J102

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J102</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J102&coll=lithang">see text in Tibetan script</a></table>54.1a<br><font size=+1>

(ba) @#/ ! /mdo sde sna tshogs kyi skor bzhugs so/ /[(黃) 經藏第十五部]</font><hr>54.1b<br><font size=+1>

@##/   /rgya gar skad du/  Ar+ya brah+ma pa ri prits+tsha nA ma ma hA yA na sU tra/  bod skad du/  'phags pa tshangs pas zhus pa zhes bya ba theg pa chen po'i mdo/  sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das grong khyer yangs pa na tshal chen po'i khang pa brtsegs pa'i gnas na dge slong khri nyis stong gi dge 'dun chen po dang / byang chub sems dpa' sems dpa' chen po rab tu mang po dang thabs gcig tu bzhugs te/ de nas bcom ldan 'das mi nyal tsam gyi nam gyi gung thun la dkyil mo krung bcas nas dran pa mngon du bzhag ste/ rtog pa dang bcas pa/ dpyod pa dang bcas pa'i ting nge 'dzin las skyes pa'i dga' ba dang bde ba can bsam gtan dang po la</font><hr>54.2a<br><font size=+1>

snyoms par zhugs so/ /bcom ldan 'das de las bzhengs nas rtog pa med pa/ dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa la snyoms par zhugs so/ /bcom ldan 'das de las bzhengs nas dga' ba'i 'dod chags dang bral ba/ btang snyoms pa dran pa dang ldan pa/ bde bar gnas pa bsam gtan gsum pa la snyoms par zhugs so/ /bcom ldan 'das de las bzhengs nas bde ba yang spangs te/ snga nas sdug bsngal yang spangs shing yid bde ba dang yid mi bde ba yang nub pas phyir sdug bsngal yang med bde ba yang med pa btang snyoms dang dran pa yongs su dag pa bsam gtan bzhi pa la snyoms par zhugs so/ /de nas bcom ldan 'das bsam gtan bzhi pa las bzhengs nas bsam gtan gsum pa la zhugs so/ /bsam gtan gsum pa las bzhengs nas bsam gtan gnyis pa la zhugs so/ /bsam gtan gnyis pa las bzhengs nas bsam gtan dang po la zhugs so/ /bsam gtan dang po las bzhengs nas gdul bya ji lta ba bzhin du sems can la gzugs kyi lus kun tu ston pa zhes bya ba'i ting nge 'dzin la snyoms par zhugs so/ /bcom ldan 'das gdul bya ji lta ba bzhin du sems can la gzugs kyi lus kun tu ston pa'i ting nge 'dzin de la snyoms par zhugs ma thag tu de nas skad cig de la bcom ldan 'das shin tu lham me lhan ne lhang nger bzhugs te/ mi 'jed kyi bdag po tshangs pas tshangs pa'i gnas na 'dug bzhin du bcom ldan 'das shin tu lhame lhan ne lhang nge ba dang skyes bu chen po'i mtshan sum bcu rtsa gnyis kyis legs par brgyan pa mthong ngo / /mthong nas kyang tshangs pa'i 'jig rten nas mi snang bar gyur nas thams cad dang ldan pa'i tshal chen po 'od kyis snang bar byas te/ bcom ldan 'das kyi spyan sngar ha cang yang mi ring ba zhig du 'dug go/ /de nas mi 'jed kyi bdag po tshangs pas 'di snyam du bsam te/ sangs rgyas bcom ldan 'das rnams ni bsnyen par dga' ba rnam par shes pa dka' ba yin na bcom ldan</font><hr>54.2b<br><font size=+1>

'das ting nge 'dzin la snyoms par zhugs pa la bdag gis lud pa bsal ba'i sgra 'am smra ba tsam gyis bzhengs par gsol ba ni bdag gi cha ma yin gyis bdag gis tshigs su bcad pa dag gis bcom ldan 'das bzhengs par gsol/ gor ma chag snyam ste de nas mi 'jed kyi bdag po tshangs pas bla gos phrag pa gcig tu gzer nas 'dug bzhin du bcom ldan 'das ga la ba der logasu thal mo sbyar ba btud de mgo btud nas/ bcom ldan 'das la tshigasu bcad pa dag gis bzhengs par gsol to/ /ma gos dri ma ma mchis rnam par dag /lha dang mi mchog rnams dang dri za dang / /klu dang lha min rnams kyis legs mchod pa/ /sems can sman slad mgon po khyod la mchod/ /dper na ri ni rab tu mi g.yos dang / /ji ltar rgya mtsho gting ni mi dpogs ltar/ /bdud rnams thams cad kyis kyang mi g.yos la/ /thub pa skyes bu mchog ni bsam gtan mdzad/ /zang zing mi mnga' mtshan ma mi mnga' zhing / /tha dad mi mnga' brtan pa mi mnga' la/ /gnas mi mnga' zhing snang ba mi mnga' ba'i/ /thub pa skyes bu dam pa bsam gtan mdzad/ /rtog gi rgyus kyi yul ni ma lags shing / /byis pa rnams kyi spyod yul ma lags pa/ /sems dang sems las byung bas rab 'das pa/ /bsam gtan pha rol gshegs pa bsam gtan mdzad/ /mgon po seng ge bzhin du gsungs yang sgrog /thub pa 'brug bzhin sgrogs pa rab tu mdzad/ /dpa' bo zla ba bzhin du rab tu mdzes/ /sems can dkon mchog khyod la phyag 'tshal lo/ /de nas bcom ldan 'das kyis mi 'jed kyi bdag po tshangs pas bskul ba'i tshigasu bcad pa 'di dag gis bskul bar thugs su chud nas ji ltar skyil mo dkrung bcas pa de nyid kyi ting nge 'dzin de las bzhengs so/ /bzhengs nas bcom ldan 'das kyis mi 'jed kyi bdag po tshangs pa la sbran pa'i phyir mgur bsal ba'i sgra mdzad pa dang / mi 'jed kyi bdag po tshangs pas bcom ldan 'das ting nge 'dzin de las bzhengs te/ ji ltar skyil mo dkrung bcas pa de nyid kyis bzhugs pa mthong ngo / /mthong nas kyang bcom ldan 'das ga la ba der song ste phyin nas/ bcom ldan 'das la lan gsum bskor ba byas</font><hr>54.3a<br><font size=+1>

te bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas mi 'jed kyi bdag po tshangs pas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /de skad ces gsol pa dang / bcom ldan 'das kyis mi 'jed kyi bdag po la 'di skad ces bka' stsal to/ /tshangs pa zhu ba lung bstan pa'i phyir de bzhin gshegs pas rtag tu khyod la skabs phyes/ tshangs pa khyod ci dang ci 'dod pa de bzhin gshegs pa la zhus shig dang / zhus pa de dang de nyid kyi lung bstan pas ngas khyod kyi sems rangs par bya'o/ /de nas bcom ldan 'das kyis skabs phye bas mi 'jed kyi bdag po tshangs pas bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po dag chos du dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya ba lags/ de skad ces gsol pa dang / bcom ldan 'das kyis mi 'jed kyi bdag po tshangs pa la 'di skad ces bka' stsal to/ /tshangs pa byang chub sems dpa' sems dpa' chen po dag chos gcig dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /chos gcig gang zhe na/ 'di lta ste/ lus kyi rjes su song ba'i dran pa'o/ /tshangs pa byang chub sems dpa' lus kyi rjesu song ba'i dran pa ci lta bu yin zhe na/ tshangs pa 'di la byang chub sems dpa' ni 'gro'o snyam pa'i dran pa dang ldan pa yin zhing yang dag par ji lta ba bzhin du rab tu shes so/ /ldog go snyam du dran pa dang ldan pa yin zhing yang dag par ji lta ba bzhin du rab tu shes so/ /nyal lo snyam pa dang / ldang ngo snyam pa dang / 'chag go snyam pa dang / 'dug go snyam pa</font><hr>54.3b<br><font size=+1>

du dran pa dang ldan pa yin zhing yang dag par ji lta ba bzhin du rab tu shes so/ /de gcig pu dben par 'dug ste nang du yang dag bzhag nas 'khrug pa med pa'i yid kyis lus 'di nyid la 'di lta ste/ kye ma lus 'di ni mi brtan pa/ mi rtag pa/ rang bzhin gyis nyam chung ba/ snying po med pa/ ther zug ma yin pa/ rnam par 'thor ba'i chos can/ rnam par 'jig pa'i chos can/ rten cing 'brel pa 'byung ba/ sgyu ma dang 'dra ba/ zil pa'i thig pa dang 'dra ba/ g.yo ba mi gnas pa/ mi gtsang ba/ rnag gi dri ma can/ rlung dang nyi mas mthar thug pa/ mthar 'dul ba/ mthar rdul du 'gyur ba/ ngan skyugs kyi mthar thug pa/ nad mang ba/ gnod pa can/ 'go ba'i nad mang ba/ na ba/ 'jig pa'i ngang can/ rus pa bsogs pa/ dri nga ba/ 'dzeg pa can bsgrims te rim 'gro byed dgos pa yin par yang dag pa'i dran pas yang dag par ji lta ba bzhin du so sor rtog go/ /de de ltar yang dag pa'i dran pas lus kyi skyon rnams yang dag par ji lta ba bzhin du rab tu shes pas lus la chags pa dang / lus la kun tu 'dod chags dang / lus la bdag gi nyid yin pa mi bskyed do/ /de lus la mi lta bas srog la chags pa dang / srog la kun tu 'dod chags dang / srog la bdag gi nyid yin pa mi bskyed do/ /de lus dang srog la mi lta bar chos gos ngan ngon dang / kha zas ngan ngon dang / mal cha dang / stan ngan ngon dang / na ba'i gsos sman dang / yo byad ngan ngon tsam dag gis chog par 'dzin pa yin no/ /de tshangs pa mtshungs par spyod pa rnams kyi bya ba gang dag yin pa don dang ldan pa rnams sam/ dge ba dang ldan pa rnams kyang de dag la stong par byed de/ yongs su mi skyo zhing yongs su yid 'chad pa med la yongs su skyo ba'i sems mi bskyed do/ /de mkhan po dang slob dpon gyi gan du 'gro na dran pa dang ldan zhing 'di snyam du sems te/ mkhan po dag ni bsnyen par dka' bo/ /slob dpon dag ni bsnyen par dka' ba ste/ bdag der song ba na sdig pa</font><hr>54.4a<br><font size=+1>

mi dge ba kun tu spyod pa 'ga' zhig gis bdag la glengs shing dran par byas na mi rung ngo snyam nas de rgyu dang rkyen de dang gzhi des bslab pa rnams la gus pa byed par 'gyur te/ brtun par byed pa dang / legs par bya ba byed pa dang / zhi ba rnal du byed pa dang / shin tu yongs su mthar thug par byed pa can du 'gyur ro/ /de la bslab pa rnams la gus pa byed pa nyid dang / btun par byed pa nyid dang / legs par bya ba byed pa nyid dang / zhi ba rnal du byed pa nyid dang / shin tu yongs su mthar thug par byed pa nyid kyis mkhan po dang / slob dpon gyi gan du 'gro ba na bag tsha ba med pa dang / bag 'khum pa med par 'gro zhing mi 'jigs pa dang / lhan cig tu byung ba'i rgod pa yang mi ston ste/ de ci'i phyir zhe na/ gus pa dang bcas shing zhe sa dang bcas pa yin la/ rigs kyi bag ma bzhin du 'jam pa dang ldan pa'i phyir ro/ /de la 'jam pa dang ldan pas lus kyi skyon dang / lus kyi nyes par spyod pa gang dag yin pa de dag thams cad kyi thams cad du yongs su spong ngo / /tshangs pa byang chub sems dpa' lus kyi skyon dang lus kyi nyes par spyod pa de dag gang zhe na/ tshangs pa srog gcod pa ni byang chub sems dpa'i lus kyi skyon dang lus kyi nyes par spyod pa yin no/ /tshangs pa ma byin par len pa dang / mi tshangs par spyod pa ni byang chub sems dpa'i lus kyi skyon dang lus kyi nyes par spyod pa yin no/ /tshangs pa byang chub sems dpa' ci ltar na srog gcod pa spong ba yin zhe na/ tshangs pa 'di la byang chub sems dpa' ni 'dod chags kyi dbang gis srog chags kyi srog gcod par mi byed/ zhe sdang gi dbang dang gti mug gi dbang gis srog chags kyi srog gcod par mi byed do/ /de sems can gzhan dag dang gang zag gzhan rnams la bdag tsam du 'du shes par byed cing sdug pa tsam du 'du shes par byed de/ bdag nyid kyis sems can gzhan dag dang / gang zag gzhan rnams kyi srog gcod par mi byed do/ /gzhan dag kyang srog</font><hr>54.4b<br><font size=+1>

gcod du mi 'jug go/ /gzhan dag srog gcod pa la yang rjesu yid rangs par mi byed do/ /bdag gis kyang mi gcod do/ /gzhan dag kyang gcod du mi 'jug go/ /gzhan dag gcod pa la yang rjesu yid rangs bar mi byed do/ /bdag kyang mi rdeg go/ /gzhan dag kyang rdeg du mi 'jug go/ /gzhan dag rdeg par byed pa la yang rjesu yid rang bar mi byed do/ /ji ltar na ma byin pa len pa spong ba yin zhe na/ tshangs pa 'di la byang chub sems dpa' ni sems can rnams kyi 'tsho ba'i yo byad gang dag yin pa 'di lta ste/ gser dang / nor bu dang / mu tig dang / bai DUr+ya dang / dung dang / mal shel dang / byi ru dang / sa le sbram dang / dngul la sogs pa dang / gos dang / rgyan gyi rnam pa dag dang / nor dang / 'bru dang / mdzod dang / bde ba'i rnam pa de dag la chags pa mi skyed/ de dag la rnam par rtog par mi byed cing rku 'phrog mi byed do/ /rku 'phrog byed du mi 'jug go/ /rku 'phrog byed pa rnams la rjesu yid rang bar mi byed do/ /de grong na yod pa 'am/ dgon pa na yod pa ma byin zhing ma gnang ba rtswa'i 'dab ma tsam yang len par mi byed do/ /ji ltar na mi tshangs par spyod pa spong ba yin zhe na/ tshangs pa 'di la byang chub sems dpa' dbang po rnams kyi sgo legs par bsrung shing gnas pa yin/ legs par bsdam pa yin/ 'thun pa'i gnas su rgyu ba yin/ shin tu bsrung ba'i dran pa dang ldan pa yin/ rtag tu bsrung ba'i dran pa dang ldan pa yin/ de dran pas yid kun tu bsrung ba yin/ lus dang ngag shin tu bsdams pa yin no/ /'thun pa'i gnas su rgyu la dran pa dang ldan pa yin zhing 'di snyam du yang sems bskyed do/ /mi zhig gis bye ma zhib mo shin tu bsregs pa lag pa gnyis kyi snyim pas blang te mig bkang ba na sla'i/ chags pa'i sems kyis yul gyi bzang mo la lta ba ni de lta ma yin no/ /de ci'i phyir zhe na/ bdag yul gyi bzang mo la bltas pas yun ring por phung zhing bcom la ma rung bar gyur pa'i phyir ro snyam mo/ /de de ltar lus</font><hr>54.5a<br><font size=+1>

la lus kyi rjes su lta zhing bza' ba dang / btung ba dang / gnas dang / mal cha dang / stan rnams la dran pa legs par gnas pa yin te/ de dag la spyod pa nor myed par mi byed cing chags pa'i sems med pa yin no/ /gal te de yongs su spyod pa na bde ba skyed pa lta na des de la 'di ltar nye bar brtag par bya ste/ bde bar snang ba 'di ni bzlog pa'i sgo nas sdug bsngal yin te/ khams gsum pa 'di na 'dus byas kyi dngos po gang yang med do/ /de ci'i phyir zhe na/ 'dus byas mi rtag pa'i phyir ro/ /mkhas pa'i rang bzhin can dag dngos po mi rtag pa rnams la bde ba'i 'du shes ji ltar skyed snyam du rtag par bya'o/ /tshangs pa gal te byang chub sems dpa' yongs su spyod pa na sdug bsngal kho na skye ba'i bde ba ni ma yin te/ sdug bsngal des kyang yongs su gnon cing nyon mongs na des de la sems 'di ltar nye bar bzhag par bya ste/ lus 'di ni bsgrim te yongs su bskyed dgos pa/ gsug gis bsgrub dgos pa ste/ 'di ni sdug bsngal rtsom pas gzung bar mi nus kyi/ bde ba rtsom pas gzung ba bya ba yin te/ bdag gi lus brtan zhing 'tsho ba 'dis dge ba'i chos rnams bsgrub par bya'o/ /dper na rnyed pa 'dod pa'i tshong pa khur khal rnams stong bran byed bcos legs byed pa ni khur khal rnams rgyan pa'i phyir ma yin/ bde bar bya ba'i phyir ma yin gyi gzhan du na ji tsam du khal bkal ba bskur ba'i phyir ro/ /de bzhin du byang chub sems dpa' kha zas za ba yang lus brgyan pa'i phyir zas za ba ma yin/ lus bde bar bya ba'i phyir ma yin te/ gzhan du na ji tsam lus dang 'brel ba'i dge ba'i phyogs bsgral ba'i phyir ro snyam du sems nye bar bzhag par bya'o/ /tshangs pa gal te byang chub sems dpa' de bzhin gshegs pas gsungs pa'i gnyen pos sems shes par byed mi nus na/ des 'di snyam du bsam par bya ste/ sems shes bya ba 'dis ni mthar phyin par dka' ba/ mi mthun pa 'dzin pa/ 'khor ba la</font><hr>54.5b<br><font size=+1>

mngon du phyogs pa/ dge ba'i phyogs la mi phyogs pa/ yul la mngon du phyogs pa/ bden pa la mi phyogs pa/ bde ba la mngon du phyogs pa/ sdug bsngal la mi phyogs pa/ smra ba la dga' ba la phyogs pa/ de kho na la rnam par lta ba la mi phyogs pa/ mi gtsang ba la mngon du phyogs pa/ gtsang ba la mi phyogs pa/ gdul dka' ba/ gzung dka' ba/ gnas med pa/ rten med pa/ gsog gsob/ skad cig pa/ rgyu dang rkyen tshogs pa las byung ba yin na/ mkhas pa'i rang bzhin can su zhig 'di lta bu'i rang bzhin can gyi sems kyi dbang du 'gro zhing rjes su 'jug snyam du bsam mo/ /de de ltar sems dran pa nye bar gnas pas sems gdul ba'i phyir nan tan byed do/ /de ser sna'i sems gdul ba'i phyir sbyin pa sbyin par byed de/ tha na kham cig tsam 'am/ rgya brag tsam 'am/ mon sran gre'u tsam 'am/ til 'bru tsam yang rung / de yang thams cad la sbyin par byed kyi/ sdug pa rnams la ma yin/ 'dris pa rnams la yin no/ /de 'chal ba'i tshul khrims kyi sems gdul ba'i phyir tshul khrims bsrung ste/ lus dang / ngag dang / yid kyi skyon med par byed pa yin/ 'dren mar mi byed pa yin/ nag nog can du mi byed pa yin te tshul khrims des bdag la bstod par mi byed/ gzhan la smod par mi byed do/ /de gnod sems kyi sems 'dul ba'i phyir bzod pa sgom ste/ de grong ngam grong rdal du zhugs pa na gshe yang ci mi snyam par byed do/ /brgyab kyang rung rdeg kyang rung / sdigs kyang rung / rnam par 'jom yang rung / smod kyang rung ste ci mi snyam par byed do/ /kye ma dge sbyong 'di ni mgo reg ngan pa'o/ /kye ma dge sbyong 'di ni mgo reg mi sdug pa ngan pa'o zhes 'jig rten gyis dpyas kyang ci mi snyam par byed do/ /yang dag par ma yin pas skur kyang bzod par byed cing dang du len pa las bdag gi bya ba nyid la rton te/ bzod pa des kyang bdag la bstod par mi byed/ gzhan la smod par mi byed do/ /</font><hr>54.6a<br><font size=+1>

le lo'i sems gdul ba'i phyir dang / byang chub kyi phyogs kyi chos ma thob pa rnams thob par bya ba'i phyir dang / thob pa rnams 'phel bar bya ba'i phyir dang / 'phel ba rnams yongs su smin par bya ba'i phyir dang / yongs su smin pa rnams yang dag par gzung bar bya ba'i phyir dang / yang dag par gzung ba rnams rnam par dbye ba'i brtson 'grus rtsom mo/ /de sems can gyi ched rnams dang sems can gyi bya ba rnams la yongs su mi skyo zhing yongs su yi mi chad de/ yongs su skyo ba'i sems mi skyed do/ /de gdol pa la phan gdags kyang rung / rgyal po la phan gdags kyang rung / shin tu lam ring por yang 'gro ste/ tha dad pa mi dmigs shing rgyun mi gcod pa yin no/ /gal te byang chub sems dpa' sdug bsngal zhing bkren pa'i sems can gyi dngos po thams cad ngan pa zhig gis gtams sam/ 'byor cing nor che ba gang yang rung ba zhig gis dngos po bzang po mchog gya nom pa zhig bstabs kyang de la byang chub sems dpa' snying brtse ba'i sems bzhag la gus par bstod cing / yang dag par gzeng bstod la/ yang dag par 'dzin du gzhug cing dngos po ngan pa de blang bar bya'o/ /de ci'i phyir zhe na/ 'di lta ste/ sdug bsngal ba'i sbyin pa 'di ni sbyin pa bya dka' ba yin pa'i phyir ro/ /de rnam par g.yeng ba'i sems gdul ba'i phyir bsam gtan la bsam gtan par byed do/ /ji ltar bsam gtan byed ce na/ tshangs pa 'di la byang chub sems dpa' ni thog ma kho nar lus legs par bsdams pa yin no/ /lus dben par gnas pa yin no/ /lus kyi 'du 'dzi rnams kyang yongs su spong ngo / /lus la lhag par chags pa yang 'dor ro/ /lus lci ba 'am yang ba yang shes so/ /lus dang mthun pa dang / lus 'tsho ba dang / lus kyi stobs kyang rab tu shes so/ /ngag legs par bsdam pa yin te/ smra ba nyung zhing rjod pa nyung ngo / /don smra ba yin zhing rigs pa smra ba yin te/ bre mo'i gtam la dga' ba</font><hr>54.6b<br><font size=+1>

yongs su spong ba yin no/ /de yid legs par bsdams pa yin te/ mi dge ba'i rnam par rtog pa thams cad yongs su spangs so/ /de de ltar gnas gsum yongs su dag pas sngon po dang / ser po dang / dmar po dang / dkar po'i gzugs rnams mi snang bar bya ba'i phyir nan tan byed de/ de dag la mtshan mar mi 'dzin mngon rtagasu mi 'dzin to/ /rgyan dang gos kyi rnam pa sna tshogs dag la yang mtshan mar mi 'dzin cing mngon rtagasu mi 'dzin pa yin no/ /gzugs dang / sgra dang / dri dang / ro dang / reg pa sna tshogs pa dag la yang mtshan mar mi 'dzin cing mngon rtags su mi 'dzin pa yin no/ /skyes pa dang / bud med dang / khye'u dang / bu mo rnams la yang mtshan mar mi 'dzin cing mngon rtags su mi 'dzin pa yin no/ /de gcig pu dben par 'dug nas nang du yang dag par 'jog cing sems gnas par bya ba'i phyir nan tan byed de/ mi sdug pa la dmigs pa 'am/ byams pa la dmigs pa 'am/ snying rje la dmigs pa 'am/ yid 'byung bar 'gyur ba gang yang rung bas ji ltar lus khengs par mi 'gyur ba de ltar dmigs par byed de/ dbugs rngub pa dang 'byung ba mi 'gag go/ /rgyun rnams kyang mi 'chad do rlung 'khrug par mi 'gyur ro/ /sems log par rnam par g.yeng bar mi 'gyur ro/ /de 'chag gam/ nyal lam/ 'greng ngam/ 'dug kyang dmigs pa de nyid kyis 'dug go/ /de nyid la sems gtod do/ /tshangs pa gang gi tshe/ byang chub sems dpa' dmigs pa la sems brtan par gyur pa de'i tshe sems la sems mnyam par 'jog ste/ sems kyis sems kyang mi dmigs so/ /gang gis mnyam par 'jog pa de yang mi dmigs so/ /gang gi phyir mnyam par 'jog pa de yang mi dmigs so/ /de 'di snyam du sems te/ kye ma byis pa so so'i skye bo 'di dag ni gsog gi chos rnams dang / gsob kyi chos rnams la mngon par zhen to snyam du sems te/ </font><hr>54.7a<br><font size=+1>

'di ni byang chub sems dpa' lhag mthong zhes bya'o/ /de ltar rnam par mthong bas nyon mongs pa rnams kun tu mi 'byung zhing mi 'jug pa de ni byang chub sems dpa' zhi gnas zhes bya'o/ /tshangs pa gzhan yang byang chub sems dpa' gcig pu dben par 'dug ste nang du yang dag bzhag nas ming dang yi ge ji ltar thos pa rnams nges pa'i tshig gi gdags pas yang dag par 'jog cing yi ge de dag la nye bar rtogs te/ de de ltar nye bar rtogs pa na yi ge rnams gsog dang gsob du mthong ngo / /de yi ge rnam pa gsog dang gsob du mthong nas ming rnams kyang gsog dang gsob du mthong ngo / /gang la ming de 'dog pa de yang gsog dang gsob du mthong ngo / /de la gzugs dang gang snang ba de dang de yang gsog dang gsob du mthong ngo / /de gsog dang gsob du mthong bas yang dag par ji lta ba bzhin du yongasu shes par 'gyur ro/ /yang dag par ji lta ba bzhin yongs su shes pas de la 'dus byas rmi lam dang 'dra bar snang ngo / /de la byang chub sems dpa' so sor brtags nas sems can la lta bas snying rje chen po'i sems nye bar bzhag nas gnas so/ /de 'chal pa'i shes rab kyi sems gdul ba'i phyir shes rab sgom par byed do/ /ji ltar sgom par byed ce na/ de kun rdzob kyi tshul du bshad pa 'am don dam pa'i tshul du bshad pa'i mdo sde gang dag yin pa de dag brjod pa gsal zhing zur phyin pa dag gis ma nor bar 'dzin to/ /ma nor bas chos ston pa las bzung nas kyang / ma nor ba'i bsam pas sems par byed do/ /sgom pa'i rnal 'byor la yang brtson par byed do/ /de ye shes kyi stobs dang shes rab kyi bye brag gis sems can mi dmigs/ srog mi dmigs/ gsob mi dmigs/ skyes bu mi dmigs/ gang zag mi dmigs/ shed las skyes mi dmigs/ shed bu mi dmigs te/ thams cad kyi thams cad du chad par lta bar yang mi lhung ngo / /</font><hr>54.7b<br><font size=+1>

btags pa'i tha snyad rnams la yang legs par bslab pa yin no/ /de zin pa'i sa'i khams dang / ma zin pa'i sa'i khams la yang dag pa'i shes rab kyis tshul gcig tu so sor rtogs go/ /zin pa'i chu'i khams dang / me'i khams dang / rlung gi khams dang / ma zin pa la yang dag pa'i shes rab kyis tshul gcig tu so sor rtog ste de gnyis yang gsog nyid dang gsob nyid du mthong zhing / bems po nyid dang / snying po med pa nyid dang / stong pa nyid du mthong ngo / /des de ltar mthong bas ji ltar phyi rol gyi khams rnams la mngon par chags pa med pa de ltar nang gi rnams la yang ngo / /mig gi rnam par shes pa dang / gzugs rnams la yang yang dag pa'i shes rab kyis tshul gcig tu so sor rtogs go/ /rna ba'i rnam par shes pa dang / sgra rnams dang / sna'i rnam par shes pa dang / dri rnams dang / lce'i rnam par shes pa dang / ro rnams dang / lus kyi rnam par shes pa dang / reg bya rnams la yang yang dag pa'i shes rab kyis tshul gcig tu so sor rtog go/ /de'i sa'i khams la ni sra ba nyid du yang rab tu shes la gsher ba nyid dang / tsha ba nyid dang / khong stong nyid du yang rab tu shes so/ /chu'i khams la gsher ba nyid du yang rab tu shes la sra ba nyid dang / tsha ba nyid dang / khong stong nyid du yang rab tu shes so/ /me'i khams la tsha ba nyid du yang rab tu shes la sra ba nyid dang / gsher ba nyid dang / khong stong nyid du yang rab tu shes so/ /rlung gi khams la g.yo ba nyid du yang rab tu shes la yang zhing g.yo ba nyid du yang rab tu shes so/ /de nam mkha'i khams la khong stong du yang rab tu shes la thams cad du yang song ba nyid du yang rab tu shes so/ /rnam par shes pa'i khams la sgyu ma lta bu nyid du yang rab tu shes la phyin ci log nyid du yang rab tu shes/ phyin ci ma log pa nyid yang rab tu shes so/ /de mig gi rnam par shes pa la stong pa nyid dang / gzugs la mi rtag pa nyid du yang rab tu shes so/ /rna ba'i rnam par shes pa la stong pa nyid dang / sgra la mi rtag pa nyid dang / sna'i rnam par shes pa la stong pa nyid dang / </font><hr>54.8a<br><font size=+1>

dri la mi rtag pa nyid dang / lce'i rnam par shes pa la stong pa nyid dang / ro la mi rtag pa nyid dang / lus kyi rnam par shes pa la stong pa nyid dang / reg bya la mi rtag pa nyid du yang rab tu shes so/ /de de ltar shes rab la mkhas pas shin tu rtogs pa'i shes rab dang ldan zhing shes rab rno ba dang ldan te/ mi dge ba'i chos rnams kyang rab tu shes/ dge ba'i chos rnams kyang rab tu shes/ nyan thos yang dag par 'grub par byed pa'i chos rnams kyang rab tu shes rang sangs rgyas yang dag par 'grub par byed pa'i chos rnams dang / byang chub sems dpa' yang dag par 'grub par byed pa'i chos rnams dang / sangs rgyas nyid yang dag par 'grub par byed pa'i chos rnams kyang rab tu shes so/ /de mi dge ba'i chos rnams kyis rnam par smin pa chung ngu dang / 'bring dang / chen po sems can dmyal ba rnams dang / dud 'gro rnams dang / yi dgas rnams su skye ba yang rab tu shes so/ /der skyes pa rnams kyi tshor ba chung ngu dang / 'bring dang / chen po yang rab tu shes so/ /dge ba'i chos rnams kyi rnam par smin pa chung ngu dang / 'bring dang / chen po lha rnams kyi nang du 'am/ mi rnams kyi nang du smin pa yang rab tu shes so/ /der skyes pa rnams kyi 'bras bu chung ngu dang / 'bring dang / chen po yang rab tu shes so/ /nyan thos yang dag par 'grub par byed pa'i chos rnams kyi rgyun tu zhugs pa'i 'bras bu mngon du bya ba dang / lan cig phyir 'ong ba'i 'bras bu mngon du bya ba dang / phyir mi 'ong ba'i 'bras bu mngon du bya ba dang / dgra bcom pa nyid kyi 'bras bu mngon du bya ba'i rnam pa yang rab tu shes so/ /shes rab kyi rnam par grol ba nyid dang / gnyis ka'i cha las rnam par grol ba yang rab tu shes so/ /rang sangs rgyas yang dag par 'grub par byed pa'i chos rnams kyis yang dag par 'grub pa yang rab tu shes so/ /'bras bu dang zhi ba nyid kyang rab tu shes so/ /byang chub sems dpa' yang dag par 'grub par byed pa'i chos rnaMs kyi</font><hr>54.8b<br><font size=+1>

tshogs kyi lam yang rab tu shes so/ /ye shes kyi lam yang rab tu shes so/ /shes nas kyang tshogs kyi lam dang ye shes kyi lam la brtson par byed do sangs rgyas nyid yang dag par 'grub par byed pa'i chos rnams kyi rdzu 'phrul che ba nyid kyang rab tu shes so/ /mthu che ba nyid dang / dam pa nyid dang / rab mchog nyid dang / phul du byung ba nyid dang / che ba nyid dang / nyan thos dang / rang sangs rgyas dang / byang chub sems dpa' thams cad dang / thun mong ba yang ma yin na/ gzhan sems can thams cad lta smos kyang ci dgos pa'i thun mong ma yin pa nyid kyang rab tu shes so/ /de de ltar chos rnams la chos kyi rjes su lta zhing dran pa legs par nye bar gnas pa sdig pa'i chos thams cad dang ni bral/ dge ba'i chos ni yang dag par thob/ lus kyi gnod pa ni med/ rnam par shes pas 'phangs pa ni med/ sems kyis 'phangs pa ni med la chos rnams kyi rgyu'i tshogs dang 'bras bu yang dag par ji lta ba bzhin du rab tu shes pas/ dper na rgya mtsho'i rlabs bzhin du dge ba'i chos rnams kyis rnam par 'phel te/ ji ltar rgya mtsho'i rlabs 'bri zhing yang 'byung ba ltar/ byang chub sems dpa' ni chos rnams las de lta ma yin no/ /de dper na zla ba yar gyi ngo'i zla ba'i dkyil 'khor dang 'dra bar dge ba'i chos rnams kyis mngon par 'phel te/ ji ltar mar gyi ngo la zla ba'i dkyil 'khor 'bri ba'i chos can yin pa ltar/ byang chub sems dpa' ni chos rnams las de lta ma yin no/ /dper na dbyar gyi dus kyi phu chu brub pa ltar dge ba'i chos rnams kyis mngon par 'phel te ji ltar phu chu brub pa dbyar gyi dus zad na 'bri ba'i chos can yin pa ltar/ byang chub sems dpa' ni chos rnams las de lta ma yin no/ /tshangs pa de ltar bslab pa'i byang chub sems dpa' ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /de'i tshe bcom ldan 'das kyis tshigasu bcad pa 'di dag bka' stsal to/ /lus kyi skyon rnams rab shes</font><hr>54.9a<br><font size=+1>

na/ /lus yid spyod rnams mi ston to/ /lus la dran pa legs gnas na/ /skyon med zhi ba'i gnas thob bo/ /lus kyi skyon rnams mi shes na/ /lus la yod pa'i skyon mi rtog /lus la dran pa mi gnas na/ /sdug bsngal bzod dka' gnas thob bo/ /sems kyi skyon rnams rab shes na/ /sems yod skyon rnams mi stan to/ /sems la dran pa legs gnas na/ /skyon med zhi ba'i gnas 'thob bo/ /sems kyi skyon rnams mi shes na/ /sems la yod pa'i skyon mi rtogs/ /sems la dran pa mi gnas na/ /sdug bsngal bzod dka' gnas 'thob bo/ /dge ba'i chos rnams ston byed cing / /mi dge chos rnams mi sten pa/ /chos rnams la ni mkhas pa'i mi/ /skyon med zhi ba'i gnas 'thob bo/ /dge ba'i chos rnams mi sten cing / /mi dge chos rnams sten byed pa/ /chos rnams la ni mi mkhas mi/ /sdug bsngal bzod dka' gnas 'thob bo/ /de nas mi 'jed kyi bdag po tshangs pas lha'i me tog man da ra ba dag mngon par sprul te bcom ldan 'das la mngon par gtor to/ /mngon par gtor nas kyang bcom ldan 'das kyis bka' stsal pa la mngon par dga' zhing rjesu yid rang nas/ bcom ldan 'das la lan gsum bskor ba byas te bcom ldan 'das kyi thad nas song ngo / /de nas bcom ldan 'das kyis nam nangs par mkhyen nas dge slong gi dge 'dun gyi gung la gdan bshams pa la bzhugs so/ /bzhugs nas/ bcom ldan 'das kyis dge slong rnams la bka' stsal pa/ dge slong dag ma dang 'dir mi nyal tsam gyi nam gyi gung thun la nga gcig pu dben par 'dug ste nang du yang dag bzhag na mi 'jed kyi bdag po tshangs pas thams cad dang ldan pa'i tshal chen po 'od kyis snang bar byas nas nga ga la ba der 'ongs te phyin nas nga la mngon par bstod de/ lan gsum bskor ba byas nas phyogs gcig tu 'dug go/ /phyogs gcig tu 'dug nas mi 'jed kyi</font><hr>54.9b<br><font size=+1>

bdag po tshangs pas nga la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /dge slong dag de skad ces gsol pa dang / ngas mi 'jed kyi bdag po tshangs pa la 'di skad ces bka' stsal to/ /tshangs pa zhu ba lung bstan pa'i phyir de bzhin gshegs pas rtag tu khyod la skabs phyes/ tshangs pa khyod ci dang ci 'dod pa zhus shig dang / zhus pa de dang de nyid kyi lung bstan pas ngas khyed kyi sems rangs par bya'o/ /de nas ngas skabs phye bas mi 'jed kyi bdag po tshangs pas nga la 'di skad ces gsol to/ /bcom ldan 'das byang chub sems dpa' sems dpa' chen po dag chos du dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya lags/ dge slong dag de skad ces gsol pa dang / ngas mi 'jed kyi tshangs pa la 'di skad ces bka' stsal to/ /tshangs pa byang chub sems dpa' sems dpa' chen po dag chos gcig dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /chos gcig gang zhe na/ 'di lta ste lus kyi rjesu song ba'i dran pa'o/ /dge slong dag mi 'jed kyi bdag po tshangs pa de la lus kyi rjesu song ba dran pa'i rgyu dang / las dang 'bras bu yang bstan to/ /de nas bcom ldan 'das la tshe dang ldan pa kun dga' bos 'di skad ces gsol to/ /legs so legs so bcom ldan 'das kyis mi 'jed kyi bdag po tshangs pa la gang bstan pa de skye bo mang po la sman pa dang / skye bo mang po la bde ba dang / lha dang mi rnams kyi don dang / sman pa dang / bde bar bgyi ba'i slad du bshad du gsol dge slong sar pa</font><hr>54.10a<br><font size=+1>

rnams dang / chos 'dul ba 'di la rab tu byung nas ring por ma lags shing mchis nas ring po ma lags pa rnams dang / theg pa chen po la yang dag par zhugs pa'i skyes bu dam pa 'di dag gis thos na dga' ba dang / dad pa dang thob par 'gyur/ bslabs pa de la yang sbyor bar brtson par gnas par 'gyur lags so/ /de nas bcom ldan 'das kyis mi 'jed kyi bdag po tshangs pa la gang bshad pa de dge slong de dag la yang bshad do/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das legs par bka' stsal to/ /bde bar gshegs pa legs par bka' stsal to/ /mi 'jed kyi bdag po tshangs pas mdo sde 'di lta bu dag yongasu zhu ba'i slad du bcom ldan 'das kyi thad du mchis nas zhus pa yang legs par smras pa lags so/ /bcom ldan 'das mi 'jed kyi bdag po tshangs pas gal te dge ba'i rtsa ba gzhan ma mchis na yang zhu ba zhus pa'i mdo la skyes pa'i dge ba'i rtsa ba 'di kho nas myur du bla na med pa yang dag par rdzogs pa'i byang chub mngon par rdzogs par 'tshang rgya lagaso/ /de ci'i slad du zhe na/ bcom ldan 'das dge ba'i rtsa ba de'i mtha' dang mu ni nyan thos dang rang sangs rgyas thams cad kyis rtogs par ngo mi thog pa'i slad du'o/ /de ci'i slad du zhe na/ bcom ldan 'das 'di ltar mi 'jed kyi bdag po tshangs pas zhu ba 'di/ sems can thams cad kyi spyi'i don du zhus pa'i slad du'o/ /bcom ldan 'das kyis bka' stsal pa/ kun dga' bo de de bzhin te/ de de bzhin no/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs/ /'di'i ming ci lags/ 'di ji ltar bzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis 'di tshangs pas zhus pa zhes bya ba zung shig /dran pa nye bar bzhag pa'i tshul bstan pa zhes bya bar</font><hr>54.10b<br><font size=+1>

yang zung shig /bag yod pa'i tshul bstan pa zhes bya bar yang zung shig /bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong de dag dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ /'phags pa tshangs pas zhus pa zhes bya ba theg pa chen po'i mdo/ rdzogs so// // rgya gar gyi mkhan po dzi na mi tra dang / zhu chen gyi lo tsa ba ban de ye shes sdes bsgyur cing zhus te gtan la phab pa/ / </font><hr>

</table>