35.274a<br><font size=+1>

nam/ mig gi rnam par shes pa dang / yid kyi rnam par shes pa'i bar dang / mig gi 'dus te reg pa dang / yid kyi 'dus te reg pa'i bar dang / mig gi 'dus te reg pa'i rkyen las byung ba'i tshor ba dang / yid kyi 'dus te reg pa'i rkyen las byung pa'i tshor ba yang mi rtog /rnam par mi rtog pa yin nam/ tshe dang ldan pa rab 'byor ci bsam gtan rnams dang / tshad med pa rnams dang / gzugs med pa'i snyoms par 'jug pa rnams kyang mi rtog /rnam par mi rtog pa yin nam/ dran pa nye bar gzhag pa rnams dang de bzhin du sbyar te/ 'phags pa'i lam yan lag brgyad pa'i bar dang / stong pa nyid dang / mtshan ma med pa dang / smon pa med pa'i ting nge 'dzin kyang mi rtog /rnam par mi rtog pa yin nam/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po yang mi rtog /rnam par mi rtog pa yin nam/ sangs rgyas kyi chos ma 'dres pa bcwa brgyad kyi bar dang / sangs rgyas kyang mi rtog /rnam par mi rtog pa yin nam/ byang chub kyang mi rtog /rnam par mi rtog pa yin nam/ 'dus byas kyi khams dang / 'dus ma byas kyi khams kyang mi rtog /rnam par mi rtog pa yin nam/ rab 'byor gyis smras pa/ tshe dang ldan pa shA ri'i bu chos thams cad kyang mi rtog /rnam par mi rtog pa yin no/ /shA ri'i bus smras pa/ tshe dang ldan pa rab 'byor gal te/ chos thams cad mi rtog /rnam par mi rtog pa yin na/ sems can dmyal ba dang / dud 'gro'i skye gnas dang / gshin rje'i 'jig rten dang / lha dang mi'i 'gro ba lngar 'khor ba zhes tha dad du dbye ba 'di ci las gyur/ rgyun du zhugs pa dang / sangs rgyas bcom ldan 'das rnams kyi byang chub ces bya ba'i bar du rab du dbye ba yang ci las gyur/ de skad ces smras pa dang / tshe dang ldan pa rab 'byor gyis tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu sems</font><hr>35.274b<br><font size=+1>

can 'di dag ni phyin ci log las byung ba'i lus dang / ngag dang / yid kyi las mngon par 'du byed de/ gzhi de las 'dun pa'i rtsa ba las byung ba'i las kyi rnam par smin pa yongs su 'dzin cing mngon par sgrub par byed do/ /yongs su bzung bas rnam par rtog pa las byung ba'i sems can dmyal ba dang / dud 'gro'i skye gnas dang / gshin rje'i 'jig rten dang / lha dang mi'i 'gro ba dag mngon par sgrub par byed do/ /tshe dang ldan pa shA ri'i bu gang yang khyod 'di skad du rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas shes rab tu dbye ba yang ci las gyur/ sangs rgyas bcom ldan 'das shes bya ba'i bar du dbye ba yang ci las gyur ces zer ba na/ tshe dang ldan pa shA ri'i bu rgyun du zhugs pa dang / rgyun du zhugs pa'i 'bras bu ni rnam par mi rtog pas/ rab tu phye ba yin la dgra bcom pa nyid kyi bar dang / rang sangs rgyas nyid dang / rang byang chub kyang rnam par mi rtog pas rab tu phye ba yin no/ /sangs rgyas kyang rnam par mi rtog pas rab tu phye ba yin la/ byang chub kyang rnam par mi rtog pas rab tu phye ba yin no/ /tshe dang ldan pa shA ri'i bu de bzhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na byung bar gyur pa'i/ sangs rgyas bcom ldan 'das de dag kyang rnam par rtog pa mi mnga' ba/ rnam par rtog pa dang bral ba/ rnam par rtog pa spangs pa yin la/ de bzhin du ma byon pa rnams kyang rnam par rtog pa spong bar 'gyur zhing / tshe dang ldan pa shA ri'i bu da \u0f7altar byung ba'i dus kyi sangs rgyas bcom ldan 'das gang dag da ltar phyogs bcu'i 'jig rten gyi khams dag na/ bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas bcom ldan 'das de dag kyang rnam par rtog pa mi mnga' rnam par rtog pa dang bral ba rnam par rtog pa spangs pa yin te</font><hr>35.275a<br><font size=+1>

tshe dang ldan pa shA ri'i bu rnam grangs des na/ 'di ltar rnam par mi rtog pa'i de bzhin nyid dang / yang dag pa'i mtha' de bzhin nyid dang / chos kyi dbyings kyi de bzhin nyid tshad mar byas nas chos thams cad rnam par rtog pa med par rig par bya'o/ /tshe dang ldan pa shA ri'i bu byang chub sems dpa' sems dpa' chen pos de ltar rnam par mi rtog pa'i shes rab kyi pha rol du phyin pa la spyad par bya ste/ rnam par mi rtog pa'i shes rab kyi pha rol du phyin pa la spyad na/ rnam par mi rtog pa'i chos rnams mngon par rdzogs par 'tshang rgya bar 'gyur ro/ /shes rab kyi pha rol du phyin pa khri brgyad stong pa las/ rnam par mi rtog pa bstan pa'i dpe brjod pa'i le'u zhes bya ste/ lnga bcu rtsa brgyad pa'o// // shes rab kyi pha rol du phyin pa khri brgyad stong pa/ bam po bzhi bcu rtsa gnyis pa/ de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor kye ma byang chub sems dpa' sems dpa' chen po gang shes rab kyi pha rol du phyin pa 'di la spyod pa de ni snying po la spyod pa yin no/ /kye ma byang chub sems dpa' sems dpa' chen po de ni snying po la spyod pa yin no/ /de skad ces smras pa dang tshe dang ldan pa rab 'byor gyis/ tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu kye ma byang chub sems dpa' sems dpa' chen po shes rab kyi pha rol du phyin pa la spyod pa de ni snying po med pa la spyod pa yin no/ /de ci'i phyir zhe na/ tshe dang ldan pa shA ri'i bu 'di ltar shes rab kyi pha rol du phyin pa dang / rnam pa thams cad mkhyen pa nyid kyi bar ni snying po med pa yin pa'i phyir ro/ /de ci'i phyir zhe na/ tshe dang ldan pa shA ri'i bu 'di ltar byang chub sems dpa' sems dpa' chen po shes rab kyi pha rol du phyin pa la spyod pas snying po med pa nyid kyang mi dmigs/ yang dag par rjes su mi mthong na/ snying po dmigs</font><hr>35.275b<br><font size=+1>

par lta ga la 'gyur/ de bzhin du sbyar te/ rnam pa thams cad mkhyen pa nyid kyi bar yang snying po med pa yin na/ snying po dmigs par lta ga la 'gyur ba'i phyir ro/ /de nas 'dod pa na spyod pa dang / gzugs na spyod pa'i lha'i bu rab du mang po dag 'di snyam du sems te/ rigs kyi bu 'am rigs kyi bu mo gang dag gis bla na med pa yang dag par rdzogs pa'i byang chub tu sems bskyed par gyur pa de dag dang / gang dag ji skad bstan pa'i shes rab kyi pha rol du phyin pa zab mo 'di la spyod pa dang / don de la spyod kyang gang mngon sum du byas pas/ nyan thos kyi sa 'am/ rang sangs rgyas kyi sa la gnas par 'gyur ba'i yang dag pa'i mtha' mngon sum du mi byed pa de dag ni phyag bya bar 'os pa yin te/ rnam grangs des na byang chub sems dpa' sems dpa' chen po gang dag chos 'di dag mnyam pa nyid du mngon sum du mi byed pa de dag ni phyag bya bar 'os pa yin no snyam mo/ / de nas tshe dang ldan pa rab 'byor gyis lha'i bu de dag la 'di skad ces smras so/ /lha'i bu dag byang chub sems dpa' sems dpa' chen po rnams la gang mngon sum du byas pas/ nyan thos kyi sa 'am/ rang sangs rgyas kyi sa la gnas par 'gyur ba'i chos de dag mnyam pa nyid du mngon sum du mi byed pa ni dka' ba ma yin gyi/ lha'i bu dag de dag gis sems can grangs med tshad med/ dpag tu med pa dag yongs su mya ngan las bzla bar bya'o/ /zhes go cha chen po bgos la gang gdul bar bya ba'i sems can de dag kyang shin du mi dmigs pa ni dka' ba yin te/ lha'i bu dag de ltar spyod pa'i byang chub sems dpa' sems dpa' chen po ni sems can thams cad gdul bar bya'o/ /zhes bla na med pa yang dag par rdzogs pa'i byang chub la yang dag par zhugs pa yin no/ /gang sems can rnams gdul bar bya'o snyam du sems pa de ni/ nam mkha' gdul bar bya'o snyam du sems pa yin no/ /de ci'i phyir zhe na/ </font><hr>35.276a<br><font size=+1>

nam mkha' dben pa'i phyir sems can dben par blta ba dang / nam mkha' stong pa'i phyir sems can stong par blta ba dang / nam mkha' snying po med pa'i phyir sems can snying po med par blta ba dang / nam mkha' gsog yin pa'i phyir sems can gsog yin par lta ba'i phyir te/ kye ma lha'i bu dag rnam grangs des na/ byang chub sems dpa' sems dpa' chen po gang sems can med pa rnams kyi ched du go cha gyon par byed pa de dag ni/ dka' ba byed pa yin no/ /lha'i bu dag gang sems can rnams kyi ched du go cha bgo bar sems pa de ni nam mkha' dang rtsod par 'dod pa ste/ byang chub sems dpa' sems dpa' chen pos ni go cha de yang bgos la/ gang gi don du go cha bgos ba'i sems can de dag kyang mi dmigs so/ /de ci'i phyir zhe na/ sems can dben pa'i phyir/ go cha dben par lta ba'i phyir te/ gal te de skad bstan pa na/ byang chub sems dpa' sems dpa' chen po'i sems zhum par mi 'gyur na/ shes rab kyi pha rol du phyin pa la spyod pa yin no/ /de ci'i phyir zhe na/ gzugs dben pa'i phyir sems can dben par blta ba dang / tshor ba dang / 'du shes dang / 'du byed rnams dang / rnam par shes pa dben pa'i phyir sems can dben pa dang / gzugs dben pa'i phyir pha rol du phyin pa rnams dben pa dang / de bzhin du sbyar te/ gzugs dben pa'i phyir/ rnam pa thams cad mkhyen pa nyid kyi bar du dben pa'i phyir ro/ /gal te chos thams cad dben pa nyid du bstan pa na/ byang chub sems dpa' sems dpa' chen po'i sems mi zhum mi 'gong zhing mi skrag mi dngang la dngang bar mi 'gyur na/ byang chub sems dpa' sems dpa' chen po shes rab kyi pha rol du phyin pa la spyod pa yin no/ /bcom ldan 'das kyis bka' stsal pa/ rab 'byor ci'i phyir byang chub sems dpa' sems dpa' chen po shes rab kyi pha rol du phyin pa la zhum par mi 'gyur ba yin/ rab 'byor gyis gsol pa/ </font><hr>35.276b<br><font size=+1>

bcom ldan 'das ma mchis pa'i slad du/ byang chub sems dpa' sems dpa' chen po shes rab kyi pha rol du phyin pa la zhum par mi 'gyur lags so/ /bcom ldan 'das dben pa dang / zhi ba dang ma skyes pa'i slad du byang chub sems dpa' sems dpa' chen po shes rab kyi pha rol du phyin pa la zhum par mi 'gyur lags te/ bcom ldan 'das de'i slad du/ byang chub sems dpa' sems dpa' chen po shes rab kyi pha rol du phyin pa la zhum par mi 'gyur lags so/ /de ci'i slad du zhe na/ bcom ldan 'das 'di ltar gang zhum par 'gyur ba dang / gang gis zhum par 'gyur ba dang / gang la zhum par 'gyur ba'i chos de dag thams cad ma mchis shing mi dmigs pa'i slad du'o/ /bcom ldan 'das gal te de skad bstan pa na/ byang chub sems dpa' sems dpa' chen po zhum pa ma mchis shing mi skrag la/ mi zhum mi 'gong mi skrag /mi dngang zhing dngang bar mi 'gyur na shes rab kyi pha rol du phyin pa la spyod pa lags so/ /de ci'i slad du zhe na/ bcom ldan 'das 'di ltar gang zhum par 'gyur ba dang / gang gis zhum par 'gyur ba dang / gang la zhum par 'gyur ba'i chos de dag thams cad dmigs su ma mchis pa'i slad du ste/ bcom ldan 'das byang chub sems dpa' sems dpa' chen po gang de ltar shes rab kyi pha rol du phyin pa la spyod pa ni/ dbang po dang bcas pa'i lha rnams dang / tshangs pa dang bcas pa dang / skye dgu'i bdag po dang bcas pa'i lha rnams kyis phyag bgyi ba lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po gang de ltar shes rab kyi pha rol du phyin pa la spyod pa ni/ dbang po dang bcas pa'i lha rnams dang / tshangs pa dang bcas pa dang / skye dgu'i bdag po dang bcas</font><hr>35.277a<br><font size=+1>

pa'i lha rnams nyi tses phyag bya bar yang ma zad kyi/ rab 'byor byang chub sems dpa' sems dpa' chen po gang shes rab kyi pha rol du phyin pa la de ltar spyod pa de la ni kha dog las shin du 'das pa'i lha'i bu dge rgyas pa rnams dang / 'bras bu che ba rnams dang / gnas gtsang ma'i ris kyi bar gyi lha'i bu gang yin pa de dag gis kyang phyag bya ba yin no/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa de la ni/ de bzhin gshegs pa dgra bcom pa yang dag par rdzogs pa'i sangs rgyas gang dag 'jig rten gyi khams grangs med dpag du med pa dag na bzhugs te/ 'tsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag gis kyang / byang chub sems dpa' sems dpa' chen po 'di ni shes rab kyi pha rol du phyin pa la spyod pa yin no/ /bsam gtan gyi pha rol du phyin pa yongs su rdzogs par byed pa yin no/ /de bzhin du sbyar te/ rnam pa thams cad mkhyen pa nyid kyi bar du yongs su rdzogs par 'gyur ba yin no zhes dgongs par 'gyur ro/ /rab 'byor byang chub sems dpa' sems dpa' chen po gang shes rab kyi pha rol du phyin pa la spyod cing / sangs rgyas bcom ldan 'das rnams kyis dgongs pa'i byang chub sems dpa' sems dpa' chen po de ni sangs rgyas nyid du zhugs pa yin par gzung bar bya'o/ /rab 'byor 'jig rten gyi khams gang gA'i klung gi bye ma snyed dag na/ sems can ji snyed pa de dag thams cad bdud sdig can sha stag tu gyur la/ bdud sdig can re res kyang bdud sdig can de snyed cig mngon par sprul kyang / de dag thams cad kyis byang chub sems dpa' sems dpa' chen po shes rab kyi pha rol du phyin pa la spyod pa la bar chad bya bar mi nus so/ /rab</font><hr>35.277b<br><font size=+1>

'byor chos gnyis dang ldan pa'i byang chub sems dpa' sems dpa' chen po ni bdud sdig can rnams kyis mi thul ba yin te/ gnyis gang zhe na/ des chos thams cad la stong pa nyid du rnam par bltas pa dang / des sems can thams cad yongs su ma btang ba yin te/ rab 'byor chos gnyis po de dag dang ldan pa'i byang chub sems dpa' sems dpa' chen po ni bdud sdig can rnams kyis mi thul ba yin no/ /rab 'byor gzhan yang chos gnyis dang ldan pa'i byang chub sems dpa' sems dpa' chen po shes rab kyi pha rol du phyin pa la spyod pa ni bdud sdig can rnams kyis mi thul ba yin te/ gnyis gang zhe na/ ji skad smras pa de bzhin du byed pa dang / sangs rgyas bcom ldan 'das rnams kyis dgongs pa yin te/ rab 'byor chos gnyis po de dag dang ldan pa'i byang chub sems dpa' sems dpa' chen po shes rab kyi pha rol du phyin pa la spyod pa ni bdud sdig can rnams kyis mi thul pa yin no/ /rab 'byor de ltar spyod pa'i byang chub sems dpa' sems dpa' chen po'i drung du lha'i bu rnams kyang bsnyen bkur bya ba dang / yongs su zhu ba dang / yongs su dri ba'i phyir nye bar 'gro bar sems shing rigs kyi bu khyod ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de lta bas na rigs kyi bu khyod 'di lta ste/ stong pa nyid kyis gnas pa dang / mtshan ma med pas gnas pa dang / smon pa med pas gnas pa'i gnas pa de dag gis gnas par gyis shig de ci'i phyir zhe na/ rigs kyi bu khyod gnas pa de dag gis gnas na/ sems can mgon med pa rnams kyi mgon du 'gyur ba dang / sems can skyabs med pa rnams kyi skyabs su 'gyur ba dang / sems can rten med pa rnams kyi rten tu 'gyur ba dang / sems can dpung gnyen med pa rnams kyi dpung gnyen du 'gyur ba dang / sems</font><hr>35.278a<br><font size=+1>

can gnas med pa rnams kyi gnas su 'gyur ba dang / sems can gling med pa rnams kyi gling du 'gyur ba dang / sems can mun par gyur pa rnams kyi snang bar 'gyur ba'i phyir ro zhes spro ba skyed par 'gyur ro/ /de ci'i phyir zhe na shes rab kyi pha rol du phyin pa'i gnas pa 'dis gnas pa'i byang chub sems dpa' sems dpa' chen po la ni 'jig rten gyi khams grangs med dpag tu med pa dag na bzhugs te/ 'tsho zhing gzhes pa'i sangs rgyas bcom ldan 'das gang dag dge slong gi dge 'dun gyis yongs su bskor ba'i sangs rgyas bcom ldan 'das de dag kyang byang chub sems dpa' sems dpa' chen po gang shes rab kyi pha rol du phyin pa la de ltar spyod cing / 'di lta ste/ shes rab kyi pha rol du phyin pa pa'i yon tan gyi yo byad de dag dang ldan pa'i byang chub sems dpa' sems dpa' chen po de dag gi ming dang / rigs yongs su brjod pa'i tshul gyis chos ston cing ched du brjod pa yang ched du brjod pa mdzad pa'i phyir ro/ /rab 'byor 'di lta ste/ dper na/ da ltar nga byang chub sems dpa' sems dpa' chen po rin po che tog gi ming yongs su rjod pa'i tshul gyis chos ston cing / ched du brjod pa yang ched du rjod pa dang / byang chub sems dpa' sems dpa' chen po gtsug tor can gyi ming yongs su rjod pa'i tshul gyis/ chos ston cing ched du rjod pa yang ched du brjod pa dang / byang chub sems dpa' sems dpa' chen po gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i drung du tshangs par spyad pa spyod cing / shes rab kyi pha rol du phyin pa 'di dang ma bral ba'i byang chub sems dpa' sems dpa' chen po de dag gi ming yongs su brjod pa'i tshul gyis chos ston cing ched du brjod pa yang ched du brjod pa bzhin no/ /rab 'byor shar phyogs na sangs rgyas bcom ldan 'das gang dag zhugs te/ 'tsho zhing gzhes la chos kyang ston pa'i sangs rgyas bcom ldan</font><hr>35.278b<br><font size=+1>

'das de dag kyang de na byang chub sems dpa' sems dpa' chen po gang dag 'di ltar tshangs par spyad pa spyod pa de dag la dga' bar mdzad pa'i tshul gyis chos ston cing ched du brjod pa yang ched du brjod pa mdzad do/ /de bzhin du lho dang / nub dang / byang dang / steng dang / 'og dang / phyogs mtshams kyi 'jig rten gyi khams dag na/ sangs rgyas bcom ldan 'das gang dag bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag kyang de na byang chub sems dpa' sems dpa' chen po gang dag tshangs par spyad pa spyod cing shes rab kyi pha rol du phyin pa 'di dang ma bral ba de dag la dga' bar mdzad pa'i tshul gyis chos ston cing ched du brjod pa yang ched du rjod par mdzad do/ /rab 'byor byang chub sems dpa' sems dpa' chen po gang dag sems dang po bskyed pa nas bzung ste/ byang chub kyi lam yongs su rdzogs par byed pa dang / rnam pa thams cad mkhyen pa nyid thob par byed pa'i bar de dag la yang sangs rgyas bcom ldan 'das rnams kyis dga' bar mdzad pa'i tshul gyis chos ston cing ched du brjod pa yang ched du rjod par mdzad do/ /de ci'i phyir zhe na/ rab 'byor byang chub sems dpa' sems dpa' chen po gang dag da ltar sangs rgyas kyi tshul rgyun mi chad pa'i phyir bzhugs pa dag ni dka' ba byed pa yin pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das sangs rgyas bcom ldan 'das de dag byang chub sems dpa' sems dpa' chen po slar ldog pa 'am/ slar mi ldog pa gang dag gi ming yongs su brjod cing dga' bar mdzad pa'i tshul gyis chos ston par mdzad lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor</font><hr>35.279a<br><font size=+1>

byang chub sems dpa' sems dpa' chen po shes rab kyi pha rol du phyin pa la spyod pa gang dag phyir mi ldog pa dag kyang yod/ byang chub sems dpa' sems dpa' chen po shes rab kyi pha rol tu phyin pa la spyod pa lung ma bstan pa dag kyang yod de/ de dag la sangs rgyas bcom ldan 'das de dag dga' bar mdzad pa'i tshul gyis chos ston cing ched du brjod pa yang ched du brjod par mdzad do/ /rab 'byor gyis gsol ba/ bcom ldan 'das de dag gang lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang dag byang chub sems dpa'i spyad pa spyod pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i rjes su slob pa'i tshul gyis spyod pa de dag ni/ rab 'byor phyir mi ldog pa'i byang chub sems dpa' sems dpa' chen po yin te/ de dag la sangs rgyas bcom ldan 'das de dag dga' bar mdzad pa'i tshul gyis chos ston cing ched du brjod pa yang ched du brjod par mdzad do/ /rab 'byor byang chub sems dpa' sems dpa' chen po gang dag byang chub sems dpa' sems dpa' chen po rin po che tog gi rjes su slob pa'i tshul gyis byang chub sems dpa'i spyad pa spyod pa de dag la yang sangs rgyas bcom ldan 'das de dag dga' bar mdzad pa'i tshul gyis chos ston cing ched du brjod pa yang ched du brjod par mdzad do/ /rab 'byor byang chub sems dpa' sems dpa' chen po gang shes rab kyi pha rol tu phyin pa la spyod cing chos thams cad skye ba med par mos kyang mi skye ba'i chos la bzod pa ma thob pa dag dang / chos thams cad stong pa zhes bya bar</font><hr>35.279b<br><font size=+1>

mos kyang mi skye ba'i chos la bzod pa ma thob pa dag dang / chos thams cad zhi ba zhes bya bar mos pa dang / chos thams cad 'dod chags dang bral ba zhes bya ba dang / gsog ces bya ba dang / ya ma brla zhes bya ba dang / snying po med pa zhes bya bar mos kyang / mi skye ba'i chos la bzod pa ma thob pa'i byang chub sems dpa' sems dpa' chen po de dag la/ rab 'byor sangs rgyas bcom ldan 'das de dag dga' bar mdzad pa'i tshul gyis chos ston cing ched du brjod pa yang ched du brjod par mdzad do/ /rab 'byor sangs rgyas bcom ldan 'das rnams kyis/ byang chub sems dpa' sems dpa' chen po gang dag gis ming 'di yongs su brjod pa'i tshul gyis chos ston pa dang / dga' bar mdzad pa'i tshul gyis chos ston cing ched du brjod pa yang ched du brjod par mdzad pa'i byang chub sems dpa' sems dpa' chen po de dag ni rab 'byor nyan thos kyi sa dang / rang sangs rgyas kyi sa yongs su spangs shing bla na med pa yang dag par rdzogs pa'i byang chub tu lung bstan par 'gyur ba yin no/ /rab 'byor sangs rgyas bcom ldan 'das rnams kyis byang chub sems dpa' sems dpa' chen po gang dag shes rab kyi pha rol tu phyin pa la spyod pa dag gis ming yongs su brjod pa'i tshul gyis chos ston cing ched du brjod pa yang ched du brjod par mdzad pa'i byang chub sems dpa' sems dpa' chen po de dag ni phyir mi ldog pa nyid la gnas par 'gyur zhing de las gnas nas rnam pa thams cad mkhyen pa nyid thob par 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa zab mo thos nas/ 'di ni de bzhin gshegs pa dgra bcom yang dag par rdzogs pa'i sangs rgyas kyis ji skad gsungs pa de bzhin no/ /zhes nem nur med cing the tshom mi za la rmongs par mi 'gyur na/ des ni phyis kyang de bzhin gshegs pa dgra bcom pa yang dag par rdzogs pa'i sangs rgyas</font><hr>35.280a<br><font size=+1>

mi 'khrugs pa dang / byang chub sems dpa'i theg pa pa'i rigs kyi bu de dag las 'di nyid rgya cher thos par 'gyur te/ byang chub sems dpa'i theg pa pa'i rigs kyi bu de yang shes rab kyi pha rol du phyin pa 'di la mos par 'byung bar 'gyur zhing / shes rab kyi pha rol du phyin pa zab mo 'di la mos pa na 'di ni de bzhin gshegs pas ji skad gsungs pa bzhin no/ /zhes mos shing phyir mi ldog pa nyid la gnas par 'gyur te/ rab 'byor shes rab kyi pha rol du phyin pa thos pa yang byang chub sems dpa' sems dpa' chen po rnams la de ltar gces spras byed pa yin na/ gang mos shing mos nas kyang de bzhin nyid du gnas shing de bzhin nyid du sgrub par byed pa dang / de bzhin nyid du gnas shing de bzhin nyid du sgrubs nas/ rnam pa thams cad mkhyen pa nyid la gnas par 'gyur ba lta smos kyang ci dgos rab 'byor gyis gsol pa/ bcom ldan 'das gang de bzhin nyid du gnas shing / de bzhin nyid du sgrubs na/ chos gang yang dmigs par mi 'gyur ba lags na/ ji ltar rnam pa thams cad mkhyen pa nyid la gnas pa 'gyur lags/ bcom ldan 'das de bzhin gshegs pa'i sprul pa zhes bgyi ba'i chos gang yang dmigs su ma mchis na su zhig de bzhin nyid la gnas par 'gyur/ su zhig de bzhin nyid la gnas nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ su zhig de bzhin nyid la gnas nas/ chos ston par 'gyur te/ de bzhin nyid kyang dmigs su ma mchis lags na/ su zhig de bzhin nyid la gnas par 'gyur ba dang / de bzhin nyid la gnas nas/ bla na med pa yang dag par rdzogs pa'i byang chub mngon par rdzogs pa'i byang chub mngon par rdzogs par 'tshang rgya bar 'gyur ba dang / de bzhin nyid la gnas nas chos ston par 'gyur ba lta smos kyang ci 'tshal te/ de ni gnas ma mchis lags so/ /de skad ces gsol pa</font><hr>35.280b<br><font size=+1>

dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor khyod 'di skad du/ de bzhin gshegs pa'i sprul pa zhes bgyi ba'i chos gang yang ma mchis na/ su zhig de bzhin nyid la gnas par 'gyur/ su zhig de bzhin nyid la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ su zhig de bzhin nyid la gnas nas chos ston par 'gyur te/ de bzhin nyid kyang dmigs su ma mchis lags na/ su zhig de bzhin nyid la gnas pa dang / de bzhin nyid la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / de bzhin nyid la gnas nas/ chos ston par 'gyur ba lta smos kyang ci 'tshal te/ de ni gnas ma mchis lags so/ /zhes zer ba ni/ rab 'byor de de bzhin te/ de de bzhin no/ /ji skad smras pa/ de bzhin nyid ma gtogs par chos gang yang dmigs su med na/ gang zhig de bzhin nyid la gnas pa dang / gang zhig de bzhin nyid la gnas nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / gang zhig de bzhin nyid la gnas nas chos ston par 'gyur te/ de bzhin nyid kyang dmigs su med na/ gang de bzhin nyid la gnas par 'gyur ba dang / de bzhin du sbyar te/ de bzhin nyid la gnas nas/ chos ston par 'gyur ba'i bar dag lta ci smos te/ de ni gnas med do/ /de ci'i phyir zhe na/ rab 'byor de bzhin gshegs pa rnams byung yang rung / de bzhin gshegs pa rnams ma byung yang rung ste/ de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' 'di ni gnas pa nyid kyi phyir te/ rab 'byor gang de bzhin nyid</font><hr>35.281a<br><font size=+1>

la gnas pa su yang med/ de bzhin nyid la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba yang med/ de bzhin nyid la gnas nas chos ston par 'gyur ba yang med do/ /de ci'i phyir zhe na/ 'di ltar de bzhin nyid la ni gang de bzhin nyid la gnas par 'gyur ba dang / gang de bzhin nyid la gnas nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / gang de bzhin nyid la gnas nas chos ston par 'gyur ba dmigs su med pa'i phyir te/ de ltar de bzhin nyid kyang dmigs su med pas/ de la skye ba yang dmigs su med/ 'jig pa yang med/ gnas pa yang med/ gzhan du 'gyur ba yang med de/ de'i phyir chos de la skye ba dmigs su med pa dang / 'jig pa med pa dang / gnas pa med pa dang / gzhan du 'gyur ba med pas na/ su zhig de la gnas par 'gyur/ su zhig de la gnas nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ su zhig de la gnas nas chos ston par 'gyur te/ de ni gnas med do/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das shes rab kyi pha rol du phyin pa 'di ni zab pa lags te/ bcom ldan 'das byang chub sems dpa' sems dpa' chen po gang dag bla na med pa yang dag par rdzogs pa'i byang chub mngon par rdzogs par 'tshang rgya bar 'tshal ba dag ni dka' ba bgyid pa lags so/ /de ci'i slad du zhe na/ bcom ldan 'das gang yang de bzhin nyid la gnas pa su yang ma mchis shing bla na med pa yang dag par rdzogs pa'i byang chub mngon par rdzogs par 'tshang rgya ba yang gang yang ma mchis la/ chos ston pa yang gang yang ma mchis kyang / de la zhum par yang mi 'gyur/ de la nem nur yang mi bgyid/ rmongs par yang mi 'gyur ba'i slad du'o/ /de nas tshe dang ldan pa rab</font><hr>35.281b<br><font size=+1>

'byor gyis lha'i dbang po brgya byin la 'di skad ces smras so/ /kau shi ka gang khyod 'di skad du byang chub sems dpa' sems dpa' chen po gang dag chos zab mo rnams la nem nur med cing rmongs pa med pa ni dka' ba byed pa yin no zhes zer ba ni/ kau shi ka chos thams cad stong pa nyid yin pas na/ de la su zhig nem nur ram rmongs par 'gyur/ de skad ces smras pa dang / lha'i dbang po brgya byin gyis gnas brtan rab 'byor la 'di skad ces smras so/ /gnas brtan rab 'byor ni gang ci ston kyang de thams cad stong pa nyid las brtsams shing ston te/ ci la yang chags pa med do/ /'di lta ste dper na/ mda' nam mkha' la 'phangs pa ni gang du yang chags pa med do/ /de bzhin du gnas brtan rab 'byor gyis chos bstan pa yang gang du yang chags pa med do/ /shes rab kyi pha rol du phyin pa khri brgyad stong pa las chags pa med pa'i le'u zhes bya ste lnga bcu rtsa dgu pa'o// // de nas bcom ldan 'das la lha'i dbang po brgya byin gyis 'di skad ces gsol to/ /bcom 'das bdag gis de skad smras shing / de skad bstan pa bcom ldan 'das kyis gsungs pa'i rjes su smra zhing chos smra ba dang / chos kyi rjes su 'thun pa'i chos yang dag par brjod pa lags sam/ bcom ldan 'das kyis bka' stsal pa/ kau shi ka gang khyod gyis de skad smras shing de skad bstan pa ni/ de bzhin gshegs pas gsungs pa'i rjes su smra zhing chos smra ba dang / chos kyi rjes su 'thun pa'i chos brjod pa yin no/ /brgya byin gyis gsol pa/ bcom ldan 'das ji tsam du gnas brtan rab 'byor gyis spobs pa de thams cad ni stong pa nyid las brtsams shing spobs pa dang / mtshan ma ma mchis pa dang / smon pa ma mchis pa las brtsams shing spobs pa dang / dran pa nye bar gzhag pa rnams dang / byang chub kyi bar las brtsams shing spobs pa ste ngo mtshar lags so/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka rab 'byor 'di ni stong pa nyid kyis</font><hr>35.282a<br><font size=+1>

gnas pas na/ sbyin pa'i pha rol du phyin pa nyid kyang mi dmigs na/ gang dag sbyin pa'i pha rol du phyin pa la spyod pa lta smos kyang ci dgos/ de bzhin du sbyar te/ shes rab kyi pha rol du phyin pa nyid kyang mi dmigs na/ gang dag shes rab kyi pha rol du phyin pa la spyod pa lta smos kyang ci dgos/ dran pa nye bar gzhag pa rnams nyid kyang mi dmigs na gang dag dran pa nye bar gzhag pa rnams sgom pa lta smos kyang ci dgos/ de bzhin du sbyar te/ lam nyid kyi bar yang mi dmigs na/ gang dag lam sgom par 'gyur ba lta smos kyang ci dgos/ de bzhin du sbyar te bsam gtan dang / tshad med pa dang / rnam par thar pa dang / ting nge 'dzin dang / snyoms par 'jug pa nyid kyang mi dmigs na/ gang dag bsam gtan dang tshad med pa dang / rnam par thar pa dang / ting nge 'dzin dang / snyoms par 'jug pa sgom pa lta smos kyang ci dgos/ stobs rnams nyid kyang mi dmigs na/ gang dag stobs rnams la sgom pa lta smos kyang ci dgos/ mi 'jigs pa rnams nyid kyang mi dmigs na/ gang dag mi 'jigs pa rnams mngon par sgrub pa lta smos kyang ci dgos/ so so yang dag par rig pa rnams nyid kyang mi dmigs na/ gang dag so so yang dag par rig pa rnams mngon par sgrub pa lta smos kyang ci dgos/ byams pa chen po nyid kyang mi dmigs na/ gang dag byams pa chen po la gnas par 'gyur ba lta smos kyang ci dgos/ snying rje chen po nyid kyang mi dmigs na/ gang dag snying rje chen po la gnas par 'gyur ba lta smos kyang ci dgos/ sangs rgyas kyi chos ma 'dres pa rnams nyid kyang mi dmigs na/ gang dag sangs rgyas kyi chos ma 'dres pa rnams mngon par sgrub pa lta smos kyang ci dgos/ byang chub nyid kyang mi dmigs na/ gang dag byang chub mngon par rdzogs par 'tshang rgya bar 'gyur ba lta smos kyang ci dgos/ rnam pa thams cad mkhyen pa nyid kyang mi dmigs na/ gang dag rnam pa thams cad mkhyen pa nyid thob par 'gyur ba lta smos kyang ci dgos/ de bzhin</font><hr>35.282b<br><font size=+1>

gshegs pa nyid kyang mi dmigs na/ gang dag de bzhin gshegs par 'gyur ba lta smos kyang ci dgos/ skye ba med pa nyid kyang mi dmigs na/ gang dag skye ba med pa mngon sum du byed par 'gyur ba lta smos kyang ci dgos/ mtshan rnams nyid kyang mi dmigs na/ gang dag gi lus la mtshan rnams 'byung bar 'gyur ba lta smos kyang ci dgos/ dpe byad bzang po rnams nyid kyang mi dmigs na/ gang gi lus la dpe byad bzang po rnams 'byung bar 'gyur ba lta smos kyang ci dgos/ de ci'i phyir zhe na/ kau shi ka dge slong rab 'byor ni chos thams cad dben pa la gnas pa yin la/ kau shi ka dge slong rab 'byor ni dmigs pa med pa la gnas pa dang / stong pa nyid la gnas pa dang / mtshan ma med pa la gnas pa dang / smon pa med pa la gnas pa yin pa'i phyir ro/ /kau shi ka dge slong rab 'byor gyi gnas pa ni de lta bu yin te/ kau shi ka dge slong rab 'byor gyi gnas pa gang yin pa de ni byang chub sems dpa' sems dpa' chen po shes rab kyi pha rol du phyin pa la spyod pa'i gnas pa'i brgya'i char yang nye bar mi 'gro'o/ /stong gi char yang nye bar mi 'gro'o/ /'bum gyi char yang nye bar mi 'gro'o/ /bye ba phrag 'bum gyi char yang nye bar mi 'gro'o/ /grangs dang cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ de bzhin gshegs pa'i gnas pa ma gtogs par byang chub sems dpa' sems dpa' chen po shes rab kyi pha rol du phyin pa la spyod pa'i gnas pa gang yin pa de dang / nyan thos dang / rang sangs rgyas rnams kyi gnas pa gang yin pa'i gnas pa de dag gi nang na/ byang chub sems dpa' sems dpa' chen po shes rab kyi pha rol du phyin pa la spyod pa'i gnas pa gang yin pa de ni mchog ces bya ba dang / thu bo dang / khyad par du 'phags pa dang / rab dang rab mchog dang / gya nom pa dang / bla na med pa dang / gong na med pa zhes bya ba yin pa'i phyir ro/ /kau shi ka de lta bas na byang chub sems dpa' sems dpa' chen po sems can thams cad kyi mchog tu 'gyur bar 'dod pas 'di lta ste/ shes rab kyi pha rol du phyin pas</font><hr>35.283a<br><font size=+1>

gnas pa 'di nyid kyis gnas par bya'o/ /de ci'i phyir zhe na/ kau shi ka shes rab kyi pha rol du phyin pa la spyod pa'i byang chub sems dpa' sems dpa' chen po ni nyan thos dang / rang sangs rgyas kyi sa las 'da' zhing / byang chub sems dpa'i skyon med pa la 'jug pa dang / sangs rgyas kyi chos thams cad yongs su rdzogs par byas nas/ rnam pa thams cad mkhyen pa nyid thob pa dang / rnam pa thams cad mkhyen pa nyid thob nas kyang de bzhin gshegs pa dgra bcom pa yang dag par rdzogs pa'i sangs rgyas kyi bag chags dang / mtshams sbyor ba dang / nyon mongs pa thams cad spangs pa thob par 'gyur ba'i phyir ro/ /de nas 'khor de nyid las sum bcu rtsa gsum pa'i lha rnams kyis me tog man dA ra ba dag blangs nas/ bcom ldan 'das la gtor to/ /mngon par gtor to/ /mngon par rab tu gtor to/ /dge slong drug stong yang stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ mig mi 'dzums par phyag 'tshal bar gyur to/ /sangs rgyas kyi mthus de dag gi snyim pa me tog man dA ra ba dag gis rab tu gang bar gyur nas/ me tog man dA ra ba de dag gis de bzhin gshegs pa dgra bcom pa yang dag par rdzogs pa'i sangs rgyas la gtor to/ /mngon par gtor to/ /mngon par rab tu gtor to/ /de dag gis gtor/ mngon par gtor/ mngon par rab tu gtor ba'i tshe/ tshig 'di skad du bcom ldan 'das dge ba'i rtsa ba 'dis bdag cag gang nyan thos dang / rang sangs rgyas thams cad kyi gnas ma lags pa'i gnas pa dam pa 'dis gnas par gyur cig ces kyang smras so/ /de nas bcom ldan 'das kyis dge slong de dag gi bsam pa thugs su chud nas de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de/ gang gi tshe bcom ldan 'das 'dzum pa mdzad pa na/ bcom ldan 'das kyi zhal gyi sgo nas 'od zer kha dog du ma kha dog sna tshogs 'di lta ste/ sngon po dang</font><hr>35.283b<br><font size=+1>

ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung bar gyur te/ de dag gis stong gsum gyi stong chen po'i 'jig rten gyi khams snang bas khyab par byas nas slar log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu nub par gyur to/ /de nas tshe dang ldan pa kun dga' bo stan las langs te/ bla gos phrag pa gcig tu bzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa mi mdzad lags na/ bcom ldan 'das 'dzum pa mdzad pa'i rgyu ni gang lags/ rkyen ni gang lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo dge slong drug stong po 'di dag ni bskal pa skar ma lta bu zhes bya ba la/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ me tog gtor ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas sha stag tu 'gyur ro/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas me tog gtor ba zhes bya ba de dag gi dge slong gi dge 'dun yang mtshungs par 'gyur ro/ /sangs rgyas kyi zhing mtshungs par 'gyur ro/ /tshe'i tshad kyang lo stong du mtshungs par 'gyur ro/ /de dag gang dang gang nas mngon par 'byung bar 'gyur zhing mngon par byung nas/ rab tu 'byung ba dang / gang dang gang du rab tu byung ste/ gnas par 'gyur ba de dang de dag tu me tog kha dog lnga pa'i char dag kyang rab tu 'bab par 'gyur ro/ /kun dga' bo de lta bas na gnas pa dam pas gnas par 'dod pa'i byang chub sems dpa' sems dpa' chen pos kyang shes rab kyi pha rol du phyin pa la spyad par bya'o/ /de bzhin gshegs pa'i gnas pas gnas par 'dod pa'i byang chub sems dpa' sems dpa' chen pos kyang shes rab kyi pha rol du phyin pa la spyad</font><hr>35.284a<br><font size=+1>

par bya'o/ /kun dga' bo rigs kyi bu 'am/ rigs kyi bu mo gang la la shes rab kyi pha rol du phyin pa zab mo 'di la spyod pa'i rigs kyi bu 'am/ rigs kyi bu mo des 'di ltar bdag ni mi'i nang nas shi 'phos te 'dir skyes pa 'am/ dga' ldan gyi lha'i ris nas shi 'phos nas 'dir skyes pa yin te/ mi rnams las shes rab kyi pha rol du phyin pa zab mo 'di rgya cher thos par gyur pa 'am/ dga' ldan gyi ris kyi lha rnams las shes rab kyi pha rol du phyin pa zab mo 'di rgya cher thos par gyur pa yin no zhes nges par rtogs par bya'o/ /kun dga' bo byang chub sems dpa' sems dpa' chen po gang shes rab kyi pha rol du phyin pa zab mo 'di la spyod pa de dag ni de bzhin gshegs pas rnam par gzigs par gyur pa yin no/ /kun dga' bo rigs kyi bu 'am/ rigs kyi bu mo gang la la shes rab kyi pha rol du phyin pa zab mo 'di nyan pa dang / thos nas kyang 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing / byang chub sems dpa'i theg pa pa'i gang zag rnams la yang shes rab kyi pha rol du phyin pa zab mo 'di rjes su ston par byed na/ kun dga' bo byang chub sems dpa'i theg pa pa'i rigs kyi bu dang rigs kyi bu mo de dag gis 'di snyam du bdag cag gis ni de bzhin gshegs pa dgra bcom pa yang dag par rdzogs pa'i sangs rgyas rnams las shes rab kyi pha rol du phyin pa zab mo 'di thos shing bzung ba dang / bcangs pa dang / blags pa dang / kun chub par byas shing de bzhin gshegs pa dgra bcom pa yang dag par rdzogs pa'i sangs rgyas de dag las dge ba'i rtsa ba bskyed par gyur pa yin no zhes nges par rtogs par bya'o/ /kun dga' bo rigs kyi bu dang / rigs kyi bu mo de dag gis 'di snyam du bdag cag gis ni nyan thos rnams las/ dge ba'i rtsa ba bskyed pa ma yin zhing / nyan thos rnams las/ shes rab kyi pha rol du phyin pa zab mo 'di thos pa ma yin no/ /zhes bya bar rig par bya'o/ /kun dga' bo rigs kyi bu 'am/ rigs kyi bu mo gang la la shes rab kyi pha rol du phyin pa zab mo 'di nyan pa dang / </font><hr>35.284b<br><font size=+1>

'dzin pa dang / 'chang ba dang / klog pa dang / kun chub par byed cing / don dang chos dang tshul las rjes su rtogs par byed na/ kun dga' bo rigs kyi bu 'am/ rigs kyi bu mo de dag gis 'di ltar bdag cag ni de bzhin gshegs pa dgra bcom pa yang dag par rdzogs pa'i sangs rgyas mngon sum du gyur pa yin no zhes nges par rtogs par bya'o/ /kun dga' bo rigs kyi bu 'am/ rigs kyi bu mo gang la la shes rab kyi pha rol du phyin pa zab mo 'di bshad pa thos na/ mi spong mi smod cing dad pa thob par 'gyur na/ kun dga' bo rigs kyi bu 'am/ rigs kyi bu mo de ni sngon gyi rgyal ba la bya ba lhag par byas shing dge ba'i rtsa ba bskyed pa dang / dge ba'i bshes gnyen gyis yongs su zin pa yin par rig par bya'o/ /kun dga' bo rigs kyi bu 'am rigs kyi bu mo gang gis/ de bzhin gshegs pa dgra bcom pa yang dag par rdzogs pa'i sangs rgyas las dge ba'i rtsa ba bskyed pa yang nyan thos nyid dam/ rang sangs rgyas nyid dam/ sangs rgyas nyid du 'gyur ba mi slu mod kyi/ kun dga' bo byang chub sems dpa' sems dpa' chen po sbyin pa'i pha rol du phyin pa la spyod pa dang / de bzhin du sbyar te/ rnam pa thams cad mkhyen pa nyid kyi bar la spyod pas legs par rtogs par bya'o/ /kun dga' bo byang chub sems dpa' sems dpa' chen po sbyin pa'i pha rol du phyin pa la spyod pa dang de bzhin du sbyar te/ rnam pa thams cad mkhyen pa nyid kyi bar la spyod pas/ legs par rtogs par byas pa na/ nyan thos nyid dam/ rang sangs rgyas nyid la gnas par mi 'gyur ro/ /kun dga' bo de lta bas na ngas shes rab kyi pha rol du phyin pa zab mo 'di khyod la yongs su gtad do/ /kun dga' bo gal te ngas chos gang dag bstan pa rnams las/ shes rab kyi pha rol du phyin pa ma gtogs pa'i chos bstan pa de dag thams cad khyod kyis bzung zhing kun chub par byas nas de'i 'og du chud gzan cing / de'i 'og du spang bar gyur kyang kun dga' bo</font><hr>35.285a<br><font size=+1>

de tsam gyi tshod kyis ni khyod la skyon du mi rtsi'i/ kun dga' bo gal te khyod kyis shes rab kyi pha rol du phyin pa zab mo 'di bzung nas tshig gcig tsam yang chud gzan par gyur na/ kun dga' bo de tsam gyis ni ngas khyod la skyon du rtsi'o/ /kun dga' bo gal te khyod kyis shes rab kyi pha rol du phyin pa zab mo 'di bzung nas/ de'i 'og tu chud ma gzan ma bor na kun dga' bo de ni ngas khyod la skyon du mi brtsi ste/ kun dga' bo ngas shes rab kyi pha rol du phyin pa zab mo 'di ni khyod la yongs su gtad kyis ci nas kyang zung shig /chongs shig /klogs shig /kun chub par gyis shig /rtag tu yid la gyis shig /legs par bzung ba dang legs par bcang bar gyis shig /yi ge dang tshig dang / tshig 'bru legs par rdzogs pa dang / nges pa'i tshig legs par zin par gyis shig /kun dga' bo rigs kyi bu 'am rigs kyi bu mo gang la la shes rab kyi pha rol du phyin pa zab mo 'di 'dzin pa dang / 'chang ba dang klog pa dang kun chub par byed pa dang / tshul bzhin du yid la byed pa des ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub rjes su yongs su bzung bar 'gyur ro/ /kun dga' bo rigs kyi bu 'am rigs kyi bu mo gang la la da ltar nga la mngon sum du me tog gam/ spos sam me tog phreng ngam/ bdug pa 'am byug pa 'am/ phye ma 'am gos sam/ gdugs sam/ rgyal mtshan nam/ ba dan dag gis sti stang du byed pa dang / bla mar byed pa dang / ri mo byed pa dang / mchod pa byed par 'dod pa de dag gis kyang shes rab kyi pha rol du phyin pa zab mo 'di gzung bar bya/ bcang bar bya klag par bya/ kun chub par bya'o/ /bzung zhing bcangs la blags shing kun chub par byas nas kyang me tog dang / spos dang bdug pa dang / me tog phreng dang / byug pa dang phye ma dang / gos dang gdugs dang / rgyal mtshan dang / ba dan dag gis shes rab kyi pha rol du phyin pa zab mo 'di la</font><hr>35.285b<br><font size=+1>

sti stang du bya/ bla mar bya/ ri mo bya/ mchod par bya'o/ /shes rab kyi pha rol du phyin pa la sti stang du byed/ bla mar byed ri mo byed/ mchod par byed pa des ni nga yang mchod pa yin la/ 'das pa dang ma byon pa dang / da ltar byung ba'i sangs rgyas bcom ldan 'das rnams la yang mchod pa byas pa yin no/ /kun dga' bo rigs kyi bu 'am rigs kyi bu mo gang la la shes rab kyi pha rol du phyin pa zab mo 'di bshad pa la/ gus pa dang dga' ba dang / dad pa bskyed par 'gyur ba des ni 'das pa dang / ma byon pa dang / da ltar byung ba'i sangs rgyas bcom ldan 'das rnams la gus pa dang / dga' ba dang dad pa dang / ri mo skyed pa yin no/ /kun dga' bo gal te khyod nga la dga' ba dang / yid du 'ong ba dang yongs su mi gtong ba de ltar khyod kyis shes rab kyi pha rol du phyin pa zab mo 'di la dga' ba dang / yid du 'ong pa dang / yongs su mi gtang bar gyis la/ ci nas kyang khyod kyis shes rab kyi pha rol du phyin pa zab mo 'di'i tshig gcig tsam yang chud ma zos par gyis shig /kun dga' bo ngas khyod la shes rab kyi pha rol du phyin pa zab mo 'di yongs su gdams pa las brtsams te/ mang du smras pa yang / kun dga' bo mdor na/ ji ltar nga khyod kyi ston pa yin pa de ltar shes rab kyi pha rol du phyin pa zab mo 'di yang khyod kyi ston pa yin gyis/ kun dga' bo de bas na ngas shes rab kyi pha rol du phyin pa 'di yongs su gtad pa tshad med pas khyod la yongs su gtad do/ /kun dga' bo de lta bas na/ ngas lha dang / mi dang lha ma yin du bcas pa'i 'jig rten yang sbran te/ gang gis sangs rgyas yongs su ma gtang ba dang / chos yongs su ma gtang ba dang / dge 'dun yongs su ma gtang ba dang 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub yongs su ma gtang ba des shes rab kyi pha rol du phyin pa zab mo 'di yongs su mi gtang bar bya ste/ 'di ni ngas rjes su bstan pa yin no/ /kun dga' bo rigs kyi bu 'am rigs kyi bu mo gang la la shes rab kyi pha rol du phyin pa</font><hr>35.286a<br><font size=+1>

zab mo 'dzin pa dang / 'chang ba dang klog pa dang / kun chub par byed pa dang / tshul bzhin du yid la byed pa dang / gzhan dag la yang shes rab kyi pha rol du phyin pa zab mo 'di rnam grangs du mar rgya cher yang dag par ston par byed pa dang / rjod pa dang / 'chad pa dang / shes par byed pa dang / rab du gzhog pa dang / rnam par 'grel ba dang / rnam par 'byed pa dang gsal bar byed na/ kun dga' bo rigs kyi bu dang rigs kyi bu mo de ni myur du bla na med pa yang dag par rdzogs pa'i byang chub mngon par rdzogs par 'tshang rgya zhing / rnam pa thams cad mkhyen pa nyid dang yang nye bar gyur pa yin no/ /de ci'i phyir zhe na/ kun dga' bo sangs rgyas bcom ldan 'das rnams kyi bla na med pa yang dag par rdzogs pa'i byang chub ni shes rab kyi pha rol du phyin pa las nges par byung ba yin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na byung bar gyur pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang shes rab kyi pha rol du phyin pa las nges par byung ba yin la/ kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag ma 'ongs pa'i dus na 'byung bar 'gyur ba'i sangs rgyas bcom ldan 'das de dag gis bla na med pa yang dag par rdzogs pa'i byang chub kyang kun dga' bo shes rab kyi pha rol du phyin pa las nges par 'byung ba yin zhing kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag da ltar shar phyogs dang / lho dang nub dang / byang dang 'og dang / steng dang phyogs mtshams dag na bzhugs pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang kun dga' bo shes rab kyi pha rol du phyin pa las nges par skyes pa'i phyir ro/ /kun dga' bo de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub</font><hr>35.286b<br><font size=+1>

mngon par rdzogs par 'tshang rgya bar 'dod pas pha rol du phyin pa drug po 'di dag la bslab par bya'o/ /de ci'i phyir zhe na/ kun dga' bo 'di lta ste/ pha rol du phyin pa drug po 'di dag ni/ byang chub sems dpa' sems dpa' chen po rnams skyed par byed pa yin pa'i phyir ro/ /kun dga' bo byang chub sems dpa' sems dpa' chen po gang dag pha rol du phyin pa drug la slob pa de dag thams cad ni bla na med pa yang dag par rdzogs pa'i byang chub tu nges par 'byung bar 'gyur te/ kun dga' bo de lta bas na pha rol du phyin pa drug po 'di dag rgya cher yongs su gtad pa yin no/ /de ci'i phyir zhe na/ kun dga' bo 'di lta ste/ shes rab kyi pha rol du phyin pa'i mdzod 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi mdzod yin te/ de ni mi zad pa'i mdzod yin pa'i phyir ro/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag shar dang / lho dang / nub dang / byang dang / 'og dang / steng dang / phyogs mtshams kyi 'jig rten gyi khams dag na bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag kyang shes rab kyi pha rol du phyin pa'i mdzod 'di nyid las chos ston par mdzad do/ /kun dga' bo 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas gang dag byung bar gyur pa de dag kyang pha rol du phyin pa drug po 'di nyid la bslabs na/ bla na med pa yang dag par rdzogs pa'i byang chub mngon par rdzogs par sangs rgyas so/ /kun dga' bo gang dag ma 'ongs pa'i dus na 'byung bar 'gyur ba'i de bzhin gshegs pa dgra bcom pa yang dag par rdzogs pa'i sangs rgyas de dag kyang pha rol du phyin pa drug po 'di dag nyid la bslabs nas/ bla na med pa yang dag par rdzogs pa'i byang chub mngon par rdzogs par 'tshang rgya zhing chos kyang ston par 'gyur ro/ /</font><hr>35.287a<br><font size=+1>

kun dga' bo 'das pa dang / ma byon dang / da ltar byung ba'i sangs rgyas bcom ldan 'das rnams kyi nyan thos gang dag ji snyed pa de dag thams cad kyang shes rab kyi pha rol du phyin pa 'di nyid la bslabs nas/ yongs su mya ngan las 'das so/ /yongs su mya ngan las 'da' bar 'gyur ro/ /yongs su mya ngan las 'da' 'o/ /kun dga' bo gal te khyod kyis nyan thos kyi theg pa pa'i gang zag rnams la nyan thos kyi sa las brtsams te/ chos bstan par gyur la/ chos bstan pa des stong gsum gyi stong chen po'i 'jig rten gyi khams kyi sems can de dag thams cad kyis dgra bcom pa nyid mngon sum du byed par gyur kyang de tsam gyis ni khyod kyis nga'i nyan thos kyis nyan thos kyi bya ba byas par gyur pa ma yin gyis/ kun dga' bo gal te khyod kyis byang chub sems dpa' sems dpa' chen bo rnams la shes rab kyi pha rol du phyin pa dang ldan pa'i tshig gcig tsam rab tu bstan na/ de ni nyan thos khyod kyis nga mnyes par byas shing / nyan thos kyis nyan thos kyi bya ba byas pa yin no/ /kun dga' bo 'di ji snyam du sems/ chos bstan pa snga ma des stong gsum gyi stong chen po'i 'jig rten gyi khams na sems can gang ji snyed pa de dag thams cad snga phyi med par mi'i lus thob nas dgra bcom pa nyid mngon du byas par gyur na/ dgra bcom pa de dag gi sbyin pa las byung ba'i bsod nams bya ba'i dngos po gang yin pa dang / tshul khrims las byung ba'i bsod nams bya ba'i dngos po gang yin pa dang / bsgom pa las byung ba'i bsod nams bya ba'i dngos po gang yin pa'i bsod nams bya ba'i dngos po de dag mang ba yin snyam 'am/ gsol pa bcom ldan 'das mang lags so/ /bde bar gshegs pa mang lags so/ /bka' stsal pa/ kun dga' bo de lta bas kyang nyan thos kyi theg pa pa'i gang zag gang / byang chub sems dpa' sems dpa' chen po la tha na nyi ma gcig tsam/ shes rab kyi pha rol du phyin pa dang ldan pa'i chos ston par byed na/ de ni bsod nams ches</font><hr>35.287b<br><font size=+1>

mang du skyed par 'gyur ro/ /kun dga' bo nyi ma gcig lta zhog gi/ kun dga' bo gal te nyi ma phyed dam/ kun dga' bo nyi ma phyed lta'ang zhog gi/ gal te snga dro gcig tsam 'am/ kun dga' bo snga dro gcig tsam lta yang zhog gi/ gal te chu tshod gcig tsam gyi bar 'am/ kun dga' bo chu tshod gcig tsam gyi bar lta yang zhog gi/ gal te nyan thos kyi theg pa pa'i gang zag gang gis byang chub sems dpa' sems dpa' chen po la skad cig gam/ thang cig gam yud tsam zhig gi bar du shes rab kyi pha rol du phyin pa dang ldan pa'i chos bstan par gyur na/ kun dga' bo de ni de bas ches bsod nams mang du skyed par 'gyur te/ des ni nyan thos kyi theg pa pa dang / rang sangs rgyas kyi theg pa pa thams cad kyi dge ba'i rtsa ba zil gyis non par 'gyur ro/ /kun dga' bo gal te byang chub sems dpa' sems dpa' chen pos/ byang chub sems dpa'i theg pa pa'i gang zag rnams la tha na nyi ma gcig gam/ nyi ma phyed dam snga dro 'am/ chu tshod gcig tsam gyi bar 'am skad cig gam/ thang cig gam yud tsam zhig shes rab kyi pha rol du phyin pa dang ldan pa'i chos bstan par gyur na/ kun dga' bo byang chub sems dpa' sems dpa' chen po des ni nyan thos kyi theg pa pa dang / rang sangs rgyas kyi theg pa pa'i gang zag thams cad kyi dge ba'i rtsa ba zil gyis non par 'gyur ro de ci'i phyir zhe na/ 'di ltar de ni bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar 'dod la/ gzhan dag kyang bla na med pa yang dag par rdzogs pa'i byang chub yang dag par 'dzin du 'jug cing yang dag par ston pa dang / yang dag par gzeng stod pa dang / 'dzud pa dang rab tu 'god bar byed pa'i phyir ro/ /kun dga' bo de ltar byang chub sems dpa' sems dpa' chen po pha rol du phyin pa drug la spyod pa dang / dran pa nye bar gzhag pa rnams la spyod pa dang lam gyi rnam pa shes pa nyid kyi bar la spyod cing / dge ba'i rtsa ba rnams kyis rnam par 'phel ba gang gi phyir/ bla na med pa yang dag par rdzogs pa'i byang chub las yongs su nyams par 'gyur ba ni gnas ma yin/ skabs ma yin te de ni gnas med do/ /shes rab kyi pha rol du phyin pa 'di bstan pa na/ bcom ldan 'das kyi 'khor</font><hr>35.288a<br><font size=+1>

bzhi po dang lha dang mi dang klu dang gnod sbyin dang / dri za dang lha ma yin dang nam mkha' lding dang / mi 'am ci dang lto 'phye chen po rnams kyi mdun du 'di lta bu'i rdzu 'phrul mngon par 'du mdzad pa mngon par mdzad de/ ji lta bu'i rdzu 'phrul mngon par 'du mdzad pa/ mngon par mdzad pas 'khor de dag gis de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa dge slong gi dge 'dun gyis yongs su bskor cing / dge slong gi dge 'dun gyis mdun gyis bltas la/ 'khor rgya mtsho mi 'khrugs pa thams cad kyang dgra bcom pa zag pa zad pa/ nyon mongs pa med pa dbang du gyur pa/ sems shin du rnam par grol ba/ shes rab shin du rnam par grol ba/ cang shes pa glang po chen po/ bya ba byas pa byed pa byas pa khur bor ba/ bdag gi don rjes su thob pa srid par kun du sbyor ba yongs su zad pa/ yang dag pa'i shes pas sems shin du rnam par grol ba/ sems thams cad kyi dbang gi dam pa'i pha rol du phyin pa sha stag dang / byang chub sems dpa'i theg pa pa'i gang zag rnams la chos ston pa mthong bar gyur to/ /de nas bcom ldan 'das kyis rdzu 'phrul de phyir bsdus te/ rdzu 'phrul de phyir bsdus pa dang / 'khor bzhi po de dang / nyan thos kyi theg pa pa'i gang zag dang / rang sangs rgyas kyi theg pa pa'i gang zag la sogs pa thams cad kyis de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yang ma mthong / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing de yang ma mthong / sangs rgyas la sogs pa dge slong gi dge 'dun de dag kyang mig gi dbang po'i spyod yul du mi snang bar gyur to/ /de ci'i phyir zhe na/ de bzhin gshegs pas rdzu 'phrul mngon par 'du mdzad pa slar bsdu ba mdzad pas de'i phyir ma mthong ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis</font><hr>35.288b<br><font size=+1>

de bzhin gshegs pa mi 'khrugs pa'i sangs rgyas kyi zhing de dang de bzhin gshegs pa mi 'khrugs pa de dang / dge slong gi dge 'dun de dang / byang chub sems dpa'i dge 'dun de dag mthong ngam/ gsol pa bcom ldan 'das sangs rgyas kyi zhing de dang / de bzhin gshegs pa de dang / dge slong gi dge 'dun de dang / byang chub sems dpa'i dge 'dun de dag ni mig lam du yang mi gda' lags so/ /bka' stsal pa/ kun dga' bo de bzhin du chos thams cad kyang mig lam du mi snang ba yin te/ chos la chos mi snang ngo / /chos kyis chos mi mthong ngo / /ji ltar de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang / nyan thos de dag dang / byang chub sems dpa'i theg pa pa'i gang zag de dag dang / sangs rgyas kyi zhing de mig lam du mi snang ba de bzhin du/ kun dga' bo chos thams cad kyang mig lam du mi snang ba yin te/ chos kyis chos mi mthong ngo / /chos kyis chos kun du mi shes te/ kun dga' bo chos thams cad ni shes pa med pa mthong ba med pa bya ba la mthu med pa yin no/ /de ci'i phyir zhe na/ kun dga' bo chos thams cad ni snying po med pa'i phyir g.yo ba med pa dang / gzung ba med pa yin te/ kun dga' bo chos thams cad g.yo ba med pa dang / gzung ba med pas na/ bsam gyis mi khyab pa yin te/ kun dga' bo chos thams cad ni sgyu ma'i skyes bu ltar rig pa med pa'i phyir ro/ /kun dga' bo de ltar spyod pa'i byang chub sems dpa' sems dpa' chen po ni/ shes rab kyi pha rol du phyin pa la spyod pa yin te/ chos gang la yang mngon par zhen pa med pa yin no/ /kun dga' bo de ltar slob pa'i byang chub sems dpa' sems dpa' chen po ni/ shes rab kyi pha rol du phyin pa la slob pa yin no/ /kun dga' bo pha rol du phyin pa thams cad thob par 'dod pa'i byang chub sems dpa' sems dpa' chen pos kyang shes rab kyi pha rol du phyin pa la bslab par bya ste/ de ltar slob pa ni mchog ces bya'o/ /thu bo zhes</font><hr>35.289a<br><font size=+1>

bya'o/ /rab ces bya'o rab mchog ces bya'o/ /gya nom pa zhes bya'o/ /bla na med pa dang / gong na med pa zhes bya ste/ 'jig rten thams cad la phan pa dang / 'jig rten thams cad la bde ba dang / mgon med pa rnams kyi mgon byed pa dang / sangs rgyas kyis rjes su gnang ba dang / sangs rgyas kyis bsngags pa yin te/ de la gnas nas de bzhin gshegs pa dgra bcom pa yang dag par rdzogs pa'i sangs rgyas rnams kyis stong gsum gyi stong chen po'i 'jig rten gyi khams 'di phyag g.yas pas gyen du bteg cing yang slar gzhog kyang sems can de dag gis/ 'di ltar stong gsum gyi stong chen po'i 'jig rten gyi khams 'di gyen du bteg pa 'am/ phyir gzhag par yang mi shes so/ /de ci'i phyir zhe na/ kun dga' bo sangs rgyas bcom ldan 'das rnams kyang / shes rab kyi pha rol du phyin pa 'di nyid la bslabs nas/ 'das pa dang ma 'ongs pa dang / da ltar byung ba'i chos rnams la chags pa mi mnga' ba'i ye shes gzigs pa skyes pa'i phyir ro/ /kun dga' bo bslab pa gang ji snyed yod pa'i bslab pa de dag thams cad kyi nang na/ shes rab kyi pha rol du phyin pa'i bslab pa 'di ni mchog ces bya'o/ /thu bo dang rab dang / rab mchog dang / gya nom pa dang / bla na med pa dang / gong na med pa zhes bya'o/ /kun dga' bo gang shes rab kyi pha rol du phyin pa'i tshad dam/ mtha' gzung bar sems pa de ni nam mkha'i tshad dam mtha' gzung bar sems par zad do/ /de ci'i phyir zhe na/ kun dga' bo shes rab kyi pha rol du phyin pa ni tshad med pa'i phyir ro/ /kun dga' bo ngas ni shes rab kyi pha rol du phyin pa'i tshad ma bstan te/ kun dga' bo ming gi tshogs dang / tshig gi tshogs dang / yi ge'i tshogs dag la ni tshad gzung du yod kyi shes rab kyi pha rol du phyin pa la ni tshad gzung du med do/ /de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das ci'i slad du/ shes rab</font><hr>35.289b<br><font size=+1>

kyi pha rol du phyin pa tshad ma mchis shing / gzhal du ma mchis pa lags/ bcom ldan 'das kyis bka' stsal pa/ kun dga' bo mi zad pa'i phyir shes rab kyi pha rol du phyin pa tshad med pa yin no/ /kun dga' bo dben pa'i phyir shes rab kyi pha rol du phyin pa tshad med pa yin no/ /kun dga' bo 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas gang dag byung bar gyur pa de dag kyang shes rab kyi pha rol du phyin pa 'di nyid kyis rab tu bskyed pa yin yang shes rab kyi pha rol du phyin pa ni zad par ma gyur to/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag ma 'ongs pa'i dus na 'byung bar 'gyur ba'i sangs rgyas bcom ldan 'das de dag kyang / shes rab kyi pha rol du phyin pa 'di nyid kyis rab tu bskyed par 'gyur yang shes rab kyi pha rol du phyin pa ni zad par mi 'gyur ro/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag da ltar phyogs bcu'i 'jig rten gyi khams dag na bzhugs te 'tsho zhing gzhes pa'i sangs rgyas bcom ldan 'das de dag kyang shes rab kyi pha rol du phyin 'di nyid kyi rab tu bskyed kyang shes rab kyi pha rol du phyin pa ni ma zad mi zad zad par mi 'gyur ro/ /de ci'i phyir zhe na/ kun dga' bo gang shes rab kyi pha rol du phyin pa zad par bya bar 'dod pa de ni nam mkha' zad par bya bar 'dod du zad de/ shes rab kyi pha rol du phyin pa ni ma zad mi zad zad par mi 'gyur la de bzhin du sbyar te/ bsam gtan gyi pha rol du phyin pa dang sbyin pa'i pha rol du phyin pa'i bar yang ma zad mi zad zad par mi 'gyur zhing / de bzhin du sbyar te rnam pa thams cad mkhyen pa nyid kyi bar yang ma zad mi zad zad par mi 'gyur te/ chos de dag la ni skye ba med la chos gang dag la skye ba med pa de dag la zad par 'gyur ba med pa'i phyir ro/ /de nas bcom ldan 'das kyi zhal gyi sgo nas ljags kyi dbang po</font><hr>35.290a<br><font size=+1>

phyung ste zhal gyi dkyil 'khor thams cad ljags kyi dbang pos kun du khebs par mdzad nas/ tshe dang ldan pa kun dga' bo la bka' stsal pa/ kun dga' bo 'di ji snyam du sems/ ljags kyi dbang po 'di lta bu dang ldan pa log par gsung zhing gzhan du gsung bar 'gyur snyam 'am/ kun dga' bos gsol pa/ bcom ldan 'das de ni ma lags so/ /bde bar gshegs pa de ni ma lags so/ /bcom ldan 'das kyis bka' stsal pa/ kun dga' bo de lta bas na/ shes rab kyi pha rol du phyin pa 'di 'khor bzhi po dag la rgya cher ston cig /shod cig /khod cig /rab tu khod cig /rnam par phye shig /gsol bar gyis shig /yang dag par rab tu ston cig /kun dga' bo nyan thos kyi theg pa pa dang / rang sangs rgyas kyi theg pa pa dang / byang chub sems dpa'i theg pa pa'i gang zag rnams kyi gang la bslab par bya ba'i chos thams cad shes rab kyi pha rol du phyin pa zab mo 'di nyid las rgya cher bstan te de la ji skad bstan pa de bzhin du slob na/ rang rang gi sa dag la gnas par 'gyur ro/ /kun dga' bo shes rab kyi pha rol du phyin pa zab mo 'di ni yi ge thams cad la 'jug go yi ge med pa thams cad la 'jug go kun dga' bo shes rab kyi pha rol du phyin pa zab mo 'di ni gzungs kyi sgo gang dag la byang chub sems dpa' sems dpa' chen pos bslab par bya ba'i gzungs thams cad kyi sgo yin te/ gzungs de dag 'dzin pa'i byang chub sems dpa' sems dpa' chen po rnams ni spobs pa dang / so so yang dag par rig pa thams cad thob par 'gyur ro/ /kun dga' bo shes rab kyi pha rol du phyin pa 'di ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dam pa'i chos kyi mdzod mi zad pa yin par ngas bstan to/ /kun dga' bo de lta bas na mos par byas shing khong du chud par bya te/ gang shes rab kyi pha rol du phyin pa zab mo 'di 'dzin pa dang / 'chang ba dang klog pa dang kun chub par byed pa de ni 'das pa dang ma byon</font><hr>35.290b<br><font size=+1>

pa dang da ltar byung ba'i sangs rgyas bcom ldan 'das rnams kyi byang chub gzung bar 'gyur ro/ /kun dga' bo shes rab kyi pha rol du phyin pa 'di ni gzungs yin par ngas bstan te/ khyod kyis shes rab kyi pha rol du phyin pa'i gzungs 'di gzung na/ chos thams cad yongs su gzung bar 'gyur ro/ /shes rab kyi pha rol du phyin pa khri brgyad stong pa las yongs su gtad pa'i le'u zhes bya ste/ drug bcu pa'o// // 'phags pa shes rab kyi pha rol du phyin pa khri brgyad stong pa/ bam po bzhi bcu rtsa gsum pa/ de nas tshe dang ldan pa rab 'byor 'di snyam du sems te/ kye ma de bzhin gshegs pa rnams kyi byang chub 'di ni zab ste/ bdag gis de bzhin gshegs pa la zhu gor ma chag snyam mo/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol du phyin pa mi zad pa lags sam/ bka' stsal pa/ rab 'byor nam mkha' mi zad pa'i phyir/ shes rab kyi pha rol du phyin pa mi zad do/ /gsol pa bcom ldan 'das shes rab kyi pha rol du phyin pa ji ltar mngon par bsgrub par bgyi/ bka' stsal pa/ rab 'byor gzugs mi zad pa'i phyir shes rab kyi pha rol du phyin pa mngon par bsgrub par bya'o/ /rab 'byor tshor ba dang / 'du shes dang 'du byed rnams dang / rnam par shes pa mi zad pa'i phyir/ shes rab kyi pha rol du phyin pa mngon par bsgrub par bya'o/ /rab 'byor sbyin pa'i pha rol du phyin pa mi zad pa'i phyir/ shes rab kyi pha rol du phyin pa mngon par bsgrub par bya'o/ /de bzhin du sbyar te/ rab 'byor rnam pa thams cad mkhyen pa nyid kyi bar du mi zad pa'i phyir/ shes rab kyi pha rol du phyin pa mngon par bsgrub par bya'o/ /rab 'byor gzugs dang nam mkha' mi zad pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /tshor ba dang nam mkha' mi zad pas byang chub sems dpa' sems</font><hr>35.291a<br><font size=+1>

dpa' chen pos/ shes rab kyi pha rol du phyin pa mngon par bsgrub par bya'o/ /'du shes dang nam mkha' mi zad pas/ byang chub sems dpa' sems dpa chen pos/ shes rab kyi pha rol du phyin pa mngon par bsgrub par bya'o/ /'du byed rnams dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor rnam par shes pa dang nam mkha' mi zad pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor phung po rnams dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /de bzhin du khams dang / nam mkha' mi zad pa dang / skye mched dang / nam mkha' mi zad pas byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor rten cing 'brel bar 'byung ba dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor ma rig pa dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor 'du byed dang nam mkha' mi zad pas byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor rnam par shes pa dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor ming dang / gzugs dang nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor skye mched drug dang nam mkha' mi zad pas/ byang chub sems dpa' sems dpa' chen pos/ shes rab kyi pha</font><hr>35.291b<br><font size=+1>

rol du phyin pa mngon par bsgrub par bya'o/ /rab 'byor reg pa dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor tshor ba dang nam mkha' mi zad pas byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor sred pa dang nam mkha' mi zad pas/ byang chub sems dpa' sems dpa' chen pos shes rab kyi pha rol du phyin pa la mngon par bsgrub par bsgrub par bya'o/ /rab 'byor len pa dang nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor srid pa dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor skye ba dang / nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dang nam mkha' mi zad pas/ byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya ste/ /rab 'byor de ltar byang chub sems dpa' sems dpa' chen pos/ shes rab kyi pha rol du phyin pa mngon par bsgrub par bya'o/ /rab 'byor shes rab kyi pha rol du phyin pa 'di ni byang chub sems dpa' sems dpa' chen pos rten cing 'brel par 'byung ba la rnam par lta ba dang / thog ma dang / tha ma rnam par spangs pa la rnam par lta ba yin no/ /de ltar rten cing 'brel bar 'byung ba la rnam par lta ba de ni byang chub sems dpa' sems dpa' chen po byang chub kyi snying po la 'dug pa'i ma 'dres pa'i chos yin te/ rten cing 'brel par 'byung ba la de ltar lta bas ni rnam pa thams cad mkhyen pa nyid kyi ye shes thob par 'gyur ro/ /rab 'byor byang chub sems dpa'</font><hr>35.292a<br><font size=+1>

sems dpa' chen po shes rab kyi pha rol du phyin pa la spyod pa gang la la nam mkha' ltar ma zad pa mngon par bsgrub pa'i tshul 'dis rten cing 'brel par 'byung ba la rnam par lta ba de ni nyan thos kyi sa 'am/ rang sangs rgyas kyi sa la gnas par mi 'gyur te/ de ni bla na med pa yang dag par rdzogs pa'i byang chub la gnas par 'gyur ro/ /rigs kyi bu 'am rigs kyi bu mo byang chub sems dpa'i theg pa pa gang la la phyir ldog par gyur na/ des ni shes rab kyi pha rol du phyin pa yid la byed pa la mi brten pas phyir ldog pa yin te/ rab 'byor des ni byang chub sems dpa' sems dpa' chen pos shes rab kyi pha rol du phyin pa la spyod pas/ ji ltar nam mkha' ltar mi zad pa mngon par bsgrub pas rten cing 'brel bar 'byung ba la rnam par blta bar bya ba dang / mngon par bsgrub par bya ba mi shes so/ /rab 'byor byang chub sems dpa'i theg pa pa'i gang zag gang la la phyir ldog pa de dag ni thabs la mkhas pa 'di la ma brten pas/ bla na med pa yang dag par rdzogs pa'i byang chub las phyir ldog par 'gyur ro/ /rab 'byor byang chub sems dpa' sems dpa' chen po gang dag bla na med pa yang dag par rdzogs pa'i byang chub las phyir mi ldog pa de dag ni/ shes rab kyi pha rol du phyin pa 'di la brten cing thabs la mkhas pa'i phyir/ bla na med pa yang dag par rdzogs pa'i byang chub las phyir mi ldog go/ /de ltar na byang chub sems dpa' sems dpa' chen po shes rab kyi pha rol du phyin pa la spyod pas/ nam mkha' ltar mi zad pa mngon par bsgrub pas/ shes rab kyi pha rol du phyin pa la rnam par blta bar bya/ mngon par bsgrub par bya'o rab 'byor byang chub sems dpa' sems dpa' chen po rten cing 'brel bar 'byung ba la de ltar rnam bar lta bas ni rgyu med par skye ba'i chos gang yang mi mthong ngo / /'gag pa rtag pa'i chos gang yang yang dag par rjes su mi mthong ngo / /chos gang yang bdag tu yang dag par rjes su mi mthong zhing / sems can dang / srog dang skye ba po</font><hr>35.292b<br><font size=+1>

dang / shed las skyes dang / shed bu dang / gso ba dang / gang zag dang / byed pa po dang / byed tu 'jug pa po dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang / mthong ba po dang / rtag pa pa dang / mi rtag pa dang / sdug bsngal ba dang / bde ba dang bdag dang / bdag med pa dang / zhi ba dang / zhi ba ma yin par yang dag par rjes su mi mthong ste/ rab 'byor byang chub sems dpa' sems dpa' chen po shes rab kyi pha rol du phyin pa la spyod pas rten cing 'brel bar 'byung ba la de ltar rnam par blta bar bya'o/ /rab 'byor gang gi tshe byang chub sems dpa' sems dpa' chen po shes rab kyi pha rol du phyin pa la spyod pa de'i tshe/ gzugs rtag pa 'am/ mi rtag pa 'am/ bde ba 'am/ sdug bsngal ba 'am/ bdag yod pa 'am/ bdag med pa 'am/ zhi ba 'am/ ma zhi bar yang dag par rjes su mi mthong ngo / /de bzhin du sbyar te/ rnam pa thams cad mkhyen pa nyid kyi bar du rtag pa 'am/ mi rtag pa 'am/ bde ba 'am/ sdug bsngal ba 'am/ bdag yod pa 'am/ bdag med pa 'am/ zhi ba 'am/ ma zhi bar yang dag par rjes su mi mthong ngo / /rab 'byor gang gi tshe/ byang chub sems dpa' sems dpa' chen po de shes rab kyi pha rol du phyin pa la spyod pa de'i tshe/ byang chub sems dpa' sems dpa' chen po shes rab kyi pha rol du phyin pa la spyod pas/ shes rab kyi pha rol du phyin pa yang yang dag par rjes su mi mthong la/ gang gis shes rab kyi pha rol du phyin pa mthong ba'i chos de yang yang dag par rjes su mi mthong ngo / /bsam gtan gyi pha rol du phyin pa dang / sbyin pa'i pha rol du phyin pa'i bar du yang de bzhin no/ /de bzhin du sbyar te/ byang chub kyi bar du yang yang dag par rjes su mi mthong la/ chos gang gis byang chub mthong ba'i chos de yang yang dag par rjes su mi mthong ste/ rab 'byor byang chub sems dpa' sems dpa' chen pos de ltar chos thams cad mi dmigs pas/ shes rab kyi pha rol du phyin pa la spyad par bya'o/ /rab 'byor gang gi tshe byang chub sems dpa'</font><hr>35.293a<br><font size=+1>

sems dpa' chen po chos thams cad mi dmigs par shes rab kyi pha rol du phyin pa la spyod pa de'i tshe/ bdud sdig can mya ngan gyi zug rngu dang ldan par 'gyur te/ rab 'byor dper na/ mi pha ma shi na mya ngan gyi zug rngu dang ldan par 'gyur zhing mya ngan gyi zug rngu chen po dang ldan par 'gyur ro/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa chos thams cad mi dmigs pa na bdud sdig can mya ngan gyi zug rngu chen po dang ldan par 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das bdud sdig can gcig pu zhig mya ngan gyi zug rngu chen po dang ldan par 'gyur lags sam/ 'on te stong gsum gyi stong chen po'i 'jig rten gyi khams na gnas pa gang lags pa'i bdud sdig can de dag thams cad kyang mya ngan gyi zug rngu chen po dang ldan par 'gyur zhing / rang rang gi stan la dga' bar mi 'gyur ba lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang gi tshe/ shes rab kyi pha rol du phyin pa'i gnas pa dang ma bral bar gyur pa'i tshe/ stong gsum gyi stong chen po'i 'jig rten gyi khams na/ bdud sdig can gang dag gnas pa de dag thams cad mya ngan gyi zug rngu mi bzad pa dang ldan par 'gyur te/ rang rang gi stan la mi dga' bar 'gyur ro/ /byang chub sems dpa' sems dpa' chen po de ltar gnas pa la ni lha dang / mi dang / lha ma yin du bcas pa'i 'jig rten gyis bzung nas gtse ba'i glags mi rnyed do/ /rab 'byor de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ shes rab kyi pha rol du phyin pa'i gnas pas gnas par bya'o/ /byang chub sems dpa' sems dpa' chen po shes rab kyi pha rol du phyin pa'i gnas pas gnas pa'i sbyin pa'i pha rol du phyin pa bsgom pa yongs su rdzogs par 'gyur ro/ /</font><hr>35.293b<br><font size=+1>

de bzhin du sbyar te/ bsam gtan gyi pha rol du phyin pa bsgom pa'i bar du yongs su rdzogs par 'gyur ro/ /byang chub sems dpa' sems dpa' chen po shes rab kyi pha rol du phyin pa la spyod pa'i pha rol du phyin pa thams cad sgom pa yongs su rdzogs par 'gyur ro/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa'i sbyin pa'i pha rol du phyin pa bsgom pa ji ltar yongs su rdzogs par 'gyur ba lags/ tshul khrims kyi pha rol du phyin pa bsgom pa ji ltar yongs su rdzogs par 'gyur ba lags/ de bzhin du shes rab kyi pha rol du phyin pa bsgom pa'i bar du ji ltar yongs su rdzogs par 'gyur ba lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po sbyin pa sbyin pa na rnam pa thams cad mkhyen pa nyid du yongs su bsngo zhing / sbyin pa sbyin par byed de/ rab 'byor de ltar na/ byang chub sems dpa' sems dpa' chen po'i sbyin pa'i pha rol du phyin pa bsgom pa yongs su rdzogs par 'gyur ro/ /rab 'byor 'di la byang chub sems dpa' sems dpa' chen po tshul khrims srung ba na/ rnam pa thams cad mkhyen pa nyid du yongs su bsngo zhing tshul khrims srung bar byed de rab 'byor 'di la byang chub sems dpa' sems dpa' chen po bzod pa bsgrub pa na/ rnam pa thams cad mkhyen pa nyid du yongs su bsngo zhing bzod pa bsgom par byed de/ rab 'byor de ltar na byang chub sems dpa' sems dpa' chen po'i bzod pa'i pha rol du phyin pa bsgom pa yongs su rdzogs par 'gyur ro/ /rab 'byor byang chub sems dpa' sems dpa' chen po brtson 'grus bsgom pa'i brtson 'grus kyi pha rol du phyin pa ji ltar yongs su rdzogs par 'gyur zhe na/ rab 'byor 'di la byang chub sems dpa' sems dpa' chen po brtson 'grus brtsom pa ni/ rnam pa thams cad mkhyen pa nyid du yongs su bsngo zhing / brtson 'grus brtsom par byed de rab 'byor</font><hr>35.294a<br><font size=+1>

de ltar na/ byang chub sems dpa' sems dpa' chen po'i brtson 'grus kyi pha rol du phyin pa bsgom pa yongs su rdzogs par 'gyur ro/ /rab 'byor 'di la byang chub sems dpa' sems dpa' chen po bsam gtan sgrub pa na/ rnam pa thams cad mkhyen pa nyid du yongs su bsngo zhing / bsam gtan de dag bsgrub par byed de/ rab 'byor de ltar na byang chub sems dpa' sems dpa' chen po'i bsam gtan gyi pha rol du phyin pa bsgom pa yongs su rdzogs par 'gyur ro/ /rab 'byor byang chub sems dpa' sems dpa' chen po shes rab kyi pha rol du phyin pa bsgom pa ji ltar yongs su rdzogs par 'gyur zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa bsgom pa na/ shes rab kyi pha rol du phyin pa de dag rnam pa thams cad mkhyen pa nyid du yongs su bsngo zhing / shes rab bsgom par byed de/ rab 'byor de ltar na byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po sbyin pa'i pha rol du phyin pa la gnas pa ji ltar tshul khrims kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po sbyin pa sbyin zhing / rnam pa thams cad mkhyen pa nyid du yongs su bsngo ba ni sems can thams cad la byams pa'i lus kyi las nye bar gnas pa yin/ sems can thams cad la byams pa'i ngag gi las dang byams pa'i yid kyi las nye bar gnas pa yin te/ de'i tshe byang chub sems dpa' sems dpa' chen po tshul khrims kyi pha rol du phyin pa yongs su 'dzin pa yin no/ /rab 'byor gyis gsol pa bcom ldan 'das byang chub sems dpa' sems dpa' chen po sbyin pa'i pha rol du phyin pa la gnas pa ji ltar bzod pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang</font><hr>35.294b<br><font size=+1>

chub sems dpa' sems dpa' chen po sbyin pa sbyin pa na/ len pa po de dag gshe ba 'am spyo ba 'am/ tshogs par mi dbyung ba'i tshig rtsub po kun du 'byin kyang de dag la kun nas mnar sems mi byed de/ rab 'byor de ltar na byang chub sems dpa' sems dpa' chen po sbyin pa'i pha rol du phyin pa la gnas pa/ bzod pa'i pha rol du phyin pa yongs su 'dzin pa yin no/ /gsol pa bcom ldan 'das byang chub sems dpa' sems dpa' chen po sbyin pa'i pha rol du phyin pa la gnas pa ji ltar brtson 'grus kyi pha rol du phyin pa yongs su 'dzin pa lags/ bka' stsal pa rab 'byor byang chub sems dpa' sems dpa' chen po sbyin pa sbyin pa na/ len pa po de dag gshe ba 'am/ spyo ba 'am tshogs pa ni dbyung ba'i tshig rtsub po kun du 'byin na/ de la gshe ba 'am/ spyo ba 'am tshogs par mi dbyung ba'i tshig rtsub po kun du 'byin kyang sbyin pa'i blo kho na 'byung zhing / yongs su gtong ba'i blo kho na 'byung bar 'gyur te/ bdag gis sbyin pa sbyin pa nyid du bya'i/ bdag gis mi sbyin par ni mi bya'o snyam nas/ de lus dang sems kyi brtson 'grus yang dag par skyed par byed de/ rab 'byor de ltar na byang chub sems dpa' sems dpa' chen po sbyin pa'i pha rol du phyin pa la gnas pa brtson 'grus kyi pha rol du phyin pa yongs su 'dzin pa yin no/ /gsol pa bcom ldan 'das byang chub sems dpa' sems dpa' chen po sbyin pa'i pha rol du phyin pa la gnas pa ji ltar bsam gtan gyi pha rol du phyin pa yongs su 'dzin pa lags/ bka' stsal pa rab 'byor 'di la byang chub sems dpa' sems dpa' chen po sbyin pa sbyin zhing sbyin pa yongs su gtong la/ rnam pa thams cad mkhyen pa nyid du yongs su bsngo bar byed pa'i sems ni nyan thos kyi sa 'am/ rang sangs rgyas kyi sar yongs su mi bsngo'i/ rnam pa thams cad mkhyen pa nyid la dmigs pa kho nas sems gnas te/ rab 'byor de ltar na byang chub sems dpa' sems dpa' chen po sbyin pa'i pha rol du phyin pa la gnas pa bsam gtan</font><hr>35.295a<br><font size=+1>

gyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po sbyin pa'i pha rol du phyin pa la gnas pa/ ji ltar shes rab kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po sbyin pa sbyin zhing / sbyin pa yongs su gtong ba/ sbyin pa la sgyu ma lta bu'i blo kho nas rtag tu nye bar gnas shing / sbyin pa des kyang sems can gang la yang phan pa 'am gnod par 'gyur bar mi mthong ste/ rab 'byor de ltar na/ byang chub sems dpa' sems dpa' chen po sbyin pa'i pha rol du phyin pa la spyod pa shes rab kyi pha rol du phyin pa yongs su 'dzin pa yin no/ /shes rab kyi pha rol du phyin pa khri brgyad stong pa las mi zad pa'i le'u zhes bya ste drug bcu rtsa gcig pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po tshul khrims kyi pha rol du phyin pa la gnas pa ji ltar sbyin pa'i pha rol du phyin pa yongs su 'dzin pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po tshul khrims kyi pha rol du phyin pa la gnas pa lus dang / ngag dang / sems kyi sdom pa gang yin pa'i sdom pa des nyan thos kyi sa 'am/ rang sangs rgyas kyi sa mchog tu 'dzin par mi byed cing / de tshul khrims kyi pha rol du phyin pa la gnas nas/ sems can rnams kyi srog gcod par mi byed do/ /ma byin par len par mi byed do/ /'dod pa la log par g.yem par mi byed do/ /rdzun gyi tshig mi smra'o/ /tshig rtsub po mi smra'o/ /phra ma'i tshig mi smra'o/ /tshig rkyal pa mi smra'o/ /brnab sems can du mi 'gyur ro/ /gnod sems kyi sems dang ldan par mi 'gyur ro/ /log par lta bar mi 'gyur ro/ /de tshul khrims kyi pha rol du phyin pa de la</font><hr>35.295b<br><font size=+1>

gnas nas/ sbyin pa gang sbyin yang / zas 'dod pa rnams la ni zas/ skom 'dod pa rnams la ni skom/ spos 'dod pa rnams la ni spos/ bzhon pa 'dod pa rnams la ni bzhon pa/ gos 'dod pa rnams la ni gos/ me tog phreng 'dod pa rnams la ni me tog phreng / byug pa 'dod pa rnams la ni byug pa/ mal 'dod pa rnams la ni mal/ stan 'dod pa rnams la ni stan/ mar me 'dod pa rnams la ni mar me/ yo byad 'dod pa rnams la ni yo byad dang / mi'i yo byad gang ci yang rung ba'i bar dag sbyin par byed do/ /sbyin pa de yang sems can thams cad dang / thun mong du byas nas/ bla na med pa yang dag par rdzogs pa'i byang chub tu yongs su bsngo bar byed de/ yongs su bsngo ba de lta bu de nyan thos kyi sa 'am/ rang sangs rgyas kyi sar yongs su bsngo bar mi byed do/ /rab 'byor de ltar na/ byang chub sems dpa' sems dpa' chen po tshul khrims kyi pha rol du phyin pa la spyod pa sbyin pa'i pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po tshul khrims kyi pha rol du phyin pa la gnas pa/ ji ltar bzod pa'i pha rol du phyin pa yongs su 'dzin pa lags/ bka' stsal pa/ rab 'byor byang chub sems dpa' sems dpa' chen po gang tshul khrims kyi pha rol du phyin pa la gnas pa'i yan lag dang / nying lag thams cad sems can thams cad kyi gcad de dong na/ der byang chub sems dpa' sems dpa' chen po'i sems skyed pa gcig tsam yang rnam par 'khrug par mi 'gyur zhing / tshig pa za bar mi 'gyur la/ gnod sems 'byung bar mi 'gyur gyi/ gzhan du na des 'di snyam du sems te/ 'di ltar sems can thams cad kyis yan lag dang / nying lag bcad de dong ba ni/ bdag gis rnyed pa legs par rnyed do/ /snyam ste/ rab 'byor de ltar na byang chub sems dpa' sems dpa' chen po tshul khrims kyi pha rol du phyin pa la gnas pa/ bzod pa'i pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po tshul khrims</font><hr>35.296a<br><font size=+1>

kyi pha rol du phyin pa la gnas pa/ ji ltar brtson 'grus kyi pha rol du phyin pa yongs su 'dzin pa lags/ bka' stsal pa/ rab 'byor byang chub sems dpa' sems dpa' chen po sems can thams cad bdag gis 'khor ba las bsgral te/ bdud rtsi'i dbyings su dgod par bya'o zhes lus dang sems kyi brtson 'grus mi gtong ste/ rab 'byor de ltar na byang chub sems dpa' sems dpa' chen po tshul khrims kyi pha rol du phyin pa la gnas pa/ brtson 'grus kyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po tshul khrims kyi pha rol du phyin pa la gnas pa ji ltar bsam gtan gyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bsam gtan dang po bsgrubs nas gnas shing / bsam gtan gnyis pa dang / gsum pa dang / bzhi pa bsgrubs nas gnas par byed de/ nyan thos kyi sa dang / rang sangs rgyas kyi sa la yang lhag par mi dmigs la gzhan du na 'di snyam du sems te/ bdag ting nge 'dzin gyi pha rol du phyin pa 'di la gnas nas/ sems can thams cad 'khor ba las bsgral bar bya'o snyam ste/ rab 'byor de ltar na byang chub sems dpa' sems dpa' chen po tshul khrims kyi pha rol du phyin pa la gnas pa/ bsam gtan gyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po tshul khrims kyi pha rol du phyin pa la gnas pa/ ji ltar shes rab kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po tshul khrims kyi pha rol du phyin pa la gnas pa/ chos thams cad de bzhin nyid las mi 'da' ba ma gtogs par chos gang la yang 'dus byas su mi mthong 'dus ma byas su mi mthong / dngos po 'dus byas su mi mthong / dngos po med pa</font><hr>35.296b<br><font size=+1>

'dus ma byas su mi mthong / mtshan ma 'dus byas su mi mthong / mtshan ma med pa 'dus ma byas su mi mthong ngo / /chos gang la yang yod pa 'am med par mi mthong ngo / /shes rab kyi pha rol du phyin pa de dang / thabs la mkhas pas kyang nyan thos kyi sa 'am/ rang sangs rgyas kyi sar lhung bar mi 'gyur te/ rab 'byor de ltar na byang chub sems dpa' sems dpa' chen po tshul khrims kyi pha rol du phyin pa la gnas pa/ shes rab kyi pha rol du phyin pa yongs su 'dzin pa yin no/ /rab 'byor gyis gsol pa/ bcom ldan 'das byang chub sems dpa' sems dpa' chen po bzod pa'i pha rol du phyin pa la gnas pa/ ji ltar sbyin pa'i pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ byang chub kyi snying po la 'dug gi bar du sems can thams cad kyis gshes sam/ spyos sam/ yan lag dang / nying lag rnams bcad par 'gyur na/ der byang chub sems dpa' sems dpa' chen po bzod pa'i pha rol du phyin pa la gnas pa 'di snyam du sems te/ bdag gis ni sems can 'di dag la sbyin pa sbyin par bya'i bdag gis mi sbyin par ni mi bya'o snyam ste/ de sems can de dag la zas 'dod pa rnams la ni zas sbyin par byed skom 'dod pa rnams la ni skom sbyin par byed do/ /de bzhin du sbyar te/ mi'i yo byad ci yang rung ba'i bar du sbyin par byed la/ des dge ba'i rtsa ba de sems can thams cad dang thun mong du byas te/ rnam pa thams cad mkhyen pa nyid du yongs su bsngo bar byed la/ de ni ci nas su zhig yongs su bsngo bar byed pa 'am ci zhig yongs su bsngo bar byed pa 'am/ gang du yongs su bsngo bar byed par 'gyur ba'i blo rnam pa gsum du mi 'jug par yongs su bsngo ba de ltar yongs su bsngo bar byed de/ rab 'byor de ltar na byang chub sems dpa' sems dpa' chen po bzod pa'i pha rol du phyin pa la gnas pa/ </font><hr>35.297a<br><font size=+1>

sbyin pa'i pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po bzod pa'i pha rol du phyin pa la gnas pa/ ji ltar tshul khrims kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ byang chub kyi snying po la 'dug gi bar du sems can 'ga' tsam yang srog dang bral bar mi byed cing / ma byin par mi len to/ /de bzhin du sbyar te/ log par lta ba'i bar du mi 'gyur ro/ /nyan thos dang / rang sangs rgyas kyi sa la yang de'i sems mi 'jug go/ /dge ba'i rtsa ba de dag kyang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo bar byed la/ de gang du yongs su bsngo bar byed pa'i bar du ci nas blo rnam pa gsum mi 'jug pa de ltar yongs su bsngo ste/ rab 'byor de ltar na byang chub sems dpa' sems dpa' chen po bzod pa'i pha rol du phyin pa la gnas pa/ tshul khrims kyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po bzod pa'i pha rol du phyin pa la gnas pa/ ji ltar brtson 'grus kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol du phyin pa la gnas pa/ ji ltar bdag dpag tshad gcig tu song ngam/ dpag tshad brgya 'am/ dpag tshad stong ngam/ 'jig rten gyi khams gcig gam/ 'jig rten gyi khams bye ba phrag 'bum du song la/ der tha na sems can gcig tsam yang bslab pa'i gzhi dag la bslab par bya'o/ /rgyun du zhugs pa'i 'bras bu 'am/ dgra bcom pa nyid dam/ rang byang chub nyid kyi bar du dgod par bya zhing / bla na med pa yang dag par rdzogs pa'i byang chub la dgod par bya'o zhes brtson 'grus yang</font><hr>35.297b<br><font size=+1>

dag par skyed par byed de/ dge ba'i rtsa ba de dag kyang sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngo bar byed de/ rab 'byor de ltar na byang chub sems dpa' sems dpa' chen po bzod pa'i pha rol du phyin pa la gnas pa/ brtson 'grus kyi pha rol du phyin pa yin no/ /gsol pa/ bcom ldan 'das byang chub sems dpa' sems dpa' chen po bzod pa'i pha rol du phyin pa la gnas pa/ ji ltar bsam gtan gyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol du phyin pa la gnas pa/ 'dod pa dag las dben pa sdig pa mi dge ba'i chos rnams las dben pa nas/ de bzhin du sbyar te/ bsam gtan bzhi pa'i bar du bsgrubs te gnas so/ /sems dang sems las byung ba'i chos dge ba dang ldan pa ci dang ci byung ba rnams kyang rnam pa thams cad mkhyen pa nyid du yongs su bsngo bar byed de/ de'i tshe yang ci nas bsam gtan rnams dang / bsam gtan gyi yan lag rnams mi dmigs pa de ltar yongs su bsngo bar byed de/ rab 'byor de ltar na byang chub sems dpa' sems dpa' chen po bzod pa'i pha rol du phyin pa la gnas pa/ bsam gtan gyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po bzod pa'i pha rol du phyin pa la gnas pa/ ji ltar shes rab kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol du phyin pa la gnas pa/ de'i tshe chos rnams la dben pa'i rnam pa 'am/ zhi ba'i rnam pa 'am/ zad pa'i rnam par chos kyi rjes su lta bar gnas la/ chos nyid de yang byang chub kyi snying po la 'dug gi bar du mngon sum du mi byed de/ der 'dug nas kyang / rnam pa thams cad mkhyen pa nyid thob par 'gyur ro/ /de nas langs nas kyang chos kyi 'khor lo skor bar byed de/ </font><hr>35.298a<br><font size=+1>

rab 'byor de ltar na/ byang chub sems dpa' sems dpa' chen po bzod pa'i pha rol du phyin pa la gnas pa/ shes rab kyi pha rol du phyin pa yongs su 'dzin pa yin te/ ci nas 'dzin pa yang med/ 'dor ba yang med pa de ltar yongs su 'dzin to/ /gsol pa/ bcom ldan 'das byang chub sems dpa' sems dpa' chen po brtson 'grus kyi pha rol du phyin pa la gnas pa/ ji ltar sbyin pa'i pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po brtson 'grus kyi pha rol du phyin pa la gnas pa/ bdag gis nges pa kho nar bla na med pa yang dag par rdzogs pa'i byang chub mngon rdzogs par 'tshang rgya bar bya'i/ bdag gis bla na med pa yang dag par rdzogs pa'i byang chub mngon par rdzogs par 'tshang mi rgya bar mi bya'o snyam nas/ lus dang sems kyi brtson pa mi gtong ste/ sems can rnams kyi ched du dpag tshad gcig gam/ dpag tshad brgya 'am/ dpag tshad stong ngam/ 'jig rten gyi khams gcig gam/ 'jig rten gyi khams bye ba 'am/ 'jig rten gyi khams bye ba phrag 'bum du song nas/ brtson 'grus kyi pha rol du phyin pa la gnas te/ tha na sems can gcig tsam yang byang chub la 'jog par byed do/ /byang chub sems dpa'i theg pa pa'i gang zag ma rnyed na yang nyan thos kyi theg pa pa'i gang zag nyan thos nyid la 'jog par byed do/ /rang sangs rgyas kyi theg pa pa'i gang zag rang sangs rgyas nyid la 'jog par byed do/ /tha na sems can gcig tsam yang dge ba bcu'i las kyi lam yang dag par 'dzin du 'jug ste/ des chos kyi sbyin pa de byin nas/ zang zing gi sbyin pas sems can rnams tshim par byed do/ /des dge ba'i rtsa ba de dag nyan thos kyi sa 'am/ rang sangs rgyas kyi sar yongs su bsngo bar mi byed kyi gzhan du na sems can thams cad dang thun mong du byas nas/ bla na med pa yang dag par rdzogs pa'i</font><hr>35.298b<br><font size=+1>

byang chub du yongs su bsngo bar byed de/ rab 'byor de ltar na byang chub sems dpa' sems dpa' chen po brtson 'grus kyi pha rol du phyin pa la gnas pa/ sbyin pa'i pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po brtson 'grus kyi pha rol du phyin pa la gnas pa/ ji ltar tshul khrims kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ byang chub kyi snying po la 'dug gi bar du bdag kyang srog gcod pa spong bar byed la/ gzhan yang srog gcod pa spong ba la yang dag par 'dzin du 'jug cing / srog gcod pa spong ba'i bsngags pa yang brjod la/ gzhan gang dag srog gcod pa spong ba de dag gi bsngags pa yang brjod cing rjes su dga' bar byed do/ /de bzhin du sbyar te/ bdag kyang log par lta ba'i bar du spong bar byed la/ gzhan yang log par lta ba spong ba yang dag par 'dzin du 'jug cing / log par lta ba spong ba'i bsngags pa yang brjod la/ gzhan gang dag log par lta ba spong ba de dag gi bsngags pa yang brjod cing rjes su dga' bar byed do/ /de tshul khrims kyi pha rol du phyin pa des 'dod pa'i khams don du mi gnyer/ gzugs kyi khams dang / gzugs med pa'i khams don du mi gnyer/ nyan thos kyi sa don du mi gnyer/ rang sangs rgyas kyi sa don du mi gnyer gyi gzhan du na/ dge ba'i rtsa ba de dag sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngo bar byed de/ ci nas kyang su zhig yongs su bsngo ba dang / ci zhig yongs su bsngo ba dang / gang du yongs su bsngo ba'i blo rnam pa gsum mi 'byung ba de ltar yongs su bsngo bar byed de/ rab 'byor de ltar na byang chub sems dpa' sems dpa' chen po brtson 'grus kyi pha rol du phyin pa la gnas pa/ tshul khrims kyi pha rol du phyin pa yongs su</font><hr>35.299a<br><font size=+1>

'dzin pa yin no/ /gsol pa/ bcom ldan 'das byang chub sems dpa' sems dpa' chen po brtson 'grus kyi pha rol du phyin pa la gnas pa/ ji ltar bzod pa'i pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ snying po byang chub la 'dug gi bar du gal te mir gyur pa 'am/ mi ma yin par gyur pa'i bar dag gis sems rnam par 'khrugs par byas sam/ yan lag dang / nying lag dag bcad cing khyer te dong yang / de la byang chub sems dpa' sems dpa' chen po brtson 'grus kyi pha rol du phyin pa la gnas pa ni 'di snyam du 'di bdag las bcad pa 'am/ gtubs pa 'am/ 'phrogs so snyam du mi sems te/ gzhan du na de 'di snyam du gang dag gi don du bdag gi lus yongs su grub pa de dag nyid 'dir 'ongs te/ bdag gi yan lag dang / nying lag dag gtubs shing khyer te/ dong ba ni bdag gis rnyed pa legs par rnyed do/ /snyam du sems shing / des ni chos nyid kyi rang bzhin yang legs par yid la byas pa yin te/ dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi bsngo'i gzhan du na sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngo bar byed de/ rab 'byor de ltar na byang chub sems dpa' sems dpa' chen po brtson 'grus kyi pha rol du phyin pa la gnas pa bzod pa'i pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po brtson 'grus kyi pha rol du phyin pa la gnas pa/ ji ltar bsam gtan kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba</font><hr>35.299b<br><font size=+1>

can bsam gtan dang po bsgrubs te gnas so/ /bsam gtan bzhi pa'i bar dang / byams pa dang / btang snyoms kyi bar dang / 'du shes med 'du shes med min skye mched kyi bar dag bsgrubs shing gnas te/ de bsam gtan dang / tshad med pa dang / gzugs med pa'i snyoms par 'jug pa de dag gi rnam par smin pa yongs su mi 'dzin gyi gzhan du na/ gang du sems can thams cad kyi don bya ba'i phyir de dag tu skye zhing des sems can de dag pha rol du phyin pa drug po sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dag gis yongs su smin par byed cing / sangs rgyas bcom ldan 'das rnams la bsnyen bkur bya ba dang / dge ba'i rtsa ba dag bskyed pa'i phyir/ sangs rgyas kyi zhing nas sangs rgyas kyi zhing dag tu yang 'gro bar byed de/ rab 'byor de ltar na byang chub sems dpa' sems dpa' chen po brtson 'grus kyi pha rol du phyin pa la gnas pa/ bsam gtan gyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po brtson 'grus kyi pha rol du phyin pa la gnas pa/ ji ltar shes rab kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po brtson 'grus kyi pha rol du phyin pa la gnas pa/ sbyin pa'i pha rol du phyin pa rdzas dang / dngos po dang / mtshan mar yang dag par rjes su mi mthong ngo / /bsam gtan gyi pha rol du phyin pa'i bar du rdzas dang / dngos po dang / mtshan mar yang dag par rjes su mi mthong ngo / /de bzhin du sbyar te/ dran pa nye bar gzhag pa rnams kyi bar dang / rnam pa thams cad mkhyen pa nyid kyi bar du rdzas dang / dngos po dang / mtshan mar yang dag par rjes su mi mthong ngo / /des chos thams cad rdzas su yang dag par rjes su mi mthong / dngos po dang mtshan mar yang</font><hr>35.300a<br><font size=+1>

dag par rjes su mi mthong ste/ de ni chos gang la yang gnas par mi byed cing / ji skad smras pa de bzhin du byed pa yin te/ rab 'byor de ltar na byang chub sems dpa' sems dpa' chen po brtson 'grus kyi pha rol du phyin pa la gnas pa/ shes rab kyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po bsam gtan gyi pha rol du phyin pa la gnas pa/ ji ltar sbyin pa'i pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po 'dod pa dag las dben pa sdig pa mi dge ba'i chos rnams las dben pa/ bsam gtan dang po bsgrubs te gnas so/ /de bzhin du sbyar te/ 'du shes med 'du shes med min skye mched kyi bar du bsgrubs te gnas so/ /de bsam gtan gyi pha rol du phyin pa de la gnas shing / rnam par g.yeng ba med pa'i sems kyis sems can de dag la zang zing gi sbyin pa dang / chos kyi sbyin pa sbyin par byed do/ /de dag kyang zang zing gi sbyin pa dang / chos kyi sbyin pa sbyin par byed la/ gzhan dag kyang zang zing gi sbyin pa dang / chos kyi sbyin pa yang dag par 'dzin du 'dug cing / zang zing gi sbyin pa dang / chos kyi sbyin pa'i bsngags pa yang brjod la/ gzhan gang dag zang zing gi sbyin pa dang / chos kyi sbyin pa dag sbyin par byed pa de dag gi bsngags pa yang brjod cing rjes su dga' bar byed de/ dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi bsngo'i gzhan du na sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngo bar byed de/ rab 'byor de ltar na byang chub sems dpa' sems dpa' chen po bsam gtan gyi pha rol du phyin pa la gnas pa/ sbyin pa'i pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po bsam gtan</font><hr>35.300b<br><font size=+1>

gyi pha rol du phyin pa la gnas pa ji ltar tshul khrims kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol du phyin pa la gnas pa/ 'dod chags dang ldan pa'i sems mi skyed/ zhe sdang dang ldan pa dang / gti mug dang ldan pa'i sems mi skyed rnam par 'tshe ba dang ldan pa'i sems mi skyed de/ gzhan du na rnam pa thams cad mkhyen pa nyid dang ldan pa'i yid la byed pa dag gis gnas shing / dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi bsngo'i gzhan du na sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngo bar byed de/ rab 'byor de ltar na byang chub sems dpa' sems dpa' chen po bsam gtan gyi pha rol du phyin pa la gnas pa/ tshul khrims kyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po bsam gtan gyi pha rol du phyin pa la gnas pa/ ji ltar bzod pa'i pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol du phyin pa la gnas pa/ gzugs la dbu ba rdos pa lta bur so sor rtog go/ /tshor ba la chu'i chu bur lta bur so sor rtog go/ /'du shes la smig rgyu lta bur so sor rtog go/ /'du byed rnams la chu shing lta bur so sor rtog go/ /rnam par shes pa la sgyu ma lta bur so sor rtog ste/ de de ltar phung po lnga la so sor rtog pa na/ snying po med pa'i 'du shes nye bar gnas te/ de de ltar so sor rtog pa na yan lag dang / nying lag dag bcad kyang 'di snyam du 'di la gcod par byed pa ni su yin/ tshor ba ni su'i yin/ 'du shes ni su'i yin/ rnam par shes pa ni su'i yin snyam du sems shing / de de ltar so sor rtog pa na khro bar 'gyur ba dag byas kyang 'di snyam du gang la khro ba dang / spyo ba byas pas gnod sems skye ba'i khro ba dang / gshe bar byed pa 'di la su zhig yod snyam du sems te/ </font><hr>35.301a<br><font size=+1>

rab 'byor de ltar na/ byang chub sems dpa' sems dpa' chen po bsam gtan gyi pha rol du phyin pa la gnas pa bzod pa'i pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po bsam gtan gyi pha rol du phyin pa la gnas pa/ ji ltar brtson 'grus kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po 'dod pa dag las dben pa/ sdig pa mi dge ba'i chos rnams las dben pa dang / de bzhin du sbyar te/ bsam gtan bzhi pa'i bar dag bsgrubs te gnas so/ /de bsam gtan dang bsam gtan gyi yan lag rnams la yang mtshan mar mi 'dzin te/ de de ltar mnyam par bzhag pa'i sems kyi rdzu 'phrul gyi bya ba rnam pa du ma nyams su myong bar byed pa dag rgya cher sbyar bar bya'o/ /lha'i rna ba'i khams kyis/ lha dang mi rnams kyi sgra dag kyang thos so/ /sems can gzhan dag dang / gang zag gzhan rnams kyi sems kyi yongs su rtog pa dag kyang sems kyis kun du shes so/ /de bzhin du sbyar te/ bla na med pa'i sems kyi bar la yang bla na med pa'i sems su yang dag pa ji lta ba bzhin du rab du shes so/ /sngon gyi gnas rnam pa du ma rjes su dran pa dag kyang rgya cher sbyar bar bya'o/ /lha'i mig rnam par dag pa mi'i las shin du 'das pa'i bar gyis de bzhin du sbyar te/ sems can rnams las ji ltar bsags pa bzhin du nye bar 'gro ba'i bar dag kyang mthong ngo / /de mngon par shes pa lnga po de dag la gnas nas/ sangs rgyas bcom ldan 'das dag la bsnyen bkur bya ba dang / dge ba'i rtsa ba bskyed pa dang / sems can rnams yongs su smin par bya ba dang / sangs rgyas kyi zhing yongs su dag par bya ba'i phyir/ sangs rgyas kyi zhing nas sangs rgyas kyi zhing du yang 'gro ste/ dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi bsngo'i gzhan du na sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngo bar byed de/ rab 'byor de ltar na</font><hr>35.301b<br><font size=+1>

byang chub sems dpa' sems dpa' chen po bsam gtan gyi pha rol du phyin pa la gnas pa/ brtson 'grus kyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po bsam gtan gyi pha rol du phyin pa la gnas pa ji ltar shes rab kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol du phyin pa la gnas pa/ gzugs mi dmigs so/ /tshor ba dang / 'du shes dang / 'du byed rnams dang / rnam par shes pa mi dmigs so/ /sbyin pa'i pha rol du phyin pa mi dmigs so/ /tshul khrims kyi pha rol du phyin pa mi dmigs so/ /bzod pa'i pha rol du phyin pa mi dmigs so/ /brtson 'grus kyi pha rol du phyin pa mi dmigs so/ /bsam gtan gyi pha rol du phyin pa mi dmigs so/ /shes rab kyi pha rol du phyin pa mi dmigs so/ /dran pa nye bar gzhag pa rnams mi dmigs so/ /yang dag par spong ba rnams mi dmigs so/ /de bzhin du sbyar te/ rnam pa thams cad mkhyen pa nyid kyi bar du mi dmigs so/ /'dus byas kyi khams mi dmigs so/ /'dus ma byas kyi khams mi dmigs so/ /mi dmigs pas na/ mngon par 'du mi byed do/ /mngon par 'du mi byed pas na/ skye bar mi byed/ 'gag par mi byed do/ /de ci'i phyir zhe na/ rab 'byor 'di ltar de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos nyid 'di ni gnas pa nyid dang / chos gnas pa 'di ni gnas pa nyid dang / chos kyi dbyings kyang gnas pa nyid yin pas/ de la ni skye ba med cing 'gag pa med pa'i phyir/ de ni rnam par g.yeng ba med pa'i sems kyis rnam pa thams cad mkhyen pa nyid dang ldan pa'i yid la byed pa dag dang ma bral bar gnas pa yin te/ rab 'byor de ltar na byang chub sems dpa' sems dpa' chen po bsam gtan gyi pha rol du phyin pa la gnas pa/ shes rab kyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la gnas pa ji ltar sbyin pa'i pha rol du phyin pa yongs su 'dzin pa lags/ bka'</font><hr>35.302a<br><font size=+1>

stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa chos thams cad stong par yang dag par rjes su mthong ngo / /gsol pa bcom ldan 'das ji ltar na byang chub sems dpa' sems dpa' chen pos chos thams cad stong par yang dag par rjes su mthong ba lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa nang stong pa nyid la nang stong pa nyid ces bya bar mi dmigs so/ /phyi stong pa nyid la phyi stong pa nyid ces bya bar mi dmigs so/ /phyi nang stong pa nyid la phyi nang stong pa nyid ces bya bar mi dmigs so/ /stong pa nyid stong pa nyid dang de bzhin du sbyar te/ dngos po med pa'i ngo bo nyid stong pa nyid kyi bar la dngos po med pa'i ngo bo nyid stong pa nyid ces bya bar mi dmigs so/ /byang chub sems dpa' sems dpa' chen po de stong pa nyid bcu bzhi po de dag la gnas nas gzugs stong zhes bya ba 'am/ mi stong zhes bya bar mi dmigs so/ /tshor ba dang / 'du shes dang / 'du byed rnams dang / rnam shes pa stong zhes bya ba 'am mi stong zhes bya bar mi dmigs so/ /dran pa nye bar gzhag pa rnams dang / yang dag par spong ba rnams dang / de bzhin du sbyar te/ byang chub kyi bar du yang stong zhes bya ba 'am mi stong zhes bya bar mi dmigs so 'dus byas kyi khams dang / 'dus ma byas kyi khams stong zhes bya ba 'am mi stong zhes bya bar mi dmigs so/ /byang chub sems dpa' sems dpa' chen po de shes rab kyi pha rol du phyin pa 'di la spyod cing / sbyin pa dag gtong bar byed de/ zas sam/ skom 'am/ gos sam/ bzhon pa 'am/ mal cha 'am/ stan nam/ mi'i yo byad gang yang rung ba'i bar dag sbyin par byed kyang / des sbyin pa de yang stong par yang dag par rjes su mthong la/ gang sbyin par byed pa dang / gang la sbyin par bya ba de yang stong par yang dag par mthong ste/ de la ser sna'i sems sam/ kun tu 'dzin pa'i sems dag gi go skabs med do de ci'i phyir zhe na byang chub</font><hr>35.302b<br><font size=+1>

sems dpa' sems dpa' chen po shes rab kyi pha rol du phyin pa la spyod pa la sems dang po bskyed pa nas bzung ste/ byang chub kyi snying po la 'dug gi bar du rnam par rtog pa de dag thams cad mi 'byung ba'i phyir ro/ /ji ltar de bzhin gshegs pa dgra bcom pa yang dag par rdzogs pa'i sangs rgyas bla na med pa yang dag par rdzogs pa'i byang chub mngon par rdzogs par sangs rgyas pa la ser sna'i thugs sam/ kun tu 'dzin pa'i thugs mi 'byung ba de bzhin du byang chub sems dpa' sems dpa' chen po shes rab kyi pha rol du phyin pa la spyod pa la yang ser sna'i sems sam/ kun du 'dzin pa'i sems med pas na/ 'di lta ste/ shes rab kyi pha rol du phyin pa 'di nyid byang chub sems dpa' sems dpa' chen po rnams kyis ston pa yin te/ rab 'byor de ltar na/ byang chub sems dpa' sems dpa' chen po shes rab kyi pha rol du phyin pa la gnas pa/ sbyin pa'i pha rol du phyin pa yongs su 'dzin pa yin no/ /gsol pa bcom ldan 'das byang chub sems dpa' sems dpa' chen po shes rab kyi pha rol du phyin pa la gnas pa/ ji ltar tshul khrims kyi pha rol du phyin pa yongs su 'dzin pa lags/ bka' stsal pa rab 'byor 'di la byang chub sems dpa' sems dpa' chen po shes rab kyi pha rol du phyin pa la gnas pa nyan thos dang / rang sangs rgyas kyi sems dag gi skabs mi 'byed do/ /de ci'i phyir zhe na/ 'di ltar des nyan thos dang rang sangs rgyas kyi sa yang mi dmigs la/ gang gi nyan thos kyi sa 'am rang sangs rgyas kyi sar yongs su bsngo bar byed pa'i sems de yang mi dmigs pa'i phyir ro de sems dang po bskyed pa nas bzung te/ byang chub kyi snying po la 'dug gi bar du srog gcod pa spong ba'i phyir/ sems skyed par byed de/ bdag kyang srog gcod pa spong bar byed la/ srog gcod pa spong ba'i bsngags pa yang rjod cing / gzhan dag kyang srog gcod pa spong ba yang dag par 'dzin du 'jug la/ gzhan gang dag srog gcod pa spong ba de dag gi bsngags pa yang brjod cing rjes su dga' bar byed do/ /bdag</font><hr>35.303a<br><font size=+1>

kyang log par lta ba'i bar du spangs pa'i phyir/ sems bskyed cing log par lta ba spong bar byed la/ gzhan dag kyang log par lta ba spong ba yang dag par 'dzin du 'jug cing log par lta ba spong ba'i bsngags pa yang rjod la/ gzhan gang dag log par lta ba spong ba de dag gis bsngags pa yang brjod cing rjes su dga' bar byed de/ tshul khrims des nyan thos nyid dam rang sangs rgyas nyid dam/ sangs rgyas nyid dam/ chos gang la yang chags pa med na/ gzhan dag lta smos kyang ci dgos te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la gnas pa/ tshul khrims kyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la gnas pa ji ltar bzod pa'i pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la gnas pa la rjes su mthun pa'i bzod pa skye shing / de 'di snyam du 'di la chos gang yang 'byung ba 'am/ 'gag pa 'am/ skye ba 'am/ 'chi ba 'am/ khro ba 'am/ spyo ba 'am/ gcad pa 'am/ gtub pa 'am/ brdeg pa 'am/ dgag par bya ba med do snyam nas/ de sems dang po bskyed pa nas bzung te/ byang chub kyi snying po la 'dug gi bar du gal te sems can thams cad drung du lhags nas khro bar byed dam/ spyo bar byed dam/ bong ba 'am/ dbyug pa 'am/ mtshon cha 'am/ lag cha dag gis brdeg gam/ gcod dam/ 'bigs par byed kyang de la 'di snyam du kye ma chos rnams kyi chos nyid la ni khro ba 'am/ spyo ba 'am/ gcad pa 'am/ gtub pa 'am/ brdeg pa'i chos gang yang dmigs su med do snyam du sems te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la gnas pa/ bzod pa'i pha rol du phyin pa yongs su 'dzin pa</font><hr>35.303b<br><font size=+1>

yin no/ /gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la gnas pa/ ji ltar brtson 'grus kyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la gnas pa/ thabs la mkhas pa dang ldan pas/ rdzu 'phrul gyi rkang pa bzhi la gnas te/ lus dang sems kyis brtson 'grus skyed nas/ 'jig rten gyi khams su yang song 'jig rten gyi khams brgyar yang song 'jig rten gyi khams 'bum phrag bye ba snyed du yang song nas/ sems can rnams la chos ston cing / sbyin pa'i pha rol du phyin pa la 'god par byed do/ /de bzhin du sbyar te/ shes rab kyi pha rol du phyin pa'i bar la yang 'god par byed do/ /byang chub kyi phyogs kyi chos rnams la yang 'god par byed do/ /rgyun du zhugs pa'i 'bras bu la yang 'god par byed do/ /de bzhin du sbyar te/ rang byang chub kyi bar la yang 'god par byed do/ /bla na med pa yang dag par rdzogs pa'i byang chub kyi bar la yang 'god par byed de/ ci nas kyang 'dus byas kyi khams la yang mi 'god/ 'dus ma byas kyi khams la yang mi 'god pa de ltar 'god par byed de/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la gnas pa/ brtson 'grus kyi pha rol du phyin pa yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la gnas pa ji ltar bsam gtan gyi pha rol du phyin pa yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la gnas pa/ de bzhin gshegs pa'i ting nge 'dzin ma gtogs pa nyan thos kyi ting nge 'dzin tam/ rang sangs rgyas kyi ting nge 'dzin tam/ ting nge 'dzin gzhan gang ji snyed pa de dag thams cad la snyoms par 'jug cing ldang ngo / /ting nge 'dzin de dag la gnas nas/ rnam par thar pa brgyad po dag la lugs dang 'thun pa dang / lugs dang mi 'thun par snyoms par 'jug cing ldang te brgyad gang zhe na/ rab 'byor 'di la byang chub sems dpa' sems dpa' chen po gzugs can gzugs</font><hr>35.304a<br><font size=+1>

can la lta ba 'di ni rnam par thar pa dang po'o/ /nang gzugs med par 'du shes pa'i/ phyi rol gyi gzugs rnams la lta ba 'di ni rnam par thar pa gnyis pa'o/ /sdug pa'i rnam par thar pa lus kyis mngon sum du byas te/ bsgrub nas gnas pa 'di ni rnam par thar pa gsum pa'o/ /de rnam pa thams cad du gzugs kyi 'du shes rnams las yang dag par 'das te thog pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas/ nam mkha' mtha' yas skye mched bsgrub te gnas pa 'di ni rnam par thar pa bzhi pa'o/ /rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched bsgrubs te gnas pa 'di ni rnam par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched bsgrubs te gnas pa 'di ni rnam par thar pa drug pa'o/ /de rnam pa thams cad du ci yang med pa'i skye mched las yang dag par 'das nas/ 'du shes med 'du shes med min skye mched bsgrubs te gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa lus kyi mngon gsum du byas nas bsgrubs te gnas pa 'di ni rnam par thar pa brgyad pa te/ rnam par thar pa brgyad po de dag la lugs dang mthun pa dang / lugs dang mi mthun par snyoms par 'jug cing ldang ngo / /mthar gyis gnas pa'i snyoms par 'jug pa dgu po dag la yang lugs dang mthun pa dang / lugs dang mi mthun par snyoms par 'jug cing ldang sde/ dgu gang zhe na/ rab 'byor 'di la byang chub sems dpa' sems dpa' chen po 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas</font><hr>35.304b<br><font size=+1>

pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas pa dang / de bzhin du sbyar te bsam gtan bzhi pa'i bar du bsgrub te gnas pa dang / 'du shes med 'du shes med min skye mched las yang dag par 'das te/ 'du shes dang tshor ba 'gog pa bsgrubs nas/ gnas pa'i bar dag ste/ mthar gyis gnas pa'i snyoms par 'jug pa dgu po de dag la lugs dang mthun pa dang / lugs dang mi mthun par snyoms par 'jug cing ldang ngo / /des de ltar rnam par thar pa brgyad po de dag dang / mthar gyis gnas pa'i snyoms par 'jug pa dgu po de dag rnam par dbye bar byas nas/ seng ge rnam par bsgyings pa zhes bya ba'i ting nge 'dzin la snyoms par 'jug go/ /rab 'byor byang chub sems dpa' sems dpa' chen po'i ting nge 'dzin seng ge rnam par bsgyings pa gang zhe na/ rab 'byor 'di la byang chub sems dpa' sems dpa' chen po 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las byed pa'i dga' ba dang bde ba can bsam gtan dang po bsgrub te gnas pa dang / 'du shes dang tshor ba 'gog pa'i bar dag bsgrubs te gnas pa dang / 'gog pa'i snyoms par 'jug pa las langs nas/ 'du shes med 'du shes med min skye mched bsgrubs te gnas pa dang / 'du shes med 'du shes med min skye mched las langs nas/ bsam gtan dang po'i bar dag bsgrubs te gnas pa yin no/ /des de ltar seng ge rnam par bsgyings pa'i ting nge 'dzin de rnam par dbye bar byas nas/ thod rgal gyi ting nge 'dzin la snyoms par 'jug go/ /rab 'byor byang chub sems dpa' sems dpa' chen po'i ting nge 'dzin thod rgal gang zhe na/ rab 'byor 'di la byang chub sems dpa' sems dpa' chen pos 'dod pa dag las dben pa sdig pa mi dge ba'i chos rnams las dben pa/ rtogs pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs</font><hr>35.305a<br><font size=+1>

te gnas pa dang / bsam gtan dang po las langs nas/ de bzhin du sbyar te/ 'du shes med 'du shes med min skye mched kyi bar dag bsgrubs te gnas pa dang / 'du shes med 'du shes med min skye mched las langs nas/ 'du shes dang / tshor ba 'gog pa la snyoms par 'jug pa dang / 'gog pa'i snyoms par 'jug pa las langs nas/ bsam gtan gnyis pa la snyoms par 'jug pa dang / bsam gtan gnyis pa las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ bsam gtan gsum pa la snyoms par 'jug pa dang / bsam gtan gsum pa las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ bsam gtan bzhi pa la snyoms par 'jug pa dang / bsam gtan bzhi pa las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ nam mkha' mtha' yas skye mched la snyoms par 'jug pa dang / nam mkha' mtha' yas skye mched las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ rnam shes mtha' yas skye mched la snyoms par 'jug pa dang / rnam shes mtha' yas skye mched las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ ci yang med pa'i skye mched la snyoms par 'jug pa dang ci yang med pa'i skye mched las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ 'du shes med 'du shes med min skye mched la snyoms par 'jug pa dang / 'du shes med 'du shes med min skye mched las langs nas/ 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ 'du shes med 'du shes med min skye mched la snyoms par 'jug pa dang / </font><hr>35.305b<br><font size=+1>

'du shes med 'du shes med min skye mched las langs nas/ mnyam par ma bzhag pa'i sems su 'bab pa dang / mnyam par ma bzhag pa'i sems las 'gog pa'i snyoms par 'jug pa la snyoms par 'jug pa dang / 'gog pa'i snyoms par 'jug pa las langs nas/ mnyam par bzhag pa'i sems la gnas pa dang / mnyam par ma bzhag pa'i sems las 'du shes med 'du shes med min skye mched la snyoms par 'jug pa dang / 'du shes med 'du shes med min skye mched las langs nas/ mnyam par ma bzhag pa'i sems la gnas pa dang / mnyam par ma bzhag pa'i sems las ci yang med pa'i skye mched la snyoms par 'jug pa dang / ci yang med pa'i skye mched kyi snyoms par 'jug pa las langs nas mnyam par ma bzhag pa'i sems la gnas pa dang / mnyam par ma bzhag pa'i sems las rnam shes mtha' yas skye mched la snyoms par 'jug pa dang / rnam shes mtha' yas skye mched las langs nas/ mnyam par ma bzhag pa'i sems su 'bab pa dang / mnyam par ma bzhag pa'i sems las/ nam mkha' mtha' yas skye mched la snyoms par 'jug pa dang / nam mkha' mtha' yas skye mched kyi snyoms par 'jug pa las langs nas/ mnyam par ma bzhag pa'i sems su 'bab pa dang / mnyam par ma bzhag pa'i sems las bsam gtan bzhi pa la snyoms par 'jug pa dang / bsam gtan bzhi pa las langs nas/ mnyam par ma bzhag pa'i sems la gnas pa dang / mnyam par ma bzhag pa'i sems las bsam gtan gsum pa la snyoms par 'jug pa dang / bsam gtan gsum pa las langs te/ mnyam par ma bzhag pa'i sems la gnas pa dang / mnyam par ma bzhag pa'i sems las bsam gtan gnyis pa la snyoms par 'jug pa dang / bsam gtan gnyis pa las langs nas/ mnyam par ma bzhag pa'i sems la gnas pa dang / mnyam par ma bzhag pa'i sems las bsam gtan dang po la snyoms par 'jug pa dang / bsam gtan dang po las langs nas</font><hr>35.306a<br><font size=+1>

mnyam par ma bzhag pa'i sems la gnas pa ste/ de thod rgal gyi ting nge 'dzin de la gnas nas/ chos thams cad mnyam pa nyid 'thob bo/ /rab 'byor de ltar na/ byang chub sems dpa' sems dpa' chen po shes rab kyi pha rol du phyin pa la gnas pa/ bsam gtan gyi pha rol du phyin pa yongs su 'dzin pa yin no/ /shes rab kyi pha rol du phyin pa khri brgyad stong pa las thod rgal du snyoms par 'jug pa'i le'u zhes bya ste/ drug bcu rtsa gnyis pa'o// // shes rab kyi pha rol du phyin pa khri brgyad stong pa/ bam po bzhi bcu rtsa bzhi pa/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang thabs la mkhas pa de lta bu dang ldan pa de yun ring po/ ji srid cig nas yang dag par zhugs pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po gang thabs la mkhas pa de lta bu dang ldan pa de ni bskal pa bye ba khrag khrig grangs med pa nas yang dag par zhugs pa yin no/ /gsol pa/ bcom ldan 'das byang chub sems dpa' sems dpa' chen po gang thabs la mkhas pa de lta bu dang ldan pa des sangs rgyas bcom ldan 'das ji snyed cig la bsnyen bkur bgyid pa lags/ bka' stsal pa/ rab 'byor byang chub sems dpa' sems dpa' chen po/ gang thabs la mkhas pa de lta bu dang ldan pa de ni/ sangs rgyas bcom ldan 'das/ gang gA'i klung gi bye ma snyed dag la bsnyen bkur byas par rig par bya'o/ /gsol pa/ bcom ldan 'das/ byang chub sems dpa' sems dpa' chen po/ gang thabs la mkhas pa/ de lta bu dang ldan pa/ des dge ba'i rtsa ba ji tsam zhig bskrun pa lags/ bcom ldan 'das kyis bka' stsal pa rab 'byor byang chub sems dpa' sems dpa' chen po des ni sems</font><hr>35.306b<br><font size=+1>

dang po bskyed pa nas bzung ste/ yongs su rdzogs par ma byas pa'i sbyin pa'i pha rol du phyin pa gang yang med do/ /des yongs su rdzogs par ma byas pa'i tshul khrims kyi pha rol du phyin pa gang yang med do bzod pa'i pha rol du phyin pa gang yang med do/ /brtson 'grus kyi pha rol du phyin pa gang yang med do/ /bsam gtan gyi pha rol du phyin pa gang yang med do/ /byang chub sems dpa' sems dpa' chen po gang thabs la mkhas pa de lta bu dang ldan pa des yongs su rdzogs par ma byas pa'i shes rab kyi pha rol du phyin pa gang yang med do/ /gsol pa/ bcom ldan 'das byang chub sems dpa' sems dpa' chen po gang dag thabs la mkhas pa de lta bu dang ldan pa de dag ni ngo mtshar lags so/ /bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang dag thabs la mkhas pa de lta bu dang ldan pa de dag ni ngo mtshar to/ /rab 'byor 'di lta ste dper na/ nyi ma'i dkyil 'khor dang / zla ba'i dkyil 'khor ni gling bzhir snang bar byed la/ gling bzhi dang 'thun par 'gro zhing 'thun par 'khor ro/ /rab 'byor de bzhin du shes rab kyi pha rol du phyin pa yang pha rol du phyin pa lnga po dag la las byed la/ pha rol du phyin pa lnga dang 'thun par 'gro zhing 'thun par 'jug ste/ shes rab kyi pha rol du phyin pa dang ma bral na/ shes rab kyi pha rol du phyin pa lnga po dag kyang pha rol du phyin pa'i ming 'thob kyi/ shes rab kyi pha rol du phyin pa dang bral na/ pha rol du phyin pa lnga po dag gis pha rol du phyin pa'i ming mi 'thob bo/ /rab 'byor 'di lta ste dper na/ 'khor los sgyur ba'i rgyal po ni rin po che sna bdun dang bral na/ 'khor los sgyur ba'i rgyal po zhes bya ba'i ming mi 'thob bo/ /rab 'byor de bzhin du pha rol du phyin pa lnga po dag kyang shes rab kyi pha rol du phyin pa dang bral na/ pha rol du phyin pa zhes bya ba'i ming mi 'thob bo/ /rab 'byor 'di lta ste dper na/ khyim thab med pa'i bud med dag ni g.yon can dag gis tshugs par sla'o/ /</font><hr>35.307a<br><font size=+1>

rab 'byor de bzhin du pha rol du phyin pa lnga po dag kyang shes rab kyi pha rol du phyin pa dang bral na bdud dam bdud kyi ris kyi lha rnams kyis thul bar sla'o/ /shes rab kyi pha rol du phyin pa dang ma bral na/ pha rol du phyin pa lnga po dag bdud dam bdud kyi ris kyi lha rnams kyis mi thul ba yin gyi/ shes rab kyi pha rol du phyin pa dang bral na/ pha rol du phyin pa lnga po dag kyang bdud dam/ bdud kyi ris kyi lha rnams kyis don du gnyer bar bya ba yin no/ /rab 'byor 'di lta ste dper na/ g.yul ngor 'gro ba'i skyes bu go cha thams cad bgos pa ni/ g.yul ngor zhugs pa'i tshe/ 'thab zla'i rgyal po 'am/ phyir rgol pa rnams sam/ dgra bo dag gis mi thul to/ /rab 'byor de bzhin du pha rol du phyin pa lnga po dag kyang shes rab kyi pha rol du phyin pa dang ma bral na bdud dam/ bdud kyi ris kyi lha rnams sam/ gang zag lhag pa'i nga rgyal can rnams sam/ byang chub sems dpa' gdol pa'i bar dag gis thul bar dka' zhing / pha rol du phyin pa lnga po dag mi thul bar 'gyur ro/ /rab 'byor 'di lta ste dper na/ khams kyi rgyal po rnams ni 'khor los sgyur ba'i rgyal po'i rjes su 'thun par byed de/ nang nub nang nub cing rim gro bya ba'i don du 'dong bar byed do/ /rab 'byor de bzhin du pha rol du phyin pa lnga po dag kyang shes rab kyi pha rol du phyin pas yongs su zin na/ rnam pa thams cad mkhyen pa nyid ga la ba der 'thun par 'dong ngo / /rab 'byor 'di lta ste dper na/ chu bran gang ji snyed pa de dag thams cad ni gang gA'i klung ga la ba de logs su rjes su 'bab cing / gang gA'i klung dang lhan cig tu rgya mtsho chen por 'bab bo/ /rab 'byor de bzhin du pha rol du phyin pa lnga po dag kyang shes rab kyi pha rol du phyin pas yongs su zin na/ rnam pa thams cad mkhyen pa nyid ga la ba de logs su 'thun par 'dong ngo / /rab 'byor 'di lta ste dper na/ skyes bu'i lag pa g.yas pa ni bya ba thams cad byed do/ /rab 'byor shes rab kyi pha rol du phyin pa yang</font><hr>35.307b<br><font size=+1>

de bzhin du blta ste/ pha rol du phyin pa lnga po dag ni lag pa g.yon pa ji lta ba bzhin du blta'o/ /rab 'byor 'di lta ste dper na/ chu bran rnams kyi chu gang yin pa dang / chu klung chen po rnams kyi chu gang yin pa de dag ni rgya mtsho chen por zhugs na/ ro gcig par 'gyur ro/ /rab 'byor de bzhin du pha rol du phyin pa lnga po dag kyang shes rab kyi pha rol du phyin pas yongs su zin cing / rnam pa thams cad mkhyen pa nyid ga la ba der 'thun par zhugs na/ pha rol du phyin pa zhes bya ba'i ming 'thob bo rab 'byor 'di lta ste/ dper na/ 'khor los sgyur ba'i rgyal po'i 'khor lo rin po che ni dpung gi tshogs yan lag bzhi pa'i mdun du 'gro zhing gnas la gang du 'khor los sgyur ba'i rgyal po zas kyi don du gnas pa der 'khor los sgyur ba'i rgyal po'i dpung gi tshogs rnams tshim par byed kyang / 'khor lo rin po che de ni gnas nas g.yo ba med do/ /rab 'byor de bzhin du shes rab kyi pha rol du phyin pa yang pha rol du phyin pa lnga po 'di dag yongs su 'dren par byed la rnam pa thams cad mkhyen pa nyid ga la ba de logs su 'gro zhing / der gnas par 'gyur la/ der gnas pa na gnas de las 'da' bar yang mi 'gyur ro/ /rab 'byor 'di lta ste dper na/ 'khor los sgyur ba'i rgyal po'i 'khor lo rin po che de dang blon po rin po che de dang / khyim bdag rin po che de dang / btsun mo rin po che de dang / nor bu rin po che de dang / glang po rin po che de dang / rta mchog rin po che de ni dpung gi tshogs yan lag bzhi pa'i mdun du 'gro'o/ /rab 'byor de bzhin du shes rab kyi pha rol du phyin pa yang pha rol du phyin pa lnga po 'di dag gi mdun du 'gro'o/ /mdun du song nas kyang rnam pa thams cad mkhyen pa nyid ga la ba der gnas te/ shes rab kyi pha rol du phyin pa 'di snyam du sbyin pa'i pha rol du phyin pa ni bdag gi rjes su 'brang ngo tshul khrims kyi pha rol du phyin pa dang bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa ni bdag gi rjes su 'brang ngo snyam du mi sems so/ /sbyin pa'i pha rol du phyin pa yang 'di snyam du bdag ni shes rab kyi pha rol du phyin pa'i </font><hr>35.308a<br><font size=+1>

rjes su 'brang ngo snyam du mi sems so/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa yang 'di snyam du bdag ni shes rab kyi pha rol du phyin pa'i rjes su 'brang ngo snyam du mi sems so/ /de ci'i phyir zhe na/ 'di ltar de dag ni rang bzhin gyis nus pa cung zad kyang med la rang bzhin kyis stong zhing gsob dang / smig rgyu lta bu yin pa'i phyir ro/ /de nas bcom ldan 'das la tshe dang ldan pa rab 'byor kyis 'di skad ces gsol to/ /bcom ldan 'das gal te chos thams cad rang bzhin gyis stong pa lags na/ byang chub sems dpa' sems dpa' chen po sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa ji ltar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po pha rol du phyin pa drug la spyod pa 'di snyam du/ kye ma 'jig rten gnas pa 'di ni sems phyin ci log du gyur pa ste/ de ni thabs la mi mkhas pas 'khor ba las yongs su thar par mi nus kyis/ bdag gis sems can de dag gi don du sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyad par bya'o snyam du sems shing / de sems can de dag gi don du phyi dang nang gi dngos po rnams yongs su gtong bar byed do/ /de yongs su gtong bar byed pa na/ 'di snyam du bdag gis ci yang btong ba med do/ /de ci'i phyir zhe na/ 'di ltar dngos po 'di dag ni rang bzhin gyis stong pa yin pa'i phyir ro snyam du sems te/ </font><hr>35.308b<br><font size=+1>

rab 'byor de ltar nye bar rtog pa'i byang chub sems dpa' sems dpa' chen po ni sbyin pa'i pha rol du phyin pa yongs su rdzogs par byed pa yin no/ /de sems can de dag nyid kyi don du 'tshal ba'i tshul khrims kyi skabs mi 'byed do/ /de ci'i phyir zhe na/ 'di ltar bdag bla na med pa yang dag par rdzogs pa'i byang chub la yang dag par zhugs la srog gcod par byed pa dang / log par lta bar gyur pa'i bar dang / nyan thos kyi sa 'am rang sangs rgyas kyi sa don du gnyer bar byed pa ni bdag gi mi cha'o snyam du sems pa'i phyir te/ rab 'byor de ltar nye bar rtog pa'i byang chub sems dpa' sems dpa' chen po ni tshul khrims kyi pha rol du phyin pa la spyod pa yin no/ /de sems can de dag nyid kyi don du 'khrug pa'i sems 'ga' tsam yang skyed par mi byed de/ rab 'byor de ltar nye bar rtog pa'i byang chub sems dpa' sems dpa' chen po ni bzod pa'i pha rol du phyin pa la spyod pa yin no/ /des sems can de dag nyid kyi don du bla na med pa yang dag par rdzogs pa'i byang chub mngon par rdzogs par sangs rgyas par gyur gyi bar du le lo'i sems bskyed par mi byed de/ rab 'byor de ltar nye bar rtog pa'i byang chub sems dpa' sems dpa' chen po ni brtson 'grus kyi pha rol du phyin pa la spyod pa yin no/ /de sems can de dag nyid kyi don du bla na med pa yang dag par rdzogs pa'i byang chub mngon par rdzogs par sangs rgyas kyi bar du sems rnam par g.yeng bar mi byed de/ rab 'byor de ltar nye bar rtog pa'i byang chub sems dpa' sems dpa' chen po ni bsam gtan gyi pha rol du phyin pa la spyod pa yin no/ /de sems can de dag nyid kyi don du bla na med pa yang dag par rdzogs pa'i byang chub mngon par rdzogs par sangs rgyas par gyur gyi bar du nam yang shes rab dang 'bral bar mi byed do/ /de ci'i phyir zhe na/ shes rab kyi pha rol du phyin pa la ma zhugs par gzhan gyis sems can yongs su smin par bya mi nus so snyam du sems pa'i phyir te/ </font><hr>35.309a<br><font size=+1>

rab 'byor de ltar nye bar rtog pa'i byang chub sems dpa' sems dpa' chen po ni shes rab kyi pha rol du phyin pa la spyod pa yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te pha rol du phyin pa rnams la tha dad pa ma mchis na/ ci'i slad du shes rab kyi pha rol du phyin pa 'di pha rol du phyin pa lnga po dag gi mchog ces bgyi/ thu bo dang / gtso bo dang / rab dang / rab mchog dang / gya nom pa dang / bla na ma mchis pa dang / gong na ma mchis pa dang / mi mnyam pa dang / mnyam pa zhes bgyi lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor pha rol du phyin pa rnams ni tha dad pa cung zad kyang med do/ gal te shes rab kyi pha rol du phyin pa med na/ pha rol du phyin pa lnga po 'di dag gis pha rol du phyin pa zhes bya ba'i ming mi 'thob kyis rab 'byor shes rab kyi pha rol du phyin pa la brten nas/ pha rol du phyin pa lnga po 'di dag pha rol du phyin pa zhes bya ba'i ming mthob bo/ rab 'byor 'di lta ste dper na/ lus rnam pa tha dad pa dag ni/ ri'i rgyal po ri rab kyi drung du phyin na/ lus de da ga kha dog gcig tu 'gyur ro/ /rab 'byor de bzhin du pha rol du phyin pa lnga po dag kyang shes rab kyi pha rol du phyin pa la brten nas/ pha rol du phyin pa zhes bya ba'i ming 'thob cing / de dag rnam pa thams cad mkhyen pa nyid du zhugs pa ni kha dog gcig tu 'gyur te/ 'di ni sbyin pa'i pha rol du phyin pa'o/ /zhes bya ba dang / de bzhin du sbyar te/ 'di ni shes rab kyi pha rol du phyin pa'o zhes bya ba'i bar gyi bye brag gang yang med do/ /de ci'i phyir zhe na/ 'di ltar de dag gang la ngo bo nyid med pa de'i phyir bye brag med do/ /gsol pa/ /bcom ldan 'das gal te don gyi rjes su zhugs pa la chos gang yang bye brag gam/ tha dad du bgyi ba ma mchis na/ ci'i slad du shes rab kyi pha rol du phyin pa 'di pha rol du phyin pa lnga po de dag gi mchog ces bgyi gtso bo dang / thu bo dang / </font><hr>35.309b<br><font size=+1>

rab dang / rab mchog dang / gya nom pa dang / bla na ma mchis pa dang / gong na ma mchis pa dang / mi mnyam pa dang / mnyam pa zhes bgyi lags/ bka' stsal pa/ rab 'byor de de bzhin no de de bzhin te/ don gyi rjes su zhugs pa la ni chos gang yang bye brag gam/ tha dad du bya ba gang yang med mod gyi/ 'on kyang sems can rnams 'khor ba las yongs su thar bar bya ba'i don du 'jig rten gyi tha snyad dang / brda' tsam gyi phyir/ sbyin pa'i pha rol du phyin pa zhes btags pa yang yod do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa zhes brtag pa yang yod de/ sems can de dag la yang skye ba yang med/ 'chi ba yang med 'chi 'pho med/ dbyung ba med de/ sems can med de/ sems can med pa'i phyir/ chos thams cad med par rig par bya'o/ /rab 'byor de'i phyir shes rab kyi pha rol du phyin pa ni pha rol du phyin pa lnga po de dag ni gi mchog ces bya'o/ /gtso bo dang / thu bo dang / rab dang / rab mchog dang gya nom pa dang / bla na med pa dang / gong na med pa dang / mi mnyam pa dang / mnyam pa zhes bya'o/ /rab 'byor 'di lta ste dper na/ bud med rin po che ni 'dzam bu gling gi bud med gang ji snyed pa de dag gi nang na mchog ces bya ba dang / mi mnyam pa dang / mnyam pa'i bar zhes bya'o/ /rab 'byor de bzhin du shes rab kyi pha rol du phyin pa yang pha rol du phyin pa lnga po de dag gi mchog ces bya ba dang /[ ]mi mnyam pa dang / mnyam pa'i bar zhes bya'o/ /gsol pa/ bcom ldan 'das ci las dgongs nas shes rab kyi pha rol du phyin pa ni mchog ces bya'o/ /mi mnyam pa dang / mnyam pa'i bar zhes bya'o/ /zhes gsungs lags/ bka' stsal pa/ rab 'byor 'di ltar shes rab kyi pha rol du phyin pa 'di ni dge ba'i chos thams cad yongs su</font><hr>35.310a<br><font size=+1>

bzung nas/ rnam pa thams cad mkhyen pa nyid ga la ba der mi gnas pa'i tshul gyis gnas par 'gyur ba'i phyir ro/ /gsol pa bcom ldan 'das ci shes rab kyi pha rol du phyin pa chos gang yang yongs su 'dzin pa 'am/ gtong bar bgyid lags sam/ bka' stsal pa/ rab 'byor de ni ma yin te/ rab 'byor shes rab kyi pha rol du phyin pa ni chos gang yang yongs su 'dzin pa 'am/ gtong bar mi byed do/ /de ci'i phyir zhe na/ rab 'byor 'di ltar chos thams cad ma bzung ma btang ba'i phyir ro/ /gsol pa bcom ldan 'das shes rab kyi pha rol du phyin pas chos gang dag yongs su ma bzung ma btang ba lags / bka' stsal pa rab 'byor shes rab kyi pha rol du phyin pa ni gzugs mi 'dzin mi gtong ngo / /de bzhin du sbyar te/ byang chub kyi bar du mi 'dzin mi gtong ngo / /gsol pa/ bcom ldan 'das ji ltar na gzugs yongs su ma bzung ma btang ba lags/ bka' stsal pa/ rab 'byor gang gzugs yid la mi byed cing / byang chub kyi bar du yid la mi byed pa de ni gzugs yongs su mi 'dzin pa yin no/ /gsol pa/ bcom ldan 'das gal te gzugs yid la mi bgyi zhing / rnam pa thams cad mkhyen pa nyid kyi bar du yid la mi bgyi na/ bcom ldan 'das gzugs yid la ma bgyis shing / rnam pa thams cad mkhyen pa nyid kyi bar du yid la ma bgyis par/ ji ltar dge ba'i rtsa ba dag rnam par 'phel bar 'gyur lags/ dge ba'i rtsa ba dag rnam par ma 'phel na/ ji ltar pha rol du phyin pa rnams yongs su rdzogs par 'gyur lags/ pha rol du phyin pa rnams yongs su ma rdzogs na/ ji ltar rnam pa thams cad mkhyen pa nyid thob par 'gyur lags/ bka' stsal pa/ rab 'byor gang gi tshe byang chub sems dpa' sems dpa' chen po gzugs yid la mi byed pa dang / de bzhin du sbyar te/ byang chub kyi bar du yid la mi byed pa de'i tshe/ byang chub sems dpa' sems dpa' chen po dge ba'i rtsa ba rnam par 'phel</font><hr>35.310b<br><font size=+1>

zhing rnam pa thams cad mkhyen pa nyid kyi bar du thob par 'gyur ro/ /de ci'i phyir zhe na/ gzugs yid la ma byas shing / byang chub kyi bar du yid la ma byas na/ mngon par rdzogs par 'tshang rgya bar 'gyur ba'i phyir ro/ /gsol pa bcom ldan 'das ci'i slad du 'di ltar gzugs yid la ma bgyis shing / byang chub kyi bar du yid la ma bgyis na/ rnam pa thams cad mkhyen pa nyid thob par 'gyur lags bka' stsal pa/ rab 'byor yid la byed pas ni 'dod pa'i khams sam/ gzugs kyi khams sam/ gzugs med pa'i khams su yang sbyor bar 'gyur la/ yid la ma byas na gang la yang sbyor bar mi 'gyur te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pas chos gang la yang mi spyod par bya'o/ /gsol pa bcom ldan 'das byang chub sems dpa' sems dpa' chen po shes rab kyi pha rol du phyin pa la de ltar spyod pa gang la gnas par mi 'gyur ba lags/ bka' stsal pa rab 'byor de ltar spyod pa'i byang chub sems dpa' sems dpa' chen po ni gzugs la mi gnas so/ /rnam pa thams cad mkhyen pa nyid kyi bar la mi gnas so gsol pa/ bcol ldan 'das ci'i slad du gzugs la mi gnas shing / byang chub kyi bar la mi gnas pa lags bka' stsal pa/ mngon par zhen pa med pa'i phyir/ gang la yang mi gnas so/ /de ci'i phyir zhe na/ 'di ltar de gang la mngon par zhen pa zhes bya ba 'am gnas pa zhes bya ba'i chos de yang dag par rjes su mi mthong ba'i phyir te/ rab 'byor de ltar na byang chub sems dpa' sems dpa' chen po ni mngon par zhen pa med pa'i tshul gyis shes rab kyi pha rol du phyin pa la spyod pa yin no/ /rab 'byor gal te byang chub sems dpa' sems dpa' chen po 'di snyam du gang de ltar bsgom pa dang / gang de ltar spyod pa de ni shes rab kyi pha rol du phyin pa la sgom pa yin no/ /de ni shes rab kyi pha rol du phyin pa</font><hr>35.311a<br><font size=+1>

la sgom pa yin pas bdag kyang shes rab kyi pha rol du phyin pa la spyod pa yin/ bdag kyang shes rab kyi pha rol du phyin pa la sgom pa yin no snyam du sems shing / gal te de ltar kun tu shes par byed na/ de ni shes rab kyi pha rol du phyin pa thag ring du byed pa yin no/ /gang shes rab kyi pha rol du phyin pa las ring du gyur pa de ni sbyin pa'i pha rol du phyin pa las ring du gyur pa yin no/ /de bzhin du sbyar te/ rnam pa thams cad mkhyen pa nyid kyi bar las ring du gyur pa yin no/ /de ci'i phyir zhe na/ shes rab kyi pha rol du phyin pa ni chos gang la yang mngon par zhen pa med pa la shes rab kyi pha rol du phyin pa la yang mngon par zhen pa gang yang med pa'i phyir ro/ /de ci'i phyir zhe na/ 'di ltar gang la mngon par zhen pa zhes bya ba'i ngo bo nyid med pa'i phyir ro/ /gal te byang chub sems dpa' sems dpa' chen po shes rab kyi pha rol du phyin pa la kun tu shes par byed na/ byang chub sems dpa' sems dpa' chen po de ni shes rab kyi pha rol du phyin pa las nyam par 'gyur ro/ /gang shes rab kyi pha rol du phyin pa las nyam pa de ni chos thams cad las nyam pa yin no/ /gal te yang de 'di snyam du shes rab kyi pha rol du phyin pa ni/ pha rol du phyin pa lnga po dag yongs su 'dzin pa yin no/ /rnam pa thams cad mkhyen pa nyid kyi bar du yongs su 'dzin pa yin no/ /snyam na/ byang chub sems dpa' sems dpa' chen po de ni shes rab kyi pha rol du phyin pa las nyams pa yin te / shes rab kyi pha rol du phyin pa dang bral bas ni bla na med pa yang dag par rdzogs pa'i byang chub mngon par rdzogs par 'tshang rgya bar mi nus so/ /gal te yang de 'di snyam du shes rab kyi pha rol du phyin pa 'di la gnas pa ni/ bla na med pa yang dag par rdzogs pa'i byang chub du lung bstan par 'gyur ro snyam na byang chub sems dpa' sems dpa' chen po de ni shes rab kyi pha rol tu phyin pa las nyams pa yin no/ /shes rab kyi pha rol du phyin pa las nyams pa la ni bla na med pa yang dag par rdzogs pa'i byang chub du lung</font><hr>35.311b<br><font size=+1>

bstan par 'gyur ba med do/ /gal te yang 'di snyam du shes rab kyi pha rol du phyin pa 'di la gnas te/ sbyin pa'i pha rol tu phyin pa mngon par bsgrub par bya'o/ /snying rje chen po'i bar du mngon par bsgrub par bya'o snyam na/ byang chub sems dpa' sems dpa' chen po de ni shes rab kyi pha rol du phyin pa 'di las nyam pa yin no/ /de ci'i phyir zhe na/ shes rab kyi pha rol du phyin pa las nyam pas na/ sbyin pa'i pha rol tu phyin pa mngon par sgrub par mi nus la snying rje chen po'i bar dag kyang mngon par bsgrub par mi nus pa'i phyir ro/ /gal te yang de 'di snyam du de bzhin gshegs pas ni chos thams cad yongs su ma bzung bar bdag nyid mngon par rdzogs par sangs rgyas so/ /mngon par rdzogs par sangs rgyas nas kyang bstan to/ /bshad do rab tu bshad do/ /snyam na byang chub sems dpa' sems dpa' chen po de ni shes rab kyi pha rol du phyin pa las nyam pa yang yin no/ /de ci'i phyir zhe na/ de bzhin gshegs pas chos gang yang mngon par rdzogs par sangs rgyas pa med pa'i phyir ro/ /de ci'i phyir zhe na/ 'di ltar des mthong bas chos kyang mi dmigs na/ chos gang mngon par rdzogs par 'tshang rgya bar 'gyur ba lta smos kyang ci dgos te/ de ni gnas med pa'i phyir ro/ /de nas bcom ldan 'das la tshe ldan pa rab 'byor gyis 'di skad ces gsol to/ /bcom ldan 'das ji ltar na/ byang chub sems dpa' sems dpa' chen po shes rab kyi pha rol du phyin pa la spyod pa'i skyon 'di dag ma mchis par 'gyur ba lags/ bka' stsal pa rab 'byor gang gi tshe byang chub sems dpa' sems dpa' chen po shes rab kyi pha rol du phyin pa la spyod pa na/ 'di ltar chos thams cad ni chags pa med pa dang yongs su bzung ba med pa te/ chags pa med pa dang / yongs su bzung ba med pa'i chos la ni mngon par rdzogs par 'tshang rgya bar 'gyur ba'i chos gang yang med do zhes kun tu shes shing / gal te de ltar spyod na shes rab kyi pha rol du phyin pa la spyod pa yin no/ /gal te</font><hr>35.312a<br><font size=+1>

de ltar yongs su ma bzung ba'i chos la mngon par zhen na/ byang chub sems dpa' sems dpa' chen po shes rab kyi pha rol du phyin pa dang bral ba yin no/ /de ci'i phyir zhe na/ shes rab kyi pha rol du phyin pa ni mngon par zhen pas brjod par bya ba ma yin pa'i phyir ro/ /gsol pa bcom ldan 'das ci shes rab kyi pha rol du phyin pa shes rab kyi pha rol du phyin pa dang ma bral ba lags sam/ sbyin pa'i pha rol du phyin pa'i bar yang sbyin pa'i pha rol du phyin pa dang ma bral ba lags sam/ rnam pa thams cad mkhyen pa nyid kyi bar yang rnam pa thams cad mkhyen pa nyid kyi bar dang ma bral ba lags sam/ bcom ldan 'das gal te shes rab kyi pha rol du phyin pa shes rab kyi pha rol du phyin pa dang ma bral ba lags la/ rnam pa thams cad mkhyen pa nyid kyi bar yang / rnam pa thams cad mkhyen pa nyid dang ma bral ba lags na/ 'o na ji ltar shes rab kyi pha rol du phyin pa mngon par bsgrub par bgyi/ ji ltar sbyin pa'i pha rol du phyin pa dang / rnam pa thams cad mkhyen pa nyid kyi bar dag mngon par bsgrub par bgyi lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa ni gzugs la mngon par zhen pa med de/ 'di ni gzugs so/ /'di'i gzugs so/ /zhes bya bar mngon par zhen pa med do/ /chos thams cad kyi bar la yang de bzhin du sbyar ro/ /gzugs rtag pa 'am/ mi rtag pa 'am bde ba 'am sdug bsngal ba 'am bdag gam/ bdag med pa 'am/ zhi ba 'am/ ma zhi ba 'am/ stong pa 'am/ mi stong pa 'am/ dben pa 'am/ mi dben pa zhes bya bar mngon par zhen pa med do/ /rnam pa thams cad mkhyen pa nyid kyi bar dag la yang de bzhin du sbyar bar bya'o de ci'i phyir zhe na/ rang bzhin med pa'i chos la ni rtag pa zhes bya ba 'am/ mi rtag pa zhes bya ba 'am/ bde ba zhes bya ba 'am/ sdug bsngal zhes bya ba 'am/ bdag ces bya ba 'am/ bdag med ces bya ba 'am/ zhi zhes bya ba 'am/ ma zhi zhes bya</font><hr>35.312b<br><font size=+1>

ba 'am stong zhes bya ba 'am/ mi stong zhes bya ba 'am/ dben zhes bya ba 'am/ mi dben zhes bya bar mngon par sgrub par mi nus te/ rang bzhin ni rang bzhin gyis stong zhes bya bar mngon par sgrub par mi nus pa'i phyir ro/ /rab 'byor byang chub sems dpa' sems dpa' chen po de ltar shes rab kyi pha rol du phyin pa la spyod pa dang / de bzhin du sbyar te/ sbyin pa'i pha rol du phyin pa'i bar la spyod pa de ni rnam pa thams cad mkhyen pa nyid la gnas par 'gyur ro/ /rab 'byor 'di lta ste dper na/ 'khor los sgyur ba'i rgyal po'i dpung gi tshogs yan lag bzhi pa ni 'khor los sgyur ba'i rgyal po gang dang gang du 'gro ba de dang der dpung gi tshogs yan lag bzhi pa yang 'gro bar 'gyur ro/ /de bzhin du pha rol du phyin pa lnga po 'di dag kyang shes rab kyi pha rol du phyin pa gang dang gang du 'gro ba de dang der pha rol du phyin pa lnga po 'di dag kyang 'gro zhing / rnam pa thams cad mkhyen pa nyid ga la ba der gnas par 'gyur ro/ /rab 'byor 'di lta ste dper na/ kha los sgyur ba ni rta bzhi pa'i shing rta la zhon nas lam mnyam pa nas 'gro'o/ /de bzhin du shes rab kyi pha rol du phyin pa yang pha rol du phyin pa lnga po 'di dag gi kha lo sgyur zhing lam mnyam pa nas rnam pa thams cad mkhyen pa nyid ga la ba der 'gro'o/ /gsol pa bcom ldan 'das byang chub sems dpa' sems dpa' chen po rnams kyi lam ni gang lags/ lam ma lags pa ni gang lags/ bka' stsal pa/ rab 'byor nyan thos kyi lam ni byang chub sems dpa' sems dpa' chen po rnams kyi lam ma yin pa'o/ /rang sangs rgyas kyi lam ni byang chub sems dpa' sems dpa' chen po rnams kyi lam ma yin pa'o/ /rnam pa thams cad mkhyen pa nyid kyi lam ni lam yin te/ rab 'byor byang chub sems dpa' sems dpa' chen po rnams kyi lam ni de yin no/ lam ma yin pa ni de yin no/ /gsol pa bcom ldan 'das de ltar shes rab kyi pha rol du phyin pa 'di ni lam lags so/ /'di ni lam ma lags so/ /</font><hr>35.313a<br><font size=+1>

zhes ston pa ni byang chub sems dpa' sems dpa' chen po rnams kyi don chen po'i slad du nye bar gnas pa lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ shes rab kyi pha rol du phyin pa 'di lam dang lam ma yin pa ston pa ni byang chub sems dpa' sems dpa' chen po rnams kyi don chen po'i phyir nye bar gnas pa yin zhing sems can dpag du med pa rnams kyi don du nye bar gnas pa yin te/ sems can grangs med pa rnams kyi don du nye bar gnas kyang / rab 'byor shes rab kyi pha rol du phyin pa ni ci yang ston par mi byed de/ gzugs yongs su mi 'dzin cing / tshor ba dang / 'du shes dang / 'du byed rnams dang / rnam par shes pa yongs su mi 'dzin te/ nyan thos kyi sa dang rang sangs rgyas kyi sa yongs su bzung ba'i phyir nye bar gnas pa ma yin no/ /shes rab kyi pha rol du phyin pa 'di ni byang chub sems dpa' sems dpa' chen po bla na med pa yang dag par rdzogs pa'i byang chub du yongs su 'dren pa yin gyi/ nyan thos dang rang sangs rgyas kyi sa dag du yongs su 'dren pa ni ma yin te/ rnam pa thams cad mkhyen pa nyid thob par byed pa yin no/ /de ltar shes rab kyi pha rol du phyin pa 'di ni chos gnas pa nyid tshad mar byas nas/ chos gang yang skyed pa ma yin/ 'gog pa ma yin no gsol pa/ bcom ldan 'das gal te shes rab kyi pha rol du phyin pa chos gang yang skyed pa ma lags/ 'gog pa ma lags na/ byang chub sems dpa' sems dpa' chen po shes rab kyi pha rol du phyin pa la spyod pa'i ji ltar sbyin pa bstsal bar bgyi/ ji ltar tshul khrims bsrung bar bgyi/ ji ltar bzod pa bsgom par bgyi/ ji ltar brtson 'grus brtsoms par bgyi/ ji ltar bsam gtan la snyoms par 'jug par bgyi/ ji ltar shes rab bsgom par bgyi lags/ bcom ldan 'das kyis bka' stsal pa/ rab 'byor rnam pa thams cad mkhyen pa nyid du dmigs te/ sbyin</font><hr>35.313b<br><font size=+1>

pa sbyin par bya'o/ /rnam pa thams cad mkhyen pa nyid du dmigs te/ tshul khrims bsrung bar bya'o/ /rnam pa thams cad mkhyen pa nyid du dmigs te/ bzod pa bsgom par bya'o/ /rnam pa thams cad mkhyen pa nyid du dmigs te/ brtson 'grus brtsam par bya'o/ /rnam pa thams cad mkhyen pa nyid du dmigs te/ ting nge 'dzin la snyoms par 'jug par bya'o/ /rnam pa thams cad mkhyen pa nyid du dmigs te/ shes rab bsgom par bya zhing / dge ba'i rtsa ba de dag kyang sems can thams cad dang thun mong du byas la/ bla na med pa yang dag par rdzogs pa'i byang chub du yongs su bsngo bar bya/ de ltar byang chub sems dpa' sems dpa' chen po'i dge ba'i rtsa ba de dag bla na med pa yang dag par rdzogs pa'i byang chub du yongs su bsngos na/ pha rol du phyin pa drug bsgom pa yongs su rdzogs par 'gyur ro/ /byang chub sems dpa' sems dpa' chen po'i byams pa bsgom pa'i bar du yongs su rdzogs par 'gyur ro/ /rnam pa thams cad mkhyen pa nyid bsgom pa'i bar du yongs su rdzogs par 'gyur ro/ /byang chub sems dpa' sems dpa' chen po gang la la pha rol du phyin pa drug dang ma bral ba de ni rnam pa thams cad mkhyen pa nyid dang ma bral ba yin no/ /rab 'byor de lta bas na/ byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ pha rol du phyin pa drug la bslab par bya'o/ /pha rol du phyin pa drug la spyad par bya'o/ /pha rol du phyin pa drug la spyod pa'i byang chub sems dpa' sems dpa' chen po ni/ dge ba'i rtsa ba thams cad yongs su rdzogs par byas nas/ rnam pa thams cad mkhyen pa nyid thob par 'gyur ro/ /rab 'byor de lta bas na/ byang chub sems dpa' sems dpa' chen pos pha rol du phyin pa drug la brtson par bya'o/ /gsol pa/ bcom ldan 'das</font><hr>35.314a<br><font size=+1>

byang chub sems dpa' sems dpa' chen po ji ltar pha rol tu phyin pa drug la brtson par bgyi/ bka' stsal pa/ rab 'byor 'di la byang chub sems dpa' sems dpa' chen pos 'di ltar gzugs ni ldan pa yang ma yin mi ldan pa ma yin no/ /tshor ba dang / 'du shes dang 'du byed rnams dang rnam par shes pa ni ldan pa yang ma yin/ mi ldan pa yang ma yin no/ /de bzhin du rnam pa thams cad mkhyen pa nyid kyi bar du yang ldan pa yang ma yin/ mi ldan pa yang ma yin no/ /zhes so sor rtog par bya ste/ rab 'byor byang chub sems dpa' sems dpa' chen pos de ltar pha rol du phyin pa drug la brtson par bya'o/ /rab 'byor gzhan yang byang chub sems dpa' sems dpa' chen po gzugs la gnas par bya'o zhes brtson par mi bya'o/ /rnam par shes pa'i bar la gnas par bya'o/ /zhes brtson par mi bya'o rnam pa thams cad mkhyen pa nyid kyi bar la gnas par bya'o/ /zhes brtson par mi bya'o/ /de ci'i phyir zhe na gzugs ni gang la yang mi gnas la rnam pa thams cad mkhyen pa nyid kyi bar yang gang la yang mi gnas pa'i phyir te/ de ltar byang chub sems dpa' sems dpa' chen pos mi gnas pa'i tshul gyis bla na med pa yang dag par rdzogs pa'i byang chub mngon par rdzogs par 'tshang rgya bar bya'o rab 'byor 'di lta ste dper na mi zhig shing a mra'i 'bras bu dag gam/ shing pa na sa'i 'bras bu dag za 'dod par gyur na de a mra'i 'bras bu 'am pa na sa'i 'bras bu dag bskyed par bya'o bskyed nas kyang dus dus su chu bcu bar bya/ yur ma yur bar bya'o/ /de'i rim gyis yal ga gel cing 'phel bar gyur pa na/ tshogs pa rnyed pas/ a mra'i 'bras bu dag gam/ pa na sa'i 'bras bu dag 'byor cing tshogs par 'gyur bas de a mra'i 'bras bu dag gam pa na sa'i 'bras bu dag za bar 'gyur ro rab 'byor de bzhin du byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas kyang pha rol du phyin pa</font><hr>35.314b<br><font size=+1>

drug la bslab nas sems can rnams sbyin pas rjes su bzung bar bya'o/ /tshul khrims dang bzod pa dang brtson 'grus dang / ting nge 'dzin dang shes rab kyis rjes su bzung bar bya zhing sems can rnams 'khor ba las yongs su dgrol bar bya'o/ /rab 'byor de lta bas na byang chub sems dpa' sems dpa' chen po gzhan gyi dring mi 'jog par 'gro bar 'dod pa dang / sangs rgyas kyi zhing yongs su dag par bya bar 'dod pa dang / byang chub kyi snying po la 'dug par 'dod pa dang / chos kyi 'khor lo bskor bar 'dod pas pha rol du phyin pa drug la bslab par bya'o/ /gsol pa bcom ldan 'das shes rab kyi pha rol du phyin pas shes rab kyi pha rol du phyin pa la bslab par bya'o zhes gsung lags sam/ bka' stsal pa rab 'byor shes rab kyi pha rol du phyin pas shes rab kyi pha rol du phyin pa la bslab par bya'o zhes nga smra'o/ /chos thams cad la dbang ba bsgom pa thob par 'dod pas shes rab kyi pha rol du phyin pa la bslab par bya'o zhes nga smra'o/ /de ci'i phyir zhe na/ shes rab kyi pha rol du phyin pa 'di ni chos thams cad la dbang du gyur pa 'thob par byed cing shes rab kyi pha rol du phyin pa 'di ni chos thams cad kyi sgo yin pa'i phyir ro/ /rab 'byor 'di lta ste dper na/ rgya mtsho chen po ni chu klung thams cad kyi sgo yin la chu klung dang chu thams cad kyang rgya mtsho chen por zhugs na ro gcig du 'gyur ro/ /rab 'byor de bzhin du shes rab kyi pha rol du phyin pa yang chos thams cad kyi sgo yin te/ chos thams cad kyang shes rab kyi pha rol du phyin pas rnam par phye na shes rab kyi pha rol du phyin par 'gyur ro/ /rab 'byor de lta bas na nyan thos kyi theg pa pa dang / rang sangs rgyas kyi theg pa pa'i gang zag rnams dang / byang chub sems dpa'i theg pa pa'i gang zag rnams kyis kyang / shes rab kyi pha rol du phyin pa 'di nyid la bslab par bya'o/ /de lta bas na byang chub sems dpa' sems dpa' chen pos sbyin pa'i pha rol du phyin pa dang / tshul khrims kyi pha rol du phyin pa dang bzod pa'i pha rol du phyin pa dang / brtson 'grus</font><hr>35.315a<br><font size=+1>

kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa nyid la bslab par bya zhing / rnam pa thams cad mkhyen pa nyid kyi bar la yang bslab par bya'o/ /rab 'byor 'di lta ste/ dper na 'phong gi slob dpon lag tshod la bab pa'i gzhu thogs pa ni/ phyir rgol pa rnams sam/ dgra bo rnams kyis thul bar dka'o/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa yang bdud dam/ bdud kyi ris kyi lha rnams kyis thul bar dka'o/ /rab 'byor de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ shes rab kyi pha rol du phyin pa la bslab par bya'o/ /shes rab kyi pha rol du phyin pa la spyod pa de la ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyang dgongs pa mdzad do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das sangs rgyas bcom ldan 'das rnams ji ltar byang chub sems dpa' sems dpa' chen po sbyin pa'i pha rol du phyin pa la spyod pa la dgongs pa mdzad/ ji ltar byang chub sems dpa' sems dpa' chen po tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa la dgongs pa mdzad/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la sangs rgyas bcom ldan 'das rnams ni/ byang chub sems dpa' sems dpa' chen po shes rab kyi pha rol du phyin pa la spyod pa la dgongs pa mdzad de/ ci nas kyang sbyin pa dang / tshul khrims dang / bzod pa dang / brtson 'grus dang / bsam gtan dang / shes rab mi dmigs shing / de ltar mi dmigs pas/ byang chub sems dpa'</font><hr>35.315b<br><font size=+1>

sems dpa' chen po la dgongs pa mdzad do/ /de bzhin du rnam pa thams cad mkhyen pa nyid kyi bar la yang rgya cher sbyar bar bya'o/ /rab 'byor gzhan yang sangs rgyas bcom ldan 'das rnams ni byang chub sems dpa' sems dpa' chen po la gzugs su dgongs pa mi mdzad do/ /rnam pa thams cad mkhyen pa nyid kyi bar du dgongs pa mi mdzad do/ /gsol pa/ bcom ldan 'das gnas mang po la slob par 'tshal ba'i byang chub sems dpa' sems dpa' chen pos ni gang la yang bslab par mi bgyi lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor gnas mang po la slob par 'dod pa'i byang chub sems dpa' sems dpa' chen pos ni gang la yang bslab par bya'o/ /de ci'i phyir zhe na/ 'di ltar byang chub sems dpa' sems dpa' chen pos gang la bslab par bya ba'i chos de dag dmigs su med pa'i phyir ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gang de bzhin gshegs pas chos 'di dag mdo dang rgyas par bka' stsal lags na/ de la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ pha rol du phyin pa drug po 'di dag mdo dang rgyas par kun chub par bgyi'o/ /g.yar ton shin du byang ba'i bar du bgyi'o/ /g.yar ton shin du byang bar bgyis nas kyang / yid kyi rjes su brtag par bgyi ste/ ci nas kyang sems dang sems las byung ba'i chos rnams mi 'jug pa de ltar rjes su brtag par bgyi'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ pha rol du phyin pa drug po mdo dang rgyas par bstan pa/ 'di dag la slob pa'i byang chub sems dpa' sems dpa' chen po ni/ chos thams cad kyis mdo' dang rgyas pa shes par 'gyur ro/ /gsol pa/ bcom ldan 'das</font><hr>35.316a<br><font size=+1>

ji ltar na/ byang chub sems dpa' sems dpa' chen pos chos thams cad kyi mdo dang rgyas pa 'tshal bar 'gyur lags/ bka' stsal pa/ rab 'byor gzugs sam/ tshor ba 'am/ 'du shes sam/ 'du byed rnams sam/ rnam par shes pa'i de bzhin nyid shes shing / rnam pa thams cad mkhyen pa nyid kyi bar gyi de bzhin nyid shes na/ chos thams cad kyi mdo dang rgyas pa shes par 'gyur ro/ /gsol pa/ bcom ldan 'das gzugs kyi de bzhin nyid ji lta bu lags/ bka' stsal pa/ rab 'byor de bzhin nyid gang la skye ba med pa dang / 'jig pa med pa dang / gnas pa med pa dang / gzhan du 'gyur ba med pa de ni gzugs kyi de bzhin nyid yin te/ de la byang chub sems dpa' sems dpa' chen po rnams kyis bslab par bya'o/ /yang dag pa'i mtha' shes na/ chos thams cad kyi mdo dang rgyas pa shes par 'gyur ro/ /gsol pa/ bcom ldan 'das yang dag pa'i mtha' de gang lags/ bka' stsal pa/ rab 'byor mtha' med pa ni yang dag pa'i mtha' ste/ mtha' de la slob pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro/ /byang chub sems dpa' sems dpa' chen pos chos kyi dbyings shes na chos thams cad kyi mdo dang rgyas pa shes par 'gyur ro/ /gsol pa/ bcom ldan 'das chos kyi dbyings gang lags/ bka' stsal pa/ rab 'byor dbyings med pa ni chos kyi dbyings te/ chos kyi dbyings de la ni chad pa med cing yongs su chad pa med de/ byang chub sems dpa' sems dpa' chen pos de ltar chos kyi dbyings shes na/ chos thams cad kyi mdo dang rgyas pa shes par 'gyur ro/ /gsol pa/ bcom ldan 'das ji ltar chos thams cad kyi mdo dang rgyas pa 'tshal bar bgyi/ bka' stsal pa/ rab 'byor ji ltar chos thams cad kyi/ ldan pa yang ma yin/ mi ldan pa yang ma yin pa de ltar shes par bya'o/ /gsol pa/ bcom ldan 'das chos gang</font><hr>35.316b<br><font size=+1>

dag ldan pa yang ma lags/ mi ldan pa yang ma lags pa de dag kyang gang lags/ bka' stsal pa/ rab 'byor gzugs ni ldan pa yang ma yin mi ldan pa yang ma yin no/ /tshor ba dang / 'du shes dang / 'du byed rnams dang / rnam par shes pa ni ldan pa yang ma yin/ mi ldan pa yang ma yin no/ /de bzhin du sbyar te/ 'dus byas kyi khams dang 'dus ma byas kyi khams kyi bar du yang ldan pa yang ma yin mi ldan pa yang ma yin no/ /de ci'i phyir zhe na/ gang ldan pa 'am mi ldan par 'gyur ba de'i rang bzhin med la/ gang rang bzhin med pa de ni dngos po med pa yin pas/ dngos po med pa ni dngos po med pa dang ldan pa yang ma yin mi ldan pa yang ma yin pa'i phyir te/ chos thams cad kyang de ltar shes par bya'o/ /rab 'byor 'di ni byang chub sems dpa' sems dpa' chen po rnams kyi mngon par bsdus pa yin te/ rab 'byor pha rol du phyin pa mngon par bsdus pa 'di la ni las dang po pa'i byang chub sems dpa' sems dpa' chen pos kyang bslab par bya'o/ /sa bcu po dag la gnas pa'i bar gyis kyang mngon par bsdus pa 'di nyid la bslab par bya'o/ /rab 'byor mngon par bsdus pa 'di la slob pa'i byang chub sems dpa' sems dpa' chen po ni/ chos thams cad kyi mdo dang rgyas pa shes par 'gyur ro/ /gsol pa/ bcom ldan 'das 'di ni byang chub sems dpa' chen po dbang po rnon po'i 'jug pa lags so/ /bka' stsal pa/ rab 'byor 'di ni byang chub sems dpa' sems dpa' chen po dbang po rtul po'i 'jug pa yang yin no/ /'di ni dbang po 'bring dang / dbang po mnyam par ma bzhag pa'i 'jug pa yang yin te/ 'di ni slob par 'dod pa'i byang chub sems dpa' sems dpa' chen po gang gi yang 'jug pa ma yin pa ma yin no/ /'di ni le lo can gyi 'jug pa ma yin zhing / 'di ni brtson 'grus zhan pa dang / brjed ngas pa dang / sems rnam par g.yeng ba'i 'jug pa ma yin gyi/ 'di ni brtson 'grus brtsams pa dang / le lo med pa</font><hr>35.317a<br><font size=+1>

dang / dran pa nye bar bzhag pa'i 'jug pa yin/ /'di ni phyir mi ldog pa'i sa la slob par 'dod pa dang / rnam pa thams cad mkhyen pa nyid thob par 'dod pa'i 'jug pa yin no/ /gal te ji skad bstan pa'i shes rab kyi pha rol du phyin pa la slob cing / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa la slob pa ni rnam pa thams cad mkhyen pa nyid thob par 'gyur ro/ /byang chub sems dpa' sems dpa' chen po shes rab kyi pha rol du phyin pa la spyod pa la bdud kyi las gang dag ci yang rung ste/ byung ma thag nyid du rab tu zhi bar 'gyur ro/ /de lta bas na thabs la mkhas pa yongs su gzung bar 'dod pa'i/ byang chub sems dpa' sems dpa' chen pos shes rab kyi pha rol du phyin pa la bslab par bya'o/ /rab 'byor gang gi tshe byang chub sems dpa' sems dpa' chen po shes rab kyi pha rol du phyin pa la spyod pa dang / shes rab kyi pha rol du phyin pa la sgom pa dang / shes rab kyi pha rol du phyin pa la brtson par byed pa de'i tshe/ 'jig rten gyi khams grangs med pa dag na/ sangs rgyas bcom ldan 'das gang dag bzhugs te/ 'tsho zhing gzhes pa'i sangs rgyas bcom ldan 'das de dag kyang byang chub sems dpa' sems dpa' chen po/ shes rab kyi pha rol du phyin pa la spyod pa de la dgongs pa mdzad do/ /de ci'i phyir zhe na/ 'di lta ste/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyang pha rol du phyin pa drug po 'di las nges par byung ba'i phyir ro/ /rab 'byor de lta bas na byang chub sems dpa' sems dpa' chen po shes rab kyi pha rol du phyin pa la spyod pas 'di ltar bdag gis kyang 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gang dag brnyed pa'i chos de dag thob par 'gyur ro snyam du re bar bya'o/ /rab 'byor byang chub</font><hr>35.317b<br><font size=+1>

sems dpa' sems dpa' chen po shes rab kyi pha rol du phyin pa la spyod pas de ltar brtson par bya'o/ /de ltar brtson pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /rab 'byor de lta bas na byang chub sems dpa' sems dpa' chen po rnam pa thams cad mkhyen pa nyid yid la bya ba dang mi 'bral bar bya'o/ /rab 'byor gal te byang chub sems dpa' sems dpa' chen po de ltar shes rab kyi pha rol du phyin pa la spyod pa'i tshe/ tha na sel gol gtogs pa tsam zhig shes rab kyi pha rol du phyin pa bsgom par gyur na/ byang chub sems dpa' sems dpa' chen po de ni ches bsod nams mang du skyed par 'gyur gyi/ gang gis stong gsum gyi stong chen po'i 'jig rten gyi khams su gtogs pa'i sems can de dag sbyin pas tshim par byed pa dang / tshul khrims la bkod pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la bkod pa dang / rgyun tu zhugs pa'i 'bras bu la bkod pa dang / dgra bcom pa nyid kyi bar la bkod pa dang / rang byang chub la bkod pa ni de lta ma yin te/ gang se gol gtogs pa tsam zhig shes rab kyi pha rol du phyin pa zab mo 'di bsgoms na/ de nyid bsod nams ches mang du bskyed par 'gyur ro/ /de ci'i phyir zhe na/ sbyin pa dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / rgyun du zhugs pa'i 'bras bu dang / rang byang chub kyi bar dag ni 'di las nges par skyes pa yin la/ gang dag phyogs bcu'i 'jig rten gyi khams dag na bzhugs te/ 'tsho zhing gzhes pa'i sangs rgyas bcom ldan 'das de dag kyang shes rab kyi pha rol du phyin pa 'di nyid las nges par byung zhing gang dag 'das</font><hr>35.318a<br><font size=+1>

pa dang / ma byon pa dang da ltar byung ba'i sangs rgyas bcom ldan 'das de dag kyang shes rab kyi pha rol du phyin pa 'di nyid kyis rab du phye ba yin pa'i phyir ro/ /rab 'byor gzhan yang gang la la zhig gis yud tsam 'am/ nyin gcig gam/ nyi ma brgya 'am/ lo 'am/ lo brgya 'am/ bskal pa 'am/ bskal pa las lhag pa 'am/ bskal pa grangs med pa'i bar du rnam pa thams cad mkhyen pa nyid dang ldan pa'i yid la byed pa dag gis shes rab kyi pha rol du phyin pa zab mo 'di bsgom par byed na/ de nyid ches bsod nams mang du bskyed par 'gyur gyi/ gang gis 'jig rten gyi khams gang gA'i klung gi bye ma snyed du gtogs pa'i sems can rnams sbyin pa la bkod pa dang / rang byang chub kyi bar la bkod pa ni de lta ma yin no/ /de ci'i phyir zhe na/ gang gis 'di ni sbyin pa las byung ba'i bsod nams bya ba'i dngos por btags pa dang / rang byang chub kyi bar du btags pa'i sangs rgyas bcom ldan 'das de dag kyang 'di las nges par byung ba'i phyir ro/ /byang chub sems dpa' sems dpa' chen po gang de ltar ji skad bstan pa'i shes rab kyi pha rol du phyin pa 'di la gnas pa'i byang chub sems dpa' sems dpa' chen po de ni phyir mi ldog pa yin par rig par bya'o/ /byang chub sems dpa' sems dpa' chen po de ni de bzhin gshegs pas dgongs pa yin par rig par bya'o/ /byang chub sems dpa' sems dpa' chen po gang thabs la mkhas pa 'di dang ldan pa de ni sangs rgyas bye ba khrag khrig 'bum phrag mang po la bsnyen bkur byed pa yin par rig par bya'o/ /byang chub sems dpa' sems dpa' chen po de ni dge ba'i rtsa ba bskyed pa yin par rig par bya'o/ /byang chub sems dpa' sems dpa' chen po de ni dge ba'i bshes gnyen gyi yongs su zin pa yin par rig par bya'o/ /byang chub sems dpa' sems dpa' chen po de ni pha rol du phyin pa drug gi spyod pa spyad pa yin par rig par bya'o/ /byang chub sems dpa' sems dpa' chen po de ni stong pa nyid bcu bzhi po dag bsgom shing bsam pa yin par rig par bya'o/ /de bzhin tu sbyar te/ </font><hr>35.318b<br><font size=+1>

byang chub sems dpa' sems dpa' chen po de ni so so yang dag par rig pa bzhi'i bar dag bsgom pa yin par rig par bya'o/ /byang chub sems dpa' sems dpa' chen po de ni mngon par shes pa drug dang ldan pa dang / byang chub sems dpa' sems dpa' chen po de ni gzhon nur gyur pa yin pa dang / byang chub sems dpa' sems dpa' chen po de ni bsam pa yongs su rdzogs pa yin par rig par bya'o/ /byang chub sems dpa' sems dpa' chen po de ni sangs rgyas rnams dang / mi 'bral ba dang / dge ba'i rtsa ba rnams dang mi 'bral ba dang / sangs rgyas kyi zhing dang mi 'bral ba dang / spobs pa mi chod pa dang / gzungs thob pa yin par rig par bya'o/ /byang chub sems dpa' sems dpa' chen po de ni gzugs phun sum tshogs pa yin par rig par bya'o/ /byang chub sems dpa' sems dpa' chen po de ni lung bstan pa dang ldan pa yin par rig par bya'o/ /byang chub sems dpa' de ni bsam bzhin du srid par skye bar yin par rig par bya'o/ /byang chub sems dpa' de ni rnam pa la 'jug mkhas pa dang / rjod pa la mkhas pa yin par rig par bya'o/ /byang chub sems dpa' de ni yi ge med pa la 'jug par mkhas pa dang / rjod pa la mkhas pa yin par rig par bya'o/ /byang chub sems dpa' de ni gcig gis tshig bla dgas la mkhas pa dang / mang po'i tshig bla dgas la mkhas pa dang / bud med kyi tshig bla dgas la mkhas pa dang / skyes pa'i tshig bla dgas la mkhas pa dang / gzugs la mkhas pa dang / rnam par shes pa'i bar la mkhas pa dang / de bzhin du sbyar te mya ngan las 'das pa'i bar la mkhas pa dang / chos kyi dbyings la mkhas pa dang / mtshan nyid la mkhas pa dang / 'dus byas kyi mtshan nyid la mkhas pa dang / mtshan nyid med pa la mkhas pa dang / dngos po la mkhas pa dang / dngos po med pa la mkhas pa dang / </font><hr>35.319a<br><font size=+1>

rang gis ngo bo la mkhas pa dang / gzhan gyi ngo bo la mkhas pa dang / sbyor ba la mkhas pa dang / 'bral ba la mkhas pa dang / mtshungs par ldan pa dang / mtshungs par ldan pa ma yin pa la mkhas pa dang / mtshungs par ldan pa yang ma yin/ mtshungs par mi ldan pa yang ma yin pa la mkhas pa dang / de bzhin nyid la mkhas pa dang / ma nor ba de bzhin nyid la mkhas pa dang / gzhan ma yin pa de bzhin nyid la mkhas pa dang / chos kyi dbyings la mkhas pa dang / chos skyon med pa la mkhas pa dang / rgyu rkyen la mkhas pa dang / rkyen med pa la mkhas pa dang / phung po la mkhas pa dang khams la mkhas pa dang skye mched la mkhas pa dang / bden pa la mkhas pa dang / rten cing 'brel bar 'byung ba la mkhas pa dang / bsam gtan la mkhas pa dang / tshad med pa la mkhas pa dang / gzugs med pa'i snyoms par 'jug pa la mkhas pa dang / pha rol du phyin pa drug la mkhas pa dang / dran pa nye bar bzhag pa bzhi la mkhas pa dang / rnam pa thams cad mkhyen pa nyid kyi bar la mkhas pa dang / 'dus byas kyi khams la mkhas pa dang / 'dus ma byas kyi khams la mkhas pa dang / khams la mkhas pa dang / khams med pa la mkhas pa dang / gzugs yid la bya ba la mkhas pa dang / rnam par shes pa'i bar du yid la bya ba la mkhas pa dang / de bzhin du sbyar te rnam pa thams cad mkhyen pa nyid kyi bar du yid la bya ba la mkhas pa dang / gzugs ni gzugs kyis stong ngo zhes bya ba la mkhas pa dang / rnam par shes pa'i bar ni rnam par shes pas stong ngo / /zhes bya ba la mkhas pa dang / byang chub kyi bar ni byang chub kyis stong ngo zhes bya ba la mkhas pa dang / shin du sbyangs pa'i lam la mkhas pa dang / shin du sbyangs pa ma yin pa'i lam la mkhas pa dang / skye ba dang 'gag pa la mkhas pa dang / gnas pa las gzhan du 'gyur</font><hr>35.319b<br><font size=+1>

ba la mkhas pa dang / 'dod chags la mkhas pa dang / zhe sdang la mkhas pa dang / gti mug la mkhas pa dang / 'dod chags med pa la mkhas pa dang / zhe sdang med pa la mkhas pa dang / gti mug med pa la mkhas pa dang / lta ba la mkhas pa dang / lta ba ma yin pa la mkhas pa dang / log par lta ba la mkhas pa dang / log par lta ba ma yin pa la mkhas pa dang / de bzhin du sbyar te/ lta ba'i rnam pa thams cad kyi bar la mkhas pa dang / ming la mkhas pa dang / ming dang gzugs la mkhas pa dang / dmigs pa la mkhas pa dang / bdag po la mkhas pa dang / rnam pa la mkhas pa dang / mtshan nyid la mkhas pa dang / sdug bsngal la mkhas pa dang / kun 'byung ba la mkhas pa dang / 'gog pa la mkhas pa dang / lam la mkhas pa dang / sems can dmyal ba la mkhas pa dang / dud 'gro'i skye gnas la mkhas pa dang / gshin rje'i 'jig rten la mkhas pa dang / gshin rje'i 'jig rten gyi lam la mkhas pa dang / sems can dmyal ba'i lam la mkhas pa dang / dud 'gro'i skye gnas kyi lam la mkhas pa dang / mi la mkhas pa dang / mi'i lam la mkhas pa dang lha la mkhas pa dang lha'i lam la mkhas pa dang / rgyun du zhugs pa'i 'bras bu la mkhas pa dang / rgyun du zhugs pa'i 'bras bu'i lam la mkhas pa dang / lan cig phyir 'ong pa'i 'bras bu la mkhas pa dang / lan cig phyir 'ong ba'i 'bras bu'i lam la mkhas pa dang / phyir mi 'ong ba'i 'bras bu la mkhas pa dang / phyir mi 'ong ba'i 'bras bu'i lam la mkhas pa dang / dgra bcom pa nyid kyi 'bras bu'i la mkhas pa dang / dgra bcom pa nyid kyi 'bras bu'i lam la mkhas pa dang / rang byang chub la mkhas pa dang / rang byang chub kyi lam la mkhas pa dang / lam gyi rnam pa shes pa nyid la mkhas pa dang / lam gyi rnam pa shes pa nyid kyi lam la mkhas pa dang / rnam pa thams cad mkhyen pa nyid la mkhas pa dang / rnam pa thams cad mkhyen pa nyid kyi lam la mkhas pa dang / dbang po la mkhas pa dang / dbang po yongs su rdzogs pa la mkhas pa dang / </font><hr>35.320a<br><font size=+1>

shes rab myur ba la mkhas pa dang / shes rab rno ba la mkhas pa dang / shes rab mgyogs pa la mkhas pa dang / nges par 'byed pa'i shes rab la mkhas pa dang / shes rab yangs pa la mkhas pa dang / shes rab mnyam pa med pa la mkhas pa dang / 'das pa'i dus la mkhas pa dang / ma 'ongs pa'i dus la mkhas pa dang / da ltar byung ba'i dus la mkhas pa dang / thabs la mkhas pa dang / sems can gyi bsam pa la mkhas pa dang / lhag pa'i bsam pa la mkhas pa dang / don la mkhas pa dang / tshig 'bru la mkhas pa dang / theg pa gsum la rnam par dgod pa la mkhas pa dang / rab 'byor byang chub sems dpa' sems dpa' chen po/ shes rab kyi pha rol du phyin pa la spyod pa dang / shes rab kyi pha rol du phyin pa mngon par bsgrubs pa dang / shes rab kyi pha rol du phyin pa la sgom pa'i phan yon ni/ de dag yin par rig par bya'o// //o~M ye d+harmA he tu pra b+ha wA/ he tun te/ ShAn ta thA ga to h+ya ba data/ te ShAny+tsa yo ni ro d+ha e bam bA dI/ ma hA shra ma NaH  bkra shis par gyur cig /    //  #
</font><hr>36.1a<br><font size=+1>

(ga) @#/ ! /khri brgyad stong pa bzhugs so/ /[(黃) 第二大般若經第三部]</font><hr>36.1b<br><font size=+1>

shes rab kyi pha rol tu phyin pa khri brgyad stong pa/ bam po bzhi bcu rtsa lnga pa/ gsol pa/ bcom ldan 'das byang chub sems dpa' sems dpa' chen pos ji ltar shes rab kyi pha rol tu phyin pa la spyad par bgyi/ ji ltar shes rab kyi pha rol tu phyin pa mngon par bsgrub par bgyi/ ji ltar shes rab kyi pha rol tu phyin pa bsgom par bgyi lags/ bcom ldan 'das kyis bka' stsal pa/ rab 'byor gzugs zhi ba dang / gzugs ya ma rla dang / gzugs gsog dang / gzugs snying po med pas shes rab kyi pha rol tu phyin pa la spyad par bya'o/ /tshor ba dang / 'du shes dang / 'du byed rnams dang / rnam par shes pa zhi ba dang / rnam par shes pa ya ma rla dang / rnam par shes pa gsog dang / rnam par shes pa snying po med pas shes rab kyi pha rol tu phyin pa la spyad par bya'o/ /gang yang 'di skad du ji ltar shes rab kyi pha rol tu phyin pa mngon par bsgrub par bgyi zhes zer ba ni/ nam mkha' ltar stong pa nyid mngon par sgrub pas shes rab kyi pha rol tu phyin pa mngon par bsgrub</font><hr>36.2a<br><font size=+1>

par bya'o/ /gang yang 'di skad du ji ltar shes rab kyi pha rol tu phyin pa mngon par bsgrub par bgyi zhes zer ba ni/ nam mkha' ltar stong pa nyid mngon par bsgrub pas shes rab kyi pha rol tu phyin pa mngon par bsgrub par bya'o/ /gang yang 'di skad du ji ltar sher rab kyi pha rol tu phyin pa bsgom par bgyi/ zhes zer ba ni nam mkha' ltar stong pa nyid sgom pas/ shes rab kyo pha rol tu phyin pa bsgom par bya'o/ gsol pa/ bcom ldan 'das byang chub sems dpa' sems dpa' chen pos shes rab kyi pha rol tu phyin pa la yun ring po ji srid gcig tu spyad na/ shes rab kyi pha rol tu phyin pa la spyad pa lags/ bcom ldan 'das kyis bka' stsal pa/ rab 'byor sems dang po bskyed pa nas bzung ste/ byang chub kyi snying po la 'dug gi bar du shes rab kyi pha rol tu phyin pa la spyad par bya'o/ /de ltar mngon par bsgrub par bya'o/ /de ltar bsgom par bya'o/ /gsol pa/ bcom ldan 'das ci sems kyi rgyun ma chad cing / ma bral bar rjes su 'brel bas spyad par bgyi lags sam/ bka' stsal pa/ rab 'byor yid la byed pa gzhan dag gi go skabs mi dbye bar shes rab kyi pha rol tu phyin pa la spyad par bya'o/ /rnam pa thams cad mkhyen pa nyid yid la byed pa mi dor bar shes rab kyi pha rol tu phyin pa la spyad par bya zhing / shes rab kyi pha rol tu phyin pa mngon par bsgrub par bya/ shes rab kyi pha rol tu phyin pa bsgom par bya ste/ ci nas kyang sems dang sems las byung ba'i chos rnams mi rgyu ba de ltar shes rab kyi pha rol tu phyin pa la spyad par bya'o/ /de ltar mngon par bsgrub par bya'o/ /de ltar bsgom par bya'o/ /gsol pa/ bcom ldan 'das ci byang chub sems dpa' sems dpa' chen po shes rab kyi pha rol tu phyin pa la spyad pa dang / shes rab kyi pha rol tu phyin pa mngon par bsgrub pa dang / shes rab kyi pha rol tu phyin pa bsgoms pas rnam pa thams cad mkhyen pa nyid thob par 'gyur lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na ma bsgoms pas lags sam/ bka' stsal</font><hr>36.2b<br><font size=+1>

pa/ rab 'byor de ni ma yin no/ /gsol pa/ bcom ldan 'das 'o na bsgoms kyang bsgoms la/ ma bsgoms kyang ma bsgoms pas lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na bsgoms pa yang ma lags/ ma bsgoms pa yang ma lags pas lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na ji ltar rnam pa thams cad mkhyen pa nyid thob par 'gyur lags/ bka' stsal pa/ rab 'byor de bzhin nyid ji lta ba bzhin du'o/ /gsol pa/ de bzhin nyid ji lta bu lags/ bka' stsal pa/ yang dag pa'i mtha' ji lta ba bzhin du'o/ /gsol pa/ yang dag pa'i mtha' ji lta bu lags/ bka' stsal pa/ chos kyi dbyings ji lta ba bzhin no/ /gsol pa/ chos kyi dbyings ji lta bu lags/ bka' stsal pa/ bdag gi khams ji lta ba dang / sems can gyi khams ji lta ba dang / srog gi khams ji lta ba dang / gang zag gi khams ji lta ba bzhin no/ /gsol pa/ bcom ldan 'das bdag gi khams dang / gang zag gi khams kyi bar dag ji lta bu lags/ bka' stsal pa/ rab 'byor 'di ji snyam du sems/ bdag gam/ sems can dag dmigs su yod snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor bdag gam/ sems can dmyigs su med na/ ji ltar sems can gyi khams gdags par bya ste/ rab 'byor de ltar sems can du 'dogs par mi byed/ shes rab kyi pha rol tu phyin par yang 'dogs par mi byed/ chos thams cad du yang 'dogs par mi byed/ rnam pa thams cad mkhyen pa nyid thob par 'gyur ro/ /gsol pa/ bcom ldan 'das kyi shes rab kyi pha rol tu phyin pa gdags su ma mchis pa lags sam/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa yang</font><hr>36.3a<br><font size=+1>

gdags su ma mchis pa lags sam/ sbyin pa'i pha rol tu phyin pa yang gdags su ma mchis pa lags sam/ bcom ldan 'das kyis bka' stsal pa/ rab 'byor shes rab kyi pha rol tu phyin pa ni gdags su med pa yin no/ /'dus byas sam/ 'dus ma byas sam/ nyan thos kyi chos sam/ rang sangs rgyas kyi chos sam/ chos thams cad kyi bar dag kyang gdags su med pa yin no/ /gsol pa/ bcom ldan 'das gal te chos thams cad gdags su ma mchis pa lags na/ bcom ldan 'das ci'i slad du sems can dmyal ba gdags su mchis par gyur/ dud 'gro'i skye gnas gdags su mchis par gyur/ gshin rje'i 'jig rten gdags su mchis par gyur/ mi dang lha gdags su mchis par gyur/ rgyun tu zhugs pa dang / dgra bcom pa nyid kyi bar dang / rang sangs rgyas dang / bla na med pa yang dag par rdzogs pa'i sangs rgyas gdags su mchis par gyur lags/ bcom ldan 'das kyis bka' stsal pa/ rab 'byor 'di ji snyam du sems/ sems can du gdags pa dmigs su yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor sems can dmigs su med na/ sems can dmyal ba dang / dud 'gro'i skye gnas dang / gshin rje'i 'jig rten dang / lha dang / mi dang / rgyun tu zhugs pa dang / dgra bcom pa'i bar dang / rang sangs rgyas dang / yang dag par rdzogs pa'i sangs rgyas kyi bar dag ji ltar gdags par bya ste/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ de ltar gdags su med pa'i chos rnams la bslab par bya'o/ /gsol pa/ bcom ldan 'das 'o na byang chub sems dpa' sems dpa' chen po shes rab kyi pha rol tu phyin pa la spyod pas/ gzugs la bslab par bgyi lags sam/ tshor ba dang / 'du shes dang / 'du byed</font><hr>36.3b<br><font size=+1>

rnams dang / rnam par shes pa la bslab par bgyi lags sam/ rnam pa thams cad mkhyen pa nyid kyi bar la bslab par bgyi lags sam/ bka' stsal pa/ rab 'byor gzugs la dor ba med pa dang / bsnan pa med par bslab par bya'o/ /rnam pa thams cad mkhyen pa nyid kyi bar la dor ba med pa dang / bsnan pa med par bslab par bya'o/ /gsol pa/ bcom ldan 'das ji ltar dor ba ma mchis pa dang / bsnan pa ma mchis par rnam pa thams cad mkhyen pa nyid kyi bar la bslab par bgyi lags/ bka' stsal pa/ rab 'byor skye ba med pa dang / 'gag pa med par bslab par bya'o/ /gsol pa/ bcom ldan 'das ji ltar gzugs la skye ba ma mchis pa dang / 'gag pa ma mchis par bslab par bgyi/ bcom ldan 'das ji ltar rnam pa thams cad mkhyen pa nyid kyi bar la skye ba ma mchis pa dang / 'gag pa ma mchis par bslab par bgyi lags/ bka' stsal pa/ mngon par 'du bya ba med par te/ 'du byed rnams bsgom par yang mi bya/ gzhig par yang mi bya bar ro/ /gsol pa/ bcom ldan 'das ji ltar mngon par 'du bgyi ba ma mchis par bslab par bgyi lags/ bka' stsal pa/ rab 'byor chos rnams rang gi mtshan nyid kyis stong par mthong bas mngon par 'du bya ba med pa la bslab par bya'o/ /gsol pa/ bcom ldan 'das chos thams cad rang gi mtshan nyid kyis stong par ji ltar bslab par bgyi lags/ bka' stsal pa/ gzugs ni gzugs kyis stong par blta'o/ /tshor ba ni tshor bas stong par blta'o/ /'du shes ni 'du shes kyis stong par blta'o/ /'du byed rnams ni 'du byed rnams kyis stong par blta'o/ /rnam par shes pa ni rnam par shes pas stong par blta'o/ /mig gi bar ni mig gis stong par blta'o/ /yid kyi bar ni yid kyis stong par blta'o/ /nang stong pa nyid ni nang stong pa nyid kyis stong par blta'o/ /rang gi mtshan nyid stong pa nyid kyi bar ni rang gi mtshan nyid stong pa nyid kyis stong par blta'o/ /bsam gtan rnams ni bsam gtan rnams kyis</font><hr>36.4a<br><font size=+1>

stong par blta'o/ /'gog pa'i snyoms par 'jug pa'i bar ni 'gog pa'i snyoms par 'jug pas stong par blta'o/ /dran pa nye bar gzhag pa rnams ni dran pa nye bar gzhag pa rnams kyis stong par blta'o/ /byang chub kyi bar ni byang chub kyis stong par blta ste/ rab 'byor byang chub sems dpa' sems dpa' chen pos de ltar rang gi mtshan nyid kyis stong pa'i chos thams cad la bslab par bya'o/ /gsol pa/ bcom ldan 'das gal te gzugs ni gzugs kyis stong / byang chub kyi bar yang byang chub kyis stong lags na/ bcom ldan 'das 'o na byang chub sems dpa' sems dpa' chen po shes rab kyi pha rol tu phyin pa la spyod par ji ltar 'gyur lags/ bka' stsal pa/ rab 'byor spyod pa med pa ni byang chub sems dpa' sems dpa' chen po'i shes rab kyi pha rol tu phyin pa la spyod pa yin no/ /gsol pa/ bcom ldan 'das ci'i slad du spyod pa ma mchis pa/ shes rab kyi pha rol tu phyin pa la spyod pa lags/ bka' stsal pa/ rab 'byor 'di ltar des shes rab kyi pha rol tu phyin pa mi dmigs/ byang chub sems dpa' yang mi dmigs/ spyod pa yang mi dmigs/ gang la spyod pa dang / gang gis spyod pa dang / gang du spyod pa de yang mi dmigs te/ rab 'byor de gang la spros pa de dag thams cad mi dmigs pa de ni byang chub sems dpa' sems dpa' chen po'i shes rab kyi pha rol tu phyin pa la spyod pa yin no/ /gsol pa/ bcom ldan 'das gal te spyod pa ma mchis pa/ shes rab kyi pha rol tu phyin pa la spyod pa lags na/ bcom ldan 'das 'o na las dang po pa'i byang chub sems dpa' sems dpa' chen pos shes rab kyi pha rol tu phyin pa la ji ltar spyad par bgyi/ bka' stsal pa/ rab 'byor 'di la las dang po pa'i byang chub sems dpa' sems dpa' chen pos sems dang po bskyed pa nas bzung ste/ de ltar mi dmigs pa'i chos thams cad la bslab par bya zhing / des sbyin pa sbyin pa na/ mi dmigs pa'i tshul gyis sbyin pa sbyin par bya'o/ /tshul khrims srung ba na/ </font><hr>36.4b<br><font size=+1>

mi dmigs pa'i tshul gyis tshul khrims srung bar bya'o/ /bzod pa bsgrub pa na/ mi dmigs pa'i tshul gyis bzod pa bsgrub par bya'o/ /brtson 'grus brtsom pa na mi dmigs pa'i tshul gyis brtson 'grus brtsam par bya'o/ /ting nge 'dzin la snyoms par 'jug pa na mi dmigs pa'i tshul gyis ting nge 'dzin la snyoms par 'jug par bya'o/ /shes rab sgom pa na mi dmigs pa'i tshul gyis shes rab sgom par bya ste/ rnam pa thams cad mkhyen pa nyid kyi bar du yang de bzhin no/ /gsol pa/ bcom ldan 'das ji tsam gyis na mi dmigs par 'gyur/ ji tsam gyis na dmigs par 'gyur lags/ bka' stsal pa/ ji tsam du gnyis yod pa de tsam du dmigs pa ste/ gnyis su med pa ni mi dmigs pa'o/ /gsol pa/ bcom ldan 'das gnyis shes bgyi ba gang lags/ bka' stsal pa/ mig dang gzugs kyi bar dang / yid dang chos kyi bar dang / byang chub dang / sangs rgyas kyi bar du ste/ rab 'byor de ni gnyis so/ /gsol pa/ bcom ldan 'das gnyis su ma mchis pa gang lags/ bka' stsal pa/ mig dang gzugs kyi bar du med pa dang / yid dang chos rnams kyi bar du med pa dang / byang chub dang sangs rgyas kyi bar du med pa ste/ rab 'byor de ni gnyis su med pa'o/ /gsol pa/ bcom ldan 'das ji dmigs su ma mchis pa mi dmigs lags sam/ 'on te gnyis su mchis pa mi dmigs lags/ bka' stsal pa/ rab 'byor dmigs su yod pas mi dmigs pa yang ma yin/ dmigs su med pas mi dmigs pa yang ma yin mod kyi/ rab 'byor 'on kyang dmigs su yod pa dang / dmigs su med pa mnyam pa nyid ni dmigs su med pa yin te/ rab 'byor byang chub sems dpa' sems dpa' chen pos de ltar dmigs pa dang / dmigs pa med pa mnyam pa nyid la bslab par bya'o/ /de ltar slob pa'i byang chub sems dpa' sems dpa' chen po ni shes rab kyi pha rol tu phyin pa la dmigs pa med par 'gyur ro/ /gsol pa/ bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa/ dmigs pa la mi chags shing / mi dmigs pa la yang mi chags pa lags na/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pas/ </font><hr>36.5a<br><font size=+1>

ji ltar sa nas sa yongs su rdzogs par bgyi/ sa nas sa yongs su rdzogs par bgyis nas kyang ji ltar rnam pa thams cad mkhyen pa nyid thob par bgyi lags/ bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa ni dmigs pa la gnas shing sa nas sa yongs su rdzogs par mi byed de/ byang chub sems dpa' sems dpa' chen po shes rab kyi pha rol tu phyin pa la spyod pas/ dmigs pa la gnas nas/ sa nas sa yongs su rdzogs par byed mi nus so/ /de ci'i phyir zhe na/ rab 'byor shes rab kyi pha rol tu phyin pa yang dmigs su med la/ byang chub kyang dmigs su med cing / gang shes rab kyi pha rol tu phyin pa la spyod pa de yang dmigs su med pa'i phyir te/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa la bslab par bya'o/ /gsol pa/ bcom ldan 'das gal te shes rab kyi pha rol tu phyin pa yang dmigs su ma mchis/ byang chub kyang dmigs su ma mchis/ gang byang chub kyi slad du spyod pa de yang dmigs su ma mchis lags na/ 'o na byang chub sems dpa' sems dpa' chen po shes rab kyi pha rol tu phyin pa la spyod pas ngo bo nyid dang bral ba'i chos thams cad la 'di ni gzugs so/ /'di ni tshor ba'o/ /'di ni 'du shes so/ /'di ni 'du byed rnams so/ /'di ni rnam par shes pa'o/ /'di ni byang chub kyi bar ro zhes ji ltar rab tu rnam par dbye bar bgyi lags/ bka' stsal pa/ rab 'byor shes rab kyi pha rol tu phyin pa la spyod pa'i byang chub sems dpa' sems dpa' chen po ni ji ltar byas pas gzugs dmigs pa dang / rnam par shes pa'i bar du dmigs pa dang / byang chub kyi bar du dmigs par 'gyur ba de ltar chos rnams la rab tu rnam par 'byed par mi byed do/ /gsol pa/ bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa/ gzugs kyang mi dmigs rnam par shes pa'i bar du yang mi dmigs/ </font><hr>36.5b<br><font size=+1>

byang chub kyi bar du yang mi dmigs lags na/ 'o na ji ltar sbyin pa'i pha rol tu phyin pa yongs su rdzogs par bgyis shing / byang chub sems dpa'i skyon ma mchis par 'jug par 'gyur/ byang chub sems dpa'i skyon ma mchis par zhugs nas kyang sangs rgyas kyi zhing yongs su dag par bgyid par 'gyur lags/ sangs rgyas kyi zhing yongs su dag par bgyis nas kyang / sems can rnams yongs su smin par bgyid par 'gyur lags/ sems can rnams yongs su smin par bgyis nas kyang rnam pa thams cad mkhyen pa nyid thob par 'gyur lags/ rnam pa thams cad mkhyen pa nyid rjes su thob nas kyang / chos kyi 'khor lo bskor bar 'gyur lags/ chos kyi 'khor lo bskor nas kyang / sangs rgyas kyi mdzad pa bgyid par 'gyur lags/ sangs rgyas kyi mdzad pa bgyis nas kyang sems can rnams 'khor ba las yongs su thar bar bgyid par 'gyur lags/ bka' stsal pa/ rab 'byor byang chub sems dpa' sems dpa' chen po ni gzugs kyi ched du shes rab kyi pha rol tu phyin pa la mi spyod do/ /byang chub kyi bar gyi ched du shes rab kyi pha rol tu phyin pa la mi spyod do/ /gsol pa/ bcom ldan 'das 'o na gang gi ched du byang chub sems dpa' sems dpa' chen po shes rab kyi pha rol tu phyin pa la spyod pa lags/ bka' stsal pa/ byang chub sems dpa' sems dpa' chen po ni gang gi ched du yang shes rab kyi pha rol tu phyin pa la spyod par mi byed do/ /de ci'i phyir zhe na/ rab 'byor 'di ltar chos thams cad ni ma byas pa/ chos thams cad ni 'gyur ba med pa ste/ shes rab kyi pha rol tu phyin pa de yang ma byas pa dang 'gyur ba med pa yin la/ byang chub kyang ma byas pa dang / 'gyur ba med pa yin zhing / byang chub sems dpa' yang ma byas pa dang / 'gyur ba med pa yin pa'i phyir te/ rab 'byor de ltar byang chub sems dpa' chen pos ma byas pa dang / 'gyur ba med pa'i tshul gyis shes rab kyi pha rol tu phyin pa la spyad par bya'o/ /gsol pa/ </font><hr>36.6a<br><font size=+1>

bcom ldan 'das gal te chos thams cad ma bgyis pa dang / 'gyur ba ma mchis pa lags na/ bcom ldan 'das 'o na ji ltar theg pa gsum po nyan thos kyi theg pa dang / rang sangs rgyas kyi theg pa dang / sangs rgyas kyi theg pa 'di dag rnam par dgod par 'gyur lags/ bka' stsal pa/ rab 'byor ma byas pa dang / 'gyur ba med pa'i chos rnams la ni rnam par dgod pa gang yang dmigs su med de mngon par 'dus byas pa dang / mngon par bsags pa'i chos rnams la ni rnam par dgod pa dmigs su yod do/ /de ci'i phyir zhe na/ 'di ltar byis pa so so'i skye bo thos pa dang mi ldan pa ni phung po lnga la mngon par zhen te/ gzugs kyi phung po la mngon par zhen par byed/ rnam par shes pa'i phung po'i bar la mngon par zhen par byed/ rnam pa thams cad mkhyen pa nyid kyi bar la mngon par zhen par byed/ gzugs la rlom sems su byed/ gzugs la dmigs par byed/ byang chub kyi bar la rlom sems su byed/ byang chub kyi bar du dmigs par byed pa'i phyir te/ de 'di snyam du bdag mthong na bdag ni byang chub mngon par rdzogs par 'tshang rgya bar 'gyur ro/ /bdag gis sems can rnams 'khor ba las yongs su thar bar bya'o snyam du sems so/ /de ci'i phyir zhe na/ rab 'byor 'di ltar gzugs dang / byang chub kyi bar gang yin pa dag ni sangs rgyas rnams kyi spyan lngas kyang ma dmigs na skyes bu blun po sangs rgyas la skur ba 'debs pa de dag ni sems can rnams 'khor ba las yongs su thar bar bya bar 'dod pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te de bzhin gshegs pa dgra bcom pa yang dag par rdzogs pa'i sangs rgyas kyis spyan lngas kyang sems can gang dag 'khor ba las yongs su thar bar bgyi ba dag ma dmigs lags na/ 'o na da bcom ldan 'das bla na med pa yang dag par rdzogs pa'i byang chub mngon par rdzogs par</font><hr>36.6b<br><font size=+1>

sangs rgyas nas ji ltar sems can rnams yang dag pa nyid du nges pa dang / log pa nyid du nges pa dang / ma nges pa'i phung po gsum du lung bstan par mdzad lags/ bka' stsal pa/ rab 'byor ngas ni bla na med pa yang dag par rdzogs pa'i byang chub mngon par rdzogs par sangs rgyas nas yang dag pa nyid du nges pa 'am/ log pa nyid du nges pa 'am/ ma nges pa'i sems can 'ga' yang ma dmigs mod kyi/ rab 'byor 'on kyang sems can rdzas med pa la rdzas su 'du shes pa 'di dag ngas 'jig rten gyi tha snyad du yang dag pa ma yin pa la 'dzin pa de las bzlog gi don dam par ni ma yin no/ /gsol pa/ bcom ldan 'das de bzhin gshegs pas don dam pa la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas lags sam/ bka' stsal pa/ rab 'byor de ni ma yin no/ /gsol pa/ 'o na rdzu 'phrul gyi rnam grangs la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas lags sam/ bka' stsal pa/ de ni ma yin no/ /gsol pa/ bcom ldan 'das gal te don dam pa la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas pa yang ma lags la/ rdzu 'phrul gyi rnam grangs la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas pa yang ma lags na/ bcom ldan 'das 'o na de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs rgyas pa 'am/ gcig tu mi 'gyur lags grang / bka' stsal pa/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs ma rgyas pa ma yin te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par</font><hr>36.7a<br><font size=+1>

rdzogs par sangs rgyas mod kyi/ de ni 'dus byas kyi khams sam/ 'dus ma byas kyi khams gang la yang gnas pa ma yin no/ /rab 'byor 'di lta ste/ dper na/ de bzhin gshegs pa'i sprul pa ni 'dus byas kyi khams sam/ 'dus ma byas kyi khams gang la yang mi gnas mod kyi/ 'on kyang de bzhin gshegs pa'i sprul pa de 'gro ba dang / 'ong ba dang / sdod pa dang / 'dug pa yang yod la/ de sbyin pa'i pha rol tu phyin pa la spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa dang / bsam gtan bzhi bsgrubs te gnas pa dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / dran pa nye bar gzhag pa bzhi dang / 'phags pa'i lam yan lag brgyad pa'i bar la bsgom pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / nang stong pa nyid dang / rang gi mtshan nyid stong pa nyid kyi bar dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po la sgom zhing / chos kyi 'khor lo bskor bar gyur la/ sprul pa des kyang sems can dpag tu med pa dag sprul nas/ phung po gsum du lung bstan par gyur na/ rab 'byor 'di ji snyam du sems/ sprul pa des sems can 'ga' yang phung po gsum du lung bstan pa yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor de bzhin du de bzhin gshegs pas chos thams cad sprul pa lta bur mkhyen te/ sprul pa de lta bur mkhyen nas sems can gang yang btul ba med do/ /rab 'byor de ltar byang chub sems dpa' sems dpa' chen pos de bzhin gshegs pa'i sprul pa ji lta ba bzhin du shes rab kyi pha rol tu phyin pa bsgom par bya'o/ /</font><hr>36.7b<br><font size=+1>

gsol pa/ bcom ldan 'das gal te chos thams cad sprul pa lta bu lags na/ bcom ldan 'das de bzhin gshegs pa dang / sprul pa la bye brag ni ci mchis/ tha dad du bgyi ba ni ci mchis/ dgongs pa ni gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de bzhin gshegs pa dang / de bzhin gshegs pa'i sprul pa ni bye brag ci yang med de/ tha dad du bya ba ci yang mi dmigs so/ /rab 'byor de bzhin gshegs pa dang / de bzhin gshegs pa'i sprul pa ni bye brag med do/ /de ci'i phyir zhe na/ 'di ltar de bzhin gshegs pa phrin las gang mdzad pa de ni sprul pa'ang byed pa'i phyir ro/ /gsol pa/ bcom ldan 'das kyi de bzhin gshegs pa mi bzhugs na/ de bzhin gshegs pa'i sprul pa sug las bgyid lags sam/ bka' stsal pa/ rab 'byor byed do/ /gsol pa/ bcom ldan 'das de bzhin gshegs pa mi bzhugs na/ de bzhin gshegs pa'i sprul pa sug las ci ltar bgyid lags/ bka' stsal pa/ rab 'byor 'di lta ste dper na/ de bzhin gshegs pa blo gros zhi bas byang chub sems dpa' ma dmigs nas/ sprul pa sprul nas yongs su mya ngan las 'das so/ /sprul pa des kyang phyi na bskal pa las lhag par sangs rgyas kyi bya ba byas te/ des phyis byang chub sems dpa' lung bstan nas yongs su mya ngan las 'da'o/ /zhes skye bo rnams kyis kun tu shes kyang sprul pa la ni skye ba med/ yongs su mya ngan las 'das pa yang med de/ rab 'byor de ltar byang chub sems dpa' sems dpa' chen pos 'di lta ste/ chos thams cad sprul pa lta bur mos par bya zhing / shes rab kyi pha rol tu phyin pa la spyad par bya'o/ /gsol pa/ bcom ldan 'das gal te sprul pa dang / de bzhin gshegs pa la bye brag ma mchis na/ sbyin pa yongs su sbyang bar yang ji ltar 'gyur lags/ bcom ldan 'das sems can gang dag gis de bzhin gshegs pa la yon phul ba de dag ni phung po'i lhag ma ma mchis pa'i mya ngan las 'das pa'i dbyings su yongs su mya ngan las 'das</font><hr>36.8a<br><font size=+1>

par gyur gyi bar du nam yang bas par mi 'gyur lags na/ bcom ldan 'das de bzhin du sems can gang dag gis sprul pa la yon phul ba de dag kyang phung po'i lhag ma ma mchis pa'i mya ngan las 'das pa'i dbyings su yongs su mya ngan las 'das par gyur gyi bar du nam yang bas par mi 'gyur ba lags sam/ bcom ldan 'das kyis bka' stsal pa/ rab 'byor chos nyid gang gis de bzhin gshegs pa lha dang bcas pa'i 'jig rten gyi sbyin pa'i gnas su gyur pa'i chos nyid de nyid kyis sprul pa yang lha dang bcas pa'i 'jig rten gyi sbyin pa'i gnas su gyur pa yin no/ /rab 'byor de bzhin gshegs pa la yon phul ba lta'ang zhog  /de bzhin gshegs pa'i sprul pa la yon phul ba lta'ang zhog gi/ rab 'byor rigs kyi bu 'am/ rigs kyi bu mo gang la la zhig gis byams pa dang ldan pas de bzhin gshegs pa yid la byed na/ de dag thams cad ni dge ba'i rtsa ba de'i mthar ma phyin par sdug bsngal gyi mthar phyin par 'gyur ro/ /rab 'byor byams pa dang ldan pa'i yid la byed pa lta'ang zhog gi/ rigs kyi bu 'am/ rigs kyi bu mo gang la la zhig gis de bzhin gshegs pa yid la byas shing nam mkha' la me tog snyim pas gtor na/ de dag thams cad kyang dge ba'i rtsa ba de'i mthar ma phyin par sdug bsngal gyi mthar phyin par 'gyur ro/ /rab 'byor byams pa dang ldan pas yid la byed pa lta'ang zhog /nam mkha' la me tog snyim pas gtor ba lta'ang zhog gi/ rab 'byor rigs kyi bu 'am/ rigs kyi bu mo gang la la zhig sangs rgyas la phyag 'tshal bar byed na/ de dag thams cad kyang rim gyis sdug bsngal gyi mthar phyin par 'gyur te/ rab 'byor de ltar de bzhin gshegs pa la yon phul ba ni de ltar mthu che ba dang / de ltar phan yon che ba yin te/ rab 'byor rnam grangs des na 'di ltar chos rnams kyi chos kyi mtshan nyid tshad mar byas na de bzhin gshegs pa dang / de bzhin gshegs pa'i sprul pa la bye brag chung zad kyang med par rig par bya ste/ rab 'byor byang chub sems dpa' sems dpa' chen pos de ltar shes rab kyi pha</font><hr>36.8b<br><font size=+1>

rol tu phyin pa la spyad par bya'o/ /chos rnams kyi chos nyid la zhugs nas/ chos nyid de yang rnam par dkrug par mi bya ste/ 'di ni shes rab kyi pha rol tu phyin pa'o/ /'di ni shes rab kyi pha rol tu phyin pa'i chos nyid do zhes rnam par dkrug par mi bya'o/ /chos thams cad kyi bar dag la yang de bzhin du sbyar bar bya'o/ /gsol pa/ bcom ldan 'das gal te chos rnams kyi chos nyid rnam par dkrug par mi bgyi lags na/ bcom ldan 'das gang gi slad du de bzhin gshegs pas 'di ni gzugs so/ /'di ni rnam par shes pa'i bar ro zhes bgyi ba dang / de bzhin du nang dang phyi'i chos rnams kyang bka' stsal/ de bzhin du dge ba dang / mi dge ba dang / zag pa dang bcas pa dang / zag pa ma mchis pa dang / 'jig rten pa dang / 'jig rten las 'das pa dang / thun mong dang / thun mong ma lags pa dang / 'dus byas dang / 'dus ma byas kyi chos rnams kyang bka' stsal te/ rnam par dkrug par mdzad na/ de'i slad du/ bcom ldan 'das kyis chos rnams kyi chos nyid rnam par dkrugs par ma gyur lags sam/ bka' stsal pa/ rab 'byor de ni ma yin te/ ngas ni ji ltar gzhan dag gis khong du chud par 'gyur zhes ming dang mtshan mas chos rnams kyi chos nyid bstan te/ chos rnams brjod par zad kyi/ chos rnams kyi chos nyid rnam par dkrugs pa ni ma yin no/ /gsol pa/ bcom ldan 'das gal te gzhan dag gis khong du chud par bgyi ba'i slad du/ bcom ldan 'das kyis ming dang mtshan mas chos rnams kyi chos nyid bstan te/ chos rnams brjod pa mdzad na/ bcom ldan 'das ming ma mchis pa dang / mtshan ma ma mchis pa'i chos rnams ji ltar ming dang mtshan mas brjod pa mdzad lags/ bka' stsal pa/ rab 'byor brjod pa ni ming dang mtshan ma la mngon par zhen pa ma yin gyi/ rab 'byor gzhan du na sdug bsngal nyid brjod par zad de/ ming dang mtshan ma la mngon par zhen pa med do/ /rab 'byor de bzhin gshegs pa dang / de bzhin gshegs pa'i nyan thos ni ming dang mtshan ma la</font><hr>36.9a<br><font size=+1>

mngon par zhen pa med do/ /rab 'byor gal te ming la ming mngon par zhen par 'gyur ram/ mtshan ma la mtshan ma mngon par zhen par 'gyur na ni/ stong pa nyid kyang stong pa nyid la mngon par zhen par 'gyur la/ mtshan ma med pa yang mtshan ma med pa la mngon par zhen par 'gyur/ smon pa med pa yang smon pa med pa la mngon par zhen par 'gyur/ de bzhin nyid kyang de bzhin nyid la mngon par zhen par 'gyur/ yang dag pa'i mtha' yang yang dag pa'i mtha' la mngon par zhen par 'gyur/ chos kyi dbyings kyang chos kyi dbyings la mngon par zhen par 'gyur/ 'dus ma byas kyang 'dus ma byas la mngon par zhen par 'gyur ba zhig na/ rab 'byor 'di ltar chos thams cad ni ming tsam du zad pas/ de dag ming tsam la gnas par mi 'gyur te/ rab 'byor byang chub sems dpa' sems dpa' chen pos de ltar ming dang mtshan ma tsam lags te/ shes rab kyi pha rol tu phyin pa la spyad par bya zhing / de la yang mngon par zhen par mi bya'o/ /gsol pa/ bcom ldan 'das gal te chos thams cad ming dang mtshan ma tsam du bas pa lags na/ 'o na byang chub sems dpa' sems dpa' chen pos gang gi ched du byang chub tu sems bskyed par bgyid cing / byang chub tu sems bskyed nas kyang 'du byed sna tshogs rnam pa du ma nyams su myong bar 'gyur ba dang / byang chub sems dpa'i spyad pa spyod cing sbyin pa rtsol ba dang / tshul khrims srung ba dang / bzod pa sgrub pa dang / brtson 'grus rtsom pa dang / ting nge 'dzin la snyoms par 'jug pa dang / shes rab bsgom pa dang / stong pa nyid la bsgom pa dang / bsam gtan dang / tshad ma mchis pa dang / gzugs ma mchis pa'i snyoms par 'jug pa rnams la gnas pa dang / dran pa nye bar gzhag pa rnams la gnas pa dang / yang dag par spong ba rnams la gnas pa dang / rnam par thar pa'i sgo stong pa nyid dang / mtshan ma ma mchis pa dang / smon pa ma mchis pa la gnas pa dang / de bzhin gshegs pa'i stobs bcu la gnas pa dang / snying rje chen</font><hr>36.9b<br><font size=+1>

po'i bar dag yongs su rdzogs par bgyid pa lags/ bcom ldan 'das kyis bka' stsal pa/ rab 'byor khyod gang 'di skad du gal te chos thams cad ming dang mtshan ma tsam du bas na/ 'o na byang chub sems dpa' sems dpa' chen po gang gi ched du byang chub sems dpa'i spyad pa spyod par bgyid ces zer ba ni/ rab 'byor 'di ltar 'dus byas 'di dag thams cad ming dang mtshan ma tsam du zad la/ ming dang mtshan ma de dag kyang ming dang mtshan mas stong ste/ de'i phyir byang chub sems dpa' sems dpa' chen po byang chub sems dpa'i spyad pa spyod cing / rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas kyang / chos kyi 'khor lo bskor bar byed la/ chos kyi 'khor lo bskor nas kyang / sems can rnams theg pa gsum po dag gis yongs su mya ngan las 'da' bar byed kyang / ming dang mtshan ma de dag skye ba yang med/ 'jig pa yang med/ gnas pa yang med/ gnas pa las gzhan du 'gyur ba yang med cing mi dmigs so/ /gsol pa/ bcom ldan 'das rnam pa thams cad mkhyen pa nyid la rnam pa thams cad mkhyen pa nyid ces gsung lags sam/ bcom ldan 'das kyis bka' stsal pa/ rab 'byor rnam pa thams cad mkhyen pa nyid la rnam pa thams cad mkhyen pa nyid ces nga smra'o/ /gsol pa/ bcom ldan 'das de bzhin gshegs pas thams cad shes pa nyid kyang bka' stsal cing / de bzhin gshegs pas lam gyi rnam pa shes pa nyid ces mdor yang bka' stsal la/ de bzhin gshegs pas rnam pa thams cad mkhyen pa nyid kyang bka' stsal lags na/ bcom ldan 'das thams cad mkhyen pa nyid gsum po 'di dag la bye brag ni ci mchis tha dad du bgyi ba ni ci mchis lags/ bcom ldan 'das kyis bka' stsal pa/ rab 'byor thams cad shes pa nyid ni nyan thos dang / rang sangs rgyas thams cad kyi'o/ /rab 'byor lam gyi rnam pa shes pa nyid ni byang chub sems dpa' sems dpa' chen po rnams kyi'o/ /rab 'byor rnam pa thams cad</font><hr>36.10a<br><font size=+1>

mkhyen pa nyid ni de bzhin gshegs pa dgra bcom pa yang dag par rdzogs pa'i sangs rgyas rnams kyi'o/ /gsol pa/ bcom ldan 'das ci'i slad du rnam pa thams cad mkhyen pa nyid ni de bzhin gshegs pa rnams kyi lags/ ci'i slad du lam gyi rnam pa shes pa nyid ni byang chub sems dpa' sems dpa' chen po rnams kyi lags/ ci'i slad du thams cad shes pa nyid ni nyan thos dang / rang sangs rgyas rnams kyi lags/ bcom ldan 'das kyis bka' stsal pa/ rab 'byor phyi nang gi chos gang dag ji snyed pa de dag thams cad ni nyan thos dang / rang sangs rgyas rnams kyis kyang shes la/ lam thams cad dang / rnam pa thams cad ni ma yin pa'i phyir ro/ /rab 'byor gang yang khyod 'di skad du/ bcom ldan 'das ci'i slad du lam gyi rnam pa shes pa nyid byang chub sems dpa' sems dpa' chen po rnams kyi lags zhes zer ba ni/ rab 'byor byang chub sems dpa' sems dpa' chen pos ni lam thams cad bskyed par bya zhing / lam thams cad shes par bya dgos te/ nyan thos dang / rang sangs rgyas kyi lam gang yin pa dang / byang chub sems dpa'i lam gang yin pa'i lam de dag kyang yongs su rdzogs par bya dgos la/ lam de dag gis lam gyi bya ba byed kyang yang dag pa'i mtha' rtogs par ni mi byed do/ /gsol pa/ bcom ldan 'das ci byang chub sems dpa' sems dpa' chen po sangs rgyas kyi lam yongs su rdzogs par mi 'gyur zhing / des yang dag pa'i mtha' yang mngon sum du mi bgyid lags sam/ bka' stsal pa/ rab 'byor byang chub sems dpa' sems dpa' chen po des sangs rgyas kyi zhing yongs su dag par ma byas shing / sems can rnams yongs su smin par ma byas par yang dag pa'i mtha' mngon sum du mi bya'o/ /gsol pa/ bcom ldan 'das ji byang chub sems dpa' sems dpa' chen pos lam la gnas te/ yang dag pa'i mtha' mngon sum du bgyid lags sam/ bka' stsal pa/ de ni ma yin no/ /gsol pa/ bcom ldan 'das 'o</font><hr>36.10b<br><font size=+1>

na lam ma lags pa la gnas te lags sam/ bka' stsal pa/ de ni ma yin no/ /gsol pa/ bcom ldan 'das 'o na lam dang lam ma lags pa la gnas te lags sam/ bcom ldan 'das kyis bka' stsal pa/ de ni ma yin no/ /gsol pa/ bcom ldan 'das 'o na lam yang ma lags/ lam ma lags pa yang ma lags pa la gnas te lags sam/ bcom ldan 'das kyis bka' stsal pa/ de ni ma yin no/ /gsol pa/ bcom ldan 'das 'o na ji ltar byang chub sems dpa' sems dpa' chen pos yang dag pa'i mtha' mngon sum du bgyi lags/ bka' stsal pa/ rab 'byor 'di ji snyam du sems/ khyod lam la gnas te/ len pa med par zag pa rnams las sems rnam par grol snyam 'am/ rab 'byor gyis gsol pa/ bcom ldan 'das de ni ma lags so/ /bka' stsal pa/ 'o na lam ma yin pa la gnas te 'am/ rab 'byor gyis gsol pa/ de ni ma lags so/ /bka' stsal pa/ 'o na lam dang / lam ma yin pa la gnas te 'am/ rab 'byor gyis gsol pa/ bcom ldan 'das de ni ma lags so/ /bka' stsal pa/ 'o na khyod lam yang ma yin/ lam ma yin pa yang ma yin pa la gnas te/ len pa med par zag pa rnams las sems rnam par grol lam/ rab 'byor gyis gsol pa/ bcom ldan 'das de ni ma lags te/ bcom ldan 'das bdag ni gang la gnas te yang zag pa rnams las sems rnam par grol ba ma lags kyi/ bcom ldan 'das bdag gi sems ni ji ltar gang la yang mi gnas pas sems rnam par grol lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos kyang ci la yang mi gnas par yang dag pa'i mtha' mngon sum du bya'o/ /rab 'byor gang yang rnam pa thams cad mkhyen pa nyid rnam pa thams cad mkhyen pa nyid ces bya ba ni rnam pa gcig gis rnam pa thams cad mkhyen pa nyid ces bya ste 'di ltar zhi ba'i rnam pas so/ /rab 'byor yang rnam pa gang dag dang / rtags gang dag dang / mtshan ma gang dag gis chos rnams stong zhes bya bar brjod pa'i rnam pa de dag dang / </font><hr>36.11a<br><font size=+1>

rtags de dag dang / mtshan ma de dag thams cad de bzhin gshegs pas thugs su chud pas/ de'i phyir rnam pa thams cad mkhyen pa nyid ces bya'o/ /gsol pa/ bcom ldan 'das thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid gang lags pa'i thams cad mkhyen pa nyid gsum po 'di dag las 'di'i spong ba ni lhag ma dang bcas pa'o/ /'di'i spong ba ni lhag ma ma mchis pa'o zhes bgyi bar nyon mongs pa spang ba la tha dad du bgyi ba mchis lags sam/ bka' stsal pa/ rab 'byor nyon mongs pa spang ba la ni tha dad pa med mod kyi/ de bzhin gshegs pa ni bag chags kyi mtshams sbyor ba thams cad spangs pa yin no/ /nyan thos dang / rang sangs rgyas ni bag chags kyi mtshams sbyor ba thams cad spangs pa ma yin no/ /gsol pa/ bcom ldan 'das rnam pa thams cad mkhyen pa nyid ma thob par nyon mongs pa spangs pa 'dus ma bgyis lags sam/ bka' stsal pa/ rab 'byor de de bzhin no/ /gsol pa/ bcom ldan 'das 'dus ma bgyis la bye brag dmigs su mchis lags sam/ bcom ldan 'das kyis bka' stsal pa/ rab 'byor de ni ma yin te/ 'dus ma byas la ni bye brag dmigs su med do/ /gsol pa/ bcom ldan 'das gal te 'dus ma bgyis la bye brag dmigs su ma mchis na/ ci'i slad du bcom ldan 'das kyis 'di skad du 'di ni bag chags kyi mtshams sbyor ba spangs pa yin no/ /'di ni bag chags kyi mtshams sbyor ba spangs pa ma yin no zhes bka' stsal lags/ bka' stsal pa/ rab 'byor bag chags kyi mtshams sbyor ba ni nyon mongs pa ma yin te/ nyan thos dang / rang sangs rgyas de dag la 'dod chags dang / zhe sdang dang / gti mug dang bral ba yang yod mod kyi/ lus kyi 'gyur ba yang 'byung ste/ de dag ni byis pa so so'i skye bo rnams la yang gnod par mi 'gyur la/ nyan thos rnams la yang ma yin te/ de dag ni de bzhin gshegs pa la mi mnga'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das</font><hr>36.11b<br><font size=+1>

gal te lam yang dngos po ma mchis la/ mya ngan las 'das pa yang dngos po ma mchis na/ ci'i slad du 'di ni rgyun tu zhugs pa'o/ /'di ni lan cig phyir 'ong ba'o/ /'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so zhes bshad lags/ bcom ldan 'das kyis bka' stsal pa/ rab 'byor rgyun tu zhugs pa gang yin pa dang / de bzhin gshegs pa dgra bcom pa yang dag par rdzogs pa'i sangs rgyas kyi bar gang yin pa de dag thams cad ni 'dus ma byas kyis rab tu phye ba yin no/ /gsol pa/ bcom ldan 'das ji 'dus ma bgyis de/ 'di ni rgyun tu zhugs pa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas kyis bar dag lags so zhes rab tu 'byed par bgyid lags sam/ bka' stsal pa/ rab 'byor 'dus ma byas ni rab tu 'byed par mi byed mod kyi 'on kyang 'jig rten gyi tha snyad tshad mar byas te brjod par zad kyi/ don dam par ni rab tu dbye bar mi nus so/ /de ci'i phyir zhe na/ 'di ltar de la tshig gi lam gyis gdags su med pa'i phyir ro/ /gsol pa/ bcom ldan 'das phyi ma'i mtha' ji ltar gdags lags/ bka' stsal pa/ rab 'byor 'jig rten gyi tha snyad tshad mar byas te/ gang dang gang dag gis mtha' chad pa de dang de dag la phyi ma'i mtha' gdags kyi/ don dam par ni ma yin no/ /gsol pa/ bcom ldan 'das chos thams cad rang gi mtshan nyid kyis stong pa la sngon gyi mtha' yang mi dmigs lags na/ phyi ma'i mtha' lta smos kyang ci 'tshal/ bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad rang gi mtshan nyid kyis stong pa la sngon gyi mtha' yang mi dmigs na/ phyi ma'i mtha' lta smos kyang ci dgos te/ de ni gnas med do/ /rab 'byor 'on kyang sems can gang dag gis chos thams cad rang gi mtshan nyid kyis stong par mi shes pa de dag la 'di ni sngon gyi mtha'o/ /'di ni phyi ma'i mtha'o/ /zhes bstan par zad kyi/ rab 'byor rang gi mtshan nyid kyis stong pa'i chos rnams la ni sngon gyi mtha' dang / phyi ma'i mtha'</font><hr>36.12a<br><font size=+1>

dmigs su med de/ rab 'byor byang chub sems dpa' sems dpa' chen pos de ltar rang gi mtshan nyid kyis stong pa'i chos rnams kyis shes rab kyi pha rol tu phyin pa la spyad par bya'o/ /rang gi mtshan nyid kyis stong pa'i chos rnams la spyod pa ni nang ngam/ phyi 'am 'dus byas sam/ 'dus ma byas sam/ nyan thos kyi chos rnams sam/ rang sangs rgyas kyi chos rnams sam/ gang la yang mngon par zhen par mi 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa shes rab kyi pha rol tu phyin pa zhes bgyi na/ bcom ldan 'das ci'i slad du shes rab kyi pha rol tu phyin pa zhes bgyi lags/ bka' stsal pa/ rab 'byor shes rab kyi pha rol tu phyin pa 'di ni chos thams cad kyi pha rol dam pa ste/ de'i phyir shes rab kyi pha rol tu phyin pa zhes bya'o/ /rab 'byor yang shes rab kyi pha rol tu phyin pa 'dis nyan thos dang / rang sangs rgyas thams cad dang / byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas thams cad chos thams cad kyi pha rol tu son pas na/ de'i phyir shes rab kyi pha rol tu phyin pa zhes bya'o/ /rab 'byor yang don dam par chos thams cad dbyer med pa'i don gang yin pa de shes rab kyi pha rol tu phyin pa 'dis de bzhin gshegs pa rnams kyis mngon par rdzogs par sangs rgyas te/ de'i phyir shes rab kyi pha rol tu phyin pa zhes bya'o/ /rab 'byor yang shes rab kyi pha rol tu phyin pa 'dir de bzhin nyid kyang chud/ yang dag pa'i mtha' yang chud/ chos kyi dbyings kyang chud pas/ de'i phyir shes rab kyi pha rol tu phyin pa zhes bya'o/ /rab 'byor yang shes rab kyi pha rol tu phyin pa 'di ni chos gang dang yang ldan pa yang ma yin/ mi ldan pa yang ma yin/ bstan du yod pa 'am/ bstan du med pa 'am/ thogs pa dang bcas pa 'am/ thogs pa med pa yang ma yin no/ /de ci'i phyir zhe na/ 'di ltar shes rab kyi</font><hr>36.12b<br><font size=+1>

pha rol tu phyin pa 'di ni gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa'i phyir ro/ /rab 'byor yang shes rab kyi pha rol tu phyin pa 'di ni chos thams cad la spyod par byed cing / spobs pa thams cad dang / snang ba thams cad sbyin par byed pa ste/ rab 'byor byang chub sems dpa' sems dpa' chen po rnams kyi shes rab kyi pha rol tu phyin pa 'di ni bdud dam/ bdud kyi ris kyi lha rnams dang / nyan thos dang / rang sangs rgyas kyi theg pa pa'i gang zag rnams kyis mi chod de/ shes rab kyi pha rol tu phyin pa 'di ni gzhan mu stegs can phyir rgol ba'i bar dag gis kyang chod par mi nus so/ /de ci'i phyir zhe na/ rab 'byor 'di ltar gcod par byed pa gang yin pa dang / gang gi gcad pa dang / gcad pa gang yin pa de dag thams cad shes rab kyi pha rol tu phyin pa la mi dmigs pa'i phyir te/ rab 'byor byang chub sems dpa' sems dpa' chen po de ltar shes rab kyi pha rol tu phyin pa 'di la spyad par bya'o/ /rab 'byor gzhan yang byang chub sems dpa' sems dpa' chen pos shes rab kyi pha rol tu phyin pa'i don la 'di ltar spyad par bya ste/ 'di lta ste mi rtag pa'i don la spyad par bya'o/ /sdug bsngal gyi don la spyad par bya'o/ /bdag med pa'i don la spyad par bya'o/ /sdug bsngal shes pa'i don dang / kun 'byung ba shes pa'i don dang / 'gog pa shes pa'i don dang / lam shes pa'i don dang / zad pa shes pa'i don dang / mi skye ba shes pa'i don la spyad par bya'o/ /chos shes pa'i don dang / rjes su rtogs pa shes pa'i don dang / kun rdzob shes pa'i don dang / yongs su 'dris pa shes pa'i don dang / sgra ji bzhin shes pa'i don dang / yang dag pa ji lta ba bzhin shes pa'i don la spyad par bya ste/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa'i don la don dang tshul gyis spyad par bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te shes rab kyi pha rol tu</font><hr>36.13a<br><font size=+1>

phyin pa zab mo 'di la don dang / don ma lags pa dmigs su ma mchis pa lags na/ bcom ldan 'das byang chub sems dpa' sems dpa' chen pos ji ltar shes rab kyi pha rol tu phyin pa'i don la spyad par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa zab mo'i don la spyod pas 'di ltar spyad par bya ste/ 'dod chags bdag gi don ce 'am/ bdag la gnod pa zhes bya bar spyad par mi bya'o/ /zhe sdang bdag gi don ce 'am/ bdag la gnod pa zhes bya bar spyad par mi bya'o/ /gti mug bdag gi don ce 'am/ bdag la gnod pa zhes bya bar spyad par mi bya'o/ /'dod chags dang / zhe sdang dang / gti mug bdag gi don ce 'am/ bdag la gnod pa zhes bya bar spyad par mi bya'o/ /log par lta ba bdag gi don ce 'am/ bdag la gnod pa zhes bya bar spyad par mi bya'o/ /lta bar gyur pa thams cad kyi bar du bdag gi don ce 'am/ bdag la gnod pa zhes bya bar spyad par mi bya'o/ /de ci'i phyir zhe na/ 'dod chags dang / zhe sdang dang / gti mug gi de bzhin nyid ni gang la yang don kyang mi byed la/ gnod pa yang mi byed pa dang / lta ba'i rnam pa'i de bzhin nyid kyang gang la yang don kyang mi byed la/ gnod pa yang mi byed pa'i phyir ro/ /gzugs bdag gi don ces spyad par mi bya'o/ /gzugs bdag la gnod pa zhes spyad par mi bya'o/ /rnam par shes pa'i bar du bdag gi don ces spyad par mi bya'o/ /rnam par shes pa bdag la gnod pa zhes spyad par mi bya'o/ /de bzhin du sbyar te/ byang chub kyi bar du bdag gi don ces spyad par mi bya'o/ /byang chub bdag la gnod pa zhes spyad par mi bya'o/ /de ci'i phyir zhe na/ rab 'byor de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas nas gang don tam gnod pa 'ga' yang ma dmigs pa'i phyir ro/ /rab 'byor gzhan yang de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos nyid dang / chos gnas pa nyid dang / chos skyon med pa</font><hr>36.13b<br><font size=+1>

nyid dang / chos kyi dbyings gnas pa 'di ni gang la yang don tam/ gnod pa ci yang mi byed de/ rab 'byor byang chub sems dpa' sems dpa' chen pos de ltar don dang / gnod pa rnam par spangs te/ shes rab kyi pha rol tu phyin pa la spyad par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci'i slad du shes rab kyi pha rol tu phyin pa don kyang mi bgyid/ gnod pa yang mi bgyid pa lags/ bcom ldan 'das kyis bka' stsal pa/ rab 'byor 'di ltar shes rab kyi pha rol tu phyin pa ni 'dus byas dang / 'dus ma byas kyi chos gang yang mi byed pas/ rab 'byor de'i phyir shes rab kyi pha rol tu phyin pa ni gang la yang don dang gnod pa mi byed do/ /gsol pa/ bcom ldan 'das 'dus ma bgyis ni sangs rgyas rnams dang / sangs rgyas kyi nyan thos 'phags pa thams cad kyi don ma lags sam/ bka' stsal pa/ rab 'byor 'dus ma byas ni sangs rgyas rnams dang / sangs rgyas kyi nyan thos 'phags pa rnams kyi don yin mod kyi/ gang la yang phan pa 'am/ gnod par nye bar gnas pa yang ma yin no/ /rab 'byor 'di lta ste/ dper na nam mkha'i de bzhin nyid ni gang la yang phan pa 'am gnod pa nye bar gnas pa ma yin no/ /rab 'byor de bzhin du byang chub sems dpa' sems dpa' chen po'i shes rab kyi pha rol tu phyin pa yang gang la yang phan pa 'am gnod par nye bar gnas pa ma yin no/ /gsol pa/ bcom ldan 'das byang chub sems dpa' sems dpa' chen pos 'dus ma byas kyi shes rab kyi pha rol tu phyin pa la bslabs nas/ rnam pa thams cad mkhyen pa nyid thob par mi 'gyur lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen pos 'dus ma byas kyi shes rab kyi pha rol tu phyin pa zab mo 'di la bslabs nas/ rnam pa thams cad mkhyen pa nyid thob par 'gyur te/ gnyis kyi tshul gyis ni ma yin no/ /gsol pa/ bcom ldan 'das kyi gnyis su mchis pa'i chos kyis gnyis su mchis pa'i</font><hr>36.14a<br><font size=+1>

chos 'thob lags sam/ bka' stsal pa/ rab 'byor de ni ma yin no/ /gsol pa/ bcom ldan 'das gnyis su ma mchis pa'i chos kyis gnyis su ma mchis pa'i chos 'thob lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na gnyis su ma mchis pa'i chos kyis gnyis su mchis pa'i chos thob lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na ji ltar 'thob par 'gyur lags/ bka' stsal pa/ rab 'byor gang gi phyir gnyis kyi chos sam/ gnyis su med pa'i chos kyang mi dmigs na/ de ltar dmigs su med pa'i tshul gyis rnam pa thams cad mkhyen pa nyid thob par 'gyur ro/ /shes rab kyi pha rol tu phyin pa khri brgyad stong pa las chos gnyis kyi zhu ba mang po'i le'u zhes bya ba ste drug bcu rtsa gsum pa'o// // 'phags pa shes rab kyi pha rol tu phyin pa khri brgyad stong pa/ bam po bzhi bcu drug pa/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa ni zab lags so/ /bcom ldan 'das byang chub sems dpa' sems dpa' chen po gang dag bla na med pa yang dag par rdzogs pa'i byang chub la yang dag par zhugs pa de dag ni sems can yang mi dmigs la/ sems can du gdags pa yang mi dmigs par sems can rnams kyi ched du bla na med pa yang dag par rdzogs pa'i byang chub la yang dag par zhugs pas dka' ba bgyid pa lags so/ /bcom ldan 'das 'di lta ste/ dper bgyi na mi la la zhig gis nam mkha' rten ma mchis pa la yal ga 'gel ba bskyed par 'tshal ba de bzhin du byang chub sems dpa' sems dpa' chen po ni sems can rnams kyi ched du rnam pa thams cad mkhyen pa nyid thob par 'tshal ba lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' gang sems can rnams kyi ched du rnam pa thams cad</font><hr>36.14b<br><font size=+1>

mkhyen pa nyid la 'jug cing / rnam pa thams cad mkhyen pa nyid de rtogs nas kyang / sems can thams cad chags pa las yongs su grol bar byed pa de dag ni dka' ba byed pa yin no/ /rab 'byor dper na mi zhig yal ga 'gel ba bskyed par 'dod la/ mi des yal ga 'gel ba de'i rtsa ba yang mi shes/ yal ga'i mdo dang / lo ma dang / me tog kyang mi shes bzhin du/ des yal ga 'gel ba de'i sdong bu bskyed de/ bskyed nas kyang dus dus su srung zhing chus bran te/ rim gyis sdong bu de'i yal ga yang phun sum tshogs par gyur/ lo ma yang phun sum tshogs par gyur/ me tog kyang phun sum tshogs par gyur/ 'bras bu yang phun sum tshogs par gyur nas/ de sdong bu de'i lo ma rnams la spyod do/ /rab 'byor de bzhin du byang chub sems dpa' sems dpa' chen po sems can thams cad kyi ched du/ bla na med pa yang dag par rdzogs pa'i byang chub la zhugs pa de yang rim gyis pha rol tu phyin pa drug po dag la spyod cing / rnam pa thams cad mkhyen pa nyid thob par 'gyur te/ lo ma dang / me tog dang / 'bras bu lta bur sems can thams cad kyi 'tsho bar 'gyur ro/ /rab 'byor de la byang chub sems dpa'i lo ma lta bu la brten nas sems can rnams ngan song gsum po dag las yongs su grol bar 'gyur ro/ /byang chub sems dpa'i me tog lta bu la brten nas sems can rnams rgyal rigs shing sa la chen po lta bu dag dang / bram ze'i rigs shing sa la chen po lta bu dag dang / khyim bdag gi rigs shing sa la chen po lta bu dag dang / rgyal chen bzhi'i ris kyi lha rnams kyi nang du skye ba nas/ 'du shes med 'du shes med min skye mched kyi bar gyi lha rnams kyi nang du skye bar 'gyur ro/ /de bzhin du byang chub sems dpa' sems dpa' chen pos rnam pa thams cad mkhyen pa nyid thob nas/ sems can de dag rgyun tu zhugs pa'i 'bras bu la 'god par byed do/ /lan cig phyir 'ong ba'i 'bras bu la 'god par byed do/ /phyir mi 'ong ba'i 'bras bu la 'god par byed do/ /dgra bcom pa nyid la 'god par byed do/ /rang byang chub la 'god par byed do/ /byang chub sems dpa' sems dpa' chen po de la</font><hr>36.15a<br><font size=+1>

brten nas/ rnam pa thams cad mkhyen pa nyid thob par 'gyur ro/ /rnam pa thams cad mkhyen pa nyid thob nas kyang / lo ma dang / me tog dang / 'bras bu lta bur sems can thams cad kyi 'tsho bar 'gyur ro/ /gang dag de la yon 'bul ba de dag thams cad kyang theg pa gsum po 'di lta ste/ nyan thos kyi theg pa 'am/ rang sangs rgyas kyi theg pa 'am/ theg pa chen pos rim gyis yongs su mya ngan las 'da' bar 'gyur zhing / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de la sems can yang mi dmigs shing sems can du gdags pa yang med la/ sems can de dag kyang bdag tu 'dzin pa las yongs su grol bar byed de/ rab 'byor byang chub sems dpa' sems dpa' chen pos gang dag gi ched du bdag gis rnam pa thams cad mkhyen pa nyid thob par bya ba'i sems can nam/ sems can du gdags pa ci yang 'di na mi dmigs so zhes de ltar shes rab kyi pha rol tu phyin pa la bslab par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po ni de bzhin gshegs pa nyid lags par rig par bgyi'o/ /de ci'i slad du zhe na/ bcom ldan 'das 'di ltar byang chub sems dpa' sems dpa' chen po la brten nas sems can dmyal ba thams cad rgyun chad par 'gyur/ dud 'gro'i skye gnas thams cad rgyun chad par 'gyur/ gshin rje'i 'jig rten thams cad rgyun chad par 'gyur/ mi khom pa thams cad rgyun chad par 'gyur/ dbul po thams cad rgyun chad par 'gyur/ dman pa'i 'gro ba thams cad rgyun chad par 'gyur/ 'dod pa'i khams thams cad rgyun chad par 'gyur/ gzugs kyi khams thams cad rgyun chad par 'gyur/ gzugs med pa'i khams thams cad rgyun chad par 'gyur ba'i slad du'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa'</font><hr>36.15b<br><font size=+1>

sems dpa' chen po ni de bzhin gshegs pa nyid yin par rig par bya'o/ /de ci'i phyir zhe na/ rab 'byor gal te byang chub sems dpa' sems dpa' chen po bla na med pa yang dag par rdzogs pa'i byang chub la ma zhugs na/ 'das pa dang / ma byon pa dang / da ltar byung ba'i sangs rgyas bcom ldan 'das rnams bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur zhing / rang sangs rgyas rnams 'jig rten du 'byung bar mi 'gyur/ dgra bcom pa rnams 'jig rten du 'byung bar mi 'gyur/ rgyun tu zhugs pa'i bar dag 'jig rten du 'byung bar mi 'gyur/ sems can dmyal ba'i bar dag rgyun chad par mi 'gyur/ 'dod pa'i khams dang / gzugs kyi khams dang / gzugs med pa'i khams kyi bar dag rgyun chad par mi 'gyur ba'i phyir ro/ /rab 'byor yang byang chub sems dpa' sems dpa' chen po ni de bzhin gshegs pa nyid lags par rig par bgyi'o zhes gang smras pa ni/ rab 'byor de de bzhin no/ /de de bzhin te/ byang chub sems dpa' sems dpa' chen po ni de bzhin gshegs pa nyid yin par rig par bya'o/ /de ci'i phyir zhe na/ rab 'byor de bzhin nyid gang gis de bzhin gshegs par gdags pa'i de bzhin nyid de nyid kyis rang sangs rgyas su gdags pa dang / de bzhin nyid de nyid kyis 'phags pa thams cad gdags pa dang / de bzhin nyid de nyid kyis gzugs su gdags pa dang / de bzhin nyid de nyid kyis rnam par shes pa'i bar du gdags pa dang / de bzhin nyid de nyid kyis 'dus byas kyi khams dang / 'dus ma byas kyi khams kyi bar du gdags pa dang / de bzhin nyid de nyid kyis sems can thams cad kyi de bzhin nyid dang / de bzhin gshegs pa'i de bzhin nyid gdags pa'i phyir ro/ /rab 'byor ci'i phyir/ de bzhin nyid de bzhin nyid ces bya zhe na/ byang chub sems dpa' sems dpa' chen po de bzhin nyid 'di la gnas nas/ rnam pa thams cad mkhyen pa nyid thob par 'gyur te/ de bas na de bzhin nyid ces bya'o/ /rab 'byor rnam grangs des na de bzhin nyid tshad mar byas te/ byang chub sems dpa' sems dpa' chen po ni de bzhin gshegs pa nyid yin par rig</font><hr>36.16a<br><font size=+1>

par bya ste/ rab 'byor byang chub sems dpa' sems dpa' chen pos de bzhin nyid kyi shes rab kyi pha rol tu phyin pa la de ltar bslab par bya'o/ /rab 'byor byang chub sems dpa' sems dpa' chen pos de bzhin nyid kyi shes rab kyi pha rol tu phyin pa la bslabs na/ sems can thams cad kyi dbang po la mkhas par 'gyur zhing / dbang po yongs su rdzogs par bya ba la mkhas pa thob par 'gyur ro/ /sems can rnams kyi las bdag gir bya ba yang shes par 'gyur ro/ /sems can rnams kyi las bdag gir bya ba shes na/ smon nas shes pa yongs su rdzogs par 'gyur ro/ /smon nas shes pa yongs su rdzogs na dus gsum shes pa rnam par dag par byed par 'gyur ro/ /dus gsum shes pa rnam par sbyangs na byang chub sems dpa'i spyad pa spyod cing / sems can rnams kyi don byed par 'gyur ro/ /sems can rnams kyi don byed na/ sangs rgyas kyi zhing yongs su dag par byed par 'gyur ro/ /sangs rgyas kyi zhing yongs su sbyangs na rnam pa thams cad mkhyen pa nyid thob par 'gyur ro/ /rnam pa thams cad mkhyen pa nyid thob na chos kyi 'khor lo skor bar 'gyur ro/ /chos kyi 'khor lo bskor nas sems can rnams theg pa gsum po dag la 'god par 'gyur ro/ /sems can rnams theg pa gsum po dag la bkod nas/ phung po'i lhag ma med pa'i mya ngan las 'das pa'i dbyings su yongs su mya ngan las zlo bar 'gyur te/ rab 'byor de ltar byang chub sems dpa' sems dpa' chen pos yon tan dang / phan yon thams cad mthong bas bdag kyang bla na med pa yang dag par rdzogs pa'i byang chub tu sems bskyed par bya zhing / gzhan yang bla na med pa yang dag par rdzogs pa'i byang chub tu sems bskyed du gzhug par bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang dag ji skad bstan pa'i shes rab kyi pha rol tu phyin pa zab mo 'di la spyod pa de dag ni lha dang mi dang lha ma yin du bcas pa'i 'jig rten gyis phyag bgyi ba'i gnas</font><hr>36.16b<br><font size=+1>

lags so/ /bka' stsal pa/ rab 'byor de de bzhin te/ de de bzhin no/ /ji skad smras pa bzhin te/ byang chub sems dpa' sems dpa' chen po gang dag ji skad bstan pa'i shes rab kyi pha rol tu phyin pa zab mo 'di la spyod pa de dag ni lha dang mi dang lha ma yin du bcas pa'i 'jig rten gyis phyag bya ba'i gnas yin no/ /gsol pa/ bcom ldan 'das sems dang po bskyed pa'i byang chub sems dpa' sems dpa' chen po gang sems can thams cad kyi ched du bla na med pa yang dag par rdzogs pa'i byang chub mngon par rdzogs par 'tshang rgya bar 'tshal ba de bsod nams ji tsam zhig bskyed par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor stong gi 'jig rten gyi khams na/ sems can ji snyed pa de dag thams cad nyan thos kyi sa la gnas par gyur tam/ rang sangs rgyas kyi sa la gnas par gyur na/ ci sems can de dag bsod nams mang du bskyed dam/ gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das dpag tu ma mchis lags so/ /bde bar gshegs pa tshad ma mchis lags so/ /bka' stsal pa/ rab 'byor stong gi 'jig rten gyi khams su gtogs pa'i sems can nyan thos kyi theg pa pa 'am/ rang sangs rgyas kyi theg pa pa rnams kyi bsod nams bya ba'i dngos po gang yin pa dang / sems dang po bskyed pa'i byang chub sems dpa' sems dpa' chen po'i bsod nams bya ba'i dngos po gang yin pa 'di gnyis la stong gi 'jig rten gyi khams kyi nyan thos kyi theg pa pa 'am/ rang sangs rgyas kyi theg pa pa rnams kyi bsod nams bya ba'i dngos po de ni sems dang po bskyed pa'i byang chub sems dpa' sems dpa' chen po'i bsod nams bya ba'i dngos po de'i brgya'i char yang nye bar mi 'gro ba nas bye ba phrag 'bum gyi bar gyi char yang nye bar mi 'gro'o/ /de ci'i phyir zhe na/ nyan thos dang / rang sangs rgyas kyi theg pa pa rnams ni byang chub sems dpa' las byung ba yin gyi byang chub sems dpa' sems dpa' chen po rnams ni nyan thos dang / </font><hr>36.17a<br><font size=+1>

rang sangs rgyas las byung ba ma yin pa'i phyir ro/ /de bzhin du sbyar te/ stong gsum gyi stong chen po'i 'jig rten gyi khams na sems can nyan thos dang / rang sangs rgyas kyi theg pa pa ji snyed pa de dag thams cad ni sems dang po bskyed pa'i byang chub sems dpa' sems dpa' chen po de dag gi bsod nams kyi cha'i bar du yang nye bar mi 'gro'o/ /rab 'byor stong gsum gyi stong chen po'i 'jig rten gyi khams kyi sems can nyan thos dang / rang sangs rgyas kyi theg pa pa rnams lta zhog gi/ rab 'byor gal te stong gsum gyi stong chen po'i 'jig rten gyi khams na/ sems can gang dag 'khod pa de dag thams cad dkar po rnam par mthong ba'i sa la gnas par gyur kyang de dag gi bsod nams gang yin pa de ni sems dang po bskyed pa'i byang chub sems dpa' sems dpa' chen po'i bsod nams kyi bye ba phrag 'bum gyi cha'i bar du yang nye bar mi 'gro'o/ /dkar po rnam par mthong ba'i sa la gnas pa rnams lta zhog gi/ gal te stong gsum gyi stong chen po'i 'jig rten gyi khams su gtogs pa'i sems can de dag thams cad rigs kyi sa la gnas par gyur kyang / de dag gi bsod nams gang yin pa de ni sems dang po bskyed pa'i byang chub sems dpa' sems dpa' chen po'i bsod nams kyi bye ba phrag 'bum gyi cha'i bar du yang nye bar mi 'gro'o/ /de bzhin du sbyar te/ brgyad pa'i sa dang mthong ba'i sa dang bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa'i bar du zhugs par gyur kyang / de dag gi bsod nams gang yin pa de ni sems dang po bskyed pa'i byang chub sems dpa' sems dpa' chen po'i bsod nams kyi bye ba phrag 'bum gyi cha'i bar du yang nye bar mi 'gro'o/ /rab 'byor gal te stong gsum gyi stong chen po'i 'jig rten gyi khams na sems can gang dag 'khod pa de dag thams cad byang chub sems dpa'i skyon med pa la zhugs par gyur kyang / de dag gi bsod nams gang yin pa de ni byang chub la zhugs pa'i byang chub sems dpa'i bsod nams kyi bye ba phrag 'bum gyi cha'i bar du yang nye bar mi 'gro'o/ /rab 'byor</font><hr>36.17b<br><font size=+1>

gal te stong gsum gyi stong chen po'i 'jig rten gyi khams na sems can gang dag 'khod pa de dag thams cad byang chub la zhugs par gyur kyang de dag gi bsod nams gang yin pa de ni de bzhin gshegs pa dgra bcom pa yang dag par rdzogs pa'i sangs rgyas kyi bsod nams kyi bye ba khrag khrig phrag 'bum gyi cha'i bar du yang nye bar mi 'gro zhing rgyu dang dpe'i bar du yang nye bar mi 'gro'o/ /gsol pa/ bcom ldan 'das sems dang po bskyed pa'i byang chub sems dpa' sems dpa' chen pos ci zhig yid la bgyi lags/ bka' stsal pa/ rab 'byor sems dang po bskyed pa'i byang chub sems dpa' sems dpa' chen pos rnam pa thams cad mkhyen pa nyid yid la bya'o/ /gsol pa/ bcom ldan 'das rnam pa thams cad mkhyen pa nyid kyi dngos po ni ci lta bu zhig lags/ dmigs pa ni ci zhig lags/ dbang bgyid pa ni gang lags/ rnam pa ni ci zhig lags/ mtshan nyid ni gang lags/ bka' stsal pa/ rab 'byor rnam pa thams cad mkhyen pa nyid ces bya ba ni dngos po med pa/ mtshan nyid med pa/ mtshan ma med pa/ lhun gyis grub pa/ skye ba med pa/ 'byung ba med pa'o/ /rab 'byor khyod kyis 'di skad du/ rnam pa thams cad mkhyen pa nyid kyi dmigs pa ni ci zhig lags/ dbang bgyid pa ni gang lags/ rnam pa ni ci zhig lags/ mtshan nyid ni gang lags shes zer ba la/ rab 'byor rnam pa thams cad mkhyen pa nyid kyi dmigs pa ni dngos po med pa'o/ /dbang byed pa ni dran pa'o/ /rnam pa ni zhi ba'o/ /mtshan nyid ni mtshan nyid med pa ste/ rab 'byor rnam pa thams cad mkhyen pa nyid kyi dmigs pa ni de yin no/ /dbang byed pa ni de yin no/ /rnam pa ni de yin no/ /mtshan nyid ni de yin no/ /gsol pa/ bcom ldan 'das ci rnam pa thams cad mkhyen pa nyid kho na dngos po ma mchis pa lags sam/ 'on te gzugs kyang dngos po ma mchis shing / tshor ba dang / 'du shes dang / 'du byed rnams dang / rnam par shes pa yang dngos po ma mchis pa lags sam/ de bzhin du nang dang phyi'i chos rnams kyang dngos po ma mchis pa lags sam/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / </font><hr>36.18a<br><font size=+1>

dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad dang / byams pa chen po dang / snying rje chen po dang / dga' ba chen po dang / btang snyoms chen po dang / mngon par shes pa dang po dang / mngon par shes pa gnyis pa dang / gsum pa dang / bzhi pa dang / lnga pa dang / drug pa dang / 'dus byas kyi khams dang / 'dus ma byas kyi khams kyang dngos po ma mchis pa lags sam/ bcom ldan 'das kyis bka' stsal pa/ rab 'byor rnam pa thams cad mkhyen pa nyid kyang dngos po med do/ /gzugs dang / tshor ba dang / 'du shes dang / 'du byed rnams dang / rnam par shes pa yang dngos po med do/ /'dus byas kyi khams dang / 'dus ma byas kyi khams kyi bar du yang dngos po med do/ /de ci'i phyir zhe na/ rab 'byor rnam pa thams cad mkhyen pa nyid de la ni ngo bo nyid med do/ /rab 'byor gang la ngo bo nyid med pa de ni dngos po med pa'i phyir ro/ /gsol pa/ bcom ldan 'das ci'i slad du/ rnam pa thams cad mkhyen pa nyid ngo bo nyid ma mchis pa lags/ bka' stsal pa/ rab 'byor 'dus pa las byung ba'i ngo bo nyid med de/ gang la 'dus pa las byung ba'i ngo bo nyid med pa de dngos po med pa'o/ /rab 'byor rnam grangs des na/ chos thams cad dngos po med pa'i ngo bo nyid do/ /rab 'byor yang chos thams cad ni stong pa'i ngo bo nyid do/ /chos thams cad ni mtshan ma med pa dang / smon pa med pa'i ngo bo nyid do/ /rab 'byor yang chos thams cad ni de bzhin nyid kyi ngo bo nyid do/ /chos thams cad ni yang dag pa'i mtha'i ngo bo nyid do/ /chos thams cad ni chos kyi dbyings kyi ngo bo nyid do/ /rab 'byor rnam grangs des kyang chos thams cad ni dngos po med pa'i ngo bo nyid du de ltar rig par bya'o/ /</font><hr>36.18b<br><font size=+1>

de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/ sems dang po bskyed pa'i byang chub sems dpa' sems dpa' chen po thabs la mkhas pas gang dang ldan pas sbyin pa'i pha rol tu phyin pa la spyod cing / sangs rgyas kyi zhing yang yongs su dag par bgyid la/ sems can rnams kyang yongs su smin par bgyid/ ji ltar tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / bsam gtan dang po nas bsam gtan bzhi pa'i bar dang / byams pa nas btang snyoms kyi bar dang / nam mkha' mtha' yas skye mched nas 'du shes med 'du shes med min skye mched kyi bar gyi snyoms par 'jug pa dang / nang stong pa nyid nas rang gi mtshan nyid stong pa nyid kyi bar dang / dran pa nye bar gzhag pa rnams nas 'phags pa'i lam yan lag brgyad pa'i bar dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang / rnam pa thams cad mkhyen pa nyid la spyod cing / sangs rgyas kyi zhing yang yongs su dag par bgyid la/ sems can rnams kyang yongs su smin par bgyid pa lags/ bcom ldan 'das kyis bka' stsal pa/ rab 'byor dngos po med pa'i ngo bo nyid kyi chos rnams la yongs su 'dris par byed cing / sangs rgyas kyi zhing yang yongs su dag par byed la/ sems can rnams kyang yongs su smin par byed de/ sangs rgyas kyi zhing de dang / sems can de dag kyang dngos po med pa'i ngo bo nyid du shes pa gang yin pa de ni/ byang chub sems dpa' sems dpa' chen po'i thabs la mkhas pa yin par rig par bya ste/ byang chub sems</font><hr>36.19a<br><font size=+1>

dpa' sems dpa' chen po de ni sbyin pa'i pha rol tu phyin pa la spyod cing / byang chub kyi lam yongs su 'dris par byed do/ /tshul khrims kyi pha rol tu phyin pa la spyod cing / byang chub kyi lam yongs su 'dris par byed do/ /bzod pa'i pha rol tu phyin pa la spyod cing / byang chub kyi lam yongs su 'dris par byed do/ /brtson 'grus kyi pha rol tu phyin pa la spyod cing / byang chub kyi lam yongs su 'dris par byed do/ /bsam gtan gyi pha rol tu phyin pa la spyod cing / byang chub kyi lam yongs su 'dris par byed do/ /shes rab kyi pha rol tu phyin pa la spyod cing / byang chub kyi lam yongs su 'dris par byed do/ /de bzhin du sbyar te/ rnam pa thams cad mkhyen pa nyid kyi bar la spyod cing / byang chub kyi lam yongs su 'dris par byed la/ byang chub kyi lam de yang dngos po med pa'i ngo bo nyid du shes par bya'o/ /rab 'byor byang chub sems dpa' sems dpa' chen po pha rol tu phyin pa drug po dag la spyod pa de ji srid du de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad dang / byams pa chen po dang / snying rje chen po dang / rnam pa thams cad mkhyen pa nyid kyi ye shes dang ldan par ma gyur pa de srid du byang chub kyi lam yongs su 'dris par mi byed do/ /rab 'byor 'di dag ni byang chub kyi lam yin te/ de byang chub kyi lam 'di dag gis pha rol tu phyin pa rnams yongs su rdzogs par byed do/ /pha rol tu phyin pa rnams yongs su rdzogs par byas nas/ skad cig gcig dang ldan pa'i shes rab kyis rnam pa thams cad mkhyen pa nyid thob par 'gyur ro/ /de'i tshe de'i bag chags dang mtshams sbyor ba dang / nyon mongs pa thams cad ni mi skye ba'i spong bas spong bar 'gyur ro/ /des sangs rgyas kyi spyan gyis stong gsum gyi stong chen po'i 'jig rten gyi khams la rnam par bltas nas dngos po med par yang mi dmigs na/ dngos por lta ci smos/ rab 'byor byang chub sems dpa' sems dpa' chen pos de ltar dngos po med pa'i ngo bo nyid kyi chos thams cad la/ shes rab kyi pha rol tu phyin pa la spyad par bya'o/ /rab 'byor dngos po yang mi</font><hr>36.19b<br><font size=+1>

dmigs na/ dngos po med pa lta ci smos te/ de yang byang chub sems dpa' sems dpa' chen po'i thabs la mkhas pa yin no/ /rab 'byor byang chub sems dpa' sems dpa' chen po de ni shes rab kyi pha rol tu phyin pa la spyod cing sbyin pa sbyin par byed de/ de sbyin pa sbyin pa na/ rnam par mi rtog cing mtshan mar mi byed de/ dngos po dang dngos po med pa'i tshul du yid la mi byed do/ /len pa por yang rnam par mi rtog cing / mtshan mar mi byed de/ dngos po dang dngos po med pa'i tshul du yid la mi byed do/ /sbyin pa por yang rnam par mi rtog cing mtshan mar mi byed de/ dngos po dang dngos po med pa'i tshul du yid la mi byed do/ /byang chub kyi sems de yang mi dmigs shing mtshan mar mi byed la/ dmigs par mi byed de yang dag par rjes su mi mthong ngo / /shes rab kyi pha rol tu phyin pa'i bar du yang dngos po dang dngos po med pa'i tshul du rnam par mi rtog cing / mtshan mar mi byed do/ /rnam pa thams cad mkhyen pa nyid kyi bar du yang dngos po dang dngos po med pa'i tshul du yid la mi byed cing / rnam par mi rtog la yid la mi byed do/ /bla na med pa yang dag par rdzogs pa'i byang chub kyi bar du yang dmigs par mi byed cing mtshan mar mi byed do/ /gang mngon par rdzogs par 'tshang rgya ba 'am/ gang mngon par rdzogs par 'tshang rgya bar bya ba 'am/ gang gis mngon par rdzogs par 'tshang rgya ba de yang dngos po dang dngos po med pa'i tshul gyis yongs su rtog par mi byed do/ /de ci'i phyir zhe na/ 'di ltar chos thams cad ni dngos po med pa'i ngo bo nyid de/ dngos po med pa de yang sangs rgyas rnams dang / nyan thos rnams dang / rang sangs rgyas rnams kyis ma byas shing / chos thams cad ni 'gyur ba med pa ste/ byed pa po dang bral ba'i phyir ro/ /gsol pa/ bcom ldan 'das chos rnams chos rnams nyid dang bral ba lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ chos rnams ni chos rnams dang bral ba yin no/ /gsol pa/ bcom ldan 'das gal te chos rnams kho na chos rnams dang bral</font><hr>36.20a<br><font size=+1>

ba lags na/ bral ba'i chos kyis bral ba'i chos dngos po mchis pa 'am/ dngos po ma mchis par ji ltar 'tshal bar rung ste/ dngos po ma mchis pa'i chos kyis kyang / dngos po mchis pa'i chos 'tshal bar mi rung la/ dngos po mchis pa'i chos kyis kyang / dngos po ma mchis pa'i chos 'tshal bar mi rung / dngos po ma mchis pa'i chos kyis kyang / dngos po ma mchis pa'i chos 'tshal bar mi rung la/ dngos po mchis pa'i chos kyis kyang / dngos po mchis pa'i chos 'tshal bar mi rung lags na/ de ltar ma 'tshal ba'i chos thams cad la dngos po mchis zhes bgyi ba 'am/ dngos po ma mchis zhes bgyi bar byang chub sems dpa' sems dpa' chen po ston par lta ga la 'gyur/ bcom ldan 'das kyis bka' stsal pa/ byang chub sems dpa' sems dpa' chen po ni 'jig rten gyi kun rdzob bzung ste/ dngos po yod pa zhes bya ba 'am/ dngos po med pa zhes bya ba ston gyi/ don dam par ni ma yin no/ /gsol pa/ bcom ldan 'das ci 'jig rten gyi kun rdzob kyang gzhan zhig lags la/ don dam pa yang gzhan zhig lags sam/ bka' stsal pa/ rab 'byor 'jig rten gyi kun rdzob kyang gzhan ma yin la/ don dam pa yang gzhan ma yin te/ 'jig rten gyi kun rdzob kyi de bzhin nyid gang yin pa de nyid don dam pa'i de bzhin nyid yin la/ de bzhin nyid de sems can de dag gis mi shes shing ma mthong bas/ de dag gi phyir byang chub sems dpa'i 'jig rten gyi kun rdzob kyis dngos po yod pa 'am/ dngos po med pa zhes bya ba ston to/ /rab 'byor yang sems can 'di dag ni phung po lnga po 'di dag la dngos por 'du shes shing dngos po med par mi shes te/ ji ltar byas na dngos po med pa rtogs par 'gyur zhig gu snyam nas/ de dag gi don du chos rnams rab tu dbye ba'i phyir de ltar ston par byed de/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa la spyad par bya'o/ /shes rab kyi pha rol tu phyin pa khri brgyad stong pa las yang dag par bstan pa'i le'u zhes bya ste/ </font><hr>36.20b<br><font size=+1>

drug bcu rtsa bzhi pa'o// // de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa'i spyod pa byang chub sems dpa'i spyod pa zhes bgyi na/ bcom ldan 'das byang chub sems dpa'i spyod pa zhes bgyi ba de gang gi tshig bla dgas lags/ bka' stsal pa/ rab 'byor byang chub sems dpa'i spyod pa zhes bya ba de ni/ byang chub kyi phyir spyod pa ste/ de'i phyir byang chub sems dpa'i spyod pa zhes bya'o/ /gsol pa/ bcom ldan 'das byang chub sems dpa' sems dpa' chen po'i byang chub kyi spyod pa de gang la spyod lags/ bcom ldan 'das kyis bka' stsal pa/ gzugs stong ngo zhes spyod pa dang / tshor ba dang / 'du shes dang / 'du byed rnams dang / rnam par shes pa stong ngo zhes spyod pa dang / de bzhin du khams rnams dang / skye mched rnams dang / nang dang phyi'i chos rnams stong ngo zhes spyod pa dang / sbyin pa'i pha rol tu phyin pa stong ngo zhes spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa stong ngo zhes spyod pa dang / nang stong pa nyid stong ngo zhes spyod pa dang / phyi stong pa nyid stong ngo zhes spyod pa dang / phyi nang stong pa nyid stong ngo zhes spyod pa dang / de bzhin du sbyar te/ rang gi mtshan nyid stong pa nyid kyi bar du stong ngo zhes spyod pa dang / bsam gtan dang po dang / gnyis pa dang / gsum pa dang / bzhi pa stong ngo zhes spyod pa dang / byams pa dang / snying rje dang / dga' ba dang / btang snyoms stong ngo zhes spyod pa dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched stong ngo zhes spyod pa dang / dran pa nye bar gzhag pa bzhi stong ngo zhes spyod pa dang / yang dag par spong ba bzhi stong ngo zhes spyod pa dang / rdzu 'phrul gyi rkang pa bzhi stong ngo zhes spyod pa dang / dbang po lnga stong ngo zhes spyod pa dang / stobs lnga stong ngo zhes spyod</font><hr>36.21a<br><font size=+1>

pa dang / byang chub kyi yan lag bdun stong ngo zhes spyod pa dang / 'phags pa'i lam yan lag brgyad pa stong ngo zhes spyod pa dang / rnam par thar pa'i sgo stong pa nyid dang mtshan ma med pa dang / smon pa med pa dang snyoms par 'jug pa rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / sangs rgyas kyi zhing yongs su dag pa stong ngo zhes spyod pa dang / sems can yongs su smin par bya ba stong ngo zhes spyod pa dang / spobs pa rnams stong ngo zhes spyod pa dang / yi ge sgrub pa stong ngo zhes spyod pa dang yi ge rnams la 'jug pa stong ngo zhes spyod pa dang / yi ge rnams med pa la 'jug pa stong ngo zhes spyod pa dang / gzugs stong ngo zhes spyod pa dang / 'dus byas kyi khams stong ngo zhes spyod pa dang / 'dus ma byas kyi khams stong ngo zhes spyod pa ste/ ci nas byang chub la gnyis su mi 'byed pa de ltar rjes su spyod do/ /rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na/ byang chub kyi phyir spyod pa yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das sangs rgyas sangs rgyas shes bgyi na/ bcom ldan 'das sangs rgyas shes bgyi ba de gang gi tshig bla dgas lags/ bcom ldan 'das kyis bka' stsal pa/ rab 'byor yang dag pa'i don ni sangs rgyas shes bya'o/ /rab 'byor yang des yang dag pa'i chos/ mngon par rdzogs par sangs rgyas pas na de'i phyir sangs rgyas shes bya'o/ /rab 'byor yang des yang dag pa'i don rtogs pas na/ de'i phyir sangs rgyas shes bya'o/ /rab 'byor yang chos thams cad yang dag pa ji lta ba bzhin du mngon par rdzogs par sangs rgyas pas na de'i phyir sangs rgyas shes bya'o/ /gsol pa/ bcom ldan 'das byang chub byang chub ces bgyi na/ byang chub ces bgyi ba de gang gi tshig bla dgas lags/ bka' stsal pa/ rab 'byor byang chub ces bya ba de ni</font><hr>36.21b<br><font size=+1>

stong pa nyid kyi tshig bla dgas so/ /de ni de bzhin nyid kyi tshig bla dgas so/ /de ni yang dag pa'i tshig bla dgas so/ /de ni yang dag pa'i mtha'i tshig bla dgas so/ /de ni chos kyi dbyings kyi tshig bla dgas so/ /rab 'byor yang byang chub ces bya ba de ni ming tsam gyi tshig bla dgas so/ /rab 'byor yang byang chub kyi don ni yang dag pa'i don to/ /rab 'byor yang byang chub ni de bzhin nyid dang / ma nor ba de bzhin nyid dang / gzhan ma yin pa de bzhin nyid dang / gzhan ma yin pa'i rang bzhin te/ de'i phyir byang chub ces bya'o/ /rab 'byor yang byang chub de ni chos thams cad ming dang mtshan ma tsam du rtogs par byed pa ste/ de'i phyir byang chub ces bya'o/ /rab 'byor de ni sangs rgyas bcom ldan 'das rnams kyi byang chub ste/ de'i phyir byang chub ces bya'o/ /rab 'byor yang byang chub de ni sangs rgyas bcom ldan 'das rnams kyis mngon par rdzogs par sangs rgyas pas na de'i phyir byang chub ces bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang byang chub 'di la spyod pa de ni pha rol tu phyin pa drug la spyod pa dang / rnam pa thams cad mkhyen pa nyid kyi bar la spyod pa lags na/ de'i dge ba'i rtsa ba gang bsags pa 'am/ 'grib pa 'am/ nyams pa 'am/ 'phel ba 'am/ skye ba 'am/ 'gag pa 'am/ kun nas nyon mongs pa 'am/ rnam par byang bar 'gyur ba lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po gang byang chub 'di la spyod pa pha rol tu phyin pa drug la spyod pa dang / rnam pa thams cad mkhyen pa nyid kyi bar la spyod pa de ni chos gang yang bsags pa'i phyir ram/ 'grib par bya ba'i phyir ram/ nyams par bya ba'i phyir ram/ 'phel bar bya ba'i phyir ram/ bskyed par bya ba'i phyir ram/ dgag par bya ba'i phyir ram/ kun nas nyon mongs par bya ba'i phyir ram/ rnam par byang bar</font><hr>36.22a<br><font size=+1>

bya ba'i phyir mi spyod do/ /de ci'i phyir zhe na/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i byang chub ni bsags pa'i phyir ram/ 'grib par bya ba'i phyir ram/ nyams par bya ba'i phyir ram/ 'phel bar bya ba'i phyir ram/ bskyed par bya ba'i phyir ram/ dgag pa'i phyir ram/ kun nas nyon mongs par bya ba'i phyir ram/ rnam par byang bar bya ba'i phyir dmigs pa'i tshul gyis nye bar gnas pa ma yin pa'i phyir ro/ /gsol pa/ bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa'i byang chub ni chos gang la yang dmigs pa'i tshul gyis nye bar gnas pa ma lags na/ byang chub sems dpa' sems dpa' chen po shes rab kyi pha rol tu phyin pa la spyod pa de/ ji ltar sbyin pa'i pha rol tu phyin pa yongs su 'dzin pa dang / de bzhin du ji ltar shes rab kyi pha rol tu phyin pa'i bar du yongs su 'dzin pa lags/ ji ltar na nang stong pa nyid la spyod pa dang / dngos po med pa stong pa nyid kyi bar la spyod pa lags/ bsam gtan rnams dang / tshad med pa rnams dang / gzugs med pa'i snyoms par 'jug pa rnams la spyod pa lags/ dran pa nye bar gzhag pa rnams la spyod pa nas/ 'phags pa'i lam yan lag brgyad pa'i bar la spyod pa lags/ rnam par thar pa'i sgo stong pa nyid dang / mtshan ma med pa dang / smon pa med pa la spyod pa dang / de bzhin gshegs pa'i stobs bcu'i bar la spyod pa dang / snying rje chen po'i bar la spyod pa lags/ ji ltar na byang chub sems dpa'i sa bcu po dag la spyod pa dang / nyan thos dang / rang sangs rgyas kyi sa las shin tu 'da' ba dang / byang chub sems dpa'i skyon ma mchis pa la 'jug pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po byang chub sems dpa'i spyad pa spyod pa na/ gnyis kyi tshul gyis sbyin pa'i pha rol tu phyin pa la</font><hr>36.22b<br><font size=+1>

mi spyod do/ /de bzhin du sbyar te/ gnyis kyi tshul gyis shes rab kyi pha rol tu phyin pa'i bar la mi spyod do/ /gnyis kyi tshul gyis rnam pa thams cad mkhyen pa nyid kyi bar la mi spyod do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa na/ sbyin pa'i pha rol tu phyin pa yongs su 'dzin pa dang / shes rab kyi pha rol tu phyin pa'i bar du yongs su 'dzin pa yin no/ /rnam pa thams cad mkhyen pa nyid kyi bar du yang thob par 'gyur ro/ /gsol pa/ bcom ldan 'das gal te gnyis kyi tshul gyis sbyin pa'i pha rol tu phyin pa la mi spyod la/ de bzhin du gnyis kyi tshul gyis rnam pa thams cad mkhyen pa nyid kyi bar la mi spyod lags na/ ji ltar byang chub sems dpa' sems dpa' chen po sems dang po bskyed pa nas bzung ste/ dge ba'i rtsa ba rnams kyis rnam par 'phel bar 'gyur zhing / sems bskyed pa tha ma'i bar du ji ltar dge ba'i rtsa ba rnams kyis rnam par 'phel bar 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang dag gnyis la spyod pa de dag ni dge ba'i rtsa ba rnams kyis rnam par 'phel bar mi 'gyur ro/ /de ci'i phyir zhe na/ rab 'byor gnyis rten pa ni byis pa so so'i skye bo thams cad de/ de dag ni dge ba'i rtsa ba rnams kyis rnam par 'phel bar mi 'gyur ro/ /byang chub sems dpa' ni gnyis la mi spyod pas sems dang po bskyed pa nas bzung ste/ dge ba'i chos rnams kyis rnam par 'phel bar 'gyur zhing / sems bskyed pa tha ma'i bar du dge ba'i chos rnams kyis rnam par 'phel bar 'gyur te/ de'i dge ba'i rtsa ba de dag ni lha dang mi dang lha ma yin du bcas pa'i 'jig rten gyi zil gyis gnon par mi nus so/ /mi dge ba gang dag gis zil gyis non par gyur pa ni/ nyan thos kyi sa 'am/ rang sangs rgyas kyi sar ltung bar 'gyur zhing / mi dge ba'i rtsa ba gzhan dag gis kyang 'phrogs par 'gyur ro/ /de dag gis 'phrogs pas sbyin pa'i</font><hr>36.23a<br><font size=+1>

pha rol tu phyin pa la spyod pa na/ dge ba'i rtsa ba rnams kyis rnam par 'phel bar mi 'gyur ba nas/ rnam pa thams cad mkhyen pa nyid kyi bar la spyod pa na dge ba'i rtsa ba rnams kyis rnam par 'phel bar mi 'gyur te/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa la spyad par bya'o/ /gsol pa/ bcom ldan 'das ci byang chub sems dpa' sems dpa' chen po dge ba'i rtsa ba rnams kyi slad du/ shes rab kyi pha rol tu phyin pa la spyod lags sam/ bka' stsal pa/ rab 'byor de ni ma yin te/ rab 'byor byang chub sems dpa' sems dpa' chen po ni dge ba'i rtsa ba rnams kyi phyir shes rab kyi pha rol tu phyin pa la spyod pa ma yin la/ mi dge ba'i rtsa ba rnams kyi phyir yang shes rab kyi pha rol tu phyin pa la spyod pa ma yin mod kyi/ 'on kyang sangs rgyas bcom ldan 'das rnams la bsnyen bkur ma byas sam/ dge ba'i rtsa ba rnams yongs su rdzogs par ma byas sam/ dge ba'i bshes gnyen dag gis yongs su ma zin par yang byang chub sems dpa' sems dpa' chen pos rnam pa thams cad mkhyen pa nyid thob par mi nus so/ /gsol pa/ bcom ldan 'das byang chub sems dpa' sems dpa' chen po sangs rgyas bcom ldan 'das rnams la bsnyen bkur bgyis pa dang / dge ba'i rtsa ba yongs su rdzogs par bgyis pa dang / dge ba'i bshes gnyen gyis yongs su zin pas ji ltar rnam pa thams cad mkhyen pa nyid thob par 'gyur lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ de bzhin gshegs pa dgra bcom pa yang dag par rdzogs pa'i sangs rgyas rnams la bsnyen bkur byed cing sangs rgyas bcom ldan 'das de dag gis mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / </font><hr>36.23b<br><font size=+1>

gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la dbab par bstan pa'i sde bstan pa gang yin pa de dag thams cad yongs su 'dzin te/ bzung nas kyang tshig gis yongs su 'dris par byas nas/ yid kyi rjes su rtog par byed la lta bas shin tu rtogs par byed cing gzungs thob par 'gyur ro/ /gzungs thob nas kyang so so yang dag par rig pa bskyed do/ /so so yang dag par rig pa bskyed nas de tshe rjes nas kyang rnam pa thams cad mkhyen pa nyid thob kyi bar du nams kyang chos de dag chud za bar mi 'gyur ro/ /der de bzhin gshegs pa dgra bcom pa yang dag par rdzogs pa'i sangs rgyas de dag la dge ba'i rtsa ba dag bskyed par byed de/ dge ba'i rtsa ba de dag gis yongs su zin pas gzhar yang ngan song rnams dang / mi khom pa rnams su mi skye zhing dge ba'i rtsa ba de dag gis kyang bsam pa gang gis sangs rgyas kyi zhing yongs su dag par byed pa dang / sems can rnams yongs su smin par byed pa'i bsam pa rnam par dag pa yongs su 'dzin par 'gyur ro/ /dge ba'i rtsa ba de dag yongs su bzung bas kyang dge ba'i bshes gnyen rnams dang / sangs rgyas bcom ldan 'das rnams dang / byang chub sems dpa' sems dpa' chen po rnams dang / nyan thos gang dag sangs rgyas kyi theg pa pa'i bsngags pa brjod pa rnams dang nam du yang 'bral bar mi 'gyur ro/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ de ltar sangs rgyas bcom ldan 'das rnams la bsnyen bkur bya zhing dge ba'i rtsa ba yang yongs su gzung bar bya ste/ dge ba'i bshes gnyen rnams la yang bsten par bya'o/ /shes rab kyi pha rol tu phyin pa khri brgyad stong pa las/ dge ba'i bshes gnyen la bsnyen pa dang / bsten pa dang bsnyen bkur bya ba'i thabs kyi le'u zhes bya ste/ drug bcu rtsa lnga pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang</font><hr>36.24a<br><font size=+1>

sangs rgyas bcom ldan 'das rnams la bsnyen bkur mi bgyid cing dge ba'i rtsa ba dag kyang mi bskyed la/ dge ba'i bshes gnyen gyis kyang yongs su ma zin pa'i byang chub sems dpa' sems dpa' chen po de rnam pa thams cad mkhyen pa nyid thob par mi 'gyur lags sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po sangs rgyas bcom ldan 'das rnams la bsnyen bkur ma byas la/ dge ba'i rtsa ba rnams ma bskyed cing / dge ba'i bshes gnyen dag gis yongs su ma zin pa ni rnam pa thams cad mkhyen pa nyid thob par mi 'gyur ro/ /de ci'i phyir zhe na/ sangs rgyas bcom ldan 'das rnams la yang bsnyen bkur byas shing / dge ba'i rtsa ba rnams kyang bskyed la/ dge ba'i bshes gnyen yang bsten du zin kyang / da dung rnam pa thams cad mkhyen pa nyid thob par mi nus na/ sangs rgyas bcom ldan 'das rnams la bsnyen bkur ma byas shing / dge ba'i rtsa ba rnams yongs su rdzogs par ma byas la dge ba'i bshes gnyen dag la ma bsten par rnam pa thams cad mkhyen pa nyid thob pa lta ci smos te/ de ni gnas med do/ /rab 'byor de bas na byang chub sems dpa' sems dpa' chen pos sangs rgyas bcom ldan 'das rnams la bsnyen bkur bya/ dge ba'i rtsa ba rnams bskyed par bya/ dge ba'i bshes gnyen rnams la bsten par bya'o/ /gsol pa/ bcom ldan 'das ci'i slad du byang chub sems dpa' sems dpa' chen pos sangs rgyas bcom ldan 'das rnams la bsnyen bkur bgyis shing / dge ba'i rtsa ba rnams kyang bskyed la/ dge ba'i bshes gnyen rnams la bsten kyang rnam pa thams cad mkhyen pa nyid thob par mi 'gyur lags/ bka' stsal pa/ thabs la mkhas pa dang bral ba'i phyir te/ des sangs rgyas bcom ldan 'das de dag las thabs de ma thos la/ dge ba'i rtsa ba de dag kyang ma bskyed de/ </font><hr>36.24b<br><font size=+1>

dge ba'i bshes gnyen gang dag de la thabs ston pa'i dge ba'i bshes gnyen de dag la yang ma bsten pa'i phyir ro/ /gsol pa/ bcom ldan 'das thabs la mkhas pa gang dag dang ldan na byang chub sems dpa' sems dpa' chen pos rnam pa thams cad mkhyen pa nyid thob par 'gyur ba'i thabs la mkhas pa gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po ni sems dang po bskyed pa nas bzung ste/ sbyin pa'i pha rol tu phyin pa la spyod pa na/ rnam pa thams cad mkhyen pa nyid dang ldan pa'i yid la byed pa dag gis sangs rgyas bcom ldan 'das rnams dang / rang sangs rgyas rnams dang / nyan thos rnams dang / mir gyur pa rnams dang / mi ma yin par gyur pa rnams la sbyin pa sbyin par byed de/ rnam pa thams cad mkhyen pa nyid dang ldan pa'i yid la byed pa dag dang ldan pas de sbyin pa la yang sbyin pa'i 'du shes su mi 'gyur/ len pa po la yang len pa po'i 'du shes su mi 'gyur/ sbyin pa po la yang sbyin pa po'i 'du shes su mi 'gyur ro/ /de ci'i phyir zhe na/ 'di ltar de ni chos thams cad rang gi mtshan nyid kyis stong pa dang / yongs su ma grub pa dang / mngon par ma grub par mthong la/ chos rnams kyi chos kyi mtshan nyid la yang 'jug ste/ chos thams cad byed pa'i mthu med cing / mngon par 'du byed pa med pa'i mtshan nyid la 'jug pa'i phyir te/ thabs la mkhas pa de dang ldan pas dge ba'i rtsa ba rnams kyis 'phel bar 'gyur ro/ /de dge ba'i rtsa ba rnams kyis rnam par 'phel na/ sbyin pa'i pha rol tu phyin pa la spyod do/ /sbyin pa'i pha rol tu phyin pa la spyod na/ sems can rnams yongs su smin par byed cing / sangs rgyas kyi zhing yang yongs su dag par byed la/ 'khor ba na sbyin pa'i 'bras bu yongs su longs spyad pa gang yin pa'i sbyin pa'i 'bras bu la yang mi re ste/ gzhan du na</font><hr>36.25a<br><font size=+1>

sems can yongs su bskyab pa dang / sems can yongs su dgrol ba'i phyir/ sbyin pa'i pha rol tu phyin pa la spyod do/ /shes rab kyi pha rol tu phyin pa khri brgyad stong pa las/ thabs la mkhas pa bstan pa'i le'u zhes bya ste/ drug bcu rtsa drug pa'o// // rab 'byor gzhan yang byang chub sems dpa' sems dpa' chen po ni tshul khrims kyi pha rol tu phyin pa la spyod pa na/ sems dang po bskyed pa nas bzung ste rnam pa thams cad mkhyen pa nyid dang ldan pa'i yid la byed pa dag gis tshul khrims de srung ste de 'dod chags kyi sems dang / zhe sdang dang / gti mug dang / bag la nyal dang / kun nas ldang ba dang / byang chub la bgegs byed pa'i mi dge ba'i rtsa ba'i chos gang yang rung ba 'di lta ste/ ser sna dang / 'chal ba'i tshul khrims dang / 'khrug pa'i sems dang / le lo'i sems dang / dman pa'i sems dang / 'khrul pa'i sems dang / 'chal ba'i shes rab kyi sems dang / nga rgyal dang / brnyas pa dang / lhag pa'i nga rgyal lam/ nga'o snyam pa'i nga rgyal lam/ nyan thos dang / rang sangs rgyas kyi sems kyis bsgrib par mi 'gyur ro/ /de ci'i phyir zhe na/ 'di ltar des chos thams cad rang gi mtshan nyid kyis stong par shes shing / chos thams cad ma byung ba dang / yongs su ma grub pa dang / mngon par ma grub par mthong la/ chos rnams kyi chos kyi mtshan nyid la 'jug ste/ chos thams cad byed pa'i mthu med cing mngon par 'du byed pa med pa'i mtshan nyid la 'jug pa'i phyir te/ thabs la mkhas pa de dang ldan pa'i byang chub sems dpa' sems dpa' chen po ni dge ba'i rtsa ba dag gis rnam par 'phel bar 'gyur ro/ /de dge ba'i rtsa ba rnams kyis rnam par 'phel na tshul khrims kyi pha rol tu phyin pa la spyod do/ /tshul khrims kyi pha rol tu phyin pa la spyod na/ sems can rnams yongs su smin par byed cing / sangs rgyas kyi zhing</font><hr>36.25b<br><font size=+1>

yang yongs su dag par byed la/ 'khor ba na tshul khrims kyi 'bras bu yongs su longs spyad pa gang yin pa'i tshul khrims kyi 'bras bu la yang mi re ste/ gzhan du na sems can rjes su gzung ba dang sems can la mi gnod pa dang / sems can la phan par 'dod pa'i phyir tshul khrims kyi pha rol tu phyin pa la spyod do/ /shes rab kyi pha rol tu phyin pa khri brgyad stong pa las tshul khrims kyi le'u zhes bya ste/ drug bcu rtsa bdun pa'o// // de bzhin du bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la spyod pa la yang sbyar bar bya'o/ /rab 'byor gzhan yang byang chub sems dpa' sems dpa' chen po ni shes rab kyi pha rol tu phyin pa la spyod pa na/ sems dang po bskyed pa nas bzung ste/ rnam pa thams cad mkhyen pa nyid dang ldan pa'i yid la byed pa dag gis shes rab sgom par byed de/ de la 'dod chags kyi sems nas/ nyan thos dang / rang sangs rgyas kyi bar gyi sems kyis bsgrib par mi 'gyur ro/ /de ci'i phyir zhe na/ rab 'byor 'di ltar des chos thams cad rang gi mtshan nyid kyis stong par shes shing chos thams cad ma byung ba dang / yongs su ma grub pa dang / mngon par ma grub par mthong la/ chos thams cad kyi chos kyi mtshan nyid la 'jug ste/ chos thams cad byed pa'i mthu med cing / mngon par 'du byed pa med pa'i mtshan nyid la 'jug pa'i phyir te/ thabs la mkhas pa de dang ldan pa de ni dge ba'i rtsa ba dag gis rnam par 'phel bar 'gyur ro/ /de dge ba'i rtsa ba rnams kyis rnam par 'phel na/ shes rab kyi pha rol tu phyin pa la spyod do/ /de shes rab kyi pha rol tu phyin pa la spyod na/ sems can rnams kyang yongs su smin par byed cing / sangs rgyas kyi zhing yang yongs su dag par byed la 'khor ba na shes rab kyi 'bras bu yongs su longs spyad pa gang yin pa'i shes rab kyi 'bras bu la yang mi re ste/ gzhan du na sems can yongs su</font><hr>36.26a<br><font size=+1>

bskyab pa dang / sems can yongs su dgrol ba'i phyir shes rab kyi pha rol tu phyin pa la spyod do/ /shes rab kyi pha rol tu phyin pa khri brgyad stong pa las rnam par 'phel ba'i le'u zhes bya ste/ drug bcu rtsa brgyad pa'o// // rab 'byor gzhan yang byang chub sems dpa' sems dpa' chen po ni bsam gtan dang po la snyoms par 'jug pa nas/ bsam gtan bzhi pa'i bar du snyoms par 'jug tshad med pa rnams la snyoms par 'jug /gzugs med pa'i snyoms par 'jug pa rnams la snyoms par 'jug la/ rnam par smin pa yang yongs su mi 'dzin to/ /de ci'i phyir zhe na/ 'di ltar de ni thabs la mkhas pa gang dang ldan na/ bsam gtan rnams dang / tshad med pa rnams dang / gzugs med pa'i snyoms par 'jug pa rnams rang gi mtshan nyid kyis stong par shes pa nas/ mngon par ma grub pa'i bar du shes pa'i thabs la mkhas pa dang ldan pa'i phyir ro/ /rab 'byor gzhan yang byang chub sems dpa' sems dpa' chen po ni shes rab kyi pha rol tu phyin pa la spyod pa na/ sems dang po bskyed pa nas bzung ste/ thabs la mkhas pa dang ldan pas mthong ba dang bsgom pas spong ba'i lam la spyod kyang / rgyun tu zhugs pa'i 'bras bu yang thob par mi byed do/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyang thob par mi byed do/ /de ci'i phyir zhe na/ 'di ltar des chos thams cad rang gi mtshan nyid kyis stong par shes la/ byang chub kyi phyogs kyi chos de dag la yang spyod cing / nyan thos dang / rang sangs rgyas kyi sa las kyang 'da' ba'i phyir te/ rab 'byor 'di ni byang chub sems dpa' sems dpa' chen po'i mi skye ba'i chos rnams la bzod pa yin no/ /rab 'byor gzhan yang byang chub sems dpa' sems dpa' chen po ni shes rab kyi pha rol tu phyin pa la spyod pa na/ rnam par thar pa brgyad la snyoms par 'jug cing / mthar gyis gnas pa'i snyoms par 'jug</font><hr>36.26b<br><font size=+1>

pa dgu la yang snyoms par 'jug la/ rgyun tu zhugs pa'i 'bras bu yang thob par mi 'gyur zhing / dgra bcom pa nyid kyi bar du yang thob par mi 'gyur ro/ /de ci'i phyir zhe na/ 'di ltar des chos thams cad rang gi mtshan nyid kyis stong par shes pa nas chos thams cad mngon par ma grub pa'i bar du shes pa'i phyir ro/ /rab 'byor gzhan yang byang chub sems dpa' sems dpa' chen po ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / snying rje chen po la yang 'dris par byed la/ sangs rgyas kyi zhing yang yongs su dag par ma byas shing / sems can rnams yongs su smin par ma byas kyi bar du yang rnam pa thams cad mkhyen pa nyid thob par mi byed de/ rab 'byor de ltar byang chub sems dpa' sems dpa' chen pos shes rab kyi pha rol tu phyin pa la spyad par bya'o/ /'phags pa shes rab kyi pha rol tu phyin pa khri brgyad stong pa/ bam po bzhi bcu rtsa bdun pa/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang de ltar chos zab mo rnams la spyod cing rnam par smin pa yang len par mi bgyid par ni/ blo'i mchog dang ldan pa lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po gang de ltar chos zab mo rnams la spyod cing / rnam par smin pa yang len par mi byed pa de ni/ blo'i mchog dang ldan pa yin no/ /de ci'i phyir zhe na/ rab 'byor 'di ltar byang chub sems dpa' sems dpa' chen po ni ngo bo nyid las mi g.yo ba'i phyir ro/ /gsol pa/ bcom ldan 'das ngo bo nyid gang las mi g.yo ba lags/ bka' stsal pa/ </font><hr>36.27a<br><font size=+1>

dngos po med pa las mi g.yo ba'o/ /rab 'byor khyod 'di skad du/ ngo bo nyid gang las mi g.yo ba lags shes zer ba ni gzugs kyi ngo bo nyid las mi g.yo'o/ /tshor ba dang / 'du shes dang / 'du byed rnams dang / rnam par shes pa'i ngo bo nyid las mi g.yo'o/ /sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i ngo bo nyid las mi g.yo'o/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams kyi ngo bo nyid las mi g.yo'o/ /dran pa nye bar gzhag pa rnams dang / 'phags pa'i lam yan lag brgyad pa'i bar gyi ngo bo nyid las mi g.yo'o/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / snying rje chen po'i bar gyi ngo bo nyid las mi g.yo'o/ /de ci'i phyir zhe na/ rab 'byor 'di ltar chos 'di dag gi ngo bo nyid gang yin pa de ni dngos po med pa'i phyir ro/ /rab 'byor dngos po med pas ni dngos po med pa mngon par rdzogs par 'tshang rgya bar mi nus so/ /gsol pa/ bcom ldan 'das ci dngos po ma mchis pas dngos po mngon par rdzogs par 'tshang rgya bar bgyi bar rngo thog lags sam/ bka' stsal pa/ rab 'byor de ni ma yin no/ /gsol pa/ bcom ldan 'das ci dngos po ma mchis pas dngos po ma mchis pa mngon par rdzogs par 'tshang rgya bar bgyi bar rngo thog lags sam/ bka' stsal pa/ rab 'byor de ni ma yin no/ /gsol pa/ bcom ldan 'das ci dngos po ma mchis pas dngos po ma mchis pa mngon par rdzogs par 'tshang rgya bar bgyi bar rngo thog lags sam/ bka' stsal pa/ rab 'byor de ni ma yin no/ /gsol pa/ ci bcom ldan 'das dngos pos dngos po mngon par rdzogs par 'tshang rgya bar bgyi bar rngo thog lags sam/ bka' stsal pa/ </font><hr>36.27b<br><font size=+1>

rab 'byor de ni ma yin no/ /gsol pa/ bcom ldan 'das gal te dngos po ma mchis pas kyang dngos po mngon par mi rtogs shing / dngos pos kyang dngos po ma mchis pa mngon par mi rtogs la/ dngos po ma mchis pas kyang dngos po ma mchis pa mngon par mi rtogs shing dngos pos kyang dngos po mngon par rtogs pa ma lags na/ 'o na ni thob pa yang ma mchis/ mngon par rtogs pa yang ma mchis par mi 'gyur lags sam/ bka' stsal pa/ rab 'byor mngon par rtogs pa ni yod mod kyi/ mngon par bsgrub pa 'di bzhis ni ma yin no/ /gsol pa/ bcom ldan 'das 'o na da mngon par rtogs pa ji lta bu zhig lags/ bka' stsal pa/ ji ltar dngos po yang ma yin zhing dngos po med pa yang ma yin pa de ltar mnyam pa nyid du mthong ba ni mngon par rtogs pa ste/ spros pa med cing spros pa dang bral ba'i phyir/ gang la spros pa de dag med pa de lta bu ni mngon par rtogs pa yin no/ /de skad ces bka' stsal dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po'i spros pa gang lags/ bka' stsal pa/ rab 'byor gzugs rtag ces bya ba dang / mi rtag ces bya ba ni byang chub sems dpa'i spros pa'o/ /tshor ba dang / 'du shes dang / 'du byed rnams dang / rnam par shes pa rtag ces bya ba dang / mi rtag ces bya ba ni byang chub sems dpa'i spros pa'o/ /gzugs bde zhes bya ba dang / sdug bsngal zhes bya ba ni byang chub sems dpa'i spros pa'o/ /tshor ba dang / 'du shes dang / 'du byed rnams dang / rnam par shes pa bde zhes bya ba dang / sdug bsngal zhes bya ba ni byang chub sems dpa'i spros pa'o/ /gzugs bdag yod ces bya ba dang / bdag med ces bya ba ni byang chub sems dpa'i spros pa'o/ /tshor ba dang / 'du shes dang / 'du byed rnams dang / rnam par shes pa bdag yod ces bya ba dang / bdag med ces bya</font><hr>36.28a<br><font size=+1>

ba ni byang chub sems dpa'i spros pa'o/ /gzugs zhi zhes bya ba dang / ma zhi zhes bya ba ni byang chub sems dpa'i spros pa'o/ /tshor ba dang / 'du shes dang / 'du byed rnams dang / rnam par shes pa zhi zhes bya ba dang / ma zhi zhes bya ba ni byang chub sems dpa'i spros pa'o/ /gzugs yongs su shes par bya ba yin zhes bya ba dang / yongs su shes par bya ba ma yin zhes bya ba ni byang chub sems dpa'i spros pa'o/ /tshor ba dang / 'du shes dang / 'du byed rnams dang / rnam par shes pa yongs su shes par bya ba yin zhes bya ba dang / yongs su shes par bya ba ma yin zhes bya ba ni byang chub sems dpa'i spros pa'o/ /sdug bsngal 'phags pa'i bden pa yongs su shes par bya ba yin zhes bya ba ni spros pa'o/ /kun 'byung ba spang bar bya ba yin zhes bya ba ni spros pa'o/ /'gog pa mngon sum du bya ba yin zhes bya ba ni spros pa'o/ /lam bsgom par bya ba yin zhes bya ba ni spros pa'o/ /bsam gtan bzhi bsgom par bya ba yin zhes bya ba ni spros pa'o/ /tshad med pa bzhi bsgom par bya ba yin zhes bya ba ni spros pa'o/ /gzugs med pa'i snyoms par 'jug pa bzhi bsgom par bya ba yin zhes bya ba ni spros pa'o/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa bsgom par bya ba yin zhes bya ba ni spros pa'o/ /rnam par thar pa'i sgo stong pa nyid dang / mtshan ma med pa dang / smon pa med pa bsgom par bya ba yin zhes bya ba ni spros pa'o/ /rnam par thar pa brgyad dang / mthar gyis gnas pa'i snyoms par 'jug pa dgu bsgom par bya ba yin zhes bya ba ni spros pa'o/ /rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub las 'da' bar bya'o zhes bya ba ni spros pa'o/ /byang chub sems dpa'i</font><hr>36.28b<br><font size=+1>

sa bcu yongs su rdzogs par bya'o zhes bya ba ni spros pa'o/ /byang chub sems dpa'i skyon med pa la 'jug par bya'o/ /zhes bya ba ni spros pa'o/ /sangs rgyas kyi zhing yongs su dag par bya'o zhes bya ba ni spros pa'o/ /sems can rnams yongs su smin par bya'o zhes bya ba ni spros pa'o/ /de bzhin gshegs pa'i stobs bcu bskyed par bya'o zhes bya ba ni spros pa'o/ /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par bya'o zhes bya ba ni spros pa'o/ /rnam pa thams cad mkhyen pa nyid thob par bya'o zhes bya ba ni spros pa'o/ /bag chags kyi mtshams sbyor ba thams cad spang bar bya'o zhes bya ba'i bar ni spros pa'o/ /de lta bas na byang chub sems dpa' sems dpa' chen po shes rab kyi pha rol tu phyin pa la spyod pa ni spros par bya ba ma yin par spros par mi byed de/ gzugs rtag pa 'am/ mi rtag pa zhes spros par bya ba ma yin pa spros par mi byed do/ /tshor ba dang / 'du shes dang / 'du byed rnams dang / rnam par shes pa rnams rtag pa 'am mi rtag pa zhes spros par bya ba ma yin pa spros par mi byed do/ /rnam pa thams cad mkhyen pa nyid thob par bya'o snyam pa'i bar du spros par bya ba ma yin pa spros par mi byed do/ /de ci'i phyir zhe na/ ngo bo nyid kyis ni ngo bo nyid spros par mi byed cing / dngos po med pas kyang dngos po spros par mi byed la/ ngo bo nyid dang / dngos po med pa ma gtogs par yang gang gis spros par byed pa dang / gang spros par bya ba dang / cis spros par bya ba dang / gang la spros par bya ba gzhan ci yang mi dmigs te/ rab 'byor de bas na gzugs nas rnam par shes pa'i bar du spros pa med cing / byang chub kyi bar du spros pa med pa ste/ rab 'byor byang chub sems dpa' sems dpa' chen pos spros pa med pa'i shes rab kyi pha rol tu phyin pa la de ltar spyad par bya'o/ /gsol pa/ bcom ldan 'das byang chub sems dpa' sems dpa' chen po shes rab kyi</font><hr>36.29a<br><font size=+1>

pha rol tu phyin pa la spyod pas chos thams cad spros pa ma mchis par ji ltar lta bar bgyid lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gzugs nas rnam par shes pa'i bar gyi ngo bo nyid med do/ /rnam pa thams cad mkhyen pa nyid kyi bar gyi ngo bo nyid med do/ /gang la ngo bo nyid med pa de la spros pa med do/ /rab 'byor de'i phyir na gzugs nas rnam par shes pa'i bar du spros pa med do/ /de bzhin du sbyar te/ rnam pa thams cad mkhyen pa nyid kyi bar du spros pa med do/ /rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod pa ni byang chub sems dpa'i skyon med pa la 'jug go/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos gang la yang ngo bo nyid dmigs su ma mchis na/ ci byang chub sems dpa' sems dpa' chen pos nyan thos kyi lam 'am/ rang sangs rgyas kyi lam 'am/ sangs rgyas kyi lam 'am/ lam gang gis byang chub sems dpa'i skyon ma mchis pa la 'jug par 'gyur ba lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po ni nyan thos kyi lam dang / rang sangs rgyas kyi lam dang / sangs rgyas kyi lam gyis byang chub sems dpa'i skyon med pa la mi 'jug mod kyi/ 'on kyang rab 'byor byang chub sems dpa' sems dpa' chen po ni lam thams cad la bslabs nas byang chub sems dpa'i skyon med pa la 'jug go/ /rab 'byor 'di lta ste dper na dgra bcom pas lam thams cad la bslabs nas yang dag pa nyid skyon med pa la 'jug mod kyi/ ji srid du lam gyi 'bras bu ma bskyed pa de srid du lam gyi skad cig la dgra bcom pa'i 'bras bu thob par mi 'gyur ro/ /</font><hr>36.29b<br><font size=+1>

rab 'byor de bzhin du byang chub sems dpa' sems dpa' chen po yang lam thams cad bskyed nas byang chub sems dpa'i skyon med pa la 'jug mod kyi/ rdo rje lta bu'i ting nge 'dzin ma thob kyi bar du/ rnam pa thams cad mkhyen pa nyid thob par mi 'gyur te/ de skad cig gcig dang ldan pa'i shes rab kyis rnam pa thams cad mkhyen pa nyid thob par 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub sems dpa' sems dpa' chen po lam thams cad yongs su rdzogs par bgyis nas byang chub sems dpa'i skyon ma mchis pa la 'jug na/ bcom ldan 'das de lta lags na ni brgyad pa'i lam yang gzhan kho nar 'gyur la/ rgyun tu zhugs pa'i lam yang gzhan/ lan cig phyir 'ong ba la zhugs pa'i lam yang gzhan/ lan cig phyir 'ong ba'i lam yang gzhan/ phyir mi 'ong ba la zhugs pa'i lam yang gzhan/ phyir mi 'ong ba'i lam yang gzhan/ dgra bcom pa la zhugs pa'i lam yang gzhan/ dgra bcom pa'i lam yang gzhan/ rang sangs rgyas kyi lam yang gzhan/ de bzhin gshegs pa dgra bcom pa yang dag par rdzogs pa'i sangs rgyas kyi lam yang gzhan du mi 'gyur lags sam/ bcom ldan 'das gal te lam de dag phan tshun tha dad par gyur na byang chub sems dpa' sems dpa' chen pos ji ltar lam thams cad yongs su rdzogs par bgyis nas byang chub sems dpa'i skyon ma mchis pa la 'jug par 'gyur ba lags/ bcom ldan 'das gal te byang chub sems dpa' sems dpa' chen pos lam thams cad yongs su rdzogs par bgyi 'tshal bar gyur na/ bcom ldan 'das byang chub sems dpa' sems dpa' chen pos lam thams cad bskyed pas brgyad par mi 'gyur lags grang / mthong ba'i lam bskyed pas rgyun tu zhugs par mi 'gyur lags grang / bsgom pa'i lam bskyed</font><hr>36.30a<br><font size=+1>

pas lan cig phyir 'ong ba la zhugs pa dang / lan cig phyir 'ong bar mi 'gyur lags grang / dgra bcom pa'i bar du yang mi 'gyur lags grang / rang sangs rgyas kyi lam bskyed pas rang sangs rgyas su mi 'gyur lags grang / bcom ldan 'das byang chub sems dpa' sems dpa' chen pos brgyad pa'i lam bskyed pas brgyad par 'gyur ba 'am/ brgyad par gyur nas byang chub sems dpa'i skyon ma mchis pa la 'jug pa de ni gnas ma mchis shing skabs ma lags te/ de ni gnas ma mchis lags so/ /byang chub sems dpa'i skyon ma mchis pa la zhugs nas rnam pa thams cad mkhyen pa nyid thob par 'gyur zhes bgyi ba de ni gnas ma mchis lags so/ /de bzhin du rgyun tu zhugs pa'i 'bras bu thob pa dang / dgra bcom pa nyid thob pa 'am/ rang byang chub kyi bar du thob nas byang chub sems dpa'i skyon ma mchis pa la 'jug ces bgyi ba de ni gnas ma mchis lags so/ /byang chub sems dpa'i skyon ma mchis pa la zhugs nas rnam pa thams cad mkhyen pa nyid thob par 'gyur zhes bgyi ba de ni gnas ma mchis lags na/ bcom ldan 'das ji ltar bdag gis byang chub sems dpa' sems dpa' chen pos lam thams cad bskyed nas byang chub sems dpa'i skyon ma mchis pa la 'jug pa dang / byang chub sems dpa'i skyon ma mchis pa la zhugs nas rnam pa thams cad mkhyen pa nyid 'thob cing / bag chags kyi mtshams sbyor ba thams cad spang bar 'tshal bar bgyi lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po brgyad par gyur la/ rgyun tu zhugs pa'i 'bras bu thob nas lam thams cad bskyed de/ byang chub sems dpa'i skyon med pa la 'jug ces bya ba ni gnas med do/ /skabs ma yin zhing de ni gnas med do/ /</font><hr>36.30b<br><font size=+1>

byang chub sems dpa'i skyon med pa la zhugs nas rnam pa thams cad mkhyen pa nyid thob par 'gyur zhes bya ba de ni gnas med do/ /rab 'byor yang byang chub sems dpa' sems dpa' chen po ni sems dang po bskyed pa nas bzung ste pha rol tu phyin pa drug la spyod pa na/ shes pa dang mthong bas sa brgyad po dag la rnam par bltas nas 'da' bar byed de/ brgyad gang zhe na/ 'di lta ste/ dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa ste/ 'di ni sar bstan pa yin no/ /des shes pa dang mthong bas sa brgyad po de dag las 'das par byas nas byang chub sems dpa'i skyon med pa la 'jug go/ /byang chub sems dpa'i skyon med pa la zhugs nas rnam pa thams cad mkhyen pa nyid kyi ye shes kyis nyon mongs pa dang / bag chags dang / mtshams sbyor ba thams cad spong ngo / /rab 'byor de la brgyad pa'i shes pa gang yin pa de ni byang chub sems dpa'i bzod pa'o/ /rgyun tu zhugs pa'i shes pa dang / spong ba gang yin pa de ni byang chub sems dpa'i bzod pa'o/ /lan cig phyir 'ong ba'i shes pa dang / spong ba gang yin pa de ni byang chub sems dpa'i bzod pa'o/ /phyir mi 'ong ba'i shes pa dang / spong ba gang yin pa de ni byang chub sems dpa'i bzod pa'o/ /dgra bcom pa'i shes pa dang / spong ba gang yin pa de ni byang chub sems dpa'i bzod pa'o/ /rang sangs rgyas kyi shes pa dang / spong ba gang yin pa de ni byang chub sems dpa'i bzod pa'o/ /byang chub sems dpas ni nyan thos dang / rang sangs rgyas thams cad kyi lam de dag thams cad yongs su rdzogs par byas nas lam gyi rnam pa shes pa nyid kyi shes pas byang chub sems dpa'i skyon med pa la 'jug go/ /byang chub sems dpa'i skyon med pa la zhugs nas rnam pa thams cad mkhyen pa nyid kyi ye shes kyis/ bag chags dang / </font><hr>36.31a<br><font size=+1>

mtshams sbyor ba dang / nyon mongs pa thams cad spong ste/ rab 'byor byang chub sems dpa' sems dpa' chen pos lam thams cad yongs su rdzogs par byas nas bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /bla na med pa yang dag par rdzogs pa'i byang chub mngon par rdzogs par sangs rgyas nas 'bras bu ltar sems can thams cad kyi 'tsho bar 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das nyan thos kyi lam dang / sangs rgyas kyi lam dang / sangs rgyas kyi lam bcom ldan 'das kyis gsungs pa'i lam gang lags pa 'di dag las bcom ldan 'das lam gyi rnam pa shes pa nyid kyi lam gang lags/ bka' stsal pa/ rab 'byor 'di la byang chub sems dpa' sems dpa' chen pos lam gyi rnam pa shes pa nyid rnam par dag pa bskyed par bya'o/ /rab 'byor de la lam gyi rnam pa shes pa nyid rnam par dag pa ni 'di yin te/ rnam pa gang dang gang dag dang / mtshan ma gang dang gang dag dang / rtags gang dang gang dag gis lam gyi rnam pa shes pa nyid dag par 'gyur ba'i rnam pa de dang de dag dang / mtshan ma de dang de dag dang / rtags de dang de dag byang chub sems dpa' sems dpa' chen pos mngon par rdzogs par rtogs par bya'o/ /mngon par rdzogs par rtogs nas kyang gzhan gdul ba'i phyir ci nas pha rol gyis khong du chud par gzhan dag la brjod par bya/ bstan par bya/ bshad par bya/ gdags par bya/ dgod par bya'o/ /de la skad dang / brda dang / sgra gang gis stong gsum gyi stong chen po'i 'jig rten gyi khams dbyangs kyis go bar 'gyur ba'i skad dang / brda dang / sgra thams cad byang chub sems dpa' sems dpa' chen pos bsgrub par bya ste/ brag ca lta bur rtogs par bya ba'i phyir bsgrub par bya'o/ /rab 'byor de lta bas na rnam grangs des kyang byang chub</font><hr>36.31b<br><font size=+1>

sems dpa' sems dpa' chen pos lam gyi rnam pa shes pa nyid yongs su rdzogs par bya'o/ /lam gyi rnam pa shes pa nyid yongs su rdzogs par byas nas/ sems can rnams kyi bsam pa shes par bya'o/ /sems can dmyal ba pa'i sems can rnams kyi lam yang shes par bya/ rgyu yang shes par bya/ 'bras bu yang shes par bya ste/ sems can dmyal ba'i lam de las bzlog par bya/ rgyu las kyang bzlog par bya/ 'bras bu las kyang bzlog par bya'o/ /de bzhin du dud 'gro'i skye gnas kyi lam las kyang bzlog par bya/ rgyu las kyang bzlog par bya/ 'bras bu las kyang bzlog par bya'o/ /mi 'am ci rnams dang / lto 'phye chen po rnams dang / klu rnams dang / gnod sbyin rnams dang / mi rnams kyi lam yang shes par bya/ rgyu yang shes par bya/ 'bras bu yang shes par bya'o/ /lha rnams kyi lam yang shes par bya/ rgyu yang shes par bya/ 'bras bu yang shes par bya'o/ /tshangs pa'i lam yang shes par bya/ rgyu yang shes par bya/ 'bras bu yang shes par bya'o/ /'od gsal ba rnams dang / dge rgyas pa rnams dang / 'bras bu che ba rnams dang / 'du shes med pa rnams dang / mi che ba rnams dang / mi gdung ba rnams dang / 'og min gyi lha rnams kyi lam yang shes par bya/ rgyu yang shes par bya/ 'bras bu yang shes par bya'o/ /nam mkha' mtha' yas skye mched du nye bar 'gro ba'i lha rnams kyi lam yang shes par bya/ rgyu yang shes par bya/ 'bras bu yang shes par bya'o/ /'du shes med 'du shes med min skye mched du nye bar 'gro ba'i bar gyi lha rnams kyi lam yang shes par bya/ rgyu yang shes par bya/ 'bras bu yang shes par bya'o/ /dran pa nye bar gzhag pa bzhi shes par bya/ yang dag par spong ba bzhi shes par bya/ rdzu 'phrul gyi rkang pa bzhi shes par bya/ dbang po lnga shes par bya/ stobs lnga shes par bya/ byang chub kyi yan lag bdun shes par bya/ 'phags pa'i lam yan lag brgyad pa shes par bya/ rnam par thar pa'i sgo stong pa nyid shes par bya/ rnam par thar pa'i sgo mtshan ma med pa shes</font><hr>36.32a<br><font size=+1>

par bya/ rnam par thar pa'i sgo smon pa med pa shes par bya/ de bzhin gshegs pa'i stobs bcu shes par bya/ mi 'jigs pa bzhi shes par bya/ so so yang dag par rig pa bzhi shes par bya/ sangs rgyas kyi chos ma 'dres pa bcwa brgyad shes par bya/ snying rje chen po shes par bya'o/ /lam de dag gis kyang sems can rgyun tu zhugs pa'i 'bras bu la dgod par bya ba gang yin pa de dag ni rgyun tu zhugs pa'i 'bras bu la 'god do/ /dgra bcom pa nyid kyi bar la dgod par bya ba gang yin pa de dag ni dgra bcom pa nyid la 'god do/ /rang byang chub la dgod par bya ba gang yin pa de dag ni rang byang chub la 'god do/ /byang chub la dgod par bya ba gang yin pa de dag ni byang chub la 'god de/ rab 'byor 'di ni byang chub sems dpa' sems dpa' chen po'i lam gyi rnam pa shes pa nyid yin te/ byang chub sems dpa' sems dpa' chen pos de la bslabs nas sems can gyi bsam pa la 'jug go/ /sems can gyi bsam pa la zhugs nas ci nas de'i chos bstan pa chud mi za zhing don yod par 'gyur ba de lta bur chos ston to/ /de ci'i phyir zhe na/ 'di ltar de ni pha rol gyi dbang po mchog dang mchog ma yin pa shes pa shin tu bye brag phyed cing / shin tu rtogs pa yin pa'i phyir te/ des ni sems can rnams kyi 'gro ba dang / 'ong ba dang / 'chi 'pho dang / skye ba yang dag pa ji lta ba bzhin du shes so/ /rab 'byor byang chub kyi phyogs kyi chos gang dag la byang chub sems dpa' sems dpa' chen po rnams kyis bslab par bya ba dang / nyan thos rnams dang / rang sangs rgyas rnams kyis bslab par bya ba'i lam thams cad ni shes rab kyi pha rol tu phyin pa 'di'i nang du 'dus pas na byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub kyi phyogs kyi chos rnams gang lags pa dang / byang chub gang lags pa'i chos de dag ldan pa yang ma lags/ </font><hr>36.32b<br><font size=+1>

mi ldan pa yang ma lags la/ gzugs can yang ma lags/ bstan du yang ma mchis/ thogs par yang ma mchis te/ 'di ltar mtshan nyid ma mchis par mtshan nyid gcig pa lags na/ bcom ldan 'das byang chub kyi phyogs kyi chos rnams ji ltar byang chub sgrub par 'gyur/ bcom ldan 'das ldan pa yang ma lags/ mi ldan pa yang ma lags/ gzugs can yang ma lags/ bstan du yang ma mchis/ thogs pa yang ma mchis te/ 'di ltar mtshan nyid ma mchis par mtshan nyid gcig pa'i chos ni gang la yang sgrub pa 'am/ 'jig par bgyid pa ma lags so/ /bcom ldan 'das dper bgyi na/ nam mkha' ni chos gang la yang sgrub pa ma lags shing 'jig par bgyid pa ma lags so/ /bcom ldan 'das de bzhin du chos thams cad rang gi mtshan nyid kyis stong pa ni chos gang yang sgrub pa ma lags shing 'jig par bgyid pa ma lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor rang gi mtshan nyid kyis stong pa'i chos rnams ni chos gang yang sgrub pa 'am/ 'jig par byed pa ma yin no/ /rab 'byor sems can gang dag rang gi mtshan nyid kyis stong pa'i chos mi shes pa de dag gi phyir/ byang chub kyi phyogs kyi chos 'di dag ni byang chub bsgrub pa yin no zhes bstan to/ /rab 'byor gzhan yang gzugs gang yin pa dang / tshor ba gang yin pa dang / 'du shes gang yin pa dang / 'du byed rnams gang yin pa dang / rnam par shes pa gang yin pa dang / sbyin pa'i pha rol tu phyin pa gang yin pa dang / shes rab kyi pha rol tu phyin pa'i bar gang yin pa dang / nang stong pa nyid gang yin pa dang / phyi stong pa nyid gang yin pa dang / rang gi mtshan nyid stong pa nyid kyi bar gang yin pa dang / bsam gtan dang po gang yin pa dang / 'du shes med 'du shes med min skye mched kyi snyoms par 'jug pa'i bar gang yin pa dang / dran pa nye bar gzhag pa gang dag yin pa dang / 'phags pa'i lam yan lag brgyad pa'i bar gang yin pa dang / rnam par thar pa'i sgo gsum gang yin pa</font><hr>36.33a<br><font size=+1>

dang / rnam par thar pa brgyad gang yin pa dang / mthar gyis gnas pa'i snyoms par 'jug pa dgu gang yin pa dang / de bzhin gshegs pa'i stobs bcu'i bar du gang yin pa dang / mi 'jigs pa bzhi gang yin pa dang / so so yang dag par rig pa bzhi gang yin pa dang / sangs rgyas kyi chos ma 'dres pa bcwa brgyad gang yin pa dang / snying rje chen po gang yin pa dang / rnam pa thams cad mkhyen pa nyid kyi bar gang yin pa'i chos de dag thams cad ni 'phags pa'i chos 'dul ba 'di la ldan pa yang ma yin/ mi ldan pa yang ma yin zhing / gzugs can ma yin pa/ bstan du med pa/ thogs pa med pa/ 'di ltar mtshan nyid med par mtshan nyid gcig pa yin te/ de dag ni de bzhin gshegs pas sems can thams cad gzung ba'i phyir 'jig rten gyi tha snyad kyis tha snyad du 'dogs par mdzad kyi/ don dam par ni ma yin no/ /rab 'byor de la byang chub sems dpa' sems dpa' chen pos ni thams cad la yang shes pa dang / mthong bas bslab par bya'o/ /de la shes pa dang mthong bas ji lta ba bzhin du bslabs nas/ chos kha gcig ni rtogs par bya/ chos kha cig ni rtogs par mi bya'o/ /gsol pa/ bcom ldan 'das byang chub sems dpa' sems dpa' chen pos shes pa dang mthong bas bslabs nas rtogs par bgyi ba'i chos rnams ni gang lags/ rtogs par mi bgyi ba'i chos rnams ni gang lags/ bka' stsal pa/ rab 'byor nyan thos dang / rang sangs rgyas kyis ni shes pa dang mthong bas rtogs par bya ba ma yin pa'o/ /rnam pa thams cad mkhyen pa nyid kyi ye shes kyis ni chos thams cad rnam pa thams cad du rtogs par bya ste/ rab 'byor byang chub sems dpa' sems dpa' chen pos de ltar 'phags pa'i chos 'dul ba shes rab kyi pha rol tu phyin pa 'di la bslab par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das 'phags pa'i chos 'dul ba 'phags pa'i chos 'dul ba zhes bgyi na/ </font><hr>36.33b<br><font size=+1>

bcom ldan 'das 'phags pa'i chos 'dul ba ni gang lags/ bcom ldan 'das ji tsam gyis na 'phags pa'i chos 'dul ba zhes bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la nyan thos dang / rang sangs rgyas dang / byang chub sems dpa' sems dpa' chen po rnams dang / de bzhin gshegs pa dgra bcom pa yang dag par rdzogs pa'i sangs rgyas rnams ni 'dod chags dang ldan pa yang ma yin/ mi ldan pa yang ma yin no/ /zhe sdang dang ldan pa yang ma yin mi ldan pa yang ma yin no/ /gti mug dang ldan pa yang ma yin mi ldan pa yang ma yin no/ /'jig tshogs la lta ba dang ldan pa yang ma yin mi ldan pa yang ma yin no/ /the tsom dang ldan pa yang ma yin mi ldan pa yang ma yin no/ /tshul khrims dang brtul zhugs mchog tu 'dzin pa dang ldan pa yang ma yin mi ldan pa yang ma yin no/ /'dod pa'i 'dod chags dang / gnod sems dang ldan pa yang ma yin mi ldan pa yang ma yin no/ /gzugs kyi 'dod chags dang / gzugs med pa'i 'dod chags dang ldan pa yang ma yin mi ldan pa yang ma yin no/ /ma rig pa dang ldan pa yang ma yin mi ldan pa yang ma yin no/ /rgod pa dang ldan pa yang ma yin mi ldan pa yang ma yin no/ /bsam gtan dang po dang ldan pa yang ma yin/ mi ldan pa yang ma yin no/ /bsam gtan bzhi pa'i bar dang ldan pa yang ma yin mi ldan pa yang ma yin no/ /byams pa dang ldan pa yang ma yin mi ldan pa yang ma yin no/ /snying rje dang ldan pa yang ma yin mi ldan pa yang ma yin no/ /dga' ba dang ldan pa yang ma yin mi ldan pa yang ma yin no/ /btang snyoms dang ldan pa yang ma yin mi ldan pa yang ma yin no/ /'du shes med 'du shes med min skye mched kyi bar dang ldan pa yang ma yin mi ldan pa yang ma yin no/ /dran pa nye bar gzhag pa bzhi dang / snying rje chen po'i bar dang ldan pa yang ma yin mi ldan pa yang ma yin no/ /'dus byas kyi khams dang / 'dus ma byas kyi khams dang ldan pa</font><hr>36.34a<br><font size=+1>

yang ma yin mi ldan pa yang ma yin no/ /de ci'i phyir zhe na/ 'di ltar chos de dag thams cad ni gzugs can ma yin zhing / bstan du med la/ thogs pa med cing / 'di ltar mtshan nyid med par mtshan nyid gcig pa'i phyir ro/ /gzugs can ma yin pa de dag ni gzugs can ma yin pa dang lhan cig ldan pa yang ma yin/ mi ldan pa yang ma yin no/ /bstan du med pa rnams ni bstan du med pa dang lhan cig tu ldan pa yang ma yin mi ldan pa yang ma yin no/ /thogs pa med pa rnams ni thogs pa med pa dang lhan cig tu ldan pa yang ma yin mi ldan pa yang ma yin no/ /mtshan nyid gcig pa rnams ni mtshan nyid gcig pa dang lhan cig tu ldan pa yang ma yin mi ldan pa yang ma yin no/ /mtshan nyid med pa rnams ni mtshan nyid med pa dang lhan cig tu ldan pa yang ma yin/ mi ldan pa yang ma yin no/ /rab 'byor gang la byang chub sems dpa' sems dpa' chen po rnams kyis bslab par bya ba'i byang chub sems dpa' sems dpa' chen po rnams kyi 'di ltar mtshan nyid med par mtshan nyid gcig pa'i pha rol tu phyin pa 'di ni gzugs med cing bstan du med la thogs pa med pa ste/ de la des bslabs na chos gang gis mtshan nyid kyang mi dmigs so/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gzugs kyi mtshan nyid la bslab par mi bgyi zhing / tshor ba dang / 'du shes dang / 'du byed rnams dang / rnam par shes pa'i mtshan nyid la bslab par mi bgyi/ mig dang / rna ba dang / sna dang / lce dang / lus dang / yid kyi mtshan nyid la bslab par mi bgyi/ gzugs dang / sgra dang / dri dang / ro dang / reg bya dang / chos kyi mtshan nyid la bslab par mi bgyi/ sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi mtshan nyid la bslab par mi bgyi/ sbyin pa'i pha rol tu phyin pa'i mtshan nyid la bslab par mi bgyi/ tshul khrims kyi pha rol tu phyin pa dang / </font><hr>36.34b<br><font size=+1>

bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i mtshan nyid la bslab par mi bgyi/ nang stong pa nyid kyi mtshan nyid la bslab par mi bgyi/ de bzhin du dngos po med pa'i ngo bo nyid stong pa nyid kyi bar gyi mtshan nyid la bslab par mi bgyi/ bsam gtan dang po'i mtshan nyid la bslab par mi bgyi/ bsam gtan bzhi pa'i bar gyi mtshan nyid la bslab par mi bgyi/ byams pa'i mtshan nyid la bslab par mi bgyi/ snying rje dang / dga' ba dang / btang snyoms kyi mtshan nyid la bslab par mi bgyi/ nam mkha' mtha' yas skye mched kyi mtshan nyid la bslab par mi bgyi/ 'du shes med 'du shes med min skye mched kyi bar gyi mtshan nyid la bslab par mi bgyi/ dran pa nye bar gzhag pa bzhi'i mtshan nyid la bslab par mi bgyi/ 'phags pa'i lam yan lag brgyad pa'i bar gyi mtshan nyid la bslab par mi bgyi/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin gyi mtshan nyid la bslab par mi bgyi/ rnam par thar pa'i sgo rnams kyi snyoms par 'jug pa'i mtshan nyid la bslab par mi bgyi/ de bzhin gshegs pa'i stobs bcu'i mtshan nyid la bslab par mi bgyi/ mi 'jigs pa bzhi'i mtshan nyid la bslab par mi bgyi/ so so yang dag par rig pa bzhi'i mtshan nyid la bslab par mi bgyi/ sangs rgyas kyi chos ma 'dres pa bcwa brgyad kyi mtshan nyid la bslab par mi bgyi/ snying rje chen po'i mtshan nyid la bslab par mi bgyi/ sdug bsngal 'phags pa'i bden pa'i mtshan nyid la bslab par mi bgyi/ kun 'byung ba dang / 'gog pa dang / lam 'phags pa'i bden pa'i mtshan nyid la bslab par mi bgyi/ rten cing 'brel bar 'byung ba'i lugs su 'byung ba dang / lugs su mi 'byung ba'i mtshan nyid la bslab par mi bgyi/ 'dus byas kyi khams kyi mtshan nyid la bslab par mi bgyi/ 'dus ma byas kyi khams kyi</font><hr>36.35a<br><font size=+1>

mtshan nyid la bslab par mi bgyi lags sam/ bcom ldan 'das gal te chos de dag gi mtshan nyid la bslab par mi bgyi zhing / 'du byed kyi mtshan nyid la bslab par mi bgyi na/ bcom ldan 'das byang chub sems dpa' sems dpa' chen pos chos rnams kyi mtshan nyid dang / 'du byed kyi mtshan nyid la ma bslab par nyan thos dang / rang sangs rgyas kyi sa las 'da' bar ji ltar 'gyur lags/ nyan thos dang / rang sangs rgyas kyi sa las ma 'das par yang byang chub sems dpa'i skyon ma mchis pa la 'jug par ji ltar 'gyur lags/ byang chub sems dpa'i skyon ma mchis pa la ma zhugs par yang / rnam pa thams cad mkhyen pa nyid thob par yang ji ltar 'gyur lags/ rnam pa thams cad mkhyen pa nyid ma thob par yang chos kyi 'khor lo bskor bar ji ltar 'gyur lags/ chos kyi 'khor lo ma bskor bar yang nyan thos kyi theg pa 'am/ rang sangs rgyas kyi theg pa 'am/ theg pa chen po'i sems can rnams 'khor ba las yongs su grol bar ji ltar 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te chos 'ga' zhig gi mtshan nyid yod par gyur na ni mtshan nyid de la byang chub sems dpas bslab par bya ba zhig na/ rab 'byor 'di ltar chos thams cad ni mtshan nyid med pa/ gzugs can ma yin pa bstan du med pa/ thogs pa med pa ste/ 'di ltar mtshan nyid med par mtshan nyid gcig pas de'i phyir byang chub sems dpa' sems dpa' chen pos mtshan nyid de dag la yang bslab par mi bya/ mtshan nyid med pa rnams la yang bslab par mi bya'o/ /de ci'i phyir zhe na/ rab 'byor snga na mtshan nyid yod la phyis mtshan nyid med par gyur pa ma yin pa'i phyir ro/ /rab 'byor 'di ltar de dag ni snga nas kyang mtshan nyid med la/ da ltar yang mtshan nyid med pa ste/ de'i phyir byang chub sems dpa' sems dpa' chen pos mtshan nyid rnams la yang bslab par mi bya/ mtshan nyid med pa rnams la yang bslab par mi bya'o/ /</font><hr>36.35b<br><font size=+1>

de ci'i phyir zhe na/ rab 'byor de bzhin gshegs pa rnams byung yang rung / de bzhin gshegs pa rnams ma byung yang rung ste/ mtshan nyid kyi khams de ni gnas pa nyid yin pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad mtshan nyid ma mchis shing mtshan nyid tha dad pa yang ma lags la/ mtshan nyid gcig pa yang ma lags na/ bcom ldan 'das byang chub sems dpa' sems dpa' chen po ji ltar shes rab kyi pha rol tu phyin pa la bsgom par 'gyur/ bcom ldan 'das shes rab kyi pha rol tu phyin pa ma bsgoms par ni byang chub sems dpa' sems dpa' chen pos nyan thos dang / rang sangs rgyas kyi sa las 'da' bar rngo mi thog lags so/ /nyan thos dang / rang sangs rgyas kyi sa las ma 'das par yang byang chub sems dpa' sems dpa' chen pos byang chub sems dpa'i skyon ma mchis pa la 'jug par rngo mi thog la/ byang chub sems dpa'i skyon ma mchis pa la ma zhugs par yang mi skye ba'i chos la bzod pa bskyed par rngo mi thog lags so/ /mi skye ba'i chos la bzod pa ma bskyed par yang mngon par shes pa bskyed par rngo mi thog la/ byang chub sems dpa' sems dpa' chen pos mngon par shes pa ma bskyed par yang sangs rgyas kyi zhing yongs su dag par bgyi ba dang / sems can rnams yongs su smin par bgyid par rngo mi thog lags so/ /sangs rgyas kyi zhing yongs su dag par ma bgyis la sems can rnams yongs su smin par ma bgyis par yang rnam pa thams cad mkhyen pa nyid thob par rngo mi thog la/ rnam pa thams cad mkhyen pa nyid ma thob par yang chos kyi 'khor lo bskor bar rngo mi thog lags so/ /chos kyi 'khor lo ma bskor bar yang sems can rnams rgyun tu zhugs pa'i 'bras bu la dgod par rngo mi thog la/ lan cig phyir 'ong ba'i 'bras bu la yang dgod par rngo mi thog /phyir mi 'ong ba'i 'bras bu la yang dgod par rngo mi thog /dgra bcom pa nyid la yang dgod par yang rngo mi thog /rang byang chub la yang dgod par</font><hr>36.36a<br><font size=+1>

rngo mi thog /bla na med pa yang dag par rdzogs pa'i byang chub la yang dgod par rngo mi thog lags so/ /sbyin pa las byung ba'i bsod nams bgyi ba'i dngos po la yang sems can rnams dgod par rngo mi thog /tshul khrims las byung ba'i bsod nams bgyi ba'i dngos po la yang dgod par rngo mi thog /bsgom pa las byung ba'i bsod nams bgyi ba'i dngos po la yang dgod par rngo mi thog lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor chos thams cad ni mtshan nyid med de/ mtshan nyid tha dad pa ma yin la/ mtshan nyid gcig pa yang ma yin te/ rab 'byor mtshan nyid med pa la bsgom pa ni byang chub sems dpa' sems dpa' chen po'i shes rab kyi pha rol tu phyin pa la bsgom pa yin no/ /gsol pa/ bcom ldan 'das ji ltar na mtshan nyid ma mchis pa la bsgom pa/ shes rab kyi pha rol tu phyin pa la bsgom pa lags/ bka' stsal pa/ rab 'byor chos thams cad la bsgom pa rnam par 'jig pa de ni shes rab kyi pha rol tu phyin pa la bsgom pa'o/ /gsol pa/ bcom ldan 'das chos thams cad la bsgom pa rnam par 'jig pa ji ltar shes rab kyi pha rol tu phyin pa la bsgom pa lags/ bka' stsal pa/ gzugs la bsgom pa rnam par 'jig pa ni shes rab kyi pha rol tu phyin pa la bsgom pa'o/ /tshor ba dang / 'du shes dang / 'du byed rnams dang / rnam par shes pa la bsgom pa rnam par 'jig pa ni shes rab kyi pha rol tu phyin pa la bsgom pa'o/ /mig la bsgom pa rnam par 'jig pa ni shes rab kyi pha rol tu phyin pa la bsgom pa'o/ /rna ba dang / sna dang / lce dang / lus dang / yid la bsgom pa rnam par 'jig pa ni shes rab kyi pha rol tu phyin pa la bsgom pa'o/ /gzugs la bsgom pa rnam par 'jig pa ni shes rab kyi pha rol tu phyin pa la bsgom pa'o/ /sgra dang dri dang ro dang / reg bya dang / chos la bsgom pa rnam par 'jig pa ni shes rab kyi pha rol tu phyin pa la bsgom pa'o/ /blang ba la</font><hr>36.36b<br><font size=+1>

bsgom pa rnam par 'jig pa ni shes rab kyi pha rol tu phyin pa la bsgom pa'o/ /dor ba la bsgom pa rnam par 'jig pa ni shes rab kyi pha rol tu phyin pa la bsgom pa'o/ /bsam gtan dang po la bsgom pa rnam par 'jig pa ni shes rab kyi pha rol tu phyin pa la bsgom pa'o/ /bsam gtan gnyis pa dang gsum pa dang / bzhi pa la bsgom pa rnam par 'jig pa ni shes rab kyi pha rol tu phyin pa la bsgom pa'o/ /byams pa la bsgom pa rnam par 'jig pa ni shes rab kyi pha rol tu phyin pa la bsgom pa'o/ /snying rje dang dga' ba dang / btang snyoms la bsgom pa rnam par 'jig pa ni shes rab kyi pha rol tu phyin pa la bsgom pa'o/ /nam mkha' mtha' yas skye mched la bsgom pa rnam par 'jig pa ni shes rab kyi pha rol tu phyin pa la bsgom pa'o/ /rnam shes mtha' yas skye mched la bsgom pa rnam par 'jig pa ni shes rab kyi pha rol tu phyin pa la bsgom pa'o/ /ci yang med pa'i skye mched la bsgom pa rnam par 'jig pa ni shes rab kyi pha rol tu phyin pa la bsgom pa'o/ /'du shes med 'du shes med min skye mched la bsgom pa rnam par 'jig pa ni shes rab kyi pha rol tu phyin pa la bsgom pa'o/ /sangs rgyas rjes su dran pa la bsgom pa rnam par 'jig pa ni shes rab kyi pha rol tu phyin pa la bsgom pa'o/ /chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skye ba rjes su dran pa dang / dbugs rngub pa dang / dbyung ba rjes su dran pa dang / 'chi ba rjes su dran pa dang / lus su gtogs pa rjes su dran pa la bsgom pa rnam par 'jig pa ni shes rab kyi pha rol tu phyin pa la bsgom pa'o/ /mi rtag pa'i 'du shes dang / sdug bsngal ba'i 'du shes dang / bdag med pa'i 'du shes la bsgom pa rnam par 'jig pa ni shes rab kyi pha rol tu phyin pa la sgom pa'o/ /rten cing 'brel par 'byung ba la sgom pa rnam par 'jig pa ni shes rab kyi pha rol tu phyin pa la sgom pa'o/ /bdag tu 'du shes pa la sgom pa rnam par 'jig pa ni shes rab kyi pha rol tu phyin pa la</font><hr>36.37a<br><font size=+1>

sgom pa'o/ /sems can du 'du shes pa dang / srog tu 'du shes pa dang / skye ba por 'du shes pa dang / shed las skyes par 'du shes pa dang / shed bur 'du shes pa dang / gso bar 'du shes pa dang / gang zag tu 'du shes pa dang / byed pa por 'du shes pa dang / byed du 'jug pa por 'du shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /rtag pa'i 'du shes dang / sdug pa'i 'du shes dang / bde ba'i 'du shes dang / bdag gi 'du shes la bsgom pa rnam par 'jig pa ni shes rab kyi pha rol tu phyin pa la sgom pa'o/ /dran pa nye bar gzhag pa la sgom pa rnam par 'jig pa ni shes rab kyi pha rol tu phyin pa la sgom pa'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la sgom pa rnam par 'jig pa ni shes rab kyi pha rol tu phyin pa la sgom pa'o/ /stong pa nyid kyi ting nge 'dzin la sgom pa rnam par 'jig pa ni shes rab kyi pha rol tu phyin pa la sgom pa'o/ /mtshan ma med pa'i ting nge 'dzin la sgom pa rnam par 'jig pa ni shes rab kyi pha rol tu phyin pa la sgom pa'o/ /smon pa med pa'i ting nge 'dzin la sgom pa rnam par 'jig pa ni shes rab kyi pha rol tu phyin pa la sgom pa'o/ /rnam par thar pa brgyad la sgom pa rnam par 'jig pa ni shes rab kyi pha rol tu phyin pa la sgom pa'o/ /mthar gyis gnas pa'i snyoms par 'jug pa dgu la sgom pa rnam par 'jig pa ni shes rab kyi pha rol tu phyin pa la sgom pa'o/ /rtog pa dang bcas pa dang / dpyod pa dang bcas pa'i ting nge 'dzin dang / rtog pa med pa dang / dpyod pa med pa'i ting nge 'dzin la sgom pa rnam par 'jig pa ni shes rab kyi pha rol tu phyin pa la sgom pa'o/ /sdug bsngal 'phags pa'i bden pa sgom pa rnam par 'jig pa ni shes rab kyi pha rol tu phyin pa la sgom pa'o/ /kun 'byung ba dang / 'gog pa dang / lam 'phags pa'i bden pa la sgom pa rnam par 'jig pa ni shes</font><hr>36.37b<br><font size=+1>

rab kyi pha rol tu phyin pa la sgom pa'o/ /sdug bsngal shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /kun 'byung ba shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /'gog pa shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /lam shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /zad pa shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /mi skye ba shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /chos shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /rjes su rtogs pa shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /kun rdzob shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /'dris pa shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /sgra ji bzhin shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /sbyin pa'i pha rol tu phyin pa la sgom pa rnam par 'jig pa ni shes rab kyi pha rol tu phyin pa la sgom pa'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la sgom pa rnam par 'jig pa ni shes rab kyi pha rol tu phyin pa la sgom pa'o/ /nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / de bzhin du sbyar te dngos po med pa'i ngo bo nyid stong pa nyid kyi bar la sgom pa rnam par 'jig pa ni shes rab kyi pha rol tu phyin pa la sgom pa'o/ /de bzhin gshegs pa'i stobs bcu la sgom pa rnam par 'jig pa ni shes rab kyi pha rol tu phyin pa la sgom pa'o/ /mi 'jigs pa bzhi la</font><hr>36.38a<br><font size=+1>

sgom pa rnam par 'jig pa ni shes rab kyi pha rol tu phyin pa la sgom pa'o/ /so so yang dag par rig pa bzhi la sgom pa rnam par 'jig pa ni shes rab kyi pha rol tu phyin pa la sgom pa'o/ /sangs rgyas kyi chos ma 'dres pa bcwa brgyad la sgom pa rnam par 'jig pa ni shes rab kyi pha rol tu phyin pa la sgom pa'o/ /snying rje chen po la sgom pa rnam par 'jig pa ni shes rab kyi pha rol tu phyin pa la sgom pa'o/ /rgyun tu zhugs pa'i 'bras bu la sgom pa rnam par 'jig pa ni shes rab kyi pha rol tu phyin pa la sgom pa'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la sgom pa rnam par 'jig pa ni shes rab kyi pha rol tu phyin pa la sgom pa'o/ /rang byang chub la sgom pa rnam par 'jig pa ni shes rab kyi pha rol tu phyin pa la sgom pa'o/ /rnam pa thams cad mkhyen pa nyid la sgom pa rnam par 'jig pa ni shes rab kyi pha rol tu phyin pa la sgom pa'o/ /bag chags kyi mtshams sbyor ba thams cad spong ba la sgom pa rnam par 'jig pa ni shes rab kyi pha rol tu phyin pa la sgom pa'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gzugs la rnam par 'jig pa ji ltar shes rab kyi pha rol tu phyin pa la sgom pa lags/ de bzhin du bag chags kyi mtshams sbyor ba thams cad spong ba'i bar la sgom pa rnam par 'jig pa ji ltar shes rab kyi pha rol tu phyin pa la sgom pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ gzugs dngos po yod ces bya bar mi sgom mo/ /tshor ba dang / 'du shes dang / 'du byed rnams dang / rnam par shes pa dngos po yod ces bya bar mi sgom mo/ /de ci'i phyir zhe na/ rab 'byor dngos por 'du shes pa la ni shes rab kyi pha rol tu</font><hr>36.38b<br><font size=+1>

phyin pa sgom pa med cing / de bzhin du sbyar te rnam pa thams cad mkhyen pa nyid kyi bar du dngos por 'du shes pa la ni shes rab kyi pha rol tu phyin pa sgom pa med pa'i phyir ro/ /'dod chags dang zhe sdang dang / gti mug dngos po yod ces bya bar mi sgom mo/ /bag la nyal dang / kun nas dkris pa dngos po yod ces bya bar mi sgom mo/ /de ci'i phyir zhe na/ rab 'byor dngos por 'du shes pa la ni/ sbyin pa'i pha rol tu phyin pa sgom pa med cing / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa sgom pa yang med pa'i phyir ro/ /de ci'i phyir zhe na/ rab 'byor 'di ltar de dngos po la chags kyi/ de sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la ni chags par mi byed pa'i phyir ro/ /gang dngos po la 'di ni nga'o zhes bya bar mtha' gnyis la chags pa de la ni thar pa med do/ /rab 'byor dngos por 'du shes pa la ni dran pa nye bar gzhag pa sgom pa dang / yang dag par spong ba sgom pa dang / rdzu 'phrul gyi rkang pa bsgom pa dang / dbang po sgom pa dang / stobs sgom pa dang / byang chub kyi yan lag sgom pa dang / lam sgom pa dang / stong pa nyid sgom pa dang / mtshan ma med pa dang / smon pa med pa sgom pa med do/ /de bzhin du sbyar te rnam pa thams cad mkhyen pa nyid kyi bar du sgom pa med do/ /de ci'i phyir zhe na/ rab 'byor 'di ltar de dngos po la chags pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das dngos po ni gang lags/ dngos po ma mchis pa ni gang lags/ bcom ldan 'das kyis bka' stsal pa/ rab 'byor gnyis ni dngos po'o/ /gnyis med pa ni dngos po med pa'o/ /gsol pa/ bcom ldan 'das gnyis gang lags/ bka' stsal pa/ rab 'byor gzugs su 'du shes pa ni gnyis so/ /tshor bar 'du shes pa dang / 'du shes</font><hr>36.39a<br><font size=+1>

su 'du shes pa dang / 'du byed rnams su 'du shes pa dang / rnam par shes par 'du shes pa dang / mig tu 'du shes pa nas yid du 'du shes pa'i bar dang / gzugs su 'du shes pa nas chos su 'du shes pa'i bar dang / de bzhin du sbyar te/ sangs rgyas su 'du shes pa dang / byang chub tu 'du shes pa dang / 'dus byas kyi khams su 'du shes pa dang / 'dus ma byas kyi khams su 'du shes pa dang / rab 'byor 'du shes ji snyed pa thams cad dang / 'du shes med pa ji snyed pa de dag thams cad ni gnyis so/ /ji tsam du gnyis yod pa de tsam du dngos po yin no/ /ji tsam du dngos po yod pa de tsam du 'du byed do/ /ji tsam du 'du byed yod pa de tsam du sems can rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su mi 'grol lo/ /rab 'byor rnam grangs des na/ khyod kyis gnyis kyi 'du shes can la ni sbyin pa med do/ /tshul khrims med do/ /bzod pa med do/ /brtson 'grus med do/ /bsam gtan med do/ /shes rab med do/ /lam med do/ /mngon par rtogs pa med do/ /tha na 'thun pa'i bzod pa yang med na/ gzugs yongs su shes pa nas rnam par shes pa'i bar du yongs su shes pa lta ga la yod ces de ltar rig par bya ste/ rnam pa thams cad mkhyen pa nyid shes pa'i bar du yang de bzhin du sbyar ro/ /gang la lam bsgom pa med pa de la ni rgyun tu zhugs pa'i 'bras bu nas/ dgra bcom pa nyid kyi bar dang / rang byang chub dang / bag chags kyi mtshams sbyor ba thams cad spong ba'i bar du yang ga la yod/ shes rab kyi pha rol tu phyin pa khri brgyad stong pa las/ lam bsgom pa bstan pa'i le'u zhes bya ste drug bcu rtsa dgu pa'o// // de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te dngos po'i 'du shes can la 'thun pa'i bzod pa yang ma mchis na/ thob pa lta ga la mchis/ mngon par rtogs pa lta ga la</font><hr>36.39b<br><font size=+1>

mchis te/ ma mchis na ci dngos po ma mchis pa'i 'du shes can la 'thun pa'i bzod pa mchis lags sam/ dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa dang / byang chub sems dpa'i sa dang / lam bsgom pa mchis lags sam/ lam bsgom pa la brten nas nyan thos dang ldan pa 'am/ rang sangs rgyas dang ldan pa'i nyon mongs pa rnams kyang spong bar 'gyur lags sam/ nyon mongs pa de dag gis bsgribs na ni byang chub sems dpa'i skyon ma mchis pa la 'jug par yang mi 'gyur la/ byang chub sems dpa'i skyon ma mchis pa la ma zhugs par yang rnam pa thams cad mkhyen pa nyid thob par mi 'gyur/ rnam pa thams cad mkhyen pa nyid ma thob par yang bag chags kyi mtshams sbyor ba dang / nyon mongs pa thams cad spong bar mi 'gyur lags so/ /bcom ldan 'das gal te chos 'ga' tsam gyis gnas pa dang skye ba yang ma mchis na ni/ chos ma bskyed pa de dag gis rnam pa thams cad mkhyen pa nyid thob par yang rngo mi thog lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /rab 'byor de de bzhin te/ dngos po med pa'i 'du shes can la ni 'thun pa'i bzod pa yang med do/ /de bzhin du sbyar te/ bag chags kyi mtshams sbyor ba thams cad spong ba'i bar du med do/ /gsol pa/ bcom ldan 'das ci byang chub sems dpa' sems dpa' chen po shes rab kyi pha rol tu phyin pa la spyod pa la/ dngos po'i 'du shes sam/ dngos po ma mchis pa'i 'du shes sam/ gzugs kyi 'du shes nas rnam par shes pa'i 'du shes kyi bar 'am/ rnam pa thams cad mkhyen pa nyid kyi bar gyi 'du shes sam/ 'dod chags kyi 'du shes sam/ 'dod chags spong ba'i 'du shes sam/ zhe sdang gi 'du shes sam/ zhe sdang spong ba'i 'du shes sam/ gti mug gi 'du</font><hr>36.40a<br><font size=+1>

shes sam/ gti mug spong ba'i 'du shes sam/ ma rig pa'i 'du shes sam/ ma rig pa spong ba'i 'du shes sam/ 'du byed kyi 'du shes sam/ 'du byed spong ba'i 'du shes sam/ rnam par shes pa'i 'du shes sam/ rnam par shes pa spong ba'i 'du shes sam/ ming dang gzugs kyi 'du shes sam/ ming dang gzugs spong ba'i 'du shes sam/ skye mched drug gi 'du shes sam/ skye mched drug spong ba'i 'du shes sam/ reg pa'i 'du shes sam/ reg pa spong ba'i 'du shes sam/ tshor ba'i 'du shes sam/ tshor ba spong ba'i 'du shes sam/ sred pa'i 'du shes sam/ sred pa spong ba'i 'du shes sam/ len pa'i 'du shes sam/ len pa spong ba'i 'du shes sam/ srid pa'i 'du shes sam/ srid pa spong ba'i 'du shes sam/ skye ba'i 'du shes sam/ skye ba spong ba'i 'du shes sam/ rga shi'i 'du shes sam/ rga shi spong ba'i 'du shes sam/ mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa'i 'du shes sam/ mya ngan dang smre sngags 'don pa dang / sdug bsngal ba dang / yid mi bde ba dang 'khrug pa spong ba'i 'du shes sam/ sdug bsngal gyi 'du shes sam/ sdug bsngal spong ba'i 'du shes sam/ kun 'byung ba'i 'du shes sam/ kun 'byung ba spong ba'i 'du shes sam/ 'gog pa'i 'du shes sam/ 'gog pa mngon sum du bgyid pa'i 'du shes sam/ lam gyi 'du shes sam/ lam bsgom pa'i 'du shes sam/ de bzhin du rnam pa thams cad mkhyen pa nyid kyi bar gyi 'du shes sam/ bag chags kyi mtshams sbyor ba thams cad spong ba'i 'du shes mchis lags sam/ bcom ldan 'das kyis bka' stsal pa/ rab 'byor de ni ma yin te/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa la ni chos gang la yang dngos po'i 'du shes sam/ dngos po med pa'i 'du shes med do/ /rab 'byor gang la dngos po'i 'du shes med pa dang / dngos po med pa'i 'du shes</font><hr>36.40b<br><font size=+1>

kyang med pa de ni byang chub sems dpa' sems dpa' chen po'i 'thun pa'i bzod pa yin no/ /gang la dngos po'i 'du shes med pa dang / dngos po med pa'i 'du shes kyang med pa de ni de'i lam bsgom pa yin no/ /gang la dngos po'i 'du shes med pa dang / dngos po med pa'i 'du shes kyang med pa de ni de'i 'bras bu yin no/ /rab 'byor byang chub sems dpa' sems dpa' chen po'i lam ni dngos po med pa'o/ /mngon par rtogs pa ni dngos po med pa ste/ rab 'byor rnam grangs des kyang chos thams cad ni dngos po med pa'i ngo bo nyid du de ltar rig par bya'o// //shes rab kyi pha rol tu phyin pa khri brgyad stong pa/ bam po bzhi bcu rtsa brgyad pa/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/ bcom ldan 'das chos thams cad dngos po ma mchis pa'i ngo bo nyid du de bzhin gshegs pas ji ltar mngon par rdzogs par sangs rgyas la/ gang dag mngon par rdzogs par sangs rgyas pas chos thams cad kyi yul la mnga' brnyes par gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la nga sngon pha rol tu phyin pa drug po dag la byang chub sems dpa'i spyad pa spyod pa'i tshe 'dod pa dag las dben pa/ sdig pa mi dge ba'i chos rnams las dben pa nas/ bsam gtan bzhi pa'i bar du bsgrubs te/ gnas la ngas bsam gtan dang / bsam gtan gyi yan lag de dag gi mtshan ma bzung yang / bsam gtan dang / bsam gtan gyi yan lag de dag gis rlom sems su ma byas/ bsam gtan rnams kyi ro myang ba ma byas/ bsam gtan rnams la dmigs pa ma byas shing / nga bsam gtan de dag gi rnam pa yongs su dag pa la snyoms par zhugs nas/ rdzu 'phrul bya ba mngon sum du bya ba'i phyir te sems mngon par gzhol bar</font><hr>36.41a<br><font size=+1>

byas so/ /lha'i rna ba'i shes pa mngon sum du bya ba dang / sems kyi rnam grangs shes pa mngon sum du bya ba dang / sngon gyi gnas rjes su dran pa'i shes pa mngon sum du bya ba dang / lha'i mig gi shes pa mngon sum du bya ba'i phyir sems mngon par gzhol bar bya ste/ ngas mngon sum du bya ba de dag gi mtshan ma bzung yang mngon par shes pa de dag gis rlom sems su ma byas/ ro myang ba ma byas/ dmigs pa ma byas te/ nga mngon par shes pa de dag la nam mkha' lta bur mthong bas snyoms par zhugs so/ /rab 'byor ngas skad cig gcig dang ldan pa'i shes rab kyis 'di ni sdug bsngal yin no/ /'di ni sdug bsngal kun 'byung ba yin no/ /'di ni sdug bsngal 'gog pa yin no/ /'di ni sdug bsngal 'gog par 'gro ba'i lam yin no zhes bla na med pa yang dag par rdzogs pa'i byang chub mngon par rdzogs par sangs rgyas nas de bzhin gshegs pa'i stobs bcu dang ldan zhing mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang ldan pas sems can rnams phung po gsum du lung ston to/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis dngos po ma mchis pa'i ngo bo nyid kyi bsam gtan bzhi ji ltar bskyed lags/ dngos po ma mchis pa'i ngo bo nyid kyi mngon par shes pa drug ji ltar bskyed lags/ sems can ma mchis par yang sems can rnams phung po gsum du ji ltar lung bstan lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te 'dod pa rnams sam/ sdig pa mi dge ba'i chos rnams kyi ngo bo nyid cig yod par gyur tam/ rang gi dngos po 'am/ gzhan gyi dngos po zhig yod par gyur na ni/ rab 'byor nga sngon byang chub sems</font><hr>36.41b<br><font size=+1>

dpa'i spyad pa spyod pa'i tshe 'dod pa rnams dngos po med pa'i ngo bo nyid dang / sdig pa mi dge ba'i chos rnams dngos po med pa'i ngo bo nyid du rtogs nas bsam gtan dang po bsgrubs te gnas par mi 'gyur ba zhig na/ rab 'byor 'di ltar 'dod pa rnams dang / sdig pa mi dge ba'i chos rnams dngos po 'am/ dngos po med pa 'am/ rang gi dngos po 'am/ gzhan gyi dngos po med de/ gzhan du na dngos po med pa'i ngo bo nyid kho na yin pas/ de'i phyir nga sngon byang chub sems dpa'i spyad pa spyod pa'i tshe 'dod pa dag las dben pa/ sdig pa mi dge ba'i chos rnams las dben pa rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas par gyur to/ /bsam gtan bzhi pa'i bar du yang de bzhin du sbyar bar bya'o/ /rab 'byor gal te mngon par shes pa rnams dngos po 'am/ rang gi dngos po 'am/ gzhan gyi dngos po zhig yin par gyur na ni/ rab 'byor ngas mngon par shes pa thams cad dngos po med pa'i ngo bo nyid du rtogs nas bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ba zhig na/ rab 'byor 'di ltar mngon par shes pa thams cad la dngos po med de/ rang gi dngos po dang / gzhan gyi dngos po med la/ gzhan du na dngos po med pa'i ngo bo nyid kho na yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas kyis mngon par shes pa thams cad dngos po med pa'i ngo bo nyid du thugs su chud nas bla na med pa yang dag par rdzogs pa'i byang chub mngon par rdzogs par sangs rgyas so/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub sems dpa' sems dpa' chen po chos thams cad dngos po ma mchis pa'i ngo bo nyid la/ bsam gtan bzhi dang / mngon par shes pa lngas bla na med pa yang dag par rdzogs pa'i byang chub</font><hr>36.42a<br><font size=+1>

mngon par rdzogs par 'tshang rgya bar gyur nas bcom ldan 'das chos thams cad dngos po ma mchis pa'i ngo bo nyid la/ byang chub sems dpa' sems dpa' chen po'i mthar gyis bgyi ba dang / mthar gyis bslab pa dang / mthar gyis bsgrub pa gang gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i mthar gyis bgyi ba dang / mthar gyis bslab pa dang / mthar gyis bsgrub pa ji ltar mchis par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen pos thog ma nyid du sangs rgyas bcom ldan 'das rnams dang / byang chub sems dpa' sangs rgyas mang po la bsnyen bkur byed byed pa rnams dang / dgra bcom pa rnams dang / phyir mi 'ong ba rnams dang / lan cig phyir 'ong ba rnams dang / rgyun tu zhugs pa rnams las/ sangs rgyas bcom ldan 'das rnams kyi dngos po med pa'i ngo bo nyid dang / rang sangs rgyas rnams kyi dngos po med pa'i ngo bo nyid dang / dgra bcom pa rnams kyi dngos po med pa'i ngo bo nyid dang / phyir mi 'ong ba rnams kyi dngos po med pa'i ngo bo nyid dang / lan cig phyir 'ong ba rnams kyi dngos po med pa'i ngo bo nyid dang / rgyun tu zhugs pa rnams kyi dngos po med pa'i ngo bo nyid dang / 'phags pa thams cad kyi dngos po med pa'i ngo bo nyid dang / tha na 'du byed thams cad kyi ngo bo nyid skra'i rtse mo'i cha'i gnas tsam yang med do zhes thos par gyur la/ thos nas kyang byang chub sems dpa' sems dpa' chen po de 'di snyam du gal te sangs rgyas bcom ldan 'das rnams dang / rgyun tu zhugs pa'i bar du dngos po med pa'i ngo bo nyid yin la/ gal te bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur yang rung / gal te mngon par rdzogs par 'tshang rgya bar mi 'gyur yang rung ste/ chos thams cad ni dngos po med pa'i ngo bo nyid kho na'o/ /bdag bla na med pa yang dag par rdzogs pa'i</font><hr>36.42b<br><font size=+1>

byang chub mngon par rdzogs par 'tshang rgya na ni/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can dngos po'i 'du shes la gnas pa/ thams cad dngos po med pa'i ngo bo nyid la dgod par bya'o/ /snyam du sems te/ rab 'byor byang chub sems dpa' sems dpa' chen po de sems can thams cad yongs su mya ngan las bzla ba'i phyir bla na med pa yang dag par rdzogs pa'i byang chub la yang dag par 'jug go/ /de sngon gyi byang chub sems dpa' sems dpa' chen po rnams kyis gang la bslabs nas bla na med pa yang dag par rdzogs pa'i byang chub mngon par rdzogs par sangs rgyas pa'i mthar gyis bya ba dang / mthar gyis bslab pa dang / mthar gyis sgrub pa rtsom par byed do/ /de thog ma nyid du pha rol tu phyin pa drug la slob ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la slob po/ /de sbyin pa'i pha rol tu phyin pa la slob pa na/ bdag nyid kyang sbyin pa sbyin par byed la/ gzhan dag kyang sbyin pa la 'god cing sbyin pa'i bsngags pa yang brjod la/ gzhan gang dag sbyin pa sbyin par byed pa de dag gi bsngags pa yang brjod cing rjes su dga' bar byed de/ de sbyin pa la goms pa des longs spyod kyi phung po chen po thob par 'gyur ro/ /de ser sna dang bral ba'i sems kyis sbyin pa sbyin par byed de/ zas 'dod pa la ni zas/ skom 'dod pa la ni skom/ bzhon pa 'dod pa la ni bzhon pa/ gos 'dod pa la ni gos/ spos 'dod pa la ni spos/ me tog phreng 'dod pa la ni me tog phreng / byug pa 'dod pa la ni byug pa/ mal 'dod pa la ni mal/ rgyab rten 'dod pa la ni rgyab rten/ gnas 'dod pa la ni gnas/ mar me 'dod pa la ni mar me 'am/ mi'i yo byad ci yang rung ba dag sbyin par byed de/ de sbyin pa de nyid kyis tshul khrims kyi phung po srung bar byed cing / sbyin pa de nyid dang / tshul khrims dang / ting nge 'dzin dang / </font><hr>36.43a<br><font size=+1>

shes rab dang / rnam par grol ba dang / rnam par grol ba'i ye shes mthong bas nyan thos kyi sa dang / rang sangs rgyas kyi sa las 'da' bar 'gyur ro/ /nyan thos kyi sa dang / rang sangs rgyas kyi sa las 'das nas kyang / byang chub sems dpa'i skyon med pa la 'jug go/ /byang chub sems dpa'i skyon med pa la zhugs nas kyang / sangs rgyas kyi zhing yongs su dag par byed cing / sems can rnams kyang yongs su smin par byed do/ /de nas rnam pa thams cad mkhyen pa nyid thob par 'gyur te/ chos kyi 'khor lo bskor bar 'gyur ro/ /chos kyi 'khor lo bskor nas sems can rnams theg pa gsum la 'god cing 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po'i sbyin pas mthar gyis bya ba yod de/ bya ba de dag thams cad kyang mi dmigs so/ /de ci'i phyir zhe na/ 'di ltar de'i ngo bo nyid med pa'i phyir ro/ /rab 'byor gzhan yang byang chub sems dpa' sems dpa' chen po ni sems dang po bskyed pa nas bzung ste/ bdag nyid kyang tshul khrims kyi pha rol tu phyin pa la spyod la/ gzhan dag kyang tshul khrims kyi pha rol tu phyin pa yang dag par 'dzin du 'jug go/ /de bzhin du rjes su dga' bar byed ces bya ba'i bar du sbyar ro/ /de tshul khrims des lha'i che ba nyid dang mi'i che ba nyid kyang thob par 'gyur te/ de sems can dbul po rnams la nor sbyin par byed do/ /byin nas kyang tshul khrims la 'god par byed/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la 'god par byed do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des nyan thos dang rang sangs rgyas kyi sa las 'da' bar 'gyur ro/ /'das nas kyang tshul khrims kyi phung po nas rnam par grol ba'i ye shes mthong ba'i phung po'i bar de nyid kyis byang chub sems dpa'i skyon med pa la 'jug ste/ </font><hr>36.43b<br><font size=+1>

de bzhin du sems can rnams 'khor ba las yongs su grol bar byed pa'i bar du sbyar ro/ /rab 'byor de ltar na byang chub sems dpa' sems dpa' chen po'i tshul khrims kyis mthar gyis bya ba yod de/ bya ba de dag kyang thams cad kyang mi dmigs so/ /de ci'i phyir zhe na/ 'di ltar de'i ngo bo nyid med pa'i phyir ro/ /rab 'byor gzhan yang byang chub sems dpa' sems dpa' chen po ni sems dang po bskyed pa nas bzung ste/ bdag nyid kyang bzod pa'i pha rol tu phyin pa la spyod cing / gzhan dag kyang bzod pa'i pha rol tu phyin pa yang dag par 'dzin du 'jug go/ /de bzhin du rjes su dga' bar byed pa'i bar du sbyar ro/ /de bzod pa'i pha rol tu phyin pa la spyod pa na/ sems can rnams sbyin pas tshim par byed/ tshul khrims la 'god par byed/ ting nge 'dzin la 'god par byed pa nas rnam par grol ba'i ye shes mthong ba'i bar la 'god par byed do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des nyan thos kyi sa dang rang sangs rgyas kyi sa las 'da' bar 'gyur ro/ /nyan thos dang rang sangs rgyas kyi sa las 'das nas byang chub thob par 'gyur ba'i bar du de bzhin du sbyar ro/ /rab 'byor gzhan yang byang chub sems dpa' sems dpa' chen po ni bdag nyid kyang dge ba'i chos rnams la brtson par byed la gzhan dag kyang brtson 'grus yang dag par 'dzin du 'jug ste/ de bzhin du rjes su dga' bar byed pa'i bar du sbyar ro/ /de'i ngo bo nyid med pa'i bar du yang de bzhin du sbyar ro/ /rab 'byor gzhan yang byang chub sems dpa' sems dpa' chen po ni bdag nyid kyang bsam gtan la snyoms par 'jug cing tshad med pa rnams dang / gzugs med pa'i snyoms par 'jug pa rnams la snyoms par 'jug la/ gzhan dag kyang gzugs med pa'i snyoms par 'jug pa'i bar dag la 'god par byed cing / bsam</font><hr>36.44a<br><font size=+1>

gtan dang tshad med pa dang / gzugs med pa'i snyoms par 'jug pa rnams kyi bsngags pa yang brjod par byed do/ /gzhan gang dag bsam gtan dang tshad med pa dang / gzugs med pa'i snyoms par 'jug pa rnams la snyoms par 'jug pa gang yin pa de dag gi bsngags pa yang brjod par byed pa nas rjes su dga' bar byed pa'i bar du de bzhin du sbyar ro/ /de bsam gtan de dag dang tshad med pa dang / gzugs med pa'i snyoms par 'jug pa de dag la gnas nas/ sems can rnams sbyin pas tshim par byed/ tshul khrims la 'god par byed/ bzod pa la 'god par byed/ brtson 'grus la 'god par byed/ ting nge 'dzin la 'god par byed/ shes rab la 'god par byed/ rnam par grol ba la 'god par byed/ rnam par grol ba'i ye shes mthong ba la 'god par byed do/ /de rnam par grol ba'i ye shes mthong ba dang ldan pa des nyan thos dang / rang sangs rgyas kyi sa las 'da' bar 'gyur ro/ /'das nas kyang rnam par grol ba'i ye shes mthong ba des byang chub sems dpa'i skyon med pa la 'jug pa dang / rnam pa thams cad mkhyen pa nyid thob pa nas/ de'i ngo bo nyid med pa'i bar du de bzhin du sbyar ro/ /rab 'byor gzhan yang byang chub sems dpa' sems dpa' chen po ni sems dang po bskyed pa nas bzung ste/ shes rab kyi pha rol tu phyin pa la spyod cing / sems can rnams sbyin pas tshim par byed/ tshul khrims la 'god par byed/ bzod pa la 'god par byed/ brtson 'grus la 'god par byed/ ting nge 'dzin la 'god par byed/ shes rab la 'god par byed/ rnam par grol ba la 'god par byed/ rnam par grol ba'i ye shes mthong ba la 'god par byed do/ /de shes rab kyi pha rol tu phyin pa la spyod pa na bdag nyid kyang sbyin pa sbyin par byed/ tshul khrims srung bar byed/ bzod pa sgrub par byed/ brtson 'grus rtsom par byed/ bsam gtan la snyoms par 'jug</font><hr>36.44b<br><font size=+1>

par byed/ shes rab sgom par byed/ gzhan dag kyang sbyin pa la 'god par byed/ tshul khrims la 'god par byed/ bzod pa la 'god par byed/ brtson 'grus la 'god par byed/ ting nge 'dzin la 'god par byed/ shes rab la 'god par byed pa nas rjes su dga' bar byed pa'i bar du sbyar ro/ /de sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa de dang thabs la mkhas pa dang ldan pas nyan thos dang / rang sangs rgyas kyi sa las 'das te/ byang chub sems dpa'i skyon med pa la 'jug pa dang / bla na med pa yang dag par rdzogs pa'i byang chub mngon par rdzogs par 'tshang rgya ba nas/ de'i ngo bo nyid med pa'i bar du sbyar ro/ /rab 'byor de ltar na byang chub sems dpa' sems dpa' chen po'i mthar gyis bya ba dang / mthar gyis bslab pa dang / mthar gyis sgrub pa yang yod do/ /rab 'byor gzhan yang byang chub sems dpa' sems dpa' chen po ni mthar gyis bya ba dang / mthar gyis bslab pa dang / mthar gyis sgrub pa la slob ste/ sems dang po bskyed pa nyid nas bzung ste rnam pa thams cad mkhyen pa nyid dang ldan pa'i yid la byed pa dag gis chos thams cad dngos po med pa'i ngo bo nyid du mos te/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa sgom mo/ /rab 'byor byang chub sems dpa' sems dpa' chen po sangs rgyas rjes su dran pa ji ltar bsgom zhe na/ rab 'byor 'di la byang chub sems dpa' sems dpa' chen po ni de bzhin gshegs pa dgra bcom pa yang dag par rdzogs pa'i sangs rgyas la gzugs su yid la mi byed do/ /tshor ba dang / 'du shes dang / 'du byed rnams dang / rnam par shes par yid la mi byed do/ /de ci'i phyir zhe na/ 'di ltar gzugs la ngo bo nyid</font><hr>36.45a<br><font size=+1>

med de/ gang la ngo bo nyid med pa de ni dngos po med la/ tshor ba dang / 'du shes dang / 'du byed rnams dang / rnam par shes pa'i ngo bo nyid med de/ gang la ngo bo nyid med pa de la dngos po med pa'i phyir ro/ /de bas na sangs rgyas rjes su dran pa ni dran par bya ba ma yin zhing yid la bya ba ma yin no/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni skyes bu chen po'i mtshan sum bcu rtsa gnyis su yid la mi bya'o/ /sku gser gyi kha dog can du yid la mi bya'o/ /'od 'dom gang bar yid la mi bya'o/ /dpe byad bzang po brgyad bcu'i tshul gyis yid la mi bya'o/ /de ci'i phyir zhe na/ 'di ltar sku de la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na sangs rgyas rjes su dran pa ni dran par bya ba ma yin zhing yid la bya ba ma yin no/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni tshul khrims kyi phung por yid la mi bya'o/ /ting nge 'dzin gyi phung por yid la mi bya'o/ /shes rab kyi phung por yid la mi bya'o/ /rnam par grol ba'i phung por yid la mi bya'o/ /rnam par grol ba'i ye shes mthong ba'i phung por yid la mi bya'o/ /de ci'i phyir zhe na/ 'di ltar de la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na sangs rgyas rjes su dran pa ni dran par bya ba ma yin zhing yid la bya ba ma yin no/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni de bzhin gshegs pa'i stobs bcur yid la mi bya'o/ /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad du yid la mi bya'o/ /de ci'i phyir zhe na/ 'di ltar de la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na sangs rgyas</font><hr>36.45b<br><font size=+1>

rjes su dran pa ni dran par bya ba ma yin zhing yid la bya ba ma yin no/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni rten cing 'brel par 'byung bar yid la mi bya'o/ /de ci'i phyir zhe na/ 'di ltar de la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na sangs rgyas rjes su dran pa ni dran par bya ba ma yin zhing yid la bya ba ma yin no/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas de ltar sangs rgyas yid la bya'o/ /de ltar na byang chub sems dpa' sems dpa' chen po'i mthar gyis bya ba dang / mthar gyis bslab pa dang / mthar gyis 'jug pa yang yod de/ mthar gyis bslab pa 'di la slob cing / mthar gyis bslab pa dang / mthar gyis 'jug pa la slob pa na/ dngos po med pa'i ngo bo nyid kyi tshul gyis dran pa nye bar gzhag pa bzhi yongs su rdzogs par byed/ yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin yongs su rdzogs par byed/ rnam pa thams cad mkhyen pa nyid kyi ye shes kyi bar du yongs su rdzogs par byed do/ /des chos thams cad dngos po med pa'i ngo bo nyid kho nar mngon par rdzogs par 'tshang rgya ste/ de la ngo bo nyid kyi 'du shes sam/ dngos po med pa'i 'du shes med do/ /rab 'byor byang chub sems dpa' sems dpa' chen pos chos rjes su dran pa ji ltar bsgom zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pas/ dge ba'i chos rnams yid la mi bya'o/ /mi dge ba'i chos rnams yid la mi bya'o/ /lung bstan du yod pa dang / lung du ma bstan pa dang / 'jig rten pa rnams dang / 'jig rten</font><hr>36.46a<br><font size=+1>

las 'das pa rnams dang / 'phags pa rnams dang / 'phags pa ma yin pa rnams dang / zag pa dang bcas pa rnams dang / zag pa med pa rnams dang / 'dod pa'i khams su gtogs pa rnams dang / gzugs kyi khams su gtogs pa rnams dang / gzugs med pa'i khams su gtogs pa rnams dang / ma gtogs pa rnams dang / 'dus byas kyi chos rnams dang / 'dus ma byas kyi chos rnams yid la mi bya'o/ /de ci'i phyir zhe na/ 'di ltar chos de dag la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na chos rjes su dran pa ni dran par bya ba ma yin zhing yid la bya ba ma yin no/ /dngos po med pa'i ngo bo nyid kyi tshul gyis chos kyi dbyings 'di la bslabs na rnam pa thams cad mkhyen pa nyid kyi bar du thob par 'gyur ro/ /des chos rnams dngos po med pa kho nar mngon par rdzogs par 'tshang rgya bar 'gyur te/ de la dngos po'i 'du shes sam/ dngos po med pa'i 'du shes med do/ /rab 'byor byang chub sems dpa' sems dpa' chen pos chos rjes su dran pa de ltar bsgom par bya ste/ de la ni dran pa'i chos phra rab tsam yang med na/ dran pa dang bral ba lta ci smos/ rab 'byor byang chub sems dpa' sems dpa' chen pos dge 'dun rjes su dran pa ji ltar bsgom zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pas dge 'dun rjes su dran par bya ste/ bcom ldan 'das nyan thos kyi dge 'dun skyes bu zung bzhi dang / skyes bu gang zag brgyad gang yin pa de dag gi ngo bo nyid med de/ skyes bu zung bzhi dang / skyes bu gang zag brgyad po de dag ni ngo bo nyid med cing dngos po med pa'i ngo bo nyid kyis phye ba yin te/ de ni dngos po med pa nyid du yid la byas te/ rnam pa thams cad mkhyen pa nyid thob pa nas dge 'dun rjes su dran pa ni dran par bya ba ma yin zhing / yid la bya ba ma yin pa'i bar du sbyar ro/ /</font><hr>36.46b<br><font size=+1>

rab 'byor byang chub sems dpa' sems dpa' chen pos dge 'dun rjes su dran pa de ltar bsgom par bya ste/ de la ni dran pa'i chos phra rab tsam yang med do/ /rab 'byor byang chub sems dpa' sems dpa' chen pos tshul khrims rjes su dran pa ji ltar bsgom zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni sems dang po bskyed pa nas bzung ste/ skyon med pa dang ma nyams pa dang / ma 'dres pa dang nag nog med pa dang / dbang 'byor ba dang / mkhas pas bsngags pa dang / shin tu rdzogs pa dang / ting nge 'dzin du 'gyur ba'i tshul khrims la zhugs nas tshul khrims de dngos po med pa'i ngo bo nyid du yid la byed de/ de la dran pa'i las phra rab tsam yang med pa de lta bur yid la byed do/ /rnam pa thams cad mkhyen pa nyid thob par 'gyur ba'i bar du sbyar te/ de la dngos po'i 'du shes sam/ dngos po med pa'i 'du shes med do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas gtong ba rjes su dran pa ji ltar yid la bya zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pas dngos po med pa'i ngo bo nyid kyi tshul gyis zang zing gtong ba 'am/ chos gtong ba rjes su dran par bya ste/ gtong ba des sbyin no snyam pa 'am/ mi sbyin no snyam pa 'am/ yongs su gtong ngo snyam pa 'am/ yongs su mi gtang ngo snyam du sems bskyed par mi bya'o/ /yan lag dang nying lag rnams yongs su gtong bar yang sems bskyed par mi bya'o/ /de ci'i phyir zhe na/ 'di ltar de la ngo bo nyid med pa'i phyir te/ de ltar de gtong ba rjes su dran pa la spyod pa yin no/ /de ltar slob na rnam pa thams cad mkhyen pa nyid kyi bar du rim gyis thob par 'gyur te/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ gtong ba rjes su dran pa de lta de ltar yid la bya'o/ /rab 'byor byang chub</font><hr>36.47a<br><font size=+1>

sems dpa' sems dpa' chen po shes rab kyi pha rol tu phyin pa la spyod pas lha rjes su dran pa ji ltar yid la bya zhe na/ rab 'byor 'di la byang chub sems dpa' sems dpa' chen pos rgyun du zhugs pa rgyal chen bzhi'i ris kyi lha rnams kyi nang du skyes pa dag dang / gzhan 'phrul dbang byed kyi bar gyi lha rnams kyi nang du skyes pa'i lha de dag dngos po med pa'i ngo bo nyid kyi tshul gyis yid la bya'o/ /de ci'i phyir zhe na/ de dag la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na dngos po med pa'i ngo bo nyid kyi tshul gyis lha de dag de ltar yid la bya'o/ /de la dran pa'i las phra rab tsam yang med de/ de ltar yid la byed cing rim gyis rnam pa thams cad mkhyen pa nyid kyi bar du yid la byed par 'gyur ro/ /rnam pa thams cad mkhyen pa nyid kyi bar du thob par 'gyur ro/ /rab 'byor gzhan yang gzugs na spyod pa dang / gzugs med pa na spyod pa'i lha phyir mi 'ong ba gang yin pa de dag dngos po med pa'i ngo bo nyid du yid la byed do/ /de ci'i phyir zhe na/ de la ngo bo nyid med de/ gang la ngo bo nyid med pa de ni dngos po med pa'i phyir te/ de bas na dngos po med pa'i ngo bo nyid kyi tshul gyis lha de dag rjes su dran par bya ste/ rnam pa thams cad mkhyen pa nyid thob par 'gyur ba'i bar du de bzhin du sbyar ro/ /rab 'byor byang chub sems dpa' sems dpa' chen pos rjes su dran pa drug po dag de ltar yid la bya'o/ /rab 'byor de ltar na byang chub sems dpa' sems dpa' chen po rjes su dran pa drug yid la byed pa mthar gyis bya ba yang yod/ mthar gyis bslab pa dang / mthar gyis 'jug pa yang yod do/ /rab 'byor gzhan yang byang chub sems dpa' sems dpa' chen po mthar gyis bya ba dang / mthar gyis bslab pa dang / mthar gyis bsgrub pa yongs su rdzogs par 'dod pas dngos po med pa'i ngo bo nyid kyi tshul gyis nang stong pa nyid la bslabs par bya'o/ /rang gi mtshan nyid stong pa nyid kyi bar la bslab par bya'o/ /dran pa nye bar gzhag pa</font><hr>36.47b<br><font size=+1>

bzhi la bslab par bya'o/ /de bzhin du sbyar te/ snying rje chen po'i bar la bslab par bya'o/ /de de ltar byang chub kyi lam la slob na dngos po med pa'i ngo bo nyid kyi chos rnams mngon par rdzogs par 'tshang rgya bar 'gyur te/ de la ni dran pa'i las phra rab tsam yang med na gzugs lta ci smos/ rnam pa thams cad mkhyen pa nyid kyi ye shes kyi bar du lta ga la yod de/ de ni gnas med do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i mthar gyis bya ba yang yod/ mthar gyis bslab pa dang / mthar gyis bsgrub pa yang yod la/ de la ni sems kyi spyod pa'i bya ba dang / sems kyi spyod pa'i bslab pa dang / sems kyi spyod pa'i lam yang med do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/ 'o na ni gzugs kyang ma mchis/ rnam par shes pa'i bar du yang ma mchis/ phung po rnams kyang ma mchis/ khams rnams kyang ma mchis/ skye mched rnams kyang ma mchis/ dran pa nye bar gzhag pa rnams kyang ma mchis/ de bzhin du rnam pa thams cad mkhyen pa nyid kyi ye shes kyi bar du yang ma mchis/ sangs rgyas kyang ma mchis/ chos kyang ma mchis/ dge 'dun yang ma mchis/ lam yang ma mchis/ 'bras bu yang ma mchis/ kun nas nyon mongs pa yang ma mchis/ rnam par byang ba yang ma mchis/ thob pa yang ma mchis/ mngon par rtogs pa yang ma mchis par 'gyur lags so/ /de bzhin du chos thams cad kyi bar du yang ma mchis par 'gyur lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor dngos po med pa'i ngo bo nyid kyis chos thams cad la yod</font><hr>36.48a<br><font size=+1>

pa 'am/ med par dmigs su yod snyam 'am/ gsol pa/ bcom ldan 'das de ni ma lags te/ dngos po ma mchis pa'i ngo bo nyid kyi chos thams cad la ni mchis pa 'am/ ma mchis pa mi dmigs lags so/ /bka' stsal pa/ rab 'byor gal te chos thams cad dngos po med pa'i ngo bo nyid yin na/ de'i phyir ji ltar gzugs med pa dang / rnam par shes pa'i bar du med pa dang / thob pa med pa dang / mngon par rtogs pa med pa'i bar du de bzhin du sbyar te/ de lta bur ji lta bur 'gyur/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das bdag ni chos 'di dag la yid gnyis mi 'tshal/ the tsom mi 'tshal lags mod kyi/ 'on kyang ma 'ongs pa'i dus na sems can khyim pa rnams dang / rab tu byung ba rnams dang / nyan thos kyi theg pa pa rnams dang / rang sangs rgyas kyi theg pa pa rnams dang / byang chub sems dpa'i theg pa pa rnams 'di skad du gal te chos thams cad dngos po med pa'i ngo bo nyid yin na/ dngos po med pa'i ngo bo nyid kyi chos thams cad la 'dir su zhig kun nas nyon mongs pa 'am/ rnam par byang bar 'gyur zhes mchi bar 'gyur te/ de dag kun nas nyon mongs pa dang / rnam par byang ba ma 'tshal nas tshul khrims nyams par 'gyur/ lta ba nyams par 'gyur/ spyod pa nyams par 'gyur te/ tshul khrims nyams pa dang / lta ba nyams pa dang / spyod pa nyams pa de dag ni sems can dmyal ba'i 'gro ba dang / dud 'gro'i 'gro ba dang / gshin rje'i 'jig rten gyi 'gro ba 'am/ 'gro ba gsum po dag las gang yang rung ba gcig tu mchi bar 'tshal bar bgyi lags so/ /bcom ldan 'das bdag gis ni ma 'ongs pa'i dogs pa 'di mthong bas de bzhin gshegs pa dgra bcom pa yang dag par rdzogs pa'i sangs rgyas la don 'di nyid zhus pa lags te/ bcom ldan 'das bdag ni chos de dag la</font><hr>36.48b<br><font size=+1>

yid gnyis mi 'tshal/ the tsom mi 'tshal lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ khyod kyis ji skad smras pa bzhin no/ /shes rab kyi pha rol tu phyin pa khri brgyad stong pa las/ mthar gyis bya ba dang / bslab pa dang / bsgrub pa bstan pa'i le'u zhes bya ste/ bdun bcu pa'o// // de nas yang bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/ bcom ldan 'das don ci zhig mthong nas byang chub sems dpa' sems dpa' chen po sems can rnams kyi don gyi slad du/ bla na med pa yang dag par rdzogs pa'i byang chub la zhugs lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni chos thams cad dngos po med pa'i ngo bo nyid ji lta ba de kho na bzhin du bla na med pa yang dag par rdzogs pa'i byang chub la 'jug go/ /de ci'i phyir zhe na/ rab 'byor dmigs pa ni tha chad yin te/ dmigs pa'i 'du shes can la ni thob pa'ang med/ mngon par rtogs pa'ang med/ bla na med pa yang dag par rdzogs pa'i byang chub kyang med do/ /gsol pa/ bcom ldan 'das ci dmigs su ma mchis pa la 'thob pa 'am/ mngon par rtogs pa 'am/ bla na med pa yang dag par rdzogs pa'i byang chub mchis lags sam/ bka' stsal pa/ rab 'byor chos kyi dbyings rnam par mi 'khrug pa'i phyir mi dmigs pa nyid thob pa yin/ mi dmigs pa nyid thob pa mngon par rtogs pa yin/ mi dmigs pa nyid bla na med pa yang dag par rdzogs pa'i byang chub yin no/ /mi dmigs pa nyid 'thob pa 'am/ mngon par rtogs pa 'am/ bla na med pa yang dag par rdzogs pa'i byang chub par 'dod pa gang yin pa de ni chos kyi dbyings rnam par 'khrug par 'dod du zad do/ /gsol pa/ bcom ldan 'das gal te dmigs su ma</font><hr>36.49a<br><font size=+1>

mchis pa la thob pa ma mchis/ mngon par rtogs pa ma mchis bla na med pa yang dag par rdzogs pa'i byang chub ma mchis shing / dmigs su ma mchis pa nyid thob pa lags/ dmigs su ma mchis pa nyid mngon par rtogs pa lags/ dmigs su ma mchis pa nyid bla na med pa yang dag par rdzogs pa'i byang chub lags na/ bcom ldan 'das byang chub sems dpa' sems dpa' chen po'i sa dang po ga la mchis/ gnyis pa yang ga la mchis/ bcu pa'i bar du yang ga la mchis/ mi skye ba'i chos la bzod pa yang ga la mchis/ rnam par smin pa las byung ba'i chos gang dag la gnas nas sems can rnams yongs su smin par bgyid pa dang / sangs rgyas kyi zhing yongs su dag par bgyid pa dang / sangs rgyas bcom ldan 'das rnams la zhal zas dang / btung ba dang / na bza' dang / bcibs pa dang / spos dang / me tog phreng ba dang / gzims cha dang / gdan dang / mar me dang / mi'i phun sum tshogs pa dag gis bsnyen bkur bgyid la de'i de dag kyang rgyun chad par mi 'gyur te/ yongs su mya ngan las 'das pa'i sku gdung rnams kyi bar dang / nyan thos rnams la rnam par smin par bgyis kyang bas par mi 'gyur ba'i rnam par smin pa las byung ba'i mngon par shes pa yang ga la mchis/ rnam par smin pa las byung ba'i sbyin pa yang ga la mchis/ rnam par smin pa las byung ba'i tshul khrims kyang ga la mchis/ rnam par smin pa las byung ba'i bzod pa yang ga la mchis/ rnam par smin pa las byung ba'i brtson 'grus kyang ga la mchis/ rnam par smin pa las byung ba'i ting nge 'dzin kyang ga la mchis/ rnam par smin pa las byung ba'i shes rab kyang ga la mchis/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang gi phyir dmigs su med pa de nyid kyi phyir/ sa dang po nas sa bcu pa'i bar dag yod do/ /de nyid kyi phyir dge ba'i rtsa ba gang dag gis sems can rnams kyi don byed pa nas yongs su mya ngan</font><hr>36.49b<br><font size=+1>

las 'das pa'i bar du yang mchod pa 'byung ba'i rnam par smin pa las byung ba'i mngon par shes pa lnga yod do/ /de nyid kyi phyir rnam par smin pa las byung ba'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab yod do/ /de nyid kyi phyir rnam par smin pa las byung ba'i dge ba'i rtsa ba dag yod do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das dmigs su ma mchis pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / mngon par shes pa rnams la bye brag ni ci zhig mchis/ tha dad du bgyi ba ni ci zhig mchis/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor dmigs su med pa'i sbyin pa dang / mngon par shes pa rnams kyi bar la ni tha dad du bya ba ci yang med do/ /rab 'byor gos pa med pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / mngon par shes pa de dag ni tha dad du bya bar bstan to/ /gsol pa/ bcom ldan 'das gos pa ma mchis pa'i sbyin pa nas mngon par shes pa'i bar du ji ltar tha dad du bgyi bar bstan/ bka' stsal pa/ rab 'byor 'di la byang chub sems dpa' sems dpa' chen po ni shes rab kyi pha rol tu phyin pa la spyod pa na sbyin par bya ba yang mi dmigs/ len pa po yang mi dmigs/ sbyin pa po yang mi dmigs/ sbyin pa yang mi dmigs par sbyin pa sbyin par byed do/ /tshul khrims mi dmigs par tshul khrims srung bar byed do/ /bzod pa mi dmigs par bzod pa bskyed par byed do/ /brtson 'grus mi dmigs par brtson 'grus rtsom par byed do/ /ting nge 'dzin mi dmigs par ting nge 'dzin la snyoms par 'jug par byed do/ shes rab mi dmigs par shes rab bsgom par byed do/ /mngon par shes pa rnams mi dmigs par mngon par shes pa rnams la spyod do/ /dran pa nye bar gzhag pa</font><hr>36.50a<br><font size=+1>

rnams mi dmigs par dran pa nye bar gzhag pa rnams bsgom par byed do/ /'phags pa'i lam yan lag brgyad pa'i bar du sgom par byed do/ /ting nge 'dzin gsum po stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin gyi bar du mi dmigs par sgom par byed do/ /sems can mi dmigs par sems can rnams yongs su smin par byed do/ /sangs rgyas kyi zhing mi dmigs par sangs rgyas kyi zhing yongs su dag par byed do/ /sangs rgyas kyi chos rnams mi dmigs par byang chub mngon par rdzogs par 'tshang rgya bar byed do/ /rab 'byor de ltar na byang chub sems dpa' sems dpa' chen po ni dmigs su med pa'i shes rab kyi pha rol tu phyin pa la spyod do/ /rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na bdud dam bdud kyi ris kyi lha rnams kyis tshugs par dka'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa na/ ji ltar sems gcig gis pha rol tu phyin pa drug yongs su 'dzin par bgyid/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ji ltar yongs su 'dzin par bgyid/ rnam par thar pa'i sgo gsum dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad dang / skyes bu chen po'i mtshan sum bcu rtsa gnyis dang / dpe byad bzang po brgyad bcu ji ltar yongs su 'dzin par bgyid/ bka' stsal pa/ </font><hr>36.50b<br><font size=+1>

rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ sbyin pa gang sbyin yang rung ste/ sbyin pa de shes rab kyi pha rol tu phyin pas yongs su zin pa ste/ gzhan du ma yin no/ /tshul khrims gang srung ba dang / bzod pa gang sgom pa dang / brtson 'grus gang brtsom pa dang / ting nge 'dzin gang la snyoms par 'jug kyang rung ste/ de dag shes rab kyi pha rol tu phyin pas yongs su zin pa ste/ gzhan du ma yin no/ /bsam gtan gang dag la snyoms par 'jug pa de dag kyang shes rab kyi pha rol tu phyin pas yongs su zin pa ste/ gzhan du ma yin no/ /tshad med pa gang dag la snyoms par 'jug pa de dag kyang shes rab kyi pha rol tu phyin pas yongs su zin pa ste gzhan du ma yin no/ /gzugs med pa'i snyoms par 'jug pa gang dag la snyoms par 'jug pa de dag kyang shes rab kyi pha rol tu phyin pas yongs su zin pa ste/ gzhan du ma yin no/ /dran pa nye bar gzhag pa gang dag sgom pa nas/ de bzhin du sbyar te/ dpe byad bzang po brgyad bcu'i bar de dag kyang shes rab kyi pha rol tu phyin pas yongs su zin pa ste/ gzhan du ma yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pas yongs su zin pa'i byang chub sems dpa' sems dpa' chen pos sems gcig gis pha rol tu phyin pa drug ji ltar yongs su 'dzin pa lags/ de bzhin du dpe byad bzang po brgyad bcu'i bar du ji ltar yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ sbyin pa gang sbyin pa de shes rab kyi pha rol tu phyin pas yongs su zin pa de ni gnyis kyi 'du shes can du mi 'gyur ro/ /tshul khrims gang srung ba de la gnyis kyi 'du shes can du mi 'gyur ro/ /bzod pa gang sgom pa de la gnyis kyi 'du shes can du mi 'gyur ro/ /brtson 'grus gang rtsom pa de la gnyis kyi 'du shes can du</font><hr>36.51a<br><font size=+1>

mi 'gyur ro/ /ting nge 'dzin gang la snyoms par 'jug pa de la gnyis kyi 'du shes can du mi 'gyur ro/ /de bzhin du sbyar te/ dpe byad bzang po brgyad bcu'i bar du mngon par sgrub pa de la gnyis kyi 'du shes can du mi 'gyur ro/ /gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa na/ ji ltar sbyin pa sbyin yang de la gnyis kyi 'du shes can du yang mi 'gyur ba lags/ de bzhin du dpe byad bzang po brgyad bcu'i bar du yang mngon par sgrub la/ de la gnyis kyi 'du shes can du'ang mi 'gyur ba lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ sbyin pa'i pha rol tu phyin pa yongs su rdzogs par byed cing / des sbyin pa'i pha rol tu phyin pa de'i nang du pha rol tu phyin pa drug po thams cad 'dus par byas nas/ sbyin pa sbyin par byed do/ /de bzhin du byang chub kyi phyogs kyi chos thams cad yongs su rdzogs par byed cing lam gyi bar gyi nang der/ pha rol tu phyin pa drug po thams cad 'dus par byas te lam sgom par byed do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa na/ de gang gi tshe sbyin pa sbyin pa na zag pa med pa'i sems la gnas nas sbyin pa sbyin par byed do/ /de zag pa med pa'i sems de la gnas te/ bdag gis su zhig la sbyin par bya/ ci zhig sbyin par bya/ su zhig sbyin par byed snyam pa'i mtshan ma yang yang dag par rjes su mi mthong ngo / /de mtshan ma dang bral ba'i sems dang / zag pa dang bral ba dang / sred pa dang bral ba dang / ma rig pa dang bral ba'i sems kyis sbyin pa sbyin par byed do/ /des sems de 'ang mi mthong la/ des sbyin pa de yang yang dag par rjes su mi mthong ngo / /chos thams cad kyi bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa na/ mtshan ma dang bral ba'i sems kyis</font><hr>36.51b<br><font size=+1>

tshul khrims srung ste/ tshul khrims de yang yang dag par rjes su mi mthong / chos thams cad kyi bar du yang yang dag par rjes su mi mthong ngo / /mtshan ma dang bral ba'i sems kyis bzod pa bsgom ste/ bzod pa de yang yang dag par rjes su mi mthong ngo / /chos thams cad kyi bar du yang yang dag par rjes su mi mthong / sangs rgyas kyi chos de dag kyang yang dag par rjes su mi mthong ngo / /mtshan ma dang bral ba'i sems kyis brtson 'grus rtsom par byed de/ brtson 'grus de yang yang dag par rjes su mi mthong / chos thams cad kyi bar du yang yang dag par rjes su mi mthong ngo / /mtshan ma dang bral ba'i sems kyis ting nge 'dzin la snyoms par 'jug ste/ ting nge 'dzin de yang yang dag par rjes su mi mthong la/ sangs rgyas kyi chos thams cad kyi bar du yang yongs su rdzogs par byed de/ de dag kyang yang dag par rjes su mi mthong ngo / /mtshan ma dang bral ba'i sems kyis shes rab sgom par byed de/ sangs rgyas kyi chos thams cad kyi bar du yang de bzhin du sbyar ro/ /mtshan ma dang bral ba'i sems kyis dran pa nye bar gzhag pa bzhi sgom par byed pa nas/ dpe byad bzang po brgyad bcu'i bar du mngon par sgrub ste/ de bzhin du sbyar bar bya'o/ /gsol pa/ bcom ldan 'das mtshan ma ma mchis shing mngon par 'du bgyid pa ma mchis pa'i chos rnams la ji ltar sbyin pa'i pha rol tu phyin pa yongs su rdzogs par 'gyur lags/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ji ltar yongs su rdzogs par 'gyur lags/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ji ltar yongs su rdzogs par 'gyur lags/ stong pa nyid dang / mtshan ma med pa dang / smon pa med pa'i ting nge 'dzin ji ltar yongs su rdzogs par 'gyur lags/ </font><hr>36.52a<br><font size=+1>

de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ji ltar yongs su rdzogs par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ mtshan ma dang bral ba'i sems kyis sbyin pa sbyin par byed de/ zas 'dod pa rnams la ni zas nas mi'i yo byad gang ci yang rung ba'i bar du sbyin par byed do/ /nang gi yan lag dang nying lag rnams sam/ phyi rol gyi chung ma dang / bu dang bu mo dang / rgyal srid rnams brgyan cing slong ba rnams la sbyin par byed do/ /la la zhig der 'ongs nas de la 'di skad du khyod kyi sbyin pa 'di lta bu byin na/ 'di ltar phan pa med pa 'dis ci zhig bya zhes zer na/ byang chub sems dpa' sems dpa' chen po shes rab kyi pha rol tu phyin pa la spyod pa de 'di snyam du sems te/ sems can 'di dag 'di skad du khyod kyi sbyin pa mi brtan pa byin pa 'dis ci zhig bya zhes gshe mod kyi/ 'on kyang bdag gis ni sbyin pa sbyin par bya'i bdag gis sbyin pa mi sbyin par mi bya'o snyam mo/ /des sbyin pa de yang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo bar byed de/ des yongs su bsngo ba na ci nas mtshan ma yang yang dag par rjes su mi mthong ba de lta bu'i tshul gyis yongs su bsngo bar byed de/ bdag gis ci zhig sbyin par bya/ gang la sbyin par bya/ su zhig sbyin par byed/ gang du yongs su bsngo bar bya/ ci zhig yongs su bsngo bar bya gang gis yongs su bsngo bar bya ba dang / gang tu byin nas bla na med pa yang dag par rdzogs pa'i byang chub tu yongs su bsngo ba'i dngos po de yang des yang dag par rjes su mi mthong ngo / /de ci'i phyir zhe na/ nang stong pa nyid kyis stong pa dang / phyi stong pa nyid kyis stong pa dang / phyi nang stong pa nyid kyis stong pa dang / stong pa nyid</font><hr>36.52b<br><font size=+1>

stong pa nyid kyis stong pa dang / de bzhin du sbyar te/ rang gi mtshan nyid stong pa nyid kyi bar gyis stong pa'i phyir ro/ /des gang du yongs su bsngo bar 'gyur/ ci zhig yongs su bsngo bar 'gyur/ gang gis yongs su bsngo bar 'gyur zhes de ltar mthong ste/ de ltar yongs su bsngos na/ legs par yongs su bsngos pa yin te/ de ni sems can rnams yongs su smin par byed pa dang / sangs rgyas kyi zhing yongs su 'dzin pa dang / sbyin pa'i pha rol tu phyin pa yongs su rdzogs par byed pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / /byang chub kyi phyogs kyi chos sum bcu rtsa bdun gyi bar dag dang / stong pa nyid dang mtshan ma med pa dang / smon pa med pa'i ting nge 'dzin dang / sangs rgyas kyi chos ma 'dres pa bcwa brgyad kyi bar dag yongs su rdzogs par byed de/ rnam par smin pa yang 'dzin par mi byed do/ /rab 'byor 'di lta ste dper na/ gzhan 'phrul dbang byed kyi lha rnams ni yo byad phun sum tshogs pa thams cad bsams pa tsam gyis grub par 'gyur ro/ /rab 'byor de bzhin du byang chub sems dpa' sems dpa' chen po'i yo byad thams cad kyang bsams pa tsam gyis yongs su rdzogs par 'gyur ro/ /des yo byad phun sum tshogs pa des sangs rgyas bcom ldan 'das rnams la yang bsnyen bkur byed la lha dang / mi dang / lha ma yin du bcas pa'i 'jig rten yang tshim par byed do/ /des sems can de dag sbyin pas bsdus nas thabs la mkhas pas theg pa gsum la 'god par byed do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa na/ de ltar sbyin pa'i pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen po ji ltar tshul khrims kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi</font><hr>36.53a<br><font size=+1>

pha rol tu phyin pa la spyod pa na/ tshul khrims kyi pha rol tu phyin pa yongs su rdzogs par byed de/ des 'phags pa zag pa med pa lam du gtogs pa chos nyid kyis thob pa'i tshul khrims thob par 'gyur ro/ /de'i tshul khrims de yang ma nyams shing skyon med la ma 'dres pa dang / ma 'chol ba dang / dbang 'byor ba dang / nag nog med pa dang / shin tu rdzogs pa dang / mkhas pas bsngags pa yin no/ /de tshul khrims des chos gang dag la'ang mchog tu 'dzin par mi byed de/ gzugs sam/ tshor ba 'am/ 'du shes sam/ 'du byed rnams sam/ rnam par shes pa 'am/ skyes bu chen po'i mtshan sum bcu rtsa gnyis sam/ rgyal rigs shing sa la chen po lta bu 'am/ bram ze'i rigs shing sa la chen po lta bu 'am/ khyim bdag gi rigs shing sa la chen po lta bu 'am/ rgyal chen bzhi'i ris kyi lha 'am/ sum bcu rtsa gsum pa 'am/ 'thab bral ba 'am/ dga' ldan nam/ 'phrul dga' 'am/ gzhan 'phrul dbang byed dam/ tshangs ris sam/ tshangs pa'i mdun na 'don pa 'am/ tshangs 'khor ram/ 'od chung ngam/ tshad med 'od dam/ 'od gsal lam/ dge chung ngam/ tshad med dge 'am/ dge rgyas sam/ 'bras bu che ba 'am/ 'du shes med pa'i sems can nam/ mi che ba 'am/ mi gdung ba 'am/ gya nom snang ngam/ shin tu mthong ngam/ 'og min nam/ nam mkha' mtha' yas skye mched dam/ rnam shes mtha' yas skye mched dam/ ci yang med pa'i skye mched dam/ 'du shes med 'du shes med min skye mched dam/ rgyun tu zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ 'khor los bsgyur ba'i rgyal srid dam/ rgyal srid la dbang byed pa la yang mchog tu 'dzin par mi byed de/ gzhan du na sems can thams cad dang mthun mong du byas nas/ mtshan ma med pa dang / </font><hr>36.53b<br><font size=+1>

dmigs su med pa dang / gnyis su med pas 'jig rten gyi tha snyad kyis rnam pa thams cad mkhyen pa nyid du yongs su bsngo bar byed kyis don dam par ni ma yin no/ /tshul khrims kyi pha rol tu phyin pa yongs su rdzogs pa de dang / thabs la mkhas pa des bsam gtan bzhi ro myang ba med pa'i tshul gyis bskyed par byed do/ /lha'i mig rnam par smin pa las byung ba gang gis/ shar phyogs na sangs rgyas bcom ldan 'das gang dag bzhugs te/ 'tsho zhing gzhes pa de dag mthong la/ de'i mthong ba de yang bla na med pa yang dag par rdzogs pa'i byang chub mngon par rdzogs par sangs rgyas kyi bar du chud za bar mi 'gyur ba dang / lho dang / nub dang / byang dang / phyogs mtshams kyi 'jig rten gyi khams dag na/ sangs rgyas bcom ldan 'das gang dag bzhugs te 'tsho zhing gzhes pa de dag kyang mthong la/ nam bla na med pa yang dag par rdzogs pa'i byang chub mngon par rdzogs par sangs ma rgyas kyi bar du de'i mthong ba de chud mi za bar 'gyur ba'i lha'i mig mngon par sgrub par byed do/ /lha'i rna ba rnam par dag pa mi'i las 'das pas sangs rgyas bcom ldan 'das de dag gsung ba'i sgra yang thos te/ thos pa des nam bdag dang gzhan gyi don ma byas kyi bar du thos pa de chud za bar mi 'gyur ro/ /sems kyi rnam grangs shes pas ni sangs rgyas bcom ldan 'das de dag gi dgongs pa sems kyis shes te/ sems kyi rnam grangs shes pa des sems can rnams kyi don byed do/ /sngon gyi gnas rjes su dran pa'i shes pas ni las gang byas pas las de chud za bar mi 'gyur ba'i sngon gyi las de ston par byed do/ /zag pa zad pa shes pas ni sems can rnams rgyun tu zhugs pa'i 'bras bu la 'god pa byed pa nas dgra bcom pa nyid kyi bar du 'god par byed/ rang byang chub la 'god par byed/ bla na med pa'i byang chub la 'god par byed de/ sems can rnams dge ba'i chos gang dang gang la 'jug nus pa de dang de la 'god par byed do/ /rab 'byor de ltar na byang chub sems dpa' sems dpa' chen po mtshan ma dang bral ba'i sems kyis tshul khrims</font><hr>36.54a<br><font size=+1>

kyi pha rol tu phyin pa yongs su rdzogs par byed do/ /shes rab kyi pha rol tu phyin pa khri brgyad stong pa/ bam po bzhi bcu rtsa dgu pa/ rab 'byor byang chub sems dpa' sems dpa' chen pos mtshan ma med pa dang / rtsol ba med pa dang / dmigs su med pa dang / mngon par 'du bya ba med pa'i chos rnams la ji ltar bzod pa'i pha rol tu phyin pa yongs su rdzogs par byed ce na/ de sems dang po bskyed pa nas bzung ste/ byang chub kyi snying po la 'dug gi bar du sems can thams cad lhags te/ bong ba dang / dbyug pa dang / mtshon chas bsnun kyang de la byang chub sems dpa' sems dpa' chen pos 'khrug pa'i sems bskyed pa gcig tsam 'byung ba'i skabs kyang dbye bar mi bya'o/ /de la byang chub sems dpa' sems dpa' chen pos bzod pa gnyis bsgom par bya ste/ gnyis gang zhe na sems can thams cad kyi gshe ba dang / spyo ba dang / bong ba dang / dbyug pa dang / mtshon chas bsnun pa gang yin pa bzod par bya ba dang / mi skye ba'i chos rnams la bzod pa bskyed pa gang yin pa'o/ /de la spyos shing brgyang ngam/ bong ba dang / dbyug pa dang / mtshon chas bsnun na/ byang chub sems dpa' sems dpa' chen pos 'di ltar brtag par bya ste/ bdag la su zhig gshe zhing rgya la/ bong ba dang / dbyug pa dang / mtshon chas bsnun par byed ces des chos rnams kyi ngo bo nyid la rtog pa na chos rnams nyid kyang mi dmigs na/ chos rnams kyi ngo bo nyid lta ga la yod/ de de ltar chos kyi ngo bo nyid la rtog pa na 'di snyam du sems te/ nga la gcod pa 'am/ 'bigs pa su yod snyam mo/ /de de ltar chos kyi ngo bo nyid la rtog pa na/ mi skye ba'i chos la bzod pa thob par 'gyur ro/ /de la mi skye ba'i chos la bzod pa thob pa gang zhe na/ nyon mongs pa mi skye ba nyid dang / shes pa gcad du med pa nyid do/ /bzod pa 'di gnyis la gnas nas bsam gtan bzhi yongs su rdzogs par byed do/ /tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / 'phags pa'i lam yan lag brgyad pa'i bar dang / rnam par thar pa'i sgo gsum dang / de bzhin</font><hr>36.54b<br><font size=+1>

gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par byed do/ /de 'phags pa zag pa med pa'i chos 'jig rten las 'das pa'i chos nyan thos dang / rang sangs rgyas rnams dang / thun mong ma yin pa de dag la gnas nas 'phags pa'i mngon par shes pa yongs su rdzogs par byed do/ /mngon par shes pa de dag yongs su rdzogs par byas nas mngon par shes pa de dag la gnas te/ lha'i mig rnam par dag pas shar phyogs kyi sangs rgyas bcom ldan 'das rnams mthong ngo / /mthong nas kyang sangs rgyas rjes su dran pa thob par 'gyur te/ bla na med pa yang dag par rdzogs pa'i byang chub mngon par rdzogs par sangs rgyas kyi bar du de'i sangs rgyas rjes su dran pa rgyun mi chad par 'byung bar 'gyur ro/ /phyogs mtshams kyi bar du yang de bzhin no/ /lha'i rna ba'i khams kyis sangs rgyas bcom ldan 'das de dag gis gang gsungs pa de dag thams cad 'dzin par byed do/ /bzung nas kyang de bzhin nyid du sgrub par byed de/ sems can rnams la yang de bzhin nyid du chos ston par byed do/ /sangs rgyas bcom ldan 'das de dag gi thugs kyang sems kyis shes so/ /des sems kyi rnam grangs shes pa des sems can thams cad kyi sems kyang sems kyis shes te/ sems can thams cad kyi sems shes nas kyang de bzhin nyid du chos ston to/ /sngon gyi gnas rjes su dran pa shes pas ni sems can de dag gi dge ba'i rtsa ba shes te/ sngon gyi dge ba'i rtsa ba des dga' bar byed cing yang dag par 'dzin du 'jug go/ /zag pa zad pa shes pas ni sems can de dag theg pa gsum po dag la 'dzud par byed 'god par byed do/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa de thabs la mkhas pas sems can rnams kyang yongs su smin par byas/ sangs rgyas kyi zhing yang yongs su dag par byas nas/ rnam pa thams cad mkhyen pa nyid la spyod cing rnam pa thams cad mkhyen pa nyid yongs su rdzogs par byas te/ bla na med</font><hr>36.55a<br><font size=+1>

pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo bskor bar 'gyur ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i bzod pa'i pha rol tu phyin pa yongs su rdzogs par 'gyur ro/ /rab 'byor byang chub sems dpa' sems dpa' chen po mtshan ma med pa dang / rtsol ba med pa dang / dmigs su med pa dang / mngon par 'du byed pa med pa'i chos rnams la ji ltar brtson 'grus kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni/ lus kyi brtson 'grus dang yang ldan la sems kyi brtson 'grus dang yang ldan te/ de bsam gtan dang po la snyoms par zhugs nas gnas so/ /bsam gtan bzhi pa'i bar la snyoms par zhugs te gnas so/ /de bsam gtan bzhi pa la snyoms par zhugs nas rdzu 'phrul bya ba du ma dag nyams su myong ste/ nyi ma dang zla ba gnyis la yang lag pas nyug go/ /de lus kyi brtson 'grus de dang ldan pas shar phyogs kyi 'jig rten gyi khams 'bum phrag du ma dag na sangs rgyas bcom ldan 'das gang dag bzhugs pa de dag gis drung du rdzu 'phrul gyis song nas sangs rgyas bcom ldan 'das de dag la na bza' dang / zhal zas dang / gzims cha dang / gdan dang / snyun gyi gsos sman dang / yo byad rnams kyis bsnyen bkur byed do/ /de'i gos dang zhal zas de dag kyang / bla na med pa yang dag par rdzogs pa'i byang chub mngon par rdzogs par sangs rgyas kyi bar du zad par mi 'gyur ro/ /mngon par rdzogs par sangs rgyas nas kyang lha dang / mi dang / lha ma yin du bcas pa'i 'jig rten gos dang / zas kyi bde ba dang ldan par byed do/ /des na yongs su mya ngan las 'das pa'i sku gdung dag la yang mchod pa 'byung bar 'gyur ro/ /rdzu 'phrul mngon par 'du byed pa de nyid kyis song nas sangs rgyas bcom ldan 'das de dag las chos thos par 'gyur ro/ /ci thos pa rnams kyang bla na med pa yang dag par rdzogs pa'i byang chub</font><hr>36.55b<br><font size=+1>

mngon par rdzogs par sangs rgyas kyi bar du nams kyang chud za bar mi 'gyur te/ rnam pa thams cad mkhyen pa nyid la spyod cing sems can rnams kyang yongs su smin par byed/ sangs rgyas kyi zhing yang yongs su 'dzin par byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa lus kyi brtson 'grus dang ldan pas/ brtson 'grus kyi pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen po sems kyi brtson 'grus 'phags pa zag pa med pa lam dang lam gyi yan lag tu gtogs pa dang ldan pas ji ltar brtson 'grus kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ lus kyi brtson 'grus dang ldan pas lus kyi las mi dge ba'i skabs mi 'byed do/ /ngag gi las mi dge ba'i skabs mi 'byed do/ /rtag ces bya ba 'am/ mi rtag ces bya ba 'am/ bde zhes bya ba 'am/ sdug bsngal zhes bya ba 'am/ bdag yod ces bya ba 'am/ bdag med ces bya ba 'am/ 'dus byas shes bya ba 'am/ 'dus ma byas shes bya ba 'am/ 'dod pa'i khams shes bya ba 'am/ gzugs kyi khams shes bya ba 'am/ gzugs med pa'i khams shes bya ba 'am/ zag pa dang bcas pa'i khams shes bya ba 'am/ zag pa med pa'i khams shes bya ba 'am/ bsam gtan dang po shes bya ba 'am/ bsam gtan bzhi pa'i bar zhes bya ba 'am/ byams pa zhes bya ba 'am/ snying rje zhes bya ba 'am/ dga' ba zhes bya ba 'am/ btang snyoms zhes bya ba 'am/ nam mkha' mtha' yas skye mched ces bya ba 'am/ 'du shes med 'du shes med min skye mched kyi bar zhes bya ba 'am/ dran pa nye bar gzhag pa rnams shes bya ba 'am/ yang dag par spong ba rnams shes bya ba 'am/ rdzu 'phrul gyi rkang pa rnams shes bya ba 'am/ dbang po rnams shes bya ba 'am/ stobs rnams shes bya ba 'am/ byang chub kyi yan lag rnams shes bya ba 'am/ 'phags pa'i lam yan lag brgyad pa shes bya ba 'am/ stong pa nyid ces bya ba 'am/ </font><hr>36.56a<br><font size=+1>

mtshan ma med ces zhes bya ba 'am/ smon pa med pa zhes bya bar mchog tu 'dzin par mi byed do/ /sangs rgyas kyi chos rnams kyi bar du rtag ces bya ba 'am/ mi rtag ces bya ba 'am/ bde zhes bya ba 'am/ sdug bsngal zhes bya ba 'am/ bdag yod pa zhes bya ba 'am/ bdag med pa zhes bya bar mchog tu 'dzin par mi byed do/ /rgyun tu zhugs pa'i 'bras bu zhes bya ba 'am/ lan cig phyir 'ong ba'i 'bras bu zhes bya ba 'am/ phyir mi 'ong ba'i 'bras bu zhes bya ba 'am/ dgra bcom pa nyid ces bya ba 'am/ rang byang chub ces bya ba 'am/ de bzhin du sbyar te/ rgyun tu zhugs pa zhes bya ba nas/ rang sangs rgyas shes bya ba'i bar dang / byang chub sems dpa' zhes bya bar mchog tu 'dzin par mi byed do/ /sems can 'di dag ni mthong bas rab tu phye ba'o/ /sems can 'di dag ni bsrabs pas rab tu phye ba'o/ /sems can 'di dag ni tha ma'i cha dang 'thun pas rab tu phye ba'o/ /'di dag ni gong ma'i cha dang 'thun pas rab tu phye ba'o/ /'di dag ni rang sangs rgyas nyid kyis rab tu phye ba'o/ /'di dag ni lam gyi rnam pa shes pa nyid kyis rab tu phye ba'o zhes de ltar yang mchog tu 'dzin par mi byed do/ /de ci'i phyir zhe na/ 'di ltar ngo bo nyid gang gis rab tu phye ba'i ngo bo nyid de dag la med pa'i phyir ro/ /de sems kyi brtson 'grus de dang ldan pas 'chi kar yang sems can rnams kyi don byed la sems can de dag kyang mi dmigs so/ /brtson 'grus kyi pha rol tu phyin pa yang yongs su rdzogs par byed la/ brtson 'grus kyi pha rol tu phyin pa de yang mi dmigs so/ /sangs rgyas kyi chos rnams kyi bar du yang yongs su rdzogs par byed la/ sangs rgyas kyi chos de dag kyang mi dmigs so/ /sangs rgyas kyi zhing yang yongs su dag par byed la sangs rgyas kyi zhing de yang mi dmigs so/ /de lus dang sems kyi brtson 'grus de dang ldan pas dge ba'i chos thams cad kyang yongs su 'dzin la de dag la yang chags par mi byed de/ de chags pa med pas sangs rgyas kyi zhing nas sangs rgyas kyi zhing du 'gro zhing 'jig rten gyi khams nas 'jig rten gyi khams su 'gro ste/ sems can rnams kyi don byed cing / rdzu 'phrul</font><hr>36.56b<br><font size=+1>

gyi cho 'phrul gang dang gang rnam par sprul par 'dod pa/ rdzu 'phrul gyi cho 'phrul de dang de rnam par sprul par byed do/ /yang na ni me tog gi char 'bebs so/ /yang na ni spos 'gyed par byed do/ /yang na ni 'brug sgra sgrogs par byed do/ /yang na ni glu dbyangs sgrogs par byed do/ /yang na ni sa g.yo bar byed do/ /yang na ni rin po che sna bdun gyi sa gzhi ston par byed do/ /yang na ni mun nag gi sems can rnams kyi ched du bdag nyid las 'od 'byin par byed do/ /yang na ni spos gtong bar byed do/ /yang na ni srog gcod pa med pa'i mchod sbyin byed do/ /yang na ni sems can mtha' yas pa lam la 'dzud par byed do/ /srog gcod pa las zlog par byed pa nas/ log par lta ba'i bar dag las zlog par byed do/ /kha cig la ni sbyin pas phan 'dogs par byed do/ /kha cig la ni tshul khrims kyis phan 'dogs par byed do/ /kha cig gi don du ni yan lag dang / nying lag yongs su gtong bar byed do/ /kha cig la ni bu dang chung ma yongs su gtong bar byed do/ /kha cig la ni rgyal srid/ kha cig gi don du ni bdag nyid yongs su gtong bar byed de/ thabs gang dang gang gis sems can rnams kyi don byar rung ba'i thabs de dang des sems can rnams kyi don byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa/ sems kyi brtson 'grus dang ldan pas ming med pa dang mtshan ma med pa'i chos rnams la gnas nas brtson 'grus kyi pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ ming med pa dang / mtshan ma med pa'i chos rnams la gnas nas ji ltar ting nge 'dzin gyi pha rol tu phyin pa yongs su rdzogs par byed ce na/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ de bzhin gshegs pa'i ting nge 'dzin ma gtogs par ting nge 'dzin thams cad yongs su rdzogs par byed de/ de la 'dod pa dag las dben pa/ sdig pa mi dge ba'i chos rnams las dben pa/ </font><hr>36.57a<br><font size=+1>

rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po bsgrubs te gnas so/ /bsam gtan bzhi pa'i bar du bsgrubs te gnas so/ /de byams pa dang ldan pa'i sems dang / btang snyoms dang ldan pa'i bar gyi sems kyis/ 'jig rten thams cad kyi bar du khyab par bsgrubs te gnas so/ /'du shes med 'du shes med min skye mched kyi bar du bsgrubs te gnas so/ /de ting nge 'dzin gyi pha rol tu phyin pa de las rnam par thar pa brgyad la lugs dang / lugs ma yin par snyoms par 'jug cing ldang bar yang byed do/ /mthar gyis gnas pa'i snyoms par 'jug pa dgu dang / stong pa nyid kyi ting nge 'dzin bsgrubs te gnas so/ /mtshan ma med pa'i ting nge 'dzin dang / smon pa med pa'i ting nge 'dzin bsgrubs te gnas so/ /bar chad med pa'i ting nge 'dzin bsgrubs te gnas so/ /mngon par 'phags pa'i ting nge 'dzin dang / yang dag pa'i ting nge 'dzin dang / rdo rje lta bu'i ting nge 'dzin bsgrubs te gnas so/ /de ting nge 'dzin gyi pha rol tu phyin pa 'di la gnas nas/ byang chub kyi phyogs kyi chos sum bcu rtsa bdun bsgrubs te gnas so/ /de ting nge 'dzin gyi pha rol tu phyin pa 'di la gnas nas lam gyi rnam pa shes pa nyid kyi ye shes kyis lam gyi rnam pa shes pa nyid kyi nang du ting nge 'dzin gyi tshogs rnams 'dus par byas nas/ dkar po rnam par mthong ba'i sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa las 'das nas byang chub sems dpa'i skyon med pa la 'jug ste/ sangs rgyas kyi sa yongs su rdzogs par byed do/ /de de dag la spyod kyang bar ma dor 'bras bu thob par mi 'gyur ro/ /de ting nge 'dzin gyi pha rol tu phyin pa 'di la gnas nas sangs rgyas kyi zhing nas sangs rgyas kyi zhing du 'gro zhing / sangs rgyas bcom ldan 'das rnams</font><hr>36.57b<br><font size=+1>

la bsnyen bkur byed do/ /de sangs rgyas bcom ldan 'das de dag la bsnyen bkur byed pas sangs rgyas bcom ldan 'das de dag las dge ba'i rtsa ba bskyed de sangs rgyas kyi zhing yongs su dag par byed do/ /'jig rten gyi khams nas 'jig rten gyi khams su 'gro ste/ sems can rnams kyi don byed do/ /der sems can kha cig la ni sbyin pas phan 'dogs so/ /kha cig la ni tshul khrims kyis/ kha cig la ni ting nge 'dzin gyis/ kha cig la ni shes rab kyis/ kha cig la ni rnam par grol bas/ kha cig la ni rnam par grol ba'i ye shes mthong bas phan 'dogs so/ /kha cig ni rgyun tu zhugs pa'i 'bras bu la 'god do/ /de bzhin du sbyar te/ kha cig ni dgra bcom pa nyid kyi bar la 'god do/ /kha cig ni rang byang chub la 'god do/ /dge ba'i chos gang dang gang dag gis sems can rnams 'bogs par 'gyur ba de dang de la sbyor bar byed do/ /de ting nge 'dzin gyi pha rol tu phyin pa 'di la gnas nas gzungs kyi sgo thams cad sgrub par byed do/ /so so yang dag par rig pa bzhi thob par 'gyur ro/ /rnam par smin pa las byung ba'i mngon par shes pa rnams kyang thob par 'gyur ro/ /de nams kyang ma'i mngal du skye bar mi 'gyur/ nams kyang 'dod pa la sten par mi 'gyur/ de skye ba gang yang yongs su mi 'dzin pa med la/ skye ba'i skyon gyis kyang gos par mi 'gyur ro/ /de ci'i phyir zhe na/ 'di ltar des chos thams cad sgyu ma lta bur legs par mthong ba'i phyir ro/ /des 'du byed thams cad sgyu ma lta bur rtogs nas sems can thams cad kyi don byed kyang de la sems can dang / sems can du gdags pa 'ang mi dmigs so/ /des chos thams cad mi dmigs pas sems can thams cad kyang 'jig rten gyi tha snyad kyis mi dmigs pa nyid la 'god par byed de/ don dam par ni ma yin no/ /de ting nge 'dzin gyi pha rol tu phyin pa 'di la gnas nas/ bsam gtan dang / rnam par thar pa dang / snyoms par 'jug pa thams cad la spyod de/ bla na med pa yang dag par rdzogs pa'i byang chub</font><hr>36.58a<br><font size=+1>

yongs su rdzogs par ma gyur gyi bar du nams kyang ting nge 'dzin gyi pha rol tu phyin pa dang bral bar mi 'gyur ro/ /de ting nge 'dzin gyi pha rol tu phyin pa 'di la gnas nas rnam pa thams cad mkhyen pa nyid mngon par sgrub par byed de/ de la gnas nas bag chags dang mtshams sbyor ba thams cad spong bar byed do/ /bag chags dang mtshams sbyor ba thams cad spangs nas/ bdag dang gzhan gyi don byed do/ /bdag dang gzhan gyi don byas pas/ lha dang mi dang / lha ma yin du bcas pa'i 'jig rten gyi sbyin gnas su 'gyur ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa mtshan ma med pa'i ting nge 'dzin gyi pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen po mtshan ma med pa'i chos rnams la ji ltar shes rab kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni chos gang yang yod pa nyid dam/ yongs su grub pa nyid du yang dag par rjes su ma mthong ste/ des gzugs la yod pa nyid dam/ yongs su grub pa nyid yang dag par rjes su mi mthong ngo / /rnam par shes pa'i bar la yod pa nyid dang / yongs su grub pa nyid yang dag par rjes su mi mthong ngo / /gzugs kyi skye ba yang dag par rjes su mi mthong ngo / /rnam par shes pa'i bar gyi skye ba yang dag par rjes su mi mthong ngo / /des gzugs kyi skye ba yang dag par rjes su ma mthong la/ rnam par shes pa'i bar gyi skye ba yang dag par rjes su ma mthong bas gzugs kyi skye ba'i sgo yang dag par rjes su mi mthong ngo / /rnam par shes pa'i bar gyi skye ba'i sgo yang dag par rjes su mi mthong ngo / /gzugs kyi bsags pa yang dag par rjes su mi mthong ngo / /rnam par shes pa'i bar gyi bsags pa yang dag par rjes su mi mthong ngo / /de bzhin du zag pa dang bcas pa dang / zag pa med pa thams cad kyi bar gyi</font><hr>36.58b<br><font size=+1>

skye ba'i sgo yang dag par rjes su mi mthong ste/ gsob nyid dang / gsog nyid dang / snying po med pa nyid du mthong ngo / /de de ltar rtog pa na gzugs kyi ngo bo nyid mi dmigs so/ /de bzhin du sbyar te/ zag pa dang bcas pa dang / zag pa med pa'i chos rnams kyi ngo bo nyid kyi bar du mi dmigs te/ de shes rab kyi pha rol tu phyin pa la spyod pa na/ chos thams cad la dngos po med pa'i ngo bo nyid du mos so/ /de de ltar mos la nang stong pa nyid la spyod cing / rang gi mtshan nyid stong pa nyid kyi bar la spyod na chos gang la yang zhen par mi 'gyur te/ gzugs sam/ tshor ba 'am/ 'du shes sam/ 'du byed rnams sam/ rnam par shes pa 'am/ de bzhin du sbyar te/ byang chub kyi bar gyi chos gang la yang mngon par zhen par mi 'gyur ro/ /de dngos po med pa'i ngo bo nyid kyi shes rab kyi pha rol tu phyin pa la spyod pa na/ byang chub kyi lam yongs su rdzogs par byed de/ 'di lta ste pha rol tu phyin pa drug dang / byang chub kyi phyogs kyi chos rnams kyi bar dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / dpe byad bzang po brgyad bcu yongs su rdzogs par byed do/ /de rnam par smin pa'i chos byang chub sems dpa'i lam la gnas nas pha rol tu phyin pa drug dang / byang chub kyi phyogs kyi chos sum bcu rtsa bdun yongs su rdzogs shing rnam par smin pa las byung ba'i mngon par shes pa rnams yongs su rdzogs par gyur na/ sems can gang dag sbyin pas bsdu bar bya ba de dag ni sbyin pas sdud par byed do/ /gang dag tshul khrims kyis bsdu bar bya ba dang / gang dag ting nge 'dzin gyis bsdu bar bya ba dang / gang dag shes rab kyis bsdu bar bya ba dang / gang dag rnam par grol bas bsdu bar bya ba dang / gang dag rnam par grol ba ye shes mthong bas bsdu bar bya ba de dag ni rnam par grol ba'i ye shes mthong bas sdud par byed do/ /gang dag rgyun du zhugs pa'i 'bras bu la dgod par bya ba de dag ni rgyun du zhugs pa'i 'bras bu la 'god par byed do/ /gang</font><hr>36.59a<br><font size=+1>

dag lan cig phyir 'ong ba'i 'bras bu la dgod par bya ba dang / gang dag phyir mi 'ong ba'i 'bras bu la dgod par bya ba dang / gang dag dgra bcom pa nyid la dgod par bya ba dang / gang dag rang byang chub la dgod par bya ba dang / gang dag byang chub la dgod par bya ba de dag ni byang chub la 'god par byed de/ thams cad la yang de bzhin du sbyar bar bya'o/ /de rdzu 'phrul bya ba rnam pa du ma dag byed cing / 'jig rten gyi khams gang gA'i klung gi bye ma snyed dag tu 'gro ste/ 'dod na 'jig rten gyi khams de dag tu rin po che ji lta bu 'dod pa de lta bu'i rin po che dag mngon par sprul nas sems can rnams kyi bsam pa yongs su rdzogs par byed de sems can rnams kyi bsam pa yongs su rdzogs par byed cing 'jig rten gyi khams nas 'jig rten gyi khams su 'gro'o/ /des 'jig rten gyi khams de dag mthong nas sangs rgyas kyi zhing yongs su 'dzin par byed de/ gzhan 'phrul dbang byed kyi lha rnams kyi longs spyod dang yongs su spyod pa ci 'dra ba dag dang / sangs rgyas kyi zhing gzhan dag na yongs su tshol ba med pa gang yin pa de lta bu'i longs spyod dang / yongs su spyad pa dag kyang der 'byung bar 'gyur ro/ /de rnam par smin pa las byung ba'i sbyin pa'i pha rol tu phyin pa dang / tshul khrims kyi pha rol tu phyin pa dang / shes rab kyi pha rol tu phyin pa'i bar dag dang / rnam par smin pa las byung ba'i mngon par shes pa rnams dang / rnam par smin pa las byung ba'i byang chub kyi lam gang yin pa des lam gyi rnam pa shes pa nyid la spyod pa na/ thams cad kyi pha rol tu phyin nas/ rnam pa thams cad mkhyen pa nyid thob par 'gyur ro/ /gal te ji tsam du gzugs yongs su mi 'dzin cing / rnam par shes pa'i bar dang / chos thams cad kyi bar du yongs su mi 'dzin te/ dge ba 'am/ mi dge ba 'am/ 'jig rten pa 'am/ 'jig rten las 'das pa 'am/ zag pa dang bcas pa 'am/ zag pa med pa 'am/ 'dus byas sam/ 'dus ma byas yongs su mi 'dzin pa de ni bla na med pa yang dag par</font><hr>36.59b<br><font size=+1>

rdzogs pa'i byang chub mngon par rdzogs par sangs rgyas na yang de'i sangs rgyas kyi zhing na longs spyod dang / yongs su spyad pa thams cad yongs su 'dzin pa med par 'gyur ro/ /de ci'i phyir zhe na/ 'di ltar chos thams cad ni dmigs su med pa'i tshul yin pa'i phyir ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtshan ma med pa'i tshul gyis shes rab kyi pha rol tu phyin pa yongs su rdzogs par byed do/ /shes rab kyi pha rol tu phyin pa khri brgyad stong pa las mtshan ma med pa dang / dmigs su med pa'i chos nyid kyi le'u zhes bya ste/ bdun bcu rtsa gcig pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji ltar na byang chub sems dpa' mtshan ma ma mchis pa dang / rtsol ba ma mchis pa dang / ma 'dres pa dang / rang gi mtshan nyid kyis stong pa'i chos rnams la pha rol tu phyin pa drug po sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa bsgom pa ji ltar yongs su rdzogs par 'gyur lags/ zag pa ma mchis pa'i chos 'di dag la ji ltar tha dad du bgyi ba gdags lags/ 'di dag la tha dad du dbye ba ji ltar mchis lags/ sbyin pa'i pha rol tu phyin pa ji ltar shes rab kyi pha rol tu phyin pa'i nang du 'dus pa lags/ tshul khrims dang / bzod pa dang / brtson 'grus dang / bsam gtan gyi pha rol tu phyin pa ji ltar shes rab kyi pha rol tu phyin pa'i nang du 'dus pa lags/ bcom ldan 'das mtshan nyid ma mchis pa'i chos 'di ltar mtshan nyid ma mchis par mtshan nyid gcig pa'i chos rnams la ji ltar tha dad du bgyi ba gdags par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la</font><hr>36.60a<br><font size=+1>

byang chub sems dpa' sems dpa' chen po shes rab kyi pha rol tu phyin pa la spyod pa ni rmi lam lta bu'i phung po lnga po dag la gnas te/ sbyin pa sbyin par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan rnams la snyoms par 'jug par byed/ shes rab sgom par byed do/ /brag cha lta bu'i nye bar len pa'i phung po lnga po dag la gnas te/ sbyin pa sbyin par byed/ tshul khrims srung bar byed/ bzod pa bsgom par byed/ brtson 'grus rtsom par byed/ bsam gtan la snyoms par 'jug par byed/ shes rab sgom par byed do/ /mig yor lta bu dang / smig rgyu lta bu dang / sgyu ma lta bu dang / sprul pa lta bu'i nye bar len pa'i phung po dag la gnas te/ sbyin pa sbyin par byed/ tshul khrims srung bar byed/ bzod pa bsgom par byed/ brtson 'grus rtsom par byed/ ting nge 'dzin la snyoms par 'jug par byed/ shes rab sgom par byed do/ /phung po lnga po de dag ni rmi lam lta bu ste/ mtshan nyid med pa'o/ /phung po lnga po dag ni brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu ste/ mtshan nyid med pa'o/ /de ci'i phyir zhe na/ rmi lam la ni ngo bo nyid ci yang med la/ brag cha dang / mig yor dang / smig rgyu dang / sgyu ma dang / sprul pa la ni ngo bo nyid ci yang med pa'i phyir ro/ /gang la ngo bo nyid med pa de la ni mtshan nyid med do/ /gang la mtshan nyid med pa de la ni 'di ltar mtshan nyid med par mtshan nyid gcig go/ /rab 'byor de bas na rnam grangs des kyang khyod kyis sbyin pa'i mtshan nyid med pa dang / sbyin pa po'i mtshan nyid med pa dang / len pa po'i mtshan nyid med par de ltar rig par bya'o/ /gang gis de ltar shes nas sbyin pa sbyin par byed pa de ni sbyin pa'i pha rol tu phyin pa yongs su rdzogs par byed do/ /de sbyin pa'i pha rol tu phyin pa yongs su rdzogs par byed na/ tshul khrims kyi pha rol tu phyin pa las ldog par mi 'gyur ro/ /bzod pa'i pha rol tu phyin pa dang / brtson 'grus kyi pha rol tu phyin pa dang / </font><hr>36.60b<br><font size=+1>

bsam gtan gyi pha rol tu phyin pa dang / shes rab kyi pha rol tu phyin pa las ldog par mi 'gyur ro/ /de pha rol tu phyin pa drug po 'di dag la gnas nas bsam gtan bzhi yongs su rdzogs par byed do/ /tshad med pa bzhi yongs su rdzogs par byed do/ /gzugs med pa'i snyoms par 'jug pa bzhi yongs su rdzogs par byed do/ /dran pa nye bar gzhag pa bzhi yongs su rdzogs par byed do/ /yang dag par spong ba bzhi yongs su rdzogs par byed do/ /rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / nang stong pa nyid dang / de bzhin du sbyar te/ rang gi mtshan nyid stong pa nyid kyi bar du yongs su rdzogs par byed do/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin yongs su rdzogs par byed do/ /rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa lnga yongs su rdzogs par byed do/ /gzungs kyi sgo lnga brgya yongs su rdzogs par byed do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par byed do/ /de rnam par smin pa las byung ba'i 'phags pa zag pa med pa'i chos 'di dag la gnas te/ shar phyogs kyi 'jig rten gyi khams dag tu rdzu 'phrul gyis song nas sangs rgyas bcom ldan 'das rnams la bsnyen bkur byed de/ sangs rgyas bcom ldan 'das de dag la rim gro yang byed do/ /der longs spyod dag gis sems can rnams kyi don yang byed do/ /der sems can gang dag sbyin pas bsdu bar bya ba de dag ni sbyin pas bsdud par byed do/ /gang dag tshul khrims kyis bsdu bar bya ba de dag ni tshul khrims kyis sdud par byed do/ /gang dag bzod pas bsdu bar bya ba de dag ni bzod pas bsdud par byed do/ /gang dag brtson 'grus kyis bsdu bar bya ba de dag ni brtson 'grus kyis</font><hr>36.61a<br><font size=+1>

bsdud par byed do/ /gang dag ting nge 'dzin gyis bsdu bar bya ba de dag ni ting nge 'dzin gyis bsdud par byed do/ /gang dag shes rab kyis bsdu bar bya ba de dag ni shes rab kyis bsdud par byed do/ /dge ba'i chos thams cad kyis bsdu bar bya ba'i bar gang yin pa de dag ni dge ba'i chos thams cad kyis bsdud par byed de/ dge ba'i chos de dag dang ldan pas 'khor ba yang len par byed la/ 'khor ba na yod pa'i sdug bsngal rnams kyis kyang gos par mi 'gyur ro/ /sems can rnams kyi ched du lha dang mi'i phun sum tshogs pa dag kyang 'dzin par byed de/ phun sum tshogs pa de dag gis sems can de dag la phan 'dogs par byed do/ /des mtshan ma med pa'i chos rnams rtogs pas rgyun tu zhugs pa'i 'bras bu yang shes la/ de la gnas par yang mi byed do/ /lan cig phyir 'ong ba'i 'bras bu yang shes la de la gnas par yang mi byed do/ /phyir mi 'ong ba'i 'bras bu yang shes la de la gnas par yang mi byed do/ /dgra bcom pa nyid kyang shes la de la gnas par yang mi byed do/ /rang byang chub kyang shes la de la gnas par yang mi byed do/ /de ci'i phyir zhe na/ 'di ltar des thams cad rtogs nas nyan thos dang / rang sangs rgyas thams cad dang thun mong ma yin pa/ rnam pa thams cad mkhyen pa nyid thob par bya dgos pa'i phyir ro/ /rab 'byor de ltar na byang chub sems dpa' sems dpa' chen pos chos thams cad mtshan nyid med par rtogs nas pha rol tu phyin pa drug po dag mtshan nyid med par shes la/ sangs rgyas kyi chos thams cad kyi bar du yang mtshan nyid med par shes so/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni rmi lam lta bu'i nye bar len pa'i phung po lnga po dag la gnas nas tshul khrims kyi pha rol tu phyin pa yongs su rdzogs par byed do/ /brag cha lta bu dang mig yor lta bu dang / sgyu ma lta bu dang / smig rgyu lta bu dang / sprul pa lta bu'i nye bar len pa'i phung po lnga po dag la gnas te tshul khrims kyi pha rol tu</font><hr>36.61b<br><font size=+1>

phyin pa yongs su rdzogs par byed do/ /des rmi lam lta bu'i nye bar len pa'i phung po lnga po dag rtogs la/ brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu'i nye bar len pa'i phung po lnga po dag kyang rtogs nas mtshan nyid med pa'i tshul khrims kyi pha rol tu phyin pa ma nyams pa dang / skyon med pa dang / ma 'dres pa dang / ma 'chol ba dang / nag nog med pa dang / dbang 'byor pa dang / mkhas pas bsngags pa dang / shin tu rdzogs pa dang / 'phags pa zag pa med pa'i lam du gtogs pa yongs su rdzogs par byed de/ de la gnas nas yang dag par blang ba/ brda' can gyi tshul khrims dang / chos nyid kyis thob pa'i tshul khrims dang / sdom pa'i tshul khrims dang / rnam par rig byed kyi tshul khrims dang / yang dag par spyod pa'i tshul khrims srung ngo / /de tshul khrims de lta bu dag dang ldan yang 'dis bdag rgyal rigs shing sa la chen po lta bu dag dang / skal pa mnyam par skye bar gyur cig ce 'am/ bram ze'i rigs shing sa la chen po lta bu dag dang / khyim bdag gi rigs shing sa la chen po lta bu dag dang skal pa mnyam par skye bar gyur cig ce 'am/ 'khor los bsgyur ba'i rgyal po 'am/ khams kyi rgyal por gyur cig ce 'am/ rgyal chen bzhi'i ris kyi lha rnams dang skal pa mnyam par skye bar gyur cig ce 'am/ sum bcu rtsa gsum pa'i lha rnams sam/ 'thab bral ba rnams sam/ dga' ldan pa rnams sam/ 'phrul dga' ba rnams sam/ gzhan 'phrul dbang byed kyi lha rnams dang / skal pa mnyam par skye bar gyur cig ce 'am/ rgyun tu zhugs pa'i 'bras bu thob par gyur cig ce 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub thob par gyur cig ces mchog tu 'dzin par mi byed do/ /de ci'i phyir zhe na/ rab 'byor 'di ltar chos thams cad 'di lta ste/ dngos po med pa'i ngo bo nyid kyi mtshan nyid pas mtshan nyid med par mtshan nyid gcig pa'i phyir ro/ /mtshan nyid med pa'i chos kyis ni mtshan nyid med pa'i chos thob par mi 'gyur ro/ /</font><hr>36.62a<br><font size=+1>

mtshan nyid tha dad pa'i chos kyis kyang mtshan nyid tha dad pa'i chos thob par mi 'gyur ro/ /mtshan nyid tha dad pa 'am/ mtshan nyid med pa'i chos rnams kyis kyang mtshan nyid tha dad pa 'am/ mtshan nyid med pa'i chos rnams thob par mi 'gyur ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtshan nyid med pa'i tshul khrims kyi pha rol tu phyin pa yongs su rdzogs par byed do/ /mtshan nyid med pa'i tshul khrims kyi pha rol tu phyin pa yongs su rdzogs par byas nas byang chub sems dpa'i skyon med pa la 'jug go/ /byang chub sems dpa'i skyon med pa la zhugs te mi skye ba'i chos la bzod pa thob nas/ lam gyi rnam pa shes pa nyid la spyod cing / rnam par smin pa las byung ba'i mngon par shes pa rnams thob la/ gzungs kyi sgo lnga brgya la gnas nas so so yang dag par rig pa bzhi thob ste sangs rgyas kyi zhing nas sangs rgyas kyi zhing du 'gro zhing sangs rgyas bcom ldan 'das la yang bsnyen bkur byed/ sems can rnams kyang yongs su smin par byed/ sangs rgyas kyi zhing yang yongs su 'dzin par byed do/ /de 'khor ba'i 'gro ba lngar yang 'khor la 'khor ba na spyod pa'i las rnams kyi rnam par smin pas kyang gos par mi 'gyur ro/ /'di lta ste dper na sprul pa ni 'gro ba dang / 'greng ba dang / 'dug pa dang / nyal bar yang byed la de la 'gro ba dang / 'ong ba dang / gnas pa dang / 'dug pa dang / nyal ba yang med de/ de ni sems can gyi don yang byed la/ sems can dang sems can du gdags pa yang mi dmigs so/ /'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas ni bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo bskor te/ sems can tshad med pa dag btul nas theg pa gnyis kyis yongs su mya ngan las 'das kyang byang chub sems dpa' gang bla na med pa yang dag par rdzogs pa'i byang chub du lung bstan pa 'ga' yang ma mthong nas/ des tshe'i 'du byed bor te/ sprul pa</font><hr>36.62b<br><font size=+1>

sprul nas phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /rab 'byor sprul pa des kyang bskal pa 'das kyi bar du byang chub sems dpa' bla na med pa yang dag par rdzogs pa'i byang chub tu lung bstan nas yongs su mya ngan las 'das te/ sprul pa de la yang gzugs sam/ tshor ba 'am/ 'du shes sam/ 'du byed rnams sam/ rnam par shes pa'i dngos po ci yang mi dmigs so/ /rab 'byor de bzhin du byang chub sems dpa' sems dpa' chen po yang sems can dang / sems can du gdags pa yang mi dmigs la/ sems can rnams kyi don kyang byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ tshul khrims kyi pha rol tu phyin pa gang yongs su rdzogs na chos thams cad nang du 'dus par 'gyur ba yongs su rdzogs par byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni rmi lam lta bu'i nye bar len pa'i phung po lnga po dag dang / brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu'i nye bar len pa'i phung po lnga po dag la gnas nas mtshan nyid med pa'i bzod pa'i pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen pos mtshan nyid med pa'i nye bar len pa'i phung po lnga po dag la gnas nas/ bzod pa'i pha rol tu phyin pa ji ltar yongs su rdzogs par byed ce na/ rab 'byor 'di la byang chub sems dpa' sems dpa' chen po bzod pa'i rnam pa gnyis kyis bzod pa'i pha rol tu phyin pa yongs su rdzogs par byed de/ gnyis gang zhe na/ byang chub sems dpa' sems dpa' chen po sems dang po bskyed pa nas bzung ste/ byang chub kyi snying po la 'dug gi bar du bar skabs der sems can thams cad lhags nas/ spyos sam/ brgyang ngam/ tshogs par mi 'byung ba 'am/ tshig rtsub po brjod kyang rung / </font><hr>36.63a<br><font size=+1>

bong ba dang / dbyug pa dang / mtshon gyis bsnun kyang rung ste/ de la byang chub sems dpa' sems dpa' chen po bzod pa'i pha rol tu phyin pa yongs su rdzogs par byed 'dod pas su zhig bdag la spyo bar byed ce 'am/ rgya bar byed ce 'am/ tshogs par mi dbyung ba 'am/ tshig rtsub po brjod par byed ce 'am/ bong ba dang / dbyug pa dang / mtshon chas bsnun par byed ces 'khrug pa dang ldan pa'i sems gcig tsam yang bskyed par mi bya'o/ /de ci'i phyir zhe na/ 'di ltar chos thams cad mtshan nyid med par bzod na/ de la su zhig bdag la spyo bar byed ce 'am/ rgya bar byed ce 'am/ tshogs par mi dbyung ba 'am/ tshig rtsub po brjod par byed ce 'am/ bong ba dang / dbyug pa dang / mtshon chas bsnun par byed ces bya bar 'byung bar ga la 'gyur te/ de de ltar rtog na bzod pa'i pha rol tu phyin pa yongs su rdzogs par byed pa yin no/ /de bzod pa'i pha rol tu phyin pa yongs su rdzogs par byas pa des na mi skye ba'i chos la bzod pa thob par 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das mi skye ba'i chos la bzod pa ni ci zhig lags/ 'di'i tshad ni ji tsam lags/ shes pa ni gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor chos phra rab tsam yang skye ba med pa de ni mi skye ba'i chos can zhes bya'o/ /de la bzod pa gang yin pa de ni shes pa zhes bya ste/ shes pa des mi skye ba'i chos la bzod pa thob po/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das nyan thos rnams dang / rang sangs rgyas rnams kyi mi skye ba'i chos la bzod pa gang lags pa dang / byang chub sems dpa' sems dpa' chen po'i bzod pa gang lags pa'i bzod pa 'di gnyis la tha dad du bgyi ba ci zhig mchis lags/ </font><hr>36.63b<br><font size=+1>

de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor rgyun tu zhugs pa'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /lan cig phyir 'ong ba'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /phyir mi 'ong ba'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /dgra bcom pa'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /rang sangs rgyas kyi shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa ste/ rab 'byor nyan thos dang / rang sangs rgyas kyi bzod pa dang / byang chub sems dpa'i bzod pa tha dad du bya ba ni de yin no/ /rab 'byor byang chub sems dpa' sems dpa' chen po de ni bzod pa 'di lta bu dang ldan pas nyan thos dang / rang sangs rgyas thams cad zil gyis gnon to/ /de rnam par smin pa las byung ba'i mi skye ba'i chos la bzod pa la gnas nas byang chub sems dpa'i lam la spyod cing lam gyi rnam pa shes pa nyid yongs su rdzogs par byed do/ /de yongs su rdzogs na byang chub kyi phyogs kyi chos sum bcu rtsa bdun dang / stong pa nyid dang / mtshan ma med pa dang / smon pa med pa'i ting nge 'dzin dang bral bar mi 'gyur ro/ /de mngon par shes pa lnga dang yang bral bar mi 'gyur ro/ /de mngon par shes pa lnga po de dag dang ma bral bas sems can rnams kyang yongs su smin par byed/ sangs rgyas kyi zhing yang yongs su dag par byed do/ /des sems can rnams kyang yongs su smin par byas shing sangs rgyas kyi zhing yang yongs su dag par byas nas/ skad cig gcig dang ldan pa'i shes rab kyis rnam pa thams cad mkhyen pa nyid thob par 'gyur ro/ /rab 'byor de ltar na byang chub sems dpa' sems</font><hr>36.64a<br><font size=+1>

dpa' chen po mtshan nyid med pa'i bzod pa'i pha rol tu phyin pa yongs su rdzogs par byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ rmi lam lta bu'i nye bar len pa'i phung po lnga po dag la gnas shing sprul pa lta bu'i bar gyi nye bar len pa'i phung po lnga po dag la gnas nas/ mtshan nyid med pa'i lus dang sems kyis brtson 'grus rtsom par byed de/ de lus kyi brtson 'grus kyis rdzu 'phrul mngon par sgrub cing phyogs bcu'i 'jig rten gyi khams dag tu song nas/ sangs rgyas bcom ldan 'das rnams la bsnyen bkur byed cing sems can rnams kyi don byed do/ /de lus kyi brtson 'grus des sems can rnams yongs su smin par byas nas/ theg pa gsum po dag la 'god par byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtshan nyid med pa'i brtson 'grus kyi pha rol tu phyin pa yongs su rdzogs par byed do/ /de sems kyi brtson 'grus zag pa med pa'i lam dang / lam du rtogs pas brtson 'grus kyi pha rol tu phyin pa yongs su rdzogs par byed de/ der ni 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / dge ba'i chos thams cad 'dus te/ byang chub sems dpa' sems dpa' chen po de la spyod pas rnam pa thams cad mkhyen pa nyid yongs su rdzogs par bya'o/ /de yongs su rdzogs na bag chags kyi mtshams sbyor ba thams</font><hr>36.64b<br><font size=+1>

cad spong bar 'gyur ro/ /des spangs shing mtshan nyid med pa yongs su grub pa/ yongs su rdzogs la snyoms par 'jug pa'i mthu bsgrubs nas chos kyi 'khor lo lan gsum du bzlas te/ rnam pa bcu gnyis su bskor ba bskor bar 'gyur te/ de bskor bas stong gsum gyi stong chen po'i 'jig rten gyi khams rnam pa drug tu g.yo bar 'gyur/ rab tu g.yo bar 'gyur/ kun tu rab tu g.yo bar 'gyur/ 'gul bar 'gyur/ rab tu 'gul bar 'gyur/ kun tu rab tu 'gul bar 'gyur/ ldeg par 'gyur/ rab tu ldeg par 'gyur/ kun tu rab tu ldeg par 'gyur zhing stong gsum gyi stong chen po'i 'jig rten gyi khams thams cad snang bas khyab par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas de las sgra skad 'byung bar 'gyur te/ des sgra thos par byed do/ /stong gsum gyi stong chen po'i 'jig rten gyi khams de na sems can gang dag 'khod pa de dag gis kyang sgra de thos par 'gyur te/ de dag thams cad theg pa gsum po dag la nges par 'byung bar 'gyur ro/ /rab 'byor byang chub sems dpa' sems dpa' chen po'i brtson 'grus kyi pha rol tu phyin pa ni de ltar gces spras byed pa yin te/ brtson 'grus kyi pha rol tu phyin pa 'di la gnas nas byang chub sems dpa' sems dpa' chen pos sangs rgyas kyi chos thams cad yongs su rdzogs te rnam pa thams cad mkhyen pa nyid thob bo/ /shes rab kyi pha rol tu phyin pa khri brgyad stong pa/ bam po lnga bcu pa/ rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ rmi lam lta bu'i nye bar len pa'i phung po lnga po dag la gnas nas/ ting nge 'dzin gyi pha rol tu phyin pa yongs su rdzogs par byed do/ /sprul pa lta bu'i bar gyi nye bar len pa'i phung po lnga po dag la gnas nas/ ting nge 'dzin gyi pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen pos ji ltar rmi lam lta bu nas/ sprul pa lta bu'i bar</font><hr>36.65a<br><font size=+1>

gyi nye bar len pa'i phung po lnga po dag la gnas nas/ ting nge 'dzin gyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni/ bsam gtan dang po bsgrubs te gnas nas bsam gtan bzhi pa'i bar du bsgrubs te gnas so/ /byams pa dang / snying rje dang / dga' ba dang / btang snyoms dang / nam mkha' mtha' yas skye mched nas/ 'du shes med 'du shes med min skye mched kyi bar du bsgrubs te gnas so/ /stong pa nyid dang / mtshan ma med pa dang / smon pa med pa'i ting nge 'dzin sgom par byed do/ /de bzhin gshegs pa'i ting nge 'dzin glog lta bu'i ting nge 'dzin dang / yang dag pa'i ting nge 'dzin dang / rdo rje lta bu'i ting nge 'dzin ma gtogs par ting nge 'dzin gang yang rung ba nyan thos kyi ting nge 'dzin tam/ rang sangs rgyas kyi ting nge 'dzin tam/ ting nge 'dzin gyi tshogs gzhan gang yang rung ba de dag thams cad lus kyis khyab par byas nas bsgrubs te gnas la/ ting nge 'dzin de dag dang / ting nge 'dzin gyi 'bras bu yang myong bar mi byed do/ /de ci'i phyir zhe na/ 'di ltar byang chub sems dpa' sems dpa' chen po des ting nge 'dzin gyi mtshan nyid dngos po med pa'i ngo bo nyid du 'du shes pa'i phyir te/ ji ltar mtshan nyid med pa'i chos kyis mtshan nyid med pa'i chos kyi ro myong bar mi byed cing / dngos po med pas dngos po med pa'i ro myong bar mi byed de/ de ro myong bar mi byed pas na/ ting nge 'dzin gang gi dbang gis kyang 'dod pa'i khams sam/ gzugs kyi khams sam/ gzugs med pa'i khams su skye bar mi 'gyur ro/ /de ci'i phyir zhe na/ 'di ltar des khams de dag mi dmigs la gang snyoms par 'jug pa dang / cis snyoms par 'jug pa de yang mi dmigs pa'i phyir ro/ /des mi dmigs pas mtshan nyid med pa'i ting nge 'dzin gyi pha rol tu phyin pa yongs su rdzogs par byed de/ ting nge 'dzin gyi pha rol tu phyin pa des nyan thos dang rang sangs rgyas kyi sa las 'da' bar 'gyur ro/ /</font><hr>36.65b<br><font size=+1>

de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po ji ltar mtshan nyid ma mchis pa'i ting nge 'dzin gyi pha rol tu phyin pa yongs su rdzogs par bgyis shing nyan thos dang / rang sangs rgyas kyi sa las 'da' bar 'gyur lags/ bka' stsal pa/ rab 'byor 'di ltar byang chub sems dpa' sems dpa' chen pos nang stong pa nyid la legs par bslabs shing / rang gi mtshan nyid stong pa nyid kyi bar dag la legs par bslabs pas na/ stong pa nyid 'di la rgyun tu zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub 'am/ rnam pa thams cad mkhyen pa nyid kyi bar gang la gnas par bya ba'i chos gang yang mi dmigs so/ /stong pa nyid de yang stong ste/ de stong pa nyid de dag gis nyan thos dang / rang sangs rgyas kyi sa las 'das nas/ byang chub sems dpa'i skyon med pa la 'jug go/ /gsol pa/ bcom ldan 'das byang chub sems dpa'i skyon ni gang lags/ skyon ma mchis pa ni gang lags/ bka' stsal pa/ rab 'byor dmigs pa thams cad ni byang chub sems dpa' sems dpa' chen po'i skyon yin no/ /dmigs pa med pa thams cad ni skyon med pa yin no/ /gsol pa/ bcom ldan 'das dmigs pa ni gang lags/ dmigs pa ma mchis pa ni gang lags/ bka' stsal pa/ rab 'byor gzugs ni byang chub sems dpa' sems dpa' chen po'i dmigs pa yin no/ /tshor ba dang / 'du shes dang / 'du byed rnams dang / rnam par shes pa ni byang chub sems dpa' sems dpa' chen po'i dmigs pa yin no/ /ming dang gzugs dang / rna ba dang / sgra dang / sna dang / dri dang / lce dang / ro dang / lus dang reg bya dang / yid dang chos rnams ni byang chub sems dpa' sems dpa' chen po'i dmigs pa yin no/ /de bzhin du sbyar te rnam pa thams cad mkhyen pa nyid kyi bar du dmigs pa ni skyon yin no/ /rab 'byor skyon med pa ni</font><hr>36.66a<br><font size=+1>

gang la gzugs nas rnam pa thams cad mkhyen pa nyid kyi bar gyi chos 'di dag gi brjod pa yang mi dmigs pa yin no/ /de ci'i phyir zhe na/ rab 'byor 'di ltar gzugs kyi ngo bo nyid ni dmigs su med do/ /gzugs kyi ngo bo nyid gang yin pa de ni dngos po med cing brjod du med do/ /rnam pa thams cad mkhyen pa nyid kyi bar gyi ngo bo nyid gang yin pa de ni dngos po med do/ /brjod du med do/ /rab 'byor 'di ni byang chub sems dpa' sems dpa' chen po'i skyon med pa yin te/ byang chub sems dpa' sems dpa' chen po de ni skyon med pa la zhugs nas/ ting nge 'dzin thams cad yongs su rdzogs par yang byed la/ snyoms par 'jug pa'i dbang gis kyang skye bar mi 'gyur na/ 'dod chags dang / zhe sdang dang / gti mug gis mi skye ba lta ci smos te/ de la gnas nas las gang mngon par 'dus byas pas bsam gtan bzhi las gang yang rung bar skye bar 'gyur ba'i las de mngon par 'du byed pa de ni gnas med do/ /gzhan du na sgyu ma lta bu'i chos rnams la gnas nas sems can rnams kyi don kyang byed la/ sems can yang mi dmigs/ sgyu ma yang mi dmigs so/ /des mi dmigs par sems can rnams yongs su smin par byed la/ sangs rgyas kyi zhing yang yongs su 'dzin par byed do/ /rab 'byor de ltar na byang chub sems dpa' sems dpa' chen po ting nge 'dzin gyi pha rol tu phyin pa yongs su rdzogs par byas nas/ 'di lta ste/ dmigs su med pa'i 'khor lo'i chos kyi 'khor lo'i bar du bskor bar byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni chos thams cad rmi lam lta bur yongs su shes shing / chos thams cad brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bur yongs su shes so/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa'</font><hr>36.66b<br><font size=+1>

chen po shes rab kyi pha rol tu phyin pa la spyod pas ji ltar chos thams cad rmi lam lta bur yongs su 'tshal cing / chos thams cad sprul pa lta bu'i bar du yongs su 'tshal ba lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni/ rmi lam rmi ba ma yin/ rmi lam rmi ba po yang ma yin no/ /brag cha thos pa ma yin/ brag cha nyan pa po yang ma yin no/ /mig yor mthong ba ma yin/ mig yor mthong ba po yang ma yin no/ /smig rgyu mthong ba ma yin/ smig rgyu mthong ba po yang ma yin no/ /sgyu ma mthong ba ma yin/ sgyu ma mthong ba po yang ma yin no/ /sprul pa mthong ba ma yin/ sprul pa mthong ba po yang ma yin no/ /de ci'i phyir zhe na/ 'di ltar rmi lam dang brag cha dang / mig yor dang / smig rgyu dang / sgyu ma dang / sprul pa ni phyin ci log yin la/ byis pa so so'i skye bo rnams kyi phyin ci log yin te/ dgra bcom pa ni rmi lam rmi ba ma yin/ rmi lam rmi ba po yang ma yin zhing / sprul pa'i bar du mthong ba ma yin zhing / sprul pa mthong ba po yang ma yin la/ de bzhin du sbyar te/ rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs par sangs rgyas kyang rmi lam rmi ba ma yin/ rmi lam rmi ba po yang ma yin zhing / sprul pa'i bar du mthong ba ma yin/ sprul pa mthong ba po yang ma yin pa'i phyir ro/ /de ci'i phyir zhe na/ 'di ltar chos thams cad ni dngos po med pa'i ngo bo nyid de/ ma skyes pa dang / yod pa ma yin pa'i phyir ro/ /dngos po med pa'i ngo bo nyid dang / yongs su ma grub pa gang yin pa de dag la/ byang chub sems dpa' sems dpa' chen po shes rab kyi pha rol tu phyin pa la spyod pa/ dngos po'i 'du shes can nam/ yongs su grub pa'i 'du shes can du ji ltar 'gyur te/ de ni gnas med do/ /de ci'i phyir zhe na/ gal te chos 'ga' zhig la dngos po 'am/ yongs su grub pa 'am/ yod pa zhig tu gyur na/ de ni shes rab kyi pha rol tu phyin pa ma yin pa'i phyir ro/ /rab 'byor de ltar na byang chub sems dpa' sems</font><hr>36.67a<br><font size=+1>

dpa' chen po shes rab kyi pha rol tu phyin pa la spyod pa ni gzugs la chags pa med cing rnam par shes pa'i bar la chags pa med do/ /'dod pa'i khams la chags pa med do/ /gzugs kyi khams la chags pa med do/ /gzugs med pa'i khams la chags pa med do/ /bsam gtan dang / rnam par thar pa dang / snyoms par 'jug pa rnams la chags pa med do/ /dran pa nye bar gzhag pa bzhi la chags pa med pa nas/ byang chub kyi phyogs kyi chos sum bcu rtsa bdun gyi bar dag la chags pa med do/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin la chags pa med do/ /sbyin pa'i pha rol tu phyin pa la chags pa med do/ /de bzhin du sbyar te tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la chags pa med do/ /de shes rab kyi pha rol tu phyin pa la spyod pa na/ sa dang po yongs su rdzogs par byed de/ de la yang 'dun pa'i 'dod chags mi bskyed do/ /de ci'i phyir zhe na/ 'di ltar des sa de ma dmigs na/ 'dun pa'i 'dod chags bskyed par ji ltar 'gyur/ de bzhin du sa bcu pa'i bar du yongs su rdzogs par byed de/ de la yang 'dun pa'i 'dod chags mi bskyed do/ /de ci'i phyir zhe na/ 'di ltar des sa de ma dmigs na/ de la 'dun pa'i 'dod chags bskyed par ji ltar 'gyur/ de shes rab kyi pha rol tu phyin pa la spyod bzhin du/ shes rab kyi pha rol tu phyin pa de mi dmigs so/ /de mi dmigs pa'i shes rab kyi pha rol tu phyin pa la spyod pa na/ chos thams cad shes rab kyi pha rol tu phyin pa de'i nang du 'dus par mthong la/ chos de dag kyang mi dmigs so/ /de ci'i phyir zhe na/ 'di ltar chos de dag dang / shes rab kyi pha rol tu phyin pa de gnyis su med de gnyis su dbyer med pa'i phyir ro/ /de ci'i phyir zhe na/ 'di ltar chos de dag la tha dad pa ci yang med de/ chos kyi dbyings bstan pa dang / de bzhin nyid bstan pa dang / yang dag pa'i mtha' bstan pa'i tshul gyis chos thams cad tha dad pa ma yin pa'i phyir ro/ /</font><hr>36.67b<br><font size=+1>

gsol pa/ bcom ldan 'das gal te chos thams cad dbyer ma mchis pa lags na/ dge ba dang / mi dge ba'i chos rnams ji ltar bstan lags/ 'jig rten pa dang / 'jig rten las 'das pa'i chos rnams ji ltar bstan lags/ zag pa dang bcas pa dang / zag pa ma mchis pa'i chos rnams ji ltar bstan lags/ 'dus byas dang / 'dus ma byas kyi chos rnams ji ltar bstan lags/ bka' stsal pa/ rab 'byor 'di ji snyam du sems/ ci chos rnams kyi chos nyid de la/ 'dus byas sam/ 'dus ma byas sam/ rgyun tu zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub 'am/ sangs rgyas kyi byang chub kyi chos 'ga' tsam gyi brjod pa yod snyam 'am/ gsol pa/ bcom ldan 'das de ni ma mchis lags so/ /bka' stsal pa/ rab 'byor de bas na rnam grangs des kyang khyod kyis chos thams cad tha dad pa ma yin pa dang / chos thams cad mtshan nyid med pa dang / skye ba med pa dang / 'gag pa med par de ltar rig par bya'o/ /rab 'byor nga sngon byang chub sems dpa'i spyad pa spyod pa na gzugs shes bya ba 'am/ tshor ba zhes bya ba 'am/ 'du shes shes bya ba 'am/ 'du byed rnams shes bya ba 'am/ rnam par shes pa zhes bya ba 'am/ 'dus byas shes bya ba 'am/ 'dus ma byas shes bya ba'i bar ram/ rgyun tu zhugs pa'i 'bras bu zhes bya ba'i bar ram/ byang chub ces bya ba'i bar du chos 'ga' tsam gyi ngo bo nyid kyang ma dmigs so/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pas sems dang po bskyed pa nas bzung ste bla na med pa yang dag par rdzogs pa'i byang chub mngon par rdzogs par sangs rgyas kyi bar du mi dmigs pa'i tshul gyis chos thams cad kyi ngo bo nyid la mkhas par bya'o/ /chos thams cad kyi ngo bo nyid la mkhas pa'i byang chub sems dpa' sems dpa' chen po ni byang chub kyi lam yang yongs su rdzogs par</font><hr>36.68a<br><font size=+1>

byed/ sems can rnams kyang yongs su smin par byed/ sangs rgyas kyi zhing yang yongs su 'dzin par byed do/ /de la gnas nas bla na med pa yang dag par rdzogs pa'i byang chub mngon par rdzogs par sangs rgyas te/ ci nas sems can rnams btul nas srid pa gsum du kun nas nyon mongs par mi 'gyur ba de ltar 'dul bar byed do/ /rab 'byor de ltar byang chub sems dpa' sems dpa' chen pos mtshan nyid med pa'i tshul gyis shes rab kyi pha rol tu phyin pa la bslab par bya'o/ /shes rab kyi pha rol tu phyin pa khri brgyad stong pa las mtshan nyid med pa bstan pa'i le'u zhes bya ste/ bdun bcu rtsa gnyis pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das chos thams cad rmi lam lta bu dang / dngos po ma mchis pa dang / dngos po ma mchis pa'i ngo bo nyid dang / rang gi mtshan nyid kyis stong pa la 'di dag ni dge ba'o/ /'di dag ni mi dge ba'o/ /'di dag ni 'jig rten pa'o/ /'di dag ni 'jig rten las 'das pa'o/ /'di dag ni zag pa dang bcas pa'o/ /'di dag ni zag pa ma mchis pa'o/ /'di dag ni 'dus byas so/ /'di dag ni 'dus ma byas so/ /'di dag ni rgyun tu zhugs pa'i 'bras bu mngon sum du byed par 'gyur ba'o/ /'di dag ni lan cig phyir 'ong ba'i 'bras bu mngon sum du byed par 'gyur ba'o/ /'di dag ni phyir mi 'ong ba'i 'bras bu mngon sum du byed par 'gyur ba'o/ /'di dag ni dgra bcom pa nyid mngon sum du byed par 'gyur ba'o/ /'di dag ni rang byang chub mngon sum du byed par 'gyur ba'o/ /'di dag ni bla na med pa yang dag par rdzogs pa'i byang chub tu 'gyur ba'o zhes ji ltar gzhag par 'gyur lags/ de bzhin du brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu dang / dngos po ma mchis pa dang / dngos po ma mchis pa'i ngo bo nyid dang / rang gi mtshan nyid kyis stong pa'i chos rnams la bla na med pa yang dag par rdzogs pa'i byang chub kyi bar du</font><hr>36.68b<br><font size=+1>

'gyur bar ji ltar rnam par gzhag par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byis pa so so'i skye bo thos pa dang mi ldan pa ni rmi lam yang dmigs so/ /rmi lam rmi ba po yang dmigs so/ /sprul pa'i bar du yang dmigs so/ /sprul pa mthong ba po yang dmigs so/ /de rmi lam yang dmigs la rmi lam rmi ba po yang dmigs pa nas/ sprul pa'i bar du yang dmigs la/ sprul pa mthong ba po yang dmigs pas lus dang ngag dang / yid kyis mi dge ba'i 'du byed rnams kyang mngon par 'du byed do/ /lus dang ngag dang yid kyis dge ba'i 'du byed rnams kyang mngon par 'du byed do/ /lus dang ngag dang yid kyis bsod nams dang / bsod nams ma yin pa dang / mi g.yo ba'i 'du byed rnams kyang mngon par 'du byed do/ /de bas na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtha' las 'das pa stong pa nyid dang / thog ma dang tha ma med pa stong pa nyid de/ stong pa nyid 'di gnyis la gnas nas/ sems can rnams la khams gsum pa 'di ni stong ngo zhes chos ston par byed do/ /'di la gzugs sam/ tshor ba 'am/ 'du shes sam/ 'du byed rnams sam/ rnam par shes pa 'am/ phung po rnams sam/ khams rnams sam/ skye mched rnams med do/ /'di dag ni rmi lam mo/ /'di dag ni brag cha'o/ /'di dag ni mig yor ro/ /'di dag ni smig rgyu'o/ /'di dag ni sgyu ma'o/ /'di dag ni sprul pa'o/ /'di la phung po dang / khams rnams dang / skye mched rnams med do/ /'di la ni rmi lam dang / rmi lam rmi ba po dang / brag cha dang / brag cha thos pa po dang / mig yor dang / mig yor mthong ba po dang / smig rgyu dang / smig rgyu mthong ba po dang / sgyu ma dang / sgyu ma mthong ba po dang / sprul pa dang / sprul pa mthong ba po med de/ chos 'di dag thams cad ni dngos po med pa dang / dngos po med pa'i ngo bo nyid kho na yin na khyed ni phung po</font><hr>36.69a<br><font size=+1>

rnams med pa la phung por 'du shes par gyur/ khams rnams med pa la khams su 'du shes par gyur/ skye mched rnams med pa la skye mched du 'du shes par gyur la/ chos 'di dag thams cad ni rten cing 'brel bar 'byung ba dang / phyin ci log las skyes pa dang / las kyi rnam par smin pas yongs su zin pa yin na/ khyed ci'i phyir dngos po med pa'i chos rnams la dngos po'i 'du shes bskyed ces ston par byed de/ de bas na byang chub sems dpa' sems dpa' chen po shes rab kyi pha rol tu phyin pa la spyod pa ni/ thabs la mkhas pas sems can ser sna can gang yin pa de dag ni ser sna las bzlog nas sbyin pa'i pha rol tu phyin pa la sbyor bar byed do/ /de dag gi sbyin pa yongs su gtong ba de yang longs spyod chen por 'gyur ro/ /des de dag de las bskyod nas tshul khrims las 'god par byed de/ de dag gi tshul khrims yang dag par blangs pa de yang mtho ris su skye bar 'gyur ro/ /de nas bskyod nas kyang ting nge 'dzin la sbyor bar byed de/ de dag gi ting nge 'dzin kyang tshangs pa'i 'jig rten du skye bar 'gyur ro/ /de bzhin du bsam gtan dang po las bsam gtan gnyis pa/ bsam gtan gnyis pa las bsam gtan gsum pa/ bsam gtan gsum pa las/ bsam gtan bzhi pa/ bsam gtan bzhi pa las/ nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / ci yang med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa la sbyor bar byed do/ /des sbyin pa dang / sbyin pa'i 'bras bu de las kyang rnam grangs du mas bskyod nas phung po'i lhag ma med pa'i mya ngan las 'das pa'i dbyings su 'dul bar byed/ 'dzud par byed/ 'god par byed do/ /des tshul khrims dang / tshul khrims kyi 'bras bu de las kyang rnam grangs du mas bskyod nas phung po'i lhag ma med pa'i mya ngan las 'das pa'i dbyings</font><hr>36.69b<br><font size=+1>

su 'dul bar byed/ 'dzud par byed/ 'god par byed do/ /des snyoms par 'jug pa dang / snyoms par 'jug pa'i 'bras bu de dag las kyang rnam grangs du mas bskyod nas phung po'i lhag ma med pa'i mya ngan las 'das pa'i dbyings su 'dul bar byed/ 'dzud par byed/ 'god par byed do/ /de bzhin du dran pa nye bar gzhag pa bzhi dang / yang dag pa'i spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dag la 'dul bar byed/ 'dzud par byed/ 'god par byed do/ /des zag pa med pa'i chos/ gzugs med pa/ bstan du med pa/ thogs pa med pa de dag gis rgyun tu zhugs pa'i 'bras bu don du gnyer ba gang yin pa de dag ni rgyun tu zhugs pa'i 'bras bu la 'god do/ /lan cig phyir 'ong ba'i 'bras bu don du gnyer ba gang yin pa de dag ni lan cig phyir 'ong ba'i 'bras bu la 'god do/ /phyir mi 'ong ba'i 'bras bu don du gnyer ba gang yin pa de dag ni phyir mi 'ong ba'i 'bras bu la 'god do/ /dgra bcom pa nyid don du gnyer ba gang yin pa de dag ni dgra bcom pa nyid la 'god do/ /rang byang chub don du gnyer ba gang yin pa de dag ni rang byang chub la 'god do/ /bla na med pa yang dag par rdzogs pa'i byang chub don du gnyer ba gang yin pa de dag la ni byang chub kyi lam brjod par byed de/ ston par byed/ yang dag par gzeng stod par byed/ yang dag par rab tu dga' bar byed/ 'god par byed do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa 'di ltar dngos po ma mchis pa'i ngo bo nyid kyi chos rnams dang / </font><hr>36.70a<br><font size=+1>

mtha' las 'das pa stong pa nyid dang / thog ma dang tha ma med pa stong pa nyid kyi chos rnams la 'di dag ni dge ba'i chos so/ /'di dag ni mi dge ba'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so zhes bya ba'i bar du rnam par 'jog par bgyid pa 'di ni ngo mtshar rmad du byung ba'i chos lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor shes rab kyi pha rol tu phyin pa zab mo 'di la spyod pa/ chos rnam par 'jog par byed pa 'di ni byang chub sems dpa' sems dpa' chen po'i ngo mtshar rmad du byung ba'i chos yin no/ /rab 'byor gal te khyod kyis byang chub sems dpa' sems dpa' chen po'i ngo mtshar rmad du byung ba'i chos shes na ni/ de'i phyir nyan thos dang / rang sangs rgyas thams cad kyis kyang byang chub sems dpa' sems dpa' chen po la lan du phan gdags par sla ba ma yin la/ khyed thams cad kyis kyang byang chub sems dpa' sems dpa' chen po la chos dang ldan pas zil gyis mnan par mi nus so/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po'i ngo mtshar rmad du byung ba'i chos gang nyan thos dang / rang sangs rgyas rnams la ma mchis pa de gang lags/ bcom ldan 'das kyis bka' stsal pa/ rab 'byor de'i phyir legs par nyon la rab tu yid la zung shig dang bshad par bya'o/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ rnam par smin pa las byung ba'i pha rol tu phyin pa drug po dag la gnas shing mngon par shes pa lnga dang / byang chub kyi phyogs kyi chos sum bcu rtsa bdun dang / gzungs kyi</font><hr>36.70b<br><font size=+1>

sgo rnams dang / so so yang dag par rig pa bzhi la gnas nas phyogs bcu'i 'jig rten gyi khams dag tu song ste/ de dag tu sems can gang dag sbyin pas phan gdags par bya ba de dag la ni sbyin pas phan 'dogs so/ /gang dag tshul khrims kyis phan gdags par bya ba dang / gang dag bzod pas phan gdags par bya ba dang / gang dag brtson 'grus kyis phan gdags par bya ba dang / /gang dag bsam gtan gyis phan gdags par bya ba dang / gang dag shes rab kyis phan gdags par bya ba de dag la ni shes rab kyis phan 'dogs so/ /gang dag bsam gtan dang pos phan gdags par bya ba dang / gang dag bsam gtan gnyis pas phan gdags par bya ba dang / gang dag bsam gtan gsum pas phan gdags par bya ba dang / gang dag bsam gtan bzhi pas phan gdags par bya ba dang / gang dag nam mkha' mtha' yas skye mched kyi snyoms par 'jug pas phan gdags par bya ba dang / gang dag 'du shes med 'du shes med min skye mched kyi snyoms par 'jug pa'i bar gyis phan gdags par bya ba de dag la ni 'du shes med 'du shes med min skye mched kyi snyoms par 'jug pas phan 'dogs so/ /gang dag byams pas phan gdags par bya ba de dag la ni byams pas phan 'dogs so/ /gang dag snying rjes phan gdags par bya ba dang / gang dag dga' bas phan gdags par bya ba dang / gang dag btang snyoms kyis phan gdags par bya ba dang / gang dag dran pa nye bar gzhag pa bzhis phan gdags par bya ba dang / gang dag yang dag par spong ba bzhis phan gdags par bya ba dang / gang dag rdzu 'phrul gyi rkang pa bzhis phan gdags par bya ba dang / gang dag dbang po lngas phan gdags par bya ba dang / gang dag stobs lngas phan gdags par bya ba dang / gang dag byang chub kyi yan lag bdun gyis phan gdags par bya ba dang / gang dag 'phags pa'i lam yan lag brgyad pas phan gdags par bya ba dang / gang dag stong pa nyid kyi ting nge 'dzin gyis</font><hr>36.71a<br><font size=+1>

phan gdags par bya ba dang / gang dag mtshan ma med pa'i ting nge 'dzin gyis phan gdags par bya ba dang / gang dag smon pa med pa'i ting nge 'dzin gyis phan gdags par bya ba de dag la smon pa med pa'i ting nge 'dzin gyis phan 'dogs so/ /gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa ji ltar sbyin pas sems can rnams la phan 'dogs pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ sbyin pa sbyin par byed de/ zas 'dod pa rnams la ni zas/ skom 'dod pa rnams la ni skom/ bzhon pa dang me tog phreng dang / byug pa dang spos dang / gos dang / mal cha dang / stan dang / mi'i yo byad ci yang rung ba'i bar du sbyin par byed de/ de bzhin gshegs pa dgra bcom pa yang dag par rdzogs pa'i sangs rgyas la ji ltar 'bul ba de bzhin du/ rang sangs rgyas rnams dang / dgra bcom pa rnams dang / phyir mi 'ong ba rnams dang / lan cig phyir 'ong ba rnams dang / rgyun tu zhugs pa rnams dang / yang dag par spong ba rnams dang / yang dag par zhugs pa rnams la yang de bzhin no/ /mir gyur pa rnams la yang de bzhin no/ /dud 'gro'i skye gnas pa rnams la yang de bzhin te/ thams cad la yang tha dad du dbye ba med par sbyin pa sbyin par byed do/ /de ci'i phyir zhe na/ 'di ltar chos thams cad tha dad pa med par rtogs pa'i phyir tha dad pa med par sbyin pa sbyin par byed do/ /tha dad pa med par sbyin pa byin pas tha dad pa med pa'i chos 'di lta ste/ rnam pa thams cad mkhyen pa nyid thob par 'gyur ro/ /rab 'byor gal te byang chub sems dpa' sems dpa' chen pos dud 'gro'i skye gnas su skyes pa'i srog chags mthong na/ 'di snyam du bdag gi sbyin gnas ni yang dag par rdzogs pa'i sangs rgyas yin gyi dud 'gro'i skye gnas su skyes pa ni ma yin no snyam du sems na/ byang chub sems dpa'i chos ma</font><hr>36.71b<br><font size=+1>

yin no/ /de ci'i phyir zhe na/ byang chub sems dpa' sems dpa' chen po byang chub tu sems bskyed nas/ de ltar bla na med pa yang dag par rdzogs pa'i byang chub tu yang dag par zhugs pa la sems can 'di dag la ni bdag gis sbyin pas phan gdags par bya'o/ /'di dag la ni phan gdags par mi bya'o zhes bya ba med pa'i phyir ro/ /sbyin pas phan btags pa de dag kyang / rgyal rigs shing sa la chen po lta bu dag tu skye bar 'gyur/ bram ze'i rigs shing sa la chen po lta bu dag dang / khyim bdag gi rigs shing sa la chen po lta bu dag tu skye bar 'gyur te/ sbyin pas phan btags pa de nyid kyis de dag theg pa gsum po dag gis rim gyis phung po'i lhag ma med pa'i mya ngan las 'das pa'i dbyings su yongs su mya ngan las 'da' bar yang 'gyur ro/ /gal te byang chub sems dpa' sems dpa' chen po la skye bo mang pos gsad par gsol ba btab na/ des 'khrug pa med pa'i sems kyis skye bo mang po de dag la nges par sbyin par bya'i sbyin nam mi sbyin snyam pa'i sems gzhan bskyed par mi bya'o/ /de ci'i phyir zhe na/ 'di ltar skye bo mang po de dag gi don du bla na med pa yang dag par rdzogs pa'i byang chub la yang dag par zhugs pa'i phyir ro/ /gal te de ltar rtog par byed na ni/ sangs rgyas bcom ldan 'das rnams dang / byang chub sems dpa' rnams dang / rang sangs rgyas rnams dang / dgra bcom pa rnams dang / slob pa rnams dang / lha dang mi dang lha ma yin du bcas pa'i 'jig rten gyis kyang khyod sems can thams cad kyi skyabs dang / gnas dang / mgon dang / dpung gnyen bya bar sus ma longs shes smad par 'gyur ro/ /rab 'byor gzhan yang gal te byang chub sems dpa' sems dpa' chen po shes rab kyi pha rol tu phyin pa la spyod pa/ mir gyur pa rnams sam/ mi ma yin par gyur pa rnams kyis yan lag dang nying lag rnams bslangs na sbyin nam mi sbyin snyam pa'i sems gcig shos bskyed par mi bya'o/ /de ci'i phyir zhe na/ 'di ltar byang chub</font><hr>36.72a<br><font size=+1>

sems dpa' sems dpa' chen pos ngas lus 'dis sems can rnams kyi don bya'o snyam ste/ sems can rnams kyi don du bsams bzhin du lus yongs su bzung ba'i phyir te/ des 'di ltar gang dag gi phyir bdag gis lus blangs pa de dag gis ma bslangs bzhin du khyer te/ 'gro 'dod cig ces sems bskyed par bya ste/ rab 'byor byang chub sems dpa' sems dpa' chen pos shes rab kyi pha rol tu phyin pa la de ltar bslab par bya'o/ /rab 'byor gzhan yang byang chub sems dpa' sems dpa' chen pos slong ba mthong na/ chos thams cad kyi ngo bo nyid ni mi dmigs na su zhig sbyin par byed/ su la sbyin par byed/ ci zhig sbyin par byed ces de ltar sems bskyed par bya'o/ /de ci'i phyir zhe na/ 'di ltar chos de dag ni shin tu stong pa'i phyir te/ stong pa nyid ni su la yang sbyin par mi byed/ len par yang mi byed do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ 'di lta ste/ nang stong pa nyid dang / phyi stong pa nyid dang / phyi nang stong pa nyid nas de bzhin du sbyar te/ rang gi mtshan nyid stong pa nyid kyi bar dag la de ltar bslab par bya'o/ /de stong pa nyid de dag la gnas nas sbyin pa sbyin par byed pas de'i sbyin pa'i pha rol tu phyin pa rtag tu rgyun mi 'chad par yongs su rdzogs par 'gyur ro/ /de sbyin pa'i pha rol tu phyin pa yongs su rdzogs pas nang dang phyi'i chos rnams bcad cing gtubs kyang / 'di snyam du su zhig nga la gcod cing gtub par byed snyam du mi sems so/ /rab 'byor 'di la ngas sangs rgyas kyi spyan gyis rnam par bltas na/ shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag bsams bzhin du sems can dmyal ba chen por song ste/ sems can dmyal ba'i sdug bsngal de dag zhi bar byas nas/ cho 'phrul rnam pa gsum po rdzu 'phrul gyi cho 'phrul dang / kun brjod pa'i cho 'phrul dang / rjes su bstan pa'i cho 'phrul gyis sems can dmyal ba pa'i sems</font><hr>36.72b<br><font size=+1>

can de dag la chos ston te/ de dag gis rdzu 'phrul gyi cho 'phrul gyis sems can dmyal ba'i sdug bsngal zhi bar byas nas kun brjod pa'i cho 'phrul dang / rjes su bstan pa'i cho 'phrul gyis chos ston par byed pa dang / byang chub sems dpa' de dag byams pa chen po dang / snying rje chen po dang / dga' ba chen po dang / btang snyoms chen pos kyang chos ston par byed pa dang / de nas sems can dmyal ba pa'i sems can de dag byang chub sems dpa' de dag la sems dad par gyur nas sems can dmyal ba de dag nas thar bar 'gyur ba dang / sems can dmyal ba de dag nas theg pa gsum po dag gi/ rim gyis sdug bsngal mthar byed pa dag mthong ngo / /lho dang / nub dang / byang dang / steng dang / 'og dang / phyogs mtshams kyi 'jig rten gyi khams gang gA'i klung gi bye ma snyed rnams su yang de bzhin du sbyar to/ /rab 'byor 'di la ngas sangs rgyas kyi spyan gyis 'jig rten rnam par bltas na shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag sangs rgyas bcom ldan 'das rnams la bsnyen bkur byed de/ sangs rgyas bcom ldan 'das la byang chub sems dpa' sems dpa' chen po de dag gis dad pa drag pos yid du mi 'ong bas ma yin gyi yid du 'ong ba dang / mi dga' bas ma yin gyi dga' ba dang ma gus pas ma yin gyi gus pas bsnyen bkur byed de/ sangs rgyas bcom ldan 'das de dag gis chos gang dag bstan pa de dag kyang byang chub sems dpa' sems dpa' chen po de dag gis 'dzin par byed do/ /bzung nas kyang 'chang bar byed do/ /bla na med pa yang dag par rdzogs pa'i byang chub mngon par rdzogs par sangs rgyas kyi bar du nams kyang chud gzon par mi byed pa dag mthong ngo / /lho dang / nub dang / byang dang / 'og dang / steng gi phyogs mtshams kyi 'jig rten gyi khams kyi bar du yang de bzhin no/ /rab 'byor 'di la ngas sangs rgyas kyi spyan gyis rnam par bltas na 'jig rten gyi khams gang gA'i klung gi</font><hr>36.73a<br><font size=+1>

bye ma snyed dag na byang chub sems dpa' sems dpa' chen po dag sems can dud 'gro'i skye gnas su skyes pa de dag gi don du bdag nyid kyang yongs su gtong bar byed do/ /der byang chub sems dpa' sems dpa' chen po dag gis yan lag dang nying lag rnams gtubs nas/ phyogs dang phyogs mtshams dag tu gtor bar byed/ sems can dud 'gro'i skye gnas su skyes pa de dag gis kyang byang chub sems dpa' de dag gi sha rnams zos nas byang chub sems dpa' de dag la byams pa 'thob par 'gyur te/ de dag byams pa thob pa des dud 'gro'i skye gnas de nas thar bar 'gyur la/ thar nas kyang sangs rgyas bcom ldan 'das rnams mnyes par byed de/ de dag sangs rgyas bcom ldan 'das de dag la bsnyen bkur byed cing / sangs rgyas bcom ldan 'das de dag las chos kyang nyan la/ chos de dag mnyan nas de bzhin nyid du sgrub par byed do/ /de dag theg pa gsum po nyan thos kyi theg pa 'am/ rang sangs rgyas kyi theg pa 'am/ sangs rgyas kyi theg pas rim gyis phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ba dag mthong ngo / /rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub tu sems bskyed par byed cing / bskyed nas kyang de bzhin nyid du sgrub la de bzhin du phung po'i lhag ma med pa'i mya ngan las 'das pa'i dbyings su yang yongs su mya ngan las 'da' bar 'gyur ba de dag ni gces pras byed pa yin no/ /rab 'byor gzhan yang 'di la ngas sangs rgyas kyi spyan gyis rnam par bltas na 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag sems can yi dgas kyi yul na 'khod pa rnams kyi yi dgas kyi sdug bsngal rnams sel bar byed de/ ser sna spong ba'i phyir yang chos ston la/ de nas de dag byang chub sems dpa' sems dpa' chen po de dag la byams pa'i</font><hr>36.73b<br><font size=+1>

sems bskyed par byed de/ de dag dge ba'i rtsa ba des yi dag kyi skye gnas nas thar bar 'gyur zhing thar nas kyang phung po'i lhag ma med pa'i mya ngan las 'das pa'i dbyings su yongs su mya ngan las 'das kyi bar du nams kyang sangs rgyas bcom ldan 'das rnams dang bral bar mi 'gyur ba dag mthong ngo / /rab 'byor de ltar byang chub sems dpa' sems dpa' chen po snying rje chen po la gnas pa ni 'di lta ste/ yongs su mya ngan las 'da' ba'i phyir sems can thams cad kyi don du nye bar gnas pa yin no/ /rab 'byor gzhan yang 'di la ngas sangs rgyas kyi spyan gyis rnam par bltas na byang chub sems dpa' sems dpa' chen po dag rgyal chen bzhi'i ris kyi lha rnams la chos ston pa dang / sum bcu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnams la chos ston te/ lha'i bu de dag gis byang chub sems dpa' sems dpa' chen po de dag las chos thos nas theg pa gsum po dag gis rim gyis yongs su mya ngan las 'das pa dang / yongs su mya ngan las 'da' ba dang / yongs su mya ngan las 'da' bar 'gyur ba dang / rab 'byor de na lha'i bu gang dag 'dod pa'i yon tan lnga rgyas pa de dag gis lhag par mos pa de dag gi gzhal med khang 'bar bar byas nas grogs po dag 'du byed thams cad ni mi rtag pa yin na/ su zhig 'du byed rnams la yid ston cing 'dug ces chos ston pa dag mthong ngo / /rab 'byor gzhan yang 'di la ngas sangs rgyas kyi spyan gyis rnam par bltas na byang chub sems dpa' sems dpa' chen po dag 'jig rten gyi khams gang gA'i klung gi bye ma snyed dag na su dag bram ze'i lta ba la mngon par zhen pa de dag la/ kye grogs po dag chos thams cad stong pa la ji ltar lta ba bskyed/ chos thams cad gsob dang / gsog yin pa la ji ltar lta ba bskyed ces lta ba de dag las 'byed pa dag mthong ngo / /rab 'byor de ltar byang chub sems dpa' sems dpa' chen po snying rje chen po la</font><hr>36.74a<br><font size=+1>

gnas nas sems can rnams la chos ston te/ rab 'byor 'di ni byang chub sems dpa' sems dpa' chen po rnams kyi ngo mtshar rmad du byung ba'i chos yin no/ /rab 'byor 'di la ngas sangs rgyas kyi spyan gyis rnam par bltas na shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag gis mi rnams bsdu ba'i dngos po bzhis sdud par byed de/ bzhi gang zhe na/ sbyin pa dang / snyan par smra ba dang / don spyod pa dang / don 'thun pas bsdud par byed do/ /rab 'byor byang chub sems dpa' sems dpa' chen pos ji ltar sbyin pas sems can rnams bsdud par byed ce na/ rab 'byor 'di la byang chub sems dpa' sems dpa' chen pos ji ltar zang zing gi sbyin pa dang / chos kyi sbyin pa dang / sbyin pa rnam pa gnyis kyis sems can rnams bsdud par byed do/ /rab 'byor byang chub sems dpa' sems dpa' chen pos sbyin pas ji ltar sems can rnams bsdud ce na/ rab 'byor 'di la byang chub sems dpa' sems dpa' chen pos gser ram/ dngul lam/ nor bu 'am/ mu tig gam/ bai dUr+ya 'am/ dung ngam/ man shel lam/ byu ru 'am/ zas sam/ skom 'am/ gos sam/ bzhon pa 'am/ mal cha 'am/ stan nam/ spos sam/ me tog phreng ngam/ mar me 'am/ skyes pa 'am/ bud med dam/ rta 'am/ ba lang ngam/ glang po che 'am/ bdag gi sha sbyin par byed pa na/ 'di skad du kye mi dag tshur sheg  /khyed ci 'dod pa bzhin du khyed nyid kyi dang 'dra bar bsam pa bzang pos dogs pa med par khyer te/ deng shig ces sgra sgrogs par byed do/ /des sbyin pa de byin nas sems can de dag sangs rgyas la skyabs su 'gro bar byed/ chos la skyabs su 'gro bar byed/ dge 'dun la skyabs su 'gro bar byed de/ la la dag ni bslab pa'i gzhi lnga 'dzin du 'jug go/ /la la dag ni gso sbyong gi yan lag brgyad yang dag par 'dzin du 'jug go/ /la la dag ni dge ba bcu'i las kyi lam la 'god par byed do/ /</font><hr>36.74b<br><font size=+1>

la la dag ni bsam gtan dang po nas 'du shes med 'du shes med min skye mched kyi snyoms par 'jug pa'i bar du 'dzin du 'jug go/ /la la dag ni byams pa dang snying rje dang / dga' ba dang / btang snyoms yang dag par 'dzin du 'jug go/ /la la dag ni sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / la la dag ni lus la so sor rtog pa mi sdug pa'i 'du shes la sogs pa la sbyor ro/ /la la dag ni rnam par dag pa la/ la la dag ni dran pa nye bar gzhag pa bzhi la/ la la dag ni yang dag par spong ba bzhi la/ la la dag ni rdzu 'phrul gyi rkang pa bzhi la/ la la dag ni dbang po lnga la/ la la dag ni stobs lnga la/ la la dag ni byang chub kyi yan lag bdun la/ la la dag ni 'phags pa'i lam yan lag brgyad pa la/ la la dag ni rnam par thar pa'i sgo stong pa nyid dang / mtshan ma med pa dang / smon pa med pa'i ting nge 'dzin la/ la la dag ni rnam par thar pa brgyad la/ la la dag ni mthar gyis gnas pa'i snyoms par 'jug pa dgu la/ la la dag ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi la/ la la dag ni byams pa chen po la/ la la dag ni snying rje chen po la/ la la dag ni sangs rgyas kyi chos ma 'dres pa bcwa brgyad la/ la la dag ni skyes bu chen po'i mtshan sum bcu rtsa gnyis la/ la la dag ni dpe byad bzang po brgyad bcu la/ la la dag ni rgyun tu zhugs pa'i 'bras bu la/ la la dag ni lan cig phyir 'ong ba'i 'bras bu la/ la la dag ni phyir mi 'ong ba'i 'bras bu la/ la la dag ni dgra bcom pa nyid la/ la la dag ni rang byang chub la/ la la dag ni bla na med pa yang dag par rdzogs pa'i byang chub la sbyor bar byed do/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pa</font><hr>36.75a<br><font size=+1>

dang ldan pas zang zing gi sbyin pa byin nas grub pa dang / bde ba rgya chen po la 'god par byed de/ rab 'byor 'di ni byang chub sems dpa' sems dpa' chen po'i ngo mtshar rmad du byung ba'i chos yin no/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ sems can rnams la chos kyi sbyin pas ji ltar phan 'dogs she na/ rab 'byor chos kyi sbyin pa ni 'di gnyis te/ gnyis gang zhe na/ 'jig rten pa dang / 'jig rten las 'das pa'o/ /rab 'byor 'jig rten pa'i chos kyi sbyin pa gang zhe na/ 'jig rten pa'i chos rnams brjod pa dang / bstan pa dang / bshad pa gang yin pa ste/ 'di lta ste/ mi sdug pa bstan pa'i le'u las 'byung ba dang / bsam gtan bzhi dang / tshangs pa'i gnas pa bzhi dang / gzugs med pa'i snyoms par 'jug pa'i bar dag dang / so so'i skye bo dang thun mong ba'i 'jig rten gyi chos gang yang rung ba rnams te/ 'di ni 'jig rten pa'i chos kyi sbyin pa zhes bya'o/ /rab 'byor byang chub sems dpa' sems dpa' chen po de ni 'jig rten gyi chos kyi sbyin pa 'di byin nas/ rnam grangs du mas yang dag par blangs pa de las 'byed par byed do/ /des phyi nas thabs la mkhas pas 'phags pa'i chos rnams dang / 'phags pa'i chos rnams kyi 'bras bu la 'god par byed do/ /'phags pa'i chos rnams dang / 'phags pa'i chos rnams kyi 'bras bu gang zhe na/ rab 'byor 'phags pa'i chos rnams shes bya ba ni byang chub kyi phyogs kyi chos sum bcu rtsa bdun dang / rnam par thar pa'i sgo gsum yin no/ /'phags pa'i chos rnams kyi 'bras bu ni rgyun tu zhugs pa'i 'bras bu nas dgra bcom pa nyid kyi bar dag yin no/ /rab 'byor yang byang chub sems dpa' sems dpa' chen po'i 'phags pa'i chos rnams ni rgyun tu zhugs pa'i 'bras bu shes pa nas dgra bcom pa nyid shes pa'i bar dang / byang chub kyi phyogs kyi chos sum bcu rtsa bdun shes pa'i bar dang / </font><hr>36.75b<br><font size=+1>

de bzhin gshegs pa'i stobs bcu shes pa'i bar dang / byams pa chen po shes pa dang / snying rje chen po shes pa dang / dga' ba chen po shes pa dang / btang snyoms chen po shes pa'i bar dang / gzhan yang rnam pa thams cad mkhyen pa nyid kyi ye shes ma gtogs par gang dag 'jig rten pa dang 'jig rten las 'das pa'i chos rnams dang / zag pa dang bcas pa dang / zag pa med pa rnams dang / 'dus byas dang / 'dus ma byas kyi chos rnams te/ 'di dag ni byang chub sems dpa' sems dpa' chen po'i 'phags pa'i chos rnams shes bya'o/ /byang chub sems dpa' sems dpa' chen po'i 'phags pa'i chos rnams kyi 'bras bu gang zhe na/ bag chags kyi mtshams sbyor ba thams cad spong ba 'di ni byang chub sems dpa' sems dpa' chen po'i 'phags pa'i chos rnams kyi 'bras bu zhes bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci byang chub sems dpa' sems dpa' chen pos rnam pa thams cad mkhyen pa nyid thob par 'gyur lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen pos rnam pa thams cad mkhyen pa nyid thob par 'gyur ro/ /gsol pa/ bcom ldan 'das 'o na byang chub sems dpa' sems dpa' chen po dang / de bzhin gshegs par tha dad du bgyi ba ci mchis/ bka' stsal pa/ tha dad du bya ba gang zhe na/ byang chub sems dpa' sems dpa' chen po ni rnam pa thams cad mkhyen pa nyid thob par 'gyur ba yin la/ de bzhin gshegs pa ni ye shes thob pa zhes bya'o/ /de ci'i phyir zhe na/ gang la gnas nas chos thams cad tha dad du dbyer med pa thob pa la byang chub sems dpa'i sems dang / de bzhin gshegs pa dgra bcom pa yang dag par rdzogs pa'i sangs rgyas tha dad par dmigs pa med pa'i phyir ro/ /rab 'byor 'di ni byang chub sems dpa' sems</font><hr>36.76a<br><font size=+1>

dpa' chen po'i 'jig rten pa'i chos kyi sbyin pa yin te/ de la brten nas 'jig rten las 'das pa'i chos kyi sbyin pa 'byung ngo / /rab 'byor de ltar byang chub sems dpa' sems dpa' chen pos sems can rnams 'jig rten pa'i chos kyi sbyin pa la btsud nas thabs mkhas pas rnam pa thams cad mkhyen pa nyid kyi bar la 'god par byed do/ /rab 'byor byang chub sems dpa' sems dpa' chen po rnams gyi 'jig rten las 'das pa'i chos kyi sbyin pa byis pa so so'i skye bo rnams dang / thun mong ma yin pa gang zhe na/ 'di lta ste/ dran pa nye bar gzhag pa bzhi dang / yang dag pa'i spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / zad par gyi skye mched bcu dang / zil gyis gnon pa'i skye mched brgyad dang / nyon mongs pa med pa dang / smon nas shes pa dang / mngon par shes pa drug dang / shin tu yongs su dag pa bzhi dang / dbang bcu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / bsrung ba med pa gsum dang / dran pa nye bar gzhag pa bzhi dang / bsnyel ba mi mnga' ba'i chos nyid dang / bag chags kyi sgrib pa spangs pa dang / thugs rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid dang / skyes bu chen po'i mtshan sum bcu rtsa gnyis dang / dpe byad bzang po brgyad bcu dang / gzungs kyi sgo lnga brgya dang / ting nge 'dzin gyi sgo rnams te/ de dag ni 'jig rten pa ma yin pa/ 'jig rten las 'das pa'i chos kyi sbyin pa zhes bya'o/ /rab 'byor de la dran pa nye bar gzhag pa bzhi gang zhe na/ 'di lta ste/ rtun pa shes bzhin can dran pa dang ldan pas 'jig rten gyi brnab</font><hr>36.76b<br><font size=+1>

sems dang / yid mi bde ba rnam par bsal nas/ nang gi lus la lus kyi rjes su lta zhing gnas pa dang / rtun pa shes bzhin can dran pa dang ldan pas 'jig rten gyi brnab sems dang / yid mi bde ba rnam par bsal nas/ phyi'i lus la lus kyi rjes su lta zhing gnas pa dang / rtun pa shes bzhin can dran pa dang ldan pas 'jig rten gyi brnab sems dang / yid mi bde ba rnam par bsal nas / nang dang phyi'i lus la lus kyi rjes su lta zhing gnas pa dang / lus la 'byung bar rjes su lta zhing gnas pa dang / lus la 'jig par rjes su lta zhing gnas pa dang / lus la kun 'byung ba dang 'jig par rjes su lta zhing gnas pa dang / lus la mi gnas par gnas shing 'jig rten du gang yang nye bar len pa med pa dang / tshor ba dang / sems dang / chos rnams la yang de bzhin du sbyar bar bya'o/ /rab 'byor yang dag pa'i spong ba rnams gang zhe na/ sdig pa mi dge ba'i chos ma skyes pa rnams mi bskyed pa'i phyir/ 'dun pa bskyed pa dang / sdig pa mi dge ba'i chos skyes pa rnams spang ba'i phyir/ 'dun pa bskyed pa dang / dge ba'i chos ma skyes pa rnams bskyed pa'i phyir 'dun pa bskyed pa dang / dge ba'i chos skyes pa rnams gnas pa dang / phyir zhing 'byung ba dang / nyams par mi 'gyur ba dang / yongs su rdzogs par bya ba'i phyir 'dun pa bskyed pa'o/ /rab 'byor rdzu 'phrul gyi rkang pa rnams gang zhe na/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / sems dang / brtson 'grus dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /rab 'byor dbang po lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ de dag ni dbang po lnga zhes bya'o/ /rab 'byor stobs lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te/ </font><hr>36.77a<br><font size=+1>

de dag ni stobs lnga zhes bya'o/ /rab 'byor byang chub kyi yan lag bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ de dag ni byang chub kyi yan lag bdun zhes bya'o/ /rab 'byor 'phags pa'i lam yan lag brgyad pa gang zhe na/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ 'di ni 'phags pa'i lam yan lag brgyad pa zhes bya'o/ /rab 'byor de la ting nge 'dzin gsum gang zhe na/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin to/ /de la stong pa nyid kyi ting nge 'dzin gang zhe na/ stong pa'i rnam pa dang / dben pa'i rnam pas sems rtse gcig pa gang yin pa ste/ de ni stong pa nyid kyi ting nge 'dzin ces bya'o/ /mtshan ma med pa'i ting nge 'dzin gang zhe na/ zhi ba'i rnam pa dang / mtshan ma med pa'i rnam pas sems rtse gcig pa gang yin pa ste/ de ni mtshan ma med pa'i ting nge 'dzin ces bya'o/ /smon pa med pa'i ting nge 'dzin gang zhe na/ mi rtag pa'i rnam pa dang / sdug bsngal ba'i rnam pas sems rtse gcig pa gang yin pa ste/ de ni smon pa med pa'i ting nge 'dzin ces bya'o/ /rab 'byor rnam par thar pa brgyad gang zhe na/ gzugs can gzugs rnams la lta ba 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /sdug pa'i rnam par thar pa lus kyis mngon sum du byas te bsgrubs nas gnas pa 'di ni rnam par thar pa gsum pa'o/ /</font><hr>36.77b<br><font size=+1>

de rnam pa thams cad du gzugs kyi 'du shes rnams las yang dag par 'das te thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched bsgrubs te gnas pa dang / 'du shes med 'du shes med min skye mched kyi bar dag bsgrubs te gnas pa dang / de rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa lus kyis mngon sum du byas nas bsgrubs te gnas pa'i bar dag ste/ de dag ni rnam par thar pa brgyad ces bya'o/ /rab 'byor mthar gyis gnas pa'i snyoms par 'jug pa dgu gang zhe na/ 'di la kha gcig 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po bsgrubs te gnas pa dang / de bzhin du bsam gtan gnyis pa dang / gsum pa dang / bzhi pa'i bar dag bsgrubs te gnas pa dang / 'du shes med 'du shes med min skye mched kyi bar dag bsgrubs te gnas pa dang / rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa bsgrubs nas gnas pa ste/ de dag ni mthar gyis gnas pa'i snyoms par 'jug pa dgu zhes bya'o/ /de la zad par gyi skye mched bcu gang zhe na/ zad par sa dang / zad par chu dang / zad par me dang / zad par rlung dang / zad par sngon po dang / zad par ser po dang / zad par dmar po dang / zad par dkar po dang / zad par rnam par shes pa dang / zad par nam mkha' ste/ de dag ni zad par gyi skye mched bcu zhes bya'o/ /de la zil gyis gnon pa'i skye mched brgyad gang zhe na/ nang gzugs su 'du shes pas phyi rol gyi gzugs chung ngu/ kha dog bzang po dang / kha dog ngan pa rnams la lta zhing / gzugs de dag zil gyis mnan nas shes zil gyis mnan nas mthong ste/ de lta bu 'du shes par</font><hr>36.78a<br><font size=+1>

'gyur ba 'di ni zil gyis gnon pa'i skye mched dang po'o/ /nang gzugs med par 'du shes pas phyi rol gyi gzugs chen por gyur pa kha dog bzang po dang / kha dog ngan pa rnams la lta zhing gzugs de dag zil gyis mnan nas shes zil gyis mnan nas mthong ste/ de lta bur 'du shes par 'gyur ba 'di ni zil gyis gnon pa'i skye mched gnyis pa'o/ /nang gzugs med par 'du shes pas phyi rol gyi gzugs sngon po kha dog sngon po/ sngon po lta bur ston pa/ 'od sngon po 'byung ba rnams la lta ste/ dper na zar ma'i me tog gam/ yul bA ra nA se'i ras phun sum tshogs pa sngon po/ kha dog sngon po/ sngon po lta bur ston pa/ 'od sngon po 'byung ba de bzhin du/ nang gzugs med par 'du shes pas/ phyi rol gyi gzugs sngon po/ kha dog sngon po/ sngon po lta bur ston pa/ 'od sngon po 'byung ba rnams la lta ba 'di ni zil gyis gnon pa'i skye mched gsum pa'o/ /nang gzugs med par 'du shes pas phyi rol gyi gzugs ser po/ kha dog ser po/ ser po lta bur ston pa/ 'od ser po 'byung ba rnams la lta ste/ dper na dong ka'i me tog gam/ yul bA ra nA se'i ras phun sum tshogs pa ser po/ kha dog ser po/ ser po lta bur ston pa/ 'od ser po 'byung ba de bzhin du/ nang gzugs med par 'du shes pas phyi rol gyi gzugs ser po/ kha dog ser po/ ser po lta bur ston pa/ 'od ser po 'byung ba rnams la lta ba 'di ni zil gyis gnon pa'i skye mched bzhi pa'o/ /nang gzugs med par 'du shes pas phyi rol gyi gzugs dmar po kha dog dmar po/ dmar po lta bur ston pa/ 'od dmar po 'byung ba rnams la lta ste/ dper na ban du dzi ba'i me tog dang / yul bA ra nA se'i ras phun sum tshogs pa dmar po/ kha dog dmar po/ dmar po lta bur ston pa/ 'od dmar po 'byung ba de bzhin du/ nang gzugs med par 'du shes pas/ phyi rol gyi gzugs</font><hr>36.78b<br><font size=+1>

dmar po/ kha dog dmar po/ dmar po lta bur ston pa/ 'od dmar po 'byung ba rnams la lta ba 'di ni zil gyis gnon pa'i skye mched lnga pa'o/ /nang gzugs med par 'du shes pas phyi rol gyi gzugs dkar po/ kha dog dkar po/ dkar po lta bur ston pa/ 'od dkar po 'byung ba rnams la lta ste/ dper na skar ma pa ba sangs kyi mdog ltar dkar po/ kha dog dkar po/ dkar po lta bur ston pa/ 'od dkar po 'byung ba de bzhin du/ nang gzugs med par 'du shes pas/ phyi rol gyi gzugs dkar po/ kha dog dkar po/ dkar po lta bur ston pa/ 'od dkar po 'byung ba rnams la lta ba 'di ni zil gyis gnon pa'i skye mched drug pa'o/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched bsgrubs te gnas pa 'di ni zil gyis gnon pa'i skye mched bdun pa'o/ /de rnam pa thams cad du nam mkha' mtha' yas skye mched las yang dag par 'das te/ rnam shes mtha' yas so snyam nas rnam shes mtha' yas skye mched bsgrubs te gnas pa 'di ni zil gyis gnon pa'i skye mched brgyad pa ste/ de dag ni zil gyis gnon pa'i skye mched brgyad ces bya'o/ /shes rab kyi pha rol tu phyin pa khri brgyad stong pa/ bam po lnga bcu rtsa gcig pa/ de la nyon mongs pa med pa gang zhe na/ bsam gtan la gnas nas byang chub sems dpa' sems dpa' chen po'i gnas pa/ sems can gzhan dag dang / gang zag gzhan dag gi nyon mongs pa mi skye bar ting nge 'dzin gang gis 'grub pa de ni nyon mongs pa med pa zhes bya'o/ /de la smon nas shes pa gang zhe na/ bsam gtan la gnas te 'di shes par bya'o snyam nas byang chub sems dpa' dus gsum gyi shes pa 'am/ shes bya gang dang gang shes par 'dod</font><hr>36.79a<br><font size=+1>

par gyur pa de la yid kyis smon par byed cing ting nge 'dzin de las langs nas de'i smon lam de 'grub cing / shes bya de yang shes pa de ni smon nas shes pa zhes bya'o/ /de la mngon par shes pa drug gang zhe na/ rdzu 'phrul gyi mngon par shes pa dang / lha'i mig gi mngon par shes pa dang / lha'i rna ba'i mngon par shes pa dang / pha rol gyi sems shes pa'i mngon par shes pa dang / sngon gyi gnas rjes su dran pa'i mngon par shes pa dang / zag pa zad pa'i mngon par shes pa ste drug po de dag go/ /de la yongs su dag pa bzhi gang zhe na/ gnas yongs su dag pa dang / dmigs pa yongs su dag pa dang / thugs yongs su dag pa dang / mkhyen pa yongs su dag pa ste/ bzhi po de dag go/ /de la dbang bcu gang zhe na/ tshe la dbang ba dang / sems la dbang ba dang / yo byad la dbang ba dang / las la dbang ba dang / skye ba la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / ye shes la dbang ba dang / chos la dbang ba ste bcu po de dag go/ /rab 'byor de bzhin gshegs pa'i stobs bcu gang zhe na/ gnas la yang gnas su yang dag pa ji lta ba bzhin du rab tu mkhyen cing / gnas ma yin pa la yang gnas ma yin par yang dag pa ji lta ba bzhin du rab tu mkhyen pa dang / 'das pa dang / ma 'ongs pa dang / da ltar byung ba'i las rnams dang / las yang dag par blangs pa rnams kyi rnam par smin pa gnas kyi rnam pa dang / rgyu'i rnam par yang dag pa ji lta ba bzhin du rab tu mkhyen pa dang / 'jig rten gnas pa khams du ma pa dang / khams sna tshogs pa yang dag pa ji lta ba bzhin du rab tu mkhyen pa dang / sems can gzhan dag dang / gang zag gzhan rnams kyi 'dun pa du ma dang / mos pa sna tshogs yang dag pa ji lta ba bzhin du rab tu mkhyen pa dang / sems can gzhan dag dang / gang zag gzhan rnams kyi dbang po mchog dang mchog ma yin pa'i shes pa</font><hr>36.79b<br><font size=+1>

yang dag pa ji lta ba bzhin du rab tu mkhyen pa dang / kun tu 'gro ba'i lam yang dag pa ji lta ba bzhin du rab tu mkhyen pa dang / bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba thams cad yang dag pa ji lta ba bzhin du rab tu mkhyen pa dang / sngon gyi gnas rnam pa du ma rjes su dran ste/ des tshe rabs gcig kyang rjes su dran pa nas/ sngon gyi gnas rnam pa du ma'i bar dag kyang rnam pa dang bcas yul phyogs dang bcas par rjes su dran pa dang / lha'i mig rnam par dag pa mi'i las shin tu 'das pas sems can 'chi 'pho ba dang / skye ba dag kyang gzigs te sems can gang dag gi lus dang / ngag dang / yid gyis nyes par spyod pa dang ldan pa/ log par lta ba/ 'phags pa rnams la skur pa 'debs pa dag rgyu de dang rkyen des lus zhig ste/ shi ba'i 'og tu ngan song ngan 'gro log par ltung ba dag tu skye ba dang / sems can gang dag lus dang ngag dang yid kyis legs par spyod pa dang ldan pa yang dag par lta ba/ 'phags pa rnams la skur pa mi 'debs pa dag rgyu des lus zhig nas bde 'gro mtho ris kyi lha'i nang du skye ba dag kyang gzigs la/ des lha'i mig rnam par dag pa/ mi'i las shin tu 'das pas/ sems can 'chi 'pho ba dang / skye ba dang / kha dog bzang ba dang / kha dog ngan pa dang / bde 'gro dang / ngan 'gro dag tu lus ji lta ba bzhin du nye bar 'gro ba dag kyang / yang dag pa ji lta ba bzhin du rab tu mkhyen pa dang / zag pa rnams zad pa dang / zag pa med cing sems rnam par grol ba dang / shes rab rnam par grol ba dag kyang yang dag pa ji lta ba bzhin du rab tu mkhyen pa ste/ de dag ni de bzhin gshegs pa'i stobs bcu zhes bya'o/ /rab 'byor de bzhin gshegs pa'i mi 'jigs pa bzhi gang zhe na/ nga yang dag par rdzogs pa'i sangs rgyas so zhes dam bcas na/ kye ma de la chos 'di rnams mngon par rdzogs par sangs ma rgyas so zhes lha dang bcas pa dang / bdud dang bcas pa dang / </font><hr>36.80a<br><font size=+1>

tshangs pa dang bcas pa dang / dge sbyong dang bram zer bcas pa'i skye dgu'i 'jig rten na chos dang 'thun par 'ga' zhig bdag la rgol lo snyam pa'i rgyu de yang dag par rjes su mi mthong ste/ rgyu de yang dag par rjes su ma mthong bas bde ba thob cing bag tsha ba med pa thob la/ mi 'jigs pa thob ste/ gnas kyis khyu mchog rlabs po che'i gnas su dam bca'o/ /'khor gyi nang du seng ge'i sgra yang dag par bsgrag go/ /tshangs pa'i 'khor lo dge sbyong ngam/ bram ze 'am/ lha 'am/ bdud dam/ tshangs pa 'am/ su yang rung bas chos dang 'thun par 'jig rten du bskor mi nus pa bdag gis bskor bar bya'o zhes bya ba dang / de bzhin du sbyar te/ nga zag pa zad do zhes dam bcas na/ de la khyod kyis zag pa 'di dag ma zad do zhes chos dang 'thun par bdag la rgol ba med pa dang / ngas gang dag bar du gcod pa'i chos su gsungs pa de dag bsten kyang bar du gcod par mi 'gyur ro zhes chos dang 'thun par bdag la rgol ba med pa dang / ngas gang sdug bsngal yang dag par zad par byed pa/ nges par 'byin pa'i lam du gsungs pa de bsten kyang sdug bsngal yang dag par zad par mi 'gyur ro zhes lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i 'jig rten na chos dang 'thun pa 'ga' zhig bdag la rgol lo snyam pa'i rgyu de yang dag par rjes su mi mthong ste/ rgyu de yang dag par rjes su ma mthong bas bde ba thob cing / bag tsha ba med pa thob la mi 'jigs pa thob ste/ gnas kyis khyu mchog rlabs po che'i gnas su dam bca'o/ /'khor gyi nang du seng ge'i sgra yang dag par sgrag go/ /tshangs pa'i 'khor lo dge sbyong ngam/ bram ze 'am/ lha 'am/ bdud dam/ tshangs pa 'am/ su yang rung bas chos dang 'thun par 'jig rten du bskor bar mi nus pa bdag gis bskor bar bya'o zhes bya ba ste/ de dag ni mi 'jigs pa bzhi zhes bya'o/ /rab 'byor de bzhin gshegs pa'i so so yang dag par rig pa bzhi gang zhe na/ don so so yang dag</font><hr>36.80b<br><font size=+1>

par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /de dag kyang gang zhe na/ don la dmigs pa dang / chos la dmigs pa dang / nges pa'i tshig la dmigs pa dang / spobs pa la dmigs pa dag go/ /rab 'byor de bzhin gshegs pa'i bsrung ba med pa gsum gang zhe na/ de bzhin gshegs pa sku'i spyod pa yongs su dag ste/ de bzhin gshegs pa la sku'i spyod pa yongs su ma dag pa mi mnga' bas gzhan dag gis ma shes na ci ma rung zhes gang bcab par dgongs pa de bzhin gshegs pa la mi mnga' ste/ 'di ni bsrung ba med pa dang po'o/ /de bzhin gshegs pa gsung gi spyod pa yongs su dag ste/ de bzhin gshegs pa la gsung gi spyod pa yongs su ma dag pa mi mnga' bas gzhan dag gis ma shes na ci ma rung zhes gang bcab par dgongs pa de bzhin gshegs pa la mi mnga' ste/ 'di ni bsrung ba med pa gnyis pa'o/ /de bzhin gshegs pa thugs kyi spyod pa yongs su dag ste/ de bzhin gshegs pa la thugs kyi spyod pa yongs su ma dag pa mi mnga' bas gzhan dag gis ma shes na ci ma rung zhes gang bcab par dgongs pa de bzhin gshegs pa la mi mnga' ste/ 'di ni bsrung ba med pa gsum pa'o/ /de la de bzhin gshegs pa'i dran pa nye bar gzhag pa gsum gang zhe na/ de bzhin gshegs pa chos ston pa'i tshe kha cig rna blags te gus par nyan cing bka' nyan par sems nye bar 'jog la/ chos kyi rjes su 'thun pa'i chos la nan tan byed na yang des de bzhin gshegs pa dgyes par mi 'gyur/ yid bde bar mi 'gyur/ thugs yed yed por mi 'gyur te/ 'di ni dran pa nye bar gzhag pa dang po'o/ /kha cig rna mi klog gus par mi nyan cing bka' nyan pa'i sems nye bar mi 'jog la/ chos kyi rjes su 'thun pa'i chos la nan tan mi byed na yang des de bzhin gshegs pa kun nas mnar sems su mi 'gyur/ mi bzod par mi 'gyur/ thugs mi ches par mi 'gyur te/ 'di ni dran pa nye bar gzhag pa</font><hr>36.81a<br><font size=+1>

gnyis pa'o/ /kha cig rna blags te gus par nyan cing bka' nyan pa'i sems nye bar 'jog la chos kyi rjes su 'thun pa'i chos la nan tan du byed/ kha cig ni rna mi klog /gus par mi nyan cing bka' nyan pa'i sems nye bar mi 'jog la/ chos kyi rjes su 'thun pa'i chos la nan tan mi byed na yang des de bzhin gshegs pa dgyes pa 'am/ kun nas mnar sems gnyis su mi 'gyur te/ thams cad du dran pa dang ldan zhing mkhyen bzhin du btang snyoms su gnas pa 'di ni dran pa nye bar gzhag pa gsum pa'o/ /de la de bzhin gshegs pa'i bsnyel ba mi mnga' ba'i chos nyid gang zhe na/ gang gis sangs rgyas bcom ldan 'das rnams don yod pa'i chos ston pa'i phyir sems can thams cad kyi don mdzad pa la dus las mi yol ba ste/ 'di ni bsnyel ba mi mnga' ba'i chos nyid ces bya'o/ /de la de bzhin gshegs pa'i bag chags kyi sgrib pa spangs pa gang zhe na/ nyan thos dang rang sangs rgyas thams cad ni nyon mongs pa rnams spangs kyang de dag la lus kyi 'gyur ba dag 'byung gi /de bzhin gshegs pa la ni de dag mi mnga' ste/ de ni bag chags kyi sgrib pa spangs pa zhes bya'o/ /de la de bzhin gshegs pa'i thugs rje chen po gang zhe na/ de bzhin gshegs pa'i thugs rje chen po gang dang ldan pas 'jig rten gyi brda' nye bar bzung ste/ dge ba'i rtsa ba la gzigs pa'i phyir dus thams cad du nyin lan gsum mtshan lan gsum 'jig rten la rtog pa mdzad pa ste/ sangs rgyas bcom ldan 'das rnams kyi thugs rje chen po sems can mtha' yas pa yongs su smin par bya ba la gzigs pa/ rtag tu 'byung ba 'di ni thugs rje chen po zhes bya'o/ /rab 'byor de la sangs rgyas kyi chos ma 'dres pa bcwo brgyad gang zhe na/ bla na med pa yang dag par rdzogs pa'i byang chub mngon par rdzogs par sangs rgyas kyi bar du/ bar der de bzhin gshegs pa la 'khrul pa med pa dang / ca co med pa dang / bsnyel pa med pa dang / sems</font><hr>36.81b<br><font size=+1>

mnyam par ma bzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba dang / yid kyi las thams cad ye shes sngon du 'gro zhing ye shes kyi rjes su 'brang ba dang / 'das pa'i dus la ma chags ma thogs pa'i ye shes mthong ba 'jug pa dang / ma 'ongs pa'i dus la ma chags ma thogs pa'i ye shes mthong ba 'jug pa dang / da ltar byung ba'i dus la ma chags ma thogs pa'i ye shes mthong ba 'jug pa ste/ de dag ni sangs rgyas kyi chos ma 'dres pa bcwa brgyad ces bya'o/ /rab 'byor de bzhin gshegs pa'i rnam pa thams cad mkhyen pa nyid gang zhe na/ gang gi dmigs pa ni dngos po med pa dbang byed pa ni dran pa/ rnam pa ni zhi ba/ mtshan nyid ni mtshan nyid med pa ste/ 'di ni rnam pa thams cad mkhyen pa nyid ces bya'o/ /rab 'byor de la de bzhin gshegs pa'i skyes bu chen po'i mtshan sum bcu rtsa gnyis gang zhe na/ phyag dang zhabs kyi mthil 'khor lo'i mtshan dang ldan pa dang / zhabs shin tu gnas pa dang / phyag dang zhabs dra bas 'brel ba dang / phyag dang zhabs 'jam zhing gzhon sha chags pa dang / bdun mtho ba dang / sor mo ring ba dang / rting pa yangs pa dang / sku che zhing drang ba dang / zhabs la 'bar 'bur med pa dang / sku'i spu gyen du phyogs pa dang / byin pa ri dgas e ne ya'i lta bu dang / phyag sbom zhing ring ba dang / 'doms kyi lba ba sbubs su nub pa dang / mdog gser 'dra ba dang / pags pa bsrab pa dang / spu re re nas skye zhing g.yas su 'khyil ba dang / zhal la mdzod spu'i mtshan mnga' ba dang / </font><hr>36.82a<br><font size=+1>

ro stod seng ge 'dra ba dang / dpung mgo legs par grub pa dang / thal gong rgyas pa dang / ro bro ba mkhyen pa dang / shing n+ya gro d+ha ltar chu zheng gab pa dang / dbu gtsug tor dang ldan pa dang / ljags ring zhing srab pa dang / tshangs pa'i dbyangs dang / 'gram pa seng ge'i lta bu dang / tshems shin tu dkar ba dang / tshems mnyam pa dang / tshems thags bzang ba dang / tshems bzhi bcu mnga' ba dang / spyan mthon thing dang / ba'i rdzi ma lta bu rnams so/ /de la de bzhin gshegs pa'i phyag dang / zhabs kyi mthil dag la 'khor lo rtsibs stong dang ldan pa mu khyud can lte ba dang bcas pa/ rnam pa thams cad yongs su rdzogs pa/ 'di lta ste dper na rus pa 'am/ ba so la gzugs su brkos pa lta bu dag mnga' bas na phyag dang zhabs 'khor lo'i mtshan dang ldan pa yin no/ /zhabs kyi mthil gnyis mnyam par sa la 'jog cing zhabs zhum pa med pas na zhabs shin tu gnas pa yin no/ /ngang pa'i rgyal po ltar phyag dang zhabs kyi sor mo dra bas 'brel bas na phyag dang zhabs dra bas 'brel ba yin no/ /shing bal gyi 'da' ba ltar phyag dang zhabs 'jam zhing gzhon sha chags la snyi bas na phyag dang zhabs gzhon sha chags pa yin no/ /phyag dang zhabs kyi bol gnyis dang dpung mgo gnyis dang ltag pa'i phyogs mtho bas na bdun mtho ba yin no/ /phyag dang zhabs kyi sor mo ring bas na sor mo ring ba yin no/ /zhabs kyi rting pa che bas na rting pa yangs pa yin no/ /khru bdun du 'phags par mtho zhing sku mi yo bas na sku che zhing drang ba yin no/ /pus mo'i lha nga dang / long bu shin tu mi mngon pas na zhabs 'bar 'bur med pa yin no/ /spu g.yas phyogs su zlum por 'khyil zhing gyen du phyogs pas na sku'i spu gyen du phyogs pa yin no/ /byin pa ri dgas e ne ya'i byin pa dang / mda' rgyu'i snying po ltar byin gyis zlum pas na byin pa ri dgas e ne ya'i lta bu yin no/ /phyag sbom zhing ring ba'i phyir ma btud kyang phyag gis pus mo slebs pas na phyag sbom zhing ring ba yin no/ /glang po che dang rta cang shes ltar</font><hr>36.82b<br><font size=+1>

gsang ba'i mtshan shin tu mdzes par sbubs su nub pas na 'doms kyi sba ba sbubs su nub pa yin no/ /gser shin tu sbyangs pa'i mdog 'dra bas na mdog gser 'dra ba yin no/ /lpags pa gser dang dngul shin tu sbyangs pa ltar 'jam zhing sku la rdul gyis mi gos pas na lpags pa srab pa yin no/ /spu shin tu 'byes shing gcig tu gnyis ma yin pas na spu re re nas skye zhing g.yas su 'khyil ba yin no/ /me tog kun da dang / zla ba dang / ba'i 'o ma dang / ba mo'i mdog ltar dkar zhing / nyi ma dang zla ba brgya bas kyang shin tu 'phags par 'od gsal ba'i mdzod spus smin mtshams legs par brgyan pas na zhal la mdzod spu'i mtshan mnga' ba yin no/ /sku'i stod 'phel che bas na ro stod seng ge'i 'dra ba yin no/ /mgur zlum zhing phya ler 'dug pas na dpung mgo legs par grub pa yin no/ /gser gyi glegs ma shin tu rnam par phyis pa lta bus mthong ka shin tu rgyas pas na thal gong rgyas pa yin no/ /ljags rlung dang / mkhris pa dang / bad kan gyis nyams pa mi mnga' zhing / ro thams cad so sor rnam par rig pa dang / 'thun par rnam par shes pas na ro bro ba mkhyen pa yin no/ /sku'i khru dang / 'dom gyi tshad du mnyam pas na shing n+ya gro d+ha ltar chu zheng gab pa yin no/ /dbu'i gtsug tor zlum zhing lham la g.yas su 'khyil ba dang ldan zhing dbu legs par grub cing blta na sdug pas na dbu gtsug tor dang ldan pa yin no/ /ut+pa la dmar po'i mdab ma'i mdog 'dra zhing yangs pas na ljags ring zhing srab pa yin no/ /dbyig gi snying po dang / bya ka la ping ka lta bu'i gsung mnga' bas na tshangs pa'i dbyangs yin no/ /me long gi dkyil 'khor ltar shin tu legs par grub cing zlum la rgyas shing blta na sdug la mkhrang bas na 'gram pa seng ge lta bu yin no/ /me tog kun da dang / zla ba dang / dung gi bcag 'phro ltar shin tu dkar ba'i tshems mnga' bas na tshems shin tu dkar ba yin no/ /tshems mthon dman med pas na tshems mnyam pa yin no/ /tshems mtshams ma dod pas na tshems thags bzang</font><hr>36.83a<br><font size=+1>

ba yin no/ /tshems bla 'og lhag chad med cing mnyam pas na tshems bzhi bcu mnga' ba yin no/ /dkar gnag gi phyogs ma 'dres shing shin tu rnam par dag la/ dmar po'i rgyun dang ma 'brel bas na spyan mthon ting yin no/ /spyan gyi rdzi ma bla 'og legs par gzhol zhing ma 'dzings pas na de bzhin gshegs pa'i spyan gyi rdzi ma ni ba'i rdzi ma lta bu yin no/ /de la bla ma rnams la bsu bskyal dang / chos nyan pa dang / me tog phreng 'bul ba dang / gtsug lag khang dang / mchod rten la sogs pa'i gan du 'gro ba dang / g.yog 'khor gyi sbyin pa byas pas na phyag dang zhabs kyi mthil 'khor lo'i mtshan dang ldan par gyur te/ de ni g.yog 'khor shin tu mang ba'i snga ltas yin no/ /yi dam la brtan pas na zhabs shin tu gnas par gyur te/ de ni mi g.yo ba'i snga ltas yin no/ /bsdu ba'i dngos po bzhi po sbyin pa dang / snyan par smra ba dang / don spyod pa dang / don 'thun pa dag kun tu bsten pas na phyag dang zhabs dra bas 'brel bar gyur te/ de ni myur du 'du ba'i snga ltas yin no/ /bza' ba dang / btung ba dang / bldag pa dang / bca' ba gsod pa dag gi sbyin pa byas pas na phyag dang zhabs 'jam zhing gzhon sha chags pa dang / bdun mtho bar gyur te/ de gnyis ni bza' ba dang / btung ba dang / bldag pa dang bca' ba bsod pa dag 'thob pa'i snga ltas yin no/ /gsad pa las thar bar byas pa dang / bza' ba dang btung ba la sogs pa byin pas srog gi rim gro byas pa dang / srog gcod pa spangs pa kun tu bsten pas na sor mo ring ba dang / rting pa yangs pa dang / sku che zhing drang bar gyur te/ de dag ni sku tshe ring ba'i snga ltas yin no/ /dge ba'i chos yang dag par blangs pa dang / bzung ba rnams mngon par spel cing yongs su 'grib par ma byas pas na zhabs 'bar 'bur med pa dang / sku'i spu gyen du phyogs par gyur te/ de gnyis ni chos yongs su mi nyams pa'i snga ltas yin no/ /bzo'i las dang / rig pa'i gnas</font><hr>36.83b<br><font size=+1>

rnams gus par byas shing byin pa dang / blangs pas na byin pa ri dgas e na ya'i lta bur gyur te/ de ni myur du 'dzin pa'i snga ltas yin no/ /bdog cing yod pa'i nor bslangs na med ces mi zer zhing byin pas na phyag sbom zhing ring bar gyur te/ de ni dbang sbyin zhing 'dul bar byed pa'i snga ltas yin no/ /mdza' bshes dang / gnyen 'dab dang / gnyen pa phan tshun 'brel ba dag gi dbyen ma byas shing / bye bar gyur pa dag bsdums pa dang / tshangs par spyod pa yang dag par blangs pa dang / gsang ba'i tshig bsrungs pas na 'doms kyi sba ba sbubs su nub par gyur te/ de ni sras mang ba'i snga ltas yin no/ /stan dang / gos dang / bgo ba rnams dang / khang bzangs dang / gzhal med khang dang / gnas bzang po dag gi sbyin pa byas pas na mdog gser 'dra ba dang / lpags pa srab par gyur te/ de gnyis ni stan dang / gos dang / bgo ba rnams dang / khang bzangs dang / gzhal med khang dang / gnas bzang po dag 'thob pa'i snga ltas yin no/ /'du 'dzi spangs pa dang / mkhan po dang / slob dpon dang / pha ma dang / phu nu la sogs pa bla ma rnams ji ltar rigs pa'i gnas su bkod cing rim gro byas pa dang / sbyin pa byin pa dang / mgu bar byas pas na spu re re nas skye zhing g.yas su 'khyil pa dang / zhal la mdzod spu'i mtshan mnga' bar gyur te/ de gnyis ni zla med pa'i snga ltas yin no/ /mu chor mi smra zhing gzhan la mi smod pa dang / snyan par smra ba dang / legs par smras pa la rjes su 'thun par byed pa dang / seng ge'i sgra dang 'thun par smra bas na ro stod seng ge'i 'dra ba dang / dpung mgo legs par grub par gyur te/ de gnyis ni mi choms pa'i snga ltas yin no/ /nad pa rnams la rtsi dang / g.yog 'khor dang / sman dang 'thun pa'i kha zas byin zhing rim gro byas pas na thal gong rgyas pa dang / ro bro ba mkhyen par gyur te/ de gnyis ni gnod pa mi mnga' ba'i snga ltas yin no/ /kun dga' ra ba dang / 'dun sa dang / bsil khang dang / khron pa dang / </font><hr>36.84a<br><font size=+1>

bgrod dka' bar zam pa gdags pa dang / kha zas dang / me tog phreng dang / gtsug lag khang dang / 'dug gnas la sogs pa bya ba la thog mar 'gro zhing gzhan dag kyang spro ba bskyed pa dang / gzhan dag la lhag par byin pas na shing n+ya gro d+ha ltar chu zheng gab pa dang / dbu gtsug tor dang ldan par gyur te/ de gnyis ni mnga' dbang chen po brnyes pa'i snga ltas yin no/ /yun ring po nas 'jam zhing snyan pa dang / mnyen pa'i tshig brjod pas na ljags ring zhing srab pa dang / tshangs pa'i dbyangs dang ldan par gyur te/ de gnyis ni gsung gi lam yan lag lnga dang ldan pa'i dbyangs brnyes pa'i snga ltas yin no/ /gsung gi lam yan lag lnga dang ldan pa'i dbyangs ni kun tu shes par bya zhing rnam par rig par bya ba dang / mnyan par 'os shing mi mthun pa med pa dang / zab cing dbyangs rjes su 'byung ba dang / mi tshugs shing rnar snyan pa dang / ma 'khrugs shing gsal ba'o/ /yun ring po nas tshig kyal pa spangs shing dus su smra bas na 'gram pa seng ge'i lta bur gyur te/ de ni tshig btsun pa'i snga ltas yin no/ /rim gro byed pa dang / brnyas pa med pa dang / 'tsho ba yongs su dag pas tshems shin tu dkar ba dang / tshems mnyam par gyur te/ de gnyis ni 'khor snga nas bsags pa'i snga ltas yin no/ /yun ring po nas bden zhing phra ma med par spyad pas na/ tshems thags bzang ba dang / tshems bzhi bcu mnga' bar gyur te/ de gnyis ni 'khor mi phyed pa'i snga ltas yin no/ /khyud pa dang smod par byed pa la yang chags pa dang / sdang ba med cing rmongs pa med pa'i mig gis nges par rtogs pas na spyan mthon ting dang / ba'i rdzi ma lta bur gyur te/ de gnyis ni kun nas mdzes pa'i snga ltas yin no/ /rab 'byor de dag ni de bzhin gshegs pa'i skyes bu chen po'i mtshan sum bcu rtsa gnyis yin te/ de dag gis rang bzhin gyi 'od kyis stong gsum gyi stong chen po'i 'jig rten gyi khams dang / bzhed na 'jig rten gyi khams grangs med pa dag kyang snang bas</font><hr>36.84b<br><font size=+1>

khyab par mdzad do/ /de bzhin gshegs pa sems can rnams la thugs brtse bas 'od 'dom gang tsam du byin gyis rlob par mdzad de/ gal te bcom ldan 'das kyis 'od 'dom gang bar byin gyis ma brlabs su zin na/ rang bzhin gyi 'od kyis zil gyis gnon par gyur pas nyi ma dang zla ba dag gi 'od kyang mngon par mi 'gyur la/ zla ba dang / zla ba phyed dang / dus tshigs dang / lo khyud khor dag kyang yod par mi 'gyur ro/ /rang bzhin gyi sgra dbyangs kyis kyang stong gsum gyi stong chen po'i 'jig rten gyi khams mngon par go bar mdzad do/ /bzhed na gnyis dang / gsum dang / bzhi dang ji snyed du snang bas khyab par 'gyur ba de snyed du dbyangs kyis mngon par go bar yang mdzad do/ /rab 'byor de la de bzhin gshegs pa'i dpe byad bzang po brgyad bcu gang zhe na 'di lta ste/ sangs rgyas bcom ldan 'das rnams ni mngon par 'du byed pa thams cad la ma chags pa'i thugs mnga' bas na sen mo zangs kyi mdog lta bu yin no/ /sangs rgyas bcom ldan 'das rnams ni gnyen mdab la byams pa bzhin du sems can la phan pa dang / bde bar dgongs pa'i thugs mnga' bas na sen mo mdog snum pa yin no/ /sangs rgyas bcom ldan 'das rnams ni rigs mtho ba'i rgyud du skyes pas na sen mo mtho ba yin no/ /sangs rgyas bcom ldan 'das rnams ni tshul la kha na ma tho ba med pas na sor mo rnams zlum pa yin no/ /sangs rgyas bcom ldan 'das rnams ni dge ba'i rtsa ba rgya chen por bsags pas na sor mo rnams rgyas pa yin no/ /sangs rgyas bcom ldan 'das rnams ni dge ba'i rtsa ba dag rim gyis yang dag par bsgrubs pas na sor mo rnams byin gyis phra ba yin no/ /sangs rgyas bcom ldan 'das rnams ni sku dang gsung dang thugs kyi phrin las kyi mtha' dang / 'tsho ba dag shin tu dben pas na rtsa mi mngon pa yin no/ /sangs rgyas bcom ldan 'das rnams ni nyon mongs pa'i mdud pa 'grol bar mdzad pas na rtsa mdud pa med pa yin no/ /sangs rgyas bcom ldan</font><hr>36.85a<br><font size=+1>

'das rnams ni chos kyi dgongs pa shin tu dben pas na long bu mi mngon pa yin no/ /sangs rgyas bcom ldan 'das rnams ni mi mnyam pa thams cad las 'grol bar mdzad pas na zhabs mi mnyam pa med pa yin no/ /sangs rgyas bcom ldan 'das rnams ni mi'i seng ge yin pas na seng ge'i stabs su gshegs pa yin no/ /sangs rgyas bcom ldan 'das rnams ni mi'i glang po che yin pas na glang po che'i stabs su gshegs pa yin no/ /sangs rgyas bcom ldan 'das rnams ni ngang pa'i rgyal po ltar nam mkha' la bzhud pas na ngang pa'i stabs su gshegs pa yin no/ /sangs rgyas bcom ldan 'das rnams ni skyes bu'i khyu mchog yin pas na khyu mchog gi stabs su gshegs pa yin no/ /sangs rgyas bcom ldan 'das rnams ni 'thun pa'i lam mnga' bas na g.yas phyogs su ldog cing gshegs pa yin no/ /sangs rgyas bcom ldan 'das rnams ni lta na mdzes pas na mdzes par gshegs pa yin no/ /sangs rgyas bcom ldan 'das rnams ni rtag tu thugs yon po mi mnga' bas na ma yo bar gshegs pa yin no/ /sangs rgyas bcom ldan 'das rnams ni tshul rnam par dag pa'i yon tan ston pas na sku khril bag chags pa yin no/ /sangs rgyas bcom ldan 'das rnams ni sdig pa'i chos rnams shin tu sbyangs pas na sku byi dor byas pa lta bu yin no/ /sangs rgyas bcom ldan 'das rnams ni chos rim gyis ston pas na sku rim par 'tsham pa yin no/ /sangs rgyas bcom ldan 'das rnams ni sku dang gsung dang thugs shin tu gtsang bas na sku gtsang ba yin no/ /sangs rgyas bcom ldan 'das rnams ni rang bzhin gyis thugs 'jam pa dang ldan pas na sku 'jam pa yin no/ /sangs rgyas bcom ldan 'das rnams ni rang bzhin gyis thugs rnam par dag pas na sku rnam par dag pa yin no/ /sangs rgyas bcom ldan 'das rnams ni chos 'dul ba shin tu yongs su rdzogs pas na mtshan yongs su rdzogs</font><hr>36.85b<br><font size=+1>

pa yin no/ /sangs rgyas bcom ldan 'das rnams ni yangs shing mdzes pa'i yon tan gsung bas na sku kho lag yangs shing bzang ba yin no/ /sangs rgyas bcom ldan 'das rnams ni sems can thams cad la thugs mnyam pas na gom pa snyoms pa yin no/ /sangs rgyas bcom ldan 'das rnams ni shin tu 'jam pa'i chos ston pas na sku shin tu gzhon mdog can yin no/ /sangs rgyas bcom ldan 'das rnams ni rtag tu zhum pa med pa'i thugs mnga' bas na sku zhum pa med pa yin no/ /sangs rgyas bcom ldan 'das rnams ni mi dge ba'i rtsa ba rnams byang bas na sku rgyas pa yin no/ /sangs rgyas bcom ldan 'das rnams ni yang 'byung ba'i srid par mtshams sbyor ba zad pas na sku shin tu grims pa yin no/ /sangs rgyas bcom ldan 'das rnams ni rten cing 'brel bar 'byung ba'i yan lag dang nying lag rnams shin tu legs par ston pas na yan lag dang nying lag shin tu rnam par 'byes pa yin no/ /sangs rgyas bcom ldan 'das rnams ni gzigs pa shin tu rnam par dag pas na gzigs pa rab rib med cing rnam par dag pa yin no/ /sangs rgyas bcom ldan 'das rnams ni tshul dang ldan pa'i slob ma mnga' bas na sku zlum pa yin no/ /sangs rgyas bcom ldan 'das rnams ni 'khor ba'i skyon rnams rab tu sbyangs pas na sku skabs phyin pa yin no/ /sangs rgyas bcom ldan 'das rnams ni nga rgyal gyi rtse mo bcom pas na sku ma rnyongs pa yin no/ /sangs rgyas bcom ldan 'das rnams ni chos zad par byed pa rnam par zlog pas na phyal phyang nge ba yin no/ /sangs rgyas bcom ldan 'das rnams ni chos shin tu zab mo rnams thugs su chud pas na lte ba zab pa yin no/ /sangs rgyas bcom ldan 'das rnams ni 'thun par 'dzin par zhugs pa'i slob ma mnga' bas na lte ba g.yas phyogs su 'khyil ba yin no/ /sangs rgyas bcom ldan 'das rnams ni slob ma kun nas mdzes pa'i dge 'dun mnga' bas na kun nas mdzes pa yin no/ /sangs rgyas</font><hr>36.86a<br><font size=+1>

bcom ldan 'das rnams ni thugs shin tu gtsang bas na kun spyod pa gtsang ba yin no/ /sangs rgyas bcom ldan 'das rnams ni chos 'dul ba nag po ston pa dang bral bas na sku la sme ba dang gnag bag med pa yin no/ /sangs rgyas bcom ldan 'das rnams ni shing bal ltar yang ba'i lus thob par 'gyur ba'i chos ston pas na phyag shing bal ltar shin tu 'jam pa yin no/ /sangs rgyas bcom ldan 'das rnams ni gnyen mdab dang / skye bo phal po che la snyoms par byams pas dge sbyong chen po yin pas na phyag gi ri mo mdangs yod pa yin no/ /sangs rgyas bcom ldan 'das rnams ni shin tu zab cing brtan par gnas pas na phyag gi ri mo zab pa yin no/ /sangs rgyas bcom ldan 'das rnams ni bzod pa rgya chen po'i chos ston pas na phyag gi ri mo ring ba yin no/ /sangs rgyas bcom ldan 'das rnams ni ha cang phal che ba ma yin pa'i bslab pa'i gzhi 'cha' ba na zhal ha cang yang mi ring ba yin no/ /sangs rgyas bcom ldan 'das rnams ni 'jig rten thams cad gzugs brnyan lta bur ston pas na zhal la gzugs kyi gzugs brnyan snang ba yin no/ /sangs rgyas bcom ldan 'das rnams ni 'jam pa sngon du gtong zhing 'dul bas na ljags mnyen pa yin no/ /sangs rgyas bcom ldan 'das rnams ni yon tan cha phra ba'i tshogs dang ldan pas na ljags srab pa yin no/ /sangs rgyas bcom ldan 'das rnams ni byis pa'i skye bo chags pa rnams la gting dpag dka' ba'i chos kyis 'dul bar mdzad pas na ljags dmar ba yin no/ /sangs rgyas bcom ldan 'das rnams ni glang po che'i nga ro dang / 'brug gi sgra lta bus bsnyangs pa mi mnga' bas na glang po che'i nga ro dang / 'brug gi sgra dang ldan pa yin no/ /sangs rgyas bcom ldan 'das rnams ni snyan cing mnyen la 'jam par smra ba'i slob ma mnga' bas na gsung snyan cing mnyen la 'jam pa yin no/ /sangs rgyas bcom ldan 'das rnams ni</font><hr>36.86b<br><font size=+1>

srid pa'i kun tu sbyor ba las log pas na mche ba zlum pa yin no/ /sangs rgyas bcom ldan 'das rnams ni skye bo rnon po 'dul ba la mkhas pas na mche ba rno ba yin no/ /sangs rgyas bcom ldan 'das rnams ni chos 'dul ba mchog tu dkar bas na mche ba dkar ba yin no/ /sangs rgyas bcom ldan 'das rnams ni cha mnyam pa'i sa la bzhugs pas na mche ba mnyam pa yin no/ /sangs rgyas bcom ldan 'das rnams ni mngon par rtogs par rim gyis ston pas na mche ba byin gyis phra ba yin no/ /sangs rgyas bcom ldan 'das rnams ni shes rab kyi ri mthon po la bzhugs pas na shangs mtho ba yin no/ /sangs rgyas bcom ldan 'das rnams ni 'dul ba'i skye bo gtsang ma mnga' bas na shangs gtsang ba yin no/ /sangs rgyas bcom ldan 'das rnams ni gzigs pa rnam par dag pas na spyan rnam par dag pa yin no/ /sangs rgyas bcom ldan 'das rnams ni sangs rgyas kyi chos shin tu yangs pa dang ldan pas na spyan yangs pa yin no/ /sangs rgyas bcom ldan 'das rnams ni sems can gyi tshogs shin tu bsags pas na rdzi ma sdug pa yin no/ /sangs rgyas bcom ldan 'das rnams ni lha dang lha ma yin dang mi'i na chung mig dkar gnag 'byes shing pad ma'i 'dab ma rangs pa lta bu dang ldan pa'i mchog rnams kyis mngon par dga' bar byas shing bstod pas na spyan dkar gnag 'byes shing pad ma'i mdab ma rangs pa lta bu yin no/ /sangs rgyas bcom ldan 'das rnams ni rtag tu yangs pa ston pas na smin tshugs ring ba yin no/ /sangs rgyas bcom ldan 'das rnams ni 'jam pos 'dul ba la mkhas pas na smin ma 'jam pa yin no/ /sangs rgyas bcom ldan 'das rnams ni kun nas skyon mkhyen pas na smin ma'i spu mnyam pa yin no/ /sangs rgyas bcom ldan 'das rnams ni dge ba'i rtsa ba'i snum gyis skye bo rgyud snum pa rnams 'dul bar mdzad pas na smin ma snum pa yin no/ /sangs rgyas bcom ldan 'das</font><hr>36.87a<br><font size=+1>

rnams ni chos mchog tu yangs pa ston pas na snyan shal stug cing ring ba yin no/ /sangs rgyas bcom ldan 'das rnams ni nyon mongs pa'i g.yul las rgyal bas na snyan mnyam pa yin no/ /sangs rgyas bcom ldan 'das rnams ni sems kyi rgyud mnyam pa'i sems can 'dul bar mdzad pas na snyan gyi dbang po ma nyams pa yin no/ /sangs rgyas bcom ldan 'das rnams ni lta bar gyur pa thams cad rnam par spangs pas na dpral ba legs par 'byes pa yin no/ /sangs rgyas bcom ldan 'das rnams ni dge sbyong dang / bram ze dang / phas kyi rgol ba rnams rab tu bcom pas na dpral ba dbyes che ba yin no/ /sangs rgyas bcom ldan 'das rnams ni smon lam dam pa shin tu yongs su rdzogs pas na dbu shin tu rgyas pa yin no/ /sangs rgyas bcom ldan 'das rnams ni yul la bong ba ltar dga' ba rnam par bzlog pas na dbu skra bung ba ltar gnag pa yin no/ /sangs rgyas bcom ldan 'das rnams ni mthong ba dang bsgom pas spang bar bya ba'i bag la nyal rnams spangs pas na dbu skra stug pa yin no/ /sangs rgyas bcom ldan 'das rnams ni dgongs pa 'jam pas bstan pa'i snying po thugs su chud pas na dbu skra 'jam pa yin no/ /sangs rgyas bcom ldan 'das rnams ni rtag tu ma 'khrugs pa'i thugs mnga' bas na dbu skra mi 'dzing ba yin no/ /sangs rgyas bcom ldan 'das rnams ni rtag tu mi brlang ba gsung bas na dbu skra mi bshor ba yin no/ /sangs rgyas bcom ldan 'das rnams ni byang chub kyi yan lag gi spos kyi me tog gis skye bo rnams la 'thun par sgrub pas na dbu skra dri zhim pa yin no/ /sangs rgyas bcom ldan 'das rnams ni phyag dang zhabs kyi mthil dpal be'u dang / bkra shis dang / g.yung drung 'khyil pas brgyan pa ste/ rab 'byor de dag ni de bzhin gshegs pa'i sku la mnga' ba'i dpe byad bzang po brgyad bcu yin no/ /rab 'byor byang chub sems dpa' sems dpa' chen po ni de ltar sbyin pa gnyis po zang zing gi sbyin pa dang / </font><hr>36.87b<br><font size=+1>

chos kyi sbyin pa dag gis sems can rnams yang dag par bsdud par byed de/ rab 'byor de ni byang chub sems dpa' sems dpa' chen po'i ngo mtshar rmad du byung ba'i chos yin no/ /rab 'byor ji ltar byang chub sems dpa' sems dpa' chen pos snyan par smra bas sems can rnams yang dag par bsdud ce na/ rab 'byor 'di la byang chub sems dpa' sems dpa' chen pos pha rol tu phyin pa drug po dag gis sems can rnams yang dag par bsdud par byed de/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / pha rol tu phyin pa drug po de dag gis byang chub sems dpa' sems dpa' chen pos snyan par smra bas sems can rnams bsdud par byed do/ /de ci'i phyir zhe na/ pha rol tu phyin pa drug po de dag gis dge ba'i chos thams cad bsdus pa'i phyir ro/ /rab 'byor ji ltar na byang chub sems dpa' sems dpa' chen po don spyod pas sems can rnams bsdud ce na/ pha rol tu phyin pa drug po de dag nyid kyis 'di lta ste/ sbyin pa dang / snyan par smra ba dang / don dpyod pa dang / don 'thun pas sems can rnams yun ring po nas bsdus pa yin no/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa/ byang chub sems dpa' sems dpa' chen po rnams la 'di skad du 'doms shing rjes su ston te/ rigs kyi bu dag tshur shog  /khyed cag yi ge mngon par bsgrub pa la mkhas par gyis shig  /yi ge gcig la mkhas par gyis shig  /yi ge gnyis la mkhas par gyis shig  /yi ge bzhi bcu rtsa lnga'i bar dag la mkhas par gyis shig  /yi ge gcig gis thams cad 'grib pa dang ldan par rjes su rtogs par gyis shig  /yi ge gnyis kyis thams cad 'grib pa dang ldan par rjes su rtogs par gyis shig  /yi ge gsum gyis thams cad</font><hr>36.88a<br><font size=+1>

'grib pa dang ldan par rjes su rtogs par gyis shig  /yi ge bzhi bcu rtsa lnga'i bar dag gis thams cad 'grib pa dang ldan par rjes su rtogs par gyis shig /yi ge gcig tu yi ge bzhi bcu rtsa lnga 'dus par bsgoms shig /yi ge bzhi bcu rtsa lnga rnams su gcig 'dus par sgoms shig ces 'doms par byed de/ rab 'byor byang chub sems dpa' sems dpa' chen po de ni yi ge gcig la mkhas pa yin no/ /yi ge bzhi bcu rtsa lnga'i bar dag la mkhas pa yin no/ /yi ge gcig tu yi ge bzhi bcu rtsa lnga 'dus par bsgom pa la mkhas pa yin no/ /yi ge bzhi bcu rtsa lnga rnams su yi ge gcig 'dus par sgom pa la mkhas pa yin te/ yi ge mngon par bsgrub pa la mkhas par byas nas/ yi ge med pa mngon par bsgrub pa la mkhas pa yin no/ /rab 'byor 'di lta ste dper na de bzhin gshegs pa dgra bcom pa yang dag par rdzogs pa'i sangs rgyas rnams ni chos la mkhas pa dang / yi ge la mkhas pa yin te/ de chos la mkhas pa dang / yi ge la mkhas pas chos ston te/ yi ge rnams kyis yi ge med pa'i chos ston pa bzhin no/ /rab 'byor chos de ni yi ge med pa'i rnam pas sprul pa'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te mtha' las 'das pa dang / thog ma dang tha ma ma mchis pa stong pa nyid kyi slad du sems can yang gtan dmigs su ma mchis la/ chos kyang dmigs su ma mchis shing / chos kyi rang bzhin yang dmigs su ma mchis lags na/ bcom ldan 'das 'o na ji ltar byang chub sems dpa' sems dpa' chen po rnam par smin pa las byung ba'i shes rab kyi pha rol tu phyin pa la spyod pa dang / ting nge 'dzin gyi pha rol tu phyin pa la spyod pa dang / brtson 'grus kyi pha rol tu phyin pa la spyod pa dang / bzod pa'i pha rol tu phyin pa la spyod pa dang / tshul khrims kyi pha rol tu phyin pa la spyod pa dang / sbyin pa'i pha rol tu phyin pa la spyod pa dang / bsam gtan bzhi la spyod pa dang / tshad med pa bzhi la spyod pa dang / </font><hr>36.88b<br><font size=+1>

gzugs med pa'i snyoms par 'jug pa bzhi la spyod pa dang / byang chub kyi phyogs kyi chos sum bcu rtsa bdun la spyod pa dang / stong pa nyid bcu bzhi la spyod pa dang / mtshan ma med pa dang / smon pa med pa la spyod pa dang / ting nge 'dzin rnams la spyod pa dang / rnam par thar pa brgyad la spyod pa dang / mthar gyis gnas pa'i snyoms par 'jug pa dgu la spyod pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / skyes bu chen po'i mtshan sum bcu rtsa gnyis dang / dpe byad bzang po brgyad bcu dang / rnam par smin pa las byung ba'i mngon par shes pa drug la spyod pa ji ltar sems can rnams la chos ston par bgyid lags/ de la ni sems can dang / sems can du gdags pa yang dmigs su ma mchis lags te/ sems can dmigs su ma mchis pas/ gzugs kyang dmigs su ma mchis la/ rnam par shes pa'i bar du yang dmigs su ma mchis/ pha rol tu phyin pa drug kyang dmigs su ma mchis la/ de bzhin du dpe byad bzang po brgyad bcu dang / sangs rgyas kyi chos ma 'dres pa bcwa brgyad kyi bar dag kyang dmigs su ma mchis lags so/ /sems can dang sems can du gdags pa dmigs su ma mchis pa de la ni gzugs kyang ma mchis la/ de bzhin du dpe byad bzang po brgyad bcu'i bar dag kyang ma mchis lags so/ /dpe byad bzang po brgyad bcu'i bar dag kyang ma mchis lags na/ bcom ldan 'das 'o na byang chub sems dpa' sems dpa' chen po shes rab kyi pha rol tu phyin pa la spyod pa ji ltar sems can rnams la chos ston par 'gyur te/ bcom ldan 'das byang chub sems dpa' sems dpa' chen po de sems can rnams mchis pa ma lags pa'i chos rnams la yang dag par 'dzin du stsol cing / phyin ci log la sbyor bar bgyid pa 'am/ gcig tu mi 'gyur lags grang / de ci'i slad du zhe na/ bcom ldan 'das 'di</font><hr>36.89a<br><font size=+1>

ltar byang chub sems dpa' sems dpa' chen po shes rab kyi pha rol tu phyin pa la spyod pa/ byang chub sems dpa' nyid kyang mi dmigs na/ byang chub kyi phyogs kyi chos rnams lta smos kyang ci 'tshal lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin te/ de de bzhin no/ /ji skad smras pa de bzhin te/ rab 'byor sems can dmigs su med pas/ nang stong pa nyid du rig par bya'o/ /phyi stong pa nyid du rig par bya'o/ /phyi nang stong pa nyid du rig par bya'o/ /de bzhin du sbyar te dngos po med pa'i ngo bo nyid stong pa nyid kyi bar du rig par bya'o/ /phung po stong pa nyid du rig par bya'o/ /khams stong pa nyid du rig par bya'o/ /skye mched stong pa nyid du rig par bya'o/ /rten cing 'brel bar 'byung ba stong pa nyid du rig par bya'o/ /bdag stong pa nyid dang / sems can stong pa nyid dang / srog stong pa nyid dang / skye ba po stong pa nyid dang / shed las skyes pa stong pa nyid dang / gang zag stong pa nyid dang / gso ba stong pa nyid dang / byed pa po dang / byed du 'jug pa po dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang / mthong ba po stong pa nyid du rig par bya'o/ /de bzhin du sbyar te bsam gtan stong pa nyid du rig par bya'o/ /tshad med pa stong pa nyid dang / gzugs med pa'i snyoms par 'jug pa stong pa nyid dang / dran pa nye bar gzhag pa stong pa nyid du rig par bya'o/ /byang chub kyi phyogs kyi chos sum bcu rtsa bdun gyi bar dag stong pa nyid du rig par bya'o/ /stong pa nyid stong pa nyid du rig par bya'o/ /mtshan ma med pa dang / smon pa med pa stong pa nyid du rig par bya'o/ /de bzhin du sbyar te rnam par thar pa brgyad stong pa nyid dang / mthar gyis gnas pa'i snyoms par 'jug pa dgu stong pa nyid dang / de bzhin gshegs pa'i stobs bcu stong pa nyid dang / mi 'jigs pa bzhi stong pa nyid dang / so so yang dag par rig pa bzhi stong pa nyid dang / sangs rgyas kyi chos ma 'dres pa bcwa brgyad stong pa nyid du rig</font><hr>36.89b<br><font size=+1>

par bya'o/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub stong pa nyid du rig par bya'o/ /byang chub sems dpa'i sa stong pa nyid du rig par bya'o/ /sangs rgyas kyi zhing stong pa nyid du rig par bya'o/ /byang chub stong pa nyid du rig par bya'o/ /rab 'byor de ltar byang chub sems dpa' sems dpa' chen pos chos de dag thams cad stong par mthong nas/ phyin ci log tu gyur pa'i sems can rnams la chos ston te/ ci nas kyang stong pa nyid de dag tu phyir mi ldog pa de ltar chos ston to/ /des chos thams cad sgrib pa med par yang dag par rjes su mthong ste/ chos gang yang 'khrug par mi byed cing / gnyis su mi 'byed par yang dag pa ji lta ba bzhin du chos ston par byed do/ /rab 'byor 'di lta ste dper na de bzhin gshegs pa'i sprul pa zhig gis sprul pa bye ba phrag du ma mngon par sprul nas kha cig ni sbyin pa la bkod/ kha cig ni tshul khrims la bkod cing / de bzhin du sbyar te kha cig ni bzod pa la/ kha cig ni brtson 'grus la/ kha cig ni ting nge 'dzin la/ kha cig ni shes rab la/ kha cig ni bsam gtan rnams la/ kha cig ni tshad med pa rnams la/ kha cig ni gzugs med pa'i snyoms par 'jug pa rnams la/ kha cig ni dran pa nye bar gzhag pa rnams la/ kha cig ni 'phags pa'i lam yan lag brgyad pa'i bar dag la/ kha cig ni rnam pa thams cad mkhyen pa nyid kyi bar dag la bkod/ kha cig ni rgyun tu zhugs pa'i 'bras bu la bkod/ kha cig ni byang chub kyi bar dag la bkod na/ rab 'byor 'di ji snyam du sems/ sprul pa des chos gang yang rnam par 'phel ba yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor rnam grangs des ji ltar byang chub sems dpa' sems dpa' chen po shes rab kyi pha rol tu phyin pa la spyod pa/ sems can rnams la chos ston te/ ma bcings ma grol ba'i tshul gyis de dag ni phyin ci log rnams las rnam par grol bar byed cing / de dag</font><hr>36.90a<br><font size=+1>

yang dag pa ji lta ba la 'god pa de ltar rig par bya'o/ /de ci'i phyir zhe na/ rab 'byor 'di ltar gzugs ni ma bcings ma grol ba yin la/ tshor ba dang / 'du shes dang / 'du byed rnams dang / rnam par shes pa yang ma bcings ma grol ba yin te/ gzugs kyi ma bcings ma grol ba nyid gang yin pa de gzugs ma yin la/ tshor ba dang / 'du shes dang / 'du byed rnams dang / rnam par shes pa'i ma bcings ma grol ba nyid gang yin pa de yang rnam par shes pa ma yin zhing / 'dus byas dang 'dus ma byas kyi chos rnams kyi bar gyi ma bcings ma grol ba nyid gang yin pa de yang 'dus byas dang / 'dus ma byas kyi chos rnams ma yin pa'i phyir ro/ /de ci'i phyir zhe na/ rab 'byor 'di ltar gzugs dang / rnam par shes pa'i bar dag dang / 'dus byas dang / 'dus ma byas kyi bar gyi chos rnams ni shin tu rnam par dag pa'i phyir ro/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ sems can rnams la chos ston kyang sems can du dmigs pa yang med do/ /byang chub sems dpa' sems dpa' chen po ni chos thams cad mi dmigs pa'i tshul gyis gnas te/ de yang gzugs stong zhes bya bar mi dmigs pa'i tshul dang / rnam par shes pa'i bar du stong zhes bya bar mi dmigs pa'i tshul dang / 'dus byas dang 'dus ma byas kyi chos rnams kyi bar dag stong zhes bya bar mi dmigs pa'i tshul gyis gnas te/ 'dus byas dang / 'dus ma byas kyi chos rnams ni gang du yang gnas pa yang med do/ /de ci'i phyir zhe na/ 'di ltar de dag la gang gnas par 'gyur ba'i ngo bo nyid med pas na dngos po med pa yang dngos po med pa la mi gnas la/ rang gi dngos po yang dngos po med pa la mi gnas shing / gzhan gyi dngos po yang dngos po med pa 'am/ rang gi dngos po la mi gnas pa'i phyir ro/ /de ci'i phyir zhe na/ rab 'byor 'di ltar de dag thams cad ni dmigs su med de/ gang dmigs su med pa de ni gang la yang gnas par mi 'gyur ba'i phyir te/ rab 'byor de ltar na byang chub</font><hr>36.90b<br><font size=+1>

sems dpa' sems dpa' chen po shes rab kyi pha rol tu phyin pa la spyod pa/ chos de dag thams cad stong pa nyid du sgom ste/ rab 'byor byang chub sems dpa' sems dpa' chen po de ltar shes rab kyi pha rol du phyin pa la spyod pa ni sangs rgyas bcom ldan 'das rnams dang / byang chub sems dpa' rnams dang / rang sangs rgyas rnams dang / nyan thos rnams dang / 'phags pa thams cad la nyes par byas pa ma yin no/ /de ci'i phyir zhe na/ rab 'byor 'di ltar sangs rgyas bcom ldan 'das de dag dang / byang chub sems dpa' rnams dang / rang sangs rgyas rnams dang / nyan thos rnams kyis kyang chos rnams kyi chos nyid 'di nyid rtog ste/ rtogs nas kyang sems can rnams la chos ston cing / chos rnams kyi chos nyid de las kyang mi 'da' ste/ chos kyi dbyings kyang 'da' ba med la/ de bzhin nyid dang / yang dag pa'i mtha' yang 'da' ba med pa'i phyir ro/ /de ci'i phyir zhe na/ rab 'byor 'di ltar de dag la gang 'da' bar 'gyur ba'i rang bzhin med pa'i phyir ro/ /shes rab kyi pha rol tu phyin pa khri brgyad stong pa/ bam po lnga bcu rtsa gnyis pa/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos kyi dbyings la 'da' ba ma mchis shing / de bzhin nyid dang / yang dag pa'i mtha' la yang 'da' ba ma mchis na/ bcom ldan 'das 'o na ci gzugs kyang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan zhig lags sam/ rnam par shes pa yang gzhan la/ 'dus byas dang / 'dus ma byas kyi chos rnams dang / 'jig rten pa dang / 'jig rten las 'das pa dang / zag pa dang bcas pa dang / zag pa ma mchis pa'i chos rnams kyang gzhan pa zhig lags sam/ bka' stsal pa/ rab 'byor de ni ma yin te/ gzugs kyang gzhan ma yin la/ chos kyi dbyings kyang gzhan ma yin no/ /de bzhin nyid kyang gzhan ma yin la/ yang dag pa'i mtha' yang</font><hr>36.91a<br><font size=+1>

gzhan ma yin no/ /rnam par shes pa yang gzhan ma yin la/ chos thams cad kyi bar yang gzhan ma yin no/ /chos kyi dbyings kyang gzhan ma yin la/ de bzhin nyid dang / yang dag pa'i mtha' yang gzhan ma yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te gzugs kyang gzhan ma lags shing / chos kyi dbyings kyang gzhan ma lags la/ rnam par shes pa'i bar yang gzhan ma lags/ 'dus byas dang 'dus ma byas kyi chos rnams kyi bar yang gzhan ma lags/ de bzhin du chos kyi dbyings kyi bar yang gzhan ma lags na/ bcom ldan 'das 'o na nag po'i chos rnams kyi rnam par smin pa nag po ni sems can dmyal ba dang / dud 'gro'i skye gnas dang / gshin rje'i 'jig rten lags so zhes bgyi ba dang / dkar po'i chos rnams kyi rnam par smin pa dkar po ni lha dang mi rnams lags so zhes bgyi ba dang / dkar gnag gi chos rnams kyi rnam par smin pa dkar gnag ni bde ba dang / sdug bsngal 'dren ma lags so zhes bgyi ba dang / mi gnag cing dkar ba'i chos rnams kyi rnam par smin pa mi gnag cing / dkar ba ni rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub lags so zhes bgyi bar rnam par dgod par ji ltar 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor kun rdzob kyi bden pa nye bar bzung ste/ 'bras bu rnam par dgod pa bstan par zad kyi/ don dam pa'i bden par ni 'bras bu rnam par dgod pa bstan par mi nus so/ /de ci'i phyir zhe na/ 'di lta ste/ ming dang gzugs ni skye ba med pa dang / 'gag pa med pa dang / kun nas nyon mongs pa</font><hr>36.91b<br><font size=+1>

med pa dang / rnam par byang ba med pa'i phyir/ chos de ni rnam par rtog pa med cing bsnyad du med pa ste/ de ni mtha' las 'das pa stong pa nyid dang / thog ma dang tha ma med pa stong pa nyid do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te kun rdzob kyi bden pa nye bar bzung ste/ 'bras bu rnam par dgod pa mchis kyi/ don dam par ma mchis pa lags na/ bcom ldan 'das 'o na byis pa so so'i skye bo thams cad kyang rgyun tu zhugs pa'i 'bras bur mi 'gyur lags sam/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub tu mi 'gyur lags sam/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor ci byis pa so so'i skye bo rnams kyis kun rdzob kyi bden pa 'am/ don dam pa'i bden pa shes sam/ 'o na ni de dag la yang rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub kyi 'bras bu rnam par dgod pa yod par yang 'gyur te/ gal te kun rdzob kyi bden pa 'am/ don dam pa'i bden pa zhes bya bar shes na ni/ byis pa so so'i skye bo zhes bya ba'i grangs su yang mi 'gro ba zhig na/ 'di ltar de dag la yongs su shes pa med de/ de'i phyir de dag la rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub kyi 'bras bu rnam par dgod pa dag kyang med do/ /rab 'byor 'di ltar byis pa so so'i skye bo rnams la ni lam yang med la/ </font><hr>36.92a<br><font size=+1>

lam rnam par gzhag pa yang med/ lam sgom pa yang med na/ byis pa so so'i skye bo rnams la 'bras bu rnam par dgod pa lta yod par 'gyur re skan/ 'phags pa'i gang zag rnams la ni/ lam yang yod la lam rnam par gzhag pa yang yod/ lam sgom pa yang yod pas na 'bras bu rnam par dgod pa yang yod do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci lam sgom pas 'bras bu 'byung zhing / 'bras bu thob par 'gyur lags sam/ bka' stsal pa/ rab 'byor de ni ma yin te/ lam bsgoms pas 'bras bu 'byung bar mi 'gyur zhing / 'bras bu thob par yang mi 'gyur ro/ /rab 'byor lam ma bsgoms par yang 'bras bu thob par mi 'gyur te/ lam gyis kyang 'bras bu mi 'thob la/ lam ma yin pas kyang ma yin zhing lam la mi gnas par yang ma yin te/ rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa/ sems can rnams la 'bras bu rnam par 'god par byed de/ chos kyi dbyings la tshar gcad pa'i tshul gyis 'bras bu rnam par 'god pa ni ma yin no/ /gsol pa/ bcom ldan 'das gal te 'dus byas kyi khams sam/ 'dus ma byas kyi khams la tshar gcad pas 'bras bu rnam par dgod pa ma mchis par gyur na/ bcom ldan 'das kyis 'di ni kun du sbyor ba gsum spangs pa'i phyir/ rgyun du zhugs pa'i 'bras bu yin no/ /'di ni 'dod pa'i 'dod chags dang / gnod sems bsrabs pa'i phyir lan cig phyir 'ong ba'i 'bras bu yin no/ /'di ni 'dod pa na spyod pa'i cha dang 'thun pa'i kun du sbyor ba rnams spangs pa'i phyir/ phyir mi 'ong ba'i 'bras bu'o/ /'di ni gong ma'i cha dang 'thun pa'i kun du sbyor ba lnga spangs pa'i phyir dgra bcom pa nyid yin no/ /kun 'byung ba'i chos gang ci yang rung ba de dag thams cad 'gog pa'i chos can no zhes bya ba ni rang byang chub yin no/ /bag chags kyi</font><hr>36.92b<br><font size=+1>

mtshams sbyor ba thams cad spangs pa ni/ yang dag par rdzogs pa'i byang chub yin no zhes bka' stsal na/ bcom ldan 'das 'dus byas dang / 'dus ma byas kyi chos rnams la tshar gcad pas/ 'bras bu rnam par dgod pa med do zhes bcom ldan 'das kyis bka' stsal pa/ de bdag gis ji ltar 'tshal bar bgyi/ bcom ldan 'das kyis bka' stsal pa/ rab 'byor ci rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ yang dag par rdzogs pa'i byang chub 'dus byas yin nam/ 'on te 'dus ma byas pa yin/ gsol pa/ bcom ldan 'das de ni 'dus ma bgyis lags so/ /bde bar gshegs pa 'dus ma bgyis lags so/ /bcom ldan 'das kyis bka' stsal pa/ rab 'byor ci 'dus ma byas kyi chos la tshar gcod pa yod dam/ gsol pa/ bcom ldan 'das de ni ma lags so/ /bka' stsal pa/ rab 'byor ci gang gi tshe rigs kyi bu 'am/ rigs kyi bu mos 'dus byas sam/ 'dus ma byas kyi chos rnams 'di lta ste/ mtshan nyid med par mtshan nyid gcig tu rtogs pa de'i tshe/ 'dus byas sam/ 'dus ma byas kyi chos gang la yang tshar gcod par byed dam/ gsol pa/ bcom ldan 'das de ni ma lags so/ /bka' stsal pa/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa ni 'di lta ste/ nang stong pa nyid nas rang gi mtshan nyid stong pa nyid kyi bar gyi tshul gyis tshar gcad pa med pa'i phyir sems can rnams la chos ston to/ /de sbyin pa'i pha rol du phyin pa 'am/ tshul khrims kyi pha rol du phyin pa 'am/ bzod pa'i pha rol du phyin pa 'am/ brtson 'grus kyi pha rol du phyin pa 'am/ bsam gtan gyi pha rol du phyin pa 'am/ shes rab kyi pha rol du phyin pa 'am/ bsam gtan dang po nas bsam gtan bzhi pa'i bar 'am/ byams pa 'am/ snying rje 'am/ dga' ba</font><hr>36.93a<br><font size=+1>

'am/ btang snyoms sam/ 'du shes med 'du shes med min skye mched kyi bar 'am/ dran pa nye bar gzhag pa rnams sam/ 'phags pa'i lam yan lag brgyad pa'i bar ram/ rnam pa thams cad mkhyen pa nyid kyi bar gyi chos gang la yang / bdag nyid kyang mngon par zhen par mi byed la/ gzhan yang mngon par zhen par mi byed do/ /de mngon par zhen pa med pas gang la yang chags pa med do/ /'di lta ste dper na/ de bzhin gshegs pa'i sprul pa ni sbyin pa yang sbyin par byed la/ sems can thams cad yongs su mya ngan las bzla ba'i don ma gtogs par sbyin pa'i 'bras bu la yang chags pa med cing / sbyin pa'i 'bras bu yang nyams su myong bar mi 'gyur ro/ /pha rol du phyin pa drug gi bar dag dang / zag pa dang bcas pa dang / zag pa med pa'i chos rnams kyi bar dang / 'jig rten pa dang / 'jig rten las 'das pa dang / 'dus byas dang / 'dus ma byas kyi chos rnams gang la yang mi gnas so/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa yang chos thams cad la yang spyod la/ chos gang la yang mi gnas shing chags pa med do/ /de ci'i phyir zhe na/ 'di ltar des chos rnams kyi chos kyi mtshan nyid legs par rtogs pa'i phyir ro/ /shes rab kyi pha rol du phyin pa khri brgyad stong pa las/ mtshan dang dpe byad bzang po dang / yi ge mngon par bsgrub pa bstan pa'i le'u zhes bya ste/ bdun bcu rtsa gsum pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji ltar byang chub sems dpa' sems dpa' chen pos chos rnams kyi chos kyi mtshan nyid legs par rtogs pa lags/ bka' stsal pa/ rab 'byor dper na sprul pa 'dod chags dang zhe sdang dang / gti mug la kun du spyod pa med pa dang / gzugs la kun du spyod pa med pa dang / rnam par shes pa'i bar la kun du spyod pa med pa dang / de bzhin du nang dang phyi'i chos rnams la kun du spyod pa med</font><hr>36.93b<br><font size=+1>

pa dang / bag la nyal dang / kun nas ldang ba rnams la kun du spyod pa med pa dang / zag pa dang bcas pa dang zag pa med pa'i chos rnams la kun du spyod pa med pa dang / 'jig rten pa dang / 'jig rten las 'das pa dang / 'dus byas dang / 'dus ma byas kyi chos rnams la kun du spyod pa med pa dang / lam la kun du spyod pa med pa dang / 'bras bu rnams la kun du spyod pa med pa de ltar/ rab 'byor chos rnams kyi chos kyi tshul legs par rtogs pa yin no/ /gsol pa/ bcom ldan 'das sprul pa'i lam sgom pa ji lta bu lags/ bka' stsal pa/ rab 'byor lam bsgom pa gang la brten nas kun nas nyon mongs par yang mi 'gyur zhing / rnam par byang bar yang mi 'gyur la/ 'gro ba lnga'i 'khor ba na yang mi snang ba yin no/ /gsol pa/ bcom ldan 'das ji ltar byang chub sems dpa' sems dpa' chen pos dngos po ma mchis pa'i chos thams cad rtogs pa lags/ bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa'i sprul pa la dngos po 'ga' zhig la brten nas kun nas nyon mongs par 'gyur ba 'am/ rnam par byang bar 'gyur ba'i dngos po gang yang dmigs su yod snyam 'am/ gsol pa/ bcom ldan 'das de ni ma lags te/ bcom ldan 'das de bzhin gshegs pa'i sprul pa la ni dngos po 'ga' zhig la brten nas kun nas nyon mongs par 'gyur ba 'am/ rnam par byang bar 'gyur ba 'am/ 'gro ba lnga'i 'khor ba na gda' ba'i dngos po gang yang ma mchis lags so/ /bka' stsal pa/ rab 'byor de ltar chos rnams kyi chos kyi tshul legs par rtogs pa yin no/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci gzugs thams cad de bzhin gshegs pa'i sprul pa lta bu lags sam/ tshor ba thams cad dang / 'du shes thams cad dang / 'du byed thams cad dang / rnam par shes pa thams cad kyang de bzhin gshegs pa'i sprul pa</font><hr>36.94a<br><font size=+1>

lta bu lags sam/ bka' stsal pa/ rab 'byor gzugs thams cad ni de bzhin gshegs pa'i sprul pa lta bu yin no/ /tshor ba thams cad dang / 'du shes thams cad dang / 'du byed thams cad dang / rnam par shes pa thams cad kyang de bzhin gshegs pa'i sprul pa lta bu yin no/ /gsol pa bcom ldan 'das gal te thams cad sprul pa lta bu lags na/ sprul pa la ni gzugs ma mchis/ tshor ba ma mchis/ 'du shes ma mchis/ 'du byed rnams ma mchis/ rnam par shes pa ma mchis/ kun nas nyon mongs pa ma mchis/ rnam par byang ba ma mchis shing gang las sems can rnams yongs su thar bar bgyi ba'i 'gro ba lnga'i 'khor ba yang ma mchis lags na/ 'o na ji ltar byang chub sems dpa' sems dpa' chen po'i skyes bu'i mthur 'gyur lags/ bcom ldan 'das kyis bka' stsal pa/ rab 'byor 'di ji snyam du sems/ byang chub sems dpa' sems dpa' chen pos sngon byang chub sems dpa'i spyad pa spyod pa na/ gang sems can dmyal ba 'am/ dud 'gro'i skye gnas sam/ gshin rje'i 'jig rten nam/ mi 'am lha dag las yongs su thar bar bya ba'i sems can 'ga' yang dmigs snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen pos gang khams gsum nas yongs su thar bar bya ba'i sems can 'ga' yang mi dmigs so/ /de ci'i phyir zhe na/ 'di ltar des chos thams cad sgyu ma lta bu dang / sprul pa lta bur shes shing mthong la rnam par rig pa'i phyir ro/ /gsol pa/ bcom ldan 'das gal te byang chub sems dpa' sems dpa' chen pos chos thams cad sgyu ma lta bu dang / sprul pa lta bur 'tshal zhing mthong la rnam par rig lags na/ byang chub sems dpa' sems dpa' chen pos gang gi don du pha rol du phyin pa drug dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi</font><hr>36.94b<br><font size=+1>

dang / byang chub kyi phyogs kyi chos sum bcu rtsa bdun dang / byang chub kyi lam la spyod cing / sangs rgyas kyi zhing yongs su dag par bgyid pa dang / sems can rnams yongs su smin par bgyid lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te sems can rnams rang rang gi chos thams cad rmi lam lta bu dang / sprul pa lta bur shes su zin na ni/ byang chub sems dpa' sems dpa' chen po yang sems can rnams kyi don du bskal pa grangs med par byang chub sems dpa'i spyad pa mi spyod pa zhig na/ rab 'byor 'di ltar sems can rnams rang rang gis chos thams cad rmi lam lta bu dang / sprul pa lta bur mi shes te/ de'i phyir byang chub sems dpa' sems dpa' chen po bskal pa grangs med par pha rol du phyin pa drug la spyod cing / sems can rnams yongs su smin par byed/ sangs rgyas kyi zhing yongs su dag par byed do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad rmi lam lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bu lags na/ bcom ldan 'das sems can rnams kyang ci la gnas na/ byang chub sems dpa' sems dpa' chen po shes rab kyi pha rol du phyin pa la spyod pas/ gang las bskyod par bgyid lags/ bcom ldan 'das kyis bka' stsal pa/ rab 'byor sems can rnams ni yod pa ma yin pa'i ming dang mtshan ma dag la gnas pas na/ byang chub sems dpa' sems dpa' chen po shes rab kyi pha rol du phyin pa la spyod pas/ de dag gi ming dang mtshan ma las bskyod par byed do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ming ni gang lags/ mtshan ma ni gang lags/ bcom ldan 'das kyis bka' stsal pa/ rab 'byor 'di lta ste/ ming zhes bya ba dang / mtshan ma zhes bya ba ni</font><hr>36.95a<br><font size=+1>

glo bur du ming du btags pa ste/ 'di lta ste ming zhes bya ba 'am/ mtshan ma zhes bya ba 'am/ gzugs zhes bya ba 'am/ rnam par shes pa'i bar zhes bya ba 'am/ bud med ces bya ba 'am/ skyes pa zhes bya ba 'am/ khye'u zhes bya ba 'am/ bu mo zhes bya ba 'am/ sems can dmyal ba pa zhes bya ba 'am/ dud 'gro'i skye gnas pa zhes bya ba 'am/ gshin rje'i 'jig rten pa zhes bya ba 'am/ lha zhes bya ba 'am/ mi zhes bya ba 'am/ 'dus byas kyi chos zhes bya ba 'am/ 'dus ma byas kyi chos zhes bya ba 'am/ rgyun du zhugs pa'i 'bras bu zhes bya ba 'am/ lan cig phyir 'ong ba'i 'bras bu zhes bya ba 'am/ phyir mi 'ong ba'i 'bras bu zhes bya ba 'am/ dgra bcom pa nyid ces bya ba 'am/ rang sangs rgyas zhes bya ba 'am/ yang dag par rdzogs pa'i sangs rgyas shes bya ba de dag ni bcos mar ming du btags pa'o/ /rab 'byor chos thams cad kyi rang bzhin ni ming ste/ gzhol ba'i phyir ro/ /'dus byas thams cad ni ming tsam du zad na/ byis pa so so'i skye bo rnams de la chags pas/ de dag la byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pas 'di skad du ming 'di ni yongs su rtog pas kun nas bskyed pa yin pas/ rang bzhin gyis stong zhing dngos po med pa la khyed cag yod pa ma yin par yongs su rtog pas chags par ma byed cig /mkhas pa rnams ni chos stong pa dag la mngon par zhen par mi byed do/ /zhes kun nas 'bral bar byed de/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa/ thabs la mkhas pas de ltar sems can rnams la chos ston par byed do/ /rab 'byor mtshan ma gang zhe na/ rab 'byor gnyis po 'di dag ni gang la byis pa so so'i skye bo rnams chags par 'gyur ba'i mtshan ma ste/ gnyis gang zhe na/ gzugs kyi mtshan ma dang / gzugs med pa'i mtshan ma'o/ /rab 'byor de la gzugs kyi mtshan ma</font><hr>36.95b<br><font size=+1>

gang zhe na/ rab 'byor gzugs gang ci yang rung ste/ rags pa 'am/ phra ba 'am/ bzang ba 'am/ ngan pa dag ste/ gang skad cig pa'i chos de dag thams cad la yongs su rtog pas 'dzin par byed pa de ni gzugs kyi mtshan ma zhes bya'o/ /gzugs med pa'i mtshan ma gang zhe na/ gzugs med pa'i chos gang ci yang rung ste/ mtshan mar bzung zhing yongs su btags pa las nyon mongs pa skye ba de ni gzugs med pa'i mtshan ma zhes bya'o/ /de la byis pa so so'i skye bo rnams chags pas na/ byang chub sems dpa' sems dpa' chen po shes rab kyi pha rol du phyin pa la spyod pa thabs la mkhas pas mtshan ma de dag dang phral nas mtshan ma med pa'i dngos po la 'dzud cing 'god par byed de/ ci nas kyang 'di ni mtshan ma'o/ /'di ni mtshan ma med pa'o zhes gnyis su mi ltung ba de ltar 'dzud cing de ltar 'god par byed do/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa thabs la mkhas pas de ltar sems can rnams mtshan ma dang phral nas mtshan ma med pa'i dbyings la 'dzud cing 'god par byed do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos 'di dag thams cad de tsam du bas te/ 'di ltar mtshan ma ma mchis pa tsam du bas pa lags na/ bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa/ ji ltar bdag kyang dge ba'i chos rnams kyi bye brag tu 'brogs par 'gyur la gzhan dag kyang dge ba'i chos rnams kyi bye brag tu 'bogs pa la 'god par bgyid pa dang / sa nas sa yongs su rdzogs par bgyid cing sems can rnams kyang de dag nyid la sbyor bar bgyid lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te mtshan ma dngos po zhig yin te/ dngos po med pa ma yin par gyur na ni/ rab</font><hr>36.96a<br><font size=+1>

'byor byang chub sems dpa' sems dpa' chen po shes rab kyi pha rol du phyin pa la spyod pa/ dge ba'i chos rnams kyis khyad par thob par mi 'gyur la/ gzhan dag kyang khyad par 'thob pa la 'god par mi 'gyur ba zhig na/ rab 'byor 'di ltar mtshan ma ni dngos po ma yin zhing / dngos po med de/ rab 'byor de'i phyir byang chub sems dpa' sems dpa' chen po shes rab kyi pha rol du phyin pa la spyod pa/ mtshan ma med pa'i tshul gyis/ bsam gtan gyi pha rol du phyin pa yongs su rdzogs par byed do/ /mtshan ma med pa'i tshul gyis brtson 'grus kyi pha rol du phyin pa yongs su rdzogs par byed do/ /de bzhin du sbyar te mtshan ma med pa'i tshul gyis bzod pa'i pha rol du phyin pa yongs su rdzogs par byed do/ /tshul khrims kyi pha rol du phyin pa yongs su rdzogs par byed do/ /sbyin pa'i pha rol du phyin pa yongs su rdzogs par byed do/ /tshad med pa rnams dang / gzugs med pa'i snyoms par 'jug pa rnams dang / dran pa nye bar gzhag pa rnams yongs su rdzogs par byed do/ /'phags pa'i lam yan lag brgyad pa'i bar dag yongs su rdzogs par byed do/ /nang stong pa nyid yongs su rdzogs par byed do/ /phyi stong pa nyid yongs su rdzogs par byed do/ /phyi nang stong pa nyid yongs su rdzogs par byed do/ /de bzhin du sbyar te/ /mtshan ma med pa'i tshul gyis dngos po med pa'i ngo bo nyid stong pa nyid kyi bar dag yongs su rdzogs par byed do/ /rnam par thar pa rnams yongs su rdzogs par byed do/ /mthar gyis gnas pa'i snyoms par 'jug pa rnams yongs su rdzogs par byed do/ /de bzhin du sbyar te/ mtshan ma med pa'i tshul gyis de bzhin gshegs pa'i stobs bcu yongs su rdzogs par byed do/ /sangs rgyas kyi chos ma 'dres pa bcwa brgyad kyi bar dag yongs su rdzogs par byed de/ des dge ba'i chos de dag yongs su rdzogs par byas nas/ mtshan ma med pa'i tshul gyis gzhan dag kyang dge ba'i chos de dag la sbyor bar byed do/ /rab 'byor gal te chos rnams la tha na skra'i rtse mo'i cha shas</font><hr>36.96b<br><font size=+1>

gzhag pa tsam gyi mtshan ma zhig yod par gyur na yang / rab 'byor byang chub sems dpa' sems dpa' chen po shes rab kyi pha rol du phyin pa la spyod pa la mtshan ma med pa dang / dran pa med pa dang / yid la byed pa med pas chos rnams mngon par rdzogs par 'tshang rgya bar yang mi 'gyur la/ sems can rnams kyang zag pa med pa'i chos rnams la de bzhin nyid du 'god par yang mi 'gyur ba zhig na/ rab 'byor 'di ltar chos thams cad ni zag pa med cing / mtshan nyid med pa dang / dran pa med pa dang / yid la byed pa med pa yin te/ rab 'byor de'i phyir byang chub sems dpa' sems dpa' chen po shes rab kyi pha rol du phyin pa la spyod pa/ zag pa med pa'i chos rnams kyis sems can thams cad kyi don byed do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad mtshan ma ma mchis shing / dran pa ma mchis la yid la bgyid pa ma mchis pa lags na/ bcom ldan 'das 'o na 'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni thun mong gi chos so/ /'di dag ni thun mong ma yin pa'i chos so/ /'di dag ni nyan thos kyi chos so/ /'di dag ni rang sangs rgyas kyi chos so/ /'di dag ni byang chub sems dpa'i chos so/ /'di dag ni sangs rgyas kyi chos so zhes bgyi bar ji ltar bgrang bar bgyi lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di ji snyam du sems/ mtshan ma med pa yang gzhan la/ nyan thos kyi chos rnams kyang gzhan zhig yin snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'di ji snyam du sems/ mtshan ma med pa yang gzhan la/ rang sangs rgyas kyi chos rnams kyang gzhan zhig yin snyam 'am/ mtshan ma med pa yang gzhan la byang chub sems dpa'i chos rnams kyang gzhan zhig yin snyam 'am/ mtshan ma</font><hr>36.97a<br><font size=+1>

med pa yang gzhan la/ sangs rgyas kyi chos rnams kyang gzhan zhig yin snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'o na mtshan ma med pa nyid rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams yin nam/ gsol pa/ bcom ldan 'das de de lta lags so/ /bka' stsal pa/ rab 'byor rnam grangs des kyang 'di ltar chos thams cad ni mtshan ma med par rig par bya ste/ rab 'byor mtshan ma med pa'i chos de dag thams cad la slob pa'i byang chub sems dpa' sems dpa' chen po ni dge ba'i chos thams cad kyis rnam par 'phel bar 'gyur te/ 'di lta ste pha rol du phyin pa drug dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / sangs rgyas kyi chos thams cad kyi bar dag gis rnam par 'phel bar 'gyur ro/ /de ci'i phyir zhe na/ 'di ltar byang chub sems dpa' sems dpa' chen pos ni stong pa nyid dang / mtshan ma med pa dang / smon pa med pa'i chos rnams la bslab par bya ba ma gtogs par bslab par bya ba gzhan med pa'i phyir ro/ /de ci'i phyir zhe na/ rab 'byor rnam par thar pa'i sgo gsum po 'dir dge ba'i chos thams cad 'dus pa'i phyir te/ 'di ltar rang gi mtshan nyid stong pa nyid ni rnam par thar pa'i sgo stong pa nyid yin no/ /mtshan ma dang bral ba ni rnam par thar pa'i sgo mtshan ma med pa yin no/ /mngon par 'du byed pa med pa ni rnam par thar</font><hr>36.97b<br><font size=+1>

pa'i sgo smon pa med pa yin te/ rnam par thar pa'i sgo gsum po de dag la slob pa'i byang chub sems dpa' sems dpa' chen po de ni phung po lnga la slob pa yin/ skye mched bcu gnyis la slob pa yin/ khams bcwa brgyad la slob pa yin/ gzugs med pa'i snyoms par 'jug pa bzhi la slob pa yin/ 'phags pa'i bden pa bzhi la slob pa yin/ rten cing 'brel bar 'byung ba'i yan lag bcu gnyis la slob pa yin/ nang stong pa nyid la slob pa yin/ phyi stong pa nyid la slob pa yin/ phyi nang stong pa nyid la slob pa yin/ dngos po med pa'i ngo bo nyid stong pa nyid kyi bar la slob pa yin no/ /de bzhin du sbyar te pha rol tu phyin pa drug la slob pa yin/ dran pa nye bar gzhag pa bzhi la slob pa yin/ 'phags pa'i lam yan lag brgyad pa'i bar la slob pa yin/ de bzhin gshegs pa'i stobs bcu la slob pa yin/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la slob pa yin no/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa/ ji ltar nye bar len pa'i phung po lnga po dag la slob pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa/ gzugs rab tu shes te/ gzugs ji ltar skye ba dang / gzugs ji ltar 'gag pa dang / gzugs kyi de bzhin nyid gang yin pa yang rab tu shes so/ /gzugs ji ltar rab tu shes zhe na/ 'di lta ste dper na/ dbu ba rdos pa la snying po med pa de bzhin du/ gzugs kyang shin du gtse tshags dang / shin du gsong ldong dang / shin du snying po med par rab tu shes so/ /gzugs kyi skye ba ji ltar rab tu shes zhe na/ gzugs ni gang nas kyang 'ong ba med la/ gzugs ni gang du yang 'gro ba med pas/ gang</font><hr>36.98a<br><font size=+1>

nas kyang mi 'ong / gang du yang mi 'gro ba de ltar gzugs kyi skye ba rab tu shes so/ /rab 'byor gang nas kyang ma 'ongs/ gang du yang ma song ba de ltar gzugs kyi skye ba dang / 'jig pa rab tu shes so/ /gzugs kyi de bzhin nyid ji ltar rab tu shes zhe na/ de bzhin nyid la skye ba med pa dang / 'gag pa med pa dang / 'ong ba med pa dang / 'gro ba med pa dang / kun nas nyon mongs pa med pa dang / rnam par byang ba med pa dang / 'phel ba med pa dang / 'grib pa med pa de ltar de bzhin nyid rab tu shes so/ /rab 'byor gzhan yang de bzhin nyid ni ma nor ba de bzhin nyid yin te/ de'i phyir de bzhin nyid ces bya'o/ /de la log pa nyid med pas de'i phyir yang de bzhin nyid ces bya ste/ de ltar gzugs kyi de bzhin nyid rab tu shes so/ /tshor ba ji ltar rab tu shes/ tshor ba'i skye ba ji ltar rab tu shes/ tshor ba'i 'jig pa ji ltar rab tu shes/ tshor ba'i de bzhin nyid ji ltar rab tu shes zhe na/ 'di lta ste dper na/ chu'i chu bur gyi skye ba dang / 'jig pa gsog tu 'dug pa de ltar tshor ba rab tu shes so/ /de gang nas kyang 'ong ba med cing / gang du yang 'gro ba med pa de ltar tshor ba'i skye ba dang / 'jig pa rab tu shes so/ /tshor ba'i de bzhin nyid ji ltar rab tu shes zhe na/ de bzhin nyid ni ma nor ba de bzhin nyid de/ de ltar tshor ba'i de bzhin nyid rab tu shes so/ /'du shes ji ltar rab tu shes zhe na/ 'di lta ste dper na/ smig rgyu'i tshogs la chu shin du dmigs su med pa de ltar 'du shes rab tu shes so/ /de gang nas kyang 'ong ba med cing gang du yang 'gro ba med pa de ltar 'du shes kyi skye ba dang / 'jig pa rab tu shes so/ /'du shes kyi de bzhin nyid ji ltar rab tu shes zhe na/ tshor ba'i de bzhin nyid ji lta ba de ltar 'du shes kyi de bzhin nyid rab tu shes so/ /'du byed rnams ji ltar rab tu shes zhe na/ 'di lta ste dper na/ chu shing shun pa so sor phye na snying po mi dmigs pa de ltar 'du byed rnams rab tu shes so/ /'du byed rnams kyi</font><hr>36.98b<br><font size=+1>

skye ba dang / 'jig pa ji ltar rab tu shes zhe na/ de gang nas kyang 'ong ba med cing / gang du yang 'gro ba med pa de ltar 'du byed rnams kyi skye ba dang / 'jig pa rab tu shes so/ /'du byed rnams kyi de bzhin nyid ji ltar rab tu shes zhe na/ tshor ba'i de bzhin nyid ji lta ba de ltar 'du byed rnams kyi de bzhin nyid rab tu shes so/ /rnam par shes pa ji ltar rab tu shes zhe na/ 'di lta ste dper na/ sgyu ma mkhan gyis sprul pa'i dpung gi tshogs yan lag bzhi pa ji lta ba de ltar rnam par shes pa rab tu shes so/ /de gang nas kyang 'ong ba med cing / gang du yang 'gro ba med pa de ltar rnam par shes pa'i skye ba dang 'jig pa rab tu shes so/ /rnam par shes pa'i de bzhin nyid ji ltar rab tu shes zhe na/ tshor ba'i de bzhin nyid ji lta ba de ltar rnam par shes pa'i de bzhin nyid rab tu shes te/ de ltar na rnam par shes pa'i de bzhin nyid rab tu shes pa yin no/ /khams rnams ji ltar shes zhe na/ mig gi khams ni mig gi khams kyi ngo bo nyid kyis stong pa de ltar mig gi khams rab tu shes so/ /gzugs kyi khams ji ltar shes zhe na/ gzugs kyi khams ni gzugs kyi khams kyi ngo bo nyid kyis stong pa de ltar gzugs kyi khams rab tu shes so/ /mig gi rnam par shes pa'i khams ji ltar rab tu shes zhe na/ mig gi rnam par shes pa'i khams ni mig gi rnam par shes pa'i khams kyis ngo bo nyid kyis stong pa de ltar mig gi rnam par shes pa'i khams rab tu shes so/ /rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams ji ltar rab tu shes zhe na/ yid kyi khams ni yid kyi khams kyi ngo bo nyid kyis stong pa de ltar yid kyi khams</font><hr>36.99a<br><font size=+1>

rab tu shes so/ /chos kyi khams ji ltar rab tu shes zhe na/ chos kyi khams ni chos kyi khams kyi ngo bo nyid kyis stong pa de ltar chos kyi khams rab tu shes so/ /yid kyi rnam par shes pa'i khams ji ltar rab tu shes zhe na/ yid kyi rnam par shes pa'i khams ni yid kyi rnam par shes pa'i ngo bo nyid kyis stong pa de ltar yid kyi rnam par shes pa'i khams rab tu shes te/ de ltar na khams bcwa brgyad rab tu shes pa yin no/ /skye mched rnams ji ltar rab tu shes zhe na/ nang gi skye mched rnams ni nang gi skye mched rnams kyis stong la/ phyi'i skye mched rnams ni phyi'i skye mched rnams kyis stong pa de ltar skye mched rnams rab tu shes so/ /'phags pa'i bden pa rnams ji ltar rab tu shes zhe na/ sdug bsngal 'phags pa'i bden pa rab tu shes pa dang / kun 'byung ba dang / 'gog pa dang / lam 'phags pa'i bden pa rab tu shes pa'o/ /sdug bsngal 'phags pa'i bden par ji ltar rab tu shes zhe na/ sdug bsngal rab tu shes pa dang / bden par rab tu shes pa dang / 'phags pa rnams kyi bden pa'o zhes rab tu shes la/ gnyis las rnam par grol zhing gnyis ma yin pa ni 'phags pa'i bden pa yin par rab tu shes pa ste/ kun 'byung ba yang de bzhin/ 'gog pa yang de bzhin/ sdug bsngal 'gog par 'gro ba'i lam yang de bzhin du 'phags pa'i bden par rab tu shes so/ /sdug bsngal gyi de bzhin nyid ji ltar rab tu shes zhe na/ sdug bsngal gyi de bzhin nyid ni de bzhin nyid yin pa de ltar sdug bsngal gyi de bzhin nyid rab tu shes te/ de bzhin du kun 'byung ba dang / 'gog pa dang / lam gyi de bzhin nyid kyang rab tu shes so/ /rten cing 'brel bar 'byung ba ji ltar rab tu shes zhe na/ rten cing 'brel bar 'byung ba ni skye ba med par rab tu shes so/ /de bzhin du rten cing 'brel bar 'byung ba 'gag pa med pa dang / tshad pa med pa dang / rtag pa med pa dang / don gcig pa ma yin pa dang / don tha dad pa ma yin</font><hr>36.99b<br><font size=+1>

pa dang / 'ong ba med pa dang / 'gro ba med pa dang / spros pa med pa dang / zhi bar rab tu shes pa'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa/ phan tshun tha dad pa'i chos de dag de ltar rab tu 'tshal na/ bcom ldan 'das 'o na des chos kyi dbyings rnam par dkrugs par mi 'gyur lags sam/ bcom ldan 'das kyis bka' stsal pa/ rab 'byor gal te chos kyi dbyings su ma gtogs pa'i chos gzhan 'ga' zhig dmigs su yod na ni/ rnam par dkrugs par yang 'gyur na/ rab 'byor chos kyi dbyings su ma gtogs pa gang mi dmigs pas/ chos kyi dbyings rnam par dkrugs par 'gyur ba'i chos gzhan ni gang yang dmigs su med do/ /de ci'i phyir zhe na/ rab 'byor chos kyi dbyings su ma gtogs pa'i chos gzhan ni de bzhin gshegs pa 'am/ de bzhin gshegs pa'i nyan thos rnams kyis kyang gang yang ma dmigs pa'i phyir te/ ma dmigs pas na chos kyi dbyings su ma gtogs pa'i chos gzhan 'ga' zhig dmigs su yod do zhes 'dogs par mi byed de/ rab 'byor byang chub sems dpa' sems dpa' chen po shes rab kyi pha rol du phyin pa la spyod pas de ltar chos kyi dbyings la bslab par bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po chos kyi dbyings la slob pas gang la bslabs pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor chos kyi dbyings la bslabs pa'i byang chub sems dpa' sems dpa' chen po ni/ chos thams cad la bslabs pa yin no/ /de ci'i phyir zhe na/ rab 'byor 'di ltar chos thams cad ni chos kyi dbyings yin pa'i phyir ro/ /gsol pa/ </font><hr>36.100a<br><font size=+1>

bcom ldan 'das ci'i slad du chos thams cad chos kyi dbyings lags/ bka' stsal pa/ rab 'byor 'di ltar de bzhin gshegs pa rnams byung yang rung / de bzhin gshegs pa rnams ma byung yang rung / chos rnams kyi chos kyi dbyings 'di ni dbyer med pa'i tshul gyis gnas pa ste/ rab 'byor chos kyi dbyings de yang 'di lta ste/ dge ba dang mi dge ba dang / 'dus byas dang / 'dus ma byas kyi bar gyi chos thams cad yin te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pas/ chos kyi dbyings la bslabs na/ chos thams cad la bslabs pa yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad chos kyi dbyings lags na/ bcom ldan 'das 'o na byang chub sems dpa' sems dpa' chen pos shes rab kyi pha rol du phyin pa la ji ltar bslab par bgyi/ de bzhin du ji ltar bsam gtan gyi pha rol du phyin pa la bslab par bgyi/ ji ltar brtson 'grus kyi pha rol du phyin pa la bslab par bgyi/ ji ltar bzod pa'i pha rol du phyin pa la bslab par bgyi/ ji ltar tshul khrims kyi pha rol du phyin pa la bslab par bgyi/ ji ltar sbyin pa'i pha rol du phyin pa la bslab par bgyi/ de bzhin du ji ltar byang chub sems dpa' sems dpa' chen pos bsam gtan dang po la bslab par bgyi/ ji ltar bsam gtan gnyis pa dang / bsam gtan gsum pa dang / bsam gtan bzhi pa la bslab par bgyi/ de bzhin du ji ltar byams pa la bslab par bgyi/ ji ltar snying rje dang / dga' ba dang / btang snyoms la bslab par bgyi/ de bzhin du ji ltar nam mkha' mtha' yas skye mched dang / 'du shes med 'du shes med min skye mched kyi bar la bslab par bgyi/ de bzhin du ji ltar dran pa</font><hr>36.100b<br><font size=+1>

nye bar gzhag pa rnams la bslab par bgyi/ de bzhin du ji ltar yang dag pa'i spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la bslab par bgyi/ ji ltar stong pa nyid la bslab par bgyi/ ji ltar mtshan ma med pa dang / smon pa med pa la bslab par bgyi/ ji ltar rnam par thar pa brgyad la bslab par bgyi/ ji ltar snyoms par 'jug pa rnams la bslab par bgyi/ de bzhin du ji ltar de bzhin gshegs pa'i stobs bcu la bslab par bgyi/ ji ltar mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad la bslab par bgyi/ ji ltar mngon par shes pa drug dang / skyes bu chen po'i mtshan sum bcu rtsa gnyis bsgrub pa'i slad du bslab par bgyi/ ji ltar dpe byad bzang po brgyad bcu bsgrub pa'i slad du bslab par bgyi/ ji ltar rgyal rigs shing sa la chen po lta bu dag tu skye bar bgyi ba'i slad du bslab par bgyi/ ji ltar bram ze'i rigs shing sa la chen po lta bu dag tu skye bar 'gyur ba'i slad du bslab par bgyi/ ji ltar khyim bdag gi rigs shing sa la chen po lta bu dag tu skye bar bgyi ba'i slad du bslab par bgyi/ ji ltar rgyal chen bzhi'i ris kyi lha rnams kyi nang du skye bar bgyi ba'i slad du bslab par bgyi/ ji ltar sum bcu rtsa gsum pa'i lha rnams kyi nang du skye bar bgyi ba'i slad du bslab par bgyi/ ji ltar thab bral dang / dga' ldan dang / 'phrul dga' dang / gzhan 'phrul dbang byed kyi lha rnams dang / tshangs ris kyi lha rnams dang / tshangs pa'i mdun na 'don dang / tshangs 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / 'bras bu che dang / 'du shes ma mchis pa'i sems can rnams kyi nang du skye bar bgyi ba'i slad du bslab par bgyi/ ji ltar der mi skye bar bgyi ba'i slad du yang</font><hr>36.101a<br><font size=+1>

bslab par bgyi/ ji ltar gnas gtsang ma mi che dang / mi gdung dang / shin du mthong dang / gya nom snang dang / 'og min gyi lha rnams kyi nang du skye bar bgyi ba'i slad du bslab par bgyi/ ji ltar nam mkha' mtha' yas skye mched dang / 'du shes med 'du shes med min skye mched kyi bar dag la bslab par bgyi/ ji ltar sems dang po bskyed pa la bslab par bgyi/ ji ltar gnyis pa dang / gsum pa dang / bzhi pa dang / lnga pa dang / drug pa dang / bdun pa dang / brgyad pa dang / dgu pa dang / sems bskyed pa bcu pa la bslab par bgyi/ ji ltar nyan thos kyi sa la bslab par bgyi/ ji ltar rang sangs rgyas kyi sa la bslab par bgyi/ ji ltar byang chub sems dpa'i sa la bslab par bgyi/ ji ltar sems can yongs su smin par bgyi ba la bslab par bgyi/ ji ltar sangs rgyas kyi zhing yongs su dag par bgyi ba la bslab par bgyi/ ji ltar gzungs kyi sgo thams cad la bslab par bgyi/ ji ltar ting nge 'dzin gyi sgo thams cad la bslab par bgyi/ ji ltar gang la bslab pas chos thams cad rnam pa thams cad du 'tshal bar 'gyur ba'i byang chub kyi lam la bslab par bgyi/ bcom ldan 'das chos kyi dbyings la ni rnam par rtog pa de dag ma mchis te/ bcom ldan 'das de'i slad du byang chub sems dpa' sems dpa' chen po phyin ci log la spyod pa 'am/ ma spros pa spros par bgyid par mi 'gyur lags grang / de ci'i slad du zhe na/ bcom ldan 'das chos kyi dbyings la ni rnam par rtog pa de dag ma mchis pa'i slad du ste/ gzugs kyang chos kyi dbyings ma lags/ tshor ba dang / 'du shes dang / 'du byed rnams dang / rnam par shes pa yang chos kyi dbyings ma lags la/ gzugs las gud na yang chos kyi dbyings ma mchis/ tshor ba dang / 'du shes dang / 'du byed rnams dang / rnam par shes pa las gud na yang chos kyi dbyings ma mchis te/ gzugs nyid kyang chos kyi dbyings lags la/ chos kyi dbyings nyid kyang</font><hr>36.101b<br><font size=+1>

gzugs lags so/ /rnam par shes pa'i bar nyid kyang chos kyi dbyings lags la/ chos kyi dbyings nyid kyang rnam par shes pa lags so/ /ji ltar nang gi chos bsgres pa de bzhin du chos thams cad la yang sbyar bar bgyi'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin te/ de de bzhin no/ /ji skad smras pa de bzhin te/ rab 'byor gzugs nyid kyang chos kyi dbyings so/ /tshor ba dang / 'du shes dang / 'du byed rnams dang / rnam par shes pa nyid kyang chos kyi dbyings so/ /chos kyi dbyings nyid kyang gzugs so/ /chos kyi dbyings nyid kyang tshor ba dang / 'du shes dang / 'du byed rnams dang / rnam par shes pa ste/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ gal te chos kyi dbyings su ma gtogs pa'i chos 'ga' zhig mthong na ni/ bla na med pa yang dag par rdzogs pa'i byang chub la gnas par yang mi 'gyur ba zhig na/ 'di ltar chos thams cad chos kyi dbyings yin te/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa/ chos thams cad chos kyi dbyings su yang dag pa ji lta ba bzhin du rab tu shes so/ /byang chub sems dpa' sems dpa' chen po shes rab kyi pha rol tu phyin pa la spyod pa/ chos de dag thams cad chos kyi dbyings su yang dag pa ji lta ba bzhin du rab tu shes nas kyang ming med pa'i chos rnams la 'di ni gzugs so/ /'di ni tshor ba'o/ /'di ni 'du shes so/ /'di ni 'du byed rnams so/ /'di ni rnam par shes pa'o/ /zhes bya ba dang / de bzhin du sbyar te 'di ni byang chub bo zhes bya ba'i bar du ming dang brdas ston par byed do/ /rab 'byor 'di lta ste dper na/ sgyu ma mkhan nam/ sgyu ma mkhan gyi slob ma mkhas pa zhig gis rdzas kyi rnam pa gang yang rung ba zhig la byin gyis</font><hr>36.102a<br><font size=+1>

brlabs nas gzugs rnam pa sna tshogs 'di lta ste/ bud med kyi gzugs sam/ skyes pa'i gzugs sam/ glang po che'i gzugs sam/ rta'i gzugs sam/ glang gi gzugs sam/ skyed mos tshal lam/ kun dga' ra ba nyams dga' ba dag gam/ chu klung nyams dga' ba dag gam/ rdzing bu nyams dga' ba dag nye bar bstan te/ der gding ba dang / rol dbyam sna tshogs bting ba dag kyang nye bar bstan nas/ me tog dang me tog phreng gi yon tan dang / bza' ba dang / bca' ba dag kyang kun du bstan/ glu dbyangs dang rol mo mang pos skye bo dga' bar byed pa dag kyang kun du bstan nas sbyin pa sbyin par byed pa 'am/ tshul khrims srung ba 'am/ bzod pa sgrub pa 'am/ brtson 'grus rtsom pa 'am/ ting nge 'dzin gyis rnam par rtse ba 'am/ shes rab sgom par byed pa 'am/ des der rnam pa de lta bu dag gis rgyal rigs shing sa la chen po lta bu dag gam/ bram ze'i rigs shing sa la chen po lta bu dag gam/ khyim bdag gi rigs shing sa la chen po lta bu dag kyang bstan tam/ rgyal chen bzhi'i ris kyi lha dag bstan tam/ ri rab bstan tam/ sum bcu rtsa gsum pa'i lha dag bstan tam/ 'thab bral 'am/ dga' ldan nam/ 'phrul dga' 'am/ gzhan 'phrul dbang byed kyi lha dag bstan tam/ gzugs 'du shes med 'du shes med min skye mched du nye bar 'gro ba'i bar gyi lha dag bstan tam/ rgyun du zhugs pa 'am/ lan cig phyir 'ong ba 'am/ phyir mi 'ong ba 'am/ dgra bcom pa 'am/ rang sangs rgyas gang yin pa de dag bstan tam/ byang chub sems dpa' sems dpa' chen po gang dag sems dang po bskyed pa nas bzung ste/ sbyin pa'i pha rol tu phyin pa la spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa dang / sa dang po la spyod pa dang / sa bcu pa'i bar</font><hr>36.102b<br><font size=+1>

la spyod pa dang / byang chub sems dpa'i skyon med pa la 'jug pa dang / mngon par shes pa rnams mngon par sgrub cing / de dag gis rnam par rtse ba dang / sems can rnams yongs su smin par byed pa dang / sangs rgyas kyi zhing yongs su dag par byed pa dang / bsam gtan dang rnam par thar pa dang / ting nge 'dzin dang / snyoms par 'jug pa dag gis rnam par rtse ba dang / yan lag dang nying lag dag yongs su gtong ba dang / dka' ba spyod pa dang / 'jig rten gyi khams snang bar byed pa dang / de bzhin gshegs pa'i stobs bcu sgrub par byed pa dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po mngon par sgrub pa dag bstan tam/ sangs rgyas kyi sku yan lag dang / nying lag thams cad yongs su rdzogs pa dag bstan na/ de la sems can byis pa'i rang bzhin can dag 'di snyam du/ kye ma mi 'dis ji tsam du 'di lta ste/ gzugs rnam pa sna tshogs dag dang / de bzhin du sbyar te sangs rgyas kyi sku'i bar dag bstan pas skye bo 'di dag yang dag par 'dzin cing / ci nas kyang mdzes dgu sha stag byed pa ni shin du legs par bslabs pa yin no snyam du shes so/ /de na mi gang dag mkhas pa'i rang bzhin can/ gsal zhing yid gzhungs la gzugs de dag la dpyod pa dang ldan pa de dag ni 'di snyam du 'di la chos gang yang dmigs su med na/ mi 'dis yod pa ma yin pa'i chos rnams kyis skye bo'i tshogs 'di dag dga' bar byed pa dang / 'di ltar 'di ni de dag la skye bo 'di dag ni rdzas med pa la rdzas su 'du shes pa yin no snyam pa'i shes pa 'byung ba ni ngo mtshar rmad du byung ba'i chos yin no snyam mo/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang chos kyi dbyings su ma gtogs pa'i chos gzhan gang yang mi mthong la/ shes rab kyi pha rol tu phyin pa la spyod pa/ sems can dang sems can du gdags pa yang mi dmigs</font><hr>36.103a<br><font size=+1>

mod kyi/ de thabs la mkhas pa dang ldan pas bdag kyang sbyin pa sbyin par byed la/ gzhan dag kyang sbyin pa la sbyor bar byed cing / sbyin pa'i bsngags pa yang brjod la/ gzhan gang dag sbyin pa sbyin par byed pa de dag gi bsngags pa yang rjod cing rjes su dga' bar byed do/ /bdag kyang tshul khrims srung bar byed/ bdag kyang bzod pa sgom par byed/ bdag kyang brtson 'grus rtsom par byed/ bdag kyang bsam gtan la mnyam par 'jog par byed/ bdag kyang shes rab sgom par byed la/ gzhan dag kyang shes rab la sbyor bar byed cing / shes rab kyi bsngags pa yang brjod la/ gzhan gang dag shes rab sgom pa de dag gi bsngags pa yang rjod cing rjes su dga' bar byed do/ /de bzhin du sbyar te/ bdag kyang dge ba bcu'i las kyi lam yang dag par 'dzin la/ gzhan dag kyang dge ba bcu'i las kyi lam yang dag par 'dzin du 'jug cing / rjes su dga' bar byed do/ /bdag kyang bslab pa'i gzhi lnga yang dag par 'dzin par byed cing rjes su dga' ba'i bar du byed do/ /bdag kyang yan lag brgyad dang ldan pa'i gso sbyong la gnas par byed cing rjes su dga' ba'i bar du byed do/ /bdag kyang bsam gtan dang po dang / bsam gtan bzhi pa'i bar dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / 'du shes med 'du shes med min skye mched kyi bar dag bsgrubs te gnas shing rjes su dga' ba'i bar du byed do/ /bdag kyang dran pa nye bar gzhag pa rnams dang / 'phags pa'i lam yan lag brgyad pa'i bar dang / rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / </font><hr>36.103b<br><font size=+1>

skyes bu chen po'i mtshan sum bcu rtsa gnyis dang / dpe byad bzang po brgyad bcu sgom zhing rjes su dga' ba'i bar du byed do/ /rab 'byor gal te chos kyi dbyings sngon ji lta bar phyis kyang de bzhin ma yin la/ bar du yang de bzhin ma yin du zin na ni/ byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pas chos kyi dbyings brjod pa dang / sems can yongs su smin par byed pa dang / sangs rgyas kyi zhing yongs su dag par byed par yang mi 'gyur ba zhig na/ rab 'byor 'di ltar chos kyi dbyings ni sngon ji lta bar phyis kyang de bzhin la/ bar du yang de bzhin te/ rab 'byor de'i phyir byang chub sems dpa' sems dpa' chen po shes rab kyi pha rol du phyin pa la spyod pa thabs la mkhas pas sems can rnams kyi don du byang chub sems dpa'i spyad pa spyod par byed do/ /shes rab kyi pha rol tu phyin pa khri brgyad stong pa las/ chos thams cad mnyam pa nyid du bstan pa'i le'u zhes bya ste/ bdun bcu rtsa bzhi pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te sems can shin du dmigs su ma mchis la/ sems can du gdags pa yang mchis na/ gang gi don du byang chub sems dpa' sems dpa' chen po shes rab kyi pha rol tu phyin pa la spyod par bgyid lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po ni yang dag pa'i mtha' tshad mar byas nas shes rab kyi pha rol tu phyin pa la spyod do/ /rab 'byor gal te yang dag pa'i mtha' yang gzhan la/ sems can gyi mtha' yang gzhan pa zhig yin na ni/ byang chub sems dpa' sems dpa' chen po shes rab kyi pha rol tu phyin pa la spyod</font><hr>36.104a<br><font size=+1>

par yang mi 'gyur ba zhig na/ rab 'byor 'di ltar yang dag pa'i mtha' yang gzhan ma yin la/ sems can gyi mtha' yang gzhan ma yin te/ de'i phyir byang chub sems dpa' sems dpa' chen po sems can rnams kyi don du shes rab kyi pha rol tu phyin pa la spyod par byed do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ yang dag pa'i mtha' rnam par 'khrugs pa med pas sems can rnams yang dag pa'i mtha' la 'god par byed do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te yang dag pa'i mtha' nyid kyang sems can gyi mtha' lags na/ 'o na ji ltar yang dag pa'i mtha' la yang dag pa'i mtha' gnas par 'gyur lags/ bcom ldan 'das gal te yang dag pa'i mtha' la yang dag pa'i mtha' gnas par 'gyur na ni/ de lta na ngo bo nyid la ngo bo nyid gnas par 'gyur te/ bcom ldan 'das ngo bo nyid la ngo bo nyid gnas pa ni ma mchis lags na/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa ji ltar sems can gyi mtha' yang dag pa'i mtha' la 'god par bgyid lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor yang dag pa'i mtha' yang yang dag pa'i mtha' la mi gnas la/ ngo bo nyid kyang ngo bo nyid la mi gnas mod kyi/ rab 'byor 'on kyang byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas sems can gyi mtha' yang dag pa'i mtha' la 'god cing / yang dag pa'i mtha' rnam par 'khrugs par yang mi byed de/ rab 'byor de ltar na yang dag pa'i mtha' yang gzhan ma yin la/ sems can gyi mtha' yang ma yin te/ yang dag pa'i mtha' dang / </font><hr>36.104b<br><font size=+1>

sems can gyi mtha' 'di ni gnyis su med de/ /gnyis su dbyer med cing tha mi dad de/ gcad du med do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pa gang dang ldan pas sems can rnams yang dag pa'i mtha' la 'god kyang yang dag pa'i mtha' rnam par 'khrugs par yang mi bgyid pa'i byang chub sems dpa' sems dpa' chen po'i thabs la mkhas pa de gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ sems dang po bskyed pa nas bzung ste/ sems can rnams sbyin pa'i pha rol tu phyin pa la 'god par byed do/ /sbyin pa'i pha rol tu phyin pa la bkod nas kyang sbyin pa de'i sngon gyi mtha' dang / phyi ma'i mtha' dang / dbus ston par byed de ji ltar sbyin pa 'di sngon gyi mtha' yang stong la/ phyi ma'i mtha' yang stong zhing / dbus kyang stong pa de bzhin du sbyin pa 'di yang stong ngo / /sbyin pa'i 'bras bu yang stong ngo / /sbyin bdag kyang stong ngo / /len pa po yang stong ste/ rigs kyi bu de ltar na don de dag thams cad ni yang dag pa'i mtha' la yod pa ma yin gyis/ sbyin pa yang gzhan la sbyin pa'i 'bras bu yang gzhan no snyam du ma sems shig /sbyin bdag kyang gzhan la len pa po yang gzhan no snyam du ma sems shig /rigs kyi bu khyod gang gi tshe sbyin pa yang gzhan la/ sbyin pa'i 'bras bu yang gzhan no snyam du mi sems la/ sbyin bdag kyang gzhan la len pa po yang gzhan no snyam du mi sems pa de'i tshe khyod kyi sbyin pa 'di ni gnyi ga la bdud rtsir 'gyur te/ bdud rtsi'i 'bras bu dang / bdud rtsi'i mtha' sbyin par byed kyis/ khyod sbyin pa 'dis gzugs yongs su ma 'dzin cig /tshor ba dang / 'du shes dang / 'du byed rnams dang / rnam par shes pa yongs su ma 'dzin cig /</font><hr>36.105a<br><font size=+1>

de ci'i phyir zhe na/ 'di ltar khyod kyi sbyin pa 'di ni sbyin pa'i ngo bo nyid kyis stong / 'bras bu de yang 'bras bu'i ngo bo nyid kyis stong / sbyin bdag kyang sbyin bdag gi ngo bo nyid kyis stong / len pa po yang len pa po'i ngo bo nyid kyis stong pas na/ stong pa nyid la ni sbyin pa yang dmigs su med la/ sbyin pa'i 'bras bu dang / sbyin bdag dang / len pa po yang dmigs su med pa'i phyir ro/ /de ci'i phyir zhe na/ 'di ltar chos de dag ni ngo bo nyid kyis shin du stong pa'i phyir ro zhes ston to/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas sems can rnams tshul khrims la rab tu 'god de/ rigs kyi bu tshur shog /khyod kyis srog gcod pa spongs la/ srog gcod pa las phyir ldog par gyis shig /de bzhin du sbyar te khyod kyis log par lta ba'i bar du spongs la/ log par lta ba las phyir ldog par gyis shig /rigs kyi bu chos 'di dag thams cad la ji ltar khyod kyis yongs su brtags pa de lta bu'i rang bzhin gang yang med kyis/ rigs kyi bu chos 'di dag la gang srog gcad par bya ba'i srog chags dang / gang gis srog gcad par bya ba'i chos de dag gang yin zhes nye bar rtogs shig /log par lta ba'i bar la yang de bzhin du sbyar bar bya'o zhes ston te/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pa de lta bu dang ldan pas sems can rnams yongs su smin par byed cing sbyin pa dang / tshul khrims kyi 'bras bu yang ston la/ sbyin pa'i 'bras bu dang / tshul khrims kyi 'bras bu de yang ngo bo nyid kyis stong par bstan pas/ rigs kyi bu des sbyin pa'i 'bras bu dang / tshul khrims kyi 'bras bu de dag 'bras bu'i ngo bo nyid kyis stong par rig nas/ de la mngon par zhen par mi byed do/ /mngon par zhen pa med pas rnam par g.yeng ba med pa bskyed nas/ shes rab bskyed par byed do/ /shes rab des bag la nyal dang / kun nas ldang ba thams cad</font><hr>36.105b<br><font size=+1>

bcad nas phung po lhag ma med pa'i mya ngan las 'das pa'i dbyings su yongs su mya ngan las 'das te/ de yang 'jig rten gyi tha snyad yin gyi/ don dam par ni ma yin no/ /de ci'i phyir zhe na/ stong pa nyid la ni gang yongs su mya ngan las 'da' ba 'am gang yongs su mya ngan las 'das pa'i chos gang yang dmigs su med pa'i phyir te gzhan du na/ de'i yongs su mya ngan las 'das pa de ni 'di lta ste/ mtha' las 'das pa'i stong pa nyid yin no/ /shes rab kyi pha rol du phyin pa khri brgyad stong pa/ bam po lnga bcu rtsa gsum pa/ rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa/ sems can gzhan rnams dang / gang zag gzhan dag phan tshun 'khrugs shing gnod sems su gyur pa dag mthong na/ 'di skad 'doms shing rjes su ston par byed de/ rigs kyi bu tshur shog /gang la khyod gnod sems su byed pa'i chos de dag thams cad ni rang bzhin gyis stong pa yin gyis/ khyod cag bzod pa bsgrubs shig /bzod pa bsgoms shig  /dang du len pa'i rang bzhin can du gyis shig /kye gang la gnod sems su bya ba dang / gang gnod sems su byed pa dang / gang gis gnod sems su byed pa'i chos de dag thams cad rang bzhin gyis stong pa nyid du nye bar rtogs shig /rang bzhin gyis stong pa gang yin pa de ni nam yang mi stong bar mi 'gyur te/ de ni de bzhin gshegs pa rnams kyis ma mdzad/ rang sangs rgyas rnams dang / nyan thos rnams dang / byang chub sems dpa' rnams dang / lha rnams dang / klu rnams dang / gnod sbyin rnams dang / dri za rnams dang / mi 'am ci rnams dang / lto 'phye chen po rnams dang / rgyal chen bzhi'i ris kyi lha rnams dang / gzhan 'phrul dbang byed kyi bar gyi lha rnams dang / tshangs pa rnams dang / dge rgyas kyi bar dag dang / gnas gtsang ma pa rnams dang / 'du shes med 'du shes med min skye mched du nye bar 'gro</font><hr>36.106a<br><font size=+1>

ba'i bar dag gis kyang ma byas te/ rigs kyi bu gang la gnod sems su bya ba dang / gang gnod sems su byed pa dang / gang gis gnod sems su byed pa'i chos de dag thams cad rang bzhin gyis stong pa nyid yin par nye bar rtogs shig dang / stong pa nyid ni gang la yang gnod sems su byed par mi 'gyur ro zhes/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pas de ltar sems can rnams rang bzhin gyis stong pa nyid la sbyor bar byed cing / rgyu dang 'bras bu la yang sbyor bar byed do/ /rang bzhin gyis stong pa nyid la sbyor ba na/ rim gyis bla na med pa yang dag par rdzogs pa'i byang chub la yang dag par dga' bar byed/ yang dag par 'dzin du 'jug /'dzud par byed/ 'god par byed de/ de yang 'jig rten gyi tha snyad yin gyi/ don dam par ni ma yin no/ /de ci'i phyir zhe na/ rang bzhin gyi stong pa nyid la ni gang thob par bya ba dang / gang thob par byed pa dang / gang gis thob par byed pa'i chos de dag thams cad dmigs su med pa'i phyir ro/ /rab 'byor sems can rnams kyi don du byang chub sems dpa' sems dpa' chen po yang dag pa'i mtha' gang la shes rab kyi pha rol tu phyin pa la spyod pa 'di ni rang bzhin gyis stong pa nyid yin te/ de la ni sems can yang mi dmigs/ sems can du gdags pa yang mi dmigs so/ /de ci'i phyir zhe na/ chos thams cad ni sems can gyis dben pa'i phyir ro/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa/ sems can brtson 'grus zhan pa dag mthong na/ thabs la mkhas pas lus dang / sems kyi brtson 'grus yang dag par 'dzin du 'jug ste/ rigs kyi bu rang bzhin stong pa nyid la ni gang la zhum par 'gyur ba dang / gang zhum par 'gyur ba dang / gang gis zhum par 'gyur ba'i chos gang yang yod</font><hr>36.106b<br><font size=+1>

pa ma yin te/ chos de dag thams cad ni rang bzhin gyis stong pa nyid las rnam par mi 'da' ba yin gyis/ khyod lus dang sems kyi brtson 'grus bskyed cing le lo spongs la/ 'di lta ste/ dge ba'i chos sbyin pa 'am/ tshul khrims sam/ bzod pa 'am/ brtson 'grus sam/ ting nge 'dzin tam/ shes rab bam/ bsam gtan dang / rnam par thar pa dang / ting nge 'dzin dang / snyoms par 'jug pa rnams sam/ dran pa nye bar gzhag pa rnams sam/ 'phags pa'i lam yan lag brgyad pa'i bar dag gam/ stong pa nyid dam/ mtshan ma med pa 'am/ smon pa med pa 'am/ sangs rgyas kyi chos thams cad kyi bar dag la brtson par gyis shig /rigs kyi bu stong pa nyid kyis chos de dag sgrib pa med par ltos shig dang / sgrib pa med pa'i chos rnams la zhum par 'gyur ba gang yang med do zhes/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pas de ltar sems can rnams rang bzhin gyis stong pa nyid yang dag par 'dzin du 'jug cing 'dzud la 'god par byed de/ ci nas kyang gnyis su med pa de ltar 'god par byed do/ /de ci'i phyir zhe na/ rang bzhin gyis stong pa nyid ni gnyis su med cing / gnyis su dbyer med de/ gnyis su med pa la ni zhum par 'gyur ba gang yang med pa'i phyir ro/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa/ sems can rnams rang bzhin gyis stong pa nyid kyi brtson 'grus la 'doms shing rjes su ston par byed de/ rigs kyi bu tshur shog /sbyin pa 'am/ tshul khrims sam/ bzod pa 'am/ brtson 'grus sam/ ting nge 'dzin tam/ shes rab bam/ dran pa nye bar gzhag pa rnams sam/ 'phags pa'i lam yan lag brgyad pa'i bar 'am/ bsam gtan dang / rnam par thar pa dang / ting nge 'dzin dang / snyoms par 'jug pa rnams sam/ de bzhin gshegs pa'i stobs bcu</font><hr>36.107a<br><font size=+1>

'am/ mi 'jigs pa bzhi 'am/ so so yang dag par rig pa bzhi 'am/ snying rje chen po 'am/ sangs rgyas kyi chos ma 'dres pa bcwa brgyad kyi bar dag la brtson par gyis la/ chos de dag la gnyis par yang yid la ma byed cig /mi gnyis par yang yid la ma byed cig /de ci'i phyir zhe na/ chos de dag thams cad ni rang bzhin gyis stong pa ste/ rang bzhin gyis stong pa la ni gnyis dang gnyis ma yin par yid la bya ba med pa'i phyir ro zhes/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pas byang chub sems dpa'i spyad pa spyod pa na sems can rnams yongs su smin par byed de/ yongs su smin par byas nas kyang rim gyis rgyun du zhugs pa'i 'bras bu la 'god par byed/ lan cig phyir 'ong ba'i 'bras bu dang / phyir mi 'ong ba'i 'bras bu la 'god par byed/ dgra bcom pa nyid la 'god par byed/ rang byang chub la 'god par byed cing bla na med pa yang dag par rdzogs pa'i byang chub la yang 'god par byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pas sems can rnams kyi don byed cing / ting nge 'dzin sgom pa la 'jug par byed de/ rigs kyi bu tshur shog /khyod rnam par g.yeng ba'i 'du shes su yang ma byed/ ting nge 'dzin gyi 'du shes su yang ma byed par ting nge 'dzin sgoms shig /de ci'i phyir zhe na/ chos de dag thams cad ni rang bzhin gyis stong pa ste/ rang bzhin gyis stong pa nyid la ni gang rnam par g.yeng ba 'am/ rtse gcig tu bya ba'i chos gang yang dmigs su med pa'i phyir te/ khyod ting nge 'dzin 'di la gnas shing rang bzhin gyis stong pa nyid la spyod na lus sam/ ngag gam/ yid kyis dge ba'i chos gang ci byed kyang rung ste/ sbyin pa gtong ngam/ tshul khrims srung ngam/ bzod pa sgrub bam/ brtson 'grus rtsom 'am/ ting nge 'dzin la snyoms par 'jug gam/ </font><hr>36.107b<br><font size=+1>

shes rab sgom 'am/ dran pa nye bar gzhag pa rnams la spyod dam/ 'phags pa'i lam yan lag brgyad pa'i bar dag sgom 'am/ rnam par thar pa'i sgo rnams sam/ ting nge 'dzin rnams sam/ snyoms par 'jug pa rnams sam/ de bzhin gshegs pa'i stobs bcu 'am/ mi 'jigs pa bzhi 'am/ so so yang dag par rig pa bzhi 'am/ byams pa chen po 'am/ snying rje chen po 'am/ sangs rgyas kyi chos ma 'dres pa bcwa brgyad dam/ skyes bu chen po'i mtshan sum bcu rtsa gnyis sam/ dpe byad bzang po brgyad bcu 'am/ nyan thos kyi lam 'am/ rang sangs rgyas kyi lam 'am/ byang chub sems dpa'i lam 'am/ sangs rgyas kyi lam 'am/ rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub 'am/ rnam pa thams cad mkhyen pa nyid sgom 'am/ sems can yongs su smin par byed dam/ sangs rgyas kyi zhing yongs su dag par byed kyang rung ste/ khyod kyi dge ba'i chos de dag tshegs chung ngus 'grub par 'gyur ro zhes/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pas sems can rnams kyi don byed de/ sems dang po bskyed pa nas bzung ste/ nam du yang bya ba ma yin pa mi byed par dge ba bcu yin zhes tshol zhing sems can rnams kyi don byed de/ rtag tu rgyun mi 'chad par sangs rgyas bcom ldan 'das rnams la bsnyen bkur bya ba'i phyir sangs rgyas kyi zhing nas sangs rgyas kyi zhing du 'gro'o/ /sangs rgyas bcom ldan 'das de dag las chos gang thos pa de yang bla na med pa yang dag par rdzogs pa'i byang chub mngon par rdzogs par sangs rgyas kyi bar du tshe rabs rjes su zin kyang / nam du yang chud za bar mi 'gyur zhing rtag tu gzungs 'thob pa dang / lus kyi dbang po 'am/ ngag gi dbang po 'am/ yid kyi dbang po yang rung ste/ dbang po rtul bar mi 'gyur ro/ /de ci'i phyir zhe na/ 'di ltar des rtag tu rgyun mi chad par rnam pa</font><hr>36.108a<br><font size=+1>

thams cad mkhyen pa nyid shin du bsgoms pa'i phyir te/ des rnam pa thams cad mkhyen pa nyid shin du bsgoms pa des lam thams cad kyang shin du bsgoms pa yin te/ nyan thos kyi lam 'am/ rang sangs rgyas kyi lam 'am/ byang chub sems dpa'i lam 'am/ sangs rgyas kyi lam dag kyang shin du bsgoms pa yin no/ /mngon par shes pa gang dag byang chub sems dpa' sems dpa' chen po la chud mi za ba'i tshul gyis phan par 'gyur ba de dag kyang shin du bsgoms pa yin te/ de rnam par smin pa las byung ba'i mngon par shes pa de dag la gnas nas sems can rnams kyi don byed cing / 'gro ba lnga'i 'khor ba na 'khor yang yongs su nyams par mi 'gyur te/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa rang bzhin gyis stong pa nyid la gnas te/ sems can rnams kyi don byed do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa/ rang bzhin gyis stong pa nyid la gnas nas/ thabs la mkhas pas sems can rnams kyi don byed de/ de shes rab kyi pha rol tu phyin pa shin du bsgoms pas sems can rnams la 'di skad du 'doms shing rjes su ston par byed de/ rigs kyi bu tshur shog /khyod lus sam/ ngag gam/ yid kyis las gang byed kyang rung ste/ de dag thams cad rang bzhin gyis stong pa nyid du so sor rtogs shig dang / khyod kyi las de dag bdud rtsir 'gyur zhing / bdud rtsi'i 'bras bu dang / bdud rtsi'i mthar 'gyur te/ rang bzhin stong pa nyid la ni gang mngon par zhen pa 'am/ yongs su nyams par 'gyur ba'i chos gang yang dmigs su med do/ /de ci'i phyir zhe na/ rang bzhin gyis stong pa nyid ni yongs su nyams par mi 'gyur la/ rang bzhin gyis stong pa nyid las yongs su nyams par 'gyur ba'i chos gang yang med pa'i phyir ro/ /de ci'i phyir zhe na/ 'di ltar rang bzhin gyis stong pa nyid ni dngos po yang ma yin/ dngos</font><hr>36.108b<br><font size=+1>

po med pa yang ma yin pa'i phyir te/ dngos po med pa'i ngo bo nyid kyi chos rnams las ci zhig yongs su nyams par 'gyur zhes/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ de ltar sems can rnams la 'doms shing rjes su ston par byed de/ rang bzhin gyis stong pa nyid la 'dzud par byed do/ /de de ltar 'doms shing de ltar rjes su ston pa dang / rang bzhin gyis stong pa nyid la 'dzud par byed pa'i tshe/ nam du yang bya ba ma yin pa mi byed de/ de bdag kyang rtag par rgyun du dge ba bcu'i las kyi lam yang dag par 'dzin par byed la/ gzhan dag kyang dge ba bcu'i las kyi lam yang dag par 'dzin du 'jug go/ /de bzhin du bdag kyang bslab pa'i gzhi lnga dang yan lag brgyad dang ldan pa'i gso sbyong gi bar dag la gnas par byed la/ gzhan dag kyang yang dag par 'dzin du 'jug go/ /bdag kyang bsam gtan dang po la snyoms par 'jug la/ gzhan dag kyang bsam gtan dang po la snyoms par 'jug pa yang dag par 'dzin du 'jug go/ /bdag kyang bsam gtan bzhi pa'i bar dag la snyoms par 'jug la/ gzhan dag kyang bsam gtan bzhi pa'i bar dag la snyoms par 'jug pa yang dag par 'dzin du 'jug go/ /bdag kyang rtag par rgyun du byams pa la gnas pa yin zhing gzhan dag kyang rtag par rgyun du byams pa bsgom pa yang dag par 'dzin du 'jug go/ /bdag kyang btang snyoms kyi bar dag sgom la/ gzhan dag kyang btang snyoms kyi bar dag la bsgom pa yang dag par 'dzin du 'jug go/ /bdag kyang 'du shes med 'du shes med min skye mched kyi snyoms par 'jug pa'i bar dag la snyoms par 'jug la/ gzhan dag kyang 'du shes med 'du shes med min skye mched kyi snyoms par 'jug pa la snyoms par 'jug pa yang dag par 'dzin du 'jug go/ /bdag kyang dran pa nye bar gzhag pa bzhi sgom la/ gzhan dag kyang dran pa nye bar gzhag pa bzhi sgom pa yang dag par</font><hr>36.109a<br><font size=+1>

'dzin du 'jug ste/ 'dul zhing 'dzud la 'god par byed do/ /bdag kyang 'phags pa'i lam yan lag brgyad pa'i bar dag la sgom la/ gzhan dag kyang 'phags pa'i lam yan lag brgyad pa'i bar dag bsgom pa yang dag par 'dzin du 'jug go/ /bdag kyang de bzhin gshegs pa'i stobs bcu la slob la/ gzhan dag kyang de bzhin gshegs pa'i stobs bcu la bslab pa yang dag par 'dzin du 'jug ste/ 'dul zhing 'dzud la 'god par byed do/ /bdag kyang dpe byad bzang po brgyad bcu'i bar dag sgrub pa la slob la/ gzhan dag kyang dpe byad bzang po brgyad bcu bsgrub pa yang dag par 'dzin du 'jug ste/ 'dul zhing 'dzud la 'god par byed do/ /bdag kyang rgyun du zhugs pa'i 'bras bu'i shes pa skyed cing / de la gnas par yang mi byed la/ gzhan dag kyang rgyun du zhugs pa'i 'bras bu'i shes pa la 'god par byed do/ /bdag kyang dgra bcom pa nyid kyi bar dag gi shes pa skyed cing / de la gnas par yang mi byed la/ gzhan dag kyang dgra bcom pa nyid kyi shes pa la 'god par byed do/ /bdag kyang rang byang chub kyi ye shes pa skyed cing de la gnas par yang mi byed la/ gzhan dag kyang rang byang chub kyi shes pa la 'dul zhing 'dzud de 'god par byed do/ /bdag kyang bla na med pa yang dag par rdzogs pa'i byang chub kyi lam bskyed par byed la/ gzhan dag kyang lam de la 'doms shing rjes su ston pa dang / 'dul zhing 'dzud de 'god par byed do/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pas nam du yang bya ba ma yin pa mi byed do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad rang bzhin gyis stong pa lags na/ rang bzhin gyis stong pa nyid la ni sems can yang mi dmigs/ chos dang lam yang mi dmigs na/ bcom ldan 'das ji ltar</font><hr>36.109b<br><font size=+1>

byang chub sems dpa' sems dpa' chen po rnam pa thams cad mkhyen pa nyid la gnas par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin te/ de de bzhin no/ /ji skad smras pa de bzhin te/ chos thams cad ni rang bzhin gyis stong pa nyid yin te/ rang bzhin gyi stong pa nyid la ni sems can yang dmigs su med/ chos dang lam yang dmigs su med do/ /rab 'byor gal te chos thams cad rang bzhin gyis stong pa ma yin na ni/ byang chub sems dpa' sems dpa' chen po rang bzhin gyis stong pa nyid la gnas te/ bla na med pa yang dag par rdzogs pa'i byang chub mngon par rdzogs par sangs rgyas nas/ rang bzhin gyis stong pa nyid kyi chos ston par yang mi 'gyur ba zhig na/ rab 'byor gzugs ni rang bzhin gyis stong la/ rab 'byor tshor ba dang / 'du shes dang / 'du byed rnams dang / rnam par shes pa yang rang bzhin gyis stong / sangs rgyas kyi chos ma 'dres pa bcwa brgyad kyi bar dag kyang rang bzhin gyis stong / dpe byad bzang po brgyad bcu yang rang bzhin gyis stong / de bzhin du sbyar te/ rnam pa thams cad mkhyen pa nyid dang / bag chags kyi mtshams sbyor ba thams cad spangs pa'i bar dag kyang rang bzhin gyis stong ste/ rab 'byor gang gi tshe chos thams cad rang bzhin gyis stong pa de'i phyir byang chub sems dpa' sems dpa' chen po shes rab kyi pha rol tu phyin pa la spyod pa/ phung po lnga po dag rang bzhin gyis stong zhes bya bar chos ston to/ /skye mched bcu gnyis dang / khams bcwa brgyad rang bzhin gyis stong zhes bya bar chos ston to/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / de bzhin du sbyar te/ 'phags pa'i lam yan lag brgyad pa'i bar dag rang bzhin gyis stong zhes bya bar</font><hr>36.110a<br><font size=+1>

chos ston to/ /rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / dpe byad bzang po brgyad bcu'i bar dag rang bzhin gyis stong zhes bya bar chos ston to/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid dang / bag chags kyi mtshams sbyor ba thams cad rang bzhin gyis stong zhes bya bar chos ston to/ /rab 'byor gal te nang stong pa nyid rang bzhin gyis stong pa ma yin na ni byang chub sems dpa' sems dpa' chen po chos thams cad rang bzhin gyis stong ngo zhes bya bar chos ston par mi 'gyur la/ de bzhin du phyi stong pa nyid dang / phyi nang stong pa nyid dang / de bzhin du sbyar te dngos po med pa'i ngo bo nyid stong pa nyid kyi bar dag /rang bzhin gyis stong pa ma yin na ni/ byang chub sems dpa' sems dpa' chen po chos thams cad rang bzhin gyis stong zhes bya bar chos ston par yang mi 'gyur te/ de'i phyir rang bzhin stong pa nyid kyang bshig par 'gyur ba zhig na/ rang bzhin gyis stong pa nyid ni 'jig par yang mi 'gyur zhing / ther zug tu gnas pa yang ma yin te/ phyis med par 'gyur ba yang ma yin no/ /de ci'i phyir zhe na/ de ni yul na mi gnas/ phyogs na mi gnas shing / de ni gang nas kyang 'ong ba ma yin/ gang du yang 'gro ba ma yin pa'i phyir ro/ /de ni chos gnas pa nyid yin te/ de la ni 'phel ba 'am/ 'grib pa 'am/ sogs pa 'am/ 'jig pa 'am/ skye ba 'am/ 'gag pa 'am/ kun nas nyon mongs pa 'am/ rnam par byang ba'i chos gang yang dmigs su med do/ /de ni chos rnams kyi rang</font><hr>36.110b<br><font size=+1>

bzhin yin te/ de la gnas nas byang chub sems dpa' sems dpa' chen po rnams bla na med pa yang dag par rdzogs pa'i byang chub la gnas kyang / chos gang yang 'jig par yang dag par rjes su mi mthong ngo / /chos thams cad ni gnas pa yang med cing 'jug pa med pa ste/ de ni chos rnams kyi chos gnas pa nyid yin no/ /de'i phyir byang chub sems dpa' sems dpa' chen po shes rab kyi pha rol tu phyin pa la spyod pa/ chos thams cad rang bzhin gyis stong par mthong bas/ bla na med pa yang dag par rdzogs pa'i byang chub las phyir mi ldog go/ /de ci'i phyir zhe na/ 'di ltar des chos gang la yang sgrib pa yang yang dag par rjes su mi mthong ste/ des chos thams cad sgrib pa med par yang dag par rjes su mthong ba'i phyir ro/ /de ni 'di ltar rang bzhin gyis stong pa nyid de la bdag mi dmigs shing / bdag tu gdags pa yang mi dmigs la/ sems can dang / srog dang / skye ba po dang / shed las skyes dang / shed bu dang / gso ba po dang / gang zag dang / byed pa po dang / byed du 'jug pa po dang / slong ba po dang / kun nas slong ba po dang / tshor ba po dang / shes pa po dang / mthong ba po yang mi dmigs/ mthong ba por gdags pa yang mi dmigs/ gzugs dang / tshor ba dang / 'du shes dang / 'du byed rnams dang / rnam par shes pa yang mi dmigs/ rnam par shes par gdags pa yang mi dmigs/ de bzhin du nang dang phyi'i chos rnams kyang mi dmigs/ dpe byad bzang po brgyad bcu'i bar dag kyang mi dmigs/ dpe byad bzang po brgyad bcur gdags pa yang mi dmigs na/ bla na med pa yang dag par rdzogs pa'i byang chub la the tsom za bar 'gyur ba lta ga la yod/ rab 'byor 'di lta ste dper na/ de bzhin gshegs pa'i sprul pas sprul pa'i dge slong ngam/ dge slong ma 'am/ dge bsnyen nam/ dge bsnyen ma zhig la bskal pa khrag khrig snyed du rgyun ma chad par chos bstan par gyur na/ rab 'byor 'di ji snyam du sems/ sprul pa de dag la rgyun du zhugs pa'i 'bras bu 'thob pa dang / lan cig phyir 'ong</font><hr>36.111a<br><font size=+1>

ba'i 'bras bu 'am/ phyir mi 'ong ba'i 'bras bu dang / dgra bcom pa nyid 'thob pa 'am/ rang byang chub bam/ bla na med pa yang dag par rdzogs pa'i byang chub 'thob pa'i skal pa yod snyam 'am/ gsol pa/ bcom ldan 'das de ni ma lags so/ /de ci'i slad du zhe na/ 'di ltar de dag la dngos po ma mchis pa'i slad du'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad dngos po med pa la/ byang chub sems dpa' sems dpa' chen pos gang zhig rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ bla na med pa yang dag par rdzogs pa'i byang chub la gzung bar bya ba'i sems can gang zhig yod de/ gzhan du na phyin ci log gis kun nas dkris pa'i skye dgu rnams phyin ci log med pa la 'dzud cing 'god par byed do/ /rtog pa'i rgyu 'thun pa ma yin pa'i phyir phyin ci log gang yin pa de nyid phyin ci log ma yin pa ste/ rtog pa med cing phyin ci log med pa'o/ /gang la phyin ci log med pa de la ni bdag med do/ /sems can med do/ /shes pa po dang / mthong ba po'i bar dag med do/ /de la ni gzugs med do/ /tshor ba med do/ /'du shes med do/ /'du byed rnams med do/ /rnam par shes pa med do/ /de bzhin du sbyar te/ byang chub kyi bar dag med do/ /gang la bdag med pa dang / shes pa po dang / mthong ba po'i bar dag med pa dang / gzugs med pa dang / tshor ba med pa dang / 'du shes med pa dang / 'du byed rnams med pa dang / rnam par shes pa med pa dang / byang chub kyi bar dag med pa de ni rang bzhin gyis stong pa nyid yin te/ de la gnas nas byang chub sems dpa' sems dpa' chen po shes rab kyi pha rol tu phyin pa la spyod cing / sems can phyin ci log tu gyur pa rnams/ sems can gyi 'du shes las grol bar byed do/ /gzugs kyi 'du shes dang / gzugs med pa'i 'du shes kyi bar dag las grol bar byed do/ /de bzhin du</font><hr>36.111b<br><font size=+1>

sbyar te/ zag pa dang bcas pa dang / zag pa med pa'i chos rnams las grol bar byed do/ /zag pa med pa'i chos gang yin pa de dag kyang 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / gzugs med pa'i snyoms par 'jug pa bzhi dang / sangs rgyas kyi chos ma 'dres pa bcwa brgyad kyi bar dag ste/ de yang de la don dam pa ji lta ba bzhin du ni ma yin no/ /de ltar 'dus ma byas pa dang / ma skyes pa dang / dngos po med pa dang / 'byung ba med pa de ni rang bzhin gyis stong pa nyid yin no/ /de ni sangs rgyas bcom ldan 'das rnams kyi byang chub yin te de la ni bdag med do/ /sems can med do/ /shes pa po dang / mthong ba po'i bar dag med do/ /gzugs med do/ /tshor ba med do/ /'du shes med do/ /'du byed rnams med do/ /rnam par shes pa med do/ /de bzhin du sbyar te/ dpe byad bzang po brgyad bcu'i bar dag med do/ /byang chub sems dpa' sems dpa' chen po ni rang bzhin gyis stong pa nyid yongs su shes par bya ba'i don ma gtogs par lam gyi don du bla na med pa yang dag par rdzogs pa'i byang chub la gnas par mi byed do/ /gang rang bzhin gyis stong pa nyid de yang sngon gyi mtha' yang rang bzhin gyis stong pa nyid yin la/ de ni phyi ma'i mtha' dang / dbus su yang rang bzhin gyis stong pa nyid yin te/ de ni nam yang rang bzhin gyis mi stong pa nyid ma yin no/ /de lta bas na byang chub sems dpa' sems dpa' chen po rang bzhin gyis stong pa nyid kyi pha rol tu phyin pa la gnas nas sems can rnams sems can du 'du shes pa dang / 'du shes thams cad las dgrol ba'i phyir lam gyi rnam pa shes pa nyid la spyod par byed do/ /de lam gyi rnam pa shes pa nyid la spyod pa'i tshe/ 'di lta ste/ nyan thos kyi lam dang / rang sangs rgyas kyi lam dang / byang chub sems dpa'i lam dang / lam thams cad la yang spyod pa yin no/ /rab 'byor byang chub sems dpa' sems dpa' chen po</font><hr>36.112a<br><font size=+1>

des lam thams cad yongs su rdzogs par byas nas sems can rnams yongs su smin par byas shing / sangs rgyas kyi zhing yongs su dag par byas te/ tshe'i 'du byed byin gyis brlabs nas bla na med pa yang dag par rdzogs pa'i byang chub mngon par rdzogs par 'tshang rgya'o/ /de bla na med pa yang dag par rdzogs pa'i byang chub mngon par rdzogs par sangs rgyas nas kyang / sangs rgyas kyi tshul rgyun mi gcod de/ 'di lta ste rang bzhin gyis stong pa nyid 'di ni sangs rgyas bcom ldan 'das rnams kyi sangs rgyas kyi tshul yin no/ /rab 'byor sangs rgyas bcom ldan 'das gang dag 'das pa'i dus na byung bar gyur pa'i sangs rgyas bcom ldan 'das de dag gi sangs rgyas kyi tshul yang 'di lta ste/ rang bzhin gyis stong pa nyid 'di yin no/ /sangs rgyas bcom ldan 'das gang dag ma 'ongs pa'i dus na 'byung bar 'gyur ba rnams dang / sangs rgyas bcom ldan 'das gang dag da ltar phyogs bcu'i 'jig rten gyi khams na bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag gi sangs rgyas kyi tshul yang 'di lta ste/ rang bzhin gyis stong pa nyid 'di yin te/ rang bzhin gyis stong pa nyid 'di ni sangs rgyas bcom ldan 'das rnams las 'byung ba ma gtogs par gzhan las 'jig rten du 'byung bar mi 'gyur bas na/ byang chub sems dpa' sems dpa' chen pos ji ltar spyad na rnam pa thams cad mkhyen pa nyid las yongs su nyams par mi 'gyur ba de ltar rang bzhin gyis stong pa nyid kyi pha rol tu phyin pa la spyad par bya'o/ /rab 'byor gyis gsol pa/ bcom ldan 'das de ltar byang chub sems dpa' sems dpa' chen po dag rang bzhin gyis stong pa nyid la yang spyod la/ gzugs kyang gzhan zhing / rang bzhin gyis stong pa nyid kyang gzhan ma lags/ tshor ba yang gzhan/ 'du shes kyang gzhan/ 'du byed rnams kyang gzhan/ rnam par shes pa yang gzhan zhing / rang bzhin gyis stong pa nyid kyang gzhan ma lags la/ de bzhin</font><hr>36.112b<br><font size=+1>

du sangs rgyas kyi chos thams cad dang / byang chub kyi bar dag kyang gzhan zhing / rang bzhin gyis stong pa nyid kyang gzhan ma lags te/ gzugs nyid kyang rang bzhin gyis stong pa nyid lags la/ rang bzhin gyi stong pa nyid kyang gzugs lags shing byang chub kyi bar nyid kyang rang bzhin gyis stong pa nyid lags la/ rang bzhin gyis stong pa nyid kyang byang chub lags par rang bzhin gyis stong pa nyid de yang rnam par 'khrugs pa mi bgyid pa de ni ngo mtshar lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te gzugs kyang gzhan la/ rang bzhin gyis stong pa nyid kyang gzhan/ tshor ba dang / 'du shes dang / 'du byed rnams dang / rnam par shes pa yang gzhan la/ rang bzhin gyis stong pa nyid kyang gzhan zhing / de bzhin du sbyar te/ byang chub kyi bar yang gzhan la/ rang bzhin gyis stong pa nyid kyang gzhan zhig yin par gyur na ni/ rab 'byor byang chub sems dpa' sems dpa' chen pos gzugs rnam pa thams cad mkhyen pa nyid du mngon par rdzogs par 'tshang rgya bar mi 'gyur la/ tshor ba dang / 'du shes dang / 'du byed rnams dang / rnam par shes pa yang rnam pa thams cad mkhyen pa nyid du mngon par rdzogs par 'tshang rgya bar mi 'gyur la/ byang chub kyi bar dag kyang rnam pa thams cad mkhyen pa nyid du mngon par rdzogs par 'tshang rgya bar mi 'gyur ba zhig na/ rab 'byor 'di ltar gzugs nyid kyang rang bzhin gyis stong pa nyid yin la/ rang bzhin gyis stong pa nyid kyang gzugs yin/ tshor ba dang / 'du shes dang / 'du byed rnams dang / rnam par shes pa yang rang bzhin gyis stong pa nyid yin la rang bzhin gyis stong pa nyid kyang rnam par shes pa nyid yin/ byang chub kyi bar dag kyang rang bzhin gyis stong pa nyid yin la/ rang bzhin gyis stong pa nyid kyang byang chub nyid yin te/ de'i phyir rab 'byor byang chub sems dpa' sems dpa' chen pos gzugs</font><hr>36.113a<br><font size=+1>

rang bzhin gyis stong par rig nas/ gzugs nyid rnam pa thams cad mkhyen pa nyid mngon par rdzogs par 'tshang rgya bar 'gyur ro/ /byang chub kyi bar du yang rang bzhin gyis stong par rig nas/ byang chub nyid rnam pa thams cad mkhyen pa nyid du mngon par rdzogs par 'tshang rgya bar 'gyur ro/ /de ci'i phyir zhe na/ rang bzhin gyis stong pa nyid la ni rnam par 'jig pa 'am/ ther zug tu gnas pa 'am/ 'jug par 'gyur ba'i chos gang yang med pa'i phyir ro/ /gzhan du na lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram ze'i skye dgu dang bcas pa'i 'jig rten gyis gzugs yang dag pa ji lta ba bzhin du rab tu mi shes so/ /tshor ba dang / 'du shes dang / 'du byed rnams dang / rnam par shes pa yang dag pa ji lta ba bzhin du rab tu mi shes so/ /rab tu mi shes pas byis pa so so'i skye bo rnams gzugs la mngon par zhen to/ /tshor ba dang / 'du shes dang / 'du byed rnams dang / rnam par shes pa la mngon par zhen to/ /gzugs la mngon par zhen cing / tshor ba dang / 'du shes dang / 'du byed rnams dang / rnam par shes pa la mngon par zhen nas ngar 'dzin pa dang / nga yir 'dzin pa dag la spyod par byed de/ de dag ngar 'dzin pa dang / nga yir 'dzin pa dag la mngon par zhen nas kyang / nang dang phyi'i dngos po rnams la mngon par zhen to/ /mngon par zhen nas kyang skye ba'i skye mched dag tu gzugs dang / tshor ba dang / 'du shes dang / 'du byed rnams dang / rnam par shes pa yongs su 'dzin par byed de/ de dag ni skye ba dang / rga ba dang na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa dag las yongs su mi 'grol zhing / 'gro ba lnga'i 'khor ba las kyang yongs su mi thar ro/ /de'i phyir byang chub sems dpa' sems dpa' chen po rang bzhin gyis stong pa nyid kyi pha rol tu phyin pa la gnas nas/ stong zhes bya ba 'am/ mi stong zhes bya bar gzugs</font><hr>36.113b<br><font size=+1>

rnam par 'khrugs par mi byed do/ /stong zhes bya ba 'am/ mi stong zhes bya bar tshor ba dang / 'du shes dang / 'du byed rnams dang / rnam par shes pa rnam par 'khrugs par mi byed do/ /de bzhin du sbyar te/ stong zhes bya ba 'am/ mi stong zhes bya bar byang chub kyi bar du rnam par 'khrugs par mi byed do/ /de ci'i phyir zhe na/ 'di ni gzugs so/ /'di ni stong pa nyid do zhes gzugs kyi stong pa nyid rnam par 'khrugs par mi byed cing / 'di ni rnam par shes pa'i bar ro/ /'di ni rnam par shes pa'i stong pa nyid do/ /de bzhin du sbyar te/ 'di ni byang chub kyi bar ro/ /'di ni rang bzhin gyis stong pa nyid do/ /zhes rnam par 'khrugs par mi byed pa'i phyir ro/ /rab 'byor 'di lta ste dper na nam mkhas ni nam mkha' rnam par 'khrugs par mi byed de/ nang gi nam mkhas kyang phyi rol gyi nam mkha' rnam par 'khrugs par mi byed la/ phyi rol gyi nam mkhas kyang nang gi nam mkha' rnam par 'khrugs par mi byed do/ /rab 'byor de bzhin du rang bzhin gyis stong pa nyid kyis kyang gzugs rnam par 'khrugs par mi byed la/ gzugs kyis kyang stong pa nyid rnam par 'khrugs par mi byed do/ /stong pa nyid kyis kyang / tshor ba dang / 'du shes dang / 'du byed rnams dang / rnam par shes pa rnam par 'khrugs par mi byed la/ rnam par shes pas kyang stong pa nyid rnam par 'khrugs par mi byed do/ /stong pa nyid kyis kyang byang chub kyi bar du rnam par 'khrugs par mi byed la/ byang chub kyi bar gyis kyang stong pa nyid rnam par 'khrugs par mi byed do/ /de ci'i phyir zhe na/ de dag la 'di ni gzugs so/ /'di ni stong pa nyid do zhes bya ba dang / 'di ni tshor ba dang / 'du shes dang / 'du byed rnams dang / rnam par shes pa'o/ /'di ni stong pa nyid do/ /de bzhin du sbyar te/ 'di ni byang chub kyi bar ro/ /'di ni stong pa nyid do zhes gang rnam par 'khrugs par byed pa de lta bu'i ngo bo nyid med pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das</font><hr>36.114a<br><font size=+1>

gal te chos thams cad dbyer ma mchis pa lags na/ bcom ldan 'das 'o na byang chub sems dpa' sems dpa' chen po bdag bla na med pa yang dag par rdzogs pa'i byang chub mngon par rdzogs par 'tshang rgya bar bgyi'o/ /zhes gang la yang dag par zhugs pa lags/ bcom ldan 'das byang chub ni gnyis su dbyer ma mchis pa lags te/ gnyis su 'byed pas ni bla na med pa yang dag par rdzogs pa'i byang chub mngon par rdzogs par 'tshang rgya bar rngo mi thog lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub ni gnyis la spyod pa ma yin te/ byang chub ni gnyis su med cing gnyis su dbyer med do/ /rab 'byor byang chub sems dpa' sems dpa' chen po'i byang chub 'di ni byang chub sems dpa'o/ /'di ni byang chub sems dpa'i byang chub bo zhes byang chub la gnyis su dbye bas mi spyod do/ /byang chub sems dpa' sems dpa' chen po'i byang chub ni gzugs la mi spyod do/ /tshor ba dang / 'du shes dang / 'du byed rnams dang / rnam par shes pa la mi spyod do/ /byang chub kyi bar la mi spyod do/ /de ci'i phyir zhe na/ byang chub la ni bdag ces bya ba'i sgra med de/ /bdag gzugs la spyod do zhes bya ba dang / tshor ba dang / 'du shes dang / 'du byed rnams dang / rnam par shes pa la spyod do zhes bya ba dang / byang chub kyi bar la spyod do zhes bya ba'i sgra med pa yin te/ byang chub sems dpa' sems dpa' chen po'i byang chub ni 'dzin pa la yang mi spyod/ 'dzin pa med pa la yang mi spyod pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub sems dpa' sems dpa' chen po'i byang chub 'dzin pa la yang mi spyod/ 'dzin pa ma mchis pa la yang mi spyod lags na/ 'o na byang chub sems dpa' sems dpa' chen po'i byang chub gang la spyod pa lags/ bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa'i sprul pa'i byang</font><hr>36.114b<br><font size=+1>

chub 'dzin pa 'am/ 'dzin pa med pa gang zhig la spyod snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di ji snyam du sems/ dgra bcom pa'i rmi lam gyi blo 'dzin pa 'am/ 'dzin pa med pa gang zhig la spyod snyam 'am/ gsol pa/ bcom ldan 'das de ni ma lags te/ dgra bcom pa la g.yar lam yang gtan ma mchis lags na/ de'i g.yar lam gyi blo 'dzin pa 'am/ 'dzin pa ma mchis pa la spyod par 'gyur ba lta ga la mchis/ bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po'i byang chub kyang 'dzin pa 'am/ 'dzin pa med pa la mi spyod do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub sems dpa' sems dpa' chen po'i byang chub 'dzin pa la yang mi spyod/ 'dzin pa ma mchis pa la yang mi spyod/ gzugs la yang mi spyod/ rnam pa thams cad mkhyen pa nyid kyi bar la yang mi spyod lags na/ bcom ldan 'das 'o na ji ltar byang chub sems dpa' sems dpa' chen po pha rol tu phyin pa drug la spyad nas/ sa bcu dang byang chub kyi phyogs kyi chos sum bcu rtsa bdun dang / stong pa nyid bcu bzhi dang / rnam par thar pa'i sgo gsum dang / bsam gtan rnams dang / rnam par thar pa rnams dang / snyoms par 'jug pa rnams la spyod cing de bzhin gshegs pa'i stobs bcu dang / dpe byad bzang po brgyad bcu'i bar dag bsgrubs te/ mngon par shes pa lnga la gnas nas/ sa bcu yongs su rdzogs par bgyis shing byang chub sems dpa'i skyon ma mchis pa las zhugs nas sangs rgyas kyi zhing yongs su dag par bgyis shing / sems can rnams yongs su smin par bgyis te/ rnam pa thams cad mkhyen pa nyid mngon par rdzogs par 'tshang rgya bar 'gyur lags/ bcom ldan 'das pha rol tu phyin pa drug la ma spyad cing sa bcu la ma gnas/ mngon par shes pa lnga'i bar dag la</font><hr>36.115a<br><font size=+1>

ma gnas byang chub sems dpa'i skyon ma mchis pa la ma zhugs/ sangs rgyas kyi zhing yongs su dag par ma bgyis/ sems can yongs su smin par ma bgyis par ni bla na med pa yang dag par rdzogs pa'i byang chub mngon par rdzogs par 'tshang rgya bar rngo mi thog lags so/ /bcom ldan 'das kyis bka' stsal pa/ rab 'byor de de bzhin te/ de de bzhin no/ /ji skad smras pa de bzhin te/ sa bcu la ma gnas shing pha rol tu phyin pa drug dang / dge ba'i chos thams cad kyi bar dag yongs su rdzogs par ma byas par bla na med pa yang dag par rdzogs pa'i byang chub mngon par rdzogs par 'tshang rgya bar mi nus kyi/ rab 'byor sa bcu yongs su rdzogs par byas shing pha rol tu phyin pa drug dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / 'phags pa'i lam yan lag brgyad pa'i bar dang / rnam par thar pa'i sgo gsum po stong pa nyid dang / mtshan ma med pa dang / smon pa med pa dang / dpe byad bzang po brgyad bcu'i bar dag dang / bsnyel ba mi mnga' ba'i chos nyid dang / rtag tu btang snyoms su gnas pa dag yongs su rdzogs par byas na rnam pa thams cad mkhyen pa nyid thob par nus so/ /rab 'byor de yang gzugs kyi rang bzhin la gnas shing tshor ba dang / 'du shes dang / 'du byed rnams dang / rnam par shes pa'i rang bzhin la gnas la/ byang chub kyi bar gyi rang bzhin la gnas na/ rnam pa thams cad mkhyen pa nyid thob par nus so/ /rang bzhin de yang nye bar zhi ba ste/ de ni chos gang yang stsogs pa 'am/ 'bri ba 'am/ bskyed pa 'am/ 'gog pa 'am/ kun nas nyon mongs pa 'am/ rnam par byang ba 'am/ 'thob pa 'am/ mngon par rtogs par mi byed do/ /rab 'byor de yang 'jig rten gyi tha snyad kyis btags pa'i chos nyid nye bar bzung nas/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar zad kyi/ don dam par ni de la gzugs sam/ byang chub kyi bar ram/ gang byang chub la spyod pa gang yang med de/ chos de dag thams cad ni 'jig rten gyi tha snyad kyis btags</font><hr>36.115b<br><font size=+1>

par zad kyi/ don dam par ni ma yin no/ /rab 'byor byang chub sems dpa' sems dpa' chen po ni sems dang po bskyed pa nas bzung ste/ byang chub kyi phyir spyod pa na sems de dang / sems can dang / byang chub dang byang chub sems dpa' dag mi dmigs so/ /rab 'byor 'di ji snyam du sems/ gang gi tshe rab 'byor khyod kyis 'jig tshogs la lta ba spang ba'i phyir dbang po rnams thob bam/ bar chad med pa'i ting nge 'dzin tam/ rgyun du zhugs pa'i 'bras bu thob 'am/ lan cig phyir 'ong ba'i 'bras bu thob 'am/ phyir mi 'ong ba'i 'bras bu thob 'am/ dgra bcom pa nyid thob par gyur pa de'i tshe rmi lam 'am/ sems sam lam 'am/ 'bras bu dmigs snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'o na ji ltar rab 'byor gyis dgra bcom pa nyid thob bo zhes shes pa brda sprad par gyur/ gsol pa/ bcom ldan 'das 'jig rten gyi tha snyad du bzung ste/ shes pa brda sprad lags so/ /bka' stsal pa/ rab 'byor de bzhin du byang chub sems dpa' yang 'jig rten gyi tha snyad kyi btags pa yin no/ /gzugs kyang 'jig rten gyi tha snyad kyis btags pa yin no/ /tshor ba dang / 'du shes dang / 'du byed rnams dang / rnam par shes pa yang 'jig rten gyi tha snyad kyis btags pa yin no/ /rnam pa thams cad mkhyen pa nyid kyis bar dag kyang 'jig rten gyi tha snyad kyis btags pa yin te/ byang chub sems dpa' sems dpa' chen pos ni chos rnams kyi rang bzhin stong pa nyid nye bar bzung na byang chub la gang sogs pa 'am/ 'bri bar byed pa 'am/ phan 'dogs pa 'am/ gnod par byed pa'i chos gang yang ma dmigs te/ chos rnams kyi rang bzhin de yang ma dmigs na sems dang po bskyed pa dmigs par 'gyur ba dang / sems bskyed pa bcu pa'i bar dang / pha rol tu phyin pa drug dang / byang chub kyi phyogs kyi chos sum bcu rtsa bdun gyi bar dag dmigs par 'gyur ba dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / sangs rgyas kyi chos rnams kyi bar dag dmigs par 'gyur</font><hr>36.116a<br><font size=+1>

ba lta ci smos te de ni gnas med do/ /rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub la spyad cing bla na med pa yang dag par rdzogs pa'i byang chub mngon par rdzogs par sangs rgyas nas sems can rnams kyi don byed do/ /shes rab kyi pha rol tu phyin pa khri brgyad stong pa las/ mi 'khrugs pa bstan pa'i le'u zhes bya ste/ bdun bcu rtsa lnga pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub sems dpa' sems dpa' chen po pha rol tu phyin pa drug dang / byang chub kyi phyogs kyi chos sum bcu rtsa bdun dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la spyad cing / stong pa nyid bcu bzhi dang / byang chub kyi lam yongs su rdzogs par bgyis kyang bla na med pa yang dag par rdzogs pa'i byang chub mngon par rdzogs par 'tshang rgya ba'i skal pa ma mchis lags na/ bcom ldan 'das ji ltar byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ bcom ldan 'das kyis bka' stsal pa/ rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas/ sbyin pa'i pha rol tu phyin pa la spyod cing sbyin pa yang mi dmigs/ sbyin bdag dang len pa po yang mi dmigs shing / de las gzhan pa'i chos rnams la yang mi spyod pa de'i tshe byang chub sems dpa' sems dpa' chen po byang chub kyi lam thob par 'gyur te/ rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa thabs la mkhas pas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de bzhin du pha rol du phyin pa lnga po dag dang / sangs rgyas kyi chos ma 'dres pa bcwa brgyad kyi bar dag la</font><hr>36.116b<br><font size=+1>

yang sbyar bar bya'o/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa/ ji ltar byang chub kyi lam la brtson par bgyid pa lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas gzugs la sbyor bar mi byed/ 'byed par mi byed do/ /de ci'i phyir zhe na/ shA ri'i bu 'di ltar gzugs la gang sbyar bar bya ba 'am/ dbye bar bya ba'i ngo bo nyid med pa'i phyir ro/ /rnam par shes pa'i bar la yang sbyor bar mi byed 'byed par mi byed do/ /de ci'i phyir zhe na/ 'di ltar rnam par shes pa la gang la sbyar bar bya ba 'am/ dbye bar bya ba'i ngo bo nyid med pa'i phyir ro/ /sbyin pa'i pha rol tu phyin pa la sbyor bar mi byed 'byed par mi byed do/ /de ci'i phyir zhe na/ 'di ltar de la gang sbyar bar bya ba 'am/ dbye bar bya ba'i ngo bo nyid med pa'i phyir ro/ /de bzhin du shes rab kyi pha rol du phyin pa dang / sangs rgyas kyi chos ma 'dres pa bcwa brgyad kyi bar dag la yang sbyar bar bya'o/ /gsol pa bcom ldan 'das gal te chos gang la yang gang sbyar bar bgyi ba 'am/ dbye bar bgyi ba'i ngo bo nyid ma mchis lags na/ 'o na byang chub sems dpa' sems dpa' chen pos gang la bslab par bgyi ba'i shes rab kyi pha rol tu phyin pa ji ltar mngon par 'grub par 'gyur lags/ shes rab kyi pha rol tu phyin pa la ma bslab par ni byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par 'tshang rgya bar rngo mi thog lags so/ /bka' stsal pa/ shA ri'i bu de de bzhin te/ de de bzhin no/ /ji skad smras pa de bzhin te/ shes rab kyi pha rol tu phyin pa la ma bslab par byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par 'tshang rgya bar mi nus te/ de yang thabs la mkhas pas yin gyi thabs la mi mkhas pas ni ma yin no/ /shA ri'i bu gal te byang chub sems dpa' sems dpa' chen po shes rab kyi pha rol tu phyin pa la spyod pa</font><hr>36.117a<br><font size=+1>

chos 'ga' zhig gi rang bzhin dmigs na ni/ de dag 'dzin par 'gyur ba zhig na ci ste mi dmigs go/ /'di ni shes rab kyi pha rol tu phyin pa'o/ /'di ni bsam gtan gyi pha rol tu phyin pa'o/ /'di ni brtson 'grus kyi pha rol tu phyin pa'o/ /'di ni bzod pa'i pha rol tu phyin pa'o/ /'di ni tshul khrims kyi pha rol du phyin pa'o/ /'di ni sbyin pa'i pha rol tu phyin pa'o/ /'di ni gzugs so/ /'di ni rnam par shes pa'i bar dag go/ /'di ni sangs rgyas kyi chos rnams kyi bar dag go zhes bya bar ci zhig 'dzin par 'gyur te/ byang chub kyi bar dag kyang dmigs su med na de ci zhig 'dzin par 'gyur/ shA ri'i bu shes rab kyi pha rol tu phyin pa ni gzung du med pa ste/ sangs rgyas kyi chos rnams kyi bar dag kyang gzung du med pa yin no/ /shA ri'i bu pha rol tu phyin pa 'di ni 'dzin pa med pa'i pha rol tu phyin pa ste/ 'di ltar shes rab kyi pha rol tu phyin pa'o/ /de la byang chub sems dpa' sems dpa' chen pos bslab par bya ste/ de la slob pa'i byang chub sems dpa' sems dpa' chen po ni slob pa yang mi dmigs na byang chub lta ci smos/ shes rab kyi pha rol tu phyin pa lta yang ci smos/ byang chub sems dpa'i chos rnams lta yang ci smos/ sangs rgyas kyi chos rnams lta yang ci smos/ rang sangs rgyas kyi chos rnams dang / nyan thos kyi chos rnams dang / so so'i skye bo'i chos rnams lta yang ci smos/ de ci'i phyir zhe na/ shA ri'i bu 'di ltar chos gang la yang ngo bo nyid med pa'i phyir te de la ngo bo nyid med pa'i chos thams cad la ni so so'i skye bo'i chos rnams kyang gang zhig yin/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas kyi chos rnams dang / dgra bcom pa nyid dang / rang byang chub dang / byang chub sems dpa' dang / yang dag par rdzogs pa'i sangs rgyas kyang gang zhig yin/ gal te gang zag de dag dmigs su med na chos gang dag gis 'di ni so so'i skye bo'o/ /'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag go zhes bya bar rjod pa'i chos de dag kyang 'byung bar ga la 'gyur/ gsol pa/ bcom ldan 'das chos thams cad dngos po ma mchis pa la 'di ni so so'i</font><hr>36.117b<br><font size=+1>

skye bo lags so/ /'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag lags so zhes bgyi ba gang nas 'byung zhing mchis par 'gyur lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu ci gzugs la ji ltar byis pa so so'i skye bo mngon par zhen par gyur pa lta bu'i dngos po yod par gyur tam/ yod par 'gyur ram/ gsol pa/ bcom ldan 'das so so'i skye bo bslad pa'i sems kyis gzugs so zhes mngon par zhen pa ma gtogs par de ni ma mchis lags so/ /bka' stsal pa/ shA ri'i bu ci tshor ba dang / 'du shes dang / 'du byed rnams dang / rnam par shes pa la ji ltar byis pa so so'i skye bo mngon par zhen par gyur pa lta bu'i dngos po yod par gyur tam yod par 'gyur ram/ de bzhin du sbyar te shA ri'i bu 'di ji snyam du sems/ sangs rgyas kyi chos thams cad kyi bar dag la ji ltar byis pa so so'i skye bo mngon par zhen par gyur pa de lta bu'i dngos po yod par gyur tam/ yod par 'gyur 'am/ gsol pa/ bcom ldan 'das so so'i skye bo bslad pa'i sems kyis rnam par shes pa'i bar dag dang / sangs rgyas kyi chos thams cad kyi bar dag la dngos por rtog pa ma gtogs par de ni ma mchis lags so/ /bcom ldan 'das kyis bka' stsal pa/ shA ri'i bu de de bzhin no/ /de de bzhin te/ so so'i skye bo ni bslad pa'i sems kyis dngos po med pa'i sems kyis dngos po med pa'i chos rnams la dngos por rtog ste/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa/ thabs la mkhas pas chos de dag thams cad dngos po med par mthong nas bla na med pa yang dag par rdzogs pa'i byang chub la zhugs so/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das thabs la mkhas pa gang gis byang chub sems dpa' sems dpa' chen pos chos thams cad dngos po ma mchis par yang dag par rjes su mthong nas bla na med pa yang dag par rdzogs pa'i byang chub la zhugs pa'i byang chub sems dpa'</font><hr>36.118a<br><font size=+1>

sems dpa' chen po'i thabs la mkhas pa de gang lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa/ dngos po gang la khong khro bar 'gyur ba dang / gang la khong khro bas zhum par 'gyur ba dang / zhum nas kyang sgyid lug par 'gyur ba dang / sgyid lug nas le lor 'gyur ba'i chos kyi dngos po gang yang yang dag par rjes su mi mthong ste/ shA ri'i bu 'di ltar sems can bdag tu rmongs pa dag phung po rnams zhes bya ba 'am/ khams rnams zhes bya ba 'am/ skye mched rnams shes bya bar mngon par zhen pa ma gtogs par chos thams cad ni dngos po med pa dang / srog med pa dang / srog dang bral ba dang / dngos po med pa'i ngo bo nyid dang / rang bzhin gyis stong pa dang / rang gi mtshan nyid stong pa nyid yin te/ de'i phyir byang chub sems dpa' sems dpa' chen po shes rab kyi pha rol du phyin pa la spyod pa/ chos thams cad dngos po med pa'i ngo bo nyid dang / rang bzhin gyis stong pa dang / rang gi mtshan nyid stong pa nyid du yang dag par rjes su mthong nas lus sgyu ma mkhan lta bur byin gyis brlabs shing / sems can rnams la chos ston par byed de/ sems can gang dag ser sna dang ldan pa de dag la ni sbyin pa'i gtam byed do/ /sems can tshul khrims 'chal pa rnams la ni tshul khrims kyi gtam byed do/ /sems can gnod sems kyi sems dang ldan pa rnams la ni bzod pa'i gtam byed do/ /sems can le lo can rnams la ni brtson 'grus kyi gtam byed do/ /sems can sems rnam par g.yengs pa rnams la ni ting nge 'dzin gyi gtam byed do/ /sems can shes rab 'chal pa rnams la ni shes rab kyi gtam byed do/ /des gang gi tshe sems can rnams sbyin pa la bkod par gyur pa dang / shes rab kyi bar la bkod par gyur pa de'i tshe sems can de dag la gtam gang gis rgyun du zhugs pa'i 'bras bu thob par 'gyur ba dang / dgra bcom pa nyid kyi bar dag thob par 'gyur ba dang / rang byang chub thob</font><hr>36.118b<br><font size=+1>

par 'gyur ba dang / rnam pa thams cad mkhyen pa nyid kyi bar dag thob par 'gyur ba'i gtam 'phags shing nges par 'byin pa dag kyang byed do/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa gang gis sems can ma mchis shing mchis pa ma lags pa dag sbyin pa la rab tu 'god par bgyid cing shes rab kyi pha rol tu phyin pa'i bar dag la rab tu 'god par bgyid kyi steng du/ bka' mchid gang gis rgyun du zhugs pa'i 'bras bu 'thob pa dang / rnam pa thams cad mkhyen pa nyid kyi bar dag 'thob par 'gyur ba'i bka' mchid 'phags shing nges par 'byin pa dag bgyid na/ ji ltar dmigs pa ma mchis par 'gyur lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa la ni dmigs pa 'ga' yang med do/ /de ci'i phyir zhe na/ 'di ltar byang chub sems dpa' sems dpa' chen po shes rab kyi pha rol tu phyin pa la spyod pa des ni kun rdzob kyi brdas tha snyad 'dogs pa ma gtogs par sems can gang yang mi dmigs pa'i phyir ro/ /shA ri'i bu de la byang chub sems dpa' sems dpa' chen po ni bden pa gnyis la gnas te/ sems can rnams la chos ston par byed kyang / shA ri'i bu bden pa gnyis po dag la ni sems can dmigs pa yang med sems can du gdags pa yang med mod kyi/ 'on kyang byang chub sems dpa' sems dpa' chen po thabs la mkhas pas shes rab kyi pha rol du phyin pa la spyod pa sems can rnams la chos ston cing / des sems can de dag kyang tshe 'di nyid la bdag tu yang mi dmigs na gang 'thob par 'gyur ba dang / gang gis thob par 'gyur ba dag lta smos kyang ci dgos te/ shA ri'i bu byang chub sems dpa' sems dpa' chen po shes rab kyi pha rol du phyin pa la spyod pa ni de ltar thabs la mkhas pas sems can rnams la chos ston par byed do/ /de skad ces bka' stsal pa</font><hr>36.119a<br><font size=+1>

dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das a la la 'di lta ste/ byang chub sems dpa' sems dpa' chen pos chos gang yang gcig pa 'am/ tha dad pa 'am/ so so bar yang mi dmigs la/ go cha gang 'tshal bas 'dod pa'i khams na yang mi gda' gzugs kyi khams na yang mi gda'/ gzugs ma mchis pa'i khams na yang mi gda'/ 'dus byas kyi khams na yang mi gda'/ 'dus ma byas kyi khams na yang mi gda' la/ sems can rnams khams gsum nas yongs su thar bar bgyid kyang sems can dang / sems can du gdags pa yang mi dmigs pa de lta bu'i go cha 'tshal ba de ni/ bcom ldan 'das spro ba che ba lags so/ /sems can du gdags pa ma mchis pas sems can ma bcings ma grol la/ sems can ma bcings ma grol bas/ kun nas nyon mongs pa ma mchis shing / rnam par byang ba ma mchis lags so/ /kun nas nyon mongs pa ma mchis la/ rnam par byang ba ma mchis pas 'gro ba'i bye brag kyang ma mchis lags so/ /'gro ba'i bye brag ma mchis pa la ni las kyang ma mchis/ nyon mongs pa rnams kyang ma mchis lags so/ /las ma mchis shing nyon mongs pa ma mchis pa la ni rnam par smin pa gang gis bdag gam/ sems can dag 'gro ba lnga'i 'khor ba na gda' bar 'gyur ba'i rnam par smin pa mchis par yang ga la 'gyur lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu de de bzhin te/ de de bzhin no/ /ji skad smras pa de bzhin te/ shA ri'i bu gal te sems can zhig sngon yod par gyur la/ phyis med par gyur na ni de'i phyir de ltar sngon yod par gyur la/ phyis med par 'gyur ro zhes byang chub sems dpa' dang / de bzhin gshegs pa la yang skyon du 'gyur zhing / 'gro ba lnga'i 'khor ba yang sngon dngos po yod par gyur la/ phyis dngos po med par gyur na/ de yang skyon du 'gyur ba zhig na/ shA ri'i bu 'di ltar de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos nyid</font><hr>36.119b<br><font size=+1>

dang / de bzhin nyid dang / ma nor ba de bzhin nyid 'di ni gnas pa ste/ de la bdag kyang med/ sems can yang med/ srog kyang med gang zag kyang med/ byed pa po yang med/ byed du 'jug pa po yang med na/ de la gzugs lta ga la yod/ tshor ba dang / 'du shes dang / 'du byed rnams lta yang ga la yod/ rnam par shes pa lta yang ga la yod de/ med cing yod pa ma yin pa'i chos de dag la gang las/ sems can rnams yongs su thar bar bya ba'i 'gro ba lnga'i 'khor ba lta yang yod par ga la 'gyur te/ shA ri'i bu de'i phyir chos 'di dag ni de ltar rang bzhin gyis stong pa nyid yin no/ /de la byang chub sems dpa' sems dpa' chen pos sngon gyi de bzhin gshegs pa dgra bcom pa yang dag par rdzogs pa'i sangs rgyas rnams las thos nas/ bla na med pa yang dag par rdzogs pa'i byang chub la zhugs te gang la byis pa so so'i skye bo phyin ci log gis rmongs par gyur pa rnams mngon par zhen pa ma gtogs par gang la mos par nus pa'i chos kyi ngo bo nyid gang yang dmigs su med do/ /byang chub sems dpa' sems dpa' chen po ni de ltar go cha gang la bgos pas bla na med pa yang dag par rdzogs pa'i byang chub las phyir mi ldog pa dang / bdag gis bla na med pa yang dag par rdzogs pa'i byang chub mngon par rdzogs par 'tshang mi rgya bar mi bya'i/ bdag gis ni bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam pa dang / mngon par rdzogs par sangs rgyas nas kyang don gang gis sems can rnams phyin ci log las yongs su thar bar 'gyur ba de lta bu'i chos kyis sems can rnams kyi don bya'o zhes de lta bu'i go cha bgos pa yin no/ /shA ri'i bu 'di lta ste dper na/ sgyu ma mkhan gyis sprul pa'i mi zhig gis srog chags bye ba khrag khrig 'bum phrag mang po dag cig sprul nas/ de sprul pa de dag la bza' ba dang / bca' ba nyams su bsod pa mang po dag stobs shing tshim par byed de/ bstabs shing tshim par byas nas kyang / bdag gis ni bsod nams mang du spel to/ /zhes ched du brjod pa ched du rjod</font><hr>36.120a<br><font size=+1>

par byed na/ shA ri'i bu 'di ji snyam du sems/ de la bstabs shing tshim par byas pa gang yang yod snyam 'am/ gsol pa/ bcom ldan 'das de ni ma lags so/ /bka' stsal pa/ shA ri'i bu de bzhin du byang chub sems dpa' sems dpa' chen po yang sems dang po bskyed pa nas bzung ste/ pha rol du phyin pa drug la spyod pa dang / bsam gtan bzhi la spyod pa dang / tshad med pa bzhi la spyod pa dang / gzugs med pa'i snyoms par 'jug pa bzhi la spyod pa dang / dran pa nye bar gzhag pa bzhi la spyod pa dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la spyod pa dang / stong pa nyid bcu bzhi dang / mtshan ma med pa dang / smon pa med pa'i ting nge 'dzin dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la spyod cing / byang chub kyi lam yongs su sbyong ba na sangs rgyas kyi zhing yongs su dag par byed cing / sems can rnams yongs su smin par byed kyang gang dmigs nas gdul bar bya ba'i sems can gang yang mi dmigs so/ /shes rab kyi pha rol du phyin pa khri brgyad stong pa/ bam po lnga bcu rtsa bzhi pa/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen pos gang la spyad de/ sems can rnams yongs su smin par bgyi ba dang / sangs rgyas kyi zhing yongs su dag par bgyi ba'i byang chub sems dpa' sems dpa' chen po'i lam gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po ni sems dang po bskyed pa nas bzung ste/ sbyin pa'i pha rol tu phyin pa la spyod par byed tshul khrims kyi pha rol du phyin pa dang / bzod pa'i pha rol tu phyin pa dang / brtson</font><hr>36.120b<br><font size=+1>

'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod par byed/ sangs rgyas kyi chos ma 'dres pa bcwa brgyad kyi bar dag la spyod par byed cing sems can rnams kyang yongs su smin par byed/ sangs rgyas kyi zhing yang yongs su dag par byed do/ /gsol pa/ bcom ldan 'das ji ltar na byang chub sems dpa' sems dpa' chen po sbyin pa'i pha rol tu phyin pa la spyod pa sems can rnams yongs su smin par bgyid pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa sems can rnams la sbyin pa sbyin par byed de/ sbyin pa byin nas kyang 'di ltar 'doms shing rjes su ston te/ rigs kyi bu dag 'di la sbyin pa la sbyin par 'dzin pas 'dzin par ma byed cig /sbyin pa la 'dzin par 'dzin pas lus gang mngon par grub pas sdug bsngal mang po nyams su myong bar 'gyur ba'i lus dag mngon par 'grub par ma byed cig /rigs kyi bu dag 'di la don dam par na sbyin pa yang med/ sbyin bdag kyang med len pa po yang med de/ chos de gsum ni rang bzhin gyis stong pas na rang bzhin gyis stong pa'i chos ni len par mi byed la rang bzhin gyis stong pa nyid la ni gzung ba yang med do zhes rab 'byor byang chub sems dpa' sems dpa' chen po sbyin pa'i pha rol tu phyin pa la spyod cing / de ltar sems can rnams la sbyin pa sbyin par byed kyang de la sbyin pa yang mi dmigs sbyin bdag kyang mi dmigs len pa po yang mi dmigs so/ /de ni mi dmigs pa'i pha rol tu phyin pa ste/ 'di ltar sbyin pa'i pha rol du phyin pa'o/ /de chos gsum po de dag thams cad mi dmigs pas sems can rnams rgyun du zhugs pa'i 'bras bu la sbyor bar byed do/ /de bzhin du sbyar te/ bla na med pa yang dag par rdzogs pa'i byang chub kyi bar dag la sbyor bar byed de/ byang chub sems dpa' sems dpa' chen po sbyin pa'i pha rol tu phyin pa la spyod cing sems can rnams yongs su smin par byed de/ de bdag kyang sbyin pa sbyin par byed la gzhan dag kyang sbyin pa yang dag par 'dzin du 'jug cing sbyin pa'i bsngags pa yang rjod la gzhan gang</font><hr>36.121a<br><font size=+1>

dag sbyin pa sbyin par byed pa de dag gi bsngags pa yang rjod cing rjes su dga' bar byed do/ /byang chub sems dpa' sems dpa' chen po sbyin pa de lta bu byin nas/ rgyal rigs shing sa la chen po lta bu dag dang skal pa mnyam par skye'o/ /bram ze'i rigs shing sa la chen po lta bu dag dang skal pa mnyam par skye'o/ /khyim bdag gi rigs shing sa la chen po lta bu dag dang skal pa mnyam par skye'o/ /khams kyi rgyal por 'gyur ba 'am/ 'khor los sgyur ba'i rgyal por 'gyur te 'khor los sgyur ba'i rgyal srid thob nas kyang des sems can rnams bsdu ba'i dngos po bzhis bsdud par byed de/ bzhi gang zhe na/ sbyin pa dang / snyan par smra ba dang / don spyod pa dang / don 'thun pa dag gis sdud par byed do/ /des sems can de dag sbyin pas bsdus nas rim gyis tshul khrims la 'god par byed do/ /ting nge 'dzin dang shes rab dang bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / byang chub kyi phyogs kyi chos sum bcu rtsa bdun gyi bar dag dang / stong pa nyid dang / mtshan ma med pa dang / smon pa med pa'i ting nge 'dzin la 'god par byed do/ /yang dag pa nyid kyi skyon med pa la 'jug par byed do/ /dgra bcom pa nyid dang / rang byang chub kyi bar dag dang / bla na med pa yang dag par rdzogs pa'i byang chub kyi bar dag yang dag par 'dzin du 'jug go/ /kye skyes bu dag bla na med pa yang dag par rdzogs pa'i byang chub ni mngon par rdzogs par 'tshang rgya bar mi dka' ste/ phyin ci log gis rmongs pa'i sems kyis ma rtogs pa ma gtogs par gang la sems can rnams chags pa'i chos gang yang ngo bo nyid kyis yod pa ma yin gyis/ de'i phyir khyed cag gis phyin ci log tu 'dzin pa thams cad spongs la/ bdag kyang 'khor ba las thar bar gyis shig /gzhan dag kyang thar bar gyis shig /de ltar khyed cag gis bdag cag kyang don che bar gyis la/ gzhan dag kyang don chen po la sbyor bar gyis shig ces/ rab 'byor de ltar byang chub sems dpa' sems dpa' chen pos sbyin pa'i pha rol tu phyin pa la spyad par bya ste/ de ltar spyod pa'i tshe sems dang po bskyed pa nas</font><hr>36.121b<br><font size=+1>

bzung ste/ gzhan yang ngan song du mi ltung ba dang / nam yang 'khor los sgyur ba'i rgyal po mi byed par mi 'gyur ba de ltar spyod do/ /de ci'i phyir zhe na/ sa bon ci 'dra ba 'bras bu yang de 'dra ba'i phyir ro/ /'khor los sgyur ba de'i drung du slongs mo pa gang dag lhags na/ 'khor los sgyur ba'i rgyal po de 'di snyam du sems te/ bdag gis 'khor los sgyur ba'i rgyal srid yongs su bzung ba ni sems can rnams kyi don ma gtogs par gzhan gyi phyir ma yin no snyam nas/ de 'di skad du gang ci 'dod pa de dag khyed cag la byin zin gyis/ de'i phyir 'di ni khyed kyi yin gyi nga'i ma yin no/ /nga ni nang gi gzugs 'di yang don du gnyer ba ma yin na gzhan dag lta ci smos te/ ngas sems can thams cad kyi don du 'khor ba yongs su bzung ba ma gtogs par/ nga ni 'khor ba don du gnyer ba ma yin no zhes zer te/ de snying rje bas snying rje chen po yongs su rdzogs par byas nas/ ji tsam du snying rje chen po yongs su rdzogs par byas shing sems can rnams kyi don byed kyang ming dang btags pa dang / brdas tha snyad 'dogs pa ma gtogs par gang dag yongs su grub par 'gyur ba de lta bu'i sems can dag mi dmigs te/ tha snyad de yang brag cha lta bur tha snyad med par rig par bya'o/ /rab 'byor byang chub sems dpa' sems dpa' chen pos ji ltar spyad pas sems can rnams la rdzas yongs su mi gtong bar mi 'gyur ba ci yang med de/ cher na bdag gi sha dag kyang yongs su gtong bar byed na/ yo byad gang dag gis sems can rnams 'khor ba las yongs su thar bar bya ba'i phyir phyi rol gyi yo byad dag lta smos kyang ci dgos pa de ltar sbyin pa'i pha rol tu phyin pa la spyad par bya'o/ /gsol pa bcom ldan 'das yo byad de dag gang lags/ bka' stsal pa/ rab 'byor yo byad de dag gang zhe na/ 'di lta ste/ sbyin pa'i pha rol tu phyin pa ni yo byad do/ /tshul khrims kyi pha rol du phyin pa ni yo byad do/ /bzod pa'i pha rol tu phyin pa ni yo byad do/ /brtson 'grus kyi pha rol tu phyin pa ni yo byad do/ /bsam gtan gyi pha rol tu phyin pa ni yo byad do/ /shes rab kyi pha rol tu phyin pa ni yo byad do/ /sangs rgyas kyi</font><hr>36.122a<br><font size=+1>

chos ma 'dres pa bcwa brgyad kyi bar dag ni yo byad do/ /de dag ni yo byad yin te/ yo byad de dag gis phan btags pa'i sems can rnams ni 'khor ba las yongs su thar bar 'gyur ro/ /rab 'byor gzhan yang byang chub sems dpa' sems dpa' chen po sbyin pa'i pha rol tu phyin pa la gnas nas sems can rnams la sbyin pa sbyin par byed pa de'i tshe/ tshig 'di skad ces brjod de/ rigs kyi bu dag tshur shog /ngas khyed cag zas dang skom dang / gos dang yo byad gang yang rung ba'i bar dag gis brel ba med par byas/ khyed cag tshul khrims srungs shig /khyed cag zas sam skom 'am/ rin po che sna bdun gyi bar dag gam/ gang gis phongs nas tshul khrims 'chal par byed pa de dag ngas brel ba med par byas/ khyed cag ji nas kyang tshul khrims kyi sdom pa la gnas nas theg pa gsum po nyan thos kyi theg pa 'am/ rang sangs rgyas kyi theg pa 'am/ rnam pa thams cad mkhyen pa nyid kyi theg pa chen po gang yang rung bas rim gyis sdug bsngal gyi mthar phyin par gyis shig ces/ rab 'byor byang chub sems dpa' sems dpa' chen po sbyin pa'i pha rol tu phyin pa la gnas nas/ de ltar tshul khrims kyi pha rol du phyin pas sems can rnams bsdud par byed do/ /rab 'byor gzhan yang byang chub sems dpa' sems dpa' chen po sbyin pa'i pha rol du phyin pa la gnas nas/ sems can gang dag 'khrug pa dang / gnod sems kyi sems dang ldan pa'i sems can de dag la tshig 'di skad ces brjod de/ rigs kyi bu dag khyed cag rgyu gang gis phongs nas/ 'khrug par byed pa 'am/ gnod sems su byed pa 'am/ skyon 'dogs par byed pa'i zas sam/ skom 'am yo byad gang yang rung ba'i bar dag nga las long shig dang / ngas khyed cag phongs pa med par byas/ de'i phyir khyed cag 'khrug pa dang / gnod sems su ma byed cig /nga yang khyed kyi yin la khyed kyang nga'i yin te/ nga la ci bdogs pa de yang khyed kyi yin gyis su la ci dgos pa dag long shig dang / ngas khyed cag zas</font><hr>36.122b<br><font size=+1>

dang skom dang / gos dang yo byad gang yang rung ba'i bar dag gis phongs pa med par byas/ ci nas kyang khyed cag khro ba dang / gnod sems kyi dbang du mi 'gyur bar gyis shig ces de ltar byang chub sems dpa' sems dpa' chen po sbyin pa'i pha rol du phyin pa la gnas nas/ sems can de dag bzod pa la sbyor bar byed de/ khyed cag gang gi phyir khro ba skye bar 'gyur ba de ni snying po med pa ste/ de la ni dngos po gang yang med do/ /khro ba de ni yang dag pa ma yin par yongs su brtags pas khyed cag gang gi phyir mngon par chags pa dang / 'khrug pa dang / gnod sems su byed cing / mngon par chags pa dang / 'khrug pa dang / gnod sems su gyur nas kyang dbyig pas rdeg pa dang / mtshon gyis 'debs shing / gcig gis gcig srog dang 'bral bar byed pa de la ni dngos po gang yang med do/ /de'i phyir khyed cag yang dag pa ma yin pa'i kun du rtog pas 'khrugs par gyur na sems can dmyal bar ltung bar 'gyur ba 'am/ dud 'gro'i skye gnas sam/ gshin rje'i 'jig rten nam/ de las gzhan pa'i ngan 'gro dag tu ltung bar 'gyur te/ der khyed cag sdug bsngal mi bzad pa/ rtsub pa/ tsha ba dag gi tshor ba myong bar 'gyur gyis/ kye skyes bu dag las gang yongs su bzung bas mir skye ba yang thob par mi 'gyur na/ sangs rgyas 'byung ba dang phrad par 'gyur ba lta smos su yang med pa de lta bu'i dngos po med pa'i chos rnams kyi don gyi las yongs su ma 'dzin cig /kye skyes bu dag sangs rgyas 'byung ba ni rnyed par dka'o/ /mir skye ba yang rnyed par dkas/ dal ba 'di chud gzan par ma byed cig /mi khom par gyur cing / gsor mi rung bar gyur ta re zhes de ltar byang chub sems dpa' sems dpa' chen po bdag kyang bzod pa sgrub par byed la/ gzhan dag kyang bzod pa la sbyor bar byed cing bzod pa'i bsngags pa yang brjod la/ gzhan gang dag bzod pa sgom pa de dag gi bsngags pa yang brjod cing rjes su dga' bar byed do/ /des sems can de dag bzod pa la sbyar cing bzod pa la</font><hr>36.123a<br><font size=+1>

bkod nas/ theg pa gsum gyis rim gyis yongs su mya ngan las 'da' bar byed de/ rab 'byor de ltar byang chub sems dpa' sems dpa' chen po sbyin pa'i pha rol tu phyin pa la gnas nas/ sems can rnams bzod pa la sbyor ba yin no/ /rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing sems can rnams brtson 'grus kyi pha rol du phyin pa la sbyor bar byed ce na/ rab 'byor 'di la byang chub sems dpa' sems dpa' chen pos sems can le lo can dag mthong na/ 'di skad du sems can khyed cag ci'i phyir le lo byed ces 'doms par byed do/ /de dag rkyen dang mi ldan pa'i phyir ro zhes zer na/ byang chub sems dpa' sems dpa' chen po sbyin pa'i pha rol du phyin pa la spyod pa/ sems can de dag la 'di skad du/ kye skyes bu dag ngas gang khyed cag la sbyin pa'i rkyen tam/ tshul khrims kyi rkyen tam/ bzod pa'i rkyen tam/ rnam pa gzhan gang dag gis brtson 'grus rtsom par 'gyur ba de dag thams cad nye bar bsgrub par byas/ khyed cag brtson 'grus brtsoms shig ces zer te/ der sems can de dag byang chub sems dpa' sems dpa' chen po de'i yo byad de dag gis lus dang sems kyi brtson 'grus rtsom par byed de/ de dag lus dang sems kyi brtson 'grus dang ldan pas/ dge ba'i chos thams cad yongs su rdzogs par byed do/ /dge ba'i chos de dag gis 'phags pa zag pa med pa'i chos thams cad sgom par byed do/ /de dag bsgoms pas rgyun du zhugs pa'i 'bras bu thob par 'gyur ro/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par 'gyur ro/ /rang byang chub thob par 'gyur ro/ /bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rab 'byor de ltar byang chub sems dpa' sems dpa' chen po sbyin pa'i pha rol tu phyin pa la spyod pa/ sems can rnams brtson 'grus kyi pha rol tu phyin pa la sbyor ba yin no/ /rab 'byor</font><hr>36.123b<br><font size=+1>

ji ltar na byang chub sems dpa' sems dpa' chen po sbyin pa'i pha rol du phyin pa la spyod pa/ sems can rnams bsam gtan gyi pha rol du phyin pa la sbyor bar byed pa yin zhe na/ rab 'byor 'di la byang chub sems dpa' sems dpa' chen pos sems can sems rnam par g.yengs pa dag mthong na/ 'di skad du/ kye skyes bu dag khyed cag ci'i phyir bsam gtan gyi pha rol tu phyin pa la snyoms par mi 'jug ces 'doms par byed do/ /de dag 'di skad du rkyen dang mi ldan pa'i phyir ro zhes zer na/ byang chub sems dpa' sems dpa' chen po sbyin pa'i pha rol tu phyin pa la spyod pa sems can de dag la 'di skad du/ kye skyes bu dag ngas khyed cag rkyen gang dag gis 'di ni nang ngo / /'di ni phyi rol lo/ /'di ni nang dang phyi rol lo/ /zhes rnam par rtog par mi 'gyur ba de lta bu'i rkyen dag nye bar bsgrub par bya'o zhes zer te/ der byang chub sems dpa' sems dpa' chen po des sems can de dag la rkyen gang dang gang dag gis rnam par rtog par mi 'gyur ba de lta bu'i rkyen dag nye bar sgrub par byed do/ /des sems can de dag rnam par rtog pa'i rgyun chad nas bsam gtan dang po bsgrubs te gnas so/ /bsam gtan gnyis pa dang / gsum pa dang bzhi pa bsgrubs te gnas so/ /byams pa dang snying rje dang / dga' ba dang btang snyoms dag la snyoms par 'jug go/ /de dag bsam gtan de dag dang / tshad med pa de dag gis 'phags pa'i lam yan lag brgyad pa'i bar dag sgom par byed do/ /de dag bsgoms nas theg pa gsum po dag gis rim gyi yongs su mya ngan las 'da' bar 'gyur ro/ /de dag las kha cig ni bla na med pa yang dag par rdzogs pa'i byang chub mngon par rdzogs par sangs rgyas kyi bar du/ byang chub kyi lam las yongs su mi nyams te/ rab 'byor de ltar byang chub sems dpa' sems dpa' chen po sbyin pa'i pha rol du phyin pa la spyod pa/ sems can rnams ting nge 'dzin gyi pha rol tu phyin pa la sbyor bar byed pa yin no/ /rab 'byor ji ltar na byang chub sems dpa' sems dpa' chen po sbyin pa'i pha rol du phyin pa</font><hr>36.124a<br><font size=+1>

la spyod pa/ sems can rnams shes rab kyi pha rol tu phyin pas yongs su bsdud pa yin zhe na/ rab 'byor 'di la byang chub sems dpa' sems dpa' chen pos sems can shes rab 'chal ba dag mthong na/ 'di skad du kye sems can dag khyed cag ci'i phyir shes rab kyi pha rol tu phyin pa bsgom par mi byed ces 'doms shing rjes su ston par byed do/ /de dag 'di skad du/ rkyen dang mi ldan pa'i phyir ro zhes zer na/ byang chub sems dpa' sems dpa' chen po sbyin pa'i pha rol du phyin pa la gnas nas/ sems can de dag la 'di skad du/ kye sems can dag nga las yo byad dag long shig /nga las yo byad dag blangs nas kyang sbyin pa byin cig /tshul khrims bsrungs shig /bzod pa bsgrubs shig /brtson 'grus brtsoms shig /bsam gtan sgoms shig /rnam pa de dag yongs su rdzogs nas kyang 'di ltar shes rab kyi pha rol tu phyin pa sgom pa la/ bdag gam sems can nam srog gam/ gso ba 'am/ gang zag gam/ shes pa po dang mthong ba po dang / byed pa po'i bar dag gam/ 'dod pa'i khams sam/ gzugs kyi khams sam/ gzugs med pa'i khams sam/ pha rol tu phyin pa drug gam/ byang chub kyi phyogs kyi chos sum bcu rtsa bdun nam/ rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub 'am/ bla na med pa yang dag par rdzogs pa'i byang chub 'am/ gang dmigs par 'gyur ba'i chos gang yang yod dam/ tshol cig ces 'doms shing rjes su ston to/ /byang chub sems dpa' sems dpa' chen po shes rab kyi pha rol tu phyin pa la spyod pa ni gang la dmigs shing mngon par zhen par 'gyur ba'i chos gang yang mi dmigs so/ /de mngon par zhen pa med pas chos gang yang skye ba 'am/ 'gag pa 'am kun nas nyon mongs pa 'am/ rnam par byang bar yang dag par rjes su mi mthong ngo / /des de dag yang dag par rjes su ma mthong bas 'di ni sems can dmyal ba'o/ /'di ni dud 'gro'i skye</font><hr>36.124b<br><font size=+1>

gnas pa'o/ /'di ni gshin rje'i 'jig rten pa'o/ /'di ni lha ma yin gyi ris so/ /'di ni lha'o/ /'di ni mi'o/ /'di ni tshul khrims dang ldan pa'o/ /'di ni tshul khrims 'chal pa'o/ /'di ni rgyun du zhugs pa'o/ /'di ni lan cig phyir 'ong ba'o/ /'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so/ /'di ni de bzhin gshegs pa dgra bcom pa yang dag par rdzogs pa'i sangs rgyas so/ /zhes bya bar rnam par mi rtog ste/ rab 'byor de ltar byang chub sems dpa' sems dpa' chen po sbyin pa'i pha rol tu phyin pa la spyod pa sems can rnams shes rab kyi pha rol tu phyin pa la yongs su bsdud par byed pa yin no/ /rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la gnas/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas nas/ byang chub kyi phyogs kyi chos sum bcu rtsa bdun gyi bar dag yongs su 'dzin par byed ce na/ rab 'byor 'di la byang chub sems dpa' sems dpa' chen pos sems can rnams la yo byad dag sbyin par byed de/ yo byad de dag gis yongs su bsdus pa'i sems can rnams ni dran pa nye bar gzhag pa bzhi sgom par byed do/ /yang dag par spong ba bzhi sgom par byed do/ /rdzu 'phrul gyi rkang pa bzhi sgom par byed do/ /dbang po lnga dang stobs lnga dang / byang chub kyi yan lag bdun dang 'phags pa'i lam yan lag brgyad pa dag sgom par byed do/ /lam des yongs su zin par gyur pa ni/ 'khor ba ji snyed pa las yongs su thar bar 'gyur te/ rab 'byor de ltar byang chub sems dpa' sems dpa' chen po 'phags pa zag pa med pa'i chos rnams kyi sems can rnams yongs su 'dzin par byed pa yin no/ /rab 'byor gzhan yang byang chub sems dpa' sems dpa' chen po sbyin pa'i pha rol tu phyin pa la spyod pa/ sems can mgon med pa sdug bsngal ba/ zas dang skom gyis phongs pa dag mthong na/ 'di ltar</font><hr>36.125a<br><font size=+1>

yongs su smin par byed de/ rigs kyi bu dag tshur sheg /khyed cag nga las zas dang / skom dang gos dang bzhon pa dang mal cha dang stan dang / spos dang me tog phreng dang / byug pa dang / rin po che sna bdun dang yo byad gang yang rung ba'i bar dag long la/ sems can rnams la phan thogs shig dang / de ni khyed cag la yun ring po'i don dang / phan pa dang bde bar 'gyur ro/ /'di ni nga'i don yin gyi/ khyed cag gi ma yin no/ /snyam du bsam par mi bya bar 'di ni bdag gis yun ring po nas sems can rnams kyi don du bsgrubs pa yin no snyam du de ltar khyed kyis bdag rang gi yin no snyam du sems la sems can rnams la sbyin pa byin cig /sbyin pa des kyang tshul khrims la sbyor cig /bzod pa la sbyor cig /brtson 'grus la sbyor cig /ting nge 'dzin la sbyor cig /bsam gtan la sbyor cig /shes rab la sbyor cig /byang chub kyi phyogs kyi chos sum bcu rtsa bdun gyi bar dag la sbyor cig /de tsam gyis chog par ma 'dzin par gong du 'phags pa'i chos zag pa med pa rnams la yang khod cig /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la khod cig ces rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas ji ltar yongs su smin par byas pas sems can rnams ngan song gsum po dag las yongs su thar bar 'gyur ba dang 'khor ba thams cad kyi bar dag las yongs su thar bar 'gyur ba de ltar sems can rnams yongs su smin par bya'o/ /rab 'byor gzhan yang byang chub sems dpa' sems dpa' chen pos tshul khrims kyi pha rol tu phyin pa la gnas te/ 'di ltar sems can rnams yongs su smin par bya'o/ /rigs kyi bu dag tshur sheg /khyed cag zas sam/ skom 'am/ mi'i yo byad gang yang rung ba'i bar dag gis phongs nas tshul khrims 'chal bar byed pa'i yo byad de dag ngas nye bar bsgrub par bya'o zhes des sems can de dag</font><hr>36.125b<br><font size=+1>

tshul khrims kyi pha rol tu phyin pa la bkod nas kyang phan gdags pa ji lta bus phan btags pas dge ba bcu'i las kyi lam yang dag par len par 'gyur zhing tshul khrims ma ral ba dang / tshul khrims nag nog med par gyur pa de dag tshul khrims kyi sdom pa la gnas par 'gyur ba de lta bu'i phan gdags pas phan 'dogs par byed de/ pha rol tu phyin pa drug gi bar dag la yang de bzhin du sbyar bar bya'o/ /shes rab kyi pha rol tu phyin pa khri brgyad stong pa las/ sems can yongs su smin par bya ba'i go cha'i le'u zhes bya ste/ bdun bcu rtsa drug pa'o// // de nas tshe dang ldan pa rab 'byor 'di snyam du sems te/ gang la gnas nas byang chub sems dpa' sems dpa' chen pos de lta bu'i go cha bgo bar bya ba'i byang chub sems dpa' sems dpa' chen po'i lam de gang yin snyam mo/ /de nas bcom ldan 'das kyis tshe dang ldan pa rab 'byor gyi sems kyi yongs su rtogs pa thugs kyi mkhyen nas/ tshe dang ldan pa rab 'byor la 'di skad ces bka' stsal to/ /rab 'byor pha rol du phyin pa drug ni byang chub sems dpa' sems dpa' chen po'i lam mo/ /byang chub kyi phyogs kyi chos sum bcu rtsa bdun ni byang chub sems dpa' sems dpa' chen po'i lam mo/ /stong pa nyid bcu bzhi dang / mthar gyis gnas pa'i snyoms par 'jug pa dgu dang / rnam par thar pa brgyad dang / de bzhin gshegs pa'i stobs bcu dang / sangs rgyas kyi chos ma 'dres pa bcwa brgyad ni byang chub sems dpa' sems dpa' chen po'i lam mo/ /rab 'byor gzhan yang chos thams cad ni byang chub sems dpa' sems dpa' chen po'i lam yin no/ /rab 'byor 'di ji snyam du sems/ gang la byang chub sems dpa' sems dpa' chen pos bslab par mi bya ba dang / gang la ma bslabs pas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i chos 'ga' zhig yod snyam 'am/ rab 'byor gang la byang chub sems dpa' sems dpa' chen pos bslab par mi bya ba dang / byang chub sems dpa' sems dpa' chen</font><hr>36.126a<br><font size=+1>

pos chos thams cad la ma bslab par rnam pa thams cad mkhyen pa nyid thob par nus pa'i chos ni gang yang med do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad stong pa lags na/ byang chub sems dpa' sems dpa' chen pos chos thams cad la ji ltar bslab par bgyi ste/ bcom ldan 'das 'di snyed cig go zhe 'am/ 'di dag go zhe 'am/ chos 'di dag ni 'jig rten pa 'am/ 'jig rten las 'das pa 'am/ zag pa dang bcas pa 'am/ zag pa med pa 'am/ 'dus byas sam/ 'dus ma byas sam/ so so'i skye bo'i chos sam/ dgra bcom pa'i chos sam/ rang sangs rgyas kyi chos lags so zhes bgyis na/ ma spros pa spros par bgyid pa 'am gcig tu mi 'gyur lags sam/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ chos thams cad ni stong pa yin no/ /rab 'byor gal te chos thams cad stong pa ma yin du zin na ni/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ba zhig na/ rab 'byor 'di ltar chos thams cad ni stong pa yin te/ de'i phyir byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /rab 'byor yang gang khyod 'di skad du/ gal te chos thams cad stong pa lags na/ ji ltar byang chub sems dpa' sems dpa' chen pos 'di snyed cig go zhe 'am/ 'di dag go zhe 'am so so'i skye bo'i chos sam dgra bcom pa'i chos sam/ rang sangs rgyas kyi chos shes bgyi ba'i bar du ji ltar chos rnams tha dad du bgyid ces zer ba ni/ rab 'byor ci sems can 'di dag gis chos thams cad stong pa'o zhes bya bar shes sam/ gal te de ltar shes na ni byang chub sems dpa' sems dpa' chen po yang chos thams cad la bslabs nas/ rnam pa thams cad mkhyen pa nyid</font><hr>36.126b<br><font size=+1>

'thob par mi 'gyur ba zhig na/ rab 'byor 'di ltar sems can 'di dag gis/ chos thams cad stong pa'o zhes bya bar mi shes te/ de'i phyir byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ chos thams cad rnam par gzhag par byas shing / sems can rnams la chos ston par byed do/ /rab 'byor de la byang chub sems dpa' sems dpa' chen po byang chub kyi lam la spyod pas/ thog ma nyid nas 'di ltar 'di la mngon par 'du byed pa ma gtogs par gang rang gi ngo bo nyid kyis dmigs par 'gyur ba'i chos gang yang med do snyam du nye bar brtag par bya'o/ /de ltar chos de dag gis rang bzhin la nye bar rtog pa na/ pha rol du phyin pa rnams sam/ byang chub kyi phyogs kyi chos sum bcu rtsa bdun nam/ rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub 'am/ bla na med pa yang dag par rdzogs pa'i byang chub 'am/ chos gang la yang mngon par zhen pa med do/ /de ci'i phyir zhe na/ 'di ltar chos thams cad ni chos thams cad kyi ngo bo nyid kyis stong la/ stong pa nyid ni stong pa nyid la mngon par zhen par mi byed de/ stong pa nyid kyang dmigs su med na/ stong pa nyid kyis stong pa nyid la mngon par zhen pa lta smos kyang ci dgos pa'i phyir te/ rab 'byor byang chub sems dpa' sems dpa' chen po ni de ltar chos thams cad la mngon par zhen pa med par gnas so/ /de bslab pa de la gnas nas kyang / sems can 'di dag ci la spyod ces sems can thams cad kyi spyod pa la rnam par lta zhing med pa la 'dzin pa yin no snyam nas/ de la byang chub sems dpa' sems dpa' chen po 'di snyam du sems te/ kye ma bdag gis sems can 'di dag yod pa ma yin pa la 'dzin pa las legs par thar bar bya'o snyam nas/ de thabs la mkhas pas shes rab kyi pha rol du phyin pa la gnas shing / 'di skad du sems can dag tshur sheg /khyed cag sbyin pa byin cig dang / des khyed cag longs spyod dag gis mi brel bar 'gyur ro/ /</font><hr>36.127a<br><font size=+1>

longs spyod de dag gis kyang rlom sems su ma byed cig /de la snying po gang yang med do zhes 'doms par byed do/ /de bzhin du tshul khrims srungs la/ tshul khrims des kyang rlom sems su ma byed cig /de la snying po gang yang med do zhes tshul khrims la 'doms par byed do/ /de bzhin du bzod pa dang / de bzhin du brtson 'grus dang / de bzhin du ting nge 'dzin la snyoms par zhugs shig /de bzhin du shes rab bsgoms shig /shes rab des kyang rlom sems su ma byed cig /de la snying po gang yang med do zhes 'doms par byed do/ /de bzhin du rgyun du zhugs pa'i 'bras bu dang / de bzhin du lan cig phyir 'ong ba'i 'bras bu dang / de bzhin du phyir mi 'ong ba'i 'bras bu dang / de bzhin du dgra bcom pa nyid dang / de bzhin du rang byang chub dang / de bzhin du sangs rgyas kyi chos thams cad kyi bar dag bsgoms la/ chos de dag gis kyang rlom sems su ma byed cig /de la snying po gang yang med do zhes 'doms par byed de/ de ltar 'doms shing rjes su ston par byed pas byang chub kyi lam la spyod kyang / chos gang la yang mngon par zhen pa med do/ /de ci'i phyir zhe na/ chos thams cad ni mngon par zhen pa med pa ste/ stong pa nyid kyi rang bzhin nye bar bzung na/ de la gang gis mngon par zhen par 'gyur ba de lta bu'i ngo bo nyid med pa'i phyir ro/ /rab 'byor de ltar byang chub sems dpa' sems dpa' chen po byang chub kyi lam la spyod kyang / gang la yang mi gnas te/ de gnas pa med pa'i tshul gyis sbyin pa'i pha rol tu phyin pa la spyod kyang de la mi gnas so/ /tshul khrims kyi pha rol tu phyin pa la spyod kyang de la mi gnas so/ /bzod pa'i pha rol du phyin pa la spyod kyang de la mi gnas so/ /brtson 'grus kyi pha rol du phyin pa la spyod kyang de la mi gnas so/ /bsam gtan gyi pha rol du phyin pa la spyod kyang de la mi gnas so/ /shes rab kyi pha rol tu phyin pa la spyod kyang de la mi gnas so/ /de bsam gtan dang po la snyoms par 'jug kyang de la mi gnas so/ /de ci'i phyir zhe na/ 'di ltar bsam gtan dang po ni bsam gtan gyi ngo bo nyid</font><hr>36.127b<br><font size=+1>

kyis stong la/ gang snyoms par 'jug pa de yang stong zhing rnam pa gang dag gis snyoms par 'jug pa'i rnam pa de dag kyang stong pa'i phyir ro/ /de bzhin du bsam gtan gnyis pa dang / bsam gtan gsum pa dang / bsam gtan bzhi pa'i bar dang de bzhin du byams pa dang / snying rje dang dga' ba dang / btang snyoms dang / gzugs med pa'i snyoms par 'jug pa'i bar dag dang / rnam par thar pa brgyad dang / mthar gyis gnas pa'i snyoms par 'jug pa dgu dang / rgyun du zhugs pa'i 'bras bu thob kyang de la mi gnas so/ /lan cig phyir 'ong ba'i 'bras bu thob kyang de la mi gnas so/ /phyir mi 'ong ba'i 'bras bu thob kyang de la mi gnas so/ /dgra bcom pa nyid thob kyang de la mi gnas so/ /rang sangs rgyas kyi sa thob kyang de la mi gnas so/ /rab 'byor gyis gsol pa/ bcom ldan 'das ci'i slad du mi gnas lags/ bka' stsal pa/ rab 'byor rnam pa gnyis kyis mi gnas te/ gnyis gang zhe na/ 'bras bu de dag la gang la gnas par 'gyur ba dang / gang gis gnas par 'gyur ba dang / gang gnas par 'gyur ba'i ngo bo nyid med pa dang / bla na med pa yang dag par rdzogs pa'i byang chub mngon par rdzogs par sangs rgyas kyi bar du de tsam gyis chog par mi 'dzin par bdag gis rgyun du zhugs pa'i 'bras bu thob par mi bya ba ma yin te/ bdag gis rgyun du zhugs pa'i 'bras bu thob nas kyang de la gnas par mi bya'o/ /bdag gis rang sangs rgyas kyi sa'i bar dag thob par mi bya ba ma yin te/ bdag gis rang sangs rgyas kyi sa thob kyang de la gnas par mi bya'o/ /de ci'i phyir zhe na/ 'di ltar bdag gis sems dang po bskyed phyin cad bla na med pa yang dag par rdzogs pa'i byang chub ma gtogs par sems gzhan ma bskyed do snyam du sems pa'i phyir ro/ /de ci'i phyir zhe na/ 'di ltar byang chub sems dpa' sems dpa' chen po des sems dang po bskyed phyin chad bla na med pa yang dag par rdzogs pa'i byang chub ma gtogs par sems gzhan ma bskyed la/ de bzhin du byang chub sems dpa'i skyon med pa la zhugs pa nas bzung ste sa bcu'i bar du yang sems rnam par g.yeng ba med</font><hr>36.128a<br><font size=+1>

cing bla na med pa yang dag par rdzogs pa'i byang chub ma gtogs par sems gzhan 'ga' yang ma bskyed pa'i phyir ro/ /rab 'byor byang chub sems dpa' sems dpa' chen po des ji tsam du lus dang / ngag dang yid kyis rtul bar byed pa yang byang chub kyi sems las gzhan ma yin te/ byang chub sems dpa' sems dpa' chen po byang chub kyi sems la gnas shing yid rnam par mi g.yeng bar byang chub kyi lam bskyed par byed do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad skye ba ma mchis pa lags na/ bcom ldan 'das 'o na ji ltar byang chub sems dpa' sems dpa' chen po byang chub kyi lam bskyed par bgyid lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor chos thams cad ni ma skyes pa ste/ de yang ji lta bu zhe na/ gang dag mngon par 'du mi byed pa de dag la ni chos thams cad ma skyes pa yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos gnas pa nyid de ni gnas pa ma lags sam/ bka' stsal pa/ rab 'byor de de bzhin no/ /de de bzhin te/ de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos gnas pa nyid de ni gnas pa yin mod kyi/ gang dag gis chos gnas pa nyid de mi shes pa de dag gi don du byang chub sems dpa' sems dpa' chen po byang chub kyi lam bskyed par byed cing lam des sems can rnams 'khor ba las yongs su thar bar byed do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci skyes par gyur pa'i lam gyis byang chub thob</font><hr>36.128b<br><font size=+1>

par 'gyur lags sam/ bka' stsal pa/ de ni ma yin no/ /gsol pa/ bcom ldan 'das 'o na ma skyes par gyur pa'i lam gyis byang chub thob par 'gyur lags sam/ bka' stsal pa/ de ni ma yin no/ /gsol pa bcom ldan 'das 'o na skyes kyang skyes la/ ma skyes kyang ma skyes par gyur pa'i lam gyis byang chub thob par 'gyur lags sam/ bka' stsal pa/ de ni ma yin no/ /gsol pa/ bcom ldan 'das 'o na skyes pa yang ma lags/ ma skyes pa yang ma lags par gyur pa'i lam gyis byang chub thob par 'gyur lags sam/ bka' stsal pa/ de ni ma yin no/ /gsol pa/ bcom ldan 'das 'o na ji ltar byang chub thob par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub ni lam gyis kyang mi 'thob la/ lam ma yin pas kyang ma yin te/ byang chub nyid kyang lam mo/ /lam nyid kyang byang chub bo/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub nyid kyang lam lags la/ lam nyid kyang byang chub lags na/ 'o na byang chub sems dpa' sems dpa' chen pos byang chub thob lags pa nyid du mi 'gyur lags sam/ 'o na skyes bu chen po'i mtshan sum bcu rtsa gnyis dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / tshad med pa bzhi dang / gzugs med pa'i snyoms par 'jug pa bzhi dang / sangs rgyas kyi chos ma 'dres pa bcwa brgyad kyi bar dag gis de bzhin gshegs pa dgra bcom pa yang dag par rdzogs pa'i sangs rgyas lags so/ /zhes kyang ci'i slad du bstan lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di ji snyam du sems/ sangs rgyas kyis byang chub thob snyam 'am/ gsol pa/ bcom ldan 'das de ni ma lags te/ </font><hr>36.129a<br><font size=+1>

sangs rgyas nyid kyang byang chub lags la/ byang chub nyid kyang sangs rgyas lags pas/ sangs rgyas kyis byang chub mi 'thob lags so/ /bka' stsal pa/ rab 'byor gang yang khyod 'di skad du 'o na/ byang chub sems dpa' sems dpa' chen pos byang chub thob lags pa 'am/ gcig tu mi 'gyur lags sam zhes zer ba ni/ rab 'byor 'di la byang chub sems dpa' sems dpa' chen po ni pha rol du phyin pa drug yongs su rdzogs par byas shing / byang chub kyi phyogs kyi chos sum bcu rtsa bdun yongs su rdzogs par byas nas/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par byas te/ rdo rje lta bu'i ting nge 'dzin dang / sems kyi skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par 'tshang rgya ste/ bla na med pa yang dag par rdzogs pa'i byang chub mngon par rdzogs par sangs rgyas phyin cad/ de bzhin gshegs pa zhes brjod de/ chos thams cad mkhyen cing / chos thams cad gzigs pas na/ de'i phyir thams cad mkhyen pa zhes bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad rang bzhin gyis dben pa lags na/ bcom ldan 'das 'o na ji ltar byang chub sems dpa' sems dpa' chen po sangs rgyas kyi zhing yongs su dag par bgyid lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po sems dang po bskyed pa nas bzung ste/ bdag dang gzhan gyi lus kyi gnas ngan len dang / ngag gi gnas ngan len dang / yid kyi gnas ngan len yongs su sbyong bar byed cing yongs su dag pa'i chos de dag gis sangs rgyas</font><hr>36.129b<br><font size=+1>

kyi zhing yongs su dag par byed do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po'i lus kyi gnas ngan len ni gang lags/ ngag gi gnas ngan len ni gang lags/ yid kyi gnas ngan len ni gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor lus kyi las mi dge ba 'di lta ste/ srog gcod pa dang / ma byin par len pa dang / 'dod pas log par g.yem pa dang / ngag gi las mi dge ba brdzun du smra ba dang / phra ma dang / ngag rtsub po dang / tshig kyal par smra ba dang / yid kyi las mi dge ba brnab sems dang / gnod sems dang log par lta ba gang yin pa de ni byang chub sems dpa' sems dpa' chen po'i lus kyi gnas ngan len yin no/ /de ni ngag gi gnas ngan len yin no/ /de ni yid kyi gnas ngan len yin te/ byang chub sems dpa' sems dpa' chen po ni bdag dang gzhan gyi lus dang / ngag dang yid kyi gnas ngan len de dag yongs su sbyong zhing sangs rgyas kyi zhing yongs su dag par byed do/ /rab 'byor gzhan yang ser sna'i sems gang yin pa de ni byang chub sems dpa' sems dpa' chen po'i yid kyi gnas ngan len yin no/ /'chal ba'i tshul khrims kyi sems dang / 'khrug pa'i sems dang / le lo'i sems dang / rnam par g.yeng ba'i sems dang / mnyam par ma gzhag pa'i sems dang / 'chal pa'i shes rab kyi sems gang yin pa de yang byang chub sems dpa' sems dpa' chen po'i yid kyi gnas ngan len yin no/ /rab 'byor gzhan yang tshul khrims yongs su ma dag pa gang yin pa de yang byang chub sems dpa' sems dpa' chen po'i yid kyi gnas ngan len yin no/ /rab 'byor gzhan yang dran pa nye bar gzhag pa bzhi dang bral ba gang yin pa de yang byang chub sems dpa' sems dpa' chen po'i yid kyi gnas ngan len yin no/ /de bzhin du yang dag</font><hr>36.130a<br><font size=+1>

pa'i spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang bral ba gang yin pa de yang byang chub sems dpa' sems dpa' chen po'i yid kyi gnas ngan len yin no/ /rab 'byor gzhan yang rgyun du zhugs pa'i 'bras bu mngon sum du byed cing de la dga' ba gang yin pa de yang byang chub sems dpa' sems dpa' chen po'i yid kyi gnas ngan len yin no/ /dgra bcom pa nyid dang / rang byang chub kyi bar dag mngon sum du byed cing / de la dga' ba gang yin pa de yang byang chub sems dpa' sems dpa' chen po'i yid kyi gnas ngan len yin no/ /rab 'byor gzhan yang gzugs su 'du shes pa ni gnas ngan len yin no/ /tshor ba dang 'du shes dang 'du byed rnams dang / rnam par shes par 'du shes pa ni gnas ngan len yin no/ /mig tu 'du shes pa ni gnas ngan len yin no/ /rna ba dang sna dang lce dang lus dang yid kyi 'du shes pa ni gnas ngan len yin no/ /bud med du 'du shes pa ni gnas ngan len yin no/ /skyes par 'du shes pa ni gnas ngan len yin no/ /'dod pa'i khams su 'du shes pa dang / gzugs kyi khams su 'du shes pa dang / gzugs med pa'i khams su 'du shes pa dang / dge bar 'du shes pa dang / mi dge bar 'du shes pa dang / 'dus byas su 'du shes pa dang / 'dus ma byas su 'du shes pa gang yin pa de yang / rab 'byor byang chub sems dpa' sems dpa' chen po'i lus kyi gnas ngan len yin no/ /ngag gi gnas ngan len yin no/ /yid kyi gnas ngan len yin te/ des gnas ngan len de dag thams cad rnam par spangs nas bdag kyang sbyin pa sbyin par byed cing / gzhan dag kyang sbyin pa yang dag par 'dzin du 'jug ste/ de zas 'dod pa rnams la ni zas sbyin par byed/ skom 'dod pa rnams la ni skom sbyin par byed/ yo byad 'dod pa rnams la ni yo byad gang yang rung</font><hr>36.130b<br><font size=+1>

ba'i bar dag sbyin par byed la/ gzhan dag kyang yo byad de dag nyid la rab tu 'god cing / yang dag par 'dzin du 'jug ste/ dge ba'i rtsa ba de yang sems can thams cad dang thun mong du byas nas sangs rgyas kyi zhing yongs su dag par bya ba'i phyir yongs su bsngo bar byed de/ tshul khrims dang / bzod pa dang / brtson 'grus dang / bsam gtan dang / shes rab la yang de bzhin du sbyar bar bya'o/ /de bdag kyang stong gsum gyi stong chen po'i 'jig rten gyi khams rin po che sna bdun gyis yongs su bkang ste/ dkon mchog gsum gyi phyir sbyin pa sbyin par byed la/ gzhan dag kyang de nyid la yang dag par 'dzin du 'jug cing / dge ba'i rtsa ba 'dis sangs rgyas kyi zhing / rin po che sna bdun las grub par gyur cig ces de ltar yongs su bsngo bar byed do/ /rab 'byor gzhan yang byang chub sems dpa' sems dpa' chen po sangs rgyas rnams sam/ sangs rgyas kyi mchod rten gyi drung du lha'i sil snyan dag dkrol bar byed cing / de 'di ltar dge ba'i rtsa ba 'dis bdag gis sangs rgyas kyi zhing du lha'i sil snyan gyi sgra yid du 'ong ba dag rtag tu rgyun mi chad par 'byung bar gyur cig ces yongs su bsngo bar byed do/ /rab 'byor gzhan yang byang chub sems dpa' sems dpa' chen pos stong gsum gyi stong chen po'i 'jig rten gyi khams lha'i spos kyis yongs su bkang ste/ sangs rgyas rnams sam/ sangs rgyas kyi mchod rten dag la 'bul zhing de 'di ltar dge ba'i rtsa ba 'dis bdag gis sangs rgyas kyi zhing der lha'i spos dag 'byung bar gyur cig ces yongs su bsngo bar byed do/ /rab 'byor gzhan yang byang chub sems dpa' sems dpa' chen pos de bzhin gshegs pa rnams dang / de bzhin gshegs pa'i nyan thos rnams la zhal zas ro brgya dang ldan pa dag 'bul zhing de 'di ltar dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de'i nyan thos rnams kyi kha zas ro rgya dang ldan pa dag 'byor par gyur cig ces yongs su bsngo bar byed do/ /rab 'byor gzhan yang</font><hr>36.131a<br><font size=+1>

byang chub sems dpa' sems dpa' chen pos de bzhin gshegs pa rnams dang / de bzhin gshegs pa'i nyan thos rnams dang / de bzhin gshegs pa'i sku gzugs rnams dang / de bzhin gshegs pa'i mchod rten dag la lha'i byug pa dag 'bul zhing / de 'di ltar dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de'i sems can rnams lha'i reg pa phun sum tshogs pa dang ldan par gyur cig ces yongs su bsngo bar byed do/ /rab 'byor gzhan yang byang chub sems dpa' sems dpa' chen po 'di snyam du sems te/ yid la bsams pa tsam nyid kyis sangs rgyas rnams dang / sangs rgyas kyi nyan thos rnams dang / sems can thams cad la 'dod pa'i yon tan lnga po gzugs dang sgra dang / dri dang ro dang reg bya yid du 'ong ba dag 'bul bar gyur cig /snyam du sems shing de dag phul nas kyang / de 'di ltar dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de'i nyan thos kyi dge 'dun thams cad dang / sems can thams cad kyis yid la bsams pa tsam gyis 'dod pa'i yon tan lnga po gzugs dang / sgra dang dri dang ro dang reg bya yid du 'ong ba dag 'byung bar gyur cig ces yongs su bsngo bar byed do/ /rab 'byor gzhan yang byang chub sems dpa' sems dpa' chen po bdag dang sems can thams cad lhan cig 'grogs te/ sangs rgyas rnams dang / sangs rgyas kyi nyan thos rnams la 'dod pa'i yon tan lnga po gzugs dang / sgra dang dri dang ro dang reg bya yid du 'ong ba'i sbyin pa dag 'bul bar byed do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa 'di snyam du sems te/ 'di ltar bdag kyang bsam gtan dang po la snyoms par 'jug par bya'o/ /gzhan dag kyang bsam gtan dang po la gzud par bya'o/ /de bzhin du bsam gtan bzhi pa'i bar dag la yang gzud cing 'god par bya'o/ /byams pa dang snying rje</font><hr>36.131b<br><font size=+1>

dang dga' ba dang btang snyoms dang / byang chub kyi phyogs kyi chos sum bcu rtsa bdun gyi bar dag la dgod par bya'o snyam du sems shing / de 'di snyam du dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de'i sems can thams cad sbyin pa gnyis dang mi 'bral bar gyur cig /bsam gtan bzhi dang mi 'bral bar gyur cig /tshad med pa bzhi dang mi 'bral bar gyur cig /byang chub kyi phyogs kyi chos sum bcu rtsa bdun dang mi 'bral bar gyur cig ces rab 'byor de ltar byang chub sems dpa' sems dpa' chen po sangs rgyas kyi zhing yongs su dag par byed de/ de ji srid du bsam pa de dag thams cad yongs su rdzogs par ma gyur pa de srid kyi bar du bla na med pa yang dag par rdzogs pa'i byang chub mngon par rdzogs par 'tshang rgya bar mi byed de/ de bdag kyang dge ba'i chos thams cad dang ldan pa yin la/ sems can de dag kyang dge ba'i chos rnams dang ldan par byed do/ /de bdag kyang gzugs bzang ba yin la/ sems can gang dag byang chub sems dpa' sems dpa' chen po des yongs su smin par byas pa de dag kyang gzugs bzang ba yin te/ de dag 'di lta ste/ bsod nams kyis yongs su zin pa'i phyir gzugs bzang ba dang / blta na sdug pa dang / mdzes pa'i lus de mngon par sgrub par byed do/ /rab 'byor byang chub sems dpa' sems dpa' chen po ni de ltar sangs rgyas kyi zhing yongs su dag par byed de/ ji nas kyang ngan song gsum po dag tu gdags pa yang 'byung bar mi 'gyur ba dang / lta ba'i rnam par gdags pa yang 'byung bar mi 'gyur ba dang / 'dod chags dang zhe sdang dang / gti mug tu gdags pa yang 'byung bar mi 'gyur ba dang / skyes pa dang bud med ces bya ba'i ming yang 'byung bar mi 'gyur ba dang / theg pa gnyis po dag gis ming yang 'byung bar mi 'gyur ba dang / mi rtag pa dang sdug bsngal ba dang / bdag tu gdags pa yang 'byung bar mi 'gyur ba dang / yongs su</font><hr>36.132a<br><font size=+1>

'dzin par gdags pa yang 'byung bar mi 'gyur ba dang / ngar 'dzin pa dang nga yir 'dzin par gdags pa yang 'byung bar mi 'gyur ba dang / rjes su chags pa dang kun nas ldang bar gdags pa yang 'byung bar mi 'gyur ba dang / phyin ci log tu gdags pa yang 'byung bar mi 'gyur ba dang / 'bras bu rnam par gzhag par gdags pa yang 'byung bar mi 'gyur zhing gzhan du na stong pa nyid dang mtshan ma med pa dang / smon pa med pa'i ting nge 'dzin gyi sgra 'byung ba dang / sems can de dag 'di ltar phyi dang nang gi dngos po rnams gtong 'dod pa'i sgra 'byung bar 'gyur ba dang / shing rlung gis bskyod pa dag dang / phyi dang nang gi chos rnams las 'di lta ste/ stong pa nyid dang mtshan ma med pa dang smon pa med pa'i sgra 'byung bar 'gyur ba dang / skye ba med pa dang 'gag pa med pa'i sgra 'byung bar 'gyur ba dang / chos de dag gi ngo bo nyid ji lta ba de lta bu'i sgra 'byung bar 'gyur ba dang / chos thams cad chos thams cad kyis stong zhes bya ba dang / chos de dag gi ngo bo nyid ji lta ba de lta bu'i sgra 'byung bar 'gyur ba dang / de bzhin gshegs pa rnams byung yang rung / de bzhin gshegs pa rnams ma byung yang rung ste/ chos thams cad ni chos thams cad kyis stong pa'o/ /gang stong pa de la ni mtshan ma med do/ /gang mtshan ma med pa de la ni smon pa med do zhes bya bar chos ston pa'i sgra 'byung bar 'gyur ba dang / nyin par ram/ mtshan mo 'am/ 'greng ngam 'dug gam/ nyal lam 'chag kyang rung ste/ de lta bu'i chos bstan pa'i sgra 'byung bar 'gyur ba de ltar sangs rgyas kyi zhing yongs su dag par byed do/ /sangs rgyas kyi zhing der bla na med pa yang dag par rdzogs pa'i byang chub mngon par rdzogs par sangs rgyas pa'i de bzhin gshegs pa dgra bcom pa yang dag par rdzogs pa'i sangs rgyas de la ni phyogs bcu'i 'jig rten gyi khams kyi sangs rgyas bcom ldan 'das gang ji snyed pa de dag thams cad kyang bsngags pa brjod par 'gyur ro/ /sems can gang dag gis de bzhin gshegs pa'i</font><hr>36.132b<br><font size=+1>

bsngags pa dang / mtshan thos pa de dag thams cad kyang / bla na med pa yang dag par rdzogs pa'i byang chub tu nges par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas des chos bstan pa de la sems can 'ga' yang 'di chos yin nam/ 'di chos ma yin no snyam du the tshom za bar mi 'gyur ro/ /de ci'i phyir zhe na/ chos thams cad kyi chos nyid gang yin pa de la ni chos ma yin pa gang yang med de/ de dag thams cad ni chos yin pa'i phyir ro/ /de la sems can gang dag mi dge ba'i rtsa bas zin cing / sangs rgyas rnams dang / sangs rgyas kyi nyan thos rnams la dge ba'i rtsa ba ma bskyed la/ mi dge ba'i grogs pos yongs su zin pa bdag tu lta ba kun du 'dzin pa dang / lta bar gyur pa thams cad kyi bar dag kun du 'dzin pa dang / rtag pa dang chad pa'i mtha' dag la gnas pa dang / log par 'dzin pas zin pa dang / yang dag par rdzogs pa'i sangs rgyas ma yin pa la ni yang dag par rdzogs pa'i sangs rgyas su 'du shes la/ yang dag par rdzogs pa'i sangs rgyas la ni yang dag par rdzogs pa'i sangs rgyas ma yin par 'du shes pa de dag ni chos ma yin pa la ni chos su smra/ chos la ni chos ma yin par smra zhing de dag chos spong bar byed do/ /de dag gis chos spangs nas lus zhig ste/ shi ba'i 'og tu ngan song ngan 'gro log par ltung ba sems can dmyal ba dag tu skye bar 'gyur te/ de la sangs rgyas bcom ldan 'das de dag bla na med pa yang dag par rdzogs pa'i byang chub mngon par rdzogs par sangs rgyas nas 'khor bar gtogs pa'i sems can de dag ngan song dang lta bar gyur pa de dag las grol bar mdzad do/ /bkrol nas kyang nges pa'i phung po la 'god par mdzad de/ der bkod pa de dag phyin cad ngan song rnams su skye bar mi 'gyur ro/ /rab 'byor de ltar byang chub sems dpa' sems dpa' chen po sangs rgyas kyi zhing yongs su dag par byed de/ yongs su dag pa'i sems can rnams ni 'jig rten pa'i chos rnams sam/ 'jig rten</font><hr>36.133a<br><font size=+1>

las 'das pa'i chos rnams sam/ zag pa dang bcas pa'i chos rnams sam/ zag pa med pa'i chos rnams sam/ 'dus byas kyi chos rnams sam/ 'dus ma byas kyi chos gang la yang gnas par mi 'gyur te/ thams cad kyang bla na med pa yang dag par rdzogs pa'i byang chub kyi bar du nges par 'gyur ro/ /shes rab kyi pha rol du phyin pa khri brgyad stong pa las/ sangs rgyas kyi zhing yongs su dag pa bstan pa'i le'u zhes bya ste/ bdun bcu rtsa bdun pa'o// // shes rab kyi pha rol tu phyin pa khri brgyad stong pa/ bam po lnga bcu rtsa lnga pa/ de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji ltar byang chub sems dpa' sems dpa' chen po nges pa zhes bgyi 'am/ 'on te ma nges pa zhes bgyi lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni nges pa yin te/ ma nges pa ma yin no/ /gsol pa/ bcom ldan 'das nyan thos kyi phung po 'am/ rang sangs rgyas kyi phung po 'am/ phung po gang du nges pa lags/ bka' stsal pa/ rab 'byor byang chub sems dpa' sems dpa' chen po ni nyan thos kyi phung po 'am/ rang sangs rgyas kyi phung por nges pa ma yin gyi/ rab 'byor byang chub sems dpa' sems dpa' chen po ni sangs rgyas kyi phung por nges pa yin no/ /gsol pa/ bcom ldan 'das ji byang chub sems dpa' sems dpa' chen po sems dang po bskyed pa nges pa lags sam/ 'on te phyir mi ldog pa 'am 'on te srid pa tha ma pa nges pa zhes bgyi lags/ bka' stsal pa/ rab 'byor byang chub sems dpa' sems dpa' chen po sems dang po bskyed pa yang nges pa yin no/ /phyir mi ldog pa yang nges pa yin no/ /srid pa tha ma pa yang nges pa yin no/ /gsol pa/ bcom ldan 'das ji byang chub sems dpa' sems</font><hr>36.133b<br><font size=+1>

dpa' chen po nges par gyur pa ngan song rnams su skye bar 'gyur lags sam/ bka' stsal pa/ rab 'byor de ni ma yin te/ rab 'byor byang chub sems dpa' sems dpa' chen po nges par gyur pa ni ngan song rnams su skye bar mi 'gyur ro/ /rab 'byor 'di ji snyam du sems/ brgyad pa 'am/ rgyun du zhugs pa 'am/ lan cig phyir 'ong ba 'am/ phyir mi 'ong ba 'am/ dgra bcom pa 'am/ rang sangs rgyas ngan song rnams su skye bar 'gyur snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor de bzhin du byang chub sems dpa' sems dpa' chen po nges par gyur pa yang ngan song rnams su skye bar mi 'gyur te/ rab 'byor byang chub sems dpa' sems dpa' chen po gang sems dang po bskyed pa nas bzung ste/ sbyin pa sbyin pa dang / tshul khrims srung ba dang / bzod pa sgrub pa dang / brtson 'grus rtsom pa dang / bsam gtan la snyoms par 'jug pa dang / shes rab sgom pa dang / sems can thams cad la byams pa dang / snying rje dang / dga' ba dang / btang snyoms sgom zhing / mi dge ba'i chos thams cad spong ba'i don du gnas pa de ngan song rnams su skye bar 'gyur ba de ni gnas med do/ /lha tshe rings po rnams kyi nang du skye bar 'gyur ba de ni gnas med do/ /gang na dge ba'i chos rnams mi spyod pa dang / lug ltar lkug par 'gyur ba'i lus rnams su skye bar 'gyur ba de ni gnas med do/ /chom rkun pa dang / kla klo dang / yul mtha' 'khob dag tu skye bar 'gyur ba de ni gnas med do/ /log par lta ba'i khyim dag tu skye bar 'gyur ba de ni gnas med do/ /gang na sangs rgyas kyi sgra med pa dang / chos kyi sgra med pa dang / dge 'dun gyi sgra med pa de lta bur skye bar 'gyur ba de ni gnas med do/ /byed pa med pa'i lta ba rnams la 'dun par 'gyur ba de ni gnas med do/ /rab 'byor yang byang chub sems dpa' sems dpa' chen po sems dang po bskyed pa nas bzung ste/ lhag pa'i bsam pas bla na med pa yang dag par rdzogs pa'i byang chub la</font><hr>36.134a<br><font size=+1>

zhugs pa mi dge ba bcu'i las kyi lam la spyod par 'gyur ba de ni gnas med do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te nges pa'i byang chub sems dpa' sems dpa' chen po dge ba'i rtsa ba de lta bu dang ldan pa yang 'di lta ste/ mi mthun pa'i gnas rnams su skye bar mi 'gyur ba lags na/ gang de bzhin gshegs pa nyid kyis dud 'gro'i 'gro bar skyes pa'i rabs bstan na/ de'i tshe dge ba'i rtsa ba de dag gang du mchis lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po ni mi dge ba'i las kyi dud 'gro'i 'gro bar skye ba ma yin mod kyi/ lus gang dang gang gis sems can rnams kyi don du 'gyur ba de lta bu'i lus thabs la mkhas pas bsams bzhin du sems can rnams kyi don du yongs su 'dzin par byed do/ /rab 'byor thabs la mkhas pa gang dang ldan na byang chub sems dpa' sems dpa' chen po dud 'gro'i skye gnas su skyes shing / gang dag de gsad pa'i phyir rtul bar byed na/ de dag bla na med pa'i bzod pa yang dag par 'dzin du 'jug pa dang / 'dul zhing 'god par byed de/ de sems can de dag nyid kyi don du bdag gi lus yongs su gtong zhing / sems can de dag la rnam par tho 'tsham pa mi byed pa de lta bu'i thabs la mkhas pa dgra bcom pa dag dang / rang sangs rgyas dag la yod dam/ rab 'byor rnam grangs des kyang 'di ltar byang chub sems dpa' sems dpa' chen po ni sems can rnams kyi don dang bla na med pa yang dag par rdzogs pa'i byang chub kyi phyir snying rje chen po yongs su rdzogs par byed cing / dud 'gro'i skye gnas su skye bar byed kyang / dud 'gro'i skye gnas su 'gro bas nyes pa'i mi gos par rig par bya'o/ /de skad ces bka' stsal pa dang / bcom ldan 'das</font><hr>36.134b<br><font size=+1>

la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po dge ba'i chos gang dag la gnas shing / de lta bu'i lus yongs su 'dzin par bgyid lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang byang chub sems dpa' sems dpa' chen pos yongs su rdzogs par mi bya ba'i dge ba'i chos de lta bu yang gang zhig yod de/ dge ba'i chos thams cad yongs su rdzogs pa ni bla na med pa yang dag par rdzogs pa'i byang chub ste/ de'i phyir byang chub sems dpa' sems dpa' chen pos sems dang po bskyed pa nas bzung ste/ byang chub kyi snying po la 'dug gi bar du yongs su rdzogs par mi bya ba'i dge ba'i chos gang yang med do/ /dge ba'i chos de dag yongs su rdzogs par ma byas par bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur te/ de ni gnas med do/ /rab 'byor de lta bas na byang chub sems dpa' sems dpa' chen pos sems dang po bskyed phyin cad dge ba'i chos thams cad yongs su rdzogs par bya ba la bslab par bya ste/ de la bslabs na rnam pa thams cad mkhyen pa nyid rjes su thob cing bag chags kyi mtshams sbyor ba thams cad spong bar 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po chos dkar po dang ldan pa/ 'phags pa zag pa ma mchis pa'i las kyis ji ltar ngan song rnams sam/ dud 'gro'i skye gnas dag tu skye bar 'gyur lags/ bka' stsal pa/ rab 'byor ji de bzhin gshegs pa 'phags shing zag pa med pa ma yin nam/ gsol pa/ bcom ldan 'das de de lta lags so/ /bde bar gshegs pa de de lta lags te/ de bzhin gshegs pa ni 'phags shing zag pa mi mnga' ba lags so/ /bka' stsal pa/ rab 'byor</font><hr>36.135a<br><font size=+1>

ji de bzhin gshegs pa dud 'gro'i skye gnas su gtogs pa'i srog chags su mngon par sprul pa mdzad cing / der mngon par sprul nas kyang / sangs rgyas kyi mdzad pa mi mdzad dam/ gsol pa bcom ldan 'das mdzad lags so/ /bka' stsal pa/ rab 'byor ji 'o na de bzhin gshegs pa dud 'gro'i skye gnas par 'gyur ram/ gsol pa/ bcom ldan 'das de ni ma lags so/ /bka' stsal pa/ rab 'byor ji de bzhin gshegs pas dud 'gro'i skye gnas pa'i sdug bsngal nyams su myong bar 'gyur ram/ gsol pa/ bcom ldan 'das de ni ma lags so/ /bka' stsal pa/ rab 'byor de bzhin du byang chub sems dpa' sems dpa' chen po yang 'phags pa'i chos dkar po zag pa med pa dang ldan yang bsams bzhin du de lta bu'i lus yongs su 'dzin par byed cing lus des ji rigs ji tshul du sems can rnams yongs su smin par byed do/ /rab 'byor 'di ji snyam du sems/ dgra bcom pas sprul pa zhig mngon par sprul na/ sprul pa de dgra bcom pa'i las byed cing / las des gzhan dag dga' ba skye bar 'gyur snyam 'am/ gsol pa/ bcom ldan 'das de de lta lags so/ /bka' stsal pa/ rab 'byor de bzhin du byang chub sems dpa' sems dpa' chen po yang 'phags pa'i chos dkar po zag pa med pa dang ldan yang de lta bu'i lus yongs su 'dzin te/ lus des sems can rnams kyi don byed kyang / lus de lta bu des sdug bsngal ba yang med la/ sdug bsngal gyi tshor ba nyams su myong bar 'gyur ba yang med do/ /rab 'byor 'di ji snyam du sems/ sgyu ma mkhan gyis sgyu ma'i glang po che'i gzugs sam/ rta'i gzugs sam/ ba lang gi gzugs dag bstan tam/ srog chags kyi gzugs rnam pa sna tshogs gzhan dag bstan na/ de la glang po cher 'gyur ba 'am/ rtar 'gyur ba 'am/ ba lang du 'gyur ba 'am/ srog chags kyi rigs rnam pa sna tshogs gzhan dag tu 'gyur ba yod snyam 'am/ gsol pa/ </font><hr>36.135b<br><font size=+1>

bcom ldan 'das de ni ma mchis lags so/ /bka' stsal pa/ rab 'byor de bzhin du byang chub sems dpa' sems dpa' chen po 'phags pa'i chos dkar po zag pa med pa dang ldan yang bsams bzhin du de lta bu'i lus nye bar ston te/ lus de dag gis sems can rnams kyi don byed kyang / sdug bsngal gyi tshor ba de lta bu nyams su myong ba med do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang de ltar 'phags pa'i ye shes zag pa ma mchis pa de lta bu dang ldan zhing lus gang dang gang gis sems can rnams kyi don bgyid par rngo thog pa de dang de lta bu'i lus yongs su 'dzin par bgyid pa ni thabs la mkhas pa che ba lags so/ /bcom ldan 'das dkar po'i phyogs kyi chos gang dag la gnas na/ byang chub sems dpa' sems dpa' chen po thabs la mkhas pa de lta bu dag bgyid kyang las des gos par mi 'gyur ba lags/ bka' stsal pa/ rab 'byor byang chub sems dpa' sems dpa' chen po ni shes rab kyi pha rol tu phyin pa la gnas nas/ thabs la mkhas pa de lta bu dang ldan pa yin te/ thabs la mkhas pa de dang ldan pas shar dang / lho dang nub dang / byang dang / phyogs mtshams kyi 'jig rten gyi khams gang gA'i klung gi bye ma snyed dag tu sems can rnams kyi don byed kyang / des de la reg par 'gyur ba ci yang med do/ /de ci'i phyir zhe na/ 'di ltar byang chub sems dpa' sems dpa' chen po des gang reg par 'gyur ba 'am/ gang gis reg par 'gyur ba 'am/ gang la reg par 'gyur ba'i chos de dag thams cad mi dmigs pa'i phyir ro/ /de ci'i phyir zhe na/ 'di ltar chos gsum po de dag thams cad ni ngo bo nyid kyis stong pas na/ stong pa nyid ni stong pa nyid la reg par mi byed la/ stong pa nyid ni chos gang la yang reg par mi byed cing / stong pa nyid kyang reg par bya ba ma yin pa'i phyir ro/ /de ci'i phyir zhe na/ 'di ltar rang bzhin gyis stong pa nyid la ni</font><hr>36.136a<br><font size=+1>

stong pa nyid dmigs su med pa'i phyir ro/ /rab 'byor de ni mi dmigs pa stong pa nyid yin te/ de la gnas nas byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya'o/ /gsol pa/ bcom ldan 'das ci byang chub sems dpa' sems dpa' chen po shes rab kyi pha rol tu phyin pa kho na la gnas kyi/ chos gzhan dag la ma lags sam/ bka' stsal pa/ rab 'byor chos gang shes rab kyi pha rol tu phyin par ma 'dus pa de yod dam/ gsol pa/ bcom ldan 'das gal te shes rab kyi pha rol tu phyin pa ngo bo nyid kyis stong pa lags na/ ji ltar chos thams cad shes rab kyi pha rol du phyin par 'dus pa lags/ bcom ldan 'das stong pa nyid la ni 'dus pa dang / ma 'dus pa'i chos gang yang ma mchis lags so/ /bka' stsal pa/ rab 'byor chos thams cad ni chos thams cad kyis stong pas/ stong pa nyid du chos thams cad ma 'dus pa med do/ /gsol pa/ bcom ldan 'das chos thams cad ni chos thams cad kyis stong pa lags so/ /bka' stsal pa/ rab 'byor gal te chos thams cad chos thams cad kyis stong pa yin na/ chos thams cad stong pa nyid du 'dus pa ma yin nam/ gsol pa/ bcom ldan 'das de de lta lags so/ /bka' stsal pa/ rab 'byor rnam grangs des na/ 'di ltar byang chub sems dpa' sems dpa' chen po shes rab kyi pha rol du phyin pa la gnas nas/ thabs la mkhas pa de lta bu 'di byed par rig par bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa/ chos thams cad stong pa nyid la gnas te/ mngon par shes pa gang la gnas na/ shar phyogs kyi 'jig rten gyi khams gang gA'i klung gi bye ma snyed dag tu mchi zhing 'jig rten gyi khams de dag na</font><hr>36.136b<br><font size=+1>

sangs rgyas bcom ldan 'das gang dag bzhugs te/ 'tsho zhing gzhes la chos kyang ston pa de dag la bsnyen bkur bgyid cing chos nyan pa dang / der sangs rgyas bcom ldan 'das de dag las dge ba'i rtsa ba bskrun par 'gyur ba'i mngon par shes pa'i pha rol du phyin pa mngon par sgrub pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa/ shar phyogs kyi 'jig rten gyi khams gang gA'i klung gi bye ma snyed po gang yin pa de dag thams cad kyang ngo bo nyid kyis stong la/ de dag na sangs rgyas bcom ldan 'das gang dag bzhugs pa'i sangs rgyas bcom ldan 'das de dag kyang ngo bo nyid kyis stong zhing / ming dang brdar btags pa bzung ste/ bstan pa ma gtogs par btags pa thams cad kyang ngo bo nyid kyis stong par mthong ngo / /gal te 'jig rten gyi khams de dag ngo bo nyid kyis stong pa ma yin la/ sangs rgyas bcom ldan 'das de dag kyang ngo bo nyid kyis stong pa ma yin zhing / btags pa'i spyod pa de dag kyang ngo bo nyid kyis stong pa ma yin na ni/ de lta na nyi tse ba'i stong pa nyid du 'gyur ba zhig na/ 'di ltar nyi tse ba'i stong pa nyid dmigs su med de/ de'i phyir chos thams cad ni chos thams cad kyis stong pa yin te/ de'i phyir byang chub sems dpa' sems dpa' chen po thabs la mkhas pas shes rab kyi pha rol du phyin pa la spyod pa/ mngon par shes pa'i pha rol tu phyin pa mngon par sgrub par byed de/ mngon par shes pa de la gnas nas lha'i mig dang / lha'i rna ba dang / rdzu 'phrul gyi bya ba dang / pha rol gyi sems shes pa dang / sngon gyi skye ba rjes su dran pa dang / 'chi 'pho dang skye ba shes pa mngon par sgrub par byed do/ /mngon par shes pa med par ni byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par 'tshang rgya bar mi nus te/ de'i phyir</font><hr>36.137a<br><font size=+1>

byang chub sems dpa' sems dpa' chen po'i byang chub ni mngon par shes pa'i pha rol tu phyin pa 'dir 'dus pas/ mngon par shes pa de dag nyid las byang chub btsal bar bya'o/ /de tshol ba na lha'i mig gis bdag gis kyang dge ba'i chos thams cad mthong la gzhan dag kyang dge ba'i chos thams cad la sbyor bar byed kyang dge ba'i chos de dag la mngon par zhen pa med do/ /de ci'i phyir zhe na/ 'di ltar dge ba'i chos de dag thams cad ni ngo bo nyid kyis stong pas na/ stong pa nyid ni gang la yang mngon par zhen pa med la/ stong pa nyid la ni ro myang bar bya ba med pas/ de la mngon par zhen pa med cing ro myang bar bya ba med pa'i phyir ro/ /de'i phyir byang chub sems dpa' sems dpa' chen po shes rab kyi pha rol du phyin pa la spyod pa/ lha'i mig mngon par sgrub bo/ /lha'i mig des chos thams cad kyang stong pa nyid du mthong ste/ byang chub sems dpa' sems dpa' chen po de chos nyid de la gnas shing / lus gang bskyed pas sems can rnams la chos ston par 'gyur ba de lta bu'i lus bskyed par byed de/ sems can nam sems can du btags pa yang dmigs su med do zhes mi dmigs pa'i tshul gyis/ byang chub sems dpa' sems dpa' chen po mngon par shes pa'i pha rol tu phyin pa mngon par sgrub ste/ mngon par shes pa de dag gis mngon par shes pas gang dag bya ba'i chos de dag byed de/ byang chub sems dpa' sems dpa' chen po de lha'i mig rnam par dag pa/ mi'i las shin tu 'das pas shar dang / lho dang nub dang byang dang / phyogs mtshams rnams dang / 'og dang steng gi phyogs kyi 'jig rten gyi khams dag kyang mthong ngo / /de rdzu 'phrul gyis de dag tu song zhing sbyin pa 'am/ tshul khrims sam/ bzod pa 'am/ brtson 'grus sam/ bsam gtan nam shes rab bam/ byang chub kyi phyogs kyi chos sum bcu rtsa bdun nam/ bsam gtan dang / rnam par thar pa dang / ting nge 'dzin dang / snyoms par 'jug pa</font><hr>36.137b<br><font size=+1>

rnams sam/ nyan thos kyi chos rnams sam/ rang sangs rgyas kyi chos rnams sam/ byang chub sems dpa'i chos rnams sam/ sangs rgyas kyi chos rnams kyis sems can rnams kyi don byed cing / sems can de dag gi bya ba byed do/ /de la sems can ser sna can gang yin pa de dag la 'di skad du chos ston te/ sbyin pa byin cig /dbul ba ni sdug bsngal ba ste/ dbul pos ni bdag gi don kyang bya bar mi nus na/ gzhan gyi don lta smos kyang ci dgos te/ de'i phyir khyed cag sbyin pa byin la bdag kyang bde bar gyis shig /gzhan yang bde bar gyis shig /dbul bas zil gyis non cing / nying sha nying gis zos te/ ngan song gsum po dag las mi thar bar gyur ta re zhes chos ston to/ /sems can tshul khrims 'chal pa gang yin pa de dag la ni 'di skad du chos ston te/ kye skyes bu dag tshul khrims 'chal pa ni sdug bsngal ba ste/ tshul khrims 'chal pas ni bdag gi don kyang bya bar mi nus na/ gzhan gyi don lta ci smos te/ tshul khrims 'chal pa'i rnam par smin pa ni sems can dmyal ba dang / dud 'gro'i skye gnas dang / gshin rje'i 'jig rten yin te/ de'i phyir khyed cag ngan song gsum po dag tu ltung na/ bdag kyang 'byin par mi nus na/ gzhan dag lta ci smos kyis/ de'i phyir khyed cag gis 'chal pa'i tshul khrims kyi sems 'ga' tsam gyi go skabs kyang ma dbye shig /phyis 'gyod par gyur ta re zhes chos ston to/ /sems can gang dag phan tshun 'khrug cing / gnod sems su byed pa de dag la ni 'di skad du chos ston te/ kye skyes bu dag khyed cag gcig la gcig 'khrugs par ma byed cig /sems 'khrugs par gyur pa la ni dge ba'i chos 'ga' yang 'byung bar mi 'gyur te/ de'i phyir khyed cag phan tshun 'khrug cing gnod sems su byed na/ sems can dmyal ba dang / dud 'gro'i skye gnas dang / gshin rje'i 'jig rten du lhung ba'i gnas yin gyis/ de bas na khyed cag gis khro ba dang / 'khrug pa'i sems dang gnod sems 'ga' yang bskyed par mi bya na/ mi dge ba'i sems gzhan</font><hr>36.138a<br><font size=+1>

dag gi go skabs dbye ba lta smos kyang ci dgos shes chos ston to/ /de bzhin du sbyar te sems can le lo can gang yin pa de dag ni brtson 'grus la sbyor bar byed do/ /sems rnam par g.yengs pa gang yin pa de ni ting nge 'dzin la sbyor bar byed do/ /shes rab 'chal pa gang yin pa de dag ni shes rab la sbyor bar byed do/ /'dod chags spyod pa gang yin pa de dag ni mi sdug pa sgom pa la sbyor bar byed do/ /lam ngan par zhugs pa gang yin pa de dag ni lam du 'dzud par byed de/ nyan thos kyi lam 'am/ rang sangs rgyas kyi lam 'am/ sangs rgyas kyi lam la sbyor bar byed de/ khyed cag gang la mngon par zhen pa'i chos de dag thams cad ni ngo bo nyid kyis stong pa'o/ /ngo bo nyid kyis stong pa'i chos rnams la ni mngon par zhen par bya bar mi nus te/ stong pa nyid la ni mngon par zhen pa med do zhes de dag la de ltar chos ston te/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa/ mngon par shes pa rnams la gnas shing sems can rnams kyi don byed do/ /rab 'byor byang chub sems dpa' sems dpa' chen po ni mngon par shes pa rnams la mi gnas par sems can rnams la chos ston pa 'am/ lam log par zhugs pa'i sems can rnams lam du 'dzud par mi nus te/ de ni gnas med do/ /rab 'byor 'di lta ste dper na/ bya 'dab ma med pas ni nam mkha' la 'phur mi nus so/ /rab 'byor de bzhin du byang chub sems dpa' sems dpa' chen po yang mngon par shes pa rnams la ma brten par sems can rnams la chos ston par mi nus so/ /rab 'byor de lta bas na byang chub sems dpa' sems dpa' chen po shes rab kyi pha rol tu phyin pa la spyod pas/ mngon par shes pa rnams mngon par bsgrub par bya ste/ de mngon par shes pa mngon par bsgrubs pa de dag gis sems can gyi don bya bar 'dod pa gang yin pa de dag bde blag tu byed do/ /des lha'i mig gis 'jig rten gyi khams gang gA'i klung gi bye ma</font><hr>36.138b<br><font size=+1>

snyed dag kyang mthong ngo / /de dag tu sems can gang dag skyes pa de dag kyang mthong ngo / /des de dag mthong nas kyang rdzu 'phrul gyis de dag tu song nas sems can de dag gi sems sems kyis shes par byed do/ /shes par byas nas kyang 'di ltar sbyin pa'i gtam 'am/ tshul khrims kyi gtam 'am/ 'phags pa'i bden pa'i gtam 'am/ yongs su mya ngan las 'das pa'i bar gyi gtam gyis chos ston par byed do/ /des lha'i rna bas mi dang mi ma yin pa dag gi sgra yang thos so/ /shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang dag chos ston pa de dag kyang lha'i rna bas thos so/ /thos nas kyang de bzhin nyid du 'dzin par byed do/ /de bzhin nyid du bzung nas kyang sems can rnams la sbyin pa'i gtam 'am/ mya ngan las 'das pa'i bar dag gi gtam gyis chos ston par byed do/ /de sems kyi rnam grangs shes pa shin du rnam par dag pa dang ldan pa yin te/ de sems kyi rnam grangs shes pa des sems can rnams kyi sems shes par byas shing / de dag la 'di ltar sbyin pa'i gtam 'am/ yongs su mya ngan las 'das pa'i bar dag gi gtam dag gi chos ston par byed do/ /de bdag dang gzhan dag gi sngon gyi gnas rnam pa du ma rjes su dran te/ de sngon gyi gnas rjes su dran pa'i shes pa des 'di ltar sngon gyi de bzhin gshegs pa dgra bcom pa yang dag par rdzogs pa'i sangs rgyas mtshan 'di zhes bya ba nyan thos kyi dge 'dun dang bcas pa 'di snyed cig byung ngo zhes bya ba yang rab tu shes so/ /de na sems can gang dag sngon gyi gnas rjes su dran pa la mos pa de dag la 'di ltar sbyin pa'i gtam 'am/ yongs su mya ngan las 'das pa'i bar gyis gtam dag gis chos ston par byed do/ /de rdzu 'phrul gyis 'jig rten gyi khams rnam pa du mar song nas sangs rgyas bcom ldan 'das rnams la bsnyen bkur byed cing / der sangs rgyas bcom ldan 'das de dag las dge ba'i rtsa ba bskyed par byed do/ /dge ba'i rtsa ba bskyed nas kyang 'jig rten gyi</font><hr>36.139a<br><font size=+1>

khams de nyid du phyir 'ong bar byed do/ /de zag pa zad pa shes pa shin du rnam par dag pa dang ldan pa yin te/ de zag pa zad pa mngon sum du bya ba'i shes pa shin du rnam par dag pa des sems can rnams la 'di ltar sbyin pa'i gtam 'am/ yongs su mya ngan las 'das pa'i bar gyi gtam gyis chos ston par byed do/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas mngon par shes pa mngon par bsgrub par bya ste/ de mngon par shes pa shin du 'dris pa de dag gis lus gang dang gang 'dzin par 'dod pa'i lus de dang de yongs su 'dzin par byed kyang de la bde ba 'am sdug bsngal ba 'am/ yid bde ba 'am yid mi bde ba 'byung bar mi 'gyur te/ rjes su chags pa 'am/ khong khro bar yang mi 'gyur ro/ /rab 'byor 'di lta ste dper na/ de bzhin gshegs pas sprul pa'i skyes bu ni bya ba thams cad byed kyang / de la bde ba 'am sdug bsngal bas gos par mi 'gyur ro/ /rab 'byor de bzhin du byang chub sems dpa' sems dpa' chen po yang shes rab kyi pha rol du phyin pa la gnas te/ mngon par shes pas rnam par rtse zhing / phyogs bcu'i 'jig rten gyi khams gang gA'i klung gi bye ma snyed dag tu mos pa ji lta ba bzhin du chos ston kyang / bde ba 'am sdug bsngal bas gos par mi 'gyur ro/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ ji ltar mngon par shes pas rnam par rtses na sangs rgyas kyi zhing yongs su dag par 'gyur ba dang / sems can rnams yongs su smin par 'gyur ba de ltar mngon par shes pas rnam par rtse zhing bsgom par bya'o/ /rab 'byor byang chub sems dpa' sems dpa' chen pos ni sangs rgyas kyi zhing yongs su dag par ma byas/ sems can rnams yongs su smin par ma byas par bla na med pa yang dag par rdzogs pa'i byang chub mngon par rdzogs par 'tshang rgya bar mi nus so/ /de ci'i phyir zhe na/ rab 'byor byang chub sems dpa' sems dpa' chen po'i</font><hr>36.139b<br><font size=+1>

byang chub kyi yan lag yongs su ma rdzogs pa la ni bla na med pa yang dag par rdzogs pa'i byang chub med pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen pos gang dag yongs su rdzogs par bgyis na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i byang chub sems dpa' sems dpa' chen po'i byang chub kyi yan lag de dag gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor dge ba'i chos thams cad ni byang chub sems dpa' sems dpa' chen po'i byang chub kyi yan lag yin no/ /gsol pa/ bcom ldan 'das dge ba'i chos gang dag gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i dge ba'i chos de dag gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor sems dang po bskyed pa nas bzung ste/ sbyin pa'i pha rol du phyin pa la spyod kyang / de la rnam par mi rtog pa gang yin pa de ni dge ba'i chos yin no/ /ji ltar sbyin pa la rnam par mi rtog ce na/ ngo bo nyid stong pa nyid kyi phyir/ 'di ni sbyin pa'o zhes sbyin par rnam par mi rtog pa dang / 'di la sbyin par bya'o zhes bya ba dang / bdag gis sbyin par bya'o zhes gsum po de dag la rnam par mi rtog pa ste/ sbyin pa'i pha rol tu phyin pa des bdag kyang 'khor ba las sgrol zhing gzhan yang sgrol bar byed do/ /rab 'byor dge ba'i chos de dag ni byang chub sems dpa' sems dpa' chen po'i bla na med pa yang dag par rdzogs pa'i byang chub kyi lam yin te/ lam des 'das pa dang / ma 'ongs pa dang / da ltar byung ba'i byang chub sems dpa' sems dpa' chen po rnams 'khor ba las rgal to/ /rgal lo/ /rgal bar 'gyur ro/ /de bzhin du tshul khrims dang / </font><hr>36.140a<br><font size=+1>

bzod pa dang / brtson 'grus dang / bsam gtan dang shes rab kyi pha rol du phyin pa dang / bsam gtan bzhi dang tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang dbang po lnga dang stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / stong pa nyid bcu bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / gzungs kyi sgo rnams dang / ting nge 'dzin gyi sgo rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyi bar dag dang / dge ba'i chos byang chub kyi lam ji snyed pa de dag ni byang chub sems dpa' sems dpa' chen pos yongs su rdzogs par bya ba yin te/ byang chub sems dpa' sems dpa' chen pos de dag yongs su rdzogs par byas na rnam pa thams cad mkhyen pa nyid rjes su 'thob cing de thob nas chos kyi 'khor lo bskor bar 'gyur ro/ /shes rab kyi pha rol tu phyin pa khri brgyad stong pa las/ sangs rgyas kyi zhing yongs su dag par bya ba'i thabs la mkhas pa bstan pa zhes bya ba'i le'u ste/ bdun bcu rtsa brgyad pa'o// // de nas bcom ldan 'das la/ tshe dang ldan pa rab 'byor gyis 'di skad ces gsol to/ /bcom ldan 'das gal te chos de dag byang chub sems dpa'i chos lags na/ bcom ldan 'das 'o na sangs rgyas kyi chos rnams ni gang lags/ bcom ldan 'das kyis bka' stsal pa/ rab 'byor khyod gang yang 'di skad du gal te chos de dag byang chub sems dpa'i chos lags na/ 'o na sangs rgyas kyi chos rnams ni gang lags shes zer ba ni/ rab 'byor byang chub sems dpa'i chos de dag nyid sangs rgyas kyi chos kyang yin te/ gang gi tshe chos de dag rnam pa thams cad du mngon par rdzogs par</font><hr>36.140b<br><font size=+1>

sangs rgyas shing / rnam pa thams cad mkhyen pa nyid thob pa'i tshe/ de'i bag chags mtshams sbyor ba thams cad spong bar byed do/ /byang chub sems dpa' sems dpa' chen po ni de dag mngon par rdzogs par 'tshang rgya bar byed kyi/ de bzhin gshegs pa dgra bcom pa yang dag par rdzogs pa'i sangs rgyas kyis ni skad cig gcig dang ldan pa'i shes rab kyis chos thams cad mngon par rdzogs par sangs rgyas pas/ rab 'byor byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas la ni khyad par de yod do/ /rab 'byor 'di lta ste dper na/ zhugs pa yang gzhan la 'bras bu la gnas pa yang gzhan mod kyi/ 'on kyang de gnyis ka yang gang zag mchog ma yin par mi 'gyur ro/ /rab 'byor de bzhin du byang chub sems dpa' sems dpa' chen po ni bar chad med pa'i lam la gnas pa yin gyi/ de bzhin gshegs pa dgra bcom pa yang dag par rdzogs pa'i sangs rgyas ni chos thams cad la sgrib pa med pa'i ye shes brnyes pa ste/ rab 'byor byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas kyi khyad par ni de yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad rang gi mtshan nyid kyis stong pa lags na/ rang gi mtshan nyid kyis stong pa'i chos rnams la ni 'di ni sems can dmyal ba'o/ /'di ni dud 'gro'i skye gnas pa'o/ /'di ni gshin rje'i 'jig rten pa'o/ /'di ni lha'o/ /'di ni mi'o/ /'di ni rigs kyi sa'o/ /'di ni brgyad pa'o/ /'di ni rgyun du zhugs pa'o/ /'di ni lan cig phyir 'ong ba'o/ /'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so/ /'di ni byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas lags so zhes bgyi ba'i bye brag dang / tha</font><hr>36.141a<br><font size=+1>

dad du bgyi ba ji ltar dmigs par 'gyur lags/ bcom ldan 'das ji ltar gang zag de dag dmigs su ma mchis pa de bzhin du las kyang dmigs su ma mchis la/ ji ltar las dmigs su ma mchis pa de bzhin du/ rnam par smin pa yang dmigs su ma mchis lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin te/ de de bzhin no/ /ji skad smras pa de bzhin te/ rang gi mtshan nyid kyis stong pa'i chos thams cad la ni las dang las kyi rnam par smin pa yang dmigs su med do/ /gang dag gis chos rnams rang gi mtshan nyid kyis stong par mi shes pa de dag ni nyes par spyod pa 'am/ legs par spyod pa 'am/ zag pa dang bcas pa 'am/ zag pa med pa'i las dag mngon par 'du byed do/ /de dag nyes par spyad pa'i las kyis ni ngan song gsum po dag tu ltung ngo / /legs par spyad pa'i las kyis ni lha dang mi rnams kyi nang du skye'o/ /dge ba'i las skyon med pas ni gzugs kyi khams dang / gzugs med pa'i khams dag tu skye'o/ /de la byang chub sems dpa' sems dpa' chen po ni sbyin pa'i pha rol tu phyin pa la spyod pa sangs rgyas kyi chos ma 'dres pa bcwa brgyad kyi bar dag la spyod cing / skyon med pa'i spyod pas byang chub sems dpa'i chos de dag bskyed par byed do/ /de dag bskyed nas kyang rdo rje lta bu'i ting nge 'dzin byang chub kyi yan lag gi 'khor dang ldan pa la snyoms par zhugs shing / bla na med pa yang dag par rdzogs pa'i byang chub mngon par rdzogs par 'tshang rgya'o/ /mngon par rdzogs par sangs rgyas nas kyang sems can rnams kyi don byed do/ /don byas pa des kyang chud za bar mi 'gyur te/ chud za bar mi 'gyur bas phyin cad 'gro ba lnga'i 'khor bar skye bar mi 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci bcom</font><hr>36.141b<br><font size=+1>

ldan 'das kyis bla na med pa yang dag par rdzogs pa'i byang chub mngon par rdzogs par sangs rgyas nas 'gro ba lnga'i 'khor ba dmigs lags sam/ bka' stsal pa/ rab 'byor de ni ma yin no/ /gsol pa bcom ldan 'das ci de bzhin gshegs pas chos nag po 'am/ dkar po 'am/ dkar gnag gam/ dkar po yang ma lags/ nag po yang ma lags pa dag dmigs lags sam/ bka' stsal pa/ rab 'byor de ni ma yin no/ /gsol pa bcom ldan 'das gal te ma dmigs lags na/ 'o na ji ltar sems can dmyal ba dang / dud 'gro'i skye gnas dang / gshin rje'i 'jig rten du gdags pa mdzad/ ji ltar lha dang mi rnams su gdags pa mdzad/ ji ltar rgyun du zhugs par gdags pa mdzad/ ji ltar lan cig phyir 'ong ba dang / phyir mi 'ong ba dang / dgra bcom pa nyid dang / rang sangs rgyas su gdags pa mdzad/ ji ltar byang chub sems dpar gdags pa mdzad/ ji ltar de bzhin gshegs pa dgra bcom pa yang dag par rdzogs pa'i sangs rgyas su gdags pa mdzad lags/ bka' stsal pa/ rab 'byor ci sems can 'di dag gis chos rnams rang gi mtshan nyid kyis stong par shes sam/ gsol pa/ bcom ldan 'das de ni ma lags so/ /bka' stsal pa/ rab 'byor gal te sems can 'di dag gis 'di ltar chos thams cad rang gi mtshan nyid kyis stong ngo zhes bya bar shes na ni/ byang chub sems dpa' sems dpa' chen po yang bla na med pa yang dag par rdzogs pa'i byang chub la 'jug par mi 'gyur la/ bla na med pa yang dag par rdzogs pa'i byang chub la zhugs par ma gyur na ni/ sems can rnams kyang ngan song gsum po dag dang 'gro ba lnga'i 'khor ba'i bar las thar bar mi byed pa zhig na/ rab 'byor 'di ltar sems can 'di dag gis chos thams cad rang gi mtshan nyid kyis stong par mi shes la/ mi shes pas de dag ngan song gsum po dag dang / 'gro ba lnga'i bar gyi 'khor ba las ma thar te/ de'i phyir byang chub sems dpa' sems dpa' chen pos kyang</font><hr>36.142a<br><font size=+1>

sangs rgyas bcom ldan 'das de dag las chos thams cad rang gi mtshan nyid kyis stong zhes bya bar thos nas/ sems can rnams kyi don du bla na med pa yang dag par rdzogs pa'i byang chub la 'jug go/ /chos 'di dag ni ji ltar byis pa so so'i skye bo rnams mngon par zhen par gyur pa de ltar yod pa ma yin na/ sems can 'di dag ni med cing yod pa ma yin pa'i chos rnams la rang gis brtags shing dmigs nas/ sems can med pa la sems can du 'du shes so/ /gzugs med pa la gzugs su 'du shes so/ /tshor ba dang / 'du shes dang / 'du byed rnams dang / rnam par shes pa med pa la rnam par shes par 'du shes shing / 'dus byas dang 'dus ma byas kyi chos rnams kyi bar dag med cing / yod pa ma yin pa la rnam par brtags pas phyin ci log rnams kyis sems bslad par gyur pa dag lus dang / ngag dang yid kyi las mngon par 'du byed pas/ de dag 'gro ba lnga'i 'khor ba las yongs su mi 'thar ro/ /de'i phyir byang chub sems dpa' sems dpa' chen po shes rab kyi pha rol tu phyin par dge ba'i chos thams cad 'dus par byas nas spyod cing byang chub sems dpa'i spyad pa spyod do/ /de la spyod cing bla na med pa yang dag par rdzogs pa'i byang chub mngon par rdzogs par 'tshang rgya'o/ /mngon par rdzogs par sangs rgyas nas kyang sems can rnams 'gro ba lnga'i 'khor ba las thar bar byed do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad rang gi mtshan nyid kyis stong pa lags na/ bcom ldan 'das 'o na ji ltar byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams 'gro ba lnga'i 'khor ba las yongs su thar bar bgyid lags/ de skad ces gsol pa dang / </font><hr>36.142b<br><font size=+1>

bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams la 'phags pa'i bden pa bzhi po sdug bsngal ba dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam dag ston to/ /'chad do/ /'god do/ /'jog go/ /'phags pa'i bden pa bzhi po der ni dge ba'i chos byang chub kyi phyogs gang ji snyed pa thams cad 'dus te/ byang chub kyi phyogs kyi chos de dag gis ni dkon mchog gsum po dag kyang rnam par 'jog par 'gyur te/ gsum gang zhe na/ 'di lta ste/ sangs rgyas dkon mchog dang / chos dkon mchog dang / dge 'dun dkon mchog go/ /dkon mchog gsum po de dag byung bas sems can rnams 'gro ba lnga'i 'khor ba las yongs su thar bar 'gyur ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci sdug bsngal 'tshal bas sems can rnams yongs su mya ngan las 'da' bar 'gyur lags sam/ 'on te sdug bsngal gyis yongs su mya ngan las 'da' bar 'gyur lags/ sdug bsngal kun 'byung ba 'tshal bas yongs su mya ngan las 'da' bar 'gyur lags sam/ 'on te sdug bsngal kun 'byung bas yongs su mya ngan las 'da' bar 'gyur lags/ sdug bsngal 'gog pa 'tshal bas yongs su mya ngan las 'da' bar 'gyur lags sam/ 'on te sdug bsngal 'gog pas yongs su mya ngan las 'da' bar 'gyur lags/ sdug bsngal 'gog par 'gro ba'i lam 'tshal bas yongs su mya ngan las 'da' bar 'gyur lags sam/ 'on te sdug bsngal 'gog par 'gro ba'i lam gyis yongs su mya ngan las 'da' bar 'gyur lags/ de skad ces gsol pa dang / bcom ldan 'das kyis tshe dang</font><hr>36.143a<br><font size=+1>

ldan pa rab 'byor la 'di skad ces bka' stsal to/ /rab 'byor sdug bsngal shes pas kyang yongs su mya ngan las 'da' bar mi 'gyur la/ sdug bsngal gyis kyang ma yin no/ /sdug bsngal kun 'byung ba shes pas kyang ma yin la/ sdug bsngal kun 'byung bas kyang ma yin no/ /sdug bsngal 'gog pa shes pas kyang ma yin la/ sdug bsngal 'gog pas kyang ma yin no/ /sdug bsngal 'gog par 'gro ba'i lam shes pas kyang yongs su mya ngan las 'da' bar mi 'gyur la/ sdug bsngal 'gog par 'gro ba'i lam gyis kyang ma yin te/ rab 'byor 'phags pa'i bden pa rnams kyi mnyam pa nyid gang yin pa des yongs su mya ngan las 'da' bar 'gyur ro zhes nga smra'i/ sdug bsngal shes pas kyang yongs su mya ngan las 'da' bar mi 'gyur la/ sdug bsngal gyis kyang ma yin no/ /sdug bsngal kun 'byung ba shes pas kyang ma yin la/ sdug bsngal kun 'byung bas kyang ma yin no/ /sdug bsngal 'gog pa shes pas kyang ma yin la/ sdug bsngal 'gog pas kyang ma yin no/ /sdug bsngal 'gog par 'gro ba'i lam shes pas kyang ma yin la/ sdug bsngal 'gog par 'gro ba'i lam gyis kyang ma yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das 'phags pa'i bden pa bzhi po dag gi mnyam pa nyid de gang lags/ bka' stsal pa/ rab 'byor gang la sdug bsngal yang med/ sdug bsngal shes pa yang med pa dang / gang la kun 'byung ba yang med/ kun 'byung ba shes pa yang med pa dang / gang la 'gog pa yang med/ 'gog pa shes pa yang med pa dang / gang la lam yang med/ lam shes pa yang med pa yin no/ /rab 'byor yang 'phags pa'i bden pa bzhi po de dag gi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang chos skyon med pa nyid dang / chos gnas pa</font><hr>36.143b<br><font size=+1>

nyid gang yin pa de ni de bzhin gshegs pa rnams byung yang rung / de bzhin gshegs pa rnams ma byung yang rung ste/ chos kyi dbyings nyid du gnas pa yin la/ 'di ltar chos kyi dbyings ni bsnyel ba mi mnga' ba'i chos nyid dang yongs su mi nyams pa'i chos nyid du 'gyur ba yin no/ /de la byang chub sems dpa' sems dpa' chen po shes rab kyi pha rol du phyin pa la spyod pa/ ci nas kyang bden pa rtogs par bya ba'i don du bden pa rtogs par bya ba la spyod do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol du phyin pa la ji ltar spyod na/ bden pa rtogs pa'i don du spyod pa lags/ ji ltar spyad na ni bden pa rtogs par 'gyur lags/ rtogs nas ni ji ltar de bzhin nyid du sgrub par 'gyur lags/ ji ltar bsgrubs na nyan thos kyi sar mi ltung zhing / rang sangs rgyas kyi sar yang mi ltung la/ byang chub sems dpa'i skyon ma mchis pa la 'jug pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen pos gang gi mtha' mi mthong ba'i chos de med do/ /gang gi tshe ma mthong ba de'i tshe/ chos gang yang mi dmigs so/ /mi dmigs pas chos thams cad stong par mthong ste/ gang dag bden par rtogs pa 'am/ gang dag bden par ma gtogs pa'i chos de dag thams cad kyang stong par mthong ngo / /des de ltar mthong bas byang chub sems dpa'i skyon med pa la zhugs shing / rigs kyi sa la gnas pa yin no/ /byang chub sems dpa' de rigs kyi sa la gnas nas rtse mor ltung ba gang gis nyan thos kyi sa 'am/ rang sangs rgyas kyi sar ltung bar 'gyur ba'i rtse mor ltung bar mi 'gyur ro/ /byang chub sems dpa' de rigs kyi sa de la gnas nas bsam gtan bzhi bskyed par byed do/ /tshad med pa bzhi dang / gzugs med pa'i snyoms par 'jug pa bzhi</font><hr>36.144a<br><font size=+1>

bskyed par byed do/ /de zhi gnas kyi sa de la gnas shing chos thams cad rab tu rnam par 'byed par byed do/ /'phags pa'i bden pa bzhi yang rtogs par byed do/ /de sdug bsngal yongs su shes kyang sdug bsngal la dmigs pa'i sems mi bskyed do/ /kun 'byung ba spong bar byed kyang kun 'byung ba la dmigs pa'i sems mi bskyed do/ /'gog pa mngon sum du byed kyang 'gog pa mngon sum du bya ba la dmigs pa'i sems mi bskyed do/ /lam sgom par byed kyang lam la dmigs pa'i sems mi bskyed de/ gzhan du na byang chub la gzhol ba'i sems kyis chos thams cad yang dag pa ji lta ba bzhin du mthong bar byed do/ /gsol pa/ bcom ldan 'das chos thams cad kyi yang dag pa ji lta ba bzhin zhes bgyi ba gang lags/ bka' stsal pa/ rab 'byor chos thams cad stong pa nyid du mthong ba'o/ /gsol pa/ bcom ldan 'das ji ltar na chos thams cad stong pa nyid du mthong ba lags/ bka' stsal pa/ rab 'byor 'di ltar chos thams cad rang gi mtshan nyid kyis stong pa nyid du mthong ba ste/ des de lta bu'i lhag mthong des chos thams cad stong pa'o zhes bya bar rnam par lta yang ngo bo nyid gang la gnas nas/ byang chub mngon par rdzogs par 'tshang rgya bar 'gyur ba de lta bu'i ngo bo nyid gang yang yang dag par rjes su mi mthong ngo / /gsol pa/ bcom ldan 'das de lta lags na/ dngos po ma mchis pa ni byang chub lags par 'gyur lags so/ /bka' stsal pa/ rab 'byor de de bzhin te/ de de bzhin no/ /ji skad smras pa de bzhin te/ rab 'byor dngos po med pa ni byang chub ste/ de ni sangs rgyas kyis ma mdzad/ rang sangs rgyas kyis ma byas / dgra bcom pas ma byas/ gang dag byang chub 'di la spyod pa'i byang chub sems dpa' sems dpa' chen po de dag gis kyang ma byas te/ gzhan du na sems can rnams kyis yang dag pa ji lta ba bzhin du mi shes mi mthong bas de'i phyir byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas</font><hr>36.144b<br><font size=+1>

pas/ sems can rnams la chos ston par byed do/ /shes rab kyi pha rol tu phyin pa khri brgyad stong pa las/ dngos po med pa'i ngo bo nyid bstan pa'i le'u ste/ bdun bcu rtsa dgu pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags te/ de dag sangs rgyas kyis kyang ma mdzad/ rang sangs rgyas kyis kyang ma bgyis/ dgra bcom pa dang / phyir mi 'ong ba dang / lan cig phyir 'ong ba dang / rgyun du zhugs pas kyang ma bgyis/ gang dag byang chub 'di'i slad du spyod pa'i byang chub sems dpa' sems dpa' chen po de dag kyang ma bgyis pa lags na/ bcom ldan 'das 'o na ci'i slad du chos 'di dag la 'di dag ni sems can dmyal ba pa'o/ /'di dag ni dud 'gro'i skye gnas pa'o/ /'di dag ni gshin rje'i 'jig rten pa'o/ /'di dag ni lha'o/ /'di dag ni mi'o/ /las 'dis ni sems can dmyal ba rnams su mchi'o/ /'dis ni dud 'gro'i skye gnas rnams su'o/ /'dis ni gshin rje'i 'jig rten rnams su'o/ /'dis ni lha rnams su'o/ /'dis ni mi rnams su'o/ /'dis ni tshangs ris rnams su'o/ /'dis ni 'du shes med 'du shes med min skye mched du nye bar 'gro ba'i bar gyi lha rnams su mchi'o/ /las 'dis ni rgyun du zhugs pa rnams su'o/ /las 'dis ni rang sangs rgyas kyi bar dag tu'o/ /las 'dis ni byang chub sems dpa' rnams su'o/ /las 'dis ni de bzhin gshegs pa dgra bcom pa yang dag par rdzogs pa'i sangs rgyas rnams su 'gyur ro zhes bgyi bar tha dad du dbye ba 'am/ rnam par dgod pa dag mchis par 'gyur lags/ bcom ldan 'das dngos po ma mchis pa la ni bgyi ba gang gis sems can dmyal bar mchi ba 'am/ dud 'gro'i skye gnas sam/ gshin rje'i 'jig rten nam/ mi 'am lha 'am/ 'du shes med 'du shes med min skye</font><hr>36.145a<br><font size=+1>

mched kyi bar dag tu mchi bar 'gyur ba 'am/ rgyun du zhugs pa'i 'bras bu 'thob par 'gyur ba 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub 'thob par 'gyur ba 'am/ byang chub sems dpa' 'thob pa 'am/ byang chub kyi lam la spyod par 'gyur ba 'am/ rnam pa thams cad mkhyen pa nyid 'thob par 'gyur ba 'am/ de thob nas kyang sems can rnams 'khor ba las yongs su thar bar 'gyur ba'i bgyi ba de lta bu gang yang ma mchis lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin te/ de de bzhin no/ /ji skad smras pa de bzhin te/ rab 'byor dngos po med pa la ni las kyang med/ bya ba yang med/ 'bras bu yang med na/ byis pa so so'i skye bo thos pa dang mi ldan pa/ 'phags pa'i chos rnams la mi mkhas pa rnams kyis chos rnams dngos po med pa'i ngo bo nyid du mi shes te/ de dag phyin ci log gis kun nas bslang ba'i sems kyis las rnam pa sna tshogs mngon par 'du byed pas/ de dag gis lus 'di lta bu dag mngon par 'grub ste/ sems can dmyal ba 'am/ dud 'gro'i skye gnas sam/ gshin rje'i 'jig rten nam/ lha 'am mi 'am/ 'du shes med 'du shes med min skye mched du nye bar 'gro ba'i bar gyi lus ngag mngon par 'grub bo/ /dngos po med pa la ni las kyang med/ bya ba yang med/ 'bras bu yang med de/ dngos po med pa gang yin pa de ni dngos po med pa nyid do/ /rab 'byor khyod gang yang 'di skad du dngos po ma mchis pa la ni bgyi ba gang gis rgyun du zhugs pa'i 'bras bu'i bar dag 'thob par 'gyur ba 'am/ dgra bcom pa nyid dam/ rang byang chub kyi bar dag 'thob par 'gyur ba 'am/ byang chub sems dpa' sems dpa' chen po lam gyi rnam pa shes pa nyid la spyod par 'gyur ba 'am/ de bzhin gshegs pa dgra</font><hr>36.145b<br><font size=+1>

bcom pa yang dag par rdzogs pa'i sangs rgyas kyis rnam pa thams cad mkhyen pa nyid 'thob par 'gyur ba 'am/ de thob nas kyang sems can rnams 'khor ba las yongs su thar bar 'gyur ba'i bgyi ba de lta bu gang yang ma mchis lags so zhes zer ba ni/ rab 'byor 'di ji snyam du sems/ lam dngos po med pa ma yin nam/ rgyun du zhugs pa'i 'bras bu yang dngos po med pa ma yin nam/ lan cig phyir 'ong ba'i 'bras bu yang dngos po med pa ma yin nam/ phyir mi 'ong ba'i 'bras bu yang dngos po med pa ma yin nam/ dgra bcom pa nyid kyang dngos po med pa ma yin nam/ rang byang chub kyang dngos po med pa ma yin nam/ lam gyi rnam pa shes pa nyid kyang dngos po med pa ma yin nam/ rnam pa thams cad mkhyen pa nyid kyi bar yang dngos po med pa ma yin snyam 'am/ gsol pa/ bcom ldan 'das lam ni dngos po ma mchis pa lags so/ /rnam pa thams cad mkhyen pa nyid kyi bar dag kyang dngos po ma mchis pa lags so/ /bka' stsal pa/ rab 'byor 'o na ci dngos po med pa'i chos kyis dngos po med pa'i chos thob par 'gyur snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor de lta bas na dngos po med pa gang yin pa dang / lam gang yin pa'i chos de gnyis ni ldan pa yang ma yin mi ldan pa yang ma yin/ /gzugs med pa bstan du med pa/ thogs pa med pa ste/ 'di ltar mtshan nyid med par mtshan nyid gcig pa'o/ /rab 'byor de'i phyir byang chub sems dpa' sems dpa' chen po shes rab kyi pha rol tu phyin pa la spyod pa/ thabs mkhas pas sems can phyin ci log bzhis phung po dag la mngon par zhen cing / mi rtag pa la rtag par 'du shes pa dang / sdug bsngal la bde bar 'du shes pa dang / bdag med pa la bdag tu 'du shes pa dang / mi sdug pa la sdug par 'du shes shing / dngos po la mngon par zhen pa dag dngos po las rnam par</font><hr>36.146a<br><font size=+1>

'byed par byed do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci byis pa so so'i skye bo rnams gang la gnas nas/ dngos po'o zhes mngon par zhen par gyur pa'i dngos po byung ba 'am/ 'byung ba de bzhin nyid dang / ma nor ba de bzhin nyid ces bgyi ba de lta bu mchis lags sam/ gal te ma mchis na ni las gang gis 'gro ba lnga'i 'khor ba las yongs su thar bar mi 'gyur ba de lta bu'i las kyang ji ltar mngon par 'du bgyid par 'gyur lags/ bka' stsal pa/ rab 'byor phyin ci log ma gtogs par gang la gnas nas/ byis pa so so'i skye bo rnams las mngon par 'du byed pa'i dngos po ni tha na skra'i rtse mo'i cha shas gzhag pa tsam yang med do/ /rab 'byor de'i phyir ci nas kyang don 'di nyid rgya cher yongs su rdzogs par bya ba dang / mkhas pas shes par bya ba'i phyir khyod la dpes bshad par bya'o/ /rab 'byor 'di ji snyam du sems/ rmi lam rmi ba gang la gnas nas/ 'dod pa lnga'i yon tan dag gis dga' mgur spyod par 'gyur na/ rmi lam rmi ba'i dngos po de lta bu 'ga' zhig yod snyam 'am/ gsol pa/ bcom ldan 'das rmi lam nyid kyang ma mchis lags na/ rmi lam rmi ba gang la gnas nas/ 'dod pa lnga'i yon tan dag gis dga' mgur spyod par 'gyur ba'i dngos po lta ga la mchis lags/ bka' stsal pa/ rab 'byor 'di ji snyam du sems/ gang dag rmi lam lta bu ma yin pa'i 'dus byas sam/ 'dus ma byas sam/ zag pa dang bcas pa 'am/ zag pa med pa'i chos 'ga' zhig yod snyam 'am/ gsol pa/ bcom ldan 'das gang dag rmi lam lta bu ma lags pa'i 'dus byas sam/ 'dus ma byas sam/ zag pa dang bcas pa 'am/ zag pa ma mchis pa'i chos ni 'ga' yang ma mchis lags so/ /bka' stsal pa/ rab 'byor 'di ji snyam du sems/ rmi lam la 'gro ba</font><hr>36.146b<br><font size=+1>

lnga'i 'khor ba yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'di ji snyam du sems/ rmi lam la lam bsgom pa gang la brten nas kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'ga' zhig yod snyam 'am/ gsol pa/ bcom ldan 'das de ni ma lags te/ bcom ldan 'das chos de ni dngos po ma mchis shing / gdags su ma mchis pa ste/ brjod pa dang / tshig dang yi ge 'bru thams cad kyis gdags par bgyi ba ma lags so/ /'phags pa shes rab kyi pha rol tu phyin pa khri brgyad stong pa/ bam po lnga bcu rtsa drug pa/ bcom ldan 'das kyis bka' stsal pa/ rab 'byor 'di ji snyam du sems/ me long gi dkyil 'khor la gzugs brnyan snang ba gang yin pa de la las gang mngon par 'dus byas pas sems can dmyal bar 'gro ba 'am/ dud 'gro'i skye gnas sam/ gshin rje'i 'jig rten nam/ lha 'am mir 'gro bar 'gyur ba'i las mngon par 'du byed pa 'ga' zhig yod snyam 'am/ gsol pa/ bcom ldan 'das de ni ma lags te/ bcom ldan 'das gzugs brnyan de ni byis pa so so'i skye bo rnams la slu ba ma gtogs par de nyid kyang dngos po ma mchis pa lags na/ de la las gang mngon par 'dus bgyis pas sems can dmyal bar mchi ba 'am/ dud 'gro'i skye gnas sam/ gshin rje'i 'jig rten nam/ lha 'am mir mchi bar 'gyur ba'i las mngon par 'du bgyid pa lta ga la mchis lags/ bka' stsal pa/ rab 'byor 'di ji snyam du sems/ de la lam bsgom pa gang la brten nas kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'ga' zhig yod snyam 'am/ gsol pa/ bcom ldan 'das de ni ma lags te/ bcom</font><hr>36.147a<br><font size=+1>

ldan 'das gzugs brnyan de nyid kyang dngos po ma mchis pa lags na/ de la lam bsgom pa gang la brten nas kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa lta ga la mchis lags/ bka' stsal pa/ rab 'byor 'di ji snyam du sems/ chu klung dang / sman ljong dang / nags thibs po dang / ri khrod dang bya skyibs dag nas brag ca byung bar gyur na/ brag ca de la las gang mngon par 'dus byas pas sems can dmyal bar 'gro ba 'am/ dud 'gro'i skye gnas sam/ gshin rje'i 'jig rten du 'gro ba 'am/ mi rnams sam/ 'dod pa na spyod pa'i lha rnams sam/ gzugs na spyod pa'i lha rnams sam/ 'du shes med 'du shes med min skye mched kyi bar gyi lha rnams su 'gro bar 'gyur ba'i las mngon par 'du byed pa 'ga' zhig yod snyam 'am/ gsol pa/ bcom ldan 'das de ni ma lags te/ bcom ldan 'das brag ca de nyid kyang dngos po ma mchis pa lags na/ de'i las gang mngon par 'dus bgyis pas/ sems can dmyal bar mchi ba 'am/ dud 'gro'i skye gnas sam/ gshin rje'i 'jig rten du mchi ba 'am/ mi 'am/ 'dod pa na spyod pa'i lha rnams sam/ gzugs na spyod pa'i lha rnams sam/ gzugs ma mchis pa na spyod pa 'du shes med 'du shes med min skye mched kyi bar gyi lha rnams su mchi bar 'gyur ba'i las mngon par 'du bgyid pa lta ga la mchis lags/ bka' stsal pa/ rab 'byor 'di ji snyam du sems brag ca de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'ga' zhig yod snyam 'am/ gsol pa/ bcom ldan 'das brag ca de nyid kyang gtan ma mchis lags na/ de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam</font><hr>36.147b<br><font size=+1>

bsgom pa lta ga la mchis lags/ bka' stsal pa/ rab 'byor 'di ji snyam du sems/ smig rgyu la chu med par chur 'du shes pa dang / klung med par klung du 'du shes pa dang / grong khyer med par grong khyer du 'du shes pa dang / skyed mos tshal med par bskyed mos tshal du 'du shes par 'gyur ba gang yin pa de la las gang mngon par 'dus byas pas sems can dmyal bar 'gro ba 'am/ 'du shes med 'du shes med min skye mched kyi bar dag tu 'gro bar 'gyur ba'i las mngon par 'du byed pa 'ga' zhig yod snyam 'am/ gsol pa/ bcom ldan 'das 'du shes phyin ci log tu gyur pa dang / mig 'khrul pa ma gtogs par smig rgyu la ni chab kyang gtan ma mchis la/ klung yang ma mchis/ grong khyer yang ma mchis/ bskyed mos tshal yang ma mchis lags na/ de la las gang mngon par 'dus bgyis pas sems can dmyal bar mchi ba 'am/ 'du shes med 'du shes med min skye mched kyi bar dag tu mchi bar 'gyur ba'i las mngon par 'du bgyid pa lta ga la mchis lags/ bka' stsal pa/ rab 'byor 'di ji snyam du sems/ 'du shes phyin ci log tu gyur pa de la lam bsgom pa gang la rten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa gang 'ga' zhig yod snyam 'am/ gsol pa/ bcom ldan 'das 'du shes phyin ci log tu gyur pa yang gtan ma mchis lags na/ de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa lta ga la mchis lags/ bka' stsal pa/ rab 'byor 'di ji snyam du sems/ sgyu ma mkhan gyis sgyu ma sna tshogs dag gcig mngon par sprul te/ glang po che'i tshogs sam/ rta'i tshogs sam/ glang gi tshogs sam/ dpung bu chung gi tshogs sam/ shing rta'i tshogs sam/ bud med kyi gzugs sam/ </font><hr>36.148a<br><font size=+1>

skyes pa'i gzugs dag cig mngon par sprul na/ sgyu ma'i tshogs de dag la las gang mngon par 'dus byas pas sems can dmyal bar 'gro ba 'am/ 'du shes med 'du shes med min skye mched kyi bar dag tu 'gro bar 'gyur ba'i las mngon par 'du byed pa 'ga' zhig yod snyam 'am/ gsol pa/ bcom ldan 'das de ni ma lags te/ bcom ldan 'das sgyu ma de la ni gang la gnas nas/ las mngon par 'du bgyid par 'gyur ba'i dngos po tha na skra'i rtse mo'i cha shas gzhag pa tsam yang ma mchis lags na/ de la las gang mngon par 'dus bgyis pas sems can dmyal bar mchi ba 'am/ 'du shes med 'du shes med min skye mched kyi bar dag tu mchi bar 'gyur ba'i las mngon par 'du bgyid pa lta ga la mchis lags/ bka' stsal pa/ rab 'byor 'di ji snyam du sems/ sgyu ma de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'ga' zhig yod snyam 'am/ gsol pa/ bcom ldan 'das de ni ma lags te/ bcom ldan 'das sgyu ma de nyid kyang dngos po ma mchis pa lags na/ de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa lta ga la mchis lags/ bka' stsal pa/ rab 'byor 'di ji snyam du sems/ de bzhin gshegs pa'i sprul pas sprul pa/ gzhan zhig mngon par sprul na/ sprul pa de la las gang mngon par 'dus byas pas sems can dmyal bar 'gro ba 'am/ 'du shes med 'du shes med min skye mched kyi bar dag tu 'gro bar 'gyur ba'i las mngon par 'du byed pa 'ga' zhig yod snyam 'am/ gsol pa/ bcom ldan 'das de ni ma lags te/ bcom ldan 'das sprul pa de nyid kyang dngos po ma mchis pa lags na/ de la</font><hr>36.148b<br><font size=+1>

las gang mngon par 'dus bgyis pas sems can dmyal bar mchi ba 'am/ 'du shes med 'du shes med min skye mched kyi bar dag tu mchi bar 'gyur ba'i las mngon par 'du bgyid pa lta ga la mchis lags/ bka' stsal pa/ rab 'byor 'di ji snyam du sems/ sprul pa de la lam bsgom pa gang la brten nas/ kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa 'ga' zhig yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor 'di ji snyam du sems/ de la kun nas nyon mongs par 'gyur ba 'am/ rnam par byang bar 'gyur ba 'ga' zhig yod snyam 'am/ /gsol pa/ bcom ldan 'das 'ga' yang ma mchis lags so/ /bka' stsal pa/ rab 'byor ji ltar kun nas nyon mongs par 'gyur ba 'ga' yang med cing / rnam par byang bar 'gyur ba 'ga' yang med pa de bzhin du/ kun nas nyon mongs pa yang med la/ rnam par byang ba yang med do/ /de ci'i phyir zhe na/ gang dag ngar 'dzin pa dang / nga yir 'dzin pa la gnas pa'i sems can rnams ni kun nas nyon mongs pa 'am/ rnam par byang bar 'gyur gyi/ yang dag par mthong ba ni/ kun nas nyon mongs pa 'am/ rnam par byang bar yang mi 'gyur ba'i phyir te/ ji ltar yang dag par mthong ba/ kun nas nyon mongs par mi 'gyur zhing / rnam par byang bar mi 'gyur ba de bzhin du/ kun nas nyon mongs pa yang med la/ rnam par byang ba yang med do/ /shes rab kyi pha rol tu phyin pa khri brgyad stong pa las/ kun nas nyon mongs pa dang / rnam par byang ba med pa'i le'u ste/ brgyad bcu pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das yang dag pa mthong ba la/ kun nas nyon</font><hr>36.149a<br><font size=+1>

mongs par 'gyur ba ma mchis shing / rnam par byang bar 'gyur ba ma mchis pa bzhin du/ yang dag pa ma mthong ba la yang kun nas nyon mongs par 'gyur ba ma mchis shing / rnam par byang bar 'gyur ba ma mchis te/ bcom ldan 'das 'di ltar chos thams cad ni dngos po ma mchis pa'i ngo bo nyid lags pas/ dngos po ma mchis pa la yang kun nas nyon mongs pa ma mchis shing / rnam par byang ba ma mchis la/ bcom ldan 'das dngos po la yang kun nas nyon mongs pa ma mchis shing / rnam par byang ba ma mchis te/ bcom ldan 'das ngo bo nyid la yang kun nas nyon mongs pa ma mchis shing / rnam par byang ba ma mchis la/ bcom ldan 'das dngos po ma mchis pa'i ngo bo nyid la yang kun nas nyon mongs pa ma mchis shing / rnam par byang ba ma mchis lags na/ 'o na bcom ldan 'das kyis rnam par byang ba bka' stsal pa/ de ci lta bu lags/ bka' stsal pa/ rab 'byor 'di ltar chos thams cad kyi mnyam pa nyid gang yin pa de ni ngas rnam par byang bar gsungs so/ /gsol pa/ bcom ldan 'das chos thams cad kyi mnyam pa nyid de gang lags/ bka' stsal pa/ rab 'byor de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / de bzhin gshegs pa rnams byung yang rung / de bzhin gshegs pa rnams ma byung yang rung ste/ chos gnas pa nyid dang / chos kyi dbyings de bzhin du gnas pa de ni 'di lta ste/ chos kyi dbyings yin te rab 'byor de ni rnam par byang ba zhes bya'o/ /rab 'byor de ni 'jig rten gyi tha snyad kyis brjod par zad kyi/ brjod du med cing 'jig rten gyi tha snyad dang bral ba ste/ ngag dang / sgra dang / tshig gi lam thams cad kyis brjod du med pa yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /</font><hr>36.149b<br><font size=+1>

bcom ldan 'das gal te chos thams cad sgyu ma lta bu dang / rmi lam lta bu dang / brag ca lta bu dang / mig yor lta bu dang / gzugs brnyan lta bu dang / smig rgyu lta bu dang / dri za'i grong khyer lta bu dang / sprul pa lta bu lags na/ 'o na ji ltar byang chub sems dpa' sems dpa' chen po sgyu ma lta bu dang / sprul pa lta bu'i bar gyi chos dngos po ma mchis shing / rdzas ma mchis pa dag la bdag gis sbyin pa'i pha rol tu phyin pa yongs su rdzogs par bgyi'o/ /shes rab kyi pha rol du phyin pa'i bar dag yongs su rdzogs par bgyi'o/ /de bzhin du thabs la mkhas pa'i pha rol du phyin pa dang / smon lam gyi pha rol du phyin pa dang / stobs kyi pha rol du phyin pa dang / ye shes kyi pha rol du phyin pa dang / mngon par shes pa'i pha rol du phyin pa yongs su rdzogs par bgyi'o/ /bsam gtan bzhi la snyoms par 'jug par bgyi'o/ /tshad med pa bzhi dang / gzugs med pa'i snyoms par 'jug pa bzhi yongs su rdzogs par bgyi'o/ /dran pa nye bar gzhag pa bzhi bsgom par bgyi'o/ /'phags pa'i lam yan lag brgyad pa'i bar dag bsgom par bgyi'o/ /rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / spobs pa dang / gzungs kyi sgo rnams thob par bgyi'o/ /sangs rgyas kyi chos ma 'dres pa bcwa brgyad kyi bar dag yongs su rdzogs par bgyi'o/ /skyes bu chen po'i mtshan sum bcu rtsa gnyis dang / dpe byad bzang po brgyad bcu'i bar dag thob par bgyi'o/ /stong gsum gyi stong chen po'i 'jig rten gyi khams dag snang bas khyab par bgyid pa'i 'od tshad ma mchis pa dag yongs su rdzogs par bgyi'o/ /phyogs bcu'i 'jig rten gyi khams kyi sems can rnams kyi sems kyi rtog pa sems kyis yongs su btsal bar bgyis nas/ dbyangs gcig gis mos pa ji lta ba bzhin du chos ston par 'gyur ba'i tshangs pa'i dbyangs yongs su rdzogs par bgyi'o zhes bla na med pa yang dag par rdzogs pa'i byang</font><hr>36.150a<br><font size=+1>

chub tu sems bskyed par bgyid lags/ bka' stsal pa/ rab 'byor 'di ji snyam du sems/ gang khyod kyis brjod pa'i chos de dag sgyu ma lta bu dang / rmi lam lta bu dang / brag ca lta bu dang / mig yor lta bu dang / gzugs brnyan lta bu dang / smig rgyu lta bu dang / dri za'i grong khyer lta bu dang / sprul pa lta bu ma yin snyam 'am/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos de dag sgyu ma lta bu dang / rmi lam lta bu dang / sprul pa lta bu'i bar dag lags na/ bcom ldan 'das 'o na ji ltar sgyu ma lta bu dang / rmi lam lta bu dang / sprul pa lta bu'i bar gyi chos rnams la byang chub sems dpa' sems dpa' chen po shes rab kyi pha rol tu phyin pa la spyod par bgyid lags/ bcom ldan 'das sgyu ma dang / rmi lam dang / sprul pa'i bar dag ni yang dag pa ma lags te/ bcom ldan 'das yang dag pa ma lags pas ni sbyin pa'i pha rol du phyin pa la spyad pa dang / shes rab kyi pha rol du phyin pa'i bar dag la spyad pa dang / byang chub kyi phyogs kyi chos sum bcu rtsa bdun gyi bar dag la spyad par yang rngo mi thog la/ de bzhin du yang dag pa ma lags pas ni/ sangs rgyas kyi chos ma 'dres pa bcwa brgyad kyi bar dag la spyad cing / rnam pa thams cad mkhyen pa nyid mngon par rdzogs par 'tshang rgya bar rngo mi thog lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor yang dag pa ma yin pas ni/ sbyin pa'i pha rol tu phyin pa la spyad pa dang / shes rab kyi pha rol du phyin pa'i bar la spyad par mi nus so/ /yang dag pa ma yin pas ni sangs rgyas kyi chos ma 'dres pa bcwa brgyad kyi bar dag la spyad cing / bla na med pa yang dag par rdzogs pa'i byang chub mngon par rdzogs par 'tshang rgya bar mi nus so/ /rab 'byor 'di ji snyam du sems/ sbyin pa'i pha rol du phyin pa bla na med pa yang dag par rdzogs pa'i byang chub mngon par rdzogs par 'tshang rgya snyam 'am/ </font><hr>36.150b<br><font size=+1>

shes rab kyi pha rol tu phyin pa'i bar dag bla na med pa yang dag par rdzogs pa'i byang chub mngon par rdzogs par 'tshang rgya snyam 'am/ byang chub kyi phyogs kyi chos sum bcu rtsa bdun dang / stong pa nyid bcu bzhi dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / gzungs kyi sgo rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi bar dag bla na med pa yang dag par rdzogs pa'i byang chub mngon par rdzogs par 'tshang rgya snyam 'am gsol pa/ bcom ldan 'das de ni ma lags so/ /bka' stsal pa/ rab 'byor de de bzhin no/ /de de bzhin te/ rab 'byor sbyin pa'i pha rol tu phyin pa ni bla na med pa yang dag par rdzogs pa'i byang chub mngon par rdzogs par 'tshang mi rgya'o/ /sangs rgyas kyi chos ma 'dres pa bcwa brgyad kyi bar dag kyang bla na med pa yang dag par rdzogs pa'i byang chub mngon par rdzogs par 'tshang mi rgya'o/ /de ci'i phyir zhe na/ rab 'byor 'di ltar chos de dag thams cad ni mngon par 'dus byas pa dang / bsams pa ste/ mngon par 'dus byas pa dang / bsams pa'i chos rnams kyis ni rnam pa thams cad mkhyen pa nyid rjes su 'thob par mi nus pa'i phyir ro/ /rab 'byor 'on kyang chos de dag thams cad ni lam sgrub pa dang lam bskyed par byed pa yin gyi/ 'bras bu 'thob par byed pa ni ma yin no/ /chos de dag gi skye ba med pa dang / 'gag pa med pa gang yin pa de ni mtshan nyid med pa yang de yin te/ de lta bas na byang chub sems dpa' sems dpa' chen po sems dang po bskyed pa nas nye bar bzung ste/ dge ba'i chos sbyin pa'i pha rol tu phyin pa 'am/ shes rab kyi pha rol du phyin pa'i bar dag gam/ sangs rgyas kyi chos ma 'dres pa bcwa brgyad kyi bar dag gam/ dge ba'i chos gang dang gang rtsom yang rung</font><hr>36.151a<br><font size=+1>

ste/ de dag thams cad sgyu ma lta bur rab tu shes so/ /sbyin pa'i pha rol du phyin pa dang / shes rab kyi pha rol du phyin pa'i bar dag dang / sangs rgyas kyi chos ma 'dres pa bcwa brgyad kyi bar gyi chos de dag yongs su rdzogs par ma byas par sems can yongs su smin par bya ba 'am/ rnam pa thams cad mkhyen pa nyid thob par mi nus pas/ de'i phyir byang chub sems dpa' sems dpa' chen po shes rab kyi pha rol du phyin pa la spyod pa dge ba'i chos gang ci rtsom yang rung ste/ de dag thams cad rmi lam lta bur rab tu shes so/ /sprul pa lta bu'i bar du rab tu shes so/ /de shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid kyi bar du rmi lam lta bur rab tu shes so/ /sprul pa lta bu'i bar du rab tu shes so/ /sems can de dag kyang rmi lam lta bu la spyod do zhes bya bar rab tu shes so/ /sprul pa lta bu'i bar dag la spyod do zhes bya bar rab tu shes te/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa/ sgyu ma lta bu'i chos rnams dngos po med par 'dzin te/ de ltar bzung zhing rnam pa thams cad mkhyen pa nyid rjes su thob par byed do/ /sprul pa lta bu'i bar gyi chos rnams dngos po med par 'dzin te/ de ltar bzung zhing rnam pa thams cad mkhyen pa nyid thob par byed do/ /sbyin pa'i pha rol du phyin pa gzung du med cing shes rab kyi pha rol du phyin pa'i bar yang gzung du med la/ sangs rgyas kyi chos ma 'dres pa bcwa brgyad kyi bar dag kyang gzung du med pa/ de'i phyir byang chub sems dpa' sems dpa' chen pos chos thams cad gzung du med par rig par byas shing / bla na med pa yang dag par rdzogs pa'i byang chub la 'jug par byed do/ /de ci'i phyir zhe na/ 'di ltar chos thams cad ni rmi lam lta bu dang / sprul pa'i bar dag lta bur gzung du med cing dngos po med pa ste/ sems can thams cad kyis chos de dag mi shes ma mthong ba ma gtogs par bzung du med pa'i chos kyis gzung du med pa'i chos thob par mi nus pa'i phyir ro/ /de'i phyir byang chub sems dpa' sems</font><hr>36.151b<br><font size=+1>

dpa' chen po sems can thams cad kyi don du bla na med pa yang dag par rdzogs pa'i byang chub la 'jug par byed de/ de sems dang po bskyed pa nas bzung ste/ sbyin pa gang ci sbyin yang rung / de thams cad sems can rnams kyi don du gtong ngo / /tshul khrims gang ci srung ba dang / bzod pa gang ci bsgom pa dang / brtson 'grus gang ci rtsom pa dang / ting nge 'dzin gang la snyoms par 'jug pa dang / shes rab gang ci bsgom yang rung ste/ de dag thams cad sems can rnams kyi don du sgom gyi/ bdag gi don du ni ma yin no/ /byang chub sems dpa' sems dpa' chen po ni sems can rnams kyi don ma gtogs par bla na med pa yang dag par rdzogs pa'i byang chub la mi 'jug ste/ de shes rab kyi pha rol du phyin pa la spyod pa'i tshe/ sems can gang dag sems can med pa la sems can du 'du shes par gnas pa dang / bdag med pa la bdag tu 'du shes par gnas pa dang / skye ba po dang / shed bu dang / shed las skyes dang / srog dang / gso ba dang / skyes bu dang / gang zag dang / byed pa po dang / tshor ba po dang / byed du 'jug pa po dang / slong ba po dang / kun nas slong ba po dang / shes pa po dang / mthong ba po'i bar dag kyang med pa la mthong ba po'i 'du shes su gnas pa'i sems can de dag byang chub sems dpa' sems dpa' chen po shes rab kyi pha rol tu phyin pa la spyod pas/ phyin ci log dag las rnam par 'grel bar byed do/ /phyin ci log dag las rnam par bkrol nas kyang 'chi ba med pa'i dbyings su 'god par byed do/ /der bkod nas kyang kun du 'byung ba 'di dag mi 'byung mi rgyu ste/ bdag gi 'du shes kun du 'byung ba 'am/ byed pa po'i 'du shes kun du 'byung ba'i bar dag kun du mi 'byung ste/ de g.yo ba dang / 'gul ba dang / rlom sems dang / spros pa de dag thams cad btang nas/ spros pa med pa'i sems kyis rdzogs par byas te mang du gnas so/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pa des bdag kyang chos gang la yang mngon par zhen pa med la/ sems can thams cad kyang mngon par zhen pa med pa</font><hr>36.152a<br><font size=+1>

la rab tu 'god par byed de/ de yang 'jig rten gyi tha snyad yin gyi/ don dam par ni ma yin no/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das de bzhin gshegs pas chos gang mngon par rdzogs par sangs rgyas pa de ji 'jig rten gyi tha snyad du mngon par rdzogs par sangs rgyas lags sam/ 'on te don dam par lags/ bka' stsal pa/ rab 'byor de bzhin gshegs pas chos 'di bstan to/ /de bzhin gshegs pas chos 'di mngon par rdzogs par sangs rgyas so zhes bya ba ni 'jig rten gyi tha snyad kyis tha snyad btags pa ste/ de la ni chos 'dis chos 'di lta bu zhig mngon par rdzogs par sangs rgyas so zhes bya ba gang yang dmigs su med do/ /de ci'i phyir zhe na/ chos 'dis chos 'di lta bu zhig mngon par rdzogs par sangs rgyas so zhes bya ba de ni dmigs pa ste/ gnyis kyis ni 'thob pa dang / mngon par rtogs par 'gyur ba gang yang med pa'i phyir ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te gnyis kyis 'thob pa dang / mngon par rtogs par mi 'gyur lags na/ 'o na ji gnyis su ma mchis pas 'thob pa dang / mngon par rtogs par 'gyur lags sam/ bka' stsal pa/ rab 'byor gnyis kyis kyang mngon par rtogs par mi 'gyur la/ gnyis su med pas kyang mngon par rtogs par mi 'gyur te/ gang la gnyis kyang med la gnyis ma yin pa yang med pa de ni 'dir mngon par rtogs pa yin no/ /de ci'i phyir zhe na/ 'di ni mngon par rtogs pa'o/ /'dis ni mngon par rtogs so zhes bya ba gang yin pa de ni spros pa'o/ /chos mnyam pa nyid la ni spros pa med de/ spros pa med pa ni chos mnyam pa nyid yin pa'i phyir ro/ /gsol pa/ bcom ldan 'das chos dngos po ma mchis pa'i ngo bo nyid rnams la chos kyi mnyam pa nyid ces bgyi ba gang zhig mchis lags/ bka' stsal pa/ rab 'byor gang la dngos po med pa dang / ngo bo nyid med pa dang / yongs su brjod pa med pa de ni 'dir mnyam pa</font><hr>36.152b<br><font size=+1>

nyid yin te/ chos mnyam pa nyid ni brjod par bya ba ma yin no/ /chos mnyam pa nyid ma gtogs par yang chos gang yang dmigs su med de chos mnyam pa nyid ni chos thams cad las shin du 'das pa yin no/ /chos mnyam pa nyid ni byis pa 'am/ 'phags pa gang gi rten dang gnas kyang ma yin no/ /gsol pa/ bcom ldan 'das ji chos mnyam pa nyid po de de bzhin gshegs pa'i yul yang ma lags sam/ bka' stsal pa/ rab 'byor chos mnyam pa nyid ni 'phags pa thams cad kyi yul ma yin te/ rgyun du zhugs pa rnams sam/ lan cig phyir 'ong ba rnams sam/ phyir mi 'ong ba rnams sam/ dgra bcom pa rnams sam rang sangs rgyas rnams sam/ byang chub sems dpa' rnams sam/ de bzhin gshegs pa rnams kyi yul yang ma yin no/ /gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos thams cad kyi yul la mnga' sgyur ba ma lags sam/ bka' stsal pa/ rab 'byor gal te chos mnyam pa nyid kyang gzhan la/ de bzhin gshegs pa dgra bcom pa yang dag par rdzogs pa'i sangs rgyas kyang gzhan pa zhig yin na ni/ de bzhin gshegs pa dgra bcom pa yang dag par rdzogs pa'i sangs rgyas chos thams cad kyi yul la mnga' sgyur bar yang 'gyur ba zhig na/ rab 'byor byis pa so so'i skye bo rnams kyi mnyam pa nyid gang yin pa dang / dad pas rjes su 'brang ba dang / chos kyi rjes su 'brang ba rnams kyi mnyam pa nyid gang yin pa de dang / rgyun du zhugs pa rnams kyi mnyam pa nyid gang yin pa dang / de bzhin du sbyar te/ lan cig phyir 'ong ba rnams dang / phyir mi 'ong ba rnams dang / dgra bcom pa rnams dang rang sangs rgyas rnams kyi mnyam pa nyid gang yin pa dang / de bzhin gshegs pa dgra bcom pa yang dag par rdzogs pa'i sangs rgyas rnams kyi mnyam pa nyid gang yin pa'i mnyam pa nyid dang / mnyam pa nyid la ni tha dad du bya ba cung zad kyang med do/ /so so'i skye bo rnams kyi mnyam pa nyid gang yin pa dang / 'phags pa thams cad kyi mnyam pa nyid gang yin</font><hr>36.153a<br><font size=+1>

pa de ni mnyam pa nyid gcig pa ste/ mnyam pa nyid gcig pa la 'di ni so so'i skye bo'o/ /'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag go zhes bya bar gnyis su med de/ mnyam pa nyid la ni 'di ni so so'i skye bo'o/ /'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag go zhes bya ba'i chos de dag thams cad dmigs su med do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad kyi mnyam pa nyid la 'di ni so so'i skye bo'o/ /'di ni rgyun du zhugs pa'o/ /'di ni rang sangs rgyas kyi bar dag go/ /'di ni byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag go zhes bgyi ba'i chos de dag thams cad dmigs su ma mchis lags na/ de ltar na byis pa so so'i skye bo rnams dang / dad pas rjes su 'brang ba rnams dang / chos kyi rjes su 'brang ba rnams dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams la yang bye brag ma mchis par 'gyur lags so/ /bka' stsal pa/ rab 'byor de de bzhin no/ /de de bzhin te/ chos mnyam pa nyid la ni byis pa so so 'i skye bo rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyi bar dag la bye brag med do/ /gsol pa/ bcom ldan 'das gal te chos mnyam pa nyid la byis pa so so'i skye bo rnams dang / dad pas rjes su 'brang ba rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyi bar dag la bye brag ma mchis lags na/ bcom ldan 'das 'o na gang las dkon mchog gsum po sangs rgyas</font><hr>36.153b<br><font size=+1>

dkon mchog dang / chos dkon mchog dang / dge 'dun dkon mchog 'jig rten du 'byung bar 'gyur lags/ bka' stsal pa rab 'byor 'di ji snyam du sems/ sangs rgyas dkon mchog kyang gzhan la/ chos dkon mchog kyang gzhan zhing / dge 'dun dkon mchog kyang gzhan pa zhig yin la/ chos mnyam pa nyid kyang gzhan pa zhig yin snyam 'am/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das bdag gis bcom ldan 'das kyis gsungs pa'i don 'tshal ba ltar na/ sangs rgyas dkon mchog kyang gzhan la/ chos dkon mchog kyang gzhan zhing / dge 'dun dkon mchog kyang gzhan la/ chos mnyam pa nyid kyang gzhan pa ma lags kyi/ bcom ldan 'das sangs rgyas dkon mchog gang lags pa dang / chos dkon mchog gang lags pa dang / dge 'dun dkon mchog gang lags pa dang / chos mnyam pa nyid gang lags pa'i chos de dag thams cad ni ldan pa yang ma lags/ mi ldan pa yang ma lags/ gzugs ma mchis pa/ bstan du ma mchis pa/ thogs pa ma mchis pa ste/ 'di ltar mtshan nyid ma mchis par mtshan nyid gcig pa lags na/ mtshan nyid ma mchis pa'i chos rnams la/ 'di ni so so'i skye bo'o/ /'di ni rgyun du zhugs pa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas kyi bar dag go zhes bcom ldan 'das kyis rnam par dgod pa mdzad pa 'di ci las byung lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyis byang chub mngon par rdzogs par sangs rgyas par ma gyur la/ mngon par rdzogs par sangs ma rgyas te/ chos rnams rnam par dgod pa ma mdzad na/ sems can dmyal ba yod par mngon nas dud 'gro'i</font><hr>36.154a<br><font size=+1>

skye gnas dang / gshin rje'i 'jig rten dang / lha dang mi dang / rgyal chen bzhi'i ris kyi lha dang / gzhan 'phrul dbang byed kyi bar dag dang / tshangs ris dang / 'du shes med 'du shes med min skye mched kyi snyoms par 'jug pa'i bar dag dang / dran pa nye bar gzhag pa rnams dang / 'phags pa'i lam yan lag brgyad pa'i bar dag dang / nang stong pa nyid dang de bzhin du sbyar te/ dngos po med pa'i ngo bo nyid stong pa nyid kyi bar dag dang / sangs rgyas kyi chos ma 'dres pa bcwa brgyad kyi bar dag yod par mngon snyam 'am/ gsol pa bcom ldan 'das de ni ma lags so/ /bka' stsal pa/ rab 'byor de lta bas na gang chos mnyam pa nyid las kyang mi g.yo la/ chos rnams rnam par dgod pa yang mdzad pa de ni de bzhin gshegs pa'i skyes bu'i mthu yin no/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci ji ltar de bzhin gshegs pa chos mnyam pa nyid las mi g.yo ba de bzhin du so so'i skye bo rnams dang / rang sangs rgyas kyi bar dag kyang chos mnyam pa nyid las mi g.yo ba lags sam/ de bzhin du byang chub sems dpa' rnams kyang chos mnyam pa nyid las mi g.yo ba lags sam/ bka' stsal pa/ rab 'byor de de bzhin no/ /de de bzhin te/ rab 'byor chos thams cad ni chos mnyam pa nyid las mi g.yo'o/ /chos mnyam pa nyid las mi 'da'o/ /de ci'i phyir zhe na/ 'di ltar de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' gang yin pa de nyid so so'i skye bo rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha'</font><hr>36.154b<br><font size=+1>

yin la/ de nyid dad pas rjes su 'brang ba rnams dang / chos kyi rjes su 'brang ba rnams dang / brgyad pa rnams dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid yang dag pa'i mtha' yin te/ de dag thams cad ni chos mnyam pa nyid las mi 'da' ba'i phyir ro/ /de ci'i phyir zhe na/ de dag gi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' ni de nyid yin te/ de dag las chos mnyam pa nyid ces bya ba gzhan gang yang med pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad kyi chos nyid gang lags pa de nyid so so'i skye bo rnams kyi chos nyid kyang de nyid lags la/ rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyi chos nyid kyang de nyid lags na/ bcom ldan 'das 'di lta ste/ gzugs dang / tshor ba dang / 'du shes dang / 'du byed rnams dang / rnam par shes pa gang lags pa de dag ni mtshan nyid tha dad pa lags te/ gzugs kyi chos nyid kyang gzhan la/ tshor ba'i yang gzhan/ 'du shes kyi yang gzhan/ 'du byed rnams kyi yang gzhan/ rnam par shes pa'i chos nyid kyang gzhan/ mig gi chos nyid kyang gzhan/ rna ba dang / sna dang / lce dang / </font><hr>36.155a<br><font size=+1>

lus dang / yid kyi chos nyid kyang gzhan/ gzugs kyi chos nyid kyang gzhan/ sgra dang dri dang ro dang reg bya dang / chos rnams kyi chos nyid kyang gzhan/ sa'i khams kyi chos nyid kyang gzhan/ chu'i khams kyi yang gzhan/ me'i khams kyi yang gzhan/ rlung gi khams kyi yang gzhan/ nam mkha'i khams kyi yang gzhan/ rnam par shes pa'i khams kyi chos nyid kyang gzhan/ 'dod chags dang / zhe sdang dang / gti mug rnams kyi chos nyid kyang gzhan/ lta bar gyur pa rnams kyi yang gzhan/ bsam gtan rnams kyi yang gzhan/ tshad med pa rnams kyi yang gzhan/ gzugs med pa'i snyoms par 'jug pa rnams kyi 'ang gzhan/ dran pa nye bar gzhag pa rnams kyi 'ang gzhan/ 'phags pa'i lam yan lag brgyad pa'i bar dag gi yang gzhan/ stong pa nyid kyi 'ang gzhan/ mtshan ma med pa'i yang gzhan/ smon pa med pa'i yang gzhan/ nang stong pa nyid kyi yang gzhan/ dngos po med pa'i ngo bo nyid stong pa nyid kyi bar dag gi yang gzhan/ rnam par thar pa rnams kyi yang gzhan/ snyoms par 'jug pa rnams kyi yang gzhan/ stobs rnams kyi yang gzhan/ mi 'jigs pa rnams kyi yang gzhan/ so so yang dag par rig pa rnams kyi yang gzhan/ sangs rgyas kyi chos ma 'dres pa bcwa brgyad kyi chos nyid kyang gzhan/ 'dus byas kyi khams kyi yang gzhan/ 'dus ma byas kyi khams kyi chos nyid kyang gzhan pa lags na/ bcom ldan 'das de ltar mtshan nyid tha dad pa'i chos rnams kyi chos nyid mtshan nyid gcig par ji ltar 'gyur lags/ ji ltar byang chub sems dpa' sems dpa' chen po shes rab kyi pha rol du phyin pa la spyod pa de la gnas nas/ chos rnams tha dad du bgyis pa lags/ chos rnams tha dad du ma bgyis par ni byang chub sems dpa' sems dpa' chen pos shes rab kyi pha rol du phyin pa la spyod par yang rngo mi thog lags na/ bcom ldan 'das ji ltar byang chub sems dpa' sems dpa' chen po shes rab kyi pha rol du</font><hr>36.155b<br><font size=+1>

phyin pa la spyod pa/ sa nas sar 'phar zhing / byang chub sems dpa'i skyon ma mchis pa la 'jug pa lags/ byang chub sems dpa'i skyon ma mchis pa la zhugs nas kyang / nyan thos dang / rang sangs rgyas kyi sa las shin du 'da' bar bgyid pa lags/ shin du 'das nas kyang mngon par shes pa'i pha rol du phyin pa dag yongs su rdzogs par bgyid pa lags/ byang chub sems dpa' sems dpa' chen po mngon par shes pa de dag gis rnam par rtse ba na/ sbyin pa'i pha rol du phyin pa yongs su rdzogs par bgyid pa lags/ ting nge 'dzin gyi pha rol du phyin pa'i bar dag yongs su rdzogs par bgyid pa lags/ rnam par rtse zhing sangs rgyas kyi zhing nas sangs rgyas kyi zhing du mchi ba lags/ sangs rgyas bcom ldan 'das rnams la bsnyen bkur bgyid cing / de dag las dge ba'i rtsa ba bskrun par bgyid pa lags/ dge ba'i rtsa ba des kyang sems can rnams yongs su smin par bgyid pa dang / sangs rgyas kyi zhing yongs su dag par bgyid pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor khyod gang 'di skad du/ gal te chos thams cad kyi chos nyid gang lags pa de nyid so so'i skye bo rnams kyi chos nyid kyang de nyid lags la/ de bzhin gshegs pa dgra bcom pa yang dag par rdzogs pa'i sangs rgyas rnams kyi chos nyid kyang de nyid lags na/ mtshan nyid tha dad pa'i chos rnams kyi chos nyid mtshan nyid gcig par ji ltar rigs shes zer ba ni/ rab 'byor 'di ji snyam du sems/ gzugs kyi chos nyid gang yin pa de yang stong pa nyid ma yin snyam 'am/ de bzhin gshegs pa'i bar gyi chos nyid gang yin pa de yang stong pa nyid ma yin snyam 'am/ gsol pa/ bcom ldan 'das stong pa nyid lags so/ /bka' stsal pa/ rab 'byor 'o na ci stong pa nyid la gang gzugs kyi mtshan nyid tha dad pa 'am/ rnam par shes pa'i bar gyi mtshan nyid tha dad</font><hr>36.156a<br><font size=+1>

pa 'am/ de bzhin gshegs pa'i bar gyi mtshan nyid tha dad pa'i chos shig dmigs su yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor rnam grangs 'dis 'di ltar chos rnams kyi chos nyid gang yin pa de la yang so so'i skye bo med la so so'i skye bo las gud na yang de med do/ /de la yang de bzhin gshegs pa'i bar dag med la/ de bzhin gshegs pa las gud na yang de med par rig par bya'o/ /gsol pa/ bcom ldan 'das ci chos nyid de 'dus bgyis lags sam/ 'on te 'dus ma bgyis pa lags/ bka' stsal pa/ rab 'byor de ni 'dus byas kyang ma yin la/ 'dus ma byas kyang ma yin te/ 'dus byas las gud na yang 'dus ma byas dmigs su med la/ 'dus ma byas las gud na yang 'dus byas dmigs su med de/ rab 'byor de lta bas na/ 'dus byas kyi khams gang yin pa dang / 'dus ma byas kyi khams gang yin pa'i chos de gnyis ni ldan pa yang ma yin mi ldan pa yang ma yin/ gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa'o/ /de dag kyang de bzhin gshegs pas 'jig rten gyi tha snyad kyis brjod par zad kyi/ don dam par ni ma yin te/ don dam par ni lus kyi 'du byed dam/ ngag gi 'du byed dam/ yid kyi 'du byed gang yang med la/ lus kyi 'du byed dang / ngag gi 'du byed dang / yid kyi 'du byed las gud na yang don dam par dmigs su med de/ 'dus byas dang / 'dus ma byas kyi chos de dag mnyam pa nyid gang yin pa de ni don dam pa yin no/ /de'i phyir byang chub sems dpa' sems dpa' chen po shes rab kyi pha rol du phyin pa la spyod pa don dam pa las kyang mi g.yo la/ byang chub sems dpa'i bya ba dag kyang byed do/ /shes rab kyi pha rol tu phyin pa khri brgyad stong pa las/ don dam pa'i rnal 'byor gyis le'u zhes bya ba ste/ brgyad bcu rtsa gcig pa'o// // </font><hr>36.156b<br><font size=+1>

de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad kyi mnyam pa nyid rang bzhin gyis stong pa lags na/ de'i slad du chos gang yang ci yang mi bgyid na/ ci yang ma bgyid cing chung zad kyang ma mchis pa'i chos rnams la ji ltar byang chub sems dpa' sems dpa' chen po shes rab kyi pha rol du phyin pa la spyod pa/ don dam pa las kyang mi g.yo la/ sbyin pa dang / snyan par smra ba dang / don 'thun pa dang / don spyod pa dag gis sems can rnams kyi don kyang bgyid pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin te/ de de bzhin no/ /ji skad smras pa bzhin te/ rab 'byor stong pa nyid ni bya ba dang bya ba ma yin pa ci yang mi byed cing chung zad kyang med do/ /rab 'byor gal te sems can 'di dag bdag nyid kyis stong pa nyid shes par gyur na ni/ 'di ltar de bzhin gshegs pa stong pa nyid las kyang mi g.yo la/ sems can rnams kyang bdag tu 'du shes pa dang / bral bar mdzad cing phral nas kyang stong pa nyid kyis 'khor ba las thar bar mdzad pa dang / de bzhin du sems can du 'du shes pa dang / byed pa por 'du shes pa'i bar dang / gzugs su 'du shes pa dang / rnam par shes par 'du shes pa'i bar dang / mig tu 'du shes pa dang / yid du 'du shes pa'i bar dang / sa'i khams su 'du shes pa dang / rnam par shes pa'i khams su 'du shes pa'i bar dang / 'dus byas kyi khams su 'du shes pa dang / bral bar mdzad cing phral nas kyang 'dus ma byas kyi dbyings stong pa de la 'god par mdzad pa 'di de bzhin gshegs pa'i khyu mchog tu gyur par mi 'gyur ro/ /gsol pa/ bcom ldan 'das ci zhig gis stong pa lags/ bka' stsal pa/ rab 'byor de la 'du shes pa gang yin pa des stong ngo / /rab 'byor sprul pa zhig gis sprul pa gzhan sprul na/ ci de la gang stong pa nyid ma yin pa'i dngos po 'ga'</font><hr>36.157a<br><font size=+1>

zhig yod snyam 'am/ gsol pa/ bcom ldan 'das de ni ma lags te/ sprul pa la ni gang stong pa nyid ma lags pa'i dngos po 'ga' yang ma mchis te/ stong pa nyid gang lags pa dang / sprul pa gang lags pa'i chos de gnyis ni ldan pa yang ma lags mi ldan pa yang ma lags te/ chos de gnyis ni stong pa nyid kyis stong pa lags so/ /bka' stsal pa/ rab 'byor 'di ji snyam du sems/ 'di ni sprul pa'o/ /'di ni stong pa nyid do zhes rnam par sprul pa zhig yod snyam 'am/ gsol pa/ bcom ldan 'das de ni ma lags so/ /de ci'i slad du zhe na/ 'di ltar stong pa nyid la ni 'di ni sprul pa'o/ /'di ni stong pa nyid do zhes bgyi ba'i chos de gnyis su ma mchis pa'i slad du'o/ /bka' stsal pa/ rab 'byor gang sprul pa ma yin pa'i gzugs sam/ tshor ba 'am/ 'du shes sam/ 'du byed rnams sam/ rnam par shes pa ni gang yang med de/ sprul pa gang yin pa de yang stong pa nyid yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te 'jig rten pa'i chos de dag sprul pa lags na/ 'jig rten las 'das pa'i chos 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad po de dag kyang sprul pa lags sam/ de dag gi 'bras bu gang lags pa dang / gang gis de dag gi gang zag tu mngon pa rgyun du zhugs pa dang lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas de dag gang lags</font><hr>36.157b<br><font size=+1>

pa'i chos de dag kyang sprul pa lags sam/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di ltar chos thams cad ni sprul pa ste/ de la la la ni nyan thos kyis sprul pa'o/ /la la ni rang sangs rgyas kyis sprul pa'o/ /la la ni byang chub sems dpas sprul pa'o/ /la la ni de bzhin gshegs pas sprul pa'o/ /la la ni nyon mongs pas sprul pa'o/ /la la ni chos kyis sprul pa ste/ rab 'byor rnam grangs des na chos thams cad ni sprul pa lta bu yin no/ /gsol pa/ bcom ldan 'das gang 'di spong ba zhes bgyi ba rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi chos de dag kyang sprul pa lags sam/ rang sangs rgyas kyi sa dang / sangs rgyas kyi sa dang / bag chags kyi mtshams sbyor ba thams cad spangs pa'i chos de dag kyang sprul pa lags sam/ bka' stsal pa/ rab 'byor bskyed pa 'am/ bkag pa'i chos gang ci yang rung ste/ de dag thams cad ni sprul pa'o/ /gsol pa/ bcom ldan 'das gang ma sprul pa'i chos de gang lags/ bka' stsal pa/ rab 'byor gang la skye ba med pa dang / 'gag pa med pa de ni ma sprul pa'o/ /gsol pa/ bcom ldan 'das de gang lags/ bka' stsal pa/ rab 'byor de ni mi slu ba'i chos can mya ngan las 'das pa ste/ chos de dag ni ma sprul pa'o/ /gsol pa/ bcom ldan 'das gang yang bcom ldan 'das kyis 'di skad du stong pa nyid las kyang mi g.yo la/ gnyis kyis kyang mi gos te/ gang stong pa nyid ma yin pa'i chos gang yang med do zhes bka' stsal pa ltar na/ bcom ldan 'das mi slu ba'i chos can mya ngan las 'das pa yang sprul pa lags par 'gyur ro/ /bka' stsal pa/ rab 'byor de de bzhin no/ /de de bzhin te/ rab 'byor chos thams cad ni ngo bo nyid kyis stong pa ste/ de dag ni nyan thos rnams kyis ma byas/ rang sangs rgyas rnams kyis ma byas/ </font><hr>36.158a<br><font size=+1>

byang chub sems dpa' sems dpa' chen po rnams kyis ma byas/ de bzhin gshegs pa dgra bcom pa yang dag par rdzogs pa'i sangs rgyas rnams kyis kyang ma mdzad de/ ngo bo nyid kyis stong pa gang yin pa de ni mya ngan las 'das pa yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das las dang po pa'i gang zag gis ngo bo nyid stong pa nyid kyis stong pa nyid yongs su 'tshal bar bgyid na/ ji ltar gdams shing rjes su bstan par bgyi lags/ bka' stsal pa/ rab 'byor ci sngon dngos po yod par gyur la/ phyis de dngos po med par 'gyur ba yod dam/ rab 'byor 'di la dngos po yang med dngos po med pa yang med/ rang gi dngos po yang med/ gzhan gyi dngos po yang med na/ de la gang yang yongs su shes par bya ba'i ngo bo nyid stong pa nyid ces bya ba lta yod par ga la 'gyur/ shes rab kyi pha rol tu phyin pa khri brgyad stong pa las/ chos nyid 'gyur ba med pa bstan pa'i le'u zhes bya ste/ brgyad bcu rtsa gnyis pa'o// // 'phags pa shes rab kyi pha rol tu phyin pa khri brgyad stong pa/ bam po lnga bcu rtsa bdun pa/ de nas bcom ldan 'das la byang chub sems dpa' byams pas zhus pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa/ byang chub sems dpa'i bslab pa la slob par 'tshal bas/ gzugs la ji ltar bslab par bgyi/ tshor ba dang / 'du shes dang / 'du byed rnams dang / rnam par shes pa la ji ltar bslab par bgyi/ mig gi skye mched dang / rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched la ji ltar bslab par bgyi/ gzugs kyi skye mched dang / sgra'i skye mched dang / dri'i skye mched dang / ro'i skye mched dang / reg bya'i skye mched dang / chos kyi skye mched la ji ltar bslab par bgyi/ mig gi khams dang / </font><hr>36.158b<br><font size=+1>

gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams la ji ltar bslab par bgyi/ mig gi reg pa'i skye mched dang / rna ba dang / sna dang / lce dang / lus dang / yid kyi reg pa'i skye mched la ji ltar bslab par bgyi/ ma rig pa la ji ltar bslab par bgyi/ 'du byed rnams dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la ji ltar bslab par bgyi/ sdug bsngal gyi bden pa la ji ltar bslab par bgyi/ kun 'byung ba'i bden pa dang / 'gog pa'i bden pa dang / lam gyi bden pa la ji ltar bslab par bgyi/ gzugs can gyi chos rnams la ji ltar bslab par bgyi/ gzugs can ma lags pa dang / bstan du mchis pa dang / bstan du ma mchis pa dang / thogs pa dang bcas pa dang / thogs pa ma mchis pa dang / 'dus bgyis dang / 'dus ma bgyis dang / zag pa dang bcas pa dang / zag pa ma mchis pa dang / kha na ma tho ba dang bcas pa dang / kha na ma tho ba ma mchis pa dang / bsten par bgyi ba dang / bsten par bgyi ba ma lags pa dang / ngan pa dang / gya nom pa dang / nang dang / phyi dang / mthong ba dang / thos pa dang / bye brag phyed pa dang / rnam par shes pa dang / 'das pa dang / ma 'ongs pa dang / da ltar byung ba dang / dge ba dang / mi dge ba dang / lung du ma bstan pa dang / 'dod pa dang rab tu ldan pa dang / gzugs dang rab tu ldan pa dang / gzugs med pa dang rab tu ldan pa dang / ldan pa ma lags pa dang / slob pa dang mi slob pa dang / 'dod chags dang / khong khro ba</font><hr>36.159a<br><font size=+1>

dang / nga rgyal dang / ma rig pa dang / lta ba dang / the tsom la ji ltar bslab par bgyi/ ser sna dang / sbyin pa dang / 'chal pa'i tshul khrims dang / tshul khrims bzang po dang / gnod sems dang / bzod pa dang / le lo dang / brtson 'grus dang / rnam par g.yeng ba dang / bsam gtan dang / 'chal pa'i shes rab dang / shes rab la ji ltar bslab par bgyi rnam par rtog pa dang / stong pa nyid dang / mtshan ma dang / mtshan ma ma mchis pa dang / log pa'i smon lam dang smon pa ma mchis pa dang / mi sdug pa'i chos rnams dang / mi rtag pa dang / sdug bsngal ba dang / bdag med pa rnams la ji ltar bslab par bgyi/ nyon mongs pa rnams dang / nyon mongs pa spangs pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa dang / byang chub dang / sangs rgyas kyi chos rnams la ji ltar bslab par bgyi/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa byang chub sems dpa' sems dpa' chen po shes rab kyi pha rol du phyin pa la spyod pa/ byang chub sems dpa'i bslab pa la slob par 'dod pas gzugs ming tsam mo zhes bya bar bslab par bya'o/ /tshor ba dang / 'du shes dang / 'du byed rnams dang / rnam par shes pa ming tsam mo zhes bya ba nas/ sangs rgyas kyi chos rnams kyi bar du ming tsam mo zhes bya bar bslab par bya'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das gang gi tshe 'di lta ste/ gzugs shes bgyi ba'i ming 'di ni dngos po dang bcas par dmigs pa nas/ 'di lta ste tshor ba dang / 'du shes dang / 'du byed rnams dang / rnam par shes pa zhes bgyi ba'i ming 'di dngos po dang bcas par dmigs pa nas 'di lta ste/ sangs rgyas kyi chos rnams shes bgyi ba'i bar gyi ming 'di ni 'du byed gyi mtshan ma nye bar bzung ste/ dngos po dang bcas par dmigs pa lags na/ ji ltar byang chub sems dpas gzugs ming tsam zhes</font><hr>36.159b<br><font size=+1>

bgyi bar bslab par bgyi/ tshor ba dang / 'du shes dang / 'du byed rnams dang / rnam par shes pa ming tsam zhes bgyi ba nas/ sangs rgyas kyi chos rnams kyi bar du ming tsam zhes bgyi bar ji ltar bslab par bgyi/ dngos po ma mchis su lags na/ de'i ming de yang ming tsam kho na zhes bgyir mi rung lags te/ 'di lta ste gzugs bgyi ba ni ming tsam kho na zhes bgyir mi rung lags so/ /'di lta ste tshor ba dang / 'du shes dang / 'du byed rnams dang / rnam par shes pa zhes bgyi ba ni ming tsam kho na zhes bgyir mi rung lags so/ /sangs rgyas kyi chos rnams shes bgyi ba'i bar du yang ming tsam kho na zhes bgyir mi rung lags so/ /de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa 'di lta ste gzugs shes bya ba 'di ni 'du byed kyis mtshan ma'i dngos po de dang de la glo bur du ming btags pa'o/ /'di lta ste tshor ba dang / 'du shes dang / 'du byed rnams dang / rnam par shes pa zhes bya ba 'di ni glo bur du ming btags pa'o/ /'di lta ste sangs rgyas kyi chos shes bya ba'i bar 'di yang glo bur du ming btags pa'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das 'di ltar gzugs shes bgyi ba'i ming ma mchis par ni 'du byed kyi mtshan ma'i dngos po des ming de rig pa dang / rtogs pa dang / 'tshal bar yang mi 'gyur la gzugs shes bgyi ba'i ming des ni 'du byed kyi mtshan ma'i dngos po de rtogs pa dang / 'tshal bar yang 'gyur na/ 'di lta ste gzugs shes bya ba 'di ni 'du byed kyi mtshan ma'i dngos po de la glo bur du ming du btags so zhes bgyi bar ji ltar 'gyur/ bcom ldan 'das 'di ltar 'du byed kyi mtshan ma'i dngos po des tshor ba zhes bgyi ba dang / 'du shes shes bgyi ba dang / 'du byed rnams shes bgyi ba dang / rnam par shes pa zhes bgyi ba dang / bcom ldan 'das 'di ltar 'du byed kyi mtshan ma'i dngos po des sangs rgyas kyi chos rnams shes bgyi ba'i bar gyi ming rig pa dang rtogs pa</font><hr>36.160a<br><font size=+1>

pa dang / 'tshal bar yang mi 'gyur la/ tshor ba zhes bgyi ba dang / 'du shes shes bgyi ba dang / 'du byed rnams shes bgyi ba dang / rnam par shes pa zhes bgyi ba de dang / sangs rgyas kyi chos shes bgyi ba'i bar des ni 'du byed kyi mtshan ma'i dngos po de nyid rig pa dang / rtogs pa dang / 'tshal bar yang 'gyur na/ 'di lta ste gzugs shes bya ba dang / 'di lta ste tshor ba dang / 'du shes dang / 'du byed rnams dang / rnam par shes pa zhes bya ba dang / 'di lta ste sangs rgyas kyi chos rnams shes bya ba'i bar du 'du byed kyi mtshan ma'i dngos po de dang de la glo bur du ming btags so zhes bgyi bar ji ltar 'gyur/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa de'i phyir khyod nyid la dris khyod kyis ji ltar bzod pa de bzhin du lan thob shig /byams pa 'di ji snyam du sems/ 'di lta ste khyod 'du byed kyi mtshan ma'i dngos po de dang / de la gzugs shes bya ba'i ming de la ma brten ma gnas gnas ma bcas par/ 'du byed kyi mtshan ma'i dngos po de dang de la 'di ni gzugs yin no zhes bya bar ji ga de snyam sems 'am/ bcom ldan 'das de ni ma lags so/ /byams pa de ji snyam du sems/ khyod 'du byed kyi mtshan ma'i dngos po de dang de la 'di lta ste tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / byams pa 'di ji snyam du sems/ 'du byed kyi mtshan ma'i dngos po de dang de la 'di lta ste/ sangs rgyas kyi chos rnams shes bya ba'i bar gyi ming de la ma brten ma gnas gnas ma bcas par/ 'du byed kyi mtshan ma'i dngos po de dang de la tshor ba dang / 'du shes dang / 'du byed rnams dang / rnam par shes pa nas/ sangs rgyas kyi chos shes bya ba'i bar la khyod ji ga de snyam sems sam/ gsol pa/ bcom ldan 'das de ni ma lags so/ /byams pa rnam grangs 'dis kyang 'di lta ste/ gzugs shes bya ba dang / tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba 'di ni 'du byed kyi</font><hr>36.160b<br><font size=+1>

mtshan ma'i dngos po de dang de la glo bur du ming btags pa dang / 'di lta ste sangs rgyas kyi chos rnams shes bya ba'i bar de yang 'du byed kyi mtshan ma'i dngos po de dang de la glo bur du ming btags pa yin pa de ltar rig par bya'o/ /byams pa 'di ji snyam du sems/ ming dang brda' dang / tha snyad dang / btags pa rnam pa sna tshogs kyis 'du byed kyi mtshan ma'i dngos po de la nye bar 'dogs pa 'am/ tha snyad dam/ 'dogs pa 'am/ mngon par zhen pa yin nam/ bcom ldan 'das de lta lags so/ /byams pa rnam grangs 'dis kyang 'di lta ste gzugs shes bya ba dang / 'di lta ste tshor ba dang / 'du shes dang / 'du byed rnams dang / rnam par shes pa dang / 'di lta ste sangs rgyas kyi chos rnams shes bya ba'i bar de ni 'du byed kyi mtshan ma'i dngos po de la glo bur du ming du btags pa yin par de ltar rig par bya'o/ /byams pa 'di ji snyam du sems/ 'di la 'ga' zhig 'du byed kyi mtshan ma'i dngos po de nyid la/ de las gzhan pa'i 'du byed kyi mtshan ma'i dngos por ming 'dogs sam/ 'du shes sam/ rjes su tha snyad 'dogs sam/ mngon par zhen par byed dam/ bcom ldan 'das de lta lags so/ /byams pa rnam grangs 'dis kyang 'di lta ste gzugs shes bya ba dang / 'di lta ste tshor ba dang / 'du shes dang / 'du byed rnams dang / rnam par shes pa dang / 'di lta ste sangs rgyas kyi chos rnams shes bya ba'i bar 'di ni glo bur du ming btags pa yin pa de ltar rig par bya'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das de lta lags na ni 'di lta ste/ gzugs shes bgyi ba dang / 'di lta ste tshor ba dang / 'du shes dang / 'du byed rnams dang / rnam par shes pa dang / 'di lta ste sangs rgyas kyi chos rnams shes bgyi ba'i bar du 'du byed kyi mtshan ma'i dngos po gang nye bar bzung nas/ ming dang / 'du shes dang / 'dogs pa dang / rjes su tha snyad 'dogs par 'gyur ba dang / gzugs kyi ngo bo nyid dmigs pa kho nar mi 'gyur lags sam/ de skad ces gsol pa dang / bcom ldan</font><hr>36.161a<br><font size=+1>

'das kyis byang chub sems dpa' byams pa la bka' stsal pa/ byams pa 'di lta ste/ 'du byed kyi mtshan ma'i dngos po la gzugs shes bya bar ming dang / 'du shes dang / 'dogs pa dang / rjes su tha snyad 'dogs pa byed pa la/ byams pa 'di ji snyam du sems/ de gzugs kyi ngo bo nyid yin nam/ btags pa tsam du zad/ gsol pa/ bcom ldan 'das btags pa tsam du bas lags so/ /byams pa 'o na 'di lta ste/ 'du byed kyi mtshan ma'i dngos po la tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams shes bya ba'i bar ni gzugs kyi ngo bo nyid du dmigs pa kho na'o zhes bya bar byams pa khyod ji ltar de snyam du sems/ byams pa 'di ji snyam du sems/ tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar gyi ngo bo nyid de btags pa tsam du zad dam/ bcom ldan 'das btags pa tsam du bas lags so/ /byams pa 'o na/ tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar gyi ngo bo nyid dmigs pa kho na'o zhes bya bar khyod ji ltar de snyam du sems sam/ de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das gal te gzugs ming dang / 'du shes dang / brda' dang / brtags pa dang / tha snyad tsam kho na lags shing / tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du ming dang / 'du shes dang / brda' dang / btags pa dang / tha snyad tsam kho na lags na/ de lta na 'di lta ste ming dang / 'du shes dang / brda' dang / btags pa dang / tha snyad tsam zhes bgyi bas gzugs kyi ngo bo nyid dmigs pa kho nar mi 'gyur lags sam/ de ltar na tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi ngo bo nyid dmigs pa kho nar mi 'gyur lags sam/ de skad ces gsol pa dang / </font><hr>36.161b<br><font size=+1>

bcom ldan 'das kyis byang chub sems dpa' byams pa la 'di skad ces bka' stsal to/ /byams pa 'di ji snyam du sems/ gzugs shes bya ba'i ming dang / 'du shes dang / brda' dang btags pa dang / tha snyad tsam kho na gang yin pa de kha cig skye ba 'am/ 'jig pa 'am/ kun nas nyon mongs pa 'am/ rnam par byang ba yod dam/ bcom ldan 'das de ni ma mchis lags so/ /bka' stsal pa/ byams pa 'o na khyod 'di ji snyam du gzugs kyi ngo bo nyid dmigs pa kho na'o snyam du sems pa de ci las gyur/ byams pa de ji snyam du sems/ tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos shes bya ba'i bar gyi ming dang / 'du shes dang / brda' dang btags pa dang tha snyad tsam kho na gang yin pa de la ji ga skye ba 'am/ 'jig pa 'am/ kun nas nyon mongs pa 'am rnam par byang ba yod dam/ gsol pa/ bcom ldan 'das de ni ma mchis lags so/ /bka' stsal pa/ byams pa 'o na khyod 'di ji snyam du/ tshor ba dang / 'du shes dang / 'du byed rnams dang / rnam par shes pa dang / de bzhin du sbyar te sangs rgyas kyi chos rnams kyi bar gyi ngo bo nyid dmigs pa kho na'o snyam du sems pa de ci las gyur/ de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das ci rnam pa thams cad du mtshan nyid thams cad kyis gzugs ma mchis pa kho na lags sam/ bcom ldan 'das ci rnam pa thams cad du mtshan nyid thams cad kyis tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du ma mchis pa kho na lags sam/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa rnam pa thams cad du mtshan nyid thams cad kyis gzugs med do zhes nga mi smra'o/ /byams pa rnam pa thams cad du mtshan nyid thams cad kyis tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos</font><hr>36.162a<br><font size=+1>

rnams kyi bar du med do zhes nga mi smra'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das ji ltar na gzugs mchis pa lags/ bcom ldan 'das ji ltar na tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du mchis pa lags/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa 'jig rten gyi brda' dang / tha snyad kyis gzugs yod kyi/ don dam par ni ma yin no/ /byams pa 'jig rten gyi brda' dang / tha snyad kyis tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du yod kyi/ don dam par ni ma yin no/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das bdag gis bcom ldan 'das kyis gsungs pa'i don 'tshal ba ltar na/ dbyings 'di ni don dam par ni brjod du ma mchis pa'o/ /bcom ldan 'das gal te brjod du ma mchis pa'i dbyings don dam par mchis su lags na/ 'o na 'du byed kyi mtshan ma'i dngos po gang la gzugs shes bgyi bar glo bur du ming du 'dogs par ji ltar 'gyur/ don dam par mchis na/ 'du byed kyi mtshan ma'i dngos po gang la tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams shes bgyi ba'i bar du glo bur du ming du 'dogs par ji ltar 'gyur/ gal te don dam par ma mchis na ni/ 'o na brjod du ma mchis pa'i dbyings su yang ji ltar 'gyur te/ 'du byed kyi mtshan ma'i dngos po ni brjod du ma mchis pa'i dbyings shes bgyir mi rung lags so/ /de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa de'i phyir khyod nyid la dris/ ji ltar bzod pa de bzhin du lan thob</font><hr>36.162b<br><font size=+1>

shig /byams pa 'di ji snyam du sems/ gang gi tshe brjod du med pa'i dbyings dang / 'brel pa'i shes rab kyi spyod pa la gnas pa de'i tshe/ 'du byed kyi mtshan ma'i dngos po gang la 'di lta ste/ gzugs shes bya ba dang / tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar du glo bur du ming du btags pa 'di khyod kyis dmigs sam/ gsol pa/ bcom ldan 'das de ni mi dmigs so/ /bka' stsal pa/ byams pa rnam grangs 'dis 'du byed kyi mtshan ma'i dngos po gang yin pa de brjod du med pa'i dbyings kyang ma yin la/ 'du byed kyi mtshan ma'i dngos po de las brjod du med pa'i dbyings gzhan pa yang ma yin par rig par bya'o/ /'di lta ste gzugs shes bya ba dang / tshor ba zhes bya ba dang 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar du gang la glo bur du ming du btags pa'i 'du byed kyi mtshan ma'i dngos po de gal te brjod du med pa'i dbyings yin du zin na/ 'o na ni byis pa so so'i skye bo thams cad kyang yongs su mya ngan las 'das par 'gyur zhing / bla na med pa yang dag par rdzogs pa'i byang chub mngon par rdzogs par sangs rgyas par yang 'gyur ro/ /byams pa gal te 'du byed kyi mtshan ma'i dngos po las brjod du med pa'i dbyings gzhan yin du zin na ni/ 'o na mtshan ma de yang mi dmigs na/ 'di ltar brjod du med pa'i dbyings de rtogs par 'gyur ram/ byams pa rnam grangs 'dis kyang 'du byed kyi mtshan ma'i dngos po las brjod du med pa'i dbyings gzhan pa yang ma yin la/ 'di lta ste gzugs shes bya ba dang / tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar du gang la glo bur du ming du btags pa de las brjod du med pa'i dbyings gzhan ma yin pa yang ma yin par</font><hr>36.163a<br><font size=+1>

rig par bya'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das gal te byang chub sems dpa' brjod du ma mchis pa'i dbyings dang 'brel ba'i shes rab kyi spyod pa la gnas pa na/ 'di lta ste/ gzugs shes bgyi ba dang / tshor ba zhes bgyi ba dang / 'du shes shes bgyi ba dang / 'du byed rnams shes bgyi ba dang / rnam par shes pa zhes bgyi ba dang / sangs rgyas kyi chos rnams shes bgyi ba'i bar dag gang la glo bur du ming btags pa'i 'du byed kyi mtshan ma'i dngos po de mi dmigs na/ bcom ldan 'das ci mchis pa mi dmigs lags sam/ 'on te ma mchis pa mi dmigs pa lags/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa 'du byed kyi mtshan ma'i dngos po de la ni rang dbang nyid dam yod pa nyid gang yang med do/ /de ci'i phyir zhe na/ byams pa gang gi tshe khyod 'du byed kyi mtshan ma'i dngos po de la rnam par rtog pa de'i tshe/ 'du byed kyi mtshan ma'i dngos po de rnam par rtog pa rnams kyis gzung bar 'gyur ram/ gang gi tshe brjod du med pa'i dbyings dang 'brel ba'i shes rab kyi spyod pa la gnas te/ rnam par mi rtog pa de'i tshe rnam par mi rtog pas gzung bar 'gyur ram/ bcom ldan 'das de lta lags so/ /byams pa de lta yin na/ 'di lta ste 'du byed kyi mtshan ma'i dngos po gang la 'di ltar gzugs shes bya ba dang / tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar du glo bur du ming du btags pa de rnam par rtog pa tsam du zad dam/ rnam par rtog pa tsam nyid do/ /de de ltar rnam par mi rtog pa'i dbyings la gnas te/ rnam par rtog pa rnams dang bral bar gyur pa na/ 'di lta ste gzugs shes bya ba dang / tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa</font><hr>36.163b<br><font size=+1>

zhes bya ba dang / sangs rgyas kyi chos rnams shes bya ba'i bar du gang la glo bur du ming du btags pa de la yod pa gang yin/ gang yod pa ni mi dmigs par 'gyur ro/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das byang chub sems dpa' shes rab kyi pha rol du phyin pa la spyod pa/ chos rab tu dbye ba la mkhas pa la zhugs pas/ gzugs rab tu dbye ba'i btags pa rnam pa du zhig du rtogs par bgyi/ tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du rab tu dbye ba'i btags pa rnam pa du zhig tu rtogs par bgyi lags/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa byang chub sems dpa' shes rab kyi pha rol tu phyin pa la spyod pa/ chos rab tu dbye ba la mkhas pa la zhugs pas/ gzugs rab tu dbye ba'i btags pa rnam pa gsum du rtogs par bya/ tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du rab tu dbye ba'i btags pa rnam pa gsum du rtogs par bya ste/ 'di lta ste 'di ni kun btags pa'i gzugs so/ /'di ni rnam par btags pa'i gzugs so/ /'di ni chos nyid kyi gzugs so/ /'di lta ste 'di ni kun btags pa'i tshor ba'o/ /'di ni rnam par brtags pa'i tshor ba'o/ /'di ni chos nyid kyi tshor ba'o/ /'di lta ste 'di ni kun brtags pa'i 'du shes so/ /'di ni rnam par brtags pa'i 'du shes so/ /'di ni chos nyid kyi 'du shes so/ /'di lta ste 'di dag ni kun brtags pa'i 'du byed rnams so/ /'di dag ni rnam par brtags pa'i 'du byed rnams so/ /'di dag ni chos nyid kyi 'du byed rnams so/ /'di lta ste 'di ni kun btags pa'i rnam par shes pa'o/ /'di ni rnam par brtags pa'i rnam par shes pa'o/ /'di ni chos nyid kyi rnam par shes pa'o/ /'di lta ste 'di dag ni kun brtags pa'i sangs</font><hr>36.164a<br><font size=+1>

rgyas kyi chos rnams kyi bar dag go/ /'di dag ni rnam par btags pa'i sangs rgyas kyi chos rnams so 'di dag ni chos nyid kyi sangs rgyas kyi chos rnams so zhes bya ba'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das kun brtags pa'i gzugs ni gang lags/ rnam par brtags pa'i gzugs ni gang lags/ chos nyid kyi gzugs ni gang lags/ bcom ldan 'das kun brtags pa'i tshor ba dang / 'du shes dang / 'du byed rnams dang / rnam par shes pa dang / kun brtags pa'i sangs rgyas kyi chos rnams kyi bar du ni gang lags/ rnam par brtags pa'i sangs rgyas kyi chos rnams ni gang lags/ chos nyid kyi sangs rgyas kyi chos rnams ni gang lags/ bcom ldan 'das kyis bka' stsal pa/ byams pa gang 'du byed kyi mtshan ma'i dngos po de dang de la gzugs shes bya ba'i ming dang 'du shes dang / btags pa dang tha snyad la brten nas/ gzugs kyi ngo bo nyid du yongs su rtog pa 'di ni kun btags pa'i gzugs so/ /byams pa gang 'du byed kyi mtshan ma'i dngos po de dang de la tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar gyi ming dang / 'du shes dang / btags pa dang / tha snyad la brten nas tshor ba'i ngo bo nyid dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar gyi ngo bo nyid du yongs su rtog pa 'di ni kun brtags pa'i tshor ba dang / 'du shes dang / 'du byed rnams dang / rnam par shes pa'o/ /'di dag ni kun brtags pa'i sangs rgyas kyi chos rnams kyi bar dag go/ /'du byed kyi mtshan ma'i dngos po de rnam par rtog pa tsam gyi chos nyid la gnas pa'i rnam par rtog pa la brten nas/ mngon par brjod de/ gang la 'di ni gzugs so zhes bya ba dang / tshor ba'o zhes bya ba dang / 'du shes so zhes bya ba dang / 'du byed rnams so zhes</font><hr>36.164b<br><font size=+1>

bya ba dang / rnam par shes pa'o zhes bya ba dang / sangs rgyas kyi chos rnams so zhes bya ba'i bar gyi ming dang / 'du shes dang / btags pa dang / tha snyad gang yin pa 'di ni rnam par btags pa'i gzugs so/ /'di ni rnam par brtags pa'i tshor ba 'o/ /'di ni rnam par brtags pa'i 'du shes so/ /'di ni rnam par brtags pa'i 'du byed rnams so/ /'di ni rnam par btags pa'i rnam par shes pa'o/ /'di dag ni rnam par brtags pa'i sangs rgyas kyi chos rnams kyi bar dag go/ /gang de bzhin gshegs pa rnams byung yang rung / de bzhin gshegs pa rnams ma byung yang rung ste/ chos nyid 'di ni gnas pa nyid dang / chos gnas pa'i dbyings dang / gang kun brtags pa'i gzugs des rnam par brtags pa'i gzugs rtag pa rtag pa'i dus dang / ther zug ther zug gi dus su ngo bo nyid med pa kho na dang / chos la bdag med pa dang / de bzhin nyid dang / yang dag pa'i mtha' 'di ni chos nyid kyi gzugs so/ /'di ni chos nyid kyi tshor ba dang / 'du shes dang / 'du byed rnams dang / rnam par shes pa'o/ /'di dag ni chos nyid kyi sangs rgyas kyi chos rnams kyi bar dag go/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das gzugs gsum po 'di dag las rdzas su ma mchis par lta ba'i gzugs ni gang lags/ rdzas su mchis pa ni gang lags/ rdzas su ma mchis pa yang ma lags la/ rdzas su mchis pa yang ma lags shing / don dam pas rab tu phye ba ni gang lags tshor ba gsum po 'di dag dang / 'du shes gsum po 'di dag dang / 'du byed gsum po 'di dag dang / rnam par shes pa gsum po 'di dag dang / sangs rgyas kyi chos rnams kyi bar du gsum po 'di dag las rdzas su ma mchis pa dag ni gang lags/ rdzas su mchis pa dag ni gang lags/ rdzas su ma mchis pa yang ma lags la/ rdzas su mchis pa yang ma lags shing / don dam pas rab tu phye ba dag ni gang lags/ de skad ces gsol</font><hr>36.165a<br><font size=+1>

pa dang / bcom ldan 'das kyis byang chub sems dpa' byams pa la bka' stsal pa/ byams pa gang kun du brtags pa'i gzugs de ni rdzas su med par blta bar bya'o/ /rnam par brtags pa'i gzugs gang yin pa de ni rnam par rtog pa rdzas su yod pa'i phyir/ rdzas su yod par blta bar bya ste/ rang dbang du 'byung ba'i phyir ni ma yin no/ /gang chos nyid kyi gzugs de ni rdzas su med pa yang ma yin/ rdzas su yod pa yang ma yin zhing / don dam pas rab tu phye bar blta bar bya'o/ /kun brtags pa'i tshor ba dang / 'du shes dang / 'du byed rnams dang / rnam par shes pa dang / gang dag kun brtags pa'i sangs rgyas kyi chos rnams kyi bar de dag ni rdzas su med par blta bar bya'o/ /gang rnam par brtags pa'i tshor ba dang / 'du shes dang / 'du byed rnams dang / rnam par shes pa dang / gang dag rnam par brtags pa'i sangs rgyas kyi chos rnams kyi bar de dag ni rnam par rtog pa rdzas su yod pa'i phyir rdzas su yod par blta bar bya ste/ rang dbang du 'byung ba'i phyir ni ma yin no/ /byams pa gang chos nyid kyi tshor ba dang / 'du shes dang / 'du byed rnams dang / rnam par shes pa dang / byams pa gang dag chos nyid kyi sangs rgyas kyi chos rnams kyi bar de dag ni rdzas su med pa yang ma yin la/ rdzas su yod pa yang ma yin zhing / don dam pas rab tu phye bar blta bar bya'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das de ltar gzugs rab tu dbye ba'i brtags pa yang ma mchis la/ de ltar tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du rab tu dbye ba'i btags pa yang ma mchis na/ 'di lta ste gzugs shes bya ba de ni gnyis su med pa'i grangs su byas pa'o/ /'di lta ste tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos rnams shes bya ba'i bar 'di ni</font><hr>36.165b<br><font size=+1>

gnyis su med pa'i grangs su byas pa'o/ /zhes bcom ldan 'das kyis gang bka' stsal pa de/ bcom ldan 'das kyis ci la dgongs nas/ 'di lta ste/ gzugs shes bya ba de ni gnyis su med pa'i grangs su byas pa'o/ /'di lta ste tshor ba zhes bya ba dang / 'du shes shes bya ba dang / 'du byed rnams shes bya ba dang / rnam par shes pa zhes bya ba dang / sangs rgyas kyi chos kyi bar zhes bya ba de ni gnyis su med pa'i grangs su byas pa'o zhes bka' stsal/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa 'di ji snyam du sems/ kun brtags pa'i gzugs la rdzas su med pa nyid gang yin pa de gzugs yin nam/ 'on te ma yin/ gsol pa/ bcom ldan 'das de ni ma lags so/ /de la gzugs shes bya ba ming dang / 'du shes dang / btags pa dang / tha snyad tsam nyid gang yin pa de ji gzugs yin nam/ gsol pa/ bcom ldan 'das de ni ma lags so/ /byams pa rnam grangs 'dis gang kun brtags pa'i gzugs de gzugs kyang ma yin la/ gzugs ma yin pa yang ma yin te/ gang gzugs kyang ma yin la/ gzugs ma yin pa yang ma yin pa de ni gnyis su med pa ste/ ngas 'di la dgongs nas/ 'di lta ste/ gzugs shes bya ba de ni gnyis su med pa'i grangs su byas pa'o/ /zhes bka' stsal par rig par bya'o/ /byams pa 'di ji snyam du sems/ gang la brten nas gzugs shes bya ba'i ming dang / btags pa dang / tha snyad du 'gyur ba rnam par brtags pa'i gzugs rdzas su yod pa nyid gang yin pa de ji ga gzugs ma yin pa yin nam/ gsol pa/ bcom ldan 'das de ni ma lags so/ /byams pa 'di ji snyam du sems/ rnam par brtags pa'i gzugs de nyid la kun brtags pa'i gzugs des/ de'i ngo bo nyid ma yin zhing / de'i mtshan nyid ma yin pa gang yin pa de gzugs yin nam/ gsol pa/ bcom ldan 'das de ni ma lags so/ /byams pa rnam grangs 'dis</font><hr>36.166a<br><font size=+1>

kyang / 'di ltar gang rnam par brtags pa'i gzugs de yang gzugs kyang ma yin la/ gzugs ma yin pa yang ma yin te/ gang gzugs kyang ma yin la/ gzugs ma yin pa yang ma yin pa de gnyis su med pa ste/ ngas de la dgongs nas 'di lta ste/ gzugs shes bya ba de ni gnyis su med pa'i grangs su byas pa'o/ /zhes bka' stsal par rig par bya'o/ /byams pa 'di ji snyam du sems/ gang chos nyid kyi gzugs bdag med pas/ rab tu phye ba'i gzugs de ji ga gzugs yin nam/ gsol pa/ bcom ldan 'das de ni ma lags so/ /chos nyid kyi gzugs de nyid gzugs kyi chos nyid gang yin pa de gzugs ma yin pa de yin nam/ gsol pa/ bcom ldan 'das de ni ma lags so/ /byams pa rnam grangs 'dis kyang / 'di ltar chos nyid kyi gzugs gang yin pa de yang gzugs kyang ma yin la/ gzugs ma yin pa yang ma yin te/ gang gzugs kyang ma yin la/ gzugs ma yin pa yang ma yin pa de ni gnyis su med pa ste/ ngas de la dgongs nas 'di lta ste/ gzugs shes bya ba de ni gnyis su med pa'i grangs su byas pa'o/ /zhes bka' stsal par rig par bya ste/ de bzhin du tshor ba dang / 'du shes dang / 'du byed rnams dang / rnam par shes pa rnams dang / sangs rgyas kyi chos rnams kyi bar la yang sbyar bar bya'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das byang chub sems dpa' shes rab kyi pha rol du phyin pa la spyod pa/ de ltar gzugs la gnyis su ma mchis pa'i mtshan nyid la mkhas shing / de ltar tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar dag la mtshan nyid ma mchis pa la mkhas pa mtha' gnyis spangs nas/ dbu ma'i lam la zhugs pa'i yongs</font><hr>36.166b<br><font size=+1>

su 'tshal ba'i mtshan nyid ni ji lta bu/ spong ba'i mtshan nyid ni ji lta bu/ mngon sum du bgyid pa'i mtshan nyid ni ji lta bu/ bsgom pa'i mtshan nyid ni ji lta bur blta bar bgyi/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa byang chub sems dpa' shes rab kyi pha rol du phyin pa la spyod pa/ mtha' gnyis spangs nas/ 'di ltar dbu ma'i lam la zhugs pas gang gzugs yongs su shes pa yang ma yin/ yongs su mi shes pa yang ma yin pa de nyid de'i yongs su shes pa'o/ /gang tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du yongs su shes pa yang ma yin/ yongs su mi shes pa yang ma yin pa de nyid de'i yongs su shes pa'o/ /gang gzugs spong ba yang ma yin/ mi spong ba yang ma yin pa de nyid de'i spong ba'o/ /gang tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du spong ba yang ma yin/ mi spong ba yang ma yin pa de nyid de'i spong ba'o/ /gang gzugs spong ba mngon sum du yang mi byed la/ mngon sum du mi byed pa yang ma yin pa de nyid de'i mngon sum du byed pa'o/ /gang gzugs spang ba'i phyir lam bsgom pa yang ma yin/ mi sgom pa yang ma yin pa de nyid de'i sgom pa'o/ /de bzhin du tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar dag la yang sbyar bar bya'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das byang chub sems dpa' shes rab kyi pha rol tu phyin pa la spyod pa 'di lta bu'i yongs su 'tshal ba dang / spong ba dang / mngon sum du bgyid pa dang / bsgom pa dang ldan pa'i mya ngan las 'das pa gang lags/ </font><hr>36.167a<br><font size=+1>

de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa byang chub sems dpa' rnams kyi mya ngan las 'das pa ni zab bo/ /mchog tu zab bo/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das ci'i slad du byang chub sems dpa' rnams kyi mya ngan las 'das pa 'di ltar zab pa dang / mchog du zab pa lags/ bcom ldan 'das kyis bka' stsal pa/ byams pa byang chub sems dpa' rnams kyi mya ngan las 'das pa ni/ 'di ltar mya ngan las 'das pa yang ma yin/ mya ngan las ma 'das pa'ang ma yin te/ de'i phyir zab pa dang / mchog tu zab pa zhes bya'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das ji ltar na byang chub sems dpa' rnams kyi mya ngan las 'das pa ni mya ngan las 'das pa yang ma lags/ mya ngan las ma 'das pa yang ma lags/ bcom ldan 'das kyis bka' stsal pa/ byams pa gzhan gyi don las brtsams te/ 'khor ba yongs su mi gtong bas mya ngan las 'das pa yang ma yin no/ /bdag gi don las brtsams te/ mya ngan las 'das pa yongs su mi gtong bas/ mya ngan las ma 'das pa yang ma yin no/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das gal te byang chub sems dpa' gzhan gyi don las brtsams te/ 'khor ba yongs su mi gtong na/ de 'khor ba yongs su ma btang bas 'dis ji ltar mya ngan las 'das pa yongs su btang bar mi 'gyur/ bcom ldan 'das gal te byang chub sems dpa' bdag gi don las brtsams te/ mya ngan las 'das pa yongs su mi gtong na/ 'dis ji ltar 'khor ba yongs su btang bar mi 'gyur lags/ </font><hr>36.167b<br><font size=+1>

bcom ldan 'das kyis bka' stsal pa/ byams pa 'di la byang chub sems dpa' shes rab kyi pha rol du phyin pa la spyod pa/ 'khor ba la yang 'khor ba nyid du rnam par mi rtog /mya ngan las 'das pa la yang mya ngan las 'das pa nyid du rnam par mi rtog ste/ de de ltar rnam par mi rtog pas/ 'di lta ste/ 'khor ba dang mya ngan las 'das pa de dag mnyam pas mnyam par 'gyur ro/ /de ci'i phyir zhe na/ 'di ltar de 'khor ba la 'khor ba nyid du rnam par mi rtog pas/ 'khor ba las yid byung bar mi 'gyur ro/ /de bzhin du mya ngan las 'das pa la yang mya ngan las 'das pa nyid du mi rtog pas/ mya ngan las 'das pa las nyams par yang mi 'gyur te/ de bzhin du 'khor ba na yang mi nyams so/ /de ltar rnam par mi rtog pa'i dbyings la gnas pa de rigs pa 'dis 'khor ba yang yongs su mi gtong la/ mya ngan las 'das pa yang yongs su mi gtong bar rig par bya'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das 'o na byang chub sems dpa' shes rab kyi pha rol du phyin pa la spyod pa/ rnam par mi rtog pa'i dbyings la gnas pas/ 'khor ba ji ltar ma btang ba de ltar blangs pa yang ma mchis shing / mya ngan las 'das pa ji ltar ma btang ba de ltar blangs pa yang ma mchis par mi 'gyur lags sam/ bcom ldan 'das gal te blangs pa ma mchis na ji ltar ma btang ba lags/ bcom ldan 'das kyis bka' stsal pa/ byams pa nga ni 'di ltar 'khor ba len to zhe 'am mi len to zhes mi smra'o/ /byams pa 'on kyang shes rab kyi pha rol du phyin pa la spyod pa'i byang chub sems dpa' rnam par mi rtog pa'i dbyings la dmigs pa'i ye shes kyis sems la dbang thob pa thabs la mkhas pas 'khor ba bstan pa'i phyir/ phyogs bcu'i 'jig rten na 'jig rten gyi khams gang gA'i klung gi</font><hr>36.168a<br><font size=+1>

bye ma snyed dag tu yongs su mya ngan las 'das pa'i byang chub sems dpa' rnams la 'khor ba yongs su mi gtong ba'o/ /zhes nga smra'o/ /stong pa nyid mi dmigs pa'i dbyings la gnas pa'i phyir mya ngan las 'das pa yongs su mi gtong ba'o zhes nga smra'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das rnam par mi rtog pa'i mtshan nyid 'dus pa ji ltar blta bar bgyi/ bcom ldan 'das kyis bka' stsal pa/ byams pa gzugs gang yin pa dang / tshor ba gang yin pa dang / 'du shes gang yin pa dang / 'du byed rnams gang yin pa dang / rnam par shes pa gang yin pa dang / sangs rgyas kyi chos rnams kyi bar du gang yin pa dang / sangs rgyas kyi chos rnams kyi bar gyi stong pa nyid gang yin pa dang / chos de dag dang stong pa nyid de'i dngos po dang dngos po med pa gnyis su med pa spros pa med pa gang yin pa de ni/ byams pa rnam par mi rtog pa'i mtshan nyid 'dus par blta'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das ci nyan thos thams cad gcig tu nges par gtan du mya ngan las 'das pa la gnas pa lags sam/ bcom ldan 'das kyis bka' stsal pa/ byams pa de ni ma yin no/ /de ci'i phyir zhe na/ byams pa 'jig rten 'di ni khams sna tshogs pa khams du ma ste/ khams sna tshogs pa khams du ma'i 'jig rten de na sems can gyi rigs dang rang bzhin mang du dmigs te/ byams pa gang thog ma nyid nas bzang po'i bye brag don du gnyer te/ bzang po'i bye brag nyid thob par 'gyur ba'i sems can gyi rigs kyi rnam pa de lta bu yang yod/ gang thog ma nyid nas dman pa'i bye brag don du gnyer te/ dman pa nyid thob la de nyid kyis chog par 'dzin pa'i</font><hr>36.168b<br><font size=+1>

rigs kyi rnam pa de lta bu yang yod/ gang thog ma nyid dman pa'i bye brag don du gnyer te/ dman pa nyid thob la dman par shes nas de tsam gyis chog par mi 'dzin gyi/ de'i 'og du bzang po'i bye brag tshol zhing bzang po thob par 'gyur ba'i rigs kyi bye brag de lta bu yang yod do/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das sems can rnams kyi rigs kyi rnam pa gsum pa gang lags pa de dgra bcom pa nyid thob nas/ bla na med pa yang dag par rdzogs pa'i byang chub don du gnyer kyang skye ba ma mchis pas ji ltar thob par 'gyur/ bsgrub pa nyid de'i skye ba lags par ni/ bcom ldan 'das kyis bka' ma stsal lags so/ /bcom ldan 'das kyis bka' stsal pa/ byams pa de'i skye ba las dang nyon mongs pa'i dbang gis 'gyur bar ni nga mi 'dogs kyi/ de'i skye ba bsam gyis mi khyab pa dang / sprul pa dang yongs su bsngos pa'o zhes nga 'dogs so/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das 'di ltar thog ma nyid nas bzang po'i bye brag don du gnyer zhing bzang po'i bye brag nyid thob par 'gyur ba/ byang chub sems dpa' sems dpa' chen po'i bsam pa rlabs po che dang / che ba'i lhag pa'i bsam pa ni ngo mtshar lags so/ /bcom ldan 'das byang chub sems dpa' rnams kyi bsam pa rlabs po che ni gang lags/ che ba'i lhag pa'i bsam pa nyid ni gang lags so/ /bcom ldan 'das kyis bka' stsal pa/ byams pa byang chub sems dpa' rnams brgya byin nyid dang / tshangs pa nyid dang / 'jig rten skyong ba nyid dang / 'khor los sgyur ba nyid thams cad dang / 'jig rten gyi phun sum tshogs pa thams cad don du gnyer ba ma yin gyi/ de dag la mi chags shing mi 'dzin pa gang yin pa 'di ni byang chub sems dpa' rnams kyi bsam pa rlabs</font><hr>36.169a<br><font size=+1>

po che'o/ /byang chub sems dpa' rnams 'di lta ste/ 'du byed yongs su mi gtong bas/ de la ma chags pa'i bde ba dang 'dzin pa med pa'i bde ba dang / mya ngan las 'das pa'i bde ba sems can thams cad dang thun mong du bya bar 'dod cing / bla na med pa yang dag par rdzogs pa'i byang chub tu bsngo bar byed pa gang yin pa 'di ni de dag gi che ba nyid kyi lhag pa'i bsam par blta bar bya'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das byang chub sems dpa'i chos rnams ni ngo mtshar rmad du byung ba lags so/ /byang chub sems dpa'i bslab pa ni ngo mtshar rmad du byung ba lags so/ /bcom ldan 'das rigs kyi bu 'am rigs kyi bu mo byang chub sems dpa'i chos ngo mtshar rmad du byung ba rnams la slob par 'tshal bas bla na med pa yang dag par rdzogs pa'i byang chub tu sems bskyed par bgyi lags so/ /shes rab kyi pha rol du phyin pa khri brgyad stong pa las/ byang chub sems dpa'i bslab pa rab tu dbye ba'i le'u zhes bya ste/ brgyad bcu rtsa gsum pa'o// // shes rab kyi pha rol tu phyin pa khri brgyad stong pa/ bam po lnga bcu rtsa brgyad pa/ de nas yang bcom ldan 'das kyis 'khor bzhi po de dag yang dag par rab tu dga' bar mdzad pa'i phyir yang shes rab kyi pha rol du phyin pa 'di ston cing / de'i tshe tshigs su bcad pa 'di dag bka' stsal to/ /dga' dang gus dang dad pa'i mchog ni nyer gzhag ste/ /sgrib pa nyon mongs bsal nas dri ma las 'das pa/ /'gro don mngon zhugs des pa'i shes rab pha rol phyin/ /gang la dpa' rnams spyod pa de ni mnyan par gyis/ /'dzam bu'i gling 'dir chu klung ji snyed cig 'bab cing / /me tog 'bras ldan sman dang nags tshal bskyed byed pa/ /ma dros gnas pa'i klu dbang klu bdag brten gnas te/ /de ni klu yi bdag po de yi mthu dpal yin/ /rgyal ba'i nyan thos pa dag ji snyed chos ston dang / /'chad dang rigs pa dag dang</font><hr>36.169b<br><font size=+1>

ldan par brjod pa dang / /mchog 'phags bde ba byed dang de yi 'bras thob pa/ /de dag kun kyang de bzhin gshegs pa'i skyes bu'i mthu/ /ci phyir zhe na rgyal bas chos tshul gang bstan pa/ /de la mi mchog slob mar gyur pas mngon bslabs shing / /mngon sum byas nas bslabs pa ji bzhin ston byed de/ /sangs rgyas mthus byed rang gi stobs kyi mthus ma yin/ /gang la shes rab pha rol phyin mchog mi dmigs shing / /byang chub sems dpa' mi dmigs byang chub sems mi dmigs/ /de skad thos nas rmongs pa med cing skrag med pa/ /byang chub sems dpa' de ni bde gshegs shes rab spyod/ /gzugs med tshor ba med cing 'du shes sems pa med/ /de la rnam shes gnas ni rdul tsam yod ma yin/ /de chos kun la mi gnas gnas pa med par spyod/ /yongs su gzung med bde gshegs rnams kyi byang chub 'thob/ /ji ltar kun du rgyu ba bzo sbyangs shes pa yis/ /dmigs med phung po rnam par 'jig pa 'byung ba ltar/ /byang chub sems dpa' gang zhig de ltar chos shes pa/ /mya ngan 'das la mi reg de ni shes rab gnas/ /yang 'di shes rab 'di ni gang yin su yi yin/ /gang las yin zhes chos 'di thams cad stong par rtog /nye bar brtags nas zhum pa med cing skrag med pa/ /byang chub sems dpa' de ni byang chub nye ba yin/ /gal te mi shes bzhin du gzugs su 'du shes shing / /tshor ba sems pa rnam shes phung por spyod byed cing / /phung 'di stong zhes rtog na 'ang byang chub sems dpa' ni/ /mtshan ma la spyod skye med gnas la dad ma yin/ /gang zhig gzugs min tshor min 'du shes sems pa min/ /rnam par shes la mi spyod gnas pa med par spyod/ /de ni spyod ces bya bar mi dmigs shes rab brtan/ /skye med blo ldan ting 'dzin zhi ba mchog la reg /byang chub sems gang de ltar 'dir bdag zhir gnas pa/ /de ni sngon gyi de bzhin gshegs pas lung bstan yin/ /bdag ni mnyam par gzhag ce 'am langs shes rlom sems med/ /</font><hr>36.170a<br><font size=+1>

ci phyir zhe na chos kyi rang bzhin yongs shes phyir/ /de ltar spyod na bde gshegs rnams kyi shes rab spyod/ /des ni spyod med spyod pa yin par rab shes phyir/ /chos gang spyod pa de yang dmigs par mi 'gyur te/ /'di ni shes rab pha rol phyin mchog spyod pa yin/ /gang zhig yod pa ma yin de ni med ces bya/ /byis pa rnams kyis de brtags yod dang med par byed/ /yod dang med pa 'di gnyis med pa'i chos yin te/ /byang chub sems dpa' gang gis 'di shes nges par 'byung / /gang 'dir phung po lnga dag sgyu ma 'drar shes shing / /sgyu ma gzhan dang phung po gzhan du mi byed la/ /sna tshogs 'du shes bral zhing nye bar zhi spyod pa/ /'di ni shes rab pha rol phyin mchog spyod pa yin/ /dge ba'i bshes dang ldan zhing lhag mthong ldan gyur pa/ /rgyal ba rnams kyi yum thos skrag par yong mi 'gyur/ /gang zhig sdig pa'i grogs ldan gzhan gyi dring 'jog pa/ /de ni snod so ma btang chus reg zhig pa bzhin/ /ci phyir 'di ni byang chub sems dpa' bya zhe na/ /chags pa gcod byed kun la chags pa zad par 'dod/ /rgyal ba rnams kyi byang chub chags med gyur la reg /des na 'di ni byang chub sems dpa'i ming thob bo/ /ci phyir 'di ni sems dpa' che zhes bya zhe na/ /sems can tshogs rnams mang po'i mchog tu gyur pa dang / /sems can khams kyi lta rnams chen po gcod pa ste/ /de phyir sems dpa' chen po zhes ni rab brjod do/ /gtong ba che dang blo che ba dang mthu che dang / /rgyal ba rnams kyi theg chen mchog la zhugs pa dang / /go cha chen po bgos shing bdud kyi sgyu 'dul ba/ /de yi phyir na sems dpa' che zhes rab tu brjod/ /dper na sgyu ma mkhan gyis bzhi mdor sprul byas te/ /skye bo phal chen mgo mang bye ba gcod byed pa'i/ /gsad bya de dag ci 'dra de ltar byang chub sems/ /'gro kun sprul 'drar rab shes de la 'jigs pa med/ /gzugs dang 'du shes tshor ba dang ni sems pa dang / /rnam par shes pa ma bcings ma grol yod pa min/ /de ltar byang chub la</font><hr>36.170b<br><font size=+1>

'jug zhum pa'i sems med pa/ /'di ni gang zag dam pa rnams kyi go cha mchog /ci phyir 'di ni byang chub theg chen bya zhe na/ /de gang zhon nas sems can thams cad mya ngan zlo/ /theg pa 'di ni mkha' 'dra gzhal med khang chen te/ /dga' skyid bde ba mngon par 'thob byed theg pa'i mchog /gang zhig zhon nas phyogs su 'gro ba dmigs su med/ /mya ngan 'das par 'gro bar gsungs pa 'gro mi dmigs/ /dper na mi shi de yis 'gro rgyu med pa bzhin/ /rgyu des de ni mya ngan 'das zhes rab tu brjod/ /byang chub sems dpa' sngon gyi mtha' dang phyi mtha' dang / /da ltar byung bar mi dmigs dus gsum dag pa ste/ /gang dag de ni 'dus ma byas yin spros med de/ /'di ni shes rab pha rol phyin mchog spyod pa yin/ /byang chub sems dpa' mkhas rig gang gi dus kyi tshe/ /skye med rnam par bsams te 'di ltar spyod byed cing / /snying rje chen po bskyed kyang sems can 'du shes med/ /'di ni shes rab pha rol phyin mchog spyod pa yin/ /gal te sems can 'du shes sdug bsngal 'du shes bskyed/ /'gro ba rnams kyi don bya sdug bsngal spang snyam ste/ /bdag dang sems can yongs rtog byang chub sems dpa' ste/ /'di ni shes rab pha rol phyin mchog spyod ma yin/ /bdag ci 'dra ba de 'drar sems can thams cad shes/ /sems can thams cad ci 'dra de 'drar chos kun shes/ /skye ba med dang skye ba gnyi gar mi rtog pa/ /'di ni shes rab pha rol phyin mchog spyod pa yin/ /'jig rten dag na chos ming ji snyed yongs brjod pa/ /kun la skye ba dang ni yang dag 'das spangs nas/ /ye shes 'chi med dam pa de las gzhan med 'thob/ /de phyir 'di ni shes rab pha rol phyin ces bya/ /byang chub sems dpa' gang zhig dogs med de ltar spyod/ /shes rab ldan te mnyam nyid gnas par shes par bya/ /chos rnams rang bzhin med par yongs su shes gyur pa/ /'di ni shes rab pha rol phyin mchog spyod pa yin/ /gang zhig gzugs</font><hr>36.171a<br><font size=+1>

la mi gnas tshor la mi gnas shing / /gang zhig 'du shes mi gnas sems par mi gnas la/ /rnam shes gang mi gnas pa chos nyid gnas pa ste/ /'di ni shes rab pha rol phyin mchog spyod pa yin/ /rtag dang mi rtag bde dang sdug bsngal sdug mi sdug /bdag dang bdag med de bzhin nyid dang de bzhin stong / /'bras bu thob dang dgra bcom sa la mi gnas shing / /rang rgyal sa dang de bzhin sangs rgyas sar mi gnas/ /ji ltar 'dren pa 'dus ma byas khams mi gnas shing / /de bzhin 'dus byas la yang mi gnas gnas med spyod/ /de ltar byang chub sems dpa' gnas la gnas med gnas/ /gnas med gnas yin 'di ni rgyal bas gnas par gsungs/ /gang dag bde gshegs nyan thos 'gyur bar bya snyam dang / /rang sangs rgyas dang de bzhin chos rgyal 'gyur 'dod pa/ /bzod pa 'di la ma brten 'thob par mi nus te/ /dper na tshu rol pha rol 'gro ngogs mi mthong bzhin/ /chos 'chad pa dang nyan dang bshad bya gang yin dang / /'bras bu thob dang rkyen rgyal de bzhin 'jig rten mgon/ /mkhas pa gsal bas thob pa'i mya ngan 'das gang yin/ /de kun sgyu ma lta bur de bzhin gshegs pas bstan/ /gang zag bzhi po 'di dag de la mi skrag ste/ /rgyal sras bden la mkhas dang phyir mi ldog pa dang / /dgra bcom dri ma bsal zhing som nyi spangs pa dang / /bzhi pa dge ba'i bshes kyis yongs su zin pa'o/ /byang chub sems dpa' mkhas rig de ltar spyod pa ni/ /dgra bcom sa la mi slob rkyen rtogs sa la min/ /thams cad mkhyen nyid ched du sangs rgyas chos rjes slob/ /gang zhig slob mi slob la mi slob de slob yin/ /gzugs 'phel yongs su nyams dang yongs su gzung phyir min/ /chos rnams sna tshogs yongs su gzung phyir mi slob par/ /slob cing thams cad mkhyen pa nyid kyang yongs 'dzin la/ /nges 'byung gang yin 'di ni yon tan dga' ba'i slob/ /gzugs ni shes rab ma yin gzugs la shes rab med/ /rnam shes 'du</font><hr>36.171b<br><font size=+1>

shes tshor dang sems pa 'di dag ni/ /shes rab ma yin 'di dag la yang shes rab med/ /'di ni nam mkha'i khams dang mtshungs te tha dad med/ /dmigs pa rnams kyi rang bzhin de ni pha mtha' med/ /sems can rang bzhin gang yin de yang pha mtha' med/ /nam mkha'i khams kyi rang bzhin de yang pha mtha' med/ /'jig rten mkhyen pa'i shes rab de yang pha mtha' med/ /'du shes tshu rol yin zhes 'dren pas yongs su bsgrags/ /'du shes rnam par bshig nas spong ba pha rol 'gro/ /gang dag 'du shes bral ba 'di ni rjes thob pa/ /de dag pha rol phyin nas ston pa'i bka' la gnas/ /gal te ston pas kyang ni gang gA'i bye snyed kyi/ /bskal par bzhugs te sems can zhes sgra yongs bsgrags kyang / /gzod nas dag pas sems can skye bar ga la 'gyur/ /'di ni shes rab pha rol phyin mchog spyod pa yin/ /gang tshe nga ni pha rol phyin pa mchog 'di dang / /'thun par smra 'gyur de tshe sngon gyi skyes mchog gis/ /ma 'ongs pa yi dus na sangs rgyas 'gyur ro zhes/ /nga lung bstan par gyur ces rgyal ba de skad gsung / /shes rab pha rol phyin pa gang la mgon spyod pa/ /'di ni gang zhig gus byas 'dzin dang chub byed pa/ /de la dug dang mtshon dang me dang chus mi tshugs/ /bdud dang bdud kyi phyogs kyis glags kyang rnyed mi 'gyur/ /la las bde gshegs yongs su mya ngan 'das pa yi/ /mchod rten rin chen bdun las byas shing mchod byed la/ /bde bar gshegs pa'i mchod rten de dag gang gA yi/ /bye ma snyed kyis bye ba phrag stong zhing bkang ste/ /yongs su brtag bzung zhing rnams bye ba mtha' yas na/ /sems can ji snyed 'khod pa de dag thams cad kyis/ /las gzhan mi byed lha yi me tog spos rab dang / /byug pas dus gsum bskal pa 'am de bas lhag mchod la/ /gang zhig gang las rnam 'dren stobs bcu 'byung 'gyur ba/ /bde bar gshegs kyi yum 'di glegs bam la bris te/ /'chang zhing me tog byug pas sti stang byed gyur na/ /mchod rten byas mchod bsod nams des ni char</font><hr>36.172a<br><font size=+1>

mi phod/ /rgyal ba'i shes rab pha rol phyin 'di rig sngags che/ /sems can khams mang mya ngan sdug bsngal chos zhi byed/ /gang dag 'das dang gang dag phyogs bcu'i 'jig rten mgon/ /rig sngags 'di bslabs sman pa'i rgyal po bla med 'gyur/ /gang dag phan dang snying rjer bcas pa spyad spyod pa/ /rig sngags 'di la bslabs nas mkhas pa byang chub reg /'dus byas bde dang 'dus ma byas bde gang yin pa/ /bde ba de kun 'di las 'byung bar rig par bya/ /sa bon btab nas sa la gnas te 'byung 'gyur ba/ /tshogs pa rnyed nas rnam mang gzugs dag rnam par skye/ /pha rol phyin lnga byang chub yon tan ji snyed pa/ /de dag kun kyang shes rab pha rol phyin las skye/ /'khor los sgyur rgyal lam gang nas ni rtag 'gro ba/ /lam de nyid nas rin chen bdun dang dpung tshogs kun/ /gang nas rgyal ba'i shes rab pha rol phyin 'di 'gro/ /de nyid nas ni yon tan chos kun 'gro bar 'gyur/ /rgyal bas brgya byin dri ba yongs dris lan gsol pa/ /gal te gang gA'i bye snyed sangs rgyas zhing gyur la/ /de kun rgyal ba'i ring bsrel byur bur bltam gyur kyang / /bdag ni shes rab pha rol phyin pa 'di nyid len/ /ci slad ce na sku gdung mi gus bdag ma lags/ /'on kyang shes rab yongs su bsgos pas mchod par bgyid/ /dper na rgyal po rten mi rim gro thob pa ltar/ /sangs rgyas ring bsrel shes rab pha rol phyin la brten/ /nor bu rin chen yon tan kun ldan rin thang med/ /gab tshe gang du stsal pa de ni phyag bgyi 'os/ /de phyung gyur kyang gab tshe la ni dga' bgyid de/ /yon tan de dag nor bu rin chen de yi lags/ /de bzhin shes rab pha rol phyin mchog yon tan gyis/ /rgyal ba mya ngan 'das kyang ring bsrel mchod pa brnyes/ /de ltas gang zhig rgyal ba'i yon tan 'dzin 'tshal des/ /shes rab pha rol phyin blang 'di ni thar pa lags/ /sbyin pa sbyin pa'i sngon du 'gro ba shes rab ste/ /tshul khrims bzod pa brtson 'grus bsam gtan de</font><hr>36.172b<br><font size=+1>

bzhin no/ /dge chos chud mi gzan phyir yongs su 'dzin pa yin/ /'di ni chos rnams thams cad tshul gcig ston par byed/ /dper na 'dzam bu'i gling na shing rnams bye ba stong / /rnam pa sna tshogs rnam pa du ma gzugs mang ba/ /grib mar gyur pa'i grangs su brjod pa ma gtogs par/ /grib ma sna tshogs med cing bye brag yod ma yin/ /de bzhin rgyal ba'i pha rol phyin lnga 'di dag kyang / /shes rab pha rol phyin pa'i ming nyid thob par 'gyur/ /thams cad mkhyen pa nyid phyir yongs su bsngos byas na/ /byang chub ces byar drug po 'di kun ro gcig 'gyur/ /byang chub sems dpa' gal te rab tu mi shes bzhin/ /gzugs dang 'du shes tshor dang sems pa rnam par shes/ /mi rtag yongs su ston pa bcos la spyod pa ste/ /mkhas pa nam yang chos rnams 'jig par mi byed do/ /gang la gzugs min tshor min 'du shes mi dmigs shing / /rnam par shes pa ma yin sems pa mi dmigs la/ /chos kun skye med stong pa'i tshul du rab shes pa/ /'di ni shes rab pha rol phyin mchog spyod pa yin/ /la las gang gA'i klung gi bye snyed zhing rnams na/ /sems can ji snyed 'khod kun dgra bcom nyid btul bas/ /gang gis shes rab pha rol phyin 'di yig bris te/ /sems can mchog la glegs byin bsod nams khyad par 'phags/ /ci phyir zhe na smra mchog de dag 'dir bslabs nas/ /chos rnams mtha' dag stong pa nyid du 'dir ston byed/ /de thos nyan thos myur du rnam par grol la reg /rang rgyal byang chub dang ni sangs rgyas byang chub reg /myu gu med par 'jig rten sdong 'byung yong med na/ /de la yal 'dab me tog 'bras bu ga la 'byung / /byang chub sems med rgyal 'byung 'jig rten yong med na/ /'bras bu brgya byin tshangs pa nyan thos ga la 'byung / /nyi ma'i dkyil 'khor gang tshe 'od kyi dra ba 'gyed/ /de tshe sems can las byed brtson pa de bzhin du/ /mkhas pa shes phyir 'jig rten byang chub sems byung na/ /ye shes kyis ni sems</font><hr>36.173a<br><font size=+1>

can yon tan chos dang ldan/ /dper na ma dros mtsho la klu bdag med gyur na/ /'dzam bu'i gling 'dir chu klung 'bab par ga la 'gyur/ /chu klung med na me tog 'bras bu 'byung mi 'gyur/ /rgya mtsho la yang rin chen gzugs mang med par 'gyur/ /de bzhin 'dir yang byang chub sems med bde gshegs kyi/ /ye shes 'jig rten 'di dag kun du ga la 'byung / /ye shes med na yon tan 'phel med byang chub med/ /rgya mtsho 'dra ba'i sangs rgyas chos kyang med par 'gyur/ /'jig rten 'di na snang byed srog chags ji snyed pa/ /kun gyis snang bar bya phyir 'od rnams phyung ba bas/ /nyi ma'i dkyil 'khor 'od zer gcig phyung ches mchog ste/ /snang byed tshogs kyi 'od rnams kun gyis char mi phod/ /nyan thos tshogs rnams ji snyed sbyin dang tshul khrims dang / /bsgom dang rab tu ldan pa'i bsod nams tshogs skyed pa'ang / /byang chub sems dpa' rjes su yi rang sems gcig la/ /nyan thos tshogs kyi bsod nams phung pos char mi phod/ /'das dus sngon gyi sangs rgyas bye ba khrag khrig gang / /zhing mang mtha' yas bye stong dag na gang bzhugs dang / /gang yang mya ngan 'das pa 'jig rten mgon po rnams/ /sdug bsngal zad par bya phyir rin chen chos ston pa/ /dang po byang chub mchog tu thugs bskyed bskyed pa nas/ /rnam par 'dren pa rnams kyi dam chos zad kyi dus/ /de bar rgyal ba de dag bsod nams gang yin pa/ /pha rol phyin dang ldan dang sangs rgyas chos gang dang / /gang yang sangs rgyas sras rnams dang ni nyan thos dang / /slob dang mi slob dge ba zag bcas zag med pa/ /bsdus nas byang chub sems dpa' rjes su yi rang zhing / /'gro ba'i don rgyu byang chub phyir ni thams cad bsngo/ /yongs bsngo gal te sems su 'du shes 'byung 'gyur zhing / /byang chub 'du shes yongs bsngo sems can 'du shes na/ /'du shes phyir na lta gnas sems ni gsum la chags/ /dmigs pa yod pas yongs su bsngo bar</font><hr>36.173b<br><font size=+1>

chud ma yin/ /gal te 'di ltar chos 'di 'gags shing zad pa dang / /gang du yongs su bsngo ba de yang zad pa dang / /chos kyis chos la nam yang mi bsngo shes gyur na/ /de ltar rab tu shes pas yongs su bsngos pa yin/ /gal te mtshan mar byed na de ni bsngo ma yin/ /ji ste mtshan ma med na byang chub bsngo ba yin/ /ji ltar dug dang 'dres pa'i kha zas bzang za ba/ /dkar po'i chos la dmigs pa'ang de 'drar rgyal bas gsungs/ /de ltas 'di ltar yongs su bsngo ba bslab bya ste/ /ji ltar rgyal ba de dag dge ba de mkhyen pa'i/ /rnam pa gang yin 'byung gang mtshan nyid gang yin la/ /rjes su yid rang de lta de ltar yongs su bsngo/ /de ltar bsod nams byang chub yongs su bsngo byed na/ /dug med sangs rgyas mi spong rgyal bas gsungs pa smra/ /de ltar yongs bsngo dpa' bos 'jig rten dmigs can gyi/ /byang chub sems dpa' ji snyed thams cad zil gyis gnon/ /dmus long dmigs bu med pa bye ba khrag khrig rnams/ /lam yang mi shes grong khyer 'jug par ga la 'gyur/ /shes rab med na mig med pha rol phyin lnga 'di/ /dmigs bu med pas byang chub reg par nus ma yin/ /gang tshe shes rab kyis ni rab tu zin gyur na/ /de tshe mig rnyed gyur cing 'di yi ming thob bo/ /dper na ri mo'i las ni yongs zin mig med pa/ /ji srid mig ma bris pas rngan pa mi thob bzhin/ /gang tshe 'dus byas 'dus ma byas dang dkar nag chos/ /shes rab rnam par bshig nas rdul tsam mi dmigs tshe/ /'jig rten dag na shes rab pha rol phyin grangs 'gro/ /nam mkha' gang la'ang cung zad mi gnas de dang 'dra/ /gal te bdag ni rgyal ba'i shes rab spyad bya zhing / /sems can sdug bsngal reg pa khrag khrig mang dgrol sems/ /sems can 'du shes yongs rtog byang chub sems dpa' ste/ /'di ni shes rab pha rol phyin mchog spyod ma yin/ /byang chub sems dpa' gang zhig sngon chad spyod pa'i tshe/ </font><hr>36.174a<br><font size=+1>

pha rol phyin 'dir spyod pa mkhas pa som nyi med/ /thos ma thag tu des ni ston pa'i 'du shes bskyed/ /des ni byang chub zhi ba myur du rtogs par 'gyur/ /sngon spyod tshe na sangs rgyas khrag khrig bkur byas kyang / /rgyal ba'i shes rab pha rol phyin la ma dad na/ /thos nas blo chung de yis 'di ni spong byed de/ /spangs nas skyabs med gyur pa de ni mnar med 'gro/ /de lta bas na gal te sangs rgyas ye shes mchog /reg par 'dod na rgyal ba'i yum 'dir dad par gyis/ /dper na tshong pa rin chen gling du song nas ni/ /zong zad slar log lta bur gyur na mi rung ngo / /gzugs kyi dag pa 'bras bu dag par rig par bya/ /'bras bu gzugs dag thams cad mkhyen nyid dag par 'gyur/ /thams cad mkhyen nyid 'bras bu dag dang gzugs dag pa/ /nam mkha'i khams dang mtshungs te dbyer med gcad du med/ /dpa' bo gar spyod shes rab pha rol phyin pa yis/ /khams gsum yang dag 'das la rnam par grol ba 'ang min/ /nyon mongs bsal bar gyur kyang skye ba ston par byed/ /dga' dang na dang 'chi ba med kyang 'chi 'pho ston/ /'gro ba 'di dag ming dang gzugs kyi 'dam la chags/ /rlung gi 'khor lo lta bu'i 'khor ba'i 'khor lor 'khyam/ /'gro ba 'khrul pa ri dgas rgyar chud 'drar shes nas/ /shes rab ldan pa mkha' la bya bzhin rnam par rgyu/ /spyod pa yongs dag gang zhig gzugs la mi spyod cing / /rnam shes 'du shes tshor ba sems par mi spyod na/ /de ltar spyod pa chags pa thams cad yongs spong zhing / /chags las rnam grol bde gshegs rnams kyi shes rab spyod/ /de ltar spyod pa'i byang chub sems dpa' mkhas gsal ba/ /chags pa bcad nas 'gro la chags pa med par 'gro/ /nyi ma sgra gcan gza' bral lha nger 'dug pa dang / /me btang rtswa dang shing dang nags tshal bsreg pa bzhin/ /chos rnams thams cad rang bzhin dag cing yongs dag par/ /byang chub sems dpa' shes rab pha rol phyin lta na/ /</font><hr>36.174b<br><font size=+1>

byed pa po yang mi dmigs chos kun mi dmigs te/ /'di ni shes rab pha rol phyin mchog spyod pa yin/ /rgyal ba la ni lha rgyal brgya byin gyis zhus pa/ /byang chub sems dpa' shes rab spyod pa ji ltar brtson/ /phung po khams la rdul tsam brtson par mi byed cing / /phung por mi brtson de ni byang chub sems dpa'i brtson/ /gang zhig chos 'di sprul dang sgyu ma 'drar thos nas/ /som nyi med cing slob la phyir zhing spyod byed pa/ /sems can de ni ring nas theg chen zhugs rig bya/ /sangs rgyas bye ba khrag khrig mang la lhag byas yin/ /dgon pa'i lam ni dpag tshad mang por zhugs pa'i mis/ /gnag rdzi mtshams kyi nags tshal phun sum tshogs mthong nas/ /'di dag grong dang grong khyer nye bar brtags snyam ste/ /dbugs phyin rnyed par 'gyur zhing chom kun 'jigs pa med/ /de bzhin byang chub yongs su tshol tshe rgyal rnams kyi/ /shes rab pha rol phyin 'di mnyan pa gang thob pa/ /de ni dbugs phyin thob par gyur cing 'jigs med de/ /dgra bcom sa la ma yin rkyen rtogs sa la min/ /mi zhig rgya mtsho'i chu ni blta phyir 'gro ba yis/ /gal te shing dang nags tshal ri mthong da dung ring / /ci ste rtags ma mthong na rgya mtsho chen po ni/ /nye bar gyur to snyam ste de la som nyi med/ /de ltar byang chub dam par rab zhugs rgyal ba yis/ /shes rab pha rol phyin 'di mnyan par rig par bya/ /rnam par 'dren pas mngon sum lung bstan ma gyur kyang / /sangs rgyas byang chub ring por mi thogs bdag reg 'gyur/ /dpyid dus bzang la sdong po lo ma lhags gyur na/ /yal gas ring por mi thogs lo 'bras me tog bskrun/ /shes rab pha rol phyin 'di su yi lag thob pa/ /ring por mi thogs 'dren pa rnams kyi byang chub thob/ /dper na bud med sbrum gang sdug bsngal nyen gyur na/ /de ni de yi btsa' ba'i dus la bab ces bya/ /de bzhin byang chub sems dpa' rgyal ba'i shes rab nyan/ /dga' dang 'dun pa skyed pa myur du byang chub reg /shes rab pha rol phyin mchog</font><hr>36.175a<br><font size=+1>

spyod tshe rnal 'byor pa/ /gzugs kyi 'phel ba dang ni yongs su 'grib mi mthong / /gang zhig chos dang chos min chos dbyings mi mthong zhing / /mya ngan 'das la mi reg de ni shes rab gnas/ /gang zhig 'dir spyod sangs rgyas chos rnams mi rtog ste/ /stobs dang rdzu 'phrul rkang pa byang chub zhi mi rtog /rnam par mi rtog rtog bral byin gyi rlabs kyis spyod/ /'di ni shes rab pha rol phyin mchog spyod pa yin/ /smra ba'i zla ba sangs rgyas la ni rab 'byor zhus/ /yon tan dga' ba rnams kyi bar du gcod gang lags/ /ston pas bka' stsal bar du gcod par 'gyur mang ste/ /de las re shig cung zad tsam zhig yongs su brjod/ /rgyal ba'i shes rab pha rol phyin 'di yig 'bri tshe/ /spobs pa tha dad rnam pa du ma 'byung 'gyur zhing / /'gro ba'i don ma byas par glog bzhin myur du yang / /yongs su nyams par 'gyur ba 'di ni bdud kyi las/ /'di bshad tshe na kha cig som nyi za 'gyur te/ /'dren pas 'dir ni bdag gi ming yang yongs ma brjod/ /rigs dang sa dang rus kyang yongs su ma brjod ces/ /'di ni nyan par mi 'gyur spong 'gyur bdud kyi las/ /de ltar mi shes de dag rtsa ba bor nas ni/ /rmongs pas yal ga dag dang 'dab ma tshol bar 'gyur/ /glang po rnyed nas glang po'i rjes ni tshol ba ltar/ /shes rab pha rol phyin thos mdo tshol de bzhin no/ /dper na la las ro brgya ldan pa'i zas rnyed la/ /zas mchog rnyed nas zas ngan tshol bar byed pa ltar/ /byang chub sems dpa' pha rol phyin pa 'di rnyed nas/ /dgra bcom sa yis byang chub tshol byed de bzhin no/ /sti stang 'dod par 'gyur zhing rnyed pa 'dod 'gyur dang / /lta dang bcas pa'i sems kyis khyim 'dris byed ldan zhing / /chos btang nas ni chos min bya ba spyod 'gyur ba/ /lam bor lam gol 'gro ba 'di ni bdud kyi las/ /gang dag de yi tshe na 'dun cing dad gyur nas/ /chos kyi dam pa 'di ni nyan du song ba las/ /de dag gis ni</font><hr>36.175b<br><font size=+1>

chos smra bya ba ldan rig nas/ /dga' ba med cing yid mi bde bar gyur nas 'gro/ /de yi tshe na bdud kyi las 'di 'byung bar 'gyur/ /de tshe gang dag gis ni dge slong mang dkrugs nas/ /shes rab pha rol phyin 'di 'dzin par mi 'gyur ba'i/ /bar du gcod pa rnam mang gzhan yang 'byung bar 'gyur/ /rin chen rin thang med pa rnyed 'gyur gang dag yin/ /de dag dkon la dus rnams rtag tu 'tshe ba'ang mang / /de bzhin rgyal ba'i shes rab pha rol phyin pa mchog /rin chen chos kyang dkon la rtag tu 'tshe ba'ang mang / /theg pa gsar du zhugs pa'i sems can blo chung ba/ /gang zhig dkon pa'i rin chen 'di ni ma rnyed pa/ /de la bar chad bya phyir bdud ni spro bar 'gyur/ /phyogs bcu'i sangs rgyas de dag yongs su 'dzin la sbyor/ /ma zhig na bar gyur la bu ni mang yod pa/ /de kun yid mi bde zhing de la rim gro byed/ /de bzhin phyogs bcu'i 'jig rten khams kyi sangs rgyas kyang / /yum gyur shes rab dam pa 'di la dgongs pa mdzad/ /gang dag 'das dang phyogs bcu'i 'jig rten mgon gang dang / /ma 'ongs dus na 'byung 'gyur de dag 'di las 'byung / /'jig rten ston pa rgyal ba rnams kyi bskyed byed yum/ /sems can gzhan gyi sems kyi spyod pa ston par byed/ /'jig rten de bzhin nyid dang dgra bcom de bzhin nyid/ /rang rgyal de bzhin nyid dang rgyal sras de bzhin nyid/ /gcig pa nyid de dngos bral gzhan min de bzhin nyid/ /shes rab pha rol phyin pa de bzhin gshegs pas mkhyen/ /mkhas pa 'jig rten gnas sam mya ngan 'das kyang rung / /chos nyid skyon med chos rnams stong pa 'di gnas te/ /byang chub sems dpas de bzhin nyid 'di rjes su rtogs/ /de phyir de bzhin gshegs zhes sangs rgyas mtshan gsol to/ /shes rab pha rol phyin pa dga' tshal la rten pa/ /stobs bcu rnam 'dren rnams kyi spyod yul 'di yin te/ /</font><hr>36.176a<br><font size=+1>

sems can sdug bsngal ngan song gsum las yongs 'don kyang / /de dag nam yang sems can 'du shes 'gyur ba med/ /dper na seng ge ri sul brten nas 'jigs med par/ /ri dgas phra mo mang skrag byed cing sgra sgrogs ltar/ /mi yi seng ge shes rab pha rol phyin brten nas/ /mu stegs can mang skrag byed 'jig rten sgra yang sgrogs/ /dper na nam mkhar gnas pa'i nyi ma'i 'od zer ni/ /sa 'di skems par byed cing gzugs kyang rab tu ston/ /de bzhin chos rgyal shes rab pha rol phyin brten pa/ /sred pa'i chu klung skems shing chos kyang rab tu ston/ /gzugs rnams mi mthong tshor ba dag kyang mi mthong zhing / /'du shes mthong ba med la sems pa mi mthong zhing / /gang la rnam par shes dang sems yid mthong med pa/ /'di ni chos mthong yin zhes de bzhin gshegs pas bstan/ /nam mkha' mthong zhes sems can tshig tu rab brjod pa/ /nam mkha' ji ltar mthong ste don 'di brtag par gyis/ /de ltar chos mthong ba yang de bzhin gshegs pas bstan/ /mthong ba dpe gzhan gyis ni bsnyad par nus ma yin/ /gang gis de ltar mthong ba de yis chos kun mthong / /rgyal po btang snyoms 'dug cing blon po kun byed ltar/ /sangs rgyas mdzad dang nyan thos chos rnams ji snyed pa/ /de dag thams cad shes rab pha rol phyin pa byed/ /rgyal po grong du mi 'gro yul 'khor mi 'gro la/ /rang gi yul nas 'du ba thams cad sdud pa ltar/ /byang chub sems dpa' chos nyid gang du'ang mi 'gro la/ /sangs rgyas sa yi yon tan gang yin thams cad bsdud/ /gang la bde gshegs byang chub sems dpa' dad brtan yod/ /shes rab pha rol phyin pa mchog la bsam sbyor ba/ /nyan thos rang rgyal sa gnyis shin du 'das byas nas/ /zil gyis mi non rgyal ba'i byang chub myur</font><hr>36.176b<br><font size=+1>

du thob/ /dper na rgya mtshor 'jug pa'i gru ni chag gyur la/ /mi gang ro 'am rtswa 'am shing ni mi 'dzin pa/ /chu dbus 'jig par 'gyur te ngogs su phyin mi 'gyur/ /gang zhig 'dzin pa rgya mtsho'i pha rol phyin par 'gyur/ /de ltar dad ldan dad pa thob pa gang zhig ni/ /shes rab pha rol phyin yum rjes su mi 'jug min/ /de dag thabs kyi yon tan shes rab yongs zin na/ /mchog tu rmad byung bde gshegs byang chub myur du reg /dper na la las rdza so ma btang chu skyed na/ /nyam chung phyir ni myur du 'jig par rig par bya/ /so btang bum par chu skyed lam du 'jig pa yi/ /'jigs pa med cing bde bar khyim du phyin par 'gyur/ /de bzhin byang chub sems dpa' dad pa mang gyur kyang / /shes rab rnam par nyams na myur du ma rung 'gyur/ /dad pas shes rab kyis ni yongs su zin gyur na/ /sa gnyis shin du 'das te byang chub mchog thob 'gyur/ /dper na bcos legs ma byas gru ni rgya mtsho'i nang / /nor dang bcas shing tshong par bcas te 'jig par 'gyur/ /gru de legs par bcos legs byas dang ldan gyur na/ /mi 'jig nor dang bcas par ngogs su phyin par gyur/ /de ltar byang chub sems dpa' dad pas yongs bsgos kyang / /shes rab med na byang chub las ni myur nyams 'gyur/ /de nyid shes rab pha rol phyin pa mchog ldan na/ /ma smas ma nyams rgyal ba'i byang chub reg par 'gyur/ /lo brgya nyi shu lon te rgas shing sdug bsngal mi/ /langs kyang bdag nyid 'gro bar nus pa ma yin te/ /de ni g.yas g.yon gnyis nas mi yis rten byas na/ /'gyel ba'i 'jigs pa med cing bde blag 'gro bar 'gyur/ /de bzhin byang chub sems dpa' shes rab stobs chung ba/ /rab tu zhugs par gyur kyang rab tu nyams par 'gyur/ /de nyid thabs mkhas shes rab mchog gis yongs zin na/ /mi nyams de bzhin gshegs kyi byang chub reg par 'gyur/ /byang chub sems</font><hr>36.177a<br><font size=+1>

dpa' dang po'i las kyi sar gnas gang / /lhag pa'i bsam pas sangs rgyas byang chub mchog zhugs pa/ /slob ma bzang po bla ma gus ldan de dag gis/ /bla ma mkhas pa rnams la rtag tu bsten par bya/ /ci phyir zhe na mkhas pa'i yon tan de las 'byung / /de dag shes rab pha rol phyin pa rjes su ston/ /sangs rgyas chos rnams dge ba'i bshes la bsten to zhes/ /yon tan kun gyi mchog mnga' rgyal ba de skad gsung / /sbyin dang tshul khrims bzod dang de bzhin brtson 'grus dang / /bsam gtan shes rab byang chub yongs su bsngo bar gyis/ /byang chub phung por zhen nas mchog 'dzin ma byed cig /dang po'i las can de la de skad bstan par bya/ /de ltar spyod pa legs 'tsho smra ba'i zla ba rnams/ /'gro ba'i skyabs dang dpung gnyen dang ni gnas yin te/ /rten dang blo dang gling dang yongs 'dren don 'dod pa/ /gsal byed sgron ma chos mchog smra ba mi 'khrugs yin/ /grags chen ldan rnams bya dka' go cha gyon byed de/ /phung po khams dang skye mched rnams kyi go cha min/ /theg gsum 'du shes bral zhing yongs su bzung ba med/ /mi ldog g.yo ba med cing mi 'khrugs chos can yin/ /de dag 'di 'dra'i chos dang ldan zhing spros pa med/ /the tshom som nyi yid gnyis bral zhing don dang ldan/ /shes rab pha rol phyin pa thos nas mi nur ba/ /gzhan gyi dring mi 'jog cing mi ldog rig par bya/ /'dren pa rnams kyi chos 'di zab ste mthong bar dka'/ /sus kyang rtogs pa med cing thob par 'gyur med pa/ /de phyir phan mdzad brtser ldan byang chub brnyes nas ni/ /sems can tshogs su shes snyam thugs khral chung bar mdzad/ /sems can rnams ni gnas la dga' zhing yul rnams 'dod/ /'dzin la gnas shing mi mkhas blun rmongs mun pa bzhin/ /thob par bya ba'i chos ni gnas med 'dzin med de/ /des na 'jig rten dag dang rtsod pa 'byung</font><hr>36.177b<br><font size=+1>

ba yin/ /nam mkha'i khams ni shar gyi phyogs dang lho phyogs dang / /de bzhin nub kyi phyogs dang byang phyogs pha mtha' yas/ /steng dang 'og dang phyogs bcu'i ji snyed rnams na'ang yod/ /tha dad gyur pa med cing bye brag gyur pa med/ /'das pa'i de bzhin nyid gang ma byon de bzhin nyid/ /da ltar de bzhin nyid gang dgra bcom de bzhin nyid/ /chos kun de bzhin nyid gang rgyal ba'i de bzhin nyid/ /chos kyi de bzhin nyid 'di thams cad bye brag med/ /bde gshegs byang chub tha dad chos dang bral gyur pa/ /'di ni byang chub sems dpa' gang zhig thob 'dod pa/ /thabs dang ldan pas shes rab pha rol phyin la sbyor/ /'dren pa'i shes rab med na thob par 'gyur ma yin/ /bya zhig lus che dpag tshad brgya rtsa lnga bcu par/ /gyur la 'dab gshog zad de nyam rtsal yod min na/ /de yis sum bcu rtsa gsum gnas nas 'dzam gling 'dir/ /bdag nyid mchongs na der ni nyam nyes gyur pa yin/ /rgyal ba rnams kyi pha rol phyin pa lnga 'di yang / /bskal pa bye ba khrag khrig mang por bsgrubs byas shing / /smon lam mtha' yas rgya chen 'jig rten rtag bsten kyang / /thabs med shes rab bral ba nyan thos nyid du ltung / /sangs rgyas theg pa 'di la nges par 'byung 'dod gang / /'gro ba kun la sems snyoms pha ma'i 'du shes dang / /phan pa'i sems dang byams pa'i yid kyis brtul bya zhing / /tha ba med cing drang la tshig 'jam smra bar bya/ /'jig rten mgon la gnas brtan rab 'byor yongs zhus pa/ /yon tan rgya mtsho nyon mongs ma mchis rtags bstan gsol/ /mthu che ba dag ji ltar slar ldog mi 'gyur ba/ /de ltar yon tan phyogs tsam rgyal bas lung bstan gsol/ /tha dad 'du shes bral zhing rigs pa ldan tshig smra/ /dge sbyong dag dang bram ze gzhan la rten mi byed/ /mkhas pas dus</font><hr>36.178a<br><font size=+1>

rnams rtag tu ngan song gsum po spangs/ /de dag dge bcu'i las kyi lam la mngon par brtson/ /zang zing med par 'gro la chos ni rjes su ston/ /chos la gcig tu dga' zhing rtag tu tshig 'jam ldan/ /'gro 'chag nyal dang 'dug par shes bzhin rab tu ldan/ /gnya' shing gang tsam blta zhing 'gro la sems 'khrul med/ /gtsang byas gtsang ma'i gos 'chang gsum po dben zhing dag /rnyed 'dod ma yin khyu mchog rtag tu chos 'dod pa/ /bdud kyi yul las 'das shing gzhan gyi dring mi 'jog /bsam gtan bzhi la bsam gtan bsam gtan der mi gnas/ /grags pa 'dod pa ma yin khro bas sems dkris med/ /khyim par gyur kyang rtag tu dngos po kun ma chags/ /'tsho ba'i phyir ni ya ngas longs spyod tshol mi byed/ /drag shul spyod sngags mi byed bud med sbyor sngags min/ /'dod pa'i las can pho mor 'gyur zhes ston mi byed/ /rab tu dben pa'i shes rab pha rol phyin mchog brtson/ /'thab dang rtsod dang bral zhing byams pa'i sems kyang brtan/ /kun mkhyen 'dod cing brtan la rtag tu gzhol sems ldan/ /mtha' 'khob kla klo'i skye bo'i yul mtha' rnam par spangs/ /rang gi sa la dogs med rtag tu ri rab 'dra/ /chos phyir srog kyang 'dor zhing rnal 'byor rab tu brtson/ /mi ldog rtags ni 'di dag yin par shes par bya/ /gzugs dang tshor dang 'du shes sems pa rnam shes rnams/ /zab ste rang bzhin mtshan ma med cing rab zhi ba/ /dper na mda' yis rgya mtsho'i gting thug tshol ba ltar/ /shes rab kyis ni brtags na phung po'i gting mi rnyed/ /byang chub sems dpa' gang zhig de ltar zab gyur cing / /theg pa don dam chags med gang la phung po dang / /khams dang skye mched yod min chos 'di rtogs pa de'i/ /bsod nams yang dag grub pa de las ci zhig yod/ /dper na 'dod chags chos la spyod pa'i skyes bu zhig  /bud med dus btab de dang ma phrad de yi ni/ /</font><hr>36.178b<br><font size=+1>

nyin cig sems kyi rnam rtog spyod pa ji snyed pa/ /de snyed bskal pa'i byang chub sems dpas thob par 'gyur/ /byang chub sems dpa' gang zhig bskal mang bye stong du/ /dgra bcom rang rgyal sbyin byed tshul khrims srung byed kyang / /gang zhig shes rab pha rol phyin mchog ldan pa'i chos/ /brjod pa'i legs la sbyin dang tshul khrims char mi phod/ /byang chub sems dpa' gang zhig shes rab mchog bsgoms te/ /de las langs nas gos pa med pa'i chos brjod cing / /de yang 'gro ba'i don phyir byang chub rgyur bsngo na/ /dge ba de dang mnyam pa 'jig rten gsum na med/ /bsod nams de yang gsog dang de bzhin stong pa dang / /gsob dang ya ma rla dang snying po med par shes/ /de ltar bde gshegs rnams kyi shes rab spyad spyod na/ /spyod tshe bsod nams dpag tu med pa yongs su 'dzin/ /sangs rgyas kyis bshad rab tu sbyar cing rab bstan pa'i/ /chos 'di thams cad brjod pa tsam du zad shes nas/ /bskal pa bye ba khrag khrig mang por brjod byas kyang / /chos kyi dbyings la zad pa med cing 'phel ba med/ /rgyal ba rnams kyi pha rol phyin ces bya ba gang / /chos de rnams kyang ming tsam du ni yongs su bsgrags/ /yongs bsngo rlom sems med pa'i byang chub sems dpa' ni/ /nyams pa med cing sangs rgyas byang chub mchog reg 'gyur/ /'bru mar snying po 'bar ba phrad pa dang po yis/ /snying po tshig min de med par yang de mi tshig /me lce phrad pa tha mas snying po tshig min la/ /me lce tha ma med par snying po tshig min ltar/ /dang po'i sems kyis byang chub mchog reg ma yin la/ /de med par yang de la reg par nus ma yin/ /tha ma'i sems kyis byang chub zhi ba thob min la/ /de med par yang de thob nus pa ma yin no/ /sa bon las ni myu gu me tog 'bras bu 'byung / /de yang 'gags la shing yang med pa der min ltar/ /de bzhin dang po'i sems kyang byang chub rgyu yin te/ /de yang 'gags la byang chub med pa de ma yin/ /</font><hr>36.179a<br><font size=+1>

chu yi thigs pas bum pa dang po tha ma'i bar/ /rim gyis nyung ngu nyung ngus de yongs 'gengs pa ltar/ /de bzhin dang po'i sems kyang byang chub mchog rgyu ste/ /rim gyis dkar po'i yon tan rdzogs pa'i sangs rgyas 'gyur/ /stong pa mtshan med smon pa med pa'i chos spyod cing / /mya ngan 'das la mi reg mtshan mar mi spyod pa/ /dper na mnyan pa mkhas pa phar 'gro tshur 'gro yang / /mtha' gnyis mi gnas rgya mtshor gnas pa med pa bzhin/ /de ltar spyod pa'i byang chub sems dpa' 'di snyam bdag /stobs bcus lung bstan byang chub reg 'gyur rlom sems med/ /'di la ci yang med ces byang chub skrag pa med/ /de ltar spyod pa bde gshegs shes rab spyod pa yin/ /'jig rten dgon pa'i lam dang mu ge nad bcas par/ /mthong nas skrag pa med cing de nas go gyon te/ /phyi ma'i mu mthar rtag tu brtson zhing rab shes nas/ /yongs su skyo ba'i yid ni rdul tsam skyed mi byed/ /byang chub sems dpa' rgyal ba'i shes rab spyod byed cing / /phung po 'di dag gdod nas stong zhing skye med shes/ /mnyam par ma bzhag sems can khams la snying rje 'jug /bar skabs der yang sangs rgyas chos las yongs mi nyams/ /dper na skyes bu mkhas pa yon tan kun ldan zhing / /stobs ldan mi thub brtson byas sgyu rtsal cho ga shes/ /'phong dang bzo gnas mang po'i pha rol phyin gyur cing / /sgyu ma sgrub shes 'gro don rab tu 'dod pa zhig /pha dang ma dang chung mar bcas par yongs bsdus nas/ /dgra byed mang ba dgon pa'i lam du phyin pa dang / de yis dpa' zhing rtul phod skyes bu mang sprul te/ /bde bar song zhing phyir yang khyim du 'ong ba ltar/ /de bzhin de tshe byang chub sems dpa' mkhas pa yang / /sems can khams rnams kun du snying rje cher bskyed cing / /bdud bzhi dag dang sa gnyis las kyang rab 'das nas/ /ting 'dzin mchog la gnas shing byang chub reg mi byed/ /mkha' la rlung brten de la chu yi phung po rten/ /</font><hr>36.179b<br><font size=+1>

de la sa chen 'di brten de la 'gro ba 'di dag brten/ /sems can las la spyod pa'i rgyu ni de 'dra ste/ /nam mkha' gang la gnas yin don 'di bsam par gyis/ /de bzhin byang chub sems dpa' stong pa nyid gnas pa/ /'gro la sems can shes pa'i smon lam rten can gyis/ /bya ba rnam pa sna tshogs du ma ston byed cing / /mya ngan 'das la mi reg stong par gnas pa med/ /gang gi tshe na byang chub sems dpa' mkhas gsal ba/ /stong pa zhi ba'i ting 'dzin dam pa 'di spyod pa/ /bar skabs der ni mtshan ma rab tu sgom mi byed/ /mtshan ma med par gnas shing zhi la rab zhi spyod/ /bar snang 'phur ba'i bya la gnas yod ma yin te/ /de na gnas pa ma yin sa la ltung mi 'gyur/ /de ltar byang chub sems dpa' rnam thar sgor spyod pa/ /mya ngan 'das la mi reg mtshan mar spyod ma yin/ /dper na 'phong bslabs skyes bus gnam du mda' 'phangs te/ /mda' gzhan dag gis phyi bzhin brgyud mar longs btags te/ /snga ma'i mda' de sa la ltung ba'i skabs mi 'byed/ /mi de 'dod na mda' de sa la ltung bar 'gyur/ /de ltar shes rab pha rol phyin pa mchog spyod pa/ /shes rab thabs stobs rdzu 'phrul gyis ni rnam spyod pa/ /de dag dge ba'i rtsa ba ji srid ma rdzogs pa/ /de srid stong nyid dam pa de ni thob mi byed/ /dper na dge slong rdzu 'phrul stobs mchog ldan pa zhig /nam mkhar gnas te cig char cho 'phrul rnam par 'phrul/ /'gro dang 'chag pa dang ni nyal dang 'dug pa ston/ /de ni skyo ba med cing de la dub pa med/ /de bzhin byang chub sems dpa' mkhas pa stong gnas shing / /ye shes rdzu 'phrul pha rol son la gnas pa med/ /'gro ba dag la bya ba rnam pa mtha' yas ston/ /bskal pa bye bar skyo ba med cing dub pa med/ /dper na mi 'ga' g.yang sa chen por 'dug byed cing / /lag pa gnyi gas gdugs gnyis 'dzin cing nam mkha' la/ /'phyong bar byed cing g.yang sa chen por lus bor nas/ /ltung bar mi 'gyur ji srid der ni 'gro bar 'gyur/ /de bzhin byang chub sems</font><hr>36.180a<br><font size=+1>

dpa' mkhas pa snying rjer gnas/ /thabs dang shes rab gnyis kyi gdugs ni yongs bzung ste/ /chos rnams stong pa mtshan med smon pa med rtog cing / /mya ngan 'das la reg pa med la chos kyang mthong / /dper na rin chen 'dod pa rin chen gling song ste/ /rin chen rnyed nas phyir yang khyim du 'ong 'gyur ba/ /der ni ded dpon 'ba' zhig bde bar 'tsho byed cing / /gnyen bshes tshogs yid mi bder 'jog pa min pa ltar/ /de bzhin byang chub sems dpa' stong nyid rin chen gyi/ /gling du song ste bsam gtan dbang po stobs thob pa/ /mya ngan 'das la reg pa 'ba' shig mngon dga' zhing / /sems can sdug bsngal yid du 'jog par 'gyur ma yin/ /dper na don gnyer tshong pa rgyus shes bya ba'i phyir/ /bar gyi grong khyer grong brdal grong gang yin par 'gro/ /der yang mi gnas rin chen gling du'ang mi gnas la/ /rig pa khyim du mi gnas lam la mkhas par 'gyur/ /de bzhin byang chub sems dpa' gsal te nyan thos dang / /rang rgyal rnams kyi shes pa rnam grol kun la mkhas/ /de la mi gnas sangs rgyas ye shes gnas ma yin/ /'dus ma byas la mi gnas lam gyi tshul shes yin/ /gang tshe 'gro la byams pas rjes su 'brel byas nas/ /ting 'dzin stong pa mtshan med smon pa med spyod pa/ /de ni mya ngan 'das pa thob par 'gyur zhe 'am/ /'dus byas yin par gdags nus de ni gnas med do/ /dper na sprul pa'i mi lus mi snang ma yin zhing / /de ni ming gis kyang ni gdags par nus pa ltar/ /de bzhin byang chub sems dpa' rnam thar sgor spyod pa/ /de ni ming gis kyang ni gdags par nus ma yin/ /gal te spyod pa dang ni dbang po yongs dris la/ /byang chub sems dpa' stong pa mtshan ma med pa'i chos/ /yongs su mi ston phyir mi ldog pa sa yi chos/ /mi 'chad de ni lung ma bstan par rig par bya/ /dgra bcom sa dang rkyen gyi sangs rgyas ye shes dang / /khams gsum dag la rmi lam na yang mi 'dod cing / /sangs rgyas rnams mthong 'gro la</font><hr>36.180b<br><font size=+1>

chos kyang ston byed pa/ /de ni mi ldog lung bstan yin par rig par bya/ /rmi lam na ni sems can ngan song gsum gnas mthong / /skad cig de la ngan song rgyun gcod smon lam 'debs/ /bden pa'i byin gyi rlabs kyis me yi phung po zhi/ /de ni mi ldog lung bstan yin par rig par bya/ /mi yi 'jig rten 'byung po'i gdon dang nad mang ba/ /phan dang snying brtser ldan pa'i bden pa'i byin gyis zhi/ /'on kyang rlom sems med cing nga rgyal skye med pa/ /de ni mi ldog lung bstan yin par rig par bya/ /ci ste de ni bden pa'i byin rlabs sna tshogs dag /'byor pas bdag lung bstan snyam rlom sems 'byung ba 'am/ /gal te byang chub sems dpa' gzhan gyis lung bstan rlom/ /rlom sems gnas pa de ni blo chung shes par bya/ /ming gi gzhi las bdud ni nye bar 'ongs gyur nas/ /'di skad smras te 'di ni khyod dang pha ma dang / /khyod kyi bdun mes rgyud kyi bar gyi ming yin zhing / /gang tshe khyod ni sangs rgyas 'gyur ba'i ming 'di yin/ /sbyangs sdom rnal 'byor ldan pa ci 'dra 'byung 'gyur la/ /khyod sngon yon tan tshul yang 'di 'dra'o zhes brjod do/ /de skad gang thos rlom sems byang chub sems dpa' ni/ /bdud kyis yongs su bslang zhing blo chung rig par bya/ /rab tu dben pa'i grong dang grong khyer ri sul dang / /dgon pa dben pa nags khrod rab tu bsten byed cing / /bdag bstod gzhan la smod pa'i byang chub sems dpa' ni/ /bdud kyis yongs su bslang zhing blo chung rig par bya/ /rtag tu grong dang yul 'khor grong rdal gnas byed cing / /sems can smin byed byang chub brtson pa ma gtogs par/ /de ni dgra bcom rang rgyal 'dod pa gzhan mi skye/ /'di ni bde bar gshegs kyi sras kyis dben par gsungs/ /gang zhig dpag tshad lnga brgya yod pa'i ri yi sul/ /sbrul gyis gang bar lo mang bye bar gnas byed kyang / /dben pa 'di mi shes pa'i byang chub sems dpa'ang / /lhag pa'i nga rgyal rnyed nas 'dre bar gnas pa yin/ /byang chub sems dpa' 'gro ba'i don brtson bsam gtan dang / /stobs dang dbang</font><hr>36.181a<br><font size=+1>

po rnam thar ting 'dzin thob de la/ /'di ni dgon dben spyod pa min snyam brnyas byed pa/ /de ni bdud kyi spyod yul gnas shes rgyal bas gsungs/ /gang zhig grong ngam 'on te dgon par gnas kyang rung / /theg pa gnyis kyi sems bral byang chub mchog nges na/ /'di ni 'gro don zhugs pa rnams kyi dben pa ste/ /byang chub sems dpa' drod snyam de ni bdag nyid nyams/ /de lta bas na byang chub dam pa tshol ba yis/ /bsam pa drag ldan mkhas pas nga rgyal nges bcom ste/ /nad pa'i tshogs kyi gso phyir sman pa bsten pa ltar/ /g.yel ba med par dge ba'i bshes gnyen bsten par bya/ /sangs rgyas byang chub mchog zhugs byang chub sems dpa' dag /pha rol phyin dang bcas te dge ba'i bshes su bsten/ /de dag rjes su ston byed 'di ni bsgrub pa'i sa/ /rgyu rnam gnyis kyis sangs rgyas byang chub myur du rtogs/ /rgyal ba 'das dang ma byon phyogs bcur gang bzhugs pa/ /kun lam pha rol phyin pa 'di yin gzhan ma yin/ /pha rol phyin 'di byang chub mchog la zhugs rnams kyi/ /gsal dang sgron dang snang dang ston mchog yin zhes bshad/ /ji ltar shes rab pha rol phyin pa mtshan nyid stong / /chos 'di thams cad mtshan nyid de dang 'drar shes shing / /chos rnams stong zhing mtshan ma med par rab shes na/ /de ltar spyod pa bde gshegs shes rab spyod pa yin/ /sems can yongs su rtog pa zas la 'dod byed cing / /'khor bar chags pa'i yid dang ldan rnams rtag tu 'khor/ /bdag dang bdag gi chos gnyis yang dag min stong ste/ /byis pa bdag nyid kyis ni mkha' la mdud pa bor/ /dper na dogs pa'i 'du shes kyis ni dug bslang ba/ /dug de khong du song ba med kyang rgyal bar 'gyur/ /de bzhin byis pa bdag dang bdag gir khas len pa/ /bdag der 'du shes yang dag mi rtag skye zhing 'chi/ /ji ltar 'dzin pa de ltar kun nas nyon mongs bstan/ /bdag dang bdag gir mi dmigs rnam par byang bar gsungs/ /'di la gang yang nyon mongs rnam dag 'gyur med par/ /byang chub sems dpas shes rab pha rol phyin pa rtogs/ /'dzam bu'i gling na sems can</font><hr>36.181b<br><font size=+1>

ji snyed ma lus pa/ /de dag thams cad byang chub mchog tu sems bskyed nas/ /lo stong bye ba mang por sbyin pa byin byas la/ /kun kyang 'gro ba'i don du byang chub rgyur bsngo yang / /gang zhig shes rab pha rol phyin mchog mngon brtson pa/ /tha na nyi ma gcig cig rjes su 'thun byed na/ /de la sbyin pa'i phung pos bsod nams char mi phod/ /de phyir g.yel med rtag tu shes rab 'jug par bya/ /shes rab pha rol phyin mchog spyod pa'i rnal 'byor pa/ /snying rje chen po bskyed kyang sems can 'du shes med/ /de tshe mkhas pa 'gro ba kun gyi sbyin gnas 'gyur/ /rtag tu yul 'khor bsod snyoms don yod yongs su spyod/ /byang chub sems dpa' gang 'dir yun ring 'brel ba yi/ /lha mi ngan song gsum gyi sems can dgrol ba'i phyir/ /lam yangs pha rol sems can khams la ston 'dod pas/ /nyin mtshan shes rab pha rol phyin la brtson par bya/ /mi zhig sngon chad ma rnyed pa yi rin chen mchog /dus gzhan zhig na rnyed par gyur te dga' ba las/ /rnyed ma thag tu bag med gyur te stor na ni/ /stor bas rin chen mngon 'dod rtag tu sdug bsngal lo/ /de ltar byang chub mchog zhugs rin chen lta bu yi/ /shes rab pha rol phyin la rnal 'byor dor mi bya/ /rin chen rnyed nas blangs te rab tu brtson dkris nas/ /myur du 'gro bar byed pa zhi bar 'gyur ba bzhin/ /nyi ma sprin dang bral ba'i 'od zer dra ba can/ /mun nag thibs po mun pa thams cad 'joms 'char ba/ /srin bu me khyer srog chags 'byung po thams cad dang / /skar ma'i tshogs dang zla ba'i 'od kun zil gyis gnon/ /de bzhin byang chub sems dpa' shes rab pha rol phyin/ /mchog spyod stong pa dang ni mtshan ma med spyod pa/ /mkhas pas lta ba'i thibs po bcom nas 'gro kun dang / /dgra bcom rang rgyal byang chub sems mang zil gyis gnon/ /dper na rgyal po'i bu zhig nor gtong don 'dod pa/ /kun gyi gtso bor gyur te mngon par 'gro bya 'os/ /'di ni da lta na yang sems can mang dga' byed/ /thabs thob gyur te rgyal srid gnas nas smos ci dgos/ /de ltar shes rab spyod mkhas byang chub sems dpa' yang / /bdud rtsi sbyin par byed cing</font><hr>36.182a<br><font size=+1>

lha dang mi rnams dga'/ /'di ni da lta na yang sems can mang phan brtson/ /chos kyi rgyal por gnas par gyur nas smos ci dgos/ /de yi tshe na bdud ni zug rngu ldan par 'gyur/ /mya ngan nyam thag sdug bsngal yid mi bde nyam chung / /ji ltar byang chub sems dpa' 'di yid nur 'gyur zhes/ /'jigs pa bstan phyir phyogs rnams sreg cing skar mda' gtong / /gang tshe mkhas pa de dag bsam pa drag ldan zhing / /nyin mtshan shes rab pha rol phyin pa'i mchog don lta/ /de tshe lus sems dag ni mkha' 'gro bya ltar rgyu/ /nag po'i rtsa lag rnams kyis glags rnyed ga la 'gyur/ /gang tshe byang chub sems dpa' 'thab dang rtsod gyur cing / /phan tshun mi mthun khros pa'i sems dang ldan gyur pa/ /de tshe bdud ni dga' zhing mchog tu nyams bder 'gyur/ /de gnyis rgyal ba'i ye shes las ni ring 'gyur snyam/ /de gnyis ring du 'gyur zhing sha za 'dra bar 'gyur/ /gnyi ga rang gi dam bcas nyams par byed par 'gyur/ /sdang zhing bzod dang bral la byang chub ga la yod/ /de tshe bdud rnams phyogs dang bcas te dga' bar 'gyur/ /lung bstan ma thob byang chub sems dpa' gang zhig gis/ /lung bstan thob la sems khros rtsod pa rtsom byed na/ /thab rtsod skyon ldan sems kyi skad cig ji snyed pa/ /de snyed bskal par gzhi nas go cha bgo bgos so/ /sangs rgyas bzod pa'i pha rol phyin pas byang chub reg /sems 'di bzang ba min snyam dran pa skyed byed cing / /so sor 'chags par byed cing phyis kyang sdom byed la/ /dga' bar mi byed de ni sangs rgyas chos 'dir slob/ /gang zhig slob tshe bslab pa gang yang khas mi len/ /slob pa po dang bslab pa'i chos rnams mi dmigs shing / /bslab dang bslab pa ma yin 'di gnyis mi rtog pa/ /de ltar gang slob de ni sangs rgyas chos 'dis slob/ /byang chub sems dpa' gang zhig de lta'i bslab 'di shes/ /de ni gzhar yang bslab nyams tshul khrims 'chal mi 'gyur/ /de ni sangs rgyas chos mnyes bya phyir 'di la slob/ /de ni bslab lhag bslab la mkhas</font><hr>36.182b<br><font size=+1>

te dmigs pa med/ /mkhas pa 'od byed rnams kyi shes rab de ltar slob/ /dge ba ma yin sems gcig tsam yang bskyed mi byed/ /nyi ma mkha' la 'gro ba'i zer gyis zil gnon pa'i/ /mdun gyi bar snang la ni mun pa mi gnas bzhin/ /shes rab pha rol phyin la bslab pa byas rnams kyi/ /pha rol phyin pa thams cad 'dir ni 'dus par 'gyur/ /'jig tshogs lta bar lta ba drug bcu gnyis 'dus ltar/ /de bzhin pha rol phyin pa 'di dag 'dus par gsungs/ /dper na srog gi dbang po 'gags na dbang po gzhan/ /gang dag ji snyed yod pa thams cad 'gag par 'gyur/ /de ltar shes rab spyod pa mkhas pa mchog rnams kyi/ /pha rol phyin pa thams cad 'dir ni 'dus par gsungs/ /byang chub sems mkhas nyan thos yon tan gang dag dang / /de bzhin rang rgyal yon tan kun la slob byed cing / /de dag de la mi gnas 'dod pa mi bskyed de/ /'di ni bdag gis bslab bya yin snyam de phyir slob/ /mi ldog byang chub mchog la rab tu zhugs pa yi/ /sems bskyed pa la bsam pa thag pas yi rang ba/ /stong gsum ri rab srang la gzhal bas tshad gzung rung / /rjes su yi rang dge ba de ni de lta min/ /dge ba don gnyer phan 'dod sems can ji snyed pa/ /kun gyi bsod nams phung po la yang yi rang 'gyur/ /de phyir de dag rgyal ba'i yon tan thob gyur nas/ /sdug bsngal zad par bya phyir 'jig rten chos sbyin byed/ /byang chub sems dpa' gang zhig mi rtog chos rnams kun/ /stong dang mtshan ma med dang spros med yongs shes pa/ /de ni shes rab gnyis kyis byang chub tshol mi byed/ /rnal 'byor pa de shes rab pha rol phyin mchog brtson/ /nam mkha'i khams de dang ni nam mkha' der 'gal ba/ /yod pa ma yin gang gis kyang ni de ma thob/ /de bzhin shes rab spyod mkhas byang chub sems dpa' yang / /nam mkha' lta bu yin te nye bar zhi ba spyod/ /skye bo'i dbus na sgyu ma'i skyes bu 'di snyam du/ /skye bo 'di mgu bya snyam mi sems de yang byed/ /rdzu 'phrul sna</font><hr>36.183a<br><font size=+1>

tshogs rab tu ston par byed mthong yang / /de la lus med sems med ming yang yod ma yin/ /de bzhin shes rab spyod pa nam yang 'di snyam du/ /byang chub rtogs nas 'gro ba yongs su dgrol mi sems/ /skye ba sna tshogs dang ni bya ba mang ldan pa/ /sgyu ma lta bu ston kyang rnam par mi rtog spyod/ /dper na sangs rgyas sprul pa sangs rgyas mdzad pa byed/ /byed pa de la dregs pa cung zad skye mi 'gyur/ /de bzhin shes rab spyod mkhas byang chub sems dpa' yang / /sprul pa sgyu ma bzhin du bya ba thams cad ston/ /shing mkhan bzo bo mkhas pas skyes pa bud med dang / /'dra ba'i bzo byas de yang bya ba thams cad byed/ /de bzhin shes rab spyod mkhas byang chub sems dpa' yang / /rnam par mi rtog ye shes bya ba thams cad byed/ /de ltar spyod mkhas rnams la lha tshogs mang po dag /thal mo sbyar ba btud nas phyag kyang 'tshal bar byed/ /phyogs bcu'i 'jig rten khams kyi sangs rgyas ji snyed pa'ang / /yon tan bsngags pa'i phreng ba yongs su brjod par mdzad/ /gang gA'i klung mnyam zhing na sems can ji snyed pa/ /de kun yongs su brtag pa bzung ste bdud gyur la/ /ba spu nyag re las kyang de snyed sprul byas kyang / /de dag kun gyis mkhas la bar chad bya mi nus/ /rgyu rnam bzhi yis byang chub sems dpa' mkhas stobs ldan/ /bdud bzhis thub par dka' zhing bskyod par mi nus te/ /stong par gnas dang sems can yongs su mi gtong dang / /ji skad smras bzhin byed dang bde gshegs byin rlabs can/ /de bzhin gshegs yum shes rab pha rol phyin pa 'di/ /'chad tshe byang chub sems dpa' gang zhig mos byed cing / /bsam pa thag pas bsgrub par mngon par brtson byed na/ /des pa thams cad mkhyen pa nyid la zhugs rig bya/ /chos dbyings de bzhin nyid la gnas par mi 'gyur zhing / /dper na bar snang sprin bzhin gnas pa med par gnas/ /rig sngags 'chang ba gnas med mkha' rgyu gnas 'dod pa/ /sngags mthus dus min me tog</font><hr>36.183b<br><font size=+1>

ldan shing byin gyis rlob/ /de ltar spyod pa byang chub sems dpa' mkhas gsal ba/ /rtogs par byed dang sangs rgyas chos rnams dmigs mi 'gyur/ /'chad par byed dang chos 'dod lta bar byed mi dmigs/ /'di ni zhi 'dod yon tan dga' ba'i gnas pa yin/ /dgra bcom rnam thar de bzhin gshegs kyi ma gtogs par/ /gnas pa 'di ni nyan thos rang rgyal bcas pa yi/ /gnas pa zhi ba'i ting 'dzin rab zhi bde ldan pa/ /ji snyed kun gyi mchog dang gong na med pa yin/ /mdab chags mkha' la gnas kyang ltung bar 'gyur ma yin/ /nya ni chu la gnas kyang 'tshubs te 'chi ba med/ /de ltar byang chub sems dpa' bsam gtan stobs dag gis/ /pha rol son pa stong gnas mya ngan 'da' mi 'gyur/ /sems can kun gyi yon tan mchog tu 'gro ba dang / /sangs rgyas ye shes mchog tu rmad byung mchog reg dang / /chos kyi sbyin pa rab mchog dam pa sbyin 'dod gang / /phan mdzad rnams kyi gnas mchog 'di la bsten par gyis/ /bslab pa 'di ni 'dren pas bslab pa yongs brjod na/ /bslab pa ji snyed kun gyi mchog dang gong na med/ /mkhas pa gang zhig bslab kun pha rol 'gro 'dod pas/ /sangs rgyas bslab pa shes rab pha rol phyin 'dir slobs/ /'di ni chos gter mchog dang chos mdzod dam pa yin/ /sangs rgyas rigs yin 'gro ba'i bde dang skyid pa'i mdzod/ /'das dang ma byon phyogs bcu'i 'jig rten mgon po rnams/ /de dag 'di las 'khrungs kyang chos dbyings zad mi shes/ /shing dang 'bras bu me tog nags tshal ji snyed pa/ /de dag thams cad sa las yang dag 'byung zhing 'thon/ /'on kyang sa la zad pa med cing 'phel ba med/ /yongs su mi nyams rnam par mi rtog skyo ba med/ /sangs rgyas sras dang nyan thos rang rgyal lha rnams dang / /'gro ba kun gyi bde skyid chos rnams ji snyed pa/ /de kun shes rab pha rol phyin pa mchog las byung / /shes rab rnams kyang zad pa med cing 'phel ba med/ /sems can tha ma 'bring dang mchog gyur ji snyed pa/ /</font><hr>36.184a<br><font size=+1>

de kun ma rig las byung bde bar gshegs pas gsungs/ /rkyen rnams tshogs nas sdug bsngal 'khrul 'khor rab tu 'byung / /ma rig 'khrul 'khor de ni zad med 'phel ba med/ /ye shes tshul sgo thabs dang rtsa ba ji snyed pa/ /de kun shes rab pha rol phyin pa mchog las byung / /rkyen rnams tshogs nas las kyi 'khrul 'khor rab tu 'byung / /shes rab pha rol phyin la zad med 'phel ba med/ /byang chub sems dpa' gang zhig rten cing 'brel 'byung la/ /skye med zad pa med par shes rab 'di shes te/ /nyi ma sprin med 'od zer 'phro bas mun bstsal ltar/ /ma rig thibs po bcom nas rang byung thob par 'gyur/ /mthu chen ldan pa bsam gtan bzhis kyang gnas byed la/ /brten par byed pa ma yin gnas par byed pa med/ /'on kyang bsam gtan yan lag bcas pa bzhi po 'di/ /byang chub dam pa mchog thob pa yi rten du 'gyur/ /shes rab mchog thob bsam gtan dag la gnas pa ni/ /gzugs med ting 'dzin dam pa bzhi yang nyams su myong / /bsam gtan 'di dag byang chub dam pa mchog la phan/ /byang chub sems dpa' zag pa zad phyir slob pa min/ /'di ni yon tan sogs pa'i ngo mtshar rmad byung ste/ /bsam gtan ting nge 'dzin la gnas nas mtshan ma med/ /de la gnas rnams gal te lus ni zhig gyur na/ /bsam pa ji bzhin 'dod pa'i khams su yang skye'o/ /dper na 'dzam gling mi zhig sngon chad lha yul gyi/ /lha yi grong khyer mchog tu ma phyin phyis song ste/ /de na yongs su bzung ba'i yul de rnams mthong nas/ /phyir 'dir 'ong bar gyur na chags par mi byed ltar/ /de bzhin byang chub sems dpa' yon tan mchog 'chang ba/ /rnal 'byor brtson te bsam gtan ting 'dzin la gnas nas/ /phyir yang 'dod pa'i khams su gnas te chags pa med/ /chu yi pad ma bzhin du byis pa'i chos mi gnas/ /bdag nyid chen po sems can yongs su smin bya dang / /zhing sbyong pha rol phyin rdzogs don byed kho nar zad/ /byang chub yon tan pha</font><hr>36.184b<br><font size=+1>

rol phyin nyams 'gyur 'ong zhes/ /gzugs med khams su skye ba don du gnyer mi byed/ /dper na mi zhig rin chen gter rnams rnyed gyur nas/ /de la 'dod pa'i blo ni skyed par ma byas la/ /des kyang dus gzhan zhig na de dag yongs blangs shing / /blangs nas khyim du song ste chags par mi byed ltar/ /de bzhin byang chub sems dpa' mkhas pa dga' ba dang / /bde sbyin bsam gtan ting 'dzin zhi ba bzhi thob nas/ /bsam gtan bde ldan bsam gtan ting 'dzin thob btang ste/ /'gro la snying brtser ldan pa'i phyir yang 'dod khams 'jug  /gal te byang chub sems dpa' ting 'dzin bsam gtan gnas/ /dgra bcom rang rgyal theg par 'dod pa'i blo bskyed na/ /mnyam par ma bzhag rgod cing sems g.yengs gyur pa ste/ /sangs rgyas yon tan yongs nyams mnyan pa gru zhig bzhin/ /gzhan yang gzugs dang sgra dang de bzhin dri dang ro/ /reg dang 'dod yon lnga la mngon par brtson gyur kyang / /dgra bcom rang rgyal theg bral byang chub sems dga' na/ /dpa' bo rtag tu mnyam gzhag yin par shes par bya/ /sems can gang zag gzhan phyir sems pa rnam dag pa/ /brtson 'grus pha rol phyin la mngon brtson rnam par spyod/ /dper na bran mo chu chun dbang med rje bo'i dbang / /de bzhin dpa' rnams sems can kun gyi dbang gis 'gro/ /spyo ba byas sam 'on te rtag tu brdegs kyang rung / /bran mo rje bo la ni zlog tshig mi smra yis/ /'di yis bdag ni bsad par 'gyur du 'ong snyam nas/ /shin du skrag pa'i yid kyis 'jigs bcas zil gyis gnon/ /de bzhin byang chub ched du byang chub mchog zhugs pa/ /'gro ba kun la bran 'gyur bzhin du gnas par bya/ /'di las byang chub thob cing yon tan rdzogs par 'gyur/ /rtswa dang shing las me byung bas ni de nyid sreg /bdag gi bde ba btang nas re ba med sems kyis/ /sems can gzhan gyi dgos la nyin mtshan mngon par brtson/ /bu gcig pa la ma ni rim gro byed pa ltar/ /bsam pa thag pas rnam par skyo med gnas par gyis/ /byang chub sems dpa' gang zhig</font><hr>36.185a<br><font size=+1>

yun ring 'khor 'dod cing / /sems can don dang zhing sbyong brtson pa'i rnal 'byor pa/ /skyo ba'i blo ni rdul tsam skye bar mi 'gyur na/ /de ni brtson 'grus pha rol phyin ldan g.yel ba med/ /byang chub sems dpa' mi mkhas bskal pa bye ba bgrang / /gal te ring bar 'du shes sdug bsngal byang chub sgrub/ /yang dag chos sgrub byed tshe yun ring sdug bsngal 'gyur/ /des ni brtson 'grus pha rol phyin nyams le lo can/ /byang chub mchog tu sems bskyed dang po nas bzung ste/ /byang chub bla na med pa thob par 'gyur gyi bar/ /nyin mtshan gcig tsam du ni yid la sems byed na/ /mkhas pa gsal bas brtson 'grus brtsams par rig par bya/ /gal te 'ga' zhig 'di skad ri rab ri bshig pa'i/ /rjes la byang chub mchog thob 'gyur zhes smra ba las/ /ci ste skyo ba'i blo bskyed tshad kyang sems byed na/ de tshe byang chub sems dpa' le lor gyur pa yin/ /ji ste de ni 'di tsam tshod lta ci dka' zhes/ /skad cig tsam la ri rab thal bar brlag sems bskyed/ /byang chub sems dpa' mkhas pa brtson 'grus brtsams pa ste/ /ring po mi thogs 'dren pa'i byang chub mchog thob 'gyur/ /'gro ba yongs su smin par byas nas don bya zhes/ /gal te lus dang ngag dang yid kyis brtson byed na/ /bdag tu 'du shes gnas pas le lor gyur pa ste/ /thams cad mkhyen pa nyid las ring 'gyur gnam sa bzhin/ /gang tshe lus dang sems dang sems can 'du shes med/ /'du shes rnam par log nas gnyis su med chos spyod/ /'di ni byang chub zhi ba mi nyams mchog 'dod pa'i/ /brtson 'grus pha rol phyin ces phan pa mdzad pas gsungs/ /gal te gzhan las ngan brjod tshig rtsub thos gyur na/ /bdag bde yin zhes byang chub sems dpa' mkhas pa dga'/ /su smra sus thos gang gis gang zhig gang gi phyir/ /bzod pa'i pha rol phyin mchog ldan pa 'dzangs pa yin/ /byang chub sems dpa' gang zhig bzod pa'i legs chos ldan/ /gang zhig stong gsum rin chen bkang ste 'jig rten mkhyen/ /sangs rgyas rnams dang</font><hr>36.185b<br><font size=+1>

dgra bcom rang rgyal phul byas pa/ /sbyin pa'i phung pos de la bsod nams char mi phod/ /bzod la gnas pa'i lus ni yongs su dag gyur te/ /sum bcu rtsa gnyis mtshan dang mthu stobs pha mtha' yas/ /sems can rnams la chos rab stong pa sgrogs par byed/ /'di ni bzod ldan de la 'gro ba dga' 'gyur mkhas/ /gal te sems can la las tsan dan phur ma blangs/ /rab gus byang chub sems dpa' la ni nyug byed la/ /gzhan zhig me mdag mgo la 'thor byed gnyi ga la/ /de yis mnyam zhing snyoms pa'i yid ni bskyed par bya/ /byang chub sems dpa' mkhas pas de ltar bzod byas nas/ /sems bskyed de ni byang chub mchog tu yongs bsngos na/ /dpa' bo 'jig rten kun la bzod pas dgra bcom dang / /rang rgyal sems can khams mang ji snyed zil gyis gnon/ /bzod byed 'di snyam du yang sems ni bskyed bya ste/ /sems dmyal dud 'gro gshin rje'i 'jig rten sdug bsngal mang / /'dod pa'i yon tan rgyu yis dbang med gnod myong na/ /byang chub ched du ci phyir da bzod mi bya snyam/ /lcag dbyig mtshon dang bsad dang bcing dang brdeg pa dang / /mgo gcod pa dang rna ba rkang lag sna gcod dang / /'jig rten sdug bsngal ji snyed bdag gis bzod snyam pa/ /byang chub sems dpa' bzod pa'i pha rol phyin la gnas/ /tshul khrims kyis ni zhi ba 'dod rnams 'phags par gyur/ /stobs bcu'i spyod yul gnas shing tshul khrims nyams pa med/ /sdom pa'i bya ba ji snyed kun gyi rjes su 'jug /sems can kun la phan phyir de yang byang chub bsngo/ /gal te dgra bcom rang rgyal byang chub reg 'dod na/ /tshul khrims 'chal cing mi mkhas de bzhin spyod pa nyams/ /ci ste byang chub zhi ba mchog tu yongs bsngo na/ /'dod yon brtson yang tshul khrims pha rol phyin la gnas/ /chos gang nges pa'i byang chub yon tan 'byung 'gyur ba/ /'di ni yon tan chos ldan rnams kyi tshul khrims don/ /chos gang phan byed rnams kyi byang chub yongs nyams pa/ /'di</font><hr>36.186a<br><font size=+1>

ni tshul khrims 'chal ces rnam par 'dren pas gsungs/ /gal te byang chub sems dpa' 'dod yon lnga spyod kyang / /sangs rgyas chos dang 'phags pa'i dge 'dun skyabs song ste/ /sangs rgyas 'grub bya snyam du kun mkhyen yid byed na/ /mkhas pa tshul khrims pha rol phyin gnas rig par bya/ /gal te bskal pa bye bar dge ba'i las lam bcu/ /spyod kyang dgra bcom rang rgyal nyid la 'dod bskyed na/ /de tshe tshul khrims skyon byung tshul khrims nyams pa yin/ /sems bskyed de ni phas pham pas kyang shin du lci/ /tshul khrims srung zhing byang chub mchog tu yongs bsngo la/ /de yis rlom sems med cing bdag bstod mi byed la/ /nga yi 'du shes sems can 'du shes yongs su spangs/ /byang chub sems dpa' tshul khrims pha rol phyin gnas brjod/ /gal te byang chub sems dpa' rgyal ba'i lam spyod pa/ /sems can 'di dag khrims ldan 'di dag khrims 'chal zhes/ /sna tshogs 'du shes zhugs pa shin du tshul khrims 'chal/ /tshul khrims nyams shing de la yongs dag tshul khrims med/ /gang la bdag gi 'du shes sems can 'du shes med/ /'du shes 'dod chags bral la sdom min ga la yod/ /gang la sdom dang sdom pa ma yin rlom sems med/ /'di ni tshul khrims sdom par rnam par 'dren pas gsungs/ /sems can dag pa gang zhig de ltar khrims ldan pa/ /sdug dang mi sdug kun la lta ba med pa yin/ /mgo dang rkang lag gtong zhing zhum pa'i sems kyang med/ /bdog pa thams cad gtong zhing rtag tu zhen pa med/ /chos rnams rang bzhin bdag med ya ma rlar shes nas/ /bdag gi sha yang gtong zhing zhum pa'i sems med na/ /de tshe phyi rol dngos po gtong ba smos ci dgos/ /gal te ser sna byed pa de ni gnas med do/ /bdag tu 'du shes dngos la bdag gir 'dzin pas chags/ /blun po rnams la gtong ba'i blo lta ga la yod/ /ser sna can ni yi dgas gnas su skye bar 'gyur/ /ci ste mir skyes na yang de</font><hr>36.186b<br><font size=+1>

tshe dbul por 'gyur/ /de tshe byang chub sems dpa' sems can dbul shes nas/ /gtong la mos par 'gyur zhing rtag tu lhag par gtong / /gling bzhi legs par brgyan pa mchil ma'i thal ba 'dra/ /byin nas dga' bar 'gyur gyi gling thob de lta min/ /byang chub sems dpa' mkhas pa gsal ba srid gsum gyi/ /sems can ji snyed de dag kun la sbyin pa 'di/ /byin par gyur cig snyam du bsams nas sbyin byin la/ /de yang 'gro ba'i don phyir byang chub mchog tu bsngo/ /sbyin pa byin nas dngos la gnas par byed pa med/ /de ni nam du'ang rnam par smin la re ba med/ /de ltar gtong la mkhas pa thams cad stong pa ste/ /chung ngu btang la mang po dpag tu med par 'gyur/ /srid pa gsum na sems can ma lus ji snyed pa/ /yongs su brtag par bzung ste de dag thams cad kyis/ /'jig rten mkhyen pa sangs rgyas dgra bcom rang rgyal la/ /bskal pa mtha' yas sbyin byin nyan thos legs tshol na/ /byang chub sems dpa' mkhas pa thabs mkhas gang zhig gis/ /de dag bsod nams bya ba'i dngos la yi rang nas/ /sems can don du byang chub mchog rab yongs bsngo na/ /yongs su bsngos pas 'gro ba thams cad zil gyis gnon/ /nor bu mching bu'i phung po chen por gyur pa yang / /rin chen bai dUr+ya gcig de kun zil gyis gnon/ /de bzhin 'gro kun sbyin pa'i phung po rgya chen kun/ /rjes su yi rang byang chub sems dpas zil gyis gnon/ /gal te byang chub sems dpas 'gro la sbyin byin nas/ /de la bdag gir mi byed dngos po phangs med na/ /de las dge ba'i rtsa ba mthu chen 'phel 'gyur te/ /sprin med 'od ldan zla dkyil yar gyi ngo bzhin no/ /byang chub sems dpa'i sbyin pas yid btags 'gro ba gcod/ /dbul ba dang ni de bzhin nyon mongs thams cad gcod/ /spyod tshe longs spyod mtha' yas rgyas pa thob par 'gyur/ /sbyin pas sdug bsngal gyur pa'i sems can yongs smin byed/ /khrims kyis dud 'gro'i 'gro ba du ma'i ngo bo dang / /mi khom brgyad spong de yis dal ba rtag tu rnyed/ /bzod pas</font><hr>36.187a<br><font size=+1>

gzugs bzang dam pa rgya chen thob 'gyur te/ /gser mdog sdug cing 'gro bas lta ba'i 'os su 'gyur/ /brtson 'grus kyis ni dkar po'i yon tan 'grib mi 'gyur/ /ye shes mtha' yas rgyal ba'i bang mdzod rnyed par 'gyur/ /bsam gtan gyis ni 'dod pa'i yon tan smad pa 'dor/ /rig dang mngon par shes dang ting 'dzin mngon par sgrub/ /shes rab kyis ni chos kyi rang bzhin yongs shes nas/ /khams gsum ma lus pa las yang dag 'da' bar 'gyur/ /mi yi khyu mchog 'khor lo rin chen bskor byas nas/ /sdug bsngal zad par bya phyir 'gro la chos kyang ston/ /chos 'di yongs rdzogs byas nas byang chub sems dpa' de/ /yongs dag zhing dang sems can dag pa yongs su 'dzin/ /sangs rgyas rgyud dang chos kyi rgyud kyang yongs su 'dzin/ /de bzhin dge 'dun rgyud dang chos kun yongs su 'dzin/ /'gro ba'i nad gso mdzad pa sman pa'i mchog gyur pas/ /shes rab bstan pa byang chub lam ldan 'di gsungs te/ /ming ni yon tan rin chen sdud pa byang chub lam/ /lam 'di sems can kun gyis thob par bya phyir bshad/ /'phags pa shes rab kyi pha rol tu phyin pa khri brgyad stong pa las/ sdud pa'i tshigs su bcad pa'i le'u zhes bya ste/ brgyad bcu rtsa bzhi pa'o// // 'phags pa shes rab kyi pha rol tu phyin pa khri brgyad stong pa/ bam po lnga bcu rtsa dgu pa/ de nas bcom ldan 'das kyis tshigs su bcad pa 'di dag gsungs nas/ tshe dang ldan pa rab 'byor la bka' stsal pa/ rab 'byor rigs kyi bu 'am rigs kyi bu mo gang la la shes rab kyi pha rol du phyin pa tshol bar 'dod pa'i rigs kyi bu dang rigs kyi bu mo des/ ji ltar byang chub sems dpa' sems dpa' chen po rtag tu ngu/ da ltar de bzhin gshegs pa dgra bcom pa yang dag par rdzogs pa'i sangs rgyas sgra dbyangs mi bzad par sgrogs pa'i drung na tshangs par spyad pa spyod pa des yongs su btsal ba de bzhin du/ </font><hr>36.187b<br><font size=+1>

shes rab kyi pha rol tu phyin pa 'di yongs su btsal bar bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po rtag tu ngus/ shes rab kyi pha rol tu phyin pa 'di yongs su tshol ba na ji ltar yongs su btsal lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /byang chub sems dpa' sems dpa' chen po rtag tu ngu sngon shes rab kyi pha rol du phyin pa 'di yongs su tshol ba na/ lus la ched cher mi 'dzin/ srog la mi lta/ rnyed pa dang / bkur sti dang / tshigs su bcad pa dag la mi gnas par yongs su btsal bas yongs su btsal to/ /de shes rab kyi pha rol du phyin pa yongs su tshol zhing 'brog dgon pa zhig tu phyin pa na/ bar snang la sgra thos par gyur te/ rigs kyi bu shar phyogs su song shig dang / shes rab kyi pha rol du phyin pa thos par 'gyur gyis/ ji nas lus ngal ba yid la byed pa mi bskyed pa dang / gnyid dang rmugs pa yid la byed pa mi bskyed pa dang / bza' ba yid la byed pa mi bskyed pa dang / btung ba yid la byed pa mi bskyed pa dang / /mtshan mo yid la byed pa mi bskyed pa dang / nyin mo yid la byed pa mi bskyed pa dang / grang ba yid la byed pa mi bskyed pa dang / tsha ba yid la byed pa mi bskyed pa de ltar song shig /nang dang phyi rol gang la yang sems smon par ma byed cig /rigs kyi bu g.yas g.yon du ma blta bar song shig /nub dang / byang dang / steng dang 'og dang / phyogs mtshams su yang ma blta bar song shig /rigs kyi bu ci nas 'jig tshogs las kyang ma g.yos pa dang / ci nas gzugs las kyang ma g.yos pa dang / ci nas tshor ba dang / 'du shes dang / 'du byed rnams dang / rnam par shes pa las kyang ma g.yos pa de ltar song shig /gang 'di las g.yos pa de ni rnam par nyams</font><hr>36.188a<br><font size=+1>

par 'gyur ro/ /ci las nyams par 'gyur zhe na/ sangs rgyas kyi chos rnams las nyams par 'gyur ro/ /gang sangs rgyas kyi chos rnams las nyams par 'gyur ba de ni 'khor ba la spyod do/ /gang 'khor ba la spyod pa de ni shes rab kyi pha rol tu phyin pa rjes su mi 'thob bo/ /de skad ces smras pa dang / byang chub sems dpa' sems dpa' chen po rtag tu ngus sgra de la 'di skad ces smras so/ /de bzhin du bya'o/ /de ci'i phyir zhe na/ bdag ni sems can thams cad la snang bar byed par 'dod pa dang / sangs rgyas kyi chos thams cad bsgrub par 'dod pa'i phyir ro/ /de skad ces smras pa dang / sgra des byang chub sems dpa' sems dpa' chen po rtag tu ngu la 'di skad ces smras so/ /rtag tu ngu legs so legs so/ /de nas byang chub sems dpa' sems dpa' chen po rtag tu ngus kyang sgra thos te/ 'di skad du rigs kyi bu khyod kyis stong pa nyid dang / mtshan ma med pa dang / smon pa med pa'i chos dag la mos pa bskyed la/ shes rab kyi pha rol tu phyin pa yongs su btsal bar bya'o/ /khyod kyis mtshan ma yongs su spang bar bya/ dngos po yongs su spang bar bya/ sems can du lta ba yongs su spang bar bya'o/ /rigs kyi bu khyod kyis sdig pa'i grogs po dag spang bar bya'o/ /dge ba'i bshes gnyen gang dag stong pa nyid dang / mtshan ma med pa dang / smon pa med pa dang / ma byung ba dang ma skyes pa dang / dngos po med pa dang / ma 'gags pa'i chos rnams ston pa dag la snyen par bya/ bsten par bya/ bsnyen bkur bya'o/ /rigs kyi bu khyod kyis de ltar bsgrubs na ring po mi thogs par shes rab kyi pha rol tu phyin pa glegs bam du chud pa 'am/ dge slong chos smra ba'i lus la yod pa thos par 'gyur te/ rigs kyi bu gang la las shes rab kyi pha rol du phyin pa 'di thos pa de la rigs kyi bu khyod kyis ston par 'du shes bskyed par bya zhing khyod kyis byas pa gzo ba dang / byas pa tshor bar bya ste/ gang las</font><hr>36.188b<br><font size=+1>

shes rab kyi pha rol du phyin pa 'di thos pa 'di ni bdag gi dge ba'i bshes gnyen yin te/ shes rab kyi pha rol du phyin pa de bdag gis thos pas/ myur du bla na med pa yang dag par rdzogs pa'i byang chub las phyir mi ldog par 'gyur/ de bzhin gshegs pa dgra bcom pa yang dag par rdzogs pa'i sangs rgyas rnams la bsnyen par 'gyur zhing / sangs rgyas kyi zhing de bzhin gshegs pa dang ma bral ba rnams su skye bar 'gyur ro/ /mi khom pa rnams spong bar 'gyur ro/ /dal ba phun sum tshogs pa thob par 'gyur ro/ /rigs kyi bu phan yon 'di rnams khyod kyis yongs su rtogs la/ dge slong chos smra ba la ston pa yin par 'du shes bskyed par bya'o/ /rigs kyi bu khyod kyis 'jin rten gyi zang zing dang ldan pa'i sems kyi rgyud kyis/ dge slong chos smra ba'i phyi bzhin 'brang bar mi bya'i/ khyod kyis dge slong chos smra ba las chos don du gnyer ba dang / chos la gus par bya bas phyi bzhin 'brang bar bya'o/ /khyod kyis bdud kyi las rnams rtogs par bya ste/ rigs kyi bu bdud sdig can ni byang chub sems dpa' sems dpa' chen po rnams la gzugs dang / sgra dang / dri dang / ro dang / reg pa dag bsnyen pa dang / bsten pa dang / spyad par bya ba'i phyir nye bar sgrub ste/ de dag des zil gyis mnan nas thabs la mkhas pas 'grogs shing bsten pa dang / bsnyen par byed pa'ang yod de/ rigs kyi bu khyod kyis dge slong chos smra ba de la ma dad pa bskyed par mi bya'o/ /gzhan du na sems 'di ltar bskyed par bya ste/ bdag ni thabs mkhas pa de mi shes kyi/ 'di ni thabs mkhas pa rab tu shes so/ /'di ni sems can gdul ba'i tshul gyis sems can rnams kyi dge ba'i rtsa ba yongs su gzung ba'i phyir chos 'di dag la bsten cing 'grogs te/ bsnyen par byed kyi/ byang chub sems dpa' sems dpa' chen po rnams ni gang la yang chags pa 'am/ sgrib pa med kyis/ </font><hr>36.189a<br><font size=+1>

skad cig de nyid la rigs kyi bu khyod nyid kyis yang dag pa'i tshul so sor brtag par bya'o/ /rigs kyi bu chos rnams kyi yang dag pa'i tshul gang zhe na/ 'di lta ste chos thams cad kun nas nyon mongs pa ma yin/ rnam par byang ba ma yin no/ /de ci'i phyir zhe na/ chos thams cad ni ngo bo nyid kyi stong pa'i phyir te/ chos thams cad ni sems can med pa/ srog med pa/ gang zag med pa/ sgyu ma lta bu/ rmi lam lta bu/ brag ca lta bu/ mig yor lta bu ste/ rigs kyi bu chos rnams kyi yang dag pa'i tshul de ltar rtog cing chos smra ba'i phyir 'brang na ring po mi thogs par shes rab kyi pha rol tu phyin pa la nges par 'byung bar 'gyur ro/ /gzhan yang rigs kyi bu khyod kyis bdud kyi las la soms shig /rigs kyi bu gal te chos smra ba dag shes rab kyi pha rol tu phyin pa 'dod pa'i rigs kyi bu la brnyas par byed cing mi sems na/ de la rigs kyi bu khyod kyis phyir dgyed par mi bya ste/ gzhan du na chos don du gnyer ba nyid dang / chos la gus par byed pa nyid dang / yid mi skyo bas dge slong chos smra ba'i phyi bzhin 'brang bar bya'o zhes thos so/ /de nas byang chub sems dpa' sems dpa' chen po rtag tu ngus sgra de las rjes su bstan pa 'di blangs nas/ shar phyogs ga la ba der song ba dang / ring por ma phyin par de 'di snyam du sems te/ bdag gis sgra de la ji srid du 'gro bar bya ba ma dris so snyam nas/ de sa phyogs de nyid na ngu zhing mya ngan byed de smre zhing 'dug go/ /de sa phyogs de na nyin zhag gcig 'das par byed/ nyin zhag gnyis sam/ gsum 'am/ bzhi 'am/ lnga 'am/ bdun 'das kyang shes rab kyi pha rol du phyin pa thos par ma gyur gyi bar du lus ngal ba yid la byed pa mi bskyed/ rmugs pa dang / gnyid yid la byed pa mi bskyed/ bza' ba yid la byed pa mi bskyed/ btung ba yid la byed pa mi bskyed/ mtshan mor yid la byed pa mi bskyed/ nyin mor yid la byed pa mi bskyed/ grang ba</font><hr>36.189b<br><font size=+1>

yid la byed pa mi bskyed/ tsha ba yid la byed pa mi bskyed do/ /rab 'byor 'di lta ste dper na/ skyes bu la la zhig bu gcig pa 'chi ba'i dus byas na/ sdug bsngal ba dang / yid mi bde ba chen po dang ldan par 'gyur te/ de lta bu'i mya ngan gyis bu gcig pu yid la byed pa 'byung ba ma gtogs par yid la byed pa gzhan gang yang mi 'byung ngo / /rab 'byor de bzhin du byang chub sems dpa' sems dpa' chen po rtag tu ngu yang de'i tshe/ bdag gis nam shes rab kyi pha rol du phyin pa thos par 'gyur snyam pa ma gtogs par yid la byed pa gzhan gang yang mi 'byung ngo / /rab 'byor de nas byang chub sems dpa' sems dpa' chen po rtag tu ngu de ltar gdung zhing 'dug pa'i mdun du/ de bzhin gshegs pa'i gzugs shig bzhugs nas/ legs so zhes bya ba byin te/ rigs kyi bu khyod tshig de skad smra ba legs so legs so/ /ji ltar khyod kyis da ltar yongs su btsal ba de bzhin du sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang / sngon byang chub sems dpa'i spyad pa spyod pa na shes rab kyi pha rol tu phyin pa yongs su btsal to/ /rigs kyi bu de'i phyir khyod kyis brtson 'grus 'di dang / spro ba 'di dang / 'dod du gnyer ba 'di dang / 'dod pa 'di lta bus rjes su 'brang zhing / shar phyogs nyid du song shig dang / rigs kyi bu 'di nas dpag tshad lnga brgya na/ spos ldan zhes bya ba'i grong khyer rin po che sna bdun las byas pa'i ra ba rim bdun gyis bskor ba/ 'obs rim pa bdun dang / shing ta la'i phreng rim bdun gyis yongs su bskor ba/ chur dpag tshad bcu gnyis/ zheng du dpag tshad bcu gnyis yod pa/ 'byor ba rgyas pa/ bde ba lo legs pa/ skye bo mang po dang / mis gang ba/ grong bar dang srang mnyam zhing mtshungs pa lnga brgya dag gis ri mor bris pa bzhin du gtams pa/ khyogs khri nyam mi nga ba dang / bar bar dag tu zam pa btags pa/ grong khyer gyi khor yug tu zhol gyi phyir rin po che sna bdun las legs par byas shing</font><hr>36.190a<br><font size=+1>

bskor la/ rin po che sna bdun gyi ra ba de dag gi mda' yab rnams ni 'dzam bu'i chu bo'i gser las byas pa/ mtho zhing tshad dang ldan pa/ mda' yab thams cad kyi rtse mo las kyang rin po che sna bdun gyi shing skyes te/ rin po che sna tshogs kyi shing tog gi 'bras bu chags pa/ mda' yab shing skyes pa thams cad las kyang rin po che'i tha gu byung bas mda' yab cig shos gzhan dang 'brel pa/ grong khyer thams cad gser gyi dril bu g.yer ka'i dra bas khebs te gser gyi dril bu g.yer ka de dag la rlung gis btab na/ sgra 'jam zhing snyan pa yid du 'ong ba dag 'byung ba 'di lta ste/ dper na yan lag lnga dang ldan pa'i rol mo tshogs pa/ rol mo mkhan mkhas pas brdungs shing blangs na sgra 'jam zhing snyan la/ yid du 'ong ba dag 'byung ba de bzhin du dril bu g.yer ka de dag la rlung gis btab na/ sgra 'jam zhing snyan pa yid du 'ong ba dag 'byung ste/ sgra des sems can de dag rtse dga' zhing dga' mgur spyod do/ /grong khyer de khor yug tu 'obs chu 'bab pas gang zhing chu ha cang yang mi grang / ha cang yang mi dro bas gang ba dag yod do/ /chu de la sngon gyi rnam par smin pas grub pa/ rin po che sna bdun gyi rnam par bkra zhing blta na sdug pa'i gru dag yod de/ der sems can de dag zhugs nas rtse dga' zhing rab tu rgyu'o/ /chu de thams cad kyang me tog ut+pa la dang / ku mu da dang / pad ma dkar po dag gis khebs pa/ me tog rigs che zhing bzang la/ dri zhim po'i ngad ldang ba gzhan pa dag gis kyang khebs te/ stong gsum gyi stong chen po'i 'jig rten gyi khams na yod pa'i me tog gi rigs las de na med pa gang yang med do/ /grong khyer de'i nang na bskyed mos tshal lnga brgya yod de/ thams cad kyang rin po che sna bdun las byas pa/ rnam par bkra zhing blta na sdug pa sha stag ste/ bskyed mos tshal de dag re re na yang rdzing bu khor yug tu rgyang grags kyi tshad tsam lnga brgya lnga brgya yod de rdzing bu de dag gi khor yug thams</font><hr>36.190b<br><font size=+1>

cad nas rin po che sna bdun gyi me tog uta pa la dang / ku mu da dang / pad ma dkar po rnam par bkra zhing blta na sdug pa dag skyes te/ de dag gis chu de khebs shing / me tog uta pa la dang / ku mu da dang / pad ma dkar po de dag thams cad kyang chu zheng du shing rta'i phang lo tsam ste/ sngon po/ kha dog sngon po/ sngon po lta bur ston pa/ 'od sngon po 'byung ba/ ser po kha dog ser po/ ser po lta bur ston pa/ 'od ser po 'byung ba/ dmar po kha dog dmar po/ dmar po lta bur ston pa/ 'od dmar po 'byung ba/ dkar po kha dog dkar po/ dkar po lta bur ston pa/ 'od dkar po 'byung ba dag yod do/ /rdzing bu de dag thams cad na/ ngang ngur dang / khrung khrung dang / bya ka ran da dang / bzhad sgra 'byin pa dag yod do/ /bskyed mos tshal de dag thams cad kyang nga yir bya ba med cing / ris su bcad pa med de/ 'di ltar sems can dag yun ring por shes rab kyi pha rol du phyin pa la spyod cing / yun ring por chos zab mo la mos pa'i sems can de dag gi sngon gyi las kyi rnam par smin pas grub pa yin no/ /rigs kyi bu grong khyer de dag gi dbus kyi bzhi mdo na/ byang chub sems dpa' sems dpa' chen po chos 'phags kyi khang pa rin po che sna bdun las byas pa/ khor yug tu dpag tshad kyi tshad tsam yod pa rnam par bkra zhing blta na sdug pa/ ra ba rim bdun dang / ta la'i phreng rim bdun gyis yongs su bskor ba zhig yod de/ khang pa de na khang pa'i longs spyod du rtag tu rab dga' zhes bya ba'i bskyed mos tshal dang / mya ngan med ces bya ba dang / mya ngan bral zhes bya ba dang / me tog sna tshogs pa zhes bya ba'i bskyed mos tshal dang / bskyed mos tshal bzhi yod de/ bskyed mos tshal de dag re re na yang rdzing bu bzang po zhes bya ba dang / bzang mchog ces bya ba dang / dga' ba zhes bya ba dang / dga' mchog ces bya ba dang / bde ba zhes bya ba dang / bde ldan zhes bya ba dang / nges pa </font><hr>36.191a<br><font size=+1>

zhes bya ba dang / mi 'bab ces bya ba brgyad brgyad yod de/ rdzing bu de dag gi ngos gcig ni gser las byas/ ngos gnyis pa ni dngul las byas/ ngos gsum pa ni bai dUr+ya las byas/ ngos bzhi pa ni shel las byas/ nang gi sa gzhi ni ke ke ru la/ gser gyi bye ma bdal ba ste/ rdzing bu de dag re re la yang / them skas them pa rin po che sna tshogs rnam pa tha dad pas brgyan pa brgyad brgyad yod de/ them skas de dag thams cad kyi bar nas kyang 'dzam bu'i chu bo'i gser gyi shing ljon pa dag skyes so/ /rdzing bu de dag thams cad kyi chu ni me tog ku mu da dang / uta pa la dang / pad ma dkar po sna tshogs kyis khebs shing / ngang ngur dang / khrung khrung dang / bzhad rnams skad 'byin to/ /rdzing bu de dag gi khor yug tu me tog gi shing rnam pa sna tshogs skyes te/ shing de dag la rlung gis bskyod pa dang / me tog rnams rdzing bu'i nang du lhung bas/ rdzing bu de thams cad kyi chu yang tsan dan gyi drir phyogs shing kha dog dang ldan/ dri dang ldan no/ /de na byang chub sems dpa' sems dpa' chen po chos 'phags 'khor dang bcas pa bud med drug khri brgyad stong dang lhan cig tu 'dod pa'i yon tan lnga dang ldan zhing 'byor te/ rtse dga' zhing dga' mgur spyod do/ /grong khyer de na sems can skyes pa dang / bud med gang gzhan dag 'khod pa de dag thams cad kyang bskyed mos tshal lam/ rdzing bu dag na rtag tu dga' zhing 'dod pa'i yon tan lnga dang ldan zhing 'byor te/ rtse dga' zhing dga' mgur spyod do/ /yang byang chub sems dpa' sems dpa' chen po chos 'phags de 'khor rnams dang lhan cig tu rtse dga' ste/ dga' mgur spyod cing de na dus gsum du shes rab kyi pha rol tu phyin pa ston to/ /sems can gang dag grong khyer spos ldan na 'khod pa de dag kyang grong khyer gyi dbus kyi bzhi mdor byang chub sems dpa' sems dpa' chen po chos 'phags kyi khri gser gyi rkang pa dang / dngul gyi rkang pa dang / bai dUr+ya'i rkang pa dang / shel gyi rkang pa btsugs pa/ shing bal</font><hr>36.191b<br><font size=+1>

bting ba/ stan nang tshangs can bting ba steng snying po can du byas pa/ ka shi ka'i ras bting ba/ 'phang du rgyang grags phyed yod pa bshams te/ steng gi bar snang la ras kyi bla re mu tig gis brgyan pa bres shing / de ltar chos la gus par byed pas sa phyogs de khor yug kyang / me tog kha dog sna lnga pa dag mngon par gtor cing sa phyogs de yang spos sna tshogs dang / bdug pa sna tshogs kyis shin du bdug par byed de/ de la byang chub sems dpa' sems dpa' chen po chos 'phags 'dug nas/ shes rab kyi pha rol tu phyin pa ston te/ rigs kyi bu sems can de dag ni de lta bur gus par byed cing / byang chub sems dpa' sems dpa' chen po chos 'phags las shes rab kyi pha rol du phyin pa nyan to/ /de na gang dag nyan pa'i lha dang mi srog chags brgya phrag mang po dang / srog chags stong phrag mang po dang / srog chags 'bum phrag mang po tshogs pa de dag las/ la la ni lung nod/ la la ni kha ton byed/ la la ni yi ger 'dri/ la la ni tshul bzhin yid la byed pas rtogs par byed de/ sems can de dag thams cad kyang log par mi ltung ba'i chos can de/ bla na med pa yang dag par rdzogs pa'i byang chub las phyir mi ldog pa sha stag go/ /rigs kyi bu byang chub sems dpa' sems dpa' chen po chos 'phags de'i drung du song shig dang / de las shes rab kyi pha rol du phyin pa thos par 'gyur ro/ /rigs kyi bu de ni yun ring po nas khyod kyi dge ba'i bshes gnyen yin te/ bla na med pa yang dag par rdzogs pa'i byang chub yang dag par rdzogs par ston pa/ yang dag par 'dzin du 'jug pa/ yang dag par gzeng stod pa/ yang dag par rab tu dga' bar byed pa yin no/ /rigs kyi bu ngas kyang sngon da ltar khyod ji ltar tshol ba bzhin du shes rab kyi pha rol tu phyin pa yongs su btsal gyis/ rigs kyi bu khyod nyin mtshan du yid la byed pa/ rgyun ma gcad par song shig dang / ring por mi thogs par shes rab kyi pha</font><hr>36.192a<br><font size=+1>

rol du phyin pa thos par 'gyur ro/ /de nas byang chub sems dpa' sems dpa' chen po rtag tu ngus/ de thos nas dga' mgu yid rangs rab tu mgu zhing dga' ba dang / yid bde ba skyes par gyur pa 'di lta ste/ dper na skyes bu mde'u dug can zhig gis phog na yid la byed pa gzhan mi bskyed kyi/ gang bdag sdug bsngal 'di las thar bar byed pa/ zug rngu 'byin pa'i sman pa bdag gis nam rnyed snyam sems pa de bzhin du/ byang chub sems dpa' sems dpa' chen po rtag tu ngu yang / gang bdag la shes rab kyi pha rol du phyin pa de thos par byed cing / chos gang thos nas bdag gi dmigs pa yid la byed pa spong bar 'gyur ba'i rigs kyi bu de/ bdag gis nam mthong snyam sems pa ma gtogs par/ chos gang yang yid la mi byed do/ /de nas byang chub sems dpa' sems dpa' chen po rtag tu ngu sa phyogs de nyid du 'dug ste/ chos thams cad la mi gnas pa'i 'du shes bskyed nas/ de ting nge 'dzin gyi sgo du ma mngon du gyur pa 'di lta ste/ chos thams cad kyi ngo bo nyid la lta ba zhes bya ba'i ting nge 'dzin dang / chos thams cad kyi ngo bo nyid mi dmigs pa zhes bya ba'i ting nge 'dzin dang / chos thams cad mi shes pa dang bral ba zhes bya ba'i ting nge 'dzin dang / chos thams cad 'gyur ba med par mthong ba zhes bya ba'i ting nge 'dzin dang / chos thams cad snang bar byed pa zhes bya ba'i ting nge 'dzin dang / chos thams cad mun pa dang bral ba zhes bya ba'i ting nge 'dzin dang / chos thams cad mi shes pa sel ba zhes bya ba'i ting nge 'dzin dang / chos thams cad mi dmigs pa zhes bya ba'i ting nge 'dzin dang / me tog bkram pa zhes bya ba'i ting nge 'dzin dang / chos thams cad bdag gi dngos po mi sgrub pa zhes bya ba'i ting nge 'dzin dang / sgyu ma rnam par spangs pa zhes bya ba'i ting nge 'dzin dang / me long gi dkyil 'khor snang ba bsgrub pa zhes bya ba'i ting nge 'dzin dang / sems can thams cad kyi sgra bsgrub pa zhes bya ba'i ting nge 'dzin dang / </font><hr>36.192b<br><font size=+1>

chos thams cad tha dad pa med pa zhes bya ba'i ting nge 'dzin dang / sems can thams cad mngon par dga' ba zhes bya ba'i ting nge 'dzin dang / sems can thams cad kyi sgra la mkhas pa'i rjes su song ba zhes bya ba'i ting nge 'dzin dang / sgra dang / tshig dang / 'bru sna tshogs bsgrub pa zhes bya ba'i ting nge 'dzin dang / ma khengs pa zhes bya ba'i ting nge 'dzin dang / rang bzhin rnam par bltas pa zhes bya ba'i ting nge 'dzin dang / sgrib pa med pa'i rnam par thar pa thob pa zhes bya ba'i ting nge 'dzin dang / rdul dang bral ba zhes bya ba'i ting nge 'dzin dang / ming dang nges pa'i sgra dang tshig dang 'bru zhes bya ba'i ting nge 'dzin dang / chos thams cad la rnam par lta ba zhes bya ba'i ting nge 'dzin dang / chos thams cad la sgrib pa med pa'i mtha' zhes bya ba'i ting nge 'dzin dang / nam mkha' dang mtshungs pa zhes bya ba'i ting nge 'dzin dang / rdo rje lta bu zhes bya ba'i ting nge 'dzin dang / gzugs kyi rdul sel ces bya ba'i ting nge 'dzin dang / rgyal ba thob pa zhes bya ba'i ting nge 'dzin dang / phyir mi ldog pa'i mig ces bya ba'i ting nge 'dzin dang / chos kyi dbyings las nges par 'byung ba zhes bya ba'i ting nge 'dzin dang / dbugs 'byin pa sbyin pa zhes bya ba'i ting nge 'dzin dang / seng ge mngon par bsgrags pa zhes bya ba'i ting nge 'dzin dang / sems can thams cad zil gyis gnon pa zhes bya ba'i ting nge 'dzin dang / rdul med pa zhes bya ba'i ting nge 'dzin dang / kun nas nyon mongs pa med pa zhes bya ba'i ting nge 'dzin dang / pad ma bkod pa zhes bya ba'i ting nge 'dzin dang / nem nur gcod pa zhes bya ba'i ting nge 'dzin dang / snying po thams cad kyi rjes su song ba zhes bya ba'i ting nge 'dzin dang / chos thams cad las mngon par 'phags pa zhes bya ba ting nge 'dzin dang / mngon par shes pa dang / stobs dang mi 'jigs pa thob pa zhes bya ba'i ting nge 'dzin dang / chos thams cad las nges par 'bigs pa zhes bya ba'i ting nge 'dzin dang chos thams cad kyi 'byor pa rgya mtsho</font><hr>36.193a<br><font size=+1>

zhes bya ba'i ting nge 'dzin dang / chos thams cad bye brag med par lta ba zhes bya ba'i ting nge 'dzin dang / lta bar gyur pa thibs po thams cad rnam par spong ba zhes bya ba'i ting nge 'dzin dang / mun pa dang bral ba zhes bya ba'i ting nge 'dzin dang / chos thams cad mtshan ma dang bral ba zhes bya ba'i ting nge 'dzin dang / chags pa thams cad las rnam par grol ba zhes bya ba'i ting nge 'dzin dang / le lo thams cad dang bral ba zhes bya ba'i ting nge 'dzin dang / chos zab mo'i 'od byed pa zhes bya ba'i ting nge 'dzin dang / ri rab 'dra ba zhes bya ba'i ting nge 'dzin dang / mi 'phrogs pa zhes bya ba'i ting nge 'dzin dang / bdud kyi dkyil 'khor rnam par 'joms par byed pa zhes bya ba'i ting nge 'dzin dang / 'jig rten gsum la mngon par ma zhen pa zhes bya ba'i ting nge 'dzin dang / 'od zer bsgrub pa zhes bya ba'i ting nge 'dzin dang / de bzhin gshegs pa mthong ba zhes bya ba'i ting nge 'dzin rnams mngon du gyur te/ de ting nge 'dzin de dag la gnas pas phyogs bcu'i 'jig rten gyi khams rnams na/ sangs rgyas bcom ldan 'das grangs med dpag tu med pa dag /byang chub sems dpa' sems dpa' chen po dag la shes rab kyi pha rol du phyin pa 'di rab tu ston pa dag mthong ste/ de bzhin gshegs pa de dag gis legs so zhes bya ba byin nas dbugs dbyung ba mdzad de/ tshig 'di skad kyang gsung ngo / /rigs kyi bu nged kyis sngon byang chub sems dpa'i spyad pa spyod pa na/ shes rab kyi pha rol du phyin pa 'di bzhin du btsal te/ yongs su tshol ba na yang ting nge 'dzin 'di dag thob ste/ ting nge 'dzin 'di dag thob nas shes rab kyi pha rol du phyin pa rtogs par khong du chud par gyur te/ phyir mi ldog pa'i sangs rgyas kyi chos la gnas par gyur to/ /nged kyis ting nge 'dzin 'di dag gi ngo bo nyid dang rang bzhin la bltas na/ gang mnyam par gzhag par bya ba 'am/ ldang bar bya ba 'am/ byang chub tu spyad pa 'am/ gang bla na med pa</font><hr>36.193b<br><font size=+1>

yang dag par rdzogs pa'i byang chub mngon par rdzogs par 'tshang rgya bar bya ba'i chos de gang yang yang dag par rjes su ma mthong ngo / /rigs kyi bu 'di ni shes rab kyi pha rol du phyin pa de yin te/ rigs kyi bu chos gang gis kyang rlom sems sam/ rlom sems med par mi byed pa la gnas nas nged kyis 'di 'dra ba'i lus gser gyi kha dog lta bu thob ste/ skyes bu chen po'i mtshan sum bcu rtsa gnyis dang / dpe byad bzang po brgyad bcu dang / 'od 'dom gang ba dang / sangs rgyas kyi ye shes dang / sangs rgyas kyi shes rab bsam gyis mi khyab pa dang / sangs rgyas kyi ting nge 'dzin bla na med pa dang / sangs rgyas kyi yon tan thams cad kyi pha rol du phyin pa rjes su thob ste/ yon tan gyi pha rol du phyin pa de la de bzhin gshegs pa dag gis kyang tshad gzung ba 'am/ mtha' bstan par mi nus na/ nyan thos dang rang sangs rgyas dag gis lta ci smos/ rigs kyi bu de lta bas na khyod kyis chos 'di dag nyid la rab tu don du gnyer ba dang / 'dun pas gus pa mchog tu bskyed par bya ste/ rigs kyi bu don du gnyer ba dang / 'dun pa la ni bla na med pa yang dag par rdzogs pa'i byang chub rnyed par dka' ba ma yin no/ /khyod kyis dge ba'i bshes gnyen la shin du gus pa bskyed par bya'o/ /phangs par bya'o/ /dge ba'i bshes gnyen gyis yongs su zin pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /de nas de bzhin gshegs pa de dag la byang chub sems dpa' sems dpa' chen po rtag tu ngus 'di skad ces gsol to/ /bdag gi dge ba'i bshes gnyen gang lags de dag gis de la 'di skad ces bka' stsal to/ /rigs kyi bu khyod yun ring po nas byang chub sems dpa' sems dpa' chen po chos 'phags kyis bla na med pa yang dag par rdzogs pa'i byang chub tu yongs su smin par byas</font><hr>36.194a<br><font size=+1>

shing yongs su bzung ste/ shes rab kyi pha rol du phyin pa dang thabs mkhas pa la bslabs so/ /rigs kyi bu de ni khyod kyi yongs su 'dzin pa'i dge ba'i bshes gnyen yin gyis/ des khyod la ji skad bsgo ba bzhin du zung shig /rigs kyi bu gal te khyod kyis byang chub sems dpa' sems dpa' chen po chos 'phags la bskal pa 'am/ bskal pa gnyis sam/ bskal pa brgya 'am/ bskal pa stong ngam/ de las lhag par yang mgo la thod bzhin du thogs shing / bde ba'i yo byad thams cad kyis rim gro byas te/ stong gsum gyi stong chen po'i 'jig rten gyi khams na/ gzugs dang / sgra dang / dri dang / ro dang / reg pa ji snyed yod pa de dag thams cad phul yang rigs kyi bu khyod kyis de la lan lon pa ma yin no/ /de ci'i phyir zhe na/ rigs kyi bu de'i mthus khyod kyis ting nge 'dzin 'di lta bu dag rnyed par gyur te/ shes rab kyi pha rol du phyin pa dang / thabs la mkhas pa thos shing shes rab kyi pha rol du phyin pa thob par gyur to/ /de nas de bzhin gshegs pa de dag gis byang chub sems dpa' sems dpa' chen po rtag tu ngu dbugs phyung nas mi snang bar gyur to/ /rigs kyi bu de yang ting nge 'dzin de dag las langs te/ langs nas kyang 'di snyam du sems so/ /de bzhin gshegs pa de dag gang nas byon/ de bzhin gshegs pa de dag gang du bzhud snyam ste/ de de bzhin gshegs pa de dag ma mthong bas rab tu gdung zhing mi dga' bar gyur to/ /yang de 'di snyam du sems te/ byang chub sems dpa' sems dpa' chen po chos 'phags ni gzungs thob pa/ mngon par shes pa lnga dang ldan pa/ sngon gyi rgyal ba rnams la lhag par bya ba byas pa ste/ bdag yongs su 'dzin pa bdag gi dge ba'i bshes gnyen yun ring po nas des bdag gi don byas pa yin gyis/ bdag byang chub sems dpa' sems dpa' chen po chos 'phags kyi drung du</font><hr>36.194b<br><font size=+1>

mngon par song ste phyin nas de bzhin gshegs pa de dag gang nas byon de bzhin gshegs pa de dag gang du bzhud ces don 'di nyid dri'o snyam mo/ /de nas byang chub sems dpa' sems dpa' chen po rtag tu ngu byang chub sems dpa' sems dpa' chen po chos 'phags la dga' ba dang dad pa dang / ri mo dang / gus par bya ba nye bar bzhag ste/ nye bar bzhag nas 'di snyam du sems so/ /bdag gis ji lta bu'i bkur bsti bya bas/ byang chub sems dpa' sems dpa' chen po chos 'phags de'i drung du 'gro bar bya/ bdag ni dbul te/ gang gis byang chub sems dpa' sems dpa' chen po chos 'phags la bdag gis bkur stir bya ba'i gos rin po che 'am/ gser ram/ nor bu 'am/ mu tig gam/ bai dUr+ya 'am/ dung ngam/ men shel lam byu ru 'am/ dngul lam/ sa le sbram 'am/ me tog gam/ me tog phreng ngam/ byug pa 'am/ gdugs de lta bu yang bdag la med na/ bdag 'di bzhin du byang chub sems dpa' sems dpa' chen po chos 'phags kyi drung du song na ni bdag gis tshul ma yin pa byas par 'gyur te/ bdag dga' ba 'am rangs par yang mi skye'o snyam du sems so/ /de nas byang chub sems dpa' sems dpa' chen po rtag du ngu de lta bu'i yon tan dag dang bla ma la gus pa yid la byed pa dang ldan pas song nas mthar gyis grong gzhan zhig tu phyin pa dang / de'i grong bar gyi dbus su de 'di snyam du sems te/ 'di ltar bdag gis lus btsongs la/ de'i rin gyis byang chub sems dpa' sems dpa' chen po chos 'phags la bkur sti bya'o/ /yun ring po nas bdag gis lus stong zhig cing zad de btsongs la 'khor ba dpag tu med pa na 'dod pa'i phyir 'dod pa'i rgyus yang dang yang sems can dmyal ba'i sdug bsngal dpag tu med pa myong yang / 'di lta bu'i chos kyi phyir ram/ 'di lta bu'i sems can chen po la bkur sti bya ba'i phyir ma yin no snyam mo/ /de nas byang chub sems dpa' sems</font><hr>36.195a<br><font size=+1>

dpa' chen po rtag tu ngus grong bar du 'dug ste mi su 'dod mi su 'dod ces sgra bsgrags shing skad kyis bos so/ /de nas bdud sdig can 'di snyam du sems te/ byang chub sems dpa' sems dpa' chen po rtag tu ngu 'di ni chos 'dod pa'i phyir bdag nyid btsongs nas/ byang chub sems dpa' sems dpa' chen po chos 'phags la bkur sti byed cing / byang chub sems dpa' sems dpa' chen po shes rab kyi pha rol du phyin pa la ji ltar spyad na/ myur du bla na med pa yang dag par rdzogs pa'i byang chub yongs su rdzogs par 'gyur/ thos pa rgya mtsho rjes su thob par 'gyur/ bdud dang bdud kyi ris kyi lha dag gis mi thub par 'gyur/ yon tan thams cad kyi pha rol du phyin pa rjes su thob par 'gyur zhes shes rab kyi pha rol du phyin pa dang thabs la mkhas pa yongs su 'dri bar 'gyur te/ der sems can mang po dag gi don byed par 'gyur/ bla na med pa yang dag par rdzogs pa'i byang chub mngon par rdzogs par sangs rgyas nas de dag kyang nga'i yul las 'da' bar byed/ sems can gzhan dag kyang nga'i yul las 'da' bar byed par 'gyur gyis/ bdag gis 'di la bar chad bya'o snyam nas/ bdud sdig can gyis ji nas bram ze dang khyim bdag de dag gis/ byang chub sems dpa' sems dpa' chen po rtag tu ngus/ mi su 'dod su nga nyo bar 'dod ces zer ba'i sgra mi thos par 'gyur ba de lta bur yongs su bsgribs so/ /de nas byang chub sems dpa' sems dpa' chen po rtag tu ngu / gang gi tshe bdag nyo ba ma rnyed pa de'i tshe/ phyogs gcig tu song nas mchi ma phyung ste/ 'di ltar bdag gi lus btsongs la/ byang chub sems dpa' sems dpa' chen po chos 'phags la bkur sti bya snyam na/ lus nyo ba yang bdag gis ma rnyed de/ kye ma bdag ni rnyed pa ngan pa rnyed do snyam mo/ /de nas lha'i dbang po brgya byin 'di snyam du sems te/ 'di</font><hr>36.195b<br><font size=+1>

ltar byang chub sems dpa' sems dpa' chen po rtag tu ngu / 'di lta ste chos 'dod pa'i phyir bdag gi lus yongs su btang bar lhag pa'i bsam pa phun sum tshogs pa yin nam ma yin pa/ byang chub sems dpa' sems dpa' chen po rtag tu ngu la bdag gis bgam par bya'o snyam ste/ lha'i dbang po brgya byin bram ze'i khye'u'i cha byad du mngon par sprul nas/ byang chub sems dpa' sems dpa' chen po rtag tu ngu ga la ba der song ste/ phyin nas byang chub sems dpa' sems dpa' chen po rtag tu ngu la 'di skad ces smras so/ /rigs kyi bu khyod 'di ltar yid la mi dga' zhing yid gdung la mchi ma 'byung ba ci nyes/ des smras pa bram ze'i khye'u kho bo ni chos 'dod pa'i phyir bdag nyid btsongs te/ chos la mchod par bya ba 'dod na/ lus nyo ba de kho bos ma rnyed nas/ de la kho bo 'di snyam du sems so/ /kye ma nga ni bsod nams chung bas 'di ltar lus btsongs te/ shes rab kyi pha rol du phyin pa la mchod pa bya ba dang / 'phags pa byang chub sems dpa' sems dpa' chen po chos 'phags la yang bkur sti bya snyam na/ bdag gis lus nyo ba yang ma rnyed do snyam mo/ /de nas bram ze'i khye'u des byang chub sems dpa' sems dpa' chen po rtag tu ngu la 'di skad ces smras so/ /rigs kyi bu kho bo la mis ni bya ba med kyi/ kho bo mchod sbyin zhig byed de/ der mi'i snying dang / khrag dang / rus pa dang / rkang dag kho bo la dgos na/ de rin gyis nyor byin cig ces byas pa dang / byang chub sems dpa' sems dpa' chen po rtag tu ngu 'di snyam du sems te/ gang bdag gis bram ze'i khye'u bdag gi snying dang / khrag dang / rus pa dang / rkang nyo ba rnyed pa 'di ni bdag gis rnyed pa'i mchog rnyed pa legs par rnyed do/ /bdag gi lus ni shes rab kyi pha rol du phyin pa dang thabs la mkhas pa rnams la yongs su rdzogs par gyur to snyam ste/ de sems dga' ba dang / sems</font><hr>36.196a<br><font size=+1>

bde ba dang / sems rab tu dga' bar gyur nas/ bram ze'i khye'u la 'di skad ces smras so/ /bram ze'i khye'u kho bo'i lus 'di las khyod gang 'dod pa sbyin no/ /des de la 'di skad ces smras so/ /rigs kyi bu khyod rin du ci 'dod pa sbyin no zhes byas pa dang / des de la 'di skad ces smras so/ /bram ze'i khye'u khyod kyis gang yongs su btang ba de kho bo la byin cig /de nas byang chub sems dpa' sems dpa' chen po rtag tu ngu mtshon rnon po thogs nas/ lag pa g.yas pa phug ste khrag gzags so/ /brla g.yas pa sha med par btogs nas rus pa gcog tu rtsig pa'i drung du song ngo / /de nas tshong dpon gyi bu mo zhig khang pa'i yang thog na 'dug pa des byang chub sems dpa' sems dpa' chen po rtag tu ngu brla sha med par btogs nas/ rus pa gcog tu rtsig pa'i drung du song ba mthong nas de 'di snyam du sems te/ rigs kyi bu 'di ci'i phyir bdag nyid la bdag nyid 'di lta bu'i na tsha byed pa bdag rigs kyi bu de'i drung du song ste/ dri'o snyam nas/ tshong dpon gyi bu mo de byang chub sems dpa' sems dpa' chen po rtag tu ngu ga la ba der song ste/ phyin nas byang chub sems dpa' sems dpa' chen po rtag tu ngu la 'di skad ces smras so/ /rigs kyi bu khyod ci'i phyir khyod bdag nyid la 'di lta bu'i na tsha dag byed khrag dang / rus pa dang / rkang 'dis ci zhig bya/ rtag tu ngus bu mo de la 'di skad ces smras so/ /bram ze'i khye'u 'di la btsongs te/ shes rab kyi pha rol du phyin pa la mchod par bya'o/ /'phags pa byang chub sems dpa' sems dpa' chen po chos 'phags la yang bsnyen bkur bya'o/ /de nas tshong dpon gyi bu mo des byang chub sems dpa' sems dpa' chen po rtag tu ngu la 'di skad ces smras so/ /rigs kyi bu khyod 'di ltar bdag gi snying dang / khrag dang / rus pa dang / rkang yang btsongs te/ rigs kyi bu de la bkur sti bya bar 'dod pa khyod la yon tan gyi rnam pa ci zhig 'grub par 'gyur/ </font><hr>36.196b<br><font size=+1>

des de la smras pa/ bu mo rigs kyi bu de ni gang la kho bos bslab par bya ba'i shes rab kyi pha rol du phyin pa dang thabs la mkhas pa dag ston par 'gyur te/ kho bos de la bslabs na/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can thams cad kyi rten du 'gyur/ lus gser gyi kha dog lta bu yang 'thob par 'gyur/ skyes bu chen po'i mtshan sum bcu rtsa gnyis dang / 'od 'dom gang ba dang / 'od zer mtha' yas pa dang / byams pa chen po dang / snying rje chen po dang / dga' ba chen po dang / btang snyoms chen po dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyang 'thob par 'gyur/ mngon par shes pa lnga dang / tshul khrims rnam par dag pa bsam gyis mi khyab pa dang / ting nge 'dzin rnam par dag pa bsam gyis mi khyab pa dang / shes rab rnam par dag pa bsam gyis mi khyab pa dang / de bzhin gshegs pa'i stobs bcu dang / bla na med pa yang dag par rdzogs pa'i ye shes kyang mngon par rdzogs par 'gyur/ gang gis sems can thams cad la kun du bgo bsha' bya ba'i bla na med pa'i chos rin po che yang rab tu thob par 'gyur ro/ /de nas tshong dpon gyi bu mo des byang chub sems dpa' sems dpa' chen po rtag tu ngu la 'di skad ces smras so/ /rigs kyi bu khyod kyis 'di ltar chos rgya chen po 'di dag yongs su brjod pa ni ngo mtshar te/ rigs kyi bu chos 'di lta bu re re'i phyir yang bskal pa gang gA'i klung gi bye ma snyed du lus yongs su btang bar bya ba yin na/ gcig lta ci smos te/ de tsam du khyod kyis chos 'di dag rgya cher yongs su brjod na/ rigs kyi bu khyod gang gis byang chub sems dpa' sems dpa' chen po chos 'phags la bkur sti bya ba'i gser ram/ nor bu 'am/ mu tig gam/ bai dUr+ya 'am/ dngul lam/ </font><hr>36.197a<br><font size=+1>

me tog gam/ bdug pa 'am/ spos sam/ dri 'am/ me tog phreng ngam/ byug pa 'am/ phye ma 'am/ gos sam/ gdugs sam/ khyod la ci dgos pa de khyod la sbyin gyis bdag nyid la 'di lta bu'i sdug bsngal ma byed cig /bdag kyang khyod dang 'grogs te/ byang chub sems dpa' sems dpa' chen po chos 'phags ga la ba der dong la/ bdag kyang khyod dang lhan cig tu 'di lta ste/ de lta bu'i chos 'di dag thob par bya ba'i phyir dge ba'i rtsa ba bskyed par bya'o/ /de nas lha'i dbang po brgya byin gyis/ bram ze'i khye'u'i cha byad mi snang bar byas nas bdag nyid kyi lus su/ byang chub sems dpa' sems dpa' chen po rtag tu ngu'i mdun du 'dug nas 'di skad ces smras so/ /rigs kyi bu khyod de ltar yi dam la brtan pa ni legs so legs so/ /'di lta bu'i chos 'dod pas sngon gyi de bzhin gshegs pa dgra bcom pa yang dag par rdzogs pa'i sangs rgyas dag gis kyang sngon byang chub sems dpa'i spyad pa spyod pa na/ shes rab kyi pha rol du phyin pa dang thabs la mkhas pa yongs su rdzogs par mdzad de/ bla na med pa yang dag par rdzogs pa'i byang chub mngon par rdzogs par sangs rgyas so/ /rigs kyi bu kho bo la snying dang / khrag dang / rkang gis bya ba med kyi/ kho bo khyod sad pa'i phyir 'dir 'ongs kyis rigs kyi bu khyod kyis dam pa slongs shig /rigs kyi bu khyod la dam pa ji lta bu zhig sbyin par bya/ des de la smras pa/ brgya byin sangs rgyas kyi chos bla na med pa dag bdag la stsol cig /brgya byin gyis smras pa/ rigs kyi bu yul 'di kho bo'i yul du gyur pa ma yin te/ yul 'di sangs rgyas bcom ldan 'das rnams kyi yul du gyur pa yin gyis/ dam pa gzhan slongs shig /byang chub sems dpa' rtag tu ngus smras pa/ bdag gi lus yongs su rdzogs par bya ba'i gnas 'di la ni/ lha'i dbang po brtson pa chung bar gyis shig  /lha'i dbang po bdag nyid kyis bden pa'i byin gyi rlabs bya'o/ /lha'i dbang po bden pa gang gis bdag</font><hr>36.197b<br><font size=+1>

bla na med pa yang dag par rdzogs pa'i byang chub las phyir mi ldog par de bzhin gshegs pa dgra bcom pa yang dag par rdzogs pa'i sangs rgyas rnams kyis lung bstan cing bdag gi lhag pa'i bsam pa g.yo med par mkhyen ce na/ bden pa de dang / bden pa'i tshig des/ bdag gi lus sngon gyi bzhin du gyur cig ces byas pa dang / skad cig thang cig yud tsam de nyid la/ sangs rgyas kyi mthu dang / lhag pa'i bsam pa yongs su dag pas byang chub sems dpa' sems dpa' chen po rtag tu ngu'i lus sngon gyi bzhin du gnas par gyur to/ /de nas lha'i dbang po brgya byin spobs pa med par gyur nas/ byang chub sems dpa' sems dpa' chen po rtag tu ngu la lan glan par spobs pa ma skyes nas/ de nyid du mi snang bar gyur to/ /de nas tshong dpon gyi bu mo des byang chub sems dpa' sems dpa' chen po rtag tu ngu la 'di skad ces smras so/ /rigs kyi bu tshur shog /kho mo'i khyim ga la ba der 'dong ngo / /kho mos pha ma las nor blangs te/ des shes rab kyi pha rol du phyin pa de'ang mchod par bya ba dang / byang chub sems dpa' sems dpa' chen po chos 'phags de la yang bkur sti bya ba sbyin no/ /de nas byang chub sems dpa' sems dpa' chen po rtag tu ngu dang / tshong dpon gyi bu mo de 'grogs nas/ de rang gi khyim ga la ba der 'dong ngo / /de nas tshong dpon gyi bu mo de bdag gi khyim du phyin nas/ pha ma la 'di skad ces smras so/ /yab yum gser dang / dngul dang rin po che dang / nor bu dang / me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dang / rol mo'i cha byad mang po dag stsol cig /bdag kyang khyed kyis stsal ba'i g.yog mo lnga brgya 'di dag dang lhan cig dgyer gsol/ /byang chub sems dpa' sems dpa' chen po rtag tu ngu dang / bdag cag 'grogs te/ byang chub sems dpa' sems dpa' chen po chos 'phags</font><hr>36.198a<br><font size=+1>

la mchod pa bgyi ba'i slad du mchi'o/ /de'ang bdag cag la chos ston par 'gyur ro/ /de nas bu mo de'i pha mas bu mo de la 'di skad ces smras so/ /bu mo byang chub sems dpa' sems dpa' chen po rtag tu ngu de su zhig /bu mo rigs kyi bu de da ltar gang na 'dug /bu mos smras pa/ rigs kyi bu de da ltar 'o skol gyi sgo drung na mchis te/ rigs kyi bu de ni lhag pa'i bsam pas bla na med pa yang dag par rdzogs pa'i byang chub tu yang dag par zhugs pa 'di lta ste/ sems can thams cad 'khor ba'i sdug bsngal dpag tu ma mchis pa las thar bar bgyi bar 'tshal bas/ de chos 'tshal ba'i slad du bdag nyid btsongs la/ shes rab kyi pha rol du phyin pa la mchod pa bgyi bar 'tshal/ byang chub sems dpa' sems dpa' chen po chos 'phags la bkur sti bgyi bar 'tshal na/ de'i lus nyo ba su yang ma byung ste/ de sdug bsngal zhing yid mi bde nas/ mi dga' bar sems shing mchis te/ des nga ni lus 'tshong bar 'dod na/ lus nyo ba ma rnyed do zhes bgyis pa dang / brgya byin bram ze'i khye'u'i gzugs su bsgyur te/ de la 'di skad du rigs kyi bu khyod gang gi phyir lus 'tshong bar 'dod ces bgyis pa dang / rtag tu ngu des shes rab kyi pha rol du phyin pa la mchod par bya ba dang / byang chub sems dpa' sems dpa' chen po chos 'phags de la yang bkur stir bya'o/ /nga'i sangs rgyas kyi chos rnams ni de la rag las pas/ 'di lta ste chos 'dod pa'i phyir ro zhes bgyis pa dang / brgya byin bram ze'i khye'u'i gzugs su bsgyur bas/ 'di skad ces smras so/ /khyod ni nga mi 'dod de/ nga mchod sbyin zhig byed pa der mi'i snying dang / khrag dang / rus pa dang / rkang dag dgos so zhes bgyis pa dang / rigs kyi bu des yi ma bsad par de la 'di skad du sbyin no zhes smras nas/ de mtshon rnon po thogs te bdag gi lag pa phug nas khrag gzags brla'i sha btogs te/ rus pa gcog tu song nas</font><hr>36.198b<br><font size=+1>

phyogs gcig tu 'dug ste/ rus pa dang / rkang sbyin no snyam nas de khrag gzags pa bdag khang pa'i yang thog na mchis pas mthong ste/ de la bdag 'di snyam du bgyid do/ /mi 'di ci'i slad du 'di lta bur bdag nyid la na tsha dag bgyid snyam ste/ de'i thad du mchis nas/ 'di skad bgyis so/ /rigs kyi bu 'di ltar bdag nyid kyis lus kyi khrag gzags pa 'dis ci zhig bya zhes bgyis pa dang / de bdag la 'di skad mchis te/ bram ze'i khye'u 'di la khrag dang / snying dang rus pa dang / rkang sbyin no/ /de ci'i phyir zhe na/ nga ni dbul te nga la nor gzhan ci yang med do zhes mchi'o/ /bdag gis khyod la nor gyis ci zhig bya zhes bgyis pa dang / de bdag la 'di skad du 'di lta ste/ chos 'dod pa'i phyir shes rab kyi pha rol du phyin pa la mchod par bya'o/ /byang chub sems dpa' sems dpa' chen po chos 'phags la yang bkur sti bya'o zhes mchis nas/ bdag gis de la 'di skad ces bgyis te/ rigs kyi bu des khyod la yon tan gyi rnam pa 'am khyad par ci zhig 'byung bar 'gyur/ de bdag la 'di skad du sangs rgyas kyi yon tan bsam gyis mi khyab pa dang / sangs rgyas kyi chos dpag tu med pa rnams rab tu ston par 'gyur ro/ /'di lta bu'i chos rnams de las 'byung bar 'gyur ro zhes mchi ste/ sangs rgyas kyi yon tan bsam gyis mi khyab pa de dag thos nas/ bdag kyang dga' ba dang / rab tu mgu ba chen po skyes nas/ 'di snyam bgyid de/ rigs kyi bu 'di ltar 'di lta bu'i gnas la spro bar bgyid pa ni shin du dka' ba bgyid pa ste ngo mtshar to/ /rigs kyi bu 'di ni chos 'dod pa'i phyir bdag nyid kyang yongs su gtong na/ bdag cag la longs spyod rgya chen po dag yod la/ ci'i phyir chos la mchod pa mi bgyi/ 'di lta bu'i gnas dag la smon lam ci'i phyir mi gdab snyam nas/ rigs kyi bu de la bdag gis 'di skad ces bgyis so/ /rigs kyi bu khyod bdag nyid la</font><hr>36.199a<br><font size=+1>

'di lta bu'i na tsha dag ma byed cig  /khyod 'dod pa gang gis 'phags pa byang chub sems dpa' sems dpa' chen po chos 'phags la bkur sti bya ba'i nor mang po de dag khyod la sbyin no/ /bdag kyang khyod nyid dang 'grogs te byang chub sems dpa' sems dpa' chen po chos 'phags ga la ba der mchi'o/ /bdag gis kyang rigs kyi bu de la mchod pa bgyi'o/ /gang khyod kyis yongs su brjod pa 'di lta ste/ sangs rgyas kyi chos bla na med pa dag bdag gis kyang thob par bgyi'o zhes bgyis shing mchis na/ yab yum gyis dkor gyi phung po chen po bdag la stsal du gsol/ bdag gis kyang rigs kyi bu de dang lhan cig tu byang chub sems dpa' sems dpa' chen po chos 'phags la mchod pa bgyi'o/ /'phags pa shes rab kyi pha rol du phyin pa khri brgyad stong pa/  bam po drug bcu pa ste tha ma/ de nas bu mo de'i pha mas bu mo de la 'di skad ces smras so/ /rigs kyi bu de'i dka' ba'i gnas dag khyod kyis bstan pa las na/ chos de dag ni gcig tu nges pa bsam gyis mi khyab pa/ 'jig rten thams cad las bye brag tu 'phags pa/ sems can thams cad bde ba thob par byed pa yin te/ rigs kyi bu de'i phyir de lta bu'i dka' ba'i gnas la spro bar byed na/ khyod nged kyis gnang gis/ bu mo nged kyang khyod dang lhan cig tu byang chub sems dpa' sems dpa' chen po chos 'phags blta zhing mchod du nged kyang 'gro/ nged 'gro ba'i skabs phye shig  /de nas bu mo de byang chub sems dpa' sems dpa' chen po chos 'phags la mchod pa bya ba dang / bkur sti bya ba'i phyir chas te/ pha ma la 'di skad ces smras so/ /bdag ni dge ba'i phyogs gang gi yang bar chad mi bgyid do/ /de nas tshong dpon gyi bu mo des shing rta lnga brgya yang rgyan gyis brgyan/ bu mo lnga brgya de dag kyang rgyan gyis brgyan to/ /rgyan gyis brgyan nas me tog kha dog sna tshogs thogs/ bdug pa dang / spos dang / me tog phreng dang / byug pa dang / </font><hr>36.199b<br><font size=+1>

phye ma dang / gos dang / gdugs dang / rgyal mtshan dang / ba dan dag thogs/ gser dang / dngul gyi me tog dag thogs/ rin po che sna tshogs rnam pa tha dad pa dag kyang thogs te/ bza' ba dang / bca' ba dang / myang ba mang po mang du bskur nas/ byang chub sems dpa' sems dpa' chen po rtag tu ngu dang / shing rta gcig tu zhugs te/ bu mo lnga brgya shing rta lnga brgya'i nang du zhugs pa/ de dag gis yongs su bskor cing / mdun du bdar nas/ pha ma la stsogs pa 'khor mang po dang / shar phyogs ga la ba de logs su dong ste mthar gyis song ba dang / byang chub sems dpa' sems dpa' chen po rtag tu ngus rgyang ring mo zhig nas grong khyer spos ldan rin po che sna bdun rnam par bkra ba/ blta na sdug pa las byas pa/ rin po che sna bdun gyi ra ba rim bdun gyis bskor ba/ rta babs bdun yod pa/ 'obs rim pa bdun dang / ta la'i phreng ba rim pa bdun gyis yongs su bskor ba/ chur dpag tshad bcu gnyis/ zheng du dpag tshad bcu gnyis yod pa/ 'byor cing rgyas pa/ bde ba lo legs pa/ mi dang skye bo mang pos gang ba/ grong bar dang srang mnyam zhing mtshungs pa/ lnga brgya dag gis ri mor bris pa bzhin du btams pa khyogs khri nyam mi nga ba dang / bar bar dag tu zam pa btags pa/ legs par byas pa mthong ngo / /de'i dbus kyi bzhi mdo na byang chub sems dpa' sems dpa' chen po chos 'phags chos kyi khri la 'dug nas/ 'khor brgya phrag du ma dang / stong phrag du ma dang / 'bum phrag du mas yongs su bskor cing mdun gyis bltas nas/ chos 'chad pa mthong ste/ mthong ma thag tu de dga' ba dang / bde ba thob pa 'di lta ste dper na/ dge slong bsam gtan dang po rtse gcig tu yid la byed pas snyoms par zhugs pa bzhin no/ /de mthong nas 'di snyam du sems te/ bdag shing rta'i nang du zhugs bzhin du byang chub sems dpa' sems dpa' chen po chos 'phags kyi drung du 'gro ba ni bdag gi mi cha'o snyam nas/ de nas shing rta de</font><hr>36.200a<br><font size=+1>

las babs pa dang tshong dpon gyi bu mo dang / bu mo lnga brgya de dag dang mnyam du shing rta de las babs so/ /de nas byang chub sems dpa' sems dpa' chen po rtag tu ngu tshong dpon gyi bu mo la stsogs pa bu mo lnga brgyas yongs su bskor cing / mdun du bdar te/ bkod pa tshad med pa dang / byang chub sems dpa' sems dpa' chen po chos 'phags ga la ba der dong ngo / /de'i tshe byang chub sems dpa' sems dpa' chen po chos 'phags kyis shes rab kyi pha rol tu phyin pa'i khang bu brtsegs pa/ rin po che sna bdun las byas pa tsan dan dmar pos brgyan cing / mu tig gi dra bas g.yogs pa zhig byed du bcug ste/ khang bu brtsegs pa de'i grwa bzhir/ nor bu rin po che bzhag par gyur te/ de dag sgron me'i bya ba byed do/ /bdug spos kyi snod dngul las byas pa bzhi yang phyogs bzhir btags te/ 'di lta ste shes rab kyi pha rol du phyin pa la mchod pa bya ba'i phyir/ a ga ru nag po 'ba' shig gis bdug par byed do/ /khang bu brtsegs pa de'i dbus su rin po che sna bdun gyi khri bzhi btsugs te/ de'i steng du rin po che'i sgrom bzhi bzhag nas de'i nang du shes rab kyi pha rol du phyin pa gser gyi glegs bam la bai dUr+ya bzhu bas bris pa bcug ste/ khang bu brtsegs pa de'ang dar gyi chun po sna tshogs rnam pa tha dad pa 'phyang bas brgyan to/ /de nas byang chub sems dpa' sems dpa' chen po rtag tu ngu / tshong dpon gyi bu mo la sogs te/ bu mo lnga brgya dang bcas pas khang bu brtsegs pa de/ bkod pa tshad med pas brgyan pa mthong / lha stong phrag du ma dag kyang mthong ste lha'i dbang po brgya byin yang lha'i me tog man dA ra ba dang / lha'i tsan dan gyi phye ma dang / lha'i gser phye dang / lha'i dngul sil ma dag gis khang bu brtsegs pa de la 'thor/ mngon par 'thor/ mngon par rab tu 'thor ba mthong ngo / /lha'i sil snyan dag kyang thos so mthong zhing thos nas/ byang chub sems dpa' sems dpa' chen po rtag tu ngus lha'i dbang po brgya byin</font><hr>36.200b<br><font size=+1>

la 'di skad ces smras so/ /lha'i dbang po khyod lha stong phrag du ma dag dang / rin po che'i khang pa brtsegs pa 'di la ci'i phyir me tog man dA ra ba dang / tsan dan gyi phye ma dag gis 'thor zhing mngon par 'thor/ mngon par rab tu 'thor/ lha'i sil snyan 'di dag kyang lha rnams bar snang las ci'i phyir brdung / de skad ces smras pa dang / lha'i dbang po brgya byin gyis byang chub sems dpa' sems dpa' chen po rtag tu ngu la 'di skad ces smras so/ /rigs kyi bu 'di ni shes rab kyi pha rol du phyin pa byang chub sems dpa' sems dpa' chen po rnams kyi yum dang / yongs su 'dren pa yin te/ 'di la bslabs pas byang chub sems dpa' sems dpa' chen po dag yon tan thams cad kyi pha rol du phyin pa dang / sangs rgyas kyi chos thams cad dang / thams cad mkhyen pa nyid kyang myur du thob par 'gyur ba yin na/ khyod mi shes sam/ de skad ces smras pa dang / byang chub sems dpa' sems dpa' chen po rtag tu ngus/ lha'i dbang po brgya byin la 'di skad ces smras so/ /kau shi ka shes rab kyi pha rol du phyin pa byang chub sems dpa' sems dpa' chen po rnams kyi yum dang / yongs su 'dren pa de gang na bzhugs/ brgya byin gyis smras pa/ de ni khang bu brtsegs pa 'di'i nang na gser gyi glegs bam la bai dUr+ya bzhu bas bris pa/ 'phags pa byang chub sems dpa' sems dpa' chen po chos 'phags kyis rgya bdun gyis btab nas bzhag ste/ nged kyis khyod la bstan par dka'o/ /de nas byang chub sems dpa' sems dpa' chen po rtag tu ngu / tshong dpon gyi bu mo la stsogs te/ bu mo lnga brgya dag dang tshogs nas/ de dag gis me tog dang / me tog phreng gi chun po dang / gos rin po che dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dang / gser dang / dngul gyi me tog ji snyed thogs te 'ongs pa de dag gis shes rab kyi pha rol du phyin pa la mchod pa byas te/ de dag las byang chub sems dpa' sems dpa' chen po chos 'phags</font><hr>36.201a<br><font size=+1>

la bkur sti bya ba'i phyir shas shas kyis bzhag go/ /de nas byang chub sems dpa' sems dpa' chen po rtag tu ngus/ me tog dang / bdug pa dang / spos dang / me tog phreng dang / byug pa dang / phye ma dang / na bza' dang / rgyal mtshan dang / ba dan la stsogs pas/ shes rab kyi pha rol du phyin pa la sngar mchod pa byas nas/ byang chub sems dpa' sems dpa' chen po chos 'phags ga la ba der song ste phyin nas/ chos la mchod pa nyid kyi phyir byang chub sems dpa' sems dpa' chen po chos 'phags la me tog dang / bdug pa dang / spos dang / me tog phreng dang / byug pa dang / phye ma dang / chos gos dang / gdugs dang / rgyal mtshan dang / ba dan dang / tsan dan gyi phye ma dang / gser dang / dngul gyi me tog dag gis gtor/ mngon par gtor/ mngon par rab tu gtor to/ /de nas me tog de dag byang chub sems dpa' sems dpa' chen po chos 'phags kyi spyi bo'i steng na/ me tog gi khang pa brtsegs pa zhig tu gyur to/ /gser dang / dngul gyi me tog dag nam mkha' la gzhal med khang 'dra bar 'dug par gyur to/ /chos gos dang / gos rin po che de dag kyang / rin po che sna tshogs kyi sprin gyi dkyil 'khor 'dra bar 'dug par gyur to/ /byang chub sems dpa' sems dpa' chen po rtag tu ngu dang / tshong dpon gyi bu mo la sogs pa bu mo lnga brgya de dag gis byang chub sems dpa' sems dpa' chen po chos 'phags kyi rdzu 'phrul gyi cho 'phrul de lta bu mthong nas/ de dag 'di snyam du sems te/ ngo mtshar to/ /byang chub sems dpa' sems dpa' chen po chos 'phags 'di/ 'di lta bur rdzu 'phrul che zhing 'di ltar mthu che 'di ltar gzi brjid che ste/ rigs kyi bu 'di byang chub sems dpa'i spyad pa spyod pa na yang / rdzu 'phrul rnam par sprul pa 'di 'dra na/ bla na med pa yang dag par rdzogs pa'i byang chub mngon par rdzogs par sangs rgyas pa ci 'dra bar 'gyur snyam mo/ /de nas tshong dpon gyi bu mo la sogs pa bu mo lnga brgya de dag gis byang chub sems</font><hr>36.201b<br><font size=+1>

dpa' sems dpa' chen po chos 'phags la dga' ba bskyed nas/ de dag thams cad kyis bla na med pa yang dag par rdzogs pa'i byang chub tu sems bskyed de/ 'di skad du dge ba'i rtsa ba 'dis bdag cag ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas su gyur cig /byang chub sems dpa'i spyad pa spyod pa na yang / byang chub sems dpa' sems dpa' chen po chos 'phags kyis/ chos gang thob par gyur pa 'di lta bu'i chos rnams thob par gyur cig /bdag cag byang chub sems dpa'i spyad pa spyod pa na yang / 'di lta bu'i chos rnams mngon sum du gyur cig /shes rab kyi pha rol du phyin pa la yang ji ltar byang chub sems dpa' sems dpa' chen po chos 'phags la bkur bsti byed pa 'di bzhin du shes rab kyi pha rol du phyin pa la bkur sti byed par shog shig /byang chub sems dpa' sems dpa' chen po chos 'phags ji ltar ston pa bzhin du bdag cag kyang skye bo mang po la ston par gyur cig /ji ltar byang chub sems dpa' sems dpa' chen po chos 'phags 'di shes rab kyi pha rol du phyin pa dang / thabs la mkhas pa dang ldan zhing yongs su rdzogs pa 'di bzhin du bdag cag kyang shes rab kyi pha rol du phyin pa dang thabs la mkhas pa dang ldan zhing yongs su rdzogs par shog shig ces smras so/ /de nas byang chub sems dpa' sems dpa' chen po rtag tu ngu dang / tshong dpon gyi bu mo la stsogs pa bu mo lnga brgya de dag gis shes rab kyi pha rol du phyin pa la mchod pa byas/ byang chub sems dpa' sems dpa' chen po chos 'phags la yang bkur bsti byas te/ byang chub sems dpa' sems dpa' chen po chos 'phags kyi rkang pa la mgo bos phyag 'tshal nas zhe sa byed cing thal mo sbyar te/ phyogs gcig tu 'dug go/ /phyogs gcig tu 'dug nas byang chub sems dpa' sems dpa' chen po chos 'phags la byang chub</font><hr>36.202a<br><font size=+1>

sems dpa' sems dpa' chen po rtag tu ngus 'di skad ces smras so/ /rigs kyi bu 'di la bdag shes rab kyi pha rol du phyin pa tshol zhing 'brog dgon par phyin pa na/ sgra thos pa rigs kyi bu shar phyogs su song shig dang / shes rab kyi pha rol du phyin pa thos par 'gyur ro zhes bdag gis sgra de thos nas/ shar phyogs ga la ba de logs su mchis nas/ 'di snyam du bsams te/ bdag gis sgra de la ji srid cig tu mchi bar bgyi/ su las shes rab kyi pha rol du phyin pa mnyan pa rnyed par 'gyur ba ma dris so/ /snyam ste/ des bdag yid mi bde zhing shin du gdung bar gyur nas/ sa phyogs de nyid du nyin mtshan bdun 'das te/ de ltar shin du gdung bas zas la sems pa ni ma byung gi /gzhan du na shes rab kyi pha rol du phyin pa 'ba' shig yid la bgyis te/ ji srid du mchi bar bgyi ba dang / shes rab kyi pha rol du phyin pa 'di su las mnyan pa rnyed par 'gyur ba sgra de la ma dris so snyam pa dang / de nas bdag gi mdun du de bzhin gshegs pa'i sku gzugs shig byung ste/ de 'di skad gsung ngo / /rigs kyi bu khyod 'di nas dpag tshad lnga brgyar song dang / grong khyer spos ldan zhes bya ba de na byang chub sems dpa' sems dpa' chen po chos 'phags shes rab kyi pha rol du phyin pa 'chad pa mthong bar 'gyur ro/ /zhes gsungs te/ de bzhin gshegs pa'i sku gzugs de las bdag gis 'di thos nas/ ji ltar gtams pa bzhin du shar phyogs ga la ba de na logs su zhugs te/ mchis pa dang / rgyang ring mo zhig nas 'phags pa chos ston pa mthong ste/ mthong ma thag tu bdag la bde ba 'di lta bu skyes pa/ dper na dge slong bsam gtan dang po la zhugs pa bzhin te/ bdag dga' ba dang rab tu dga' ba des khyab par gyur nas/ sa phyogs de nas ma skyod par khyod las shes rab kyi pha rol tu phyin pa thos so/ /de nyan pa na ting nge 'dzin gyi sgo mang po skyes par gyur to/ /bdag de na</font><hr>36.202b<br><font size=+1>

mchis pa na phyogs bcu'i 'jig rten gyi khams kyi sangs rgyas bcom ldan 'das rnams kyis dbugs dbyung ba mdzad de/ rigs kyi bu legs so legs so/ /khyod kyi ting nge 'dzin 'di dag ni shes rab kyi pha rol du phyin pa las skyes pa yin te/ 'di la gnas pas nged kyis kyang sangs rgyas kyi chos rnams yongs su rdzogs par byas so/ /zhes de bzhin gshegs pa de dag gis bdag la shin du legs par bstan/ yang dag par 'dzin du bcug /yang dag par gzeng stod/ yang dag par dga' bar mdzad nas mi snang bar gyur to/ /bdag kyang ting nge 'dzin de las langs nas 'di snyam du bsams te/ de bzhin gshegs pa de dag gang nas byon/ de bzhin gshegs pa de dag gang du bzhud snyam mo/ /de nas yang bdag gis 'di snyam du bsams te/ byang chub sems dpa' sems dpa' chen po 'phags pa chos 'phags ni/ sngon gyi rgyal ba la bgyi ba bgyis pa/ dge ba'i rtsa ba bskrun pa/ shes rab kyi pha rol du phyin pa dang thabs mkhas pa la shin du bslabs pa lags te/ de de bzhin gshegs pa de dag gang nas byon pa dang / de bzhin gshegs pa de dag gang du bzhud pa de bdag la ston par 'gyur ro snyam nas/ rigs kyi bu khyod la de bzhin gshegs pa de dag gang nas byon pa dang / de bzhin gshegs pa de dag gang du bzhud pa bdag zhu na/ ci nas bdag de bzhin gshegs pa de dag byon pa dang / bzhud pa 'tshal zhing / de bzhin gshegs pa mthong ba dang mi 'bral bar 'gyur bar de bzhin gshegs pa de dag byon pa dang / bzhud pa bdag la bshad du gsol/ shes rab kyi pha rol du phyin pa khri brgyad stong pa las/ rtag tu ngu'i le'u zhes bya ste/ brgyad bcu rtsa lnga pa'o// // de skad ces smras pa dang / byang chub sems dpa' sems dpa' chen po chos 'phags kyis/ byang chub sems dpa' sems dpa' chen po rtag tu ngu la 'di skad ces smras so/ /rigs</font><hr>36.203a<br><font size=+1>

kyi bu de bzhin gshegs pa dag ni gang nas kyang ma byon/ gang du yang ma bzhud de/ de bzhin nyid las ma g.yos so/ /de bzhin nyid gang yin pa de ni de bzhin gshegs pa'o/ /rigs kyi bu mi skye ba la 'ong ba 'am 'gro ba med de/ mi skye ba gang yin pa de ni de bzhin gshegs pa'o/ /rigs kyi bu yang dag pa'i mtha' la 'ong ba 'am 'gro ba med de/ yang dag pa'i mtha' gang yin pa de ni de bzhin gshegs pa'o/ /rigs kyi bu stong pa nyid la 'ong ba 'am 'gro ba med de/ stong pa nyid gang yin pa de ni de bzhin gshegs pa'o/ /rigs kyi bu ji lta ba bzhin la 'ong ba 'am 'gro ba med de/ ji lta ba bzhin gang yin pa de ni de bzhin gshegs pa'o/ /rigs kyi bu 'dod chags dang bral ba la 'ong ba 'am 'gro ba med de/ 'dod chags dang bral ba gang yin pa de ni de bzhin gshegs pa'o/ /rigs kyi bu 'gog pa la 'ong ba 'am 'gro ba med de/ 'gog pa gang yin pa de ni de bzhin gshegs pa'o/ /rigs kyi bu nam mkha'i khams la 'ong ba 'am 'gro ba med de/ nam mkha'i khams gang yin pa de ni de bzhin gshegs pa'o/ /rigs kyi bu chos de dag las de bzhin gshegs pa gud na med de/ rigs kyi bu chos 'di dag gi de bzhin nyid gang yin pa dang / de bzhin gshegs pa'i de bzhin nyid gang yin pa de ni de bzhin nyid gcig ste/ rigs kyi bu de bzhin nyid la gnyis su byar med do/ /rigs kyi bu de bzhin nyid gcig ste/ 'di lta ste/ med pa'i phyir gnyis sam gsum du bgrang ba las 'das pa'o/ /rigs kyi bu 'di lta ste/ dper na mi nyi mas gdungs pas sos ka'i zla ba tha ma la/ nyi ma gung gi dus la bab pa'i tshe/ smig rgyu g.yo ba mthong nas/ der chu btung ngo zhes de dang der rgyug na rigs kyi bu 'di ji snyam du sems/ chu de gang nas 'ongs/ gang du song chu de shar phyogs kyi rgya mtsho 'am/ lho phyogs kyi rgya mtsho 'am/ nub phyogs kyi rgya mtsho 'am/ byang phyogs kyi rgya mtsho gang du song / rtag tu ngus smras pa/ rigs kyi bu smig rgyu la chu ma mchis na 'ong ba 'am 'gro ba lta ga la mchis te/ rigs kyi bu mi nyi mas gdungs shing byis pa'i</font><hr>36.203b<br><font size=+1>

rang bzhin can/ shes rab 'chal pa'i rang bzhin can gyis/ smig rgyu mthong nas/ chu ma mchis pa la chur 'du shes bskyed kyi/ de la chu ni rang bzhin gyis ma mchis so/ /chos 'phags kyis smras pa/ rigs kyi bu de de bzhin no/ /de de bzhin te/ de bzhin du rigs kyi bu gang su dag de bzhin gshegs pa la gzugs sam/ sgrar mngon par zhen par byed pa de dag ni de bzhin gshegs pa la byon pa 'am/ bzhud par rtog go/ /gang de bzhin gshegs pa la byon pa 'am bzhud par rtog pa de dag thams cad ni byis pa'i rang bzhin can shes rab 'chal pa'i rang bzhin can zhes bya ste/ dper na mi de chu med pa la chur 'du shes skyed pa bzhin no/ /de ci'i phyir zhe na/ de bzhin gshegs pa ni gzugs kyi skur mi blta ste/ de bzhin gshegs pa ni chos kyi sku'o/ /rigs kyi bu chos nyid ni 'ong ba 'am 'gro ba med de/ rigs kyi bu de bzhin du de bzhin gshegs pa rnams la byon pa 'am/ bzhud pa med do/ /rigs kyi bu 'di lta ste dper na/ sgyu ma sprul pa'i glang po che'i tshogs sam/ rta pa'i tshogs sam shing rta'i tshogs sam/ dpung bu chung gi tshogs la/ 'ong ba 'am 'gro ba med do/ /rigs kyi bu de bzhin du de bzhin gshegs pa'i sku la 'ang byon pa 'am bzhud pa med do/ /rigs kyi bu 'di lta ste dper na skyes bu gnyid kyis log pa'i rmi lam du/ de bzhin gshegs pa gcig gam/ gnyis sam/ gsum 'am bzhi 'am/ lnga 'am/ bcu 'am/ nyi shu 'am/ sum bcu 'am/ bzhi bcu 'am/ lnga bcu 'am/ de las lhag pa zhig mthong ba las sad pa dang / de bzhin gshegs pa gcig kyang ma mthong na/ rigs kyi bu 'di ji snyam du sems/ de bzhin gshegs pa de dag gang nas byon/ gang du bzhud/ rtag tu ngus smras pa/ rigs kyi bu rmi lam la chos gang yang grub pa mi gda'o/ /rmi lam ni brdzun te yang dag pa ma lags pa'o/ /chos 'phags kyis smras pa/ rigs kyi bu de de bzhin te/ chos thams cad ni de bzhin gshegs pas rmi lam lta bu'o zhes gsungs so/ /rigs kyi bu gang su dag de bzhin gshegs pas chos thams cad rmi lam lta bur yang dag pa ji lta ba bzhin</font><hr>36.204a<br><font size=+1>

du bstan pa mi shes pa de dag ni ming mtshan gyi sku dang / gzugs kyi skur mngon par zhen par byed de/ de ltar chos nyid mi shes pas de bzhin gshegs pa la byon pa dang / bzhud par rtog go/ /gang dag de bzhin gshegs pa la byon pa dang / bzhud par 'dod pa'i byis pa so so'i skye bo de dag thams cad ni 'khor ba 'gro ba drug por dong ba 'dod pa 'dod par 'gyur ba'o/ /de dag thams cad ni shes rab kyi pha rol tu phyin pa las rgyang ring du gyur pa'o/ /de dag thams cad ni sangs rgyas kyi chos las rgyang ring du gyur pa'o/ /yang rigs kyi bu gang dag chos thams cad rmi lam lta bu la de bzhin gshegs pas chos thams cad rmi lam lta bu'o zhes yang dag pa ji lta ba bzhin du bstan pa shes pa de dag ni chos gang la yang 'ong ba 'am/ 'gro ba 'am skye ba 'am 'gag par mi rtog go/ /gang dag chos gang la yang 'ong ba 'am 'gro ba 'am skye ba 'am 'gag par mi rtog pa de dag ni de bzhin gshegs pa'i chos nyid du rab tu shes so/ /de bzhin gshegs pa chos nyid du rab tu shes pa de dag ni de bzhin gshegs pa la byon pa 'am bzhud par mi rtog go gang dag de bzhin gshegs pa'i chos nyid de lta bu rab tu shes pa de dag ni bla na med pa yang dag par rdzogs pa'i byang chub la nye bar gyur pa ste/ shes rab kyi pha rol tu phyin pa la spyod pa'o/ /bcom ldan 'das kyis nyan thos de dag ni yul 'khor gyi bsod snyoms don yod par za ste/ de dang de dag ni 'jig rten gyi sbyin gnas so/ /rigs kyi bu 'di lta ste dper na/ rgya mtsho chen po'i nang na rin po che dag yod pa ni shar phyogs nas kyang ma 'ongs/ lho dang nub dang / byang dang / phyogs mtshams dang / steng dang / 'og dang / phyogs bcu gang nas kyang ma 'ongs mod kyi/ sems can de dag gi dge ba'i rtsa ba la brten nas/ rgya mtsho chen po'i nang nas rin po che dag 'byung ste/ de dag kyang rgyu med par 'byung ba ma yin gyi/ rgyu dang rkyen dang / gzhi las rag las</font><hr>36.204b<br><font size=+1>

pa yin te/ brten nas byung ngo / /rin po che de dag 'gag pa yang phyogs bcu'i 'jig rten gang tu yang mi 'pho mod kyi/ rkyen de dag yod na/ rin po che de dag rab tu 'byed do/ /rkyen de dag med na rin po che de dag rab tu dbye ba yang med par 'gyur ro/ /rigs kyi bu de bzhin du de bzhin gshegs pa de dag gi sku mngon par grub pa yang gang nas kyang ma byon/ phyogs bcu'i 'jig rten gang du yang ma bzhud do/ /sangs rgyas bcom ldan 'das de dag gi sku rgyu med pa yang ma yin te/ sngon gyi spyad pas yongs su grub pa yin pas/ rgyu dang rkyen la rag las pa sngon gyi phrin las rnam par smin pa'i rgyu las byung ba yin no/ /de dag kyang rkyen rnams yod na/ sku mngon par 'grub par 'gyur te/ rkyen de dag med na sku mngon par 'grub pa yang mi snang ngo / /rigs kyi bu 'di lta ste dper na/ pi bang gi sgra byung ba yang gang nas kyang ma 'ongs/ 'gags pa na yang gang tu yang mi 'gro/ gang tu yang mi 'pho ste/ brten nas 'byung ba rgyu la rag las rkyen la rag las pa'o/ /'di lta ste pi bang gi khog pa la brten/ pags pa la brten/ rgyud la brten/ shing bu la brten/ rgyud rten la brten/ mi de las skyes pa'i rtsol ba la brten nas/ pi bang de las sgra 'byung ste/ sgra de yang pi bang gi khog pa las ma byung / pags pa las ma byung / rgyud las ma byung / shing bu las ma byung / rgyud rten las ma byung / mi de las skyes pa'i rtsol ba las sgra ma byung mod kyi/ de dag thams cad 'dus pa las kyang sgrar grag la/ sgra de 'gags pa yang gang du yang mi 'gro ba de bzhin du/ rigs kyi bu sangs rgyas bcom ldan 'das rnams kyi sku yongs su 'grub pa yang rgyu la rag las pa/ rkyen la rag las pa/ dge ba'i rtsa ba du mas yongs su grub pa yin te/ rgyu gcig gis ma yin/ rkyen gcig gis ma yin/ dge ba'i rtsa ba gcig gis sangs rgyas kyi sku rab tu dbye ba ma yin te/ rgyu med pa yang ma yin no/ /rgyu dang rkyen mang po tshogs pa las byung ba yin te/ </font><hr>36.205a<br><font size=+1>

de ni gang nas kyang ma byon/ rgyu dang rkyen tshogs pa med kyang gang du yang mi bzhud de/ rigs kyi bu khyod kyis de bzhin gshegs pa de dag byon pa dang bzhud pa de ltar blta'o/ /rigs kyi bu chos thams cad kyis chos nyid kyang khyod kyis 'di bzhin du khong du chud par gyis shig /rigs kyi bu khyod gang tshun cad de ltar de bzhin gshegs pa dang / chos thams cad skye ba med pa dang / 'gag pa med par shes pa de tshun cad khyod bla na med pa yang dag par rdzogs pa'i byang chub tu nges shing / shes rab kyi pha rol tu phyin pa dang / thabs mkhas pa la nges par spyod par 'gyur ro/ /de bzhin gshegs pa byon pa dang / bzhud pa med pa 'di bshad pa'i tshe/ sa g.yo ba chen po byung ste/ stong gsum gyi stong chen po'i 'jig rten gyi khams 'di thams cad rnam pa drug tu g.yos pa 'di lta ste/ g.yos rab tu g.yos/ kun du rab tu g.yos/ 'gul rab tu 'gul/ kun du rab tu 'gul te/ bdud kyi gnas thams cad kyang dkrogs shing spa bkong bar gyur to/ /stong gsum gyi stong chen po'i 'jig rten gyi khams na/ rtswa dang / shing gel pa dang / nags tshal ji snyed yod pa de dag thams cad byang chub sems dpa' sems dpa' chen po chos 'phags ga la ba de logs su rab tu 'dud par gyur to/ /dus ma yin pa'i me tog dag kyang steng gi bar snang las 'thor zhing / me tog gi char dag kyang bab bo/ /lha'i dbang po brgya byin dang / rgyal po chen po bzhi dag kyang / byang chub sems dpa' sems dpa' chen po rtag tu ngu la/ lha'i tsan dan gyi phye ma dang / lha'i me tog dag gis 'thor mngon par 'thor mngon par rab tu 'thor zhing tshig 'di skad ces/ rigs kyi bu khyod kyi mthus deng bdag cag gis kyang / don dam pa las byung ba'i gtam 'jig rten thams cad dang mi mthun pa gang 'jig tshogs la gnas pa thams cad kyis ma yin pa bstan pa thos so zhes 'dzer to/ /de nas byang chub sems dpa'</font><hr>36.205b<br><font size=+1>

sems dpa' chen po chos 'phags la byang chub sems dpa' sems dpa' chen po rtag tu ngus 'di skad ces smras so/ /rigs kyi bu sa g.yos pa chen po byung ba 'di rgyu gang lags/ rkyen gang lags/ chos 'phags kyis smras pa/ rigs kyi bu de bzhin gshegs pa rnams mi byon mi bzhud pa 'di khyod kyis dris te/ kho bos bstan pas srog chags brgyad stong mi skye ba'i chos la bzod pa thob par gyur pa dang / khrag khrig phrag brgyad bcu bla na med pa yang dag par rdzogs pa'i byang chub tu sems skyes pa dang / srog chags drug khri bzhi stong chos rnams la chos kyi mig rdul med cing dri ma dang bral ba rnam par dag par gyur pa'i phyir ro/ /de nas byang chub sems dpa' sems dpa' chen po rtag tu ngu dga' ba dang / rangs pa rgya chen po dang ldan par gyur te/ bdag gis shes rab kyi pha rol du phyin pa dang / de bzhin gshegs pa rnams byon pa dang bzhud pa med pa bstan pa 'di dris pas/ sems can 'di snyed kyi don byas par gyur pa ni bdag gis rnyed pa legs pa rnyed do/ /'di nyid kyis bdag bla na med pa yang dag par rdzogs pa'i byang chub 'grub par bya ba'i dge ba'i rtsa ba mchog gis bla na med pa yang dag par rdzogs pa'i byang chub la phyir the tshom mi bya'o/ /bdag ni the tshom med par de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam pa dang / de dga' ba dang / rangs pa de dang ldan pas ta la bdun tsam du nam mkha' la 'phags nas/ ta la bdun tsam na 'dug ste/ bdag nam mkha' la 'dug nas byang chub sems dpa' sems dpa' chen po chos 'phags la bkur sti bya'o snyam du sems so/ /de nas lha'i dbang po brgya byin gyis byang chub sems dpa' sems dpa' chen po rtag tu ngu mngon par 'phags pa mthong nas/ de'i sems sems kyis shes nas de la lha'i me tog man dA ra dag byin te/ 'di skad du rigs kyi bu me tog 'di dag gis byang chub sems dpa' sems dpa' chen po chos</font><hr>36.206a<br><font size=+1>

'phags la bkur sti gyis shig /'di ni ngas khyod yongs su bzung ba yin te/ rigs kyi bu khyod kyi mthus srog chags stong phrag mang po'i don byas te/ rigs kyi bu gang sems can thams cad kyi phyir ji ltar khyod spro bar byed pa de lta bur bskal pa grangs med dpag tu med par spro bar byed pa'i sems can de dag ni rnyed par dka'o zhes smras so/ /de nas byang chub sems dpa' sems dpa' chen po rtag tu ngus/ lha'i dbang po brgya byin las me tog de dag blangs de byang chub sems dpa' sems dpa' chen po chos 'phags la gtor mngon par gtor/ mngon par rab tu gtor nas bdag gi lus kyis byang chub sems dpa' sems dpa' chen po chos 'phags la mngon par bkab ste tshig 'di skad ces smras so/ /rigs kyi bu deng slan chad khyod kyi rim gro dang / zhabs 'bring bgyi ba'i slad du bdag gi lus khyod la 'bul lo/ /des bdag gi lus phul nas/ byang chub sems dpa' sems dpa' chen po chos 'phags kyi mdun du thal mo sbyar te 'dug go/ /de nas tshong dpon gyi bu mo de dang / 'khor lnga brgya de dag gis byang chub sems dpa' sems dpa' chen po rtag tu ngu la 'di skad ces smras so/ /rigs kyi bu bdag cag kyang khyod la lus dbul gyis bdag cag kyang dge ba'i rtsa ba 'dis chos de dag thob par gyur cig /khyod nyid dang lhan cig tu sangs rgyas rnams dang / byang chub sems dpa' rnams la bkur stir bgyi/ de dag dang nye bar gyur par bgyi'o/ /de nas byang chub sems dpa' sems dpa' chen po rtag tu ngus tshong dpon gyi bu mo la stsogs pa lnga brgya la 'di skad ces smras so/ /bu mo dag khyed kho bo la lhag pa'i bsam pas gnas par byed na kho bo la lhag pa'i bsam pas bdag nyid byin cig dang bu mo khyod kho bos blang ngo / /bu mo de dag gis smras pa/ khyod la lhag ba'i bsam pa thag pa nas khyod kyis rjes su 'thun par 'jug go/ /khyod la lhag pa'i bsam pas ci 'dod pa bya bar bdag nyid 'bul lo/ /de nas byang chub sems dpa' sems dpa' chen po rtag tu ngus</font><hr>36.206b<br><font size=+1>

tshong dpon gyi bu mo la sogs pa bu mo lnga brgya de dag rgyan thams cad kyis brgyan te/ shing rta lnga brgya yang brgyan nas/ de thams cad byang chub sems dpa' sems dpa' chen po chos 'phags la phul te/ rigs kyi bu bdag ni 'khor 'di dag dang / shing rta lnga brgya 'di dag kyang yongs su longs spyad pa'i phyir khyod la 'bul lo/ /de nas lha'i dbang po brgya byin gyis rigs kyi bu de la legs so zhes bya ba byin te/ rigs kyi bu legs so legs so/ /de ltar byang chub sems dpa' sems dpa' chen po dag gis bdog pa thams cad yongs su gtang bar bya'o/ /yongs su gtong ba'i sems de lta bus myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /de ltar na chos smra ba dag la mchod pa byas nas/ shes rab kyi pha rol tu phyin pa dang thabs la mkhas pa nyan nus te/ sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis kyang sngon byang chub sems dpa'i spyad pa spyod pa na/ 'di lta bu'i gtong ba la gnas nas/ bla na med pa yang dag par rdzogs pa'i byang chub yang dag par bsgrubs te/ shes rab kyi pha rol tu phyin pa dang thabs la mkhas pa yongs su dris so/ /de nas byang chub sems dpa' sems dpa' chen po chos 'phags kyis tshong dpon gyi bu mo la stsogs pa bu mo lnga brgya po de dag dang / shing rta lnga brgya de dag byang chub sems dpa' sems dpa' chen po rtag tu ngu'i dge ba'i rtsa ba yongs su bskang ba'i phyir blangs te/ blangs nas rigs kyi bu rtag tu ngu la byin no/ /de nas byang chub sems dpa' sems dpa' chen po chos 'phags stan las langs te/ bdag gi khyim du zhugs pa dang / nyi ma nub par gyur nas/ de nas byang chub sems dpa' sems dpa' chen po rtag tu ngu 'di snyam du sems par gyur te/ 'di ltar bdag chos 'dod pa'i phyir 'ongs la 'dug pa 'am nyal bar byed pa ni/ bdag gi mi cha la/ 'di ni ma legs</font><hr>36.207a<br><font size=+1>

kyis/ byang chub sems dpa' sems dpa' chen po chos 'phags 'di lta ste/ chos ston tu phyir ma byung gi bar du/ bdag 'greng ba 'am/ 'chag pa'i spyod lam gnyis kyis gnas par bya'o snyam mo/ /de nas byang chub sems dpa' sems dpa' chen po chos 'phags lo bdun gyi bar du ting nge 'dzin cig la snyoms par zhugs par gyur cing / byang chub sems dpa'i ting nge 'dzin grangs med dpag tu med pa dag dang / shes rab kyi pha rol tu phyin pa dang / thabs mkhas pa las byung ba la gnas par gyur te/ byang chub sems dpa' sems dpa' chen po rtag tu ngu yang lo bdun gyi bar du 'dod pa'i rtog pa ma byung / gnod sems kyi rtog pa ma byung / rnam par 'tshe ba'i rtog pa ma byung / bro la brkam pa ma skyes te/ gzhan du na byang chub sems dpa' sems dpa' chen po chos 'phags nam ldang bar 'gyur bdag cag kyang byang chub sems dpa' sems dpa' chen po chos 'phags kyi chos kyi khri gang la rigs kyi bu de 'dug nas/ chos ston par 'gyur ba'i chos kyi khri bshams na/ bdag gis sa phyogs 'di chag chag btab kyis legs par byugs la/ me tog sna tshogs gtor te/ sa phyogs gang du byang chub sems dpa' sems dpa' chen po chos 'phags shes rab kyi pha rol tu phyin pa dang thabs la mkhas pa rab tu ston par 'gyur ba der legs par byugs par bya'o/ /snyam mo/ /tshong dpon gyi bu mo la sogs pa bu mo lnga brgya de dag kyang byang chub sems dpa' sems dpa' chen po rtag tu ngu'i rjes su slob cing / spyod lam gnyis kyis dus 'das par byed de/ bya ba thams cad kyang de'i rjes su 'jug go/ /de nas byang chub sems dpa' sems dpa' chen po rtag tu ngus lha'i sgra thos te/ byang chub sems dpa' sems dpa' chen po chos 'phags zhag bdun na ting nge 'dzin 'di las ldang ste/ langs nas grong khyer gyi dbus su 'jug ste/ chos ston par 'gyur ro zhes grag nas/ </font><hr>36.207b<br><font size=+1>

byang chub sems dpa' sems dpa' chen po rtag tu ngu lha'i sgra de thos pa dang / dga' mgu yid rangs rab tu mgu zhing dga' ba dang / yid bde ba skyes te/ tshong dpon gyi bu mo la sogs pa bu mo lnga brgya dang sa phyogs de phyags nas chos kyi khri rin po che thams cad kyis spras pa bshams so/ /de nas bu mo de dag gis rang rang gi bla gos phud de/ stan gang la byang chub sems dpa' sems dpa' chen po chos 'phags 'dug nas/ chos ston par 'gyur ba der bting ngo / /de nas byang chub sems dpa' sems dpa' chen po rtag tu ngus phyogs der chags chags gdab par 'dod na/ bdud sdig can gyis chu thams cad mi snang bar byas nas/ ci nas byang chub sems dpa' sems dpa' chen po rtag tu ngu chu ma rnyed nas yid mi dga' zhing / sems sdug bsngal te/ sems gzhan du 'gyur ba dang / dge ba'i rtsa ba nub par 'gyur ba dang / mchod pa de yang mi mdzes par bya ba'i phyir chu de dag mi snang bar byas nas/ kun du chu btsal na chu ma rnyed do/ /de nas byang chub sems dpa' sems dpa' chen po rtag tu ngu 'di snyam du sems te/ bdag gi lus phug la khrag gis sa phyogs 'di chag chag gdab bo/ /de ci'i phyir zhe na/ sa phyogs 'di ni rdul che ste/ rdul gyi khams 'di nas byung bas/ byang chub sems dpa' sems dpa' chen po chos 'phags kyi lus la phog na mi rung na/ bdag gi lus gdon mi za bar 'jig pa 'dis ci zhig bya/ bdag gi lus 'di lta bu'i bya ba la zhig pa ni bla'i nus pa med pa'i bya ba la 'dod pa'i phyir 'dod pa'i gzhis 'khod pa dag na/ bdag gi lus brgya stong mang po de lta bu'i gnas su zhig pa ni cir yang ma rung ngo snyam mo/ /de nas byang chub sems dpa' sems dpa' chen po rtag tu ngus/ mtshon rnon po blangs te/ bdag gi lus la kun du phug nas/ rang gi khrag gis sa phyogs de kho ra khor yug tu chag chag btab bo/ /byang chub sems dpa' sems dpa' chen po rtag tu ngu'i rjes su slob pa/ tshong dpon</font><hr>36.208a<br><font size=+1>

gyi bu mo la sogs pa bu mo lnga brgya de dag thams cad kyis kyang mtshon rnon po blangs te/ rang rang gi lus phug nas/ rang rang gi khrag gis sa phyogs de chag chag btab ste/ gang de dag la bdud sdig can gyis dge ba'i phyogs kyi bar chad bya ba'i glag rnyed par ma gyur par byang chub sems dpa' sems dpa' chen po rtag tu ngu dang bu mo de dag sems gzhan du gyur pa med do/ /de nas lha'i dbang po brgya byin 'di snyam du/ byang chub sems dpa' sems dpa' chen po rtag tu ngu 'di 'di 'di ltar chos 'dod pa dang / 'di ltar yi dam la brtan pa dang / 'di ltar go cha chen po bgos pa dang / lus dang srog dang / longs spyod rnams la mi lta ba dang / bla na med pa yang dag par rdzogs pa'i byang chub thob par bya ba'i phyir 'di lta ste/ bla na med pa yang dag par rdzogs pa'i byang chub mngon par rdzogs par sangs rgyas nas/ 'khor ba'i sdug bsngal dpag tu med pa las/ sems can thar bar bya'o snyam du lhag pa'i bsam pa la zhugs pa ni ngo mtshar to snyam du sems so/ /de nas lha'i dbang po brgya byin gyis khrag de dag thams cad lha'i tsan dan gyi chur byin gyis brlabs te/ lha'i tsan dan gyi chu de'i dri dam pa rgya che ba bsam gyis mi khyab pas sa phyogs de kho ra khor yug tu dpag tshad lnga brgya tshang bar dris khyab bo/ /de nas lha'i dbang po brgya byin gyis/ byang chub sems dpa' sems dpa' chen po rtag tu ngu la 'di skad ces smras so/ /rigs kyi bu legs so legs so/ /khyod kyi brtson 'grus bsam gyis mi khyab bo/ /khyod kyi chos 'dod pa dang / chos yongs su tshol ba bla na med do/ /rigs kyi bu sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis kyang lhag pa'i bsam pa 'di lta bu dang / brtson 'grus 'di lta bu dang / chos 'dod pa 'di lta bus bla na med pa yang dag par rdzogs pa'i byang chub yang dag par bsgrubs so/ /de nas byang chub sems dpa' sems dpa' chen po rtag tu ngu 'di snyam du sems te/ bdag gis byang chub sems dpa' sems dpa' chen po chos 'phags</font><hr>36.208b<br><font size=+1>

kyi chos kyi stan ni bting / sa phyogs 'di phyag dar ni byas/ chag chag ni btab na/ bdag gis me tog gang dag gis sa phyogs 'dir gtor bar bya ba dang / byang chub sems dpa' sems dpa' chen po chos 'phags chos 'chad pa la gtor bar bya ba'i me tog de dag gang nas rnyed par 'gyur snyam du sems so/ /de nas lha'i dbang po brgya byin gyis byang chub sems dpa' sems dpa' chen po rtag tu ngu la 'di skad ces smras so/ /rigs kyi bu lha'i me tog man dA ra ba 'di dag long la khyod kyis sa phyogs 'di dag tu me tog bkram pa gyis shig /byang chub sems dpa' sems dpa' chen po chos 'phags chos ston cing seng ge'i khri la 'dug pa la yang gtor cig ces des de la lha'i me tog man dA ra ba khal stong byin no/ /de nas byang chub sems dpa' sems dpa' chen po rtag tu ngus me tog de dag blangs te/ me tog kha cig gis ni sa phyogs der me tog dgram pa byas so/ /me tog kha cig gis ni byang chub sems dpa' sems dpa' chen po chos 'phags la gtor to/ /de nas byang chub sems dpa' sems dpa' chen po chos 'phags lo bdun 'das pa dang / ting nge 'dzin de las langs te/ chos kyi stan gang na yod pa der 'ongs nas/ stan bting ba la 'dug te/ 'khor brgya stong phrag du mas yongs su bskor cing / mdun gyis bltas nas shes rab kyi pha rol tu phyin pa ston to/ /de nas byang chub sems dpa' sems dpa' chen po rtag tu ngus/ byang chub sems dpa' sems dpa' chen po chos 'phags mthong ma thag tu/ 'di lta ste dper na bsam gtan dang po la snyoms par zhugs pa'i dge slong rtse gcig tu yid la byed pa bzhin du bde ba de lta bu thob bo/ /de nas byang chub sems dpa' sems dpa' chen po chos 'phags shes rab kyi pha rol tu phyin pa ston pa ni 'di lta ste/ chos thams cad mnyam pa nyid pas shes rab kyi pha rol tu phyin pa mnyam pa nyid do/ /chos thams cad dben pa nyid pas shes rab kyi pha rol tu phyin pa dben pa nyid do/ /chos</font><hr>36.209a<br><font size=+1>

thams cad g.yo ba med pa nyid pas shes rab kyi pha rol tu phyin pa g.yo ba med pa nyid do/ /chos thams cad rlom sems med pa nyid pas shes rab kyi pha rol tu phyin pa rlom sems med pa nyid do/ /chos thams cad khengs pa med pa nyid pas shes rab kyi pha rol du phyin pa khengs pa med pa nyid do/ /chos thams cad ro gcig pa nyid pas shes rab kyi pha rol tu phyin pa ro gcig pa nyid do/ /chos thams cad mu med pa nyid pas shes rab kyi pha rol tu phyin pa mu med pa nyid do/ /chos thams cad skye ba med pa nyid pas shes rab kyi pha rol du phyin pa skye ba med pa nyid do/ /chos thams cad 'gag pa med pa nyid pas shes rab kyi pha rol du phyin pa 'gag pa med pa nyid do/ /nam mkha' mu med pa nyid pas shes rab kyi pha rol tu phyin pa mu med pa nyid do/ /rgya mtsho mu med pa nyid pas shes rab kyi pha rol tu phyin pa mu med pa nyid do/ /ri rab sna tshogs nyid yin pas shes rab kyi pha rol tu phyin pa sna tshogs pa nyid do/ /nam mkha' rtog pa med pa nyid pas shes rab kyi pha rol tu phyin pa rtog pa med pa nyid do/ /gzugs mu med pa nyid pas shes rab kyi pha rol tu phyin pa mu med pa nyid do/ /de bzhin du tshor ba dang / 'du shes dang / 'du byed rnams dang / rnam par shes pa mu med pa nyid pas shes rab kyi pha rol tu phyin pa mu med pa nyid do/ /sa'i khams mu med pa nyid pas shes rab kyi pha rol tu phyin pa mu med pa nyid do/ /chu'i khams dang / me'i khams dang / rlung gi khams mu med pa nyid pas shes rab kyi pha rol tu phyin pa mu med pa nyid do/ /nam mkha'i khams mu med pa nyid pas shes rab kyi pha rol tu phyin pa mu med pa nyid do/ /rdo rje lta bu'i chos mnyam pa nyid pas shes rab kyi pha rol tu phyin pa mnyam pa nyid do/ /chos thams cad ma 'dres pa nyid pas shes rab kyi pha rol tu phyin pa ma 'dres pa nyid do/ /chos thams cad dmigs su med pa nyid pas/ shes rab kyi pha rol tu phyin pa dmigs su med pa nyid do/ /chos thams cad rnam par 'jig pa mnyam pa nyid pas shes rab kyi pha rol tu phyin pa rnam par 'jig pa mnyam pa</font><hr>36.209b<br><font size=+1>

nyid do/ /chos thams cad byed pa med pa nyid pas shes rab kyi pha rol tu phyin pa byed pa med pa nyid do/ /chos thams cad bsam gyis mi khyab pa nyid pas shes rab kyi pha rol tu phyin pa bsam gyis mi khyab pa nyid du rig par bya'o/ /de nas byang chub sems dpa' sems dpa' chen po rtag tu ngu / de ltar 'dug bzhin du de'i tshe/ chos thams cad mnyam pa nyid ces bya ba'i ting nge 'dzin skyes par gyur to/ /chos thams cad dben zhes bya ba'i ting nge 'dzin dang / chos thams cad g.yo ba med pa zhes bya ba'i ting nge 'dzin dang / chos thams cad rlom sems med pa zhes bya ba'i ting nge 'dzin dang / chos thams cad khengs pa med pa zhes bya ba'i ting nge 'dzin dang / chos thams cad ro gcig pa zhes bya ba'i ting nge 'dzin dang / chos thams cad mu med pa zhes bya ba'i ting nge 'dzin dang / chos thams cad skye ba med pa zhes bya ba'i ting nge 'dzin dang / chos thams cad 'gag pa med pa zhes bya ba'i ting nge 'dzin dang / chos thams cad nam mkha' mu med pa zhes bya ba'i ting nge 'dzin dang / rgya mtsho mu med pa zhes bya ba'i ting nge 'dzin dang / ri rab sna tshogs zhes bya ba'i ting nge 'dzin dang / nam mkha' rtog pa med pa zhes bya ba'i ting nge 'dzin dang / gzugs mu med pa zhes bya ba'i ting nge 'dzin dang / tshor ba dang / 'du shes dang / 'du byed rnams dang / rnam par shes pa mu med pa zhes bya ba'i ting nge 'dzin dang / sa'i khams mu med pa zhes bya ba'i ting nge 'dzin dang / chu'i khams dang / me'i khams dang / rlung gi khams mu med pa zhes bya ba'i ting nge 'dzin dang / nam mkha'i khams mu med pa zhes bya ba'i ting nge 'dzin dang / rdo rje lta bu zhes bya ba'i ting nge 'dzin dang / chos thams cad ma 'dres pa zhes bya ba'i ting nge 'dzin dang / chos thams cad kyi rang bzhin dmigs su med pa zhes bya ba'i ting nge 'dzin dang / chos thams cad rnam par 'jig pa mnyam pa nyid ces bya ba'i ting nge 'dzin dang / chos thams cad byed</font><hr>36.210a<br><font size=+1>

pa med pa zhes bya ba'i ting nge 'dzin dang / chos thams cad bsam gyis mi khyab ces bya ba'i ting nge 'dzin thob par gyur te/ byang chub sems dpa' sems dpa' chen po rtag tu ngus de la stsogs pa ting nge 'dzin gyi sgo 'bum phrag drug bcu thob par gyur to/ /shes rab kyi pha rol tu phyin pa khri brgyad stong pa las/ chos 'phags kyi le'u zhes bya ste/ brgyad bcu rtsa drug pa'o//       // rab 'byor byang chub sems dpa' sems dpa' chen po rtag tu ngus ting nge 'dzin gyi sgo 'bum phrag drug bcu thob ma thag tu/ shar phyogs dang / lho phyogs dang / nub phyogs dang / byang phyogs dang / phyogs 'tshams dang / 'og dang / steng gi phyogs dang / phyogs bcu'i 'jig rten gyi khams gang ga'i klung gi bye ma snyed dag na/ sangs rgyas bcom ldan 'das gang gA'i klung gi bye ma snyed dag dge slong gi dge 'dun gyis yongs su bskor cing / byang chub sems dpa'i tshogs kyis mdun gyis bltas te/ tshul 'di lta bu nyid dang / ming 'di nyid dang / yi ge 'di nyid kyis shes rab kyi pha rol tu phyin pa 'di 'chad pa mthong ngo / /'di lta ste dper na/ da ltar nga stong gsum gyi stong chen po'i 'jig rten gyi khams 'di na chos ston pa/ dge slong gi dge 'dun gyis yongs su bskor cing / byang chub sems dpa'i tshogs kyis mdun gyis bltas te/ tshul 'di nyid dang / ming 'di nyid dang / yi ge 'di nyid kyis shes rab kyi pha rol tu phyin pa 'di 'chad pa bzhin no/ /de mang du thos pa bsam gyis mi khyab pa dang / thos pa rgya mtsho lta bu dang ldan par gyur te/ gar skyes pa thams cad du yang sangs rgyas dang mi 'bral bar gyur te/ skye ba thams cad du yang gang dang gang du sangs rgyas bcom ldan 'das rnams mngon sum du 'gyur ba de dang de dag tu skyes te/ tha na rmi lam na yang / sangs rgyas bcom ldan 'das dag dang mi 'bral bar gyur to/ /des mi khom pa thams cad ni spangs/ dal ba phun sum tshogs pa ni bsgrubs so/ /rab 'byor rnam grangs 'dis kyang shes rab kyi pha rol tu phyin pa 'di byang chub sems dpa' sems dpa' chen po rnams kyi</font><hr>36.210b<br><font size=+1>

thams cad mkhyen pa'i ye shes sgrub pa yin par rig par bya'o/ /rab 'byor de lta bas na byang chub sems dpa' sems dpa' chen po thams cad mkhyen pa'i ye shes 'thob par 'dod pa dag gis/ shes rab kyi pha rol tu phyin pa 'di la spyad par bya'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo byang chub sems dpa' rnams yang dag par yongs su gzung ba'i phyir shes rab kyi pha rol tu phyin pa 'di zung shig /'chongs shig /lhogs shig /kun chub par gyis shig /gzhan dag la yang rgya cher rab tu ston cig /kun dga' bo shes rab kyi pha rol tu phyin pa 'di byang chub sems dpa' sems dpa' chen po dag gis mnyan par bya/ gzung bar bya/ bcang bar bya/ klag par bya/ kun chub par bya/ gdon par bya/ lung nod par bya/ bstan par bya/ kha ton tu bya/ de bzhin gshegs pa'i byin gyi brlabs kyis glegs bam chen po la yi ge gsal zhing / rab tu gsal ba legs par bris te/ me tog dang / bdug pa dang / spos dang / byug pa dang / phye ma dang / gos dang gdugs dang / rgyal mtshan dang / ba dan dang / khor yug tu mar me'i phreng ba dag dang / mchod pa rnam pa mang pos bkur bsti bya/ bla mar bya/ ri mor bya/ mchod par bya/ brjod par bya/ gsol bar bya ste/ kun dga' bo 'di ni nga'i gdams ngag go/ /de ci'i phyir zhe na/ kun dga' bo 'di ji snyam du sems/ de bzhin gshegs pa khyod kyi ston pa yin nam/ kun dga' bos gsol pa/ bcom ldan 'das bdag gi ston pa lags so/ /bde bar gshegs pa bdag gi ston pa lags so/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod kyi ston pa de bzhin gshegs pa la/ kun dga' bo khyod kyis lus kyi las byams pa yid du 'ong ba dang / ngag gi las byams pa yid du 'ong ba dang / yid kyi las byams pa yid du 'ong bas rim gro byas so/ /kun dga' bo de lta bas na/ da ltar nga bzhugs te 'tsho zhing gzhes pa'i sku 'di la khyod kyis phangs pa dang / dad pa dang gus par byas pa de bzhin du/ nga 'das nas shes rab kyi pha rol tu phyin pa 'di la yang byos</font><hr>36.211a<br><font size=+1>

shig /kun dga' bo ci nas kyang shes rab kyi pha rol tu phyin pa 'di nub par mi 'gyur zhing / ci nas khyod skyes bu tha mar mi 'gyur bar khyod la lan gnyis lan gsum du yongs su gtad do/ /rjes su yongs su gtad do/ /kun dga' bo shes rab kyi pha rol tu phyin pa 'di 'jig rten na ji srid du spyod pa de srid du de bzhin gshegs pa bzhugs par rig par bya'o/ /kun dga' bo de srid du de bzhin gshegs pa chos ston par rig par bya'o/ /kun dga' bo gang shes rab kyi pha rol tu phyin pa 'di nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / ston pa dang / kha ton du byed pa dang / yi ger 'dri ba dang / me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dag dang / khor yug tu mar me'i phreng ba dang / mchod pa rnam pa mang po dag gis/ bkur bstir byed/ bla mar byed/ ri mor byed/ mchod par byed/ rjed par byed/ gsol bar byed pa'i sems can de dag ni sangs rgyas mthong ba dang ma bral ba dang / dam pa'i chos nyan pa dang ma bral ba dang / dge 'dun la rim gro byed pa dang ma bral bar rig par bya'o/ /kun dga' bo sems can de dag ni de bzhin gshegs pa'i drung na spyod par rig par bya'o/ /bcom ldan 'das kyis de skad ces bka' stsal pa dang / byang chub sems dpa' sems dpa' chen po byams pa la stsogs pa dang / tshe dang ldan pa rab 'byor dang / tshe dang ldan pa shA ri'i bu dang / tshe dang ldan pa kun dga' bo dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //shes rab kyi pha rol tu phyin pa khri brgyad stong pa las/ yongs su gtad pa'i le'u zhes bya ste/ brgyad bcu rtsa bdun pa'o// //ye d+harmA he tu pra b+ha bA he tun+te ShAn+ta thA ga to h+ya ba data/ te ShAny+tsa yo ni ro d+ha e ba~M bA dI ma hA shra ma NaH   #</font><hr>

</table>