J101

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J101</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J101&coll=lithang">see text in Tibetan script</a></table>53.285a<br><font size=+1>

@#/ /rgya gar skad du/  Ar+ya dru ma ki na na ra rA dza pa ri prits+tshA nA ma ma hA yA sU tra/  bod skad du/ 'phags pa mi 'am ci'i rgyal po sdong pos zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na ri bya rgod kyi phung po la dge slong drug khri nyis stong gi dge slong gi dge 'dun chen po dang / byang chub sems dpa' sems dpa' chen po phal cher phyogs bcu'i 'jig rten gyi khams nas 'dus pa bdun khri nyis stong thams cad kyang mngon par shes pas mngon par shes pa/ gzungs rab tu thob pa/ spobs pa chags pa med pa/ ting nge 'dzin rab tu thob pa/ dran pa dang / blo gros dang / rtogs pa dang / mos pa dang / ngo tsha shes pa dang / khrel yod pa phun sum tshogs pa/ bsam pa rdo rje ltar brtan zhing mi phyed pa/ sangs rgyas kyi chos thams cad la sbyor ba phun sum tshogs pa/ lhag pa'i bsam pa khyad par du 'phags pa la zhugs pa/ bdag nyid byang chub kyi sems mi 'dor ba/ sems can gzhan byang chub kyi sems yang dag par 'dzin du 'jug pa/ sbyin pa dang / dul ba dang / sdom pa dang / des pa dang / bzod pa dang / sdug pa'i dngos po thams cad yongs su gtong ba dang / yongs su bsngo ba'i cho ga shes pa/ lus dang / ngag dang / sems dang / tshul khrims kyi rgyan gyis legs par brgyan pa/ sems can thams cad la sems snyoms pa dang / bzod pa dang des pa'i stobs kyi go cha shin du bgos pa/ bskal pa bye ba khrag khrig brgya stong phrag grangs med par brtson 'grus shin du brtsams pa/ </font><hr>53.285b<br><font size=+1>

bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa'i ye shes kyis rnam par rol pa/ tshig thams cad rab tu dbye ba la spobs pa chags pa med pa'i shes rab dang / ye shes la mkhas pa/ ri rab kyi ri ltar sems g.yo ba med pa/ sa dang / chu dang / me dang / rlung dang / ri ltar rjes su chags pa dang / khong khro ba dang bral ba byams pa chen po la gnas te 'od zer thogs pa med pa/ snying rje chen po la gnas te sems can thams cad kyi bya ba gcig la brtson pa/ dga' ba chen po la gnas te chos la dga' zhing mgu ba dang ldan pa/ btang snyoms chen po la gnas par brtson pa/ gnyis su med pa'i ye shes rab tu thob pa/ 'jig rten gyi chos brgyad po rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang / bde ba dang / sdug bsngal las rab tu 'das pa/ pha rol rgol ba ngan pa'i tshogs can gyi tshogs thams cad kun du rab tu 'jom pa/ bdud dang phyir rgol ba bcom pa/ u dum ba ra'i me tog mthong ba ltar shin du 'byung bar dka' ba/ gsol ba ma btab par sems can thams cad la dge ba'i bshes gnyen byed pa/ rab tu yongs su mya ngan las 'da' ba'i bshes gnyen byed pa/ seng ge'i sgra chen po sgrogs pa/ sangs rgyas kyi chos zab mo dang mi 'jigs pa sgrogs pa/ de bzhin gshegs pa'i phyag rgyas btab pa/ mi 'khrugs par phyad par lung ston pa/ ji ltar smras pa de bzhin byed pa/ de kho na'i chos kyi tshul la brtson pa 'od kyis nyi ma dang zla ba mog mog por byed pa/ </font><hr>53.286a<br><font size=+1>

phyogs bcur sgra bsgrags pa/ sangs rgyas kyi chos thams cad la sems pa/ chos dkon mchog gi mdzod yang dag par 'dzin pa/ dkon mchog gsum gyi rigs mi gcod par yid la byed pa/ sangs rgyas kyi zhing mtha' yas pa 'da' ba la mkhas pa/ shin du rnam par phye ba rnam par 'byed pa gnas pa'i blo dang ldan pa mthong ba dang / thos pa don yod pas rnam par gnon pa/ rtag par rgyun du sems can yongs su smin par byed pa la brtson pa/ shes rab dang thabs la mkhas pa'i mchog thob pa/ sems can thams cad kyi dbang po mchog dang mchog ma yin pa shes pas ci rigs par chos ston pa/ sems can thams cad kyi spyod pa la lta ba'i cho ga la mkhas pa/ sems can thams cad kyi 'jug pa dang btag pa la bde blag du mkhas pa/ mi 'jigs pa chen pos 'jigs pa med pa/ rga ba dang / na ba dang / 'chi ba dang / nyon mongs pa rab tu zhi bar byed pa/ sangs rgyas bye ba khrag khrig brgya stong dpag tu med pa la dge ba'i rtsa ba bskrun pa/ mtshan dang dpe byad bzang po yongs su rdzogs pa'i bsod nams dang / ye shes kyi tshogs bsags pa/ stong pa nyid dang / mtshan ma med pa dang / smon pa med pa'i chos thams cad la mos pa la/ smon pa med pa sems can dang / chos thams cad sgyu ma dang smig rgyu dang / rmi lam dang / chu zla dang / mig yor dang / brag cha dang / nam mkha' dang mtshungs par mos pa/ sgra skad thams cad nges pa'i tshig gis ston pa'i ye shes la mkhas pa/ chos dang / don dang nges pa'i tshig dang / spobs pa so so yang dag par rig pa thob pa/ 'jig rten las 'das pa'i shes rab kyi dbang po mngon sum du gyur pa/ shugs chen po 'dzin pa'i stobs bcu la nye bar gyur pa/ sha'i mig dang / lha'i mig dang shes rab kyi mig dang / chos kyi</font><hr>53.286b<br><font size=+1>

mig dang / sangs rgyas kyi spyan snang ba thob pa/ lam gyi yan lag gi tshogs shin du bsags pa'i lam thams cad la 'jug pa'i ye shes la mkhas pa/ byang chub sems dpa'i sde snod snang ba la 'jug pa'i cho ga shes pa/ phyir mi ldog pa'i chos kyi 'khor lo bskor ba/ mtshan nyid kyi phyag brgya'i ting nge 'dzin rab tu thob pa/ rdo rje dkyil 'khor gyi ting nge 'dzin la 'jug pa'i ye shes la mkhas pa/ chos thams cad la dbang byed pa'i ting nge 'dzin mngon du gyur pa/ chos dkon mchog gi sgron ma 'dzin pa/ sems can thams cad kyi sems kyi rgyud la rnam par lta ba/ sems can thams cad kyi sems kyi bsam pa la rnam par lta bar mkhas pa sems can thams cad la sangs rgyas kyi ye shes kyi bya bas so sor nye bar gnas pa rnam pa'i mchog thams cad dang ldan pa'i yon tan rin po che thams cad kyis brgyan pa/ bskal pa thams cad du bldags pa yongs su brjod kyang mthar mi phyin pa sha stag la 'di lta ste/ byang chub sems dpa' sems dpa' chen po dga' byed dang / dga' 'byung dang / lag na rin po che dang / rin chen me tog dang / rin po che'i tog dang / mthong dga' dang / mig gis mthong dga' dang / mdzes pa'i blo gros dang / dga' zhing mchog tu dga' byed dang / sa 'dzin dang / spyan ras gzigs dbang phyug dang / mthu chen thob dang / dpal chen dang / bdud thul dang / me tog man dA ra ba'i dri dang / rlung lha dang / bden dga' dang / mnyam lta dang / ri rab rtse 'dzin dang / ri rab brtsegs dang / ri rab mchog dang / dra ba can gyi 'od dang / rgyal ba'i blo gros dang / skye bar tshim byed dang / 'gro ba 'dzin dang lha'i rgyal pos mchod dang / mchog gi blo gros dang thogs med sems dang / skya reng blo gros dang mi skyob pa dang / dpag med rin chen mdzod dang / 'od kyi tog dang 'od dpal dang / </font><hr>53.287a<br><font size=+1>

sgron ma'i rgyal po dang / byang chub blo gros dang / 'od kyi yang dag brgyan dang / sna tshogs me tog dang / lha'i rgyal po dang / lha'i tshul gyis lta ba dang / dpung bzang dang / legs par bsam pa sems dpa' dang / 'khor lo rab gnas rkang pa dang / mi g.yo rkang pas rnam par gnon dang / rdo rje'i rkang pas rnam par gnon dang / rkang pas 'jig rten gsum rnam par gnon dang / dga' spobs dang spobs myur dang / spobs pa mi 'chad pa dang / spobs pa byin gyis brlabs dang / 'jam sgra dang / sems can thams cad tshim byed dang / tshangs dbyangs dang / bzang skyong dang rin chen 'byung gnas dang / ded dpon bzang po dang / mis byin dang chu lha dang / byams pa dang 'jam dbyangs dang / byang chub sems dpa' sems dpa' chen po 'jam dpal gzhon nu gyur pa la sogs pa byang chub sems dpa' bdun khri nyis stong dang thabs gcig tu bzhugs so/ /gang stong gsum gyi stong chen po'i 'jig rten gyi khams 'di'i brgya byin dang / tshangs pa dang / 'jig rten skyong ba dang / de las gzhan pa lha dang klu dang gnod sbyin dang / dri za dang lha ma yin dang / nam mkha' lding dang / mi 'am ci dang lto 'phye chen po dang / mi dang mi ma yin pa rnams bcom ldan 'das la lta ba dang / phyag bya ba dang bsnyen bkur ba dang / chos mnyan pa'i phyir 'khor de nyid du 'dus par gyur te 'dug go/ /de nas byang chub sems dpa' sems dpa' chen po lha'i cod pan zhes bya ba 'khor de nyid du 'dus pa des/ byang chub sems dpa'i 'khor chen po de 'dus par rig nas stan las langs te/ bla gos phrag pa gcig la gzar nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas pus mo g.yas pa'i lha nga sa la gtsugs te/ bcom ldan 'das</font><hr>53.287b<br><font size=+1>

ga la ba de logs su thal mo sbyar ba btud nas/ bcom ldan 'das la tshigs su bcad pa 'di dag gis mngon par bstod do/ /'jig rten 'das pa 'jig rten sgron ma mdzad/ /khyod ni 'jig rten don mdzad blo gros ldan/ /snang ba brnyes shing nyon mongs dri bsal ba/ /'jig rten snang mdzad khyod la phyag 'tshal lo/ /sbyin la dgyes shing stobs bcu mchog mnga' ba/ /dul ba 'dul ba gdul ba'i pha rol phyin/ /bcom ldan lha dang mi dang klus mchod pa/ /gdul ba'i mthar phyin khyod la phyag 'tshal lo/ /mtshan mchog 'gro ba mang po'i don mdzad pa/ /mdom gang 'od ni gser gyi kha dog lta/ /dge ba'i mtshan gyi dam pa'i gzugs mnga' ba/ /srid gsum mtshungs med khyod la phyag 'tshal lo/ /pha rol phyin pas gzhan gyi tshogs 'joms shing / /pha rol rgol ba'i rgol 'joms mi g.yo ba/ /sems can gzhan gyi sems dang spyod la mkhas/ /thugs rje mchog mnga' khyod la phyag 'tshal lo/ /dgra bcom rgyal po nyon mongs rdul bsal ba/ /'tsho ba dag cing brtul zhugs tshul khrims gnas/ /lha yi lha mchog dri med dri ma bral/ /pha rol tshogs 'joms khyod la phyag 'tshal lo/ /bde gshegs rin chen mchog tu dga' mdzad pa/ /dgon par rtag gnas rtag tu dgon par dgyes/ /rdul skyon gti mug rnyog pa mi mnga' ba/ /nam mkha' mnyam thugs khyod la phyag 'tshal lo/ /chu bo bzhi rgal bden bzhi bka' mchid gsung / /mig sbyin bdud rtsi chos kyi dka' mchid can/ /'gro ba'i don mdzad 'jig rten gsum rgyu ba/ /'khor lo zhabs mnga' khyod la phyag 'tshal lo/ /lha dang mis mchod pa yi mthu bo che/ /mgon po lha yi dbang po bdun 'joms pa/ /mi dang lha klu tshogs kyis mnod pa yi/ /mi mchog dam pa khyod la phyag 'tshal lo/ /rtag tu bde sdug dam pa'i chos la dgyes/ /mnyam thugs 'gro ba kun la byams pa'i thugs/ /chos la</font><hr>53.288a<br><font size=+1>

mnyam gnas mi rnams kha lo sgyur/ /yon tan mthar phyin khyod la phyag 'tshal lo/ /snyan pa'i sgra dbyangs rnam par dag dang ldan/ /tshangs pa'i sgra dbyangs lta bur 'jam pa'i gsung / /thams cad dbyangs kyi yan lag gsung tshul rdzogs/ /bden pa snyan gsung khyod la phyag 'tshal lo/ /stong pa mtshan ma med cing smon dang bral/ /zab mo blta dka' shin du rtogs par dka'/ /thar la 'jug par mkhas pa blo gros ldan/ /thar pa'i lam dgyes khyod la phyag 'tshal lo/ /rgyu la rten pa mkhas pa'i bcom ldan 'das/ /mtha' gnyis lta ba rtag tu mi mnga' ba/ /las kyi rnam smin 'bras bu kho na gsung / /lha'i mun bral khyod la phyag 'tshal lo/ /gang nas ma byon gang du'ang gshegs ma lags/ /rtag tu dben pa'i chos rnams rab gsung ba/ /smig rgyu rgyu bzhin nga yi mi mnga' ba/ /dge ba'i chos tshul khyod la phyag 'tshal lo/ /skye ba mi skye gang du'ang skye ma lags/ /skye dang 'jig dang gang du'ang mi bas pa/ /chos kyi gnas nyid ji lta'i gnas la gnas/ /gnas la mi gnas rgyal la phyag 'tshal lo/ /de bzhin kho na de bzhin yang dag gsung / /rtag tu mi g.yo de bzhin nyid la bzhugs/ /ri rab rgyal mtshan rdo rje 'dra ba'i sku/ /mi g.yo ri rab mtshungs la phyag 'tshal lo/ /sku ni dben zhing mnyam thugs blo ldan pa/ /grags pa mtha' yas 'jig rten gsum grags pa/ /skyes bu mchog la zhu ba zhus pa rnams/ /'jig rten zla bas myur du skabs dbyer gsol/ /de nas byang chub sems dpa' sems dpa' chen po lha'i cod pan gyis tshul dang 'thun pa'i tshigs su bcad pa 'di dag gis bcom ldan 'das la mngon par bstod nas 'di skad ces gsol to/ /bcom ldan 'das gal te bdag gis zhus pa lung bstan pa'i slad du/ de bzhin gshegs pa dgra bcom pa yang dag par rdzogs pa'i sangs rgyas kyis skabs dbye bar gnang na bcom ldan 'das la bdag</font><hr>53.288b<br><font size=+1>

phyogs 'ga' zhig zhu'o/ /de skad ces gsol pa dang / bcom ldan 'das kyis byang chub sems dpa' sems dpa' chen po lha'i cod pan la 'di skad ces bka' stsal to/ /rigs kyi bu khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / nges dri ba dris pa de dang de'i lung bstan pas khyod kyi sems rangs par bya'o/ /de skad ces bka' stsal pa dang / byang chub sems dpa' sems dpa' chen po lha'i cod pan gyis bcom ldan 'das la legs so zhes gsol te/ bcom ldan 'das kyi ltar nyan cing bcom ldan 'das la 'di skad ces gsol to/ /bcom ldan 'das ji ltar na byang chub sems dpa' spobs pa sna tshogs kyi rgyan dang ldan pa rnams lags/ ji ltar na byang chub sems dpa' chos zab mo rnam par gdon mi za ba la 'jug pa shes pa la mkhas pa rnams lags/ ji ltar na byang chub sems dpa' sems can thams cad kyi dbang po mchog dang mchog ma lags pa shes pa la mkhas pa rnams lags/ ji ltar na byang chub sems dpa' so so ci rig par chos ston pa la mkhas pa rnams lags/ ji ltar na byang chub sems dpa' sems can thams cad la sems kyi bsam pa mnyam zhing spyod pa shes pa la 'jug par mkhas pa rnams lags/ ji ltar na byang chub sems dpa' rgyu dang dbye ba dang / las kyi rnam par smin pa la 'jug pa shes pa la brjed pa ma mchis par spyod pa rnams lags/ ji ltar na byang chub sems dpa' sbyin pa'i rgyan gyis brgyan pa rnams lags/ ji ltar na byang chub sems dpa' tshul khrims kyi rgyan gyis brgyan pa rnams lags/ ji ltar na byang chub sems dpa' bzod pa'i rgyan gyis brgyan pa rnams lags/ ji ltar na byang chub sems dpa' brtson 'grus kyi rgyan gyis</font><hr>53.289a<br><font size=+1>

brgyan pa rnams lags/ ji ltar na byang chub sems dpa' bsam gtan gyi rgyan gyis brgyan pa rnams lags/ ji ltar na byang chub sems dpa' shes rab kyi rgyan gyis brgyan pa rnams lags/ ji ltar na byang chub sems dpa' tshangs pa'i lam la mkhas pa rnams lags/ ji ltar na byang chub sems dpa' mngon par shes pa las mi nyams pa rnams lags/ ji ltar na byang chub sems dpa' g.yul las rnam par rgyal ba rnams lags/ ji ltar na byang chub sems dpa' rgal nas pha rol thang la gnas pa rnams lags/ ji ltar na byang chub sems dpa' nyan thos dang / rang sangs rgyas thams cad dang / sems can thams cad kyi spyod lam yang ston la mtshungs par spyod par yang rnam par mi rtog pa rnams lags/ ji ltar na byang chub sems dpa' 'khor ba la yang lta la mya ngan las 'das pa la yang mi gnas pa rnams lags/ ji ltar na byang chub sems dpa' khams sna tshogs la yang rnam par lta la chos kyi dbyings las kyang mi g.yo ba rnams lags/ ji ltar na byang chub sems dpa' don yang mi 'dor la gnod par yang kun du gda' ba rnams lags/ ji ltar na byang chub sems dpa' bsod nams kyi nor dang ldan la thabs kyis nor ma mchis pa rnams lags/ ji ltar na byang chub sems dpa' a zhes bgyi ba'i sgos rnam pa ma mchis pa'i sgor 'jug pa rnams lags/ ji ltar na byang chub sems dpa' sangs rgyas kyi chos thams cad mngon sum du 'gyur ba rnams lags/ ji ltar na byang chub sems dpa' chos rnam par gdon mi za ba rnams la rnam par phye ba</font><hr>53.289b<br><font size=+1>

shin du rnam par 'byed pa rnams lags/ ji ltar na byang chub sems dpa' 'jig rten gyi bya ba dang 'thun par zhugs kyang nyon mongs pa thams cad kyis mi gos pa rnams lags/ ji ltar na byang chub sems dpa' gzhan dag gis bltar mi mthong ba'i chos kyi dbang phyug rnams lags/ ji ltar na byang chub sems dpa' de bzhin gshegs pa mthong ba dang mi 'bral ba rnams lags/ ji ltar na byang chub sems dpa' shin du dul zhing mi 'khrugs pa'i chos can rnams lags/ ji ltar na byang chub sems dpa' chos rnams blangs pa ma mchis par slob dpon rnams lags/ ji ltar na byang chub sems dpa' sems can thams cad kyi ston par gyur pa rnams lag / ji ltar na byang chub sems dpa' sangs rgyas thams cad kyi chos kyi 'khor lo rjes su bskor ba rnams lags/ ji ltar na byang chub sems dpa' sangs rgyas kyi chos thams cad dbang bskur ba thob pa rnams lags/ de skad ces gsol pa dang bcom ldan 'das kyis byang chub sems dpa' sems dpa' chen po lha'i cod pan la legs so zhes bya ba gnang ste/ rigs kyi bu legaso legs so/ /rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che'i don dang / lha dang mi rnams la phan pa dang / bde ba'i phyir zhugs pa dang / rigs kyi bu khyod da ltar gyi dang / ma 'ongs pa'i sems can rnams rjes su gzung ba dang / theg pa chen po 'di yun ring du gnas par bya ba'i phyir/ rigs kyi bu khyod de bzhin gshegs pa la gang don 'di yongs su</font><hr>53.290a<br><font size=+1>

'dri bar sems pa ni legs so/ /rigs kyi bu de'i phyir shin du legs par nyon la yid la zung shig dang nges khyod la bshad do/ /bcom ldan 'das legs so zhes gsol nas/ byang chub sems dpa' sems dpa' chen po lha'i cod pan bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /rigs kyi bu byang chub sems dpa' chos bzhi dang ldan na spobs pa sna tshogs kyi rgyan dang ldan pa rnams yin no/ /bzhi gang zhe na/ 'di lta ste/ sems can thams cad la 'od zer thogs pa med pa rnams rin po che dang sdug pa'i dngos po thams cad yongs su gtang zhing yid 'gyod pa med pa rnams yin/ chos smra ba gzhan dag gis bshad pa mi zlog cing rjes su yid rang ste dga' ba dang / mgu ba dang / dang ba dang mchog tu dga' ba thob nas legs so zhes bya ba sbyin pa dang / chos mnyan pa 'am/ chos bgro ba 'am/ de bzhin gshegs pa'i mchod rten gyi phyir ram/ mtshan mo 'dug par bskul na mchog tu dga' ba dang ldan pa dang / byang chub kyi sems kyi lhag pa'i bsam pa dang / zang zing med pa'i sems kyi chos kyi sbyin pa sbyin ste/ rigs kyi bu byang chub sems dpa' chos 'di bzhi dang ldan na spobs pa sna tshogs rgyan dang ldan pa rnams yin no/ /rigs kyi bu byang chub sems dpa' chos bzhi dang ldan na chos zab mo rnam par gdon mi za ba la 'jug pa shes pa la mkhas pa rnams yin no/ /bzhi gang zhe na/ rten cing 'brel par 'byung ba dang rjes su 'thun pa dang / bdag gi rang bzhin ltar sems can thams cad kyi rang bzhin rtogs pa dang / 'du byed thams cad gar yang mi</font><hr>53.290b<br><font size=+1>

'gro/ gang nas kyang ma 'ongs par rab tu shes pa dang / chos thams cad nam mkha'i phyag rgyas btab par mos pa ste/ rigs kyi bu byang chub sems dpa' chos 'di bzhi dang ldan na chos zab mo rnam par gdon mi za ba la 'jug pa shes pa la mkhas pa rnams yin no/ /rigs kyi bu byang chub sems dpa' chos bzhi dang ldan na sems can thams cad kyi dbang po mchog dang mchog ma yin pa shes pa la mkhas pa rnams yin no/ /bzhi gang zhe na/ chos kyi dbyings kyi sgo shin du sbyangs pa dang / sgrib pa med pa'i sgo mngon sum du gyur pa dang / mngon par shes pas rnam par rtse ba shes pa dang / sems las su rung zhing ting nge 'dzin phun sum tshogs pa ste/ rigs kyi bu byang chub sems dpa' chos 'di bzhi dang ldan na sems can thams cad kyi dbang po mchog dang / mchog ma yin pa shes pa la mkhas pa rnams yin no/ /rigs kyi bu byang chub sems dpa' chos bzhi dang ldan na so so ci rigs par chos ston pa la mkhas pa rnams yin no/ /bzhi gang zhe na/ so so yang dag par rig pa shes pa dang / sems can gzud pa shes pa dang / chos rab tu rnam par 'byed pa'i shes pa dang / bdag gis sems sbyangs pas sems can thams cad kyi sems sbyangs par rab tu shes pa ste/ rigs kyi bu byang chub sems dpa' chos 'di bzhi dang ldan na so so ci rigs par chos ston pa la mkhas pa rnams yin no/ /rigs kyi bu byang chub sems dpa' chos bzhi dang ldan na sems can thams cad la sems kyi bsam pa mnyam zhing spyod pa shes pa la 'jug par mkhas pa rnams yin no/ /bzhi gang zhe na/ shes rab kyi 'dzud pa dang / ye shes chags pa med pa dang / thabs kyis zhugs pas sgrib pa thams cad rgyun bcad pa dang / blo shin du sbyangs pa ste/ rigs kyi bu</font><hr>53.291a<br><font size=+1>

byang chub sems dpa' chos 'di bzhi dang ldan na sems can thams cad la sems kyi bsam pa mnyam zhing / spyod pa shes pa la 'jug par mkhas pa rnams yin no/ /rigs kyi bu byang chub sems dpa' chos bzhi dang ldan na rgyu dang / bya ba dang las kyi rnam par smin pa la 'jug par shes pa la brjed pa med par spyod pa rnams yin no/ /bzhi gang zhe na/ chad par smra ba ma yin pa dang / rtag par smra ba ma yin pa dang / rgyu dang bya ba dang las kyi 'bras bu la yang dag par ji lta ba bzhin du 'jug pa dang / chos la chos nyid du byed cing chos la chos su smra'i 'di la bdag dang bdag gir mi smra ba ste/ de ltar bya ba la 'jug pas rgyu dang bya ba dang las kyi 'bras bu ma rung bar mi byed pa ste/ rigs kyi bu byang chub sems dpa' chos 'di bzhi dang ldan na/ rgyu dang bya ba dang las kyi rnam par smin pa la 'jug pa shes pa la brjed pa med par spyod pa rnams yin no/ /rigs kyi bu byang chub sems dpa' chos bzhi dang ldan na sbyin pa'i rgyan gyis brgyan pa rnams yin no/ /bzhi gang zhe na/ mtshan kyis legs par brgyan pa rnams yin/ dpe byad bzang pos rnam par spras pa rnams yin/ gzugs lta bas mi ngoms pa rnams yin/ lag na rin po che thob pas longs spyod mi zad pa ste/ rigs kyi bu byang chub sems dpa' chos 'di bzhi dang ldan na sbyin pa'i rgyan gyis brgyan pa rnams yin no/ /rigs kyi bu byang chub sems dpa' chos bzhi dang ldan na/ tshul khrims kyi rgyan gyis brgyan pa rnams yin no/ /bzhi gang zhe na/ 'khor los bsgyur ba'i rgyal por 'gyur zhing byang chub kyi sems kyis brgyan pa dang / lha'i dbang po brgya byin du 'gyur zhing byang chub kyi sems kyis brgyan pa dang / mi 'jed kyi bdag po tshangs par 'gyur zhing byang chub kyi sems</font><hr>53.291b<br><font size=+1>

kyis brgyan pa dang / ngan 'gro thams cad yang dag par bcad nas lha dang mir skye ba yongs su bzung bar gyur cing byang chub kyi sems kyis brgyan pa yin te/ rigs kyi bu byang chub sems dpa' chos 'di bzhi dang ldan na tshul khrims kyi rgyan gyis brgyan pa rnams su rig par bya'o/ /rigs kyi bu byang chub sems dpa' chos bzhi dang ldan na bzod pa'i rgyan gyis brgyan pa rnams yin no/ /bzhi gang zhe na/ tshangs pa'i skad dang sgra dbyangs lta bu dang ldan pa rnams yin/ ka la ping ka'i sgra dang / rnga sgra lta bu dang ldan pa rnams yin/ skye bo mang pos mthong na sdug cing yid du 'ong ba rnams yin/ dge ba'i chos rnams la yi dam la brtan pa rnams yin te/ rigs kyi bu byang chub sems dpa' chos 'di bzhi dang ldan na bzod pa'i rgyan gyis brgyan pa rnams su rigs par bya'o/ /rigs kyi bu byang chub sems dpa' chos bzhi dang ldan na brtson 'grus kyi rgyan gyis brgyan par rig par bya'o/ /bzhi gang zhe na/ dam bcas pa nyams 'og tu chud par bya ba'i chog shes pas dge ba'i chos rnams la yi dam la brtan pa rnams yin/ pha rol gyis mnan pa med pas rdo rje yi lus rab tu thob pa rnams yin/ bya ba ci yod ces bya ba la mos pas gsol ba ma btab par sems can thams cad la dge ba'i bshes gnyen byed pa rnams yin/ thos pa'i tshogs bsags pas mi ngoms pa'i phyir yid yongs su mi skyo ba rnams yin te/ rigs kyi bu byang chub sems dpa' chos 'di bzhi dang ldan na/ brtson 'grus kyi rgyan gyis brgyan pa rnams su rig par bya'o/ /rigs kyi bu byang chub sems dpa' chos bzhi dang ldan na bsam gtan gyi rgyan gyis brgyan pa rnams yin no/ /bzhi gang zhe na/ mi rgod pa rnams yin/ ma khengs pa rnams yin/ mu cor smra ba med pa rnams yin/ cang</font><hr>53.292a<br><font size=+1>

shes kyi sems mi 'dor ba rnams yin te/ rigs kyi bu byang chub sems dpa' chos 'di bzhi dang ldan na bsam gtan gyi rgyan gyis brgyan pa rnams yin no/ /rigs kyi bu byang chub sems dpa' chos bzhi dang ldan na shes rab kyi rgyan gyis brgyan pa rnams yin no/ /bzhi gang zhe na/ 'di lta ste/ bdag dang sems can dang / srog dang gso ba dang / skyes bu dang gang zag tu smra ba med pa rnams yin/ spobs pa chags pa med pa rnams yin/ tshig thams cad rab tu dbye ba bstan pa shes pa la mkhas pa rnams yin/ chos thams cad la som nyi med cing the tsom dang bral ba rnams yin te/ rigs kyi bu byang chub sems dpa' chos 'di bzhi dang ldan na shes rab kyi rgyan gyis brgyan pa rnams yin no/ /rigs kyi bu byang chub sems dpa' chos bzhi dang ldan na tshangs pa'i lam la mkhas pa rnams yin no/ /bzhi gang zhe na/ 'di lta ste/ sems can thams cad kyi dpung gnyen bya ba'i phyir mngon par bsgrubs pa'i byams pa dang / sems can thams cad yongs su smin par bya ba'i phyir mngon par bsgrubs pa'i snying rje chen po dang / chos thams cad la dga' bas mngon par bsgrubs pa'i dga' ba dang / de bzhin gshegs pa'i ye shes kyi phyir mngon par bsgrubs pa'i btang snyoms te/ rigs kyi bu byang chub sems dpa' chos 'di bzhi dang ldan na tshangs pa'i lam la mkhas pa rnams yin no/ /rigs kyi bu byang chub sems dpa' chos bzhi dang ldan na mngon par shes pa las mi nyams pa rnams yin no/ /bzhi gang zhe na/ 'di lta ste/ bsam gtan bzhi sdud pa'i shes pa dang / gzugs med pa'i snyoms par 'jug pa bzhi bsgrubs pa'i thabs shes pa dang / rang gis sems la dbang sgyur ba'i chos shes pa dang / sangs rgyas la blta ba'i phyir sangs rgyas kyi</font><hr>53.292b<br><font size=+1>

zhing mtha' yas par 'gro ba ste/ rigs kyi bu byang chub sems dpa' chos 'di bzhi dang ldan na mngon par shes pa las mi nyams pa rnams yin no/ /rigs kyi bu byang chub sems dpa' chos bzhi dang ldan na g.yul las rnam par rgyal ba rnams yin no/ /bzhi gang zhe na/ 'di lta ste/ nang nye bar zhi ba dang / phyi rol du mi rgyu ba dang / chos thams cad la sgyu ma lta bu rab tu rtog pa'i shes pa dang / ye shes kyi stobs can yin gyi nyon mongs pa'i stobs can ma yin pa ste/ rigs kyi bu byang chub sems dpa' chos 'di bzhi dang ldan na g.yul las/ rnam par rgyal ba rnams yin no/ /rigs kyi bu byang chub sems dpa' chos bzhi dang ldan na rgal nas pha rol thang la gnas pa rnams yin no/ /bzhi gang zhe na/ 'di lta ste/ 'dod pa'i chu bo yang rab tu shes la 'dod chags dang bral ba/ yang mngon sum du mi byed pa dang / srid pa'i chu bo yang rab tu shes la bsams bzhin du yang skye ba dang / lta ba'i chu bo yang rab tu shes la lta ba'i bcings bas bcings pa yang mi 'dor ba dang / ma rigs pa'i chu bo yang rab tu shes la rten cing 'brel bar 'byung ba'i rjes su 'thun par yang byed pa ste/ rigs kyi bu byang chub sems dpa' chos 'di bzhi dang ldan na rgal nas pha rol thang la gnas pa rnam yin no/ /rigs kyi bu byang chub sems dpa' chos bzhi dang ldan na nyan thos dang rang sangs rgyas thams cad dang / sems can thams cad kyi spyod lam yang ston la mtshungs par spyod pa yang rnam par mi rtog pa rnams yin no/ bzhi gang zhe na 'di lta ste/ sgyu ma lta bu'i ting nge 'dzin shin du yongs su bsgrubs pa dang / chos thams cad rnam par bsgrubs pas so sor nye bar gnas pa'i mtshan nyid du shin du brtags pa dang / </font><hr>53.293a<br><font size=+1>

mngon par shes pa lngas rnam par rtse ba shes pa dang ldan pa dang / yid kyi lus mngon par bsgrubs pa la mkhas pa ste/ rigs kyi bu byang chub sems dpa' chos 'di bzhi dang ldan na nyan thos dang / rang sangs rgyas thams cad dang / sems can thams cad kyi spyod lam yang ston la mtshungs par spyod par yang rnam par mi rtog pa rnams yin no rigs kyi bu byang chub sems dpa' chos bzhi dang ldan na 'khor ba la yang lta la mya ngan las 'das pa la yang mi gnas pa rnams yin no/ /bzhi gang zhe na 'di lta ste/ sangs rgyas kyi byin gyis brlabs dang / snying rje chen po'i sems dang / thabs la mkhas pa dang / sngon gyi yi dam mi 'dor ba ste/ rigs kyi bu byang chub sems dpa' chos bzhi dang ldan na 'khor ba la yang lta la mya ngan las 'das pa yang mi gnas pa rnams yin no/ /rigs kyi bu byang chub sems dpa' chos bzhi dang ldan na khams sna tshogs la yang rnam par lta la chos kyi dbyings las kyang mi g.yo'o/ /bzhi gang zhe na/ 'di lta ste/ sems can rang bzhin med pas chos rang bzhin med par rtog pa dang / chos rang bzhin med pas sems can rang bzhin med par rtog pa dang / sems can rang bzhin med pas sangs rgyas kyi chos rang bzhin med par mos pa dang / sems can rang bzhin med pa la som nyi med cing the tsom dang bral ba yin te/ rigs kyi bu byang chub sems dpa' chos 'di bzhi dang ldan na khams sna tshogs la yang rnam par lta la chos kyi dbyings las kyang mi g.yo'o/ /rigs kyi bu byang chub sems dpa' chos bzhi dang ldan na don yang mi 'dor la gnod par yang kun du snang ngo / /bzhi gang zhe na 'di lta ste/ bsam pa mya ngan las 'das par song ba rnams yin/ sbyor ba 'khor bar song ba rnam yin/ </font><hr>53.293b<br><font size=+1>

sangs rgyas kyi chos thams cad yongs su bskang ba la bsam pa song ba rnams yin/ nyan thos dang / rang sangs rgyas kyi yul la yang kun du snang ba rnams yin te/ rigs kyi bu byang chub sems dpa' chos 'di bzhi dang ldan na don yang mi 'dor la gnod par yang kun du snang ngo / /rigs kyi bu byang chub sems dpa' chos bzhi dang ldan na bsod nams kyis nor dang ldan la thabs kyi nor med pa rnams yin no/ /bzhi gang zhe na/ 'di lta ste/ rgya chen po la mos pa'i sems can 'dul ba'i phyir bsod nams kyis 'khor los sgyur ba dang / brgya byin dang tshangs pa'i bsod nams kyang nye bar ston pa dang / 'gro ba phal pa 'dul ba'i phyir dbul zhing dman par yang nye bar ston pa dang / slong ba mthong na bdog pa thams cad gtong zhing / nor med par yang 'gyur ba dang / nor chen po dang ldan pa mthong na bsod nams kyis longs spyod zad mi shes par yang nye bar ston pa ste/ rigs kyi bu byang chub sems dpa' chos 'di bzhi dang ldan na bsod nams kyis nor dang ldan pa yin la/ thabs kyis nor med pa rnams yin no/ /rigs kyi bu byang chub sems dpa' chos bzhi dang ldan na a zhes bya ba'i sgos rnam pa med pa'i sgo la 'jug pa rnams yin no/ /bzhi gang zhe na 'di lta ste/ 'du byed thams cad mi rtag par shes pa sbyong ba dang / 'du byed thams cad gzod ma nas sdug bsngal lo zhes byang chub rab tu rnyed pa dang / chos thams cad bdag med do zhes lta bar gyur pa yongs su sbyong ba dang / mya ngan las 'das pa ni gzod ma nas zhi ba zhes ye shes la 'jug pa ste/ rigs kyi bu byang chub sems dpa' chos 'di bzhi dang ldan na/ a zhes bya ba'i sgos rnam pa med pa'i sgo la 'jug pa rnams yin no/ /rigs</font><hr>53.294a<br><font size=+1>

kyi bu byang chub sems dpa' chos bzhi dang ldan na sangs rgyas kyi chos tham cad mngon sum du 'gyur ba yin no/ /bzhi gang zhe na 'di lta ste/ shes rab kyi mig shin du rnam par dag pa rnams yin/ chos kyi mig gis snang ba thob pa rnams yin/ sangs rgyas kyi spyan mngon sum du gyur pa rnams yin/ sangs rgyas kyi chos thams cad la dbang bskur ba thob pa rnams yin te/ rigs kyi bu byang chub sems dpa' chos 'di bzhi dang ldan na sangs rgyas kyi chos mngon sum du 'gyur ba rnams yin no/ /rigs kyi bu byang chub sems dpa' chos bzhi dang ldan na/ chos rnam par gdon mi za ba/ rnams la rnam par phye ba shin du rnam par 'byed pa rnams yin no/ /bzhi gang zhe na/ 'di lta ste so so yang dag par rig pa shes pa sgrib pa med pa dang / bden pa bzhi rnam par dgod pa shes pa dang / rton pa la gnas su shes pa dang / gzungs la g.yeng ba med par shes pa ste/ rigs kyi bu byang chub sems dpa' chos 'di bzhi dang ldan na chos rnam par gdon mi za ba rnams la rnam par phye ba shin du rnam par 'byed pa rnams yin no/ /rigs kyi bu byang chub sems dpa' chos bzhi dang ldan na 'jig rten gyi bya ba dang / 'thun par zhugs kyang nyon mongs pa thams cad kyis mi gos pa rnams yin no/ /bzhi gang zhe na/ 'di lta ste 'jig rten gyi chos mngon sum du gyur pa dang / 'jig rten las sems can yang dag par sgrol ba dang / rjes su chags pa dang / khong khro ba spong ba dang / gzod ma nas rnam par dag cing 'od gsal bas kyang rang bzhin gyis nyon mongs pa med pa yin te/ rigs kyi bu byang chub sems dpa' chos bzhi dang ldan na 'jig rten gyi bya ba dang</font><hr>53.294b<br><font size=+1>

'thun par zhugs kyang nyon mongs pa thams cad kyis mi gos pa rnams yin no/ /rigs kyi bu byang chub sems dpa' chos bzhi dang ldan na gzhan dag gis bltar mi mthong ba'i chos kyi dbang phyug rnam yin no/ /bzhi gang zhe na 'di lta ste/ sems kyi dbang phyug dang / shes rab kyi dbang phyug dang / ye shes kyi dbang phyug dang / thabs kyi dbang phyug ste/ rigs kyi bu byang chub sems dpa' chos 'di bzhi dang ldan na gzhan dag gis bltar mi mthong ba'i chos kyi dbang phyug rnams yin no/ /rigs kyi bu byang chub sems dpa' chos bzhi dang ldan na/ de bzhin gshegs pa mthong ba dang mi 'bral ba rnams yin no/ /bzhi gang zhe na 'di lta ste/ sems can rnams sangs rgyas mthong ba yang dag par 'dzin du 'jug pa dang / sems can rnams chos nyan pa yang dag par 'dzin du 'jug pa dang / sems can rnams byang chub kyi sems yang dag par 'dzin du 'jug pa dang / sangs rgyas rjes su dran pa'i ting nge 'dzin dang mi 'bral ba yin te/ rigs kyi bu byang chub sems dpa' chos 'di bzhi dang ldan na de bzhin gshegs pa mthong ba dang mi 'bral ba rnams yin no/ /rigs kyi bu byang chub sems dpa' chos bzhi dang ldan na shin du dul zhing mi 'khrugs pa'i chos can rnams yin no/ /bzhi gang zhe na 'di lta ste/ 'phags pa 'jig rten las 'das pa'i shes rab kyis rnam par grol ba ye shes mthong ba mngon sum du gyur pa dang / bden pa la nye bar brtags pas chos thams cad ji lta ba bzhin pa dang / bag chags kyi mtshams sbyor ba thams cad yang dag par gcod pa la mkhas par gyur pa dang / nyon mongs pas mi 'khrugs pa'i chos can te/ rigs kyi bu byang chub sems dpa' chos bzhi dang ldan na shin du dul zhing mi 'khrugs pa'i chos can rnams yin no/ /</font><hr>53.295a<br><font size=+1>

rigs kyi bu byang chub sems dpa' chos bzhi dang ldan na chos rnams blangs pa med par slob dpon rnams yin no/ /bzhi gang zhe na/ 'di lta ste/ sems can thams cad la phan pa'i dngos po phun sum tshogs pa rnams yin/ sems can yongs su smin par bya ba la brtan zhing bsam pa sgyu med pa rnams yin/ bdag gis bde ba la mi chags pa rnams yin/ gang ye shes yongs su tshol ba de yang / sems can thams cad kyi ched du yin gyi bdag 'ba' shig gi phyir ma yin pa ste/ rigs kyi bu byang chub sems dpa' chos 'di bzhi dang ldan na chos rnams blangs pa med par slob dpon rnams yin no/ /rigs kyi bu byang chub sems dpa' chos bzhi dang ldan na sems can thams cad kyi ston par gyur pa rnams yin no/ /bzhi gang zhe na/ 'di lta ste/ bdag gi don btang zhing gzhan gyi don byed pa rnams yin/ bdag gi bde ba thams cad gtong zhing sems can rnams la chos kyi bde ba sbyin pa rnam yin/ ji ltar thos pa'i chos ston pa la ngal ba med pa rnams yin/ chos kyi 'tsho bas 'tsho'i zang zing gis 'tsho ba ma yin pa ste/ rigs kyi bu byang chub sems dpa' chos 'di bzhi dang ldan na sems can thams cad kyi rton par gyur pa rnams yin no/ /rigs kyi bu byang chub sems dpa' chos bzhi dang ldan na/ sangs rgyas thams cad kyi chos kyi 'khor lo rjes su bskor ba rnams yin no/ /bzhi gang zhe na/ 'di lta ste/ gzungs rab tu thob pa dang / spobs pa rgyun mi 'chad pa dang / sems can gyi bsam pa shes pa la 'jug pa dang / mya ngan las 'das pa'i lam du khrid cing mi phyed pa'i chos ston pa yin te/ rigs kyi bu byang chub sems dpa' chos 'di bzhi dang ldan na sangs rgyas thams cad kyi chos kyi 'khor lo rjes su bskor ba rnams yin no/ /rigs kyi bu byang chub sems</font><hr>53.295b<br><font size=+1>

dpa' chos bzhi dang ldan na sangs rgyas kyi chos thams cad la dbang bskur ba thob pa rnams yin no/ /bzhi gang zhe na/ 'di lta ste/ spyod pa thams cad las rab tu 'das pa rnams yin/ byang chub sems dpa'i spyod pa las mi ldog cing mi skye ba'i chos la bzod pa rab tu thob pa rnams yin/ bsams bzhin du tshe dang / 'chi 'pho dang / skye ba yang ston la phyir mi ldog pa'i phyag rgyas kyang btab pa rnams yin/ de bzhin gshegs pa'i phyag rgya la yang dag par gzhol zhing sa bcur nges par byung na/ sa nas sar 'phar ba la mkhas pa yin te/ rigs kyi bu byang chub sems dpa' chos 'di bzhi dang ldan na sangs rgyas kyi chos thams cad la dbang bskur ba thob pa rnams yin no/ /bcom ldan 'das kyis bzhis bsgrub pa'i chos kyi rnam grangs 'di bshad pa na/ stong gsum gyi stong chen po'i 'jig rten gyi khams 'di rnam pa drug tu g.yos nas snang ba chen pos kyang 'jig rten gyi khams khyab par gyur to/ /steng gi bar snang las lha bye ba khrag khrig brgya stong gis lha'i glu dbyangs blangs te/ lha'i me tog mAn dA ra ba'i char rab tu phab nas 'di skad ces kye ma'o bcom ldan 'das kyis 'dir sangs rgyas bcom ldan 'das rnams kyi bla na med pa yang dag par rdzogs pa'i byang chub bzhi pa bsgrub pa'i/ chos kyi rnam grangs 'di las bstan pa 'di ni bskal pa bye ba khrag khrig grangs med pa nas bsgrubs pa lakas so/ /bcom ldan 'das gang bzhi pa sgrub pa'i chos kyi rnam grangs 'di nyan pa dang / mnyan nas mos pa dang / mos nas 'dzin pa dang / 'chang ba dang klog pa dang / kun chub par bgyid pa dang / gzhan dag la yang ston pa dang / byang chub kyi sems dang mi 'bral ba'i sems can de dag ni dge ba'i rtsa ba/ ngan ngon dang ldan pa ma lags te/ de dag ni ji ltar de bzhin gshegs pa dgra bcom pa yang</font><hr>53.296a<br><font size=+1>

dag par rdzogs pa'i sangs rgyas da ltar seng ge'i sgra sgrog pa bzhin du lha dang mi dang / lha ma yin gyi 'jig rten gyi mdun du seng ge'i sgra sgrog par 'gyur ro/ /bcom ldan 'das bdag cag kyang bzhi pa sgrub pa'i chos kyi rnam grangs 'di thos pas rnyed pa legs par rnyed do/ /zhes ched du brjod pa ched du brjod do/ /bcom ldan 'das kyis bzhi pa bsgrub pa'i chos kyi rnam grangs 'di bshad pa na/ lha dang mi'i srog chags brgyad khri bzhi stong ni/ bla na med pa yang dag par rdzogs pa'i byang chub tu sems skyes so/ /byang chub sems dpa' khri nyis stong ni mi skye ba'i chos la bzod pa rab tu thob par gyur to/ /de nas bcom ldan 'das la byang chub sems dpa' sems dpa' chen po lha'i cod pan gyis 'di skad ces gsol to/ /bcom ldan 'das gang dag de bzhin gshegs pa/ yongs su mya ngan las 'das pa'i mdo sde 'di lta bu 'di 'dzin pa dang / gzhan dag la rgya cher rab tu ston pa'i byang chub sems dpa' de dag chos du dang ldan par 'gyur/ bcom ldan 'das kyis bka' stsal pa/ rigs kyi bu gang dag de bzhin gshegs pa yongs su mya ngan las 'das pa'i mdo sde 'di lta bu 'di 'dzin pa dang / gzhan dag la yang rgya cher yang dag par ston pa'i/ byang chub sams dpa' de dag ni chos brgyad dang ldan par 'gyur ro/ /brgyad gang zhe na/ 'di lta ste/ de dag yang dag par rdzogs pa'i byang chub la bsam pa nges te/ bsam pa phun sum tshogs par 'gyur ba dang / sems can thams cad la zhe sdang ba'i sems med de/ shin du byams pa bsgom pa bsgoms par 'gyur ba dang / sems can thams cad yongs su smin par bya ba la gnas te/ snying rje chen po la gnas par 'gyur ba dang / chos 'dod de chos don du gnyer bar</font><hr>53.296b<br><font size=+1>

'gyur ba dang / thos pa tshol bas mi ngoms te mtsho chen rgya mtsho lta bur 'gyur ba dang / lus dang srog 'dor zhing dam pa'i chos yongs su 'dzin par 'gyur ba dang / bsod nams kyi tshogs bsags te/ dge ba'i rtsa ba brtan par 'gyur ba dang / sangs rgyas kyi byin gyi brlabs kyis byin gyis brlabs te smon lam gyis yang dag par byung bar 'gyur ba dang / 'khor gyi nang du 'jigs pa med pas bdud dang phyir rgol ba bcom par 'gyur ba ste/ rigs kyi bu gang de bzhin gshegs pa yongs su mya ngan las 'das pa'i mdo sde 'di lta bu 'di 'dzin pa dang / gzhan dag la rgya cher ston pa'i byang chub sems dpa' de dag ni chos brgyad po 'di dag dang ldan par 'gyur ro/ /de nas de'i tshe sangs rgyas kyi mthus stong gsum gyi stong chen po'i 'jig rten gyi khams 'di rnam pa drug tu g.yos par gyur to/ /stong gsum gyi stong chen po'i 'jig rten gyi khams 'di na gang dag sa phyogs mtho dma' can dang / ri nag po dang / chu mig dang / mtsho dang lteng ka dang / rgya mtsho chen po de dag thams cad mi snang bar gyur to/ /sa chen po 'di thams cad kyang lag mthil ltar mnyam par gnas par gyur to/ /chu na gnas pa'i sems can rnams la yang gnod pa med par gyur to/ /stong gsum gyi stong chen po'i 'jig rten gyi khams 'di na shing gang dag lo brgya lon pa de dag thams cad las kyang me tog dang / 'bras bu sna tshogs skyes par gyur nas/ bcom ldan 'das ga la ba de logs su btud mngon par btud nas phyag 'tshal bar gyur to/ /de ma yin pa shing gzhan thams cad las kyang me tog dang / 'bras bu sna tshogs skyes nas bcom ldan 'das ga la ba de logs su btud mngon par btud nas phyag 'tshal bar gyur to/ /sa chen</font><hr>53.297a<br><font size=+1>

po las pad ma tshad shing rta'i 'khor lo tsam sna tshogs blta na sdug pa kha dog dang ldan pa dri dang ldan pa yid du 'ong ba skyes so/ /snang ba chen pos kyang stong gsum gyi stong chen po'i 'jig rten gyi khams 'di gsal bar gyur to/ /mi snang zhing ma dkrol bar steng gi bar snang las lha'i sil snyan dang / glu dbyangs kyi sgra byung ste grags par gyur to/ /ri'i rgyal po gangs can dang / ri'i rgyal po spos kyi ngad ldang las kyang lha'i me tog sna tshogs sngon dri me mnam pa rnams kyang mchog gi dri langs par gyur te/ dri des stong gsum gyi stong chen po'i 'jig rten gyi khams 'dir dri zhim po bsnam par gyur to/ /ri'i rgyal po gangs can dang / ri'i rgyal po spos kyi ngad ldang de las me tog gi char chen po bab ste/ de dag bcom ldan 'das kyi 'khor gyi dkyil 'khor gang na ba der mngon par babs nas sa chen po 'dir me tog gi char de dag gis pus mo man cad nub par gyur to/ /me tog gi shing de dag las me tog sna tshogs kyi char rab tu 'bab cing / sil snyan dang / glu dbyangs sna tshogs kyi sgra dag kyang byung ngo / /steng gi bar snang la rin po che sna tshogs kyi gdugs dpag tshad brgya stong phrag bcu'i tshad tsam kun du gnas par gyur to/ /rin po che'i gdugs de las mu tig gi do shal dang / rin po che'i dril bu g.yer ka'i dril bu sna tshogs kyi dra ba 'phyang bar gyur to/ /dril bu g.yer ka'i dra ba'i sgra yid du 'ong ba/ yid dga' bar byed pa/ chags par byed pa des stong gsum gyi stong chen po'i 'jig rten gyi khams 'di go bar byas par gyur to/ /de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das dga' bar bgyid pa/ mgu bar bgyid pa'i</font><hr>53.297b<br><font size=+1>

mtshan ma rgya chen po 'di lta bu 'di dang / stong gsum gyi stong chen po'i 'jig rten gyi khams 'di rgyan thams cad kyis brgyan par gyur pa dga' ba 'di su'i snga ltas lags/ bcom ldan 'das kyis bka' stsal pa/ shA ri'i bu 'di ni mi 'am ci'i rgyal po sdong po ri spos kyi ngad ldang nas 'khor mi 'am ci stong phrag du ma dang 'khor dri za stong phrag du ma dang / 'khor lha stong phrag du ma dang bcas te 'ong ba de'i snga ltas so/ /de skad gsungs ma thag tu de nas skad cig de la mi 'am ci'i rgyal po sdong po sil snyan dang / glu dbyangs len pa brgyad khri bzhi stong dang / 'khor brgya stong du mas bskor nas steng gi bar snang la me tog gi chu bo'i char 'bebs shing / bcom ldan 'das ga la ba der 'ongs te phyin nas 'khor dang bcas pas/ bcom ldan 'das kyi zhabs la phyag 'tshal te/ bcom ldan 'das la lan gsum bskor ba byas nas bcom ldan 'das kyi spyan sngar 'dug go/ /de nas bcom ldan 'das kyi spyan sngar mi 'am ci'i rgyal po sdong po bdag nyid kyis pi bang gi khog pa bai dUr+ya las byas pa/ 'dzam bu'i gling gi gser gyi sab le'u can/ sa le sbram dang / nor bu dang / rin po che du mas spras pa/ sngon gyi las kyi rnam par smin pas yongs su sbyangs pa blangs te/ sil snyan brgyad khri bzhi stong po de dag dang lhan cig tu grag par byed do/ /mi 'am ci'i rgyal po sdong pos pi bang de blangs ma thag tu de nas pi bang gi sgra des stong gsum gyi stong chen po'i 'jig rten gyi khams dbyangs kyis go bar gyur to/ /pi bang gi sgra des 'dod pa na spyod pa'i rgyud kyi sgra dang / glu'i sgra dang / lha'i glu dbyangs kyi sgra rnams zil gyis mnan te mi gsal bar gyur to/ /de nas</font><hr>53.298a<br><font size=+1>

pi bang gi sgra bskul bas 'dod pa na spyod pa'i lha'i bu de dag gis/ lha'i rol mo bor te bcom ldan 'das ga la ba der lhags so/ /mi 'am ci'i rgyal po sdong pos pi bang de blangs ma thag tu de nas stong gsum gyi stong chen po'i 'jig rten gyi khams 'di'i shing dang / ri'i rgyal po ri rab dang / gangs can dang / spos kyi ngad ldang dang btang bzung dang / btang zung chen po dang / de ma yin pa gzhan ri nag po rnam dang / rtswa dang shing gel pa dang sman dang / nags tshal ji snyed pa de dag thams cad ldeg /rab tu ldeg /kun du rab tu ldeg go/ /g.yo rab tu g.yo/ kun du rab tu g.yo'o/ /'gul rab tu 'gul/ kun du rab tu 'gul lo 'di lta ste dper na chang gis ra ro ba'i mi 'khyar/ rab tu 'khyar/ kun tu rab tu 'khyar ba de bzhin du shing de dag thams cad dang / ri thams cad kyang 'dud/ kun du rab tu 'dud do// // bam po gnyis pa/ mi 'am ci'i rgyal po sdong pos pi bang khog pa bai dUr+ya las byas pa blangs ma thag tu/ de nas bcom ldan 'das kyi 'khor gyi dkyil 'khor der 'dus pa'i nang nas phyir mi ldog pa'i byang chub sems dpa' ma gtogs par 'dod chags dang bral ba'i dge slong dang / dge slong ma dang / dge bsnyen dang dge bsnyen ma dang / lha dang klu dang gnod sbyin dang / dri za dang lha ma yin dang / nam mkha' lding dang / mi 'am ci dang lto 'phye chen po dang / brgya byin dang tshangs pa dang / 'jig rten skyong ba dang mi dang mi ma yin pa dang / rnam par thar pa brgyad la bsam gtan pa'i dgra bcom pa dang / thams cad dang ldan pa'i 'khor gyis pi bang gi sgra de thos pa dang / pi bang gi sgra de ma bzod nas rang rang gi stan las langs te 'dar/ rab tu 'dar kun du rab tu 'dar ro/ /'dud rab tu 'dud/ kun du rab tu 'dud do/ /gar byed rab tu gar byed/ kun du rab tu gar byed do/ /nyan thos chen po de</font><hr>53.298b<br><font size=+1>

dag thams cad kyang rang rang gi stan la mi dga' ste/ 'gul/ rab tu 'gul zhing spyod lam yang 'khrugs nas byis pa chung ngu bzhin du gar byed pa lta bur ston to/ /de nas byang chub sems dpa' lha'i cod pan gyis nyan thos chen po de dag thams cad la 'di skad ces smras so/ /tshe dang ldan pa nyan thos chen po dag nyon mongs pa dang bral ba/ rnam par thar pa brgyad la bsam gtan pa bden pa bzhi mthong bar gyur pa yin na/ ci'i phyir rang gi lus 'jog par mi nus shing / tshe dang ldan pa dag byis pa chung ngu bzhin du gar byed pa lta bur ston/ nyan thos chen po de dag gis smras pa/ rigs kyi bu mi 'am ci'i rgyal po sdong pos pi bang 'di blangs pa dang / sil snyan dang / glu dbyangs sbyar bas pi bang gi sgra des bdag cag la dbang med par bdag cag gi lus/ rang rang gi stan la 'dug par mi dga' 'dar rab tu 'dar/ kun du rab tu 'dar te/ sems rnam par gzhag par yang ma nus so/ /de nas byang chub sems dpa' lha'i cod pan gyis gnas brtan 'od srung chen po la 'di skad ces smras so/ /btsun pa 'od srung chen po rgas gtugs 'khogs pa/ 'dod pa nyung ba chog shes pa/ sbyangs pa'i yon tan 'dzin pa dang / lha dang mi dang / lha ma yin du bcas pa'i 'jig rten gyi mchod rten du gyur pa yin na/ ci'i phyir rang gi lus 'dzin par mi nus shing / gnas brtan du gyur kyang byis pa chung ngu bzhin du gar byed pa lta bur ston/ gnas brtan 'od srung chen pos smras pa/ rigs kyi bu dper na dmu rlung phyad pa'i rlung langs pa na shing dang / nags dang / ri thams cad gang gis bdag rnam par gzhag pa'i stobs med mthu med de/ de dag thams cad mi 'dod bzhin du g.yo rab tu g.yo/ 'gul rab tu 'gul</font><hr>53.299a<br><font size=+1>

lo/ /rigs kyi bu de bzhin du gang 'di mi 'am ci'i rgyal po sdong pos pi bang blangs pa de'i sgra thos pas bdag cag dmu rlung phyad pas rin po che bdas pa bzhin du bdag 'dzin ma nus par gyur to/ /de ci'i phyir zhe na/ skyes bu dam pa 'di'i smon lam dang / bsod nams dang ye shes kyi khyad par ni 'di 'dra ste/ des nyan thos kyi bsod nams dang ye shes dang / gzi brjid thams cad zil gyis non to/ /byang chub sems dpa' lha'i cod pan gyis smras pa/ btsun pa 'od srung chen po phyir mi ldog pa'i byang chub sems dpa' rnams kyi dpal dang / gzi brjid dang stobs la gang gi phyir pi bang gi sgra des bskul ba 'am/ bskyod par mi nus pas btsun pa 'od srung chen po su zhig bla na med pa yang dag par rdzogs pa'i byang chub tu sems mi skyed/ de ci'i phyir zhe na/ gang nyi tshe'i ye shes dang ldan pa rnams kyi stobs dang gzi brjid de ni pi bang gi sgra 'dis zil gyis non to/ /gang theg pa chen po la zhugs pa rnams kyi stobs dang / gzi brjid de la ni zil gyis gnon par mi nus pa la ltos/ de nas mi 'am ci'i rgyal po sdong pos pi bang gi sgra de sgrog pa na sangs rgyas kyi mthu dang / mi 'am ci'i rgyal po sdong po'i sngon gyi smon lam gyi byin gyi brlabs kyis pi bang de dang sil snyan brgyad khri bzhi stong po de dag las tshigs su bcad pa 'di dag byung ngo / /tha ma 'bring dang de bzhin mchog rnams kyi/ /chos rnams thams cad mnyam zhing chos rnams dben/ /zhi ba stong pa mi 'gyur 'khrugs pa med/ /gzod nas dag ste dri med nam mkha' bzhin/ /gang dag da ltar gyi dang 'das pa yi/ /sems can kun mnyam sems can sems can med/ /sems can skad du sgra rnams 'byung ba yang / /chos kyi sgra dang mtshungs te de yang med/ /zhing rnam</font><hr>53.299b<br><font size=+1>

thams cad zhing mnyam zhing min te/ /bar snang dang ni mtshungs shing mnyam par snang / /'phel ba ma yin mi zad ma skyes te/ /gsob gsog nam mkha' lta bur rnam par dag /sangs rgyas kun mnyam sangs rgyas sangs rgyas min/ /chos dbyings nges par 'dres pa med pa ste/ /tshul khrims shes rab ye shes rnam grol mnyam/ /mtshan nyid gcig ste mtshan mnyam mtshan nyid med/ /nyon mongs thams cad nyon mongs ma yin grol/ /rtog dang rtog pa kun rtog rnam par rtog /nang na rgyu ba ma yin phyi rol min/ /'du shes mdud pa phyin ci log las gyur/ /rnam par rtog pas chos dbyings ming btag pa/ /ming de nyid kyang gzhan min de bzhin min/ /ming dang gzugs kyi rang bzhin rjes rtogs pa/ /de dag rtag tu mi chags 'jig rten spyod/ /gang rnams 'das pa'i bde gshegs grangs med pa/ de dag gis ni gang gsungs chos mang po/ /gzod nas zad cing dengs dang 'jigs las dben/ /de dag yul dang phyogs su 'gro ma yin/ /chos 'di dag ni yi ge las byung ste/ /yi ge gang dag zad can zad pa'i chos/ /yi ge zad pa'i chos nyid shes pas na/ /chos rnams kun la rnam par rtog mi byed/ /sems kyi rgyud ni rgyud mnyam rgyud ma yin/ /rang bzhin gzhan dang gzhan te chags pa med/ /sems dang sems byung chos mtha' med shes pas/ /'phags pa rnams ni mnyam pa'i chos la 'jug /mtha' dang mtha' med kun chad rnam par chad/ /thog ma tha ma bar ma mnyam gyur pa/ /dus gsum dag ni dben pas shes pa mnyam/ /shes pa de yang mtha' yod ma yin no/ /skye bo rtag tu ming dang gzugs la chags/ /mtha' dang mtha' med lta bas gos pa rnams/ /rgyu dang rkyen las byung bar shes</font><hr>53.300a<br><font size=+1>

pas na/ /bdag dang sems can rnam par rtog ma yin/ /bdag las ldang ba rtag tu ldang ma yin/ /chos de kun nas bslang ba med pa ste/ /gang dag ldang dang ldang ba med rtog pa/ /de dag bzod pa mnyam nyid rjes 'thun pa/ /chos kun rtag tu bdag med rang bzhin te/ /sprin dang glog dang nam mkha' lta bu gsog /bdag dang sems can rtag tu rang bzhin stong / /'di ni gzungs kyi phyag rgyar 'jug pa'o/ /chos rnams mtshan nyid gcig ste mtshan nyid med/ /gang gis thar pa'i sgo gsum rnam rtogs nas/ /thug pa med pa'i chos rnams ston byed kyang / /chos la yongs su rtog pa mi byed do/ /tha ma 'bring dang de bzhin mchog rnams kyi/ /chos 'di dag ni yi ge las byung ste/ /yi ge rnams la rnam par rtog mi byed/ /de lta bur ni don rnams bshad pa yin/ /don dang tshig 'bru gnyis la mi 'jug ste/ /gnyis med rtag tu don ni sgra dang bral/ /gang gis mtha' 'di dben par shes pa ni/ /de'i sngon gyi mtha' ni nye bar chad/ /gang dag sngon mtha' nye bar chad pa rnams/ /'gro ba'i don du 'dus byas rnams la spyod/ /yang dag mtha' ni rtag tu mtha' med shes/ /de'i byams dang snying rje shin tu dag /gang gi byams dang snying rje rnam dag pa/ /sdug bsngal dang ni bde ba mtshungs mnyam sbyor/ /rgod dang khengs pa ma yin brtan pa yi/ /skyes bu mchog de don gyi cho ga shes/ /chos kyi tshul 'di zhi zhing dben pa ste/ /'chang ba na ni dga' ba 'thob par 'gyur/ /nam yang 'phel ba med cing 'bri ba med/ /chos nyid 'di ni ngar 'dzin med cing zhi/ /bar snang lam gyi sgra ni gzungs med de/ /gang gis bshad pa med kyang grags par gyur/ /gang gis bshad dang gang la bshad pa rnams/ /de dag thams cad dbang can brdzun pa yin/ /tshigs su bcad pa mngon par sgrub pa 'di bshad pa na/ </font><hr>53.300b<br><font size=+1>

byang chub sems dpa' brgya stong mi skye ba'i chos la bzod pa rab tu thob par gyur to/ /de nas bcom ldan 'das la byang chub sems dpa' lha'i cod pan gyis 'di skad ces gsol to/ /bcom ldan 'das tshigs su bcad pa 'di lta bu 'di dag ga las byung / /bcom ldan 'das kyis bka' stsal pa/ rigs kyi bu khyod kyis mi 'am ci'i rgyal po la dris shig dang / des de'i lan glon par 'gyur ro/ /de nas byang chub sems dpa' lha'i cod pan gyis mi 'aM ci'i rgyal po sdong po la 'di skad ces smras so/ /mi 'am ci'i bdag po tshigs su bcad pa mngon par bsgrub pa 'di dag ga las byung / smras pa/ sems can thams cad kyi sgra ga las byung ngo / /smras pa/ mi 'am ci'i bdag po sems can thams cad kyi sgra ga las byung / smras pa/ rigs kyi bu sems can thams cad kyi sgra ni nam mkha' las 'byung ngo / /smras pa/ mi 'am ci'i bdag po sems can thams cad kyi sgra khong pa'i nang nas mi 'byung ngam/ smras pa/ rigs kyi bu de la ji snyams du sems/ sems can thams cad kyi sgra lus kyi nang gi khong nas byung ngam/ 'on te sems las byung / smras pa/ mi 'am ci'i bdag po lus las kyang ma yin/ sems las kyang ma yin no/ /de ci'i phyir zhe na/ lus ni blun pa g.yo ba med pa/ byed pa med pa rtswa dang bong ba dang rtsig pa dang shing dang / mig yor lta bu'o/ /sems ni gzugs med pa bstan du med pa/ thogs pa med pa/ rnam par rig pa med pa ste/ sgyu ma lta bu 'o smras pa/ rigs kyi bu lus dang sems ma gtogs par gzhan gang nas sgra 'byung bar 'gyur/ smras pa mi 'am ci'i bdag po sems can rnams kyi sgra ni yid la byed pa las 'byung bar btags so/ /smras pa gal te nam mkha' med na sgra ga las</font><hr>53.301a<br><font size=+1>

'byung / smras pa/ mi 'am ci'i bdag po nam mkha' ma gtogs par gzhan gang nas sgra 'byung bar 'gyur/ smras pa rigs kyi bu de'i phyir rnam grangs 'dis sgra ji snyed pa de dag thams cad ni nam mkha' las 'byung bar rig par bya'o/ /nam mkha'i ngo bo nyid ni sgra ste/ rnam par rig ma thag tu 'gag go/ /'gags nas nam mkha'i ngo bo nyid du yang dag gnas so/ /de'i phyir chos thams cad ni nam mkha' dang mnyam zhes bya ste rnam par rig pa med pa rnam par shes par shes par bya ba ma yin mod kyi sgra dang sgra'i brdas brjod do/ /brjod pa de yang tha snyad do/ /gang sgras brjod pa 'di 'dra bar rab tu shes pa de ni chos gang la yang mngon par mi chags so/ /gang mngon par mi chags pa de ni rnam par mi 'phro'o/ /gang rnam par mi 'phro ba de mi 'khor ro/ /gang mi 'khor ba de mi phyed pa'o/ /gang mi phyed pa de mi skye'o/ /gang mi skye ba de mi 'jig par 'dod do/ /gang mi 'jig pa de dang ba'o/ /gang dang ba de dag pa'o/ /gang dag pa de dri ma med pa'o/ /gang dri ma med pa de 'od gsal ba'o/ /gang 'od gsal ba de sems kyi rang bzhin gang yin pa de 'jug pa'o/ /gang 'jug pa de mtshan ma thams cad gnon pa'o/ /gang mtshan ma thams cad gnon pa de skyon med pa la 'jug pa zhes bya'o/ /byang chub sems dpa'i skyon med pa la 'jug pa gang yin pa de ni mi skye ba'i chos la bzod pa rab tu thob pa ste/ des na skyon med pa la zhugs pa'i byang chub sems dpa' mi skye ba'i chos la bzod pa rab tu thob pa zhes bya'o/ /gang bzod pa rab tu thob pa des thams cad bzod de/ de stong par yang bzod de gang zag tu yang bzod do/ /de ci'i phyir zhe na/ gang zag las stong pa gzhan ma yin te/ gang zag nyid stong pa gzhan ma yin te/ gang zag nyid stong pa'o/ /de mtshan mar yang bzod de mtshan</font><hr>53.301b<br><font size=+1>

ma med par bzod pa'o/ /de ci'i phyir zhe na/ mtshan ma'i ngo bo nyid mtshan ma med pa'o/ /de smon par yang bzod/ de smon pa med pa yang bzod do/ /de ci'i phyir zhe na/ smon lam gyi ngo bo nyid kyi mtshan nyid smon pa med pa'o/ /de sems can thams cad rang bzhin gyis yongs su mya ngan las 'das par yang bzod de sems can rnams 'chi 'pho ba dang skye bar yang bzod do/ /de ci'i phyir zhe na/ 'chi 'pho dang skye ba ni sgyu ma'i ngo bo nyid do/ /rigs kyi bu de ltar mi skye ba'i chos la bzod pa rab tu thob pa'i byang chub sems dpa' ni 'gag pa med pa ste/ chos thams cad dang 'gal ba med pa yin no/ /bdag bzod pa'i rjes su 'gro yang sems can thams cad kyi rjes su 'gro bas kyang 'gro/ bdag bzod pa rjes su 'gro yang chos thams cad kyi rjes su 'gro bas kyang 'gro ste/ 'ong ba yang med/ 'gro ba yang med do/ /chos thams cad chos kyi dbyings la gnas par yang yang dag pa ji lta ba bzhin du rab tu shes so/ /ji ltar chos kyi dbyings la gnas pa de ltar sems can thams cad gnas te/ gang gi gnas de 'thob pa'i gnas med pa'i tshul gyis rjes su thob pa de sgra'i brda'i tha snyad kyi sgra nye bar bzung nas/ mi skye ba'i chos la bzod pa dang ldan pa zhes bya'o/ /mi skye ba'i chos la bzod pa ni gang gis kyang brjod pa 'am/ bsnyad pa 'am/ bstan par mi nus so/ /de ci'i phyir zhe na/ don de ni brjod du med pa/ sgra med pa/ bshad du med pa yin yang brjod du med pa'i don brjod pas bstan pa 'di rigs kyi bu de bzhin gshegs pa'i che ba nyid do/ /de nas bcom ldan 'das la byang chub sems dpa' lha'i cod pan gyis 'di skad ces gsol to/ /bcom ldan 'das kye ma mi 'am ci'i rgyal po sdong po/ </font><hr>53.302a<br><font size=+1>

'di ji tsam du chos zab mo la bzod pa ston par spobs pa dang / 'di lta bur rgya che ba'i yul la nye bar spyod cing longs spyod pas 'byor ba dang / chos ston pas zab mo' bzod pa 'di lta bu dang ldan pa ni ngo mtshar to/ /bcom ldan 'das mi 'am ci'i rgyal po sdong pos de bzhin gshegs pa dgra bcom pa yang dag par rdzogs pa'i sangs rgyas ji snyed cig la dge ba'i rtsa ba bskrun na des 'di spobs pa 'di lta bu grub par gyur bcom ldan 'das kyis bka' stsal pa/ rigs kyi bu gang gA'i klung gi bye ma snyed kyi 'jig rten gyi khams kyi skar ma'i gzugs ji snyed pa bgrang ba'i tshul gyis tshad gzung bar nus sam/ de bzhin du mi 'am ci'i rgyal po sdong po 'dis yang dag par rdzogs pa'i sangs rgyas ji snyed cig la dge ba'i rtsa ba bskrun pa dang / bla na med pa yang dag par rdzogs pa'i byang chub btsal ba'i phyir de bzhin gshegs pa de dag gi gan na tshangs par spyod pa spyad pa'i de bzhin gshegs pa dgra bcom pa yang dag par rdzogs pa'i sangs rgyas de dag kyang tshad gzung bar mi nus te/ des na 'di'i spobs pa 'di 'dra'o/ /de nas byang chub sems dpa' lha'i cod pan gyis mi 'am ci'i rgyal po sdong po la 'di skad ces smras so/ /mi 'am ci'i bdag po khyod de bzhin gshegs pa dgra bcom pa yang dag par rdzogs pa'i/ sangs rgyas mang po de dag las dge ba'i rtsa ba bskrun pa'i dge ba'i rtsa ba mang po de lta bu bsdoms pas ci bla na med pa yang dag par rdzogs pa'i byang chub mngon par rdzogs par 'tshang rgya 'am/ mi 'am ci'i rgyal po sdong pos smras pa/ rigs kyi bu byang chub sems dpa' rnams dge ba'i rtsa ba yang dag par sgrub pa na/ gang dag gis nam du yang ngoms par mi 'gyur ba byang chub sems dpa' rnams kyi mi ngoms pa bcu gnyis po 'di dag ste/ bcu gnyis gang zhe na/ 'di lta ste/ de bzhin gshegs pa la mchod pa dang / </font><hr>53.302b<br><font size=+1>

rim gro bya bas mi ngoms pa dang / chos mnyan pas mi ngoms pa dang / dam pa'i chos yongs su gzung bas mi ngoms pa dang / chos rgya cher rab tu bstan pas mi ngoms pa dang / sems can yongs su smin par bya bas mi ngoms pa dang / dge ba'i rtsa ba yang dag par bsgrub pas mi ngoms pa dang / dgon pa la gnas pas mi ngoms pa dang / pha rol tu phyin pa thams cad yongs su bskang bas mi ngoms pa dang / ye shes mngon par rab tu dang zhing yongs su smin par bya bas mi ngoms pa dang / chos nges par sems shing tshul bzhin la rab tu sbyor bas mi ngoms pa dang / bsod nams dang ye shes kyi tshogs yongs su btsal bas mi ngoms pa dang / byang chub kyi phyogs kyi chos thams cad yang dag par bsgrub pas mi ngoms pa'o/ /rigs kyi bu 'di dag ni byang chub sems dpa' rnams dge ba'i rtsa ba yang dag par bsgrub pa na gang dag nam du yang ngoms par mi 'gyur ba byang chub sems dpa' rnams kyi mi ngoms pa bcu gnyis te/ des na byang chub sems dpa' rnams dge ba'i tshogs bsags pa la mi ngoms pa zhes bya'o/ /de nas bcom ldan 'das la mi 'am ci'i rgyal po sdong pos 'di skad ces gsol to/ /bcom ldan 'das byang chub sems dpa' rnams kyi ting nge 'dzin dkon mchog 'byung gnas shes bgyi ba mchis te/ byang chub sems dpa' ting nge 'dzin de la brten na yon tan rin po che'i khyad par gyi chos thams cad 'thob par 'gyur ro zhes bgyi ba zhig bdag gis thos na/ bcom ldan 'das gang thos pas/ byang chub sems dpa' rnams yon tan rin po che'i khyad par gyi chos thams cad 'thob par 'gyur bar bgyi ba'i slad du/ byang chub sems dpa'i ting nge 'dzin dkon mchog 'byung gnas de bzhin gshegs pas legs par bshad du gsol/ bcom ldan 'das kyis bka' stsal pa/ mi 'am ci'i bdag po de'i phyir shin tu</font><hr>53.303a<br><font size=+1>

legs par nyon la yid la zung shig dang / byang chub sems dpa'i ting nge 'dzin dkon mchog 'byung gnas nges khyod la bshad do/ /mi 'am ci'i rgyal po sdong pos bcom ldan 'das la legs so zhes gsol nas/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /mi 'am ci'i bdag po 'di la byang chub sems dpa' ni sangs rgyas dkon mchog rgyun mi 'chad pa dang / chos dkon mchog rgyun mi 'chad pa dang / dge 'dun dkon mchog rgyun mi 'chad par bya ba'i phyir sems bskyed pa rin po che brgyad bcu po 'di dag la 'jug go/ /brgyad bcu gang zhe na/ 'di lta ste/ de tham cad mkhyen pa'i sems rin po che mi brjed pa dang / lhag pa'i bsam pa'i sems rin po che mi gtong ba dang / dge ba rin po che thams cad kyi sems mi 'dor ba dang / dge ba rin po che thams cad la rab tu sbyor ba'i sems mi 'dor ba dang / yi dam la brtan pa'i sems rin po che yongs su mi 'dor ba dang / bdog pa thams cad yongs su gtong ba'i sems rin po che byang chub tu yongs su sngo bas rnam par smin pa la mi re ba'i sems rin po che la 'jug pa dang / mi dge ba'i rtsa ba rnam pa gsum rnam par spangs pas/ lus kyi rgyan gyi sems rin po che dang / ngag gi skyon rnam pa bzhi rnam par spangs pas ngag gi rgyan kyi sems rin po che dang / brnab sems dang gnod sems dang log par lta ba dang bral bas sems kyi rgyan gyi sems rin po che dang / tshul khrims ma nyams shing skyon med de 'dren ma ma yin zhing thun tshags ma yin pas tshul khrims kyi rgyan gyi sems rin po che dang / sems can thams cad la sems snyoms pas khong khro ba med pa'i sems rin po che dang / sems can thams cad</font><hr>53.303b<br><font size=+1>

kyis nyes par byas pa la ci mi snyam pas bzod pa dang nges pa'i sems rin po che dang / byang chub kyi yan lag la lta bas lus dang srog la mi lta ba'i sems rin po che dang / mtho dman med pas rjes su chag pa dang khong khro ba dang bral ba'i sems rin po che dang / zhum pa med pas brtson 'grus brtan pa'i go cha'i sems rin po che dang / lhod pa med pa'i brtson pa thams cad nyams 'og tu chud par byed pa'i sems rin po che dang / byang chub kyi lam gyi tshogs bsags pas dran pa dang / blo gros dang rtogs pa dang / ngo tsha shes pa dang mos pa brjed pa med pa'i sems rin po che dang / sems la dbang byed pas bsam gtan dang / rnam par thar pa dang ting nge 'dzin dang / snyoms par 'jug pa dang bskyed pa'i sems rin po che dang / dam pa'i chos bsags pas chos yongs su tshol ba'i sems rin po che dang / 'jigs pa med cing spobs pas thos pa 'dzin pa'i sems rin po che dang / sdig pa 'dod pa med pas zang zing med par chos ston pa'i sems rin po che dang / chags pa'i sems med pas slob dpon chos mi 'chab pa'i sems rin po che dang / nan tan snying por byed pas tshul bzhin du yang yid la byed pa'i sems rin po che dang / de ltar byed pas ji ltar thos pa'i chos rnams la nan tan byed pa'i sems rin po che dang / gzhan gyi dring la mi 'jog pas shes rab kyis so sor rtog pa'i sems rin po che dang / sems can thams cad la byams pas khyab pas byams pa chen po'i sems rin po che dang / sems can thams cad la lta bas snying rje chen po'i sems rin po che dang / chos la dga' mos dad pas dga' ba chen po'i sems rin po che dang / chos thams cad nges par sems pas btang snyoms chen po'i sems rin po che dang / </font><hr>53.304a<br><font size=+1>

dge ba'i rtsa ba bsags pas 'khor ba na yongs su mi skyo ba'i sems rin po che dang / bdag gi bde ba la mi chags pas sems can thams cad yongs su smin par byed pa'i sems rin po che dang / chos 'dzin pas bsdu ba'i dngos po'i sems rin po che dang / thams cad du rnam par 'phrul pas mngon par shes pa chen po'i sems rin po che dang / ma thos pa'i chos mnyan pa'i phyir dge ba'i bshes gnyen la bsten pa'i sems rin po che dang / dge ba'i rtsa ba thams cad sogs pas sdig pa'i grogs po spong ba'i sems rin po che dang / tha dad pa med pas sems can thams cad la sbyor ba mnyam pa'i sems rin po che dang / sems can thams cad kyi bsam pa la 'jug pas sems can thams cad kyi/ nyon mongs pa'i nad yongs su shes pa'i sems rin po che dang / sems can thams cad kyi nyon mongs pa'i nad rab tu zhi bar byed pas chos kyi sman thams cad yongs su tshol ba'i sems rin po che dang / chos kyi bdag nyid pas ma bslabs pa rnams la mi brnyas pa'i sems rin po che dang / sems can thams cad la 'dud pas nga rgyal med pa'i sems rin po che dang / 'chos pa med pa'i g.yo dang sgyu med pa'i sems rin po che dang / dam pa'i chos yun ring du gnas pas chos la dga' ba'i sems rin po che dang / sangs rgyas thams cad la byas pa gzo bas dam pa'i chos yongs su 'dzin pa'i sems rin po che dang / brtan pa'i grogs po'i phyir byas pa shes shing byas pa gzo ba'i sems rin po che dang / ltos pa med pas lan du phan 'dogs pa la mi re ba'i sems rin po che dang / dkar po'i phyogs</font><hr>53.304b<br><font size=+1>

srung bas dgon pa la dga' ba'i sems rin po che dang / las byas pa chud mi gson pas rtag tu rab tu 'byung ba'i sems rin po che dang / sdom pa'i spyod pa sogs pas 'phags pa'i rigs la dga' ba'i sems rin po che dang / sems can thams cad mgu bar byed pas sbyangs pa'i yon tan thams cad dang yo byad bsnyungs pa'i sems rin po che dang / shes rab kyis mi ngoms pas 'dod pa chung zhing chog shes pa'i sems rin po che dang / lus dang sems dben pas dga' ba la dben pa'i sems rin po che dang / mtshan dang dpe byad bzang po yongs su rdzogs par byed pas bsod nams kyi tshogs kyis mi ngoms pa'i sems rin po che dang / sems can thams cad kyi the tsom gcad pa'i phyir ye shes kyi tshogs yongs su tshol ba'i sems rin po che dang / sangs rgyas mthong ba dang mi 'bral ba'i phyir sangs rgyas rjes su dran pa'i sems rin po che dang / chos mnyan pa dang mi 'bral ba'i phyir chos rjes su dran pa'i sems rin po che dang / phyir mi ldog pa'i dge 'dun la gzhol ba'i phyir dge 'dun rjes su dran pa'i sems rin po che dang / byang chub kyi sems las mi g.yo ba'i phyir tshul khrims rjes su dran pa'i sems rin po che dang / nyon mongs pa thams cad yongs su bor bas gtong ba rjes su dran pa'i sems rin po che dang / skye ba gcig gis thogs pa'i byang chub sems dpa' rjes su dran pa'i phyir lha rjes su dran pa'i sems rin po che dang / mtshungs par byed pa'i phyir byang chub sems dpa' rjes su dran pa'i sems rin po che dang / don thams cad rtogs pas don so so yang dag par rig pa'i sems rin po che dang / chos kyi dbyings 'dres pa med pas chos so so yang dag par rig pa'i sems rin po che dang / sems can kyi tshig</font><hr>53.305a<br><font size=+1>

thams cad rtogs pas nges pa'i tshig so so yang dag par rig pa'i sems rin po che dang / tshig 'bru'i rang bzhin rjes su rtogs pas spobs pa so so yang dag par rig pa'i sems rin po che dang / rnam par shes pa sgyu ma lta bur yongs su shes pa'i tshul gyis ye shes la ston pa'i sems rin po che dang / bkri ba'i don gyi mdo sde las dang bya ba dang 'gal bas nges pa'i don gyi mdo sde la rton pa'i sems rin po che dang / gang zag gi rang bzhin rjes su rtog pas chos nyid la rton pa'i sems rin po che dang / khams gsum thams cad la mngon par zhen pas 'jigs pa'i phyir 'du byed thams cad la mi rtag pa dang / sdug bsngal bar so sor rtog pa'i sems rin po che dang / sems can thams cad la bdag med pas chos thams cad la bdag med par so sor rtog pa'i sems rin po che dang / 'dod pa'i khams las shin du 'da' bas mi gtsang bar so sor rtog pa'i sems rin po che dang / shin du zhi zhing nye bar zhi bas mya ngan las 'das pa la zhi bar so sor rtog pa'i sems rin po che dang / bdud rtsi'i sgo la yang dag par gzhol bas rnam par thar pa'i sgo stong pa nyid dang mtshan ma med pa dang smon pa med pa la mos pa'i sems rin po che dang / mi skye ba'i chos la bzod pa rab tu thob pas chos thams cad la ma skyes pa dang ma byung bas mos pa'i sems rin po che dang / lta ba thams cad la mngon par zhen pa med pas chos thams cad la sgyu ma dang / smig rgyu dang chu zla dang / mig yor dang / rmi lam lta bur yang dag par gzhol ba'i sems rin po che dang / rtag pa dang chad pa dang bral bas rten cing 'brel bar 'byung ba dang 'thun pa'i sems rin po che dang / gnyis dang bral bas mthar lta ba thams cad sel ba'i sems rin po che dang / theg pa</font><hr>53.305b<br><font size=+1>

gcig tu khong du chud pas gnyis su med pa'i chos kyi sgo la 'jug pa'i sems rin po che dang / skyon med pa la 'jug pas spyod pa thams cad las ldog pa'i sems rin po che dang / chos thams cad mnyam pa nyid kyi phyir yang dag par skyon med pa la so sor rtog pa'i sems rin po che dang / sangs rgyas kyi chos thams cad skye ba med pa'i phyir byang chub kyi phyogs kyi chos thams cad yang dag par sgrub pa'i sems rin po che ste/ 'di dag ni chos rin po che brgyad bcu'o/ /mi 'am ci'i bdag po de ltar gang chos brgyad bcu po 'di la 'jug pa dang thob pa dang / nan tan byed pa de ni dkon mchog 'byung gnas ting nge 'dzin ces bya'o/ /chos 'di dag ni ting nge 'dzin sgrub pa'o/ /byang chub sems dpas gang gi tshe dkon mchog 'byung gnas ting nge 'dzin 'di rab tu thob par gyur pa de'i tshe/ des gang la dbang thob par ma gyur pa'i rin po che'i 'jig rten gyi 'am/ 'jig rten las 'das pa de gang yang med do/ /mi 'am ci'i bdag po de la 'jig rten gyi rin po che ni gang / 'jig rten las 'das pa'i rin po che ni gang zhe na/ mi 'am ci'i bdag po de la 'jig rten gyi rin po che ni 'di lta ste/ lha dang mi rnams kyi che ba nyid dang / brgya byin dang / tshangs pa'i che ba nyid dang / 'jig rten skyong ba'i che ba nyid dang 'khor los bsgyur ba'i che dang / tshong dpon dang / khyim bdag dang bram ze dang / rgyal rigs shing sa la chen po lta bu'i che ba nyid do/ /de de ltar lha dang mi rnams kyi che ba nyid rab tu thob kyang rgyags pa mi skyed/ bag med pa mi skyed do/ /de bag yod par gyur pas/ byang chub sgrub par byed pa'i chos rnams yang dag par bsgrub pa ste/ 'di ni 'jig rten gyi rin po che zhes bya'o/ /de la 'jig rten las 'das pa'i rin po che gang zhe na/ 'di lta ste/ </font><hr>53.306a<br><font size=+1>

'jig rten las 'das pa'i chos rin po che'o/ /'jig rten las 'das pa'i rin po che gang zhe na/ chos gang 'jig rten las sgrol ba'o/ /'jig rten las sgrol ba'i chos gang zhe na/ 'di lta ste/ 'phags pa 'jig rten las 'das pa'i shes rab ste/ shes rab kyi 'jig rten las sgrol lo/ /shes rab rin po ches ni 'jig rten las 'das pa'i chos thams cad bsdus te/ shes rab ni 'jig rten las 'das pa'i chos thams cad kyi gtso bo yin no/ /mi 'am ci'i bdag po 'di lta ste dper na klung thams cad kyi gtso bo ni rgya mtsho chen po'o/ /ri thams cad kyi gtso bo ni ri'i rgyal po ri rab bo/ /skar ma thams cad kyi gtso bo ni zla ba'o/ /snang ba thams cad kyi gtso bo ni nyi ma'o/ /ri dgas tham cad kyi gtso bo ni seng ge'o/ /skye dgu thams cad kyi gtso bo ni rgyal po'o/ /sum bcu rtsa gsum pa thams cad kyi gtso bo ni rgya byin no/ /tshangs pa la dbang du bya ba rnams kyi gtso bo ni tshangs pa chen po'o/ /mi 'am ci'i bdag po de bzhin du 'jig rten las 'das pa'i chos thams cad kyi gtso bo ni shes rab ste/ de'i phyir shes rab ni chos thams cad kyi rgyal po zhes bya'o/ /mu la gnas pa bsgral ba'i phyir bde bar 'gro bas lam mo/ /nyon mongs pa'i mun pa sel ba'i phyir sgron ma'o/ /g.yul las rgyal ba'i phyir dpa' bo'o/ /sman rab tu sbyor ba'i phyir sman pa'o/ /gtsug lag thams cad shes pa'i phyir slob dpon no/ /chos tham cad phigs pa'i phyir mda'o/ /nyon mongs pa gcod pa'i phyir ral gri'o/ /nyon mongs pa'i tshang tshing dral ba'i phyir thong gshol lo/ /mnyam pa'i phyir mi 'gal ba'o/ /'thab pa med pa'i phyir rtsod pa med pa'o/ /'byung ba med pa'i phyir mi 'gag pa'o/ /bden pa'i don rnams yongs su shes pa'i mthar thug pa'i phyir mi 'khrugs pa'o/ /</font><hr>53.306b<br><font size=+1>

dran pa nye bar gzhog pa'i phyir dran pa'o/ /yang dag par spong ba rnams la mnyam pa nyid do/ /rdzu 'phrul gyi rkang pa rnams bskyed pa'o/ /dbang po rnams sbed pa'o/ /stobs rnams kyis mi rdzi ba'o/ /byang chub kyi yan lag rnams rjes su rtog pa'o/ /lam ston pa'o/ /zhi gnas zhi bar byed pa'o/ /lhag mthong rig par byed pa'o/ /rab rib med pa'i phyir snang bar byed pa'o/ /chos kyi snang bas mun pa sel ba'o/ /rdul dang bral ba'i phyir rdul med pa'o/ /brnyas thabs dang bral ba'i phyir mtho bar sems pa med pa'o/ /ya nga ba'i lam las rab tu 'das pa'i phyir kun du mthong bar byed pa'o/ /phyi nang dang bral ba'i phyir yul med pa'o/ /lta bas byas pa med pa'i phyir stong pa sgrol ba'o/ /rnam par rtog pa nye bar zhi ba'i phyir/ mtshan ma med pas rab tu phye ba'o/ /khams gsum pa las rnam par 'das pa'i phyir smon pa med pa'i mtshan nyid do/ /mtshan nyid med pa'i phyir mtshan nyid gcig pa'o/ /mtshungs pa med pa'i phyir nam mkha'i mtshan nyid do/ /bdud kyi las dang bral ba'i phyir g.yo ba dang rlom sems 'jom pa'o/ /mi rtog pa'i sbyin pa'o/ /mi gnas pa'i tshul khrims so rab tu mi gnas pa'i bzod pa'o/ /blangs ba med pa dang dor ba med pa'i brtson 'grus so/ /sgro btags pa med pa'i bsam tan no/ /rnam par rig byed ma yin pa'i sgo'o/ /thams cad la mngon du phyogs pa'o/ /thabs dang 'dres pa'o/ /sems can la bdag med par yang dag par gzhol ba'o/ /dge ba'i rtsa ba bsags pa'o/ /bya ba med pa'o/ /bya ba dang bral ba ste/ mi'i ci'i bdag po 'di ni shes rab rin po che'o/ /shes rab rin po che 'di ni dkon mchog 'byung gnas ting nge 'dzin thob pa'i byang chub sems dpas 'thob bo/ /'di 'thob pa</font><hr>53.307a<br><font size=+1>

na rin po che thams cad yang dag par 'du ba yin no/ /mi 'am ci'i bdag po 'di lta ste dper na chu bo thams cad kyi sgo ni rgya mtsho chen po ste/ rin po che thams cad sogs pa rin po che tham cad yang dag par 'du ba ste/ de las rin po che tham cad 'byung ngo / /mi 'am ci'i bdag po de bzhin du dkon mchog 'byung gnas ting nge 'dzin rab tu thob pa'i byang chub sems dpa' yang rin po che thams cad kyi sgo yin te/ chos dkon mchog thams cad sogs pa rin po che thams cad yang dag par 'du ba'o/ /dkon mchog 'byung gnas ting nge 'dzin las dkon mchog gsum 'byung ste/ sangs rgyas dkon mchog dang / chos dkon mchog dang / dge 'dun na dkon mchog go/ /des na dkon mchog 'byung gnas ting nge 'dzin ni rin po che thams cad sogs pa zhes bya'o/ /de nas bcom ldan 'das la byang chub sems dpa' lha'i cod pan gyis 'di skad ces gsol to/ /bcom ldan 'das mi 'am ci'i rgyal po sdong po 'dis dkon mchog 'byung gnas ting nge 'dzin 'di thob pa lags sam/ bcom ldan 'das kyis bka' stsal pa/ rig kyi bu khyod kyis de mi 'am ci'i rgyal po sdong po la dri shig dang de khyod la ston par 'gyur ro/ /de nas byang chub sems dpa' lha'i cod pan gyis mi 'am ci'i rgyal po sdong po la 'di skad ces smras so/ /mi 'am ci'i bdag po khyod kyis dkon mchog 'byung gnas ting nge 'dzin 'di thob bam/ smras pa rigs kyi bu ting nge 'dzin 'di ni thob pa 'am/ dmigs par so sor nye bar gnas pa ma yin no/ /ting nge 'dzin 'di ni sus kyang mi thob bo/ /ting nge 'dzin 'di ni gzugasu bgrang ba 'am/ tshor ba dang 'du shes dang 'du byed dang / rnam par shes par bgrang ba ma yin no/ /ting nge 'dzin 'di ni gzugs su snang ba ma yin no/ /ting nge 'dzin 'di</font><hr>53.307b<br><font size=+1>

ni mig dang / rna ba dang sna dang / lce dang lus dang / yid kyi rnam par shes pa'i gzung ba ma yin/ skye ba'i mtshan nyid ma yin/ 'jigs pa'i mtshan nyid ma yin/ gnas pa'i mtshan nyid ma yin/ rgyun 'chad pa'i mtshan nyid ma yin/ mtshan nyid gcig pa ma yin/ mtshan nyid tha dad pa ma yin/ mtshan nyid ma yin/ mtshan nyid dang bral ba ma yin/ mtshan nyid med pa yang ma yin te/ brjod par bya ba ma yin no/ /ting nge 'dzin 'di ni yongs su rtog par mi nu'as te/ kun du rtogs par ma yin rnam par rtogs par ma yin no/ /de ci'i phyir zhe na/ gal te ting nge 'dzin 'di yongs su rtogs pa 'am/ kun du rtogs pa 'am/ rnam par rtogs par gyur na ni brtag pa'i gzhi nyid du 'gyur gyi ting nge 'dzin ma yin no/ /rigs kyi bu ting nge 'dzin ces bya ba ni chos thams cad mnyam pa nyid do/ /chos thams cad kyi mnyam pa nyid gang yin pa de dang nga mnyam mo/ /de dang sems can thams cad kyang mnyam mo/ /rigs kyi bu de'i phyir ting nge 'dzin 'di dang sems can thams cad mnyam mo/ /de ci'i phyir zhe na/ sems can thams cad ni stong pa ste/ stong pa'i mtshan nyid ni ting nge 'dzin 'di'o/ /sems can thams cad ni mtshan nyid med pa ste/ mtshan nyid med pa'i mtshan nyid ni ting nge 'dzin 'di'o/ /sems can thams cad ni smon pa med pa ste/ smon pa med pa'i mtshan nyid ni ting nge 'dzin 'di'o/ /sems can thams cad ni dben pa ste/ dben pa'i mtshan nyid ni ting nge 'dzin 'di'o/ /sems can thams cad ni bdag med pa ste/ bdag med pa'i mtshan nyid ni ting nge 'dzin 'di'o/ /de ni lus dang ngag dang sems kyis reg par mi nus so/ /gang la la dag chos la reg</font><hr>53.308a<br><font size=+1>

par byed pa dang / mnyam par byed pa dang / mngon par mnyam par byed pa de dag thams cad ni legs par gsungs pa'i chos 'dul ba la nga rgyal can du bstan to/ /de nas bcom ldan 'das la byang chub sems dpa' lha'i cod pan gyis 'di skad ces gsol to/ /bcom ldan 'das mi 'am ci'i rgyal po sdong po'i spyod pa bag mchis pa 'di lta bu dang / chos la spobs pa 'di lta bu ni ngo mtshar to/ /bcom ldan 'das kyis bka' stsal pa/ rigs kyi bu bya ba thams cad kyang kun du ston la bya ba tham cad kyis kyang / mi gos pa 'di ni thabs dang shes rab las byung ba'i byang chub sems dpa' rnams kyi sa'o/ /rigs kyi bu mi 'am ci'i rgyal po sdong po 'dis rgyud kyi sgra dang / glu'i sgra dang sil snyan dang / pheg brdob pa byas pa'i tshul 'dis mi 'am ci bye ba phrag bdun bla na med pa yang dag par rdzogs pa'i byang chub tu yongs su smin par byas so/ /dri za bye ba phrag sum bcu bla na med pa yang dag par rdzogs pa'i byang chub tu yongs su smin par byas so/ /lto 'phye chen po bye ba phrag bzhi bcu yang bla na med pa yang dag par rdzogs pa'i byang chub tu yongs su smin par byas so/ /rang gi 'khor gyi srog chags brgyad khri bzhi stong yang byang chub tu yongs su smin par byas so/ /shes rab dang thabs kyi ye shes 'di dang ldan pa'i byang chub sems dpa' ni gang dang gang gi tshe 'khor gyi che ba nyid thob pa de dang de'i tshe/ sems can grangs med dpag tu med pa yongs su smin par byed do/ /rigs kyi bu 'di lta ste dper na rgyu med par me mi 'bar ro/ /de bzhin du byang chub sems dpa' sems dpa' chen po dben pa na gnas pa yang sems can yongs su smin par bya ba mi 'bar ro/ /rigs kyi bu 'di lta ste dper na rgyu yod na me</font><hr>53.308b<br><font size=+1>

'bar ro/ /rigs kyi bu de bzhin du byang chub sems dpa' sems dpa' chen po skye bo phal po che'i nang na 'dug na/ sems can yongs su sbyin par bya ba 'bar ro/ /rigs kyi bu de'i phyir rnam grangs 'dis 'di ltar byang chub sems dpa' ji lta ji lta bur yul dang 'khor chen po 'byor par gyur pa/ de lta de lta bur sems can dpag tu med pa yongs su smin par byed par rig par bya'o/ /de skad ces bka' stsal pa dang / bcom ldan 'das la byang chub sems dpa' lha'i cod pan gyis 'di skad ces gsol to/ /bcom ldan 'das ji ltar na mi 'am ci'i rgyal po sdong pos rgyud kyi sgra dang / glu'i sgra dang / sil snyan dang / pheg brdab pa bgyis pas sems can yongs su smin par bgyid/ bcom ldan 'das kyis bka' stsal pa/ rigs kyi bu mi 'am ci dang / dri za dang / lto 'phye chen po glu dang / rol mo'i dbyangs sgra la mos pa rnams la mi 'am ci'i rgyal po sdong pos gang gi tshe pi bang gi sgra thos par byed cing sil snyan dang / glu dbyangs sbyor ba de na mi 'am ci dang / dri za dang / lto 'phye chen po de dag dga' ba dang / rab tu mgu ba chen po 'thob bo/ /de dag dga' ba dang / mos pa dang / rab tu mgu ba thob nas rgyud kyi sgra dang / sil snyan gyi sgra dang / glu dbyangs kyi sgra de dag las sangs rgyas kyi sgra 'byung ngo / /chos kyi sgra dang dge 'dun gyi sgra 'byung ngo / /byang chub kyi sems la dga' ba dang / thams cad mkhyen pa'i sems bskyed par sbyor ba'i sgra 'byung ngo / /sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi sgra 'byung ngo / /byams pa dang snying rje dang / dga' ba dang btang snyoms kyi sgra dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang dbang po dang / </font><hr>53.309a<br><font size=+1>

stobs dang / byang chub kyi yan lag dang / lam dang zhi gnas dang / lhag mthong dang / bsam gtan dang / rnam par thar pa dang / ting nge 'dzin dang / snyoms par 'jug pa'i sgra 'byung ngo / /mi rtag pa dang sdug bsngal ba dang / bdag med pa'i sgra 'byung ngo / /stong pa nyid dang mtshan ma med pa dang / smon pa med pa dang mngon par 'du byed pa med pa dang / skye ba med pa dang / 'byung ba med pa dang dngos po med pa'i sgra 'byung ngo / /byang chub sems dpa' sde snod kyi chos kyi rnam grangs dang / gzungs dang rdo rje'i tshig dang / 'khor gsum yongs su sbyong ba'i sgra 'byung ngo / /phyir mi ldog pa'i chos kyi 'khor lo rab tu bskor ba'i sgra dang / chos thams cad la rnam par gdon mi za ba'i rgyal po'i ting nge 'dzin gyi sgra dang / rgya mtsho'i phyag rgya'i ting nge 'dzin gyi sgra dang / chos thams cad la yang dag par gzhol ba'i ting nge 'dzin gyi sgra dang / chos thams cad la dbang byed pa'i ting nge 'dzin gyi sgra dang / rnam par bkod pa'i ting nge 'dzin gyi sgra dang / rin chen sgron ma'i ting nge 'dzin gyi sgra dang / rin chen 'byung gnas ting nge 'dzin gyi sgra dang / rin chen brtsegs pa'i ting nge 'dzin gyi sgra dang / nyon mongs pa spong ba'i ting nge 'dzin gyi sgra dang / dga' byed ting nge 'dzin gyi sgra dang / pad ma bkod pa'i ting nge 'dzin gyi sgra dang / pad ma bla ma'i ting nge 'dzin gyi sgra dang / nam mkha'i mdzod kyi ting nge 'dzin gyi sgra dang / thams cad kyi rjes su 'gro ba'i ting nge 'dzin gyi sgra dang / dam pa'i chos puN Da ri ka'i ting nge 'dzin gyi sgra dang / khyad par can gyi ting nge 'dzin gyi sgra dang / rnam par rgyal bar dbang byed ting nge 'dzin gyi sgra dang / cher bsgyings ting nge 'dzin gyi sgra dang / rnam pa la sems dbang byed pa'i ting nge 'dzin gyi sgra dang / seng ge bsgyings pa'i ting nge 'dzin gyi sgra</font><hr>53.309b<br><font size=+1>

dang / nyi ma sgron ma'i ting nge 'dzin gyi sgra dang / mtha' yas 'khyil pa'i ting nge 'dzin gyi sgra dang / rgyun gyi rjes su song ba'i ting nge 'dzin gyi sgra dang / rdo rje'i dkyil 'khor ting nge 'dzin gyi sgra dang / rdo rje'i rgyal mtshan ting nge 'dzin gyi sgra dang / rdo rje lta bu'i ting nge 'dzin gyi sgra dang / rdo rje lte ba'i ting nge 'dzin gyi sgra dang / sa 'dzin ting nge 'dzin gyi sgra dang / ri rab sgron ma'i ting nge 'dzin gyi sgra dang / ri rab rgyal mtshan ting nge 'dzin gyi sgra dang / rin chen mdzod kyi ting nge 'dzin gyi sgra dang / sems la dbang byed ting nge 'dzin gyi sgra dang / sems can thams cad kyi sems la rnam par lta ba'i ting nge 'dzin gyi sgra dang / spyod pa thams cad kyi yul las nges par 'byung ba'i ting nge 'dzin gyi sgra dang / zab mo sbed par sbyor ba'i ting nge 'dzin gyi sgra dang / spobs pa sna tshogs kyi ting nge 'dzin gyi sgra dang / bltar mi mthong ba'i ting nge 'dzin gyi sgra dang / chos thams cad la rnam par lta ba'i ting nge 'dzin gyi sgra dang / rnam par rol ba'i ting nge 'dzin gyi sgra dang / mngon par shes pa thams cad las nges par 'byung ba'i ting nge 'dzin gyi sgra dang / bdud kyi dkyil 'khor 'jig pa'i ting nge 'dzin gyi sgra dang / gzugs thams cad kun du ston pa'i ting nge 'dzin gyi sgra dang / sgra thams cad la 'jug pa'i ting nge 'dzin gyi sgra dang / lus thams cad rnam par gzhig pa'i ting nge 'dzin gyi sgra dang / spyod pa thams cad la dbang ba'i ting nge 'dzin gyi sgra dang / shes rab sgron ma'i ting nge 'dzin gyi sgra dang / byang chub mngon sum snang byed ting nge 'dzin gyi sgra dang /  so so yang dag par rig pa la 'jug pa ston pa'i ting nge 'dzin gyi sgra dang / yon tan gyi rnam pa thams cad la 'jug pa'i ting nge 'dzin gyi sgra 'byung ngo / /rigs kyi bu de ltar rgyud kyi sgra dang / sil</font><hr>53.310a<br><font size=+1>

snyan gyi sgra dang / glu dbyangs kyi sgra de dag las chos kyi sgra 'di lta bu 'di dang ting nge 'dzin gyi sgra 'byung ngo / /sgra de dag gis sems can de dag yongs su smin par byed par 'gyur te/ rigs kyi bu byang chub sems dpa' sems dpa' chen po rnams ni ngo mtshar rmad du byung ba'i chos 'di lta bu dang ldan pa yin no/ /mi 'am ci'i rgyal po sdong po'i yon tan bsngags pa bstan pa 'di bshad pa na/ sangs rgyas kyi mthus thams cad dang ldan pa'i 'khor gyi lag par lha'i me tog mAn dA ra'i bur ma grub nas/ de dag gis me tog gi phur ma de dag mi 'am ci'i rgyal po sdong po la gtor to/ /de nas mi 'am ci'i rgyal po sdong pos byin gyi brlabs ji lta bu/ me tog de dag lag pa g.yas par blangs te/ me tog gcig kyang sa la ma ltung bar de lta bu'i byin gyi brlabs byin gyis brlabs nas me tog blangs pa de dag bcom ldan 'das la mngon par gtor to/ /de nas me tog de dag gtor ma thag tu sangs rgyas kyi mthus skad cig de la stong gi 'jig rten gyi khams me tog rin po che'i gdugs gcig gis khebs par gyur to/ /me tog rin po che'i gdugs de las mu tig gi do shal bye ba khrag khrig brgya stong phrag rab tu 'phyang ngo / /me tog gi do shal 'phyang ba re re las kyang 'od zer bye ba khrag khrig brgya stong phrag du ma byung ngo / /'od zer thams cad kyi rtse mo las kyang pad ma sna tshogs blta na sdug pa/ kha dog dag dang ldan pa dri dang ldan pa/ yid du 'ong ba dag byung bar gyur to/ /pad ma thams cad la yang bcom ldan 'das shAkya thub pa'i sku ci 'dra ba de 'dra ba'i de bzhin gshegs pa'i sku/ skyil mo dkrung bcas shing bzhugs par kun du snang</font><hr>53.310b<br><font size=+1>

ngo / /sangs rgyas bcom ldan 'das de dag thams cad kyis kyang mi 'am ci'i rgyal po sdong po la legs so zhes bya ba gnang ste/ skyes bu dam pa khyod kyis sems can mang po yongs su smin par byas so/ /sems can yongs su smin par bya ba'i phyir gang yul las rnam par grol yang yul thams cad kyang ston/ 'khor ba las grol yang bsams bzhin du srid par skye ba kun du ston/ mya ngan las 'das pa'i skyon med pa thob kyang / khams gsum na nye bar spyod pa 'di lta bu ni byang chub sems dpa'i bya ba yin te/ legs so legs so/ /de nas mi 'am ci'i rgyal po sdong po 'di snyam du sems te/ bdag gis de bzhin gshegs pa de dag thams cad kyi dbu la rin po che'i gdugs gzhan dag byin gyis brlabs po snyam mo/ /de nas mi 'am ci'i sdong po de'i tshe rin po che'i gdugs bkod pa zhes bya ba'i ting nge 'dzin la snyoms par zhugs so/ /mi 'am ci'i rgyal po sdong po rin po che'i gdugs bkod pa'i ting nge 'dzin la snyoms par zhugs ma thag tu/ de nas de bzhin gshegs pa thams cad kyi dbu'i thad drang gi steng na rin po che'i gdugs rnams gnas par kun du snang ngo / /'khor der thams cad kyi lag pa g.yas pa nas kyang rin po che'i gdugs rnams byung bar gyur te/ de dag gis rin po che'i gdugs de dag sangs rgyas bcom ldan 'das de dag la mngon par bkab bo// // bam po gsum pa/ mi 'am ci'i rgyal po sdong po 'di snyam du sems te/ 'di ltar bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa nyan thos dang / byang chub</font><hr>53.311a<br><font size=+1>

sems dpa'i dge 'dun bcas par bshos la spyan drangs te/ 'di ltar bdag gis bcom ldan 'das 'khor dang bcas par ri'i rgyal po spos kyi ngad ldang du bdag gi gnas su gshegs par gsol to/ /de ltar na bdag gi gnas yongs su spyad par 'gyur ro/ /lha dang klu dang / gnod sbyin dang / dri za dang / lha ma yin dang nam mkha' lding dang / mi 'am ci dang lto 'phye chen po'i tshog tshad med pa la phan btags par yang 'gyur ro/ /de dag kyang bcom ldan 'das la bsnyen bkur bya ba dang / yongs su spyad par bya bar spro bar 'gyur te/ de'i phyir de dag gi yun ring po'i don dang phan pa dang / grub pa dang / bde ba dang / byang chub sems dpa'i bsgrub pa 'thob par 'gyur ro snyam mo/ /de nas mi 'am ci'i rgyal po sdong pos bcom ldan 'das kyi zhabs la mgo bos phyag 'tshal te/ thal mo sbyar nas bcom ldan 'das la 'di skad ces gsol to/ /bcom ldan 'das bdag la thugs brtse ba dang / sems can tshad ma mchis pa'i dge ba'i rtsa ba spel ba'i slad du/ de bzhin gshegs pa dgra bcom pa yang dag par rdzogs pa'i sangs rgyas byang chub sems dpa'i dge 'dun dang / nyan thos kyi dge 'dun dang thabs gcig tu ri spos kyi ngad ldang gi ngos la bdag gi gnas su dgung bdun zhig bzhugs par bdag la gnang bar mdzad du gsol/ bcom ldan 'das bdag cag ni de bzhin gshegs pa'i 'khor dang bcas pa la bsnyen bkur dang yongs su spyad par bgyi bar spro'o/ /bcom ldan 'das kyis mi 'am ci'i rgyal po sdong po la thugs brtse ba'i phyir byang chub sems dpa' dang / nyan thos kyi tshogs dang bcas pa la zhag bdun ri spos kyi ngad ldang gi ngos la bzhug par gnang ngo / /de nas mi 'am ci'i rgyal po sdong pos bcom ldan 'das kyis gnang</font><hr>53.311b<br><font size=+1>

bar rig nas/ tshim zhing mgu la yi rangs shing rab tu dga' ste dga' ba dang / yid bde ba skyes nas dpung dang bcas g.yog 'khor dang bcas te/ bcom ldan 'das kyi zhabs la mgo bos phyag 'tshal nas lan gsum bskor ba byas te/ sil snyan dang rol mo'i dbyangs sgra byas nas bcom ldan 'das la mchod pa byas te/ 'khor gyi dkyil 'khor de nas song nas ri'i rgyal po spos kyi ngad ldang ba la gnas so/ /de nas mi 'am ci'i rgyal po sdong pos bcom ldan 'das la mchod pa'i las kyi phyir rang gi khyim rgyan tham cad kyis brgyan te/ 'khor gyi khyams rgyar kun nas dpag tshad lnga brgya pa/ bai dUr+ya sngon po dang / 'dzam bu'i klung gi gser gyi pad mas legs par brgyan pa/ rin po che du mas rnam par spras pa byas so/ /'khor gyi khyams der gdan khri rtsa ba rin po che las byas pa/ lha'i ras brgya stong bting ba brgya stong phrag mang po bshams so/ /bcom ldan 'das kyi gdan seng ge'i khri 'phang du dpag tshad bcu gnyis pa rin po che thams cad kyis spras pa/ rin po che'i kha khyer gyi bskor ba gdugs dang / rgyal mtshan dang ba dan bsgreng ba/ snying po mchog gi bdug pas bdugs pa/ bla re bres pa/ dar gyi lda ldi mang po bres pa lha'i me tog gtor ba bshams so/ /seng ge'i khri de'i phyogs bzhir rin po che'i shing sna tshogs lta na sdug pa bzhi sprul te/ skye bo thams cad bsdus nas tshigs su bcad pa 'di dag smras so/ /u dum ba ra'i me tog ji bzhin du/ /sangs rgyas 'byung ba brgya lam rnyed 'gyur ba/ /mi mchog de ni da ltar byung gyur kyis/ /skyob la gus dang bcas pas mchod pa gyis/ /nga rgyal dag dang rgyags dang g.yo spongs la/ /phrag dog ser sna de bzhin sgyu rnams dang / /rgod pa thams cad yongs su spong byos la/ /ston la gus dang bcas pas mchod pa gyis/ /spos ngad ldang ba 'di na lha yul ba'i/ /me tog khyad par 'phags pa ji snyed pa/ /de dag</font><hr>53.312a<br><font size=+1>

thams cad gcig tu bsdus nas su/ /skyes bu khyu mchog la ni mchod pa gyis/ /sems can mchog la mchod pa bya ba'i phyir/ /dri zhim yid 'ong khyad par 'phags pa'i dri/ /dus kyi rjes su 'brang ba'i tsan dan gyis/ /spos kyi ngad ldang 'di la bdug pa gyis/ /glu dbyangs sil snyan rnam mang yid 'ong ba/ /mi 'am ci dag rtag rtse gar byed pa/ /ldan par byos la dga' zhing dang ba yis/ /rkang gnyis mchog la mchod pa rab tu gyis/ /mtshungs pa med pa mthong ba rnyed dka' ba/ /de bzhin gshegs la lha'i gdugs rnams dang / /ba dan dag dang rgyal mtshan chos gos dang / /bla re mang po yid 'ong gzung bar byos/ /sangs rgyas mchod pas bde 'gror 'gro bar 'gyur/ /brgya byin dang ni 'jig rten skyong bar 'gyur/ /tshangs pa dag dang dbang byed dbang phyug dang / /lha dang mi'i bdag po chen por 'gyur/ /mi mchog mchod pas gzugs dang kha dog dang / /grags dang brjod dang 'khor dang longs spyod dang / /de bzhin dbang phyug dang ni snyan tshig dang / /de bzhin gzung bar 'os pa'i tshig tu 'gyur/ /gang dag 'dir ni lha dang de bzhin du/ /mi rnams kyi ni 'dus byas bde ba dang / /bde ba bde bas tshim par 'dod pa rnams/ /'jig rten mgon po de la mchod pa gyis/ /rang rgyal byang chub de bzhin nyan thos dang / /de ltar dam pa mchog gi theg pa dang / /bdud kyi dpung rnams rab 'jom gang 'dod pas/ /sems can mchog de la ni mchod pa gyis/ /de nas mi 'am ci'i rgyal po sdong pos rang gi g.yog 'khor thams cad la go bar byas te/ me tog dang dri dang phreng ba dang / byug pa bsngogs nas ro brgya pa'i zhal zas bshams te/ ri'i rgyal po spos kyi ngad ldang gi lho phyogs kyi ngos la 'dug nas sil snyan dang glu dbyangs blangs te/ rgyud kyi sgra dang glu'i sgra dang ldan pa'i tshigasu bcad pa 'di dag gis dbyangs las tshigs su bcad de/ bcom ldan 'das la dus bskul</font><hr>53.312b<br><font size=+1>

ba/ phan pa mdzad cing bde mdzad dga' mdzad bcom ldan 'das/ /zhal yang rab 'dzum zla ba'i ngos ltar dri mi mnga'/ /skye mchog dge sbyong dam pa lha dang mis mchod pa/ /bde bar gshegs khyod 'dir gshegs pa'i dus 'di lags/ /stobs bcu rnams kyi stobs mnga' pha rol dpung 'jom pa/ /gzhan gyi tshogs rnams 'jom shing 'gro la phan pa mdzad/ /'jo dang rnyog pa rnams dang dri ma 'thab spangs pa/ /phan pa mdzad pa khyod 'dir gshegs pa'i dus 'di lags/ /sbyangs pa'i yon tan rdul sbyangs the tsom rnam par gtor/ /dran dang blo gros blo yangs mos rtogs blo gros ldan/ /'gro rgyal rtag tu 'gro ba 'gro med 'gro ba spangs/ /phan pa mdzad cing dga' mdzad rab tu dgyes pa'i thugs/ /nyi ma zla ba nor bu glog rnams mdzes pa'i 'od/ /brgya byin tshangs pa srid gsum lha tshogs 'od 'phrog cing / /'od mdzad dpal stug thub khyod 'od ni phan bgyid pas/ /'od 'di bsal nas rgyal ba'i 'od ni lhag ge yi/ /khyod kyi lha skad klu skad mi ci'i klu sgra yis/ /yang dang yang du 'bar ba'i nyon mongs zhi bar bgyid/ /skad mchog yangs pa tshangs pa rnams kyi sgra skad kyis/ /nyon mongs thams cad zhi bar bgyid pas 'bar ma lags/ /sman pa gang dag phyogs bcur rgyu yang de dag gis/ /gang du'ang 'gro ba'i nyon mongs zhi bar bgyid mi nus/ /sman pa'i rgyal po bla med gang tshe gzung brjod pa/ /de tshe nyon mongs kun zhi bde ba thams cad sbyin/ /shin du ngo mtshar 'od dang stobs mchog mtshungs med stobs/ /gsung ni skyon bral 'khrul pa mi mnga' dgra 'dul ba/ /rdul med rab rib bdag gi mun pa shin du bcom/ /dgra bral phan mdzad khyed kyi dus lags 'dir gshegs gsol/ /sbyin dang dul dang legs spyod mi mnyam mtshungs dang mnyam/ /tshul khrims brtul zhugs mi 'khrugs brtul zhugs dka' thub dgyes/ /bzod dang dul dang shin du dge la nges pa'i</font><hr>53.313a<br><font size=+1>

thugs/ /dga' gsung dgra rnam kyi ni dga' spong gshegs su gsol/ /dbang po stobs dang lam dgyes bsam gtan mngon mkhyen rol/ /dran dang blo gros rtogs dang mos la gnas pa'i thugs/ /'od ni rab tu lhag ge shin du dgyes pa'i thugs/ /yon tan mnga' ba khyod 'dir gshegs pa'i dus 'di lags/ /byams dang snying rje dga' dang btang snyoms bsgoms pa'i thugs/ /skyon gyi mun pa bcom zhing bag la nyal dang bral/ /tshangs pa'i lam ni rab bslabs rgyal ba'i lam la gnas/ /dga' mdzad bde bar gshegs pa dus lags gshegs su gsol/ /de nas bcom ldan 'das kyi mi 'am ci'i rgyal po sdong pos dus bskul ba'i tshigs su bcad pa gsan nas dge slong gi dge 'dun la bka' stsal pa/ dge slong dag mi 'am ci'i rgyal po sdong pos dus bskul gyis lhung bzed dang / chos gos thogs la zhag bdun gnas pa'i gtsug lag khang skyong yang bskos shig /de nas byang chub sems dpa' lha'i cod pan 'di snyam du sems te/ 'di ltar bdag gis khang pa brtsegs pa/ bkod pa 'di lta bu sprul la khang pa brtsegs pa der/ bcom ldan 'das byang chub sems dpa' dang nyan thos kyi tshogs dang bcas pa bzhugs te/ rin po che bkod pa'i seng ge'i khri la bzhugs pa'i khang pa brtsegs pa bdag gis lag pa g.yas par blangs te/ nam mkha'i ngos las ri'i rgyal po spos kyi ngad ldang du bkur bar byin gyis brlab bo/ /de nas byang chub sems dpa' lha'i cod pan de 'i tshe 'di lta bu'i ting nge 'dzin la snyoms par zhugs te/ ting nge 'dzin de la snyoms par zhugs ma thag tu bcom ldan 'das kyi spyan sngar khang pa brtsegs pa tshad dpag tshad bcu pa bkra ba blta na sdug pa</font><hr>53.313b<br><font size=+1>

gru bzhi pa/ ka ba bzhi zug pa cha mnyam pa/ shin du rnam par phye ba byung ngo / /khang pa brtsegs pa der stobs dang ldan pa'i pad ma bkod pa'i khri rnams kyang byung ngo / /khang pa brtsegs pa der bcom ldan 'das kyi gdan rin po che'i pad ma bkod pa'i seng ge'i khri 'phang du mi bdun yod pa byung ngo / /de nas byang chub sems dpa' lha'i cod pan gyis khang pa brtsegs pa bkod pa dang / seng ge'i khri bkod pa 'di lta bu 'di byas nas/ bcom ldan 'das la 'di skad ces gsol to/ /bdag la thugs brtse ba'i slad du bcom ldan 'das byang chub sems dpa' dang nyan thos chen po 'di dag dang thabs gcig tu khang pa brtsegs pa seng ge'i khri bshams pa 'dir bzhugs su gsol/ bcom ldan 'das bdag gis khang pa brtsegs pa 'di sug pa g.yas pas blangs te/ ri'i rgyal po spos kyi ngad ldang du 'tshal nas gzhag par bgyi'o/ /de nas bcom ldan 'das byang chub sems dpa' lha'i cod pan la thugs brtse ba'i phyir/ byang chub sems dpa' dang nyan thos chen po de dag dang thabs gcig tu khang pa brtsegs pa der ji ltar khri bshams pa de dag la bzhugs so/ /de nas byang chub sems dpa' lha'i cod pan gyis khang pa brtsegs pa de lag mthil g.yas par blangs te/ steng gi nam mkha' las rdzu 'phrul gyis song ngo / /de nas 'dod pa na spyod pa'i lha'i bu dang / gzugs na spyod pa'i lha'i bu rnams kyis byang chub sems dpa' lha'i cod pan gyi rdzu 'phrul gyi cho 'phrul 'di mthong nas tshim zhing mgu la yi rangs shing rab tu dga' ste dga' ba dang / yid bde ba skyes nas bcom ldan 'das dang byang chub sems dpa' sems dpa' chen po lha'i cod pan la mchod pa'i las kyi phyir me tog dang / bdug pa dang / </font><hr>53.314a<br><font size=+1>

spos dang phreng ba dang / byug pa thams cad thogs te/ sil snyan dang pheg brdab pa byas nas bcom ldan 'das khang pa brtsegs pa na bzhugs shing / nam mkha'i ngos las gshegs pa la mchod pa byas te/ ri'i rgyal po spos kyi ngad ldang du phyin to/ /mi 'am ci'i rgyal po sdong pos bcom ldan 'das khang pa brtsegs pa na bzhugs shing nam mkha'i ngos las gshegs pa mthong ngo / /mthong nas mi 'am ci dang / dri za brgyad khri bzhi stong gis bskor te/ me tog dang / bdug pa dang / spos dang phreng ba dang / byug pa thams cad thogs nas sil snyan dang / pheg rdob pa dang glu dbyangs len pa'i bkod pa byas te/ bcom ldan 'das bsu ba'i phyir byung ngo / /de nas mi 'am ci'i rgyal po sdong po dpung dang bcas 'khor dang bcas te/ bcom ldan 'das kyi zhabs la mgo bos phyag 'tshal nas ji ltar thogs pa'i me tog dang / bdug pa dang spos dang / phreng ba dang byug pa de dag dang / sil snyan dang / pheg rdob pa dang / glu dbyangs len pas bcom ldan 'das la mchod pa byas so/ /de nas bcom ldan 'das kyis dus la bab par mkhyen nas/ byang chub sems dpa' dang nyan thos chen po dang / brgya byin dang tshangs pa dang / 'jig rten skyong ba dang / de ma yin pa gzhan lha'i bu rnams dang / thabs gcig tu mi 'am ci'i rgyal po sdong pos 'khor gyi khyams bkod pa ga la ba der gshegs te rang gi seng ge'i khri ji ltar bshams pa la bzhugs so/ /byang chub sems dpa'i tshogs dang nyan thos kyi tshogs thams cad so so ci rig par 'khod do/ /mi 'am ci'i rgyal po sdong pos brgya byin dang tshangs pa dang / 'jig rten skyong ba dang 'dod pa na spyod pa dang / gzugs na spyod pa'i lha'i bu de dag la</font><hr>53.314b<br><font size=+1>

smras pa/ grogs po dag de bzhin gshegs pa dang thabs gcig tu gdugs tshod gsol gyis/ khyed thams cad 'dus la tshur spyon/ de nas mi 'am ci'i rgyal po sdong po slas dang bcas/ bu dang bcas/ rang gi skye bo dang bcas 'khor dang bcas/ g.yog dang bcas te rang rang gi lag gis bza' ba dang / bca' ba gya nom pa mang po ro dang ldan pa/ ro brgya pa'i zhal zas sna tshogs bcom ldan 'das dang / byang chub sems dpa'i dge 'dun dang / dge slong gi dge 'dun dang / 'khor la brims nas bde bar bstabs te tshim par byas so/ /tshim par byas nas bcom ldan 'das kyis lhung bzed bzhag ste/ phyag bcas par rig nas/ dpung dang bcas g.yog dang bcas te/ chos nyan pa'i phyir bcom ldan 'das kyi spyan sngar ji ltar bdag la 'os pa'i stan la 'dug go/ /de nas bcom ldan 'das kyis mi 'am ci'i rgyal po sdong po dang skye bo'i tshogs phal po che de dag la chos kyi gtam yang dag par ston to/ /yang dag par 'dzin du bcug go/ /gzeng bstod do/ /rab tu dga' bar mdzad do/ /de nas bcom ldan 'das kyis chos kyi gtam ni 'di yin te/ mi 'am ci'i bdag po rnam pa sum bcu rtsa gnyis kyis byang chub sems dpa' sems dpa' chen po'i sbyin pa'i pha rol tu phyin pa yongs su dag pa yin no/ /rnam pa sum bcu rtsa gnyis gang 'di lta ste/ mi 'am ci'i bdag po byang chub sems dpa' sbyin pa sbyin pa na byang chub kyi sems sngon du 'gro ba'i sbyin pa de sbyin pa dang / theg pa chung ngu spangs pa'i sems kyis sbyin pa de sbyin pa dang / slong ba la zhe sdang ba med pa'i sems kyis sbyin pa de sbyin pa dang / len pa rnams la sbyin gnas su 'du shes bskyed de sbyin pa de sbyin pa dang / len pa rnams la dge ba'i bshes gnyen du 'du shes bskyed de sbyin pa de</font><hr>53.315a<br><font size=+1>

sbyin pa dang / nang gi kun nas nyon mongs pa'i dri ma spangs te/ sbyin pa de sbyin pa dang kun du 'dzin pa med pa'i sems kyi dga' ba dang / dang ba dang mchog tu dga' ba thob nas sbyin pa de sbyin pa dang / lag pa brkyang ste grol bas gtong ba rnam par gtong ba la dga' bas sbyin pa de sbyin pa dang / rgya chen po la mos te zhum pa med pa'i sems kyis sbyin pa de sbyin pa dang / snod thams cad la mi gnas par sbyin pa de sbyin pa dang / rnam par smin pa la re ba med par sbyin pa de sbyin pa dang / lan la re ba med pa'i sbyin pa de sbyin pa dang / sangs rgyas kyi chos tshol ba'i blos sbyin pa de sbyin pa dang / thams cad mkhyen pa'i ye shes su bsngos te sbyin pa de sbyin pa dang / gdung ba med pa'i sems kyis sbyin pa de sbyin pa dang / bsdu ba'i dngos po sngon du 'gro bas sbyin pa de sbyin pa dang / sems can yongs su smin par bya ba'i phyir sbyin pa de sbyin pa dang / chos 'dzin par gyur cig snyam ste sbyin pa de sbyin pa de/ de bzhin gshegs pa'i gsung dang 'thun par gyur cig snyam ste sbyin pa de sbyin pa dang / bdag bdud kyi phyogs tshar gcod par gyur cig ces te sbyin pa de sbyin pa dang / bdag byang chub kyi lam rnam par spyod par gyur cig ces sbyin pa de sbyin pa dang / bdag skyes bu dam pa'i las byed par gyur cig ces sbyin pa de sbyin pa dang / bdag yi dgas kyi lam rnam par spong bar gyur cig ces te sbyin pa de sbyin pa dang / bdag gi bdog pa thams cad yongs su gtong ba'i rgyur gyur cig ces sbyin pa de sbyin pa dang / bdag gis longs spyod chen por 'gyur ba'i bsgrub pa rab tu bzung bar gyur cig ces te sbyin pa de sbyin pa dang / chos la dga' bar rab tu gnas par gyur cig ces te sbyin pa de sbyin pa dang / bdag la dge ba'i bshes gnyen dkon par ma gyur cig ces te sbyin pa de sbyin pa dang / </font><hr>53.315b<br><font size=+1>

bdag la sems can thams cad dga' ba'i mig dang ldan par gyur cig ces te sbyin pa sbyin pa dang / bdag gi sbyin pa des bla na med pa yang dag par rdzogs pa'i byang chub bsgrub par gyur cig ces sbyin pa sbyin pa dang / byang chub sems dpa' gtong ba phun sum tshogs pa gzhan rnams kyi rjes su slob par ma gyur cig ces te sbyin pa sbyin pa dang / bdag mtshan dang dpe byad bzang po bsags pa yongs su 'dzin par gyur cig ces te sbyin pa sbyin pa dang / bdag sangs rgyas kyi zhing yongs su sbyong ba dang / bdag sangs rgyas kyi chos thams cad mngon sum du gyur cig ces te sbyin pa sbyin pa ste/ mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa'i sbyin pa'i pha rol tu phyin pa yongs su dag pa yin no/ /mi 'am ci'i bdag po rnam pa sum bcu rtsa gnyis kyis byang chub sems dpa' sems dpa' chen po'i tshul khrims kyi pha rol tu phyin pa yongs su dag pa yin no/ /sum bcu rtsa gnyis gang zhe na 'di lta ste/ 'dod chags dang / zhe sdang dang / gti mug dang bral bas lus yongs su dag pa'i tshul khrims dang / bdag gi lha sangs rgyas la mi slu ba'i mtshan nyid kyis ngag yongs su dag pa'i tshul khrims dang / brnab sems dang / gnod sems dang log par lta ba med pas sems yongs su dag pa'i tshul khrims dang / lha dang mi'i phun sum tshogs pa myong bas dge ba bcu'i las kyi lam yongs su dag pa'i tshul khrims dang / nyi tshe ba'i sa thams cad mi ston pas byang chub kyi sems dang / bsam pa mi brjed pa'i tshul khrims dang / shin du nyams pa med cing g.yo dang bral bas lhag pa'i bsam pa yongs su dag pa'i tshul khrims dang / skye bo phal pa thams cad sdud pas 'phags pa'i skye bos bsngags pa'i tshul khrims dang / sems can thams cad la sems snyoms par byams pa sngon du</font><hr>53.316a<br><font size=+1>

'gro ba'i tshul khrims dang / sems can thams cad yongs su skyob pas snying rje chen po la rab tu sbyor ba'i tshul khrims dang / dam bcas pas stobs kyis bslab pa rdzogs pa med pa yang dag par 'dzin pa'i tshul khrims dang / kha na ma tho ba chung ngu la yang 'jigs par lta bas ngo tsha shes shing khrel yod pa phun sum tshogs pa'i tshul khrims dang / shin du mi gtong bas skyon med pa'i tshul khrims dang / spyod pa shin du dag pas thun tshags ma yin pa'i tshul khrims dang / sangs rgyas kyi zhing gzhan du 'gro bas rang gi rnam pa mang po la dbang byed pa'i tshul khrims dang / skye bo mkhas pas rig pa'i phyir sngags pa'i tshul khrims dang / ngan song ngan 'gro thams cad kyi lam las sgrol ba'i tshul khrims dang / bde ba'i dngos po thams cad la rab tu gnas pa'i tshul khrims dang / sangs rgyas kyi tshul khrims yongs su rdzogs par byed pas sangs rgyas kyis gnang ba'i tshul khrims dang / yi dam la brtan pas mi lhod pa'i tshul khrims dang / rang gi sems nges par sems pas bdag la mi stod gzhan la mi smod pa'i tshul khrims dang / nyon mongs pa med pas nges par sems pa'i snying rje'i tshul khrims dang / byang chub kyi phyogs kyi chos thams cad la nye bar byed pa'i tshul khrims dang / rab tu dga' bar byed pa la dga' bar byed pa'i tshul khrims dang / 'dod pa dang / chags pa med pas chog shes par byed pa'i tshul khrims dang / nan tan snying pos byed pas bsgrub pa brlabs po che'i tshul khrims dang / khyim gyi gnas thams cad la mi lta ba'i rab tu 'byung ba la gzhol ba'i tshul khrims dang / chos kyi dga' ba la dga' mos pas dgon pa la dga' ba dang ldan pa'i tshul khrims dang / 'phags pa'i rigs la rton pas 'dod pa nyung zhing chog shes</font><hr>53.316b<br><font size=+1>

pa la nges pa'i tshul khrims dang / sdig pa 'dod pa thams cad dang bral bas sbyangs pa'i yon tan la yang dag par rab tu sbyor ba'i tshul khrims dang / sems can med par rnam par spyod pas dmigs pa med par sbyor ba'i tshul khrims dang / chad pa dang rtag pa yongs su spong bas lta bar song ba thams cad dang gti mug sel ba'i tshul khrims dang / rten cing 'brel par 'byung ba dang mi 'gal bas byang chub kyi rjes su 'thun pa'i tshul khrims te/ mi 'am ci'i bdag po rnam pa sum bcu rtsa gnyis po 'di dag gis byang chub sems dpa'i/ tshul khrims kyi pha rol tu phyin pa yongs su dag pa yin no/ /mi 'am ci'i bdag po rnam pa sum bcu rtsa gnyis kyis byang chub sems dpa' rnam kyi bzod pa'i pha rol tu phyin pa yongs su dag pa yin no/ /sum bcu rtsa gnyis gang zhe na 'di lta ste/ lus la mi lta bas bzod par lta ba dang / srog la mi chags par bzod par lta ba dang / zhe sdang ba'i sems med par bzod par blta ba dang / nyes par smras pa'i tshig dang du len pas bzod par blta ba dang / nyam chung ba'i sems can la snying rje skyed pas bzod par blta ba dang / ma bslabs pa la mi brnyas pas bzod par blta ba dang / gnod pa byed pa rnams la lan glan pa'i mthu yod kyang lan mi ldon pas bzod par blta ba dang / yan lag dang nying lag thams cad gcad kyang mi 'khrugs shing gnod sems med pas bzod par blta ba dang / brlang ba med pas bzod par blta ba dang / gshe ba la slar mi gshe bas bzod par blta ba dang / bsam pa dag pas bzod par blta ba dang / rnyog pa'i sems med pas bzod par blta ba dang / dkrugs pa'i sems med pas bzod par blta ba dang / gzhan gyi sems bsrung bas bzod par blta ba dang / sems</font><hr>53.317a<br><font size=+1>

can thams cad la phan pa'i dngos pos bzod par blta ba dang / snying rje'i blo dang ldan pas bzod par blta ba dang / nga rgyal med pas bzod par blta ba dang / sems can thams cad la brnyas thabs med cing 'dud pas bzod par blta ba dang / 'bar ba med pas bzod par blta ba dang / nye bar zhi bas bzod par blta ba dang / nges par sems pas bzod par blta ba dang / bdag gi 'khrul pa la so sor rtog pas bzod par blta ba dang / gzhan gyi 'khrul pa'i skyon la mi lta bas bzod par blta ba dang / sangs rgyas rjes su dran pa bsgoms pas bzod par blta ba dang / chos la sems sbyor bas bzod par blta ba dang / dang ba'i dngos pos bzod par blta ba dang / sems la gdung ba med pas bzod par blta ba dang / bzhin 'dzum zhing khro gnyer med pas bzod par blta ba dang / gsong po smra bas bzod par blta ba dang / rnam par thar pa'i sgo gsum la dngang ba med pas bzod par blta ba dang / ma skyes pa dang ma byung ba la mos pas bzod par blta ba dang / mi skye ba'i chos la bzod pa rab tu thob pas bzod par blta ba ste/ mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa' rnams kyi bzod pa'i pha rol tu phyin pa yongs su dag pa yin no/ /mi 'am ci'i bdag po rnam pa sum bcu rtsa gnyis kyis byang chub sems dpa' rnam kyi brtson 'grus kyi pha rol tu phyin pa yongasu dag pa yin no/ /sum bcu rtsa gnyis gang zhe na/ 'di lta ste/ mi 'am ci'i bdag po byang chub sems dpa' sangs rgyas kyi rigs rgyun mi 'chad par bya ba'i phyir brtson 'grus rtsom pa dang / chos kyi rigs rgyun mi 'chad par bya ba'i phyir brtson 'grus rtsom pa dang / dge 'dun gyi rigs rgyun mi 'chad</font><hr>53.317b<br><font size=+1>

par bya ba'i phyir brtson 'grus rtsom pa dang / sems can tshad med pa yongs su smin par bya ba'i phyir brtson 'grus rtsom pa dang / 'khor ba tshad med pa yongs su gzung ba'i phyir brtson 'grus rtsom pa dang / sangs rgyas tshad med pa la mchod pa dang rim gro bya ba'i phyir brtson 'grus rtsom pa dang / dge ba'i rtsa ba tshad med pa bsags pa'i phyir brtson 'grus rtsom pa dang / thos pa tshad med pa gzung ba'i phyir brtson 'grus rtsom pa dang / sems can thams cad la legs par smra ba smra ba'i phyir brtson 'grus rtsom pa dang / sems can thams cad la rab tu gding bar byed pa'i phyir brtson 'grus rtsom pa dang / sems can thams cad la bya ba ci yod ces bya ba la spro ba'i phyir brtson 'grus rtsom pa dang / sems can thams cad yongs su mi gtong ba'i phyir brtson 'grus rtsom pa dang / sems can thams cad tshul khrims kyi bslab pa la gzud pa'i phyir brtson 'grus rtsom pa dang / bzod pa'i stobs thams cad dang / des pa mi nyams par bya ba'i phyir brtson 'grus rtsom pa dang / bsam gtan dang rnam par thar pa dang ting nge 'dzin dang / snyoms par 'jug pa thams cad bskyed pa'i phyir brtson 'grus rtsom pa dang / chags pa med pa'i shes rab mchog yongs su bskang ba'i phyir brtson 'grus rtsom pa dang / byams pa dang snying rje dang dga' ba dang / btang snyoms tshangs pa'i gnas pa'i gnas pa yongs su bskang ba'i phyir brtson 'grus rtsom pa dang / mngon par shes pa thams cad la brtson 'grus bskyed pa'i phyir brtson 'grus rtsom pa dang / sangs rgyas kyi zhing thams cad kyi yon tan bkod pa rang gi sangs rgyas kyi zhing yongs su bsdu ba'i phyir brtson 'grus rtsom pa dang / bdud thams cad gzhom pa'i phyir</font><hr>53.318a<br><font size=+1>

brtson 'grus rtsom pa dang / stobs brtan pa chen pos pha rol gnon pa'i phyir brtson 'grus rtsom pa dang / pha rol rgol ba thams cad chos dang 'thun pas tshar gcad pa'i phyir brtson 'grus rtsom pa dang / stobs bcu dang mi 'jigs pa dang / sangs rgyas kyi chos yongs su bskang ba'i phyir brtson 'grus rtsom pa dang / lus dang ngag dang sems kyi rgyan kyi phyir brtson 'grus rtsom pa dang / bya ba thams cad nyams 'og tu chud par byed cing brtson pa mi gtong ba'i phyir brtson 'grus rtsom pa dang / sems zhum pa med par bya ba'i phyir brtson 'grus rtsom pa dang / nyon mongs pa thams cad kyis mi rdzi ba'i phyir brtson 'grus rtsom pa dang / ma rgal ba sgrol/ ma grol ba dgrol/ dbugs ma phyin pa dbugs dbyung yongs su mya ngan las ma 'das pa yongs su mya ngan las bzla ba'i phyir brtson 'grus rtsom pa dang / bsod nams brgya pa'i mtshan gyi tshogs bsags pa'i phyir brtson 'grus rtsom pa dang / sangs rgyas thams cad kyi dam pa'i chos yongs su gzung ba'i phyir brtson 'grus rtsom pa dang / sangs rgyas kyi zhing mtha' yas par rdzu 'phrul gyis 'gro zhing sangs rgyas la blta ba'i phyir brtson 'grus rtsom pa dang / sems dang lus dben pa'i phyir de'i brtson 'grus de dben pa las nges par byung ba dang / thams cad mkhyen pa'i ye shes la 'jug pa'i phyir de'i brtson 'grus de blang ba med cing dor ba med la/ gdeg pa med cing gzhag pa med de/ skye ba med cing 'byung ba med pas bsdus pa yin te/ mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa' rnams kyi brtson 'grus kyi pha rol tu phyin pa yos su dag pa yin no/ /mi 'am ci'i bdag po rnam pa sum bcu rtsa gnyis kyis byang chub sems dpa'i bsam gtan gyi pha rol tu</font><hr>53.318b<br><font size=+1>

phyin pa yongs su dag pa yin no/ /sum bcu rtsa gnyis gang zhe na/ 'di lta ste dran pa yongs su dag pa dang / blo gros yongs su dag pa dang / rtogs pa yongs su dag pa dang / ngo tsha shes pa yongs su dag pa dang / khrel yod pa yongs su dag pa dang / mos pa yongs su dag pa dang / bsngo ba yongs su dag pa dang / byang chub kyi sems mi brjed pa yongs su dag pa dang / dbang po sbas pa yongs su dag pa dang / mi gnas pa yongs su dag pa dang / de la ma chags pa yongs su dag pa dang / mngon par shes pa bskyed pa yongs su dag pa dang / sems las su rung ba yongs su dag pa dang / lus dben pa yongs su dag pa dang / brag cha shes pa yongs su dag pa dang / nang nye bar zhi ba yongs su dag pa dang / phyi rol du mi rgyu ba yongs su dag pa dang / dmigs pa'i lta ba spong ba yongs su dag pa dang / bdag med pa dang / sems can med pa dang srog med pa dang / gso ba med pa dang / gang zag med par so sor rtog cing khams gsum pa la mi gnas pa yongs su dag pa dang / byang chub kyi yan lag gi sgo yongs su dag pa dang / sems can la lta ba'i snying rje chen po yongs su dag pa dang / shes rab la 'jug pas rab rib med cing snang ba yongs su dag pa dang / rgyu dang 'bras bu dang rnam par smin pa dang mi 'gal ba yongs su dag pa dang / chos la sems pa'i bzod pa yongs su dag pa dang / tshul bzhin gyi rnam pa'i chos la so sor rtog pa yongs su dag pa dang / thabs la mkhas pa bsdu ba yongs su dag pa dang / byang chub kyi snying po bsgrub pa yongs su dag pa dang / nyan thos dang rang sangs rgyas dang ma 'dres pa yongs su dag pa dang / mi g.yo ba'i bsam gtan bsgrub pa yongs su dag pa dang / sangs rgyas kyi ting nge 'dzin thob pa la mi g.yeng ba yongs su dag pa dang / sems</font><hr>53.319a<br><font size=+1>

can thams cad kyi sems dang spyod pa lta ba yongs su dag pa dang / sems can thams cad kyi dbang po'i mchog dang / mchog ma yin pa shes nas so sor ci rigs par chos ston pa yongasu dag pa ste/ mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa'i bsam gtan gyi pha rol du phyin pa yongs su dag pa yin no/ /mi 'am ci'i bdag po rnam pa sum bcu rtsa gnyis kyis byang chub sems dpa'i shes rab kyi pha rol tu phyin pa yongs su dag pa yin no/ /sum bcu rtsa gnyis gang zhe na/ 'di lta ste thos pa tshol bas mi ngoms pas mang du thos pa dang / tshul bzhin yid la byed pas chos rnams la dpyod pa'i shes pa la mkhas pa dang / byang chub mngon sum du byed pa'i bdag nyid chos bsgrub pa shes pa dang / phung po la mkhas pa la 'jug pas rnam par grol ba shes pa dang / chos kyi dbyings la mkhas pa'i shes pa dang / skye mched la mkhas pa'i shes pa dang / rgyu dang bya ba khong du chud pas stong pa'i rnam par rten cing 'brel par 'byung ba la mkhas pa dang / bden pa la mkhas pa'i shes pa dang / der mi ltung bar skyon med pa la 'jug pa shes pa dang / bsam bzhin du skye bas skye ba la so sor mi rtog pa'i shes pa dang / bzod ma nas rnam par dag pas chos thams cad mi skye bar shes pa dang / phyin ci log tu gyur pa yongs su smin par byed pas sems can thams cad bdag med par shes pa dang / 'dod chags dang bral ba'i mtha'i phyir chos thams cad chos gcig tu shes pa dang / nam mkha' dang mtshungs pa'i phyir zhing thams cad zhing gcig tu shes pa dang / chos kyi dbyings bsam gyi mi khyab pa la zhugs pas sangs rgyas thams cad sangs rgyas gcig tu shes pa dang / yi ge shes pa la mkhas pas chos kyi tshig rab tu dbye ba bstan pa shes pa dang / legs par bshad</font><hr>53.319b<br><font size=+1>

pas sems can thams cad tshim par byed pa'i phyir chags pa med pa'i spobs pas chos rgya cher shes pa dang / thos pa thams cad 'dzin pas gzungs brjed pa med pa'i shes pa dang / bdud de dag byang chub tu yongs su smin par byed pas/ bdud kyi las thams cad khong du chud pa'i shes pa dang / rnam par bsgrubs te so sor nye bar gnas par shes pas chos thams cad sgyu ma lta bur rtog pa'i shes pa dang / shin du yongs su grub pa med pa'i tshul gyis chos thams cad rmi lam dang / smig rgyu dang chu zla dang / mig yor dang brag cha lta bu'i tshul du ston pa shes pa dang / shes pa rnam par dag pa'i phyir sems can gyi sems kyi spyod pa tham cad khong du chud pa'i shes pa dang / shin du bslabs pa'i phyir 'khor ba dang mya ngan las 'das pa brtags par shes pa'i thabs la mkhas pa dang / rnam par thar pa'i sgo'i phyir stong pa nyid dang / mtshan ma med pa dang / smon pa med pa'i rnam pa'i chos shes pa dang / gzod ma nas bral ba med pa'i phyir chos thams cad rang bzhin gyi zhi ba dang / rab tu zhi ba dang / nye bar zhi bar shes pa dang / ma rig pa dang / gti mug gi mun pa kun du bcom pa'i phyir chos thams cad la rab rib med cing snang ba thob pa dang / chos thams cad gar yang mi 'gro gang nas kyang mi 'ong bar shes pas shes rab kyi 'od dang ldan zhing sems can thams cad la rnam par thar pa'i chos ston pa dang / las dang bya ba khong du chud pas sems can rnams kyi 'chi 'pho dang 'gro bar skye ba ston pa dang / don dang chos dang nges pa'i tshig dang spobs pa'i tshul la mkhas te phyad par de kho na'i lung ston pas/ so so yang dag par rig pa bzhi thob pa dang / bdag dul ba dang zhi ba dang / grol ba dang sbas pa dang / byang bas yongs su mya ngan las zlo ba'i phyir don yod pa'i chos ston pa dang / dam pa'i chos yongs su 'dzin</font><hr>53.320a<br><font size=+1>

pas sangs rgyas bcom ldan 'das rnams kyis de shes rab las nges par byung bar rig nas chos kyi grong khyer thams cad yongs su skyong bar byin gyis rlob pa dang / phyir mi ldog pa'i byang chub sems dpa'i sa la yang dag par gzhol te/ mtha' la gnas pa'i tshul nges par byas pas lung bstan pa'i sa rab tu thob pa yin te/ mi 'am ci'i bdag po rnam pa sum bcu rtsa gnyis po 'di dag gis/ byang chub sems dpa'i shes rab kyi pha rol tu phyin pa yongs su dag pa yin no/ /mi 'am ci'i bdag po byang chub sems dpa' rnam pa sum bcu rtsa gnyis dang ldan na thabs la mkhas par rig par bya'o/ /sum bcu rtsa gnyis gang zhe na 'di lta ste/ byang chub sems dpa' bdag zad par mi byed pas sems can la lta ba dang / sems can thams cad yongs su smin par bya ba'i phyir bsod nams chen po la gnas pa dang / sems can thams cad kyi sbyin gnas kyi phyir sbyin gnas mi tshol ba dang / sems can dbul po yongs su smin par bya ba'i phyir rgya chen po don du mi gnyer ba dang / sems can thams cad ngag bsdam pa la sbyar ba'i phyir/ lkug pa dang / dig pa lta bur ston pa dang / bud med dang bu mo yongs su smin par bya ba'i phyir/ bud med yongs su 'dzin pa dang / khye'u yongs su smin par bya ba'i phyir/ khye'u'i gzugs su ston pa dang / sems can yongs su smin par bya ba dang 'thun par bya ba'i phyir/ gzugs thams cad ston pa dang / sems can myos pa yongs su smin par bya ba'i phyir/ myos pa ma yin yang myos pa'i lus su ston pa dang / de la mos pa'i sems can rnams la chos ston pa'i phyir/ smyon pa dang sems g.yengs pa'i gzugasu</font><hr>53.320b<br><font size=+1>

ston pa dang / sems can yongs su smin par bya ba'i phyir/ lo brgyar bsags pa'i tshul khrims kyi phung po 'dor ba dang / chos 'dzin du gzhug pa'i phyir/ sems can rnams la dga' ba thams cad la rtse ba dang / longs spyod ston pa dang / de la mos pa'i sems can yongs su smin par bya ba'i phyir/ g.yon can ma rungs pas 'tsho ba'i lus su ston pa dang / bud med gang tshong dpon dang / khyim bdag dang / rgyal po'i chung mar gyur pa bu med pa bu'i tshe 'dod pa'i mya ngan gyi zug rngu dang ldan zhing / sdug bsngal gyi tshor ba myong ba la de na byang chub sems dpas de dag dge ba la dad cing / yongs su smin par bya ba'i phyir de'i bur khas len pa dang / 'brog dgon par song ba'i sems can dbul po la bza' ba dang / btung ba dang nor sbyin zhing bgo bsha' bya ba'i phyir 'dron po mang po'i nang du ded dpon du 'gyur ba dang / gter chen po mdun du byas nor gyi phung po chen po 'byin nas chos ston pa dang / mya ngan gyi zug rngu dang ldan pa'i sems can rnams kyi mya ngan gyi zug rngu bsal nas/ rdzu 'phrul gyis chos ston pa dang / gter stor ba'i sems can rnams kyi mdun du gter chen po nye bar bstan nas 'tsho ba yongs su dag par bya ba'i phyir chos ston pa dang / de dag sangs rgyas kyi bstan pa la dgug pa'i phyir gzhan mu stegs can spyod pa can dang / kun du rgyu ba rnams kyi nang du rab tu 'byung ba dang / sems can 'dod chags kyi lcags kyus zin pa rnams yongs su smin par bya ba'i phyir smad 'tshong ma'i khyim dang / slas kyi nang du bu mo'i gzugs mdzes pa blta na sdug par ston pa dang / sems can rnams mos pa ji lta ba bzhin du chos kyis yongs su smin par bya ba'i phyir 'dus pa chen po dang / tshogs</font><hr>53.321a<br><font size=+1>

pa mang po'i nang du rnga dang / rnga mri dang ga dang rnga pa na ba dang dung gi sgras sa chen po mdzes par byas nas/ bdag nye bar ston cing sems can 'dus pa de dag la rol mo'i dbyangs sgra de dag las chos ston pa'i sgra 'byin cing bzo'i gnas thams cad nye bar ston pa dang / mya ngan du son pa'i 'dron pa bza' ba dang / btung ba zad pa la mngon par shes pa chen pos rnam par rtse zhing de'i stobs kyis bza' ba dang / btung ba byin nas bkres pa dang bral zhing skom pa dang bral ba'i sems can rnams la chos ston pa dang / sems can gang dag dmus long du gyur pa de dag gi nang du dmus long lta bur gyur nas/ dbul po mig med pa de dag la rdzu 'phrul gyi stobs kyis bza' ba dang / btung ba 'byor bar byas nas/ mig byin te rang gi gzugs bstan nas/ ji ltar de dag bla na med pa yang dag par rdzogs pa'i byang chub tu nges par 'gyur ba de lta de ltar chos ston pa dang / rgyal po'i khri mon du bcug pa'i srog chags brgya phrag du ma g.yon can sna tshogs dang ldan pa de dag yongs su smin par bya ba'i phyir/ bsams bzhin du bdag rkun por ston cing de g.yon can no zhes shes par byas nas/ khri mon du bcug pa dang de der zhugs nas rdzu 'phrul gyi stobs kyis bcings pa/ de dag gi lus bkrus shing bskus te/ gos bzang po bskon nas bza' ba dang / btung bas lus tshim par byas te/ bcings pa dam po de dag las bkrol nas ji ltar bla na med pa yang dag par rdzogs pa'i byang chub tu nges par 'gyur ba de lta bur chos ston pa dang / sems can gang dag rgyal pos bsad par dkri ba srog 'chi ba'i 'jigs pa'i thob pa sdug bsngal gyis nyam thag pa de dag yongs su</font><hr>53.321b<br><font size=+1>

smin par bya ba'i phyir/ byang chub sems dpa' sems dpa' chen pos rdzu 'phrul gyis gzhan dag cig sprul te/ rdzu 'phrul gyis gshed ma la bkris nas gsad par 'os pa'i mi de dag bcings pa de las bkrol te/ 'jigs pa dang bral ba srog rnyed pa dang / dbugs phyin pa de dag la ji ltar bla na med pa yang dag par rdzogs pa'i byang chub tu nges par 'gyur ba de lta de lta bur chos ston pa dang / phyogs gang na don dang / nor dang / zhing dang / khyims kyi dngos po dang / bran pho dang bran mo dang / las byed pa dang dmag mi'i phyir 'thab pa dang / rtsod pa dang 'gyed pa dang / 'tshang 'dru bar gyur pa der byang chub sems dpa' sems dpa' chen po thabs kyis dbus su 'dug nas rdzu 'phrul gyis don dang / nor dang rin po che yongs su btang ste/ de dag 'dum par sbyor ro/ /de dag dum par rigs nas bla na med pa yang dag par rdzogs pa'i byang chub yang dag par 'dzin du 'jug pa dang / byang chub sems dpa' thabs la mkhas pas yan lag dang / nying lag thams cad kyis dbang po nyams pa med kyang sems can yongs su smin par bya ba'i phyir dbang po nyams par yang ston pa dang / spyod lam phun sum tshogs kyang sems can yongs su smin par bya ba'i phyir spyod lam thams cad 'khrugs par yang byed pa dang / byang chub sems dpa' thabs la mkhas pas gzhan mu stegs can ston pa dang / ring du gnas pa bdud kyi spyod yul la spyod pa/ bdud kyis byin gyis brlabs pa'i mu stegs can de dag sangs rgyas kyi bstan pa la/ dgug pa'i phyir de dag gi mdun du dkon mchog gsum gyi bsngags pa brjod pa dang / byang chub sems dpa' thabs la mkhas pas sems can yongs su smin par bya ba'i phyir bsam gtan dang rnam par</font><hr>53.322a<br><font size=+1>

thar pa dang / ting nge 'dzin dang / snyoms par 'jug pa rnams las log nas bsam bzhin du 'dod pa'i khams su skye ste/ mya ngan las 'das pa 'dod pa rnams la skye ba'i sdug bsngal bstan nas dben pa thob pa rnams bla ma'i lam bsgom du gzud pa'i phyir/ mya ngan las 'das pa ston pa dang / skyon med pa la ma zhugs pa la mya ngan las 'das par 'gro bar 'dun pa rnams kyi mdun du/ byang chub sems dpa' thabs la mkhas pa sangs rgyas kyi sku ston pa dang / sangs rgyas la dad pa thob cing / sems mnyam par bzhag pa rnams byang chub kyi sems len du gzud pa'i phyir/ rkyen 'di shes pa la 'jug pa nye bar ston pa ste/ mi 'am ci'i bdag po rnam pa sum bcu rtsa gnyis po 'di dag gis byang chub sems dpa' sems dpa' chen po thabs la mkhas par rig par bya'o/ /pha rol tu phyin pa dang thabs la mkhas pa la 'jug pa yongs su dag pa'i le'u 'di bstan pa na/ mi 'am ci'i rgyal po sdong po'i 'khor dang / de ma yin pa gzhan lha dang / klu dang gnod sbyin dang / dri za'i srog chags dgu khri brgyad stong ni bla na med pa yang dag par rdzogs pa'i byang chub tu sems skyes so/ /bcom ldan 'das kyi 'khor byang chub sems dpa' las byang chub sems dpa' khri rgyad stong ni mi skye ba'i chos la bzod pa rab tu thob par gyur to/ /mi 'am ci'i rgyal po sdong po ni shes rab sgron ma zhes bya ba'i ting nge 'dzin rab tu thob par gyur to/ /de nas mi 'am ci'i rgyal po sdong po bcom ldan 'das kyis chos kyi gtam gyis rab tu dga' bar byas yang dag par 'dzin du btsud/ gzengs bstod/ yang dag par bstan pas/ tshim zhing mgu la yi rangs shing rab tu dga' ste/ dga' ba dang / yid bde ba skyes nas/ rin thang med pa'i ras bcos ma phrugs gcig bcom ldan 'das la mngon par</font><hr>53.322b<br><font size=+1>

bkab bo/ /byang chub sems dpa'i dge 'dun dang / nyan thos kyi dge 'dun thams cad la yang rin thang med pa'i gos kyis so sor bkab bo/ /gnas thams cad ni yongs su longs spyad pa'i phyir bcom ldan 'das la phul lo/ /de nas mi 'am ci'i rgyal po sdong po'i bu brgyad stong pos rin po che'i pad ma bkod pa dang / rin po che'i gdugs brgyad stong du tshang bas bcom ldan 'das la mngon par bkab ste/ gtor ma thag tu sangs rgyas kyi mthus de dag thams cad 'khor gyi khyams der bcom ldan 'das kyi dbu'i drang thad kyi steng gi bar snang la dpag tshad stong tsam na/ rin po che'i gdugs gcig tu gnas par gyur to/ /de nas mi 'am ci'i rgyal po sdong po'i bu brgyad stong pos bcom ldan 'das kyi cho 'phrul chen po 'di mthong nas tshim zhing mgu la yi rangs shing rab tu dga' ste/ dga' ba dang yi bde ba skyes nas/ lhag pa'i bsam pas bla na med pa yang dag par rdzogs pa'i byang chub tu sems bskyed do/ /de dag gis byang chub tu sems bskyed nas/ bcom ldan 'das la 'di skad ces gsol to/ /bcom ldan 'das gang thos pas bdag cag byang chub kyi phyogs kyi chos yang dag par sgrub par 'gyur ba byang chub tu yongs su smin par bgyid pa'i chos de bzhin gshegs pa dgra bcom pa yang dag par rdzogs pa'i sangs rgyas kyi bdag cag la bshad du gsol/ de nas bcom ldan 'das kyi mi 'am ci'i rgyal po sdong po'i bu de dag gi lhag pa'i bsam pa mkhyen nas ta la bdun srid gyi steng gi bar snang la skyil mo dkrung bcas te bzhug nas sku las 'di lta bu'i 'od phyung ste/ 'od des stong gsum gyi stong chen po'i 'jig rten gyi khams 'di snang ba chen pos khyab par gyur to/ /gang mi 'am ci dang / dri za dang lto 'phye de dag dang / 'dod pa na</font><hr>53.323a<br><font size=+1>

spyod pa'i lha'i bu de dag gi rol mo sil snyan rnam pa sna tshogs de dag thams cad ma brdungs ma dkrol bar mdzes pa dang ldan par 'khrol lo/ /ri'i rgyal po spos kyi ngad ldang na dri'i shing dang me tog gi shing dang 'bras bu'i shing ji snyed pa de dag las kyang rol mo sil snyan gyi sgra byung ngo / /bcom ldan 'das kyi spu'i khung bu thams cad nas kyang 'od zer bye ba khrag khrig brgyad stong byung ngo / /'od zer thams cad kyi rtse mo las kyang pad ma tshad shing rta'i 'khor lo tsam dag byung ngo / /pad ma'i snying po thams cad la yang byang chub sems dpa'i gzugs skyes bu chen po'i mtshan sum bcu rtsa gnyis kyis kun du rgyan pa'i lus dag gnas par kun du snang ngo / /sangs rgyas kyi mthus rol mo sil snyan de dag las ni yongasu 'dri ba'i tshigasu bcad pa byung / byang chub sems dpa' de dag thams cad ni sgra dbyangs dang skad gcig gis tshigs su bcad nas nges par lan 'debaso/ /de la sil snyan las tshigasu bcad pa/ bla na med pa'i byang chub sems/ /ji lta bur ni skyed pa dang / /byang chub snying por 'dug bar du/ /sems ni brjed pa med par 'gyur/ /byang chub sems dpa'i gzug rnam kyis smras pa/ sems can kun gyi ched kyi phyir/ /lhag pa'i bsam pa phun sum tshog / /snying rje che dang ldan pa ni/ /byang chub sems brjed mi 'gyur ro/ /sil snyan rnam kyis smras pa/ de dag bsam pa ji lta bu/ /rab tu 'byor pa ci 'dra zhig /de dag snying rje chen po la/ /nges par sems pa ji ltar skye/ /byang chub sems dpa'i gzug rnam kyi smras pa/ g.yo med lhag pa'i bsam pa ste/ /de dag sbyor ba bcos ma min/ /mya ngan 'da' sgor 'jog pa ni/ /de dag snying rje de 'dra'o/ /sil snyan rnam kyi smras pa/ de dag gtong ba ji lta bu/ /ji ltar byin nas 'gyod med cing / /rnam smin don du mi gnyer bar/ /byang chub tu ni sngo bar byed/ /byang chub sems</font><hr>53.323b<br><font size=+1>

dpa'i gzugs rnam kyis smras pa/ dngos po kun la mi lta ba/ /des ni byin nas 'gyod pa med/ /byang chub lam du 'jog byed pa/ /de phyir rnam smin re ba med/ /sil snyan rnam kyis smras pa/ ji ltar tshul khrims ldan gyur kyang / /tshul khrims kyis ni rlom sems med/ /theg chen bla na med pa la/ /ngang tshul ngan can smin par byed/ /byang chub sems dpa'i gzugs rnam kyis smras pa/ byang chub sems kyi tshul khrims ldan/ stong pa nyid kyi rlom sems med/ /byam pa chen po skyed pa ni/ /ngang tshul ngan can yong smin byed/ /sil snyan rnam kyis smras pa/ ji ltar na ni sems can gyi/ /spyos shing sdigs pa bzod byed cing / /sems kyi gnod pa mi byed la/ /mchog tu dga' ba skye bar 'gyur/ /byang chub sems dpa'i gzugs rnams kyi smras pa/ bdag ni sems can thams cad kyi/ /nyon mongs gso ba'i sman pa snyam/ /de dag ngan par smras pa yi/ /tshig thos zhe sdang mi 'gyur ro/ /sil snyan rnam kyis smras pa/ de dag brtson 'grus ji lta bu/ /pha rol gnon pa'ang ci 'dra zhig /ji ltar zhum pa med sems kyi/ /byang chub spyad pa spyod par 'gyur/ /byang chub sems dpa'i gzugs rnam kyis smras pa/ chos dang sems can bsrung ba ni/ /pha rol gnon dang brtson 'grus so/ /dge ba'i rtsa bas rtan pa ni/ /des na sems ni zhum mi 'gyur/ /sil snyan rnam kyi smras pa/ de dag ji ltar dran dang ldan/ /blo gros rtog par khong du chud/ /ji ltar bsam tan bsam tan byed/ /de la chag pa med par 'gyur/ /byang chub sems dpa'i gzugs rnam kyi smras pa/ g.yeng ba med pa dran dang ldan/ /tshul 'chos med pa blo gros ldan/ /thab kyis bsam tan bsam tan byed/ /des na de la chag mi 'gyur/ /sil snyan rnam kyi smras pa ji ltar shes rab ldan pa dang / /yang dag lta ba drang po dang / /chos rnam rnams par dbye ba la/ /mkhas shing 'jig pa med par 'gyur/ /</font><hr>53.324a<br><font size=+1>

byang chub sems dpa'i gzugs rnams kyis smras pa/ thos pas shes rab kun du 'phel/ /rten pas lta ba drang por 'gyur/ /chos kyis sbyin pas nges 'gyur te/ /tshul bzhin gyis ni don rtogs 'gyur/ /sil snyan rnams kyis smras pa/ ji ltar thos pa tsal bas na/ /de dag thos pa mang du 'gyur/ /gang gis che ba'i bdag 'gyur bar/ /thos pa'i chos rnams ston par 'gyur/ /byang chub sems dpa'i gzugs rnams kyis smras pa/ gus par byas te thos tshol zhing / /sgrub pa'i thos pa mang du 'gyur/ /zang zing med par chos sbyin pa/ /des ni che ba'i bdag nyid 'gyur/ /sil snyan rnams kyis smras pa/ de dag byams pa ji lta bu/ /de dag snying rje ci 'dra zhig /de dag dga' ba ji lta bu/ /btang snyoms kyang ni ci 'dra zhig /byang chub sems dpa'i gzugs rnams kyis smras pa/ sems dang bsam snyoms byams pa zhig /sems can 'grol ba snying rje'o/ /sangs rgyas chos dga' dga' ba ste/ /gnyis spangs pa ni btang snyoms so/ /sil snyan rnams kyis smras pa/ ji ltar sangs rgyas mthong bar 'gyur/ /sems kyang ji ltar mthong bar 'gyur/ /chos thos nas ni ji lta bur/ /de dag the tsom skye mi 'gyur/ /byang chub sems dpa'i gzugs rnams kyis smras pa/ sangs rgyas rjes su dran bsgoms pa/ /des ni 'dren pa mthong bar 'gyur/ the tsom med cing bsam dag pas/ /chos thos nas ni som nyi med/ /sil snyan rnams kyis smras pa/ bsod nams tshogs ni ji lta bu/ /ye shes tshogs kyang ci 'dra zhig /de dag zhi gnas lhag mthong la/ /brtson pa yang ni ji lta bu/ /byang chub sems dpa'i gzugs rnams kyis smras pa/ ngoms mi shes pa bsod nams tshogs/ /'dri ba rnams ni ye shes tshogs/ /zhi ba'i sems ni zhi gnas te/ /chos shes pa ni lhag mthong ngo / /sil snyan rnams kyis smras pa/ de dag gi ni spyod yul gang / /de dag gnas kyang ji lta bu/ /de dag gnas pa ci 'dra zhig /de dag sbyor ba'ang ji lta bu/ /byang chub sems dpa'i gzugs rnams kyis smras pa/ de dag spyod yul stong pa nyid/ /gnas ni pha rol phyin pa'i lam/ /gnas pa bsam gtan bzhi rnams te/ /sems can rab grol sbyor ba'o/ /sil snyan rnams kyis</font><hr>53.324b<br><font size=+1>

smras pa/ de dag bdud kyi las gang yin/ /sangs rgyas phrin las ji lta bu/ /ci 'dra ba'i las byas na/ /byang chub la ni gzhol bar 'gyur/ /byang chub sems dpa'i gzugs rnams kyis smras pa/ theg pa chung ngu bdud kyi las/ /sangs rgyas phrin las theg pa che/ /sdig pa thams cad spong ba ni/ /byang chub gzhol bar 'gyur ba'o/ /sil snyan rnams kyis smras pa/ de dag grogs bsten ji lta bu/ /sdig pa'i grogs po ci 'dra zhig /log par lta la mi gnas shing / /ji ltar yang dag song bar 'gyur/ /byang chub sems dpa'i gzugs rnams kyis smras pa/ gang zhig byang chub lam ston pa/ /rtag tu bde sbyin grogs po'o/ /byang chub sems las gang zlog pa/ /de dag sdig pa'i grogs po shes/ /sil snyan rnams kyis smras pa/ /lam du 'jug par 'gyur ba'i/ /lta ba drang po ji lta bu/ /sbyor ba rnam par shes nas su/ /ji ltar lta de 'jig mi byed/ /byang chub sems dpa'i gzugs rnams kyis smras pa/ las dang bya bar 'jug pa ni/ /de dag drang por lta ba yin/ /log par sbyor ba rnam shes nas/ /lta ba de dag 'jig mi byed/ /sil snyan rnams kyis smras pa/ ji ltar dam pa'i chos bsrung zhing / /sems can yongs su smin par byed/ /ji lta bu'i thabs kyis ni/ /de dag byang chub bsgrub par 'gyur/ /byang chub sems dpa'i gzugs rnams kyis smras pa/ brtson 'grus kyi ni chos bsrung ste/ bsdu bas yongs su smin par byed/ /mtha' gnyis rnam par spangs pas ni/ /byang chub sgrub par byed pa yin/ /sil snyan rnams kyis smras pa/ de dag shes pa'i lam ci 'dra/ /nga rgyal las ni ji lta bu/ /ji ltar bka' blo bde ba dang / /thams cad dus su 'thun par 'gyur/ /byang chub sems dpa'i gzugs rnams kyis smras pa/ rtsod pa med pa shes pa'i las/ /nga rgyal las ni rtsod pa 'byung / /nges par bka' blo bde ba ste/ /gus pa yis ni 'thun par 'gyur/ /sil snyan rnams kyis smras pa/ de dag lam ni ji lta bu/ /log pa'i lam yang ci 'dra zhig /bla med byang chub lam du ni/ /ji ltar sems can rab tu 'god/ /byang chub sems dpa'i gzugs rnams kyis smras pa/ lam ni pha rol phyin pa drug /theg pa chung ngu log pa'i lam/ /shes rab thabs la bslabs pa ni/ /sems can lam la 'dzud pa'o/ /sil snyan rnams kyis smras pa/ ji lta bur na nor chen 'gyur/ /</font><hr>53.325a<br><font size=+1>

de dag rnyed pa 'ang ci zhig /gter rnams kyang ni ji lta bu/ /gang gis de dag 'gro tshim byed/ /byang chub sems dpa'i gzugs rnams kyis smras pa/ nor bdun dang ni rtag tu ldan/ /chos rnyed pa ni rnyed pa'o/ /de dag gter ni gzungs yin te/ rab tu rnyed nas tshim par byed/ /sil snyan rnams kyis smras pa/ de dag gi ni pha ma gang / /nye du'i tshogs ni ji lta bu/ /g.yog rnams kyang ni ci 'dra zhig /gang gis mkhas pa de dag mdzes/ /byang chub sems dpa'i gzugs rnams kyis smras pa/ ma ni shes rab pha ni thabs/ /nye du byang chub phyogs rnams yin/ /dge ba rnams ni g.yog yin te/ /des ni mkhas pa de dag mdzes/ /sil snyan rnams kyis smras pa/ ji ltar bdag med rtogs nas ni/ /byams pas 'gro ba khyab par byed/ /bdag med pa dang byams pa dag /de la ji ltar mtshungs par 'gyur/ /byang chub sems dpa'i gzugs rnams kyis smras pa/ gang dag stong nyid rab shes pa/ /de ni bdag med khong du chud/ /gang gis 'gro ba stong shes pa/ /de ni de yi byams pa mchog /sil snyan rnams kyis smras pa/ 'du byed rnams ni rang bzhin gyis/ /'ong ba med cing 'gro med na/ /las dang las kyi rnam par smin/ /ji lta bur na 'thad par 'gyur/ /byang chub sems dpa'i gzugs rnams kyis smras pa/ dam pa'i don du 'ong med de/ /gang du'ang 'gro ba yod ma yin/ /kun rdzob tu na lam 'jug cing / /rnam par smin pa nye bar ston/ /sil snyan rnams kyis smras pa/ stong nyid mtshan ma med pa dang / /smon lam rnam par spangs par ni/ /mtshan nyid gcig tu rab rtogs nas/ /de kho na ni ji ltar shes/ /byang chub sems dpa'i gzugs rnams kyis smras pa/ stong nyid gang yin de mtshan</font><hr>53.325b<br><font size=+1>

med/ /mtshan ma don du gnyer med pa/ /mtshan nyid gcig cing don gcig ste/ /rnam par thar pa'i sgo bstan to/ /sil snyan rnams kyis smras pa/ gang gis mya ngan 'das 'gro ba'i/ /stong par rtog pa ji lta bu/ /sems can lta ba ji lta bu/ /yongs su smin byed ji lta bu/ /byang chub sems dpa'i gzugs rnams kyis smras pa/ shes rab kyis ni stong par rtogs/ /thabs kyis sems can rnams la lta/ /snying rjes yongs su smin par byed/ /des ni mya ngan 'das par 'gro/ /sil snyan rnams kyis smras pa/ chos 'di dag ni chos nyid kyis/ /skye ba med cing 'byung med par/ /tshul mchog 'di 'dra shes nas ni/ /gang gis 'khor bar skye bar 'gyur/ /byang chub sems dpa'i gzugs rnams kyis smras pa/ mi skye ba dang mi 'gyur ba/ /de ni shes rab spyod yul lo/ /bsams bzhin du ni gang skye ba/ /de ni thabs kyi tshul yin no/ /sil snyan rnams kyis smras pa/ gtong la dga' bar ji ltar 'gyur/ /ji lta bur ni phyir mi ldog /ji ltar bzod pa phun sum tshogs/ /ji ltar rnam par nges par 'gyur/ /byang chub sems dpa'i gzugs rnams kyis smras pa/ mnyam par gnas par gtong la dga'/ /chos kyi dbyings las phyir mi ldog /mi skye ba la bzod pa ste/ /chos shes nas ni rnam par nges/ /sil snyan rnams kyis smras pa/ byang chub snying po snying po gang / /rdzogs pa'i byang chub mtshan nyid gang / /ci phyir rdzogs sangs rgyas shes bya/ /de bzhin gshegs pa ji ltar grol/ /byang chub sems dpa'i gzugs rnams kyis smras pa/ byang chub snying po nam mkha' ste/ /byang chub nam mkha'i mtshan nyid do/ /gang yang kun nas gti mug med/ /de bzhin nyid phyir de bzhin gshegs/ /de nas mi 'am ci'i rgyal po'i</font><hr>53.326a<br><font size=+1>

bu de dag gis tshigs su bcad pa 'di dag thos nas mi skye ba'i chos la bzod pa rab tu thob bo/ /de dag gis bzod pa rab tu thob nas rang rang gi gos dang rgyan bcom ldan 'das la mngon par bkab ste/ 'di skad ces kyang gsol to/ /bcom ldan 'das gang gi slad du bdag cag gis nyan pa'i rna ba 'di lta bu thob pas sangs rgyas ni bdag cag gi ched du byung ngo / /bcom ldan 'das sil snyan dang glu dbyangs 'di dag las the tsom 'dri ba'i sgra 'di lta bu byung ba dang / byang chub sems dpa'i gzugs 'di dag gis dris pa de dag thams cad kyi lan btab pas 'khor 'di'i dogs pa thams cad spangs pa dang / bdag cag kyang chos kyi snang ba dpag tu ma mchis pa skyes pa ngo mtshar to/ /bcom ldan 'das sil snyan de dag las sgra 'di lta bu byung ba'i rgyu ci lags/ su'i byin gyi brlabs kyis na byang chub sems dpa'i gzugs 'di dag gis lan 'debs par gyur/ bcom ldan 'das kyis bka' stsal pa/ bzhin bzangs dag de dag thams cad ni sangs rgyas kyi byin gyi brlabs su blta'o/ /bzhin bzangs dag de bzhin pa/ gshegs pa'i byin gyi brlabs kyis/ nam mkha' las kyang chos kyi sgra 'di lta bu byung na sil snyan las chos kyi sgra ci phyir mi 'byung ste/ bzhin bzangs dag de ltar de bzhin gshegs pa'i byin gyi brlabs ni bsam gyis mi khyab bo/ /mi 'am ci'i rgyal po'i bu de dag gis gsol pa/ bcom ldan 'das sems can thams cad kyis sangs rgyas kyi byin gyi brlabs bsam gyis mi khyab pa thob par gyur cig /bam po bzhi pa/ de nas mi 'am ci'i rgyal po sdong po'i slas mi 'am ci mo brgyad khri bzhi stong mu tig kha dog sna tshogs kyi do shal thogs nas bcom ldan 'das ga la ba der dong ste phyin pa dang / bcom</font><hr>53.326b<br><font size=+1>

ldan 'das kyi zhabs la mgo bos phyag 'tshal nas ji ltar thogs pa'i mu tig gi do shal de dag gis bcom ldan 'das la mngon par bkab bo/ /mu tig gi do shal de dag phul ma thag tu sangs rgyas kyi mthus de dag bcom ldan 'das kyi dbu gtsug gi drang thad kyi steng gi bar snang la mu tig gi do shal gyi khang pa brtsegs pa brgyad khri bzhi stong du gyur te/ khang pa brtsegs pa de dag thams cad kyang gru bzhi lham pa/ ka ba bzhi zug pa/ cha mnyam pa/ ngos shin du rnam par phye ba sha stag go/ /khang pa brtsegs pa de dag ni rin po ches spras pa'i khri rtsa ba yang rin po che las byas pa/ lha'i ras bcos ma'i zung du ma bkram pa dag byung bar gyur to/ /khri de dag thams cad la yang de bzhin gshegs pa'i sku skyes bu chen po'i mtshan sum bcu rtsa gnyis kyis legs par brgyan pa dag bzhugs par kun du snang ngo / /de nas mi 'am ci'i mo brgyad khri bzhi stong gis bcom ldan 'das kyi cho 'phrul 'di lta bu 'di mthong nas/ tshim zhing mgu ste yid rab tu dga' nas dga' ba dang / yid bde ba skyes te bsam pa thag pa nas bla na med pa yang dag par rdzogs pa'i byang chub tu sems bskyed do/ /de dag byang chub tu sems bskyed nas dga' zhing mchog tu dga' ste dad pa thob nas/ thams cad kyis sgra skad dang dbyangs gcig tu tshul dang 'thun pa'i tshigs su bcad pa 'di dag gis bcom ldan 'das la mngon par bstod do/ /bla na med pa'i dgra bcom mchog gsung ba/ /don dgongs mtshungs pa ma mchis bsam mi khyab/ /don dang chos dang 'dul ba rab bslabs pa/ /sems can mchog la mgo bos phyag 'tshal lo/ /'dod chags zhe sdang gti mug tha ba 'jig /dgon par bzhugs dgyes bsnyengs pa mi mnga' ba/ /rin chen mdzod dang rin chen ston pa po/ /</font><hr>53.327a<br><font size=+1>

bcom ldan rgyal po'i rgyal la phyag 'tshal lo/ /spyan sngar dri bral nyon mongs mi mnga' ba/ /sa'i dbang po pha rol dgra 'jom pa/ /pad mo lta bur srid gsum mi gos pa/ /bde gshegs mchog brnyes khyod la phyag 'tshal lo/ /'gro ba'i nang na mig dang 'drar spyod cing / /nyi zla 'di'i 'od ni spa bkong ba/ /'khor los sgyur ba'i rigs su rgyal por skyes/ /'khor lo mtshan mnga' khyod la phyag 'tshal lo/ /ming dang gzugs la nam yang mi chags shing / /mgon dang dpung dang skyabs dang dpung gnyen gyur/ /khyod dang mtshungs med lhag pa ga la zhig /mtha' yas dbyangs la mgo bos phyag 'tshal lo/ /brnyes dang ma brnyes nam yang chags mi mnga'/ /'jig rten chos rnams zil gyis mnan te bzhugs/ /chags sred 'khri shing dra ba grol mdzad pa/ /bcom ldan 'jig rten mgon la phyag 'tshal lo/ /dul ba thugs ni rtag tu mnyam par gzhag /nyon mongs bsregs te stobs bcus rab bzhugs shing / /'gro la zang zing mi mnga' sbyin stsol pa/ /sbyin pa'i gnas la mgo bos phyag 'tshal lo/ /smra mchog dam pa mtshan gyi 'od 'phros pa/ /lam log phyin ci log ni rnam par spangs/ /'jam zhing snum la snyan pa'i gsung gsung pa/ /srid pa gsum las 'phags la phyag 'tshal lo/ /mi mchog gdung bas gdungs pa mi mnga' ba/ /rdzu 'phrul gyis ni bye ba'i zhing du gshegs/ /'gro ba rab tu sgrol ba'i gru mdzad pa/ /bcom ldan bran 'dra khyod la phyag 'tshal lo/ /bcom ldan brtson 'grus dag la ston mdzad pa/ /chags shing zhen pa'i 'gro dang mngon shes drug /ldan zhing mkhas pa'i nyan thos rnams kyang 'grel/ /'gro drug nye gshegs khyod la phyag 'tshal lo/ /gser gyi kha dog</font><hr>53.327b<br><font size=+1>

'dra la phyag 'tshal lo/ /zhi gnas dbang po dul la phyag 'tshal lo/ /ston kyi zla 'dra'i zhal la phyag 'tshal lo/ /mi mchog yon tan mnga' la phyag 'tshal lo/ /nyon mongs bsregs shing bsnyengs pa mi mnga' ba/ /skye dgu 'di dag bsgral dka' chu bzhi sgrol/ /bsgoms shing dbang po thul ba'i bcom ldan 'das/ /khyod la skyabs su mchi bar mchid kyis 'tshal/ /thub pas sbyin pa bsam gyis mi khyab stsal/ /bslangs na dbang po dgyes par rab 'gyur ba/ /pha rol dag la sbyin pa mchog stsol ba/ /gtong dpa' bcom ldan khyod la phyag 'tshal lo/ /sems can nga rgyal rgyags khengs gti mug pa/ /rgyu dang rkyen dang bya ba 'gal bgyid rnams/ /'phags pa bla na med pa'i lam mchog la/ /rnam par 'dren pa chen po khyod kyis bkod/ /phung po rang bzhin gyis ni stong mkhyen nas/ /las dang nyon mongs zil gyis mnan te bzhugs/ /'dren pa 'gro ba rnams kyi som nyi gcod/ /bcom ldan dus gsung khyod la phyag 'tshal lo/ /bden pa'i chos la dgyes shing mnyam par bzhag /chos rnams kun la mnga' dbang pha rol phyin/ /bla na med pa kha lo sgyur ba mchog /bcom ldan ded dpon khyod la phyag 'tshal lo/ /'chos pa mi mnga' g.yo sgyu rnams dang bral/ /bdud kyi sde rnams 'jom pa'i stobs po che/ /mi mchog lam dang lam ma lags la mkhas/ /rlung dmar lta bur ci la'ang chags mi mnga'/ /gzir bar gyur gsal pha rol shin du gnas/ /thub pa bas ma 'tshal ba'i bang mdzod mnga'/ /spyad pa spyod pa'i tshe na gang gA yi/ /bye ma snyed kyi mi mchog rnams la mchod/ /mthu brnyes mi g.yo bsam gyis mi khyab pa/ /chags pa'i skyon mi mnga' zhing thang la bzhugs/ /gnas na bzhugs pa'i rgyal ba rnams kyis</font><hr>53.328a<br><font size=+1>

brten/ /de slad mi rnams mchog la phyag 'tshal lo/ /skye dang na dang rga shi rnam par spangs/ /tshe rabs bye ba bsam mi khyab pa dgongs/ /bcom ldan 'das kyi mkhyen pa'i gdugs 'od kyis/ /'jigs pa chen po'i dra ba rab tu 'dal/ /'dren pa rmi 'drar chos rnams thugs su chud/ /phyag dang zhabs la bkra shis mtshan mnga' zhing / /bkra shis bgyid las 'jam pa'i ngan slong ba/ /bcom ldan bkra shis mdzad la phyag 'tshal lo/ /gzungs rnams la ni dbang gi pha rol phyin/ /zang zing mi mnga' chos kyi sbyin pa stsol/ /thub pa chos kyi rnga ni rab brdungs pa/ /chos rje bcom ldan khyod la phyag 'tshal lo/ /shAkya'i rigs dus rgyal po'i las byung ba/ /dbang po zhi zhing thugs kyang rab tu zhi/ /ston pa srid gsum 'jig rten rnam gzigs pa/ /bde gshegs zhi thugs khyod la phyag 'tshal lo/ /bdud rnams dpung dang bcas pas rno ba yi/ /ral gri thogs nas byang chub drung lhags kyang / /khyod kyi ba spu tsam yang ma g.yos te/ /bcom ldan ri rab mtshungs la phyag 'tshal lo/ /mi yi dam pa bzod pa'i pha rol phyin/ /sku rnams kun la nongs pa bgyis kyang bzod/ /yang 'byung ba dang skye dang 'chi bas dpa'/ /bzod gsung bcom ldan khyod la phyag 'tshal lo/ /mthu brnyes bde bar gshegs pa mi g.yo ba/ /gnas dang gnas min mkhas pa bsnyengs mi mnga'/ /khyod kyis sems can mang po byang chub bkod/ /chos gnas rgyal ba khyod la phyag 'tshal lo/ /'dus bgyis nyam chung snying po med par mkhyen/ /skye ba'i tshogs ni nyung ba ma lags sel/ /khyod kyi mkhyen pa srid gsum khyad par 'phags/ /ye shes pha rol phyin la phyag 'tshal lo/ /sems can long ba sdug bsngal mgon med pa/ /de dag khyod kyis</font><hr>53.328b<br><font size=+1>

dkon mchog gsum tshim bgyis/ /khyod ni bdud dpung bcas pa skrag mdzad pa/ /bcom ldan mgon gyur khyod la phyag 'tshal lo/ /stobs dang bsam gtan dang ni dbang po bsgoms/ /khyod kyis bdud ni dpung dang bcas pa bcom/ /srid pa rnams kyi nang na mchog gyur pa/ /thub pa dbang po bsgoms la phyag 'tshal lo/ /dad pa'i rtsa ba rgya chen chos bstan pa/ /mtshungs med byang chub la ni chags mi mnga'/ /grib ma lta bur mkhyen nas bde gsungs pa/ /bcom ldan gdugs 'dra khyod la phyag 'tshal lo/ /'dren pa rmi 'drar chos rnams thugs su chud/ /'phags pa'i 'khor lo rmi 'dra rab tu bskor/ /'dus bgyis yang dag du ni rmi lam 'drar/ /mkhyen nas sems can mang po dran par mdzad/ /khyod kyi ljags mchog dag pa dri mi mnga'/ /ljags kyis rang gi zhal gyi dkyil 'khor khebs/ /ljags ni pad ma mdab ma brgya lta bu/ /ljags skyon mi mnga' khyod la phyag 'tshal lo/ /srid gsum kun la chags pa mi mnga' ba/ /'gro ba rnams la 'dod pa'i skyon mi gsung / /'dod pa'i chags bral smad pa ma lags pa/ /byang chub mchog la srog chags mos par mdzad/ /nyon mongs dgra dang sdig pa'i dgra spangs pa/ /ser sna'i 'dod chags bral zhing chags mi mnga'/ /mi yi dam pa gser ltar dpal stug pa/ /khyod kyi mtshan dang grags pa chub par grags/ /gnas dang dbang po rnam par 'byed la mkhas/ /'di na bzhugs shing 'gro ba'i mig tu gyur/ /gnas dang yig 'bru tshig gi don bslabs pas/ /khyod kyis chu bo bzhi la zam pa btags/ /glang po rin thang ma mchis sbyin pa mdzad/ /'dren pa mi dang lha rnams sgrol ba po/ /khyod kyi yon tan mtha' ma mi rnyed de/ /mgon po khyod</font><hr>53.329a<br><font size=+1>

la bdag ni thal mo sbyar/ /mi yi mchog la rdul ni sbyin byin pas/ /mi mjed 'dzam bu'i rgyal por gyur lags na/ /'dir ni dbang po dang bas thal sbyar nas/ /skyabs su nye bar mchi ba smos ci 'tshal/ /phung po gsog ste nyam chung snying po med/ /stong pa sgyu ma chu zla 'dra bar ni/ /gau tam khyod kyis de dag yang dag mkhyen/ /phung po khams mkhas khyod la phyag 'tshal lo/ /sred pa'i srad bus dam du mdud bor te/ /srid pa'i 'gro bar dra bar rab grags pa/ /srid par 'gro ba rnams kyi dra ba de/ /bde gshegs khyod kyi mkhyen pa'i 'od kyis dral/ /tshangs pa'i sgra skad lta bu'i gsung brjod pa/ /sho be ma lags mi 'gyur 'drid ma lags/ /phun tshogs gsung de de dag thos nas ni/ /thal mo sbyar te skyabs su nye bar mchi/ /phyag gi mthil gyis sa 'dir reg pa na/ /nags tshal bcas par rnam pa drug g.yos kyang / /'dir ni gzhan la gnod par 'gyur ma mchis/ /bdud phyogs dgra bcom khyod la phyag 'tshal lo/ /lha yi rgyal po che dang mkhas pa gang / /khyod kyi chos don gnyer zhing mchis pa rnams/ /de dag so sor chos bstan thos nas su/ /zhabs gnyis la ni rab tu gtugs par bgyid/ /de nas mi 'am ci'i rgyal po'i slas rnams kyis bcom ldan 'das la tshigs su bcad pa 'di dag gis mngon par bstod nas bcom ldan 'das la 'di skad ces gsol to/ /bcom ldan 'das bdag cag bla na med pa yang dag par rdzogs pa'i byang chub la yang dag par zhugs nas bud med kyi dngos pos bla na med pa yang dag par rdzogs pa'i byang chub mngon par rdzogs par 'tshang rgya bar mi nus na/  ji ltar bdag cag bud med kyi dngos po las gyur te/ skyes pa'i dngos po 'thob pa dang / bla na med pa</font><hr>53.329b<br><font size=+1>

yang dag par rdzogs pa'i byang chub kyang mngon par rdzogs par 'tshang rgya bar 'gyur ba de lta bu'i chos te/ bcom ldan 'das kyis bdag cag la legs par bshad du gsol/ de skad ces gsol pa dang / bcom ldan 'das kyis mi 'am ci'i rgyal po sdong po'i slas de dag la 'di skad ces bka' stsal to/ /sring mo dag de'i phyir shin du legs par nyon la yid la zung shig dang / ji ltar bud med bud med kyi dngos po las gyur te skyes pa'i dngos po 'thob cing myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ba ngas khyod la bshad par bya'o/ /mi 'am ci'i rgyal po'i slas rnams kyis bcom ldan 'das la legs so zhes gsol te/ bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to/ /sring mo dag chos gcig dang ldan na bud med bud med kyi dngos po las gyur te skyes pa'i dngos po thob bar 'gyur te/ chos gcig po de gang zhe na/ 'di lta ste/ thams cad mkhyen pa'i sems bskyed pa dang / mi mnyam pa dang mnyam pa'i sems bskyed pa dang / 'jig rten gsum las khyad par du 'phags pa'i sems bskyed pa dang / dge ba'i rtsa ba thams cad la brjed pa med pa'i sems skyed pa ste/ sring mo dag chos gcig po 'di dang ldan na bud med bud med kyi dngos po las gyur te/ skyes pa'i lus thob par 'gyur ro/ /sring mo dag gzhan yang chos gnyis dang ldan na bud med bud med kyi dngos po las gyur de skyes pa'i lus thob par 'gyur ro/ /gnyis gang zhe na/ 'di lta ste/ phrag dog med pa dang / ser sna med pa ste/ sring mo dag chos 'di gnyis dang ldan na bud med bud med kyi dngos po las gyur</font><hr>53.330a<br><font size=+1>

te skyes pa'i dngos po thob par 'gyur ro/ /sring mo dag gzhan yang chos gsum dang ldan na bud med bud med kyi dngos po las gyur te skyes pa'i dngos po thob par 'gyur ro/ /gsum gang zhe na/ 'di lta ste/ lus kyi sdom pa gsum yongs su dag pa dang / ngag gi sdom pa bzhi yongs su dag pa dang / yid kyi sdom pa gsum yongs su dag pa ste/ sring mo dag chos gsum po 'di dag dang ldan na bud med bud med kyi dngos po las gyur te/ skyes pa'i dngos po thob par 'gyur ro/ /sring mo dag gzhan yang chos bzhi dang ldan na bud med bud med kyi dngos po las gyur te skyes pa'i dngos po thob par 'gyur ro/ /bzhi gang zhe na/ 'di lta ste/ g.yo med par sbyin pa sbyin pa dang / g.yo med par bslab pa'i gnas 'dzin pa dang / g.yo med par tshul khrims bsten pa dang / g.yo med par chos nyan pa ste/ sring mo dag chos bzhi po 'di dag dang ldan na bud med bud med kyi dngos po las gyur te skyes pa'i dngos po thob par 'gyur ro/ /sring mo dag gzhan yang chos lnga dang ldan na bud med bud med kyi dngos po las gyur te/ skyes pa'i dngos po thob par 'gyur ro/ /lnga gang zhe na/ 'di lta ste/ chos don du gnyer ba dang / chos thos nas tshul bzhin du so sor rtog pa dang / bsam pa thag pa nas bud med kyi dngos po la smod pa dang / rtag par rgyun du skyes pa'i lus 'thob par sems skyed pa dang / ji skad smras pa de bzhin du byed pa ste/ sring mo dag chos lnga po 'di dag dang ldan na bud med bud med kyi dngos po las gyur te skyes pa'i dngos po thob par 'gyur ro/ /sring mo dag gzhan yang chos drug dang ldan na bud med bud med kyi dngos po las gyur te/ skyes pa'i dngos po thob par 'gyur ro/ /drug gang zhe na/ 'di lta ste/ drang ba dang / mnyen pa dang sgyu med pa dang / g.yo med pa dang bstsal ba med pa dang / bcos pa med pa ste/ </font><hr>53.330b<br><font size=+1>

sring mo dag chos drug po 'di dag dang ldan na bud med bud med kyi dngos po las gyur te/ skyes pa'i dngos po thob par 'gyur ro/ /sring mo dag gzhan yang chos bdun dang ldan na bud med bud med kyi dngos po las gyur te/ skyes pa'i dngos po thob par 'gyur ro/ /bdun gang zhe na/ 'di lta ste/ sangs rgyas kyi sku thob par bya ba'i phyir sangs rgyas rjes su dran pa dang / sangs rgyas kyi chos thob par bya ba'i phyir chos rjes su dran pa dang / rang gis phyir mi ldog pa'i dge 'dun bsdu ba'i phyir dge 'dun rjes su dran pa dang / smon lam yongs su dag par bya ba'i phyir tshul khrims rjes su dran pa dang / nyon mongs pa thams cad yongs su dor ba'i phyir gtong ba rjes su dran pa dang / byang chub kyi sems rnam par dag par bya ba'i phyir lha rjes su dran pa dang / de dag dgrol ba'i phyir sems can thams cad la sems pa ste/ sring mo dag chos bdun po 'di dag dang ldan na bud med bud med kyi dngos po las gyur te/ skyes pa'i dngos po thob par 'gyur ro/ /sring mo dag gzhan yang chos brgyad dang ldan na bud med bud med kyi dngos po las gyur te skyes pa'i dngos po thob par 'gyur ro/ /brgyad gang zhe na/ 'di lta ste/ zas la sred pa ma yin pa dang / skom pa la sred pa ma yin pa dang / me tog dang spos dang phreng ba dang / byug pa dang / phye ma la sred pa ma yin pa dang / skyed mos tshal du 'gro bar sred pa ma yin pa dang / rgod pa dang 'jo ba la sred pa ma yin pa dang / glu dang gar dang rol mo'i dbyangs sgra la sred pa ma yin pa dang / dga' ba dang rtse ba la sred pa ma yin pa dang / rna ba dang sgra dang / sna dang dri dang / lce dang ro dang / lus dang reg la dga' ba la sred pa ma yin pa ste/ sring mo dag chos brgyad po 'di dag dang ldan na bud med bud med</font><hr>53.331a<br><font size=+1>

kyi dngos po las gyur te skyes pa'i dngos po thob par 'gyur ro/ /sring mo dag gzhan yang chos dgu dang ldan na bud med bud med kyi dngos po las gyur te skyes pa'i dngos po thob par 'gyur ro/ /dgu gang zhe na/ 'di lta ste/ chad par lta ba ma yin pa dang / rtag par lta ba ma yin pa dang / bdag tu smra ba ma yin pa dang / sems can du smra ba ma yin pa dang / srog du smra ba ma yin pa dang / gang zag du smra ba ma yin pa dang /  'byung bar lta ba ma yin pa dang / 'jig par lta ba ma yin pa dang / rgyu dang rkyen la 'jug pa la mkhas pa yin te/ sring mo dag chos dgu po 'di dag dang ldan na bud med bud med kyi dngos po las gyur te skyes pa'i dngos po thob par 'gyur ro/ /sring mo dag gzhan yang chos bcu dang ldan na bud med bud med kyi dngos po las gyur te skyes pa'i dngos po thob par 'gyur ro/ /bcu gang zhe na/ 'di lta ste/ sems can thams cad la byams par gnas pa dang / gzhan gyi longs spyod la brnab sems mi skyed pa dang / skyes pa'i sems su yid la byed pa skyed pa dang / srog gi phyir yang rdzun gyi tshig mi smra ba dang / phra ma'i tshig mi smra ba dang / zhe gcod pa'i tshig mi smra ba dang / tshig kyal pa mi smra ba dang / pha rol po dga' zhing rtse ba la phrag dog med pa dang / gnod sems kyi bag la nyal mngon par mi sgrub pa dang / yang dag par lta ba dang ldan par 'gyur ba dang rnam par smin pa la re ba med pa ste/ sring mo dag chos bcu po 'di dag dang ldan na bud med bud med kyi dngos po las gyur te skyes bo'i dngos po thob par 'gyur ro/ /sring mo dag gzhan yang bud med zab mo la mos pa yin te/ de gzugs la dbu ba brdos pa lta bur so sor rtog kyang gzugs kyis rgyags zhing</font><hr>53.331b<br><font size=+1>

myos par mi 'gyur ba dang / tshor ba la chu'i chu bur lta bur so sor rtog kyang bde ba'i tshor ba la rjes su chags pa med pa dang / sdug bsngal gyi tshor ba la khong khro bar mi 'gyur ba dang / bde ba yang ma yin sdug bsngal ba yang ma yin pa'i tshor ba'i kun du gti mug par mi 'gyur ba dang / 'du shes la smig rgyu lta bur so sor rtog cing bud med kyi 'du shes mi skyed/ skyes pa'i 'du shes mi skyed pa dang 'du byed rnams la chu shing gi phung po lta bur so sor rtog ste/ 'du byed thams cad la snying po med par rtogs nas 'du byed thams cad la mi gnas shing de la mi skyed pa dang / rnam par shes pa la sgyu ma lta bur so sor rtog ste/ sems dang yid dang rnam par rig pa de sgyu ma byas pa bzhin du rtogs nas chos thams cad la chags pa med zhe sdang med/ gti mug med pa dang / lus la 'byung ba chen po bzhi dang ldan par so sor rtog ste/ 'di lta ste/ sa'i khams dang ldan pa dang / chu'i khams dang ldan pa dang / me'i khams dang ldan pa dang / rlung gi khams dang ldan par lus la so sor rtog go/ /lus 'di ni bsdus pa rtswa dang / shing dang / bong ba dang / rtsig pa dang / mig yor lta bu ste/ 'di bdag ma yin/ sems can ma yin/ srog ma yin/ skye dgu ma yin/ gang zag ma yin gyi phyin ci log sngon du song bas rgyu dang bya ba dang / las kyi byung ba'o/ /gzhan yang bud med mig la kha zas las skyes pa sha'i gong bu ngo bo nyid kyis stong pa rang bzhin gyis dben par yang dag pa ji lta ba bzhin du so sor rtog pa dang / de bzhin du rna ba dang sna dang lce dang lus dang yid la ngo bo nyid kyis stong pa dang / rang bzhin gyis dben par yang dag pa ji lta ba bzhin du so sor rtog pa'o/ /gzhan</font><hr>53.332a<br><font size=+1>

yang bud med lus la gzugs brnyan lta bur 'jug pa dang / ngag la brag cha lta bur 'jug pa dang / sems la sgyu ma lta bur 'jug pa'o/ /sring mo dag chos 'di dag dang ldan na bud med bud med kyi dngos po las gyur te skyes pa'i dngos po thob cing myur du bla na med pa yang dag par rdzogs pa'i byang chub kyang mngon par rdzogs par 'tshang rgya bar 'gyur ro/ /de nas mi 'am ci'i rgyal po sdong po'i slas de dag thams cad kyis bcom ldan 'das las bud med kyi dngos po las sgyur ba'i chos kyi rnam grangs 'di thos nas tshim zhing mgu ste/ yi rangs shing rab tu dga' nas dga' ba dang yid bde ba skyes te/ bcom ldan 'das kyi zhabs la phyag 'tshal nas tshul dang 'thun pa'i tshigs su bcad pa 'di dag gis bcom ldan 'das la mngon par bstod do/ /dri med dri bral dri ma gcod mdzad pa/ /rdul med rdul bral lhag pa'i gzi brjid mnga'/ /pad ma'i 'dab 'dra'i spyan dang mdzes pa'i thugs/ /dri med zla zhal khyod la phyag 'tshal lo/ /dga' mdzad zhi mdzad nyon mongs gcod mdzad pa/ /dga' ba ston pa rtag tu dgon par dgyes/ /rin chen 'byung gnas rin chen mdzod mnga' ba/ /yon tan mchog mnga' khyod la phyag 'tshal lo/ /pha rol gshegs pa gzhan gyi tshogs rnams 'jom/ /pad ma lta bur stong mchog bka' mchid gsung / /lam mchog stsol cing dam pa'i don ston pa/ /mchog tu dga' mdzad khyod la phyag 'tshal lo/ /chu bo bzhi rgal bden bzhi'i bka' mchid gsung / /sa la rgyu ba 'di la mig stsol ba/ /'khor lo mchog gi mtshan ni stong mnga' ba/ /rdul med phan mdzad khyod la phyag 'tshal lo/ /nyon mongs rdul bsal dam pa mthu bo che/ /mgon po 'gro la</font><hr>53.332b<br><font size=+1>

mchog gi don mdzad pa/ /bdud kyi dpung rnams stobs med 'jig mdzad pa/ /bcom ldan stobs bcu khyod la phyag 'tshal lo/ /sred pa'i 'khri shing gcod mdzad mnyam pa med/ /brnyes pa dag dang ma brnyes mtshungs mnyam thugs/ /'jig rten mthar 'byin snang ba'i sgron mdzad pa/ /rgya mtsho lta bu khyod la phyag 'tshal lo/ /dul zhing stobs bcu chen po dam pa mnga'/ /sbyin pa stsol cing rtag tu gtong la dgyes/ /dul ba zhi gnas yon tan pha rol phyin/ /nyon mongs rdul bsal khyod la phyag 'tshal lo/ /mtshan mchog 'gro ba kun la dam pa stsol/ /skye bo'i 'dren pa lha'i mchog pas mchog /byams dang stobs dang bzod la nges par dgyes/ /mchod 'os bde gshegs khyod la phyag 'tshal lo/ /mar me lta bu dri med zla ba 'dra/ /phyi nang nyon mongs dri ma gcod mdzad pa/ /nyon mongs spangs pa yon tan bsod nams gter/ /zhi ba thugs zhi khyod la phyag 'tshal lo/ /dad pa stsol ba dge sbyong zhi mdzad pa/ /ston pa skye mched drug las thar mdzad pa/ /rjes su dran drug shin du yongs dag dran/ /rgyal ba dge sbyong rgyal la phyag 'tshal lo/ /'dom gang 'od ni gser gyi kha dog blta/ /gsung snyan dam pa rnam par dag pa'i dbyangs/ /bcom ldan gang zag dam pa skyes bu mchog /srid gsum zhi mdzad khyod la phyag 'tshal lo/ /shes rab mun pa ma mchis pha rol gshegs/ /rtag tu dka' thub brtul zhugs rab tu spyod/ /de bzhin kho na gzhan min de bzhin gsung / /mun par sgron ma 'dzin la phyag 'tshal lo/ /bde gshegs grags ldan yon tan bas ma 'tshal/ /de bzhin nyid kyi chos kyi gnas ston pa/ /yon tan brjod pa mthong zhing grags bsgrags pas/ /mchog tu</font><hr>53.333a<br><font size=+1>

dga' mdzad khyod la phyag 'tshal lo/ /bsngags la gnas shing brtul zhugs dka' thub 'phags/ /khengs dang nga rgyal rgyags pa gcod mdzad pa/ /ye shes 'byung gnas rdul bral blo gros mchog /skye bo mthar phyin khyod la phyag 'tshal lo/ /ka la ping ka tshangs dbyangs thugs rje can/ /'dod pa rtsod bgyid dri ma sel mdzad pa/ /phung po yongs mkhyen mkhas pa bde bar gshegs/ /yon tan tshogs mchog mnga' la phyag 'tshal lo/ /yon tan ston pa yon tan bstod mchod pa/ /zab mo blta dka' shin du rtogs par dka'/ /'dzum zhal zla 'dra gsong por gsung mdzad pa/ /bdud stobs 'jom mdzad khyod la phyag 'tshal lo/ /mnyam thugs kha lo bsgyur ba rab dul thugs/ /kun gyis mngon bstod mnyam pa'i lam la gnas/ /thub pa mchog gsung bden pa'i bka' mchid can/ /bde gshegs mnyam thugs khyod la phyag 'tshal lo/ /lam stsol snyan pa shin du 'jam pa'i dbyangs/ /bdud kyi sde mang 'jom mdzad nga rgyal dang / /lhag pa'i nga rgyal mi mnga' tshul mi 'chos/ /thub pa dge sbyong rgyal la phyag 'tshal lo/ /stobs dang mthu dang brtson 'grus bsam gtan dgyes/ /rtag tu 'dod chags skyon dang rab rib bral/ /bde bar gshegs pa mi g.yo gnas la zhugs/ /stobs bcu mchog mnga' khyod la phyag 'tshal lo/ /phyag dang zhabs ni dri med dra bas 'brel/ /skye dang rga dang 'chi ba mi mnga' ba/ /rgyal bar 'os pa 'gro ba kun las rgyal/ /nam mkha' mnyam thugs khyod la phyag 'tshal lo/ /de nas mi 'am ci'i rgyal po sdong po'i slas mi 'am ci mo brgyad khri bzhi stong po de dag gis bcom ldan 'das kyi zhabs la gtugs pa dang / bcom ldan 'das kyis de dag gi lhag pa'i bsam pa mkhyen</font><hr>53.333b<br><font size=+1>

nas de'i tshe bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams kyi chos nyid de gang gi tshe 'dzum pa mdzad pa de'i tshe bcom ldan 'das kyi zhal gyi sgo nas 'od zer du ma kha dog sna tshogs byung ste/ 'di lta ste/ sngon po dang / ser po dang / dmar po dang / dkar po dang / le brgan dang / shel dang dngul gyi kha dog lta bu'o/ /de dag gis 'jig rten gyi khams mtha' yas mu med par 'od kyis khyab par byas te/ tshangs pa'i 'jig rten gyi bar du mngon par 'phags nas nyi ma dang zla ba'i 'od mog mog por byas te/ slar log nas bcom ldan 'das la lan gsum bskor ba byas te/ bcom ldan 'das kyi dbu'i gtsug tu nub bo/ /de nas tshe dang ldan pa kun dga' bo stan las langs te bla gos phrag pa gcig la gzar nas/ pus mo g.yas pa'i lha nga sa la btsugs te zhe sa dang bcas shing gus pa dang bcas par bcom ldan 'das gang na ba de logs su thal mo sbyar ba btud de tshigs su bcad pa mngon par bsgrub pa 'dis bcom ldan 'das la 'dzum pa mdzad pa'i don zhus pa/ bde bar gshegs pa ci slad 'dzum ston pa/ /zla ba dri ma med zhal khyod la zhu/ /dri med gzi brjid mnga' ba khyod la zhu/ /gser gyi kha dog lta bu khyod la zhu/ /bde bar gshegs pa ci slad 'dzum ston pa/ /dam pa'i gzugs rnams mnga' ba khyod la zhu/ /'gro ba rnams kyi don mdzad khyod la zhu/ /lha dang mi rnams kyis mchod khyod la zhu/ /bde bar gshegs pa ci slad 'dzum ston pa/ /sbyin dang dul la dgyes pa khyod la zhu/ /tshul khrims yongs dag gyur pa khyod la zhu/ /bzod pa'i stobs dang stobs stsol khyod la zhu/ /bde bar gshegs pa ci slad 'dzum ston pa/ /brtson 'grus</font><hr>53.334a<br><font size=+1>

stobs dang mthu mnga' khyod la zhu/ /bsam gtan mngon shes dgyes pa khyod la zhu/ /shes rab nam mkha' mnyam pa khyod la zhu/ /bde bar gshegs pa ci slad 'dzum ston pa/ /rtag tu byams pa'i thugs can khyod la zhu/ /rtag tu thugs rje ldan pa khyod la zhu/ /dga' dang btang snyoms dgyes pa khyod la zhu/ /bde bar gshegs pa ci slad 'dzum ston pa/ /srid pa gsum po mthar 'byin khyod la zhu/ /spyan gsum dri ma mi mnga' khyod la zhu/ /bdud rtsi chos rnams gsung ba khyod la zhu/ /bde bar gshegs pa ci slad 'dzum ston pa/ /bdud rnams tha mar 'byin pa khyod la zhu/ /ngan pa'i chogs rnams 'jom pa khyod la zhu/ /bden pa dam pa gzigs pa khyod la zhu/ /bde bar gshegs pa ci slad 'dzum ston pa/ /stobs bcu dam pa mnga' ba khyod la zhu/ /the tsom dag ni gcod mdzad khyod la zhu/ /yon tan stong gis brgyan pa khyod la zhu/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod kyis mi 'am ci'i rgyal po'i slas rnams nga las dge ba'i rtsa ba bskyed do/ /bsam pa thag pa nas bla na med pa yang dag par rdzogs pa'i byang chub tu sems bskyed nas/ bud med kyi dngos po las bsgyur zhing skyes pa'i dngos po thob par bya ba'i phyir nga'i rkang pa gnyis la gtugs pa mthong ngam/ gsol pa/ bcom ldan 'das mthong ngo / /bcom ldan 'das kyis bka' stsal pa/ kun dga' bo mi 'am ci'i slas brgyad khri bzhi stong po de dag gis bsam pa thag pa nas dge ba'i rtsa ba bskrun pa 'dis 'di ni shi 'phos nas bud med kyi dngos po las gyur te skyes pa'i lus thob nas dga' ldan gyi lha rnams dang skal ba mnyam par skye</font><hr>53.334b<br><font size=+1>

bar 'gyur ro/ /der skyes nas kyang byang chub sems dpa' sems dpa' chen po byams pa dang lhan cig tu sangs rgyas bcom ldan 'das rnams kyi rdzogs pa'i byang chub 'di kun 'gro ba byed par 'gyur ro/ /byams pa de bzhin gshegs pa byang chub thob pa na mnyes par byed cing dam pa'i chos kyang kun 'gro bar byed par 'gyur ro/ /bskal pa bzang po'i de bzhin gshegs pa thams cad la yang rim gyis mnyes par byed par 'gyur/ de dag gis dam pa'i chos kyang kun bgro ba byed par 'gyur/ 'dzin par 'gyur ro/ /de dag rim gyis byang chub kyi phyogs kyi chos yang dag par bsgrub par bya ba thams cad kun du rdzogs par byas nas/ gang gi tshe mi 'am ci'i rgyal po sdong po bla na med pa yang dag pa'i byang chub mngon par rdzogs par 'tshang rgya bar 'gyur ba de'i tshe de dag sangs rgyas kyi zhing der skye bar 'gyur te/ des de dag bla na med pa yang dag par rdzogs pa'i byang chub tu lung ston par yang 'gyur ro/ /de nas bcom ldan 'das la mi 'am ci'i rgyal po sdong pos 'di skad ces gsol to/ /bcom ldan 'das de bzhin gshegs pas bdag cag la sangs rgyas kyi mdzad pa mdzad do/ /ngan song ngan 'gro thams cad kyi lam bkum mo/ /bde 'gro thams cad kyi lam rnam par sbyangs so/ /bdag cag byang chub kyi lam la rab tu bkod do/ /bdag cag la chos kyi gter bstan to/ /bdag cag ye shes kyi sa la bkod do/ /dge ba'i rtsa ba thams cad 'bar bar bgyis so/ /pha rol tu phyin pa'i phyogs bstan to/ /thabs la mkhas pa bstan to/ /bdag cag byang chub kyi sems yang dag par 'dzin pa stsal to/ /chos bsgrags pas rab tu dga' bar mdzad do/ /dga' ba dang dang ba dang / mchog tu dga' ba thob pas gzeng bstod do/ /chos zab mo'i bzod pa la rab tu</font><hr>53.335a<br><font size=+1>

dga' bar mdzad do/ /bdag cag phyir mi ldog pa'i sa la rab tu bkod do/ /bdag cag ni bcom ldan 'das la byas pa gzo ba lags kyi byas pa mi gzo ba ma lags kyang bcom ldan 'das bdag cag gis sha dang khrag gis kyang de bzhin gshegs pa la lan mi lon na gzhan gyis lan lon par mi 'gyur ba lta smos kyang ci 'tshal/ de nas 'khor de'i nang nas byang chub sems dpa' kha cig 'di snyam du sems te/ ma la mi 'am ci'i rgyal po sdong po 'di ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'di'i ming ni ji skad ces bya bar 'gyur/ byang chub sems dpa'i dge 'dun ni ji snyed cig tu 'gyur/ longs spyod dang yongs su spyod pa ni ji 'dra zhig tu 'gyur/ de'i sems can bkod pa dang / sangs rgyas kyi zhing gi yon tan bkod pa ni ji 'dra ba zhig tu 'gyur snyam mo/ /de nas bcom ldan 'das kyis byang chub sems dpa' de dag gi sems kyi rnam par rtog pa thugs kyis yongs su mkhyen nas 'dzum pa mdzad pa dang / bcom ldan 'das kyi zhal gyi sgo nas 'od zer du ma kha dog tha dad pa kha dog brgya stong phrag du ma byung ste/ phyogs bcu kun gyi phyogs re rer yang sangs rgyas kyi zhing gang gA'i klung gi bye ma snyed snang bar byas te/ sems can rnams kyi ngan song gi sdug bsngal thams cad zhi bar byas nas lha dang / mi dang lha ma yin du bcas pa'i 'jig rten 'dun par byas te slar log nas bcom ldan 'das la lan stong du bskor ba byas te/ bcom ldan 'das kyi dbu'i gtsug tu nub bo/ /de nas tshe dang ldan pa kun dga' bos bcom ldan 'das kyis sngon chad ma mdzad pa'i 'dzum pa mthong nas stan las langs te thal mo sbyar nas bcom ldan 'das kyi zhabs la phyag 'tshal te/ </font><hr>53.335b<br><font size=+1>

lan gsum bskor ba byas nas/ bcom ldan 'das kyi spyan sngar 'dug ste pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la tshigs su bcad pas gsol pa/ bde bar gshegs kyi 'dzum pa ci 'dra ba/ /de ring phyung ste thug med bye ba'i zhing / /rgya chen phyogs bcu'i gang gA'i rdul mtha' yas/ /khyab pa de 'dra sngon chad yong ma mthong / tshangs pa de bzhin 'jig rten skyong ba dang / /nor bu me dang nyi ma zla ba'i 'od/ /mi dbang gzi brjid kyis ni mog mog gyur/ /'dzum mdzad 'di'i rgyu ni lung bstan gsol/ /su yi ched du dpa' bo khyod kyis 'od phyung bas/ /'dir ni ngan song gsum zhi byang chub yan lag rdzogs/ /chos kyi rje yis bdag cag rnams kyi dogs pa sol/ /mi rnams kyi ni yid gnyis ma lus legs par khum/ /'khor kun dga' bas rtog bgyid na/ /su slad de ring 'dzum pa bstan/ /de nas tshe dang ldan pa kun dga' bos bcom ldan 'das la tshigs su bcad pa 'di dag gis mngon par bstod nas bskor ba byas te rang gi stan la 'dug go/ /de nas bcom ldan 'das kyis de'i tshe glang po che'i blta stangs kyis phyogs bcur gzigs nas tshe dang ldan pa kun dga' bo la 'di skad ces bka' stsal to/ /kun dga' bo khyod kyis mi 'am ci'i rgyal po sdong po 'dis tshul 'di lta bu dang / rgya che ba 'di lta bu dang / rnam pa 'di lta bu 'dis de bzhin gshegs pa la mchod pa byas pa mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ kun dga' bo mi 'am ci'i rgyal po sdong po 'di bskal pa bye ba khrag khrig brgya stong phrag drug bcu rtsa brgyad na bla na med</font><hr>53.336a<br><font size=+1>

pa yang dag par rdzogs pa'i byang chub mngon par rdzogs par 'tshang rgya ste/ dkon mchog 'byung zhes bya ba'i bskal pa la 'jig rten gyi khams zla ba dri ma med ces bya bar yon tan gyi rgyal por snang ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das su 'jig rten du 'byung ngo / /kun dga' bo 'jig rten gyi khams zla ba dri ma med pa de ni lag mthil ltar mnyam par 'gyur te/ bai dUr+ya dkar po las grub pa/ zla ba lta bur snang ba/ shin du dri ma med pa/ shin du rnam par dag pa/ mching bu med pa'o/ /de bzhin gshegs pa de'i byang chub sems dpa'i dge 'dun yang tshad med par gyur te/ byang chub sems dpa' sems dpa' chen po de thams cad kyang phyir mi ldog pa/ rnam par thar pa bsam gyis mi khyab pa thob pa sha stag go/ /byang chub sems dpa' de dag ni nam mkha' la khang pa brtsegs pa na longs spyod de/ de dag nam mkha' la khang pa brtsegs pa na gnas pa na bai dUr+ya dkar po las grub pa'i sa chen po der bcom ldan 'das de bzhin gshegs pa yon tan gyi rgyal por snang ba de'i gzugs brnyan mthong bar 'gyur ro/ /de dag gis mthong ma thag tu chos 'di dag thams cad ni gzugs brnyan lta bu'o zhes dran pa skye bar 'gyur ro/ /byang chub sems dpa' gang chos gang la the tsom za ba na de de bzhin gshegs pas de la snang bar gyur pa de la zhu bar 'gyur ro/ /de bzhin gshegs pa des kyang byang chub</font><hr>53.336b<br><font size=+1>

sems dpa' de dag la zhus pa'i lung bstan pas sems rangs par mdzad par 'gyur ro/ /byang chub sems dpa' de dag gis chos de thos nas mi skye ba'i chos la bzod pa rab tu thob par 'gyur ro/ /kun dga' bo 'jig rten gyi khams de na grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor yod par mi 'gyur ro/ /sems can de dag thams cad kyang nam mkha' la khang pa brtsegs pa na 'khod par 'gyur ro/ /sangs rgyas kyi zhing der bud med du gdags pa 'ang med par 'gyur ro/ /sems can de dag thams cad kyang pad ma'i snying po las brdzus te skye bar 'gyur ro/ /'jig rten gyi khams de na kha zas su gdags pa med de/ sems can de dag thams cad ni bsam gtan la dga' ba dang / chos la dga' ba'i zas can du 'gyur ro/ /'jig rten gyi khams de na gzhan rnam par gzhag pa med de/ sems can de dag thams cad ni theg pa chen po la nges par 'gyur ba dag go/ /'jig rten gyi khams de na tshul khrims log par zhugs pa'am/ lta ba log par zhugs pa 'am/ cho ga log par zhugs pa 'am/ 'tsho ba log par zhugs pa'i sems can 'ga' yang med par 'gyur ro/ /sems can de dag thams cad ni nan tan dang ldan pa ste/ sangs rgyas kyi chos rnams la brtson 'grus brtsams par 'gyur ba sha stag go/ /sangs rgyas kyi zhing de na bdud dam/ bdud kyi ris kyi lha'am/ gzhan mu stegs can spyod pa can dang / kun du rgyu dang dmigs pa'i lta ba la mngon par zhen pa dang / pha rol rgol ba med par 'gyur ro/ /sems can de dag thams cad ni zab mo'i spyod yul stong pa nyid kyi phyag rgyas btab par 'gyur ro/ /'jig rten gyi khams de ni</font><hr>53.337a<br><font size=+1>

ming du btags pa tsam dang / 'du shes tsam ma gtogs par lha dang mi zhes tha dad du bya ba med par 'gyur ro/ /sems can de dag thams cad ni yongs su spyad pa mtshungs par 'gyur ro/ /kun dga' bo bcom ldan 'das yon tan gyi rgyal por snang ba de bzhin gshegs pa dgra bcom pa yang dag par rdzogs pa'i sangs rgyas de yang lha dang / mi rnams kyi skye bo mang po la phan pa dang / skye bo mang po la bde ba'i phyir bar gyi bskal pa bcu tham par bzhugs par 'gyur ro/ /bcom ldan 'das yon tan gyi rgyal por snang ba de bzhin gshegs pa de gang gi tshe yongs su mya ngan las 'das par bzhed pa de'i tshe byang chub sems dpa' sems dpa' chen po brtson 'grus 'bar ba 'di nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bkod pa chen po zhes bya ba'i de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das su 'gyur ro zhes byang chub sems dpa' brtson 'grus 'bar ba zhes bya ba lung bstan nas mya ngan las 'da' bar 'gyur ro/ /kun dga' bo bar gyi bskal pa de yang sangs rgyas dkon mchog dang chos dkon mchog dang dge 'dun dkon mchog dang mi 'brel bar 'gyur te/ bar gyi bskal pa de ni dkon mchog 'byung ba zhes brjod do/ /de nas mi 'am ci'i rgyal po sdong pos bcom ldan 'das las lung bstan pa thos nas dga' zhing mgu ste/ yi rangs shing rab tu dga' nas/ dga' ba dang / yid bde ba</font><hr>53.337b<br><font size=+1>

skyes te/ byang chub sems dpa'i dga' ba dang / mchog tu dga' ba'i shugs kyis sa las steng gi bar snang las shing ta la bdun tsam du 'phags te/ thams cad dang ldan pa'i 'khor dad pa rgya cher spel ba dang / dge ba'i rtsa ba yang dag par bskyed pa'i phyir sangs rgyas kyi mthu dang / rang gi shes rab kyi spobs pas de'i tshe tshigs su bcad pa 'di dag smras so/ /chos 'di thams cad rab tu dben pa dang / /dri ma med de nam mkha'i ngo bo nyid/ /rgyud kyi dam pa 'di ni rnam shes na/ /de phyir de dag thub sras thu bor 'gyur/ /rmi lam bzhin du mthong ba cung zad med/ /thams cad med de gzung med gsog dang gsob/ /chos rnams thams cad rmi lam 'drar shes nas/ /'dus byas dag la skyo bar 'gyur ba med/ /la las sgyu ma'i rta dang glang chen dang / /shing rta dpung bu chung dang bzhon mthong ba/ /dam pa'i don du snying po med pa ltar/ /phung po 'di dag sgyu 'dra snying po med/ /gzugs kyi rang bzhin dbu ba rdos pa bzhin/ /tshor ba 'di ni chu'i chu bur 'dra/ /'du shes dag ni smig rgyu 'dra bar gsungs/ /'dus byas thams cad chu shing snying po med/ /srid gsum 'di ni sems yid rnam par shes/ /rgyal bas de bzhin sgyu 'dra gsog tu gsungs/ /gzugs kyi rang bzhin stong par rig nas ni/ /'dus byas dag la nam yang skyo ba med/ /khams bzhi po ni chos kyi dbyings 'dra dang / /skye mched rnams ni grong stong lta bu dang / /chos 'di gsog dang gsob ltar rnam shes pa/ /de dag rgyal ba'i chos mdzod 'dzin pa yin/ /rab tu dul phyir sbyin dang dul ba dang / /de bzhin tshul khrims rnam dag tshul khrims dang / /rtag tu 'phags pa'i tshul gyis bzod mi zad/ /stong pa nyid phyir brtson 'grus rnam par dag /bsam gtan rang bzhin 'gyur ba med pa dang / /</font><hr>53.338a<br><font size=+1>

de ltar shes rab chags med ma spros par/ /gang gi 'jug pa de 'drar gyur pa de/ /pha rol phyin pa'i pha rol rab tu phyin/ /bdag med kho na nyid phyir byams pa mnyam/ /nam mkha' lta bur gong du snying rje dag /zhi phyir dga' dang btang snyoms bcas pa yi/ /lam 'di tshangs pa'i lam ste rtag tu zhi/ /bsdu ba bzhi po khyad par 'phags pa 'di/ /rnam par 'dren pas rjes su gzung phyir gsungs/ /'dzin pa med cing rnam rtog gang med pa/ /de ni bsdu ba'i dngos po'i pha rol phyin/ /sems can 'di dag bdag med sems can med/ /srog dang gso ba gang zag mi rnyed do/ /dbang po drug 'di stong ste rab zhi bar/ /gang shes de ni byang chub sems dpa' yin/ /sems can med cing byang chub sems dpa' med/ /de ni gang du'ang bdag med rlom sems med/ /gnyis dang bral zhing ma chags spros med pa/ /sems can byang chub sems dpa' de dpal ldan/ /chos 'di snying po med de sgyu ma 'dra/ /gang du'ang mi 'ong nam yang 'gror mi 'gyur/ /chos dbyings 'di'i gnas pa rig nas ni/ /rgyal bas de bzhin nyid ni mnyam sangs rgyas/ /gang na'ang yod pa 'am med pa med mod kyi/ /rgyu la brten nas chos rnams 'byung bas na/ /mkha' la glog mthong 'jig pa lta bur ni/ /sems kyi 'khri shing de ltar shes par bya/ /rlung ni nam mkhar mi chags rgyu ba bzhin/ /gzugs med sems ni 'dus byas dag la rgyu/ /sems kyi rang bzhin rnam dag de shes nas/ /nyon mongs gzugs med sogs par mi 'gyur ro/ /lus ni brtsig pa rtswa dang lo ma 'dra/ /blun pa rje med rdo shing ngan pa ltar/ /de yis snga ma'i rang bzhin 'drar shes nas/ /lus kyi chos la gnas par mi byed do/ /tshig ni rtag tu gzung med rlung dang 'dra/ /</font><hr>53.338b<br><font size=+1>

ri dang brag gi brag cha lta bu ste/ /de 'drar sgra ni rab tu dben shes pa/ /sgra rnams kun la 'dod pa'i chags pa med/ /bdag ni nam mkha'i ngos gnas mi ltung ste/ /mkha' las ltung ba'i gnas kying yod ma yin/ /chos 'di nam mkha' 'dra bar bsgoms nas ni/ /de ltar sems can sems can med mtshungs gnas/ /bskal pa brgya phrag mang por bsregs kyang ni/ /ji ltar nam mkha' nam yang sngon ma tshig /chos rnams thams cad nam mkhar 'drar shes pa/ /de sreg bskal che zhing rnams brgyar yang 'gro/ /ri dang ri bar kho ra khor yug ri/ /de bzhin ri dang bcas pa'i sa rnams kun/ /nam mkha'i ngos kyis phye bar rig nas de/ /rdzu 'phrul stobs kyis bye ba'i zhing du 'gro/ /sa dang chu dang me dang rlung dag dang / /khams bzhi 'di dag nam mkha'i ngos mnyam par/ /dpa' bo tshul 'di khong du chud pa dag /mkha' las bye ba mtha' yas zhing du 'gro/ /srid pa gsum na sgra dang skad kyi bag /bzang ngan de bzhin 'bring po ci yod pa/ /de'i mtha' ma bskal pa brgyar brjod kyang / /sngon gyi rang bzhin mi snang rgyu ba med/ /rang byung ba ni mtshan mchog ma yin yang / /sems kyi chos kyis gzugs kyis rab tu phye/ /sems dang yid ni mtshungs pa dben par gyur/ /rgyal ba thams cad chos mtshungs nyid phyir mnyam/ /sngon gyi srid par byang chub spyad spyod cing / /dge ba brgya stong rab tu bsags nas ni/ /byang chub mnyam zhing mnyam par rab shes pa/ /grags pa chen po rnams ni lung bstan 'gyur/ /chos rnams kun ni rang yul yongs dag ste/ /mtha' yas phyir ni rgyal ba'i yul du mnyam/ /mnyam nyid 'di dag gang gis rab shes pa/ /yon tan ldan pa de dag lung bstan 'gyur/ /bdag ni gzugs</font><hr>53.339a<br><font size=+1>

min tshor min 'du shes min/ /sems dpa' ma yin rnam par shes med kyang / /byang chub khong du chud pas bdag lung bstan/ /phung po khams kyis bdag ni lung ma bstan/ /bzod pa gang zhig gzod ma nas zhi yi/ /skad cig pa ni zad dang 'dra min la/ /mtshungs med mi skye ba la bzod pa na/ /mi dbang 'gyur zhes rgyal bas lung bstan to/ /chos rnams kun dang bdag tu rang bzhin mnyam/ /bdag ni bdag med stong pa'i rang bzhin te/ /stong pa nam mkha' 'dra ba'i ngo bo nyid/ /byang chub rtag tu mkha' mnyam rang bzhin no/ /zad par bya phyir zad pa shes mi nus/ /mi zad pa ni zad pas zad mi 'gyur/ /zad pa'i sgo yis chos rnams kun ma skyes/ /bzod dang ldan la sangs rgyas lung ston to/ /mtshan med gnas 'jug pa'i gnas med de/ /yang dag 'dus ma byas pa dus las grol/ /ma byas byed du ma bcug byung ba min/ /de bzhin nyid 'drar rgyal bas bdag lung bstan/ /gal te bdag ni lung bstan 'gyur snyam na/ /chos lam tshul la mi mnyam sbyor ba yin/ /sems dang yid kyis sbyor ba sbyor ma yin/ /chos sbyor khyad par 'phags 'di mtshungs shing mnyam/ /khyed cag thams cad sa'i steng na 'khod/ /bdag ni nam mkha'i dkyil na rnam par gnas/ /sa dang nam mkha' mnyam par shes nas ni/ /srid pa gsum na chags med ye shes 'jug /de nas mi 'am ci'i rgyal po sdong pos tshigs su bcad pa 'di dag smras nas steng gi bar snang las babs te thal mo sbyar nas bcom ldan 'das la phyag 'tshal te bcom ldan 'das la 'di skad ces gsol to/ /bcom ldan 'das sangs rgyas ni bdag gi ched du byung ngo / /de ci'i slad du zhe na/ bcom ldan 'das bdag sngon</font><hr>53.339b<br><font size=+1>

byang chub sems dpa'i spyod pa don ma mchis par ma bgyis te/ sngon gyi dge ba'i rtsa ba rnams kyis bdag ma bslus pas bcom ldan 'das kyis bdag gi bsam pa thams cad yongs su bskang ba'i slad du bla na med pa yang dag par rdzogs pa'i byang chub tu lung bstan to/ /de nas 'khor de'i nang na byang chub sems dpa' kha cig 'di lta bu'i sems bskyed de/ mi 'am ci'i rgyal po sdong pos de bzhin gshegs pa dgra bcom pa yang dag par rdzogs pa'i sangs rgyas gang las dang po bla na med pa yang dag par rdzogs pa'i byang chub tu sems bskyed do snyam mo/ /de nas byang chub sems dpa' lha'i cod pan gyis byang chub sems dpa' de dag gi sems kyi rnam par rtog pa sems kyis shes nas bcom ldan 'das la 'di skad ces gsol to/ /bcom ldan 'das mi 'am ci'i rgyal po sdong pos de bzhin gshegs pa gang las byang chub tu sems bskyed pa'i de bzhin gshegs pa de'i mtshan ci lags/ bcom ldan 'das kyis bka' stsal pa/ rigs kyi bu sngon byung ba 'das pa'i dus bskal pa grangs med pa'i yang ches grangs med pa/ rgyas pa/ tshad med pa/ bsam gyis mi khyab par gyur pa de'i tshe de'i dus na rnam par dag pa zhes bya ba'i bskal pa la 'jig rten gyi khams dge ba zhes bya bar de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa sangs rgyas bcom ldan 'das rin chen phung po zhes bya ba 'ijig rten du byung ngo / /rigs kyi bu de'i tshe de'i dus na bcom ldan 'das de bzhin gshegs pa dgra</font><hr>53.340a<br><font size=+1>

bcom pa yang dag par rdzogs pa'i sangs rgyas rin chen phung po de'i byang chub sems dpa'i dge 'dun ni bye ba phrag drug bcur gyur te/ thams cad kyang brtson 'grus brtsams pa/ bzod pa rab tu thob pa/ bla na med pa yang dag par rdzogs pa'i byang chub las phyir mi ldog pa sha stag go/ /de'i tshe'i tshad ni lo bye ba phrag drug bcu thub par gyur to/ /dge ba zhes bya ba'i 'jig rten gyi khams de yang bai dUr+ya las grub pa/ rgyan thams cad kyis brgyan pa/ rnam pa'i mchog thams cad dang ldan pa dga' ldan gyi lha'i ris lta bur khang khyim dang / longs spyod dang / nye bar spyod pa dang / bza' ba dang / btung ba bsams pa tsam gyis 'byor pa'o/ /sangs rgyas kyi zhing de na theg pa chen po ma gtogs par theg pa gzhan rnam par gzhag pa med par gyur to/ /rigs kyi bu de'i tshe de'i dus na gling bzhi la dbang ba'i 'khor los sgyur ba'i rgyal po sa 'dzin ces bya ba rin po che sna bdun dang ldan pa zhig byung ste/ de'i slas ni stong phrag bzhi bcu yod do/ /de'i bu ni stong tham pa yod de/ dpa' ba brtul phod pa/ yan lag mchog gi gzugs can pha rol gyi sde rab tu 'jom pa sha stag go/ /rigs kyi bu rgyal po sa 'dzin des bcom ldan 'das de bzhin gshegs pa rin chen phung po de dang / byang chub sems dpa' bye ba phrag drug bcu la lo bye ba tham par yid du 'ong ba'i chos gos dang / zhal zas dang / mal cha dang / na ba'i gsos sman dang / yo byad rnams dang / bde bar sbyar ba bde ba la reg par gnas par bya ba thams cad kyis bsnyen bkur byas nas des bcom ldan 'das de bzhin gshegs pa rin chen phung po de la mchod pa dpag tu med pa byas te/ dge ba'i rtsa bas nye bar brtan nas bud med bzhi stong po de dag dang / bu stong po de dag</font><hr>53.340b<br><font size=+1>

dang / srog chags brgyad khri bzhi stong dang lhan cig tu bla na med pa yang dag par rdzogs pa'i byang chub tu sems bskyed do/ /des byang chub tu sems bskyed nas kyang lo bye bar bcom ldan 'das de bzhin gshegs pa rin chen phung po de la bsnyen bkur byas so/ /de dus gzhan zhig na bu thu bo brtul zhugs yongs su dag pa zhes bya ba rgyal por bcug nas rgyal srid thams cad bor te/ skra dang kha spu bregs nas gos ngur smrig bgos te bcom ldan 'das de'i bstan pa la dad pas khyim nas khyim med par rab tu byung ngo / /de na rgyal po'i bu de dag gis kyang rim gyis bu thu bo re re rgyal por bcug nas pha'i rjes su rab tu byung bar gyur to/ /rigs kyi bu de ltar na rnam grangs 'dis de bzhin gshegs pa de'i tshe'i tshad ring bar gyur to/ /rgyal po gzhon nu de dag thams cad de bzhin gshegs pa de las rab tu byung nas rgyal bu gzhon nu tha chung snying rje'i blo zhes bya ba gcig pu ma gtogs te/ de ni chos kyis rgyal srid byed pa chad pa med pa dang / mtshon cha med par chos dang 'thun par dbang byed du bcug go/ /rigs kyi bu de ltar rgyal po sa 'dzin de bu dang bcas par bcom ldan 'das de'i bstan pa la rab tu byung nas thog ma dang bar ma dang tha mar de bzhin gshegs pa rin chen phung po de'i dam pa'i chos rab tu bzung ngo / /rigs kyi bu de'i tshe de'i dus na gling bzhi la dbang ba'i 'khor los sgyur ba'i rgyal po sa 'dzin zhes bya bar gyur pa de gzhan zhig yin pa snyam du khyod dogs shing the tsom za 'am yid gnyis su gyur pa lta na rigs kyi bu khyod kyis de ltar mi blta'o/ /de ci'i phyir zhe na/ mi 'am ci'i rgyal po sdong po 'di de'i tshe de'i dus na rgyal po sa 'dzin zhes bya bar gyur to/ /rgyal po de'i bur</font><hr>53.341a<br><font size=+1>

gyur pa de dag thams cad ni de ltar phyogs bcu na byang chub sems dpa'i spyad pa spyod do/ /rigs kyi bu de ltar na mi 'am ci'i rgyal po sdong pos bcom ldan 'das de bzhin gshegs pa rin chen phung po de las bla na med pa yang dag par rdzogs pa'i byang chub tu sems bskyed do/ /de bla na med pa yang dag par rdzogs pa'i byang chub tu dang po sems bskyed tshun chad/ da'i bar thams cad du sangs rgyas mthong ba dang chos nyan pa dang dge 'dun la rim gro byed pa dang ma bral bar gyur to/ /'dis yang dag par rdzogs pa'i byang chub kyi tshogs kyang myur du yang dag par bsgrubs pas 'di la ngas 'di ni ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas yon tan gyi rgyal po zhes bya bar 'gyur ro zhes lung yang bstan to/ /de nas bcom ldan 'das la byang chub sems dpa' sems dpa' chen po lha'i cod pan gyis 'di skad ces gsol to/ /bcom ldan 'das ji tsam du de bzhin gshegs pa dgra bcom pa yang dag par rdzogs pa'i sangs rgyas thogs pa mi mnga' ba'i mkhyen pa dang ldan pas 'di ltar dge ba'i rtsa ba mngon par 'dus bgyis pa'i rgyu ba nas yun ring du lags pa yang bcom ldan 'das kyis sgrib pa mi mnga' ba'i mkhyen pas gzigs pa ni ngo mtshar to/ /bcom ldan 'das kyis bka' stsal pa/ rigs kyi bu de de bzhin no/ /ji skad smras pa de bzhin te/ de bzhin gshegs pa dgra bcom pa yang dag par rdzogs pa'i sangs rgyas ni thogs pa med pa'i ye shes mthong ba dang ldan no/ /de ci'i phyir zhe na/ rigs kyi bu gang sems can thams cad kyi 'das pa'i sems kyi rgyu zad pa/ 'gags pa/ </font><hr>53.341b<br><font size=+1>

bral ba/ rnam par gyur pa/ rgyu gang dag las sems kyi rgyud de dag byung ba dang / rgyu gang dag med pas zad pa/ dge ba 'am/ mi dge ba 'am/ lung du bstan pa 'am/ lung du ma bstan pa de dag thams cad rnam pa dang bcas/ gzhi dang bcas/ gtan tshigs dang bcas par de bzhin gshegs pas rab tu shes so/ /da ltar byung ba'i dus kyi sems can thams cad kyi sems kyi rgyud byung ba dge ba 'am/ mi dge ba 'am/ lung du bstan pa 'am/ lung du ma bstan pa yang rung ste/ sems rang gi 'og tu sems gang byung ba de dag thams cad kyang rnam pa dang bcas/ gzhi dang bcas/ gtan tshigs dang bcas par de bzhin gshegs pas rab tu shes so/ /gang ma 'ongs pa'i sems can thams cad kyi sems kyi rgyud dang sems las byung ba'i chos dge ba 'am/ mi dge ba 'am/ lung du bstan pa 'am/ lung du ma bstan pa yang rung ste/ sems gang gi 'og tu sems gang 'byung bar 'gyur ba de dag thams cad kyang rnam pa dang bcas/ gzhi dang bcas pa/ gtan tshigs dang bcas par de bzhin gshegs pas rab tu shes so/ /rigs kyi bu de ltar de bzhin gshegs pa dgra bcom pa yang dag par rdzogs pa'i sangs rgyas ni thogs pa med pa'i ye shes dang ldan no/ /de bzhin gshegs pa'i mkhyen pa thogs pa mi mnga' ba bstan pa 'di bshad pa na srog chags sum 'bum gyis bla na med pa yang dag par rdzogs pa'i byang chub tu sems bskyed do/ /de nas mi 'am ci'i rgyal po sdong pos bcom ldan 'das byang chub sems dpa' dang nyan thos kyi dge 'dun gyi 'khor dang bcas pa la zhag bdun bde bar sbyar ba thams cad kyis bsnyen bkur byas nas yongs su</font><hr>53.342a<br><font size=+1>

longs spyad par bya ba'i phyir rang gi khang khyim dang / 'khor gyi khyams de yang bcom ldan 'das la phul te 'di skad ces gsol to/ /bcom ldan 'das bdag la thugs brtse ba'i slad du rtag tu 'dir gshegs shing bzhugs par gsol/ des na skye bo mang po la phan pa dang / skye bo mang po la bde ba dang / 'jig rten la thugs brtse ba dang / skye bo'i tshogs phal po che'i don dang / mi 'am ci dang / dri za dang / lto 'phye chen po rnams la phan pa dang bde bar 'gyur ro/ /de nas mi 'am ci'i rgyal po sdong po'i bu dri ma med pa'i mig ces bya bas bcom ldan 'das la nor bu rin po che'i dra ba phul nas bcom ldan 'das la 'di skad ces gsol to/ /bcom ldan 'das mi 'am ci bdag cag bla na med pa yang dag par rdzogs pa'i byang chub la yang dag par zhugs su lags kyang bdag cag ni sil snyan dang rol mo'i dbyangs sgra dang / glu dang gar la rab tu chags/ me tog dang spos dang bdug pa dang byug pa dang / phye ma la bag ma mchis par dga' zhing rtse ba lags na ji ltar bdag cag bag mchis par 'gyur zhing / byang chub kyi phyogs kyi chos rnams yang dag par bsgrub par 'gyur ba de lta bu'i chos rin po che'i phyag rgya'i sgo'i gdams ngag bcom ldan 'das kyis bdag cag la stsal bar gsol/ de skad ces gsol pa dang / bcom ldan 'das kyis mi 'am ci'i rgyal po'i bu dri ma med pa'i mig la 'di skad ces bka' stsal to/ /bzhin bzangs dag de'i phyir deng phyin cad sil snyan dang glu dbyangs de dag las byang chub yongs su smin par byed pa'i chos drug bcu rtsa bzhi 'byung bar khyed la byin gyis</font><hr>53.342b<br><font size=+1>

brlab par bya'o/ /drug bcu rtsa bzhi gang zhe na/ 'di lta ste/ mi rtag pa'i sgra 'byung ba dang / sdug bsngal gyi sgra dang / bdag med pa'i sgra dang / zhi ba'i sgra dang / mngon par 'du mi byed pa'i sgra dang / dben pa'i sgra dang / mi skye ba'i sgra dang / dngos po med pa'i sgra dang 'byung ba med pa'i sgra dang / gnas med pa'i sgra dang / ji lta ba bzhin gyi sgra dang / yang dag pa'i mtha'i sgra dang / chos kyi dbyings kyi sgra dang / sems can med pa'i sgra dang / srog med pa'i sgra dang / gang zag med pa'i sgra dang / sbyin pa'i sgra dang / tshul khrims kyi sgra dang / bzod pa'i sgra dang / brtson 'grus kyi sgra dang / bsam gtan gyi sgra dang / shes rab kyi sgra dang / byams pa'i sgra dang / snying rje'i sgra dang / dga' ba'i sgra dang / btang snyoms kyi sgra dang / 'ong ba med pa'i sgra dang / 'gro ba med pa'i sgra dang / rgyu ba med pa'i sgra dang / gnas med pa'i sgra dang / brtan pa med pa'i sgra dang / stong pa nyid kyi sgra dang / mtshan ma med pa'i sgra dang / smon pa med pa'i sgra dang / 'dod chags dang bral ba'i sgra dang / 'byung ba med pa'i sgra dang / rten pa'i sgra dang / rten pa med pa'i sgra dang / sangs rgyas kyi sgra dang / chos kyi sgra dang / dge 'dun gyi sgra dang / byang chub tshad med pa'i sgra dang / dran pa nye bar gzhag pa'i sgra dang / yang dag par spong ba'i sgra dang / rdzu 'phrul gyi rkang pa'i sgra dang / dbang po'i sgra dang / stobs kyi sgra dang / byang chub kyi yan lag gi sgra dang / lam gyi sgra dang / zhi gnas kyi sgra dang / lhag mthong gi sgra dang / thabs kyi sgra dang / bsdu ba'i dngos po'i sgra dang / sems can yongs su smin par bya ba'i sgra dang / bdud tshar gcad pa'i sgra dang / dam</font><hr>53.343a<br><font size=+1>

pa'i chos yongs su gzung ba'i sgra dang / chos thams cad sgyu ma dang / rmi lam dang / gzugs brnyan dang / chu'i zla ba dang / brag cha lta bu'i sgra dang / chos kyi dbyings 'dres pa med pa'i sgra dang / 'khor bas yongs su mi skyo ba'i sgra dang / 'byung ba'i sgra dang / dge ba'i rtsa ba'i tshogs thams cad kyi sgra dang / dbu ba dang / chu'i chu bur dang / smig rgyu dang / chu shing gi phung po dang / sgyu ma dang / snying po med pa'i sgra dang / ji skad smras pa de bzhin du bya zhing chos bsgrub pa'i sgra 'byung bar 'gyur ro/ /bzhin bzangs dag de ltar na sangs rgyas kyi mthus sil snyan dang glu dbyangs de dag las gang gi khyed bag yod par byang chub kyi phyogs kyi chos rnams bsgrub par 'gyur ba de lta bu'i sgra 'di dag 'byung bar 'gyur ro// // bam po lnga pa ste tha ma/ de nas thams cad dang ldan pa'i 'khor de ngo mtshar du gyur nas bcom ldan 'das la phyag 'tshal te 'di skad ces gsol to/ /bcom ldan 'das ji tsam du sangs rgyas bcom ldan 'das rnams kyang byang chub 'di byin gyis brlabs kyis shin du byin gyis brlabs pa dang / chos bstan pa dang / ji tsam du de bzhin gshegs pas byang chub sems dpa' rnams shin du yongs su bzung ba ni ngo mtshar to/ /bcom ldan 'das kyis bka' stsal pa/ grogs po dag ji skad smras pa de bzhin te/ de bzhin gshegs pas byang chub sems dpa' rnams shin du yongs su bzung ngo / /de ci'i phyir zhe na/ 'di ltar byang chub sems dpa' yongs su bzung bas sems can thams cad yongs su bzung bar 'gyur ro/ /grogs po dag de bzhin gshegs pas byang chub sems dpa' yongs su bzung ba gang</font><hr>53.343b<br><font size=+1>

yin pa de sems can thams cad kyi don nyid do/ /de ltar na sems can kyi ched du de dag go cha gang gis sems can tshad med grangs med pa 'khor ba las mya ngan las 'da' ba'i lam du gzud par 'gyur ba'i go cha chen po gyon no/ /grogs po dag rnam grangs 'dis 'di lta nga da ltar bzhugs kyang rung yongs su mya ngan las kyang rung ste/ byang chub sems dpa' rnams yongs su bzung ba mdzad pa gang yin pa des sems can thams cad yongs su bzung ba yin par rig par bya'o/ /grogs po dag byang chub sems dpa' la chos gos dang / bsod snyoms dang / mal cha dang / na ba'i gsos sman dang / yo byad rnams kyis rim gror byas pa ni sems can thams cad la rim gro byas par 'gyur ro/ /grogs po dag byang chub sems dpa' la bde bar sbyar ba nye bar bsgrubs pa ni sems can thams cad la bde bar sbyar ba nye bar bsgrubs par 'gyur ro/ /de ci'i phyir zhe na/ grogs po dag tha na byang chub sems dpa'i dbugs 'byung ba dang / rngub pa gang yin pa de thams cad kyang sems can thams cad la snying rje chen po rab tu 'thob pa dang ldan pa dang / sems can thams cad la phan pa dang bde ba'i phyir yongs su 'dzin to/ /de nas 'dod pa na spyod pa dang / gzugs na spyod pa dang / gnas gtsang ma'i ris kyi lha'i bu de dag dang / klu dang gnod sbyin dang dri za dang / mi 'am ci dang / lto 'phye chen po dang / thams cad dang ldan pa'i 'khor de bcom ldan 'das kyis legs par gsungs pa la rjes su yi rang nas/ lha'i me tog rnam pa mang po kha dog sna tshogs pas bcom ldan 'das la mngon par gtor to/ /de nas mi 'am ci'i rgyal po sdong pos 'di snyam du bsams te/ bcom ldan 'das nyid</font><hr>53.344a<br><font size=+1>

kyi rdzu 'phrul gyis sam/ gzhan byang chub sems dpa'i rdzu 'phrul gyis bdag gi gnas nas/ bya rgod kyi phung po'i ri la gshegs pa ni bdag gi cha ma yin gyis bdag gis de bzhin gshegs pa la mchod pa'i las kyi phyir shing rta gang la bcom ldan 'das byang chub sems dpa'i dge 'dun dang bcas pa dang nyan thos kyi dge 'dun dang bcas par bzhugs pa de lta bu'i shing rta bkod pa bsgrubs te/ shing rta de yang bdag 'khor dang bcas pas drangs nas/ de ltar na bdag gis de bzhin gshegs pa la mchod pa byas par 'gyur snyam mo/ /de nas mi 'am ci'i rgyal po sdong pos yid las byung ba lha'i rin po che sna bdun gyi shing rta 'phang du dpag tshad lnga khyon du dpag tshad lnga pa/ kha khyer rin po che sna tshogs kyis bskor ba/ shing sna tshogs kyis legs par brgyan pa/ steng du rin po che'i dra ba bres pa/ rin po che'i skud pa mig mangs ris su bres pa mngon par sprul nas shing rta de la bcom ldan 'dis kyi gdan seng ge'i khri bkra ba blta na sdug pa/ 'phang du mi bdun yod pa/ ras bcos ma zung brgya stong mang po bkram pa mngon par sprul/ byang chub sems dpa' thams cad dang nyan thos kyi dge 'dun thams cad kyi stan yang so sor mngon par sprul/ gang dag bcom ldan 'das la chos nyan zhing zhabs 'bring du 'brang ba brgya byin dang / tshangs pa dang / 'jig rten skyong ba dang / 'dod pa na spyod pa dang / gzugs na spyod pa dang / gnas gtsang ma'i ris kyi lha'i bu de dag gi stan yang shing rta de'i steng du ci rigs par sprul to/ /de nas mi 'am ci'i rgyal po sdong pos de lta bu'i shing rta bkod pa de sprul nas thal mo sbyar te/ </font><hr>53.344b<br><font size=+1>

bcom ldan 'das la phyag 'tshal nas 'di skad ces gsol to/ /bcom ldan 'das bdag la thugs brtse ba'i slad du shing rta 'di la ji ltar gdan bshams pa rnams la 'khor thams cad dang thabs gcig tu bzhugs su gsol/ de nas seng ge'i khri de la bcom ldan 'das kyang bzhugs/ byang chub sems dpa' dang / dge slong gi dge 'dun dang 'khor thams cad kyang ci rigs par 'khod do/ /de nas mi 'am ci'i rgyal po sdong pos rdzu 'phrul gyi stobs kyis shing rta de lag pa g.yas pas blangs te/ shing ta la bdun srid kyi steng gi bar snang la 'phags nas/ de nas mi 'am ci mo brgyad khri bzhi stong de dag thams cad dang bu brgyad stong po de dag dang gzhan yang mi 'am ci dang dri za dang lto 'phye chen po brgya stong phrag du ma dang mi 'am ci'i rgyal po sdong po nyid kyang rin po che'i thag pa thogs nas shing rta la btags te nam mkha' las drangs so/ /de nas bcom ldan 'das steng gi bar snang gi shing rta la bzhugs shing / nam mkha'i dkyil nas gshegs pa la mi 'am ci mo brgyad khri bzhi stong po de dag gis sil snyan dang / glu dbyangs blangs nas mchod pa byed de/ mdun du dong zhing bcom ldan 'das la tshigs su bcad pa 'di dag gis mngon par bstod do/ /mi 'am ci mo brgyad khri bzhi stong po/ /gzugs kyi dam pa dang ni ldan pa dag /sil snyan rnams ni rab tu dkrol bgyid cing / /yang dag bsngags pas 'dren la bstod pa bgyid/ /mtshan mchog bsod nams kyis ni gzi brjid gyur/ /gzugs mchog mthong na dga' bar bgyid pa'i gzugs/ /bden pa'i yon tan la ni rtag gnas pa/ /yon tan mtsho chen khyod la phyag 'tshal lo/ /</font><hr>53.345a<br><font size=+1>

sngon gyi rgyal ba rnams dang khyod mi 'dra/ /g.yas g.yon na yang rnam par mthong ma myong / /ji ltar ri rab brtan zhing mi g.yo ba/ /de ltar khyad kyi sku ni dpal gyis mdzes/ /'dren pa khyod kyis rdzu 'phrul stobs kyis ni/ /chags pa ma mchis par yang mkha' las mchi/ /nam mkha' lta bur dag cing dri mi mnga'/ /bcom ldan nyon mongs bsal la phyag 'tshal lo/ /lha dbang lha min dbang dang srin po dang / /brgya byin tshangs pa dang ni dag pa'i lha/ /nyi ma zla ba skar mar bcas pa'i 'od/ /khyed kyi mdzod spus 'od ni ma mchis gyur/ /shes rab 'byung gnas shes rab rgya mtsho ldan/ /sems can kun gyi sems kyi spyod la mkhas/ /'jig rten gsum na 'jig rten sum gyis mchod/ /'jig rten grags pa'i zhabs la phyag 'tshal lo/ /bdud bzhi po'i skyon rnams bsal ba po/ /bden pa bzhi la bsgom zhing dpyod mdzad pa/ /rdzu 'phrul bzhi'i stobs kyis bsnyengs mi mnga'/ /sangs rgyas gshegs pas gshegs te gshegs pa mdzes/ /bskal pa brgyar yang skyo ba mi mnga' zhing / /rtag tu dul la thugs ni mnyam par bzhag /legs par gsungs pas 'gro ba tshim mdzad kyang / /khyod ni tshig dang skad la gnas ma lags/ /khyod kyi gsung ni yid 'ong rab tu snyan/ /zhing brgya dag tu thogs pa med par mchi/ /sgra ni sems can gang gis thos gyur pa/ /de dag thams cad bde bas tshim par 'gyur/ /sems can kha lo bsgyur ba spu gcig tu/ /stong gsum rgya mtsho'i chab rnams zhugs gyur kyang / /sems can rag pa rnams la'ang mi gnod la/ /rdzu 'phrul la yang skyon ni yong mi gda'/ /stong gsum gyi ni ri bo ri rab dag /phyag gcig gi ni mthil du bzhag nas</font><hr>53.345b<br><font size=+1>

su/ /zhing mang bya ba dag tu gshegs mdzad kyang / /khyod kyi sku'i stobs ni zhum ma mchis/ khyod ni bskal pa brgya phrag bsam yas nas/ /brtul zhugs dka' thub tshul khrims yon tan dang / /sbyin dang dul dang sdom dang bzod pa dang / /brtson 'grus bsam gtan shes rab shin du bslabs/ /sangs rgyas bye ba mang la bsnyen bkur mdzad/ /de dag rnams kyis bshad pa'i chos kyang bzung / /thugs rje ldan zhing 'gro ba'i don gyi phyir/ /khyod la yongs su skyo ba'i thugs mi mnga'/ /rim gror ma bgyis zhum par mi 'gyur zhing / /rim gro bgyis pas mtho bar 'gyur ma lags/ /dog sa lta bur snyoms shing mi g.yo ste/ /'jig rten chos gnas mi gos pad ma bzhin/ /chos rnams stong pa mtshan ma ma mchis dang / /chu zla 'dra zhing sgyu ma lta bu dang / /dbu ba rdos 'dra rmi lam glog 'dra dang / /smig rgyu'i mtshan nyid lta bur rab tu mkhyen/ /ngo bo nyid kyis gang zag bdag ma mchis/ /gdod nas stong zhing mi g.yo rjes ma mchis/ /nam mkha' lta bur dag cing dri ma mchis/ /dngos po bas par dngos po ma mchis 'dra/ /las dang bya ba rgyu dang rkyen rnams las/ /byung ba lags kyi rjes ni ma mchis par/ /tshul 'di rnam par sbyang ba mdzad pas na/ /de phyir khyod ni rdzogs sangs rgyas shes bgyi/ /gang dag 'dren pa mthong zhing thos gyur pa/ /de dag la ni ngan song 'jigs ma mchis/ /de dag bde 'gro dag tu mchog gzhol te/ /srog chags de rnams kyi ni rnyed pa lags/ /bdag cag rnams kyis gang zag dam pa khyod/ /kun du mchod pas mchod pa bgyis nas su/ /byang chub tu ni sems kyang bskyed bgyis te/ /gang zag mchog 'drar thams cad 'gyur bar shog /nam mkha' la ni dpag tu nus kyang gda'/ /rgya mtsho'i chab ni bas bgyir nus kyang gda'/ /nyi zla mkha' las sar ni ltung gda' yi/ /</font><hr>53.346a<br><font size=+1>

sangs rgyas yon tan bas par 'gyur mi gda'/ /de nas bcom ldan 'das shing rta la bzhugs te nam mkha'i dkyil gyi lam nas gshegs pas gshegs shing / gser gyi kha dog lta bur sku las 'od gang gis stong gsum gyi stong chen po'i 'jig rten gyi khams khyab par 'gyur ba de lta bu'i 'od phyung ba dang / 'od des rgyal po'i khab kyi grong khyer chen po dang / bya rgod kyi phung po'i ri yang rab tu khyab par gyur to/ /de nas bcom ldan 'das shing rta des rgyal po'i khab kyi grong khyer dang bya rgod kyi phung po'i ri ga la ba der gshegs so/ /de nas rgyal po'i khab kyi grong khyer gyi rgyal po ma skyes dgra blon po dang / rgyal bu dang / tshong dpon dang grong rdal pa dang / khyim bdag tu bcas pa dang / dge slong dang dge slong ma dang / dge bsnyen dang dge bsnyen ma rnams 'od des bskul nas phyi dro'i dus kyi tshe me tog dang / bdug pa dang spos dang / phreng ba dang byug pa dang / gdugs dang / rgyal mtshan dang ba dan thogs te/ bcom ldan 'das bsu ba'i phyir rings pa rings par rgyal po'i khab kyi grong khyer chen po nas byung ste/ bya rgod kyi phung po'i ri la bcom ldan 'das ga la ba der dong ngo / /sdong po'i slas rnams shing rta 'dren bzhin du sil snyan brgyad khri bzhi stong byed do/ /mi 'am ci mo'i rol mo sil snyan gyi sgra des bya rgod kyi phung po'i ri thams cad du grag par gyur to/ /de ltar mi 'am ci'i rgyal po sdong po dpung dang bcas/ 'khor dang bcas pas rdzu 'phrul gyi stobs kyis bcom ldan 'das nam mkha'i dkyil nas khyer te bya rgod kyi phung po'i ri la bzhag go/ /de nas bcom ldan 'das shing rta de las babs nas rang gi gnas su gdan bshams pa la bzhug so/ /byang chub sems dpa' de dag dang nyan thos chen po de dag dang / thams cad dang ldan pa'i 'khor rnams kyang shing rta de las babs nas bcom ldan 'das kyi zhabs la mgo bos phyag 'tshal te/ bcom ldan 'das kyis gnang nas bcom</font><hr>53.346b<br><font size=+1>

ldan 'das la kun nas bskor te rang rang gi stan la 'khod do/ /'dod pa na spyod pa dang / gzugs na spyod pa dang / gnas gtsang ma'i ris kyi lha'i bu de dag kyang shing rta de las babs te bcom ldan 'das kyi zhabs la mgo bos phyag 'tshal nas phyogs gcig tu 'khod do/ /de nas rgyal po ma skyes dgra blon po dang / rgyal bu dang / tshong dpon dang / khyim bdag dang / grong rdal pa dang bcas pa dang / dge slong dang / dge slong ma dang / dge bsnyen dang / dge bsnyen ma rnams kyis me tog dang / bdug pa dang spos dang phreng ba dang / byug pa dang phye ma dang / chos gos dang / gdugs dang / rgyal mtshan dang ba dan ji ltar thogs pa de dag gis bcom ldan 'das la mchod pa byas nas bcom ldan 'das kyi zhabs la mgo bos phyag 'tshal te/ bcom ldan 'das la sku ma mnyel tam/ bde ba la reg par gnas sam zhes gsol nas phyogs gcig tu 'gor ro/ /de nas bcom ldan 'das la byang chub sems dpa' lha'i cod pan gyis 'di skad ces gsol to/ /bcom ldan 'das mi 'am ci'i rgyal po sdong po g.yog 'khor dang bcas pas bcom ldan 'das 'khor dang bcas te/ shing rta la bzhugs pa nam mkha'i dkyil nas drangs pa'i dge ba'i rtsa ba 'dis mi 'am ci'i rgyal po sdong po'i 'khor dang bcas pas ci zhig 'thob par 'gyur/ bcom ldan 'das kyis bka' stsal pa/ dge ba'i rtsa ba des mi 'am ci'i rgyal po sdong po slas dang bcas/ bu dang bcas/ g.yog dang bcas pas 'dir byang chub tu sems bskyed nas de dag thams cad nam byang chub kyi snying po la 'dug gi bar du mngon par shes pa las mi nyams pa rab tu thob par 'gyur/ sangs rgyas kyi zhing 'di nis sangs rgyas kyi zhing du phan tshun 'gro bar 'gyur/ sangs rgyas mthong ba dang / chos nyan pa dang / dge 'dun la bsnyen bkur byed pa dang mi 'bral bar 'gyur/ tshe rabs thams cad du skye ba dran par 'gyur/ lung bstan</font><hr>53.347a<br><font size=+1>

pa thob par 'gyur/ dam pa'i chos yongs su gzung ba la brtson par 'gyur/ sems can yongs su smin par bya ba la spro bar 'gyur ro/ /de nas rgyal po ma skyes dgras mi 'am ci'i bdag po sdong po la 'di skad ces smras so/ /mi 'am ci'i bdag po bcom ldan 'das kyis khyod kyi yon tan yongs su brjod pa mdzad pas khyod kyis rnyed pa legs par rnyed kyis khyod kyis dge ba'i rtsa ba de las shas shig kho bos kyang thob par 'dod do/ /mi 'am ci'i rgyal po sdong pos smras pa/ rgyal po chen po dge ba'i rtsa ba 'di thams cad bdag gis khyod dang sems can thams cad la dbul lo/ /de ci'i phyir zhe na/ rgyal po chen po byang chub sems dpa' rnams kyi dge ba'i rtsa ba ni gang sems can thams cad dang thun mong ma yin pa de gang yang med do/ /rgyal po chen po byang chub sems dpa' thams cad ni ser sna can ma yin te/ de dag dge ba'i rtsa ba thams cad la ser sna mi bskyed do/ /dge ba'i rtsa ba thams cad sems can thams cad la gtong yang yid mi bde bar mi bgyid/ 'gyod par mi 'gyur ro/ /rgyal po chen po byang chub sems dpa'i dge ba'i rtsa ba gang thams cad mkhyen par yongs su bsngos pa de yang sems can thams cad kyi 'tsho bar 'gyur ro/ /de ci'i phyir zhe na/ rgyal po chen po byang chub sems dpa' rnams kyi byang chub ni sems can thams cad kyi gnas byed pa dang / sems can la sbyor ba dang / sems can gyi phyir 'brang bar 'gyur ro/ /rgyal po chen po khyod kyis gang gi phyir dge ba'i bshes gnyen bcom ldan 'das dang 'jam dpal gzhon nur gyur pa rnyed de/ de gnyis las khyod kyis dam pa'i chos thos nas des mi shes pa'i mun pa dang / gti mug gi ling tog chen pos mtshams med pa'i 'gyod pa byang ba'i sems bsal nas khyod kyis chos la chos kyi snang ba chen po thob ste/ </font><hr>53.347b<br><font size=+1>

chos kyi snang ba des khyod da ltar sgrib pa med pa thob cing gnas pas khyod kyis kyang rnyed pa legs par rnyed do/ /rgyal po chen po de lta bas na byang chub sems dpa' sems dpa' chen pos gus par byas te/ ji nas kyang chos kyi tshig dang / yi ge 'bru gcig thos pa 'ang brjed par mi 'gyur ba dang / chud za bar mi 'gyur ba dang / kun du bzung ba dang / yongs su bsrung ba'i phyir bdag chos kyi snod du 'gyur bar bya'o/ /de nas bcom ldan 'das la byang chub sems dpa' lha'i cod pan gyis 'di skad ces gsol to/ /bcom ldan 'das ji ltar na byang chub sems dpa' chos kyi snod du 'gyur ba lags/ de skad ces gsol pa dang / bcom ldan 'das kyis byang chub sems dpa' lha'i cod pan la 'di skad ces bka' stsal to/ /rigs kyi bu byang chub sems dpa' sems dpa' chen po chos sum bcu rtsa gnyis dang ldan na chos kyi snod du 'gyur ro/ /sum bcu rtsa gnyis gang zhe na/ 'di lta ste/ rigs kyi bu byang chub sems dpa'i snod sangs rgyas kyi byin gyis brlabs dang / lhag pa'i bsam pa'i snod bsam pa dang / byang chub kyi lam nye bar ston pa'i snod sbyor ba dang / dge ba'i rtsa ba khyad par du 'gro ba'i snod lhag pa'i bsam pa dang / mang du thos pa'i snod dran pa dang / lam la 'jug pa'i snod blo gros dang / don rtogs pa rjes su rtogs pa'i snod rtogs pa dang / longs spyod chen po'i snod sbyin pa dang / bsam pa yongs su rdzogs pa'i snod tshul khrims dang / skyes bu chen po'i mtshan sum bcu rtsa gnyis 'thob pa'i snod bzod pa dang / sangs rgyas kyi chos thams cad 'grub pa'i snod brtson 'grus dang / sems las su rung ba'i snod bsam gtan dang / dogs pa thams cad las rab tu 'das</font><hr>53.348a<br><font size=+1>

pa'i snod shes rab dang / sems can thams cad la sems snyoms pa'i snod byams pa dang / dbul zhing nyam thag pa thams cad bskyab pa'i snod snying rje dang / chos la dga' ba'i snod dga' ba dang / rjes su chags pa dang / khong khro ba spang ba'i snod btang snyoms dang / dge ba'i rtsa ba thams cad 'dzin du 'jug pa'i snod dge ba'i bshes gnyen dang / shes rab kyi pha rol tu phyin pa'i snod thos pa tshol bas ngoms mi myong ba dang / mi ltos pa'i snod rab tu 'byung ba dang / don nyung zhing bya ba nyung ba'i snod dgon pa la gnas pa dang / bsam gtan dang mngon par shes pa'i snod dben pa la dga' ba dang / sems can yongs su smin par bya ba'i snod bsdu ba'i dngos po dang / chos snang ba'i snod dam pa'i chos yongs su 'dzin pa dang / thos pa thams cad 'dzin pa'i snod gzungs dang / sems can thams cad kyi the tsom gcad pa'i snod spobs pa dang / sangs rgyas mthong ba'i snod sangs rgyas rjes su dran pa dang / shes rab kyi pha rol tu phyin pa'i snod chos rjes su dran pa dang / dge ba'i rtsa ba bsrung ba'i snod zhe sdang med pa'i sems dang / lta bar gyur pa thams cad spong ba'i snod stong pa nyid la mos pa dang / mthar mdzin pa thams cad yongs su spong ba'i snod rten cing 'brel par 'byung ba dang / mi 'khrugs shing phyad par lung ston pa'i snod mi skye ba'i chos la bzod pa dang / stobs bcu dang mi 'jigs pa dang / sangs rgyas kyi chos ma 'dres pa rnam kyi snod phyir mi ldog pa'i sa ste/ rigs kyi bu byang chub sems dpa' sems dpa' chen po chos sum bcu rtsa gnyis po 'di dag dang ldan na chos kyi snod du rig par bya'o/ /bstan pa 'di bshad pa na</font><hr>53.348b<br><font size=+1>

srog chags khris bla na med pa yang dag par rdzogs pa'i byang chub tu sems bskyed nas/ tshig 'di skad ces bcom ldan 'das sems can thams cad kyang 'di 'dra ba'i chos kyi snod du gyur cig /bdag cag kyang bcom ldan 'das kyis ji skad du bstan pa'i chos de lta bu'i snod du gyur cig ces smras so/ /de nas bcom ldan 'das kyis mi 'am ci'i rgyal po sdong po la 'di skad ces bka' stsal to/ /mi 'am ci'i bdag po khyod kyis 'khor 'di skyo bar 'gyur du 'ong gis khyod rang gi gnas su song shig /mi 'am ci'i rgyal po sdong pos gsol pa/ bcom ldan 'das gang yongs su skyo ba de byang chub sems dpa' zhes mi bgyi ste/ bcom ldan 'das byang chub sems dpas ni skyo ba bzod par bgyi'o/ /bcom ldan 'das ji ltar byang chub sems dpa' yongs su skyo ba lags/ ji ltar na yongs su mi skyo ba lags/ bcom ldan 'das kyis bka' stsal pa/ mi 'am ci'i bdag po byang chub sems dpa' chos bzhi dang ldan na yongs su skyo bar 'gyur ro/ /bzhi gang zhe na/ 'di lta ste/ sems can gyi khams tshad med pa thos na skrag pa dang / 'khor ba tshad med pa thos na skrag pa dang / sangs rgyas kyi ye shes tshad med par thos na skrag pa dang / bsod nams tshad med pas mtshan dang dpe byad bzang po 'grub pa thos na skrag pa ste/ mi 'am ci'i bdag po byang chub sems dpa' chos bzhi po 'di dag dang ldan na yongs su skyo bar rig par bya'o/ /mi 'am ci'i bdag po byang chub sems dpa' chos bzhi dang ldan na yongs su mi skyo bar rig par bya'o/ /bzhi gang zhe na/ 'di lta ste/ sems can gyi khams tshad med pa de yang bdag gi yongs su mya ngan las bzla bar bya'o/ /zhes thos na mi skrag</font><hr>53.349a<br><font size=+1>

pa dang / dge ba'i rtsa ba bsgrub pa'i phyir 'khor ba tshad med pa yongs su gzung bar bya'o/ /zhes thos na mi skrag pa dang / thams cad mkhyen pa'i ye shes tshad med pa de bdag gi yongs su rdzogs par bya'o zhes thos na mi skrag pa dang / bsod nams tshad med pa bsags pas mtshan dang dpe byad bzang po 'grub ste/ bdag gis kyang bsgrub par bya'o zhes thos na mi skrag pa ste/ mi 'am ci'i bdag po byang chub sems dpa' chos bzhi po 'di dag dang ldan na yongs su mi skyo bar rig par bya'o/ /mi 'am ci'i bdag po gzhan yang byang chub sems dpa' chos bzhi dang ldan na yongs su skyo bar rig par bya'o/ /bzhi gang zhe na/ 'di lta ste/ skabs skabs su nyan thos kyi theg pa la re ba dang / skabs skabs su rang sangs rgyas the pa la re ba dang / dam pa'i chos rnam par 'jig pa na yal bar 'dor zhing yongs su mi 'dzin pa dang / gzhan yang yang dag par rdzogs pa'i byang chub yang dag par 'dzin tu mi 'jug pa ste/ mi 'am ci'i bdag po byang chub sems dpa' chos bzhi po 'di dag dang ldan na yongs su skyo bar rig par bya'o/ /mi 'am ci'i bdag po gzhan yang byang chub sems dpa' chos bzhi dang ldan na yongs su mi skyo bar rig par bya'o/ /bzhi gang zhe na 'di lta ste/ rab tu nyen kyang byang chub kyi sems mi gtong ba dang / nyan thos dang rang sangs rgyas kyi sa la mi dbang ba dang / lus dang srog 'dor zhing dam pa'i chos bsrung ba dang / dpag tshad stong du 'gro zhing gzhan dag byang chub yang dag par 'dzin du 'jug pa ste/ mi 'am ci'i bdag po byang chub sems</font><hr>53.349b<br><font size=+1>

dpa' chos bzhi po 'di dag dang ldan na yongs su mi skyo bar rig par bya'o/ /mi 'am ci'i bdag po gzhan yang byang chub sems dpa' chos bzhi dang ldan na yongs su skyo bar rig par bya'o/ /bzhi gang zhe na 'di lta ste/ slong ba mthong na yongs su skyo ba dang / bsod nams byed par sbyor ba la brtson par gnas pa dang / mang du thos pa tshol ba la mi brtson pa dang / ji ltar thos pa'i chos rnams gzhan la mi ston pa ste/ mi 'am ci'i bdag po byang chub sems dpa' chos bzhi po 'di dag dang ldan na yongs su mi skyo bar rig par bya'o/ /mi 'am ci'i bdag po gzhan yang byang chub sems dpa' chos bzhi dang ldan na yongs su mi skyo bar rig par bya'o/ /bzhi gang zhe na 'di lta ste/ slong ba la bshes gnyen du 'du shes skyed cing zhe sdang ba'i sems med la bzhin 'dzum zhing khro gnyer med de tshur shog legs par 'ongs sam zhes bya ba'i tshig smra ba dang / bdag bde ba la mi chags shing sems can thams cad la bde ba rab tu sbyin pa dang / mang du thos pa tshol bas mi ngoms shing / ji ltar thos pa'i chos rnams kyang gzhan dag la rgya cher rab tu ston cing zang zing med pa'i sems kyi chos de gzhan la rab tu ston pa ste/ mi 'am ci'i bdag po byang chub sems dpa' chos bzhi po 'di dag dang ldan na yongs su mi skyo bar rig par bya'o/ /mi 'am ci'i bdag po gzhan yang byang chub sems dpa' chos bzhi dang ldan na yongs su skyo bar rig par bya'o/ /bzhi gang zhe na 'di lta ste/ sbyin pa'i pha rol tu phyin pa'i lam yongs su mi tshol ba dang / bsdu ba'i dngos po la mi sbyor ba dang / sems can yongs su smin par byed par brtson 'grus mi rtsom pa dang / yon tan chung ngu tsam gyis</font><hr>53.350a<br><font size=+1>

chog par 'dzin cing gong du mi tshol ba ste/ mi 'am ci'i bdag po byang chub sems dpa' chos bzhi po 'di dag dang ldan na yongs su skyo bar rig par bya'o/ /mi 'am ci'i bdag po gzhan yang byang chub sems dpa' chos bzhi dang ldan na yongs su mi skyo bar rig par bya'o/ /bzhi gang zhe na 'di lta ste/ mgo'i thod la me 'bar ba bzhin du pha rol tu phyin pa'i lam yongs su tshol ba dang / bsdu ba'i dngos po la rtag tu brtson pa dang / sems can yongs su smin par byed par brtson 'grus rtsom pa dang / dge ba thams cad yongs su bkang ba'i phyir de la mi chags pa yin te/ mi 'am ci'i bdag po byang chub sems dpa' chos bzhi po 'di dag dang ldan na yongs su mi skyo bar rig par bya'o/ /de nas bcom ldan 'das kyis chos bzhi bsgrub pa 'di mi 'am ci'i rgyal po sdong po la lan btab nas rgyal po ma skyes dgra la 'di skad ces bka' stsal to/ /rgyal po chen po khyod kyis byang chub sems dpa' rnams kyi yongs su skyo ba dang / yongs su mi skyo ba bzhi bsgrub pa la 'jug pa 'di thos sam/ rgyal pos gsol pa bcom ldan 'das thos lags so/ /bcom ldan 'das kyis bka' stsal pa/ rgyal po chen po de lta bas na khyod byang chub sems dpa'i spyod pa la yongs su mi skyo bar spyad par bya'o/ /rgyal po ma skyes dgras gsol pa/ bcom ldan 'das byang chub sems dpa' rnams kyi spyod pa gang lags/ de nas bcom ldan 'das kyis rgyal po ma skyes dgra'i byang chub sems dpa'i spyod pa yongs su bskang ba'i phyir mi 'am ci'i rgyal po sdong po la bka' stsal pa/ mi 'am ci'i bdag po ji ltar sems can yongs su smin par byed pa'i rang gi thabs mkhas pa'i khyad par rgyal po ma skyes dgra 'di byang chub sems dpa'i spyod pa yongs su bskang ba'i phyir khyod kyis ston cig /</font><hr>53.350b<br><font size=+1>

de nas mi 'am ci'i rgyal po sdong pos rang gi pi bang de bcom ldan 'das kyi spyan sngar blangs so/ /pi bang de blangs ma thag tu de nas sangs rgyas kyi mthu dang / mi 'am ci'i rgyal po sdong po'i dge ba'i rtsa ba'i gzi brjid kyis pi bang gi sgra de las seng ge bsgyings pa ltar shing sa la du ma g.yo ba'i sgrar byang chub sems dpa'i spyod pa'i tshigs su bcad pa 'di dag byung ngo / /phan pa spyod pa dag dang don spyod dang / /chos thos nan tan byed pa spyod pa dang / /byang chub mchog gi spyod pa gang spyod pa/ /de dag yongs su skyo ba med par spyod/ /bde ba spyod dang skyid pa spyod pa dang / /sems can kun la sam snyoms spyod pa dang / /byang chub mchog gi spyod pa gang spyod pa/ /de dag rgya chen ma yin spyod pa med/ /brtan pa spyod dang bden pa spyod pa dang / /bsam pa yongs su dag pa spyod pa dang / /byang chub mchog gi spyod pa gang spyod pa/ /de dag gang du'ang sgyu med spyod pa yin/ /dul ba spyod dang sbyin pa spyod pa dang / /dngos po thams cad yongs su gtong spyod dang / /byang chub mchog gi spyod pa gang spyod pa/ /de dag ser sna med par spyod pa yin/ /tshul khrims spyod pa ma nyams spyod pa dang / /lus dang ngag ni yongs dag spyod pa dang / /byang chub mchog gi spyod pa gang spyod pa/ /de dag ngan pa'i ngang tshul spyod pa med/ /brtul zhugs spyod dang bzod pa spyod pa dang / /khro skyon yong su gcod pa'i spyod pa dang / /byang chub mchog gi spyod pa gang spyod pa/ /de dag gnod sems med par spyod pa yin/ /brtson 'grus spyod dang mthu rnams spyod pa dang / /'khor bar yongs su mi skyo spyod pa dang / /byang chub mchog gi spyod pa gang spyod pa/ /de dag le lo med par spyod pa yin/ /ma gtan spyod dang ting 'dzin spyod pa dang / /lus dang sems ni rab tu dben spyod dang / /byang chub mchog gi spyod pa gang spyod pa/ /</font><hr>53.351a<br><font size=+1>

de dag g.yeng ba med par spyod pa yin/ /shes rab spyod dang blo mchog spyod pa dang / /chos rnams thams cad ji bzhin spyod pa dang / /byang chub mchog gi spyod pa gang spyod pa/ /de dag shes rab 'chal pa'i spyod pa med/ /byams pa spyod dang phan 'dod spyod pa dang / /sems can kun la snying rje spyod pa dang / /byang chub mchog gi spyod pa gang spyod pa/ /de dag khro ba'i tha na med par spyod/ /stong pa spyod dang rab tu dben spyod dang / /mtshan ma med pa yongs su dag spyod dang / /byang chub mchog gi spyod pa gang spyod pa/ /de dag smon pa med par spyod pa yin/ /yang dag spyod dang de bzhin nyid spyod dang / /thams cad mkhyen pa yongs su dag spyod dang / /byang chub mchog gi spyod pa gang spyod pa/ /de dag gang du'ang chags pa med par spyod/ /dad pa spyod dang dang ba spyod pa dang / /dran dang g.yeng ba med par spyod pa dang / /byang chub mchog gi spyod pa gang spyod pa/ /de dag yongs su gcod pa med par spyod/ /bsam gtan spyod dang rnam thar spyod pa dang / /mngon shes lnga rnams yongs dag spyod pa dang / /byang chub mchog gi spyod pa gang spyod pa/ /de dag chags pa med par spyod pa yin/ /sangs rgyas spyod dang dam chos spyod pa dang / /dge 'dun dkon mchog nye bar brtan spyod dang / /byang chub mchog gi spyod pa gang spyod pa/ /de dag dkon mchog mchog gi spyod pa yin/ /chos spyod pa dang shin du rigs spyod dang / /sems can thams cad yongs su smin spyod dang / /byang chub mchog gi spyod pa gang spyod pa/ /de dag rgyun mi 'chad par spyod pa yin/ /bya ba spyod dang chos rnams spyod pa dang / /mtha' kun yongs su gcad pa'i spyod pa dang / /byang chub mchog gi spyod pa gang spyod pa/ /de dag gang du'ang lta bar spyod pa med/ /</font><hr>53.351b<br><font size=+1>

dag par spyod dang rnam par dag spyod dang / /nyon mongs thams cad yongs su gcod spyod dang / /byang chub mchog gi spyod pa gang spyod pa/ /de dag yongs su gdung bar spyod pa med/ /bde ba spyod dang shin du rnam thar spyod/ /sems can kun la 'jigs med mchog spyod dang / /byang chub mchog gi spyod pa gang spyod pa/ /de dag smon lam spyod pa med pa yin/ /nyi ma spyod dang zla ba spyod pa dang / /pad ma lta bur gos pa med spyod dang / byang chub mchog gi spyod pa gang spyod pa/ /de dag lhar bcas 'jig rten phyag bya ba/ /brgya byin spyod dang tshangs pa'i spyod pa dang / /dkar po'i chos rnams yongs su rdzogs spyod dang / /byang chub mchog gi spyod pa gang spyod pa/ /de dag bdud rnams sder bcas skrag par byed/ /mchog spyod pa dang khyad par 'phags spyod dang / /'dod chags nyes pa tha ba gcad spyod dang / /byang chub mchog gi spyod pa gang spyod pa/ /de dag gang du'ang gti mug spyod pa med/ /lam spyod pa dang mu stegs spyod pa dang / /shes rab mig ni yongs su dag spyod dang / /byang chub mchog gi spyod pa gang spyod pa/ /de dag yongs su rtog par spyod pa med/ /dul ba spyod dang rab tu zhi spyod dang / /ming dang gzugs la mi chags spyod pa dang / /byang chub mchog gi spyod pa gang spyod pa/ /de dag lha dang me ni mang pos bstod/ /'phags pa'i spyod dang shin du mnyam spyod dang / /g.yon phyogs lam ni yongs su gcod spyad dang / /byang chub mchog gi spyod pa gang spyod pa/ /de dag rtag tu don la 'bab pa yin/ /dpa' bo spyod dang shin du brtan spyod pa/ /bdud kyi sde rnams 'jigs par byed spyod dang / /byang chub mchog gi spyod pa gang spyod pa/ /de dag byang chub snying por gzhol ba yin/ /gzung ba spyod dang don yod spyod pa dang / /gzungs la g.yengs ba med par spyod pa dang / /byang chub mchog gi spyod pa gang spyod pa/ /de dag gang du</font><hr>53.352a<br><font size=+1>

'ang ma rig spyod pa med/ /dgon pa spyod dang rab tu dben spyod pa/ /rtag tu rab tu 'byung bar spyod pa dang / /byang chub mchog gi spyod pa gang spyod pa/ /de dag nan tan byed par spyod pa yin/ /gtso bo'i spyod dang khyad par 'phags spyod dang / /'jig rten thams cad zil gnon spyod pa dang / /byang chub mchog gi spyod pa gang spyod pa/ /de dag chung ngu la ni spyod pa med/ /rigs pa spyod dang thabs la spyod pa dang / /bsam gtan bde las ldog par spyod pa dang / /byang chub mchog gi spyod pa gang spyod pa/ /de dag mi shes spyod pa med pa yin/ /lta ba spyod dang rnam par lta spyod dang / /ming dang gzugs la mi chags spyod pa dang / /byang chub mchog gi spyod pa gang spyod pa/ /de dag 'jigs pa med par spyod pa yin/ /thams cad spyod dang kun du spyod pa dang / /dbang po yongs su smin par spyod pa dang / /byang chub mchog gi spyod pa gang spyod pa/ /de dag ye shes nam mkha'i mtha' dang 'dra/ /byang chub sems dpa'i spyod pa bstan pa'i tshigs su bcad pa mngon par bsgrub pa 'di pi bang gi sgra de las byung ba na/ byang chub sems dpa' lnga stong mi skye ba'i chos la bzod pa rab tu thob par gyur to/ /rgyal po ma skyes dgra'i 'khor dang / rgyal po'i khab kyi bram ze dang / khyim bdag dang / mi 'am ci dang dri za dang lto 'phye chen po de dag gi 'khor gyi srog chags brgyad stong bla na med pa yang dag par rdzogs pa'i byang chub tu sems bskyed nas tshig 'di skad ces bcom ldan 'das bdag cag kyang byang chub sems dpa'i/ spyod pa 'di la bslab par bgyi'o/ /nan tan gyis bsgrub par bgyi'o/ /sems can tshad ma mchis pa dag kyang byang chub sems dpa'i spyod pa 'di nyid yang dag par 'dzin du stsal bar bgyi'o zhes smras so/ /de nas bcom ldan 'das kyis mi 'am ci'i rgyal po sdong po 'gror gnang ngo / /de nas bcom</font><hr>53.352b<br><font size=+1>

ldan 'das kyis gnang bas mi 'am ci'i rgyal po sdong po bu dang bcas/ dpung dang bcas slas dang bcas/ rang gi skye bo dang bcas 'khor dang bcas te/ bcom ldan 'das kyi zhabs la mgo bos phyag 'tshal nas bcom ldan 'das la lan gsum bskor ba byas te/ bzod pa gsol nas sil snyan dkrol/ me tog gi char phab/ 'od zer gyi dra ba phyung ste/ sa chen po rnam pa drug tu g.yos par byas nas/ bcom ldan 'das kyi thad nas song ste/ de skad cig thang cig yud tsam de nyid la ri'i rgyal po spos kyi ngad ldang du rang gi khyim du phyin to/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das mi 'am ci'i rgyal po sdong pos de bzhin gshegs pa la mchod pa dang chos la mchod pas bdag zil gyis non to/ /bcom ldan 'das kyis bka' stsal pa/ kau shi ka mi 'am ci'i rgyal po sdong pos khyod 'ba' shig zil gyis mnan pa ma yin gyis/ kau shi ka byang chub sems dpa' sems dpa' chen po sa thob pa ma gtogs par gang dag stong gsum gyi stong chen po'i 'jig rten gyi khams kyi brgya byin dang / tshangs pa dang 'jig rten skyong ba dang / nyan thos dang rang sangs rgyas de dag thams cad mi 'am ci'i rgyal po sdong pos zil gyis non to/ /de ci'i phyir zhe na/ kau shi ka byang chub sems dpa' sems bskyed ma thag pas/ nyan thos dang rang sangs rgyas thams cad dang / brgya byin dang tshangs pa dang / 'jig rten skyong ba tham cad zil gyis non to/ /kau shi ka de lta bas na byang chub sems dpa' ni lhar bcas pa'i 'jig rten gyis zil gyis mi non to/ /gang byang chub sems dpa' la zil gyis gnon par sems dpa'</font><hr>53.353a<br><font size=+1>

de ni de bzhin gshegs pa la zil gyis gnon par 'dod pa'o/ /de ci'i phyir zhe na/ byang chub sems dpa' las ni de bzhin gshegs pa 'byung ngo / /de bzhin gshegs pa las ni nyan thos dang rang sangs rgyas 'byung ngo / /de nas lha rnams kyi dbang po brgya byin gyis bstan pa 'di thos nas thal mo sbyar te mchi ma blags nas 'di skad ces kye ma'o/ /bdag ni sangs rgyas kyi mkhyen pa chags pa mi mnga' zhing sgrib pa mi mnga' ba 'di lta bu las nyams so zhes smras so/ /de nas lha rnams kyi dbang po brgya byin gyi bu lha'i bu 'od zer bsrung zhes bya ba 'khor de nyid du 'dus par gyur te 'dug pa des lha rnams kyi dbang po brgya byin la 'di skad ces 'asmras so/ /yang 'di ltar gang rab tu dben pa rnam par bsgrub par nye bar gnas pa'i mtshan nyid ma lags pa'i chos rnams la/ bla na med pa yang dag par rdzogs pa'i byang chub tu sems mi bskyed pa de ni sems can thams cad la snying rje rnyed pa ma lags/ rgya chen po la mos pa'i dge ba'i bshes gnyen la sten pa ma lags te/ phyis 'gyod par 'gyur ba'o/ /yab skyon med pa la zhugs te rgyud tshig cing sa bon tshig ste/ theg pa chen po'i snod du ma gyur pa la da bgyir ci mchis/ bstan pa 'di bshad pa na sum bcu rtsa gsum ris kyi lha'i bu las lha'i bu stong tham pas bla na med pa yang dag par rdzogs pa'i byang chub tu sems bskyed do/ /de nas bcom ldan 'das la lha'i bu 'od zer srung gis 'di skad ces gsol to/ /bcom ldan 'das bcom ldan 'das kyi byang chub sems dpa'i spyod pa dka' ba spyad pa brgya stong phrag ji snyed pa bcom ldan 'das sngon byang chub sems dpa'i spyad pa spyod pa na bstar ba ni bdag la mngon sum du gyur to/ /bcom ldan 'das bcom ldan 'das sngon byang chub sems dpar</font><hr>53.353b<br><font size=+1>

gyur pa na de bzhin gshegs pa dgra bcom pa yang dag par rdzogs pa'i sangs rgyas mar me mdzad las mi skye ba'i chos la bzod pa rab tu thob pa'i bzod pa thob pa de la 'jug pa'i rnam par dbye ba bstan pa cung zad cig bcom ldan 'das kyis bshad du gsol/ bcom ldan 'das ji ltar na byang chub sems dpa' mi skye ba'i chos la bzod pa rab tu thob pa gang bdag gis thos nas de bzhin nyid du bsgrubs pas chos de 'thob par 'gyur/ de skad ces gsol pa dang / bcom ldan 'das kyis lha'i bu 'od zer srung la 'di skad ces bka' stsal to/ /'od zer srung byang chub sems dpa' dge ba'i rtsa ba ma bskrun pa rnams kyis mi skye ba'i chos la bzod pa thob par mi 'gyur gyis/ byang chub sems dpa' dge ba'i rtsa ba brtan pa rnams kyis mi skye ba'i chos la bzod pa thob par 'gyur ro/ /'od zer srung byang chub sems dpa' chos bzhi dang ldan na mi skye ba'i chos la bzod pa rab tu thob par 'gyur ro/ /bzhi gang zhe na 'di lta ste/ sangs rgyas mnyam pa nyid dang chos mnyam pa nyid dang dge 'dun mnyam pa nyid dang / lha'i bu byang chub sems dpa' chos bzhi po 'di dag dang ldan na mi skye ba'i chos la bzod pa rab tu thob par 'gyur ro/ /lha'i bu gzhan yang byang chub sems dpa' chos bzhi dang ldan na mi skye ba'i chos la bzod pa rab tu thob par 'gyur ro/ /bzhi gang zhe na 'di lta ste/ bsam gtan bzhis stong pa nyid la rnam par rtse ba dang / pha rol tu phyin pa drug gis thabs mkhas pa la rnam par rtse ba dang / mngon par shes pa lngas ye shes la rnam par rtse ba dang / thogs pa med pa'i ye shes kyis rdzu 'phrul la rnam par rtse ba ste/ 'od zer srung byang chub sems dpa' chos bzhi po 'di dag dang ldan na mi skye ba'i chos la bzod pa rab tu thob par 'gyur ro/ /'od zer srung gzhan yang byang chub sems dpa' chos bzhi dang ldan na mi skye ba'i chos la bzod pa rab tu thob par 'gyur ro/ /</font><hr>53.354a<br><font size=+1>

bzhi gang zhe na 'di lta ste/ phung po rnams la byang chub tshol yang phung po rnams la byang chub kyi rang bzhin du mos pa ma yin pa dang / khams rnams la byang chub tshol yang khams rnams la byang chub kyi rang bzhin du mos pa ma yin pa dang skye mched rnams la byang chub tshol yang / skye mched rnams la byang chub kyi rang bzhin du mi rtog pa dang / chos thams cad la byang chub tshol yang chos thams cad la byang chub kyi rang bzhin du mos pa ma yin pa ste/ 'od zer srung byang chub sems dpa' chos bzhi po 'di dag dang ldan na mi skye ba'i chos la bzod pa rab tu thob par 'gyur ro/ /'od zer srung gzhan yang byang chub sems dpa' chos bzhi dang ldan na mi skye ba'i chos la bzod pa rab tu thob par 'gyur ro/ /bzhi gang zhe na 'di lta ste/ mi g.yo ba'i tshul gyis chos thams cad yang dag pa'i mtha' la gnas par shes pa dang / dus gsum mnyam pa nyid pas chos thams cad de bzhin nyid la gnas par 'jug pa dang / chos thams cad mtshan nyid 'dres pa med pas chos kyi dbyings su 'du bar shes pa chos thams cad mnyam pa nyid kyi rjes su song bas nam mkha'i rang bzhin du so sor rtog pa ste/ 'od zer srung byang chub sems dpa' chos bzhi po 'di dag dang ldan na mi skye ba'i chos la bzod pa rab tu thob par 'gyur ro/ /mi skye ba'i chos la bzod pa rab tu thob pa bstan pa 'di bshad pa na byang chub sems dpa' lnga stong / mi skye ba'i chos la bzod pa rab tu thob par gyur to/ /lha'i bu 'od zer srung ni rjes su 'thun par chos la bzod pa rab tu thob par gyur to/ /chos kyi rnam grangs 'di'i tha mar bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis mi 'am ci'i rgyal po sdong pos zhus pa pha rol du phyin pas 'dul ba</font><hr>53.354b<br><font size=+1>

bstan pa'i sgo'i le'u'i chos kyi rnam grangs 'di bzung ngam/ kun dga' bo gsol pa/ bcom ldan 'das 'di lta ste/ sangs rgyas kyi mthu nyid kyis bdag gis chos kyi rnam grangs 'di bzung lags so/ /bcom ldan 'das kye ma'o ji tsam du chos kyi rnam grangs 'di zab mo rnam par nges pa dang don bzang po dang tshig 'bru bzang pos brgyan pa ni mdzes te ngo mtshar to/ /bcom ldan 'das chos kyi rnam grangs 'di la bcom ldan 'das kyis chos kyi sgo ma bsdus pa de gang yang ma mchis so/ /bcom ldan 'das sngon bdag la chos snang bar gyur pa gang lags pa de yang nga chos kyi rnam grangs 'di la brten nas 'bum 'gyur du skyes so/ /bcom ldan 'das bdag ni 'di snyam du bdag lta bu nyi tshe ba'i 'chal ba dang ldan pa blo chung ngu nyan thos kyi theg pa'i skyon ma mchis pa/ tha chad la zhugs par gnas pas chos kyi rnam grangs 'di thos nas kyang 'di lta bu'i chos kyi snang ba 'di skyes par gyur na/ byang chub sems dpa' sems dpa' chen po ye shes tshad ma mchis pa'i snod du gyur pa/ blo rgya che zhing rgya mtsho lta bu dang ldan pa chos rin po che thams cad yongs su 'dzin pa/ gsol ba ma btab par sems can thams cad kyi dge ba'i bshes gnyen bgyi ba gang lags pa de dag gis chos kyi rnam grangs 'di thos na chos kyi snang ba ji snyed cig thob par 'gyur ba lta smos kyang ci 'tshal snyam bgyid do/ /bcom ldan 'das kyis bka' stsal pa/ kun dga' bo stong gsum gyi stong chen po'i 'jig rten gyi khams kyi nyi ma dang zla ba'i snang ba ji snyed pa de dag thams cad ni de bzhin gshegs pa'i spu gcig gi 'od kyi mog mog por 'gyur ro/ /kun dga' bo de bzhin gshegs pa'i spu'i khung bu thams cad nas 'od ji snyed byung ba de dag ni shes</font><hr>53.355a<br><font size=+1>

rab kyi 'od kyi brgya'i char yang nye bar mi 'gro ste/ stong gi cha dang stong phrag brgya'i cha dang / bye ba'i cha dang bye ba khrag khrig brgya phrag stong gi cha dang grangs dang cha dang bgrang ba dang dpe dang rgyur yang nye bar mi 'gro'o/ /de ci'i phyir zhe na/ snang ba thams cad ni shes rab kyi snang ba las byung ba'i phyir ro/ /kun dga' bo de bzhin gshegs pa'i shes rab kyi snang ba gang yin pa shes rab kyi snang ba de dang ldan na de bzhin gshegs pa dgra bcom pa yang dag par rdzogs pa'i sangs rgyas kyi 'das pa dang ma 'ongs pa dang / da ltar byung ba'i sems can thams cad kyi sems kyi spyod pa dang / g.yo ba rnams mkhyen pa'i shes rab kyi snang ba de lta bu dang rigs kyi bu dang rigs kyi bu mo dag ldan par 'gyur ro/ /kun dga' bo gang chos kyi rnam grangs 'di nyan pa dang / thos nas kyang mos pa dang mos nas kyang 'dzin pa dang 'chang ba dang / klog pa dang kun chub par byed pa dang gzhan dag la yang rgya cher rab tu ston pa dang tshul bzhin du so sor rtogs pa dang / de bzhin du bsgrub pa de dag ni byang chub kyi sems mi brjed pa dang sems can yongs su smin par bya ba don du gnyer ba dang snying rje chen po'i go cha bgos pa dang byams pa chen po'i go cha bgos pa dang / bdud dang phyir rgol ba bcom pa dang byang chub kyi snying por gzhol ba'i skyes bu dam par rig par bya'o/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das gang chos kyi rnam grangs 'di thos nas mos pa dang / 'dzin pa dang 'chang ba dang klog pa dang kun chub par bgyid pa dang / gzhan dag</font><hr>53.355b<br><font size=+1>

yang rgya cher rab tu ston pa'i rigs kyi bu 'am rigs kyi bu mo de bsod nams ji snyed cig skyed par 'gyur/ bcom ldan 'das kyis bka' stsal pa/ kun dga' bo rigs kyi bu 'am rigs kyi bu mo gang gis snga dro'i dus kyi tshe stong gsum gyi stong chen po'i 'jig rten gyi khams 'di rin po che sna bdun gyis rab tu bkang ste/ rgyun tu zhugs pa dang / lan cig phyir 'ong ba dang phyir mi 'ong ba dang / dgra bcom pa dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas la sbyin pa byin pa dang / de bzhin du nyi ma'i gung dang phyem red kyi dus dang srod dang nam gyi gung thun dang / tha ras stong gsum gyi stong chen po'i 'jig rten gyi khams thams cad rin po che sna bdun gyis yongs su bkang ste/ de bzhin gshegs pa dgra bcom pa yang dag par rdzogs pa'i sangs rgyas kyi bar la sbyin pa byin pa dang rnam grangs 'di lta bus lo gcig gam/ lo brgya'am/ lo stong ngam/ lo brgya phrag stong du sbyin pa byin na kun dga' bo de la ji snyam du sems/ rigs kyi bu 'am rigs kyi bu mo de gzhi de las bsod nams mang du skyed dam/ kun dga' bos gsol pa/ bcom ldan 'das mang ste tshad ma mchis so/ /bde bar gshegs pa dpag tu ma mchis so/ /bcom ldan 'das gdugs gcig bsags pa'i bsod nams kyi phung po de yang tshad ma mchis na/ dgung lo brgya phrag stong du bsags pa lta smos kyang ci 'tshal/ bcom ldan 'das kyis bka' stsal pa/ kun dga' bo khyod mos par bya'o/ /khyod kyis khong du chud par bya'o/ /byang chub don du gnyer ba dang chos kyi 'khor lo bskor ba don du gnyer ba dang / sems can rab tu thar par bya ba don du gnyer ba gang chos kyi rnam grangs 'di</font><hr>53.356a<br><font size=+1>

thos nas mos sam/ 'dzin tam/ 'chang ngam klog gam/ kun chub par byed na rigs kyi bu'am rigs kyi bu mo byang chub sems dpa'i theg pa pa de de las bsod nams kyi phung po mang du skyed na gang de bzhin nyid du bsgrub pa lta smos kyang ci dgos/ de ci'i phyir zhe na/ kun dga' bo gang dag chos kyi rnam grangs 'di las tha na tshig bzhi pa'i tshigs su bcad pa tsam 'dzin tam/ 'chang ngam klog gam/ kun chub par byed dam/ gzhan dag la yang ston na de ni sbyin pa zhes bya ste/ de ni sbyin pa thams cad zil gyis gnon pa'o/ /'di lta ste chos kyi sbyin pa 'di ni sbyin pa rnams kyi mchog go/ /'di lta ste chos kyi rjes su 'dzin pa de ni rjes su bzung ba rnams kyi mchog go/ /'di lta ste chos kyi gding ba de ni gding ba rnams kyi mchog go/ /'di lta ste/ chos yongs su 'dzin pa de ni yongs su 'dzin pa rnams kyi mchog go/ /de ci'i phyir zhe na/ kun dga' bo chos kyi sbyin pa byin pas ni nyon mongs pa 'bri bar 'gyur ro/ /zang zing gi sbyin pa byin pas ni lus brtan pa byas par 'gyur ro/ /kun dga' bo de lta bas na byang chub sems dpa' nyon mongs pa 'bri bar byed 'dod pas sangs rgyas kyis gnang ba chos kyi sbyin pa de sbyin par bya ste/ chos kyi sbyin pa des ni yon tan gyi khyad par thams cad thob par 'gyur ro/ /byang chub sems dpa' cos sbyin pa sbyin pa ni yon tan gyi phan yon yang dag phul sum bcu rtsa gnyis rab tu 'dzin par 'gyur ro/ /sum bcu rtsa gnyis gang zhe na/ 'di lta ste dran pa dang ldan par 'gyur ba dang blo gros dang ldan par 'gyur ba dang / rtogs pa dang ldan par 'gyur ba dang 'dod chags chung bar 'gyur ba dang / zhe sdang chung bar 'gyur ba dang / gti mug chung bar 'gyur ba dang bdag dang gzhan gyi nyon mongs pa tshar gcod par 'gyur ba dang / skye bo mang po</font><hr>53.356b<br><font size=+1>

dga' bar 'gyur ba dang de'i bsngags pa lha rnams kyi brjod par 'gyur ba dang / lha dang klu dang gnod sbyin dang dri za rnams kyis bsrung bar 'gyur ba dang / las byas nas bsod snyoms za bar 'gyur ba dang / chos gos dang bsod snyoms dang mal cha dang na ba'i gsos sman dang yo byad rnyed par 'gyur ba dang grags pa dang sgra dang tshigs su bcad pa phyogs bcur grags par 'gyur ba dang / mi ma yin pa rnams kyis glags rnyed par mi 'gyur ba dang / sangs rgyas bcom ldan 'das rnams kyis bsngags par 'gyur ba dang / dam pa'i chos yongs su bsrung ba dang / sangs rgyas bcom ldan 'das rnams kyis dam pa'i chos 'dzin par 'ang 'gyur ba dang ngan song thams cad kyis 'jigs par mi 'gyur zhing / de la lha dang mir skye ba dka' bar mi 'gyur ba dang / sangs rgyas mthong ba dang mi 'bral bar 'gyur ba dang / dge 'dun la bsnyen bkur byed pa dang bral bar mi 'gyur ba dang skye ba dran par 'gyur ba dang / sangs rgyas kyi zhing yongasu dag par skye bar 'gyur ba dang nam du yang dbang po mi tshang bar mi 'gyur ba dang / skyes bu chen po'i mtshan sum bcu rtsa gnyis thob par 'gyur ba dang / gzi brjid can gzungs kyi sa bon bsgrub par 'gyur ba dang / spobs pa rgyun mi 'chad pa'i rgyu rab tu 'dzin par 'gyur ba dang / skye bo mkhas pas g.yog byas par 'gyur ba dang shes rab chen po'i rgyu rab tu 'dzin par 'gyur ba dang / myur du chos kyi snang ba rab tu thob par 'gyur ba dang / de'i sems la tshul bzhin ma yin pa'i yid la byed pa kun du mi 'byung ba dang / 'jig rten gyi zang zing gyi sbyin pa thams cad zil gyis mnan nas de chos kyi gter zad mi shes pa yongs su 'dzin par 'gyur ba ste/ kun dga' bo byang chub sems dpa' chos kyi sbyin pa sbyin na yon tan gyi khyad par</font><hr>53.357a<br><font size=+1>

yang dag phul sum bcu rtsa gnyis po 'di dag thob par 'gyur ro/ /de nas bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das bdag gis kyang chos kyi rnam grangs 'di bzung lags te/ bcom ldan 'das yongs su mya ngan las 'das pa'i slad na sems can snod du gyur pa de dag gi rna lam du bsgrag par bgyi/ kun bsrung bar bgyi/ mos par bgyi/ de ci'i slad du zhe na/ bcom ldan 'das bdag ni yon tan phun sum tshogs pa 'di dang bsod nams yongs su 'dzin pa don du gnyer ba'i slad du'o/ /de nas bcom ldan 'das kyis lha rnams kyi dbang po brgya byin la legs so/ /zhes bya ba gnang ste/ kau shi ka khyod dam pa'i chos yongs su gzung ba'i phyir nga'i mdun du seng ge'i sgra bsgrags pa legs so legs so/ /kau shi ka dge ba'i rtsa ba 'di nga'i dam pa'i chos yun ji srid du gnas pa de srid du lha dang lha ma yin g.yul 'gyed pa na lha ma yin rnams ni pham par 'gyur lha rnams ni rgyal bar 'gyur ro/ /de ci'i phyir zhe na/ kau shi ka chos kyi rnam grangs 'di ni yang dag phul yin te/ kau shi ka 'di lta ste/ chos thams cad mi dmigs pa de ni 'jigs pa med pa'i sbyin pa'o/ /kau shi ka gang cung zad 'jigs pa skye ba de dag tham cad ni 'jig tshogs la lta ba la dmigs shing rab tu gnas pa las byung ngo / /kau shi ka gang mi dmigs pa de dam pa'i chos yongs su 'dzin pa'o/ /de nas bcom ldan 'das la mi mjed kyi bdag po tshangs pas 'di skad ces gsol to/ /bcom ldan 'das bdag bsam gtan gyi bde ba la gnas pa tshad ma mchis pa btang ste/ grong dang grong khyer dang grong rdal dang ljongs dang / yul 'khor dang / rgyal po'i pho brang 'khor gang dang gang na chos kyi rnam grangs 'di rab tu spyod pa de dang de dag tu bdag chos nyan pa'i slad du nye bar mchi bar bgyi'o/ /mchis nas kyang chos</font><hr>53.357b<br><font size=+1>

smra ba de dag chos dang ldan pas bsrung ba dang / sba ba dang bskyab par bgyi'o/ /de ci'i slad du zhe na/ bcom ldan 'das nyan thos dang / rang sangs rgyas dang brgya byin dang tshangs pa dang 'jig rten skyong ba dang 'khor lo sgyur ba'i rgyal po rnam ni 'di las byung ba'i slad du'o/ /de nas bcom ldan 'das la rgyal po chen po bzhis 'di skad ces gsol to/ /bcom ldan 'das rgyal po chen po bzhi po bdag cag dang / bcom ldan 'das kyi nyan thos chen po de dag dang bdag cag gis chos kyi rnam grangs 'di yun ring du gnas par/ bgyi ba'i slad du bsrung ba dang sba ba dang bskyab pa la brtson par bgyi'o/ /bdag cag gi 'khor gang dag sangs rgyas dang sangs rgyas kyi bstan pa la ma dad pa de dag kyang ji nas de bzhin gshegs pa'i bstan pa bsrung ba'i slad du brtson par 'gyur bar dad par bgyi'o/ /bcom ldan 'das dge slong dang dge slong ma dang dge snyen dang dge snyen ma dag sangs rgyas kyi bstan pa la rtson pa dang / gzhan yang bcom ldan 'das kyi stan pa la mngon par dad pa srung ba mchis pa de dag srung ba'i ched du gsang sngags kyi tshig 'di dag la kha ton du bgyi'o/ /gsang sngags kyi tshig de dag gis gnod sbyin dang srin po dang dri za dang mi 'am ci dang lto 'phye chen po dang / grul bum la sog pa dang mi ma lag pa dang / gzhan yang sangs rgyas kyi stan pa la zhe sdang bar bgyid pa rnam shin du tshar chod par 'gyur ro/ /tar+ya thA/ ta ra be a ra ba a no pa sa ra pa/ hu lu ma hA hu lu hu lu/ hu lu/ a bad Te/ bi kad Te/ pa ri tshe da ni/ ni gra ni hA te/ pra g+hA ta ni/ id Te id ti/ bid Ti bid Ti/ ad tshe gad tshe/ ma ra ni gra ha na/ sarba pa ra pra bA di ni/ gra ha na sarba mi th+ya pra yA/ ta nan ni gra ha na/ sarba/ bud d+ha bar ni ta d+har ma ni ya ta sha ya b+hU tAn/ b+had d+ha bar ni tan/ tsa tur ma hA rA dza nir de sha na/ man tra ba lan/ a ba tA ra/ a th+ya tA ra/ prA+ek+She Na ni gra hA ya/ de nas bcom ldan 'das kyi byang chub sems dpa' byams pa dang byang chub sems dpa' lha'i</font><hr>53.358a<br><font size=+1>

cod pan la bka' stsal pa/ skyes bu dam pa dag ngas bskal pa mtha' yas grangs med par yang dag par bsgrubs pa'i byang chub 'di ji nas yun ring du gnas par 'gyur ba dang nub par mi 'gyur bar bya ba'i phyir khyed gnyis kyi lag tu bzhag go gtad do/ /de gnyis kyis gsol pa/ bcom ldan 'das bdag cag gnyis kyis bcom ldan 'das yongs su mya ngan las 'das pa'i slad na chos kyi rnam grangs 'di gzung bar bgyi'o/ /rgyas par bgyi'o/ /chos kyi rnam grangs 'di chos smra ba dang / dge ba'i rtsa ba bskrun pa'i rigs kyi bu 'am rigs kyi bu mo de dag gi lag tu mchi bar bgyi'o/ /de dag mdo sde 'di la mos par bgyi ba dang yongs su 'a 'dzin par bgyi ba'i slad du de dag gi yid rab tu gzung bar bgyi'o/ /bcom ldan 'das slad ma'i tshe slad ma'i dus na chos kyi rnam grangs 'di gang dag gi rna lam du thos pa dang / thos nas 'dzin pa dang / 'chang ba dang / klog pa dang kun chub par bgyid pa dang / 'chang ba de dag ni byang chub sems dpa' byams pa dang / byang chub sems dpa' lha'i cod pan gyi byin gyi brlabs legs par rig par bgyi'o/ /de nas bdud sdig can 'khor der 'dus par gyur nas 'dug pa de gdong las mchi ma zag cing nga ro phyung nas bcom ldan 'das la 'di skad ces gsol to/ /bcom ldan 'das gang bcom ldan 'das kyis nyan thos kyi theg pa las brtsams te/ chos bstan pa la ni bdag tha na spu zing zhes bgyid pa tsam yang ma mchis so/ /gang bcom ldan 'das kyis byang chub sems dpa'i phyag rgya de bzhin gshegs pa'i byin gyi brlabs kyis byin gyis brlabs pa/ byang chub sems dpa' thams cad kyi byang chub kyi lam la 'jug pa/ sems can thams cad kyi rton pa'i chos kyi rnam grangs 'di gsungs pa des bdag mya ngan</font><hr>53.358b<br><font size=+1>

gyi zug ngu dang ldan zhing bdag nyid rnyis par gyur pa snyam bgyid do/ /bcom ldan 'das bdag la phyag brkyang ba bstsal du gsol/ gang thos pas bdag mya ngan gyi zug rngu dang ldan par 'gyur ba'i chos kyi rnam grangs 'di lta bu yang mi gsung bar gsol/ bcom ldan 'das kyis bka' stsal pa/ sdig can khyod dang 'thun pa'i sems can chos zab mo 'di lta bu la ma mos pa ni mang / gang dag mos pa'i sams can de dag ni nyung gis/ mya ngan ma byed smre sngags ma 'don cig /sdig can 'di lta ste dper na/ sa'i steng nas rdul blangs pa snyed kyi sems can ni chos kyi rnam grangs zab mo 'di lta bu la mos so/ /sa'i rdul ji snyed pa de snyed kyi sems can na chos kyi rnam grangs zab mo 'di la ma mos te/ de dag thams cad ni khyod dang 'thun no/ /sems can gyi khams tshad med pa khyod dang 'thun gyis de bas na sdig can dga' bar gyis shig /chos kyi rnam grangs 'di bshad pa na sems can dpag tu med pa ni byang chub la yang dag par zhugs so/ /byang chub sems dpa' dgu khri nyis stong ni mi skye ba'i chos la bzod pa rab tu thob par gyur to/ /srog chags brgyad khri bzhi stong ni chos rnams la chos kyi mig rdul med cing dri ma dang bral ba rnam par dag go/ /dge slong brgyad stong ni nye bar len pa med par zag pa rnams las sems rnam par grol lo/ /stong gsum gyi stong chen po'i 'jig rten gyi khams 'di rnam pa drug tu g.yos nas snang ba chen pos khyab par gyur te/ lha'i me tog gi char ni rab tu bab/ sil snyan brgya stong dag ni ma dkrol bar rang 'khrol lo/ /lha bye ba khrag khrig brgya stong rnams ni steng gi bar snang la kye ma bdag cag gis 'dzam bu'i gling du chos kyi 'khor lo lan gnyis bskor ba 'di mthong ngo / /bcom ldan 'das kyis gang yang chos kyi rnam grangs 'di bstan te bshad nas/ sems can gyi don mdzad pa</font><hr>53.359a<br><font size=+1>

gang lags pa 'di na grong khyer 'khor mor 'jig tu chos kyi 'khor lo bskor te/ sems can yongs su smin par mdzad pa de bas ches mchog go/ /gang chos kyi rnam grangs 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la rgya cher ston pa dang / tha na glegs bam la bris te/ 'chang ba'i sems can de dag kyang chos kyi 'khor lo bskor bar 'gyur ro zhes ched du brjod pa ched du brjod do/ /de nas bcom ldan 'das la byang chub sems dpa' byams pa dang / byang chub sems dpa' lha'i cod pan dang / tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ rigs kyi bu dag de'i phyir khyod kyis chos kyi rnam grangs 'di mi 'am ci'i rgyal po sdong pos zhus pa pha rol tu phyin pa rnam par nges pa bstan pa dang / dam pa'i chos rin po che'i le'u zhes bya bar yang zug shig /bcom ldan 'das kyis de skad ces bka' stsal pa dang / byang chub sems dpa' byams pa dang / tshe dang ldan pa kun dga' bo dang lha dang mi dang lha ma yin du bcas pa'i 'jig rten bcom ldan 'das kyis gsungs pa la yi rangs te mngon par dgo'o// //'phags pa mi 'am ci'i rgyal po sdong pos zhus pa zhes bya ba theg pa chen po'i mdo/ /rdzogs so// /maM ga laM b+ha ba tu/ /shub+ha mastarba dzA ga taM/ ye d+harmA he tu pra b+ha bA he tun te ShAn ta tha ga to h+ya ba dad/ te ShAnya tsa yo ni ro d+ha e ba~M bA dI ma hA shra ma NaH zhu chen gyi lo ca ba ban de dpal gyi lhun po dang / dpal brtsegs kyis bsgyur cing zhus te gtan la phab pa'o// //

</font><hr>

</table>