H94

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H94</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H94&coll=lhasa">see text in Tibetan script</a></table>Ka1b<br><font size=+1>


\DD\ @##/ /rgya gar skad du/ AR+Ya \DD\ bud+d+ha a ba tang sa ka nA ma ma hA bai pu l+yaM sU tra/ bod skad du/ 'phags pa sangs rgyas phal po che zhes bya ba shin tu rgyas pa chen po'i mdo/ bam po dang po/ 'di skad bdag gis thos pa dus gcig na/ bcom ldan 'das thog ma mngon par sangs rgyas pa/ sangs rgyas kyi \DD\ </font><hr>Ka2a<br><font size=+1>


\DD\ @##/ /chos thams cad shin tu rnam par sangs rgyas pa'i dgongs pa mnga' ba/ dus gsum mnyam pa nyid du thugs su chud pa'i ye shes kyi sku mnga' ba/ 'jig rten gyi khams thams cad du skus shin tu khyab pa/ sangs rgyas kyi zhing thams cad du dbyangs kyi yan lag dang / gsung gi nga ro shin tu bsgrags pa/ nam mkha' dang / nam mkha' lta bu'i mtshan nyid mnyam pa nyid du rab tu snang ba'i spyod yul can/ nam mkha' ltar 'gro ba thams cad kun khyab pa'i snying po byang chub thams cad la bzhugs pa'i sku/ byang chub sems dpa' rgya \DD\ </font><hr>Ka2b<br><font size=+1>


mtsho thams cad kyi nang na rnam par snang ba/ 'jig rten gyi khams thams cad du nyi ma'i dkyil 'khor ltar shar ba/ sangs rgyas kyi zhing thams cad du yongs su skye ba bstan pa rab tu spros pa/ dus gsum gyi bsod nams rgya chen po rgya mtsho lta bus spyod yul yongs su dag pa/ 'od kyi dkyil 'khor dang / 'od zer kha dog mtha' yas pa mnga' ba/ chos kyi dbyings thams cad rgyas par 'gengs pa'i chos kyi sprin thams cad kyis rnam par 'phrul pa/ 'jig rten gyi khams thams cad du bsgribs pa med pa/ skra'i rtse mo thams cad du mtha' dang dbus med par rnam par 'phrul ba byin gyis rlob pa'i mthu mnga' ba/ 'gro ba thams cad yongs su smin par bya ba dang / gdul ba la mngon du gyur par yongs su ston pa/ 'khor gyi dkyil 'khor thams cad du 'phos pa med par gshegs </font><hr>Ka3a<br><font size=+1>


@##/ /pa| yongs su ston pas khyab par mdzad pa/ dngos po med pa'i dbyings kyi mtshan nyid thams cad thugs su chud pa| 'od zer gyi sgo thams cad du dus gsum rnam par sprul pa'i byin gyi rlabs yongs su ston pa/ sangs rgyas kyi zhing thams cad du bskal pa rgya mtsho bsam gyis mi khyab par byin gyi rlabs shin tu bsgrubs pa/ yul ma ga d+ha'i chos kyi dgon pa snying po byang chub rdo rje rin po che thams cad ltar gzhom du mi choms par sra ba'i sa phyogs nor bu rin po che thams cad kyi me tog gis sa gzhi brgyan pa/ nor bu'i rgyal po dri ma med par 'bar bas rab tu bsgrubs pa/ rin po che mang po thams cad kyis rnam pa sna tshogs su brgyan pa| yon tan rgya mtsho mtha' yas pa'i rgyan rnam pa sna tshogs yang dag par bstan pa/ nor bu'i rgyal po 'od zer dang / sgra dbyangs </font><hr>Ka3b<br><font size=+1>


kyi rgyal mtshan thams cad kyis rab tu bsgrubs pa/ spos dang / me tog dang / rin po che'i phreng ba dang / dra ba mang po thams cad rnam par bres pa/ rin po che'i kha dog zad mi shes pa'i char rab tu 'bab pa'i rnam par 'phrul pa yang dag par ston pa'i nor bu'i rgyal pos shin tu bsgrubs pa/ me tog sna tshogs chu bo'i klong lta bu yongs su bstan pas brgyan pa/ rin po che'i shing 'od zer gyi kha dog stug po dang ldan pa'i yal gas brgyan pa/ rgyan thams cad du snang ba shin tu 'bar ba'i byin gyi rlabs kyis rnam par sprul pa/ yang dag par bstan pa'i sa'i snying po rin po che'i 'bru thams cad 'byung bas phyogs kun tu dpyangs shing brgyan pa'i snying po byang chub la byang chub chen po'i shing nor bu rin po che rdo rje'i rgyan sna tshogs kyi 'brus bsgrubs pa'i sdong po dang ldan pa/ bai DUR+Ya dang nor bu thams cad kyi rigs 'byung ba'i snying po dang ldan pa'i lhun can/ yongs su yon tan mang po mtha' yas pa'i nor bu rin po che mang po'i 'brus shin tu brgyan cing rab tu 'phel ba'i yal ga can/ rin po che thams cad kyi lo ma shin tu 'od gsal bas phyogs kyi sprin du gyur pa/ yal ga thams cad kyi rtse mo las me tog dang 'bras bu'i dra ba yon tan rnam pa sna tshogs can rab tu dpyangs pa/ rin po che'i 'bras bu sna tshogs shin tu 'bar ba'i snying pos shing gi rgyan me tog thams </font><hr>Ka4a<br><font size=+1>


@#/ /cad shin tu rgyas shing rnam par gsal ba/ phyogs bcur 'od kyi dkyil 'khor rin po che rgya che zhing mang ba'i 'od zer lta bur rnam par snang ba/ nor bu'i yon tan zad mi shes pa'i char chen po rnam par sprul pa'i 'od yongs su bstan pa/ nor bu'i sgo thams cad nas byang chub sems dpa'i sprin 'byung ba shin tu bstan pa/ sangs rgyas kyi rnam par 'phrul pa dang / byin gyi rlabs kyis zad mi shes pa'i dbyangs 'byung ba'i drung na de bzhin gshegs pa'i gzhal med khang phyogs thams cad du mngon par snang ba rab tu 'phel ba/ rin po che'i rgyal po sna tshogs yon tan mtha' yas pa'i ka ba bkye ba/ lhun rin po che'i me tog rnam pa sna tshogs thams cad kyi rgyan gyis brgyan pa| rgyan mtha' yas pas shin tu klubs pa'i 'od zer snang bas sprin ltar khebs pa/ pho brang gi mtshams thams cad nas 'od kyi rgyal mtshan rab tu bkye ba/ byang chub sems dpa'i 'khor gyi dkyil 'khor rgya mtsho mtha' yas pa rjes su 'dod pa'i snying po can/ bsam gyis mi khyab pa'i gsung rgya chen po'i dbyangs dang / sangs rgyas kyi 'od nor bu'i rgyal po lta bu'i dra bas thams cad yog pa/ sangs rgyas kyi byin gyi rlabs kyis rnam par sprul pa'i 'phrul pa dmigs pa thams cad du byung ba/ sems can thams </font><hr>Ka4b<br><font size=+1>


cad kyi khyim gyi gzugs brnyan rab tu ston pa/ sems skad cig gis sangs rgyas kyi byin gyi rlabs thams cad chos kyi dbyings 'byams klas par khyab par 'phro ba'i snying po can/ seng+ge'i khri chen po sangs rgyas kyi gdan du gyur pa/ rin po che thams cad dang / yid du 'ong ba'i spos sna tshogs kyi snying po can/ pad+mo'i dra ba 'od zer mtha' yas pa 'byung bas brtan pa/ rin po che dri ma med pa'i 'khor lo'i 'od kun tu bdal ba/ me tog gi phreng ba bzang zhing yid du 'ong ba/ kha dog mtha' yas pas kun nas klubs pa/ nor bu'i 'bru sna tshogs kyi shing gi yal ga las 'od shin tu bkye ba/ rta babs dang / khri 'phang dang / skar khung dang / khang pa brtsegs pa rnam pa sna tshogs mtha' yas pas legs par brgyan pa/ nor bu'i rgyal po 'od zer 'bar ba'i snying po'i sprin thams cad du 'phros pa'i rgyan can/ byang chub sems dpa' rgya mtsho rgya chen po'i gtsug gi rin po ches bzung zhing 'od zer rnam par snang ba/ phyogs bcu'i mtshams thams cad du sangs rgyas kyi sprul pa'i 'od kyi snying po'i nor bu'i rgyal pos shin tu brgyan pa/ sangs rgyas kyi yul gyi sgra dbyangs rgya chen pos chos kyi dbyings khyab pa'i byin gyi rlabs dang ldan pa la bzhugs shing / byang chub sems dpa' sems dpa' chen po sngon bcom ldan 'das de bzhin gshegs pa rnam par snang mdzad dang / byang </font><hr>Ka5a<br><font size=+1>


@#/ /chub sems dpa'i spyod pa thabs cig tu spyod spyod pa'i dge ba'i rtsa ba can/ sangs rgyas kyi zhing bcu'i rdul shin tu phra ba snyed dang thabs cig ste/ 'di ltar byang chub sems dpa' sems dpa' chen po kun tu bzang po dang / byang chub sems dpa' sems dpa' chen po dge ba dri ma med pa'i gzi brjid kyi 'od yid du 'ong ba dang / byang chub sems dpa' sems dpa' chen po yon tan 'od mchog kun tu sgron ma dang / byang chub sems dpa' sems dpa' chen po kun tu 'bar ba seng+ge'i rgyal mtshan dang / byang chub sems dpa' sems dpa' chen po dpal gyi 'od zer kun tu 'od 'phro ba dang / byang chub sems dpa' sems dpa' chen po yon tan rgya mtsho kun tu sgra dbyangs rgyal mtshan dang / byang chub sems dpa' sems dpa' chen po de bzhin gshegs pa'i spyod yul ye shes kun tu snang ba'i 'od dang / byang chub sems dpa' sems dpa' chen po gtsug na rin chen kun tu rgyal mtshan dang / byang chub sems dpa' sems dpa' chen po rgyal ba'i gsung kun tu 'jam dbyangs dang / byang chub sems dpa' sems dpa' chen po bsod nams mi zad dri med kun tu gzi brjid dang / byang chub sems dpa' sems dpa' chen po mtshan gyi 'od zer kun tu snang ba dang / byang chub sems dpa' sems dpa' chen po 'od </font><hr>Ka5b<br><font size=+1>


zer rgya mtsho 'od chen dpal gyi zla ba dang / byang chub sems dpa' sems dpa' chen po sprin gyi nga ro rgya mtsho dri med 'od kyi snying po dang / byang chub sems dpa' sems dpa' chen po yon tan rin chen 'byung ba ye shes dpal gyi gtsug phud dang / byang chub sems dpa' sems dpa' chen po rgya chen 'od 'bar blo gros dbang phyug dang / byang chub sems dpa' sems dpa' chen po pad+mo rnam par gnon pa 'od zer gtsug phud dang / byang chub sems dpa' sems dpa' chen po kun tu ye shes sprin gyi nyi ma'i rgyal mtshan snang ba dang / byang chub sems dpa' sems dpa' chen po mthu stobs brtson 'grus rdo rje yangs pa'i snying po dang / byang chub sems dpa' sems dpa' chen po spos kyi 'od 'phro shin tu 'bar ba'i 'od kyi rgyal mtshan dang / byang chub sems dpa' sems dpa' chen po rnam par snang mdzad yon tan yangs pa'i rgyal mtshan dang / byang chub sems dpa' sems dpa' chen po bsod nams yangs pa shin tu 'phags pa'i 'od mchog yon tan 'byung ba'i blo gros dang / de dag la sogs pa sangs rgyas kyi zhing bcu'i rdul shin tu phra ba snyed kyi byang chub sems dpa' sems dpa' chen po kun kyang de bzhin gshegs pa rnam par snang mdzad dang dge ba'i rtsa ba rgya mtsho gcig gis byung ba/ pha rol tu phyin pa thams cad kyi 'khor yongs su rgyas pas snang ba </font><hr>Ka6a<br><font size=+1>


@#/ /gyur pa| ye shes kyi mig yongs su dag pa/ dus gsum gyi dbyings thams cad du snang bas gsal bar gyur pa/ ting nge 'dzin gyi dkyil 'khor thams cad yongs su dag pas snang bar gyur pa/ so so yang dag par rig pa rgya mtsho yangs shing zad mi shes pa dang / sangs rgyas kyi yon tan dang mthus snang bar byas pa/ 'gro ba thams cad yongs su smin par bya ba dang / gdul bar brtsam pa'i ye shes mnyam pa nyid kyis snang bar byas pa/ chos kyi dbyings kyi snying po gcig tu tha mi dad pa'i ye shes kyis snang bar gyur pa| sangs rgyas kyi rnam par thar pa zab mo'i yul yangs pa la ye shes kyi spyod yul gyis snang bar byas pa/ sa gcig las byung ba yongs su gnon pa'i rjes su 'brang bas shin tu snang bar byas pa/ smon lam gyi rgya mtsho la 'jug pa phyi ma'i mtha'i byin gyi rlabs kyi ye shes thams cad kyi gnas pas snang bar gyur pa/ de bzhin gshegs pa'i gsang ba rmad du byung ba'i dkyil 'khor yangs pa yongs su shes pas snang bar gyur pa/ sangs rgyas kyi chos thams cad mnyam pa nyid la rjes su brtags pa'i ye shes kyis shin tu snang bar gyur pa/ de bzhin gshegs pa'i sa kun tu 'od kyi dbyings dang gnas su rnam par spyod du dbang ba/ ting nge 'dzin rgya mtsho mtha' yas pa'i sgo thams cad du rnam par rgyu bas snang bar gyur pa/ </font><hr>Ka6b<br><font size=+1>


ye shes snang ba thams cad kyi rjes su song zhing 'gro ba thams cad kyi spyod pa rgya mtsho la shin tu gnas pa/ chos rgya mtsho thams cad kyi gzungs dang so so yang dag par rig pa bstan pa dang / yongs su bstan pa la mkhas pa/ sangs rgyas kyi yon tan rgya mtshor gtogs pa thams cad kyis khyab par byed pa'i lus can/ smon lam rgya mtsho mngon par bsgrubs pas sangs rgyas kyi zhing 'byams klas pa thams cad rgyas par 'gengs pa/ sangs rgyas thams cad mchod pa'i sbyor ba la phyi ma'i mur thug pa'i bskal par dpa' ba'i shugs kyi snang ba rab tu thob pa/ de bzhin gshegs pa thams cad kyi zhabs kyi drung du phyin cing snying po byang chub tu nye bar 'dong ba yang dag par ston pa/ kun tu bzang po'i smon lam rgya mtshos sems can ma lus pa thams cad kyi shes pa yongs su rgyas par 'grengs pa'i lus can rnams dang thabs cig go/ sangs rgyas kyi zhing gi rdul shin tu phra ba snyed kyi lag na rdo rje dag dang yang thabs cig ste/ 'di ltar lag na rdo rje mthu chen kha dog bzang po'i 'od dang / lag na rdo rje nyi ma'i shugs kyi rgyal mtshan dang / lag na rdo rje ri rab me tog 'od dang / lag na rdo rje rnam dag sprin gyi dbyangs dang / lag na rdo rje dbang po shin tu mang ba dang / lag na rdo rje rdo rje'i 'od yid du 'ong ba dang / lag na rdo rje shing gi sgra dbyangs dang / lag na rdo rje seng+ge'i 'od kyi rgyal po dang / lag na rdo rje 'od 'phro </font><hr>Ka7a<br><font size=+1>


@#/ /stug po'i dpal gyi mig dang / lag na rdo rje rin chen gtsug phud pad+mo 'od dang / de dag la sogs pa lag na rdo rje sangs rgyas kyi zhing gi rdul shin tu phra ba snyed kun kyang sngon bskal pa mtha' yas par de bzhin gshegs pa mchod par smon pas zham 'bring na 'brang bar gyur pa/ sangs rgyas bsnyen bkur ba'i smon lam gyi pha rol tu phyin pa yongs su rdzogs pa/ dge ba dang bsod nams kyi dkyil 'khor mtha' yas pa yongs su dag pa/ ting nge 'dzin gyi spyod yul yangs pa la rnam par spyod pa/ rdzu 'phrul dang / stobs dang / de bzhin gshegs pa'i spyod yul mtha' yas pa khong du chud pa/ bsam gyis mi khyab pa'i rnam par thar pa'i yul la zhugs pa/ 'khor gyi dkyil 'khor thams cad kyis zil gyis mi non pa'i lus can/ sems can rnams ji ltar 'dul ba bzhin du lus shin tu ston pa/ sangs rgyas kyi sprul pa'i sku thams cad kyi 'phrul ba rjes su rtogs pa/ sangs rgyas thams cad kyi rnam par spyod pa dang / gnas srung pa la shin tu brtson pa rnams dang thabs cig go/ lus kyi ris su gtogs pa'i lha sangs rgyas kyi zhing gi rdul shin tu phra ba snyed dag dang yang thabs cig ste/ 'di ltar lha khrel dang dge bas rgyas pa'i 'od dang / 'od zer phyogs su snang ba dang sgras 'dul ba rgya mtsho'i dpal dang / </font><hr>Ka7b<br><font size=+1>


rgyan bzang po me tog gtsug phud dang / spyod yul mtha' yas dpal dang / snang ba'i phreng ba 'dzin pa'i dpal dang / spos dri ma med pa'i sprin las char 'bab pa'i 'od dang / srung 'dzin yongs su sdud pa dang / sgo kun nas yongs su gnon pa la mngon du gyur pa'i mig dang / khrel dang dpal mi g.yo ba'i 'od dang / lus kyi ris su gtogs pa'i lha de dag la sogs pa kun kyang de bzhin gshegs pa bsnyen bkur bar smon lam btab pa dang ldan pa/ sangs rgyas kyi zhing gi rdul shin tu phra ba snyed dang thabs cig go /rkang gis 'gro ba'i lha sangs rgyas kyi zhing gi rdul shin tu phra ba snyed dag dang yang thabs cig ste/ 'di ltar rkang gis 'gro rin chen dpal gyi phyag rgya dang / rkang gis 'gro pad+mo snang ba'i 'od zer gyi 'od dang / rkang gis 'gro me tog gtsug phud kyi dpal dri ma med pa dang / rkang gis 'gro shin tu mdzes par gnon pa dang / rkang gis 'gro rin chen dpal gyi rgyal mtshan dang / rkang gis 'gro dga' ba'i dbyangs snyan pa dang / rkang gis 'gro shing tsan+dan gyi 'od dang / rkang gis 'gro pad+mo yid du 'ong ba'i 'od dang / rkang gis 'gro rdul gyi shugs kyi 'od dang / rkang gis 'gro me tog mang po'i dkyil 'khor dang / de dag la sogs pa rkang gis 'gro ba'i lha sangs rgyas kyi zhing gi rdul shin tu phra ba snyed kun kyang sngon bskal pa mtha' yas par de bzhin gshegs pa'i </font><hr>Ka8a<br><font size=+1>


@#/ /rjes su 'brang ba sha stag dang thabs cig go/ snying po byang chub kyi lha sangs rgyas kyi zhing gi rdul shin tu phra ba snyed dag dang yang thabs cig ste| 'di ltar snying po byang chub kyi lha dge ba dri ma med pa'i rgyan gyis brgyan pa'i rgyal mtshan dang / snying po byang chub kyi lha ri rab spo'i rin po che'i 'od dang / snying po byang chub kyi lha dbyangs kyi 'brug sgra sgrog pa'i rgyal mtshan dang / me tog gi char sna tshogs 'bab pa'i mig dang / 'od 'phro mang po shin tu dri ma med pa dang / me tog gi phreng ba 'od kyi gtsug phud dang / rin po che'i rgyan gyi char rab tu 'bebs pa dang / mthu dam pa spos kyi mig dang / rdo rje sna tshogs kyi sprin dang / pad+mo shing snang ba'i 'od dang / snying po byang chub kyi lha dge ba'i lta ba sna tshogs rnam par ston pa'i 'od dang / de dag la sogs pa snying po byang chub kyi lha sangs rgyas kyi zhing gi rdul shin tu phra ba snyed kun kyang sngon sangs rgyas rgya cher mchod pa'i smon lam gyis yang dag par byung ba sha stag dang thabs cig go /nam mkha'i lha sangs rgyas kyi zhing gi rdul shin tu phra ba snyed dag dang yang thabs cig ste/ 'di ltar grong khyer gyi lha rin chen rtse mo'i 'od dang / rgyan rnam pa sna tshogs 'byung ba dang / rin chen dri med shin tu dga' ba dang / slos pa'i mya ngan thams cad spong bas rnam par snang ba dang / </font><hr>Ka8b<br><font size=+1>


sgron ma shin tu rgyas pa'i mig dang / 'od 'phro ba'i dpal mngon par 'bar ba dang / bsod nams kyi shugs snang ba'i 'od dang / lus dri ma med pas mnyam pa'i 'od dang / spos kyi rgyal mtshan gtsug phud kyi rgyan dang / grong khyer gyi lha rin chen dpal gyi 'od dang / de dag la sogs pa nam mkha'i lha sangs rgyas kyi zhing gi rdul shin tu phra ba snyed kun kyang bskal pa bsam gyis mi khyab par de bzhin gshegs pa'i gzhal med khang rab tu brgyan pa la brtson pa sha stag dang thabs cig go /sa'i lha sangs rgyas kyi zhing gi rdul shin tu phra ba snyed dag dang yang thabs cig ste/ 'di ltar sa'i lha dpal gyi me tog kun nas shin tu rgyas pa'i dri ma med pa dang / bsod nams brtan pa shin tu bsags pa'i 'od dang / shing gi yal ga sna tshogs kyi rgyan dang / sems rin po che rgyas pa dang / dus dus su dge ba'i mig rab tu ston pa dang / gser gyi mig gi dpal dang / spu las spos kyi 'od rnam par 'gyed pa dang / sgra dbyangs yid du 'ong ba sgrog pa dang / me tog gi glang po sna tshogs kyi gtsug phud dang / kun nas rdo rje'i rdul gyi rgyun dang / sa'i lha khyim dri ma med pa'i 'od dang / de dag la sogs pa sa'i lha sangs rgyas kyi zhing gi rdul shin tu phra ba snyed kun kyang bsod nams kyi dbyings gcig tu de bzhin gshegs pa'i sngon gyi smon lam dang rab tu 'brel ba sha stag </font><hr>Ka9a<br><font size=+1>


@#/ /dang thabs cig go /ri'i lha tshad med pa dag dang yang thabs cig ste/ 'di ltar ri'i lha rin po che'i rtse mo me tog shin tu rgyas par gnas pa dang / nags tshal sna tshogs me tog shin tu rgyas pa'i gtsug phud dang / kun nas shin tu 'phags pas rnam par snang ba'i rgyal mtshan dang / rdul thams cad dang mi gnas pas dri ma med pa'i gtsug phud dang / snang bas phyogs su gsal ba'i 'od dang / stobs la thub pa med pas snang ba'i 'od dang / kun nas gzi brjid dpal gyi dkyil 'khor dang / snang ba'i rdul chu bo'i dkyil 'khor dang / kun tu mngon par lta ba'i mig dang / ri'i lha kun nas sra ba rdo rje'i mtshams kyi mig dang / de dag la sogs pa ri'i lha tshad med pa kun kyang tshul dri ma med pa'i mig gi sgo rab tu thob pa sha stag dang thabs cig go /nags tshal gyi lha bsam gyis mi khyab pa dag dang yang thabs cig ste/ 'di ltar nags tshal gyi lha yal ga sna tshogs kyi sprin dang / nags tshal gyi lha 'od kyi phung po sna tshogs kyi mig yid du 'ong ba'i 'od dang / lo ma dri ma med pa'i phreng ba'i dpal dang / yan lag rab tu 'phyang ba'i gzi brjid dang / dge ba'i 'od sna tshogs dang / sgra skad yid du 'ong ba'i dbyangs dang / kun nas spos mang po ldang ba'i 'od dang / kun nas dpal gyi 'od rab tu 'byung ba'i dkyil </font><hr>Ka9b<br><font size=+1>


'khor dang / nags tshal gyi lha me tog dang 'bras bu dang ro'i 'od dang / de dag la sogs pa nags tshal gyi lha bsam gyis mi khyab pa kun kyang dga' ba'i shugs mtha' yas pas gsal bar gyur pa sha stag dang thabs cig go /sman gyi lha mtha' yas pa dag dang yang thabs cig ste/ 'di ltar sman gyi lha phun sum tshogs pa dang / tsan+dan gyi nags tshal gyi shugs 'chang ba dang / 'od rdul med pa dang / ming kun tu grags pa glang po'i rgyal mtshan dang / spu'i klong kun nas 'od 'byung ba dang / mun pa rnam par sel cing rnam par sbyong ba dang / sgra dbyangs kun tu 'byung ba dang / nyi ma'i 'od 'gro ba'i mchog gi rgyal mtshan dang / phyogs bcur rmongs pa med par lta ba dang / sman gyi lha mdangs bzang po kun tu 'gyed pa'i mig dang / de dag la sogs pa sman gyi lha mtha' yas pa kun kyang snying rje dri ma med pa'i dkyil 'khor gyis rab tu snang bar gyur pa sha stag dang thabs cig go /lo tog gi lha mtha' yas pa dag dang yang thabs cig ste/ 'di ltar lo tog gi lha 'jam pa'i dpal dang / dus kyi me tog rnam par mdzes pa'i 'od dang / rtsal dam pa'i stobs dang / mdangs kyi ngad mtha' yas pa rab tu 'gyed pa dang / sa kun gyi rtsa ba 'bras bu dang / gtsug phud kha dog sna tshogs dang / yal ga dri ma med par grub pa dang / spos sna tshogs shin tu grub pa dang / </font><hr>Ka10a<br><font size=+1>


@#/ /bzang zhing yid du 'ong bar snang ba dang / lo tog gi lha kha dog rnam par dag cing 'od dri ma med pa dang / de dag la sogs pa lo tog gi lha mtha' yas pa kun kyang dga' ba dang / mgu ba dang / rangs pa shin tu thob pa sha stag dang thabs cig go /chu klung gi lha mu med pa dag dang yang thabs cig ste/ 'di ltar chu klung gi lha chu bo kun dang ldan pa dang / ri dang chu kun la brten pa dang / rdul thams cad dri ma med par rnam par dag pa'i mig dang / nga ros khyab par byed pa dang / srog chags kyi rgyud mtha' yas pa skyob pa dang / gdung ba med pa rgya mtsho gdung ba med pa'i 'od dri ma med pa dang / dga' bde kun nas 'byung ba dang / yon tan gyi shugs yangs pa'i rgyal mtshan dang / 'jig rten thams cad kyi dpal rnam par snang ba dang / chu klung gi lha tshogs chen po rgya mtsho'i dpal gyi 'od dang / de dag la sogs pa chu klung gi lha mu med pa kun kyang 'gro ba thams cad la phan pa'i don du yid la byed pa la brtson pa sha stag dang thabs cig go /rgya mtsho'i lha bsam gyis mi khyab pa dag dang yang thabs cig ste/ 'di ltar rgya mtsho'i lha rin po che'i 'od 'byung ba'i dpal dang / rdo rje kun nas sra zhing mi choms pa'i rgyal mtshan dang ldan pa dang / rdul dang dri ma med pa'i gnas dang ldan pa dang / kun nas chu dang / ri bo dang / khyim gyi dkyil 'khor dang / skyabs </font><hr>Ka10b<br><font size=+1>


rin po che'i mig gi zla ba'i dpal dang / klu'i dpal pad+mo sna tshogs kyi gtsug phud dang / chu lta bur ro mthun pa 'dzin pa'i 'od dang / rin po che'i 'od 'phro ba'i me tog gi tshon gyi 'od dang / ri rab sra ba'i rdo rje sna tshogs dang / rgya mtsho'i lha 'brug sgra sgrog pa'i rgya mtsho'i shugs kyi dbyangs dang / de dag la sogs pa rgya mtsho'i lha bsam gyis mi khyab pa kun kyang sangs rgyas kyi yon tan rgya mtsho'i mthar phyin par rgyas par byed pa sha stag dang thabs cig go /me'i lha grangs med pa dag dag yang thabs cig ste/ 'di ltar me'i lha gzi brjid 'bar zhing 'phro ba'i 'od dang / kun tu 'bar zhing 'phro ba'i rgyal mtshan gyi dkyil 'khor dang / 'od rgya chen pos phyogs rgyas par byed pa dang / rgyal mtshan gyi rdul gyi sgos rgyas par byed pa dang / gzi brjid mi zad pa'i gtsug phud dang / dka' thub sna tshogs kyi mig gi dpal dang / phyogs khyim du gyur pa'i ri rab kyi spo dang / 'od drag shul can gyi dbang phyug dang / mun pa dang rab rib sel cing phyogs rnam par snang bar byed pa dang / me'i lha 'od 'phro ba'i sprin gyi dbang phyug dang / de dag la sogs pa me'i lha grangs med pa kun kyang sems can thams cad kyi gdung ba sel ba'i snang ba ston pa sha stag dang thabs cig go /chu'i phung po'i lha tshad med pa dag dang lang thabs cig ste/ 'di ltar chu'i phung po'i lha sprin dang na bun kun tu grub pa'i rgyal mtshan </font><hr>Ka11a<br><font size=+1>


@#/ /dang / sprin sgra'i shugs rgya mtsho'i sprin dang chu sna tshogs kyi gtsug phud dang / bzang por 'khyil ba grub pa'i dpal dang / kun nas spos dri ma med pa'i myu gu'i dpal dang / dba' rlabs kyi sgra bsod nams stegs kyi 'od dang / tshim par bya ba la dbang byed pa yongs su sgrub pa dang / sa'i rdul snyed kyi sgo nas dbyangs 'byung ba dang / 'od kun tu 'gro zhing rgyas par byed pa dang / chu'i phung po'i lha rgya mtsho'i dbyangs kyi nga ro'i 'od dang / de dag la sogs pa chu'i phung po'i lha tshad med pa kun kyang 'gro ba thams cad la phan pa dang / bde ba'i skyabs su brtson pa sha stag dang thabs cig go /rlung gi phung po'i lha tshad med pa dag dang yang thabs cig ste/ 'di ltar rlung gi phung po'i lha chags pa med par 'gro ba'i 'od dang / kun tu rgyas par 'byung ba'i mthu'i dpal dang / kun tu reg par byed pa'i sprin gyi rgyal mtshan dang / rgyan yid du 'ong zhing bzang po'i 'od dang / chu drag po'i snying po skem pa dang / sgra chen pos 'gro ba'i dbyangs dang / shing gi rtse mo'i me tog rab tu 'phyang ba'i gtsug phud dang / thogs pa med par phyogs kun tu rgyas par 'gro ba dang / rlung gi phung po rnam pa sna tshogs 'byung ba'i sprin gyi dkyil 'khor dang / rlung gi phung po'i lha 'jig rten gyi khams thams cad kyi mun pa kun nas snang bar byed pa dang / de dag la sogs </font><hr>Ka11b<br><font size=+1>


pa rlung gi phung po'i lha tshad med pa kun kyang sems can thams cad kyi sngon gyi mtha'i nga rgyal rnam par gtor ba la brtson pa sha stag dang thabs cig go /nam mkha'i lha mu med pa dag dang yang thabs cig ste/ 'di ltar nam mkha'i lha kun nas snang ba dri ma med pa'i 'od dang / mtha' yas shing zab pa kun tu rgyas par byed pa dang / rlung kun nas 'byung ba'i dpal dang / bsgribs pa thams cad dang mi gnas pa'i dkyil 'khor dang / rgya chen po kun tu gnon pa sna tshogs kyi gtsug phud dang / 'od zer snang ba'i 'od thogs pa med pa dang / stobs kyi rgyun thogs pa med pa'i dpal dang / phyogs dri ma med par snang ba'i 'od dang / dbyangs shin tu 'phags shing zab pa dang / nam mkha'i lha phyogs bcur mngon du ston pa'i 'od dang / de dag la sogs pa nam mkha'i lha mu med pa thams cad kyang sems rgya mtsho dri ma med cing yongs su dag pa sha stag dang thabs cig go /phyogs kyi lha mu med pa dag dang yang thabs cig ste| 'di ltar phyogs kyi lha phyogs kyi dbyings na rab tu gnas shing kun tu rgyas par 'gengs pa dang / mnyas pa nyid la mngon du lta ba dang / snang ba spyod pa'i rgyan dang / kun tu rgyu zhing rjes su 'brang ba dang / rmongs pa med pa'i gtsug yongs su 'grub pa dang / nam mkha'i rgyud kun tu spyod pa dang / rnam par spyod pa'i sprin rgya chen po'i rgyal mtshan dang / </font><hr>Ka12a<br><font size=+1>


@#/ /mig tha dad pa med pa'i gtsug phud dang / 'jig rten gyi bya ba kun nas spyod pa dang / phyogs kyi lha phyogs su rnam par lta ba phreng ba'i 'od dang / de dag la sogs pa phyogs kyi lha mu med pa kun kyang sems can gyi rgyud kyi phyogs snang bar bya ba la brtson pa sha stag dang thabs cig go /mtshan mo'i lha tshad med pa dag dang yang thabs cig ste| 'di ltar mtshan mo'i lha dpal dri ma med cing kun nas zab pa'i 'od dang / kun nas skyob pa'i mdangs kyi dpal dang / rab tu dga' ba'i mig gis 'gro ba la rnam par lta ba dang / sgras zhi ba rgya mtsho dang ldan pa dang / mtshan mo thams cad 'byung ba'i dpal dang / shing thams cad rab tu rgyas par byed pa'i 'od dang / kun nas skyong zhing srung ba'i dpal dang / dge ba thams cad kyi dga' ba la dbang sgyur ba dang / mdud par 'dzin pa thams cad zhi bar bya bas dbang po rab tu dga' ba dang / mtshan mo'i lha dge ba'i bsod nams 'byung ba'i dpal ston pa dang / de dag la sogs pa mtshan mo'i lha tshad med pa kun kyang chos kyi dga' ba 'byung ba la mos par gnas pa la brtson pa sha stag dang thabs cig go /nyin mo'i lha gzhal du med pa dag dang yang thabs cig ste/ 'di ltar nyin mo'i lha khyim dang gzhal med khang gi gzugs shin tu ston pa dang / brtsams </font><hr>Ka12b<br><font size=+1>


pa'i blo gros mtshams sbyor ba'i dkyil 'khor dang / kun nas dga' ba'i dpal gyi rgyan dang / me tog dang spos yid du 'ong ba'i 'od dang / kun nas yid du 'ong ba'i sman sten pa sgrub pa'i dpal dang / dga' ba'i mig bzang pos tshim par byed pa dang / tshul rgya chen po'i phyogs kun nas byung ba'i dpal dang / snying rje rgya chen po'i gzi brjid kyi 'od dang / snang ba rgya chen po'i dge ba'i rtsa ba dang mi 'bral ba'i 'od dang / nyin mo'i lha me tog gi phreng ba kun nas 'phyang ba'i dpal dang / de dag la sogs pa nyin mo'i lha gzhal du med pa kun kyang mos pa'i chos gzhal du med pa'i rgyan la rab tu brtson pa sha stag dang thabs cig go /lha ma yin gyi dbang po mtha' yas pa dag dang yang thabs cig ste/ 'di ltar lha ma yin gyi dbang po sgra gcan dang / lha ma yin gyi dbang po thag bzang ris dang / lha ma yin gyi dbang po bde ba'i mchog dang / lha ma yin gyi dbang po mtshon cha chen po dang / lha ma yin gyi dbang po stobs can dang / lha ma yin gyi dbang po rnam par snang ba dang / lha ma yin gyi dbang po rdo rje sra ba sna tshogs kyi yan lag dang / lha ma yin gyi dbang po stobs rgya chen po'i rgyu'i blo gros dang / lha ma yin gyi dbang po dpal gyi be'u rab tu 'byung ba dang / lha ma yin gyi dbang po brtul zhugs bzang po'i dbyangs dang / de dag la sogs pa lha ma yin gyi dbang po kun kyang </font><hr>Ka13a<br><font size=+1>


@#/ /sgyu dang / nga rgyal dang / kun nas nyon mongs pa rab tu zhi bar bya ba la brtson pa sha stag dang thabs cig go /nam mkha' lding gi dbang po bsam gyis mi khyab pa dag dang yang thabs cig ste/ 'di ltar nam mkha' lding gi dbang po mthu stobs chen po'i shugs dang / nam mkha' lding gi dbang po mi shigs pa'i sems rin chen gtsug phud dang / nam mkha' lding gi dbang po shugs dri ma med pa'i dpal dang / nam mkha' lding gi dbang po phyir mi ldog pa'i sems kyi rgyan dang / nam mkha' lding gi dbang po rgya mtsho chen po'i 'od kyi tshul 'chang ba dang / nam mkha' lding gi dbang po chos brtan pa dri ma med pa'i 'od dang / nam mkha' lding gi dbang po cod pan sna tshogs dpal gyi gtsug phud dang / nam mkha' lding gi dbang po bzhin kun tu khyab par ston pa'i shugs dang / nam mkha' lding gi dbang po dge ba'i rgya mtsho kun nas lta ba dang / nam mkha' lding gi dbang po klu'i sgra yangs pa kun tu lta ba'i dkyil 'khor dang / de dag la sogs pa nam mkha' lding gi dbang po mtha' yas pa kun kyang sems can thams cad yongs su bsdu ba'i thabs yangs pa rab tu thob pa sha stag dang thabs cig go /mi'am ci'i dbang po du ma dag dang yang thabs cig ste/ 'di ltar mi'am ci'i dbang po lha'i blo gros 'od dang / mi'am ci'i dbang po me </font><hr>Ka13b<br><font size=+1>


tog dpal gyi dkyil 'khor dang / mi'am ci'i dbang po rgyan rnam pa sna tshogs dang / mi 'am ci'i dbang po nga ro yid du 'ong ba'i dbyangs dang / mi 'am ci'i dbang po shing rin po che'i yal ga'i 'od dang / mi 'am ci'i dbang po mthong na dga' zhing spro bar byed pa dang / mi 'am ci'i dbang po rgyan gyi dpal gyi 'od dang / mi 'am ci'i dbang po me tog tshon bzang po'i rgyal mtshan dang / mi 'am ci'i dbang po sa'i gzhi'i dpal dang / mi 'am ci'i dbang po drag shul gyi bdag po dang / de dag la sogs pa mi 'am ci'i dbang po du ma kun kyang chos thams cad la dge ba'i rtsa ba yang dag par skyed pa la rab tu brtson pa sha stag dang thabs cig go /lto 'phye chen po'i dbang po 'phrul po che sa mtshams med pa dag dang yang thabs cig ste/ 'di ltar lto 'phye chen po'i dbang po blo gros bzang po'i gzi brjid dang / lto 'phye chen po'i dbang po gzi brjid kyi dbyangs la rdul med pa dang / lto 'phye chen po'i dbang po blo gros sna tshogs mchog gi gtsug phud dang / lto 'phye chen po'i dbang po mig bzang po'i bdag po dang / lto 'phye chen po'i dbang po sgron ma'i skyabs kyi rgyal po dang / lto 'phye chen po'i dbang po snang ba shugs bzang po'i rgyal mtshan dang / lto 'phye chen po'i dbang po seng+ge'i phru gu dang / lto 'phye chen po'i dbang po rgyan sna tshogs kyi dbyangs dang / lto 'phye chen po'i dbang po ri </font><hr>Ka14a<br><font size=+1>


@#/ /rab kyi bu dang / lto 'phye chen po'i dbang po yid du 'ong ba 'byung ba dang / de dag la sogs pa lto 'phye chen po'i dbang po sa mtshams med pa kun kyang sems can gyi gti mug gi dra ba chen po bsal ba la rab tu brtson pa sha stag dang thabs cig go /dri za'i bdag po tshad med pa dag dang yang thabs cig ste/ 'di ltar dri za'i rgyal po gnas srung po dang / dri za'i rgyal po shing mi 'am ci'i 'od dang / dri za'i rgyal po mig gtsang ma dga' ba rab tu skye ba dang / dri za'i rgyal po me tog dang / dri za'i rgyal po shing shin tu rgyas pa'i cod pan dang / dri za'i rgyal po dga' bas spyod pa kun tu sgrog pa dang / dri za'i rgyal po rab tu dga' ba rgyun du gnas pa'i mig bzang po dang / dri za'i rgyal po yid du 'ong ba'i dbyangs seng+ge'i rgyal mtshan dang / dri za'i rgyal po 'od zer kun tu 'gyed pa'i 'od dang / dri za'i rgyal po rdo rje shing gi yal ga'i rgyal mtshan dang / dri za'i rgyal po rgyan thams cad la dga' ba'i rang bzhin gyi tshul ston pa dang / de dag la sogs pa dri za'i bdag po tshad med pa kun kyang mos pa dang / dga' ba rgya chen po la rab tu brtson pa sha stag dang thabs cig go /grul bum gyi bdag po tshad med pa dag dang yang thabs cig ste/ 'di ltar grul bum gyi bdag po 'phags skyes po dang / grul bum gyi bdag po klu </font><hr>Ka14b<br><font size=+1>


bdag dang / grul bum gyi dbang po legs par spyad pa'i rgyal mtshan dang / grul bum gyi dbang po phan par spyod par 'phar ba dang / grul bum gyi dbang po 'jigs pa las sgrol ba dang / grul bum gyi dbang po sA la sna tshogs bzang po dang / grul bum gyi dbang po ri rab legs par byung ba dang / grul bum gyi dbang po sde dpa' ba dang / grul bum gyi dbang po dge ba'i mig gi 'od zer mtha' yas pa dang / grul bum gyi dbang po lha dang lha ma yin gyi sgo mtha' yas pa'i mig dang / de dag la sogs pa grul bum gyi bdag po tshad med pa kun kyang chags pa med pa'i chos snang ba mngon par sgrub pa la rab tu brtson pa sha stag dang thabs cig go /klu'i bdag po mtha' yas pa dag dang yang thabs cig ste/ 'di ltar klu'i dbang po mig mi bzang dang / klu'i dbang po rgya mtsho dang / klu'i dbang po sprin sgra sna tshogs kyi rgyal mtshan dang / klu'i dbang po 'od 'phro ba'i sgo rgya mtsho rab tu snang ba dang / klu'i dbang po kun nas ri'i sprin gyi rgyal mtshan dang / klu'i dbang po 'jog po dang / klu'i dbang po mtha' yas par 'gro ba dang / klu'i dbang po mdzod spu'i gzi brjid dri ma med pa'i shugs dang / klu'i dbang po kun tu spyod pa rgya chen po'i dbyangs dang / klu'i dbang po ma dros pa dang / de dag la sogs pa klu'i dbang po mtha' yas pa kun kyang sems can gyi nyon mongs pas </font><hr>Ka15a<br><font size=+1>


@#/ /gdung ba'i tsha ba chen po char pa'i sprin gyis shin tu zhi bar bya ba la rab tu brtson pa sha stag dang thabs cig go /gnod sbyin gyi bdag po kun tu mtha' yas pa dag dang yang thabs cig ste/ 'di ltar gnod sbyin gyi dbang po ngal bso po dang / gnod sbyin gyi dbang po dbyangs chen dbang phyug dang / gnod sbyin gyi dbang po sa la shin tu gtum pa'i mtshon cha dang / gnod sbyin gyi dbang po blo gros chen po dang / gnod sbyin gyi dbang po mig 'od 'phro ba'i bdag po dang / gnod sbyin gyi dbang po mig rdo rje ltar brtan pa dang / gnod sbyin gyi dbang po sde mchog tu dpa' ba dang / gnod sbyin gyi dbang po sde'i rgyan chen pos rab tu gnon pa dang / gnod sbyin gyi dbang po dge ba'i tshogs dang / gnod sbyin gyi dbang po ri bo'i stobs rab tu 'joms pa dang / de dag la sogs pa gnod sbyin gyi dbang po kun tu mtha' yas pa kun kyang sems can thams cad la phan pa dang / yongs su srung bar rab tu brtson pa sha stag dang thabs cig go /zla ba'i ris su gtogs pa'i lha du ma dag dang yang thabs cig ste/ 'di ltar lha'i bu zla ba dang / lha'i bu 'od kyi me tog rgyal po'i gtsug phud dang / lha'i bu dpal gyi tshogs sna tshogs kyi 'od dang / lha'i bu 'jig rten dga' ba'i bde ba sna tshogs dang / lha'i bu shing gi dbang po'i mig gi 'od </font><hr>Ka15b<br><font size=+1>


dang / lha'i bu 'od bzang po ston pa dang / lha'i bu kun nas spyod pa mi sgul ba'i 'od dang / lha'i bu skar ma'i rgyal po'i bdag po dang / lha'i bu blo dri ma med pa'i zla ba dang / lha'i bu gzi brjid chen po'i 'od zer mdzes pa dang / de dag la sogs pa lha'i bu zla ba'i ris su gtogs pa du ma kun kyang sems can thams cad kyi sems rin po che snang bar bya ba la rab tu brtson pa sha stag dang thabs cig go /nyi ma'i ris su gtogs pa'i lha'i bu med pa dag dang yang thabs cig ste/ 'di ltar lha'i bu nyi ma dang / lha'i bu gzi brjid kyi 'od zer 'bar ba'i mig dang / ri bo'i rgyal mtshan gyi 'od dang / rin chen dri med rmad du byung ba dang / phyir mi ldog pa rab tu gnon pa dang / me tog gi phreng ba'i 'od kyi dpal dang / 'od kyi dpal snang ba'i rgyal mtshan dang / rin chen gtsug phud rnam par snang ba dang / mig kun tu snang ba dang / sa'i dpal gyi be'u 'dzin pa dang / lha'i bu sgo thams cad skyob pa'i dpal gyi 'od dang / de dag la sogs pa lha'i bu nyi ma'i ris su gtogs pa mu med pa kun kyang dge ba'i rtsa ba shin tu sbyangs pa/ 'gro ba thams cad la phan par rab tu brtson pa sha stag dang thabs cig go /sum cu rtsa gsum gyi ris su gtogs pa brgya byin lha'i dbang po la sogs pa tshad med pa dag dang yang thabs cig ste/ 'di ltar lha'i dbang po brgya byin dang / lha'i bu sgra kun tu grags pa'i dbang </font><hr>Ka16a<br><font size=+1>


@#/ /phyug dkyil 'khor dang / byams par lta ba'i gtsug phud dang / rin po che'i 'od kun tu grags pa'i rgyal mtshan dang / dga' bde 'byung ba'i gtsug phud dang / dran pa yid du 'ong ba dang / ri bo'i sgra'i dpal dang / dran pa dang ldan pa dang / me tog dri ma med cing yid du 'ong ba'i 'od dang / ye shes nyi ma'i mig dang / lha'i bu yang dag par skul ba'i 'od kyi dbang phyug dang / de dag la sogs pa sum cu rtsa gsum gyi ris su gtogs pa'i lha'i bu tshad med pa kun kyang chos rgya chen po'i rang bzhin dang / 'gro ba thams cad du skyes shing yang dag par bskul ba la rab tu brtson pa sha stag dang thabs cig go /rab mtshe ma la sogs pa mtshe ma'i lha'i rgyal po grangs med pa dag dang yang thabs cig ste| 'di ltar lha'i rgyal po rab mtshe ma dang / dga' ba bde ba'i 'od dang / blo gros mi zad pa'i yon tan dpal dang / 'phrul ba bzang zhing dge ba dang / sa dang ri bo'i 'od dang / bsam gyis mi khyab pa'i blo gros dang / 'khor lo'i gtsug dang / gzi brjid 'od 'phro ba dang / 'od rnam par snang ba dang / lha'i rgyal po grags pa'i phyogs su rnam par lta ba dang / de dag la sogs pa mtshe ma'i lha'i rgyal po grangs med pa kun kyang dga' ba dang / spro ba rgya chen po mngon par sgrub pa la rab tu brtson pa sha stag dang thabs cig go /lha'i </font><hr>Ka16b<br><font size=+1>


bu rgyal po rab dga' ldan la sogs pa bsam gyis mi khyab pa dag dang yang thabs cig ste/ 'di ltar lha'i rgyal po rab dga' ldan dang / dga' ba rgya mtsho'i gtsug phud dang / yon tan mchog gi rgyal mtshan dang / 'od zer zhi ba'i 'od dang / rab tu dga' ba'i mig dang / rin chen 'od zer zla ba dang / rnam par gnon pas rab tu brtson pa dang / rdo rje'i mdog gi 'od bzang po dang / skar mas brgyan pa'i dpal dang / lha'i bu dga' ba bzang po sna tshogs dang / de dag la sogs pa dga' ldan gyi lha'i rgyal po bsam gyis mi khyab pa kun kyang sangs rgyas gcig nas gcig tu byung ba thams cad rjes su dran par yid la bya ba la rab tu brtson pa sha stag dang thabs cig go /'phrul dga'i lha'i rgyal po mu med pa dag dang yang thabs cig ste| 'di ltar lha'i rgyal po rab 'phrul dga' dang / sgras zhi ba'i 'od dang / stobs kyi 'phrul ba'i sgra'i 'od dang / dbang chen sna tshogs dang / sprin sgra shin tu 'phags pa dang / snang ba spyod pa'i dpal dang / gtsug phud yid du 'ong ba'i 'od dang / dga' ba'i blo gros dang / me tog 'od kyi gtsug phud dang / lha'i rgyal po phyogs shin tu snang ba dang / de dag la sogs pa 'phrul dga'i lha'i rgyal po mu med pa kun kyang rnam par thar pa rab tu zhi bas sems can thams cad gdul ba la rab tu brtson pa sha stag dang thabs gcig go /lha'i rgyal po dbang sgyur </font><hr>Ka17a<br><font size=+1>


@#/ /la sogs pa bgrang du med pa dag dang yang thabs cig ste/ 'di ltar lha'i rgyal po dbang sgyur dang / lha'i rgyal po mig bzang po'i blo gros dang / cod pan sna tshogs kyi rgyal mtshan dang / brtson pa'i blo gros dang / go 'phang rnam par gnon pa'i sgra dbyangs sna tshogs dang / 'od yid du 'ong ba'i rgyal mtshan dang / spyod yul zhi ba'i sgo dang / 'khor lo ri mo bzang po'i rgyal mtshan dang / me tog blo gros seng+ge'i dbang phyug dang / lha'i rgyal po dbang po'i stobs ri mo bzang po'i 'od dang / de dag la sogs pa dbang sgyur gyi lha'i rgyal po bgrang du med pa kun kyang chos kyi dbang rgya chen po la rab tu brtson pa sha stag dang thabs cig go /bsam gyis mi khyab pa'i tshangs pa chen po dag dang yang thabs cig ste/ 'di ltar tshangs pa chen po rab tu snang ba dang / blo gros kyi 'od dang / blo gros bzang po'i sems snang ba dang / kun tu dbyangs kyi sprin dang / 'jig rten dbang po'i sgra dang / mig rab tu zhi zhing 'od shin tu zab pa dang / phyogs su snang ba 'gyed pa dang / sprul pa'i sgra dbyangs dang / mig gi 'od zer mngon par snang ba dang / tshangs pa chen po'i dbyangs rgya mtsho yid du 'ong ba dang / de dag la sogs pa tshangs pa chen po bsam gyis mi khyab pa kun kyang sems can thams cad kyi sems snang bar bya ba dang / sim par bya bar byams pa chen </font><hr>Ka17b<br><font size=+1>


po la gnas pa sha stag dang thabs cig go /lha'i bu gya nom snang ba'i ris su gtogs pa tshad med pa dag dang yang thabs cig ste/ 'di ltar lha'i bu snang bas dga' ba dang / dge ba sna tshogs kyi 'od dang / dbang po'i dbyangs dang / dran pa'i blo dam pa dang / dga' ba sna tshogs rnam par dag pa'i dbyangs dang / legs par bsam pa'i dbyangs dang / 'od 'gyed pa'i dbyangs rnam par snang ba dang / dbyangs zab mo'i 'od dang / grags pa dri ma med pa'i 'od dang / lha'i bu 'od dri ma med pas shin tu 'phags pa dang / de dag la sogs pa gya nom snang ba'i ris su gtogs pa'i lha'i bu tshad med pa kun kyang zhi ba dang / dga' ba rgya chen po'i rnam par thar pa la gnas pa sha stag dang thabs cig go /dge rgyas kyi lha'i bu grangs med pa dag dang yang thabs cig ste/ 'di ltar lha'i bu dge bar grags pa'i blo gros dang mchog tu snang ba dang / rab tu zhi ba'i dpal dang / dbyangs kyi ri bo dang / dran pa dge ba'i mig dang / dga' ba dam pa rnam par snang ba dang / 'jig rten dbyangs kyi blo gros dang / gzi brjid 'bar ba'i bdag po dang / chos kyi dga' bas 'phrul ba'i sems dang / 'phrul bas shin tu 'phags pa dang / de dag la sogs pa dge rgyas kyi ris su gtogs pa'i lha'i bu grangs med pa kun kyang sgo yangs pa la gnas pas 'gro bar 'gyur zhing rnam par 'dul ba la rab tu brtson pa sha </font><hr>Ka18a<br><font size=+1>


@#/ /stag dang thabs cig go /lha'i bu 'bras bu chen po'i ris su gtogs pa tshad med pa dag dang yang thabs cig ste/ 'di ltar lha'i bu chos kyi dpal gzi brjid dga' ba dang / dri med sna tshogs rgya mtsho dang / shes rab mchog gi 'od dang / ye shes dbang po'i dpal dang / dga' ba zhi ba dang / sgo kun nas shes pa'i mig dang / dga' ba'i gtsug gi blo gros dang / yon tan blo gros bzang po'i 'od dang / 'od zhi zhing dri ma med pa dang / lha'i bu snang ba chen po dri ma med pa dang / de dag la sogs pa 'bras bu chen po'i ris su gtogs pa'i lha'i bu tshad med pa kun kyang zhi ba'i chos kyi gzhal med khang la kun nas rab tu gnas pa sha stag dang thabs cig go /lha'i bu dbang phyug chen po'i ris su gtogs pa grangs med pa dag dang yang thabs cig ste/ 'di ltar lha'i bu shin tu 'od 'phro rgya mtsho dang / lha'i bu dbang phyug grags pa rab tu snang ba dang / lha'i bu dge ba'i mig dri ma med pa dang / lha'i bu shes rab chen pos dga' zhing spro ba dang / lha'i bu 'od mi sgul ba'i dbang phyug dang / lha'i bu mig shin tu mnyam par bzhag pa dang / lha'i bu snang ba shin tu sems pa dang / lha'i bu ye shes chen pos dga' ba dang / lha'i bu sna tshogs kun tu dbyangs kyi rgyal mtshan dang / lha'i bu grags pa rnam par snang ba'i brtul zhugs bzang po dang / de </font><hr>Ka18b<br><font size=+1>


dag la sogs pa dbang phyug chen po'i ris su gtogs pa'i lha'i bu grangs med pa kun kyang spyod yul mtshan ma med pa'i mnyam pa nyid la rab tu brtson pa sha stag dang thabs cig ste/ de bzhin gshegs pa'i 'khor gyi dkyil 'khor rgya mtsho de ni/ sems can gyi ris thams cad yang dag par gzhol ba'o/ /sems can yon tan mtha' yas pa 'dus pa las yongs su byung ba'o/ /phyogs kyi dbyings kun na shin tu gnas pa'o/ /'khor gyi dkyil 'khor sna tshogs kyi dbyings su rnam par gnas pa'o/ /phan tshun 'dres pa med cing ji ltar 'ongs pa'i phyogs kyi dbyings la rab tu gnas pa'o/ /de bzhin gshegs pa blta ba la mngon par phyogs pa'o/ /nyon mongs pa'i bag chags dang sems kyi dri ma thams cad dang bral ba'o/ / sgrib pa thams cad kyi ri rnam par 'thor ba'o/ /sangs rgyas lta ba la sgrib pa med pas snang bar gyur pa ste/ de ni/ 'di ltar bcom ldan 'das de bzhin gshegs pa rnam par snang mdzad kyis sngon bskal pa rgya mtsho nas byang chub sems dpa'i spyad pa spyod pa'i tshe bsdu ba'i dngos po bzhis yongs su bsdus te/ de bzhin gshegs pa de dang de dag gi drung du bzhud pa'i tshe dge ba'i rtsa ba yongs su bzung zhing thabs kyi sgo de dag gis yongs su smin par byas te/ thams cad mkhyen pa nyid kyi lam la rab tu bkod cing dge ba'i rtsa ba tshad med pa rab tu bskyed pas/ </font><hr>Ka19a<br><font size=+1>


@#/ /bsod nams chen po'i stobs dang / shugs rab tu thob pa dag go /smon lam gyi tshul rgya mtsho gzhan dang gzhan la rab tu zhugs shing spyod pa'i dkyil 'khor gzhan dang gzhan yongs su dag pas yang dag par byung ba 'byung ba'i lam gzhan dang gzhan gyis shin tu 'byung ba'i de bzhin gshegs pa gzhan dang gzhan mthong bas snang bar gyur pa dag ste/ de dag ni/ mos pa'i stobs gzhan dang gzhan gyis de bzhin gshegs pa'i yon tan rgya mtsho la 'jug go /sangs rgyas lta ba'i rnam par thar pa'i sgo gzhan dang gzhan gyis rnam par 'phrul lo/ /de ni/ 'di lta ste/ lha'i bu dbang phyug chen po'i ris su gtogs pa shin tu 'od 'phro rgya mtsho'i rnam par thar pa ni/ chos kyi dbyings nam mkha' ltar zhi ba'i tshul gyi mthu zhes bya'o/ /lha'i bu dbang phyug grags pa rab tu snang ba'i rnam par thar pa ni/ chos thams cad la dbang ba'i stobs la yang dag par gzhol zhing kun nas rjes su 'gro ba'i rnam par spyod pa zhes bya'o/ /lha'i bu dge ba'i mig dri ma med pa'i rnam par thar pa ni/ chos thams cad 'byung ba med pa dang / 'gro ba med pa dang / brjod du med cing sbyar ba med pa zhes bya'o/ /lha'i bu shes rab chen po dga' zhing spro ba'i rnam par thar pa ni/ chos kyi tshul thams cad la mngon sum du gyur pa'i shes </font><hr>Ka19b<br><font size=+1>


rab rgya mtshos rnam par dpyod pa la rab tu snang ba zhes bya'o/ /lha'i bu 'od mi sgul ba'i dbang phyug gi rnam par thar pa ni/ sems can la bsam gtan gyi dga' ba dang / bde ba mtha' yas pa la mos pa bstan pa rgya chen po'i tshul yang dag par 'byung ba zhes bya'o/ /lha'i bu mig shin tu mnyam par bzhag pa'i rnam par thar pa ni/ mi shes pa'i mun nag dang / 'jigs pa rnam par zlog pa'i spyod pa rab tu zhi ba zhes bya'o/ /lha'i bu snang ba shin tu sems pa'i rnam par thar pa ni/ bsam pa'i yul mtha' yas pa'i las srid pa thams cad du mi 'byung ba la 'jug pa zhes bya'o/ /lha'i bu ye shes chen pos dga' ba'i rnam par thar pa ni/ chos thams cad kyi phyogs su 'gro zhing yongs su non pa dang / rten pa'i phyogs kyi mthu zhes bya'o| |lha'i bu sna tshogs kun tu dbyangs kyi rgyal mtshan gyi rnam par thar pa ni/ sangs rgyas kyi yul rab tu zhi ba la 'jug pa kun nas khong du chud pa'i gtsug rab tu snang ba zhes bya'o// lha'i bu grags pa rnam par snang ba'i brtul zhugs bzang po'i rnam par thar pa ni/ rang gi gzhal med khang dang / blo'i yul nas dmigs pa tshad med pa'i sangs rgyas kyi yul rgya chen po 'byung ba zhes bya'o/ /de nas dbang phyug chen po'i ris su gtogs pa'i lha shin tu 'od 'phro rgya mtshos sangs rgyas kyi mthus lha'i 'khor gyi dkyil 'khor yod pa thams cad </font><hr>Ka20a<br><font size=+1>


@#/ /la rnam par bltas te de'i tshe tshigs su bcad pa 'di dag smras so/ /mi zad chos kyi dbyings ni mtha' yas te/ /kun kyang sangs rgyas sku la rab tu gsal| |de ni gzung med dngos med rab tu zhi/ /'gro ba'i skyabs su rang byung skyes shing byung / /chos kyi sgron ma sangs rgyas shin tu ston/ /chos la mnga' rab mdzad pa 'jig rten byung / /de yi spyod yul mtha' yas mi zad de/ /dbang phyug grags pa 'di 'dra'i mos la 'jug /bsam gyis mi khyab sangs rgyas snang ba byed/ /de yi mtshan nyid phyogs na med pa ste| |rnam dag lam ni skye bo dag la ston/ /shin tu dri med mig gis 'di 'dra mthong / /'gro ba kun gyis bsam du mi nus te/ /rgyal ba'i shes rab mtha' yas gang mnga' ba// gti mug sgrib pa'i sems can rnam par sbyong / /de la shes rab chen po rnam par gnas/ /skye rgu kun gyis sangs rgyas bsam mi khyab/ /mthong ba tsam gyis nyon mongs zhi bar 'gyur| |'gro ba'i dga' ba rgya chen rab tu bskyed/ /mi sgul dbang phyug lha yis de mthong ngo / /sems can rgya mtsho gti mug mun bsgribs la/ /sangs rgyas chos nyid rab tu zhi ba ston| |shes rab sgron ma 'gro ba 'di brjod de/ /dge ba'i mig ni 'di yi tshul la 'jug /sangs rgyas rnams kyi rnam dag sku ston cing / /thams cad phyogs su shin tu 'phags </font><hr>Ka20b<br><font size=+1>


pa'i sku| |de yang dngos med 'jig rten mi gnas te/ /kun tu snang ba sems pa 'di ltar lta/ /mtha' yas chags med rgyal ba rnams kyi gsung / /snod du gyur pa'i sems can de dag nyan/ sangs rgyas rnams las 'pho bar mi snang ste/ /'di ni shes pas dga' ba'i rnam thar to/ /thams cad phyogs sgo kun nas sangs rgyas te/ /mi yi dbang po rnam thar zhi la bzhugs/ /sangs rgyas 'jig rten snang zhing rnam par mdzes/ /'di ni sna tshogs rgyal mtshan rnam thar to/ /rgyal ba bskal pa rgya mtsho mtha' yas su/ /'gro ba kun don rnam par byang chub cing / /sna tshogs rnam par 'phrul bas sems can 'dul/ /rnam par snang bas rnam thar 'di mthong ngo / /de la lha'i rgyal po chos kyi dpal gzi brjid dga' ba'i rnam par thar pa ni/ sems can thams cad kyi dbang po dang / the tshom rnam par lta ba'i sems kyi sprin la rab tu gzhol ba zhes bya'o/ /lha'i rgyal po dri med sna tshogs rgya mtsho'i rnam par thar pa ni/ sangs rgyas rjes su dran pa'i rnam pa thams cad yid la byed pa ston pa sbyor ba zhes bya'o/ /lha'i rgyal po shes rab mchog gi 'od kyi rnam par thar pa ni/ chos kyi rang bzhin mnyam pa nyid la gnas pa'i lus kyi rgyan ces bya'o/ /lha'i rgyal po ye shes dbang po'i dpal gyi rnam par thar pa ni/ 'jig rten gyi chos thams cad rnam par sgom pa'i sems skad cig tu bsam gyis mi khyab </font><hr>Ka21a<br><font size=+1>


@#/ /pa'i rgyan rgya mtsho la rab tu gnas pa zhes bya'o/ /lha'i rgyal po dga' ba zhi ba'i rnam par thar pa ni/ skra'i sbubs gcig tu sangs rgyas kyi zhing bsam gyis mi khyab pa yod rgu 'dzud pa zhes bya'o/ /lha'i rgyal po sgo kun nas shes pa'i mig gi rnam par thar pa ni/ chos kyi dbyings la sgo kun nas rnam par lta bas 'jug pa zhes bya'o/ /lha'i rgyal po dga' ba'i gtsug gi blo gros kyi rnam par thar pa ni/ sems can thams cad kyi skye ba dang / byed pa bskal pa mtha' yas par mngon par 'byin pa zhes bya'o/ /lha'i rgyal po yon tan blo gros bzang po'i 'od kyi rnam par thar pa ni/ dmigs pa thams cad dang / 'jig rten gyi dgos pa thams cad chos gzhal du med cing / bsam gyis mi khyab pas rnam par dpyod pa zhes bya'o/ /lha'i bu 'od zhi zhing dri ma med pa'i rnam par thar pa ni/ sems can dang / chos dang / 'byung ba thams cad kyi sgo la mngon sum du yang dag par spyod pa 'byung ba zhes bya'o/ /lha'i rgyal po snang ba chen po dri ma med pa'i rnam par thar pa ni/ sems can snod du gyur pa thams cad la rnam par lta zhing / sangs rgyas skye ba'i chos nyid la 'jug pa zhes bya'o/ /de nas lha'i rgyal po chos kyi dpal rab tu snang ba la mos pas sangs rgyas kyi mthus che ba dang / cung zad che ba dang / tshad med che ba dang / </font><hr>Ka21b<br><font size=+1>


'bras bu che ba'i lha'i 'khor gyi dkyil 'khor yod pa thams cad la rnam par bltas te de'i tshe tshigs su bcad pa 'di dag smras so/ /sangs rgyas yul rnams kun kyang bsam mi khyab// sems can kun gyis bsam par nus pa min/ /sems can mos dang bsam pa yangs pa ni/ /mi zad pa dag sangs rgyas bskyed pa mdzad/ /sangs rgyas blta bar sems can snod gyur la| |rgyal ba rnams ni byin gyis brlabs mdzad de/ /de dag rtag tu sangs rgyas mngon sum mthong / /'di ltar sna tshogs rgya mtsho mthong ba yin/ /sangs rgyas chos nyid gnas pa med pa dag /'gro ba bkang zhing sangs rgyas ston pa mdzad/ /rgyal ba 'byung med gnas pa yod pa min/ /shes rab mchog gi 'od ni 'di sgom mo/ /sems can snyed kyi tshul dang bsam pa yang / /bsam gyis mi khyab gzhan dang gzhan gyi sgor/ /sangs rgyas rnam par 'phrul pas tshul ston te/ /dbang po dpal gyi rnam thar rgya mtsho 'o/ /de bzhin gshegs pa'i rdzu 'phrul yul rnams dang / /mi zad 'das pa'i zhing rnams thams cad kyang / /de dag spu yi dkyil 'khor gcig tu ston/ /chos kyi dkyil 'khor sgo mo gcig la yang / /chos kyi sgo mo mi zad rgya mtsho dag /sangs rgyas chos nyid rab tu des sgrog ste/ /shes pa'i mig ni 'di yi tshul la 'jug /phyogs bcu dag na zhing dbyings ji snyed pa/ /de dag kun tu sangs </font><hr>Ka22a<br><font size=+1>


@#/ /rgyas chos ston kyang / /rgyal ba de ni gar yang 'pho mi mdzad/ /dga' ba'i gtsug gi blo gros spyod yul lo/ /de bzhin gshegs pa'i gzugs brnyan 'dra ba ste/ /mgon po chos kyi gzhal med khang snang ba/ /chos nyid rab tu zhi ba yang dag ston/ /yon tan blo gros bzang pos 'di mthong ngo / /rang byung rnams kyi spyod yul rnams la ltos/ /sems can kun gyi dbang po'i tshul bzhin du/ /bsam yas 'byung ba'i sgo mos chos char 'bebs/ /'di ni zhi ba'i 'od kyi lha ston to/ /thugs rje rgya chen rab tu bskyed byas shing / /sems can phan phyir mgon po rnams 'byung ste/ /snod kyi tshul bzhin chos kyi char yang 'bebs/ /snang ba chen po'i blo gros 'di ston to/ /bam po gnyis pa/ de la lha'i rgyal po dge bar grags pa'i blo gros kyi rnam par thar pa ni/ sems can thams cad rnam par thar pa'i tshogs kyi tshul la rnam par bltar 'dzud pa zhes bya'o/ /lha'i rgyal po mchog tu snang ba'i rnam par thar pa ni/ rang bzhin rnam par rig pa'i 'od ces bya'o/ /lha'i bu rab tu zhi ba'i dpal gyi rnam par thar pa ni/ thabs kyi tshul dang / sgo thams cad kyis sangs rgyas kyi yul yongs su sbyong ba zhes bya'o/ /lha'i bu dbyangs kyi ri bo'i rnam par thar pa ni/ 'khor ba'i rgya mtsho'i phyi ma'i mtha' thams cad du 'gro ba yongs su sgyur ba zhes bya'o/ / </font><hr>Ka22b<br><font size=+1>


lha'i bu dran pa dge ba'i mig gi rnam par thar pa ni/ de bzhin gshegs pa'i tshul rjes su dran zhing sems can 'dul ba'i byin gyi rlabs zhes bya'o/ /lha'i bu dga' ba dam pas rnam par snang ba'i rnam par thar pa ni/ gzungs rgya mtsho la sgo kun nas rab tu brtan pa rgya mtsho'i rjes su 'gro ba zhes bya'o/ /lha'i bu 'jig rten dbyangs kyi blo gros kyi rnam par thar pa ni/ sangs rgyas skye ba shin tu dkon pa'i bsam pa skyed pas mos pa sbyong ba'i snying po zhes bya'o/ /lha'i bu gzi brjid 'bar ba'i bdag po'i rnam par thar pa ni/ sems can thams cad la chos kyi shugs kyis dga' ba skyed cing sgrol ba zhes bya'o/ /lha'i bu chos kyi dga' bas 'phrul ba'i sems kyi rnam par thar pa ni/ byang chub sems dpa'i 'dul ba mtha' yas pa thams cad nam mkha' ltar zad mi shes pa'i sgor rab tu 'jug pa zhes bya'o/ /lha'i bu 'phrul bas shin tu 'phags pa'i rnam par thar pa ni/ sems can gyi nyon mongs pa mtha' yas pa'i snying rje dang / ye shes kyi rgyas par 'gengs pa zhes bya'o/ /de nas lha'i rgyal po dge bar grags pa'i blo gros kyis sangs rgyas kyi mthus dge chung dang / tshad med dge ba dang / dge rgyas kyi lha'i 'khor gyi dkyil 'khor yod pa thams cad la rnam par bltas te de'i tshe tshigs su bcad pa 'di dag smras so/ /chags med spyod pa'i chos nyid 'di la ltos/ /mi zad </font><hr>Ka23a<br><font size=+1>


@#/ /phyogs rnams rab tu rgyas bkang ste/ /bsam gyis mi khyab sangs rgyas yul yang ston/ /rnam thar tshul gyi rgya mtsho zad mi shes/ /bde gshegs 'jig rten kun la mi gnas te/ /chos dbyings dam pa kun nas 'byung ba med/ /mig yor spyod yul zhing rnams thams cad de/ /tshul 'di mchog tu snang ba'i lha yi 'o/ /bskal pa rgya mtshor thabs la gnas pas na/ /sangs rgyas 'jig rten kun na rnam par mdzes/ /chos dbyings de bzhin nyid la rab tu gnas/ /de la rab zhi dpal gyi lha 'jug go /sems can gti mug rab rib sgrib pas bsgribs/ /'khor ba'i spyod yul mdongs gyur de dag la/ /rgyal ba dge ba'i lam rnams rab ston te/ /rnam thar de la dbyangs kyi ri bo 'jug/ de bzhin gshegs pa'i bla na med pa'i tshul/ /sems can kun gyis bsam par mi nus te/ /rnam pa thams cad rgyal ba rab tu ston/ /de ni dran pa dge ba'i mig gis mthong / /zhing rnams rgya mtsho rdul dang mnyam pa yi/ /gzungs kyi sgo rnams mi mgon rtag tu gsung / /sems can thams cad 'dul ba rnam par ston/ /dga' ba rnam par snang bas de mthong ngo / /sangs rgyas skye ba shin tu dkon pa ste/ /bskal pa rgya mtsho dag na bar 'ga' snang / /de la mos pa'i dkyil 'khor rab tu skyed/ /'jig rten dbyangs kyi blo gros de la 'jug /rgyal ba chos mthu </font><hr>Ka23b<br><font size=+1>


rgya che bsam yas dag /sems can kun la rnam par sbyong ba mdzad/ /dngos med chos nyid rgyal ba ston par mdzad/ /gzi brjid 'bar ba'i lhas ni de mthong ngo / /dus gsum bde gshegs phun sum tshogs pa dag /de dag sems can yul du bsam mi khyab/ /dran nas bdag gi dga' ba rab skyes te/ /de dag chos dga' sems pa rab tu ston/ /'gro ba rnams ni nyon mongs rgya mtsho la/ /gti mug ltas brnyogs 'jigs pa chen por bying / /snying rje bskyed cing 'gro ba 'grel ba ni/ /'phrul bas 'phags pa spyod yul de la lta/ /'od zer dra ba rgyal ba rtag tu 'gyed/ /'od zer sgo kun rgyal ba mi zad pa/ /sems can dbyings rnams 'dul bar rab tu 'jug /sna tshogs dbyangs kyi lhas ni de mthong ngo / /de la gya nom snang ba'i lha'i rgyal po snang bas dga' ba'i rnam par thar pa ni/ dga' ba dang bde ba rab tu zhi ba myong bar byed cing 'gro ba'i sdug bsngal rab tu gzhil ba la gzhol ba zhes bya'o/ / lha'i bu dge ba sna tshogs kyi 'od kyi rnam par thar pa ni/ sems shin tu yangs pa dang / 'gro ba thams cad kyi rnal 'byor yangs pa rgya mtsho snying rje dang / dga' ba'i snying po zhes bya'o/ / lha'i bu dbang po'i dbyangs kyi rnam par thar pa ni/ bskal pa mtha' yas pa'i spyod pa dang / sems can thams cad kyi bsod nams kyi mthu sems kyi skad cig gcig gis mngon par </font><hr>Ka24a<br><font size=+1>


@#/ /sgrub pa zhes bya'o/ /lha'i bu dran pa'i blo dam pa'i rnam par thar pa ni/ 'jig rten 'byung ba dang / 'jig pa dang / gnas pa dang / bsod nams sna tshogs nam mkha' lta bu yongs su sbyong ba zhes bya'o/ /lha'i bu dga' ba sna tshogs rnam par dag pa'i dbyangs kyi rnam par thar pa ni/ 'phags pa'i chos thams cad la dga' ba mtshungs pa med pa'i shugs rnam par spel bas rab tu tshim par byed pa zhes bya'o/ /lha'i bu legs par bsam pa'i dbyangs kyi rnam par thar pa ni/ tshul gyis thams cad rnam par dgod cing shin tu bstan pa'i don du yang dag par gnas pa zhes bya'o/ /lha'i bu 'od 'gyed pa'i dbyangs kyi rnam par thar pa ni/ dga' ldan gyi pho brang nas 'pho ba'i mchod pa shin tu rgyas pa mngon par sgrub pa zhes bya'o/ /lha'i bu dbyangs zab mo'i 'od kyi rnam par thar pa ni/ rdzu 'phrul la rmongs pa med pa'i shes rab rgya mtsho la rnam par spyod pa zhes bya'o/ /lha'i bu grags pa dri ma med pa'i 'od kyi rnam par thar pa ni/ sangs rgyas kyi yon tan rgya mtsho yongs su thob cing 'gro ba la ston pa'i sbyor ba zhes bya'o/ /lha'i bu 'od dri ma med pas shin tu 'phags pa'i rnam par thar pa ni/ sngon gyi smon lam gyi byin gyi rlabs kyis dga' ba 'byung ba'i shugs kyi snying po zhes bya'o/ /de nas gya nom snang ba'i lha'i rgyal po snang bas dga' bas sangs </font><hr>Ka24b<br><font size=+1>


rgyas kyi mthus dga' ba dang / snang ba dang / 'od chung dang / 'od gsal dang / gya nom snang ba'i lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /sngon gyi rgyal ba'i spyod pa bdag gis dran/ /rgyal ba mtha' yas grags pa cis mchod dang / /ji ltar sngon chad dga' shugs yongs dag pa/ /de ni rgyal ba'i mthu yis bdag gis mthong / /rgyal ba dri med mtshan nyid med pa'i sku/ /'gro ba'i mya ngan mang po rnam par bzlog/ byams dang thugs brtse thugs rje'i sa la bzhugs/ /rnam thar 'di tshul sna tshogs 'od 'jug go /sangs rgyas chos nyid 'di ni rgya che ste/ /zhing rnams rgya mtsho mang po ji lta bur/ /ji ltar 'byung dang ji ltar 'jig pa ston/ /rnam thar 'di ni dbang po'i dbyangs kyi yin/ /rgyal ba'i rdzu 'phrul mnyam med phyogs kun gyi/ /zhing gi dbyings su yangs pa shin tu bstan/ /da ltar byung ba'i rgyal ba'i dge ba dag /dran pa dam pa'i rnam thar tshul 'di 'o/ /zhing rnams rgya mtsho mang po'i rdul snyed kyi/ /bde gshegs de dag dga' ba'i yid kyis mchod/ /de phyir mnyan pa rdul med don kyang yod/ /sna tshogs dbyangs kyi rnam thar 'di yin no/ /bskal pa rgya mtsho mang po yangs par yang / /tshul gyi sa ni rgyal ba rgya chen gsung / /rgyal ba kun la zad med mtha' yang yas/ /legs bsam dbyangs kyi rnam thar </font><hr>Ka25a<br><font size=+1>


@#/ /'di yin no/ /sangs rgyas rnam 'phrul mtha' yas dbyings kyi rnams/ /'pho dang rnam par 'tshang rgya tshul yang dag /sems kyi skad cig kun la rab tu ston// 'od 'gyed dbyangs kyi rnam thar sgo 'di yin/ /sangs rgyas byin rlabs rgya chen bshad pa yi/ /rdzu 'phrul yul ni bde bar gshegs pa ston/ /dbang po bsam pa kun kyang rnam par sbyong| |dbyangs zab 'od ni 'di la rab tu 'jug /rgyal ba rnams kyi ye shes mtha' yas te/ /mnyam med chags med sangs rgyas 'jig rten spyod/ /sems can kun la mchog sbyin mngon par gzigs/ /grags pa dri med tshul 'dir rab tu 'jug /rgyal ba sngon chad byang chub spyod mdzad tshe/ /sangs rgyas rgya mtsho yang dag mchod pa rnams/ /de dag kun gyi smon lam rab sgrub pa/ /de ni 'od 'phags dga' bar rab tu nyan/ /de la tshangs pa chen po rab tu snang ba'i rnam par thar pa ni/ chos dri ma med pa'i spyod yul la gnas shing phyogs bcur thogs pa med pa'i dbyangs kyi dkyil 'khor gyis rgyas par 'gengs pa dri ma med pa zhes bya'o/ /tshangs pa chen po blo gros 'od kyi rnam par thar pa ni/ sems can thams cad bsam gtan dang / snyoms par 'jug pa la rab tu gnas pa zhes bya'o/ /tshangs pa chen po blo gros bzang po'i sems snang ba'i rnam par thar pa ni/ chos kyi snang ba bsam </font><hr>Ka25b<br><font size=+1>


gyis mi khyab pa thams cad la yang dag par gzhol ba'i 'od ces bya'o/ /tshangs pa chen po kun tu dbyangs kyi sprin gyi rnam par thar pa ni/ sangs rgyas thams cad kyi gsung gi yan lag rgya mtsho'i dkyil 'khor la 'jug cing rtogs par byed pa zhes bya'o/ /tshangs pa chen po 'jig rten dbang po'i sgra'i rnam par thar pa ni/ byang chub sems dpa'i spyod pa yang dag par 'byung zhing sems can thams cad bsdu ba dang / gdul ba rjes su dran pa'i sbyor ba zhes bya'o/ /tshangs pa chen po mig rab tu zhi zhing 'od shin tu zab pa'i rnam par thar pa ni/ las kyis rnam par phye ba'i 'jig rten gyi khams 'byung ba'i dbyings shin tu ston pa zhes bya'o/ /tshangs pa chen po phyogs su snang ba 'gyed pa'i rnam par thar pa ni/ rnam pa thams cad du sems can 'dul ba la mngon par phyogs pa zhes bya'o/ /tshangs pa chen po sprul pa'i sgra dbyangs kyi rnam par thar pa ni/ chos thams cad dge ba'i mtshan nyid kyi sgo dang / rab tu zhi ba'i chos la dpyod pa'i dkyil 'khor la shin tu gnas pa zhes bya'o/ /tshangs pa chen po mig gi 'od zer mngon par snang ba'i rnam par thar pa ni/ dngos po thams cad la chags pa med cing mtha' yas pa'i brtsam pa la brtson pa zhes bya'o/ /tshangs pa chen po dbyangs rgya mtsho yid du 'ong ba'i rnam par thar pa ni/ mi zad pa'i chos gzhal du med pa la rjes su spyad par rtag tu phyogs shing rnam par blta </font><hr>Ka26a<br><font size=+1>


@#/ /ba dang / rnam par shes pa zhes bya'o/ /de nas tshangs pa'i dbang po chen po yid du 'ong bas sangs rgyas kyi mthus tshangs ris dang / tshangs lha nye phan dang / tshangs pa kun 'khor dang / tshangs chen gyi 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /rgyal ba'i sku ni zhi la rab tu zhi/ /'jig rten kun tu dri med snang zhing mdzes/ /mtshan nyid med cing gzugs brnyan med pa'i yul/ /sprin dang mnyam par de bzhin gshegs pa snang / /'gro ba kun gyis bsam du mi nus te| |sangs rgyas sku dang de bzhin bsam gtan yul/ /thams cad tshul gyi sgo yis bsam du med/ /tshangs pa blo gros 'od kyis 'di mthong ngo / /rgya mtsho'i chos rnams zhing gi rdul snyed kyang / /sangs rgyas gsung gcig yang dag bka' stsal te/ /bskal pa rgya mtshor gsungs kyang zad pa med/ /snang ba sems pa'i rnam thar 'di yin no/ /sngon gyi rgyal ba'i gsung gi yan lag kyang / /'gro ba snyed de rgyud kun sems can shes/ /rgyal ba de la rtog dang dbyangs mi mnga'/ /tshangs pa kun tu sgra dbyangs 'di la 'jug /de bzhin gshegs pa dus gsum gshegs pa dag /byang chub spyod pa'i tshul la gang bzhugs pa/ /de dag rgyal ba'i sku la thams cad snang / /rnam thar 'di la 'jig rten dbang po 'jug /sems can </font><hr>Ka26b<br><font size=+1>


kun gyi las dbang gang yin dang / /sna tshogs rgyu yi sgo yis rnam grol ba/ /'gro ba bkang zhing sangs rgyas yang dag ston/ /zhi ba zab mo'i mig ni 'di la 'jug /rnam pa mtha' yas sgo yis rang byung rnams/ /phyogs rnams ma las kun tu sems can 'dul/ /sangs rgyas rtog dang rnam rtog mi mnga' ste/ /snang ba 'gyed pa'i spyod yul 'di yin no/ /rgyal ba'i sku ni mi zad nam mkha' bzhin/ /mtshan nyid mi mnga' phyogs la chags pa med/ /sgyu mar gtogs pa'i chos nyid rab tu stan/ /kun tu 'phrul dga'i spyod yul 'di yin no/ /bde gshegs sku dang ye shes rnam pa dang / /de bzhin dbyangs kyi dkyil 'khor mtha' med de/ /chags med sems can sangs rgyas mngon du lta/ /'od zer yid 'ong rnam thar 'di la 'jug /chos rje chos kyi gzhal med khang bzhugs shing / /chos kyi sku yi sangs rgyas rab tu snang / /chos kyi rang bzhin gzhal yas mtshan nyid med/ /rnam thar 'di la rgya mtsho'i 'od 'jug go /de la lha'i rgyal po dbang sgyur gyi rnam par thar pa ni/ mtha' yas pa'i sems can yongs su smin par bya ba'i sgo'i dbang dang / spyod pa'i snying po zhes bya'o/ /lha'i bu mig bzang po'i blo gros kyi rnam par thar pa ni/ sems can thams cad kyi dga' ba dang bde ba la rnam par lta ba 'phags pa'i spyod yul gyi rjes su 'jug pa zhes bya'o/ /lha'i bu cod pan sna tshogs kyi rgyal mtshan gyi rnam par </font><hr>Ka27a<br><font size=+1>


@#/ /thar pa ni/ sems can thams cad kyi 'byung ba sna tshogs don tha dad pa'i dbyings su yang dag par gzhol ba zhes bya'o/ /lha'i bu go 'phang rnam par gnon pa'i sgra dbyangs sna tshogs kyi rnam par thar pa ni/ sems can thams cad la byams pa'i sgo rjes su dran zhing / rang gi yul la rnam par bya ba zhes bya'o/ /lha'i bu 'od yid du 'ong ba'i rgyal mtshan gyi rnam par thar pa ni/ nga rgyal gyi rgyal mtshan rab tu bsnyal ba dang / snying rje chen po'i sgo nas rab tu zhi ba 'byung ba zhes bya'o/ /lha'i bu spyod yul zhi ba'i sgo'i rnam par thar pa ni/ 'gro ba thams cad kyi khong khro ba yang dag par 'dul ba rab tu brjod pa zhes bya'o/ /lha'i bu 'khor lo ri mo bzang po'i rgyal mtshan gyi rnam par thar pa ni/ phyogs bcu mtha' yas pa'i sangs rgyas yid la bya ba mu med par khebs par 'gengs pa zhes bya'o/ /lha'i bu me tog blo gros seng+ge'i dbang phyug gi rnam par thar pa ni/ de bzhin gshegs pa'i rnam par 'phrul ba rnam pa thams cad rjes su dran pa mngon par 'tshang rgya bas rgyas par byed pa zhes bya'o/ /lha'i bu dbang po'i stobs ri mo bzang po'i 'od sna tshogs kyi rnam par thar pa ni| 'jig rten gyi dbang po thams cad kyi chos nyid la yang dag par gzhol ba'i byin rlabs kyi khyad par zhes bya'o/ /de nas lha'i rgyal po dbang byed kyis sangs rgyas kyi mthus </font><hr>Ka27b<br><font size=+1>


lha'i bu dbang byed kyi ris su gtogs pa'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /chos dbyings mthar thugs bde bar gshegs pa'i sku/ /'gro ba kun na mngon par rab tu snang / /'byams klas thams cad chos kyis sems can 'dul/ /chos kyi mnga' bdag rgyal ba 'gro la ston/ /'jig rten bde ba sna tshogs ma lus pa/ /ji snyed de na 'phags bde zhi mchog yin/ /chos nyid yangs pa rgyal ba'i gnas yin te/ /mig bzang bdag po 'di la rnam par lta/ /'jig rten phyogs rnams bkang zhing sangs rgyas kyis/ /bsam pa'i dbyings kyi tshul bzhin chos ston pas/ /sems can kun gyi nem nur dogs pa gcod/ /cod pan sna tshogs rgyal mtshan rnam thar to/ /rgyal ba'i gsung gcig ma lus gsung ba ni/ /bskal pa rgya mtshor yangs pa'i chos sgrog ste/ /'gro ba bkang zhing sangs rgyas gsung brjod pa/ /'di ni brtson pa'i blo gros rnam thar to/ /'jig rten byams pa 'byams klas rgya chen kun/ /bde gshegs pa spu gcig gi dper mi rung / /rgyal ba'i byams pa mkha' bzhin zad mi shes/ /bshad pa sna tshogs blo gros rnam thar to// nga rgyal ri dang mun sprin sgo 'joms shing / stobs bcus 'gro ba kun tu khyab byas nas/ /rgyal ba'i thugs rje'i 'od zer rab tu 'gyed/ /rnam thar 'di ni 'od bzang rgyal mtshan gyi'o/ /bde </font><hr>Ka28a<br><font size=+1>


@#/ /gshegs mthong bas gti mug rab tu 'joms/ /'gro la shes rab dkyil 'khor dge ba ston/ /de dag ngan 'gro'i tshul rnams rnam 'dul te/ /zhi ba spyod yul sgo yi rnam thar to/ /sangs rgyas spu yi khung nas 'od brjod pa/ /sems can kun dang mthun par bde gshegs mtshan/ /de dag bsam pa ji bzhin mtshan kyang thos/ / 'khor lo sna tshogs rgyal mtshan rnam thar yin/ /rgyal ba'i rnam par 'phrul pa tshad med pa/ /de dag thams cad 'khor 'dir phyir snang zhing / /chos dbyings nam mkha' rgyal bas rab rgyas pa/ /me tog seng+ge dpal gyi rnam thar to/ /bskal pa rgya mtsho mang po tshad med par/ /zhing rnams kun tu rgyal ba'i yul brjod kyang / /sangs rgyas gshegs dang bzhud par gyur pa med/ /dbang po dpal stobs rnam thar 'di yin no/ /de la lha'i rgyal po rab 'phrul dga'i rnam par thar pa ni/ chos kyi rang bzhin sprul par rnam par sgom pa'i sbyor ba zhes bya'o/ /lha'i bu sgras zhi ba'i 'od kyi rnam par thar pa ni/ 'jigs pa thams cad rnam par sgom pa'i rang bzhin gyi sbyor ba zhes bya'o/ /lha'i bu stobs kyis 'phrul pa'i sgra'i 'od kyi rnam par thar pa ni/ sems can thams cad kyi gti mug gis yongs su mi zad cing rmongs pa med pa'i dkyil 'khor ces bya'o/ /lha'i bu dbang chen sna tshogs kyi </font><hr>Ka28b<br><font size=+1>


rnam par thar pa ni/ sangs rgyas thams cad kyi gsung la yang dag par 'jug cing dga' ba tshad med pas rnam par snang ba zhes bya'o/ /lha'i bu dran pa'i 'od kyi rnam par thar pa ni/ sangs rgyas thams cad kyi mtshan nyid dang / bsod nams kyi tshogs la 'jug pa zad mi shes pa shin tu bstan pa zhes bya'o/ /lha'i bu sprin sgra shin tu 'phags pa'i rnam par thar pa ni/ 'das pa'i bskal pa gcig nas gcig tu brgyud pa rjes su dran zhing spyod pa'i blo gros zhes bya'o/ /lha'i bu snang ba spyod pa'i dpal gyi rnam par thar pa ni/ sems can thams cad kyi shes rab chad dang bral ba rtogs par byed pa'i ye shes la yang dag par 'jug pa zhes bya'o/ /lha'i bu gtsug phud yid du 'ong ba'i 'od kyi rnam par thar pa ni/ nam mkha'i dbyings kyi mthar nyi ma'i shugs kyis rgyu bas kun tu 'gro ba zhes bya'o/ /lha'i bu dga' ba'i blo gros kyi rnam par thar pa ni/ brtsams pa thams cad zad mi shes pa la brtson 'grus kyi stobs yang dag par 'byung ba zhes bya'o/ /lha'i bu me tog 'od kyi gtsug phud kyi rnam par thar pa ni/ sems can thams cad kyi las la lta zhing bde ba dang sdug bsngal bas kun tu rnam par lta ba zhes bya'o| |lha'i bu phyogs shin tu snang ba'i rnam par thar pa ni/ sems can gyi tshogs bsam gyis mi khyab pa'i rnam par sgrub pa sna tshogs kyi dran pas mngon du sgrub pa zhes bya'o/ /de nas </font><hr>Ka29a<br><font size=+1>


@#/ /lha'i rgyal po rab 'phrul dgas sangs rgyas kyi mthus 'phrul dga'i 'khor gyi dkyil 'khor thams cad la rnam par bltas te de'i tshe tshigs su bcad pa 'di dag smras so/ /'jig rten las kyi rang bzhin bsam mi khyab/ /thams cad 'gro ba 'dir yang shin tu bstan/ /rgyu dang rang bzhin rgyal ba sems can tshul/ /'jig rten 'di kun las kyi rnam par bris/ /thams cad tshul du rang byung dngos po med/ /phyogs rnams kun na'ang gzung ba yod pa min/ /chos kyi sku la dngos med de yang bstan/ /sgra zhi 'od kyis rnam thar 'di mthong ngo / /rgyal bas bskal pa rgya mtshor spyad pa'i tshe/ /'jig rten gti mug mun pa rnam par bzlog /de bas sangs rgyas shin tu dri med snang / /rnam thar 'di ni stobs kyi 'od kyis shes/ /ji snyed 'jig rten sgra dbyangs zhi ba'i rnams/ /kun kyang sangs rgyas sgra las nye bar 'byung / /phyogs rnams zhing dbyings sna tshogs rnam par sgrog /'di ni sna tshogs dbang gi rnam thar to/ /'gro ba'i bsod nams mthu rnams kun bsags kyang / /rgyal ba'i mtshan rab gcig tu mi 'gyur te/ /rgyal ba'i bsod nams nam mkha'i dpe lta bu/ /dran pa'i 'od kyis rnam thar 'di mthong ngo / /dus gsum bskal pa mtha' dang mu med pa/ /spu gcig rtse la rang byung rnams ston te/ /de dag 'byung 'jig ji lta ba yang ston/ /'di ni 'phags </font><hr>Ka29b<br><font size=+1>


pa'i dbyangs kyis rab tu shes/ /phyogs rnams nam mkha'i mtha' ni rnyed par rung / /rgyal ba'i spu gcig mtha' ni thug pa med/ /de ltar sangs rgyas chags med bsam mi khyab/ /yid 'ong 'od kyi gtsug gis de mthong ngo / /sngon gyi rgyal bas bskal pa bsam yas par/ /mi skyo'i thugs kyis brtson 'grus rab bskyed de/ /pha rol phyin pa rgya chen rab tu bskangs/ /de ni dga' dang ldan pa'i rnam thar to/ /'gro ba rnams kyi las kyi rang bzhin rgyu/ /bsam gyis mi khyab sangs rgyas ma lus gsung / /dri med rnam dag chos nyid de yang ston/ /de la me tog 'od kyi gtsug phud 'jug /rgyal ba'i spu gcig rtse la 'gro ba rnams/ /thams cad snyed kyi gzugs kyi sku la ltos/ /'on kyang 'gro zhing 'ong ba de la med/ /rnam thar de ni phyogs su snang bas mthong / / de la lha'i rgyal po rab dga' ldan gyi rnam par thar pa ni/ sangs rgyas thams cad kyi mtshan gyi 'khor lo phun sum tshogs pa mngon par sgrub pa la 'jug pa zhes bya'o/ /lha'i bu dga' ba rgya mtsho'i gtsug phud kyi rnam par thar pa ni/ nam mkha'i dbyings dri ma med pa'i 'od ces bya'o/ /lha'i bu yon tan mchog gi rgyal mtshan gyi rnam par thar pa ni/ smon lam rgya mtsho'i dri ma med pas 'gro ba rab tu zhi bar byed pa la 'jug pa zhes bya'o/ /lha'i bu 'od zer zhi ba'i 'od kyi rnam par thar pa ni/ chos rjes su srung ba'i sgo kun tu bstan pas rnam par </font><hr>Ka30a<br><font size=+1>


@#/ /snang ba zhes bya'o/ /lha'i bu rab tu dga' ba'i mig gi rnam par thar pa ni/ kun nas nyon mongs pa'i khams nam mkha'i dbyings ltar dri ma med par yongs su sbyong ba zhes bya'o/ /lha'i bu rin chen 'od zer zla ba'i rnam par thar pa ni/ 'gro ba rnam par gdul ba zad mi shes pa mngon par sgrub pa'i snying po zhes bya'o/ /lha'i bu rnam par gnon pas rab tu brtson pa'i rnam par thar pa ni/ sangs rgyas thams cad kyi yul la brtson zhing yang dag par byang chub mngon par sgrub pa zhes bya'o/ /lha'i bu rdo rje mdog gi 'od bzang po'i rnam par thar pa ni/ byang chub kyi sems bskyed pa mi shigs par brtan pa'i rgyun thams cad dga' bas yang dag par sdud pa zhes bya'o/ /lha'i bu skar mas brgyan pa'i dpal gyi rnam par thar pa ni/ sangs rgyas 'byung ba thams cad kyi drung du nye bar 'gro zhing / phyogs bcu'i sems can rtsal gyis rnam par gnon pa'i 'dul ba zhes bya'o/ /lha'i bu dga' ba bzang po sna tshogs kyi rnam par thar pa ni/ bsam pa rgya mtsho mtha' dang dbus med pa/ sems skad cig gis yongs su bstan pa la mngon par phyogs pa'i snod yang dag par ston pa zhes bya'o/ /de nas lha'i rgyal po rab dga' ldan gyis sangs rgyas kyi mthus dga' ldan gyi ris su gtogs pa'i lha'i bu'i 'khor thams cad la rnam par bltas te/ de'i tshe tshigs </font><hr>Ka30b<br><font size=+1>


su bcad pa 'di dag smras so/ /chos dbyings dam pa de bzhin gshegs pa ste/ /sems can kun dang mnyam nyid mnyam par 'gyur/ /bsam pa sna tshogs rgyal ba'i chos nyid de/ /dri med bsam gyis mi khyab rab tu 'jug /sangs rgyas sku ni phyogs la thogs pa med/ /gzung ba med cing chags pa gang yang med/ /'gro ba'i gzugs kyi sgo rnams kun la snang / /rnam thar de la dga' ba'i gtsug phud 'jug /smon lam rgya mtshos ji ltar rnam sbyangs pa'i/ /sngon gyi rgyal ba'i spyod pa rnams la ltos/ /thams cad chos kyi dkyil 'khor yongs su rgyas/ /de yi tshul la yon tan rgya mtsho 'jug /bde gshegs chos sku bsam gyis mi khyab ste/ /chos kyi dbyings ni mig yor mtshan nyid do/ /thams cad chos kyi 'od zer snang ba gtong / /zhi ba'i 'od zer snang bas 'di ltar mthong / /'gro ba nyon mongs las kyi mun pas bsgribs/ /'jigs dogs bag med dregs pa'i yul can la/ /rgyal ba zhi ba'i chos nyid rab tu ston/ /dga' ba bzang po'i mig gis dga' bar mthong / /mgon po 'jig rten thams cad skyabs gyur cing / /gnas dang mgon du gyur pa rang 'byung ste/ /rgyal ba sems can kun la bde ba ston// de yi tshul la rtse mo'i zla ba 'jug /sangs rgyas thams cad spyod yul bsam mi khyab/ /chos dbyings dam pa de bzhin gshegs pa ste/ /thams cad chos dbyings pha rol phyin pa brnyes/ /de </font><hr>Ka31a<br><font size=+1>


@#/ /ni brtson pa'i blo gros dga' ba 'o/ /phyogs bcu dag na sems can snod gyur cing / /bsod nams rgya mtshos rnam dag spyod yul can/ /sangs rgyas yon tan thos shing byang chub 'jug /rdo rje rdul gyi 'od ni 'di ltar sems/ /zhing rnams rgya mtsho'i rdul dang mnyam pa yi/ /phyogs bcu'i rgyal sras rtag tu kun 'du zhing / /rgyal ba mchod cing chos nyid nyan par byed/ /brgyan pa'i dpal ni rnam thar 'di la 'jug /'gro ba rgya mtsho'i sems ni bsam mi khyab/ /gnas med g.yo ba med cing rten pa med/ /thams cad skad cig gcig la rgyal bas mkhyen/ /dga' ba sna tshogs dga' bas 'di mthong ngo / /de la lha'i rgyal po rab mtshe ma'i rnam par thar pa ni/ sems can thams cad kyi mya ngan bsal ba dge ba'i sgo yang dag par 'byung ba zhes bya'o/ /lha'i bu dga' ba bde ba'i 'od kyi rnam par thar pa ni/ dmigs pa thams cad khyab par byed pa'i yul zhes bya'o/ /lha'i bu blo gros mi zad pa'i yon tan dpal gyi rnam par thar pa ni/ nad thams cad rnam par sel cing phan par snying rje ba'i dkyil 'khor zhes bya'o/ /lha'i bu 'phrul ba bzang zhing dge ba'i rnam par thar pa ni| bud med thams cad 'dul ba'i bsam pa rjes su rtogs pa'i tshul la 'jug pa zhes bya'o/ /lha'i bu sa dang ri bo'i 'od kyi rnam par thar pa ni/ chos thams cad gzung ba la rmongs </font><hr>Ka31b<br><font size=+1>


pa med pa'i gzungs kyi sgo bde bar snang ba zhes bya'o/ /lha'i bu bsam gyis mi khyab pa'i blo gros kyi rnam par thar pa ni/ dmigs pa'i yul thams cad las kyi rang bzhin bsam gyis mi khyab pa'i tshul la 'jug pa zhes bya'o/ /lha'i bu 'khor lo'i gtsug gi rnam par thar pa ni/ chos kyi 'khor lo'i shugs kyis sems can yongs su smin par bya ba bgrang ba'i tshul la 'jug pa zhes bya'o/ /lha'i bu gzi brjid 'od 'phro'i rnam par thar pa ni/ khams thams cad kyi mthar 'gro bas mig shin tu yangs pa'i dkyil 'khor gyis kun tu blta ba zhes bya'o/ / lha'i bu 'od rnam par snang ba'i rnam par thar pa ni/ las kyi dmigs pa dang 'grogs pa'i bdud kyi las thams cad zlog pa zhes bya'o/ /lha'i bu grags pa'i phyogs su rnam par lta ba'i rnam par thar pa ni/ lha'i gnas thams cad kyi 'khor du dgos pa myong bar bya ba la sems rab tu dang ba zhes bya'o/ /de nas lha'i rgyal po rab mtshe mas sangs rgyas kyi mthus rab mtshe ma'i lha'i bu'i dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /bskal pa rgya mtsho yangs pa rgya chen du/ /'gro ba'i nyon mongs rgya mtsho yongs sbyangs pa'i| |dri med lam ni ye shes dkyil 'khor rnams/ /yang dag brnyes pa'i sgron mas rab tu bstan/ /rgyal ba'i sku ni mtha' yas rgya che ste/ /phyogs bcur mu mtha' rnyed par yong mi rung / </font><hr>Ka32a<br><font size=+1>


@#/ /tshul rnams kun gyis sangs rgyas tshad med de/ /de la dga' ba bde ba'i 'od 'jug go /nad dag rga ba 'chi ba mya ngan gyis/ /'jig rten gtses shing rab tu gdungs pa rnams/ /de dag kun la thugs rje'i dkyil 'khor can/ /sangs rgyas blo gros zad pa med pas mthong / /ye shes sgyu ma sangs rgyas thugs su chud/ /dus gsum kun la chags pa mi mnga' ste/ /'gro ba thams cad spyod pa rab tu mkhyen/ /'di ni 'phrul pa dge ba'i spyod yul lo/ /sangs rgyas dbus dang mtha' med gzugs rnams dang / /tha dad yang dag shes pa rgya mtsho gsung / /chos kyi 'khor lo yang dag rab tu bskor/ /'di ni sa yi ri 'od rnam thar to/ /sangs rgyas chos kyi rang bzhin rgya chen ston/ /chos rnams thugs su chud pas rnam par dag /thams cad chos kyi yul ni bsam yas te/ /blo gros bsam yas tshul las 'di yin no/ /sems can thams cad sdug bsngal zhi byed pa'i/ /bsam gyis mi khyab tshul gyi 'khor lo bskor/ /byang chub spyod pa rgya chen rnams kyang ston/ /'khor lo lta ba 'di yi sa la 'jug /rgyal ba'i sku 'di sems can grangs bzhin du/ /sprul pas 'jig rten yongs su khyab mdzad de/ /'gro ba kun la mngon par kun na gnas/ /gzi brjid 'od 'phro'i spyod yul 'di yin no/ /sangs rgyas mthong ba tsam gyis 'gro ba yi/ /las kyi sgrib pa thams </font><hr>Ka32b<br><font size=+1>


cad bzlog par 'gyur/ /bdud kyi las rnams kun kyang de bzhin spong / /rnam snang 'od kyi spyod yul 'di yin no/ /rgya mtsho'i 'khor rnams thams cad kun tu yang / /rgyal ba bzhugs pas mngon par rab tu mdzes/ /chos kyi sprin chen char yang rab 'bebs te/ /grags pa kun tu grags pa'i rnam thar to/ /de la lha'i dbang po brgya byin gyi rnam par thar pa ni/ dus gsum du gshegs pa'i de bzhin gshegs pa skye ba 'byung ba dang / rnam par 'jig pa rgya chen po rjes su dran pa yid la bya ba la dga' ba chen po'i shugs zhes bya'o/ /lha'i bu sgra kun tu grags pa'i dbang phyug dkyil 'khor gyi rnam par thar pa ni/ sems can thams cad kyi gzugs de bzhin gshegs pa'i gzugs kyi sku'i yon tan yongs su spyod pa'i shugs kyi snying po zhes bya'o/ /lha'i bu byams par lta ba'i gtsug phud kyi rnam par thar pa ni/ byams pa'i sprin gyis kun tu khebs par byed pa'i byin gyi rlabs kyis khyab par byed pa zhes bya'o/ / lha'i bu rin po che'i 'od kun tu grags pa'i rgyal mtshan gyi rnam par thar pa ni/ 'jig rten thams cad kyi yon tan dang / mthu dang / sems can gyi rnam pa sangs rgyas rjes su dran pa'i sgo kun nas 'jug pa zhes bya'o/ /lha'i bu dga' bde 'byung ba'i gtsug phud kyi rnam par thar pa ni/ sems can thams cad kyi gzhal med khang rnam par lta ba'i bsod nams yang </font><hr>Ka33a<br><font size=+1>


@#/ /dag par 'byung ba'i byin gyi rlabs zhes bya'o/ /lha'i bu dran pa yid du 'ong ba'i rnam par thar pa ni/ sangs rgyas skye ba 'byung ba dang / sems can yongs su smin par bya ba rjes su dran pa rnam par sgom pa zhes bya'o/ /lha'i bu ri bo sgra'i dpal gyi rnam par thar pa ni/ 'jig rten 'jig pa dang / 'du ba dang / bskal pa'i me yongs su 'pho ba'i ye shes kyi rgyan ces bya'o/ /lha'i bu dran pa dang ldan pa'i rnam par thar pa ni/ ma 'ongs pa'i byang chub sems dpa'i spyod pa 'byung ba sems can gdul ba'i rgyu dran pa'i rim pa zhes bya'o/ /lha'i bu me tog dri ma med cing yid du 'ong ba'i 'od kyi rnam par thar pa ni/ lha'i bu dga' ba thams cad la brtse ba rjes su dran pa'i rim pa zhes bya'o/ /lha'i bu ye shes nyi ma'i mig gi rnam par thar pa ni/ lha'i bu thams cad skye bar rab tu brjod pa'i dge ba la rmongs pa med pa zhes bya'o/ /lha'i bu yang dag par skul ba'i 'od kyi dbang phyug gi rnam par thar pa ni/ lha'i 'khor thams cad yang dag par skul zhing phan tshun dgos pa'i the tshom rnam par gdon mi za bar gcod pa zhes bya'o/ /de nas lha'i dbang po brgya byin gyis sangs rgyas kyi mthus sum cu rtsa gsum ris kyi lha'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /dus gsum bde bar </font><hr>Ka33b<br><font size=+1>


gshegs pa thams cad dang / /de dag spyod yul rgya chen de dag dang / /de dag zhing 'byung 'jig pa ji bzhin dran/ /rgyal ba'i mthu yis de dag dri med snang / /sangs rgyas sku mang phyogs su rgyas byas shing / /mnyam med gzugs kun 'gro la phan pa'i phyir/ /rgyal ba kun nas lham me lhang nge ste/ /grags pa'i dkyil 'khor 'od kyis 'di mthong ngo / /byams pa rgya mtsho'i tshul ni rgya che zhing / /shin tu yangs pas 'gro ba kun bkang nas/ /sngon bsgoms sems can mtha' yas khams kyang btul/ /dri med mig gi gtsug phud 'di mthong ngo / /bder gshegs yon tan rgya mtsho de dran nas/ /bdag gi dga' ba yang dag 'byung skyes te/ /sangs rgyas 'jig rten kun na mnyam med mchog /'di ni grags rgyal dri med rnam thar to/ /las dge rgya mtshos 'gro ba kun bkang zhing / /dri med ma lus rgyal bas bstan pa mdzad/ /de las bsod nams yangs pa kun byung ste/ /dga' bde gtsug phud tshul ni 'di yin to/ /sangs rgyas skye ba yangs pas phyogs bkang zhing / /bder gshegs 'gro ba rgyas par mngon du 'gyur/ /de dag rgya chen sems can 'dul la ltos/ /de yi tshul la dran pa'i rgyan 'jug go /bder gshegs ye shes sku mnga' spyan yangs pa/ /'byams klas zhing rnams thams cad kun bzhugs pa/ /'byams klas zhing gi rdul la kun kyang bstan/ /rnam thar 'di la sprin gyi dbyangs 'jug go / </font><hr>Ka34a<br><font size=+1>


@#/ /rgyal ba'i sras kyi byang chub spyod pa dag /ji bzhin yangs pa sbu yi rtse mo la/ /rgyal bas de dag tshad med phun sum bstan/ /dran pa'i blo gros 'di yi tshul mthong ngo / /'gro ba 'di ni rtse dga' gang bde ba/ /de dag thams cad rgyal ba'i mthu yis byung / /bsod nams mnyam med rgyal ba byung la ltos/ /'di ni me tog sna tshogs dri med kyi'o// sems gcig rgyud la rgyal ba'i yon tan gyis/ /bder gshegs shin tu rgya chen sus dran pa/ /de la ngan song kun gyi 'jigs pa med/ /ye shes nyi me'i mig gi rnam thar to/ /rgyal ba'i rdzu 'phrul chos nyid rgya che zhing / /bsam pa'i lam rnams thams cad kun nas gnas/ /de dag the tshom nem nur thams cad sel/ /rnam thar 'di ni brjod dbang blo gros kyi'o/ /de la lha'i bu zla ba'i rnam par thar pa ni/ 'gro ba thams cad bsdu zhing rnam par gdul ba'i snang bas chos kyi dbyings kun nas dri ma med pa'i dkyil 'khor zhes bya'o/ /lha'i bu 'od kyi me tog rgyal po'i gtsug phud kyi rnam par thar pa ni/ sems can thams cad kyi yul rnam par lta ba dang / mtha' yas pa'i chos 'byams klas pa la yang dag par 'jug pa zhes bya'o// lha'i bu dpal gyi tshogs sna tshogs kyi rgyan gyi 'od kyi rnam par thar pa ni/ 'gro ba thams cad kyi sems rgya mtsho yongs su bzlog cing phan tshun gyi yul dang / dmigs pa la yang dag </font><hr>Ka34b<br><font size=+1>


par spyod pa zhes bya'o/ /lha'i bu 'jig rten dga' ba'i bde ba sna tshogs kyi rnam par thar pa ni/ sems can thams cad kyi bde ba bsam gyis mi khyab pa dang / dga' ba dang / rangs pa rgya chen po bskyed pa zhes bya'o/ /lha'i bu shing gi dbang po'i mig gi 'od kyi rnam par thar pa ni/ lo tog thams cad kyi myu gu dang / sa bon srung ba dang / dus yongs su bsgyur ba yang dag par ston pa zhes bya'o/ /lha'i bu 'od bzang po ston pa'i rnam par thar pa ni/ 'gro ba thams cad bde ba dang / sdug bsngal gyi tshor ba myong ba la byams pa dang snying rje'i sgos yongs su skyob pa zhes bya'o/ /lha'i bu kun nas spyod pa mi sgul ba'i 'od kyi rnam par thar pa ni/ zla ba dri ma med pa 'dzin cing spyod pas phyogs yongs su 'dus pa zhes bya'o/ /lha'i bu skar ma'i rgyal po'i bdag po'i rnam par thar pa ni/ chos thams cad sgyu ma lta bu nam mkha'i rang bzhin ltar dngos po med pa/ mtshan nyid med pa zhes bya'o/ /lha'i bu blo dri ma med pa'i zla ba'i rnam par thar pa ni/ sems can thams cad kyi skye ba kun kyang las kyi rang bzhin du yang dag par 'jug pa zhes bya'o/ /lha'i bu gzi brjid chen po'i 'od zer mdzes pa'i rnam par thar pa ni| lha'i dgos pa thams cad la the tshom yang dag par gcod pa brjod pa la 'jug pa zhes bya'o/ /de nas lha'i bu zla bas sangs rgyas kyi mthus zla ba'i gzhal med khang du gtogs pa'i </font><hr>Ka35a<br><font size=+1>


@#/ /lha'i bu'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /'gro ba thams cad kun tu 'od bkye zhing / /phyogs bcu'i zhing rnams kun tu sangs rgyas snang / /mun pa chen pos rmongs pa'i 'jig rten du/ /bsam yas rgya chen chos kyi snang ba 'gyod/ /sangs rgyas yul ni mi zad mtha' yas te/ /'gro ba thams cad mtshungs med bskal par 'jug /rang byung de dag sems can kun la mngon/ /rgyal ba de ltar snang ba'i gtsug gis mthong / /rgyal ba'i ye shes rgya chen de la ltos/ /sems kyi rgya mtsho tshad med skad cig la/ /chos kyi 'khor los thams cad tshim par mdzad/ /chu bo dpal gyi rnam thar 'di yin no/ /'phags pa'i bde ba med pa'i 'jig rten rnams/ /mtha' yas sdug bsngal nyam ngas rmongs pa la/ /rgyal ba'i chos nyid rnam par dag pa ston/ /dga' bde sems pas rnam thar 'di mthong ngo / /rgyal ba'i thugs rje rnam dag ngo mtshar che/ /srid pa'i rgyud du 'gro la phan phyir 'khor/ /dge ba rnam par mi 'jigs ston mdzad de/ /shing gi mig gi 'od kyis 'di mthong ngo / /rgyal ba'i chos kyi 'od rnams rab bkye ba/ /'jig rten las kyi rang bzhin rnam par 'byed/ /dge dang mi dge'i lam rnams 'jig pa med/ /'od bzang mthong ba rnam thar 'di la 'jug /'jig rten kun tu rang byung sa lta bu/ /sems </font><hr>Ka35b<br><font size=+1>


can thams cad bsod nams gzhis bzung zhing / /chos kyi phyogs rnams mya ngan med pa ston/ /spyod pa mi sgul tshul ni 'di yin no/ /chos dbyings thug pa med par rgyal bas khyab/ /'gro dang mnyam par bsam yas sku bkye ste/ /chos kyi tshul ni sems can kun la ston/ /'di yi tshul la gzi brjid bdag po 'jug /nam mkha'i dngos ltar dngos med 'gro ba na/ /gzugs brnyan mnyam pa'i sangs rgyas rnams snang ba/ /'gro ba kun la phan pa'i don du byung / /dge ba'i dpal gyis rnam thar 'di mthong ngo / /sangs rgyas sku yi spu rtse kun nas kyang / /'gro ba kun la chos sprin ma lus gsung / /thos nas dga' ba rgya chen rab tu skyed/ /rnam thar 'di la dag pa'i sems 'jug go /de la lha'i bu nyi ma'i rnam par thar pa ni/ sems can gyi dgos pa thams cad la phyi ma'i mthar thug pa'i bskal par dri ma med pa'i snang bas phyogs bcu rgyas par byed pa'i rgyan ces bya'o/ /lha'i bu gzi brjid kyi 'od zer 'bar ba'i mig gi rnam par thar pa ni/ sems can kun la dbang sgyur ba rjes su bsnyegs pa'i yon tan yongs su sbyangs pas shin tu 'phags pa zhes bya'o/ /lha'i bu ri bo'i rgyal mtshan gyi 'od kyi rnam par thar pa ni/ sems can thams cad la dbang sgyur pa'i yon tan mtha' yas pa yongs su sbyangs pas shin tu 'phags pa zhes bya'o/ /lha'i bu rin chen dri med rmad du byung ba'i rnam par thar pa ni/ brtul zhugs dang dka' thub </font><hr>Ka36a<br><font size=+1>


@#/ /thams cad la bde bar 'jug pa zhes bya'o/ /lha'i bu phyir mi ldog pa rab tu gnon pa'i rnam par thar pa ni/ nyi ma'i 'od chags pa med pas kun tu rgyas par byed cing 'gro ba thams cad kyi mdangs yang dag par 'byung ba zhes bya'o/ /lha'i bu me tog gi phreng ba'i 'od kyi dpal gyi rnam par thar pa ni/ nyi ma'i 'od dri ma med pas sems can gyi dgos pa la snang ba rgya chen po dang / dga' ba'i shugs dang / mos pa rgya mtsho yang dag par 'byung ba zhes bya'o/ /lha'i bu 'od kyi dpal snang ba'i rgyal mtshan gyi rnam par thar pa ni| 'jig rten thams cad kyi 'od rnam pa sna tshogs bsod nams kyi tshogs rnam pa tha dad pas yang dag par 'grub pa zhes bya'o/ /lha'i bu rin chen gtsug phud rnam par snang ba'i rnam par thar pa ni/ rgya mtsho'i dbyings su rin po che sna tshogs thams cad 'gro ma zhing yul du ma'i gzugs yang dag par ston pa zhes bya'o/ /lha'i bu mig kun tu snang ba'i rnam par thar pa ni/ 'gro ba thams cad kyi mig gi dbang po yongs su sbyong zhing rnam par lta ba'i chos kyi dbyings kyi snying po zhes bya'o/ /lha'i bu dpal gyi be'u 'dzin pa'i rnam par thar pa ni| chu'i rgyud thams cad yongs su sbyong zhing rnam par 'jig pa med pa 'byung ba zhes bya'o/ /lha'i bu sgo thams cad du skyob pa'i dpal gyi 'od kyi rnam par thar pa ni/ nyi ma'i </font><hr>Ka36b<br><font size=+1>


gzhal med khang gis phyogs su 'jug pa dang / sems can thams cad kyi dgos pa la snang bas yongs su skyob pa zhes bya'o/ /de nas lha'i bu nyi mas sangs rgyas kyi mthus nyi ma'i ris su gtogs pa'i lha'i bu'i 'khor du gtogs pa'i dkyil 'khor thams cad la rnam par bltas nas de'i tshe tshigs su bcad pa 'di dag smras so/ /bder gshegs ye shes shin tu yangs pa'i 'od/ /phyogs rnams kun tu thams cad zhing bkang zhing / /'gro ba thams cad sangs rgyas mngon bstan te/ /thabs kyi sgo nas sems can rnam par 'dul/ /rgyal ba'i yon tan rgya mtsho rnam yangs pa/ /bsam pa thams cad yongs su bkang bstan cing / /'gro ba 'dir ni shes rab mnyam med brjod/ /gzi brjid 'od kyis rnam thar 'di mthong ngo / /rgyal ba sangs rgyas kun tu rab 'phags pa/ /phyogs rnams rgyas par kun nas mdzes shing snang / /rgyal ba'i sku ni mi mnyam dpag tu med/ /ri rab 'od mchog rnam thar 'di yin no/ /mtha' yas srid par bskal pa rgya mtshor yang / /rgyal bas 'gro don brtul zhugs spyad pas na/ /de phyir sangs rgyas 'od ni nam mkha' bzhin/ /zla ba'i dpal gyis rgyal ba'i sku mthong ngo / / rgyal ba'i gsung mchog chags med rnam grol bas/ /phyogs dang zhing rnams thams cad ma lus brgyan/ /'gro bar chos kyi ro rnams bsags pa yi/ /rgyu 'di brtson 'grus bzang pos rab </font><hr>Ka37a<br><font size=+1>


@#/ /tu shes/ /'od kyi dra ba bsam yas btang bas na/ /phyogs rnams kun tu sems can rnam par sbyong / /mos pa rgya chen yangs pa rab tu bskyed/ /phreng ba snang ba'i dpal gyi rnam thar to/ /'gro ba dag na ji snyed 'od yod pa/ /de dag rgyal ba'i spu gcig dper mi rung / /sangs rgyas 'od rnams de ltar bsam mi khyab/ /'di ni snang ba'i 'od kyi rnam thar to/ /rgyal ba kun gyi chos nyid 'di 'dra ste/ /thams cad phyogs su byang chub shing dbang drung / /lam ngan song la lam rnams mngon du ston/ /gtsug phud sna tshogs rnam par snang bas mthong / /'gro ba gti mug mun par nub gyur pas/ /sdug bsngal can la rgyal ba mig skyes shing / /de dag ye shes sgron mas rab tu bstan/ /rnam thar 'di ni mig bzang snang bas mthong / /thams cad tshul gyis rnam thar rang byung bas/ /gang du gang tshe mchod pa gzigs pa na/ /thar pa'i 'bras bu rim gyis rab tu ston/ /'di ni snang ba'i dpal gyi tshul dang sa/ /chos rnams gcig gi sgo nas mtha' yas pa'i/ /bskal pa stong du mi mgon rab tu snang / /chos kyi don yangs phyogs rnams kun tu ston/ /'di ni kun tu dpal gyi rnam thar to/ /de la dri za'i rgyal po gnas srung po'i rnam par thar pa ni/ kun tu rtse ba'i thabs thams cad kyis sems can sdud pa'i sbyor ba zhes bya'o/ /dri za'i </font><hr>Ka37b<br><font size=+1>


dbang po shing mi 'am ci'i 'od kyi rnam par thar pa ni/ chags pa thams cad kyi yon tan rnam par brgyan pas kun tu snang ba zhes bya'o/ /dri za'i dbang po mig gtsang ma dga' ba rab tu skye ba'i rnam par thar pa ni/ 'gro ba thams cad kyi mya ngan rnam par bzlog pas dga' ba'i snying po zhes bya'o/ /dri za'i dbang po me tog dang shing shin tu rgyas pa'i cod pan gyi rnam par thar pa ni/ 'gro ba'i lta ba dang / nyon mongs pa thams cad rnam par 'jil ba zhes bya'o/ /dri za'i dbang po dga' bas spyod pa kun tu sgrog pa'i rnam par thar pa ni/ sems can thams cad dbugs dbyung ba la kha na ma tho ba med pa'i sprin gyi 'od ces bya'o/ /dri za'i dbang po rab tu dga' ba rgyun du gnas pa'i mig bzang po'i rnam par thar pa ni/ dga' ba thams cad rab tu gnas pa yangs pa la mos pa'i snying po zhes bya'o/ /dri za'i dbang po yid du 'ong ba'i dbyangs seng+ge'i rgyal mtshan gyi rnam par thar pa ni/ rin po che dgram pas phyogs thams cad du khyab pa zhes bya'o/ /dri za'i dbang po 'od zer kun tu 'gyed pa'i 'od kyi rnam par thar pa ni/ dge ba'i lus thams cad yang dag par bstan pas dga' ba shin tu rgyas pa'i 'od ces bya'o| |dri za'i dbang po rdo rje'i shing gi yal ga'i rgyal mtshan gyi rnam par thar pa ni/ shing thams cad kyi mdangs 'byung bas rab tu dga' ba'i mig kun tu snang ba zhes bya'o/ /dri za'i </font><hr>Ka38a<br><font size=+1>


@#/ /dbang po rgyan thams cad la dga' ba'i rang bzhin gyi tshul ston pa'i rnam par thar pa ni/ sangs rgyas kyi yul thams cad rnam par dpyod cing / sems can gyi sgo rab tu brjod pa zhes bya'o/ /de nas dri za'i dbang po gnas srung pos sangs rgyas kyi mthus dri za'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /sangs rgyas spyod yul mtha' yas sgo can yang / /'gro ba kun gyis 'jug par nus pa min/ /bder gshegs nam mkha'i rang bzhin dri ma med/ / rgyal ba 'gro ba kun tu lam yang ston/ /rgyal ba'i yon tan rgya mtsho tshad med de/ /ba spu'i khung bu kun na'ang shin tu yangs/ /'gro ba kun la phan dang bde don mdzad/ /yid 'ong shing gi 'od ni 'di ston to/ /'gro ba'i don ni rgya mtsho yangs mang dang / /sdug bsngal ma lus rgyal bas zlog par mdzad/ /thabs dang thugs rje rnam pa sna tshogs mnga'/ /dge ba'i mig ni rnam thar 'di ston to/ /phyogs rnams rgya mtsho mtha' yas zhing gi rnams/ /kun tu rgyal ba'i 'od rab snang bar 'char/ /sems can lta ba'i dri ma rnam par sbyong / /me tog shing gi gtsug phud cod pan tshul/ /sngon chad bskal pa rgya mtsho rab mang bar/ /byams pa'i tshul yangs yongs su bsgoms pas na/ /rgyal ba 'gro ba kun gyi dbugs kyang 'byin/ /kun tu sgra </font><hr>Ka38b<br><font size=+1>


dbyangs 'di yi tshul la 'jug /rgyal ba mthong bas dga' ba kun dge dang / /'gro ba 'dir ni mi zad bde ba 'byung / /thar pa'i 'bras bu rgyu rnams rim gyis ston/ /mu tig cod pan rnam thar 'di ston to/ /sgrib dang rab rib gti mug stug por ni/ /sems can 'khor tshe rtag tu shin tu rmongs/ /de la rgyal ba chos nyid yangs pa ston/ /seng+ge'i rgyal mtshan 'di la rab tu 'jug / 'gro ba kun dang mnyam pa mtha' yas kyang / /bder gshegs gzugs rnams rab tu yangs pa ston/ /'gro bar thabs rnams sna tshogs sgo nas snang / /de ltar sgra dbyangs snyan pas bder gshegs mthong / /thams cad mkhyen pa'i tshul gyi phyogs mtha' yas/ /sems can dag la rgyas par rgyal bas bstan/ /byang chub spyod mchog 'jug pa'i tshul yin te/ /rdo rje shing gi rgyal mtshan rnam par sems/ /skad cig gcig gis bskal pa brgya mang ba/ /sangs rgyas ston kyang 'pho ba yod med de/ /sems can rnams kyi bde ba thams cad bskyed/ /dga' ba mthong ba'i rnam thar tshul 'di yin/ /de la grul bum gyi dbang po 'phags skyes po'i rnam par thar pa ni/ mdud par 'dzin pa byung ba thams cad rab tu zhi bar byed pa'i 'od ces bya'o/ / grul bum gyi dbang po klu bdag gi rnam par thar pa ni/ sgo mtha' yas par spyod pa rgya mtsho la spyod pa zhes bya'o/ /grul bum gyi dbang po legs par spyad pa'i rgyal mtshan gyi rnam par </font><hr>Ka39a<br><font size=+1>


@#/ /thar pa ni/ rgyud thams cad du 'jig rten gyi bsam pa rgya mtsho snyed kyi sgo zhes bya'o/ /grul bum gyi dbang po phan par spyod par 'phar ba'i rnam par thar pa ni/ snang ba dri ma med pa'i bya ba la kun nas spyod par gnas pa zhes bya'o/ /grul bum gyi dbang po 'jigs pa las sgrol ba'i rnam par thar pa ni/ 'gro ba thams cad gdon pa'i lam 'jigs pa med pa'i rgyan ces bya'o/ /grul bum gyi dbang po rtsal sna tshogs bzang po'i rnam par thar pa ni/ 'gro ba mtha' yas pa'i sred pa rgya mtshos yongs su gdung ba zhi bar byed pa zhes bya'o/ /grul bum gyi dbang po ri rab legs par byung ba'i rnam par thar pa ni/ 'gro ba rgyud thams cad du snang ba'i sprin yang dag par 'byung ba zhes bya'o/ /grul bum gyi dbang po sde dpa' ba'i rnam par thar pa ni/ kun tu snang bas sgrib pa'i ri yang dag par 'joms pa zhes bya'o/ /grul bum gyi dbang po dge ba'i mig gi 'od zer mtha' yas pa'i rnam par thar pa ni/ snying rje chen po phyir mi ldog pa'i snying po 'byung ba zhes bya'o/ /grul bum gyi dbang po lha dang lha ma yin sgo mtha' yas pa'i mig gi rnam par thar pa ni| rgyud kun tu lus yang dag par ston par 'gro ba'i yul zhes bya'o/ /de nas grul bum gyi dbang po 'phags skyes pos sangs rgyas kyi mthus grul bum gyi 'khor gyi dkyil </font><hr>Ka39b<br><font size=+1>


'khor thams cad la rnam par bltas te/ de'i tshe tshigs su bcad pa 'di dag smras so/ /'jig rten mgon po bzod pa'i stobs dang ldan/ /'gro la phan don bskal pa bsam yas spyod| |nga rgyal dregs myos spangs pas 'jig rten khams/ /kun na rgyal ba'i sku gsal rab tu mdzes/ /sngon chad rgyal bas spyod pa rgya mtsho dag /spyad de thabs mang tshogs pas phan bskyed nas/ /phyogs bcur mtha' yas sems can smin par mdzad/ /rnam thar mtha' yas 'di ni klu bdag gi'o/ /sangs rgyas ye shes yangs pa 'gro ba'i mgon/ /des ni sems can bsam pa kun kyang gsal/ /sna tshogs 'phrul sgos sems can rnam par 'dul/ /rgyal ba mthong bas sna tshogs rgyal mtshan dga'/ /sangs rgyas rdzu 'phrul yul bdag gzugs brnyan 'dra| |'jig rten kun na phyi mtha'i bskal par gnas/ /chos kyi 'khor lo mkha' 'dra yang dag dngos/ /de ni phyin spyod rgyu bas mthong ba yin/ /mi bzad rab rib bsgribs pa'i 'jig rten du| |rgyal ba'i 'od ston rnam thar lam dge ston/ /mgon dang skyabs gyur sdug bsngal thams cad spong / /'jigs las sgrol bas rnam thar 'di mthong ngo / /sred pa rgya mtshos gdungs 'gro sdug bsngal ba/ /rgyal ba'i ye shes 'od kyis ma lus zhi/ /sbyangs shing rgyal ba sangs rgyas chos nyid ston/ /sna tshogs khyim ni rnam thar 'di la 'jug /'gro ba 'byams klas kun </font><hr>Ka40a<br><font size=+1>


@#/ /na sangs rgyas sku/ /thabs sgo tshogs pas sems can 'dul ba snang / /chos sprin char 'bebs gsung gi 'brug sgra sgrog /rnam thar 'di ni ri rab blo gros kyi'o| |sangs rgyas 'od ni dri med 'gro kun tu/ /don yod 'gro ba'i sgrib kun kun nas sel/ /sangs rgyas yon tan snang mdzad sgra yang 'byin/ /rnam thar mtha' yas tshul 'di dpa' sdes mthong / /bskal pa snga tshe thugs rje'i sgo mang ba/ /'gro kun phan bde'i don du rgyal bas bsgoms/ /'byams klas sna tshogs thabs kyis sdug bsngal bsal/ /de ni mtha' yas dge ba'i zer gyis mthong / /rgyal ba'i sku ni mtha' yas kun tu rgyu/ /'jig rten kun tu'ang byon dang bzhud mi mnga'/ /kun na'ang rang byung rnam par 'phrul ba snang / /de ni lha dbang mtha' yas sgo yis mthong / /de la klu'i dbang po mig mi bzang gi rnam par thar pa ni/ klu'i 'gro ba'i rgyur thams cad kyi 'bar ba zhi bar bya bas yongs su skyob pa zhes bya'o/ klu'i rgyal po rgya mtsho'i rnam par thar pa ni/ sems skad cig gis bsam gyis mi khyab pa'i sems can dang klu rab tu zhi bar bya ba'i lus dang kha dog rab tu ston pa zhes bya'o/ klu'i rgyal po sprin sgra sna tshogs kyi rgyal mtshan gyi rnam par thar pa ni/ srid pa'i rgyud thams cad du ming gi 'khor lo rgya mtsho mtha' yas pa dge ba'i nga ror sgrog pa zhes bya'o/ / </font><hr>Ka40b<br><font size=+1>


klu'i rgyal po 'od 'phro ba'i sgo rgya mtsho rab tu snang ba'i rnam par thar pa ni/ 'jig rten gyi khams rab tu dgod cing rnam par dbye ba dang / sangs rgyas kyi zhing mtha' yas pa la dmigs pa yang dag par ston pa'i sbyor ba zhes bya'o/ /klu'i rgyal po kun nas ri'i sprin gyi rgyal mtshan gyi rnam par thar pa ni/ 'gro ba thams cad la bsod nams rgya mtsho yang dag par bstan pa'i dga' ba'i shugs shin tu yangs pa zhes bya'o/ /klu'i rgyal po 'jog po'i rnam par thar pa ni/ 'jigs pa'i sgra skad thams cad yongs su skem pa'i skyabs dri ma med pa zhes bya'o| |klu'i rgyal po mtha' yas par 'gro ba'i rnam par thar pa ni/ gzugs kyi sprin rgya chen po shin tu ston cing bskal par byin gyis rlob pa'i brtson 'grus zhes bya'o/ /klu'i rgyal po mdzod spu'i gzi brjid dri ma med pa'i shugs kyi rnam par thar pa ni/ sems can thams cad la dga' ba'i shugs yangs pa dang yang dag par mos pa rgya mtsho shin tu 'byung ba zhes bya'o/ /klu'i rgyal po kun tu spyod pa rgya chen po'i dbyangs kyi rnam par thar pa ni/ sgra thams cad 'byung ba la yang dag par gzhol zhing yid du 'ong bas thogs pa med par kun tu rgyas par byed pa zhes bya'o/ /klu'i rgyal po ma dros pa'i rnam par thar pa ni/ 'gro ba thams cad kyi sdug bsngal rgya mtsho la snying rje'i sgo kun nas sprin gyis 'gengs shing rab tu zhi ba </font><hr>Ka41a<br><font size=+1>


@#/ /dang yongs su dag par byed pa zhes bya'o/ /de nas klu'i rgyal po chen po mig mi bzang gis sangs rgyas kyi mthus klu'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /rgyal ba kun gyi chos nyid de dag ltos/ /drang srong chen po 'gro ba kun gyi skyabs/ /mi bzad klu yi rgyud du lhung ba rnams/ /byams pa'i stobs kyis rim gyis 'don pa mdzad/ /'gro ba kun snyed gzugs kyi sgo rnams kyang / /rgyal bas spu gcig rtse la mngon par bstan/ /thams cad rdul la 'phrul gyis mngon par 'phrul/ /rgyal ba'i rnam thar rgya mtsho'i klu yis mthong / /rgyal ba de yi rdzu 'phrul mtha' yas te/ /sangs rgyas mtshan kyang 'gro snyed rgya mtsho 'o| |de dag sems can bsam pa ji bzhin nyan/ /sprin sgra'i rgyal mtshan de 'dra'i rnam thar ldan/ /khro ba rgya mtshor 'gro ba 'di dag kun/ /bsgribs shing g.yogs pa'ang khro ba'i rgya mtshor te/ /de la rang byung byams dang thugs rjes 'dzin/ /'di ni 'od 'phro sgo yi klu yis mthong / /'gro ba kun gyi bsod nams mthu yi rnams/ /sangs rgyas spu gcig rtse la mngon par ston/ /bsod nams 'jug pa rgya mtsho kun kyang bstan/ /'di ni ri sprin rgyal mtshan klu yis mthong / /'jigs pa ches mnar sems can sdug </font><hr>Ka41b<br><font size=+1>


bsngal ba/ /rgyal ba'i 'od chen shin tu yangs pas bskyabs/ /ba spu'i sgo nas yid 'ong sgra yang 'byung / /rnam thar 'di ni 'jog po klu yis mthong / /dus gsum gshegs pa rgyal ba thams cad kyi/ /sku ni sangs rgyas nyid kyi sku la bstan/ /de bzhin bskal pa brgyud pa'i zhing mang yang / /mtha' yas goms pa'i klu yis de mthong ngo / /rgyal ba'i spu gcig rdzu 'phrul mtha' yas bkang / /zhing mang mtha' yas kun kyang der zhugs te/ /de na bzhugs par rgyal ba 'khor gyis mthong / /rnam thar de ni 'od 'bar klu yi 'o/ /ji snyed rgyal ba rgya mtsho mchod byas pa'i/ /sngon gyi rgyal ba'i chos nyid rab mthong zhing / /de la dga' ba rgya mtsho rnam par bskyed/ /shugs lam klu ni 'di la rab tu 'jug/ rang byung gsung gi yan lag thams cad kyis/ /'gro ba thams cad chos kyis ngoms par mdzad/ /rgyal ba'i gsung ni zhi zhing dga' 'gyur ba/ /de ni kun tu spyod pa'i klus thos so/ /srid pa kun tu sdug bsngal gzir mthong nas/ /nyon mongs las kyis 'khor zhing mgon med pa/ /sangs rgyas thugs rje chen pos rab tu 'grel/ /rnam thar 'di ni ma dros klus mthong ngo / / bam po gsum pa/ de la rgyal po chen po ngal bso po'i rnam par thar pa ni/ dga' ba'i sgo rnam par lta ba'i yul gyi rgyud kyis phan par sbyor ba zhes bya'o/ /gnod sbyin gyi dbang </font><hr>Ka42a<br><font size=+1>


@#/ /po dbyangs chen dbang phyug gi rnam par thar pa ni/ sgo thams cad la dbang byed pas rnam par lta zhing / sems can phan par sbyor bas yongs su skyob pa zhes bya'o/ /gnod sbyin gyi dbang po rtsal shin tu gtum pa'i mtshon cha'i rnam par thar pa ni/ gtum pa dang drag shul gyi rgyud las srung ba kun nas mang po 'byung ba zhes bya'o| |gnod sbyin gyi dbang po blo gros chen po'i rnam par thar pa ni/ 'phags pa'i yon tan gyi dkyil 'khor thams cad kyi rjes su song ba la rnam par blta bas dga' ba dang / mos par sbyor ba zhes bya'o/ /gnod sbyin gyi dbang po mig 'od 'phro ba'i bdag po'i rnam par thar pa ni/ sems can thams cad la shes rab dang ye shes dang snying rjes rnam par lta ba zhes bya'o/ /gnod sbyin gyi dbang po mig rdo rje lta brtan pa'i rnam par thar pa ni/ 'gro ba thams cad la phan pa dang bde ba sna tshogs su sbyor ba dang srung ba mngon par sgrub pa zhes bya'o/ /gnod sbyin gyi dbang po sde mchog dpa' ba'i rnam par thar pa ni/ chos thams cad kyi don gyi dbyings la yang dag par 'jug pa'i mthu zhes bya'o/ /gnod sbyin gyi dbang po sde'i rgyan chen pos rab tu gnon pa'i rnam par thar pa ni/ 'gro ba thams cad lam la dgod par gti mug med pas bsrung ba phun </font><hr>Ka42b<br><font size=+1>


sum tshogs pa zhes bya'o/ /gnod sbyin gyi dbang po dge ba'i tshogs kyi rnam par thar pa ni/ sems can thams cad kyi bsod nams kyi dkyil 'khor rnam par spel bas kun tu dga' ba myong ba zhes bya'o/ /gnod sbyin gyi dbang po ri bo'i stobs rab tu 'joms pa'i rnam par thar pa ni/ sangs rgyas kyi stobs yang dag par 'byung ba'i rjes ye shes kyi 'od ces bya'o/ /de nas rgyal po chen po ngal bso pos sangs rgyas kyi mthus gnod sbyin gyi 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /lha dbang sems can ma rungs gang dag gis/ /bskal pa brgya mang sangs rgyas mi mthong zhing / /srid pa dag na 'khor zhing sdug bsngal ba/ /de dag yongs su dgrol bar sangs rgyas byung / /sangs rgyas sems can phan dang bskyab pa'i phyir/ /'gro ba kun la mngon par kun na bzhugs/ /nyam nga 'gro ba'i 'khor lo dag nas 'don/ /'di la dbyangs kyi dbang phyug gnod sbyin 'jug /mi bzad las kyis bsgribs pa'i sems can la/ /rgyal bas zhi ba'i tshul rnams shin tu bstan/ /'gro ba rnams la chos kyi sgron ma 'dzin| |rnam thar 'di ni gtum pa'i mtshon chas mthong / /rang byung bskal pa rgya mtshor spyod pa'i tshe/ /rgyal ba'i yon tan phyogs bcu kun tu bsgrags/ /de bas rgyal ba'i grags </font><hr>Ka43a<br><font size=+1>


@#/ /pa kun tu grags/ /'di ni blo chen gnod sbyin bdag pos mthong / /rgyal ba'i shes rab mkha' 'dra mtha' yas te/ /sangs rgyas chos sku bsam gyis mi khyab bo/ /de bas thams cad phyogs su rnam par mdzes/ /'od 'phro mig gi bdag po'i rnam thar to/ /mi yi dbang po 'gro ba thams cad du/ /yid 'ong dbyangs sgrog sdug bsngal zhi bar mdzad/ /phan don skyabs mdzad chos rnams shin tu bstan/ /tshul 'di rdo rje'i mig legs rab tu 'jug /don dbyings rgya chen ji snyed de dag kun/ /rgya mtsho'i mdo tshul 'gro ba'i grangs snyed rnams/ /mi yi dbang pos dbyangs gcig sgo nas bstan/ /'di ni blo gros dpa' bo'i rnam thar to/ /'gro ba lam ngan gnas pa thams cad la| |sangs rgyas bsam gyis mi khyab las ston te/ /snod du gyur pa'i 'gro ba kun na bzhugs/ /'di la slob pa sde yi rgyan yin no/ /'gro ba'i bsod nams rgyu ba ji snyed pa/ / rgyal ba'i 'od la thams cad rab tu snang / /sangs rgyas ye shes rgya mtsho bsam mi khyab/ /rnam thar 'di ni gnod sbyin nor bdag mthong / /rgyal ba'i stobs rnams gang du yongs dag ste/ /bder gshegs stobs rnams yongs su rdzogs gyur pa'i/ /sngon gyi bskal pa bsam gyis mi khyab dran/ /'di ni ri bo'i stobs 'joms rnam thar to/ /de </font><hr>Ka43b<br><font size=+1>


la mi 'am ci'i dbang po lha'i blo gros 'od kyi rnam par thar pa ni/ bya ba thams cad la yang dag par rdzogs par 'jug pas dga' ba 'byung ba zhes bya'o/ /mi 'am ci'i dbang po me tog dpal gyi dkyil 'khor gyi rnam par thar pa ni/ dga' ba thams cad kyi bde ba myong ba las bla na med pa'i chos kyi dga' ba 'byung ba zhes bya'o/ /mi 'am ci'i dbang po rgyan rnam pa sna tshogs kyi rnam par thar pa ni/ yon tan thams cad kyis yang dag par ngoms pas mos pa rgya chen po sbyong ba'i snying po zhes bya'o/ /mi 'am ci'i dbang po nga ro yid du 'ong ba'i dbyangs kyi rnam par thar pa ni/ sgra snyan cing yid du 'ong ba la thogs pa med pas kun tu bsgrub pa zhes bya'o/ /mi 'am ci'i dbang po shing rin po che'i yal ga'i 'od kyi rnam par thar pa ni/ snying rje'i rgyud la 'gro ba 'god cing sems can thams cad yang dag par bskul ba la dmigs pa zhes bya'o/ /mi 'am ci'i dbang po mthong na dga' zhing spro bar byed pa'i rnam par thar pa ni/ gzugs kyi lus dge ba thams cad mngon par sgrub pa zhes bya'o/ /mi'am ci'i dbang po rgyan gyi dpal gyi 'od kyi rnam par thar pa ni/ khyu mchog gi mthu phyung ba'i rgyan thams cad kyis mdangs rab tu bskyed pa'i rang bzhin gyis dga' ba'i 'od ces bya'o/ /mi 'am ci'i dbang po me tog tshon bzang po'i rgyal mtshan </font><hr>Ka44a<br><font size=+1>


@#/ /gyi rnam par thar pa ni/ 'gro ba thams cad kyi las kyi rigs la rnam par lta zhing yang dag par sgrub pa'i 'od ces bya'o/ /mi 'am ci'i dbang pos gzhi'i dpal gyi rnam par thar pa ni/ 'gro ba thams cad rtsal gyis mngon par bsgrub pa la rab tu brtson pa zhes bya'o/ /mi 'am ci'i dbang po drag shul gyi bdag po'i rnam par thar pa ni/ mi 'am ci'i 'khor thams cad kyi sems la rnam par lta zhing 'dren pa'i 'od ces bya'o/ /de nas mi 'am ci'i dbang po lha'i blo gros 'od kyis sangs rgyas kyi mthus mi 'am ci'i 'khor thams cad la rnam par bltas te/ de'i tshe tshigs su bcad pa 'di dag smras so/ /ji snyed 'gro ba dag na bde 'byung ba/ /de dag thams cad rgyal ba mthong bas 'byung / / mgon po de ni skyabs dang mgon yin te/ /sems can thams cad gnas yin phan mdzad pa'o/ /sems can kun gyi mi zad bde ba'i rnams/ /ji snyed 'byung ba rab tu yod pa kun| |de dag kun la 'dren pa don yod do/ /de ni dpal gyi dkyil 'khor mi cis thong / /sangs rgyas yon tan rgya mtsho mi zad pa/ /de yi mtha' ni 'gro bas mi rnyed do/ /phyogs rnams kun tu rnam par mdzes shing 'bar/ /sna tshogs rgyan gyi rnam thar 'di 'dra'o/ /sems can kun gyi yid du 'ong ba yi/ /sgra dbyangs sangs rgyas yang dag rnam sgrog cing / / </font><hr>Ka44b<br><font size=+1>


mya ngan med pa'i chos nyid ston pa ni/ /sgra snyan yid du 'ong ba'i mi cis thos/ /sngon chad de bzhin gshegs pas spyad pa yi/ /rgyal ba'i rnam par 'phrul pa bdag gis mthong / /rgya chen thugs rjes rnam par shin tu sbyangs/ /shing gi 'od kyi mi 'am ci yis mthong / /de bzhin gshegs pa mthong zhing thos pa ni/ /'gro ba rnams la bskal pa bye bar dkon/ /sangs rgyas mtshan gyis kun nas shin tu brgyan/ /dga' bde mos par byed pas 'di mthong ngo / /bde bar gshegs pa'i ye shes 'byung ba ni/ /sems can kun gyi bsam pa zhal mdzad de/ / thams cad mkhyen pa nyid kyi lam yang ston/ /'di ni rgyan dbang mi 'am ci yis mthong / /'byams klas las ni bsam gyis mi khyab ste/ /de phyir sems can bde dang sdug bsngal kun/ / bde bar gshegs pas thams cad rab tu bstan/ /me tog rgyal mtshan mi 'am ci yis mthong / /sangs rgyas gshegs thabs rnam par 'phrul pa yang / /sems can kun gyis shes par mi nus te/ /sa rnams thams cad gcig tu 'dus par 'gyur/ /de ltar sa yi 'od kyi mi cis mthong / /'khor du rgyal ba rnam par 'phrul mdzad cing / /rgyal ba'i spyod yul thams cad ston mdzad de/ /'od zer 'khor gyis bskul ba'ang de bzhin mdzad/ /'di ni drag shul bdag po'i spyod yul lo/ /de la lto 'phye chen po'i dbang po blo gros bzang po'i gzi brjid kyi rnam par </font><hr>Ka45a<br><font size=+1>


@#/ /thar pa ni/ rdzu 'phrul gyi dbyings thams cad rab tu gnon pa'i yon tan gyi rgyan ces bya'o/ /lto 'phye chen po'i dbang po gzi brjid kyi dbyangs la rdul med pa'i rnam par thar pa ni/ sems can thams cad kyi nyon mongs pa rnam par byang bas sim par byed cing yongs su sbyong ba 'byung ba'i rgyan ces bya'o/ /lto 'phye chen po'i dbang po blo gros sna tshogs mchog gi gtsug phud kyi rnam par thar pa ni/ sems can thams cad kyi rnam par dpyod pa dge ba la kun nas yang dag par gzhol bas mos par byed pa zhes bya'o| |lto 'phye chen po'i dbang po mig bzang po'i bdag po'i rnam par thar pa ni/ chags pa'i bsod nams phun sum tshogs pa thams cad mnyam pa nyid kyi mtshan nyid du rnam par sgom pa zhes bya'o/ /lto 'phye chen po'i dbang po sgron ma'i skyabs kyi rgyal po'i rnam par thar pa ni/ sems can thams cad kyi mun pa rnam par ldog cing lam gyi phyogs yang dag par ston pa zhes bya'o/ /lto 'phye chen po'i dbang po snang ba shugs bzang po'i rgyal mtshan gyi rnam par thar pa ni/ de bzhin gshegs pa thams cad kyi bstan pa dang / 'phags pa'i yon tan la 'jug pas dga' ba 'byung ba zhes bya'o/ /lto 'phye chen po'i dbang po seng+ge'i phru gu'i rnam par thar pa ni/ stobs dang brtson pa kha na ma tho ba med pas sems can </font><hr>Ka45b<br><font size=+1>


skyob pa'i bdag po zhes bya'o/ /lto 'phye chen po'i dbang po rgyan sna tshogs kyi dbyangs kyi rnam par thar pa ni/ 'gro ba thams cad kyi bde ba dang dga' ba mtha' yas pa rjes su dran pa zhes bya'o/ /lto 'phye chen po'i dbang po ri rab kyi bu'i rnam par thar pa ni/ sgrib pa thams cad rab tu rtogs pa mi sgul ba'i pha rol tu 'gro zhing dga' ba kun nas 'byung ba zhes bya'o| |lto 'phye chen po'i dbang po 'od yid du 'ong ba 'byung ba'i rnam par thar pa ni/ sems can gyi rgyud mnyam pa dang mi mnyam pa la mnyam pa nyid kyi lam gyi phyogs ston pa zhes bya'o/ /de nas lto 'phye chen po'i dbang po blo gros bzang po'i gzi brjid kyis sangs rgyas kyi mthus lto 'phye chen po'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /sangs rgyas chos nyid rgya chen yangs la ltos/ /sems can kun gyi mdangs dang bde ba 'byung / /nad med 'chi med lam yang shin tu ston/ /sdug bsngal thams cad rab zhi gnas kyang med/ /rgyal ba'i rdzu 'phrul chos nyid de yang ltos/ /phyogs rnams kun tu mngon par rab tu 'phags/ /'jig rten kun tu thub pa mngon par mdzes/ /lto 'phye chen po 'od mdzes 'di la 'jug /nyon mongs las kyi sgrib pas stug bsgribs shing / /srid pa'i rgya mtsho gting ring nub pa yi/ /sems </font><hr>Ka46a<br><font size=+1>


@#/ /can rnams la zhi ba'i spyod yul ston/ /gzi brjid rdul med dbyangs kyis 'di mthong ngo / /sangs rgyas ye shes mnyam med bsam mi khyab/ /'gro ba'i bsam pa ma lus thugs su chud/ /de dag kun la rnam dag chos nyid ston/ /lto 'phye chen po sna tshogs gtsug phud 'jug /bsam gyis mi khyab bsod nams rgya mtsho'i dbyings/ mtha' yas yang dag 'byung ba rgyal bas gzigs/ /de bzhin gshegs pa 'jig rten bsod nams zhing / /mig bzang bdag po lto 'phye chen pos mthong / /sems can kun gyi sdug bsngal 'jigs pa rnams/ /ji snyed de dag rgyal bas kun nas bskyabs/ /rgyal ba chos dbyings nam mkha' lta bu ste/ /de ni sgron ma skyabs kyi spyod yul lo/ /sangs rgyas ba spu re re'i yon tan yang / /'jig rten kun gyis shes par mi nus te/ /mgon po rnams ni mi zad nam mkha' bzhin/ /'di ni shugs kyi rgyal mtshan rnam par mthong / /thams cad chos dang stobs kyi mthar phyin pas/ /sangs rgyas ri bo lta bur bskyod mi nus/ /de yi chos nyid rgyal ba rab tu mdzes/ /seng+ge'i phrug pa dpal ni 'di la 'jug /rgyal ba rnams kyi rnam thar la dga' ba/ /bskal pa snga tshe rgya cher spel bas na/ /de phyir 'gro ba kun bltas yid du 'ong / /sna tshogs sgra dbyangs rnam thar 'di la 'jug /rgyal bas pha rol phyin pa </font><hr>Ka46b<br><font size=+1>


rgya mtsho rnams/ /yongs bskangs chos dbyings sku dang spyod yul med/ /'jig rten thams cad skyabs gyur sgron ma ste/ /ri rab bu ni tshul bzang 'di la 'jug /de la nam mkha' lding gi dbang po mthu stobs chen po'i shugs kyi rnam par thar pa ni/ thogs pa med pa'i mig la sgrib pa med pas sems can gyi khams rnam par lta ba zhes bya'o/ /nam mkha' lding gi dbang po mi shigs pa'i sems rin chen gtsug phud kyi rnam par thar pa ni/ phyogs bcu'i sems can yongs su smin par bya bas chos kyi dbyings la rab tu gnas pa zhes bya'o// nam mkha' lding gi dbang po shugs dri ma med pa'i dpal gyi rnam par thar pa ni/ sgo kun nas brtson 'grus kyi pha rol tu phyin pa rab tu 'byung ba zhes bya'o/ /nam mkha' lding gi dbang po phyir mi ldog pa'i sems kyi rgyan gyi rnam par thar pa ni/ de bzhin gshegs pa'i shugs kyi mthus 'jug pa'i 'od ces bya'o/ /nam mkha' lding gi dbang po chos bstan pa dri ma med pa'i 'od kyi rnam par thar pa ni/ sems can mtha' yas pa yongs su smin par bya ba'i ye shes rab tu phye ba zhes bya'o/ /nam mkha' lding gi dbang po cod pan sna tshogs dpal gyi gtsug phud kyi rnam par thar pa ni/ sangs rgyas kyi chos kyi grong khyer rab tu brgyan pa yang dag par ston pa zhes bya'o/ /nam mkha' lding gi dbang po gzhi kun tu khyab </font><hr>Ka47a<br><font size=+1>


@#/ /bar ston pa'i shugs kyi rnam par thar pa ni/ stobs kun nas yang dag par sgrub pas thub pa med pa'i rgyan ces bya'o/ /nam mkha' lding gi dbang po dge ba rgya mtsho kun nas lta ba'i rnam par thar pa ni/ sems can gyi ris thams cad rnam par sgom pa'i tshul mngon par sgrub pa zhes bya'o/ /nam mkha' lding gi dbang po klu'i sgra yangs pa kun tu lta ba'i dkyil 'khor gyi rnam par thar pa ni/ sems can mtha' yas pa skye ba dang / 'chi 'pho ba shes pa'i ye shes la yang dag par 'jug pa zhes bya'o// de nas nam mkha' lding gi dbang po mthu stobs chen po'i shugs kyis sangs rgyas kyi mthus 'dab ma bzang po'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /phyogs bcu'i zhing rnams ma lus dbyings bkang zhing / /'jig rten mgon po rgya chen spyan gyis gzigs/ /sems can 'dul ba de la tshad kyang med/ /rang byung rnam thar rgya chen shin tu yangs/ /'jig rten mgon gyi 'phrul stobs chags pa med/ /phyogs bcu'i snying po byang chub kun na bzhugs/ /rgyal ba'i mdo sde sprin rnams thams cad kyang / /rin chen sna tshogs gtsug phud mkha' lding nyan/ /sngon gyi bde bar gshegs pa'i spyod pa rnams/ /pha rol phyin pa rgya chen byang ba </font><hr>Ka47b<br><font size=+1>


mthong / /sangs rgyas kun la mchod pa yang dag byed/ /'dab ma bzang po shugs bzang de brjod do/ /skad cig sems la byang chub spyod mtha' yas/ /thams cad rgyal ba'i spu rtse kun na snang / /rgyal ba'i spyod yul tshad med ci 'dra ba/ /de ni rgyan bzang nam mkha' lding gis mthong / /rgyal ba'i spyod yul yangs pa bsam mi khyab/ /'gro ba kun gyis bsam par sla ba min| |ye shes yon tan rgya mtsho 'jig rten mgon/ /rnam thar 'di ni mkha' lding 'gro 'dzin gyi'o/ /de bzhin gshegs pa'i ye shes mtha' yas 'od/ /'gro ba'i gti mug dra ba ma lus sel/ /rgyal ba 'jig rten thams cad kun gyi mgon/ /de 'dra chos brtan 'dzin pa'i 'dab bzang ston/ /chos kyi grong khyer mi zad thams cad nas/ /sangs rgyas rgya chen 'jig rten kun tu ston/ /mtha' yas chos kyi sgo mo du ma nas/ /'dab bzang sna tshogs gtsug phud 'di la 'jug /thams cad stobs la rang byung rab tu bzhugs/ /rgyal ba kun dang sku gcig chos kyi sku/ /de bzhin nyid dngos rnam par rtog mi mnga'/ /kun tu rgyu ba'i 'dab bzang 'di brjod do/ /rgyal ba'i 'od zer 'jig rten kun bkye ba/ /sna tshogs thabs kyis sems can khams kyang 'dul/ /srid pa snga tshe bsdus pa rnam par spyod/ /rnam thar 'di ni mig bzang dam pa'i'o/ /dri med rgya mtsho'i las la gnas pa yi/ /zhing gi dbyings rnams </font><hr>Ka48a<br><font size=+1>


@#/ /ma lus sangs rgyas gzigs/ /de dag kun tu rgyal bas chos char 'bebs/ /rgya mtsho rgyu ba'i mkha' lding 'di ltar lta/ /de la lha ma yin gyi dbang po sgra gcan gyi rnam par thar pa ni/ dbang chen pos shin tu 'phags shing zil gyis mi non pa zhes bya'o/ /lha ma yin gyi dbang po thag bzang ris kyi rnam par thar pa ni/ sgo kun nas byin gyis rlob pa rnam par gzhog pa rab tu 'byung ba zhes bya'o/ /lha ma yin dbang po bde ba'i mchog gi rnam par thar pa ni/ 'gro ba thams cad kyi sdug bsngal zhi bar byed pa rdul med pa zhes bya'o/ /lha ma yin gyi dbang po mtshon cha chen po'i rnam par thar pa ni/ brtul zhugs dang dka' thub thams cad la gnas pa'i rgyan ces bya'o/ / lha ma yin gyi dbang po stobs can gyi rnam par thar pa ni/ phyogs bcu rab tu bsgul ba'i yul mtha' yas pa zhes bya'o/ /lha ma yin gyi dbang po rnam par snang ba'i rnam par thar pa ni/ 'jig rten thams cad rab tu dgod pa'i sbyor ba rnam pa sna tshogs zhes bya'o/ /lha ma yin gyi dbang po rdo rje sra ba sna tshogs kyi yan lag gi rnam par thar pa ni/ dge ba'i rtsa ba chags pa thams cad kyis mi shigs pa'i dkyil 'khor yongs su sbyong ba la yang dag par 'jug pa zhes bya'o/ /lha ma yin gyi dbang po stobs rgya chen po'i rgyu'i blo </font><hr>Ka48b<br><font size=+1>


gros kyi rnam par thar pa ni/ snying rje chen po mngon du bya ba'i stobs la gti mug med pa zhes bya'o/ /lha ma yin gyi dbang po dpal gyi be'u rab tu 'byung ba'i rnam par thar pa ni/ dge ba'i rtsa ba thams cad kyi dkyil 'khor rnam par sbyong zhing sangs rgyas mnyes par byed pa zhes bya'o/ /lha ma yin gyi dbang po brtul zhugs bzang po'i dbyangs kyi rnam par thar pa ni/ 'gro ba thams cad kyi 'khor lo la yang dag par 'jug cing gti mug med pa la yang dag par spyod pa zhes bya'o/ /de nas lha ma yin gyi dbang po sgra gcan gyis sangs rgyas kyi mthus lha ma yin gyi 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /phyogs rnams rgya che de dag thams cad du/ /rgyal ba'i zil gyis 'byams klas 'khor kyang gnon/ /nam mkha'i mtshan nyid kun tu 'od 'phro ste/ /thams cad sgo nas 'gro bar mngon par mdzes/ /skad cig sems kyis bskal pa brgya mang gi /sangs rgyas yul rnams ma lus thams cad ston/ /'dul ba kun la 'od rnams rab tu 'gyed/ /rnam thar de ni thag bzang ris kyis mthong / /sangs rgyas spyod yul gzhal med bdag gis mthong / /sna tshogs sgo nas sems can don kyang mdzad/ /sdug bsngal thams cad bder gshegs zhir mdzad de/ /rnam thar 'di la bde ba'i mchog 'jug go /'gro ba'i don du </font><hr>Ka49a<br><font size=+1>


@#/ /brtul zhugs dka' thub rnams/ /dge ba rgyal bas bskal pa brgyar spyad de/ /de phyir rgyal ba'i ye shes kun tu sgo/ /dra ba bzang pos sangs rgyas 'di ltar brjod/ /zhing dbyings thams cad rgyal ba g.yo bar mdzad/ /'jigs pa mi ston skrag pa yod ma yin/ /bde gshegs rdzu 'phrul chags med gzhal du med/ /lha min dbang po stobs can de ltar ston/ /sangs rgyas skye ba bde bar 'byung ba rnams/ /'gro ba kun gyi sdug bsngal zhi bar mdzad/ /thams cad mkhyen gyi ye shes phyogs kyang ston/ / rnam par snang ba 'di ni rab tu brjod/ /'gro ba'i bsod nams rgya chen dang / /ba dag /rgyal ba'i mthu yis de dag byung ba ste/ /thar pa'i phyogs kyi lam yang rgyal ba ston/ /chos dpal 'di mthong 'di la rab tu 'jug /bder gshegs thugs rje'i sku ni mnyam pa med/ /chags med spyod pa thams cad kun tu snang / /'gro ba thams cad mig yor mtshan nyid de| |rgyu yi blo gros sangs rgyas yon tan brjod/ /sangs rgyas yul na ngo mtshar mnyam pa med/ /sangs rgyas rdzu 'phrul chos kyi dbyings kyi klong / /byang chub shing drung kun na rab tu bzhugs/ /dpal gyi be'u lha min bdag pos mthong / /'gro ba kun gyi 'khor lo dbyings dag tu/ /sngon chad bder gshegs spyod pa spyod pa'i tshe/ /'gro ba'i sdug </font><hr>Ka49b<br><font size=+1>


bsngal ma lus rab tu bkrol/ /de ltar lha min dbyangs snyan rab tu brjod/ /de la nyin mo'i lha khyim dang gzhal med khang gi gzugs shin tu ston pa'i rnam par thar ba ni/ 'gro ba thams cad kyi rgyud la yang dag par 'jug pa zhes bya'o/ /nyin mo'i lha brtsam pa'i blo gros mtshams sbyor ba'i dkyil 'khor gyi rnam par thar pa ni/ sems can gyi don thams cad yongs su rgyas par bya bas shin tu tshim par bya ba la rnam par dpyod pa zhes bya'o/ /nyin mo'i lha kun nas dga' ba'i dpal gyi rgyan gyi rnam par thar pa ni/ dga' ba dang mgu ba mtha' yas pa'i chos kyi snang ba zhes bya'o/ /nyin mo'i lha me tog dang spos yid du 'ong ba'i 'od kyi rnam par thar pa ni/ sems can mtha' yas pa'i mos pa yang dag par rgyas pa la rnam par lta ba zhes bya'o/ /nyin mo'i lha kun nas yid du 'ong ba'i sman ston pa sgrub pa'i dpal gyi rnam par thar pa ni/ kun tu 'od kyi stobs yang dag par sgrub pa rnam par ston pa'i rgyan ces bya'o/ /nyin mo'i lha lhag pa'i mig bzang pos tshim par byed pa'i rnam par thar pa ni/ 'gro ba thams cad kyi bde ba dang sdug bsngal chos kyi dga' bas snang bar byed pa zhes bya'o/ /nyin mo'i lha tshul rgya chen po'i phyogs kun nas byung ba'i dpal gyi rnam par thar pa ni/ chos kyi dbyings kyi phyogs tha mi dad pa'i snying po zhes bya'o/ /nyin mo'i lha </font><hr>Ka50a<br><font size=+1>


@#/ /snying rje rgya chen po'i gzi brjid kyi 'od kyi rnam par thar pa ni/ sems can thams cad la bde ba yang dag par ston cing skyob pa'i stobs la shin tu brtson pa zhes bya'o/ /nyin mo'i lha snang ba rgya chen po'i dge ba'i rtsa ba dang mi 'bral ba'i 'od kyi rnam par thar pa ni/ mnyam pa nyid kyis dga' ba'i yon tan kun nas rab tu 'byung ba zhes bya'o/ /nyin mo'i lha me tog gi phreng ba kun nas 'phyang ba'i dpal gyi rnam par thar pa ni/ 'gro bas mthong na don yod pa'i grags pa'i dkyil 'khor ces bya'o| |de nas nyin mo'i lha khyim dang gzhal med khang gi gzugs shin tu ston pas sangs rgyas kyi mthus nyin mo'i lha'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /sems can kun gyi spyod pa rgyal bas mkhyen/ /rgyal ba dus gsum mnyam pa nyid la bzhugs/ /rgyal ba'i ye shes mi zad nam mkha' bzhin/ /rgyal ba'i 'od kyis phyogs rgyas shin tu snang / /'gro ba kun gyi bsam pa thugs chud nas/ /don gyi tshig rnams gzhan dang gzhan dag kyang| |rnam phye rgya chen tshig gis rgyal ba gsung / /phun sum tshogs pa'i blo gros lha yis mthong / /rgyal ba'i 'od kyis sems can kun dga' ste/ /rgyal ba mthong thos don </font><hr>Ka50b<br><font size=+1>


du 'gyur ba yin/ /go 'phang dam pa rgya chen zhi ba ston/ /dpal gyi 'od ni de yis rab tu dga'/ /sangs rgyas mthong bas 'gro ba rgya chen gyi/ /dga' ba tshad med dge chos kun kyang 'byung / /chos sprin gzhal med rgyal ba char 'bebs te/ /de la me tog brgyan pa'i lha dga' 'o/ /chos kyi dkyil 'khor stobs la 'jug pa rnams/ /sems can bsdu ba'i sgo la rnam dpyod cing / /rab yangs spyad pa spyod tshe rgyal bas sbyangs/ /'di ni yid 'ong 'byung ba'i lhas mthong ngo / /rgyal ba mthong zhing thos pa don med min/ /dga' dang bde ba spro ba yangs pa skyed| |'byams klas thabs rnams kun gyis sems can 'dul/ /des ni mig bzang de yi dga' skyed byed/ /chos dbyings 'byams klas phyogs su rab 'jug pa/ /'gro bar stobs bcus ma lus bstan mdzad de/ /bder gshegs dngos yod ma yin dngos med min/ /'phags pa'i dpal gyi nyin mo'i lha yis mthong / /sems can mi bde thibs por nub pa rnams| |gzigs nas rgyal ba 'jig rten mchod pa mdzad/ /sdug bsngal rgyu rnams thams cad rgyal bas bsal/ /'di la snying rje'i gzi brjid lha 'jug go /'gro ba 'di dag nyon mongs las bsgribs par/ /dga' ba 'byung ba'i bde ba rgyal ba gsung / /chos kyi dga' ba rab kyis sdug bsngal 'jil/ /bsod nams shugs ni rnam thar 'di la 'jug /mkha' </font><hr>Ka51a<br><font size=+1>


@#/ /'dra rgyal ba'i bsod nams dkyil 'khor rnams/ /'jig rten dge bas gtso bo mchog byung ste/ /chos rnams kun la bder gshegs 'khrul mi mnga'/ /me tog phreng gi rnam thar 'di yin no/ /de la mtshan mo'i lha dpal dri ma med cing kun nas zab pa'i 'od kyi rnam par thar pa ni/ bsam gtan rab tu zhi ba'i bde ba kun nas rnam par gnon pa zhes bya'o/ /mtshan mo'i lha kun nas skyob pa'i mdangs kyi dpal gyi rnam par thar pa ni/ snang ba 'jig rten thams cad la mngon du lta zhing 'gro ba 'dul ba ston pa zhes bya'o/ /mtshan mo'i lha rab tu dga' ba'i mig gis 'gro ba la rnam par lta ba'i rnam par thar pa ni/ kun nas dga' ba rgya chen po dri ma med pa'i mtshan nyid ces bya'o/ /mtshan mo'i lha sgras zhi ba rgya mtsho dang ldan pa'i rnam par thar pa ni/ dga' ba yangs pa 'byung ba'i sems kyi mtshan nyid kyi rgyan ces bya'o/ /mtshan mo'i lha mtshan mo thams cad 'byung ba'i dpal gyi rnam par thar pa ni/ yid du 'ong ba'i sgra zab mos rnam par 'phrul pa la 'jug pa zhes bya'o/ /mtshan mo'i lha shing thams cad rab tu rgyas par byed pa'i 'od kyi rnam par thar pa ni/ dga' ba dang smon lam dang mos pa rgya chen po'i 'od ces bya'o/ /mtshan mo'i lha kun nas skyong zhing srung ba'i dpal gyi rnam </font><hr>Ka51b<br><font size=+1>


par thar pa ni/ sems can thams cad yongs su smin par bya ba'i dge ba'i rtsa ba yang dag par brjod pa zhes bya'o/ /mtshan mo'i lha dge ba thams cad kyis dga' bar rtse ba la dbang bsgyur ba'i rnam par thar pa ni/ byams pa mtha' yas pas 'gro ba yongs su skyob pa zhes bya'o/ /mtshan mo'i lha mdud par 'dzin pa thams cad zhi bar bya bas dbang po rab tu dga' ba'i rnam par thar pa ni/ snying rje'i sgo nas char 'bebs pa'i rgyan ces bya'o/ /mtshan mo'i lha dge ba'i bsod nams 'byung ba'i dpal ston pa'i rnam par thar pa ni/ 'gro ba thams cad kyi bsam pa yongs su tshim par bya bas kun tu rgyas par 'gengs pa zhes bya'o/ /de nas mtshan mo'i lha dpal dri ma med cing kun nas zab pa'i 'od kyis sangs rgyas kyi byin gyi rlabs kyis mtshan mo'i lha'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /sangs rgyas spyod yul shin tu yangs la ltos| |stong pa zhi ba nam mkha'i mtshan nyid de/ /dga' ba rgya mtsho rnam par sbyangs byas shing / /rgyal ba dri med phyogs su rnam par mdzes/ /thub pa 'jig rten kun blta dka' ba ste| |bskal pa rgya mtsho dag na bar 'ga' snang / /thugs rjes kun tu rgyas byas mgon po byung / /'gro ba lta ba'i lha yis 'di mthong ngo / /'dren pa 'gro ba'i skyabs su gyur pa ste// </font><hr>Ka52a<br><font size=+1>


@#/ /'gro ba dag ni mngon du kun na snang / /lam gyi rgyud ni thams cad rnam par sbyong / /skyob pa'i mdangs kyi dpal ni 'di la sems/ /dga' ba rgya mtsho bsam gyis mi khyab pa/ /rab tu yangs pa sngon chad bsgoms pas na/ /de phyir rgyal ba 'jig rten blta na mdzes/ /zhi dbyangs mtshan mo'i lhas ni 'di mthong ngo / /sangs rgyas spyod yul bsam gyis mi khyab ste/ /phyogs rnams bkang zhing zhi ba'i 'brug sgra sgrog/ sems can bsam pa rgya chen rnam par spyod/ /mtshan mo 'byung ba'i dpal ni 'di la dga'/ /de bzhin gshegs pa 'gro ba'i bsod nams skyed/ /bsod nams dkyil 'khor rnam par yangs pa ston/ /dri med zhi ba'i sa yang ston mdzad de/ /'di la rgyas pa'i 'od ni rab tu 'jug /sangs rgyas 'phrul gyis phyogs rnams rab bkang ste/ /sems can thams cad rnam par 'dul ba ston/ /thams cad gzugs su sangs rgyas 'jig rten snang / /mtshan mo'i lha ni dpal gyis 'di mthong ngo / /'dren pas sems kyi skad cig kun la snang / /byams pa rgya mtsho'i tshul rnams rnam sbyangs te/ /'jig rten thams cad ma lus rgyas par mdzad/ /bsod nams brtse ba mtshan mo'i lhas mthong ngo / /sems can gti mug things pos 'khrugs pa dang / /gtum sems 'khon </font><hr>Ka52b<br><font size=+1>


'dzin dam pos bsgrigs gzigs shing / /thugs rje bskyed nas rgyal ba byung bar gyur/ /'khon 'dzin zhi ba mtshan mo'i lha dga' 'o/ /sems can kun gyi bsam pa rdzogs byas shing / /mgon po sngon chad spyod pa spyad pas na/ /de phyir rgyal ba yon tan mtshan rgyas so/ /bsod nams lta ba'i bdag po'i spyod yul yin/ /de la phyogs kyi lha phyogs kyi dbyings na rab tu gnas shing kun tu rgyas par 'gengs pa'i rnam par thar pa ni/ kun tu skyob pas 'gro ba'i rgyan byed pa zhes bya'o/ /phyogs kyi lha mnyam pa nyid la mngon du lta ba'i rnam par thar pa ni/ dgos pa thams cad dang rdzu 'phrul gyi tshogs kyi 'od ces bya'o/ /phyogs kyi lha snang ba spyod pa'i rgyan gyi rnam par thar pa ni/ chags pa'i mun pa thams cad rnam par sel ba'i snang bas dga' ba dang bde ba 'byung ba zhes bya'o/ /phyogs kyi lha kun tu rgyu zhing rjes su 'brang ba'i rnam par thar pa ni/ thams cad kyi rjes su song ba'i sangs rgyas kyi yon tan rjes su dran pa don yod pa ston pa zhes bya'o/ /phyogs kyi lha rmongs pa byed pa'i gtsug yongs su grub pa'i rnam par thar pa ni/ 'gro ba thams cad kyi ming gi phyogs kyi 'khor lo la rnam par lta ba'i 'od ces bya'o/ /phyogs kyi lha nam mkha'i rgyud kun tu spyod pa'i rnam par thar pa ni/ sgra dbyangs yid du 'ong ba thams </font><hr>Ka53a<br><font size=+1>


@#/ /cad myong bar byed pas dga' ba rnam par sgom pa zhes bya'o/ /phyogs kyi lha rnam par dpyod pa'i sprin rgya chen po'i rgyal mtshan gyi rnam par thar pa ni/ klu'i sprin 'byung ba dka' ba sbyor ba zhes bya'o/ /phyogs kyi lha mig tha dad pa med pa'i gtsug phud kyi rnam par thar pa ni/ 'gro ba thams cad kyi las tha dad pa med pa la yang dag par lta ba'i bdag po'i rgyan ces bya'o/ /phyogs kyi lha 'jig rten gyi bya ba kun nas spyod pa'i rnam par thar pa ni/ skye ba sna tshogs dang / las rnam pa tha dad pa la rnam par lta ba zhes bya'o/ /phyogs kyi lha phyogs su rnam par lta ba'i phreng ba'i 'od kyi rnam par thar pa ni/ sems can thams cad kyi dgos pa'i pha rol tu phyin par bya bas rab tu dga' ba rtsom pa 'byung ba zhes bya'o/ /de nas phyogs kyi lha phyogs kyi dbyings na rab tu gnas shing kun tu rgyas par 'gengs pas sangs rgyas kyi mthus phyogs kyi lha'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /'gro ba thams cad yongs su smin bya'i phyir/ /sangs rgyas rang byung 'jig rten spyod pa byung / /thams cad mkhyen par yongs su smin bya'i phyir/ /chos kyi phyogs la rab tu 'jug pa ston/ /rdzu 'phrul stobs ni 'gro ba kun dang mnyam/ /rnam pa du ma </font><hr>Ka53b<br><font size=+1>


sems can bsam pa ston/ /rgyal ba mthong bas 'gro ba'i sdug bsngal 'grol/ /kun tu mngon par lta ba'i spyod yul lo/ /sems can rgya mtsho mun pas bsgribs pa la/ /sangs rgyas chos kyi sgron ma snang ba ston/ /rnam par snang ba'i sangs rgyas 'od kyang mthong / /snang ba spyod pa rnam thar 'di la dga'/ /chos kyi 'khor lo thams cad kun tu bskor/ /sems can nyon mongs zhi mdzad thogs pa med/ /dbyangs kyi yan lag thams cad yongs su rgyas/ /kun nas 'khyil ba'i dpal gyis rab tu 'thob/ /'gro ba'i ming gi 'khor lo ji snyed pa| |sangs rgyas mtshan gyis de dag thams cad 'thon/ /sems can rnams kyi gti mug rnam par zlog /'di ni gti mug rnam dag spyod yul lo/ /sangs rgyas mngon sum sems can gang 'gro ba/ /de dag thams cad sangs rgyas gsung snyan nyan/ /dga' ba rgya chen shin tu yangs pa 'thob/ /'di ni nam mkha'i rgyud kyi rnam thar to/ /skad cig sems rgyud kun la tshad med pa'i/ /chos kyi sprin char rgyal ba 'bebs pa mdzad/ /'gro ba'i nyon mongs thams cad rab tu 'jil/ /'di la sprin gyi rgyal mtshan lha 'jug go /sems can kun gyi rgya mtsho'i las rnams kun/ /sangs rgyas rnam pa gzhan min yang dag ston/ /sems can nyon mongs las las rab tu bkrol/ /'jig rten bya ba spyod bdag spyod yul lo/ /sangs </font><hr>Ka54a<br><font size=+1>


@#/ /rgyas sngon chad spyad pa spyod pa'i tshe/ /sems can don du thugs rje rab bskyed de/ /pha rol phyin pa thams cad rgyas par bkang / /sna tshogs phreng ba'i 'od ni 'di la dga'/ /phyogs rnams sems can rgyal bas snang mdzad pas/ /bsam pa rgya mtsho rnam pa sna tshogs kyis/ /de dag mtha' yas phyogs kyi chos 'jug go/ mig bzang gtsug phud tshul 'dir rab tu 'jug /de la nam mkha'i lha kun nas snang ba dri ma med pa'i 'od kyi rnam par thar pa ni/ 'gro ba rgya mtsho mtha' yas pa'i bsam pa la rnam par lta ba zhes bya'o/ /nam mkha'i lha mtha' yas shing zab pa kun tu rgyas par byed pa'i rnam par thar pa ni/ chos kyi dbyings rgya chen po dang / sangs rgyas kyi ye shes zab mo la yang dag par 'jug pa zhes bya'o/ /nam mkha'i lha rlung kun nas 'byung ba'i dpal gyi rnam par thar pa ni/ yul mtha' yas pa rnam par sgom pa'i mtshan nyid kyi lus zhes bya'o/ /nam mkha'i lha sgrib pa thams cad dang mi gnas pa'i dkyil 'khor gyi rnam par thar pa ni/ sems can thams cad kyi las dang nyon mongs pa'i sgrib pa yongs su sbyangs pa'i rgyan ces bya'o/ /nam mkha'i lha rgya chen po kun tu gnon pa sna tshogs kyi gtsug bud kyi rnam par thar pa ni/ 'gro ba rgya mtsho rgya chen po la rnam par lta zhing </font><hr>Ka54b<br><font size=+1>


rnam par spyod pa zhes bya'o/ /nam mkha'i lha 'od zer snang ba'i 'od thogs pa med pa'i rnam par thar pa ni/ 'gro ba log par lhung ba thams cad snying rje'i 'od kyis skyob pa zhes bya'o/ /nam mkha'i lha stobs kyi rgyun thogs pa med pa'i dpal gyi rnam par thar pa ni/ bsod nams thams cad kyi stobs dang dga' ba bsdu ba la yang dag par gzhol ba zhes bya'o| |nam mkha'i lha phyogs dri ma med par snang ba'i 'od kyi rnam par thar pa ni/ sems can thams cad dri ma med pa'i sems kyis sgrib pa rnam par zlog par gnas pa'i dbang po zhes bya'o/ /nam mkha'i lha dbyangs shin tu 'phags shing zab pa'i rnam par thar pa ni/ ye shes kyi dkyil 'khor gyi 'od rab tu 'phags pas phyogs kun tu rnam par lta ba zhes bya'o/ /nam mkha'i lha phyogs bcur mngon du ston pa'i 'od kyi rnam par thar pa ni/ sgo thams cad nas phyogs thams cad du 'pho ba med pa'i dkyil 'khor ces bya'o/ / de nas nam mkha'i lha kun nas snang ba dri ma med pa'i 'od kyis sangs rgyas kyi mthus nam mkha'i lha'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /rgyal ba'i spyan ni rgya chen yangs pa yis/ /sems can rgya mtsho ma lus kun gzigs te/ /'gro ba kun la mngon par rab tu bzhugs// </font><hr>Ka55a<br><font size=+1>


@#/ /sangs rgyas dri med nam mkha' rab tu 'dra/ /sangs rgyas sku yi rgya chen 'od kyi rnams/ /phyogs bcu'i 'gro kun khyab cing rnam par mdzes/ /thams cad phyogs su mngon par rab tu gnas/ /kun tu rgyas pa'i 'od kyis 'di mthong ngo / /rgyal ba nam mkha'i mtshan nyid 'byung ba med/ /'di la gzung ba snang ba gang yang med| |thogs pa med cing rang bzhin med pa ste/ /rlung gi 'od kyis rnam thar 'di mthong ngo / /bskal pa rgya mtsho brgya phrag mang por yang / /sangs rgyas sems can sgrib pa sel bar mdzad/ /lam yangs rnam par thar pa rab tu ston/ /'di ni dpa' bo dkyil 'khor 'od kyi 'o/ /sngon chad sangs rgyas byang chub spyod pa'i rnams/ /'gro ba kun la phan dang bde don du/ /ji ltar byung ba de dag bdag gis mthong / /'di ni sna tshogs gtsug phud spyod yul lo/ /'khor ba rgya mtsho kun tu rgyu ba yi/ /sems can log par lhung zhing 'khor ba la/ /sangs rgyas 'od ni sdug bsngal zhi ba'i rgyu/ /snang ba'i 'od kyis rnam thar 'di mthong ngo / /bsod nams dge ba thams cad snying po ste/ / chags med stobs dang ye shes rgya chen mkhyen/ /'gro ba thams cad bsod nams zhing gyur pa/ /sangs rgyas de ltar chags med stobs sems so/ /mun pa stug </font><hr>Ka55b<br><font size=+1>


po'i spyod yul rnam rgyu ba'i/ /sems can sgrib pas rab tu blong ba la/ /de bzhin gshegs pa snang ba rab 'gyed de/ /dri med phyogs snang lhas ni de mthong ngo / /sangs rgyas ye shes shin tu 'phags pa yi/ /mtha' dang dbus yang dmigs par mi rung ste/ /zhing kun 'gro la mngon par 'od kyang snang / /zab mo'i 'od kyis de ltar sangs rgyas mthong / / phyogs rnams rgya mtsho kun na spyod pa yi/ /sems can thams cad yongs su dgrol ba'i phyir/ /sangs rgyas smon lam rgya chen shin tu yangs/ /mngon par lta bas rnam thar 'di mthong ngo / /de la rlung gi phung po'i lha chags pa med par 'gro ba'i 'od kyi rnam par thar pa ni/ 'jig rten gyi bya ba thams cad sangs rgyas kyi chos su yang dag par 'jug pa zhes bya'o/ /rlung gi lha kun tu rgyas par 'byung ba'i mthu'i dpal gyi rnam par thar pa ni/ sangs rgyas mchod pa'i yul mtha' yas pa rgya chen po mngon par sgrub pa ston pa zhes bya'o/ /rlung gi lha kun tu reg par byed pa'i sprin gyi rgyal mtshan gyi rnam par thar pa ni/ sems can thams cad kyi nad rab tu zhi bar byed pa zhes bya'o/ /rlung gi lha rgyan yid du 'ong zhing bzang ba'i 'od kyi rnam par thar pa ni/ 'gro ba thams cad kyi sgrib pa'i ri 'joms pa'i dge ba'i rtsa ba rab tu 'byung ba zhes bya'o/ /rlung gi lha chu drag po'i snying </font><hr>Ka56a<br><font size=+1>


@#/ /po skem pa'i rnam par thar pa ni/ bdud kyi 'khor lo sgo kun nas 'joms pa zhes bya'o/ /rlung gi lha sgra chen pos 'gro ba'i dbyangs kyi rnam par thar pa ni/ sems can mtha' yas pa'i 'jigs pa rnam par zlog cing zhi bar byed pa zhes bya'o/ /rlung gi lha shing gi rtse mo'i me tog rab tu 'phyang ba'i gtsug phud kyi rnam par thar pa ni/ chos thams cad kyi tshul tha dad pa med par yang dag par shes pa rgya mtsho la 'jug pa zhes bya'o/ /rlung gi lha thogs pa med par phyogs kun tu rgyas par 'gro ba'i rnam par thar pa ni/ 'gro ba thams cad mnyam par dgod pa'i tshul gyis 'dul ba'i snying po zhes bya'o/ /rlung gi lha rlung gi phung po rnam pa sna tshogs 'byung ba'i sprin gyi dkyil 'khor gyi rnam par thar pa ni/ bsam gtan gyi sgo rab tu zhi ba'i shugs kyis gti mug rab tu zhi bar byed pa zhes bya'o/ /rlung gi lha 'jig rten thams cad kyi mun pa kun nas snang bar byed pa'i rnam par thar pa ni/ sems can thams cad kyi spyod pa'i rjes su bsnyegs pas thogs pa med pa'i rgyan ces bya'o/ /de nas rlung gi lha chags pa med par 'gro ba'i 'od kyis sangs rgyas kyi mthus rlung gi lha'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /rgyal ba </font><hr>Ka56b<br><font size=+1>


kun gyi chos nyid zab mo 'dzin pa ste/ /chags med thams cad tshul gyis de la 'jug /'gro ba kun la sangs rgyas mngon du bzhugs/ /de ni mtshan med gzugs brnyan yod pa min| |sangs rgyas thams cad mthu la rnam par ltos/ /byang chub spyad pa mtha' yas spyod pa'i tshe/ /skad cig gcig gis sangs rgyas mchod cing bstod/ /de la rgyas byed 'od kyi lha 'jug go /sangs rgyas bsam gyis mi khyab 'gro ba'i mgon/ /tshul rnams kun gyis sbyor ba chud za med/ /sdug bsngal kun las sems can ma lus skyob/ /rgyal mtshan reg pas rnam thar 'di mthong ngo / /'gebs dang sgrib pa shin tu stug po yi/ /mi bdes bsgribs shing bsod nams med pa yi/ /sems can sdug bsngal kun las ma lus bkrol// rgyan gyis brgyan pa'i lhas ni 'di mthong ngo / /rgyal ba'i rdzu 'phrul rnam par 'phrul la ltos/ /rnam pa kun gyis bdud rnams shin tu 'joms/ /tshul gyis 'dul ba de la rab tu sgrog /gzi brjid drag po'i mthus ni 'di mthong ngo / /rgyal ba'i ba spu'i sgo rnams thams cad nas/ /'gro ba kun 'gengs sgra yi dbyangs 'byung ba/ /de dag sdug bsngal 'jigs pa thams cad med/ /'di ni sgra sgrog lha yis rab tu shes/ /'gro ba kun mnyam rgya mtsho'i zhing rnams su/ /so so yang dag rig pas bder gshegs so/ /mtha' yas bskal par </font><hr>Ka57a<br><font size=+1>


@#/ /rang byung yang dag ston/ /shing gi gtsug phud 'phyang ba de la 'jug /rgyal ba'i ye shes thabs rnams kun sgo nas/ /kun tu chags shing thogs pa med pa ste/ /spyod yul gzhal yas kun tu mtha' yang med/ /'di ni chags med 'gro ba'i rnam thar to/ /rgyal ba'i spyod yul mtha' yas dag la ltos/ /rab zhi sku mnga' mtshan med sangs rgyas te/ /thabs sgo kun nas 'on kyang rab tu snang / /phung po sna tshogs bdag po'i rnam thar to/ /mi mgon bskal pa mtha' yas spyod pa'i tshe/ /de 'dra'i chos kyis 'gro kun tshim mdzad pas/ /thams cad stobs la sangs rgyas rab tu bzhugs/ /'jig rten stobs 'dzin lha yis 'di mthong ngo / /de la me'i lha gzi brjid 'bar zhing 'phro ba'i 'od kyi rnam par thar pa ni/ sems can thams cad kyi nyon mongs pa'i dba' rlabs thams cad dang / mun pa thams cad dang mi gnas pa zhes bya'o/ /me'i lha kun tu 'bar zhing 'phro ba'i rgyal mtshan gyi dkyil 'khor gyi rnam par thar pa ni/ sems can thams cad kyi nyon mongs pa'i dba' rlabs dang / rab tu gdung ba rnam par zlog pa zhes bya'o/ /me'i lha 'od rgya chen pos phyogs rgyas par byed pa'i rnam par thar pa ni/ bsod nams kyi stobs mi sgul ba dang / snying rje ba dang byams pa'i </font><hr>Ka57b<br><font size=+1>


snying po zhes bya'o/ /me'i lha rgyal mtshan gya rdul gyi sgos rgyas par byed pa'i rnam par thar pa ni/ nyon mongs pa'i rdul gyis g.yog pa rnam par sel ba zhes bya'o/ /me'i lha gzi brjid mi zad pa'i gtsug phud kyi rnam par thar pa ni/ nam mkha' mtha' yas pa snang bas gsal bar byed pa'i 'od ces bya'o/ /me'i lha dka' thub sna tshogs kyi mig gi dpal gyi rnam par thar pa ni/ dge ba dang bsod nams sna tshogs rnam par snang ba'i 'od rab tu zhi ba zhes bya'o/ /me'i lha phyogs khyim du gyur pa'i ri rab kyi spo'i rnam par thar pa ni/ 'jig rten gyi rgyud thams cad me ltar 'bar ba'i sems can gyi sdug bsngal rab tu zhi bar byed pa zhes bya'o/ /me'i lha 'od drag shul can gyi dbang phyug gi rnam par thar pa ni/ 'jig rten thams cad la dbang sgyur ba'i rtsom pas rab tu gnon pa zhes bya'o/ /me'i lha mun pa dang rab rib sel cing phyogs rnam par snang bar byed pa'i rnam par thar pa ni/ chags par lta ba'i gti mug thams cad rnam par spong ba'i 'od snang ba zhes bya'o/ /me'i lha 'od 'phro ba'i sprin gyi dbang phyug gi rnam par thar pa ni/ chags pa thams cad la mi gnas pa'i stobs 'byung ba yang dag par sgrub pa'i nga ro zhes bya'o/ /de nas me'i lha gzi brjid 'bar zhing 'phro ba'i 'od kyis sangs rgyas kyi mthus me'i lha'i 'khor gyi dkyil 'khor thams </font><hr>Ka58a<br><font size=+1>


@#/ /cad la rnam par bltas nas de'i tshe tshigs su bcad pa 'di dag smras so/ /rgyal ba'i brtson 'grus stobs la rnam par ltos/ /bskal pa bye ba rgya chen bsam yas par/ /'gro ba'i don du phan pa rab brtsams te/ /sems can kun gyi mun pa rnam par bsal/ /nyon mongs dba' rlabs ldan pa'i 'gro ba rnams/ /lta la gnas shing gti mug bsgribs pa yi/ /nyon mongs me ni mgon pos zhi bar mdzad/ /de la rgyal mtshan dkyil 'khor rab tu dga'/ /rgyal ba'i spyod yul rgya chen bdag gis mthong / /phyi ma'i mtha' yi bskal pa rgya mtshor yang / /rgyal ba'i byin gyis brlabs rnams rab tu 'jug /mthong nas snang ba'i 'od ni rab tu dga'/ /rgyal ba'i bsod nam mi zad nam mkha' bzhin/ /de yi mtha' ni kun tu mi rnyed de/ /rgyal ba'i thugs rje bskyed du yong mi nus/ /'di la dpal gyi sprin sgra rab tu 'jug /bskal pa bye bar spyad pa spyod pa'i tshe/ /chos tshul gang rnams bstan pa de dag gi /mtha' ni nam yang rnyed par sla ba min/ /rnam thar 'di ni gzi brjid gtsug phud kyi'o/ /phyogs bcu'i 'khor rnams shin tu yangs pa dag /sangs rgyas mgon po thams cad mngon du lta/ /'gro ba kun la thub pa rnam par mdzes/ /'di la dka' thub 'od 'phro dpal 'jug </font><hr>Ka58b<br><font size=+1>


go /'gro ba kun na thub pa rab tu 'phags/ /khang khyim thams cad dag na bzhugs par snang / /rnam par yangs pa'i chos kyi char yang 'bebs/ /'di ni phyogs snang byed pa'i spyod yul lo/ /rgyal ba nyid kyi chos rnams zab pa ste/ /thams cad chos kyi 'gro bar rang byung zhing / /ngo bo nyid kyi chos nyid ston pa mdzad/ /de la drag shul 'od ni rab tu dga'/ / lta ba'i mun nag gti mug bsgribs pa yi/ /'jig rten bag med 'khrugs pa thams cad la/ /rgyal bas chos ni rab tu bstan mdzad de/ /de la rnam par snang ba'i lha dga' 'o| |rgyal ba'i smon lam sngon chad byung ba'i rnams/ /ci 'dra bsam gyis khyab par mi rung ste/ /stobs dang pha rol phyin pas rnam par sbyangs/ /'od 'phro'i sprin ni 'di la 'di ltar 'jug /de la chu'i lha sprin dang na bun kun tu grub pa'i rgyal mtshan gyi rnam par thar pa ni/ sems can thams cad la byams pa'i tshul la yang dag par 'jug pa zhes bya'o/ / chu'i lha sprin sgra'i shugs rgya mtsho'i sprin gyi rnam par thar pa ni/ chos kyi sprin mtha' yas pa 'byung ba'i rgyan ces bya'o/ /chu'i lha chu sna tshogs kyi gtsug phud kyi rnam par thar pa ni/ 'gro ba snod du gyur pa thams cad la rnam par lta zhing sdud pa'i sbyor ba zhes bya'o/ /chu'i lha bzang por 'khyil ba grub pa'i dpal gyi rnam par thar pa ni/ sangs rgyas kyi yul zab mo'i </font><hr>Ka59a<br><font size=+1>


@#/ /'od kyi char pa'i byin gyis brlabs zhes bya'o/ /chu'i lha kun nas spos dri ma med pa'i myu gu'i dpal gyi rnam par thar pa ni/ sangs rgyas kyi 'od dri ma med pa rnam par lta ba la yang dag par 'jug pa'i byin gyis brlabs zhes bya'o/ /chu'i lha dpa' rlabs kyi sgra bsod nams stegs kyi 'od kyi rnam par thar pa ni/ chos kyi dbyings mtshan nyid med cing dri ma med pa zhes bya'o/ /chu'i lha tshim par bya ba la dbang byed pa yongs su sgrub pa'i rnam par thar pa ni/ snying rje rgya mtsho mi zad pa'i sgor 'jug pa zhes bya'o/ |chu'i lha sa'i rdul snyed kyi sgo nas dbyangs 'byung ba'i rnam par thar pa ni/ sangs rgyas dang / byang chub sems dpa'i 'khor gyi dkyil 'khor du dga' ba'i shugs 'byung ba'i snying po zhes bya'o/ /chu'i lha 'od kun tu 'gro zhing rgyas par byed pa'i rnam par thar pa ni/ bsod nams chags pa med pa shin tu rgyas pas kun tu snang bar byed pa'i dkyil 'khor ces bya'o/ /chu'i lha rgya mtsho'i dbyings kyi nga ro'i 'od kyi rnam par thar pa ni/ 'gro ba thams cad 'dul ba'i sbyor ba nam mkha' lta bus 'dul bar spyod pa zhes bya'o| |de nas chu'i lha sprin dang na bun kun tu grub pa'i rgyal mtshan gyis sangs rgyas kyi mthus chu'i lha'i 'khor gyi dkyil 'khor thams cad la rnam par bltas nas de'i </font><hr>Ka59b<br><font size=+1>


tshe tshigs su bcad pa 'di dag smras so/ /rgyal ba'i mtshan rnams re re thams cad kyang / /sangs rgyas zhing gi rdul dang mnyam pa yi/ /byams pa mngon du gyur pas byung ba bzang / / sems can kun gyis blta zhing mi ngoms so/ /'gro ba kun tu rgyal ba rnams drung du/ /skyo ba med par spyad cing rnam sbyangs te/ /rnam pa sna tshogs chos kyi sgo yang ston/ /rgya mtsho'i shugs ni 'di yi tshul la 'jug /rgyal ba rnams ni 'pho bar mi snang ste/ /phyogs rnams bcu nas byon par snang ba med/ /snod kyi tshul bzhin sems can rnams kyang lta/ /chu yi gtsug phud dkyil 'khor de la lta/ /de bzhin gshegs pa'i yul ni gzhal du med/ /sems can kun gyis bsam par mi nus te/ /phyogs rnams kun tu khyab par sgra sgrog go /'di ni snyan pa'i gtsug phud yul yin no/ /sangs rgyas 'od ni mi zad gnas pa ste/ /bsam gyis mi khyab chos kyi dbyings kyis klas/ /sems can thams cad 'dul ba rab tu ston/ /spos kyi phung po sna tshogs lha yis mthong / /de bzhin gshegs pa nam mkha' mnyam pa ste/ /phyogs rnams kun tu dri med mtshan nyid med/ /phyogs rnams kun na'ang bzhugs par rab tu snang / /dba' rlabs sgra yi bsod nams 'od kyis mthong / /snying rje'i sgo ni rgya mtsho lta bu ste/ /sems can kun dang mnyam par sngon bshad do/ /sprin dang 'dra bar 'gro ba mngon sum </font><hr>Ka60a<br><font size=+1>


@#/ /mo| |de ltar de ni dga' ba 'byung bas mthong / /phyogs rnams bcu na zhing rnams gang yod pa/ /de dag kun na sangs rgyas gdan bzhugs snang / /shin tu rgyas pa'i byang chub mngon sangs rgyas/ /dga' ba rdul med dbyangs kyis de mthong ngo / /sangs rgyas spyod yul chags pa med pa ste/ /shin tu rgya che phyogs rnams kun tu gnas/ /rnam par 'phrul pa rgyal ba ston mdzad de/ /de la 'phro ba'i 'od kyi lha 'jug go /sbyor ba'i spyod pa rnams la mtha' med de/ /'gro ba kun dbyangs thub pa med par 'jug /rgyal ba'i byin gyi rlabs ni 'di 'dra ste/ /nga ros 'gengs pa rnam thar 'di la 'jug /bam po bzhi pa/ de la rgya mtsho'i lha rin po che'i 'od 'byung ba'i dpal gyi rnam par thar pa ni| 'gro ba thams cad dang mnyam pa'i bsod nams rgya mtsho rin po che 'byung ba'i rgyan ces bya'o/ /rgya mtsho'i lha rdo rje kun nas sra zhing mi choms pa'i rgyal mtshan dang ldan pa'i rnam par thar pa ni/ dge ba'i rtsa ba thams cad srung ba'i sbyor ba zhes bya'o/ /rgya mtsho'i lha rdul dang dri ma med pa'i gnas dang ldan pa'i rnam par thar pa ni/ sems can thams cad kyi nyon mongs pa rgya mtsho mang po rnam par sel ba zhes bya'o/ /rgya mtsho'i lha kun nas chu dang / ri bo dang / khyim gyi dkyil 'khor gyi rnam par thar pa ni/ 'gro ba thams cad kyi </font><hr>Ka60b<br><font size=+1>


ngan song dang / ngan 'gro'i lam rnam par zlog pa zhes bya'o/ /rgya mtsho'i lha skyabs rin po che mig gi zla ba'i dpal gyi rnam par thar pa ni/ shugs chen pos gti mug rnam par sel ba zhes bya'o/ /rgya mtsho'i lha klu'i dpal pad+mo sna tshogs kyi gtsug phud kyi rnam par thar pa ni/ rgyud thams cad kyi sdug bsngal rab tu zhi bar byed cing / bde ba 'byung bar byed pa zhes bya'o/ /rgya mtsho'i lha chu lta bur ro mthun pa 'dzin pa'i 'od kyi rnam par thar pa ni/ sems can thams cad kyi lta ba dang / rmongs pa'i rang bzhin dri ma med pa zhes bya'o/ /rgya mtsho'i lha rin po che'i 'od 'phro ba'i me tog gi tshon gyi 'od kyi rnam par thar pa ni/ rin po che'i rigs thams cad 'byung zhing byang chub kyi sems rab tu skye ba zhes bya'o/ /rgya mtsho'i lha ri rab sra ba'i rdo rje sna tshogs kyi rnam par thar pa ni/ sems rgya mtsho mi sgul ba'i bsod nams la rnam par lta ba zhes bya'o/ /rgya mtsho'i lha 'brug sgra sgrog pa rgya mtsho'i shugs kyi dbyangs kyi rnam par thar pa ni/ ting nge 'dzin gyi dkyil 'khor thams cad chos kyi dbyings su yang dag par 'jug pa'i rgyal mtshan zhes bya'o/ /de nas rgya mtsho'i lha rin po che'i 'od 'byung ba'i dpal gyis sangs rgyas kyi mthus rgya mtsho'i lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ / </font><hr>Ka61a<br><font size=+1>


@#/ /bskal pa rgya mtsho bsam gyis mi khyab par/ /sangs rgyas rgya mtsho rgya chen mang mchod cing / /'gro ba dag la bsod nams mtshos spel bas/ /de phyir rgyal ba lham me lhang nge 'o/ /'gro ba kun tu rgyal ba mngon par mdzes/ /sems can kun gyi dbang po bsam rgyud du/ /chos kyi rgya mtsho rgya chen ston pa mdzad/ /rdo rje sems dpa' sra ba'i dpal dga' 'o/ /'gro ba kun tu 'jig rten mgon po ni/ /chos kyi sprin las char chen yangs pa 'bebs/ /sdug bsngal rgya mtsho zhi mdzad zad mi shes/ /rdul dang dri med 'di yi mtshan la 'jug /sems can thams cad mnyam med nyon mongs bsgribs/ /lam rgyud rgya mtsho'i sdug bsngal nang na 'khor/ /de dag la ni rgyal ba'i yul ston te| |dpal bcu'i lha ni 'di la rab tu dga'/ /bskal pa rgya mtsho mang po bsam yas su/ /rgyal bas spyod pa mi zad rnams spyad de/ /'gro ba'i gti mug dkyil 'khor rnam par bzlog /rin chen zla ba'i dpal ni 'di la 'jug /'khor ba'i rgya mtsho sdug bsngal chen po na/ /sems can 'khor zhing mi bde kun gzigs nas/ /rgyal bas bla na med pa'i lam yang bstan/ /klu dpal pad+mo gtsug phud 'di la dga'/ /sangs rgyas spyod yul bsam gyis mi khyab ltos/ /chos kyi dbyings dang nam mkha'i mtshan nyid de/ / </font><hr>Ka61b<br><font size=+1>


'gro ba'i gti mug dra ba rnam par sbyong / /de skad chu 'dzin shugs ni smra zhing brjod/ /sangs rgyas dra med bsam gyis mi khyab can/ /'jig rten kun gyi yul du rnam par mdzes/ / spyod pa'i dkyil 'khor 'gro ba kun la ston/ /sna tshogs dpal gyi me tog spyod yul lo/ /bdud kyi dkyil 'khor mi zad rgya che ba'ang / /'byams klas thugs kyi skad cig gcig gis btul/ /rgyal ba bsam gyis mi khyab mi g.yo ste/ /rdo rje rdul 'dzin tshul ni 'di yin no/ /chos kyi dbyings ni 'byams klas kun bkang zhang / /phyogs bcu rnams su rgyal ba'i gsung yang grag /sangs rgyas spyod yul ting nge 'dzin las skyes/ /'di ltar 'di la sprin 'byung rab tu 'jug /de la chu klung gi lha chu bo kun dang ldan pa'i rnam par thar pa ni/ chos kyi chu bo mtha' med pa rgyas par 'gengs pa zhes bya'o/ /chu klung gi lha ri dang chu kun la brten pa'i rnam par thar pa ni/ nyon mongs pa thams cad spang ba la yang dag par 'jug pa zhes bya'o/ /chu klung gi lha rdul thams cad dri ma med par rnam par dag pa'i mig gi rnam par thar pa ni/ sems can thams cad kyi nyon mongs pa'i rdul dang 'grogs pa'i snying rje'i tshul gyis kun tu rgyas par 'gengs pa zhes bya'o/ /chu klung gi lha nga ros khyab par byed pa'i rnam par thar pa ni/ sems can thams cad kyi sgra yid du mi </font><hr>Ka62a<br><font size=+1>


@#/ /'ong ba zlog cing phan pa skyed pa zhes bya'o/ /chu klung gi lha srog chags kyi rgyud mtha' yas pa skyob pa'i rnam par thar pa ni/ sems can thams cad la 'tshe ba med pa'i byams pa 'byung ba zhes bya'o/ /chu klung gi lha gdung ba med pa rgya mtsho gdung ba med pa'i 'od dri ma med pa'i rnam par thar pa ni/ dge ba'i rtsa ba thams cad gdung bar mi nus pa'i sgo kun nas ston pa zhes bya'o/ /chu klung gi lha dga' bde kun nas 'byung ba'i rnam par thar pa ni/ sems can thams cad kyi 'jungs pa sel cing gtong ba phun sum tshogs pa yongs su sbyong ba zhes bya'o/ /chu klung gi lha yon tan gyi shugs yangs pa'i rgyal mtshan gyi rnam par thar pa ni/ thams cad tshim par byed pa'i bsod nams kyi zhing rab tu 'byung ba zhes bya'o/ /chu klung gi lha 'jig rten thams cad kyi dpal rnam par snang ba'i rnam par thar pa ni/ sems can thams cad kyi nyon mongs pa rnam par byang bar byed cing 'khon du 'dzin pa dam po dang / khro ba'i shugs dang bar byed pa zhes bya'o/ /chu klung gi lha tshogs chen po rgya mtsho'i dpal gyi 'od kyi rnam par thar pa ni/ 'gro ba thams cad bde ba phun sum tshogs pa myong bar byed cing thar pa rgya mtsho la 'dzud pa zhes bya'o/ /de nas chu klung gi lha chu bo kun dang ldan pas / </font><hr>Ka62b<br><font size=+1>


sangs rgyas kyi mthus chu klung gi lha'i 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so/ /chos rnams rgya mtsho mtha' yas spyod pa dag /sngon chad rgyal bas sems can don du sbyangs/ /'jig rten bkang zhing nyon mongs gdungs pa rnams/ /sprin chen char bzhin rab tu zhi bar mdzad/ / bskal pa brjod du med par rgyal bas sngon/ /smon lam 'od kyis sems can dbyings sbyangs shing / /'gro ba yongs smin dbang po chos kyang mkhyen/ /'khyil ba zhes bya chu klung lha dga' 'o/ /'gro dang mnyam pa'i snying rje'i tshul bsgoms shing / /mgon po sems can nyon mongs dri ma sbyong / /yongs smin sems can rgyal ba mngon du blta/ /de la dri med mig gi lha yang mos/ /de bzhin gshegs pa'i dbyangs snyan rgya chen ni/ /kun tu bsgrags pas 'gro ba'i sdug bsngal zhi/ /sangs rgyas dbyangs snyan thos nas dga' mgu'i yid/ / rnam thar 'di ni sgro dbyangs sgrog pas thos/ /bskal pa rgya mtsho 'gro la phan don du/ /sngon chad byang chub spyod pa spyad pa mthong / /de phyir de ni phyogs bkang 'jig rten mdzes/ / lam rgyud skyob pa rjes su dran zhing dga'/ /rgyal ba sngon chad spyad pa spyod pa'i tshe/ /sna tshogs sgo nas sems can smin par mdzad/ /de dag bsod nams rgya mtsho sdug bsngal 'jil/ /zhi </font><hr>Ka63a<br><font size=+1>


@#/ /byed chu klung lha ni des dga' 'o/ /sbyin pa'i sgo mo tshad med mi zad mang / /'gro ba 'dod pa kun la yongs btang zhing / /rgyal bas 'gro ba'i 'jungs pa yongs su bsal/ /kun nas dga' dpal rnam thar de mthong ngo / /thabs tshul rgya mtsho thams cad bsgoms pas na/ /yon tan mang po brgya phrag mang pos byung / /rgyal bas 'gro ba thams cad tshim mdzad de/ /rgya chen sgra dbyangs shugs ldan lha yang dga'/ /sgrib pa'i klong dang 'gro ba'i nyon mongs dri/ /'gro ba rnams la byams pa bskyed sbyangs pas| |mkha' mnyam 'od kyis sangs rgyas rnam par mdzes/ /rnam par mdzes pa'i chu klung lha dga' 'o/ /sangs rgyas rang byung yon tan rgya mtsho ste/ /bsod nams zhing ni 'dus byas sdug bsngal 'dor/ /byang chub lam la rim gyis yongs smin mdzad/ /rgya mtsho'i tshogs dpal rnam thar 'di yin no/ /de la lo tog gi lha ngad 'jam pa'i dpal gyi rnam par thar pa ni/ ro dang mdangs thams cad skyed cing / sems can thams cad sangs rgyas kyi gzugs kyi sku rab tu 'thob pa ston pa zhes bya'o/ /lo tog gi lha dus kyi me tog rnam par mdzes pa'i 'od kyi rnam par thar pa ni/ 'gro ba thams cad nye bar 'tsho bas dga' ba chen po'i shugs kyi tshim pa skyed pa zhes bya'o/ /lo tog </font><hr>Ka63b<br><font size=+1>


gi lha rtsal dam pa'i stobs kyi rnam par thar ba ni/ chos thams cad kyi dbyings yongs su rgyas pas shin tu dag pa'i spyod yul zhes bya'o/ /lo tog gi lha mdangs kyi ngad mtha' yas pa rab tu 'gyed pa'i rnam par thar pa ni/ snying rje mtha' yas pa'i sgo nas sangs rgyas kyi rnam par 'phrul ba rab tu 'gyed cing rjes su dran pa zhes bya'o/ /lo tog gi lha kun gyi rtsa ba 'bras bu'i rnam par thar pa ni/ sangs rgyas thams cad mngon du lta zhing / sangs rgyas rnams la yon tan yang dag par skyed pa ston pa zhes bya'o/ /lo tog gi lha gtsug phud kha dog sna tshogs kyi rnam par thar pa ni/ 'gro ba thams cad kyi mos pa'i me tog yongs su sbyong ba zhes bya'o/ /lo tog gi lha yal ga dri ma med par grub pa'i rnam par thar pa ni/ sems can la phan pa'i byams pa dang / bsod nams rgya mtsho rgya chen po rnam par 'phel bar byed pa zhes bya'o/ /lo tog gi lha spos sna tshogs shin tu grub pa'i rnam par thar pa ni/ chos thams cad la spyod pa kun tu gnon pas rtsom pa zhes bya'o/ /lo tog gi lha bzang zhing yid du 'ong bar snang ba'i rnam par thar pa ni/ 'gro ba thams cad kyi zhum pa dang / yid du mi 'ong ba rnam par zlog cing / chos kyi dbyings thams cad yongs su dag par byed pa zhes bya'o/ /lo tog gi lha kha dog rnam par dag </font><hr>Ka64a<br><font size=+1>


@#/ /cing 'od dri ma med pa'i rnam par thar pa ni/ 'gro ba thams cad kyi dge ba'i rtsa ba la rnam par lta zhing chos kyis 'khor gyi dbang po tshim par byed pa zhes bya'o| |de nas lo tog gi lha dang 'jam pa'i dpal gyis sangs rgyas kyi mthus lo tog gi lha'i 'khor gyi dkyil 'khor thams cad la rnam par bltas te /de'i tshe tshigs su bcad pa 'di dag smras so/ /rang byung ye shes sgron ma skyes pa ni/ /'gro ba kun gyi skyabs dang mgon gyur te/ /ma lus 'gro ba'i bde ba yang dag skyed/ /bsod nams rgya mtsho sangs rgyas bla na med/ /sangs rgyas mnyan na don yod yon tan sprin/ /'gro ba kun gyi sdug bsngal zhi bar mdzad/ /chos rgya chen po mi zad rab tu skyed/ /dus kyi dkyil 'khor lha ni 'di la 'jug /bder gshegs stobs ni ma lus yongs su rgyas/ /'gro ba dag ni chos kyi legs pas mdzes/ /'gro ba kun 'dul kun tu rnam par snang / /stobs dang gzugs kyi mthu yis de mthong ngo / /sems kyi skad cig kun la 'gro mnyam pa'i/ /thugs rje rgya mtsho sngon chad rnam sbyangs pas/ /de phyir rdzu 'phrul rnams ni mtha' yas so/ /de ni mdangs mthong lha yis rab tu mthong / /thabs rnams kun gyi sgo rnams don yod par/ /sangs rgyas 'jig rten kun tu khyab </font><hr>Ka64b<br><font size=+1>


gyur cing / /'gro ba kun gyi nyon mongs dag par mdzad/ /'di ni thams cad sgo mo'i rnam thar to/ /'gro ba 'di na mos yangs gang yod pa/ /de dag thams cad rgyal ba'i mthus byung ste| |de bzhin gshegs pa'i ye shes rgya mtsho 'o/ /nags tshal rgyan gyi gtsug phud de la 'jug /'jig rten rnams la byams pa che bskyed de/ /sems can rnams la phan phyir rang byung skyes/ /lam rab dge ba zhi la rab tu ston/ /zhi ba sna tshogs dpal gyi rnam thar to/ /phyogs su sems can yongs smin byed pa'i tshe/ /bder gshegs spyod pa ji ltar rnam dag pa/ /byang chub shing las de dag sgra yang 'byung / /spos zhim dpal gyi lha yis de thos so/ /rgyal bas 'jig rten yid du 'ong ba spong / /dge ba ma lus rnams kyang rab tu skyed/ /'gro ba kun gyi dbang po rnam par sbyong / /dge bar snang ba'i lha yis de mthong ngo / /'gro ba kun na sangs rgyas shin tu 'phags/ /skye bo kun gyi bsam pa des mkhyen te/ /sna tshogs sgo nas 'gro ba yongs smin mdzad/ /rnam dag kha dog 'od kyi rnam thar to/ /de la sman gyi lha phun sum tshogs pa'i rnam par thar pa ni/ bsam pa kun nas rnam par lta ba'i gnon pas 'gro ba rab tu gnon pa zhes bya'o/ /sman gyi lha tsan+dan gyi nags tshal gyi shugs 'chang ba'i rnam par thar pa ni/ blta ba don yod pas </font><hr>Ka65a<br><font size=+1>


@#/ /sems can 'dren pa'i 'od ces bya'o/ /sman gyi lha 'od rdul med pa'i rnam par thar pa ni/ sems can thams cad kyi nyon mongs pa rab tu zhi bas rdul dang bral pa'i sbyor ba zhes bya'o/ /sman gyi lha ming kun tu grags pa glang po'i rgyal mtshan gyi rnam par thar pa ni/ ming bsgrags pas dge ba'i rtsa ba rgya mtsho yang dag par 'phel ba zhes bya'o/ /sman gyi lha spu'i klong kun nas 'od 'byung ba'i rnam par thar pa ni/ nad thams cad la snying rje'i dkyil 'khor gyi shugs kyi rgyal mtshan zhes bya'o// sman gyi lha mun pa rnam par sel cing rnam par sbyong ba'i rnam par thar pa ni/ 'gro ba ldongs pa lta bu thams cad kyi ye shes kyi mig rnam par dag par byed pa zhes bya'o/ / sman gyi lha sgra dbyangs kun tu 'byung ba'i rnam par thar pa ni/ sangs rgyas kyi chos rab tu bsgrags pas don gyi dbyings 'byung ba zhes bya'o/ /sman gyi lha nyi ma'i 'od 'phro ba'i mchog gi rgyal mtshan gyi rnam par thar pa ni/ 'gro ba thams cad la dge ba'i bshes su ston cing dge ba'i rtsa bas yang dag par bskul ba zhes bya'o/ /sman gyi lha phyogs bcur rmongs pa med par lta ba'i rnam par thar pa ni/ mos pa'i tshul gyis rnam par dag pa'i snying rje'i snying po zhes bya'o/ /sman gyi lha mdangs dang 'od kun tu </font><hr>Ka65b<br><font size=+1>


'gyed pa'i mig gi rnam par thar pa ni/ sems can thams cad kyi nad rab tu zhi bar byed cing sangs rgyas rjes su dran par sbyor ba zhes bya'o/ /de nas sman gyi lha phun sum tshogs pas sangs rgyas kyi mthus sman gyi lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /sangs rgyas ye shes bsam gyis mi khyab ltos/ /'gro ba kun gyi bsam pa rab tu mkhyen/ /thabs kyi rnam pa sna tshogs sgo dag nas/ /sdug bsngal kun las sems can rab tu 'grol/ /sangs rgyas chos nyid de ltar bsam mi khyab/ /de yi mthu ni thams cad don kyang yod/ /skye rgu rnams ni sdug bsngal zhi bar mdzad/ /tsan+dan shugs dang ldan pa'i rnam thar to/ /sngon chad rgyal ba'i chos nyid dag la ltos| |bskal pa rgya mtsho mtha' med spyod pa na'ang / /srid pa kun la chags pa gang yang med/ /de la rdul med 'od kyi lha 'jug go /rgyal ba bskal pa stong phrag brgya dag tu/ /mthong zhing mtshan thos de bzhin shin tu dkon/ /tshul rnams kun tu rang byung don yod de/ /de la rgyal mtshan mchog ni de ltar 'jug /rgyal ba'i spu yi sgo rnams kun nas kyang / /nad las rab tu 'grel ba'i 'od bkye bas/ /'jig rten nyon mongs ma lus zhi bar mdzad/ /sbu mdangs rgyun gyi rnam thar 'di yin no/ /sdug bsngal las dang nyon mongs sna tshogs pas/ / </font><hr>Ka66a<br><font size=+1>


@#/ /'gro ba rtag tu ldongs shing rmongs gyur rnams/ /sangs rgyas ye shes 'od kyis rnam par sbyong / /de ni mun dang bral ba'i lhas mthong ngo / /rgyal ba'i gsung dbyangs gcig las mtha' yas pa'i/ /chos kyi sgo mo thams cad kun kyang 'byung / /de ni sems can ma lus kun kyang shes/ /'di ni sgra dang ldan pa'i rnam thar to/ /rgyal ba'i ye shes bsam gyis mi khyab ltos/ /srid par sems can yongs su smin byas pa/ /de la 'gro kun mi mgon mngon du snang / /nyi 'od zhi ba'i lha yis de mthong ngo / /sangs rgyas thugs rje'i tshul ni rgya mtsho ste/ /'gro ba kun phan don du de skyes so/ /'gro ba kun la lam rnams shin tu ston/ /de ni phyogs su snang ba'i lhas shes so/ /sangs rgyas 'gro dbang rnams kyi 'od yangs pa/ /phyogs rnams thams cad ma lus kun tu gang / /sangs rgyas rjes su dran pa'i gzi brjid skyed/ /mdangs dang 'od du ldan pa'i rnam thar to| |de la nags tshal gyi lha yal ga sna tshogs kyi sprin gyi rnam par thar pa ni/ ye shes kyi rgya mtsho yangs shing mtha' yas pa'i snying po zhes bya'o/ /nags tshal gyi lha 'od kyi phung po sna tshogs kyi mig yid du 'ong ba'i 'od kyi rnam par thar pa ni/ dge ba rgya chen po kun nas spungs pa'i shugs zhes bya'o/ /nags tshal gyi lha myu gu yid </font><hr>Ka66b<br><font size=+1>


du 'ong ba'i 'od kyi rnam par thar pa ni/ mos pa sna tshogs kyi myu gu rnam par 'phel ba dang yongs su dag par byed pa zhes bya'o/ /nags tshal gyi lha lo ma dri ma med pa'i phreng ba'i dpal gyi rnam par thar pa ni/ yon tan gyi dkyil 'khor thams cad kyi rgyan yongs su sbyong zhing rnam par sgom pa zhes bya'o/ /nags tshal gyi lha yan lag rab tu 'phyang ba'i gzi brjid kyi rnam par thar pa ni/ shes rab dri ma med pa'i sgo kun nas chos kyi dbyings la dmigs shing kun nas rnam par dmigs pas rgyas par 'gengs pa zhes bya'o/ /nags tshal gyi lha sgra skad yid du 'ong ba'i dbyangs kyi rnam par thar pa ni/ sems can thams cad kyi spyod pa rgya mtsho la yang dag par 'jug pa'i chos kyi sprin mngon par sgrub pa zhes bya'o/ /nags tshal gyi lha sgra skad yid du 'ong ba'i dbyangs kyi rnam par thar pa ni/ sems can thams cad kyi yid du mi 'ong ba'i sgra la bzod pa rab tu thob pas chos kyi snang ba dri ma med pa zhes bya'o| |nags tshal gyi lha kun nas spos mang po'i ngad ldang ba'i 'od kyi rnam par thar pa ni/ spyod pa rgya chen po'i dkyil 'khor spyod pas yongs su dag par byed cing phyogs kun tu rnam par snang ba zhes bya'o/ /nags tshal gyi lha kun nas dpal gyi 'od rab tu 'byung ba'i dkyil 'khor gyi rnam par thar pa ni/ 'gro ba la phan pa'i don chos thams cad </font><hr>Ka67a<br><font size=+1>


@#/ /kyi yon tan gyis rgyas par yang dag par sbyor ba zhes bya'o/ /nags tshal gyi lha me tog dang / 'bras bu dang / ro'i 'od kyi rnam par thar pa ni/ sangs rgyas skye ba thams cad la dga' bar lta zhing rjes su dran pa'i yon tan gyi rgyan gyi snying po zhes bya'o/ /de nas nags tshal gyi lha yal ga sna tshogs kyi sprin gyis sangs rgyas kyi mthus nags tshal gyi lha'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /bsod nams stobs dang ye shes stobs rnams dang / /sngon tshe byang chub spyod pas sangs rgyas byung / /stobs rnams kun gyis rang byung pha rol phyin/ /'gro ba kun na 'phags shing rnam par mdzes/ /'gro ba thams cad snyed kyi thugs rje'i sgo/ /de bzhin gshegs pas sngon tshe rab tu sbyangs/ /rang byung de bas 'gro ba'i don mdzad do/ /sna tshogs spungs 'od rnam thar 'di la 'jug/ sems can kun gyis bde gshegs mthong ma thag /mos pa rgya mtsho rnam par dag par 'gyur/ /rgyal ba kun gyi lam yang yang dag ston/ /myu gu yid 'ong 'od kyi rnam thar yin| |rgyal ba kun gyi ba spu'i yon tan 'khor/ /bskal pa rgya mtshor zad par mi nus te/ /'gro ba kun gyis sangs rgyas bsam mi khyab/ /rnam thar 'di ni phreng ba'i dpal </font><hr>Ka67b<br><font size=+1>


gyis mthong / /sngon chad rgyal bas sangs rgyas gang gi rnams/ /zhing mang rdul snyed mchod pa de dag dran/ /kun tu shes rab dkyil 'khor rnam par sbyangs/ /yal ga 'od kyi brjid kyis 'di mthong ngo / /'gro ba kun gyi spyod pa rgya mtsho dag /skad cig gcig gis sangs rgyas thugs su chud/ /rgyal ba'i ye shes chags med shin tu yangs/ /sna tshogs rgyan gyi 'od kyis 'di mthong ngo / /bder gshegs gsung ni zhi ba rab zhir gsung / /dga' ba yangs pa chen po rnam par skyed/ /sems can mos pa ji bzhin de dag shes/ /'di ni sgra rnams sgrog pa'i dbyangs kyis thos/ /phyogs bcu'i zhing gi dbyings rnams rgyas byas shing / /sangs rgyas byin rlabs rgya chen rab tu 'byung / /rgyal ba'i sngon gyi spyod pa dag kyang ston/ / kun tu dri zhim 'od dpal 'di la 'jug /ma rungs sems can yon tan med pa'i rnams/ /myos shing 'khor ba kun tu 'khor ba dag /de dag la ni thams cad mkhyen lam ston/ / 'phags pa'i 'od kyi 'khor gyis 'di mthong ngo / /sems can ma rungs sbyor ba spyod pa rnams/ /bskal pa bye bas sangs rgyas mthong bar 'gyur/ /gzhan ni bder gshegs skad cig gcig gis lta/ /ro yi 'od kyi lha yis 'di mthong ngo / /de la ri'i lha rin po che'i rtse mo me tog shin tu rgyas par gnas pa'i rnam par thar pa ni/ bsam gtan zhi zhing yangs </font><hr>Ka68a<br><font size=+1>


@#/ /la dben pa'i snang ba la rab tu 'jug pa zhes bya'o/ /ri'i lha nags tshal sna tshogs me tog shin tu rgyas pa'i gtsug phud kyi rnam par thar pa ni| 'gro ba bsam gyis mi khyab pa'i dge ba'i rtsa ba yongs su smin par byed pa'i byams pa sgom pa'i rgyan ces bya'o/ /ri'i lha kun nas shin tu 'phags pas rnam par snang ba'i rgyal mtshan gyi rnam par thar pa ni/ sems can thams cad kyi bsam pa rnam par lta ba'i dbang po la 'jug pas mngon par snang ba zhes bya'o/ /ri'i lha rdul thams cad dang mi gnas pas dri ma med pa'i gtsug phud kyi rnam par thar pa ni/ bskal pa rgya mtsho mtha' yas par mi skyo ba'i brtson 'grus kyis rab tu sbyor ba zhes bya'o| |ri'i lha snang bas phyogs su gsal ba'i 'od kyi rnam par thar pa ni/ sangs rgyas kyi yon tan mtha' yas pa'i snang ba rnam par bstan pa ston pa zhes bya'o/ /ri'i lha stobs la thub pa med pa'i snang ba'i 'od kyi rnam par thar pa ni/ sems can yongs su smin par bya ba'i phyir gti mug yongs su sel ba'i 'od ces bya'o/ /ri'i lha kun nas gzi brjid dpal gyi dkyil 'khor gyi rnam par thar pa ni/ chags pa thams cad dang mnyam pa'i rgyan gyis sdug bsngal yang dag par 'joms pa zhes bya'o/ /ri'i </font><hr>Ka68b<br><font size=+1>


lha snang ba'i rdul chu bo'i dkyil 'khor gyi rnam par thar pa ni/ de bzhin gshegs pa thams cad kyi bstan pa'i yon tan snang ba yang dag par ston pa zhes bya'o/ /ri'i lha kun tu mngon par lta ba'i mig gi rnam par thar pa ni/ sems can thams cad kyi rmi lam gyi mthar yang dge ba'i rtsa ba rnam par 'phel bar byed pa zhes bya'o/ /ri'i lha kun nas sra ba'i rdo rje'i mtshams kyi mig gi rnam par thar pa ni/ don rgya mtsho rgya chen po mtha' yas pa dang 'grogs pa zhes bya'o/ /de nas ri'i lha rin po che rtse mo me tog shin tu rgyas par gnas bas sangs rgyas kyi mthus ri'i lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /rgyal ba'i rnam 'phrul mi zad tshad med ltos/ /sngon tshe spyod rab mtha' yas rgyal bas spyod/ /rnam thar zhing gi rdul snyed bsgoms mdzad pas/ /'gro ba ma lus dga' ba'i shugs kyang bskyed/ /sangs rgyas spu nas dri med dpal bkye ba/ /yan lag mtshan rgyan 'gro ba kun bkang zhing / /byams tshul mtha' yas 'jig rten kun la ston/ /nags tshal rgyas pa'i gtsug gi rnam thar to| |sangs rgyas sku ni mtha' yas 'gro bar mngon/ /'jig rten kun tu phyogs bcu bkang zhing 'phags/ /dbang po dang ba'i sems can rangs shing dga'/ /rnam thar 'di la </font><hr>Ka69a<br><font size=+1>


@#/ /'phags pa'i rgyal mtshan 'jug /rang byung mkha' mnyam 'jig rten chos ma chags/ /bskal pa kun spyod brtson 'grus stobs mi skyo/ /sna tshogs khams 'gro sbyor ba ma lus 'dul/ /dga' ba dri med gtsug phud rnam thar to/ /'jig rten kun ni ldongs gyur mun stug zhugs/ /thugs rje der bskyed sangs rgyas 'od bkye zhing / /'gro khams yun ring nyal ba sad par mdzad/ /rig nas dga' 'od lha yi rnam thar to/ /srid pa'i rgya mtshor spyad pa sngon spyod tshe/ /zhing rdul mnyam pa'i sems can gtso mchod pas/ /de dag dgyes bzhin sems can byang chub bkod/ /zhi ba'i sa 'di stobs 'chang lha 'jug go /las kyi sprin sgrib g.yogs shing bsgribs pa rnams/ /srid par sems can sdug bsngal 'khor gzigs nas/ /de dag mun pa ye shes 'od kyis bsal/ /gzi brjid dpal 'od rnam thar 'di sems so| |rgyal ba'i spu las sangs rgyas yon tan kun/ /phyogs dbyings sems can bsam pa bzhin du grag /rdzu 'phrul rnam pa bskal pa kun tu gnas/ /'od mang rdul gyi chu bo'i lha 'jug go /sems can kun spyod dge ba rgya mtsho kun/ /de la phyogs bkang sangs rgyas mngon par snang / /sna tshogs thabs kyis 'jig rten chos kyang ston/ / </font><hr>Ka69b<br><font size=+1>


tshul mngon mig gi lha yis de thos so/ /chos sgo rgya mtsho mi zad tshad med pa/ /sangs rgyas gsung gcig sems can kun la gsung / /bskal pa kun brjod 'jig rten mang la ston/ /rdo rje tshul mig 'di yi gnas la 'jug /de la sa'i lha dpal gyi me tog kun nas shin tu rgyas pa dri ma med pa'i rnam par thar pa ni/ skad cig skad cig cing sems can thams cad la byams pa dang snying rje'i dkyil 'khor gyis rnam par lta ba zhes bya'o/ /sa'i lha bsod nams brtan pa shin tu bsags pa'i 'od kyi rnam par thar pa ni/ sems can thams cad kyi bsod nams kyi stobs dang shugs kyi rgyan ces bya'o/ /sa'i lha sems rin po ches rgyas pa'i rnam par thar pa ni/ ting nge 'dzin sna tshogs sgom pa rnam par 'byed pa dri ma med pa zhes bya'o/ /sa'i lha dus dus su dge ba'i mig rab tu ston pa'i rnam par thar pa ni/ sems can thams cad dga' zhing bde ba dang rtse ba'i sbyor ba zhes bya'o/ / sa'i lha gser gyi mig gi dpal gyi rnam par thar pa ni/ lus thams cad yongs su dag par byed pa'i tshul ston pa zhes bya'o/ /sa'i lha spu las spos kyi 'od rnam par 'gyed pa'i rnam par thar pa ni/ sangs rgyas thams cad kyi yon tan rgya mtsho thams cad rnam par sgom pa brjod pa zhes bya'o/ /sa'i lha sgra dbyangs yid du 'ong ba sgrog pa'i rnam par </font><hr>Ka70a<br><font size=+1>


@#/ /thar pa ni/ 'gro ba thams cad smra ba'i sgra rgya mtsho'i byin gyis rlob pa zhes bya'o/ /sa'i lha me tog gi glang po sna tshogs kyi gtsug phud kyi rnam par thar pa ni/ sangs rgyas kyi zhing phun sum tshogs pa'i rang bzhin dri ma med pa zhes bya'o/ /sa'i lha kun nas rdo rje'i rdul gyi rgyan gyi rnam par thar pa ni /sangs rgyas kyi chos thams cad kyi 'khor lo'i byin gyi rlabs kun nas rgyu zhing 'byung ba zhes bya'o/ /sa'i lha khyim dri ma med pa'i 'od kyi rnam par thar pa ni/ sangs rgyas kyi zhing thams cad kyi tshul la yang dag par 'jug pa'i chos kyi rgyun sgom pa 'byung ba zhes bya'o/ /de nas sa'i lha dpal gyi me tog kun nas shin tu rgyas pa dri ma med pas sangs rgyas kyi mthus sa'i lha'i dpal gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /sngon chad skad cig skad cig bder gshegs kyis| |brjod du med pa'i snying rje'i sgo rnams dang / /byams pa'i sgo yang mi zad bsgoms pas na/ /de phyir sangs rgyas sku ni mi shigs sra/ /dus gsum gtogs pa'i sems can bsod nams dang / /ji snyed byang chub sems dpa'i bsod nams dag /rgyal ba'i spu gcig de snyed bsod nams 'od/ /bsod nams de mthong rab tu dga' </font><hr>Ka70b<br><font size=+1>


bar 'gyur/ /'byung ba med cing byon pa gang yang med/ /ting 'dzin zhi ba rgya mtshor rab tu zhugs/ /sems can rgyan gyi sa 'di rab tu ston/ /'di ni sna tshogs shing gi ze ba'i sa yin no/ /sngon chad thub pas spyod pa spyad pa dang / /'gro ba'i sgrib pa rnam par zlog pa ni/ /rin chen bkram pa'i 'od kyi sa yin te/ /rnam thar de la dga' bar lha lta'o/ /de bzhin gshegs pa'i sa ni mtha' yas te/ /'jig rten kun tu skad cig skad cig ston/ /dus tshod yang dag ston pa'i sa yi lha/ /dga' bar sangs rgyas yul la rnam par lta/ /sangs rgyas gsung ni mtha' yas bsam mi khyab/ /sems can kun bsgrags nyon mongs zhi bar mdzad/ /gser 'od mig gi dpal ni rab dga' bar/ /sangs rgyas yon tan mtha' yas mnga' ba ste/ /sangs rgyas sprul pas rnam pa kun gzugs su/ /phyogs kun chos kyi dbyings su rgyas par mdzad/ /spu las dri zhim 'od kyi sa yi lha/ /sangs rgyas sems can 'dul ba de la lta/ /phyogs rnams yid 'ong dbyangs kyis gang byas shing / /'gro ba 'di ni phyi mtha'i bskal par brjod/ /yid du 'ong ba'i sgra dbyangs sa yi lha/ / rab tu dga' bar sangs rgyas dbyangs la nyan/ /rgyal ba'i spu las sems can mnyam pa yi/ /spos kyi 'od bkye 'jig rten kun bkang zhing / /sems can ma lus yongs </font><hr>Ka71a<br><font size=+1>


@#/ /su smin mdzad pa/ /me tog gtsug phud 'phyang bas yang dag mthong / /de bzhin gshegs sku rdo rje lta bu ste/ /mtshams su mi phyed sra ba'i ri bo 'dra/ / 'gro ba kun gyis sangs rgyas bskyod mi nus/ /rdo rje rdul gyi lha ni des dga' 'o/ /de la grong khyer gyi lha rin chen rtse mo'i 'od kyi rnam par thar pa ni/ sems can la phan pa yang dag sbyar ba 'byung ba zhes bya'o/ /grong khyer gyi lha rgyan rnam pa sna tshogs 'byung ba'i rnam par thar pa ni/ 'gro ba'i dbang po yongs su smin par byed pa'i 'dul ba 'byung ba zhes bya'o/ /grong khyer gyi lha rin chen dri med shin tu dga' ba'i rnam par thar pa ni/ sems can thams cad bsod nams dang dga' ba myong bar byed pa zhes bya'o/ / grong khyer gyi lha slos pa'i mya ngan thams cad spong ba'i rnam par thar pa ni/ skyob pa dang / mi 'jigs pa dang / snying rje chen po zhes bya'o/ /grong khyer gyi lha sgron ma shin tu rgyas pa'i mig gi rnam par thar pa ni/ shes rab kyis kun tu rnam par 'byed pa zhes bya'o/ /grong khyer gyi lha 'od 'phro ba'i dpal mngon par 'bar ba'i rnam par thar pa ni| thabs kyi sgo kun nas ston pa'i mthu zhes bya'o/ /grong khyer gyi lha bsod nams kyi shugs snang ba'i 'od kyi rnam par thar pa ni/ 'gro ba kun gyi bsod nams </font><hr>Ka71b<br><font size=+1>


'byung bas snang ba zhes bya'o/ /grong khyer gyi lha lus dri ma med pas mnyam pa'i 'od kyi rnam par thar pa ni/ sems can rmongs pa thams cad la rmi lam rnam par ston pa'i 'od ces bya'o/ /grong khyer gyi lha spos kyi rgyal mtshan gtsug phud kyi rgyan gyi rnam par thar pa ni/ nyon mongs pa dang mi dge ba'i dri ma rnam par sel cing thams cad mkhyen pa nyid kyi dri yang dag par skyed pa zhes bya'o/ /grong khyer gyi lha rin chen dpal gyi 'od kyi rnam par thar pa ni/ 'gro ba thams cad kyi sgrib pa'i ri rnam par 'joms pa'i 'od ces bya'o/ /de nas grong khyer gyi lha rin po che'i rtse mo'i 'od kyis sangs rgyas kyi mthus grong khyer gyi lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /mgon po'i chos nyid bsam gyis mi khyab ste/ /snang ba brnyes shing phyogs su rnam par mdzes/ /sems can mtha' yas yongs su smin mdzad pa'i// sangs rgyas 'gro ba kun la mngon du snang / /sems can thams cad dbang po sna tshogs te/ /de dag ma lus rgyal bas 'gro bar mkhyen/ /rnam thar 'di ni rab tu thob pa'i phyir/ /sna tshogs 'od 'byung lha yang rab tu dga'/ /rgyal bas bskal pa mtha' yas yang dag spyad/ /sngon chad rgyal bas chos kyang yang dag bzung / /dga' ba'i yid kyis rtag tu de dag </font><hr>Ka72a<br><font size=+1>


@#/ /blangs| |rnam thar 'di ni dga' ba'i 'od kyis thob/ /'gro ba 'dir ni thugs rje byams bskyed cing / /de bzhin gshegs pas sngon chad sems can rnams| |kun gyi mya ngan mtha' yas rnam par bzlog /nyon mongs yongs su sbyong ba 'di la dga'/ /rgyal ba'i shes rab rgya che mtha' yas te/ /tshad med nam mkha' 'dra zhing mtshungs pa yin/ /de bzhin gshegs pa'i shes rab rnam spyod pas/ /mar me me tog 'od kyi lha dga' 'o/ /de bzhin gshegs pas 'gro mnyam sku gzugs rnams/ /'gro ba kun gyi bsam pa rnams la bstan/ /de 'dra'i tshul la rab tu sgom pa yis/ /mngon du 'od 'phro'i lha de rab tu dga'/ /bsod nams rgya mtsho rgya chen mtha' yas pa/ /sngon chad de bzhin gshegs pas yongs su sbyangs/ /de 'dra'i rnam par thar la rnam lta bas/ /bsod nams dpal gyi 'od de rab tu dga'/ /srid par rab tu rmongs pa'i sems can rnams| |'khor gyur rab rib ldongs pa gzigs pas na/ /de dag phan phyir sangs rgyas mngon du byung / /dri med 'od kyis rnam thar 'di thob bo/ /de bzhin gshegs pa'i rdzu 'phrul stobs la ltos/ /'gro la sprin 'dra mtha' dang dbus kyang med/ /de dag bstan cing 'gro ba rnam par 'dul/ /spos kyi rgyal mtshan 'od kyis 'di mthong ngo / /sems </font><hr>Ka72b<br><font size=+1>


can rmongs pa mun pas ldongs gyur cing / /rnam pa sna tshogs sgrib pas bsgribs gyur pa/ /sangs rgyas 'od kyis rnam par kun shes 'gyur/ /rtse mo'i 'od kyi lha ni 'di la 'jug / de la snying po byang chub kyi lha dge ba dri ma med pa'i rgyan gyis brgyan pa'i rgyal mtshan gyi rnam par thar pa ni/ sangs rgyas mang po mchod pa yang dag par 'byung zhing sngon gyi smon lam gyi rgyan ston pa zhes bya'o/ /snying po byang chub kyi lha ri rab spo'i rin po che'i 'od kyi rnam par thar pa ni/ 'gro ba thams cad dang mngon sum du byang chub kyi spyod pa yang dag par sgrub cing 'byung ba zhes bya'o/ /snying po byang chub kyi lha dbyangs kyi 'brug sgra sgrog pa'i rgyal mtshan gyi rnam par thar pa ni/ sems can thams cad kyi bsam pa la sangs rgyas ston cing / rmi lam gyi mthar sangs rgyas kyi chos kyi 'brug sgra sgrog pa zhes bya'o/ /snying po byang chub kyi lha me tog gi char sna tshogs 'bab pa'i mig gi rnam par thar pa ni/ dka' ba thams cad yongs su gtong zhing / rin po che'i char 'bebs pa'i rgyan ces bya'o/ /snying po byang chub kyi lha 'od 'phro mang po shin tu dri ma med pa'i rnam par thar pa ni/ 'dul ba'i sems can yongs su smin par byed cing / snying po byang chub phun sum tshogs pa rnam pa sna tshogs ston pa zhes bya'o/ /snying po byang chub kyi lha me tog gi phreng ba 'od kyi gtsug </font><hr>Ka73a<br><font size=+1>


@#/ /phud kyi rnam par thar pa ni/ sems can thams cad kyi dbang po bzhin du chos tshul zab mo dran pa ston pa 'byung ba zhes bya'o/ /snying po byang chub kyi lha rin po che'i rgyan gyi char rab tu 'bebs pa'i rnam par thar pa ni/ dga' ba yang dag par myong ba mtha' yas pa la yang dag par 'jug pa zhes bya'o/ /snying po byang chub kyi lha mthu dam pa spos kyi mig gi rnam par thar pa ni/ sangs rgyas kyi yon tan dang legs pa rab tu brjod pa'i byin gyi rlabs zhes bya'o/ /snying po byang chub kyi lha rdo rje sna tshogs kyi sprin gyi rnam par thar pa ni/ snying po byang chub kyi lha rnam pa mtha' yas pa yang dag par ston pa'i rgyan ces bya'o/ /snying po byang chub kyi lha pad+mo'i shing snang ba'i 'od kyi rnam par thar pa ni/ byang chub kyi shing yongs su zhi bas phyogs rgyas par byed pa zhes bya'o/ /snying po byang chub kyi lha dge ba'i lta ba sna tshogs rnam par ston pa'i 'od kyi rnam par thar pa ni/ de bzhin gshegs pa'i stobs sna tshogs yang dag par rgyu ba zhes bya'o/ /de nas snying po byang chub kyi lha dge ba dri ma med pa'i rgyan gyis brgyan pa'i rgyal mtshan gyis sangs rgyas kyi mthus snying po byang chub kyi lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /bskal </font><hr>Ka73b<br><font size=+1>


pa mang po mtha' dang dbus med par/ /de bzhin gshegs pas ji ltar sngon spyad dran/ /sangs rgyas thams cad mchod cing bsgrubs pas na/ /de phyir de yi bsod nams nam mkha'i tshad| |zhing rnams mtha' yas tshad med 'dra med par/ /mi zad gtong ba'i sgo nas sngon btang bas/ /ri bo'i spo yi 'od kyi lha de ni/ /bder gshegs dran zhing rab tu dga' bar 'gyur| |bder gshegs sprul pa rnam pa mtha' yas pa/ /de dag zhing rnams kun tu rab tu rgyu/ /'gro bar sangs rgyas rmi lam bzhin ston cing / /sprin gyi sgra dbyangs lha de rab tu dga'/ /mtha' yas bskal par dka' ba rab spyad de/ /dang ba'i spyan gyis 'gro la phan pa'i phyir/ /rgya mtsho'i spyan yang yongs su sngon btang ste/ /de la me tog mig gi lha dga' 'o/ /yon tan rin chen 'od 'phro mtha' yas sprin/ /'gro ba kun tu snying po byang chub nas/ /rab tu bkye ba'i sangs rgyas rdzu 'phrul gyis/ /'od 'phro 'gyed pa'i lus kyi lha yang dga'/ /sems can rnams kyi spyod pa rgya mtsho ste/ /de la rgyal ba chos kyi char yang 'bebs/ /ji ltar mos par nem nur rnam par sel/ /de yis gtsug phud 'phyang ba dga' ba thob| |rgyan gyi char 'bebs mig bzang lha de ni/ /sems kyi skad cig gcig gis tshad med pa'o/ /chos don dbyings kyi bye brag mtha' yas pa/ /rgya mtshor tha dad yang dag </font><hr>Ka74a<br><font size=+1>


@#/ /shes pas 'jug /zhing rnams brjod du med pa thams cad du/ /'gro ba kun la sangs rgyas legs brjod pas/ /de phyir yon tan sangs rgyas zhing kun grags/ /de ni rjes su spos mig lha yang dran/ /mtha' yas shing gi rnam pa sna tshogs gzugs/ /byang chub shing la kun kyang ma lus bstan/ /rdo rje sna tshogs sprin gyi lha de ni| |byang chub shing la dga' bar rnam par lta/ /sangs rgyas ye shes snying po byang chub la/ /phyogs rnams kun tu mtha' dang mu med de/ /pad+mo snang zhing gsal ba'i lha de ni| |rnam thar rnam yangs 'di la rab dga' 'o/ /sangs rgyas stobs rnams yongs dag bsam mi khyab/ /snying po byang chub 'dir ni kun kyang grag /yang dag bsgrubs pas byung ba de dag ni/ /thams cad sna tshogs snang ba'i 'od nyan to/ /de la rkang gis 'gro rin chen dpal gyi phyag rgya'i rnam par thar pa ni/ dga' ba yangs pa rin po che'i char gyis kun tu khyab pa zhes bya'o/ /rkang gis 'gro pad+mo snang ba'i 'od zer gyi 'od kyi rnam par thar pa ni/ sangs rgyas kyi sku 'od zer gyi kha dog pad+mo'i dra ba thams cad du ston pas dga' bar byed pa zhes bya'o/ /rkang gis 'gro me tog gtsug phud kyi dpal dri ma med pa'i rnam par thar pa ni/ sems kyi skad cig thams cad la de bzhin gshegs </font><hr>Ka74b<br><font size=+1>


pa'i 'khor gyi dkyil 'khor gyi dbyibs dang / rgyan 'byung ba zhes bya'o/ /rkang gis 'gro shin tu mdzes par gnon pa'i rnam par thar pa ni/ gom pa 'dor ba thams cad du sems can mtha' yas pa 'dul ba'i rgyan ces bya'o/ /rkang gis 'gro rin chen dpal gyi rgyal mtshan gyi rnam par thar pa ni/ skad cig gcig gis pad+mo'i dra ba sna tshogs sprul pa byed cing rin po che'i char pa dang / dbyangs dang / snang ba kun tu 'gyed pa zhes bya'o/ /rkang gis 'gro dga' ba'i dbyangs snyan pa'i rnam par thar pa ni/ dga' ba'i shugs dang nyams bde ba rgya mtsho mtha' yas pa 'byung ba zhes bya'o/ /rkang gis 'gro shing tsan+dan gyi 'od kyi rnam par thar pa ni/ 'khor gyi dkyil 'khor thams cad du spos kyi ngad sprin du ldang ba zhes bya'o/ /rkang gis 'gro pad+mo yid du 'ong ba'i 'od kyi rnam par thar pa ni/ pad+mo'i gseb thams cad nas yid du 'ong ba'i chos kyi dbyangs 'byung bas snang ba skyed pa zhes bya'o/ /rkang gis 'gro rdul gyi shugs kyi 'od kyi rnam par thar pa ni/ lus kyi 'od zer rnam pa sna tshogs thams cad kyi dra bas snang ba 'byed pa zhes bya'o/ /rkang gis 'gro me tog mang po'i dkyil 'khor gyi rnam par thar pa ni/ sems can thams cad la dge ba'i rtsa ba rgya mtshos yang dag par bskul ba 'byung ba zhes bya'o/ /de nas rkang gis </font><hr>Ka75a<br><font size=+1>


@#/ /'gro rin chen dpal gyi phyag rgyas sangs rgyas kyi mthus rkang gis 'gro'i lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /dga' ba rgya mtsho'i tshul gyi shugs bskyed cing / /bskal pa mtha' yas sngon chad spyod pa mdzad/ /zhing rnams kun rdul shin tu phra mnyam pa'i/ /sangs rgyas rnams kyang dgyes pa'i thugs kyis mchod/ /skad cig sems la pad+mo brjod yongs pa/ /dri zhim sna tshogs mngon par sbrul mdzad nas| |zhing rnams kun tu rgyal ba gshegs mdzad pa/ /snang ba'i 'od zer lha des rab tu mthong / /'dren pa rnams kyi chos nyid bsam mi khyab/ /'khor rnams kun tu 'byams klas mtha' yas pa'i/ /rnam par 'phrul pa mi zad rab tu ston/ /me tog gtsug phud lha des de mthong ngo / /phyogs bcu'i zhing gi dbyings rnams ma lus pa/ / thams cad kun tu gshegs shing bzhud pa yis/ /sems can mtha' yas yongs su smin par mdzad/ /shin tu mdzes pas dga' bar de mthong ngo / /sems can snyed kyi sprul pa kun 'phros pa/ /re re'i sku yis chos kyi dbyings kyang 'gengs/ /rin chen dri med 'od kyang rab tu gtong / /rkang 'gro dpal gyi mtshan gyis 'di mthong ngo / / </font><hr>Ka75b<br><font size=+1>


de bzhin gshegs pa'i spyod yul mtha' yas te/ /'khor du rgyal ba chos kyi char yang 'bebs/ /bder gshegs de yi 'khor na dgar gnas shing / /dga' sgra dbyangs kyis rnam thar de mthong ngo / /sangs rgyas dbyangs ni mkha' dang mnyam pa ste/ /dbyangs kyi yan lag yon tan kun dang ldan/ /'jig rten kun bkang sems can rnam par 'dul/ /tsan+dan shing gi 'od ni de la nyan/ /spu rtse kun nas rgyal ba rnam 'phrul dang / /dus gsum gshegs pa'i rgyal ba'i mtshan gyi rnams/ /sgra bsgrags thos shing dga' ba skyer 'gyur te/ / de ni rdo rje 'od kyi lhas mthong ngo / /de bzhin gshegs sku bsam gyis mi khyab ste/ /gom pa gom par yon tan rgya mtsho ston/ /de dag sems can ji ltar mos pas mthong / /rdul gyi 'od kyi lhas ni de mthong ngo / /'jig rten mgon po rnam 'phrul rnam mang gis/ /phyogs bcur sems can yang dag skul bar mdzad/ /me tog 'khor mang rkang pas 'gro ba'i lha| |mthong zhing dga' ba yangs pa rab tu thob/ /de la lus kyi ris su gtogs pa'i lha khrel dang dge bas rgyas pa'i 'od kyi rnam par thar pa ni/ de bzhin gshegs pa rnams kyi sngon gyi smon lam rjes su dran pas rnam par dpyod pa zhes bya'o/ /lus kyi ris su gtogs pa'i lha 'od zer phyogs su snang ba'i rnam par thar pa ni/ 'jig rten gyi </font><hr>Ka76a<br><font size=+1>


@#/ /khams mu med par sangs rgyas kyi 'od rnam par ston pa'i rgyan ces bya'o/ /lus kyi ris su gtogs pa'i lha sgras 'dul ba rgya mtsho'i dpal gyi rnam par thar pa ni/ sangs rgyas kyi gsung 'dul ba'i sems can thams cad la brjod cing yang dag par bskul bas dga' ba 'byung ba zhes bya'o/ /lus kyi ris su gtogs pa'i lha rgyan bzang po'i me tog gtsug phud kyi rnam par thar pa ni/ de bzhin gshegs pa'i sku nam mkha'i mtshan nyid kyi byin gyi rlabs kun nas rab tu gnas pa 'byung ba zhes bya'o| |lus kyi ris su gtogs pa'i lha spyod yul mtha' yas dpal gyi rnam par thar pa ni/ sangs rgyas thams cad kyi yul 'gro ba rnams la yang dag par ston pa'i mthu zhes bya'o/ /lus kyi ris su gtogs pa'i lha snang ba'i phreng ba 'dzin pa'i dpal gyi rnam par thar pa ni/ sems can thams cad gso ba dang 'dres pa'i mdangs kyis dga' ba zhes bya'o/ /lus kyi ris su gtogs pa'i lha spos dri ma med pa'i sprin las char 'bebs pa'i 'od kyi rnam par thar pa ni/ sems can thams cad kyi nyon mongs pa'i dri ma mngon par sel ba'i sbyor ba zhes bya'o/ /lus kyi ris su gtogs pa'i lha srung 'dzin yongs su sdud pa'i rnam par thar pa ni/ sems can thams cad kyi bdud kyi las dang </font><hr>Ka76b<br><font size=+1>


rmongs pa rnam par zlog pa zhes bya'o/ /lus kyi ris su gtogs pa'i lha sgo kun nas yongs su gnon pa la mngon du gyur pa'i mig gi rnam par thar pa ni/ 'jig rten gyi dbang po thams cad kyi gnas su rgyal ba rnam par dmigs par mngon du ston pa'i rgyan ces bya'o/ /lus kyi ris su gtogs pa'i lha khrel dang dpal mi g.yo ba'i 'od kyi rnam par thar pa ni| sems can thams cad kyi dge ba'i rtsa ba'i shugs thams cad yang dag par 'dzin cing yang dag par sbyong ba zhes bya'o/ /de nas lus kyi ris su gtogs pa'i lha khrel dang dge bas rgyas pa'i 'od kyis sangs rgyas kyi mthus lus kyi ris su gtogs pa'i lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /ri rab rdul phran shin tu phra snyed kyi/ /bskal pa de dag pha snga'i bskal pa ni/ /rdul ces bya bar 'od mdzes 'od zer rgyal/ /mchod de smon lam btab pa bdag gis dran/ /sangs rgyas sku las 'od 'phro rab bkye ba/ /de yi 'od zer chos kyi dbyings su rgyu/ /rgyal ba'i 'od zer dra ba sems can 'dul/ /'od 'phro 'od zer lha yis de mthong ngo / /dbyangs kyi yan lag yon tan kun rgyas pa'i/ /sangs rgyas gsung ni zhing rnams kun tu sgrog/ /'gro ba ma lus thams cad yang dag skul/ /dbyangs kyis 'dul ba </font><hr>Ka77a<br><font size=+1>


@#/ /de la dga' bar nyan/ /rgyal ba'i sku ni rab tu zhi la ltos/ /sku gzugs du ma'ang mtshan nyid mi mnga' ste/ /'gro ba kun na'ang bzhugs par rab tu snang / /me tog gtsug gis ji bzhin nyid du mthong / /'dren pa'i chos nyid bsam gyis mi khyab ste/ /sems can de dag dad pa ji bzhin du/ /la la bzhugs dang bzhengs dang gshegs par mthong / /de yang spyod lam 'byung ba'i lhas mthong ngo / /rgyal ba'i tshems kyi mtshams rnams thams cad nas/ /dri zhim 'od 'phro sgron ma'i sprin bkye bas| |'gro ba kun gyi nyon mongs zhi bar 'gyur/ /dri med spos kyi sprin gyis de mthong ngo / /sangs rgyas mgon po 'gro ba'i skyabs su byung / /nyon mongs rmongs shing sdug bsngal gzir ba rnams/ /mgu bar mdzad cing nyon mongs thams cad bcil/ /snang ba'i phreng ba 'chang bas 'di mthong ngo / /'dren pa bskal pa brgyar yang shin tu dkon// rang byung 'jig rten don mdzad skyes pa ni/ /'jig rten kun gyi dbul ba rnam par sel/ /khrel yod dpal gyi 'od snang de skad smra/ /sems can nyon mongs sgrib pas nyon mongs shing / /bdud kyi las kyis dkrugs te 'phyan pa'i rnams/ /de dag rgyal ba rnam thar lam ston te/ /srung zhing skyong ba'i dpal gyis de mthong ngo / /de bzhin </font><hr>Ka77b<br><font size=+1>


gshegs pa'i rnam par 'phrul ba ltos/ /sangs rgyas sprin gyis chos kyi dbyings mnan cing / /'jig rten dbang po gnas su sems can 'dul/ /kun sgo'i mig gi dpal gyi spyod yul lo| |de la lag na rdo rje mthu chen kha dog bzang po'i 'od kyi rnam par thar pa ni/ yon tan mtha' yas pa dang gzugs kyi sku rnam par dpyod pa yang dag par ston pa zhes bya'o/ /lag na rdo rje nyi ma'i shugs kyi rgyal mtshan gyi rnam par thar pa ni/ sangs rgyas thams cad kyi ba spu las nyi ma'i dkyil 'khor gyi sprin sna tshogs kyi rgyan 'byung ba zhes bya'o/ /lag na rdo rje ri rab me tog 'od kyi rnam par thar pa ni/ rnam par 'phrul ba rgya chen po bstan pas yon tan mtha' yas pa'i lus su 'phrul ba zhes bya'o/ /lag na rdo rje rnam dag sprin gyi dbyangs kyi rnam par thar pa ni/ de bzhin gshegs pa'i dbyangs mtha' yas tshad med pa'i rjes su song ba zhes bya'o/ /lag na rdo rje dbang po shin tu mang ba'i rnam par thar pa ni/ 'jig rten gyi dbang po thams cad kyi rnam par 'phrul pa ston cing / sangs rgyas kyi byin gyi rlabs kyis yang dag par bskul ba zhes bya'o/ /lag na rdo rje rdo rje'i 'od yid du 'ong ba'i rnam par thar pa ni/ sangs rgyas kyi chos kyi dbyings rab tu phye ba thams cad ma lus pa la yang dag par spyod pa zhes bya'o/ /lag na rdo rje shing gi sgra dbyangs kyi rnam par thar pa ni/ </font><hr>Ka78a<br><font size=+1>


@#/ /shing gi lha thams cad 'dren pa'i rgyan yid du 'ong bas brgyan pa zhes bya'o/ /lag na rdo rje seng+ge'i 'od kyi rgyal po'i rnam par thar pa ni/ de bzhin gshegs pa'i bsod nams kyi dkyil 'khor yangs pa'i tshogs kyi rjes su 'brang ba'i 'od ces bya'o/ /lag na rdo rje 'od 'phro stug po dpal gyi mig gi rnam par thar pa ni/ sems can mi rungs pa'i rgyud la lus 'jigs 'jigs ltar rab tu ston cing kun tu rnam par lta ba zhes bya'o/ /lag na rdo rje rin chen gtsug phud pad+mo 'od kyi rnam par thar pa ni/ byang chub sems dpa'i rgyan thams cad kyis brgyan pa'i gtsug gi nor bu rin po che thams cad kyi char mngon par 'bebs pa zhes bya'o/ /de nas lag na rdo rje mthu chen kha dog bzang po'i 'od kyis sangs rgyas kyi mthus lag na rdo rje'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /chos rgyal chos kyis mdzes pa yi/ /chos nyid de la rnam par ltos/ /yon tan mtha' yas sku gzugs kyis/ /'jig rten kun tu rnam par mdzes/ /sangs rgyas ba spu thams cad nas| |'od zer dra ba bsam mi khyab/ /nyi ma'i dkyil 'khor 'dra ba ste/ /phyogs bcu kun tu rnam par mdzes/ /sangs rgyas rnam 'phrul de dag gis/ /chos kyi dbyings su khyab </font><hr>Ka78b<br><font size=+1>


byas shing / /'gro ba kun gyi mngon sum du/ /mi zad sku ni shin tu ston/ /sangs rgyas gsung gi dkyil 'khor ni/ /zhing rnams kun tu rab tu sgrog /gsung gi sems can thams cad kyi| |bsam pa thams cad rab tu 'gengs/ /'jig rten dbang po kun gnas na/ /thub pa rab tu bzhugs par snang / /de dag thams cad 'khor rnams la/ /'dren pa dag ni chos ston mdzad| |rgya mtsho chos kyi sgo bskul bas/ /gzhan dang gzhan gyi tshul dag gis/ /thams cad chos kyi bye brag don/ /rgyal ba zad med rab tu ston/ /rgya chen mtha' med tshul dag la/ /rgya mtsho 'khor rnams rab tu 'jug/ sangs rgyas 'od zer rab 'dres pas/ /kun gyis 'dren pa mthong bar 'gyur/ /zhing rnams bye ba'i rdul snyed du/ /rdzogs pa'i sangs rgyas kun mchod pas/ /bsod nams rgya chen nam mkha' bzhin/ /kun gyis 'dren pa rab tu mthong / /sangs rgyas rdzu 'phrul ma 'dres pa/ /thams cad zhing du ston pa mdzad/ /'gro la sangs rgyas mngon sum du/ /byang chub snying por rnam par mdzes/ /'od zer sna tshogs dkyil 'khor gyi/ /'od 'phro sprin ni kun tu snang / /chos dbyings kun tu khyab byas shing / /sangs rgyas spyod yul rab tu ston/ / bam po lnga pa/ de la byang chub sems dpa' kun tu bzang po'i rnam par thar pa ni/ tshul gyi rgya mtsho bsam gyis mi khyab pas de bzhin gshegs pa'i yon tan rgya mtsho la 'jug </font><hr>Ka79a<br><font size=+1>


@#/ /ste| 'di ltar sangs rgyas kyi zhing thams cad yongs su dag par bya ba dang / 'gro ba 'dul ba la mthar thug par mngon par sgrub pa zhes bya ba'i rnam par thar pa dang / de bzhin gshegs pa thams cad kyi zhabs kyi drung du phyin pas yon tan gyi tshogs thams cad kyi yul zhes bya ba'i rnam par thar pa dang / byang chub sems dpa' thams cad kyi sa nas sar smon lam rgya mtshos rab tu gnas pa 'byung ba zhes bya ba'i rnam par thar pa dang / sgo thams cad nas chos kyi dbyings su bdag gi lus kyi sprin rdul snyed mtha' yas pas rgyas par 'gengs pa zhes bya ba'i rnam par thar pa dang / zhing thams cad du rang gi ming bsam gyis mi khyab pa'i 'khor lo sgrog pa'i byin gyi rlabs zhes bya ba'i rnam par thar pa dang / rdul shin tu phra ba thams cad kyi sbubs su byang chub sems dpa'i yul dang / rnam par 'phrul pa mtha' dang dbus med pa yang dag par ston pa zhes bya ba'i rnam par thar pa dang / dus gsum gyi bskal pa skad cig gcig tu ston pas 'byung ba dang 'jig pa rab tu 'byung ba zhes bya ba'i rnam par thar pa dang / byang chub sems dpa' thams cad kyi dbang po rgya mtsho'i yul phan tshun du 'jug pa yang dag par ston pa zhes bya ba'i rnam par </font><hr>Ka79b<br><font size=+1>


thar pa dang / gang 'di chos kyi dbyings mtha' dang dbus med par rang gi lus kyi sprul pas rgyas par rnam par 'phrul pa'i byin gyi rlabs zhes bya ba'i rnam par thar pa dang / gang 'di byang chub sems dpa'i chos thams cad kyi tshul phan tshun du ston pa rgya chen pos thams cad mkhyen pa nyid kyi tshul la 'jug pa zhes bya ba'i rnam par thar pa bdag go /de nas byang chub sems dpa' kun tu bzang po rnam par thar pa'i tshul rgya mtsho bsam gyis mi khyab pa dag gis de bzhin gshegs pa'i yon tan rgya mtsho la 'jug cing / sangs rgyas kyi mthus 'khor rgya mtsho yod pa thams cad la rnam par bltas nas de'i tshe tshigs su bcad pa 'di dag smras so/ /zhing rnams rgyal bas dri med rnam par sbyangs/ /mkha' yangs rdul bzhin yon tan tshad kyang med/ /sngon gyi rgyal ba'i sras po dri med pa/ /de la bsam yas chos sprin char yang phab/ /ji ltar rgyal ba gdan la bzhugs snang ba/ /de bzhin rdul sbubs ma lus kun na'ang ste/ /'on kyang bder gshegs gshegs dang 'pho ba med/ /zhing rnams kun tu yul med rab tu ston/ /sa yi tshul la 'jug pa tshad med de/ / spyod pa thub pas byang chub sems dpa' bstan/ /bsam gyis mi khyab tshul ni kun gsungs pas/ /rgyal sras rnams ni chos kyi dbyings la 'jug/ /chos dbyings 'jug tshul rnam </font><hr>Ka80a<br><font size=+1>


@#/ /pa rgya che ste/ /mtha' yas phyogs su mtha' dang dbus med sgo/ /rdul phran sbubs su rgyal ba 'phrul ba spros/ /'gro ba'i bsam pa kun kyang rab tu mkhyen/ / phyogs rnams thams cad zhing rnams kun tu yang / /'jig rten gtso mtshan 'gro dang mnyam par byung / /thams cad tshul sgor sangs rgyas don yod de/ /'dul bas sems can thams cad rnam par sbyong / /rdul sbubs kun tu mtha' dang dbus med pa'i/ /rnam 'phrul yangs pa rang byung shin tu ston/ /sngon chang thub pa'i byang chub spyod pa rnams/ / ji bzhin kun kyang snying po byang chub brjod/ /yangs dus bskal pa ji snyed yod pa'i rnams/ /skad cig skad cig sangs rgyas ma lus ston/ /der ni sems can 'byung zhing 'jig pa'ang bstan/ /'jig rten gtso bo'i ye shes bsam yas ltos/ /'byams klas mi zad mtha' yas lo grangs pas/ /rgyal sras thams cad sangs rgyas sa lta ste| |thams cad sgor yang sangs rgyas mtha' dbus med/ /rgyal sras kun gyis shes par smra ba min/ /sangs rgyas mkhan 'dra rnam par mi rtog ste/ /chos nyid mi gnas chos kyi sprin dag gis/ /sprul pas spyod tshe kun tu rgyas mdzad cing / /shing mchog kun drung byang chub 'tshang rgya bstan/ /sangs rgyas gsung de rab tu brjod pas na/ /chos gnas </font><hr>Ka80b<br><font size=+1>


thams cad ma lus brjod pa yin/ /'gro ba thams cad re re'i sgo dag nas/ /sangs rgyas chos rnams kun la rab tu 'jug /de la byang chub sems dpa' dge ba dri ma med pa'i gzi brjid kyi 'od yid du 'ong ba'i rnam par thar pa ni/ chos kyi dbyings thams cad du mngon par byang chub sems dpa'i 'khor gyi dkyil 'khor du 'gro ba'i rgyan byed pa zhes bya'o/ / byang chub sems dpa' yon tan 'ong mchog kun tu sgron ma'i rnam par thar pa ni/ sems skad cig gis mngon par rdzogs par byang chub pa'i sgo zad mi shes pa ston cing chos kyi dbyings bsam gyis mi khyab pas yongs su smin pa dang / rnam par 'dul bar byed pa'i 'od ces bya'o/ /byang chub sems dpa' kun tu 'bar ba seng+ge'i rgyal mtshan gyi rnam par thar pa ni/ byang chub sems dpa' thams cad kyi bsod nams kyi tshogs dang / zhing yang dag par 'byung ba la rnam par lta ba zhes bya'o/ /byang chub sems dpa' dpal gyi 'od zer kun tu 'od 'phro ba'i rnam par thar pa ni/ rdzu 'phrul gyi yul gyis rnam par spyod pa don yod pa zhes bya'o/ /byang chub sems dpa' yon tan rgya mtsho kun tu sgra dbyangs rgyal mtshan gyi rnam par thar pa ni/ sangs rgyas kyi zhing gi rgyan thams cad 'khor gyi dkyil 'khor du yang dag par ston pa zhes bya'o/ /byang chub sems dpa' de bzhin gshegs </font><hr>Ka81a<br><font size=+1>


@#/ /pa'i spyod yul ye shes kun tu snang ba'i 'od kyi rnam par thar pa ni/ de bzhin gshegs pa'i rjes su kun nas song zhing chos kyi dbyings la rnam par spyod pa'i sprin chen po'i snying po zhes bya'o/ /byang chub sems dpa' gtsug na rin chen kun tu rgyal mtshan gyi rnam par thar pa ni/ 'gro ba thams cad kyi spyod pa la rab tu zhugs shing byang chub sems dpa'i spyod pa mtha' yas pa shin tu 'byung ba zhes bya'o/ /byang chub sems dpa' rgyal ba'i gsung kun tu 'jam dbyangs kyi rnam par thar pa ni/ sangs rgyas thams cad bsnyen bkur zhing mchod par nye bar 'gro ba'i snying po zhes bya'o/ /byang chub sems dpa' bsod nams mi zad dri med kun tu gzi brjid kyi rnam par thar pa ni/ rdzu 'phrul dang rnam par 'phrul pa thams cad kyi byin gyi rlabs rgya chen po 'byung ba zhes bya'o/ /byang chub sems dpa' mtshan gyi 'od zer kun tu snang ba'i rnam par thar pa ni/ de bzhin gshegs pa sku med pa las sangs rgyas kyi yul thams cad 'byung ba zhes bya'o/ /de nas byang chub sems dpa' sems dpa' chen po dge ba dri ma med pa'i gzi brjid kyi 'od yid du 'ong bas sangs rgyas kyi mthus byang chub sems dpa'i rnam par thar pa rgya mtsho'i phyogs thams cad la rnam par bltas nas de'i tshe tshigs su </font><hr>Ka81b<br><font size=+1>


bcad pa 'di dag smras so/ /ji snyed gang dag phyogs rnams kun gyi zhing / /rgyal bas de kun skad cig dgongs pas sbyangs/ /'gro bar kun tu zhi ba med pa'i gsung / /sangs rgyas chos kyi 'khor lo rgya chen bskor/ /skad cig dgongs pas chos dbyings kun bkang ste/ /mtha' yas spyod yul dbyangs rnams rgyal ba ston/ /'gro ba kun lam snying po byang chub tu/ / byang chub 'tshang rgya rnam par 'phrul ba mdzad/ /bskal pa brgya phrag stong rnams tshad med du/ /de bzhin gshegs pas sngon chad spyod spyad de/ /nam mkha' 'dra bar byas nas rab bkye zhing / /sangs rgyas zhing 'di sngon tshe rab tu sbyangs/ /mtha' dang dbus med bskal par la la yis/ /skyo ba med par rgyal ba'i yul bsam yang / /sangs rgyas rdzu 'phrul stobs la mtha' dbus med/ /phyi ma'i mtha' yi bskal pa kun tu 'gengs/ /rgyal ba'i rdzu 'phrul yul la rnam par ltos/ /phyogs bcu'i zhing rgyan de dag rnam dag pa/ /rgyal bas 'dir ni kun kyang rab tu bstan/ /skad cig skad cig sna tshogs gzugs kyang snang / /bskal pa brgya stong tshad med pa dag tu/ /rgyal ba'i ba spu gcig mtha' shes par dka'| |tshul rnams kun sgor sangs rgyas chags pa med/ /'gro ba 'di na rgya chen bsam yas mdzes/ /sngon tshe'i bskal par rgyal bas 'gro kun tu/ /sangs rgyas rgya mtsho rgya </font><hr>Ka82a<br><font size=+1>


@#/ /chen bsnyen bkur bas/ /de bas 'jig rten gtso la chos dbyings rnams/ /kun nas mchod pa mang po rgya chen 'byung / /phyogs rnams bkang ste sangs rgyas byung ba dag /rdul gyi sbubs su tshad med zhing yang ston/ /de dag yul du mi zad mtha' yas pa'i/ /bskal pa rgya mtshor byin gyis rlob pa mdzad/ /sngon tshe'i bskal par rgyal bas 'gro don spyad/ /thugs rje'i rgya mtsho tshad med rab bskyed cing / /'gro ba rgya mtsho kun nas 'khor ba yi/ /'khor rnams rgya mtsho mtha' yas kun kyang sbyangs/ / sangs rgyas mtshan med sku med rdul dang bral/ /de bzhin nyid gnas chos dbyings snying po ste/ /'gro ba kun na mtha' yas gzugs su snang / /'gro ba kun gyi sdug bsngal kun zhi mdzad/ /de la byang chub sems dpa' 'od zer rgya mtsho 'od chen dpal gyi zla ba'i rnam par thar pa ni/ pha rol tu phyin pa dang sa'i shugs kyis sems can gyi khams kyi tshul dang / sangs rgyas kyi zhing rnam par dag par 'byung ba zhes bya'o/ /byang chub sems dpa' sprin gyi nga ro rgya mtsho dri med 'od kyi snying po'i rnam par thar pa ni /byang chub sems dpa' thams cad kyi sems skad cig la chos kyi dbyings kyi tshul gyis khyim sna tshogs la rnam par lta ba zhes bya'o/ /byang chub sems dpa' yon tan rin chen </font><hr>Ka82b<br><font size=+1>


'byung ba ye shes dpal gyi gtsug phud kyi rnam par thar pa ni/ bskal pa bsam gyis mi khyab par 'gro ba rnams la mngon sum du yon tan dri ma med pas yongs su dag pa sgrub pa zhes bya'o/ /byang chub sems dpa' rgya chen 'od 'bar blo gros dbang phyug gi rnam par thar pa ni/ byang chub sems dpa' thams cad kyi snying po byang chub tu thog ma 'gro ba'i ye shes kyi phyogs yang dag par 'byung ba'i rgyan ces bya'o/ /byang chub sems dpa' pad+mo rnam par gnon pa 'od zer gtsug phud kyi rnam par thar pa ni/ sangs rgyas kyi chos thams cad dang tha mi dad par 'gro ba thams cad kyi dbang po dang mos pa rgya mtsho'i 'od ces bya'o/ /byang chub sems dpa' kun tu ye shes sprin gyi nyi ma'i rgyal mtshan snang ba'i rnam par thar pa ni/ sangs rgyas kyi ye shes sgrub par bskal pa mtha' yas pa dag tu byin gyis rlob cing rnam par spyod pa zhes bya'o/ /byang chub sems dpa' mthu stobs brtson 'grus rdo rje yangs pa'i snying po'i rnam par thar pa ni/ chos thams cad kyi phyag rgya mtha' dang dbus med pa la yang dag par 'jug pa zhes bya'o/ /byang chub sems dpa' spos kyi 'od 'phro shin tu 'bar ba'i 'od kyi rgyal mtshan gyi rnam par thar pa ni/ sangs rgyas da ltar byung ba thams cad kyi thog ma'i byang chub sems dpa'i spyod pa shes pa'i dkyil </font><hr>Ka83a<br><font size=+1>


@#/ /'khor yang dag par sgrub pa zhes bya'o/ /byang chub sems dpa' rnam par snang mdzad yon tan yangs pa'i rgyal mtshan gyi rnam par thar pa ni/ rnam par snang mdzad kyi smon lam rgya mtsho thams cad kyi dbyings la rab tu gnas pa zhes bya'o/ /byang chub sems dpa' bsod nams yangs pa shin tu 'phags pa'i 'od mchog yon tan 'byung ba'i blo gros kyi rnam par thar pa ni/ sangs rgyas kyi yul zab mo chos kyi dbyings thams cad la kun nas rab tu gnas par rnam par spyod pa zhes bya'o/ /de nas byang chub sems dpa' 'od zer rgya mtsho 'od chen dpal gyi zla bas sangs rgyas kyi mthus byang chub sems dpa' rnam par phye ba rgya mtsho mtha' yas pa la rnam par bltas nas de'i tshe tshigs su bcad pa 'di dag smras so/ /pha rol phyin pa rgya mtsho bsam yas dang / /sa yi dkyil 'khor rgya chen kun kyang yongs su rgyas/ /tshad med sems can rnam par 'dul ba'i tshe/ /sangs rgyas zhing yangs rnams kyang rnam par sbyangs/ /phyogs bcu'i sangs rgyas zhing kun rgyas byas te/ /sangs rgyas sems can khams sbyin 'dul mdzad pa/ /skad cig dgongs pas chos kyi 'khor lo dag /mtha' yas 'gro mnyam bsam pa tshim par gsungs/ /bskal pa rgya che mi zad mu med par/ /rgyal ba 'gro la mngon </font><hr>Ka83b<br><font size=+1>


sum kun nas bzhugs/ /mgon pos sngon chad ji ltar sbyangs tshul du/ /rgyal bas spyod yul rnam dag rab tu bstan/ /chos rgyal de dag ji ltar rnam 'phrul ba/ /phyogs rnams rgya mtsho ma lus kun na snang / /snying po byang chub kun na'ang rgyal ba dag/ 'khor gyis bskor cing chos rnams gsung ba snang / /'gro ba'i bsam pa thams cad tshim mdzad cing / /'jig rten dag na sangs rgyas tshul kun mdzes/ /dbang po ji bzhin chos kyi char pa 'bebs/ /sangs rgyas chos sku yangs pa rnam par mdzes/ /de bzhin nyid ltar mtshan nyid lus med de/ /rgyal ba dri med 'od gsal chos kyi sku/ /ye shes zhi ba'i sku ni tshad med de/ /phyogs dbyings kun bkang chos kyi char yang 'bebs/ /chos rje thams cad stobs kyis rnam par dag /bder gshegs ye shes mkha' 'dra mtha' yas te/ /rgya chen 'gro ba mtha' dbus med bkang zhing / /rgyal ba stobs la 'jug pa rab tu ston/ /sangs rgyas 'od kyis chos dbyings kun bkang zhing / /sangs rgyas spyod pa thams cad rdzogs par bstan/ /rgyal bas sngon tshe ji ltar rnam sbyangs pa/ /de bzhin ye shes sa rnams rgyal bas bstan/ /phyogs rnams kun tu rang byung rnam par mdzes/ /smon lam rnam par 'phrul pa ma lus ston/ /ji ltar sngon tshe rgyal bas yongs sbyangs pa/ /rgyal ba'i 'od zer dra ba kun nas sgrog /sangs rgyas yul ni </font><hr>Ka84a<br><font size=+1>


@#/ /phyogs su zad pa med/ /dbus dang mtha' med gzhal med mtha' yas dbyings/ /chos dbyings kun tu chags med brnyas pa ni/ /sangs rgyas zhing rnams kun na shin tu mdzes/ /de'i tshe bcom ldan 'das kyi seng+ge'i khri dang / pad+mo'i ze ba'i dri thams cad dang / nor bu'i rgyal po thams cad kyi ngos dang / 'khor lo'i lte ba thams cad dang / me tog gi ze ba'i dri thams cad dang / stegs bu'i ngos thams cad dang / rta babs kyi sgo thams cad dang / nor bu'i gzugs kyi ngos thams cad dang / rin po che 'od 'phro ba'i sgo thams cad dang / 'od zer sgron ma'i sgo thams cad dang / seng+ge'i khri'i rgyan gyi sgo thams cad nas sangs rgyas kyi zhing gi rdul shin tu phra ba snyed kyi byang chub sems dpa' mang po thon par gyur te/ 'di ltar byang chub sems dpa' rgya mtsho'i blo gros rnam par rol pa'i ye shes mngon par shes pa'i rgyal po zhes bya ba dang / byang chub sems dpa' sgra dbyangs kun tu sgrog pa dang / byang chub sems dpa' nor bu rin po che sna tshogs kyi 'od kyi dkyil 'khor gyi gtsug phud dang / byang chub sems dpa' ye shes chen po'i nyi mas rab tu gnon pa'i blo gros dang / byang chub sems dpa' yon tan rin po che bsam gyis mi khyab pa ye shes rgya mtsho'i dpal dang / byang chub sems dpa' mig brgya pad+mo </font><hr>Ka84b<br><font size=+1>


sna tshogs kyi gtsug phud dang / byang chub sems dpa' nam mkha'i tshul pad+mo sna tshogs kyi gtsug phud dang / byang chub sems dpa' gser gyi 'od 'phro gzi brjid dkyil 'khor gyi 'od dang / byang chub sems dpa' kun tu sgra chos kyi dbyings kyi dbyangs dang / byang chub sems dpa' sprin yid du 'ong ba dri ma med pa'i zla ba dang / de dag la sogs pa byang chub sems dpa' sangs rgyas kyi zhing gi rdul shin tu phra ba snyed mchod pa'i sprin rnam pa sna tshogs rab tu 'gyed cing 'di ltar nor bu rin po che'i me tog gi sprin thams cad ni/ rab tu 'byin/ spos kyi sprin thams cad ni/ shin tu 'gyed/ rin po che'i 'od kyi dkyil 'khor gyi sprin thams cad ni/ mngon par 'byin/ yul mtha' yas pa'i spos kun tu 'phro ba'i bdug pa'i sprin ni| rnam par 'gyed cing / nor bu nyi ma'i snying po'i 'khor lo'i 'od kyi dkyil 'khor gyi sprin ni/ rab tu gtong / sil snyan gyi sgra dbyangs yid du 'ong ba'i sprin ni/ rab tu sgrog/ rin po che'i 'od 'phro ba kha dog mtha' yas pa'i sgron ma'i sprin gyis ni/ rab tu snang bar byed/ nor bu sna tshogs kyi shing gi yal ga las me tog gi dog pa ni/ rnam par spyod/ rin po che'i 'od dri ma med pa zad mi shes pa'i nor bu'i rgyal po'i char ni/ rab tu 'bebs /rgyan mdzes pa thams cad yang dag par ston pa'i nor bu'i rgyal po'i sprin gyi char ni/ </font><hr>Ka85a<br><font size=+1>


@#/ /rab tu 'bebs shing / de lta bu dag la sogs pa byang chub sems dpa' re re zhing yang sangs rgyas kyi zhing gi rdul shin tu phra ba snyed kyi mchod pa'i sprin gyi char rab tu 'bebs par byed cing lhags par gyur te/ bcom ldan 'das la lan brgya stong du mar g.yas phyogs su bskor ba byas te 'khor gyi dkyil 'khor rgya mtsho yod pa thams cad du mchod pa'i sprin rgyun mi 'chad pa'i char mngon par phab nas gang nas 'ongs pa'i phyogs su brten te/ de bzhin gshegs pa la mngon du bltas nas seng+ge'i khri rin po che sna tshogs du ma'i pad+mo'i snying po can dag mngon par sprul te skyil mo krung bcas nas 'khod par gyur to/ /byang chub sems dpa' de dag thams cad kyang spyod yul rgya mtsho rgya chen po yongs su dag pa rnams so/ /sgo kun nas chos kyi snang ba rab tu thob pa rnams so/ /de bzhin gshegs pa'i spyod yul chags pa med pa'i rjes su 'brang ba rnams so/ /so so yang dag par rig pa thams cad kyis chos rgya mtsho la zhugs pa rnams so/ /rnam par thar pa bsam gyis mi khyab pa'i snang ba rab tu thob pa rnams so| |sgo kun nas de bzhin gshegs pa'i sa'i dbyings rab tu thob pa rnams so/ /gzungs kyi sgo rgya mtsho thams cad kyis chos rgya mtsho rab tu 'dzin pa rnams so/ /dus gsum </font><hr>Ka85b<br><font size=+1>


mnyam pa nyid kyi ye shes kyi sa la rab tu gnas pa rnams so/ /dga' ba'i shugs rgya chen po'i rab tu thob pa rnams so/ /bsod nams kyi dkyil 'khor mu med pa yongs su dag pa rnams te/ chos kyi dbyings dang nam mkha' la rnam par rgyu zhing / sangs rgyas thams cad mchod pa mngon par sgrub pa la rab tu brtson pa sha stag go /de nas byang chub sems dpa' rgya mtsho'i blo gros rnam par rol ba'i ye shes mngon par shes pa'i rgyal pos sangs rgyas kyi mthus 'khor gyi dkyil 'khor rgya mtsho thams cad la rnam par bltas nas de'i tshe tshigs su bcad pa 'di dag smras so/ /sangs rgyas rnam par sangs rgyas mnyam nyid mkhyen/ /chags med brnyes pas nam mkha' lta bu ste/ /phyogs rnams zhing kun rab tu snang byas nas/ /'byams klas 'khor na bzhugs pa rnam par mdzes/ /bder gshegs rang byung mtha' dang dbus med de/ /thams cad phyogs kyi chos dbyings kun rgyas par/ / dbang phyug chen po kun gyis mchod bskor cing / /shing gi rgyal po kun gyi drung na bzhugs/ /de bzhin gshegs pa'i rdzu 'phrul stobs dag gis/ /skad cig sems la mi zad yon tan gzugs/ /rnam thar gzhan dang gzhan dag thob pas mthong / /de bzhin gshegs pa'i yul ni mtha' yas so/ /bskal pa rgya mtshor sngon chad spyod pa'i tshe/ /de </font><hr>Ka86a<br><font size=+1>


@#/ /bzhin gshegs pas srid pa rgya mtsho 'dir/ /sna tshogs thabs kyis sems can smin byas pa/ /de dag rgyal ba de yi chos 'dzin to/ /yongs dag dri med 'khor rnams 'khod pa dag /thams cad sangs rgyas lta zhing rnam par gnas/ /pad+mo'i snying po pad+mo'i gdan bzhugs pa/ /tshogs kyi nang na rgyal ba mngon par mdzes/ / sangs rgyas gang la bzhugs pa'i seng+ge'i khri/ /rin chen nor bu'i rgyal po'i 'od 'phro zhing / /spos 'phro'i sprin rnams mtha' yas rab tu 'byung / /snying po du ma'i me tog phreng dpyangs pa'o/ /rin chen 'od 'phro'i sprin ni rtag tu 'gyed/ /'od zer sgron ma rgya chen rab tu 'bar/ /rta babs rnam pa sna tshogs rnams kyis brgyan/ /thub pa de bzhugs mngon par rab tu mdzes/ /sgra dbyangs yid du 'ong ba rab tu 'gyed/ /rin chen tshon du sna tshogs pad+mo 'phyang / /nor bu'i rgyal pos skar khung kun nas brgyan/ /sangs rgyas de bzhugs rnam par rab tu mdzes/ /zla gam rin chen mang pos yongs su bzung / /rdo rje 'od 'phro snang ba'i snying pos brgyan/ /gtsug na nor bu'i byang chub sems dpas bzung / /sangs rgyas de bzhugs rnam par shin tu mdzes/ /phyogs bcur sprul pa'i dra ba rab bkye zhing / /de bzhin gshegs pa'i smon lam sgra yang sgrog /gzugs brnyan bzhin du zhing rnams </font><hr>Ka86b<br><font size=+1>


kun na snang / /thub pa de 'dra'i seng+ge'i gdan la bzhugs/ /de nas byang chub sems dpa' sgra dbyangs kun tu sgrog pas sangs rgyas kyi mthus 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so/ /'di ni bder gshegs sangs rgyas byin rlabs te/ /byang chub spyod pa sngon chad spyad pa dang / /sangs rgyas mchod pa'i mchod pa du ma dag /rgyal ba'i gdan las de dag thams cad snang / /spos 'od snang ba nor bu'i rgyal po can/ /me tog snying po seng+ge'i gdan gyi 'khor/ /rgyan rnams thams cad gzugs brnyan gyur pa dang / /'khor rnams de dag thams cad kun bkang ste/ /skad cig skad cig rgyan gyi kha dog kun/ /rnam pa du mar sangs rgyas gdan las snang / /sems can ji ltar mos pa de dag kyang / /'khod cing sangs rgyas tshad med gdon la lta/ /rin chen lda ldi pad+mo mang btags pa/ /phye zhing byang chub sems dpa' mang po rnams| |sgra dbyangs yid du 'ong ba rab 'byin cing / /sangs rgyas gdan la bzhugs la bstod pa byed/ /sangs rgyas bsod nams tshad med nam mkha' bzhin/ /'di dag rgyan kun de las rab tu byung / /sa rnams re re'i rgyan rnams gang yod pa/ /'gro ba kun gyis de dag bsam mi nus/ /mi phyed mtshams kyi rdo rje sna tshogs pa/ /'khor yangs rnam dag shin tu </font><hr>Ka87a<br><font size=+1>


@#/ /mnyam pa ste/ /nor bu'i dra ba sna tshogs kun tu bkram/ /byang chub shing gi sa yi 'khor kun to/ /sa phyogs gang na rgyal ba'i gdan yod pa/ /kha dog mtha' yas rgya chen sna tshogs te/ /me tog mngon gtor rin chen rnam par bkram/ /gser tshon mdzes pas de ni rab tu brgyan/ /sa yi lha mo de dag rab dga' zhing / / skad cig sems kyis mi zad sa yang ston/ /kun kyang rgyal ba'i zhal du mngon lta zhing / /kha dog thams cad rgyan gyi sprin gtong ngo / /rin chen sgron ma mang po gsal bar 'bar/ /spos mang dri zhim mang po rtag tu 'byung / /dus dang tshod kyi rnam pa mang ston cing / /lha rnams kun kyang sangs rgyas mchod pa byed/ /phyogs rnams bcu na zhing rnams ji snyed pa/ /de dag sa rgyan phun sum tshogs yod pa/ /de dag kun kyang sa dkyil 'di na snang / /sangs rgyas byin rlabs mnyam pa med pas byung / /de nas byang chub sems dpa' nor bu rin po che sna tshogs kyi 'od kyi dkyil 'khor gtsug phud kyis sangs rgyas kyi mthus 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so/ /sngon chad spyad pa spyod pa'i tshe dag tu/ /zhing kun phun sum tshogs pa mthong ba rnams/ /snying po byang chub 'khor gyi sa 'di la/ /mi </font><hr>Ka87b<br><font size=+1>


zad sa dang de dag rab tu snang / /rnam thar yangs pa gang na snang ba yi/ /sa la rin chen mdzes kun rnam par bkra ma/ /rin chen mang pos dkyil 'khor kun tu gtor/ /sangs rgyas 'od kyis sprin kyang rab tu snang / /sa rnams kun brgyan shing gi dam pa'i drung / /kun nas nor bu'i rgyal pos brgyan byas las/ /bsod nams 'od kyi dbyangs kyi 'brug sgra 'byung / / sangs rgyas rdzu 'phrul tshul yang rab tu brjod/ /rin chen mang po sgron ma'i char phab cing / /rin chen mdzes par bkod pa rnam par mdzes/ /sgra dbyangs kun gyi 'brug sgra shin tu sgrog /sa yi lha rnams sa yang yang dag ston/ /rin chen 'od 'phro sgron ma rnam par snang / /'od zer sprin ni sa las rab tu 'byung / /nor bu dra ba sil ma kun nas bkram/ /rin chen sna tshogs rigs kyis yan lag brgyan/ /sa rnams kun nas mdzes pa 'di dag ltos/ /rin chen mang po tshon bzang rgyan du bkye/ /'gro pa dag la chos kyi rgya mtsho sgrog /de dag chos nyid rnam par dag pa mthong / /ma lus phyogs na sangs rgyas thams cad kyi/ /byang chub shing gi phun sum tshogs pa dag /sa yi dkyil 'khor 'di na kun snang ste/ /de dag chos nyid rnam par dag pa brjod/ /sangs rgyas gdan las chos rnams rgya mtsho yi/ /chos sgo bde bar gshegs pas gang gsungs pa/ /sems can kun gyi bsam pa ji bzhin </font><hr>Ka88a<br><font size=+1>


@#/ /du| |sa 'khor rnams kyang kun nas rab tu 'byung / /dri zhim 'od rnams rtag tu 'byung bas na/ /de dag ji bzhin snod kyi 'gro ba 'gengs/ /srog chags rnams kyi nyon mongs zhi bar byed/ /sa 'khor de nas de 'dra rab tu sgrog /sangs rgyas rdzu 'phrul phun sum gang dag dang / /dri med sa ni gang gis mdzes gyur pa'i/ /phun sum tshogs pa'i rgyan rnams re re zhing / /bskal pa bye ba dag tu'ang brjod mi nus/ /de nas byang chub sems dpa' ye shes chen po'i nyi mas rab tu gnon pa'i blo gros kyis sangs rgyas kyi mthus 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so/ /'jig rten kun gyi bsam pa tshim mdzad cing / /sangs rgyas chos kyi gzhal med khang na mdzes/ /'byams klas phyogs rnams kun tu mngon sum du/ /sangs rgyas 'gro gtso gzhal med khang na snang / /rin chen kun gyis snying po rab tu brgyan/ /rgyan rnams kun gyis de bzhin mdzes shing 'bar/ /sangs rgyas pho brang 'od ni bsam mi khyab/ /de na bzhugs shing sangs rgyas rab tu mdzes| |ka ba'i rgyan ni nor bu sna tshogs te/ /phyogs rnams kun sgor rta babs sprin kyang bres/ /stegs bu'i phreng ba kun nas rgyan du bkod/ /gser gyi dril bu'i sprin kyang </font><hr>Ka88b<br><font size=+1>


rnam par brgyus/ /me tog bla re rnam pa sna tshogs ltos/ /rin chen shing sdong dar gyi bla re bres/ /nor bu thams cad sgo nas phreng ba 'bul/ /de na ye shes rgya mtsho rab tu mdzes/ /spos dri rgyal mtshan rin chen dra ba ste/ /'od zer sgron ma'i sprin gyis kun tu g.yog/ rgyan rnams sna tshogs kun nas shin tu bres/ /de na sangs rgyas rab tu 'phags pa bzhugs/ /phyogs rnams kun sgo sprul pa'i sprin gyi rnams/ /dbyangs kyis 'jig rten khyab par grags byed cing / /'byams klas phyogs kyi sems can rnams 'dul ba/ /sangs rgyas pho brang 'di na de dag grag /me tog shing dang rin chen spungs spel ba/ /'phags par phyogs rnams kun tu mngon par mdzes/ /de la dus gsum zhing rnams thams cad kyang / /gzugs brnyan gyur par de dag rab tu snang / /phyogs rnams kun tu rin chen mang bkye ba/ /de dag sna tshogs mdzes par rnam par 'bar/ /phyogs rnams kun tu skar khung mdzes par brgyan/ /rta babs mda' yab sna tshogs mang pos brgyan/ /de la dri med 'od zer kun nas snang ba yi/ /sangs rgyas pho brang rnam pa bsam yas te/ /gzhal med khang mang thams cad de la snang / /de dag kun na'ang rgyal ba bzhugs shing mdzes/ /phyogs rnams kun na 'khor rnams ji snyed pa/ /rgyal ba'i pho brang 'dir ni kun zhugs kyang / / </font><hr>Ka89a<br><font size=+1>


@#/ /mtha' dang dbus med mu yang de bzhin med/ /rang byung sangs rgyas pho brang de na bzhugs/ /de nas byang chub sems dpa' yon tan rin po che bsam gyis mi khyab pa ye shes rgya mtsho'i dpal gyis sangs rgyas kyi mthus 'khor gyi dkyil 'khor rgya mtsho yod pa de dag thams cad la rnam par bltas te/ de'i tshe tshigs su bcad pa 'di dag smras so/ /sangs rgyas zhing rdul shin tu phra snyed kyi/ /bsod nams rgya mtsho rnam par rab sbyangs te/ /sangs rgyas rdzu 'phrul smon lam yang dag byung / /snying po byang chub dri med rnam par mdzes/ /spos zhim thams cad rtsa nas yang dag rgyu/ /yid bzhin nor mchog rgyal pos kun nas brgyan/ /rdo rje phye ma'i nor bu rgyal pos bris// shing sdong rtsa ba rin chen kun las byas/ /rdo rje phye ma'i nor bu 'khor lo 'byung / /lhun rnams thams cad rin chen rgyan gyis brgyan/ /yal ga stug po sprin ltar kun nas 'khyil| |snying po byang chub de na rgyal ba mdzes/ /yal ga dog pa kun nas mngon pa ste/ /'khor rnams snum 'jam phyogs rnams kun tu 'phags/ /me tog 'bras bu rgyun rnams kun kyang 'gyed/ /snying po byang chub rgya che bsam mi khyab/ /'od rnams bkye ba phyogs su rnam par mdzes/ /dri ma med pa'i 'od 'bar zad mi shes/ /yal ga'i </font><hr>Ka89b<br><font size=+1>


sgo nas sprin kun char yang 'bebs/ /snying po byang chub smon lam yangs pas byung / /me tog nor dang rin chen mi zad nor/ /mu tig nor bu phyogs rnams kun nas brgyus/ /phye ma nor gyi gnas kyi sprin 'gyed de/ /snying po byang chub phyogs rnams kun tu 'byin/ /bde gshegs snying po byang chub 'di la ltos/ /pad+mo'i dra ba nor bu dri med mang / /rin chen 'od zer dkyil 'khor kun nas 'phro/ /dril bu'i dra ba'i sprin gyi sgra dbyangs 'byin/ /phyogs bcu'i shing bzang gzugs rnams gang yod pa/ /'byams klas zhing gi ma lus thams cad dag /byang chub shing la de dag kun nas snang / /de drung sangs rgyas dri med rnam par mdzes/ /yal ga kun nas rin chen mi zad nor/ /byang chub sems dpa' dag kyang rtag 'byung zhing / /bsod nams rgya chen dkyil 'khor char phab ste/ /phyogs bcur rgyal ba mchod phyir de dag 'dong / /de bzhin gshegs pa sngon chad cir gyur dang / /byang chub spyod las byung ba 'di dag ltos/ /yal ga kun las rin chen nor mi zad/ /sangs rgyas yul kun bsam gyis mi khyab bo/ /de nas byang chub sems dpa' mig brgya ba pad+mo sna tshogs kyi gtsug phud kyis sangs rgyas kyi mthus 'khor rgya mtsho yod pa thams cad la rnam par bltas nas de'i tshe tshigs su bcad pa 'di dag smras so/ /dus gsum gshegs </font><hr>Ka90a<br><font size=+1>


@#/ /pa'i rgyal ba'i rnam 'phrul ba/ /de dag rin chen sgo nas kun kyang grag /de ni mtha' dang dbus kyang med pa ste/ /snying po byang chub 'di la kun snang ngo / /me tog mang po'i phreng ba dbyangs bkye zhing / /'od zer sprin gyis phyogs rnams kun bkang ste/ /byang chub shing la gnas pa'i lha tshogs rnams/ /sangs rgyas lta zhing rtag tu mchod pa byed/ /spos kyi rgyal mtshan nor bu sna tshogs 'bar/ /spos kyi 'od 'phro bdug spos rtag tu 'byung / /'khor gyi rgya mtsho kun la khyab par zhim/ /shing gi rgyal po de phyir phyogs su mdzes/ /pad+mo 'phrul ba stug cing gser mdog 'dra/ /rgyal ba'i sprin sgra rtag par rab tu 'gyed/ /phyogs bcu'i zhing rnams ma lus khyab byas shing / /sems can rnams kyi nyon mongs gdung ba sel/ /rgyal ba'i 'khor ni tshad med rgya che ste/ /phyogs rnams kun nas snying po byang chub la/ /gzugs brnyan snang zhing dri med 'od mchog 'gyed/ /byang chub shing gi rnam 'phrul 'di dag ltos/ /smon lam sgra dang dbyangs kyi mar me rnams/ /rin chen sna tshogs yal ga kun las 'bar/ /srid pa rgya mtsho kun na sngon chad du/ /rgyal ba'i spyod pa ji ltar byung ba ston/ /byang chub lha rnams zhing gi rdul snyed do/ /de dag thams cad snying po byang chub gnas/ /thub pa'i byang chub </font><hr>Ka90b<br><font size=+1>


shing la skad cig cing / /rnam thar gzhan dang gzhan mang de dag ston/ /rang byung spyad pa thams cad spyod pa'i tshe/ /sngon chad de bzhin gshegs pa gang mchod pa/ /de dag mtshan bcas sngon gyi sbyor bcas pa/ /thams cad rin chen sgo nas rab tu snang / /phyogs bcu'i sems can ji snyed snod gyur pa/ /de dag thams cad 'di las sgra 'byung ste/ /de dag cis 'dul rnam dag ci 'dra ba'ang / /snying po byang chub 'di las kun brjod do/ /byang chub shing rnams mtha' yas phyogs kun na/ /bsam gyis mi khyab rgyan gyi sprin can dag /mtha' yas sna tshogs rgyan can thams cad kyang / /sngon chad de bzhin gshegs pas yongs sbyangs pa'o/ /de nas byang chub sems dpa' gser gyi 'od 'phro gzi brjid dkyil 'khor gyi 'od kyis sangs rgyas kyi mthus 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /srid pa'i rgya mtshor byang chub spyod mdzad tshe/ /mos pa'i dkyil 'khor yongs su smon dag cing / /gnas dang gnas min stobs rnams thugs chud pa'i/ /bder gshegs sa stobs rnam par dag pa mthong / /bskal pa kun tu rgya mtsho las sbyangs te/ /mnyam nyid chos bsgoms ji ltar bsgrubs pa'i rnams/ /sangs rgyas 'od las de bzhin phyogs bkang zhing / /las </font><hr>Ka91a<br><font size=+1>


@#/ /rnams rgya mtsho de bzhin rab tu brjod/ /sna tshogs thabs kyis 'byams klas stobs spyod tshe/ /bskal pa snga mar 'gro ba'i dbang po bzhin/ /yongs su smin byas de bas 'khor kun kyang / /sems dag sangs rgyas dbang po'i stobs la 'jug /'jig rten kun gyi mos pa sna tshogs dang / /bsam pa ji bzhin sbyor ba rnam spyod pa| |de dag ji bzhin rgyal pa chos ston te/ /rang byung mos pa mkhyen pa'i stobs ston to/ /phyogs rnams ma lus zhing rnams rgya mtsho dang / /'byams klas sems can khams dang chos kyi khams/ /nam mkha'i khams rnams mnyam nyid mkhyen mi rtog /rang byung spu rtser khams mkhyen stobs kyang ston/ /bder gshegs ye shes rgya chen kun tu 'gro/ skad cig gcig gis dus gsum ma lus 'gengs/ /phyogs dang zhing dang bskal pa 'gro bkang zhing / /sems can kun la stobs 'jug mngon par bstan/ /bsam gtan rnam thar stobs mtha' dbus med pa/ /ting 'dzin rgya mtsho'i tshul ni 'gro kun snyed/ /thams cad rgyal ba'i sku la bstan pas na| |sems can bsam pa'i gnas kyi nyon mongs sel/ /sangs rgyas ye shes dus gsum bsgribs pa med/ /skad cig kun la dus gsum spu rtser ston/ /zhing dang </font><hr>Ka91b<br><font size=+1>


sems can sangs rgyas de bzhin chos/ /de ltar rgyal bas rjes su dran stobs bstan/ /thub pa'i spyan ni nam mkha' mnyam pa ste/ /des ni chos dbyings ma lus gsal bar gzigs/ thams cad tshul gyis chags med gzhal yas sa/ /brnyes pas ye shes spyan ni rnam mang bstan/ /'jig rten kun gyi sbyor mang ji snyed dang / /'gro ba'i bag chags bag nyal ma lus par/ /thabs sgo kun nas nyon mongs zhi mdzad cing / /rgyal ba 'jig rten gang bar kun nas byung / /de nas byang chub sems dpa' chos kyi dbyings kun nas sgrog pas sangs rgyas kyi mthus 'khor rgya mtsho yod pa thams cad la rnam par bltas nas de'i tshe tshigs su bcad pa 'di dag smras so/ /rgya chen sangs rgyas byin rlabs phyogs kun tu/ /sangs rgyas ston kyang rtog pa mi mnga' ste/ /pha rol phyin pa rgya chen yongs bkang ba/ /byang chub spyod pa rgya chen de dag snang / /'gro ba rnams la thugs rje che bskyed cing / /sbyin pa'i mthar phyin sngon chad spyad pas na/ /de phyir thub pa'i sku ni mtshan gyis brgyan/ /'gro ba kun gyis blta zhing dga' ba skye/ /bskal pa rgya mtsho mang po mtha' yas sngon/ /tshul khrims pha rol phyin pa yongs sbyangs pas/ /de phyir bskal pa phyogs su dri med cing / /shin tu 'phags par 'jig rten sdug bsngal sel/ /ma log mnyam pa nyid la dad bskyed de/ /sngon </font><hr>Ka92a<br><font size=+1>


@#/ /chad bzod pa'i dkyil 'khor rnam sbyangs pas/ /'gro dang mtshungs mnyam yon tan kun ston te/ /de bas phyogs su 'od rnams shin tu 'phro/ /bskal pa rgya mtsho mang por sngon spyod tshe/ /'gro ba rnams kyi bsgribs pa thibs po bsal/ /de phyir phyogs bcu'i 'gro ba kun bkang ste/ /zhing rab drung na rgyal ba mngon par mdzes// bsam gtan yan lag rgya mtsho sbyong ba'i tshe/ /bskal pa yangs par rgyal bas rab tu sbyangs/ /de bas 'gro ba'i gzhal med dga' ba skyed/ /nyon mongs dri ma 'grib pa kun kyang sel/ /sangs rgyas rgya mtsho'i drung du sngon spyod cing / /shes rab mthar phyin rgyal bas sngon bkang ste/ /'gro ba'i gti mug mun pa yongs su bsal/ /de bas rgyal ba kun tu rnam par mdzes/ /'gro ba kun mnyam thabs sgo thams cad kyis/ /yang dag byung zhing 'gro ba rnam sbyangs pas/ /phyogs rnams kun na kun la mngon par bzhugs/ /phyi ma'i bskal bar 'gro ba mngon du lta/ /smon lam pha rol phyin pa rab sbyong tshe/ /bskal pa rgya mtsho shin tu rgya che zhing / /phyi mtha'i bskal par 'gro ba'i sprin mnyam par/ /spyad pas de phyir 'gro ba kun na mdzes/ /rgyal bas chos kun stobs kyi mthar phyin pa/ /bskal pa gzhal yas mang por yongs su sbyangs/ /de phyir </font><hr>Ka92b<br><font size=+1>


rang byung stobs kyi pha rol phyin/ /phyogs kyi zhing rnams kun na de phyir 'phags/ /thams cad mkhyen nyid nam mkha' mtshungs mnyam pa'i/ /ye shes kun gyi sgo nas sngon sbyangs pas| |de phyir chags med ye shes pha rol phyin/ /phyogs bcu kun na rgyal ba mngon par mdzes/ /de nas byang chub sems dpa' sprin yid du 'ong ba dri ma med pa'i zla bas sangs rgyas kyi mthus 'khor rgya mtsho yod pa thams cad la rnam par bltas nas de'i tshe tshigs su bcad pa 'di dag smras so/ /sangs rgyas rdzu 'phrul yul ni phyogs rnams kyi/ /'gro ba'i rgyud dbyings nam mkha' mnyam par snang / /sa rnams yangs pa ji ltar sngon bskyed pa/ /de bzhin kun kyang rin chen sgo nas brjod/ /dang po'i sa ni dga' ba'i shugs kyi yul/ /phyogs dbyings kun gyi bder gshegs rnams mthong zhing / /gzhal med bskal par dri med yongs sbyangs pas/ /chos dbyings yangs la ye shes rab tu byung / /thams cad chos la dri med sa gnyis te/ /bskal pa rgya mtsho mang por rnam spyad cing / /rgyal ba tshad med rgya mtsho mchod byas nas/ /'gro ba tshad med dri med sbyangs pas byung / /bsod nams dkyil 'khor 'od ni sa gsum ste| |snying po bzod pa'i dkyil 'khor lhag mthong brtan/ /gang du de skyes rin chen sgo dag nas/ /chos kyi sprin ni rgya chen rab tu thos/ /'od 'phro rgya mtsho ldan pa gzhal med sa/ /mthu yi </font><hr>Ka93a<br><font size=+1>


@#/ /'khor 'od snying po snying rje ste/ /zhing rnams kun tu sgrib dang mnyam pa'i lus/ /'gro ba'i nyon mongs kun nas rnam sbyangs pa'o/ /dka' rgyal snying po mnyam dbyings mnyam nyid de/ /zhing rnams kun tu 'gro zhing zhi la gzhol/ /sa rnams chos yul kun nas rab tu skyes/ /de yang rnam dag ji bzhin rgyal bas bstan/ /shes rab rgya mtsho yangs pa'i sprin la spyod/ /'byams klas chos kyi mthar thug rnam pa kun/ /zhing rnams kun la mngon sum nam mkha' 'dra/ /de 'byung byang chub shing chen 'di las grag / chos dbyings mkha' dang 'dra ba'i lus can te/ /'gro ba kun 'gengs 'gro ba kun snang byed/ /'byams klas thabs kyi sgo nas rnam par dag /ring du song mchog de ni rgyal bas bstan| |thams cad chos dang smon lam spyod mang dang / /zhing rnams rgya mtsho'i dbyings kyang mnyam rtogs pas/ /bskal ba kun tu 'gro mchog mi g.yo ste/ /gzhal med sa de'i sprin kyang rab tu sgrog /tshad med yul can stobs kyis rab tu snang / /rdzu 'phrul stobs kyis 'gro zhing stobs la 'jug /'di ni rdul med dge ba'i blo gros sa/ /bskal pa rgya mtshor byang chub shing las brjod/ /chos kyi sprin ni rgya chen sa bcu ste/ /dus rnams kun 'gengs nam mkha'i rang bzhin 'dra/ /sangs rgyas yul gyi sgra dang dbyangs kun tu/ /rgyal </font><hr>Ka93b<br><font size=+1>


ba'i byin gyis 'di las rab tu grag /de nas byang chub sems dpa' rnam par gnon pa gti mug med pa'i 'od zer gyi rgyal mtshan gyis sangs rgyas kyi mthus phyogs bcur rnam par bltas nas de'i tshe tshigs su bcad pa 'di dag smras so/ /rnam pa du mar 'khor rnams gnas pa ni/ /dad pa sna tshogs yongs su dag pa'i sems/ /rgyan dang yul rnams kun la rab tu zhugs/ /de dag sangs rgyas ye shes 'jug par 'gyur/ /phan tshun smon lam rnam dag spyod yul te/ /dag pa mtha' yas bya ba rab tu byas/ /de bzhin gshegs pa'i rnam 'phrul thams cad kyang / /gzhan dang gzhan gyi sgo nas rab tu mthong / /bder gshegs chos kyi sku la zhugs pa dag /la las rgyal ba'i chos sku de nyid la/ /kun tu sprin 'dra gzhal med chags med pa'i/ /mtha' yas chos kyi rang bzhin chos nyid mthong / /la las rgyal ba'i gzugs sku de nyid la/ /phyogs bcu kun tu rnam par 'phrul mdzad cing / /yon tan mtha' yas 'od sprin rab 'bar ba/ /'gro ba dang tshul sprin du gyur par mthong / /la la rgyal ba'i ye shes chags med 'jug /dus gsum mnyam nyid mkha' dang 'dra ba'i sku/ /'gro ba kun gyi bsam pa'i tshul 'byung ba'i/ /sangs rgyas stobs la rab tu 'jug par mthong / /sangs rgyas gsung ni thogs pa med 'byung ste/ /phyogs kun zhing rnams ma lus rgyas 'gyur zhing / /'gro ba </font><hr>Ka94a<br><font size=+1>


@#/ /snod yin skul bar byed pa yi/ /de bzhin gshegs pa'i gsung la la la 'jug /la la sangs rgyas snang ba sna tshogs 'jug /sna tshogs snang bas 'gro ba kun bkang zhing / /rgyal ba'i rdzu 'phrul kun tu snang mdzad pa'i/ /sangs rgyas 'od ni la las der yang mthong / /ba spu'i sgo nas 'od zer rab bkye ba'i/ /'od zer rgya mtsho'i sprin la la la 'jug /sngon chad rgyal ba'i spyod pa bstan pa la/ /la la dga' zhing rgyal ba shes par byed/ /la las bsod nams sna tshogs mtshan gyi rnams/ /bder gshegs bsod nams 'byung ba ji bzhin mthong / /pha rol phyin pa rgya mtsho sbyong ba'i tshe/ /ji ltar dag gyur mtshan kyang la las mthong / /sgo rnams kun nas rgyal ba tshad med de| |mtha' dang dbus med chos kyi dbyings bkang zhing / /sangs rgyas byin rlabs rab tu brjod pa kun/ /rnam 'phrul sangs rgyas yul ni la las mthong / /de nas sangs rgyas kyi byin gyi rlabs kyis 'jig rten gyi khams me tog gi rgyan gyis brgyan pa'i gzhi dang snying po rgya mtsho thams cad rnam pa drug tu g.yos so/ /rab tu g.yos so/ /kun tu g.yos so| |'gul to/ /rab tu 'gul to/ /kun tu 'gul to/ /ldeg go /rab tu ldeg go /kun tu ldeg go /chem chem/ rab tu chem chem/ kun tu chem chem mo/ /'ur 'ur/ rab tu </font><hr>Ka94b<br><font size=+1>


'ur 'ur/ kun tu 'ur 'ur ro/ /shig shig /rab tu shig shig /kun tu shig shig go /'jig rten gyi dbang po de dag thams cad re res kyang mchod pa mngon par sgrub pa'i sprin bsam gyis mi khyab pa'i char de bzhin gshegs pa'i 'khor gyi dkyil 'khor du mngon par rab tu phab bo/ /'di ltar spos kyi me tog sna tshogs kyi sprin gyi char thams cad rab tu phab bo/ /rin po che sna tshogs thams cad kyi sprin dang rin po che'i 'od 'phro ba'i pad+mo'i dra ba thams cad kyi sprin dang / nor bu rin po che'i 'od kyi dkyil 'khor kha dog mtha' yas pa'i sprin dang / rin po che kha dog sna tshogs dang / mu tig thams cad kyi sprin dang / spos dang / tsan+dan rin po che thams cad kyi sprin dang / rin po che'i gdugs thams cad kyi sprin dang / nor bu'i rgyal po sgra dbyangs bzang po yid du 'ong ba'i sprin dang / nor bu nyi ma'i 'od zer gyi phreng ba mang po'i sprin dang / rin po che'i 'od zer gyi mdzod thams cad kyi sprin dang / rang rang gi lus las rgyan thams cad 'phyang ba'i sprin dang / de lta bu dag la sogs pa 'jig rten gyi dbang po re res kyang mchod pa mngon par sgrub pa'i sprin bsam gyis mi khyab pa'i char de bzhin gshegs pa'i 'khor gyi dkyil 'khor rgya mtsho thams cad du mngon par phab bo/ /ji ltar 'jig rten gyi khams 'dir 'jig rten gyi dbang po rnams </font><hr>Ka95a<br><font size=+1>


@#/ /rab tu dga' bar gyur pa de bzhin du gzhi dang snying po me tog gi rgyan gyis brgyan pa'i 'jig rten gyi khams rgya mtsho'i 'jig rten gyi dbang po re res kyang mchod pa mngon par sgrub pa'i sprin gyi char de bzhin gshegs pa'i 'khor gyi dkyil 'khor rgya mtsho dag tu rab tu phab par gyur to/ /'jig rten gyi khams thams cad na yang 'jig rten gyi dbang po rnams mos pa gzhan dang gzhan dang / dmigs pa gzhan dang gzhan dang / ting nge 'dzin gyi tshul gyi sgo rgya mtsho gzhan dang gzhan dang / tshogs gzhan dang gzhan dang / yang dag par sgrub pa gzhan dang gzhan dang / dga' ba'i shugs kyis spyod pa gzhan dang gzhan dang / phyogs kyi tshul gzhan dang gzhan dang / chos kyi tshul la 'jug pa gzhan dang gzhan dang / de bzhin gshegs pa'i yul dang byin gyi rlabs la 'jug pa gzhan dang gzhan dang / yul dang stobs la 'jug pa gzhan dang gzhan dang / rnam par thar pa'i tshul rgya mtsho'i sgo gzhan dang gzhan gyis de bzhin gshegs pa'i snying po byang chub la bzhugs pa khong du chud par byed do/ /'di na ji lta ba bzhin phyogs bcu'i chos kyi dbyings rgya mtsho'i nam mkha'i dbyings kyi mthas klas pa'i 'jig rten gyi khams rgya mtsho thams cad na </font><hr>Ka95b<br><font size=+1>


yang de bzhin no/ /shin tu rgyas pa chen po'i mdo/ sangs rgyas phal po che zhes bya ba las/ 'jig rten gyi dbang po thams cad kyi rgyan gyi tshul rab tu byung ba zhes bya ba ste/ le'u dang po'o|| //bam po drug pa/ de nas byang chub sems dpa' de dag dang / 'jig rten gyi dbang po de dag 'di snyam du sems par gyur te/ sangs rgyas bcom ldan 'das rnams la sangs rgyas kyi sa ni/ ji lta bu zhig mnga'/ sangs rgyas bcom ldan 'das rnams la sangs rgyas kyi yul ni/ ji lta bu zhig mnga'/ sangs rgyas bcom ldan 'das rnams la byin gyi rlabs ni/ ji lta bu zhig mnga'/ sangs rgyas bcom ldan 'das rnams la sangs rgyas kyi spyod yul ni/ ji lta bu zhig mnga'/ sangs rgyas bcom ldan 'das rnams la sangs rgyas kyi stobs ni/ ji lta bu zhig mnga'/ sangs rgyas bcom ldan 'das rnams la sangs rgyas kyi mi bsnyengs pa ni/ ji lta bu zhig mnga'/ sangs rgyas bcom ldan 'das rnams la sangs rgyas kyi ting nge 'dzin ni/ ji lta bu zhig mnga'/ sangs rgyas bcom ldan 'das rnams la sangs rgyas kyi rnam par 'phrul pa ni/ ji lta bu zhig mnga'/ sangs rgyas bcom ldan 'das rnams la sangs rgyas kyi mnga' chen po ni/ ji lta bu zhig mnga'/ sangs rgyas bcom ldan 'das rnams la sangs rgyas kyi mi 'phrog pa ni/ ji lta </font><hr>Ka96a<br><font size=+1>


@#/ /bu zhig mnga'/ sangs rgyas bcom ldan 'das rnams la sangs rgyas kyi spyan ni/ ji lta bu zhig mnga'/ sangs rgyas bcom ldan 'das rnams la sangs rgyas kyi snyan ni/ ji lta bu zhig mnga'/ sangs rgyas bcom ldan 'das rnams la sangs rgyas kyi shangs ni/ ji lta bu zhig mnga'/ sangs rgyas bcom ldan 'das rnams la sangs rgyas kyi ljags ni/ ji lta bu zhig mnga'/ sangs rgyas bcom ldan 'das rnams la sangs rgyas kyi sku ni/ ji lta bu zhig mnga'/ sangs rgyas bcom ldan 'das rnams la sangs rgyas kyi dgongs pa ni/ ji lta bu zhig mnga'/ sangs rgyas bcom ldan 'das rnams la sangs rgyas kyi 'od ni/ ji lta bu zhig mnga'/ sangs rgyas bcom ldan 'das rnams la sangs rgyas kyi 'od zer ni/ ji lta bu zhig mnga'/ sangs rgyas bcom ldan 'das rnams la sangs rgyas kyi gsung ni/ ji lta bu zhig mnga'/ sangs rgyas bcom ldan 'das rnams la sangs rgyas kyi ye shes ni/ ji lta bu zhig mnga'/ phyogs bcu'i 'jig rten gyi khams rgya mtsho dag tu sangs rgyas bcom ldan 'das thams cad byang chub sems dpa' thams cad la smon lam rgya mtsho thams cad ni/ ji lta bu zhig tu yongs su ston/ byang chub sems dpa' thams cad la rab tu 'jug pa </font><hr>Ka96b<br><font size=+1>


rgya mtsho thams cad ni/ ji lta bu zhig tu yongs su ston/ byang chub sems dpa' thams cad la tshogs rgya mtsho thams cad ni/ ji lta bu zhig tu yongs su ston/ byang chub sems dpa' thams cad la theg pa rgya mtsho rnams ni/ ji lta bu zhig tu yongs su ston/ byang chub sems dpa' thams cad la rab tu gnas pa rgya mtsho thams cad ni/ ji lta bu zhig tu yongs su ston/ byang chub sems dpa' thams cad la spyod pa rgya mtsho rnams ni/ ji lta bu zhig tu yongs su ston/ byang chub sems dpa' thams cad la 'byung ba rgya mtsho rnams ni/ ji lta bu zhig tu yongs su ston/ byang chub sems dpa' thams cad la mngon par shes pa rgya mtsho rnams ni/ ji lta bu zhig tu yongs su ston/ byang chub sems dpa' thams cad la pha rol tu phyin pa rgya mtsho rnams ni/ ji lta bu zhig tu yongs su ston/ byang chub sems dpa' thams cad la sa rgya mtsho rnams ni/ ji lta bu zhig tu yongs su ston| byang chub sems dpa' thams cad la smon lam rgya mtsho rnams ni/ ji lta bu zhig tu yongs su ston/ byang chub sems dpa' rnams la ye shes rgya mtsho rnams ni/ ji lta bu zhig tu yongs su ston/ bcom ldan 'das kyis bdag cag la yang thugs brtse ba nye bar bzung ste byang chub sems dpa' rnams kyi bsam pa ji lta ba bzhin du </font><hr>Ka97a<br><font size=+1>


@#/ /'jig rten gyi khams rgya mtsho rnams kyang bstan pa mdzad grang / sems can rgya mtsho rnams kyang bstan pa mdzad grang / sangs rgyas rgya mtsho rnams kyang bstan pa mdzad grang / sangs rgyas kyi pha rol tu phyin pa rgya mtsho rnams kyang bstan pa mdzad grang / sangs rgyas kyi rnam par thar pa rgya mtsho rnams kyang bstan pa mdzad grang / sangs rgyas kyi rnam par 'phrul ba rgya mtsho rnams kyang bstan pa mdzad grang / sangs rgyas kyi sprul pa rgya mtsho rnams kyang bstan pa mdzad grang / sangs rgyas kyi shin tu bstan pa rgya mtsho rnams kyang bstan par mdzad grang / sangs rgyas kyi mtshan rgya mtsho rnams kyang bstan pa mdzad grang / sangs rgyas kyi sku tshe'i tshad rgya mtsho rnams kyang bstan pa mdzad grang snyam pa dang / de nas byang chub sems dpa' de dag gi byin gyi rlabs kyis mchod pa'i dkyil 'khor gyi sprin de dag las tshigs su bcad pa 'di dag byung ngo / /mtha' yas rgya chen bskal par rab spyad de/ /byang chub shing drung rang byung yang dag skyes/ /phyi mtha'i bskal par 'gro ba'i sprin gyur pa/ /de bzhin gshegs pas sku ni byin gyis brlabs/ /'gro ba ma lus kun gyi the tshom gcod/ /mos pa'i stobs ni yangs pa rab tu skyed/ /sems can sdug bsngal mtha' yas </font><hr>Ka97b<br><font size=+1>


zhi bar mdzad/ /sangs rgyas bde la 'gro ba thams cad 'god/ /byang chub sems dpa' mtha' yas zhing rdul snyed/ /de bzhin gshegs la lta zhing kun nas gnas/ /de dag bsam pa spyod yul ji bzhin du/ /the tshom bsal bar chos rnams rab bstan gsol/ /rgyal ba kun gyi sa ni ji lta bu/ /de bzhin gshegs pa'i yul gyi rgyud rnams dang / /sangs rgyas byin rlabs mtha' dang dbus med pa/ /de dag tshul ni rnam dag bstan du gsol/ /de bzhin gshegs pa'i spyod yul ci yis 'jug /rgyal ba'i mkhyen la ji ltar 'jug pa dang / /rgya chen mtha' yas stobs rnams rnam sbyang ba/ /rgyal sras kun la yang dag bstan du gsol/ /sangs rgyas ting 'dzin ji ltar mtha' yas dang / /mi bsnyengs chos nyid ji ltar rnam sbyangs dang / /rdzu 'phrul mthu yang mtha' dang dbus med pa/ /'gro ba'i bsam pa rnams la bsgrag tu gsol/ /ji ltar chos rgyal pho brang mnga' mdzad cing / /rgyal ba'i spyod yul ji ltar mi 'phrog dang / /sangs rgyas chos gzhan rgya chen de dag kyang / /thugs brtse'i slad du yang dag bstan du gsol/ /rgyal ba'i spyan ni ji ltar tshad med cing / /snyan dang shangs dang de bzhin ljags dang sku/ /sangs rgyas thugs kyang ji ltar mtha' yas pa/ /'di dag tshul la 'jug pa bstan du gsol/ /zhing rnams rgya mtsho ji ltar </font><hr>Ka98a<br><font size=+1>


@#/ /sems can khams/ /chos dbyings tshul rnams rgya mtsho de dag dang / /sangs rgyas rgya mtsho mtha' dang dbus med pa/ /'di dag rgyal ba'i sras la bstan du gsol| |pha rol phyin pa rgya mtsho bsam yas dang / /rnam par thar la 'jug tshul rgya mtsho dang / /chos rnams kun gyi tshul rnams rgya mtsho dag /byang chub snying por thams cad bstan du gsol/ /de nas bcom ldan 'das kyis de'i tshe byang chub sems dpa' de dag gi sems kyi yongs su rnam par rtog pa thugs kyis thugs su chud nas zhal gyi sgo tshams kyi mtshams kyi gseb nas 'od zer sangs rgyas kyi zhing gi rdul shin tu phra ba snyed rab tu bkye ba 'di lta ste/ rin po che'i ze ba rnam par snang ba zhes bya ba'i 'od zer dang / 'di lta ste/ chos kyi dbyings su dbyangs sna tshogs kyis rgyan byed pa zhes bya ba'i 'od zer dang / 'di lta ste/ 'od shin tu phra ba'i sprin kun nas lding ba zhes bya ba'i 'od zer dang / 'di lta ste/ phyogs bcu'i sangs rgyas kyi rdzu 'phrul dang / snying po byang chub kyi 'od ces bya ba'i 'od zer dang / 'di lta ste/ rin po che thams cad 'od 'phro ba'i gdugs kyi sprin ces bya ba'i 'od zer dang / 'di lta ste/ rnam par snang bas chos kyi dbyings rab tu snang ba'i 'od ces bya ba'i 'od zer dang / 'di lta ste/ sangs rgyas kyi zhing thams </font><hr>Ka98b<br><font size=+1>


cad du 'byung zhing 'khyil ba'i rgyan ces bya ba'i 'od zer dang / 'di lta ste/ rin po che'i rdo rje dri ma med pa mang po'i rgyal mtshan zhes bya ba'i 'od zer dang / 'di lta ste/ byang chub sems dpa'i 'khor gyi dkyil 'khor du nye bar 'gro ba'i rgyan ces bya ba'i 'od zer dang / 'di lta ste/ sangs rgyas thams cad kyi mtshan gyi 'khor lo'i sgra rab tu sgrog pa zhes bya ba'i 'od zer dang / de dag la sogs pa sangs rgyas kyi zhing gi rdul shin tu phra ba snyed kyi 'od zer rab tu bkye ste/ 'od zer de dag re re zhing yang 'khor gyi 'od zer sangs rgyas kyi zhing gi rdul shin tu phra ba snyed do/ /'od zer de dag re re zhing yang rin po che thams cad kyi kha dog shin tu ston pa dag ste/ de dag rab tu 'phros nas phyogs bcur sangs rgyas kyi zhing gi rdul shin tu phra ba snyed kyi 'jig rten gyi khams rgya mtsho rab tu snang bar byas te/ byang chub sems dpa' de dag gis kyang sangs rgyas kyi zhing bcu'i rdul shin tu phra ba snyed kyi 'jig rten gyi khams rgya mtsho nas 'od zer gyi sgo de dag thams cad kyi mthus gzhi dang snying po me tog gi rgyan gyis brgyan pa'i 'jig rten gyi khams rgya mtsho dang / byang chub sems dpa'i 'khor gyi dkyil 'khor thams cad mthong bar gyur to/ /'od zer de dag thams cad kyi sgo nas kyang sangs rgyas kyi byin gyi rlabs kyis tshigs su bcad </font><hr>Ka99a<br><font size=+1>


@#/ /pa 'di dag byung bar gyur to/ /bskal pa rgya mtsho mtha' yas spyod spyad de/ /phyogs rnams rgya mtshor sangs rgyas kun kyang mchod/ /sems can rgya mtsho rnam par dag byas nas/ /rnam par snang mdzad byang chub mngon sangs rgyas/ /phyogs rnams kun tu snang zhing mngon par mdzes/ /spu rnams kun nas sprul pa'i sprin rnams 'gyed/ /des ni sems can snod bzhin bskul byas nas/ /byang chub sbyor ba chags med rnam par dag /srid pa'i rgyud na sngon chad 'khor ba'i tshe| |rgyal bas sems can yongs su smin mdzad pa/ /de dag skad cig gcig gis rab tu bkrol/ /sangs rgyas rnam 'phrul 'di dag mtha' yas so/ /rgyan rnams sna tshogs kun tu 'od kyang snang / /byang chub shing ni yal ga rin chen 'phyang / /'od rnams bkye ba kun tu rnam par brgyan/ /byang chub bsam gyis mi khyab der sangs rgyas| |phyogs rnams kun tu sgra ni rab tu sgrog /sems can kun gyi sems bzhin tshim byas te/ /sna tshogs thabs kyi sgo nas rnam par 'dul/ /de las chos nyid zhi sgra rab tu 'byung / /zhing rnams stong gi rdul snyed sngon chad du/ /spyod tshe pha rol phyin kun rgyas par mdzad/ /stobs rnams kun la sangs rgyas rab bzhugs kyi/ /rgyal ba de </font><hr>Ka99b<br><font size=+1>


yi zhal bltar kun kyang deng / /zhing gi rdul snyed phyogs rnams thams cad nas/ /rgyal sras mang po rab tu dga' ste lhags/ /mchod pa sna tshogs char pa rab 'bebs shing / / thams cad 'khod de rgyal ba mngon sum lta/ /gsung dbyangs gcig las mtha' yas mdo yi rnams/ /rgya mtsho dag kyang sangs rgyas shin tu ston/ /'gro kun yid bzhin chos kyi char 'bebs kyi/ /rkang gnyis gtso bo de la bltar yang deng / /dus gsum rgyal ba'i smon lam gang yod pa/ /skad cig thugs la de dag mngon sum ste/ /rgyal ba byang chub shing drung ston mdzad kyi/ /rgyal ba'i drung du smyur te 'dod bar gyis/ /sangs rgyas rnam par snang mdzad ye shes mtsho/ /'od zer kun gyi sgo nas rab tu snang / /de yi chos nyid ji ltar ji 'dra de dag ltos/ /sangs rgyas 'gro kun mngon sum chos ston to/ /de'i tshe 'jig rten gyi khams rgya mtsho de dag nas de bzhin gshegs pa'i 'od zer gyis yang dag par bskul ba'i rnams byang chub sems dpa' rang rang gi 'khor gyi dkyil 'khor rgya mtsho dang lhan cig tu 'phags te/ bcom ldan 'das de bzhin gshegs pa rnam par snang mdzad gang na ba der 'ongs par gyur te/ 'di ltar 'jig rten gyi khams rgya mtsho gzhi dang snying po me tog gi rgyan gyis brgyan pa 'di dang 'dabs chags su </font><hr>Ka100a<br><font size=+1>


@#/ /shar phyogs logs na 'jig rten gyi khams rgya mtsho pad+mo'i dpal dri ma med par snang ba'i rgyan ces bya ba yod de/ 'jig rten gyi khams bar ma'i rgyud de dag las 'jig rten gyi khams rin po che'i phreng ba rdo rje'i snying po zhes bya ba na de bzhin gshegs pa'i chos kyi chu bo rnam par sangs rgyas pa/ nam mkha' mtha' yas pa'i rgyal po bzhugs pa'i 'khor gyi dkyil 'khor rgya mtsho nas byang chub sems dpa' chos kyi dpal pad+mo rnam par lta ba'i rgyal mtshan zhes bya ba byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'khor gyi dkyil 'khor rgya mtsho de nas 'phags te bcom ldan 'das gang na ba der 'ong bar gyur te/ byang chub sems dpa'i lus kyi sprin bcus nam mkha' kun nas yog par byin gyis rlob cing rin po che'i char gyi 'od zer pad+mo'i sprin bcus nam mkha' kun nas yog par byin gyis brlabs pa dang / rin po che'i ri bo'i zom gyi sprin bcus nam mkha' kun nas yog par byin gyis brlabs pa dang / nyi ma'i 'khor lo'i lus kyi dkyil 'khor gyi sprin bcus nam mkha' kun nas yog par byin gyis brlabs pa dang / rin po che'i me tog gi phreng ba'i sprin bcus nam mkha' kun </font><hr>Ka100b<br><font size=+1>


nas yog par byin gyis brlabs pa dang / sil snyan sgra thams cad 'byin pa'i sprin bcus nam mkha' kun nas yog par byin gyis brlabs pa dang / phye ma'i shing gi mdzod kyi sprin bcus nam mkha' kun nas yog par byin gyis brlabs pa dang / spos dang / bdug spos gzugs thams cad yongs su ston pa'i sprin bcus nam mkha' kun nas yog par byin gyis brlabs pa dang / spos thams cad kyi shing gi sprin bcus nam mkha' kun nas yog par byin gyis brlabs pa dang / de dag la sogs pa mchod pa'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas shar phyogs su brten te me tog snang ba sna tshogs kyi snying po can gyi seng+ge'i khri mngon par sprul nas skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dabs chags su lho phyogs logs na 'jig rten gyi khams rgya mtsho rin po che thams cad snang bas rnam par brgyan pa'i snying po zhes bya ba yod de/ 'jig rten gyi khams bar ma'i rgyud de dag las 'jig rten gyi khams 'od mtha' yas pa'i dkyil 'khor gyi rgyan na de bzhin gshegs pa kun nas mkhyen pa'i 'od dpal gyi ri'i rgyal po bzhugs pa'i 'khor gyi dkyil 'khor rgya mtsho nas byang </font><hr>Ka101a<br><font size=+1>


@#/ /chub sems dpa' chos rgya mtsho rnam par snang ba'i blo gros zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'khor gyi dkyil 'khor de nas 'phags te/ bcom ldan 'das gang na ba der 'ong bar 'gyur te/ nor bu'i rgyal po rgyan gyi yul thams cad kyis rnam par gsal bar byas pa'i snying po'i sprin bcus nam mkha' kun nas yog par byin gyis rlob cing / nor bu'i rgyal po kun nas snang ba rin po che'i rgyan gyi sprin bcus nam mkha' kun nas yog par byin gyis brlabs pa dang / nor bu'i rgyal po rin po che 'od 'phro ba rab tu 'bar zhing / sangs rgyas kyi mtshan shin tu sgrog pa'i sprin bcus nam mkha' kun nas yog par byin gyis brlabs pa dang / nor bu'i rgyal po kun nas sgra 'byin cing sangs rgyas kyi chos thams cad sgrog pa'i sprin bcus nam mkha' kun nas yog par byin gyis brlabs pa dang / nor bu'i rgyal po shing gi yal ga sna tshogs kyis snying po byang chub kyi rgyan byed pa'i sprin bcus nam mkha' kun nas yog par byin gyis brlabs pa dang / nor bu'i rgyal po sgo kun nas rin po che'i 'od zer dang / sangs rgyas kyi sprul pas snang bar byed pa'i sprin bcus nam mkha' kun nas yog par byin gyis brlabs pa dang / nor bu'i rgyal po rgyan thams cad dang ma 'dres par 'khor gyi dkyil 'khor du </font><hr>Ka101b<br><font size=+1>


gzugs brnyan ston pa'i sprin bcus nam mkha' kun nas yog par byin gyis brlabs pa dang / nor bu'i rgyal po 'od 'phro shin tu sdug pa'i sgron mas sangs rgyas thams cad kyi yul rjes su sgrog pa'i sprin bcus nam mkha' kun nas yog par byin gyis brlabs pa dang / nor bu'i rgyal po sangs rgyas kyi zhing bsam gyis mi khyab pa dang / de bzhin gshegs pa'i gzhal med khang gi gzugs brnyan yang dag par ston pa'i sprin bcus nam mkha' kun nas yog par byin gyis brlabs pa dang / nor bu'i rgyal po rin po che sna tshogs kyi tshon gyi dus gsum gyi sangs rgyas kyi sku'i gzugs brnyan rnam par snang ba'i sprin bcus nam mkha' kun nas yog par byin gyis brlabs pa dang / de dag la sogs pa nor bu'i rgyal po'i sprin 'jig rten gyi khams rgya mtsho'i rdul phra mo snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas lho phyogs su brten te in+d+ra nI la dang / 'dzam bu nA da dang / pad+ma rA ga sna tshogs kyi snying po can gyi seng+ge'i khri mngon par sprul nas skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dabs chags su nub phyogs na 'jig rten gyi khams rgya mtsho rin po che'i 'od yid du 'ong bar snang ba zhes bya ba yod de/ 'jig rten gyi khams de dag las 'jig rten </font><hr>Ka102a<br><font size=+1>


@#/ /gyi khams gos kyi stan yongs su 'byung ba na de bzhin gshegs pa spos mngon du snang ba'i yon tan rin po ches brgyan pa'i 'khor gyi dkyil 'khor rgya mtsho nas byang chub sems dpa' spos 'od 'phro ba'i rgyan zla ba'i 'od ces bya ba byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu bcom ldan 'das gang na ba der 'ongs par gyur te/ rin po che dang / spos dang / me tog sna tshogs thams cad kyi khang pa brtsegs pa'i sprin gyis nam mkha' kun nas yog par byin gyis rlob cing / nor bu'i rgyal po kha dog mtha' yas pas brgyan par khang pa brtsegs pa'i sprin bcus nam mkha' kun nas yog par byin gyis brlabs pa dang / rin po che'i sgron ma dang / spos 'od 'phro ba'i khang pa brtsegs pa'i sprin bcus nam mkha' kun nas yog par byin gyis brlabs pa dang / mu tig thams cad kyi khang ba brtsegs pa'i sprin bcus nam mkha' kun nas yog par byin gyis brlabs pa dang / rin po che thams cad kyi me tog gi ze ba'i khang pa brtsegs pa'i sprin bcus nam mkha' kun nas yog par byin gyis brlabs pa dang / rin po che'i phreng bas yongs su brgyan pa'i khang pa brtsegs pa'i sprin bcus nam mkha' kun nas yog par byin gyis brlabs pa dang / 'od zer gyi snang ba phyogs kun tu 'phro ba'i snying po dang ldan pa'i khang pa brtsegs pa rgyan </font><hr>Ka102b<br><font size=+1>


thams cad 'byung ba'i sprin bcus nam mkha' kun nas yog par byin gyis brlabs pa dang / rin po che'i tshon thams cad kyis rab tu brgyan cing rgyan du ma yang dag par ston pa'i khang pa brtsegs pa'i sprin bcus nam mkha' kun nas yog par byin gyis brlabs pa dang / phyogs thams cad rgyan gyis rab tu brgyan par kun tu rgyas par 'gengs pa'i khang pa brtsegs pa'i sprin bcus nam mkha' kun nas yog par byin gyis brlabs pa dang / sgo kun tu me tog gi rta babs dang / dril bu'i dra ba bres pa'i khang pa brtsegs pa'i sprin bcus nam mkha' kun nas yog par byin gyis brlabs pa dang / de dag la sogs pa khang pa brtsegs pa'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na pa der phyin te bcom ldan 'das la phyag 'tshal nas nub phyogs su brten te seng+ge'i khri rin po che'i pad+mo chen po lo ma sna tshogs gser las byas pa'i snying po can mngon par sprul nas skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dabs chags su byang phyogs na 'jig rten gyi khams rgya mtsho bai DUR+Ya pad+mo'i 'od kyi dkyil 'khor gyi snying po zhes bya ba yod de/ 'jig rten gyi khams kyi rgyud de dag las 'jig rten gyi khams me tog ut+pa la'i rgyan na de bzhin gshegs pa ye shes kyi dpal kun tu dbyangs kyi rgyal po bzhugs pa'i 'khor gyi dkyil 'khor rgya mtsho nas byang </font><hr>Ka103a<br><font size=+1>


@#/ /chub sems dpa' seng+ge'i 'od zer snang bas mthu 'byin pa'i blo gros zhes bya ba byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags nas bcom ldan 'das gang na ba der 'ongs par gyur te/ spos dang nor bu sna tshogs thams cad kyi shing gi sprin bcus nam mkha' kun nas yog par byin gyis rlob cing / sgo thams cad nas lo ma'i dog pa'i sprin 'byung ba'i spos kyi shing gi sprin bcus nam mkha' kun nas yog par byin gyis brlabs pa dang / shing gi gzugs thams cad las rgyan mtha' yas pa yongs su ston pa'i shing gi sprin bcus nam mkha' kun nas yog par byin gyis brlabs pa dang / me tog thams cad kyi sprin rab tu nar pa'i me tog gi shing gi sprin bcus nam mkha' kun nas yog par byin gyis brlabs pa dang / rin po che'i 'od 'phro ba'i dkyil 'khor thams cad kyis rnam par snang bar byas pa'i shing gi sprin bcus nam mkha' kun nas yog par byin gyis brlabs pa dang / tsan+dan gyi phye ma thams cad dang / byang chub sems dpa'i lus phyed yang dag par ston pa'i shing gi sprin bcus nam mkha' kun nas yog par byin gyis brlabs pa dang / sngon gyi snying po byang chub kyi rgyan bsam gyis mi khyab pa rab tu ston pa'i shing gi sprin bcus nam mkha' kun nas yog par byin gyis brlabs pa dang / kha dog mtha' yas pa'i gos kyi mdzod </font><hr>Ka103b<br><font size=+1>


kyi nyi mas rnam par snang bar byas pa'i shing gi sprin bcus nam mkha' kun nas yog par byin gyis brlabs pa dang / sgra dbyangs thams cad rab tu sgrog cing yid du 'ong ba'i sgra kun tu gtong ba'i shing gi sprin bcus nam mkha' kun nas yog par byin gyis brlabs pa dang / de dag la sogs pa shing gi sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas byang phyogs su brten te seng+ge'i khri nor bu sgron ma'i pad+mo'i snying po can mngon par sprul nas skyil mo krung bcas te 'khod par gyur to/ /de nas 'jig rten gyi khams rgya mtsho 'di dang 'dabs chags su byang dang / shar gyi phyogs mtshams na 'jig rten gyi khams rgya mtsho 'dzam bu chu klung dang / shel gyi kha dog tshon gyi rgyal mtshan zhes bya ba yod de/ 'jig rten gyi khams bar ma'i rgyud de dag las 'jig rten gyi khams rin po che'i rgyan sna tshogs kyi snying po na de bzhin gshegs pa chos thams cad la mi 'jigs pa'i sgron ma bzhugs pa'i 'khor gyi dkyil 'khor rgya mtsho nas byang chub sems dpa' chos kyi yon tan gyi mdzod mi zad pa'i dpal gyi gzi brjid mar me zhes bya ba byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags nas bcom ldan 'das gang na ba der 'ongs par gyur te/ seng+ge'i </font><hr>Ka104a<br><font size=+1>


@#/ /khri rin po che kha dog mtha' yas pa'i pad+mo'i snying po can gyi sprin bcus nam mkha' kun nas yog par byin gyis rlob cing / seng+ge'i khri nor bu'i rgyal po kun tu mngon pas rnam par snang bar byas pa'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri rgyan mang po thams cad kyis rab tu brgyan pa'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri rin po che 'od 'phro ba'i sgro na ma sna tshogs kyi phreng ba'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri phyogs kun nas phreng ba rin po che'i char 'bebs pa'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri spos kyi me tog pad+mo'i phreng ba rin po che thams cad kyi snying po can gyi sprin bcus nam mkha' kun nas yog par byin gyis brlabs pa dang / seng+ge'i khri sangs rgyas kyi gdan thams cad kyi rgyan yang dag par ston pa'i nor bu'i rgyal po'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri rgyan dang phreng ba thams cad 'phyang zhing rta babs dang stegs bus rab tu brgyan pa'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri shing thams cad kyi yal ga las nor bu rin po che dang phye ma 'byung ba'i </font><hr>Ka104b<br><font size=+1>


snying po can gyi sprin bcus nam mkha' kun nas yog par byin gyis brlabs pa dang / seng+ge'i khri spos dang rin po che'i tshogs sna tshogs kyis kun nas brgyan pa'i nyi mas rnam par snang bar byas pa'i snying po can gyi sprin bcus nam mkha' kun nas yog par byin gyis brlabs pa dang / de dag la sogs pa seng+ge'i khri'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas byang dang / shar gyi phyogs mtshams su brten te seng+ge'i khri nor bu rin po che snang ba'i rgyal mtshan gyi pad+mo sna tshogs kyi snying po can mngon par sprul nas skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dabs chags su shar dang / lho'i phyogs mtshams na 'jig rten gyi khams rgya mtsho baiDUR+Ya'i 'od zer kun tu snang ba gser gyi rgyan ces bya ba yod de/ 'jig rten gyi khams kyi rgyud de dag las 'jig rten gyi khams spos kyi dpal dri ma med par snang ba na de bzhin gshegs pa kun tu dga' ba'i shugs dpal gyi rgyal po bzhugs pa'i 'khor gyi dkyil 'khor rgya mtsho nas byang chub sems dpa' ye shes kyi 'od zer shes rab kun nas sgron ma'i blo gros zhes bya ba/ byang chub sems dpa' 'jig rten gyi khams kyi rdul shin tu phra ba snyed dang lhan cig tu 'phags te bcom ldan 'das gang na ba der 'ongs par gyur te/ nor bu yid bzhin gyi </font><hr>Ka105a<br><font size=+1>


@#/ /rgyal po thams cad kyi bla re'i sprin bcus nam mkha' kun nas yog par byin gyis brlabs pa dang / rin po che in+d+ra nI la'i ze ba can gyi me tog thams cad kyi rgyan gyi bla re'i sprin bcus nam mkha' kun nas yog par byin gyis brlabs pa dang / spos rin po che'i bla re thams cad kyi sprin bcus nam mkha' kun nas yog par byin gyis brlabs pa dang / rin po che 'od 'phro ba sgron ma'i gzugs kyi bla re'i sprin bcus nam mkha' kun nas yog par byin gyis brlabs pa dang / nor bu'i rgyal po sangs rgyas kyi rdzu 'phrul dang / 'od dang / sgra dbyangs rab tu ston pa'i bla re'i sprin bcus nam mkha' kun nas yog par byin gyis brlabs pa dang / nor bu dang / gos dang / rgyan thams cad kyi gzugs brnyan yang dag par ston pa'i bla re'i sprin bcus nam mkha' kun nas yog par byin gyis brlabs pa dang / me tog thams cad kyi dog pa lta bu rin po che'i bla re'i sprin bcus nam mkha' kun nas yog par byin gyis brlabs pa dang / dril bu sna tshogs kun tu sgras khyab par byed pa'i dra ba'i bla re'i sprin bcus nam mkha' kun nas yog par byin gyis brlabs pa dang / pad+mo'i dra ba mtha' yas pa sna tshogs rin po che'i snying po can gyi bla re'i sprin bcus nam mkha' kun nas yog par byin gyis brlabs pa dang / gser gyi ze ba 'od 'phro zhing snang ba'i rgyal mtshan gyi bla re'i sprin bcus nam mkha' kun nas yog </font><hr>Ka105b<br><font size=+1>


par byin gyis brlabs pa dang / rgyan bsam gyis mi khyab pa'i gzugs brnyan rab tu ston pa'i rgyan thams cad kyis brgyan pa'i bla re'i sprin bcus nam mkha' kun nas yog par byin gyis brlabs pa dang / de dag la sogs pa bla re'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin nas bcom ldan 'das la phyag 'tshal te/ shar dang / lho'i phyogs mtshams su brten te seng+ge'i khri pad+mo sna tshogs rin po ches rab tu brgyan pa'i snying po can mngon par sprul nas skyil mo krung bcas te 'khod do/ /de nas yang 'jig rten gyi khams rgya mtsho 'di dang 'dabs chags su lho dang / nub kyi phyogs mtshams na 'jig rten gyi khams rgya mtsho nyi ma'i 'od zer rab tu 'bar bas kun tu snang ba'i snying po zhes bya ba yod de/ 'jig rten gyi khams bar ma'i rgyud de dag las 'jig rten gyi khams nyi ma dang seng+ge ltar snang ba na de bzhin gshegs pa sgo kun nas ye shes rnam par snang ba'i dbyangs bzhugs pa'i 'khor gyi dkyil 'khor rgya mtsho nas byang chub sems dpa' me tog kun nas 'od 'phro gtsug phud rab tu 'phyang ba zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags te bcom ldan 'das gang na ba der 'ongs par gyur te sna tshogs thams cad kyis brgyan pa'i rin po che'i gdugs kyi sprin bcus nam mkha' kun nas yog par </font><hr>Ka106a<br><font size=+1>


@#/ /byin gyis rlob cing / 'od zer snang ba'i rgyan gyis brgyan pa'i me tog gi gdugs kyi sprin bcus nam mkha' kun nas yog par byin gyis brlabs pa dang / mu tig mang po kha dog mtha' yas pa thams cad kyi gdugs kyi sprin bcus nam mkha' kun nas yog par byin gyis brlabs pa dang / nor bu'i rgyal po byang chub sems dpa' thams cad kyi snying rje'i sgo nas rab tu sgrog pa'i gdugs kyi sprin bcus nam mkha' kun nas yog par byin gyis brlabs pa dang / rin po che'i 'od 'phro ba sna tshogs kyi phreng ba'i gdugs kyi sprin bcus nam mkha' kun nas yog par byin gyis brlabs pa dang / rin po che'i tshon rnams pa sna tshogs kyi 'od kyis rab tu brgyan cing dril bu'i dra ba bres pa'i gdugs kyi sprin bcus nam mkha' kun nas yog par byin gyis brlabs pa dang / rin po che'i shing gi yal ga thams cad kyis brgyan pa'i gzugs kyi sprin bcus nam mkha' kun nas yog par byin gyis brlabs pa dang / nor bu'i rgyal po nyi ma rnam par snang ba'i lte ba'i gdugs kyi sprin bcus nam mkha' kun nas yog par byin gyis brlabs pa dang / spos dang bdug pa thams cad kyi gdugs kyi sprin bcus nam mkha' kun nas yog par byin gyis brlabs pa dang / tsan+dan gyi phye ma mang pos kun tu rgyas par 'gengs pa'i gdugs kyi sprin bcus nam mkha' kun nas yog par byin gyis brlabs pa dang / sangs rgyas kyi yul rgya chen po rnam par bstan pas kun tu rgyan gyis khyab par byed pa'i </font><hr>Ka106b<br><font size=+1>


gdugs kyi sprin bcus nam mkha' kun nas yog par byin gyis brlabs pa dang / de dag la sogs pa gdugs kyi sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas lho dang / nub kyi phyogs mtshams su brten te seng+ge'i khri in+d+ra nI la yid du 'ong bar 'bar ba'i 'od zer gyi snying po can dag mngon par sprul nas skyil mo krung bcas te 'khod do/ /de nas yang 'jig rten gyi khams rgya mtsho 'di dang 'dabs chags su nub dang / byang gi phyogs mtshams na 'jig rten gyi khams rgya mtsho rin po che'i 'od zer 'bar ba'i skar mda' 'od kyi snying po zhes bya ba yod de/ 'jig rten gyi khams par ma'i rgyud de dag las 'jig rten gyi khams spos kyi rgyan yid du 'ong ba'i snying po na de bzhin gshegs pa yon tan rgya mtsho tshad med pa'i 'od bzhugs pa'i 'khor gyi dkyil 'khor rgya mtsho nas byang chub sems dpa' 'od zer dang / gzi brjid mi zad pa'i rgyal po'i blo gros zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags te bcom ldan 'das gang na ba der 'ongs par gyur te/ rin po che thams cad du snang ba'i 'od kyi dkyil 'khor gyi sprin bcus nam mkha' kun nas yog par byin gyis rlob cing / rin po che 'od 'phro ba'i gzugs kyi 'od kyi dkyil 'khor gyi sprin bcus nam mkha' kun </font><hr>Ka107a<br><font size=+1>


@#/ /nas yog par byin gyis brlabs pa dang / me tog gi sprin gyis rnam par snang bar byas pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / 'od zer gyi sgo nas sangs rgyas kyi sprul pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / phyogs bcu'i sangs rgyas kyi zhing gzugs brnyan gyi khongs su chud pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / rin po che'i yal ga'i sgo kun nas sangs rgyas kyi yul rab tu sgrog pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / nor bu'i rgyal po rin po che baiDUR+Ya'i rigs kyi 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / sems skad cig gis sems can mtha' yas pa'i gzugs yongs su ston pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / sems skad cig gcig gis sems can mtha' yas pa'i gzugs yongs su ston pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / sangs rgyas thams cad kyi smon lam 'byung ba'i sgra yid du 'ong ba rab tu gtong ba'i 'od kyi dkyil 'khor gyi sprin bcus nam mkha' kun nas </font><hr>Ka107b<br><font size=+1>


yog par byin gyis brlabs pa dang / 'khor gyi dkyil 'khor thams cad du sems can 'dul ba'i sgra sgrog pa nor bu'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / de dag la sogs pa 'od kyi dkyil 'khor gyi sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas nub dang / byang gi phyogs mtshams su brten te seng+ge'i khri 'od zer 'bar ba mi zad pa'i gzi brjid kyi snying po can dag mngon par sprul nas skyil mo krung bcas te 'khod do/ /de nas yang 'jig rten gyi khams rgya mtsho 'di dang 'dabs chags su 'og gi phyogs na 'jig rten gyi khams rgya mtsho pad+mo dri zhim dpal gyi snying po zhes bya ba yod de/ 'jig rten gyi khams bar ma'i rgyud de las 'jig rten gyi khams rin po che'i seng+ge snang zhing 'bar ba na de bzhin gshegs pa chos kyi dbyings snang bar mdzad pa'i 'od zer bzhugs pa'i 'khor gyi dkyil 'khor rgya mtsho nas byang chub sems dpa' chos kyi dbyings su 'od 'phro ba rnam par snang ba 'byung ba'i blo gros zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags nas bcom ldan 'das gang na ba der 'ongs par gyur te/ rin po che </font><hr>Ka108a<br><font size=+1>


@#/ /thams cad kyi 'od zer gyi sprin bcus nam mkha' kun nas yog par byin gyis rlob cing / spos thams cad kyi 'od zer gyi sprin bcus nam mkha' kun nas yog par byin gyis brlabs pa dang / rin po che'i 'od 'phro ba thams cad kyi 'od zer gyi sprin bcus nam mkha' kun nas yog par byin gyis brlabs pa dang / sangs rgyas kyi chos thams cad brjed pas khyab par byed pa'i 'od zer gyi sprin bcus nam mkha' kun nas yog par byin gyis brlabs pa dang / sangs rgyas kyi zhing thams cad kyi rgyan gyis rnam par snang bar byas pa'i 'od zer gyi sprin bcus nam mkha' kun nas yog par byin gyis brlabs pa dang / me tog gi khang pa brtsegs pa thams cad kyi 'od zer gyi sprin bcus nam mkha' kun nas yog par byin gyis brlabs pa dang / bskal pa thams cad gcig nas gcig tu brgyud par sangs rgyas yang dag par 'byung zhing sems can yongs su smin par bya bar brjod pa'i 'od zer gyi sprin bcus nam mkha' kun nas yog par byin gyis brlabs pa dang / rin po che zad mi shes pa thams cad dang / me tog thams cad kyi ze ba'i 'od zer gyi sprin bcus nam mkha' kun nas yog par byin gyis brlabs pa dang / de dag la sogs pa 'od zer gyi sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / </font><hr>Ka108b<br><font size=+1>


bcom ldan 'das gang na ba der phyin nas bcom ldan 'das la phyag 'tshal te 'og gi phyogs su brten nas seng+ge'i khri rin po che'i sgron ma rab tu 'bar ba 'byung ba'i snying po can dag mngon par sprul nas skyil mo krung bcas te 'khod do/ /de nas yang 'jig rten gyi khams rgya mtsho gzhi dang snying po me tog gi rgyan gyis brgyan pa 'di dang 'dabs chags su steng gi phyogs na 'jig rten gyi khams rgya mtsho nor bu rin po che sna tshogs kyi 'od rgya mtsho'i rgyan ces bya ba yod de/ 'jig rten gyi khams bar ma'i rgyud de dag las 'jig rten gyi khams mtshan yid du 'ong ba rnam par snang ba zhes bya ba na de bzhin gshegs pa yon tan dang grags pa thogs pa med pa'i rnam par thar pa rab tu snang ba'i rgyal po bzhugs pa'i 'khor gyi dkyil 'khor rgya mtsho nas byang chub sems dpa' stobs dang / brtson 'grus chags pa med pa'i blo gros zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags nas bcom ldan 'das gang na ba der 'ongs par gyur te/ rin po che kha dog mtha' yas par 'od 'phro ba'i sprin bcus nam mkha' kun nas yog par byin gyis brlob cing / nor bu rin po che kun nas 'od kyi dra ba 'od 'phro ba'i sprin bcus nam mkha' kun nas yog par byin gyis brlabs pa dang / sangs rgyas kyi zhing gi rgyan rgya chen pos rnam par snang bar 'od 'phro ba'i sprin bcus nam mkha' kun nas yog par byin gyis brlabs pa dang / spos </font><hr>Ka109a<br><font size=+1>


@#/ /thams cad 'phro ba'i sprin bcus nam mkha' kun nas yog par byin gyis brlabs pa dang / rgyan thams cad 'od 'phro ba'i sprin bcus nam mkha' kun nas yog par byin gyis brlabs pa dang / sangs rgyas thams cad kyi rdzu 'phrul 'od 'phro ba'i sprin bcus nam mkha' kun nas yog par byin gyis brlabs pa dang / shing dang za ba rnam pa sna tshogs su 'od 'phro ba'i sprin bcus nam mkha' kun nas yog par byin gyis brlabs pa dang / rdo rje sna tshogs 'od 'phro ba'i sprin bcus mkha' kun nas yog par byin gyis brlabs pa dang / nor bu'i rgyal po byang chub sems dpa'i spyod pa mtha' yas pa brjod cing 'od 'phro ba'i sprin bcus nam mkha' kun nas yog par byin gyis brlabs pa dang / mu tig gi sgron ma 'od 'phro ba'i sprin bcus nam mkha' kun nas yog par byin gyis brlabs pa dang / de dag la sogs pa 'od 'phro ba'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na pa der phyin te bcom ldan 'das la phyag 'tshal nas steng gi phyogs su brten te seng+ge'i khri sangs rgyas kyi gsung sgrog pa'i 'od zer 'byung ba'i pad+mo'i snying po can dag mngon par sprul nas skyil mo krung bcas te 'khod do/ /de dag la sogs pa 'jig rten gyi khams rgya mtsho'i sangs rgyas kyi zhing bye ba phrag bcu'i rdul </font><hr>Ka109b<br><font size=+1>


shin tu phra ba snyed nas kyang byang chub sems dpa' sangs rgyas kyi zhing bye ba phrag bcu'i rdul shin tu phra ba snyed byang chub sems dpa' re re zhing yang byang chub sems dpa' 'jig rten gyi khams rgya mtsho'i rdul shin tu phra ba snyed kyis bskor cing mdun du byas te byang chub sems dpa' re re zhing yang rgyan rnam pa sna tshogs kyi mchod pa'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis rlob cing 'ongs par gyur te gang nas 'ongs pa'i phyogs su brten te seng+ge'i khri rin po che sna tshogs kyi rgyan gyi snying po can dag mngon par sprul cing skyil mo krung bcas te 'khod par gyur to/ /'khod pa'i rjes la byang chub sems dpa' de dag gi ba spu'i khung bu thams cad re re nas 'od zer gyi sprin rin po che thams cad ltar kha dog sna tshogs pa 'jig rten gyi khams rgya mtsho bcu'i rdul shin tu phra ba snyed rab tu byung bar gyur to/ /rin po che re re'i sgo nas kyang byang chub sems dpa' seng+ge'i khri pad+mo'i snying po can la 'khod pa 'jig rten gyi khams rgya mtsho bcu'i rdul shin tu phra ba snyed rab tu byung bar gyur to/ /byang chub sems dpa' re res kyang chos kyi dbyings kyi tshul rgya mtsho'i khams kyi rdul shin tu phra ba snyed thams cad kyi sbubs gang bar byas nas rdul shin tu phra ba re re la yang zhing 'byams klas pa sangs rgyas kyi zhing bcu'i rdul shin tu phra ba snyed du rab tu 'jug par gyur to/ /zhing re rer yang dus gsum du gshegs pa'i sangs rgyas bcom ldan 'das thams cad </font><hr>Ka110a<br><font size=+1>


@#/ /mthong zhing shes par gyur to/ /sems kyi skad cig re re la yang rmi lam lta bu'i rnam par 'phrul pa yang dag par bstan pa'i sgo dag nas yang dag par bskul ba byed par gyur to/ /sems kyi skad cig re re la yang 'jig rten gyi khams rgya mtsho'i rdul shin tu phra ba snyed re re'i lha'i gnas thams cad du skye ba dang / 'chi 'pho ba yang dag par bstan pa'i sgo dag nas yang dag par bskul ba byed par gyur to/ /sems kyi skad cig re re la yang 'jig rten gyi rdul shin tu phra ba snyed kyi byang chub sems dpa'i 'khor gyi dkyil 'khor thams cad shin tu bstan pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi zhing 'byams klas pa thams cad rab tu bskyod pa dang / sangs rgyas kyi yon tan rab tu brjod cing rnam par 'phrul ba'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi sangs rgyas kyi zhing thams cad yongs su dag par bya ba dang / smon lam rgya mtsho thams cad rab tu bsgrags pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi 'gro ba thams cad kyi nges pa'i tshig dang / sangs rgyas kyi gsung gi yan lag rnam par bstan cing brjod pa'i sgo dag nas yang </font><hr>Ka110b<br><font size=+1>


dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi sangs rgyas kyi chos kyi sprin thams cad kyi char dbab pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi phyogs bcu'i 'jig rten gyi khams su chos kyi dbyings snang bas rgyas par rnam par 'phrul pa'i mthu'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi sangs rgyas kyi skus chos kyi dbyings gang bar bya ba dang / sangs rgyas kyi rnam par thar pa dang / 'od thams cad kyi sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi 'khor gyi dkyil 'khor rgya mtsho thams cad na byang chub sems dpa' kun tu bzang po rab tu gnas pa'i sgo dag nas yang dag par bskul ba byed par gyur to/ /de lta bu'i chos kyi dbyings rgyas par bkang ste sems can rnams kyi bsam pa ji lta ba bzhin du yang dag par bskul ba byed cing / 'jig rten gyi khams 'byams klas pa dag tu rab tu bdal te zhing re re yang sems kyi skad cig re re la sems can ri rab kyi rdul shin tu phra ba snyed kyi ngan song gi rgyud du gtogs pa'i sdug bsngal thams cad ni/ rab tu zhi bar byed do/ / </font><hr>Ka111a<br><font size=+1>


@#/ /sems can phyin ci log la nges pa ri rab kyi rdul shin tu phra ba snyed ni/ yang dag par nges pa'i phung po rab tu 'god do/ /sems can ri rab kyi rdul shin tu phra ba snyed ni/ dge ba dang / yid du 'ong ba dang / mtho ris su skye ba la rab tu 'god de/ /sems can ri rab kyi rdul shin tu phra ba snyed ni/ nyan thos dang / rang sangs rgyas kyi sa la rab tu 'god do/ /sems can ri rab kyi rdul shin tu phra ba snyed ni/ dge ba'i bshes bsnyen bkur ba'i bsod nams kyi tshigs la rab tu 'god do/ /zhing de dag re rer yang sems can ri rab kyi rdul shin tu phra ba snyed ni/ sngon chad ma bskyed pa'i byang chub kyi sems skye bar byed do/ /zhing de dag re rer yang sems can ri rab kyi rdul shin tu phra ba snyed ni/ byang chub sems dpa'i sa phyir mi ldog pa yang dag par thob pa la yang dag par skul lo/ /zhing de dag re rer yang sems can ri rab kyi rdul shin tu phra ba snyed de bzhin gshegs pa'i ye shes kyi spyan chos thams cad kun nas snang zhing gzigs pa la yongs su sbyangs te rab tu 'god do/ /zhing de dag re rer yang sems can ri rab kyi rdul shin tu phra ba snyed stobs thams cad kyis rab tu gnas pa dang / ye shes kyi tshogs zad mi shes pa dang / sangs rgyas kyi zhing yongs su dag par bya ba'i smon lam rgya mtsho la rab tu 'god do/ /zhing de dag re rer yang sems can ri rab kyi rdul shin tu phra </font><hr>Ka111b<br><font size=+1>


ba snyed de bzhin gshegs pa rnam par snang mdzad kyi gdung dang rgyud yang dag par 'byung ba'i gnas rgya mtsho rnam par spyod pa la rab tu 'god do/ /byang chub sems dpa' de dag gi 'od zer gyi sgo thams cad nas kyang tshigs su bcad pa 'di lta bu dag byung bar gyur to/ /'od zer thams cad sgo nas sgra 'byung ste/ /ji snyed byang chub spyod par 'jug pa dang / /rgyal sras yon tan phun sum gang yod pa'i/ / dbyangs kyis phyogs rnams kun tu bkang zhing sgrog /bskal pa rgya mtshor skye med spyad pa spyod/ /sdug bsngal kun las 'gro ba kun 'grol kyang / /yid la skye med zhum pa gang yang med/ /'di yi tshul la rgyal sra rab tu zhugs/ /chos kyi sgo rnams kun la rab spyod cing / /tshul 'dir bskal pa rgya mtsho zad par byed/ /mtha' med dbus med lhag ma gang yang med/ /de dag chos nyid zhi ba rab tu sgrog /dus gsum rgyal ba'i smon lam gang yod pa/ /rgyal sras de dag 'gro la phan dog tu/ /de dag thams cad ma lus yongs su spyod/ /de dag spyod pa'i rgyan ni 'di 'dra 'o/ /rgyal ba kun gyi 'khor du nyer phyin te/ /phyogs rnams kun na gzugs brnyan lus 'chang zhing / /rgyal sras ye shes rgya mtsho'i blo gros can/ /de dag chos nyid zhir 'jug 'di 'dra'o/ /'od zer sgo rnams re rer mtha' pa'i/ /bsam yas zhing rnams de dag rab tu 'jug /spyod pas mig ni kun nas yongs dag ste/ /rgyal sras de dag spyod yul 'di yin no/ /skra rtse gcig tu de dag rab </font><hr>Ka112a<br><font size=+1>


@#/ /gnas shing / /zhing rnams dbyings kun kun nas bskyod byas kyang / /sems can rnams la 'jigs pa mi byed do/ /sa 'di rnam dag tshul 'chang dag gi 'o// tshul rnams kun la bsam gyis mi khyab lus/ /de dag kun tu zhing rnams sna tshogs sprul/ /skad cig sems la 'chi 'pho skye ba snang / /rgyan 'di sems la chags med rnams kyi 'o// dus gsum bskal pa gang yong ma lus par/ /skad cig gcig gis thams cad rab tu ston/ /sgyu ma lta bu lus med dngos kyang med/ /de 'dra'i chos nyid chags med blos rtogs so| |bzang po'i spyod pa mchog la zhugs pa rnams/ /'gro ba kun la yid du 'ong ba'i lus/ /rgyal sras de dag chos nyid 'di yin te/ /'od zer kun gyi sgo nas dbyangs kyang sgrog/ de nas bcom ldan 'das kyis byang chub sems dpa' mtha' dang dbus med pa de dag de bzhin gshegs pa'i yul la rnam par spyod pas rnam par 'phrul ba thob par bya ba'i phyir smin mtshams kyi mdzod spu nas 'od zer chen po byang chub sems dpa' thams cad ye shes kyi snang ba phyogs rnam par ston pa'i snying po zhes bya ba rab tu bkye'o/ /'od zer rin po che thams cad kyi kha dog sgron ma'i sprin du brdal ba/ sangs rgyas kyi zhing thams cad du rab tu snang ba de byung nas tshul thams cad kyi phyogs 'byams klas pa rab tu snang bar byas te phyogs thams </font><hr>Ka112b<br><font size=+1>


cad kyi dbyings rgya mtsho rnams rab tu snang bar byas nas sems can rgya mtsho rnams rab tu snang bar byas te/ 'jig rten gyi khams rgya mtsho thams cad rab tu bstan nas sangs rgyas kyi zhing mang po thams cad rab tu bskyod pa'i rgyan gyi tshul thams cad kyis rab tu bskyod nas sangs rgyas kyi sprin 'jig rten gyi khams thams cad kyi rdul shin tu phra ba snyed rdul shin tu phra ba thams cad dang mnyam pa dag tu rab tu spros nas sems can thams cad kyi bsam pa dang mos pa ji lta ba rgya mtsho dag tu de bzhin gshegs pa thams cad kyi chos kyi 'khor lo'i sprin gyi char dus gsum gyi rdul shin tu phra ba dang mnyam pa phab ste/ dus gsum gyi sangs rgyas thams cad kyi pha rol tu phyin pa rgya mtsho rab tu bstan nas sems can thams cad ma lus par 'khor ba thams cad las rab tu gdon par bya ba'i phyir mos pa ji bzhin du 'byung ba dang mthun pa'i sprin gyi char rab tu dbab pa dang / de bzhin gshegs pa thams cad kyi smon lam ma lus pa'i sprin gyi char rab tu dbab pa dang / 'jig rten gyi khams thams cad du byang chub sems dpa' kun tu bzang po'i 'khor dag tu dga' bar phrad par byas nas bcom ldan 'das la g.yas phyogs su bskor ba byas te bcom ldan 'das kyi spyan sngar pad+mo chen po chu ba rin po che thams cad las bsgrubs pa/ nang rim nor bu'i rgyal po'i mdzod sna tshogs las byas pa/ lo ma rin po che thams cad kyi rigs kyi char 'bebs pa/ </font><hr>Ka113a<br><font size=+1>


@#/ /ze ba'i phreng ba'i rgyan spos rin po che thams cad las byas pa/ snying po 'dzam bu chu klung gi gser gyi tshon gyis rab tu mdzes par bris pa/ 'od kyi 'khor rnam par dag cing 'od zer gyi dra bas rnam par snang bas byas pa'i sprin dang ldan pa/ rgyan thams cad rab tu 'byung ba/ sems kyi skad cig la sangs rgyas kyi rnam par 'phrul ba mtha' yas pa ston pa'i sgra rab tu 'byung ba/ nor bu'i rgyal po mtha' yas pa dang / sangs rgyas kyi sku'i gzugs brnyan gyi sprin gyis thams cad du gang bar byed pa/ byang chub sems dpa'i spyod pa dang / smon lam thams cad rab tu ston pa'i dbyangs 'byin par gyur te byung ngo / /pad+mo chen po de byung ba'i rjes la byang chub sems dpa' chos thams cad la pham pa med pa'i dbyangs zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu bcom ldan 'das kyis mdzod spu de nyid nas byung ba ste bcom ldan 'das la lan du mar g.yas phyogs su bskor ba byas nas bcom ldan 'das la phyag 'tshal te pad+mo chen po de'i snying po la 'dug go /byang chub sems dpa' 'jig rten gya \ GYI?\ khams rgya mtsho'i rdul shin tu phra ba snyed po de dag kyang ze ba'i phreng ba de dag la 'khod do/ /de nas byang chub sems dpa' chos thams cad la pham pa med pa'i dbyangs chos kyi dbyings rgya che zhing tshad med pas rab tu dga' ba'i shugs shin tu skyes pa </font><hr>Ka113b<br><font size=+1>


de bzhin gshegs pa thams cad kyi spyod yul gyi rjes su song ba'i ye shes can/ sangs rgyas kyi chos kyi sku rgya mtsho bsam gyis mi khyab pa la rab tu zhugs pa'i mthu dang ldan pa/ zhing 'byams klas pa thams cad kyi de bzhin gshegs pa rnams kyi zhabs kyi drung du phyin pa dang ba spu thams cad las sprul pa'i sprin zad mi shes pas kun tu khebs par byed pa/ sems kyi skad cig thams cad la dmigs pa thams cad chos kyi dbyings kun tu sgyur ba/ chos kyi dbyings thams cad la dus gsum khyab par byed pa'i spyod yul gyis rnam par spyod pa/ phyogs thams cad kyi de bzhin gshegs pa'i byin gyis rlabs 'chang ba/ ting nge 'dzin thams cad la rab tu 'jog cing phyi ma'i mtha'i bskal pa'i mur thug par ting nge 'dzin dang / rnam par thar pa la rnam par spyod pa/ sangs rgyas kyi yon tan rgya mtsho mtha' yas pa thams cad dang / chos kyi dbyings kyi lus dang ldan pas de bzhin gshegs pa'i rdzu 'phrul dang / rnam par 'phrul pa mtha' dang dbus med pa la rnam par bltas te de'i tshe tshigs su bcad pa 'di dag smras so/ /sangs rgyas sku ni chos kyi dbyings kyis gsal/ /'gro ba kun la rgyal ba mngon sum ste/ /ji ltar mos pa'i sems can rgyas bkang nas/ /snying po byang chub de la rgyal ba bzhugs/ /zhing rnams kun gyi rdul phran mchog snyed kyi/ /rgyal ba spu rtse kun la rab bzhugs te/ /byang chub sems dpa'i 'khor gyis kun nas bskor/ /kun kyang bzang po'i spyod pa mchog ston to/ / </font><hr>Ka114a<br><font size=+1>


@#/ /spu gcig rtse la zhing mang rgya mtsho ste/ /byang chub snying por pad+mo'i gdan la bzhugs/ /chos dbyings rgya chen thams cad kun bkang ste/ /spu rnams kun la rnam par 'phrul pa ston/ /zhing rnams re re dag na rab bzhugs shing / /zhing rnams 'byams klas kun tu rgyas mdzad pas/ /phyogs bcu'i byang chub sems dpa'i sprin gyi rnams/ kun kyang snying po byang chub drung du 'dod/ /zhing rnams kun gyi rdul phran mchog snyed kyi/ /byang chub sems dpa'i yon tan rgya mtsho'i 'od/ /sangs rgyas kun gyi 'khor du nye bar 'dod/ /chos dbyings 'byams klas rtag tu rgyas par 'gengs/ /zhing rnams thams cad gzugs brnyan rab tu ston/ /chos dbyings rdul rnams ye shes spyod yul can/ /kun kyang bzang po'i spyod la rab tu gnas/ /sangs rgyas kun gyi 'khor du yang dag byung / /byang chub sems dpa' ye shes mchog yul can/ /sangs rgyas chos sprin nyan cing rab tu mkhas/ /sangs rgyas kun gyi 'khor rnams kun na gnas/ /zhing rnams kun tu bskal pa rgya mtshor spyod/ /rgya mtsho'i chos la rnam par snang bar spyod/ /de dag rgyal ba'i sa rnams rgya mtsho zhugs/ /sangs rgyas chos rnams gzhan dang gzhan 'byung ba/ /de dag smon lam rgya mtshor rab tu 'jug/ /sangs rgyas yon tan legs pa rgya mtsho dang / /kun tu bzang po'i spyod pa de dag shes/ /sangs rgyas chos kyi dbyings rnams kun bkang zhing / /de dag rnam </font><hr>Ka114b<br><font size=+1>


'phrul rgya chen kun la zhugs/ /zhing rnams kun gyi rdul phran mang snyed kyi/ /lus kyi sprin ni rtag par rab tu ston/ /sems can kun bkang 'od kyis kun la skyob/ /bsam pa yid bzhin chos kyi char yang 'bebs/ /de nas byang chub sems dpa' chos kyi dpal pad+mo rnam par lta ba'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas ye shes shin tu zab/ /dus rnams kun tu de 'byung ste/ /chos dbyings thugs su chud pas na/ /'jig rten mgon zhes rab tu brjod/ /yang dag sangs rgyas chos kyi sku/ / 'dres pa med cing gnas pa med/ /sems can thams cad yid bzhin du/ /gzugs kyi skur yang rab tu mthong / /chos rnams thams cad mngon sangs rgyas/ /chos rnams kun la rab tu zhugs/ / thams cad mkhyen pa thams cad gzigs/ /zhing rnams kun na rnam par mdzes/ /kha dog bsam gyis mi khyab par/ /sems can thams cad yid bzhin du/ /sems can mchog gi 'od rnams dang / /de bzhin sku yi sprin kyang mthong / /de bzhin gshegs pa'i sku dag las/ /mi zad sangs rgyas sprul ba rnams/ /zhing rnams kun tu rab sgrog cing / /chos kyi rgya mtsho shin tu ston/ /spu rnams re re kun nas kyang / /phyogs bcur 'od zer dra ba dag/ sangs rgyas gsung ni rab 'byin cing / /gdul dka' thams cad rnam par 'dul/ /sangs rgyas 'od zer sgo rnams nas/ /sgra dbyangs zab mo rtag tu </font><hr>Ka115a<br><font size=+1>


@#/ /'byung / /sangs rgyas yon tan rgya mtsho ni/ /byang chub sems dpa'i spyod yul lo/ /sangs rgyas chos kyi 'khor lo dag /mtha' dang dbus med rab tu bskor/ / ye shes zab mo zhes bya ba/ /rgya chen phyogs su rab tu ston/ /'jig rten khams rnams thams cad du/ /rnam par 'phrul pa gzhan dang gzhan/ /chos kyi dbyings rnams kun bkang zhing / /yang dag sangs rgyas ston pa mdzad/ /sku rnams re re kun las kyang / /zhing rnams kun gyi rdul mnyam pa/ /sangs rgyas sems can mnyam phyung zhing / /rnam par 'phrul ba rab tu ston| |de nas byang chub sems dpa' chos rgya mtsho rnam par snang ba'i blo gros kyis sangs rgyas kyi mthus phyogs bcur rnam par bltas te/ de'i tshe tshigs su bcad pa 'di dag smras so/ / chos kyi dbyings rnams kun khyab par/ /sangs rgyas sku ni rnam par mdzes/ /rgya chen gsung ni rang byung ba/ /zhing rnams rgya mtshor shin tu sgrog /'jig rten thams cad kun 'jug par/ / 'jig rten mgon po shin tu mdzes/ /'gro ba kun gyi bsam mkhyen cing / /byin gyi rlabs ni rab tu ston/ /sangs rgyas 'jig rten kun la mngon/ /sems can thams cad bsam pa bzhin// thams cad gzigs pas sangs rgyas kyi/ /rnam par 'phrul pa thams cad mthong / /mtha' yas 'od mnga' sangs rgyas sprin/ /chos rnams rgya mtsho'i 'brug kyang sgrog /ye shes rnam </font><hr>Ka115b<br><font size=+1>


rgyu'i tshul bzhin du/ /rgyal ba'i sras rnams de la 'jug /'jug pa rnams la 'byung ba med/ /'byung ba yod par rnam par bstan/ /gang la sangs rgyas bzhugs pa yi/ /chos rnams 'byung ba nam mkha' bzhin/ /'pho dang gnas pa mi mnga' ste/ /'on kyang rgyal ba kun na snang / /sangs rgyas chos kyi dbyings las byung / /de phyir sangs rgyas rab tu brjod/ /yul na bzhugs med rang bzhin med| |de la 'byung ba mi mnga' ste/ /sku dang mtshan kyang de bzhin med/ /rgyal ba gzugs brnyan 'dra ba'o/ /'gro ba kun tu chos kyi sprin/ /bsam pa kun la rab tu byung / /yang dag sangs rgyas rnam kun tu/ /sems can rgya mtsho 'dul ba mdzad/ /'jig rten khams rnams thams cad kyi/ /snying po byang chub kun na snang / /'khor gyi rgya mtsho thams cad na/ /zhing rnams kun gyis rnam par mdzes/ / sangs rgyas kun gyi sku dag la/ /yon tan rgya mtsho zad mi shes/ /sangs rgyas yon tan mtha' yas te/ /de dag yon tan zad pa med/ /de nas byang chub sems dpa' spos 'od 'phro ba'i rgyan zla ba'i 'od kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /bsam gyis mi khyab sangs rgyas sar/ /byang chub sems dpa' gang bzhugs pa// de dang de dag sangs rgyas kyi/ /sangs rgyas rnam 'phrul thams cad mthong / /ye shes lus kyis zhugs pa rnams/ /zhing kun rdul gyi sbubs su yang / /de bzhin gshegs pa thams cad dang / /bdag </font><hr>Ka116a<br><font size=+1>


@#/ /nyid lus kyang der mthong ngo / /gzugs brnyan zhing rnams thams cad dang / /sangs rgyas kun gyi spyan sngar 'byung / /kun tu byin gyi rlabs rnams dang / /rnam par 'phrul pa rab tu ston/ /kun tu bzang po'i smon lam dang / /spyod pa gang gis rnam sbyangs pa/ /de dag zhing rnams thams cad du/ /sangs rgyas kun gyi rnam 'phrul mthong / /kun tu mnyam pa nyid gyur cing / /kun tu lus kyis rab gnas te/ /ye shes kun gyi rjes song nas/ /sangs rgyas spyod yul zhugs pa'o/ /sangs rgyas ye shes zhugs pa'i rnams/ /chos kyi dbyings la rnam par mdzes/ /sangs rgyas kun gyi spu dag tu/ /rgya mtsho'i zhing la rab tu 'jug /sangs rgyas kun gyi zhing dag tu/ /byin gyi rlabs rnams rab bstan pas/ /gzhan dang gzhan gyi lus dag dang / /ming gis kun ni rab tu gnas/ /byang chub snying por rnam 'phrul dang / /byang chub mngon par 'tshang rgya zhing / /chos kyi 'khor lo bskor ba dag /skad cig sems kyis ston pa byed// zhing rnams 'byams klas thams cad dang / /bskal pa bye ba bsam yas dag /byang chub sems dpa' mnyam gzhag rnams/ /skad cig sems kyis rnam par ston/ /sangs rgyas zhing rnams thams cad na/ /byang chub sems dpa'i sprul pa rnams/ /sangs rgyas sku la rnam spyod kyang / /mtha' ma rnyed par mi rung ngo / /de nas byang chub sems dpa' seng+ge'i 'od zer snang </font><hr>Ka116b<br><font size=+1>


ba'i mthu 'byin pa'i blo gros kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas rnam par snang mdzad kyis/ /chos kyi 'khor lo rab tu 'khor/ /chos dbyings tshul rnams thams cad kyang / /sangs rgyas sprin gyis mngon du yog /'jig rten khams rnams rgya mtsho dang / /phyogs bcu kun na gang yod pa/ / thams cad kun tu 'khor lo 'khor/ /de ni smon lam rnam 'phrul ba'o/ /'khor rnams rgya mtsho rgya che ba/ /gzhan dang gzhan gyi ming dag gis/ /zhing rnams gnas pa kun tu yang / /chos kyi 'khor lo kun tu 'khor/ /rnam par snang mdzad byin rlabs kyis/ /zhing rnams rgya mtsho kun tu yang / /kun tu bzang po'i smon lam dag /rjod cing zhing rnams kun tu 'byung / /zhing kun rdul la sku yi rnams/ /thams cad chos char rab tu 'bebs/ /'dres pa med cing 'byung ba med/ /'jig rten dag na rnam par mdzes/ /bskal pa bye ba grangs med par/ /zhing kun rdul phran sbubs dag tu| |rnam par snang ba mdzad pa'i gsung / /sngon gyi spyod pa rab tu sgrog /zhing rnams thams cad rdul snyed kyi/ /'od zer dra ba phyogs bcu na/ /sangs rgyas 'od zer kun sgo nas/ /byang chub mchog phyir sems can 'dul/ /kun tu ma 'dres sku dag gis/ /chos dbyings yongs su rab gsal te/ /'gro rnams 'dul ba ji bzhin du/ /gzugs kyi skur yang rab tu mthong / /dus </font><hr>Ka117a<br><font size=+1>


@#/ /gsum zhing rnams thams cad kyi/ /mgon po ji snyed bzhugs pa rnams/ /de dag kun gyi mtshan kyang sgrog /sangs rgyas rnam par 'phrul la ltos/ /da ltar byung dang 'das pa dang / /sangs rgyas gang rnams ma byon pa/ /de dag kun gyi bsam yas pa/ /chos kyi 'khor lo rab tu grag /de nas byang chub sems dpa' chos kyi yon tan gyi mdzod mi zad pa'i dpal gyi gzi brjid mar mes sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gang gis byang chub sems dpa' yi| |ye shes tshogs 'di kun non cing / /ye shes rtogs pa rnyed pa rnams/ /de dag 'di yi tshul la zhugs/ /chos kyi dbyings dang mnyam pa'i dbyangs/ /zhing rnams kun tu rab tu 'byung / / sangs rgyas kun gyi spyod yul te/ /byang chub sems dpa'i ched du brjod/ /skad cig re re'i sems kun la| /chos kyi dbyings su rnam par rgyu/ /de bzhin nyid la gnas shing brten/ /chos rnams rgya mtsho kun la zhugs/ /rgyan gyi pha rol phyin pa rnams/ /bskal pa bye ba bsam yas su/ /sangs rgyas thams cad sku dag tu/ /zhing rnams kun na gnas shing spyod/ /rdul rnams re re'i steng nas kyang / /chos rnams kun ni rab tu 'byung / /zhing rnams kun kyang khyab par byed/ /ye shes chags med spyod yul lo/ /sangs rgyas thams cad spyod yul du/ /lus pa </font><hr>Ka117b<br><font size=+1>


med par kun bkang zhing / /rnam par 'phrul ba'i rnam spyod pas/ /sangs rgyas spyod yul rnams la zhugs/ /sangs rgyas kun gyi rjes snyegs dbyangs/ /chos kyi dbyings ni rab sgrog pa| |chos dbyings rjes su shes pa rnams/ /dbyangs kyi rgya mtsho rnams la spyod/ /bskal pa rgya mtshor ma 'dres par/ /sgra dang dbyangs rnams shin tu sgrog /dus rnams thams cad shes pas gsal/ /dbyangs kyis de dag sa la zhugs/ /sgra yi shes la rmongs pa med/ /sems can sgra yang spyod yul te/ /thams cad mkhyen pa kun gyi yang / /rnam par 'phrul ba'i dbyangs shes so/ /sa nas sar yang phyin gyur cing / /stobs kyi sa la rab gnas te/ /bskal pa bye bar spyad pas na/ /chos nyid 'di la rab tu 'jug /de nas byang chub sems dpa' ye shes kyi 'od zer shes rab kun nas sgron ma'i blo gros kyis sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gang la sangs rgyas bzhugs pa yi/ /chos rnams de dag mtshan nyid med/ /ye shes sa ni thob pa rnams/ /'jig rten gtso bo rab tu mthong / /shes rab snang ba'i kun 'od can/ /byang chub sems dpa' mnyam bzhag rnams/ /sangs rgyas thams cad kun gyi yang / /sku yi rnam par 'phrul la zhugs/ /chos kyi dbyings la rnam spyad cing / /lus kyi dngos la rab 'jug ste/ /zab mo'i </font><hr>Ka118a<br><font size=+1>


@#/ /chos rnams rtogs gyur nas/ /smon lam dag gis yang dag byung / /bsod nams rgya mtshos byung gyur cing / /ye shes sa la rnam par gnas/ /chos la rnam spyod khong du chud/ /spyod pa'i mchog la rab tu spyod/ /sangs rgyas zhing rnams thams cad kyi/ /sangs rgyas kun gyi drung dag tu/ /chos kyi dbyings la spyad pas na/ /rang bzhin lus ni rab tu mthong / /zhing rnams 'byams klas thams cad du/ /bskal pa bye ba bsam yas su/ /thams cad gzigs pa'i chos kyi rnams/ /rgya mtsho kun la rab tu spyod/ /bdag mthong bas ni lus dang rdul/ /gcig tu 'dres par mngon par byas/ /ma skyes mtshan nyid med pa ste/ /zhing rnams kun tu'ang rnam par mdzes/ /'jig rten kun gyi bsam mthun par/ / sems can kun la mngon sum du/ /lus kyi sprin ni bstan byas shing / /byang chub don du sems can 'dul/ /sangs rgyas thams cad mthu yis ni/ /byang chub sems dpar brjod pa ste| |gang gis mgon po mthong ba yi/ /rgyal ba'i byin rlabs shin tu zab/ /mgon po ji snyed gang bzhugs pa'i/ /byin rlabs mtha' dang dbus med de/ /chos dbyings rab tu gang byas nas/ /byang chub sems dpa' rnam 'tshang rgya/ /de nas byang chub sems dpa' me tog kun nas 'od 'phro gtsug phud rab tu 'phyang bas sangs rgyas kyi byin gyi rlabs kyis phyogs </font><hr>Ka118b<br><font size=+1>


bcur rnam par bltas te/ de'i tshe tshigs su bcad pa 'di dag smras so/ /zhing rnams kun tu sangs rgyas kyi/ /gsung gi dkyil 'khor sgra 'byin te/ /chos kyi dbyings rnams gang byas nas/ / yon tan sprin ni rab tu brjod/ /yang dag sangs rgyas chos kyi sku/ /rnam dag nam mkha' 'dra ba ste/ /gzugs kyi sku yang rab ston cing / /chos nyid 'di la shin tu 'jug /dga' dang mos pa'i shugs rnams dang / /sangs rgyas stobs rnams thams cad la/ /rab tu gnas shing de dag ni/ /de bzhin gshegs pa'i ye shes 'jug /shes rab chung ngus chos 'di dag /kun nas shes par mi nus te/ /ye shes mig ni rab sbyangs shing / /'di yi tshul la 'jug par 'gyur/ /rab tu gnas dang byin rlabs dang / /chos kun rnam par spyad pa dang / /rab tu 'jug dang ldan pa yi/ /mnyam pa nyid la rab tu zhugs/ /chos rnams mtha' yas klong gi rnams/ /chos kun mtshan nyid rnams la ste/ /kun mkhyen nyid la rab zhugs shing / /chos kyi rgya mtsho kun la spyod/ /sangs rgyas zhing na kun 'khod cing / /thams cad kun na rnam par mdzes/ /'ong ba med cing 'phos pa med/ /sangs rgyas chos nyid de 'dra'o/ /gzugs brnyan 'dra ba'i sku rnams ni/ /sems can rgya mtsho'i nang na snang / /mos pa ci 'dra yod pa'i rnams/ /de bzhin mgon po kun gyis mthong / /kun tu bzang po'i smon lam dang / /spyod pa mang po sus </font><hr>Ka119a<br><font size=+1>


@#/ /sbyangs pa/ /de dag thams cad ba spu la'ang / /rnam 'phrul gzhan dang gzhan dag mthong / /lus kyi rnams ni re res kyang / /chos kyi dbyings rnams kun tu khyab// 'khor lo kun na 'khor ba ste/ /chos kyi 'khor lo bsam mi khyab/ /de nas byang chub sems dpa' 'od zer dang / /gzi brjid mi zad pa'i rgyal po blo gros kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas sku ni thams cad nas/ /'od zer sprin mang phyogs rnams bcur/ /kha dog mtha' yas 'bar ba'i 'od/ /sems can bsam pa kun la 'phro/ /sangs rgyas zhing rnams thams cad kyi/ /snying po byang chub kun na bzhugs/ /bdud rnams thams cad rab btul te// 'khor gyi nang na rnam par mdzes/ /thams cad rdul na'ang ma 'dres par/ /'od zer dkyil 'khor rgyas par 'gengs/ /phyogs rnams gzhan dang gzhan lam du/ /zhing gi rgyud rnams rab tu ston/ /zhing gi rnams ni rgya mtsho'i klong / /phyogs kyi rnams kyang kun tu gnon/ /zhing rnams thang chen mnyam zhing dag/ in+d+ra nI lar kun nas gnas/ /spyi'i tshugs dag dang snrel zhi dang / /pad+mo'i dbyibs dang khyad khyud dang / /dkyil 'khor 'khor lo'i khyad par du/ /gzugs rnams kun gyis rab tu gnas/ /chos kyi dbyings rnams gar phyin par/ /thug pa </font><hr>Ka119b<br><font size=+1>


med par gram brdal ba/ /de dag kun gyi 'khor rnams su/ /shin tu bstan pa'i chos 'byung ngo / /de bzhin gshegs pa'i sku dbyings na/ /'khod pa'i zhing rnams bsam mi khyab/ /de dag kun tu chos nyid 'di/ /'jig rten mgon po rnams kyang ston/ /tha dad med pa'i chos kyi dbyings/ /chos kyi 'khor lo rab tu 'khor/ /gcig gi tshul gyi rnam pa yis/ /chos bstan pa ni kun tu 'byung / /sangs rgyas gsung gi dkyil 'khor ni/ /tshul rnams thams cad rab tu brjod/ /dad pa rgya mtsho'i tshul dag gis/ /mi zad tshul rnams rab tu bstan/ /sangs rgyas zhing rnams kun na yang / /rgyal ba rnams ni mig yor 'dra/ /snying po byang chub rnams na snang / /'byung ba dag kyang yod pa min/ /de nas byang chub sems dpa' chos kyi dbyings su 'od 'phro ba'i rnam par snang ba 'byung ba'i blo gros kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /blta zhing blta zhing sangs rgyas rnams/ /sku gzugs bsam gyis mi khyab ste/ /dga' ba rgya mtsho kun kyang 'byung / /chos kyi shugs ni rab tu 'phel/ /mtshan rab kun nas sangs rgyas rnams/ /phyogs bcu kun tu rab tu 'byung / /rdul rnams kun tu 'jug pa yis/ /sangs rgyas sprin kyang de bzhin bstan/ /skad cig skad cig sems kun la/ /sangs rgyas 'od ni dpal gyis 'bar/ /rnam 'phrul gzhan dang gzhan dag gis/ /zhing </font><hr>Ka120a<br><font size=+1>


@#/ /rnams rgya mtsho kun na snang / /byang chub sems dpa' shes rab che/ /rgya mtsho chos las byung ba rnams/ /sangs rgyas kun gyis byin rlabs pa/ /'di yi yul la rnam par spyod/ /kun tu bzang po'i smon lam la/ /gang rnams shin tu gnas gyur pa/ /de dang de rnams zhing dag tu/ /sangs rgyas rnam 'phrul kun la lta/ /ye shes zab mo rnam gnon cing // chos kyi dbyings la gzhol ba ni/ /mos pa rgya mtsho shes pa ste/ /smon lam kun gyis byung ba'o/ /sangs rgyas kun gyi sku dang gsung / /chags pa med la rab tu zhugs/ /spyod pa gzhan dang gzhan dag gis/ /spyod yul kun kyang khong du chud/ /sangs rgyas kun gyi sku gnas shing / /ye shes spyod yul gyur pa rnams/ /chos kyi dbyings la rab brtson pa/ /rgyal ba rnams kyi sa gnon to/ /skad cig sems kyis zhing gi rnams/ /sangs rgyas zhing gi rdul mnyam pa/ /de dag chos nyid ji bzhin du/ /rdul gcig steng du rnam par spyod/ /zhing rnams ji snyed thams cad na| |zhing gi rnam 'phrul gang yod pa/ /chos nyid 'di la zhugs pa rnams/ /zhing gcig tu ni sdud pa byed/ /de nas byang chub sems dpa' stobs dang / brtson 'grus chags pa med pa'i blo gros kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho thams cad du/ /de dag gsung ni zab mo 'byung / / </font><hr>Ka120b<br><font size=+1>


dbyangs kyi yan lag kun rgyas pa/ /chos kyi sprin gyi char 'bebs so/ /brjod pa rgya mtsho thams cad kyis/ /sems can kun gyi skad dag tu/ /sangs rgyas zhing rnams kun tu yang / /chos rnams bstan pa rab tu 'byung / /zhing rnams kun tu ma lus par/ /sangs rgyas rnams par 'phrul mthong zhing / /sangs rgyas gsung rnams thos pa dang / /byang chub mchog phyir kun kyang 'jug/ rdul rnams re re'i steng nas kyang / /chos kyi dbyings kyi phyogs tshul gyis/ /sangs rgyas zhing rnams kun bkang zhing / /sangs rgyas rnam 'phrul ston pa byed/ /chos kyi sku ni tha dad min/ /nam mkha' bzhin te chags pa med| |gzugs kyi skur ni rnam dmigs pa/ /mig yor snang ba'i mtshan nyid do/ /mig yor yul la mi gnas te/ /nam mkha' bzhin du dngos po med/ /mnyam pa nyid 'di rtogs gyur nas/ /ye shes rgya mtsho mthong bar 'gyur/ /sangs rgyas sku ni ma skyes te/ /gzung ba med cing 'byung ba med/ /nam mkha' mnyam pa nyid dang mtshungs/ /gzung du med las 'di bstan to/ /zhing rnams kun gyi sangs rgyas rnams/ /de dag spu gcig rtse la tshogs/ /ye shes mig dang ldan pa yis/ /spu rnams kun tu rnam 'phrul mthong / /rnam par snang mdzad smon lam ste/ /chos kyi dbyings ni kun bkang zhing // bla med chos kyi 'khor lo dag /zhing rnams kun na rtag tu 'khor/ /ji ste bskal pa bsam yas par/ /spu rtse gcig tu rnam sprul pa/ /sangs rgyas kun gyis bshad mdzad kyang / /de yi mtha' ni rnyed par </font><hr>Ka121a<br><font size=+1>


@#/ /dka'| |ji ltar gling bzhi pa 'dir de bzhin gshegs pas rnam par sprul pa'i snying po byang chub tu phyogs bcu nas byang chub sems dpa' rnams 'dus par gyur pa de bzhin du 'jig rten gyi khams rgya mtsho'i gling bzhi pa thams cad kyi gling bzhi pa re rer yang de bzhin gshegs pas rnam par sprul pa'i snying po byang chub dag tu byang chub sems dpa' phyogs bcu'i 'jig rten gyi khams rgya mtsho byed pa'i rdul shin tu phra ba snyed kun nas 'dus par gyur to/ /'di na ji lta ba de bzhin du 'jig rten gyi khams thams cad kyi snying po byang chub de bzhin gshegs pas rnam par sprul pa dag tu kun nas 'dus pa'i byang chub sems dpa' de dag kyang chos nyid 'di kho na rab tu ston to// //shin tu rgyas pa chen po'i mdo| sangs rgyas phal po che zhes bya ba las/ de bzhin gshegs pa'i le'u ste/ gnyis pa'o// //bam po bdun pa/ de nas bcom ldan 'das kyi spyan sngar byang chub sems dpa' sems dpa' chen po kun tu bzang po seng+ge'i khri pad+mo'i snying po can de nyid la 'dug ste/ de'i tshe sangs rgyas kyi mthus ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po zhes bya ba de bzhin gshegs pa thams cad mnyam pa nyid kyi rjes su song ba'i rang bzhin/ chos kyi dbyings kyi gzugs brnyan rnam par </font><hr>Ka121b<br><font size=+1>


btags pa'i tshogs/ nam mkha'i dbyings chags pa med cing rgya che ba khyab par byed pa'i rang bzhin/ chos kyi dbyings rgya mtsho'i klong mnyam pa nyid kyi rjes su song zhing shin tu brdal ba'i tshogs chos thams cad kyi sgo'i ting nge 'dzin gyi dkyil 'khor yang dag par 'byung bas rgyas par 'gengs pa/ phyogs thams cad du yang dag par zhugs pa'i chos kyi dbyings kyi lus kyis kun nas yog par byas pa'i rang bzhin gyi snying po can/ dus gsum gyi sangs rgyas 'byung ba'i ye shes snang ba rgya mtsho'i klong / phyogs thams cad du sgo kun nas tshul rgya mtsho rnam par rig par bya bas mngon du yang dag par ston pa/ sangs rgyas thams cad kyi stobs dang rnam par thar bas byang chub sems dpa'i ye shes kyi lus rgyas par 'gengs pa'i snying po can/ zhing 'byams klas pa thams cad ma lus par chos kyi dbyings su 'jug pas rgyas par 'gengs pa'i ye shes dang ldan pa/ sangs rgyas kyi yon tan rgya mtsho thams cad yongs su grub par byed pa/ bskal pa thams cad du smon lam rgya mtshos rnam par snang bar byed pa'i 'od can/ de bzhin gshegs pa thams cad kyi chos kyi 'khor lo ston cing rjod pa'i byin gyi rlabs la mnyam par bzhag par gyur to/ /ji ltar byang chub sems dpa' kun tu bzang pos bcom ldan 'das kyi zhabs kyi drung du byang chub sems dpa'i ting nge 'dzin sangs rgyas thams cad de bzhin gshegs pa rnam par snang mdzad kyi sku'i </font><hr>Ka122a<br><font size=+1>


@#/ /snying po zhes bya ba 'di la mnyam par bzhag pa de bzhin du/ 'jig rten gyi khams 'byams klas pa chos kyi dbyings kyis klas pa/ nam mkha'i dbyings kyi mthas gtugs pa| phyogs rgya mtsho thams cad kyi khongs su gtogs pa/ dus gsum thams cad na yod pa'i sangs rgyas kyi zhing 'byung ba'i khams chos kyi dbyings rgya chen pos non pa'i rigs su gtogs pa| shin tu phra zhing bsgribs pa med pa dang / phyogs rgya chen po rgya mtsho thams cad snang ba 'jig rten gyi khams rgya mtsho'i ris su gtogs pas rnam par non pa/ de bzhin gshegs pa'i spyan gyis rnam par gzigs pa/ sangs rgyas kyi stobs thogs pa med pas chud pa/ chos kyi dbyings dang sangs rgyas kyi sku thams cad kyi gzugs brnyan rab tu snang bas chos kyi dbyings kyi rdul ma lus pa kun tu gtogs pa/ chos kyi dbyings ma lus pa thams cad du rgyas par gang ba'i 'jig rten gyi khams thams cad kyi rdul shin tu phra ba dang mnyam pa dag tu rdul phra mo re re la'ang zhing 'jig rten gyi khams rgya mtsho rdul shin tu phra ba snyed la rab tu zhugs nas zhing re re zhing yang de bzhin gshegs pa 'jig rten gyi khams kyi rdul shin tu phra ba snyed la rab tu zhugs te/ de bzhin gshegs pa re re'i zhabs kyi drung du yang lus 'jig rten gyi khams rgya mtsho'i rdul shin tu phra ba snyed kyis ting nge 'dzin sangs rgyas thams cad de bzhin </font><hr>Ka122b<br><font size=+1>


gshegs pa rnam par snang mdzad kyi sku'i snying po zhes bya ba 'di la mnyam par bzhag go /byang chub sems dpa' kun tu bzang pos byang chub sems dpa'i ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po zhes bya ba de la mnyam par bzhag pa'i rjes la de'i tshe phyogs bcu'i sangs rgyas kyi zhing 'byams klas pa thams cad nas de bzhin gshegs pa thams cad kyis zhal bstan to/ /yang dag par rdzogs pa'i sangs rgyas bcom ldan 'das de dag gis 'di skad ces kyang bka' stsal to/ /rigs kyi bu/ khyod de ltar byang chub sems dpa'i ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po 'di la mnyam par gzhag pa legs so/ /legs so/ /kye rgyal ba'i sras/ khyod la phyog \ PHYOGS?\ bcu'i de bzhin gshegs pa 'di dag thams cad kyang bcom ldan 'das de bzhin gshegs pa rnam par snang mdzad 'di'i sngon gyi smon lam gyi byin gyi rlabs dang / khyod kyi sangs rgyas thams cad kyi smon lam dang / spyod pa yongs su dag pa'i yang mthus 'di lta ste/ sangs rgyas thams cad kyi chos kyi 'khor lo rab tu bskor ba dang / de bzhin gshegs pa'i ye shes rgya mtsho thams cad kyi rnam par dbye ba dang / chos thams cad kyi tshul gyis phyogs rgya mtsho ma lus par snang bar bya ba dang / sems can gyi khams thams cad kyi kun nas nyon mongs pa dang / rnam par byang ba dang / </font><hr>Ka123a<br><font size=+1>


@#/ /chags pa med par 'jig rten gyi khams 'byams klas pa thams cad yongs su gnon pa dang / sangs rgyas kyi yul thams cad la chags pa med par 'jug par bya ba dang / sangs rgyas kyi 'khor thams cad sgo kun nas rab tu brjod pa dang / chos kyi tshul gyi dkyil 'khor thams cad la zhugs pas thams cad mkhyen pa nyid yongs su gzung ba dang / chos kyi snang ba thams cad kyi tshul rnam par blta ba dang / sems can gyi dbang po rgya mtsho thams cad yongs su shes par bya ba dang / de bzhin gshegs pa thams cad kyi gsung gi yan lag rgya mtsho'i dbyangs yongs su gzung ba'i phyir byin gyis rlob pa mdzad do/ /de nas sangs rgyas bcom ldan 'das de dag gis byang chub sems dpa' sems dpa' chen po kun tu bzang po la thams cad mkhyen pa nyid kyi stobs la rab tu 'jug pa'i ye shes kyang nye bar bsgrubs so/ /chos kyi dbyings mtha' dang dbus med pa la rab tu 'jug pa'i ye shes kyang nye bar bsgrubs so/ / dus gsum gyi sangs rgyas kyi dkyil 'khor thams cad yang dag par 'byung ba'i ye shes kyang nye bar bsgrubs so/ /'jig rten gyi khams rgya mtsho thams cad 'jig pa dang 'du ba'i ye shes kyang nye bar bsgrubs so/ /chos kyi dbyings 'byams klas pa mtha' dang dbus med pa'i ye shes kyang nye bar bsgrubs so/ /sangs rgyas kyi rnam par thar pa zab mo tha mi dad pa dang / ting nge 'dzin </font><hr>Ka123b<br><font size=+1>


thams cad la rnam par gnas pa'i ye shes kyang nye bar bsgrubs so/ /byang chub sems dpa' thams cad kyi dbang po rgya mtsho la rab tu 'jug pa'i ye shes kyang nye bar bsgrubs so/ /sems can thams cad kyi skad rgya mtsho dang / chos kyi 'khor lo'i nges pa'i tshig gi ye shes kyang nye bar bsgrubs so/ /'jig rten gyi khams mang po thams cad kyi rjes su song zhing chos kyi dbyings thams cad du lus yang dag par gzhol ba'i ye shes kyang nye bar bsgrubs so/ /sangs rgyas kyi gsung gi yan lag dang sgra dbyangs kyang nye bar bsgrubs so/ /ji ltar 'jig rten gyi khams 'di'i bcom ldan 'das kyi zhabs kyi drung na 'dug pa la nye bar bsgrubs pa de bzhin du 'jig rten gyi khams thams cad rgyas par bkang ste/ 'jig rten gyi khams rgya mtsho dag dang rdul shin tu phra ba'i khongs na lus 'khod pa thams cad la yang nye bar bsgrubs so/ /de ci'i phyir zhe na/ de ni/ 'di ltar ting nge 'dzin de nyid kyi chos nyid thob pa'i phyir ro/ /de nas bcom ldan 'das rnam par snang mdzad kyis sprul pa'i sangs rgyas bcom ldan 'das de dag gis phyag g.yas pa mtshan dang dpe byad bzang pos rnam par mdzes par brgyan pa/ 'od zer gyi dra ba'i me tog sna tshogs shin tu rgyas pa/ 'od kyi dkyil 'khor rnam par dag pa'i sprin 'gyed pa/ rin po che 'od 'phro ba thams cad kyi sprin gyis rnam par gsal bar gyur pa/ phyogs thams cad du spos 'od 'phro ba'i sprin gyi 'od kyis rnam par snang </font><hr>Ka124a<br><font size=+1>


@#/ /pa| sangs rgyas thams cad kyi gsung gi yan lag gi dkyil 'khor gyi rjes su sgra 'byin pa/ sangs rgyas thams cad kyi rnam par 'phrul pa dang / khyu mchog gi mthu phyung ba yang dag par ston pa/ byang chub sems dpa' 'das pa dang / ma 'ongs pa dang / da ltar byung ba rnams kyi kun tu bzang po'i smon lam gyi dkyil 'khor rab tu snang ba rnam par ston pa/ de bzhin gshegs pa thams cad kyi chos kyi 'khor lo'i snang ba yang dag par ston pa/ dus gsum gyi de bzhin gshegs pa thams cad kyi gzugs brnyan 'byung ba rnams brkyangs te/ byang chub sems dpa' kun tu bzang po'i spyi bor bzhag go /'dir ji lta ba de bzhin du 'jig rten gyi khams rgya mtsho thams cad dang rdul shin tu phra ba'i khongs na yod pa thams cad du yang de bzhin gshegs pa'i zhabs kyi drung dag tu byang chub sems dpa' kun tu bzang po'i spyi bo la phyag rgya mtsho'i sprin rnams rab tu bzhag go/ byang chub sems dpa' kun tu bzang po la sangs rgyas bcom ldan 'das de dag gis reg ma thag tu de nas de'i mod la ting nge 'dzin de las ldang ba'i sgo rgya mtsho 'jig rten gyi khams rgya mtsho'i rdul shin tu phra ba snyed dus gsum thams cad du sems kyi skad cig re re la ting nge 'dzin las ldang ba'i ye shes ma 'dres pa la mkhas pa dang / ting nge 'dzin las ldang ba'i byin gyi rlabs kyi sgo chos kyi dbyings dang / dus gsum du mnyam </font><hr>Ka124b<br><font size=+1>


pa'i rdul thams cad kyi sgo dang / sangs rgyas kyi zhing 'das pa dang / ma 'ongs pa dang / da ltar byung ba thams cad kyi sgo dang / sems can ma lus pa'i gnas thams cad dang mnyam zhing sems can thams cad kyi sems rgya mtsho la 'jug pa'i sgo dang / sems can thams cad kyi lus dang ming gi 'khor lo las ldang ba'i sgo dang / phyogs mtshams thams cad du chos kyi dbyings rnam par 'byed pa'i sgo dang / rdul shin tu phra ba thams cad du sangs rgyas kyi sku'i sprin mtha' dang dbus med par 'byams klas pa'i sgo dang / chos kyi tshul rgya mtsho thams cad rab tu bstan pa'i sgo dag nas langs par gyur te/ byang chub sems dpa' kun tu bzang po ting nge 'dzin las langs ma thag tu de'i tshe byang chub sems dpa' de dag kyang so sor re zhing ting nge 'dzin rgya mtsho'i sprin 'jig rten gyi khams rgya mtsho'i rdul shin tu phra ba snyed la rab tu zhugs par gyur to/ /gzungs rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ / chos kyi tshul rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /so so yang dag par rig pa'i tshul rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /spyod pa rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /chos kyi dbyings kyi </font><hr>Ka125a<br><font size=+1>


@#/ /phyogs su rnam par snang zhing de bzhin gshegs pa thams cad kyi ye shes snang ba'i yon tan gyi snying po can rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /de bzhin gshegs pa'i stobs dang / ye shes ma 'dres pa'i tshul rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /de bzhin gshegs pa thams cad kyi ba spu'i rtse mo thams cad la zhing gzhan dang gzhan rgya mtsho'i sprin 'jig rten khams rgya mtsho'i rdul shin tu phra ba snyed la yang rab tu zhugs par gyur to/ /byang chub sems dpa' re re zhing dga' ldan gyi gnas nas 'pho ba dang / 'byung ba dang / byang chub tu rnam par 'tshang rgya ba dang / mya ngan las 'das pa bstan pa rgya mtsho'i sprin 'jig rten gyi khams rgya mtsho'i rdul shin tu phra ba snyed la'ang rab tu zhugs par gyur to/ /'dir ji lta ba de bzhin du 'jig rten gyi khams rgya mtsho thams cad na yang de bzhin gshegs pa thams cad kyi 'khor rgya mtsho rnams dang rdul shin tu phra ba thams cad kyi khongs na yod pa kun tu yang byang chub sems dpa' rgya mtsho rnams rab tu zhugs par gyur te/ sangs rgyas kyi mthu dang / byang chub sems dpa' kun tu bzang po'i ting nge 'dzin gyi chos nyid rab tu thob pas phyogs bcu'i 'jig rten </font><hr>Ka125b<br><font size=+1>


gyi khams rgya mtsho thams cad ma lus par bag langs pa tsam du g.yos te/ rin po che thams cad kyis rab tu brgyan par gnas shing / chos rgya mtsho thams cad kyi sgra yang shin tu grag par gyur te| de bzhin gshegs pa'i 'khor gyi dkyil 'khor rgya mtsho thams cad du yang nor bu'i rgyal po chen po bcu'i sprin gyi char mngon par bab par gyur te/ bcu gang zhe na/ 'di lta ste/ nor bu'i rgyal po mtshan dang ldan pa'i gser dpal gyi rgyal mtshan gyi dpal gyi sprin char mngon par bab bo/ /'di lta ste/ nor bu'i rgyal po 'od kyis rnam par gsal bar byed pa'i sprin gyi char mngon par bab bo/ /'di lta ste/ nor bu'i rgyal po phyogs bcur rin po che'i 'khor lo rab tu 'grem pa'i sprin gyi char mngon par bab bo/ /'di lta ste/ nor bu'i rgyal po byang chub sems dpa'i gzugs brnyan rin po che'i snying po'i sprin gyi char mngon par bab bo/ /'di lta ste/ nor bu'i rgyal po sangs rgya thams cad kyi mtshan gyi 'khor lo rab tu sgrog pa'i sprin gyi char mngon par bab bo| |'di lta ste/ nor bu'i rgyal po zhing rnam par snang bar byed cing snying po byang chub tu dpal rab tu 'bar ba'i sprin gyi char mngon par bab bo/ /'di lta ste/ nor bu'i rgyal po phyogs bcur snang ba'i sprul pa 'gyed pa'i sprin gyi char mngon par bab bo/ /'di lta ste/ nor bu'i rgyal pa byang chub sems dpa' thams cad kyi yon tan gyi 'khor lo dang mthu rab tu grag par byed pa'i sprin gyi char </font><hr>Ka126a<br><font size=+1>


@#/ /mngon par bab bo/ /'di lta ste/ nor bu'i rgyal po nyi ma'i dpal gyi gzi brjid kyi sprin gyi char mngon par bab bo/ /'di lta ste/ nor bu'i rgyal po rol mo'i sgra yid du 'ong bas phyogs thams cad khyab par byed pa'i sprin gyi char mngon par bab ste/ nor bu'i rgyal po'i sprin gyi char bcu po 'di dag mngon par bab par gyur to/ /de bzhin gshegs pa thams cad kyi ba spu'i sgo thams cad dang / 'od zer gyi sgo thams cad nas kyang tshigs su bcad pa 'di dag byung bar gyur to/ /zhing rnams 'byams klas kun na kun tu bzang po de/ /pad+mo yid du 'ong la rab tu 'dug pa mthong / /kun tu rnam 'phrul rnam pa 'di 'dra ston byed pa/ /ting 'dzin yul la 'jug pa mtha' dang dbus med do/ /lus rnams thams cad nas kyang kun tu bzang po de/ / sprul pa rab tu 'gyed cing chos dbyings rtag par 'gengs/ /ting 'dzin kun gyi tshul dang ming dang rnam 'phrul ba/ /thams cad dbyangs kyis chags pa byed par rgya che sgrog/ ting 'dzin thams cad gzhan dang gzhan gyi rnam 'phrul gyis/ /de bzhin gshegs pa thams cad zhabs kyi drung dag tu/ /rgyal ba kun gyi spyod yul yangs pa gang byas te/ /zhing rnams kun tu rnam par 'phrul ba mang po ston/ /zhing kun rgyal ba kun gyi zhabs drung ji bzhin du/ /de ltar zhing kun shin tu phra ba'i rdul phran la/ /ting 'dzin rnam par 'phrul pa thams cad ma lus ston/ /rnam par snang </font><hr>Ka126b<br><font size=+1>


mdzad smon lam dbyings la rab tu zhugs/ /kun tu bzang po'i lus ni nam mkha'i mtshan nyid do/ /thams cad zhing la mi gnas de bzhin nyid la gnas/ /lus kyi sprin ni 'gro ba kun dang mnyam par kun bkye zhing / /sems can kun la bsam pa bzhin du de dag ston/ /sangs rgyas sku rnams kun la zhing rnams gang yod pa/ /mtha' dang dbus med kun la rab tu zhugs pa rnams/ /kun tu bzang po'i smon lam gnas pa dag la bstan/ /rnam par 'phrul pa 'di 'dra dam pa tshad kyang med/ /'khor rnams rgya mtsho rdul bral mtha' dang dbus med pa/ /tshad med thams cad lus kyi nang du kun chub cing / /dbyangs la zhing mang dra bar rnam 'tshang rgya bstod/ /skad cig sems la bskal pa mang po de bzhin ston/ /zhing rnams thams cad 'byams klas pa na rnam grags shing / / rnam par 'phrul pa dam pa bstan par rab tu snang / /phyogs rnams kun gyi zhing gi dbyings rnams ma lus spyod/ /kun tu bzang po de la rnam lta kun kyang mthong / /rgyal ba kun gyi yon tan ye shes stobs la zhugs/ /ting 'dzin sa ni tshul rnams kun gyis rab tu mnan/ /chos rnams 'byams klas gzhan dang gzhan la rab tu zhugs/ /rang gi byang chub spyod pa sngon chad spyad pa ston/ /de ltar zhing rnams kun tu bsam yas rnam 'phrul ba/ /phyogs rnams rgya che kun tu bkang ste rab tu bstan/ /ting nge 'dzin rnams 'jug pa rab tu bstan pa'i phyir/ /rgyal ba'i 'od zer sprin las yon </font><hr>Ka127a<br><font size=+1>


@#/ /tan legs sgra 'byung / /de nas byang chub sems dpa'i 'khor yod pa thams cad sangs rgyas kyi mthus thal mo sbyar te byang chub sems dpa' kun tu bzang po la lta zhing dbyangs kyi nga rog cig tu de'i tshe tshigs su bcad pa 'di dag smras so/ /rgyal ba thams cad chos las skyes pa ste/ /smon lam kun gyis sangs rgyas rab tu 'byung / /de bzhin nyid mnyam nam mkha'i snying po ste/ /chos kyi sku yis rnam par rab tu mdzes/ /zhing rnams 'byams klas kun la bzhugs med kyang / /kun tu bzang po'i 'khor rnams kun na snang / /phyogs bcu kun tu yon tan grags pas khyab/ /ye shes rgya mtsho rab tu snang ba mnga'/ /rgyal ba thams cad sku thob phyir spyod pa/ /phyogs bcu'i yon tan rgya mtsho yod pa rnams/ /rdul sbubs kun tu de dag chud byas shing / /zhing rnams kun tu rnam par rab tu mdzes/ /zhing rnams kun gyi rgyal ba'i zhabs drung na/ /rgyal sras ting nge 'dzin dang spyad pa dang / /chos rnams kun la spyod cing gnas pa rnams/ /rdul dang mnyam pa'i bskal par kun kyang snang / /chos kyi dbyings rnams lus kyis khyab byas shing / /zhing rnams 'byams klas kun la shin tu bzhugs/ / sems can rgya mtsho'i don du de spyod cing / /rdul phran kun la chos kyi dbyings su zhugs/ /chos kyi dbyings la de ltar zhugs nas kyang / /rdul phran kun la mi zad tha mi dad/ /nam mkha'i </font><hr>Ka127b<br><font size=+1>


dbyings ni lus kyis gang byas shing / /rgyal ba'i chos rnams yangs pa rab tu ston/ /yon tan rgya mtsho 'od kun gzhal du med/ /rnam yangs stobs chen 'od zer yon tan sprin/ /'gro ba rgya mtsho'i don du spyod byed cing / /rgyal ba'i spyod lam gzhal du med pa ston/ /gang gi don du bskal pa rgya mtsho dag /mtha' yas par ni bzang po'i spyod spyad pa/ /de dag chos kyi dbyings rnams gang byas nas/ /thams cad chos kyi sprin las rab tu brjod/ /zhing rnams ji ltar 'byung bar 'gyur ba dang / /stobs bcu rnams kyang ji ltar 'byung 'gyur dang / /sems can rgya mtsho ji ltar 'byung 'gyur ba/ /sems can rnams la sgra dbyangs gtong zhing ston/ /'khor rnams yangs pa 'di dag thams cad kyang / /kun tu gzang po khyod la mngon sum gnas/ /sangs rgyas kun gyis gnang bar gyur pa yi/ /chos kyi 'khor lo de ring khyod kyis bskor/ /shin tu rgyas pa chen po'i mdo/ sangs rgyas phal po che zhes bya ba las/ kun tu bzang po'i ting nge 'dzin dang / rnam par 'phrul pa rab tu 'byung ba zhes bya ste/ le'u gsum pa'o// //de nas byang chub sems dpa' kun tu bzang pos sangs rgyas kyi byin gyi rlabs kyis 'jig rten gyi khams thams cad la rnam par bltas/ sems can gyi khams rgya mtsho la rnam par ltas/ chos kyi dbyings rgya mtsho la rnam par bltas/ sems can gyi khams rgya mtsho la rnam par bltas/ </font><hr>Ka128a<br><font size=+1>


@#/ /sems can thams cad kyi bsam pa dang dbang po rgya mtsho la rnam par bltas/ sangs rgyas thams cad kyi chos kyi rgya mtsho la rnam par bltas/ dus rgya mtsho la rnam par bltas/ sangs rgyas thams cad kyi yang dag par 'byung ba'i smon lam rgya mtsho la rnam par bltas/ sangs rgyas thams cad kyi rnam par 'phrul pa rgya mtsho la rnam par bltas nas byang chub sems dpa'i 'khor gyi dkyil 'khor yod pa thams cad la smras pa/ kye rgyal ba'i sras dag /sangs rgyas bcom ldan 'das rnams kyi 'jig rten gyi khams thams cad 'du zhing 'jig pa yongs su dag pa 'byung ba'i ye shes ni/ bsam gyis mi khyab bo/ /sangs rgyas bcom ldan 'das rnams kyi sems can thams cad kyi las 'byung ba rgya mtsho mkhyen pa ni| bsam gyis mi khyab bo/ /sangs rgyas bcom ldan 'das rnams kyi chos kyi dbyings kyi tshul rgya mtsho thams cad la rnam par gnas pa'i ye shes ni/ bsam gyis mi khyab bo/ /sangs rgyas bcom ldan 'das rnams kyi de bzhin gshegs pa rgya mtsho thams cad mtha' dang dbus med par bstan pa'i ye shes ni/ bsam gyis mi khyab bo/ /sangs rgyas bcom ldan 'das rnams kyi sems can thams cad kyi las rgya mtsho rnam par dgod pa'i ye shes ni/ bsam gyis mi khyab bo/ /sangs rgyas bcom ldan 'das rnams kyi bsam pa dang / dad pa dang / dbang </font><hr>Ka128b<br><font size=+1>


po rgya mtsho la 'jug pa'i ye shes ni/ bsam gyis mi khyab bo/ /sangs rgyas bcom ldan 'das rnams kyi thugs kyi skad cig gcig la dus thams cad kyi mnyam pa nyid thugs su chud pa'i ye shes ni| bsam gyis mi khyab bo/ /sangs rgyas bcom ldan 'das rnams kyi de bzhin gshegs pa thams cad kyi rnam par 'phrul pa rgya mtsho yang dag par bstan pa'i ye shes ni/ bsam gyis mi khyab bo/ /sangs rgyas bcom ldan 'das rnams kyi chos kyi 'khor lo rab tu bskor ba'i ye shes ni/ bsam gyis mi khyab bo/ /sangs rgyas bcom ldan 'das rnams kyi rnam par dgod pa rab tu bstan pa rgya mtsho ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi sku rab tu bstan pa yongs su dag pa ni/ bsam gyis mi khyab bo/ /sangs rgyas bcom ldan 'das rnams kyi yon tan rgya mtsho mtha' dang dbus med pas rnam par snang ba ni/ bsam gyis mi khyab bo/ /sangs rgyas bcom ldan 'das rnams kyi mtshan dang dpe byad bzang po yongs su dag pa ni/ bsam gyis mi khyab bo/ /sangs rgyas bcom ldan 'das rnams kyi 'od kyi dkyil 'khor yongs su dag pa mtha' yas pa ni/ bsam gyis mi khyab bo/ /sangs rgyas bcom ldan 'das rnams kyi 'od zer rgya mtsho kha dog sna tshogs kyi sprin rab tu 'gyed pa mdzad pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi dpal rin po </font><hr>Ka129a<br><font size=+1>


@#/ /che'i 'od 'phro ba rgya mtsho rnam par rgyu ba ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi gsung dang dbyangs rgya mtsho rab tu 'grub pa ni| bsam gyis mi khyab bo/ /sangs rgyas bcom ldan 'das rnams kyi cho 'phrul rnam pa gsum yongs su bstan pas sems can rgya mtsho yongs su smin par mdzad pa dang / 'dul ba mdzad pa ni/ bsam gyis mi khyab bo/ /sangs rgyas bcom ldan 'das rnams kyi 'dul ba rgya mtsho thams cad la brtson pa don yod pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi sa la rab tu bzhugs pa ni/ bsam gyis mi khyab bo/ /sangs rgyas bcom ldan 'das rnams kyi de bzhin gshegs pa'i yul la 'jug pa ni/ bsam gyis mi khyab bo| |sangs rgyas bcom ldan 'das rnams kyi byin gyi rlabs kyi mthu ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi ye shes kyi spyod yul rnam par rgyu ba ni/ bsam gyis mi khyab bo/ /sangs rgyas bcom ldan 'das rnams kyi stobs la thub pa med pa ni/ bsam gyis mi khyab bo/ /sangs rgyas bcom ldan 'das rnams kyi mi bsnyengs pa zil gyis mi non pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi ting nge 'dzin la tha mi dad par spyod pa ni/ bsam gyis mi khyab bo/ /sangs rgyas </font><hr>Ka129b<br><font size=+1>


bcom ldan 'das rnams kyi de bzhin gshegs pa'i rdzu 'phrul dang rnam par 'phrul pa ni/ bsam gyis mi khyab bo/ /sangs rgyas bcom ldan 'das rnams kyi mnga' ba chen po'i ye shes rnam par dag pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi chos mi 'phrog pa ni/ bsam gyis mi khyab ste/ de dag thams cad sangs rgyas kyi mthu dang / de bzhin gshegs pa'i byin gyi rlabs kyis byin du brlabs pas sems can thams cad sangs rgyas kyi ye shes rgya mtsho la gzud pa dang / byang chub sems dpa' thams cad de bzhin gshegs pa'i yon tan rgya mtsho la rab tu 'god pa dang / 'jig rten gyi khams rgya mtsho thams cad sangs rgyas kyi rnam par 'phrul pa thams cad kyis rnam par brgyan pa dang / bskal pa rgya mtsho thams cad du de bzhin gshegs pa'i gdung rjes su bsab pa dang / 'jig rten gyi khams rgya mtsho thams cad du chos kyi rang bzhin gyi dkyil 'khor rab tu brjod pa dang / sems can thams cad kyi dad pa rgya mtsho tha dad pa ji lta ba bzhin du rab tu bstan pa dang / sems can thams cad kyi dbang po rgya mtsho la sangs rgyas kyi chos kyi tshul kun tu snang ba yang dag par bskyed pa dang / sems can thams cad kyi bsam pa rgya mtsho'i sgrib pa'i ri thams cad rnam par gzhom pa dang / sems can thams cad kyi sems dang spyod pa rgya mtsho la 'byung ba'i lam rnam par sbyang ba dang / byang chub sems </font><hr>Ka130a<br><font size=+1>


@#/ /dpa' rgya mtsho thams cad byang chub sems dpa'i smon lam rgya mtsho la rab tu dgod pa'i phyir yang dag par bstan par bya'o/ /de nas byang chub sems dpa' kun tu bzang pos 'khor gyi dkyil 'khor rgya mtsho rnams de bas kyang shin tu dga' bar bya ba dang / chos la dga' ba'i shugs thams cad rnam par 'phel bar bya ba dang / mos pa'i tshul yangs pa rgya mtsho yang dag par 'byung bar bya ba dang / chos kyi dbyings kyi rang bzhin dang / snying po sgo kun dang ldan pa rnam par dag par bya ba dang / kun tu bzang po'i smon lam rgya mtsho la rab tu dgod par bya ba dang / ye shes kyi mig dus gsum gyi rjes su song ba yongs su sbyang ba dang / 'jig rten thams cad kun nas snang bar byed pa'i snying po shes rab chen po'i rgya mtsho rnam par 'phel bar bya ba dang / chos kyi 'khor lo thams cad yongs su gzung ba'i gzungs kyi stobs yang dag par bskyed pa dang / snying po byang chub thams cad du sangs rgyas kyi yul thams cad rab tu brjod pa dang / de bzhin gshegs pa'i chos kyi tshul snang ba'i 'od chos kyi dbyings rgya chen po dang / thams cad mkhyen pa nyid la dga' ba'i shugs rgya mtsho rnam par 'phel bar bya ba'i phyir de'i tshe tshigs su bcad pa 'di dag smras so/ /yon tan rgya mtsho rnams kyi ye shes zab/ /mtha' dang dbus med des ni zhing rnams khyab/ /sems can bsam la sbyor ba ji bzhin snang / / </font><hr>Ka130b<br><font size=+1>


rnam par snang mdzad chos kyi 'khor lo'o/ /bsam gyis mi khyab rgya mtsho'i zhing yod pa/ /bskal pa rgya mtshor rgyal bas rnam sbyangs pas/ /sems can rgya mtsho yongs su smin bya'i phyir/ /sems can nang na rgyal ba rnam par mdzes/ /sems can rgya mtsho 'byung ba bsam mi khyab/ /sangs rgyas yul la 'jug pa shin tu zab/ /srid pa'i gnas cad dad pa chung ba yis/ /sangs rgyas byang chub shes par mi nus so/ /gzhan du gang rnams shin tu sems brtan cing / /dge ba'i bshes kyis yongs su bzung ba dang / /sangs rgyas kun gyis byin gyis brlabs pa dag /sangs rgyas ye shes 'di la rab tu 'jug /gang rnams sems dag g.yo med sgyu med cing / /snying rje'i bsam can khong nas byams dga' dang / dad pa che zhing rlabs chen de dag ni/ /'di dag thos shing dga' ba thob par 'gyur/ /kun tu bzang po'i smon lam sa dag dang / /chos dbyings nam mkha'i dbyings su khyab pa la/ /gnas shing spyod pa rab tu sus spyod pa/ /de dag rgyal ba'i spyod yul 'di shes so/ /gang gis rgyal ba'i rnam 'phrul 'di mthong ba'i/ /byang chub sems dpas thob bya legs par thob/ /gzhan gyi yul gyis shes par mi nus te/ /'di ni kun tu bzang pos rtogs pa'o/ /de bzhin gshegs pa kun gyis byin brlabs shing / /'gro ba mtha' dang dbus med 'di dag na/ /kun tu chos kyi 'khor lo rab 'khor ba/ /rnam par snang mdzad </font><hr>Ka131a<br><font size=+1>


@#/ /yul dang mthu yin no/ /bdag gi lus su zhing rnams thams cad kyang / /rab tu zhugs shing de zhugs shing rnams kun/ /de dag spu rtse kun tu blta bar gyis/ /rgyal ba'i spyod yul shin tu bshad par bya/ /kun tu bzang po'i smon lam spyod pa rnams/ /mtha' dang dbus med mngon par sgrub pa dang / /kun tu mig gi yul dang lus ldan pa/ /de dag mgon po'i spyod yul 'di nyan to/ /kye rgyal ba'i sras dag /bcu po 'di dag ni/ 'jig rten gyi khams rgya mtsho shin tu bstan pa ste/ sangs rgyas bcom ldan 'das/ 'das pa dang / ma byon pa dang / da ltar byung ba rnams kyis gsungs so/ /gsung ngo / /gsung bar 'gyur ro/ /bcu gang zhe na/ 'di lta ste/ 'jig rten gyi khams yongs su 'byung ba'i tshogs kyi rgyu rkyen shin tu bstan pa dang / 'di lta ste/ 'jig rten gyi khams rgya mtsho gnas pa shin tu bstan pa dang / 'di lta ste/ 'jig rten gyi khams rgya mtsho'i dbyibs dang rnam pa shin tu bstan pa dang / 'di lta ste/ 'jig rten gyi khams rgya mtsho'i lhun shin tu bstan pa dang / 'di lta ste/ 'jig rten gyi khams rgya mtsho'i rgyan shin tu bstan pa dang / 'di lta ste/ 'jig rten gyi khams rgya mtsho yongs su dag par bya ba'i tshul shin tu bstan pa dang / 'di lta ste/ 'jig rten gyi khams rgya mtsho dag tu sangs rgyas 'byung ba shin tu bstan pa dang / 'di lta ste/ 'jig rten gyi khams rgya mtsho'i bskal </font><hr>Ka131b<br><font size=+1>


ba'i byin gyi rlabs shin tu bstan pa dang / 'di lta ste/ bskal pa mtha' yas pa'i rgyud rgya mtsho shin tu bstan pa dang / 'di lta ste/ 'jig rten gyi khams rgya mtsho tha mi dad pa shin tu bstan pa'o/ /kye rgyal ba'i sras dag /'jig rten gyi khams rgya mtsho bcu po 'di dag la sogs pa 'jig rten gyi khams rgya mtsho shin tu bstan pa/ 'jig rten gyi khams rgya mtsho'i rdul shin tu phra ba snyed sangs rgyas bcom ldan 'das/ 'das pa dang / ma byon pa dang / da ltar byung ba rnams kyis gsungs so/ /gsung ngo / /gsung bar 'gyur ro/ /kye rgyal ba'i sras dag /de la 'jig rten gyi khams rgya mtsho thams cad ni/ rgyu dang rkyen la dmigs pa'i sgo 'jig rten gyi khams rgya mtsho'i rdul shin tu phra ba snyed phrag bcus byung ngo / /byung ngo / /'byung bar 'gyur ro/ /bcu gang zhe na/ 'di lta ste/ de bzhin gshegs pa'i byin gyi rlabs dang chos nyid rab tu thob pa dang / sems can rnams kyi las kyi tshogs dang / byang chub sems dpa' thams cad mkhyen pa nyid du yang dag par sgrub pa'i chos nyid dang / sems can rnams kyis kyang byang chub sems dpa' dag dang / bsod nams kyi rtsa ba skal ba mthun pa bsags pa dang / byang chub sems dpa' rnams kyi zhing yongs su dag pa'i smon lam gyi khyad par dang / byang chub sems dpa' rnams kyi spyod pas rnam par bsgrubs pa'i smon lam gyis mngon par bsgrubs pa dang / byang chub sems </font><hr>Ka132a<br><font size=+1>


@#/ /dpa' rnams kyi mos pa'i dbang rnam par dag pa dang / de bzhin gshegs pa rnams kyi dge ba'i rtsa ba 'jig rten las 'das pa dang rgyu mthun pas mngon par 'tshang rgya zhing sangs rgyas kyi rnam par 'phrul ba khyu mchog gi mthu dbyung ba dang / byang chub sems dpa' kun tu bzang po rnams kyi smon lam gyis rnam par 'phrul ba'i sgo'o/ / kye rgyal ba'i sras dag/ de ltar rgyu dang rkyen la dmigs pa'i sgo bcu po 'di dag la sogs pa rgyu dang rkyen la dmigs pa/ 'jig rten gyi khams rgya mtsho'i rdul shin tu phra ba snyed kyis 'jig rten gyi khams rgya mtsho thams cad byung ngo / /byung ngo / /'byung bar 'gyur ro/ /de nas byang chub sems dpa' kun tu bzang pos 'jig rten gyi khams rgya mtsho'i 'byung ba shin tu bstan pa 'di nyid gsal bar brjod pa'i phyir sangs rgyas kyi byin gyi rlabs kyis de'i tshe tshigs su bcad pa 'di dag smras so/ /sangs rgyas ye shes yul ni bsam yas pas/ /byin rlabs rnam 'phrul de dag 'di lta bu/ zhing rnams rgya mtsho bstan pa mtha' dbus med/ /rnam par snang mdzad chos kyis yongs su sbyangs/ /byang chub sems dpa' kun gyis bsam pa bzhin/ / smon lam rgya mtsho bsam yas rnam sbyangs shing / /sems can las rnams rgya mtsho bsam yas pas/ /phyogs kun shing rnams rgya mtsho thams cad 'byung / /byang chub sems dpa' kun </font><hr>Ka132b<br><font size=+1>


gyi rnam 'phrul dang / /thams cad mkhyen pa nyid la 'jug pa'i sgos/ /smon lam rgya mtsho thams cad mngon bsgrubs shing / /nam mkha'i dbyings la 'byams klas zhing 'byung ngo / /spyod pa rgya mtsho mtha' dang dbus med rnams/ /spyod cing tshad med bde gshegs yul la 'jug/ phyogs kyi zhing rnams rgya mtsho kun spyod zhing / /bskal pa mtha' yas zhing rnams re rer spyod/ /sems can bsam dbyings bsam gyis mi khyab pa'i/ /las kyi zhing rnams rgya mtsho thams cad byung / /nyon mongs las kyis de dag nyon mongs bcas/ /mos dang bsam pas rnam pa sna tshogs gzugs/ /zhing rnams rgya mtsho rnam dag rgyan can rnams/ /rin chen rgyus byung sna tshogs dri med pa/ /dad pa rgya mtsho rnam par spel ba'i phyir/ /rgyal sras rnams ni phyogs bcu'i zhing rnams sbyong / /chos dbyings rdul gyi khongs su rgyal sras rnams/ /kun tu bzang po'i spyad pa spyod pa dag /rdul gyi khongs su mtha' yas zhing ston te/ /rnam dag mkha' bzhin mtha' dang dbus kyang med/ /nam mkha'i dbyings 'dra'i rnam 'phrul 'di 'dra ste/ /snying po byang chub rgyal ba'i zhabs drung na/ /pad+mo'i stan 'khod kha dog mtha' yas kun/ /de dag zhing bcas lus kyi nang na 'khod/ /skad cig sems kyis dus gsum byung ba yi/ /zhing 'byung tshul dang 'jug pa kun kyang ston/ /sangs rgyas rnams kyi dus gsum zhing bstan pa/ /rnam par snang mdzad rgya mtsho'i zhing mi zad/ /tshul gyi khyad </font><hr>Ka133a<br><font size=+1>


@#/ /par mtha' yas sna tshogs pas/ /rdul rnams kun la mtha' yas rgyan gyis rnams/ /sangs rgyas skad cig gcig la byin gyis rlob/ /rgyan gyi rnam pa tshul kun rab tu mkhyen/ /kye rgyal ba'i sras dag /de la gnas pa shin tu bstan pa ni/ 'jig rten gyi khams rgya mtsho re re zhing yang 'jig rten gyi khams rgya mtsho'i rdul shin tu phra ba snyed de/ 'di ltar 'jig rten gyi khams rgya mtsho la la ni/ rgyan thams cad kyi rgya mtsho kun la rab tu gnas so/ /'jig rten gyi khams rgya mtsho la la ni/ nam mkha'i dbyings kyi gnas la rab tu gnas so| |'jig rten gyi khams rgya mtsho la la ni/ rin po che thams cad kyi 'od zer gyi rgya mtsho la rab tu gnas so/ /'jig rten gyi khams rgya mtsho la la ni/ sangs rgyas thams cad kyi 'od kyi dkyil 'khor rgya mtsho la rab tu gnas so/ /'jig rten gyi khams rgya mtsho la la ni/ rin po che thams cad kyi kha dog gi mdog la rab tu gnas so/ /'jig rten gyi khams rgya mtsho la la ni/ sangs rgyas thams cad kyi dbyangs kyi dkyil 'khor la rab tu gnas so/ /'jig rten gyi khams rgya mtsho la la ni/ sgyu ma lta bu'i las kyis byung pa lha ma yin dang mthu bo che lta bu'i lag na rdo rje rgya mtsho la rab tu gnas so/ /'jig rten gyi khams rgya mtsho la la ni/ 'jig rten gyi dbang po thams cad kyi lus kyi gzugs brnyan rgya mtsho la rab tu gnas so/ /'jig rten gyi khams </font><hr>Ka133b<br><font size=+1>


rgya mtsho la la ni/ byang chub sems dpa' thams cad kyi lus rgya mtsho la rab tu gnas so/ /'jig rten gyi khams rgya mtsho la la ni/ byang chub sems dpa' kun tu bzang po'i smon lam gyis byung ba'i rgyan rnam pa thams cad dang ldan pa'i rgya mtsho la rab tu gnas te/ de dag la sogs pa 'jig rten gyi khams rab tu gnas ba shin tu bstan pa ni/ 'jig rten gyi khams rgya mtsho re re zhing yang 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang 'jig rten gyi khams rgya mtsho rab tu gnas pa shin tu bstan pa'i don 'di nyid yongs su bstan pa'i phyi sangs rgyas kyi mthus de'i tshe tshigs su bcad pa 'di dag smras so/ /kun kyang zhing rnams rgya mtsho 'di dag rin chen rang bzhin dri med pa/ /rnam dag sna tshogs nor bu kun 'bar 'od zer rgya mtsho'i 'od ldan ltos/ /'di dag rgyal ba'i byin rlabs rgyu yis dbyibs legs 'khor bar rnam pa snang / /de dag gis ni phyogs bcu'i nam mkha'i dbyings rnams gzhi kun rab tu khyab/ /zhing rnams rgya mtsho la la dri med 'od can nam mkha'i dbyings la gnas/ /snang ba'i snying po 'od can nor bu'i rgya mtsho dag la legs par gnas/ /'gro ba de dbus rgyal ba 'khor la chos kyi 'khor lo bzang po bskor/ /'di ni sangs rgyas yul yin sems can rgya chen shin tu mgu byed pa'o/ /la la me tog sgron ma kun tu rgyas pa'i mu tig nor bus brgyan/ /'od zer dra </font><hr>Ka134a<br><font size=+1>


@#/ /ba'i kun nas sprin 'bar spos 'phro sprin gyi 'od can te/ /zhing mang mtha' dang dbus med rgya chen pad+mo'i rgya mtsho dag la gnas/ /sangs rgyas rnams kyis rab brgyan zhing rnams 'byams klas kun kyang rab tu mdzes/ /zhing rnams rgya mtsho dkyil 'khor dbyings rnams la la sangs rgyas byin la gnas/ /yangs shing rin chen mang ldan rgya che de dag byang chub sems dpas gang / /lag na rdo rje rgya mtsho mang tshogs lha dbang lus la de bzhin gnas/ /de nas bcom ldan rnam par snang ba mdzad kyi 'khor lo rtag tu 'khor/ / nor bu'i shing dang spos kyi 'od 'phro'i sprin rnams mnyam pa'i dbyings la gnas/ /chu yi phung po dag dang rdo rje rgya mtsho brtan la'ang de bzhin gnas/ /la la gos dang brag dang rgyal mtshan me tog sna tshogs rgya mtsho dag la gnas/ /kun na'ang rnam 'phrul 'di dag rgya chen rnam par snang mdzad ston pa mdzad/ /zhing rnams ring dang thung dang glang gi gzugs dang rnam pa sna tshogs te| |sna tshogs rgyan can snying po dri ma bral ba yongs dag dri med snang / /rnam pa sna tshogs de dag smon lam rgya mtsho'i dbyings la rab tu gnas/ /sangs rgyas sprin gyis kun nas yog par rtag tu nam mkha'i dbyings la gnas/ /zhing rnams rgya mtsho 'byams klas la la spyi'u tshugs yod dang med la gnas/ /byang chub sems dpa'i cod pa na rin chen 'khor los bzung bas </font><hr>Ka134b<br><font size=+1>


dag par gnas/ /de nas sangs rgyas rnam 'phrul rgya chen thams cad kun nas rab tu snang / /rin chen sangs rgyas gsung rnams kun tu gtong ldan las kyis de dag sprul/ /chos kyi dbyings mnyam zhing rnams 'byams klas mig yor sgyu ma dang yang 'dra/ /mig 'phrul rnam phye rnams dag dri med sems kyis shin tu bskyed pa ste/ /nam mkha'i dbyings rnams sna tshogs rgyan gyi snying po gnas 'gyur 'di la snang / /las kyi yul ni bsam gyis mi khyab 'di dag bde bar gshegs pas bstan/ /skad cig sems kyis zhing rnams 'byams klas 'gro ba kun dang mnyam pa'i rnams/ /zhing rdul kun la kun tu bzang po rtag par rab tu sgrub byed cing / /de na bskal pa rgya mtshor 'gro ba smin par bya phyir spyad pa spyod/ /chos dbyings rgyas par bkang ste de dag kun tu rnam 'phrul rgya che ston/ / rdul rnams kun na chos dbyings yangs pa'i zhing rnams rgya mtsho kun kyang gnas/ /sangs rgyas sprin gyis byin gyis brlabs pas kun kyang yog cing yongs su rgyas/ /ji ltar rdul phran gcig la rnam sprul de bzhin 'gro ba kun na'o/ /rnam par snang ba'i sangs rgyas rnam 'phrul rgya chen rab tu ston pa mdzad/ /zhing rnams 'byams klas thams cad mig yor lta bu sgyu ma smig rgyu 'dra/ /snang ba med cing 'byung med phyogs bcu dag ni 'gro dang 'ong ba med/ /mkha' la gnas pa de dag rtag par 'byung zhing 'jig par de bzhin 'gyur/ /shin tu yangs pa de dag smon lam rnam sbyangs las </font><hr>Ka135a<br><font size=+1>


@#/ /kyis yongs su bzung / /kye rgyal ba'i sras dag /de la 'jig rten gyi khams rgya mtsho rnams kyi dbyibs ni/ rnam pa sna tshogs te/ /'jig rten gyi khams rgya mtsho 'byams klas pa la la ni/ kun nas zlum po'o/ /'jig rten gyi khams rgya mtsho 'byams klas pa la la ni/ kun nas gru bzhi'o/ /'jig rten gyi khams rgya mtsho 'byams klas pa la la ni| nam mkha'i rnam pa du mar rnam par phye ba'o/ /'jig rten gyi khams rgya mtsho 'byams klas pa la la ni/ kun nas 'khyil pa'i dbyibs su 'dug go/ 'jig rten gyi khams rgya mtsho 'byams klas pa la la ni/ 'od 'phro ba'i ri'i dbyibs su 'dug go /'jig rten gyi khams rgya mtsho 'byams klas pa la la ni/ shing sna tshogs kyi lhun gyi dbyibs su 'dug go / 'jig rten gyi khams rgya mtsho 'byams klas pa la la ni/ me tog sna tshogs kyi dbyibs su 'dug go /'jig rten gyi khams rgya mtsho 'byams klas pa la la ni/ khyim sna tshogs kyi dbyibs su 'dug go /'jig rten gyi khams rgya mtsho 'byams klas pa la la ni/ sems can sna tshogs kyi lus kyi dbyibs su 'dug go /'jig rten gyi khams rgya mtsho 'byams klas pa la la ni| mtshan sna tshogs kyi dbyibs su 'dug ste/ de dag la sogs pa 'jig rten gyi khams kyi dbyibs shin tu bstan pa ni/ 'jig rten gyi khams rgya mtsho'i rdul shin tu phra ba snyed </font><hr>Ka135b<br><font size=+1>


do| |de nas byang chub sems dpa' kun tu bzang pos 'jig rten gyi khams rgya mtsho'i dbyibs kyi tshul rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /rnam pa sna tshogs rgya mtsho'i zhing la ltos/ /rnam phye sna tshogs mtha' yas dbyibs su gnas/ /dbyibs kyis rnam par phye ba sna tshogs te/ /phyogs rnams kun na zhing rnams rgya mtsho snang / /la la zlum po la la zur gsum ste/ /de dag la la phyogs na gru bzhir gnas/ /nor bu pad+mo 'khor lo yan lag brgyad/ /kun kyang las rnams rgya mtshos rnam par bris/ /rdul med 'od kyi dbyibs dang tshul 'dzin cing / /gser las grub pa rnam phye sna tshogs te/ /sgo mang mtha' yas pa nas rgyu zhing 'jug/ las rnams rgya mtsho bsam pa dag pas gnas/ /zhing rnams rgya mtsho sna tshogs snying po can/ /nam mkha' 'di la ji ltar sprin gnas bzhin/ /de dag rin chen mang gzhi rnam par phye/ /de dag kun na sangs rgyas rnam par mdzes/ /zhing rnams 'di kun sems kyis rnam par brtags/ /sna tshogs rgyan dang snang bas kun na gnas/ / rnam par 'phrul pa gzhan dang gzhan dag gis/ /zhing rnams rgya mtsho sangs rgyas ston pa mdzad/ /bde dang sdug bsngal myong bar gyur pa ni/ /rnam par dag dang nyon mongs tshul bzhin </font><hr>Ka136a<br><font size=+1>


@#/ /te| |chos nyid 'di ni rtag tu yod pa yin/ /de ltar las rnams rgya mtsho bsam mi khyab/ /skra gcig rtse la bsam gyis mi khyab zhing / /thams cad rdul snyed sna tshogs dbyibs su gnas/ /kun na sangs rgyas rnam par snang mdzad bzhugs/ /'khor rnams rgya mtsho chos rnams rab tu ston/ /rdul gcig rtse la phra dang yangs pa'i rnams| |thams cad rdul snyed kha dog kun dang ldan/ /kha dog dbyibs rnams kun kyang rnam par brtags/ /de dag kun na rgyal ba'i 'khor lo 'khor/ /rdul rnams kun la rab tu zhing bstan pa// de dag smon lam rnam par sprul pa yin/ /nam mkha'i dbyings su las kyi sprul pa ni/ /sna tshogs sems dang bsam pas rnam par brtags/ /sems can kun mnyam rdul rnams thams cad la| |sangs rgyas rnam par 'phrul pa sprul pa dag /rnam par snang mdzad chos nyid de yin te/ /rdul phran kun la zhing rnams shin tu gnas/ /kye rgyal ba'i sras dag/ de la 'jig rten gyi khams rgya mtsho'i lhun dag ni/ gzhan dang gzhan du shes par bya ste/ 'di ltar 'jig rten gyi khams rgya mtsho la la ni/ rin po che'i rgyan thams cad kyi lhun can no/ /'jig rten gyi khams rgya mtsho la la ni/ rin po che gcig las rnam pa sna tshogs su bkod pa'i rgyan gyi lhun can no/ /'jig rten gyi khams rgya mtsho la la ni/ rin po che thams cad kyi 'od zer gyi lhun can no/ /'jig </font><hr>Ka136b<br><font size=+1>


rten gyi khams rgya mtsho la la ni/ 'od kha dog sna tshogs kyi lhun can no/ /'jig rten gyi khams rgya mtsho la la ni/ rgyan thams cad kyi mdog gi lhun can no/ /'jig rten gyi khams rgya mtsho la la ni| rdo rje'i gzhi mi shigs pa'i lhun can no/ /'jig rten gyi khams rgya mtsho la la ni/ sangs rgyas kyi rdzu 'phrul dang byin gyi rlabs kyi lhun can no/ /'jig rten gyi khams rgya mtsho la la ni| rin po che'i mtshan nyid kyi lhun can no/ /'jig rten gyi khams rgya mtsho la la ni/ sangs rgyas kyi sprul pa'i lhun can no/ /'jig rten gyi khams rgya mtsho la la ni/ nyi ma'i nor bu'i dkyil 'khor gyi lhun can no/ /'jig rten gyi khams rgya mtsho la la ni/ rin po che shin tu phra ba 'dzin pa'i lhun can no/ /'jig rten gyi khams rgya mtsho la la ni/ snang ba'i lhun can no/ /'jig rten gyi khams rgya mtsho la la ni/ /rin po che thams cad kyi kha dog 'od 'phro ba'i rnam pa'i lhun can no/ /'jig rten gyi khams rgya mtsho la la ni/ /dri dang kha dog sna tshogs kyi spos kyi lhun can no// 'jig rten gyi khams rgya mtsho la la ni/ rin po che thams cad kyi me tog gi cod pan gyi lhun can no/ /'jig rten gyi khams rgya mtsho la la ni/ rin po che thams cad kyi 'od kyi lhun can no/ /'jig rten gyi khams rgya mtsho la la ni/ rgyan thams cad shin tu bstan pa'i lhun can no/ /'jig rten gyi khams rgya mtsho la la ni/ sems kyi rnam par rtog pa skad cig gis dmigs pa thams cad </font><hr>Ka137a<br><font size=+1>


@#/ /yongs su bstan pa'i lhun can no/ /'jig rten gyi khams rgya mtsho la la ni/ byang chub sems dpa'i lus kyi rin po che'i dbyings kyi lhun can no/ /'jig rten gyi khams rgya mtsho la la ni/ rin po che thams cad kyi me tog gi ze ba'i lhun can no/ /'jig rten gyi khams rgya mtsho la la ni/ sangs rgyas thams cad kyi gsung dpyangs rnam par dmigs pa'i lhun can no/ /de nas byang chub sems dpa' kun tu bzang pos yang 'jig rten gyi khams rgya mtsho'i lhun shin tu bstan pa rgya mtsho 'di nyid la rab tu gzud par bya ba'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho la la ni/ /rin chen rang bzhin kun nas gnas/ /rdo rje bzhin du mi shigs sra/ /rin chen pad+mo rnams la gnas/ /la la 'od zer rang bzhin te/ /dag cing gzung med 'od zer 'byung / /rgyan rnams kun gyi 'od zer gyis/ /sna tshogs mkha' bzhin dri ma med/ /la la 'od kyi rang bzhin te/ /dag cing 'od gsal zer la gnas/ /'od kyi sprin can sna tshogs 'od/ /byang chub sems dpa' rnams kyi gnas/ /zhing rnams rgya mtsho la la ni/ /mig yor lta bur gnas pa ste/ /brjod du med cing gzung du med/ /smon lam dbang gis rab tu byung / /la la nor bu mu tig </font><hr>Ka137b<br><font size=+1>


rgyu| |snying po thams cad rnam par 'bar/ /mu tig 'khor lo'i gzhi dag la/ /byang chub sems dpas yongs su gang / /rin chen 'od 'phro byung ba'i zhing / /'od 'phro'i sprin gyis mngon khebs shing / /rin chen thams cad sna tshogs ldan/ /thams cad las kyis sprul pa yin/ /la la mtshan las byung ba ste/ /gzhi kun mtshan gyis kun tu bris/ /cod pan rnam pa sna tshogs bkod/ / sangs rgyas kun gyis mngon par sprul/ /rgya mtsho'i sems las byung ba yi/ /zhing rnams mos pa nyid la gnas/ /yul na mi gnas sgyu ma bzhin/ /yongs su rtog pas yang dag bskyed/ / sangs rgyas sku yi 'od zer gyi/ /nor bu sna tshogs kun tu gnas/ /sangs rgyas sprin rnams rnam par snang / /sangs rgyas kun gyis rab tu sprul/ /la la kun tu bzang po yis/ /zhing rnams rgya mtsho shin tu sprul/ /nam mkha'i rgyan rnams thams cad dang / /smon lam rnams kyis rnam par bris/ /kye rgyal ba'i sras dag/ de la 'jig rten gyi khams rgya mtsho'i rgyan shin tu bstan pa ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar dmigs pa rnam pa sna tshogs thams cad kyi sprin rab tu 'phros pa'i rgyan dang / 'di lta ste/ byang chub sems dpa' thams cad kyi yon tan gyi 'khor lo rjes su brjod cing rab tu 'byung ba'i rgyan dang / 'di lta ste/ 'jig rten gyi khams thams cad du gtogs pa'i sems can rnams kyi las rnam par smin pa </font><hr>Ka138a<br><font size=+1>


@#/ /rgya mtsho las rab tu byung ba'i rgyan dang / 'di lta ste/ byang chub sems dpa' thams cad kyi smon lam rgya mtsho'i klong yongs su ston pa'i rgyan dang / 'di lta ste| dus gsum gyi sangs rgyas thams cad kyi gzugs brnyan sna tshogs rnam par dmigs pa'i rgyan dang / 'di lta ste/ sems kyi skad cig la bskal pa mtha' yas par rnam par 'phrul ba'i yul yongs su ston pa'i rgyan dang / 'di lta ste/ rgyan gyi dmigs pa thams cad la sangs rgyas kyi sku rab tu 'byung ba'i rgyan dang / 'di lta ste/ rin po che dang / spos thams cad kyi sprin rab tu 'byung ba'i rgyan dang / 'di lta ste/ snying po byang chub kyi rgyan dang / 'od kyi dkyil 'khor gyis rnam par ston pa'i rgyan dang / 'di lta ste/ byang chub sems dpa' kun tu bzang po'i smon lam dang / spyod pa yongs su ston pa'i rgyan dag ste/ kye rgyal ba'i sras dag/ de dag la sogs pa 'jig rten gyi khams rgya mtsho'i rgyan shin tu bstan pa ni/ 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang 'jig rten gyi khams rgya mtsho'i rgyan shin tu bstan pa 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho rgya che mtha' yas te/ /rnam dag las kyi rnam pa </font><hr>Ka138b<br><font size=+1>


sna tshogs gnas/ /phyogs bcu'i zhing rnams rgya mtsho rnams kun kyang / /sna tshogs rgyan can yangs par kun nas gnas/ /kha dog sna tshogs yangs pa'i zhing gi rnams/ /rgya mtsho rtag par phyogs rnams kun tu 'byung / /rgyan dang rin chen 'od 'phro sna tshogs sprin/ /sgra 'byin zhing gi dbyings rnams khebs par byed/ /byang chub sems dpa'i yon tan rgya mtsho rnams/ /de dag kun kyang rgya mtsho'i zhing na grag /sna tshogs rgyan dang smon lam sprin gyi rnams/ /de dag zhing mang rgya mtshor sgra yang 'byin/ /'gro ba'i las rnams rgya mtsho yangs pa dag /rgyan gyi sprin rnams kun nas sgrar 'byin te/ / sems can de dag rnam smin ji 'dra ba/ /sangs rgyas byin gyis kun nas sgra yang sgrog /dus gsum 'byung ba'i de bzhin gshegs pa yi/ /rnam 'phrul zhing rnams rgya mtsho kun na snang / /dmigs pa re re la yang sangs rgyas kun/ /de 'dra'i zhing mang rgya mtsho'i rgyan la ltos/ /'das pa'i bskal pa de bzhin ma 'ongs dang / /phyogs bcu'i da ltar byung ba ji snyed pa'i/ /bskal pa de dag rgyan mang yangs pa yang / /zhing rnams rgya mtsho re re dag na snang / /dmigs pa kun la sangs rgyas sprin gyi rnams/ /'gro dang mnyam pas 'jig rten kun tu 'gengs/ /rnam par 'phrul zhing sems can rnam par 'dul/ /'di ni zhing rnams rgya mtsho'i rnam thar to/ /spos 'od sprin dang de bzhin me tog klong / /rgyan rnams sna tshogs thams cad kun nas kyang / /rtag par kun tu khyab par rab tu 'byung // </font><hr>Ka139a<br><font size=+1>


@#/ /'di ni zhing rnams rgya mtsho'i rnam thar to/ /phyogs bcu kun gyi snying po byang chub rnams/ /sna tshogs rgyan can kun kyang ma lus par/ /thams cad rgya mtsho'i zhing 'di dbyings dag na/ /nam mkha'i sprin bzhin rnam par ston pa snang / /rgyal sras kun tu bzang po thams cad kyi/ /zhing rnams mtha' yas 'byams klas rgyan gyi rnams/ /'gro ba'i grangs snyed bskal pa rgya mtshor rnam sbyangs pa/ /zhing rnams rgya mtsho kun na rab tu snang / /kye rgyal ba'i sras dag/ 'jig rten gyi khams rgya mtsho yongs su dag par bya ba'i tshul rgya mtsho ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar byang chub sems dpa' rnams kyi dge ba'i bshes gnyen thams cad la brten pa'i dge ba'i rtsa bas skal ba mnyam pa dang / byang chub sems dpa' rnams kyi chos kyi dbyings kyi bsod nams rgya chen po'i sprin rnam par 'phel bar bya ba dang / byang chub sems dpa' rnams kyi mos pa'i dkyil 'khor rgya chen po rnam par dag pa dang / byang chub sems dpa' rnams kyi byang chub sems dpa' thams cad rab tu brtan pa'i yul la rnam par spyod pa dang / byang chub sems dpa' rnams kyi pha rol tu phyin pa rgya mtsho thams cad yongs su rdzogs par bya ba dang / yongs su sbyang ba dang byang chub sems dpa' rnams kyi byang chub sems dpa'i sa thams </font><hr>Ka139b<br><font size=+1>


cad kyi dbyings la rab tu dgod cing gzud pa'i rnam par spyod pa dang / byang chub sems dpa' rnams kyi spyod pa dang / 'byung ba rgya mtsho la rnam par spyod pa dang / byang chub sems dpa' rnams kyi smon lam rgya mtsho thams cad mngon par sgrub pa rnam par dag pa dang / byang chub sems dpa' rnams kyi rgya mtsho thams cad mngon par sgrub pa rnam par dag pa la rab tu 'jug pa dang / 'di lta ste| byang chub sems dpa' rnams kyi stobs kyi tshul yang dag par sgrub pa rnam par dag pa dang / de dag la sogs pa 'jig rten gyi khams rgya mtsho yongs su dag par bya ba'i tshul rgya mtsho 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi khams rgya mtsho yongs su dag par bya ba'i tshul rgya mtsho 'di nyid rnam par bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho thams cad sna tshogs rgyan/ /smon lam tshul rnams rgya mtsho kun gyis byung / /kha dog mtha' yas las kyi rgya mtsho dag /zhing rnams rgya mtsho rtag tu 'od mang 'gyed/ /sngon chad dge ba'i bshes gnyen bsnyen bkur cing / /skal ba mnyam pa'i las dge yongs sbyangs te/ /snying rje byams pas 'gro yangs kun bzang zhing / /zhing rnams rgya mtsho yangs pa 'di kun sbyangs/ /chos sgo kun tu ting 'dzin </font><hr>Ka140a<br><font size=+1>


@#/ /sa kun gyis/ /sangs rgyas yon tan rgya mtsho yongs sbyangs te/ /bsam gtan tshul dang rnam thar sa sbyangs shing / /zhing rnams rgya mtsho sna tshogs yangs pa byung // mos pa'i dkyil 'khor mtha' yas stobs bskyed cing / /rgyal ba'i mnyam nyid ma nor rtogs byas nas/ /bzod pa rgya mtsho'i tshul rnams yongs sbyangs shing / /rnam dag kha dog mtha' yas zhing rnams byung / /bsod nams sprin ni nam mkha' mnyam bskyed cing / /'gro ba kun phan bde don spyod spyad de/ /bsod nams rgya mtsho sems can kun bstan pas/ /'jig rten khams rnams rgya mtsho kun kyang 'byung / /zhing rnams rgya mtsho'i rdul snyed tshad med pa'i/ /pha rol phyin pa ma lus kun sbyangs te/ /smon lam mthar phyin mi zad goms byams pas// dri med rgya mtsho'i zhing rnams yangs pa 'byung / /'byung ba'i spyod pa gang yod tshad med dang / /chos rnams thams cad yangs pa yongs sbyangs te/ /sna tshogs thabs sgos sems can sbyangs pas na/ /'di 'dra'i yid 'ong rgya mtsho'i zhing rnams 'byung / /rgyan rnams kun gyi tshul dang sa sbyangs shing / /rgyal ba'i yon tan rgya mtsho kun zhugs nas/ /'gro ba kun gyi sdug bsngal mtsho bskams pas/ /zhing gi mtsho yangs 'di kun dag par 'gyur/ /stobs rnams rgya mtsho gzhal med yongs sbyangs shing / /'gro ba 'di 'dra tshad med rnam sbyangs te/ /sangs rgyas rgya </font><hr>Ka140b<br><font size=+1>


mtsho yangs kun bsnyen bkur bas/ /zhing rnams rgya mtsho rnam mang rnam par dag /kye rgyal ba'i sras dag /de la 'jig rten gyi khams rgya mtsho re rer sangs rgyas 'byung ba'i tshul rgya mtsho ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar sangs rgyas 'byung ba la la ni/ sku chung ngur kun tu ston to/ /'di lta ste/ sangs rgyas 'byung ba la la ni/ chos kyi dbyings thams cad gzugs kyi skus gang bar ston to/ /sangs rgyas 'byung ba la la ni/ sku tshe'i tshad mi ring ngo / /sangs rgyas 'byung ba la la ni/ sku tshe'i tshad ring ngo / /sangs rgyas 'byung ba la la ni| sangs rgyas kyi zhing gcig yongs su dag par byin gyis rlob bo/ /sangs rgyas 'byung ba la la ni/ 'jig rten gyi khams rgya mtsho thams cad yongs su dag par byin gyis rlob bo/ /sangs rgyas 'byung ba la la ni/ tshul gcig gis bstan pa'i chos kyi 'khor lo byin gyis rlob bo/ /sangs rgyas 'byung ba la la ni/ tshul bsam gyis mi khyab par bstan pa'i chos kyi 'khor lo byin gyis rlob bo/ /sangs rgyas 'byung ba la la ni/ sems can gyi khams nyung ngu rnam par gdul ba byin gyis rlob bo/ /sangs rgyas 'byung ba la la ni/ sems can rgya mtsho mtha' yas pa rnam par gdul ba byin gyis rlob ste/ de dag la sogs pa 'jig rten gyi khams rgya mtsho re rer sangs rgyas 'byung ba'i tshul rgya mtsho 'jig rten gyi khams rgya mtsho'i rdul shin tu phra ba snyed du shes </font><hr>Ka141a<br><font size=+1>


@#/ /par bya'o/ /de nas byang chub sems dpa' kun tu bzang pos yang sangs rgyas 'byung ba'i tshul rgya mtsho'i phyogs 'di nyid yongs su bstan pa'i phyir sangs rgyas byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /rgyal ba 'byung ba thabs rnams sna tshogs kyi/ /sgo nas zhing rnams rgya mtshor rab tu 'byung / /de dag sems can bsam pa ji bzhin mkhyen/ /sangs rgyas thabs kyi sgo mang rgya mtsho 'o/ /sangs rgyas chos sku bsam gyis mi khyab ste/ /mig yor ma yin mtshan nyid med pa'i gzugs/ /gzugs kyi khyad par 'gro ba 'di dag tu/ /sems can bsam pa'i phyogs bzhin ston la ltos/ /sku tshe thung bar la la rnam par ston/ /la la bskal pa bsam yas byin gyis rlob| |chos kyi sku ni phyogs rnams kun gyi sgo/ /rab tu mdzes par 'gro nang 'di na bzhugs/ /la la zhing rnams rgya mtsho bsam yas dag /sbyong zhing 'byams klas phyogs bcu kun na yang / / la la zhing gcig rnam par sbyong bar mdzad/ /smon lam ma lus kun kyang tshul gcig go /la la bsam gyis mi khyab theg pa'i rgyan/ /sems can yid bzhin sangs rgyas ston pa mdzad/ / la la theg pa gcig kyang rab ston te/ /rgyal ba'i thabs ni gcig kyang mtha' yas so/ /rang byung la la byang chub sangs rgyas nas/ /sems can mi mang lam la gzhog pa mdzad/ /la la skad </font><hr>Ka141b<br><font size=+1>


cig gcig gis sems can rnams/ /rgya mtsho bsam yas byang chub don du 'dul/ /la la spu yi sgo nas bsam yas pa'i/ /sangs rgyas sprul ba'i sprin rnams rab tu 'gyed/ /'gro ba kun tu de dag mngon bkang zhing / /thabs kyi sgo nas sems can 'dul ba mdzad/ /la la sangs rgyas gsung gis kun bkang zhing / /zhing du sems can yid bzhin rab tu sgrog /bsam yas bskal par de dag gsung sgrog cing / /sems can rgya mtsho mtha' yas rnam par 'dul/ /la la zhing rgyan bsam gyis mi khyab ste/ /'khor rnams yongs dag kun nas 'khod bcas pas/ /zhing mang rgya mtsho phyogs su gang byas shing / /sangs rgyas mkha' la sprin ltar khyab par bzhugs/ /de ltar sangs rgyas thabs ni bsam mi khyab/ /zhing rnams rgya mtsho kun tu rgyas bkang zhing / /'gro ba kun la sangs rgyas mngon sum ste| |sna tshogs rgyan mang du ma'i tshul dang ldan/ /kye rgyal ba'i sras dag /de la 'jig rten gyi khams rgya mtsho'i bskal pa'i byin gyi rlabs kyi tshul shin tu bstan pa ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar zhing rgya mtsho la la ni/ bskal pa grangs med par byin gyis brlabs pa'o/ /zhing rgya mtsho la la ni/ bskal pa tshad med par byin gyis brlabs pa'o/ /zhing rgya mtsho la la ni/ bskal pa dpag tu med par byin gyis brlabs pa'o/ /zhing rgya mtsho la la ni/ bskal pa bsam gyis mi khyab par byin gyis brlabs pa'o/ /zhing rgya mtsho </font><hr>Ka142a<br><font size=+1>


@#/ /la la ni| bskal pa mtshungs pa med par byin gyis brlabs pa'o/ /zhing rgya mtsho la la ni/ bskal pa kun nas mtha' yas par byin gyis brlabs pa'o/ /zhing rgya mtsho la la ni/ bskal pa kun nas mu med par byin gyis brlabs pa'o/ /zhing rgya mtsho la la ni/ bskal pa gzhal du med par byin gyis brlabs pa'o/ /zhing rgya mtsho la la ni/ bskal pa brjod du med par byin gyis brlabs pa ste/ de dag la sogs pa 'jig rten gyi khams rgya mtsho'i bskal pa byin gyi rlabs kyi tshul shin tu bstan pa rgya mtsho ni/ 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos 'jig rten gyi khams rgya mtsho'i bskal pa'i byin gyi rlabs kyi tshul shin tu bstan pa 'di nyid yongs su bstan pa'i phyir sangs rgyas kyi byin gyis rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten rgya mtsho bskal pa tha dad de/ /sna tshogs tshul 'jug rgyan rnams gzhan dang gzhan/ /phyogs bcu'i zhing rnams rgya mtsho kun na snang / /bskal pa'i tshul ni rgya mtsho grangs kyang med/ /bskal pa mi mthun 'gro ba kun dang mnyam/ /phyogs dbyings 'jig rten rgya mtsho'i khams na snang / /bskal pa mtha' yas la la ring dang thung / /bskal pa sna tshogs rgyal ba'i sgras kyang bsgrags/ /rgya mtsho'i zhing rnams 'di dag phyogs </font><hr>Ka142b<br><font size=+1>


dbyings snang / /byin rlabs bskal pa zhing rdul snyed dang ldan/ /la la gzhan rnams bskal pa gcig gis 'jug /la la bskal grangs smon lam du mas byung / /bskal pa la la dri med la la nyon mongs can/ /la la rnam dag la la nyon mongs rnam par gnas/ /bskal pa'i ming ni smon lam rgya mtsho'i tshul gyis byung / /sems can 'du shes rnam pas tha dad tshul la 'jug /bskal pa zhing gi rdul snyed sngon chad spyod spyad pas/ /'jig rten khams rnams rgya mtsho shin tu yangs shing dag/ de dag kun nas sangs rgyas yul rgyan tshad kyang med/ /'di dag rgya chen bskal pa'i 'jig rten rgya mtsho'i khams/ /bskal pa'i 'od dang 'od zer rin chen ming sna tshogs/ /bcom ldan 'das dang 'od mnyam 'od 'phro'i mig snang ba/ /snang dang dri med bzang po bskal pa'i mig la 'jug / bskal pa 'di dag rnam dag bskal pa kun las byung / /dri med bskal pa la lar sangs rgyas gcig skye'o/ /bskal pa la lar mi yi gtso bo mtha' yas 'byung / /bskal pa'i tshul rnams thams cad sa tshul zad mi shes/ /smon lam stobs mthus bskal pa sna tshogs 'jug par 'gyur/ /bskal pa la la mtha' yas rnams kyang bskal pa gcig tu 'dus/ /bskal pa la la gcig kyang bskal pa bye ba'i mthu/ /bskal pa rgya mtsho kun kyang sna tshogs sgo nas 'jug /phyogs bcu'i 'jig rten khams kyi nang nas sgra yang 'byin/ /bskal pa la lar bskal pa kun gyi rkyen kyang </font><hr>Ka143a<br><font size=+1>


@#/ /'byung / /ming gi rgyan rnams rnam par dag pa'ang de la yin/ /bskal pa la la sangs rgyas rdzu 'phrul mthu yis byung / /bskal pa'i tshul rnams kun gyi 'di ni rgyan yangs yin/ /zhing dang bskal pa rgya mtsho tshul ni gcig gis dag /zhing gi rdul rnams kun kyang tshad med gzhal du med/ /skad cig yud tsam nyi ma'i grangs kyi bskal par 'gyur/ / 'di dag thams cad sems can 'du shes rnam par 'byung / /kye rgyal ba'i sras dag/ de la 'jig rten gyi khams rgya mtsho bskal pa mtha' yas pa'i rgyud kyi tshul rgya mtsho ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar chos nyid rab tu thob pas 'jig rten gyi khams rgya mtsho dag bskal pas 'jig cing 'du ba la rab tu 'jug par gnas pa dang / 'jig rten gyi khams rgya mtshor gtogs pa'i sems can rnams kyi nyon mongs pas bskal pa mtha' yas pa kun nas gnas pa dang / 'di lta ste/ 'jig rten gyi khams rgya mtshor gtogs pa'i sems can rnams kyi bsod nams rgya mtsho rgya chen po gsog pa/ rnam par dag pas 'jig rten gyi khams rgya mtsho kun nas nyon mongs la rnam par dag par gnas pa dang / 'di lta ste/ byang chub sems dpa' mos pa sna tshogs kyis spyod pa rnams skye bas 'jig rten gyi khams rgya mtsho rnam par dag la kun nas nyon mongs par gnas pa dang / </font><hr>Ka143b<br><font size=+1>


'di lta ste/ sems can rgya mtsho rgya chen po byang chub kyi sems la gnas pas 'jig rten gyi khams rgya mtsho shin tu dag par gnas pa dang / 'di lta ste/ byang chub sems dpa' rnams 'jig rten gyi khams gzhan dang gzhan du 'dong bas bskal pa rgyan tha dad pa'i tshul du gnas pa dang / 'di lta ste/ phyogs bcu'i byang chub sems dpa' rnams 'jig rten gyi khams rgya mtshor 'dus pas bskal pa mtha' yas pa rgyan shin tu mang por kun nas gnas pa dang / 'di lta ste/ de bzhin gshegs pa yongs su mya ngan las 'da' bas 'jig rten gyi khams rgya mtsho dag gi rgyan nub par 'gyur ba dang / 'di lta ste/ sangs rgyas 'byung ba'i tshe 'jig rten gyi khams rgya mtsho rnams rgyan gyis brgyan par kun nas gnas pa dang / 'di lta ste/ de bzhin gshegs pa rnam par 'phrul bas 'jig rten gyi khams rgya mtsho'i bskal pa mtha' yas pa yongs su dag par gnas pa dang / de dag la sogs pa 'jig rten gyi khams rgya mtsho'i bskal pa rgya mtsho mtha' yas pa'i rgyud kyi tshul rgya mtsho kun nas gnas pa'i tshul ni/ 'jig rten gyi khams rgya mtsho rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi khams rgya mtsho'i bskal pa mtha' yas pa'i tshul rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs </font><hr>Ka144a<br><font size=+1>


@#/ /bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho'i chos nyid 'di dag ltos/ /chos kyis byung ste ji ltar gnas pa ltar| |de dag 'byung zhing 'jig par 'gyur bar yang / /zhing rnams rgya mtsho thams cad rab tu snang / /sems can nyon mongs mi bzad ldan pa dang / las dang nyon mongs ngan pas bsgribs pa'i rnams/ /de dag bsam la zhing gi rgya mtsho rnams/ /kun nas nyon mongs ldan par gyur pa yin/ /sems can rnam dag bsam pa ldan pa dang / /bsod nams brtan dang rnam dag spyod yul can/ /rnam dag yul la nyon mongs ldan gyur rnams/ /de dag mos pa sna tshogs spyod yul gyi/ /byang chub sems dpa' skye ba'i dus dag na/ bskal pa de ni rnam par dag par snang / /sems can nyon mongs ldan par gyur pa yang / /de yi chos nyid bsam yas yangs pa yi/ /byang chub bsam pa ji ltar bskyed pa dang / / de dag bsam pa ji ltar rnam 'phel bas/ /de bzhin bskal pa rgya mtsho mang po dag /bsam gyis mi khyab zhing rgyan yongs su sbyong / /bye ba mang po mtha' yas mi zad pa'i/ /byang chub sems dpa' phyogs bcu kun rgyu yang / /rgyan la rnam pa tha dad yod pa min/ /bskal pa tha dad tshul gyi bye phrag snang / /rdul rnams re re sbubs su dus kun tu/ /sangs rgyas zhing gi </font><hr>Ka144b<br><font size=+1>


rdul dang mnyam pa yi/ /rgyal sras ji tshul 'dod pa de bzhin du/ /zhing rnams rgya mtsho de tshul dag par gyur/ /gal te rgyal ba rnams ni skye 'gyur na/ /zhing rnams rgyan gyis shin tu brgyan par 'gyur| |bsam pa yongs dag de bzhin rgyas 'gyur te/ /'di ni zhing rgyan phun sum tshogs pa'o/ /gal te rgyal ba mya ngan 'das gyur na/ /de tshe de zhing rgyan rnams 'grib par 'gyur/ / sems can rnams kyang snod du rung ba min/ /zhing gi rgya mtsho de yang nyon mongs ldan/ /sangs rgyas rdzu 'phrul rnam 'phrul yangs pa dag /bsam gyis mi khyab gang tshe ston pa na/ /de tshe zhing rnams rgya mtsho mang po dag /kun kyang rgyan gyis rnam par brgyan par 'gyur/ /kye rgyal ba'i sras dag/ de la 'jig rten gyi khams rgya mtsho tha mi dad pa'i tshul ni/ 'jig rten gyi khams rgya mtsho'i rdul shin tu phra ba snyed du shes par bya ste/ de dag ni/ sangs rgyas bcom ldan 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /de ni/ 'di lta ste/ 'jig rten gyi khams rgya mtsho gcig tu 'jig rten gyi khams rgya mtsho'i rdul shin tu phra ba snyed kyi 'jig rten gyi khams tha mi dad pa dang / 'di lta ste/ 'jig rten gyi khams rgya mtsho dag tu sangs rgyas skye zhing 'byung ba tha mi dad pa dang / 'di lta ste/ 'jig rten gyi khams rgya mtsho dag gi snying po byang </font><hr>Ka145a<br><font size=+1>


@#/ /chub thams cad nas chos kyis dbyings kyis phyogs rgyas par 'gengs pa tha mi dad pa dang / 'di lta ste/ 'jig rten gyi khams rgya mtsho dag gi de bzhin gshegs pa thams cad kyi 'khor gyi dkyil 'khor tha mi dad pa dang / 'di lta ste/ 'jig rten gyi khams rgya mtsho dag gi sangs rgyas thams cad kyi 'od kyi dkyil 'khor chos kyi dbyings rgyas par 'gengs pa tha mi dad pa dang / 'di lta ste/ 'jig rten gyi khams rgya mtsho dag tu sangs rgyas thams cad kyi sprul pa'i sprin dang / mtshan gyi 'khor lo tha mi dad pa dang / 'di lta ste/ 'jig rten gyi khams rgya mtsho dag tu sangs rgyas thams cad kyi dbyangs kyi dkyil 'khor bskal pa mtha' yas par brjod cing rgyas par bya ba'i byin gyi rlabs tha mi dad pa dang / 'di lta ste/ 'jig rten gyi khams rgya mtsho dag tu chos kyi 'khor lo'i tshul tha mi dad pa dang / 'di lta ste/ 'jig rten gyi khams rgya mtsho dag tu rdul shin tu phra ba gcig la 'jig rten gyi khams rgya mtsho thams cad yongs su 'du ba tha mi dad pa dang / 'di lta ste/ 'jig rten gyi khams rgya mtsho dag tu rdul 'byams klas pa thams cad la dus gsum gyi sangs rgyas kyi yul rgya chen po ston cing rjod pa tha mi dad pa dag ste/ kye rgyal ba'i sras dag/ de dag la sogs pa 'jig rten gyi khams rgya mtsho tha mi dad pa'i tshul 'jig rten gyi khams rgya mtsho'i rdul shin tu phra ba snyed du shes par </font><hr>Ka145b<br><font size=+1>


bya'o| |de nas byang chub sems dpa' kun tu bzang pos yang 'jig rten gyi khams rgya mtsho tha dad pa'i tshul rgya mtsho shin tu bstan pa 'di nyid gsal bar bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /rdul gcig steng na zhing mang rgya mtsho ste/ /kun na rgyan mang rnam dag kun yod kyang / / gnod pa med cing 'dra ba gang yang med/ /'jug pa bsam gyis mi khyab 'di la ltos/ /rdul rnams kun la bsam yas sangs rgyas bzhugs/ /sems can kun gyi bsam pa yid bzhin du| |zhing rnams rgya mtsho thams cad khyab byas kyang / /de dag thabs la tha dad gang yang med/ /rdul rnams kun la shing dbang mtha' yas pa/ /sna tshogs rgyan phyung kun nas bres sbyangs te| |phyogs rnams kun gyi zhing du mngon bkang yang / /de dag tha dad 'gyur ba nam yang med/ /rdul phran rgya mtsho rdul phran re re la/ /mi yi gtso bo 'khor rnams kun bskor cing / /'jig rten kun tu bkang ste 'phags bzhugs kyang / /gnod pa dag dang 'dra ba'i nyes pa med/ /rdul gcig la ni mtha' yas 'od kyi sprin/ /phyogs bcu'i zhing rnams rgya mtsho kun bkang zhing / / bde gshegs rnams kyi byang chub spyod bstan kyang / /rgya mtsho'i zhing rnams tha dad gang yang med/ /rdul rnams kun la kha dog bsam mi khyab/ /sprul pa'i sprin gyis kun tu gang byas te/ / </font><hr>Ka146a<br><font size=+1>


@#/ /sangs rgyas sprul pas sems can rnams 'dul yang / /'byams klas phyogs na tha dad gang yang med/ /rdul rnams kun la rgya mtsho'i chos brjod do/ /de dag 'khor lo'i tshul bzhin 'khor mdzad cing / /thabs dang mthu yi sgo mo sna tshogs kyis/ /thams cad brjod kyang de la tha dad med/ /rdul gcig la ni rgyal ba kun gyis gsung / /'gro ba snod du gyur la de dag brjod byas te/ /rgya mtsho'i zhing du bskal par byin brlabs kyang / /de dag gsung gi yan lag tha mi dad/ /zhing rnams rgya mtsho mtha' yas rgyan gyi rnams/ /thams cad rdul sbubs gcig tu rab tu 'dzud/ /rgyal ba rnams kyi rdzu 'phrul mthu la ltos/ /las kyi dngos las de dag skyes pa min/ /rdul gcig la ni dus gsum rgyal ba dag /ji ltar byung ba de dag thams cad snang / /de dag gshegs dang byon pa gang yang med/ /'gro ba kun na sangs rgyas rnam par 'phrul/ /shin tu rgyas pa chen po'i mdo/ sangs rgyas phal po che zhes bya ba las/ 'jig rten gyi khams rgya mtsho shin tu bstan pa'i phyogs gsal bar bya ba yang dag par bsgrubs pa zhes bya ba ste/ le'u bzhi pa'o// //bam po brgyad pa/ kye rgyal ba'i sras dag/ de la 'jig rten gyi khams rgya mtsho gzhi dang snying po me tog gis brgyan gyis brgyan pa 'di bcom ldan 'das de bzhin gshegs pa rnam par snang </font><hr>Ka146b<br><font size=+1>


mdzad sngon byang chub sems dpa'i spyad pa spyod pa'i tshe bskal pa rgya mtsho'i 'jig rten gyi khams rgya mtsho'i rdul shin tu phra ba snyed kyis yongs su dag par byas te/ bskal pa re re zhing yang de bzhin gshegs pa 'jig rten gyi khams rgya mtsho'i rdul shin tu phra ba snyed kyi zhabs kyi drung du smon lam rgya mtsho 'jig rten gyi khams rgya mtsho'i rdul shin tu phra ba snyed kyis yongs su dag par byas so/ /kye rgyal ba'i sras dag/ 'jig rten gyi khams rgya mtsho gzhi dang snying po me tog gi rgyan gyis brgyan pa de ni/ rlung gi dkyil 'khor ri rab kyi rdul shin tu phra ba snyed kyis shin tu bzung ba ste/ de la rlung gi dkyil 'khor thams cad kyi 'og ma ni/ gzhi kun nas rton pa zhes bya ste/ rin po che thams cad kyi 'od 'phro ba 'bar bas brgyan pa'i gzhis rten to| |de'i steng na rlung gi dkyil 'khor rin po che sna tshogs kyi rgyan 'byung ba zhes bya ba yod de/ nor bu'i rgyal po 'od rnam par dag pa'i rgyal mtshan gyi gzhis rton to/ /de'i steng na rlung gyi dkyil 'khor rin po che'i mthu zhes bya ba yod de/ rin po che thams cad kyi dril bu'i gzhis rton to/ /de'i steng na rlung gi dkyil 'khor 'od 'phro ba mnyam par rton pa zhes bya ba yod de/ nor bu'i rgyal po nyi ma snang ba'i rgyal mtshan gyi 'khor lo'i gzhis rton to/ /de'i steng na rlung gi dkyil 'khor rgyan kun nas rnam par bres pa zhes bya ba yod de/ 'od zer gyi 'od kyi dkyil </font><hr>Ka147a<br><font size=+1>


@#/ /'khor gyi me tog gi gzhis rton to/ /de'i steng na rlung gi dkyil 'khor gzhi kun nas dri ma med cing yongs su dag pa zhes bya ba yod de/ me tog thams cad 'od 'phro ba'i seng+ge'i khri'i gzhis rton to/ /de'i steng na rlung gi dkyil 'khor phyogs su sgra sgrog cing kun tu rgyu ba zhes bya ba yod de/ mu tig dang man shel gyi rgyal mtshan sna tshogs kyi gzhis rton to| |de'i steng na rlung gi dkyil 'khor rin po che thams cad 'dzin pa zhes bya ba yod de/ nor bu'i rgyal po'i shing dang me tog sna tshogs kyi glang gi gzhis rton to/ /de'i steng na rlung gi dkyil 'khor kun nas 'dzin pa'i shugs zhes bya ba yod de/ spos kyi nor bu thams cad kyi ri rab kyi sprin gyi gzhis rton to/ /de'i steng na rlung gi dkyil 'khor khyim kun tu rgyu pa zhes bya ba yod de/ rin po che thams cad kyi kha dog dang / spos kyi khang pa brtsegs pa'i sprin gyi gzhis rton to/ /kye rgyal ba'i sras dag/ rlung gi dkyil 'khor ri rab kyi rdul shin tu phra ba snyed de dag thams cad kyi steng ma ni/ rlung gi dkyil 'khor gzi brjid bzang po dpal gyi snying po zhes bya ste/ nor bu kun nas snang ba'i rgyan dang ldan pa'i spos kyi chu rgya mtsho'i gzhis rton to/ /spos kyi chu rgya mtsho nor bu kun nas snang ba'i gzhis brgyan pa'i snying po zhes bya ba de las pad+mo chen po spos kyi rgyal mtshan khyer ba'i 'od zer dang / ze ba sna tshogs </font><hr>Ka147b<br><font size=+1>


zhes bya ba mngon par 'byung ste/ pad+mo chen po de la 'jig rten gyi khams rgya mtsho gzhi dang snying po me tog gi rgyan gyis brgyan pa/ kun nas gru bzhir 'dug pa/ rnam par dag pa/ shin tu brtan pa| rdo rje dang nor bu thams cad kyi khor yug gis bskor ba/ rim gyis gzhol bar gnas pa/ shing gi rgyud rgya mtsho sa la rab tu gnas pa 'di 'dug go /de nas byang chub sems dpa' kun tu bzang pos yang 'jig rten gyi khams rgya mtsho gzhi dang snying po me tog gi rgyan gyis brgyan pa 'di nyid kyi yon tan rgya mtsho yongs su dag pa'i phyogs 'di nyid brjod pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gzhi rgyan me tog 'jig rten khams kyi rgya mtsho de/ /rin chen kun gyi snying po kha dog sna tshogs te/ /rdul rnams kun dang mnyam pa'i sngon chad sangs rgyas kyi/ /drung du sngon tshe rgya mtshor sbyangs pas dri ma med/ /rgya chen snying rje'i sprin gyis khams rnams kun bkang zhing / /zhing gi rdul dang mnyam pa'i lus kyang kun btang nas/ /sngon gyi bskal pa rgya mtshor spyod pa spyad pas na/ /'jig rten rgya mtsho'i khams de yangs shing rnam par dag / sangs rgyas rnam par snang bas smon lam che mdzad de/ /'od snang btang ba mkha' yi dkyil na gnas pa ni/ /rlung gi phung pos btab kyang mi bskyod mi g.yo ste/ /nor bu kun brgyan sangs </font><hr>Ka148a<br><font size=+1>


@#/ /rgyas gzugs brnyan snying po'o/ /me tog mdzod bkye gtor ba rin chen yid 'ong bzhin/ /sngon gyi smon lam dbang gis mkha' yi dbyings la gnas/ /rgya mtsho'i rgyan rnams thams cad sna tshogs brtan par gnas/ /phyogs dang phyogs mtshams kun tu 'od kyi sprin kyang gtong / /nor bu thams cad sgo nas byang chub sems dpa'i rnams| |byung zhing 'od zer sprin 'bar phyogs rnams kun tu 'dong / /'od zer me tog tshon dang 'od zer 'khor lo'i tshogs/ /phyogs rnams ma lus kun gyi chos dbyings khyab par byed/ /rin chen kun gyis 'od zer sprin rnams bkye ba ni/ /phyogs dang phyogs mtshams kun gyi zhing rnams khyab par byed/ /sdug bsngal thams cad bcil zhing byang chub mchog la bgrod/ /'jig rten rgya mtsho thams cad 'od 'phro rab tu 'bar/ /'gro ba kun dang mnyam pa'i sprul pa sna tshogs rnams/ /rin chen kun dang spu rnams kun nas rgyal ba 'gyed| |brgya byin dag dang tshangs pa 'ang 'khor lo sgyur 'dra dang / /'gro ba kun gyi lus su lus rnams kun kyang gnas/ /sprul pas 'od bkye chos kyi dbyings kyi tshad mnyam pa/ / 'od zer sgo nas sangs rgyas thams cad mtshan kyang sgrog /'gro ba ma lus kun gyi bsam pa tshim byas nas/ /tshul rnams sna tshogs sgo nas sems can rnam par 'dul/ /'jig </font><hr>Ka148b<br><font size=+1>


rten rgya mtsho me tog snying po de nang na/ /rdul phran kun gyi khongs na chos dbyings thams cad kyi/ /rin chen 'od bkye sangs rgyas sprin rnams 'bar bar snang / /rnam par snang mdzad rnam par 'phrul ba'i zhing la ltos/ /bskal pa rgya mtshor 'gro ba'i sdug bsngal sangs byas te/ /smon lam yangs pa'i sprin ni chos kyi dbyings mnyam dang / /bzang po'i spyod pa brnyes shing ye shes sa ldan pa'i| |dgongs pa las ni rgyan mdzes de dag byung ba yin/ /shin tu rgyas pa chen po'i mdo/ sangs rgyas phal po che zhes bya ba las/ 'jig rten gyi khams rgya mtsho gzhi dang snying po me tog gi rgyan gyis brgyan pa'i yon tan rgya mtsho yongs su dag pas snang ba zhes bya ba ste/ le'u lnga pa'o// //kye rgyal ba'i sras dag /de la 'jig rten gyi khams rgya mtsho gzhi dang snying po me tog gi rgyan gyis brgyan pa'i khor yug chen po ni/ nor bu rgyal po pad+mo nyi ma'i gzhi la brten pa ste/ nor bu'i rigs rgya mtsho spos kyi tsan+dan thams cad las grub pa/ nor bu'i rgyal po rgyan gyi yul thams cad kyis lhun shin tu 'phags shing zil gyis gnon pa/ nor bu'i spos zhim po gzi brjid kyi 'khor lo rnam par snang ba'i snying po can/ nor bu'i rgyal po rdo rje sra zhing mi shigs pa ltar shin tu mkhregs shing sra ba/ rin po che'i chu thams cad kun nas 'byung ba/ rin po che'i shing gi nags tshal gyi rgyan thams cad me tog shin tu rgyas pa/ spos </font><hr>Ka149a<br><font size=+1>


@#/ /kyi rtsi mchog bzang po thams cad kyi rgyan gyis brgyan pa/ spos kyi me tog dpal can shin tu bzang bas rnam par brgyan pa/ nor bu'i rgyal po 'jig rten gyi khams thams cad kyi dbyings lta bu'i dra bas kun nas bres pa ste/ de dag la sogs pa rgyan bzang po'i rnam pa 'jig rten gyi khams rgya mtsho'i rdul shin tu phra ba snyed kyis rab tu brgyan pa'o/ /de nas byang chub sems dpa' kun tu bzang pos yang 'khor yug gi rgyan dang / yon tan yongs su dag pa 'di nyid bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten gyi khams rnams rgya mtsho gang yod pa/ /mtha' dang dbus med sna tshogs rnam pa can/ /nor bu mang pos rnam dag mtha' yas mdog/ /de dag sangs rgyas rnam par 'phrul pas byung / /dri med khor yug rgyan gyis brgyan pa ni/ /nor bu mang po de bzhin spos mang dang / /mu tig gsal ba'i tshogs la rab tu gnas/ /kha dog mtha' yas rin chen rnams kyis brtan/ /snying po nor bu'i sprin can sna tshogs sra/ /'dzam bu chu klung 'od 'phro snying po'i tshogs/ /'od 'phro dam pa phyogs su snang zhing 'tsher/ /khor yug dri ma med pa rnams par mdzes/ /nor bu rdo rjes shing tu sra shing brtan/ /mtshams rnams mi phyed nor bu sna tshogs 'brul/ /mtshan </font><hr>Ka149b<br><font size=+1>


ldan nor bu rin chen rnam bkod pa/ /rgyan rnams kun gyis yongs su dag par snang / /spos chu'i sprin gyis kha dog mtha' yas te/ /rin chen tsan+dan me tog kun tu bkram/ /pad+mo sna tshogs gos kyis kun nas yog /rin chen rtsi mchog dri zhim rnams dang ldan/ /sna tshogs shing gi sprin gyis kun nas brgyan/ /nor bzang kun gyis kun nas gzi brjid 'bar/ /'od zer sprin gyi 'od kyi dkyil 'khor can/ /gos kyi mdzod kyis shin tu 'bar bar gnas/ /spos kyi 'od 'phro bdug pa'i gdugs 'chang ba'i/ /byang chub sems dpa' mang pos chos dbyings gang / / sgra dbyangs mang po rgya mtsho thams cad 'byin/ /'di ni rnam par snang mdzad chos 'khor lo/ /rin chen mdzes pa de dag thams cad dang / /nor bu dag dang kun nas 'od 'phro'i shing / /kun la rnam par snang mdzad sku gsal ba/ /gzugs brnyan tshul du nang na yod pa snang / /thams cad gzugs su sku rnams mtha' yas te/ /sangs rgyas sprul mang kha dog mu med pa/ / thams cad phyogs dang chos kyi dbyings bkang zhing / /sems can mang po tshad med rnam par 'dul/ /thams cad rgyan las sgra dbyangs kun 'byung ste/ /rnam par snang mdzad smon lam 'khor lo yis/ /zhing rnams rgya mtsho yongs su dag byas pa/ /de kun de las rnam par 'phrul zhing grag /shin tu rgyas pa chen po'i mdo/ sangs rgyas phal po che zhes bya ba </font><hr>Ka150a<br><font size=+1>


@#/ /las| 'jig rten gyi khams rgya mtsho'i khor yug gi rgyan rgya mtsho shin tu bstan pa zhes bya ba ste/ le'u drug pa'o// //kye rgyal ba'i sras dag /de la khor yug chen po de'i nang ni 'jig rten gyi khams rgya mtsho'i sa chen po'i gzhi ni/ nor bu mang po'i brgyan thams cad kyis brgyan pa/ rdo rje ltar shin tu mkhregs shing sra la brtan pa/ rin po che'i rigs thams cad las grub pa/ rgya mtshos rnam par phye ba mi shigs pa'i snying po can/ mi mtho ba mi dma' ba'i thang mnyam zhing rnam par dag pa/ nor bu rin po che thams cad kyi kha dog dang 'od thams cad kyis rab tu brgyan pa/ sems can thams cad kyi lus kyi dbyibs lta bu'i nor bu'i gzugs sna tshogs kyis rab tu bsgrubs pa/ rin po che'i tshon thams cad kyi brgyan gyis brgyan pa/ rin po che yid du 'ong ba'i pad+mo thams cad kyis gzhi byas pa/ dmigs pa thams cad du sna tshogs su gyur pa'i sprin gyis kun nas yog pa/ nor bu'i rgyal po spos kyi mdzod thams cad kyis sa gzhi mnyam par bdal ba/ nor bu'i rgyal po dus gsum gyi de bzhin gshegs pa'i zhing gi rgyan gyis sprin gyi dra ba rnam par bres pa/ de bzhin gshegs pa thams cad kyi spyod yul gyi 'od dang / nor bu'i dra ba mig 'phrul lta bu </font><hr>Ka150b<br><font size=+1>


rnam par phye ba ste/ kye rgyal ba'i sras dag /de dag la sogs pa sa'i dkyil 'khor de'i rgyan shin tu bstan pa ni/ 'jig rten gyi khams rgya mtsho'i rdul shin tu dra ba snyed do/ /de nas byang chub sems dpa' kun tu bzang pos yang 'jig rten gyi khams rgya mtsho'i gzhi'i rgyan rgya mtsho 'di nyid yongs su brjod pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sa yi dkyil 'khor gzhi ni rnam par dag mnyam/ /'khor lo'i dra bas bsgrubs pa mi shigs sra/ /rin chen sna tshogs mnyam pa'i gzhir gnas shing / /rin chen sna tshogs kun gyis kun tu gang / /yid 'ong sa ni rdo rje gser gyi gzhi/ /rin chen chu bo ri bo'i 'khor los bsgrubs/ / pad+mo'i dkyil 'khor gzhi yin me tog sa/ /tsan+dan phye ma rin chen kun tu bkram/ /'od zer sna tshogs rin chen me tog rnams/ /'od 'phro 'gyed pas phyogs su sprin kyang 'bar/ /sangs rgyas 'od snang nor bu rnam par bkram/ /sa kun me tog yid du 'ong bas yog /thams cad sprin ni phyogs na stug lding bas/ /mi zad yangs pa kun nas khebs par 'dug /zhing rnams thams cad phyogs rnams kun bkang zhing / /sangs rgyas chos ni snyan par rab tu sgrog /rin chen nang snang sangs rgyas smon lam kun/ /shin tu dus ring rtag tu kun tu ston/ /sngon chad </font><hr>Ka151a<br><font size=+1>


@#/ /spyod pa ji 'dra spyod pa dag /kun kyang nor bu'i 'bru las gsal bar snang / /de yi rgya mtsho nor bu sna tshogs gting / /de yi nang na sangs rgyas spyod yul snang / / sangs rgyas spyod yul de dag zhing gi rnams/ /rgya mtsho kun gyi rdul phran re rer snang / /me tog snying po tshon gyi 'khor los bsgrubs/ /der ni byang chub sems dpa' rtag 'dong zhing / / byang chub sems dpa'i smon lam kun kyang sgrog/ snying po byang chub 'khor du rnam 'phrul lo/ /rin chen 'od zer 'od dang ldan pa dag /sa yi nor bu rgyan las rab tu 'byung / /sangs rgyas chos nyid 'di yang rtag tu ston/ /chos dbyings nam mkha' lta bu kun tu 'gengs/ /sangs rgyas kun yul ye shes rgya chen dang / /kun tu bzang po'i smon lam sus shes pa/ /de dag phyogs rnams rgya mtsho kun tu yang / /zhing rnams rgya mtsho dbyings kyi 'phrul la 'jug/ shin tu rgyas pa chen po'i mdo/ sangs rgyas phal po che zhes bya ba las/ 'jig rten gyi khams rgya mtsho'i sa gzhi'i rgyan shin tu bstan pa zhes bya ba ste/ le'u bdun pa'o// //kye rgyal ba'i sras dag /de la 'jig rten gyi khams rgya mtsho'i gzhi sa'i dkyil 'khor de la spos chu'i rgya mtsho sangs rgyas kyi zhing brjod du med pa'i rdul shin tu phra ba snyed yod de/ de dag kun kyang gzhi rin po che thams cad kyi rgyan gyis brgyan pa'o/ /nor bu'i rgyal </font><hr>Ka151b<br><font size=+1>


po dang spos thams cad kyis klung rab tu bsgrubs pa'o/ /nor bu'i rgyal po bzang zhing yid du 'ong ba'i 'od rnam par snang ba'i dra bas kun nas bres pa'o/ /rin po che thams cad kyi kha dog dang mchog tu snang ba'i spos kyi chus yongs su rgyas pa'o/ /rin po che thams cad kyi me tog sna tshogs klong du 'khyil pa'o/ /tsan+dan gyi phye ma dang 'dres pa'o/ /sangs rgyas thams cad kyi gsung gi dkyil 'khor dang / smon lam rgya mtsho'i sgra 'byin pa'o/ /rin po che thams cad kyi 'od zer gyi dkyil 'khor gyi sprin rnam par snang ba'o/ /byang chub sems dpa'i lus kyi sprin me tog sna tshogs kyi kha dog lta bur rab tu 'gyed pa'o/ /kha dog dang dbyibs mtha' yas pa'i gdugs kyis khebs par rnam par 'phrul pas brgyan pa'o/ /dmigs pa thams cad la 'jig rten gyi khams mang po rgya chen po thams cad snang ba'o/ /phyogs kun nas rin po che'i them skas kyi phreng ba bcur rab tu bkye ba'o/ /mu tig rin po che thams cad kyi kha dog lta bu'i mu khyud kyis kun nas bskor ba'o| |rin po che shel gyi rgyal mtshan bye ba khrag khrig brgya stong brjod du med pa bcus kun nas brgyan pa'o/ /'di lta ste/ nor bu dang / me tog gi khang pa brtsegs pa chu klung gang+gA'i klung gi bye ma snyed kha dog mtha' yas pa bcus kun nas bskor ba'o/ /'di lta ste/ nor bu thams cad kyi pad+mo yid du 'ong ba'i grong khyer bye ba khrag khrig brgya stong phrag bcus kun nas </font><hr>Ka152a<br><font size=+1>


@#/ /bskor ba'o/ /'di lta ste/ nor bu rdo rje shin tu sra ba'i gling bzhi'i 'jig rten gyi khams kyi rdul shin tu phra ba snyed kyis rab tu bsgrubs pa'o/ /rin po che thams cad kyi me tog puN+Da rI ka dang / spos kyi chu yongs su rgyas pas kun nas bskor ba'o/ /'di lta ste/ rin po che'i shing gi phreng ba rin po che 'bar zhing kun nas 'phyang ba'i nor bu'i dra ba can gling bzhi'i 'jig rten gyi khams kyi rdul shin tu phra ba snyed kyis kun nas bskor ba'o/ /tsan+dan dang / spos dang / nor bu mang po sgra thams cad dang / sangs rgyas kyi 'od kyi dkyil 'khor gyi phyag gis rnam par snang bar byas pa/ chu klung gang+gA'i klung gi bye ma snyed kyis 'gram shin tu brgyan pa'o/ /'di lta ste/ rin po che dang / gos dang / rgyal mtshan dang / dril bu mang po thams cad kyi sgra 'byung bas rgyan shin tu rgyas pa'o/ /rin po che yid du 'ong ba'i nor bu thams cad kyi ra ba bye ba khrag khrig brgya stong brjod du med pas kun nas bskor ba'o/ /de nas byang chub sems dpa' kun tu bzang pos yang spos chu rgya mtsho'i rgyan 'di nyid yongs su bstan pa'i phyir sangs rgyas kyis byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sa steng de na spos kyi chu bo yis/ /rgya mtsho nor bus brgyan pa rnam brjod de/ /gzhi rnams rin chen gos kyis kun </font><hr>Ka152b<br><font size=+1>


bting ba/ /mi shigs rdo rje lta bu sra zhing mdzes/ /spos dang nor bu'i rgyal po mang po dang / /nyi ma'i nor bu 'od 'phro stug sprin dang / /pad+mo rin chen phreng ba'ang kun nas bres/ /gzhi rnams dri med yid du 'ong ba'o| /spos kyi chu yis yongs su rgyas pa ste/ /rin chen 'od zer sna tshogs me tog klong / /sgra dbyangs rab tu gtong ba'i dbyangs kyis kyang / /sangs rgyas rnam par 'phrul ba rab tu sgrog /them skas phreng ba yid du 'ong dang ldan/ /gzhi ni rin chen nor bu mang pos brgyan/ /stegs bu kun bkod rin chen pad+mo yi/ /sprin stug dra ba rnam par bres pa ste/ /rin chen nor bu'i shing gi phreng ba dag/ rin chen gser gyi kha dog yid 'ong 'bar/ /'od kyi tshogs dang rol mo'i sgra dag kyang / /rnam par 'phrul mang dbyangs su rab tu sgrog /spos chus yongs gang rin chen bsgrubs pa ste/ /me tog puN+Da rI kas kun nas bskor/ /spos dang 'od dang bdug spos 'od zer 'gyed/ /de dag 'od kyi dkyil 'khor rnam par yangs/ / rin chen rgyal mtshan mu tig 'bar ba can/ /gos dang nor bu sna tshogs kun 'phyang zhing / /rin chen nor bu'i dril bu dra ba dag / thams cad mkhyen par 'jug pa'i sgra yang sgrog /pad+mo'i grong khyer rnams kyis kun nas bskor/ /kha dog mtha' yas nor bus rnam par brgyan/ /phyogs rnams kun nas mu tig sprin bkye zhing / /grong khyer rgya mtshos de dag rab tu brgyan/ / </font><hr>Ka153a<br><font size=+1>


@#/ /dra ba bzang pos kun nas bskor ba ste/ /rin chen byas pa'i gzugs bzang khyab kyi bar/ /rnam pa du mar 'bar zhing yid 'ong ba'i/ /rgya mtshos bzang zhing mdzes par rab tu brgyan/ /sngon chad sangs rgyas rnam par snang mdzad kyis/ /sna tshogs rgya mtsho'i zhing rnams yongs sbyangs pa/ /shin tu rgya che mtha' dang dbus med pa'ang / /de dag kun na rnam par 'phrul pa byed/ /spos chu rgya mtsho de dag re re zhing yang spos chu'i chu klung g.yas phyogs su 'khor zhing 'bab pa/ gling bzhi'i 'jig rten gyi khams kyi rdul shin tu phra ba snyed kyis 'khor bar byas pa ste/ spos chu'i chu klung de dag thams cad kyang 'khor kun nas rdo rje'i pad+mo kha dog dang dri mtha' yas pas bsgrubs pa'o/ /nor bu'i 'khor lo dang| nor bu'i 'od rnam par dag pa sna tshogs kyis mtha' kun nas dkris pa'o/ /sangs rgyas kyi 'od kyi dkyil 'khor rin po che thams cad kyi kha dog lta bus rnam par snang bar byas pa'i 'od zer gyi sprin dang ldan pa'o/ /sems can thams cad kyi sgra dbyangs sgrog pa'i dril bu'i dra ba rin po che thams cad kyi kha dog tu 'dug pas kun nas khebs pa'o| |spyod pa'i 'od kyi klong sangs rgyas thams cad kyi mtshan gyi dbyibs lta bu rab tu 'byung ba'o/ /nor bu'i rgyal po rgyan thams cad nang na snang zhing 'od shin tu 'bar ba/ </font><hr>Ka153b<br><font size=+1>


'jig rten gyi khams rgya mtsho lta bur snang ba thams cad kyis shin tu yog par byas pa'o/ /nor bu'i rgyal po phyogs bcu'i sangs rgyas kyi sprul pa rnam par snang pa dang / sangs rgyas thams cad kyi rnam par 'phrul ba'i snying po'i me tog shin tu rgyas pas kun nas khebs pa'o/ /dus gsum du gshegs pa'i sangs rgyas dang byang chub sems dpa'i mtshan gyi 'khor lo dbyangs su sgrog pa'o/ /spos kyi chu dang rin po che 'od 'phro ba thams cad kyi 'od dang / 'od zer gyi sprin rab tu 'byung ba ste/ chu klung de dag re re zhing yang rgyan shin tu bstan pa/ 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang spos chu'i chu klung gi rgyan dang / yon tan rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /chu klung dri ma med pa'i chus rgyas shing // gzhi ni nor bu'i rdo rje pad+mos byas/ /rin chen mang po sil bus gzhi bkram zhing / /kun nas brgyan pa sna tshogs yid du 'ong / /them skas phreng bas de dag kun nas bskor/ /pad+mo'i phyang ba'i mu khyud 'khor can te/ /me tog brgyan pa'i mu tig phreng ba dang / /me tog lda ldis sna tshogs kun nas bres/ /nor bu'i chu bo spos chu 'byung ba ni/ /rin chen kun gyi kha dog mdog </font><hr>Ka154a<br><font size=+1>


@#/ /ltar 'bab/ /rin chen nor bu me tog mdzes par bkod/ /sil snyan sgra ni sangs rgyas gsung skad brjod/ /de dag rnyog pa nor bu zla ba ste/ /rin chen sna tshogs thams cad dba' klong ngo / /phyogs rnams bcu po kun tu rtag par yang / /spos dang bdug pa 'od 'phro'i rgyan 'byung ngo / /chu bo rnams las rin chen thams cad kyi/ /'od zer 'phro ba kun tu rab tu 'byung / /me tog nor bu'i phung po gdugs rnams kyang / /rin chen kun gyi gzer du rab tu 'bar/ /phyogs bcu'i zhing gi gzugs brnyan mang po dang / /sangs rgyas gzugs brnyan rin chen rnams las snang / /rin chen 'khor lo'i gzhi rten yid 'ong las/ /spos chus rgyas pa'i chu klung rnams kyang 'bab/ /rin chen gser gyi dril bu'i dra ba yis/ /yog cing sangs rgyas gsung du sgra sgrog 'bab/ /rgyal ba kun gyi byang chub spyod pa dang / /kun tu bzang po'i spyod mchog rab tu 'dzud/ /sangs rgyas smon lam sgra dbyangs rnam pa dang / /sangs rgyas thams cad sngon gyi sbyor ba dag /rnam dag nor bu'i ngos dang ngogs kun nas/ /sgra rnams sgrog pa kun na rab tu snang / /chu bo thams cad dba' klong dag las kyang / /byang chub sems dpa'i sprin chen 'bar bdag /chos kyi dbyings rnams rab tu rgyas byed pa/ /'byams klas phyogs rnams kun na rab tu snang / /chu klung de dag thams cad dri med cing / /nor bu'i rgyal po sprin gyis kun khyab pa// </font><hr>Ka154b<br><font size=+1>


mdzod spu'i dpal dang sangs rgyas gzi brjid 'bar/ /nor bu'i rgyal po sangs rgyas gzugs brnyan snang / /spos chu'i chu klung de dag gi bar dag kyang sa sna tshogs la rin po che thams cad kyis rab tu brgyan pa ste/ chu klung gi bar de dag re re zhing yang rin po che'i me tog puN+Da rI ka'i phreng ba gling bzhi'i 'jig rten gyi khams kyi rdul shin tu phra ba snyed kyis kun nas bskor ba'o/ /chu klung gi bar de dag re re zhing yang rin po che'i shing gi phreng ba gling bzhi'i 'jig rten gyi khams kyi rdul shin tu phra ba snyed kyis rnam par phye ba'o/ /shing gi gseb thams cad nas kyang rgyan thams cad kyi sprin rtag par rab tu 'byung ste/ nor bu'i rgyal po byang chub sems dpa'i dpal 'byung ba'i sprin dang / 'od rnams kyang rab tu 'byung ngo / /shing gi bar de dag thams cad kyang 'od shin tu 'bar ba ste/ spos dang / me tog sna tshogs kyis rab tu gang ba'o/ /nor bu'i rgyal po sangs rgyas thams cad kyis smon lam bskal pa thams cad du byin gyis rlob pa'i sgra sgrog pa'i sprin gyis yongs su gang ba'o/ /spos 'od 'phro ba'i sprin gyi 'od zer gyis rnam par snang bar byed pa'i sprin gyis mngon par khyab pa'o/ /spos kyi rgyal po yid du 'ong ba sna tshogs kyis rnam par rgyas pa'o| |nor bu'i rgyal po rgyan bsam gyis mi khyab pa'i kha dog yang dag par ston pas mnyam pa nyid du mngon par gang ba'o/ /gos kyi tshogs sna tshogs sprin lta bus mngon par yog pa'o/ / </font><hr>Ka155a<br><font size=+1>


@#/ /nor bu'i rgyal po phyogs bcur 'od zer gyi dra ba'i sprin gyis yog par byed pas rnam par rgyas pa'o/ /nor bu'i rgyal po sangs rgyas thams cad kyi rnam par 'phrul pa'i 'od kyis mngon par gang ba'o/ /nor bu'i rgyal po sems can thams cad kyi las rnam par smin pa rgya mtsho'i gzugs brnyan shin tu ston pas rgyas pa ste/ de dag la sogs pa chu klung gi bar de dag re re zhing yang rgyan shin tu bstan pa ni/ 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang spos chu'i chu klung gi bar gyi rgyan yongs su dag pa rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so| |chu klung bar rnams shin tu rnam par dag /rin chen rgyan can gser gyis rnam par bres/ /yal ga me tog sprin rnams 'phyang lding ba'i/ /shing gi phreng bas kun nas mngon par khyab/ /shing gi yal ga'i dkyil 'khor sgo dag nas/ /rin chen mang po'i sprin rnams kun kyang 'byung / /me tog 'od mang rin chen snying po can/ /phyogs rnams kun sgor 'gro ba khyab par byed/ /gzhi rnams nor bu mngon par bkram pa ste/ /me tog rnam bres rin chen 'bru dang ldan/ /kun nas rin chen sprin gyis khyab pa ste/ /rgyan dang sems can </font><hr>Ka155b<br><font size=+1>


thams cad gzugs brnyan snang / /sangs rgyas 'od kyi nor bu'i rgyal po yis/ /sa rnams thams cad kun nas rnam par gang / /phyogs rnams thams cad 'bar zhing snang ba'i sprin/ /rdul phran kun la gzugs brnyan gyur bar snang / /nor bu'i rgyan gyis shin tu rnam par rgyas/ /mu tig gsal ba'i dra bas rnam par phye/ /nor bu'i 'khor lo kun nas rab tu bkod/ /kun na rgyal ba rnam par 'phrul ba snang / /'byams klas 'od zer ldan pa'i rin chen gyis/ /sangs rgyas sprul pa bkye ba kun na snang / /sangs rgyas mang pos phyogs rnams kun khyab cing / /stobs bcu mnga' ba'i chos nyid rab tu sgrog /rin chen sna tshogs puN+Da rI ka yis/ /chu rnams kun rgyas sny-ing po nor bu spos/ /de las mi zad 'od zer rgya mtsho'i rnams/ /rab tu 'byung ba'i pad+mo sna tshogs 'byung / /dus rnams gsum po'i rgyan rnams thams cad kyang / /nor bu de dag 'bru yi nang na ste/ /'byung ba med cing gzung du'ang yod pa min/ /de ni sangs rgyas rnam par 'phrul ba'i mthu/ /rgyal ba rnam par snang mdzad thams cad du/ /rgyan dang sprul pa thams cad rab tu 'gyed/ /sngon chad sangs rgyas smon lam mthu dag gis/ /de dag 'gro zhing 'ong bar snang ba med| |rdul rnams rgya mtsho thams cad dag la yang / /rgyal sras thams cad spyad pa rab spyod de/ /rang gi zhing dang lung bstan sa yi rnams/ /bsam pa rnam dag tshul bzhin de dag mthong // </font><hr>Ka156a<br><font size=+1>


@#/ /kye rgyal ba'i sras dag /sangs rgyas bcom ldan 'das rnams kyi 'jig rten gyi khams rgya mtsho'i rgyan shin tu bstan pa ni/ bsam gyis mi khyab ste/ kye rgyal ba'i sras dag /de ci'i phyir zhe na/ 'jig rten gyi khams rgya mtsho gzhi dang snying po me tog gi rgyan gyis brgyan pa'i dmigs pa dag la'ang dmigs pa re re zhing yongs su dag pa'i yon tan dang / rgyan shin tu bstan pa rgya mtsho ni/ 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi khams rgya mtsho yongs su dag cing / yon tan mtha' dang dbus med pas yon tan rnam par dag pa'i rgyan shin tu bstan pa rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing gi rgya mtsho 'di rnams thams cad kyang / /rin chen rgyan can 'od zer gnas pa ste/ /stug cing gsal ba'i sprin gyis kun nas yog /rin chen thams cad 'od kyang rnam par 'bar/ /mu tig nor bu'i sprin mang zad mi shes/ /sangs rgyas gzugs brnyan phyogs su rnam par snang / /zhing na yod pa'i rnam par 'phrul pa rnams/ /byang chub sems dpa' rnams la rtag tu ston pa byed/ /sangs rgyas gsung gi sprin ni bsam gyis mi khyab ste/ / </font><hr>Ka156b<br><font size=+1>


nor bu'i rgyal po thams cad snyan par sgrog /rnam par snang mdzad sngon gyi spyod pa rnams/ /rin chen rnams la rtag par snang zhing grags/ /sangs rgyas rnam par snang mdzad dri med 'od/ /rgyan rnams thams cad nang na rnam par snang / /'khor rnams gzugs brnyan mtshan nyid 'chang ba dang / /sprul pa rnams kyi zhing gi rgya mtsho gang / /sangs rgyas sprul pa rnams ni sgyu ma 'dra/ de dag la ni byon pa gang yang med/ /sangs rgyas yul rnams byin gyis brlabs pa yi/ /zhing rnams kun nas sangs rgyas rnam par 'phrul/ /zhing rnams 'byams klas par ni rnam 'phrul zhing / / ji snyed zhing du de dag kun rgyu ba/ /de dag nor bu kun la rab tu snang / /de ltar zhing rnams rgya mtsho rnam par sbyangs/ /sprul pa rnams ni mig yor 'dra ba ste/ /thams cad dag na chos nyid 'di yang snang / /'di ni rnam par snang mdzad spyod yul te/ /smon lam rnam par 'phrul las byung ba'o/ /bzang po'i spyod pas gang rnams byung gyur pa'i/ /byang chub sems dpa' shes mchog rgya mtsho can/ /de dag rdul phran kun la rang rang gis/ /rang gi zhing rnams rgya mtsho dag par byed/ /de bzhin gshegs pa kun gyi zham ring du/ /bskal pa bye ba rgya chen bsam yas su/ /de dag spyod yul thams cad mthong bas na/ /skad cig sems la de dag thams cad ston/ /zhing rnams mnyam med 'byung ba med pa ste/ /de dag mtha' 'dra mnyam zhing mtshan nyid med/ /smon lam </font><hr>Ka157a<br><font size=+1>


@#/ /stobs kyis kun tu gnas pa ste/ /sems can rnams la phan phyir rab tu sbyangs/ /kye rgyal ba'i sras dag/ de la 'jig rten gyi khams rnam par dgod pa shin tu bstan pa gang zhe na/ kye rgyal ba'i sras dag/ 'jig rten gyi khams spos chu'i rgya mtsho sangs rgyas kyi zhing brjod du med pa bcu'i rdul shin tu phra ba snyed po de dag la 'jig rten gyi khams kyi rgyud sangs rgyas kyi zhing brjod du med pa'i rdul shin tu phra ba snyed rab tu gnas te/ 'jig rten gyi khams kyi rgyud de dag re re zhing yang 'jig rten gyi khams 'byams klas pa sangs rgyas kyi zhing brjod du med pa'i rdul shin tu phra ba snyed kyi 'khor gyis bskor ba'o/ /'jig rten gyi khams rgya mtsho 'byams klas pa de dag thams cad kyang gzhan dang gzhan la gnas pa/ dbyibs gzhan dang gzhan du 'dug pa/ phyogs gzhan dang gzhan la lta ba/ rnam pa gzhan dang gzhan gyis 'jug pa/ rgyan gzhan dang gzhan yod pa/ gzhan dang gzhan gyis rgyas par 'gengs pa/ gzhan dang gzhan du 'du ba rnam pa gzhan dang gzhan du ma 'dres pa/ rnam par 'phrul pa dang / byin gyi rlabs gzhan dang gzhan yod pa dag ste| kye rgyal ba'i sras dag /de la 'jig rten gyi khams rgya mtsho 'byams klas pa la la ni/ pad+mo'i rgya mtsho la rab tu gnas so/ /'jig rten gyi khams rgya mtsho 'byams klas pa </font><hr>Ka157b<br><font size=+1>


la la ni| rin po che kha dog mtha' yas pa'i me tog rgya mtsho la rab tu gnas so/ /'jig rten gyi khams rgya mtsho 'byams klas pa la la ni/ rin po che'i phreng ba mu tig gi 'bru'i snying po can gyi rgya mtsho la rab tu gnas so/ /'jig rten gyi khams rgya mtsho 'byams klas pa la la ni/ spos chu'i rgya mtsho la rab tu gnas so/ /'jig rten gyi khams rgya mtsho 'byams klas pa la la ni| me tog thams cad kyi rgya mtsho la rab tu gnas so/ /'jig rten gyi khams rgya mtsho 'byams klas pa la la ni/ nor bu rin po che'i dra ba'i rgya mtsho la rab tu gnas so/ /'jig rten gyi khams rgya mtsho 'byams klas pa la la ni/ 'od zer gyi rgya mtsho klong du gyur pa'i chu bo la rab tu gnas so/ /'jig rten gyi khams rgya mtsho 'byams klas pa la la ni/ byang chub sems dpa'i nor bu'i cod pan sna tshogs kyi rgyan la rab tu gnas so/ /'jig rten gyi khams rgya mtsho 'byams klas pa la la ni/ sems can gyi lus sna tshogs rgya mtsho la rab tu gnas so| |'jig rten gyi khams rgya mtsho 'byams klas pa la la ni/ sangs rgyas thams cad kyi gsung nor bu'i rgyal po la rab tu gnas so/ /de dag la sogs pa 'jig rten gyi khams rgya mtsho 'byams klas pa'i gnas shin tu bstan pa ni/ 'jig rten gyi khams rgya mtsho'i rdul shin tu phra ba snyed do/ /'jig rten gyi khams rgya mtsho thams cad kyang dbyibs gzhan dang gzhan du </font><hr>Ka158a<br><font size=+1>


@#/ /'dug pa sha stag ste/ 'jig rten gyi khams rgya mtsho 'byams klas pa la la ni/ ri rab kyi dbyings lta bu'o/ /'jig rten gyi khams 'byams klas pa la la ni/ chu klung gi dbyibs lta bu'o/ /'jig rten gyi khams 'byams klas pa la la ni/ kun tu 'khor ba'i dbyibs lta bu'o/ /'jig rten gyi khams 'byams klas pa la la ni/ kun nas 'khyil ba'i dbyibs lta bu'o/ /'jig rten gyi khams 'byams klas pa la la ni/ 'khor ba'i dbyibs lta bu'o/ /'jig rten gyi khams 'byams klas pa la la ni/ mig mang ris kyi dbyibs lta bu'o/ /'jig rten gyi khams 'byams klas pa la la ni/ shing gi dbyibs lta bu'o/ /'jig rten gyi khams 'byams klas pa la la ni/ khang pa brtsegs pa'i dbyibs lta bu'o/ /'jig rten gyi khams 'byams klas pa la la ni/ rdo'i rgyal mtshan gyi dbyibs lta bu'o/ /'jig rten gyi khams 'byams klas pa la la ni/ phyogs 'byams klas pa'i dbyibs lta bu'o/ /'jig rten gyi khams 'byams klas pa la la ni/ khang pa'i dbyibs lta bu'o/ /'jig rten gyi khams 'byams klas pa la la ni/ pad+mo'i dbyibs lta bu'o/ / 'jig rten gyi khams 'byams klas pa la la ni/ rta babs kyi dbyibs lta bu'o/ /'jig rten gyi khams 'byams klas pa la la ni/ sems can gyi lus kyi dbyibs lta bu'o/ /'jig </font><hr>Ka158b<br><font size=+1>


rten gyi khams 'byams klas pa la la ni/ sprin gyi dbyibs lta bu'o/ /'jig rten gyi khams 'byams klas pa la la ni/ sangs rgyas kyi mtshan gyi dbyibs lta bu'o/ /'jig rten gyi khams 'byams klas pa la la ni/ 'od kyi dkyil 'khor gyi dbyibs lta bu'o/ /'jig rten gyi khams 'byams klas pa la la ni/ dra ba sna tshogs bkye ba'i dbyibs lta bu'o/ /'jig rten gyi khams 'byams klas pa la la ni/ sgo kun nas yog pa'i dbyibs lta bu'o/ /'jig rten gyi khams 'byams klas pa la la ni/ dmigs pa thams cad kyi dbyibs lta bu ste/ kye rgyal ba'i sras dag /de dag la sogs pa 'jig rten gyi khams 'byams klas pa'i dbyibs rnam par phye ba shin tu bstan pa ni/ 'jig rten gyi khams rgya mtsho'i rdul shin tu phra ba snyed do/ / kye rgyal ba'i sras dag /'jig rten gyi khams rgya mtsho'i tshul de dag ni/ lhun gzhan dang gzhan du bstan pa ste/ 'jig rten gyi khams kyi tshul la la ni/ phyogs thams cad kyi nor bu'i sprin gyi lhun can no/ /'jig rten gyi khams kyi tshul la la ni/ 'od kyi lhun can no/ /'jig rten gyi khams kyi tshul la la ni/ rin po che dang spos 'od 'phro ba thams cad kyi lhun can no| |'jig rten gyi khams kyi tshul la la ni/ rin po che thams cad kyi me tog kha sprod las bsgrubs pa'i lhun can no/ /'jig rten gyi khams kyi tshul la la ni/ byang chub sems </font><hr>Ka159a<br><font size=+1>


@#/ /dpa'i lus kyi gzugs brnyan gyi lhun can no/ /'jig rten gyi khams kyi tshul la la ni/ sangs rgyas kyi 'od kyi lhun can no/ /'jig rten gyi khams kyi tshul la la ni| rin po che'i 'od kyi lhun can no/ /'jig rten gyi khams kyi tshul la la ni/ sangs rgyas kyi kha dog gi lhun can no/ /'jig rten gyi khams kyi tshul la la ni/ rin po che thams cad kyi kha dog gi 'od kyi lhun can no/ /'jig rten gyi khams kyi tshul la la ni/ sems can thams cad kyi bsod nams rgya mtsho yang dag par 'byung ba'i sgra'i lhun can no/ /'jig rten gyi khams kyi tshul la la ni/ sems can thams cad kyi las rgya mtsho yang dag par 'byung ba'i sgra'i lhun can no/ /'jig rten gyi khams kyi tshul la la ni/ sangs rgyas thams cad kyi spyod pa'i dkyil 'khor yongs su dag pa'i sgra'i lhun can no/ /'jig rten gyi khams kyi tshul la la ni/ byang chub sems dpa' thams cad kyi smon lam gyi rgya mtsho'i sgra'i lhun can no| |'jig rten gyi khams kyi tshul la la ni/ sangs rgyas kyi tshul thams cad mngon par sgrub pa'i sgra'i lhun can no/ /'jig rten gyi khams kyi tshul la la ni/ zhing gi rgyan thams cad 'byung ba dang 'jig pa'i sgra'i lhun can no/ /'jig rten gyi khams kyi tshul la la ni/ sangs rgyas kyi gsung dang dbyangs mtha' dang dbus med pa'i lhun can no/ /'jig rten gyi khams </font><hr>Ka159b<br><font size=+1>


kyi tshul la la ni/ sangs rgyas thams cad kyi sprul pa'i 'khor lo'i sgra'i lhun can no/ /'jig rten gyi khams kyi tshul la la ni/ sems can thams cad kyi dge ba 'byung ba'i sgra'i lhun can no/ / 'jig rten gyi khams kyi tshul la la ni/ sangs rgyas thams cad kyi yon tan rgya mtsho yongs su dag pa'i sgra'i lhun can no/ /kye rgyal ba'i sras dag/ de dag la sogs pa 'jig rten gyi khams kyi rgyud 'byams klas pa'i tshul gyis lus ni/ 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi khams kyi rgyud 'byams klas pa'i tshul gyis lus rnam par dgod pa shin tu bstan pa 'di nyid gsal bar brjod pa'i phyir sangs rgyas kyi byin gyi rlabs kyis phyogs bcur rnam par bltas te| de'i tshe tshigs su bcad pa 'di dag smras so/ /zhing gi rgyud rgyan shin tu brtan par grub/ /dri med dri bral 'od 'gyed snying po can/ /nor bu pad+mo rgya mtsho kun la gnas/ /la la gang+gA'i rgya mtsho dag la gnas| |rnam pa sna tshogs tshul gyi gzhi gnas shing / /dbyibs kyang sna tshogs kha dog gzugs kyang mang / /ri rab grong khyer shing gi dkyil 'khor dang / /zhing rgyud thams cad la la phyogs kun lta| |la la 'od lus me tog snying po can/ /nor bus byas pa kun nas sprin dang chu/ /la la'i rgyud gsal mu tig 'od zer lus/ /nor bu'i gzhi gnas kun kyang mi shigs sra/ /'byams </font><hr>Ka160a<br><font size=+1>


@#/ /klas la la kha dog sna tshogs gsal/ /'od 'dra 'od 'phro me mar sprin gyi mdog /la la'i rgyud ni sgra dang skad kyi lus/ /de las sangs rgyas gsung dbyangs mtha' yas 'byung / /la la'i rgyud ni smon lam sgra yi lus/ /spyod pa rnam 'phrul sprin gyi sgra yi lus/ /la la bsod nams yangs dang las kyi sgra/ /la la'i lus ni rgyal ba'i yon tan sgra| |zhing gi rgyud rnams rgya mtsho bsam yas pa/ /kun nas mi zad du ma'i sgo nas 'jug/ rnam 'phrul yangs pa mi zad rgyan gyi rnams/ /tshad med kun gyis phyogs kun rgyas par 'gengs/ /phyogs rnams kun tu zhing rnams 'du 'gyur te/ /yangs pa'i tshul gyis zhing gi rgyud zhugs par/ /phyogs bcu kun tu 'du bar snang ba yang / /'gro ba med cing 'jug pa yod pa min/ /tshul gcig gis ni rgyud rnams kun kyang 'gengs/ /thams cad ma lus re rer rab tu 'dug/ de la tha dad gang yang mi dmigs te/ /gzhi med kun 'gengs mtha' dang dbus kyang med/ /zhing rnams tshul gyi rgyud la rnam 'phrul ba/ /sangs rgyas rnam snang mdzad pa kun nas snang / /smon lam sgra ni rgya mtshor rab brjod cing / /zhing gi dbyings na sems can kun kyang 'dul/ /zhing rnams sangs rgyas sku yis kun khyab snang / /bsam gyis mi khyab byang chub sems dpas gang / /sangs rgyas rnam 'phrul mi mnyam stobs ston </font><hr>Ka160b<br><font size=+1>


cing / /sems can mang po tshad med rnam par 'dul/ /shin tu rgyas pa chen po'i mdo/ sangs rgyas phal po che zhes bya ba las/ zhing gi rgyud kyi gnas shin tu bstan pa zhes bya ba ste/ le'u brgyad pa'o// //bam po dgu pa/ kye rgyal ba'i sras dag/ de la 'jig rten gyi khams rgya mtsho gang chen mtsho'i dbyings de na spos chu'i rgya mtsho mig 'phrul gyi rnam pas rnam par phye ba gzhi kun la rab tu gnas pa ni/ sangs rgyas kyi zhing brjod du med pa'i rdul shin tu phra ba snyed de/ kye rgyal ba'i sras dag /de la gang chen mtsho'i dbyings kyi spos chu'i rgya mtsho'i sangs rgyas kyi zhing brjod du med pa'i rdul shin tu phra ba snyed kyi nang na spos chu'i rgya mtsho dbus ma ni/ ze ba yid du 'ong zhing 'od zer mtha' yas pa zhes bya ste/ de'i nang nas nor bu'i rgyal po byang chub sems dpa' thams cad kyi lus rnam par dmigs pa'i gzugs brnyan gyi rgyal mtshan gyi pad+mo chen po gzhi spos dang / nor bu'i rgyal po thams cad kyis brgyan pa'i rgyan can zhes bya ba mngon par byung ste/ de la 'jig rten gyi khams kyi rgyud phyogs kun nas rin po che 'bar ba'i 'od rnam par snang ba zhes bya ba 'jig rten gyi khams sangs rgyas kyi zhing brjod du med pa'i rdul shin tu phra ba snyed kyi 'khor gyis bskor ba/ dmigs pa thams cad kyi rgyan gyis brgyan pa'i lhun can rab tu gnas te/ de dag las thams cad kyi 'og ma ni/ </font><hr>Ka161a<br><font size=+1>


@#/ /dpal 'byung ba'i 'od zer rnam par snang ba zhes bya ba'i 'jig rten gyi khams te/ de ni/ rdo rje thams cad kyi rgyun dang / 'od kyi 'khor lo'i sa mtshams nor bu rin po che'i ze ba mang po la rab tu gnas pa/ nor bu'i 'khor thams cad dang / rin po che'i me tog gi rgyan thams cad kyis rab tu yog par gyur pa ste/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ 'jig rten gyi khams de dag kyang gzhan dang gzhan la gnas pa/ rgyan gzhan dang gzhan can dag ste/ de na de bzhin gshegs pa tshul rnam par dag cing dri ma med pa'i mar me zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams spos sna tshogs kyi pad+mo dpal gyi rgyan ces bya ba rgyan thams cad kyi sa mtshams can/ rin po che'i pad+mo shin tu mang ba la rab tu gnas pa/ seng+ge'i khri'i dbyibs ltar 'dug pa/ mu tig gi 'bru rin po che thams cad kyi kha dog lta bu'i bla re'i sprin gyis kun nas yog pa/ kun nas nyon mongs shing rnam par dag pa/ 'jig rten gyi khams sangs rgyas kyi zhing gnyis kyi rdul shin tu phra ba snyed kyi 'khor gyis bskor ba yod de/ de na de bzhin gshegs pa seng+ge'i 'od zer mchog gi 'od ces bya ba bzhugs so/ /de'i steng sangs rgyas kyi zhing gi rdul shin tu phra ba </font><hr>Ka161b<br><font size=+1>


snyed kyi 'jig rten gyi khams 'das pa na 'jig rten gyi khams rin po che thams cad kyi rgyan kun tu snang ba zhes bya ba spos kyi rlung gi dkyil 'khor gyi sa mtshams can/ rin po che'i me tog gi phreng ba sna tshogs la rab tu gnas pa nor bu'i 'khor lo gzi brjid bzang po'i nyi ma'i sprin gyis kun nas yog pa/ yan lag brgyad du dma' ba'i dbyibs can/ 'jig rten gyi khams sangs rgyas kyi zhing gsum gyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa yod de/ de na de bzhin gshegs pa 'od dri ma med pa'i ye shes kyi dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od zer sna tshogs kyi yid du 'ong ba zhes bya ba rin po che'i rgyal po thams cad kyi sa mtshams can/ kha dog sna tshogs dang ldan pa'i rdo rje brag gi rgya mtsho la rab tu gnas pa/ rin po che pad+mo'i dbyibs ltar 'dug pa/ rdo rje'i 'od zer dang / rin po che 'bar ba mtha' yas par snang ba'i 'od kyi nor bu'i rgya mtsho'i sprin gyis kun nas yog pa/ gcig tu dag pa/ 'jig rten gyi khams sangs rgyas kyi zhing bzhi'i rdul shin tu phra ba snyed kyi 'khor gyis bskor ba yod de/ de na de bzhin gshegs pa rdo rje'i 'od zer stobs dang brtson 'grus mtha' yas pa yang dag par 'byung ba zhes bya ba bzhugs so/ /de'i </font><hr>Ka162a<br><font size=+1>


@#/ /steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od shin tu bkye ba'i me tog sil ma'i 'khor lo zhes bya ba rin po che thams cad kyi dril bu'i dra ba'i rgyan gyi sa mtshams can/ shing dang nags tshal gyi rgyan thams cad 'byung ba'i rin po che'i 'khor lo mang po'i rgya mtsho la rab tu gnas pa/ phyogs thams cad nas gra du ma'i dbyibs su 'dug pa/ nor bu'i rgyal po tshangs pa'i dbyangs su sgrog pas kun nas yog pa/ kun nas nyon mongs shing rnam par dag pa| 'jig rten gyi khams sangs rgyas kyi zhing lnga'i rdul shin tu phra ba snyed kyi 'khor gyis bskor ba yod de/ de na de bzhin gshegs pa spos kyi 'od zer dga' ba'i stobs rgya mtsho zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams dge ba sna tshogs kyi rnam pa zhes bya ba/ 'jig rten gyi khams sangs rgyas kyi zhing drug gi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa rin po che shi la'i rgyal mtshan gyi sa mtshams can/ rdo rje'i khyim gzhal med khang rgya mtsho la rab tu gnas pa/ kun nas gru bzhi'i dbyibs su 'dug pa/ 'khor lo nor bu gtsug gi bla re'i sprin gyis kun nas </font><hr>Ka162b<br><font size=+1>


yog pa yod de/ de na de bzhin gshegs pa kun tu snang ba'i 'od kyi dbang po'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rgyan gyi 'od zer me tog shin tu rgyas pa'i dkyil 'khor ces bya ba 'jig rten gyi khams sangs rgyas kyi zhing bdun gyi rdul shin tu phra ba snyed kyi 'khor gyis bskor ba/ gcig tu dag pa/ khang pa brtsegs pa'i dbyibs su 'dug pa/ me tog pad+mo sna tshogs kyi rgyan gyi sa mtshams can/ rin po che thams cad kyi 'od zer dang / rin po che'i kha dog rgya mtsho la rab tu gnas pa/ kha dog thams cad kyi gos dang / mu tig dang / stegs bus kun nas yog pa yod de/ de na de bzhin gshegs pa dga' ba rgya mtsho'i shugs dang / yon tan grags pa'i dbang phyug 'od zer ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams yang dag par 'byung ba'i gzi brjid ces bya ba 'jig rten gyi khams sangs rgyas kyi zhing brgyad kyi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa nor bu'i rgyal po sgra thams cad gtong ba'i rgyan gyi sa mtshams can/ rin po che sna tshogs kyi kha dog lta bu'i pad+mo la 'dug cing / nam mkha'i rgya mtsho la rab tu gnas pa/ mig 'phrul </font><hr>Ka163a<br><font size=+1>


@#/ /gyi dbyibs lta bur 'dug pa/ 'od kyi me tog gi dra ba'i sprin kha dog mtha' yas pas kun nas yog pa yod de/ de na de bzhin gshegs pa grags pa chen po'i ye shes rgya mtsho'i rgyal mtshan zhes bya ba bzhugs so/ /de'i steng 'jig rten gyi khams sangs rgyas kyi zhing rdul shin tu phra ba snyed 'das pa na 'jig rten gyi khams sgra dbyangs rab tu sgrog pa zhes bya ba 'jig rten gyi khams sangs rgyas kyi zhing dgu'i rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rin po che yid bzhin gyi rgyal po'i 'khor lo'i shing gi rgyan gyi sa mtshams can/ nor bu'i rgyal po rgyan thams cad kyi sprin 'bar ba'i sgra'i rgya mtsho'i gzhi la rab tu gnas pa/ tshangs pa'i lus kyi dbyibs ltar 'dug pa/ seng+ge'i khri'i sprin rin po che yid du 'ong ba mtha' yas pa'i rgyan can gyis kun nas yog pa yod de/ de na de bzhin gshegs pa mtshan gyi gzi brjid thub pa med pa'i zla ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rdo rje'i rgyal mtshan zhes bya ba 'jig rten gyi khams sangs rgyas kyi zhing bcu'i rdul shin tu phra ba snyed kyi 'khor gyis bskor ba/ gcig tu dag pa/ rgyan mtha' yas pa dang / mu tig gi 'bru rab tu 'phyang ba dang / </font><hr>Ka163b<br><font size=+1>


rin po che'i phreng ba'i rgyan gyi sa mtshams can/ rin po che seng+ge'i khri'i rgyan dang / mu tig gi phreng ba dang / rgyan thams cad kyis brgyan pa'i nor bu'i rgya mtsho la rab tu gnas pa/ kun nas zlum pa'i dbyibs su 'dug pa/ spos dang / nor bu dang / me tog sna tshogs kyi ri rab kyi sprin ri rab bcu'i rdul shin tu phra ba snyed kyis kun nas yog pa yod de/ de na de bzhin gshegs pa chos rgya mtsho thams cad kyis shin tu 'phags pa'i rgyal po zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mdog rnam par snang ba zhes bya ba 'jig rten gyi khams sangs rgyas kyi zhing bcu gcig gi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ rdo rje ltar mi shigs shing sra ba'i rgyan gyi sa mtshams can/ me tog sna tshogs rnam pa mang po'i rgya mtsho la rab tu gnas pa/ zla ba kham pa'i dbyibs ltar 'dug pa/ lha rdzas rin po che'i bla res kun nas yog ba yod de/ de na de bzhin gshegs pa rgyal ba'i yon tan chos nyid tshad med pa zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams snang ba'i mdog ces bya ba 'jig rten gyi khams sangs rgyas kyi zhing bcu gnyis kyi rdul shin tu phra ba snyed kyi 'khor gyis bskor ba/ </font><hr>Ka164a<br><font size=+1>


@#/ /rnam par dag cing kun nas nyon mongs pa/ 'od zer gyi rgyan kun nas snang ba'i sa mtshams can/ spos kyi chu'i rgya mtsho me tog gi klong can gyi gang chen mtsho la rab tu gnas pa/ me tog 'khyil pa'i dbyibs ltar 'dug pa/ gos sna tshogs kyi sprin gyis kun nas yog pa yod de/ de na de bzhin gshegs pa tshangs pa'i dbang po'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mi mjed ces bya ba 'jig rten gyi khams sangs rgyas kyi zhing bcu gsum gyi rdul shin tu phra ba snyed kyi 'khor gyis bskor ba/ kun nas nyon mongs la rnam par dag pa/ rdo rje'i gzhi'i sa mtshams can/ rlung gi dkyil 'khor kha dog sna tshogs can gyi shin tu gzung ba/ pad+mo'i dra ba la rab tu gnas pa kun nas zlum pa'i dbyibs su gnas pa/ nam mkha' lha'i khang pa can gyis brgyan pa 'di yod de/ de na bcom ldan 'das de bzhin gshegs pa rnam par snang mdzad 'di bzhugs so/ /sangs rgyas kyi zhing 'di'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mnyam la rdul med pa'i 'od ces bya ba 'jig rten gyi khams sangs rgyas kyi zhing bcu bzhi'i rdul shin tu phra ba snyed kyi 'khor gyis bskor ba/ rnam par dag cing kun nas </font><hr>Ka164b<br><font size=+1>


nyon mongs pa/ rin po che thams cad kyi rgyan gyi sa mtshams can/ rin po che'i gos sna tshogs rgya mtsho la rab tu gnas pa/ rdo rje'i dbyibs ltar 'dug pa/ rdo rje'i sprin kha dog mtha' yas pas kun nas yog pa yod de/ de na de bzhin gshegs pa chos kyi dbyings shin tu 'phags pa'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od sna tshogs yid du 'ong ba'i mar me zhes bya ba 'jig rten gyi khams sangs rgyas kyi zhing bco lnga'i rdul shin tu phra ba snyed kyi 'khor gyis bskor ba/ gcig tu dag pa/ rgyan mang po thams cad kyi bla re'i sa mtshams can/ me tog gi dra ba rgya mtsho rnam par dag pa la rab tu gnas pa/ dbyibs dpal gyi be'u ltar 'dug pa/ nor bu'i shing dang spos chu'i sprin rgya mtshos kun nas yog pa yod de/ de na de bzhin gshegs pa stobs la thub pa med pas kun tu snang ba'i dpal zhes bya ba bzhugs so| |de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams 'od 'phro snang ba dri ma med pa zhes bya ba 'jig rten gyi khams sangs rgyas kyi zhing bcu drug gi rdul shin tu phra ba snyed kyi 'khor gyis bskor ba/ nyon mongs shing rnam par dag pa/ nor bu'i rgyal po rin po che mi zad pa 'gyed pa'i sa mtshams can/ </font><hr>Ka165a<br><font size=+1>


@#/ /spos dang 'od 'phro ba sna tshogs can gyi pad+mo'i rgya mtsho la rab tu gnas pa/ dbyibs rus sbal gyi mgo ltar 'dug pa/ nor bu 'od kyi dkyil 'khor rnam par snang ba'i 'khor lo'i tsan+dan gyi sprin gyis kun nas yog pa yod de/ de na de bzhin gshegs pa yon tan gyi nyi ma dri ma med pa'i spyan zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che'i 'byung gnas kyis rab tu brgyan pa'i snying po zhes bya ba/ 'jig rten gyi khams sangs rgyas kyi zhing bcu bdun gyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ dbyibs sems can thams cad kyi lus ltar 'dug pa/ nor bu'i rgyal po'i rgyan gyi sa mtshams can/ nor bu'i rgyal po 'od kyi snying po 'byung ba'i rgya mtsho la rab tu gnas pa/ dbyibs yan lag brgyad du 'dug pa/ khor yug thams cad kyi rin po che'i rgyan dang / me tog dang shing gi dra bas kun nas yog pa yod de/ de na de bzhin gshegs pa chags pa med pa'i ye shes phyogs kun tu rnam par snang ba'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rdul dang bral ba zhes bya ba/ 'jig rten gyi khams sangs </font><hr>Ka165b<br><font size=+1>


rgyas kyi zhing bco brgyad kyi rdul shin tu phra ba snyed kyi 'khor gyis bskor ba/ gcig tu dag pa/ rgyan gyi rnam pa thams cad kyi sa mtshams can/ me tog gi seng+ge'i khri rgya mtsho la rab tu gnas pa/ dbyibs mu tig gi phreng ba bskyil ba lta bur 'dug pa/ nor bu'i rgyal po rin po che thams cad kyi spos kyi 'od kyi dkyil 'khor gyis kun nas yog pa yod de/ de na de bzhin gshegs pa dpal tshad med pa'i tshul dpal gyi rgyal mtshan zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams phyogs yongs su dag cing snang ba zhes bya ba/ 'jig rten gyi khams sangs rgyas kyi zhing bcu dgu'i rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ nor bu'i rgyal po rin po che'i sprin mi zad pa rab tu 'gyed pa'i sa mtshams can/ spos dang 'od 'phro ba kha dog mtha' yas pa'i ri rab kyi rgya mtsho la rab tu gnas pa/ dbyibs nor bu'i ze ba 'khyil ba ltar 'dug pa/ nor bu'i rgyal po'i dbang po'i 'od kyi dkyil 'khor 'bar ba kha dog mtha' yas pa rab tu 'bar ba'i sprin gyis kun nas yog pa yod de/ de na de bzhin gshegs pa chos kyi dbyings dang nam mkha' kun tu snang ba'i 'od ces bya ba bzhugs so/ /de'i stong 'jig rten gyi khams sangs rgyas kyi zhing gi rdul shin </font><hr>Ka166a<br><font size=+1>


@#/ /tu phra ba snyed 'das pa na 'jig rten gyi khams rin po che'i 'od 'phro 'khyil ba'i dpal yang dag par 'byung ba zhes bya ba 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu rnam par dag pa/ rin po che'i nyi zla rnam par snang ba'i sa mtshams can/ dbyibs lha'i dbang po thams cad ltar 'dug pa/ nor bu'i rgyal po'i rgya mtsho la rab tu gnas pa/ rgyan gyi rnam pa du ma dang / rin po che sna tshogs thams cad dang / rdo rje'i rgyal mtshan gyi sprin gyis kun nas yog pa/ nor bu sgron ma'i 'bru'i dra bas kun nas yog pa yod de/ de na de bzhin gshegs pa mtshan bsod nams kyi sprin gyis shin tu 'phags pa'i gzi brjid ces bya ba bzhugs so/ /'jig rten gyi khams kyi rgyud phyogs kun nas rin po che 'bar ba'i 'od rnam par snang ba zhes bya ba de ni/ 'jig rten gyi khams 'byams klas pa gzhan dang gzhan la rab tu gnas pa/ dbyibs gzhan dang gzhan du 'dug pa/ lhun gzhan dang gzhan can/ phyogs 'byams klas pa/ gzhan dang gzhan la lta ba/ rnam pa gzhan dang gzhan gyis 'jug pa/ rgyan gzhan dang gzhan can/ gzhan dang gzhan gyis rgyas par 'gengs pa/ gzhan dang gzhan du yongs su 'du ba/ gzhan dang gzhan gyi rnam par ma 'dres pa/ </font><hr>Ka166b<br><font size=+1>


rnam par 'phrul pa dang / byin gyi rlabs gzhan can/ sangs rgyas kyi zhing brjod du med pa'i rdul shin tu phra ba snyed kyi kun nas yongs su bskor ba ste/ 'di ltar 'jig rten gyi khams kun nas bskor ba sangs rgyas kyi zhing bcu'i rdul shin tu phra ba snyed kyis kun nas yongs su bskor ba'o/ /'jig rten gyi khams kyi chu klung sangs rgyas kyi zhing bcu'i rdul shin tu phra ba snyed kyis kun nas yongs su bskor ba'o/ /'jig rten gyi khams kun nas bskor ba sangs rgyas kyi zhing bcu'i rdul shin tu phra ba snyed dang / 'jig rten gyi khams kun nas 'khyil ba sangs rgyas kyi zhing bcu'i rdul shin tu phra ba snyed dang / 'jig rten gyi khams kyi 'khor lo sangs rgyas kyi zhing bcu'i rdul shin tu phra ba snyed dang / 'jig rten gyi khams kyi dkyil 'khor sangs rgyas kyi zhing bcu'i rdul shin tu phra ba snyed dang / 'jig rten gyi khams kyi shing sangs rgyas kyi zhing bcu'i rdul shin tu phra ba snyed dang / 'jig rten gyi khams kyi phung po sangs rgyas kyi zhing bcu'i rdul shin tu phra ba snyed dang / 'jig rten gyi khams kyi rdo rje'i rgyal mtshan sangs rgyas kyi zhing bcu'i rdul shin tu phra ba snyed dang / 'jig rten gyi khams phyogs 'byams klas pas sangs rgyas kyi zhing bcu'i rdul shin tu phra ba snyed dang / 'jig rten gyi khams khang pa sangs rgyas kyi zhing bcu'i rdul shin tu phra ba snyed dang / </font><hr>Ka167a<br><font size=+1>


@#/ /'jig rten gyi khams pad+mo sangs rgyas kyi zhing bcu'i rdul shin tu phra ba snyed dang / 'jig rten gyi khams khyad khyud sangs rgyas kyi zhing bcu'i rdul shin tu phra ba snyed dang / 'jig rten gyi khams 'byams klas pa sems can sna tshogs kyi gzugs dang lus kyi dbyibs ltar 'dug pa sangs rgyas kyi zhing bcu'i rdul shin tu phra ba snyed dang / 'jig rten gyi khams 'byams klas pa sangs rgyas kyi mtshan gyi dbyibs ltar 'dug pa sangs rgyas kyi zhing bcu'i rdul shin tu phra ba snyed dang / 'jig rten gyi khams 'od kyi dkyil 'khor sangs rgyas kyi zhing bcu'i rdul shin tu phra ba snyed dang / 'jig rten gyi khams kyi sprin sangs rgyas kyi zhing bcu'i rdul shin tu phra ba snyed dang / 'jig rten gyi khams kyi dra ba sangs rgyas kyi zhing bcu'i rdul shin tu phra ba snyed dang / 'jig rten gyi khams 'byams klas pa sa la mngon par lta ba'i dbyibs ltar 'dug pa sangs rgyas kyi zhing bcu'i rdul shin tu phra ba snyed dang / 'jig rten gyi khams 'byams klas pa dmigs pa thams cad kyi dbyibs ltar 'dug pa sangs rgyas kyi zhing bcu'i rdul shin tu phra ba snyed kyis kun nas yongs su bskor ba ste| de dag la sogs pa 'jig rten gyi khams 'byams klas pa sangs rgyas kyi zhing brjod du med pa'i rdul shin tu phra ba snyed kyis kun nas yongs su bskor ba'o/ /'jig rten gyi </font><hr>Ka167b<br><font size=+1>


khams 'byams klas pa de dag re re zhing yang 'jig rten gyi khams 'byams klas pa rnam par gdags pa sangs rgyas kyi zhing bcu'i rdul shin tu phra ba snyed kyis kun nas yongs su bskor ba'o| |'jig rten gyi khams 'byams klas pa sangs rgyas kyi zhing brjod du med pa bcu'i rdul shin tu phra ba snyed po de dag re re zhing yang 'jig rten gyi khams 'byams klas pa'i rnam par gdags pa shin tu bstan pa ni/ sangs rgyas kyi zhing bcu'i rdul shin tu phra ba snyed de/ spos chu'i rgya mtsho ze ba mtha' yas pa'i 'od zer yid du 'ong ba zhes bya ba chu klung gi 'khor dang bcas pa/ chu klung gi glong dang bcas pa'i khongs na 'dug go /spos chu'i rgya mtsho ze ba mtha' yas pa'i 'od zer yid du 'ong ba de dang 'dabs chags su shar phyogs logs na spos chu'i rgya mtsho gang chen mtsho dri ma med pa'i 'od zer gyi snying po zhes bya ba yod de/ de na 'jig rten gyi khams kyi rgyud zhing kun nas 'khyil ba rnam par snang ba zhes bya ba spos dang / rin po che'i rgyal po thams cad la rab tu gnas pa'i rgyan dang ldan pa'i pad+mo chen po la rab tu gnas pa/ byang chub sems dpa'i spyod pa'i sgra rgya mtsho mngon par sgrub pa'i nga ro'i lhun can yod do| |de dag thams cad kyi 'og na 'jig rten gyi khams khyim gyi rgyan gyis brgyan pa'i rgyal mtshan zhes bya ba/ sangs rgyas kyi zhing gi rdul shin tu phra ba snyed kyi 'jig rten gyi khams </font><hr>Ka168a<br><font size=+1>


@#/ /kyi 'khor gyis bskor ba/ gcig tu dag pa/ rin po che thams cad kyi rgyan gyi gang chen mtsho la rab tu gnas pa/ 'khor kun nas gru bzhir 'dug pa/ pad+mo 'od zer gyi dra ba'i sprin gyis kun nas yog pa yod de/ de na de bzhin gshegs pa dpal rnam par snang ba'i mdzod spu'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams ze ba'i dpal gyi snying po zhes bya ba 'jig rten gyi khams sangs rgyas kyi zhing gnyis kyi rdul shin tu phra ba snyed kyi 'khor gyis bskor ba/ rin po che thams cad kyi me tog gi ze ba rgya mtsho la rab tu gnas pa/ dbyibs kun nas dkyil 'khor du 'dug pa mu tig grong khyer dpal gyi dpal gyi seng+ge'i khri'i sprin gyis kun nas yog pa yod de/ de na de bzhin gshegs pa chos thams cad rgya mtsho mtha' yas pa'i blo gros zhes bya ba bzhugs so// de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams sprul pa'i spos zhim po dpal gyi dkyil 'khor ces bya ba/ 'jig rten gyi khams sangs rgyas kyi zhing gsum gyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rin po che thams cad kyi rgyan dang dril bu'i </font><hr>Ka168b<br><font size=+1>


dra ba rgya mtsho la rab tu gnas pa/ rdo rje'i dbyibs ltar 'dug pa/ rgyan sna tshogs kyi 'od kyi dkyil 'khor gyi sprin gyis kun nas yog pa yod de/ de na de bzhin gshegs pa chos kyi mtshan nyid sprul pa med par kun nas snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams sa gzhi'i kha dog dang 'od yid du 'ong ba zhes bya ba/ 'jig rten gyi khams sangs rgyas kyi zhing gzhi'i rdul shin tu phra ba snyed kyi 'khor gyis bskor ba/ gcig tu dag pa/ spos chu kha dog mtha' yas pa rin po che'i tshon dang ldan pa'i rgya mtsho la rab tu gnas pa/ dbyibs nor bu'i 'khor lo ltar 'dug pa/ mu tig nyi ma'i tshul kun tu snang ba'i 'od kyi khang pa brtsegs pa'i sprin gyis kun nas yog pa yod de/ de na de bzhin gshegs pa 'khor legs par byung ba rnam par snang mdzad bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams dge ba'i las kyis khyab pa zhes bya ba 'jig rten gyi khams sangs rgyas kyi zhing lnga'i rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ spos dang rdo rje rgya mtsho la rab tu gnas pa/ pad+mo'i dbyibs ltar 'dug pa/ 'od zer rdul dang bral ba/ </font><hr>Ka169a<br><font size=+1>


@#/ /dang / spos chu'i sprin gyis kun nas yog pa yod de/ de na de bzhin gshegs pa chos kyi shugs kyis dgyes pa mi zad pa'i blo gros zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams me tog dpal gyi gzi brjid kyi dkyil 'khor ces bya ba/ 'jig rten gyi khams sangs rgyas kyi zhing drug gi rdul shin tu phra ba snyed kyi 'khor gyis bskor ba dag cing kun nas nyon mongs pa/ nor bu rin po che thams cad kyis brtan par bsgrubs pa'i rgya mtsho la rab tu gnas pa/ zur gsum gyi dbyibs su 'dug pa/ byang chub sems dpa'i nor bu'i cod pan gyi 'od dang 'od zer gyis kun nas yog pa yod de/ de na de bzhin gshegs pa dge ba dri ma med pa kun tu snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che'i pad+mos brgyan pa zhes bya ba/ 'jig rten gyi khams sangs rgyas kyi zhing bdun gyi rdul shin tu phra ba snyed kyi 'khor gyis bskor ba/ gcig tu dag pa/ pad+mo'i rgyan thams cad kyi rgya mtsho la rab tu gnas pa/ zla ba kham pa'i dbyibs ltar 'dug pa/ rin po che thams cad kyi me tog gi dkyil </font><hr>Ka169b<br><font size=+1>


'khor gyi sprin gyis kun nas yog pa yod de/ de na de bzhin gshegs pa spyan rnam par dag pa me tog gi dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od 'phro ba'i dbyings dri ma med pas yang dag par bsags pa zhes bya ba/ 'jig rten gyi khams sangs rgyas kyi zhing brgyad kyi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ rin po che'i 'od mang po'i rgya mtsho la rab tu gnas pa/ rin po che rim gyis gzhol ba'i 'od 'phro ba snang ba'i dbyibs ltar 'dug pa/ rtag tu spos kyi char 'bebs pa'i lus sna tshogs kyi sprin gyis kun nas yog pa yod de/ de na de bzhin gshegs pa stobs la thub pa med pa'i blo gros shin tu 'byung ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams tshangs pa'i 'od bzang po zhes bya ba 'jig rten gyi khams sangs rgyas kyi zhing dgu'i rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa rin po che'i gos kyi rgyal mtshan gyi rgya mtsho la rab tu gnas pa/ dga' ba 'khyil ba'i dbyibs ltar 'dug pa/ me tog thams cad kyi rgyan gyi bla re'i sprin gyis kun nas yog </font><hr>Ka170a<br><font size=+1>


@#/ /pa yod de/ de na de bzhin gshegs pa nam mkha' yangs pa'i spyan zla ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams dbyangs rdul dang mnyam pa zhes bya ba/ 'jig rten gyi khams sangs rgyas kyi zhing bcu'i rdul shin tu phra ba snyed kyi 'khor gyis bskor ba/ gcig tu dag pa/ rin po che sna tshogs kyi chu'i rgya mtsho la rab tu gnas pa/ mig 'phrul gyi dbyibs ltar 'dug pa/ sil snyan thams cad kyi sgra dang / nor bu'i rgyal po'i gdugs kyi sprin gyis kun nas yog pa yod de/ de na de bzhin gshegs pa gser shin tu 'bar ba'i ri rab mar me zhes bya ba bzhugs so| |de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che'i kha dog gis brgyan pa zhes bya ba/ 'jig rten gyi khams sangs rgyas kyi zhing bcu gcig gi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ brgya byin gyi lus kyi dbyibs ltar 'dug pa/ nor bu'i rgyal po'i rgya mtsho la rab tu gnas pa/ nyi ma'i sprul pa'i me tog gi rgyal mtshan gyi sprin gyis kun nas yog pa yod de/ de na de bzhin gshegs pa ye shes </font><hr>Ka170b<br><font size=+1>


kyi dpal shin tu 'phags pas chos kyi dbyibs su rab tu snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od bzang po gser gyi kha dog ces bya ba/ 'jig rten gyi khams sangs rgyas kyi zhing bcu gnyis kyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rin po che'i rgyan thams cad kyi rgya mtsho la rab tu gnas pa/ mkhar gyi dbyibs ltar 'dug pa/ snying po byang chub kyi me tog rin po che shin tu rgyas pa'i sprin gyis kun nas yog pa yod de/ de na de bzhin gshegs pa rin po che'i sgron ma kun tu snang ba'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rnam par snang ba'i 'od zer 'khor lo zhes bya ba 'jig rten gyi khams sangs rgyas kyi zhing bcu gsum gyi rdul shin tu phra ba snyed kyi 'khor gyis bskor ba/ gcig tu dag pa/ rin po che'i gos kyi glong gi rgya mtsho la rab tu gnas pa/ me tog gi ze ba'i dbyibs ltar 'dug pa/ nor bu'i rgyal po sangs rgyas kyi gsung dang dbyangs sgrog pa'i sprin gyis kun nas yog pa yod de/ de na de bzhin gshegs pa dpal 'bar ba'i pad+mo la rnam par rol pas shin tu rnam </font><hr>Ka171a<br><font size=+1>


@#/ /par snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che'i snying pos bsgrubs pa'i dam pa zhes bya ba/ 'jig rten gyi khams sangs rgyas kyi zhing bcu bzhi'i rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ rin po che'i phreng ba'i rgya mtsho la rab tu gnas pa/ gling bzhi'i dbyibs ltar 'dug pa/ rin po che'i 'od 'phro ba rab tu stug po 'byung ba'i nor bu'i rgyal po'i sprin gyis kun nas yog pa yod de/ de na de bzhin gshegs pa bsod nams mi zad pa'i me tog shin tu rgyas pa'i gzi brjid ces bya ba bzhugs so/ / de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams me long gi mdog ltar rnam par snang ba zhes bya ba/ 'jig rten gyi khams sangs rgyas kyi zhing bco lnga'i rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rdo rje'i pad+mo rgya mtsho la rab tu gnas pa/ lha ma yin gyi lus kyi dbyibs ltar 'dug pa/ byang chub sems dpa'i lus mig yor gyi sprin rin po che'i cod pan rab tu 'bar ba'i lus can gyis kun nas yog pa yod de/ de </font><hr>Ka171b<br><font size=+1>


na de bzhin gshegs pa spyod pa'i stobs bdud rtsi'i sgra dbyangs zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams tsan+dan mchog ltar yid du 'ong ba'i zla bas brgyan pa zhes bya ba/ 'jig rten gyi khams sangs rgyas kyi zhing bcu drug gi rdul shin tu phra ba snyed kyi 'khor gyis bskor ba/ gcig tu dag pa/ rdo rje ltar ma khregs pa'i tsan+dan rin po che'i rgya mtsho la rab tu gnas pa/ yan lag brgyad du rnam par bkod pa'i dbyibs ltar 'dug pa/ mu tig gi me tog mang po shin tu rgyas pa'i nor bu'i rgyal po'i sprin gyis kun nas yog pa yod de/ de na de bzhin gshegs pa chos dam pa thugs su chud pas shin tu 'phags pa'i dpal gyi gzi brjid yang dag par 'byung ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams gzhi dri ma med cing kun tu snang ba zhes bya ba 'jig rten gyi khams sangs rgyas kyi zhing bcu bdun gyi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa| rin po che'i 'od kha dog mtha' yas pa'i rgya mtsho la rab tu gnas pa/ spos chu'i klong gi dbyibs ltar 'dug pa/ dri zhim po'i 'od kyi dkyil 'khor gyi sprin gyis kun nas </font><hr>Ka172a<br><font size=+1>


@#/ /yog pa yod de/ de na de bzhin gshegs pa 'od kun tu gsal ba'i dbyangs nam mkha' rnam par snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams me tog gi mdog bzang pos rab tu brgyan pa zhes bya ba/ 'jig rten gyi khams sangs rgyas kyi zhing bco brgyad kyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ me tog sna tshogs kyi rgya mtsho la rab tu gnas pa sangs rgyas dran pa'i klong gi dbyibs su 'dug pa/ sil snyan gyi sgra dbyangs thams cad 'byung ba'i nor bu'i rgyal po'i sprin gyis kun nas yog pa yod de/ de na de bzhin gshegs pa kun tu zhal ston pas shin tu 'phags pa'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rtul shin tu phra ba snyed 'das pa na 'jig rten gyi khams mtshan gyis rab tu brgyan pa'i dpal gyi dbyangs zhes bya ba 'jig rten gyi khams sangs rgyas kyi zhing bcu dgu'i rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ gser gyi seng+ge'i khri rgya mtsho la rab tu gnas pa/ seng+ge'i khri'i dbyibs ltar 'dug pa/ seng+ge'i khri pad+mo kha dog sna tshogs kyi snying po can gyi sprin gyis kun nas </font><hr>Ka172b<br><font size=+1>


yog pa yod de/ de na de bzhin gshegs pa yon tan mu med par rnam par snang bas grags pa'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams ri rab dpal gyi sgron ma zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ rin po che'i gos dang spos kyi rgyal mtshan rgya mtsho la rab tu gnas pa/ sangs rgyas kyi phyag gi dkyil 'khor gyi dbyibs su 'dug pa/ nor bu'i rgyal po nyi ma'i 'khor lo bsam gyis mi khyab pa rnam par snang ba'i khang pa brtsegs pa'i sprin gyis kun nas yog pa yod de/ de na de bzhin gshegs pa 'od zer gyi sgron ma nam mkha' kun tu snang ba zhes bya ba bzhugs so/ /de dang 'dabs chags su lho phyogs logs na spos chu'i rgya mtsho 'od kyi dkyil 'khor mi zad pa 'byung ba zhes bya ba yod de/ de la 'jig rten gyi khams kyi rgyud sangs rgyas kyi rgyal mtshan gyi gtsug rnam par bres pa zhes bya ba/ sangs rgyas thams cad kyi yon tan rgya mtsho'i sgra'i lhun can rab tu gnas so/ /de thams cad kyi 'og na 'jig rten gyi khams me tog yid du 'ong ba snang ba zhes bya ba/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ </font><hr>Ka173a<br><font size=+1>


@#/ /nor bu'i rgyal po shing gi snying po'i rgya mtsho la rab tu gnas pa/ nor bu'i dkyil 'khor rin po che dam pa thams cad las byang chub sems dpa'i lus su sprul pa'i sprin gyis kun nas yog pa yod de/ de na de bzhin gshegs pa zhal mthong na dga' ba pad+mo snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rgyan mthun par bres pas brgyan pa zhes bya ba yod de/ de na de bzhin gshegs pa rin chen ri rab sgron ma zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rgyan gyi 'od rin po che thams cad kyi kha dog tu snang ba zhes bya ba yod de/ de na de bzhin gshegs pa chos kyi dbyings shin tu sprul pa'i dbyangs kyi dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams spos kyi snying po rdo rje'i rgyan ces bya ba yod de/ de na de bzhin gshegs pa 'od zer rdo rje rnam par snang ba'i dbyangs kyi yan lag sgra dbyangs zhes bya ba bzhugs so/ / gzhung de bzhin du de'i steng na 'jig rten gyi khams rnyog pa med pa'i dbyangs zhes bya ba yod de/ de na de bzhin gshegs pa brtson 'grus kyi stobs la thub pa med pa'i zla ba zhes bya ba </font><hr>Ka173b<br><font size=+1>


bzhugs so/ /de'i steng na 'jig rten gyi khams rin po che'i pad+mos rab tu brgyan pas shin tu dri ma med pa zhes bya ba yod de/ de na de bzhin gshegs pa chos kyi grong khyer gyi blo gros rab tu sgrog pa'i sgra dbyangs zhes bya ba bzhugs so/ /de'i steng na 'jig rten gyi khams bde ba skyed pa zhes bya ba yod de/ de na de bzhin gshegs pa phyogs bcur snyan pa rnam par grags pa'i ye shes sgron ma zhes bya ba bzhugs so/ /de'i steng na 'jig rten gyi khams gzhi dri ma med cing dri ma dang bral ba'i dra ba zhes bya ba yod de/ de na de bzhin gshegs pa seng+ge'i 'od zer yon tan rgya mtsho yongs su rgyas pa zhes bya ba bzhugs so/ /de'i steng na 'jig rten gyi khams nags tshal gyi rgyal mtshan rnam par snang ba zhes bya ba yod de/ de na de bzhin gshegs pa ye shes kyi me tog pad+mo kun tu rgyas pa'i 'od ces bya ba bzhugs so/ /de'i steng na 'jig rten gyi khams rgyan du mas rab tu brgyan pa zhes bya ba yod de/ de na de bzhin gshegs pa spyan gyis kun tu khyab pa chos kyi dbyings kyi dpal gyi rgyal mtshan zhes bya ba bzhugs so/ /de'i steng na 'jig rten gyi khams rin po che las bsgrubs pa'i rgyan kun tu snang ba zhes bya ba yod de/ de na de bzhin gshegs pa blo gros dam pa bzang po'i ded dpon zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba </font><hr>Ka174a<br><font size=+1>


@#/ /snyed 'das pa na 'jig rten gyi khams ze ba'i rgyal po zhes bya ba yod de/ de na de bzhin gshegs pa 'od mdzad pa zla ba'i dpal zhes bya ba bzhugs so/ / de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mdzod dri ma med pa'i rgyan ces bya ba yod de/ de na de bzhin gshegs pa tshangs pa rnam par sangs rgyas pa'i gzi brjid ces bya ba bzhugs so/ /gzhung de bzhin du de'i steng na 'jig rten gyi khams rin po che'i 'od kyi lhun can zhes bya ba yod de/ de na de bzhin gshegs pa thams cad mkhyen pa nyid kyi stobs nam mkha'i sgron ma zhes bya ba bzhugs so/ /de'i steng na 'jig rten gyi khams rin po che'i glog gi phreng ba rab tu 'byung ba zhes bya ba yod de/ de na de bzhin gshegs pa pha rol tu phyin pa thams cad kyi bsod nams rgya mtsho'i mtshan nyid gzi brjid ces bya ba bzhugs so/ /de'i steng na 'jig rten gyi khams 'khor lo'i tshon gyis kun tu khyab pa zhes bya ba yod de/ de na de bzhin gshegs pa chags pa thams cad rnam par 'dul bas dga' ba mdzad pa zhes bya ba bzhugs so/ /de'i steng na 'jig rten gyi khams rin po che'i ze ba yid du 'ong ba'i rgyal mtshan ces bya ba yod de/ de na de bzhin gshegs pa grags pa chen po dang yon tan yangs </font><hr>Ka174b<br><font size=+1>


pa'i dbyangs rnam par snang ba zhes bya ba bzhugs so/ /de'i steng na 'jig rten gyi khams bsam gyis mi khyab pa'i rgyan gyis kun tu brgyan pas mdzes pa zhes bya ba yod de/ de na de bzhin gshegs pa ye shes ma 'dres pa'i 'od zer yon tan rgya mtsho zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od mi zad pa'i rgyal mtshan zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ rin po che thams cad kyi chu'i rgya mtsho la rab tu gnas pa/ pad+mo'i rgyan gyi dbyibs ltar 'dug pa/ nor bu'i rgyal po pad+mo snang ba'i bla re'i dra bas kun nas yog pa yod de/ de na de bzhin gshegs pa chos kyi dbyings tshad med pa dri ma med pa'i 'od ces bya ba bzhugs so/ /de'i lho phyogs logs na spos chu'i rgya mtsho rdo rje'i dpal rin po che 'od 'phro ba rab tu snang ba zhes bya ba yod de/ de la 'jig rten gyi khams kyi rgyud sangs rgyas kyi 'od kyis rab tu brgyan pa'i snying po zhes bya ba de na de bzhin gshegs pa thams cad kyi mtshan gyi 'khor lo rjes su sgrog pa'i lus can rab tu gnas te/ de thams cad kyi 'od na 'jig rten gyi khams rin po che'i 'od 'phro ba pad+mo rab tu 'gyed pa zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor </font><hr>Ka175a<br><font size=+1>


@#/ /gyis bskor ba/ gcig tu dag pa/ rin po che thams cad kyi kha dog lta bu'i chu'i klong rgya mtsho la rab tu gnas pa/ rin po che'i go cha dang mdzod spu'i dbyibs ltar 'dug pa/ dmigs pa dang / khang pa brtsegs pa thams cad kyi sprin gyis kun nas yog pa yod de/ de na de bzhin gshegs pa rin po che rnam par dag pa'i 'od ces bya ba bzhugs so| |de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams gzi brjid 'od 'phro ba'i snying po zhes bya ba yod de/ de na de bzhin gshegs pa rnam par 'phrul pa la chags pa med pa'i 'od kyi blo gros zhes bya ba bzhugs so/ /gzhung de bzhin du de'i steng na 'jig rten gyi khams rin po che'i 'khor lo gzhi mnyam pa'i rgyan ces bya ba yod de/ de na de bzhin gshegs pa rin po che'i 'od zer kun tu 'byung ba zhes bya ba bzhugs so/ /de'i steng na 'jig rten gyi khams tsan+dan gyi shing gi ze ba'i rgyal mtshan ces bya ba yod de/ de na de bzhin gshegs pa dmigs pa thams cad rnam par dag pas gti mug med pa'i 'od zer ces bya ba bzhugs so/ /de'i steng na 'jig rten gyi khams sangs rgyas kyi zhing gi yon tan gyi dkyil 'khor rnam par phye ba'i rgyan ces bya ba yod de/ de na de bzhin gshegs pa zhal mthong na dga' ba yangs pa skye ba tshangs pa'i dbyangs </font><hr>Ka175b<br><font size=+1>


thugs su chud pa zhes bya ba bzhugs so/ /de'i steng na 'jig rten gyi khams 'od srab pa'i rgyan rab tu snang ba zhes bya ba yod de/ de na de bzhin gshegs pa chos kyi dbyings la rnam par rol pa'i ye shes shin tu yangs pa'i dpal zhes bya ba bzhugs so/ /de'i steng na 'jig rten gyi khams kha dog dang dbyibs mu med pa zhes bya ba yod de/ de na de bzhin gshegs pa ye shes thogs pa med pa yang dag par 'byung ba'i blo gros zhes bya ba bzhugs so/ /de'i steng na 'jig rten gyi khams 'od 'phro ba'i sprin stug po'i rgyal mtshan zhes bya ba yod de/ de na de bzhin gshegs pa phyir mi ldog pa'i chos kyi 'khor lo rab tu sgrog pa zhes bya ba bzhugs so/ /de'i steng na 'jig rten gyi khams rin po che'i rgyan sna tshogs yongs su dag pa'i dkyil 'khor ces bya ba yod de/ de na de bzhin gshegs pa gzugs yongs su sbyangs pa'i mtshan gyi me tog shin tu rgyas pa'i gzi brjid ces bya ba bzhugs so/ /de'i steng na 'jig rten gyi khams 'byung ba shin tu 'byams klas pa zhes bya ba yod de/ de na de bzhin gshegs pa nyi ma'i spyan chags pa med pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rdo rje'i gdan brtan pa bsgrubs pas dpal rab tu 'byung ba zhes bya ba yod de/ de na </font><hr>Ka176a<br><font size=+1>


@#/ /de bzhin gshegs pa chos kyi dbyings la ye shes kyi sku shin tu 'phags pa'i 'od ces bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams phyogs shin tu rgyas pa rmongs pa med pa zhes bya ba yod de/ de na de bzhin gshegs pa skyes bu mkhas pa'i sgron ma rab tu snang ba zhes bya ba bzhugs so/ /de'i steng na 'jig rten gyi khams pad+mo'i nags tshal zab mo'i sgra zhes bya ba yod de/ de na de bzhin gshegs pa yon tan thams cad kyis thams cad mkhyen pa'i spyod pa zab mo rnam par snang mdzad ces bya ba bzhugs so/ /de'i steng na 'jig rten gyi khams kha dog dang 'od tha dad pa zhes bya ba yod de/ de na de bzhin gshegs pa kun tu snang ba'i me tog gi sprin gyi rgyal mtshan zhes bya ba bzhugs so/ /de'i steng na 'jig rten gyi khams rin po che'i sgo sna tshogs kyi rgyal mtshan zhes bya ba yod de/ de na de bzhin gshegs pa yon tan kun nas mchog tu snang ba zhes bya ba bzhugs so/ /de'i steng na 'jig rten gyi khams nor bu'i mdzod spus bsgrubs pa'i ze ba'i 'od ces bya ba yod de/ de na de bzhin gshegs pa dbyangs kun tu rab tu sgrog pa'i gsung zhes bya ba bzhugs so/ /de'i steng na 'jig rten gyi khams shugs zab </font><hr>Ka176b<br><font size=+1>


mo'i gang chen mtsho zhes bya ba yod de/ de na de bzhin gshegs pa 'od zer phyogs su gsal bas sems can gyi rgyan gyi rgyal po rab tu snang ba zhes bya ba bzhugs so/ /de'i steng na 'jig rten gyi khams ri rab kyi rtse mo 'bar ba'i 'od ces bya ba yod de/ de na de bzhin gshegs pa mnyam pa'i ye shes mchog gis chos kyi dbyings la mngon par 'phags pa'i dbyangs zhes bya ba bzhugs so/ /de'i steng na 'jig rten gyi khams gser gyi pad+mo dri ma med pa zhes bya ba yod de/ de na de bzhin gshegs pa bsod nams dri ma med pa'i mdzod kun nas snang ba'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams nor bus bsgrubs pa'i snying po zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ rgyan dang / spos dang| nor bu dang / shing thams cad kyi rgya mtsho la rab tu gnas pa/ dbyibs dpal gyi be'u ltar 'dug pa/ 'od kyi dkyil 'khor rnam par dag pa'i sprin gyis kun nas yog pa yod de/ de na de bzhin gshegs pa 'od kun tu 'byung bas dpal chen po'i dra ba rnam par snang ba'i dpal zhes bya ba bzhugs so/ /de nas lho phyogs logs na </font><hr>Ka177a<br><font size=+1>


@#/ /spos chu'i rgya mtsho rin po che in+d+ra nI las rab tu brgyan pa'i rgyan can zhes bya ba yod de/ de na 'jig rten gyi khams kyi rgyud snang bas phyogs rnam par 'byed pa zhes bya ba spos thams cad kyis rab tu brgyan pa'i rgyan gyi pad+mo'i sprin la rab tu gnas pa/ sangs rgyas kyi spyod pa dang / gsung mtha' dang dbus med pa'i lhun can mngon par 'byung ba yod de/ de thams cad kyi 'og na 'jig rten gyi khams yon tan gyi mdzod phyogs su mi zad pa'i dkyil 'khor ces bya ba/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ rin po che sna tshogs kyi mdzod kha dog mtha' yas pa'i rgya mtsho la rab tu gnas pa/ zur du ma'i dbyibs su 'dug pa/ rgyan mig 'phrul lta bu thams cad kyis kun nas yog pa yod de/ de na de bzhin gshegs pa rnam par snang mdzad pad+mo'i spyan rnam par snang ba'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams dge ba'i tshogs kyis rab tu grol ba'i snying po zhes bya ba yod de/ de na de bzhin gshegs pa bla na med pa'i seng+ge'i blo gros chen po zhes bya ba bzhugs so/ /de'i steng 'jig </font><hr>Ka177b<br><font size=+1>


rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams pad+mo'i gdan yongs su 'byung ba zhes bya ba yod de/ de na de bzhin gshegs pa chos kyi dbyings su dpal gyi 'od zer 'byams klas pas rnam par snang ba'i rgyal po zhes bya ba bzhugs so/ /gzhung de bzhin du de'i steng na 'jig rten gyi khams rin po che'i rgyal mtshan sgra mnyam par sgrog pa zhes bya ba yod de/ de na de bzhin gshegs pa yon tan shin tu rgya che ba'i grags pas kun tu khyab pa zhes bya ba bzhugs so/ /de'i steng na 'jig rten gyi khams nor bu rdo rje ltar brtan pa'i rgyan gyi snying po zhes bya ba yod de/ de na de bzhin gshegs pa'i nyi ma ltar shin tu 'phags pa'i gzi brjid ces bya ba bzhugs so/ /de'i steng na 'jig rten gyi khams zla ba dbang phyug gi me tog gi ze ba zhes bya ba yod de/ de na de bzhin gshegs pa chos kyi dbang phyug ye shes kyi dpal zhes bya ba bzhugs so/ /de'i steng na 'jig rten gyi khams tshon gyi 'khor lo'i gzhi dang snying po zhes bya ba yod de/ de na de bzhin gshegs pa dga' ba yangs pa dri ma med pa'i 'od tshangs pa'i dbyangs zhes bya ba bzhugs so/ /de'i steng na 'jig rten gyi khams sgra sna tshogs kyi snying po zhes bya ba yod de/ de na de bzhin gshegs pa stobs chen po'i dpal bzang po'i ded dpon zhes bya ba bzhugs so/ /de'i steng </font><hr>Ka178a<br><font size=+1>


@#/ /na 'jig rten gyi khams blta na don yod pa'i zla ba zhes bya ba yod de/ de na de bzhin gshegs pa ye shes kyi stobs ri rab kyi gzi brjid ces bya ba bzhugs so/ /de'i steng na 'jig rten gyi khams tshad med pa'i rgyan dang dbyibs zhes bya ba yod de/ de na de bzhin gshegs pa dge ba'i zla ba smon lam gyi tshul gyi 'od zer ces bya ba bzhugs so/ /bam po bcu pa/ gzhung de bzhin du de'i steng na 'jig rten gyi khams me tog sna tshogs rab tu bkye ba'i dbyangs zhes bya ba yod de/ de na de bzhin gshegs pa chos rgya mtsho'i smon lam rab tu sgrog pa'i dbyangs zhes bya ba bzhugs so/ /de'i steng na 'jig rten gyi khams rin po che thams cad kyi klong gis rab tu brgyan pa zhes bya ba yod de/ de na de bzhin gshegs pa yon tan rin po che'i mtshan gyis yang dag par brgyan pa'i 'od ces bya ba bzhugs so/ /de'i steng na 'jig rten gyi khams sra zhing mi shigs pa'i gzhi yongs su 'byung ba zhes bya ba yod de/ de na de bzhin gshegs pa sgra dbyangs kyi gsung snyan dam pa'i lha zhes bya ba bzhugs so/ /de'i steng na 'jig rten gyi khams gzhi thams cad nas 'od kyi sprul pa bzang po zhes bya ba yod de/ de na de bzhin gshegs pa brtson 'grus zhi ba mchog gi blo gros zhes bya ba bzhugs so/ /de'i </font><hr>Ka178b<br><font size=+1>


steng na 'jig rten gyi khams rgyan shin tu bsrungs pas spyod pa zhes bya ba yod de/ de na de bzhin gshegs pa 'gro ba mngon sum du dga' bar lta ba zhes bya ba bzhugs so/ /de'i steng na 'jig rten gyi khams in+d+ra nI la dang / tsan+dan gyi snying po zhes bya ba yod de/ de na de bzhin gshegs pa mi sgul ba zab pa 'od zer rnam par snang ba bsam gyis mi khyab pa'i blo gros zhes bya ba bzhugs so/ /de'i steng na 'jig rten gyi khams kha dog rgya mtsho sna tshogs ston pa zhes bya ba yod de/ de na de bzhin gshegs pa kun tu 'od rab tu 'gyed pa bsam gyis mi khyab pa'i don mngon par mdzes pa zhes bya ba bzhugs so/ /de'i steng na 'jig rten gyi khams phyogs bcu'i sprul pa shin tu 'bar ba'i 'od ces bya ba yod de/ de na de bzhin gshegs pa yon tan gyi gzi brjid dam pa mnyam pa med pa zhes bya ba bzhugs so/ /de'i steng na 'jig rten gyi khams ri rab kyi sprin gyi rgyal mtshan zhes bya ba yod de/ de na de bzhin gshegs pa shugs kyi 'od tshangs pa'i spyan zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams pad+mo rnam par snang ba zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ spos dang / nor bu'i char kha dog mtha' </font><hr>Ka179a<br><font size=+1>


@#/ /yas pa 'bebs pa'i rgya mtsho la rab tu gnas pa/ kun nas zlum pa/ rgyan dang theg pa mang pos kun nas yog pa yod de/ de na de bzhin gshegs pa rnam par grol ba brtson 'grus nyi ma'i 'od zer zhes bya ba bzhugs so/ /de nas lho phyogs logs na spos chu'i rgya mtsho rdo rje brtan pas bsgrubs pa gzhi'i 'khor lo zhes bya ba yod de/ de'i 'jig rten gyi khams kyi rgyud mig 'phrul rnam par phye ba'i dra ba'i bye brag ces bya ba byang chub sems dpa' kun tu bzang po'i ye shes thams cad yang dag par 'byung ba'i dbyangs kyi lhun can yod de/ de thams cad kyi 'og na 'jig rten gyi khams pad+mo'i dra ba 'khor lo'i sprin ces bya ba/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ man shel gyi me tog sna tshogs kyi rgyal mtshan gyi rgya mtshos brtan pa/ ri rab kyi dbyibs ltar 'dug pa/ nor bu'i rgyal po sangs rgyas thams cad kyi yul mig 'phrul lta bu'i sprin gyis kun nas yog pa yod de/ de na de bzhin gshegs pa chos kyi sku kun nas rnam par sangs rgyas pa'i blo gros zhes bya ba bzhugs so/ /gzhung de bzhin du de'i steng na 'jig rten gyi khams 'od zer phra mo mi zad pa'i 'od ces bya ba yod de/ de na de bzhin gshegs pa dgongs </font><hr>Ka179b<br><font size=+1>


pa dam pa'i mchog shin tu yangs pa'i blo gros zhes bya ba bzhugs so/ /de'i steng na 'jig rten gyi khams dpal gyi chu bo kun nas snang ba rab tu 'gyed pa zhes bya ba yod de/ de na de bzhin gshegs pa bsod nams chen po bla na med pa'i sprin mi zad pa'i gzi brjid ces bya ba bzhugs so/ /de'i steng na 'jig rten gyi khams shing dang me tog nye bar gyur pa'i rgyal mtshan zhes bya ba yod de/ de na de bzhin gshegs pa ye shes dang chos kyi dbyings mu med pa'i gsung zhes bya ba bzhugs so/ /de'i steng na 'jig rten gyi khams mu tig gis yog pa'i 'od ces bya ba yod de/ de na de bzhin gshegs pa seng+ge'i pha rol tu phyin pas rnam par bsgyings pa zhes bya ba bzhugs so/ /de'i steng na 'jig rten gyi khams mtha' yas pa'i 'khor lor dbyangs rab tu gtong ba zhes bya ba yod de/ de na de bzhin gshegs pa thams cad mkhyen pa'i stobs dang / brtson 'grus shin tu thugs su chud pa'i blo gros zhes bya ba bzhugs so/ /de'i steng na 'jig rten gyi khams shing mdzes pa'i phung po zhes bya ba yod de/ de na de bzhin gshegs pa sgo kun nas rnam par dmigs par 'gro ba mngon du ston pa zhes bya ba bzhugs so/ /de'i steng na 'jig rten gyi khams seng+ge'i dpal gyi 'od dra ba zhes bya ba yod de/ de na de bzhin gshegs pa gser gyi 'od dri ma med pa nyi ma'i 'od 'phro </font><hr>Ka180a<br><font size=+1>


@#/ /ba'i sprin ces bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che mang po rnam par bkod pa zhes bya ba yod de/ de na de bzhin gshegs pa dbang po dam pa'i blo gros kyi dpal zhes bya ba bzhugs so/ /de'i steng na 'jig rten gyi khams gzhi snang zhing dri ma med pa zhes bya ba yod de/ de na de bzhin gshegs pa mthu stobs dang dri ma med pa'i zla ba zhes bya ba bzhugs so/ /de'i steng na 'jig rten gyi khams sangs rgyas kyi yon tan dang / bsngags pa rab tu 'gyed pa'i dbyangs zhes bya ba yod de/ de na de bzhin gshegs pa nam mkha' lta bur mtshan nyid kun tu rnam par sangs rgyas pa'i blo gros zhes bya ba bzhugs so/ /de'i steng na 'jig rten gyi khams 'od 'phro mthon po'i snying po zhes bya ba yod de/ de na de bzhin gshegs pa phyogs bcu'i sprul pa rgya chen po'i sprin gyi rgyal mtshan zhes bya ba bzhugs so/ /de'i steng na 'jig rten gyi khams snying pos brgyan pa'i 'od ces bya ba yod de/ de na de bzhin gshegs pa mnyam pa med par mkhas pas spyod pa rnam par snang ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten </font><hr>Ka180b<br><font size=+1>


gyi khams rin po che thams cad kyi rgyan gyi klong rab tu 'byung ba zhes bya ba yod de/ de na de bzhin gshegs pa 'gro ba bsam gyis mi khyab pa la thugs brtse ba'i rnam par thar pa mngon par mkhyen pa'i rgyal po zhes bya ba bzhugs so/ /de'i steng na 'jig rten gyi khams khyim dga' bas rab tu brgyan pa'i 'od ces bya ba yod de/ de na de bzhin gshegs pa don thams cad grub pa'i ri rab ces bya ba bzhugs so/ /de'i steng na 'jig rten gyi khams rdul dang bral ba zhes bya ba yod de/ de na de bzhin gshegs pa mnyan pa dang / rnam par rig pa dang / mthong ba don yod pa zhes bya ba bzhugs so/ /de'i steng na 'jig rten gyi khams me tog dang / nor bu mang po'i rgyal mtshan zhes bya ba yod de/ de na de bzhin gshegs pa yid du 'ong ba'i dbyangs kyi dpal zhes bya ba bzhugs so| |de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams sgo kun tu lta ba'i sprin gyi snying po zhes bya ba 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ lus dang khyim sna tshogs kyi spos kyi chu po la rab tu gnas pa/ rnam par rgyal ba rab tu phye ba'i khang pa brtsegs pa'i dbyibs ltar 'dug pa/ rin po che thams cad kyi sgron ma'i sprin gyis kun nas yog pa yod de/ de na de bzhin gshegs pa rang byung dam pa'i sa dang / mngon par </font><hr>Ka181a<br><font size=+1>


@#/ /shes pa'i rgyal po zhes bya ba bzhugs so/ /de'i lho phyogs logs na spos chu'i rgya mtsho pad+mo'i dra ba'i dbang po shin tu rgyas pa zhes bya ba yod de/ de na 'jig rten gyi khams kyi rgyud phyogs su yongs su gzhol ba'i 'od ces bya ba spos dang / rin po che thams cad kyis rab tu brgyan pa/ pad+mo la rab tu gnas pa/ sangs rgyas thams cad kyi ye shes kyi spyod yul gyi 'od dang dbyangs kyi lhun can mngon par byung ste/ de thams cad kyi 'og na 'jig rten gyi khams rin po che'i rgya mtsho sems can gang chen mtsho'i 'od ces bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ mu tig gi sbubs kyi dbyibs ltar 'dug pa/ nor bu thams cad kyi phreng ba bskyil ba'i rgya mtsho la rab tu gnas pa/ nor bu'i rgyal po phyogs kyi sprin rab tu snang ba'i dkyil 'khor gyi sprin gyis kun nas yog pa yod de/ de na de bzhin gshegs pa yon tan bsam gyis mi khyab pa rnam par snang ba dam pa'i zla ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams spos kyi dkyil 'khor ces bya ba yod de/ de na de bzhin gshegs pa stobs tshad med pa'i dpal zhes </font><hr>Ka181b<br><font size=+1>


bya ba bzhugs so/ /gzhung de bzhin du de'i steng na 'jig rten gyi khams mdzes par snang ba'i tshon gyi 'khor lo zhes bya ba yod de/ de na de bzhin gshegs pa chos kyi dbyings rab tu snang ba'i dbyangs kyi blo gros zhes bya ba bzhugs so/ /de'i steng na 'jig rten gyi khams dbyangs kyi rgyal mtshan zhes bya ba yod de/ de na de bzhin gshegs pa pad+mo'i 'od phyag bzang po rab tu brkyang ba zhes bya ba bzhugs so/ /de'i steng na 'jig rten gyi khams shugs brtan pa'i dkyil 'khor ces bya ba yod de/ de na de bzhin gshegs pa phyir mi ldog pa'i yon tan rgya mtsho'i 'od ces bya ba bzhugs so/ /de'i steng na 'jig rten gyi khams 'od kyi rgyan gyis spyod pa zhes bya ba yod de/ de na de bzhin gshegs pa kun tu rgyal ba thams cad mkhyen pa'i shugs dam pa zhes bya ba bzhugs so/ /de'i steng na 'jig rten gyi khams seng+ge'i khri'i tshul rnam par snang ba zhes bya ba yod de/ de na de bzhin gshegs pa seng+ge'i 'od zer tshad med pa'i stobs kyi blo gros zhes bya ba bzhugs so/ /de'i steng na 'jig rten gyi khams rin po che'i 'od zer gyi mtshan nyid kyis brgyan pa zhes bya ba yod de/ de na de bzhin gshegs pa chos thams cad yongs su dag par ston pa'i rig byed mchog ces bya ba bzhugs so/ /de'i steng na 'jig rten gyi khams mar me du ma zhes bya ba yod de/ de na de bzhin gshegs </font><hr>Ka182a<br><font size=+1>


@#/ /pa mya ngan dang rnam par bral ba'i gzi brjid ces bya ba bzhugs so/ /de'i steng na 'jig rten gyi khams sangs rgyas kyi dbyangs la mngon sum zhes bya ba yod de| de na de bzhin gshegs pa rang byung dam pa'i gzi brjid ces bya ba bzhugs so/ /de'i steng na 'jig rten gyi khams yongs su dag cing dri ma med par sprul pa zhes bya ba yod de| de na de bzhin gshegs pa gser gyi pad+mo snang ba'i 'od ces bya ba bzhugs so/ /de'i steng na 'jig rten gyi khams phyogs kun gyi dbyings su rab tu 'jug pa zhes bya ba yod de/ de na de bzhin gshegs pa chos kyi dbyings rab tu gzigs pas bsgyings pa zhes bya ba bzhugs so/ /de'i steng na 'jig rten gyi khams 'od 'gro ba'i dpal shin tu 'bar ba zhes bya ba yod de/ de na de bzhin gshegs pa shing mi'am ci'i rgyal po rab tu 'bar ba zhes bya ba bzhugs so/ /de'i steng na 'jig rten gyi khams spos kyi 'od zer phyogs kun tu rnam par snang ba zhes bya ba yod de/ de na de bzhin gshegs pa spos kyi mar me shin tu sprul pa'i rgyal po zhes bya ba bzhugs so/ /de'i steng na 'jig rten gyi khams me tog gi chu bo tshad med pa'i dkyil 'khor ces bya ba yod de/ de na de bzhin gshegs pa rgyal ba'i yon tan sgo kun nas ston pa zhes bya ba bzhugs so/ /de'i steng na 'jig </font><hr>Ka182b<br><font size=+1>


rten gyi khams kun nas dge ba sna tshogs zhes bya ba yod de/ de na de bzhin gshegs pa chos thams cad mnyam pa nyid kyis rnam par 'phrul ba'i rgyal po zhes bya ba bzhugs so/ /de'i steng na 'jig rten gyi khams gser gyi 'od rgya mtsho zhes bya ba yod de/ de na de bzhin gshegs pa phyogs su sprul pa yangs pa'i dbang phyug ces bya ba bzhugs so/ /de'i steng na 'jig rten gyi khams me tog gi ze ba'i snying po zhes bya ba yod de/ de na de bzhin gshegs pa chos kyi dbyings grol ba'i 'od bsam gyis mi khyab pa'i blo gros zhes bya ba bzhugs so/ /de'i steng na 'jig rten gyi khams dbang po'i seng+ge'i khri ri bo zhes bya ba yod de/ de na de bzhin gshegs pa rgyal ba'i stobs rab tu snang ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams kha dog mtha' yas par rin po che rnam par snang ba zhes bya ba yod de/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ kun nas gru bzhir 'dug pa/ shing dang / me tog dang / nags tshal gyi gzhi rgya mtshal rab tu gnas pa/ nor bu'i rgyal po kha dog mtha' yas pa'i char 'debs pa'i mig 'phrul gyis kun nas yog pa yod de/ de na de bzhin gshegs pa rnam par </font><hr>Ka183a<br><font size=+1>


@#/ /snang ba 'gro ba'i dkyil 'khor dam pa'i dbyangs zhes bya ba bzhugs so/ /de nas lho phyogs logs na spos chu'i rgya mtsho rin po che dang / spos kyi mdzod rab tu bsags pa zhes bya ba yod de/ de na 'jig rten gyi khams kyi rgyud rgyan dang 'od thams cad 'byung ba zhes bya ba sangs rgyas kyi chos kyi 'khor lo thams cad rab tu sgrog pa'i lhun can mngon par byung ste/ de thams cad kyi 'og na 'jig rten gyi khams sna tshogs 'byung ba zhes bya ba/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ rdo rje'i dbyibs ltar 'dug pa/ rdo rje'i rgyal mtshan sna tshogs la rab tu gnas pa/ rdo rje dang rin po che'i 'od kyi dkyil 'khor gyi sprin gyis kun nas yog pa yod de/ de na de bzhin gshegs pa pad+mo'i ze ba 'phags pa'i spyan zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams blta na dga' ba'i sgra zhes bya ba yod de/ de na de bzhin gshegs pa dga' ba dang spro ba yang dag par 'byung ba zhes bya ba bzhugs so/ /gzhung de bzhin du de'i steng na 'jig rten gyi khams rin po che'i mtshan gyis yang dag par brgyan pa'i rgyal mtshan zhes bya ba yod de/ de </font><hr>Ka183b<br><font size=+1>


na de bzhin gshegs pa thams cad mkhyen pa nyid kyi spyod yul dang / spyod pa'i blo gros zhes bya ba bzhugs so/ /de'i steng na 'jig rten gyi khams rnam par snang ba'i ze ba sna tshogs kyi gzhi zhes bya ba yod de/ de na de bzhin gshegs pa dri ma med cing zhi ba'i dbyangs yid du 'ong ba zhes bya ba bzhugs so/ /de'i steng na 'jig rten gyi khams sprul pa 'od bzang po zhes bya ba yod de/ de na de bzhin gshegs pa nam mkha'i dbyings dri ma med pa'i ye shes zla ba zhes bya ba bzhugs so/ /de'i steng na 'jig rten gyi khams rnam par phye ba rnam pa sna tshogs zhes bya ba yod de/ de na de bzhin gshegs pa bsod nams rgya mtsho'i sprin stug po'i mtshan gyi me tog shin tu rgyas pa zhes bya ba bzhugs so/ /de'i steng na 'jig rten gyi khams rgyan thams cad kyis brgyan pa'i sgra snyan pa zhes bya ba yod de/ de na de bzhin gshegs pa dga' bar mdzad pa'i gtso bo sprin gyi dbyangs zhes bya ba bzhugs so/ /de'i steng 'jig rten gyi khams pad+mo'i tshal gyi snying po zhes bya ba yod de/ de na de bzhin gshegs pa nga ro rnam par grags pa'i rgyal mtshan zhes bya ba bzhugs so/ /de'i steng na 'jig rten gyi khams rin po che thams cad kyi 'od rab tu 'gyed pa'i rgyan ces bya ba yod de/ de na de bzhin gshegs pa spyan ras gzigs pa'i spyan gyis mthu rnam par phyung ba zhes </font><hr>Ka184a<br><font size=+1>


@#/ /bya ba bzhugs so/ /de'i steng na 'jig rten gyi khams shugs bzang po'i ze ba dri ma med pa zhes bya ba yod de/ de na de bzhin gshegs pa mi zad pa'i ye shes rdo rje'i dpal zhes bya ba bzhugs so/ /de'i steng na 'jig rten gyi khams pad+mo'i grong khyer gyi rgyan ces bya ba yod de/ de na de bzhin gshegs pa kun tu spyan nyi ma'i snying po snang ba zhes bya ba bzhugs so/ /de'i steng na 'jig rten gyi khams shing gi phung po tshad med pa zhes bya ba yod de/ de na de bzhin gshegs pa chos thams cad kyi 'brug sgra'i gsung zhes bya ba bzhugs so/ /de'i steng na 'jig rten gyi khams rnam par rol pa brjod pa zhes bya ba yod de/ de na de bzhin gshegs pa ye shes tshad med pa'i me tog shin tu rgyas pa'i gzi brjid ces bya ba bzhugs so/ /de'i steng na 'jig rten gyi khams ut+pa la'i 'dab ma la brten pa zhes bya ba yod de/ de na de bzhin gshegs pa bsod nams thams cad kyi ri bo shin tu 'phags pa zhes bya ba bzhugs so/ /de'i steng na 'jig rten gyi khams rlung mnyam par 'dzin pa zhes bya ba yod de/ de na de bzhin gshegs pa dbang po nyi ma'i gzi brjid ces bya ba bzhugs so/ /de'i steng na 'jig rten gyi khams snang ba yongs su ston pa'i 'od ces bya ba yod de/ de na de bzhin gshegs </font><hr>Ka184b<br><font size=+1>


pa 'od zer gsal ba sku'i 'od ces bya ba bzhugs so/ /de'i steng na 'jig rten gyi khams spos kyi sgra rdo rje rnam par snang ba zhes bya ba yod de/ de na de bzhin gshegs pa sa dam pa'i mtshan nyid kyi me tog shin tu rgyas pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mig 'phrul gyi rgyan la rab tu gnas pa zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ stegs bu rgya mtsho'i dbyibs ltar 'dug pa/ rgyan thams cad kyi rgya mtsho la rab tu gnas pa/ 'od zer gyi khang pa brtsegs pa'i sprin gyis kun nas yog pa yod de/ de na de bzhin gshegs pa sprin bzang pos mi bzhengs pa ston pa zhes bya ba bzhugs so/ /de nas lho phyogs logs na spos chu'i rgya mtsho rin po che dang ldan pa'i rgyan ces bya ba yod de/ de las 'jig rten gyi khams kyi rgyud dri ma med cing yongs su gsal ba zhes bya ba rdul thams cad las sangs rgyas kyi zhing gi rnam par 'phrul pa shin tu sgrog pa'i lhun can mngon par byung ste/ de thams cad kyi 'og na 'jig rten gyi khams gzhi mnyam pa dri ma med pa rnam pa sna tshogs zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ rin po che'i </font><hr>Ka185a<br><font size=+1>


@#/ /'byung gnas kyi dbyibs ltar 'dug pa/ gcig tu dag pa/ rin po che thams cad kyi 'od kyi dkyil 'khor gyi rgya mtsho la rab tu gnas pa/ tsan+dan dang / nor bu dang / mu tig gi gdugs sna tshogs kyis kun nas yog pa yod de/ de na de bzhin gshegs pa thug pa med cing mnyam pa med pa'i dpal zhes bya ba bzhugs so| |de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rab tu 'bar ba sna tshogs kyis rnam par brgyan pa zhes bya ba yod de/ de na de bzhin gshegs pa dge ba'i blo gros pad+mo mngon par mkhyen pa'i rgyal po zhes bya ba bzhugs so/ /gzhung de bzhin du de'i steng na 'jig rten gyi khams tshon gyi mtshan nyid 'khor lo'i rgyal mtshan zhes bya ba yod de/ de na de bzhin gshegs pa phyogs bcur yon tan rgya chen po rnam par grags pa'i 'od zer mi zad pa zhes bya ba bzhugs so/ /de'i steng na 'jig rten gyi khams 'od 'phro ba rab tu brtan pa rin po che'i snying po'i rgyan ces bya ba yod de/ de na de bzhin gshegs pa ye shes chen po blta na dga' ba mnyan na don yod pa zhes bya ba bzhugs so/ /de'i steng na 'jig rten gyi khams dpal gyi me tog legs par bsags pa zhes bya ba yod de/ de na de bzhin gshegs pa </font><hr>Ka185b<br><font size=+1>


stobs dang ye shes tshad med pa'i gtso bo zhes bya ba bzhugs so/ /de'i steng na 'jig rten gyi khams dge ba sna tshogs kyi tshon 'byung ba zhes bya ba yod de/ de na de bzhin gshegs pa tshangs pa'i dpal yang dag par 'byung ba zhes bya ba bzhugs so/ /de'i steng na 'jig rten gyi khams spos kyi sprul pa kun tu 'od ces bya ba yod de/ de na de bzhin gshegs pa spos kyi glang po phyag na rdo rje zhes bya ba bzhugs so/ /de'i steng na 'jig rten gyi khams snang ba'i gtsug phud ces bya ba yod de/ de na de bzhin gshegs pa don grub pa shin tu grags pa zhes bya ba bzhugs so/ /de'i steng na 'jig rten gyi khams rin po che'i phreng ba rgya mtsho zhes bya ba yod de/ de na de bzhin gshegs pa rnam par snang mdzad 'phrul pa las mngon par byung ba'i gzi brjid ces bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams me tog dpal gyi mar me'i rgyal mtshan zhes bya ba yod de/ de na de bzhin gshegs pa yon tan gyi sgron ma shin tu chags pa med pa'i blo gros zhes bya ba bzhugs so/ /de'i steng na 'jig rten gyi khams tshul bzang po'i sgo sna tshogs zhes bya ba yod de/ de na de bzhin gshegs pa pha rol tu phyin pa dri ma med pa'i zla ba zhes bya ba bzhugs so/ /de'i steng na 'jig </font><hr>Ka186a<br><font size=+1>


@#/ /rten gyi khams tsan+dan gyi ze ba'i 'od ces bya ba yod de/ de na de bzhin gshegs pa chos kyi dbyings kyi gsung tshad med pa'i blo gros zhes bya ba bzhugs so| |de'i steng na 'jig rten gyi khams mig 'phrul gyi dra pa shin tu mdzes pa'i rgyal mtshan zhes bya ba yod de/ de na de bzhin gshegs pa sgron ma shin tu 'phags pa'i 'od ces bya ba bzhugs so/ /de'i steng na 'jig rten gyi khams me tog yongs su dag pa'i glong gi dkyil 'khor zhes bya ba yod de/ de na de bzhin gshegs pa chos kyi dbyings nyi ma'i 'od zer ces bya ba bzhugs so/ /de'i steng na 'jig rten gyi khams shin tu mdzes pa'i dpal zhes bya ba yod de/ de na de bzhin gshegs pa yon tan rgya mtsho mtha' dang dbus med pa'i chos kyi 'khor lo rab tu sgrog pa zhes bya ba bzhugs so/ /de'i steng na 'jig rten gyi khams rin po che pad+mo'i nags tshal yang dag par gnas pa zhes bya ba yod de/ de na de bzhin gshegs pa ye shes bsam gyis mi khyab pa la 'jug pa yang dag par ston pa zhes bya ba bzhugs so/ /de'i steng na 'jig rten gyi khams rdo rje rin po che ltar gzhi mnyam pa zhes bya ba yod de/ de na de bzhin gshegs pa rin po che'i dpal gyi 'od gzi brjid kyi rgyal bo zhes bya ba bzhugs so/ /de'i steng na 'jig rten gyi khams spos dang / nor bu </font><hr>Ka186b<br><font size=+1>


shin tu mang ba zhes bya ba yod de/ de na de bzhin gshegs pa bsod nams rgya mtsho mi zad pa'i rgyan dam pa zhes bya ba bzhugs so/ /de'i steng na 'jig rten gyi khams 'od shin tu phra ba 'gyed pa zhes bya ba yod de/ de na de bzhin gshegs pa stobs gzhal du med pa'i dbyangs kun tu brjod pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams brtan par bsgrubs pa phyogs thams cad du rab tu snang ba zhes bya ba/ 'jig rten gyi khams sangs rgyas kyi zhing gi rdul shin tu phra ba snyed kyi rdul nyi shu'i 'khor gyis bskor ba/ gcig tu dag pa/ rin po che yid bzhin gyi rgyal po yan lag brgyad du rnam par phye ba'i 'khor lo rgya mtsho la rab tu gnas pa| rin po che'i rgyan thams cad dang / bla re'i sprin gyis kun nas yog pa yod de/ de na de bzhin gshegs pa kun tu spyan yongs su gsal ba'i sgrol ma zhes bya ba bzhugs so/ / de nas lho phyogs logs na spos chu'i rgya mtsho rin po che'i rdo rje ltar brtan pa zhes bya ba yod de/ de la 'jig rten gyi khams kyi rgyud chos kyi dbyings kyis spyod pa zhes bya ba/ byang chub sems dpa' thams cad kyi chos kyi tshul dang / sa shin tu sgrog pa'i lhun can rab tu gnas te/ de thams cad kyi 'og na 'jig rten gyi khams gzi brjid shin tu dag pa zhes bya </font><hr>Ka187a<br><font size=+1>


@#/ /ba| 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ mu tig bskyil ba'i dbyibs su 'dug pa/ rin po che thams cad kyi kha dog lta bu'i mu tig gi phreng ba'i rgya mtsho la rab tu gnas pa/ nor bu'i rgyal po byang chub sems dpa'i gtsug phud rab tu snang ba'i sprin gyis kun nas yog pa yod de/ de na de bzhin gshegs pa yon tan shin tu 'phags pas rab tu snang ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams yid du 'ong bas khyab pa zhes bya ba yod de/ de na de bzhin gshegs pa chos kyi dbang phyug spyod pa'i blo gros zhes bya ba bzhugs so/ /gzhung de bzhin du de'i steng na 'jig rten gyi khams rin po che'i seng+ge'i khris brgyan pa zhes bya ba yod de/ de na de bzhin gshegs pa klu 'brug chen pos gsal ba zhes bya ba bzhugs so/ /de'i steng na 'jig rten gyi khams rdo rje'i gdan brtan pa yang dag par 'byung ba zhes bya ba yod de/ de na de bzhin gshegs pa seng+ge'i khri pad+mo gnon pa'i lte ba zhes bya ba bzhugs so/ /de'i steng na 'jig rten gyi khams dpal gyi dbyangs pad+mo can zhes bya ba yod de/ de na de bzhin gshegs </font><hr>Ka187b<br><font size=+1>


pa ye shes kyi phung po rnam par sangs rgyas pa'i 'od zer ces bya ba bzhugs so/ /de'i steng na 'jig rten gyi khams rab tu rnam par phye ba zhes bya pa yod de/ de na de bzhin gshegs pa sa 'dzin gzi brjid bzang po'i rgyan ces bya ba bzhugs so/ /de'i steng na 'jig rten gyi khams dga' ba dang bde ba'i sgra zhes bya ba yod de/ de na de bzhin gshegs pa shin tu yang dag par gnas pa'i chos kyi sgron ma'i rgyal po zhes bya ba bzhugs so/ /de'i steng na 'jig rten gyi khams mig 'phrul gyi nor bu'i mdzod kyi snying po zhes bya ba yod de/ de na de bzhin gshegs pa blta na don yod cing dga' bar mdzad pa zhes bya ba bzhugs so/ /de'i steng na 'jig rten gyi khams sa sna tshogs kyi snying po zhes bya ba yod de/ de na de bzhin gshegs pa 'od 'phro ba'i tshogs kyi rgyal mtshan zhes bya ba bzhugs so/ /de'i steng na 'jig rten gyi khams gser gyi 'od kyi 'khor lo zhes bya ba yod de/ de na de bzhin gshegs pa sems can gyi spyod pa dag par mdzad pa zhes bya ba bzhugs so/ /de'i steng na 'jig rten gyi khams ri rab rnam par bres pa zhes bya ba yod de/ de na de bzhin gshegs pa yon tan thams cad kyi sprin kun tu snang ba zhes bya ba bzhugs so/ /de'i steng na 'jig rten gyi khams shing gi tshogs zhes bya ba yod de/ de na de bzhin gshegs pa mtshan rin po che'i me </font><hr>Ka188a<br><font size=+1>


@#/ /tog shin tu rgyas pa'i zla ba'i blo zhes bya ba bzhugs so/ /de'i steng na 'jig rten gyi khams 'jigs pa med pa zhes bya ba yod de/ de na de bzhin gshegs pa 'od dam pa'i gser gyi sgron ma zhes bya ba bzhugs so/ /de'i steng na 'jig rten gyi khams klu'i grags pa dpal gyi rgyal mtshan zhes bya ba yod de/ de na de bzhin gshegs pa chos rgya mtsho thams cad rnam par gzigs pa tha dad pa med pa'i 'od zer ces bya ba bzhugs so/ /de'i steng na 'jig rten gyi khams nor bu'i go cha yongs su 'byung ba zhes bya ba yod de/ de na de bzhin gshegs pa sprul pa'i nyi ma zhes bya ba bzhugs so/ /de'i steng na 'jig rten gyi khams 'od 'phro bas rab tu brgyan pa'i sgron ma zhes bya ba yod de/ de na de bzhin gshegs pa rin po che'i gdugs kyi dpal rnam par snang ba zhes bya ba bzhugs so/ /de'i steng na 'jig rten gyi khams spos kyi na bun gyi 'od zer ces bya ba yod de/ de na de bzhin gshegs pa blo gros dam pas dgongs pa zhes bya ba bzhugs so/ /de'i steng na 'jig rten gyi khams 'khon med pa'i sgo zhes bya ba yod de/ de na de bzhin gshegs pa brtson 'grus kyi dpal blo gros rgya mtsho zhes bya ba bzhugs so/ /de'i steng na 'jig rten gyi khams rgyan thams cad kyi rgyal </font><hr>Ka188b<br><font size=+1>


mtshan gyis brgyan pa'i 'od ces bya ba yod de/ de na de bzhin gshegs pa dgongs pa pad+mos kun tu rnam par 'phrul ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mdzod spus bsgrubs pa'i mtshan zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ zla ba kham pa'i dbyibs ltar 'dug pa/ rin po che'i me tog gi ri rab la rab tu gnas pa/ nor bu'i rgyal po rgyan thams cad 'bar ba'i 'od kyi sprin gyis kun nas yog pa yod de/ de na de bzhin gshegs pa spyan rnam par dag pa zhes bya ba bzhugs so/ /de nas lho phyogs logs na spos chu'i rgya mtsho lha'i grong khyer rin po che'i shing thags kyis brgyan pa zhes bya ba yod de/ de la 'jig rten gyi khams kyi rgyud mar me'i 'od zer snang ba zhes bya ba/ rnam par snang mdzad gzhan dang gzhan thams cad kyi chos kyi 'khor lo tha ma dad pa'i dbyangs kyi lhun can rab tu gnas te/ de thams cad kyi 'og na 'jig rten gyi khams rin po che'i zla ba 'od 'phro ba zhes bya ba/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ rgyan thams cad kyi </font><hr>Ka189a<br><font size=+1>


@#/ /dbyibs ltar 'jug pa/ rin po che'i rgyan rgya mtsho thams cad la rab tu gnas pa/ baiDUR+Ya dang / dngul gyi seng+ge'i khri sprin gyis kun nas yog pa yod de| de na de bzhin gshegs pa zla ba'i 'od ltar bdag po med pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che'i 'od kyi ri bo 'byung ba zhes bya ba yod de/ de na de bzhin gshegs pa chos mi zad pa'i rgya mtsho rin po che'i rgyal mtshan zhes bya ba bzhugs so/ /gzhung de bzhin du de'i steng na 'jig rten gyi khams rgyal mtshan gyi sgo sna tshogs kyi 'od ces bya ba yod de/ de na de bzhin gshegs pa me tog gi 'byung gnas rgya chen po zhes bya ba bzhugs so/ /de'i steng na 'jig rten gyi khams me tog shin tu rgyas pa'i nor bu rab tu snang ba zhes bya ba yod de/ de na de bzhin gshegs pa skyes bu dam pa'i dbang po'i dpal zhes bya ba bzhugs so/ /de'i steng na 'jig rten gyi khams sgra skad sna tshogs zhes bya ba yod de/ de na de bzhin gshegs pa thams cad mkhyen pa nyid kyi 'khor lo rnam par snang ba zhes bya ba bzhugs so/ /de'i steng na 'jig rten gyi khams shing mi'am ci'i dbyangs zhes bya ba yod de/ de na de bzhin gshegs </font><hr>Ka189b<br><font size=+1>


pa klu'i grags pa bsod nams tshad med pa'i gzi brjid ces bya ba bzhugs so/ /de'i steng na 'jig rten gyi khams snang ba dag pas 'od mtha' yas pa zhes bya ba yod de/ de na de bzhin gshegs pa yon tan rin po che'i ze ba'i 'od zer ces bya ba bzhugs so/ /de'i steng na 'jig rten gyi khams dbyangs dam pa'i dpal zhes bya ba yod de/ de na de bzhin gshegs pa stobs kyi rgyan thams cad kyi blo gros zhes bya ba bzhugs so/ /de'i steng na 'jig rten gyi khams rin po che rnam par phye ba rab tu mang ba zhes bya ba yod de/ de na de bzhin gshegs pa rin po che'i ri'i ri rab ces bya ba bzhugs so/ /de'i steng na 'jig rten gyi khams yongs su snang ba'i gtsug gi ri rab kyi dbyangs zhes bya ba yod de/ de na de bzhin gshegs pa spyod pa thams cad kyi 'od shin tu 'phags pa zhes bya ba bzhugs so/ /de'i steng na 'jig rten gyi khams spos kyi char pa phra mo'i gdugs zhes bya ba yod de/ de na de bzhin gshegs pa pha rol tu phyin pa thams cad la chags pa med pa'i rgya mtsho zhes bya ba bzhugs so/ /de'i steng na 'jig rten gyi khams me tog gi dra ba seng+ges rgyal ba zhes bya ba yod de/ de na de bzhin gshegs pa rin po che 'od 'phro ba'i sgo'i rgyal mtshan zhes bya ba bzhugs so/ /de'i steng na 'jig rten gyi khams rdo rje'i me tog shin tu snang ba zhes bya ba yod de/ de na de bzhin </font><hr>Ka190a<br><font size=+1>


@#/ /gshegs pa smon lam thams cad kyis yang dag par 'phags pa'i 'od ces bya ba bzhugs so/ /de'i steng na 'jig rten gyi khams chos thams cad kyi sa'i 'od ces bya ba yod de/ de na de bzhin gshegs pa chos thams cad kyi don shin tu yangs pa'i gtsug ces bya ba bzhugs so/ /de'i steng na 'jig rten gyi khams mu tig gi bye mas gzhi mnyam pa'i rgyan ces bya ba yod de/ de na de bzhin gshegs pa 'od zer gyi dra ba mchog gi blo gros zhes bya ba bzhugs so/ /de'i steng na 'jig rten gyi khams baiDUR+Ya'i ze ba shin tu 'byung ba bsam gyis mi khyab pa zhes bya ba yod de/ de na de bzhin gshegs pa rin po che brtsegs pa'i rgyal mtshan zhes bya ba bzhugs so/ /de'i steng na 'jig rten khams 'od tshad med pa'i 'khor lo bzang po zhes bya ba yod de/ de na de bzhin gshegs pa ye shes la thub pa med pa rgya mtsho'i snying po zhes bya ba bzhugs so/ /de'i steng na 'jig rten gyi khams phyogs rmongs pa med par lta ba zhes bya ba yod de/ de na de bzhin gshegs pa don thams cad yongs su sbyangs pa'i yon tan dpal zhes bya ba bzhugs so/ /de'i steng na 'jig rten gyi khams dga' ba tshangs pa'i dbyangs zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ sangs rgyas kyi phyag gi dbyibs </font><hr>Ka190b<br><font size=+1>


ltar 'dug pa/ rin po che'i 'od zer gyi dra ba'i glong gi rgya mtsho la rab tu gnas pa/ rgyan thams cad dang byang chub sems dpa'i lus kyis kun nas yog pa yod de/ de na de bzhin gshegs pa 'od la thogs pa med pas chos kyi dbyings rnam par snang mdzad ces bya ba bzhugs so/ /spos chu'i rgya mtsho gang chen mtsho dri ma med pa'i 'od 'phro ba'i snying po zhes bya ba de dang 'dabs chags su shar phyogs logs na spos chu'i rgya mtsho sprul pa'i lus bzang po zhes bya ba yod de/ de las 'jig rten gyi khams kyi rgyud phyogs tha dad par rab tu gnas pa zhes bya ba mngon par byung ste/ de dang 'dabs chags su spos chu'i rgya mtsho rdo rje'i mig gi rgyal mtshan zhes bya ba yod de/ de las 'jig rten gyi khams kyi rgyud chos dbyings la yang dag par 'jug pa'i rgyan ces bya ba mngon par byung ngo / /de dang 'dabs chags su spos chu'i rgya mtsho pad+mo'i tshul rnam par bkod pa zhes bya ba yod de/ de las 'jig rten gyi khams kyi rgyud phyogs bcur sprul pa rab tu 'byung ba zhes bya ba mngon par byung ngo / /de dang 'dabs chags su spos chu'i rgya mtsho rin po che'i rgyal po'i dkyil 'khor ces bya ba yod de/ de las 'jig rten gyi khams kyi rgyud pad+mo'i lo ma sprin stug po zhes bya ba mngon par byung ngo / /de dang 'dabs chags su spos chu'i rgya mtsho sprul pa'i spos kyi 'od 'phro bas kun tu brgyan pa zhes bya ba yod de/ de las 'jig rten gyi khams kyi rgyud rnam </font><hr>Ka191a<br><font size=+1>


@#/ /par snang mdzad kyi sprul pa rgyu ba zhes bya ba mngon par byung ngo / /de dang 'dabs chags su spos chu'i rgya mtsho rin po che'i gram bu 'dzam bu'i rgyal mtshan zhes bya ba yod de| de las 'jig rten gyi khams kyi rgyud sangs rgyas kyi byin gyi rlabs kyi yul zhes bya ba mngon par byung ngo / /de dang 'dabs chags su spos chu'i rgya mtsho kha dog kun tu 'bar ba'i gzi brjid ces bya ba yod de/ de las 'jig rten gyi khams kyi rgyud rnam par snang mdzad kyi 'od dam pa zhes bya ba mngon par byung ngo / /de dang 'dab chags su shar phyogs logs na spos chu'i rgya mtsho rgyan thams cad kyis yul brgyan pa zhes bya ba yod de/ de las 'jig rten gyi khams kyi rgyud rin po che 'od 'phro ba'i lce rab tu snang ba shin tu 'phro ba zhes bya ba mngon par byung ste/ de dag la sogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi phyi rol shar phyogs logs kyi khor yug gi mtshams na spos chu'i rgya mtsho gzhi dang snying po shel zhes bya ba yod de/ de las 'jig rten gyi khams kyi rgyud grol ba'i 'od ces bya ba 'jig rten gyi khams rgya mtsho yongs su dag pa'i bskal pa rgya mtsho'i dbyangs kyi lhun can mngon par byung ste/ de thams cad kyi 'og na 'jig rten gyi khams dri ma med cing yid du 'ong ba'i rgyal mtshan zhes bya ba 'jig </font><hr>Ka191b<br><font size=+1>


rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa mngon par 'phags pa'i ting nge 'dzin dang / brtson 'grus kyi blo gros zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams kyi rgyud kyi dbus na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig rten gyi khams spos kyi rgyal mtshan gyi rgyan ces bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa chos kyi dbyings bsgribs pa med pa'i sgron ma zhes bya ba bzhugs so/ /de'i steng na 'jig rten gyi khams sangs rgyas kyi zhing gsum gyi rdul shin tu phra ba snyed 'das pa na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams 'od zer gyi mdzod rab tu 'gyed pa zhes bya ba yod de/ de na de bzhin gshegs pa chos kyi dbyings bsgribs pa med pa'i ri rab ces bya ba bzhugs so/ /de'i steng na 'jig rten gyi khams sangs rgyas kyi zhing thams cad kyi rdul shin tu phra ba snyed 'das pa'i 'jig rten gyi khams kyi rgyud kyi dang po la 'jig rten gyi khams lus dam pa'i spos gya nom pa zhes bya ba/ 'jig rten gyi khams sangs rgyas kyi zhing nyi shu'i </font><hr>Ka192a<br><font size=+1>


@#/ /rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa byang chub kyi yan lag me tog 'byung gnas zhes bya ba bzhugs so/ /spos chu'i rgya mtsho'i 'od kyi dkyil 'khor dri zhim po mi zad pa 'byung ba zhes bya ba de dang 'dabs chags su lho phyogs logs na spos chu'i rgya mtsho gzi brjid bzang po dpal dang ldan pa zhes bya ba yod de/ de la 'jig rten gyi khams kyi rgyud gzhi gsal zhing dri ma med pa zhes bya ba rab tu gnas so/ /de dang 'dabs chags su spos chu'i rgya mtsho snang ba dang gzi brjid kyis khebs pa zhes bya ba yod de/ de la 'jig rten gyi khams kyi rgyud rgyan mtha' yas pa la gzhol ba zhes bya ba rab tu gnas so/ /de dang 'dabs chags su spos chu'i rgya mtsho rin po che shin tu rnam par phye ba zhes bya ba yod de/ de la 'jig rten gyi khams kyi rgyud spos dang rin po che'i chos yang dag par gnas pa zhes bya ba rab tu gnas so/ /de dang 'dabs chags su spos chu'i rgya mtsho sangs rgyas kyi gsung zhi ba'i dbyangs zhes bya ba yod de/ de la 'jig rten gyi khams kyi rgyud rab tu rnam par phye ba'i gnas yongs su 'byung ba zhes bya ba rab tu gnas so/ /de dang 'dabs chags su lho phyogs logs na spos chu'i rgya mtsho spos kyi rgyal mtshan ri rab kyi snying po zhes bya ba yod de/ de la 'jig rten gyi khams kyi rgyud zhing yongs su </font><hr>Ka192b<br><font size=+1>


gsal bar snang ba zhes bya ba rab tu gnas so/ /de dang 'dabs chags su spos chu'i rgya mtsho tsan+dan shin tu yid du 'ong ba'i 'od zer ces bya ba yod de/ de la 'jig rten gyi khams kyi rgyud me tog gi klong gi 'od zer gyi dkyil 'khor ces bya ba rab tu gnas so/ /de dang 'dabs chags su spos chu'i rgya mtsho byin gyi rlabs kyi rlung zhes bya ba yod de/ de la 'jig rten gyi khams kyi rgyud rin po che'i 'od zer gyi sprin 'dal ba'i rgyal mtshan zhes bya ba rab tu gnas so/ /de dang 'dabs chags su spos chu'i rgya mtsho brgya byin gyi gdong dang lus shin tu bsgrubs pa zhes bya ba yod de/ de la 'jig rten gyi khams kyi rgyud mu tig gi rgya mtsho'i snying po zhes bya ba rab tu gnas so/ /de dang 'dabs chags su lho phyogs logs na spos chu'i rgya mtsho gnas shin tu mnyam par yang dag par bsgrubs pa zhes bya ba yod de/ de la 'jig rten gyi khams kyi rgyud bai DUR+Ya'i gram bu sna tshogs bkram pa zhes bya ba rab tu gnas te/ de dag la sogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol lho phyogs logs kyi mtshams na spos chu'i rgya mtsho shing gi ze ba zhes bya ba yod de/ de la 'jig rten gyi khams kyi rgyud phyogs yangs ba'i zhing yang dag par 'byung ba zhes bya ba sangs rgyas thams cad bdud kyi 'khor yongs su 'dul ba'i gsung gi lhun can zhes bya ba rab tu gnas so/ /de thams cad kyi 'og na 'jig rten gyi </font><hr>Ka193a<br><font size=+1>


@#/ /khams kyi rgyud skar mda' 'od 'phro ba zhes bya ba gcig tu dag pa yod de/ de na de bzhin gshegs pa 'jig rten gyis mchod pa yon tan rgya mtsho zhes bya ba bzhugs so| |de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams kyi rgyud kyi dbus na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig rten gyi khams rin po che 'byung ba zhes bya ba yod de/ de na de bzhin gshegs pa rin po che'i sprin seng+ge'i stobs zhes bya ba bzhugs so/ /de'i steng na 'jig rten gyi khams sangs rgyas kyi zhing gsum gyi rdul shin tu phra ba snyed 'das pa'i 'jig rten gyi khams mi mjed ces bya ba gzhi mnyam pa yod pa de na 'jig rten gyi khams gos kyi rgyal mtshan zhes bya ba yod de/ de na de bzhin gshegs pa ye shes rgya mtsho'i rgyal po zhes bya ba bzhugs so/ /de'i steng na 'jig rten gyi khams sangs rgyas kyi zhing bdun gyi rdul shin tu phra ba snyed 'das pa'i 'jig rten gyi khams kyi rgyud kyi dang po la 'jig rten gyi khams rin po che'i phreng ba seng+ge'i rnam par snang ba zhes bya ba yod de/ de na de bzhin gshegs pa pad+mo shin tu sprul pa'i rgyal mtshan zhes bya ba bzhugs so/ /spos chu'i rgya mtsho rdo rje'i 'od zer 'bar ba 'od 'phro ba'i sgron ma zhes bya ba de dang 'dabs chags su spos chu'i rgya mtsho rgyan rnam par bres pa thams </font><hr>Ka193b<br><font size=+1>


cad kyis rnam par klubs pa'i rgyal mtshan ces bya ba yod de/ de la 'jig rten gyi khams kyi rgyud rgyan dam par rnam par dag pa zhes bya ba rab tu gnas so/ /de dang 'dabs chags su spos chu'i rgya mtsho rin po che thams cad kyi me tog gis rnam par snang ba'i rgya mtsho zhes bya ba yod de/ de la 'jig rten gyi khams kyi rgyud mtshan gyi rgyan dang dpal rab tu 'byung ba zhes bya ba rab tu gnas so/ /de dang 'dabs chags su spos chu'i rgya mtsho pad+mo'i ze ba me tog shin tu rgyas pa'i rgyan ces bya ba yod de/ de la 'jig rten gyi khams kyi rgyud byang chub sems dpa'i rgyan rin po che'i cod pan shin tu 'bar ba zhes bya ba rab tu gnas so/ /de dang 'dabs chags su spos chu'i rgya mtsho rin po che'i gos kyis yun ring po nas bkab pa zhes bya ba yod de/ de la 'jig rten gyi khams kyi rgyud mu tig rnam par dag pa rin po che'i dkyil 'khor ces bya ba rab tu gnas so/ /de dang 'dabs chags su spos chu'i rgya mtsho me tog bzang po yid du 'ong ba rnam par snang ba zhes bya ba yod de de la 'jig rten gyi khams kyi rgyud snang ba'i sprin 'od zer rnam par brgyan pa zhes bya ba rab tu gnas so/ /de dang 'dabs chags su spos chu'i rgya mtsho nam mkha'i phyogs dang mnyam par rnam par snang ba zhes bya ba yod de/ de la 'jig rten gyi khams kyi rgyud rin po che kun tu snang ba rnam par dmigs pa shin tu zab pa zhes bya ba rab tu gnas so/ /de dang 'dabs chags su spos chu'i </font><hr>Ka194a<br><font size=+1>


@#/ /rgya mtsho me tog bzang pos rab tu brgyan pa'i rgyal mtshan zhes bya ba yod de/ de la 'jig rten gyi khams kyi rgyud gser gyi me tog zla ba'i rgyan ces bya ba rab tu gnas so/ /de dang 'dabs chags su spos chu'i rgya mtsho spos dang / mu tig dam pa'i snying po zhes bya ba yod de/ de la 'jig rten gyi khams kyi rgyud sangs rgyas kyi dpal gyis kun tu snang ba zhes bya ba yod de/ de dang 'dabs chags su spos chu'i rgya mtsho rin po che'i 'khor los bsgrubs pa'i 'od ces bya ba yod de/ de la 'jig rten gyi khams kyi rgyud sprul pa bzang po 'byung ba sangs rgyas kyi yul rab tu snang ba zhes bya ba rab tu gnas te/ de dag la sogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi phyi rol lho phyogs logs kyi 'khor yug gi mtshams na spos chu'i rgya mtsho gzhi 'khor lo tshad med pas brgyan pa zhes bya ba yod de/ de la 'jig rten gyi khams kyi rgyud phyogs tshad med pa snrel zhi zhes bya ba zhing gi rgyud yon tan sna tshogs thams cad shin tu ston pa'i sgra'i lhun can rab tu gnas te/ de thams cad kyi 'og na 'jig rten gyi khams rdo rje me tog gis khyab pa zhes bya ba yod de/ de na de bzhin gshegs pa mtshan mi zad pa'i 'od zer sgo kun nas sgrog pa zhes bya ba bzhugs </font><hr>Ka194b<br><font size=+1>


so| |de'i steng na 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams kyi rgyud na 'jig rten gyi khams rdo rje'i rgyal mtshan gzhi mnyam pa yod pa de na 'jig rten gyi khams rin po che'i gos kyi rgyal mtshan 'byung ba zhes bya ba yod de/ de na de bzhin gshegs pa bsod nams kyi sprin kun tu dpal gyi gzi brjid ces bya ba bzhugs so| |de'i steng na 'jig rten gyi khams gzhi mnyam pa mi mjed ces bya ba yod pa de na 'jig rten gyi khams rin po che'i rgyan sna tshogs kyis brgyan pa zhes bya ba yod de/ de na de bzhin gshegs pa khyad par gyi blo gros rgya mtsho zhes bya ba bzhugs so/ /de'i steng na 'jig rten gyi khams kyi rgyud kyi dang po la 'jig rten gyi khams nyi ma'i mig gi rgyal mtshan zhes bya ba yod de/ de na de bzhin gshegs pa ye shes kyi nyi ma pad+mo'i sprin ces bya ba bzhugs so/ /spos chu'i rgya mtsho rin po che in+d+ra nI las rab tu brgyan pa'i rgyan can de dang 'dabs chags su spos chu'i rgya mtsho gzhung las lha ma yin gyi gnas shin tu 'byung ba zhes bya ba yod de/ de la 'jig rten gyi khams spos kyi 'od zer chu'i shugs 'dzin pa zhes bya ba rab tu gnas so/ /de dang 'dabs chags su spos chu'i rgya mtsho seng+ge'i rin po ches bsgrubs pa rnam pa sna tshogs zhes bya ba yod de/ de la 'jig rten gyi khams kyi rgyud rin po che thams cad kyi phyogs khyab par byed pa rnam par </font><hr>Ka195a<br><font size=+1>


@#/ /dmigs pa zhes bya ba rab tu gnas te/ de dang 'dabs chags su spos chu'i rgya mtsho kha dog gi sprin gyi gnas 'byung ba zhes bya ba yod de/ de la 'jig rten gyi khams kyi rgyud rin po che'i ri bo'i spo la dkyil 'khor rnam par bres pa zhes bya ba rab tu gnas so/ /de dang 'dabs chags su spos chu'i rgya mtsho gzhi dang / sgo pad+mo rnam par bkram pa zhes bya ba yod de/ de na 'jig rten gyi khams kyi rgyud rnam par snang ba'i chos kyi dbyings bde ba'i rgyan ces bya ba rab tu gnas so/ /de dang 'dabs chags su spos chu'i rgya mtsho mar me tshul bzang po'i 'od rab tu 'phro ba zhes bya ba yod de/ de la 'jig rten gyi khams kyi rgyud sprul pa'i phyogs rnam par lta zhing kun tu khyab pa zhes bya ba rab tu gnas so/ /de dang 'dabs chags su spos chu'i rgya mtsho bsam gyis mi khyab pa'i rgyan shin tu bstan pa zhes bya ba yod de/ de la 'jig rten gyi khams kyi rgyud phyogs thams cad du snang bas legs pa rnam par grags pa zhes bya ba rab tu gnas so/ /de dang 'dabs chags su spos chu'i rgya mtsho rin po che'i phung pos shin tu brgyan pa zhes bya ba yod de/ de la 'jig rten gyi khams kyi rgyud skar mda'i 'od zer rab tu snang ba zhes bya ba rab tu gnas so/ /de dang 'dabs chags su spos chu'i rgya mtsho rin po che rnam par dag pa'i 'od rab tu 'gyed pa'i shugs zhes bya ba yod de/ de la </font><hr>Ka195b<br><font size=+1>


'jig rten gyi khams kyi rgyud rlung chags pa med pa'i ri rab ces bya ba rab tu gnas so/ /de dag 'dabs chags su spos chu'i rgya mtsho rin po che'i gos dang / stegs bu'i rgyud ces bya ba yod de/ de la 'jig rten gyi khams kyi rgyud de bzhin gshegs pa'i sku shin tu snang ba ston pa zhes bya ba rab tu gnas te/ de dag la sogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho shing sna tshogs kyi rgyal mtshan zhes bya ba yod de/ de las 'jig rten gyi khams kyi rgyud mig 'phrul lta bur shin tu gnas pa zhes bya ba byang chub sems dpa' thams cad kyi ye shes kyi sa rab tu gnon pa'i sgra'i lhun can mngon par byung ste/ de thams cad kyi 'og na 'jig rten gyi khams gser gyi kha dog ces bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa spos chu'i 'od zer dpal gyi gzi brjid ces bya ba bzhugs so/ /bam po bcu gcig pa/ de'i steng na 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams kyi rgyud kyi dbus na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig rten gyi khams rin po che'i shing gi ze ba zhes bya ba yod de/ de na de bzhin gshegs pa zhal kun tu ston </font><hr>Ka196a<br><font size=+1>


@#/ /cing bsgribs pa med par rnam par dag pa zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams bai DUR+Ya'i rgyan sna tshogs zhes bya ba yod de/ de na de bzhin gshegs pa chos kyi dbang phyug zil gyis mi non pa'i blo gros zhes bya ba bzhugs so/ /de'i steng na 'jig rten gyi khams kyi rgyud kyi dang po la 'jig rten gyi khams tshangs pa'i dbyangs kyis legs par spel ba zhes bya ba yod de/ de na de bzhin gshegs pa pad+mo'i 'od kyi me tog shin tu rgyas pa'i rgyal po zhes bya ba bzhugs so/ /spos chu'i rgya mtsho 'khor lo brtan par bsgrubs pa zhes bya ba de dang 'dabs chags su spos chu'i rgya mtsho gzhi sprul pa'i pad+mos brgyan pa zhes bya ba yod de/ de la 'jig rten gyi khams kyi rgyud zhing la yongs su 'du ba rab tu ston pa zhes bya ba rab tu gnas so/ /de dang 'dabs chags su spos chu'i rgya mtsho rin po che'i gzi brjid 'bar ba'i 'od ces bya ba yod de/ de la 'jig rten gyi khams kyi rgyud chos kyi dbyings rgyas par 'gengs pa la rmongs pa med pa zhes bya ba rab tu gnas so/ /de dang 'dabs chags su spos chu'i rgya mtsho spos dang nor bu'i nyi ma sna tshogs zhes bya ba yod de/ de la 'jig rten gyi khams kyi rgyud phyogs yongs su gzhol bar rnam par dmigs pa la 'jug pa zhes bya ba rab tu gnas so/ /de </font><hr>Ka196b<br><font size=+1>


dang 'dabs chags su spos chu'i rgya mtsho rin po che gzi brjid 'bar ba'i 'od ces bya ba yod de/ de la 'jig rten gyi khams kyi rgyud spyod pa kun nas rgyal ba'i gsung sgrog pa zhes bya ba rab tu gnas so/ /de dang 'dabs chags su spos chu'i rgya mtsho dbyangs zab mo mu med pa zhes bya ba yod de/ de la 'jig rten gyi khams kyi rgyud phyogs tha dad pa mtha' dang dbus med pa zhes bya ba rab tu gnas so/ /de dang 'dabs chags su spos chu'i rgya mtsho snying po dang ldan zhing shin tu grub pa zhes bya ba yod de/ de la 'jig rten gyi khams kyi rgyud phyogs tha mi dad pa mtha' dang dbus med pa zhes bya ba rab tu gnas so/ /de dang 'dabs chags su spos chu'i rgya mtsho tshangs pa'i dbyangs yongs su dag pa'i sgra zhes bya ba yod de/ de la 'jig rten gyi khams kyi rgyud rgyan thams cad yongs su dag pa zhes bya ba rab tu gnas so/ /de dang 'dabs chags su spos chu'i rgya mtsho tsan+dan gyi dbyangs shin tu rnam par phye ba'i stegs bu'i snying po zhes bya ba yod de/ de la 'jig rten gyi khams kyi rgyud rgyal mtshan shin tu bsgreng ba zhes bya ba rab tu gnas so/ /de dang 'dabs chags su spos chu'i rgya mtsho spos kyi rgyal po'i 'od zer gyis shin tu bsgrubs pa zhes bya ba yod de/ de la 'jig rten gyi khams kyi rgyud zhing gi stobs kun tu snang ba yongs su ston pa zhes bya ba rab tu gnas so/ /spos chu'i rgya mtsho pad+mo'i dbang po mang po me tog shin tu rgyas </font><hr>Ka197a<br><font size=+1>


@#/ /pa de dang 'dabs chags su spos chu'i rgya mtsho dngul gyi pad+mo sna tshogs kyis bsgrubs pa'i rgyan ces bya ba yod de/ de la 'jig rten gyi khams kyi rgyud yongs su gsal bar kun tu rgyu ba zhes bya ba rab tu gnas so/ /de dang 'dabs chags su spos chu'i rgya mtsho baiDAR+Ya'i spos 'od 'phro ba'i sprin stug po zhes bya ba yod de/ de la 'jig rten gyi khams kyi rgyud phyogs su dbyangs sgrog pa zhes bya ba rab tu gnas so/ /de dang 'dabs chags su spos chu'i rgya mtsho phyogs kun tu gzi brjid kyis rgyal ba'i phung po 'od 'phro ba zhes bya ba yod de| de la 'jig rten gyi khams kyi rgyud phyogs rnam par phye bar 'phrul ba zhes bya ba rab tu gnas so/ /de dang 'dabs chags su spos chu'i rgya mtsho gser gyi rgyal mtshan nor bu'i rgyal po'i dpal rab tu 'byung ba zhes bya ba yod de/ de la 'jig rten gyi khams kyi rgyud rdo rje'i rtse mo zhing gi rgyal mtshan zhes bya ba rab tu gnas so/ /de dang 'dabs chags su spos chu'i rgya mtsho tha dad pa med pa'i sprin 'bar ba zhes bya ba yod de/ de na 'jig rten gyi khams kyi rgyud chos kyi dbyings kyis rnam par gnon pa'i gtsug ces bya ba rab tu gnas so/ /de dang 'dabs chags su spos chu'i rgya mtsho rin po che'i me tog zad mi shes pa shin tu rgyas pa'i dpal gyis gzi brjid ces bya ba yod de/ de la 'jig rten gyi khams kyi rgyud 'od mtha' yas pa rdul dang bral ba zhes </font><hr>Ka197b<br><font size=+1>


bya ba rab tu gnas so/ /de dang 'dabs chags su spos chu'i rgya mtsho rgya che zhing gser ltar yongs su dag pa/ grags pa'i dpal gyi rgyal mtshan zhes bya ba yod de/ de la 'jig rten gyi khams kyi rgyud gzhi tshon du bstan pa'i gnas zhes bya ba rab tu gnas so/ /de dang 'dabs chags su spos chu'i rgya mtsho mig yor rnam par snang ba zhes bya ba yod de/ de la 'jig rten gyi khams kyi rgyud las kyis kun tu brgyan cing rnam par phye ba zhes bya ba rab tu gnas so/ /de dang 'dabs chags su spos chu'i rgya mtsho sgra dbyangs zhi ba zhes bya ba yod de/ de la 'jig rten gyi khams kyi rgyud rab tu brgyus pa la mngon du lta ba zhes bya ba rab tu gnas te/ de dag la sogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho 'od 'phro ba stug po'i sprin gyi rgyal mtshan zhes bya ba yod de/ de la 'jig rten gyi khams kyi rgyud rgyan gyi dmigs pa thams cad kyi 'od ces bya ba/ snying po byang chub thams cad kyi de bzhin gshegs pa'i 'khor gyi dkyil 'khor gyi sgra'i lhun can rab tu gnas so/ /de thams cad kyi 'og na 'jig rten gyi khams dge ba'i mig sna tshogs zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa phyogs thams cad rnam par snang ba rdo rje'i zla ba zhes bya ba bzhugs so// </font><hr>Ka198a<br><font size=+1>


@#/ /de'i steng na 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams kyi rgyud kyi dbus na 'jig rten gyi khams rdo rje'i rgyal mtshan zhes bya ba gzhi mnyam pa yod de/ de na 'jig rten gyi khams kha dog ut+pal dang dpal gyi be'u zhes bya ba yod de/ de na de bzhin gshegs pa brtson 'grus chen po blo gros bzang po zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams mtshams rdo rje ltar sra ba sna tshogs zhes bya ba yod de/ de na de bzhin gshegs pa sA la'i rgyal po rgyal mtshan zhes bya ba bzhugs so/ /de'i steng na 'jig rten gyi khams sangs rgyas kyi zhing bdun gyi rdul shin tu phra ba snyed 'das pa'i 'jig rten gyi khams kyi rgyud kyi thog ma la 'jig rten gyi khams rgya mtsho dag pa sna tshogs zhes bya ba yod de/ de na de bzhin gshegs pa zil gyis mi non par mngon par 'phags pa'i gzi brjid ces bya ba bzhugs so/ /spos chu'i rgya mtsho rin po che'i 'byung gnas kyi mdzod shin tu bsags pa zhes bya ba de dang 'dabs chags su spos chu'i rgya mtsho rin po che'i 'od snang bas rnam par mdzes pa zhes bya ba yod de/ de la 'jig rten gyi khams kyi rgyud grags pa dri ma med pa'i rgyan ces bya ba rab tu gnas so/ /de dang 'dabs </font><hr>Ka198b<br><font size=+1>


chags su spos chu'i rgya mtsho rin po che tshad med pa'i med pa'i me tog shin tu rgyas pa zhes bya ba yod de/ de la 'jig rten gyi khams kyi rgyud mtshan nyid nam mkha' lta bu rnam par dpyod pa zhes bya ba rab tu gnas so/ /de dang 'dabs chags su spos chu'i rgya mtsho rnam par snang mdzad kyi dpal rnam par yangs pa zhes bya ba yod de/ de la 'jig rten gyi khams kyi rgyud thogs pa med par kun tu snang ba'i rgyan ces bya ba rab tu gnas so/ /de dang 'dabs chags su spos chu'i rgya mtsho shing tsan+dan gyi ze ba zhes bya ba yod de/ de la 'jig rten gyi khams rgya mtsho mtha' yas par 'khyil ba'i phyogs su rab tu 'jug pa zhes bya rab tu gnas so/ /de dang 'dabs chags su spos chu'i rgya mtsho gser rin po che'i rgyal po'i gram bu rab tu 'byung ba zhes bya ba yod de/ de la 'jig rten gyi khams kyi rgyud rgyal mtshan gyi rtse mo la zhing gi 'khor rgyu ba zhes bya ba rab tu gnas te/ de dang 'dabs chags su spos chu'i rgya mtsho 'khor kun na rdo rje me tog gi 'byung gnas yod pa zhes bya ba yod de/ de la 'jig rten gyi khams kyi rgyud rnam par phye ba bsam gyis mi khyab par ston pa zhes bya ba rab tu gnas so/ /de dang 'dabs chags su spos chu'i rgya mtsho nor bu'i yid bzhin gyi rgyal po'i 'khor lo sna tshogs kyi gzhi zhes bya ba yod de/ de la 'jig rten gyi khams kyi rgyud rnam par rig pa chags pa med pas sangs rgyas lta ba zhes bya ba rab tu gnas so/ /de dang 'dabs chags su spos chu'i </font><hr>Ka199a<br><font size=+1>


@#/ /rgya mtsho gzhi rin po che'i phreng bas bsags pa zhes bya ba yod de/ de la 'jig rten gyi khams kyi rgyud blo gros dge ba mtha' yas pa'i gzi brjid ces bya ba rab tu gnas so| |de dang 'dabs chags su spos chu'i rgya mtsho mu tig sna tshogs kyi dkyil 'khor gyis brgyan pa zhes bya ba yod de/ de la 'jig rten gyi khams kyi rgyud sangs rgyas kyi yul dang / smon lam gyi rgyu mthun pa las byung ba zhes bya ba rab tu gnas so/ /de dag la sogs pa spos chu'i rgya mtsho sangs rgyas kyi zhing brjod du med pa'i yang brjod du med pa shin tu phra ba snyed kyi phyi rol khor yug gi mtshams na spos chu'i rgya mtsho 'dzam bu chu klung gi mdzod kyi dkyil 'khor ces bya ba yod de/ de las 'jig rten gyi khams kyi rgyud kun tu sgra sgrog pa'i rgyal mtshan zhes bya ba thams cad mkhyen pa nyid gzhan dang gzhan gyi sgor rab tu 'jug pa'i dbyangs kyi lhun can mngon par byung ngo / /de thams cad kyi 'og na 'jig rten gyi khams me tog 'od 'phro ba zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa dpa' bas gsol ba zhes bya ba bzhugs so| |de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig </font><hr>Ka199b<br><font size=+1>


rten gyi khams pad+mo rnam par snang ba'i rgyal mtshan zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa yon tan thams cad kyis rnam par 'phags pa'i sems kyi rgyal po zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams stobs bcu'i rgyan ces bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ kun nas nyon mongs shing rnam par dag pa yod de/ de na de bzhin gshegs pa legs par byung ba'i yon tan tshad med pa'i rgyal po zhes bya ba bzhugs so/ /de'i steng na 'jig rten gyi khams kyi rgyud kyi dang po la 'jig rten gyi khams spos dang nor bu brtsegs pa'i rgyal mtshan zhes bya ba yod de/ de na de bzhin gshegs pa blo gros rnam par yangs pa'i spyan zhes bya ba bzhugs so/ /spos chu'i rgya mtsho rin po ches mthun par rnam par brgyan pa de dang 'dabs chags su spos chu'i rgya mtsho 'od zer gyi mdzod kyi ri bo 'dzin pa zhes bya ba yod de/ de la 'jig rten gyi khams kyi rgyud nam mkha'i spyin yangs pa 'byung ba zhes bya ba rab tu gnas so/ /de dang 'dabs chags su spos </font><hr>Ka200a<br><font size=+1>


@#/ /chu'i rgya mtsho rgyan sna tshogs kyi byin gyi rlabs kyi spyod yul zhes bya ba yod de/ de la 'jig rten gyi khams kyi rgyud dri ma med cing bsgribs pa med par rnam par phye ba zhes bya ba rab tu gnas so/ /de dang 'dabs chags su spos chu'i rgya mtsho rin po che'i pad+mo 'dab ma stug po rab tu 'phyang ba zhes bya ba yod de/ de la 'jig rten gyi khams kyi rgyud lus kyi rgyan dam pa'i mar me zhes bya ba rab tu gnas so/ /de dang 'dabs chags su spos chu'i rgya mtsho rin po che thams cad kyi rgyan shin tu gnas pa zhes bya ba yod de/ de la 'jig rten gyi khams kyi rgyud nyi ma'i 'od zer gyi dra ba 'byung gnas zhes bya ba rab tu gnas so/ /de dang 'dabs chags su spos chu'i rgya mtsho yang dag par bsgrubs pa shin tu mang ba zhes bya ba yod de/ de la 'jig rten gyi khams kyi rgyud rin po che'i ze ba byin gyi rlabs kyi gnas zhes bya ba rab tu gnas so/ /de dang 'dabs chags su spos chu'i rgya mtsho shin tu gtsang ba'i spyod pa zhes bya ba yod de/ de la 'jig rten gyi khams kyi rgyud lus dam pa rgya mtsho'i rgyan ces bya ba rab tu gnas so/ /de dang 'dabs chags su spos chu'i rgya mtsho nor bu sna tshogs kyi phung po 'dzin pa zhes bya ba yod de/ de la 'jig rten gyi khams kyi rgyud nam mkha' rnam par dag pa'i snying po zhes bya ba rab tu gnas so/ /de dang 'dabs chags su spos chu'i rgya mtsho gzi brjid dag cing </font><hr>Ka200b<br><font size=+1>


yangs pas rnam par snang ba zhes bya ba yod de/ de la 'jig rten gyi khams kyi rgyud in+d+ra nI la'i dbyibs ltar 'dug pa/ skar mda' ltar snang ba zhes bya ba rab tu gnas so/ /de dang 'dabs chags su spos chu'i rgya mtsho yid du 'ong bar gram bu'i nor bu mu tig rnam par snang ba zhes bya ba yod de/ de la 'jig rten gyi khams kyi rgyud dbyangs kyis kun tu sgrog pa'i nga ro la dga' ba zhes bya ba rab tu gnas te/ de dag la sogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho in+d+ra nI la rab tu 'gyed pa zhes bya ba yod de/ de la 'jig rten gyi khams kyi rgyud phyogs kun tu snang zhing tha mi dad pa zhes bya ba/ byang chub sems dpa' thams cad kyi chos yang dag par 'byung bar nga ro sgrog pa'i lhun can rab tu gnas te/ de thams cad kyi 'og na 'jig rten gyi khams dge ba dam pa'i snying po zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa yon tan mchog gi blo gros dam pa zhes bya ba bzhugs so/ /de'i steng na 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams kyi rgyud kyi dbus gzhi mnyam pa yod pa de na 'jig rten gyi khams yang dag par gnas pa'i rgyan ces bya ba </font><hr>Ka201a<br><font size=+1>


@#/ /yod de| de na de bzhin gshegs pa 'od lhag par 'phags pas rab tu snang ba zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams baiDUR+Yas bsgrubs pa kun nas 'khor lo zhes bya ba yod de/ de na de bzhin gshegs pa ri rab mar me zhes bya ba bzhugs so/ /de'i steng na 'jig rten gyi khams kyi rgyud kyi thog ma la 'jig rten gyi khams me tog gi rgya mtsho rgyal mtshan zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa sprul pa mi zad pa'i sprin gyi mnga' bdag ces bya ba bzhugs so/ /spos chu'i rgya mtsho sgra rdo rje ltar shin tu brtan pa'i dbyangs zhes bya ba de dang 'dabs chags su spos chu'i rgya mtsho rin po che'i shing thags kyis bskor ba/ shin tu 'phags pa zhes bya ba yod de/ de la 'jig rten gyi khams kyi rgyud rin po che'i rgyal mtshan shin tu 'greng ba zhes bya ba rab tu gnas so/ /de dang 'dabs chags su spos chu'i rgya mtsho me tog gi rgyal mtshan gyis rab tu brgyan pa zhes bya ba yod de/ de la 'jig rten gyi khams kyi rgyud snang ba thams cad shin tu ston pa zhes bya ba rab tu gnas so/ /de dang 'dabs chags su spos chu'i rgya mtsho rin po che'i sprin dam pa dang ldan pa zhes bya ba </font><hr>Ka201b<br><font size=+1>


yod do| de la 'jig rten gyi khams kyi rgyud gzhi rin po che thams cad kyis brgyan pa/ 'od rnam par snang ba zhes bya ba rab tu gnas so/ /de dang 'dabs chags su spos chu'i rgya mtsho rin po che'i shing gi ze ba'i kha dog gi rgyan ces bya ba yod de/ de na 'jig rten gyi khams kyi rgyud dge ba'i tshogs kyi gzi brjid phal po che zhes bya ba rab tu gnas so/ /de dang 'dabs chags su spos chu'i rgya mtsho rin po che'i gos dam pas shin tu brgyan pa zhes bya ba yod de/ de la 'jig rten gyi khams kyi rgyud rgya mtsho'i 'od ces bya ba rab tu gnas so/ /de dang 'dabs chags su spos chu'i rgya mtsho rin po che'i shing gi yal ga brtsegs pa zhes bya ba yod de/ de la 'jig rten gyi khams kyi rgyud rin po che'i 'od 'phro ba'i sprin la shin tu brten pa zhes bya ba rab tu gnas so/ / de dang 'dabs chags su spos chu'i rgya mtsho gzhi yid du 'ong bar snang ba zhes bya ba yod de/ de na 'jig rten gyi khams kyi rgyud chags pa med pa'i rdo rje kun tu rgyu ba zhes bya ba rab tu gnas so/ / de dang 'dabs chags su spos chu'i rgya mtsho kun nas pad+mos brgyan pa zhes bya ba yod de/ de na 'jig rten gyi khams kyi rgyud rgya mtsho'i ngogs mtha' yas pa'i klong zhes bya ba rab tu gnas so| |de dang 'dabs chags su spos chu'i rgya mtsho rin po che'i yan lag dam pas rnam par brgyan pa zhes bya ba yod de/ de la 'jig rten gyi khams kyi rgyud zhing gi gzhi rnam par dmigs </font><hr>Ka202a<br><font size=+1>


@#/ /pa zhes bya ba rab tu gnas so/ /de dag la sogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho mi phyed par brtan pa dang ldan pa zhes bya ba yod de/ /de na 'jig rten gyi khams kyi rgyud pad+mo'i dkyil 'khor shin tu rnam par phye ba'i 'khor lo zhes bya ba sangs rgyas thams cad kyi stobs la 'jug pa shin tu sgrog pa'i lhun can rab tu gnas te/ de thams cad kyi 'og na 'jig rten gyi khams spos shin tu zhim pa'i rgya mtsho zhes bya ba yod de/ de na de bzhin gshegs pa 'od dang sprul pa tshad med pa'i rgyal po zhes bya ba bzhugs so/ /'jig rten gyi khams kyi rgyud de'i dbus na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig rten gyi khams rgyan dang tshul gyi sgo bsam gyis mi khyab pa zhes bya ba yod de/ de na de bzhin gshegs pa ye shes tshad med pa'i tshangs pa zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams snang ba'i phyogs me tog gi snying po zhes bya ba yod de/ de na de bzhin gshegs pa seng+ge'i spyan 'od 'phro ba'i sprin ces bya ba bzhugs so/ /de'i steng na 'jig rten gyi khams kyi rgyud kyi thog ma la 'jig rten gyi khams rgya mtsho'i dbyangs zhes bya </font><hr>Ka202b<br><font size=+1>


ba yod de/ de na de bzhin gshegs pa chu'i lha 'od 'phro ba'i sgo zhes bya ba bzhugs so/ /spos chu'i rgya mtsho lha'i grong khyer dang / nor bu'i shing thags kyis brgyan pa zhes bya ba de dang 'dabs chags su spos chu'i rgya mtsho snang ba'i 'khor los rnam par gsal ba zhes bya ba yod de/ de la 'jig rten gyi khams kyi rgyud brjod du med pa'i phyogs kyis gnas kyis brgyan pa zhes bya ba rab tu gnas so/ /de dang 'dabs chags su spos chu'i rgya mtsho rin po che'i tshon gyi srang rnam pa sna tshogs zhes bya ba yod de/ de na 'jig rten gyi khams kyi rgyud brgyud pa du mas 'jug pa zhes bya ba rab tu gnas so/ /de dang 'dabs chags su spos chu'i rgya mtsho rgyan thams cad kyis kun tu gang ba zhes bya ba yod de/ de la 'jig rten gyi khams kyi rgyud rin po che rnam par snang ba zhes bya ba rab tu gnas so/ /de dang 'dabs chags su spos chu'i rgya mtsho rin po che'i dra ba rnam par phye ba kun tu 'byung ba zhes bya ba yod de/ de la 'jig rten gyi khams kyi rgyud tshul gyi mtshams sbyor ba 'byung ba zhes bya ba rab tu gnas so/ /de dang 'dabs chags su spos chu'i rgya mtsho rgyal mtshan dam pa'i rgyan ces bya ba yod de/ de la 'jig rten gyi khams kyi rgyud 'jig rten gyi khams rnam par dmigs pa rgya mtsho'i sgra zhes bya ba rab tu gnas so/ /de dang 'dabs chags su spos chu'i rgya mtsho nyi ma'i gnas yongs su sbyong ba'i 'od ces bya ba yod </font><hr>Ka203a<br><font size=+1>


@#/ /de| de la 'jig rten gyi khams kyi rgyud mig 'phrul gyis rgyas par 'jug pa zhes bya ba rab tu gnas so/ /de dang 'dabs chags su spos chu'i rgya mtsho sil snyan thams cad kyi sgra dbyangs yid du 'ong ba brjod pa zhes bya ba yod de/ de na 'jig rten gyi khams kyi rgyud klong thams cad kyi gting du rab tu 'jug pa zhes bya ba rab tu gnas so/ /de dang 'dabs chags su spos chu'i rgya mtsho rgyan dam pas bsgrubs pa rnam pa sna tshogs zhes bya ba yod de/ de la 'jig rten gyi khams kyi rgyud 'od dri ma med pa'i sprin stug po 'bar ba zhes bya ba rab tu gnas so/ / de dang 'dabs chags su spos chu'i rgya mtsho mar me 'od 'phro bas kun tu rgyas pa zhes bya ba yod de/ de la 'jig rten gyi khams kyi rgyud sangs rgyas kyi smon lam gyi dbyibs tha dad par byin gyis brlabs pa zhes bya ba rab tu gnas so/ /de dag la sogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho phreng ba dang gos kyis shin tu bsgrubs pa zhes bya ba yod de/ de las 'jig rten gyi khams kyi rgyud kun nas snang ba'i gos bzang po shin tu sprul pa zhes bya ba| sangs rgyas 'das pa dang / ma byon pa dang / da ltar byung ba thams cad kyi mtshan nyid shin tu sgrog pa'i lhun can mngon par byung ngo / /de thams cad kyi 'og na spos chu'i rgya mtsho </font><hr>Ka203b<br><font size=+1>


dbang po'i me tog ze ba 'khyil ba'i snying po zhes bya ba yod de/ de na 'jig rten gyi khams rab tu grol bas dga' ba byed pa zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa rnam par sangs rgyas pa'i ye shes kyis pham pa med pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams kyi rgyud kyi dbus na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig rten gyi khams rin po che'i 'bru'i dra bas brgyan pa zhes bya ba 'jig rten gyi khams sangs rgyas kyi zhing bcu'i rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa snang ba tshad med pas dgyes pa zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams mi mjed ces bya ba gzhi mnyam pa yod pa de na 'jig rten gyi khams rin po che'i gdan pad+mo dang / seng+ge zhes bya ba 'jig rten gyi khams sangs rgyas kyi zhing bcu'i rdul shin tu phra ba snyed kyi 'khor gyis bskor ba kun nas nyon mongs shing rnam par dag pa yod de/ de na de bzhin gshegs pa shugs dri ma med </font><hr>Ka204a<br><font size=+1>


@#/ /cing mnyan na don yod pa zhes bya ba bzhugs so/ /de'i steng 'jig rten gyi khams sangs rgyas kyi zhing bdun gyi rdul shin tu phra ba snyed 'das pa'i 'jig rten gyi khams kyi rgyud kyi steng na 'jig rten gyi khams kyi rgyud klu'i rin po che'i kha dog gi 'od ces bya ba 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba| gcig tu dag pa yod de/ de na de bzhin gshegs pa chos kyi dbyings yongs su gsal bar rnam par snang ba zhes bya ba bzhugs te/ kye de ltar rgyal ba'i sras dag /spos chu'i rgya mtsho sangs rgyas kyi zhing brjod du med pa phrag bcu'i rdul shin tu phra ba snyed la 'jig rten gyi khams kyi rgyud sangs rgyas kyi zhing brjod du med pa phrag bcu'i rdul shin tu phra ba snyed rab tu gnas te/ 'jig rten gyi khams kyi rgyud de dag thams cad kyang spos chu'i rgya mtsho de dag la nor bu'i rgyal po byang chub sems dpa'i lus rnam par dmigs pa'i mig yor gyi rgyal mtshan gyis rab tu brgyan pa dang ldan pa'i pad+mo la rab tu gnas pa sha stag go /'jig rten gyi khams kyi rgyud rgyan gzhan dang gzhan can mang po dang mtshams 'dabs chags su gnas pa sha stag go /'od rin po che gzhan dang gzhan gyi kha dog tu 'gyed pa sha stag go/ 'od kyi dkyil 'khor gyi sprin gzhan dang gzhan gyis kun nas yog pa sha stag go /rgyan rnam </font><hr>Ka204b<br><font size=+1>


par bres pa'i 'od gzhan dang gzhan can sha stag go /bskal pa'i grangs gzhan dang gzhan du bstan pa sha stag go /sangs rgyas gzhan dang gzhan skye zhing gshegs pa sha stag go /chos rgya mtsho'i sgra gzhan dang gzhan rab tu bsgrags pa sha stag go /sems can gyi lus gzhan dang gzhan gyis kun tu yog pa sha stag go /phyogs gzhan dang gzhan la 'jug pa ma 'dres pa sha stag go /sangs rgyas kyi rnam par 'phrul pa dang / de bzhin gshegs pa'i byin gyi rlabs gzhan dang gzhan can sha stag go /'jig rten gyi khams kyi rgyud de dag re re'i 'jig rten gyi khams kyi mtshams nas rab tu byung ba'i 'jig rten gyi khams kyi dra ba rgyan sna tshogs la rab tu gnas pa thams cad kyis 'jig rten gyi khams rnam pa sna tshogs kyi tshul du 'jig rten gyi khams rgya mtsho gzhi dang / snying po me tog gi rgyan gyis brgyan pa zhes bya ba 'di thams cad yongs su gang ngo / /ji ltar 'jig rten gyi khams gcig gi rgyud nas byung ba de bzhin du 'jig rten gyi khams kyi rgyud rnams dang / 'jig rten gyi khams kyi sa mtshams dang / sgo rnam pa sna tshogs kyi rgyan la gnas pa'i 'jig rten gyi khams kyi dra ba sna tshogs thams cad las byung ba kun gyis kyang 'jig rten gyi khams rgya mtsho gzhi dang / snying po me tog gi rgyan gyis brgyan pa 'di thams cad yongs su gang ngo / /de nas byang chub sems dpa' kun tu </font><hr>Ka205a<br><font size=+1>


@#/ /bzang pos yang 'jig rten gyi khams kyi rgyud mtha' dang / dbus med pa dang / 'jig rten gyi khams 'byams klas pa'i tshul shin tu bstan pa 'di nyid gsal bar brjod pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten khams ni rgya mtsho rnams// yangs dang mi yangs sna tshogs pa/ /nam mkha' dag gi dbyings la gnas/ /chos kyi dbyings ni tha mi dad/ /'jig rten khams 'di rgya mtsho na/ /zhing gi rgyud ni bsam mi khyab/ /tha dad min par rnam par gnas/ /rnam 'phrul gzhan dang gzhan dag go /rnam phye sna tshogs shin tu gnas/ /kha dog tha dad rab tu 'dug /zhing gi rgyud dag rnam phye ba/ /'jig rten khams kyi gang chen mtsho/ /lhun dang dbyangs rnams tha dad de/ /sangs rgyas kun gyi rnam 'phrul ba/ /zhing gi rgyud rnams rab tu snang / /las kyis de dag shin tu bris/ /ri rab rgya mtsho'i dra ba dang / /'khor lo klong gi dkyil 'khor dang / /pad+mo'i dbyibs 'dra 'byams klas pa/ /de dag de yis kun nas bskor/ /rdo rje'i rgyal mtshan brtsegs pa dang / /rdo rje kun nas 'khor gnas pa/ /'byams klas bsam gyis mi khyab pas/ /de dag rgyud ni kun nas bskor/ /'od kyi dra ba bsam mi khyab/ /mu tig mdog kyang rgya mtsho ste/ /zhing gi rgyu rnams kun kyang 'bar/ /pad+mo la yang kun gnas so/ /re </font><hr>Ka205b<br><font size=+1>


re dag gi rgyud las kyang / /'od zer dra ba bsam mi khyab/ /'od zer dag gi zhing gyur cing / /rgya mtsho phyogs rnams kun tu 'gengs/ /zhing gi rgyud rnams thams cad kyis/ /dmigs pa kun gyi sgo nas kyang / /thams cad tshul la 'jug pa yis/ /mi zad tshul rnams rab tu snang / /zhing gi rnams ni bsam mi khyab/ /rgyud rnams mi zad shin tu 'byung / /rgyan rnams bstan pa tha dad de/ /drang srong chen po'i byin rlabs so/ /zhing gi rgyud rnams de dag na/ /'jig rten bsam gyis mi khyab khams/ /kun nas 'du zhing rnam par 'jig /'byung zhing 'jig par de bzhin 'gyur/ /ji ltar shing la lo ma rnams/ /'byung zhing ltung bar 'gyur ba ltar/ /de bzhin zhing gi rgyud rnams na/ /'jig rten khams rnams 'byung ba yin/ /ji ltar shing gi skye gnas nas/ /shing tog sna tshogs 'byung ba ltar/ / de bzhin zhing gi rgyud rnams na/ /sems can sna tshogs 'byung ba yin/ /ji ltar sa bon khyad par gyis/ /'bras bu sna tshogs snang ba ltar/ /de bzhin las kyi khyad par gyis/ /sems can rnams dang zhing byung ngo / /yid bzhin rin chen rgyal po rnams/ /kha dog kun tu snang ba ltar/ /sems can bsam pa rnam dag pas/ /de bzhin zhing rnams rab tu snang / /klu yi rgyal po'i sprin gyi rnams/ /nam mkha'i dbyings la ston pa ltar/ /de bzhin sangs rgyas smon lam gyis/ /zhing gi rnams ni 'byung ba yin/ /sgyu ma'i mkhan po sngags dag gis/ /sgo rnams sna tshogs ston pa ltar/ /de bzhin </font><hr>Ka206a<br><font size=+1>


@#/ /sems can las rnams kyis/ /bsam gyis mi khyab zhing 'byung ngo / /ji ltar ri mo'i gzugs kyi rnams/ /ri mo'i las kyis bris pa ltar/ /de bzhin zhing rnams 'di dag kun/ /sems kyis ri mor bris pa yin/ /sems can lus kyis rnam par dag /ji ltar sems kyis brtags pa ltar/ /de bzhin du ni zhing gi mtshams/ /thams cad las kyis rnam par bris/ /ji ltar gzhan dang gzhan gzugs su/ /sems can rnams kyi bsam pa bzhin/ /mgon po rnams ni snang ba ltar/ /de bzhin zhing rnams snang ba'o/ /pad+mo'i dra ba'i phyi rol gyis/ / sems can zhing gi mtshams dag na/ /dbyibs dang kha dog gzhan dang gzhan/ /dri ma med pa sna tshogs snang / /pad+mo'i dra ba de dag la/ /zhing gi dra ba rab tu gnas/ /rgyan dang bstan pa sna tshogs te/ /sems can sna tshogs mang po'i gnas/ /zhing gi dbyings rnams la la ni/ /kun nas nyon mongs rnam par gnas/ /sems can rnams kyi nyon mongs las/ /chos nyid de dag nang na snang / /kun nas nyon mongs rnam dag tu/ /zhing gi rgyud ni bsam mi khyab/ /sems can bsam pas rab tu byung / /byang chub sems dpa' rnams kyang 'khod/ /la la rnam dag nyon mongs can/ /zhing gi dbyings ni rnam par mang / /byang chub sems dpas rnam par sprul/ /rgya mtsho'i las las byung ba yin/ /zhing rnams la la'i 'od btang ba/ /rin chen rang </font><hr>Ka206b<br><font size=+1>


bzhin dri ma med/ /rnam pa sna tshogs dri med dag /sangs rgyas rnams kyis yongs su sbyangs/ /zhing gi rgyud rnams la la na/ /bskal pa'i me ni bsam mi khyab/ /kun nas nyon mongs rnams la ston| |zhing gi dkyil 'khor shin tu sra/ /klung gi phung po smon lam dang / /chu yi phung la rab tu gnas/ /zhing gi rnam pa shin tu mang / /sems can las kyis bsags pa yin/ /zhing na gzhan dang gzhan dag gi /zhing gi chos nyid snang la ltos/ /de dag 'byung ba gang yang med/ /de dag la ni 'jig pa'ang med/ /skad cig skad cig sems kun la/ /sangs rgyas rnams kyi byin rlabs kyis/ /zhing rnams rab tu 'byung ba rnams/ /shin tu dri med dag la ltos/ /zhing rnams la la sa yi dngos/ /sra bar de dag byung gyur cing / /snang ba med cing 'od kyang med/ /sdig pa'i las kyi gnas yin no/ /zhing rnams la la rdo rje'i dngos/ /kun nas nyon mongs 'jigs pa che/ /bde ba chung zhing sdug bsngal mang / /bsod nams chung ba'i gnas kyang yin/ /zhing rnams la la lcags kyi dngos/ /la la zangs kyi dngos su gnas/ /sdig pa'i las kyis kun na gang / /ri dang brag gis mnyam pa med/ /'jig rten de na dmyal ba yi/ /sems can sdug bsngal skyabs med pa/ /mun pa rjes su rnyed gyur cing / /me lce rgya mtsho'i nang na 'bar/ /'on kyang byol song skye gnas su/ /lus ni mngon par 'byung 'gyur te/ /bdag gi las kyi nyes pa yis/ /sdug bsngal tshor ba rab tu myong / / </font><hr>Ka207a<br><font size=+1>


@#/ /gshin rje'i 'jig rten rnams na'ang snang / /skom dang bkres pas rab tu mnar/ /me yi ri yis gdungs pa yis/ /sdug bsngal tshor ba'ang myong bar 'gyur/ /la la rin chen bdun las byung / /la la sna tshogs gzugs su gnas/ /dge ba'i las kyis byung ba ste/ /sna tshogs khyim gyis rab tu brgyan/ /mi dang lha rnams la la ni/ /mtho ris dag gi 'jig rten na/ /dge ba'i bsod nams 'bras bur ldan/ /dga' bde myong ba de dag ltos/ /spu yi rtse mo gcig la yang / /zhing rnams bye ba bsam mi khyab/ /sna tshogs dbyibs kyang tha dad de| |de dag 'dres pa gang yang med/ /rang rang so so'i las kyis na/ /sems can khams rnams bsam mi khyab/ /'du shes sna tshogs 'dzin pa rnams/ /bde dang sdug bsngal nyams su myong / /zhing rnams la la mtha' yas 'od/ /sems can mang don kun nas gnas/ /yongs byung rdo rje ut+pal/ /sna tshogs rnam dag dri ma med/ /zhing rnams la la 'od zer dngos/ /'od kyi 'khor la kun nas gnas/ /tsan+dan gser las yongs su byung / /'od 'phro sprin gyi mdog dang mnyam/ /zhing rnams la la nyi zla'i dngos/ /spos kyi gos kyis kun nas g.yogs/ /la la pad+mo gcig la ste/ /byang chub sems dpa' yongs su rgyas/ /la la mtshan gyi mdog dang 'od/ /zhing rnams rin chen dri ma med/ /mig 'phrul 'od </font><hr>Ka207b<br><font size=+1>


kyang rab tu 'gyed/ /'od zer dra bas snang bar byas/ /zhing rnams la la rdo rje dang / /pad+mo'i dngos su spos la gnas/ /la la nor bu'i 'od kyang yin/ /zhing rnams yongs su dag la ltos/ /me tog klong las la la byung / /bsam gyis mi khyab zhing la ltos/ /sangs rgyas sprul pas kun tu khyab/ /byang chub sems dpa'i 'od dang mnyam/ /la la me tog shing rnams dang / /lo ma'i dkyil 'khor sna tshogs te/ /nor bu'i sprin gyis kun tu khyab/ /zhing gi dkyil 'khor rnam par dag /zhing rnams la la pad+mo'i dngos/ /snang ba bzang pos rnam par mdzes/ /sangs rgyas sprul pa'i gsung yang yin/ /zhing gi dra ba bsam mi khyab/ /rin chen cod pan sna tshogs dang / /byang chub sems dpa'i rgyan rnams dang / /gdan las de bzhin la la byung / /'od dang sprul pa'ang rab tu 'gyed/ /tsan+dan phye ma sna tshogs dang / /mdzod spu rnam par snang ba'i 'od/ /sangs rgyas sprin gyi 'od zer rnams/ /zhing rnams 'byung ba rab tu brjod/ /la la rgyan dang 'od gcig par/ /zhing rnams dri ma med par snang / /la la rkyen rnams thams cad kyis/ /rnam pa sna tshogs rab tu brgyan/ /la la zhing rnams bcu dag gi /rgyan gyis mngon par rab tu brgyan| |la la zhing rnams stong dag kyang / /rnam par brgyan cing rab tu gnas/ /zhing gi rgyan mang bye ba yis/ /zhing rnams la la rnam par bris/ /rgyan dang tshul rnams tha dad par/ /sna tshogs </font><hr>Ka208a<br><font size=+1>


@#/ /mig yor lta bur snang / /brjod du med pa'i zhing gi rnams/ /rgyan gcig la yang rab tu snang / /'od ni gzhan dang gzhan bkye ba/ /sangs rgyas smon lam mthu las byung / /smon lam rgya mtsho rnam mang bas/ /zhing rnams la la rnam par sbyangs/ /de dag rgyan mang thams cad du/ /zhing gi rgya mtsho shin tu snang / /kun tu bzang po'i smon lam gyis// zhing rnams yongs su gang sbyangs pa/ /de dag kun la dus gsum gyi/ /zhing gi rgyan rnams kun kyang snang / /zhing gi rgyud kyi rnam sprul pa/ /kye ma rgyal sras khyed ni ltos/ /ma 'ongs pa yi zhing rnams kyang / /rmi lam bzhin du de dag snang / /ji snyed phyogs bcu'i 'jig rten gyi/ /'das pa'i zhing rnams rgya mtsho yang / /zhing gcig nang na thams cad snang / /mig yor bzhin du sprul pa yin/ /dus gsum sangs rgyas thams cad kyi/ /rnam sprul zhing rnams gang yod pa/ /zhing gi rgyud ni 'di la snang / /kun kyang nang na yod par gnas/ /zhing gi rdul gyi rtsa mo la| |sangs rgyas thams cad rnam 'phrul pa/ /shong bar de dag kun na snang / /mig yor mtshan nyid med pa'o/ /la la rgya mtsho'i dbyings su 'dug /zhing brgya mang po de dag ltos// ri rab ri yi dbyibs 'dra dang / /'jig rten khams ni bsam mi khyab/ /zhing rnams la la rnam par bris/ /mig yor dbyibs su gnas pa ste/ /sna tshogs shing gi dbyibs </font><hr>Ka208b<br><font size=+1>


su gnas/ /sangs rgyas kyis kyang kun tu khyab/ /zhing rnams nor bu'i 'khor lo'i dbyibs/ /la la pad+mo'i dbyibs su gnas/ /yan lag brgyad pa sna tshogs mang / /sna tshogs kha dog dri ma med| |la la khri yi dbyibs lta bu/ /gra yi dbyibs dang khyad khyud de/ /la la grong khyer dbyibs su 'dug/ tshangs pa'i lus su rab tu gnas/ /lha yi dbang po'i gtsug phud dbyibs/ /zla ba kham ltar la la gnas/ /nor bu'i ri yi dbyibs su 'khod/ /nyi ma'i dkyil 'khor dbyibs kyang 'dra/ /spos chu'i rgya mtsho'i klong lta bur/ /'jig rten khams rnams rab tu gnas// 'od kyi dkyil 'khor dbyibs 'dra ba/ /sngon gyi sangs rgyas rnams kyis sbyangs/ /'khor lo bkra shis dbyibs lta bu/ /'jig rten la la dkyil 'khor te/ /mdzod spu'i spyi gtsug dbyibs lta bu| |la la mig gi tshul yang 'dra/ /sangs rgyas phyag gi dbyibs lta bu/ /la la rdo rje'i dbyibs su 'dug /'od 'phro ri yi dbyibs kyang 'dra/ /byang chub sems dpas kun tu gang / /zhing rnams la la seng+ge'i dbyibs/ /nor bu'i go char mngon bsgrubs pa/ /gzugs dang dbyibs ni du ma ste/ /gzugs rnams kun gyis rab tu gnas/ /zhing gi rgyud ni gcig la yang / /zhing gi dbyibs rnams mi zad pa/ /rab tu gnas pa byin rlabs dang / /sangs rgyas smon lam rnams kyis byung / /zhing rnams la la bskal pa tsam/ /la la bskal pa bcu pa ste/ /zhing rnams la la rdul </font><hr>Ka209a<br><font size=+1>


@#/ /mnyam pa'i/ /bskal pa bye bar brjod pa yin/ /la la bskal pa gcig la yang / /zhing rnams mang po 'byung bar snang / /tshad med grangs kyang med pa yi/ /'jig pa de bzhin bsam mi khyab/ /zhing rnams la la sangs rgyas med/ /zhing rnams la la sangs rgyas bcas/ /la la'i zhing na sangs rgyas gcig /la la sangs rgyas mang po'o/ /sangs rgyas med pa'i zhing rnams dang / /'jig rten gzhan gyi khams su yang / /sangs rgyas sprul pa gshegs mdzad cing / /rnam par 'phrul pa rab tu ston/ /'pho dang 'byung dang sku tshe dang / /byang chub mngon par 'tshang rgya dang / /bdud kyi sde dag 'dul ba dang / /chos kyi 'khor lo bskor ba ston/ /sems can bsam pa ji bzhin du/ /gzugs rnams sna tshogs kun kyang ston/ /chos kyi 'khor lo rab bskor ba/ /'jig rten kun na tha mi dad/ /sangs rgyas zhing rnams re re yang / /rgyal ba gcig ni skyed 'gyur te/ /lo grangs bye ba phrag stong du/ /chos kyi dam pa rab tu ston// sems can snod du ma gyur la/ /sangs rgyas ston pa mi mdzad do/ /sangs rgyas bsam dang ldan pas ni/ /de nyid gcig kyang kun tu mthong / /sangs rgyas mang po'i zhing gi rnams/ /zhing rnams re re dag tu yang / /sangs rgyas bye ba bsam mi khyab/ /rgyal ba rnams ni rab tu skye/ /rgyal ba so so de dag na/ /sprul pa mang po rab 'gyed cing / /chos kyi dbyings ni khyab mdzad nas/ /sems </font><hr>Ka209b<br><font size=+1>


can rgya mtsho 'dul ba mdzad/ /zhing rnams la la 'od med de/ /mun pa 'jigs pa shin tu che/ /reg na sdug bsngal spu gri 'dra/ /blta na mi bzad skyi yang g.ya'/ /zhing rnams la la lha 'od can// la la khyim gyi 'od can te/ /la la nyi zla'i 'od dang ldan/ /zhing gi dra ba bsam mi khyab/ /zhing rnams la la rang gi 'od/ /shing gi 'od can dri ma med/ /gang du sdug bsngal mi mthong ba/ /de dag sems can dag las byung / /la la ri yi 'od can te/ /zhing rnams la la nor bu'i 'od/ /la la mar me'i 'od can te/ /sems can rnams kyi las kyis byung / /zhing rnams la la sangs rgyas 'od/ / byang chub sems dpas kun tu gang / /zhing rnams la la pad+mo'i 'od/ /'od 'phro 'od can rab tu mdzes/ /zhing rnams la la me tog 'od/ /spos chu'i 'od dang ldan pa'ang yod/ /spos dang gdug pa'i 'od 'phro can/ /smon lam dbang gis rnam par sbyangs/ /zhing rnams la la sprin 'od can/ /nor bu'i go cha'i 'od kyis gsal/ /sangs rgyas byin gyis brlabs kyis snang / / yid du 'ong ba'i sgra dbyangs ldan/ /rin chen cod pan 'od dang ldan/ /rdo rje gser gyi 'od kyis snang / /yongs su dag pa'i sgra dbyangs can/ /de dag na ni sdug bsngal med/ /thams cad rgyan gyi 'od can dang / /zhing rnams la la nor bu'i 'od/ /la la snying po byang chub 'od/ /'khor rnams kun tu rab tu snang / /sangs rgyas sprul pa'i snang ba can/ /sangs rgyas sprin gyis mngon </font><hr>Ka210a<br><font size=+1>


@#/ /par yog /kun tu 'od kyis rab tu snang / /chos kyi dbyings dang mnyam pa'i 'od/ /zhing rnams la la 'jigs sgra can/ /mi bzad 'jigs pa'i nga ro can| |rtsub cing brlang ba'i sgra rnams dang / /yid myong 'jigs pa chen po sgrog /dmyal ba byol song skye gnas dang / /gshin rje'i 'jig rten sdug bsngal rnams/ /mya ngan rgya mtsho'i zhing gi rnams/ /nyon mongs ldan pa'i sgra yang 'byung / /la la dag na yid 'ong sgra/ /dga' bar byed cing ston 'doms pa/ /dge ba'i las dang 'bras bu'i dbyangs/ /zhing gi 'khor na rab tu sgrog /la la brgya byin lha dbang dbyangs/ /gzhan dag tshangs pa'i sgra dbyangs te/ /'jig rten kun gyi dbyangs su yang / /la la'i zhing na rab tu grags/ /zhing rnams la la sprin gyi sgra/ /rin chen rgya mtsho'i 'od zer dang / /nor bu'i shing gi gzugs sgra dang / /rol mo'i sgra yis kun tu khyab/ /'od zer glong gi sgra rnams dang / /sangs rgyas sprul pa mi zad dang / /byang chub sems dpa'i sgra dag dang / /'od zer sgra ni snyan pa 'byung / /chos kyi 'khor lo'i sgra rnams dang / /kha cig zhing na bsam yas pa'i/ /smon lam rgya mtsho'i nga ro dang / /spyod pa'i sgra yang snyan pa 'byung / /dus gsum gshegs pa'i sangs rgyas kyi/ /mtshan gyi dkyil 'khor mang po dang / /de dag zhing rnams 'byung ba'i </font><hr>Ka210b<br><font size=+1>


sgra| |zad pa med pa'i dbyangs su sgrog /sangs rgyas rnams kyi stobs sgra dang / /tshad med sa dang pha rol phyin/ /chos kyi rang bzhin sgra dag kyang / /kha cig zhing na rab tu grag /kun tu bzang po smon lam gyi/ /sgra ni zhing rnams bye ba 'byin/ /bskal bar gnas shing rab tu sgrog /sgra dbyangs 'byin pa zad mi shes/ /zhing gi dbyings rnams la la na/ /sangs rgyas rnam par sprul pa yi/ /sgra yis chos kyi dbyings bkang ba/ /de dag kun na rab tu grags/ /shin tu rgyas pa chen po'i mdo/ /sangs rgyas phal po che zhes bya ba las/ 'jig rten gyi khams kyi rgyud rnam par dgod pa shin tu bstan pa zhes bya ba ste/ le'u dgu pa'o// //bam po bcu gnyis pa/ rigs kyi bu dag /sngon 'das pa'i bskal pa 'jig rten gyi khams kyi rdul shin tu phra ba snyed kyi pha rol de bas kyang pha snga'i dus de'i tshe de'i dus na 'jig rten gyi khams rgya mtsho tshul dri ma med par phyogs kun tu snang ba zhes bya ba'i dbus su 'jig rten gyi khams dpal gyi sgra zhes bya ba byung ste/ 'jig rten gyi khams dpal gyi sgra zhes bya ba de ni/ rin po che'i pad+mo mang po'i rgya mtsho la rab tu gnas pa/ rnam par dag cing kun nas nyon mongs pa/ 'jig rten gyi khams ri rab kyi rdul shin tu phra ba snyed kyi 'khor gyis bskor ba/ kun nas zlum pa'i dbyibs su 'dug pa/ gzhi rgyan mtha' yas pas brgyan </font><hr>Ka211a<br><font size=+1>


@#/ /pa| rin po che sna tshogs kyi shing gi khor yug brgya phrag gsum gyis kun nas bskor ba/ rin po che'i rgyan thams cad kyi sprin gyis kun nas yog pa/ ri rab dang / grong khyer dang / khang khyim dri ma med cing 'od rnam par snang bas brgyan pa/ zas dang / skom dang / gos kyi longs spyod yid kyis bsam pas 'byung ba/ rgyan gyi rnam pa brjod pa sna tshogs dang ldan pa zhig ste/ 'jig rten gyi khams dpal gyi sgra zhes bya ba de'i dbus na spos chu'i rgya mtsho 'od rnam par dag pa zhes bya ba yod de/ de las me tog gi ri rab me tog 'od 'phro ba'i rgyal mtshan zhes bya ba rin po che'i khri 'phang bcu'i 'khor gyis bskor cing brgyan pa zhig byung ste/ ri rab de'i steng na nags tshal chen po yal ga'i dkyil 'khor rin po che'i me tog rgyas pa zhes bya ba spos kyi rgyal mtshan stong phrag dpag tu med pa shin tu bsgreng ba'i rgyan can me tog gi khang pa brtsegs pa/ dpag tu med pa'i phreng ba rnam par bres pa/ nor bu'i khang pa brtsegs pa rnam par bkod pa/ rin po che'i rdo rje'i rgyan mtshan dpag tu med pas kun nas brgyan pa/ rin po che'i me tog puN+Da rI ka dpag tu med pa'i phreng gis kun nas bskor ba/ spos dang rin po che'i pad+mo mang po dpag tu med pa thams cad kyis rab tu brgyan pa/ </font><hr>Ka211b<br><font size=+1>


rol mo sna tshogs kyi sgra yid du 'ong ba'i sprin dpag tu med pas kun nas rgyas pa/ spos dang bdug pa'i 'od 'phro ba'i sprin dpag tu med pas kun nas snang bar byas pa/ grong khyer bye ba khrag khrig brgya stong phrag bcu sems can sna tshogs snang bas kun nas bskor ba ste/ 'di ltar nags tshal chen po'i yal ga'i dkyil 'khor rin po che'i me tog rgyas pa zhes bya ba de'i shar phyogs logs na grong khyer chen po 'od 'phro snang ba zhes bya ba/ mi'i rgyal po'i gnas grong khyer bye ba khrag khrig brgya stong phrag bcu'i 'khor gyis bskor ba/ rin po che'i 'ba' zhig las byas pa/ mchu dang zheng du dpag tshad stong phrag bdun yod pa/ rin po che sna tshogs kyi shing thags dang phru ma'i ra ba bdun gyis brgyan cing kun nas bskor ba/ rin po che'i 'obs spos chus gang ba/ rin po che'i me tog ut+pa la dang / pad+mo dang / ku mu da dang / me tog puN+Da rI kas rnam par brgyan pa bdun gyis kun nas bskor ba/ shing ta la'i 'phreng ba rgyan sna tshogs kyi tshogs mang po 'byin pa bdun gyis kun nas bskor ba/ rin po che'i rgyan dang / khang pa brtsegs pas rab tu brgyan pa/ steng nas gser gyi dra ba dang / dril bu'i dra ba dang / me tog gi phreng ba'i dra ba dang / in+d+ra nI la'i dra ba dang / rdo rje'i pad+mo'i dra bas </font><hr>Ka212a<br><font size=+1>


@#/ /kun nas yog pa/ rin po che'i shing drung me tog gi dra ba dang / rol mo'i sgra mang po thams cad kyi sprin yid du 'ong bas kun tu khyab pa/ spos dang phreng ba rgyan sna tshogs kyis brgyan pa yod de/ de'i 'khor kun na sgo bye ba khrag khrig brgya stong phrag bcu yod de/ sgo de dag thams cad kyang rin po che sna tshogs thams cad kyis byas pa ste/ sgo de dag re re'i mdun yang rin po che'i rdo'i rgyal mtshan rgyan thams cad kyis brgyan pa bdun bdun gyis brgyan pa'o/ /bza' shing gi ra ba bye ba khrag khrig brgya stong phrag bcus kyang kun nas bskor ba ste/ bza' shing gi ra ba de dag thams cad kyang spos dang rin po che'i shing sna tshogs kun nas spos kyi dri kun tu 'byung ba/ bya sna tshogs thams cad yid du 'ong ba'i sgra 'byin pa'o/ /grong khyer chen po 'od 'phro ba'i sprin ces bya ba der mir skyes pa thams cad kyang las kyi rnam par smin pas rdzu 'phrul thob pa dag ste| nam mkha' las rgyu ba/ mi dang lha mnyam du spyod pa/ yid bzhin gyi yul la longs spyod pa sha stag go /de nas lho phyogs logs na lha'i grong khyer shing gi me tog sna tshogs zhes bya ba yod do/ /de nas lho phyogs logs na klu'i grong khyer kun tu rdzogs pa zhes bya ba yod do/ /de nas lho phyogs logs na gnod sbyin gyi grong khyer rdo </font><hr>Ka212b<br><font size=+1>


rje'i dpal sna tshogs kyi rgyal mtshan zhes bya ba yod do/ /de nas lho phyogs logs na dri za'i grong khyer gzhal med khang bzang po zhes bya ba yod do/ /de dang 'dabs chags su lha ma yin gyi grong khyer 'khor lo'i tshon ces bya ba yod do/ /de dang 'dabs chags su 'dab ma bzang po'i grong khyer rin po che sna tshogs bzang po'i lte ba zhes bya ba yod do/ /de dang 'dabs chags su bram ze'i grong khyer rgyan bzang po sna tshogs zhes bya ba yod de/ de dag la sogs pa grong khyer bye ba khrag khrig brgya stong phrag bcu'i 'khor gyis bskor ba'o| |grong khyer de dag re re zhing yang rgyan mang po du mas brgyan pa nas grong khyer bye ba khrag khrig brgya stong gi 'khor gyis bskor ba'i bar du ste/ nags tshal chen po yal ga'i dkyil 'khor rin po che'i me tog rgyas pa zhes bya ba de'i dbus na snying po byang chub rin po che'i me tog rnam par snang ba zhes bya ba rin po che thams cad kyi shing yal ga stug cing rgya che ba'i dkyil 'khor rab tu rgyas pas kun nas bskor ba/ rin po che'i me tog gzugs dang dbyibs rnam pa tha dad pa mang po shin tu rgyas pa/ spos dang / me mar rin po che thams cad kyi kha dog ltar 'dug pa'i phreng ba mang po rgya chen po'i sprin kun tu bkres pa/ rin po che'i 'od thur tu 'phro bas zhing kun tu khyab pa/ 'od kyi dkyil 'khor rnam par dag pa'i </font><hr>Ka213a<br><font size=+1>


@#/ /sprin gyis brgyan pa/ phyogs bcu 'od zer mang pos rnam par snang bar byas pa/ rgyan thams cad rin po che sna tshogs mang pos spras pa/ rol mo thams cad kyi sgra dbyangs shin tu 'byung ba/ nor bu'i rgyal po thams cad las byang chub sems dpa'i lus 'byung ba/ phyogs bcur me tog sna tshogs mang po rab tu 'byung ba yod de| de'i mdun du pad+mo chen po me tog gi ze ba 'od 'phro ba'i dkyil 'khor ces bya ba/ rgyar dpag tshad bye ba phrag brgya yod pa/ rtsa ba spos dang / rin po che dang / rdo rje'i rgya mtsho la zug pa/ chu ba rin po che sna tshogs kyi tshon gyis rnam pa sna tshogs su gyur pa/ rin po che rnam pa tha dad pa tshad med pa'i 'dab ma can/ rin po che'i 'od 'phro ba dang / spos kyi ze ba'i dkyil 'khor gyis brgyan pa/ snying po la rin po che kha dog mtha' yas pa'i tshon bkye ba/ pad+mo'i dkyil 'khor brjod du med pa bye ba khrag khrig brgya stong phrag bcu'i 'khor gyis bskor ba/ phyogs bcur 'od kyi dkyil 'khor rgya chen po rab tu 'gyed pa/ ze ba thams cad las yid du 'ong ba'i sgra 'byung ba mngon par byung ngo / /'jig rten gyi khams dpal gyi sgra zhes bya ba der de bzhin gshegs pa ri rab bcu'i rdul shin tu phra ba snyed byung ste/ de bzhin gshegs pa ri rab bcu'i rdul shin tu phra ba snyed de </font><hr>Ka213b<br><font size=+1>


dag las bskal pa'i thog ma pa thams cad kyi thog mar bla na med pa yang dag par rdzogs pa'i byang chub tu mngon par sangs rgyas pa'i de bzhin gshegs pa ni/ yon tan thams cad kyi ri bo ri rab kyi dbyangs zhes bya ste/ des 'jig rten gyi khams rgya mtsho'i tshul dri ma med par phyogs kun tu snang ba zhes bya ba 'di yongs su sbyangs so/ /kye rgyal ba'i sras dag /'jig rten gyi khams dpal gyi sgra zhes bya ba der lo brgyan de bzhin gshegs pa 'byung ngo / /zhes bya ba'i tshe nags tshal chen po yal ga'i dkyil 'khor rin po che'i me tog rgyas pa zhes bya ba de yang rgyan thams cad kyis brgyan par gyur te/ 'di ltar rin po che'i 'od 'phro'i sprin bsam gyis mi khyab pa rab tu gtong ba'i snying po can du gyur nas sangs rgyas kyi yon tan gyi dkyil 'khor gyi sgra yang rab tu 'byin/ phyogs bcu dag kyang 'od zer gyi dra bas rnam par snang bar byed/ gzhal med khang dang / khang khyim gyi rdul thams cad kyang rab tu snang bar byed/ rin po che'i me tog dang / 'od kyi dkyil 'khor gyi sprin yang rab tu 'gyed/ sems can thams cad kyi sngon gyi dge ba'i rtsa ba yangs pa'i sgra dang / dus gsum gyi de bzhin gshegs pa thams cad kyi mtshan gyi 'khor lo rab tu gtong ba'i sgra dang / byang chub sems dpa' thams cad kyi smon lam </font><hr>Ka214a<br><font size=+1>


@#/ /dang / spyod pa dang / 'byung ba mngon par sgrub pa'i sgra dang / sangs rgyas thams cad kyi chos kyi 'khor lo'i nges pa'i tshig sna tshogs rab tu bsgrags pa'i sgra dag kyang rab tu 'byin to/ /de dag ni/ de bzhin gshegs pa skye ba'i ltas te/ rgyan de dag byung bas 'jig rten gyi khams der de bzhin gshegs pa 'byung bar 'jig rten gyi dbang po rnams kyis khong du chud do/ /de bzhin gshegs pa las mnyam pa'i dge ba'i rtsa ba yongs su smin pa dang / sangs rgyas blta bar mos pa dang / snying po byang chub tu mngon par gzhol ba de dag thams cad kyang ltas sngon du byung bas yang dag par bskul to/ /bcom ldan 'das de bzhin gshegs pa yon tan thams cad kyi ri bo ri rab kyi dpal zhes bya ba mnyam pa nyid kyis chos kyi dbyings kun tu khyab pa'i sku can/ sangs rgyas kyi zhing thams cad du yongs su skye ba rab tu 'phros pa/ sku snying po byang chub thams cad la bzhugs pa/ gzugs kyi sku mtha' dang dbus med pa/ rnam par dag pa/ 'jig rten gyi khams thams cad du mngon par 'phags shing zil gyis gnon pa/ mtshan rin po che'i me tog thams cad shin tu rgyas pa/ sems can thams cad kyi gnas su gzugs brnyan rab tu 'byung ba/ 'gro ba thams cad la </font><hr>Ka214b<br><font size=+1>


mngon du ston pa/ sangs rgyas kyi sprul pa kha dog mtha' yas pa'i sprin gyi dra ba rab tu 'gyed pa/ 'jig rten gyi khams thams cad kyi 'od kyi dkyil 'khor gyi sprin gyis khyab par mdzad pa/ 'od zer gyi dra ba kha dog mtha' yas pa rab tu gtong ba de/ pad+mo chen po de la mngon par byung bar gyur to/ /ji ltar spos chu'i rgya mtsho rnam par dag pa'i 'od la rab tu gnas pa'i ri rab me tog gi 'od 'phro bas brgyan pa'i rgyal mtshan gser shin tu 'bar ba'i rgyan ces bya ba'i rtse mo la nags tshal chen po yal ga'i dkyil 'khor rin po che'i me tog rgyas par sangs rgyas kyi gdan la bzhugs pa de bzhin du 'jig rten gyi khams dpal gyi sgra kun tu yang ri rab bye ba stong phrag drug cu rtsa brgyad kyi rtse mo la bzhugs par kun nas snang ngo / /'jig rten gyi khams rgya mtsho kun tu tshul rgya che ba kun gyi 'jig rten gyi khams kyi rgyud sangs rgyas kyi zhing gi rdul shin tu phra ba snyed kyi 'jig rten gyi khams 'byams klas pa dag gi gling bzhi pa thams cad na'ang snying po byang chub la bzhugs par snang ngo / /de nas bcom ldan 'das de bzhin gshegs pa yon tan thams cad kyi ri bo ri rab dpal gyi sprin gyi smin mtshams kyi mdzod spu nas 'od zer dge ba'i rtsa ba thams cad yongs su skyed pa zhes bya ba 'od zer sangs rgyas kyi zhing gi rdul shin tu phra ba snyed kyi 'khor gyis bskor ba </font><hr>Ka215a<br><font size=+1>


@#/ /rab tu bkye ste/ 'jig rten gyi khams thams cad khyab par mdzad nas 'dul ba thams cad yang dag par bskul to/ /bcom ldan 'das de bzhin gshegs pa yon tan thams cad kyi ri bo ri rab dpal gyi sprin gyis 'od zer de dag bkye ma thag tu de'i mod la sems can thams cad kyi nyon mongs pa thams cad kyang rab tu zhi bar gyur/ sgrib pa'i dra ba thams cad kyang shin tu bsal/ sangs rgyas blta ba'i sgrib pa'i ri thams cad kyang rnam par bcom/ sems can thams cad kyi rnyog pa yang rnam par dag /dge ba'i rgya mtsho thams cad kyang rab tu byung / mos pa yangs pa'i dkyil 'khor yang yongs su dag /mi khom pa dang / ngan song dang / ngan 'gro'i g.yang sa dang / 'jigs pa thams cad kyang rnam par bsal/ lus dang sems kyi gnod pa thams cad kyang rab tu zhi/ sangs rgyas mthong bas dga' ba'i shugs kyang rnam par dag /thams cad mkhyen pa nyid la rab tu gzhol ba yang shin tu thob par gyur te/ de dag 'od zer des yang dag par bskul ba dang / 'jig rten gyi dbang po thams cad 'khor brgya stong du ma dag gis bskor cing bcom ldan 'das gang na ba der 'dong bar gyur to/ /kye rgyal ba'i sras dag /de la grong khyer chen po 'od 'phro ba'i 'od ces </font><hr>Ka215b<br><font size=+1>


bya ba der rgyal po blta na dga' ba shin tu gtsang ba'i blo gros zhes bya ba/ grong khyer bye ba khrag khrig brgya stong phrag bcu'i bdag po byung ste/ de la bud med bsod nams kyi dpal la sogs pa stong phrag sum cu rtsa bdun yod do/ /de la bu gzi brjid chen po la sogs pa lnga brgya yod do/ /rgyal po'i bu gzi brjid chen po la yang bud med blta na bzang ba la sogs pa stong phrag bcu yod do/ /de nas rgyal bu gzhon nu gzi brjid chen pos sangs rgyas kyi rnam par 'phrul pa mthong nas sngon gyi dge ba'i rgyus chos bcu khong du chud par gyur to| |bcu gang zhe na/ 'di lta ste/ sangs rgyas thams cad kyi yon tan gyi dkyil 'khor ces bya ba'i ting nge 'dzin khong du chud do/ /'di lta ste/ sangs rgyas kyi chos kyi dbyings la sgo kun nas rab tu 'jug pa zhes bya ba'i ting nge 'dzin khong du chud do/ /'di lta ste/ tshul yangs pa'i sprin gyi snying po zhes bya ba shes rab kyi pha rol tu phyin pa khong du chud do/ / 'di lta ste/ 'gro ba thams cad 'dul ba'i rgyan chen po zhes bya ba'i byams pa chen po khong du chud do/ /'di lta ste/ sgra'i sprin gyis kun nas rgyas par byed pa zhes bya ba'i snying rje chen po khong du chud do/ /'di lta ste/ yon tan mtha' dang dbus med pas yang dag par 'phags pa zhes bya ba'i dga' ba chen po khong du chud do/ /'di lta ste/ chos thams cad ji lta </font><hr>Ka216a<br><font size=+1>


@#/ /ba bzhin du rtogs pa zhes bya ba'i btang snyoms chen po khong du chud do/ /'di lta ste/ tshul gyi gzhi rgya chen po rgya mtsho'i snying po zhes bya ba'i mngon par shes pa chen po khong du chud do/ /'di lta ste/ mos pa rgya mtsho'i stobs dang shugs rnam par 'phel bar byed pa zhes bya ba'i smon lam gyi tshul gyi sgo chen po khong du chud do/ / 'di lta ste/ thams cad mkhyen pa nyid kyi ye shes kyi 'od la yang dag par gzhol ba'i shugs zhes bya ba'i so so yang dag par rig pa'i ye shes chen po'i sgo khong du chud do/ / de nas rgyal po gzhon nu gzi brjid chen po zhes bya ba de/ chos kyi snang ba chen po thob nas sangs rgyas kyi byin gyi rlabs kyis 'khor gyi tshogs thams cad la tshigs su bcad de smras pa/ nyi ma mang po stong gi rnams/ /mkha' la mngon par 'phags pa bzhin/ /snying po byang chub dri med la/ /sangs rgyas 'od ni shin tu snang / /bskal pa bye ba stong dag gis/ /mgon po 'jig rten byung ba ni/ /sangs rgyas yang dag skyes pa rnams/ /rgyal ba kun ni rab tu snang / /ltos shig sangs rgyas 'od zer la/ /sangs rgyas sprin ni bsam mi khyab/ /gnas rnams kun na kun kyang snang / /de bzhin gshegs pa mnyam par bzhag /'od 'phro'i sprin rnams rab bkye ba/ /'od zer sprin la zad mi shes/ /'jig </font><hr>Ka216b<br><font size=+1>


rten 'di dag snang bar byed/ /sangs rgyas rnam par 'phrul la ltos/ /sangs rgyas rnams kyi sku dag las/ /'od zer rnams ni dri med pa/ /sems can kun dang mnyam pa'i lus// phyogs dang phyogs mtshams rgyas 'gengs ltos/ /sangs rgyas gsung ni yid 'ong ba/ /'gro ba kun tu rab tu bsgrags/ /'gro kun dbyangs kyi yan lag tu/ /sangs rgyas yon tan rnam par brjod/ /sangs rgyas 'od kyis phog pa yis/ /sems can kun kyang bde bar gyur/ /sdug bsngal thams cad rab tu zhi/ /'gro ba kun kyang dga' ba skyes/ /byang chub sems dpa'i sprin gyi rnams/ /rin chen sprin rnams rab 'gyed cing / /bstod pa'i sprin gyis rgyal ba'i drung / /phyogs bcu kun nas mngon par 'ongs/ /snying po byang chub 'di la yang / /sgra yi rgya mtsho zab mo grags/ /sems can thams cad sdug bsngal zhi/ /sangs rgyas rnam par 'phrul la ltos/ /kun kyang sri zhu ldan gyur te/ /dga' zhing shin tu mos byas shing / /chos kyi rgyal po blta ba'i phyir/ /'jig rten mgon gyi drung du 'dong / /kye rgyal ba'i sras dag /rgyal bu gzhon nu gzi brjid chen pos tshigs su bcad pa 'di brjod pa'i tshe sangs rgyas kyi byin gyi rlabs kyis 'jig rten gyi khams dpal gyi sgra thams cad kyi sems can gyi gnas kun tu shin tu grags par gyur to/ /de nas rgyal po blta na dga' </font><hr>Ka217a<br><font size=+1>


@#/ /ba shin tu gtsang ba'i blo gros kyis tshigs su bcad pa 'di dag thos nas dga' ba chen po skyes te/ rang gi 'khor de dag la tshigs su bcad de smras pa| zhang blon rnams dang gzhon nu dang / /rgyal po'i mi dang blon po dang / /tshong pa rnams dang de bzhin du/ /yul mi rnams kyang kun 'dus shig /grong khyer rnams ni kun tu yang / /rnga sgra dag gis myur du sgrogs/ /kun kyang mthun par lhan cig tu/ /rgyal ba blta ba'i phyir dengs shig /srang rnams thams cad kun tu yang / /dge ba'i dril gyi sgra sgrogs shig /bu dang chung ma 'khor bcas pa/ /rgyal ba blta ba'i phyir yang 'deng / /grong khyer rnams kyang brgyan par gyis/ /rgyan rnams kun dang bla re bres/ / rgyal mtshan dam pa bzang po'i rnams/ /nor bu sna tshogs brgyan pa sgreng / /rin chen dra ba'i bla re rnams/ /nam mkha'i dkyil du bres par gyis/ /nam mkha' 'di las thams cad du/ /sil snyan sprin gyi sgra dag phyung / /lam gyi srang yang brgyan par gyis/ /rin chen char yang kun tu phob/ /bzhon pa rin chen bstad par gyis/ /rgyal ba blta ba'i phyir 'dong ngo / /rang rang so so'i 'khor rnams kyis/ /sna tshogs sprin gyi char phob cig /rgyan gyi sprin rnams thams cad kyis/ /nam mkha'i dbyings kyang dgab </font><hr>Ka217b<br><font size=+1>


par gyis/ /spos dang pad+mo'i 'od kyi sprin/ /me tog gdugs rnams bsam yas dang / /se mo do dang phreng sprin rnams/ /gos kyi sprin gyi char phob cig /ri rab rnams dang spos kyi ri| |nor bu'i 'khor los brgyan par gyis/ /dri med tsan+dan phye ma rnams/ /nam mkha'i dkyil la rab tu ston/ /nor bu'i phreng dang me tog phreng / /rin chen phreng ba dri med dang / / rin chen sgron ma'i phreng ba rnams/ /nam mkha'i dbyings la sgrub par gyis/ /thams cad sangs rgyas mngon gyis la/ /dga' zhing spro ba'i sems bskyed de/ /bu dang 'khor du bcas pa rnams/ /rgyal ba blta phyir kun 'dong ngo / /de nas rgyal bu blta na dga' ba shin tu gtsang ba'i bdag po bsod nams dpal la sogs pa bud med stong phrag sum cu rtsa bdun dang / gzi brjid chen po la sogs pa gzhon nu lnga brgya dang / blo gros kyi stobs la sogs pa blon po stong phrag drug cu dang / de dag la sogs pa 'khor bye ba khrag khrig brgya stong bdun cu rtsa bdun gyis bskor cing mdun du bdar te grong khyer chen po 'od 'phro snang ba nas byung nas sde'i 'khor dang bcas pa nam mkha'i dbyings su mngon par 'phags te/ rgyal po'i rdzu 'phrul chen po dang / rgyal po'i mthu chen pos nam mkha' thams cad rgyan gyi sprin thams cad kyis rnam par brgyan te bcom ldan 'das gang na ba </font><hr>Ka218a<br><font size=+1>


@#/ /der dong nas bcom ldan 'das kyi zhabs la spyi bos phyag 'tshal te phyogs gcig tu 'khod do/ /lha'i grong khyer shing gi me tog sna tshogs zhes bya ba nas kyang lha'i dbang po rab mtshe ma'i rgyal mtshan zhes bya ba lha bye ba khrag khrig brgya stong dang lhan cig tu bcom ldan 'das gang na ba der dong ste bcom ldan 'das kyi zhabs la spyi bos phyag 'tshal nas phyogs gcig tu 'khod do/ /klu'i grong khyer kun tu rdzogs pa nas kyang klu'i rgyal po bcu dri ma med pa'i 'od ces bya ba klu bye ba nyi shu rtsa lnga dang lhan cig /gnod sbyin gyi grong khyer rdo rje'i dpal rgyal mtshan zhes bya ba nas kyang gnod sbyin gyi bdag po dpa' bas rgyal ba zhes bya ba gnod sbyin bye ba bdun cu rtsa bdun dang lhan cig /dri za'i grong khyer gzhal med khang bzang po nas kyang dri za'i rgyal po blta na dga' ba zhes bya ba dri za bye ba dgu bcu rtsa bdun dang lhan cig /lha ma yin gyi grong khyer 'khor lo'i tshon nas kyang lha ma yin gyi dbang po gzugs rnam par dag pa las sems dpa' zhes bya ba lha ma yin bye ba stong phrag lnga brgya'i 'khor gyis bskor ba / nam mkha' lding gi grong khyer rin po che sna tshogs bzang po'i lte ba nas kyang nam mkha' lding gi bdag po stobs bcu spyod pa zhes bya ba nam mkha' lding gi 'khor dgu bcu </font><hr>Ka218b<br><font size=+1>


rtsa dgu dang lhan cig /mi 'am ci'i grong khyer rtse ba'i dga' ba dang ldan pa nas kyang mi 'am ci'i dbang po rdo rje dpal zhes bya ba mi 'am ci bye ba phrag bco brgyad dang lhan cig /lto 'phye chen po'i grong khyer rin po che rdo rje sra ba'i rgyal mtshan nas kyang lto 'phye chen po'i dbang po rin po che grags pa'i rgyal mtshan zhes bya ba lto 'phye chen po bye ba khrag khrig brgya stong phrag gsum dang lhan cig /tshangs pa'i grong khyer rgyan bzang po sna tshogs nas kyang tshangs pa'i dbang po gzhan gyis pham pa med pa zhes bya ba tshangs pa bye ba phrag bco brgyad kyi 'khor gyis bskor cing mdun du byas te bcom ldan 'das yon tan thams cad kyi ri bo ri rab kyi dpal de bzhin gshegs pa gang na ba der dong nas bcom ldan 'das kyi zhabs la spyi bos phyag 'tshal nas phyogs cig tu 'khod do/ /de dag la sogs pa grong khyer bye ba khrag khrig brgya stong grong khyer gyi 'khor dang bcas pa dag nas sems can gyi ris tha dad pa na gnas pa'i rgyal po mang po 'khor dang bcas te bcom ldan 'das gang na ba der dong ste bcom ldan 'das la phyag 'tshal nas phyogs cig tu 'khod do/ /de nas bcom ldan 'das de bzhin gshegs pa yon tan thams cad kyi ri bo ri rab kyi dpal gyis sems can de dag 'dul ba'i dbang nye bar bzung ste 'khor gyi </font><hr>Ka219a<br><font size=+1>


@#/ /dkyil 'khor gyi rgya mtsho der dus gsum gyi sangs rgyas thams cad yang dag par 'byung ba'i chos rnam par 'phrul ba zhes bya ba'i mdo'i 'khor 'jig rten gyi khams rdul shin tu phra ba snyed dang bcas ba bsam pa ji lta ba bzhin du sems can rnams la yongs su bstan to/ /de nas byang chub sems dpa' gzi brjid chen pos chos kyi gzhung 'di bstan pa thos nas bcom ldan 'das de bzhin gshegs pa yon tan thams cad kyi ri bo ri rab kyi dpal gyis sngon yang dag par bsgrubs pa'i chos rgya mtsho la chos kyi snang ba rab tu thob bo/ /'di lta ste/ chos thams cad kyi dkyil 'khor mnyam pa nyid kyi ting nge 'dzin gyi sgo la ye shes kyi snang ba rab tu thob bo/ / 'di lta ste/ thog ma chos thams cad la yang dag par gzhol ba'i byang chub kyi sems la gnas pa'i ye shes snang ba rab tu thob bo/ /'di lta ste/ chos kyi dbyings kyi phyogs rnam par snang ba'i snying po'i mig rnam par dag pa la ye shes snang ba rab tu thob bo/ /'di lta ste/ sangs rgyas kyi chos thams cad kyi ye shes rgya mtsho rab tu snang zhing rnam par dbye ba'i smon lam rgya mtsho la ye shes snang ba rab tu thob bo/ /'di lta ste/ yon tan chen po rgya mtsho mtha' dang dbus med pa rnam par dag pa la rab tu 'jug </font><hr>Ka219b<br><font size=+1>


pa'i spyod pa'i dkyil 'khor la ye shes snang ba rab tu thob bo/ /'di lta ste/ sgo yangs pa nas snang ba zab mo yang dag par 'byung ba rgya mtsho la ye shes snang ba rab tu thob bo/ / 'di lta ste/ phyir mi ldog pa'i stobs chen po'i shugs kyi snying po dang / mthu chen po'i rgya mtsho la ye shes snang ba rab tu thob bo/ /'di lta ste/ chos kyi dbyings mtha' dang dbus med par sprul pas brgyan cing 'byung ba'i dkyil 'khor la ye shes snang ba rab tu thob bo/ /'di lta ste/ yon tan gyi dkyil 'khor rgya mtsho tshad med par rab tu 'jug pa la mngon par sgrub pa rgya mtsho'i ye shes snang ba rab tu thob bo/ /'di lta ste/ sangs rgyas thams cad rnam par dmigs shing mos pa rgya mtsho'i sprin gyi rgyan yang dag par sgrub pa rgya mtsho la ye shes snang ba rab tu thob bo/ /'di lta ste/ chos kyi dbyings mtha' dang dbus med pa dang mnyam par de bzhin gshegs pa rnam par dmigs par bya ba dang / 'gro ba thams cad mngon du bstan pa dang / sangs rgyas kyi rnam par 'phrul ba rgya mtsho la ye shes kyi snang ba rab tu thob bo/ /'di lta ste/ sangs rgyas kyi chos stobs dang mi 'jigs pa thams cad la ye shes kyi snang ba rab tu thob bo/ /de nas byang chub sems dpa' gzi brjid chen pos de bzhin gshegs pa yon tan thams cad kyi ri bo ri rab kyi dpal gyi sngon gyi </font><hr>Ka220a<br><font size=+1>


@#/ /sbyor ba rgya mtsho la ye shes kyi snang ba rab tu thob nas sangs rgyas kyi byin gyi rlabs kyis de'i tshe tshigs su bcad pa 'di dag smras so/ /rgyal ba'i chos nyid 'di thos nas/ /bdag gi ye shes snang ba skyes/ /des ni sangs rgyas sngon spyod pa/ /rgya mtsho rnams kyang rab tu mthong / /sku tshe kun tu ji lta bur/ /phun sum tshogs gyur kun kyang mthong / /mtshan gyi rnam pa rnam dmigs dang / /gang gis sangs rgyas mchod pa'ang shes/ /sngon chad sangs rgyas drung dag tu/ /bskal pa rgya mtshor spyod spyad de/ /sangs rgyas rgya mtsho mang mchod nas/ /zhing gi rgya mtsho yongs su sbyangs/ /sku yi rgya mtsho mang po dag /rgyal chen yongs su kun btang zhing / /spyod pa'i dam pa rab spyad de/ /rgya mtsho'i zhing yang shin tu sbyangs/ /snyan dang shangs mang rgya mtsho dang / /phyag zhabs dbu yang de bzhin te/ /rgyal srid btsun mo'i 'khor btang zhing / /zhing gi rgya mtsho yongs su sbyangs/ / zhing rnams so so re re la/ /bskal pa bye ba bsam yas su/ /byang chub spyod pa rab spyad de/ /zhing gi rgya mtsho rab tu sbyangs/ /kun tu bzang po'i smon lam gyi/ /spyod pa rgya mtsho kun spyad nas/ /sangs rgyas rgya mtsho kun drung du/ /zhing gi rgya mtsho rab tu sbyangs/ /ji ltar nyi ma'i 'od snang bas/ /nyi ma'i dkyil 'khor mthong ba bzhin/ /sangs </font><hr>Ka220b<br><font size=+1>


rgyas ye shes 'od snang pas/ /sngon gyi spyod pa rnams kyang mthong / /byang chub 'tshang rgya zhi ba yi/ /chos kyi dbyings ni kun gang ba'i/ /zhing gi rgya mtsho dag pa'i rnams/ /dri med 'od can kun kyang mthong / /sangs rgyas kun gyi byin rlabs kyis/ /byang chub spyad pa spyod pa'i tshe/ /zhing gi rgya mtsho yangs pa'i rnams/ /de ltar bdag gis spyad par bya/ /kye rgyal ba'i sras dag /de'i tshe byang chub sems dpa' gzi brjid chen pos bcom ldan 'das de bzhin gshegs pa yon tan thams cad kyi ri bo ri rab kyi dpal gyi sprin de mthong ba dang / bsnyen bkur ba dang / mchod pas de bzhin gshegs pa las mngon par khong du chud de/ 'jig rten thams cad ni/ snang bar byed/ sngon gyi sbyor ba rgya mtsho ni/ rab tu rjod| byang chub sems dpa'i spyod pa rgya mtsho'i tshul ni/ rab tu sgrog /sangs rgyas thams cad kyi yon tan rgya mtsho'i tshul ni/ shin tu rjod/ chos kyi dbyings thams cad la yang dag par gzhol ba'i ye shes kyi sgo yongs su sbyang ba ni/ shin tu ston/ snying po byang chub thams cad la mngon par 'tshang rgya ba'i rnam par 'phrul pa ni/ rab tu rjod/ sangs rgyas kyi stobs dang / mi bsnyengs pa dang / ye shes tha mi dad pa ni/ shin tu rjod/ de bzhin gshegs pa'i sku sgo kun nas rnam par dmigs shing mthong ba ni/ rab tu </font><hr>Ka221a<br><font size=+1>


@#/ /rjod| sangs rgyas kyi rnam par 'phrul pa bsam gyis mi khyab pa ni/ shin tu ston/ sangs rgyas kyi rnam par spyod pa mtha' dang dbus med pa'i rgyan ni| rab tu ston/ byang chub sems dpa' kun tu bzang po'i spyod pa dang / smon lam ni/ mngon par sgrub pa byed cing / sems can ri rab kyi rdul shin tu phra ba snyed byang chub tu sems bskyed de sangs rgyas kyi zhing gi rdul shin tu phra ba snyed kyi sangs rgyas kyi zhing rnam par dag pa'ang yongs su 'dzin du btsud do/ /de nas de bzhin gshegs pa yon tan thams cad kyi ri bo ri rab dpal gyi sprin gyis byang chub sems dpa' gzi brjid chen po la tshigs su bcad de gsungs pa/ sems can kun la phan pa'i phyir/ /byang chub don du khyod zhugs pa/ /gzi brjid chen po legs so legs/ /bsod nams snying po grags pa che/ /snang ba khyod kyis rab tu non/ /chos kyi dbyings ni khyab byas shing / /bsod nams chen po sprin ldan pa'i/ /sangs rgyas ye shes rgya mtshor 'gyur/ /bskal pa zhing gi rdul snyed du/ /zhing gcig na yang spyod spyad cing / / nga yi ye shes ji lta bur/ /khyod kyis mthong ba de ltar 'gyur/ /tshul 'di kun nas shes par ni/ /brtson 'grus chung ngus mi nus te/ /brtson 'grus stobs chen ldan pa'i </font><hr>Ka221b<br><font size=+1>


rnams| |rgya mtsho'i zhing rnams dag par byed/ /thams cad rdul la 'jug tshul du/ /bskal pa rgya mtshor su spyod pa/ /rgya mtsho'i zhing gi rgyan gyi rnams/ /de la 'di 'drar rab tu 'gyur| |sems can rnams ni re re'i phyir/ /bskal pa rgya mtshor spyad spyod cing / /'khor kyang skyo ba med pa'i rnams/ /de dag 'jig rten mgon por 'gyur/ /bskal pa phyi ma'i mthar thug pas/ /rgyal ba re rer mchod byed kyang / /gang gi sems la skyo med pa/ /de dag de bzhin gshegs par 'gyur/ /dus gsum gshegs pa'i mgon po kun/ /khyod kyi smon lam dbang gis gsal/ /sangs rgyas kun gyi 'khor rnams na/ /khyod kyi lus kyang rab tu gnas/ /sangs rgyas kun gyi smon lam dag /mtha' dang dbus med rgya mtsho la/ /blo chen gang rnams 'jug pa ni/ /de dag tshul 'dir gnas par 'gyur/ /nga la mchod pa byas pas kyang / /gzi brjid chen po'i stobs chen gyis/ /sems can ri rab rdul mnyam pa| |byang chub yongs su smin par byas/ /byang chub sems dpa' grags chen dag /kun tu bzang po dpa' ba'i rnams/ /chos kyi dbyings ni kun bkang zhing / /zhing gi rgya mtsho dag par byed/ /kye rgyal ba'i sras dag /de la bskal pa rgya chen po rig pa zhes bya ba de la bskal pa bar ma chu klung gang+gA'i bye ma snyed cig byung ste/ de'i dus na mi rnams kyi tshe </font><hr>Ka222a<br><font size=+1>


@#/ /yang bskal pa bar ma gnyis thub par gyur te/ rgyal ba'i sras dag /de bzhin gshegs pa yon tan thams cad kyi ri bo ri rab dpal gyi sprin de'i sku tshe'i tshad ni/ lo bye ba phrag lnga bcur gyur to/ /de yongs su mya ngan las 'das nas de bzhin gshegs pa pha rol tu phyin pa'i spyan bzang po rgyan gyi rgyal po zhes bya ba 'jig rten du nags tshal chen po yal ga'i dkyil 'khor rin po che'i me tog rgyas pa de nyid la byung ste/ de bzhin gshegs pa pha rol tu phyin pa'i spyan bzang po rgyan gyi rgyal po de mngon par sangs rgyas pa'i rnam par 'phrul pa rgyal bu gzhon nu gzi brjid chen pos mthong ngo / /mthong nas kyang sgo rgya mtsho mtha' yas pa'i snying po zhes bya ba rab tu thob bo/ /ye shes rgya chen po'i byin gyi rlabs dang / chos kyi klong gi gzungs kyang rab tu thob bo/ /kun gyi rjes su song bar 'gro ba 'dul ba'i rnam par thar pa zhes bya ba'i byams pa chen po yang rab tu thob bo/ /dmigs pa'i sgo'i sprin thams cad kyis rgyas par byed pa zhes bya ba'i snying po yang rab tu thob bo/ /sangs rgyas thams cad kyi yon tan rgya mtsho dang / byin gyi rlabs kyi mdzod ces bya ba'i dga' ba chen po yang rab tu thob bo/ /chos kyi rang bzhin nam mkha'i dbyings rnam par dag pa </font><hr>Ka222b<br><font size=+1>


zhes bya ba'i btang snyoms chen po yang rab tu thob bo/ /rang bzhin dri ma med pa'i chos kyi dbyings yongs su dag pa'i lus zhes bya ba'i shes rab kyi pha rol tu phyin pa yang rab tu thob bo// chags pa med pa'i dbyings rnam par snang ba'i rjes su song ba zhes bya ba'i mngon par shes pa yang rab tu thob bo/ /rab tu khong du chud pas dri ma med pa'i klong la yang dag par 'jug pa zhes bya ba'i so so yang dag par rig pa yang rab tu thob bo/ /sangs rgyas thams cad kyi chos kyi dkyil 'khor yongs su dag par byed pa zhes bya ba'i ye shes kyi snang ba yang rab tu thob bo| |de dag la sogs pa chos kyi sgo stong phrag bcu kun nas non par gyur te/ de nas rgyal bu gzhon nu gzi brjid chen pos sangs rgyas kyi byin gyi rlabs kyis 'khor gyi tshogs thams cad la tshigs su bcad de smras pa/ bskal pa bye ba bsam gyis mi khyab tu/ /'jig rten gtso bo'i dam pa shin tu dkon/ /sangs rgyas zhing 'di sems can thob rab thob/ /de dag sangs rgyas gnyis pa 'di yang mthong / /sangs rgyas sku las 'od rnams rab bkye ba/ /kha dog mtha' yas rgya chen rnam par dag /'od zer sprin gyis 'jig rten kun tu khyab/ / kun tu rgyal ba'i yon tan grags par byed/ /'od kyis reg pa rmad kyi dga' ba skye/ /'gro ba de dag kun gyi sdug bsngal zhi/ /phan tshun sri zhu byams pa'i sems gyur cing / /sangs </font><hr>Ka223a<br><font size=+1>


@#/ /rgyas rnam 'phrul 'di dag kun kyang mthong / /sprul pa'i dra ba'i sprin rnams bsam mi khyab/ /rnam pa du ma'i 'od kyi dra ba 'gyed/ /phyogs bcu'i zhing rnams kun kyang gang byas shing / /sangs rgyas rnam par 'phrul pa rab tu ston/ /rgyal ba rnams kyi spu rtse re re nas/ /dbyangs sprin bkye bas nam mkha' kun bkang zhing / /mun nag chen po kun nas snang bar byed/ /dmyal ba'i sdug bsngal kun kyang rnam par sel/ /sangs rgyas dbyangs ni phyogs rnams bcu po na/ /sems can rnams kyi sngon dge rgya mtsho rnams/ /thams cad dbyangs kyis kun tu sgra yang sgrog /sangs rgyas rnam par 'phrul pa de dag ltos/ /sangs rgyas 'khor rnams rgya mtsho rgya che ba/ /mtha' dang dbus med yang dag rab tu byung / /de na rgyal ba chos kyi 'khor lo bskor/ /sems can rgya mtsho mi zad rnams kyang 'dul/ /tshad med rnam par 'phrul ba dag la ltos/ / zhing rnams kun na rgyal ba mngon par bzhugs/ /de ltar bde gshegs ye shes chags pa med/ /sems can don du rnam pa mngon sangs rgyas/ /dga' zhing mos par kun kyang 'dong bar gyis/ /bde ba'i yid dang sri zhu spro ba yis/ /bde gshegs de ni blta ba'i phyir 'dong ngo / /de mthong sdug bsngal thams cad zhi bar 'gyur/ /byang </font><hr>Ka223b<br><font size=+1>


chub sems ni yang dag bskyed byas shing / /'gro ba kun la byams pa'i sems 'gyur te/ /kun tu bzang po'i smon lam kun btab cing / /chos rgyal ji bzhin bdag cag 'gyur bar bya/ /sangs rgyas kyi byin gyi rlabs kyis de'i sgra la thogs pa med pas 'jig rten gyi khams thams cad du khyab par gyur te/ de thos pa'i sems can tshad med pa rnams kyang byang chub tu smon lam btab par gyur to/ /de yang pha dang ma dang lhan cig tu 'khor thams cad dang / sems can bye ba phrag khrag khrig brgya stong de dag gis bskor cing mdun du byas te/ rin po che'i gdugs kyi sprin lngas nam mkha' thams cad du kun nas yog par byas te bcom ldan 'das gang na ba der dong ngo / /'ongs pa de dag la bcom ldan 'das pha rol tu phyin pa'i spyan bzang po rgyan gyi rgyal po de bzhin gshegs pas chos kyi dbyings rang bzhin dri ma med pa'i rgyan ces bya ba'i mdo/ 'jig rten khams kyi rdul shin tu phra ba snyed kyi mdo'i 'khor can yang dag par bstan to/ /des de thos nas tshul thams cad rnam pa dag pa la 'jug pa 'byung bar rab tu skyes so/ /ye shes kyi rim pa rnam par dag cing dri ma med pa'i snang ba zhes bya ba yang non par gyur to/ /pha rol tu phyin pa'i dkyil 'khor 'gro ba thams cad dga' bar lta ba'i rgyan ces bya ba la </font><hr>Ka224a<br><font size=+1>


@#/ /yang zhugs par gyur to/ /zhing thams cad du yang dag par 'jug pa dang / snang ba mtha' yas pa mthong bas rnam par dag pa'i spyod pa'i dkyil 'khor la yang rab tu zhugs so/ /spyod pa'i dkyil 'khor bsod nams kyi sprin dri ma med pa'i 'od kyi rgyal mtshan zhes bya ba la yang rab tu zhugs par gyur to/ /rjes su rtogs pa'i dkyil 'khor chos rgya mtsho 'byams klas pa thams cad snang ba zhes bya ba yang rjes su rtogs par gyur to/ /'jug pa'i dkyil 'khor ye shes chen po'i shugs kyi rgyan ces bya ba la yang rab tu zhugs so/ /rang byung du 'gyur ba shin tu mthong ba'i shugs kyis dbang bskur ba'i ye shes rgya mtsho la yang zhugs par gyur to/ /de bzhin gshegs pa'i yon tan rgya mtsho'i mtshan nyid kyi 'od rnam par snang ba'i snang ba chen pos kyang shin tu snang bar gyur to/ /smon lam gyi stobs tshad med pa la mos pa rgya mtsho'i snying po'i smon lam mngon par sgrub pa'i ye shes kyi stobs la yang rnam pa dag par gyur to/ /de nas de bzhin gshegs pa pha rol tu phyin pa'i spyan bzang po rgyan gyi rgyal pos byang chub sems dpa' gzi brjid chen po la tshigs su bcad de gsungs pa/ legs so yon tan ye shes rgya mtsho can/ /sangs rgyas byang chub </font><hr>Ka224b<br><font size=+1>


smon lam yang dag gnas/ /sems can kun gyi mgon dang gnas gyur pa'i/ /rgyal ba dam pa bsam gyi mi khyab 'gyur/ /ye shes rgya mtsho chen por mngon par byung / /chos kyi dbyings su thams cad rgyas byas te/ /sangs rgyas spyod yul rgya chen mi zad pa'i/ /bsam gyis mi khyab tshul la 'jug par 'gyur/ /sangs rgyas thams cad yon tan sprin mthong pa'i| |ye shes sa yang mi zad non par gyur/ /pha rol phyin pa rgya mtsho kun gyi tshul/ /grags pa chen po yongs su rgyas par byed/ /gzungs kyi tshul rnams rgya mtsho mang po dang / /so so yang dag rig tshul mi zad dang / /spyod pa smon lam khyod kyis mngon bsgrubs pas/ /gzhal med ye shes ldan par khyod 'gyur ro/ /ting nge 'dzin gyi rgya mtshor 'jug par 'gyur// smon lam rgya mtsho'i nang du khyod skyes te/ /rnam 'phrul 'di la'ang shin tu 'byung bar 'gyur/ /'di ni sangs rgyas chos nyid bsam mi khyab/ /chos dbyings dam pa bsam gyis mi khyab pa'i/ /bsam pa rgya chen rnam par sbyangs byas te/ /sangs rgyas sprin la rnam pa blta bar gyis/ /rgya mtsho'i zhing rnams dri med rnam par sbyongs/ /nga yi byang chub spyod la 'jug par gyis/ /sngon gyi sbyor tshul rgya mtsho mang po yi/ /spyod pa ngas ni ji ltar rnam sbyangs su/ /de 'dra'i tshul yang khyod kyis shes par gyis/ /zhing rnams re re sangs rgyas mang po ngas// </font><hr>Ka225a<br><font size=+1>


@#/ /rgya mtsho brgya mang shin tu mchod pa byas/ /sngon spyod de yi 'bras bu 'di yin te/ /'di 'dra dri ma med pa'i rgyan la ltos/ /las kyi rgya mtsho mi zad rgya chen dang / /zhing rnams rgya mtsho dag bya'i spyod pa dang / /smon lam bsam yas go cha bgos pas na/ /'di rnams 'di 'dra'i rnam par 'phrul bar 'gyur/ /sangs rgyas rgya mtsho ma lus mchod byas shing / /zhing rnams rgya chen rgya mtsho sbyangs byas nas/ /bskal pa 'byams klas kun tu sbyangs byas shing / /rgyal pa'i yon tan 'od chen mnga' bar 'gyur| |kye rgyal ba'i sras dag /de bzhin gshegs pa pha rol tu phyin pa'i spyan bzang po rgyan gyi rgyal po de yongs su mya ngan las 'das nas blta na dga' ba shin tu gtsang ba'i bdag po de yang dus byas par gyur te/ rgyal bu gzhon nu gzi brjid chen pos 'khor los bsgyur ba'i rgyal srid thob par gyur to/ /nags tshal chen po yal ga'i dkyil 'khor rin po che'i me tog rgyas pa zhes bya ba der yang de bzhin gshegs pa bsod nams rgya mtsho shin tu 'phags shing zil gyis mi non pa zhes bya ba gsum pa byung bar gyur te/ des de bzhin gshegs pa de mngon par 'tshang rgya ba'i rnam par 'phrul pa mthong nas 'khor thams cad dang / dpung gi yan lag bzhi'i tshogs </font><hr>Ka225b<br><font size=+1>


dang / rin po che bdun dang / grong gi mi dang / yul mir bcas te bcom ldan 'das de bzhin gshegs pa bsod nams rgya mtsho shin tu 'phags shing zil gyis mi non pa gang na bzhugs pa der dong nas des bcom ldan 'das de la rin po che'i khang pa brtsegs pa spos dang nor bu thams cad kyi rgyan gyi snying po zhes bya ba phul lo/ /der de bzhin gshegs pa des kun tu lta ba'i spyod pa byang chub sems dpa'i spyod pa snang ba zhes bya ba'i mdo/ 'jig rten gyi khams rgya mtsho'i rdul shin tu phra ba snyed kyi mdo'i 'khor dang bcas pa'ang yang dag par bshad par gyur to/ /de thos nas byang chub sems dpa' gzi brjid chen pos bsod nams chen po rnam par snang ba zhes bya ba'i ting nge 'dzin rab thob bo/ /ting nge 'dzin de thob pas kyang dus gsum gyi byang chub sems dpa' thams cad kyi bsod nams rgya mtsho mngon du gyur to/ /de nas bcom ldan 'das de bzhin gshegs pa bsod nams rgya mtsho shin tu 'phags shing zil gyis mi non pas 'khor gyi dkyil 'khor thams cad la rnam par gzigs te byang chub sems dpa' gzi brjid chen po la tshigs su bcad de gsungs pa/ yon tan bsod nams kun gyi gzi brjid can/ /byang chub mchog tu smon lam yid ldan pa/ /'gro ba kun la snying rje rgya </font><hr>Ka226a<br><font size=+1>


@#/ /mtsho yis/ /nga yi drung du khyod 'ongs legs so legs/ /snying rje'i snying po khyod ni sems can rnams/ /sdug bsngal gyur pa kun grol don zhugs pas| |'gro ba kun gyi mgon dang skyabs su 'gyur/ /byang chub spyod pa'i tshul yang de yin no/ /byang chub sems dpa' shin tu brtan pa rnams/ /skyo med yid kyis spyod pa spyad pa dag /mchog tu gyur cing dam pa chags med pa'i/ /ye shes 'di 'dra shin tu thob par 'gyur/ /de ltar khyod ni kun tu bzang po yi/ /mthu chen smon lam spyod par zhugs bas na| |bsod nams 'od dang bsod nams dpal yin te/ /bsod nams 'byung gnas bsod nams mchog kyang yin/ /bsam gyis mi khyab rgyal pa rgya mtsho dag /mtha' dang dbus med mang po khyod kyis shes/ /mtha' dang dbus med de dag mthong gyur nas/ /de dag bsod nams rgya mtsho rtogs par 'gyur/ /khyod kyi phyogs bcu'i zhing rnams thams cad kyi/ /rgyal ba'i sprin rnams kun kyang shin tu mthong / /de dag spyod pa rgya mtsho thams cad kyang / /sngon chad ji ltar spyad pa bzhin du mthong / /'di tshul rgya mtsho 'di la su zhugs shing / /ye shes sa la su dag gnas gyur pa/ /de dag sangs rgyas kun gyi rjes slob cing / /thams cad gzigs par gdon mi za bar 'gyur/ /khyod ni zhing </font><hr>Ka226b<br><font size=+1>


kun rgya mtsho'i rdul snyed kyi/ /bskal pa rgya mtsho'i spyod pa spyad byas nas/ /rgyal ba kun gyi sngon spyad rgya mtsho rnams/ /bslab nas rang byung nyid du 'gyur bar 'ong / /zhing rnams rgya mtsho yongs su dag pa rnams/ /phyogs bcu dag tu ji ltar mthong ba bzhin/ /khyod kyi zhing yang rnam par dag 'gyur te/ /smon lam kun kyang shin tu sgrog par 'gyur/ /'khor gyi rgya mtsho 'di dag thams cad kyang / /khyod kyi smon lam thos gyur rab tu dga'/ /kun tu bzang po'i spyod pa'i lam dag gis/ /byang chub mchog la rab tu 'jug par 'gyur/ / mtha' dang dbus med zhing rnams 'byams klas bar/ /bskal pa rgya mtsho dag tu spyad pa spyod/ /kun tu bzang po'i spyod pa thams cad dang / /smon lam rnams kyang yongs su rdzogs par gyis/ /nags tshal chen po yal ga'i dkyil 'khor rin po che'i me tog rgyas pa de nyid du de bzhin gshegs pa rnam par grags pa'i spyan pad+mo'i dpal zhes bya ba byung bar gyur to| |rgyal po gzi brjid chen po de yang de nas shi 'phos nas rgya mtsho'i steng na lha'i grong khyer rin po che zhi ba'i gnas zhes bya bar phyin te/ der bsod nams dri ma med pa'i dpal zhes bya ba'i lha'i rgyal po chen por gyur to/ /de nas de lha'i 'khor gyi tshogs chen po dang bcas te rin po che'i me tog gi sprin gyi char 'bebs shing / bcom ldan 'das </font><hr>Ka227a<br><font size=+1>


@#/ /de bzhin gshegs pa grags pa rnam par grags pa'i spyan pad+mo'i dpal gang na bzhugs pa der dong ngo / /der bcom ldan 'das de bzhin gshegs pa grags pa rnam par grags pa'i spyan pad+mo'i dpal gyis tshul yangs pa'i sgo kun tu rnam par snang ba zhes bya ba'i mdo/ 'jig rten gyi khams rgya mtsho'i rdul shin tu phra ba snyed kyi mdo'i 'khor dang bcas pa yang dag par bstan to/ /des de dag thos nas dga' ba'i snying po kun nas sgo zhes bya ba'i ting nge 'dzin rab tu thob bo/ /chos thams cad kyi tshul rgya mtsho'i dbyings su yang zhugs par gyur to/ /shin tu rgyas pa chen po'i mdo/ sangs rgyas phal po che zhes bya ba las/ rnam par snang mdzad kyi le'u zhes bya ste| bcu pa'o// //bam po bcu gsum pa/ bcom ldan 'das/ 'jig rten gyi khams rgya mtsho ni/ de bzhin gshegs pa ye shes gang chen mtsho rnam par snang mdzad kyi phyag gi mthil gyi snying po la rab tu gnas pa/ sangs rgyas kyi sku'i dbyibs ltar 'dug pa/ 'jig rten gyi khams ri rab ni/ kun tu bzang po tshangs pa'i lha'i lus kyi dbyibs ltar 'dug pa/ stong gsum gyi stong chen po'i 'jig rten gyi khams ni/ yongs su 'dzin pa/ gzhan 'phrul dbang byed kyi lha'i lus </font><hr>Ka227b<br><font size=+1>


kyi dbyibs ltar 'dug pa/ stong gnyis kyi 'jig rten gyi khams ni/ lhan cig spyod pa/ 'phrul dga'i lha'i lus kyi dbyibs ltar 'dug pa/ stong gi 'jig rten gyi khams kun tu spyod pa/ dga' ldan gyi lha'i lus kyi dbyibs ltar 'dug pa/ gling bzhi pa'i 'jig rten gyi khams ni/ gnas kyi dam pa mtshe ma'i lha'i lus kyi dbyibs ltar 'dug pa/ gling ni/ byang chub kyi rgyal mtshan sum cu rtsa gsum gyi lha'i lus kyi dbyibs ltar 'dug pa/ grong rdal gyi mdzod mtha' yas pa khang pa brtsegs pa'i dbyibs ltar 'dug pa/ bza' shing gi ra ba ni/ mya ngan dang bral ba/ snying po byang chub mya ngan med pa'i dbyibs su 'dug pa/ khang pa brtsegs pa ni/ kun nas smad du med pa/ 'jig rten gyi khams rang bzhin chos nyid kyis gnas pa'i dbyibs su 'dug pa na bzhugs te/ 'jig rten gyi khams rgya mtsho de ni/ 'jig rten gyi khams rgya mtsho tshad med pas kun nas bskor ba ste/ 'di ltar de bzhin gshegs pa'i phyag gi mthil gyi snying po la gnas par ming mthun pa/ 'jig rten gyi khams rgya mtsho bcu'i rdul shin tu phra ba snyed kun kyang de bzhin gshegs pa'i sku'i dbyibs su 'dug pa sha stag dang / gzhung de bzhin du byang chub sems dpa' dang / rang sangs rgyas dang / nyan thos </font><hr>Ka228a<br><font size=+1>


@#/ /kyi lag gi mthil gyi snying po la rab tu gnas par ming mthun pa thams cad nyan thos kyi lus kyi lus kyi dbyibs su 'dug pa sha stag dang / gzhung de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i lag gi mthil gyi snying po la rab tu gnas par ming mthun pa thams cad kyang mi ma yin pa'i lus kyi dbyibs su 'dug pa sha stag gis yongs su bskor ba ste/ 'jig rten gyi khams rgya mtsho de ni/ sangs rgyas kyi sa rgya mtsho 'jig rten gyi khams rgya mtsho bcu'i rdul shin tu phra bar snyed kyi mgo dang ldan pa'o/ /sangs rgyas kyi gnas 'phos pa rgya mtsho 'jig rten gyi khams rgya mtsho bcu'i rdul shin tu phra ba snyed kyi mgul dang ldan pa'o/ /sangs rgyas kyi tshogs kyi rgya mtsho 'jig rten gyi khams rgya mtsho bcu'i rdul shin tu phra ba snyed kyi phrag pa'i lhun dang ldan pa'o/ /byang chub sems dpa'i sa rgya mtsho 'jig rten gyi khams rgya mtsho bcu'i rdul shin tu phra ba snyed kyi lag pa dang ldan pa'o/ /snying rje chen po rgya mtsho 'jig rten gyi khams rgya mtsho bcu'i rdul shin tu phra ba snyed kyi snying dang ldan pa'o/ /de bzhin gshegs pa'i rnam par grol ba chen po rgya </font><hr>Ka228b<br><font size=+1>


mtsho 'jig rten gyi khams rgya mtsho bcu'i rdul shin tu phra ba snyed kyi lto dang ldan pa'o/ /nyan thos dang / rang sangs rgyas kyi rnam par grol ba rgya mtsho 'jig rten gyi khams rgya mtsho bcu'i rdul shin tu phra ba snyed kyi ba spu'i bu ga dang ldan pa'o/ /rang sangs rgyas kyi sa rgya mtsho 'jig rten gyi khams rgya mtsho bcu'i rdul shin tu phra ba snyed kyi sta zur dang ldan pa'o| |nyan thos kyis 'jig rten gyi khams rgya mtsho bcu'i rdul shin tu phra ba snyed kyi bral dang ldan pa'o/ /'jig rten pa'i rnam par thar pa rgya mtsho 'jig rten gyi khams rgya mtsho bcu'i rdul shin tu phra ba snyed kyi byin pa dang ldan pa'o/ /sems can gyi khams kyi smon lam rgya mtsho 'jig rten gyi khams rgya mtsho bcu'i rdul shin tu phra ba snyed kyi rkang pa dang ldan pa ste| 'jig rten gyi khams rgya mtsho de ni/ de bzhin gshegs pa ye shes gang chen mtsho rnam par snang mdzad kyi sngon gyi smon lam rgya mtsho 'jig rten gyi khams rgya mtsho bcu'i rdul shin tu phra ba snyed kyi spyi gtsug dang ldan pa'o/ /chos kyi dbyings nam mkha' 'jig rten gyi khams rgya mtsho bcu'i rdul shin tu phra ba snyed kyi 'phral ba dang ldan pa'o/ /de bzhin gshegs pa'i thugs rang bzhin gyis 'od gsal ba rgya mtsho 'jig rten gyi khams rgya mtsho bcu'i rdul shin tu phra ba snyed kyi mdzod spu dang ldan pa'o/ /byang chub kyi </font><hr>Ka229a<br><font size=+1>


@#/ /lam rgya mtsho 'jig rten gyi khams rgya mtsho bcu'i rdul shin tu phra ba snyed kyi smin tshugs dang ldan pa'o/ /de bzhin gshegs pa spyan gyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi mig dang ldan pa'o/ /de bzhin gshegs pa snyan gyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi rna ba dang ldan pa'o/ /de bzhin gshegs pa shangs kyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi sna dang ldan pa'o/ /de bzhin gshegs pa ljags kyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi lce dang ldan pa'o/ /de bzhin gshegs pa sku'i khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi lus dang ldan pa'o/ /de bzhin gshegs pa thugs kyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi yid dang ldan pa'o/ /de bzhin </font><hr>Ka229b<br><font size=+1>


gshegs pa zhi ba rgya mtsho rnam par snang mdzad kyi sangs rgyas kyi sku sprul pa rgya mtsho 'jig rten gyi khams rgya mtsho bcu'i rdul shin tu phra ba snyed kyi sgra dang ldan pa'o/ /de bzhin gshegs pa bdud 'dul ba dang / nyan thos dang rang sangs rgyas kyi skur sprul pa rgya mtsho sangs rgyas kyi zhing rgya mtsho bcu'i rdul shin tu phra ba snyed kyi ba spu dang ldan pa'o/ /byang chub sems dpa'i dad pa'i dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi mdog dang ldan pa'o/ /rnam par thar pa'i sgo 'jig rten gyi khams rgya mtsho bcu'i rdul shin tu phra ba snyed kyi kha dang ldan pa'o/ /chos kyi rgya mtsho 'jig rten gyi khams rgya mtsho bcu'i rdul shin tu phra ba snyed kyi skom dang ldan pa'o/ /sems can yongs su smin pa rgya mtsho 'jig rten gyi khams rgya mtsho bcu'i rdul shin tu phra ba snyed kyi zas dang ldan pa'o/ /'jig rten gyi khams rgya mtsho de ni/ 'jig rten gyi khams rgya mtsho tshad med pa'i rgyan dang ldan pa ste/ 'di ltar 'jig rten gyi khams rgya mtsho'i sprin 'jig rten gyi khams rgya mtsho bcu'i rdul shin tu phra ba snyed kyis kun nas yog par khebs pa'o/ / 'jig rten gyi khams me tog gi sprin rgya mtsho 'jig rten gyi khams rgya mtsho bcu'i rdul shin tu phra ba snyed kyi char mngon par 'bab pa'o/ /'jig rten gyi khams rgya mtsho'i </font><hr>Ka230a<br><font size=+1>


@#/ /dril bu'i dra ba 'jig rten gyi khams rgya mtsho bcu'i rdul shin tu phra ba snyed kun tu bres pa'o/ /'jig rten gyi khams rgya mtsho'i bla re 'jig rten gyi khams rgya mtsho bcu'i rdul shin tu phra ba snyed rnam par bkram pa'o/ /'jig rten gyi khams rgya mtsho'i gdugs dang / rgyal mtshan dang / ba dan 'jig rten gyi khams rgya mtsho bcu'i rdul shin tu phra ba snyed kyis kun tu khebs par bkang ba'o/ /'jig rten gyi khams rgya mtsho de ni/ kha dog gi chu rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o/ /de bzhin du gzugs dang / sgra dang / dri dang / ro dang / reg bya dang / chos kyi chu rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o/ /mig sna tshogs kyi chu rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o/ /de bzhin du rna ba dang / sna dang / lce dang / lus dang / yid kyi chu rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o// kha dog gi chu rgya mtsho re re nas yid kyi chu rgya mtsho'i bar re re las kyang me tog ut+pa la dang / pad+mo dang / ku mu da dang / puN+Da rI ka 'jig rten gyi khams rgya mtsho bcu'i </font><hr>Ka230b<br><font size=+1>


rdul shin tu phra ba snyed mngon par thon te me tog ut+pa la de dag re re dang / me tog puN+Da rI ka de dag re re la yang me tog ut+pa la'i 'khor dang / me tog puN+Da rI ka'i 'khor kyi bar du 'jig rten gyi khams rgya mtsho bcu'i rdul shin tu phra ba snyed dang ldan pa ste/ me tog ut+pa la dang / me tog puN+Da rI ka'i bar de dag re re las kyang 'jig rten gyi khams ri rab rnam par phye ba 'jig rten gyi khams rgya mtsho bcu'i rdul shin tu phra ba snyed mngon par byung ba dag ste/ 'jig rten gyi khams kyi ri'i rgyan dang / 'jig rten gyi khams kyi pad+mo'i tshal dang / 'jig rten gyi khams kyi smig ma'i tshal mang po dag kyang mngon par thon pa sha stag go /ci'i phyir kha dog gi chu rgya mtsho rnams la kha dog gi chu rgya mtsho zhes bya zhe na/ de dag tu sems can gang yang rung ste/ chu 'thung ngam/ khrus byed pa de dag thams cad kyis 'jig rten gyi khams rgya mtsho 'di'i gzugs su snang ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ che ba'am/ chung ba'am/ bzang ba'am/ ngan pa'am/ rgyang ring ba'am/ thag nye ba yang rung ste/ gang ji snyed yod pa de dag thams cad khongs na snang bar so so'i mig gis mngon par mthong bas de'i phyir kha dog gi chu rgya mtsho rnams la kha dog gi chu rgya mtsho zhes bya ste/ de bzhin </font><hr>Ka231a<br><font size=+1>


@#/ /du gzugs dang / sgra dang / dri dang / ro dang / reg bya dang / chos kyi chu rgya mtsho dag kyang shes par bya'o/ /ci'i phyir mig gi chu rgya mtsho la mig gi chu rgya mtsho zhes bya ba zhe na/ de dag tu sems can gang yang rung ste/ chu 'thung ba dang / khrus byed pa de dag thams cad kyis 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed dag na gzugs su snang ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ che ba'am| chung ba'am/ bzang ba'am/ ngan pa'am/ rgyang ring pa'am/ thag nye ba'ang rung ste/ gang ji snyed yod pa de dag thams cad nang na snang bar rang rang gi mig dang / gzhan gyi mig gis mngon par mthong bas de'i phyir mig gi chu rgya mtsho rnams la mig gi chu rgya mtsho zhes bya ste/ de bzhin du rna ba dang / sna dang / lce dang / lus dang / yid kyi chu rgya mtsho dag kyang shes par bya'o/ /'jig rten gyi khams de ni/ 'jig rten gyi khams rgya mtsho'i gzugs brnyan 'jig rten gyi khams rgya mtsho bcu'i rdul shin tu phra ba snyed kyis lhun shin tu brgyan pa ste/ sems can gyi khams rgya mtsho rab tu snang ba'i dpe byad bzang po 'jig rten gyi khams rgya mtsho bcu'i rdul shin tu </font><hr>Ka231b<br><font size=+1>


phra ba snyed kyis rnam par gsal bar byas pa'i lus can no/ /chos kyi dbyings rgya mtsho zab mo 'jig rten gyi khams rgya mtsho bcu'i rdul shin tu phra ba snyed kyi mtshan dang ldan pa'o| |'jig rten gyi khams rgya mtsho de ni/ 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed du rdul shin tu phra ba re re la yang gzugs brnyan rab tu snang bar 'byung ba'o/ /ci'i phyir na/ 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa de la de bzhin gshegs pa'i phyag gi mthil gyi snying po la rab tu gnas pa'i 'jig rten gyi khams rgya mtsho zhes bya zhe na/ bcom ldan 'das de bzhin gshegs pa ye shes gang chen mtsho rnam par snang mdzad de'i phyag gi mthil na rdul shin tu phra ba'i snying po zhes bya ba yod de/ de'i nang na rnam par shes pa'i khams rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /de dag gi steng na chos kyi dbyings rgya mtsho mtha' yas pa zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so| |de dag gi steng na nam mkha'i dbyings rgya mtsho sa mtshams yongs su chad pa med pa zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ / </font><hr>Ka232a<br><font size=+1>


@#/ /de dag gi steng na me'i khams rgya mtsho drag shul can zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ /de dag gi steng na chu'i khams kyi rgya mtsho sbrang rtsi can zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ /de dag gi steng na sa'i khams rgya mtsho rin po che'i snying po can zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ /de dag gi steng na me tog mtshan ma med pa las skyes pa zhes bya ba 'jig rten gyi khams rgya mtsho bcu'i rdul shin tu phra ba snyed mngon par thon te/ me tog de dag kyang so so nas 'jig rten gyi khams rgya mtsho bcu'i rdul shin tu phra ba snyed kyi 'jig rten gyi khams rgya mtsho tsam gyi tha gru dang ldan pa dag ste/ de dag gi steng na 'jig rten gyi khams rgya mtsho 'di gnas pas de'i phyir 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa de la de bzhin gshegs pa'i phyag gi mthil gyi snying po la rab tu gnas pa'i 'jig rten gyi khams rgya mtsho zhes bya'o| |de ltar de dag la sogs pa 'jig rten gyi khams rgya mtsho de na/ yon tan tshad med pa dang ldan pa ste/ mdor na 'jig rten gyi khams rgya mtsho mang po 'jig rten </font><hr>Ka232b<br><font size=+1>


gyi khams rgya mtsho bcu'i rdul shin tu phra ba snyed dag na yon tan ji snyed yod pa'i yon tan de snyed ni/ 'jig rten gyi khams rgya mtsho de na yod do/ /'jig rten gyi khams rgya mtsho de na 'jig rten gyi khams ri rab kun tu bzang po zhes bya ba/ tshangs pa'i lha'i lus kyi dbyibs su 'dug pa/ 'jig rten gyi khams ri rab 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ 'jig rten gyi khams ri rab kun tu bzang po de ni/ 'jig rten gyi khams rgya mtsho'i spo mngon par 'phags pa 'jig rten gyi khams rgya mtsho bcu'i rdul shin tu phra ba snyed dang ldan pa'o/ /'jig rten gyi khams rgya mtsho'i bang rim chen po'i khri 'phang du 'dug pa 'jig rten gyi khams rgya mtsho bcu'i rdul shin tu phra ba snyed dang ldan pa'o/ /'jig rten gyi khams rgya mtsho'i ngos 'jig rten gyi khams rgya mtsho bcu'i rdul shin tu phra ba snyed dang ldan pa'o/ /ci'i phyir na/ 'jig rten gyi khams ri rab kun tu bzang po de la kun tu bzang po zhes bya zhe na/ 'jig rten gyi khams ri rab kun tu bzang po de na yongs su ma dag pa'i 'jig rten gyi khams gang yang med de| der sems can gang ji snyed skyes pa de dag thams cad chos gang dang gang la yongs su dmigs par byed pa'i dmigs pa de dang des kun tu bzang po'i spyod pa yongs </font><hr>Ka233a<br><font size=+1>


@#/ /su rdzogs par 'gyur bas/ de'i phyir 'jig rten gyi khams ri rab kun tu bzang po de la kun tu bzang po zhes bya'o/ /'jig rten gyi khams ri rab de ni/ de ltar de dag la sogs pa yon tan tshad med pa dag dang ldan pa ste/ mdor na 'jig rten gyi khams rgya mtsho de ni yon tan ji snyed cig yod pa de snyed kyi yon tan ni| 'jig rten gyi khams ri rab kun tu bzang po de na yod do/ /'jig rten gyi khams ri rab kun tu bzang po de na stong gsum gyi stong chen po'i 'jig rten gyi khams yongs su 'dzin pa zhes bya ba gzhan 'phrul dbang byed kyi lha'i lus kyi dbyibs su 'dug pa/ stong gsum gyi stong chen po'i 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ stong gsum gyi stong chen po'i 'jig rten gyi khams yongs su 'dzin pa de ni/ lha'i rnam par dgod pa 'jig rten gyi khams rgya mtsho bcu'i rdul shin tu phra ba snyed la rab tu gnas so/ /de bzhin du klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i rnam par dgod pa 'jig rten gyi khams rgya mtsho bcu'i rdul shin tu phra ba snyed la rab tu </font><hr>Ka233b<br><font size=+1>


gnas so/ /sangs rgyas kyi rnam par dgod pa 'jig rten gyi khams rgya mtsho bcu'i rdul shin tu phra ba snyed la rab tu gnas pa'o/ /de bzhin du byang chub sems dpa' dang / rang sangs rgyas dang / nyan thos kyi rnam par dgod pa 'jig rten gyi khams rgya mtsho bcu'i rdul shin tu phra ba snyed la rab tu gnas pa'o/ /stong gsum gyi stong chen po'i 'jig rten gyi khams yongs su 'dzin pa zhes bya ba der sems can gang ji snyed cig skyes pa de dag kyang 'du shes tha dad pa ma gtogs par lam gyi rgyud tha dad pa med do/ /skye gnas tha dad pa med do/ /theg pa tha dad pa med do/ /stong gsum gyi stong chen po'i 'jig rten gyi khams yongs su 'dzin pa zhes bya ba de la ci'i phyir yongs su 'dzin pa zhes bya zhe na| stong gsum gyi stong chen po'i 'jig rten gyi khams yongs su 'dzin pa der sems can gang ji snyed skyes pa de dag thams cad la ngan song gi 'jigs pa med/ theg pa dman par ltung ba'i 'jigs pa'ang med/ ser snar ltung ba'i 'jigs pa'ang med/ tshul khrims ngan par ltung ba'i 'jigs pa'ang med/ mi bzod par ltung ba'i 'jigs pa'ang med/ le lor ltung ba'i 'jigs pa'ang med/ rnam par 'khrug par ltung ba'i 'jigs pa'ang med/ shes rab 'chal bar ltung ba'i 'jigs pa'ang </font><hr>Ka234a<br><font size=+1>


@#/ /med pas de'i phyir yongs su 'dzin pa'i stong gsum gyi stong chen po'i 'jig rten gyi khams la yongs su 'dzin pa zhes bya'o/ /de ltar de dag la sogs pa stong gsum gyi stong chen po'i 'jig rten gyi khams yongs su 'dzin pa de ni/ yon tan tshad med pa mang po dang ldan pa ste/ mdor na 'jig rten gyi khams ri rab kun tu bzang po na yon tan ji snyed cig yod pa de snyed kyi yon tan ni/ stong gsum gyi stong chen po'i 'jig rten gyi khams yongs su 'dzin pa na yod do/ /stong gsum gyi stong chen po'i 'jig rten gyi khams yongs su 'dzin pa de na stong gnyis kyi 'jig rten gyi khams lhan cig spyod pa zhes bya ba 'phrul dga'i lha'i dbyibs su 'dug pa/ stong gnyis kyi 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ stong gnyis kyi 'jig rten gyi khams lhan cig spyod pa zhes bya ba de na rtag tu de bzhin gshegs pa'i 'od rgya mtsho mang po dang mi 'bral lo/ /rtag tu de bzhin gshegs pa'i ye shes kyi 'od zer gyi dra ba rgya mtsho dang mi 'bral lo/ /rtag tu de bzhin gshegs pa'i sku rgya mtsho dang mi 'bral lo/ /rtag tu de bzhin gshegs pa'i gsung rgya mtsho dang </font><hr>Ka234b<br><font size=+1>


mi 'bral lo/ /rtag tu de bzhin gshegs pa mngon par rdzogs par 'tshang rgya ba rgya mtsho dang mi 'bral lo/ /rtag tu de bzhin gshegs pa'i chos kyi 'khor lo 'khor ba rgya mtsho dang mi 'bral lo/ /rtag tu de bzhin gshegs pa'i yongs su mya ngan las 'das pa chen po rgya mtsho dang mi 'bral lo/ /rtag tu mu stegs kyi gnas thams cad phud dud du bya ba rgya mtsho dang mi 'bral lo/ /rtag tu bdud kyi las thams cad yongs su gcod pa rgya mtsho dang mi 'bral lo/ /stong gnyis kyi 'jig rten gyi khams lhan cig spyod pa zhes bya ba de na sems can gang ji snyed cig skyes pa de dag thams cad kyang ting nge 'dzin gyi sgo rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ gzungs kyi sgo rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ sa rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa sha stag go /stong gnyis kyi 'jig rten gyi khams lhan cig spyod pa zhes bya ba de la ci'i phyir na lhan cig spyod pa zhes bya zhe na/ stong gsum gyi stong chen po'i 'jig rten gyi khams dang lhan cig 'grogs shing 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba </font><hr>Ka235a<br><font size=+1>


@#/ /snyed kyi chos kyi dbyings rgya mtsho ji snyed pa de dag thams cad du rnam par spyod pas lhan cig spyod pa de la lhan cig spyod pa zhes bya'o/ /de ltar de dag la sogs pa stong gnyis kyi 'jig rten gyi khams lhan cig spyod pa de ni/ yon tan dpag tu med pa dang ldan pa ste/ mdor na stong gsum gyi stong chen po'i 'jig rten gyi khams yongs su 'dzin pa de na yon tan gang ji snyed yod pa de snyed kyi yon tan ni/ stong gnyis kyi 'jig rten gyi khams lhan cig spyod pa de na yod do/ / stong gnyis kyi 'jig rten gyi khams lhan cig spyod pa zhes bya ba de na stong gi 'jig rten gyi khams kun tu spyod pa zhes bya ba dga' ldan gyi lha'i lus kyi dbyibs su 'dug pa| stong gi 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ stong gi 'jig rten gyi khams kun tu spyod pa zhes bya ba de na bde ba yod pa'i 'jig rten gyi khams kyi rgyan rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu brgyan pa/ de bzhin gshegs pa 'di kun tu mtha' yas kyi chos kyi sku 'jig rten gyi khams rgya mtsho bcu'i rdul shin tu phra ba snyed kyis rgyas par gang ba/ chos kyi dbyings rgya mtsho 'jig </font><hr>Ka235b<br><font size=+1>


rten gyi khams rgya mtsho bcu'i rdul shin tu phra ba snyed kyis mngon par brlan pa ste/ stong gi 'jig rten gyi khams kun tu spyod pa zhes bya ba der sems can gang ji snyed skyes pa de dag thams cad kyang sbyin pa'i pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa sha stag ste/ de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa nas ye shes kyi pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed kyi bar la rab tu gnas pa/ mngon par shes pa rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ sems can yongs su smin par bya ba rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ byang chub kyi phyogs kyi chos rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa sha stag go /ci'i phyir na stong gi 'jig rten gyi khams kun tu spyod pa de la kun tu spyod pa zhes bya zhe na/ 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra </font><hr>Ka236a<br><font size=+1>


@#/ /ba snyed dag na chos kyi khams rgya mtsho dang / 'jig rten gyi khams rgya mtsho dang / sangs rgyas kyi khams rgya mtsho dang / byang chub sems dpa'i khams rgya mtsho dang / sems can gyi khams rgya mtsho gang ji snyed pa de dag thams cad kun nas rnam par spyod pas kun tu spyod pa de la kun tu spyod pa zhes bya'o/ /de ltar de dag la sogs pa stong gi 'jig rten gyi khams kun tu spyod pa de ni/ yon tan tshad med pa dang ldan pa ste/ mdor na stong gnyis kyi 'jig rten gyi khams lhan cig spyod pa de na yon tan gang ji snyed yod pa'i yon tan de dag ni/ stong gi 'jig rten gyi khams kun tu spyod pa na yod do/ /stong gi 'jig rten gyi khams kun tu spyod pa zhes bya ba de na gling bzhi pa gnas kyi dam pa zhes bya ba mtshe ma'i lha'i lus kyi dbyibs su 'dug pa/ gling bzhi pa'i 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ gling bzhi pa'i 'jig rten gyi khams gnas kyi dam pa zhes bya ba de ni/ snying po byang chub rgya mtsho'i rgyan 'jig rten gyi khams rgya mtsho bcu'i rdul shin tu phra ba snyed kyis rnam par brgyan pa ste/ snying po byang chub kyi rgyan de dag re re la yang seng+ge'i khri rgya mtsho'i rgyan 'jig rten gyi khams </font><hr>Ka236b<br><font size=+1>


rgya mtsho bcu'i rdul shin tu phra ba snyed rab tu gnas pa/ seng+ge'i khri'i rgyan de dag re re la yang byang chub sems dpa' rgya mtsho 'jig rten gyi khams rgya mtsho bcu'i rdul shin tu phra ba snyed mang po 'khod pa ste/ gling bzhi pa'i 'jig rten gyi khams gnas kyi dam pa der sems can gang ji snyed skyes pa de dag thams cad kyang byang chub sems dpa' kun tu bzang po'i lus dang spyod lam rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa sgo mtha' yas pa nas mngon par sgrub pa'i mdo/ 'jig rten gyi khams rgya mtsho bcu'i rdul shin tu phra ba snyed yongs su 'dzin pa byang chub sems dpa' thams cad kyis 'jig rten gyi khams rgya mtsho bcu'i rdul shin tu phra ba snyed la rab tu gnas pa sha stag go /ci'i phyir na gling bzhi ba'i 'jig rten gyi khams gnas kyi dam pa de la gnas kyi dam pa zhes bya zhe na/ stong gsum gyi stong chen po'i 'jig rten gyi khams yongs su 'dzin pa na sems can rnams kyi 'byung gnas dang gnas su bya ba'i gling bzhi pa'i 'jig rten gyi khams gang ji snyed yod pa de dag gi nang na 'di mchog tu bya bas na/ de'i phyir gling bzhi ba'i 'jig rten gyi khams gnas kyi dam pa zhes bya ba de la gnas kyi dam pa zhes bya'o/ /de ltar de dag la sogs pa gling bzhi </font><hr>Ka237a<br><font size=+1>


@#/ /pa'i 'jig rten gyi khams gnas kyi dam pa zhes bya ba de ni/ yon tan gzhal du med pa dang ldan pa ste/ mdor na stong gi 'jig rten gyi khams kun tu spyod pa na yon tan gang ji snyed yod pa'i yon tan de dag ni/ gling bzhi pa'i 'jig rten gyi khams gnas kyi dam pa de na yod do/ /gling bzhi pa'i 'jig rten gyi khams gnas kyi dam pa zhes bya ba de na gling byang chub kyi rgyal mtshan zhes bya ba sum cu rtsa gsum gyi lha'i lus kyi dbyibs su 'dug pa/ gling bzhi pa'i 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ gling byang chub kyi rgyal mtshan zhes bya ba de ni/ rin po che'i ri khang pa brtsegs pa ltar 'dug pa/ rgya mtsho mang po 'jig rten gyi khams rgya mtsho bcu'i rdul shin tu phra ba snyed kyis kun nas bskor ba/ de bzhin gshegs pa'i ye shes kyi 'od zer gyi dra ba rgya mtsho 'jig rten gyi khams rgya mtsho bcu'i rdul shin tu phra ba snyed kyis kun tu khyab pa/ chos kyi dbyings rgya mtsho 'jig rten gyi khams rgya mtsho bcu'i rdul shin tu phra ba snyed kyis mngon par brlan pa ste/ gling byang chub kyi rgyal mtshan zhes bya ba der sems can gang ji snyed skyes par gyur pa de dag thams cad kyang ting nge 'dzin gyi rgya mtsho snying po byang chub kyi rgyan gyi dam par gyur pa 'jig rten </font><hr>Ka237b<br><font size=+1>


gyi khams rgya mtsho bcu'i rdul shin tu phra ba snyed la rab tu gnas pa/ theg pa tha dad pas 'byung ba rgya mtsho 'jig rten gyi khams rgya mtsho bcu'i rdul shin tu phra ba snyed la mkhas pa/ chos kyi dbyings rgya mtsho tha mi dad pa 'jig rten gyi khams rgya mtsho bcu'i rdul shin tu phra ba snyed la rnam par spyod pa sha stag go /ci'i phyir na gling byang chub kyi rgyal mtshan de la byang chub kyi rgyal mtshan zhes bya zhe na/ gling byang chub kyi rgyal mtshan zhes bya ba de na byang chub kyi shing nam mkha'i rten ces bya ba/ byang chub kyi shing 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ der skad cig skad cig tu de bzhin gshegs pa 'jig rten gyi khams rgya mtsho bcu'i rdul shin tu phra ba snyed mngon par rdzogs par 'tshang rgya bas/ de'i phyir gling byang chub kyi rgyal mtshan de la byang chub kyi rgyal mtshan zhes bya'o/ /de ltar de dag la sogs pa gling byang chub kyi rgyal mtshan de ni/ yon tan tshad med pa dang ldan pa ste/ mdor na gling bzhi pa'i 'jig rten gyi khams gnas kyi dam pa de na yon tan gang ji snyed yod pa'i yon tan de dag ni/ gling byang chub kyi rgyal mtshan de na yod do| |gling byang chub kyi rgyal mtshan de na grong rdal mdzod mtha' yas pa zhes bya ba khang pa brtsegs pa'i dbyibs su 'dug pa/ grong rdal 'jig rten gyi khams rgya mtsho bcu'i rdul </font><hr>Ka238a<br><font size=+1>


@#/ /shin tu phra ba snyed kyi 'khor dang ldan pa yod de/ grong rdal mdzod mtha' yas pa zhes bya ba de ni/ de bzhin gshegs pa'i dgongs pa'i phyir rgya mtsho 'jig rten gyi khams rgya mtsho bcu'i rdul shin tu phra ba snyed phun sum tshogs pa dang ldan pa'o/ /de bzhin gshegs pa'i dgongs pa'i phyir rgya mtsho re re zhing yang ting nge 'dzin gyi 'obs rgya mtsho 'jig rten gyi khams rgya mtsho bcu'i rdul shin tu phra ba snyed kyis yongs su bskor ba'o/ /ting nge 'dzin gyi 'obs rgya mtsho de dag re re zhing yang de bzhin gshegs pa'i zhi gnas kyi chu rgya mtsho 'jig rten gyi khams rgya mtsho bcu'i rdul shin tu phra ba snyed kyis yongs su gang ba'o/ /de bzhin gshegs pa'i zhi gnas kyi chu rgya mtsho de dag re re zhing yang de bzhin gshegs pa'i ye shes dang yon tan gyi me tog ut+pa la dang / pad+mo dang / ku mu da dang / puN+Da rI ka 'jig rten gyi khams rgya mtsho bcu'i rdul shin tu phra ba snyed kyis kun nas khyab par gang ba'o/ /grong rdal mdzod mtha' yas pa de ni/ byang chub kyi sems rin po che shin tu rnam par dag pa'i pha gu rgya mtsho 'jig rten gyi khams rgya mtsho bcu'i rdul shin tu phra ba snyed las brtsigs pa sa bcu'i khang pa brtsegs pa dang / gzhal med khang gi phreng ba rgya mtsho 'jig rten gyi khams rgya mtsho bcu'i rdul shin tu phra ba snyed kyis rnam par </font><hr>Ka238b<br><font size=+1>


phye ba ste/ grong rdal mdzod mtha' yas pa der sems can gang ji snyed skyes pa de dag thams cad kyang de bzhin gshegs pa rnam par snang mdzad kyi chos kyi sku dang ngang tshul rgya mtsho la rab tu zhugs pa/ skad cig skad cig cing sems can gyi khams sna tshogs 'jig rten gyi khams rgya mtsho bcu'i rdul shin tu phra ba snyed yongs su mya ngan las zlo ba/ 'jig rten gyi khams sna tshogs 'jig rten gyi khams rgya mtsho bcu'i rdul shin tu phra ba snyed kyi sdug bsngal gyi phung po rgya mtsho'i khur 'jig rten gyi khams rgya mtsho bcu'i rdul shin tu phra ba snyed bkur ba la yongs su skyo ba med pa sha stag go /ci'i phyir na grong rdal mdzod mtha' yas pa de la mdzod mtha' yas pa zhes bya zhe na/ grong rdal mdzod mtha' yas pa de'i sa'i khams kyi rdul shin tu phra ba'am/ chu'i khams kyi rdul shin tu phra ba'am/ me'i khams kyi rdul shin tu phra ba'am/ rlung gi khams kyi rdul shin tu phra ba'am/ nam mkha'i khams kyi rdul shin tu phra ba yang rung ste/ de bzhin gshegs pa rnams kyis de dag la chos kyi mdzod rgya mtsho 'jig rten gyi khams rgya mtsho bcu'i rdul shin tu phra ba snyed ma bzhag pa de lta bu gang yang med pas/ de'i phyir grong rdal mdzod mtha' yas pa de la mdzod mtha' yas pa zhes bya'o/ /de ltar de dag la sogs pa grong rdal mdzod </font><hr>Ka239a<br><font size=+1>


@#/ /mtha' yas pa de ni/ yon tan tshad med pa dang ldan pa ste/ mdor na gang byang chub kyi rgyal mtshan na yon tan gang ji snyed yod pa'i yon tan de snyed ni/ grong rdal mdzod mtha' yas pa de na yod do| |grong rdal mdzod mtha' yas pa de na bza' shing gi ra ba mya ngan dang bral ba zhes bya ba snying po byang chub mya ngan med pa'i dbyibs su 'dug pa/ bza' shing gi ra ba 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ bza' shing gi ra ba mya ngan dang bral ba de na nags tshal rgya mtsho 'jig rten gyi khams rgya mtsho bcu'i rdul shin tu phra ba snyed yod de/ nags tshal de dag kyang so so nas stong pa nyid kyi gser rgya mtsho 'jig rten gyi khams rgya mtsho bcu'i rdul shin tu phra ba snyed kyi rgyu las grub pa'o/ /chos kyi dbyings kyi 'od rgya mtsho 'jig rten gyi khams rgya mtsho bcu'i rdul shin tu phra ba snyed kyi me tog dang ldan pa'o/ /rnam par rtog pa'i gnyen po rgya mtsho 'jig rten gyi khams rgya mtsho bcu'i rdul shin tu phra ba snyed kyi 'bras bu dang ldan pa'o/ sems can gyi khams thams cad sdig pa las yongs su skyob pa rgya mtsho 'jig rten gyi khams rgya mtsho bcu'i rdul shin tu phra ba snyed kyi lo ma dang ldan pa'o/ /sems can gyi khams yongs su mya ngan las zlo ba rgya mtsho 'jig rten gyi khams rgya </font><hr>Ka239b<br><font size=+1>


mtsho bcu'i rdul shin tu phra ba snyed kyi grib ma bsil ba dang ldan pa'o/ /sems can gyi khams thams cad kyi bsam pa'i sa rgya mtsho 'jig rten gyi khams rgya mtsho bcu'i rdul shin tu phra ba snyed la snying rje chen po'i rtsa ba rab tu gnas pa'o/ /de bzhin gshegs pa rnam par snang mdzad ye shes gang chen mtsho'i sngon gyi smon lam rgya mtsho 'jig rten gyi khams rgya mtsho bcu'i rdul shin tu phra ba snyed kyi yal ga dang ldan pa'o/ /rang bzhin yongs su dag pa'i dar gyi lda ldi dang chun po rgya mtsho 'jig rten gyi khams rgya mtsho bcu'i rdul shin tu phra ba snyed kun tu bres pa'o/ /dri ma med cing yongs su dag pa'i gdugs dang / rgyal mtshan dang / ba dan rgya mtsho 'jig rten gyi khams rgya mtsho bcu'i rdul shin tu phra ba snyed mngon par bsgrengs pa'o/ /bza' shing gi ra ba mya ngan dang bral ba de ni/ rdzing rgya mtsho 'jig rten gyi khams rgya mtsho bcu'i rdul shin tu phra ba snyed kyis yongs su brgyan pa ste/ rdzing de dag re re zhing yang de bzhin gshegs pa'i zhi gnas rgya mtsho'i chu 'jig rten gyi khams rgya mtsho bcu'i rdul shin tu phra ba snyed kyis yongs su gang ba'o/ /rdzing de dag re re zhing yang de bzhin gshegs pa'i ye shes dang yon tan gyi me tog ut+pa la dang / pad+mo dang / puN+Da rI ka 'jig rten gyi khams rgya mtsho bcu'i rdul shin tu phra ba snyed kyis kun nas khyab par gang ba'o/ / </font><hr>Ka240a<br><font size=+1>


@#/ /bza' shing gi ra ba mya ngan dang bral ba der sems can ji snyed cig 'dong ba de dag thams cad kyang bcom ldan 'das de bzhin gshegs pa rnam par snang mdzad ye shes gang chen mtsho'i sku dang / thugs dang / 'phrin las mnyam pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob par 'gyur ba sha stag ste/ dus gsum thams cad du thogs pa med pa'i ye shes la rnam par spyod pa rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa sha stag go /ci'i phyir na bza' shing gi ra ba mya ngan dang bral ba de la mya ngan dang bral ba zhes bya zhe na/ shar phyogs kyi 'jig rten gyi khams mya ngan dang bral ba zhes bya ba na de bzhin gshegs pa mya ngan dang bral ba zhes bya ba bzhugs te/ de dang mthun pa'i rgyus grub pas de'i phyir na/ bza' shing gi ra ba mya ngan dang bral ba de la mya ngan dang bral ba zhes bya'o/ /de dag la sogs pa bza' shing gi ra ba mya ngan dang bral ba de ni/ yon tan tshad med pa dang ldan pa ste/ mdor na grong rdal mdzod mtha' yas pa na yon tan gang ji snyed yod pa de snyed kyi yon tan ni/ bza' shing gi ra ba mya ngan dang bral ba de na yod do/ /bza' shing gi ra ba mya ngan dang bral ba de'i nang na khang pa brtsegs pa kun nas smad du med pa zhes bya ba 'jig rten </font><hr>Ka240b<br><font size=+1>


gyi khams rang bzhin chos nyid kyis gnas pa'i dbyibs su 'dug pa/ khang pa brtsegs pa 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod do/ /khang pa brtsegs pa kun nas smad du med pa de ni/ de bzhin gshegs pa thams cad kyi yon tan rin po che sna tshogs kyi rang bzhin rgya mtsho bcu'i rdul shin tu phra ba snyed las byung ba'o/ / sems can gyi khams thams cad kyi bsam pa sna tshogs rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o/ /sangs rgyas kyi zhing sna tshogs dam pa'i rgya mtsho 'jig rten gyi khams rgya mtsho bcu'i rdul shin tu phra ba snyed rjes su 'dong ba'o/ /khang pa brtsegs pa kun nas smad du med pa der sems can gang ji snyed skyes pa de dag thams cad kyang bcom ldan 'das de bzhin gshegs pa ye shes gang chen mtsho rnam par snang mdzad kyi ye shes sgyu ma rgya mtsho 'jig rten gyi khams rgya mtsho bcu'i rdul shin tu phra ba snyed kyis sprul pa/ ye shes sgyu ma rgya mtsho 'jig rten gyi khams rgya mtsho bcu'i rdul shin tu phra ba snyed kyis rnam par bsgrubs pa/ ye shes sgyu ma rgya mtsho 'jig rten gyi khams rgya mtsho bcu'i rdul shin tu phra ba snyed kyi pha rol tu phyin pa dam pa thob pa/ de bzhin gshegs pa 'jig rten gyi khams rgya mtsho bcu'i rdul shin tu phra ba snyed kyi </font><hr>Ka241a<br><font size=+1>


@#/ /bsod nams dang ye shes kyi tshogs yongs su bsgrubs pa gang ji snyed pa de dag thams cad kyis sems can de dag gi ba spu'i bu ga re re nas mngon par grub pa sha stag go /ci'i phyir na khang pa brtsegs pa kun nas smad du med pa de la kun nas smad du med pa zhes bya zhe na/ chos kyi dbyings 'jig rten gyi khams rgya mtsho bcu'i rdul shin tu phra ba snyed kyi rang bzhin yin pa'i phyir te/ de'i phyir khang pa brtsegs pa kun nas smad du med pa de la kun nas smad du med pa zhes bya'o/ /de ltar de dag la sogs pa khang pa brtsegs pa kun nas smad du med pa de ni/ yon tan tshad med pa dang ldan pa ste/ mdor na bza' shing gi ra ba mya ngan dang bral ba na yon tan gang ji snyed yod pa de snyed kyi yon tan ni/ khang pa brtsegs pa kun nas smad du med pa de na yod do/ /de lta bu'i pho brang brtsegs pa kun nas smad du med pa de na byang chub sems dpa'i ye shes kyi rdo rje'i lhun dang ldan pa'i seng+ge'i khri rgya mtsho 'jig rten gyi khams rgya mtsho bcu'i rdul shin tu phra ba snyed la bcom ldan 'das de bzhin gshegs pa ye shes gang chen mtsho rnam par snang mdzad 'das pa dang / ma 'ongs pa dang / da ltar byung ba'i byang chub sems dpa'i 'khor gyi rnam pa rgya mtsho 'jig rten gyi khams rgya mtsho bcu'i </font><hr>Ka241b<br><font size=+1>


rdul shin tu phra ba snyed kyis kun nas bskor cing / 'das pa dang / ma 'ongs pa dang / da ltar byung ba'i rang sangs rgyas kyi 'khor gyi rnam pa rgya mtsho 'jig rten gyi khams rgya mtsho bcu'i rdul shin tu phra ba snyed kyis kun nas bskor te/ 'das pa dang / ma 'ongs pa dang / da ltar byung ba'i nyan thos kyi 'khor gyi rnam pa rgya mtsho 'jig rten gyi khams rgya mtsho bcu'i rdul shin tu phra ba snyed kyis bskor cing / de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa 'das pa dang / ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyis kun nas bskor cing bzhugs so/ /rnam par spyod do/ /byang chub sems dpa'i 'khor rnam pa tha dad pa rgya mtsho nas mi dang mi ma yin pa'i 'khor rnam pa tha dad pa rgya mtsho'i bar 'das pa dang / ma 'ongs pa dang / da ltar byung ba de dag las byang chub sems dpa' de dag re re zhing yang byang chub sems dpa' 'das pa dang / ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa/ rang sangs rgyas 'das pa dang / ma 'ongs pa dang / da ltar byung ba'i 'khor rnam pa tha dad pa rgya mtsho 'jig </font><hr>Ka242a<br><font size=+1>


@#/ /rten gyi khams rgya mtsho bcu'i rdul shin tu phra ba snyed kyi 'khor dang ldan pa/ nyan thos 'das pa dang / ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa 'das pa dang / ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang / de ltar 'khor dang / 'khor gyi 'khor gcig nas gcig tu brgyud pa yang 'jig rten gyi khams rgya mtsho bcu'i rdul shin tu phra ba snyed du shes par bya'o/ /byang chub sems dpa' rgya mtsho de dag nas mi dang mi ma yin pa'i bar rgya mtsho 'jig rten gyi khams rgya mtsho bcu'i rdul shin tu phra ba snyed po de dag las byang chub sems dpa' re re dang / mi dang mi ma yin pa'i bar re re dag kyang lus rnam pa tha dad pa 'jig rten gyi khams rgya mtsho bcu'i rdul shin tu phra ba snyed dang ldan pa sha stag ste/ lus rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag las lus re re la yang mgo rnam pa tha dad pa rgya mtsho 'jig rten gyi khams rgya mtsho </font><hr>Ka242b<br><font size=+1>


bcu'i rdul shin tu phra ba snyed yod do/ /mgo rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag las mgo ra re la yang mig gi dbang po rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /de bzhin du rna ba dang / sna dang / lce dang / lus dang / yid kyi dbang po rnam pa tha dad pa rgya mtsho'i bar du yang 'jig rten gyi khams rgya mtsho bcu'i rdul shin tu phra ba snyed yod de/ mig gi dbang po rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed nas yid kyi dbang po rnam pa tha dad pa rgya mtsho'i bar 'jig rten gyi khams rgya mtsho bcu'i rdul shin tu phra ba snyed po de dag la dbang po ji snyed cig yod pa de dag re re la yang mig gi rnam par shes pa'i rnam par rtog pa rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /de bzhin du rna ba dang / sna dang / lce dang / lus dang / yid kyi rnam par shes pa'i rnam par rtog pa rgya mtsho'i bar du 'jig rten gyi khams rgya mtsho bcu'i rdul shin tu phra ba snyed yod do/ /mig gi rnam par shes pa'i rnam par rtog pa rgya mtsho nas yid kyi rnam par shes pa rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag la rnam par shes pa ji snyed cig yod </font><hr>Ka243a<br><font size=+1>


@#/ /pa de dag las rnam par shes pa re re la yang ye shes rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /ye shes rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag la ye shes ji snyed cig yod pa de dag las ye shes re res kyang 'jig rten gyi khams rgya mtsho mang po'i sangs rgyas tha dad pa rgya mtsho'i ye shes rnam pa tha dad pa rgya mtsho'i tshul du chos kyi 'khor lo rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu bskor bar byed do/ /byang chub sems dpa' rnams la ji lta ba de bzhin du rang sangs rgyas dang / de bzhin du nyan thos dang / de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa rnams la yang shes par bya ste/ ye shes la ji lta ba de bzhin du chos thams cad la yang shes par bya'o/ /byang chub sems dpa' de dag dang / mi dang mi ma yin pa'i bar de dag gi gnas kyi yon tan rnam par phye pa rgya mtsho ji snyed cig yod pa dang / stan gyi yon tan rnam par phye ba ji snyed cig yod pa dang / mtshan dang dpe byad bzang po'i yon tan rnam par phye ba ji snyed cig yod </font><hr>Ka243b<br><font size=+1>


pa dang / rgyan gyi yon tan rnam par phye ba rgya mtsho ji snyed cig yod pa dang / gos kyi yon tan rnam par phye ba rgya mtsho ji snyed cig yod pa de dag dang / byang chub sems dpa' nas mi dang mi ma yin pa'i bar de dag gi mig gi rdul shin tu phra ba re re nas lus kyi rdul shin tu phra ba snyed re re zhing 'jig rten gyi khams thams cad du rgyas par 'gengs pa de dag ni/ sangs rgyas rgya mtsho 'jig rten gyi khams rgya mtsho bcu'i rdul shin tu phra ba snyed kyis bskal pa rgya mtsho 'jig rten gyi khams rgya mtsho bcu'i rdul shin tu phra ba snyed du bstan cing brjod kyang zad par mi rung ngo| /bam po bcu bzhi pa/ de nas bcom ldan 'das ye shes gang chen mtsho rnam par snang mdzad kyis sku'i ba spu'i bu ga re re nas kyang 'od zer rgya mtsho 'jig rten gyi khams rgya mtsho bcu'i rdul shin tu phra ba snyed bkye'o/ /'od zer rgya mtsho de dag re re las kyang sangs rgyas rgya mtsho pad+mo rgya mtsho la bzhugs pa 'jig rten gyi khams rgya mtsho bcu'i rdul shin tu phra ba snyed mngon par byung ste/ sangs rgyas re re'i sku'i ba spu'i sgo re re nas kyang yang dag par skul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu phra ba snyed mngon par thon to/ /de dag las yang dag par skul pa'i tshigs su bcad pa rgya mtsho re re zhing shar phyogs kyi 'jig rten gyi khams ji snyed pa dang / rdul </font><hr>Ka244a<br><font size=+1>


@#/ /shin tu phra ba ji snyed pa'i 'jig rten gyi khams re re dang / rdul shin tu phra ba re re la'ang byang chub sems dpa' rgya mtsho ji snyad cig yod pa dang / rang sangs rgyas rgya mtsho dang / nyan thos rgya mtsho ji snyed cig yod pa dang / lha dang / klu dang / gnod spyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa rgya mtsho ji snyed cig yod pa de dag thams cad la yongs su skul ba byed do/ /shar phyogs dang 'dra bar phyogs rgya mtsho thams cad du'ang de bzhin te/ de nas byang chub sems dpa' rgya mtsho de dag dang / mi dang mi ma yin pa rgya mtsho ji snyed pa de dag bcom ldan 'das de bzhin gshegs pa ye shes gang chen mtsho rnam par snang mdzad kyi 'od zer gyis yang dag par bskul nas rang rang gi sangs rgyas kyi zhing rgya mtsho dag na sangs rgyas rgya mtsho gang bzhugs pa de dag la zhus te gnang nas byang chub sems dpa' rgya mtsho re re dang / mi dang mi ma yin pa rgya mtsho'i bar de dag re re zhing byang chub sems dpa'i 'khor rgya mtsho nas mi dang mi ma yin pa'i 'khor rgya mtsho'i bar dang ldan par 'jig rten gyi khams rgya mtsho bcom ldan 'das kyi phyag gi mthil gyi snying po la rab tu gnas pa gang na ba der 'dong bar gyur te/ byang chub sems </font><hr>Ka244b<br><font size=+1>


dpa' rgya mtsho de dag dang / mi dang mi ma yin pa rgya mtsho'i bar de dag la byang chub sems dpa' ji snyed cig yod pa de dang / mi dang mi ma yin pa ji snyed cig yod pa de dag las byang chub sems dpa' re re dang / mi dang mi ma yin pa'i bar de dag re re zhing yang lus rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa sha stag ste/ lus re re la yang lag pa rgya mtsho 'jig rten gyi khams rgya mtsho bcu'i rdul shin tu phra ba snyed yod pa/ lus re re la yang mgo rgya mtsho 'jig rten gyi khams rgya mtsho bcu'i rdul shin tu phra ba snyed yod pa/ mgo re re la yang kha'i sgo rgya mtsho 'jig rten gyi khams rgya mtsho bcu'i rdul shin tu phra ba snyed yod pa/ kha'i sgo re re la yang lce rgya mtsho 'jig rten gyi khams rgya mtsho bcu'i rdul shin tu phra ba snyed yod pa sha stag go /de nas byang chub sems dpa' rgya mtsho de dag dang / mi dang mi ma yin pa'i bar rgya mtsho de dag gis bcom ldan 'das de bzhin gshegs pa'i ye shes gang chen mtsho rnam par snang mdzad la lus re res kyang g.yas phyogs su bskor ba rgya mtsho 'jig rten gyi khams rgya mtsho bcu'i rdul shin tu phra ba snyed kyis bskor ba byas te| lag pa re re nas kyang me tog rgya mtsho 'jig rten gyi khams rgya mtsho bcu'i rdul shin tu phra ba snyed kyis mchod nas de bzhin du mar me dang / spos dang / bdug spos dang </font><hr>Ka245a<br><font size=+1>


@#/ /byug pa dang / phye ma dang / gdugs dang / rgyal mtshan dang / ba dan rgya mtsho 'jig rten gyi khams rgya mtsho bcu'i rdul shin tu phra ba snyed kyis mchod de| lce re re zhing yang bstod pa rgya mtsho 'jig rten gyi khams rgya mtsho bcu'i rdul shin tu phra ba snyed kyis mngon par bstod nas rang rang gi stobs dang / rdzu 'phrul gyis sprul pa'i stan rgya mtsho dag la 'khod par gyur to/ /'khod nas kyang lce re re zhing zhu ba rgya mtsho 'jig rten gyi khams rgya mtsho bcu'i rdul shin tu phra ba snyed yongs su zhu pa byed do/ / bcom ldan 'das de bzhin gshegs pa ye shes gang chen mtsho rnam par snang mdzad des zhus pa de dag re re la shin tu bstan pa rgya mtsho 'jig rten gyi khams rgya mtsho bcu'i rdul shin tu phra ba snyed kyis shin tu bstan pa mdzad de/ byang chub sems dpa' rgya mtsho dang / mi dang mi ma yin pa rgya mtsho'i bar rnam pa de ltar 'dus pa de dag thams cad la chos rgya mtsho mang po rnam grangs du mar rnam par phye'o/ /rnam par bkrol lo/ /gsal par mdzad do/ /yang dag par bstan to/ /de nas shar phyogs su 'jig rten gyi khams rgya mtsho 'jig rten khams rgya mtsho bcu'i rdul shin tu phra ba snyed 'das pa na 'jig rten gyi khams rgya mtsho 'jig rten gyi khams rgya mtsho thams cad kyi gnas kyi snying </font><hr>Ka245b<br><font size=+1>


po zhes bya ba yod de/ de na de bzhin gshegs pa sems can thams cad kyi don rgya mtsho rnam par snang mdzad ces bya ba bzhugs shing 'tsho gzhes te/ thog mar yang dge /bar du yang dge /tha mar yang dge ba'i chos/ don bzang po/ yi ge bzang po/ dag pa/ yongs su gsal ba/ yongs su byang ba/ tshangs pa'i spyod pa yang dag par ston cing / byang chub sems dpa' 'jig rten gyi khams rgya mtsho bcu'i rdul shin tu phra ba snyed la rab tu ston pa mdzad de/ de bzhin gshegs pa sems can thams cad kyi don gang chen mtsho rnam par snang mdzad de'i gnas kyi yon tan rnam par phye ba rgya mtsho ji snyed cig mnga' ba dang / sangs rgyas kyi zhing gi yon tan rnam par phye ba rgya mtsho ji snyed cig mnga' ba dang / sku tshe'i yon tan rnam par phye ba rgya mtsho ji snyed cig mnga' ba dang / sems can yongs su smin par mdzad pa'i yon tan rgya mtsho ji snyed cig mnga' ba dang / sku yongs su bstan pa'i yon tan rnam par phye ba rgya mtsho ji snyed cig mnga' ba dang / chos bstan pa'i yon tan rnam par phye ba rgya mtsho ji snyed cig mnga' ba de dag ni/ sangs rgyas rgya mtsho 'jig rten gyi khams rgya mtsho bcu'i rdul shin tu phra ba snyed kyis dus gsum rgya mtsho 'jig rten gyi khams rgya mtsho bcu'i rdul shin tu phra ba snyed du gsungs te bstan kyang zad par mi rung ngo / /'jig rten gyi khams rgya mtsho </font><hr>Ka246a<br><font size=+1>


@#/ /'jig rten gyi khams rgya mtsho thams cad kyi gnas kyi snying po zhes bya ba de ni 'khor los bsgyur ba'i rgyal po rin chen mang po zhes bya ba 'jig rten gyi khams rgya mtsho bcu'i rdul shin tu phra ba snyed kyi 'jig rten gyi khams rgya mtsho'i bdag po lha dang mi'i dbang po yod de/ 'jig rten gyi khams rgya mtsho de dag re re zhing yang 'jig rten gyi khams rgya mtsho bcu'i rdul shin tu phra ba snyed kyi 'jig rten gyi khams rgya mtsho'i 'khor dang ldan pa sha stag go/ 'khor los bsgyur ba'i rgyal po rin po che mang po de'i 'jig rten gyi khams rgya mtsho re re na yang rin po che rgya mtsho 'jig rten gyi khams rgya mtsho bcu'i rdul shin tu phra ba snyed yod de/ 'di ltar sangs rgyas kyi spyan rin po che rgya mtsho dang / de bzhin du sangs rgyas kyi snyan dang / shangs dang / ljags dang / sku dang / thugs rin po che rgya mtsho dang / sangs rgyas kyi gzugs dang / sgra dang / dri dang / ro dang / reg bya dang / sangs rgyas kyi chos rin po che rgya mtsho dang / thams cad kyis blta na yid du 'ong ba'i bud med rin po che rgya mtsho dang / don thams cad sgrub pa'i khyim bdag rin po che rgya mtsho dang / kun tu rnam par phye ba'i blon po rin po che rgya mtsho dang / nam mkha'i mtha' klas pa'i rta rin po che rgya mtsho dang / yid bzhin du 'gro ba'i glang po rin po che rgya mtsho dang / chos kyi dbyings </font><hr>Ka246b<br><font size=+1>


rdo rje'i lte ba can gyi 'khor lo rin po che rgya mtsho dang / kun tu snang bar byed pa'i yid bzhin gyi nor bu rin po che rgya mtsho dang / nam mkha' rgyan gyis 'gengs pa'i gdugs rin po che rgya mtsho dang / rang bzhin gyis dri ma med pa'i gos rin po che rgya mtsho dang / zla ba'i 'od zer lta bu'i rdul yab rin po che rgya mtsho dang / shes rab kyi lam gyi rin po che rgya mtsho dang / 'jig rten thams cad kyis bltar mi mthong ba'i spyi gtsug bsgribs pa med pa rin po che rgya mtsho dang / thams cad du 'gro ba'i lha ma rin po che rgya mtsho dang / ting nge 'dzin dang mnyam par bzhag pa thams cad kyi mdzod du gyur pa'i ting nge 'dzin rin po che rgya mtsho dang / chos gang chen mtsho thams cad kyi klong dang ldan pa'i gzungs rin po che rgya mtsho dang / de ltar de dag la sogs pa 'jig rten gyi khams rgya mtsho re re na yang rin po che rgya mtsho 'jig rten gyi khams rgya mtsho bcu'i rdul shin tu phra ba snyed yod de/ rin po che rgya mtsho de dag la rin po che ji snyed cig yod pa de dag las rin po che re re zhing yang las 'jig rten gyi khams rgya mtsho bcu'i rdul shin tu phra ba snyed byed pa sha stag go/ 'khor los bsgyur ba'i rgyal po rin chen mang po de la bu rgya mtsho kun kyang mi chen po'i mtshan rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ 'od chen po'i rgyan rgya mtsho </font><hr>Ka247a<br><font size=+1>


@#/ /'jig rten gyi khams rgya mtsho bcu'i rdul shin tu phra ba snyed dang ldan pa/ lus dpe byad bzang po rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu gsal bar brgyan pa/ phas kyi rgol ba'i sde 'jig rten gyi khams rgya mtsho bcu'i rdul shin tu phra ba snyed rab tu 'joms pa/ sa bcu rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ dpa' bar 'gro ba'i ting nge 'dzin rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob pa| snying po byang chub kyi rgyan rnam par phye ba'i ting nge 'dzin rgya mtsho 'jig rten gyi khams rgya mtsho bcu'i rdul shin tu phra ba snyed yongs su gnon pa la mkhas pa/ 'jig rten gyi khams rgya mtsho bcu'i rdul shin tu phra ba snyed yod do/ /'khor los bsgyur ba'i rgyal po rin chen mang po de la bu mo rgya mtsho kun kyang byang chub sems dpa' kun tu bzang po 'jig rten gyi khams rgya mtsho bcu'i rdul shin tu phra ba snyed kyis sprul pa'i bud med rin po che dang 'dra bar yid kyi lus 'jig rten gyi khams rgya mtsho bcu'i rdul shin tu phra ba snyed dang ldan pa/ srid pa'i lam gyi rgyud kyi 'khor lo sna tshogs rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ byang chub kyi sems bla </font><hr>Ka247b<br><font size=+1>


na med pa rgya mtsho 'jig rten gyi khams rgya mtsho bcu'i rdul shin tu phra ba snyed kyi mgo dang ldan pa/ chos kyi dbyings nam mkha' rgya mtsho 'jig rten gyi khams rgya mtsho bcu'i rdul shin tu phra ba snyed kyi 'phral ba dang ldan pa/ bsam pa dang lhag pa'i bsam pa 'jig rten gyi khams rgya mtsho bcu'i rdul shin tu phra ba snyed kyi smin tshugs can/ shes rab dang ye shes yangs pa rgya mtsho 'jig rten gyi khams rgya mtsho bcu'i rdul shin tu phra ba snyed kyi mig dang ldan pa/ de bzhin gshegs pa thams cad las thos pa 'dzin pa 'jig rten gyi khams rgya mtsho bcu'i rdul shin tu phra ba snyed kyi rna ba yid du 'ong ba dang ldan pa/ sdom pa chen po yang dag par blangs pa rgya mtsho 'jig rten gyi khams rgya mtsho bcu'i rdul shin tu phra ba snyed kyi sna legs pa dang ldan pa/ chos rgya mtsho rab tu sgrog pa rgya mtsho 'jig rten gyi khams rgya mtsho bcu'i rdul shin tu phra ba snyed kyi lce dang ldan pa/ chos kyi dbyings mtha' gnyis yongs su spangs pas 'dzum par dgod pa rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ byams pa chen po dang / snying rje chen po 'jig rten gyi khams rgya mtsho bcu'i rdul shin tu phra ba snyed kyi lag pa dang ldan pa/ sems can thams cad kyi don yongs su sgrub pas mi ngoms pa rgya mtsho 'jig rten gyi khams rgya mtsho bcu'i rdul shin tu phra ba snyed kyi snying dang ldan pa/ </font><hr>Ka248a<br><font size=+1>


@#/ /bsod nams dang ye shes kyi tshogs rgya mtsho 'jig rten gyi khams rgya mtsho bcu'i rdul shin tu phra ba snyed kyi nu ma legs pa dang ldan pa/ chos zab mo sna tshogs rgya mtsho 'jig rten gyi khams rgya mtsho bcu'i rdul shin tu phra ba snyed kyi lte ba dang ldan pa/ dmigs pa thams cad yongs su gsal ba'i mthar thug pa rgya mtsho 'jig rten gyi khams rgya mtsho bcu'i rdul shin tu phra ba snyed rjes su rtogs pa dang ldan pa/ rdo rje lta bu'i ting nge 'dzin yangs shing mi shigs la brtan pa/ 'jig rten gyi khams rgya mtsho bcu'i rdul shin tu phra ba snyed kyi sta zur dang ldan pa/ 'jig rten pa dang 'jig rten las 'das pa thams cad rim gyis legs par 'brel ba rgya mtsho 'jig rten gyi khams rgya mtsho bcu'i rdul shin tu phra ba snyed kyi rkang pa dang ldan pa/ byang chub kyi yan lag gi me tog sna tshogs kyi dra ba dang / phreng ba rgya mtsho 'jig rten gyi khams rgya mtsho bcu'i rdul shin tu phra ba snyed mdzes par thogs pa/ sangs rgyas dang / byang chub sems dpa' dang / nyan thos dang / rang sangs rgyas kyi rnam par thar pa'i gos rgya mtsho 'jig rten gyi khams rgya mtsho bcu'i rdul shin tu phra ba snyed shin tu bzang par gyon pa/ sangs rgyas thams cad kyi chos kyi rgyan rgya mtsho 'jig rten gyi khams rgya mtsho bcu'i rdul shin tu phra ba snyed kyis legs par </font><hr>Ka248b<br><font size=+1>


brgyan pa/ de bzhin gshegs pa'i tshul khrims dri zhim pa rgya mtsho 'jig rten gyi khams rgya mtsho bcu'i rdul shin tu phra ba snyed kyi spos kyis lus shin tu byugs pa/ dga' ba'i rgyan dang / thabs mkhas pa rgya mtsho 'jig rten gyi khams rgya mtsho bcu'i rdul shin tu phra ba snyed kyi pha rol tu phyin pa'i mchog thob pa 'jig rten gyi khams rgya mtsho bcu'i rdul shin tu phra ba snyed yod de/ de dag gi kha nas ye shes kyi rjes su 'brang ba'i chos rgya mtsho bcu'i rdul shin tu phra ba snyed 'byung ngo / /de dag gi lus kyi ba spu'i bu ga thams cad nas kyang snying rje'i rjes su 'brang ba'i tsan+dan gyi spos rgya mtsho 'jig rten gyi khams rgya mtsho bcu'i rdul shin tu phra ba snyed 'byung ngo / /spos rgya mtsho de dag gi dri zhim pos kyang 'jig rten gyi khams rgya mtsho bcu'i rdul shin tu phra ba snyed kyis 'jig rten gyi khams rgya mtsho mang po yongs su rgyas par 'gengs te/ de dag gi dga' ba'i rgyan dang thabs mkhas pa rgya mtshos 'dul ba'i sems can rgya mtsho gang ji snyed cig yod pas dri zhim po rgya mtsho de dag tshor bar gyur pa de dag thams cad kyang de bzhin gshegs pa'i tshul khrims dri zhim po rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /sems can gang dga' ba'i rgyan dang / thabs mkhas pa rgya mtshos 'dul ba de dag gis gzugs kyi </font><hr>Ka249a<br><font size=+1>


@#/ /yon tan rnam par phye ba rgya mtsho de dag mthong ba de thams cad kyang de bzhin gshegs pa'i shes rab dang / ye shes kyi sku rnam par dag pa yongs su ston pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang gis dbyangs rgya mtsho thos par gyur pa de dag thams cad kyang de bzhin gshegs pa thams cad las thos pa yongs su 'dzin pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang gis lag nas bzung ba de dag thams cad kyang byams pa chen po dang / snying rje chen po rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang gis mthong la reg pa de dag thams cad kyang bsod nams dang ye shes sna tshogs kyi tshogs kyi tshogs kyi tshogs rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang dang stan gcig la lhan cig tu 'khod pa de dag thams cad kyang snying po byang chub kyi seng+ge'i khri rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas par 'gyur ro/ / gang gi kha dang khar phrad par byas pa de dag thams cad kyang rnam par thar pa'i sgo rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang gis </font><hr>Ka249b<br><font size=+1>


bang du 'khyud pa de dag thams cad kyang de bzhin gshegs pa'i chos kyi sku mnyam pa nyid rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang dang chos kyi dbyings su brtan par gyur pa de dag thams cad kyang 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed na sems can gyi khams rgya mtsho gang ji snyed yod pa de dag thams cad kyi bsam pa yongs su dag pa rgya mtsho la de bzhin gshegs pa'i byin gyi rlabs 'jig rten gyi khams rgya mtsho bcu'i rdul shin tu phra ba snyed rab tu 'thob pa dang / yongs su dag pa dang / yongs su rdzogs par 'gyur bar sa bon rgya mtsho rab tu 'debs so/ /de nas 'khor los bsgyur ba'i rgyal po rin chen mang po des yang dag par bskul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu phra ba snyed thams cad du khyab pa'i rna ba rgya mtshos thos nas rdzu 'phrul gyi stobs rgya mtsho chags pa med cing bsgribs pa med pas/ de bzhin gshegs pa sems can thams cad kyi don gang chen mtsho rnam par snang mdzad gang na ba der song ste phyin nas bcom ldan 'das de'i zhabs gnyis la mgo rgya mtsho'i spyi bos btud de phyag 'tshal nas chos kyi dbyings rab tu sgrog pa'i lce'i dbang po rgya mtshos zhu ba yongs su zhus pa/ bcom ldan 'das de ltar </font><hr>Ka250a<br><font size=+1>


@#/ /yang dag par skul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu phra ba snyed byung ba de su'i mthu las byung ba lags /de skad ces gsol ba dang / de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to// rgyal po chen po/ 'di nas nub phyogs logs su 'jig rten gyi khams rgya mtsho bcu'i rdul shin tu phra ba snyed 'das pa na 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa zhes bya ba yod de/ de na de bzhin gshegs pa ye shes gang chen mtsho rnam par snang mdzad ces bya ba da ltar bzhugs shing 'tsho skyong ngo / /chos ston to/ /yang dag par skul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu phra ba snyed byung ba 'di yang de'i mthus byung ngo / /de nas rgyal po rin chen mang pos de bzhin gshegs pa sems can thams cad kyi don gang chen mtsho rnam par snang mdzad la 'di skad ces gsol to/ /bcom ldan 'das| bdag kyang 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der de bzhin gshegs pa ye shes gang chen mtsho rnam </font><hr>Ka250b<br><font size=+1>


par snang mdzad kyi zhal blta ba dang / de la phyag bgyi ba dang / mchod pa dang / bsnyen bkur ba dang / chos mnyan pa'i slad du mchi'o/ /de skad ces gsol pa dang / bcom ldan 'das de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to/ /rgyal po chen po/ de'i dus la dbab par shes na 'gro la rag ste/ rgyal po chen po/ 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der ni/ 'gro bar dka' ste/ der 'gro ba dang / de bzhin gshegs pa de'i zhal blta ba dang / de la phyag bya ba dang / bsnyen bkur ba dang / chos mnyan par ni/ de bzhin gshegs pa'i byin gyi rlabs ma gtogs par byang chub sems dpa' ting nge 'dzin snying po byang chub kyi rgyan rnam par phye ba'i snying po rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pas kyang bde blag tu bya bar sla ba ma yin gyi/ rgyal po chen po/ de lta ma yin pa'i 'jig rten gyi khams rgya mtsho sa mtshams bzang po'i dbyangs zhes bya ba zhig yod de| de khyod kyis sngon chad mthong ngam/ 'jig rten gyi khams rgya mtsho de phyogs ni/ gang na 'dug/ 'jig rten gyi khams rgya mtsho de 'di nas ni/ nye 'am ring / de na da ltar de bzhin </font><hr>Ka251a<br><font size=+1>


@#/ /gshegs pa ni/ gang zhig bzhugs shing 'tsho gzhes pa dang / chos ston pa mdzad pa shes sam/ rgyal po rin chen mang pos gsol pa/ bcom ldan 'das| bdag gis 'jig rten gyi khams rgya mtsho de mthong ba'am/ 'jig rten gyi khams rgya mtsho de phyogs gang na mchis pa dang / 'jig rten gyi khams rgya mtsho de 'di nas ni/ nye ba'am ring zhig na mchis pa dang / da ltar de na de bzhin gshegs pa gang bzhugs pa dang / 'tsho gzhes shing chos ston pa ni/ smos su yang ma mchis te/ 'jig rten gyi khams rgya mtsho de ni/ sngon chad bdag gis ma thos so/ /de nas de bzhin gshegs pa sems can gyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to/ /rgyal po chen po/ 'jig rten gyi khams rgya mtsho de phyogs gang na yod pa dang / 'jig rten gyi khams rgya mtsho de 'di nas ji srid pa dang / de na da ltar de bzhin gshegs pa gang bzhugs shing 'tsho gzhes pa dang / chos ston pa legs par soms shig /de nas rgyal po rin chen mang pos 'jig rten gyi khams rgya mtsho thams cad du yongs su gzhol ba'i ting nge 'dzin rgya mtsho la sogs pa ting nge 'dzin rgya mtsho 'jig rten gyi khams rgya mtsho bcu'i rdul shin tu phra ba snyed la mnyam par bzhag kyang 'jig </font><hr>Ka251b<br><font size=+1>


rten gyi khams rgya mtsho de phyogs gang na yod pa dang / 'jig rten gyi khams rgya mtsho de 'di nas nye'am ring ba dang / de na da ltar de bzhin gshegs pa gang bzhugs shing 'tsho gzhes pa dang / chos ston pa yang ma shes te/ 'jig rten gyi khams rgya mtsho de'i mtshan ma tsam yang ma mthong ngo / /de nas rgyal po rin chen mang po ting nge 'dzin rgya mtsho de dag las langs te| de bzhin gshegs pa sems can thams cad kyi don gang chen mtsho rnam par snang mdzad de la 'di skad ces gsol to/ /bcom ldan 'das/ bdag gis 'jig rten gyi khams rgya mtsho de mthong ba'am/ 'jig rten gyi khams rgya mtsho de phyogs gang na mchis pa dang / 'jig rten gyi khams rgya mtsho de 'di nas ring ba'am nye ba dang / de bzhin gshegs pa gang zhig da ltar de na bzhugs shing 'tsho gzhes pa dang / chos ston pa lta smos kyang ci 'tshal te/ bdag gis 'jig rten gyi khams rgya mtsho de'i mtshan ma tsam yang ma mthong ngo / / de nas de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to/ /de lta bas na/ rgyal po chen po/ rnam grangs des kyang 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der ni/ de bzhin gshegs pa'i byin </font><hr>Ka252a<br><font size=+1>


@#/ /gyi rlabs ma gtogs par ting nge 'dzin snying po byang chub kyi rgyan rnam par phye ba'i snying po rgya mtsho 'jig rten gyi khams rgya mtsho bcu'i rdul shin tu phra ba snyed la gnas pa'i byang chub sems dpa' rgya mtshos kyang 'gro bar bya ba'am/ de bzhin gshegs pa blta ba'am/ de la phyag bya ba'am/ bsnyen bkur ba'am/ de las chos mnyan pa bde blag ma yin par shes par gyis shig/ de nas rgyal po rin chen mang pos de bzhin gshegs pa sems can thams cad kyi don gang chen mtsho rnam par snang mdzad la 'di skad ces gsol to/ /bcom ldan 'das/ bstan du gsol/ 'jig rten gyi khams rgya mtsho de ni/ phyogs gang na mchis/ 'jig rten gyi khams rgya mtsho de 'di nas ni/ thag ji srid cig na mchis/ de bzhin gshegs pa ni/ gang zhig da ltar de na bzhugs shing 'tsho gzhes pa dang / chos ston pa bstan du gsol/ /de nas de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to/ /rgyal po chen po/ 'jig rten gyi khams 'di'i nub phyogs logs kyi sa mtshams kyi mtha' 'di nas 'jig rten gyi khams rgya mtsho 'jig rten gyi khams klong gi rdul shin tu phra ba snyed 'das pa na 'jig rten gyi khams </font><hr>Ka252b<br><font size=+1>


rgya mtsho sa mtshams bzang po'i dbyangs zhes bya ba yod de/ de na de bzhin gshegs pa spyod pa thams cad dang mi mthun pa'i phyogs yang dag par sgrub pa'i gang chen mtsho rnam par snang mdzad ces bya ba da ltar bzhugs shing 'tsho gzhes so/ /chos kyang ston to/ /de nas de skad ces bka' stsal kyang rgyal po rin chen mang pos 'jig rten gyi khams rgya mtsho de ma shes ma mthong nas 'di snyam du bsam mo/ /ji ga 'jig rten gyi khams rgya mtsho de de ltar nye na 'ang bdag la mthu'i khyad par med na/ de bas ring ba lta ci smos snyam nas de ltar rjes su bsam ste/ de'i tshe de bzhin gshegs pa'i byin gyi rlabs legs par len pa'i ting nge 'dzin kun tu bsgribs pa med pa la sogs pa ting nge 'dzin rgya mtsho 'jig rten gyi khams rgya mtsho bcu'i rdul shin tu phra ba snyed la mnyam par bzhag go/ de ltar mnyam par bzhag pa'i mod la rgyal po rin chen mang po la de'i tshe 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed na sangs rgyas rgya mtsho gang ji snyed bzhugs pa de dag thams cad kyis de bzhin gshegs pa'i byin gyi rlabs rgya mtsho 'jig rten gyi khams rgya mtsho bcu'i rdul shin tu phra ba snyed kyis byin gyis brlabs pa mdzad do/ /sangs rgyas bcom ldan 'das de dag gis de ltar rgyal po rin chen mang po </font><hr>Ka253a<br><font size=+1>


@#/ /la byin gyis brlabs pa mdzad ma thag tu de'i mod la 'jig rten gyi khams rgya mtsho sa mtshams bzang po'i dbyangs dang / de bzhin gshegs pa spyod pa thams cad dang mi mthun pa'i phyogs yang dag par sgrub pa'i gang chen mtsho rnam par snang mdzad dang / 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa dang / de bzhin gshegs pa ye shes gang chen mtsho rnam par snang mdzad dang / de ma yin pa'i 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed dag na sangs rgyas rgya mtsho gang ji snyed bzhugs pa de dag thams cad de bzhin gshegs pa thams cad kyi ye shes kyi stobs dam pa rgya mtsho la sogs pa ye shes rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu shes so/ /dus gsum kun tu lta ba rnam par rgyu ba rgya mtsho la sogs pa mig rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu mthong ste/ 'di ltar dper na/ lag mthil du skyu ru ra'i 'bras bu bzhag pa'am/ me long shin tu gsal ba'i dkyil 'khor la ngo snang ba bzhin no/ /de nas rgyal po rin chen mang pos ting nge 'dzin rgya mtsho de dag las langs te de bzhin </font><hr>Ka253b<br><font size=+1>


gshegs pa sems can thams cad kyi don gang chen mtsho rnam par snang mdzad la yang gsol pa/ bcom ldan 'das/ bdag 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der de bzhin gshegs pa ye shes gang chen mtsho rnam par snang mdzad kyi zhal blta ba dang / de la phyag bgyi ba dang / mchod pa dang / bsnyen bkur ba dang / chos mnyan pa'i slad du mchi'o/ /de nas de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po de la 'di skad ces bka' stsal to/ /rgyal po chen po/ de'i dus la dbab par shes na song la byang chub sems dpa' 'dul ba'i skyes bu rgya mtsho 'jig rten gyi khams rgya mtsho bcu'i rdul shin tu phra ba snyed 'di dag kyang bcom ldan 'das ye shes gang chen mtsho rnam par snang mdzad de la phul cig /de nas rgyal po rin chen mang po byang chub sems dpa' rgya mtsho 'jig rten gyi khams rgya mtsho bcu'i rdul shin tu phra ba snyed po de dag dang / bu rgya mtsho 'jig rten gyi khams rgya mtsho bcu'i rdul shin tu phra ba snyed po de dag dang lhan cig ste/ bu re re zhing ni| 'jig rten gyi khams rgya mtsho'i 'khor los bsgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig/ 'jig rten gyi khams rgya mtsho'i </font><hr>Ka254a<br><font size=+1>


@#/ /'khor los bsgyur ba rgya mtsho re re zhing ni/ 'jig rten gyi khams ri rab kyi 'khor los bsgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig /'jig rten gyi khams ri rab kyi 'khor los bsgyur ba rgya mtsho re re zhing ni/ stong gsum gyi stong chen po'i 'jig rten gyi khams kyi 'khor los bsgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig/ stong gsum gyi stong chen po'i 'jig rten gyi khams kyi 'khor los bsgyur ba rgya mtsho re re zhing ni/ stong gnyis kyi 'jig rten gyi khams kyi 'khor los bsgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig /stong gi 'jig rten gyi khams kyi 'khor los bsgyur ba rgya mtsho re re zhing ni/ gling bzhi pa'i 'jig rten gyi 'khor los bsgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig/ gling bzhi pa'i 'jig rten gyi khams kyi 'khor los bsgyur ba rgya mtsho re re zhing ni/ gling gcig gi 'khor los bsgyur brgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig / gling gcig gi 'khor los bsgyur ba rgya mtsho re re zhing ni/ khams kyi rgyal po 'jig rten gyi khams rgya mtsho bcu'i </font><hr>Ka254b<br><font size=+1>


rdul shin tu phra ba snyed dang lhan cig/ khams kyi rgyal po rgya mtsho re re zhing ni/ mi'i 'jig rten gyi khams rgya mtsho bcu'i rdul shin tu phra ba snyed dang lhan cig tu 'dong bar chas pa dang / 'khor los bsgyur ba'i rgyal po rin chen mang po de'i chung ma'i 'khor rgya mtsho dang / bu mo rgya mtsho 'jig rten gyi khams rgya mtsho bcu'i rdul shin tu phra ba snyed po de dag gis 'di skad ces smras te/ lha'i zhal snga nas gsan du gsol/ bdag cag kyang 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der de bzhin gshegs pa ye shes gang chen mtsho rnam par snang mdzad de'i zhal blta ba dang / de la phyag bgyi ba dang / mchod pa dang / bsnyen bkur ba dang / chos mnyan pa'i slad du mchi bar gsol lo/ /de skad ces smras pa dang / rgyal po rin chen mang pos chung ma'i 'khor rgya mtsho de dag dang / bu mo rgya mtsho de dag la 'di skad ces smras so/ /ci ste khyed sangs rgyas rgya mtsho'i zhal blta ba ni/ don du mi gnyer/ chos rgya mtsho mnyan pa ni/ tshol bar mi byed/ dge 'dun rgya mtsho bsnyen bkur ba ni/ don du mi gnyer/ sangs rgyas kyi byang chub rgya mtsho mngon par rdzogs par 'tshang rgya ba ni/ tshol bar mi byed/ rang sangs rgyas kyi byang chub rgya mtsho mngon par rdzogs par 'tshang rgya ba ni/ don du mi gnyer/ nyan thos kyi byang chub rgya mtsho mngon par rdzogs </font><hr>Ka255a<br><font size=+1>


@#/ /par 'tshang rgya ba ni/ don du mi gnyer/ yul rgya mtsho 'di nas ni/ 'gro bar 'dod pa med/ yul rgya mtsho gzhan du ni/ 'gro bar 'dod pa med la/ gal te khyed sangs rgyas dang / byang chub sems dpa' dang / nyan thos dang / rang sangs rgyas thams cad dang / chos kyi dbyings la gnas par gyur te/ 'dod chags dang bcas pa'am/ 'dod chags dang bral ba la yang mi gnas/ sems can thams cad gsod phod kyang zhe sdang ngam/ byams pa la mi gnas/ mu stegs can thams cad kyi lta ba rgya mtsho la 'jug cing spyod kyang log pa'i ye shes sam/ yang dag pa'i ye shes la mi gnas/ chos thams cad kyi tshig rab tu dbye ba bstan pa yang ston la/ chos kyi dbyings las kyang mi g.yo zhe na/ deng la rag go/ 'khor los bsgyur ba'i rgyal po rin chen mang po des bstan pa 'di shin tu bstan pa'i tshe chung ma'i 'khor rgya mtsho de dag dang / bu mo rgya mtsho de dag las chung ma re re dang / bu mo re res kyang mig gi khams re res chos kyi dbyings thams cad la dbang bsgyur ba'i sangs rgyas kyi sa rgya mtsho la sogs pa sangs rgyas kyi sa rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob par gyur to/ /rna ba'i khams re res kyang nam mkha' khong du chud pa'i sa rgya mtsho la sogs pa byang </font><hr>Ka255b<br><font size=+1>


chub sems dpa'i sa 'jig rten gyi khams rgya mtsho bcu'i rdul shin tu phra ba snyed rab tu thob par gyur to/ /sna'i khams re res kyang gcig la brten pa'i sa rgya mtsho la sogs pa rang sangs rgyas kyi sa 'jig rten gyi khams rgya mtsho bcu'i rdul shin tu phra ba snyed rab tu thob par gyur to/ /lce'i khams re res kyang sgra'i rjes su 'gro ba'i sa rgya mtsho la sogs pa nyan thos kyi sa 'jig rten gyi khams rgya mtsho bcu'i rdul shin tu phra ba snyed rab tu thob bo/ /lus kyi khams re res kyang pha rol tu phyin pa dri ma med pa rgya mtsho la sogs pa pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob bo/ /yid kyi khams re res kyang sa'i dbang po'i stobs rgya mtsho la sogs pa stobs rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob bo/ /de nas rgyal po rin chen mang po'i chung ma rgya mtsho de dag dang / bu mo rgya mtsho de dag gis theg pa chen po'i tshul rgya mtsho 'jig rten gyi khams rgya mtsho bcu'i rdul shin tu phra ba snyed kyi gting rnyed nas spyod pa rgya mtsho 'jig rten gyi khams rgya mtsho bcu'i rdul shin tu phra ba snyed la gzhan gyi dring mi 'jog par byas te/ rgyal po rin chen mang po la tshigs su bcad de smras pa/ bdag cag kun gyis sangs rgyas rgya mtsho mthong / /yongs su mchod de bsnyen bkur zhu ba bgyis/ /'on kyang 'di 'dra rgya mtsho'i chos ma </font><hr>Ka256a<br><font size=+1>


@#/ /thos| |sa mang rgya mtsho 'di dag thob ma gyur/ /da ni sangs rgyas 'phrin las sgrub pa yi/ /sa mang rgya mtsho'i mig kyang thob par gyur/ /byang chub don du phyogs rnams kun dbyings su/ /rna bas spyod pa dam pa spyad par bgyi/ /sna yi khams kyis rang rgyal sa thob ste/ /rten 'brel 'byung ba'i chos rnams rtogs par gyur// lces kyang nyan thos sa mang rgya mtsho thob/ /des ni zhi ba'i bde ba tshor bar gyur/ /lus kyis sa mang rgya mtsho thob pas na/ /sgrub pa sna tshogs rab tu bsgrub par bgyi/ /yid kyis dus gsum chos mang rgya mtsho rnams/ /'tshal bar gyur pas gzhan la bstan par bgyi/ /shin tu rgyas pa chen po'i mdo/ sangs rgyas phal po che zhes bya ba las/ de bzhin gshegs pa phal po che'i le'u ste/ bcu gcig go/ //bam po bco lnga pa/ bcom ldan 'das thog ma mngon par sangs rgyas pa ma ga d+ha'i chos kyi dgon pa'i snying po byang chub na bzhugs te/ blo shin tu rnam par dag pa mi gnyis pas yang dag par spyod pa/ chos mtshan nyid med pa la shin tu gzhol ba/ sangs rgyas kyi rnam par spyod pas sangs rgyas thams cad dang mnyam pa nyid brnyes pa/ bsgribs pa med pas rtogs par thugs su chud pa/ phyir mi ldog pa'i chos can spyod yul 'phrog pa med </font><hr>Ka256b<br><font size=+1>


pa| rnam par dgod pa bsam gyis mi khyab pa dus gsum mnyam pa nyid la shin tu byung ba/ pho brang kun tu 'od na seng+ge'i khri pad+mo'i snying po can la bzhugs te/ byang chub sems dpa' sangs rgyas kyi zhing bcu'i rdul shin tu phra ba snyed kun kyang skye ba gcig gis thogs pa/ 'jig rten gyi khams gzhan nas 'dus pa/ sems can gyi khams la dpyod pa/ chos kyi dbyings la dpyod pa/ 'jig rten gyi khams la dpyod pa/ mya ngan las 'das pa'i dbyings la dpyod pa/ las kyi rnam par smin pa la dpyod pa/ bsam pa'i rgyud la dpyod pa/ don dang yi ge la dpyod pa/ 'jig rten pa dang 'jig rten las 'das pa la dpyod pa/ 'dus byas dang 'dus ma byas pa la dpyod pa/ 'das pa dang / ma 'ongs pa dang / da ltar byung ba la dpyod pa sha stag dang thabs cig go /de nas byang chub sems dpa' de dag 'di snyam du sems te/ bcom ldan 'das kyis bdag cag la thugs brtse bar dgongs te byang chub sems dpa' rnams kyi bsam pa ji lta ba bzhin du sangs rgyas kyi zhing yongs su bstan kyang rung / sangs rgyas kyi spyod pa yongs su bstan kyang rung / sangs rgyas kyi zhing gi rgyan yongs su bstan kyang rung / sangs rgyas kyi chos nyid yongs su bstan kyang rung / sangs rgyas kyi zhing yongs su dag pa bstan kyang rung / sangs rgyas kyi chos bshad pa yongs su bstan kyang rung / sangs rgyas kyi zhing gi </font><hr>Ka257a<br><font size=+1>


@#/ /rang bzhin yongs su bstan kyang rung / sangs rgyas kyi mthu yongs su bstan kyang rung / sangs rgyas kyi zhing gi rgyan yongs su bstan kyang rung / sangs rgyas kyi byang chub yongs su bstan kyang rung / phyogs bcu'i 'jig rten gyi khams su sangs rgyas bcom ldan 'das rnams kyis byang chub sems dpa'i rnam par bkod pa bcu ji ltar rnam par bkod pa de dag yongs su bstan kyang rung / byang chub sems dpa'i spyod pa bcu yongs su bstan kyang rung / byang chub sems dpa'i tshad med pa bcu yongs su bstan kyang rung / byang chub sems dpa'i gter rnams yongs su bstan kyang rung / byang chub sems dpa'i sa rnams yongs su bstan kyang rung / byang chub sems dpa'i smon lam rnams yongs su bstan kyang rung / byang chub sems dpa'i ting nge 'dzin bcu rnams yongs su bstan kyang rung / byang chub sems dpa'i rnam par 'phrul pa bcu yongs su bstan kyang rung / byang chub sems dpa'i mgo bcu yongs su bstan kyang rung / byang chub sems dpa' thams cad yang dag par 'byung ba'i phyir de bzhin gshegs pa'i gdung mi gcad pa dang / sems can thams cad yongs su bskyab pa dang / 'jig rten gyi khams thams cad nye bar nyon mongs pa med par bya ba dang / 'du byed thams cad yongs su shes </font><hr>Ka257b<br><font size=+1>


par bya ba dang / chos thams cad yang dag par bstan par bya ba dang / kun nas nyon mongs pa thams cad rnam par dag par bya ba dang / the tshom thams cad yongs su gcad pa dang / nem nur thams cad shin tu gsal ba dang / gnas thams cad rab tu gzhom par bya ba'i phyir gong du de bzhin gshegs pa'i sa bstan kyang rung / gong du de bzhin gshegs pa'i yul bstan kyang rung / gong du de bzhin gshegs pa'i byin gyi rlabs bstan kyang rung / gong du de bzhin gshegs pa'i spyod yul bstan kyang rung / gong du de bzhin gshegs pa'i stobs bstan kyang rung / gong du de bzhin gshegs pa'i mi bsnyengs pa bstan kyang rung / gong du de bzhin gshegs pa'i ting nge 'dzin bstan kyang rung / gong du de bzhin gshegs pa'i rdzu 'phrul bstan kyang rung / gong du de bzhin gshegs pa'i mnga' chen po bstan kyang rung / gong du de bzhin gshegs pa'i mi 'phrog pa bstan kyang rung / gong du de bzhin gshegs pa'i spyan bstan kyang rung / gong du de bzhin gshegs pa'i snyan bstan kyang rung / gong du de bzhin gshegs pa'i shangs bstan kyang rung / gong du de bzhin gshegs pa'i ljags bstan kyang rung / gong du de bzhin gshegs pa'i sku bstan kyang rung / gong du de bzhin gshegs pa'i thugs bstan kyang rung / gong du de </font><hr>Ka258a<br><font size=+1>


@#/ /bzhin gshegs pa'i spobs pa bstan kyang rung / gong du de bzhin gshegs pa'i ye shes bstan kyang rung / gong du de bzhin gshegs pa'i khyu mchog gi mthu bstan kyang rung snyam pa dang / de nas bcom ldan 'das kyis byang chub sems dpa' de dag gi sems kyi yongs su rnam par rtog pa thugs kyis thugs su chud nas de bzhin gshegs pa'i rdzu 'phrul mngon par 'du bya ba mngon par 'du mdzad do/ /rdzu 'phrul gyi rnam pa de dag mngon par 'du mdzad pas shar phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams gser gyi mdog ces bya ba/ de bzhin gshegs pa rig byed mi g.yo pa'i sangs rgyas kyi zhing nas byang chub sems dpa' 'jam dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ shar phyogs su brten nas seng+ge'i khri pad+mo'i snying po can dag mngon par sprul te skyel mo krung bcas nas 'khod do/ /lho phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams kha dog yid du 'ong ba zhes bya ba/ de bzhin gshegs </font><hr>Ka258b<br><font size=+1>


pa rig byed mi bskyod pa'i sangs rgyas kyi zhing nas byang chub sems dpa' sangs rgyas dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ lho phyogs su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /nub phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams pad+mo'i mdog ces bya ba/ de bzhin gshegs pa rig byed bcings med kyi sangs rgyas kyi zhing nas byang chub sems dpa' nor dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ nub phyogs su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /byang phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams tsam pa ka'i mdog ces bya ba/ de bzhin gshegs pa rig byed kun spyod kyi sangs rgyas kyi zhing nas byang chub sems dpa' rin chen dpal byang chub sems dpa' sangs </font><hr>Ka259a<br><font size=+1>


@#/ /rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ byang phyogs su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /byang shar gyi phyogs mtshams su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams ut+pa la'i mdog ces bya ba/ de bzhin gshegs pa rig byed nyi ma'i sangs rgyas kyi zhing nas byang chub sems dpa' yon tan dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ byang shar gyi phyogs mtshams su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /shar lho'i phyogs mtshams su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams gser gyi mdog ces bya ba/ de bzhin gshegs pa rig byed mtha' rgal gyi sangs rgyas kyi zhing nas byang chub sems dpa' mig gi dpal byang chub sems dpa' sangs </font><hr>Ka259b<br><font size=+1>


rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ shar lho'i phyogs mtshams su brten nas seng+ge'i khri pad+mo'i snying po can dag mngon par sprul te/ skyil mo krung bcas nas 'khod do/ /lho nub kyi phyogs mtshams logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams rin po che'i mdog ces bya ba/ de bzhin gshegs pa rig byed dam pa'i sangs rgyas kyi zhing nas byang chub sems dpa' brtson 'grus dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ lho nub kyi phyogs mtshams su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ / nub byang gi phyogs mtshams su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams rdo rje'i mdog ces bya ba/ de bzhin gshegs pa rig byed dbang phyug gi sangs rgyas kyi zhing nas byang chub sems dpa' chos kyi dpal zhes bya ba byang chub sems dpa' sangs rgyas kyi zhing bcu'i rdul </font><hr>Ka260a<br><font size=+1>


@#/ /shin tu phra ba snyed dang lhan cig tu bcom ldan 'das gang na ba der song ste phyin nas bcom ldan 'das la phyag 'tshal te/ nub byang gi phyogs mtshams su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /'og gi phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams shel gyi mdog ces bya ba/ de bzhin gshegs pa rig byed tshangs pa'i dbang po'i sangs rgyas kyi zhing nas byang chub sems dpa' ye shes dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ 'og gi phyogs su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do| |steng gi phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams 'dra ba'i mdog ces bya ba| de bzhin gshegs pa rig byed sna tshogs kyi sangs rgyas kyi zhing nas byang chub sems dpa' bzang po'i dpal byang chub sems dpa' sangs rgyas kyi zhing bcu'i rdul </font><hr>Ka260b<br><font size=+1>


shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ steng gi phyogs su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /de nas byang chub sems dpa' 'jam dpal gyis sangs rgyas kyi byin gyi rlabs kyis byang chub sems dpa'i dge 'dun thams cad la bltas te 'di skad ces smras so/ /byang chub sems dpa' 'dus pa 'di dag ni/ ngo mtshar thob pa sha stag ste/ sangs rgyas bcom ldan 'das rnams kyi sangs rgyas kyi zhing ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi rnam par spyod pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi zhing gi rgyan ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi chos nyid ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi zhing yongs su dag pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi chos bstan pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi 'byung ba ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi zhing kun </font><hr>Ka261a<br><font size=+1>


@#/ /tu rgyu ba ni/ bsam gyis mi khyab bo/ /sangs rgyas bcom ldan 'das rnams kyi bla na med pa yang dag par rdzogs pa'i byang chub ni/ bsam gyis mi khyab ste/ de ci'i phyir zhe na/ 'di ltar sangs rgyas bcom ldan 'das rnams ni/ phyogs bcu'i 'jig rten gyi khams dag tu sems can 'dul ba rnams kyi bsam pa thugs su chud cing / nam mkha'i dbyings kyi mthas gtugs pa chos kyi dbyings kyis klas pa dag tu chos ston te/ de ci'i phyir zhe na/ kye rgyal ba'i sras dag/ 'jig rten gyi khams mi mjed 'di nyid dang / de ma yin pa'i gling bzhi pa gzhan dag na'ang sku gzhan dang gzhan/ mtshan gzhan dang gzhan/ kha dog dang dbyibs gzhan dang gzhan/ chu zheng gzhan dang gzhan| sku tshe'i tshad gzhan dang gzhan/ skye mched brnyes pa gzhan dang gzhan/ dbang po brnyes pa gzhan dang gzhan/ 'byung ba'i skye mched gzhan dang gzhan/ sku gzugs gzhan dang gzhan du de bzhin gshegs pa sems can rnams kyis rab tu shes so/ /de ci'i phyir zhe na/ kye rgyal ba'i sras dag/ 'jig rten gyi khams gling bzhi pa bcom pa dang ldan pa zhes bya ba 'di nyid na'ang de bzhin gshegs pa la don thams cad grub pa zhes bya bar rab tu shes so/ /zla ba'i dkyil 'khor zhes bya bar </font><hr>Ka261b<br><font size=+1>


rab tu shes so/ /seng+ge'i nga ro can zhes bya bar rab tu shes so/ /shAkya thub pa zhes bya bar rab tu shes so/ /drang srong dam pa'i mchog ces bya bar rab tu shes so/ /rnam par snang mdzad ces bya bar rab tu shes so/ /go'u ta ma'i rigs zhes bya bar rab tu shes so/ /dge sbyong chen po zhes bya bar rab tu shes so/ /rgyal ba dam pa zhes bya bar rab tu shes so/ / mu stegs byed ces bya bar rab tu shes te/ kye rgyal ba'i sras dag/ de dag la sogs pa 'jig rten gyi khams gling bzhi pa bcom pa dang ldan pa na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su shar phyogs logs na gling bzhi pa shin tu bsrungs pa zhes bya ba yod de/ de na de bzhin gshegs pa la rdo rje zhes bya bar rab tu shes so/ /dbang phyug ces bya bar rab tu shes so/ /blo gros mnga' ba zhes bya bar rab tu shes so/ / thub par dka' ba zhes bya bar rab tu shes so/ /sprin gyi rgyal po zhes bya bar rab tu shes so/ /nyon mongs pa med pa zhes bya bar rab tu shes so/ /skyabs mdzad pa zhes bya bar rab tu shes so/ /thugs dgyes pa zhes bya bar rab tu shes so/ /mtshungs pa med pa zhes bya bar rab tu shes so/ /tshig gcod pa zhes bya bar rab tu shes te/ kye rgyal ba'i sras dag/ </font><hr>Ka262a<br><font size=+1>


@#/ /de dag la sogs pa gling bzhi pa shin tu bsrungs pa zhes bya ba na de bzhin gshegs pa la mtshan stong phrag bcur sems can rnams kyis rab tu shes so| |kye rgyal ba'i sras dag/ gling bzhi pa 'di dang 'dabs chags su lho phyogs logs na gling bzhi pa bzod par dka' ba zhes bya ba yod de/ de na de bzhin gshegs pa la dbang po zhes bya bar rab tu shes so/ /nor grags zhes bya bar rab tu shes so/ /dri ma med pa zhes bya bar rab tu shes so/ /yang dag par gsung ba zhes bya bar rab tu shes so/ / 'dul ba zhes bya bar rab tu shes so/ /dgyes pa mnga' ba zhes bya bar rab tu shes so/ /rnam par grags pa zhes bya bar rab tu shes so/ /don mdzad pa zhes bya bar rab tu shes so| |mtha' yas pa zhes bya bar rab tu shes so/ /dpal dang ldan pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa bzod par dka' ba na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su nub phyogs logs na gling bzhi pa gnyen dang ldan pa zhes bya ba yod de/ de na de bzhin gshegs pa la chu'i lha zhes bya bar rab tu shes so/ /blta na dga' ba zhes bya bar rab tu shes </font><hr>Ka262b<br><font size=+1>


so| |rgyal po dam pa zhes bya bar rab tu shes so/ /seng+ge 'dul ba zhes bya bar rab tu shes so/ /bden pa'i blo gros zhes bya bar rab tu shes so/ /mtha' las 'das par gshegs pa zhes bya bar rab tu shes so/ /dgyes pa zhes bya bar rab tu shes so/ /chos kyi blo gros zhes bya bar rab tu shes so/ /'phrin las grub pa zhes bya bar rab tu shes so/ /mkhas pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa gnyen dang ldan pa zhes bya ba de na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag /gling bzhi pa 'di dang 'dabs chags su byang phyogs logs na gling bzhi pa seng+ge yod pa zhes bya ba yod de/ de na de bzhin gshegs pa la thub pa chen po zhes bya bar rab tu shes so/ /dka' thub kyis bsgrubs pa zhes bya bar rab tu shes so/ /zhing la dpa' ba zhes bya bar rab tu shes so/ /thams cad thugs su chud pa zhes bya bar rab tu shes so/ /yid bzang po zhes bya bar rab tu shes so/ /yongs su dag pa zhes bya bar rab tu shes so/ /shugs 'dzin zhes bya bar rab tu shes so| |lda ldi bzang po zhes bya bar rab tu shes so/ /brtul zhugs brnyes pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa seng+ge yod </font><hr>Ka263a<br><font size=+1>


@#/ /pa na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su byang shar gyi phyogs mtshams na gling bzhi pa rnam par brtsegs pa zhes bya ba yod de/ de na de bzhin gshegs pa la bdud rnam par 'joms pa zhes bya bar rab tu shes so/ /yang dag par 'byung ba zhes bya bar rab tu shes so/ /zhi ba zhes bya bar rab tu shes so/ /bzang po lha zhes bya bar rab tu shes so/ /'dod chags dang bral pa zhes bya bar rab tu shes so/ /blo gros mchog ces bya bar rab tu shes so/ /thugs mnyam pa zhes bya bar rab tu shes so/ /gzhan gyis mi thub pa zhes bya bar rab tu shes so| |blo gros kyi dbyangs zhes bya bar rab tu shes so/ /ring du bzhud pa zhes bya bar rab tu shes te/ kye rgyal ba'i sras dag /de dag la sogs pa gling bzhi pa rnam par brtsegs pa zhes bya ba na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag /gling bzhi pa 'di dang 'dabs chags su shar lho'i phyogs mtshams na gling bzhi pa dga' ba zhes bya ba yod de/ de na de bzhin gshegs pa la 'jigs pa zhes bya bar rab tu shes so/ /me'i phung </font><hr>Ka263b<br><font size=+1>


po zhes bya bar rab tu shes so/ /thugs su chud pa zhes bya bar rab tu shes so/ /khyab pa dang ldan pa zhes bya bar rab tu shes so/ /mi ldan pa zhes bya bar rab tu shes so/ / rang bzhin 'dzin pa zhes bya bar rab tu shes so/ /rigs par spyod pa zhes bya bar rab tu shes so/ /mig gi rgyal po zhes bya bar rab tu shes so/ /shin tu 'phags pa zhes bya bar rab tu shes so/ /stobs kyi brtson 'grus zhes bya bar rab tu shes te/ kye rgyal ba'i sras dag/ de dag la sogs pa gling bzhi pa dga' ba na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su lho nub kyi phyogs mtshams na gling bzhi pa snying po dam pa zhes bya ba yod de/ de na de bzhin gshegs pa la mi g.yo ba zhes bya bar rab tu shes so/ /mkhas pa'i rgyal po zhes bya bar rab tu shes so/ /yongs su rgyas pa zhes bya bar rab tu shes so/ /mi bskyod pa zhes bya bar rab tu shes so/ /mdzes pa'i spyan can zhes bya bar rab tu shes so/ /rgyal po'i mchog ces bya bar rab tu shes so/ /dbyangs kyi dbang phyug ces bya bar rab tu shes so/ /thams cad gtong ba zhes bya bar rab tu shes so/ /drang srong 'dzin pa zhes bya bar rab tu shes so/ /ri rab dpal zhes bya bar rab tu shes te/ kye rgyal </font><hr>Ka264a<br><font size=+1>


@#/ /ba'i sras dag/ gling bzhi pa snying po dam pa na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su nub byang gi phyogs mtshams na gling bzhi pa sa bzang po zhes bya ba yod de/ de na de bzhin gshegs pa la yang dag pa'i mtha' zhes bya bar rab tu shes so/ /'od 'phro ba dang ldan pa zhes bya bar rab tu shes so/ /rin po che'i gtsug phud ces bya bar rab tu shes so/ /dran par bya ba zhes bya bar rab tu shes so/ /don gyi mchog ces bya bar rab tu shes so/ /shin tu bzhad pa zhes bya bar rab tu shes so/ /rigs gtsang ma zhes bya bar rab tu shes so/ /'od kyi dkyil 'khor ces bya bar rab tu shes so/ /phyag shin tu 'phyang ba zhes bya bar rab tu shes so/ /thog mar rab tu gnas pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa sa bzang po na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su 'og logs na gling bzhi pa 'od 'phro ba dang ldan pa zhes bya ba yod de/ de na de bzhin gshegs pa la shin tu grub pa zhes bya </font><hr>Ka264b<br><font size=+1>


bar rab tu shes so/ /seng+ge'i kha dog ces bya bar rab tu shes so/ /rno ba zhes bya bar rab tu shes so/ /gser gyi 'od 'phro ba zhes bya bar rab tu shes so/ /thams cad kyi bshes gnyen zhes bya bar rab tu shes so/ /gsung mthar thug pa zhes bya bar rab tu shes so/ /phan pa mdzad pa zhes bya bar rab tu shes so/ /mthar thug pa zhes bya bar rab tu shes so/ /lha ma nor ba zhes bya bar rab tu shes so/ /sbyin pa snyoms pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa 'od 'phro ba dang ldan pa na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su steng logs na gling bzhi pa nor 'dzin ces bya ba yod de/ de na de bzhin gshegs pa la blo gros dang ldan pa zhes bya bar rab tu shes so/ /zhal dag pa zhes bya bar rab tu shes so/ /bshes gnyen dang ldan pa zhes bya bar rab tu shes so/ /thog mar gshegs pa zhes bya bar rab tu shes so/ /byin rnam par bkod pa zhes bya bar rab tu shes so/ /dga' bar mdzad pa zhes bya bar rab tu shes so/ / dgongs pa grub pa zhes bya bar rab tu shes so/ /me zhes bya bar rab tu shes so/ /tshul khrims dang ldan pa zhes bya bar rab tu shes so/ /gcig la brten pa zhes bya bar rab tu </font><hr>Ka265a<br><font size=+1>


@#/ /shes te| kye rgyal ba'i sras dag de dag la sogs pa gling bzhi pa nor 'dzin na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ de ltar de dag la sogs pa 'jig rten gyi khams mi mjed 'di na gling bzhi pa'i 'jig rten gyi khams bye ba phrag brgya yod de/ de dag kun na yang de bzhin gshegs pa la mtshan gzhan dang gzhan gyis brjod de/ mtshan bye ba brgya stong phrag bcur de bzhin gshegs pa sems can rnams kyis rab tu shes so| |kye rgyal ba'i sras dag/ 'jig rten gyi khams mi mjed 'di dang 'dabs chags su shar phyogs logs na 'jig rten gyi khams khebs pa dang ldan pa zhes bya ba yod de/ de na de bzhin gshegs pa la mnyam pa zhes bya bar rab tu shes so/ /'phags pa lhag pa zhes bya bar rab tu shes so/ /dbugs phyin pa zhes bya bar rab tu shes so/ /bsam pa grol ba zhes bya bar rab tu shes so/ /nyan pa'i bdag po zhes bya bar rab tu shes so/ /khyab par bzhugs pa zhes bya bar rab tu shes so/ /dbang du gyur pa zhes bya bar rab tu shes so/ /sA la'i lhun zhes bya bar rab tu shes so/ /rtsal chen po zhes bya bar rab tu shes so/ /blo 'dra ba med pa zhes bya bar rab tu shes te/ kye rgyal ba'i sras </font><hr>Ka265b<br><font size=+1>


dag/ de dag la sogs pa 'jig rten gyi khams khebs pa dang ldan pa na mtshan bye ba brgya stong phrag bcur de bzhin gshegs pa sems can rnams kyi rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su lho phyogs logs na 'jig rten gyi khams lhag pa zhes bya ba yod de/ de na de bzhin gshegs pa la rang bzhin thugs su chud ces bya bar rab tu shes so/ /bsam pa grol ba zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams lhag pa na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su nub phyogs logs na 'jig rten gyi khams rdul bsal ba zhes bya ba yod de/ de na de bzhin gshegs pa la dgongs pa dang ldan pa zhes bya bar rab tu shes so/ /lam rnam par bsgoms pa zhes bya bar rab tu shes so/ /brtan pa'i gzhi zhes bya bar rab tu shes so/ /khyab cing grol ba zhes bya bar rab tu shes so/ /don mkhyen pa zhes bya bar rab tu shes so/ /bye brag la dgyes pa zhes bya bar rab tu shes so/ /gzigs pa dam pa zhes bya bar rab tu shes so/ /'dul ba thugs su chud pa zhes bya bar rab tu shes so/ /kun tu snyoms pa zhes </font><hr>Ka266a<br><font size=+1>


@#/ /bya bar rab tu shes so/ /dgyes pa dang ldan pa zhes bya bar rab tu shes te/ kye rgyal ba'i sras dag /de dag la sogs pa 'jig rten gyi khams rdul bsal ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su byang phyogs logs na 'jig rten gyi khams rnam par byung ba zhes bya ba yod de/ de na de bzhin gshegs pa la tsam pa ka'i kha dog ces bya bar rab tu shes so| |nyi ma'i snying po zhes bya bar rab tu shes so/ /mthu shin tu gnas pa zhes bya bar rab tu shes so/ /byin gyi rlabs yang dag par 'byung ba zhes bya bar rab tu shes so/ / rang bzhin dam pa zhes bya bar rab tu shes so/ /blo gros kyi nyi ma zhes bya bar rab tu shes so/ /thogs pa med pa zhes bya bar rab tu shes so/ /zla ba shar ba zhes bya bar rab tu shes so| |rlung gi shugs zhes bya bar rab tu shes so/ /sgra shin tu gsal ba zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams rnam par byung ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed </font><hr>Ka266b<br><font size=+1>


'di dang 'dabs chags su byang shar gyi phyogs mtshams logs na 'jig rten gyi khams 'pho bar byed pa zhes bya ba yod de/ de na de bzhin gshegs pa la sdug bsngal dang bral ba zhes bya bar rab tu shes so/ /thams cad las grol ba zhes bya bar rab tu shes so/ /rgyu dang ldan pa zhes bya bar rab tu shes so/ /grol zhing mkhas pa zhes bya bar rab tu shes so| |'das pa'i gter zhes bya bar rab tu shes so/ /rin po che'i 'od ces bya bar rab tu shes so/ /'jig rten ston pa zhes bya bar rab tu shes so/ /gnas med pa'i sa thugs su chud pa zhes bya bar rab tu shes so/ /dad pa'i snying po zhes bya bar rab tu shes so/ /thugs mi sgul ba zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams 'pho bar byed pa na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su shar lho'i phyogs mtshams na 'jig rten gyi khams phan pa zhes bya ba yod de/ de na de bzhin gshegs pa la rab tu 'joms pa zhes bya bar rab tu shes so/ /byang ba thugs su chud pa zhes bya bar rab tu shes so/ /gsung snyan pa zhes bya bar rab tu shes so/ /rtsa ba khyad du 'phags pa zhes bya bar rab tu shes so/ /rgyun </font><hr>Ka267a<br><font size=+1>


@#/ /gyi gdugs zhes bya bar rab tu shes so/ /rgyu shin tu sbyangs pa zhes bya bar rab tu shes so/ /rnam par phye ba'i pha rol tu phyin pa zhes bya bar rab tu shes so/ /dam pa'i bsam gtan mnga' ba zhes bya bar rab tu shes so/ /ran par gsung ba zhes bya bar rab tu shes so/ /blo rgya mtsho zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams phan pa na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su lho nub kyi phyogs mtshams na 'jig rten gyi khams kun tu song ba zhes bya ba yod de/ de na de bzhin gshegs pa la thub pa'i dbang po zhes bya bar rab tu shes so/ /mngon par sel ba zhes bya bar rab tu shes so/ /dus las shin tu grol ba zhes bya bar rab tu shes so/ /ngo bo nyid yongs su mkhyen pa zhes bya bar rab tu shes so/ /bka' nyams pa med pa zhes bya bar rab tu shes so/ /skal pa mnyam pa med par gzigs pa zhes bya bar rab tu shes so/ / dbang phyug gi dam pa zhes bya bar rab tu shes so/ /drang srong ston pa zhes bya bar rab tu shes so/ /'phrin las brtsams pa zhes bya bar rab tu shes so/ /rdo rje'i seng+ge zhes bya </font><hr>Ka267b<br><font size=+1>


bar rab tu shes te/ kye rgyal ba'i sras dag/ de dag la sogs pa 'jig rten gyi khams kun tu song ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su nub byang gi phyogs mtshams na 'jig rten gyi khams yongs su dga' ba zhes bya ba yod de/ de na de bzhin gshegs pa la me tog yang dag par brtsegs pa zhes bya bar rab tu shes so/ /tsan+dan gyi gdugs zhes bya bar rab tu shes so/ /pad+mo'i snying po zhes bya bar rab tu shes so/ /shin tu 'das pa'i chos zhes bya bar rab tu shes so/ /chos kyi ldum bu zhes bya bar rab tu shes so/ /shin tu 'phags pa zhes bya bar rab tu shes so/ /shin tu sbyangs pa'i gdugs zhes bya bar rab tu shes so/ /spyan shin tu yangs pa zhes bya bar rab tu shes so/ /tshul bzang po dang ldan pa zhes bya bar rab tu shes so/ /chos rtse gcig ces bya bar rab tu shes so/ /dra ba'i snying po zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams yongs su dga' ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su 'og gi phyogs na 'jig rten gyi khams mi che ba zhes bya ba </font><hr>Ka268a<br><font size=+1>


@#/ /yod de| de na de bzhin gshegs pa la 'od 'phro 'gyed pa zhes bya bar rab tu shes so/ /shin tu 'dul ba zhes bya bar rab tu shes so/ /dbang po'i mtshon cha zhes bya bar rab tu shes so/ /mi rtag pa zhes bya bar rab tu shes so/ /rtsa ba thugs su chud pa zhes bya bar rab tu shes so/ /'phro ba med pa zhes bya bar rab tu shes so/ /rlung dang mnyam pa zhes bya bar rab tu shes so/ /gtong ba la mos pa zhes bya bar rab tu shes so/ /lam shin tu brtags pa zhes bya bar rab tu shes so/ /'joms pa'i rgyal mtshan zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams mi che ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su steng gi phyogs na 'jig rten gyi khams dbyangs sgrog pa zhes bya ba yod de/ de na de bzhin gshegs pa la dpa' ba'i rgyal mtshan zhes bya bar rab tu shes so/ /rin po che tshad med pa zhes bya bar rab tu shes so/ /mchod sbyin la brtson pa zhes bya bar rab tu shes so/ /lha'i 'od ces bya bar rab tu shes so/ /dpal 'byung pa zhes bya bar rab tu shes so/ /'khor las 'phags pa zhes bya bar </font><hr>Ka268b<br><font size=+1>


rab tu shes so/ /thams cad kyi bdag po zhes bya bar rab tu shes so/ /'khor lo mi ldog pa zhes bya bar rab tu shes so/ /bya ba dang bzhud pa med pa zhes bya bar rab tu shes so/ / thams cad mkhyen pas shin tu grol ba zhes bya bar rab tu shes te/ kye rgyal ba'i sras dag /de dag la sogs pa 'jig rten gyi khams dbyangs sgrog pa na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ ji ltar 'jig rten gyi khams mi mjed 'di na de bzhin gshegs pa sems can rnams kyis rab tu shes pa de bzhin du shar phyogs kyi 'jig rten gyi khams bye ba brgya stong tshad med pa/ grangs med pa/ dpag tu med pa/ bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ brjod du med pa/ chos kyi dbyings kyis klas pa/ nam mkha'i dbyings kyi mthas gtugs pa'i 'jig rten gyi khams thams cad na yang de bzhin gshegs pa sems can rnams kyis rab tu shes so/ /gzhung de ltar lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / </font><hr>Ka269a<br><font size=+1>


@#/ /de bzhin du 'og gi phyogs dang / de bzhin du steng gi phyogs kyi 'jig rten gyi khams bye ba brgya stong tshad med pa/ grangs med pa/ dpag tu med pa| bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ brjod du med pa/ chos kyi dbyings kyis klas pa/ nam mkha'i dbyings kyi mthas gtugs pa'i 'jig rten gyi khams thams cad na yang de bzhin gshegs pa sems can rnams kyis rab tu shes te/ sngon bcom ldan 'das kyis byang chub sems dpar gyur pa'i tshe yongs su smin par mdzad pa de dag gis ni/ spyod pa rnam pa tha dad pa dang / gsung gi rnam pa tha dad pa dang / nga ro rnam pa tha dad pa dang / 'phrin las rnam pa tha dad pa dang / rnam par smin pa rnam pa tha dad pa dang / skye mched rnam pa tha dad pa dang / sbyor ba rnam pa tha dad pa dang / dbang po rnam pa tha dad pa dang / mos pa rnam pa tha dad pa dang / skye mched rab tu thob pa gzhan dang gzhan gyis sems can rnams la chos yongs su bstan pa'ang rab tu shes so/ /shin tu rgyas pa chen po'i mdo/ sangs rgyas phal po che zhes bya ba las/ sangs rgyas kyi mtshan shin tu bstan pa zhes bya ba'i le'u ste/ bcu gnyis pa'o// // </font><hr>Ka269b<br><font size=+1>


bam po bcu drug pa/ de nas byang chub sems dpa' sems dpa' chen po 'jam dpal gyis byang chub sems dpa' de dag la 'di skad ces smras so/ /kye rgyal ba'i sras dag/ 'di na sdug bsngal 'phags pa'i bden pa zhes bya ba de la 'jig rten gyi khams mi mjed 'di nyid na yang byung ba zhes bya'o/ /gnod pa zhes bya'o/ /skal pa mi mnyam pa zhes bya'o/ /dmigs pa zhes bya'o/ /kun tu 'byung ba zhes bya'o/ /gsal shing gi rang bzhin zhes bya'o/ /gnas kyi rtsa ba zhes bya'o/ /gdon mi za ba zhes bya'o/ /shu ba'i gzeb zhes bya'o/ /byis pa'i spyod pa zhes bya'o/ /kye rgyal ba'i sras dag /gang 'di na kun 'byung ba 'phags pa'i bden pa zhes bya ba de yang 'jig rten gyi khams mi mjed 'di nyid na yang yongs su 'brel ba zhes bya'o/ /chud za ba zhes bya'o/ /tshor bar gcen pa zhes bya'o/ /myong bar byed pa zhes bya'o/ /sbyor ba las byung ba zhes bya'o/ /nges pa zhes bya'o/ /dran pa can zhes bya'o/ / brjod pa zhes bya'o/ /sems can gyi phyi bzhin snyegs pa zhes bya'o/ /phyin ci log gi rtsa ba zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams mi mjed 'di nyid na yang 'dzud pa zhes bya'o/ /rdul dang bral ba zhes bya'o/ /zhi ba zhes bya'o/ /mtshan nyid med pa zhes bya'o// </font><hr>Ka270a<br><font size=+1>


@#/ /ma nyams pa zhes bya'o/ /rang bzhin med pa zhes bya'o/ /so sor ldan pa zhes bya'o/ /nub par 'gro ba zhes bya'o/ /rang bzhin du gyur pa zhes bya'o/ /rang bzhin la gnas pa zhes bya'o/ /kye rgyal ba'i sras dag/ gang yang sdug bsngal 'gog par 'gro ba'i lam 'phags pa'i bden pa zhes bya ba de yang 'jig rten gyi khams mi mjed 'di nyid na theg pa gcig ces bya'o/ /zhi bar 'gro ba zhes bya'o/ /dgra dang bral ba zhes bya'o/ /yongs su rtog pa zad pa zhes bya'o/ /shin tu mnyam par bzhag pa zhes bya'o/ /khur 'dor ba zhes bya'o/ /'gro ba med par 'gro ba zhes bya'o/ /'phags pa'i rjes su 'brang ba zhes bya'o/ /drang srong gi spyod pa zhes bya'o/ /gter bcu zhes bya ste| kye rgyal ba'i sras dag/ de ltar de dag la sogs pa 'jig rten gyi khams mi mjed 'di nyid na'ang 'phags pa'i bden pa rnams la ming bye ba brgya phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di nyid na sdug bsngal 'phags pa'i bden pa zhes bya ba de la 'jig rten gyi khams khebs pa yod pa na tshol ba'i rtsa ba zhes bya'o/ /mi 'byung ba zhes bya'o/ /rtsa ba mi brtan pa zhes bya'o/ /bya ba ma byas pa </font><hr>Ka270b<br><font size=+1>


zhes bya'o/ /rtsod pa thams cad ces bya'o/ /rnam par phye ba nyam chung ba zhes bya'o/ /kun gzhi dang ldan pa zhes bya'o/ /gsod pa'i mchog ces bya'o/ /'gul zhing g.yo ba zhes bya'o| |dngos po'i gzugs brnyan zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de yang 'jig rten gyi khams khebs pa yod pa na las su rung ba zhes bya'o/ /ldan pa zhes bya'o/ /sreg pa zhes bya'o/ /'jigs pa zhes bya'o/ /'jigs pa'i rtsa ba zhes bya'o/ /mtshams dang ldan pa zhes bya'o/ /sdig pa la spyod pa zhes bya'o/ /'dod pa zhes bya'o/ /klad pa na ba zhes bya'o/ /sgal pa zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams khebs pa yod pa na don ces bya'o/ /'jigs pa sel ba zhes bya'o/ /yon tan thob par byed pa zhes bya'o/ /dbugs 'byin pa zhes bya'o/ / tshul bzang po zhes bya'o/ /'dul ba zhes bya'o/ /yan lag gcig pu zhes bya'o/ /sdig pa med pa zhes bya'o/ /'dod chags dang bral ba zhes bya'o/ /rtogs pa zhes bya'o/ / kye rgyal ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de la'ang 'jig rten gyi khams khebs pa dang ldan pa na sde'i dbang po </font><hr>Ka271a<br><font size=+1>


@#/ /zhes bya'o/ /gyen du 'gro ba zhes bya'o/ /'byung ba zhes bya'o/ /sbyor ba dang ldan pa zhes bya'o/ /lta ba mnyam pa zhes bya'o/ /mtha' las grol ba zhes bya'o/ /rtogs par byed pa zhes bya'o/ /rjes su brtul ba zhes bya'o/ /mig dam pa zhes bya'o/ /phyogs su snang ba zhes bya'o/ /kye rgyal ba'i sras dag/ de ltar de dag la sogs pa 'jig rten gyi khams khebs pa dang ldan pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam ba ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de yang 'jig rten gyi khams lhag pa na 'jig pa zhes bya'o/ /skal pa gcod pa zhes bya'o/ /smad pa'i gnas zhes bya'o/ /nye bar bsrabs pa zhes bya'o/ /rnam par sreg pa zhes bya'o/ /'khon du 'gyur ba zhes bya'o/ /nad dang ma bral ba zhes bya'o/ /rgyud 'khrugs pa zhes bya'o/ /dka' ba bsgrubs pa zhes bya'o/ /rab tu brtags pa zhes bya'o/ /mos pa dang ldan pa zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de yang 'jig rten gyi khams lhag pa na rab tu 'jig pa zhes </font><hr>Ka271b<br><font size=+1>


bya'o| |gti mug gi rtsa ba zhes bya'o/ /dgra dam pa zhes bya'o/ /bkres pa'i yan lag ces bya'o/ /ro med pa zhes bya'o/ /kun skyed pa zhes bya'o/ /rang bzhin ma yin pa zhes bya'o// bkur bar bya ba zhes bya'o/ /mun pa khyer ba zhes bya'o/ /blo gros bcom pa zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams lhag pa na don chen po zhes bya'o/ /phan pa'i yan lag ces bya'o/ /don gyi don ces bya'o/ /tshad med pa zhes bya'o/ /mthong ba zhes bya'o/ /rtog pa med pa zhes bya'o/ /mchog tu dul ba zhes bya'o/ /rtag tu mnyam pa zhes bya'o/ /gnas par byed pa zhes bya'o/ /yan lag byas pa med pa zhes bya'o/ /kye rgyal ba'i sras dag /gang sdug bsngal 'gog par 'gro ba'i lam 'phags pa'i bden pa zhes bya ba de yang 'jig rten gyi khams lhag pa na me'i tsha ba zhes bya'o/ /yan lag dang po zhes bya'o/ /rnam par gdon mi za ba zhes bya'o/ /mi 'phrog pa zhes bya'o/ /tshul zab mo zhes bya'o/ /'byung ba zhes bya'o/ /mi dma' ba zhes bya'o/ /rtogs par khong du chud pa zhes bya'o/ /grol ba'i rang bzhin zhes bya'o/ /rab tu 'grel ba zhes bya'o/ /kye rgyal ba'i sras dag/ de ltar de dag la sogs pa 'jig rten gyi khams lhag pa na 'phags pa'i bden pa rnams kyi ming </font><hr>Ka272a<br><font size=+1>


@#/ /bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la 'jig rten gyi khams rdul bsal ba na 'gyod pa zhes bya'o/ /kun spyod pa zhes bya'o/ / gcig la gcig ces bya'o/ /kun tu 'gro ba zhes bya'o/ /ro gcig pa zhes bya'o/ /chos ma yin pa zhes bya'o/ /kun gzhi dang mngon sum zhes bya'o/ /log pa la gzhol ba zhes bya'o/ /log par lta ba zhes bya'o/ /grangs med pa zhes bya'o/ /dgra'i dpung zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de la'ang 'jig rten gyi khams rdul bsal ba na 'dod chags pa zhes bya'o/ /smra ba zhes bya'o/ /mi dkar ba zhes bya'o/ /gzhi las skyes pa zhes bya'o/ / bzung ba zhes bya'o/ /sdig pa'i kha ba zhes bya'o/ /lhag pa zhes bya'o/ /khur zhes bya'o/ /skyed pa zhes bya'o/ /sra ba zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams rdul med pa na mi mnyam pa zhes bya'o/ /bral ba zhes bya'o/ /dri ma med pa zhes bya'o/ /rtsa ba dang bral </font><hr>Ka272b<br><font size=+1>


ba zhes bya'o/ /ldan pa zhes bya'o/ /sgrim pa med pa zhes bya'o/ /bag la nyal ba med pa zhes bya'o/ /'phags pa zhes bya'o/ /phyi ma zhes bya'o/ /dgra bcom pa zhes bya'o/ /kye rgyal ba'i sras dag /gang sdug bsngal 'gog par 'gro ba'i lam 'phags pa'i bden pa zhes bya ba de la'ang 'jig rten gyi khams rdul bsal ba na dngos po'i snying po zhes bya'o/ /skal pa sbyor ba zhes bya'o/ /grol ba'i don gyi rtsa ba zhes bya'o/ /rang bzhin du gyur pa zhes bya'o/ /mi smad pa zhes bya'o/ /mchog tu rnam par dag pa zhes bya'o/ /srid pa'i mtha' ma zhes bya'o/ /spa ba'i snying po zhes bya'o/ /mthar thug par byed pa zhes bya'o/ /yongs su rtog pa dag pa zhes bya ste/ kye rgyal ba'i sras dag/ de ltar de dag la sogs pa 'jig rten gyi khams rdul bsal ba na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo| |kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la 'jig rten gyi khams rnam par byung ba na 'dod chags kyis rgyas pa zhes bya'o/ /gtum pa'i rtsa ba zhes bya'o/ /rgya mtsho'i yan lag ces bya'o/ /yang dag pa las 'das pa'i sbyor ba zhes bya'o/ /skal pa med pa'i rtsa ba </font><hr>Ka273a<br><font size=+1>


@#/ /zhes bya'o/ /'phro ba zhes bya'o/ /skye zhing 'jig pa zhes bya'o/ /sgrib pa zhes bya'o/ /ral gri'i dngo zhes bya'o/ /tshal stug po zhes bya'o/ /kye rgyal pa'i sras dag/ gang sdug bsngal kun 'byung ba 'phags pa'i bden pa zhes bya ba de yang 'jig rten gyi khams rnam par byung ba na nor bu sbyin pa zhes bya'o/ /'dud par byed pa zhes bya'o/ /mi zad pa zhes bya'o/ /skal pa zhes bya'o/ /chags pa med pa zhes bya'o/ /seng+ge zhes bya'o/ /dngos po len pa zhes bya'o/ /'brel ba zhes bya'o/ /snod ces bya'o/ /g.yo ba zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams rnam par byung ba na mtshams bral ba zhes bya'o/ /phye ba zhes bya'o/ /yi ge med pa zhes bya'o/ /sbyor ba med pa zhes bya'o/ /mthong ba med pa zhes bya'o/ /bya ba med pa zhes bya'o/ /nye bar bsgrubs pa zhes bya'o/ /sred pa zhes bya'o/ /gzhol ba zhes bya'o/ /skyed pa zhes bya'o/ /kye rgyal ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de la 'jig rten gyi khams rnam par byung ba na zhi bar byed pa rjod pa zhes bya'o/ /khyab par 'gro ba zhes bya'o/ /mngon du bya ba la sbyor ba zhes bya'o/ /bde </font><hr>Ka273b<br><font size=+1>


bar 'gro ba zhes bya'o/ /tshe tshad med pa zhes bya'o/ /shin tu bsgoms pas mthar phyin pa zhes bya'o/ /lam gyi dam pa zhes bya'o/ /thob par dka' ba'i yan lag ces bya'o/ /pha rol gyi mtshams zhes bya'o/ /brgal dka' ba zhes bya ste/ kye rgyal ba'i sras dag/ de dag la sogs pa 'jig rten gyi khams rnam par byung ba na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de yang 'jig rten gyi khams 'pho bar byed pa na 'phrog par byed pa zhes bya'o/ /smon pa'i bshes gnyen zhes bya'o/ /mi brtan zhing 'jig pa zhes bya'o/ /brjod pa sna tshogs zhes bya'o/ /nyam nga bas 'tsho ba zhes bya'o/ /don 'dul ba zhes bya'o/ /khur 'dor ba zhes bya'o/ /rtsa ba zab pa zhes bya'o/ /de bzhin sems pa zhes bya'o/ /nam mkha'i rtsa ba zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de yang 'jig rten gyi khams 'pho bar byed pa na sred par byed pa zhes bya'o/ /shin tu sbyor ba zhes bya'o/ /nyes pas skyon can du gyur pa zhes bya'o/ /rlabs zhes bya'o/ /'dzin pa zhes bya'o/ /'du shes can zhes </font><hr>Ka274a<br><font size=+1>


@#/ /bya'o| |'bras bu la gnas pa zhes bya'o/ /brjod du mi rung ba zhes bya'o/ /tha dad pa med pa zhes bya'o/ /rab tu 'jug pa zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams 'pho bar byed pa na bzlog pa zhes bya'o/ /smra ba dang bral ba zhes bya'o/ /sgrub pa zhes bya'o/ /dga' ba zhes bya'o/ /'jigs pa bsal ba zhes bya'o/ /shin tu byung ba zhes bya'o/ /gti mug med pa zhes bya'o/ /nub pa med pa zhes bya'o/ /'phags pa zhes bya'o| |kye rgyal ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de yang 'jig rten gyi khams 'pho bar byed pa na brjod du med pa zhes bya'o/ /tshul nyams pa med pa zhes bya'o/ /rnam par rig pa'i lam zhes bya'o/ /bsngo ba dge ba zhes bya'o/ /rgya chen po la mkhas pa zhes bya'o/ /rnam par phye ba'i tshul zhes bya'o/ /nam mkha'i rang bzhin zhes bya'o/ /zil par gyur ba zhes bya'o/ /ye shes kyi bdag po zhes bya'o/ /don yongs su shes pa zhes bya ste/ kye rgyal ba'i sras dag/ de ltar de dag la sogs pa 'jig rten gyi khams 'pho bar byed pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis </font><hr>Ka274b<br><font size=+1>


sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di nyid na sdug bsngal 'phags pa'i bden pa zhes bya ba de la'ang 'jig rten gyi khams phan pa na khur tsa ba'i khur zhes bya'o/ /snying po med pa zhes bya'o/ /rkun po lta bu zhes bya'o/ /rga shi zhes bya'o/ /chags pa'i rang bzhin zhes bya'o/ / shin tu mched pa zhes bya'o/ /ngal bar byed pa zhes bya'o/ /ngom zum gnag pa zhes bya'o/ /kun tu 'phel ba zhes bya'o/ /ral gri dang 'dra ba zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de la yang 'jig rten gyi khams phan pa na 'jig pa zhes bya'o/ /'khrugs pa zhes bya'o/ /bskyod pa zhes bya'o/ / nyam chung ba zhes bya'o/ /'phrog pa zhes bya'o/ /bral ba zhes bya'o/ /mi ldan pa zhes bya'o/ /'thab mor gyur pa zhes bya'o/ /rtsod par gyur pa zhes bya'o/ /gnas su gyur pa zhes bya'o| |kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de la'ang 'jig rten gyi khams phan pa na kun spyod pa zhes bya'o/ /yang dag pa zhes bya'o| |zhum pa med pa zhes bya'o/ /yan lag g.yogs pa zhes bya'o/ /smad pa spangs pa zhes bya'o/ /rjes su mthun pa zhes bya'o/ /gzhir 'gro ba zhes bya'o/ /yan lag </font><hr>Ka275a<br><font size=+1>


@#/ /spangs pa zhes bya'o/ /tha dad pa med pa zhes bya'o/ /glags med pa zhes bya'o/ /kye rgyal ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de la yang 'jig rten gyi khams phan pa na snang ba rjod pa zhes bya'o/ /thams cad kyi rgya zhes bya'o/ /bsam gtan gyi gter zhes bya'o/ / snang ba yod pa zhes bya'o/ /phyir mi ldog pa'i chos can zhes bya'o/ /dngos po zad pa zhes bya'o/ /lam yangs pa zhes bya'o/ /dul ba'i rang bzhin zhes bya'o/ /dge ba yod pa zhes bya'o/ /rtsa ba rgyu ba med pa zhes bya ba ste/ kye rgyal ba'i sras dag/ de ltar de dag la sogs pa 'jig rten gyi khams phan pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la yang 'jig rten gyi khams kun tu 'gro ba na bsam pa thibs po zhes bya'o/ /gnas sna tshogs su bkram pa zhes bya'o/ /skye gnas su skyed pa zhes bya'o/ /rim pas 'dug pa zhes bya'o/ /ngo tsha med pa zhes bya'o/ /shes par bya ba'i rtsa ba zhes bya'o/ /'ga' 'ga'i ro zhes </font><hr>Ka275b<br><font size=+1>


bya'o| |rtsig pa zhes bya'o/ /rtag tu 'jig pa zhes bya'o/ /mgal me'i rang bzhin zhes bya'o/ /rtsa ba'i sgo zhes bya'o/ /kye rgyal ba'i sras dag/ gang sdug bsngal kun 'byung 'phags pa'i bden pa zhes bya ba de la'ang 'jig rten gyi khams kun tu 'gro ba na shin tu g.yo ba zhes bya'o/ /rig pa med pa zhes bya'o/ /blo gros dang ring ba zhes bya'o/ /phongs par 'gyur ba zhes bya'o/ /'jig pa zhes bya'o/ /kun tu 'dren pa zhes bya'o/ /nye bar sgrub pa zhes bya'o/ /rten du gyur pa zhes bya'o/ /dngos po'i bdag po zhes bya'o/ /mtshams sbyor ba zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de la'ang 'jig rten gyi khams kun tu 'gro ba na ngoms pa zhes bya'o/ / bdud rtsi zhes bya'o/ /rgyu ba med pa zhes bya'o/ /rang gi med pa zhes bya'o/ /rtog pa byang ba zhes bya'o/ /yang dag par gzhol ba zhes bya'o/ /rgyu ba dang bral ba zhes bya'o/ /mched pa med pa zhes bya'o/ /lam med pa zhes bya'o/ /mi gnyis pa zhes bya'o/ /kye rgyal ba'i sras dag /gang sdug bsngal 'gog par 'gro ba'i lam 'phags pa'i bden pa zhes bya ba de la yang 'jig rten gyi khams kun tu 'gro ba na snang bar byed pa zhes bya'o/ /bstan pa rgya mtsho zhes bya'o/ /don rnam par gdon mi za ba zhes bya'o/ /chos dang </font><hr>Ka276a<br><font size=+1>


@#/ /phrad pa zhes bya'o/ /'khor ba med pa zhes bya'o/ /'brel ba med pa zhes bya'o/ /lam rgya chen po zhes bya'o/ /yang dag par phyin par 'gro ba zhes bya'o/ / sbyor ba dag pa zhes bya'o/ /mthong ba'i bdag po zhes bya ste/ kye rgyal ba'i sras dag/ de ltar de dag la sogs pa 'jig rten gyi khams kun tu 'gro ba na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag /'jig rten gyi khams mi mjed 'di na sdug bsngal 'phags pa'i bden pa zhes bya ba de la'ang 'jig rten gyi khams yongs su dga' ba na skye bar byed pa zhes bya'o/ /rnam par sgrub pa zhes bya'o/ /chags shing zhen pa zhes bya'o/ /khur khyer ba zhes bya'o/ /mi sdug pa'i rnam pa zhes bya'o/ /nad thibs po zhes bya'o/ /sdig pa byed pa zhes bya'o// sdug bsngal bar byed pa'i rang bzhin ces bya'o/ /kye rgyal ba'i sras dag /gang sdug bsngal kun 'byung ba 'phags pa'i bden pa zhes bya ba de la'ang 'jig rten gyi khams yongs su dga' ba na gzhir gyur pa zhes bya'o/ /sbyor ba dang ldan pa zhes bya'o/ /tshod las 'das pa zhes bya'o/ /chos 'phel ba zhes bya'o/ / </font><hr>Ka276b<br><font size=+1>


rtog pa med pa zhes bya'o/ /sdud pa med pa zhes bya'o/ /sdud par byed pa zhes bya'o/ /lang du red pa zhes bya'o/ /chos kyi gzhi zhes bya'o/ /lta ba chung ba zhes bya'o/ /mthong ba chung ba zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de la yang 'jig rten gyi khams yongs su dga' ba na gnas zhig pa zhes bya'o/ /rmongs pa med pa zhes bya'o/ /yang dag pa zhes bya'o/ /des shin tu rtog pa zhes bya'o/ /dge bar byed pa zhes bya'o/ /skyon med pa zhes bya'o/ /'khor ba med pa zhes bya'o/ /mtshan nyid med pa zhes bya'o/ /bdag nyid rtogs pa zhes bya'o/ /ma skyes pa zhes bya'o/ /kye rgyal ba'i sras dag /sdug bsngal 'gog par 'gro ba'i lam 'phags pa'i bden pa zhes bya ba de la yang 'jig rten gyi khams yongs su dga' ba na sa mtshams nye bar gyur pa zhes bya'o/ /sel ba dang 'grogs pa zhes bya'o/ /skal pa mi mnyam pa'i don can ces bya'o/ /rang bzhin yangs pa zhes bya'o/ /yongs su rtog pa zad pa zhes bya'o/ /byin gyi rlabs kyi lam zhes bya'o/ /tshogs kyi tshul zhes bya'o/ / dran pa dang bral zhes bya'o/ /rtag pa'i lam zhes bya'o/ /grol ba sgrub pa zhes bya ste/ kye rgyal ba'i sras dag /de ltar de dag la sogs pa 'jig rten gyi khams yongs </font><hr>Ka277a<br><font size=+1>


@#/ /su dga' ba na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la'ang 'jig rten gyi khams mi che ba na 'tshogs pa zhes bya'o/ /rdza ma lta bu zhes bya'o/ /nad dang mnyam pa zhes bya'o/ /lus la yod pa zhes bya'o/ /rab tu 'phel ba zhes bya'o/ /gsog pa'i sgo zhes bya'o// sdug bsngal gyi skyon can zhes bya'o/ /brtag par bya ba zhes bya'o/ /rang la gzhog pa med pa zhes bya'o/ /'gro zhing 'ong ba zhes bya'o| /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de la yang 'jig rten gyi khams mi che ba na 'tshe ba zhes bya'o/ /mdud par 'dzin pa zhes bya'o/ /rab tu sbyor ba zhes bya'o/ /tshor ba'i yan lag ces bya'o/ /a na sems pa zhes bya'o/ /rab rab byed pa zhes bya'o/ /'dud par byed pa zhes bya'o/ /rnam par bral ba zhes bya'o/ / shin tu gdung ba zhes bya'o/ /kyi hud na zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de la'ang 'jig rten gyi khams </font><hr>Ka277b<br><font size=+1>


mi che ba na gsog pa med pa zhes bya'o/ /g.yo ba med pa zhes bya'o/ /skyon med pa zhes bya'o/ /ma nyams pa zhes bya'o/ /'grogs ba med pa zhes bya'o/ /tshad med pa zhes bya'o/ / yangs pa zhes bya'o/ /sangs rgyas kyi yan lag ces bya'o/ /'dod chags dang bral ba zhes bya'o/ /ma chags pa zhes bya'o/ /kye rgya ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de la yang 'jig rten gyi khams mi che ba na bstan pa'i spyod yul zhes bya'o/ /'dod chags dang bral ba'i sa mtshams zhes bya'o/ / bden pa la thug pa zhes bya'o/ /don rab tu chud pa zhes bya'o/ /rang bzhin la gtugs pa zhes bya'o/ /lta ba yongs su dag pa zhes bya'o/ /dran pas sgrub pa zhes bya'o/ /'gro bas sdud pa zhes bya'o/ /skyob pa'i sa mtshams zhes bya'o/ /'khrug pa med par 'gro ba zhes bya ste/ kye rgyal ba'i sras dag/ de ltar de dag la sogs pa 'jig rten gyi khams mi che ba na 'phags pa'i bden pa rnams la ming bye ba brgya phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la'ang 'jig rten gyi khams dbyangs sgrog pa na bsam pa nub pa zhes bya'o/ /shin </font><hr>Ka278a<br><font size=+1>


@#/ /tu 'gro ba zhes bya'o/ /yan lag gnas pa zhes bya'o/ /g.yo sgyu che ba zhes bya'o/ /'brel pa zhes bya'o/ /'dod pa 'byung ba zhes bya'o/ /myang du mi rung ba zhes bya'o/ /skye gnas ma rung ba zhes bya'o/ /nye bar 'gro ba zhes bya'o/ /dngo skam pa zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de la'ang 'jig rten gyi khams dbyangs sgrog pa na gdul ba'i gzhi zhes bya'o/ /sems kyi tshul zhes bya'o/ /bcings pa dang ldan pa zhes bya'o/ /rjes su dran pa zhes bya'o/ /nges par rtog pa ma yin pa zhes bya'o/ /rnal 'byor dang mi mthun pa zhes bya'o/ /brtag par bya ba zhes bya'o/ /sgo zhes bya'o/ /rtogs par bya ba zhes bya'o/ / bsgribs pa zhes bya'o/ /kye rgyal pa'i sras dag/ gang sdug bsngal 'gog pa 'phags pa'i bden pa zhes bya ba de la'ang 'jig rten gyi khams dbyangs sgrog pa na gnas med pa zhes bya'o/ /sbyin sreg gi dam pa zhes bya'o/ /phyir log pa zhes bya'o/ /mya ngan dang bral ba zhes bya'o/ /kun tu song ba zhes bya'o/ /chen po zhes bya'o/ /du ba med pa zhes bya'o/ /mi zad pa zhes bya'o/ /yangs pa zhes bya'o/ /shin tu mchod pa zhes bya'o/ /kye rgyal ba'i sras dag/ gang sdug bsngal 'gog par 'gro ba'i lam 'phags </font><hr>Ka278b<br><font size=+1>


pa'i bden pa zhes bya ba de la'ang 'jig rten gyi khams dbyangs sgrog pa na mthong bas mthong ba zhes bya'o/ /spang ba'i don ces bya'o/ /rnam par sgom pa'i rgya zhes bya'o/ /mtshan nyid la 'jug pa zhes bya'o/ /rnyed par dka' ba zhes bya'o/ /de ma thag pa'i don ces bya'o/ /mkhas pas brtag pa zhes bya'o/ /'grogs pa'i don ces bya'o/ /mi g.yo ba la mngon du gyur ba zhes bya'o/ /khyad par gyi don ces bya ste/ kye rgyal ba'i sras dag /de ltar de dag la sogs pa 'jig rten gyi khams dbyangs sgrog pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ 'jig rten gyi khams mi mjed 'di na ji ltar 'phags pa'i bden pa rnams yongs su bstan pa yod pa de bzhin du shar phyogs kyi 'jig rten gyi khams bye ba brgya stong tshad med pa/ dpag tu med pa/ grangs med pa| bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ brjod du med pa/ chos kyi dbyings kyis klas pa/ nam mkha'i dbyings kyi mthas gtugs pa dag na yang 'phags pa'i bden pa rnams yongs su bstan pa yod do/ /'jig rten gyi khams re re na yang 'phags pa'i bden pa rnams kyi </font><hr>Ka279a<br><font size=+1>


@#/ /ming bye ba brgya stong phrag bzhi bcu bzhi bcu yod de/ de dag gis sems can rnams bsam pa ji lta ba bzhin du 'dul lo/ /shar phyogs kyi 'jig rten gyi khams na ji lta ba de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi phyogs mtshams dang| de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi 'jig rten gyi khams bye ba khrag khrig brgya stong tshad med pa/ grangs med pa/ bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ gzhal du med pa/ brjod du med pa/ chos kyi dbyings kyis klas pa/ nam mkha'i dbyings kyi mthas gtugs pa dag na yang 'phags pa'i bden pa yongs su bstan pa yod do/ /'jig rten gyi khams re re na yang 'phags pa'i bden pa rnams kyi ming bye ba brgya stong phrag bzhi bcu bzhi bcu yod de/ de dag gis sems can rnams bsam pa ji lta ba bzhin du 'dul lo/ /'jig rten gyi khams gcig na ji lta ba de bzhin du 'jig rten gyi </font><hr>Ka279b<br><font size=+1>


khams thams cad shar phyogs nas steng gi phyogs zhes bya ba nas phyogs bcu ma lus pa'i 'jig rten gyi khams kyi bar dag na yang 'phags pa'i bden pa rnams yongs su bstan pa yod do/ /'jig rten gyi khams re re na yang sdug bsngal gyi ming bye ba brgya stong phrag bzhi bcu bzhi bcu yod de/ de dag gis sems can rnams bsam pa ji lta ba bzhin du 'dul lo/ /kun 'byung ba'i bden pa'i ming dang / 'gog pa'i bden pa'i ming dang / lam gyi bden pa'i ming dag kyang de bzhin no/ /shin tu rgyas pa chen po'i mdo/ sangs rgyas phal po che zhes bya ba las/ 'phags pa'i bden pa'i le'u zhes bya ba ste/ bcu gsum pa'o// //de nas bcom ldan 'das kyi zhabs kyi mthil gnyis nas 'od zer bye ba phrag brgya bkye ste/ stong gsum gyi stong chen po'i 'jig rten gyi khams 'di snang bar byas nas 'dzam bu'i gling bye ba phrag brgya bstan to/ /shar gyi lus 'phags gling bye ba phrag brgya dang / nub kyi ba lang spyod bye ba phrag brgya dang / byang gi sgra mi snyan bye ba phrag brgya dang / rgya mtsho chen po bye ba phrag brgya bstan to/ /'khor yug rdo rje'i ri bye ba phrag brgya bstan to/ /byang chub sems dpa' skye ba bye ba phrag brgya bstan to/ /mngon par 'byung ba bye ba phrag brgya bstan to/ /de bzhin gshegs pa rnam </font><hr>Ka280a<br><font size=+1>


@#/ /par 'tshang rgya ba bye ba phrag brgya bstan to/ /chos kyi 'khor lo bskor ba bye ba phrag brgya bstan to/ /de bzhin gshegs pa yongs su mya ngan las 'da' pa bye ba phrag brgya bstan to/ /ri rab ri'i rgyal po bye ba phrag brgya bstan to/ /rgyal po chen po bzhi'i khams kyi lha'i ris bye ba phrag brgya bstan to/ /sum cu rtsa gsum gyi lha'i ris bye ba phrag brgya bstan to/ /mtshe ma'i lha'i ris bye ba phrag brgya bstan to/ /dga' ldan gyi lha'i ris bye ba phrag brgya bstan to/ /'phrul dga'i lha'i ris bye ba phrag brgya bstan to/ /gzhan 'phrul dbang byed kyi lha'i ris bye ba phrag brgya bstan to/ /tshangs pa'i 'jig rten bye ba phrag brgya bstan to/ /gya nom snang ba bye ba phrag brgya bstan to/ /dge rgyas bye ba phrag brgya bstan to/ /'bras bu chen po bye ba phrag brgya bstan to/ /'og min bye ba phrag brgya bstan te/ 'jig rten gyi khams 'di'i khongs su gang ci yang rung ste gtogs par gyur pa de dag thams cad ril gyis bstan to/ /ji ltar 'di ni bcom ldan 'das sangs rgyas kyi gdan la bzhugs shing byang chub sems dpa' sangs rgyas kyi zhing bcu'i rdul shin tu phra ba snyed dang thabs cig tu bzhugs te bskor cing mdun du byas par snang ba de bzhin du 'dzam bu'i gling bye ba phrag </font><hr>Ka280b<br><font size=+1>


brgya kun na yang de bzhin gshegs pa bye ba phrag brgya bzhugs par snang ngo / /de dag thams cad du'ang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur te/ byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal dang / sangs rgyas dpal dang / nor dpal dang / rin chen dpal dang / yon tan dpal dang / mig gi dpal dang / brtson 'grus dpal dang / chos kyi dpal dang / ye shes dpal dang / bzang po'i dpal zhes bya ba dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog dang / yid du 'ong ba'i mdog dang / pad+mo'i mdog dang / tsam pa ka'i mdog dang / ut+pa la'i mdog dang / sa le sbram gyi mdog dang / rin po che'i mdog dang / rdo rje'i mdog dang| shel gyi mdog dang / 'dra ba'i mdog ces bya ba dag nas 'ongs pa'o/ /byang chub sems dpa' de dag thams cad kyang de bzhin gshegs pa mtshan 'di zhes bya ba de dag gi zham ring na tshangs pa'i spyad pa spyod de/ 'di ltar rig byed mi g.yo ba dang / rig byed mi bskyod pa dang / rig byed bcings pa med pa dang / rig byed kun spyod pa </font><hr>Ka281a<br><font size=+1>


@#/ /dang / rig byed sgrib pa med pa dang / rig byed mtha' rgal dang / rig byed dam pa dang / rig byed dbang phyug dang / rig byed tshangs pa dang / rig byed sna tshogs zhes bya ba dag go /byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin te/ gcig ji lta ba de bzhin du thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang ste/ de'i tshe tshigs su bcad pa 'di dag kyang so so nas smra bar gyur to/ /'jig rten kun dang mi ldan zhing / /bral bar gyur te dngos med pa'i/ /yang dag sangs rgyas su shes pa/ /de dag mig gi lam mi gnas/ /shes rab chen po sus mthong zhing / /dngos po'i 'du shes mi 'jug la/ rnam par bsgoms shing shes gyur pa/ /de dag de bzhin gshegs par 'gyur/ /'jig rten khams 'di mthong gyur te/ /sangs rgyas che ba nyid dag la/ /gang gi sems ni mi g.yo ba/ /de dag mi yi mchog tu 'gyur/ /sangs rgyas chos la gang gi rnams/ /mnyam pa'i sems su rab 'jug cing / /mi gnyis mngon gyur brtan pa rnams/ </font><hr>Ka281b<br><font size=+1>


de dag bsam gyis mi khyab 'gyur/ /gang rnams bdag dang sangs rgyas dag/ rang bzhin mnyam par rab gnas shing / /mi gnas len pa med pa rnams/ /de dag bde bar gshegs par 'gyur/ /gzugs dang tshor ba 'du shes dang / /rnam par shes dang sems dpa' dag /grangs med de bzhin gshegs pa rnams/ /de dag thub pa chen por 'gyur| |blta bar bya las 'das pa dang / /rnam par blta las de bzhin te/ /chos la gang dag rmongs med pa/ /de dag rab tu 'od byed 'gyur/ /gang gis shes rab chen po rnams| |sems bskyed kun la rab gnas shing / /thams cad mthong yang skye med pa/ /de dag grags pa chen por 'gyur/ /sems can rnams la skye ba med/ /'jig pa'ang yod pa ma yin te/ /de ltar gang gis shes pa ni/ /de dag bla na med par 'gyur/ /gang gis gcig la mang shes shing / /mang po'ang gcig tu rab rtogs te/ /gnas kyi rnams su 'ang 'byung 'gyur pa/ /de dag 'jigs pa med par 'gyur/ /de nas 'od zer de dag 'jig rten gyi khams 'di nas 'das te shar phyogs su 'jig rten gyi khams bcu bcu snang bar byas so/ /de bzhin du lho phyogs dang / nub phyogs dang / byang phyogs su 'jig rten gyi khams bcu bcu snang bar byas so/ /byang shar gyi phyogs mtshams </font><hr>Ka282a<br><font size=+1>


@#/ /dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og gi phyogs dang / steng gi phyogs dag tu yang 'jig rten gyi khams bcu bcu snang bar byas so/ /'jig rten gyi khams re re zhing yang 'dzam bu'i gling bye ba phrag brgya bstan pa nas 'og min bye ba phrag brgya'i bar du yang bstan te/ 'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig pa de bzhin du 'jig rten gyi khams re re dag gi gling bzhi pa bye ba phrag brgya kun na'ang de bzhin gshegs pa bye ba phrag brgya bzhugs par snang ste/ thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag gi thams cad kyang ming 'di zhes bya ba dag ste/ 'di ltar 'jam dpal dang / sangs rgyas dpal dang / nor dpal dang / rin chen dpal dang / yon tan dpal dang / mig gi dpal dang / brtson 'grus dpal dang / chos kyi dpal dang / ye shes dpal dang / </font><hr>Ka282b<br><font size=+1>


bzang po'i dpal zhes bya ba dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog dang / yid du 'ong ba'i mdog dang / pad+ma'i mdog dang / tsam pa ka'i mdog dang / ut+pa la'i mdog dang / sa le sbram gyi mdog dang / rin po che'i mdog dang / rdo rje'i mdog dang| shel gyi mdog dang / 'dra ba'i mdog ces bya ba dag nas 'ongs pa'o/ /byang chub sems dpa' de dag thams cad kyang de bzhin gshegs pa'i mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba dang / rig byed mi bskyod pa dang / rig byed bcings pa med pa dang / rig byed kun spyod pa dang / rig byed bsgribs pa med pa dang / rig byed mtha' rgal dang / rig byed dam pa dang / rig byed dbang phyug dang / rig byed tshangs pa dang / rig byed sna tshogs zhes bya ba dag go/ byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de </font><hr>Ka283a<br><font size=+1>


@#/ /bzhin thams cad na brjod de/ de'i tshe tshigs su bcad pa 'di dag kyang so so nas smra bar gyur to/ /gang gis 'gro ba shin tu gtses gyur cing / /srid pa'i gsal shing ldan par kun shes nas/ /rang 'byung kun mkhyen yon tan tshol ba rnams/ /de dag chos nyid 'di 'dra 'di bzhin no/ /chos kyi rang bzhin gnas pa mthong gyur nas/ /mtha' gnyis gang gis rab tu spangs gyur cing / /ldog pa med cing dgos pa kun shes pa/ /de dag de yi 'khor lo mtshungs med bskor/ /gang rnams chos dang ldan pa'i bsam pa yis/ /'khor ba'i skye rgu kun gyi don gyi phyir/ /bskal pa bsam yas rgya chen go gyon pa'i/ /drang srong chen po'i longs spyod 'di 'dra'o/ /gzhan gyis mi pham dpa' ba'i rgyal mtshan can/ /bdud rnams thams cad mthar 'byin mgon po rnams/ /byams pas gang dag mi 'jigs sgra 'byin pa/ /de dag chos nyid 'di 'dra 'di yin no/ /'di dag nang nas byung ngo zhes bya bar/ /nyon mongs sel ba'i sems ni skad cig tu/ /thams cad shes pa su yi rgyud skyes pa/ /de dag rnam par 'phrul pa 'di dag ston/ /gang rnams chos kyi rnga ni rdung byed cing / /byang chub sems kyang srog chags thams cad la/ /phyogs bcu'i zhing rnams kun tu shes byed pa/ /rang </font><hr>Ka283b<br><font size=+1>


byung de dag tshul ni 'di 'dra'o/ /gdul bar dka' ba mtha' yas spyod yul can/ /zhing rnams bye ba gang dag spyod gyur cing / /nam yang dngos po dag la mos med pa/ /de dag de bzhin gshegs bzhin rnam par 'phrul/ /gang rnams dga' zhing mos pa mtha' yas pa/ /rgyal ba rnams ni shin tu rnam dag cing / /de bzhin gshegs pa mkha' 'dra rjes 'dra ba/ /de dag la ni smon lam 'di yang btab/ /sems can don la gang rnams mos gyur cing / /re re dag gi mnar med sdug bsngal ba/ /bskal pa dpag med smin par bya dad pa/ /de dag skyon med pham med shin tu gsung / /gang rnams lus dang srog la mi lta zhing / /sangs rgyas chos la rtag tu brtul zhugs te/ /mkhas pa bdag med rnam par su spyod pa/ /de dag sangs rgyas chos nyid 'di 'thob bo/ /de nas 'od zer de dag 'jig rten gyi khams de dag 'das nas shar phyogs logs su 'jig rten gyi khams brgya snang bar byas pa nas gzhung de bzhin du steng gi phyogs su 'jig rten gyi khams brgya snang bar byas so/ /'jig rten gyi khams re rer 'dzam bu'i gling bye ba phrag brgya bstan ba nas 'og min bye ba phrag brgya'i bar du bstan te/ 'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to// </font><hr>Ka284a<br><font size=+1>


@#/ /ji ltar bcom ldan 'das sangs rgyas kyi gdan la bzhugs shing byang chub sems dpa' sangs rgyas kyi zhing bcu'i rdul shin tu phra ba snyed dang thabs cig pa de bzhin du 'jig rten gyi khams re re'i gling bzhi pa bye ba phrag brgya kun na'ang de bzhin gshegs pa rnams bzhugs par snang ste/ thams cad du'ang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal dang / sangs rgyas dpal dang / nor dpal dang / rin chen dpal dang / yon tan dpal dang / mig gi dpal dang / brtson 'grus dpal dang / chos kyi dpal dang / ye shes dpal dang / bzang po'i dpal zhes bya ba dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog dang / yid du 'ong ba'i mdog dang / pad+mo'i mdog dang / tsam pa ka'i mdog dang / ut+pa la'i mdog dang / sa le sbram gyi mdog dang / rin po che'i mdog dang / rdo rje'i mdog dang / shel gyi mdog dang / 'dra ba'i mdog ces bya ba dag nas 'ongs pa'o/ /byang chub sems dpa' de dag thams cad kyang de bzhin gshegs pa'i mtshan 'di zhes bya ba dag gi </font><hr>Ka284b<br><font size=+1>


zham ring na tshangs pa'i spyad pa spyod de/ 'di ltar rig byed mi g.yo ba dang / rig byed mi bskyod pa dang / rig byed bcings pa med pa dang / rig byed kun spyod pa dang / rig byed bsgribs pa med pa dang / rig byed mtha' rgal dang / rig byed dam pa dang / rig byed dbang phyug dang / rig byed tshangs pa dang / rig byed sna tshogs zhes bya ba dag go /byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod de/ de'i tshe tshigs su bcad pa 'di dag kyang so so nas smra bar gyur to/ /bcom ldan 'das kyis sgyu ma'i rang bzhin du/ /thugs su chud nas bsgrib pas med gzigs te/ /zil gyis ma non chags pa mi mnga' bar/ /skye rgu rab tu 'dul bar shin tu snang / /la las gser gyi ri bo 'dra ba de/ /sku tsher skye bar gyur pa rab tu mthong / /skyes bu'i zla ba rnam par mdzes pa de/ /tha ma'i sku yang 'dzin par la las mthong / /yon tan tshad las 'das pa kun mnga' zhing / /dgongs pa mkhyen </font><hr>Ka285a<br><font size=+1>


@#/ /bzhin shin tu mkhas gyur pa/ /skye rgu'i seng+ge don yod gshegs pa de/ /la las 'chag cing gshegs par shin tu mthong / /phyogs bcu kun tu rnam par snang ba de/ /la las mthon mthing spyan du de bzhin mthong / /'dod pa'i yon tan ldan pa'i skye rgu rnams/ /gzigs nas bzhad par de bzhin la las mthong / /gzi brjid mtshungs med mnga' la la la yis/ /seng+ge'i nga ror gsung ba de bzhin mthong / /zil gyis mi non ma log gsung mnga' ba/ /sku yi tha mar ston pa la las mthong / / bcings pa kun las rnam par grol ba de/ /la las khab nas 'byung bar rab tu mthong / /sngon gyi rgyal ba'i sangs rgyas spyod pa rnams/ /gzigs shing zhi bder gzhol ba la las mthong / /la las byang chub snying po dam pa la/ /chos rnams thams cad mngon par sangs rgyas shing| /yon tan thams cad pha rol phyin pa dang / /mun pa rdul bsal nyon mongs sbyangs pa mthong / /la las chos kyi 'khor lo bskor ba yang / /thugs rje chen po brnyes pa de mthong ngo / /la las skye rgu tshad med rnam 'dul bar| |skyes bu'i dam pa de ni de bzhin mthong / /la las gzi brjid mtshungs pa med pa de/ /'jig rten thams cad zil gyis mnan mdzad de/ /rdzu 'phrul chags med </font><hr>Ka285b<br><font size=+1>


bla med stobs mnga' ba/ /seng+ge'i nga ro sgrog par de bzhin mthong / /la las rab tu zhi ba'i thugs mnga' ba/ /'jig rten sgron ma mya ngan 'das par mthong / /rnam par 'phrul pa de dag mthong nas kyang / /stobs bcu'i stobs mnga' de dag rab tu shes/ /de nas 'od zer de dag 'jig rten gyi khams de dag nas 'das te shar phyogs logs su 'jig rten gyi khams stong snang bar byas pa nas gzhung de bzhin du steng gi phyogs kyi 'jig rten gyi khams stong gi bar du snang bar byas te 'jig rten gyi khams re rer yang 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs par snang ba de bzhin du 'jig rten gyi khams re re'i gling bzhi pa bye ba phrag brgya kun na yang de bzhin gshegs pa sangs rgyas kyi gdan la bzhugs par snang ngo / /thams cad du'ang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar du'o/ /byang chub </font><hr>Ka286a<br><font size=+1>


@#/ /sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go/ byang chub sems dpa' de dag thams cad kyang de bzhin gshegs pa mtshan 'di zhes bya ba'i zham ring na tshangs pa'i spyad pa spyod pa dag ste| 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go/ byang chub sems dpa' de dag thams cad kyang re re zhing byang chub sems dpa' sangs rgyas kyi zhing bcu'i rdul shin tu phra pa snyed dang lhan cig phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra par gyur to/ /gang gis bde gshegs rnams kyi chos zab pa/ /zil gyis non pa brjod pa med pa rnams/ /gang la 'jig rten rtag tu mos 'gyur ba/ /de dag thams cad rim gyis rab tu ston/ /gal te bdag cag med du zin na ni/ /de yi spyod yul stong pa zhi ba'ang med/ /rang byung rdul rnams shin tu bsal ba yi/ / </font><hr>Ka286b<br><font size=+1>


bde gshegs rnams kyi sku yang ji ltar 'byung / /mkhyen dang rnam grol zhabs dang ldan pa rnams/ /mtshungs pa med la grangs kyang nam yang med/ /de ni 'jig rten 'di na la la dag /rgyu la thogs pa med par 'dod phyir ro/ /gang la phung po med cing khams med de/ /skye mched dag dang skye zhing 'chi med pa/ /de yi grangs ni 'jig rten 'di brnyes pas/ /skyes bu seng+ge rnams su rab tu brjod/ /nang dang phyi zhes bya bar gdags pa rnams/ /de dag rang bzhin dngos nyid song ba ste/ /rtog pa med cid \ CING?\ rnam rtog de bzhin med/ /gzhal du med pa'i chos nyid 'di 'dra'o/ /de dag la ni g.yo pa nam yang med/ /snyems shing ldeg dang sgrib pa gang yang med/ /'jig rten thams cad rjes su rab tu mkhyen/ /mtha' yas 'dul ba'i tshul ni 'di 'dra'o/ /zhi ba'i ting 'dzin spyod yul dgyes pa rnams/ /rtse gcig gnyis la spyod pa'ang ma yin te/ /yid kyis gsog pa'ang de la gang yang med/ /'dir ni sangs rgyas rnam 'phrul mtha' yas pa'o/ /rgyu dang rkyen dang bya ba rnams dag dang / /las kyi rnam smin sems can spyod pa yis/ /rgyal ba rnams kyi ye shes mi ldog ste/ /bde gshegs chos ni de ltar bsam mi khyab/ /phyogs rnams bcu na ji ltar 'khod pa yi/ /'jig rten rnam pa sna tshogs kun gzigs shing / /sems can tshad med yongs su 'brel </font><hr>Ka287a<br><font size=+1>


@#/ /mdzad kyang / /skyes bu'i dbang po de dag rtog mi mnga'/ /thams cad mkhyen pa nyid ni gser gyi mchog/ de yang kun na rnam par kun na gnas/ /de dag bsam pa ci 'dra ji bzhin du/ /thub pa rnams ni de ltar chos kyang ston/ /bam po bcu bdun pa/ de nas 'od zer de dag 'jig rten gyi khams de dag nas 'das te shar phyogs logs su 'jig rten gyi khams stong phrag bcu snang bar byas so/ /gzhung de bzhin du steng gi phyogs su 'jig rten gyi khams stong phrag bcu snang bar byas so/ / 'jig rten gyi khams re rer 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan te/ 'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig par snang ba de bzhin du 'jig rten gyi khams re re dag gi gling bzhi pa bye ba phrag brgya kun na'ang de bzhin gshegs pa bye ba phrag brgya bzhugs par snang ste/ thams cad du'ang sangs rgyas kyi byin gyi rlabs kyis phyogs nas byang chub sems dpa' bcu bcu 'ongs par gyur to/ /byang chub </font><hr>Ka287b<br><font size=+1>


sems dpa' de dag thams cad kyang ming 'di zhes bya ba dag ste/ 'di ltar 'jam dpal nas bzang po'i dpal zhes bya ba'i bar dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog nas 'dra ba'i mdog gi bar dag go/ byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba nas rig byed sna tshogs zhes bya ba dag go/ byang chub sems dpa' de dag thams cad re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod de| de'i tshe tshigs su bcad pa 'di dag kyang so so nas smra bar gyur to/ /lha dang 'jig rten bcas pa zil mnan te/ /snying rje la ni gang zhig sems gtong zhing / /'gro ba thams cad bskyab par zhugs pa rnams/ /de dag las ni 'di 'drar 'gyur bar 'ong / /bde gshegs rnams la snying nas dad bskyed cing / /gang gi sems ni nam yang mi ldog par/ / </font><hr>Ka288a<br><font size=+1>


@#/ /sangs rgyas spyod pa yongs su mi gtong ba/ /de dag las ni 'di 'drar 'gyur bar 'ong / /gang rnams gang du'ang 'jug pa yod med cing / /sangs rgyas yon tan rnams las mi ldog pa/ /shin tu brtan pa blo gdung med pa rnams/ /de dag las ni 'di 'drar 'gyur par 'ong / /gang rnams 'gro zhing 'dug dang 'chag pa'i tshe/ / nyin mtshan rgyan du rjes su sems byed cing / /sangs rgyas bdag nyid che ba sems spel ba/ /de dag las ni 'di 'drar 'gyur bar 'ong / /dus gsum thams cad rab tu gzhal byas kyang / /gang gi sems ni zhum par mi 'gyur zhing / /sangs rgyas yon tan rjes su slob mos pa/ /de dag las ni 'di 'drar 'gyur bar 'ong / /bdag gi rang bzhin yongs su gzhal byas shing / /thams cad ma lus zhi bar byed pa dang / /bdag dang bdag med 'dod chags bral ba'i sems/ /de dag las ni 'di 'drar 'gyur bar 'ong / /gzhan gyis bsam pa yongs su gzhal byas shing / /rtog dang rnam rtog thams cad rab spangs te/ /spyod pa 'di 'dra dag dang ldan gyur pa/ /de dag las ni 'di 'drar 'gyur bar 'ong / /gang rnams bsam gyis mi khyab zhing 'jal zhing / /sems can rgya mtsho yid kyis 'thung byed de/ /blo chen rdzu 'phrul stobs dang ldan gyur </font><hr>Ka288b<br><font size=+1>


pa| |de dag las ni 'di 'drar 'gyur bar 'ong / /gang gis zhing rnams rnam par bsam pa na/ /gzugs dang gzugs med 'du shes yongs med pa/ /thams cad grangs su nye bar 'gro ba ni/ /de dag las ni 'di 'drar 'gyur bar 'ong / /gang rnams zhing ni rdul tu gzhig byas shing / /thams cad phyogs su bkang zhing bgrang byas te/ /de dag nang du rgyal ba 'dzud byed pa/ /de dag las ni 'di 'drar 'gyur bar 'ong / /de nas 'od zer de dag 'jig rten gyi khams de dag 'das nas shar phyogs su 'jig rten gyi khams stong phrag brgya snang bar byas pa nas steng gi phyogs kyi 'jig rten gyi khams re rer yang 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan te/ 'jig rten gyi khams de dag gi khongs su gang ci yang rung ste gtogs par gyur pa de thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig par snang ba de bzhin du 'jig rten gyi khams re re'i gling bzhi pa bye ba phrag brgya dag na yang de bzhin gshegs pa bye ba phrag brgya dag sangs rgyas kyi gdan la bzhugs par snang ste/ thams cad du yang sangs rgyas kyi byin gyi rlabs kyis phyogs bcu </font><hr>Ka289a<br><font size=+1>


@#/ /nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go/ byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go/ byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /mi 'dul kha lo sgyur ba mthu chen la/ /gang dag kha dog rigs kyis </font><hr>Ka289b<br><font size=+1>


lta 'dod pa/ /mig nyams log par lta bar gyur pa ste/ /de dag rgyal ba'i chos nyid mi shes so/ /de bzhin gshegs pa'i kha dog dbyibs dag ni/ /'jig rten kun na'ang shes par nus pa med/ /gang gis bskal pa bye bar bsam byas kyang / /mthu chen rnams kyi kha dog mtha' med do/ /de bzhin gshegs pa mtshan nyid mi mnga' ste/ /chos rnams thams cad mtshan nyid med cing dben/ /yan lag kun ldan blta na nyams med pa/ /bsam pa ji bzhin kun na rab tu snang / /sangs rgyas chos rnams gzhal du yod pa min/ /gang rnams ci yang 'di yi tshul bshad de/ /ldan pa ma yin mi ldan ma yin pas/ /sangs rgyas chos rnams rang bzhin rab tu dben/ /de bzhin gshegs pa phung po 'jig pa med/ / 'byung dang 'jig par spro ba mi mdzad de/ /mnga' brnyes mnga' sgyur rnam par gdon mi za/ /brjod du med pa rten pa rnam par spyod/ /lus dang sems kyang mnyam par rab gyur cing // nang dang phyi yis rnam par dben pas na/ /gnyis po bgrang du mi rung shes pa rnams/ /chags med bcings med bde bar gshegs par 'gyur/ /gya nom snang zhing thugs gsal 'od mdzad pa/ /spyod yul yongs dag kun tu snang gyur te/ /thams cad mkhyen pa kun gzigs kun na bzhugs/ /skye rgu'i don kyang rgya chen yangs pa mdzad/ / </font><hr>Ka290a<br><font size=+1>


@#/ /gcig tu gyur cing mang por rab tu 'gyur/ /mang por gyur cing gcig tu de bzhin 'gyur/ /'gro ba'i khams ni du mar thugs chud cing / /thams cad tshul dang 'dra bar rab tu 'gyur/ /sku med de la chags pa gang yang med/ /byon pa med cing bsags pa yod min yang / /kha dog mtha' yas rnam par dgod byas shing / /'gro ba sna tshogs lus su de dag snang / /'jig rten thams cad sems kyis brtags pa yin/ /sems ni rtogs pa nam yang ma yin te/ /bde gshegs ye shes de 'dra'i rang bzhin no/ /de phyir rgyal ba'i sku ni 'di 'drar snang / /de nas 'od zer de dag 'jig rten gyi khams de dag nas 'das te shar phyogs logs su 'jig rten gyi khams brgya stong phrag bcu snang bar byas nas gzhung de bzhin du steng gi phyogs kyi 'jig rten gyi khams brgya stong phrag bcu'i bar du snang bar byas te| 'jig rten gyi khams re rer yang 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / </font><hr>Ka290b<br><font size=+1>


byang chub sems dpa' sangs rgyas kyi zhing bcu'i rdul shin tu phra ba snyed dang thabs cig par snang ba de bzhin du 'jig rten gyi khams re re'i gling bzhi pa bye ba phrag brgya dag na yang de bzhin gshegs pa bye ba phrag brgya dag sangs rgyas kyi gdan la bzhugs par snang ste/ thams cad du'ang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go/ byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go/ byang chub sems dpa' thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams </font><hr>Ka291a<br><font size=+1>


@#/ /cad thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /'jig rten rang byung de las mchog med pa/ /mi gnas dam pa phul dang mchog gi rnams| |drang srong chen po srid pa'i rgyud 'grel pa/ /yon tan kun ldan rnam dag 'di yin no/ /'du 'dzi med cing chags pa mi mnga' la/ /'du shes dngos med gnas pa med pa rnams/ /phun sum dge ldan smad pa mi mnga' ba/ /mgon po rnams kyi chos nyid thub par dka'/ /shin tu 'od snang dag par gyur pa rnams/ /brgal du glags med rnyog pa med pa'i rnams/ /g.yo med mtha' ma rnam par spangs pa yi/ /bde gshegs rnams kyi ye shes tshul 'di yin/ /lus dang sems la rnam par rtog med cing / /bde gshegs chos la gang zhig 'jug 'gyur ba/ /de dag chos rnams kun gyi rang bzhin la/ /nam yang nem nur dbang du mi 'gro'o/ /'jig rten dag na dmigs pa gang yod pa/ /de dag kun la bstan pa'i chos 'jug ste/ /gang dag phyir rgol med pas bstan mdzad kyang / /rang bzhin ldog par 'gyur ba gang yang </font><hr>Ka291b<br><font size=+1>


med| |dngos po rab shes las rnams yod min par/ /the tshom thams cad rnam par spangs byas te/ /sangs rgyas byang chub rab tu rtogs pa'i tshe/ /sems la rnam par 'byed pa nam yang med/ /mi shes chos rnams rnam par phye ba dag/ byung med tshig gi lam gyis rab brjod pa/ /sangs rgyas gsung gi rjes su 'brangs byas na/ /gcig kyang ma yin mang po'ang ma yin no/ /mang dang gcig pa nam yang yod min te/ /mang po rnams la gcig pa yod med do/ /mang dang gcig pa rnam par bsgoms byas na/ /sangs rgyas yon tan mtha' yas shes par 'gyur/ /'jig rten kun tu sems can zhing rnams dang / /shin tu zhi ba'i chos rnams rnam bltas te/ /mi gnas sems la rtog pa med pa yi/ / dran ldan sangs rgyas byang chub thob par 'gyur/ /sems can chos dang de bzhin zhing gi rnams/ /de dag rang bzhin ji bzhin brtags byas na/ /gcig dang tha dad gyur pa ma yin te/ /de ltar sangs rgyas tshul 'di shes pa yin/ /de nas 'od zer de dag 'jig rten gyi khams de dag nas 'das te shar phyogs logs su 'jig rten gyi khams bye ba snang bar byas nas steng gi phyogs kyi 'jig rten gyi khams bye ba'i bar du snang bar byas te/ 'jig rten gyi khams re rer yang 'dzam bu'i gling bye ba phrag brgya bstan </font><hr>Ka292a<br><font size=+1>


@#/ /pa nas 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig par snang ba de bzhin du 'jig rten gyi khams re re'i gling bzhi pa bye ba phrag brgya kun na yang de bzhin gshegs pa bye ba phrag brgya dag sangs rgyas kyi gdan la bzhugs par snang ngo / /thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi </font><hr>Ka292b<br><font size=+1>


g.yo ba zhes bya ba nas rig byed sna tshogs zhes bya ba'i bar dag go /byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba bde bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to| |shes rab dpag med chos rnams mtha' yas pa/ /srid pa rgya mtsho'i pha rol phyin pa dag /tshe ring nad med mnyam med mtshungs med 'od/ /yon tan che mnga' 'di dag sbyor 'di'o/ /gang gis sangs rgyas chos rnams dngos rtogs shing / /dus gsum kun tu brtags kyang mi ngoms te/ /dmigs pa shes byed rnam par mi rtog pa/ /bsam yas mos pa de dag sbyor 'di'o/ /sems can yul mos sems can 'du shes med/ /'jig tshogs chos shes lam gyi rgyud dang bral/ /bsam gtan nang dad sems la bcings pa med| |chags med yid ldan de dag sbyor 'di yin/ /rtogs mkhas rab tu rtogs pa'i chos can rnams/ /mya ngan 'das spyod rigs la brtson pa dag /thar pa'i lam </font><hr>Ka293a<br><font size=+1>


@#/ /brtson mnyam pa nyid ldan pa/ /zhi ba thob pa de dag sbyor 'di'o/ /ded dpon rjes song sangs rgyas byang chub mchog /thams cad mkhyen pa chos dbyings bzhin rtogs shing / /bden 'jug mkhas pas sems can rnam 'dul ba/ /bde gshegs bsam gtan de dag sbyor 'di 'o/ /sangs rgyas don tshig rjes su shes bya zhing / /chags med blo yangs rtogs shing bsam gtan byed/ /kun tu 'gro bar song bas rtsol spyod pa/ /rang byung spyod pa de dag sbyor 'di 'o/ /nam mkha'i dbyings dang sprul pa yid ldan rnams/ /gnas dang rang bzhin mtshan nyid shes pa dag /mya ngan 'das rigs spyod pa mkha' 'dra rnams/ /thob dka' thob pa rnams kyi sbyor 'di 'o/ /zla ba zla phyed nyin dang nub bgrang zhing / /lo dang bskal pa'i rang bzhin su sems pa/ /'jig rten 'du zhing 'jig par 'gyur ba dang / /grangs tshul sus rtogs de dag sbyor 'di 'o/ /zhing gi sems can ji snyed skye 'chi ba/ /gzugs dang gzugs med 'du shes 'du shes med/ /de dag ming dang gnas pa rtogs shes pa/ /bsam gyis mi khyab rtogs pa'i sbyor 'di 'o/ /'das pa'i dus dang ma 'ongs da ltar la/ /ngag gi lam gyis gang na rtog byed cing / /dus gsum rang bzhin ji ltar rtogs gyur </font><hr>Ka293b<br><font size=+1>


pa| |mnyam med de dag sbyor ba 'di yin no/ /de nas 'od zer de dag 'jig rten gyi khams de dag nas 'das te shar phyogs logs su 'jig rten gyi khams bye ba phrag bcu snang bar byas nas steng gi phyogs su 'jig rten gyi khams bye ba phrag bcu'i bar du snang bar byas te/ 'jig rten gyi khams re rer yang 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig par snang ba de bzhin du 'jig rten gyi khams re re'i gling bzhi pa bye ba phrag brgya dag kun na yang de bzhin gshegs pa bye ba phrag brgya dag sangs rgyas kyi gdan la bzhugs par snang ngo / /thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go /byang chub sems dpa' de dag thams cad kyang 'jig rten gyi khams ming 'di zhes </font><hr>Ka294a<br><font size=+1>


@#/ /bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go /byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod do/ /gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /'das dus gang gis sgrub dka'i brtul zhugs che brtsams shing / /nam yang zhum pa'i sems su gtong bar mi byed de/ /brgal dka' rgal te bdag gis sems can kun 'dul zhes/ /seng+ge'i sgra sgrog de dag spyod yul 'di yin no/ /gang zhig 'dod dang sred pa 'byung zhing 'jug pa dang / /ma rig gzhol ba gti mug mang bsgribs 'jigs chen rnams/ /sems </font><hr>Ka294b<br><font size=+1>


can rang bzhin bdag med brtan pa bzod par 'jug /bdag kyang 'jig rten mgon 'gyur zhes pa de yul 'di/ /'jig rten sems can mang po 'dod dregs 'dam bying ba/ / med pa'i chos la rtog pas sdug bsngal mthong gyur nas/ /sangs rgyas spyod yul chos la bag yod gang spyod cing / /bdag gis sems can kun bsgral de dag spyod yul 'di| |mngon mtha' shes dka' tshad med brtan pas mthong gyur cing / /bdag rten sems can pha rol mtha' yas 'khor gyur pa/ /de dag rgyal bas theg pa zhi ba mchog la bkod/ /bdag gis de 'dra'i chos bstan de yi spyod yul lo/ /sems can khams rnams mgon med nad kyis gzir gyur cing / /ngan song gzhol pa 'dod chags zhe sdang gti mug gdungs/ /me lce 'bar phung 'jigs gzugs mi bzad bsregs gyur pa/ /mthong nas dgrol phyir zhugs pa de dag spyod yul 'di 'o/ /lam gol lam ma yin pa'i rkyen la spyod gyur cing / /mun pa chen po rtol bar dka' rnyed 'gro mthong nas/ /snang ba chen po bskyed de sangs rgyas chos bstan ces/ /'di skad tshig brjod de dag spyod yul 'di yin no/ /srid pa'i mtshos g.yengs sems can rab tu mang ba dag /mtha' ma mi mthong skyabs med do zhes mi dga' ba/ /mthong nas brtson 'grus stobs </font><hr>Ka295a<br><font size=+1>


@#/ /bskyed chos kyi gru sbyar cing / /pha rol su 'gro zhes brjod de dag spyod yul 'di 'o/ /sems can rtsa ba med la gnas pa mi mkhas kun/ /g.yang sa chen por lhung zhing sems nyams rmongs mthong nas/ /snying rjes chos kyi zam la mkhas pa su dgod cing / /dran par gyis shes su smra de dag spyod yul 'di 'o/ /shin tu dog pa'i brtson rar sdug bsngal sems can rnams/ /na dang rga bas gzir cing tsham gyis mnar ba dag /mthong nas bdag gis thabs kyi chos rnams kun brtsams te/ /sems can kun 'grol sems dpa' de dag spyod yul 'di 'o/ /sangs rgyas chos rnams thams cad thos gyur the tshom ma med/ /chos dbyings spyod yul phyogs bcu kun tu rgyas bkang ste/ /'di dag thams cad brtags na gsog kyang mi gzigs shing / /sems can kun la snyoms byed de yi spyod yul lo/ /de nas 'od zer de dag 'jig rten gyi khams de dag nas 'das te shar phyogs logs su 'jig rten gyi khams bye ba phrag brgya snang bar byas so/ /'jig rten gyi khams bye ba stong snang bar byas so/ / /'jig rten gyi khams bye ba brgya phrag stong snang bar byas so/ /'jig rten gyi khams bye ba khrag khrig snang bar byas so/ /'jig rten gyi khams bye ba khrag khrig brgya snang </font><hr>Ka295b<br><font size=+1>


bar byas so/ /'jig rten gyi khams bye ba khrag khrig stong snang bar byas so/ /'jig rten gyi khams bye ba khrag khrig brgya phrag stong snang bar byas so/ /'jig rten gyi khams tshad med pa snang bar byas so/ /'jig rten gyi khams gzhal du med pa snang bar byas so/ /'jig rten gyi khams grangs med pa snang bar bya so/ /de bzhin du 'jig rten gyi khams bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ dpag tu med pa/ brjod du med pa dag kyang snang bar byas so/ /'jig rten gyi khams chos kyi dbyings kyis klas pa/ nam mkha'i mthas gtugs pa thams cad kyang snang bar bya so/ /gzhung de bzhin du lho phyogs dang / de bzhin du nub phyogs dang de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs nas steng gi phyogs kyi bar du 'jig rten gyi khams bye ba snang bar byas so/ /'jig rten gyi khams bye ba stong snang bar byas nas nam mkha'i mthas gtugs pa'i bar gyi 'jig rten gyi khams thams cad kyang snang bar byas so/ /de ltar phyogs bcu shin tu rgyas par byas nas chos </font><hr>Ka296a<br><font size=+1>


@#/ /kyi dbyings ma lus pa thams cad kyang snang bar byas so/ /'jig rten gyi khams re rer yang 'dzam bu'i gling bye ba phrag brgya bstan pa nas gzhung de bzhin du 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad kyang ril gyis bstan to| |ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig par snang ba de bzhin du 'jig rten gyi khams re re'i gling bzhi pa bye ba phrag brgya kun na yang de bzhin gshegs pa bye ba phrag brgya dag sangs rgyas kyi gdan la bzhugs par snang ngo / /thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ong par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go /byang chub sems dpa' de </font><hr>Ka296b<br><font size=+1>


dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyod pa spyad pa dag ste/ 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go /byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod do/ /gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /bskal pa gzhal yas bsam gyis mi khyab sems kyi skad cig la/ /gang gis mthong yang bsags med 'gro dang dngos po'i tshul med pa'i/ /lam du rab tu 'jug pa de na thams cad shes 'gyur te| |stobs bcus tshul 'di ji ltar mkhyen bzhin 'jigs med sangs rgyas 'gyur/ /grags pa snyan par phyogs rnams kun tu mtshungs med grags gyur cing / /bgegs rnams kun las 'das te chos nyid 'di la dgar spyad de/ /tshad med thams cad so sor zhi zhing don rnams kun rtogs pas/ /de phyir phyogs rnams kun bkang bde gshegs </font><hr>Ka297a<br><font size=+1>


@#/ /chos nyid 'di ston to/ /dgongs pa ji bzhin de ni spyod pa'i 'bras bu mthun pa ste/ /'jig rten don 'gyur de bzhin gshegs la mchod pa yang byas shing / /de dag thams cad so sor mthun par ye shes rnams bsgoms pas/ /sems can dam pa sangs rgyas rnam 'phrul 'di 'dra phyogs bcur ston/ /thog mar nyan 'dod bla ma bsnyen bkur bzod pa des byas shing / /rang bzhin med pa'i chos la rab rtog bsam gtan bsnyen byed pa/ /bde gshegs nyid ni rtogs 'gyur 'gro ba rnam sgom sems tshim byed/ /chos nyid de 'dra spyod pa myur du bde gshegs thob par 'gyur/ /snying nas 'dri zhing phyogs rnams rgyal byed rtse gcig thub byed cing / /rgyal ba'i yon tan mos las mi ldog spyod pas tshim byed pa/ /dngos dang dngos med thams cad shes byas spangs shing dngos zad pa'i/ /sangs rgyas bdag med dpe med mthong ba de dag lus 'di yin/ /bzang po'i spyod yul can gyi sems kyis phyogs rnams kun bkang zhing / /zhing rnams thams cad chos kyi gter gyis khyab byas tshim byed pa// ji bzhin chos gnas chos nyid mtha' la the tshom med pa rnams/ /stobs bcu ci 'dra de bzhin gyur pa'i lus ni 'di dag go /bcom ldan 'das kyis chos gang sgra brjod </font><hr>Ka297b<br><font size=+1>


de la 'jug byed cing / /chos kyi 'khor lo ji bzhin blta dka' gzhal yas rtag bskor ba/ /de bzhin gshegs pas gsungs pa'i gsung kun byang chub yan lag rtogs/ /de ltar 'jug pas rtag tu sangs rgyas sku rab 'di dag mthong / /mthong yang mig gi rnam shes tshul du rdul med mthong ba med/ /rnam shes sgyu ma bzhin pas mig stong stobs bcu mi mthong ngo / /'du shes thams cad rnam rtog yin gyi sangs rgyas mthong ba min/ /shin tu chags med yul med de ni rgyal ba mthong ba yin/ /sems can las mang bsags pa de dag shin tu blta dka' ste/ /nang dang phyi dang dbyibs dang mdog tu phyogs bcu kun na med/ /de bzhin rang byung sku ni gzhal yas phyogs rnams kun 'gengs pa/ /shes par dka' ba 'dren pa chen po bsgribs pa med pas brnyes/ /nam mkha' dag la zhing rnams bye ba dngos por gnas par snang / /de nas 'ong ba med cing phyogs bcu kun tu 'gro ba med/ /gcig cing gnas par 'gyur yang de dag ci la'ang gnas pa med/ /de bzhin rang byung rnams kyi sku ni mkha' dbyings rtag tu 'gengs/ /shin tu rgyas pa chen po'i mdo/ sangs rgyas phal po che zhes bya ba las/ de bzhin gshegs pa'i 'od zer las rnam par sangs rgyas pa'i le'u ste/ bcu bzhi pa'o// //de nas byang chub sems dpa' </font><hr>Ka298a<br><font size=+1>


@#/ /'jam dpal gyis byang chub sems dpa' sangs rgyas dpal la 'di skad ces smras so/ /kye rgyal ba'i sras/ rang bzhin gcig pa'i sems la bye brag tha dad pa'i rnam pa 'di lta bu dag 'di lta ste/ bde 'gror 'gro ba dang / ngan song du 'gro ba dang / dbang po tshang ba dang / dbang po ma tshang ba dang / skye ba mthun pa dang / skye ba mi mthun pa dang / sdug pa dang / mi sdug pa dang / bde ba myong ba dang / sdug bsngal myong ba snang ba dag la ltos/ las kyis ni/ sems mi shes so/ /sems kyis ni/ las mi shes so| |tshor bas ni/ rnam par smin pa mi shes so/ /rnam par smin pas ni/ tshor ba mi shes so/ /sems kyis ni/ tshor ba mi shes so/ /tshor bas ni/ sems mi shes so| |rgyus ni/ rkyen mi shes so/ /rkyen gyis ni/ rgyu mi shes so/ /dngos pos ni/ dmigs pa mi shes so/ /dmigs pas ni/ dngos po mi shes so/ /de nas byang chub sems dpa' sangs rgyas dpal gyis byang chub sems dpa' 'jam dpal la tshigs su bcad de smras pa/ sems can bstan par bya ba'i phyir/ /gang 'di yongs su dris pa dag/ chos rnams chos nyid ci 'dra ba/ /'jam dpal bdag las mnyan par gyis/ /chos rnams 'di dag g.yo ba med/ /shin tu dngos po med pa ste/ /de phyir gzhan gyis </font><hr>Ka298b<br><font size=+1>


gzhan dag gi /ngo bo nyid kyang mi shes so/ /ji ltar chu klung rgyud kyi rnams/ /gzhan dang gzhan du 'grogs rgyu yang / /gcig gis gcig ni mi shes te/ /chos kyi chos nyid de bzhin no| |ji ltar 'bar ba'i mtshan ma can/ /'od 'phro gzhan dang gzhan 'grogs kyang / /gcig gis gcig ni mi shes te/ /chos kyi chos nyid de bzhin no/ /ji ltar rlung ni bsten tshul gyis| |gzhan dang gzhan du rab tu rgyu/ /gcig gis gcig ni mi shes te/ /chos kyi chos nyid de bzhin no/ /ji ltar sa yi khams kyi rnams/ /gcig la gcig ni gnas gyur kyang // gcig gis gcig ni mi shes te/ /chos kyi chos nyid de bzhin no/ /mig dang rna ba sna dag dang / /lce dang lus dang yid kyi rnams/ /'di dag las ni rgyu 'khod kyang / /byed pa po ni gang yang med/ /'byung ba'i rang bzhin med pa yis/ /'byung ba nye bar bstan byas kyang / /bstan par byas pa gang yang med/ /bstan pa la ni dngos med de/ /mig ni rang bzhin nyid kyis stong / /rna ba sna yang rang bzhin gyis/ /lce dang lus dang yid rnams kyang / /med de yongs su brtags pa yin/ /gang zhig rang bzhin dngos med par/ / tshul bzhin rab tu rtog byed pa/ /de yi mig la 'khrul pa med/ /chos mig bsam gyis mi khyab pa'o/ /yang dag pa dang yang dag min/ /bden nam 'on te rdzun yang rung / /'jig </font><hr>Ka299a<br><font size=+1>


@#/ /rten 'das dang 'jig rten kun/ /tshig gi lam gyis brjod pa'o/ /de nas byang chub sems dpa' 'jam dpal gyis byang chub sems dpa' nor dpal la 'di skad ces smras so/ /kye rgyal ba'i sras/ sems can thams cad sems can med mod kyi/ 'on kyang de bzhin gshegs pa ni/ sems can 'dul ba'i dus la ji ltar 'bab pa dang / sems can gyi tshe ji lta ba dang / lus ji lta ba dang / spyod pa ji lta ba dang / mos pa ji lta ba dang / mtshan ma ji lta ba dang / bsam pa ji lta ba dang / sbyor ba ji lta ba dang| sems ji lta ba dang / spyod pa ji lta ba de bzhin du sems can rnams kyi sems can 'dul ba'i phyir mthong ngo / /de nas byang chub sems dpa' nor dpal gyis byang chub sems dpa' 'jam dpal la tshigs su bcad de smras pa/ gang rnams rab tu zhi spyod cing / /thos dang ldan pa'i sa 'di yin/ /'di don ci 'dra de bzhin du/ /'jam dpal bdag las mnyan par gyis/ /bdag gi lus la su gnas shes/ /gang gis nad ni rab shes pa/ /yang dag yod dam med pa'i don/ /des ni rab tu shes pa yin/ /lus kyi rnam par dgod pa ni/ /phyogs na mi gnas brjod pa yin/ /de bas shes pa de gnas la/ /nam yang chags par mi byed do/ /lus ni rnam par spyod pa yis/ /dngos po kun </font><hr>Ka299b<br><font size=+1>


kyang rnam par bsgoms/ /sems ni phyir ldog mi 'gyur te/ /dngos po kun ni brtags pa'o/ /gang gi tshe ni rjes su 'brang / /gang gi tshe ni phyir ldog 'gyur/ /ji ltar mgal me 'khor lo yi/ /thog ma tha ma 'khor ba bzhin/ /dngos po thams cad mi rtag par/ /skye bo gang rnams rtog pa yang / /lus la bdag kyang med pa'i phyir/ /'du shes phyir yang ldog par 'gyur/ /bdag med rmi lam lta bu yi/ /las ni kun tu rab tu 'byung / /rnam par smin pas rab tu 'byung / /phyi ma ji bzhin sngon de bzhin/ /sems ni dbang byed yin par bshad| |dad pa'i tshul ni ji bzhin du/ /tshul bzhin ma yin phyin ci log/ 'jig rten thams cad ston par byed/ /ji snyed 'jig rten brda yod pa/ /de dag thams cad brtags pa ste| |chos nyid de ni nam du yang / /chos gcig la yang mi gnas so/ /rkyen rnams la ni rten bcas te/ /chos rnams so sor rab tu 'byung / /de dag ldog par de bzhin 'gyur| |phyi ma ji bzhin sngon de bzhin/ /de nas byang chub sems dpa' 'jam dpal gyis byang chub sems dpa' rin chen dpal la 'di skad ces smras so/ /kye rgyal ba'i sras dag/ sems can thams cad kyi 'byung ba chen po bzhi rnams yongs su 'dzin pa med cing bdag gi med la mnyam pa yin yang 'on kyang bde ba'i tshor ba dag kyang snang / </font><hr>Ka300a<br><font size=+1>


@#/ /sdug bsngal gyi tshor ba dag kyang snang / yid du 'ong bar byed pa dang / yid du mi 'ong bar byed pa dang / nang du byed pa dang / phyi rol tu byed pa dang / tshor ba chung ba dang / tshor ba che ba dang / tshe 'di la myong ba dang / tshe gzhan la myong ba dag kyang snang la/ chos kyi dbyings la ni/ yid du 'ong ba'am/ yid du mi 'ong ba yang med pa 'di ci zhig |de nas byang chub sems dpa' rin chen dpal gyis byang chub sems dpa' 'jam dpal la tshigs su bcad de smras pa/ ji ltar las rnams byas gyur pa/ /tshor ba de bzhin 'byung 'gyur gyi/ /'di la byed pa gang yang med/ /'di ni sangs rgyas bstan pa'o/ /shin tu phyis pa'i me long la/ /de ni ji ltar 'dug pa bzhin/ /de la de ni de bzhin snang / /chos kyi rang bzhin de bzhin no/ /ji ltar zhing dang sa bon dag /gcig gis gcig ni mi shes kyang / /rang bzhin nye bar ston par byed/ /las kyi rang bzhin de bzhin no/ /sgyu ma byed pa mkhas pa zhig /lam po cher ni song 'dug ste/ /gzugs rnams ston par byed pa bzhin/ /las kyi rang bzhin de bzhin no/ /ji ltar shing gi 'khrul 'khor rnams/ /sna tshogs sgra mang rjod byed kyang / /de ni bdag dang bdag med min/ /las kyi rang bzhin de bzhin no/ /ji ltar bya rnams mang po yi/ / </font><hr>Ka300b<br><font size=+1>


sgo nga'i sbubs ni phye ba las/ /sgra skad gzhan dang gzhan 'gyur ba/ /las kyi rang bzhin de bzhin no/ /ji ltar ma yi mngal du yang / /bu ni 'pho bar mi 'gyur te/ /'on kyang dbang po sna tshogs 'gyur/ /las kyi rang bzhin de bzhin no/ /ji ltar sems dmyal 'jigs pa na/ /gshin rje'i ris gtogs sdug bsngal ba/ /de dag la ni 'ong ba med/ /las kyi rang bzhin de bzhin no/ /ji ltar rin chen mchog rnams dang / /lha yi bu rnams kun ldan yang / /'pho bar snang ba gang yang med/ /de bzhin las kyi rang bzhin no/ /ji ltar 'jig rten la la dag /bsam gyis mi khyab 'bar gyur kyang / /de dag 'ong ba gang yang med/ /las kyi rang bzhin de bzhin no/ /de nas byang chub sems dpa' 'jam dpal gyis byang chub sems dpa' yon tan dpal la 'di skad ces smras so/ /kye rgyal ba'i sras dag/ de bzhin gshegs pas chos gcig mngon par sangs rgyas na/ 'on kyang chos tshad med pa yang yang dag par ston zhing tshad med pa yang rnam par ston/ sems can tshad med pa yang rab tu ston/ gsung tshad med pa yang shin tu sgrog /sku tshad med pa yang shin tu ston/ bsam pa tshad med pa yang thugs su chud/ rdzu 'phrul tshad med pa yang yang dag par ston/ 'jig rten gyi khams tshad med pa yang shin tu skyong / rgyan tshad med pa yang byin gyis </font><hr>Ka301a<br><font size=+1>


@#/ /rlob| spyod yul tshad med pa yang shin tu ston la/ chos kyi dbyings kyang rnam pa tha dad du mi snang ba 'di ci zhig/ de nas byang chub sems dpa' yon tan dpal gyis byang chub sems dpa' 'jam dpal la tshigs su bcad de smras pa/ gnas 'di shes par dka' ba ste/ /rgyal ba'i sras kyis bdag la dris/ /de ni mkhas pas rnam par shes/ /yon tan mos pa dpyod par byed/ /ji ltar sa ni gcig pu yang / /sems can mang po rab tu rgyu/ /de la gcig dang tha dad med/ /sangs rgyas chos nyid de bzhin no/ / ji ltar me ni gcig pu yang / /'jig rten kun na kun kyang 'bud/ /de la me lce tha dad med/ /sangs rgyas chos nyid de bzhin no/ /ji ltar rgya mtsho gcig pu las/ /chu klung tshad med 'bab gyur kyang / /de la chu yi bye brag med/ /sangs rgyas chos nyid de bzhin no/ /ji ltar rlung ni gcig pu yang / /'jig rten kun tu rgyu zhing ldang / /de la gcig dang tha dad med/ /sangs rgyas chos nyid de bzhin no/ /sprin chen rnams ni 'brug bsgrags shing / /sa rnams kun kyang ngoms par byed/ /de yi char la bye brag med/ /sangs rgyas chos nyid de bzhin no/ /ji ltar sa ni gcig pu yang / /myu gu sna tshogs 'byin cing ston/ /sa la bye brag 'byed pa med/ /sangs rgyas chos nyid de bzhin no/ /ji ltar sgrib med nyi ma </font><hr>Ka301b<br><font size=+1>


ni| |phyogs bcu kun na snang bar byed/ /de la 'od zer tha dad med/ /sangs rgyas chos nyid de bzhin no/ /ji ltar nam mkha'i zla ba ni/ /'jig rten kun la rab tu snang / /gnas nas 'gyur ba gang yang med/ /sangs rgyas chos nyid de bzhin no/ /ji ltar tshangs pa mi mjed bdag /stong gsum na ni 'dug mod kyi/ /de la lus ni bye brag med/ /sangs rgyas chos nyid de bzhin no/ /de nas byang chub sems dpa' 'jam dpal gyis byang chub sems dpa' mig gi dpal la 'di skad ces smras so/ /kye rgyal ba'i sras/ de bzhin gshegs pa la dge ba bskyed par gcig kyang de bzhin gshegs pa la dge ba'i rtsa ba bskyed pa'i sems can rnams gzugs sna tshogs dang / kha dog sna tshogs dang / rigs sna tshogs dang / dbang po sna tshogs dang / longs spyod sna tshogs dang / dbang sna tshogs dang / 'khor sna tshogs dang / phyug dbul sna tshogs dang / yon tan sna tshogs dang / shes rab sna tshogs su'ang snang la/ de bzhin gshegs pa ni/ gang la'ang mi mnyam pa'am/ tha dad du dgongs pa gang yang med na 'di ci zhig/ de nas byang chub sems dpa' mig gi dpal gyis byang chub sems dpa' 'jam dpal la tshigs su bcad de smras pa/ ji ltar sa ni ro gcig kyang / /sa bon tshul bzhin myu gu ston/ /byams dang sdang bar sems pa med/ / </font><hr>Ka302a<br><font size=+1>


@#/ /sangs rgyas yon phul de bzhin no/ /ji ltar chu ni ro gcig kyang / /snod kyi dbang gis rnam par 'gyur/ /de bzhin sangs rgyas yon phul ba/ /rgyud kyi rnams la rnam par 'gyur/ /ji ltar sgyu mkhan mkhas pa ni/ /rtag tu 'khor kyang mgu bar byed/ /de bzhin sangs rgyas yon phul ba/ /shin tu sbyangs pa dga' bar byed/ /ji ltar mkhas pa'i rgyal po dag/ 'gro ba mang po shes par byed/ /de bzhin sangs rgyas yon phul ba/ /ji ltar bskyed bzhin shes par byed/ /ji ltar dri med me long la/ /ci 'dra'i gzugs rnams de bzhin snang / /de bzhin sems can bsam tshul du/ /sangs rgyas yon phul rnam dag 'gyur/ /ji ltar dug phan sman gyi rnams/ /dug nad thams cad sos par byed/ /de bzhin sangs rgyas yon phul ba/ /nyon mongs dug ni chen po sel/ /ji ltar nyi ma shar ba ni/ /'gro ba 'di dag snang bar byed/ /mun pa dag kyang rnam par sel/ /sangs rgyas yon phul de bzhin no/ /ji ltar zla ba dri med pa/ /kun tu mnyam pa nyid byas te/ /sa ni rab tu snang bar byed/ /sangs rgyas yon phul de bzhin no/ / ji ltar chu yi stobs shugs kyis/ /sa ri thams cad g.yo 'gyur ba/ /sangs rgyas yon phul de bzhin du/ /srid gsum 'khor ba rnams kyang skyong / /'bar dang 'od 'phro </font><hr>Ka302b<br><font size=+1>


bcas pa'i me/ /thams cad dag tu sreg pa'i dngos/ /de bzhin sangs rgyas yon phul ba/ /'du byed thams cad sreg par byed/ /de nas byang chub sems dpa' 'jam dpal gyis byang chub sems dpa' brtson 'grus dpal la 'di skad ces smras so/ /kye rgyal ba'i sras/ de bzhin gshegs pa'i bstan pa gcig na/ thams cad lta ba mthun pas nyon mongs pa thams cad spong bar ci'i phyir mi 'gyur/ de dag kun la yang gzugs ni/ gzugs nyid du zad/ tshor ba yang tshor ba nyid du zad/ 'du shes kyang 'du shes nyid du zad/ 'du byed rnams kyang 'du byed rnams nyid du zad/ rnam par shes pa yang rnam par shes pa nyid du zad/ 'dod pa'i khams kyang 'dod pa'i khams nyid du zad/ gzugs kyi khams kyang gzugs kyi khams nyid du zad/ gzugs med pa'i khams kyang gzugs med pa'i khams nyid du zad/ ma rig pa yang ma rig pa nyid du zad/ sred pa yang sred pa nyid du zad la/ de bzhin gshegs pa'i bstan pa yang phan par byed pa'am/ gnod par byed pa ma yin na/ de ci'i phyir/ de nas byang chub sems dpa' brtson 'grus dpal gyis byang chub sems dpa' 'jam dpal la tshigs su bcad de smras pa/ de ltar khyod kyis gang dris pa/ /la la myur du rnam grol zhing / /la la dka' bar 'grol 'gyur ba/ /sangs rgyas sras po </font><hr>Ka303a<br><font size=+1>


@#/ /bdag la nyon/ /'di ni dpag tu med pa yi/ /sangs rgyas bstan gyi nyes ma yin/ /dad dang brtson 'grus nan tan gyis/ /rtag tu khyad par 'gyur ba yin/ / ji ltar rtsa dang shing gsher ba/ /mer bcug shin tu nyam chung zhing / /ring por mi thogs 'chi bar 'gyur/ /de bzhin le lo bstan pa la/ /ji ltar gtsubs nas gtsubs pa'i tshe| |ma byung ba ni myur bteg na/ /myur du 'chi bar 'gyur ba bzhin/ /de ltar le lo bstan pa la/ /nyi ma'i nor bu lci ba la/ /yang dang yang bzhag bteg pa ni/ /de la me 'byung mi 'gyur te/ /de bzhin le lo bstan pa la/ /ji ltar nyi ma shar ba'i tshe/ /byis pa rnams ni mig btsums shing / /mi mthong ci phyir zhes smra ba/ /de bzhin le lo bstan pa la| |rkang lag med par skyes pa'i mi/ /ji ltar smyig mnga' kha bug gis/ /sa ni dbug par 'dod pa bzhin/ /de ltar le lo bstan pa la/ /ji ltar byis pas rgya mtsho las// yang dang yang du bcus byas shing / /skam par la la 'dod pa ltar/ /de bzhin le lo bstan pa la/ /ji ltar bum pa chus bkang bzhin/ /bskal pa'i me ni byung ba'i tshe/ /la la gsad par 'dod pa ltar/ /de bzhin le lo bstan pa la/ /ji ltar la la phyogs bcu yi/ /nam mkha' ji snyed tha mal pa'i/ /gzugs kyis rgyas par dgang smra ba/ /de bzhin </font><hr>Ka303b<br><font size=+1>


le lo bstan pa la/ /de nas byang chub sems dpa' 'jam dpal gyis byang chub sems dpa' chos dpal la 'di skad ces smras so/ /kye rgyal ba'i sras/ chos kyi tshul nyon mongs pa thams cad skem pa 'di nyid blangs kyang sems can la la 'dod chags kyi dbang du 'gro/ la la zhe sdang gi dbang du 'gro/ la la gti mug gi dbang du 'gro/ nga rgyal gyi dbang du 'gro/ 'chab pa'i dbang du 'gro/ 'khon du 'dzin pa'i dbang du 'gro/ phrag dog gi dbang du 'gro /ser sna'i dbang du 'gro /sgyu'i dbang du 'gro zhing / g.yo'i dbang du 'gro la/ chos de dag kyang sems med par gzung du yang mi nus te/ nyon mongs par gdags pa kun gyi rnam pa kun tu sems kyi rgyud du zad na/ de ji lta bu/ de nas byang chub sems dpa' chos dpal gyis byang chub sems dpa' 'jam dpal la tshigs su bcad de smras pa/ gang gi don du dris pa rnams/ /sangs rgyas sras po nga las nyon/ /yang dag sangs rgyas bstan pa 'di/ /thos pa tsam gyis mi 'grub bo/ /la la stobs med chu klung gis/ /nad kyis khyer bar gyur pa dag /skom zhing shi bar gyur pa bzhin/ /ma bsgoms chos kyang de bzhin no/ /ji ltar 'gro ba mang po la/ /zas dang skom dag sbyin byas kyang / /bdag nyid bkres pas shi ba ltar/ /de bzhin chos la ma bsgoms pa'o/ /ji ltar sman pa la la zhig /sman rnams thams cad bdog bzhin du/ / </font><hr>Ka304a<br><font size=+1>


@#/ /lto yi nad kyis shi ba bzhin/ /chos la ma bsgoms de bzhin no/ /ji ltar dbyig gi mdzod dag tu/ /rin chen mang po bgrang byed kyang / /nam phyed tsam yang mi 'thob pa/ /chos la ma bsgoms de bzhin no/ /ji ltar bde ba kun ldan pa'i/ /rgyal po'i pho brang 'khor skyes kyang / /zas dang skom dag mi bdog pa/ /de bzhin chos la ma bsgoms pa'o/ /ji ltar 'on pa rol mo yi/ /sil snyan glu la mkhas pa zhig /gzhan dag de yis dga' byed pa/ /chos la ma bsgoms de bzhin no/ /ji ltar dmus long ri mo mkhan/ /tshong dus dbus su 'brir 'jug kyang / /bdag nyid kyis ni mi mthong ba/ /chos la ma bsgoms de bzhin no/ /ji ltar mtsho chen mnyan pa zhig /skye bo mang po sgrol byed kyang / /bdag nyid de nang 'chi 'gyur ba/ /chos la ma bsgoms de bzhin no/ /ji ltar lam gyi bzhi mdor yang / /phun sum tshogs pa kun brjod cing / /bdag gis thob par mi 'gyur ba/ /chos la ma bsgoms de bzhin no/ /de nas byang chub sems dpa' 'jam dpal gyis byang chub sems dpa' ye shes dpal la 'di skad ces smras so| |kye rgyal ba'i sras/ de ste de bzhin gshegs pa'i bstan pa ni/ ye shes sngon du 'gro ba yin na/ de ci'i phyir de bzhin gshegs pa sems can la la la ni/ sbyin </font><hr>Ka304b<br><font size=+1>


pa brjod pa mdzad/ la la la ni/ tshul khrims/ la la la ni/ bzod pa/ la la la ni/ brtson 'grus/ la la la ni/ bsam gtan/ la la la ni/ shes rab brjod pa mdzad/ la la la ni/ byams pa/ la la la ni/ snying rje/ la la la ni/ dga' ba/ la la la ni/ btang snyoms brjod pa mdzad kyang bla na med pa yang dag par rdzogs pa'i byang chub tu ni/ chos gcig 'gas 'byung bar mi nus so/ /de nas byang chub sems dpa' ye shes dpal gyis byang chub sems dpa' 'jam dpal la tshigs su bcad de smras pa/ sems can gzhan gyi bsam shes pa// ngo mtshar rmad du byung ba ste/ /de ltar gang gi don dris pa/ /sangs rgyas sras po bdag las nyon/ /smra ba'i mchog ni gang yang rung / /chos gcig gis ni byung ba med/ /gang yang 'byung ba yod pa min/ /'byung bar 'gyur ba de bzhin med/ /skal pa gang la gnas pa yi/ /bsam pa mkhyen nas don mdzad cing / /gang la ci dag tshul mthun pa/ /de bzhin chos kyang bstan pa mdzad/ /ser sna can la sbyin pa brjod/ /tshul khrims ngan la tshul khrims rnams/ /mi bzod la ni bzod dang des/ /brtson 'grus 'byor pa le lo la'o/ / rnam par 'khrugs la bsam gtan brjod/ /shes rab 'byor ba shes med la'o/ /gdug pa'i sems la byams pa bshad/ /'tshe ba rnams la snying rje ste/ /zhum pa la ni </font><hr>Ka305a<br><font size=+1>


@#/ /dga' ba bshad/ /'khor ba'i sems la btang snyoms te/ /sangs rgyas chos rnams thams cad kyang / /rim pas de ltar 'byung ba yin/ /ji ltar sa la las bya ba/ /khyim gyi dngos la rim pa yin/ /de bzhin sbyin pa tshul khrims dag /byang chub sems dpa'i thog mar 'gro /rgyal ba'i gnas dang grong rdal rnams/ /rub pa'i phyir ni ra ba ste/ /de bzhin bzod pa brtson 'grus dag /byang chub sems dpa' rub phyir ro/ /ji ltar gdugs gcig rgyal po ni/ /sa rnams thams cad skyong bar byed/ / de bzhin bsam gtan shes rab dag /byang chub sems dpa'i skyabs bzhin no/ /'khor los bsgyur ba'i rgyal po ni/ /bde ba thams cad ster ba ltar/ /de bzhin tshangs pa'i gnas rnams kyang / /byang chub sems dpa'i bde ba 'byin/ /de nas byang chub sems dpa' 'jam dpal gyis byang chub sems dpa' bzang po'i dpal la 'di skad ces smras so/ /kye rgyal ba'i sras/ de ste sangs rgyas bcom ldan 'das rnams kyi 'byung ba gcig na/ sangs rgyas kyi zhing rnams na sbyor ba rnam pa tha dad pa dag 'di ltar 'jig rten gyi khams rnam pa tha dad pa dang / chos bstan pa rnam pa tha dad pa dang / sems can 'dul ba rnam pa tha dad pa dang / tshe'i tshad rnam pa tha dad pa dang / 'od kyi </font><hr>Ka305b<br><font size=+1>


dkyil 'khor rnam pa tha dad pa dang / rdzu 'phrul dang rnam par 'phrul pa rnam pa tha dad pa dang / 'khor tshogs pa rnam pa tha dad pa dang / bstan pa'i tshul rnam pa tha dad pa dang / chos kyi byin gyi rlabs rnam pa tha dad pa dag ci'i phyir snang bar gyur/ sangs rgyas kyi chos thams cad yongs su ma rdzogs par ni/ bla na med pa yang dag par rdzogs pa'i byang chub mngon par 'tshang rgya bar mi nus so/ /de nas byang chub sems dpa' bzang po'i dpal gyis byang chub sems dpa' 'jam dpal la tshigs su bcad de smras pa/ chos kyi rgyal po'i chos nyid ni| |'jam dpal rtag tu gcig pa ste/ /bsgribs pa med pa gzigs pa yi/ /'byung ba de yang gcig pu 'o/ /sangs rgyas thams cad sku gcig ste/ /de bzhin gshegs pa chos kyi sku| |shes rab thugs kyang gcig pa ste/ /mi 'jigs stobs kyang de bzhin no/ /sngon chad byang chub zhugs pa'i tshe/ /ji ltar yongs su bsngo mdzad pa/ /'khor du chos rnams bstan pa dang / /de dag zhing yang de bzhin 'gyur/ /zhing gi phun sum gang yod pa/ /sangs rgyas rnams la thams cad 'grub/ /sems can ji ltar sbyangs pa rnams/ /de yi rnam pa de ltar mthong / /ji ltar sangs rgyas chos nyid du/ /kun gyis sangs rgyas mi mthong ste/ /sangs rgyas zhing dang sku dag dang / /'khor du chos bstan de bzhin no/ /gang rnam </font><hr>Ka306a<br><font size=+1>


@#/ /smon lam mthun ldan zhing / /sngon chad bsam pa yongs sbyangs pas/ /thams cad gzigs pa'i tshul gyi rnams/ /ji lta ba bzhin thams cad mthong / /sems can bsam pa ji bzhin dang / /las dang stobs kyang ji bzhin pa/ /de lta de ltar mthong 'gyur te/ /sangs rgyas rnams kyi rnam 'phrul lo/ /sangs rgyas zhing la rtog mi mnga'/ / de dag byams sdang yod pa min/ /bsam pa'i tshul ni ji bzhin du/ /srog chags rnams kyis de bzhin mthong / /rnam pa tha dad 'jig rten khams/ /de ltar snang bar gyur pa de| |drang srong chen po kun gzigs pa'i/ /nyes pa'i skyon las gyur pa med/ /gang na 'dul ba yod pa yi/ /'jig rten khams rnams thams cad du/ /skyes bu drang srong rnams kyang snang / /de ni sangs rgyas chos nyid do/ /de nas byang chub sems dpa' de dag thams cad kyis byang chub sems dpa' 'jam dpal la 'di skad ces smras so/ / kye rgyal ba'i sras/ bdag cag gis rang rang gi spobs pa bstan pa rnams smras pa yin na/ da khyod kyis sangs rgyas bcom ldan 'das rnams kyi yul las brtsams te spobs par gyis shig /sangs rgyas kyi yul gyi yul ni/ gang / sangs rgyas kyi yul gyi tshogs ni/ gang / sangs rgyas kyi yul du 'gro ba ni/ gang / sangs rgyas kyi yul </font><hr>Ka306b<br><font size=+1>


la 'jug pa ni/ ji lta bu/ sangs rgyas kyi yul khong du chud pa'i shes pa ni/ gang / sangs rgyas kyi yul gyi rjes su 'gro ba ni/ gang / sangs rgyas kyi yul shin tu bstan pa ni/ gang / sangs rgyas kyi yul shes par byed pa ni/ gang / sangs rgyas kyi yul rtogs pa ni/ gang / sangs rgyas kyi yul gyi tshul ni/ ji lta bu/ sangs rgyas kyi yul ni/ ji tsam du yangs/ de nas byang chub sems dpa' 'jam dpal gyis byang chub sems dpa' de dag thams cad la tshigs su bcad de smras pa/ nam mkha'i yul dang 'dra ba ste/ /kun tu 'od la 'dra ba med/ /sems can thams cad 'jug pa ste/ /chos nyid la ni 'jug pa med/ /tshogs rnams thams cad bstan par ni/ /bskal pa bye bar mi nus te/ /ji snyed rgyal ba'i tshogs mnga' ba/ /de ni sangs rgyas yul yin no/ /blo gros sems kyang de bzhin du/ /sems can thams cad rab tu 'jug/ de la bstan pa thogs pa med/ /de ni sangs rgyas yul yin no/ /'jig rten thams cad 'jug pa dang / /'jig rten rgyu ba gang yod pa/ /de dag kun la ye shes gnas/ /gzugs su snang ba ma yin no/ /sangs rgyas ye shes chags med de/ /dus gsum kun la chags pa med/ /nam mkha' 'byung dang mtshungs pa yin/ /de ni ye shes yul yin no/ /chos kyi dbyings ni tha mi dad/ /sems can khams rnams rtogs </font><hr>Ka307a<br><font size=+1>


@#/ /par mkhyen/ /dbyings rnams thams cad rab tu brnyes/ /de ni sangs rgyas yul yin no/ /sgrar gdags ji snyed yod pa dang / /sems can kun gyi sgra skad du| |sgra la mkhyen pa thugs chud kyang / /rnam par rtog pa gang yang med/ /rnam shes rnam par shes bya med/ /sems kyis brjod pa'ang ma yin te/ /ye shes rang bzhin shin tu dag/ sems can rnams la'ang rab tu bshad/ /nyon mongs med cing las med de/ /dngos po med cing gnas pa med/ /snang ba med cing rgyu ba med/ / 'jig rten dag tu'ang mnyam par spyod/ /sems can kun gyi sems kyi rnams/ /dus gsum kun tu rab yangs pa/ /sems gcig la ni rab 'jug pas/ /sangs rgyas rnams kyi ye shes 'jug/ de nas de'i tshe 'jig rten gyi khams de dag na sems can gyi rgyud ji snyed pa dang / chos kyi rgyud ji snyed pa dang / las kyi rgyud ji snyed pa dang / 'jig rten gyi rgyud ji snyed pa dang / lus kyi rgyud ji snyed pa dang / dbang po'i rgyud ji snyed pa dang / skye ba'i rgyud ji snyed pa dang / tshul khrims kyi 'bras bu'i rgyud ji snyed pa dang| tshul khrims log pa'i 'bras bu'i rgyud ji snyed pa dang / yul gyi 'bras bu'i rgyud ji snyed pa de dag thams cad sangs rgyas kyi mthus rab tu snang bar gyur te/ </font><hr>Ka307b<br><font size=+1>


ji ltar 'jig rten gyi khams de dag tu rab tu snang bar gyur pa de bzhin du shar phyogs kyi 'jig rten gyi khams bye ba khrag khrig brgya stong tshad med pa/ dpag tu med pa/ grangs med pa| bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ gzhal du med pa/ brjod du med pa/ chos kyi dbyings kyis klas pa| nam mkha'i dbyings kyi mthas gtugs pa thams cad na yang sems can gyi rgyud ji snyed pa zhes bya ba nas gzhung de bzhin du yul gyi 'bras bu'i rgyud ji snyed pa'i bar du de dag thams cad sangs rgyas kyi mthus rab tu snang bar gyur to/ /de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang| de bzhin du 'og gi phyogs dang / de bzhin du steng gi phyogs kyi 'jig rten gyi khams bye ba khrag khrig brgya stong tshad med/ dpag tu med pa/ grangs med pa/ bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ gzhal du med pa/ brjod du med pa/ chos kyi dbyings kyis klas pa/ nam mkha'i </font><hr>Ka308a<br><font size=+1>


@#/ /dbyings kyi mthas gtugs pa dag na sems can gyi rgyud ji snyed pa zhes bya ba nas gzhung de bzhin du yul gyi 'bras bu'i rgyud ji snyed pa'i bar du de dag thams cad sangs rgyas kyi byin gyi rlabs kyis rab tu snang bar gyur to/ /shin tu rgyas pa chen po'i mdo/ sangs rgyas phal po che zhes bya ba las/ byang chub sems dpa' dris pa snang ba zhes bya ba'i le'u ste/ bco lnga pa'o// //bam po bco brgyad pa/ de nas byang chub sems dpa' ye shes dpal gyis byang chub sems dpa' 'jam dpal la 'di skad ces smras so/ /kye rgyal ba'i sras/ byang chub sems dpa' rnams ji ltar na kha na ma tho ba med pa'i lus kyi las dang ldan pa yi/ kha na ma tho ba med pa'i ngag gi las dang ldan pa yin/ kha na ma tho ba med pa'i yid kyi las dang ldan pa yin/ lus kyi las rnam par ma nyams pa yin/ ngag gi las rnam par ma nyams pa yin| yid kyi las rnam par ma nyams pa yin/ lus kyi las ma smad pa yin/ ngag gi las ma smad pa yin/ yid kyi las ma smad pa yin/ lus kyi las mi 'phrog pa yin| ngag gi las mi 'phrog pa yin/ yid kyi las mi 'phrog pa yin/ lus kyi las mi zlog pa yin/ ngag gi las mi zlog pa yin/ yid kyi las mi zlog pa yin/ </font><hr>Ka308b<br><font size=+1>


lus kyi las mi 'khrugs pa yin/ ngag gi las mi 'khrugs pa yin/ yid kyi las mi 'khrugs pa yin/ lus kyi las bsngags pa yin/ ngag gi las bsngags pa yin/ yid kyi las bsngags pa yin/ lus kyi las rnam par dag pa yin/ ngag gi las rnam par dag pa yin/ yid kyi las rnam par dag pa yin/ lus kyi las nye bar nyon mongs pa med pa yin| ngag gi las nye bar nyon mongs pa med pa yin/ yid kyi las nye bar nyon mongs pa med pa yin/ lus kyi las ye shes sngon du 'gro ba yin/ ngag gi las ye shes sngon du 'gro ba yin/ yid kyi las ye shes sngon du 'gro ba yin/ rigs phun sum tshogs pa yin/ rus phun sum tshogs pa yin/ rgyud phun sum tshogs pa yin/ gzugs phun sum tshogs pa yin/ mtshan phun sum tshogs pa yin/ dran pa phun sum tshogs pa yin/ blo gros phun sum tshogs pa yin/ rtogs pa phun sum tshogs pa yin/ dga' ba phun sum tshogs pa yin/ blo phun sum tshogs pa yin/ blo gros mchog tu gyur pa yin/ blo gros dam par gyur pa yin/ blo gros rab tu gyur pa yin/ blo gros tshad med pa yin/ blo gros grangs med pa yin/ blo gros bsam gyis mi khyab pa yin/ blo gros mtshungs pa med pa yin/ blo gros gzhal du med pa yin/ blo gros brjod </font><hr>Ka309a<br><font size=+1>


@#/ /du med pa yin/ rgyu'i stobs can yin/ bsam pa'i stobs can yin/ sbyor ba'i stobs can yin/ rkyen gyi stobs can yin/ dmigs pa'i stobs can yin/ dbang po'i stobs can yin/ rnam par lta ba'i stobs can yin/ zhi gnas kyi stobs can yin/ lhag mthong gi stobs can yin/ nges par rtogs pa'i stobs can yin/ phung po la mkhas pa yin/ khams la mkhas pa yin/ skye mched la mkhas pa yin/ rten cing 'brel bar 'byung ba la mkhas pa yin/ 'dod pa'i khams la mkhas pa yin/ gzugs kyi khams la mkhas pa yin/ gzugs med pa'i khams la mkhas pa yin/ 'das pa la mkhas pa yin/ ma 'ongs pa la mkhas pa yin| da ltar byung ba la mkhas pa yin/ dran pa yang dag byang chub kyi yan lag la mkhas pa yin/ chos rnam par 'byed pa yang dag byang chub kyi yan lag la mkhas pa yin/ brtson 'grus yang dag byang chub kyi yan lag la mkhas pa yin/ dga' ba yang dag byang chub kyi yan lag la mkhas pa yin/ rab tu byang ba yang dag byang chub kyi yan lag la mkhas pa yin/ ting nge 'dzin yang dag byang chub kyi yan lag la mkhas pa yin/ btang snyoms yang dag byang chub kyi yan </font><hr>Ka309b<br><font size=+1>


lag la mkhas pa yin/ stong pa nyid yongs su bsgoms pa yin/ mtshan ma med pa yongs su bsgoms pa yin/ smon pa med pa yongs su bsgoms pa yin/ sbyin pa'i pha rol tu phyin pa yin/ tshul khrims kyi pha rol tu phyin pa yin/ bzod pa'i pha rol tu phyin pa yin/ brtson 'grus kyi pha rol tu phyin pa yin/ bsam gtan gyi pha rol tu phyin pa yin| shes rab kyi pha rol tu phyin pa yin/ byams pa'i pha rol tu phyin pa yin/ snying rje'i pha rol tu phyin pa yin/ dga' ba'i pha rol tu phyin pa yin/ btang snyoms kyi pha rol tu phyin pa yin/ gnas dang gnas ma yin pa shes par bya ba khong du chud pa yin/ 'das pa dang / ma 'ongs pa dang / da ltar byung ba'i las kyi rnam par smin pa shes par bya ba khong du chud pa yin/ dbang po dang / brtson 'grus tha dad pa yongs su rdzogs par bya ba gcig nas gcig tu brgyud pa khong du chud pa yin/ khams sna tshogs dang / khams du ma'i shes par bya ba khong du chud pa yin/ mos pa sna tshogs dang / mos pa du ma shes par bya ba khong du chud pa yin/ kun tu 'gro ba'i lam shes par bya ba khong du chud pa yin/ bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang / ldang ba shes par bya ba khong du chud pa </font><hr>Ka310a<br><font size=+1>


@#/ /yin| bsgribs pa med pa'i rjes su dran pa shes par bya ba khong du chud pa yin/ lha'i mig chags pa med pa shes par bya ba khong du chud pa yin/ bag chags kyi mtshams sbyor ba yang dag par bcad pa shes par bya ba khong du chud pa yin/ lha'i dbang pos yongs su bzung ba yin/ klu'i dbang pos yongs su bzung ba yin| gnod sbyin gyi dbang pos yongs su bzung ba yin/ dri za'i dbang pos yongs su bzung ba yin/ lha ma yin gyi dbang pos yongs su bzung ba yin/ nam mkha' lding gi dbang pos yongs su bzung ba yin/ mi'am ci'i dbang pos yongs su bzung ba yin/ lto 'phye chen po'i dbang pos yongs su bzung ba yin/ mi'i dbang pos yongs su bzung ba yin/ tshangs pa'i dbang pos yongs su bzung ba yin/ lha'i dbang pos bkur ba yin/ klu'i dbang pos bkur ba yin/ gnod sbyin gyi dbang pos bkur ba yin| dri za'i dbang pos bkur ba yin/ lha ma yin gyi dbang pos bkur ba yin/ nam mkha'i lding gi dbang pos bkur ba yin/ mi'am ci'i dbang pos bkur ba yin| lto 'phye chen pos dbang pos bkur ba yin/ mi'i dbang pos bkur ba yin/ tshangs pa'i dbang pos bkur ba yin/ sems can thams cad kyi gnas su gyur pa </font><hr>Ka310b<br><font size=+1>


yin| skyabs su gyur pa yin/ dpung gnyen du gyur pa yin/ mgon du gyur pa yin/ sgron mar gyur pa yin/ snang bar gyur pa yin/ 'od du gyur pa yin/ 'dren par gyur pa yin| rnam par 'dren par gyur pa yin/ yongs su 'dren par gyur pa yin/ sems can thams cad kyi mchog tu gyur pa yin/ gtso bor gyur pa yin/ thu bor gyur pa yin/ rab tu gyur pa yin/ dam par gyur pa yin/ phul du gyur pa yin/ bla na med pa yin/ kye rgyal ba'i sras/ ji ltar na/ byang chub sems dpa' rnams mnyam pa med pa yin/ de skad ces smras pa dang / byang chub sems dpa' 'jam dpal gyis byang chub sems dpa' ye shes dpal la 'di skad ces smras so/ /kye rgyal ba'i sras/ khyod de ltar skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba dang / bde bar rnam par gzud pa'i phyir zhugs shing / de ltar khyod rnam pa 'di lta bu'i gnas dag yongs su dri bar sems pa ni/ kye rgyal ba'i sras/ legs so/ /legs so/ /kye rgyal ba'i sras/ byang chub sems dpa' dag gi sems kyi las yid la byed pa'i sbyor ba gang dang ldan pas/ byang chub sems dpa' rnams yon tan gyi khyad par 'di dag thams cad 'thob par 'gyur </font><hr>Ka311a<br><font size=+1>


@#/ /pa dang / sangs rgyas kyi chos thams cad la thogs pa med pa'i lus su 'gyur ba dang / sangs rgyas bcom ldan 'das 'das pa dang / ma byon pa dang / da ltar byung ba rnams kyi lam du 'jug pa dang / sems can thams cad yongs su mi gtong ba'i sems kyang de dag la nye bar gnas pa dang / chos thams cad ji lta ba bzhin du rnam par lta ba yang de dag la nye bar gnas pa dang / mi dge ba'i chos thams cad spangs par 'gyur ba dang / dge ba'i chos thams cad dang ldan par 'gyur ba dang / kun tu bzang zhing kun tu mdzes pa dang / rnam pa'i mchog thams cad dang ldan pa dang / chos thams cad la dbang sgyur zhing srog chags thams cad la ston pa gnyis par 'gyur ba'i sems kyi las yid la byed pa'i sbyor ba yod de/ kye rgyal ba'i sras dag /byang chub sems dpa' sems kyi las yid la byed pa'i sbyor ba gang dang ldan pas/ yon tan gyi khyad par 'di dag thams cad 'thob par 'gyur ba'i byang chub sems dpa'i sems kyi las yid la byed pa'i sbyor ba de dag gang zhe na/ kye rgyal ba'i sras| 'di la byang chub sems dpa' khyim gyi nang na 'dug pa'i tshe sems can thams cad rang bzhin shes pa dang ldan pas/ khyim gyi thibs pos zil gyis mi non par </font><hr>Ka311b<br><font size=+1>


gyur cig /ces sems bskyed do/ /pha ma dang 'grogs pa'i tshe byang chub sems dpas sems can thams cad/ skye bo thams cad yongs su bskyab pa'i phyir sangs rgyas dang 'grogs par gyur cig /ces sems bskyed do/ /bu dang bu mo dang 'grogs pa'i tshe byang chub sems dpas sems can thams cad sred pa dang shin tu bral bas dga' ba dang / mi dga' ba dang / rnam par bral bar gyur cig /ces sems bskyed do/ /'dod pa'i yon tan dang 'grogs pa'i tshe byang chub sems dpas sems can thams cad yon tan gyi pha rol tu phyin pas 'dod pa'i gsal shing rnam par sel bar gyur cig /ces sems bskyed do/ /glu dang / gar dang / rol mo dang / sil snyan dang 'grogs pa'i tshe byang chub sems dpas sems can thams cad gar mkhan gyi tshon lta bur mthong ba dang ldan zhing chos yang dag par 'gro ba'i brjod pa rab tu thob par gyur cig /ces sems bskyed do/ /chung ma'i 'khor gyi nang na 'dug pa'i tshe byang chub sems dpas sems can thams cad 'dod pa'i gsal shing dang bral zhing / 'phags pa'i sar tshud par gyur cig /ces sems bskyed do/ /rgyan gyis brgyan pa'i tshe byang chub sems dpas sems can thams cad srid par 'byung ba 'jig pa'i pha rol tu phyin pas khur bor bar gyur cig /ces sems bskyed do/ /khang thog </font><hr>Ka312a<br><font size=+1>


@#/ /tu phyin pa'i tshe byang chub sems dpas sems can thams cad chos thams cad kyi khyad par khong du chud cing / chos kyi khang steng du phyin par gyur cig/ ces sems bskyed do/ /sbyin pa gtong ba'i tshe byang chub sems dpas sems can thams cad bdag gir bya ba med de/ yongs su 'dzin pa'i sems med cing bdag gi thams cad yongs su gtong bar gyur cig /ces sems bskyed do/ /ma bral zhing 'grogs pa'i tshe byang chub sems dpas sems can thams cad thams cad mkhyen pa nyid kyi mthar phyin te| 'du ba dang shin tu bral bar gyur cig /ces sems bskyed do/ /btson ra la kha na ma tho bar mthong ba'i tshe byang chub sems dpas sems can thams cad gnas med pa la spyod cing gang du dga' bar 'dong bar gyur cig /ces sems bskyed do/ /khyim nas khyim med par 'byung ba'i tshe byang chub sems dpas sems can thams cad sems bcings pa dang grol ba med cing / chags pa med de/ mi dgos pa dang bral bar gyur cig /ces sems bskyed do/ /dge 'dun gyi ra ba'i mtshams 'da' ba'i tshe byang chub sems dpas sems can thams cad 'gal ba med pa'i chos dang ldan zhing mthun par 'gro ba mang po dang ldan par gyur cig /ces sems bskyed do/ /mkhan </font><hr>Ka312b<br><font size=+1>


po dang slob dpon gyi drung du 'gro ba'i tshe byang chub sems dpas sems can thams cad chos la rtsom zhing cho ga la mkhas par gyur cig /ces sems bskyed do/ /rab tu 'byung bar gsol ba'i tshe byang chub sems dpas sems can thams cad bar chad med cing phyir mi ldog pa'i chos can du gyur cig /ces sems bskyed do/ /gos dkar po 'dor ba'i tshe byang chub sems dpas sems can thams cad sdig pa la brtson pa spangs te dge ba'i rtsa ba shin tu sbyangs par gyur cig /ces sems bskyed do/ /skra dang kha spu 'breg pa'i tshe byang chub sems dpas sems can thams cad shin tu mnyam par bzhag cing nyon mongs pa med par gyur cig /ces sems bskyed do/ /gos ngur smrig gon pa'i tshe byang chub sems dpas sems can thams cad drang srong chen po'i sems dang ldan zhing rnyog pa med par gyur cig /ces sems bskyed do/ /rab tu 'byung ba'i tshe byang chub sems dpas sems can rnams skye bo thams cad yongs su bskyang ba'i phyir de bzhin gshegs pa'i rab tu 'byung bar gyur cig /ces sems bskyed do/ /sangs rgyas la skyabs su 'gro ba'i tshe byang chub sems dpas sems can thams cad dge ba la mos pa mngon par bskyed pas sangs rgyas kyi gdung mi 'chad pa'i don du brtson par gyur cig /ces </font><hr>Ka313a<br><font size=+1>


@#/ /sems bskyed do/ /chos la skyabs su 'gro ba'i tshe byang chub sems dpas sems can thams cad chos kyi gter rab tu thob par gyur cig /ces sems bskyed do| |dge 'dun la skyabs su 'gro ba'i tshe byang chub sems dpas sems can thams cad chags pa'i gnas dang bral zhing dge 'dun yongs su sdud par gyur cig /ces sems bskyed do/ /bslab pa'i tshig yang dag par len pa'i tshe byang chub sems dpas sems can thams cad tshul bzang po la yang dag par spyod cing / bslab pa thams cad shin tu bslab par gyur cig /ces sems bskyed do/ /slob dpon gyis bstan pa'i tshe byang chub sems dpas sems can thams cad log pa ma yin pa'i las la spyod cing tshul dang spyod yul phun sum tshogs par gyur cig /ces sems bskyed do/ /mkhan pos bstan pa'i tshe byang chub sems dpas sems can thams cad gnas med pa la yang dag par gzhol zhing mi skye ba'i ye shes kyi pha rol tu phyin par gyur cig/ ces sems bskyed do/ /bsnyen par rdzogs pa'i tshe byang chub sems dpas sems can thams cad chos thams cad kyi khyad par gyi pha rol tu phyin te thabs mkhas pa'i pha rol tu phyin par gyur cig /ces sems bskyed do/ /gtsug lag </font><hr>Ka313b<br><font size=+1>


khang du 'gro ba'i tshe byang chub sems dpas sems can thams cad mi 'phrog pa'i chos can du gyur te bla na med pa'i gnas la rnam par spyod par gyur cig /ces sems bskyed do// stan 'ding ba'i tshe byang chub sems dpas sems can thams cad chos ji lta ba bzhin du mthong zhing legs par bkod pa'i chos can du gyur cig /ces sems bskyed do/ /'dug pa'i tshe byang chub sems dpas sems can thams cad mi gnas pa'i sems kyis snying po byang chub la 'dug par gyur cig /ces sems bskyed do/ /skyil mo krung 'cha' ba'i tshe byang chub sems dpas sems can thams cad mi g.yo ba'i sa la dge ba'i rtsa ba shin tu brtan par gyur cig /ces sems bskyed do/ /zhi gnas yongs su sbyor bar byed pa'i tshe byang chub sems dpas sems can thams cad ma lus pa'i mthar thug pa la brtson zhing zhi ba dang / dul ba la rab tu gzhol bar gyur cig /ces sems bskyed do/ / lhag mthong yongs su sbyong bar byed pa'i tshe byang chub sems dpas sems can thams cad shin tu nyon mongs pa med pa'i chos can du gyur te/ chos yang dag pa ji lta ba bzhin du mthong bar gyur cig /ces sems bskyed do/ /skyil mo krung 'jig pa'i tshe byang chub sems dpas sems can thams cad shin tu mnyam par gzhag cing 'du byed </font><hr>Ka314a<br><font size=+1>


@#/ /thams cad rang bzhin gyis 'jig pa rnam par mthong bar gyur cig /ces sems bskyed do/ /rkang mthil gzhog pa'i tshe byang chub sems dpas sems can thams cad sems rnam par grol ba mi 'khrugs pa la rab tu gnas par gyur cig /ces sems bskyed do/ /rkang mthil 'degs pa'i tshe byang chub sems dpas sems can thams cad kha na ma tho ba med pa dang ldan pa thob ste 'khor ba'i rgya mtshor bying ba las 'thon par gyur cig /ces sems bskyed do/ /smad g.yogs gyon pa'i tshe byang chub sems dpas sems can thams cad ngo tsha shes shing khrel yod pa bla na med pa dang ldan zhing dge ba'i rtsa ba shin tu brtan par gyur cig /ces sems bskyed do| |ska rags 'ching ba'i tshe byang chub sems dpas sems can thams cad mi 'khrugs pa'i chos can du gyur te dge ba'i rtsa ba shin tu 'brel bar gyur cig /ces sems bskyed do/ /bla gos gyon pa'i tshe byang chub sems dpas sems can thams cad chos thams cad kyi khyad par gyi pha rol tu phyin pa thob ste gong nas gong du dge ba'i rtsa ba thob par gyur cig /ces sems bskyed do/ /sbyar ma gyon pa'i tshe byang chub sems dpas sems can thams cad mi 'khrugs pa'i chos can du gyur te </font><hr>Ka314b<br><font size=+1>


thabs dam pas mngon par bkab par gyur cig /ces sems bskyed do/ /so shing len pa'i tshe byang chub sems dpas sems can thams cad yongs su dag pa'i dngos po thob pa'i phyir dam pa'i chos rnam par dag pa thob par gyur cig /ces sems bskyed do/ /so shing za ba'i tshe byang chub sems dpas sems can thams cad nyon mongs pa shin tu bcom ste sems dul zhing sems dag par gyur cig /ces sems bskyed do/ /dben par 'gro ba'i tshe byang chub sems dpas sems can thams cad 'dod chags dang / zhe sdang dang / gti mug spangs te sdig pa'i chos thams cad spangs par gyur cig /ces sems bskyed do/ /chu ngogs su 'gro ba'i tshe byang chub sems dpas sems can thams cad 'jig rten las 'das pa'i chos thams cad la shin tu byang bar gyur cig /ces sems bskyed do/ /gtsang sbra'i las byed pa'i tshe byang chub sems dpas sems can thams cad shin tu dag pa'i dngos pos gtsang zhing nges pa dang ldan par gyur cig /ces sems bskyed do/ /lag pa 'khru ba'i tshe byang chub sems dpas sems can thams cad sangs rgyas kyi chos thams cad gzung zhing bcang ba'i phyir bkra shis kyi lag pa dang ldan par gyur cig /ces sems bskyed do/ /ngo 'khru ba'i tshe byang chub sems dpas sems </font><hr>Ka315a<br><font size=+1>


@#/ /can thams cad shin tu nyon mongs pa dang bral zhing / chos thams cad kyi sgo rnam par dag pa thob par gyur cig /ces sems bskyed do/ /'khar ba len pa'i tshe byang chub sems dpas sems can thams cad mchod sbyin byas shing lam ston par gyur cig /ces sems bskyed de/ /lhung bzed len pa'i tshe byang chub sems dpas sems can thams cad 'gro ba thams cad kyis mchod par 'os shing snod du gyur cig /ces sems bskyed do/ /spyod yul du mngon par zhugs pa'i tshe byang chub sems dpas sems can thams cad gnas med pa la yang dag par gzhol zhing sangs rgyas kyi spyod yul la mngon du phyogs par gyur cig /ces sems bskyed do/ /lam du zhugs pa'i tshe byang chub sems dpas sems can thams cad phyi na ma lus par 'gro zhing sangs rgyas kyi lam du zhugs par gyur cig /ces sems bskyed do/ /'gro ba'i tshe byang chub sems dpas sems can thams cad shin tu rnam par dag pa'i chos bsgribs pa med pa grub par gyur pas chos kyi dbyings mtha' dang dbus med pa khong du chud par gyur cig /ces sems bskyed do/ /lam mtho ba mthong ba'i tshe byang chub sems dpas sems can thams cad shin tu zhum pa </font><hr>Ka315b<br><font size=+1>


med de khams gsum las gyen du 'phags par gyur cig /ces sems bskyed do/ /lam dma' ba mthong ba'i tshe byang chub sems dpas sems can thams cad dge ba'i rtsa bas shin tu brtan cing sangs rgyas thams cad la shin tu 'dud par gyur cig /ces sems bskyed do/ /lam nyam nga ba mthong ba'i tshe byang chub sems dpas sems can thams cad lta ba yo zhing mi drang ba dang bral te nyam nga ba yongs su spangs par gyur cig /ces sems bskyed do/ /lam drang po mthong ba'i tshe byang chub sems dpas sems can thams cad g.yo med cing sgyu med de sems drang po dang ldan par gyur cig /ces sems bskyed do/ /lam rdul chen po mthong ba'i tshe byang chub sems dpas sems can thams cad shin tu rdul med pa'i chos yang dag par thob ste 'dod chags par gyur pa'i chos las rnam par grol bar gyur cig /ces sems bskyed do/ /rdul med pa'i lam mthong ba'i tshe byang chub sems dpas sems can thams cad snying rje chen po yongs su bsgoms pa dang ldan zhing sems 'jam par gyur cig /ces sems bskyed do| |g.yang sa mthong ba'i tshe byang chub sems dpas sems can thams cad bsgribs pa med pa rtogs par khong du chud cing sdig pa'i chos thams cad bsal te dge ba'i </font><hr>Ka316a<br><font size=+1>


@#/ /chos la rab tu gzhol bar gyur cig/ ces sems bskyed do/ /'khor mthong ba'i tshe byang chub sems dpas sems can thams cad dus gsum du gtogs pa'i chos zab mo bstan pa dang mthun par gyur cig / ces sems bskyed do/ /ka ba mthong ba'i tshe byang chub sems dpas sems can thams cad khro zhing 'khon du 'dzin pa dang bral te khengs pa dang / 'khrug pa dang rnam par bral bar gyur cig/ ces sems bskyed do/ /nags tshal mthong ba'i tshe byang chub sems dpas sems can thams cad lha dang 'jig rten du bcas pas phyag bya ba'i gnas su gyur cig/ ces sems bskyed do/ /ri mthong ba'i tshe byang chub sems dpas sems can thams cad thob par dka' ba dang / thibs po med pa rab tu thob cing / dge ba'i rtsa ba thams cad kyis mngon par 'phags par gyur cig/ ces sems bskyed do/ /shing tsher ma can mthong ba'i tshe byang chub sems dpas sems can thams cad 'dod chags dang / zhe sdang dang / gti mug med cing tsher ma dang bral bar gyur cig/ ces sems bskyed do/ /shing lo ma can mthong ba'i tshe byang chub sems dpas sems can thams cad bsam gtan dang / rnam par thar pa dang / ting </font><hr>Ka316b<br><font size=+1>


nge 'dzin dang / snyoms par 'jug pa dag gis rab tu g.yogs par gyur cig/ ces sems bskyed do/ /me tog mthong ba'i tshe byang chub sems dpas sems can thams cad chos thams cad mngon par shes pa'i me tog rgyas pas me tog lta bur gyur cig/ ces sems bskyed do/ /me tog gi shing mthong ba'i tshe byang chub sems dpas sems can thams cad skyes bu chen po'i mtshan sum cu rtsa gnyis kyi me tog shin tu rgyas par gyur cig /ces sems bskyed do/ /shing tog mthong ba'i tshe byang chub sems dpas sems can thams cad snying po byang chub tu gzhol zhing / sangs rgyas kyi chos btsal ba thams cad 'bras bu yod de/ 'bras bu'i dam pa rab tu thob par gyur cig /ces sems bskyed do/ /chu klung mthong ba'i tshe byang chub sems dpas sems can thams cad sangs rgyas kyi ye shes nyams su myong ste chos kyi rgyun la mnyam par gzhag par gyur cig/ ces sems bskyed do/ /lu ma mthong ba'i tshe byang chub sems dpas sems can thams cad sangs rgyas kyi chos thams cad ro gcig pa'i phyir se gol gtogs pa tsam gyis khong du chud par gyur cig/ ces sems bskyed do/ /rdzing bu mthong ba'i tshe byang chub sems dpas sems can thams cad chos thams cad kyi tshig shin tu bstan pa la mkhas shing chos </font><hr>Ka317a<br><font size=+1>


@#/ /thams cad kyis rgyas pa'i tshig gi las dang ldan par gyur cig /ces sems bskyed do/ /khron pa mthong ba'i tshe byang chub sems dpas sems can thams cad chos thams cad 'byor pa dang ldan zhing spobs pa mang bar gyur cig /ces sems bskyed do/ /mtsho mthong ba'i tshe byang chub sems dpas sems can thams cad gong nas gong du dmigs pa la rab tu brtson zhing / dge ba'i rtsa ba mi zad par gyur cig/ ces sems bskyed do/ /zam pa mthong ba'i tshe byang chub sems dpas sems can thams cad skye pa thams cad yongs su bsgral ba la zam par red par gyur cig/ ces sems bskyed do/ /yur ba mthong ba'i tshe byang chub sems dpas sems can thams cad 'gro ba kun gyi sems dang bsam pa la mkhas shing / bag la nyal ba dang / kun nas 'khor ba med par gyur cig/ ces sems bskyed do/ /ra ba mthong ba'i tshe byang chub sems dpas sems can thams cad gzugs dang / sgra dang / dri dang / ro dang / reg bya la sred pa rab tu byang bar gyur cig/ ces sems bskyed do/ /mya ngan med pa'i nags tshal mthong ba'i tshe byang chub sems dpas sems can thams cad sred pa shin tu med cing mya ngan med pa rab tu thob par gyur cig/ ces sems </font><hr>Ka317b<br><font size=+1>


bskyed do/ /bza' shing gi ra ba mthong pa'i tshe byang chub sems dpas sems can thams cad sangs rgyas kyi byang chub yongs su mi gtang ba la shin tu brtson par gyur cig/ ces sems bskyed do/ /sems can rgyan gyis brgyan pa mthong ba'i tshe byang chub sems dpas sems can thams cad skyes bu chen po'i mtshan sum cu rtsa gnyis kyis brgyan par gyur cig/ ces sems bskyed do/ /rgyan med pa'i sems can mthong ba'i tshe byang chub sems dpas sems can thams cad sbyangs pa'i pha rol tu phyin pa thob pas rgyan med par gyur cig/ ces sems bskyed do/ /dga' ba mang ba'i sems can mthong ba'i tshe byang chub sems dpas sems can thams cad chos la dga' zhing mos pa dang / spro bas dga' ba mang bar gyur cig/ ces sems bskyed do/ /mi dga' ba mang ba'i sems can mthong ba'i tshe byang chub sems dpas sems can thams cad 'dus byas kyi dngos po thams cad la mi dga' ba mang bar gyur cig/ ces sems bskyed do/ /sems can bde ba mthong ba'i tshe byang chub sems dpas sems can thams cad sangs rgyas kyi bde ba'i yo byed thams cad rab tu thob pas shin tu bde bar gyur cig /ces sems bskyed do/ /sems can sdug bsngal ba mthong ba'i tshe byang chub sems dpas sems can thams cad </font><hr>Ka318a<br><font size=+1>


@#/ /ye shes kyi rtsa ba rab tu thob ste sdug bsngal zhi bar byed par gyur cig/ ces sems bskyed do/ /nad med pa ma yin pa'i sems can mthong ba'i tshe byang chub sems dpas sems can thams cad shin tu mya ngan med pa'i chos can du gyur te tha dad pa med pa khong du chud par gyur cig / ces sems bskyed do/ /sems can sdug gu mthong ba'i tshe byang chub sems dpas sems can thams cad sangs rgyas dang / byang chub sems dpa' thams cad la mos pa mang bar gyur cig/ ces sems bskyed do/ /mi sdug pa'i sems can mthong ba'i tshe byang chub sems dpas sems can thams cad mi dge ba'i bshes gnyen gyi bya ba la mos pa chung bar gyur cig/ ces sems bskyed do/ /drin gzo ba'i sems can mthong ba'i tshe byang chub sems dpas sems can thams cad sangs rgyas dang / byang chub sems dpa' thams cad kyis mdzad pa shes par gyur cig/ ces sems bskyed do/ /drin gzo ba med pa'i sems can mthong ba'i tshe byang chub sems dpas sems can thams cad mi dge ba'i lta ba la drin du gzo ba med par gyur cig/ ces sems bskyed do/ /dge sbyong mthong ba'i tshe byang chub sems dpas sems can thams cad ma lus pa'i mthar thug par bya ba la brtson </font><hr>Ka318b<br><font size=+1>


zhing zhi ba dang / dul ba la gzhol bar gyur cig/ ces sems bskyed do/ /bram ze mthong ba'i tshe byang chub sems dpas sems can thams cad tshangs pa'i dam par gyur te sdig pa spangs par gyur cig/ ces sems bskyed do/ /dka' thub can mthong ba'i tshe byang chub sems dpas sems can thams cad ma lus pa'i mthar thug par bya ba la brtson zhing dka' thub la shin tu gzhol bar gyur cig /ces sems bskyed do/ /brtul zhugs la zhugs pa mthong ba'i tshe byang chub sems dpas sems can thams cad sangs rgyas kyi byang chub yongs su mi gtong ba'i phyir brtul zhugs dam por gyur cig/ ces sems bskyed do/ /go gyon pa'i sems can mthong ba'i tshe byang chub sems dpas sems can thams cad rang byung gi chos yongs su btsal ba la go cha bzang po shin tu bgos par gyur cig/ ces sems bskyed do/ /go ma gyon pa'i sems can mthong ba'i tshe byang chub sems dpas sems can thams cad mi dge ba'i las bya ba thams cad la go gyon pa med par gyur cig/ ces sems bskyed do/ /rgol ba'i sems can mthong ba'i tshe byang chub sems dpas sems can thams cad phas kyi rgol ba thams cad shin tu tshar gcod par gyur cig/ ces sems bskyed do/ /'tsho ba'i sems can mthong ba'i tshe byang chub sems dpas sems can thams </font><hr>Ka319a<br><font size=+1>


@#/ /cad spyod lam bcos pa med cing 'tsho ba dag par gyur cig / ces sems bskyed do/ /rgyal po mthong ba'i tshe byang chub sems dpas sems can thams cad thogs pa med pa'i chos kyi 'khor lo bskor ba'i chos kyi rgyal por gyur cig/ ces sems bskyed do/ /rgyal po'i bu mthong ba'i tshe byang chub sems dpas sems can thams cad sangs rgyas kyi sras chos las skyes pa'i chos kyi sprul par gyur cig/ ces sems bskyed do/ /khyim bdag mthong ba'i tshe byang chub sems dpas sems can thams cad rnam par gdon mi za ba'i blo can du gyur te grong gi chos spangs par gyur cig/ ces sems bskyed do/ /blon po mthong ba'i tshe byang chub sems dpas sems can thams cad mi dge ba'i chos kyi spyod pa thams cad la bzang po yid la byed par gyur cig/ ces sems bskyed do/ /grong khyer mthong ba'i tshe byang chub sems dpas sems can thams cad gdul dka' ba'i sems dang ldan par gyur te/ mthu bo che'i lus dang 'dra bar gyur cig /ces sems bskyed do/ /rgyal po'i gnas mthong ba'i tshe byang chub sems dpas sems can thams cad yon tan gyi rjes su 'brang bar mthun pa la mos pa'i sems dang ldan par gyur cig/ ces sems bskyed do/ /nags tshal gyi 'dabs </font><hr>Ka319b<br><font size=+1>


mthong ba'i tshe byang chub sems dpas sems can thams cad lha dang bcas pa'i 'jig rten gyi bsngags par 'os par gyur cig/ ces sems bskyed do/ /slong du 'gro ba'i tshe byang chub sems dpas sems can thams cad bsgribs pa med pa'i tshul gyis chos kyi dbyings su chud par gyur cig/ ces sems bskyed do/ /sgor phyin pa'i tshe byang chub sems dpas sems can thams cad sangs rgyas kyi chos thams cad kyi sgor phyin par gyur cig /ces sems bskyed do/ /nang du phyin pa'i tshe byang chub sems dpas sems can thams cad sangs rgyas kyi theg pa dus gsum du mnyam pa nyid kyi nang du phyin par gyur cig/ ces sems bskyed do/ /mi sbyin no/ /zhes ma byas pa'i tshe byang chub sems dpas sems can thams cad bsod nams kyi pha rol tu phyin pa thob cing spangs pa med par gyur cig/ ces sems bskyed do/ /mi sbyin no/ /zhes byas pa'i tshe byang chub sems dpas sems can thams cad sems can dmyal ba dang / byol song gi skye gnas dang / gshin rje'i 'jig rten las phyir spangs par gyur cig/ ces sems bskyed do/ /lhung bzed stong pa mthong ba'i tshe byang chub sems dpas sems can thams cad nyon mongs pa thams cad kyis stong par gyur cig/ ces sems bskyed do/ /lhung bzed gang ba mthong ba'i tshe byang chub </font><hr>Ka320a<br><font size=+1>


@#/ /sems dpas sems can thams cad chos dkar po thams cad kyis yongs su rgyas par gyur cig/ ces sems bskyed do/ /rim gror byas pa'i tshe byang chub sems dpas sems can thams cad sangs rgyas kyi chos kyi spyod pa thams cad la rim gro byed par gyur cig/ ces sems bskyed do/ /rim gror ma byas pa'i tshe byang chub sems dpas sems can thams cad mi dge ba'i chos mchod pa thams cad la rag ma lus par gyur cig/ ces sems bskyed do/ /khrel yod pa'i sems can mthong ba'i tshe byang chub sems dpas sems can thams cad dbang po dben pa'i spyod pa dang ldan zhing khrel yod par gyur cig/ ces sems bskyed do/ /ngo tsha med pa'i sems can mthong ba'i tshe byang chub sems dpas sems can thams cad byams pa la gnas shing ngo tsha med pa yongs su spangs par gyur cig / ces sems bskyed do/ /kha zas bsod pa mthong ba'i tshe byang chub sems dpas sems can thams cad zang zing med pa'i sems dang ldan zhing smon lam thams cad phun sum tshogs par gyur cig/ ces sems bskyed do/ /kha zas mi bsod pa thob pa'i tshe byang chub sems dpas sems can thams cad ting nge 'dzin nyams su bde ba thams cad thob par gyur cig/ ces </font><hr>Ka320b<br><font size=+1>


sems bskyed do/ /kha zas snum bag thob pa'i tshe byang chub sems dpas sems can thams cad snying rje chen po yongs su bsgoms pa'i sems dang ldan zhing sems 'jam par gyur cig/ ces sems bskyed do/ /snum bag med pa'i kha zas thob pa'i tshe byang chub sems dpas sems can thams cad 'jig rten gyi sred pa dang bral te snum bag med pa'i sems su gyur cig/ ces sems bskyed do/ /kha zas za ba'i tshe byang chub sems dpas sems can thams cad chos la dga' ba dang / rab tu dga' bas yongs su rgyas shing bsam gtan gyi zas za bar gyur cig/ ces sems bskyed do/ /ro myang ba'i tshe byang chub sems dpas sems can thams cad bdud rtsi'i ros ngoms par gyur cing skyes bu chen po'i mtshan ro bro ba'i mchog thob par gyur cig/ ces sems bskyed do/ /zan zos pa'i tshe byang chub sems dpas sems can thams cad sangs rgyas kyi chos kyi pha rol tu phyin cing bya ba byas par gyur cig/ ces sems bskyed do/ /chos ston pa'i tshe byang chub sems dpas sems can thams cad sangs rgyas kyi chos thams cad la yang dag par gzhol zhing spobs pa mi zad pa dang ldan par gyur cig/ ces sems bskyed do/ /phyir 'byung ba'i tshe byang chub sems dpas sems can thams cad sangs rgyas kyi ye shes nyams su </font><hr>Ka321a<br><font size=+1>


@#/ /myong ste khams gsum thams cad nas 'byung bar gyur cig /ces sems bskyed do/ /chu 'bog pa'i tshe byang chub sems dpas sems can thams cad dus gsum mnyam pa nyid kyi thams cad mkhyen pa'i ye shes la 'bog par gyur cig /ces sems bskyed do/ /khrus byed pa'i tshe byang chub sems dpas sems can thams cad 'od mtha' yas pa dang ldan zhing lus dang / sems dri ma med par gyur cig /ces sems bskyed do/ /dro ba la spyod pa'i tshe byang chub sems dpas sems can thams cad mu med par phyin te yongs su gdung ba sel bar gyur cig /ces sems bskyed do/ /bsil ba la spyod pa'i tshe byang chub sems dpas sems can thams cad shin tu bsil bar gyur te bla na med pa'i bsil ba'i dngos po kho 'du chud par gyur cig/ ces sems bskyed do/ /chos thob par byed pa'i tshe byang chub sems dpas sems can thams cad sangs rgyas kyi chos kyi gtam gyi rjes su 'gro zhing chos kyi dbyings dang 'dris par gyur cig/ ces sems bskyed do/ /sangs rgyas mthong ba'i tshe byang chub sems dpas sems can thams cad sangs rgyas thams cad dang 'grogs pa rab tu thob ste bsgribs pa med pa'i mig dang ldan par gyur cig/ ces sems </font><hr>Ka321b<br><font size=+1>


bskyed do/ /mig mi 'gebs par blta ba'i tshe byang chub sems dpas sems can thams cad kun tu mdzes pas kun tu bzang por gyur cig/ ces sems bskyed do/ /mchod rten mthong ba'i tshe byang chub sems dpas sems can thams cad 'gro ba kun gyis mchod par 'os shing mchod rten lta bur gyur cig/ ces sems bskyed do/ /blta ba'i tshe byang chub sems dpas sems can thams cad lha dang bcas pa'i 'jig rten gyis blta bar gyur cig/ ces sems bskyed do/ /spyi bos thug pa'i tshe byang chub sems dpas sems can thams cad lha dang bcas pa'i 'jig rten gyis spyi gtsug bltar mi snang bar gyur cig/ ces sems bskyed do/ /g.yas phyogs su bskor ba byed pa'i tshe byang chub sems dpas sems can thams cad thams cad mkhyen pa nyid du don dang mthun par gyur cig/ ces sems bskyed do/ /lan gsum du bskor ba'i tshe byang chub sems dpas sems can thams cad sangs rgyas kyi byang chub tu mos pa'i rab dang ldan par gyur cig/ ces sems bskyed do/ /sangs rgyas kyi yon tan brjod pa'i tshe byang chub sems dpas sems can thams cad yon tan gyi pha rol tu phyin pas yon tan mi zad par gyur cig/ ces sems bskyed do/ /mtshan rnams brjod pa'i tshe byang chub sems dpas </font><hr>Ka322a<br><font size=+1>


@#/ /sems can thams cad mtshan nyid med pa'i chos la gzhol zhing yan lag dam pa phun sum tshogs par gyur cing / /ces sems bskyed do/ /rkang pa 'khru ba'i tshe byang chub sems dpas sems can thams cad dri ma med pa'i mthar phyin cing rdzu 'phrul gyi rkang pas pha rol tu phyin par gyur cig /ces sems bskyed do/ /lus smyong ba'i tshe byang chub sems dpas sems can thams cad bsam pa la rnyog pa med cing lus kyi 'du byed shin tu bde bar gyur cig /ces sems bskyed do/ /gnyid sad pa'i tshe byang chub sems dpas sems can thams cad phyogs bcu thams cad du mthu chen po thob par gyur te/ thams cad mkhyen pa'i ye shes la shin tu rnam par sangs rgyas pa'i sangs rgyas su gyur cig /ces sems bskyed do/ /kye rgyal ba'i sras/ 'di dag ni/ byang chub sems dpa' rnams kyi sems kyi las yid la byed pa'i sbyor ba gang dang ldan pas yon tan gyi khyad par 'di dag dang / gzhan thams cad kyang thob par 'gyur zhing / lha dang 'jig rten du bcas pa dang / bdud du bcas pa dang / tshangs par bcas pa dang / dge sbyong dang / bram ze dang / skye rgur bcas pa dang / lha dang / dri za dang / mi dang / lha ma yin du bcas pa'i 'jig rten dang / nyan thos dang / rang sangs rgyas su </font><hr>Ka322b<br><font size=+1>


bcas pa thams cad kyis mi 'phrog par 'gyur ba'i byang chub sems dpa'i sems kyi las yid la byed pa'i sbyor ba rnams so/ /shin tu rgyas pa chen po'i mdo sangs rgyas phal po che zhes bya ba las/ spyod yul yongs su dag pa'i le'u ste/ bcu drug pa'o// //bam po bcu dgu pa/ yon tan yangs pa'i spyod yul yongs dag pa/ /de skad smras nas sems can dri med pa/ /'jam pa'i dbyangs kyis byang chub yon tan rnams/ /sems can dam pa bzang po'i dpal la dris/ /spyod yul yongs dag rgyal ba'i spyod pa rnams/ / bdag gis rgyal sras rnams la 'dir bshad do/ /yon tan spyod pa ji snyed gang yod pa/ /rgyal sras rnams la nga ni khyod kyis shod/ /bzang po'i dpal gyis smras pa rgyal sras nyon/ / yon tan mtha' yas de dag yon tan las/ /mtsho las thigs pa ji bzhin nyung shes shig /mgo smos tsam du chung zad brjod par bya/ /byang chub don du rang byung 'gyur bya zhes/ /thog mar byang chub sems skyes gyur pa yi/ /yon tan brjod pa'ang mtha' yas dpag tu med/ /dpe zla med pas brjod kyang zad ma gyur/ /pha rol phyin dang sa yi yon tan la/ /bskal pa mang por spyad pa ci zhig smos/ /de dag yon tan chu bo thams cad ni/ /phyogs bcu'i rgyal bas bstan kyang zad mi 'gyur/ /yon tan mtha' yas rnams kyi yon tan las/ /dpe tsam </font><hr>Ka323a<br><font size=+1>


@#/ /cha shas chung tsam brjod par bya/ /mkha' las 'dab chags lam ltar shin tu chung / /sa chen lhun las rdul phran gcig kyang 'dra/ /byang chub yon tan bsam pa'i sems skye ba/ /rgyu med ma yin rkyen las 'byung ba yin/ /rgyal pa rnams dang bde gshegs chos rnams dang / /dge 'dun rnams la dad pa bskyed pas skye/ /de yang 'dod pa'i sred pa rgyal srid dang / /bdag bde'i don dang grags dang snyan phyir min/ /'gro ba'i sdug bsngal ma lus gzhil ba'i phyir/ /'jig rten phan skyed sems ni yongs su skye| |de ni sems can rtag tu bde don dang / /zhing sbyangs sangs rgyas mang po mchod pa'i rgyur/ /yongs su chos 'dzin byang chub 'tshang rgya zhing / /ye shes rnam par sbyong ba'i sems skye 'o| |rgyal ba kun dang chos dang dge 'dun dang / /de bzhin bla mar gyur pa thams cad la/ /dad dang mos pa dga' ba bskyed byas te/ /sri zhur mchod byas byang chub sems kyang skye| |rgyal ba bde gshegs chos la yid ches nas/ /rgyal sras spyod pa rnams la yid ches te/ /byang chub bla na med la yid ches shing / /skyes bu dam pa rnams kyi sems skye 'o/ / dad pa sngon 'gro ma ltar bskyed pa ste/ /yon tan thams cad yongs su skyong zhing 'dren/ /nem nur rnam sel nad las rab tu sgrol/ /dad pa bde ba'i grong du phyin par byed/ /dad pa </font><hr>Ka323b<br><font size=+1>


sems gsal rnyog pa med pa ste/ /nga rgyal rnam spangs sri zhu'i rtsa ba yin/ /dad pa spyod mchog nor dang gter yin te/ /lag pa lta bur dge sdud rtsa ba yin/ /yongs su gtong la dad pa dga' bar byed/ /rgyal pa'i chos la dad pa spro ba skyed/ /yon tan ye shes khyad par dad pa byed/ /sangs rgyas lam la ston pa'ang rnyed par byed/ /dbang po rno zhing rab tu gsal ba dang / /gzhan gyis mi thub dngos la dad pa stobs/ /nyon mongs thub pa med la gnas yin te/ /dad pa rang byung yon tan tshol ba yin/ /dad pa chags pa'i sgo dang mi 'grogs te/ / mi khom spo zhing 'du 'dzin med par byed/ /dad pa bdud kyi lam las zlog pa ste/ /thar lam dam pa yongs su ston pa yin/ /yon tan rgyu yin sa bon ma rul bzhin/ /dad pa byang chub shing rab rnam par skyed/ /ye shes khyad par sgo rnams 'phel bar byed/ /dad pa rgyal ba rnams kyi ston pa yin/ /de bas dad mos khyad par dga' ba la/ /spyod pa rim gyis rnam par brjod par bya/ /chos tshul 'di 'dra 'jig rten rnams na dkon/ /rin chen seng+ge'i rgyal po ji bzhin no/ /dad pas sangs rgyas sri zhu gang byed pa/ /de dag tshul khrims slob pa mi gtong ngo / /tshul khrims slob pa gang rnams mi gtong ba/ /de dag yon tan gnas pas yon tan ldan/ /tshul khrims byang chub shes rab ston pa ste/ /bslab pas sa yi yon tan </font><hr>Ka324a<br><font size=+1>


@#/ /legs la brtson/ /tshul khrims bslab pa yongs su ma btang na/ /rgyal ba rnams kyis bstod cing bsngags par 'os/ /dad pas sangs rgyas sri zhu gang byed pa| |de dag rgyal ba'i mchod pa yangs pa byed/ /rgyal ba rnams la mchod pa su byed pa/ /de dag sangs rgyas mos pa bsam mi khyab/ /dad pas chos la phu dud gang byed pa/ / de dag rgyal ba'i chos kyis mi ngoms nyan/ /rgyal ba'i chos kyis mi ngoms su nyan pa/ /de dag bsam gyis mi khyab chos la mos/ /dad pas dge 'dun phu dud su byed pa/ /de dag mi ldog dge 'dun rnams la mos/ /mi ldog dge 'dun rnams la su mos pa/ /de dag dad pa'i stobs kyis phyir mi ldog /dad pa'i stobs kyis gang rnams mi ldog pa/ / de dag dbang po rab tu gsal zhing rno/ /gang rnams dbang po rab tu gsal rno ba/ /des ni sdig pa'i grogs po rnam par spangs/ /gang gis sdig pa'i grogs po rnams spangs pa/ / de dag chos kyi bshes gnyen yongs su 'dzin/ /chos kyi bshes gnyen gang gis yongs bzung ba/ /de dag dge ba rgya chen yongs su gsog /dge ba rgya chen yongs su gang gsog pa| |bdag nyid che ba de dag rgyu mthu ldan/ /bdag nyid che ba rgyu mthu gang ldan pa/ /de dag mos pa'i khyad par yangs pa 'thob/ /mos pa yangs pa'i khyad par sus thob pa/ /de </font><hr>Ka324b<br><font size=+1>


dag rtag tu rgyal bas byin gyis brlab/ /rgyal ba'i byin gyis gang rnams brlabs gyur pa/ /de dag byang chub don du sems kyang skye/ /byang chub don du gang gis sems skyes pa// de dag drang srong chen po'i yon tan brtson/ /drang srong chen po'i yon tan su brtson pa/ /de dag sangs rgyas rigs su rigs ldan skyes/ /sangs rgyas rigs su rigs ldan gang skyes pa| |de dag 'du dang 'bral ba rnam par spangs/ /'du dang 'bral ba gang gis rnam spangs pa/ /de dag bsam pa dang zhing rnam par dag /gang gi bsam pa dang zhing rnam dag pa/ /de dag lhag pa'i bsam pa dam pa'i mchog /lhag bsam dam pa mchog dang su ldan pa/ /de dag rtag tu pha rol phyin la spyod/ /pha rol phyin la rtag tu su spyod pa/ /de dag theg pa chen po 'di la spyod/ /theg pa chen po 'di la su spyod pa/ /de dag nan tan dam pas sangs rgyas mchod/ /nan tan dam pas sangs rgyas su mchod pa/ /de dag sangs rgyas rjes dran phyed pa med| |sangs rgyas rjes dran gang la mi phyed pa/ /de dag rtag tu sangs rgyas bsam yas mthong / /rtag tu sangs rgyas bsam yas sus mthong ba/ /de dag rtag tu sangs rgyas mi 'grogs min/ /rtag tu sangs rgyas mi 'grogs su ma yin/ /de la chos nub 'gyur ba nam yang med/ /gang la chos nub 'gyur ba med gyur pa/ /de dag spobs pa sgrib pa med dang </font><hr>Ka325a<br><font size=+1>


@#/ /ldan| |spobs pa sgrib pa med dang su ldan pa/ /de dag chos rab ston pa mtha' yang yas/ /gang gis chos rab bstan pa mtha' yas pa/ /de dag 'gro la byams pas phan pa tshol/ /'gro la byams pas phan pa su tshol ba/ /de dag snying rje chen po'i rtsa ba brtan/ /snying rje chen po'i rtsa ba sus brtan pa/ /de dag chos kyi dga' bas dbang po dga'/ /chos kyi dga' bas dbang po gang dga' ba/ /de dag 'du byed nyes la btang snyoms so/ /'du byad nyes pa gang gis btang snyoms pa/ /de dag nga rgyal rlom sems bag med spangs/ /nga rgyal rlom sems bag med sus spangs pa/ /de dag rtag tu bdag dang gzhan don brtson/ /bdag dang gzhan don rtag tu sus brtson pa/ /de dag 'khor bas yongs su skyo ba med/ /gang la 'khor bas yongs su skyo med pa/ /de dag brtson 'grus dam pa mchog dang ldan/ /brtson 'grus dam pa mchog dang su ldan pa/ /de dag mngon shes rnam dag mngon par skye/ /gang gis mngon shes rnam dag mngon skyes pa/ /de dag spyod pa mchog gi dra bar zhugs/ /spyod mchog dra bar gang rnams bzhugs gyur pa| |de dag 'gro ba yongs su smin par mkhas/ /'gro ba yongs su smin par gang mkhas pa/ /de dag 'gro sdud ye shes tshul la mkhas/ /'gro sdud ye shes tshul la su </font><hr>Ka325b<br><font size=+1>


mkhas pa/ /de dag bsdu ba'i dngos po bzhi la brtson/ /bsdu dngos bzhi la gang rnams brtson gyur pa/ /de dag 'gro ba'i don mang mtha' yas byed/ /'gro ba'i don mang mtha' yas su byed pa| |de dag shes rab thabs kyi stobs mchog ldan/ /shes rab thabs kyi stobs mchog su ldan pa/ /dpa' bo de dag bla med lam la gnas/ /bla med lam la dpa' bo gang gnas pa/ /de dag bdud kyi dpung gis thub pa min/ /gang rnams bdud kyi dpung gis thub min pa/ /de dag bdud lam bzhi las yongs su 'das/ /bdud lam bzhi las yongs su su 'das pa/ /de dag phyir mi ldog gi sar yang phyin/ /mi ldog sar ni gang gis phyin gyur pa/ /de dag mi skye'i bzod pa thob pa yin/ /mi skye'i bzod pa gang gis thob gyur pa/ /'jig rten sgron de rgyal bas lung yang bstan/ /'jig rten sgron ma rgyal bas lung bstan pa/ /de dag rgyal ba kun dang mngon du gnas/ /rgyal ba kun dang mngon du su gnas pa/ /de dag rgyal ba'i 'phrul pa gsang la mkhas/ /rgyal ba'i 'phrul ba gsang la su mkhas pa/ /de dag rgyal ba kun gyis dgongs pa yin/ /gang rnams rgyal ba kun gyis dgongs gyur pa/ /de dag sangs rgyas yon tan yongs kyis brgyan/ /sangs rgyas yon tan yongs kyis su brgyan pa/ /de dag bsod nams dam pas lus kyang sbyangs/ /bsod nams dam pas gang gi lus </font><hr>Ka326a<br><font size=+1>


@#/ /sbyangs pa/ /de dag gser gyi ri bo 'dra bar 'bar/ /gser gyi ri bo 'dra bar su 'bar ba/ /de dag mtshan rab sum cu gnyis dang ldan/ /mtshan rab sum cu gnyis dang su ldan pa/ /de dag dpe byad bzang pos lus kyang bris/ /dpe byad bzang pos gang gi lus bris pa/ /de dag lus 'od kun tu mtha' yas so/ /gang gi lus 'od kun tu mtha' yas pa/ /de dag 'od zer rgyan kyang bsam mi khyab/ /gang la 'od zer bsam yas rgyan yod pa/ /de dag 'od las pad+mo mang po 'byung / /gang gi 'od las pad+mo mang 'byung ba/ /de dag rgyal ba pad+mo'i gdan bzhugs pa/ /ston cing phyogs bcu'i 'jig rten kun tu yang / /don yod rnam par spyod cing sems can 'dul/ /gang rnams rgyal pa pad+mo'i gdan bzhugs pa/ /ston cing phyogs bcu'i 'jig rten kun tu yang / /don yod rnams spyod sems can 'dul byed pa/ /de dag mngon shes rnam 'phrul mtha' yang yas/ /gang gi mngon shes rnam 'phrul mtha' yas pa/ /de dag bsam gyis mi khyab chos ston cing / /sems can bsam gyis mi khyab dgar byed pas/ /bsam gyis mi khyab zhi bo'i rnam par spyod/ /gang rnams bsam gyis mi khyab zos ston cing / /bsam yas sems can dga' bar su byed pa/ /de dag bsam pa ji bzhin 'jig rten na/ / </font><hr>Ka326b<br><font size=+1>


tha dad yang dag shes mthus sems can 'dul/ /tha dad yang dag shes pa'i ye shes mthus/ /bsam pa ji bzhin sems can su 'dul ba/ /de dag lus dang ngag yid rtag dus su/ ye shes sngon du 'gro bar shin tu 'byung / /gang gi lus dang ngag yid rtag dus su/ /ye shes sngon du 'gro bar rab 'byung ba/ /de dag smon lam stobs kyis ci dga' bar/ /sems can rgyud du gzugs mang yongs su ston/ /smon lam stobs gyis gang rnams ci dga' bar/ /sems can rgyud du gzugs mang ston byed pa/ /de dag tshig du brjod cing ci smra yang / /sgra la dbyangs kyi yan lag bsam mi khyab/ /tshig tu brjod cing ci dang ci smra yang / /gang gi sgra dbyangs yan lag bsam yas pa/ /de dag 'gro ba ma lus thams cad kyi/ /bsam pa'i sems rnams yud kyis rnam par shes/ /gang gi ma lus 'gro ba thams cad kyi/ /bsam pa'i sems rnams yud kyis rnam shes pa/ /de dag skye dang 'chi 'pho nam yang med/ /nyon mongs rgyu ba'ang de bzhin skye ba med/ /skye dang 'chi 'pho gang la med gyur cing / /nyon mongs rgyud kyang de bzhin skye med pa/ /de dag yon tan chos nyid ye shes lus/ /chos kyis smos par 'jig rten kun tu spyod/ /yon tan chos nyid ye shes lus ldan zhing / /chos kyis smos par 'jig rten su spyod pa/ /de dag sa bcu rnams dang dbang bcu yi/ /pha rol phyin mchog rnam par </font><hr>Ka327a<br><font size=+1>


@#/ /thar la spyod/ /gang rnams bcu dbang rnams bcu po yi/ /pha rol phyin mchog rnam par thar spyod pa/ /de dag mngon shes rgyan gyis rnam par 'phrul/ / ting 'dzin dam pas rnam par spyod pa thob/ /mngon par shes pa'i rgyan gyis rnam 'phrul zhing / /ting 'dzin mchog gis rnam spyod sus thob pa/ /de dag phyogs bcu'i rgyal ba thams cad las/ /dbang bskur rgyan rnams thams cad yongs su nod/ /gang rnams phyogs bcu'i rgyal ba thams cad las/ /dbang bskur rgyan rnams thams cad mod byed pa/ /de dag spyi bor phyogs bcu'i sangs rgyas kyis/ /phyag mthil bdud rtsis mngon par dbang yang bskur/ /gang gi spyi bor phyogs bcu'i sangs rgyas kyis/ /phyag mthil bdud rtsis mngon par dbang bskur ba/ /de dag ma lus nam mkha' rgyas byas shing / /phyogs rnams kun tu mthu brtan gnas pa byed/ /gang rnams nam mkha' ma lus rgyas bkang zhing / /phyogs rnams kun tu mthu brtan gnas byed pa/ /dpe med de dag spyod yul shes par ni/ /'jig rten lha dang bcas pas mi nus so/ /dpe med gang gi spyod yul shes bya bar/ /'jig rten lha dang bcas pas mi nus pa/ /de dag brtson 'grus thams cad don kyang yod/ /mthong dang ming thos spobs pa'ang don yod do/ /gang rnams brtson 'grus thams cad don yod cing // </font><hr>Ka327b<br><font size=+1>


mthong dang mi thos spobs pa don yod pa/ /skyes chen de dag sbyin bdag gtong ba yi/ /sbyin pa'i gnas te thams cad don kyang yod/ /skyes su dam pa de dag byin mthu yis/ /dam chos tshul ni mi 'jig brten par gnas/ /dge ba'i las lam dam pa mchog rnams kyang / /rin chen 'dra mthus kun na rgyu zhing gnas/ /rdo rje stug po'i rin chen tshogs yod pas/ /de yi mthu yis rgya mtsho'i rin chen rnams/ /mi zad 'phel zhing 'grib pa gang yang med/ /de bzhin yon tan mtha' yas yon tan mtsho/ /sangs rgyas mi bzhugs zhing rnams gang yod pa/ /de dag kun tu byang chub sangs rgyas ston/ /phyogs rnams gang na dam chos med gyur pa/ /de dag kun tu'ang chos kyi gter ston to/ /de dag mi rtog rnam par mi rtog ste/ /lhun gyis grub par phyogs rnams thams cad du/ /zla ba lta bur gzugs brnyan ston byed cing / /thabs mang stong gis sems can 'dul ba byed/ /de dag skad cig re rer byang chub tu/ /rnam par sangs rgyas phyogs bcu kun tu ston/ /'khor lo bskor dang mya ngan las 'das zhi dang / /sku gdung rgya chen de bzhin dpa' bo ston/ /mkhas pa de dag nyan thos rang sangs rgyas/ /sangs rgyas rnam 'phrul rgyan rnams mtha' yas pa/ /yongs su ston cing bskal pa bsam yas su/ /theg pa gsum gyi sgo nas sems can 'dul/ /khye'u dang bu mo de bzhin bud med lus/ /skyes pa lha dang lha min klu rnams </font><hr>Ka328a<br><font size=+1>


@#/ /dang / /gnod sbyin grul bum lto 'phye chen po'i gzugs/ /mos pa thams cad tshul mkhas yongs su ston/ /ting 'dzin rgya mtsho'i rgya yi sgo dag nas/ / 'gro ba'i gzugs mang rgyud ni ji snyed dang / /cha byad spyod pa sgra dbyangs tshul gyi rnams/ /thams cad ma lus dpa' bo ston pa byed/ /de dag zhing rgyan bsam gyis mi khyab ste/ phyogs bcu'i rgyal ba thams cad mchod pa byed/ /de dag 'od zer mang po bsam mi khyab/ /sems can 'grel ba'i ye shes mtha' yang yas/ /tshig gi rnam 'phrul ye shes rnam 'phrul dang / /lus kyi rnam 'phrul bsam gyis mi khyab ste/ /sbyin pa tshul khrims rnam par 'phrul ba dang / /bzod pa brtson 'grus rnam 'phrul bsam mi khyab/ /de dag bsam gtan shes rab rnam 'phrul dang / /thabs dang mngon shes rnam 'phrul bsam mi khyab/ /sangs rgyas tshogs kyi ting 'dzin sgo dag nas/ /yon tan kun gyi rnam 'phrul mtha' yang yas/ / de dag rdul phran kun la mngon par sgrub byed cing / /rdul phran rtse gcig bsam yas zhing rnams la/ /ston pa byed kyang rdul la 'phel ba med/ /rdul gcig rtse la'ang sangs rgyas bzhugs zhing dang / /sangs rgyas mi bzhugs zhing yang de bzhin ston/ /la la nyon mongs rnam dag dog pa dang / /yangs shing phra dang che ba'i zhing yang ston/ /zhing rnams la </font><hr>Ka328b<br><font size=+1>


la 'jig cing 'du ba dang / /la la spyi'u tshugs rim gyis gnas par ston/ /la la snel zhi smig rgyu lta bu ste/ /de bzhin gzhan rnams mig 'phrul lta bur ston/ /de dag rdul gcig rtser ston ji bzhin du/ /ma lus rdul rnams kun la de bzhin te/ /drang srong ting 'dzin rnam 'phrul de 'dra'o/ /mtha' yas grags pa'i rnam thar de 'dra'o/ /rgyal ba mchod pa'i rnam 'phrul ting nge 'dzin/ /rgyal ba kun la mngon par sgrub byed kyang / /lag pa'i mthil gyis stong gsum rgyas bkang zhing / /skyes bu chen po rnams la mchod pa byed/ /phyogs bcu kun na me tog phreng ba dang / /spos dang byug pa rin chen rin che ba/ /de dag byang chub shing drung bzhugs pa yi/ /rgyal ba mchod phyir lag pa'i mthil nas 'gyed/ /na bza' phye ma rin chen ji snyed dang / /rgyal mtshan ba dan gdugs dam sna tshogs dang / /gser gyi rgyan dang rin chen bla re dag /lag mthil de nas char du mngon par 'bebs/ /phyogs rnams mtha' yas kun gyi yo byad rnams/ /drang srong che la mchod par gang 'os pa/ /de dag lag mthil de nas char du 'bebs/ /byang chub shing drung rgyal ba mchod pa byed/ /rol mo'i rnam pa phyogs na ji snyed pa/ /rnga chen rnga dang pi wang sgra snyan dang / /rol mo brdung dkrol gling bu sgra rab rnams/ /de dag lag mthil de nas sgra yang sgrog /phyogs bcu'i dpe med ji snyed bzhugs pa yi/ /bde gshegs yon tan legs pa sna </font><hr>Ka329a<br><font size=+1>


@#/ /tshogs dang / /bstod pa'i tshigs bcad sgrub pa sna tshogs kyang / /lag mthil de nas sgra rab snyan par 'byung / /de dag 'od zer las dges yongs bsags pa| |lag pa g.yas nas yongs su 'gyed byed cing / /rgyal ba'i zhing rnams spos chus ma lus par/ /kun tu btab cing 'jig rten sgron ma mchod/ /'od zer yid 'ong snang zhing rgyan ldan pa| |lag pa'i mthil bkye pad+mo bsam mi khyab/ /pad+mo rgyan 'phyang mtshan sdug du ma'i gzugs/ /mang po bkye zhing rgyal ba mchod pa byed/ /'od zer me tog rgyan rnams rab bkye zhing / /me tog rgyan dang me tog bla re dang / /me tog sna tshogs kun tu yongs bkang zhing / /bdag nyid che ba de dag rgyal ba mchod/ /'od zer spos kyi rgyan rnams rab bkye zhing / / spos kyi rgyan dang spos kyi bla re dang / /sna tshogs spos kyis kun tu yongs bkang zhing / /bdag nyid che ba de dag rgyal ba mchod/ /'od zer phye ma'i rgyan rnams rab bkye zhing / /phye ma'i rgyan dang phye ma'i bla re dang / /phye ma sna tshogs kun tu yongs su bkang zhing / /bdag nyid che ba de dag rgyal ba mchod/ /'od zer na bza'i rgyan rnams rab bkye zhing / /na bza'i rgyan dang na bza'i bla re dang / /na bza' sna tshogs kun tu yongs bkang zhing / /bdag nyid che ba de dag rgyal ba mchod/ /'od zer rin chen rgyan rnams rab bkye zhing / /rin chen rgyan dang rin chen </font><hr>Ka329b<br><font size=+1>


bla re dang / /rin chen sna tshogs kun tu yongs bkang zhing / /bdag nyid che ba de dag rgyal ba mchod/ /'od zer pad+mo'i rgyan rnams rab bkye zhing / /pad+mo'i rgyan dang pad+mo'i bla re dang / /pad+mo sna tshogs kun tu yongs bkang zhing / /bdag nyid che ba de dag rgyal ba mchod/ /'od zer phreng ba'i rgyan rnams rab bkye zhing / /phreng ba'i rgyan dang phreng ba'i bla re dang / /phreng ba sna tshogs kun tu yongs bkang zhing / /bdag nyid che ba de dag rgyal ba mchod/ /'od zer rgyal mtshan mchog rgyan rab bkye zhing / /de dag rgyan mtshan dkar dmar ser po dang / /sngo dang sna tshogs rnam mang rgyan can gyis/ / rgyal ba'i zhing rnams kun nas brgyan pa byed/ /de dag de gshegs dbu la gdugs kyi mchog /rin chen dra ba sna tshogs rgyan ldan pa/ /dar gyi lda ldi ba dan yongs dpyangs shing / /dril phreng rgyal ba'i gsung sgrog 'dzin pa byed/ /lag pa'i mthil nas bsam gyis mi khyab pa'i/ /mchod pa rgyal ba gcig la byed pa ltar/ /ma lus rgyal ba rnams la'ang de bzhin te/ /drang srong ting 'dzin rnam 'phrul de 'dra'o/ /de dag 'gro ba yongs sdud ye shes kyis/ /rnam par 'phrul ba'i ting 'dzin mngon bsgrubs shing / /bya ba'i tshul dang yon tan thams cad du/ /thams mang stong gis sems can 'dul ba byed/ /la la de bzhin gshegs pa mchod sgo dang / /sbyin pa bsam gyis mi khyab gtong ba'i sgo/ /sbyangs pa'i yon tan kun gyi tshul khrims sgo/ /bzod pa mi zad mi sgul </font><hr>Ka330a<br><font size=+1>


@#/ /sgo dag dang / /la la brtul zhugs dka' thub brtson 'grus sgo/ /bsam gtan rab tu zhi gnas sgo dag dang / /don dam rnam par 'byed pa'i shes rab sgo/ /tshul rnams kun ldan thabs kyi sgo dag dang / /tshangs pa'i spyod pa dag dang mngon shes sgo/ /bsdu ba'i dngos pos phan tshol sgo dag dang / /bsod nams yongs su bsags dang ye shes sgo/ / bden pa rten pa'i rnam thar sgo dag dang / /la la stobs dang dbang po lam gyi sgo/ /nyan thos theg pa rnam grol sgo dag dang / /rang rgyal theg pa rnam par dag pa'i sgo/ /theg pa dam pa rnam 'phrul sgo dag dang / /la la mi rtag pa dang sdug bsngal sgo/ /la la bdag med srog med sgo dag dang / /mi sdug 'du shes 'dod chags 'bral ba'i sgo/ /la la zhi 'gog ting 'dzin sgo dag tu/ /'gro ba'i spyod sgo ji snyed yod rgyu ba/ /de snyed chos kyi sgo la rab tu zhugs te/ /de dag kun gyi chos nyid sgo dag nas/ /bsam pa ji bzhin 'jig rten sems can 'dul| |gang rnams kun gyi sgo yi sgo dag nas/ /bsam pa ji bzhin sems can 'dul byed pa/ /de dag mtshan ma gzung bar mi nus te/ /ting 'dzin rnam 'phrul tshul ni de 'dra'o/ /de dag dga' ba'i rgyan gyi ting 'dzin mchog /'gro ba thams cad yongs smin byed mthun pa/ /dga' ba de spro ba rab dga' kun ldan pas/ /bsam gyis mi khyab yongs ston sems </font><hr>Ka330b<br><font size=+1>


can 'dul/ /gang tshe lo nyes thams cad dkon gyur pa/ /de tshe 'jig rten bde ba'i yo byad rnams/ /thams cad bsam pa rdzogs par bya ba'i phyir/ /sbyin pa yongs su gtong zhing 'gro don byed| |de dag zas mchog skom dang ro mchog dang / /gos dang dgab pa rin chen sna tshogs dang / /rgyal srid nor dang bdag sdug yongs btang bas/ /sbyin la mos pa'i 'gro ba 'dul ba byed| |de dag mtshan rab kun gyis lus brgyan cing / /gos dang rgyan mchog yongs su bgos btags te/ /phreng bas rnam brgyan spos kyis bskus byas pa'i/ /gzugs rnams yongs su bstan pas sems can 'dul/ /mthong bas dga' bde rab tu mos pa la/ /de dag gzugs mchog gzugs bzang cha byad mdzes/ /gzugs kyi dam pa yongs su ston byed cing / /gzugs la mos pa'i sems can 'dul ba byed/ /de dag ka la ping+ka'i sgra snyan dang / /ko kil kun la ngang pa'i sgra dbyangs dang / /rnga dang tshangs pa mi 'am ci yi sgras/ /mos pa thams cad tshul bzhin chos kyang ston/ /de dag stong phrag brgyad cu rtsa bzhi po/ /gang gis rgyal ba 'gro ba'i don mdzad pa'i/ /chos kyi bye brag sgo mo de dag gis/ /bsam pa ji bzhin 'jig rten sems can 'dul/ / de dag bde dang sdug bsngal grogs kyang byang / /don dang don med grogs kyang de bzhin te/ /sems can dgos la grogs su 'gyur byas shing / /grogs kyi sgo nas sems can rnam par 'dul/ </font><hr>Ka331a<br><font size=+1>


@#/ /sdug bsngal rgya mtsho 'dus byas skyon gyi rnams/ /grogs kyi don du de dag bzod par byed/ /'gro ba kun la phan don bde don du/ /de dag grogs don mi bde nyams su len/ /gang na 'byung ba med cing chos med de/ /dgon pa'i yon tan thar pa mi dmigs pa/ /de dag kun tu rgyal srid che spangs shing / /zhi ba'i yid kyis gnas med mngon par 'byung / /de dag khyim gyi btson ra srid gnas pa'i/ /'gro ba thams cad yongs su dgrol ba'i rgyur/ /'dod pa'i dga' ba kun la mi gnas par/ /mngon par byung zhing thar pa yongs su brjod/ /de dag spyod pa bcu rnams spyod byed cing / /skyes chen rnams kyi chos la de dag spyod/ /drang srong spyod pa thams cad ma lus par/ /yongs su sgom zhing 'gro ba'i don kyang byed/ /gang na sems can tshad med tshe ldan pa/ /bde ba phun ldan nyon mongs chung yod pa/ /de dag kun tu nad gzer na bu can/ /bdag la dbang med tsam gyi dbang sgyur ston/ /'dod chags 'bar zhing zhe sdang 'bar gyur te/ /gti mug rgyu las 'jig rten mer 'bar zhing / /rga shi nad kyis rab tu 'bar gyur pa'i/ /'jig rten bstan cing sems can 'dul ba byed| |de dag sangs rgyas stobs bcu mi 'jigs bzhi/ /chos kyi khyad par bco brgyad rnams kyis kyang / /sangs rgyas bdag nyid che brjod byed cing / /sangs rgyas yon tan rnams </font><hr>Ka331b<br><font size=+1>


kyis 'gro don byed/ /de dag yongs ston rdzu 'phrul rjes ston gyi/ /gzugs rnams byin rlob mthu yis mthu che ba/ /de bzhin gshegs pa'i rdzu 'phrul ston byed cing / /rdzu 'phrul rnam par 'phrul bas sems can 'dul/ /de dag thabs kyi tshul mang sna tshogs kyi/ /'gro ba'i don du 'jig rten rim gror byed/ /'jig rten mi chags chu la pad+mo bzhin/ /dga' ba mos pa skye bar rnam par spyod/ /de dag rjod byed brjod pa'i rgyal ba byed/ /gar mkhan rnga mkhan gyad dang rol mo mkhan/ /mdzes shing sdug par bzhad gad byed pa dang / /sgyu mkhan gzugs med kun tu ston par byed/ /grong ba grong dpon kha lo sgyur ba dang / /ded dpon tshong dpon khyim bdag de bzhin te/ /rgyal po blon po mnga' rab pho nya dang / /sman pa mi 'jigs gtsug lag mkhas pa byed| |de dag nags tshal sdong po chen por 'gyur/ /sman dang rin chen mi zad gter dag dang / /yid bzhin nor bu 'dod pa 'byin shing dang / /lam gol 'khyams la de bzhin lam ston 'gyur| |'jig rten byung nas mi ring shes gyur cing / /sems can las kyi tshul la mi shes pa/ /de dag kun la rmos thabs tshong thabs dang / /sna tshogs bzo rnams kun kyang rjod par byed// 'tshe med gnod pa med pa'i sbyor ba rnams/ /sems can bde skyed mkhas pas rab bsngags pa/ /rig mthu sman dang gtsug lag sna tshogs rnams/ /kun kyang drang srong de dag rnam par </font><hr>Ka332a<br><font size=+1>


@#/ /brjod| |drang srong rnams kyi spyod pa dam pa'i mchog /gang la lhar bcas 'jig rten dad gyur dang / /brtul zhugs dka' spyod dka' thub mchog gi rnams/ / kun kyang mkhas pa de dag ston par byed/ /de dag rgyu dang kun rgyu mu stegs can/ /dka' thub spyod yul mi smrar spyod pa dang / /sgren mo gos med ri yi dge sbyong la/ /mu stegs can gyi mkhan po mkhas pa byed/ /de dag yongs 'tsho chos la spyod pa dang / /bla na yod dang bla na med pa'i rnams/ /ral pa ring dang byis pa'i brtul zhugs can/ /de dag tu yang de dag mkhan por 'gyur/ /nyi ma'i rjes spyad dka' thub lnga ldan dang / /khyi dang ba lang brtul zhugs ri dwags spyod/ /gle'u can mu stegs bcu gsum spyod pa'i rnams/ /de dag kun na'ang de dag slob dpon 'gyur/ /lha rnams ye shes tshul la dga' ba dang / /mu stegs khrus byed yul du rgyu ba dang / /rtsa ba 'bras bu chu la spyod pa'i rnams/ /chos sems nang na de dag dam par 'gyur| |gnas btegs gnas dang gcig tu spyod pa dang / /tsher ma rtswa dang thal ba'i mal can dang / /dbyig pa'i mal can gcig pu spyod pa'i rnams/ /de dag kun tu'ang de dag slob dpon 'gyur/ /phyi rol mu stegs can rnams ji snyed pa/ /de dag bsam pa mos pa rtogs byas nas/ /sgrub dka' mi bzad drag shul dka' thub kyi/ /mu stegs can gyi sdug </font><hr>Ka332b<br><font size=+1>


bsngal spangs pas 'dul/ /'jig rten lta bas 'khrugs pa shes byas nas/ /lta ba ngan la zhen pa'i mu stegs can/ /kun la phra ba'i tshig dang thabs tshul gyis/ /bden pa ston pa de dag kun tu byed/ /la lar dra byi la yi sngags tshig tu/ /shin tu gsang ba'i tshig gis bden pa ston/ /la la dag la gsal zhing drang tshig gis/ /la la dag la lha yi gsang tshig gis| |la la dag la yi ge dbye tshig dang / /don nges rtogs pa rdo rje'i tshig rnams dang / /rgol ba 'dul ba'i ye shes tshig rnams dang / /brtan pa thub med thar pa'i tshig rnams kyis/ / la la dag la mi skad tshig rnams dang / /kun la 'jug pa'i tshig nges tshig rnams dang / /la la dag la lha'i tshig nges tshig dang / /klu yi tshig nges gnod sbyin tshig rnams kyis/ /la la dag la srin po 'byung po dang / /dri za grul bum lto 'phye chen po'i tshig /mi ci lha min nam mkha' lding tshig gis/ /bden pa bstan cing thar par 'dren par byed/ /de dag bden pa'i nges tshig tshul shes bzhin/ /de ltar rgyal ba'i chos rnams ma lus pa'i/ /chos nyid bsam yas tshig lam shes pas ston/ /de dag ting 'dzin rnam 'phrul de 'dra 'o/ /de dag 'gro bde mchog gi ting nge 'dzin/ /'gro ba kun la mngon par sgrub byed cing / /'od zer bsam gyis mi khyab rab bkye ste/ /'od zer bkye nas sems can de dag 'dul/ /'od zer mthong na legs </font><hr>Ka333a<br><font size=+1>


@#/ /pa rab bkye zhing / /sems can ji snyed 'od zer de shes pa/ /de dag mthong legs don med ma yin te/ /bla na med pa'i ye shes mchog gi rgyu/ /sangs rgyas bstan te chos rnams yongs bstan nas/ /dge 'dun bstan nas mi rnams lam bstan te/ /rgyal ba'i sku gzugs mchod rten bstan pas na/ /des ni mthong na legs pa'i 'od zer grub/ /lha yi 'od zer zil gyis gnon pa yi/ /'od zer 'od byed rab tu bkye byas shing / /mun pa kun dang rdul rnams kun bsal te/ /'jig rten phan pa'i 'od de rab tu snang / /'od des sems can ji snyed yongs bskul ba/ /de dag rgyal ba mchod phyir me mar 'dzin/ /rgyal ba mchod phyir me mar bzung byas pas/ /'jig rten sgron ma mdzad pa'i rgyal bar 'gyur/ / 'bru mar me mar mar gyi me mar dang / /shing dang rtswa dang smig ma spa yi sgron/ /spos dang ro mchog rin chen sgron ma dag /rgyal ba rnams gsol 'od byed de thob bo/ /'od zer sgrol zhes bya ba rab bkye zhing / /sems can ji snyed 'od zer nges bskul ba/ /de dag sred pa rnam yangs srid pa'i mtshor/ /sems can bsgral don go cha brtan pa gyon/ /gang rnams sred pa rnam yangs srid pa'i mtshor/ /sems can bsgral phyir go cha brtan gyon pa/ /de dag chu bo bzhi las sgrol bar byed/ /mya ngan med pa bde ba'i grong yang ston/ /stegs dang zam pa </font><hr>Ka333b<br><font size=+1>


gcig min byas pa dang / /chu klung lam la sgrol ba'i gru byin te/ /'dus byas sun phyung zhi ba bsngags pas na/ /des ni sgrol ba'i 'od zer de grub bo/ /'od zer skom pa sel ba rab bkye zhing // sems can ji snyed 'od zer des bskul ba/ /'dod pa'i yon tan sgom pa rab spangs shing / /chos kyi rnam grol ro la don du gnyer/ /'dod pa'i yon tan skom pa rab spangs te/ /chos kyis grol ba'i ro la don gnyer bas/ /sangs rgyas bdud rtsi char pa 'bebs par 'gyur/ /'jig rten sred pa'i skom pa rnam par sel/ /rdzing dang chu klung khron pa lo ma dang / /mtsho rnams byang chub don du byed btsud de/ /'dod pa rnam smad bsam gtan bsngags pas na/ /skom pa rnam sel de ni des sgrub pa/ /'od zer dga' bar byed pa rab bkye zhing / /sems can ji snyed 'od zer des bskul ba/ /dga' bas rgyas shing byang chub mchog don du/ /rang byung 'gyur bar bya zhes sems bskyed do/ /thugs rje mnga' rnams sku gzugs mtshan brgyan pa/ /pad+mo'i gdan la bzhugs pa byas bsgrubs shing / /rtag tu sangs rgyas yon tan brjod pas na/ /dga' ba byed pa'i 'od ni des sgrub bo/ /'od zer mos par byed pa rab bkye zhing / /sems can ji snyed 'od zer des bskul ba/ /de dag thams cad sangs rgyas mos pas dga'/ /chos la mos dga' dge 'dun mos pas dga'/ /de dag rtag tu sangs rgyas mos dga' ste/ /chos la </font><hr>Ka334a<br><font size=+1>


@#/ /mos dga' dag 'dun mos dga' bas/ /sangs rgyas chos dang de bzhin dge 'dun dang / /rtag tu 'grogs 'thob bzod pa bla med 'thob/ /sangs rgyas rjes dran chos dang tshogs mchog la/ /sems can mang po bskul cing dran byas te/ /byang chub sems kyi yon tan bstan pas na/ /des ni 'od zer mos par byed pa grub/ /'od zer bsod nams bsags pa rab bkye zhing / /sems can ji snyed 'od zer des bskul ba/ /bla na med pa'i byang chub don gnyer cing / /sbyin pa sna tshogs du ma yongs su gtong / /de dag mchod sbyin lhug pa byed pa'i tshe/ /slong mo ba yi bsam pa rdzogs byas te/ /bsam pa kun tshul sbyin pa byin pas na/ /des na 'od zer bsod nams bsags grub bo/ /'od zer ye shes ldan pa rab bkye zhing / /sems can ji snyed 'od zer des bskul ba/ /chos gcig sgo nas chos gcig min pa yi/ /chos kyi sgo rnams yud kyis rjes dran nas/ /chos kyi bye brag sems can 'dzin btsud de/ /nges rtogs don gyi ye shes rnam phye zhing / /chos kyi tshig don brjod pa byas pas na/ /des ni ye shes ldan pa'i 'od zer grub/ /'od zer shes rab sgron ma rab bkye zhing / /sems can ji snyed 'od zer des bskul ba/ /stong pa bdag med ma skyes ma byung ba'i/ /rang bzhin med pa'i chos la rab tu 'jug /bdag po med chos stong pa byed </font><hr>Ka334b<br><font size=+1>


med pa| |sprin dang smig rgyu chu zla 'dra ba'i dngos/ /rmi lam lta bu gzugs brnyan rang bzhin rnams/ /bstan pas shes rab sgron ma de grub bo/ /'od zer chos kyis rnam 'phrul rab bkye zhing / /sems can ji snyed 'od zer des bskul ba/ /mi zad gzungs kyi mdzod rnams rab thob cing / /de bzhin gshegs pa kun gyi mdzod kyang 'dzin/ /chos 'chad rnams la yongs su phan btags te/ /drang srong rnams la chos kyis bsrungs byas shing / /'gro pa kun la chos bzhin phan btags pas/ /'od zer chos kyis rnam 'phrul de grub bo/ /'od zer gtong dang ldan pa rab bkye zhing / /sems can 'jungs pa ji snyed des bskul ba/ /skyed pa mi brtan mi rtag shes gyur nas/ /de dag rtag tu sbyin mos dga' bar 'gyur/ /'jungs pa gdul dka'i sems can ma dul dang / /nor rnams rmi lam sprin tshul shes gyur nas/ /dga' ba'i yid kyis sbyin pa rnam spel bas/ /gtong dang ldan pa'i 'od zer des grub bo/ /'od zer yongs su gdung med rab bkye zhing / /tshul ngan sems can ji snyed des bskul ba/ /tshul khrims rnam dag rab tu gnas gyur te/ /rang byung 'gyur bar bya zhes sems skyed do/ /dge ba'i las lam yongs su dag pa dang / /tshul khrims bzang la sems can mang bskul cing / /byang chub sems la yang dag bskul byas pas/ /yongs su gdung med 'od zer des grub bo/ /bzod pas </font><hr>Ka335a<br><font size=+1>


@#/ /rnam brgyan 'od zer rab bkye zhing / /mi bzod sems can ji snyed des bskul ba/ /khro ba'i tha ba nga rgyal yongs spangs shing / /de dag bzod mos rtag tu dga' bar 'gyur/ /sdig sems ldan la nyes pa bzod byas te/ /byang chub don du 'khrug pa ma byas shing / /bzod pa'i yon tan rtag tu brjod byas pas/ /des ni bzod pas rnam brgyan de grub bo| |'od zer brtson dang ldan pa rab bkye zhing / /le lo'i sems can ji snyed des bskul ba/ /rigs par brtson zhing dkon mchog gsum rnams la/ /sbyor ba skyo med mchod pa 'byed par 'gyur/ /rigs par brtson pas dkon mchog gsum rnams la/ /sbyor ba skyo ba med pas mchod byas nas/ /de dag bdud bzhi'i lam las yongs 'das te/ /myur du byang chub bla med rab tu thob/ /sems can mang po brtson 'grus bskul byas te/ /dkon mchog gsum la mchod pa rab byas nas/ /tha ma'i dus su dam chos yongs bzung bas/ /des ni brtson ldan 'od zer de grub bo/ /'od zer zhi bar byed pa rab bkye zhing / /rnam 'khrugs sems can ji snyed des bskul ba/ /de dag 'dod chags zhe sdang gti mug rnams/ /nyams su mi gnod mnyam gzhag sems su 'gyur/ /sdig to'i grogs po nyes ldan spyod can dang / /'du 'dzi yongs su rnam par spangs byas te/ /bsam gtan zhi ba'i dgon pa rang </font><hr>Ka335b<br><font size=+1>


bsngags pas/ /des ni zhi byed 'od zer de grub bo/ /'od zer shes rab rnam brgyan rab bkye zhing / /shes rab 'chal ba ji snyed des bskul ba/ /bden dang brtan dang rnam thar tshul rnams dang / /dbang po'i rgyus la rtogs par shes gyur cing / /nyi ma sgron ma'i ting 'dzin thob gyur nas/ /shes rab 'od gsal mdzad pa'i rgyal bar 'gyur/ /rgyal srid nor dang bdag phangs yongs btang ste/ /byang chub don du chos rnams gang btsal ba/ /de dag rim gror rab tu brjod byas pas/ /shes rab rnam brgyan 'od zer des grub bo/ /'od zer sangs rgyas ldan pa rab bkye zhing / /sems can ji snyed 'od zer des bskul ba/ /sangs rgyas bsam gyis mi khyab shin tu mang / /pad+mo mchog la bzhugs par rab tu mthong / /sangs rgyas bdag nyid che dang rnam thar dang / /sangs rgyas rnam 'phrul mtha' yas yongs bstan te/ /sangs rgyas stobs dang rdzu 'phrul brjod byas pas/ /sangs rgyas ldan pa'i 'od zer des grub bo/ /'od zer mi 'jigs sbyin pa rab bkye zhing / /'jigs mnar sems can ji snyed des phog pa/ /'byung po bza' dang bsad cing brdog pa dang / /nad kyi 'jigs pa kun las rab tu 'grol/ /mi 'jigs sbyin pas sems can bskyabs pa dang / /srog gcod las las sems rgyud phyir bzlog cing / /'jigs pas skyabs tshol rnams la bskyabs byas pas/ /'od zer mi 'jigs sbyin pa des </font><hr>Ka336a<br><font size=+1>


@#/ /grub bo| |'od zer thams cad bde ba rab bkye zhing / /nad pa na ba ji snyed des reg pa/ /thams cad nad kyi sdug bsngal rnam par 'grol/ /bsam gtan ting 'dzin bde ba rnams kyang thob/ /nad gsos 'bras bu sman dang rtsa ba dang / /rin chen ro mchog spos dang byug pa dang / /bu ram sbrang rtsi 'o ma mar dag dang / /'bru mar zas skom byin pas de grub bo/ /'od zer sangs rgyas ston pa rab bkye zhing / /tshe zad mthar ni ji snyed des bskul ba/ /sangs rgyas rjes dran sangs rgyas mthong bar 'gyur/ /de dag shi 'phos sangs rgyas bzhugs zhing 'gro /'chi ba'i dus su sangs rgyas dran byas te/ /dgar 'gyur rgyal ba'i sku gzugs bstan byas shing / /'chi khar sangs rgyas skyabs su btang byas pas/ /sangs rgyas ston pa'i 'od zer des thob bo/ /'od zer chos rab brjod pa rab bkye zhing / /sems can ji snyed 'od zer des bskul ba/ /chos nyan rjod cing de bzhin 'dri ba byed/ /chos la mos pas rtag tu dga' bar 'gyur/ /chos kyi mu ge'i dus su chos brjod de/ /chos tshol rnams kyi bsam pa rdzogs byas shing / /mos pa bskyed de chos la brtson gyis zhes/ /brjod pa chos rab rjod pa des thob bo/ /sangs rgyas sras rnams yongs su bskul ba'i phyir/ /'od zer dbyangs dang ldan pa rab bkye zhing / /khams gsum </font><hr>Ka336b<br><font size=+1>


sgra rgyud ji snyed yod pa dag /kun kyang de bzhin gshegs pa'i gsung du thos/ /gsal ba'i dbyangs sgrar drang srong cher brjod de/ /rol mo sgra chen dril gyi sbyin pa rnams/ /'gro ba kun la rgyal ba'i gsung don du/ /yongs su btang bas 'od zer dbyangs ldan thob/ /'od zer 'chi med sbyin pa rab bkye zhing / /sems can ji snyed 'od zer des bskul ba/ /bag med spyod pa thams cad rnam spangs te/ /yon tan kun la rnal 'byor nyams su len/ /'dus byas rtag tu bde ba med pa ste/ /sdug bsngal 'tshe ba mang pos yongs su gang / /'gog pa rtag tu bde zhing zhi dga' zhes/ /brjod pas 'chi med sbyin pa de thob bo/ /'od zer khyad par ldan pa rab bkye zhing / /sems can ji snyed 'od zer des bskul ba/ /tshul khrims khyad par ting 'dzin khyad par dang / /shes rab khyad par rgyal ba rnams la nyan/ /tshul khrims 'phags pa ting 'dzin 'phags pa ste/ /shes rab 'phags pa thub pa'i rgyal chen zhes/ /byang chub don du bsngags shing bstod byas pas/ /des ni 'od zer khyad par ldan pa thob|/'od zer rin chen rnam brgyan rab bkye zhing / /sems can ji snyed 'od zer des bskul ba/ /rin chen gter mang mi zad thob gyur te/ /drang srong che la rin chen dam pas mchod/ /rgyal ba rnams dang rgyal ba'i mchod rten la/ /rin chen phul zhing 'gro ba nyon mongs la/ /rin chen bsdud de rin chen sbyin </font><hr>Ka337a<br><font size=+1>


@#/ /btang bas/ /rin chen rnam par brgyan pa'i 'od zer grub/ /'od zer spos mchog snang ba rab bkye zhing / /sems can ji snyed 'od zer des bskul ba/ /mi la med pa'i spos dri tshor gyur nas/ /sangs rgyas yon tan rnams la nges par 'gyur/ /mi dang lha yi spos dang byug pa yis/ /mi yi gtso la mchod pa rab byas te/ /spos kyis rgyal ba'i sku gzugs mchod rten dag /byas pas 'od zer spos mchog snang ba grub/ /'od zer sna tshogs rnam brgyan rab bkye zhing / /gdugs dang rgyal mtshan ba dan sna tshogs mchog /rol mo sgra snyan spos dang bdug spos kyis/ /pho brang dam pa yongs brgyan me tog 'gengs/ /sngon chad rgyal ba rol mos bsu byas te/ /me tog byug pa bdug spos phye ma dang / /gdugs dang rgyal mtshan ba dan mchog dag gis/ /mchod pa byas pas sna tshogs rgyan grub bo/ /'od zer shin tu dar byed rab bkye zhing / /sa rnams lag mthil bzhin du gnas par byed/ /mchod rten drang srong gnas rnams sbyangs byas pas/ /des ni 'od zer shin tu dang byed grub/ /'od zer chen po'i sprin ldan rab bkye zhing / /spos kyi char 'bebs sprin rnams kun nas gnas/ / mchod rten gam yo spos chus yongs btab pas/ /'od zer sprin dang ldan pa rab tu thob/ /'od zer lhab lhub rnam brgyan rab bkye zhing / /gos med gos yod rgyan dang ldan par </font><hr>Ka337b<br><font size=+1>


'gyur| |gos dang bgo ba phreng ba sna tshogs dag /yongs su btang bas lhab lhub rnam brgyan grub/ /'od zer bro mchog ldan pa rab bkye zhing / /bkres pa kha zas bro mchog thob par 'gyur// zas dang skom dang bro mchog sna tshogs rnams/ /byin pas bro mchog ldan pa'i 'od kyang thob/ /'od zer nor ston rab tu gyes byas shing / /phongs pa rin chen gter rnams thob par 'gyur/ / gnas dang gter rnams mi zad dkon mchog gsum/ /gsol pas nor ston 'od zer de thob bo/ /'od zer mig sbyong rab tu gyes byas shing / /long ba de tshe sna tshogs gzugs mthong 'gyur/ / rgyal ba dag dang rgyal ba'i mchod rten la/ /mar me gsol bas mig sbyong 'od zer grub/ /rna ba rnam sbyong 'od zer rab bkye zhing / /rna ba nyams pa sgra mang thos par 'gyur/ /rgyal ba rnams dang rgyal ba'i mchod rten la/ /sil snyan phul bas rna ba rnam spyod thob/ /'od zer sna sbyong rab tu gyes byas shing / /sngon chad ma tshor dri zhim tshor bar 'gyur/ /rgyal ba rnams dang rgyal ba'i mchod rten la/ /spos zhim gsol bas sna sbyong 'od zer grub/ /'od zer lce sbyong rab tu gyes byas shing / /sgra snyan yid du 'ong bas sangs rgyas bstod/ /mi snyan brlang bar smra ba rnams spangs te/ /'jam par smra bas lce sbyong 'od zer grub/ /'od zer lus sbyong rab tu gyes byas shing / /dbang po nyams pa dbang po ldan par 'gyur/ /rgyal ba rnams dang rgyal ba'i mchod </font><hr>Ka338a<br><font size=+1>


@#/ /rten la| |lus kyis rab btud lus sbyong 'od zer thob/ /'od zer sems sbyong rab tu gyes byas shing / /smyos pa thams cad rang bzhin sems su 'gyur/ / ting 'dzin rjes su sems 'gro rab byas pas/ /des ni sems sbyong 'od zer de grub bo/ /'od zer gzugs sbyong rab tu gyes byas shing / /bsam yas sku mnga' mi yi dbang po mthong / /sku gzugs ri mo sna tshogs mang po dang / /mchod rten rgyan byas gzugs sbyong thob par 'gyur/ /'od zer sgra sbyong rab tu gyes byas shing / /sgra ni sgra min stong par rab tu shes| |rkyen las byung bas sgra brnyan 'dra 'o zhes/ /sgra rnams bstan pas 'od zer de grub bo/ /'od zer dri sbyong rab tu gyes byas shing / /dri nga thams cad dri zhim mchog tu 'gyur| |spos mchog rab chus rgyal ba'i mchod rten dag /khrus byas byang chub shing gi 'od de yin/ /'od zer bro sbyong rab tu gyes byas shing / /dug can dug med ro yi mchog tu 'gyur| |sangs rgyas nyan thos bcas dang pha ma la/ /bro mchog thams cad phul ba'i 'od de yin/ /'od zer reg sbyong rab tu gyes byas shing / /reg na mi bde thams cad 'jam bder 'gyur/ /tri shul mdung dang ral gri mda' yi char/ /phreng ba yid 'ong ut+pal pad+mor 'gyur/ /gos mang 'jam pa reg na bde ba'i rnams/ /rgyal ba gshegs pa'i lam du </font><hr>Ka338b<br><font size=+1>


bting bkram ste/ /me tog byug pa na bza' 'jam pa dang / /phreng ba bla re gsol ba'i 'od de yin/ /'od zer chos sbyong rab tu gyes byas shing / /ba spu kun nas 'jig rten phan mdzad pa'i/ / bsam yas chos mang 'byung ba thos par 'gyur/ /mos pa'i lam tshul bzhin du dga' bar byed/ /rkyen las byung bas ma skyes rang bzhin yin/ /rgyal ba'i sku ni chos kyi sku yin te/ /chos nyid nam mkha' bzhin du rtag gnas zhes/ /brjod pas chos sbyong 'od zer de thob bo/ /'od zer sgo mo de dag la sogs pa/ /drang srong rnams kyi ba spu'i sgo gcig nas/ /gang+gA'i bye ma snyed kyi 'od zer byung / /kun kyang tha dad las kyi tshul can no/ /ji ltar ba spu gcig gi sgo gcig nas/ /'od zer gang+gA'i bye snyed yongs 'byung ba/ /de bzhin ma lus spu rnams thams cad nas/ / drang srong ting 'dzin rnam 'phrul de 'dra 'o/ /yon tan gang gis 'od zer grub 'gyur ba'i/ /yon tan de la bstad grogs sus byas pa/ /de dag 'od zer de dag nyid kyang 'byung / /drang srong ting 'dzin rnam 'phrul de 'dra 'o/ /de dag bsod nams bstad grogs byas pa la/ /rjes su yi rang smon lam sus btab dang / /gang gis mthong ste dge ba bsags gyur pa/ /de dag kun kyang 'od zer de dag shes/ /gang gis bsod nams byas shing dge bsags te/ /sangs rgyas yang dang yang du mchod byas shing / /sangs rgyas yon tan 'dod cing don gnyer ba/ /de dag </font><hr>Ka339a<br><font size=+1>


@#/ /kun la 'od zer de dag skul/ /dmus long rnams kyis nyi ma mi mthong yang / /de med ma yin 'jig rten kun tu 'char/ /mig dang ldan pas shar bar shes gyur nas/ /kun kyang rang rang so so'i las la 'jug /de bzhin skyes chen 'od zer de dag kyang / /med pa ma yin kun tu 'phro ba ste/ /de dag mos med log pas mnar ba yin/ /phal gyis mi mthong blo gros yangs la mos/ /rgyan dang nor bu gzhon pa gzhal med khang / /rin chen ro mchog spos dang byug pa'i rnams/ /de dag che bar gyur la yod mod kyi/ /nyon mongs phongs pa rnams la yod pa min/ /gang gis 'od zer bye brag 'di thos te/ /dad pa yid ches mos pa skyes gyur na/ /bdag ni yon tan chen po'i rgyal mtshan du/ /mi 'gyur snyam du nem nur des mi bskyed/ /de dag 'khor gyi rgyan du rnam 'phrul bar/ /ting 'dzin dam pa mngon par sgrub byed kyi/ /phyogs bcu kun tu dpe zla med pa yi/ /rgyal sras 'khor rnams yongs su ston pa byed/ /de dag pad+mo mdzes pa stong gsum tsam/ /'od kyis rnam brgyan byin gyis brlabs byas shing / /lus gcig skyil mo krung gi pad+mo de/ /yongs su rgyas ston ting 'dzin rnam par 'phrul/ /de dag zhing bcu'i rdul snyed pad+mo gzhan/ /'khor dang bcas pa byin gyis brlabs byas shing / /rgyal sras kun gyis kun nas yongs </font><hr>Ka339b<br><font size=+1>


bskor ba/ /de dag ting 'dzin ting 'dzin med par spyod/ /drang srong des ni yongs su smin byas te/ /rgyal ba'i legs la yongs su gang bsgrubs pa/ /de dag pad+mo chen po'i 'khor byed cing / /kun kyang thal mo sbyar te ngor yang lta/ /skyes bu chen po'i chos nyid de 'dra ste/ /gang rnams ting 'dzin rnams spyod zhugs gyur pa/ /kun kyang rang rang slob mas bskor 'gyur te/ / zla ba skar ma'i tshogs kyis bskor ba bzhin/ /de dag ji ltar phyogs gcig 'jug byed cing / /sangs rgyas sras kyi 'khor rnams ston byed pa/ /de bzhin ma lus phyogs rnams thams cad du| |ston te ting 'dzin rnam 'phrul de 'dra'o/ /de dag ting 'dzin rab rnams mngon sgrub cing / /phyogs kyi dra bar snrel zhir spyod pa byed/ /la la mnyam bzhag la la rnam langs par| |rang rang lus kyang phyogs rnams kun tu ston/ /de dag shar gyi phyogs su mnyam bzhag cing / /dpa' bo de dag nub kyi phyogs nas ldang / /nub kyi phyogs su de bzhin mnyam bzhag cing / /shar gyi phyogs nas bdag nyid che ba ldang / /de bzhin phyogs bcu kun tu 'jug byed de/ /phyogs rnams gzhan du mnyam par bzhag byas shing / /ye shes yon tan mang po gzhan las ldang / /drang srong ting 'dzin rnam 'phrul de 'dra'o/ /shar phyogs zhing grangs ji snyed yod pa rnams/ /ma lus de dag kun gyi rang byung gi /spyan snga zhabs kyi </font><hr>Ka340a<br><font size=+1>


@#/ /drung na ting 'dzin la/ /zhi bar rnam par spyod par de dag snang / /der ni mnyam bzhag sems can bstan byas nas/ /nub kyi zhing rnams kun nas dpa' bo rnams| |langs shing rgyal ba kun gyi spyan snga na/ /mchod pa rnam mang du ma byed par snang / /nub kyi zhing grangs ji snyed yod pa rnams/ /ma lus de dag kun gyi sangs rgyas kyi/ / spyan snga zhabs kyi drung na ting 'dzin la/ /zhi bar rnam par spyod par de dag snang / /der ni mnyam bzhag sems can bstan byas nas/ /shar gyi zhing rnams kun nas dpa' bo rnams/ / langs shing rgyal ba kun gyi spyan snga na/ /mchod pa rnam mang du ma byed par snang / /phyogs bcu'i zhing du 'jug pa de 'dra ste/ /phyogs rnams kun tu ma lus dpa' bo rnams/ /la la mnyam bzhag la la rnam par langs/ /'jig rten sgron ma kun la mchod byed snang / /de dag mig gi lam la mnyam bzhag cing / /bdag nyid che ba gzugs kyi lam las ldang / /'jig rten lhar bcas myos par 'gyur ba yi/ /bsam gyis mi khyab gzugs kyang kun tu ston/ /gzugs kyi lam la mnyam par bzhag byas shing / /dran dang ldan pa mig gi lam las ldang / /mig ni ma skyes ma byung rang bzhin te/ /stong pa byed pa med par ston par byed/ /de dag rna ba'i lam la mnyam bzhag cing / /bdag nyid che ba </font><hr>Ka340b<br><font size=+1>


sgra yi lam las ldang / /sgra dbyangs thams cad sgra brnyan bzhin du shes/ /'jig rten lhar bcas de la mos par 'gyur/ /sgra yi lam la mnyam par bzhag byas shing / /dran dang ldan pa rna ba'i lam las ldang / /rna ba ma skyes ma byung rang bzhin te/ /stong pa byed pa med par ston par byed/ /de dag sna yi lam la mnyam bzhag cing / /bdag nyid che ba dri yi lam las ldang / /dri rab mchog la 'jug par rab tu zhugs/ /'jig rten lhar bcas de la mos par 'gyur/ /dri yi lam la mnyam par bzhag byas shing / /dran dang ldan pa sna yi lam las ldang / /sna ni ma skyes ma byung rang bzhin te| /stong pa byed pa med par ston par byed/ /de dag lce yi lam la mnyam bzhag cing / /bro mchog kun gyi lam las ldang bar byed/ /bdag nyid che ba de dag bro mchog shes/ /'jig rten lhar bcas de la mos par 'gyur/ /bro ba'i mchog la mnyam par bzhag byas shing / /dran dang ldan pa lce yi lam las ldang / /lce ni ma skyes ma byung rang bzhin te/ /stong pa byed pa med par ston par byed/ /de dag lus kyi lam la mnyam bzhag cing / /bdag nyid che ba reg gi lam las ldang / /'jig rten bde ba skyed pa'i reg la zhugs/ / 'jig rten lhar bcas de la mos par 'gyur/ /reg gi lam la mnyam par bzhag byas cing / /dran dang ldan pa lus kyi lam las ldang / /lus ni ma skyes ma byung rang bzhin te/ /stong pa byed </font><hr>Ka341a<br><font size=+1>


@#/ /pa med par ston par byed/ /de dag sems kyi lam la mnyam bzhag cing / /bdag nyid che ba chos kyi lam las ldang / /chos sgrub 'jug par bya la rab tu zhugs/ / 'jig rten lhar bcas de la mos par 'gyur/ /chos kyi lam la mnyam par bzhag byas shing / /dran dang ldan pa sems kyi lam las ldang / /sems ni ma skyes ma byung rang bzhin te| |stong pa byed pa med par ston par byed/ /byis pa'i lus su de dag mnyam bzhag cing / /gzhon nu dar la bab pa'i lus su ldang / /gzhon nu dar la bab par mnyam bzhag cing / / rgan zhing 'khogs pa'i lus su rnam par ldang / /rgan zhing 'khogs pa'i lus su mnyam bzhag cing / /dge bsnyen dad ma'i lus su rnam par ldang / /dge bsnyen dad ma'i lus su mnyam bzhag cing / /dge bsnyen dad pa'i lus su rnam par ldang / /dge bsnyen dad pa'i lus su mnyam bzhag cing / /dge slong ma yi lus su rnam par ldang / /dge slong ma yi lus su mnyam bzhag cing / /dge slong mang du thos pa'i lus su ldang / /dge slong mang thos lus su mnyam bzhag cing / /slob dang mi slob lus su rnam par ldang / /slob dang mi slob lus su mnyam bzhag cing / /rang rgyal lus las de dag rnam par ldang / /rang rgyal lus la de dag mnyam bzhag cing / /sangs rgyas sku mchog phul du rnam par ldang / /sangs rgyas </font><hr>Ka341b<br><font size=+1>


sku mchog phul la mnyam bzhag cing / /lha yi lus su de dag rnam par ldang / /lha yi lus su de dag mnyam bzhag cing / /'phrul chen klu yi lus su rnam par ldang / /'phrul chen klu yi lus su mnyam bzhag cing / /'phrul chen gnod sbyin lus su rnam par ldang / /'phrul chen gnod sbyin lus su mnyam bzhag cing / /'byung po kun gyi lus su rnam par ldang / /'byung po kun gyi lus su mnyam bzhag cing / /spu rtse gcig gi sgo nas rnam par ldang / /spu rtse gcig gi sgo la mnyam bzhag cing / /spu rtse kun gyi sgo nas rnam par ldang / /spu rtse kun gyi sgo nas mnyam bzhag cing / /skra rtse gcig gi sgo nas rnam par ldang / /skra rtse gcig gi sgor ni mnyam bzhag cing / /skra rtse kun gyi sgo nas rnam par ldang / /skra rtse kun gyi sgor ni mnyam bzhag cing / /rdul phran gcig las de dag rnam par ldang / /rdul phran gcig la de dag mnyam bzhag cing / /rdul phran ma lus kun las rnam par ldang / /rdul phran kun la de dag mnyam bzhag cing / / rgya mtsho rdo rje gzhi las rnam par ldang / /rgya mtsho rdo rje gzhi la mnyam bzhag cing / /rin chen shing gi 'bras las rnam par ldang / /rin chen shing gi 'bras la mnyam bzhag cing / /rgyal ba'i 'od zer rnams las rnam par ldang / /rgyal ba'i 'od zer sgor ni mnyam bzhag cing / /rgya mtsho'i chu dang chu klung kun nas ldang / /rgya mtsho chu klung kun la mnyam bzhag cing / /bdag nyid che ba </font><hr>Ka342a<br><font size=+1>


@#/ /me yi lam las ldang / /me yi lam la de dag mnyam bzhag cing / /dran dang ldan pa rlung gi lam las ldang / /rlung gi lam la de dag mnyam bzhag cing / /bdag nyid che ba sa yi gzhi las ldang / /sa yi gzhi la mnyam par bzhag byas shing / /lha yi gzhal med khang nas rnam par ldang / /lha yi gzhal med khang du mnyam bzhag cing / /dran dang ldan pa klu yi gnas nas ldang / /yon tan mtha' yas bsags pa de dag gi /ting 'dzin rnam thar de dag bsam mi khyab/ /rgyal ba kun gyis bskal pa bsam yas su/ /bsten par mdzad kyang zad par mi rung ngo / /rgyal ba kun gyis de skad ma gsungs min/ /'gro ba'i las kyi rnam smin bsam mi khyab/ /klu yi rnam 'phrul sangs rgyas rnam 'phrul dang / /bsam gtan pa yi rnam 'phrul bsam mi khyab/ /de dag la yang dpe bstan brjod par bya/ /de la 'dra ba'i dpe lta yod min te/ /mkhas shing gsal ba'i skye bo dpe rnams kyis/ /bsten na myur du rnam par don shes 'gyur/ /sems kyi lam la rnam thar brgyad gnas pa'i/ /nyan thos gcig tu gyur cing mang por 'gyur/ /mang por gyur cing de bzhin gcig gyur te/ /nam mkha' 'di la bsam gtan 'cha' zhing 'bar/ /'og nas me 'bar steng nas chu yi rgyun/ /steng nas me 'bar 'og nas chu yi rgyun/ /'gro 'dug nyal </font><hr>Ka342b<br><font size=+1>


zhing 'greng ba de bzhin te/ /skad cig gcig la lus 'phrul bsam mi khyab/ /de ni snying rje chen po ldan ma yin/ /byang chub mi tshol 'jig rten yal bar gzhog |'on kyang lus 'phrul bsam gyis mi khyab ston/ /'jig rten phan tshol ci phyir de mi ston/ /nyi zla mkha' las rnam par rgyu 'dong zhing / /phyogs rnams kun gyi mtsho dang lu ma dang / /lteng ka khron pa rin chen rgya mtsho'i snod/ /chu klung kun tu gzugs brnyan ston par byed/ /de bzhin bsam gyis mi khyab gzugs kun kyang / /skyes bu dpa' bo de dag phyogs bcur ston/ /ting 'dzin rnam thar kun gyi tshul la mkhas/ /de la de bzhin gshegs pa rang byung dpal/ /mtsho gsal dang bar yan lag bzhi yi dpung / /so sor rang rang gzugs brnyan tshul bzhin mthong / /ral gri shang lang sog ka mde'u thung mda'/ /bzhon pa theg pa go cha bcas pa mthong / /gang gi gzugs dang cha byad ci 'dra ba/ /chu gsal de la de bzhin ma nor mthong / /chu la zhe sdang byams pa rtog pa med/ /drang srong ting 'dzin rnam 'phrul de 'dra 'o/ /rgya mtsho'i lha mo sgra dang ldan yod pa/ /sems can rgya mtshor ji snyed skyes pa rnams/ /de dag sgra yi yan lag dbyings tshul shes/ /sgra skad kun tu rang rang skad du brjod/ /dbyangs ldan de ni 'dod chags zhe sdang can/ /'on kyang sgra kun dbyangs kyi tshul la mkhas/ /gzugs dang chos kyi stobs la dbang thob rnams/ /'jig rten lhar bcas </font><hr>Ka343a<br><font size=+1>


@#/ /ci phyir mgur mi byed/ /dga' byed chung ma sgra snyan ldan pa mo/ /tshangs pa'i bu mo sems las byung ba ste/ /dam tshig bden sgrub mi tshe dga' ba yin/ /sems yid ngag rnams byin gyis rlob pa byed/ /sgra snyan ldan pa 'dod chags zhe sdang can/ /brtul zhugs grub la dbyangs kyi rjes su 'brang / /'jig rten yid 'ong sgras kyang tshim par byed/ / ye shes yon tan mang ba cir mi ston/ /sngags kyi tshul mkhas sgyu ma'i mkhan po yang / /sna tshogs mtha' yas gzugs mang ston pa byed/ /nyin mtshan yud dang zla ba lo brgya dang / /khyim bzang rgyas pa shin tu mdzes pa ston/ /'dod chags sdang ldan sgyu ma'i mkhan po yang / /sgyu ma'i 'phrul gyis 'jig rten dga' bar byed/ /bsam gtan mngon shes rnam 'phrul rab byang ba| |spyod pa'i tshul mkhas ci phyir dga' mi byed/ /lha dang lha min dbang po 'thab pa'i tshe/ /lha min lha yang rung ste gang pham pa/ /de dag bzhon pa theg pa gdugs bcas par/ / go cha gyon bzhin 'jigs pas kun tu byer/ /lha dbang de dag 'dod chags sdang ldan yang / /lus kyi rnam 'phrul bsam gyis mi khyab ston/ /dbang phyug rdzu 'phrul dbang gnas dbang po rnams/ /lus kyi rnam 'phrul ci phyir ston mi byed/ /rdo rje 'dzin pa'i glang po shugs ldan pa/ /'phrul chen glang chen dbang po'i 'khor gyur pas/ /mgo mang sum cu rtsa gnyis sprul </font><hr>Ka343b<br><font size=+1>


pa byed| |mgo rnams kun la'ang mche ba drug drug ste/ /so rnams re re kun la'ang rdzing gi rnams/ /bdun bdun chus rgyas yongs su sprul pa byed/ /rdzing rnams re re kun tu pad+mo rnams/ /bdun bdun rgyan gyis rnam brgyan sprul pa byed/ /pad+mo re re lha yi bu mo dag /sgyu rtsal kun mkhas bdun bdun sprul pa byed/ /de dag rtsed mo glu gar tshul la mkhas/ /sum cu rtsa gsum dbang po de dang rtse| |glang po de yang klu yi lus btang zhing / /lha rnams kun dang mnyam zhing 'dra bar rdzu/ /spyod pa'i tshul dang ldongs spyod kun dang mthun/ /glang po mchog gi rnam 'phrul ci 'dra ltos/ /de ni 'dod chags zhe sdang gti mug can/ /'on kyang de 'dra'i rdzu 'phrul ston byed na/ /shes rab thabs kyi stobs la byang 'gyur rnams/ /ting 'dzin brgyas kyang ci rab 'phrul mi byed/ /sgra gcan ci dga'i tshul du lus rdzu na/ /rdo rje'i gzhi la rkang pa'i mthil bor zhing / /rgya mtsho'i zab ring lte bar phyin tsam byed/ /ri rab rtse dang nyid kyi mgo yang snyoms/ /de ni 'dod chags zhe sdang gti mug can/ /'on kyang de 'dra'i rdzu 'phrul ston byed na/ /'jig rten sgron ma bdun rnams yongs 'dul ba/ /rdzu 'phrul mtha' yas ci rob ston mi byed/ /bsam yas brgya byin 'phrul yang ltos shig dang / /lha dang lha dbang 'thab par gyur pa'i tshe/ /lha min bye ba 'byed pa ji snyed pa/ /de snyed brgya byin rang gi lus 'phrul byed/ /lha min dbang po lha min phal kun gyis/ /brgya </font><hr>Ka344a<br><font size=+1>


@#/ /byin rang rang mdun na 'dug par shes/ /de ni rdo rje 'chang bas bzung gyur ces/ /lha min dbang po kun kyang mgo myos so/ /'jigs pa'i gzugs kyis mig stong rab bstan te/ /rdo rje me lce 'bar bar rab gzas shing / /lus la go bgos gzi brjid thub dka' ba'i/ /brgya byin mthong nas lha min dbang po 'byor/ /de ni bsod nams phal gyi stobs dang mthus/ /lha rgyal don du rnam par 'phrul byed na/ /'gro ba ma lus kun gyi mgon gyur ba'i/ /bsod nams mi bzad rnams ko cir mi 'phrul/ /lha rnams bskul ba'i lha rdzas lnga yod pa/ /lha yi las rnams rnam par smin pas byung / /lha rnams bag med spyod par shes gyur nas/ /mkha' las rnga yi dbyangs kyang rab tu sgrog /'dod pa thams cad mi rtag mi brtan te/ /'jig cing mi gnas dbu ba'i rang bzhin 'dra/ /sgyu ma smig rgyu chu yi zla ba bzhin/ /srid pa kun kyang rmi lam sprin gyi dngos/ /bag med thams cad gcugs can mya ngan ldan/ /chems kyi lam yin 'chi med lam ma yin/ /ji snyed bag med rnam par spyod pa rnams/ /bdud kyi chu srin chen pos zos pa yin/ /yongs su 'dzin pa thams cad sdug bsngal rtsa/ /skye ba thams cad 'phags pa kun gyis smad/ /'dod pa'i yon tan mthar zad rang bzhin gyis/ /chos la mos pas rtag tu dga' bar gyis/ /brgya byin lhar bcas </font><hr>Ka344b<br><font size=+1>


rnga yis bskul byas nas/ /kun kyang chos bzang mdun sar dong phyung te/ /lha mang kun la chos gtam zhi ba'i rnams/ /'dod chags bral dang rjes su mthun pa brjod/ /rnga rab de ni gzugs med mi mthong yang / /don chen rnga yi sgra ni sgrog byed na/ /bsam pa'i tshul bzhin gzugs mang ston byed pa/ /'gro ba kun gyi don chen cir mi byed/ /lha dang lha min 'thab par gyur pa'i tshe/ /lha yi bsod nams khyad par mthu stobs kyis/ /lha rnams bskul ba'i lha rdzas rnga yi mchog /lha rnams 'jigs sa re zhes sgra yang sgrog /rngas bskul lha rnams yongs su dga' ba skyed/ /'jigs med stobs dang shin tu ldan par 'gyur/ /lha min dbang po 'jigs shing dngang gyur nas/ /de ma thag tu 'jigs shing kun tu 'byin/ /de bzhin rnga 'dra 'jigs med stobs pa'i rnams/ /'gro ba kun gyi mgon dang dpung 'gyur te/ /bdud dang nyon mongs bcom pa'i snying rje can/ /zhi ba'i sgra sgrogs nyon mongs rab tu sel/ /dbang ba'i lha mo dgu bcu rtsa gnyis te/ /dbang po sprul pas kun kyang dga' bar 'gyur/ /gcig kyang bdag dang brgya byin brtse bar shes/ /gcig ltar lha mo kun kyang de bzhin no/ /lha mo kun kyang dga' bar gnas snang yang / chos bzang mdun sa kun na'ang de bzhin 'dug /lha rnams kun la chos rab ston par yang / /brgya byin skad cig gcig gis rnam par 'phrul/ /brgya byin 'dod chags zhe sdang gti mug </font><hr>Ka345a<br><font size=+1>


@#/ /can| |sprul pas rang gi 'khor rnams dga' byed na/ /'gro don mi skyo spyod pa ci yi phyir/ /rdzu 'phrul stobs kyis 'jig rten dgar mi byed/ /bdud kyi dkrugs ma 'gro ba'i dbang sgyur ba/ /de yi dbang du sems can 'di kun 'dod/ /las dang nyon mongs kun tu 'khri zhags kyis/ /so so'i skye bo bdud 'khrug des kyang bcings/ / de ni 'dod chags zhe sdang gti mug can/ /'gro ba mang po bdud kyi dbang byed na/ /dbang bcu'i dbang thob gyur pa ci rab ste/ /'gro ba thams cad rang gi phyogs mi gzhog /stong gsum bdag po tshangs pa chen po yang / /stong gsum kun gyi tshangs pa'i gnas rnams na/ /ma lus kun tu 'dug par rab tu snang / /tshangs pa'i sgra dbyangs yid 'ong rnams kyang sgrog /de ni 'jig rten pa yi lam gyis ni/ /bsam gtan mngon par shes pas rnam par 'phrul/ /'jig rten yongs 'das bla na med pa yi/ /bsam gtan rnam thar gnas pa cir mi 'phrul// dbang phyug chen po'i ye shes rnam 'phrul ltos/ /rgya mtsho'i sprin gyis char rnams rab bkye ba/ /skad cig gcig gis thams cad 'grang ba byed/ /thigs 'ga'i zer kyang ma lus des shes na/ /bskal pa bsam gyis mi khyab tshul bslab ste/ /sangs rgyas ye shes bla na med thob rnams/ /ci rob 'gro ba ma lus thams cad kyi/ /skad cig gcig la sems </font><hr>Ka345b<br><font size=+1>


bsam shes mi 'gyur/ /sems can las smin bsam gyis mi khyab pas/ /rlung las 'jig rten thams cad yongs su byung / /rgya mtsho ri dang lha yi gzhal med dang / /sa bon rnam mang kun kyang de las byung / /rlung las sprin 'byung char pa kun tu 'bab/ /sprin mang zhi bar 'gyur ba'ang rlung gis 'gyur/ /lo rtog rnam par 'phel ba'ang rlung gis te/ /'jig rten kun la rlung ni bde ba skyed| |de ni pha rol phyin la ma bslab ste/ /sangs rgyas yon tan rlung gis bslab min na'ang / /'jig rten rnam grub bsam yas ston byed na/ /rang nyams thob pa ci ro ba ston mi byed/ /rgya mtsho'i 'brug sgra'i sprin gyi chu tshogs ni/ /bya skad rnams dang ji snyed ri dwags skad/ /khye'u dang bu mo bud med skyes pa'i skad/ /thams cad skad bzhin 'gro la rnam par sgrog /de bzhin sgra snyan rang bzhin sgra shes nas/ /sgrib pa med pa'i spobs pa rab ldan pas/ /'gro ba kun tu sgra snyan brjod byas shing / /'jig rten thams cad yid 'ong sgras tshim byed/ /rgya mtsho 'di la ngo mtshar rmad kyi chos/ /'gro ba thams cad rgya dang mnyam snang zhing / /chu dang 'byung po rin chen yongs mi zad/ /chu rnams bzung bas yongs su ngoms pa med/ /de bzhin de dag 'gro kun rgyar stsal te/ /bsod nams bsam gtan rnam thar zad mi shes/ /shes rab ye shes yon tan de bzhin kun/ /bsod nams yon tan tshogs kyis ngoms pa med/ /rgya mtsho'i klu ni </font><hr>Ka346a<br><font size=+1>


@#/ /rnam par rtse byed na/ /sa yi gzhi nas dbang sgyur gnas kyi bar/ /gling bzhi bcas par sprin chen rgyas par 'gengs/ /de dag kun kyang rgyan mang sna tshogs ldan| |de ni dbang sgyur gnas su 'dzam bu chu klung gi /gser gyi mdog tu sprin mang rnam par sgrub/ /'phrul dga' mu tig dmar po'i mdog lta bu/ /dga' ldan gnas su kha ba ba mo'i mdog /mtsher mar mthon mthing bai DUR+Ya yi mdog /sum cu gsum du asma gar+b+ha 'dra/ /rgyal chen gnas su shel gyi mdog lta bu/ /rdo rje mi phyed sra mdog rgya mtshor ro/ /mi ci gnas su spos mchog 'dres par te/ /klu yi gnas su pad+mo'i mdog lta bu/ /gnod sbyin gnas su ngang pa chu skyar mdog /ri yi mdog tu lha min gnas su 'o/ /byang du gser gyi kha dog 'od ston te/ /gling rnams gzhan du'ang sna tshogs rgyan du ston/ /'dzam bu'i gling du ri gnag 'dra bar te/ /sprin rnams gang rnams ji ltar grub pa bzhin/ /dbang sgyur gnas su gser gyi sprin bstan nas/ /nyi ma'i mdog 'dra klog kyang rab tu 'gyed/ /dbang sgyur gnas su zla 'od bzang 'dra dang / /dga' ldan gnas su 'dzam bu'i gser mdog ston// kha ba ba mo'i mdog tu mtshe mar te/ /sum cu rtsa gsum gnas su gser mdog tu/ /rgyal chen gnas su dpal gyi snying po'i mdog /mu tig dmar po'i mdog tu rgya mtshor ro/ / </font><hr>Ka346b<br><font size=+1>


mi ci gnas su mthon mthing bai DUR+Ya/ /klu yi gnas su dpal gyi snying po'i mdog /gnod sbyin gnas su shel gyi kha dog ste/ /asma'i mdog tu lha min gnas su 'o/ /byang du ngang gis snang ba'i rin chen mdog /gling rnams gzhan du'ang rnam phye gzhan dang gzhan/ /'dzam bu'i gling du 'od 'phro an+d+ha rnyil/ /sprin gyi mtshan nyid tshul 'thun glog kyang 'gyed/ /de ni tshangs pa'i dbang sgyur gnas su tshangs dbyangs su/ /'brug sgra sgrog byed 'phrul dga' rnga yi dbyangs/ /rol mo'i sgrar yang dga' ldan gnas su ste/ /lha mo'i dbyangs su mtshe ma dag tu 'o/ /sum cu gsum du mi'am ci'i skad du ste/ /rgyal chen gnas su dri za'i skad du 'o/ /ri 'thab dbyangs su rgya mtsho kun tu ste/ /mi'am ci yi gnas su gling bu'i sgra/ /klu yi gnas su thal mo brdabs pa'i sgra| |gnod sbyin gnas su klu yi bu mo'i sgra/ /lha min gnas su lha rdzas rnga yi sgra/ /rgya mtsho'i shugs sgrar mi yi gnas su 'o/ /dbang sgyur gnas su lha rdzas gsung zhim pa'i/ /me tog sna tshogs rgyan mang char yang 'bebs/ /zla ba bzang po'i 'od 'dra 'phrul dgar te/ /me tog man+dA ra ba'i phred \ PHRENG?\ char 'bebs/ /dga' ldan gnas su rin chen chen po'i char/ /rgyan gyi dam pa rin chen sna tshogs dang / /gtsug gi rin chen zla ba 'dra ba dang / /gser 'od zer bzang po'i char pa rab tu 'bebs/ /rgyal mtshan gdugs dang ba dan bzang po dang / /phreng ba byug pa </font><hr>Ka347a<br><font size=+1>


@#/ /rgyan gyi dam pa dang / /mu tig dmar po la ltar btags mdog tu/ /rol mo yid 'ong char pa mtshe mar 'bebs/ /sum cu gsum du rin chen sna tshogs te| |tsan+dan dam pa'i spos dang a ga ru/ /gur gum ge sar lha rdzas ta ma la/ /spos chu'i rgyun dang me tog 'dres par 'bebs/ /nyams su 'gyur ba'i kha zas skom gyi rnams/ /kha dog dri zhim ro dang ldan pa dang / /de min rin chen char 'bab bsam yas kyang / /rgyal chen bzhi yi gnas su klu dbang 'bebs/ /de ni rgya mtsho chen por rgyun du yang / /char rgyud rgyun mi 'chad pa gnya' shing tsam/ /mi zad rin chen shin tu rnam rgyal ba'i/ /rin chen char ni mtha' yas rgyun du 'babs/ /mi ci gnas su phreng ba sna tshogs dang / /pad+mo ut+pal dngos dang rin chen dang / /me tog par shi ma li phye ma spos/ /pi wang rnga dang gling bu snyan par ro/ /klu yi gnas su mu tig dmar po ste/ /gnod sbyin gnas su rin chen dwangs snang ba| |lha min gnas su ral gri mde'u thung mdung / /dgra 'dul gzhu dang ste'u ka'i char 'bebs so/ /byang du de ni phreng ba rin chen dang / /me tog par shi ma li tsam pa ka'i/ / phreng ba bzang po ku ran muk+ta ka /gling rnams gzhan du'ang char pa sna tshogs so/ /'dzam bu'i gling du chu 'dang rab gsal gyi/ /char rnams sna tshogs shin tu phra bar 'bebs/ / </font><hr>Ka347b<br><font size=+1>


me tog 'bras bu sman dang spos dang shing / /lo las de bzhin 'jig rten bde 'phel byed/ /de ltar sprin rnams bsam gyis mi khyab dang / /glog dang 'brug dang char pa rnam phyed kyang / / khyim nas mi g.yo rnam par rtog pa med/ /klu yi 'phrul yang de ltar bsam mi khyab/ /de ltar chu yi rgya mtshor gnas pa yang / /klu yi rnam 'phrul bsam yas ston byed na/ /chos kyi rgya mtshor zhugs pa'i yon tan bdag /mtha' yas rnam 'phrul mang po cir mi ston/ /dper bya de dag kun gyis mgo smos tsam/ /skyes bu de dag brjod byas yangs pa ste/ /dpa' bo de dag dpe dang rnam par bral/ /de dag de 'dra'i rnam thar dbang bsgyur ro/ /mtha' yas blo gros yangs pa'i blo gros can/ /ma nor blo gros mtha' yas blo gros can/ /ye shes mchog dang khyad par blo ldan pa'i/ /rnam thar dam pa de 'dra'i tshul du bshad/ /gang gis rnam thar 'di dag thos gyur nas/ /yid ches 'dzin cing 'jig rten sgrog pa ni/ /ngo mtshar rmad kyi chos dang de ldan te/ /mi yul kun na de ni dka' ba byed/ /'di 'dra'i chos la yid ches dad byed pa/ /so so skye bo'i tshogs na'ang shin tu dkon/ /dge bsags bsod nams byas pa de dag ni/ /rgyu yi stobs kyis 'di la yid ches 'gyur/ /gang rnams nyan thos theg la'ang yid ches pa'i/ /mi rnams 'jig rten kun na dkon pa ste/ /de bas rang rgyal theg pa dad </font><hr>Ka348a<br><font size=+1>


@#/ /pa dkon/ /theg chen dad byed de bas shin tu dkon/ /theg chen 'di la zhugs pa dkon pa ste/ /'di 'dra'i chos la dad pa shin tu dkon/ /'dzin cing spel byed smos kyang ci dgos te/ /yang dag ma nor 'jug pa smos ci dgos/ /la la stong gsum ri dang rgya mtshor bcas/ /bskal par 'dzin cing mgo la khyer byed na'ang / / 'di 'dra'i chos la dad par byed pa las/ /de 'dra dka' bar brtsi ba ma yin no/ /la las stong gsum rdul snyed sems can rnams/ /bde ba kun gyis bskal par bsnyen bkur na'ang / /'di 'dra'i chos la yid ches dad byed pa'i/ /bsod nams ci 'dra thob pa de la min/ /la la zhing bcu ri dang mtshor bcas pa/ /lag pa'i mthil gyis nam mkha'i dbyings 'dzin kyang / /'di 'dra'i chos la yid ches dad byed pa'i/ /dka' ba de 'dra de la yod pa min/ /la la zhing bcu'i rdul snyed sems can rnams/ /bde ba kun gyis bskal par bsnyen bkur kyang / /'di 'dra'i chos la yid ches dad byed pa'i/ /bsod nams ci 'dra de 'dra de la min/ /la las zhing bcu'i rdul snyed sangs rgyas rnams/ /bskal par bde ba kun gyis bsnyen bkur te/ /la las le'u 'di yongs su bzung byas na/ /bsod nams 'di ni de las khyad par 'phags/ /rnam thar de dag yongs su bstan pa'i tshe/ /phyogs bcu'i zhing rnams </font><hr>Ka348b<br><font size=+1>


thams cad g.yos par gyur/ /lha dang bdud kyi gnas rnams zil gyis mnan/ /'od mang bkye bas ngan song rab tu zhi/ /phyogs bcu kun gyi mi yi seng+ge rnams/ /thams cad kun gyis mngon par zhal bstan te/ /phyag brkyang mtha' yas yon tan mang bdog pa/ /bzang po'i dpal gyi mgo la bzhag par gyur/ /phyag gi mthil gyis mgo la byug mdzad de/ /sangs rgyas de dag kun gyis gsung brjod pa/ /rnam thar 'di dag khyod kyis legs bshad kyi/ /legs par bstan la rjes su nged dgyes so/ /shin tu rgyas pa chen po'i mdo/ sangs rgyas phal po che zhes bya ba las/ bzang po'i dpal gyi le'u zhes bya ba ste/ bcu bdun pa'o// //bam po nyi shu pa/ de nas sangs rgyas kyi mthus shar phyogs kyi 'jig rten gyi khams thams cad dang / de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og gi phyogs dang / steng gi phyogs kyi 'jig rten gyi khams thams cad du gling bzhi pa 'di la sogs pa gling bzhi pa re re na yang de bzhin gshegs pa de dag de bzhin du bzhugs par snang ngo / /byang chub sems dpa' de dag kyang de bzhin gshegs pa'i byin gyi rlabs kyis chos ston cing / de bzhin gshegs </font><hr>Ka349a<br><font size=+1>


@#/ /pa'i zhabs kyi drung na 'khod par yang so so nas shes te/ bcom ldan 'das kyis kyang rdzu 'phrul mngon par 'du mdzad pa de ma btul bar byang chub kyi shing drung nas ri rab kyi rtse mo'i lha'i dbang po brgya byin gyi khang pa rnam par rgyal ba ga la ba der gshegs par snang ngo / /ji ltar bcom ldan 'das gling bzhi pa 'di'i ri rab kyi rtse mar gshegs par snang ba de bzhin du 'jig rten gyi khams thams cad kyi gling bzhi pa dag gi ri rab kyi rtse mor gshegs par snang ste/ byin gyi rlabs snga ma dag kyang ma nyams par snang ngo / /de nas lha'i dbang po brgya byin gyis bcom ldan 'das rnam par rgyal ba'i khang pa logs su mngon par gshegs pa rgyang ring po nas mthong nas rnam par rgyal ba'i khang pa'i nang du rings pa'i gzugs su rdzu 'phrul gyi rang bzhin seng+ge'i gdan phyogs rnam par snang ba'i snying po can/ bog re stong phrag bcus brgyan pa/ gser gyi dra ba stong phrag bcu kun tu bres pa/ gnam yol stong phrag bcus bla rer bres pa/ gdugs stong phrag bcu shin tu bzung ba/ dar gyi lda ldi stong phrag bcu rab tu dbyangs pa/ mu tig gi se mo do stong phrag bcus dga' dga' ltar byas pa/ gos stong phrag bcus mngon par bkab pa/ lha'i bu stong phrag bcus mdun du byas pa/ tshangs pa stong phrag bcus </font><hr>Ka349b<br><font size=+1>


kun nas bskor ba/ 'od zer stong phrag bcus shin tu snang bar gyur pa bcom ldan 'das kyi gdan du bshams so/ /ji ltar gling bzhi pa 'di'i ri rab kyi rtse mor lha'i dbang po'i khang pa rnam par rgyal bar lha'i dbang po brgya byin gyis de bzhin gshegs pa'i gdan bshams pa de bzhin du 'jig rten gyi khams thams cad kyi ri rab kyi rtse mo dag tu yang lha'i dbang po brgya byin dag gis de bzhin gshegs pa'i gdan dag tshul de 'dra ba dang / rgyan de 'dra bar bshams par gyur to/ /de nas lha'i dbang po brgya byin gyis bcom ldan 'das kyi gdan seng+ge'i khri bcas nas rje sa dang rim gro chen pos bcom ldan 'das gang na ba der thal mo sbyar te phyag 'tshal nas bcom ldan 'das la 'di skad ces gsol to/ /bcom ldan 'das/ gshegs su gsol/ bde bar gshegs pa/ gshegs su gsol/ de bzhin gshegs pa dgra bcom pa yang dag par rdzogs pa'i sangs rgyas bde bar gshegs sam zhes gsol to/ /de nas bcom ldan 'das lha'i dbang po brgya byin gyis spyan drangs nas rnam par rgyal ba'i khang par gshegs so/ /de ltar bcom ldan 'das gshegs pa de bzhin du 'jig rten gyi khams thams cad kyi lha'i khang pa dag tu'ang gshegs par snang ngo / /de nas lha'i dbang po brgya byin gyis sangs rgyas kyi mthus sum cu rtsa gsum gyi khang pa </font><hr>Ka350a<br><font size=+1>


@#/ /thams cad du glu dang / rol mo dang / sil snyan brgya phrag mang po dag btang ste zhi bar byas nas yang dag par rdzogs pa'i sangs rgyas snga ma dag las dge ba'i rtsa ba skyed pa de dag rjes su dran nas de'i tshe tshigs su bcad pa 'di dag smras so/ /bkra shis dam pa gang zhig gis/ /thugs rje chen po mnga' ba 'od srung rigs skyes pa/ /rnam par rgyal bar gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /gser thub bsgribs pa med par rab tu gzigs pa de/ /rin chen sna tshogs gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /bsod skyabs gser gyi ri bo 'bar ba 'dra ba de/ /rtse mo mchog tu gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /thams cad mnga' ba dgra bcom dri ma gsum sel ba/ /mdzod spu'i rtse mor gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /sangs rgyas gtsug tor dgongs pa zil gyis mi non pa/ /rin chen sna tshogs gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /rnam par gzigs pa skyes bu'i zla ba mi yi mgon/ /rin chen rgyan </font><hr>Ka350b<br><font size=+1>


du gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /shin tu rgyas pa don dam mkhas shing bstan pa de/ /ma la ya yi rtse mor gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /sangs rgyas ston mchog thogs pa mi mnga' ba/ /dri med zla bar gshegs gyur pa/ / des ni 'dir yang bkra shis legs gyur cig /bkra shis dam pa gang zhig gis/ /grags pa dri ma med pa mgon po pad+mo'i bla/ /dri ma med par gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /mgon po mar me mdzad pa 'od snang mnga' ba de/ /'od zer dra bar gshegs gyur pa/ /des ni 'dir yang bkra shis legs gyur cig /ji ltar lha'i dbang po brgya byin gyis sangs rgyas kyi mthus yang dag par rdzogs pa'i sangs rgyas bcu'i rgyal ba gshegs pa glur blangs te tshigs su bcad pa de bzhin du 'jig rten gyi khams thams cad na yang sangs rgyas kyi mthus lha'i dbang po rnams de bzhin gshegs pa'i mtshan gzhan dang gzhan gyis yang dag pa'i rdzogs pa'i sangs rgyas bcu'i rgyal ba gshegs pa dag glur len cing tshigs su bcad par gyur to/ /de nas bcom ldan 'das rnam par rgyal ba'i khang par gshegs nas skyil mo krung bcas te bzhugs </font><hr>Ka351a<br><font size=+1>


@#/ /so| |bcom ldan 'das ji ltar bzhugs pa de bzhin du 'jig rten gyi khams thams cad na yang de bzhin gshegs pa dag gdan de dag la bzhugs par snang ngo / /bcom ldan 'das de ltar bzhugs ma thag tu de'i tshe sangs rgyas kyi mthus rnam par rgyal ba'i khang pa de yang sum cu rtsa gsum thams cad kyi khang pa dang / lha'i ris tsam du che bar snang bar gyur te/ 'di na ji lta ba ltar 'jig rten gyi khams thams cad na yang de bzhin no/ /shin tu rgyas pa chen po'i mdo/ sangs rgyas phal po che zhes bya ba las| de bzhin gshegs pa ri rab kyi rtse mor gshegs pa'i le'u ste/ bco brgyad pa'o// //de nas sangs rgyas kyi mthus phyogs bcu nas byang chub sems dpa' bcu bcu 'ongs par gyur te/ byang chub sems dpa' de dag so so nas 'jig rten gyi khams sangs rgyas kyi zhing gi rdul shin tu phra ba snyed kyi pha rol nas 'ongs pa sha stag ste| byang chub sems dpa' re re zhing yang byang chub sems dpa' sangs rgyas kyi zhing rdul shin tu phra ba snyed dang lhan cig tu phyin par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar chos kyi blo gros dang / thams cad blo gros dang / dpal gyi blo gros dang / yon tan blo gros dang / brtson 'grus blo gros </font><hr>Ka351b<br><font size=+1>


dang / dge ba'i blo gros dang / ye shes blo gros dang / bden pa'i blo gros dang / mchog gi blo gros dang / dam pa'i blo gros dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar dbang po'i me tog dang / pad+mo'i me tog dang / rin po che'i me tog dang / ut+pa la'i me tog dang / rdo rje'i me tog dang / spos kyi me tog dang / yid du 'ong ba'i me tog dang / 'od zer gyi me tog dang / ldum bu'i me tog dang / nam mkha'i me tog dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs par spyod pa dag ste/ 'di ltar zla ba gzhan ma yin pa dang / zla ba ma mnyam pa dang / zla ba mi g.yo ba dang / zla ba mi sgul ba dang / zla ba chu'i lha dang / zla ba thogs pa med pa dang / zla ba'i 'od zer dang / zla ba rdul med pa dang / zla ba rnams par grub pa dag go/ de nas byang chub sems dpa' de dag thams cad kyis bcom ldan 'das la phyag 'tshal te sangs rgyas kyi mthus phyogs bcur rgyas par bkang nas gang nas 'ongs pa'i phyogs su brten te/ seng+ge'i khri rnam par snang ba'i snying po can dag mngon par sprul nas skyil mo krung bcas te 'khod do/ /ji ltar 'jig rten gyi khams 'di'i ri rab kyi rtse mo la byang chub </font><hr>Ka352a<br><font size=+1>


@#/ /sems dpa' rnams lhags pa de bzhin du 'jig rten gyi khams thams cad kyi gling bzhi pa thams cad dang / lha'i dbang po'i khang pa kun na yang de bzhin te/ byang chub sems dpa' ming de skad ces bya ba sha stag go /'jig rten gyi khams kyang de skad ces bya ba nas 'ongs pa sha stag go /de bzhin gshegs pa yang mtshan de skad ces bya ba'i zham ring na tshangs par spyod par sha stag go /de nas bcom ldan 'das kyis zhabs kyi mtho bong gnyis nas 'od zer bye ba phrag stong pa kye ste/ phyogs bcu thams cad snang bar byas nas 'jig rten gyi khams thams cad kyang bstan to/ /byang chub sems dpa' de dag thams cad kyis kyang 'jig rten gyi khams de dag thams cad kyi gling bzhi pa thams cad dang / ri rab kyi rtse mo thams cad de bzhin gshegs pa'i rnam par 'phrul pa yod pa thams cad kyang mthong bar gyur to/ /de nas byang chub sems dpa' chos kyi blo gros kyis sangs rgyas kyi mthus phyogs bcur rnam par bltas te de'i tshe tshigs su bcad pa 'di skad smras so/ /snang ba dri ma med la ltos/ /ri rab rtse mo thams cad la/ /mgon po dag ni rab tu snang / /rnam par rgyal ba kun na bzhugs/ /lha'i rgyal po thams cad kyis/ /spyan drangs shing ni gshegs par gyur/ /kun kyang sangs rgyas bcu dag gis/ /rab tu </font><hr>Ka352b<br><font size=+1>


gshegs pas mngon par bstod/ /kun gyi 'khor kyang gcig pa ste/ /byang chub sems dpa' mang po lhags/ /phyogs bcu dag nas 'ongs gyur cing / /yid du 'ong ba'i stan la 'khod/ / kun gyi ming yang 'di nyid de/ /ji ltar nged la btags pa bzhin/ /'jig rten khams kyi ming dag kyang / /de skad dag nas kun kyang 'ongs/ /'jig rten khams rnams thams cad na/ /drang srong chen po'i mtshan kyang de/ /de na tshangs spyod bla med la/ /the tshom med par de dag spyod/ /kye ma rgyal sras khyed ltos shig /drang srong chen po'i byin rlabs kyis/ /'dzam bu'i gling rnams thams cad na| |rgyal ba 'di na bzhugs snyam byed/ /bdag cag rnams ni 'di snyam du/ /ri rab rtse la bde gshegs snyam/ /'jig rten khams rnams kun na yang / /sangs rgyas ngo mtshar rmad re che| |'jig rten khams rnams thams cad na/ /byang chub mchog tu sems btang zhing / /de dag smon lam 'di btab ste/ /byang chub spyod pa rab tu spyod/ /kha dog mdog ni tshad med pas/ /gang zag mchog ni spyod byed kyang / /chos kyi dbyings la mi chags te/ /de dag sus kyang mi shes so/ /gang gis 'jig rten mun bsal cing / /thams cad dus su rnam snang ba/ /de la 'dra ba gang yang med/ /de ni shes par ji ltar rung / /de nas byang chub sems dpa' thams cad blo gros kyis phyogs bcur rnam par bltas te de'i tshe tshigs su bcad de smras so/ /'dren pa rnams ni mthong </font><hr>Ka353a<br><font size=+1>


@#/ /nas kyang / /bskal pa mang po 'das gyur te/ /'jig rten mgon skyob de dag gi /chos nyid de ni shes pa min/ /mtshan ma dag la spyod pa rnams/ /gti mug dra ba 'phel bar gyur/ /sangs rgyas gang gis ma mthong ba/ /'khor ba'i btson rar ldongs pa yin/ /chos rnams 'di dag brtags byas na/ /rang bzhin shes par mi rung ste/ /skye dang shi 'phor gyur pa rnams/ /ming tsam du ni bstan pa yin/ /chos rnams gang yang 'pho ba med/ /gang yang de bzhin skye ba med/ /chos nyid 'di ni shes gyur na/ /sangs rgyas kun na rab tu snang / /gzung du med cing bltar med cing / /chos kyi rnams ni rang bzhin med/ /dngos med pa yi mtha' shes na/ /sangs rgyas rnams la tshang kyang med/ /tshad med pa yi chos rnams kyi/ /rang bzhin gang gis yongs shes pa/ /des ni ci zhig yod ces par/ /mthong bar 'gyur ba gang yang med/ /gang rnams mtshan ma'i rjes 'brang ba/ /de dag byis pa'i chos nyid de/ /de phyir mtshan nyid kun med pa'i/ /sangs rgyas rnams kyang mi mthong ngo / /dus gsum byung ba'i thub pa rnams/ /mtshan rab kun dang ldan pa ste/ /mi gnas tshul du bzhugs pa yin| |chos kyi dbyings la g.yo ba med/ /la la dag gi chos nyid shes/ /la la dag ni chos kyang brjod/ /gang la the tshom mi mnga' ba'i/ /yang dag sangs rgyas de ring mthong / / </font><hr>Ka353b<br><font size=+1>


sangs rgyas rnams kyis chos nyid 'di/ /chos kyi blo gros 'dis brjod do/ /de thos nas kyang bdag gis ni/ /sangs rgyas byang chub bsam yas shes/ /de nas byang chub sems dpa' dpal gyi blo gros kyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad pa 'di dag smras so/ /kye ma sangs rgyas dpal mnga' ba'i/ /ye shes shes rab shin tu che/ /de la 'jig rten shin tu rmongs/ /sangs rgyas chos ni bsam mi khyab/ /tshul bzhin ma yin 'du shes kyis/ /byis pa rnams ni sems byed pas/ /de phyir 'du shes kun sbyangs pa'i/ /sangs rgyas rnams ni mi mthong ngo / /shes rab chung ba thams cad ni/ /phung po'i 'du shes rnams la gnas/ /phung po rnam par ma bsgoms pas/ /de bzhin gshegs pa mi mthong ngo / /dngos med dngos su bshad pa ni/ /bdag gi dngos zhes bya ba yin/ /chos rnams thams cad shes bgyis shing / /rgyal ba rnam par snang mdzad ltos/ /sngon chad phung po'i tshul bzhin du/ /ma 'ongs rnams kyang sus mthong ba/ /ma 'ongs pa yi tshul shes pas/ /sangs rgyas bsam gyis mi khyab ltos/ /ji ltar snang ba med pa yi/ /mun pa'i nang na gzugs mi snang / /de bzhin chos rnams bshad pa ni/ /mkhas kyang shes par mi rung ngo / /ji ltar dri ma ldan mig gis/ /gsal ba'i gzugs kyang mi mthong ngo / /de bzhin sems </font><hr>Ka354a<br><font size=+1>


@#/ /ni ma sbyangs pas/ /sangs rgyas chos ni mi mthong ngo / /ji ltar nyi ma bsgribs med pa/ /rab rib can gyis mi mthong ba/ /de bzhin phug na gnas sems kyis| |sangs rgyas dag ni mi mthong ngo / /de bas mig ni rnam par sbyongs/ /gzugs kyi 'du shes rnam par sgoms/ /chos rnams mthong ba med pa yis/ /'od mdzad rab tu mthong ma yin/ /ji ltar sngon blos kun bshad cing / /bdag gis ji ltar thos pa bzhin/ /sangs rgyas byang chub mi rnyings pa/ /rnam par snang mdzad rab tu mthong / /de nas byang chub sems dpa' yon tan blo gros kyis sangs rgyas kyis mthus phyogs bcur rnam par bltas te de'i tshe tshigs su bcad pa 'di dag smras so/ /gnas med pa yi chos rnams la/ / gnas ni yongs su brtags pas na/ /de phyir srid pa'i brtson ra na/ /byis pa rnams ni rab tu 'khor/ /brjod pas brjod du mi rung chos/ /zlo zhan rnams kyis rnam par brtags/ /des ni yongs su bsgribs byas pas/ /bdag gi sems kyang rab rmongs byed/ /shes rab chung la lam nor cing / /bdag gi sems la mi mkhas pa/ /phyin ci log gi blo dag gis/ /mi bzad lus ni 'phel bar byed/ /gang gis stong pa ma mthong ba/ /de dag 'khor zhing nyam yang nga / /chos mig bsam gyis mi khyab pa'i/ /mig kyang de la yod pa min/ /de bas mig </font><hr>Ka354b<br><font size=+1>


ni sbyang bar gyis/ /bsam pa rnams kyang rnam par sems/ /gang phyir bdag cag sngon chad du/ /bde gshegs ma mthong chud kyang zos/ /yang dag sangs rgyas mthong ba na'ang / /gang gi sems la chags med pa/ /des ni sangs rgyas cis byung ba'i/ /chos rnams de dag rab tu mthong / /gang gis shes rab che mnga' ba/ /chos su bde gshegs mthong ba rnams/ /de dag 'jig rten mig can te/ /gang gis mthong ba mthong zhes bya/ /lhag mthong med par mthong ba ni/ /chos rnams ngan par mthong ba ste/ /lhag mthong gis ni mthong gyur na/ /thams cad mthong ba med pa yin/ /kye ma chos kyi chos nyid ni/ /yang dag sangs rgyas rnams kyis bshad/ /de ni rang bzhin thams cad du/ /shi ba med cing 'tsho ba med/ /sangs rgyas byang chub ji 'dra ba| |dpal gyi blos ni sngon bstan te/ /de las bdag gis thos nas kyang / /sangs rgyas chos nyid shes ma gyur/ /de nas byang chub sems dpa' brtson 'grus blo gros kyis phyogs bcur rnam par bltas te de'i tshe tshigs su bcad pa 'di dag smras so/ /rnam par rtog pa spyod pa yi/ /mig ni shin tu 'khrul pa yin/ /'khrul par mthong ba log pa ste/ /sangs rgyas la ni log mi mnga'/ /gang gis log par shes gyur te/ /yang dag ji bzhin ma nor la/ /yang dag ma yin bden shes na/ /sangs rgyas dri med mthong ba yin/ /mthong ba dag gis dri </font><hr>Ka355a<br><font size=+1>


@#/ /mar 'gyur/ /rnam par mthong na de med de/ /sangs rgyas rnams ni mthong dang bral/ /de bas rnam par gzigs zhes bya/ /de ni 'jig rten spyod pa ste/ /'jig rten de yang rnam par brtags/ /'jig rten 'jig pa shes gyur na/ /snang ba dag ni skye bar 'gyur/ /'jig rten rnams kyi snang pa ni/ /'jig rten mtshan nyid snang ba ste/ /yang dag ji bzhin bsam byas shing / /de ltar mthong na mthong ba'o/ /de ltar mthong na nyon mongs med/ /dbang du gyur cing zag pa med/ /gang gis tha dad med mthong ba/ /dngos por brtags pa ma yin no/ /rtog dang rnam par rtog pa ni/ /sangs rgyas chos rnams brjod pa ste/ /de dag yod pa ma yin pas/ /rang bzhin de phyir sbyangs pa yin/ /de dag rang bzhin rnam par dag/ nam mkha' bzhin du mtshan nyid med/ /de dag la ni ston pa med/ /mkhas pa rnams kyis de ltar ltos/ /chos rnams la ni mos med de/ /chos kyi 'du shes rnams bsgoms shing // shes pa de yang ma bsgoms pa/ /des ni thub chen mthong ba yin/ /ji ltar yon tan blos brjod pa/ /de ltar yang dag sangs rgyas mthong / /de mthong bas na 'du byed kun/ /rang bzhin gyis ni rnam par zhi/ /de nas byang chub sems dpa' dge ba'i blo gros kyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad </font><hr>Ka355b<br><font size=+1>


pa 'di dag smras so/ /kye ma sangs rgyas dpa' chen rnams/ /de bzhin gshegs pa tshad med do/ /rnam grol thugs ni sdig mi mnga'/ /'jig rten mthar phyin rgal ba'o/ /yang dag ji bzhin ma nor bar/ /bskal pa rnams ni tshad med pas/ /ji ltar mkhas pas mthong ba bzhin/ /'jig rten sgron mas rab tu gzigs/ /'du byed thams cad skad cig ma/ /so so'i skye bo de dag 'gengs/ /nam mkha'i khams ni bzung byas shing / /de dag de phyir khom pa med/ /khom pa med ces bya ba ni/ /ci yang brjod du med pa ste/ /khom pa med pa'i rang bzhin gyis/ / khom pa bsam gyis mi khyab thob/ /gang la dngos po med pa yi/ /mi zad khom pa med par bshad/ /yod pa'i rang bzhin shes gyur na/ /des ni grags chen mthong ba yin/ /mthong ba med pa mthong zhes bya/ /yod pa med pa'ang yod ces bya/ /mthong ba dag gam yod pa min/ /ma bsgoms pa ni rnam par bsgoms/ /ji ltar blta ba sus mthong ba/ /de dag gis ni lta ba bshig / gang la sangs rgyas smos pa yi/ /de dag chos rnams zhig pa med/ /ji ltar thub pas bstan pa bzhin/ /sangs rgyas yongs su sus mthong ba/ /de ni 'jig rten snang bar byed/ /rgyal ba rnam par snang mdzad bzhin/ /chos rnams kyi ni snang ba gcig /de bzhin gshegs pas rab tu bstan/ /des ni brtson blo brtan pa de/ /chos mang bye ba rab tu ston/ /yod dang med pa shes </font><hr>Ka356a<br><font size=+1>


@#/ /byas te| |gang gi 'du shes rnam bsgoms pa/ /des ni sangs rgyas mthong ba ste/ /yang dag mtha' la rab tu gnas/ /de na byang chub sems dpa' ye shes blo gros kyis sangs rgyas kyi mthus phyogs bcur rnam par bltas te de'i tshe tshigs su bcad pa 'di dag smras so/ /rgyal ba'i bstan pa 'di thos pas/ /snang ba bdag cag shes par gyur| |phyogs bcu kun tu snang ba yi/ /yang dag sangs rgyas des kyang mthong / /sems can rang bzhin yod gyur pa/ /de ni sems can g.yang sa ste/ /'di la ci yang yod pa min/ / tshig gi lam rnams bsdus pa 'o/ /byis pa 'dzin dang bcas pa rnams/ /bdag lus yang dag 'dzin pa la/ /sangs rgyas snang bar mi 'gyur te/ /de bzhin gshegs pa gzung ba med/ / yang dag sangs rgyas ma mthong zhing / /gang rnams mig yod ma yin pa/ /de skad bskal pa grangs med du/ /srid pa'i gang chen mtsho na 'khor/ /nyon mongs can ni 'khor bar bshad// nyon mongs med pa mya ngan 'das/ /mya ngan 'das dang 'khor ba yang / /rang bzhin rnyed par mi rung ngo / /'khor zhes bya ba brda yin te/ /mya ngan 'das pa brjod pa yin/ /'phags pa'i chos rnams ma skyes pa/ /bla ma dag ni mi shes so/ /'di ni sangs rgyas rgyal ba 'di/ /'di yin 'di 'dra'i 'du shes can/ /de dag sangs rgyas mi mthong ste/ /tshul bzhin ma yin </font><hr>Ka356b<br><font size=+1>


phyin ci log /zhi ba'i rang bzhin ji lta bar/ /gang gis zhi ba shes gyur pa/ /des ni tshig gi lam 'das pa'i/ /yang dag sangs rgyas rab tu mthong / /chos rnams kun gyi spyod pa ni/ /rab tu brjod kyang bstan pa med/ /'on kyang mnyam pa nyid du blta/ /rgyal ba chos rnams kun dang mnyam/ /yang dag sangs rgyas mtha' dbus med/ /thog ma dag dang tha mar yang / /'gal med rtsa ba med pas na/ /de ni sangs rgyas de phyir brjod/ /de nas byang chub sems dpa' bden pa'i blo gros kyis sangs rgyas kyi byin gyi rlabs kyis phyogs bcur rnam par bltas te de'i tshi tshigs su bcad pa 'di dag smras so/ /sangs rgyas rnams ni mnyam pa'i phyir/ /bskal pa bsam gyis mi khyab par/ /sems can dmyal bar gnas kyang bla/ /de ni bde ba bsam mi khyab| |ci phyir zhe na bskal pa rnams/ /grangs med sdug bsngal sngon chad byung / /'on kyang bde gshegs ma thos pas/ /bdag cag 'khor las ma grol lo/ /de bzhin ma nor chos kyi rnams/ /yang dag nyid du rtogs gyur te/ /gang la 'grogs pa med pa rnams/ /de dag byang chub bla na med/ /sangs rgyas rnams dang mngon sum pa/ /sngon chad ma byung 'byung mi 'gyur| |gang phyir sangs rgyas brjod pa'i chos/ /de dag mtshan nyid med pa 'o/ /chos rnams blta dka' ji bzhin du/ /gang zhig de ltar rtog pa ni/ /de dag sangs rgyas kun gzigs </font><hr>Ka357a<br><font size=+1>


@#/ /pa| |yang dag lta bas shin tu mthong / /yang dag la ni yang dag gzigs/ /yang dag min par yang dag min/ /'di yi mtha' ni ston pas na/ /sangs rgyas sangs rgyas zhes kyang bya/ /khor du ma chud chos bstan te/ /sangs rgyas chos rnams rab tu brjod/ /'di ni sangs rgyas sgom pa ste/ /gcig tu dmigs pa ma yin no/ /de ltar mang dang gcig gnas pa/ /mang po dag tu rnam par shes/ /gnas pa med pa'i chos rnams kyis/ /bsags pa dag kyang rab tu byas/ /byas pa med cing byed pa med/ /las kyi 'du shes rnam bsgoms shing / /las 'di ji bzhin shes byas nas/ /rnam pa dag kyang mi dmigs so/ /gang la sangs rgyas bzhugs pa yi/ /nges pa'i gnas ni dmigs med pas/ / gnas pa med pa'i chos rnams kyis/ /sangs rgyas g.yo ba gang yang med/ /de nas byang chub sems dpa' mchog gi blo gros kyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad pa 'di dag smras so/ /sems can chen po bla na med/ /sems can 'du shes rnam par bsgoms/ /'jug par bya ba gang yang med/ /de bas bla na med ces bya/ /gang la phra ba yod min pa/ /de la sbom pa'ang yod pa min/ /de ni sangs rgyas rnams kyis brnyes/ /rnam par mi rtog 'dus ma byas/ /gang zhig sangs </font><hr>Ka357b<br><font size=+1>


rgyas spyod yul ba/ /de la phra ba yod pa min/ /yang dag sangs rgyas bgrang dang bral/ /de ni sangs rgyas chos nyid do/ /mun pa rnams ni rnam gsal cing / /de bzhin gshegs pa rnam par snang / /de la snang ba gang yang med/ /mi snang ba yang ci yang med/ /thams cad chos la kun nas dga'/ /skyes pa med cing gnas pa med/ /'dod chags med cing rten pa med/ /chos nyid de yang sbed pa med/ /gang la gnyis su bgrang med cing / /gcig kyang yod pa ma yin pas/ /ji bzhin rab tu gnas pa yi/ /shes rab chen po legs par mthong / /mi gnyis pa la gnyis pa med/ /gnyis pa med pa stong pa ste/ /stong pa de yang khams gsum kun/ /de ni sangs rgyas mthong ba'o/ /byis pas byang chub mi shes kyang / /de dag de la rab tu gnas/ /gnas pa med pa'i chos rnams kyis/ /rang gi lus ni rjes su blta/ /lus med pa ni lus su bshad/ /'byung ba med cing bstan du med/ /'jig tshogs mang po bltar med pa/ /sangs rgyas sku ni bla na med/ /sangs rgyas chos kyi rang bzhin nyid/ /de skad bden pa'i blos smras te/ /de thos pas ni mig kyang sbyangs/ /shin tu 'od kyang dang zhing snang / /de nas byang chub sems dpa' dam pa'i blo gros kyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad de smras pa/ drin gzo med pa'i sems can phyir/ /skyes bu drang srong </font><hr>Ka358a<br><font size=+1>


@#/ /mchog gi rnams/ /dpa' chen sems can gtso bo dag /'od mdzad pa ni rab tu byung / /thugs rje chen po bskyed mdzad de/ /sems can khams la rnam gzigs kyang / /srid pa'i bcings pas sdug bsngal ba'i/ /sems can rnams ni de nas gzigs/ /'jig rten lha dang bcas pa na/ /yang dag sangs rgyas dpal mnga' ba/ /sems can gtso bo ma gtogs par/ /skyob pa gzhan ni gang yang med/ /gal te sangs rgyas ma skyes la/ /byang chub sems dpa' 'di 'dra dag /med na 'jig rten khams kun na/ /sems can bde ba gcig mi 'byung / /sems can gtso bo 'dren mdzad pa/ /de bzhin gshegs pa skyes pa dang / /byang chub sems dpa' 'di 'dra dag /'byung ba 'jig rten bde ba'i rgyu/ /gang gis de bzhin gshegs mthor ba/ /de dag 'thob pa legs par thob/ /gang gis thos shing dad 'gyur ba/ /de yang 'jig rten mchod rten no/ /gang gis sangs rgyas mthong gyur pa/ / bdag cag rnams kyis thob legs thob/ /'di dang 'dra ba'i tshul thos pas/ /kun kyang yang dag sangs rgyas 'gyur/ /'das pa'i dus na'ang dpal 'di yod/ /byang chub sems dpa' thams cad kyi/ /shes rab mig ni rnam sbyangs bas/ /spyod yul 'di dag mthong bar 'gyur/ /rnam par snang mdzad thub mthong nas/ /da dung phyir zhing dad pa skye/ /de yi ye </font><hr>Ka358b<br><font size=+1>


shes mtha' yas pas/ /da dung brjod du yod pa min/ /gang zhig mchog gi blos smras dang / /rgyal sras gzhan gyis bshad pa rnams/ /de dag da dung bdag gis kyang / /bskal pa bsam yas bshad par bya/ /shin tu rgyas pa chen po'i mdo/ sangs rgyas phal po che zhes bya ba las/ ri rab kyi rtse mor de bzhin gshegs pa'i rnam par 'phrul pa dang / byang chub sems dpa'i tshogs kyi tshigs su bcad pa'i le'u ste/ bcu dgu pa'o// //shin tu rgyas pa chen po'i mdo/ sangs rgyas phal po che zhes bya ba theg pa chen po'i mdo/ bam po nyi shu gcig pa/ de nas byang chub sems dpa' chos kyi blo gros kyis de'i tshe sangs rgyas kyi byin gyi rlabs kyis sbyor ba mtha' yas pa zhes bya ba'i ting nge 'dzin la mnyam par bzhag go / de ltar byang chub sems dpa' chos kyi blo gros kyis byang chub sems dpa'i ting nge 'dzin sbyor ba mtha' yas pa zhes bya ba de la mnyam par bzhag ma thag tu de'i mod la phyogs bcu'i phyogs re re'i 'jig rten gyi khams sangs rgyas kyi zhing gi rdul shin tu phra ba snyed kyi pha rol nas sangs rgyas bcom ldan 'das sangs rgyas kyi zhing bcu'i rdul shin tu phra ba snyed kun kyang chos kyi blo gros zhes bya bar mthun pa sha stag gis zhal mngon par bstan pa mthong bar gyur te/ sangs rgyas bcom ldan 'das de dag gis 'di skad ces kyang bka' stsal </font><hr>Ka359a<br><font size=+1>


@#/ /te| chos kyi blo gros/ khyod de ltar byang chub sems dpa'i ting nge 'dzin sbyor ba mtha' yas pa la mnyam par gzhog pa legs so/ /legs so/ /de bas na rigs kyi bu/ khyod la phyogs bcu nas de bzhin gshegs pa sangs rgyas kyi zhing bcu'i rdul shin tu phra ba snyed kun kyang mtshan mthun pa sha stag gis bcom ldan 'das de bzhin gshegs pa rnam par snang mdzad kyi sngon gyi smon lam dang / khyod bdag gi dge ba'i rtsa bas nye bar bstan pas 'di lta ste/ chos thams cad bstan par bya ba dang / sangs rgyas kyi ye shes rnam par 'phel bar bya ba dang / chos kyi dbyings su chud par bya ba dang / sems can gyi khams rnam par bsgom pa dang / chags pa med pa nyid du chud par bya ba dang / bsgribs pa med pa'i spyod yul thob par bya ba dang / kun nas sbyor ba thob par bya ba dang / thams cad mkhyen pa nyid yongs su gzung bar bya ba dang / chos thams cad khong du chud par bya ba dang / dbang po thams cad yongs su shes par bya ba dang / chos bstan pa thams cad yongs su gzung ba dang / 'di lta ste/ byang chub sems dpa'i rnam par dgod pa bcu la rtsom par bya ba'i phyir byin gyis brlabs pa mdzad kyi/ rigs kyi bu/ khyod kyis sangs rgyas kyi mthu dang / sangs rgyas kyi byin gyi rlabs kyis chos bstan pa 'di la spobs </font><hr>Ka359b<br><font size=+1>


pa skyed cig /de nas sangs rgyas bcom ldan 'das de dag gis byang chub sems dpa' chos kyi blo gros la chags pa med pa nye bar sgrub pa mdzad do/ /thogs pa med pa nye bar sgrub pa mdzad do/ /mchod pa med pa nye bar sgrub pa mdzad do/ /rmongs pa med pa nye bar sgrub pa mdzad do/ /tha dad pa med pa nye bar sgrub pa mdzad do/ /kha na ma tho ba med pa nye bar sgrub pa mdzad do/ / dpag tu med pa nye bar sgrub pa mdzad do/ /zhum pa med pa nye bar sgrub pa mdzad do/ /'phrog pa med pa nye bar sgrub pa mdzad do/ /de ci'i phyir zhe na/ ting nge 'dzin 'di nyid kyi chos nyid thob pa'i phyir ro| |de nas sangs rgyas bcom ldan 'das de dag gis byang chub sems dpa' chos kyi blo gros kyi spyi bo la phyag g.yas pas byug pa mdzad de/ de ltar sangs rgyas bcom ldan 'das de dag gi phyag gis reg ma thag tu byang chub sems dpa' chos kyi blo gros ting nge 'dzin de las langs te byang chub sems dpa' de dag la smras pa/ kye rgyal ba'i sras dag /byang chub sems dpa'i rigs zhes bya ba 'di ni/ chos kyi dbyings kyis klas pa/ nam mkha'i mthas gtugs pas shin tu yangs pa ste/ de la gnas pa'i byang chub sems dpa' rnams ni| 'das pa'i sangs rgyas bcom ldan 'das rnams kyi rigs su skye ba yin/ ma byon pa'i sangs rgyas bcom ldan 'das rnams kyi rigs su skye ba yin/ da ltar byung ba'i sangs rgyas </font><hr>Ka360a<br><font size=+1>


@#/ /bcom ldan 'das rnams kyi rigs su skye ba yin/ kye rgyal ba'i sras dag /byang chub sems dpa' brtson par byed pa gang las bsam ste de skad du smras pa de dag gang zhe na/ kye rgyal ba'i sras dag /bcu po 'di dag ni/ byang chub sems dpa' rnam par dgod pa ste/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs pa dang / gsung ba dang / gsung bar 'gyur ba dag go /bcu gang zhe na/ 'di lta ste/ sems dang po bskyed pa'i byang chub sems dpa' rnam par dgod pa dang / las dang po pa'i byang chub sems dpa' rnam par dgod pa dang / rnal 'byor la spyod pa'i byang chub sems dpa' rnam par dgod pa dang / cher skyes pa'i byang chub sems dpa' rnam par dgod pa dang / sbyor ba phun sum tshogs pa'i byang chub sems dpa' rnam par dgod pa dang / bsam pa phun sum tshogs pa'i byang chub sems dpa' rnam par dgod pa dang / phyir mi ldog pa'i byang chub sems dpa' rnam par dgod pa dang / gzhon nur gyur pa'i byang chub sems dpa' rnam par dgod pa dang / rgyal tshab kyi byang chub sems dpa' rnam par dgod pa dang / dbang bskur ba'i byang chub sems dpa' rnam par dgod pa'o/ /kye rgyal ba'i sras/ bcu po de dag ni/ byang chub sems dpa' rnam par dgod pa ste/ 'das pa dang / </font><hr>Ka360b<br><font size=+1>


ma byon pa dang / da ltar byung ba'i sangs rgyas bcom ldan 'das rnams kyis gsungs pa dang / gsung ba dang / gsung bar 'gyur ba dag go /kye rgyal ba'i sras dag /de la sems dang po bskyed pa'i byang chub sems dpa' gang zhe na/ kye rgyal ba'i sras dag /'di la byang chub sems dpa' sangs rgyas bcom ldan 'das rnams mthong nas mdzes pa dang / bzang ba dang / mig tu thong ba dang / kha dog rgyas pa dang / thub par dka' ba dang / mthu che bar mthong ba'o/ /rdzu 'phrul gyi rnam par 'phrul ba dang / yongs su bstan pa'i rnam par 'phrul ba dang / rjes su bstan pa'i rnam par 'phrul pa mthong ba'am/ sems can sdug bsngal ba mthong ba'am/ de bzhin gshegs pa dgra bcom pa yang dag par rdzogs pa'i sangs rgyas kyi de bzhin gshegs pa'i chos rgya chen po thos par gyur nas thams cad mkhyen pa nyid du smon cing / snga phyi med par byang chub tu sems bskyed de/ sems bskyed pa dang po des ni/ thub par dka' ba'i gnas bcu yongs su bzung bar 'gyur te/ bcu gang zhe na/ 'di ltar gnas dang gnas ma yin pa shes pa dang / las kyi rnam par smin pa shes pa dang / kun nas nyon mongs pa dang rnam par byang ba shes pa dang / dbang po dang / brtson 'grus rnam pa tha dad pa yongs su rdzogs pa mchog dang tha ma shes pa dang / mos pa tha dad pa dang mos pa du ma shes pa dang / khams tha dad pa </font><hr>Ka361a<br><font size=+1>


@#/ /dang khams du ma shes pa dang / thams cad du 'gro ba'i lam shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba shes pa dang / rjes su dran pa bsgribs pa med pa shes pa dang / chags pa med pa'i lha'i mig shes pa dang / dus gsum mnyam pa nyid du zag pa med pa shes pa'o/ /thub par dka' ba'i gnas bcu po de dag yongs su zin par 'gyur te/ de ni/ sems dang po bskyed pa'i byang chub sems dpa'o// kye rgyal ba'i sras dag /de ltar byang chub sems dpa' sems dang po bskyed pa de ni/ sangs rgyas mchod pa la sbyar bar bya ba ste/ byang chub sems dpa' bsten par bde ba yang de la brjod par bya'o/ /'jig rten gyi nang na gtso bor gyur pa yang de la brjod par bya'o/ /phul du phyin pa yang de la brjod par bya'o/ /zil gyis mi non pa'i gnas kyang de la brjod par bya'o// sangs rgyas kyi bdag nyid che ba yang de la bstan par bya'o/ /sangs rgyas tshad med pa dang 'phrad par 'gyur ba yang de la bstan par bya'o/ /rab tu zhi ba'i ting nge 'dzin gyi sbyor ba yang de la brjod par bya'o/ /'khor ba'i 'khor lo las ldog par 'gyur ba yang de la brjod par bya'o/ /sems can sdug bsngal ba yongs su bskyab pa yang de la brjod par bya'o/ /de ci'i phyir </font><hr>Ka361b<br><font size=+1>


zhe na| sangs rgyas kyi chos thams cad la de bas kyang shas cher sems skye bar bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par mi 'gyur bar bya ba'i phyir te/ kye rgyal ba'i sras dag /'di ni/ sems dang po bskyed pa'i byang chub sems dpa' rnam par dgod pa'o/ /kye rgyal ba'i sras dag /de la las dang po pa'i byang chub sems dpa' rnam par dgod pa gang zhe na/ kye rgyal ba'i sras dag /'di la byang chub sems dpa' thog ma nyid du sems can thams cad la rnam pa bcur sems nye bar gzhog ste/ bcu gang zhe na/ 'di lta ste/ phan pa'i sems nye bar gzhog go /snying brtse ba'i sems dang / bde ba'i sems dang / gnas pa'i sems dang / byams pa'i sems dang / phan 'dogs pa'i sems dang / yongs su srung ba'i sems dang / mnyam pa'i sems dang / slob dpon gyi sems dang / ston pa'i sems nye bar gzhog go /rnam pa bcu po de dag gis sems can thams cad la sems nye bar gzhog ste/ kye rgyal ba'i sras dag /'di ni/ las dang po pa'i byang chub sems dpa'o/ /kye rgyal ba'i sras dag /de la byang chub sems dpa' las dang po pa de ni/ thog ma nyid du kha ton la yongs su bskul bar bya'o/ /mang du thos nas dben par gnas pa la yongs su bskul bar bya'o/ /rab tu dben </font><hr>Ka362a<br><font size=+1>


@#/ /par gyur nas dge ba'i bshes su 'gyur bar yongs su bskul bar bya'o/ /dge ba'i bshes su gyur nas nga lo bde ba la yongs su bskul bar bya'o/ /nga lo bde bar gyur nas dus shes pa la yongs su bskul bar bya'o/ /dus shes nas mi 'jigs pa la yongs su bskul bar bya'o/ /mi 'jigs par gyur nas don shes pa la yongs su bskul bar bya'o/ /don shes nas chos kyi rjes su 'brang ba la yongs su bskul bar bya'o/ /chos kyi rjes su 'gro bar gyur nas rmongs pa med pa la yongs su bskul bar bya'o/ /rmongs pa med par gyur nas rnam par dgod pa la yongs su bskul bar bya'o/ /de ci'i phyir zhe na/ sems can thams cad de la de bas kyang shes cher snying rje chen po mngon du gzhog par bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par mi 'gyur bar bya ba'i phyir te/ kye rgyal ba'i sras dag /'di ni/ las dang po pa'i byang chub sems dpa' rnam par dgod pa'o/ /kye rgyal ba'i sras dag /de la rnal 'byor la spyod pa'i byang chub sems dpa' rnam par dgod pa gang zhe na/ kye rgyal ba'i sras dag /'di la byang chub sems dpa' dmigs pa'i rnam pa bcus chos thams cad la brtson par byed de/ bcu gang zhe na/ 'di ltar chos thams cad mi rtag pa dang / chos </font><hr>Ka362b<br><font size=+1>


thams cad sdug bsngal ba dang / chos thams cad stong pa nyid dang / chos thams cad bdag med pa dang / chos thams cad byed pa med pa dang / chos thams cad myong ba med pa dang / chos thams cad brda med pa dang / chos thams cad gnas med pa dang / chos thams cad rnam par rtog pa med pa dang / chos thams cad ched du byed pa med pa ste/ dmigs pa'i rnam pa bcu po de dag gis chos kyi rjes su 'brang ba'i tshul du brtson par byed de/ kye rgyal ba'i sras dag /'di ni/ rnal 'byor la spyod pa'i byang chub sems dpa'o/ /kye rgyal ba'i sras ngag /de ltar rnal 'byor la spyod pa'i byang chub sems dpa' de ni/ sems can gyi khams brtag pa la yongs su bskul bar bya'o/ /chos kyi khams brtag pa la yongs su bskul bar bya'o/ /'jig rten gyi khams brtag pa la yongs su bskul bar bya'o/ /sa'i khams brtag pa la yongs su bskul bar bya'o/ /chu'i khams brtag pa la yongs su bskul bar bya'o/ /me'i khams brtag pa la yongs su bskul bar bya'o/ /rlung gi khams brtag pa la yongs su bskul bar bya'o/ /'dod pa'i khams brtag pa la yongs su bskul bar bya'o/ /gzugs kyi khams brtag pa la yongs su bskul bar bya'o/ /gzugs med pa'i khams brtag pa la yongs su bskul bar bya'o/ /de ci'i phyir zhe na/ de bas kyang chos la snang ba 'byung ba dang / gnas gang thos kyang de la bdag </font><hr>Ka363a<br><font size=+1>


@#/ /nyid sbyor bar bya ba dang / bdag nyid gzhan gyi dring 'jog par mi 'gyur ba'i phyir te/ kye rgyal ba'i sras dag /'di ni/ rnal 'byor la spyod pa'i byang chub sems dpa' rnam par dgod pa'o/ /kye rgyal ba'i sras dag /de la cher skyes pa'i byang chub sems dpa' gang zhe na/ kye rgyal ba'i sras dag /'di la byang chub sems dpa' 'phags pa'i gsung rab la yongs su smin pa bcus skyes pa yin te/ bcu gang zhe na/ 'di ltar phyir mi ldog pa dang / sangs rgyas la shes pas mos pa'i mthar phyin pa dang / chos nges par rtogs pa dang / sems can rnam par bsgoms pa dang / zhing rnam par bsgoms pa dang / 'jig rten gyi khams rnam par bsgoms pa dang / las rnam par bsgoms pa dang / rnam par smin pa rnam par bsgoms pa dang / 'khor ba rnam par bsgoms pa dang / mya ngan las 'das pa rnam par bsgoms pa ste/ yongs su smin pa bcu po 'di dag gis 'phags pa'i gsung rab las skyes pa yin te/ kye rgyal ba'i sras dag /'di ni/ cher skyes pa'i byang chub sems dpa'o/ /de ltar cher skyes pa'i byang chub sems dpa' de ni/ 'das pa'i sangs rgyas rnams kyi chos rnam par sgom pa la yongs su bskul bar bya'o/ /ma byon pa'i sangs rgyas kyi chos rnam par sgom pa la yongs su bskul bar bya'o/ /da ltar byung ba'i sangs rgyas kyi chos rnam par sgom </font><hr>Ka363b<br><font size=+1>


pa la yongs su bskul bar bya'o/ /'das pa'i sangs rgyas kyi chos yang dag par sgrub pa rnam par sgom pa la yongs su bskul bar bya'o/ /ma byon pa'i sangs rgyas kyi chos yang dag par sgrub par bya ba rnam par sgom pa la yongs su bskul bar bya'o/ /da ltar byung ba'i sangs rgyas kyi chos yang dag par sgrub pa rnam par sgom pa la yongs su bskul bar bya'o/ /'das pa'i sangs rgyas kyi chos yongs su sgrub pa rnam par sgom pa la yongs su bskul bar bya'o/ /ma byon pa'i sangs rgyas kyi chos yongs su bsgrub par bya ba rnam par sgom pa la yongs su bskul bar bya'o/ /da ltar byung ba'i sangs rgyas kyi chos yongs su sgrub pa rnam par sgom pa la yongs su bskul bar bya'o/ /sangs rgyas mnyam pa nyid rnam par sgom pa la yongs su bskul bar bya'o| |de ci'i phyir zhe na/ de dus gsum mnyam pa nyid la de bas kyang sems 'jug par bya ba dang / gnas gang thos kyang de la bdag nyid sbyor ba dang / bdag nyid gzhan gyi dring la 'jog par mi bya ba'i phyir te/ kye rgyal ba'i sras dag /'di ni/ cher skyes pa'i byang chub sems dpa' rnam par dgod pa'o/ /kye rgyal ba'i sras dag /de la sbyor ba phun sum tshogs pa'i byang chub sems dpa' gang zhe na/ kye rgyal ba'i sras dag /'di la byang chub sems dpa' dge ba'i rtsa ba gang ci rtsom yang rung ste/ de thams cad sems can thams cad yongs su bskyab pa'i </font><hr>Ka364a<br><font size=+1>


@#/ /phyir rtsom mo/ /sems can thams cad la phan par bya ba'i phyir rtsom mo/ /sems can thams cad yongs su dgrol bar bya ba'i phyir rtsom mo/ /sems can thams cad la snying brtse ba'i phyir rtsom mo/ /sems can thams cad yongs su smin par bya ba'i phyir rtsom mo/ /sems can thams cad yongs su dgrol bar bya ba'i phyir rtsom mo/ /sems can thams cad la gnod pa med par bya ba'i phyir rtsom mo/ /sems can thams cad drang ba'i phyir rtsom mo/ /sems can thams cad dang bar bya ba'i phyir rtsom mo/ /sems can thams cad gdul ba'i phyir rtsom mo/ /sems can thams cad yongs su mya ngan las bzla ba'i phyir rtsom mo/ /kye rgyal ba'i sras dag /'di ni/ sbyor ba phun sum tshogs pa'i byang chub sems dpa' ste/ sbyor ba phun sum tshogs pa'i byang chub sems dpa' de la ni/ sems can mtha' yas pa brjod par bya'o/ /sems can tshad med pa brjod par bya'o/ /sems can grangs med pa brjod par bya'o/ /sems can bsam gyis mi khyab pa brjod par bya'o/ /sems can gzugs med pa brjod par bya'o/ /sems can dpag tu med pa brjod par bya'o/ /sems can stong pa brjod par bya'o/ /sems can byed pa med pa brjod par bya'o/ /sems can dngos po med pa brjod par bya'o/ /sems can rang bzhin med pa brjod par bya'o/ /de ci'i phyir zhe </font><hr>Ka364b<br><font size=+1>


na| de'i sems de bas kyang shas cher mngon par zhen pa la mi gnas par bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring mi 'jog par bya ba'i phyir te/ kye rgyal ba'i sras dag /'di ni/ sbyor ba phun sum tshogs pa'i byang chub sems dpa' rnam par dgod pa'o/ /kye rgyal ba'i sras dag /de la bsam pa phun sum tshogs pa'i byang chub sems dpa' gang zhe na/ kye rgyal ba'i sras dag /'di la byang chub sems dpa' chos bcu nyan na/ bsam pa nges pa rab tu 'thob pa yin te/ bcu gang zhe na/ 'di ltar sangs rgyas la snyan pa'am/ mi snyan par brjod kyang sangs rgyas kyi chos la bsam pa nges pa yin/ chos la snyan pa dang / mi snyan par brjod kyang sangs rgyas kyi chos la bsam pa nges pa yin/ byang chub sems dpa' la snyan pa'am/ mi snyan par brjod kyang sangs rgyas kyi chos la bsam pa nges pa yin/ byang chub sems dpa'i spyod pa la snyan ba'am mi snyan par brjod kyang sangs rgyas kyi chos la bsam pa nges pa yin/ sems can gyi khams chung ba dang / sems can gyi khams che ba brjod kyang sangs rgyas kyi chos la bsam pa nges pa yin/ sems can gyi khams kun nas nyon mongs pa dang / sems can gyi khams kun nas nyon mongs pa med par brjod kyang sangs rgyas kyi chos la bsam pa </font><hr>Ka365a<br><font size=+1>


@#/ /nges pa yin/ sems can gyi khams skyo bar sla ba dang / sems can gyi khams skyo bar dka' ba brjod kyang sangs rgyas kyi chos la bsam pa nges pa yin| chos kyi dbyings chung ba'am/ chos kyi dbyings che bar brjod kyang sangs rgyas kyi chos la bsam pa nges pa yin/ chos kyi dbyings 'grub pa'am/ chos kyi dbyings 'jig par brjod kyang sangs rgyas kyi chos la bsam pa nges pa yin/ chos kyi dbyings yod pa'am/ chos kyi dbyings med par brjod kyang sangs rgyas kyi chos la bsam pa nges pa yin/ kye rgyal ba'i sras dag /de ni/ byang chub sems dpa' bsam pa phun sum tshogs pa ste/ de ltar bsam pa phun sum tshogs pa'i byang chub sems dpa' de la chos la 'jug pa bcu brjod par bya ste/ bcu gang zhe na/ 'di ltar chos thams cad mtshan ma med pa dang / chos thams cad mtshan nyid med pa dang / chos thams cad dngos po med pa dang / chos thams cad yod pa ma yin pa dang / chos thams cad rdzun pa dang / chos thams cad dben pa dang / chos thams cad rang bzhin med pa dang / chos thams cad sgyu ma lta bu dang / chos thams cad rmi lam lta bu dang / chos thams cad rtog pa med pa brjod par bya'o/ /de ci'i phyir zhe na/ de'i bsam pa de bas kyang shas cher mi 'phrog pa la rnam par bsgrub </font><hr>Ka365b<br><font size=+1>


par bya ba dang / gnas gang thos kyang bdag nyid de la sbyor bar bya ba dang / bdag nyid gzhan gyi dring 'jog par mi 'gyur bar bya ba'i phyir te/ kye rgyal ba'i sras dag /'di ni/ bsam pa phun sum tshogs pa'i byang chub sems dpa' rnam par dgod pa'o/ /kye rgyal ba'i sras dag /de la phyir mi ldog pa'i byang chub sems dpa' gang zhe na/ kye rgyal ba'i sras dag /'di la byang chub sems dpa' dmigs pa bcu nyan pa'i tshe brtan pa rab tu 'thob ste/ bcu gang zhe na/ 'di ltar sangs rgyas yod ce'am/ sangs rgyas med ce na'ang sangs rgyas kyi chos las phyir mi ldog go /chos yod ce'am/ chos med ce na'ang sangs rgyas kyi chos las phyir mi ldog go /byang chub sems dpa'i spyod pa yod ce'am/ byang chub sems dpa'i spyod pa med ce na yang sangs rgyas kyi chos las phyir mi ldog go /byang chub sems dpa' byang chub sems dpa'i spyod pa la 'byung zhe'am/ byang chub sems dpa' byang chub sems dpa'i spyod pa la mi 'byung zhe na yang sangs rgyas kyi chos las phyir mi ldog go /de bzhin gshegs pa 'das she'am/ de bzhin gshegs pa ma 'das shen yang sangs rgyas kyi chos las phyir mi ldog go /de bzhin gshegs pa byon ce'am/ de bzhin gshegs pa byon pa ma yin zhe na yang sangs rgyas kyi chos las phyir mi ldog go /sangs rgyas </font><hr>Ka366a<br><font size=+1>


@#/ /da ltar byung ba zhe'am/ sangs rgyas da ltar byung ba ma yin zhe na yang sangs rgyas kyi chos las phyir mi ldog go /sangs rgyas kyi ye shes zad mi shes so| |zhe'am/ sangs rgyas kyi ye shes zad shes so/ /zhe na yang sangs rgyas kyi chos las phyir mi ldog go /dus gsum mtshan nyid gcig ce'am/ dus gsum mtshan nyid tha dad ce na yang sangs rgyas kyi chos las phyir mi ldog go /kye rgyal ba'i sras dag /'di ni/ phyir mi ldog pa'i byang chub sems dpa' ste/ de ltar phyir mi ldog pa'i byang chub sems dpa' de la ni/ chos 'byams klas pa bcu brjod par bya ste/ bcu gang zhe na/ 'di lta ste/ gcig las rnam pa tha dad par 'gyur ba brjod par bya'o/ /mang po las tha mi dad par brjod par bya'o/ /don dang mthun pa'i yi ge brjod par bya'o/ /yi ge dang mthun pa'i don brjod par bya'o/ /dngos po med pa yod pa dang mnyam pa nyid du brjod par bya'o/ /dngos po yod pa med pa dang mnyam pa nyid du brjod par bya'o/ /mtshan ma med pa mtshan ma dang mnyam pa nyid du brjod par bya'o/ /mtshan ma mtshan ma med pa dang mnyam pa nyid du brjod par bya'o/ /mtshan nyid med pa mtshan nyid dang mnyam pa nyid du brjod par bya'o/ /mtshan nyid mtshan nyid med pa dang mnyam pa nyid du brjod par bya'o/ / </font><hr>Ka366b<br><font size=+1>


de ci'i phyir zhe na/ de ci nas kyang de bas kyang shas cher mkhas pa thams cad la yongs su byang bar 'byung ba dang / gnas gang thos kyang bdag nyid de la sbyor bar bya dang / bdag nyid gzhan gyi dring mi 'jog par 'gyur bar bya ba'i phyir te/ kye rgyal ba'i sras dag /'di ni/ phyir mi ldog pa'i byang chub sems dpa' rnam par dgod pa'o/ /kye rgyal ba'i sras dag / de la gzhon nur gyur pa'i byang chub sems dpa' gang zhe na/ kye rgyal ba'i sras dag /byang chub sems dpa' las bcu la gnas pa yin te/ bcu gang zhe na/ 'di ltar lus kyi spyod pa kha na ma tho ba med pa yin/ ngag gi spyod pa kha na ma tho ba med pa yin/ yid kyi spyod kha na ma tho ba med pa yin/ sems bskyed pa tsam gyis skye ba sgrub pa yin/ sems can gzhan gyi bsam pa shes pa yin/ gang zag gzhan gyi mos pa rtogs pa yin/ sems can gyi khams tha dad pa rab tu shes pa yin/ las kyi byin gyis rlabs tha dad pa rab tu rtogs pa yin| 'jig rten gyi khams 'grub pa dang 'jig pa yongs su 'jal ba yin/ gang dga' bar 'gro ba la myur ba yin/ kye rgyal ba'i sras dag /'di ni/ gzhon nur gyur pa'i byang chub sems dpa' ste/ kye rgyal ba'i sras dag /de ltar gzhon nur gyur pa'i byang chub sems dpa' de la ni/ chos mngon par sgrub pa bcu brjod par bya'o/ /bcu gang zhe na/ 'di </font><hr>Ka367a<br><font size=+1>


@#/ /lta ste| sangs rgyas kyi zhing yongs su shes pa brjod par bya'o/ /sangs rgyas kyi zhing rab tu bskyed pa brjod par bya'o/ /sangs rgyas kyi zhing gi byin gyis brlabs brjod par bya'o/ /sangs rgyas kyi zhing du rnam par rgyu ba brjod par bya'o/ /sangs rgyas kyi zhing yongs su mnan pa brjod par bya'o/ /'jig rten gyi khams grangs med par 'gro ba brjod par bya'o/ /chos grangs med pa yongs su dri ba brjod par bya'o/ /yid kyi rang bzhin gyi lus mngon par sgrub pa brjod par bya'o/ /dbyangs kyi sbyor ba rab tu dgye ba brjod par bya'o/ /sems bskyed pa gcig las sangs rgyas grangs med pa bsnyen bkur bar bya ba brjod par bya'o/ /de ci'i phyir zhe na/ de bas kyang shas cher chos thams cad la mngon par sgrub pa'i mkhas pa 'byung bar bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par mi 'gyur bar bya ba'i phyir te/ kye rgyal ba'i sras dag /'di ni/ gzhon nur gyur pa'i byang chub sems dpa' rnam par dgod pa'o/ /kye rgyal ba'i sras dag /rgyal tshab kyi byang chub sems dpa' gang zhe na/ kye rgyal ba'i sras dag /'di la byang chub sems dpa' chos bcu rtogs par bya ba la mkhas pa yin te/ bcu gang zhe na/ 'di ltar sems can gyi </font><hr>Ka367b<br><font size=+1>


skye ba rtogs par bya ba la mkhas pa yin/ nyon mongs pa'i rgyud rtogs par bya ba la mkhas pa yin/ bag chags kyi mchams 'brel pa rtogs par bya ba la mkhas pa yin/ spyod yul rtogs par bya ba la mkhas pa yin/ chos sna tshogs rtogs par bya ba la mkhas pa yin/ spyad pa rtogs par bya ba la mkhas pa yin/ 'jig rten gyi khams rnam par phye ba rtogs par bya ba la mkhas pa yin/ sngon gyi mtha' dang phyi ma'i mtha' shes par rtogs par bya ba la mkhas pa yin/ 'jig rten gyi kun rdzob kyi bden pa brtag pa rtogs par bya ba la mkhas pa yin/ don dam pa'i bden pa brtag pa rtogs par bya ba la mkhas pa yin/ kye rgyal ba'i sras dag /'di ni/ rgyal tshab kyi byang chub sems dpa' ste/ byang chub sems dpa' rgyal tshab de la ni/ gnas bcu brjod par bya'o/ /bcu gang zhe na/ 'di lta ste/ rgyal po'i gnas la mkhas pa brjod par bya'o/ /rgyal po'i gnas kyi tshul brjod par bya'o/ /rgyal po'i gnas su gnas pa brjod par bya'o/ /rgyal po'i gnas su 'gro ba brjod par bya'o/ /rgyal po'i gnas su spyod pa brjod par bya'o/ /chos kyi rgyal por dbang bskur ba brjod par bya'o/ /chos kyi rgyal po'i byin brjod par bya'o/ /chos kyi rgyal po'i mthu brjod par bya'o/ /chos kyi rgyal srid la gnas pa brjod par bya'o/ /chos </font><hr>Ka368a<br><font size=+1>


@#/ /kyi rgyal po'i bsngags pa brjod par bya'o/ /de ci'i phyir zhe na/ ci nas kyang de'i sems bsgribs pa med pa mngon par bsgrubs pa la de bas kyang shas cher gnas par bya ba dang / gnas gang thos kyang bdag nyid de la sbyor bar bya ba dang / bdag nyid gzhan gyi dring 'jog par mi bya ba'i phyir te/ kye rgyal ba'i sras dag /'di ni/ rgyal tshab kyi byang chub sems dpa' rnam par dgod pa'o/ /kye rgyal ba'i sras dag /de la dbang bskur ba'i byang chub sems dpa' gang zhe na/ kye rgyal ba'i sras dag /'di la byang chub sems dpa'i ye shes la rnam par spyod pa bcu dang ldan pa yin te/ bcu gang zhe na/ 'di ltar 'jig rten gyi khams grangs med pa yongs su bskyed pa'i sems mang ba yin/ 'jig rten gyi khams grangs med pa snang bar bya ba'i sems mang ba yin/ 'jig rten gyi khams grangs med pa byin gyis brlab pa'i sems mang ba yin| 'jig rten gyi khams grangs med pa 'da' bar bya ba'i sems mang ba yin/ 'jig rten gyi khams grangs med pa yongs su sbyang ba'i sems mang ba yin/ sems can grangs med pa rnam par dmigs par bya ba'i sems mang ba yin/ sems can grangs med pa rnam par brtag pa'i sems mang ba yin/ sems can grangs med pa'i dbang po rtogs par </font><hr>Ka368b<br><font size=+1>


bya ba'i sems mang ba yin/ sems can grangs med pa yongs su gzung ba'i sems mang ba yin/ sems can grangs med pa gdul ba'i sems mang ba yin te/ de'i lus ni / byang chub sems dpa' rgyal tshab la gnas pa'i bar gyis kyang shes par mi nus te/ lus kyi las shes par mi nus so/ /rdzu 'phrul shes par mi nus so/ /rdzu 'phrul gyi rnam par 'phrul pa shes par mi nus so/ /'das par blta ba'am shes par mi nus so/ /ma 'ongs pa blta ba'am shes par mi nus so/ /da ltar byung ba blta ba'am shes par mi nus so/ / zhing mngon par 'du byed pa shes par mi nus so/ /sems kyi yul shes par mi nus so/ /ye shes kyi spyod yul yang byang chub sems dpa' rgyal tshab la gnas pa'i bar gyis shes par mi nus te/ kye rgyal ba'i sras dag /'di ni/ dbang bskur ba'i byang chub sems dpa'o/ /kye rgyal ba'i sras dag /byang chub sems dpa' dbang bskur ba de la ni/ sangs rgyas bcom ldan 'das rnams kyis ye shes la 'jug pa bcu bka' stsal te/ bcu gang zhe na/ 'di ltar dus gsum gyi ye shes brjod pa mdzad do/ /sangs rgyas kyi chos kyi ye shes brjod pa mdzad do/ /chos kyi dbyings chags pa med pa brjod pa mdzad do/ /chos kyi dbyings mtha' dang dbus med pa brjod pa mdzad do/ /'jig rten gyi khams </font><hr>Ka369a<br><font size=+1>


@#/ /thams cad rgyas par dgang ba brjod pa mdzad do/ /'jig rten gyi khams thams cad snang bar bya ba brjod pa mdzad do/ /'jig rten gyi khams thams cad byin gyis brlabs pa brjod pa mdzad do/ /sems can thams cad yongs su shes pa'i ye shes brjod pa mdzad do/ /chos thams cad yongs su shes pa'i ye shes brjod pa mdzad do/ /sangs rgyas mtha' yas pa brjod pa mdzad do/ /de ci'i phyir zhe na/ de ci nas kyang de'i sems rnam pa thams cad mkhyen pa nyid du de bas kyang shas cher gnas par bya ba dang / gnas gang thos kyang bdag nyid de la sbyor bar bya ba dang / sangs rgyas kyi chos thams cad la gzhan gyi dring mi 'jog par bya ba'i phyir te/ kye rgyal ba'i sras dag /'di ni/ dbang bskur ba'i byang chub sems dpa'i rnam par dgod pa'o/ /de nas de'i tshe sangs rgyas kyi mthus phyogs bcur 'jig rten gyi khams sangs rgyas kyi zhing bcu'i rdul shin tu phra ba snyed rnam pa drug tu g.yos so/ /rab tu g.yos so/ /kun tu g.yos so/ /'gul to/ /rab tu 'gul to/ /kun tu 'gul to/ /ldeg go /rab tu ldeg go /kun tu ldeg go /chem chem/ rab tu chem chem/ kun tu chem chem mo/ /'ur 'ur/ rab tu 'ur 'ur/ kun tu 'ur 'ur ro/ /shig shig /rab tu shig shig / </font><hr>Ka369b<br><font size=+1>


kun tu shig shig go /sangs rgyas kyi mthu dang chos nyid thob pas lha rdzas kyi me tog gi sprin gyi char mngon par bab bo/ /lha rdzas kyi phye ma'i sprin gyi char mngon par bab bo/ /lha rdzas kyi phreng ba'i sprin gyi char mngon par bab bo/ /lha rdzas kyi spos kyi sprin gyi char mngon par bab bo/ /lha rdzas kyi gos kyi sprin gyi char mngon par bab bo/ /lha rdzas kyi rin po che'i sprin gyi char mngon par bab bo/ /lha rdzas kyi lhab lhub kyi sprin gyi char mngon par bab bo/ /lha rdzas kyi rol mo'i sgra mngon par byung bar gyur to/ /lha rdzas kyi snang ba rab tu byung bar gyur to/ / lha rdzas kyi nga ro shin tu grags par gyur to/ /gling bzhi pa 'di'i ri rab kyi rtse mor lha'i dbang po'i khang pa ji lta ba de bzhin du 'jig rten gyi khams thams cad du yang phyogs bcu rgyas par byung ste/ chos bstan pa 'di yang thams cad du byung ngo / /sangs rgyas kyi byin gyi rlabs kyis phyogs bcu'i 'jig rten gyi khams sangs rgyas kyi zhing bcu'i rdul shin tu phra ba snyed kyi byang chub sems dpa' mang po lhags te phyogs bcu rgyas par bkang nas 'di skad ces 'dzer to/ /kye rgyal ba'i sras dag /de ltar khyod byang chub sems dpa' rnams kyi chos nyid de lta bu ston pa legs so/ /legs so/ /kye rgyal ba'i sras dag /bdag cag kun kyang ming chos kyi blo gros zhes bya ba sha stag ste/ de bzhin gshegs pa'i mtshan </font><hr>Ka370a<br><font size=+1>


@#/ /chos kyi blo gros zhes bya ba sha stag gi zham ring / 'jig rten gyi khams chos kyi sprin ces bya ba sha stag nas 'dir phyin te/ thams cad na yang sangs rgyas kyi byin gyi rlabs kyis chos bstan pa 'di nyid 'khor gyi rnam pa 'di lta bu dag tu tshig 'di dag dang / yi ge 'di dag dang / khong du chud par bya ba 'di dag gis don 'di nyid mngon par smos shing / lhag chad med par ston te/ kye rgyal ba'i sras dag /de ltar bdag cag dbang du gyur pa sha stag sangs rgyas kyi byin gyi rlabs kyis 'dir phyin to/ /ji ltar bdag cag 'jig rten gyi khams 'dir phyin pa de bzhin du/ phyogs bcu'i 'jig rten gyi khams thams cad kyi 'jig rten gyi khams re re'i gling bzhi pa dag gi ri rab kyi rtse mo'i lha'i dbang po'i khang pa dag tu yang byang chub sems dpa' sangs rgyas kyi zhing bcu'i rdul shin tu phra ba snyed mang po phyin par gyur to/ /de nas byang chub sems dpa' chos kyi blo gros kyis phyogs bcur rnam par bltas te/ chos kyi dbyings la rnam par bltas nas sangs rgyas kyi byin gyi rlabs kyis de'i tshe tshigs su bcad pa 'di dag smras so/ /rang byung sangs rgyas thugs mchog rab mnga' ba/ /sku gzugs sku mdog shin tu mdzes ldan zhing / /mtshan bzang thub pa med pa mthong gyur nas// </font><hr>Ka370b<br><font size=+1>


byang chub don du brtan pa sems bsgyur ro/ /dpe zla med pa'i rdzu 'phrul stobs chen dang / /yongs su bstan dang rjes su bstan mthong ste/ /srid lam kun tu sdug bsngal gyur mthong zhing / /byang chub don du brtan pa sems bsgyur ro/ /de bzhin gshegs pa yon tan kun mnga' ba/ /kun tu bzang po'i yon tan thos gyur cing / /nam mkha' dbyings mnyam rtog pa med pa yi/ /brtan pa byang chub don du sems bskyed do/ /khams gsum kun na gnas ni 'di dag yin/ /gnas min rang bzhin dag kyang 'di yin zhes/ /ma nor dngos po khong du chud bya'i phyir/ /brtan pa byang chub don du sems bskyed do/ /'das dang ma 'ongs da ltar byung ba dang / /dkar nag las rnams ji snyed yod pa dag /de kun mnyam nyid rjes su rtogs bya'i phyir/ /brtan pa byang chub don du sems bskyed do/ /bsam gtan ting 'dzin rnam par thar pa dang / /mnyam gzhag de bzhin kun nas nyon mongs dang / /rnam byang rnam par khong du chud bya'i phyir/ /brtan pa byang chub don du sems bskyed do/ /sems can kun gyi dbang po ci 'dra dang / /brtson 'grus stobs kyang de bzhin ci 'dra ba/ /rnam pa sna tshogs de dag rtogs bya'i phyir/ /byang chub don du brtan pa sems bsgyur ro/ /sems can kun gyi mos pa ji 'dra dang / /'jig rten kun gyi bsam pa sna tshogs rnams/ /rnam </font><hr>Ka371a<br><font size=+1>


@#/ /pa kun tu thams cad rtogs bya'i phyir/ /byang chub don du brtan pa sems bsgyur ro/ /'gro ba rnams kyi sna tshogs khams rnams dang / /'jig rten kun gyi khams mang du ma dang / /khams kyi rang bzhin rtogs par bya ba'i phyir/ /brtan pa byang chub don du sems bsgyur ro/ /kun tu 'gro ba'i sems rnams ci 'dra dang / /lam rnams ci 'dra 'dus byas 'di dag gi /ma nor rang bzhin rtogs par bya ba'i phyir/ /byang chub don du brtan pa sems bsgyur ro/ /zhing rnams thams cad mthong bar bya ba dang / /sems can 'di dag ji ltar 'khor gyur ces/ /chags med mig ni rnam par dag bya'i phyir/ /brtan pa byang chub don du sems bsgyur ro/ /'das pa'i dus su gang rnams ci byung yang / /mtshan nyid gang yin ji 'dra ci dgongs pa/ /sngon gyi gnas rnams rjes su rtogs bya'i phyir/ /brtan pa byang chub don du sems bsgyur ro| |'jig rten kun na kun sbyor ji snyed dang / /don gyi mtshams 'brel bag chags de bzhin te/ /nyon mongs zad bya mthar thug shes bya'i phyir/ /byang chub don du brtan pa sems bsgyur ro/ /'gro ba rnams kyi tha snyad gdags pa dang / /tshig lam skad du brjod pa ji snyed pa/ /brda yi bden pa rjes su rtogs bya'i phyir/ /brtan pa byang chub don du </font><hr>Ka371b<br><font size=+1>


sems bsgyur ro/ /chos rnams ji ltar brjod du med pa dang / /stong pa byed med rang bzhin dben pa'i rnams/ /de dag dngos nyid khong du chud bya'i phyir/ /brtan pa byang chub don du sems bsgyur ro/ /zhing rnams thams cad rab tu bskyod pa dang / /rgya mtsho thams cad yongs su bskam bya bar/ /de bzhin gshegs pa'i rdzu 'phrul rtogs bya'i phyir/ /brtan pa byang chub don du sems bsgyur ro/ /spu rtse re re'i sgo nas 'od zer rnams/ /phyogs bcu kun tu ji ltar dgye bya ba/ /de 'dra'i rang bzhin khong du chud bya'i phyir/ /brtan pa byang chub don du sems bsgyur ro/ /zhing rnams brjod med bsam gyis mi khyab pa/ /bdag gi lag pa'i mthil du gzhag bya bar/ /sgyu ma'i rnam pa thams cad rtogs bya'i phyir/ /brtan pa byang chub don du sems bsgyur ro/ /ji ltar zhing gi sems can yangs pa kun/ /gnod pa med par skra rtser gzhog byed par/ /srog med chos rnams khong du chud bya'i phyir/ /brtan pa byang chub don du sems bsgyur ro/ /rgya mtsho thams cad chu chen gang rgyas pa/ /skra rtses blangs shing kun tu dor bya bar/ /mthar thug ma lus khong du chud bya'i phyir/ /brtan pa byang chub don du sems bsgyur ro/ /ji ltar bsam gyis mi khyab zhing gi rnams/ /phra rab rdul glags ma lus bgrang bya bar/ /rdul phran grangs rnams khong du chud bya'i phyir/ /brtan pa byang chub don du </font><hr>Ka372a<br><font size=+1>


@#/ /sems bsgyur ro/ /'das pa'i bskal pa de bzhin ma 'ongs dang / /'jig rten tshig cing 'grub pa de bzhin te/ /bskal pa zad cing gnas pa shes bya'i phyir/ /brtan pa byang chub don du sems bsgyur ro/ /dus gsum byung ba'i de bzhin gshegs pa dang / /rgyal sras rang rgyal nyan thos thams cad kyi/ /chos kyi rang bzhin khong du chud bya'i phyir/ /brtan pa byang chub don du sems bsgyur ro/ /brjod du med pa'i 'jig rten khams kyi rnams/ /skra yi nyag mas bcings shing tshad gdab bar/ / dngos po'i rang bzhin khong du chud bya'i phyir/ /brtan pa byang chub don du sems bsgyur ro/ /brjod med khor yug shin tu yangs pa dag /ba spu'i khung bu ji ltar gzung bya bar/ / phra dang yangs pa khong du chud bya'i phyir/ /brtan pa byang chub don du sems bsgyur ro/ /phyogs bcu 'jig rten khams rnams thams cad du/ /ji ltar dbyangs gcig kun tu grags 'gyur bar/ /dbyangs kyi yan lag rnam dag shes bya'i phyir/ /brtan pa byang chub don du sems bsgyur ro/ /sems can kun gyi sgra skad ji snyed pa/ /dbyangs gcig brjod pas ji ltar brjod bya bar/ /sgra yi rang bzhin khong du chud bya'i phyir/ /brtan pa byang chub don du sems bsgyur ro/ /'jig rten thams cad ma lus shes byed cing / /ji ltar 'gro </font><hr>Ka372b<br><font size=+1>


kun zhi zhes ston 'gyur bar/ /lce yangs khong du chud par bya ba'i phyir/ /brtan pa byang chub don du sems bsgyur ro/ /zhing rnams thams cad rab tu tshig pa dang / /kun nas gnas pa ma lus mthong 'gyur bar/ /rnam rtogs chos ni khong du chud bya'i phyir/ /brtan pa byang chub don du sems bsgyur ro/ /zhing rnams thams cad sangs rgyas gcig bzhin du/ /de bzhin gshegs pas ji ltar rgyas bya bar/ /rang byung chos ni rjes su rtogs bya'i phyir/ /brtan pa byang chub don du sems bsgyur ro/ /zhing rnams thams cad rdul mchog phrar glags pa/ /de snyed lus su ji ltar sprul bya bar/ /thams cad yid kyi dngos su shes bya'i phyir/ /brtan pa byang chub don du sems bsgyur ro/ /kun gzigs 'das pa ji snyed byung ba dang / /ma byon sangs rgyas de bzhin bzhugs pa rnams/ /skad cig sems kyis thams cad rtogs bya'i phyir/ /brtan pa byang chub don du sems bsgyur ro/ /tshig gcig brtsams te brjod cing bshad byas kyang / /bskal pa brjod med thams cad zad 'gyur bar/ /chos kyi rnam grangs khong du chud bya'i phyir/ /brtan pa byang chub don du sems bsgyur ro/ /phyogs bcu kun gyi 'jig rten ma lus rnams/ /'byung zhing ji ltar rjes su 'brang ba dag /sems kyi rang bzhin khong du chud bya'i phyir/ /brtan pa byang chub don du sems bsgyur ro/ /lus </font><hr>Ka373a<br><font size=+1>


@#/ /dang ngag dang de bzhin yid kyis kyang / /phyogs kun spyod tshe chags par mi 'gyur bar/ /dus gsum stong pa khong du chud bya'i phyir/ /brtan pa byang chub don du sems bsgyur ro/ /de ltar byang chub don du sems bskyed pa/ /phyogs bcu'i sangs rgyas brjod du med pa kun/ /mchod par bya la yongs su bskul bar bya/ / 'di ni phyir mi ldog gi gdams ngag go /'khor ba dag na byang chub don spyod tshe/ /byang chub sems dpa'i bde ba ji snyed pa/ /de dag de la yongs su brjod par bya/ /'di ni phyir mi ldog gi gdams ngag go /'jig rten gtso bo 'jig rten ji snyed pa/ /phyogs bcu'i tha dad tshad med yod pa rnams/ /de dag byang chub sems dpa' de la brjod/ /'di ni phyir mi ldog gi gdams ngag go /mchog gi chos dang ji snyed dam pa'i chos/ /'phrul gyi chos dang bla na med pa'i chos/ /de dag byang chub sems dpa' de la bstan/ /'di ni skyon med rnams kyi gdams ngag go /gzhan gyis mi thub ji snyed gnas yod pa/ /'jig rten kun gyis zil gyis mi non rnams/ /de la gnas par rgyal sras de brjod de/ / 'di ni phyir mi ldog gi gdams ngag go /de bzhin gshegs pa'i yon tan kun ldan pa/ /'jig rten mgon po'i bdag nyid che ba kun/ /de la byang chub sems dpa' de bzhag </font><hr>Ka373b<br><font size=+1>


ste| |'di ni skyes bu khyu mchog gdams ngag go /sangs rgyas grangs med brjod du med pa dang / /ji ltar 'grogs par 'gyur ba thams cad kyang / /byang chub sems dpa' de la brjod par bya/ /'di ni phyir mi ldog gi gdams ngag go /ting 'dzin zhi ba ji snyed gang yod pa/ /de dag gdams ngag ji snyed ma lus par/ /byang chub sems dpa' de la bstan par bya| |'di ni phyir mi ldog gi gdams ngag go /'khor ba'i 'khor lo ldog par 'gyur ba dang / /chos kyi 'khor lo 'khor bar 'gyur ba dang / /'jig rten kun gyi chags par mi 'gyur ba/ /byang chub sems dpa' de la bstan par bya/ /sems can sdug bsngal gzir ba ji snyed dang / /ji snyed ngan song gtses par gyur pa yi/ /skyabs dang mgon dang rten du 'gyur bar yang / /byang chub sems dpa' de la brjod par bya/ /rnam pa 'di 'dras rgyal sras dang po de/ /byang chub don du sems rab skyer 'gyur te/ /de ltar gdams ngag rjes su bstan par bya/ /'di ni rgyal ba rnams kyi rnam bkod pa 'o/ /de nas gnyis pa las kyi dang po pa/ /thog ma nyid du sems can thams cad la/ /sems bcu nye bar gzhog cing smon byed pa| |'di ni skyon dang bral ba'i gdams ngag go /phan pa'i sems dang de bzhin bde ba'i sems/ /snying rje'i sems dang de bzhin byams pa'i sems/ /srung ba'i sems </font><hr>Ka374a<br><font size=+1>


@#/ /dang de bzhin mnyam pa'i sems/ /slob dpon sems dang de bzhin ston pa'i sems/ /de 'dra'i sems rnams nye bar gzhag pa dang / /kha ton lung la yongs su bskul bar bya/ /mang du thos pa dgon par gnas par bskul/ /dben par gyur pas dge bshes bsnyen bkur bya/ /dge bshes gyur nas ngang bder 'gyur bar bya| |ngang tshul bde bas dus tshul shes par bya/ /dus rnams shes nas mi 'jigs 'gyur bar bya/ /mi 'jigs gyur nas don la brtson par bya/ /don shes gyur nas chos rjes shes par bya/ /chos shes gyur nas rmongs pa med par bya/ /rmongs med gyur nas legs par bshad chos la/ /rgyal sras des ni rnam par gnas par bya/ /de tsam gyis ni las kyi dang po pa/ /byang chub don zhugs byang chub sems dpa' 'o/ /gdams ngag rjes su bstan pa'ang de yin te/ /sangs rgyas sras po de ltar slob par byed/ / gang yang byang chub sems dpa' gsum brjod pa/ /chos kyi rgyal po'i gsung la shin tu brtson/ /mi rtag sdug bsngal de bzhin stong pa nyid/ /bdag med de bzhin byed pa med pa dang / /chos rnams thams cad de bzhin ro med dang / /'du byed ma yin de bzhin gnas med dang / /ched du spyod med de bzhin rtog med par/ /kun la byang chub sems </font><hr>Ka374b<br><font size=+1>


dpa' dpyod pa byed/ /de ni 'gro khams yongs su brtag pa dang / /de bzhin chos dbyings brtag par bskul bar bya/ /'jig rten khams yongs ma lus mthar thug pa/ /brtag par bya la yongs su bskul bar bya/ /sa dang me dang de bzhin chu khams dang / /de bzhin rlung dang phyogs bcu'i nam mkha' dang / /'dod pa gzugs dang de bzhin gzugs med pa/ / brtag par bya la yongs su bskul bar bya/ /khams rnams yangs pa de bzhin kun rtog cing / /khams kyi rang bzhin ma lus mthar phyin pas/ /byang chub sems dpa' rab tu brtson byed pa| |des na der 'gyur gdams ngag de yin no/ /cher skyes pa yi byang chub sems dpa' ni/ /'phags pa'i gsung rab 'di las skyes pa ste/ /dngos po rang bzhin med rtogs dran pa can/ /chos kyi rjes byung rigs ldan legs par skyes/ /de yi gnas las phyir ldog mi 'gyur te/ /sangs rgyas rnams la shin tu mos pa yin/ /chos rnams de bzhin nges par rtogs pa ste/ /sems can rang bzhin med par rnam par bsgoms/ /chos dang 'jig rten de bzhin zhing rnams dang / /rnam smin 'khor ba de bzhin mya ngan 'das/ /rnam bsgoms rgyal sras de ltar cher skyes pa/ /thugs las byung ba'i sangs rgyas sras zhes bya/ /'das dang ma byon da ltar byung ba yi/ /sangs rgyas chos rnams rnam par bsgoms pa'i </font><hr>Ka375a<br><font size=+1>


@#/ /phyir| |yongs su bsdu ba ci 'dra mthar thug pa/ /de ltar de dag 'grub par 'gyur ba dang / /sangs rgyas thams cad mnyam pa nyid rtogs shing / / dus gsum mnyam pa nyid kyi rjes song bas/ /mnyam pa nyid la sna tshogs mi dmigs shing / /dus gsum kun la tha dad med par 'jug /de tsam gyis ni rgyal sras bzhi pa ste| |de yi bsngags pa rnam pa de 'dra 'o/ /de ltar 'di la nan tan bsgrubs byas shing / /byang chub sems dpa' byang chub mchog tu 'byung / /de las gzhan yang rgyal sras lnga pa ni| |sbyor ba phun sum tshogs zhes brjod pa ste/ /thabs mkhas tshul la rjes su zhugs gyur cing / /bsod nams las rnams brtsams pa'i mthar phyin byed/ /'jig rten dag na bsod nams gang byed kyang / /sems can kun gyi skyabs su 'gyur ba dang / /phan tshol de bzhin bde ba skyed pa dang / /snying brtse skye rgu 'grol bar 'gyur ba dang / /'jig rten rnams kyi gtse ba bsal ba dang / /dran zhing de bzhin dang bar bya ba dang / /sems can mang po thams cad gdul mos shing / /mya ngan 'das pa'i sems kyi mthu yang che/ / sems can thams cad kun tu mtha' yas dang / /de bzhin tshad med grangs las 'das pa dang / /bsam gyis mi khyab gzhal med dpag med pa/ /de 'dra'i chos rnams de la </font><hr>Ka375b<br><font size=+1>


brjod par bya/ /de tsam gyis na rgyal sras lnga pa ste/ /sbyor ba phun sum tshogs pa snying rje can/ /de yi gdams ngag tshul ni de 'dra ste/ /yon tan thams cad mnga' bas bstan pa yin| |gang yang bsam pa phun sum tshogs bya'i phyir/ /chos kyi ngo bo nyid kyis rmongs med cing / /rnam rtog rtog bral dran dang ldan pa de/ /lhar bcas 'jig rten kun gyis bslu mi nus| |sangs rgyas chos dang de bzhin rgyal sras dang / /spyod pas bsngags sam rnam par smad kyang rung / /sems can nyung zhe'am 'on tam mang ngo zhes/ /thos par gyur kyang bsam pa zhum mi 'gyur/ /sems can nyon mongs nyon mongs med ce'am/ /gdul sla 'on tam shin tu gdul dka' dang / /chos kyi dbyings de chung ngam rgya che dang / /kun nas 'grub 'gyur rnam par 'jig ce 'am/ /chos dbyings de ni yod dam med ce yang / /byang chub sems dpa' thos gyur dus gsum tshul/ /nges par rtogs byed thams cad rnam rtog cing / /sangs rgyas chos la bsam pa shin tu nges/ /mtshan ma med dang mtshan nyid med pa dang / /dngos nyid yod min rdzun dang bden pa dang / /sgyu ma rmi lam mi rtog rang bzhin med/ /'di 'dra'i chos tshol de dag nyan pa byed/ /phyir mi ldog pa'i byang chub sems dpa' ni/ /sangs rgyas chos dang de bzhin rgyal sras dang / /spyod pa yod med rtag </font><hr>Ka376a<br><font size=+1>


@#/ /tu rnam par bsgoms/ /'byung ngam mi 'byung zhe na'ang phyir mi ldog /de bzhin gshegs pa 'das she'am ma 'das dang / /ma byon to zhe'am ma byon ma yin dang / /skyes so ma skyes zad 'gyur zad mi 'gyur/ /de bzhin mtshan gcig tha dad mtshan de bzhin/ /gcig pa rnam pa tha dad mang po dang / /don dang de bzhin yi ge'i dngos rnams dang / /thams cad phan tshun yongs su 'dzud byad pa/ /mi ldog byang chub sems dpa' bstan par bya/ /mtshan ma med la mtshan ma yod pa dang / /mtshan nyid med la mtshan gyis dmigs pa dang / /rnam phye phan tshun yongs su sbyar ba rnams/ /thos nas 'di la mthar thug 'jug pa byed/ /gzhan yang byang chub sems dpa' gzhon gyur pa/ /lus dang ngag dang de bzhin yid kun gyis/ /kha na ma thor 'gyur pa nam yang med/ /ci 'dod tshul bzhin de ni skye bar byed/ /gzhan gyi bsam pa ji bzhin rab tu shes/ /de dag mos pa yongs su rtogs par byed/ /phyogs rnams gang du yid kyis smon byed pa/ /kun tu mngon shes myur ba yid bzhin 'thob/ /bde bar gshegs pas bsngags pa'i chos thos shing / /de la zhum pa skyed pa gang yang med/ /zhing rnams yongs su bskyod pa shes pa dang / /de bzhin byin rlabs rnam par rgyu ba dang / /sangs rgyas zhing rnams yongs su </font><hr>Ka376b<br><font size=+1>


mnan pa dang / /grangs med kun tu 'gro ba brjod par bya/ /grangs med chos rnams yongs su 'dri ba dang / /ci nas yid kyi rang bzhin lus 'gyur zhing / /dbyangs kyi rnam pa shin tu yangs 'gyur dang / /sems gcig sangs rgyas grangs med bsnyen bkur brjod/ /byang chub sems dpa' rgyal tshab brjod pa ni/ /sems can rnams kyi skye ba rab tu shes| |nyon mongs rgyud dang rnam par rgyu ba shes/ /de 'dra'i spyod yul de 'dra'i sbyor ba can/ /chos kyi rgyud mang rnam pa tha dad dang / /sngon mtha' phyi mtha' 'jig rten rnam phye dang / /brda yi bden pa don dam bden pa dang / /ma lus rtogs par bya ba la mkhas pa yin/ /de yi rgyal po'i gnas la mkhas par bskul/ /der yang ji ltar yongs su spyad bya dang / /'gro bar bya dang gnas par bya ba dang / /rgyal po'i gnas su ji ltar rnam spyad brjod/ /de la chos kyi rgyal po'i dbang bskur dang / /byin gyis brlabs dang de bzhin mthu chen dang / /chos su gnas dang 'gro bar bya ba dag /brjod par bya ste rgyal tshab de 'dra yin/ /de tsam gyis na de yi mthar thug ste/ /gdams ngag des kyang rlom sems byed pa med/ /khong du chud byed dran ldan rgyal tshab de/ /rgyal ba kun gyi drung na slob par byed/ /bde gshegs sras po gtso bor dbang bskur ba/ /thu bo mchog dang dam par </font><hr>Ka377a<br><font size=+1>


@#/ /gyur pa ni/ /'jig rten khams mang grangs med bskyod pa dang / /yongs su snang bar bya ba'i sems kyang mang / /byin gyis brlabs dang yongs su 'da' bya dang / /yongs su sbyangs pa'i sems kyang rab tu mang / /grangs med 'jig rten shes par bya ba dang / /dbang po phun ldan rnam par dpyad la mkhas/ /de dag gzud cing rnam par gdul ba dang / /thams cad mkhyen gyi sems kyang shin tu mang / /zhing mang brjod du med par 'gro byas shing / /dam chos khams rnams ma lus rnam par dpyod/ /de yi lus dang lus kyi las rnams dang / /rdzu 'phrul bstan pa'ang shes par mi nus te/ /dus gsum shin tu rgyal ba'i sems dag kyang / /rgyal tshab gyur pa'i bar gyis shes mi nus/ /de la thams cad gzigs pas dus gsum dang / /sangs rgyas chos shes chags med de bzhin brjod/ /chos dbyings mtha' yas mtha' dang dbus med pa/ /rgyas par 'gengs par bde gshegs brjod pa mdzad/ /ci nas 'jig rten khams kun ma lus par/ /yongs su snang byed byin gyis rlob pa dang / /sems can chos rnams de bzhin ma lus dang / /sangs rgyas mtha' yas de bzhin brjod pa'i mdzad/ /rgyal sras brtan pa rnam pa bcur bgrangs pa/ /rnam par dgod la gnas pa de </font><hr>Ka377b<br><font size=+1>


dag kun/ /rang rang spyod yul rab tu brtson byed pa/ /'jig rten lhar bcas kun gyis shes par dka'/ /'on kyang dang por sems bskyed mtha' yas pa/ /phyogs bcu ma lus thams cad rgyas par bya/ /dus gsum kun tu gang tshe sems gtong ba/ /de tshe thams cad mkhyen pa kun gzigs 'gyur/ /zhing rnams kun la mu mtha' yod ba min// sems can chos dang 'jig rten kun de bzhin/ /las dang nyon mongs gnas kyang mtha' yas te/ /byang chub sems rab de la gnas pa yin/ /skad cig sems la byang chub gzhol ba'i sems/ /gang skyes 'jig rten kun gyis shes mi nus/ /rang rgyal rnams dang nyan thos kun gyis min/ /de nas gong du spyod pa ji skad brjod/ /gang zhig phyogs bcu'i 'jig rten khams kyi rnams/ /spu gcig srang la tshad du 'jal byed pa/ /des ni byang chub sems dpa'i spyod pa shes/ /'on kyang sangs rgyas ye shes yongs su tshol/ /phyogs bcu'i rgya mtsho ji snyed yod pa kun/ /spu rtse'i thigs kyis yongs 'jal shes byed pa/ /de ni rgyal sras spyod pa 'di 'dra dag /sems kyi skad cig gcig la sgrub par byed/ /ji ltar zhing rnams rdul rab phrar glags shing / /sems can la la ma lus bgrang byed de/ /'di snyed yod ces grangs su gcod byed pa/ /de 'drar rgyal sras spyod pa brjod pa'o/ /'das </font><hr>Ka378a<br><font size=+1>


@#/ /pa'i sangs rgyas de bzhin ma byon dang / /gang rnams phyogs bcur byung bar gyur pa dang / /rang rgyal de bzhin nyan thos rab mang bar/ /rnam par dmigs shing byang chub sems skye'o/ /sems can khams rnams ma lus rgyas bkang zhing / /byang chub don du thog mar sems bskyed pa/ /de yang bgrang bar nus pa ma yin na/ /de las gong du ci zhig smos kyang dgos/ /shin tu rgyas pa chen po'i mdo/ sangs rgyas phal po che zhes bya ba las/ byang chub sems dpa'i rnam par dgod pa bcu bstan pa'i le'u ste| nyi shu pa'o// // </font><hr>Kha1b<br><font size=+1>


@##/ /shin tu rgyas pa chen po'i mdo/ sangs rgyas phal po che zhes bya ba/ bam po nyi shu gnyis pa/ de nas lha'i bu dran pa dang ldan pas byang chub sems dpa' chos kyi blo gros la 'di skad ces smras so/ /kye rgyal ba'i sras/ 'jig rten gyi khams thams cad na byang chub sems dpa' 'phags pa'i gsung rab la khyim nas khyim med par rab tu byung </font><hr>Kha2a<br><font size=+1>


@#/ /zhing ngur smrig gi gos 'chang ba de dag gis tshangs pa'i spyod pa yongs su dag pa gang gis byang chub sems dpa' rnam par dgod pa 'di dag las 'das te myur du bla na med pa yang dag par rdzogs pa'i byang chub tu 'byung bar 'gyur ba de ji ltar yid la bya/ de skad ces smras pa dang| byang chub sems dpa' chos kyi blo gros kyis lha'i bu dran pa dang ldan pa la 'di skad ces smras so/ /kye rgyal ba'i sras/ de bas na| byang chub sems dpa'i theg pa la yang dag par zhugs pa rnams kyis dmigs pa bcu rnam par </font><hr>Kha2b<br><font size=+1>


bsgoms te gong du chos bcu yid la bya'o/ /dmigs pa bcu rnam par bsgoms pa gang zhe na/ 'di lta ste/ lus dang lus kyi las dang / ngag dang ngag kyi las dang / yid dang yid kyi las dang / sangs rgyas dang / chos dang / dge 'dun dang / bslab pa yang dag par blang ba dag ste/ ci/ tshangs pa'i spyod pa de lus sam/ de ste tshangs pa'i spyod pa de lus yin na ni/ tshangs pa'i spyod pa mi gtsang bar 'gyur/ tshangs pa'i spyod pa chos ma yin par 'gyur/ tshangs pa'i spyod pa 'khrugs par 'gyur/ tshangs pa'i spyod pa dri nga bar 'gyur/ tshangs pa'i spyod pa gtsang ba ma yin par 'gyur/ tshangs pa'i spyod pa smad par 'gyur/ tshangs pa'i spyod pa mi mthun par 'gyur/ tshangs pa'i spyod pa kun nas nyon mongs par 'gyur/ tshangs pa'i spyod pa keng rus su 'gyur/ tshangs pa'i spyod pa srin gyi tshang du 'gyur ro/ /de ste lus kyi </font><hr>Kha3a<br><font size=+1>


@#/ /las tshangs pa'i spyod pa yin na ni/ nyal ba tshangs pa'i spyod par 'gyur/ 'dug pa tshangs pa'i spyod par 'gyur/ 'greng ba tshangs pa'i spyod par 'gyur/ 'gro ba tshangs pa'i spyod par 'gyur/ bltas pa tshangs pa'i spyod par 'gyur/ rnam par bltas pa tshangs pa'i spyod par 'gyur/ bskum pa tshangs pa'i spyod par 'gyur/ brkyang ba tshangs pa'i spyod par 'gyur/ 'khor ba tshangs pa'i spyod par 'gyur/ 'gres pa tshangs pa'i spyod par 'gyur ro/ /de ste ngag tshangs pa'i spyod pa yin na ni/ dbyangs tshangs pa'i spyod par 'gyur/ nga ro tshangs pa'i spyod par 'gyur/ brjod pa tshangs pa'i spyod bar 'gyur/ smra ba tshangs pa'i spyod par 'gyur/ smros pa tshangs pa'i spyod par 'gyur| thong gnas rtsol ba tshangs pa'i spyod par 'gyur/ lce bsgyur ba tshangs pa'i spyod par 'gyur/ mchu sbyar ba tshangs pa'i spyod par 'gyur/ </font><hr>Kha3b<br><font size=+1>


tshig sbyar ba tshangs pa'i spyod par 'gyur ro/ /de ste ngag gi las tshangs pa'i spyod pa yin na ni/ /brjod pa tshangs pa'i spyod par 'gyur/ brdar byas pa tshangs pa'i spyod par 'gyur/ shin tu bstan pa tshangs pa'i spyod par 'gyur/ bstan pas rnam par bstan pa tshangs pa'i spyod par 'gyur/ legs par brjod pa tshangs pa'i spyod par 'gyur/ ngan du brjod pa tshangs pa'i spyod par 'gyur/ rnam par gdags pa tshangs pa'i spyod par 'gyur/ rnam par spyod pa tshangs pa'i spyod par 'gyur/ yongs su smos pa tshangs pa'i spyod par 'gyur ro/ /de ste yid tshangs pa'i spyod pa yin na ni/ dpyod pa tshangs pa'i spyod par 'gyur/ rnam par dpyod pa tshangs pa'i spyod par 'gyur/ rtog pa tshangs pa'i spyod par 'gyur/ rnam par rtog pa tshangs pa'i spyod par 'gyur/ dran pa tshangs pa'i spyod par 'gyur/ phyir dran pa tshangs pa'i spyod par 'gyur/ sems pa tshangs pa'i spyod par 'gyur/ rnam par sems pa tshangs pa'i spyod par 'gyur/ sgyu ma tshangs pa'i spyod par 'gyur/ rmi lam tshangs pa'i spyod par 'gyur ro/ /de ste yid kyi las tshangs pa'i spyod pa yin na ni/ 'du shes tshangs pa'i spyod par 'gyur/ yid la byed pa tshangs pa'i spyod par 'gyur/ grang ba tshangs pa'i spyod par 'gyur/ dro ba tshangs pa'i spyod par 'gyur/ bde ba tshangs pa'i spyod par </font><hr>Kha4a<br><font size=+1>


@#/ /'gyur| sdug bsngal tshangs pa'i spyod par 'gyur/ bkres pa changs pa'i spyod par 'gyur/ skom pa tshangs pa'i spyod par 'gyur/ dga' ba tshangs pa'i spyod par 'gyur/ zhum pa tshangs pa'i spyod par 'gyur ro/ /de ste sangs rgyas tshangs pa'i spyod pa yin na ni/ gzugs sangs rgyas sam/ 'on tam tshor ba sangs rgyas sam| 'du shes sangs rgyas sam/ 'du byed sangs rgyas sam/ rnam par shes pa sangs rgyas sam/ mtshan rnams sangs rgyas sam/ mngon par shes pa sangs rgyas sam/ las sangs rgyas sam/ 'on te rnam par smin pa sangs rgyas sam/ de ste legs par bshad pa'i chos nyid tshangs par spyod pa'i gnas yin na ni/ 'gog pa gnas su 'gyur ro/ /mya ngan las 'das pa gnas su 'gyur ro/ /bral ba gnas su 'gyur ro/ /ma skyes pa gnas su 'gyur ro/ /ma byung ba gnas su 'gyur ro// grags pa med pa gnas su 'gyur ro/ /rtog pa med pa gnas su 'gyur ro/ /rgyu ba med pa gnas su 'gyur ro/ /phrad pa med pa'i gnas ni/ tshangs pa'i gnas su 'gyur ro/ /de ste dge 'dun sdom pa'i nan tan can tshangs pa'i spyod pa yin na ni/ rgyun du zhugs pa'i 'bras bu'i phyir dge 'dun nam/ 'on tam rgyun du zhugs </font><hr>Kha4b<br><font size=+1>


pa'i 'bras bu dge 'dun/ lan gcig phyir 'ong ba'i 'bras bu'i phyir dge 'dun nam/ 'on tam lan gcig phyir 'od ba'i 'bras bu dge 'dun/ phyir mi 'ong ba'i 'bras bu'i phyir dge 'dun nam/ 'on tam phyir mi 'ong ba'i 'bras bu dge 'dun/ dgra bcom pa'i 'bras bu'i phyir dge 'dun nam/ 'on tam dgra bcom pa'i 'bras bu dge 'dun/ gsum rig pa nyid dge 'dun nam/ drug mngon par shes pa dge 'dun nam/ 'on tam khong du chud par nan tan du byed pa tshangs pa'i spyod pa/ de ste bslab pa yang dag par blangs pa tshangs pa'i spyod pa yin na ni/ tha dad du gnas pa bslab pa yang dag par blang ba'am/ yongs su dag pa bslab pa yang dag par blang ba'am/ slob dpon gyi tshig bslab pa yang dag par blang ba'am/ lan gsum du bzlas pa bslab pa yang dag par blang ba'am/ mkhan po bslab pa yang dag par blang ba'am/ skra bregs pa dang / ngur smrig gi gos 'chang ba bslab pa yang dag par blang ba'am/ slong mos 'tsho ba bslab pa yang dag par blang ba'am/ 'on tam de dag tshangs pa'i spyod pa'am zhes de ltar chos de dag la rnam par sgom na/ bdag gi lus la mngon par chags pa med pa dang / sgom pa la zhen pa med pa dang / chos </font><hr>Kha5a<br><font size=+1>


@#/ /rnams gnas pa med pa dang / 'das pa rgyu ba med pa dang / ma 'ongs pa ma phyin pa dang / da ltar byung ba stong pa dang / las la byed pa med pa dang / rnam par smin pa la tshor ba med pa dang / 'jig rten 'di 'phos pa med pa dang / 'jig rten pha rol chud mi za ba'i phyir tshangs pa'i spyod pa zhes bya ba'i chos de gang yin/ de gang las byung / de su'i/ de ci zhig/ de sus byas/ de yod dam/ de med dam/ de gzugs sam/ de gzugs ma yin nam/ de tshor ba'am/ de tshor ba ma yin nam| de 'du shes sam/ de 'du shes ma yin nam/ de 'du byed dam/ de 'du byed ma yin nam/ de rnam par shes pa'am/ de rnam par shes pa ma yin nam/ tshangs par spyod pa'i chos de gang zhig ces de ltar mi dmigs shing dus gsum mnyam pa nyid du nam mkha' yongs su rgyas par bya ba dang / chags pa med par yid la bya ba dang / sems la bsgribs pa med pa dang / gnyis su med par shin tu spyod pa dang / bsgribs pa med pa'i sbyor ba dang / mtshan ma med pa'i chos gzung ba dang / mtshan nyid med pa'i chos rab tu shes pa dang / sangs rgyas kyi chos mnyam pa nyid dang / sangs rgyas kyi chos thams cad la yang dag par sems pas tshangs </font><hr>Kha5b<br><font size=+1>


pa'i spyod pa yongs su dag par yid la bya'o/ /gong du yang chos bcu dang ldan pas yid la bya ste/ bcu gang zhe na/ 'di lta ste/ gnas dang gnas ma yin pa shes pa dang / 'das pa dang / ma 'ongs pa dang / da ltar byung ba'i las dang / rnam par smin pa shes pa dang ldan pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang / rnam par ldang ba shes pa dang ldan pa dang / dbang po dang / brtson 'grus tha dad pa dang / yongs su rdzogs pa mchog dang / tha ma shes pa dang ldan pa dang / mos pa tha dad pa dang / mos pa du ma shes pa dang ldan pa dang / khams tha dad pa dang / khams du ma shes pa dang ldan pa dang / thams cad du 'gro ba'i lam shes pa dang ldan pa dang / lha'i mig thogs pa med pa dang ldan pa dang / bsgribs pa med pa rjes su dran pa shes pa dang ldan pa dang / bag chags kyi mtshams sbyor ba yang dag par gcad pa shes pa dang ldan pa ste/ de bzhin gshegs pa'i stobs re re la yang rnam par dbye ba shin tu rgya che bar khong du chud par bya'o/ /thams cad kyang tshad med par blta bar bya'o/ /thos nas kyang snying rje chen po la bstan par bya'o/ /sems can rnam par sgom pa yang mi gtang bar bya'o/ / </font><hr>Kha6a<br><font size=+1>


@#/ /chos la shin tu brtag pa yang mi gzhig par bya'o/ /bla na med pa'i chos la yang dag pa'i yi dam yang shin tu brtsam par bya'o/ /rnam par smin pa la yang re ba med par bya'o/ /sgyu ma'i rang bzhin yang rjes su rtogs par bya'o/ /rmi lam gyi rang bzhin du yang yang dag par spyad par bya'o/ /mig yor gyi rang bzhin dang yang tha mi dad par bya'o/ /sgra brnyan gyi rang bzhin yang spyod yul du bya'o/ /sprul pa'i rang bzhin du yang mos par bya ste/ de de ltar zhugs pas nyon mongs pa chung bar sangs rgyas kyi chos thams cad kyang mngon du 'gyur ro/ /des chos de dag gnyis su med par rtogs pas sems dang po bskyed pa nyid kyis bla na med pa yang dag par rdzogs pa'i byang chub tu mngon par 'tshang rgya ba'i gnas yod do/ chos thams cad sems kyi rang bzhin du shes pas gzhan gyi dring mi 'jog par shes rab kyi phung po dang yang ldan par 'gyur ro/ /shin tu rgyas pa chen po'i mdo/ /sangs rgyas phal po che zhes bya ba las tshangs par spyod pa'i le'u zhes bya ste/ nyi shu rtsa gcig pa'o|| //de nas lha'i dbang po brgya byin gyis byang chub sems dpa' chos kyi blo gros la 'di skad ces smras so/ /kye rgyal ba'i sras/ bsod nams kyi phung po ji tsam </font><hr>Kha6b<br><font size=+1>


zhig dang ldan na/ sems dang po bskyed pa'i byang chub sems dbar 'gyur/ de skad ces smras pa dang / byang chub sems dpa' chos kyi blo gros kyis lha'i dbang po brgya byin la 'di skad ces smras so/ /kye rgyal ba'i sras/ gnas 'di ni/ yid ches par shin tu dka' ste/ shes par dka'/ brtag par dka'/ mngon par dad par dka'/ shin tu rtogs par dka'/ kun nas sgrub par dka'/ yang dag par spyad par dka'/ brjod par dka'/ bskyed par dka'/ brgal bar dka'/ khong du chud par dka'/ 'on kyang ci tshul du sangs rgyas kyi mthus bshad par bya'o/ /kye rgyal ba'i sras/ de la ji snyam du sems/ gang shar phyogs kyi 'jig rten gyi khams grangs med par gtogs pa'i sems can de dag la la zhig gis bskal par bde ba'i yo byad thams cad kyis rim gror byas te bslab pa'i tshig lnga po dag kyang 'dzin du btsud par gyur la/ de bzhin du lho phyogs dang / nub phyogs dang / byang phyogs dang / de bzhin du byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi 'jig rten gyi khams grangs med par </font><hr>Kha7a<br><font size=+1>


@#/ /gtogs pa'i sems can rnams kyang bskal par bde ba'i yo byad thams cad kyis rim gror byas te bslab pa'i tshig lnga po dag kyang 'dzin du btsud na/ rgyal ba'i sras/ de la ji snyam du sems/ de'i rgyus bsod nams mang du 'phel lam/ de skad ces smras pa dang / lha'i dbang po brgya byin gyis byang chub sems dpa' chos kyi blo gros la 'di skad ces smras so/ /kye rgyal ba'i sras/ bsod nams 'di ni/ sangs rgyas bcom ldan 'das rnams ma gtogs par gzhan gyis shes par mi nus so/ /smras pa/ kye rgyal ba'i sras/ byang chub sems dpa' sems dpa' chen po sems dang po bskyed pa'i bsod nams kyi phung po la ni| de dag gi bsod nams snga ma des brgya'i char yang nye bar mi 'gro/ stong gi char yang nye bar mi 'gro /brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya'i cha dang / bye ba khrag khrig stong gi cha dang / bye ba khrag khrig brgya stong gi char yang nye bar mi 'gro/ grangs dang / cha dang / bgrang ba dang / dpe dang / rgyur yang nye bar mi 'gro'o/ /kye rgyal ba'i sras/ dpe snga ma dag lta zhog gi/ kye rgyal ba'i sras/ phyogs bcu'i </font><hr>Kha7b<br><font size=+1>


'jig rten gyi khams grangs med par gtogs pa'i sems can ji snyed pa de dag bskal pa brgyar bde ba'i yo byad thams cad kyis rim gror byas te dge ba bcu'i las kyi lam rnams la yang dag par sbyar bar gyur la/ gzhung de bzhin du bskal pa stong du bde ba'i yo byad thams cad kyis rim gror byas te bsam gtan bzhi la rab tu bkod pa dang / bskal pa brgya phrag stong du bde ba'i yo byad thams cad kyis rim gror byas te tshangs pa'i rnam par spyod pa bzhi la rab tu bkod pa dang / bskal pa bye bar bde ba'i yo byad thams cad kyis rim gror byas te gzugs med pa'i snyoms par 'jug pa bzhi la rab tu bkod par gyur pa dang / bskal pa bye bar bde ba'i yo byad thams cad kyis rim gror byas te rgyun du zhugs pa'i 'bras bu la rab tu bkod pa dang / bskal pa bye ba stong du bde ba'i yo byad thams cad kyis rim gror byas te lan gcig phyir 'ong ba'i 'bras bu la rab tu bkod pa dang / bskal pa bya ba brgya stong du bde ba'i yo byad thams cad kyis rim gror byas te phyir mi 'ong ba'i 'bras bu la rab tu bkod pa dang / bskal pa bye ba khrag khrig tu bde ba'i yo byad thams cad kyis rim gror byas te dgra bcom pa la rab tu bkod pa dang / bskal pa bye ba khrag khrig brgya stong du bde ba'i yo byad </font><hr>Kha8a<br><font size=+1>


@#/ /thams cad kyis rim gror byas te rang sangs rgyas kyi byang chub la rab tu bzhag par gyur na/ kye rgyal ba'i sras/ de la ji snyam du sems/ de'i rgyus bsod nams mang du 'phel lam/ lha'i dbang po brgya byin gyis smras pa/ kye rgyal ba'i sras/ de ni/ sangs rgyas bcom ldan 'das kyis mkhyen to/ /byang chub sems dpa' chos kyi blo gros kyis smras pa/ kye rgyal ba'i sras/ byang chub sems dpa' sems dang po bskyed pa'i bsod nams kyi phung po de la bsod nams kyi phung po snga ma des brgya'i char yang nye bar mi 'gro'o/ /stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ kye rgyal ba'i sras/ gang 'di phyogs bcu'i 'jig rten gyi khams grangs med par gtogs pa'i sems can bskal pa bye ba khrag khrig brgya stong du bde ba'i yo byad thams cad kyis rim gror byas shing bslab pa'i tshig lnga la bzhag pa dang / dge ba bcu'i las kyi lam la yang dag par sbyar ba dang / bsam gtan bzhi la rab tu dgod pa dang / tshangs pa'i rnam par spyod pa bzhi dang / gzugs med pa'i snyoms </font><hr>Kha8b<br><font size=+1>


par 'jug pa bzhi dang / rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas kyi byang chub la rab tu dgod pa de tsam gyis ni/ sangs rgyas su mi 'gyur te/ de ni/ 'di ltar de bzhin gshegs pa'i rigs rgyun mi gcad pa'i phyir sems skye'o/ /'jig rten gyi khams thams cad ma lus par khyab par bya ba'i phyir sems skye'o/ /'jig rten gyi khams thams cad du gtogs pa'i sems can thams cad yang dag par bsgral ba'i phyir sems skye'o/ /'jig rten gyi khams thams cad 'du ba dang / 'jig pa yongs su shes par bya ba'i phyir sems skye'o/ /'jig rten gyi khams thams cad du gtogs pa'i sems can rnams kyi kun nas nyon mongs pa dang / rnam par byang ba yongs su shes par bya ba'i phyir sems skye'o/ /'jig rten gyi khams thams cad kyi rang bzhin yongs su dag pa yongs su shes par bya ba'i phyir sems skye'o/ /sems can thams cad kyi bsam pa dang / bag la nyal dang / bag chags kyi mtshams sbyor ba yongs su shes par bya ba'i phyir sems skye'o/ /sems can thams cad kyi 'chi 'pho dang / /skye ba yongs su shes par bya ba'i phyir sems skye'o/ /sems can thams cad kyi dbang po dang / sbyor ba </font><hr>Kha9a<br><font size=+1>


@#/ /yongs su shes par bya ba'i phyir sems skye'o/ /sems can thams cad kyi sems dang / spyod pa yongs su shes par bya ba'i phyir sems skye'o/ / sems can thams cad kyi dus gsum gyi shes pa yongs su shes par bya ba'i phyir sems skye'o/ /byang chub sems dpa' rnams kyi sems bskyed pa de ni/ 'di ltar sangs rgyas thams cad dang yul mnyam pa nyid du bya ba'i phyir sems skye'o/ /kye rgyal ba'i sras/ dpe snga ma dag lta zhog gi /kye rgyal ba'i sras/ 'di la skyes bu la la zhig byung ste/ de sems bskyed pa gcig gis shar phyogs su 'jig rten gyi khams grangs med pa 'da' la/ sems bskyed pa de dang 'dra bas shar phyogs su bskal pa grangs med pa zad zad du 'das pa byas kyang shar phyogs kyi 'jig rten gyi khams gcig nas gcig tu brgyud pa zad par ma zung nas de'i 'og tu skyes bu gnyis pa zhig byung ste/ skyes bu snga ma des bskal pa grangs med pa 'das pa snyed sems bskyed pa gcig gis 'das te/ de'i 'og tu skyes bu gsum pa zhig byung ste/ skyes bu snga ma de gnyis kyis bskal pa grangs med pa gnyis kyis 'das pa de dag sems bskyed pa gcig gis 'das te/ de'i 'og tu skyes bu bzhi pa zhig byung nas snga ma </font><hr>Kha9b<br><font size=+1>


gsum gyis 'jig rten gyi khams grangs med par 'das pa de dag sems bskyed pa gcig gis 'das la/ de'i 'og tu skyes bu lnga pa zhig byung ste/ skyes bu snga ma bzhis bskal pa grangs med par 'das pa de dag sems bskyed pa gcig gis 'das nas de'i 'og tu skyes bu drug pa zhig byung ste/ skyes bu snga ma rnams kyis bskal pa grangs med par 'das pa de dag sems bskyed pa gcig gis 'das te/ de'i 'og tu skyes bu bdun pa zhig skyes la/ skyes bu snga ma drug gis bskal pa grangs med par 'das pa de dag sems bskyed pa gcig gis 'das te/ de'i 'og tu skyes bu brgyad pa zhig skyes te/ skyes bu snga ma bdun gyis bskal pa grangs med par 'das pa de dag sems bskyed pa gcig gis 'das la/ de'i 'og tu skyes bu dgu pa zhig byung ste/ skyes bu snga ma brgyad kyis bskal pa grangs med par 'das pa de dag sems bskyed pa gcig gis 'das par byas te| de'i 'og tu skyes bu bcu pa zhig byung nas skyes bu snga ma dgus bskal pa grangs med par 'das pa de dag sems bskyed pa gcig gis 'das la/ sems bskyed pa de lta bus 'da' bas shar phyogs logs su bskal pa grangs med par bgrod kyang shar phyogs kyi 'jig rten gyi khams gcig nas gcig tu brgyud pa'i mtha' ni/ shes par </font><hr>Kha10a<br><font size=+1>


@#/ /mi rung ngo / /shar phyogs su ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang / steng gi phyogs rnams bcu po thams cad du yang de bzhin du rgya cher sbyar te/ skyes bu de dag gis phyogs bcur ji snyed du 'das pa de dag skyes bu re rer phyogs bcur rnam par dgod pas sems bskyed pa gcig gis bskal pa grangs med pa 'da' ba'i tshul du bskal pa grangs med par 'das pa de dag skyes bu brgya dag gis 'jig rten gyi khams yongs su dgod pa'i tshul du phyogs bcur 'jig rten gyi khams gcig nas gcig tu brgyud pa ni/ mthar rnyed par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni/ mtha' med do/ /de ci'i phyir zhe na/ kye rgyal ba'i sras/ byang chub sems dpa' rnams kyi sems skye ba ni/ 'jig rten gyi khams gcig tu 'gro ba'am/ grangs yongs su shes pas bla na med pa yang dag par rdzogs pa'i byang chub tu skye ba ma yin gyi/ 'di ltar phyogs bcu tshad med par yongs su shes nas </font><hr>Kha10b<br><font size=+1>


byang chub sems dpa' rnams kyi sems skyes te/ 'di ltar 'jig rten gyi khams phra ba yangs par yongs su shes pa dang / 'jig rten gyi khams yangs pa phra bar yongs su shes pa dang / 'jig rten gyi khams snrel zhi 'jig rten gyi khams spyi'u tshugs su rgyu bar yongs su shes pa dang / 'jig rten gyi khams spyi'u tshugs su rgyu ba 'jig rten gyi khams snrel zhing yongs su shes pa dang / 'jig rten gyi khams chung ngu 'jig rten gyi khams chen por yongs su shes pa dang / 'jig rten gyi khams chen po 'jig rten gyi khams chung ngur yongs su shes pa dang / 'jig rten gyi khams yangs pa 'jig rten gyi khams dog par yongs su shes pa dang / 'jig rten gyi khams dog pa 'jig rten gyi khams yangs par yongs su shes pa dang / 'jig rten gyi khams gcig 'jig rten gyi khams brjod du med par yongs su shes pa dang / 'jig rten gyi khams brjod du med pa 'jig rten gyi khams gcig tu yongs su shes pa dang / 'jig rten gyi khams brjod du med pa 'jig rten gyi khams gcig tu gzud pa yongs su shes pa dang / 'jig rten gyi khams gcig 'jig rten gyi khams brjod du med par gzud pa yongs su shes pa dang / 'jig rten gyi khams kun nas nyon mongs pa 'jig rten gyi khams rnam par dag par yongs su </font><hr>Kha11a<br><font size=+1>


@#/ /shes pa dang / 'jig rten gyi khams rnam par dag pa 'jig rten gyi khams kun nas nyon mongs par yongs su shes pa dang / skra'i rtse mo 'jig rten gyi khams tshad med par yongs su shes pa dang / 'jig rten gyi khams tshad med pa skra'i rtse mor yongs su shes pa dang / 'jig rten gyi khams gcig 'jig rten gyi khams thams cad du sgrub par yongs su shes pa dang / 'jig rten gyi khams thams cad lus med pa'i rang bzhin du yongs su shes pa dang / 'jig rten gyi khams 'byams klas pa ma lus pa thams cad sems bskyed pa gcig gis thogs pa med par yongs su shes pas/ byang chub sems dpa' rnams kyi sems bla na med pa yang dag par rdzogs pa'i byang chub tu skye'o/ /kye rgyal ba'i sras/ 'jig rten gyi khams 'da' ba'i dpe snga ma de dag lta zhog gi /kye rgyal ba'i sras/ skyes bu la la zhig skyes par gyur te/ de'i sems bskyed pa gcig gis shar phyogs su 'du ba dang / 'jig pa'i bskal pa grangs med pa bgrang la/ sems bskyed pas bgrang ba 'di'i tshul du shar phyogs su bskal pa grangs med pa zad zad du bgrangs kyang shar phyogs kyi 'jig rten gyi khams kyi 'du ba'i bskal pa dang / 'jig pa'i bskal pa'i mtha' shes par mi rung nas de'i 'og tu </font><hr>Kha11b<br><font size=+1>


skyes bu gnyis pa zhig skyes te/ skyes bu snga ma des bskal pa grangs med par 'du ba dang / 'jig pa'i bskal pa bgrangs pa de dag thams cad skad cig gcig gis bgrangs te| de'i 'og tu skyes bu gsum pa zhig byung la skyes bu snga ma gnyis kyis bskal pa grangs med par 'du ba dang / 'jig pa bgrangs pa de dag sems bskyed pa gcig gis bgrangs te/ de'i 'og tu skyes bu bzhi pa zhig byung nas snga ma gsum gyis bskal pa grangs med par 'du ba dang / 'jig pa bgrangs pa de dag skad cig gcig gis bgrangs te| de'i 'og tu skyes bu lnga pa zhig byung nas skyes bu snga ma bzhis bskal pa grangs med par 'du ba dang / 'jig pa bgrangs pa de dag skad cig gcig gis bgrangs par gyur la| de'i 'og tu skyes bu drug pa zhig byung ste/ skyes bu snga ma lngas bskal pa grangs med par 'du ba dang / 'jig pa bgrangs pa de dag skad cig gcig gis bgrangs te| de'i 'og tu skyes bu bdun pa zhig byung nas skyes bu snga ma drug gis bskal pa grangs med par 'du ba dang / 'jig pa bgrangs pa de dag skad cig gcig gis bgrangs par gyur la| de'i 'og tu skyes bu brgyad pa zhig byung nas skyes bu snga ma bdun gyis bskal pa grangs med par 'du ba dang / 'jig pa'i bskal pa bgrangs pa de dag skad cig gcig </font><hr>Kha12a<br><font size=+1>


@#/ /gis bgrangs par gyur te/ de'i 'og tu skyes bu dgu ba zhig skyes la/ skyes bu snga ma brgyad kyis bskal pa grangs med par 'du ba dang / 'jig pa'i bskal pa bgrangs pa de dag skad cig gcig gis bgrangs te/ de'i 'og tu skyes bu bcu ba zhig byung nas skyes bu dgu po snga ma rnams kyis bskal pa grangs med par 'du ba dang / 'jig pa'i bskal pa bgrangs pa de dag skad cig gcig gis bgrangs par gyur na/ kye rgyal ba'i sras/ skyes bu de dag grangs med pa'i tshul du phyogs bcur rnam par bkod pa dang / skad cig gcig gis 'jig rten gyi khams 'du ba dang / 'jig pa grangs med pa bgrang ba'i tshul du bskal pa grangs med par bgrangs na/ 'jig rten gyi khams de dag gi 'du ba dang / 'jig pa'i bskal pa gcig nas gcig tu brgyud pa ni/ phyogs bcur mtha' thug par rung yang srid kyi/ byang chub sems dpa' sems dang po bskyed pa'i bla na med pa yang dag par rdzogs pa'i dge ba'i rtsa ba ni/ mtha' thug par mi rung ngo / /de ci'i phyir zhe na/ kye rgyal ba'i sras/ 'jig rten 'ga'i 'du ba dang / 'jig pa bgrang ba rab tu shes par bya ba'i phyir byang chub sems dpa' rnams kyi sems bla na med pa yang dag par rdzogs pa'i byang chub tu </font><hr>Kha12b<br><font size=+1>


mi skye'o| 'jig rten gyi khams ma lus pa thams cad kyi 'jig pa dang / 'du ba'i bskal pa shes par bya ba la 'jug pa'i phyir byang chub sems dpa' rnams bla na med pa yang dag par rdzogs pa'i byang chub tu sems skye ste/ 'di ltar bskal pa ring po la bskal pa thung ngur yang dag par 'jug pa shes par bya ba dang / bskal pa thung ngu la bskal pa ring bor yang dag par 'jug pa shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /bskal pa gcig la bskal pa grangs med par yang dag par 'jug pa shes par bya ba dang / bskal pa grangs med pa la bskal pa gcig tu yang dag par 'jug pa shes par bya ba dang / 'di lta ste/ sangs rgyas dang bcas pa'i bskal pa sangs rgyas med pa'i bskal par yang dag par 'jug pa shes par bya ba dang / sangs rgyas med pa'i bskal pa sangs rgyas dang bcas pa'i bskal pa yang dag par 'jug pa shes pa bya ba dang / sangs rgyas brjod du med pa'i bskal pa sangs rgyas gcig gi bskal par yang dag par 'jug pa shes par bya ba dang / sangs rgyas gcig gi bskal pa sangs rgyas brjod du med pa'i bskal par yang dag par 'jug pa shes par bya ba dang / 'di lta ste/ bskal pa rnam pa tha dad pa la bskal pa rnam pa </font><hr>Kha13a<br><font size=+1>


@#/ /tha mi dad par yang dag par 'jug pa shes par bya ba dang / bskal pa rnam pa tha mi dad pa la bskal pa rnam pa tha dad par yang dag par 'jug pa shes pa dang / bskal pa zad pa la bskal pa ma zad par yang dag par 'jug pa shes par bya ba dang / bskal pa ma zad pa la bskal pa zad par khong du chud pas yang dag par 'jug pa shes par bya ba dang / 'di lta ste/ bskal pa brjod du med pa sems bskyed pa gcig tu yang dag par 'jug pa shes par bya ba dang / sems bskyed pa gcig bskal pa brjod du med par yang dag par 'jug pa shes par bya ba dang / 'di lta ste/ bskal pa thams cad bskal pa med par rab tu 'jug pa shes par bya ba dang / bskal pa ma yin pa bskal par 'jug pa shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ / 'di lta ste/ sngon gyi mtha'i mur thug pa'i bskal pa dang / phyi ma'i mtha'i mur thug pa'i bskal pa dang / da ltar byung ba'i bskal pa dang / 'jig rten gyi khams ma lus pa thams cad kyi 'du ba dang / 'jig pa'i bskal pa sems bskyed pa gcig gis yongs su shes par bya ba'i phyir byang chub sems dpa' rnams bla na med pa yang dag </font><hr>Kha13b<br><font size=+1>


par rdzogs pa'i sangs rgyas su sems skye ste/ 'di ltar bskal pa thams cad kyi rgyus mngon par shes par bya ba'i phyir de thog mar go cha chen po mngon par sgrub bo/ /kye rgyal ba'i sras| 'jig rten gyi khams 'du ba dang / 'jig pa'i bskal pa bgrang ba'i dpe de dag lta zhog gi /kye rgyal ba'i sras/ 'di la skyes bu la la zhig skyes par gyur te/ des sems bskyed pa gcig gis 'jig rten gyi khams grangs med par gtogs pa'i sems can rnams kyi dad pa sna tshogs pa thams cad shes la/ tshul de lta bur sems bskyed pa re re zhing shes pas shar phyogs su bskal pa grangs med pa zad par byas kyang sems can rnams kyi mos pa tha dad pa gcig nas gcig tu brgyud pa'i mtha' zad par mi rung ba nas gzhung de bzhin du skyes bu bcu pa'i bar du ste/ shar phyogs su ji lta ba de bzhin du steng gi phyogs kyi bar gyi phyogs bcu thams cad du rgya cher byas na/ de dag gi mos pa tha dad pa gcig nas gcig tu brgyud pa ni/ mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni/ mthar thug par mi rung ngo / /de ci'i phyir zhe na/ kye rgyal ba'i sras/ sems can de tsam gyi mos pa tha dad pa shes par bya ba'i phyir byang chub sems dpa' rnams </font><hr>Kha14a<br><font size=+1>


@#/ /bla na med pa yang dag par rdzogs pa'i byang chub tu sems mi skye'i/ 'di ltar 'jig rten gyi khams ma lus pa thams cad du gtogs pa'i sems can rnams kyi dad pa sna tshogs mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste| mos pa mtha' dang dbus med pa la 'jug pa dang / sems can gyi mos pa tha dad pa la mkhas pa mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ sems can gcig sems can grangs med par yang dag par 'jug par bya ba'i phyir dad pa'i tshul brjod du med pa'i snang ba'i 'od kyis mos pa gcig nas gcig tu brgyud pa ma lus pa dang / 'gro ba rgya mtsho mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ 'das pa dang / ma 'ongs pa dang / da ltar byung ba'i dge ba dang mi dge ba la mos pa tshad med pa la 'jug par bya ba dang / dus gsum thams cad kyi mos pa sna tshogs kyi dbang gis yongs su shes par bya ba dang / mos pa ji lta ba bzhin du mngon </font><hr>Kha14b<br><font size=+1>


par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ skal pa mnyam pa'i mos pa dang / skal pa mi mnyam pa'i mos pa shes pa la 'jug par bya ba dang / mos pa thams cad mos pa gcig tu yang dag par 'jug pa dang / mos pa gcig mos pa thams cad dang mnyam pa nyid du mngon par 'tshang rgya bar bya ba dang / de bzhin gshegs pa'i stobs la rab tu 'jug pa'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ mos pa bla ma dang bcas pa dang / mos pa bla na med pa dang / lhag ma dang bcas pa dang / lhag ma med pa dang / mnyam pa dang / mi mnyam pa'i mos pa'i bye brag shes pa mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ gnas pa'i mos pa dang / mi gnas pa'i mos pa dang / thun mong gi mos pa dang / thun mong ma yin pa'i mos pa dang / 'dres pa dang / ma 'dres pa dang / dge ba dang / mi dge ba dang / 'jig rten pa dang / 'jig rten las 'das pa'i mos pa dang / chos thams cad kyi bye brag shin tu shes pa'i dam pa mngon par 'tshang rgya bar bya ba'i phyir byang chub sems dpa' </font><hr>Kha15a<br><font size=+1>


@#/ /rnams bla na med pa yang dag par rdzogs pa'i byang chub tu sems skye'o/ /'di lta ste/ dge ba'i mos pa dang / yangs pa'i mos pa dang / mos pa bar ma dang / tha dad pa dang / nges pa'i mos pa ma lus pa thams cad bsgribs pa med pa'i ye shes dang / chags pa med pa'i sangs rgyas kyi rnam par thar pas mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ rnam par dag pa'i mos pa dang / kun nas nyon mongs pa'i mos pa dang / yangs pa'i mos pa dang / dog pa'i mos pa dang / phra ba'i mos pa dang / rgya che ba'i mos pa dang / sems can gyi khams ma lus pa thams cad kyi mos pa'i tshul rnam pa tha dad pa la rab tu 'jug par bya ba dang / sems can gcig gi mos pa sna tshogs 'byams klas pa bcu mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ rgyud stug po'i mos pa dang / sbyor ba'i mos pa dang / yongs su brtags pa'i mos pa dang / ngang gis rjes su 'brang ba'i mos pa dang / rgyu'i tshogs dang ldan pa'i mos pa dang / rkyen gyi tshogs las byung ba'i mos pa dang / </font><hr>Kha15b<br><font size=+1>


mos pa'i dra ba ma lus pa thams cad mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /kye rgyal ba'i sras/ mos pa sna tshogs kyi dpe tha dad pa snga ma de dag lta zhog gi /kye rgyal ba'i sras/ 'di la skyes bu la la zhig skyes par gyur te/ de'i sems gcig bskyed pas 'jig rten gyi khams grangs med par gtogs pa'i sems can rnams kyi dbang po sna tshogs rab tu shes par gyur la/ de lta bu'i tshul du sems bskyed pa re re la shes pas shar phyogs logs su bskal pa grangs med pa zad par byas kyang shar phyogs kyi sems can rnams kyi dbang po sna tshogs gcig nas gcig tu brgyud pa mthar thug par mi rung la/ tshul de bzhin du mos pa la ji skad du brjod pa bzhin dbang po tha dad pa la yang shes par byas te/ de dag gi dbang po sna tshogs gcig nas gcig tu brgyud pa ni/ phyogs bcur mthar thug par rung yang srid kyi/ byang chub sems dpa' rnams bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni/ mtha' med do/ /de ci'i phyir zhe na/ kye rgyal ba'i sras dag /sems can de tsam dag gi dbang po sna tshogs shes par bya ba'i phyir byan </font><hr>Kha16a<br><font size=+1>


@#/ /chub sems dpa' rnams bla na med pa yang dag par rdzogs pa'i byang chub tu sems skye ba ma yin gyi/ 'di ltar 'jig rten gyi khams ma lus pa thams cad du gtogs pa'i sems can rnams kyi dbang po yongs su shes par bya ba'i don du byang chub sems dpa' rnams bla na med pa yang dag par rdzogs pa'i byang chub tu sems skye'o| |gzhung de bzhin du ji ltar mos pa la brjod pa de bzhin dbang po rnams la yang shes par bya ste/ thibs por gyur pa'i dbang po dang / sbyor ba dang ldan pa'i dbang po dang / yongs su brtags pa'i dbang po dang / ngang gi rjes su 'brang ba'i dbang po dang / rgyu'i tshogs dang ldan pa'i dbang po dang / rkyen gyi tshogs las byung ba'i dbang po dang / dbang po'i dran pa thams cad ma lus pa la mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /kye rgyal ba'i sras/ dbang po sna tshogs kyi dpe snga ma de dag lta zhog gi /kye rgyal ba'i sras/ 'di la skyes bu la la zhig skyes par gyur te/ de'i sems bskyed pa gcig gis 'jig rten gyi khams grangs med par gtogs pa'i sems can rnams kyi bsam pa sna tshogs yongs su </font><hr>Kha16b<br><font size=+1>


shes par gyur la/ tshul de lta bur sems bskyed pa re rer shes pas shar phyogs logs su bskal pa grangs med pa zad par byas kyang sems can gyi bsam pa sna tshogs kyi mthar phyin par ma rung la/ gzhung de bzhin du phyogs bcu'i sems can rnams kyi bsam pa sna tshogs ni/ shes par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni/ mthar thug par mi rung ngo / /de ci'i phyir zhe na/ kye rgyal ba'i sras/ sems can de tsam dag gi bsam pa sna tshogs yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems mi skye'o/ /'di ltar 'jig rten gyi khams ma lus pa thams cad du gtogs pa'i sems can rnams kyi bsam pa sna tshogs yongs su shes pas mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skyes te/ gzhung de ltar mos pa la ji ltar brjod pa bzhin du ste/ bsam pa thibs por gyur pa dang / sbyor ba dang ldan pa'i bsam pa dang / yongs su gtogs pa'i bsam pa dang / ngang gis rjes su 'brang ba'i bsam pa dang / rgyu'i tshogs dang ldan pa'i bsam pa dang / rkyen gyi tshogs las byung </font><hr>Kha17a<br><font size=+1>


@#/ /ba'i bsam pa'i bar du bsam pa'i dra ba ma lus pa thams cad mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /kye rgyal ba'i sras/ bsam pa sna tshogs kyi dpe snga ma de dag lta zhog gi/ kye rgyal ba'i sras/ 'di la skyes bu la la zhig skyes te/ de'i sems bskyed pa gcig gis 'jig rten gyi khams grangs med par gtogs pa'i sems can rnams kyi sbyor ba yongs su shes la/ gzhung de ltar mos pa la ji ltar brjod pa bzhin du ste/ phyogs bcu'i sbyor ba sna tshogs gcig nas gcig tu brgyud pa de dag ni/ mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni/ mthar thug par mi rung ngo / /de ci'i phyir zhe na/ kye rgyal ba'i sras/ sems can de tsam dag gi sbyor ba sna tshogs shes pa'i don du ni/ byang chub sems dpa' rnams bla na med pa yang dag par rdzogs pa'i byang chub tu sems mi skye'i/ 'di ltar 'jig rten gyi khams ma lus pa thams cad du gtogs pa'i sems can rnams kyi sbyor ba sna tshogs yongs su shes pas mngon par </font><hr>Kha17b<br><font size=+1>


'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /gzhung de ltar mos pa la ji skad du brjod pa bzhin te/ sbyor ba'i dra ba ma lus pa thams cad kyi bar du mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /kye rgyal ba'i sras/ sbyor ba sna tshogs kyi dpe de dag lta zhog gi /kye rgyal ba'i sras/ 'di la skyes bu la la zhig skyes te /de'i sems bskyed pa gcig gis 'jig rten gyi khams grangs med par gtogs pa'i sems can rnams kyi sems bskyed pa sna tshogs rab tu shes la/ tshul de lta bu'i sems bskyed pa yongs su shes pas gzhung de bzhin du ste/ phyogs bcu'i sems bskyed pa sna tshogs gcig nas gcig tu brgyud pa ni/ mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni/ mthar thug par mi rung ngo / /de ci'i phyir zhe na/ kye rgyal ba'i sras/ sems can de tsam dag gi sems sna tshogs yongs su shes par bya ba'i don du byang chub sems dpa' rnams bla na med pa yang dag par rdzogs pa'i byang chub tu sems skye ba ma yin </font><hr>Kha18a<br><font size=+1>


@#/ /gyi| 'di ltar 'jig rten gyi khams chos kyi dbyings kyis klas pa/ sems can gyi khams kyis gtugs pa/ nam mkha'i dbyings kyis klas pa'i sems can gyi khams mtha' dang dbus med pa'i sems sna tshogs thams cad yongs su shes pas mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /gzhung de ltar mos pa la ji skad du brjod pa bzhin te/ sems bskyed pa'i dra ba ma lus pa thams cad mnyam pa nyid du 'jug cing yongs su rig pa'i shes pas mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /kye rgyal ba'i sras/ sems bskyed pa'i dpe snga ma de dag lta zhog gi/ kye rgyal ba'i sras/ 'di la skyes bu la la zhig skyes par gyur te/ de'i sems bskyed pa gcig gis 'jig rten gyi khams grangs med par gtogs pa'i sems can rnams kyi las sna tshogs rab tu shes la/ sems bskyed pa shes pa'i tshul de lta bus shar phyogs logs su bskal pa grangs med pa zad par byas kyang sems can rnams kyi las sna tshogs gcig nas gcig tu brgyud pa mthar thug par mi rung la/ de </font><hr>Kha18b<br><font size=+1>


bzhin du skyes bu bcu ba'i bar du skyes par gyur te/ skyes bu dgu po de dag gis sems can rnams kyi las sna tshogs gcig nas gcig tu brgyud pa yongs su shes par bya ba'i phyir bskal pa grangs med pa zad par byas pa de dag sems bskyed pa gcig gis shes par gyur kyang phyogs bcur las sna tshogs gcig nas gcig tu brgyud pa de dag ni/ mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni/ mthar thug par mi rung ngo / / de ci'i phyir zhe na/ kye rgyal ba'i sras/ sems can de tsam dag gi las sna tshogs yongs su shes par bya ba'i don du byang chub sems dpa' rnams bla na med pa yang dag par rdzogs pa'i byang chub tu sems skye ba ma yin gyi/ 'di ltar 'jig rten gyi khams dang / dus gsum ma lus pa thams cad du gtogs pa'i sems can rnams kyi las sna tshogs yongs su shes pas mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ las sna tshogs mtha' dang dbus med pa la rab tu 'jug pa dang / las kyi bye brag thams cad la mkhas pa mngon par 'tshang rgya bar bya ba'i phyir byang chub sems dpa' rnams bla na med pa yang dag par </font><hr>Kha19a<br><font size=+1>


@#/ /rdzogs pa'i byang chub tu sems skye'o/ /'di lta ste/ sems can gcig grangs med cing rnam pa tha dad par yang dag par 'jug pa dang / las kyi tshul brjod pa'i snang ba rab tu thob pa dang / las thams cad ma lus pa gcig nas gcig tu brgyud pa dang / las dang ldan pa'i 'gro ba rgya mtsho mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ 'das pa dang / ma 'ongs pa dang / da ltar byung ba'i las dge ba dang mi dge ba rnam pa tha dad pa la rab tu 'jug cing dus gsum thams cad kyi las sna tshogs kyi dbang gis yongs su shes par bya ba dang / las ji lta ba bzhin du mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ skal pa mnyam pa'i las dang / skal pa mi mnyam pa'i las shes pa'i mchog thob par bya ba dang / las thams cad las gcig tu yang dag par 'jug pa dang / las gcig las thams cad dang mnyam pa nyid du mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ bla ma dang bcas pa'i las dang / bla na </font><hr>Kha19b<br><font size=+1>


med pa'i las dang / lhag ma dang bcas pa'i las dang / mnyam pa'i las dang / mi mnyam pa'i las kyi bye brag ye shes kyi rgyud chen pos mngon par 'tshang rgya zhing shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ gnas pa'i las dang / mi gnas pa'i las dang / thun mong gi las dang / thun mong ma yin pa'i las dang / mtha' yas pa'i las dang / mu med pa'i las dang / ma 'dres pa'i las dang / dge ba'i las dang / mi dge ba'i las dang / 'jig rten pa'i las dang / 'jig rten las 'das pa'i las dang / las kyi bye brag thams cad la ye shes kyi rgyud chen pos mngon par 'tshang rgya zhing shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ shes pa'i las dang / mi shes pa'i las dang / chen po dang / 'bring dang / tshad med pa'i las kyi sgrib pa thams cad ma lus par chags pa med pas shes par bya ba dang / sangs rgyas kyi rnam par thar pa mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ rnam par dag pa'i las dang / kun nas nyon mongs pa'i las dang / rgya chen po'i las dang / rgya chung ngu'i </font><hr>Kha20a<br><font size=+1>


@#/ /las dang / kun tu 'brel ba'i las dang / kun tu ma 'brel ba'i las dang / phra ba'i las dang / sbom pa'i las dang / las ma lus par sems can gyi khams kyi las kyi tshul rnam pa tha dad pa la rab tu 'jug pa dang / sems can gcig gis las sna tshogs 'byams klas pa bcu mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ thibs por gyur pa'i las dang / sbyor ba can gyi las dang / chung ba'i las dang / dran pa dang ldan pa'i las dang / rgyu'i tshogs dang ldan pa'i las dang / rkyen gyi tshogs las byung ba'i las dang / las kyi dra ba thams cad ma lus pa mnyam pa nyid du yongs su rig cing shes pas mngon par 'tshang rgya bar bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ / bam po nyi shu gsum pa/ kye rgyal ba'i sras/ las sna tshogs kyi dpe snga ma de dag lta zhog gi /kye rgyal ba'i sras/ 'di la skyes bu la la zhig skyes te/ de'i sems bskyed pa gcig gis shar phyogs logs su 'jig rten gyi khams grangs med par gtogs pa'i sems can rnams kyi sems bskyed pa shes par gyur la/ tshul de ltar sems </font><hr>Kha20b<br><font size=+1>


bskyed pa re re re yongs su shes pas shar phyogs logs su bskal pa grangs med pa zad par byas kyang sems can rnams kyi nyon mongs pa sna tshogs mthar thug par ma rung la/ de bzhin du de'i 'og tu skyes bu gnyis pa zhig skyes zhes bya ba nas skyes bu bcu pa skyes pa'i bar du ste/ skyes bu dgu po de dag gis bskal pa grangs med par nyon mongs pa sna tshogs rab tu shes pa de dag sems bskyed pa gcig gis yongs su shes par gyur la/ tshul de 'dra bar sems bskyed pa re rer yongs su shes pas gzhung de bzhin du ste/ phyogs bcu'i nyon mongs pa sna tshogs gcig nas gcig tu brgyud pa de dag ni/ mthar thug par rung yang srid kyi/ byang chub sems dpa' bla na med pa yang dag par rdzogs pa'i byang chub tu sems dang po bskyed pa'i dge ba'i rtsa ba ni/ mthar thug par mi rung ngo / /de ci'i phyir zhe na/ kye rgyal ba'i sras/ sems can de tsam dag gi nyon mongs pa sna tshogs yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye ba ma yin gyi/ 'di lta ste/ 'jig rten gyi khams ma lus pa thams cad du gtogs pa'i sems can rnams kyi nyon mongs pa tshad med pa thams cad yongs su shes par bya ba'i phyir byang chub sems dpa' rnams bla na </font><hr>Kha21a<br><font size=+1>


@#/ /med pa yang dag par rdzogs pa'i byang chub tu sems skye'o/ /'di lta ste/ nyon mongs pa yang ba dang / nyon mongs pa lci ba mngon par 'tshang rgya ba'i ye shes yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ bag la nyal ba'i nyon mongs pa dang / sems can kun nas 'khor ba'i nyon mongs pa dang / sems can thams cad kyi nyon mongs pa dang / rnam par byang ba rnam par dgong pa yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ sems can gcig gi nyon mongs pa tshad med pa sna tshogs rang dbang med par byed pa'i nyon mongs pa rnam par gcad pa'i ye shes yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ sems can thams cad kyi nyon mongs pa dang / rnam par dpyod pa rnam pa sna tshogs shes pa yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ ma rig pa la gnas pa'i nyon mongs pa dang / sred pa dang </font><hr>Kha21b<br><font size=+1>


ldan pa'i nyon mongs pa dang / srid pa'i rgyud thams cad kyi nyon mongs pa kun tu sbyor ba rnam par gcod pa'i ye shes yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ 'dod chags kyis ye rngam pa'i nyon mongs pa dang / zhe sdang gis khong khro ba dang / gti mug gis mngon par khebs pa dang / cha mnyam pa'i nyon mongs pa dang / nyon mongs pa thams cad rtsa ba dang bcas te rnam par gcod pa'i ye shes yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ bdag tu bya ba shin tu bsgoms pa'i nyon mongs pa dang / bdag gir bya ba la mngon par zhen pa dang / nga rgyal gyis bslang ba dang / nga rgyal gyis mngon par sprel ba'i nyon mongs pa dang / nyon mongs pa thams cad ma lus par khong du chud cing yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ tshul bzhin ma yin pa yid la byed pa las byung ba'i yongs su rtog pa rtsa bar gyur pa'i nyon mongs pa dang / yongs su rtogs pa'i shugs kyi rjes su 'brang ba'i nyon mongs pa'i rnam par rtog pa dang / 'jig tshogs la mngon par zhen </font><hr>Kha22a<br><font size=+1>


@#/ /pa dang / lta ba'i rnam pa drug cu rtsa gnyis kyi tshul sna tshogs dang ldan pa'i nyon mongs pa mngon par 'tshang rgya ba'i ye shes yongs su shes par bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /'di lta ste/ sgrib pa'i nyon mongs pa dang / kun nas sgrib pa'i nyon mongs pa thams cad shes pas rnam par dag par bya ba dang / snying rje chen pos yongs su bskyab pa'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /bsam pa dang / bag la nyal ba dang / kun nas 'khor ba'i nyon mongs pa'i dra ba thams cad rnam par gcad pa'i phyir byang chub sems dpa' rnams bla na med pa yang dag par rdzogs pa'i byang chub tu sems skye'o/ /kye rgyal ba'i sras/ nyon mongs pa sna tshogs kyi dpe de dag lta'ang zhog gi /kye rgyal ba'i sras/ 'di la skyes bu la la zhig skyes par gyur la/ de'i sems bskyed pa gcig gis 'jig rten gyi khams tshad med par gtogs pa'i sems can rnams dang lhan cig pas shar phyogs logs su sangs rgyas bcom ldan 'das tshad med pa dag mnabs stsal bro ba'i mchog tshad med pa dang / bdug spos tshad med pa dang / na bza' dang / gdugs dang / </font><hr>Kha22b<br><font size=+1>


rgyal mtshan dang / ba dan tshad med pa dang / pho brang tshad med pa dang / bla re tshad med pa dang / gzhal med khang tshad med pa dang / rin po che'i dra ba dpag tu med pa dang / seng+ge'i gdan dpag tu med pa dang / rin po che'i rgyan dang / lhab lhub tshad med pa dang / mchod pa'i rnam pa tshad med pas mnyes par byas te bskal pa tshad med par bsnyen bkur la/ rim gro dang / bkur sti byas te rje sa dang mchod pas btud cing phyag 'tshal te spyi bos gtugs nas snyan par brjod de 'khor zhing zhal du blta la/ de bzhin gshegs pa re re la yang mi de dang 'gro ba phal 'jig rten gyi khams tshad med par gtogs pa de dag gis shin tu dad par mar me grangs med pa dag kyang bus te/ skyes bu des ji lta ba bzhin du sems can de dag gis kyang 'jig rten gyi khams de snyed po de dag nor bu rin po che rnam par snang ba dang / yid bzhin gyi rgyal po dang / phyogs thams cad snang bar byed pa dang / me'i 'od dang / brgal dka' ba dang / chu'i zla ba'i 'od dang / rin po che'i rgyan dang / bsod nams kyi rgyal mtshan dang / nor bu yid du 'ong ba dang / de dag la sogs pa rin po che tshad med pas yongs su bkang ste yon du gsol la/ de bzhin du me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan </font><hr>Kha23a<br><font size=+1>


@#/ /dang / ba dan dang / pho brang dang / gnam yol dang / sil snyan dang / rol mo brdung ba dang / glu dang / rin po che'i dra ba dang / gser gyi dra ba dang / nor bu'i dra ba dang / dril bu'i dra ba dang / seng+ge'i khri dang / de bzhin du sangs rgyas kyi mchod pa brtsams pa rgya cher te/ de bzhin gshegs pa de dag bzhugs zhing 'tsho skyong ba'i tshe mchod pa'i rnam pa de lta bus mchod nas mya ngan las 'das nas kyang mi de dang / 'gro ba phal 'jig rten gyi khams tshad med par gtogs pa de snyed kyis de bzhin gshegs pa re re zhing yang mchod rten 'jig rten gyi khams tshad med pa dang mnyam par yangs shing rgya che ba/ rin po che tshad med pa las brtsigs te/ rgyan dang / rin po che tshad med pas brgyan pa la/ mchod rten gcig ji lta ba bzhin du mchod rten dpag tu med pa mang po la yang de bzhin du byas te/ thams cad kyi tshad kyang de tsam la/ mchod rten re re la yang de bzhin gshegs pa'i sku gzugs mang po tshad med par byas te 'jig rten gyi khams mang po yang snang bas rgyas par gyur la/ rnam grangs de lta bur de bzhin gshegs pa la mchod pa dang / rim gro'i yon tan yongs su brjod pa de dag byed cing / yongs su mya ngan las 'das pa de dag la yang mchod pa bya bas bskal pa tshad </font><hr>Kha23b<br><font size=+1>


med pa zad par gyur te/ shar phyogs su ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang / steng gi phyogs dang / phyogs bcu thams cad du yang rgya cher te/ skyes bu bcu sngon du 'gro bas phyogs bcu re re la skyes bu re re zhing yang phyogs bcur byas na/ kye rgyal ba'i sras/ de la ji snyam du sems/ skyes bu de la sogs pa'i mi 'jig rten gyi khams tshad med pa bcur gtogs pa de dag la de'i rgyus bsod nams kyi phung po cher 'phel lam/ smras pa/ kye rgyal ba'i sras/ de ni/ sangs rgyas bcom ldan 'das rnams kyi sangs rgyas kyi ye shes kyis thugs su chud par zad do/ /smras pa/ kye rgyal ba'i sras/ byang chub sems dpa' sems dang po bskyed pa'i bsod nams kyi phung po ji tsam yod pa'i bsod nams kyi phung po de la bskal pa tshad med par mnyes par byas pa'i sangs rgyas mchod pa dang / rim gro las byung ba'i bsod nams kyi phung po snga ma des ni/ brgya'i char yang nye bar mi 'gro'o| |stong gi cha dang / brgya stong gi cha dang / bye ba brgya stong gi char yang nye bar mi 'gro/ grangs dang / cha dang / bgrang ba dang / dpe dang rgyur yang nye bar mi 'gro'o/ /kye rgyal ba'i sras/ </font><hr>Kha24a<br><font size=+1>


@#/ /dpe snga ma de dag lta'ang zhog gi /kye rgyal ba'i sras/ 'di la skyes bu gnyis pa zhig byung ste/ de'i sems bskyed pa gcig gis skyes bu snga ma de dang / 'gro ba phal 'jig rten gyi khams tshad med par gtogs pa snga ma rnams kyis bskal pa tshad med par sangs rgyas mchod pa dang / rim gro mngon par 'du byas pa de dag sems bskyed pa gcig gis mngon par 'du byed la/ tshul de lta bur sems bskyed pa re rer mnyes par byed pas shar phyogs logs su 'jig rten gyi khams tshad med par gtogs pa'i sems can rnams dang lhan cig pas sangs rgyas bcom ldan 'das tshad med pa mnyes par byas te/ gzhung de bzhin du thog ma la ji skad du brjod pa de bzhin du gnyis pa la dpag tu med pa/ gsum pa la grangs med pa/ bzhi pa la bsam gyis mi khyab pa/ lnga pa la mtshungs pa med pa/ drug pa la kun tu mtha' yas pa/ bdun pa la mu med pa/ brgyad pa la sa mtshams med pa/ dgu pa la gzhal du med pa'i bar du ste/ kye rgyal ba'i sras/ dpe snga ma de lta'ang zhog gi /kye rgyal ba'i sras/ 'di la skyes bu bcu pa zhig skyes te/ skyes bu snga ma dgu po de dag dang / 'jig rten gyi khams gzhal du med pa bcur gtogs pa'i sems can phal de dag gis bskal </font><hr>Kha24b<br><font size=+1>


pa dpag tu med par sangs rgyas mchod pa dang / rim gros mnyes par byas pa de tsam du sems bskyed pa gcig gis mnyes par byed cing / tshul de ltar sems bskyed pa re rer mnyes par byed pas shar phyogs logs su 'jig rten gyi khams brjod du med par gtogs pa'i sems can rnams dang lhan cig pas zhal zas bro ba'i mchog brjod du med pa zhes bya ba nas gzhan yang rgya cher te/ de lta bus sangs rgyas bcom ldan 'das brjod du med pa mnyes par byas pa nas kye rgyal ba'i sras/ byang chub sems dpa' sems dang po bskyed pa'i bsod nams kyi phung po la bskal pa brjod du med par gtogs pa'i sangs rgyas mchod pa dang / bsnyen bkur ba las byung ba'i bsod nams kyi phung po snga mas brgya'i char yang nye bar mi 'gro zhes bya ba nas rgyu'i bar du yang nye bar mi 'gro zhes bya ba'i bar du ste/ de ci'i phyir zhe na/ kye rgyal ba'i sras/ de ni/ 'di ltar sangs rgyas skyes pa de tsam nyi tshe zhig mchod cing bsnyen bkur ba'am/ sangs rgyas kyi mchod pa'i yo byad de tsam dag gi phyir byang chub sems dpa' sems dpa' chen po rnams bla na med pa yang dag par rdzogs pa'i byang chub tu sems mi skye'i/ de ni/ 'di ltar 'jig rten gyi khams 'byams klas pa ma lus pa thams cad chos kyi dbyings kyis klas pa/ nam mkha'i dbyings kyi </font><hr>Kha25a<br><font size=+1>


@#/ /mthas gtugs pa/ brjod du med pa'i yang brjod du med pa/ phyogs bcu tshad las 'das pa/ 'byams klas pa/ phyogs kyi rnam grangs mtha' yas pa'i dra bas khyab pa/ mig 'phrul gyi rnam pas bsam yas pa/ 'jig rten gyi khams thams cad gzhi mnyam par chud pa/ 'jig rten gyi khams ma lus par 'dus pa'i tshul shin tu bstan pa/ 'du shes kyi rnam pa la gnas pa'i phyogs kyi dra ba rnam par phye ba la gnas pa thams cad du gtogs pa/ lhag ma med pa ma lus pa'i 'jig rten gyi khams kyi grangs dang tshul shin tu bstan pa dag tu sngon gyi mtha'i mur thug pa'i bskal pa bgrangs pa'i tshul shin tu bstan par gtogs pa thams cad mkhyen pa'i ye shes kyi tshul gyis mngon par thugs su chud pa dag tu sangs rgyas bcom ldan 'das gang ji snyed nub par gyur te/ yongs su mya ngan las 'das pa dang / gang yang ma 'ongs pa'i dus na 'jig rten gyi khams thams cad du de bzhin gshegs pa dgra bcom pa yang dag par rdzogs pa'i sangs rgyas rnams 'byung bar 'gyur ba dang / gang yang da ltar byung ba'i dus na da ltar phyogs bcu na sangs rgyas bcom ldan 'das rnams bzhugs shing 'tsho skyong ba dang / chos ston pa de dag thams cad mchod cing rim gro </font><hr>Kha25b<br><font size=+1>


bya ba'i phyir byang chub sems dpa' rnams bla na med pa yang dag par rdzogs pa'i byang chub tu sems skyes te/ sems bskyed pa de skyes ma thag nas de dang der 'das pa'i grangs su gtogs pa dang / sngon gyi mur gyur pa ji snyed pa de bzhin gshegs pa de dag gis mngon par thugs su chud pa de dag tu sangs rgyas bcom ldan 'das gang ji snyed mya ngan las 'das pa de dag gi dge ba'i rtsa ba ji lta ba bzhin du byang chub sems dpa' yid ches so/ /de bzhin gshegs pa ma byon pa de dang / de'i dus su gtogs pa phyi ma'i mtha'i mur bstan pa dpag tu med pa/ mtha' dang dbus med par shin tu bstan pa dpag tu med pa dag tu sangs rgyas bcom ldan 'das gang ji snyed 'byung bar 'gyur ba de dag gi dge ba'i rtsa ba la yang byang chub sems dpa' de yid ches so/ /da ltar byung ba'i de bzhin gshegs pa'i sangs rgyas kyi ye shes mtha' dang dbus med par bstan pa ma lus par mngon par sangs rgyas pa'i sangs rgyas bcom ldan 'das de dag gi dge ba'i rtsa ba la yang byang chub sems dpa' de yid ches shing yongs su 'dzin par byed/ yongs su rgyas par byed/ rab tu thob par byed/ khong du chud par byed/ rab tu reg par byed/ shin tu sgrub par byed/ rgyud gcig tu gyur par byed/ sangs rgyas thams cad kyang mnyam pa nyid du khong du chud par byed do// </font><hr>Kha26a<br><font size=+1>


@#/ /de ci'i phyir zhe na/ 'di ltar sems bskyed pa de ni/ de bzhin gshegs pa thams cad kyi gdung rgyud mi 'chad pa'i phyir skye'o/ /'jig rten gyi khams ma lus pa thams cad rgyas par dgang ba'i phyir skye'o/ /'jig rten gyi khams thams cad du gtogs pa'i sems can yongs su bsgral ba'i phyir skye'o/ /'jig rten gyi khams thams cad 'du ba dang / 'jig pa yongs su shes par bya ba'i phyir skye'o/ /'jig rten gyi khams thams cad du gtogs pa'i sems can rnams kyi kun nas nyon mongs pa dang / rnam par byang ba yongs su shes par bya ba'i phyir skye'o/ /'jig rten gyi khams thams cad kyi srid pa gsum yongs su dag pa yongs su shes par bya ba'i phyir skye'o/ /sems can thams cad kyi bsam pa dang / bag la nyal ba dang / bag chags thams cad yongs su shes par bya ba'i phyir skye'o/ /sems can thams cad kyi shi 'pho dang / skye ba yongs su shes par bya ba'i phyir skye'o/ /sems can thams cad kyi dbang po dang / sbyor ba yongs su shes par bya ba'i phyir skye'o/ /sems can thams cad kyi sems dang / spyod pa yongs su shes par bya ba'i phyir skye'o/ /sems can thams cad kyi dus gsum gyi shes pa yongs su shes par bya ba'i phyir skye ste/ sems bskyed </font><hr>Kha26b<br><font size=+1>


pa des sangs rgyas bcom ldan 'das 'das pa dag dang nye bar 'gyur ro/ /sangs rgyas bcom ldan 'das ma byon pa dang / da ltar byung ba rnams dang nye bar 'gyur ro/ /'das pa'i sangs rgyas kyi byang chub tu nye bar 'gro'o/ /ma byon pa dang da ltar byung ba'i sangs rgyas kyi byang chub tu nye bar 'gro'o/ /sangs rgyas bcom ldan 'das 'das pa rnams kyi chos kyang thob par 'gyur ro/ /sangs rgyas bcom ldan 'das ma byon pa rnams kyi chos kyang thob par 'gyur ro/ /sangs rgyas bcom ldan 'das da ltar byung ba rnams kyi chos kyang thob par 'gyur ro/ /sangs rgyas bcom ldan 'das 'das pa rnams dang mnyam pa nyid du nye bar 'gro'o/ /sangs rgyas bcom ldan 'das ba byon pa dang da ltar byung ba rnams dang mnyam pa nyid du nye bar 'gro'o/ /sangs rgyas bcom ldan 'das 'das pa rnams kyi ye shes kyi tshogs rnam par dag par 'gyur ro/ /sangs rgyas bcom ldan 'das ma byon pa dang da ltar byung ba rnams kyi ye shes kyi tshogs kyang rnam par dag par 'gyur ro/ /sangs rgyas bcom ldan 'das 'das pa dang / ma byon pa dang / da ltar byung ba'i stobs la thub pa med pa yang shin tu brtan par 'gyur ro/ /'das pa dang / ma byon pa dang / da ltar byung ba'i sangs rgyas bcom ldan 'das dag gi mi bsnyengs pa yongs su dag pa'ang </font><hr>Kha27a<br><font size=+1>


@#/ /yongs su rdzogs par byed do/ /sangs rgyas bcom ldan 'das 'das pa rnams kyi bstan par bya ba'i sangs rgyas kyi chos kyi rgyan mnyam pa nyid kyang rjes su 'thob bo/ /sangs rgyas bcom ldan 'das ma byon pa dang da ltar byung ba rnams kyi bstan par bya ba'i sangs rgyas kyi chos kyi rgyan mnyam pa nyid kyang yongs su rdzogs par byed do/ /nam mkha'i dbyings kyi mthar thug pa chos kyi dbyings mtha' dang dbus med par shin tu bstan pa'i dus gsum mnyam pa nyid du thugs su chud pa'i sangs rgyas kyi ye shes kyang rjes su 'thob bo/ /de ci'i phyir zhe na/ de ltar de ni/ sangs rgyas su shog cig ces bya ba'i sems bskyed pa des 'das pa'i sangs rgyas bcom ldan 'das rnams dang nye ba yin/ ma byon pa dang da ltar byung ba'i sangs rgyas bcom ldan 'das rnams dang nye ba yin/ 'das pa dang / ma 'ongs pa dang / da ltar byung ba'i sangs rgyas kyi yul rnams dang mnyam pa yin/ 'das pa'i sangs rgyas kyi chos rnams dang mnyam pa yin no/ /ma 'ongs pa dang / da ltar byung ba'i sangs rgyas kyi chos rnams dang mnyam pa yin/ sangs rgyas kyi chos kyi spyod yul thams cad dang mnyam pa yin/ gcig tu nges pa'i lus gcig tu gyur pas kyang dus gsum du mnyam pa'i sangs rgyas thams cad kyi ye shes </font><hr>Kha27b<br><font size=+1>


dang 'grogs pa yang thob pa ste/ ye shes de dang 'grogs par 'gyur ba'i sems bskyed par 'byung ba de skyes ma thag tu phyogs bcu na sangs rgyas bcom ldan 'das rnams kyang ched du brjod pa mdzad do/ /sems bskyed pa de nyid rten du mdzad de 'dul ba ji bzhin du chos kyang yang dag par ston/ 'jig rten gyi khams thams cad du yang 'dul ba tshad med pa rnams 'byung bar 'gyur/ 'jig rten gyi khams thams cad kyang rab tu g.yo bar 'gyur/ 'jig rten gyi khams thams cad kyang snang bas rgyas par 'gyur/ 'jig rten gyi khams thams cad kyi ngan song yang rgyun chad par 'gyur/ 'jig rten gyi khams thams cad kyang yongs su dag par 'gyur/ 'jig rten gyi khams thams cad du yang sangs rgyas 'byung ba yang dag par ston par 'gyur/ sems can thams cad kyang rab tu dga' bar 'gyur/ chos kyi dbyings thams cad la yang rab tu 'jug par 'gyur/ sangs rgyas kyi rigs thams cad kyang yongs su 'dzin par 'gyur/ sangs rgyas kyi rigs kyi snang ba thams cad kyang rab tu thob par 'gyur te/ dus gsum du gtogs pa las sems bskyed pa der sangs rgyas sam/ sangs rgyas kyi chos sam/ byang chub sems dpa' 'am/ byang chub sems dpa'i chos sam/ rang sangs rgyas sam/ rang sangs rgyas kyi </font><hr>Kha28a<br><font size=+1>


@#/ /chos sam/ nyan thos sam/ nyan thos kyi chos sam/ 'jig rten pa'am/ 'jig rten pa'i chos sam/ 'jig rten las 'das pa'am/ 'jig rten las 'das pa'i chos sam/ sems can nam/ sems kyi chos kyang rung ste/ ma 'dus pa gang yang med de/ thams cad mkhyen pa nyid ni/ ma gtogs so/ /de ltar na/ sems bskyed pa der ni/ chos kyi dbyings thams cad 'dus so/ /de nas sangs rgyas kyi mthus de'i tshe phyogs bcur 'jig rten gyi khams sangs rgyas kyi zhing gi rdul shin tu phra ba snyed rnam pa drug tu g.yos par gyur te/ g.yos so/ /rab tu g.yos so/ /kun tu g.yos so/ /'gul to/ /rab tu 'gul to/ /kun tu 'gul to/ /ldeg go /rab tu ldeg go /kun tu ldeg go /chem chem/ rab tu chem chem/ kun tu chem chem mo/ /'ur 'ur/ rab tu 'ur 'ur/ kun tu 'ur 'ur ro/ /shig shig /rab tu shig shig /kun tu shig shig go /de nas sangs rgyas kyi mthu dang / sems bskyed pa de'i yon tan yang dag par brjod pa'i chos nyid rab tu thob pa'i phyir lha rdzas kyi me tog gi char yang mngon par bab bo| |lha rdzas kyi spos kyi char yang mngon par bab bo/ /lha rdzas kyi phye ma'i char yang mngon par bab bo/ /lha rdzas kyi phreng ba'i char yang mngon par bab bo/ /lha rdzas kyi </font><hr>Kha28b<br><font size=+1>


gos kyi char yang mngon par bab bo/ /lha rdzas kyi rin po che'i char yang mngon par bab bo/ /lha rdzas kyi rgyan gyi char yang mngon par bab bo/ /lha rdzas kyi rol mo rnams kyang mngon par sgra 'byin par gyur to/ /lha rdzas kyi snang ba yang rab tu byung ngo / /lha rdzas kyi 'od kyang rab tu byung ngo / /phyogs bcu'i 'jig rten gyi khams sangs rgyas kyi zhing gi rdul shin tu phra ba snyed 'das pa'i pha rol nas de bzhin gshegs pa chos kyi blo gros su mtshan btags pa sangs rgyas kyi zhing gi rdul shin tu phra ba snyed kyis zhal mngon par bstan te gsung brjod pa/ chos kyi blo gros legs legs so/ /phyogs bcu na de bzhin gshegs pa sangs rgyas kyi zhing gi rdul shin tu phra ba snyed kyi chos bstan pa de la ched du brjod pa mdzad do| |nged kyis kyang chos bstan pa 'di nyid shin tu rnam par phye ste/ nged kyis ji ltar shin tu rnam par phye ba de bzhin du sangs rgyas thams cad kyis kyang shin tu rnam par phye'o/ / 'di nyid du yang khyod kyi chos bstan pa des byang chub sems dpa' sangs rgyas kyi zhing stong gi rdul shin tu phra ba snyed kyis byang chub tu sems bskyed do/ /de dag kyang nged kyis lung bstan te/ de dag ni/ ma 'ongs pa'i dus bskal pa stong phrag brjod du med pa'i mthar thams cad kyang dus gcig tu 'jig rten gyi khams ming tha dad pa dag tu de bzhin </font><hr>Kha29a<br><font size=+1>


@#/ /gshegs pa mtshan gcig pa sha stag 'byung bar 'gyur te/ 'di ltar sems rnam par dag pa zhes bya ba sha stag tu 'gyur ro/ /nged kyis chos bstan pa 'di yang ji ltar ma 'ongs pa'i dus na ma 'ongs pa'i byang chub sems dpa' ma thos pa rnams kyis thos par bya ba dang / ji ltar 'jig rten gyi khams mi mjed 'dir sems can rnams kyis shes shing / gling bzhi pa 'di'i ri rab kyi rtse mo la ji ltar sems can rnams 'dul bar gyur pa de bzhin du phyogs bcu'i 'jig rten gyi khams bye ba khrag khrig brgya stong tshad med pa/ grangs med pa/ bsam gyis mi khyab pa/ mtshungs pa med pa/ kun tu mtha' yas pa/ dpag tu med pa/ sa mtshams med pa/ brjod du med pa/ chos kyi dbyings kyis klas pa/ nam mkha'i mthas gtugs pa dag tu yang sems can rnams 'dul bar 'gyur bar bya ba'i phyir byin gyis brlab bo/ /thams cad na yang chos bstan pa 'di nyid byang chub sems dpa' chos kyi blo gros zhes bya ba sha stag sangs rgyas kyi mthu dang / bcom ldan 'das kyi sngon gyi smon lam gyis sangs rgyas kyi chos thams cad yang dag par bstan pa dang / ye shes kyi snang ba shin tu gsal par bya ba dang / don gyis gdul ba'i snang ba thob pa dang / chos nyid rab tu 'thob par bya </font><hr>Kha29b<br><font size=+1>


pa dang / byang chub sems dpa' rnams shin tu dga' bar bya ba dang / sangs rgyas kyi chos kyi rgyud yang dag par bstan pa dang / sangs rgyas kyi chos mnyam pa nyid du bya ba dang / chos kyi dbyings gnyis su med pa la 'jug par bya ba'i phyir rab tu ston to/ /de nas byang chub sems dpa' chos kyi blo gros kyis phyogs bcur bltas te 'khor thams cad la rnam par bltas nas nam mkha'i khams rnams la ni/ rnam par dpyod/ sems can gyi khams ni/ yongs su smin par byed/ las dang rnam par smin pa'i khams ni/ 'gal bar mi byed/ nam mkha'i khams ni/ yongs su dag par byed/ kun nas nyon mongs pa las byung ba ni/ rab tu sel/ mos pa yangs pa las byung ba ni/ shin tu 'phel bar byed/ sems can gyi dbang po tha dad pa la ni/ rab tu 'jug /dus gsum ni/ mnyam par byed/ mya ngan las 'das pa'i dbyings la ni/ yang dag par rtog cing / rang gi dge ba'i rtsa ba'i stobs yongs su dag par bya ba la gzhol ba'i phyir de'i tshe sangs rgyas kyi mthus tshigs su bcad pa 'di dag smras so/ /gang zhig phyogs rnams bcu po ma lus rgyas byas shing / /sems can zhing dang chos gsum dag kyang rtogs gyur pa/ /sangs rgyas mtsho mchog byang chub sems dpa' de bzhin te/ /de dag 'jig rten phan phyir </font><hr>Kha30a<br><font size=+1>


@#/ /sems kyi dam pa bskyed/ /nam mkha'i dbyings kyis klas pa'i chos dbyings ji bzhin dang / /ji ltar sangs rgyas chos rnams 'gro kun rjes song dang / / sangs rgyas thams cad kun tu khyab brnyes ji bzhin gyi/ /'gro ba mi ldog don du phan par rab tu zhugs/ /'jig rten rnams la byams pas rtag par rab gnas shing / /'tshe ba med pa 'gro la phan phyir su zhugs te/ /snang ba mi zad 'od byed gnas su gyur pa rnams/ /bsam gyis mi khyab stobs bcu mnga' bas byin gyis brlabs/ /de ni zhing rnams tha dad ma yin tshul yang rnyed/ /de ni lus kyi rnam pa kun la rab tu zhugs/ /bsod nams ye shes de yang sangs rgyas byang chub bzhin/ /'di ni chags med gzhol ba ye shes rgyur skyes so/ /spyi'u tshugs rgyu ba'i 'gro ba sna tshogs ma lus par/ /gzhan yang zhing rnams 'byams klas chags med mthar thug pa/ /de dag phra sbom rgya che yangs pa thams cad du| |byang chub sems mchog de ni gcig pu kun tu 'gro /brjod du med pa shin tu phra zhing mi gnas pa'i/ /byang chub sems dpa'i spyod pa mchog la rtag zhugs shing / / mkhas pa gang gis sangs rgyas chos mthong mi ngoms pa/ /de dag chos rnams rgya mtsho'i rnam par chud pa yin/ /'jig rten lam rgyud kun la su zhig snying brtse zhing / /'jig </font><hr>Kha30b<br><font size=+1>


rten gsum po sbyang par rtag tu zhugs pa rnams/ /phyi ma'i mthar thug sangs rgyas gdung gi rgyun mi gcod/ /de ni bdud kyi khyim yang rab tu 'joms pa yin/ /dus gsum rgyal ba rnams dang rgyud gcig dngos gyur cing / /shin tu phra ba'i tshul gyis lam la rtag brtson te/ /su zhig sangs rgyas yul la dad sems pa/ /de ni chags med thub pa kun gyis dbang yang bskur/ /rdo rje lta bur sra zhing brtan la mi shigs pa/ /rkang gnyis gtso bos mdzad pa rtag tu dran shes shing / /'dren pa'i spyod yul snang rab shin tu rnyed pa rnams| |gzhan gyi dring la mi rgyug byang chub sems kyang skye/ /'gro ba rnams kyi 'du shes rnam pa mang shes shing / /de bzhin las dang 'bras bu sems kyi rnams kyang ste/ / gzhan yang dbang po'i mthu dang khams rnams dus ma dag /kun kyang byang chub sems dpa' spyod yul gcig yin no/ /gang zhig chos kyi dbyings bzhin byang chub sems yangs shing / /rtag tu chos la mi gnas nam mkha' ji bzhin pa/ /chags med sems ldan de dag sangs rgyas ye shes zhugs/ /de dag rtogs med chos can yang dag mtha' la gnas| |sems can bsam pa rnam 'byed sems can 'du shes med/ /chos kyi rnam rtog khrag khrig pha mthar rab tu phyin/ /de dag rtog la mos shing rnam par mi rtog ste/ /de </font><hr>Kha31a<br><font size=+1>


@#/ /dag zhing rnams bye ba khrag khrig rjes su zhugs/ /gang zhig sangs rgyas bye ba khrag khrig rjes sems shing / /gang zhig chos dbyings tshul gyi mdzod du zhugs gyur la/ /gang zhig sems can dbang po'i rnam pa'i mthar phyin pa/ /de dag sems can gtso bzhin chos nyid shes pa yin/ /lhag pa'i bsam pa dag dang rtag par mngon ldan zhing / /skyes bu'i seng+ge'i bsnyen bkur phyir ldog mi 'gyur la/ /'jig rten gtso bo mkhas pa mthong bas mi ngoms pa/ /de dag sangs rgyas khrag khrig bye bas byin gyis brlabs/ /zab mo'i chos rnams rnam par 'byed kyang chags pa med/ /gnas pa med pas sems kyi dam pa rtag tu dag /de dag bskal pa mtha' yas skyes bu seng+ge'i sems/ /dus gsum chags pa med par rtogs pa'i yid dang ldan/ /mi 'phrog thub par mi nus yid kyi dbang po dang / /gsum pa rjes su song dang rtag tu ldan gyur cing / /chos rnams 'byams klas shin tu bslab pas rmongs med pa/ /de dag chos dbyings 'gengs kyang nam yang mi ngoms so/ /tshig gi lam 'das ji bzhin mkhas pa zhi ba shes/ /de bzhin nyid la nam yang rnam par mi 'byed pa/ /de dag sangs rgyas thams cad yul la rjes sems shing / /dus gsum chags pa med pa rtogs </font><hr>Kha31b<br><font size=+1>


pa'i yid ldan 'gyur/ /mkhas pa gang zhig sems bskyed 'byams klas chos kyi dbyings/ /'gengs shing phyogs bcu'i sangs rgyas zhing du 'gro ba ni/ /de dag khrag khrig tshul rnams brjod du med pa yi/ /snang ba rnyed par gnas pa'i rgyal ba'i sras yin no/ /chos rab mu stegs snying rje'i tshul gyi rjes song zhing / /byams pa'i pha rol phyin pa bar snang ji bzhin te/ /sems can khams la nam yang yongs su rtog med pa/ /de dag rnam rtog med la brtson zhing 'jig rten spyod/ /phyogs bcu dag tu bden pas 'gro ba yid 'bebs par/ /dong bas sems can gtso bo de dag kun tu rgyu/ /bden pa'i tshig brtson rtag tu nges pa'i sems ldan pa/ /de dag phyogs bcu'i mi yi mchog gis byin gyis brlabs/ /'das par gyur pa'i dus kyang de dag rjes su dran/ /de bzhin ma 'ongs dus la 'jug pa rnam par sgom/ /de dag phyogs bcu'i 'jig rten kun na mi gnas te/ /sems can phan dang dgrol phyir kun tu rnam par rgyu/ /ye shes 'od mchog dam pas chags pa med gyur la/ /rgyu yi rnam pa chos rab nem nur med brtan rnams/ /de dag the tshom thams cad rnam par zlog pa byed/ /chos kyi dbyings 'dir nem nur med par rab tu 'jug /gang zhig bdud rnams kun gyi gnas rnams 'joms byed dang / /gang yang sems can </font><hr>Kha32a<br><font size=+1>


@#/ /rab rib shin tu sel byed dang / /gang rnams rtog pa 'jig cing rnam rtog mi 'grogs pa/ /sems can gtso bo de dag yul la the tshom med/ /dus gsum ma lus the tshom rnam par bzlog byas shing / /bsam pa'i mchog gis de bzhin gshegs pa'i drung 'gro ste/ /dad pa'i stobs dang ldan zhing blo brtan rnyed pa rnams/ / de dag don rtogs khong du chud cing blo yang dag /mkhas pa 'gro ba'i don du phyi ma'i mthar spro ste/ /sems can don du rnam thar 'byams klas yongs su 'tshol/ /yun ring dus su skyo ba med cing zhum pa med/ /sems can dmyal ba sdug bsngal mang po zlog par byed/ /de dag bsod nams mi zad ye shes ldan/ /'gro ba'i dbang po sna tshogs bsam la rab tu 'jug /skye rgu'i las kyi rgyud kyang shin tu shes byas shing / /bsam pa ji bzhin tshul 'dra'i chos rnams mtha' yas brjod/ /'gro la byams pa'i sa rnams kun dang rjes su ldan/ /bdag med nyid rtogs 'on kyang btang snyoms byed pa min/ /de dag snying brtse gcig tu gsal bar chos kyang brjod/ /'on kyang dmigs par mi gnas de dag 'jig rten rgyu/ /de dag 'od zer dra ba sna tshogs mdog bkye zhing / /'gro ba'i mun pa bsal te kun tu snang byas nas/ /'od zer sgo yi pad+mo dag la </font><hr>Kha32b<br><font size=+1>


rgyal sras rnams/ /kun tu bstan de rdul dang bral ba'i chos kyang ston/ /spu gcig rtse la zhing rnams rgyal bas brgyan pa dang / /de bzhin rgyal ba'i sras kyis brgyan pa mngon par mthong / /'khor rnams blo sems gzhan dang gzhan can dpe med pa/ /'gro ba de dag sems shes rmongs med ston pa byed/ /sems 'jug gcig gis phyogs rnams bcu po thams cad kyi/ /brjod du med pa khrag khrig zhing rnams kun bgrod cing / /song ste sangs rgyas 'gro ba'i don du mchod byas nas/ /dri ba khrag khrig don dang ldan pa sna tshogs 'dri/ /bde gshegs rnams la pha yi 'du shes nyer bzhag cing / /chos kyi gter mkhas rtag tu shes rab rnon po can/ /ye shes 'byung gnas mkhas pas sangs rgyas chags med phyir/ /'gro ba'i don 'dod byang chub mchog gi spyod pa sgrub/ /gang rnams chos dbyings rnam par phye zhing bsam byas kyang / /bskal pa mang po 'das byas zad par ma gyur te/ /chos nyid gnas med gang la'ang chud par ma gyur kyang / /chags med ye shes can rnams skyo sems med par spyod/ /dus gsum rgyal ba'i rigs su rigs dang ldan gyur cing / /bde gshegs kun gyi sku las yang dag byung gyur pas/ /chos kyi lus can de dag 'gro la gzugs lus ston/ /sgyu mkhan mkhas pa yid 'ong sgyu ma ston pa </font><hr>Kha33a<br><font size=+1>


@#/ /bzhin| |mkhas pa de dag la lar spyod pa mchog rnyed snang / /la lar mkhas pa skye zhing mya ngan 'das par snang / /byang chub dam pa'i mchog kyang rnam par 'tshang rgya snang / /mya ngan 'da' ba ston pa'ang de bzhin la lar snang / /rang rgyal rnams dang nyan thos rgyal ba'i sa min pa'i/ /chos nyid de la ji ltar rab tu gnas pa ltos/ /lus dang sgra med bsam med 'du shes ldan pa min/ /'on kyang bya ba sna tshogs du ma nye bar ston/ /'gro bar chos rnams rnam par 'byed cing skyer 'gyur te| |'jig rten gtso bo mi bzhugs phyi na rgyal sras rnams/ /chags med mthar phyin pa yi ye shes mi gnas te/ /sangs rgyas byin brlabs rnam par 'phrul pa dag kyang ston| |'jig rten 'di na de dag 'dra ba gang yang med/ /de dag pas kyang 'phags pa lta ko ci zhig smos/ /thams cad mkhyen pa'i ye shes yangs pa ma thob par/ /thams cad mkhyen pa'i thabs su rnam 'phrul mchog kyang thob/ /gang rnams chos rab 'phags par rtag tu 'jug byed pa/ /de dag chos rab dam pa mchog gi theg pa yin/ /'jig rten dus dang dus min tshod kyang shes byas shing / /de dag 'gro la phan phyir rnam par 'phrul pa ston/ /dpa' bo gang rnams zhing kun bdag gi lus 'gengs shing / /gang </font><hr>Kha33b<br><font size=+1>


rnams 'jig rten 'od zer dra ba mchog gtong ba/ /mun pa bsal cing snang bas 'jig rten rgyas par byed/ /klu yi dbang po bzhin du chos kyi char pa 'bebs/ /rmi lam lta bu log pa'i sgyu ma 'dra ba yi/ /'du byed rab tu shes nas las rnams sbyor 'jug cing / /'gro ba thams cad snying rje chen pos khyab byas nas/ /rang bzhin dag pas thar lam bya ba med pa ston| |gang rnams rgyal ba'i stobs rnams ji bzhin tshad med dang / /gang rnams mkha' ltar 'gro ba kun tu mtha' yas shing / /gang rnams sems can khams kun yongs su dgrol brtson pa/ /de dag bskal pa bye ba grangs med spyad pa spyod/ /las mchog bla na med pa shin tu sbyangs pa yis/ /yon tan dam pa sna tshogs rnams kyang kun sems shing / /byang chub sems dpa' de dag spyod pa mchog mi mthong / /thams cad mkhyen pa'i ye shes 'byung ba rnam par lta/ /sems 'byung gcig gis 'jig rten bsam gyis mi khyab pa/ /'byams klas kun tu rgyu zhing 'gro ba rab tu snang / /rtog dang rnam rtog mi byed dag pa'i sems dang ldan/ /de dag gcig min lus la lus gcig ston pa byed/ /de dag 'jig rten kun la rtog par mi byed de/ /mgon po kun gyi chos nyid yongs su mi rtog go /de dag chos kun rnam 'byed 'dod chags bral gyur kyang / /'gro ba thar par bya ba yongs su mi gtong ngo / / </font><hr>Kha34a<br><font size=+1>


@#/ /'jig rten kun gyi 'du shes rnam pa gang yod pa/ bzang ngan 'bring dang de bzhin chung dang sna tshogs kyis/ /'du shes thibs po dag dang rab brgal rnam phye ste/ /de dag byin brlabs rnam par 'phrul pa shin tu ston/ /ji ltar sgyu ma rnam pa sna tshogs tshad med pa/ /de 'dra'i rnam par 'phrul bas chos dbyings 'di dag 'gengs/ nam mkha'i dbyings kyi mthas klas lus kyi bye brag gis/ /'gro ba rnams kyi mos pa ji bzhin ston par byed/ /de dag gang la'ang ma chags rtog dang rnam rtog med/ /dogs pa med cing nyon mongs de bzhin rlom sems med/ /de dag sangs rgyas chags pa'i blo med thar la min/ /'gro ba kun la'ang bde ba'i 'du shes rab tu skyed/ /'jig rten kun na shes la mkhas rab mi 'jigs pa/ /'jig rten 'du shes gnas la 'jug par mi byed de/ /de dag chos kun 'di la 'du shes gang zhes rtog /de ltar gzhigs na dus gsum gang yang dmigs pa med/ /sngon gyi mthar thug 'das pa'i dus la rab zhugs te/ /phyi ma'i mthar thug ma 'ongs pa la rab zhugs nas/ /zhing rnams kun na ci yod kun kyang de bzhin du/ /shin tu shes kyang rtag par gang yang mi dmigs so/ /mya ngan 'das pa'i dbyings la'ang brtson par de bzhin gnas/ /nyon mongs med pa'i </font><hr>Kha34b<br><font size=+1>


tshul gyi rjes song mi gnas te/ /de dag yang dag mtha' 'dra de la 'dra ba med/ /byang chub spyod pa las kyang dpa' bo mi ldog go /gang rnams byang chub brtan pa ri rab bzhin gnas shing / /sangs rgyas rgyal sras mkhas pas chos dbyings thams cad dang / /'gro ba kun tu shin tu gang byas pa/ /'di ni dpa' bo rnams kyi spyod pa'i mchog yin no/ / blo mchog dam pa gang zhig thams cad mkhyen pa yi/ /rnam grol mdzes pa'i tshul mchog yangs pa 'dod pa ni/ /des ni gang las zag zad srid gsum bde 'byung ba'i/ /byang chub sems la rim pa med par 'jug par gyis/ /gang gi bsam pa rdul bral byang chub sems gnas pa/ /de dag yon tan legs pa zad par brjod pi nus/ /yon kyang 'gro ba'i don du bde gshegs legs brjod phyir/ /yon tan ldan pa de yi spyod pa mchog kyang nyon/ /gang gis zhing rnams bye ba khrag khrig rdul byas te/ /phyogs rnams re re kun tu bkang ste bgrang byas shing / /de yi rjes su dpag pas rnam 'dren zad byed na/ /'du shes rnams ni mthar thug zad par mi 'gyur ro/ /gang zhig sems can grangs mkhas sems can 'du shes med/ /spyod pa tsam du gzhol zhing sgra la ma chags par/ /gang zhig 'jig rten khams 'byeng chags pa med pa'i sems/ /de dag ldan dang grangs </font><hr>Kha35a<br><font size=+1>


@#/ /mkhas grangs dmigs med pa yin/ /yid kyis nam mkha'i dbyings ni mtha' yas rgya che dang / /dus rnams 'jig rten kun tu rtogs pa'i mkhas pa gang / /sbar mos thal gtor bzhin du the tshom rnams gtor ba/ /de dag sangs rgyas chos rtogs yid can chags pa med/ /gang dag phyogs rnams mtha' yas zhing la rab 'jug cing / /sems bskyed gcig gis blo nyams med par 'dod byed pa/ /de dag tha dad grangs la rtog pas der zhugs te/ /skye ba med pa'i chos la yang dag mtha' ltar mkhas/ /gang zhig sangs rgyas bye ba khrag khrig bsam yas pa'i/ /'khor du nye bar phyin te zham ring 'khor gnas shing / /gtso bo dag la 'dri ba'i thog mar gang 'gro ba| |spyod yul mchog can de yi smon lam mchog 'di yin/ /gang zhig phyogs rnams kun gyi mgon po kun dran zhing / /chos nyid de la nam yang gnas par ma gyur pa/ khams gsum dge ba gang yod kun gyi rgyu yin te/ /de dag zhing rnams thams cad yongs su dag par sbyong / /gang rnams skye ba'i rgyud du srid gsum sna tshogs rnams/ /'jig rten kun na yod la ma chags mig gyur pa/ /de dag bag chags mkhas shing de bzhin dbang po mkhas/ /mos pa bye ba khrag khrig bsam yas de bzhin mkhas/ /'gro ba'i </font><hr>Kha35b<br><font size=+1>


bsam pa ji bzhin gang gis shes gyur cing / /shes rab chen po de dag de bzhin chos ston pa/ /de dag kun nas nyon mongs rnam dag tshul la mkhas/ /sems can mang po rnam par sbyong ba'i lam ldan ston/ /gang zhig ting 'dzin bye ba khrag khrig brjod yas rnams/ /sems kyi rgyu ba gcig gi rjes su zhugs gyur pa/ /de dag mtshan ma sna tshogs gnas par rab tu shes/ /ldang ba'i rgyu la mkhas shing blo gros spyod yul shes/ /chags med byang chub de la mngon du gang zhugs shing / /'gro la phan pa'i don du blo yangs su zhugs pa/ /ye shes 'byams klas 'di dang de dag ldan pa yin/ /de phyir de dag skyes bu mchog gi gsung yang sgrog /gang zhig bskal pa ring dang bskal pa thung mkhas shing / / nyin zhag mkhas shing de bzhin zla ba zla phyed mkhas/ /gang yang 'jig rten rtag tu skye ba mkhas gyur pa/ /zhing gi rnam pa mkhas shing rnam phye'i chos med pa'o/ /gang rnams phyogs la zhugs te phyogs kyi rjes 'brang zhing / /phyogs kun tshad ni rjes su shes par ma gyur pa/ /de dag dbus mas phyogs kyi rjes su 'gro byed cing / /zhing rnams sbyong yang yongs su dag rtogs chags pa med/ /stobs la 'jug pas rgyal ba rnams kyi stobs shes pa/ /'gro ba rnams kyi gnas dang gnas min bsam byas nas/ /'das dang ma 'ongs </font><hr>Kha36a<br><font size=+1>


@#/ /da ltar byung ba'i las kyi sa/ /yang dag rtogs byas las kyi rnam par smin la gnas/ /'jig rten kun mkhas sna tshogs tha dad ji bzhin du/ /srid gsum rnam par rgyu ba'i tshul yang ji bzhin dang / /dbang po rnon po 'bring dang dbang po tha mar yang / /'gro ba ma lus kun gyi dbang po rnam par 'byed/ /mos pa rnam pa sna tshogs dge dang mi dge dang / / bzang ngan de bzhin 'bring la rnam par sems byed cing / /'gro ba kun na 'gro ba brtan pa rnam par 'byed/ /srid gsum rgyu yi rgyud kyang de dag rab tu shes/ /bsam gtan rnam thar nyon mongs ji bzhin mtshan ma mthong / /nyon mongs mtshams sbyor rnam byang ci 'gyur dang / /sngon chad gnas kyi bde dang sdug bsngal rgyud rnams kyang / /brtan pa rnams ni sangs rgyas stobs rnams sbyong bar byed/ /ji ltar 'gro ba'i lam rgyud nyon mongs las 'jug dang / /'gro rgyud thams cad 'jig cing zhig 'gyur thams cad dang / /zag pa sna tshogs rnams kyang ji ltar skye 'gyur ba/ /bag chags mtshams sbyar ji bzhin de bzhin rab tu 'jug /ji ltar 'jig rten nyon mongs zad cing dag gyur pa/ /de la skyes bu khyu mchog spyod pa'i blo dang ldan/ /stobs 'chang dag ni stobs bcu rnams kyi 'od snang ste/ /rgyal ba'i stobs kyang thob min the tshom yod pa min/ /spu rtse gcig la gang rnams </font><hr>Kha36b<br><font size=+1>


rnam par sems byed cing / /la la nyon mongs la la dag dang yangs pa yi/ /sna tshogs zhing rnams tshad las 'das pa ku na mthong nas/ /las dang bya ba sna tshogs rgyud du rab tu shes| |gang rnams rdul gcig rtse la rnam sems brjod med pa'i/ /zhing dang bde gshegs sras rnams sems can gtso mthong yang / /zhing rnams 'khrugs shing 'dres pa'i nyes pa gang yang med/ /gcig la 'jug pas rnal 'byor ldan pa kun la 'jug /spu gcig rtse la phyogs bcu thams cad rnam phye ste/ /nam mkha'i dbyings thugs 'jig rten khams rnams kun zhugs shing / /phyogs 'ga' tsam yang rgyal bas stong par mthong ba med/ /de bzhin zhing dang 'jig rten 'byams klas de dag sbyong / /bam po nyi shu bzhi pa/ de ltar brtan pas rgyal bas stong min zhing shes nas/ /'jig rten kun kyang spu rtse gcig la yod par 'jug /dus gsum rgyud rnams mtshan nyid tha dad khams kun dang / /nyin zhag dus dang zla phyed rgyud kyi rnam thar 'jug /de ltar rgyal sras 'jigs med byang chub sems dpa' rnams/ /skyes bu khyu mchog ye shes rgyal srid thob zhugs pa/ / de dag 'di 'dra shes nas rjes su sems byed cing / /bde gshegs rnams la dga' ba mtha' yas yangs pa 'thob/ /gang rnams bye ba khrag khrig sna tshogs lus bsgyur cing / / </font><hr>Kha37a<br><font size=+1>


@#/ /phyogs bcu'i rgyal ba thams cad mngon par mchod pa'i phyir/ /rnam 'phrul dam pa bzang po kun tu ston byed pa/ /de dag mgon po rnams kyi spyod yul rab la zhugs/ /gang rnams sangs rgyas bye ba khrag khrig drung bslab cing / /gang rnams chos kyi mdzod rtogs yid la ngoms med de/ /gang dag mgon po khyu mchog rnams la dga' sems pa/ /de dag chos kyi sprin yin spyod pa mang la spyod/ /ye shes 'phel bar 'gyur ba'i chos kyi gnas mkhas pa/ /de dag sangs rgyas 'byung gnas ting 'dzin thob pa yin/ /ri rgyal lta bu de dag dad pa'i 'byung gnas rten/ /ye shes 'byung gnas 'gro ba'i yon tan 'byung gnas so/ /gnas pa med pa dam pa shin tu yangs pa dang / /thams cad mkhyen la mngon gyur mya ngan med pa dang / /sems can skyob cing nyon mongs rnyog pa med zhugs pa'i/ /byams pa'i bsam pas 'gro ba kun kyang 'gengs/ /de dag snying rje'i blo yang shin tu yangs pa yin/ /bdag la cir sems de bzhin sangs rgyas sems can la/ /gzhan du nam mkha' lta bur mtshan nyid med par 'jug /nyams par gyur pa'i sems can rnams mthong phyir zhing rtsom/ /byang chub sems la mkhas pa dag gi tshad dag ni/ /bskal pa bye ba'i mthas kyang </font><hr>Kha37b<br><font size=+1>


brjod par mi nus te/ /ci phyir zhe na de las sangs rgyas thams cad byung / /dbang bdes rim gror byas dang rang rgyal kun kyang byung / /phyogs bcur zhing rnams grangs med bcur ni bgrangs gyur pa'i/ /sems can thams cad bskal pa gcig tu bder bkod cing / /bslab pa bcu dang dge bcu bsam gtan thob pa dang / /tshangs pa dag dang rnam grol zhi ba'i gnas bkod cing / /de dag bskal pa bye bar bde bar rab bkod de/ /dgra bcom nyon mongs zhi la rab tu bkod byas kyang / /byang chub sems dpa' dge ba'i tshogs kyi char mi rung / /byang chub sems dpa' zhugs ma thag tu tshogs chen gsog /nyon mongs med cing shin tu phra lam rtogs pa yin/ /rang rgyal sems can bye ba khrag khrig bkod gyur kyang / /bsod nams bsags pa des ni byang chub sems rab la/ /grangs dang cha dang bgrangs pa'i rnam par nyer mi 'gro /zhing gi rdul ni tshad kyis shes par rung yang srid/ /skad cig sems kyis zhing mang yongs su 'das byas shing / /de ltar bskal pa brjod yas zad par 'gro byas na/ /zhing mtha' thug par rung srid byang chub sems mchog min/ /mtha' rnams kun tu bskal pa mang po'i mtha' med de/ /sngon gyi mthar gyur bskal pa de bzhin ma 'ongs dang / /da ltar byung ba'i bskal pa zad dang </font><hr>Kha38a<br><font size=+1>


@#/ /thug med pa'i/ /bskal pa de dag zad srid byang chub sems ma yin/ /ci phyir zhe na 'di ltar phyogs rnams kun bkang zhing / /rtog dang rnam rtog yongs su shes par bya ba'i phyir/ /skad cig gcig gis dus gsum rtogs par bya don du/ /'gro ba'i don du 'dod cing sems mchog rin chen skye/ /phyogs bcu'i zhing rnams stong mang kun tu mtha' yas pa'i/ /'gro ba rnams kyi mos pa bsam pa ci 'dra dang / /sbyor ba gang dang sems dang spyod pa de bzhin te/ /mthar thug rung srid mkha' 'dra'i byang chub sems mtha' min/ /de ni 'di ltar phyogs bcu byams dang snying rje dang / /bsam pa chen pos 'gro ba thams cad rgyas byas shing / /thar pa'i don du sangs rgyas yon tan kun spyod phyir/ /rin chen sems kyi stobs ni tshad med rab tu skyes/ /mos dang bsam pa yid bzhin yang dag sbyor ba dang / /'gro ba'i dbang po sbyor ba sems dang spyod pa rnams/ /skad cig gcig gis ji bzhin rtogs par bya ba'i phyir/ /thams cad mkhyen pa'i ye shes lta bu'i sems skyes so/ /'gro ba'i las dang nyon mongs sna tshogs 'byams klas pa/ /gang gis khams gsum 'di dag tu ni skye 'gyur ba/ /de dag mtha' ni phyogs bcur rnyed par rung srid kyi/ /byang chub </font><hr>Kha38b<br><font size=+1>


sems kyi mchog la kun tu mtha' med do/ /ci phyir zhe na 'di ltar nyon mongs las grol ba'i/ /sems ni de bzhin gshegs pa mchod pa'i don du skye/ /nyon mongs grol byed de bzhin las kyi rgyud kyang gcod/ /dus gsum mun pa sel cing mi zad snying rjes byung / /phyogs bcu'i sangs rgyas mtha' yas ma lus thams cad dang / /sems can mang po thams cad sems gcig bskyed pa yis/ /spos dang me tog phreng ba byug pa dam pa dang / /gdugs dang rgyal mtshan bza' btung na bzas mchod par byed/ /gzhan yang gdan gyi rnam pa 'chag sa dam pa dang / /pho brang mang po sna tshogs tsan+dan mchog bsangs pa/ /nor bu rin chen rnam par snang bas brgyan pa dang / /yid bzhin nor bu yid 'ong brgyan pas mchod byas te/ /de ltar bde gshegs sems can mngon par mchod byed pas/ /bskal pa khrag khrig brjod du med pa zad byas kyang / /byang chub sems dpa'i bde bsags mthar phyin bde ba nyid/ /gang bsgrubs byang chub sems la mnyam par nyer mi 'gro /ji snyed dper brjod byas pa 'di dag thams cad kyang / /yang dag skyes pa'i byang chub sems kyi char mi rung / /de yang 'di ltar dus gsum bzhugs pa'i skyes bu mchog /thams cad byang chub sems mchog de las byung ba yin/ /byang chub sems ni chags pa med pa'i </font><hr>Kha39a<br><font size=+1>


@#/ /mthar phyin te/ /thams cad tshad la gnas kyang de la tshad yod min/ /thams cad mkhyen pa'i ye shes gzhol zhing tshad med stobs/ /sems can rang bzhin de bzhin byang chub mthar yang phyin/ /byang chub sems 'di nam mkha'i mtha' dang mnyam pa ste/ /chos rnams kun la khyab pa chos dbyings ji bzhin no/ /tshad med de bzhin nyid kun de yi spyod yul gyur/ /des ni kun tu khyab pa'i sems can gtso bo bzhin/ /de ni 'byams klas chos rnams kun la rjes su zhugs/ /des ni zhing rnams ma lus 'byams klas kun tu khyab/ /des ni shes pa 'byams klas thams cad rtogs par chud/ /des ni sangs rgyas 'byams klas kun dang 'gal med thob/ /rtag tu bsod nams bla na med pa dag dang ldan/ /de bzhin rtag tu tshul khrims rnam dag mi gnas ldan/ /rtag tu kun gtong rtag par rab tu dge ba ste/ /ldog pa med pa'i brtson 'grus mchog dang rab tu ldan/ /bsam gtan mdzod la rtag par bsam gtan 'jug pa byed/ /shes rab shin tu langs pa dang yang rtag tu ldan/ /rgyal sras rnams kyi sa rab dam pa gang yod pa/ /de dag don du ye shes kun tu bzang po byung / /'gro ba kun na skyes bu seng+ge gang bzhugs pa/ /de dag gis ni byang chub sems rab byin gyis brlabs// </font><hr>Kha39b<br><font size=+1>


ting nge 'dzin dang gzungs kyi dam pas rab tu brgyan/ /de bzhin gshegs pa'i rnam 'phrul rdzu 'phrul rnam pas brgyan/ /'jig rten yun dang 'gro ba rnams kyi ji tsam tshad/ /nam mkha'i tshad kyang phyogs bcu dag tu ji tsam pa/ /de dag pas kyang byang chub sems 'di tshad med de/ /de las skyes bu'i seng+ge kun kyang skyes shing byung / /byang chub sems 'di stobs bcu rnams kyi rtsa ba ste/ /brtan pa bzhi yi gnas yin so sor shes pa'i rtsa/ /rgyal ba'i chos rnams bco brgyad yang dag 'byin pa ste/ /skyes bu gtso bos mkhyen par bya ba'i chos kun 'byin/ /gzugs kyi sku ni mtshan rab rnams kyis bsags pa dang / /chos sku mnyam nyid rtog pa mi mnga' brnyes pa dang / /'gro bas mchod pa'i ye shes chags med gang byung ba/ /kun gyi rtsa ba 'byung gnas byang chub sems 'di yin/ /rang rgyal theg pa 'byung zhing nyan thos theg pa'ang 'byung / /bsam gtan ting 'dzin bde ba gzugs kyi khams rnams dang / /gzugs med khams rnams ting nge 'dzin gyi bde ba dag /kun gyi rtsa ba 'byung gnas byang chub sems mchog 'di yin no/ / mi dang de bzhin lha yi dbang po'i bde ba dang / /lam rgyud sna tshogs kun kyang 'di la shin tu sbyangs/ /brtson 'grus stobs dang dbang po'i bde ba gang yod pa/ /kun gyi rtsa ba dang </font><hr>Kha40a<br><font size=+1>


@#/ /po byang chub sems 'di yin/ /ci phyir zhe na 'di ltar byang chub sems bskyed cing / /pha rol phyin drug brtson par spyad pa rab tu spyod/ /sems can rnams la'ang spyod pa yang dag rab tu ston/ /des ni khams gsum 'gro ba'i bde ba kun kyang 'byung / /sangs rgyas chags med thugs chud don dam mkhyen pa rnams/ /chos kyi dam pa mchog rnams yang dag kun ston cing / /rgya chen nyon mongs las las sems can dgrol mdzad de/ /mya ngan 'das pa dam pa mchog la dgod mdzad pa/ /ye shes 'od zer 'od yangs nyi ma lta bu ste/ /'gro bar spyod pa dkar pos yongs rgyas zla ba bzhin/ /yon tan shin tu bsags pa tshad med chu lta bu/ /dri med chags pa mi mnga' tshad med mkha' dbyings 'dra/ /gang zhig yon tan mtha' yas byang chub sems yangs pa/ /shin tu che zhing bde skyed tshad med smon byed cing / /phyi ma'i mthar thug spyod par smon pas su brtson pa/ /de dag sems can gdul ba'i don phyir rtag tu brtson/ /'jig rten 'byams klas thams cad rnam par sbyang ba'i phyir/ /smon lam bye ba khrag khrig bsam gyis mi khyab dang / /stong pa mtshan ma med pa smon med mi gnas pa'i/ /smon lam bye ba brgyas ni sems de dag par 'gyur/ /chos kyi rang bzhin nam </font><hr>Kha40b<br><font size=+1>


mkha' lta bu sus rtogs shing / /zhi dang rab zhi nyer zhig thams cad mnyam gzhog pa/ /de dag chos grangs khrag khrig bsam gyis mi khyab pa'i/ /grangs su 'gro la ston kyang de ni gnas pa med/ /phyogs bcu kun gyi 'jig rten gtso bo ji snyed pa/ /de dag kun gyis byang chub sems mchog 'di bsngags te/ /yon tan brgya phrag bsam gyis mi khyab pas kyang brgyan/ /sems can gtso bzhin yongs dag pha rol phyin pa yin/ /bskal pa sems can snyed du gal te legs brjod kyang / /byang chub sems rab de la mthar thug gang yang med/ /rgyal ba 'byung ba'i rigs chen der ni gang skyes pa/ /de yi dpe ni khams gsum glongs kyang gang yang med/ /dus gsum rgyal ba kun gyis gang zhig rnam bsags pa'i| |byang chub sems rab de la smon lam kun gyi gyis/ /byang chub sems rab dam pa de ni bsod nams gter/ /des ni rgyal sras chags pa med pa rab tu 'thob/ /'gro ba'i sems dang spyod pa shes shing mthong rung srid/ /zhing rnams rdul du blags te bgrangs par nus kyang srid/ /bar snang skra yis mnyam par gzhal bar nus srid kyi/ /byang chub sems mchog yon tan mthar phyin mi nus so/ /'di las dus gsum sangs rgyas thams cad rab tu byung / /'di las 'jig rten 'gro ba kun gyi bde ba 'byung / /'di las rgyal </font><hr>Kha41a<br><font size=+1>


@#/ /bas bsngags pa'i legs pa thams cad 'byung / /'dis ni sems can gtso bo the tshom med par 'gyur/ /'dis ni 'jig rten kun gyi sgrib pa zad par 'gyur| |'dis ni zhing rnams yongs su dag pa'i mchog tu 'gyur/ /'di las 'jig rten dam pa shes dang ldan pa 'byung / /gang zhig phyogs bcu'i rgyal ba blta bar 'dod pa dang / /gang zhig byin dang bsod nams mi zad mdzod 'dod dang / /gang zhig 'gro ba kun gyi sdug bsngal zlog 'dod pa/ /des ni yon tan mtha' yas byang chub sems bskyed bya| |shin tu rgyas pa chen po'i mdo/ sangs rgyas phal po che zhes bya ba las/ byang chub sems dpa' sems dang po bskyed pa'i bsod nams kyi phung po'i dpe yang dag par bsags pa tshigs su bcad pa'i le'u zhes bya ste/ nyi shu gnyis pa'o// //de nas byang chub sems dpa' brtson 'grus blo gros kyis byang chub sems dpa' chos kyi blo gros la 'di skad ces smras so/ /kye rgyal ba'i sras/ byang chub sems dpa' thams cad mkhyen pa nyid kyi sems bskyed pa rab tu thob pa/ sems dang po bskyed pa la gnas pa/ de ltar tshad med pa'i bsod nams kyi tshogs dang ldan pa/ thams cad mkhyen pa'i ye shes rgya chen po la yang dag par 'dzeg pa/ byang chub sems dpa'i </font><hr>Kha41b<br><font size=+1>


skyon med pa shin tu chud pa/ 'jig rten kun tu khrid par byed pa rnam par zlog pa/ rdzogs pa'i sangs rgyas kyi 'jig rten las 'das pa'i chos nyid kyi rjes su song ba/ 'das pa dang / ma byon pa dang / da ltar byung ba'i de bzhin gshegs pa thams cad kyis byin gyis brlabs pa/ byang chub sems dpa'i rnam par dgod pa la shin tu nges pa/ rdzogs pa'i byang chub tu rab tu gzhol ba de dag gis de bzhin gshegs pa'i bstan pa la ji ltar brtson par byas pa'i rnam pa gang gis de bzhin gshegs pa thams cad mnyes par 'gyur ba dang / byang chub sems dpa'i rnam par dgod pa las 'das par 'gyur ba dang / spyod pa'i dkyil 'khor chen po yongs su dag par 'gyur ba dang / smon lam chen po yongs su rdzogs par 'gyur ba dang / byang chub sems dpa'i gter chen po rab tu thob par 'gyur ba dang / sems can rnams la snod ji bzhin du sbyin pa byed par 'gyur ba dang / pha rol tu phyin pa'i phyogs yongs su mi gtong bar 'gyur ba dang / ji ltar dam bcas pa'i sems can rnams sgrol bar 'gyur ba dang / sangs rgyas dang / chos dang / dge 'dun gyi gdung mi 'chad par 'gyur ba dang / dge ba'i rtsa ba dmigs pa thams cad du sbyor ba don med par mi 'gyur ba dang / kye rgyal ba'i sras/ byang chub sems dpa' rnams kyis </font><hr>Kha42a<br><font size=+1>


@#/ /de la brtson par byas pas chos kyi yul 'di dag yongs su rdzogs par 'gyur bar ji ltar brtsam par bya ba de legs par bshad par mdzod cig/ 'khor 'di dag thams cad ni/ nyan par 'dod do/ /sems can chen po de dag gis brtson pa'i rnam pa ji lta bus ma rig pa'i mun nag thams cad bsal te bdud kyi dkrugs ma'i 'khor thams cad las shin tu rgyal bar byas nas phas kyi rgol ba thams cad zil gyis mnan te sems kyi dri ma kun nas nyon mongs pa'i phyogs thams cad kun nas bsal nas dge ba'i rtsa ba phun sum tshogs pa thams cad shin tu bsgrubs te/ mi khom pa dang / ngan song dang / ngan 'gro'i lam thams cad rnam par bzlog nas ye shes kyi dkyil 'khor chen po rnam par byang bar byas te byang chub sems dpa'i sa dang / pha rol tu phyin pa dang / gzungs dang / ting nge 'dzin dang / mngon par shes pa dang / rig pa dang / mi 'jigs pa yongs su dag pa rnams mngon par bsgrubs nas sangs rgyas kyi zhing thams cad rnam par dag pa dang / mtshan dang dpe byad bzang po dang / sku dang / gsung dang / thugs kyi rgyan mngon par sgrub pa yongs su rgyas par byas te de bzhin gshegs pa thams cad kyi stobs dang / mi 'jigs </font><hr>Kha42b<br><font size=+1>


pa dang / sangs rgyas kyi chos ma 'dres pa mnyam pa nyid kyi rjes su song ste thams cad mkhyen pa'i ye shes kyi yul rtogs par 'gyur ba dang / de ltar mngon par byang chub nas kyang bsam pa'i tshul bzhin du sangs rgyas kyi zhing yongs su grub par gyur pa dag tu ji ltar yongs su smin par bya ba'i sems can dag la dus dang / dbang po'i rgyud ji lta ba bzhin du sangs rgyas kyi mdzad pa mtha' yas pa 'byin par 'gyur ba de legs par shod cig /'khor 'di dag thams cad ni/ nyan par 'dod do/ /ji ltar yang byang chub sems dpa' rnams kyis byang chub sems dpa'i yon tan 'di dang / gzhan dag dang / byang chub sems dpa'i chos dang / byang chub sems dpa'i spyod pa dang / byang chub sems dpa'i lam gyi yul rnams yongs su rdzogs par byas te myur du de bzhin gshegs pa'i mnyam pa nyid 'thob pa dang / de bzhin gshegs pa dgra bcom pa yang dag par rdzogs pa'i sangs rgyas rnams kyis bskal pa brgya stong grangs med par yang dag par bsgrubs pa'i chos kyi mdzod 'di yang yang dag par srung zhing byang chub sems dpa'i spyod pa la gnas shing ston pa dang / 'chad pa'i tshe bdud dam/ bdud kyi rigs su gtogs pa dang / phas kyi rgol ba thams cad kyis zil gyis mi non pa dang / 'jig rten gyi khams </font><hr>Kha43a<br><font size=+1>


@#/ /thams cad du yang skyo ba med par dam pa'i chos yongs su 'dzin par byed pa dang / de yang dag par ston pa'i tshe lha'i dbang po rnams kyis rim gror bya ba dang / gzhung de bzhin du klu'i dbang po dang / gnod sbyin gyi dbang po dang / dri za'i dbang po dang / lha ma yin gyi dbang po dang / nam mkha' lding gi dbang po dang / mi'am ci'i dbang po dang / lto 'phye chen po'i dbang po dang / mi'i dbang po dang / tshangs pa'i dbang pos rim gror bya ba rab tu 'thob pa dang / de bzhin gshegs pa chos kyi dbang pos rim gror bya ba rab tu 'thob pa dang / de ltar rim gror byas nas kyang 'jig rten thams cad kyis phyag bya ba/ 'jig rten thams cad kyis mngon par mchod pa/ 'jig rten thams cad kyis dbang bskur ba/ de bzhin gshegs pa thams cad kyis shin tu dgongs pa/ byang chub sems dpa'i tshogs kyis shin tu bsrung ba| rang gi dge ba'i rtsa ba dang smon lam rab tu thob pa/ chos dkar po chen po yang dag par spel ba rnams de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi mdzod rnam par 'byed par 'gyur ba dang / dam pa'i chos yongs su 'dzin pa rgya chen po rab tu 'byed pa dang / byang chub sems dpa'i rim </font><hr>Kha43b<br><font size=+1>


gyis spyod pa yongs su sgrub pa shin tu ston par 'gyur ba de lta bu'i gnas dag yang dag par bstan pa mdzod cig /de nas byang chub sems dpa' brtson 'grus blo gros kyis don 'di nyid bstan te brjod pa'i phyir byang chub sems dpa' chos kyi blo gros la tshigs su bcad de smras pa/ spyod la 'jug pa mtha' yas yangs pa dag /rang byung ye shes sgrub pa dge ba rnams/ /rdzogs pa'i byang chub sems dpa' yon tan can/ /grags pa chen po rnams la legs par shod/ /byang chub sems dpa' gang rnams sems thob cing / /bsod nams ldan pa ye shes thob pa rnams/ /skyon med zhugs pas 'jig rten rnams zlog cing / /yang dag sangs rgyas chos mnyam nyid thob rnams/ /de dag gis ni bde gshegs bstan pa la/ /brtson 'grus brtan pas ji ltar brtson par bya/ /gang gis phyogs bcu'i rgyal ba mnyes byas shing / /yang dag sangs rgyas sa'ang gnan bya dang / /spyod pa dag dang smon lam yong dag dang / /ye shes gter chen rab tu 'thob 'gyur zhing / /thob nas de dag 'gro kun mi gnas pas/ /yongs su blangs pa rtag tu gtong byed dang / /gang yang pha rol phyin pa mchog gi lam/ /de dag mi gtong rab tu spyod pa dang / /sems can ji ltar sgrol byed dam bcas shing / /yang dag sangs rgyas bsam pa </font><hr>Kha44a<br><font size=+1>


@#/ /mnyam 'dzin dang / /mig gi dmigs pa brten pa thams cad kyi/ /'byung ba yon tan can la stob 'gyur zhing / /skyes bu khyu mchog de dag brtson 'gyur ba'i/ /rnam dag lam de khyu mchog khyod kyis ston/ /ji ltar de dag mun pa kun bsal cing / /'khrug pa'i 'khor rnams thams cad pham byas nas/ /dri ma bral ba'i dge ldan mkhas pa rnams/ /skyes bu khyu mchog ye shes ldan 'gyur dang / /mi khom ngan song lam rnams yongs spangs shing / /ye shes chen po'i dkyil 'khor mchog spyod dang / / yon tan bzang po thams cad ldan gyur cing / /rgyal ba'i ye shes stobs kyang 'thob 'gyur dang / /skyes bu khyu mchog ye shes zhugs nas kyang / /sems can bsam pa ji bzhin ston byed cing / /mtha' yas yangs pa'i zhing rnams bsam yas su/ /ston pa chen po'i las kyang byed pa dang / /ci nas de dag spyod pa mchog thob nas/ /mi yi khyu mchog mdzod rnams ston byed de/ /zil gyis mi non gzhan gyis mi pham par/ /rgyal ba'i chos nyid rtag tu 'dzin byed ston/ /seng+ge bzhin du ji ltar 'jigs pa med/ /ji ltar zla bzhin dag pa'i mdog tu spyod/ /chu la pad+mo bzhin du chags med pa/ /de dag rgyal ba'i yon tan ji ltar spyod/ /de skad ces smras pa dang / byang chub sems dpa' chos kyi </font><hr>Kha44b<br><font size=+1>


blo gros kyis byang chub sems dpa' brtson 'grus blo gros la 'di skad ces smras so/ /kye rgyal ba'i sras/ khyod ni/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir zhugs pa ste/ kye rgyal ba'i sras/ khyod de ltar byang chub sems dpa'i spyod pa shin tu rtogs shing rnam par dag par brtsams te 'dri zhing / de ltar rgyal ba'i sras/ khyod de bzhin gshegs pa dri ba chos mang po la rab tu gnas pa/ brtson 'grus chen pos shin tu bsags pa brtson 'grus ldog pa med pas shin tu byung ba 'dri bar byed pa ni/ kye rgyal ba'i sras/ legs so/ /legs so/ /kye rgyal ba'i sras/ de'i phyir shin tu legs par nyon la yid la zungs shig dang / sangs rgyas kyi mthu dang / sangs rgyas kyi byin gyi rlabs kyis phyogs tsam bstan par bya'o/ /kye rgyal ba'i sras/ 'di la byang chub sems dpa' thams cad mkhyen pa nyid du sems bskyed pa thob pa rnams kyis thog mar sems bskyed pa de mi nyams par yongs su bsrung ba dang / rim gror bya ba'i phyir bag yod par bya'o/ /kye rgyal ba'i sras/ de la rnam pa bcus ni/ byang chub sems dpa' bag yod pa la gnas pa zhes bya ste/ bcu gang zhe na/ tshul khrims kyi phung po shin tu bsrungs ba dang / byang </font><hr>Kha45a<br><font size=+1>


@#/ /chub kyi sems ma nyams shing shin tu sbyangs pa dang / byang chub sems dpa'i bsam pa g.yo dang sgyu med pa dang / dge ba'i rtsa ba sbyor ba phyir mi ldog pa dang / rang gi sems bskyed pa shin tu rtogs pa dang / phyogs khyim pa dang so so'i skye bo dang ma 'dres pa dang / dge ba'i rtsa ba'i las 'jig rten gyi 'du shes dang 'dod pa thams cad dang bral ba dang / byang chub sems dpa'i lam nyan thos dang / rang sangs rgyas kyi theg pa spangs pa rab tu thob pa dang / dge ba'i rtsa ba brtsam pa nan tan rgyun chad pa med pa dang / bdag gi rgyud kyi stobs kyi shugs shin tu brtag pa dag ste/ kye rgyal ba'i sras/ rnam pa bcu po 'di dag dang ldan pa'i byang chub sems dpa' ni/ bag yod pa la gnas pa zhes bya'o/ /kye rgyal ba'i sras/ de la byang chub sems dpa' bag yod pa la gnas pa rnam pa bcus ni/ yongs su dag par 'gyur te/ bcu gang zhe na/ 'di lta ste/ kye rgyal ba'i sras/ 'di la byang chub sems dpa' ji ltar smras pa de ltar byed pa yin/ shes bzhin gyi dran pa can yin/ khengs pa med cing g.yeng ba med de bsam gtan zab mo la rab tu gnas pa yin/ sangs rgyas kyi chos zab mo btsal ba la nan tan du byed cing rgyun mi gcod pa yin/ lhag mthong mngon </font><hr>Kha45b<br><font size=+1>


par sgrub pa la mkhas shing ji ltar thos pa'i chos la tshul bzhin du rtog par zhugs pa yin/ bsam gtan gyi rjes su song ba'i sems kyis de bzhin gshegs pa'i rnam par 'phrul pa zab mo'i rjes su song ba yin/ sa dang mnyam zhing mthon dman dang bral ba yin/ sbyor ba bzang ngan dang bar ma la sems nyams pa med pa yin/ sems can kun gyi nang na chung ngu na thams cad mkhyen pa nyid du sems gcig bskyed pa la yang ston pa'i bsam pa thob pa yin/ mkhan po dang / slob dpon dang / dge ba'i bshes gnyen dang / byang chub sems dpa' dang / chos smra ba rnams la rim gro dang / bkur sti dang / ngang tshul can du gnas pa yin te/ kye rgyal ba'i sras/ rnam pa bcu po de dag gis byang chub sems dpa' bag yod pa la gnas pa yongs su dag par 'gyur ro/ /kye rgyal ba'i sras/ de la byang chub sems dpa' bag yod pa/ brtson 'grus brtsams pa/ dran pa nye bar gzhag pa/ mos pa che ba/ rnal 'byor rgyun ma chad pa/ chos thams cad la mi gnas pa/ chos thams cad la brtson pa/ nyon mongs pa med pa'i tshul la zhugs pa| sems yangs pa/ sangs rgyas kyi chos mtha' dang dbus med pa'i rjes su song ba rnams kyis ni/ de bzhin gshegs pa dgra bcom pa yang dag par rdzogs pa'i sangs </font><hr>Kha46a<br><font size=+1>


@#/ /rgyas rnams mnyes par 'gyur te/ kye rgyal ba'i sras/ byang chub sems dpas chos bcus de bzhin gshegs pa rnams mnyes par bya'o/ /bcu gang zhe na/ byang chub sems dpa'i brtson 'grus thams cad la phyir mi ldog pa dang / lus dang srog la mi lta ba dang / 'tsho ba'i yo byad dang 'tsho ba'i rkyen la don du gnyer ba med pa dang / chos thams cad rnam par sgom pas nam mkha' dang mnyam pa dang / chos kyi dbyings la yang dag par gzhol ba'i lhag mthong la mkhas pa dang / mi gnas pa'i chos rnam par sgom pa'i phyag rgya dang / rtag tu rgyun mi 'chad par sgrub pa'i smon lam chen po dang / yongs su sbyangs pa'i bzod pa shes pa'i snang ba dang / rang gi dge ba'i chos bsags pa dang ma bsags pa shin tu brtags pa dang / mngon par 'du bya ba med pa'i sgo shin tu byang ba ste/ kye rgyal ba'i sras/ bcu po de dag gis de bzhin gshegs pa mnyes par bya'o/ /kye rgyal ba'i sras/ de la byang chub sems dpa' chos bcu la gnas pa rnams kyis ni/ de bzhin gshegs pa rnams mnyes par 'gyur ba yin te/ bcu gang zhe na/ 'di lta ste/ bag yod pa la gnas pa dang / mi skye ba'i bzod pa la gnas pa dang / snying rje chen po la gnas pa dang / pha rol tu phyin pa </font><hr>Kha46b<br><font size=+1>


yongs su rdzogs par bya ba la gnas pa dang / spyod pa yongs su rdzogs par bya ba la gnas pa dang / smon lam mngon par sgrub pa la gnas pa dang / thabs mkhas pa la gnas pa dang / brtan pa'i stobs kyi shugs la gnas pa dang / chos thams cad nam mkha'i rang bzhin lta bu la rab tu gnas pa dang / len pa med pa la gnas pa ste/ kye rgyal ba'i sras/ chos de dag la gnas pa'i byang chub sems dpa' rnams kyis ni/ de bzhin gshegs pa mnyes par 'gyur ro/ /kye rgyal ba'i sras/ de la chos bcu dang ldan pa'i byang chub sems dpa' rnams ni/ sa rnam par dgod pa las 'da' ba yin te/ bcu gang zhe na/ 'di lta ste/ bsod nams dang ye shes kyi tshogs shin tu bsags pa dang / pha rol tu phyin pa rnam par phye ba tshad med pa'i lam gzhan gyi dring mi 'jog pa'i ye shes snang ba dang / dge ba'i bshes gnyen dang 'grogs pa rgyun ma chad pa dang / brtson 'grus zhig pa med pa dang / de bzhin gshegs pa'i byin gyi rlabs kyis legs par bslab pa dang / dge ba'i rtsa ba sbyor bas mi skyo ba dang / theg pa'i rgyan shin tu bshams pa dang / ye shes kyi bsam pa rab tu rno ba dang / sa dang sa ma yin pa'i chos kyi sgo la mi gnas pa dang / 'das pa dang / ma byon pa dang / da ltar byung ba'i sangs rgyas bcom ldan 'das thams cad dang </font><hr>Kha47a<br><font size=+1>


@#/ /dge ba'i rtsa ba'i rgyud kyi tshul gcig tu gyur pa dag ste/ kye rgyal ba'i sras/ chos bcu po de dag gis byang chub sems dpa' rnams sa nas sar rnam par dgod pa las 'da' ba yin no/ /kye rgyal ba'i sras/ byang chub sems dpa' de dag ni/ thog ma nas sa rnam par dgod pa thams cad la mkhas pa rnam par dpyod pa yin te| chos kyi sgo gang gis gang khong du chud par 'gyur ba dang / ye shes kyi sgo gang gis thob par 'gyur ba dang / sgrub pa gang yin pa dang / rgyu mthun pa gang yin pa dang / spyod yul gang yin pa dang / rnam par 'phrul pa gang yin pa dang / yang dag par mthong ba gang yin pa dang / chos kyi sgo rnam par dbye ba'i khyad par gang yin pa dang / ji ltar thob par bya ba thams cad kyang rnam par dpyod do/ /de dag la shin tu rnam par dpyad pas chos thams cad la mi gnas shing / sems kyi rang bzhin gyi chos thams cad khong du chud pas byang chub sems dpa'i sa yang dag par 'da'o/ /kye rgyal ba'i sras/ byang chub sems dpa' rnams ni/ 'di ltar bdag cag gis ci nas kyang myur du 'da' bar bya'o| |snyam du mi sems te/ de ci'i phyir zhe na/ 'di ltar de dag 'di snyam du sems te/ bdag cag sa nas sa la rnam par gnas pas/ ji lta ji ltar yang dag par gnas </font><hr>Kha47b<br><font size=+1>


pa de lta de ltar bsod nams kyi tshogs ches che ba skye bar 'gyur te/ ji lta ji ltar bsod nams kyi tshogs chen po skyes par gyur pa de lta de ltar de bzhin gshegs pa'i sa'i rjes su song zhing sangs rgyas kyi mdzad pa tshad med pas nye bar gnas par 'gyur ro/ /snyam ste/ de dag sbyor ba rgyun ma chad cing / skyo ba med pa'i yid dang ldan pa dang / tshogs kyi rgyan chen pos byang chub sems dpa'i sa rnam par dgod pa las yang dag par 'da'o/ /kye rgyal ba'i sras/ de la byang chub sems dpa' rnams kyis rnam pa bcus spyod pa'i dkyil 'khor yongs su sbyang bar bya ste/ bcu gang zhe na/ yo byad yongs su gzung ba med pa dang / 'gro ba thams cad tshim par byed pa dang / tshul khrims yang dag par blangs pa kha na ma tho ba med pa dang / bzod pa dang des pa mi zad pa'i sa'i rjes su song ba dang / brtson 'grus rtsom pa phyir mi ldog pa'i sbyor ba dang ldan pa dang / dran pa'i stobs kyi shugs rmongs pa med pa dang / gcig las rnam pa tha dad pa'i chos kyi rjes su song zhing khong du chud pa dang / gnas med pa'i spyod pa sgrub dka' ba thams cad la sems ri'i rgyal po lta bu dang / sems can thams cad ma 'dres pa'i mu stegs su gyur pa dang / 'gro ba thams cad du sangs rgyas thams cad dang rgyud kyi tshul gcig tu gyur pa ste/ kye rgyal </font><hr>Kha48a<br><font size=+1>


@#/ /ba'i sras/ rnam pa bcu po de dag gis byang chub sems dpa' rnams kyis spyod pa'i dkyil 'khor yongs su sbyang bar bya'o/ /de dag gi byang chub sems dpa'i spyod pa de ltar yongs su sbyangs pa des rnam pa bcus shin tu dag par 'gyur te/ bcu gang zhe na/ sems can gyi gtso bo 'jig rten gyi khams gzhan na bzhugs pas yang dag par dgongs pa dang / 'das pa'i byang chub sems dpa'i grogs kyis dge ba'i rtsa ba bskyed pa dang / sangs rgyas kyi byin gyi rlabs yang dag par gzung ba la mkhas pa dang / dge ba'i bshes gnyen la yang dag par brten pa dang / mos pa dang / brtson 'grus dang / bag yod pa la rab tu gnas pa dang / chos tha dad pa thams cad la tha mi dad par rtogs pa dang / snying rje'i byin gyi rlabs shin tu che ba dang / chos thams cad yang dag par ji lta ba bzhin du rnam par lta ba'i shes rab kyi pha rol tu phyin pa mngon par sgrub pa dang / thabs la mkhas pa rnam par dpyod pa'i sbyor ba dang / sbyor ba thams cad la de bzhin gshegs pa'i stobs kyi rjes su 'brang ba dag ste/ kye rgyal ba'i sras/ rnam pa bcu po de dag gis byang chub sems dpa' rnams kyis spyod pa'i dkyil 'khor yongs su sbyang bar bya'o/ /kye rgyal ba'i sras/ de la </font><hr>Kha48b<br><font size=+1>


byang chub sems dpa'i smon lam rnam par dag pa bcu ste/ bcu gang zhe na/ 'di lta ste/ skyo ba med par sems can gyi khams yongs su smin par bya ba'i smon lam dang / dge ba'i rtsa ba sna tshogs bsags pas 'jig rten gyi khams yongs su dag par bya ba'i smon lam dang / lus dang srog gis bsngo zhing dam pa'i chos yongs su 'dzin pa'i smon lam dang / ye shes kyi sgo rnam par dpyad pa khong du chud pas sangs rgyas kyi zhing la 'jug pa'i smon lam dang / byang chub sems dpa' thams cad dang gnyis su med pas tshul gcig gi rgyud du 'gro ba'i smon lam dang / de bzhin gshegs pa'i sgo la 'jug pas chos thams cad khong du chud pa'i smon lam dang / mos pa rnam par sbyangs pas blta na don yod pa'i smon lam dang / phyi ma'i mthar byin gyis brlabs pas bskal par gnas pa'i smon lam dang / byang chub sems dpa' kun tu bzang po'i theg pa'i rgyan rnam pa thams cad kyi sgo nas rnam par sbyangs pa'i smon lam dag ste/ kye rgyal ba'i sras/ byang chub sems dpa' rnams ni/ de ltar smon lam rnam par sbyong ngo / /de dag rnam pa bcus smon lam yongs su rdzogs par byed de/ bcu gang zhe na/ yongs su skyo ba med pa dang / rgya chen po mngon par sgrub pa dang / byang chub sems dpa' smon lam khyad par du 'phags pa rnams </font><hr>Kha49a<br><font size=+1>


@#/ /kyi rjes su 'jug pa dang / 'jig rten gyi khams gzhan na bzhugs pa'i de bzhin gshegs pa'i sangs rgyas kyi zhing thos nas rang gi smon lam du mngon par sgrub pa dang / bsam pa phyi ma'i mtha'i mur thug pa dang / sems can gyi khams thams cad yongs su smin par bya bar gtugs pa'i smon lam chen po dang ldan pa dang / bskal pa thams cad du gnas pas mi 'jigs pa dang / sdug bsngal thams cad kyis ci mi snyam pa dang / bde ba thams cad la ye mi rngam pa dang / bsam pa mnyam pa med pa'i rnam par thar pa yongs su srung ba dag ste/ de dag smon lam chen po de ltar yongs su sbyong zhing yongs su rdzogs par byed pa'i tshe sangs rgyas mthong ba'i gter zad mi shes pa'ang rab tu 'thob bo/ /gzungs 'khrul pa med pa'i gter zad mi shes pa'ang rab tu 'thob bo/ /smon lam zad mi shes pas chos thams cad shin tu rtogs pa'i gzungs kyang rab tu 'thob bo/ /snying rje chen pos 'gro ba thams cad yongs su skyob pa'i gter zad mi shes pa'ang rab tu 'thob bo/ /ting nge 'dzin gyi rgyud kyi gter zad mi shes pa'ang rab tu 'thob bo/ /'gro ba thams cad tshim par bya ba'i bsod nams kyi gter zad mi shes pa'ang rab tu 'thob bo/ /chos thams cad yang dag pa ji lta </font><hr>Kha49b<br><font size=+1>


ba bzhin du brtag pa'i ye shes kyi gter zad mi shes pa'ang rab tu 'thob bo/ /rnam par smin pa la gnas pa mngon par sgrub pa'i gter zad mi shes pa'ang rab tu 'thob bo/ /sangs rgyas kyi byin gyi rlabs mtha' yas pa'i gter zad mi shes pa'ang rab tu 'thob bo/ /'jig rten gyi khams mtha' dang dbus med par gtogs pa la 'jug pa'i gter zad mi shes pa'ang rab tu 'thob bo/ /de ltar gter rab tu thob cing bsod nams dang / ye shes kyi tshogs zad mi shes pa dang ldan pa de dag ye shes chen po'i dkyil 'khor yongs su dag pas| sems can rnams la bsam pa ji lta ba bzhin du chos kyi gter gyi sbyin pa byed do/ /de la rgyal ba'i sras/ byang chub sems dpa' rnams sems can rnams kyi bsam pa ji lta ba bzhin du ji ltar 'jug ce na/ sbyor ba ji lta bur rgyu ba dang / rgyu dang rkyen ji lta ba dang / sems dang sems las byung ba'i sbyor ba ji lta ba las sems can rnams kyi bsam pa ji lta ba bzhin du 'jug ste/ de dag de ltar bsam pa la zhugs pa rnams sems can rnams kyi bsam pa ji lta ba bzhin du shes shing chos yang dag par ston te| de dag 'dod chags kyi bsam pa rnam par bzlog pa'i phyir mi sdug pa yang dag par ston to/ /zhe sdang gi bsam pa rnam par bzlog pa'i phyir byams pa chen po'i sbyor ba yang </font><hr>Kha50a<br><font size=+1>


@#/ /dag par ston to/ /gti mug gi bsam pa rnam par bzlog pa'i phyir chos rnam par 'byed pa la mkhas pa yang dag par ston to/ /cha mnyam pa rnam par bzlog pa'i phyir ye shes kyi khyad par dang ldan pa'i chos kyi sgo yang dag par ston to/ /'khor ba'i bsam pa rnam par bzlog pa'i phyir sdug bsngal gsum dang ldan pa yang dag par ston to/ /gnas kyi bsam pa rnam par bzlog pa'i phyir gnas med pa'i chos kyi sgo yang dag par ston to/ /zhum pa'i bsam pa rnam par bzlog pa'i phyir rgya chen po'i yul yang dag par ston to/ /bdag gi nga rgyal gyis bcom pa'i bsam pa rnam par bzlog pa'i phyir chos kyi mnyam pa nyid yang dag par ston to/ /g.yo dang sgyus mi mnyam pa'i bsam pa rnam par bzlog pa'i phyir byang chub sems dpa'i bsam pa mnyam pa nyid dang / zhi ba'i gnas kyi bsam pa mngon par sgrub pa yang dag par ston to/ /de dag ni/ de ltar sems can rnams la bsam pa ji lta ba bzhin du chos kyi gter yang dag par ston te/ de yang don dbyer med pa yang dag par ston to/ / yi ge'i mtshams 'byor bar sbyar bas yang dag par ston to/ /shes pa rnam par dbye bas yang dag par ston to/ /bstan pa snga phyi ma 'dres pas yang dag par ston to/ / </font><hr>Kha50b<br><font size=+1>


chos kyi tshul dang tshul ma yin pa'i bye brag dbyer med pas yang dag par ston to/ /mtshan nyid kyi phyag rgya rnam par mi 'khrug pas yang dag par ston to/ /chos rab tu dgod pa rgyun chad pa med pas yang dag par ston to/ /mtha' yas pa sbyad \ SPYAD?\ pas yang dag par ston to/ /the tshom thams cad shin tu gcad pa'i phyir yang dag par ston to/ /dbang po'i rgyud la 'jug pa'i phyir yang dag par ston to/ /de bzhin gshegs pa'i phyag rgya la dgod par gzhol bas yang dag par ston to/ /yang dag pa'i mtha' mtshan nyid med pa rnam par mi 'khrug pas yang dag par ston to/ /chos kyi dbyings la yang dag par gzhol bas yang dag par ston to/ /chos kyi rnga yang dag par brdung bas yang dag par ston to/ /gnas thams cad yang dag par spangs pas yang dag par ston to/ /de bzhin gshegs pa thams cad rjes su dran pa mi gtong bas yang dag par ston to/ /tshig dang skad dang sgra dang ngag gi lam thams cad mnyam pa nyid la mi gnas pas yang dag par ston to/ /rnam par mi rtog pa'i dbyings kyi rjes su 'gro bas yang dag par ston to/ /dpe thams cad rnam par dgod pas rgyud dang mi 'gal bar brtan par bya bas yang dag par ston to/ /de bzhin gshegs pa thams cad kyi ye shes kyi dkyil 'khor rang gi lus su sems pa la yang dag </font><hr>Kha51a<br><font size=+1>


@#/ /par gzhol bas yang dag par ston to/ /de ltar sems can la chos yang dag par ston cing rtag tu rgyun mi 'chad par chos kyi nan tan gyi mtshan nyid kyi rjes su 'brang ba dang / rang gi don gting tshugs par byed pa dang / pha rol tu phyin pa'i phyogs mi gtong bas rgya chen po'i pha rol tu phyin pa'i theg pa yang dag par sgrub bo/ / de la'ang sems can thams cad tshim par bya ba dang / yo byad kyis yongs su bstud pa dang / sbyor ba mnyam par yongs su gtong bas sbyin pa'i pha rol tu phyin pa yongs su dag par byed do/ /yang dag par blangs pa mi gtong ba dang / gnas med pa dang / nga rgyal med pas tshul khrims kyi pha rol tu phyin pa yongs su dag par byed do/ /nyes pa thams cad khyad du gsod pa dang / sems can thams cad kyis mi 'khrugs pa dang / mnyam pa nyid la gzhol ba dang / mthon dman med pa dang / zad mi shes pa'i sa mnyam par 'dzin pas bzod pa'i pha rol tu phyin pa yongs su dag par byed do/ /brtsam pa chen por rtsom pa dang / brtsam pa thams cad la zhum pa med pa dang / sbyor ba phyir mi ldog pa dang / yid la byed pa phyir mi 'gyur ba dang / mthu mtha' yas pa dang / stobs la thub pa med pa dang / sngon du 'dor ba mi 'phrog pa dang / dad pa'i mthu chen po dang / blang </font><hr>Kha51b<br><font size=+1>


pa dang dor ba med pa'i tshogs thams cad yongs su rgyas par bya ba dang / thams cad mkhyen pa'i sgo nyams pa med pa la yang dag par 'jug pas brtson 'grus kyi pha rol tu phyin pa yongs su dag par byed do/ /'dod pa'i yon tan thams cad kyi 'du 'dzi yongs su sbyong ba dang mi 'bral ba dang / rim gyis bsam gtan dang ting nge 'dzin mngon par sgrub pa dang / gnas med cing blang ba med pa shin tu rtogs pa dang / nyon mongs pa thams cad rab tu sel pa dang / ting nge 'dzin sgo mtha' yas pa mngon par sgrub pa dang / mngon par shes pa chen pos rnam par 'phrul pa'i rjes su 'gro ba dang / rim gyis rnam par spong ba'i ting nge 'dzin gyi sgo la rab tu 'jug pa dang / ting nge 'dzin gcig la sgo mtha' yas pa rab tu 'jug pa dang / ting nge 'dzin gyi spyod yul thams cad shes pa dang / de'i yul gyi rjes su rab tu zhugs pa dang / ting nge 'dzin dang snyoms par 'jug pa thams cad ye shes kyi phyag rgya mi 'khrug pa'i thams cad mkhyen pa'i sa la nye bar gyur pas bsam gtan gyi pha rol tu phyin pa yongs su dag par byed do/ /sangs rgyas kyi chos thams cad mnyan pa dang / gzung ba dang / blang ba dang / bcang ba dang / dge ba'i bshes gnyen thams cad bsnyen bkur bas yongs su mi skyo ba dang / thos pa thams cad </font><hr>Kha52a<br><font size=+1>


@#/ /kyis mi ngom pa dang / ji ltar thos pa la tshul bzhin du rtog pa dang / de la mngon sum du mnyam par gzhog pa dang / sgro 'dogs pa'i lta ba thams cad dang bral ba dang / chos thams cad rnam par 'byed pa la mkhas pa dang / mtshan nyid kyi phyag rgya tha mi dad pa dang / de bzhin gshegs pa'i sgo nas lhun gyis grub par sgom zhing rnam par sgom pa dang / stobs la 'jug pa dang / thams cad mkhyen pa'i ye shes la 'jug pa rgyun mi 'chad pa dang / shes rab kyi pha rol tu phyin pa sgo kun dang ldan pas thams cad mkhyen pa'i sgor 'jug pas shes rab kyi pha rol tu phyin pa yongs su dag par byed do/ /'jig rten gyi bya ba'i rgyud thams cad ston pa dang / sems can yongs su smin pas yongs su mi skyo ba dang / bsam pa bzhin du bya ba ston pa dang / bya ba thams cad la mngon par chags pa med pa dang / byis pa'i spyod pa dang / 'phags pa'i spyod pa bsam pa ji lta ba bzhin du ston pa dang / 'khor ba dang mya ngan las 'das pa nye bar ston pa dang / sbyor ba thams cad shin tu brtags pas rgyu ba dang / rgyan thams cad bstan pa gnas med pa dang / 'gro ba thams cad kyi rjes su 'gro zhing rjes su 'brang ba dang / sems can thams cad sgrol ba'i spyod pas thabs la mkhas </font><hr>Kha52b<br><font size=+1>


pa'i pha rol tu phyin pa yongs su sbyong ngo / /sems can gyi khams mthar thug par yongs su smin par bya ba dang / 'jig rten gyi khams mthar thug par yongs su sbyang ba dang / de bzhin gshegs pa mthar thug par mchod pa dang / chos chags pa med pa'i mthar thug par rnam par 'tshang rgya ba dang / chos kyi dbyings kyi mthar thug pa'i spyod pa'i dkyil 'khor yongs su rdzogs par bya ba dang / bskal pa phyi ma'i mthar thug par rab tu gnas pa dang / sems bskyed pa'i mthar thug par stobs la 'jug pa dang / 'gro ba dang ldog pa mthar thug par mngon par 'tshang rgya ba dang / zhing gi gnas kyi mthar thug par thams cad mthong ba dang / de bzhin gshegs pa'i ye shes kyi mthar thug pa rab tu thob par bya bas smon lam gyi pha rol tu phyin pa yongs su dag par byed do/ /bsam pa'i stobs kun nas nyon mongs pa med pa dang / lhag pa'i bsam pa'i stobs dbang du gyur cing thub pa med pa dang / snying rje chen po'i stobs skyo ba med pa dang / byams pa chen po'i stobs snyoms pa'i sbyor ba can dang / gzungs kyi stobs don thams cad kyi sbyor ba la bsgribs pa med pa dang / spobs pa'i stobs 'gro ba thams cad tshim par byed pa dang / pha rol tu phyin pa'i stobs theg pa thams cad kyi rgyan byed pa dang / smon lam gyi stobs </font><hr>Kha53a<br><font size=+1>


@#/ /gcad du mi rung ba dang / mngon par shes pa'i stobs tshad med pa mngon par sgrub pa dang / sangs rgyas kyi byin gyi rlabs la mos pa dam pa'i stobs rab tu 'dzin pas stobs kyi pha rol tu phyin pa yongs su dag par byed do/ /'dod chags kyi spyod pa khong du chud pa dang / zhe sdang gi spyod pa rjes su rtogs pa dang / gti mug gi spyod pa rab tu rtogs pa dang / cha mnyam pa'i spyod pa rjes su shes pa dang / slob pa'i sems can gyi spyod pa rab tu rtogs pa dang / skad cig gcig gis sems can mtha' yas pa'i spyod pa rnam par rtogs pa dang / sems dang bsam pa mtha' yas pa thams cad shes par byed pa dang / chos thams cad la yang dag pa ji lta ba bzhin du rtogs pa dang / de bzhin gshegs pa'i stobs kyi rjes su 'jug pa dang / chos kyi dbyings kyi sgo thams cad dang ldan pa khong du chud pas ye shes kyi pha rol tu phyin pa yongs su dag par byed do/ /bam po nyi shu lnga pa/ de dag de ltar pha rol tu phyin pa rnams yongs su sbyong zhing / pha rol tu phyin pa de dag yongs su rdzogs par byed pa dang / pha rol gyi phyogs mi gtong ba dang / byang chub sems dpa'i theg pa rgya chen po'i rgyan dang ldan pa la gnas shing sems can gyi khams ji ltar dam bcas pa bzhin du </font><hr>Kha53b<br><font size=+1>


yang dag par sgrol lo/ /de dag dge ba'i las shin tu bsags pa ston pas ngan song du 'gro ba'i sems can sgrol lo/ /brtsam pa chen po la gzud pas sems can gyi khams mi khom par 'gro ba sgrol lo/ /lhag mthong nye bar bstabs pas gzugs kyi khams na 'khod pa'i sems can gyi khams sgrol lo/ /phra ba'i ye shes nye bar bstabs pas gzugs med pa'i khams su skyes pa'i sems can rnams sgrol lo/ /zhi ba'i tshul nye bar bstabs pas nyan thos dang / rang sangs rgyas kyi theg pa la mos pa'i sems can gyi khams sgrol lo| |stobs bcu'i rgyan chen po dang ldan pa bstabs pas theg pa chen po la mos pa'i sems can gyi khams sgrol lo/ /de ltar na/ sngon las dang po pa'i sa la gnas pa'i tshe sems can g.yang sa chen po nas lhung ba rnam pa tha dad par gyur pa ji lta ba bzhin du shes te sgo sna tshogs nas gzud par bya'o/ /zhes seng+ge'i sgra bsgrags pa de bzhin du ye shes thob pa rnams sems can thams cad bsgral ba'i phyir rab tu zhugs pa yin no/ /kye rgyal ba'i sras/ /byang chub sems dpa' ye shes de lta bu la zhugs pa ni/ rtag tu rgyun mi gcod par sangs rgyas kyi rigs dang / chos kyi rigs dang / dge 'dun gyi rigs mi gcod pa'i phyir zhugs pa yin te/ de dag byang chub kyi sems gzhan gyi sems kyi rgyud la </font><hr>Kha54a<br><font size=+1>


@#/ /gzhol bas sangs rgyas kyi rigs mi gcod pa yin/ chos kyi mdzod rnam par 'grel pas chos kyi rigs mi gcod pa yin/ bstan pa'i tshul dang 'gal bar mi byed pas dge 'dun gyi rigs mi gcod pa yin/ smon lam chen po yang dag par brjod pas sangs rgyas kyi rigs mi gcod pa yin/ rten cing 'brel par 'byung ba'i tshul yang dag par ston pas chos kyi rigs mi gcod pa yin/ snying po thob par byed pa'i chos la brtson pas dge 'dun gyi rigs mi gcod pa yin/ de bzhin gshegs pa'i sa bon sems can gyi zhing la 'debs pas sangs rgyas kyi rigs mi gcod pa yin/ dam pa'i chos yongs su 'dzin pas chos kyi rigs mi gcod pa yin/ tshogs chen po yongs su sdud pa la mi skyo bas dge 'dun gyi rigs mi gcod pa yin/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi mdzad pa dran pa'i phyir rtag tu de bzhin gshegs pa'i gdams ngag dang / rjes su bstan pa mi gtong pas sangs rgyas dang / chos dang / dge 'dun gyi rigs mi gcod pa yin/ de dag de ltar skyabs gsum gyi rigs mi gcod pa'i phyir zhugs pas rtsom pa thams cad kha na ma tho ba med pa yin te/ brtsam pa gang ci rtsom yang rung / de dag thams cad du thogs pa med </font><hr>Kha54b<br><font size=+1>


par thams cad mkhyen pa'i sgor 'byung ba thob bar byed do/ /de dag de ltar lus kyi las kha na ma tho ba med pa dang / ngag gi las kha na ma tho ba med pa dang / yid kyi las kha na ma tho ba med pa la gnas pas dge ba'i rtsa ba rtsom pa don yod par rtsom pa yin te/ sems can gyi don sbyor ba don yod par rtsom mo/ /sems can don yod par 'dul bar byed do/ /chos don yod par ston to| |de'i chos bstan pa thams cad kyang sems can gyi bsam pa tshim par bya ba la thogs pa med pas khong du chud par 'gyur ro/ /de'i sems bskyed pa gcig tsam yang log par mi 'gyur te/ sems bskyed pa gzhan thabs dang shes rab kyis yongs su zin pa thams cad kyang thams cad mkhyen pa nyid du yongs su bsngo'o/ /de de ltar chos dkar po bsags pa don yod pa de lta bu la gnas pas/ rgyan rnam par phye ba bcus sems bskyed pa thams cad yongs su bsngo ste/ bcu gang zhe na/ 'di ltar lus kyi rgyan sems can 'dul ba ji bzhin du yang dag par ston pa dang / ngag gi rgyan the tshom thams cad gcod pa dang / sems kyi rgyan skad cig gcig gis ting nge 'dzin rjes su rtogs par byed pa dang / sangs rgyas kyi zhing gi rgyan kun nas nyon mongs pa med pa dang / 'od kyi rgyan 'od zer gyi dra ba mtha' dang dbus med pa bkye bas 'gro ba thams cad snang bar byed pa dang / 'khor gyi </font><hr>Kha55a<br><font size=+1>


@#/ /dkyil 'khor gyi rgyan sems can gyi rnam pa tshad med pa'i tshogs yongs su mgu bar byed pa dang / rdzu 'phrul gyi rnam par 'phrul pa'i rgyan sems can gyi bsam pa ji lta ba bzhin du rdzu 'phrul gyi rnam par 'phrul ba dang / bstan pa'i rgyan mkhas pa'i skye bo thams cad kyis yongs su bzung ba dang / mya ngan las 'das pa'i rgyan mngon par sangs rgyas pa gcig gis phyogs bcu ma lus par rgyas par 'gengs pa dang / chos byin gyis brlab pa'i rgyan yul dang / dus dang / snod ji lta ba bzhin du ston pa dag ste/ de dag rgyan de lta bus sems bskyed pa thams cad du mngon par sgrub pas lus dang / ngag dang / yid kyi las don yod pa dang / ye shes chen po don yod pa rab tu 'thob ste/ de dag mthong bas kyang 'di ltar bla na med pa yang dag par rdzogs pa'i byang chub tu yongs su smin par 'gyur ba'i phyir sems can rnams la don yod pa yin te/ thos pa dang / bsnyen bkur ba dang / 'grogs pa dang / rjes su dran pa dang / rjes su rab tu byung ba dang / chos ston pa dang / dge ba'i rtsa ba la rjes su yi rang pa dang / dad cing mos pa dang / chung ngu na ming brjod pa tsam yang 'di ltar bla na med pa yang dag par rdzogs pa'i byang chub tu yongs su smin pa'i phyir sems can rnams </font><hr>Kha55b<br><font size=+1>


la don du 'gyur ba yin no/ /kye rgyal ba'i sras/ 'di lta ste/ dper na/ rtsi'i ming mthong na bde ba zhes bya ba de mthong ma thag tu sems can rnams kyi lus la zhen pa'am/ ltor zos pa'i dug rab tu zhi bar 'gyur ro/ /kye rgyal ba'i sras/ de bzhin du chos de lta bu dang ldan pa'i byang chub sems dpa' yang mthong ma thag tu sems can rnams kyi nyon mongs pa'i dug thams cad byang bar 'gyur te/ chos dkar po'i stobs kyi shugs kyang skye bar 'gyur ro/ /kye rgyal ba'i sras/ de ltar byang chub sems dpa' sems dpa' chen po chos nyid de lta bu dang ldan zhing chos de dag la gnas te shes rab kyi 'od chen pos ma rig pa'i mun pa bsal nas bdud kyi dkrugs ma'i 'khor thams cad byams pa dang / snying rje chen po'i stobs kyis pham par byas te ye shes dang / bsod nams kyi stobs kyi shugs kyis phas kyi rgol ba thams cad zil gyis mnan nas rdo rje lta bu'i ting nge 'dzin la 'jug pas/ sems kyi dri ma thams cad dang / nyon mongs pa'i phyogs thams cad bsal nas skyo ba med pa'i stobs dang shugs kyi dge ba'i rtsa ba phun sum tshogs pa thams cad rab tu sgrub ste/ sngon chad sangs rgyas kyi zhing yongs su dag par spyad pa'i stobs dang shugs kyis mi khom pa dang / ngan song dang / ngan 'gro'i lam thams cad rnam par bzlog nas mngon par zhen pa </font><hr>Kha56a<br><font size=+1>


@#/ /med pa'i stobs dang shugs kyis ye shes kyi dkyil 'khor yongs su sbyangs te/ rim gyis thabs dang / shes rab kyi stobs dang shugs kyis byang chub sems dpa'i sa dang / pha rol tu phyin pa dang / ting nge 'dzin dang / mngon par shes pa dang / rig pa dang / mi 'jigs pa yongs su dag pa mngon par bsgrubs nas chos dkar po thams cad kyi stobs dang / shugs kyis sangs rgyas thams cad kyi mtshan dang / dpe byad bzang po dang / sku dang gsung dang thugs kyi rgyan yongs su dag pa mngon par sgrub pa rab tu rgyas par byas te/ ye shes kyi shes par bya ba'i dbang dang / byin gyi rlabs kyis de bzhin gshegs pa'i stobs dang / sangs rgyas kyi chos ma 'dres pa thams cad mnyam pa nyid du khong du chud par byas nas bla na med pa yang dag par rdzogs pa'i byang chub kyang myur du 'thob cing / thams cad mkhyen pa'i ye shes kyi yul yang smon lam gyi khyad par ji lta ba bzhin du 'thob par 'gyur ro/ /sngon gyi byin gyi rlabs dang / ye shes kyi byin gyi rlabs kyis mngon par sangs rgyas nas sems can rnams kyi bsam pa ji lta ba bzhin du sangs rgyas kyi zhing bstan te/ 'dul ba ji lta ba bzhin du sems can rnams la chos kyi 'khor lo chen po bskor cing mtha' yas pa'i sems can rnam </font><hr>Kha56b<br><font size=+1>


par 'dul lo/ /kye rgyal ba'i sras/ de ltar byang chub sems dpa' chos de lta bu dang ldan pa dag ni/ tshul de lta bus sangs rgyas thams cad dang mnyam pa nyid kyi bar du thob par 'gyur te/ byang chub sems dpa'i spyod pa thob nas kyang 'jig rten gyi khams mtha' yas pa dag tu dam pa'i chos yongs su 'dzin cing chos smra ba chen po'ang byed do/ /de ltar chos smra ba byed pa'i tshe de bzhin gshegs pa dgra bcom pa yang dag par rdzogs pa'i sangs rgyas kyis byin gyis brlabs pa de dag chos kyi mdzod chen po gzung zhing bsrung ba'i phyir tha dad pa yang dag par shes pas chos kyi tshul rab tu dbye ba'i rjes su song ba'i byang chub sems dpa'i tshig gis 'khor gyi dkyil 'khor mtha' yas par bdag gi lus kyi rgyan byin gyis brlabs te/ bstan pa mngon par sgrub pa rnam pa'i mchog thams cad dang ldan pa dang / tha dad pa yang dag par shes pa'i mkhas pa mtha' yas pa dang / ye shes mi zad pa'i sgor 'jug pa dang / dbyangs kyi dkyil 'khor shin tu rnam par phye ba'i byin gyi rlabs dang / dbyangs gcig bsgrags pas 'khor gyi dkyil 'khor thams cad mgu bar byed pa'i dbyangs kyi yan lag rnam par dag pa bsam pa dang / bag la nyal ba dang / shes pa'i sa ji lta ba bzhin du rjes su 'brang ba dang / lus kyi byin gyi rlabs </font><hr>Kha57a<br><font size=+1>


@#/ /kyis 'khor gyi dkyil 'khor thams cad kyi nang du phyin kyang zil gyis mi non pa dang / lus kyi rgyan sgo thams cad du rnam par bstan pa dang / 'khor gyi dkyil 'khor thams cad kyi sems dang / bsam pa khong du chud pas rab tu rtogs pa dang / tshig grol ba'i byin gyi rlabs kyis bstan pa dang / chos 'chad pa'i byin gyi rlabs la mkhas pas chos kyi gtam chen po byed de/ stobs dang shugs kyi dbang thub pa med pa dang / 'jigs pa med pa'i dbang zhum pa med pa dang / chos kyi dbang zil gyis mi non pa dang / ye shes kyi dbang gzhan gyis mi thub pa dang / shes rab kyi pha rol tu phyin pa'i dbang chos kyi mtshan nyid 'khrugs pa med pa dang / tha dad pa yang dag par shes pa'i dbang mtshams sbyor ba rgyun chad pa med par bsam pa shin tu rtogs pa dang / gzungs kyi dbang chos thams cad rnam par gdon mi za ba la 'jug pa dang / smon lam gyi dbang dpe sna tshogs kyis bstan pa'i tshul nye bar sgrub pa shin tu bstan pa dang / snying rje chen po'i dbang phyir mi ldog cing rgyun ma chad pa dang / byams pa chen po'i dbang sngon shin tu skyes pas bsam pa thams cad sim par byed pa'i 'od zer gyi dra ba chen po gtong bas chos kyi gtam chen po byed do/ /de dag ni/ </font><hr>Kha57b<br><font size=+1>


de bzhin gshegs pa seng+ge'i gdan la bzhugs shing chos kyi gtam gsung ba dang / byang chub sems dpa' ye shes dang smon lam gyi khyad par dang ldan pa ma gtogs par sems can gyi ris na byang chub sems dpa' de la phyir brgal ba'am/ spyi gtsug blta ba'am/ zil gyis mnan pa'am/ dri ba'i tshogs yongs su dri bas thub par bya bar nus pa'i sems can gang yang med de/ de ni/ gnas med do/ /kye rgyal ba'i sras/ gal te byang chub sems dpa' dbang de lta bu thob pa la 'jig rten gyi khams brjod du med pa tsam du yangs pa'i 'khor gyi dkyil 'khor zhig yod la/ 'khor gyi dkyil 'khor de yang sems can stong gsum gyi bdag po'i gzi brjid thob pa sha stag gis gang ba zhig yin na yang de dag thams cad byang chub sems dpa' 'khor gyi dkyil 'khor du 'ongs ma thag tu lus bstan pa'i dbang gis zil gyis mnan te/ byams pa chen po'i dbang gis lus kyi gzhi tshim par byas nas ye shes chen po'i dbang gis sems dang bsam pa rnam par shes par byas te mi 'jigs pa'i bsam pa chen pos chos ston pa byed cing / spobs pa chen po'i dbang gis sems can tshim par byed do/ /kye rgyal ba'i sras/ de ci'i phyir zhe na/ 'di ltar byang chub sems dpa' de ni/ ye shes kyi dkyil 'khor tshad med pa dang </font><hr>Kha58a<br><font size=+1>


@#/ /ldan| chos rnam par 'byed pa shin tu rnam par phye ba la mkhas pa dang ldan/ dran pa'i stobs dang shugs ma nyams shing rgya che ba dang ldan/ chos thams cad kyi tshul rnam par gdon mi za bar bzung zhing blangs pas rtogs par mkhas pa dang ldan/ byang chub sems dpa'i thabs mkhas pa mtha' dbus med pa dang ldan/ chos kyi mtshan nyid bsgribs pa med pa'i chos ston pa la mkhas pa dang ldan/ mos pa la mkhas pa sangs rgyas thams cad kyi byin gyi rlabs kyis blangs pa dang ldan/ dus gsum gyi de bzhin gshegs pa'i dkyil 'khor du yang dag par gzhol ba'i ye shes kyi byin gyi rlabs la mkhas pa dang ldan/ sems can thams cad kyi gtso bo 'das pa dang / ma byon pa dang / da ltar byung ba rnams dang rgyud kyi tshul gcig tu gyur pa'i bsam pa bzang po rnam par dag pa la mkhas pa dang ldan pas chos smra ba chen po byed cing / de bzhin gshegs pa rnams kyi chos kyi mdzod kyang rnam par 'byed do/ /'das pa dang / ma byon pa dang / da ltar byung ba'i de bzhin gshegs pa rnams kyi ye shes kyi byin gyis brlabs pa'i byang chub sems dpa'i yid kyi smon lam dang / ye shes 'byams klas pas dam pa'i chos kyang yongs su 'dzin to/ /de nas byang chub sems </font><hr>Kha58b<br><font size=+1>


dpa' chos kyi blo gros kyis yang byang chub sems dpa' rim gyis yang dag par 'byung ba'i chos kyi sgo'i le'u yang dag par bstan pa'i phyir sangs rgyas kyi byin gyi rlabs kyis de'i tshe tshigs su bcad pa 'di dag smras so/ /bsod nams tshogs bsags byang chub sems la gnas pa rnams/ /rtag tu bag yod blo brtan mthu chen bdog pa dag /dran dang ldan zhing byang chub sems rab mi gtong bas/ /phyogs rnams bcu por bde gshegs rnams ni mnyes par byed/ /brtson 'grus brtsams pa dran ldan mos pa brtan pa can/ /'jig rten kun la rtag tu mi gnas mi ldog pa/ /zab pa'i chos zhugs mya ngan med pa'i tshul mkhas rnams/ /phyogs rnams bcu por bde gshegs rnams ni mnyes par byed/ /brtson 'grus brtan pas bde gshegs mnyes par byas nas kyang / /dus gsum bsod nams tshogs dang ye shes ldan pa rnams/ /sa rnams gnod byed spyod mchog nyams pa med par byed/ /thub pa'i smon lam rdzogs byed ston pa'ang de bzhin byed/ /ye shes gcig la zhugs pa de dag thob bya ba/ /thob nas 'gro ba kun la sbyin pa rab tu gtong / /bsam pa dag dang khams dang sbyor ba shes byas nas/ /dbang po ji bzhin mkhas pa de ltar chos kyang ston/ /pha rol phyin la brtson pa mthu chen ldan pa rnams/ /'gro ba rnams la chos ston </font><hr>Kha59a<br><font size=+1>


@#/ /bdag gi don mi gtong / /pha rol phyin rdzogs grol ba mthu chen ldan pa rnams/ /khyu mchog mthu yis 'khor ba'i mtsho las sems can sgrol/ /de ltar nyin mtshan skyo ba med par brtson byed cing / /drang srong rgyal ba chos rigs mi gcod zhugs pa yis/ /dkar po'i spyod pa gang yang rung ste spyod pa rnams/ /thams cad don yod rgyal ba rnams kyi sar 'gro'o/ /de dag ci spyod thams cad 'gro ba rnams la yang / /rnam smin don yod nyon mongs dri ma sbyong bar 'gyur/ /'di 'dra'i chos ldan de dag mun pa bsal byas shing / /bdud 'khrug 'khor lo pham byas byang chub thob par byed/ /de ltar brtson zhing ye shes thob pa'i bde gshegs sras/ /bde gshegs rnams kyi chos rab mdzod kyang rab tu ston/ /de dag chos smra'i bya ba kun kyang shin tu byed/ /bdud rtsi mchog zhim sprin gyi char yang mngon par 'bebs/ /de dag snying rje byams pas 'gro ba kun bkang zhing / /brtan pa de rnams 'khor gyi bsam pa shes byas nas/ /gang gi bsam pa blo gros sems rgyud ci 'dra ba/ /de bzhin rgyal ba'i chos ni stong phrag du ma ston/ glang po'i stabs sdug tshul bzang 'gros su 'gro ba rnams/ /seng+ge'i rtsal ltar rtag tu sus kyang mi thub cing / /ye shes rgya mtsho lta bu ri rab bzhin gnas pa/ /sprin ltar </font><hr>Kha59b<br><font size=+1>


'gro ba kun gyi nyon mongs zhi bar byed/ /byang chub sems dpa' chos kyi blo gros kyis de skad ces smras pa dang / de la ston pas rjes su dgyes par mdzad do/ /shin tu rgyas pa chen po'i mdo/ sangs rgyas phal po che zhes bya ba las/ chos snang ba'i le'u zhes bya ba ste/ nyi shu gsum pa'o// //de nas sangs rgyas kyi mthus shar phyogs kyi 'jig rten gyi khams thams cad dang / lho phyogs kyi 'jig rten gyi khams thams cad dang / gzhung de bzhin du steng gi phyogs kyi 'jig rten gyi khams kyi bar thams cad na gling bzhi pa 'di la sogs pa gling bzhi pa re re na de bzhin gshegs pa mang po bzhugs par snang ngo / /byang chub sems dpa' de dag kyang de bzhin gshegs pa'i byin gyi rlabs kyis chos ston to/ /bdag kyang de bzhin gshegs pa'i byin gyi rlabs kyis chos ston to/ /bdag kyang de bzhin gshegs pa'i zhabs kyi drung na 'khod par shes so/ /bcom ldan 'das kyis rdzu 'phrul mngon par 'du mdzad pa ma bshig ma btang bar byang chub kyi shing drung yang ma spangs par ri rab kyi rtse mo nas mtshe ma'i gnas kyi lha'i bu rab mtshe ma'i khang pa nor bu sna tshogs gang na ba der gshegs par snang ngo / /ji ltar gling bzhi pa 'di na bcom ldan 'das rab mtshe ma'i gnas su gshegs par snang ba de bzhin du 'jig rten gyi khams thams cad na </font><hr>Kha60a<br><font size=+1>


@#/ /yang rab mtshe ma'i gnas su gshegs par snang ste/ byin gyi rlabs snga ma rnams kyang de bzhin ma 'khrugs par snang ngo / /de nas lha'i rgyal po rab mtshe mas bcom ldan 'das rgyang ring po nas khang pa nor bu sna tshogs logs su mngon par gshegs pa mthong nas rings pa'i gzugs su khang pa nor bu sna tshogs kyi nang du de bzhin gshegs pa'i gdan rdzu 'phrul gyis bsgrubs pa'i seng+ge'i khri pad+mo'i snying po can/ lha rdzas kyi rin po che las byas pa/ bog re brgya stong phrag bcus kun nas brgyan pa/ gser gyi dra ba brgya stong phrag bcus kun nas mngon par bres pa/ me tog gi bla re brgya stong phrag bcus kun tu khyab par byas pa/ phreng ba'i bla re brgya stong phrag bcus kun tu brgyus pa| spos kyi bla re brgya stong phrag bcus spos thams cad kun tu 'thul bar bdug pa/ rin po che'i bla re brgya stong phrag bcus kun tu bres pa/ me tog gi gdugs brgya stong phrag bcu kun nas bzung ba/ phreng ba'i gdugs brgya stong phrag bcus kun nas bzung ba/ rin po che'i gdugs brgya stong phrag bcu kun nas bzung ba/ 'od zer brgya stong phrag bcus snang bar byas pa/ rab mtshe ma'i lha'i rgyal po brgya stong phrag bcus rab tu btud pa/ tshangs pa brgya stong phrag bcus mngon par phyag bya ba/ byang chub sems </font><hr>Kha60b<br><font size=+1>


dpa' brgya stong phrag bcus mngon par bstod pa/ rol mo brdung ba brgya stong phrag bcus sgra phyung ba/ chos kyi glu'i dbyangs brgya stong phrag bcu'i glu'i dbyangs dang ldan pa/ me tog gi sprin gyi char brgya stong phrag bcu rab tu phab pa/ phreng ba'i sprin gyi char brgya stong phrag bcu rab tu phab pa/ rgyan gyi sprin gyi char brgya stong phrag bcu rab tu phab pa/ gos kyi sprin gyi char brgya stong phrag bcu rab tu phab pas kun nas yog pa/ nor bu rin po che'i sprin brgya stong phrag bcu'i char rab tu phab pas kun tu snang bar byas pa/ dge ba'i rtsa ba brgya stong phrag bcus kun nas byung ba/ sangs rgyas brgya stong phrag bcus byin gyis brlabs pa/ bsod nams brgya stong phrag bcus bsags shing bsgrubs pa/ lhag pa'i bsam pa brgya stong phrag bcus shin tu sbyangs pa/ smon lam brgya stong phrag bcus rnam par dag par byas pa/ spyod pa brgya stong phrag bcus kun nas bslab pa/ chos brgya stong phrag bcus rab tu brtan pa/ rnam par 'phrul ba brgya stong phrag bcu dang ldan pa/ yon tan brgya stong phrag bcus shin tu 'phags pa/ brjod pa brgya stong phrag bcu shin tu brjod pa bshams so/ /ji ltar gling bzhi pa 'dir rab mtshe ma'i gnas kyi lha'i rgyal por mtshe ma'i khang pa nor bu sna tshogs su de bzhin gshegs pa'i gdan gting ba </font><hr>Kha61a<br><font size=+1>


@#/ /de bzhin du 'jig rten gyi khams thams cad kyi gling bzhi pa dag gi rab mtshe ma'i gnas su yang khang ba nor bu sna tshogs su lha'i rgyal po rab mtshe ma rnams kyis de bzhin gshegs pa'i gdan rgyan 'di 'dra ba dang / bsham pa'i tshul 'di 'dra ba dag kyang bting bar gyur to/ /de nas lha'i rgyal po rab mtshe mas bcom ldan 'das kyi gdan bting nas zhe sa dang / rim gror bcom ldan 'das gang na ba de logs su thal mo sbyar te phyag 'tshal nas bcom ldan 'das la 'di skad ces gsol to// bcom ldan 'das/ gshegs su gsol/ bde bar gshegs pa/ gshegs su gsol/ de bzhin gshegs pa dgra bcom pa yang dag par rdzogs pa'i sangs rgyas bde bar gshegs sam/ de nas bcom ldan 'das lha'i rgyal po rab mtshe mas spyan drangs pa bzhin du khang pa nor bu sna tshogs su gshegs so/ /ji ltar gling bzhi pa 'dir rab mtshe ma'i gnas su lha'i rgyal po rab mtshe ma'i khang pa nor bu sna tshogs su gshegs pa de bzhin du 'jig rten gyi khams thams cad du yang rab mtshe ma'i gnas kyi khang pa nor bu sna tshogs su gshegs par snang ngo / /de nas lha'i rgyal po rab mtshe mas lha'i dbang po'i gnas thams cad du sgra bsgrags te/ lha'i rgyal po rab mtshe mas </font><hr>Kha61b<br><font size=+1>


bcom ldan 'das la gsol ba btab bo/ /de nas lha'i rgyal po rab mtshe mas sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba ji ltar bskyed pa de rjes su dran nas sangs rgyas kyi byin gyi rlabs kyis de'i tshe tshigs su bcad pa 'di dag smras so/ /bkra shis dam pa gang zhig gis/ /sangs rgyas grags pa'i dam par mtshan btags mtshan gsol ba/ /nor bu gtsug tu gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis| |'jig rten sgron ma blo zhes mtshan btags pa/ /sbyangs pa'i lam du gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis| |bsgribs med gzigs pa 'dzum pa'i spyan du mtshan btags pa/ /rgyan gcig ldan par gshegs pa ltar/ /nges ni 'dir yang bkra shis mchog gyur cig/ bkra shis dam pa gang zhig gis/ /'jig rten sgron ma mar me mdzad ces mtshan btags pa/ /rnam par rgyal par gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /bde gshegs yang dag don gzigs pa zhas mtshan btags pa/ /dri med rtse mor gshegs pa ltar/ /des ni 'dir yang bkra </font><hr>Kha62a<br><font size=+1>


@#/ /shis mchog gyur cig /bkra shis dam pa gang zhig gis/ /de bzhin gshegs pa rang byung mchog ces mtshan btags pa/ /rin chen spos su gshegs pa ltar| |des ni 'dir yang bkra shis mchog gyur cig /bkra shis dam pa gang zhig gis/ /'jig rten sgron ma dbyig gi lha zhes mtshan btags pa/ /dri med sna tshogs gshegs pa ltar/ /des ni 'dir yang bkra shis mchog gyur cig/ bkra shis dam pa gang zhig gis/ /'gro ba med pa smra ba'i stag ces mtshan btags pa/ /thams cad tshul du gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /yon tan kun mnga' dpal gyis rgyal bar mtshan btags pa| |dga' ba'i rgyan du gshegs pa ltar/ /des ni 'dir yang bkra shis mchog gyur cig /bkra shis dam pa gang zhig gis/ /'jig rten phan brtson dka' thub drag por mtshan btags pa/ /kun nas mdog tu gshegs pa ltar/ /des ni 'dir yang bkra shis mchog gyur cig /ji ltar lha'i rgyal po rab mtshe mas sangs rgyas kyi byin gyi rlabs kyis sngon gyi rgyal ba'i gshegs pa brjod de mngon par bstod pa de bzhin du 'jig rten gyi khams thams cad kyi rgyal po rab mtshe ma rnams kyang sangs rgyas kyi byin </font><hr>Kha62b<br><font size=+1>


gyi rlabs kyis sngon gyi yang dag par rdzogs pa'i sangs rgyas gshegs pa brjod cing glu'i dbyangs kyis tshigs su bcad de mngon par bstod do/ /de nas bcom ldan 'das khang pa nor bu sna tshogs su gshegs nas gang na bting ba la skyil mo krung bcas te bzhugs so/ /ji ltar bcom ldan 'das bzhugs pa de bzhin du 'jig rten gyi khams thams cad du'ang gdan bting ba de dag la bzhugs par snang ngo / /bcom ldan 'das bzhugs ma thag tu khang pa nor bu sna tshogs de/ 'di lta ste/ dper na/ rab mtshe ma'i lha'i ris thams cad tsam du che bar gyur par snang ste/ 'di na ji lta ba bzhin du 'jig rten gyi khams thams cad na yang de bzhin no/ /shin tu rgyas pa chen po'i mdo/ sangs rgyas phal po che zhes bya ba las/ rab mtshe ma'i gnas rnam par 'phrul ba'i le'u zhes bya ba ste/ nyi shu bzhi pa'o// //de nas sangs rgyas kyi mthus phyogs bcu nas byang chub sems dpa' mang po lhags par gyur te/ byang chub sems dpa' re re zhing yang 'khor sangs rgyas kyi zhing brgya phrag stong gi rdul shin tu phra ba snyed dang lhan cig tu 'ongs te byang chub sems dpa' re re zhing yang byang chub sems dpa' sangs rgyas kyi zhing gi rdul shin tu phra ba snyed dang lhan gcig tu phyin to/ /byang chub sems dpa' de dag thams cad </font><hr>Kha63a<br><font size=+1>


@#/ /kyang ming 'di zhes bya ba dag ste/ 'di ltar yon tan dang ldan pa dang / blo gros dang ldan pa dang / dpal dang ldan pa dang / dga' ba dang ldan pa dang / khrel dang ldan pa dang / brtson 'grus dang ldan pa dang / stobs dang ldan pa dang / rig pa dang ldan pa dang / blo dang ldan pa dang / ye shes dang ldan pa dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa ste/ 'di ltar gnyen dang ldan pa dang / me tog dang ldan pa dang / nor dang ldan pa dang / dpal dang ldan pa dang / sgron ma dang ldan pa dang / rdo rje dang ldan pa dang / bde ba dang ldan pa dang / nyi ma dang ldan pa dang / dge ba dang ldan pa dang / tshangs pa dang ldan pa dag go /byang chub sems dpa' de dag thams cad kyang de bzhin gshegs pa'i mtshan 'di zhes bya ba dag gi zham 'bring na tshangs par spyod pa dag ste/ 'di ltar nyams pa med pa'i spyan dang / gzhan ma yin pa'i spyan dang / mi g.yo ba'i spyan dang / mi bskyod pa'i spyan dang / chu'i spyan dang / bcings pa med pa'i spyan dang / kun tu spyod pa'i spyan dang / 'od kyi spyan dang / dam pa'i spyan dang / mthon mthing gi spyan dag go /de nas byang chub sems dpa' de dag bcom ldan 'das la phyag 'tshal </font><hr>Kha63b<br><font size=+1>


nas sangs rgyas kyi mthus phyogs bcu rgyas par byas te/ gang nas 'ongs pa'i phyogs su brten nas seng+ge'i khri rin po che'i snying po can dag bshams te skyil mo krung bcas nas 'khod do/ /ji ltar gling bzhi pa 'dir rab mtshe ma'i gnas su byang chub sems dpa' 'ongs par gyur pa de bzhin du 'jig rten gyi khams thams cad kyi gling bzhi pa kun tu yang rab mtshe ma'i gnas kyi khang pa nor bu sna tshogs su'ang lhags par gyur te/ byang chub sems dpa'i ming yang de skad ces bya ba sha stag/ de bzhin gshegs pa'i mtshan kyang de skad ces bya ba'i zham 'bring na tshangs par spyod pa sha stag go/ de nas bcom ldan 'das kyi zhabs kyi bol gnyis nas 'od zer bye ba brgya stong bkye ste/ phyogs bcu thams cad snang bar byas nas 'jig rten gyi khams thams cad bstan te/ byang chub sems dpa' de dag gis 'jig rten gyi khams thams cad kyi gling bzhi pa kun gyi rab mtshe ma'i gnas thams cad na yang de bzhin gshegs pa'i rnam par 'phrul pa yod pa mthong ngo / /de nas byang chub sems dpa' yon tan dang ldan pas sangs rgyas kyi mthus phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas 'od zer 'od snang bas/ /phyogs rnams thams cad rnam par snang / /des ni rab tu gsal </font><hr>Kha64a<br><font size=+1>


@#/ /byas pas/ /mig la rab rib gang yang med/ /mtshe ma rab kyi gnas 'di na/ /gang zag dam pa sangs rgyas bzhugs/ /de bzhin kun na'ang gsal bar snang / /de ni 'jig rten ngo mtshar to/ /sems can gtso bo bcu yi rnams/ /gshegs par gyur pa mngon par ston/ /de dag 'khor kyang ci 'dra ba/ /de bzhin kun na rab tu snang / /phyogs rnams bcu po thams cad na/ /chos kyi dam pa rab tu ston/ /de kun ming yang de bzhin te/ /bdag cag rnams kyi kun rdzob bzhin/ /'jig rten khams kyi ming dag kyang / /de zhes bya ba kun nas 'ongs/ /gang zag dam pa de dag ni/ /tshangs pa'i spyod pa'ang de na spyod/ /bdag cag rnams la gang btags pa/ /kun gyi ming yang de dang mthun/ /sangs rgyas zhing rnams mthun ldan pa/ /de dag sangs rgyas rnam 'phrul pa'o/ /mi yi 'jig rten kun na yang / /'di na rgyal ba bzhugs par shes/ / gzhan gyis de yi rgyal po yi/ /gnas na de bzhin bzhugs pa mthong / /'jig rten khams rnams thams cad na/ /gang zag dam pa de bzhugs kyang / /rgyal ba mtshe ma rab gnas na/ /bzhugs par bdag cag kun kyang sems/ /'jig rten khams rnams thams cad na/ /sangs rgyas gzi brjid bsam mi khyab/ /de dag smon lam bskul ba'i </font><hr>Kha64b<br><font size=+1>


phyir| |'jig rten thams cad su rab tu bkye/ /sems can gtso bo'i rnam 'phrul ba/ /'di dag de rnams kun gyis mthong / /sangs rgyas yon tan mtha' yas te/ /'jig rten zang zing thub pas spangs/ /phyogs rnams thams cad kun tu byung / /chags pa med pa nam mkha' bzhin/ /de ni gcig las shin tu 'das/ /mang po dag tu'ang mi dmigs so/ / mtha' yas legs mnga' sangs rgyas rnams/ /de dag shes par ji ltar rung / /gnas pa med cing len pa med/ /chos dbyings rtogs par thugs su chud/ /de nas byang chub sems dpa' blo gros dang ldan pas sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten mgon po 'phrul chen rnams/ /rdul med gang zag dam pa dag/ 'dus shing tshogs pa bsam yas pa'i/ /bskal pa dag tu shin tu dkon/ /de dag thams cad kun gzigs pa/ /sems can gtso bo 'od mdzad de/ /srog chags kun la phan pa'i phyir/ /sems can rnams la chos ston to/ /'jig rten mun nag 'di dag tu/ /'jig rten mgon po byung gyur pa/ / 'jig rten sgron ma de dag ni/ /blta bar shin tu dka' ba yin/ /sbyin pa tshul khrims bzod pa'i rab/ /brtson 'grus bsam gtan sgom pa dang / /shes rab sngon chad spyad </font><hr>Kha65a<br><font size=+1>


@#/ /pas na| |'gro ba thams cad snang bar mdzad/ /sangs rgyas 'dra ba gang yang med/ /de phyir de dang mnyam pa med/ /chos rnams yod pa ma yin pas/ / skyes bu'i dam pa mthong ba med/ /sangs rgyas shes rab chen po rnams/ /mtshan gyi tshogs ni bsam mi khyab/ /sku yi tshogs kyis shin tu 'phags/ /chos rnams kun gyis yang dag byung / /'jig rten grags chen dam pa'i rnams/ /dpa' bo chen po de dag snang / /de dag mtshan tsam thos pas kyang / /ngan song thams cad spangs par 'gyur// bskal pa rnams ni brjod med par/ /byang chub don du 'khor byas kyang / /'di yi tshul ni ma shes na/ /byang chub don du bzhugs pa min/ /sangs rgyas bsam gyis mi khyab pa/ / bskal pa bye bar bkur ba dang / /gang gis tshul 'di bsam pa gnyis/ /'di ni de las khyad du 'phags/ /gang gis brjod yas zhing gi rnams/ /rin chen gang ste thub gsol kyang / /'di yi tshul ni ma shes na/ /sangs rgyas byang chub de la ring / /de nas byang chub sems dpa' dpal dang ldan pas sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /nam mkha' dri ma med pa la/ /nyi ma'i 'od zer mtha' yas pas/ /dpyid kyi zla ba tha ma la/ /phyogs </font><hr>Kha65b<br><font size=+1>


bcu dag tu rab tu snang / /de tshe smig rgyu ci 'dra ba/ /de dag bgrang bar mi nus te/ /mig can rnams kyang de la rmongs/ /long ba rnams kyi spyod yul min/ /de bzhin sems can gtso po yi| |yon tan mtha' dang dbus med pa/ /bskal pa bsam gyis mi khyab par/ /sus kyang shes par mi nus so/ /de dag gang nas blangs pa med/ /de bzhin sus kyang byas pa med/ /de ni ci las skyes pa med/ /rnam par bsgoms na yod pa min/ /'ong pa med pa'i chos rnams la/ /'gro ba de bzhin mi dmigs te/ /de phyir de dag rgyu yang med/ /de bzhin 'jig pa'ang yod pa min/ /'jig pa med pa'i chos rnams kyi/ /rang bzhin gang gis shes pa ni/ /gang la skye ba med pa yi/ /yang dag sangs rgyas mthong ba yin/ /skyes pa med pa'i chos rnams kyi/ /rang bzhin dngos po mi dmigs te/ /de 'dra'i don du shes pas ni/ /dmigs pa med pa shes pa yin/ /'di la shes byed gang yang med/ /chos rnams thams cad mtshan nyid med/ /chos nyid 'di ni shes gyur na/ /yongs su shes pa gang yang med/ /skye ba dag ni brjod pa ste/ /de phyir zhing rnams rab tu brjod/ /zhing gi rang bzhin shes gyur na/ /'khrug pa med pa rab tu shes/ /gang tshe 'jig rten zhing yin par/ /tshul bzhin du ni rtogs byed na/ /de tshe thams cad don bstan pa// </font><hr>Kha66a<br><font size=+1>


@#/ /byang chub sems dpas rab tu shes/ /de nas byang chub sems dpa' dga' ba dang ldan pas sangs rgyas kyi mthus phyogs bcur rnam par bltas te| de'i tshe tshigs su bcad pa 'di dag smras so/ /gnas 'di shin tu rgya che ste/ /chos kyi dbyings kyis klas pa yin/ /rtag tu kun tu song ba ste/ /yid du 'ong zhing gnas kyang med| |de la yang dag brtags byas shing / /rim gro yod par dad byed na/ /sdug bsngal nam yang mi mthong ste/ /ngan song rnams kyang mi mthong ngo / /tshad med de bzhin grangs med pa'i/ /'jig rten khams su su 'gro bas/ /gang rnams 'di na snang ba yi/ /sangs rgyas byin rlabs thos par 'gyur/ /drang srong chen po'i byin gyi rlabs/ / gang gis thos par gyur nas kyang / /'di 'dra sangs rgyas chos so zhes/ /rtog med bla med byang chub bo/ /gang rnams 'das pa'i sangs rgyas kyis/ /chos nyid la ni yid ches pa| |de kun 'jig rten sgron ma ste/ /rkang gnyis ldan pa'i dam par 'gyur/ /sangs rgyas rnam par 'phrul ba 'di/ /la la zhig gis thos gyur cing / /thos nas dad par byed gyur na/ /de dag mi yi dam par 'gyur/ /brtan pa gang rnams da ltar yang / /sangs rgyas chos la dad byed pa/ /de dag don gzigs mi 'jigs pa'i/ /de </font><hr>Kha66b<br><font size=+1>


bzhin gshegs par 'gyur ba yin/ /bskal pa bsam gyis mi khyab par/ /'di 'dra thos pa shin tu dkon/ /smon lam dbang ni ma gtogs par/ /blo gros 'di 'drar 'gyur ba min| |sangs rgyas dam chos 'di las kyang / /legs par bshad pa bzung byas shing / /gzhan la ston par su byed pa/ /de dag bsam gyis mi khyab 'gyur/ /de la brtson 'grus bskyed byas shing / /yid la go cha bgo byas te/ /gang las sangs rgyas brjod pa yi/ /shes pa 'di 'dra mnyan par bya/ /de nas byang chub sems dpa' khrel dang ldan pas sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gang zhig thos nas 'di 'dra ba'i/ /dga' ba yangs pa skye ba dang / /the tshom rnam par gcad pa ni/ /'jig rten na ni ngo mtshar che/ /'di ltar thams cad gzigs pa'i rnams/ /nyid kyis 'gro la bka' stsal na/ /sangs rgyas mi mkhyen gang yang med/ /de ltar sangs rgyas bsam mi khyab/ /mi shes pa yi rgyu las ni/ /ye shes 'jug par mi 'gyur te/ /mun pa'i mthu dang snang ba gnyis/ /lhan cig 'byung bar mi 'gyur bstan/ /ji ltar gzugs dang gzugs med pa/ /skal pa mnyam pa med par bshad/ /de ltar shes dang mi shes pa/ /'grogs par shin tu mi 'gyur </font><hr>Kha67a<br><font size=+1>


@#/ /ro| |'khor dang mya ngan 'das pa dag /ji ltar med las brtags pa ltar/ /de bzhin shes dang mi shes pa/ /mtshan nyid bzhin du dmigs pa med/ /ji ltar 'jig rten 'jig pa dang / /'du bar 'gyur ba ring ba ste/ /phan tshun 'grogs par mi 'gyur ba/ /shes dang mi shes de bzhin no/ /ji ltar byang chub sems dpa' yi/ /thog ma'i sems dang tha ma'i sems/ /lhan cig mi gnas byung ba ltar/ /shes dang mi shes de bzhin no/ /ji ltar lus dang rnam shes pa/ /gzhan dang gzhan las 'byung 'gyur ba/ /de bzhin shes dang mi shes gnyis/ /'grogs par 'gyur ba nam yang med/ /ji ltar dug la phan pa'i rtsi/ /'phral du dug ni dug min byed/ /de ltar shes pa mi shes pas/ /shin tu sel ba byed par brjod/ /sangs rgyas bla na gang yang med/ /de dang 'dra ba'ang yod pa min/ /de las gzhan du 'gyur ba med/ /de bas rgyal ba shin tu dkon/ /de nas byang chub sems dpa' brtson 'grus dang ldan pas sangs rgyas kyi mthus phyogs bcur rnam par bltas te/ de'i tshe tshigs su bcad de smras pa/ chos rnams 'di dag 'gal med par/ /mkhyen nas sangs rgyas thugs su chud/ /des ni mi mkhyen gang yang med/ /ye shes kyi yang pha rol phyin/ /ji ltar gser dang sa </font><hr>Kha67b<br><font size=+1>


le sbram| |ngo bo nyid kyis 'gal ba med/ /de ltar chos min de bzhin chos/ /de dag thams cad mtshan nyid gcig /sems can sems can ma yin pa/ /ngo bo nyid kyis rang bzhin med| |gdags su med las byung ba ltar/ /chos rnams rang bzhin de bzhin no/ /ma 'ongs dus ni ji lta bur/ /'das pas brjod par bya ba ste/ /de la mtshan nyid yod pa min/ /de bzhin chos la mtshan nyid med/ /'brel bar skye dang 'gag pa dang / /rang bzhin med dang rang bzhin dag /rnam pa tha dad gyur pa ltar/ /sangs rgyas rang bzhin de bzhin no/ /mya ngan 'das pa gzung med pa/ /gnyis kyi dus na brjod par byas/ /de la bye brag gang yang med/ /de bzhin gzugs la rnam rtog pa'o/ /ji ltar ci zhig bgrang byas shing / /bgrang bar byed ces brjod pa yang / /de la tha dad gang yang med/ /de bzhin gzugs kyi rang bzhin no/ /ji ltar gcig nas gcig gi blar/ /mang po'i tshul du bgrang ba yis/ /dngos po grangs med 'gyur ba yang / /blo yi rnam pa tha dad bstan/ /'jig rten khams rnams la la dag /bsam gyis mi khyab tshig gyur kyang / /nam mkha' 'jig par 'gyur ba med/ / rang byung ye shes de bzhin no/ /ji ltar 'jig rten phyogs bcu yi/ /nam mkha' so sor brtags pa ltar/ /de bzhin sangs rgyas rnams mthong ste/ /sangs rgyas rnams la rtog mi </font><hr>Kha68a<br><font size=+1>


@#/ /mnga'| |de nas byang chub sems dpa' stobs dang ldan pas sangs rgyas kyi mthus phyogs bcu rnam par bltas te/ de'i tshe tshigs su bcad de smras pa/ ji ltar dus rnams gsum po yis/ /sems can khams rnams brjod par 'gyur/ /sems can de dag thams cad kyang / /phung po lnga las shin tu brjod/ /de rnams las kyi phung chen yin| |las kyi rtsa ba'ang sems yin te/ /sems ni sgyu ma bzhin du bshad/ /sgyu mar gyur pa 'gro 'di'o/ /gang na 'jig rten 'di 'byung zhing / /yang na ldog par 'gyur ba yi/ / 'jig rten 'jig rten mi byed de/ /gzhan gyi rgyus kyang byas pa min/ /'jig rten 'di na 'byung ba 'byung / /'jig rten 'dir yang ldog par 'gyur/ /'byung zhes brjod par mi bya ste| |de ni 'jig rten zhes pa yin/ /gang la 'jig rten snang ba zhes/ /'du shes rnam par brtags pa yi/ /'jig rten zhes bya gang zhig yin/ /snang ba zhes bya'ang ci zhig yin/ /dus gsum dag tu rgyu ba yi/ /phung po 'di ni 'jig rten yin/ /de dag 'gog pa snang ba zhes/ /'gro ba dag tu 'du shes 'gyur/ /phung po zhes bya 'di ni ci/ phung po'i rang bzhin ji lta bu/ /phung po rnams ni mi 'jig phyir/ /dngos po med ces rab tu brjod/ /phung po 'di dag rnam brtags don/ /de dag rang bzhin stong pa yin </font><hr>Kha68b<br><font size=+1>


mi 'jig don ni stong pa ste/ /dngos po med ces bya ba'o/ /'jig rten ji bzhin sangs rgyas te/ /sangs rgyas chos kyang de bzhin no/ /sangs rgyas chos dang sangs rgyas rnams/ /ngo bo nyid kyis rang bzhin med/ /ma nor yang dag ji bzhin pa'i/ /chos nyid 'di ni rtogs gyur nas/ /kun gzigs thams cad mkhyen pa yi/ /sangs rgyas kun nas rab tu snang / / de nas byang chub sems dpa' rig pa dang ldan pas sangs rgyas kyi mthus phyogs bcur rnam par bltas nas de'i tshe tshigs su bcad de smras pa/ rang bzhin dngos po med pa yi| |'jig rten khams rnams thams cad kyi/ /sa yi khams rnams ji bzhin te/ /sangs rgyas rnam 'phrul ngo mtshar che/ /de yi rang bzhin 'di yin la/ /brjod cing bsngags pa mtha' yas te/ /'das pa'i 'jig rten khams rnams su/ /sus kyang brjod pa ma yin no/ /gzhan du sems can las kyis na/ /shin tu bstan par brjod pa ste/ /sems can rnams ni ma gtogs par/ /las zhes bya ba ci mi dmigs/ /de bzhin stong pa'i las kyis kyang / /brjod pa rnams ni tshad med par/ /sems can kun gyi las su gyur/ de la 'ongs pa gang yang med/ /ji ltar kha dog dbyibs kyi rnams/ /las kyi rgyu ni bsam mi khyab/ /snang yang de dag de na med/ /rnam par rig pa'i dngos nyid 'dra/ /de bzhin </font><hr>Kha69a<br><font size=+1>


@#/ /sems can gtso bo yi/ /sku ni bsam gyis mi khyab pa/ /brjod pa rnams kyang tshad med par/ /zhing rnams kun na rab tu snang / /skus ni rdzogs pa'i sangs rgyas min/ /sangs rgyas rnams la sku mi mnga'/ /dpa' bo chen po chos sku ste/ /chos kun rtogs par thugs su chud/ /gang gis rang byung rnams kyi sku/ /yang dag ji bzhin mthong ba ni/ /sangs rgyas chos ni rnam kun dang / /chos rnams la yang rmongs pa med/ /'das par gyur pa'i chos rnams kun/ /mya ngan 'das par shes gyur na/ /de dag shin tu mi gnas pa'i/ /rdzogs pa'i sangs rgyas mthong ba yin/ /yang dag sangs rgyas sus mthong zhing / /dran pa shin tu bsgoms byas te/ /mtshan med tha dad med pa rnams/ /de dag chos kyi rgyal po'i sras/ /de nas byang chub sems dpa' blo dang ldan pas sangs rgyas kyi mthus phyogs bcur rnam par bltas te/ de'i tshe tshigs su bcad de smras pa/ ji ltar ri mo'i las rnams la/ /tshon rnams sna tshogs kun 'du ba/ /kun kyang 'byung ba chen por mnyam/ /sems kyis yongs su brtags pa yin/ /khams la tshon rtsi de dag med |tshon rtsi la yang khams med de/ /khams rnams ma gtogs gzhan na yang / /tshon ces bya ba gang yang med/ /sems la ri mo de med de/ /ri mo la'ang sems med </font><hr>Kha69b<br><font size=+1>


do| |sems de ma gtogs gzhan du yang / /ri mo gang yang mi dmigs so/ /sems de rtag pa ma yin pa/ /bsam gyis mi khyab tshad med cing / /phan tshun shes pa med pa yi/ /gzugs rnams thams cad ston par byed/ /ji ltar ri mo mkhan gyi rnams/ /sems ni gang gis ri mo de/ /bris pa'i sems kyang mi shes pa/ /de bzhin chos kyi rang bzhin no/ /sems ni ri mo mkhan dang 'dra/ /sems ni phung po byed pa ste/ /'jig rten khams na ji snyed pa'i/ /'jig rten 'di dag sems kyis bris/ /sems dang 'dra ba sangs rgyas te/ /sangs rgyas ji bzhin 'gro ba'o/ /sems dang sangs rgyas dag la yang / /ngo bo nyid kyis zad pa med/ /sems kyi rgyud rnams ci 'dra ba/ /de dag sangs rgyas rab tu mkhyen/ /de phyir sangs rgyas rang bzhin gyis| |'gro ba sna tshogs gyur par snang / /lus kyi rnams la sems med de/ /sems la'ang lus rnams yod pa min/ /sangs rgyas mdzad pa'ang rab tu byed/ /de ltar spyod pa ngo mtshar che| |gang zhig dus gsum thams cad kyi/ /rgyal ba thams cad shes 'dod na/ /sangs rgyas thams cad sems kyi dngos/ /chos kyi dbyings su blta bar gyis/ /de nas byang chub sems dpa' ye shes dang ldan pas sangs rgyas kyi mthus phyogs bcur rnam par bltas te/ de'i tshe tshigs su bcad de smras pa/ gzung du med la 'dzin ces bya/ /snang ba med pa snang ba </font><hr>Kha70a<br><font size=+1>


@#/ /ste| |mnyan du med par nyan par byed/ /sems med pa yi sems dang ldan/ /tshad med pa la tshad ma yis/ /gang zhig 'dzin par mi 'dod pa/ /de ni tshad med tshad ma yis/ /nam yang 'dzin par mi 'gyur ro/ /brjod du med pa smra byed pa/ /bdag la shin tu slu ba ste/ /de yi don kyang rjod mi byed/ /srog chags rnams kyang tshim mi 'gyur/ /de bzhin mtha' yas brjod ldan pa'i/ /brjod pa gang zhig smra 'dod pa/ /bskal pa grangs med zad byas kyang / /rang byung rnams kyis brjod mi zad/ /yid bzhin nor bu dag pa ni/ /kha dog kun tu rab tu snang / /de la kha dog yod pa min/ /sangs rgyas yon tan de bzhin no/ /ji ltar nam mkha' dri med cing / /gzugs med bstan du med yin yang / /gzugs rnams thams cad ston par byed/ /nam mkha' snang ba gang yang med/ /de bzhin thams cad gzigs pa rnams/ /yon tan kun dang ldan ston kyang / / de ni sus kyang mthong ba med/ /sems la'ang de ni mi gnas so/ /sangs rgyas sgra ni grags mod kyi/ /de bzhin gshegs pa sgra ma yin/ /sgra ni ma gtogs gzhan du yang / /sangs rgyas shes par mi rung ngo / /ji ltar bdag gis mthong tshul du/ /'di ni shes bya'i gnas ma yin/ /sangs rgyas byang chub blang du med/ /de la rnam par rtog pa med/ /sangs rgyas chos </font><hr>Kha70b<br><font size=+1>


rnams gang dag kyang / /su la'ang sangs rgyas gsungs pa med/ /sems can bsam pa ji bzhin du/ /de la de 'dra ston pa mdzad/ /shin tu rgyas pa chen po'i mdo/ sangs rgyas phal po che zhes bya ba las/ rab mtshe ma'i gnas su byang chub sems dpa' 'dus pas tshigs su bcad pa bstan pa'i le'u zhes bya ba ste/ nyi shu lnga pa'o// //bam po nyi shu drug pa/ de nas de'i tshe byang chub sems dpa' yon tan dang ldan pas sangs rgyas kyi mthus byang chub sems dpa'i ting nge 'dzin shin tu rnam par phye ba'i rnam par 'byed pa zhes bya ba la mnyam par bzhag par gyur to/ /de ltar byang chub sems dpa' yon tan dang ldan pa byang chub sems dpa'i ting nge 'dzin rnam par phye ba'i rnam par 'byed pa de la mnyam par bzhag ma thag tu de'i tshe phyogs bcu re rer yang 'jig rten gyi khams sangs rgyas kyi zhing stong phrag bcu'i rdul shin tu phra ba snyed 'das pa'i pha rol nas de bzhin gshegs pa'i mtshan yon tan dang ldan pa zhes bya ba sangs rgyas kyi zhing stong phrag bcu'i rdul shin tu phra ba snyed kyis zhal bstan pa mthong ste/ sangs rgyas bcom ldan 'das de dag gis de la 'di skad ces bka' stsal to/ /yon tan dang ldan pa/ de ltar khyod byang chub sems dpa'i ting nge 'dzin shin tu rnam par phye ba'i rnam par 'byed pa la mnyam par bzhag pa legs so/ /legs so/ /rigs kyi bu/ khyod </font><hr>Kha71a<br><font size=+1>


@#/ /la ni| de bzhin gshegs pa sangs rgyas kyi zhing stong phrag bcu'i rdul shin tu phra ba snyed thams cad kyang mtshan mthun pa sha stag gis 'di ltar bcom ldan 'das de bzhin gshegs pa rnam par snang mdzad kyi sngon gyi smon lam dang / sngon gyi byin gyi rlabs dang / byang chub sems dpa' rnams kyi dge ba'i rtsa bas shin tu brtan pas na/ 'di ltar chos bstan pa dang / sangs rgyas kyi ye shes rnam par 'phel bar bya ba dang / 'jig rten gyi khams la 'jug par bya ba dang / sems can gyi khams rnam par sgom pa dang / chags pa med pa la 'jug par bya ba dang / sgrib pa med pa'i spyod yul dang / kun nas rab tu sbyor ba dang / thams cad mkhyen pa rab tu sgrub pa dang / chos thams cad khong du chud par bya ba dang / dbang po thams cad yongs su shes par bya ba dang / chos bstan pa thams cad yongs su gzung bar bya ba dang / 'di ltar byang chub sems dpa'i spyod pa bcu brtsam pa rab tu thob par bya ba'i phyir byin gyis brlab pa mdzad kyi/ rigs kyi bu/ khyod kyis sangs rgyas kyi mthu dang / sangs rgyas kyi byin gyi rlabs kyis chos 'di bstan pa la slob par gyis shig/ de nas sangs rgyas bcom ldan 'das de dag gis byang chub sems dpa' yon tan dang </font><hr>Kha71b<br><font size=+1>


ldan pa la chags pa med pa nyid nye bar sgrub pa mdzad do/ /bsgribs pa med pa nyid nye bar sgrub pa mdzad do/ /byin gyi rlabs nyid nye bar sgrub pa mdzad do/ /slob dpon med pa nyid nye bar sgrub pa mdzad do/ /rmongs pa med pa nyid nye bar sgrub pa mdzad do/ /tha dad pa med pa nyid nye bar sgrub pa mdzad do/ /kha na ma tho ba med pa nyid nye bar sgrub pa mdzad do/ /tshad med pa nyid nye bar sgrub pa mdzad do/ /zil gyis mi non pa nyid nye bar sgrub pa mdzad do/ /zhum pa med pa nyid nye bar sgrub pa mdzad do/ /de ci'i phyir zhe na/ ting nge 'dzin 'di nyid kyi chos nyid thob pa'i phyir ro/ /de nas sangs rgyas bcom ldan 'das de dag gis phyag g.yas pa brkyang ste byang chub sems dpa' yon tan dang ldan pa'i mgo la byug pa mdzad do/ / sangs rgyas bcom ldan 'das de dag gis de ltar reg ma thag tu byang chub sems dpa' yon tan dang ldan pa ting nge 'dzin de las langs te byang chub sems dpa' rnams la smras pa| kye rgyal ba'i sras dag /byang chub sems dpa'i las ni/ bsam gyis mi khyab ste/ de ni/ 'di ltar chos kyi dbyings kyis klas so/ /nam mkha'i dbyings kyi mthar thug go /kye rgyal ba'i sras dag /de ci'i phyir zhe na/ de ni/ 'di ltar byang chub sems dpa' sems dpa' chen po rnams ni/ 'das pa'i sangs rgyas bcom ldan 'das rnams kyi </font><hr>Kha72a<br><font size=+1>


@#/ /spyod pa la'ang slob bo/ /ma byon pa'i sangs rgyas bcom ldan 'das rnams kyi spyod pa la'ang slob bo/ /da ltar byung ba'i sangs rgyas bcom ldan 'das rnams kyi spyod pa la'ang slob bo/ /kye rgyal ba'i sras dag /byang chub sems dpa' rnams kyi spyod pa gang la bsam ste de skad du smras pa de dag gang zhe na/ kye rgyal ba'i sras dag /bcu po 'di dag ni/ byang chub sems dpa' rnams kyi spyod pa sangs rgyas bcom ldan 'das 'das pa dang / ma byon pa dang / da ltar byung ba rnams kyis gsungs pa dang / gsung ba dang / gsung bar 'gyur ba ste/ bcu gang zhe na/ 'di lta ste/ dga' bar byed pa zhes bya ba byang chub sems dpa' spyod pa dang po dang / bde ba skyed pa zhes bya ba byang chub sems dpa'i spyod pa gnyis pa dang / mi mthun pa med pa zhes bya ba byang chub sems dpa'i spyod pa gsum pa dang / mi zad pa zhes bya ba byang chub sems dpa'i spyod pa bzhi pa dang / rmongs pa med pa zhes bya ba byang chub sems dpa'i spyod pa lnga pa dang / lta ba bzang po zhes bya ba byang chub sems dpa'i spyod pa drug pa dang / gnas med pa zhes bya ba byang chub sems dpa'i spyod pa bdun pa dang / thub par dka' ba zhes bya ba byang chub sems dpa'i spyod pa brgyad pa dang / chos </font><hr>Kha72b<br><font size=+1>


bzang po zhes bya ba byang chub sems dpa'i spyod pa dgu pa dang / bden pa dang ldan pa zhes bya ba byang chub sems dpa'i spyod pa bcu pa dag ste/ kye rgyal ba'i sras dag /bcu po de dag ni/ byang chub sems dpa' rnams kyi spyod pa sangs rgyas bcom ldan 'das 'das pa dang / ma byon pa dang / da ltar byung ba rnams kyis gsungs pa dang / gsung ba dang / gsung bar 'gyur ba'o/ /kye rgyal ba'i sras dag /de la byang chub sems dpa'i spyod pa dang po dga' bar byed pa zhes bya ba gang zhe na/ kye rgyal ba'i sras dag /'di la byang chub sems dpa' sems dpa' chen po sangs rgyas bcom ldan 'das rnams kyi sngon gyi spyod pa'i rjes su slob cing / rjes su dran par bya ba dang / yid zhum pa med pa dang / yid dang bas kun tu 'phel bar bya ba dang / yongs su bzung ba dang / yang dag par bstan pa dang / rjes su rgya che bar byed cing / sdug bsngal ba'i sems can bde bar bya ba'i phyir sems can thams cad la bdog pa thams cad yongs su gtong ba dang / 'gyod pa med pa'i sems kyi sbyor ba dang / rnam par smin pa la ye rngam pa med pa dang / grags pa 'dod pa med pa dang / gnyen 'dod pa med pa dang / khe 'dod pa med pa dang / gzhan rjes su srung ba dang / pha rol la phan gdags pa dang / sems can thams cad </font><hr>Kha73a<br><font size=+1>


@#/ /la phan gdags pa'i sems kyis sbyin pa'i bdag po sbyin pa byed pa yin te/ kye rgyal ba'i sras dag /'di ni/ byang chub sems dpa'i spyod pa dang po'o/ /spyod pa de la gnas pa'i byang chub sems dpa' ni/ skye bo mang po'i yid du 'ong ba yin te/ de ni/ sems can dbul po gang dang gang na yod pa de dang der smon lam gyi dbang gis rab tu skyes te/ skyes nas kyang zad mi shes pa'i longs spyod dang ldan zhing shin tu phyug pa yin te/ de la gal te dus gcig tu slong ba'i srog chags bye ba khrag khrig brgya stong grangs med pa zhig 'ongs te/ 'di skad du/ kye shes par gyis shig /bdag cag thams cad ni/ bkres pas 'chi'o/ /gal te bdag cag gis khyod kyi sha zos na ni/ 'tsho bar 'gyur ro/ /zhes tshig tu smra bar gyur kyang byang chub sems dpa' ni/ sbyin pa phun sum tshogs pa rnam pa 'di lta bu dang ldan te/ slong ba'i srog chags bye ba khrag khrig brgya stong grangs med pa de snyed cig nye bar lhags kyang byang chub sems dpa' la de'i phyir sems bskyed pa gcig kyang zhum pa'i bsam par mi 'gyur gyi/ sems can de dag thams cad la snying rje chen po rab tu skyes te/ gzhan mang po zhig 'ongs kyang de bas kyang ches dga' ba dang / spro ba 'byung zhing 'di ltar bdag </font><hr>Kha73b<br><font size=+1>


gis gsol ba ma btab par sangs rgyas kyi chos la yang dag par stobs pa'i dge ba'i bshes gnyen sdug bsngal zhing / slong ba sbyin pa'i gnas su gyur pa 'di lta bu dag dang 'grogs par gyur pa ni/ bdag gis thob pa legs par thob ste/ ci nas kyang sems can 'ga'i yid kyang mi nyams par bya ba de ltar bdag gis bya'o/ /bdag gis dge ba'i rtsa ba ci byas pa dang / ci byed pa dang / dge ba'i rtsa ba ci byed par 'gyur ba des ji tsam gyis sems can de dag thams cad 'grangs shing dus byed par 'gyur ba de tsam du che ba'i lus su gyur cig /sems can de dag 'grangs shing tshim par ma gyur gyi bar du bcad cing skye bas mi zad pa de tsam gyi lus su gyur cig /dge ba'i rtsa ba des kyang bla na med pa yang dag par rdzogs pa'i byang chub tu yang dag par bsgrubs te/ phung po ma lus pa'i mya ngan las 'das pa'i khams su mya ngan las 'da' bar bya'o/ /rnam grangs 'di bzhin du ma 'ongs pa'i dus kyi 'jig rten gyi khams thams cad kyi sems can de dag thams cad las 'di 'dra ba dang ldan par gyur te/ de dag thams cad kyang bdag gi sha la zos nas bla na med pa yang dag par rdzogs pa'i byang chub tu yang dag par bsgrubs te/ sangs rgyas kyi chos thams cad mnyam pa'i ye shes kyis sangs rgyas kyi mdzad pa byas nas phung po'i lhag ma ma </font><hr>Kha74a<br><font size=+1>


@#/ /lus pa'i mya ngan las 'das pa'i dbyings su mya ngan las 'da' bar gyur cig /bdag nyid kyang sems can gyi bsam pa yongs su rdzogs par ma byas kyi bar du bdag tu 'du shes pa'am/ sems can du 'du shes pa'am/ srid par 'du shes pa'am/ srog tu 'du shes pa'am/ so so'i skye bor 'du shes pa'am/ gang zag tu 'du shes pa'am/ shed can du 'du shes pa'am/ shed bdag tu 'du shes pa'am/ byed pa por 'du shes pa'am/ tshor ba por 'du shes pa'am/ gzhan du chos kyi dbyings nye bar gzung ba dang / sems can gyi khams mtha' yas pa'i chos nyid nye bar gzung ba dang / stong pa'i chos nyid nye bar gzung ba dang / 'dod chags dang bral ba'i chos nyid nye bar gzung ba dang / mtshan nyid med pa'i chos nyid nye bar gzung ba dang / dngos po med pa'i chos nyid nye bar gzung ba dang / gnas med pa'i chos nyid nye bar gzung ba dang / gzhi med pa'i chos nyid nye bar gzung ba dang / mngon par 'du bya ba med pa'i chos nyid nye bar gzung ba ma gtogs par mngon par 'tshang rgya bar ma gyur cig /ces te/ de ni/ bdag kyang yang dag par rjes su mi mthong / bdag gi lus kyang yang dag par rjes su mi mthong / len to/ /zhes bya bar yang yang dag par rjes su mi mthong / len pa </font><hr>Kha74b<br><font size=+1>


yang yang dag par rjes su mi mthong / sbyin pa'i gnas kyang yang dag par rjes su ma mthong ste/ de ni/ las kyang yang dag par rjes su mi mthong / rnam par smin pa yang yang dag par rjes su mi mthong / 'bras bu'ang yang dag par rjes su mi mthong / 'bras bu chen po'ang yang dag par rjes su mi mthong / 'bras bu chung ngu yang yang dag par rjes su mi mthong / de 'das pa'i dus kyi sems can thams cad kyi lus zhig par yid la byed do/ /ma 'ongs pa dang / da ltar byung ba'i sems can thams cad kyi lus 'jig par yid la byed do/ /de 'di snyam du sems te/ kye ma/ sems can 'di dag rang gi lus grangs med pa zhig ni/ 'gags te/ 'gag cing 'gag par 'gyur yang snying po med pa'i lus las snying po mi len pa ni/ ngo mtshar che'o/ /de lta yin gyi/ bdag gis sems can thams cad bde bas rim gro bya ba'i phyir de bzhin gshegs pa'i rjes su bslab par bya'o/ /thams cad mkhyen pa'i ye shes kyang mngon par sangs rgyas te chos thams cad rnam par sbyang ba'i phyir chos nyid mi 'jig pa nye bar bzung ste/ dus gsum mnyam pa nyid du mthun pa'i tshul gyis zhi bar bya bas sems can rnams la chos bstan par bya'o/ /snyam du sems te/ kye rgyal ba'i sras dag /'di ni/ byang chub sems dpa'i </font><hr>Kha75a<br><font size=+1>


@#/ /spyod pa dang po ste/ dga' bar byed pa zhes bya'o/ /kye rgyal ba'i sras dag /byang chub sems dpa' rnams kyi spyod pa gnyis pa bde ba skyed pa zhes bya ba de gang zhe na/ kye rgyal ba'i sras dag /'di la byang chub sems dpa' tshul khrims dang ldan pa yin te/ de ni/ mi gnas pa yin/ gzugs dang / sgra dang / dri dang / ro dang / reg la mi gnas pa ston pa yin/ rigs kyi bu bdag nyid che ba la mi gnas pa yin/ rgyud kyi bdag nyid che ba la mi gnas pa yin/ zas kyi bdag nyid che ba la mi gnas pa yin/ gzugs kyi bdag nyid che ba la mi gnas pa yin/ longs spyod kyi bdag nyid che ba la mi gnas pa yin te/ de ltar de ni/ tshul khrims las yongs su nyams pa med cing / 'di ltar kun nas 'khor ba med pa dang / kun tu btsal ba med pa dang / yongs su gdung ba med pa dang / bar chad med pa dang / gtse ba med pa dang / 'khrul pa med par bya'o/ /snad pa med par bya'o/ /sangs rgyas kyis bsngags pa'i chos rnams yongs su gzung ngo / /snyam du sems te/ kye rgyal ba'i sras dag / byang chub sems dpa' de lta bu'i tshul khrims dang ldan pa'i drung du gal te nyin gcig tu bdud bye ba khrag khrig brgya stong zhig 'ongs te/ bdud re re zhing yang lha'i bu mo </font><hr>Kha75b<br><font size=+1>


bye ba khrag khrig brgya stong 'dod pa'i cho ga thams cad la mkhas pa/ bde bar rim gror bya ba thams cad thogs pa/ lus kyi rgyan gyis lus yongs su rgyas pa bye ba khrag khrig brgya stong re re bsnyen kyang byang chub sems dpas 'dod pa ni/ bla na med pa yang dag par rdzogs pa'i byang chub la bar du gcod pa yin par shes nas ston pa mngon du gyur pa'i phyir 'dod pa dang ldan pa'i sems bskyed pa gcig kyang mi 'byung ste/ byang chub sems dpa' ni/ thams cad mkhyen pa nyid yid la bya ba dang mi 'bral lo/ /'dod pa'i don du sems can 'ga' la'ang sdug bsngal gyi rgyur 'gyur ba mi byed de/ chung ngu na srog gi dbang po 'gags par gyur kyang gzhan la mi dga' ba mi skyed do/ /kye rgyal ba'i sras dag /byang chub sems dpa' rnams ni/ de bzhin gshegs pa mthong nas chung ngu na sems kyi rgyud gcig tsam gyis kyang 'dod pa la mi spyod na/ gnyis kyis gnyis sbyar ba lta smos kyang ci dgos te/ 'di ni/ gnas med do/ /byang chub sems dpa' ni/ 'di ltar sems skyes te/ sems can 'di dag ni/ yun ring po nas de ltar gzhol ba/ de ltar 'bab pa| de ltar bab pa/ de ltar mos pa/ de lta bu'i spyod yul can/ de ltar nges pa/ de ltar bying ba/ de ltar non pa/ de ltar chags pa/ de ltar zhugs pa yin gyi/ bdag gis </font><hr>Kha76a<br><font size=+1>


@#/ /ni| bdud 'di dag dang / bdud kyi bu mo 'di dag dang / sems can thams cad ci nas kyang bla na med pa'i tshul khrims yongs su dag pa la bkod de/ thams cad mkhyen pa nyid la phyir mi ldog par byas nas bla na med pa yang dag par rdzogs pa'i byang chub tu mngon par 'tshang rgya bar byas te/ phung po'i lhag ma ma lus pa'i mya ngan las 'das pa'i dbyings su yongs su mya ngan las 'da' bar 'gyur ba de ltar bya'o/ /de ci'i phyir zhe na/ 'di ltar sangs rgyas thams cad kyi rjes su bslab ste mi bya ba thams cad yongs su spangs pa dang / lus kyis mi shes pa thams cad yongs su spangs pa ma yin pa dang / sems kyis kyang ma yin pa de ni/ bdag cag gi las yin gyi/ kye rgyal ba'i sras dag /bdag cag gis sangs rgyas kyi chos thams cad kyi rjes su song ba'i ye shes kyis sems can thams cad kyi phyin ci log rab tu spang ba'i phyir chos bstan par bya'o| |phyin ci log ni/ sems can rnams las gzhan na'ang med de/ phyin ci log rnams las kyang sems can rnams gud na med do/ /phyin ci log tu'ang sems can 'dus pa ma yin/ sems can du'ang phyin ci log 'dus pa ma yin no/ /phyin ci log rnams kyang sems can ma yin/ sems can rnams kyang phyin ci log ma yin no/ / </font><hr>Kha76b<br><font size=+1>


phyin ci log rnams ni/ nang na'ang med/ phyin ci log rnams ni/ phyi rol na'ang med do/ /sems can rnams kyang nang na yang med/ sems can rnams ni/ phyi rol na yang med de/ chos de dag thams cad ni/ gsog /gsob/ rdzun pa/ bslu ba'i chos can te/ sgyu ma lta bu byis pa slu ba dang / ngan pa/ chung ba/ snying po med pa/ rmi lam lta bu/ mig yor lta bu ste| de dag khong du chud par bya ba'i phyir 'du byed rjes su rtogs pa'o/ /'du byed rjes su rtogs pa'i phyir mya ngan las 'das pa ste/ de ni/ sangs rgyas kyi byang chub tu rnam par 'tshang rgya bar byed de/ rgal bas ni/ sgrol bar byed/ grol bas ni/ 'grol bar byed/ zhi bas ni/ zhi bar byed/ dbugs phyin pas ni/ dbugs 'byin par byed/ bkrus pas ni| 'khru bar byed/ dag pas ni/ dag par byed/ mya ngan las 'das pas ni/ mya ngan las 'da' bar byed/ bde bar gyur pas ni/ bde bar byed pa ste/ bdag cag gis ni| de bzhin gshegs pa dang skal pa mi mthun par gnas par mi bya ste/ bdag cag gis ni/ 'jig rten gyi spyod pa thams cad spang bar bya'o/ /bdag cag gis ni/ sangs rgyas kyi chos thams cad dang ldan par bya'o/ /bdag cag gis ni/ bla na med pa'i chos mnyam pa nyid kyis gnas par bya'o/ /bdag cag gis ni/ sems can </font><hr>Kha77a<br><font size=+1>


@#/ /thams cad la sems mnyam pas yang dag par 'jug par bya'o/ /bdag cag gis ni/ yul thams cad yongs su shes pa dang ldan par bya'o| |bdag cag gis ni/ yongs su spyod pa kha na ma tho ba med pa'i bag chags dang ldan par bya'o/ /bdag cag gis ni/ rtogs pa thams cad dang ldan par bya'o| |bdag cag gis ni/ 'byung ba thams cad la mkhas pa dang ldan par bya'o/ /bdag cag gis ni/ bla na med pa'i ye shes kun tu mtha' yas pa/ brjod du med pa| mi gnas pa/ 'phos pa med pa/ mtha' dang dbus med pa/ mi zad pa/ gzugs med pa/ bstan du med pa la rab tu mos par bya'o/ /zhes zer te/ kye rgyal ba'i sras dag/ 'di ni/ byang chub sems dpa'i spyod pa gnyis pa ste/ bde ba skyed pa zhes bya'o/ /kye rgyal ba'i sras dag /de la byang chub sems dpa' sems dpa' chen po rnams kyi byang chub sems dpa'i spyod pa gsum pa mi mthun pa med pa zhes bya ba gang zhe na/ kye rgyal ba'i sras dag /'di la byang chub sems dpa' chos nyid la brtson te bzod pa dang ldan zhing mngon par smra ba'i ngang tshul can yin te/ de yang bdag la gnod pa ma yin/ pha rol la gnod pa ma yin/ gnyis ka la </font><hr>Kha77b<br><font size=+1>


gnod pa ma yin/ bdag bsdu ba ma yin/ gzhan bsdu ba ma yin/ gnyis ka bsdu ba ma yin/ bdag yongs su gzung ba ma yin/ gzhan yongs su gzung ba ma yin| gnyis ka yongs su gzung ba ma yin/ yang dag par blangs pa grags pa'i phyir ma yin gyi/ byang chub sems dpa' ni/ sems 'di ltar skye ste/ bdag cag gis sems can thams cad la mi dge ba thams cad spang ba'i phyir chos bstan par bya'o/ /'dod chags spang ba dang / zhe sdang spang ba dang / gti mug spang ba dang / nga rgyal spang ba dang / 'chab pa spang ba dang / phrag dog spang ba dang / ser sna spang ba dang / g.yo dang sgyu spang ba dang / bzod pa dang nges pa la gzhag pa'i phyir bdag cag gis sems can thams cad la chos bstan par bya'o/ /zhes te/ kye rgyal ba'i sras dag /byang chub sems dpa' ni/ de lta bur bzod cing nges pa dang ldan pa yin pas/ de la gal te srog chags brgya stong bye ba grangs med pa zhig 'ongs la/ srog chags de dag re re zhing yang kha bye ba khrag khrig brgya stong grangs med par sprul te drung du phyin la/ kha re re nas kyang mi snyan par brjod pa bye ba khrag khrig brgya stong grangs med pas/ mi snyan cing yid du mi 'ong ba dang / mi 'dod pa dang / mi sdug pa dang / mi dga' ba dang / mi tshul ba </font><hr>Kha78a<br><font size=+1>


@#/ /dang / 'phags pa ma yin pa dang / 'phags pa ma yin pas brjod pa dang / 'phags pa ma yin pas bsnyen pa dang / yongs su spang bar bya ba sha stag tu brjod de/ lag pa re re zhing yang 'thab cha bye ba khrag khrig brgya stong grangs med pa thogs te/ byang chub sems dpa'i lus la gnod par byas la/ nyin gcig tu ji lta ba bzhin du bskal pa grangs med par yang mtshams med cing ngal mi shes/ skyo mi shes/ rgyun mi chad/ gtong ba med/ /sdod pa med/ gcugs su med/ dbugs 'byin pa med/ phyir sri ba med par brtags kyang kye rgyal ba'i sras dag /de lta bu'i 'jigs pa chen po/ mi zad pa/ ma rungs pa/ skyi g.ya' ba/ sdug bsngal ba/ nyams su 'bab pa/ tsha ba/ rtsub pas phog ste srog la bab par 'chi ma khad kyang de la byang chub sems dpa' 'di snyam du sems te/ sdug bsngal gyi rnam pa 'di tsam dag gis phog pa la gal te bdag gis sems 'khrug pa zhig byas su zin na/ de ni/ ma dul ba dang / mi bden pa dang / mi mkhas pa dang / ma zhi ba dang / ma bsgoms pa dang / ma bsdams pa dang / ma khug pa dang / byas pa med pa dang / mnyam par ma bzhag pa dang / bdag gi lus la brten pas gzhan gyi sems mgu bar bya </font><hr>Kha78b<br><font size=+1>


bar mi nus kyi zhes te/ de lus dang sems kyi rang bzhin shes nas thog ma dang tha ma med par skye ba dang / 'khor ba'i sdug bsngal rjes su dran nas chos 'di dag ni/ tshul gyis de bzhin no/ /zhes nas phyir zhing sems dang bar byed/ rab tu dang bar byed/ dga' bar byed/ rab tu dga' bar byed/ tshim par byed/ gzengs mtho bar byed/ spro bar byed/ rab tu spro bar byed/ 'dul bar byed/ yongs su 'doms par byed de/ de ltar bdag gis kyang sangs rgyas kyi chos la bzhag ste/ sems can thams cad la'ang don 'di bstan par bya'o/ /snyam mo/ /de ci'i phyir zhe na/ 'di ltar lus 'di ni/ bdag dang bdag gis stong pa ste/ rang bzhin gyis stong pa'o/ /stong pa nyid la ni/ bde ba'am/ sdug bsngal pa'am/ gnyis su brjod pa med pa gang yang med do/ /gang stong pa de la ci'ang med de/ chos thams cad ni/ ci'ang ma yin pa yin gyi/ de dag gis kyang yang dag par shes par byas te sems can thams cad la dngos por 'dzin pa spang ba'i phyir chos bstan par bya dgos kyi/ de ltar bdag gis 'di dag la byams pa'i sems dang / phan pa'i sems dang / bde ba'i sems dang / snying rje ba'i sems dang / snying brtse ba'i sems dang / phan par dga' ba'i sems dang / yongs su mi gtong ba'i sems dang / </font><hr>Kha79a<br><font size=+1>


@#/ /'tshang rgya ba'i sems dang / byang chub pa'i sems dang / mi 'phrog pa'i sems dang / sangs rgyas kyi tshul gyi rjes su bsnyegs pa'i sems kyis bzod par bya'o/ /snyam mo/ /kye rgyal ba'i sras dag /'di ni/ byang chub sems dpa' sems dpa' chen po rnams kyi byang chub sems dpa'i spyod pa gsum pa ste/ mi mthun pa med pa zhes bya'o/ /kye rgyal ba'i sras dag /byang chub sems dpa' sems dpa' chen po rnams kyi spyod pa bzhi pa mi zad pa zhes bya ba de gang zhe na/ 'di la byang chub sems dpa' sems dpa' chen po brtson 'grus dang ldan pa yin te/ brtson 'grus mchog dang ldan pa yin/ brtson 'grus rab dang ldan pa yin/ brtson 'grus dam pa dang ldan pa yin/ brtson 'grus phul dang ldan pa yin/ brtson 'grus 'phags pa dang ldan pa yin/ brtson 'grus gya nom pa dang ldan pa yin/ brtson 'grus bla na med pa dang ldan pa yin/ brtson 'grus mi nyams pa dang ldan pa yin te/ de la 'dod chags kyi rang bzhin med/ zhe sdang gi rang bzhin med/ gti mug gi rang bzhin med/ nga rgyal gyi rang bzhin med do/ /'chab pa'i rang bzhin med/ phrag dog gi rang bzhin med/ 'jungs pa'i rang bzhin med/ sgyu'i rang bzhin med/ khrel med pa'i rang bzhin </font><hr>Kha79b<br><font size=+1>


med do| |de ni/ sems can gang la yang mtho ba tsam pa'i phyir brtson 'grus mi rtsom ste/ gzhan du na nyon mongs pa thams cad yongs su spang ba'i phyir brtson 'grus rtsom mo/ /bag la nyal ba thams cad yang dag par gzhom pa'i phyir brtson 'grus rtsom mo/ /bag chags thams cad yongs su bsal ba'i phyir brtson 'grus rtsom mo/ /sems can gyi khams yongs su shes par bya ba'i phyir brtson 'grus rtsom mo/ /'chi 'pho dang / skye ba thams cad yongs su shes par bya ba'i phyir brtson 'grus rtsom mo/ /nyon mongs pa thams cad yongs su shes par bya ba'i phyir brtson 'grus rtsom mo/ /sems can gyi bsam pa thams cad yongs su shes par bya ba'i phyir brtson 'grus rtsom mo/ /sems can thams cad kyi spyod yul yongs su shes par bya ba'i phyir brtson 'grus rtsom mo/ /sems can thams cad kyi dbang po dang brtson 'grus rnam pa tha dad pa mchog dang tha ma'i rgyu yongs su shes par bya ba'i phyir brtson 'grus rtsom mo/ /sems can thams cad kyi sems dang / spyod pa shes par bya ba'i phyir brtson 'grus rtsom mo/ /chos kyi dbyings thams cad la 'jug pa yongs su shes par bya ba'i phyir brtson 'grus rtsom mo/ /sangs rgyas kyi chos thams cad kyi rang bzhin dang / ngo bo nyid yongs su shes par bya ba'i phyir brtson 'grus rtsom mo/ /sangs </font><hr>Kha80a<br><font size=+1>


@#/ /rgyas kyi chos thams cad mnyam pa nyid yongs su shes par bya ba'i phyir brtson 'grus rtsom mo/ /dus gsum la mkhas pa mnyam pa nyid yongs su shes par bya ba'i phyir brtson 'grus rtsom mo/ /sangs rgyas kyi chos thams cad shes pa'i snang ba mnyam pa nyid yongs su shes par bya ba'i phyir brtson 'grus rtsom mo/ / sangs rgyas kyi chos thams cad rtogs par 'gyur ba'i ye shes yongs su shes par bya ba'i phyir brtson 'grus rtsom mo/ /sangs rgyas kyi chos thams cad tshul gcig tu mngon par 'tshang rgya ba yongs su shes par bya ba'i phyir brtson 'grus rtsom mo/ /sangs rgyas kyi chos mtha' dang dbus med pa thams cad mngon par 'tshang rgya ba yongs su shes par bya ba'i phyir brtson 'grus rtsom mo/ /sangs rgyas kyi chos thams cad rtogs pa'i ye shes chen po la mkhas pa yongs su shes par bya ba'i phyir brtson 'grus rtsom mo// sangs rgyas kyi chos thams cad rab tu dbye ba bstan pa dang / sgrub pa rab tu bstan pa'i rgyus yongs su shes par bya ba'i phyir brtson 'grus rtsom ste/ kye rgyal ba'i sras dag /byang chub sems dpa' sems dpa' chen po ni/ de lta bu'i brtson 'grus dang ldan pa yin no/ /de gal te 'jig rten gyi khams grangs med pa'i sems can rnams </font><hr>Kha80b<br><font size=+1>


kyi don du sems can re re'i phyir yang bskal pa grangs med par mnar med pa'i sems can dmyal ba chen por sdug bsngal du 'dug par yang spro zhing mos te/ sems can de dag kyang de tsam gyi bar gyis yongs su mya ngan las 'da' bar gyur la/ de'i dus su sangs rgyas bcom ldan 'das grangs med pa zhig byung ste/ sangs rgyas bcom ldan 'das de dag sus mthong ba de dag thams cad kyang bde ba'i yo byad kun dang ldan par gyur kyang byang chub sems dpa' de bla na med pa yang dag par rdzogs pa'i byang chub tu mngon par rdzogs par 'tshang mi rgya zhing / byang chub sems dpa' de ni/ 'jig rten gyi khams grangs med par gtogs pa'i sems can rnams kyi phyir sems can re re'i don du yang bskal pa grangs med par sems can dmyal ba chen po na de snyed kyi sems can yongs su mya ngan las 'das kyi bar du 'dug par spro ste/ de la la zhig gis 'di skad du/ rgya mtsho chen po grangs med pa skra'i rtse mos gzhal te 'jig rten gyi khams grangs med pa rdul du blags te bgrang ba de snyed kyi sdug bsngal gyi tshor ba dang sems skad cig tu yang mi 'bral ba'i sdug bsngal gyi rnam pa de lta bu dang mi 'bral bar 'gyur ro/ /zhes zer na yang / kye rgyal ba'i sras dag /byang chub sems dpa' ni/ de la </font><hr>Kha81a<br><font size=+1>


@#/ /de'i phyir sems bskyed pa 'ga' tsam yang 'gyod pa dang ldan pa mi 'byung gi /de ni/ 'di snyam ste/ de ltar bdag gi mthus sems can 'di dag sdug bsngal gyi rnam pa de lta bu las yongs su grol bar gyur pa ni/ bdag gis thob pa legs par thob pa/ gal te thabs 'di 'dra bas 'jig rten gyi khams thams cad kyi sems can thams cad yongs su mya ngan las 'da' bar 'gyur na yang byang chub sems dpas sbyor ba de la spro bar bya ba yin no/ /zhes te/ de bas kyang ches dga' ba dang / spro ba skye'o/ /kye rgyal ba'i sras dag /'di ni/ byang chub sems dpa' sems dpa' chen po rnams kyi byang chub sems dpa'i spyod pa bzhi pa ste/ mi zad pa zhes bya ba'o/ / kye rgyal ba'i sras dag /byang chub sems dpa' sems dpa' chen po rnams kyi byang chub sems dpa'i spyod pa lnga pa rmongs pa med pa zhes bya ba gang zhe na/ kye rgyal ba'i sras dag /'di la byang chub sems dpa' dran pa dang ldan pa yin te/ dran pa'i dam pa 'khrug pa med pa/ rnam par 'khrug pa med pa/ brtan pa/ sra ba/ mi shigs pa/ zil gyis mi non pa/ yongs su dag pa/ che ba/ tshad med pa/ rmongs pa med pa dang ldan pa yin te/ dran pa des 'jig rten pa'i spyod pa rnams kyang yongs su 'dzin pa yin/ 'jig </font><hr>Kha81b<br><font size=+1>


rten las 'das pa'i tshig kyang yongs su 'dzin pa yin/ gzugs dang gzugs med pa'i tshig kyang yongs su 'dzin pa yin/ gzugs kyi rang bzhin la btags pa'i tshig kyang yongs su 'dzin pa yin te/ tshor ba dang / 'du shes dang / 'du byed dang / rnam par shes pa la btags pa'i tshig kyang yongs su 'dzin pa yin/ rnam par shes pa'i rang bzhin yongs su shes par bya ba'i phyir tshig kyang yongs su 'dzin pa yin te/ de 'jig rten 'di nas kyang rmongs pa med par shi 'pho'o/ /'jig rten pha rol tu yang rmongs pa med par skye ste/ ma'i mngal du yang rmongs pa med par 'gro/ ma'i mngal nas kyang rmongs pa med par 'byung ste/ byang chub sems dpa'i sems bskyed pa rmongs pa med pas gnas so| |rmongs pa med par dge ba'i bshes gnyen rnams mgu bar byed do/ /rmongs pa med par sangs rgyas kyi chos la mos par byed do/ /rmongs pa med par bdud kyi las rnams rab tu shes so/ /rmongs pa med par bdud kyi las rnams spong bar byed do/ /rmongs pa med par bskal pa brjod du med par byang chub sems dpa'i spyod pa la gnas so/ /de dran pa yongs su dag pa'i yan lag tshad med pa dang ldan pa yin te/ des sangs rgyas bcom ldan 'das rnams dang / byang chub sems dpa' 'am/ dge ba'i </font><hr>Kha82a<br><font size=+1>


@#/ /bshes gnyen rnams las bskal pa grangs med pa na chos thos par gyur pa/ zab mo zab mor snang ba'am/ yangs pa'i chos rgyan rnam par phye ba'am| chos sna tshogs tshig dang yi ge sna tshogs kyis bstan pa'am/ byang chub sems dpa'i rgyan gyi chos sangs rgyas kyi byin gyi rlabs snang ba can nam/ bla na med pa'i sangs rgyas kyi chos lhag pa'i bsam pa dge ba dang / mos pas rnam par dag pa'am/ 'jig rten thams cad la mi gnas pa'i chos 'jig rten gyis khong du chud pa dang mthun pa'am/ chos yangs pa rgya chen po'i chos su bstan pa'am/ rab rib dang bral ba'i chos 'jig rten gyis shes par bya ba'am/ 'jig rten thams cad dang thun mong ma yin pa'i chos byang chub sems dpa'i ye shes kyi rjes su song ba'am/ bla na med pa'i chos thams cad mkhyen pa'i chos kyis rgya cher rnam par 'phrul ba bstan pa de lta bu dag thos kyang bskal pa grangs med pas brjed par mi 'gyur/ nyams par mi 'gyur/ rgyun chad par mi 'gyur ro/ /de ci'i phyir zhe na/ de ni/ byang chub sems dpa' sems dpa' chen po spyad pa spyod pa'i tshe sems can su la yang dran pa rnam par 'khrug par mi byed/ chos rig pa thogs par mi byed/ dge ba'i rtsa ba'i blo gros 'jig par mi byed/ </font><hr>Kha82b<br><font size=+1>


gzhan gyi blo la gnod par mi byed do/ /kye rgyal ba'i sras dag /gal te byang chub sems dpa' sems dpa' chen po de la 'di lta bu'i sgra chen po mtho ba dag dang phrad par gyur te| drag po'i sgra dang / mi bzad par bos pa'i sgra dang / skyi g.ya' ba'i sgra dang / yid du 'ong ba'i sgra rna ba'i spyod yul du 'ongs pa dang / yid du mi 'ong ba'i sgra rna ba'i yul du 'ongs pa dang / sems 'khrug par byed pa dang / rna ba'i rnam par shes pa 'khrug par byed pa dang / dbang po drug 'phrog par byed pa dag dang 'grogs par gyur kyang sgra de lta bu dag gis byang chub sems dpa'i sems skad cig kyang sems rnam par 'khrug par mi 'gyur te/ dran pa rnam par 'khrug par mi 'gyur ro/ /spyod yul rnam par 'khrug bar mi 'gyur ro/ /mgo rmongs par mi 'gyur ro/ /'khor bar mi 'gyur ro/ /bslad par mi 'gyur ro/ /byang chub sems dpa' de ni/ 'di ltar sgra de lta bu dag yid du 'ong zhing mthun par byed pa dang / yid du mi 'ong zhing khong khro bar byed pa dang / 'jig rten gyi khams grangs med par grags par byed pa dag gis se gol gtogs pa tsam du'ang ting nge 'dzin las ldang bar mi 'gyur ro/ /spyod yul las ldang bar mi 'gyur ro/ /chos la 'jug pa las ldang bar mi 'gyur ro/ /byang chub kyi spyod pa la gcig tu 'dus pa las ldang </font><hr>Kha83a<br><font size=+1>


@#/ /bar mi 'gyur ro/ /byang chub kyi sems yongs su sgom pa las ldang bar mi 'gyur ro/ /sangs rgyas rjes su dran pa las ldang bar mi 'gyur ro/ / chos yang dag pa ji lta ba bzhin du rnam par brtags pa las ldang bar mi 'gyur ro/ /sems can yongs su smin par bya ba'i ye shes rgyun 'chad par mi 'gyur ro/ /sems can yongs su dag par bya ba'i gnas shes pa rgyun chad par mi 'gyur ro/ /don nges par shes pa rgyun 'chad par mi 'gyur ro/ /gang gis las kyi sgrib par 'gyur ba'i sdig to'i las gsog par mi byed do/ /gang gis nyon mongs pa'i sgrib par 'gyur ba'i nyon mongs pa sdud par mi byed do/ /gang gis chos kyi sgrib par 'gyur ba'i chos la rim gro byed par mi byed do/ /gang gis chos 'jig par 'ong ba'i sgrib par 'gyur ba dam pa'i chos yongs su spong bar mi byed do/ /de la de lta bu'i sgra 'jig rten gyi khams grangs med par grags pa mi snyan pa dang / snyan pa bskal pa grangs med par mi sdod pa/ 'khrug par byed pa/ sems 'khrug pa/ lus 'khrug pa/ dbang po 'khrug pa/ mos par byed pa/ 'khor bar byed pa/ rnyog par byed pa/ rnam par rnyog par byed pa/ kun tu rnyog par byed pas dkrugs par byas kyang de la byang chub sems </font><hr>Kha83b<br><font size=+1>


dpa' 'di ltar sems skye ste/ bdag gis ni/ 'phags pa'i chos yongs su bsgoms pas nang du mnyam par gzhag par bya'o/ /snyam nas de sgra thams cad kyi skye ba la rab tu rtog go /gnas pa la rab tu rtog go /'gog pa la rab tu rtog go /skye ba'i rang bzhin la 'jug go /'gog pa'i rang bzhin la 'jug go /gang gis sgra de dag brjod pa de dag kyang de lta bu'i rang bzhin nyid du shes te/ sgras chags par mi 'gyur/ sgras khong khro bar mi 'gyur zhing / de'i dran pa nyams par mi 'gyur ro/ /de sgra de dag thams cad kyi mtshan ma 'dzin cing mtshan ma bskyed de/ sgras bsgo ba la mngon par chags par mi 'gyur ro/ /sgra la gnas par mi 'gyur ro/ /sgra la mngon par chags pa mi skyed do/ /des sgra de dag brtags na mi dmigs te/ sgra de dag thams cad kyi rang bzhin rab tu shes so/ /rang bzhin de yang byas pa med par khong du chud do/ /mngon par 'du byed pa med pa'i rgyas 'debs shing chos kyi dbyings kyi rang bzhin gyi tshul du chags pa med pa'i mthar yang rab tu shes so/ /'di ltar byang chub sems dpa' thams cad mkhyen pa'i mthar thug pa/ phyir mi ldog pa mtha' yas pa/ bsam gtan gyi tshul tha dad pa thams cad la rab tu zhugs pa/ ting nge 'dzin thams cad la rgyud gcig gi tshul du zhugs pa/ chos thams cad </font><hr>Kha84a<br><font size=+1>


@#/ /mtha' dang dbus med par rab tu chud pa'i lus kyi las dben pa dang ldan pa/ ngag gi las dben pa dang ldan pa/ yid kyi las dben pa dang ldan pas/ shes pa rtogs pa'i chos thams cad kyi rang bzhin ming dang sgra med pa zhes bya ba'i ting nge 'dzin grangs med pa'i ting nge 'dzin gyi sgo dang ldan pa 'thob ste/ snying rje chen po yang yangs shing tshad med par byed do/ /gal te de ltar byang chub sems dpa'i ting nge 'dzin stong phrag grangs med pa sems kyi skad cig gcig gis thob par byed kyang byang chub sems dpa' sems ting nge 'dzin dang ldan pa de la de lta bu'i rnam par 'khrug pas dran pa rnam par 'khrug par mi nus kyi/ de phyir zhing 'di snyam du sems skye'o/ /de ltar bdag gis sems can de dag thams cad bla na med pa'i rnam par dag pa la rab tu bkod de/ thams cad mkhyen pa nyid las phyir mi ldog par byas la/ phung po ma lus pa'i mya ngan las 'das pa'i dbyings su yongs su mya ngan las 'da'o/ /snyam mo/ /kye rgyal ba'i sras dag /'di ni/ byang chub sems dpa' sems dpa' chen po rnams kyi byang chub sems dpa'i spyod pa lnga pa ste/ rmongs pa med pa zhes bya'o/ /kye rgyal ba'i sras dag /byang chub sems dpa' sems dpa' chen po rnams kyi byang chub sems </font><hr>Kha84b<br><font size=+1>


dpa'i spyod pa drug pa lta ba bzang po zhes bya ba de gang zhe na/ kye rgyal ba'i sras dag/ 'di la byang chub sems dpa' sems dpa' chen po dmigs su med cing bstan pa mi dmigs/ lus kyi las dben pa dang / ngag gi las dben pa dang / yid kyi las dben pa thob pa yin/ ma chags ma bcings pa'i lus kyi las dang / ma chags ma bcings pa'i ngag gis las dang / ma chags ma bcings pa'i yid kyi las ma chags ma bcings par bstan pa/ gnas pa med pa/ mi gnas pa/ sems ji lta ba bzhin du gnas pa/ sems kyi rang bzhin tshad med pa'i rjes su song ba/ chos thams cad kyi rang bzhin 'byams klas pa'i rjes su song ba/ mtshan nyid mi dmigs shing mtshan nyid bstan du med pa/ zab pa/ gting dpag par dka' ba/ de bzhin nyid kyi rang bzhin gyi rjes su song ba/ rnam par smin pa dang bral ba'i skyon med pa/ mngon par sgrub pa la mkhas pa/ 'gog pa dang mthun par gnas pa/ mya ngan las ma 'das pa'i dbyings kyi spyod yul can/ zhi ba'i rgyud rab tu thob ba/ dngos po med pa'i tshul gyi gzhir gyur pa/ tshig gi lam chad pa/ 'gro ba thams cad las 'phags pa| gnas med pa'i spyod pa rab tu thob pa/ byang chub kyi sems bskyed pa'i mtshan ma la mkhas pa/ rtogs pa bcings pa med pa la gnas pa/ de kho na nyid kyi chos kyi gnas kyi rjes su </font><hr>Kha85a<br><font size=+1>


@#/ /zhugs pa/ 'jig rten thams cad kyis mi brjod pa/ 'jig rten las 'das pa'i gnas dang ldan pa thob pa yin te/ de 'di snyam du sems so/ / kye sems can 'di dag thams cad ni/ rang bzhin 'di lta bu ste/ 'di ltar sems can med pa'i rang bzhin no/ /kye chos 'di dag thams cad ni/ rang bzhin 'di lta bu ste/ 'di ltar 'dus byas pa med pa'i rang bzhin no/ /kye zhing 'di dag thams cad ni/ 'di lta bu'i mtshan nyid de/ 'di ltar mtshan nyid med pa'o/ /kye dus 'di dag thams cad ni| 'di lta bur byung ba ste/ 'di ltar tshig gi lam la gzhol zhing chos kun gyi rnam par tshig gi lam la shin tu gnas kyang chos thams cad ni/ tshig gi lam la mi gnas pa'o/ /zhes de de ltar chos thams cad zab pa'ang rab tu shes so/ /'jig rten thams cad dben pa la yang rab tu 'jug go /de de ltar sangs rgyas kyi chos ma bskyed pa la yang rab tu 'jug go /sangs rgyas kyi chos kyang 'jig rten gyi chos su rab tu 'jug go /'jig rten gyi chos kyang sangs rgyas kyi chos su rab tu 'jug go /sangs rgyas kyi chos dang 'jig rten gyi chos 'dres par mi byed do/ /'jig rten gyi chos dang sangs rgyas kyi chos tha dad par yang mi byed do/ /'di ltar dus gsum la gnas pa'i chos kyi </font><hr>Kha85b<br><font size=+1>


dbyings tha dad pa med pa la yang rab tu 'jug go /byang chub sems dpa' sems dpa' chen po las kyang nyams par mi byed de/ sems can thams cad yongs su smin par bya ba dang / gdul ba las kyang mi ldog ste/ sems can thams cad bskyab pa'i phyir snying rje chen po yang phyir zhing rab tu 'dzin par byed do/ /sems can gyi khams bdag gis smin par ma byas pa ni/ su zhig smin par byed/ sems can gyi khams bdag gis dul bar ma byas pa ni/ su zhig dul bar byed/ sems can gyi khams bdag gis zhi bar ma byas pa ni/ su zhig zhi bar byed/ sems can gyi khams bdag gis shes par ma byas pa ni/ su zhig shes par byed/ sems can gyi khams bdag gis dag par ma byas pa ni/ su zhig dag par byed de/ de ltar bdag gis de lta bur zab pa'i chos yang dag par mthong la/ gcig pu bla na med pa yang dag par rdzogs pa'i byang chub tu rnam par 'grol bar bya ba 'di ni/ bdag la tshul dang mi 'dra ba ste/ sems can gyi khams 'di'ang mya ngam chen po'i lam du zhugs pa/ nyon mongs pas kun nas bzung bas ldongs par gyur pa/ tshor ba nyams su bab pa mi zad pas nad par gyur pa/ sred pas bskor ba'i btson rar zhugs pa/ sems can dmyal ba dang / byol song gi </font><hr>Kha86a<br><font size=+1>


@#/ /skye gnas dang / gshin rje'i 'jig rten nas ma g.yos pa/ sdug bsngal gyi phung pos mi skyo ba/ sdom pa gsum gyis gcugs su ma rung ba/ mun gang gi nang du rab tu zhugs pa/ ma rig pa'i mngal du skye ba dang 'chi bas mnar ba 'byung ba ma mthong bar mi khom par gyur pa/ mi khom pa brgyad thob pa/ sems kyi rab rib kyis dri ma can du gyur pa/ nyon mongs pa sna tshogs kyi nad kyi yan lag gis btab pa/ mya ngam chen por 'khyams pa/ lta ba'i mya ngam gyis bskor ba'o/ /zhes de ltar byang chub sems dpa' sems can gyi khams la rtog pa'i tshe sems 'di ltar skye ste/ de ltar bdag bla na med pa yang dag par rdzogs pa'i byang chub tu zhugs te/ ye shes kyi snang ba bla na med pa la zhugs nas sems can 'di dag yongs su ma smin cing rnam par ma dul bar bor te bla na med pa yang dag par rdzogs pa'i byang chub tu mngon par 'tshang rgya ba ni/ dus ma yin gyi/ bdag gis ni/ bskal pa brjod du med pa'i yang brjod du med par sems can rnams kyang byang chub sems dpa'i spyod pa la yongs su smin par bya'o/ /dus de lta bus sems can byang chub tu yongs su ma smin pa rnams yongs su smin par bya'o/ /ma dul ba rnams gdul bar bya'o/ /snyam mo/ / </font><hr>Kha86b<br><font size=+1>


kye rgyal ba'i sras dag /'di ni/ byang chub sems dpa' sems dpa' chen po rnams kyi byang chub sems dpa'i spyod pa drug pa lta ba bzang po zhes bya ba ste/ byang chub sems dpa' rnams spyod pa de dag la gnas pas lha dang / bdud dang / tshangs par bcas pa'i 'jig rten dang / dge sbyong dang / bram ze'i skye rgur bcas pa dang / lha dang / dri za dang / mi dang / lha ma yin du bcas pa'i 'jig rten gyis blta na mdzes shing / byang chub sems dpa' de mthong bas kyang sems can rnams bla na med pa yang dag rdzogs pa'i byang chub tu don yod par 'gyur ro// thos pa dang bsnyen bkur bas kyang bla na med pa yang dag par rdzogs pa'i byang chub tu don yod par 'gyur ro/ /dmigs pa gang gis kyang rung ste/ byang chub sems dpa' de dang 'grogs pa thams cad bla na med pa yang dag par rdzogs pa'i byang chub tu don yod par 'gyur ro/ /bam po nyi shu bdun pa/ kye rgyal ba'i sras dag /'di la byang chub sems dpa' sems dpa' chen po rnams kyi byang chub sems dpa'i spyod pa bdun pa gnas med pa zhes bya ba gang zhe na/ kye rgyal ba'i sras dag /'di la byang chub sems dpa' gnas med pa'i sems kyis 'jig rten gyi khams grangs med pa la 'jug pa yin/ sems bskyed pa re res zhing grangs med pa yongs su sbyong ste/ zhing la gnas mi skyed pa yin/ sangs rgyas </font><hr>Kha87a<br><font size=+1>


@#/ /bcom ldan 'das grangs med pa blta ba'i phyir 'gro zhing / me tog grangs med pa dang / spos grangs med pa dang / phreng ba grangs med pa dang / byug pa grangs med pa dang / phye ma grangs med pa dang / na bza' grangs med pa dang / rin po che grangs med pa dang / rgyal mtshan grangs med pa dang / ba dan grangs med pa dang / rgyan grangs med pa dang / mngon par 'du bya ba grangs med pa dang / mngon par 'du bya ba med pa'i mthar phyin pa dang / grangs med pa'i bsam pas bsam du med pa'i chos la gnas par bya ba'i phyir sangs rgyas bcom ldan 'das grangs med pa la blta ba dang / phyag 'tshal ba dang / mchod pa dang / bsnyen bkur ba'i don du 'gro zhing / sems bskyed pa re re la sangs rgyas bcom ldan 'das grangs med pa mthong yang sangs rgyas de dag la gnas mi skyed pa yin/ sangs rgyas kyi zhing rnams la gnas mi skyed pa yin/ mtshan rnams la gnas mi skyed pa yin/ dpe byad bzang po rnams la gnas mi skyed pa yin/ sangs rgyas kyi 'od la gnas mi skyed pa yin/ sangs rgyas kyi chos bstan pa la gnas mi skyed pa yin/ phyogs la gnas mi skyed pa yin/ phyogs mtshams la gnas mi skyed pa yin/ de bzhin gshegs pa'i 'khor </font><hr>Kha87b<br><font size=+1>


gyi dkyil 'khor la gnas mi skyed pa yin/ byang chub sems dpa'i dge 'dun 'dus pa la gnas mi skyed pa yin/ sangs rgyas kyi chos thams cad nyan cing dga' ba skyed de bsam pa yangs par byed la/ byang chub kyi sems rab tu 'dzin cing / byang chub sems dpa'i spyod pa la shin tu gnas kyang sangs rgyas kyi chos la gnas mi skyed pa yin/ de bzhin gshegs pa re re bsnyen bkur pa la yang bskal pa brjod du med pa zad par byed cing / sangs rgyas brjod du med pa mthong bas bskal pa grangs med par gnas kyang sangs rgyas blta ba dang / de bzhin gshegs pa mngon du bya ba dang / chos mnyan pas ngoms mi shes te/ sangs rgyas blta ba dang / de bzhin gshegs pa'i chos mnyan pa la gnas mi skyed do/ /byang chub sems dpa'i rgyan dang / 'khor gyi dkyil 'khor dang / de bzhin gshegs pa khong du chud par byed kyang gnas mi skyed/ chags pa'i sems mi skyed do/ /'jig rten gyi khams kun nas nyon mongs pa la zhugs kyang khong khro ba mi skyed/ mos pa med pa'i sems mi skyed do/ /de ci'i phyir zhe na/ 'di ltar byang chub sems dpas ni/ sangs rgyas kyi chos nyid ji lta ba bzhin du shin tu khong du chud de/ de la ni/ kun nas nyon mongs pa'ang med/ rnam par byang ba'ang med/ mun pa'ang </font><hr>Kha88a<br><font size=+1>


@#/ /med/ snang ba'ang med/ rnam par phye ba'ang med/ rnam pa tha dad pa'ang med/ rnam par rtogs pa'ang med do/ /gzhan du 'gyur ba'ang med/ bde ba yang med/ mi bde ba yang med/ lam yang med/ lam ma yin pa'ang med do/ /byang chub sems dpa' de ltar chos kyi dbyings la zhugs pa ni/ sems can gyi khams la'ang 'jug ste/ de dag kyang yongs su smin par byed cing rnam par 'dul la/ sems can rnams la gnas skyed pa'ang med do/ /chos rnams kun nas thob par byed kyang chos la gnas mi skyed do/ /byang chub kyi sems la zhugs pa'i yid kyis 'tshang rgya bar bya ba la yang rnam par spyod de/ 'tshang rgya bar bya ba de la gnas mi skyed do// tshig gi lam yang brjod de/ tshig gi lam la gnas par yang mi byed do/ /sems can gyi rgyud la'ang 'jug ste/ sems can gyi rgyud la yang gnas par yang mi byed do| |ting nge 'dzin kyang rab tu shes shing / de dag la'ang mnyam par gzhog ste/ ting nge 'dzin de dag la gnas kyi sems kyang mi skyed do/ /sangs rgyas kyi zhing brjod du med par 'gro zhing 'jug la/ de dag tu phyin te mthong zhing gnas kyang gnas kyi sems mi skyed do/ /de dag nas 'gro'ang chags pa'i sems mi skyed do/ /de dag sems </font><hr>Kha88b<br><font size=+1>


'di ltar skyed do/ /kye sangs rgyas kyi chos de ltar gzung ba med/ sangs rgyas kyi byang chub de ltar sgrib pa med/ chos dang 'dul ba de ltar legs par bstan/ sangs rgyas kyi bstan pa de ltar legs par gnas/ byang chub sems dpa'i spyod pa de ltar legs par 'dug /byang chub kyi sems de ltar legs par gnas/ byang chub sems dpa'i rnam par thar pa de ltar shin tu rtogs/ byang chub sems dpa'i rang bzhin de ltar chags pa med/ byang chub sems dpa'i tshul de ltar gnas pa med| byang chub sems dpa'i lam de ltar shin tu sbyangs/ byang chub sems dpa'i lung bstan pa de ltar byin gyis brlabs kyang byis pa so so'i skye bo 'di dag ni/ shes pa med pa/ mthong ba med pa/ tha dad pa med pa| mos pa med pa/ mi mkhas pa/ gnas la spyod pa/ bsam pa rmugs pa/ 'khor ba'i rgyud shin tu 'byung ba la gzhol ba/ sangs rgyas lta ba la log par zhugs pa| 'dren pa'i sa las nyams pa/ lam shes pa'i drung nas gar ba/ kha lo sgyur ba mi tshol ba/ stobs bcu la rim gro med pa/ byang chub sems dpa' la drin du mi gzo ba| dma' ba la gnas pa/ dngos po med pas 'jigs pa/ rigs bas spangs pa/ tshul bzhin ma yin pa la zhugs pa/ mnyam pa nyid las log par lhung ba/ g.yang </font><hr>Kha89a<br><font size=+1>


@#/ /sa chen por rab tu lhung ba/ bdud kyi bsam pa la zhugs pa/ sangs rgyas kyi bsam pa las ring du gyur pa/ srad pa la mngon par chags pa sha stag go /zhes de ltar byang chub sems dpa' sems can gyi khams la 'jug cing / snying rje chen po de bas kyang cher bskyed nas snying rje chen po rgya cher byas te gnas med pa'i dge ba'i rtsa ba yang dag par bsags nas 'di snyam du sems skyed do/ /gal te sems can re re'i phyir yul re re dang / phyogs re rer yang bskal pa brjod du med par sems can re re 'dul ba'i phyir 'dug la/ sems can gcig la ji lta ba de bzhin du sems can gyi khams thams cad kyi don du 'dug kyang bdag gis de'i phyir mi dga' ba mi skyed de/ yul de dang phyogs de nas kyang bdag gud du g.yo bar mi bya'o/ /gud du 'gro bar mi bya'o/ /skra'i rtse mo tsam la chos kyi dbyings thams cad 'dus par byas te/ skra'i rtse mo'i tshul de lta bus skra'i rtse mor chud pa re rer yang sems can gyi khams yongs su smin par bya ba dang / gdul ba'i phyir bskal pa brjod du med pa'i yang brjod du med par gnas par bya'o/ /skra'i rtse mo gcig la ji lta bde bzhin du chos kyi dbyings mtha' dang dbus med pa thams </font><hr>Kha89b<br><font size=+1>


cad la yang de ltar te/ se gol gtogs pa tsam du yang gnas kyi 'du shes mi skyed do/ /gnas par mi bya'o/ /gnas kyi sems mi skyed do/ /skra'i rtse mo tsam re re la yang lus gnas med pa dang / chos gnas med pa dang / dran pa gnas med pa dang / smon lam gnas med pa dang / ting nge 'dzin gnas med pa dang / rtogs pa gnas med pa dang / spyod yul gnas med pa dang / sems can gyi khams 'dul ba gnas med pa dang / chos kyi dbyings la 'jug pa gnas med pas phyi ma'i mtha'i bskal ba'i mur thug pa'i bskal par byang chub sems dpa'i spyad pa spyod do/ /de ci'i phyir zhe na/ 'di ni/ byang chub sems dpa' 'di ltar sems skyed de/ bdag gis chos kyi dbyings thams cad sgyu ma lta bur shes par bya'o/ /bdag gis sangs rgyas thams cad bltar med pa'i tshul du mig yor lta bur shes par bya'o/ /byang chub sems dpa'i spyod pa gnas med pa'i phyir rmi lam lta bur shes par bya'o/ /bdag gis de bzhin gshegs pa rnams kyi chos bstan pa brag ca lta bur shes par bya'o/ /bdag gis las kyi rnam par smin pa'i mthu las byung bas 'jig rten thams cad sprul pa lta bur shes par bya'o/ /bdag gi spyod pa'i mthu las byung bas lus ni/ yid kyi rgyu las byung bar shes par bya'o/ /bdag gis sna tshogs dang 'dres pa'i phyir 'gro ba thams cad ni/ sems lta bur shes par bya'o/ /rnam par 'gyur ba med pas </font><hr>Kha90a<br><font size=+1>


@#/ /bdag gis chos thams cad ni/ yang dag pa'i mtha' dang mnyam par bstan par bya'o/ /bdag gis phyogs bcur sems bskyed pas rgyas par bkang ste chos kyi dbyings kyis klas pa/ nam mkha'i mthas gtugs pa'i byang chub sems dpa'i spyod pa la gnas par bya'o/ /bdag gis sems yangs par bsgyur ba dang / dran pa gnas med pas/ sangs rgyas kyi chos khong du chud cing mkhas pa sems kyi skad cig gcig gis thob par bya'o/ /zhes de ltar byang chub sems dpa' de bdag dang sangs rgyas la bdag med pa'i tshul gyis yang dag par lta zhing / sems can chags pa med pa'i mthar phyin pa'i tshig gi lam gyis la smin par byed pa'i tshe dga' ba mtha' yas pa 'thob bo/ /sangs rgyas dang rdzogs pa'i sangs rgyas kyi chos la mos pa tshad med pa'ang yang dag par rab tu 'thob bo/ /sems can thams cad yongs su bskyab pa'i don du bdag gis skyo ba'i sems mi skyed do/ /sems can gyi khams yongs su ma smin cing ma dul gyi bar du skyo ba'i smon lam mi skyed do/ /bdag gis 'jig rten gyi khams thams cad las rnam par 'das par 'jig rten gyi khams thams cad du rgyu bar byas te smon lam gang la sems can gyi sgra yod pa dang / </font><hr>Kha90b<br><font size=+1>


sems can gyi las dang / sems can nye bar len pa dang / sems can rnam par gzhag pa dang / sems can gyi 'du shes dang ldan pa dang / sems can gyi glong dang / sems can gyi 'du byed dang / sems can gyi yul dang / sems can gyi 'jug pa dang / sems can gyi ldog pa yod pa de la bdag gis gnas par bya'o/ /sems can thams cad 'dul ba'i dbang du smon lam de las g.yo bar yang mi bya ste/ sems bskyed pa gcig gis kyang gnas kyi 'du shes bskyad par mi bya'o/ /de ci'i phyir zhe na/ bdag gis gnas med pa dang mi gnas par bya ste/ bdag gi don yongs su sbyang bar bya'o/ /yongs su rdzogs par bya'o/ /zhes bya ba 'di ni/ kye rgyal ba'i sras dag /byang chub sems dpa' sems dpa' chen po rnams kyi byang chub sems dpa'i spyod pa bdun pa ste/ gnas med pa zhes bya'o/ /kye rgyal ba'i sras dag /byang chub sems dpa' sems dpa' chen po rnams kyi byang chub sems dpa'i spyod pa thub par dka' ba zhes bya ba brgyad pa gang zhe na/ kye rgyal ba'i sras dag /'di la byang chub sems dpa' sems dpa' chen po rnams kyi dge ba'i rtsa ba thub par dka' ba/ gdul bar dka' ba/ rab tu 'dul bar dka' ba/ phyed par dka' ba/ zil gyis mi non pa/ bsam gyis mi khyab pa/ kun tu mtha' yas pa/ mi 'phrog pa/ bdag </font><hr>Kha91a<br><font size=+1>


@#/ /nyid che ba/ rgyud kyi tshul gcig tu gyur pas sangs rgyas thams cad kyi zham ring na byang chub sems dpa'i spyad pa spyod pa'i tshe sangs rgyas kyi chos la shin tu dad pa yin/ yangs par dad pa yin/ de bzhin gshegs pa'i byang chub la shin tu mos pa yin/ byang chub sems dpa'i smon lam gyi rgyun mi 'chad pa yin/ bskal pa thams cad du mi skyo ba'i sems dang ldan pa yin/ sdug bsngal thams cad kyis sgyid lug par 'gyur ba med pa yin/ bdud thams cad kyis phyir brgal du med pa yin/ sangs rgyas thams cad kyis shin tu byin gyis brlabs ba yin/ byang chub sems dpa'i dka' thub thams cad kyis rnam par sbyangs pa yin/ byang chub sems dpa'i brtul zhugs kyis tshad mi shes pa yin/ theg pa chen po'i smon lam las phyir mi ldog pa yin/ de la byang chub sems dpa'i spyod pa sgrub par dka' ba la gnas te sems bskyed pa gcig gis bskal pa grangs med par 'khor yang phyir mi ldog pa yin te/ byang chub sems dpa'i smon lam chen po'ang rgyun mi gcod do/ /de mthong ba tsam gyis kyang sems can rnams bla na med pa yang dag par rdzogs pa'i byang chub las phyir mi ldog par byed do/ /thos pa dang bsnyen bkur bas kyang sems </font><hr>Kha91b<br><font size=+1>


can rnams bla na med pa yang dag par rdzogs pa'i byang chub las phyir mi ldog par byed do/ /sems can thams cad sems can med par yang shes te/ sems can gyi khams yongs su gtong ba ma yin no/ /'di lta ste/ dper na/ mnyan pa ni/ pha rol tu 'gro ba'ang ma yin/ tshu rol tu 'gro ba'ang ma yin/ chu klung gi gzhung la gnas pa'ang ma yin/ 'gro ba dang 'ong ba rgyun mi 'chad pa'i phyir pha rol dang pha rol ma yin par sems can rnams kyang sgrol lo/ /de bzhin du byang chub sems dpa' yang 'khor bar 'gro ba'ang ma yin| mya ngan las 'das par 'gro ba'ang ma yin/ 'khor ba'i rgyud la gnas pa'ang ma yin/ tshu rol gyi mu nas sems can rnams bskyod de/ pha rol gyi dogs \ NGOGS?\ bde pa| 'jigs pa med pa/ 'tshe ba med pa/ 'khrug pa med par rab tu bzhag kyang sems can gyi khams bgrangs pa'i tshul gyis mngon par chags pa med do/ /sems can gcig las bskyod nas mang po la mngon par chags par yang mi byed/ mang po las bskyod nas sems can gcig la mngon par chags par yang mi byed/ sems can gyi khams 'phel bar yang mi byed/ 'bri bar yang mi byed/ sems can gyi khams skye bar yang mi byed/ 'gog par yang mi byed/ zad par yang mi byed/ gsog par </font><hr>Kha92a<br><font size=+1>


@#/ /yang mi byed/ rnam par rtog par yang mi byed/ rnam pa gnyis su yang mi byed do/ /de ci'i phyir zhe na/ 'di ltar byang chub sems dpa' ni/ sems can gyi khams la zhugs shing khong du chud pa ste/ chos kyi dbyings ji lta bar sems can gyi khams kyang de bzhin te/ sems can gyi khams dang chos kyi dbyings de la gnyis su med do| |gnyis su med pa'i chos la ni/ 'bri ba'am/ 'phel ba'am/ 'gags pa'ang med de/ chos kyi rang bzhin ni/ rang bzhin gyis med par 'gyur ba'am/ len pa'am/ gnas pa'am/ mngon par chags pa'am/ gnyis su 'gyur ba med do/ /de ci'i phyir zhe na/ chos thams cad chos kyi dbyings bstan pa'i tshul du gnyis su med pa'i phyir ro/ / de ltar na/ byang chub sems dpa' chos kyi dbyings rab tu dbye ba'i mkhas pa khong du chud pa yin te/ mtshan nyid rnam par dag pa'i lus dang / dngos po med pa yongs su/ shes pa dang / chos kyi mtshan nyid dang / rang bzhin yongs su rtogs pas mtshan nyid med pa la gnas pa yin/ de ni/ sems can rnam pa sna tshogs kyang shes/ sems can gyi grangs kyang shes te/ 'jig rten gyi khams rnams la'ang mngon par chags pa med do/ /sangs rgyas kyi zhing thams cad du yang snang ngo / /sangs rgyas rnams la'ang </font><hr>Kha92b<br><font size=+1>


'jug cing khong du chud par byed de/ las la rnam par rtog par mi byed do/ /don kyang shin tu rtogs pa yin no/ /don gyi yi ge yang yongs su brjod do/ /chos 'dod chags dang bral ba'i mthar phyin pa thams cad kyang shes so/ /rab tu shes so/ /khong du chud do/ /byang chub sems dpa'i lam dang yang mi 'bral te/ byang chub sems dpa'i spyod pa las kyang phyir mi ldog go/ chos kyi dbyings su gzud pa la dbang bsgyur bar zhugs pas zad mi shes pa'i spyad pa dang ldan pa yin no/ /'di lta ste/ dper na/ gtsub ma las byung ba'i me'i rgyu tshad med pas me'i dgos pa las ma 'gag pa yin te/ de bzhin du byang chub sems dpa' pa 'jig rten thams cad na sems can gyi don las 'gag pa med par zhugs pa yin te/ kun gyi mthar byas pa'ang ma yin/ kun gyi mtha' med par byas pa'ang ma yin no/ /nye bar len pa dang bcas pa'ang ma yin/ nye bar len pa med pa yang ma yin no/ /gnas pa'ang ma yin no/ / mi gnas pa yang ma yin no/ /'jig rten gyi chos kyi rjes su song ba'ang ma yin/ sangs rgyas kyi chos la gzhol ba'ang ma yin no/ /so so'i skye bo yang ma yin/ 'bras bu la gnas pa'ang ma yin no/ /de ltar byang chub sems dpa' thub par dka' ba'i sems dang ldan pa spyad pa la spyod de/ de ni/ nyan thos kyi theg pa mi ston to/ /rang sangs rgyas kyi theg pa </font><hr>Kha93a<br><font size=+1>


@#/ /mi ston to/ /sangs rgyas kyi chos kyang ston pa med do/ /'jig rten dang / 'jig rten gyi chos nye bar len pa med do/ /sems can dang / sems can 'jig rten pa nye bar len pa med do/ /nyon mongs pa dang rnam par byang ba nye bar len pa med do/ /de ci'i phyir zhe na/ chos thams cad kun nas nyon mongs pa med par byang chub sems dpa' yongs su shes so/ /chos thams cad nye bar blang pa med par byang chub sems dpas yongs su shes so/ /chos thams cad zhugs pa med par byang chub sems dpas yongs su shes so/ /chos thams cad ldog pa med par byang chub sems dpas yongs su shes so/ /de de ltar zhi zhing phra ba dang / zab pa dang / bzang po'i chos la spyod pa'i tshe spyod do/ /zhes bya bar mi dmigs so/ /spyad par bya'o/ /zhes bya bar mi dmigs so/ /khams kyi yul dang / skye mched kyi yul dang / nang gi snang ba dang / phyi rol gyi snang ba dang / phyi nang gi snang ba dang / smon lam yongs su sgrub pa dang / pha rol tu phyin pa rnams dang / chos thams cad du yang mi dmigs so/ /de ci'i phyir zhe na/ 'di ltar chos kyi dbyings thams cad la ni/ gang nyan thos kyi theg pa la zhugs pa'am/ rang sangs rgyas kyi theg pa la zhugs pa'am/ byang chub sems dpa'i theg pa la </font><hr>Kha93b<br><font size=+1>


zhugs pa'am/ bla na med pa yang dag par rdzogs pa'i byang chub tu zhugs pa'am/ so so'i skye bo'i khams la zhugs pa'am/ kun nas nyon mongs pa'i khams la zhugs pa'am/ rnam par byang ba'i khams la zhugs pa'am/ 'khor ba'i khams la zhugs pa'am/ mya ngan las 'das pa'i khams la zhugs pa'i chos gang yang med do/ /de ci'i phyir zhe na/ 'di la chos gnyis zhes bya ba gang yang med de/ mi gnyis pa'ang med do/ /'di lta ste/ dper na/ nam mkha' ni/ phyogs bcur ma rnyed/ mi rnyed/ rnyed par mi 'gyur yang nam mkhar bgrang ba'i tshul yod do/ /de bzhin du byang chub sems dpas kyang chos gang yang dmigs pa med de/ chos thams cad mngon par 'tshang rgya'o/ /zhes grangs su bgrang ba yang yod de| de ni/ yang dag pa bden pa ste/ log pa ma yin no/ /de ni/ bya ba dang mi 'gal ba'i spyod pa'ang ston te/ smon lam yang mi gtong ngo / /sems can gyi khams yongs su smin pa dang gdul ba'ang byed do/ /chos kyi 'khor lo yang bskor ro/ /rgyu dang 'bras bu yang 'jig par mi byed do/ /chos nyid dang yang 'gal bar mi byed do/ /'das pa dang / ma byon pa dang / da ltar byung ba'i sangs rgyas bcom ldan 'das rnams dang yang mnyam par 'gyur ba yin te/ de bzhin gshegs pa'i rigs kyang rgyun chad par mi byed/ chos kyi tshul </font><hr>Kha94a<br><font size=+1>


@#/ /dang yang 'gal bar mi byed/ chos kyi rgyud kyang rab tu shes so/ /chos kyi spobs pa'ang 'jig par mi byed/ chos thos pas kyang rlom sems med de/ chos kyi 'byung gnas kyang rab tu thob/ chos brjod pa yang rab tu byed/ mi 'jigs pa la'ang rab tu gnas/ sangs rgyas kyi spyod pa'ang mi gtong ngo / /'jig rten gyi tshul yang 'gog par mi byed/ 'jig rten mnyam pa nyid kyang rab tu ston te/ 'jig rten gyi spyod pa rnams la'ang gnas pa med do/ /de ltar byang chub sems dpa' thub par dka' pa'i sems dang ldan pa/ byang chub sems dpa'i spyad pa la spyod de/ sems can gyi khams kyang sems can dmyal ba dang / byol song gi skye gnas dang / gshin rje'i 'jig rten nas gyen du bskyod de/ de dag bskyed nas kyang yongs su smin par byed do/ /'dul bar byed do/ /rab tu gzhog bar byed do/ /'das pa dang / ma byon pa dang / da ltar byung ba'i sangs rgyas bcom ldan 'das rnams kyi lam gyi rgyud las kyang mi g.yo'o/ /'jig rten gnas pa drin du mi gzo bas yongs su gang ba dang / dgras yongs su gang ba dang / kun nas nyon mongs pas yongs su gang ba dang / mi mthun pas yongs su gang ba dang / yid gzhag tu mi rung bas yongs su gang ba dang / byis pas yongs su gang ba dang / </font><hr>Kha94b<br><font size=+1>


ma dad pas yongs su gang ba dang / gzhan gyi dring la rgyug pas yongs su gang ba dang / shes rab ngan pas shin tu byung ba dang / 'jig rten gnas pa sred pa'i bsam pa dang / ma rig pas kun nas nyon mongs par gyur pa na byang chub sems dpa' ni/ byang chub sems dpa'i spyad pa spyod de/ de 'di snyam du sems so/ /'di ltar bdag gis 'jig rten gnas pa drin du gzo bas yongs su gang ba dang / mdza' bos yongs su gang ba dang / mkhas pas yongs su gang bar byang chub sems dpa'i spyod pa spyad pa lta ngo mtshar du'ang ci che ste/ de ji lta zhe na/ bdag ni/ sems can mdza' ba'am/ mi mdza' ba gang las kyang chung du na skra'i rtse mo gcig tsam mam/ chung du na dge bar bya ba sbyin pa tsam yang mi 'dod mi tshol te/ phyi ma'i mtha'i mur thug pa'i bskal par byang chub sems dpa'i spyad pa spyod kyang gzhan du na sems can de dag yongs su 'grol ba dang / sems can de dag yongs su dag par 'gyur ba dang / sems can de dag 'byung bar 'gyur ba ma gtogs par de dag las sems skad cig tsam du bde bar 'gyur ba'ang mi tshol lo/ /de ci'i phyir zhe na/ bdag ni/ sems la len pa med cing thams cad la 'dod pa med pas/ sems can gyi gtso bor 'gyur bar byed pa ste/ 'di ltar bdag gis ci nas kyang sems can de dag bla na med pa yang dag par rdzogs </font><hr>Kha95a<br><font size=+1>


@#/ /pa'i byang chub kyi mthas gtugs te/ shin tu bde ba'i pha rol tu phyin par 'gyur bar nan tan du bya'o/ /snyam mo/ /kye rgyal ba'i sras dag/ 'di ni/ byang chub sems dpa' sems dpa' chen po rnams kyi byang chub sems dpa'i spyod pa brgyad pa ste/ thub par dka' ba zhes bya'o/ /kye rgyal ba'i sras dag/ byang chub sems dpa' sems dpa' chen po rnams kyi byang chub sems dpa'i spyod pa dgu pa chos bzang po zhes bya ba gang zhe na/ kye rgyal ba'i sras dag /'di la byang chub sems dpa' lha dang 'jig rten du bcas pa/ bdud dang bcas pa/ tshangs pa dang bcas pa/ dge sbyong dang bram zer bcas pa'i skye rgu dang / lha dang / dri za dang / mi dang / lha ma yin du bcas pa na chos kyi mu stegs bzang por gyur pa yin te/ de sangs rgyas kyi rigs mi gcad pa'i phyir dam pa'i chos yongs su 'dzin par byed pa yin/ gzungs kyi snang ba rnam par dag pa thob pas gtam bya ba dang / lung bstan pa la spobs pa yin/ chos dang ldan pa'i gzungs thob pas don la spobs pa yin/ chos ji lta ba bzhin gyi gzungs chos yang dag par skul ba thob pas chos la spobs pa yin/ tshig dang smra ba thams cad kyi gzungs rab tu thob pas nges pa'i tshig la spobs pa yin/ tshig dang yi ge'i don kun tu mtha' yas </font><hr>Kha95b<br><font size=+1>


shing zad mi shes pa la thogs pa med pa'i sgo'i gzungs thob pas spobs pa thogs pa med pa yin/ sangs rgyas dbang bskur ba'i gzungs kyi dbang bskur bas mngon par dga' bar byed pa'i spobs pa dang ldan pa yin/ gzhan gyi dring la mi 'jog pa'i gzungs kyi sgo thob pas snang ba thob pa'i spobs pa dang ldan pa yin/ spobs pa thun mong pa'i tshul la zhugs pas thun mong gi spobs pa dang ldan pa yin te/ don mang po dang / tshig mang po dang / yi ge mang po de dang de dag la nges pa'i tshig gis gzungs kyi sgor tshud pas nges pa'i spobs pa dang ldan pa yin/ rgyud mtha' yas pa'i gzungs thob pas mtha' yas pa'i spobs pa dang ldan pa yin te/ des ni/ stong gsum gyi stong chen po'i 'jig rten gyi khams kyi don du bdag gi lus gser gyi mdog tu mngon par sprul nas chos 'byams klas pa thams cad dbyangs kyi dkyil 'khor gyi sgo thams cad du chud pas sems can de dag de dag 'dul ba'i dbang du bsam pa ji lta ba bzhin du brjod pa dang / dbang po 'byams klas pa mtha' yas pa rnams la lce yangs pa'i byin gyi rlabs kyis dbyangs kyi yan lag rnam par dag pa dang / dus dang 'byor ba'i chos bstan pa dang snying rje chen po 'gal ba med pas shin tu bstan pa dang / tshig gcig gi sgra brjod pas 'dul ba ji lta ba bzhin du tshim par 'gyur zhing mtha' yas </font><hr>Kha96a<br><font size=+1>


@#/ /par snang bar ston pas sangs rgyas kyi mdzad pa la spyod do/ /de ni/ gal te sems can re re zhing chog rnam pa tha dad pa'i tshig gi cho ga las sna tshogs kyis mngon par 'du byas pa/ rnam par smin pa brjod kyis mi lang zhing 'byams klas pas nye bar gnas pa bye ba khrag khrig brgya stong bsam gyis mi khyab pa/ grangs med pa/ rnam par phye ba| rnam pa tha dad pa/ brjod du med pa dang ldan pa de lta bu'i sems can sha stag byang chub sems dpa'i 'khor du gyur la/ 'khor gyi dkyil 'khor yang 'jig rten gyi khams brjod du med pa tsam du yangs pa zhig yin te/ 'dul ba brjod du med pa zhig 'dus nas sems can re re la yang kha'i sgo bye ba khrag khrig brgya stong grangs med pa brjod du med pa yod par gyur te/ sems can gcig ji lta bar sems can de dag thams cad kyang de bzhin du de snyed kyi kha'i sgo dang ldan pa/ sems can de dag thams cad kyis byang chub sems dpa' la skad du brjod pa bye ba khrag khrig brgya stong grangs med pa rnam par brtags pas dus gcig tu dbyangs gcig tu 'phyas te yongs su dri bar byas kyang byang chub sems dpa' ni/ de lta bu'i sems can gcig nas gcig tu brgyud pa dang / de lta bu'i skad gcig nas gcig tu brgyud pa dang / de lta bu'i brjod pa sna </font><hr>Kha96b<br><font size=+1>


tshogs kyis yongs su dris pa la'ang chos gzung ba la thogs pa med pa yin/ brjod pa shes par bya ba'i phyir rnam par rtog pa med pa yin te/ dri bas the tshom yongs su dris pa la thogs pa med do/ /'khor gyi dkyil 'khor gcig tu ji lta ba de bzhin du 'khor gyi dkyil 'khor brjod du med pa de tsam thams cad du yang de bzhin te/ de la byang chub sems dpa' 'di snyam du sems so/ /gal te skra'i rtse mo re re las sems bskyed par re re zhing 'khor gyi dkyil 'khor brjod du med pa zhig byung la/ sems skad cig re re la rtog pa gzhan dang gzhan gyis skad gzhan dang gzhan du brjod pas chos kyi dbyings thams cad gang bar byed cing / 'khor gyi dkyil 'khor rnam pa de lta bu sha stag cig skra'i rtse mo thams cad las byung ste/ de ltar byung bas phyi ma'i mtha'i bskal pa'i mur thug par byung yang / 'khor gyi dkyil 'khor de dag byung bas phyi ma'i mtha'i bskal pa'i mur thug pa zad par gyur te| 'khor de rnams ni/ zad mi shes par byung la/ skye ba'i rgyun mi 'chad pa zhig yod du zin na yang / bstan par bya ba'i sa de la byang chub sems dpa' sems skad cig pa 'ga' tsam du yang zhum pa mi skye'o/ /snyoms pa mi skye'o/ /sgyid lug dang khong snyom mi skye'o/ /the tshom dang yid gnyis mi skye'o/ /bag tsha ba dang 'jigs pa mi skye'o </font><hr>Kha97a<br><font size=+1>


@#/ /rmongs pa dang 'khrul pa mi skye'o/ /byang chub sems dpa' chos bzang po la gnas pa de ni/ 'di snyam du sems te/ bdag gis sems can 'di dag dang / sems can gzhan rnams dang / sems can gyi khams thams cad kyang tshig gi lam gyis yongs su mgu bar byas te chos bshad pa'i mthar thug par mi bya/ chos la rnam par thogs par mi bya'o/ /zhes nas des brjod pa de dag thams cad kyang rab tu shes te/ sems can de dag la brtag mi dgos par 'byung ba'i tshig dang / tshig gi cho ga rnam pa tha dad pa brtag mi dgos par 'byung ba dang / tshig gi rnam par gdags pa brjod du med pa'i yang brjod du med par 'byung bas chos ston par byed do/ /de brjod pa de dag thams cad kyang 'dzin la/ sems kyi skad cig gcig gis kyang tshig thams cad mkhyen pa nyid du dbang bskur ba/ chags pa med pa'i snying po can/ chos thams cad kyi snang ba rab tu thob pa/ thams cad mkhyen pa'i ye shes la gzhol ba gcig gis sems can thams cad kyang go bar byed do/ /de ltar byang chub sems dpa' sems dpa' chen po byang chub sems dpa'i spyod pa chos bzang po la gnas pa ni/ mngon par chags pa med pa'i tshul gyis bdag rnam par dag pa'ang rab tu 'thob bo/ /sems </font><hr>Kha97b<br><font size=+1>


can med par 'byung ba'i tshul gyis sems can thams cad kyi don kyang yongs su rdzogs par byed do/ /de ni/ dus gcig tu stong gsum pa bcu nas stong gsum pa brjod kyis mi lang ba'i don du byin gyis brlabs shing / bdag gis lus gser gyi mdog tu mngon par sprul te dbyangs kyi dkyil 'khor thams cad shes pa'i sgor chud pa/ chos thams cad du khyab pas mtha' dang dbus med pa'i chos kyi sgor 'jug cing sangs rgyas kyi 'phrin las sgrub ste/ 'jig rten thams cad du rgyu ba 'gag pas 'gro ba med pa'i lus rnams dang / 'gro pa thams cad du 'byung bas mtha' yas par 'gro ba'i lus rnams dang / mi skye ba dang mnyam pa'i chos la brtson pas ma skyes pa'i lus rnams dang / 'gog par brjod pa thams cad dmigs pa med pas 'gag pa med pa'i lus rnams dang / ji lta ba bzhin du dmigs pas bden pa med pa'i lus rnams dang / 'jig rten gyi bden pa bzhin du rnam par dmigs pas mi slu ba'i lus rnams dang / 'chi 'pho ba dang skye ba las 'das pas mi 'pho ba'i lus rnams dang / chos kyi dbyings kyi rang bzhin 'jig par mi byed pas mi 'jig ba'i lus rnams dang / dus gsum gyi tshig gi lam la brtson pas skad cig gcig gi lus rnams dang / chos kyi mtshan nyid shin tu rtogs pa'i mthar thug pas mtshan nyid </font><hr>Kha98a<br><font size=+1>


@#/ /med pa'i lus rnams dang / lus rnam par phye ba 'byams klas pa bcu po de dag dang ldan pa'i byang chub sems dpa' ni/ dge ba'i rtsa ba thams cad bskyed pa la sems can thams cad kyi gnas yin no/ /dbugs chen po phyin par bya ba la sems can thams cad kyi dpud \ DPUNG?\ gnyen yin no/ /gnas chen po thob par bya ba la sems can thams cad kyi skyabs yin no/ /bla na med pa'i 'byung ba mthong bar bya ba la sems can thams cad kyi rten yin no/ /chos kyi tshul la 'jug par bya ba la sems can thams cad kyi 'dren pa yin no/ /las kyi rnam par smin pa rnam par dmigs par bya ba la sems can thams cad kyi me mar yin no/ /chos zab mo rab tu thob par bya ba la 'jig rten thams cad kyi snang ba yin no/ /chos thams cad ji lta ba bzhin du rmongs pa med par khong du chud par bya ba la khams gsum thams cad kyi sgron ma yin no/ /snang ba'i sa rab tu thob par bya ba la 'jig rten thams cad kyi snang ba yin no/ /sangs rgyas kyi rnam par 'phrul pa yang dag par bstan par bya ba la 'gro ba thams cad rab tu dga' ba yin no/ /kye rgyal ba'i sras dag /'di ni/ byang chub sems dpa' sems dpa' chen po rnams kyi byang chub sems dpa'i spyod pa dgu pa chos bzang po zhes </font><hr>Kha98b<br><font size=+1>


bya ba ste/ de la gnas pa'i byang chub sems dpa' sems dpa' chen po rnams ni/ sangs rgyas kyi chos thams cad du 'jug par bya ba la 'gro ba thams cad kyi mu stegs yin no/ / kye rgyal ba'i sras dag /byang chub sems dpa' sems dpa' chen po rnams kyi byang chub sems dpa'i spyod pa bcu pa bden pa dang ldan pa zhes bya ba gang zhe na/ kye rgyal ba'i sras dag /'di la byang chub sems dpa' bden pa'i tshig dam pa dang ldan pas bden pa'i tshig can yin te/ de ni/ gang smras pa de byed/ gang byed pa de smra'o/ /de 'das pa'i sangs rgyas bcom ldan 'das rnams kyi bden pa'i gsung la yang slob bo/ /ma byon pa'i sangs rgyas bcom ldan 'das rnams kyi bden pa'i gsung la yang slob bo/ /da ltar byung ba'i sangs rgyas bcom ldan 'das kyi bden pa'i gsung la'ang slob bo/ /'das pa'i sangs rgyas bcom ldan 'das rnams kyi rigs la'ang 'jug go / ma byon pa'i sangs rgyas bcom ldan 'das bcom ldan 'das rnams kyi rigs la'ang 'jug go /da ltar byung ba'i sangs rgyas bcom ldan 'das rnams kyi rigs la'ang 'jug go /'das pa'i de bzhin gshegs pa thams cad kyi dge ba'i rtsa ba yang 'thob bo/ /ma byon pa'i de bzhin gshegs pa thams cad kyi dge ba'i rtsa ba yang 'thob bo/ /da ltar byung ba'i de bzhin gshegs pa thams </font><hr>Kha99a<br><font size=+1>


@#/ /cad kyi dge ba'i rtsa ba yang 'thob bo/ /de ni/ sangs rgyas bcom ldan 'das 'das pa dang / ma byon pa dang / da ltar byung ba thams cad dang dge ba'i rtsa ba lhan cig tu gyur pa ste/ de bzhin gshegs pa'i rjes su bslab pa'i ye shes dang ldan pas gnyis su med par smra ba yin no/ /de sems can rnams kyi gnas dang gnas ma yin pa'i shes pa la'ang rab tu 'jug go /de sems can rnams kyi 'das pa dang / ma 'ongs pa dang / da ltar byung ba'i las rnam par smin pa shes pa la'ang rab tu 'jug go /dbang po dang / brtson 'grus rnam pa tha dad pa rdzogs pa dang / ma rdzogs pa dang / rab dang / tha ma shes pa la yang rab tu 'jug go /khams tha dad pa dang / khams du ma la yang rab tu 'jug go /mos pa tha dad pa dang / mos pa du ma la yang rab tu 'jug go /thams cad du 'gro ba'i lam gyi ye shes la yang rab tu 'jug go /bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba rnam par dgod pa sems can rnams kyi dus dang dus ma yin pa'ang rab tu shes so/ /'jig rten gyi khams 'byams klas pa thams cad du sngon gyi gnas rjes su dran pa'i shes pa la yang rab tu 'jug go /lha'i mig </font><hr>Kha99b<br><font size=+1>


chags pa med pa yang mngon par sgrub bo/ /zag pa zad par shes pa'ang rab tu shes te/ byang chub sems dpa'i spyod pa nye bar bzung ba yang rgyun mi gcod do/ /de ci'i phyir zhe na/ byang chub sems dpa' ni/ 'gro ba thams cad rnam par dag par bya ba dang / gdul ba'i phyir zhugs pa yin te/ de phyir zhing sems 'di snyam du skye'o/ /'di ltar 'jig rten na gnas pa yongs su ma grol bar bdag rnam par grol ba'i tshul rab tu shes par bya ba dang / sems can thams cad yongs su ma bkrol zhing smon lam rjes su ma bsrungs par bla na med pa yang dag par rdzogs pa'i byang chub tu mngon par 'tshang rgya bar bya ba 'di ni/ bdag la mi cha'i/ de bas ni/ ci nas kyang sems can 'di dag bla na med pa yang dag par rdzogs pa'i byang chub kyi mthas gtugs par 'gyur ba dang / gang 'di phung po'i lhag ma ma lus pa'i mya ngan las 'das pa'i dbyings kyi mthar thug par gzhol bar 'gyur ba de ltar bya'o/ /de ci'i phyir zhe na/ bdag cag ni/ sems can thams cad kyis gsol ba ma btab pa'i dge ba'i bshes gnyen te/ sems can thams cad kyis ma bskul bar yang dag par zhugs pa/ sems can thams cad kyi dge ba'i rtsa ba la thog mar 'gro ba'o/ /bdag cag ni/ thams cad mkhyen pa nyid la 'jug pa'i phyir kha lo sgyur ba ste/ bdag </font><hr>Kha100a<br><font size=+1>


@#/ /cag gis ni/ 'gro ba kun gyis gos pa med pa'i phyir mchog tu gyur pa'o/ /bdag cag ni/ bla na med par kha lo sgyur ba'i sa la dam par gyur pa'o// bdag cag ni/ sems can med pa'i mtha' la rab rib med pa'o/ /bdag cag ni/ sngon gyi smon lam gyis thob pa dang ldan pa'o/ /bdag cag ni/ byang chub sems dpa'i yon tan gyi rgyan thams cad kyis shin tu sprul pa'o/ /bdag cag ni/ sangs rgyas 'das pa dang / ma byon pa dang / da ltar byung ba thams cad kyis yongs su bzung pa'o/ /zhes te/ de sngon gyi smon lam yang 'jig par mi byed do/ /bla na med pa'i ye shes kyi rgyan la'ang rab tu 'jug go /sems can thams cad kyi don kyang yongs su rdzogs par byed do/ /sngon gyi smon lam ji ltar btab pa yang thog ma dang / bar ma dang / tha ma'i tshul gyis yongs su rdzogs par byas nas 'gro ba thams cad rnam par dag par bya ba'i phyir chos thams cad shes pa'i mngon par shes pa yang rab tu thob par byed do/ /sems bskyed pa re re zhing yang phyogs bcur rgyas par 'gro ste/ sems bskyed pa gcig gis kyang sangs rgyas kyi zhing brjod du med pa'i yang brjod du med pa la 'jug go /sems bskyed pa re res kyang yang dag par rdzogs pa'i sangs rgyas brjod du med pa'i yang brjod du med pa mthong ste/ </font><hr>Kha100b<br><font size=+1>


de bzhin gshegs pa dgra bcom pa yang dag par rdzogs pa'i sangs rgyas de dag gi sangs rgyas kyi zhing gi rgyan yongs su dag pa la yang rab tu 'jug go /de bzhin gshegs pa'i rnam par 'phrul ba yang yongs su ston to/ /chos kyi dbyings kyis klas pa/ nam mkha'i mthas gtugs par lus byin gyis brlabs pa/ 'gro ba thams cad du khyab pa/ tshang med pa| mi gnas pa yang rab tu shes te/ bdag gi lus de dag la'ang zhing thams cad yongs su 'dus par kun tu ston cing / dus gsum gyi sems can thams cad dang / chos thams cad dang / sangs rgyas thams cad kyang rab tu ston te/ sems can de dag gi 'du shes kyi rgyud dang mthu la yang rab tu 'jug go/ sems can de dag gi bsam pa dang / mos pa dang / las dang / rnam par smin pa rnam par dag pa ji tsam pa de tsam du sems can gdul ba'i don du lus byin gyis rlob ste/ de yang 'di ltar byang chub sems dpa' ni| sgyu ma lta bu'i chos thams cad kyis shin tu sprul pa ste/ mig yor lta bu'i sangs rgyas skye bar bya ba la pha rol tu phyin pa'o/ /'gro ba thams cad rmi lam lta bur rtogs pa'i yid dang ldan pa'o/ /don dang yi ge'i tshogs la mi zad pa'i mdzod do/ /dran pas dbang bsgyur ba'i chos thams cad la nges par rtogs pa thob pa'o/ /shes rab che ba'i ting </font><hr>Kha101a<br><font size=+1>


@#/ /nge 'dzin thams cad la yang rab tu zhugs pa'o/ /gnyis su med pa'i sa la rgyud kyi tshul gcig tu gyur pa'o/ /sems can gyi khams gnyis la gnas pa la snying rje chen por gnas pa ste/ chos de lta bu dang ldan pa'i byang chub sems dpa' ni/ chos bcu'i mthar dben par gyur pa ste/ chos kyi dbyings mig 'phrul lta bu la rab tu 'jug cing gnas pa'o/ /chags pa med pa'i sangs rgyas kyi rnam par thar pa yongs su rdzogs pa'o/ /khyu mchog gi mthu phyung bas seng+ge'i sgra sgrog pa'o/ /mi 'jigs pa rab tu thob pa'o/ /thogs pa med pa'i chos kyi 'khor lo bskor ba'o/ /phyir mi ldog par 'jig rten gyi khams thams cad du rjes su spyod pa'i ye shes dang / rnam par thar ba dang ldan pa'i ye shes rgya mtsho la rab tu zhugs pa'o/ /sems can thams cad kyi 'khor ba'i 'khor lo bzlog pa'i phyir rab tu zhugs pa'o/ /'das pa dang / ma byon pa dang / da ltar byung ba'i sangs rgyas thams cad kyi chos kyi 'khor lo'i byin gyi rlabs dang ldan pa'o/ /sangs rgyas thams cad kyi chos rgya mtsho'i tshul gyi rjes su zhugs shing gting rnyed pa'o/ /kye rgyal ba'i sras dag /'di ni/ byang chub sems dpa' rnams kyi byang chub sems dpa'i spyod pa bcu pa ste/ bden pa dang ldan pa zhes bya'o/ /de la gnas </font><hr>Kha101b<br><font size=+1>


pa'i byang chub sems dpa' sems dpa' chen po rnams bden pas lha dang / bdud dang / tshangs par bcas pa'i 'jig rten dang / dge sbyong dang / bram ze'i skye rgur bcas pa dang / lha dang / dri za dang / mi dang lha ma yin du bcas pa'i 'jig rten dang phrad par 'dong ngo / /shes par byed do/ /tshim par byed do/ /yongs su dag par byed do/ /de nas de'i tshe sangs rgyas kyi mthus phyogs bcu'i 'jig rten gyi khams sangs rgyas kyi zhing gi rdul shin tu phra ba snyed rnam pa drug tu g.yos par gyur te/ g.yos so/ /rab tu g.yos so/ /kun tu g.yos so| |'gul to/ /rab tu 'gul to/ /kun tu 'gul to/ /ldeg go /rab tu ldeg go/ kun tu ldeg go /chem chem/ rab tu chem chem/ kun tu chem chem mo/ /'ur 'ur/ rab tu 'ur 'ur/ kun tu 'ur 'ur ro/ /shig shig /rab tu shig shig / kun tu shig shig go /sangs rgyas kyi mthus lha rdzas kyi me tog gi sprin gyi char yang mngon par bab bo/ /lha rdzas kyi spos kyi sprin gyi char yang mngon par bab bo/ /lha rdzas kyi phye ma'i sprin gyi char yang mngon par bab bo/ /lha rdzas kyi phreng ba'i sprin gyi char yang mngon par bab bo/ /lha rdzas kyi gos kyi sprin gyi char yang mngon par bab bo/ /lha rdzas kyi rin po che'i sprin gyi char yang mngon par bab bo/ /lha rdzas kyi rgyan gyi sprin gyi char yang mngon par bab bo/ /lha rdzas kyi rol </font><hr>Kha102a<br><font size=+1>


@#/ /mo'i sgra yang mngon par byung ngo / /lha rdzas kyi snang ba'ang rab tu byung ngo / /lha rdzas kyi sgra'ang rab tu byung ngo / /gling bzhi pa 'di'i lha'i dbang po rab mtshe ma'i gnas na ji lta ba de bzhin du phyogs bcu thams cad kyang rgyas par byas te/ thams cad na yang sangs rgyas kyi mthus chos 'di nyid bstan par snang ngo / /phyogs bcu'i 'jig rten gyi khams sangs rgyas kyi zhing brgya stong gi rdul shin tu phra ba snyed 'das pa'i pha rol nas byang chub sems dpa' sangs rgyas kyi zhing brgya stong gi rdul shin tu phra ba snyed 'ongs te phyogs bcu rgyas par byas nas 'di skad ces smras so/ /kye rgyal ba'i sras/ de ltar khyod byang chub sems dpa' rnams kyi spyod pa'i chos nyid 'di ston pa legs so| |legs so/ /kye rgyal ba'i sras/ bdag cag kun kyang ming yon tan dang ldan bzhes bya ba dag ste/ de bzhin gshegs pa'i mtshan kun tu yon tan zhes bya ba dag gi drung nas 'jig rten gyi khams yon tan gyi rgyal mtshan zhes bya ba dag nas phyin te/ thams cad na yang sangs rgyas kyi mthus 'khor 'di 'dra ba dag na tshig 'di dag dang / yi ge 'di dag dang / bstan pa 'di dag dang / don 'di nyid brjod pas lhag chad med par chos bstan pa 'di ston to/ /kye rgyal ba'i sras/ de ltar bdag cag thams cad kyang sangs </font><hr>Kha102b<br><font size=+1>


rgyas kyi byin gyi rlabs kyis 'khor 'dir phyin te/ ji ltar 'khor 'dir bdag cag phyin pa de bzhin du phyogs bcu'i 'jig rten gyi khams thams cad kyi gling bzhi pa'i 'jig rten gyi khams thams cad kyi rab mtshe ma'i gnas lha rgyal po rab mtshe ma'i khang pa nor bu sna tshogs zhes bya ba kun tu yang byang chub sems dpa' sangs rgyas kyi zhing brgya stong gi rdul shin tu phra ba snyed phyin bar gyur to/ /bam po nyi shu brgyad pa/ de nas byang chub sems dpa' yon tan dang ldan pas phyogs bcur bltas te/ 'khor yod pa thams cad la rnam par bltas nas chos kyi dbyings la rnam par lta zhing / de bzhin gshegs pa'i rigs yang dag par gzung ba dang / byang chub sems dpa'i rigs yongs su sbyang ba dang / smon lam gyi rigs phyir mi ldog par bya ba dang / spyod pa'i rigs rgyun du bsab pa dang / dus gsum gyi rgyud mnyam par bya ba dang / 'das pa dang / ma byon pa dang / da ltar byung ba'i sangs rgyas thams cad kyi rigs yang dag par gzung ba dang / dge ba'i rtsa ba ji ltar bskyed pa'i rgyud brjod pa dang / dus dang ji ltar 'byor pa'i yan lag dang / dbang po dang / bsam pa dang / mos pa dang / nyon mongs pa dang / bag chags dang / sems dang / spyod pa dang / rnam par g.yos pa'i rgyud thams cad yongs su brtag pa dang / sangs rgyas dang / byang chub sems dpa'i rigs </font><hr>Kha103a<br><font size=+1>


@#/ /thams cad snang bar byed cing / sangs rgyas kyi byin gyi rlabs kyis de'i tshe tshigs su bcad de smras pa/ nam mkha'i lam gyi rgyud gshegs shing / /sgrib pa med par gzigs pa rdul rnams sbyangs gyur pa/ /kun tu mtha' yas spyod yul can/ /stobs bcu mnga' ba de la phyag 'tshal lo/ /gang yang rgyal ba mi yi mchog /chags pa mi mnga' yon tan tshad med mnga' ba ste/ /'das dus mnyam pas mnyam gyur pa/ /rdul bsal de dag spyod pa 'di yin no/ /phyogs bcu'i 'jig rten khams dag na/ /don gyi dam pa gzigs pa brtan pa bzhugs pa rnams/ /mtha' yas nyes pa kun bsal ba/ /gnas med de dag spyod pa 'di yin no/ /chos dbyings bsam gyis mi khyab par/ / skyes bu seng+ge gang rnams byon par ma gyur pa/ /thugs rje che bskyed rnam spyod pa/ /phan mdzad de dag spyod pa 'di yin no/ /dus gsum gzhal du med pa yi/ /rang byung gti mug rnam par bsal ba ji snyed pa/ /thams cad chos nyid mnyam pa ste/ /stobs mnga' de dag spyod pa 'di yin no/ /gang rnams mtha' dbus med pa yi/ /'jig rten khams kyi srid pa'i rgyud rnams rab gzigs shing / /gzigs nas rtog pa mi mnga' ba/ /mi g.yo de dag spyod pa 'di yin no/ /gang rnams chos kyi dbyings mkhyen cing / / </font><hr>Kha103b<br><font size=+1>


rnam dag don gyi dam pa gzigs pa brtan pa rnams/ /gti mug tha ba nga rgyal sel mdzad pa/ /legs mnga' de dag spyod pa 'di yin no/ /gang rnams sems can kun mkhas shing / /chos kyi dbyings la ngo bo nyid kyis zhugs gyur pa'i/ /bde gshegs gzhan dring mi 'jog pa/ /mkha' mnyam de dag spyod pa 'di yin no/ /'jig rten kun tu mtha' yas pa| |nam mkhas klas pa yang dag thugs su chud gyur te/ /zil gyis mi non chos mnga' ba/ /thub mchog de dag spyod pa 'di yin no/ /ldog pa med pa de dag rnams/ /mi dma'i chos dang ldan pa thub par dka' ba dag/ smon lam stobs kyi mthar phyin pa/ /spyod legs mnga' ba'i spyod 'di mnyam par gyis/ /mtha' dang dbus ni med pa'i sar/ /rjes su zhugs shing thams cad gzigs par gyur pa rnams/ /spyod yul zab mo mnga' ba yi/ /smra ba'i seng+ge'i spyod pa 'di yin no/ /rab tu dbye ba'i tshig rgyus la/ /rjes su zhugs shing rgol ba 'dul bar mdzad pa yi/ /chos rnams rtogs pa mnga' ba rnams/ /thub chen de dag spyod pa 'di yin no/ /'jig rten bde ba skyed mdzad cing / /sems can nyes med thugs dang ldan pa rnams/ /kha lo sgyur ba mnyam med pa'i/ /yon tan tshad med de dag spyod 'di yin/ /'jigs pa med pa stobs mdzad cing / /sems can thams cad rab </font><hr>Kha104a<br><font size=+1>


@#/ /tu tshim par mdzad pa rnams/ /dang zhing rnyog pa med pa yi/ /dpe med de dag spyod pa 'di yin no/ /dge ba'i thugs dang ldan pa rnams/ /bsam pa rnam par dag cing spros pa med pa yi/ /dpal gyi gzi brjid spungs rgyas pa/ /dpa' mchog ldan pa de dag spyod 'di'o/ /don gyi pha rol phyin pa rnams/ /yon tan 'byung gnas rnam par dag pa'i thugs mnga' ba/ /shin tu sems pa'i blo ldan rnams/ /srid nas 'phags pa de dag spyod 'di'o/ /bdag med nyams pa med pa rnams/ /rnga yi dbyangs rab mnga' ba zhing du gzhol ba dag /chos kyi tshul la gnas pa rnams/ /tshig la nyams med de dag spyod 'di'o/ /sbyin pas shin tu 'phags pa rnams/ /bsod nams mtshan rab brgyas kyang rab tu brgyan pa dag /'gro la phan par mdzad pa rnams/ /blo rab de dag spyod yul 'di yin no/ /ye shes shin tu zab pa'i sar/ /rjes su zhugs shing blo gros shin tu brtan pa rnams/ /mi g.yo brtan zhing gnas pa dag /brtul zhugs brtan pa de dag spyod 'di'o/ /chos kyi dbyings la 'jug pa yi/ /rjes su 'jug pa'i pha rol phyin par gyur pa dag /rnam par 'phrul la brtson pa rnams/ /chos kyi nyi ma de dag spyod 'di'o/ /mi mnyam mnyam pa'i blo mnga' rnams/ /mi gnyis yongs su </font><hr>Kha104b<br><font size=+1>


sgom pa'i ting nge 'dzin ldan pa/ /bsam pa shin tu rtogs pa dag /thams cad gzigs pa de dag spyod 'di'o/ /'jig rten khams la rab 'jug pa/ /phra dang yangs dang rgya che'i rnam pa thams cad du/ /spyod yul thob par gyur pa rnams/ /ye shes ri bo de dag spyod 'di'o/ /yongs su dag pa'i sems ldan pa/ /khams rnams gsum po kun tu chags pa med pa dag /tshul khrims brtul zhugs mthar phyin pa/ /rnam dag sems ldan de dag spyod 'di'o/ /nam mkha'i dbyings kyi mthas gtugs pa'i/ /ye shes 'byams klas mngon par brjod du med pa la/ /zhugs te bslab pa'i blo ldan pa/ /ye shes stobs can de dag spyod 'di'o/ /ye shes gsal ba'i phung po yis/ /dus gsum chos kyi dbyings rnams bkang ste sgrub byed kyang / /sgyid lug yid du mi 'gyur ba/ /sangs rgyas yul zhugs de dag spyod yul lo/ /kun tu 'gro bar song gyur cing / /stobs bcu mnga' ba'i chos rnams kun kyang shes pa rnams/ /lus kyi chos kyang chags med pa/ /yon tan dpal can de dag spyod 'di'o/ /sems can mtha' dang dbus med pa/ /phyogs bcu 'jig rten dag na rgyu bar gyur pa rnams/ /sems can kun gyi bdag ni skyabs yin pa/ /'jigs med de dag spyod pa 'di yin no/ /rtag par brtson 'grus gnas 'cha' zhing / /nam yang sangs </font><hr>Kha105a<br><font size=+1>


@#/ /rgyas chos la zhum pa med pa rnams/ /de ni 'jig rten sbyangs phyir te/ /klu chen de dag spyod pa 'di yin no/ /dbang po dag gi rgyus shes pa/ /mos pa'i tshul gyi pha rol phyin par gyur pa rnams/ /sna tshogs khams kyang rtogs gyur pa/ /mnyam med rtogs gyur de dag spyod 'di'o/ /phyogs rnams bcu por tshad med pa'i/ / mtha' dang dbus med rin chen mang pos 'gengs byed kyang / /nam yang skye ba'i yid med pa/ /dad par byed pa de dag spyod 'di'o/ /'od zer dra ba mtha' yas pa/ /kun tu 'gyed cing 'jig rten snang bar byed pa rnams/ /snang ba'i chos rnams rtogs gyur pa/ /blo gros sgom pa de dag spyod 'di'o/ /gang zhig phyogs bcu'i zhing gi rnams/ / khrag khrig bsam gyis mi khyab thams cad skyod byed kyang / /'jigs par 'gyur bar mi byed de/ /'jig rten phan pa skyed la rtag tu brtson/ /tshig gi tshul la mkhas pa rnams/ /brjod pa rnam par dbye ba'i pha rol phyin gyur pa/ /shes pa rmongs med mkhas pa dag /mi sgul sems ldan de dag spyod 'di'o/ /spyi'u tshugs rgyu la mkhas pa dag /zhing rnams rnam par dbye ba'i pha rol phyin pa rnams/ /mi zad sa la zhugs pa dag /pham byed blo gros de dag spyod 'di'o/ /yon tan khrag khrig tshad med pa/ / </font><hr>Kha105b<br><font size=+1>


byang chub rab la gzhol zhing spyad pa spyod pa dag / yon tan thams cad mthar phyin pa/ /legs pa mi zad de dag spyod 'di'o/ /'jig rten 'das pa smra ba rnams/ /smra ba'i dam pa smra ba'i seng+ger gyur pa dag /'gro ba dag bya'i mthar phyin pa/ /rnam dag sems ldan de dag spyod 'di'o/ /sangs rgyas rnams kyi dbang bskur bas/ /chos kyi dam pa rab la mngon par dbang bskur zhing / /chos kyi tshul gyi rjes su song ba rnams/ /yid yangs ldan pa de dag spyod 'di'o/ /'gro ba'i srid pa kun srung zhing / /sems can thams cad rnam par bsgoms pa'i yid ldan pa/ /shin tu rtogs pa'i mdzod 'chang rnams/ /chos kyi ri bo de dag spyod 'di yin/ /dbyangs kyi yan lag gcig gis kyang / /'khor rnams brjod du med pa shes par byed pa dag /dbyangs kyi tshul la zhugs pa rnams/ /chags med mthong ba de dag spyod 'di'o/ /gang zhig tshig lam rjes song zhing / /ye shes shin tu 'phags pas rnam par me rtog pa/ /rnam par rtog med spyod yul can/ /rang bzhin med mthong de dag spyod 'di'o/ /chos kyi rgya mtshor gnas 'cha' zhing / /chos rnams thams cad rgya yis rab tu 'debs byed pa/ /mtshan nyid med pa'i tshul ldan rnams/ /dpal gyi tshul can de dag spyod 'di'o/ /bde bar gshegs pa'i zhing gcig tu/ /bsam gyis mi khyab pa yi </font><hr>Kha106a<br><font size=+1>


@#/ /dus rnams chud byed cing / /bskal pa grangs med 'dzud byed pa/ /skyo med brtson pa de dag spyod 'di 'o/ /tha dad mtshan can mi yi dbang / /skra yi rtse mo gcig la sangs rgyas brjod yas pa/ /gang gis de dag mthong gyur rnams/ /spyod pa bzang ldan de dag spyod 'di'o/ /gang gis skra yi cha tsam la/ /brjod du med pa'i 'dren pa rnams ni mthong gyur cing / /de bzhin chos dbyings thams cad de/ /rgyal sras de dag spyod pa 'di yin no/ /bskal pa brjod du med pa rnams/ /sems bskyed gcig gis rab tu shes par gyur pa rnams/ /ring dang thung bar nges med pa/ /rnam thar spyod pa de dag spyod 'di'o/ /lta zhing don med mi 'gyur la/ /sangs rgyas spyod pa dag la don yod las ldan rnams/ /chags pa med pa'i yid can dag /rgyal ba'i dam pa de dag spyod 'di yin/ /gang gis sangs rgyas mthong ba'i tshe/ /bskal pa khrag khrig nam du'ang ngoms par mi 'gyur bar/ /dga' ba shin tu spyod pa rnams/ /blta na don yod de dag spyod 'di 'o/ /sems can khams ni mtha' yas pa/ /sems shing bskal pa yang po zad par byed pa rnams/ /sems can med par shes pa dag /sems can gtso bo de dag spyod 'di 'o/ /bsod nams mang po bsags pa rnams/ /ye shes skyob pa </font><hr>Kha106b<br><font size=+1>


bsod nams chen po'i snying po can/ /bsod nams mu stegs 'gro ba yi/ /sems can dam pa'i spyod 'di 'o/ /chos dbyings kun tu mtha' yas pa/ /nam mkha'i rnam pa bzhin du de dag tshad med pa/ /tshig gi lam la gnas pa rnams/ /seng+ge'i sgra sgrog de dag spyod 'di 'o/ /gang zhig ting 'dzin gcig pu la/ /ting nge 'dzin ni khrag khrig brjod du med pa yi| |chos kyi gnas su zhugs gyur pa/ /smra ba'i zla ba de dag spyod 'di 'o/ /bzod pa'i stobs kyi mthar phyin pa/ /de dag chos rnams thams cad zhi la bzod pa yin/ /mi sgul sems dang ldan pa rnams/ /mtha' yas shes can de dag spyod 'di 'o/ /'jig rten khams ni gcig nas kyang / /de dag lus ni g.yo zhing 'phro bar mi byed par/ /'gro ba kun tu'ang snang ba rnams/ /mtha' yas lus can de dag spyod 'di yin/ /gang zhig zhing gi tshul rnams kun/ /rjes su 'jug pa shin tu phra bar rab shes kyang / /yongs su rgyas bya'i blo med pa/ /mtha' yas sems dpa' de dag spyod 'di 'o/ /gnas dang gnas min shes gyur cing / /stobs la 'jug pa dag tu shin tu zhugs pa rnams/ /stobs kyi dam pa 'dzin pa dag /stobs kyi stobs chen de dag spyod 'di 'o/ /'das pa dag dang ma 'ongs dang / /da ltar byung ba'i las rnams shin tu 'byams klas la/ /rtag tu shes pa 'jug gyur </font><hr>Kha107a<br><font size=+1>


@#/ /pa| |tshul shes de dag spyod pa 'di yin no/ /'gro ba'i dus dang dus min pa/ /ji ltar sems can 'dul bar 'gyur ba de bzhin shes/ /dus la 'bebs par mkhas pa rnams/ /shes pa de dag spyod pa 'di yin no/ /chos la spyod pa kun srung zhing / /lus dang ngag dang yid kyi rnams kyang srung byed pa/ /bdud kyi lam du ma zhugs pa/ /shes pa'i blo can de dag spyod 'di 'o/ /rnam par gzhag pa'i rgyus mkhas pa/ /chos rnams la ni ji ltar spobs par 'jug pa rnams/ /de bzhin nyid dang yul mnyam pa/ /bder gshegs spyod pa de dag spyod 'di yin/ /chags med mdzod la brtson pa dag /gzungs kyi sgo mo'i dkyil 'khor rab tu shes pa rnams/ /chos kyi dbyings la 'jug pa yi/ /rjes su zhugs pa de dag spyod 'di yin/ /dus gsum gshegs pa'i rgyal ba rnams/ /ji snyed bzhugs pa kun dang gcig sems yid ldan pa| |rang bzhin gcig tu rtogs pa rnams/ /chags med rigs can de dag spyod 'di 'o/ /bsgribs med ye shes tshul shes shing / /bsgribs med ye shes phyag rgya dag la zhugs pa rnams/ /bsgribs med mig kyang bdog byed pa/ /mig can de dag spyod pa 'di yin no/ /gnyis su med la spyod pa yi/ /rdzu 'phrul rnam par gzhog pa'i mgon </font><hr>Kha107b<br><font size=+1>


po thams cad kun/ /rnam par 'phrul pa mkhyen pa rnams/ /gnyis su med spyod de dag spyod 'di 'o/ /chos kyi sprin ni mtha' yas pa'i/ /char chen rab tu 'bebs shing zhing rnams yangs par rgyu/ /don rnams thams cad rtogs gyur pa/ /chos sprin de dag spyod yul 'di yin no/ /dad pa phyir ldog mi 'gyur zhing / /rtsa ba shin tu tshugs shing dad pa rnam dag pa| |rnam thar shes pa thams cad la/ /bslab pa rnams kyi spyod yin mnyan par gyis/ /'gro ba 'di dag ji snyed pa/ /ma lus thams cad sems bskyed gcig tu chud byas te/ / sems kyi rang bzhin shes pa rnams/ /rang bzhin med pa de dag spyod 'di yin/ /zhing rnams bsam gyis mi khyab pa/ /chos kyi dbyings rnams kun tu gang gis sprul byas shing / / mnyam pa med par der spyod pa/ /dpe med 'gro ldan de dag spyod 'di 'o/ /sangs rgyas zhing rnams mtha' yas te/ /de dag kun na 'jig rten mgon po gang bzhugs pa/ /de rnams dang ni mngon sum du/ /sangs rgyas zhabs kyi drung na 'khod gyur pa/ /de dag lus ni gcig pur yang / /ting nge 'dzin la mnyam par gzhag pa rab tu ston/ /lus ni stong phrag mtha' yas pa/ /ting nge 'dzin las ldang na shin tu snang / /spyod pa zab dang ldan byas nas/ /spros pa med pa'i spyod pa dag la rab spyod pa/ /dga' ba'i yid dang ldan pa </font><hr>Kha108a<br><font size=+1>


@#/ /rnams| |sems can kun la dga' bar byed pa yin/ /dbang po tha dad tshul rnams la/ /blo gros gnas shing shes pa rab tu thob pa rnams/ /dbang po dag ni mi gnas pa/ /ma dul 'dul ba 'di dag spyod 'di yin/ /tha dad chos kyi tshul rnams la/ /chos rnams thams cad kun la dbang bas shes gyur pa/ /kun kyang sangs rgyas mdzad pa la/ /dmigs pa'i tshogs ni rab tu spyod pa yin/ /shin tu yangs pa'i ljags mnga' ba/ /de dag dbang po rnams dang legs pa'i spyod thos na/ /su yi sems shig dad mi 'gyur/ /nam mkha' lta bu de dag spyod 'di yin/ /kun tu mtha' yas shes ldan zhing / /chos rnams kun la kun tu mtha' yas mig yod pa/ /ye shes mtha' yas tshul ldan pa/ /mtha' yas shes can de dag spyod 'di yin/ /zad mi nus pa zad byed cing / /bsod nams 'byams klas yod pas bsod nams mi zad pa/ /'gro ba dag pa'i mthar phyin rnams/ /'dra med de dag spyod pa 'di yin no/ /tshogs dang ldan zhing 'jig rten dang / /de dag chos kyi lam la rab tu 'jug byas kyang / /de dag sems can 'du shes med/ /sems can bye ba khrag khrig rab tu 'grel/ /nyon mongs med pa rtogs shes shing / /spyod pa mngon par shes pa thams cad mthong ba rnams/ /bde ba'i </font><hr>Kha108b<br><font size=+1>


lam rnams ston byed pa/ /mig can de dag tshul ni 'di yin no/ /sangs rgyas ye shes spyod pa dang / /tshad med yon tan dam pa thob par gyur pa rnams/ /mi 'jigs pa ni rnyed gyur pa| |shes can de dag tshul ni 'di yin no/ /'jug pa kun la rab zhugs shing / /zhing la 'jug dang chos kyi dbang la zhugs gyur pa/ /sems can zhugs la gnas byas nas/ / sems can dam pa sems can 'grol bar byed/ /phyogs rnams kun tu chos kyi rnga/ /brdungs shing 'jig rten 'di dag ston byed pa'i/ /chos rab sbyin pa'i bdag po rnams/ /nyams med rtogs byed de dag spyod 'di yin/ /skyil mo krung 'dug gcig gis kyang / /zhing yangs brjod du med pa kun tu rgyas byed kyang / /su yi lus la gnod med pa/ /chos sku ldan pa de dag spyod 'di yin/ /don dang yi ge gcig la yang / /shin tu bstan pa bye ba khrag khrig rjes su 'breng / /de dag mtha' ni rnyed mi nus/ /mnyam med shes ldan de dag spyod 'di yin/ /bsgribs pa med pa'i tshul shes pa/ /sangs rgyas rnam thar tshul la shin tu bslab pa rnams/ /'jigs pa med par gyur pa dag /tshad med de dag tshul ni 'di yin no/ / de dag phyogs rnams rgya mtsho dang / /zhing rnams rgya mtsho mtha' ma dag dang dbus med par/ /shes pa rgya mtsho ldan pa yi/ /chos rnams rgya mtshos 'jig rten tshim par byed/ /gang </font><hr>Kha109a<br><font size=+1>


@#/ /rnams gshegs shing skye 'gyur dang / /byang chub rnam par 'tshang rgya 'gro ba kun dag tu/ /chu zhig mngon par snang gyur pa/ /mtha' dbus med pa de dag spyod 'di yin/ /mya ngan 'da' ba du ma yang / /zhing rnams bye ba khrag khrig dag na mngon par snang / /'on kyang smra ba'i seng+ge rnams/ /mya ngan mi 'da' smon lam phyir mi ldog chos rnams lhun ni gcig gyur cing / /sems can kun dang lus kyang gcig tu gyur pa rnams/ /rgyal ba dag la rtog med pas/ /lus gcig gyur pa spyod 'di yin/ / tshig dang don rnams tha dad pa/ /'jig rten khams rnams mtha' dang dbus yod ma yin par/ /rang bzhin gcig la mos pa dag/ dus gsum shes pa de dag spyod 'di yin| |sems can dag dang rgyal ba dang / /chos kyi tshul rnams kun la zad pa med rnyed pa/ /sangs rgyas byin la mos pa dag /rgyal bas byin brlabs de dag spyod 'di yin| |chags pa med pa'i sku 'dra zhing / /chags pa med pa'i mig gi pha rol phyin pa rnams/ /chags med rna ba mkhas pa dag /chags med yid can de dag spyod 'di yin| |mngon shes thams cad rnyed pa dang / /ye shes mngon par shes pa'i rjes su song ba rnams/ /shes pa kun gyi dpal ldan pa/ /shes pa bzang can de dag spyod </font><hr>Kha109b<br><font size=+1>


'di yin/ /shin tu mnyam gzhag sems ldan zhing / /ye shes mtha' yas shas rab shin tu che ba rnams/ /kun tu spyod yul ldan pa dag /thams cad gzigs pa de dag spyod 'di yin/ /yon tan kun gyi mthar phyin pa/ /sems can yangs pa gcig nas gcig brgyud sgrol ba rnams/ /yid ni yongs su nyams med pa/ /rtag tu brtson pa de dag spyod 'di yin/ /kun mkhyen thams cad gzigs pa dag /sangs rgyas thams cad dus gsum gshegs pa mgon po yi/ /rigs dang rgyud du skyes pa rnams/ /rgyal sras de dag spyod pa 'di yin no/ /rjes su bstan la brtson byed pa/ /phas kyi rgol ba'i lam la 'jigs med spyod pa dag /mtha' yas blo yi spyod pa dang / /sangs rgyas byang chub rjes su zhugs pa rnams/ /mtha' dbus med pa'i zhing gi rnams/ /thams cad kun du snang ba gcig gis gsal bar byed/ /thams cad snang bar byed pa rnams/ /mun pa sel ba'i spyod pa 'di yin no/ /gang du rgyal bas mdzad 'os pa/ /der ni sems can khrag khrig shin tu 'dus byed cing / /sangs rgyas sku dang sangs rgyas zhing / /sangs rgyas rgyan can khrag khrig snang bar byed/ /spyod pa dag ni mtha' yas la/ /su gnas brtan pa de dag shes par ji ltar rung / /spyod pa thams cad shin tu ston/ /'gro bar spyod pa thams cad mthar </font><hr>Kha110a<br><font size=+1>


@#/ /thug byed/ /chos kyi dbyings dang mnyam pa yin/ /bdag gi lus ni brjod du med par gyur pa yis/ /de dag legs pa brjod byas kyang / /bskal pa khrag khrig dag gis mi zad do/ /yon tan kun tu mtha' yas shing / /yon tan mchog rnams thams cad mtha' yas pa'i/ /yon tan kun ni brjod yas te/ /thub pas bskal par gsungs kyang zad mi 'gyur/ /rang rgyal rnams dang nyan thos la/ /gzhol par gyur pa'i 'jig rten gzhan gyi rnams kyis lta/ /bskal pa brjod yas brjod byas kyang / /zad par mi nus de ni smon ci dgos/ /shin tu rgyas pa chen po'i mdo/ sangs rgyas phal po che zhes bya ba las/ yon tan me tog shin tu bsags pa zhes bya ba byang chub sems dpa'i spyod pa bstan pa'i le'u ste/ nyi shu drug pa'o// //de nas byang chub sems dpa' yon tan dang ldan pas yang byang chub sems dpa' de dag la smras pa/ kye rgyal ba'i sras dag /bcu po 'di dag ni/ byang chub sems dpa' rnams kyi gter yin te/ sangs rgyas bcom ldan 'das 'das pa dang / ma byon pa dang / da ltar byung ba rnams kyis gsungs so/ /gsung ngo / /gsung bar 'gyur ro/ /bcu gang zhe na/ 'di lta ste/ dad pa'i gter dang / tshul khrims kyi gter dang / ngo tsha shes pa'i </font><hr>Kha110b<br><font size=+1>


gter dang / khrel yod pa'i gter dang / thos pa'i gter dang / gtong ba'i gter dang / dam 'cha' ba'i gter dang / rtogs pa'i gter dang / blo gros kyi gter dang / blo'i gter te| kye rgyal ba'i sras dag /byang chub sems dpa' rnams kyi byang chub sems dpa'i gter bcu po de dag ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /kye rgyal ba'i sras dag /de la dad pa'i gter gang zhe na/ kye rgyal ba'i sras dag /'di la byang chub sems dpa' chos thams cad stong pa zhes bya bar dad par byed do/ /chos thams cad mtshan ma med pa zhes bya bar dad par byed do/ /chos thams cad smon pa med pa zhes bya bar dad par byed do/ /chos thams cad ma byas pa zhes bya bar dad par byed do/ /chos thams cad ma brtags pa zhes bya bar dad par byed do/ /chos thams cad gnas med pa zhes bya bar dad par byed do/ /chos thams cad tshad med pa zhes bya bar dad par byed do/ /chos thams cad bla na med pa zhes bya bar dad par byed do/ /chos thams cad 'dar mi rung ba zhes bya bar dad par byed do/ /chos thams cad 'byung ba med pa zhes bya bar dad par byed do/ /de ni/ chos dang mthun pa'i dad pa dang ldan pa yin te/ chos thams </font><hr>Kha111a<br><font size=+1>


@#/ /cad bsam gyis mi khyab bo/ /zhes bya bas zhum par mi 'gyur ro/ /sangs rgyas thams cad bsam gyis mi khyab bo/ /zhes bya bas zhum par mi 'gyur ro| |sems can gyi khams thams cad bsam gyis mi khyab bo/ /zhes bya bas zhum par mi 'gyur ro/ /chos kyi dbyings bsam gyis mi khyab bo/ /zhes bya bas zhum par mi 'gyur ro/ /nam mkha'i dbyings bsam gyis mi khyab bo/ /zhes bya bas zham par mi 'gyur ro/ /mya ngan las 'da' ba'i dbyings bsam gyis mi khyab bo/ /zhes bya bas zhum par mi 'gyur ro/ /'das pa'i dus bsam gyis mi khyab bo/ /zhes bya bas zhum par mi 'gyur ro/ /ma 'ongs pa'i dus bsam gyis mi khyab bo/ /zhes bya bas zhum par mi 'gyur ro| |de ltar byung ba'i dus bsam gyis mi khyab bo/ /zhes bya bas zhum par mi 'gyur ro/ /bskal ba thams cad la 'jug pa bsam gyis mi khyab po/ /zhes bya bas zhum par mi 'gyur ro/ /de ci'i phyir zhe na/ de'i dad pa ni/ sangs rgyas bcom ldan 'das rnams kyis ji ltar mkhyen pa bzhin du gcig tu nges par gyur ba yin te/ sangs rgyas kyi ye shes kyi mtha' yang zad mi shes so/ /'jig rten gyi khams rnams kyang zad mi shes te/ 'jig rten gyi khams re rer yang mtha' yas pa'i sangs rgyas bcom ldan 'das </font><hr>Kha111b<br><font size=+1>


rnams bla na med pa yang dag par rdzogs ba'i byang chub tu mngon par sangs rgyas so/ /mngon par 'tshang rgya'o/ /mngon par 'tshang rgya bar 'gyur ro/ /yang dag par byung ngo / /yang dag par 'byung ngo / /yang dag par 'byung bar 'gyur ro/ /yongs su mya ngan 'das so/ /yongs su mya ngan las 'da'o/ /yongs su mya ngan las 'da' bar 'gyur te/ sangs rgyas kyi ye shes de ni/ 'bri ba'am/ 'phel ba'am/ skye ba'am/ 'gag pa'am/ 'pho ba'am/ 'gro ba'am/ nye bar byed pa'am/ ring bar byed pa'am/ shes par byed pa'am/ 'byin par byed pa ma yin te/ de ni/ sangs rgyas kyi ye shes la yang dag par gnas pas/ zad pa med cing mtha' yas pa'i dad pa'i gter dang ldan pa yin no/ /kye rgyal ba'i sras dag/ dad pa 'di ni/ mtha' yas pa/ kun tu mtha' yas pa/ mi zad pa/ phyir mi ldog pa/ myu gur gyur ba ma yin pa/ tha dad pa ma yin pa/ ma 'dres pa/ rtsa ba brtan pa/ 'phags pa dang mthun pa/ de bzhin gshegs pa rigs kyi rgyud du gyur pa/ sangs rgyas thams cad kyi rigs yang dag par 'dzin pa/ byang chub sems dpa' thams cad kyi mos pa yang dag par skyed pa| de bzhin gshegs pa thams cad kyi dge ba'i rtsa ba'i rjes su song ba/ nges par rtogs pa/ sangs rgyas thams cad kyi rigs la mkhas par gyur pa yin te/ kye rgyal ba'i </font><hr>Kha112a<br><font size=+1>


@#/ /sras dag/ 'di ni/ byang chub sems dpa' sems dpa' chen po rnams kyi dad pa'i gter te/ de la gnas pa'i byang chub sems dpa' rnams ni/ sangs rgyas kyi chos thams cad thos par gyur na/ bden par khong du chud de/ sems can thams cad la rnam par dbye ba'i phyir nan tan du byed par 'gyur ro/ /kye rgyal ba'i sras dag/ de la byang chub sems dpa' rnams kyi tshul khrims kyi gter gang zhe na/ kye rgyal ba'i sras dag /'di la byang chub sems dpa' thog mar phun sum tshogs pa'i tshul khrims dang ldan pa yin| byin gyis ma brlabs pa'i tshul khrims dang ldan pa yin/ mi gnas pa'i tshul khrims dang ldan pa yin/ lhag par lta ba med pa'i tshul khrims dang ldan pa yin/ 'gal ba med pa'i tshul khrims dang ldan pa yin/ gzhan la mi gnod pa'i tshul khrims dang ldan pa yin/ ma 'dres pa'i tshul khrims dang ldan pa yin/ nye ba'i nyon mongs pa med pa'i tshul khrims dang ldan pa yin/ skyon med pa'i tshul khrims dang ldan pa yin/ kha na ma tho ba med pa'i tshul khrims dang ldan pa yin/ kye rgyal ba'i sras dag /ji ltar na| byang chub sems dpa' thog mar phun sum tshogs pa'i tshul khrims dang ldan pa yin zhe na/ kye rgyal ba'i sras dag /'di la byang chub sems dpa' thog ma nyid </font><hr>Kha112b<br><font size=+1>


du sems can thams cad la phan pa dang bde bar sems pa'o/ /kye rgyal ba'i sras dag/ ji ltar na/ byang chub sems dpa' byin gyis ma brlabs pa'i tshul khrims dang ldan pa yin zhe na/ mu stegs can gyi gnas dang mi 'dra ba'i tshul khrims yin te/ de ni/ 'di ltar rang bzhin gyis dus gsum mnyam pa nyid du go cha bgos shing spyod pa'o/ /ji ltar na| byang chub sems dpa' mi gnas pa'i tshul khrims dang ldan pa yin zhe na/ kye rgyal ba'i sras dag /'di la 'dod pa'i khams la mi gnas pa'i tshul khrims can yin/ gzugs kyi khams la mi gnas pa'i tshul khrims can yin/ gzugs med pa'i khams la mi gnas pa'i tshul khrims can yin/ de ci'i phyir zhe na/ 'khor de dag la bag gir bya ba med de| de ltar na/ byang chub sems dpa' mi gnas pa'i tshul khrims dang ldan pa yin no/ /kye rgyal ba'i sras dag/ ji ltar na byang chub sems dpa' lhag par lta ba med ba'i tshul khrims dang ldan pa yin zhe na/ 'di la byang chub sems dpa' 'gyod pa med pa'i rgyu dang ldan pa yin te/ de ci'i phyir zhe na/ de ni/ 'di ltar mtshams med pa'i las mngon par 'du mi byed de/ tshul khrims lhod pa la gzhol ba ma yin no/ /de ltar na/ byang chub sems dpa' lhag par lta ba med pa'i tshul khrims dang ldan pa yin no/ /ji ltar </font><hr>Kha113a<br><font size=+1>


@#/ /na| byang chub sems dpa' 'gal ba med pa'i tshul khrims dang ldan pa yin zhe na/ 'di la byang chub sems dpa' ma bcas pa ni/ 'cha' bar mi byed/ bcas ba ni| gcod par mi byed de/ de ni/ mya ngan las 'das pa'i mthar thug tu ji ltar mthun pa'i chos dang ldan pa yin no/ /gang gis pha rol gyi sdug bsngal gyi rgyur 'gyur ba dang| pha rol 'khrug par 'gyur ba'i tshul khrims de lta bu dam bca' ba la dam bcas shing mi gnas te/ de ni/ 'di ltar pha rol gyi sems dad par bya ba'i phyir tshul khrims yang dag par len par byed do/ /ji ltar na/ byang chub sems dpa' gzhan la mi gnod pa'i tshul khrims dang ldan pa yin zhe na/ 'di la byang chub sems dpa' sems can thams cad gtse ba'i phyir tshul khrims kyi rig sngags dang / gsang sngags dang / sman gyi sbyor ba de lta bu mi sgrub kyi/ de ni/ sems can thams cad bskyab pa'i phyir tshul khrims yang dag par blangs te gnas so/ /ji ltar na/ byang chub sems dpa' ma 'dres pa'i tshul khrims dang ldan pa yin zhe na/ 'di la byang chub sems dpa' chad par lta ba dang / rtag par lta ba dang 'dres pa'i tshul khrims yang dag par len par mi byed de/ de ni/ 'di ltar rten cing 'brel bar 'byung ba la brten pa'i </font><hr>Kha113b<br><font size=+1>


tshul khrims yang dag par len to/ /ji ltar na/ byang chub sems dpa' nye ba'i nyon mongs pa med pa'i tshul khrims dang ldan pa yin zhe na/ yon tan med pa bstan par bya ba'i phyir gzhan gyi sems la lta zhing rtog pa rnam pa sna tshogs su 'gyur ba ma yin no/ /de ni/ 'di ltar chos kyis ngoms pa dang ldan pa yin te/ 'byung ba'i lam tshol zhing sbyor ba'i tshul khrims yang dag par blangs te gnas so/ /ji ltar na/ byang chub sems dpa' skyon med pa'i tshul khrims dang ldan pa yin zhe na/ 'di la byang chub sems dpa' tshul khrims des log pa'i tshul khrims nye bar bzung ste gang gis pha rol po dma' ba'i tshul can du 'gyur bar bdag la mi bstod/ gzhan la mi smod do/ /de ni/ 'di ltar g.yeng ba med pa nye bar bzung ste tshul khrims yang dag par blangs shing gnas so/ /ji ltar na/ byang chub sems dpa' kha na ma tho ba med pa'i tshul khrims dang ldan pa yin zhe na/ 'di la byang chub sems dpa' srog gcod pa yongs su spangs pa yin te/ ma byin par len pa dang / 'dod pas log par g.yem pa dang / brdzun du smra ba dang / phra ma'i tshig dang / ngag brlang ba dang / tshig kyal ba dang / chags sems dang / gnod sems dang / log par lta ba yongs su spangs pa yin te/ dge ba bcu'i las kyi lam yang dag par blangs te gnas so/ /de ltar na/ byang chub </font><hr>Kha114a<br><font size=+1>


@#/ /sems dpa' kha na ma tho ba med pa'i tshul khrims dang ldan pa yin/ de 'di snyam du sems skyed de/ gang ji snyam du sems can rnams tshul khrims ngan pa can la yi dam 'cha' zhing / spyod pa thams cad ni/ phyin ci log gi rgyu las byung ba ste/ de ltar sangs rgyas bcom ldan 'das rnams kyis thugs su chud de phyin ci log tu gyur pa'i sems can rnams ni/ tshul khrims log pa la spyod kyi/ bdag gis ni/ ci nas kyang bla na med pa yang dag par rdzogs pa'i byang chub tu mngon par sangs rgyas te/ de bzhin nyid kyi don du chos bstan par 'gyur ba de ltar bya'o/ /snyam mo/ /kye rgyal pa'i sras dag/ 'di ni/ byang chub sems dpa' rnams kyi tshul khrims kyi gter te/ gnyis pa'o/ /kye rgyal ba'i sras dag/ de la byang chub sems dpa' rnams kyi ngo tsha shes pa'i gter gang zhe na/ kye rgyal ba'i sras dag/ 'di la byang chub sems dpa' sngon gyi mtha'i spyod pa nye bar bzung ste/ gang 'di tshe rabs kyi 'khor ba thog pa ma dang tha ma med pa rgyas par ma dang 'grogs pa dang / pha dang 'grogs pa dang / zhang po dang 'grogs pa dang / srid mo dang 'grogs pa dang / spun dang 'grogs pa dang / bu dang 'grogs pa dang / bu mo dang 'grogs par gyur kyang gcig la gcig 'tshe ba dang / gcig la gcig kyal ka byed </font><hr>Kha114b<br><font size=+1>


pa dang / gcig la gcig gnod pa byed pa dang / gcig la gcig 'khrig pa dang / gcig la gcig bsngo ba dang / gcig la gcig 'jig pa dang / gcig la gcig 'bod pa dang / gcig la gcig za ba dang / gcig la gcig dbang ba dang / gcig la gcig 'khol bar gyur pa de yang 'dod chags kyi dbang dang / zhe sdang gi dbang dang / gti mug gi dbang dang / rgyags pa'i dbang dang / nga rgyal gyi dbang dang / 'chab pa'i dbang dang / gnya' drag gi dbang dang / phrag dog gi dbang dang / 'jungs pa'i dbang dang / g.yo'i dbang dang / sgyu'i dbang dang / mi dga' ba'i las 'di rnams shin tu blangs pa'i phyir sems can dag gcig la gcig 'di lta bu'i rnam pa ngan pa dag nyams su myong bar gyur te/ thams cad kyang mi shes pa'i dbang gis gyur pa nas g.yo dang sgyu'i bar gyi dbang gis gyur te/ gcig la gcig bag mi byed/ rim gro mi byed/ gcig la gcig bkur sti mi byed/ gcig la gcig phud dud mi byed/ gcig la gcig btsam pa med pa dang / gcig la gcig mi mkhas pa dang / gcig la gcig gnod pa dang / gcig la gcig gsod pa dang / gcig la gcig dgrar byed par gyur to/ /zhes ngo tsha skyed do/ /ji ltar 'das pa'i dus na bdag dang / sems can rnams kyi rnam par ngan pa 'di lta bu'i tshul byung ba de bzhin da ltar </font><hr>Kha115a<br><font size=+1>


@#/ /byung ba'i dus na yang bdag dang / sems can thams cad la rnam pa ngan ba de lta bu dag yod do/ /ji ltar da ltar byung ba'i dus na bdag dang / sems can rnams la rnam par ngan pa de lta bu dag yod pa de bzhin ma 'ongs pa'i dus na yang bdag dang / sems can thams cad la rnam pa ngan pa de lta bu dag 'byang bar 'gyur te/ de ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis kyang thugs su chud do/ /de ltar bdag gis ngo tsha med cing mi bzod la/ sangs rgyas bcom ldan 'das 'das ba dang / ma byon pa dang / da ltar byung ba rnams kyis thugs su chud bzhin du rnam pa ngan pa 'di lta bu la gnas pa ni/ mi rigs mi cha'i/ /da ni/ bdag gis ci nas kyang bla na med pa yang dag par rdzogs pa'i byang chub tu mngon par sangs rgyas nas de bzhin nyid kyi don du sems can rnams la chos bstan par 'gyur ba de ltar bya'o/ /kye rgyal ba'i sras dag/ 'di ni/ byang chub sems dpa' rnams kyi ngo tsha shes pa'i gter te/ gsum pa'o/ /kye rgyal ba'i sras dag/ de la byang chub sems dpa' rnams kyi khrel yod pa'i gter gang zhe na/ kye rgyal ba'i sras dag/ 'di la byang chub sems dpa' ni/ mtha' med par tshol bas khrel bar 'dzin pa yin te/ gzugs </font><hr>Kha115b<br><font size=+1>


btsal ba dang / sgra dang / dri dang / ro dang / reg bya btsal ba dang / bu dang bu mo'i don du btsal ba dang / nor dang / bran pho dang / bran mo dang / g.yog yid du 'ong ba btsal pa'i phyir bdag gis kyang mi tshul mi cha ba'i gcam bu bya bar 'gyur ro/ /zhes te/ de ni/ tshol ba'i dbang du chags pa nye bar mi len to/ /zhes sdang nye bar mi len to/ /gti mug nye bar mi len to| |de bzhin du nga rgyal dang / 'chab pa dang / phrag dog dang / 'jungs pa dang / g.yo dang / sgyu dang / gnod par bya ba nye bar mi len to/ /de ni/ 'di ltar dran pa skye ste/ gang ci yang rung ste/ sems can rnams rnam pa ngan pa de lta bu nye bar 'dzin pa thams cad ni/ ma rig pa'i dbang nas g.yo dang / sgyu dang / gnod par byed pa'i dbang gi bar gyis byung ba ste| de dag gcig la gcig bag mi byed/ rim gro mi byed/ bsti stang du mi byed/ phu dud du mi byed cing / btsam pa med de/ grogs por mi shes shing gcig la gcig nyam nga ba dang / gcig la gcig gsod pa dang / gcig la gcig dgrar len pa 'di lta bu'i rnam pa ngan pa dag nye bar len to/ /mngon par dga'o/ /mngon par zhe na to/ /tshol lo// kun tu tshol lo/ /kun tu btsal nas mngon par smon to/ /'jal lo/ /kun tu 'jal lo/ /de ltar yang mig nyams pa de dag lam gang dang gang nas mngal gyi dri mas gos </font><hr>Kha116a<br><font size=+1>


@#/ /te byung ba de nyid du 'khrig pa'i chos la brten te mi gtsang ba byung ba ni/ kun gyis kyang shes so/ /de bas na/ de ltar bdag bla na med pa yang dag par rdzogs pa'i byang chub tu smon pa khrel med pa'i dbang du gyur nas 'das pa dang / ma byon pa dang / da ltar byung ba'i sangs rgyas bcom ldan 'das rnams kyi sku slu bar byed pa 'di ni/ mi rigs kyi/ da ni/ bdag gis ci nas kyang bla na med pa yang dag par rdzogs pa'i byang chub tu mngon par sangs rgyas nas de bzhin nyid kyi don du chos bstan par 'gyur ba de ltar bya'o/ /snyam mo/ /kye rgyal ba'i sras dag /'di ni/ byang chub sems dpa' rnams kyi khrel yod pa'i gter te/ bzhi pa'o/ /kye rgyal ba'i sras dag /de la byang chub sems dpa' rnams kyi thos pa'i gter gang zhe na/ kye rgyal ba'i sras dag /'di la byang chub sems dpa' thos pa dang ldan pa yin te/ 'di yod na 'di 'byung ngo / / 'di med na 'di mi 'byung ngo / /'di byung bas 'di skye'o/ /'di 'gag pas 'di 'gag go /'di dag ni/ 'jig rten pa'i chos so/ /'di dag ni/ 'jig rten las 'das pa'i chos so/ /'di dag ni/ 'dus byas kyi chos so/ /'di dag ni/ 'dus ma byas kyi chos so/ /'di dag ni/ lung bstan pa'i chos so/ /'di dag ni/ lung ma bstan pa'i </font><hr>Kha116b<br><font size=+1>


chos so| |de la ci yod pas gang 'byung bar 'gyur zhe na/ ma rig pa yod pas 'du byed rnams 'byung ngo / /ci med pas gang med par 'gyur zhe na/ rnam par shes pa med pas ming dang gzugs med par 'gyur ro/ /ci skyes pas gang skye bar 'gyur zhe na/ sred pa skyes pas sdug bsngal skye'o/ /ci 'gags pas gang 'gag par 'gyur zhe na/ srid pa 'gags pas skye ba 'gag go/ de la 'jig rten pa'i chos rnams gang zhe na/ gzugs dang / tshor ba dang / 'du shes dang / 'du byed dang / rnam par shes pa'o/ /de la 'jig rten las 'das pa'i chos rnams gang zhe na/ 'di lta ste/ tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po ste/ 'di dag ni/ 'jig rten las 'das pa'i chos so/ /'dus byas kyi chos rnams gang zhe na/ 'di lta ste/ 'dod pa'i khams dang / gzugs kyi khams dang / gzugs med pa'i khams dang / sems can gyi khams te/ 'di dag ni/ 'dus byas kyi chos so/ /'dus ma byas kyi chos rnams gang zhe na/ nam mkha' dang / mya ngan las 'das pa dang / so sor brtags te 'gog pa dang / so sor ma brtags par 'gog pa dang / rten cing 'brel bar 'byung ba dang / chos kyi gnas nyid de/ 'di dag ni / </font><hr>Kha117a<br><font size=+1>


@#/ /'dus ma byas pa'i chos so/ /lung bstan pa'i chos rnams gang zhe na/ 'phags pa'i bden pa bzhi dang / dge sbyong gi 'bras bu bzhi dang / tha dad pa yang dag par shes pa bzhi dang / mi 'jigs pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad de/ 'di dag ni/ lung bstan pa'i chos so/ /lung ma bstan pa'i chos rnams gang zhe na/ 'jig rten mtha' yod pa dang / 'jig rten mtha' med pa dang / mtha' yod pa'ang ma yin/ mtha' med pa'ang ma yin pa zhes bya ba 'di ni/ lung du ma bstan pa'o/ /'jig rten rtag pa dang / 'jig rten mi rtag pa dang / rtag pa'ang yin la/ mi rtag pa'ang yin pa dang / rtag pa'ang ma yin la/ mi rtag pa'ang ma yin pa zhes bya ba 'di ni/ lung ma bstan pa'o/ /de bzhin gshegs pa shi phan chad yod pa dang / de bzhin gshegs pa shi phan chad med pa dang / de bzhin gshegs pa shi phan chad yod kyang yod la/ med kyang med pa dang / de bzhin gshegs pa shi phan chad yod pa'ang ma yin/ med pa'ang ma yin pa zhes bya ba ni/ lung ma bstan pa'o/ /bdag dang sems can rnams yod </font><hr>Kha117b<br><font size=+1>


pa dang / bdag dang sems can rnams med pa dang / bdag dang sems can rnams yod pa'ang yin la/ med pa'ang yin pa dang / bdag dang sems can rnams yod pa'ang ma yin| med pa'ang ma yin pa zhes bya ba 'di ni/ lung ma bstan pa'o/ /sangs rgyas ji snyed cig yongs su mya ngan las 'das/ rang sangs rgyas ji snyed cig yongs su mya ngan las 'das nyan thos ji snyed cig yongs su mya ngan las 'das/ sangs rgyas ji snyed cig ma byon/ rang sangs rgyas ji snyed cig ma byon/ nyan thos ji snyed cig ma byon/ byang chub sems dpa' ji snyed cig skye bar 'gyur/ sangs rgyas ji snyed cig bzhugs/ rang sangs rgyas ji snyed cig bzhugs/ nyan thos ji snyed cig bzhugs/ byang chub sems dpa' ji snyed cig bzhugs/ sangs rgyas dag pas su snga/ rang sangs rgyas dag pas su snga/ nyan thos dag pas su snga/ byang chub sems dpa' dag pas su snga/ sangs rgyas dag pas su 'phyi/ rang sangs rgyas dag pas su 'phyi/ nyan thos dag pas su 'phyi/ sems can dag pas su 'phyi/ chos dag pas su snga/ 'jig rten gang nas 'ongs/ 'jig rten gang du 'gro /'jig rten gyi khams ji snyed cig chags par 'gyur/ 'jig rten gyi khams ji snyed cig gnas pa yin/ 'jig rten gyi khams gang nas 'ongs/ 'jig rten gyi khams gang zhig </font><hr>Kha118a<br><font size=+1>


@#/ /yongs su zad par 'gyur/ 'khor ba'i sngon gyi mtha' ni/ gang / 'khor ba'i phyi ma'i mtha' ni/ gang zhes bya ba 'di ni/ lung du ma bstan pa'o/ /de 'di ltar dran pa skye ste/ sems can gang su'ang rung ste/ kun tu rgyug pa dang / kun tu 'khor ba thams cad ni/ chos 'di dag mi shes pa'i phyir te/ de ltar thos pa dang mi ldan pa'i so so'i skye bo rnams kun tu rgyug go /kun tu 'khor ro/ /de bas na/ de ni/ bdag gis ci nas kyang bsam pa thams cad thos pa'i mdzod bzung ste bla na med pa yang dag par rdzogs pa'i byang chub tu mngon par sangs rgyas nas de bzhin nyid kyi don du chos bstan par bya'o/ /zhes bya ba 'di ni/ kye rgyal ba'i sras dag/ byang chub sems dpa' rnams kyi thos pa'i gter te/ lnga pa'o/ /kye rgyal ba'i sras dag /de la byang chub sems dpa' rnams kyi gtong ba'i gter gang zhe na/ kye rgyal ba'i sras dag /'di la byang chub sems dpa' gtong ba dang ldan pa yin/ yongs su gtong ba dang ldan pa yin/ nang gi gtong ba dang ldan pa yin/ phyi rol gyi gtong ba dang ldan pa yin/ phyi nang gi gtong ba dang ldan pa yin/ thams cad gtong ba dang ldan pa yin/ 'das pa gtong ba dang ldan pa yin/ ma 'ongs pa gtong ba dang ldan pa yin/ da ltar byung ba gtong ba dang ldan pa yin/ </font><hr>Kha118b<br><font size=+1>


shin tu gtong pa dang ldan pa yin te/ kye rgyal pa'i sras dag /ji ltar na/ byang chub sems dpa' gtong ba dang ldan pa yin zhe na/ kye rgyal ba'i sras dag/ 'di la byang chub sems dpa' rang bzhin gyis bgo bsha' byed pa'i ngang tshul can yin te/ de rtag tu bgo bsha' byas shing bdag kyang shes kyis spyod pa yin te/ bdag bde bar bya ba dang / bdag yongs su sbyang ba dang / bdag rim gro bya ba'i phyir yo byad ji snyed du bsags pa de dag thams cad kyang bgo bsha' byas shing spyod kyi/ ma bgos par ni/ ma yin no/ /de dag spyod pa'i tshe'ang sems 'di snyam du skyed de/ lus 'di la srin bu'i rigs rnam pa sna tshogs brgyad cu gnas te/ de dag kyang bdag gi lus 'di bde bas ni/ bde bar 'gyur bdag gi lus 'di sdug bsngal bas ni/ sdug bsngal bar 'gyur ro/ /zhes de gang ci la spyod pa de dag thams cad kyang myong ba med pa'i sems kyis de dag mi 'chi ba dang / de dag bde bar bya ba'i phyir gtong ngo / /gzhan yang de 'di snyam du sems te/ yun ring po nas zas dang lus bde ba la chags par gyur gyi/ da ni/ bdag gi lus la chags pa las rnam par 'da' bar bya'o/ /zhes bya ba 'di ni/ gtong ba'o/ /byang chub sems dpa'i yongs su gtong ba gang zhe na/ 'di la byang chub sems dpa' la zas sam/ skom </font><hr>Kha119a<br><font size=+1>


@#/ /mam| bza' ba'am/ bca' ba'am/ bldag pa'am/ btung ba'am/ gzhib pa'am/ myang ba'am/ gos sam/ phreng ba'am/ byug pa'am/ rgyan nam/ ci'ang rung ste/ gang spyad na ni/ 'tsho'i/ ma spyad na ni/ 'chi bar 'gyur ba zhig nye bar gnas par gyur la/ de'i tshe slong ba zhig 'ongs te/ de la ci nas kyang zad par 'gyur ba dang| lhag ma med par bslangs kyang de la byang chub sems dpa' 'di snyam du sems te/ sngon gyi mtha' de dag tu bdag bkres pas shi bar gyur pa yang dmigs pas mi sleb ste/ su la yang phan par ma gyur to/ /da 'di ltar rim pas sngon chad myong ba'i chos can dang mnyam pa nyid kyis dus byas par gyur la/ sems can de dag kyang bde bar gyur na/ bdag gis thob par bya ba legs par thob bo/ /bdag gi 'di dag kyang zad kyang rung / 'chi ba'i mthar yang thug kyang rung ste/ sems can rnams 'tsho bar bya'o| |zhes gtong ba 'di ni/ yongs su gtong ba'o/ /byang chub sems dpa'i nang gi gtong ba gang zhe na/ 'di la byang chub sems dpa' dar zhing bzang por gnas pa/ gzugs mdzes pa/ blta na sdug pa/ mdog rgyas pa gya nom pa dang ldan pa/ khrus dang byug pa legs par byas pa/ phreng ba dang rgyan legs par btags pa/ gos </font><hr>Kha119b<br><font size=+1>


gsar pa ma bab pa bgos pa/ gling bzhi pa'i 'jig rten gyi khams su rgyal por dbang bskur bas dbang bskur pa/ rin po che bdun dang ldan pa de lta bu'i drung du slong ba dag cig 'ongs te 'di skad du/ bdag cag ni/ na bas gzir to/ /rgas so/ /'khogs so/ /sdug bsngal gyis mnar to/ /nad tshabs che'o/ /nad g.yog med do/ /'chi la thug go /gal te khyod kyi lus las lag pa'am/ rkang pa'am/ sha'am/ khrag gam/ mgo'am/ klad pa'am/ rus pa'am/ rkang ngam/ su la ci dgos pa de dag khyer cig ces rgyal po la thag thogs med par rang gi lus bdag cag la byin na/ lus 'dis bdag cag nad 'di las ldang bar 'gyur ro/ /zhes zer na/ kye rgyal ba'i sras dag /'di la byang chub sems dpa' 'di snyam du sems te/ lus 'di lta zhig chos kyi de 'dra bar 'gyur yang su la yang phan par ma gyur gyi/ da ni/ de lta bu'i chos can gyi lus 'dis sems can 'di dag bde bar 'gyur bar bya'o/ /zhes nas de la sems bskyed pa 'ga' tsam yang 'gyod par 'gyur ba med pa 'di ni/ nang gi gtong ba zhes bya'o/ /de la byang chub sems dpa'i phyi rol gyi gtong pa gang zhe na/ 'di la byang chub sems dpa' gzhung de bzhin du rgya cher dbang bskur ba dang / 'khor los bsgyur ba'i srid la gnas pa/ gling bzhi la dbang ba/ rin po che </font><hr>Kha120a<br><font size=+1>


@#/ /bdun dang bde ba'i yo byad thams cad dang ldan pa/ thog ma mngon par dbang bskur ba de lta bu'i drung du slong ba dag cig lhags te 'di skad du/ bdag ni/ bkren no/ /dbul lo/ /shin tu sdug bsngal lo/ /nor dang mi ldan no/ /khyod ni/ bde ba'i yo byad thams cad dang ldan na/ byams bu gling bzhi'i 'khor los bsgyur ba'i srid bdag cag la byin te/ phyis 'di la dbang mi bsgyur bar byas na/ des ni/ bdag cag bde bar 'gyur ro/ /zhes zer na/ de la byang chub sems dpa' 'di snyam du sems te| phun sum tshogs pa thams cad ni/ zad pa'i mthar 'gyur te/ de'i tshe ni/ su'i bsam pa yang yongs su mgu bar bya bar mi nus kyi/ bdag gis da ni/ 'phral du sems can 'di dag gi bsam pa yongs su tshim par bya'o zhes nas de'i rgyus sems bskyed pa 'ga' tsam 'gyod par 'gyur ba med par gtong ba 'di ni/ phyi rol gyi gtong ba zhes bya'o/ /de la byang chub sems dpa'i phyi nang gi gtong ba gang zhe na/ 'di la byang chub sems dpa' 'khor los bsgyur ba'i srid la de ltar dbang bskur ba/ bde ba'i yo byad thams cad dang ldan pa/ bsag par bya ba rnam par bsags pa de lta bu'i drung du slong ba dag cig 'ongs nas 'di skad du/ khyod kyis ni/ 'khor los bsgyur </font><hr>Kha120b<br><font size=+1>


ba'i rgyal po sngon chad kyang myong / bdag cag ni/ dge ba ma myong ba yin na/ byams bu 'khor los bsgyur ba'i srid bdag cag la byin la/ khyod kyis bdag cag rim gror bya ba dang / bsnyen bkur bar gyis shig ces zer na/ de la byang chub sems dpa' 'di snyam du sems te/ bdag gi lus kyi chos nyid dang / srid kyi chos nyid de dag thams cad kyang tha mar med par 'gyur ba ste/ lus kyang rjes su 'brang bar gnas la/ srid kyang che zhing slong ba rnams kyang mngon du gyur pa 'di'i tshe snying po med pa las snying po blang bar bya'o/ /zhes nas de'i rgyus sems bskyed pa 'ga' tsam yang 'gyod par 'gyur ba med par rim gro byed cing gtong ba 'di ni/ byang chub sems dpa'i phyi nang gi gtong ba zhes bya'o/ /de la byang chub sems dpa'i thams cad gtong ba gang zhe na/ 'di la byang chub sems dpa' 'khor los bsgyur ba'i rgyal srid la de ltar dbang bskur zhing / bde ba thams cad dang ldan pa de lta bu'i drung du slong ba dag cig lhags te 'di skad du/ bdag cag ni/ khyod kyi legs pa dang yon tan snyan pa thos nas grong dang / grong khyer dang / ljongs dang / khams dang / rgyal po'i gnas du ma nas khyod ni/ gdon mi za bar bdag cag gi bsam pa yongs su tshim par byed par 'gyur snyam ste/ 'dir phyin na/ byams bu khyod kyis bdag cag gi </font><hr>Kha121a<br><font size=+1>


@#/ /bsam pa yongs su rdzogs par gyis shig ces nas la la ni/ bdag cag la rin po che bdun dgos so/ /zhes zer/ la la ni/ bdag cag la gling bzhi dgos so/ /zhes zer la la ni/ bdag cag la rgyal po'i bu dgos so/ /zhes zer/ la la ni/ bdag cag la rgyal po'i mig gnyis dgos so/ /zhes zer/ la la ni/ bdag cag la rgyal po'i lag pa gnyis dgos so/ /zhes zer/ la la ni| bdag cag la rgyal po'i rkang pa gnyis dgos so/ /zhes zer/ la la ni/ bdag cag la rgyal po'i sha dgos so/ /zhes zer/ la la ni/ bdag cag la rgyal po'i khrag dgos so/ /zhes zer/ la la ni/ bdag cag la rgyal po'i mgo dgos so/ /zhes zer/ la la ni/ bdag cag la rgyal po'i snying dgos so/ /zhes zer na/ de la byang chub sems dpa' 'di snyam du sems te/ sdug pa dang / yid du 'ong ba thams cad dang bral zhing bye bar yang gyur te/ sems can gang gi bsam pa yang yongs su tshim par ma gyur gyi/ da ni/ bdag gi lus 'bral bar 'gyur ba'i chos can 'dis sems can de dag gi chags sems rtse gzhil bar bya ba'i phyir bsam pa yongs su tshim par bya'o/ / bcol ba dang ldan pa'i chos kyi gnas su ni/ sems bskyed par mi bya'o/ /zhes nas de dag thams cad gtong yang de'i phyir de la sems bskyed pa gcig tsam yang 'gyod par </font><hr>Kha121b<br><font size=+1>


'gyur ba med de/ sems can gang la yang rim gro med par mi byed pa de ni/ byang chub sems dpa'i thams cad gtong ba'o/ /de la byang chub sems dpa'i 'das pa gtong ba gang zhe na/ 'di la byang chub sems dpa' sangs rgyas bcom ldan 'das 'das pa rnams kyi byang chub sems dpa'i spyod pa thos pa dang / 'das pa'i sangs rgyas bcom ldan 'das rnams kyi phun sum tshogs pa thams cad nyan cing thos nas de dag thams cad la chags par mi byed/ 'bral bar mi byed/ dmigs su med pas rab tu 'jug ste/ rtog par mi byed/ rnam par rtog par mi byed/ yongs su rtog par mi byed/ smon par mi byed/ chags par mi byed/ zhen par mi byed/ rten pa'i sems kyis gnas par mi byed de/ rmi lam gyi chos de lta bu thob par byed kyang dge ba'i rtsa ba de dag la snying po'i 'du shes mi skyed do/ /dge ba'i rtsa ba de dag la rten pa'i 'du shes su mi byed de/ 'on kyang rten pa'i sems can rnams gzung ba dang / sangs rgyas kyi chos kyang yongs su smin par bya ba'i phyir brjod do/ /'chad do/ /ston to/ /'das pa'i chos nyid la brtags na/ shar phyogs su mi mthong ngo / /lho phyogs dang / nub phyogs dang / byang phyogs su rjes su mi mthong ngo / /byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang </font><hr>Kha122a<br><font size=+1>


@#/ /gi phyogs mtshams dang / 'og dang steng gi phyogs su rjes su mi mthong ste/ de 'di snyam du/ gang ci yang rung ma btang ba de ni/ btang ba'o/ /snyam du sems te/ kye rgyal ba'i sras dag /'di ni/ byang chub sems dpa'i 'das pa gtong ba'o/ /de la byang chub sems dpa'i ma 'ongs pa gtong ba gang zhe na/ 'di la byang chub sems dpa' sangs rgyas bcom ldan 'das ma byon pa rnams kyi spyod pa nyan na/ mtshan ma'i tshul dang dngos por 'dzin pas mi 'dzin te/ 'jig rten gyi khams gzhan la brtson par mi byed pa yin| tshol ba mi mnga' ba yin/ 'dod chags pa'i sems kyis mi smon pa yin/ de la sems mi sdud pa yin te/ myong bar mi byed do/ /smon par mi byed do/ /de dag tu dge ba'i rtsa ba rnams mi gtong ngo / /de dag tu dge ba'i rtsa ba rnams 'jug par mi byed de/ spyod pa'ang rgyun gcod par mi byed do/ /'on kyang dmigs pa des sangs rgyas kyi chos su 'grub par bya ba'i phyir te/ sems can rnams kyi bsam pa dang / tshogs sdud par byed cing chos nyid kyang rab tu sdud do/ /chos de ni/ yul na'ang mi gnas/ phyogs na yang mi gnas/ nang na yang ma yin/ phyi rol na yang ma yin/ rgyang ring po na yang ma yin/ drung na yang ma yin no/ /zhes de 'di snyam du sems te/ gang du nam </font><hr>Kha122b<br><font size=+1>


yang spyad pa med par bya'o/ /snyam pa 'di ni/ ma 'ongs pa gtong ba'o/ /kye rgyal ba'i sras dag /de la byang chub sems dpa'i da ltar byung ba gtong ba gang zhe na/ kye rgyal ba'i sras dag /'di la byang chub sems dpa' rgyal po chen po bzhi'i ris kyi lha rnams dang / sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs pa dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / 'od chung dang / tshad med snang ba dang / shin tu snang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams nas nyan thos kyi phun sum tshogs pa dang / rang sangs rgyas kyi phun sum tshogs pa dag kyang nyan te/ des de dag thos nas kyang rmongs par mi 'gyur/ shin tu rmongs par mi 'gyur/ rab tu rmongs par mi 'gyur/ zhum par mi 'gyur/ kun nas zhum par mi 'gyur| rnam par zhum par mi 'gyur/ shin tu zhum par mi 'gyur/ dma' bar mi 'gyur te/ 'di ltar de ni/ shes pas 'du byed du gtogs pa thams cad rmi lam lta bur </font><hr>Kha123a<br><font size=+1>


@#/ /mngon du byed do/ /de 'di snyam du gang sbyin par bya ba 'di ni/ su'i yang ma yin no/ /snyam ste/ ngan song gi lam nye bar gnas pa bzlog par bya ba dang / sangs rgyas kyi chos thams cad bsgrub pa'i phyir chos ston kyang byang chub sems dpa'i lam mngon du gyur pa'i phyir de la sems rgyu ba med de/ 'di ni/ da ltar byung ba gtong ba zhes bya'o/ /de la byang chub sems dpa'i shin tu gtong ba gang zhe na/ 'di la byang chub sems dpa' sems can mig dang mi ldan pa dang / rna ba dang mi ldan pa dang / sna dang mi ldan pa dang / lce dang mi ldan pa dang / lus dang mi ldan pa grangs med pa zhig gis 'di skad du bdag cag la ci med pa de khyod kyis byin la/ nged mi ldan pa med par gyis shig /khyod ni/ bskal pa grangs med par mi ldan par 'dug cig /ces zer na/ byang chub sems dpa' ni/ de thos ma thag tu sems can de dag mi ldan pa med par sgrub ste/ bskal pa grangs med par dbang po dang mi ldan pa de yang nyams su len to/ /de ma'i lto na 'dug pa'i tshe ji lta bur spyod pa dang / mer mer por 'dug pa ji lta bu yin pa dang / rdos par gyur pa ji lta bu yin pa dang / mkhregs par gyur pa ji lta bu yin pa dang / dbang po grub pa ji lta bu yin pa dang / skyes pa ji lta bu yin pa dang / </font><hr>Kha123b<br><font size=+1>


rga ba ji lta bu yin pa dang / na ba ji lta bu yin pa dang / shi ba ji lta bu yin pa dang / lus kyi rang bzhin thog ma dang / bar ma dang / tha ma ji lta ba bzhin du yang dag par rab tu shes so// ngom du mi rung ba dang / ngo tsha skye ba/ 'phags pa ma yin pa/ dri mi zhim pa/ rjen pa'i dri can/ ror 'gyur ba/ rus pa bsags pa/ sha dang khrag gis g.yogs pa/ rma dgu nas rtag tu zag pa'o/ /zhes nas de ni/ sems bskyed pa gcig tsam gyis kyang de don du gnyer bar mi sems te/ sems bskyed pa gcig gis kyang chags pa mi skyed do/ /de shin tu gtong ba des 'dzin pa med pa'i yid dang ldan pa yin te/ lus 'di ni/ de ltar snying po med pa yin na/ bdag gis lus 'di snying po med par mngon par mthong bzhin du lus la chags par ji ltar bya/ sems can 'di dag gi bsam pa de bzhin yongs su tshim par bya'o/ /lus snying po med pa 'dis 'gro ba thams cad kyi bsam pa yongs su rdzogs par bya'o/ /'gro ba thams cad kyis kyang shes par bya'o/ /ye shes kyi tshogs gang yang rung ba la yang mi gnas pa'i tshul gyis gzhag par bya'o/ /zhes nas lus kyi 'du shes kyang med/ sems kyi 'du shes kyang med de/ kye rgyal ba'i sras dag /'di ni/ byang chub sems dpa'i gtong ba'i gtor te/ drug pa'o/ /kye rgyal ba'i sras dag/ de la byang chub sems dpa'i ye shes kyi </font><hr>Kha124a<br><font size=+1>


@#/ /gter gang zhe na/ 'di la byang chub sems dpa' gzugs rab tu shes so/ /gzugs kun 'byung ba rab tu shes so/ /gzugs kyi 'gog pa rab tu shes so/ / gzugs 'gog par 'gro ba'i lam yang dag pa ji lta ba bzhin du rab tu shes so/ /de bzhin du tshor ba dang / 'du shes dang / 'du byed dang / rnam par shes pa yang dag pa ji lta ba bzhin du rab tu shes so/ /rnam par shes pa'i kun 'byung ba yang dag pa ji lta ba bzhin du rab tu shes so/ /rnam par shes pa 'gog pa yang dag pa ji lta ba bzhin du rab tu shes so| |rnam par shes pa 'gog par 'gro ba'i lam yang dag pa ji lta ba bzhin du rab tu shes so/ /ma rig pa rab tu shes so/ /ma rig pa'i kun 'byung ba rab tu shes so/ /ma rig pa 'gog pa yang dag pa ji lta ba bzhin du rab tu shes so/ /ma rig pa 'gog par 'gyur ba'i lam yang dag pa ji lta ba bzhin du rab tu shes so/ /sred pa rab tu shes so/ /sred pa kun 'byung ba rab tu shes so/ /sred pa 'gog pa rab tu shes so/ /sred pa 'gog par 'gro ba'i lam yang dag pa ji lta ba bzhin du rab tu shes so/ /nyan thos rab tu shes so/ nyan thos kyi chos rab tu shes so/ /nyan thos kyi kun 'byung ba rab tu shes so/ /nyan thos kyi mya ngan las 'da' ba yang dag pa ji lta ba bzhin du rab tu shes so/ /rang sangs </font><hr>Kha124b<br><font size=+1>


rgyas rab tu shes so/ /rang sangs rgyas kyi chos rab tu shes so/ /rang sangs rgyas kyi kun 'byung ba rab tu shes so/ /rang sangs rgyas kyi yongs su mya ngan las 'da' ba yang dag pa ji lta bzhin du rab tu shes so/ /byang chub sems dpa' rab tu shes so/ /byang chub sems dpa'i chos rab tu shes so/ /byang chub sems dpa'i kun 'byung ba rab tu shes so/ /byang chub sems dpa'i yongs su mya ngan las 'da' ba yang dag pa ji lta ba bzhin du rab tu shes so/ /ji ltar shes she na/ las dang / las kyi rnam par smin pa dang / bya ba dang / mngon par 'du byed pa dang / gso ba dang / gsog dang / snying po med pa dang / bdag med par rab tu shes te/ chos gang yang snying po can du shes pa med do/ /chos gang la'ang rang bzhin du 'dogs pa med de| ngo bo nyid kyi mthas gtugs par thams cad rab tu shes so/ /sems can rnams la yang de bzhin nyid kyi don du chos ston te/ de ci ston ce na/ 'jig pa med pa'i phyir chos ston te/ gang 'jig pa med pa'i phyir zhe na/ gzugs 'jig pa med pa'i phyir/ tshor ba 'jig pa med pa'i phyir/ 'du shes 'jig pa med pa'i phyir/ 'du byed 'jig pa med pa'i phyir/ rnam par shes pa 'jig pa med pa'i phyir chos ston to/ /ma rig pa 'jig pa med pa'i phyir/ nyan thos kyi chos dang / rang sangs rgyas kyi chos dang / byang chub </font><hr>Kha125a<br><font size=+1>


@#/ /sems dpa'i chos 'jig pa med pa'i phyir chos ston to/ /de ci'i phyir zhe na/ chos ni/ ma skyes pa/ 'dus ma byas pa/ byed pa po med pa/ rtsod pa med pa/ gnas pa med pa/ ma skyes pa/ mi 'byung ba/ ma blangs pa/ nye bar ma blangs pa/ byed pa med pa ste/ de shes rab kyi gter de lta bu dang ldan pas las gron chung ngus chos thams cad la mkhas pa/ gzhan gyi dring mi 'jog pa yang dag pa ji lta ba bzhin du rab tu shes so/ /shes rab kyi gter de yang mi zad pa yin te/ de yang shin tu bstan pa bcus mi zad pa yin no/ /bcu gang zhe na/ thos pa la mkhas pas mi zad do/ /dge ba'i bshes gnyen la bsnyen pas mi zad do/ /tshig rab tu dbye ba la mkhas pas mi zad do/ /chos kyi dbyings la 'jug pa mngon par sgrub pas mi zad do/ /rgyan gcig pa'i ye shes kyi rjes su zhugs pas mi zad do/ /bsod nams thams cad shin tu bsags pas mi zad do| |skyo ba med pa mngon par sgrub pas mi zad do/ /gzungs thams cad kyi sgor zhugs pas mi zad do/ /sems can thams cad kyi skad dang sgra dang brjod pa sna tshogs kyi phyir mi zad do/ /'gro ba thams cad kyi yid gnyis dang / nem nur dang / the tshom yang dag par gcod pa'i phyir mi zad do/ /sangs rgyas kyi rnam par 'phrul pa thams cad </font><hr>Kha125b<br><font size=+1>


yongs su bstan pas sems can thams cad nye bar 'tsho ba dang / yongs su smin par bya ba dang / gdul ba'i spyod pa shin tu rtogs pa'i phyir mi zad de/ mi zad pa shin tu bstan pa bcu po de dag gis shes rab kyi gter de mi zad pa yin no/ /kye rgyal ba'i sras dag /'di ni/ byang chub sems dpa' rnams kyi shes rab kyi gter yin te/ de la gnas pa'i byang chub sems dpa' rnams shes rab dang / ye shes bla na med pa rnam par 'tshang rgya'o/ /kye rgyal ba'i sras dag /de la byang chub sems dpa' rnams kyi dran pa'i gter gang zhe na| kye rgyal ba'i sras dag/ 'di la byang chub sems dpa' dran pa dang ldan pa yin te/ de yang rgyud rmongs pa med pa'i dran pas sngon gyi gnas rjes su dran te/ 'di ltar tshe gcig kyang rjes su dran no/ /tshe gnyis dang / gsum dang / bzhi dang / lnga dang / tshe brgya dang / stong dang / tshe brgya phrag du ma dang / tshe stong phrag du ma dang / tshe brgya stong phrag du ma dang / 'jig pa'i bskal pa'am/ 'du ba'i bskal pa'am/ 'jig pa dang 'du ba'i bskal pa'am/ 'jig pa'i bskal pa du ma dang / 'du ba'i bskal pa du ma dang / 'du ba dang 'jig pa'i bskal pa du ma dang / bskal pa brgya dang / bskal pa stong dang / bskal pa brgya stong dang / bskal pa bye ba khrag khrig brgya stong dang / bskal pa bye ba khrag khrig </font><hr>Kha126a<br><font size=+1>


@#/ /brgya stong tshad med pa dang / bskal pa bye ba khrag khrig grangs med pa/ bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ gzhal du med pa/ brjod du med pa gnyis dang / gsum dang / bzhi dang / lnga dang / gzhung de bzhin du brjod du med pa yang brjod du med pa dang / sangs rgyas skye bar lung bstan pa shin tu brjod pa gcig dang / gnyis dang / gsum dang / bzhi dang / lnga nas sangs rgyas skye bar lung bstan pa shin tu brjod du med pa brjod du med pa'i yang brjod du med pa dang / sangs rgyas skye ba gcig bstan te/ de dang mtshams sbyar ba'i lung bstan pa gcig dang / gnyis dang / gsum dang / bzhi dang / lnga nas sangs rgyas skye ba shin tu bstan te/ de dang mtshams sbyor ba lung bstan pa brjod du med pa'i yang brjod du med pa dang / mdo'i sde gcig dang / gnyis dang / gsum dang / bzhi dang / lnga nas brjod du med pa'i yang brjod du med pa'i bar dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / gleng gzhi'i sde dang / ched du brjod pa'i sde dang / 'di ltar 'das pa'i sde dang / skyes pa rabs kyi sde dang / shin tu rgyas pa'i sde dang / chos rmad du byung ba bstan pa'i sde dang / </font><hr>Kha126b<br><font size=+1>


man ngag bstan pa'i sde gcig dang / gnyis dang / gsum dang / bzhi dang / lnga nas brjod du med pa'i yang brjod du med pa'i bar dang / 'khor 'dus pa gcig dang / chos kyi mtshams sbyar ba gcig nas chos kyi mtshams sbyar ba brjod du med pa'i yang brjod du med pa'i bar dang / dbang po sna tshogs gcig nas dbang po sna tshogs brjod du med pa'i yang brjod du med pa'i bar dang / dbang po rnam pa tha dad pa sna tshogs gcig nas dbang po tha dad pa sna tshogs brjod du med pa'i yang brjod du med pa'i bar dang / nyon mongs pa sna tshogs gcig nas nyon mongs pa sna tshogs brjod du med pa'i yang brjod du med pa'i bar dang / ting nge 'dzin sna tshogs gcig nas ting nge 'dzin sna tshogs brjod du med pa'i yang brjod du med pa'i bar dag kyang dran pa dag pa/ dang ba/ rnyog pa med pa/ rnam par gsal ba/ rdul med pa/ rdul dang bral ba/ dri ma med pa/ 'od gsal ba/ sang sang po/ /bsgribs pa med pas rjes su dran no/ /byang chub sems dpa'i dran pa de ni/ 'jig rten gyi 'khrul pas mi 'phrog pa yin/ phas kyi rgol ba thams cad kyis nye bar nyon mongs par mi nus pa yin/ sngon gyi dge ba'i rtsa ba shin tu sbyangs pa yin/ 'jig rten gyi chos thams cad kyis ma gos pa yin/ bdud dang mu stegs can dmigs pa la gnas pa gzhan gyis mi chod pa yin/ tshe rabs kun tu </font><hr>Kha127a<br><font size=+1>


@#/ /'pho ba'i lus shin tu bstan pa thams cad kyis brjod par mi nus pa yin/ sngon gyi mtha' dang / phyi ma'i mtha' dang / da ltar byung ba'i mthas rnam par mi chod pa yin/ 'jig rten gyi khams su skye ba dang gnas pa thams cad kyis skyon du ma gyur pa yin/ sangs rgyas skyes pa'i 'khor gyi dkyil 'khor du 'jug pa shin tu bstan pa thams cad kyis thogs pa med pa yin/ sangs rgyas kyi chos thams cad kyi rjes su song ba yin te/ kye rgyal ba'i sras dag /'di ni/ byang chub sems dpa' rnams kyi dran pa'i gter te/ brgyad pa'o/ /kye rgyal ba'i sras dag /de la byang chub sems dpa' rnams kyi rtogs pa'i gter gang zhe na/ kye rgyal ba'i sras dag /'di la byang chub sems dpa' rtogs pa dang ldan pa yin te/ de yang yi ge de bzhin gzhan ma yin pas mdo'i tshul gyi chos ston to/ /de ni/ tshe'i rgyud gcig pa yang yongs su 'dzin to/ /tshe'i rgyud brjod du med pa'i yang brjod du med pa'i bar du yongs su 'dzin to/ /sangs rgyas kyi mtshan gcig kyang yongs su 'dzin to/ /sangs rgyas kyi mtshan brjod du med pa'i yang brjod du med pa'i bar du yang yongs su 'dzin to/ /bskal pa grangs med pa bstan pa gcig kyang yongs su 'dzin to/ /bskal pa grangs med pa </font><hr>Kha127b<br><font size=+1>


bstan pa brjod du med pa'i yang brjod du med pa'i bar du yang yongs su 'dzin to/ /de bzhin gshegs par lung bstan pa brjod pa gcig kyang yongs su 'dzin to/ /de bzhin gshegs par lung bstan par brjod pa brjod du med pa'i yang brjod du med pa'i bar du yang yongs su 'dzin to/ /mdo gcig kyang yongs su 'dzin to/ /mdo brjod du med pa'i yang brjod du med pa'i bar du yang yongs su 'dzin to/ /'dus pa gcig kyang yongs su 'dzin to/ /'dus pa brjod du med pa'i yang brjod du med pa'i bar du yang yongs su 'dzin to/ /chos kyi mtshams sbyar ba gcig kyang yongs su 'dzin to/ /chos kyi mtshams sbyar ba brjod du med pa'i yang brjod du med pa'i bar du yang yongs su 'dzin to/ /dbang po rnam pa tha dad pa sna tshogs gcig kyang yongs su 'dzin to/ /dbang po rnam pa tha dad pa sna tshogs brjod du med pa'i yang brjod du med pa'i bar du yang yongs su 'dzin to/ /nyon mongs pa sna tshogs gcig kyang yongs su 'dzin to/ /nyon mongs pa sna tshogs brjod du med pa'i yang brjod du med pa'i bar du yang yongs su 'dzin to/ /ting nge 'dzin sna tshogs gcig kyang yongs su 'dzin to/ / ting nge 'dzin sna tshogs brjod du med pa'i yang brjod du med pa'i bar du yang yongs su 'dzin to/ /kye rgyal ba'i sras dag /'di ni/ byang chub sems dpa' sems dpa' chen </font><hr>Kha128a<br><font size=+1>


@#/ /po rnams kyi rtogs pa'i gter te/ mi zad pa/ kun tu mtha' yas pa/ dgang dka' ba/ gting rnyed par dka' ba/ sgrub par dka' ba/ mi 'phrog pa/ thug pa med pa/ bdag nyid che ba'i sangs rgyas kyi yul gyi rjes su song ba ste/ 'di ni/ gter dgu pa'o/ /kye rgyal ba'i sras dag /de la byang chub sems dpa' rnams kyi blo gros kyi gter gang zhe na/ kye rgyal ba'i sras dag /'di la byang chub sems dpa' yang dag par rtogs par byed pa'i rtogs pa dang ldan zhing blo gros dang ldan pa yin te/ mdo sde thams cad dang mi 'gal bas de chos ston pa'i tshe dngos po yongs su ldog pa gcig kyang brtsams te chos ston pa nas dngos po yongs su ldog pa brjod du med pa'i yang brjod du med pa'i bar du chos ston to/ /sangs rgyas kyi mtshan gcig nas tshul de bzhin du brjod du med pa'i yang brjod du med pa'i bar dang / 'jig rten gyi khams gcig dang / sangs rgyas su lung bstan pa gcig dang / mdo gcig dang / 'khor 'dus pa gcig dang / chos kyi mtshams sbyar ba gcig dang / dbang po rnam pa tha dad pa sna tshogs gcig dang / nyon mongs pa sna tshogs gcig dang / ting nge 'dzin sna tshogs gcig kyang brtsams te chos ston pa nas ting nge 'dzin sna tshogs brjod du med pa'i yang </font><hr>Kha128b<br><font size=+1>


brjod du med pa'i bar du brtsams te chos ston to/ /nyi ma gcig kyang zad par byed cing chos ston pa nas zla ba phyed dang / zla ba gcig dang / lo gcig dang / lo brgya dang / lo stong dang / lo brgya phrag stong dang / bskal pa dang / bskal pa brgya dang / bskal pa stong dang / bskal pa brgya phrag stong dang / bskal pa bye ba khrag khrig brgya phrag stong dang / bskal pa tshad med pa dang / bsam gyis mi khyab pa dang / bskal pa dpag tu med pa dang / grangs med pa dang / mtshungs pa med pa dang / kun tu mtha' yas pa dang / mu med pa dang / sa mtshams med pa dang / gzhal du med pa dang / brjod du med pa dag kyang zad par byed cing chos ston na/ tshig dang yi ge gcig brtsams kyang don dang / tshig dang / yi ge'i mthar thug pa med de/ de ci'i phyir zhe na/ de ni/ 'di ltar byang chub sems dpas byang chub sems dpa'i gter bcu rab tu thob pa'i phyir te/ gter de dag thob pas gzungs kyi snying po'i sgo chos thams cad la yang dag par gzhol ba zhes bya ba/ gzungs brgya stong grangs med pa'i 'khor can mngon du gyur te/ de gzungs kyi 'khor brgya stong grangs med pa ston par byed do/ /chos snang ba shin tu bstan pa thob pas sems can thams cad la chos ston to/ /chos kyi sgo snang ba'i chos can lce yangs pas 'jig rten gyi khams thams cad du mngon par go bar byed </font><hr>Kha129a<br><font size=+1>


@#/ /pa dang / dbyangs kyi yan lag la mkhas pas 'gro ba thams cad tshim par byed pa dang / dbang po ji lta ba bzhin du mgu bar byed pa dang / nyon mongs pa dang / kun nas 'khor ba thams cad rnam par bzlog pa dang / sgra dang tshig rnam pa tha dad pa thams cad la rab tu zhugs pa dang / yi ge thams cad kyi spobs pas ston pa'i rjes su song ba dang / sems can thams cad kyi sa bon grung po yongs su shes pa'i bsam pa can du byed pas chos ston te/ thogs par mi byed do/ /skyo bar mi 'gyur ro| |de ci'i phyir zhe na/ de ni/ 'di ltar byang chub sems dpas nam mkha'i khams dang / chos kyi dbyings mtha' dang dbus med pa rgyas par byed pa'i lus rab tu thob pa'i phyir te| kye rgyal pa'i sras dag /'di ni/ byang chub sems dpa'i gter bcus blo gros mi zad pa/ thug pa med pa/ 'dres pa med pa/ rnam par mi chod pa/ rgyun gcad par mi nus pa| phyir mi ldog pa/ gting rnyed par dka' ba/ ring du gyur pa/ sgo kun dang ldan pa/ sangs rgyas thams cad kyi chos la zhugs pa'o/ /kye rgyal ba'i sras dag /bcu po de dag ni/ byang chub sems dpa' rnams kyi gter te/ mi zad pa'i rnam pa bcus mi zad pa yin no/ /bla na med pa yin no/ /mthar rdzogs pa'i sangs rgyas su 'gyur ba yin no/ / </font><hr>Kha129b<br><font size=+1>


bcu gang zhe na/ sems can thams cad kyi nye bar 'tsho ba dang / sngon gyi smon lam legs par yongs su bsngos pa dang / bskal pa thams cad kyi grangs gcad du med pa dang / nam mkha'i dbyings dang mnyam pa nyid du khong du chud pa'i phyir sems tshad med pa dang / 'dus byas kyis ma gos pa'i phyir 'dus ma byas la yongs su bsngos pa dang / de ma thag pa'i yul du gyur pas chos thams cad zad mi shes pa dang / smon lam chen po tha dad pa med pa dang / spyod pa la gnas pa'i stobs shin tu 'dzin pa dang / sangs rgyas thams cad kyis yongs su bzung ba dang / chos thams cad sgyu ma lta bur 'jug pa mtha' dang dbus med pa la zhugs pa ste/ mi zad pa'i rnam pa bcu po 'di dag gis 'jig rten gyi bya ba thams cad kyi mthar phyin pa zad mi shes pa'i gter chen por 'gyur ro/ /shin tu rgyas pa chen po'i mdo/ sangs rgyas phal po che zhes bya ba las/ gter mi zad pa bcu bstan pa'i le'u ste/ nyi shu bdun pa'o// //bam po nyi shu dgu pa/ de nas sangs rgyas kyi mthus shar phyogs kyi 'jig rten gyi khams thams cad dang / de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang </font><hr>Kha130a<br><font size=+1>


@#/ /steng gi phyogs kyi 'jig rten gyi khams thams cad na yang gling bzhi pa 'di la sogs pa gling re re na yang de bzhin gshegs rnams bzhugs par snang ngo / / byang chub sems dpa' de dag kyang de bzhin gshegs pa'i byin gyi rlabs kyis chos ston to/ /de bzhin gshegs pa'i zhabs kyi drung na yang 'khod par shes so/ /bcom ldan 'das kyis kyang rdzu 'phrul mngon par 'du mdzad pa de phyir ma brtul/ byang chub kyi shing drung yang phyir ma brtul/ ri rab kyi rtse mo yang phyir ma brtul bar rab mtshe ma'i gnas nas dga' ldan gyi gnas kyi lha'i rgyal po rab dga' ldan gyi khang pa rin po che'i rgyan ces bya ba gang na bder gshegs par snang ngo / /ji ltar gling bzhi pa 'di na bcom ldan 'das dga' ldan gyi gnas su gshegs par snang ba de bzhin du 'jig rten gyi khams thams cad kyi gling bzhi pa dag na yang bcom ldan 'das dga' ldan gyi gnas su gshegs par snang ste/ byin gyi rlabs snga ma de dag kyang ma 'khrug par snang ngo / /de nas lha'i rgyal po rab dga' ldan gyis rgyang ma nas bcom ldan 'das khang pa rin po che thams cad kyis brgyan par gshegs pa mthong nas rings pa'i gzugs su khang pa rin po che thams cad kyis brgyan pa'i nang du de bzhin gshegs pa'i seng+ge'i gdan </font><hr>Kha130b<br><font size=+1>


nor bu rin po che las byas pa/ lha rdzas kyi rin po che'i rgyu las bsgrubs pa/ dge ba'i rtsa ba thams cad kyi rgyu las yongs su grub pa/ de bzhin gshegs pa'i byin gyi rlabs/ kyis byung ba/ dge ba'i rtsa ba bye ba khrag khrig brgya stong grangs med pa mang pos byung ba/ sangs rgyas thams cad las byung ba'i chos dkar po las byung ba/ bsod nams kyi stobs mtha' yas pa sna tshogs thams cad dang ldan pa/ kha na ma tho ba med pa'i rnam par smin pa thams cad kyis rnam par dag pa/ mi mthun pa med pa'i 'jig rten las 'das pa'i chos kyis byung ba/ gos pa med pa/ 'gro ba thams cad du byung ba/ thub pa med pa/ 'gro ba thams cad kyis blta na sdug pa/ bog re bye ba brgya stong phrag bcus brgyan pa| gser gyi dra ba bye ba brgya stong phrag bcu kun tu bres pa/ me tog gi bla re bye ba brgya stong phrag bcu kun nas bres pa/ phreng ba'i bla re bye ba brgya stong phrag bcu kun nas lding ba/ spos kyi bla re bye ba brgya stong phrag bcus spos kun tu 'thul bar sbyar ba/ rin po che'i bla re bye ba brgya stong phrag bcu steng nas bkab pa/ me tog gi gdugs bye ba brgya stong phrag bcus kun nas bsgrengs pa/ rin po che'i gdugs bye ba brgya stong phrag bcus kun nas bkab pa/ gdan bye ba khrag khrig brgya stong mngon par bting ba/ rin po che'i pu shu </font><hr>Kha131a<br><font size=+1>


@#/ /bya ba brgya stong phrag bcu rgyan du bsgrubs pa/ nor bu'i dra ba bye ba brgya stong phrag bcu shin tu rnam par phye bas g.yogs par byas pa/ rin po che'i dra ba bye ba brgya stong phrag bcus 'khor kun tu g.yogs pa/ rin po che'i phreng ba 'chang ba'i dra ba bye ba brgya stong phrag bcu shin tu dbyangs pas bkab pa/ lhab lhub kyi dra ba bye ba brgya stong phrag bcus shin tu klubs shing brgyan pa/ gdugs kyi dra ba bye ba brgya stong phrag bcus kun nas khebs par bkab pa/ gos sna tshogs kyi dra ba bye ba brgya stong phrag bcus sna tshogs su g.yogs pa/ rin po che'i pad+mo'i dra ba bye ba brgya stong phrag bcus shin tu rgyas par bkram pa/ spos rin po che'i dra ba bye ba brgya stong phrag bcu 'thul zhing yid du 'ong bar dri zhim pa/ rin po che'i bla re chen po'i dra ba bye ba brgya stong phrag bcu'i rgyan chen po brgyan par bres pa/ rin po che'i dril bu'i rgyan gyi bla re bye ba brgya stong phrag bcus yid du 'ong ba'i sgra phyung ba/ tsan+dan rin po che'i mdog lta bu'i bla re bye ba brgya stong phrag bcus yid du 'ong bar bkab pa/ rin po che'i me tog sna tshogs kyi bla re bye ba brgya stong phrag bcu me tog shin tu rgyas pa/ gos kha dog mtha' yas pa'i bla re bye ba brgya stong phrag bcus sna tshogs su snang bar bkab pa/ byang chub sems dpa'i </font><hr>Kha131b<br><font size=+1>


bla re bye ba brgya stong phrag bcus sna tshogs su kun nas bkab pa/ gdugs kyi bla re kha dog rnam pa sna tshogs bye ba brgya stong phrag bcus rab tu g.yogs shing rnam pa sna tshogs su snang ba/ gser gyi bla re bye ba brgya stong phrag bcus yid du 'ong bar bkab cing rnam par dag par byas pa/ bai DUR+Ya'i bla re bye ba brgya stong phrag bcus lha rdzas dri ma med cing shin tu dag par byas pa/ snying po sna tshogs can gyi bla re bye ba brgya stong phrag bcus rnam pa sna tshogs kyis bla rer bkab pa/ rin po che thams cad kyi bla re bye ba brgya stong phrag bcu'i nor bu rin po che bzang pos shin tu mdzes shing khebs par bkab pa/ rin po che'i rgyan bye ba brgya stong phrag bcus phyogs thams cad bkang ba/ rin po che'i gzugs brnyan gyi bla re bye ba brgya stong phrag bcus shin tu rnam par che zhing mdzes par brgyan pa/ rin po che'i phreng ba bye ba brgya stong phrag bcus phreng ba kun tu 'brel bar brgyan pa/ spos kyi phreng ba bye ba brgya stong phrag bcus mchod pa la tshul dang mthun pa'i spos kyi dri zhim par byas pa/ lha la mchog tu bya ba'i spos dang bdug spos bye ba khrag khrig brgya stong phrag bcus kha dog mtha' yas pa dang / dri zhim por btul ba'i mchod pa can/ lha la mchog tu bya ba'i lhab lhub kyi rgyud bye ba brgya stong phrag bcu mngon </font><hr>Kha132a<br><font size=+1>


@#/ /par klubs shing dag par byas pa/ rin po che'i me tog gi phreng ba bye ba brgya stong phrag bcus rin po che'i thams cad kyi rgyud du mdzas par byas pa/ dpal gyi snying po'i phreng ba bye ba brgya stong phrag bcus rin po che sna tshogs su brgyan pa/ nor bu rin po che sna tshogs kyi phreng ba bye ba brgya stong phrag bcus rin po che thams cad kyi rgyan du rnam par dag pa/ nor bu rin po che rgya mtsho'i rgyan gyi phreng ba bye ba brgya stong phrag bcus gdan gyi snying po shin tu brgyan pa/ dbang po'i rdo rje bye ba brgya stong phrag bcus shin tu spras pa/ rin po che'i snam bu bye ba brgya stong phrag bcu kun tu sbyangs pa/ 'jig rten mtha' yas pa'i dbang po'i nor bu rin po che bye ba brgya stong phrag bcus shin tu bzang bar brgyan pa/ gser gyi snying po bye ba brgya stong phrag bcus shin tu bsgrubs shing dag par byas pa/ nor bu rin po che rnam par snang ba bye ba brgya stong phrag bcus rdul med par snang bar byas pa/ nor bu rin po che brgya byin mngon par chags pa bye ba brgya stong phrag bcus snying po mtha' yas par snang bar brgyan pa/ nor bu rin po che dpa' pa'i rgyal mtshan bye ba brgya stong phrag bcus shin tu 'bar bar bsgrubs pa/ nor bu rin po che snang ba'i 'od zer bye ba brgya stong phrag bcus 'od zer snang bar byas pa/ </font><hr>Kha132b<br><font size=+1>


nor bu rin po che lha la mchog tu bya ba bye ba brgya stong phrag bcus skar khung gi shar bu mdzes par bres pa/ nor bu rin po che bsod nams kyis dag pa bye ba brgya stong phrag bcus kha dog gsal bar gyur pa/ dngul gyi rta babs bye ba brgya stong phrag bcus bres pa'i snying po dkar po rab tu rnam par phye ba/ 'gro ba rgya mtsho'i zla gam bye ba brgya stong phrag bcus sbubs shin tu bsgrubs pa/ nor bu rin po che dri ma med pa bye ba brgya stong phrag bcus blta na mdzes par shin tu brgyan pa/ nor bu rin po che sems kyi rgyal po bye ba brgya stong phrag bcus 'dab chags yid du 'ong zhing dga' bar kun tu brgyan pa/ nor bu rin po che seng+ge'i gdong bye ba brgya stong phrag bcus shin tu spras pa'i mchod pa dang ldan pa/ nor bu rin po che 'dzam bu'i rgyal mtshan bye ba brgya stong phrag bcus mthu brtan par shin tu brtan pa/ nor bu rin po che snying po dag pa bye ba brgya stong phrag bcus rnam par snang zhing mdzes par byas pa| nor bu rin po che dbang po'i rgyal mtshan bye ba brgya stong phrag bcus snang ba'i gdugs su bres pa/ nor bu rin po che dngul gyi snying po bye ba brgya stong phrag bcus nang rnam pa sna tshogs su bkram pa/ nor bu rin po che ri rab kyi rgyal mtshan bye ba brgya stong phrag bcus snying po shin tu brgyan pa/ mu tig gi phreng ba bye ba brgya stong phrag bcus kha </font><hr>Kha133a<br><font size=+1>


@#/ /dog mdzes par bres pa/ bai DUR+Ya'i phreng ba bye ba brgya stong phrag bcus dra bar bres pa/ mu tig dmar po'i phreng ba bye ba brgya stong phrag bcus rnam pa sna tshogs su rnam par phye ba/ nor bu yid du 'ong ba'i phreng ba bye ba brgya stong phrag bcu rnam par sna tshogs su bkod pa/ rin po che shin tu snang ba'i phreng ba bye ba brgya stong phrag bcus shin tu rnam par bye zhing rab tu bzung ba/ rin po che 'bru sna tshogs kyi phreng ba bye ba brgya stong phrag bcus lus shin tu brgyan pa/ mu tig dmar po'i phreng ba bye ba brgya stong phrag bcus yid du 'ong bar snang ba/ nor bu rin po che kha dog du ma'i phreng ba bye ba brgya stong phrag bcus snying po kha dog sna tshogs shing kha dog mtha' yas pa'i mthar phyin pa/ dga' bar byed pa'i phreng ba bye ba khrag khrig brgya stong phrag bcus dag par sbyangs pa/ nor bu rin po che dpal gyi 'od zer gyi phreng ba bye ba brgya stong phrag bcus dpal chen po rab tu thob pa thob par gyur pa/ nor bu'i gzugs bye ba brgya stong phrag bcus phyogs shin tu spa bar brgyan pa/ rin po che'i dbang po'i 'khor bye ba brgya stong phrag bcu la gnas yongs su 'dzin pa/ dus dang mthun pa'i tsan+dan bye ba brgya stong phrag bcus 'jig rten gyi khams thams cad du dri zhim pos rgyas par </font><hr>Kha133b<br><font size=+1>


byas pa| rim gro byed pa'i mi'i tshogs bye ba brgya stong phrag bcus sangs rgyas kyi zhing thams cad du rjes su song ba/ spos kyi thum po shin tu che ba bye ba brgya stong phrag bcus kun tu rgyas pa| |gzhan gyis pham pa med pa'i spos bye ba brgya stong phrag bcu'i dri kun tu rgyas pa/ spos kyi gzugs bye ba brgya stong phrag bcu'i dri kun tu 'byung ba/ yid du 'ong ba'i spos bye ba brgya stong phrag bcu'i dri rab tu 'byung ba/ snang ba ston pa'i spos bye ba brgya stong phrag bcu'i dris 'gro ba kun tu gang ba/ dri sna tshogs kha dog mtha' yas pa bye ba brgya stong phrag bcus sangs rgyas kyi zhing thams cad du phyir mi ldog par zhim pa/ byug pa bye ba brgya stong phrag bcus shin tu byugs pa/ tsan+dan rnam pa tha dad pa'i spos bye ba brgya stong phrag bcus tshon du bskus shing mdzes pa/ spos rnam pa tha dad pa bye ba brgya stong phrag bcus dri zhim por shin tu bsgos pa/ a ga ru nag po pad+mo'i snying po bye ba brgya stong phrag bcus sprin gyi snying por byas pa/ bdug spos bye ba brgya stong phrag bcus shin tu bdugs shing yog pa/ bdug spos kyi 'od zer bye ba brgya stong phrag bcu dbang po zhi bar zhim pa| spos kun tu rgyu ba bye ba brgya stong phrag bcu yid du 'ong bar zhim pa/ spos kyi 'od zer bye ba brgya stong phrag bcus ro thams cad du bdugs shing dri zhim pa/ spos </font><hr>Kha134a<br><font size=+1>


@#/ /rnam par tshor bar byed pa'i dam pa bye ba brgya stong phrag bcus dbang po mi 'khrug par spos thams cad kyis mchod par byas pa/ spos kyi rgyal po gzhal du med pa bye ba brgya stong phrag bcus spos kyi gzugs rnam pa sna tshogs su shin tu brgyan pa/ lha rdzas kyi me tog gi sprin gyi char bye ba brgya stong phrag bcu mngon par 'bab pa/ lha rdzas kyi spos kyi sprin bye ba brgya stong phrag bcu mngon par 'bab pa/ lha rdzas kyi phye ma'i sprin bye ba brgya stong phrag bcu mngon par 'bab pa/ lha rdzas kyi pad+mo'i sprin gyi char bye ba brgya stong phrag bcu mngon par 'bab pa/ lha rdzas kyi rin po che'i me tog gi sprin gyi char bye ba brgya stong phrag bcu'i char mngon par 'bab pa/ lha rdzas kyi ut+pa la'i sprin gyi char bye ba brgya stong phrag bcu kun tu yog par 'bab pa/ lha rdzas kyi rin po che'i me tog gi char bye ba brgya stong phrag bcu rab tu 'bab pa/ lha rdzas kyi me tog puN+Da rI ka'i sprin gyi char bye ba brgya stong phrag bcu shin tu 'bab pa/ lha rdzas kyi me tog man+dA ra ba'i sprin gyi char bye ba brgya stong phrag bcu'i tshogs chen po rab tu 'bab pa/ lha rdzas kyi me tog thams cad kyi sprin gyi char bye ba brgya stong phrag bcu rgyun du 'bab pa/ na bza'i sprin bye ba brgya stong phrag bcus bar snang kha dog sna </font><hr>Kha134b<br><font size=+1>


tshogs su gyur pa/ nor bu rin po che'i sprin gyi char bye ba brgya stong phrag bcu kun tu snang bar 'bab pa/ gdugs kyi sprin gyi char bye ba brgya stong phrag bcu kun nas yog par 'bab pa| ba dan gyi sprin gyi char bye ba brgya stong phrag bcu kha dog sna tshogs du mar 'bab pa/ lha rdzas kyi cod pan gyi sprin gyi char bye ba brgya stong phrag bcu sna tshogs su 'bab pa/ lhab lhub kyi sprin gyi char bye ba brgya stong phrag bcu shin tu klubs par 'bab pa/ lha rdzas kyi rin po che'i sprin gyi char bye ba brgya stong phrag bcu kha dog sna tshogs su 'bab pa/ lha rdzas kyi rin po che'i sen mo do'i sprin gyi char bye ba brgya stong phrag bcu rgyan chen por 'bab pa/ lha rdzas kyi tsan+dan gyi sprin gyi char bye ba brgya stong phrag bcu tsan+dan rnam pa sna tshogs kyi kha dog du mar 'bab pa/ lha rdzas kyi a ga ru dang / tsan+dan gyi sprin gyi char bye ba brgya stong phrag bcu shin tu yog par 'thul zhing 'bab pa/ rin po che'i rgyal mtshan bye ba brgya stong phrag bcu shin tu bsgrengs pa/ rin po che'i ba dan bye ba brgya stong phrag bcu shin tu dbyangs pa/ snam bu rin po che'i lda ldi bye ba brgya stong phrag bcu shin tu bres pa/ spos kyi snod bye ba brgya stong phrag bcu nas shin tu 'thul ba/ rin po che'i phreng ba'i chun po bye ba brgya stong phrag bcu shin tu dbyangs pa/ rin po che'i sil snyan bye ba brgya stong phrag bcu </font><hr>Kha135a<br><font size=+1>


@#/ /shin tu 'khrol zhing 'dzin pa/ lha rdzas kyi rdul yab bye ba brgya stong phrag bcu rnam par rlob cing 'dzin pa/ rin po che'i dril bu'i dra ba bye ba brgya stong phrag bcu shin tu 'khrol ba/ rin po che'i stegs bu bye ba brgya stong phrag bcus kun nas bskor ba/ rin po che'i shing ta la'i phreng ba bye ba brgya stong phrag bcu kun nas 'greng ba/ rin po che'i phreng ba bye ba brgya stong phrag bcus lda ldir brgyan pa/ rin po che'i shing bye ba brgya stong phrag bcus kun nas yog cing 'khor ba/ khang pa brtsegs pa rin po che'i rgyan can bye ba brgya stong phrag bcus nang gi rgyan du dkrigs pa/ rin po che'i khang bu bye ba brgya stong gi sgo la rin po che thams cad kyi phreng ba bkye ba/ gser gyi dril bu bye ba brgya stong phrag bcu 'khrol ba'i sgra yid du 'ong bar 'byung ba/ dpal gyi be'u bye ba brgya stong phrag bcu'i phreng ba rab tu dbyangs pas yongs su dag pa/ rin po che'i bkra shis bye ba brgya stong phrag bcu'i mtshan bzang po byung ba/ gser gyi dam pa bye ba brgya stong phrag bcu'i gser gyi lcag bod kyis kun tu bltas pa/ rin po che'i gdugs gcig nas gcig tu brgyud pa bye ba brgya stong phrag bcu rin po che thams cad kyi yu bas bzung ba/ rin po che'i rgyan bye ba brgya stong phrag bcus rin po che'i rgyan gyi dra ba </font><hr>Kha135b<br><font size=+1>


thams cad du rnam par bres pa/ rin po che'i 'od zer bye ba brgya stong phrag bcu 'od zer sna tshogs su rab tu 'phro ba/ snang ba bye ba brgya stong phrag bcus kun tu snang bar byed pa/ 'od bye ba brgya stong phrag bcu rab tu 'tsher ba/ nyi ma'i dkyil 'khor gyi snying po bye ba brgya stong phrag bcus gzugs rab tu mdzes shing lus shin tu 'phags pa/ zla ba'i dkyil 'khor bye ba brgya stong phrag bcus kha dog du mar bsgrubs pa/ spos kyi 'od zer bye ba brgya stong phrag bcu rab rib med par snang ba/ lha rdzas kyi pad+mo'i dam pa bye ba brgya stong phrag bcus rab tu bsgrubs shing snying po shin tu 'phags pa/ rin po che'i dra ba bye ba brgya stong phrag bcus snying po kun nas yog par byas pa/ me tog gi dra ba bye ba brgya stong phrag bcu kun nas rgyas par bkram pa/ spos kyi dra ba bye ba brgya stong phrag bcu'i dri sna tshogs kyis kun nas yog pa/ lha rdzas kyi gdan rin po che bye ba brgya stong phrag bcu mdzes par bting ba/ lha rdzas kyi gos rin po che bye ba brgya stong phrag bcus mdzes par bkram pa/ lha rdzas kyi gos kha dog sngon po bye ba brgya stong phrag bcu shin tu brgyan par bting ba/ lha rdzas kyi gos kha dog ser bo bye ba brgya stong phrag bcu rgyan chen por bting ba/ lha rdzas kyi gos kha dog dmar po bye ba brgya stong phrag bcu lha'i dga' bar bting ba/ lha rdzas kyi gos kha dog </font><hr>Kha136a<br><font size=+1>


@#/ /sna tshogs bye ba brgya stong phrag bcu gos kyi rgyan du bting ba/ lha rdzas kyi rin po che sna tshogs kyi gos rnam pa sna tshogs bye ba brgya stong phrag bcu kha dog legs par bting ba/ spos sna tshogs kyis yongs su bsgos pa'i gos bye ba brgya stong phrag bcu gos bzang por bting ba/ rin po che rmad du byung ba thams cad kyi gos bye ba brgya stong phrag bcus yid du 'ong ba'i rgyan du bting ba/ gos dkar po sna tshogs bye ba brgya stong phrag bcus bla gab tu bkab pa/ lha rdzas kyi dril bu'i rgyal mtshan bye ba brgya stong phrag bcus yid du 'ong ba'i sgra phyung ba/ gser gyi dra ba'i rgyal mtshan bye ba brgya stong phrag bcu sgra shin tu 'byin cing yongs su bzung ba/ lha rdzas kyi snam bu rin po che'i rgyal mtshan bye ba brgya stong phrag bcus rgyal mtshan gyi dra ba'i rgyan du brgyan pa/ spos kyi rgyal mtshan bye ba brgya stong phrag bcus spos kyi dra ba thams cad kyi rgyan rnam par dag pa/ lha rdzas kyi me tog gi rgyal mtshan bye ba brgya stong phrag bcu me tog thams cad kyi char du 'bab pa/ lha rdzas kyi gos kyi rgyal mtshan bye ba brgya stong phrag bcus gos thams cad du bskyod pa/ lha rdzas kyi nor bu rin po che'i rgyal mtshan bye ba brgya stong phrag bcus mdzes pa thams cad kyi rgyal mtshan dang ldan par </font><hr>Kha136b<br><font size=+1>


byas pa| lha rdzas kyi lhab lhub kyi rgyal mtshan bye ba brgya stong phrag bcus lhab lhub thams cad kyi rgyal mtshan rnam pa sna tshogs su gyur pa/ lha rdzas kyi phreng ba'i rgyal mtshan bye ba brgya stong phrag bcu phyogs kun nas 'greng ba/ lha rdzas kyi gdugs kyi rgyal mtshan bye ba brgya stong phrag bcu dril bu thams cad 'khrol bas yid du 'ong zhing dga' ba'i sgra phyung ba| lha rdzas kyi dung bye ba brgya stong phrag bcu'i sgra snyan pa phyung ba/ lha rdzas kyi rnga bye ba brgya stong phrag bcus rnga chen po'i sgra shin tu phyung ba/ lha rdzas kyi pi wang bye ba brgya stong phrag bcus yid du 'ong zhing 'brel ba'i sgra phyung ba/ lha rdzas kyi kha sbyar bye ba brgya stong phrag bcus dbyangs chen por sgra bsgrags pa/ lha rdzas kyi sil snyan bye ba brgya stong phrag bcu glu dang rol mor sbyar ba dang ldan pa/ lha rdzas kyi rol mo dbyangs kyi dam pa bye ba brgya stong phrag bcu'i sgra yid du 'ong bas sangs rgyas kyi zhing thams cad du mngon par grags par byas pa/ sprul pa'i rol mo bye ba brgya stong phrag bcus 'jig rten gyi khams thams cad sgra brnyan gyi tshogs lta bur shes par byas pa/ lha rdzas kyi rnga bo che bye ba brgya stong phrag bcu shin tu brdungs pa'i sgra phyung ba/ yid kyi rang bzhin gyi lha rdzas kyi rol mo bye ba brgya stong phrag bcus rol mo'i sgra yid du 'ong ba dang glu'i dbyangs </font><hr>Kha137a<br><font size=+1>


@#/ /snyan pa phyung ba/ lha rdzas kyi rol mor gtogs pa sna tshogs bye ba brgya stong phrag bcus yid dga' ba dang zhi ba'i sgra phyung ba/ tshig gi rim pa yid du 'ong ba bye ba brgya stong phrag bcus bstod cing mchod pa/ bstod pa rgya chen po bye ba brgya stong phrag bcus dga' bar bstod cing mchod pa/ zab mor bstod pa bye ba brgya stong phrag bcu shin tu bsgoms shing bstod pa/ bstod pa sna tshogs bye ba brgya stong phrag bcus las thams cad kyi rnam par smin pa las yongs su byung bar bstod pa/ phra bar bstod pa bye ba brgya stong phrag bcus yang dag pa ji lta ba bzhin du bstod pa/ sngon gyi spyod pas bstod pa bye ba brgya stong phrag bcu mngon par brjod de 'das pas bstod pa/ dge ba'i bstod pa bye ba brgya stong phrag bcus brtan cing bstod pa/ sngon gyi sangs rgyas bsnyen bkur ba'i bstod pa bye ba brgya stong phrag bcus rnam par dag par bstod pa/ chos kyi sgo'i bstod pa bye ba brgya stong phrag bcus mngon par byung bar bstod cing 'jigs pa med par bstod pa/ bstod pa rnam pa tha dad pa bye ba brgya stong phrag bcus byang chub sems dpa' thams cad kyis mi zad par brjod cing bsngags te bstod pa/ byang chub sems dpa'i sa'i glu bye ba brgya stong phrag bcus byang chub sems dpa'i sa thams cad glur </font><hr>Kha137b<br><font size=+1>


brjod cing sbyar ba/ sangs rgyas kyi yon tan bye ba brgya stong phrag bcus thogs pa med par bstod pa/ sangs rgyas mthong ba'i glu bye ba brgya stong phrag bcu glu'i dbyangs su blangs pa/ chos zab mo'i glu bye ba brgya stong phrag bcus thogs pa med par chos kyi snang ba thams cad glu blangs te sbyar ba/ dbyangs rgya chen po'i glu bye ba brgya stong phrag bcus yid du 'ong ba'i sgrar sangs rgyas kyi zhing thams cad du bsgrags pa/ sems dang bsam pa bye ba brgya stong phrag bcu thogs pa med par glur blangs shing rna ba dang bar byas pa/ khams gsum du gtogs pa'i glu bye ba brgya stong phrag bcus chos thams cad kyi rang bzhin rnam par bstan pa/ dga' bar byed pa'i glu bye ba brgya stong phrag bcu thogs pa med pas dad pa dang rim gro rab tu bskyed pa/ sangs rgyas kyi spyod yul gyi glu bye ba brgya stong phrag bcus chos kyi don thams cad gsal bar brjod cing sgra phyung ba/ gzungs kyi glu bye ba brgya stong phrag bcus chos thams cad kyi tshig rab tu dbye ba la mkhas pa dang / de bzhin gshegs pa thams cad kyi gsung gi ldem po dag rab tu rtogs par rnam par ston pa/ chos thams cad kyi glu bye ba brgya stong phrag bcus chos thams cad kyi glu dang / rol mo dang / sil snyan gyi sgra phyung ba dang ldan pa/ byang chub sems dpa' sems dang po bskyed pa bye </font><hr>Kha138a<br><font size=+1>


@#/ /ba brgya stong phrag bcu la thams cad mkhyen pa'i sems kyi stobs dang shugs mthong ma thag tu skye bar byed pa/ byang chub sems dpa' las dang po pa bye ba brgya stong phrag bcu'i sems dga' zhing mos par byed pa/ byang chub sems dpa' rnal 'byor la spyod pa bye ba brgya stong phrag bcu'i mos pa rnam par sbyong ba| byang chub sems dpa' cher skyes pa bye ba brgya stong phrag bcu'i theg pa chen po brtsams pa rgya cher byed pa/ byang chub sems dpa' sbyor ba dang ldan pa bye ba brgya stong phrag bcu'i theg pa chen po brtsams pa yongs su rgyas par byed pa/ byang chub sems dpa' bsam pa dang ldan pa bye ba brgya stong phrag bcu'i byang chub sems dpa'i spyod pa thams cad shin tu sbyong ba/ byang chub sems dpa' phyir mi ldog pa bye ba khrag khrig brgya stong phrag bcu'i byang chub sems dpa'i sa thams cad rnam par sbyong ba/ byang chub sems dpa' gzhon nur gyur pa bye ba brgya stong phrag bcu'i byang chub sems dpa'i ting nge 'dzin thams cad snang bar byed pa/ byang chub sems dpa' rgyal tshab bye ba khrag khrig brgya stong phrag bcu sangs rgyas kyi yul bsam gyis mi khyab pa la 'jug par byed pa/ byang chub sems dpa' dbang bskur ba bye ba khrag khrig brgya stong </font><hr>Kha138b<br><font size=+1>


phrag bcu de bzhin gshegs pa'i stobs gzhal du med pa ston pa/ byang chub sems dpa'i rdzu 'phrul bye ba khrag khrig brgya stong thob par rnam par 'phrul ba/ byang chub sems dpa'i mos pa bye ba brgya stong phrag bcu sgrub cing sbyong pa/ byang chub sems dpa'i dga' ba bye ba brgya stong phrag bcu shin tu skyes pa/ byang chub sems dpa'i dad pa bye ba brgya stong phrag bcu mi shigs par rab tu gzhog pa/ byang chub sems dpa'i shugs bye ba brgya stong phrag bcu rnam par 'phel bar byed pa/ byang chub sems dpa'i rab tu dga' ba bye ba brgya stong phrag bcu'i chos kyi grags pa rnam par 'phel bar byed pa/ byang chub sems dpa'i chos kyi don bye ba brgya stong phrag bcu'i ye shes gdon mi za ba nges par ston pa/ byang chub sems dpa'i dran pa bye ba brgya stong phrag bcu 'khrug pa med par sbyong ba/ byang chub sems dpa'i blo gros bye ba brgya stong phrag bcu'i ye shes gdon mi za ba skyed pa/ byang chub sems dpa'i rigs bye ba brgya stong phrag bcu la sangs rgyas kyi chos thams cad 'dzin par byin gyis rlob pa/ byang chub sems dpa'i blo gros bye ba brgya stong phrag bcu yangs pa'i blo tshad med par ston pa/ byang chub sems dpa'i dad pa bye ba brgya stong phrag bcu rtsa ba brtan par byed pa/ byang chub sems dpa'i gtong ba bye ba brgya </font><hr>Kha139a<br><font size=+1>


@#/ /stong phrag bcu gtong ba thams cad sbyin pas rnam par sbyong ba/ byang chub sems dpa'i tshul khrims bye ba brgya stong phrag bcu tshad med pa'i tshul khrims kyi pha rol tu phyin par sgrub pa/ byang chub sems dpa'i bzod pa bye ba brgya stong phrag bcu sems 'khrug pa med pas sangs rgyas kyi chos thams cad la bzod par 'jug pa/ byang chub sems dpa'i brtson 'grus bye ba brgya stong phrag bcu mtha' yas pa'i brtson 'grus su 'byung bar byed pa/ byang chub sems dpa'i bsam gtan bye ba brgya stong phrag bcu tshad med pa'i bsam gtan rtogs pa'i snang bar byed pa/ byang chub sems dpa'i shes rab kyi pha rol tu phyin pa mngon par sgrub pa bye ba brgya stong phrag bcu shin tu snang zhing shes par byed pa/ byang chub sems dpa'i smon lam bye ba brgya stong phrag bcu'i 'byung ba rnam par sbyong ba/ byang chub sems dpa'i chos kyi sgo bye ba brgya stong phrag bcu'i ye shes snang ba gsal bar byed pa/ phyogs bcu'i sangs rgyas 'byams klas pa bye ba brgya stong phrag bcu'i chos kyi sgo snang ba byin gyis rlob pa/ phyogs bcu 'byams klas pa bye ba brgya stong phrag bcu'i chos kyi tshul rmongs pa med cing gti mug med par smon pa/ chos kyi 'byung gnas bye ba brgya stong phrag bcu rab tu thob </font><hr>Kha139b<br><font size=+1>


par byed pa/ sangs rgyas kyi zhing bye ba brgya stong phrag bcu 'byams klas pa la 'jug par byed pa/ chos kyi lus bye ba brgya stong phrag bcu sangs rgyas kyi zhing thams cad du 'gro bar byed pa| de bzhin gshegs pa'i gsung bye ba brgya stong phrag bcu mngon par sgrub pa rab tu shes pa byed pa/ thams cad mkhyen pa nyid kyi tshul bye ba brgya stong phrag bcu mngon par sgrub pa'i 'byung gnas su gyur pa/ chos 'byams klas pa bye ba brgya stong phrag bcu'i tshogs rab tu sgrub pa/ chos kyi ye shes bye ba brgya stong phrag bcu'i sangs rgyas kyi chos thams cad mthong ba la rgyal mtshan du gyur pa/ de bzhin gshegs pa'i yul bye ba brgya stong phrag bcu yang dag par ston pa'i spyod yul can/ lha'i dbang po bye ba brgya stong phrag bcu mngon par dga' ba'i lus can/ klu'i dbang po bye ba brgya stong phrag bcu mi skyo bar lta ba/ gnod sbyin gyi dbang po bye ba brgya stong phrag bcu thal mo sbyor zhing spyi bo la bzhag pa/ dri za'i dbang po bye ba brgya stong phrag bcu mi ngoms par mos pas ldang ba/ lha ma yin gyi dbang po bye ba brgya stong phrag bcu nga rgyal gyi yid yongs su chud pa/ nam mkha' lding gi dbang po bye ba brgya stong phrag bcu'i kha nas dar shin tu dbyangs pa/ mi'am ci'i dbang po bye ba brgya stong phrag bcu sems rab tu dga' ba/ lto 'phye chen po'i dbang po bye ba brgya stong phrag </font><hr>Kha140a<br><font size=+1>


@#/ /bcus dga' ba'i yid du blta ba/ tshangs pa'i dbang po bye ba brgya stong phrag bcu zhes sa phu dud du gnas pa/ 'jig rten gyi dbang po bye ba brgya stong phrag bcus spyi bo dang lus kyis btud pa/ lha'i dbang po brgya byin la sogs pa bye ba brgya stong phrag bcus shin tu blta ba/ rab mtshe ma'i lha'i rgyal po la sogs pa bye ba brgya stong phrag bcus dga' ba chen po'i sgra phyung ba/ rab dga' ldan gyi lha'i rgyal po la sogs pa bye ba brgya stong phrag bcus rab tu btud pa/ rab 'phrul dga'i lha'i rgyal po la sogs pa bye ba brgya stong phrag bcus phyag bya ba/ dbang byed kyi lha'i rgyal po la sogs pa bye ba brgya stong phrag bcus thal mo sbyar ba/ tshangs pa bye ba brgya stong phrag bcus blta ba| dbang phyug chen po bye ba brgya stong phrag bcus mngon par brjod pa/ byang chub sems dpa' bye ba brgya stong phrag bcus mngon par bstod pa/ lha'i bu mo bye ba brgya stong phrag bcus shin tu mchod pa/ smon lam gyi lha'i bu bye ba brgya stong phrag bcu mngon par dga' ba/ sngon 'grogs pa'i lha bye ba brgya stong phrag bcus sgra phyung ba/ tshangs ris kyi lha'i bu bye ba brgya stong phrag bcus lus thams cad kyi phyag bya ba/ tshangs lha nye phan gyi lha bye ba brgya stong phrag bcus spyi bos 'dud pa/ tshangs pa kun ris kyi lha </font><hr>Kha140b<br><font size=+1>


bye ba brgya stong phrag bcus bskor ba byas pa/ tshangs pa chen po bye ba brgya stong phrag bcus yon tan mtha' yas pa'i mthar phyin pa brgya phrag stong gis shin tu bstod pa'i sgra phyung ba/ kun snang dang ba'i lha bye ba brgya stong phrag bcus 'khor lngas phyag bya ba/ 'od chung gi lha bye ba brgya stong phrag bcus sangs rgyas skye ba shin tu dkon pa'i sgra bsgrags pa/ tshad med 'od kyi lha bye ba brgya stong phrag bcus sangs rgyas legs par gshegs so/ /zhes phyag bya ba/ kun snang dang ba'i lha bye ba brgya stong phrag bcus shin tu bstod cing mngon par dga' ba'i sgra phyung ba/ dge ba'i lha bye ba brgya stong phrag bcus gzhal med khang dang ba can du 'phags pa/ 'od chung gi lha bye ba brgya stong phrag bcus sems dang ba'i lus kyis mngon par 'dud pa| tshad med dge ba'i lha bye ba brgya stong phrag bcus sangs rgyas mthong bar mos shing rang gi lus kyis 'dud pa/ dge rgyas kyi lha bye ba brgya stong phrag bcus mchod pa dang rim gro bya ba| che ba'i lha bye ba brgya stong phrag bcus dge ba'i rtsa ba rjes su dran par bya ba/ chung che'i lha bye ba brgya stong phrag bcus de bzhin gshegs pa che ba'i 'du shes rab tu skyes shing blta ba/ tshad med che ba'i lha bye ba brgya stong phrag bcus dge ba'i chos rtogs shing rim gro cher bya ba/ 'bras bu che ba'i lha bye ba brgya stong phrag bcus lus shin </font><hr>Kha141a<br><font size=+1>


@#/ /tu 'dud pa/ mi che ba'i lha bye ba brgya stong phrag bcus dad pa'i rtsa ba brtan par byas te mngon par brjod cing lus 'dud pa/ mi dros pa'i lha bye ba brgya stong phrag bcus sangs rgyas kyi spyan snga nas thal mo sbyar zhing ngom mi shes par blta ba/ gya nom snang ba'i lha bye ba brgya stong phrag bcus mngon par bltas te lus 'dud pa| shin tu mthong ba'i lha bye ba brgya stong phrag bcus sangs rgyas kyis bstan pa la ngom mi shes par lus dbul ba/ 'og min gyi lha bye ba brgya stong phrag bcus spyi bos 'dud cing mchod pa/ lha sna tshogs bye ba brgya stong phrag bcus dga' ba chen pos snang ba'i sgra phyung ba/ lha bye ba brgya stong phrag bcus shin tu bsam zhing bsgrubs te brgyan pa| lha'i byang chub sems dpa' bye ba brgya stong phrag bcus sangs rgyas kyi gdan bsgrubs pa la byin gyi rlabs rgyun mi gcod pa/ lha'i byang chub sems dpa' chen po bye ba brgya stong phrag bcu me tog thogs pa dang / spos thogs pa dang / phreng ba thogs pa dang / phye ma thogs pa dang / byug pa thogs pa dang / na bza' thogs pa dang / gdugs thogs pa dang / rgyal mtshan thogs pa dang / ba dan thogs pa dang / rin po che thogs pa dang / phyang phrul thogs pa dang / lhab lhub thogs pas mngon par gtor zhing </font><hr>Kha141b<br><font size=+1>


char du phab ste rab tu dgye ba/ lha bye ba brgya stong phrag bcus lha'i khyim mngon par 'phags pa gcig nas gcig tu brgyud pa'i pha rol tu phyin par bya ba/ lha'i gzhal med khang bye ba brgya stong phrag bcu'i lha'i bus dad par bsu ba/ lha'i bu btsun pa bye ba brgya stong phrag bcus lhun shin tu bzung ba/ dbang bskur ba'i lha'i bu bye ba brgya stong phrag bcus lhun kun nas bzung ba/ byang chub sems dpa'i sems bye ba brgya stong phrag bcu legs par sems shing spyod pa/ byang chub sems dpa' btsun pa'i sems bskyed pa bye ba brgya stong phrag bcu'i yid dga' bar byed pa/ byang chub sems dpa'i dbang po bye ba brgya stong phrag bcu rab tu sim par byed pa/ byang chub sems dpa'i lhag pa'i bsam pa bye ba brgya stong phrag bcu yongs su dag par byed pa/ byang chub sems dpa'i mos pa bye ba brgya stong phrag bcu rnam par dag par byed pa/ byang chub sems dpa'i las bye ba brgya stong phrag bcu yang dag par sbyong ba/ byang chub sems dpa'i skyes pa'i rabs bye ba brgya stong phrag bcu rab tu ston par byed pa/ byang chub sems dpa'i chos kyi sgo bye ba brgya stong phrag bcu rab tu snang bar byed pa/ byang chub sems dpa'i sa bye ba brgya stong phrag bcu rab tu sgrub pa/ byang chub sems dpa'i ris bye ba brgya stong phrag bcu yongs su smin par </font><hr>Kha142a<br><font size=+1>


@#/ /'dul pa/ dge ba'i rtsa ba bye ba brgya stong phrag bcus yang dag par byung ba/ sangs rgyas bye ba brgya stong phrag bcus byin gyis brlabs pa/ bsod nams bye ba brgya stong phrag bcus yongs su grub pa/ lhag pa'i bsam pa bye ba brgya stong phrag bcus yongs su sbyangs pa/ smon lam bye ba brgya stong phrag bcus shin tu dag par byas pa/ spyod pa bye ba brgya stong phrag bcus yang dag par skyes pa/ chos bye ba brgya stong phrag bcus nye bar brtan pa/ rnam par 'phrul pa bye ba brgya stong phrag bcus rjes su song ba/ yon tan bye ba brgya stong phrag bcus shin tu 'phags pa bshams so/ /bam po sum cu pa/ ji ltar gling bzhi pa chen po 'di'i dga' ldan gyi gnas su lha'i dbang po rab dga' ldan gyi khang pa nor bu rin po che thams cad kyi rgyan can du de bzhin gshegs pa'i gdan bting bar gyur pa de bzhin du 'jig rten gyi khams thams cad kyi gling bzhi pa chen po dag na'ang dga' ldan gyi gnas dag tu lha'i rgyal po rab dga' ldan gyi khang pa rin po che thams cad kyi rgyan can dag tu rgyan 'di lta bu dang / tshul 'di lta bu dang / dad pa 'di lta bu dang / mos pa 'di lta bu dang / dga' ba 'di lta bu dang / rab tu dga' ba 'di lta bu dang / zhes </font><hr>Kha142b<br><font size=+1>


'di lta bu dang / rim gro 'di lta bu dang / spro ba 'di lta bu dang / nye bar sems pa 'di lta bus de bzhin gshegs pa'i gdan bting bar gyur to/ /de nas lha'i dbang po rab dga' ldan gyis gdan bting nas zhe sa can gyi rim gro dang bcas par dga' ldan gyi ris su gtogs pa'i lha'i bu bye ba brgya stong phrag bcu dang lhan cig tu dong ste bcom ldan 'das bsus nas me tog yon tan grangs med ba'i sprin gyi char ni/ rab tu phab/ spos yon tan bsam gyis mi khyab pa'i char ni/ shin tu phab/ phreng ba yon tan sna tshogs dang ldan pa'i sprin ni/ rab tu bkye/ tsan+dan shin tu dag pa'i sprin yangs pa ni/ rab tu bkye/ gdugs rnam pa sna tshogs kyi sprin gyi char ni/ rab tu phab/ lha rdzas kyi gos rab tu phra ba'i sprin ni/ rab tu bkye/ rin po che yid du 'ong ba mtha' yas pa thams cad kyi sprin gyi char ni/ rab tu phab/ sems shin tu dang bas lha rdzas kyi lhab lhub dang / 'phyang phrul gyi sprin gyi char ni/ rab tu phab/ bdug spos rnam pa du ma'i sprin gyis ni/ kun tu bdugs/ lha rdzas kyi tsan+dan gyi phye ma dang / a ga ru'i phye ma dang / spos dam pa thams cad kyi phye ma'i sprin gyi char ni/ rab tu phab/ lha'i bu mtha' yas pas kyang rang rang gi lus kyi sprin shin tu bkye/ dga' ldan gyi ris su gtogs pa'i lha'i bu bye ba brgya stong </font><hr>Kha143a<br><font size=+1>


@#/ /phrag bcu dang / de ma yin pa'i lha'i ris nas 'dus pa'i lha'i bu rnams kyis kyang sems shin tu dang bas zhes rab tu bskyed nas shin tu btud de phyag 'tshal to/ /lha'i bu mo grangs med pa dag kyang dga' zhing mos pa'i sems kyis bcom ldan 'das la rab tu sems so/ /byang chub sems dpa' dga' ldan gyi gnas na spyod pa grangs med pa rnams kyang bar snang la gnas te sangs rgyas la mchod par brtson pa'i sems kyis lha rdzas las 'das pa'i mchod pas bcom ldan 'das la mchod pa byed do| |rim gro byed do/ /phyag 'tshal lo/ /de'i tshe sangs rgyas kyi byin gyi rlabs dang / sangs rgyas kyi sngon gyi dge ba'i rtsa ba rgyu mthun pa dang / de bzhin gshegs pa'i cho 'phrul bsam gyis mi khyab pas rol mo dkrol ba dang brdung ba'i tshogs grangs med pa yang sgra 'byin par gyur to/ /lha'i bu dga' ldan gyi gnas na 'khod pa dang / lha'i bu mo rnams kyang bcom ldan 'das la ni/ blta/ de bzhin gshegs pa 'byung ba shin tu dkon par ni/ rjes su sems shing / yang dag par rdzogs pa'i sangs rgyas ni/ rnam pa'i mchog thams cad dang ldan pa/ sgrib pa med pa'i chos can no/ /zhes yang dag par lta zhing / de logs su mngon par blta bar gyur to/ /dga' ldan </font><hr>Kha143b<br><font size=+1>


gyi gnas na 'khod pa'i 'khor thams cad dang / lha bye ba brgya stong grangs med pa bcom ldan 'das bsu ba'i phyir rin po che thams cad kyi me tog gi phur ma thogs thogs pa dang spos thams cad kyi phur ma thogs thogs pa dang / rin po che thams cad kyi phur ma thogs thogs pa dang / rgyan thams cad kyi phur ma thogs thogs pa dang / lha rdzas kyi tsan+dan thams cad kyi phye ma'i phur ma thogs thogs pa dang / lha rdzas kyi a ga ru thams cad kyi phye ma'i phur ma thogs thogs pa dang / lha rdzas kyi rin po che thams cad kyi phye ma'i phur ma thogs thogs pa dang / lha rdzas kyi spos kyi me tog thams cad kyi phye ma'i phur ma thogs thogs pa dang / lha rdzas kyi me tog man+dA ra ba'i phur ma thogs thogs pa rnams kyang dong ste bcom ldan 'das la gtor to/ /mngon par gtor to/ /rab tu gtor to/ /lha'i bu dga' ldan gyi gnas su gtogs pa bye ba khrag khrig brgya stong grangs med pa rnams kyang bar snang la 'khod de/ ye shes kyi spyod yul la gzhol ba'i sems kyis spos dang / bdug pa'i sprin gyis bdugs pas bar snang brgyan par byas so/ /sangs rgyas la dga' zhing gzhol ba'i sems kyis lha rdzas kyi me tog thams cad kyi sprin gyi char gyis rab tu brgyan pas bar snang brgyan par byas so/ /de bzhin gshegs pa la zhes </font><hr>Kha144a<br><font size=+1>


@#/ /cher bya ba'i sems kyis lha rdzas kyi gdugs sna tshogs kyi sprin gyis bar snang g.yogs par byas te brgyan par byas so/ /sangs rgyas mchod par gzhol ba'i sems kyis lha rdzas kyi phreng ba sna tshogs kyi sprin rab tu dgye bas bar snang brgyan par byas so/ /sangs rgyas las thos par mos pa'i sems kyis gser gyi dra ba grangs med pa las dril bu sna tshogs kyi dra ba 'khrol zhing sgra 'byin pas yog par byas te bar snang brgyan par byas so/ /de bzhin gshegs pa la yon gyi gnas dam pa yin par 'dzin pa'i sems kyis bla re grangs med pa las rin po che thams cad kyi sen mo do'i sprin lding zhing 'phrul pa'i rgyan gyis bar snang brgyan par byas so/ / sangs rgyas la dge bar 'dun pa'i sems kyis lha rdzas kyi gzhal med khang grangs med par lha rdzas kyi rol mo brdungs pa dang / dkrol ba thams cad kyi sgra yid du 'ong ba phyung bas bar snang brgyan par byas so/ /sangs rgyas skye ba shin tu dkon par dogs pa'i sems kyis lha rdzas kyi na bza' kha dog sna tshogs pa'i sprin dang / na bza' mtshungs pa med pa'i sprin gyi char 'bab pa'i rgyan gyis bar snang brgyan par byas so/ /sangs rgyas la mos pa mtha' yas pa'i sems kyis lha rdzas kyi cod pan grangs </font><hr>Kha144b<br><font size=+1>


med pa'i sprin las cod pan gyi char chen po 'khor zhing 'bab pa'i rgyan gyis bar snang brgyan par byas so/ /sangs rgyas la yid bde ba skyes pa'i sems kyis lha rdzas kyi rin po che kha dog sna tshogs grangs med pa'i sprin las phreng ba sna tshogs kyi char rgyun mi 'chad par 'bab pa'i rgyan gyis bar snang brgyan par byas so/ /lha'i bu bye ba brgya stong grangs med pa yang lha rdzas kyi me tog kha dog tha dad pa grangs med pa lag na thogs te/ me tog zad mi shes pa'i mdzod rab tu bkye nas bcom ldan 'das la mngon par gtor to/ /mos pa'i spos dri zhim po rnyed cing sangs rgyas la dad par gnas pas lha rdzas kyi spos dang / bdug pa kha dog sna tshogs grangs med pa lag na thogs te bcom ldan 'das la phul lo/ /rgyan chen po sprul pa'i sems kyis lha rdzas kyi tsan+dan gyi phye ma kha dog sna tshogs grangs med pa lag na thogs te bcom ldan 'das la mngon par gtor to// dga' ba'i sems kyis bcom ldan 'das kyi zham 'bring du 'brang zhing rin po che'i gdugs kha dog sna tshogs grangs med pa lag na thogs te/ bcom ldan 'das la mngon par 'gebs so/ /sangs rgyas mtha' yas pa la mos pa'i sems rnam par 'phel bas gos rin po che kha dog sna tshogs grangs med pa lag na thogs te bcom ldan 'das </font><hr>Kha145a<br><font size=+1>


@#/ /gshegs pa'i lam gos kyis yog par byas so/ /de bzhin gshegs pa la rim gro bya bar mos pa'i sems kyis lha rdzas kyi rgyal mtshan rin po che sna tshogs kyi kha dog can lag na thogs shing bcom ldan 'das kyi zham ring du 'dong ngo / /sangs rgyas la dga' ba mtha' yas pa rnam par 'phel ba'i sems kyis lha rdzas kyi lhab lhub dang / 'phyang phrul kha dog sna tshogs grangs med pa'i yang grangs med pa lag na thogs te de bzhin gshegs pa la phul lo/ /dad pa mi 'phrog pa'i sems kyis lha rdzas kyi phreng ba grangs med pa lag na thogs te bcom ldan 'das la mngon par gtor to/ /mtshungs pa med pa'i dga' ba rnam par 'phel bas/ lha rdzas kyi ba dan rin po che kha dog sna tshogs grangs med pa'i yang grangs med pa lag na thogs te bcom ldan 'das kyi drung na 'dzin to/ /lha'i bu bye ba khrag khrig brgya stong grangs med pa yang zhi ba la rab tu gzhol zhing bag yod pa tshad med pa'i sems kyis lha rdzas kyi rol mo brdung ba dang / dkrol ba kha dog sna tshogs grangs med pa lag na thogs te yid du 'ong ba'i sgra dbyangs phyung nas bcom ldan 'das dgyes par byed do/ /byang chub sems dpa' bye ba khrag khrig brgya stong brjod du med pa dga' ldan gyi gnas nas 'ongs pa rnams </font><hr>Kha145b<br><font size=+1>


kyang lha rdzas las 'das pa'i mchod pa/ khams gsum las rnam par 'das pa/ dmigs pa'i chos las byung ba/ rjen pa'i dri med pa/ chags pa med pa'i sems tshim par byed pa/ chos kyi tshul zab mos mngon par grub pa/ blo tshad med par yangs pa las byung ba/ dad pa'i rtsa ba brtan pas rnam par spel ba/ dge ba'i rtsa ba bsam gyis mi khyab pa las byung ba/ dge ba'i rtsa ba dang / 'phrul pa grangs med pas mngon par bsgrubs pa/ sangs rgyas kyi mchod pa yid kyi rang bzhin las byung ba/ mngon par 'du bya ba med pa'i chos kyi sgo'i rgyas btab pas chos kyi dbyings thams cad kun nas yog par byas so/ /lha rdzas las 'das pa'i pha rol tu phyin pa las byung ba'i me tog gi bla re sna tshogs kyis chos kyi dbyings kun nas khebs par byas so/ /lha rdzas las 'das pa mos pas rnam par dag pa sangs rgyas thams cad kyi yul rgyas par 'gengs pa'i na bza' sna tshogs mngon par dgab pas chos kyi dbyings brgyan par byas so/ /chags pa med pa'i chos kyi rang bzhin rdo rje la yang dag par zhugs pa'i sems kyis lha rdzas las 'das pa mi skye ba'i chos las byung ba'i dril bu tshom bur bcad pa'i dra bas chos kyi dbyings brgyan par byas so/ /chos thams cad sgyu ma lta bur rtogs pa'i sems kyis lha rdzas las 'das pa'i spos thams cad kyi mchog </font><hr>Kha146a<br><font size=+1>


@#/ /gi bdug pa'i rgyan gyis chos kyi dbyings brgyan par byas so/ /de bzhin gshegs pa bzhugs pas chos kyi dbyings rgyas par bya ba'i sems kyis lha rdzas las 'das pa'i rin po che thams cad kyi khri sangs rgyas kyi gdan du bting ba'i rgyan gyis chos kyi dbyings brgyan par byas so/ /sangs rgyas kyi mchod pa rang bzhin 'gag pa med pa'i sems kyis lha rdzas las 'das pa'i rin po che sna tshogs kyi rgyal mtshan yang dag par bsgrengs pa'i rgyan gyis chos kyi dbyings brgyan par byas so/ /rmi lam lta bu'i chos nyid kyis bsam pa tshim pas lha rdzas las 'das pa'i rin po che sna tshogs kyis sangs rgyas kyi pho brang brgyan pas chos kyi dbyings brgyan par byas so/ /mi gnas pa'i dge ba'i rtsa ba blang ba med pa las byung bas lha rdzas las 'das pa'i rin po che sna tshogs kyi pad+mos kun nas yog pa'i rgyan gyis chos kyi dbyings brgyan par byas so/ /lha rdzas las 'das pa'i spos thams cad kyi mchog gi sprin gyis chos kyi dbyings thams cad rgyas par bya ba dang / me tog kha dog mtha' yas pa sna tshogs kyi sprin dang / na bza' kha dog sna tshogs rnam pa tha dad pa thams cad kyi sprin dang / tsan+dan gyi dri zhim po mtha' yas par 'phro ba thams cad kyi sprin dang / lha rdzas las 'das pa'i rin po che </font><hr>Kha146b<br><font size=+1>


thams cad kyi gdugs rnam pa sna tshogs kyi sprin dang / spos dang bdug pa sna tshogs kyi ngad kun tu ldang ba'i sprin dang / phreng ba yid du 'ong ba thams cad kyi sprin dang / lha rdzas las 'das pa'i lhab lhub rnam par dag pa thams cad kyi sprin dang / byang chub sems dpa' bye ba khrag khrig brgya stong brjod du med pa rang gi lus gtong ba'i sprin dang / sangs rgyas kyi yon tan brjod pa las 'das pas bstod cing bsngags pa'i brjod pa zad mi shes pa'i sprin dang / de bzhin gshegs pa'i bstod pas brjod pa ji lta ba bzhin du yang dag par bsngags pa'i chos ma log pa byung ba/ sangs rgyas kyi stobs mtha' dang dbus med pa las rgyu bas 'gro ba thams cad bde ba'i lam bstan pa dang / tshig rnam par 'byed pa brjod du med pa smos pas chos tshad med pa la gzhol ba'i gzungs kyi rgyud thams cad las byung ba'i tha dad pa yang dag par shes pa la mkhas pa/ mi zad pa dang mi 'jigs pas yid dga' bar gyur pa'i rim gro ngom mi shes pas de bzhin gshegs pa la mngon par bstod pa/ tshig rnam par dbye zhing brjod pas byang chub sems dpa' de dag chos kyi dbyings kyi lus nam mkha'i khams rgyas par byed pa byin gyis brlabs te/ sangs rgyas 'das pa dang / ma byon pa dang / da ltar byung ba thams cad kyis yongs su </font><hr>Kha147a<br><font size=+1>


@#/ /bzung ba'i yid kyi dbang pos mngon par bstod do/ /lha'i ris gzhan dang gzhan nas 'dus pa'i 'khor de dag thams cad dang / sangs rgyas kyi zhing brjod du med pa nas 'dus pa'i byang chub sems dpa'i 'khor rnams kyang de bzhin gshegs pa dgra bcom pa yang dag par rdzogs pa'i sangs rgyas kyi khyu mchog gi mthu phyung ba bsam gyis mi khyab pa yongs su ston cing / de bzhin gshegs pa'i sku yang dag par 'byung ba dang / bsam gyis mi khyab pa'i rdzu 'phrul yang dag par ston pa dang / sems can grangs med pa'i rgyud tshim par mdzad pa dang / sangs rgyas kyi rgyan rnam par phye bas nam mkha'i khams thams cad dang / chos kyi dbyings thams cad rgyas par mdzad pa/ 'gro ba thams cad kyi dge ba'i rtsa ba mtha' yas pa brtan par mdzad pa/ sangs rgyas kyi cho 'phrul gzhal du med pa las byung ba/ tshig gi lam thams cad las yang dag par 'das pa/ byang chub sems dpa' rigs dang ldan pa thams cad kyis mngon par mos par bya ba/ sems can 'dul ba ji lta ba bzhin du tshim par bya ba'i phyir sangs rgyas kyi sku yangs pa rjes su khyab par gyur pa/ dge ba'i rtsa ba brjod pa thams cad rnam par dag pas sangs rgyas kyi yon tan tshad med pa yang dag par ston pa/ de bzhin </font><hr>Kha147b<br><font size=+1>


gshegs pa'i yul rgyun mi 'chad par 'byung ba'i sangs rgyas kyi ting nge 'dzin las byung ba/ 'gro ba thams cad ma lus pa'i lus kyi rjes su bdal ba/ sku'i byin gyi rlabs las mtshams med pa/ yid tshad med pa yongs su mgu bar mdzad pa/ thams cad mkhyen pa nyid kyi rigs rgyun mi gcod pa/ sangs rgyas kyi rnam par spyod pa mtha' dang dbus med pa 'byung ba brnyes pa/ 'das pa dang / ma byon pa dang / da ltar byung ba'i sangs rgyas thams cad kyi rigs su byung ba/ khams dang / mos pa bgrang du med pa thams cad sbyong bar mdzad pa| byang chub sems dpa' thams cad ye shes mngon par sgrub pa la 'jug par mdzad pa/ byang chub sems dpa' thams cad kyi dbang po rab tu dga' bar mdzad pa/ chos kyi sprin gyis nam mkha'i khams thams cad du yog par mdzad pa/ chos kyi dbyings thams cad ma lus par de bzhin gshegs pas 'dul ba'i byin gyi rlabs kyis rlob pa/ sems can thams cad kyi rtog pa bsam pa ji lta ba bzhin du yongs su rgyas par mdzad pa/ mi gnas pa'i ye shes kyi rgyud kyis 'gro ba thams cad las 'phags pa/ ye shes kyi rnam pa thams cad brnyes pa/ sangs rgyas kyi byin gyi rlabs snang ba gzigs pa/ dge ba'i rtsa ba ji ltar bskyed pa bzhin du yang dag par gzigs pa/ sems bskyed pa rgya chen po skye bar mdzad </font><hr>Kha148a<br><font size=+1>


@#/ /pa| 'gro ba thams cad kun tu bzang po thub pa med pa'i ye shes yang dag par rgyu bas byung ba/ 'gro ba dang / zhing thams cad du khyab pa/ chos kyi dbyings thams cad du mi ldog par gshegs pa/ sangs rgyas kyi sku'i rgyud brjod du med pa'i yang brjod du med pa yang dag par ston pa/ bsam pa ji lta ba bzhin du 'khrul pa mi mnga' bar byin gyis rlob pa/ 'gro ba thams cad kyi tshig gi rnam pas yon tan mi zad pa/ sangs rgyas rjes su dran pas chos kyi dbyings thams cad rgyas par mdzad pa| 'jig rten gyi khams mtha' dang dbus med par khyab par mdzad pa/ byang chub kyi sems kyis ji ltar dam bcas pa'i sems can rim gror mdzad pa/ ji ltar brnyes pa'i chos kyi sbyin pa mdzad pa/ sems can ji ltar 'dul ba bzhin du 'dul bar mdzad pa/ mos pa dang bsam pa ji lta ba bzhin du rnam par dag par mdzad pa/ gzugs kyi sku bsam gyis mi khyab par byin gyis rlob pa/ 'gro ba thams cad la gnas pa mi mnga' zhing mnyam pa nyid kyi rjes su bzhud pa/ spyod pa tha dad pa las byung ba/ de bzhin gshegs pa'i stobs bcu bsgribs pa med pa/ mngon par sangs rgyas pa/ thugs la chags pa mi mnga' bas rtag tu mnyam par bzhag cing ma 'dres pa/ ye shes </font><hr>Kha148b<br><font size=+1>


thams cad la rnam par spyod pa/ don dang tshig dang yi ge la dad pa yang dag par ston pa/ ye shes rgya mtsho mtha' dang dbus med pa la bzhugs pa/ yon tan gyi mchog ye shes kyi snying pos byung bas chos kyi dbyings thams cad du sangs rgyas kyi nyi ma shar ba/ 'gro ba thams cad du sngon gyi smon lam zad pa mi mnga' bar chos kyi dbyings kyi rang bzhin la gnas pa/ sangs rgyas kyi rnam par spyod pa ma nyams pa brnyes pa/ bdag gi dang yongs su gzung ba med pas gnas pa mi mnga' ba/ 'jig rten las 'das pa'i chos thams cad 'byung zhing / 'jig rten gyi chos thams cad kyis ma gos pa/ 'gro ba thams cad kyi mi shes pa'i rgyal mtshan yang dag par bcad pa/ 'jig rten thams cad kyi mi shes pa chen po yongs su bsal ba'i gnas su gyur pa/ 'gro ba thams cad snang bar mngon par 'don pa/ 'jig rten thams cad ye shes khyad par du 'phags pa la rab tu gzhog pa/ 'gro ba thams cad nye bar 'tsho ba'i bsod nams yongs su mi zad pa/ byang chub sems dpa' thams cad kyi shes pa thugs su chud pas dad par bya bar 'os pa/ yang dag par rdzogs pa'i sangs rgyas su gzhol ba'i byams pa chen po las byung ba/ thugs rje chen po yang dag par ston pas spyod pa/ sangs rgyas kyi sku brjod du med pa'i chos dang / sangs </font><hr>Kha149a<br><font size=+1>


@#/ /rgyas kyi chos sna tshogs bsam gyis mi khyab pa'i gsung dang dbyangs kyi char 'bebs pa/ sems can gyi bsam pa ji lta ba bzhin du yang dag par tshim par mdzad pa/ sngon gyi mtha' dang / phyi ma'i mtha' dang / da ltar byung ba'i mtha' dmigs pa'i byin rlabs shin tu dag cing bsam gyis mi khyab pas sems can dag par mdzad pa| byang chub sems dpa' thams cad lung bstan pa rgyun mi 'chad pa/ sangs rgyas kyi rigs su dbang bskur bas de bzhin gshegs pa'i rgyud du byung ba/ 'jig rten thams cad du 'khor lo mi ldog par 'khor ba/ 'jig rten thams cad kyi mngon par zhen pa thams cad las 'phags pa/ sangs rgyas kyi zhing dang / chos kyi dbyings thams cad kyi mtha' klas pa la mi gnas pa/ 'gro ba thams cad mnyam pa nyid du thugs su chud pa/ 'jig rten las 'das pa'i bsod nams kyis rnam par dag pa| 'khor ba la mi bzhugs par 'jig rten thams cad du snang bar gyur pa/ btsal ba mi dmigs pas chos kyi dbyings thams cad kyi rang bzhin/ ye shes kyi zla ba de bzhin gshegs pa tshad med pa'i rjes su bzhud pa/ sgyu ma lta bu'i ye shes kyis byin gyis rlob pa/ mig yor lta bu'i ye shes kyis rnam par ston pa/ rmi lam lta bur </font><hr>Kha149b<br><font size=+1>


rjes su dran pa/ sprul pa dang mnyam par byung ba/ sems kyi rang bzhin lta bur 'jig rten sna tshogs thams cad byin gyis rlob pa/ las kyi rnam par smin pa'i tshul dang / bsam pa ji lta ba bzhin du sems can gyi skye mched rnam par phye ba yang dag par ston pa/ sems can gyi dbang po dang mthun par sangs rgyas kyi sku byung ba/ de bzhin gshegs pa'i dmigs pa la sems can grangs med pa'i sems yang dag par gnas pa/ 'jig rten thams cad rten cing 'brel bar 'byung ba rnam par bsten pa'i rang bzhin du chos kyi mtshan nyid kyis yang dag par spyod pa/ ye shes kyi rgyud mtshan nyid med pa'i rang bzhin dang mtshan nyid gcig tu gyur pa/ 'jig rten thams cad kyi rang bzhin gyi mtshan nyid snang ba mngon par sgrub pa'i spyod pa yang dag par ston cing / 'gro ba thams cad gdon par brtson pa/ sangs rgyas kyi spyod yul bla na med pa yang dag par ston pa/ 'jig rten dang zhing thams cad yongs su skyob pas sangs rgyas kyi mtshan ma gzung bar 'jig rten du mngon par byung ba/ 'jig rten gyi nyon mongs pa'i mtshan ma thams cad rnam par bsal ba/ 'jig rten thams cad kyi rjes su dran pa dang / dmigs par 'byor bar gyur pa/ 'khrug pa med par khong du chud par 'gyur ba'i rgyu theg pa chen pos zhal yongs su rgyas pa/ chos thams </font><hr>Kha150a<br><font size=+1>


@#/ /cad kyi don grub pa/ 'gro ba thams cad kyi dge ba'i rtsa bas rnam par phye ba/ nyams pa med pa'i 'phrin las rnam par smin pas rnam par dag pa/ ye shes kyi 'byung gnas dus gsum mnyam pa nyid du thugs su chud pa/ 'jig rten thams cad kyi yongs su rtog pa yongs su mi rtog pas byung ba/ 'jig rten gyi khams thams cad du 'od zer gyi dra bas gsal bar gyur pa/ phyogs bcu 'byams klas pa thams cad du sangs rgyas kyi 'od kyis snang bar mdzad pa/ sangs rgyas thams cad kyi rjes su bzhud pa blta bas mi ngoms shing btang mi bra ba/ yon tan chen po dang / ye shes dang / mngon par shes pa dang / byang chub sems dpa'i spyod pa 'byung ba dang / dbang po mngon par mkhyen pa'i ye shes kyi spyod yul can/ ye shes kyi dkyil 'khor gyis sangs rgyas kyi mdzad pa rgyas par mdzad pa/ sangs rgyas kyi 'phrin las shin tu sgrub pa nub cing / 'das pa dang / ma 'ongs pa dang / da ltar byung ba'i thams cad mkhyen pa'i tshul ston pa/ byang chub sems dpa'i gzungs mtha' yas pa'i char 'bebs pa/ bsam pa yangs pa'i sgom pa yongs su 'dzin par mdzad pa/ sangs rgyas kyi dpal thams cad kyis rab tu 'bar ba/ de bzhin gshegs pa'i sku kha dog mtha' yas pa sna tshogs su 'jig </font><hr>Kha150b<br><font size=+1>


rten thams cad la mngon par ston pa/ sgrib pa'i chos thams cad du ma lhung ba/ chos thams cad kyi rang bzhin gyis don gyis dag pa/ yon tan gyi chos thams cad la mnga' bas mdzes pa'i dkyil 'khor can/ yon tan gyi 'od zer mnga' ba'i nyi mar gyur pa/ bsod nams kyi zhing du shar ba/ gzi brjid thams cad kyi dra bas mngon par skyes pa/ 'jig rten thams cad du sangs rgyas kyis sprul pa yang dag par 'dzin pa/ 'jig rten thams cad sprul par thugs su chud pa'i ye shes snang ba dang ldan pa/ de bzhin gshegs pa'i go 'phang chags pa med pa mnga' ba/ phyi ma'i mtha'i yon tan 'jig rten thams cad kyis rnam par shes pa/ 'gro ba thams cad dang mthun par ston pa'i ye shes kyi phyag mnga' ba/ de bzhin gshegs pa'i ye shes kyi sman pa/ sems can thams cad bde bar mdzad pa/ 'jig rten tshad med pa thams cad du shin tu rnam par dag pas rjes su 'brang ba/ 'gro ba dang zhing 'byams klas pa thams cad du phyir mi ldog pa/ ye shes kyi spyan phugs rab rib med cing rnam par dag pa/ sangs rgyas kyi lo legs pa yang dag par ston pa/ 'khu ba'i sems can gyi khams las su rung bar mdzad pa/ 'dul ba sna tshogs du ma la 'jug pa/ dus bzhin du 'dul ba'i rgyun mi 'chad pa/ </font><hr>Kha151a<br><font size=+1>


@#/ /'gro ba thams cad la mnyam pa'i thugs kyis yang dag par spyod pa las skyon med pa'i rnam par smin pa dang / mya ngan las 'das pa yang dag par ston pa| bsam pa dang / las dang / rgyu mthun pa'i 'bras bu ji lta ba bzhin du sangs rgyas kyi sku rnam par ston pa/ sangs rgyas kyi sku ji lta ba bzhin du sems can gyis chos shes pa 'byung bar mdzad pa/ sangs rgyas kyis sprul pa byin gyis rlob pa/ 'jig rten gyi chos thams cad la rnam par gzigs pa'i ye shes mnga' ba/ dga' ba chen po dang lhag pa'i bsam pas dbang po dga' bar mdzad pa/ sangs rgyas mthong ba'i dad pa'i shugs mtha' yas pas byung ba/ sems can thams cad kyi rang gi dge ba'i rtsa ba phyir mi ldog par mdzad pa/ sems can gyi las ji lta ba bzhin du rjes su 'brang bar mdzad pa/ 'gro ba gnyid kyis log pa thams cad sad par mdzad pa/ sangs rgyas skye bas dge ba yang dag par 'phel bar mdzad pa/ sems can la sangs rgyas kyi bag dbab pa/ chen po stobs pa mdzad pa/ 'jig rten gyi lta ba thams cad la mi gnas pa| ye shes kyi don la rab tu gzhog pa/ rab tu gzhag pa'i ye shes kyi tshul gyi spyod yul thugs su chud pa/ sangs rgyas kyis gzigs pa'i zil gyis non </font><hr>Kha151b<br><font size=+1>


pa'i rgyan gyis brgyan pa/ chos kyi rgyud thugs su chud pa'i ri bo rnam par dag pa/ sangs rgyas 'byams klas pa dang / byang chub sems dpa' gzhan dang gzhan du ston pa/ kha na ma tho ba med pa'i sa la sems can rab tu 'god pa/ sangs rgyas kyi yon tan grangs med pas rnam par bris pa/ las kyis sna tshogs su gyur pa'i 'jig rten du de bzhin gshegs pa sna tshogs yang dag par ston pa/ sangs rgyas kyi 'byung gnas rnam par sbyong ba/ ye shes thams cad yongs su 'thob par mdzad pa/ 'jig rten thams cad kyi smon lam rjes su srung ba/ mi shigs pa/ 'gro ba thams cad la dge ba'i bshes gnyen ston pa/ snang ba dri ma med cing mchog tu dag par mdzad pa/ 'gro ba ma lus pa thams cad kyis ji tsam du mngon sum du mthong ba de tsam du brjod du med pa/ sems can thams cad kyi 'gro ba'i rjes su song ba'i byin gyi rlabs mnga' ba/ grogs sngon du 'gro ba'i dge ba'i rtsa bas sems can rnam par dag par mdzad pa/ 'gro ba thams cad kyi smon lam gyi rjes su song ba/ nyams pa med pa/ sems can thams cad kyi dge ba'i rtsa ba yongs su bzung bas dag par mdzad pa las bsags pa'i tshul gyis yongs su byung ba/ bdud kyi dkrug ma thams cad rnam par 'joms par byung ba/ chags pa </font><hr>Kha152a<br><font size=+1>


@#/ /med pa'i mtha'i stobs kyis byung ba/ 'gro ba thams cad kyis blta na 'od shin tu dang bar snang ba/ ye shes kyi dbyings chags pa med pa'i snying po'i nyi ma sems can gang yang rung ba la chos kyi sbyin pa mdzad pa/ 'od zer gyi dkyil 'khor gyi mdzod mtha' dang dbus med pa/ de bzhin gshegs pa'i stobs kyi ye shes kyi dkyil 'khor mnga' ba/ 'gro ba thams cad la snang bar gyur pa/ bsam pa dang yang dag par rtogs pa thams cad yongs su rdzogs pa/ phyir rgol ba shin tu bcom pa/ yon tan gyi gnas dam pa mchog tu gyur pa/ 'gro ba thams cad kyi rten du gyur pa/ yon tan tshad med par gyur pa/ 'gro ba thams cad yongs su dag par mdzad pa| dge ba'i rtsa ba chung ngu tshad med par yongs su 'dzin pa/ zad mi shes pa'i ye shes kyi sar 'dzud cing rab tu gzhog pa/ 'jig rten thams cad kyi dge ba'i rtsa ba sems la rag lus par yid ches pas tshad med pa'i bsod nams dang yon tan dag par mdzad pa/ ye shes kyi tshul gyis ngan song gsum gyi 'gro ba yongs su skyob pa'o/ /zhes rnam pa de lta bur de bzhin gshegs pa la mos pa/ rnam pa de lta bur yang dag par rdzogs pa'i sangs rgyas la yang dag par lta ba/ rnam pa de lta bur ye shes kyi mu stegs </font><hr>Kha152b<br><font size=+1>


las 'bab pa/ rnam pa de lta bu'i yon tan rgya mtsho'i gang chen mtsho thams cad la 'jug pa/ rnam pa de lta bu'i ye shes kyi nam mkha'i rjes su phyin par rjes su 'gro ba/ rnam pa de lta bur 'gro ba thams cad kyi bsod nams kyi zhing du yang dag pa ji lta bar shes pa/ rnam pa de lta bur de bzhin gshegs pa dran pa'i sgos lta ba/ rnam pa de lta bur dge ba'i 'phrin las rnam par dag pa'i mtshan nyid phun sum tshogs pas de bzhin gshegs pa la rtog pa/ rnam pa de lta bu'i yang dag par rdzogs pa'i sangs rgyas kyi sku chen po 'jig rten gyi khams thams cad du snang bar byed pa/ rnam pa de lta bu'i de bzhin gshegs pa'i sangs rgyas kyi rnam par 'phrul ba thams cad yang dag par bstan pa rjes su sems pa de dag gis de bzhin gshegs pa'i sku bcom ldan 'das kyi ba spu'i sgo re re nas 'od zer bye ba khrag khrig brgya stong grangs med pa 'byung ba/ grangs med par rnam par dag pa/ grangs med par shin tu snang ba/ grangs med par bltar yod pa/ grangs med pa'i sems can gyi dga' ba skyed pa/ grangs med pa'i spro ba skyed pa| grangs med pa'i sangs rgyas la 'dun pa rnam par 'phel bar byed pa/ grangs med pa'i lhag ba'i bsam pa rnam par sbyong ba/ grangs med pa'i dbang po sim par byed </font><hr>Kha153a<br><font size=+1>


@#/ /pa| grangs med pa'i de bzhin gshegs pa'i spyod yul thob par byed pa mang po mthong bar gyur to/ /'od kyi 'khor lo bye ba khrag khrig brgya stong bsam gyis mi khyab pa yang de bzhin gshegs pa'i sku las rnam par 'phrul pa sna tshogs kyis 'phrul zhing 'byung ba/ kha dog bsam gyis mi khyab pa/ mdog bsam gyis mi khyab pa/ 'od bsam gyis mi khyab pa/ chos kyi dbyings mtha' dang dbus med pa thams cad rgyas par byed pa/ sangs rgyas kyi byin gyi rlabs dang / sems can rnam par dag pas dri zhim por rab tu byung ba/ tshigs su bcad pa bye ba khrag khrig brgya stong bsam gyis mi khyab pa yongs su 'dzin pa/ 'jig rten thams cad las rnam par 'das shing / 'jig rten las 'das pa'i dge ba'i rtsa bas yongs su byung ba/ rgyan bye ba khrag khrig brgya stong bsam gyis mi khyab pa/ yang dag par ston pa/ bskal pa bye ba khrag khrig bsam gyis mi khyab par yon tan mi zad pa/ sangs rgyas kyi rnam par 'phrul pa zad mi shes pa las byung ba/ sangs rgyas skye ba brjod du med pa yang dag par ston pa/ ye shes kyi sgo la rab tu gzhog pa/ don yangs pa shin tu ston pa/ sangs rgyas kyi sprul pa brjod du med pa'i tshul yang dag par ston pa/ </font><hr>Kha153b<br><font size=+1>


sangs rgyas kyi yul mtha' dang dbus med pa/ chos kyi dbyings kyis klas pa/ nam mkha'i khams kyi mthar thug pa/ 'jig rten gyi khams thams cad du byin gyi rlabs kyis byung ba/ 'gro ba thams cad rnam par dag pa/ mnyam pa nyid kyi rjes su song ba/ thams cad mkhyen pa chags pa med pa/ mtha' dang dbus med pa'i sangs rgyas kyi spyod pa las byung ba| de bzhin gshegs pa bsam gyis mi khyab pas bsten pa'i dpal yod pa/ rin po che'i 'od 'phro ba bye ba brgya stong bsam gyis mi khyab pa de ltar byung ba mthong bar gyur to| |bcom ldan 'das kyis kyang byin gyi rlabs kyis rgyan smon lam chen po las byung ba'i dge ba'i rtsa ba mtha' yas pa dang / de bzhin gshegs pa mnyes par bya ba'i spyod pas rnam par dag pa dang / sngon gyi bag yod pa las yang dag par byung ba'i thams cad mkhyen pa'i sems chags pa med pa'i dge ba'i rtsa ba las byung ba dang / de bzhin gshegs pa 'byams klas pa 'gro ba thams cad kyi the tshom gcod pa dang / de bzhin gshegs pa mthong ba la sems can tshad med pa rab tu dgod pa dang / dge ba'i rtsa ba'i sgo dang / sangs rgyas kyi cho 'phrul zil gyis non pa med pa la rgya mtsho'i mthas gtugs pa'i sems can gzud par bya ba dang / byang chub sems dpa' bka' bzhin </font><hr>Kha154a<br><font size=+1>


@#/ /byed pa thams cad sangs rgyas kyi zhing kun nas 'dus pa dang / sangs rgyas kyi byin gyi rlabs dang / sangs rgyas kyi chos bsam gyis mi khyab pa yongs su brjod pa'i tshul gyis de bzhin gshegs pa'i 'khor du ji ltar sangs rgyas kyi zhing 'byams klas pa khrag khrig brgya stong brjod du med pa grangs med pa dag na sems ma dad pa rnams dad par bya ba dang / sems dad pa rnams rnam par 'phel bar bya ba dang / sems rnam par 'phel ba rnams rnam par dag par bya ba dang / sems rnam par dag pa rnams yongs su smin par bya ba dang / sems yongs su smin pa rnams 'dul bar bya ba dang / chos zab mo khong du chud par bya ba dang / ye shes snang ba mtha' dang dbus med pa khong du chud par bya ba dang / sems tshad med pa rnams rgya che bar bya ba dang / thams cad mkhyen pa nyid du sems bskyed pa las phyir mi ldog par bya ba dang / chos nyid dang mi 'gal bar bya ba dang / yang dag pa'i mthas mi skrag par bya ba dang / de bzhin nyid rab tu rtogs par bya ba dang / pha rol tu phyin pa rnams kyang rab tu rdzogs par bya ba dang / 'jig rten las 'das pa'i dge ba'i rtsa ba rnam par sbyang bar bya ba dang / dmigs pa thams cad la brtson pa'i sangs rgyas kyi rnam par 'phrul pa yang kun tu </font><hr>Kha154b<br><font size=+1>


bzang po'i tshul du mos par bya ba dang / bdud kyi yul las rnam par ldog par bya ba dang / sangs rgyas kyi yul 'thob par bya ba dang / de bzhin gshegs pa'i chos nyid shes par bya ba dang / ye shes bsam gyis mi khyab pa skye bar bya ba dang / theg pa chen po'i smon lam las phyir mi ldog par bya ba dang / sangs rgyas blta ba las mi 'phang bar bya ba dang / ye shes khong du chud par bya ba tshad med pa rtogs par bya ba dang / sa mtshams med pa'i bsod nams kyi stobs yang dag par yongs su bsgrub par bya ba dang / shin tu dga' ba'i sems bskyed par bya ba dang / the tshom med pa'i sa la 'jug par bya ba dang / kha na ma tho ba med cing yongs su dag pa 'thob par bya ba dang / thams cad mkhyen pa nyid la brten pa so sor thob par bya ba dang / chos mthong ba las phyir mi ldog par bya ba dang / byang chub sems dpa' thams cad kyi tshogs kyi rjes su 'jug par bya ba dang / dus gsum gyi sangs rgyas thams cad kyi rigs grub par bya ba de lta de ltar bcom ldan 'das kyis thugs rje chen po kun tu khyab pa dang / thams cad mkhyen pa'i ye shes kyi phung po chen pos byin gyi rlabs kyi rgyan rnam pa tha dad pa mang po yang dag par bstan to/ /de ltar bcom ldan 'das kyis sems can thams cad 'dul ba'i dbang du sangs rgyas kyi bdag nyid che ba brjod pa'i </font><hr>Kha155a<br><font size=+1>


@#/ /phyir chags pa med pa'i ye shes kyi snying po rab tu snang bas sangs rgyas kyi dpal mtha' yas pa rab tu 'bar ba/ sangs rgyas kyi cho 'phrul bsam gyis mi khyab pas rnam par snang ba thams cad du bzhugs pa'i de bzhin gshegs pa'i skus rnam par 'phrul pa mtha' dang dbus med pa'i cho 'phrul gyi mthu dang ldan pa/ dgongs pa yongs su rdzogs pa'i sngon gyi smon lam gyis yongs su grub pa'i ye shes kyi rnam par gnon pas de bzhin gshegs pa'i gshegs stabs phun sum tshogs pa/ chos kyi dbang phyug brnyes pas chos thams cad la mnga' ba dang ldan pa/ thams cad mkhyen pa nyid kyi sgo nas byung ba'i de bzhin gshegs pa'i sku rnam par dag pas shin tu sbyangs pa mnga' ba| 'das pa dang / ma byon pa dang / da ltar byung ba'i sangs rgyas thams cad dang mnyam pa nyid du gyur pa/ dge ba'i rtsa ba thams cad kyis snying po shin tu sbyangs pa/ 'gro ba thams cad kyi dpes dper mi 'gyur ba'i sku gzugs mnga' ba/ mtshan thams cad kyi lo ma shin tu 'phags pa'i sku can/ stobs bcu'i rgyal mtshan gyi stobs chen po dang ldan pa| bskal pa mi zad pa thams cad du blta bas mi ngom pa/ sngon gyi dge ba'i rtsa ba ston pa'i dbyangs kyis ye shes kyi nga ror gyur pa/ byang chub sems dpa' thams cad </font><hr>Kha155b<br><font size=+1>


kyi dkyil 'khor mi zad pas 'gro ba thams cad la nyi ma'i dkyil 'khor du gyur pa/ yon tan thams cad kyi rgyal po chos thams cad kyi srid la mnga' ba'i phyir dus gsum snang bar byed pa'i gsung mnga' bas byin gyi rlabs kyi rgyan sngon gyi dge ba'i rtsa ba'i tshogs las yang dag par byung ba'i byin gyis brlabs so/ /de nas lha'i rgyal po rab dga' ldan gyis tshul 'di lta bur de bzhin gshegs pa la mchod pa dang / rim gro dang / rgyan kun tu bshams pa byas te dga' ldan gyi ris kyi lha bye ba brgya stong grangs med pa dang lhan cig tu zhes can rim gro dang bcas par bcom ldan 'das gang na ba der thal mo sbyar te phyag 'tshal nas bcom ldan 'das la 'di skad ces gsol to/ /bcom ldan 'das/ gshegs su gsol/ bde bar gshegs pa/ gshegs su gsol/ de bzhin gshegs pa dgra bcom pa yang dag par rdzogs pa'i sangs rgyas bde bar gshegs sam/ de nas bcom ldan 'das lha'i rgyal po rab dga' ldan gyis spyan drangs nas sangs rgyas kyi rgyan rnam pa 'di lta bu dang / sangs rgyas kyi bdag nyid che ba 'gro ba thams cad la mdzes pa/ byang chub sems dpa' thams cad mos pa/ dga' ldan gyi ris kyi lha'i bu thams cad mngon par dga' ba/ lha'i rgyal po rab dga' ldan gyis mi ngoms par rim gror bya zhing / tshad med pa'i sems can sangs </font><hr>Kha156a<br><font size=+1>


@#/ /rgyas la dmigs par brtson pa bskyed pa/ tshad med pa'i sems can sangs rgyas su dge ba'i rtsa ba bskyed pa/ mi zad pa'i bsod nams dang ldan par gyur pa| dad pa dri ma med pa'i tshogs kyis bsags pa/ de bzhin gshegs pa'i zhal blta ba dang / mchod pas skyo bar mi 'gyur ba/ lhag pa'i bsam pa dge ba'i tshogs kyis yang dag par bsdus pa/ thams cad mkhyen pa'i dge ba'i rtsa ba dang / smon lam dang / sems bskyed pa las byung bas khang pa rin po che thams cad kyis brgyan par gshegs so| |ji ltar bcom ldan 'das 'dir gshegs pa de bzhin du 'jig rten gyi khams thams cad kyi gling bzhi pa dang / dga' ldan gyi gnas dag tu yang gshegs par snang ngo / /bcom ldan 'das rin po che thams cad kyis brgyan pa'i khang par gshegs ma thag tu de'i tshe rin po che thams cad kyis brgyan pa'i khang pa rin po che'i rgyan las shin tu 'das par gnas so/ /lha rdzas las 'das pa'i rin po che thams cad kyi dra bas kun nas yog par gnas so/ /lha rdzas las 'das pa'i rin po che thams cad kyi sprin gyi char mngon par 'bab par gnas so/ /lha rdzas las 'das pa'i rin po che thams cad kyi rgyan gyi sprin gyis brgyan par gnas so/ /lha rdzas las 'das pa'i gos thams cad kyi </font><hr>Kha156b<br><font size=+1>


sprin rab tu gtong bar gnas so/ /lha rdzas las 'das pa'i tsan+dan thams cad kyi sprin chen po rab tu gtong bar gnas so/ /lha rdzas las 'das pa'i dri thams cad kyi mchog dang / bdug pa 'thul ba'i sprin gyi char rab tu 'bab par gnas so/ /lha rdzas las 'das pa'i rin po che sna tshogs thams cad kyi sprin rnam pa tha dad pa'i char rab tu 'bab par gnas so/ /lha rdzas las 'das pa'i me tog mang po'i sprin gyi tshogs kyi char rab tu 'bab par gnas so/ /lha rdzas las 'das pa'i sil snyan dang / brdung ba bye ba brgya stong bsam gyis mi khyab pa'i sgra rab tu 'byin par gnas so/ /thams cad mkhyen pa'i chos kyi dbyings su grag pa'i rol mo'i sgra dang / glu'i dbyangs kyang rab tu 'gyed par gnas par gyur te/ ji ltar bcom ldan 'das gshegs pa de bzhin du 'jig rten gyi khams thams cad kyi gling bzhi pa dang / dga' ldan gyi gnas dag tu'ang rin po che thams cad kyis brgyan pa'i khang par gshegs par snang ngo / /de nas lha'i rgyal po rab dga' ldan gyis lha'i gnas thams cad du lha'i rgyal po rab dga' ldan gyis de bzhin gshegs pa la gsol ba btab bo/ /zhes sgra brjod do/ /de nas sangs rgyas kyi mthus lha'i rgyal po rab dga' ldan la bar chad du mi 'gyur ba dang / sngon gyi </font><hr>Kha157a<br><font size=+1>


@#/ /dge ba'i rtsa ba'i tshogs dang / tshad med pa'i dge ba'i rtsa bas brtan pa dang / mtha' yas par sems bskyed pa'i dad pa rnam par 'phel ba dang / shugs chen po yang dag par bskyed pa dang / dga' ba chen po shin tu bskyed pa dang / dge ba'i bsam pa rnam par sbyangs pa dang / thams cad mkhyen pa nyid du sems bskyed pas dga' bar bya ba dang / chos la bar chad med pa'i yid du 'gyur bar bya ba dang / chos rnams mi nyams par bya ba'i phyir dga' ldan gyi gnas kyi glu dang / rol mo brdung ba dang / dkrol ba'i sgra rgyun mi 'chad par gyur to/ /de nas lha'i rgyal po rab dga' ldan gyis sangs rgyas kyi mthus sngon gyi yang dag par rdzogs pa'i sangs rgyas rnams la dge ba'i rtsa ba bskyed pa de dag rjes su dran nas de'i tshe tshigs su bcad pa 'di dag smras so/ /bkra shis dam pa gang zhig gis/ /chags pa med pa'i zla bar mtshan gsol mtshan btags pa/ /pho brang mchog tu rab gshegs pa/ /des ni 'di yang bkra shis legs gyur cig /bkra shis dam pa gang zhig gis/ /ye shes mtha' yas dbang zhes bya bar mtshan btags pa/ /kha dog gser du rab gshegs pa/ /des ni 'dir yang bkra shis legs gyur cig/ bkra shis dam pa gang zhig </font><hr>Kha157b<br><font size=+1>


gis| |kun tu mtha' yas spyan zhes bya bar mtshan btags pa/ /pad+mo'i rtse mor rab gshegs pa/ /des ni 'dir yang bkra shis legs gyur cig /bkra shis dam pa gang zhig gis| |yan lag rin po che zhes bya bar mtshan btags pa/ /rin chen mdzod du rab gshegs pa/ /des ni 'dir yang bkra shis legs gyur cig /bkra shis dam pa gang zhig gis| |dpal rab rgol ba'i stag ces bya bar mtshan btags pa/ /dbang po'i khang par rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /yon tan thams cad ston pa'i nyin mtshan btags pa/ /me tog snying por rab gshegs pa/ /des ni 'dir yang bkra shis legs gyur cig/ bkra shis dam pa gang zhig gis/ /yan lag 'od zer mtha' yas par ni mtshan btags pa/ /shing gis brgyan par rab gshegs pa/ /des ni 'dir yang bkra shis legs gyur cig/ bkra shis dam pa gang zhig gis/ /mgon po the tshom 'joms pa chos kyi rgyal mtshan de/ /rin chen khang par rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /mi yi seng+ge ye shes sgron ma mtha' yas pa/ /spos kyi rtse mor rab gshegs pa/ /des ni 'dir yang bkra shis </font><hr>Kha158a<br><font size=+1>


@#/ /legs gyur cig /bkra shis dam pa gang zhig gis/ /sangs rgyas yon tan kun gyi 'byung gnas 'od mnga' ba/ /nor bus brgyan par rab gshegs pa/ /des ni 'dir yang bkra shis legs gyur cig /ji ltar lha'i rgyal po rab dga' ldan gyis sangs rgyas kyi mthus sngon gyi yang dag par rdzogs pa'i sangs rgyas rnams kyi yon tan brjod de glu'i dbyangs su tshigs su bcad pas rgyal ba gshegs pa mngon par bstod pa de bzhin du 'jig rten gyi khams thams cad na yang lha'i rgyal po rab dga' ldan rnams sangs rgyas kyi byin gyi rlabs kyis glu'i dbyangs su tshigs su bcad cing / sngon gyi yang dag par rdzogs pa'i sangs rgyas rnams kyi yon tan rjod par byed cing / rgyal ba gshegs pa la yang mngon par bstod par gyur to/ /de nas bcom ldan 'das chos kyi sku shin tu rnam par dag pa'i sku dang / 'das pa dang / ma byon pa dang / da ltar byung ba'i yang dag par rdzogs pa'i sangs rgyas thams cad dang rigs gcig tu gyur pas rnam par 'phrul pa dang / rgyud kyi tshul gcig tu gyur bas sangs rgyas thams cad kyi rjes su thugs su chud pa'i thams cad mkhyen pa nyid dang / chos thams cad la bsgribs pa med par khyab pa'i sangs rgyas </font><hr>Kha158b<br><font size=+1>


kyi spyan dang / chos kyi dbyings mtha' dang dbus med pa thams cad du sangs rgyas kyi byin gyi rlabs rgyun mi 'chad pa dang / sems can 'dul ba ji lta ba bzhin du yongs su khyab pa'i sangs rgyas kyi cho 'phrul dang / de bzhin gshegs pa'i sku bsgribs pa med pa'i rgyan gyis yang dag par brgyan pa dang / dus bzhin du byung ba'i chos bstan pa/ byang chub sems dpa' brjod du med pa sangs rgyas kyi zhing sna tshogs nas lhags pa'i 'khor gyi dkyil 'khor rnam par dag pa dang / de bzhin gshegs pa'i skus yang dag par spyod pa/ gnyis su med pa'i chos kyi sku la gnas pa'i sangs rgyas khyu mchog gi mthu phyung bas/ rin po che thams cad kyis brgyan pa'i khang par gshegs nas gdan bting ba la skyil mo krung bcas te bzhugs so/ /ji ltar bcom ldan 'das bzhugs pa de bzhin du 'jig rten gyi khams thams cad du yang bzhugs par gyur te/ ji ltar bcom ldan 'das rin po che thams cad kyis brgyan pa'i khang par gshegs pa dang / byon pa'i tshe sangs rgyas kyi rim gro dang / mchod pa byas shing rgyan gyis brgyan pa de dag thams cad pas/ de bzhin gshegs pa gdan de la bzhugs pa'i tshe grangs med pa'i yang grangs med pa'i rnam par lha rdzas las 'das pa'i me tog dang / phreng ba dang / byug pa dang / spos dang / phye ma dang / na bza' </font><hr>Kha159a<br><font size=+1>


@#/ /dang / gdugs dang / rgyal mtshan dang / ba dan dang / rin po che dang / rol mo brdung pa dang / dkrol ba dang / glu dang / bstod pa dang / rje sa dang / rim gro dang / dad pa dang / dga' ba dang / thal mo sbyar ba dang / lha rdzas las 'das pa rnam pa grangs med pa'i rgyan dang / lha rdzas las 'das pa rnam pa grangs med pa'i bstod pa dang / lha rdzas las 'das pa rnam pa grangs med pa'i sprin gyi char 'bab pa dang / lha rdzas las 'das pa rnam pa grangs med pa'i gdugs gcig nas gcig tu brgyud de bsgreng ba dang / lha rdzas las 'das pa rnam pa grangs med pa'i rgyal mtshan la ba dan dpyangs pa dang / shin tu dpyangs pa grangs med pas sbyar ba/ lha rdzas las 'das pa'i yo byad kyi tshul dang bsam pa rgya chen po rnam par 'phel bas sangs rgyas mnyes par bya ba dang / mdzes pa'i rgyan rnam par dag par thams cad kyi rin po che'i dri thams cad dang / phyogs brgyan pa'i spos kyi sprin chen po dang / rim gro'i rnam pa sna tshogs rgya che zhing yid du 'ong bas sangs rgyas la mchod pa dang / 'jig rten gyi khams thams cad rim gro la brtson pas de bzhin gshegs pa gdan la bzhugs pa'i tshe grangs med pa'i rgyun du mchod pa byas so/ /de bzhin du 'jig rten gyi khams thams cad kyi dga' ldan </font><hr>Kha159b<br><font size=+1>


gyi gnas dag tu yang mchod pa byas par gyur to/ /shin tu rgyas pa chen po'i mdo/ sangs rgyas phal po che zhes bya ba las/ de bzhin gshegs pa dga' ldan du bzhud pa dang / gshegs pa dang / bzhugs pa'i rgyan ces bya ba'i le'u ste/ nyi shu brgyad pa'o// //bam po sum cu gcig pa/ de nas sangs rgyas kyi mthus phyogs bcu kun nas byang chub sems dpa' bcu mngon par lhags te/ byang chub sems dpa' de dag so so nas 'jig rten gyi khams sangs rgyas kyi zhing stong phrag bcu'i rdul shin tu phra ba snyed kyi pha rol nas 'ongs par gyur pa dag ste/ byang chub sems dpa' de dag re re zhing yang sangs rgyas kyi zhing stong phrag bcu'i rdul shin tu phra ba snyed kyi byang chub sems dpa' dag dang lhan cig tu phyin to/ /byang chub sems dpa' de dag thams cad kyang ming 'di zhes bya ba dag ste/ 'di ltar rdo rje'i rgyal mtshan dang / dam pa'i rgyal mtshan dang / dpa' ba'i rgyal mtshan dang / skar ma'i rgyal mtshan dang / ye shes kyi rgyal mtshan dang / rin po che'i rgyal mtshan dang / rdul dang bral ba'i rgyal mtshan dang / dri ma med pa'i rgyal mtshan dang / dpal gyi rgyal mtshan dang / chos kyi rgyal mtshan zhes bya ba dag go /byang chub sems dpa' de dag thams cad kyang 'jig rten </font><hr>Kha160a<br><font size=+1>


@#/ /gyi khams ming 'di zhes bya ba dag nas 'ongs par gyur pa dag ste/ 'di ltar rin po che'i snying po dang / yid du 'ong ba'i snying po dang / dngul gyi snying po dang / gser gyi snying po dang / nor bu'i snying po dang / rdo rje'i snying po dang / pad+mo'i snying po dang / ut+pa la'i snying po dang / tsan+dan gyi snying po dang / spos kyi snying po zhes bya ba dag go / byang chub sems dpa' de dag thams cad kyang de bzhin gshegs pa'i mtshan 'di zhes bya ba dag gi zham 'bring na tshangs par spyod pa dag ste/ 'di ltar shin tu 'phags pa'i dpal dang / g.yo ba med pa'i dpal dang / bcings pa med pa'i dpal dang / spyod pa'i dpal dang / 'od zer gyi dpal dang / mtha' las rgal ba'i dpal dang / mchog gi dpal dang / dbang phyug gi dpal dang / tshangs pa'i dpal dang / shin tu bsags pa'i dpal zhes bya ba dag go /de nas byang chub sems dpa' de dag bcom ldan 'das la phyag 'tshal nas phyogs bcu rgyas par byas te/ gang nas 'ongs pa'i phyogs su brten nas seng+ge'i khri rin po che'i snying po can/ nor bu sna tshogs dang ldan pa dag mngon par sprul te gser gyi dra bas g.yogs pa'i lus dang / 'od zer bye ba khrag khrig brgya stong grangs med pa gtong pa dang / dri ma med pa'i 'od gtong pa </font><hr>Kha160b<br><font size=+1>


dang / tshad med pa'i 'od rab tu bskyed pa dang / bsam pa rnam par dag pa'i rin po che yang dag par 'dzin pa'i gzugs dang / byang chub sems dpa'i bsam pa kha na ma tho ba med pa las byung ba'i smon lam dang / 'gro ba thams cad kyis blta na yid du 'ong ba dang / blta na don yod par sems can gdul ba dang / rnam par dag pa'i chos kyis sangs rgyas kyi rnam par 'phrul pa yongs su ston pa dang / 'gro ba thams cad yongs su bskyab par byang chub sems dpa'i rtse gcig tu smon lam btab pas skyil mo krung bcas te 'khod do/ /byang chub sems dpa' de dag thams cad kyang 'di lta ste/ chags pa med par spyod pas sangs rgyas kyi zhing thams cad du 'gro ba dang / 'di lta ste/ gnas pa med pa'i lus dang / 'di lta ste/ tshad med pa'i lus kyis kun tu 'gro ba'i ye shes kyi lus kyi byin gyi rlabs dang / 'di lta ste/ mtha' dang dbus med pa'i sangs rgyas kyi rnam par 'phrul pa bsam gyis mi khyab pa la 'jug pa dang / 'di lta ste/ thams cad mkhyen pa'i sgo 'byams klas pa tshad med par gyur pa dang / 'di lta ste/ chos la mi 'jigs par mkhas pa'i snang ba mtha' yas pa dang / 'di lta ste/ phyi ma'i mtha'i bskal par mi zad pa'i tha dad pa yang dag par shes pa'i tshul bshad pa dang / </font><hr>Kha161a<br><font size=+1>


@#/ /'di lta ste/ gzugs thams cad kyis snang bar byas pa'i ye shes kyi phung bo rab tu rgyas pa dang / 'di lta ste/ chos kyi dbyings rgyas par gyur pa'i shes rab kyi mig rnam par dag pa'i spobs pa dang / 'di lta ste/ nam mkha'i dbyings kyis klas par ye shes kyi spyod yul yongs su gnas pa dang / mtshams med cing mtha' yas pa'i sangs rgyas rnams kyi spyod pa dang ldan pa rab tu thob par gyur pa dag go/ ji ltar gling bzhi pa 'di'i dga' ldan gyi gnas su byang chub sems dpa' 'dus pa gyur pa de bzhin du 'jig rten gyi khams thams cad kyi gling bzhi pa dang / dga' ldan gyi gnas dag tu yang byang chub sems dpa' ming de skad ces bya ba dag 'jig rten gyi khams ming de skad ces bya ba dag nas de bzhin gshegs pa'i mtshan de skad ces bya ba dag gi zham ring na tshangs par spyod pa sha stag 'ongs par gyur to/ / de nas bcom ldan 'das kyi zhabs pus mo'i lha nga gnyis nas 'od zer bye ba khrag khrig brgya phrag stong byung ste/ phyogs bcu thams cad snang bar byas nas 'jig rten gyi khams thams cad bstan to/ /de nas byang chub sems dpa' de dag gis 'jig rten gyi khams de dag gi gling bzhi pa thams cad dang / dga' ldan gyi </font><hr>Kha161b<br><font size=+1>


gnas thams cad na de bzhin gshegs pa'i rnam par 'phrul pa yod par mthong bar gyur to/ /byang chub sems dpa' de dag ji snyed kyis phyogs bcur chos kyi dbyings kyis klas pa'i 'jig rten gyi khams kyi mthar thug pa dag na de bzhin gshegs pa'i rnam par rol pa mthong bar gyur pa de dag thams cad de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad kyi sngon byang chub sems dpa'i spyod pa la dge ba'i rtsa ba'i grogs su gyur pa dag ste/ 'di ltar sangs rgyas kyi rnam par thar pa zab mos rnam par 'phrul ba la mos pa sha stag go/ chos kyi dbyings kyi lus tha dad pa med pa'i rjes su song ba sha stag go/ gnas med pa'i sangs rgyas kyi zhing du 'gro ba'i rjes su song bas rab tu zhugs pa sha stag go /sangs rgyas bsam gyis mi khyab pa lta ba la rjes su gzhol ba sha stag go /chags pa med pa'i sems skad cig gis chos kyi dbyings khyab par byed pa sha stag go /bsam pa rin po che rdul dang bral ba dang ldan pa sha stag go /brjod du med pa'i sangs rgyas mang po dang 'grogs pa dang ldan pa sha stag go /sangs rgyas kyi byin gyi rlabs grangs med pa dang ldan pa sha stag go/ yang dag pa spyod pa'i mchog gi pha rol tu phyin pa sha </font><hr>Kha162a<br><font size=+1>


@#/ /stag go /bla na med pa yang dag par rdzogs pa'i byang chub kyi dran pa rnam par dag pa la gnas pa sha stag go / blo dang sems skad cig thams cad kyis cher 'phags pa rab tu thob pa sha stag go /chung ngur zhugs shing cher gyur pa'i spyod pa la dbang ba sha stag go / cher gyur pa la zhugs shing chung ngur 'jug pa'i rjes su chud nas ye shes kyi spyod pa'i pha rol tu phyin pa sha stag go /de lta bu'i gnas dang / sangs rgyas kyi sku'i rang bzhin rjes su rtogs pa dang / de bzhin gshegs pa dang 'grogs shing thams cad mkhyen pa nyid thob pa'i byang chub sems dpa' rnams dang / rin po che sna tshogs ltar grub pa'i lus dang / de bzhin gshegs par gyur pa'i spyod yul thams cad du 'gro ba dang / ye shes chen po'i rgyud kyi sgo rnam par phye ba dang / ye shes kyi stobs rdo rje'i rgyal mtshan gyi mthu'i mchog thob pa dang / rdo rje gcod pa'i ting nge 'dzin gyi tshul rab tu thob pa dang / sems can bye ba khrag khrig brgya stong grangs med pa rnams yongs su smin par gdul ba la rmongs pa med pa dang / sangs rgyas kyi rnam par 'phrul ba thams cad du 'gro ba gdon mi za ba'i mchog thob pa dang / bgrang ba thams cad la mngon </font><hr>Kha162b<br><font size=+1>


par ma chags pa dang / bgrang ba mngon par sgrub pa thams cad shin tu bslab pa dang / bgrang ba'i shes pa thams cad kyis mthar thug cing chos rnam par dgod pa la mkhas pa 'di dag dang / gzhan yang yon tan bye ba khrag khrig brgya stong brjod du med pa/ yon tan bsngags pa rnam par dag pa mi zad pas byang chub sems dpa' rnams kyi dus gsum gyi yon tan tshad med pa dang ldan pa sha stag de bzhin gshegs pa mngon sum du bya ba dang / sangs rgyas 'byams klas pa thams cad blta ba'i phyir kun nas 'dus par gyur to/ /de nas byang chub sems dpa' rdo rje'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad pa 'di dag smras so/ /yang dag sangs rgyas skye ba med/ /rgyal ba mya ngan mi 'da' ste/ /rgyu mthun pa yi smon lam gyis/ /des ni rnam par 'phrul pa snang / /'di dag chos ni bsam mi khyab/ /'di dag sems kyi spyod yul min/ /gang gis ye shes pha rol phyin/ /des ni sangs rgyas spyod yul mthong / /lus 'di yang dag sangs rgyas min| |sgra yang de bzhin gshegs pa min/ /lus dang sgra las gzhan na yang / /sangs rgyas rnam par 'phrul mi mthong / /sngon gyi las rnams ma gtogs par/ /rang </font><hr>Kha163a<br><font size=+1>


@#/ /byung rnams kyi spyod yul gyi/ /mchog gi tshul rnams shes pa ni/ /blo zhan rnams kyis mi nus so/ /yang dag sangs rgyas rnam 'phrul 'di/ / gang dag nas kyang ma 'ongs te/ /gang du'ang 'gro bar mi 'gyur ro/ /'di dag rang byung sku yin no/ /tshad med shin tu 'dren pa rnams/ /chos 'di rab tu bshad mdzad kyang / /chos la gnas pa gang yang med/ /zhing rnams bye ba kun na snang / /mkhyen pa mtha' dang dbus med de/ /chos kun thugs su chud cing rtogs/ / chos kyi dbyings la rab zhugs nas/ /rnam par 'phrul pa ston pa mdzad/ /chos rnams kun la chags pa med/ /'gro la de ni bsgribs mi mnga'/ /tshad med pa yi yon tan gyis/ /zhing rnams kun na rab tu snang / /gang zhig ye shes 'di dag dang / /ye shes thams cad rtogs 'dod pas/ /bsam pa rnam par sbyangs byas te/ / byang chub spyod pa spyad par bya/ /drang srong chen po'i byin gyi rlabs/ /'di 'dra gang gis mthong gyur cing / /de ni the tshom mi byed na/ /dge bshes mchog la brten pa yin/ /de nas byang chub sems dpa' dam pa'i rgyal mtshan gyis sangs rgyas kyi byin gyi rlabs kyis phyogs bcur rnam par bltas nas de'i tshe tshigs su bcad pa </font><hr>Kha163b<br><font size=+1>


'di dag smras so/ /shin tu zab ste brjod du med/ /brjod du yod kyang 'da' bar dka'/ /tshig gi lam las shin tu 'das/ /nam mkha' la ni rgyal ba snang / /de bzhin gshegs pa'i byin rlabs kyis/ /mi yi seng+ge mthong bar 'gyur/ /yang dag sangs rgyas rtogs mad \ MED\ kyang / /rgyal ba rnam par rtog par snang / /'jig rten mgon pos chos nyid dngos/ /zab mo 'di dag yang dag bstan/ /gang zag mtshungs pa med pa yi/ /des ni sku 'dir rab tu 'byung / /thams cad gzigs kyi spyod yul gyi/ /ye shes chen po 'di 'dra ste/ /'di la gang zhig rtogs 'dod pa/ /des na rgyal ba mngon du byos/ /yid kyi dbang po rnam dag pas/ /de bzhin gshegs pa bsnyen bkur zhing / /'di yi tshul las 'da' byed tshe/ /nam yang skyo bar mi bya'o/ /mi zad pa yi bsod nams dang / /byang chub sems kyis brtan pa rnams/ /the tshom rnam par bzlog byas te/ /de dag la ni skyo med ltos/ /rgyal sras gang gis chos dbyings kyi/ /shin tu bstan pa'i mthar phyin pa/ /des ni kun gzigs rnam 'phrul ba/ /'di dag shin tu 'da' bar bya |dad pa chos 'di'i rtsa ba zhes/ /chos kyi phung pos bshad mdzad kyi/ /dad pa shin tu cher bskyed la/ /byang chub spyod pa spyad par gyis/ /sangs rgyas bsti stang gang </font><hr>Kha164a<br><font size=+1>


@#/ /byed cing / /de bzhin gshegs la drin gzo ba/ /yang dag sangs rgyas dpal ldan las/ /de dag rgyang mar mi gnas so/ /bdag nyid che ba 'di lta bu| |gang zhig thos mthong mkhas pa rnams/ /spyod yul thob par cir 'gyur ba'i/ /smon lam su zhig sbyong mi byed/ /de nas byang chub sems dpa' dpa' ba'i rgyal mtshan gyis sangs rgyas kyi byin gyi rlabs kyis phyogs bcur rnam par bltas nas de'i tshe tshigs su bcad pa 'di dag smras so/ /ji ltar nyi ma'i 'od snang bas/ / mig gis gzugs rnams mthong gyur pa/ /de bzhin sangs rgyas byin rlabs kyis/ /dag pa'i sems ldan rgyal ba mthong / /ji ltar brtson 'grus stobs ldan pa/ / rgya mtsho la ni 'jug par byed/ /de bzhin ye shes stobs ldan pas/ /bsam du med pa'i sangs rgyas mthong / /ji ltar sa bon rnam pa dag /zhing bzang la ni skyer 'gyur pa| |de bzhin sems bsam rnam dag la/ /sangs rgyas chos ni skye bar 'gyur/ /ji ltar nor gyi phung po yis/ /dbul ba thams cad spong byed pa/ /de bzhin sangs rgyas chos rnams kyis/ /byang chub sems dpa' rnam dag 'gyur/ /ji ltar dug tu gyur pa la/ /nad med dug sman rgyal bar byed/ /de bzhin nyon mongs rnam pa la/ /rnam dag </font><hr>Kha164b<br><font size=+1>


tshul ni spyod yul lo/ /sangs rgyas kyis ni gang bsngags pa'i/ /dge ba'i bshes la brten byas na/ /de yi mthus ni sangs rgyas kyi/ /chos nyid 'di dag thos par 'gyur/ /bskal pa bye ba grangs med par/ /sbyin pa mchog rnams sbyin byas kyang / /'di yi tshul la rab spyod pa'i/ /grangs dang char yang mi 'gro 'o/ /sangs rgyas yon tan mtha' yas te/ / mtshan gyis shin tu rnam par bris/ /brjod pas yang dag sangs rgyas rnams/ /rgyal ba shes par mi nus so/ /rdzogs pa'i sangs rgyas rkang gnyis mchog /gnas nas g.yo ba mi mnga' bar/ /sku ni kun tu rnam rgyu zhing / /chos kyi dbyings ni ston pa mdzad/ /ji ltar nam mkha'i khams 'di ni/ /nam yang rang bzhin mi 'gyur te/ /de bzhin sangs rgyas chos nyid kyang / /ngo bo nyid las 'gyur ba med/ /de nas byang chub sems dpa' skar ma'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad pa 'di dag smras so/ /mi yi 'jig rten 'di kun dang / /lha yi gnas rnams thams cad dang / /'gro ba ma lus kun na yang / /mi yi gtso bo shin tu snang / /ji ltar sems dngos gcig pu las/ /rnam pa tha dad sems brjod pa/ /de bzhin sangs rgyas sku gcig las/ /sangs rgyas thams cad brjod pa </font><hr>Kha165a<br><font size=+1>


@#/ /yin| |byang chub gnyis su med par brjod/ /byang chub de yang mtshan nyid med/ /mtshan gyis mngon par rnam bris pa'i/ /sku rnams gnyis su snang bar gyur/ /mkha' dang chos kyi dbyings la zhugs/ /sgyu ma'i sa yang rab tu bstan/ /de phyir sangs rgyas de dag gi /spyod yul lta ba zad pa med/ /yang dag sangs rgyas chos kyi sku/ /mgon po thams cad dus gsum du/ /ji ltar 'dul ba'i 'gro ba la/ /gzugs kyi skur yang rab tu snang / /'di 'dra'i lus su bdag gyur ces// sangs rgyas rtog par mi mdzad de/ /ston la rnam rtog mi mnga' yang / /byin gyi rlabs ni ston par mdzad/ /dbyer med pa yi dbyings la yang / /chos kyi dbyings ni yang dag gnas/ /'jig rten khams ni tshad med par/ /thub pas rnam par rtog pa bstan/ /sku ni sprul pa ma yin te/ /sprul min pa yang sku ma yin/ /sprul pa med pa'i chos 'di yis/ /sprul pa rnams ni rab tu bstan/ /yang dag sangs rgyas tshad med pa/ /chos kyi dbyings la shin tu brten/ /mtha' dang dbus med rab tu zab/ /tshig gi lam gyis bzla bar dka'/ /kun tu 'gro ba'i chos rnams la/ /de bzhin gshegs pa don des mkhyen/ /zhing rnams kun la chags mi mnga'/ /chos kyi dbyings </font><hr>Kha165b<br><font size=+1>


la rnam par spyod/ /de nas byang chub sems dpa' ye shes rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /kun mkhyen ye shes ma chags pa/ /de la zhugs pa gang gyur pa/ /de yi sems ni tshad mi zin/ /byang chub kyi ni spyad pa spyod/ /de bzhin gshegs pa mang po rnams| |yul dang yul du de snang ba/ /chos rnams phyogs gcig gang la yang / /yang dag sangs rgyas gnas pa med/ /'jig rten sgron ma de dag gis/ /byin gyi rlabs ni gang bstan pa/ /bskal pa bsam gyis mi khyab par/ /'di yi mtha' ni rnyed par dka'/ /dus gsum rnams ni ji snyed pa'i/ /sems can rnams kyi mthar thug pa/ /bgrang ba'i mthar ni phyin par nus/ /'dren pa la ni mthar thug med/ /de dag sku ni gcig tu snang / /sku gnyis de dag bsam mi khyab/ /'jig rten khams su snang gyur kyang / / sku la gnyis su gyur pa med/ /ji ltar zla ba shar gyur pa/ /tshad med pa yi gzugs brnyan rnams/ /chu yi snod du snang gyur kyang / /zla ba gnyis su gyur pa med/ /de bzhin chags med mkhyen ldan rnams/ /chags med rnam par 'tshang rgya ba/ /zhing rnams kun na rab tu snang / /sangs rgyas la ni gnyis kyang med/ /'di la gcig </font><hr>Kha166a<br><font size=+1>


@#/ /kyang yod ma yin/ /sku ni gnyis sam gsum du med/ /ji ltar sems can bsam pa bzhin/ /tshad med par ni rab tu snang / /sku ni 'das pa ma yin te| |ma 'ongs pa yang sku ma yin/ /skyes dang byang chub mya ngan 'das/ /skad cig gis ni rab tu snang / /ji ltar sgyu mar gyur pa'i gzugs/ /skyes pa ma yin 'ongs pa min/ /de ltar de bzhin gshegs pa'i sku/ /skye ba med par shin tu bstan/ /de nas byang chub sems dpa' rin po che'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /yang dag sangs rgyas tshad med par/ /tshad du sku yang rnam par bstan/ / ji ltar 'dul ba'i sems can rnams/ /de bzhin 'dren pa rab tu mthong / /sku la phyogs ni med par brjod/ /sangs rgyas yul ni ma lus khyab/ /bar snang nam mkha' ji lta ba/ /de bzhin sangs rgyas bsam mi khyab/ /der ni sems kyang 'pho ba med/ /sems la skye ba'ang yod ma yin/ /sangs rgyas rnams kyi spyod yul ni// skye ba med la rab tu gnas/ /ji ltar rab rib ldan pa'i mig/ nang na med cing phyi na'ang med/ /de bzhin 'jig rten sangs rgyas dag/ nang na mi bzhugs phyi na'ang </font><hr>Kha166b<br><font size=+1>


min| |'jig rten kun gyi don gyi phyir/ /rkang gnyis kyi ni mchog byung ste/ /'jig rten du ni ma byung yang / /'jig rten dag tu skye bos mthong / /sangs rgyas rnams la zhing mi gnas| |rgyal ba dag la nyin mtshan med/ /skad cig ma yin zla ba min/ /rgyal ba la ni lo mi gnas/ /'jig rten dag na ji skad brjod/ /nyi ma che ge mo zhig tu/ /rang byung byang chub rgyal bas thob/ /sangs rgyas nyi ma'i rjes mi 'brang / /de la bskal pa yod ma yin/ /dus kyang ma lus med pa ste/ /dus gsum yang dag rdzogs sangs rgyas/ / mgon po rnams ni mnga' bar 'gyur/ /ji ltar nyi ma'i dkyil 'khor ni/ /nam yang mtshan dang mi gnas te/ /nyin mtshan zhes kyang rab tu brjod/ /de bzhin sangs rgyas chos nyid do/ /bskal pa gcig dang dus gsum du/ /'dren pa bzhugs pa ma yin te/ /dus gsum zhes kyang rab tu brjod/ /sangs rgyas rnams kyi chos nyid ltos/ /de nas byang chub sems dpa' rdul dang bral ba'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so// yang dag sangs rgyas sku gcig ste/ /'dren pa thams cad don gcig kyang / /tshad med gzhan dang gzhan dag tu/ /phyogs bcu kun na rab tu snang / /gang gis ma lus thams </font><hr>Kha167a<br><font size=+1>


@#/ /cad kyi| |chos kyi dbyings rnams kun khyab pa/ /sems can gtso bo thub pa yi/ /spyod yul rnams ni ci 'dra ltos/ /sangs rgyas rnams kyi chos nyid ni| |nang gi skus kyang snang ba min/ /de bzhin gshegs pa'i byin gyi rlabs/ /phyi rol skus kyang mi snang ngo / /dus mang kun tu las rnams kyis/ /ji ltar las rnams bsags pa bzhin/ /de bzhin so sor phye ba'i skus/ /rigs su byung bar rab tu bstan/ /rgyal ba'i chos nyid ma gtogs par/ /sangs rgyas sku ni 'di 'dra ba/ /grangs su bgrang bar mi nus te/ /bsam pas lta yang shes mi nus/ /ji ltar bdag cag sems kyis las/ /bsam gyis mi khyab mi 'byung ba/ /de bzhin sangs rgyas bsam mi khyab| |sems kyi 'phrin las mi mnga' 'o/ /ji ltar zhing rnams bsam yas pa/ /sa la rnam par dag pas mdzes/ /de bzhin sangs rgyas bsam mi khyab/ / 'gro ba dag na mdzes par snang / /ji ltar las rnams 'jug pa ni/ /rkyen gyis rab tu 'byung 'gyur ba/ /de bzhin rgyu rnams mthun pa las/ /sangs rgyas shin tu mthong bar 'gyur/ /yid bzhin nor bu'i rgyal po ni/ /ji ltar yid bsam rdzogs byed pa/ /de bzhin sangs rgyas chos nyid kyang / /rtag tu smon lam rdzogs par sgrub/ / </font><hr>Kha167b<br><font size=+1>


mtha' dang dbus med 'jig rten 'dir/ /'jig rten mgon po 'dren par 'gyur/ /de yi smon lam de dag gis/ /phyogs bcu 'di dag rgyal bas gang / /de nas byang chub sems dpa' dri ma med pa'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad ba 'di dag smras so/ /ye shes dkyil 'khor sangs rgyas te/ /'jig rten chos rnams rnam par sbyong / /'jig rten chos rnams rnam sbyangs nas/ /sangs rgyas chos rnams rab tu brjod/ /de ste sems can mnyam sangs rgyas/ /sems can la las bsam byas na/ /rgyal ba de dag thams cad mthong / /sangs rgyas la ni gshegs pa med/ /sangs rgyas la ni dmigs byas nas/ /sems kyis sangs rgyas dmigs pas na/ /sems bskyed pa dang rgyal mnyam par/ /de bzhin de dag rgyal ba mthong / /dkar ba'i chos kyis nyer brtan cing / /gang gis grags pa rnams sbyangs pa/ /de dag thams cad sems bskyed la/ /shes rab ldan pa rab tu bzhugs/ /dmigs pa dag dang byin gyi rlabs/ /mi yi gtso bo ston pa mdzad/ /de phyir dmigs pa kun tu yang / /sangs rgyas rgyal ba gshegs par brjod/ /'jig rten khams rnams 'di dag ni/ /sangs rgyas sku rnams bdag gi med/ /sems la </font><hr>Kha168a<br><font size=+1>


@#/ /bdag gi med pa bstan/ /byang chub rtogs la bdag gi med/ /mi yi seng+ge'i chos nyid dang / /dpa' ba'i stobs la rab tu gnas/ /lus dang mtshan nyid mi 'dra ste/ /snang ba'i sems dang mnyam pa'i sku/ /ji ltar 'jig rten de bzhin sku/ /ji bzhin skur yang rgyal ba ste/ /sku yi rang bzhin shes pa ni/ / sangs rgyas chags pa med ces bya/ /sangs rgyas kun tu gzigs pa ste/ /chos rnams thams cad rab tu gzigs/ /sangs rgyas chos dang byang chub rnams/ /gang la'ang dmigs pa med pa yin/ /sangs rgyas la ni gshegs pa med/ /sangs rgyas gang na'ang mi bzhugs te/ /yang dag sangs rgyas log pa med/ /de bzhin gshegs la len mi mnga'/ /de nas byang chub sems dpa' dpal gyi rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas thams cad kun tu khyab/ /zhing gcig la ni mi gnas te/ /thams cad du ni sangs rgyas gshegs/ /zhing rnams kun tu rab tu snang / /sangs rgyas sku ni thams cad du/ /byin gyi rlabs dag rab tu 'byung / /'tshang rgya chos kyi 'khor lo dang / /bsam pa bzhin du mya ngan </font><hr>Kha168b<br><font size=+1>


'da'| |sangs rgyas la ni su zhig sems/ /ci phyir sangs rgyas bsam mi khyab/ /yang dag sangs rgyas su yis mthong / /rgyal ba sus kyang mthong bar 'gyur/ /ji ltar chos rnams chos nyid dang / /ji ltar sangs rgyas spyod yul du/ /gang dag chos rnams gcig tsam yang / /de bzhin nyid la mi 'jug go /'di ni 'jig rten 'di rgyal zhes/ /'jig rten dag na rnam rtog yod/ /gang gis ngo bo nyid shes na/ /'jig rten med de rgyal ba'ang med/ /'jig rten dad par bya ba'i phyir/ /mgon po dag ni mngon sum ston/ / de dag gi ni lta ba 'di/ /shin tu dmigs par mi rung ngo / /gang gis chags pa rnam bzlog cing / /chags pa med la dga' byed pa/ /chags pa thams cad rnam bzlog nas| |chags med chos nyid rtogs par 'gyur/ /sangs rgyas zhes brjod gang yin dang / /gang gi rnam 'phrul snang gyur pa'i/ /chos ni dus gsum thams cad du/ /rnam pa kun tu mi rnyed de/ /gang gis chos nyid 'di shes shing / /gang gis 'di bzhin yid ches na/ /thams cad mkhyen cing kun gzigs pa'i/ /de bzhin gshegs par myur du 'gyur| |sangs rgyas thams cad rnam 'phrul ba/ /'di dag thams cad tshig gis bstan/ /yang dag sangs rgyas tshig lam med/ /tshig gi lam gyis rab tu brjod/ /de nas </font><hr>Kha169a<br><font size=+1>


@#/ /byang chub sems dpa' chos kyi rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gang gis rnam par 'phrul snang ba'i/ /sangs rgyas mthong ba med pa bas/ /'jig rten khams rnams thams cad kyi/ /sdug bsngal phung po blangs kyang bla| |'gro ba gang gis byang chub tu/ /sems can ni nam yang ma bskyed pa/ /de dag gnas 'di thos gyur na/ /sangs rgyas byang chub 'grub par 'gyur/ /gang gis bsam ba gcig gis kyang / /'di la mos byed mkhas pa ni/ /mi yi mchog tu mi 'gyur zhes/ /des ni the tshom mi bya'o/ /de yi rnam par 'phrul ba ni/ /bskal pa bye ba'i bar du dkon/ /su zhig 'di la mos byed pa/ /de dag bla na med par 'gyur/ /brjod du med pa'i sangs rgyas rnams/ /skad cig skad cig bsnyen bkur kyang / /'di yi tshul la mi gnas na/ /de dag bsnyen bkur byas ma yin/ /gang la sangs rgyas brjod gyur pa'i/ /chos 'di gang gis thos gyur pa/ /des ni mi bde kun gyis kyang / /spyad pa rnams ni blang bar bya/ /ji tsam chos kyi dbyings rnams dang / /dus gsum gyi ni mgon po yi/ /sangs rgyas rnams ni rten pa yi/ /ye shes </font><hr>Kha169b<br><font size=+1>


chen po gcig thos nas/ /phyi ma'i bskal pa bye ba rnams/ /zhing rnams re rer zad byas shing / /'di yi tshul ni brtson byed na/ /de la byang chub dkon pa med/ /sems can rnams kyi sngon gyi mtha'i/ /'khor bar mi rnams gnas gyur kyang / /des ni sangs rgyas rab phyung pa/ /chos nyid 'di ni shes ma gyur/ /chos rnams zhig par byas pa med/ / chos ni 'jig par mi 'gyur te/ /kun tu snang las rnam 'phrul ba/ /'jig rten de dag thams cad bstan/ /shin tu rgyas pa chen po'i mdo/ sangs rgyas phal po che zhes bya ba las/ /dga' ldan gyi gnas su byang chub sems dpa' 'dus pa'i tshigs su bcad pa bstan pa'i le'u ste/ nyi shu dgu pa'o// //de nas byang chub sems dpa' rdo rje'i rgyal mtshan de'i tshe sangs rgyas kyi mthus ting nge 'dzin ye shes snang ba zhes bya ba la snyoms par zhugs te/ byang chub sems dpa' rdo rje'i rgyal mtshan byang chub sems dpa' ting nge 'dzin ye shes snang ba zhes bya ba de la snyoms par zhugs ma thag tu de'i tshe na phyogs bcu'i phyogs re rer 'jig rten gyi khams sangs rgyas kyi zhing stong gi rdul shin tu phra ba snyed 'das pa'i pha rol nas de bzhin gshegs pa sangs rgyas kyi zhing brgya phra stong gi rdul shin tu phra ba snyed kyis zhal </font><hr>Kha170a<br><font size=+1>


@#/ /bstan pa mthong ste/ de dag kyang 'di lta ste/ mtshan rdo rje'i rgyal mtshan zhes bya ba sha stag go /phyogs gcig nas ji lta ba ltar phyogs bcu nas kyang de bzhin te/ de la sangs rgyas bcom ldan 'das de dag gis 'di skad ces kyang bka' stsal to/ /rdo rje'i rgyal mtshan/ de ltar khyod byang chub sems dpa' ting nge 'dzin ye shes snang ba la snyoms par zhugs pa legs so/ /legs so/ /'di ltar yang rigs kyi bu/ khyod la phyogs bcu nas de bzhin gshegs pa sangs rgyas kyi zhing brgya stong phrag bcu'i rdul shin tu phra ba snyed thams cad kyang mtshan mthun pa sha stag gis 'di ltar bcom ldan 'das rnam par snang mdzad 'di'i sngon gyi smon lam dang / sngon gyi byin gyi rlabs dang / khyod kyi ye shes rnam par dag pa dang / byang chub sems dpa' rnams kyi dge ba'i rtsa bas brtan pa'i phyir 'di lta ste| byang chub sems dpa'i mi 'jigs pa rnam par dag par bya ba dang / spobs pa chags pa med par bya ba dang / ye shes kyis bsgribs pa med pa'i sar 'jug par bya ba dang / thams cad mkhyen pa'i sems yangs pa la rab tu 'jug par bya ba dang / dge ba'i rtsa ba mi zad pa phun sum tshogs par bya ba dang / bsgribs pa med pa'i </font><hr>Kha170b<br><font size=+1>


chos dkar po yongs su rdzogs par bya ba dang / chos kyi dbyings la sgo kun nas 'jug par bya ba dang / sangs rgyas thams cad kyi cho 'phrul bstan par bya ba dang / sngon gyi mtha'i mur thug pa'i ye shes dang dran par rgyun mi chod par rnam par dag par bya ba dang / dbang po sangs rgyas thams cad kyi byin gyi rlabs kyis byin du brlab par bya ba dang chos kyi sgo mtha' yas par bstan par bya ba dang / shes pa kun tu gzung bar bya ba dang / 'di lta ste/ yongs su bsngo ba bcu yongs su rdzogs par bstan pa dang / byang chub sems dpa' thams cad kyi dge ba'i rtsa ba gzung bar bya ba dang / 'jig rten las 'das pa'i tshogs rnams rab tu bstan par bya ba dang / thams cad mkhyen pa'i ye shes mi chod par bya ba dang / smon lam chen po'i skabs dbye bar bya ba dang / don shin tu bstan pa la 'jug par bya ba dang / chos kyi dbyings yongs su shes par bya ba dang / byang chub sems dpa' thams cad kyi yid rab tu dga' bar bya ba dang / sangs rgyas thams cad kyi srid pa gsum gyi dge ba'i rtsa ba mthun pa la brten par bya ba dang / de bzhin gshegs pa thams cad kyi rigs yang dag par gzung bar bya ba'i phyir byin gyis brlabs pa mdzad kyi/ kye rigs kyi bu/ khyod kyis de bzhin gshegs </font><hr>Kha171a<br><font size=+1>


@#/ /pa'i mthu dang / sangs rgyas kyis byin gyis brlabs pa dang / 'jig rten las 'das pa'i bsod nams kyis brtan pa dang / gzungs kyi snang ba la zhugs pa dang / sangs rgyas kyi chos bsgribs pa med pa la zhugs pa dang / chos kyi dbyings snang ba'i chos nyid du bya ba dang / kha na ma tho ba med pa'i chos dkar po yang dag par bsgrub par bya ba dang / ye shes kyi spyod yul yangs pa la gnas pa dang / bsgribs pa med pa'i chos snang ba la gnas pas chos bstan pa 'di brjod pa dang / bstan pa'i phyir spobs par gyis shig /de nas sangs rgyas bcom ldan 'das de dag gis byang chub sems dpa' rdo rje'i rgyal mtshan gyi ye shes tshad med pa nye bar sgrub pa mdzad do/ /spobs pa chags pa med pa dang / tshig rab tu dbye ba la mkhas pa nye bar sgrub pa mdzad do/ /bsgribs pa med pa'i chos kyi snang ba nye bar sgrub pa mdzad do/ /de bzhin gshegs pa rnams kyi sku dang gcig pa nye bar sgrub pa mdzad do/ /tshad med pa'i dbyangs kyi dkyil 'khor rnam par dag pa nye bar sgrub pa mdzad do/ / byang chub sems dpa'i ting nge 'dzin bsam gyis mi khyab pa rnam par dbye ba la mkhas pa nye bar sgrub pa mdzad do/ /dge ba'i rtsa ba thams cad nyams pa med par yongs </font><hr>Kha171b<br><font size=+1>


su bsngo ba'i ye shes nye bar sgrub pa mdzad do/ /chos thams cad kyi lhag mthong mngon par bskyed pa la mkhas pa nye bar sgrub pa mdzad do/ /chos thams cad bstan pa'i gnas rgyun mi chod pa nye bar sgrub pa mdzad do/ /de ci'i phyir zhe na/ 'di ltar ting nge 'dzin 'di nyid kyi dge ba'i rtsa ba'i gzi brjid kyi phyir ro/ /de nas sangs rgyas bcom ldan 'das de dag gi phyag g.yas pas byang chub sems dpa' rdo rje'i rgyal mtshan gyi spyi bo la byug pa mdzad do/ /sangs rgyas bcom ldan 'das de dag gis byang chub sems dpa' rdo rje'i rgyal mtshan la reg ma thag tu ting nge 'dzin de las rnam par langs te/ langs nas kyang byang chub sems dpa' de dag la smras pa/ kye rgyal ba'i sras dag /byang chub sems dpa'i smon lam 'di lta ste/ 'gro ba thams cad khyab par byed pa/ sems can thams cad yongs su skyob pa 'di ni/ bsam gyis mi khyab pa ste/ kye rgyal ba'i sras dag /de la gnas shing byang chub sems dpa' sems dpa' chen po rnams 'das pa'i sangs rgyas bcom ldan 'das rnams kyi yongs su bsngo ba la slob bo/ /ma byon pa'i sangs rgyas bcom ldan 'das rnams kyi yongs su bsngo ba la slob par 'gyur ro/ /da ltar byung ba'i sangs rgyas bcom ldan 'das rnams kyi yongs su bsngo ba </font><hr>Kha172a<br><font size=+1>


@#/ /la slob bo/ /kye rgyal ba'i sras dag /byang chub sems dpa' sems dpa' chen po rnams kyi yongs su bsngo ba gang la bsam ste de skad du smras pa de dag ni| gang / kye rgyal ba'i sras dag /yongs su bsngo ba'i grangs ni/ du zhe na/ kye rgyal ba'i sras dag /bsngo ba bcu po 'di dag ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /bcu gang zhe na/ 'di lta ste/ sems can rnams kyi 'du shes 'gog cing 'gro ba thams cad yongs su skyob pa zhes bya ba byang chub sems dpa' rnams kyi yongs su bsngo ba dang po dang / mi phyed pa dang ldan pa zhes bya ba byang chub sems dpa' rnams kyi yongs su bsngo ba gnyis pa dang / sangs rgyas thams cad la yang dag par bskyed pa zhes bya ba byang chub sems dpa' rnams kyi yongs su bsngo ba gsum pa dang / thams cad rjes su song ba zhes bya ba byang chub sems dpa' rnams kyi yongs su bsngo ba bzhi pa dang / bsod nams kyi mdzod mi zad pa zhes bya ba byang chub sems dpa' rnams kyi yongs su bsngo ba lnga pa dang / dge ba'i rtsa ba thams cad dang mnyam pa nyid kyi rjes su song ba zhes bya ba byang chub sems dpa' </font><hr>Kha172b<br><font size=+1>


rnams kyi yongs su bsngo ba drug pa dang / 'gro ba thams cad mnyam pa nyid kyi rjes su song ba zhes bya ba byang chub sems dpa' rnams kyi yongs su bsngo ba bdun pa dang / de bzhin gshegs pa'i mtshan nyid kyi rang bzhin zhes bya ba byang chub sems dpa' rnams kyi yongs su bsngo ba brgyad pa dang / chags pa med cing bcings pa dang / dkrol ba med pa zhes bya ba byang chub sems dpa' rnams kyi yongs su bsngo ba dgu pa dang / chos kyi dbyings tshad med pa'i rjes su song ba zhes bya ba byang chub sems dpa' rnams kyi yongs su bsngo ba bcu pa ste/ kye rgyal ba'i sras dag / byang chub sems dpa' rnams kyi yongs su bsngo ba bcu po de dag ni/ 'das pa dang / ma byon pa dang / da ltar byung ba'i sangs rgyas bcom ldan 'das kyis gsungs so/ /gsung ngo / /gsung bar 'gyur ro/ /kye rgyal ba'i sras dag /byang chub sems dpa' rnams kyi yongs su bsngo ba dang po sems can rnams kyi 'du shes 'gog cing 'gro ba thams cad yongs su skyob pa zhes bya ba gang zhe na/ kye rgyal ba'i sras dag /'di la byang chub sems dpa'i sbyin pa'i pha rol tu phyin pa la rab tu sbyor ba 'am/ tshul khrims kyi pha rol tu phyin pa rnam par sbyong ba'am/ bzod pa'i pha rol tu phyin pa la sems pa'am/ brtson 'grus </font><hr>Kha173a<br><font size=+1>


@#/ /kyi pha rol tu phyin pa la brtson pa'am/ bsam gtan gyi pha rol tu phyin pa la rnam par dpyod pa'am/ shes rab kyi pha rol tu phyin pa la 'jug pa'am/ byams pa sgom pa yang dag par bskyed pa'am/ snying rjes snying brtse bar byed pa'am/ dga' ba la rab tu dga' bar byed pa'am/ btang snyoms la shin tu gnas par byed kyang rung ste/ dge ba'i rtsa ba rnams la shin tu bsam nas dge ba'i rtsa ba de dang / de dag la rab tu sbyor zhing dge ba'i rtsa ba tshad med pa rnam par phye nas 'di ltar dge ba'i rtsa ba gang gis sems can rnams kyi sems can dmyal ba'i ngan song rgyun chad par 'gyur ba dang / byol song gi skye gnas pa dang / gshin rje'i 'jig rten pa rnams kyi sdug bsngal gyi phung po rnam par ldog par 'gyur ba'i dge ba'i rtsa ba 'gro ba thams cad la rnam par dag pa'i mthar phyin par phan 'dogs pa gang yin zhes sems bskyed do/ /de de ltar dge ba'i rtsa ba de dag yang dag par bskyed pa na 'di ltar yongs su bsngo ste/ dge ba'i rtsa ba 'dis sdug bsngal gyi phung po thams cad rnam par bzlog pa'i phyir bdag sems can thams cad kyi gnas su gyur cig /nyon mongs pa thams cad las yongs su dgrol ba'i phyir bdag </font><hr>Kha173b<br><font size=+1>


sems can thams cad kyi dpung gnyen du gyur cig /'jigs pa kun las bsrung ba'i phyir bdag sems can thams cad kyi skyabs su gyur cig /thams cad mkhyen pa'i sa thob par bya ba'i phyir bdag sems can thams cad kyi lam du gyur cig /shin tu bde ba dang ldan pa thob par bya ba'i phyir bdag sems can thams cad kyi rten du gyur cig /rab rib med pa'i ye shes kyi snang ba yang dag par bstan pa'i phyir bdag sems can thams cad kyi snang bar gyur cig /ma rig pa'i mun pa rnam par bsal ba'i phyir bdag sems can thams cad kyi sgron mar gyur cig /shin tu dag pa la rab tu dgod pa'i phyir bdag sems can thams cad kyi mar mer gyur cig /chos kyi tshul la gzung ba'i phyir bdag sems can thams cad kyi don gyi 'dren par gyur cig /bsgribs pa med pa'i ye shes kyi phung po bstab pa'i phyir bdag sems can thams cad kyi yongs su 'dren par gyur cig /ces de de ltar 'gro ba thams cad kyi don du thams cad mkhyen pa nyid kyi mthar shin tu thug par dge ba'i rtsa ba de dag yongs su bsngo ste/ ji ltar mdza' ba bsrung ba'i phyir yongs su bsngo ba de ltar mi mdza' ba bsrung ba'i phyir yang yongs su bsngo'o/ /de ci'i phyir zhe na/ byang chub sems dpa' sems dpa' </font><hr>Kha174a<br><font size=+1>


@#/ /chen po rnams la bdag tu bya ba'i bsam pas mi mdza' ba ni/ gang yang med de/ de yang 'di ltar byang chub sems dpa' ni/ chos thams cad mnyam pa nyid la yang dag par 'byung ba ste/ de 'di snyam du byang chub sems dpa' la mi mdza' ba'i don byed pa de dag thams cad ni/ bdag gi rgyud la dgod dgod pa yin no/ /zhes te/ de dag ni/ sems can thams cad kyi yul thams cad la zhe sdang ba med pa'i mig gis blta'o/ /byang chub sems dpa' sems dpa' chen po rnams ni/ 'gro ba thams cad kyi dge ba'i bshes gnyen te/ sems can thams cad la dge ba'i chos yang dag par bstan pa'i phyir 'jug go /'di lta ste/ dper na| rgya mtsho chen po ni/ dug thams cad kyis gdug par bya bar mi nus so/ /de bzhin du byang chub sems dpa' yang drin mi gzo ba dang / blo zhan pa dang / sems 'khrugs pa dang / rnyog pa dang / mun par gyur pa dang / rang bzhin stor ba dang / rlom sems dang ldan pa dang / sgrub pa nyams pa dang / sems dmus long lta bur gyur pa'i sems can byis pa thams cad kyis skyon can du bya bar mi nus so/ /'di lta ste/ dper na/ lha'i bu nyi ma 'char ba de ni/ dmus long gi skyon gyis 'char </font><hr>Kha174b<br><font size=+1>


pa las thogs par mi 'gyur ro/ /dri za'i grong khyer gyi skyon gyis thogs par mi 'gyur ro/ /gling bzhi pa'i 'jig rten gyi khams kyi sa'i rdul gyi skyon gyis thogs par mi 'gyur ro/ /lha ma yin gyi dbang po sgra gcan gyi skyon gyis thogs par mi 'gyur ro/ /du ba 'khrigs pa'i skyon gyis thogs par mi 'gyur ro/ /'dzam bu'i gling gi nye ba'i nyon mongs pa'i skyon gyis thogs par mi 'gyur ro/ /grib ma sna tshogs kyi skyon gyis thogs par mi 'gyur ro/ /dug gi ri'i skyon gyis thogs par mi 'gyur ro| |khams kyi nye ba'i nyon mongs pa'i skyon gyis thogs par mi 'gyur ro/ /dus yongs su 'gyur ba'i skyon gyis thogs par mi 'gyur ro/ /de bzhin du byang chub sems dpa' sems dpa' chen po dran pa can/ yang dag par shes pa dang ldan pa/ sems kyi bdag nyid che ba nyid shin tu zab cing yangs pa/ yid la yang dag par rtog pa mi zhan pa/ yon tan spyad pas ye shes kyi mthar gyur pa/ chos la shin tu dad pa'i sems mngon par skyes pa/ chos kyi snang ba'i 'od kyis rab tu snang ba/ don thams cad mthong ba/ chos mngon par shes pa/ ye shes rig pa/ rtsod pa med pa lhur byed pa/ sems can thams cad dge ba'i chos spyod pa la rab tu sbyor ro/ /sems can </font><hr>Kha175a<br><font size=+1>


@#/ /thams cad kyis nyes par sems bskyed pa la 'khrul pa med pa de yang dge ba'i rtsa ba de dag yongs su bsngo ba na gnod par byed pa thams cad kyi skyon gyis thogs par mi 'gyur ro/ /sems can mi srun ba'i tshul gyis ldog par mi 'gyur ro/ /sems can gyi lta ba'i rnyog pas dge ba'i rtsa ba yongs su bsngo ba dang 'bral bar mi 'gyur ro/ /sems can gyi sems 'khrug pas ldog par mi 'gyur ro/ /sems can gyi sems kyi rgyud stor bas byang chub sems dpa'i go cha chen po bgos pa las ring bar mi 'gyur ro/ /'gro ba thams cad yongs su bskyab pa'i smon lam dkrug ma'i rnyog pa thams cad kyis bcil bar mi 'gyur ro/ /byang chub sems dpa'i rtsom pa chen po sems can drin du mi gzo ba mthong bas lhod par mi 'gyur ro/ /byang chub tu dmigs pa'i dge ba'i rtsa ba sems can mi srun pa'i dbang pos zhum par mi 'gyur ro/ /dge ba'i rtsa ba ji lta ba bzhin las byis pa'i skye bo dang 'grogs pa las 'phang bar mi 'gyur ro/ /sems can gyi skyon gyis skyo bar mi 'gyur ro/ /'phags pa sangs rgyas phal po che zhes bya ba theg pa chen po'i mdo/ bam po sum cu rtsa gnyis pa/ de ci'i phyir zhe na/ dkyil 'khor 'di ni/ </font><hr>Kha175b<br><font size=+1>


bsgribs pa med par 'gro ba thams cad rnam par dag par bya ba'i phyir 'byung ba ste/ sems can gcig la dmigs shing byang chub sems dpa' rnams bla na med pa yang dag par rdzogs pa'i byang chub tu dge ba'i rtsa ba yongs su bsngo ba ma yin/ 'di lta ste/ zhing rnam par dag par bya ba'i phyir zhing gcig la dmigs te byang chub sems dpa' byang chub kyi sems la mngon par spro ba ma yin/ 'di lta ste/ sangs rgyas blta ba rnam par dmigs pa'i phyir sangs rgyas gcig la dmigs te byang chub sems dpa' rnams kyi dad pa skye ba ma yin/ 'di lta ste/ ye shes gcig rjes su rtogs pa'i phyir ye shes gcig la dmigs nas byang chub sems dpa' rnams kyi smon lam skye ba ma yin gyi/ 'di ltar sems can thams cad yongs su bskyab pa'i phyir dge ba'i rtsa ba rnams yongs su bsngo'o/ /zhing thams cad yongs su sbyang ba'i phyir dge ba'i rtsa ba rnams yongs su bsngo'o/ /sangs rgyas thams cad la mchod cing rim gro bya ba'i phyir sangs rgyas thams cad blta ba la dmigs nas byang chub sems dpa' rnams kyi dad pa skye'o/ /sangs rgyas thams cad kyi chos kyi ye shes kyis rjes su rtogs par bya ba'i phyir byang chub sems dpa' sems dpa' chen po bla na med pa yang dag par </font><hr>Kha176a<br><font size=+1>


@#/ /rdzogs pa'i byang chub tu dge ba'i rtsa ba yongs su bsngo ba rnams kyi smon lam skye'o/ /de yang 'di ltar byang chub sems dpa' sems dpa' chen po sangs rgyas kyi stobs la dmigs pa la sems yangs pa/ bsam pa ma 'khums pa/ bskal pa thams cad du shin tu dkon pa'i sems rin po che dang ldan pa rnams kyi sems ni/ 'di lta ste/ sangs rgyas thams cad dang mnyam pa nyid kyi phyir rab tu skyes te/ de ltar byang chub sems dpa' sems dpa' chen pos dge ba'i rtsa ba de dag yang dag par mthong nas sems dad pa chen po rnam par dag pa dang / snying rje chen po brtan pas bsngo zhing dge ba'i rtsa ba de dag sems can thams cad la yongs su bsngos te/ de yang tshig tsam du ma yin gyi/ bsam pa thag pas yongs su bsngo'o/ /de yang dga' ba'i sems dang / rab tu dga' ba'i sems dang / dad pa'i sems dang / mos pa'i sems dang / 'byams pa'i sems dang / byams pa'i sems dang / nye ba'i sems dang / snying brtse ba'i sems dang / phan gdags pa'i sems kyis yongs su bsngo'o/ /de yang 'di ltar yongs su bsngo ste/ bdag gi dge ba'i rtsa ba 'dis sems can thams cad kyi 'gro ba rnam par dag par gyur cig/ skye ba yongs su </font><hr>Kha176b<br><font size=+1>


dag par gyur cig/ bsod nams kyi bdag nyid che ba yongs su rdzogs par gyur cig/ zil gyis mi non par gyur cig/ mi zad par gyur cig/ thub par dka' ba'i sems su gyur cig/ dran pa nyams pa med par gyur cig/ rtogs pa nges par gyur cig/ blo tshad med par gyur cig/ lus kyi las dang / ngag gi las dang / yid kyi las kyi yon tan gyi rgyan thams cad yongs su rdzogs par gyur cig/ dge ba'i rtsa ba 'dis sems can de dag thams cad sangs rgyas thams cad mnyes par byed par gyur cig/ mnyes par byas nas kyang thugs 'byung ba med par gyur cig/ sangs rgyas bcom ldan 'das de dag la mi phyed pa'i dad pa yang thob par gyur cig/ de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyis chos bstan pa thos par gyur cig/ thos nas kyang the tshom dang / yid gnyis med par gyur cig/ yang dag par 'dzin cing nan tan gyis sgrub par gyur cig/ sems kyi dga' ba nyid kyang thob par gyur cig/ kha na ma tho ba med pa'i lus kyi las kyang yang dag par grub par gyur cig/ dge ba'i rtsa ba chen po la bdag rab tu gzhog par gyur cig/ shin tu dbul ba dang rnam par bral bar gyur cig/ nor bdun thob pa yongs su </font><hr>Kha177a<br><font size=+1>


@#/ /rdzogs par gyur cig/ sangs rgyas thams cad kyi rjes su yang slob par gyur cig/ dge ba'i dbang po 'thob par bya ba'ang thob par gyur cig/ mos pa chen po'i mnyam pa nyid kyang yongs su rdzogs par gyur cig/ thams cad mkhyen pa'i ye shes kyi go yang rnyed par gyur cig/ 'gro ba thams cad du nyams pa med pa'i mig kyang bskyed par gyur cig/ mtshan gyis brgyan pa'i lus yongs su rdzogs pa yang thob par gyur cig/ yon tan thams cad kyis brgyan pa'i tshig rnam par dag pa yang yongs su rdzogs par gyur cig/ dbang po bsdams shing stobs bcu dang ldan pa'i sems dge ba yang dag par grub par gyur cig/ gnas med par spyod pa yongs su rdzogs par gyur cig/ sangs rgyas thams cad bde ba'i rim gro gang dang ldan pa'i bde ba'i rim gro de dag sems can thams cad kyis thob par gyur cig/ sangs rgyas kyi gnas rab tu thob pas tshad med pa'i gnas su gyur cig/ sems can de dag thams cad kyi sdug bsngal gyi phung po sgrib pa'i las sna tshogs las byung ba/ sgrib pa'i las de dag gis bsgribs pa/ sangs rgyas mi mthong ba dang / chos mi thos pa dang / dge 'dun mi shes pa'i sgrib pa'i las rnam </font><hr>Kha177b<br><font size=+1>


pa sna tshogs kyis bsags pa'i sdug bsngal gyi phung po de dag bdag gi lus 'dis sems can dmyal ba'i skye gnas dang / ngan song gi sa'i gnas de dang de dag nas blang bar bya'o| |sems can de dag thams cad ni/ dge ba'i rtsa ba 'dis de nas bton te/ bdag gis de dag gi sdug bsngal dang nyon mongs pa de dag blang bar bya'o/ /spro bar bya'o// mi ldog par bya'o/ /de las mi 'bros par bya'o/ /mi skrag par bya'o/ /mi 'jigs par bya'o/ /phyir mi ldog par bya'o/ /zhum pa med par bya'o/ /mi skyo bar bya'o/ /de ci'i phyir zhe na/ bdag gis ni/ sems can thams cad bsgral bar smon lam btab pas na/ sems can thams cad kyi khur bkur dgos so/ /'di ltar bdag gis sems can thams cad yongs su dgrol bar bya'o/ /'di ltar bdag gis sems can thams cad bsgral bar bya'o/ /skye ba'i dgon pa dang / rga ba dang / na ba'i dgon pa dang / 'chi ba'i dgon pa dang / 'chi 'pho ba dang / skye ba'i dgon pa dang / nyon mongs pa thams cad kyi dgon pa dang / mi khom pa thams cad kyi dgon pa dang / 'khor ba thams cad kyi dgon pa dang / lta ba thibs po thams cad kyi dgon pa dang / dge ba'i chos thams cad gtor ba'i dgon pa dang / mi shes pa las byung ba'i dgon pa dang / dgon pa de </font><hr>Kha178a<br><font size=+1>


@#/ /dag thams cad nas bdag gis sems can sred pa'i dra bas dkris pa dang / ma rig pa'i sgrib pas bsgribs pa dang / srid pa'i sred pa dang ldan pa/ zhen pa'i mthar gyur pa/ sdug bsngal gyi shing thags kyis bskor ba/ bdud kyi las la brten pa/ mi mkhas pa/ bsod nams 'gags pa/ the tshom du gyur pa/ rtag tu yid gnyis dang ldan pa/ mi bde ba mthong ba/ 'byung ba la mi mkhas pa/ tshub mas bskor ba'i lo ma lta bur 'khor zhing 'phyan pa de dag thams cad yongs su thar par bya'o| |zhes de la byang chub sems dpa' snying rje chen pos yongs su rgyas pa'i sems dang ldan pas sems can gyi khams 'khor ba'i 'dam du bying ba mthong nas sems can de dag la snying brtse ba chen po skyes pa/ phan cher gdags pa'i sems rab tu bskyed pa/ sems can rnams kyi don chen po bya bar dga' ba/ sems can mang po rab tu dgrol par dge ba'i rtsa ba yongs su bsngo'o/ /yongs su bsngo ba chen po la zhugs pa/ 'das pa dang / ma 'ongs pa dang / da ltar byung ba'i byang chub sems dpa' thams cad kyi yongs su bsngo ba la rab tu zhugs pa/ bsngo ba chen po'i mdos sems can thams cad la dge ba'i rtsa ba de dag yongs su bsngo ba/ sems can thams cad shin tu rnam </font><hr>Kha178b<br><font size=+1>


par dag par bya bar sems pa/ sems can thams cad kyi dge ba'i rtsa ba kun thams cad mkhyen pa nyid kyi mthar thug par yongs su bsngo ba de sems 'di lta bu dang ldan par gyur te| sems can thams cad bla na med pa'i ye shes kyi rgyal srid la rab tu gzhag pa'i phyir bdag spyod de/ bdag ni/ bdag 'ba' zhig yongs su dgrol ba la mngon par zhugs pa ma yin gyi/ bdag gis sems can 'di dag kun thams cad mkhyen pa nyid kyi sems rab tu snang bas 'khor ba'i dgon pa rgal dka' ba nas gdon par bya'o/ /g.yang sa chen po nas blang bar bya'o/ /gnod pa thams cad yongs su dgrol bar bya'o/ /'khor ba'i rgyud las rab tu bsgral bar bya'o/ /bdag nyid kyis sems can thams cad kyi sdug bsngal gyi phung po blang par spro bar bya'o/ /bdag gis sems can de dag thams cad 'khor ba'i sdug bsngal chen po'i sa'i 'og nas drang par bya'o/ /'jig rten gyi khams kyi mthar thug pa thams cad kyi ngan song kun gyi sdug bsngal thams cad blangs te nyams su myong bar bya ba la bdag gi spro bar bya'o/ /bdag gis sems can thams cad dge ba'i rtsa ba las mi spang bar sems can thams cad yongs su dgrol ba'i phyir bdag ngan song gcig na phyi ma'i mthar thug pa'i bskal par gnas par spro bar bya'o/ /ngan song gcig tu ji lta ba de bzhin du 'jig rten gyi khams thams cad du gtogs </font><hr>Kha179a<br><font size=+1>


@#/ /pa'i ngan song thams cad du gnas par spro bar bya'o/ /de ci'i phyir zhe na/ kyi hud sems can 'di dag thams cad sdug bsngal gyi gnas su lhung ba bas ni/ bdag gcig pu sdug bsngal myong yang bla'i/ /bdag gis der bdag nyid gtar bcug ste sems can dmyal ba dang / byol song gi skye gnas dang / gshin rje'i 'jig rten gyi dgon pa nas 'gro ba thams cad blus te bdag gis sems can thams cad kyi don du sdug bsngal tshor ba'i phung po 'di dag thams cad bdag gi lus 'dis myong bar bya'o/ /bdag gis ni/ sems can rnams kyi gnya' bden par smra ba dang / yid ches shing mi blu bar spro bar bya'i/ bdag la ni/ sems can thams cad kyis ma yin te/ de ci'i phyir zhe na/ 'di lta ste/ 'gro ba thams cad yongs su dgrol ba'i phyir bdag gis thams cad mkhyen pa'i sems sems can thams cad la dmigs pa skyes te/ bdag nyid 'dod pa'i phyir ni/ bla na med pa yang dag par rdzogs pa'i byang chub tu ma zhugs so/ /'dod pa'i yon tan lnga la dga' zhing spyod pa'i phyir yang ma yin no/ /'dod pa'i yul la bsnyen pa'i phyir yang ma yin no/ /'dod pa'i khams su gtogs pa'i dga' ba mang po gzhan blang pa'i phyir yang byang chub kyi spyod pa la mi spyod do/ /de ci'i phyir zhe na/ 'jig rten gyi dga' ba 'di thams cad ni/ dgra yin no/ /'dod pa la brten </font><hr>Kha179b<br><font size=+1>


pa 'di ni/ bdud kyi yul lo/ /'dod pa la brten pa de ni/ blo ngan pas bstan pa'i lam mo/ /sangs rgyas thams cad kyis smad pa'i yul lo/ /de dag la brten pa de las sdug bsngal thams cad 'byung bar 'gyur ro/ /de las sems can dmyal ba dang / byol song gi skye gnas dang / gshin rje'i 'jig rten 'di dag thams cad kyang 'byung bar 'gyur ro/ /de las sems can rnams 'thab pa dang / mtshang 'dru ba dang / rtsod pa dang / gnad la 'bebs pa dang / 'khrug pa dang / kun tu 'khrug pa rnams kyang rab tu 'byung ngo / /sems can 'di dag ni/ 'dod pa la brten pas sangs rgyas bcom ldan 'das rnams las ring du gyur pa ste/ 'dod pa de dag ni/ mtho ris su skye ba la yang bar du gcod na/ bla na med pa yang dag par rdzogs pa'i byang chub la lta smos kyang ci dgos te/ sems can thams cad kyi bde ba dang / dga' ba thams cad kyi yang bar chad du 'gyur ro/ /de ltar bdag gis 'dod pa ni/ ro chung zhing tshad med pa'i nyes pa can du mthong na/ ci de yang de dag spyod pa'i phyir 'jug gam/ de ci'i phyir zhe na/ bdag ni/ don 'di dag gi phyir bla na med pa yang dag par rdzogs pa'i byang chub tu zhugs pa ma yin no/ /'dod pa la dga' ba'i phyir yang byang chub sems dpa'i spyod pa la mi spyod de/ de bas na/ sems can thams cad la phan pa dang / bde par zhugs pa'i sems bskyed de/ bdag ni/ 'di ltar sems can thams </font><hr>Kha180a<br><font size=+1>


@#/ /cad kyi don gyi phyir de dag nyid kyi smon lam yongs su rdzogs par bya ba dang / bsngo zhing bsgrub pa'i phyir don de la zhugs pa ste/ de bas na/ bdag gis sems can sdug bsngal gyi zhags pas bcings pa thams cad kyi sdug bsngal gyi zhags pa bcad de/ sdug bsngal thams cad las yongs su dgrol bar bya'o/ /sdug bsngal gyi rgyud las rnam par bzlog par bya'o/ /bdag gis ji lta ji ltar sems can 'di dag thams cad shin tu bde ba dang / phan par 'gyur ba'i bde ba dang / tshor ba med pa'i bde ba dang / zhi ba'i bde ba dang / mi gnas pa'i bde ba dang / mi g.yo ba'i bde ba dang / tshad med pa'i bde ba dang / ma nyams pa'i bde ba dang / mi 'gag pa'i bde ba dang / thams cad mkhyen pa nyid kyi bde ba rab tu thob par 'gyur ba de lta de ltar dge ba'i rtsa ba de dag yongs su bsngo bar bya'o/ /bdag kha lo sgyur ba dang / bdag mgon po dang / bdag me sgron 'dzin pa dang / bdag lam bde ba ston pa dang / bdag khom pa rnyed pa dang / bdag thabs la mkhas pa dang / bdag don shes pa dang / bdag 'khor ba'i rgya mtsho la thams cad mkhyen pa'i gru bo che'i mnyan par gyur pa dang / bdag yongs su bsngo ba la mkhas pa dang / bdag pha rol ston pas dge ba'i rtsa ba de dag ji lta ji ltar sems can rnams kyi skyabs su 'gyur </font><hr>Kha180b<br><font size=+1>


pa dang / 'khor bar gyur pa rnams yongs su rgal bar 'gyur ba dang / de bzhin gshegs pa thams cad mnyes par 'gyur ba dang / thams cad mkhyen pa nyid du bsgribs pa med par 'gyur ba dang / bdud kyi yul rnams la mi gnas par 'gyur ba dang / sdig pa mi dge ba'i grogs po thams cad yongs su spong bar 'gyur ba dang / dge ba'i bshes gnyen byang chub sems dpa' sems dpa' chen po thams cad la brten par 'gyur ba dang / las rnam par dag pa la kha na ma tho ba med par 'gyur ba dang / spyad pa chen po'i smon lam rnams yang dag par sgrub par 'gyur ba dang / dge ba'i rtsa ba thams cad khong du chud par 'gyur ba de lta de ltar yongs su bsngo'o/ /de la byang chub sems dpa' dge ba'i rtsa ba de dag yongs su bsngo ba na sems 'di snyam du bskyed de/ kye ma gling bzhi'i 'jig rten gyi khams snang bar bya ba'i phyir gling bzhi'i 'jig rten gyi khams na sems can ji snyed pa de snyed kyi nyi ma ni/ mi 'char gyi/ gling bzhi'i 'jig rten snang bar bya ba'i phyir nyi ma 'di nyid gcig pu 'char te/ sems can gling bzhir gtogs pa de dag rang rang gi lus las kyang snang ba gang gis de dag gi nyi ma'i grangs shes par 'gyur ba'am/ rang gi don sgrub par 'gyur ba'am/ lo tog yongs su smin par 'gyur ba'am/ nyin gcig </font><hr>Kha181a<br><font size=+1>


@#/ /nyin gcig cing bza' shing gi ra ba dang / grong khyer dag tu dga' ba dang / rtse ba'i longs spyod myong bar 'gyur ba'am/ phyogs snang bar 'gyur ba'am/ grong dang / grong khyer dang / ljongs dang / pho brang 'khor dang / rgyal po'i gnas dag tu 'gro ba dang / 'ong bar bya ba'am/ spyod pa'i don sbyar bar bya ba'i snang ba mi 'byung ste/ sems can de dag rang rang gi lus la yang 'od gang gis de dag gi don sgrub pa'i 'od de lta bu mi gtong ste/ 'di ltar lha'i bu nyi ma'i dkyil 'khor gcig pu gnyis su med pa de ni/ gling bzhi'i 'jig rten gyi khams su sems can rnams la snang bar bya ba'i phyir 'char zhing rab tu 'byung ngo / /de bzhin du byang chub sems dpa' dge ba'i rtsa ba yongs su bsngo ba na sems 'di ltar skyes te/ sems can 'di dag thams cad la gang gis de dag bdag nyid yongs su bskyab par bya ba de nyid kyang med na| gzhan bskyab pa lta ci smos kyi/ bdag nyid gcig pu gnyis su med pas sems can thams cad kyi phyir 'di ltar sems can thams cad dgrol ba dang / sems can thams cad snang bar bya ba dang / sems can thams cad gsal bar bya ba dang / sems can thams cad shes par bya ba dang / sems can thams </font><hr>Kha181b<br><font size=+1>


cad gzung bar bya ba dang / sems can thams cad bsdu bar bya ba dang / sems can thams cad bskyed par bya ba dang / sems can thams cad dad par bya ba dang sems can thams cad sim par bya ba dang / sems can thams cad kyi the tshom gcad pa'i phyir dge ba'i rtsa ba'i rtsa ba rnams yang dag par bsdu'o/ /dge ba'i rtsa ba rnams yongs su bsngo bar bya'o/ /bdag gis ni/ nyi ma'i dkyil 'khor de lta bur bya ste/ gzhan las phan pa'i lan re bar mi bya'o/ /gzhan gyis skabs mi rnyed par bya'o/ /sems can thams cad kyi phyir go cha mi 'dor bar bya'o/ /sems can thams cad kyi don du spro ba mi ldog par bya'o/ /sems can thams cad kyi bde ba sgrub pa'i yongs su bsngo ba las phyir ldog par mi bya'o| |dge ba'i rtsa ba chung ngu yang bsdu bar bya ste/ yongs su bsngo ba chung ngus yongs su bsngo zhing dga' bar mi bya'o/ /dge ba'i rtsa ba phan par mi 'gyur ba rnams ni/ sems can rnams la bsngo bar mi bya ste/ ci nas kyang dge ba'i rtsa ba de dag sems can thams cad la bde bar 'gyur ba de ltar bsngo'o/ /mngon par chags pa med pa'i chos nyid la brten te yongs su bsngo bar bya'o/ /sems can rnams kyi ngo bo nyid du yongs su bsngo bar bya'o/ /zhes te/ de ni/ 'pho ba'i tshul gyis yongs su bsngo ba la gnas pa ma yin/ srid pa la mngon par </font><hr>Kha182a<br><font size=+1>


@#/ /chags pa'i phyir dge ba'i rtsa ba de dag la mi gnas so/ /mtshan ma'i tshul gyis dge ba'i rtsa ba de dag yongs su mi bsngo'o/ /dngos po la mngon par chags pa'i phyir las kyi rnam par smin pa la yongs su mi rtog go /phung po rnams kyi 'du shes la gnas shing yongs su mi bsngo'o/ /phung po 'jig pa la gnas shing yongs su mi bsngo'o/ las rnam par rtog pa la gnas shing yongs su mi bsngo'o/ /rnam par smin pa la re bas ma yin no/ /rten pas snyems shing ma yin no/ /'brel par 'byung ba la kun tu rtog pas ma yin no/ /grags pa la gnas pas ma yin no/ /gnas kyi 'du shes la gnas pas ma yin no/ /gnas su rtog pa la gnas bas ma yin no/ /chos la rnam par rtog pa la gnas pas ma yin no/ /sems can gyi 'du shes la gnas pas ma yin te/ khams kyi tshul rnam pa tha dad pa'i rjes su song bas yongs su mi bsngo'o/ /sems kyi kun tu rtog pa la gnas te yongs su mi bsngo'o/ /sems kyi phyin ci log la gnas te yongs su mi bsngo'o/ /'du shes kyi phyin ci log la gnas te yongs su mi bsngo'o/ /lta ba'i phyin ci log la gnas de yongs su mi bsngo'o/ /tshig gi lam la gnas te yongs su mi bsngo'o/ /de ni/ 'di ltar chos rnams la ji lta ba bzhin rnam par dpyod cing yongs su bsngo'o/ /sems can rnams kyi </font><hr>Kha182b<br><font size=+1>


mnyam pa nyid la sems shing yongs su bsngo'o/ /chos kyi dbyings kyi rgyas btab pa'i dge ba'i rtsa ba de dag yongs su bsngo'o/ /'dod chags dang bral ba dang mnyam pa'i chos kyis yongs su brtags pa'i dge ba'i rtsa ba de dag yongs su bsngo'o/ /chos thams cad la sgro gdags pa med par dge ba'i rtsa ba de dag rjes su rtogs par byed do/ /gnyis su med pa'i chos kyi dbyings la yang dag par lta zhing yongs su bsngo ba de dag la rab tu 'jug ste/ chos gang yang skye ba'am/ 'gag par byed pa med do/ /de bzhin du dge ba'i rtsa ba de dag yongs su bsngo ste/ gnyen pos yongs su dag pas bsngo ba de dag la yang dag par spyod do/ /'jig rten las 'das pa 'byams klas pa'i rjes su song ba'i dge ba'i rtsa ba de dag mthong ste/ gnyis kyi tshul gyis ni/ dge ba'i rtsa ba de dag thams cad khong du chud par mi byed do/ /las kyis thams cad mkhyen pa nyid du yang dag par mi spyod do/ /las las gzhan du yang thams cad mkhyen pa nyid la yongs su mi bsngo'o| |las gang yin pa de yang thams cad mkhyen pa nyid la yang dag par rjes su mi mthong ngo / /las kyi lam dang bral bas kyang thams cad mkhyen pa nyid kyi smon lam thob par mi 'gyur te/ las kyi gzugs brnyan gyis rnam par smin pa'i gzugs brnyan yongs su dag par 'gyur ro/ /rnam par smin pa'i gzugs brnyan yongs su dag pas thams cad mkhyen </font><hr>Kha183a<br><font size=+1>


@#/ /pa'i ye shes thob par 'gyur ro/ /yongs su bsngo ba de g.yo ba dang / rlom sems dang / rnam par spyod pa dang bral bar yang rab tu shes so/ /des kyang dge ba'i rtsa ba de dag yongs su bsngo'o/ /yongs su bsngo ba 'dis yongs su bsngos pas sems can rab tu dgrol ba rgyun chad par mi 'gyur ro/ /dge ba'i rtsa ba de dag yongs su bsngo ba 'dis yongs su bsngo ba na chos kyi mtshan nyid la gnas pa'ang mi gtong ste/ las dang rnam par smin pa med pa'i chos thams cad la nyon mongs pa med pa'i yongs su bsngo ba'i tshul gyis las dang rnam par smin ba sgrub pa la mngon par mkhas pa yin no/ /de ltar byang chub sems dpa' dge ba'i rtsa ba de dag yongs su bsngo ba ni/ bla na med pa yang dag par rdzogs pa'i byang chub tu rjes su spyod pa kha na ma tho ba med pa yin no/ /kye rgyal ba'i sras dag /'di ni/ byang chub sems dpa' sems dpa' chen po rnams kyi yongs su bsngo ba sems can rnams kyi 'du shes 'gog cing| 'gro ba thams cad yongs su skyob pa zhes bya ba ste/ dang po'o/ /de nas byang chub sems dpa' rdo rje rgyal mtshan gyis 'khor thams cad la rnam par bltas te/ chos kyi dbyings la rnam par bltas nas don dang / tshig dang / yi ge la 'jug par bya ba dang / sems rgya chen po mtha' dang dbus med pa yongs su sgom pa dang / 'gro ba thams cad snying rje chen pos </font><hr>Kha183b<br><font size=+1>


khyab par bya ba dang / dus gsum gyi sangs rgyas kyi gdung la sems yang dag par 'brel bar bya ba dang / sangs rgyas kyi chos dang yon tan thams cad la 'jug par bya ba dang / sangs rgyas thams cad kyis byin gyis brlabs pa'i lus yang dag par bskyed pa dang / sems can thams cad kyi bsam pa rab tu dbye ba dang / dge ba'i rtsa ba bskyed pa'i dus la ji ltar 'bab pa yang dag par blta ba dang / chos kyi las dang mthun pa'i gzugs kyi lus yongs su dag pa yang dag par bstan par byed cing / sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gang zhig bsam yas bskal par spyod pa dag /sems can phan phyir rtag tu zhugs pa ste/ /de dag brtson brtan chags med yid ldan pa/ /sangs rgyas yon tan rtag tu sbyor zhing tshol/ /gang zhig mtshungs med skyes bu 'dul drung du/ /bsam pa dri ma med par rnam sbyangs shing / /chos mkhas 'gro ba skyob pa'i sems ldan pa/ /de dag yongs bsngo mdzod du zhugs pa yin/ /brtson 'grus stobs dang de dag nyer ldan zhing / /ye shes stobs kyis rnam dag yid gzhungs te/ /bzod pa'i stobs ldan sgul bar mi nus pa/ /de dag 'gro ba kun skyab mngon par brtson/ /shin tu yid brtan mtshungs pa med pa dang / /bsam pa rnam dag dga' ba'i blo ldan pa/ /de dag sa dang / </font><hr>Kha184a<br><font size=+1>


@#/ /'dra ba'i bzod stobs kyis/ /'gro ba kun la phan phyir mngon par brtson/ /bdag la bde ba tshol bar mi byed de/ /snying rje can gyi bsam pa de 'dra'o/ / 'gro ba thams cad yongs su skyob sems can/ /chags med gyur par de dag zhugs pa yin/ /phyogs bcu'i sems can ji snyed gang yang rung / /'gro ba kun nas ma lus bsdu byas te| |de dag don du brtan sems ldan pa rnams/ /de dag yongs su bsngo tshul bslab pa yin/ /dga' ba'i sems kyis sbyin pa gtong bar byed/ /skyes bu dam pa tshul khrims rnam dag pa/ /brtson 'grus stobs la brtan par gnas pa'i sems/ /de dag ye shes dge bas yongs su bsngo/ /de dag blo gros yangs shing mtha' yas pa/ /bzod pa'i stobs la rtag par rab tu zhugs/ /bsam gtan stobs la rjes su sems pas na/ /mkhas pa de dag shes rab bsam mi khyab/ /phyogs bcu'i 'jig rten kun na gang yod pa'i/ /dge ba de dag yang dag sgrub pa na/ /'gro ba kun la phan dang bde sems kyis/ /ye shes mkhas la de dag yongs su bsngo/ /dge ba de dag gang la tshad med pa/ /brtan pa de dag yongs su sdud pa'i tshe/ /de la rtag brtson dam pa'i blo gros can/ /bsam yas ye shes la mi rab tu gzhog /de dag 'gro ba'i don du ma nar med par/ /bskal ba bsam gyis mi khyab gnas pa </font><hr>Kha184b<br><font size=+1>


spro| |de dag yid ni zhum par mi 'gyur te/ /de dag bsngo rtogs bsam pa'i yid dang ldan/ /gzugs tshol mi byed sgra dang dri ma yin/ /bro dang reg pa de bzhin mi tshol te/ /'gro ba thams cad yongs su dgrol sems kyis/ /ye shes dam pa'i stobs ni rtag tu tshol/ /mkhas pa de dag ye shes mkha' 'dra bas/ /mtha' dang dbus med spyad pa spyod pa byed/ /rgyal ba'i chos kyi chos nyid ci 'dra ba/ /mtha' yas grags ba'i spyod pa de 'dra'o/ /de dag gang dang gang du 'dong byed pa/ /'gro la bde ba rgya cher rab tu sgrub/ /rtag tu mchog brtson dga' ba byed pa ste/ / byang chub spyod pas dga' bar tshor ba med/ /gdugs med sems la gnas shing zhugs pa rnams/ /ye shes dam pa mchog la rjes su sems/ /de dag bdag la bde bar mi/ 'dod de/ /'gro ba kun la bde dang dga' phyir brtson/ /de dag yongs su bsngo ba mthar phyin dang / /bsam pa gdug med rnam par dag yid kyis/ /dus gsum rgyal ba gang na bzhugs bzhugs pa'i/ /chos kyi grong rdal de na rab tu gnas/ /gzugs dang tshor ba dag la mi gnas shing / /'du shes 'du byed yid la'ang ma yin te/ /srid pa gsum las yongs su yid bskyod de/ /bsod nams gter la de dag yongs su bsngo/ /sems can ji snyed rgyal bas sad byas pa/ /'gro ba kun nas ma lus bsdu byas te/ /skyes bu dam pa de dag </font><hr>Kha185a<br><font size=+1>


@#/ /dgrol ba'i phyir/ /spyod pa'i mchog la gang zhig brtson byed pa/ /de dag rnam pa kun tu sems brtan te/ /de dag blo gros yangs pa gzhal du med/ /de dag dran pa'i dbang po ma nyams pa/ /de dag mnyam bzhag bsam pa rnam par dag /'jig rten 'di yi nang dang phyi rnams su/ /gang du'ang de dag gnas 'chang mi byed de/ /mkha' la rlung dang rlung mar ci 'dra ba/ /phyogs rnams kun tu sems ni de bzhin no/ /de dag lus kyi las rnams rtsom byed pa/ /des ni rgyal ba mngon par mnyes par byed/ /rgyal ba rnams la ngag kyang bsdams pa ste| |yid kyis de dag zhugs pa gang yang med/ /mi yi dbang po gang na bzhugs pa'i zhing / /mtha' yas zhing du de dag 'dong byed cing / /de dag kun tu thugs rje rgyal ba mthong / / rgyal ba rim gro byas shing de nas 'dong / /de dag rtag tu kha na ma tho med/ /'gro ba kun na de dag 'jigs pa med/ /de dag srid gsum 'di na mu stegs byed/ /de dag bde gshegs lam la gnas pa yin/ /de dag rnam par sgom zhing mngon brtson pa/ /skye dang 'jig pa'i tshul la rjes su sems/ /chos kyi ngo bo nyid la rab tu zhugs/ /nyon mongs med pa'i tshul la rab tu zhugs pa yin/ /gang gi spyod pa rab tu brtan gyur cing / /'gro ba kun las shes pa mi ldog pa/ /de 'dra'i chos nyid de dag rjes su sems/ /des ni dus </font><hr>Kha185b<br><font size=+1>


gsum chags pa med par 'gyur/ /gang rnams 'gro ba rnam par dag byed pa/ /de dag yongs su bsngo ba'i pha rol phyin/ /de dag gnas rnams thams cad phyir bzlog pas/ /de phyir de dag spyod la mi gnas so/ /'gro ba kun gyi tshig lam ji snyed dang / /skye rgu thams cad smra zhing mngon brjod pa/ /de dag smra yang rlom sems med pa yin/ /chags med yid ldan spyod pa 'di 'dra'o| |bsod nams tshul la blo gros mtha' yas pa/ /de dag 'di ltar yongs su bsngo ba na/ /phyogs bcu'i 'jig rten bzhugs pa ji snyed pa'i/ /mi yi dbang po de dag mnyes pa yin| |'gro ba thams cad yongs su skyob pa zhes bya ba ste/ yongs su bsngo ba dang po'o/ /kye rgyal ba'i sras dag /byang chub sems dpa' sems dpa' chen po rnams kyi yongs su bsngo ba mi phyed pa dang ldan pa zhes bya ba gnyis pa gang zhe na/ kye rgyal ba'i sras dag/ 'di la byang chub sems dpa' 'di lta ste/ de bzhin gshegs pa thams cad mnyes par bya ba'i phyir sangs rgyas 'das pa dang / ma byon pa dang / da ltar byung ba thams cad la mi phyed par dad pa yin/ 'di lta ste/ byang chub sems dpa' thams cad kyi dge ba'i rtsa ba dang rgyud kyi tshul gcig par bya ba'i phyir byang chub sems dpa' thams cad mkhyen pa nyid du sems bskyed pa gcig thob pa yan chad kun la yang mi phyed par dad pa yin/ 'di lta ste/ lhag pa'i bsam </font><hr>Kha186a<br><font size=+1>


@#/ /pas rab tu zhugs pas sangs rgyas kyi chos thams cad la mi phyed par dad pa yin/ 'di lta ste/ de bzhin gshegs pa thams cad kyi bstan pa yang dag par gzung zhing bsrung ba'i phyir de dag dang de dag tu skyes pa'i sangs rgyas thams cad kyi bstan pa la mi phyed par dad pa yin/ 'di lta ste/ sdang ba med pa'i mig rab tu 'thob pa dang / sems can thams cad kyi don du dge ba'i rtsa ba thams cad yongs su bsngo ba'i phyir sems can thams cad la mi phyed par dad pa yin/ 'di lta ste/ mtha' yas pa'i dge ba'i rtsa ba mngon par 'du bya zhing yang dag par bsgrub pa'i phyir chos dkar po thams cad la mi phyed par dad pa yin/ 'di lta ste/ lhag pa'i bsam pa dang / mos pa yongs su rdzogs par bya ba'i phyir byang chub sems dpa' thams cad kyi yongs su bsngo ba la mi phyed par dad pa yin/ 'di lta ste/ ston pa'i 'du shes yongs su ma rgyas pa rgyas par bya ba'i phyir chos smra ba'i byang chub sems dpa' thams cad la mi phyed par dad pa yin/ 'di lta ste/ de bzhin gshegs pa bsam gyis mi khyab pa la dad par bya ba'i phyir sangs rgyas thams cad kyi rnam par 'phrul pa dang / cho 'phrul la mi phyed par dad pa yin/ byang chub sems dpa'i thabs mkhas pa'i spyod pa rnam pa tha dad pa sna tshogs kyis yang dag par bzung ba/ dmigs pa kun </font><hr>Kha186b<br><font size=+1>


tu rgyu ba gzhan dang gzhan can de dag thams cad la mi phyed par dad pa yin te/ de ltar mi phyed pa'i gnas rab tu thob pa'i byang chub sems dpa' sems dpa' chen po ni/ dge ba'i rtsa ba ci'ang rung ste| sangs rgyas sam/ byang chub sems dpa'am/ nyan thos sam/ rang sangs rgyas sam/ sangs rgyas kyi bstan pa'am/ sems can rnams la dmigs pa gang dge ba'i rtsa ba sna tshogs sam/ dge ba'i rtsa ba rnam pa tha dad pa'am/ byang chub tu sems bskyed pa rnam par 'phel bar bya ba'am/ byams pa sgom pa'i dge ba'i rtsa ba yang dag par bskyed pas kyang rung ste/ snying rje chen po yangs pa tshad med pa yang dag par mthong bas byang chub tu sems bskyed pa yangs par bya ba dang / sangs rgyas thams cad kyi rjes su bslab pa dang / sangs rgyas thams cad kyi rjes su nan tan bya ba dang / dge ba'i rtsa ba thams cad yang dag par bsdu ba dang / don shes pa la yang dag par 'jug par bya ba dang / bsod nams kyi tshogs yang dag par bsgrub pa dang / sbyin pa'i tshogs rab tu brtsam pa dang / yon tan thams cad kyi tshogs la rab tu 'jug par bya ba dang / dus gsum mnyam pa nyid du rnam par dpyod par byed cing / de dge ba'i rtsa ba de dag thams cad mkhyen pa'i tshogs bsags pa'i phyir yongs su bsngo'o/ /sangs rgyas thams cad blta ba dang mi 'bral ba yongs su rdzogs par </font><hr>Kha187a<br><font size=+1>


@#/ /bya ba dang / dge ba'i bshes gnyen thams cad dang mi 'bral ba rab tu thob par bya ba dang / byang chub sems dpa' thams cad dang mi 'bral bar 'grogs ba dang thams cad mkhyen par sems bskyed pa yid la bya ba dang mi 'bral ba dang / sangs rgyas thams cad kyi bstan pa yang dag par bzung zhing bsrung ba dang mi 'bral ba dang / sems can gyi khams thams cad yongs su smin par bya ba dang mi 'bral ba dang / 'jig rten las 'das par sems bskyed cing yongs su bsngo ba dang mi 'bral ba dang / chos smra ba thams cad la phu dud du bya ba dang mi 'bral ba dang / chos kyi snang ba thams cad thob pa dang mi 'bral ba dang / smon lam chen po la rab tu brtson par bya ba dang mi 'bral bar yongs su bsngo'o/ /de ltar byang chub sems dpa' dge ba'i rtsa ba de dag yang dag par sgrub cing yang dag par sdud pa dang / nye bar gsog pa dang / mngon par 'du byed pa dang / sems pa dang / dmigs par byed pa dang / rab tu rtog pa dang / yang dag par smon pa dang / kun tu spyod pa dang / nye bar ston pa'i tshe 'di ltar yongs su bsngo ste/ dge ba'i rtsa ba 'di dag 'di ltar bsgrubs pa las dge pa'i rtsa ba dang rgyu mthun pa'i 'bras bu gang byung ba'i dge ba'i rtsa ba dang rgyu mthun pa'i 'bras bu des bdag byang chub sems dpa'i spyad pa spyod pa na/ sems kyi skad cig re re </font><hr>Kha187b<br><font size=+1>


la brjod du med pa'i sangs rgyas bcom ldan 'das rnams mthong bar gyur cig /de dag kyang mnyes par byas par gyur cig /de bzhin gshegs pa dgra bcom pa yang dag par rdzogs pa'i sangs rgyas de dag la yang sangs rgyas kyi rim gro rgya chen po byas par gyur cig /rin po che grangs med pa dang / me tog grangs med pa dang / dri grangs med pa dang / phreng ba grangs med pa dang / na bza' grangs med pa dang / gdugs grangs med pa dang / rgyal mtshan grangs med pa dang / ba dan grangs med pa dang / rgyan grangs med pa dang / lhab lhub grangs med pa dang / rim gro grangs med pa dang / byug pa grangs med pa dang / rnam par byug pa grangs med pa dang / me tog thams cad kyi gdan grangs med pa dang / spos thams cad kyi gdan grangs med pa dang / phreng ba thams cad kyi gdan grangs med pa dang / tsan+dan bzang po thams cad kyi gdan grangs med pa dang / gos thams cad kyi gdan grangs med pa dang / rdo rje thams cad kyi gdan grangs med pa dang / nor bu rin po che thams cad kyi gdan grangs med pa dang / rin po che'i spang leb thams cad kyi gdan grangs med pa dang / rin po che'i kha dog gi gdan grangs med pa dang / rin po che thams cad kyi 'chag sa grangs med pa dang / me tog thams cad kyi 'chag sa grangs med pa dang / spos thams cad kyi 'chag sa grangs </font><hr>Kha188a<br><font size=+1>


@#/ /med pa dang / phreng ba'i rgyan thams cad kyi 'chag sa grangs med pa dang / gos thams cad kyi 'chag sa grangs med pa dang / rin po che thams cad kyis sna tshogs su spras pa'i 'chag sa grangs med pa dang / rin po che thams cad kyi spang leb bting ba'i 'chag sa grangs med pa dang / rin po che thams cad kyi shing ta la'i phreng ba bsgrengs pa'i 'chag sa grangs med pa dang / rin po che'i stegs bus bskor ba'i 'chag sa grangs med pa dang / rin po che thams cad kyi dril bu'i dra bas kun nas yog par byas pa'i 'chag sa grangs med pa dang / lha rdzas thams cad las shin tu 'das pa'i rin po che'i gtsug lag khang grangs med pa dang / lha rdzas thams cad las shin tu 'das pa'i me tog thams cad kyi gtsug lag khang grangs med pa dang / lha rdzas las shin tu 'das pa'i spos thams cad kyi gtsug lag khang grangs med pa dang / lha rdzas las shin tu 'das pa'i phreng ba thams cad kyi gtsug lag khang grangs med pa dang / lha rdzas las shin tu 'das pa'i tsan+dan thams cad kyi gtsug lag khang grangs med pa dang / lha rdzas las shin tu 'das pa'i spos dang bdug pa mchog dam pa thams cad kyi gtsug lag khang grangs med pa dang / lha rdzas thams cad las shin tu 'das pa'i rdo rje'i gtsug lag </font><hr>Kha188b<br><font size=+1>


khang grangs med pa dang / nor bu rin po che'i gtsug lag khang grangs med pa dang / spos kyi shing dang / gos kyi shing dang / rol mo'i shing dang / rin po che'i shing dang / lhab lhub kyi shing dang / shing sna tshogs kyis kun nas bskor ba'i gtsug lag khang grangs med pa dang / yid du 'ong ba'i sgra 'byung ba'i shing grangs med pa dang / snam bu rin po che dpyangs pa'i shing grangs med pa dang / rin po che mang po'i shing grangs med pa dang / me tog dang / phreng ba dang / spos dang / byug pa dang / gdugs dang / rgyal mtshan thams cad grangs med pa dang / shing thams cad kyis brgyan pa'i gtsug lag khang grangs med pa dang / ba gam gyi rgyan grangs med pa dang / skar khung gi rgyan grangs med pa dang / rta babs kyi rgyan grangs med pa dang / pu shu'i rgyan dang / zla gam gyi rgyan dang / khang pa brtsegs ba'i rgyan dang / bla re'i rgyan grangs med pa dang / gsar gyi dra ba'i khab grangs med pa dang / spos dang / bdug pa'i dam pa thams cad kyi rgyan grangs med pa dang / gos thams cad gding par bting ba'i rgyan gyis thams cad rab tu brgyan pa'i gtsug lag khang grangs med pas bsnyen bkur byas par gyur cig /de ltar mchod pa rgya chen po sbyar te sangs rgyas thams cad la yid kyi dbang po shin tu dad pas mchod pa dang / rim gro rgyun mi chad pa dang / sangs </font><hr>Kha189a<br><font size=+1>


@#/ /rgyas phu dud du bya ba dang / phyir mi ldog pa las byung bas phyag 'tshal zhing mchod pa dang / bsnyen bkur byas te/ de bzhin gshegs pa de dag thams cad rim gror bya bas bskal pa brjod du med pa'i yang brjod du med pa zad par gyur cig/ 'gro ba thams cad dad par bya ba dang / sems can thams cad kyi dge ba'i rtsa ba yang dag par bsdu ba dang / 'gro ba thams cad kyi sdug bsngal gyi phung po rnam par bzlog pa dang / sems rgya chen po bskyed pa la mos par bya ba dang / rgyan chen pos yang dag par brgyan pa dang / tshad med par rnam par bres pa'i rgyan dang / brtsams pa mthar phyin par bya ba dang / sangs rgyas 'byung ba shin tu dkon pa brjod par bya ba dang / de bzhin gshegs pa'i stobs yongs su rdzogs par bya ba dang / mchod rten sna tshogs bsnyen bkur bar bya ba dang / sangs rgyas thams cad kyi bstan pa yang dag par gzung ba'i phyir de bzhin gshegs pa bzhugs shing 'tsho skyong ba de la de lta bu'i rim gro byed pa dang / de dag yongs su mya ngan las 'das nas kyang sangs rgyas de dag thams cad kyi sku gdung mchod pa la rab tu brtson par bya bas bskal pa grangs med pa zad kyang de bzhin gshegs pa de dag mchod pa dang / bsnyen </font><hr>Kha189b<br><font size=+1>


bkur ba'i rgyan dang / brjod pa yon tan mtha' yas pa bsngags pas bsgrubs pa dang / 'gro ba thams cad yongs su smin par bya bas bsgrubs pa de dag mthar thug par ma gyur cig /de ltar rim gro byed pa las phyir ldog par ma gyur cig /rgyun gcod par ma gyur cig /sems yongs su skyo ba med pa yang thob par gyur cig /mngon par chags pa'i sems 'du shes rnam par spangs pa dang / mi gnas pa'i chos nyid dang / dge ba'i rtsa ba rlom sems thams cad bcom pas rlom sems med par gyur pa dang / chos 'gyur ba med pa yang dag pa ji lta ba bzhin gyi rgyas btab pa'i chos kyi sgo dang / tshe dang skye ba thams cad du 'khor bar 'gyur pa'i sangs rgyas kyi spyod pa dang / skye ba med pa'i rang bzhin la dbyod \ DPYOD?\ cing dmigs pa'i chos kyi rgyas btab pa'i sems bskyed pa dang / de bzhin gshegs pas byin gyis brlabs pa'i yongs su bsngo ba dang / chos kyi rang bzhin la rab tu brtson pa'i yongs su bsngo ba mnyam pa nyid dang / mngon par 'du bya ba med pa'i tshul la zhugs pa'i mngon par 'du bya ba med par sgrub pa dang / dngos po thams cad kyi 'du shes dang bral ba'i bsngo ba'i tshul dang / bsngo ba la mkhas pa'i rnam pa tshad med pa dang / byang chub sems dpa'i bsngo ba srid pa kun las 'phags pa dang / sgom pa'i sgo mtshan ma la mkhas pas </font><hr>Kha190a<br><font size=+1>


@#/ /gnas pa dang / byang chub sems dpa'i spyod pa dge ba'i rtsa ba nye bar len pa'i byin gyi rlabs can dang / byang chub tu sems bskyed pa bsngo ba chen pos yongs su sbyangs pa dang / dge ba'i rtsa ba thams cad la gnas pa'i mos pa yongs su rgyas par gnas thams cad yang dag par bcom par gyur cig/ de ltar byang chub sems dpa' sems dpa' chen po ni/ dge ba'i rtsa ba de dag 'di ltar ci nas kyang 'khor ba'i rgyud du chud zos par mi 'gyur ba dang / ci nas kyang thams cad mkhyen pa nyid du sems bskyed pa chud zos par mi 'gyur ba dang / ci nas kyang srid pa'i 'du 'dzis chud zos par mi 'gyur pa dang / ci nas kyang sems can gyi khams thams cad bsgral ba dang / ci nas kyang skye ba dang / 'chi 'phos skyon du mi 'gyur ba dang / ci nas kyang chags pa med pa'i ye shes kyi sgo stor bar mi 'gyur ba dang / ci nas kyang byang chub sems dpa'i spyod pa gcig nas gcig tu brgyud pa'i rgyu zad par mi 'gyur ba dang / ci nas kyang 'jig rten gyi chos kyis kun tu blangs par mi 'gyur ba dang / ci nas kyang pha rol tu phyin pa rnams kyis rnam par dag par 'gyur ba dang / ci nas kyang thams cad mkhyen pa'i stobs phun sum tshogs par 'gyur bar yongs su bsngo ste/ de ltar byang chub sems dpa' sems dpa' chen po byang chub sems dpa'i sems bskyed pa mun pa med pa dang ldan pa ni/ </font><hr>Kha190b<br><font size=+1>


chos dkar po snang bar gyur pas nye bar brtan cing yongs su bsngo ba'i mchog skyes bu dam pas spyad pa dang / yongs su ngag pa'i yid kyis yang dag par rtog pa dang / sems dang 'dra ba'i chos thams cad la zhugs pa dang / sgyu ma dang 'dra ba'i las yongs su shes pa dang / mig yor lta bu'i las kyi rnam par smin pa la mos pa dang / sprul pa lta bu'i mngon par 'du byed pa la gnas pa dang / sgra brnyan lta bu'i las la brten pa dang / grib ma lta bu'i byang chub sems dpa'i spyod pa'i rjes su song ba dang / chags pa med pa'i chos kyi mig rab tu skyes pa dang / bya ba med par 'byams klas pa'i rjes su song ba dang / zhi ba'i rigs rab tu thob pa dang / gnyis su med pa dang ldan pa'i 'dus byas dang / 'dus ma byas kyi chos thams cad la rab tu zhugs pa dang / chos ma nor ba'i mtshan ma thob par bya ba dang / byang chub sems dpa'i spyod pa de thams cad kyi rjes su song ba dang / mtshan ma thams cad la zhen pa med pa dang / thun mong gi las la mkhas pa'i rjes su song ba dang / chos dkar po thams cad rgyun ma chad pa dang / chags pa thams cad kyis mngon par ma zhen pa dang / chags pa med par 'gro ba la brten pa dang ldan pa yin te/ de ltar byang chub sems dpa' sems dpa' chen po shin tu bsam pa'i blo dang ldan pa/ </font><hr>Kha191a<br><font size=+1>


@#/ /dge ba'i rtsa ba la rmongs pa med pa/ chos thams cad dang 'gal ba med pa'i chos can/ rgyu dang / las dang / bya ba dang 'gal ba med pa yang dag par mthong ba/ yongs su bsngo ba la mkhas pa/ ngo bo nyid kyi chos kyi tshul dang / las rnam par smin pa mngon par sgrub pa'i pha rol tu phyin pa chos thams cad la rnam par lta zhing / rnam par dpyod pa'i ye shes dang ldan pa/ yongs su bsngo ba'i ye shes chen po mngon par shes pa las shin tu rig pa'i dge ba'i rtsa ba dang ldan pa/ mngon par 'du bya ba med par spyod pa'i sems dge ba dang ldan pa de dge ba'i rtsa ba de dag 'di ltar ci nas kyang 'gro ba thams cad yongs su dgrol ba dang / sangs rgyas kyi rigs bdud kyi las dang bral ba/ las kyi rnam pa yongs su byang ba'i bdag nyid can thams cad mkhyen pa nyid du mos shing rjes su song ba'i sems dang ldan par 'gyur bar yongs su bsngo'o| |bsngo ba de yang tshad med pa'i ye shes khong du chud par bya ba'i phyir yang dag par mthong bar byed de/ dge ba'i rtsa ba de dag 'jig rten gyi yul dang rnam par bral ba/ nyon mongs pa thams cad dang rnam par bral bar yongs su bsngo'o/ /sems can thams cad shin tu rnam par byang ba'i phyir yang yongs su bsngo ste/ ye shes rnam par dag </font><hr>Kha191b<br><font size=+1>


pa'i mthar thug par zab pa'i tshul gyis dge ba'i rtsa ba de dag ci nas kyang 'khor ba'i chos kyis mi bskyod cing / sangs rgyas kyi dge ba mngon par 'byung ba sems bskyed pa dang ldan par yongs su bsngo'o/ /dge ba'i rtsa ba de dag yongs su bsngo ba'i tshe'ang bdud kyi las thams cad las rnam par bzlog ste chos mnyam pa nyid kyi rgya yongs su bsngo ba'i ye shes kyi rjes su song ba las rgyas 'debs par byed do/ /dge ba'i rtsa ba de dag thams cad mkhyen pa nyid kyi longs spyod kyi phyir yang chos thams cad 'jig rten las 'das par khong du chud pa'i yongs su bsngo bas yongs su bsngo'o/ /de ltar byang chub sems dpa' sems dpa' chen po dge ba'i rtsa ba de dag yongs su bsngo ba ni/ thams cad mkhyen pa'i theg pa'i dkyil 'khor yongs su grub pas 'gyod pa med pa'i dge ba'i rtsa ba dang ldan pa yin te/ kye rgyal ba'i sras dag /'di ni/ byang chub sems dpa' rnams kyi yongs su bsngo ba mi phyed pa dang ldan pa zhes bya ba ste/ gnyis pa'o/ /yongs su bsngo ba de dang ldan pa'i byang chub sems dpa' ni/ dge ba'i rtsa ba thams cad yongs su bsngo zhing / sangs rgyas grangs med pa mngon sum du bya ba thob par 'gyur ro/ /chos brjod du med pa yongs su dag pa yang yongs su rdzogs par byed do/ /sems can thams cad mnyam pa nyid kyang khong </font><hr>Kha192a<br><font size=+1>


@#/ /du chud par byed do/ /chos thams cad la 'jug pa rmongs pa med pa la yang rab tu 'jug go /sangs rgyas thams cad kyi byin gyi rlabs bdud kyi las thams cad rab tu 'joms pa yang yongs su sgrub bo/ /mngon par skyes pa'i byang chub kyi sems kyang yongs su rdzogs par 'grub par 'gyur ro/ /chags pa med pa la rab tu 'jug pa'i phyir gzhan gyi dring mi 'jog pa'ang yang dag par 'grub bo/ /chos thams cad kyi don mthong ba yang rab tu thob bo/ /sangs rgyas kyi zhing thams cad kyi rjes su song ba'i 'du shes kyi gnas kyang rab tu rtogs par byed do/ /'gro ba thams cad yongs su snang bar bya ba'i yongs su dag pa yang yongs su sgrub bo/ /de nas byang chub sems dpa' rdo rje'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ / de dag yid ni dbye ba med bsgyur cing / /ji snyed las rnams yang dag brtson byed kun/ /ci nas rgyal ba mngon par mnyes 'gyur ba/ /de ltar 'jig rten mkhas la yongs su bsngo ba byed/ /sangs rgyas bsam du med pa bsnyen bkur cing / /sbyin 'dul sdom pa mchog gi tshul khrims rnams/ /ci nas 'gro kun rnam par dag 'gyur ba/ /de ltar </font><hr>Kha192b<br><font size=+1>


'jig rten phan phyir yongs su bsngo/ /ji snyed 'di na spos kyi gzhal med khang / /me tog rnam pa na bza'i rnam pa dang / /lhab lhub rnam pa gdugs kyi rnam pa dag /des na ye shes mkhas la bsnyen bkur byed/ /de ltar skyes bu'i seng+ge drang srong rnams/ /bskal pa bsam yas bsnyen cing bkur byas kyang / /rgyal ba skyes bu 'dul ba mchod byas pas/ /nam yang ngoms par tshor bar mi 'gyur ro/ /de dag rgyal ba kun la mos byed cing / /phyogs rnams kun gyi 'jig rten sgron ma rnams/ /mi yi seng+ge mtshungs med ji snyed du/ / 'jig rten phyogs bcu dag na bzhugs pa mthong / /bskal pa bsam gyis mi khyab rnam mang du/ /mi ngoms yid kyis sbyin pa gtong byed cing / /dge ba de la rjes su sems byed pas/ /bskal pa brgyar yang ngoms par mi tshor ro/ /'gro ba'i 'du shes rnam rtog rab shes kyang / /de la de ni mi rtog rnam mi rtog /de dag 'gro ba'i dbang po ma lus shes| |de dag phan phyir rtag tu 'jug par byed/ /de dag dga' zhing mnyam par gzhag pa'i sems/ /dad pa 'od gsal sri zhu ldan pa rnams/ /bsam yas bskal par 'jig rten 'gro phan phyir/ /yongs su dgrol ba'i sems kyis spro bar byed/ /de dag bde gshegs mya ngan 'das pa la/ /sna tshogs rnam pa tha dad yid 'ong ba'i/ /mchod </font><hr>Kha193a<br><font size=+1>


@#/ /rten bsam gyis mi khyab rtsig byed cing / /mchod pa byed kyang nam yang tshim pa med/ /mtshungs med de dag sku gzugs rnam dag pa/ /rab tu 'od 'bar gser gyi snying po can/ /rgyal ba'i sku gzugs ri rab mnyam pa dag /bye ba brgya phrag mtha' yas rab tu byed/ /zil mnon dam pa rnyed pa de dag ni/ /bsod nams yangs pa'i stobs de sgrub pa na/ /de dag yongs bsngo'i shes par rab rtogs shing / /dngos dang dngos med thams cad rab tu sgom/ /'di 'dra'i ye shes tshul la yongs bsngos pas| |de phyir 'khor bar zad par mi 'gyur te/ /chos nyid ye shes mchog dang dam pa dang / /de la chos rnams skye ba gang yang med/ /des ni 'jig rten mkhyen pa rnam dag ltar/ /sems kyang rab tu rnam par dag par 'gyur/ /des na mi zad mthar phyin tshul rtogs pa'i/ /'dus byas bsod nams zad par 'gyur ba med/ /gang rnams byang chub sems dang ldan gyur cing / /'jig rten kun la gnas pa med pa dag /'gro ba kun la chags pa med pa yin/ /phyogs rnams kun tu 'ang mtha' yas rab tu 'gro/ gang gis mi yi dbang po kun 'byung ba/ /de 'dra'i sems su yongs su bsngo ba byed/ /'gro ba thams cad sems dang mnyam rtogs kyang / /'gro ba kun tu sems ni dmigs pa </font><hr>Kha193b<br><font size=+1>


med| /de dag dngos po thams cad ma lus par/ /chos rnams dngos med ji bzhin 'jug par byed/ /ci nas 'jig rten lam du nyams med par/ /rnam dag mig can yongs su bsngo ba byed| |des ni srid rnams yongs su dag par bsngo/ /dngos su sred la rtog par mi byed de/ /dngos dang dngos med tshul ni shes byed cing / /'od gsal dang bas sems kyang tshim par byed| |sangs rgyas zhing gcig gnas par mi byed de/ /zhing rnams ma lus kun tu 'ang gnas mi 'cha'/ /'dus byas chos kyis snyems par mi byed de/ /de dag rang bzhin la yang mi gnas so| |ci nas rgyal ba kun gyi kun mkhyen dang / /ci nas bla med sangs rgyas rgyan thob cing / /ci nas rgyal ba thams cad mnyes 'gyur ba/ /de ltar de dag las ni yongs su bsngo/ /ye shes dam pa'i rnam pa tshul shes pa/ /de dag rkang gnyis dam pa dran byed cing / /de 'dra'i chos rnams gnas med rab shes pas/ /de 'dra'i bsod nams gnas pa med par 'gyur/ /de dag 'gro ba kun gyi skyabs yin te/ /las kyi mtha' rnams thams cad rnam par spong / /'gro ba kun la phan dang bde sems kyis/ /'jig rten yongs su spang ba gang yang med/ /chos dang bar du mya ngan 'da' ba dag /gang phyir gzhan min 'grangs pa'i sa la srung / /gang gis rgyal 'gyur sangs rgyas gyur ba'i rnams/ /de ltar dge ba de dag yongs su bsngo/ /'jig rten 'gro </font><hr>Kha194a<br><font size=+1>


@#/ /ba'i rgyud la rlom sems med/ /'dus byas rnams la'ang de dag chags pa med/ /tshig gi lam la de dag gnas pa med/ /tshig med lam la'ang nam yang mi gnas so/ /chos rnams thams cad ma lus bsdu mdzad do/ /mi yi dam pa sangs rgyas ji snyed pas/ /'gro rgyud thams cad rnam par phye bas mkhyen/ /thugs kyis rnam par dbye dang rtog mi mnga'/ /rgyan gcig las ni rgyan rnams kun 'byin kyang / /rnam par rtog pa'i chos su mi byed de/ /de dag thams cad dngos med spyod med par/ /'jig rten rtog pa med par rab tu shes/ /mi phyed pa dang ldan pa zhes bya ba ste/ yongs su bsngo ba gnyis pa'o/ /bam po sum cu rtsa gsum pa/ kye rgyal ba'i sras dag /byang chub sems dpa' sems dpa' chen po rnams kyi yongs su bsngo ba sangs rgyas thams cad la yang dag par bskyed pa zhes bya ba gsum pa gang zhe na/ kye rgyal ba'i sras dag /'di la byang chub sems dpa' sems dpa' chen po 'das pa'i sangs rgyas bcom ldan 'das rnams kyi yongs su bsngo ba la yang rjes su slob bo/ /ma byon pa'i sangs rgyas bcom ldan 'das rnams kyi yongs su bsngo ba la yang rjes su slob bo/ /da ltar byung ba'i sangs rgyas bcom ldan 'das rnams kyi yongs su bsngo ba la yang rjes su slob bo/ /de byang chub sems dpa'i </font><hr>Kha194b<br><font size=+1>


spyad pa la spyod pa'i tshe mi mthun pa ma yin zhing yid du 'ong ba'am/ mi mthun pa ma yin zhing yid du 'ong bar reg pa'am/ mi mthun pa ma yin zhing yid du 'ong ba'i chos sam/ mi mthun pa ma yin zhing kha na ma tho ba/ med pa rnam par dag pa/ dge ba/ yangs pa/ 'od gsal ba gang gis yid dga' ba skye zhing bde bar 'gyur ba/ dad pa skye ba/ dga' ba skye ba/ rab tu dga' bar gnas pa/ spro ba rab tu 'byung ba/ yid mi bde ba rnam par bzlog pa/ sems bde bar 'gyur ba/ /nyams dga' bar 'gyur ba/ bsam pa 'jam par 'gyur ba/ dbang po sim par 'gyur pa'i gzugs gang ji snyed yod pa de dag thams cad mthong bar gyur te/ de bde ba'i 'du shes de dag mthong ba'i tshe 'di ltar yongs su bsngo ste/ bdag gi bde ba yongs su bsngo ba 'dis sangs rgyas bcom ldan 'das de dag sangs rgyas kyi rnam par spyod pa'i bde ba bsam gyis mi khyab pa dang phyi phyir zhing yang ldan par gyur cig /sangs rgyas kyi ting nge 'dzin gyi bde ba mtshungs pa med pas yang dag par gzung bar gyur cig /sangs rgyas kyi thugs rje chen po'i bde ba mtha' yas par phyir zhing yang shin tu brtan par gyur cig /sangs rgyas kyi rnam par thar pa'i bde ba tshad med pa yang dag par ldan par gyur cig /sangs rgyas kyi cho 'phrul tshad med pas shin tu bzung bar gyur cig /sangs rgyas kyi khyu mchog gi mthu phyung </font><hr>Kha195a<br><font size=+1>


@#/ /ba'i bde ba rnyed par dka' bas shin tu khyab par gyur cig /sangs rgyas kyi stobs kyi bde ba tshad med pas shin tu bde bar gyur cig /tshor ba thams cad zhi zhing skye ba med pa'i bde bas 'gyur ba med par bde bar gyur cig/ chags pa med par gnas pa rtag tu mnyam par bzhag pa'i de bzhin gshegs pa'i bde ba gnyis su med cing yang dag par spyod pas 'khrug pa med pa'i bde bar gyur cig/ ces de ltar byang chub sems dpa' sems dpa' chen pos dge ba'i rtsa ba de dag de bzhin gshegs pa rnams la yongs su bsngos nas byang chub sems dpa' rnams la yongs su bsngo ba byed de/ 'di ltar bsam pa yongs su ma rdzogs pa rnams kyi bsam pa yongs su rdzogs par 'gyur ba'i phyir yongs su bsngo'o/ /lhag pa'i bsam pa yongs su ma dag pa rnams yongs su dag par bya ba dang / pha rol tu phyin pa yongs su ma rdzogs pa thams cad yongs su rdzogs par bya ba dang / byang chub kyi sems rdo rje lta bu shin tu brtan par bya ba dang / thams cad mkhyen pa'i go cha phyir mi ldog pa rgyun mi 'chad par bya ba dang / byang chub tu gzhol ba'i dge ba'i rtsa ba rnams yongs su bsrung ba dang / 'gro ba thams cad dang mnyam pa'i byang chub kyi sems bskyed pa'i smon lam yongs </font><hr>Kha195b<br><font size=+1>


su rdzogs par bya ba dang / byang chub sems dpa' thams cad kyi rnam par spyod pa thob par bya ba dang / byang chub sems dpa'i dbang po thams cad kyi mngon par shes pa shin tu rno bar bya ba dang / byang chub sems dpa' thams cad kyi dge ba'i rtsa ba thams cad mkhyen pa nyid du thug par 'gyur bar bya ba'i phyir yongs su bsngo ste/ de ltar dge ba'i rtsa ba de dag thams cad byang chub sems dpa' rnams kyi don du yongs su bsngo'o/ /de yang dge ba'i rtsa ba chung du na se gol gtogs pa tsam du sangs rgyas zhi ba'i sgra thos sam/ chos nyan tam/ 'phags pa'i dge 'dun bsnyen bkur byed dam/ gang ci yang rung ste/ dge ba'i rtsa ba de dag sems can thams cad la bar chad med par yongs su bsngo'o/ /sangs rgyas rjes su dran pa yongs su rdzogs par yongs su bsngo'o/ /chos rjes su dran pa rab tu sbyor bar yongs su bsngo'o/ /'phags pa'i dge 'dun rim gro bya bar yongs su bsngo'o/ /sangs rgyas mthong ba dang mi 'bral bar yongs su bsngo'o/ /sems rnam par dag par yongs su bsngo'o/ /sangs rgyas kyi chos khong du chud par yongs su bsngo'o/ /tshad med pa'i yon tan la rab tu 'jug pa'i phyir yongs su bsngo'o/ /mngon par shes pa dang / dge ba'i rtsa ba rnam par dag pa'i phyir yongs su bsngo'o/ /chos kyi the tshom rnam par bsal ba'i phyir yongs su bsngo'o/ /ji ltar </font><hr>Kha196a<br><font size=+1>


@#/ /nyan thos dang / rang sangs rgyas rnam par dag pa bstan pa la spyod pa'i sems can rnams la yongs su bsngo ba de bzhin du byang chub sems dpa' sems dpa' chen po de dge ba'i rtsa ba de dag sems can thams cad la'ang yongs su bsngo ste/ 'di ltar sems can dmyal ba'i lam rnam par bzlog pa'i phyir yongs su bsngo'o/ /byol song gi skye gnas rgyun gcad pa'i phyir yongs su bsngo'o/ /gshin rje'i 'jig rten rtsa ba nas gcad pa'i phyir yongs su bsngo'o/ /ngan song gi rgyud thams cad ma lus par rgyun gcad pa'i phyir yongs su bsngo'o/ /sems can de dag thams cad kyang bla na med pa'i byang chub tu mos shing phyir mi ldog pa'i phyir yongs su bsngo'o/ /lhag pa'i bsam pas thams cad mkhyen pa nyid du sems bskyed pa rab tu 'thob par bya ba'i phyir yongs su bsngo'o/ /sangs rgyas kyi chos thams cad mi spang ba'i phyir yongs su bsngo'o/ /thams cad mkhyen pa'i sa shin tu bde ba thob par bya ba'i phyir yongs su bsngo'o/ /sems can thams cad shin tu rnam par dag par bya ba'i phyir yongs su bsngo'o/ /sems can thams cad ye shes mtha' yas pa khong du chud par bya ba'i phyir yongs su bsngo'o/ /byang chub sems dpa' ni/ dge ba'i rtsa ba gang yang rung ste/ byang chub tu dmigs pa dang bral ba'i </font><hr>Kha196b<br><font size=+1>


sems dang / thams cad mkhyen par dmigs pa la brtson pa'i yid la byed pa dang / bdag gdul ba dang / pha rol gdul ba la gzhol ba'i lhag pa'i bsam pa dang / bdag dang gzhan yongs su smin par sbyor ba'i thabs mkhas pa dang / byang chub sems dpa'i tshul dang / ye shes kyi rjes su 'brang bas yongs su smin par byed pa'i rnam par thar pa dang / sems bskyed pa gnas pa med pa dang 'grogs pa'i mnyam par gzhag pa dang / sngon snying rje chen po bskyed pas khyim na gnas pa dang / byams pa'i sems dang ldan pas rang gi chung ma'i rjes su 'brang ba dang / sbyor ba nyams pa med pa dang / byang chub sems dpa'i lam shin tu rnam par dag pas rtsom pa dang / yang dag par rtsom pa dang / sgrub pa dang / yang dag par sgrub pa dang / skyed pa dang / yang dag par skyed pa dang / dmigs pa chen pos yang dag par sdud pa dang / grub par byed pa dang / rgya cher byed pa dang / yongs su rdzogs par byed pa dang / khyim na gnas pa dang / bu dang 'grogs shing gnas pa na 'di ltar yongs su bsngo ste/ byang chub sems dpa' khyim na gnas pa'i tshe gang ci yang rung ste/ gos dang / zas dang / mal stan dang / nad kyi rkyen sman dang / yo byad dang / 'gro ba dang / 'ong ba dang / spyod pa dang / ldang ba dang / rten pa dang / skye mched 'byung ba'i las dang / spyod lam la gnas pa dang / spyod lam brtul </font><hr>Kha197a<br><font size=+1>


@#/ /ba dang / lus dang ngag gi las spyod pa dang / dbang po drug bsdams pa dang / rang gi lus phyi ba dang / mnye ba dang / khrus byed pa dang / zos pa dang / 'thungs pa dang / 'chos pa dang / myangs pa dang / brkyang ba dang / bskum pa dang / lta ba dang / kun tu lta ba dang / log pa dang / sad pa dang / rang gi lus brtan par bya ba de dag thams cad byang chub sems dpa' thams cad mkhyen pa'i sems dang ldan pa/ thams cad mkhyen par dmigs pa la brtson pa/ sems can thams cad la phan pa dang bde bar sems pa| byang chub tu smon lam tshad med pa btab pa/ sems tshad med pa dang ldan pa/ dge ba'i rtsa ba rgya chen po yongs su sdud pa/ 'gro ba thams cad skyob par brtson pa/ dge ba'i rtsa ba la rtag tu brtson pa/ rlom pa dang / bag med pa rnam par bzlog pa/ thams cad mkhyen pa'i chos nyid la rab tu brten pa/ rnam par shes pa dang / sems bskyed pa dang / yid la byed pa gzhan med pa/ sangs rgyas thams cad kyi byang chub la mngon par gnas pa/ nyon mongs pa'i phyogs thams cad las phyir phyogs pa/ byang chub sems dpa' thams cad kyi bslab pa la slob pa'i sems dang ldan pa/ thams cad mkhyen pa'i lam nyams pa med pa/ ye shes kyis la brten pa/ bstan pa'i gnas dang ldan pa/ dge ba'i </font><hr>Kha197b<br><font size=+1>


rtsa bas shes rab che ba/ bung ba bzhin du dge ba'i rtsa ba'i tshogs chen po gsog pa/ 'gro ba thams cad las rgyud shin tu 'phags pa/ 'du byed la mngon par zhen pa med pa/ de bzhin gshegs pa thams cad kyi gdams ngag mthun par 'dzin pas thams cad mkhyen pa nyid du ma bsngos pa gang yang med de/ de ltar byang chub sems dpa' sems dpa' chen po khyim na gnas pa'i tshe dge ba'i rtsa ba de dag yang dag par sdud cing sgrub bo/ /yongs su bsngo ste/ de ltar de chung du na khyi'i lam gyi rgyud du gtogs pa dang / de ma yin pa'i byol song gi ris su gtogs pa la zas sna 'ga' ma/ kham 'ga' yongs su gtong ba byed kyang de thams cad de dag nyid la phan pa dang / de dag nyid la bde ba dang / byol song gi skye gnas de dag sdug bsngal gyi rgya mtsho de dag dang / sdug bsngal gyi rgyu de dag dang / sdug bsngal gyi phung po de dag dang / sdug bsngal gyi tshor ba de dag dang / sdug bsngal bsags pa de dag dang / sdug bsngal mngon par 'du byed pa de dag dang / sdug bsngal gyi gter de dag dang / sdug bsngal gyi rtsa ba de dag dang / sdug bsngal gyi skye mched de dag nas sems can de dag yongs su sgrol zhing rnam par bzlog pa'i phyir yongs su bsngo'o/ /de la dmigs pas sems can thams cad mngon du byed do/ /dmigs par byed do/ /yid la byed do/ /dge ba'i rtsa ba de dang de dag la'ang sngon du </font><hr>Kha198a<br><font size=+1>


@#/ /'gro bar byed de/ 'di ltar thams cad mkhyen pa nyid du yongs su bsngo'o/ /byang chub tu sems bskyed pas yongs su 'dzin to/ /dge ba'i rtsa ba de dag la nye bar 'jog go /'khor ba'i dgon pa las rnam par bzlog go /sangs rgyas kyi bde ba bsgribs pa med pa yang mngon du byed de/ 'khor ba'i rgyud las 'byin par byed do/ /sangs rgyas kyi chos la brtson pa'i byams pas kyang yongs su rgyas par byed do/ /snying rje chen pos kyang de dag la snying brtse bar byed de/ bde ba rnam par dag pa'ang de dag la yongs su bsngo'o// dge ba'i rtsa ba yongs su bsrung bar bya ba'i phyir yang rab tu 'jug ste/ de dag sangs rgyas kyi chos la nye bar sdud do/ /de dag bdud kyi yul las rnam par bzlog go/ de dag de bzhin gshegs pa'i yul la 'jug par byed do/ /de dag 'jig rten gyi rgyud thams cad las gyen du skyod par byed do/ /de dag de bzhin gshegs pa thams cad kyi rigs la yang dag par sgrub par byed do/ /de dag dus gsum mnyam pa nyid la rab tu gzhog ste/ de ltar byang chub sems dpa' dge ba'i rtsa ba gang ci yang rung ste yang dag par bsgrubs pa dang / yang dag par sgrub par 'gyur ba de dag thams cad 'di ltar yongs su bsngo ste/ 'di snyam du sems bskyed de/ ji ltar 'das pa'i sangs rgyas rnams kyis sngon byang </font><hr>Kha198b<br><font size=+1>


chub sems dpa'i spyad pa la spyod cing sangs rgyas la rim gro mdzad pa'i dmigs pa dang / dge ba'i rtsa ba thams cad kyi dmigs pa la brtson par mdzed pa'i tshe gzugs la gnas pa med pa dang / tshor ba la mngon par ma chags pa dang / 'du shes kyi rnam pa phyin ci log med pa dang / 'du byed mngon par 'du bya ba med pa dang / rnam par shes pa mngon par chags pa med pa dang / skye mched drug las gyen du 'phags pa dang / 'jig rten gyi chos dang mi 'grogs pa dang / 'jig rten las 'das par yongs su bsngo ba dang / nam mkha' lta bu'i chos 'byams klas pa rab tu mkhyen pa dang / chos thams cad gnas med par rab tu rtogs pa dang / chos thams cad ma skyes pas 'byung ba dang / chos thams cad ma 'gags par gzigs pa dang / mi bden pa'i chos thams cad la mngon par chags pa las gyen du 'phags pa dang / chos thams cad mi brdzun zhing bden par gzigs pa dang / chos thams cad 'pho ba med pa la shin tu mos pa dang / chos thams cad kyi yang dag pa'i mtha' ma nyams pa la gnas pa dang / chos thams cad mtshan nyid med pa'i mtshan nyid las shin tu 'phags pa dang / chos de lta bu'i mtshan nyid can thams cad rang bzhin med pa'i rang bzhin du rtogs pa dang / sgo kun nas dge ba'i rtsa ba yang dag par sgrub pa la brtson pa </font><hr>Kha199a<br><font size=+1>


@#/ /dang / de bzhin gshegs pa'i dkyil 'khor gyis gzigs pa thams cad la shin tu gzhol bas dge ba'i rtsa ba de dag yongs su bsngos pa de bzhin du bdag gis kyang chos nyid de dag kho na la mos par byas te/ chos de lta bu la brtson pa'i sems bskyed pa/ chos thams cad dang mi 'gal ba/ sgyu ma lta bu'i chos las byung ba dang / mig yor dang / chu zla lta bu'i rjes su song ba dang / me long gi dkyil 'khor la gdong gi dkyil 'khor yod pa lta bu'i rgyu dang ldan pa'i mthu dang / de bzhin gshegs pa'i sa'i mthar phyin par las kyi rgyud yongs su bsngo'o/ /zhes sems bskyed de/ de ltar byang chub sems dpa' sems dpa' chen po rnams 'das pa'i sangs rgyas bcom ldan 'das rnams kyi rjes su slob cing / dge ba'i rtsa ba de dag yongs su bsngo'o/ /'das pa rnams la ji lta ba de bzhin du ma byon pa dang / de bzhin du da ltar byung ba dang / de bzhin du 'das pa dang / ma byon pa dang / da ltar byung ba'i sangs rgyas bcom ldan 'das rnams kyi yongs su bsngo ba'i rjes su bslab ste dge ba'i rtsa ba de dag yongs su bsngo'o/ /yang 'di ltar sems bskyed de/ sangs rgyas bcom ldan 'das de dag gis byang chub sems dpa' dge ba'i rtsa ba 'di ltar yongs su bsngo'o/ / </font><hr>Kha199b<br><font size=+1>


zhes bya bar thugs su chud pa de lta bu'i bsngo ba rab/ dam pa/ mchog /bla na med pa/ mnyam pa med pa/ mi mnyam pa dang mnyam pa/ 'dra ba med pa/ mtshungs pa med pa/ gtso bor gyur pa/ thu bor gyur pa/ kun tu snyoms pa/ mi mnyam pa med pa/ bdag nyid che ba/ shin tu yangs pa/ dge ba/ rnam par dag pa/ kha na ma tho ba med pa brjod du med pas yongs su bsngo'o/ /snyam du sems bskyed de/ byang chub sems dpa' dge ba'i rtsa ba de ltar yongs su bsngo ba ni lus kyi las rnam par dag pas lus rnam par dag pa yin/ ngag gi las rnam par dag pas ngag rnam par dag pa yin/ yid kyi las rnam par dag pas yid rnam par dag pa yin/ kha na ma tho ba med pa la gnas pas byang chub sems dpa'i spyod pa la gnas pa yin| kha na ma tho ba med pa'i las dang ldan pas dge ba'i rtsa ba la brtson pa yin/ thams cad mkhyen pa nyid la rab tu brtson pas sems nyams pa med pa yin/ chos thams cad byed pa med par zhugs pas shin tu che ba la gnas pa yin/ 'jig rten gyi chos kyis ma gos pa 'jig rten las 'das pa'i chos dang 'byor pa yin/ ye shes dang mngon par shes pa'i las dang ldan pas las 'byams klas pa mtha' dang dbus med pa thams cad rab tu shes pa yin/ gnas pa thams cad yang dag par bcom pas yongs su </font><hr>Kha200a<br><font size=+1>


@#/ /bsngo ba la mkhas pa yin te/ kye rgyal ba'i sras dag /'di ni/ byang chub sems dpa' sems dpa' chen po rnams kyi yongs su bsngo ba gsum pa sangs rgyas thams cad la yang dag par bskyed pa zhes bya ba ste/ bsngo ba de la gnas pa'i sems dang ldan pa'i byang chub sems dpa' sems dpa' chen po ni/ de bzhin gshegs pa'i 'phrin las kyi zil dang ldan pa yin/ sangs rgyas kyi phun sum tshogs pa la zhugs pa yin/ ye shes kyi yul la zhugs pa yin/ byang chub sems dpa'i las dang ma bral ba yin/ thabs mkhas pa rnam par dpyod pa la mkhas pa yin/ chos kyi dbyings la rab tu zhugs pa yin/ byang chub sems dpas yongs su smin par bya ba'i mtshams sbyor ba la mkhas pa dang ldan pa yin/ de bzhin gshegs pa thams cad kyi rigs dang rgyud du chud pa yin/ chos thams cad kyi rgyud mtha' dang dbus med pa la mkhas pas rab tu dbye ba khong du chud pa yin/ 'jig rten du skye bar snang yang 'jig rten gyi chos kyis mi brjod pa yin no/ /de nas byang chub sems dpa' rdo rje'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /de dag bsngo ba bslab la bslab pa </font><hr>Kha200b<br><font size=+1>


ste| |skyes bu'i gtso bo ji snyed 'das pa dang / /gang dag ma byon gang dag bzhugs pa rnams/ /de dag spyod pa'i rjes su dpa' ba slob/ /bde ba ji snyed gang dag rgyu ba dang / /skyes bu'i gtso bos gang dang rab bsngags pa/ /mig tu 'ong zhing dag pa rgya chen rnams/ /'jig rten mkhyen pa rnam pa yongs su bsngo/ /lus kyi bde ba gang dag gshegs pa dang / /mig bde de bzhin rna ba'i bde ba dang / /sna dang lce yi bde ba mtha' yas pa/ /de dag rgyal ba kun la yongs su bsngo/ /'gro ba kun na dge ba gang yod pa/ /skyes bu 'dul bas thugs su chud pa rnams| |de dag thams cad ma lus bsdu byas te/ /'jig rten phan phyir de la rjes su dga'/ /'jig rten mkhyen pa'i de la dgar byas nas/ /skyes bu seng+ge'i bde ba gang mnga' ba| |de 'dra'i bde dang 'gro ba ldan 'gyur zhes/ /'gro ba kun la de dag bsngo ba byed/ /'jig rten dag na bder 'gyur gang yod pa/ /skyes bu'i dam pas thugs su chud pa rnams/ / bde ba de dang 'gro kun ldan 'gyur te/ /'jig rten snon ma bzhin du kun gyur cig /bde ba de dag yongs su bsngo byed kyang / /mtshungs med rtag tu 'gro phan byed pa dag /sems can phan par rtag tu zhugs pa rnams/ /yongs su bsngo bas rlom sems nam yang med/ /de ltar de dag yongs su bsngo ba na/ /tshe rabs skyes bu seng+ge ci 'dra ba/ /de 'dra'i dam par bsod </font><hr>Kha201a<br><font size=+1>


@#/ /nams 'di gyur ces/ /snying rje chen pos sems kyang yongs su bskyed/ /'jig rten 'di na byang chub spyad spyod cing / /'gro ba dag tu ji ltar las bsgrubs pas/ /rgyal bas ji ltar mkhyen pa mtshungs med pa'i/ /bde ba kun dang 'bral bar ma gyur cig /gang yang 'gro ba kun na yod pa yi/ /skye mched bsngams \ BSDAMS\ pa yang dag skyes pa rnams/ /ye shes ngang gis bslab bya bslab pa dag /skye rgu kun la phan phyir yongs su bsngo/ /lus dang ngag dang yid kyi las kyi rnams/ /gang yang rung ba'i lam na yod pa dag /ye shes ngang gis bslab bya bslab pa rnams/ /gti mug med pas yongs su bsngo ba byed/ /ji snyed de dag rab tu spyod pa rnams/ /rgyal sras rnams kyis yang dag bsdu bya ba/ /de ni mtshungs med rgyal ba'i rjes su 'byung / /de dag zhi ba'i yid phyir yongs su bsngo/ /'jig rten thams cad ma lus bsdu byas te/ / 'gro yangs 'di na ji snyed dge yod pa/ /bde ba de dang yongs su ldan pa'i phyir/ /de la de dag yongs su bsngo ba byed/ /bdag la bde ba nam yang mi tshol te/ /bde ba kun la'ang rtag par rab tu zhugs/ /spros pa rnams la nam yang mos pa med/ /bdag med chos la'ang rtag par 'jug pa yin/ /rgyal ba kun gyis ji snyed gzigs pa yi/ /rgyal </font><hr>Kha201b<br><font size=+1>


sras ji snyed yod pa de dag phyir/ /myur du ma lus sangs rgyas gyur cig ces/ /bsod nams de dag yongs su bsngo ba byed/ /bdag gis legs bsags las ni gang yod pa/ /de yis 'jig rten ma lus thams cad kyi/ /lam rgyud 'gro bar gtogs pa'i sems can rnams/ /de dag ma lus mi yi gtsor gyur cig /smon lam mang po ji snyed gang yod pa/ /mtshungs pa med pa'i rgyal bas bstan pa rnams/ /rgyal sras bsam pa yongs su grub gyur te/ /smon lam de dag rnam par dag gyur cig /'jig rten ji snyed las kyis rnam bris pa/ /phyogs na yod pa thams cad mthong nas kyang / /de dag yongs btsal bslab bya bslab pa rnams/ /ma lus bsod nams thams cad yongs su bsngo/ /gnyis kyi chos kyis 'jal bar mi byed de/ / gnyis med chos ni de dag mngon par shes/ /gnyis su yod dang gnyis su med pa la/ /rgyal sras de dag bsam pa mi ston to/ /'gro ba'i 'du shes rgyu ba ji snyed pa'i/ /ma lus 'jig rten 'du shes 'dul byed kyang / /'gro ba'i 'du shes rgyu ba rab rtogs pas/ /'du shes yod min 'du shes med mi 'gyur/ /de dag lus kyis yongs su dag gyur cing / /de dag yid kyang yongs su dag pa yin/ /de dag ngag gis shin tu bsdams byas shing / /de dag yid kyis yongs su dag pa yin/ /de dag bde gshegs mya ngan 'das pa dran/ /ma byon sangs </font><hr>Kha202a<br><font size=+1>


@#/ /rgyas de dag rjes su sems/ /phyogs bcu dag na bzhugs pa'i sangs rgyas kyang / /de dag rjes slob chos rnams ston pa byed/ /dus gsum rgyal ba ye shes mkhas pa rnams/ /chags pa med pa'i thugs kyis ji lta bur/ /byang chub don phyir 'phrin las sgrub mdzad pa/ de dag 'jig rten phan phyir yongs su bsngo/ /mchog gi blo dang tshul khrims ldan pa'i blo/ /bden pa'i blo dang gzhan du mi 'gyur blo/ /yang dag blo dang rnam par dag pa'i blo/ /de 'dra'i blo yi dam pas yongs su bsngo/ /sangs rgyas thams cad la yang dag par bskyed pa zhes bya ba ste/ yongs su bsngo ba gsum pa'o/ /kye rgyal ba'i sras dag /byang chub sems dpa' sems dpa' chen po rnams kyis yongs su bsngo ba bzhi pa thams cad rjes su song ba zhes bya ba gang zhe na/ kye rgyal ba'i sras dag /'di la byang chub sems dpa' sems dpa' chen po dge ba'i rtsa ba la brtson par byed pa'i tshe dge ba'i rtsa ba de dag 'di ltar yongs su bsngo ste/ 'di ltar yang dag pa'i mtha' thams cad du rjes su song zhing dngos po thams cad kyi rjes su song ba dang / 'gro ba thams cad kyi rjes su song ba dang / sems can thams cad kyi rjes su song ba dang / zhing thams cad kyi rjes su song ba dang / chos thams cad kyi rjes su song ba dang / nam mkha' thams </font><hr>Kha202b<br><font size=+1>


cad kyi rjes su song ba dang / dus gsum thams cad kyi rjes su song ba dang / 'dus byas dang 'dus ma byas thams cad kyi rjes su song ba dang / spyod pa'i sgra thams cad kyi rjes su song ba de bzhin du dge ba'i rtsa ba 'di yang dus gsum gyi sangs rgyas skye ba thams cad du rgyas par khyab par gyur cig /'das pa'i dus kyi sangs rgyas thams cad mchod cing bsnyen bkur ba'i rgyur gyur cig/ ma 'ongs pa'i dus kyi sangs rgyas thams cad kyi smon lam yongs su rdzogs pa'i rgyur gyur cig /da ltar byung ba'i dus kyi 'jig rten gyi khams nam mkha'i dbyings kyis klas pa/ chos kyi dbyings kyi mthas gtugs pa/ lha rdzas dang lha rdzas ma yin pa'i rim gro 'byams klas pa dang ldan pa/ sangs rgyas thams cad mngon du gyur ba'i sangs rgyas thams cad kyi 'khor gyi dkyil 'khor gyi de bzhin gshegs pa thams cad kyi rgyan rnam par dgod pa'i rgyur gyur cig /blo bdag nyid che ba la mos shing shin tu yangs pa'i don du sgrib pa med pa'i dge ba'i rtsa ba thams cad rgya cher yongs su bsngo ba'i phyir 'jig rten gyi khams mtha' dang dbus med pa thams cad sems bskyed pas rgyas par gyur cig /sangs rgyas bcom ldan 'das gang ji snyed chos kyi dbyings mtha' dang dbus med pa'i 'jig rten gyi khams dang / nam mkha'i dbyings 'byams klas pa la rab tu gnas pa'i 'jig rten gyi khams kyi rgyud </font><hr>Kha203a<br><font size=+1>


@#/ /dang / las gzhan dang gzhan gyis shin tu bsgrubs pa'i phyogs 'byams klas pa dang / 'jig rten gyi khams brjod du med par rnam par rgyu ba'i 'jig rten gyi khams dang / sangs rgyas kyi zhing brjod du med pa'i 'jig rten gyi khams kyi khongs mtha' yas pa dang / sangs rgyas kyi dmigs pa la gnas pa'i 'jig rten gyi khams du ma dang / 'jig rten gyi khams sna tshogs 'byams klas pa dang / sa mtshams med pa'i 'jig rten gyi 'khor dang / snrel zhir rgyu ba'i 'jig rten gyi khams mngon par grub pa dang / spyi'u tshugs su rgyu ba'i phyogs kyi 'khor gyi rgyud kyi 'jig rten gyi khams 'byams klas pa dang / sems can gyi 'khor mtha' dang dbus med pa'i 'jig rten gyi khams 'byams klas pa shin tu bstan pa thams cad ma lus pa de dag na bzhugs shing 'tsho ba dang / sangs rgyas kyi 'phrul pa dang / cho 'phrul yang dag par ston pa dang / byang chub sems dpa' de dag chos kyi dbyings ma lus pa dang / nam mkha'i dbyings su rtsa ba ma rnyed pa 'gro ba thams cad yongs su gzung bar sgrub pa'i de bzhin gshegs pa'i byin gyi rlabs yang dag par ston pa| sangs rgyas kyi gzigs pa ye shes 'byams klas pa'i mngon par shes pas thugs su chud pa/ rab tu brjod pa rnam par 'phrul pa mtha' dang dbus med pas rab tu </font><hr>Kha203b<br><font size=+1>


byung ba| chos thams cad kyi rang bzhin gyi rjes su song ba tha mi dad pa'i chos kyi dbyings gzhi mnyam pa la rab tu zhugs pa/ de bzhin gshegs pa'i snying po'i lus su gcig pa/ chos thams cad kyi rab tu zhugs pa med pa/ 'gro ba thams cad la yang dag par ston pas na/ phyir ldog pa med par 'jig rten gyi khams thams cad mngon par sgrub pa la mkhas pa thugs su chud pas thams cad mngon par mkhyen pa/ chos thams cad kyi rang bzhin gyis shin tu 'phags pa/ sgrib pa med pa'i byin gyi rlabs kyis phyir mi ldog pa/ sangs rgyas kyi dge ba'i rtsa ba yang dag par byung ba'i phyir chags pa med par gzigs pa'i bdag nyid che ba can bzhugs pa'i de bzhin gshegs pa dgra bcom pa yang dag par rdzogs pa'i sangs rgyas de dag dang / byang chub sems dpa' sems dpa' chen po de dag la me tog gam/ spos sam/ phreng ba'am/ byug pa'am/ gdugs sam/ rgyal mtshan nam/ ba dan nam/ rin po che'am/ me mar gyis de bzhin gshegs pa'i sku'am/ mchod rten yang rung ste/ dmigs pa tshad med pas sbyar ba'i dge ba'i rtsa ba'i tshogs thams cad kyis dge ba'i rtsa ba gang dang gang skyes kyang rung ste/ 'khrug pa med pa'i sems dang / rtse gcig tu gyur pa'i sems dang / g.yo ba med pa'i sems dang / rmongs pa med pa'i sems dang / mi sgul ba'i sems dang / gnas med </font><hr>Kha204a<br><font size=+1>


@#/ /pa'i sems dang / mi gnas pa'i sems dang / srog med pa'i sems dang / mi g.yeng ba'i sems dang / zhi ba'i sems su byas te/ 'di ltar yongs su bsngo zhing 'di snyam du dge ba'i rtsa ba 'di chos kyi dbyings shin tu bstan pas 'dus pa'i sangs rgyas thams cad thams cad mkhyen pa'i byang chub kyis 'dus pa'i ming mang po dang / tshig dang nges pa'i ngag mtha' yas pa dang / dus tha dad par mngon par 'tshang rgya ba'i de bzhin gshegs pa phyi ma'i mthar thug pa'i bskal par byin gyis brlabs pa'i sku tshe'i tshang dang / mtha' dang dbus med par shin tu bstan pa'i sngon gyi mtha' dang / phyi ma'i mtha' dang / da ltar byung ba'i yang dag par rdzogs pa'i byang chub kyis rgyas pa dang / chos kyi dbyings de bzhin gshegs pa'i 'byung gnas sangs rgyas thams cad kyi sku'i rgyan gyis brgyan pa'i sangs rgyas kyi zhing dang / chos kyi dbyings yongs su gang ba'i 'khor gyi dkyil 'khor du dus ji lta ba bzhin du yang dag par ston pa'i sangs rgyas 'byung ba'i de bzhin gshegs pa de dag gi spos kyi gdugs tshad med pa yongs su 'byung bar gyur cig / spos kyi rgyal mtshan tshad med pa yongs su 'byung bar gyur cig /spos kyi ba dan tshad med pa yongs su 'byung bar gyur cig /spos kyi gzhal med khang tshad med pa yongs su 'byung </font><hr>Kha204b<br><font size=+1>


bar gyur cig /spos kyi dra ba tshad med pa yongs su 'byung bar gyur cig /spos kyi sku gzugs tshad med pa yongs su 'byung bar gyur cig /spos kyi 'od tshad med pa yongs su 'byung bar gyur cig /spos kyi 'od zer tshad med pa yongs su 'bar bar gyur cig /spos kyi sprin tshad med pa yongs su 'byung bar gyur cig /spos kyi gdan tshad med pa yongs su 'byung bar gyur cig /spos kyi 'chags tshad med pa yongs su 'byung bar gyur cig /spos kyi gtsug lag khang tshad med pa yongs su 'byung bar gyur cig /spos kyi zhing tshad med pa yongs su 'byung bar gyur cig /spos kyi ri rab tshad med pa yongs su 'byung bar gyur cig /spos kyi rgya mtsho tshad med pa yongs su 'byung bar gyur cig /spos kyi chu klung tshad med pa yongs su 'byung bar gyur cig /spos kyi shing tshad med pa yongs su 'byung bar gyur cig /spos kyi na bza' tshad med pa yongs su 'byung bar gyur cig /spos kyi pad+mo tshad med pa yongs su 'byung bar gyur cig /spos kyi pho brang tshad med pa yongs su 'byung bar gyur cig /me tog gi gdugs dpag tu med pa yongs su 'byung bar gyur cig /ces bya ba nas tshul de bzhin du me tog gi pho brang gi bar du grangs med pa yongs su 'byung bar gyur cig /phreng ba'i gdugs grangs med pa yongs su 'byung bar gyur cig /ces bya ba nas phreng ba'i </font><hr>Kha205a<br><font size=+1>


@#/ /pho brang gi bar du grangs med pa yongs su 'byung bar gyur cig /byug pa'i gdugs bsam gyis mi khyab pa yongs su 'byung bar gyur cig /ces bya ba nas byug pa'i pho brang gi bar du bsam gyis mi khyab pa yongs su 'byung bar gyur cig /phye ma'i gdugs mtshungs pa med pa yongs su 'byung bar gyur cig /ces bya ba nas phye ma'i pho brang gi bar du mtshungs pa med pa yongs su 'byung bar gyur cig /na bza'i gdugs kun tu mtha' yas pa yongs su 'byung bar gyur cig /ces bya ba nas na bza'i pho brang gi bar du kun tu mtha' yas pa yongs su 'byung bar gyur cig /rin po che'i gdugs kun tu mu med pa yongs su 'byung bar gyur cig /ces bya ba nas rin po che'i pho brang gi bar du kun tu mu med pa yongs su 'byung bar gyur cig /mar me snang ba'i gdugs gzhal du med pa yongs su 'byung bar gyur cig /ces bya ba nas mar me snang ba'i pho brang gi bar du gzhal du med pa yongs su 'byung bar gyur cig /lhab lhub kyi gdugs brjod du med pa yongs su 'byung bar gyur cig /ces bya ba nas lhab lhub kyi pho brang gi bar du brjod du med pa yongs su 'byung bar gyur cig /nor bu rin po che'i gdugs brjod du med pa'i yang brjod du med pa yongs su 'byung bar gyur cig /ces bya ba nas nor bu rin po che'i pho brang gi bar </font><hr>Kha205b<br><font size=+1>


du brjod du med pa'i yang brjod du med pa yongs su 'byung bar gyur cig /de bzhin du nor bu rin po che'i rgyal mtshan dang / nor bu rin po che'i ba dan dang / nor bu rin po che'i bla re dang / nor bu rin po che'i dra ba dang / nor bu rin po che'i sku gzugs dang / nor bu rin po che'i 'od dang / nor bu rin po che'i 'od zer dang / nor bu rin po che'i sprin dang / nor bu rin po che'i gdan dang / nor bu rin po che'i 'chag sa dang / nor bu rin po che'i gtsug lag khang dang / nor bu rin po che'i zhing dang / nor bu rin po che'i ri rab dang / nor bu rin po che'i rgya mtsho dang / nor bu rin po che'i chu klung dang / nor bu rin po che'i shing dang / nor bu rin po che'i na bza' dang / nor bu rin po che'i pad+mo dang / nor bu rin po che'i pho brang brjod du med pa'i yang brjod du med pa dag kyang kun nas gnas par gyur cig /dmigs pa re re la yang grangs med pa'i rgyan rnams kun nas gnas par gyur cig /grangs med pa'i gtsug lag khang dag kun nas gnas par gyur cig /grangs med pa'i khang pa brtsegs pa dag kun nas gnas par gyur cig /grangs med pa'i rta babs dag kun nas gnas par gyur cig /grangs med pa'i zla gam dag kun nas gnas par gyur cig /grangs med pa'i nor bu rin po che'i pu shu dag kun nas gnas par gyur cig /grangs med pa'i rin po che'i skar khung rnam pa tha dad pa kun na </font><hr>Kha206a<br><font size=+1>


@#/ /gnas par gyur cig /rin po che'i kha dog rnam par dag pa grangs med pa kun nas gnas par gyur cig /grangs med pa'i rgyan rnam pa'i mchog thams cad dang ldan pa thams cad dang dpe med pa dag kun nas gnas par gyur cig /'jig rten gyi khams thams cad ma lus par sangs rgyas kyi rim gro dang rgyan rnam pa 'di lta bus rnam par dag par gyur cig /sems can thams cad ma lus par stobs bcu'i sar 'byung bar gyur cig /sems can thams cad shes par bstan pa'i phyir chos thams cad ma lus pa la chos kyi snang ba bsgribs pa med pa skye bar gyur cig /'gro ba thams cad gdul ba'i phyir dge ba'i rtsa ba thams cad ma lus par yongs su bsngo bar gyur cig / 'pho ba med pa'i chos nyid du dus thams cad ma lus pa la 'jug par bya ba'i phyir nam mkha'i dbyings ma lus pa thams cad dang 'dra ba'i sems tshad med pas zhing thams cad yongs su rgyas par gyur cig /'gro ba thams cad kyis sangs rgyas mthong ba yongs su rdzogs par bya ba'i phyir dge ba'i rtsa ba thams cad rab tu 'dul bar gyur cig /'gro ba thams cad kyis theg pa chen po shin tu grub pa dang / chos thams cad ma lus pa la mngon par chags pa med par bya ba'i phyir dge ba'i rtsa ba ma lus pa la gnas pas kun na </font><hr>Kha206b<br><font size=+1>


gnas par gyur cig /spyod pa mtha' yas pa byin gyis brlab pa dang / chos kyi dbyings mtha' dang dbus med pa la 'jug par bya ba'i phyir dge ba'i rtsa ba thams cad la yongs su spyod par gyur cig /de bzhin gshegs pa thams cad kyi rnam par 'phrul pa la 'jug par bya ba'i phyir dge ba'i rtsa ba thams cad yongs su 'gyur bar shog cig /sems can thams cad kyis thams cad mkhyen pa'i ye shes khong du chud par bya ba'i phyir dge ba'i rtsa ba 'di dag ma lus par rkyen du gyur par shog cig /ci nas kyang bdag med pa'i chos kyi dbyings las chos thams cad 'da' bar mi 'gyur bar dge ba'i rtsa ba 'di dag gis sems can thams cad sangs rgyas thams cad la bsnyen bkur yongs su spyod pas yang dag par zin par gyur cig /chags pa med pa la 'jug pa'i phyir chos thams cad yang dag par zin par gyur cig /byang chub sems dpa' thams cad dge ba'i rtsa ba thams cad kyi grogs gcig tu mthun pas yang dag par zin par gyur cig /byang chub sems dpa'i spyod pa thams cad smon lam yongs su rdzogs pas yang dag par zin par gyur cig /bsgribs pa med pa khong du chud par bya ba'i phyir byang chub sems dpa'i chos snang ba thams cad yang dag par zin par gyur cig /mtha' dang dbus med pa la mkhas par bya ba'i phyir de bzhin gshegs </font><hr>Kha207a<br><font size=+1>


@#/ /pa thams cad kyi rnam par 'phrul bas yang dag par zin par gyur cig /sems tshad med pas yongs su rgyas par bya ba'i phyir sangs rgyas thams cad kyi stobs dang mi bsnyengs pas yang dag par zin par gyur cig /mi gnyis pa'i snang ba grub pas byang chub sems dpa'i ting nge 'dzin dang / spobs pa dang / gzungs kyi sgor 'jug pas yang dag par zin par gyur cig /de bzhin gshegs pa'i rnam par 'phrul pa dang / cho 'phrul chen po shin tu bstan pa bsgrub pa'i phyir de bzhin gshegs pa thams cad kyi tshul la mkhas pas yang dag par zin par gyur cig /skye ba dang / rnam par 'tshang rgya ba dang / 'khor lo bskor ba dang / mya ngan las 'da' ba dang / nye bar gshegs pa bstan pa dang / mchod pa dang / rim gro dang / sems can gdul ba la 'jug pa'i phyir de bzhin gshegs pa dus gsum du byon pa/ mtha' dang dbus med pa thams cad ma lus pa'i skye ba dang / sangs rgyas kyi byang chub tu mngon par 'tshang rgya bas yang dag par zin par gyur cig /'jig rten gyi khams thams cad ma lus par bla na med pa'i sangs rgyas kyi zhing yongs su dag pas zin par gyur cig /bskal pa 'byams klas pa mtha' dang dbus med pa thams cad ma lus par byang chub sems dpa'i spyod pa 'brel ba rgyun mi 'chad pas yang dag par zin par gyur cig / </font><hr>Kha207b<br><font size=+1>


'jig rten du skye ba'i yul thams cad ma lus par thams cad du skye ba shin tu bstan pas yang dag par zin par gyur cig /sems can gyi khams thams cad ma lus par byang chub sems dpa' kun tu bzang po'i spyod pa yongs su smin par bya bas yang dag par zin par gyur cig /sems can gyi nyon mongs pa dang / bag la nyal ba dang / bag chags thams cad ma lus par rnyog pa med pa'i tshul gyis yang dag par zin par gyur cig /sems can gyi dbang po 'byams klas pa thams cad ma lus par mtha' dang dbus med pa la 'jug pas yang dag par zin par gyur cig /'gro ba thams cad kyi mos pa dang / lhag pa'i bsam pa thams cad ma lus bar nyon mongs pa med cing / yongs su dag pas yang dag par zin par gyur cig / 'gro ba thams cad yongs su smin par bya ba dang / gdul ba thams cad ma lus par dus la ji ltar 'bab pa bzhin du kun tu bstan pas yang dag par zin par gyur cig /sems can thams cad ma lus par 'gro ba thams cad sprul pa lta bur khong du chud pas yang dag par zin par gyur cig /de bzhin gshegs pa'i rigs thams cad ma lus par sangs rgyas byung pa| thams cad kyi bstan pa gzung zhing bsrung bas yang dag par zin par gyur cig /ces sems bskyed cing / de ltar byang chub sems dpa' sems dpa' chen po dge ba'i rtsa ba </font><hr>Kha208a<br><font size=+1>


@#/ /de dag dmigs pa med pa'i tshul gyis yongs su bsngo ste/ las kyis ni/ rnam par smin pa la yongs su rtog par mi byed/ rnam par smin pas ni/ las la yongs su rtog par mi byed de/ chos kyi dbyings rtog pa med pa la yang dag par 'jug go /dge ba'i rtsa ba byed pa med pas gnas pa yin no/ /chos nyid g.yeng nga med pa la'ang rab tu brtson pa yin no/ /de ni/ chos thams cad la yang dad pas yang dag par 'jug ste/ chos gang rang bzhin gyis yongs su grub par byed pa'am/ rnam par byed pa de dag gang yang mi mthong ngo / /chos nyid dbang po med pa'i mthar thug pa la yang yang dag par 'jug ste/ chos kyi dbyings lta ba po med par yang rab tu shes shing / chos thams cad shes pa po med par yang rab tu rtogs so/ /de ltar byang chub sems dpa' sems dpa' chen po chos thams cad kyi dkyil 'khor tshad med par rab tu shes pa chos thams cad kyi rkyen gyi gnas khong du chud pas chos thams cad lus med par rab tu mthong ba/ chos thams cad 'dod chags dang bral ba'i mthar phyin par rjes su lta ba/ 'jig rten 'gyur ba thams cad sprul pa lta bur rjes su rtogs pa/ chos gcig la sems can thams cad du rjes su mthong ba/ chos kyi dbyings mi gnyis par rab tu rig pa las kyi </font><hr>Kha208b<br><font size=+1>


dmigs pa dang / nye bar len pa la mkhas pas ma btang ba/ 'dus byas kyi khams 'dus ma byas su mngon par bsgrubs pas zhig par mi byed pa/ 'dus ma byas kyi khams 'dus byas su sgro gdags pa thams cad kyis rnam par mi rtog pa/ chos thams cad rab tu zhi ba la gzhol ba/ dge ba'i rtsa ba mngon par bsgrub pa thams cad mngon par bsgrubs pa/ sems can thams cad yongs su bskyab par bya ba'i sems dang ldan pa/ chos rgya mtsho thams cad mngon par shes pa rmongs pa med par chos nyid la brtson pa/ dge ba'i rtsa ba nam mkha' lta bu thams cad yongs su bsngo ba/ bsod nams kyis rgyas par 'gro bas 'jig rten las 'das pa'i lam du zhugs pa/ 'jig rten gyi chos kun nas mi rgyu ba mig la rab rib med pa/ ye shes kyi snang ba rab tu thob pa/ thabs mkhas pas yongs su bsngo ba'i ngang tshul can de ci nas kyang sangs rgyas thams cad kyi byin gyis brlab pa dang / ci nas kyang zhing thams cad yongs su dag par 'gyur ba dang / ci nas kyang sems can thams cad yongs su smin par 'gyur ba dang / ci nas kyang sangs rgyas kyi chos thams cad nye bar blang bar 'gyur ba dang / ci nas kyang 'jig rten thams cad du bsod nams kyi zhing dam par 'gyur ba dang / ci nas kyang sems can thams cad kyi ded dpon du thog mar 'gro ba dang / ci nas kyang snang ba'i dkyil 'khor skye </font><hr>Kha209a<br><font size=+1>


@#/ /rgu thams cad la 'char bar 'gyur ba dang / ci nas kyang dge ba'i rtsa ba thams cad kyi chos kyi dbyings thams cad rgyas par 'gyur ba dang / ci nas kyang 'gro ba thams cad kyi rten du 'gyur ba dang / ci nas kyang yon tan thams cad kyi sems can gyi khams thams cad rnam par sbyor bar 'gyur ba de ltar dge ba'i rtsa ba de dag yongs su bsngo ste| de de ltar yongs su bsngo bas sangs rgyas kyi rigs yang dag par 'dzin pa yin/ sems can gyi rigs yongs su smin par byed pa yin/ zhing gi rigs rnam par sbyong ba yin| chos kyi rigs 'gal bar mi byed pa yin/ las kyi rigs yongs su shes pa yin/ mi gnyis pa'i rigs mnyam par byed pa yin/ phyogs kyi rigs su khyab par 'gro ba yin/ 'dod chags dang bral ba'i rigs la yang dag par rtog pa yin/ shin tu mos pa'i rigs rab tu sgrub pa yin/ dbang po'i rigs shin tu snang bar byed pa yin te/ kye rgyal ba'i sras dag /'di ni/ byang chub sems dpa' sems dpa' chen po rnams kyi yongs su bsngo ba bzhi pa ste/ thams cad du rjes su song ba zhes bya'o/ /de la gnas shing byang chub sems dpa' sems dpa' chen po rnams dge ba'i rtsa ba thams cad yongs su bsngo bar byed de/ de de ltar yongs su bsngo bas 'jig rten </font><hr>Kha209b<br><font size=+1>


gyi khams thams cad du yang dag par bstan par bya ba'i phyir thams cad du rjes su song ba'i lus kyi las rab tu thob bo/ /sangs rgyas kyi zhing thams cad du rnam par bstan pa bsgribs pa med pa'i phyir thams cad du rjes su song ba'i ngag gi las rab tu 'thob bo/ /sangs rgyas kyi chos thams cad bstan cing gzung ba'i phyir thams cad du rjes su song ba'i yid kyi las rab tu 'thob bo/ /sems can thams cad kyi rjes su 'brang bar bya ba'i phyir thams cad du rjes su song ba'i rdzu 'phrul dang rnam par 'phrul pa rab tu 'thob bo/ /chos thams cad la yang dag par 'jug par bya ba'i phyir thams cad du rjes su song ba'i chos khong du chud pa rab tu 'thob bo/ /sems can thams cad kyi bsam pa tshim par bya ba'i phyir thams cad kyi rjes su song ba'i gzungs dang spobs pa thob par bya ba rab tu 'thob bo/ /spu'i sbubs gcig tu 'jig rten gyi khams thams cad gzung bar bya ba'i phyir thams cad du rjes su song ba'i chos kyi dbyings la 'jug pa rab tu 'thob bo/ /sems can gcig gi lus su sems can thams cad kyi lus yang dag par gzhol bar bya ba'i phyir thams cad kyi rjes su song ba'i lus la 'jug pa rab tu 'thob bo/ /bskal pa thams cad du de bzhin gshegs pa mthong ba dang mi 'bral ba la 'jug pa'i phyir thams cad du rjes su song ba'i bskal pa'i grangs la 'jug pa rab tu 'thob </font><hr>Kha210a<br><font size=+1>


@#/ /po| |skad cig gcig gis de bzhin gshegs pa 'byung ba thams cad mngon sum du bstan pa'i phyir thams cad du rjes su song ba'i skad cig la 'jug pa rab tu 'thob bo/ /de nas byang chub sems dpa' rdo rje rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten mtha' dang dbus med gang la yang / /de dag gnas 'cha' gang yang yod pa min/ /sems can phan pa'i don las phyir mi ldog /mi rab de dag ye shes 'di 'dra'o/ /zhing rnams la yang gnas par mi byed de/ /phyogs rnams la yang de dag gnas mi 'cha'/ /tshe dang chos kyis rlom sems mi byed de/ /'jig rten dag la rnam par rtog mi byed/ /phyogs bcu'i 'jig rten dag na ci yod pa'i/ /'gro ba de dag ma lus kun bsdus shing / /dngos po dngos med chos la dbang bsgyur 'jug /de dag thams cad ma lus dus su bsngo/ /'dus byas 'dus ma byas kyi chos blangs shing / /'jig rten 'di la rnam par rtog mi byed/ /ji ltar 'jig rten de bzhin chos rnams te/ /de ltar 'jig rten sgron ma rnam par dag /ji snyed las rnams yang dag rtsom pa gang / /rab dang 'bring dang de bzhin tha ma rnams/ /de dag phyogs bcu'i </font><hr>Kha210b<br><font size=+1>


'jig rten mkhyen pa rnams/ /ji snyed bzhugs la yongs su bsngo ba byed/ /de dag yongs su bsngo ba'i mthar phyin pa/ /sangs rgyas mchog rjes bslab bya bslab pa rnams/ /ye shes dam pa rjes su sems byed cing / /mi yi dam pa'i chos rnams rab tu 'thob/ /sems can phan pa'i don du rtag zhugs shing / /'gro ba kun tu 'jig rten sgron ma bzhin/ /phyogs rnams kun tu ma lus gyur cig ces/ /dge ba de dag yongs su bsngo ba byed/ /de dag sems can rnam par rtog mi byed/ /chos la'ang rnam par rtog par mi byed de/ /'jig rten gyis kyang rlom sems med pa yin/ /'gro ba kun nas phyir yang mi log go /brtan pa de dag zhi rab rtag tu zhi/ /de dag mya ngan 'das pa'i spyod yul thob/ /sems can rgyud na'ang mi spyod ma yin te/ /'di 'dra'i ye shes dam pa khong du chud/ /de dag nam yang rtog dang rnam rtog med/ /rnam par smin la'ang de dag gnas mi 'cha'/ /'jig rten thams cad rgyu dang bcas pas na| |chos rnams rgyud med par yang lta ma yin/ /de dag spyod yul 'di 'dra thob pa ste/ /de la rtog dang rnam par rtog pa med/ /blo mchog de dag 'gro kun kha lo sgyur/ /ye shes tshul la mkhas pas yongs su bsngo/ /thams cad du rjes su song ba zhes bya ba ste/ yongs su bsngo ba bzhi pa'o/ /bam po sum cu rtsa bzhi pa/ kye rgyal ba'i sras dag /byang chub sems </font><hr>Kha211a<br><font size=+1>


@#/ /dpa' sems dpa' chen po rnams kyi yongs su bsngo ba lnga pa bsod nams mi zad pa'i mdzod ces bya ba gang zhe na/ kye rgyal ba'i sras dag /'di la byang chub sems dpa' sems dpa' chen po sgrib pa'i las thams cad las bag yangs su bya ba'i phyir bshags pa dang 'brel ba'i dge ba'i rtsa ba'am/ 'das pa dang / ma byon pa dang / da ltar byung ba'i sangs rgyas bcom ldan 'das thams cad dang / 'das pa dang / ma 'ongs pa dang / da ltar byung ba'i sems can gyi khams thams cad kyi dus gsum gyi dge ba'i rtsa ba la rjes su yi rang bas rjes su yi rang ba dang 'brel ba'i dge ba'i rtsa ba 'am/ 'das pa dang / ma byon pa dang / da ltar byung ba'i de bzhin gshegs pa thams cad la nan tan du byas pas phyag bya ba dang 'brel ba'i dge ba'i rtsa ba'am/ sangs rgyas kyi chos thams cad la brtson pas sangs rgyas thams cad la gsol ba gdab pa dang 'brel ba'i dge ba'i rtsa ba'am/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dge ba'i rtsa ba mi zad pa gang la byang chub sems dpa' brtson par bya ba'i dge ba'i rtsa ba 'byams klas pa bsam gyis mi khyab pa de dag la yang dag par 'jug par byed pa 'am/ gang yang 'das pa dang / ma byon pa dang / da ltar byung ba'i sangs rgyas bcom ldan </font><hr>Kha211b<br><font size=+1>


'das mngon par byang chub pa'i dge ba'i rtsa ba de dag la rjes su yi rang bar byed cing dge ba'i rtsa ba de dag la gnas par byed pa'am/ sangs rgyas bcom ldan 'das pa dang / ma byon pa dang / da ltar byung ba'i chos kyi 'khor lo bskor bas sems can mtha' dang / dbus med pa dul bar gyur pa de dag la rjes su yi rang ba dang ldan pa'i sems bskyed pas khong du chud par byed pa'am/ gang yang 'das pa dang / ma byon pa dang / da ltar byung ba'i sangs rgyas bcom ldan 'das de dag dang po thugs bskyed pa nas bzung ste byang chub sems dpa'i spyod pa thams cad la yang dag par byung bar gyur pa dang / bla na med pa yang dag par rdzogs pa'i byang chub tu 'tshang rgya bar gyur pa dang / mya ngan las 'das pa yang dag par bstan pa'i bar gyi dge ba'i rtsa ba de dag thams cad sangs rgyas thams cad dang rgyud kyi tshul gcig tu gyur pa'i ye shes kyi byin rlabs kyi rjes su yi rang ba'am/ de bzhin gshegs pa de dag yongs su mya ngan las 'das pa'i bstan pa yang dag par bzung ba nas nye bar bzung ste chos thams cad kyi mthar thug gi bar du dge ba'i rtsa ba ji snyed yang dag par 'grub par 'gyur ba'am/ sangs rgyas la dmigs pa'i bsam pa 'byams klas pa brjod du med pa dang / rang gi dmigs pa la dge ba'i rtsa ba gang brtsams pa de dag bla na med pa yang dag par rdzogs pa'i byang </font><hr>Kha212a<br><font size=+1>


@#/ /chub tu bsgribs pa med par dmigs pas mthar phyin par byed pa yang rung ste/ dge ba'i rtsa ba rnam par phye ba tshad med cing 'byams klas pa/ dmigs pa rgya chen po grangs med pas bsags pa de dag thams cad 'di ltar yongs su bsngo ste/ dge ba'i rtsa ba gang yang dag par bsgrubs pa dang / gang mos par byas pa dang / gang rjes su yi rang ba dang / gang yongs su rdzogs par byas pa dang / gang yongs su grub par byas pa dang / gang spyad pa dang / gang thob par byas pa dang / gang sems pa dang / gang rtsom pa dang / gang mthu dang ldan par byed pa'i dge ba'i rtsa ba de dag gis gang ji snyed du sngon gyi 'das pa'i dus thams cad 'byams klas pa'i dus la 'jug pa dang / 'jig rten gyi khams shin tu bstan pa grangs las 'das pa thams cad du sangs rgyas kyi zhing gi rgyan byung ba dang / gang ji snyed du de bzhin nyid kyi go skabs thams cad kyi sngon gyi mu'i bskal pa'i mthar gyur pas mtshams med pa'i sangs rgyas kyi rigs mtha' yas pa dang / de bzhin gshegs pa thams cad kyi ye shes kyis thugs su chud pa byang chub sems dpa'i bsam pas rnam par shes pa| byang chub sems dpa'i sems kyis yang dag par bzung ba dag tu sangs rgyas kyi zhing gi rgyan yongs su dag pa byung ba dang / gang yang las dang rgyu mthun pa'i 'bras bu 'am/ gang </font><hr>Kha212b<br><font size=+1>


yang spyod pa las yang dag par byung ba'am/ gang yang sems can bsgral bar bya ba'i tshogs rnam par bstan pa'am/ gang yang shin tu mos pa rnam par dag pa'am/ gang yang de bzhin gshegs pa'i byin gyi rlabs kyis shes par bya ba'am/ gang yang sangs rgyas kyi rnam par 'phrul pa yang dag par bstan pa'am/ gang yang byang chub sems dpa'i sa rnams su rnam par rig pa'am/ gang yang de bzhin gshegs pa'i 'phrin las 'jig rten las 'das pas byung ba'am/ gang yang byang chub sems dpa' kun tu bzang po'i spyod pa 'byams klas pas byung ba'am/ gang yang mngon par 'tshang rgya ba'i de bzhin gshegs pa thams cad kyi byin gyis rlabs kyis byung ba'am/ phyi ma'i mtha'i bskal par mngon par 'tshang rgya ba rgyun chad pa med pa'i 'jig rten gyi khams kyi tshul thams cad shin tu bstan pa/ nam mkha'i dbyings kyis klas pa/ chos kyi dbyings kyi mthas gtugs pa/ 'jig rten gyi khams thams cad 'byams klas pa/ ma 'ongs pa'i dus mtha' yas pa'i rigs su shin tu bstan pa/ ma 'ongs pa'i lam gyi rgyud rnam pa tha dad pa grangs med par brjod pa/ ma 'ongs pa'i dus rgyun 'chad pa med cing / sa mtshams kyi mtha' med pa/ de bzhin gshegs pa'i ye shes kyis mngon par bsgrubs pas thugs su chud pa/ ma 'ongs pa'i dus kyi skad cig rgyun 'chad pa med pa/ chos kyi </font><hr>Kha213a<br><font size=+1>


@#/ /dbyings dang / 'jig rten gyi khams dang / bskal pa gcig nas gcig tu brgyud pa thams cad mtha' yas pa dang / de bzhin gshegs pa'i stobs kyis mngon par 'tshang rgya ba tshad med par gyur pa dang / ma 'ongs pa'i dus sa mtshams med cing ris su mi chod pa dag tu ma byon pa'i de bzhin gshegs pa dgra bcom pa yang dag par rdzogs pa'i sangs rgyas chos kyi dbyings thams cad du khyab par gshegs pa'i sangs rgyas kyi zhing gi yon tan dang / rgyan yongs su dag pa rin po che'i rgyan rnam par bres pa du ma dang / spos kyi rgyan yid du 'ong ba dang ldan pa thams cad dang / me tog thams cad kyi rgyan gyi char rab tu 'bab pa/ na bza' thams cad kyi rgyan gyi sprin sna tshogs yon tan thams cad kyis brgyan pa/ rnam pa tha dad pa'i mdzod de bzhin gshegs pa'i rgyan gyi byin gyi rlabs kyis rnam par bres pa/ sangs rgyas kyi zhing thams cad kyi rgyan rab tu brgyan par bya ba rnam pa sna tshogs tha dad pa brjod du med pas rab tu brgyan cing grub pa/ grogs bsam gyis mi khyab pa rnam par dag pas yongs su bsgrubs pa/ de bzhin gshegs pa mngon par 'tshang rgya ba'i byin gyi rlabs kyi rgyan gyis rnam par dag pa rnams 'byung bar 'gyur ba dang / gang yang ma byon pa'i de bzhin gshegs pa </font><hr>Kha213b<br><font size=+1>


thams cad mngon par 'tshang rgya ba'i sangs rgyas kyi zhing yongs su dag pa/ byang chub sems dpa'i mig 'jig rten las 'das pa thun mong ma yin pas rnam par mthong ba/ byang chub sems dpa' mthu chen po'i dge ba'i rtsa ba rab tu myong bar 'gyur ba/ chos thams cad sgyu ma'i rnam pa lta bur khong du chud pa/ chos thams cad kyi mthu sprul pa lta bus rnam par dag pa| byang chub sems dpa'i las 'byams klas pa/ mnyam pa nyid kyi rjes su song bas rnam par dag pa/ byang chub sems dpa'i rnam par 'phrul pa dang / ting nge 'dzin gyi tshul bsam gyis mi khyab pa la zhugs pas sangs rgyas kyi khyu mchog gi mthu phyung ba/ yang dag par rgyu ba/ sangs rgyas kyi bla na med pas snang bar byas pas rgya che ba sna tshogs tshad med pa bsam gyis mi khyab pa rnams yang dag par gnas par 'gyur ba dang / ma byon pa'i sangs rgyas de dag thams cad kyi sangs rgyas kyi zhing yongs su dag par 'gyur ba de bzhin du da ltar byung ba'i sangs rgyas thams cad kyi sangs rgyas kyi zhing yongs su dag pa rab tu byung ba/ shin tu grub pa/ rnam par dag pa rnam pa sna tshogs tha dad pa/ kun nas yon tan can/ bsngags par bya ba tshad med pa/ dri zhim po bsam gyis mi khyab pa/ mtha' yas shing tshad med pa dang ldan pa/ rgyan grangs med pa can/ gtsug lag khang grangs med pa dang ldan pa/ yid </font><hr>Kha214a<br><font size=+1>


@#/ /du 'ong ba'i sgra grangs med pa yod pa/ mtha' yas par yang dag par ston pa/ rjes su spyod pa'i grogs tshad med pa dang ldan pa/ yon tan sna tshogs zad mi shes pa dang ldan pa/ rgyan thams cad kyis brgyan pa/ spos thams cad kyis brgyan pa/ phreng ba thams cad kyis brgyan pa/ phye ma thams cad kyis brgyan pa/ rin po che thams cad kyis brgyan pa/ na bza' thams cad kyis brgyan pa/ rgyal mtshan thams cad kyis brgyan pa/ ba dan thams cad kyis brgyan pa/ rin po che sna tshogs kyi snam bu kun tu bting bas brgyan pa/ rin po che thams cad kyi stegs bus brgyan pa/ gser gyi dra ba grangs med pas kun tu yog par brgyan pa/ chu klung grangs med pa'i rgyan gyis brgyan pa/ grangs med pa'i sprin gyi char rab tu 'bab pas brgyan pa/ rol mo brdung ba dang dkrol ba'i tshogs grangs med pas yid du 'ong ba/ rnam par dag pa de dag dang / de bzhin du ma lus pa thams cad rab tu bzung ste/ sangs rgyas kyi zhing gi yon tan dang / rgyan yongs su dag pa gang ji snyed pa gang dang gang sangs rgyas thams cad kyis rab tu mkhyen pa/ 'jig rten gyi khams kyi rgyud chos kyi dbyings kyis klas pa/ nam mkha'i mthas gtugs pa/ zhing gi gnas su gyur pa thams cad phyogs kyi 'khor mtha' yas par shin tu bstan pas phyogs bcur rnam par bkod pa/ </font><hr>Kha214b<br><font size=+1>


'jig rten gyi khams 'byams klas pa dang / las rnam pa sna tshogs kyis mngon par 'dus byas pa/ nam mkha'i khams dang 'jig rten gyi khams thams cad kyis yongs su bsdus pa/ 'jig rten gyi khams phyogs gzhan dang gzhan gyi rjes su song bar rab tu gnas pa la rnam pa tha dad pas shin tu byung ba'i 'jig rten khams brjod du med par shin tu bstan pa/ 'jig rten gyi 'byung gnas nam mkha'i gos gtugs pa zhing gi rgyud rnam pa tha dad pa brjod du med pa/ 'jig rten gyi khams mtha' dang dbus med pa'i chos kyis shin tu bstan pa/ de ltar ma lus pa thams cad yongs su bzung ste chos kyi dbyings thams cad kyi sangs rgyas kyi zhing thams cad kyi rgyan la 'jug pas rgyan rnam par dag pa thams cad dang ldan pa/ sangs rgyas kyi zhing yongs su dag pa thams cad ji skad du bshad pa dang / ji skad du bstan pa dang / ji skad du brjod pa dang / ji skad du gsal bar byas pa dang / ji skad du smos pa dang / ji skad du smras pa dang / ji skad du bslab pa dang / ji skad du dkrol ba dang / ji lta bur btags pa dang / ji lta bur rnam par bkod pa de dang de dag tu de bzhin gshegs pa skyes pa'i sangs rgyas kyi zhing gi rgyan dang / sangs rgyas kyi zhing rnam par dag pa dang / sangs rgyas kyi zhing mnyam pa nyid dang / sangs rgyas kyi zhing dge ba dang / sangs rgyas kyi zhing gi bdag nyid che ba dang / sangs rgyas </font><hr>Kha215a<br><font size=+1>


@#/ /kyi zhing yangs pa dang / sangs rgyas kyi zhing bde bar bskyang ba dang / sangs rgyas kyi zhing zil gyis mi non pa dang / sangs rgyas kyi zhing zad mi shes pa dang / sangs rgyas kyi zhing shin tu che ba dang / sangs rgyas kyi zhing mi 'phrog pa dang / sangs rgyas kyi zhing mi 'jigs pa dang / sangs rgyas kyi zhing 'od gsal ba dang / sangs rgyas kyi zhing yid du 'od ba dang / sangs rgyas kyi zhing mi mthun pa med pa dang / sangs rgyas kyi zhing kun tu snang ba dang / sangs rgyas kyi zhing rab tu snang ba dang / sangs rgyas kyi zhing rnam par brgyan pa dang / sangs rgyas kyi zhing rab tu brgyan pa dang / sangs rgyas kyi zhing shin tu rnam par phye ba dang / sangs rgyas kyi zhing mchog dang / sangs rgyas kyi zhing gtso bo dang / sangs rgyas kyi zhing rab dang / sangs rgyas kyi zhing phul dang / sangs rgyas kyi zhing dam pa dang / sangs rgyas kyi zhing gya nom pa dang / sangs rgyas kyi zhing rmad du byung ba dang / sangs rgyas kyi zhing bla na med pa dang / sangs rgyas kyi zhing mnyam pa med pa dang / sangs rgyas kyi zhing 'dra ba med pa dang / sangs rgyas kyi zhing mtha' yas pa dang / de ltar yongs su bzung ste 'das pa dang / ma byon pa dang / da ltar byung ba'i sangs rgyas thams cad kyi sangs rgyas kyi zhing gi rgyan rnam par dag pa gang ji snyed pa'i rgyan rnam par dag pa dang / dge ba'i rtsa ba 'dis </font><hr>Kha215b<br><font size=+1>


'jig rten gyi khams thams cad rnam par dag par gyur cig /sangs rgyas kyi zhing thams cad 'di lta bu'i rnam par dag pa dang ldan par gyur cig /'jig rten gyi khams re rer yang 'das pa dang / ma byon pa dang / da ltar byung ba'i sangs rgyas thams cad kyi sangs rgyas kyi zhing gi rgyan ji snyed pa de dag thams cad yang dag par gnas par gyur cig /grub par gyur cig/ rnam par dag par gyur cig /yongs su dag par gyur cig /yang dag par grub par gyur cig /rab tu byung bar gyur cig /rab tu brgyan par gyur cig /kun tu brgyan par gyur cig /byang chub par gyur cig /byin gyis brlabs par gyur cig /'jig rten gyi khams gcig tu ji lta bde bzhin du 'jig rten gyi khams thams cad du yang ma lus par yongs su bzung ste/ sangs rgyas kyi zhing chos kyi dbyings kyis klas pa/ nam mkha'i mtha' gtugs pa thams cad ma lus par de snyed kyi rgyan gyis yongs su brgyan par gnas par gyur cig /sangs rgyas kyi zhing thams cad ma lus par dus gsum thams cad kyi sangs rgyas kyi zhing gi yon tan rnam par phye ba dang / sangs rgyas kyi zhing gi rgyan dang / sangs rgyas kyi zhing gi bdag nyid che ba dang / sangs rgyas kyi zhing blta na mi ngom pa dang / sangs rgyas kyi zhing tshad med pa dang / sangs rgyas kyi zhing yongs ba dang / sangs rgyas kyi zhing grangs med pa dang / </font><hr>Kha216a<br><font size=+1>


@#/ /sangs rgyas kyi zhing bsam gyis mi khyab pa dang / sangs rgyas kyi zhing mtshungs pa med pa dang / sangs rgyas kyi zhing mtha' yas pa ji snyed pa de dag gi rgyan gyis rnam par dag par gyur cig /sangs rgyas kyi zhing de dag thams cad kyang byang chub sems dpa' yongs su rdzogs pa rjes su 'jug pa/ 'jig rten gyi khams la rab tu 'jug pa/ kun tu spyod pa mang ba/ sems can gyi khams rtogs par bya ba khong du chud pa/ chos kyi dbyings la 'jug pa rab tu rtogs pa/ nam mkha'i dbyings la 'jug pa rmongs pa med pa| sangs rgyas rjes su dran pa rab tu thob pa/ bsam gyis mi khyab pa'i chos rjes su dran pa'i tshul can/ tshad med pa'i dge 'dun rjes su dran pa la rab tu zhugs pa/ gtong ba la shin tu mos pa/ gtong ba'i rjes su dran pa rab tu thob pa/ ye shes kyi 'od zer dang ldan pa'i chos kyi nyi ma'i dkyil 'khor can/ chags pa med par lta ba/ dmigs su med pa las rab tu byung ba/ sangs rgyas kyi chos kyi gnas su gyur pa/ dge ba'i rtsa ba dam pas thog mar 'gro ba dang / dge ba'i rtsa ba'i dbang gis sangs rgyas kyi byang chub tu byung ba/ de bzhin gshegs pa'i stobs kyi rjes su song ba/ thams cad mkhyen pa nyid kyi yul gyi 'od zer rab tu 'gyed pa/ bdud kyi las thams cad rnam par sbyangs </font><hr>Kha216b<br><font size=+1>


pa| sems can gyi khams thams cad kyi rang bzhin khong du chud pa/ phyin ci log med pas yang dag par byung ba/ dge ba'i rtsa ba dang / smon lam la gti mug med pa sha stag gis yongs su gang bar gyur cig /byang chub sems dpa' de lta bu'i tshul can/ de lta bu'i spyod pa la zhugs pa/ de lta bu'i yon tan dang ldan pa/ dge ba'i rtsa ba mtshungs pa med pa can| rtag tu sangs rgyas kyi 'phrin las la gzhol ba/ sangs rgyas kyi byang chub snang ba rab tu thob pa/ mun pa med pa'i chos kyi dbyings kyi ye shes dang ldan pa/ chos kyi dbyings thams cad lus gcig gis khyab par byed pa'i rnam par 'phrul pa chen po yang dag pa ston pa/ ye shes chen po khong du chud pas thams cad mkhyen pa nyid kyi spyod yul dang ldan pa/ chos kyi dbyings mtha' yas pa'i tshig rab tu dbye ba mngon par sgrub pa la mkhas pa/ zhing thams cad kyi rjes su song ba/ gnas med par sangs rgyas kyi zhing thams cad na gnas pa| nam mkha'i dbyings su mos pas mi gnas pa'i yid dang ldan pa/ chos kyi dbyings thams cad du rnam par phye ba'i bsam pa can/ byang chub sems dpa'i ting nge 'dzin bsam gyis mi khyab pa la mnyam par gzhog pa la mkhas pa/ thams cad mkhyen pa'i spyod yul gyi sangs rgyas kyi zhing la gnas pa/ sangs rgyas thams cad kyi byin gyi </font><hr>Kha217a<br><font size=+1>


@#/ /rlabs shes par bya ba la mkhas pa/ chos grangs med pa bstan cing bshad pa la 'jigs pa med pa/ 'das pa dang / ma byon pa dang / da ltar byung ba'i sangs rgyas thams cad kyi dge ba'i rjes su song ba/ de bzhin gshegs pa thams cad kyi chos kyi dbyings la gnas pa/ sangs rgyas thams cad kyi chos bstan pa yongs su 'dzin pa| sgra bsam gyis mi khyab pa rnam par dbye zhing mngon par sgrub pa la mkhas pas grangs med pa'i skad rnam pa tha dad pa shes pa/ bla na med pa'i sangs rgyas kyi rnam par 'phrul pa'i sa khong du chud pa/ 'jig rten gyi khams thams cad kyi rjes su song zhing chags pa med par spyod pa/ nyon mongs pa med pa'i chos kyi tshul la chos su rtogs pas gnas pa med pa/ sems bskyed pa yangs pa shin tu rnam par bsgoms pa rab tu thob pa/ ye shes gcig nas gcig tu brgyud pa'i rgyud la mkhas pa/ don gcig nas gcig tu bstan pa rab tu grub pa de lta bu dag gis 'jig rten gyi khams de dag yongs su brgyan par gyur cig /yongs su gang bar gyur cig /rnam par mdzes par gyur cig /rjes su dong bar gyur cig /kun tu gnas par gyur cig /bsgoms par gyur cig /shin tu bsgoms par gyur cig /sbyangs par gyur cig /shin tu sbyangs par gyur cig /zhi bar byas par gyur cig /sangs rgyas kyi </font><hr>Kha217b<br><font size=+1>


zhing re re'i phyogs re re zhing yang byang chub sems dpa' tshad med pa/ grangs med bsam gyis mi khyab pa/ gzhal du med pa/ mu med pa/ sa mtshams med pa/ dpag tu med pa/ brjod du med pa/ brjod du med pa'i yang brjod du med pas yongs su rgyas par gyur cig /phyogs gcig ji lta ba de bzhin du sangs rgyas kyi zhing chos kyi dbyings kyis klas pa/ nam mkha'i mthas gtugs pa ma lus pa/ lus pa med pa/ lhag ma med pa thams cad kyang byang chub sems dpa' 'di lta bu'i tshul can gyis yongs su rgyas shing yongs su gang bar gyur cig / ces de ltar byang chub sems dpa' sems dpa' chen po dge ba'i rtsa ba yongs su bsngo ste/ tshul de lta bus sangs rgyas kyi zhing thams cad dang / tshul de lta bus 'byung ba thams cad dang / tshul de lta bus sems can gyi khams thams cad rnam par dag pa dang / tshul de lta bus sangs rgyas thams cad kyi byang chub dang / tshul de lta bus smon lam thams cad dang / tshul de lta bus 'jig rten gyi khams thams cad du sangs rgyas skyes pa mthong ba dang mi 'bral ba dang / tshul de lta bus de bzhin gshegs pa sku tshe tshad med pa dang / tshul de lta bus thogs pa med par chos kyi dbyings thams cad du chos kyi 'khor lo bskor pa phyir mi ldog pa'i phyir yongs su bsngo'o/ /de ltar byang chub sems dpa' de dge ba'i rtsa ba de dag thams cad sangs </font><hr>Kha218a<br><font size=+1>


@#/ /rgyas kyi zhing thams cad kyi rjes su song ba'i sangs rgyas kyi zhing yongs su dag pa dang / sems can thams cad kyi rjes su song ba'i byang chub sems dpa' yongs su dag pa dang / sangs rgyas skye ba thams cad kyis ma lus par gang bar byas pa'i chos kyi dbyings yongs su dag pa dang / sangs rgyas kyi zhing thams cad ma lus par shin tu byung ba'i de bzhin gshegs pa'i sku dang / thams cad mkhyen par 'byung bar bgo skal med par yongs su bsngos pa dang / nam mkha'i khams tshad med pa'i rjes su song ba'i sems kyi sa dang / yongs su bsngo ba'i tshad bsam gyis mi khyab pa'i rjes su zhugs pa dang / yongs su bsngo ba'i mnyam pa nyid las kyi rnam par smin pa thams cad las rnam par grol zhing shin tu mos pa dang| yongs su bsngo ba'i khyad par mtha' yas par 'brel bar byas pa dang / yongs su bsngo ba'i tshul chos kyi dbyings thams cad kyi rjes su song bas/ yongs su bsngo ba'i tshe bdag la mi rtog go/ bdag gi lus la rnam par mi rtog go/ sangs rgyas la mi rtog go /sangs rgyas kyi chos la rnam par mi rtog go /zhing la mi rtog go /zhing gi yang dag par spyod pas rnam par spyod pa la rnam par mi rtog go /sems can la rnam par mi rtog go /sems can gdul ba la rnam par mi rtog go /las la mi rtog go /las kyi rnam par smin pa la rnam par mi rtog </font><hr>Kha218b<br><font size=+1>


go |sems pa la chags par mi byed do/ /bsam pas kyang mngon par chags par mi byed do/ /rgyu chud gzon par mi byed do/ /rgyu dang 'bras bu chud gzon par mi byed do/ /dngos po nye bar len par mi byed do/ /dngos po'i chos la chags par yang mi byed do/ /'khor ba'i rnam pa tha dad pa gcig tu mi byed do/ /zhi ba rnam par brtags pa med pas rlom sems mi byed do/ / de bzhin gshegs pa rnams kyi de bzhin gshegs pa'i yul gyis snyems par mi byed do/ /chos gang gis kyang chos la gnas par mi byed do/ /de ltar byang chub sems dpa' sems dpa' chen po dge ba'i rtsa ba de dag nye bar stobs so/ /khong du chud par byed do/ /yongs su bsngo'o/ /yongs su smin par byed do/ /mnyam par byed do/ /sgrub bo/ /mtshan mar mi byed do/ / dmigs par mi byed do/ /mi 'jal lo/ /mi rtog go /rnam par mi rtog go /byang chub sems dpa' sems dpa' chen po de ltar yongs su bsngo ba ni/ 'das pa dang / ma byon pa dang / da ltar byung ba'i sangs rgyas thams cad rjes su dran pas dge ba'i rtsa ba mi zad pa yin/ byang chub sems dpa' thams cad la yang dag par 'jug pas dge ba'i rtsa ba thams cad mi zad pa yin| zhing rnam par dag pas yongs su bsngo bas dge ba'i rtsa ba mi zad pa yin/ sems can gyi khams rnam par dag pa la rnam par dpyod pas dge ba'i rtsa ba mi zad pa yin/ chos </font><hr>Kha219a<br><font size=+1>


@#/ /kyi dbyings su 'jug pa la zhugs pas dge ba'i rtsa ba mi zad pa yin/ nam mkha'i khams ltar tshad med pa'i sems la yongs su bsgoms pas dge ba'i rtsa ba mi zad pa yin/ sangs rgyas thams cad kyi yul la shin tu mos pas dge ba'i rtsa ba mi zad pa yin/ byang chub sems dpa' thams cad kyi las la brtson pas dge ba'i rtsa ba mi zad pa yin/ dus gsum rab tu rnam par 'byed pas dge ba'i rtsa ba mi zad pa yin te/ de nas sems can gyi khams thams cad la sems can med par rab tu rtog cing yongs su bsngo'o/ /chos thams cad la srog med par khong du chud cing yongs su bsngo'o/ /chos thams cad la byed pa med par yang dag pa ji lta ba bzhin du shes shing yongs su bsngo'o/ /dge ba'i rtsa ba thams cad la gang zag med par sems shing yongs su bsngo'o/ /chos thams cad nyon mongs pa med par rab tu rtog cing yongs su bsngo'o/ / chos thams cad kyi rten pa yang dag par mthong zhing yongs su bsngo'o/ /dngos po thams cad la mi gnas pa yang dag pa ji lta ba bzhin du shes shing yongs su bsngo'o/ /zhing thams cad la yang dag par mi gnas pa nyid du shes shing yongs su bsngo'o/ /byang chub sems dpa'i spyod pa la mi gnas pa nyid du lta zhing yongs su bsngo'o/ /dmigs pa thams cad </font><hr>Kha219b<br><font size=+1>


la dmigs su med pa nyid du shes pas mthong zhing yongs su bsngo'o/ /de de ltar yongs su bsngo bas zhing gang yang kun nas nyon mongs pa dang bcas par mig lam du snang bar mi 'gyur ro| |kun tu lta yang sems can gang yang mi mthun pa mthong bar mi 'gyur ro/ /spyod pa'i tshe chos gang yang yang dag par mi mthong ngo / /ye shes kyi 'jug pas gang la yang 'jug pa med do/ / nam mkha'i dbyings thams cad la'ang rab tu gnas te/ de yang shin tu shes so/ /bsod nams kyi stobs tshad med pas/ de bzhin gshegs pa'i skus chos thams cad gang bar shin tu shes so/ /sems can thams cad tshim par bya ba'i phyir dge ba'i rtsa ba thams cad du 'gro ba la yang dag par spyod do/ /de'i sems bskyed pa re re zhing yang sems can brjod du med pa'i yang brjod du med pa stobs bcu'i sar yang dag par grub bo/ /de nas sems can thams cad bsod nams thams cad kyis yongs su gzung zhing thob par bya ba'i phyir dge ba'i rtsa ba rnam par dag pa bsod nams thams cad kyi 'byung gnas dang ldan pa thams cad rab tu sgrub bo/ /de yo byad ci 'dod pa phun sum tshogs pas bsod nams kyi mdzod yid bzhin gyi nor bu lta bu dang ldan pa yin no/ /de gang dang gang du 'gro ba de dang de dag tu zhing thams cad rnam par sbyong zhing 'gro'o/ /de gang dang gang du spyod pa de dang de dag tu sems can brjod du med pa'i yang </font><hr>Kha220a<br><font size=+1>


@#/ /brjod du med pa rnam par dag par bya ba'i phyir bsod nams kyi stobs kyis yongs su gzung ba la rab tu gzhog cing yang dag par spyod do/ /de ltar yongs su bsngo ba de la rnam pa de lta bu de'i rgyu mthun pas byang chub sems dpa'i spyad pa spyod pa na gzugs med pa yin/ 'jig rten thams cad kyis zil gyis mi non pa'i bsod nams can yin/ bdud thams cad kyis gzi brjid mi zad pa yin/ phyir rgol ba thams cad kyis dge ba'i rtsa ba mi 'phrog pa yin/ thams cad mkhyen pa'i yid yang dag par rtogs pa dang ldan pas smon lam shin tu che ba dang / sems rab tu yangs pa yin/ sems bskyed pa gcig gis sangs rgyas kyi zhing tshad med par 'gro ba yin/ ye shes kyi stobs mtha' yas pas sangs rgyas thams cad kyi yul yongs su shes pa yin/ sangs rgyas thams cad la shin tu dad pa yin/ ye shes mtha' yas par shin tu 'jug pa la rab tu gnas pa yin/ nam mkha'i dbyings kyis glas pa'i byang chub kyi sems mngon par bsgrubs pa'i mthus nam mkha'i dbyings kyis klas par chos kyi dbyings shin tu yangs pa yin no/ /kye rgyal ba'i sras dag /'di ni/ byang chub sems dpa' sems dpa' chen po rnams kyi yongs su bsngo ba lnga pa bsod nams mi zad pa'i mdzod ces bya ba ste/ </font><hr>Kha220b<br><font size=+1>


de la gnas pa'i byang chub sems dpa' ni/ mi zad pa'i mdzod bcu rab tu 'thob bo/ /bcu gang zhe na/ skra'i sbubs gcig tu sangs rgyas grangs med pa 'byung ba la 'jug pa'i phyir sangs rgyas blta ba'i gter mi zad pa'i mdzod rab tu 'thob bo/ /chos thams cad gcig tu rab tu gzhol ba'i de bzhin gshegs pa'i stobs dang ye shes kyi phyir chos la 'jug pa'i gter mi zad pa'i mdzod rab tu 'thob bo/ /de bzhin gshegs pa thams cad kyis chos bstan pa yongs su bzung zhing chud mi zos par bya ba'i phyir dran pas bzung ba'i gter mi zad pa'i mdzod rab tu 'thob bo/ /de bzhin gshegs pa thams cad kyi chos kyi tshul dang dgongs pa shin tu bstan pa la mkhas par bya ba'i phyir blo gros rnam par nges pa'i gter mi zad pa'i mdzod rab tu 'thob bo/ /chos kyi tshul rnam par dbye ba la mkhas par bya ba'i phyir rigs pas 'dzin pa'i gter mi zad pa'i mdzod rab tu 'thob bo/ /nam mkha'i dbyings dang mnyam pa'i blos dus gsum thams cad khyab par bya ba'i phyir blo tshad med pa'i gter mi zad pa'i mdzod rab tu 'thob bo/ /sems can thams cad tshim par bya bas mi zad par bya ba'i phyir bsod nams kyi gter mi zad pa'i mdzod rab tu 'thob bo/ /sems can thams cad kyi mun pa dang / rab rib dang / ling tog dang / gti mug dang / ma rig pa'i </font><hr>Kha221a<br><font size=+1>


@#/ /mun pa rnam par bsal ba'i phyir ye shes dang dga' ba dang blo'i gter mi zad pa'i mdzod rab tu 'thob bo/ /sangs rgyas thams cad kyi chos nyid tha mi dad pa rab tu bstan pas sems can thams cad shes par bya ba'i phyir spobs pa rnam par nges pa'i gter rab tu 'thob bo/ /byang chub sems dpa' spyod pa rgyun mi 'chad pas thams cad mkhyen pa nyid chags pa med pa'i thabs skyon med pa'i dbang bskur ba'i phyir stobs bcu dang mi 'jigs pa'i gter mi zad pa rab tu 'thob ste/ gter mi zad pa'i mdzod bcu po 'di dag rab tu 'thob bo/ /de nas byang chub sems dpa' rdo rje'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /bsam pas mthu stobs rnyed pa de dag ni/ /mtha' yas chos la kun tu dbang bsgyur cing / /bsod nams gter la rjes su yi rang ba/ /de dag chags med tshul gyis yongs su bsngo/ /dus gsum rgyal ba su dag ji snyed pas/ /rnam dag zhing rnams 'jig rten rnam sbyangs pa/ /yon tan kun dang ldan zhing 'phags pa rnams/ /de 'dra'i rnam dag zhing du yongs su bsngo/ /dus gsum rgyal ba ji snyed bzhugs pa yi/ /tshul rnams kun la rjes su sems </font><hr>Kha221b<br><font size=+1>


byed cing / /thams cad lus pa med par nges bzung ste/ /de 'dra'i zhing ni brtan pa rnams kyis brgyan/ /dus gsum bskal pa ji snyed yod pa yi/ /zhing gcig yon tan de dag blangs byas kyang / /bskal pa ji snyed de dag zad 'gyur gyi/ /zhing gi yon tan bsngags pa zad mi 'gyur/ /'di 'dra'i zhing rnams thams cad ma lus par/ /mi yi mchog gis ji snyed mthong gyur pa/ /thams cad ma lus zhing gi yon tan gyis/ /ji snyed 'jig rten de dag brgyan par snang / /de dag kun kyang rnam dag yid dang ldan/ /de dag rgyal ba'i gsung skyes sras yin te/ /yon tan kun gyis brgyan pa'i sems dang ldan| /zhing gi phyogs rnams rab tu rgyas par byed/ /de dag lus ni mtshan gyis shin tu brgyan/ /de dag dpe byad bzang pos lus kyang mdzes/ /de dag mtha' yas yang dag so so shes/ /'gro ba'i rgya mtsho mi zad ji bzhin no/ /de dag spyod yul dag dang yang dag ldan/ /ting 'dzin kun la gnas pa rjes su thob/ /mtshungs med shin tu rnam par dag pa'i yid/ /thams cad phyogs rnams su ni 'on kyang 'gyed/ /'di 'dra'i zhing rnams ma lus bzung byas te/ /nyan thos spyod yul dag la dad med pa/ /rang rgyal thams cad shin tu spangs gyur te/ /mi yi dam pas shin tu gang gyur cig /de dag de 'dra'i yongs bsngo sems ldan pa/ /gang gis ma lus </font><hr>Kha222a<br><font size=+1>


@#/ /'jig rten byang chub tu/ /dus gsum rgyal bas mngon par sangs rgyas pa/ /de dang ldan par yongs su bsngo bar byed/ /phyogs bcu kun na ji snyed yod pa yi/ / bdud dang nyon mongs de dag rab tu 'joms/ /dpal ldan mthu can gzhan gyis pham mi nus/ /rnam par nges pas chos kyi dam pa spyod/ /de dag smon lam mthu stobs yangs pa yin| |yongs su bsngo ba chags pa med gyur cing / /bsod nams zad med de dag mdzod du zhugs/ /de ni dus gsum kun tu zad mi 'gyur/ /de dag spyod pas chos la 'jal bar byed/ /de dag byed pa med pa'i chos la zhugs/ /g.yo med chos kyang de dag rab tu shes/ /las kyi rnam pas yongs su mi sems so/ /gzugs ni ma yin 'on kyang gzugs med min/ /'du shes yod min 'du shes med pa min/ /dngos yod ma yin dngos po med pa'ang min/ dngos med thams cad rang bzhin khong du chud/ /yod pa ma yin med pa'ang ma yin te/ /rgyu yi rgyud la mngon par chags mi byed/ /rkyen la'ang 'jug par de dag mi byed do/ /nam yang de dag chags par mi byed do/ /'gro ba 'di na smra tshul ji snyed pa/ / de la nam yang chags par mi byed de/ /'du shes bsam pa brnga yang rab tu shes/ /bdag med chos kyang so sor shin tu rtogs/ /de dag sems can mi 'bral zhes 'gyur </font><hr>Kha222b<br><font size=+1>


ba| |de 'dra'i chos nyid mnyam pa rab tu rtogs/ /de 'dra'i zhing dang de bzhin las kyi rnams/ /dus gsum thams cad ma lus bzung byas shing / /shes pas de dag de bzhin yongs su bsngo/ /las kyi rnam pa gang gis skyes ldan zhing / /rang bzhin gang dang mtshan nyid gang yin dang / /de na ci 'dra'i chos nyid yod pa dag /de bzhin de dag dag par yongs su bsngo| |gang gi yid kyis ngo bo nyid 'jal ba/ /rang bzhin byas pa med par de dag shes/ /'gro la de dag mi gnas len pa med/ /'gro ba kun phyir yongs su bsngo bar gzhol/ /spyod yul ma lus thams cad bzung byas shing / /'od gsal thams cad rjes su sems par byed/ /ma lus de bzhin nyid kyang de dag shes/ /gang gis lta ba thams cad ma lus shing / / bsam pa'i skyon por rnam par spangs pa rnams/ /rtag tu de dag dri med kun gdung med/ /chags med kun gyi tshul yang rjes su rtogs/ /de dag gis ni chos rnams ma bshig ste/ /nam yang chos nyid zhig par 'gyur ba med/ /chos la chags par de dag mi byed de/ /de dag 'jig rten sgra brnyan 'dra ba yin/ /gang gis dus gsum 'jig rten skyes pa yin/ /'gro ba rkyen 'byung chos kyang rab tu shes/ /bsam pa dag dang bag chags khong du chud/ /thams cad 'jig par byed pa gang yang med/ /de dag las dang las min rab tu shes/ /las dang rnam par 'gal bar mi </font><hr>Kha223a<br><font size=+1>


@#/ /byed de| |las kyi rnam par smin pa chud mi gzon/ /rgyu las 'byung ba'i chos kyang shin tu ston/ /'di na sems can gang yang 'khor ba med/ /sems can 'byung bar de dag mi byed de/ /sems can rnams la gnas pa med par smras/ /sems can rgyud kyi brda yang rab tu rtogs/ /bsod nams mi zad pa'i mdzod ces bya ba ste/ yongs su bsngo ba lnga pa'o/ /kye rgyal ba'i sras dag /byang chub sems dpa' sems dpa' chen po rnams kyi yongs su bsngo ba drug pa dge ba'i rtsa ba thams cad dang mnyam pa nyid kyi rjes su song ba zhes bya ba gang zhe na/ kye rgyal ba'i sras dag /'di la byang chub sems dpa' sems dpa' chen po rgyal por gyur te srid chen po thob nas 'tshe ba dang / phyir rgol ba bcom ste rgyal po chen por grags pa dang / srid chen po'i khams la gnas shing / srid yangs pa la dbang par gyur nas 'khon med cing ltod pa med par srid la gnas pa/ chos kyi rgyal srid kyis skyong bar byed pa/ chos dang mthun pa/ chos kyi rjes su bsnyegs pa/ phun sum tshogs pa'i srid chen po thob pa/ sa chen po la gdugs gcig tu gyur pa/ 'khor lo thogs pa med pas skyong ba/ dri ma med pa'i thabs thob pa/ srid pa pha rol gyi sdes gtso ba med pa/ chos dang ldan pa/ dbyig pa med pa dang / mtshon cha med pas 'gro ba rnams </font><hr>Kha223b<br><font size=+1>


shin tu skyong ba/ chos kyi rjes su zhugs shing bsdu ba'i dngos po bzhis 'gro ba sdud pa/ 'khor los bsgyur ba'i rgyal por gyur pa/ 'gro ba thams cad la mdzod kyis shin tu stob pa de| dbang phyug de lta bu la gnas shing / de lta bu'i chos la gnas pa/ g.yog dang 'khor mang po shin tu 'dus pa/ gzugs dang ldan pa/ 'gro ba thams cad blta bas mi ngom pa| yid la kha na ma tho ba med pa/ bsod nams rnam par dag pa dang ldan pa/ zil gyis mi non pa'i mtshan dang ldan pa/ lus shin tu rnam par phye ba mdzes pa dang ldan pa/ blta na bzang ba/ tshul dang mthun pa'i lus dang ldan pa/ stobs dang ldan pa/ thub pa med pa'i lus dang ldan pa/ stobs chen po dang ldan pa/ mthu bo che'i lus kyis bzung ba/ rnam par dag pa'i lus dang ldan pa/ bsgribs pa med pa'i las rnam par dag pa dang ldan pa de/ zas yongs su gtong ba'am/ btung ba'am/ ro'am/ bzhon pa'am| gos sam/ me tog gam/ phreng ba'am/ spos sam/ byug pa'am/ mal cha'am/ gnas sam/ rgyab rten nam/ mar me'am/ sgron ma'am/ nad kyi rkyen sman dang / yo byad rnams sbyin pa'am/ rin po ches gzhal ba'i snod sna tshogs bkang zhing yongs su gtong ba dang / shing rta sna tshogs dang / shing rta du ma bkang zhing / tshad </font><hr>Kha224a<br><font size=+1>


@#/ /med pa'i rin po che dang nor yongs su gtong ba dang / glang po cang shes sam/ rta cang shes rgyan thams cad kyis brgyan pa gtong ba dang / slong ba rnams la ci rigs su rgyal po'i stan bzang po gtong ba'am/ gdugs gtong ba'am/ rgyal mtshan dang ba dan gtong ba'am/ rin po che gtong zhing sbyin pa'am/ rgyan dang lhab lhub kyi sbyin pa yongs su gtong ba'am/ cod pan nam/ gtsug gi nor bu dag dbang phyug la spyi bo nas dbang bskur bas mtshon chas bcings shing btson ra na 'dug pa'i sems can rnams mthong nas nor thams cad yongs su gtong ba dang / g.yog dang bdag tu bcas te byin nas btson ra de dag nas sems can rnams yongs su thar par byed pa/ gsad sar khrid pa mthong nas bdag gi lus dang srog yongs su btang ste gsad pa de slu bar byed pa/ gtsug phud dang thor pag tu bcas pa'i mgo bo dag kyang slong bas bslangs na gtong ba med pa'i sems kyis gtong ba/ mig gnyis yongs su gtong ba'am/ rna ba dang sna yongs su gtong ba'am/ so dang lce yongs su gtong ba'am/ mgo yongs su gtong ba'am/ rkang lag yongs su gtong ba'am/ rang lus kyang dral zhing slong ba la khrag yongs su gtong ba'am/ sha dang rkang yongs su gtong ba'am/ slong ba </font><hr>Kha224b<br><font size=+1>


la rang gi lus las snying phyung ste yongs su gtong ba'am/ slong zhing len pa sna tshogs la sgyu ma dang / mtsher pa dang / mkhal ma dang / pho ba rnams yongs su gtong ba'am/ rang gi lus las yan lag dang / nying lag dang / rus pa bslangs na/ dad pa'i sems kyis yongs su gtong ba'am/ slong ba la mos par lta bas pags pa dang mdog yongs su gtong ba'am/ rkang lag las sor mo yongs su gtong ba'am/ chos 'dod pa'i phyir rang gi sha dang / sen mo yongs su gtong ba'am/ chos shin tu dkon pa tshol zhing / mes gang ba'i 'obs mi 'greng lag btags bdun du mchong bar byed pa'am/ chos bsrung ba'i phyir sdug bsngal myong ba thams cad kyang rang gi lus kyis bzod par byed pa'am/ chos tshol zhing chos kyi tshig dang yi ge 'bru gcig gi phyir yang rgya mtsho'i mthar thug pa'i sa chen po yongs su gtong ba'am/ chos thams cad kyi dbang phyug byed pa'am/ mi dge ba'i chos las sems can rnams bzlog ste dge ba'i chos la rab tu sbyor ba'am/ skyes bu'i mtshan gcod pa mthong nas sdig pa'i las de dag las sems can de dag rnam par zlog par byed pa'am/ de bzhin gshegs pa mngon par sangs rgyas par 'jig rten thams cad du sgrog cing / gtsug lag khang dang pho brang gi longs spyod kyi phyir sa dang khams yongs su gtong ba'am/ rim gro bya ba'i phyir bran </font><hr>Kha225a<br><font size=+1>


@#/ /dang / las byed pa'i mi rnams gtong ba'am/ slong ba la rim gro bya ba'i phyir bdag nyid 'bul ba'am/ chos la dad pas dga' zhing mgu ba'i sems rnyed nas rang gi lus kyis de bzhin gshegs pa la rim gro byed pa'am/ bdag nyid sems can thams cad la gtong ba'am/ sangs rgyas thams cad la rim gro bya ba'i phyir rgyal srid yongs su gtong ba'am/ slong ba rnams ci rigs su yul dang mir bcas pa'am/ grong khyer dang rgyal po'i pho brang ngam/ rgyan thams cad kyis brgyan pa yongs su gtong ba'am/ slong ba la bu dang bu mo dang chung ma dag yongs su gtong ba'am/ slong ba rnams la ci rigs su khyim thams cad yongs su sbyin zhing gtong ba'am/ bza' shing gi ra ba sbyin pa'am/ slong ba sna tshogs dang / len pa sna tshogs dang / sems can sna tshogs dang / gang zag sna tshogs sems sna tshogs dang ldan pa la phyogs tha dad pa nas 'ongs ba tshad las 'das pa'i mi dang / mi sna tshogs dang / sbyin pa'i gnas sna tshogs la mchod sbyin bye ba khrag khrig brgya phrag stong du ma grangs med pa rnams byed cing yongs su gtong ba'am/ de sbyin pa'i dmigs pa'i dngos po thams cad yongs su gtong ba'i tshe sems 'di ltar bskyed de yongs su bsngo zhing / dge ba'i rtsa ba thams cad kyi snying po'i rjes su song bas gzugs shin tu </font><hr>Kha225b<br><font size=+1>


bzung ba/ dge ba'i rtsa ba thams cad kyi snying po'i rjes su song bas tshor ba shin tu bzung ba/ dge ba'i rtsa ba thams cad kyi snying po'i rjes su song bas 'du shes shin tu bzung ba/ dge ba'i rtsa ba thams cad kyi snying po'i rjes su song bas 'du byed shin tu bzung ba/ dge ba'i rtsa ba thams cad kyi snying po'i rjes su song bas rnam par shes pa shin tu bzung ba/ dge ba'i rtsa ba thams cad kyi snying po'i rjes su song bas srid pa thams cad shin tu bzung ba/ dge ba'i rtsa ba thams cad kyi snying po'i rjes su song bas 'khor shin tu bzung ba/ dge ba'i rtsa ba thams cad kyi snying po'i rjes su song bas longs spyod shin tu bzung ba/ dge ba'i rtsa ba thams cad kyi snying po'i rjes su song bas sbyin pa shin tu bzung ba des dge ba'i rtsa ba de dag 'di ltar yongs su bsngo ste/ bla na med par dmigs nas bza' ba dang btung ba 'di dag 'di ltar btang ba dang / 'di ltar byin pa dang / 'di ltar chags pa med pa dang / 'di ltar bcings pa med pa dang / 'di ltar nye bar btang ba dang / 'di ltar ma bzung ba dang / 'di ltar lhag par bsam pa dang / 'di ltar dngos po yongs su btang ba dang / 'di ltar dmigs pa la mi gnas pa dang / 'di ltar gtong ba dang ldan pas sems can thams cad ye shes kyi kha zas dang ldan pa dang / chags pa med pa la brtson pa/ sems kyi zas yongs su shes pa </font><hr>Kha226a<br><font size=+1>


@#/ /dang| chags pa med pa'i zas dang / dga' ba'i zas dang / zang zing med pa'i zas dang / ye shes kyis 'tsho ba dang / chos kyis brtan pa dang / dge ba'i rtsa bas yongs su bzung ba'i chos kyi sku dang / ye shes kyi sku la yang dag par spyod pa dang / sbyin pa'i gnas dang / snying brtse ba'i kha zas rab tu len par gyur cig /ces de ltar byang chub sems dpa' sems dpa' chen po zas sbyin pa de dag yongs su bsngo'o/ /byang chub sems dpa' btung ba'i sbyin pa gtong ba'i tshe 'di ltar yongs su bsngo ste/ dge ba'i rtsa ba 'dis sems can thams cad chos kyi btung ba 'thung ba la brtson pa dang / byang chub sems dpa'i lam dang ldan pa dang / 'jig rten pa'i skom pa rgyun chad pa dang| sangs rgyas kyi ye shes kyi skom pa las mi ldog pa dang / 'dod pa'i yul gyis skom pa las phyir ldog pa dang / chos kyis tshim pa'i dga' ba rab tu 'thob pa dang / chos kyi sku shin tu tshim pa dang / ting nge 'dzin gyis tshim par byed pa'i sems dang ldan pa dang / shes rab rgya mtsho la zhugs pa dang / chos kyi ri rab dang ldan pa dang / chos kyi btung bas ngoms par gyur cig /ces de ltar byang chub sems dpa' sems dpa' chen po btung ba'i sbyin pa de dag yongs su bsngo'o/ /byang chub sems dpa' bro ba'i sbyin </font><hr>Kha226b<br><font size=+1>


pa skyon thams cad bsal nas rnam par dag pa skyur ba dang / mngar ba dang / kha ba dang / bro ba dang / tsha ba dang / bska ba sna tshogs kyi ro mchog dang ldan pa/ shin tu 'jam pa'i ro mchog gi rnam pa dang ldan pa/ ro sna tshogs bye ba khrag khrig brgya phrag stong bsags pa dang ldan pa/ khams rnams mnyam zhing 'khrugs pa med par gzhog pas lus kyi stobs ston par byed pa/ sems dga' ba/ dad cing mos pa dang / spro ba dang / gsal ba bskyed pa/ zhim zhing tshul dang ldan pa'i ro'i dam par gyur pa/ nang gi dbang po rnam par dag par byed pa| lto la bde bas yang dag par ston pa/ snyoms pa thams cad sel bar byed pa/ nad thams cad zhi bar byed pa/ nad med par byed pa/ rnam pa 'di lta bu'i ro dam pa sna tshogs bye ba khrag khrig brgya stong grangs med pa slong zhing len pa sna tshogs la sbyin zhing yongs su gtong ba'i tshe dge ba'i rtsa ba de dag 'di ltar yongs su bsngo ste/ sems can thams cad bdud rtsi'i ros brtan pa'i sems kyis ro bro ba'i mchog dang ldan par gyur cig /sems can thams cad kha zas kyi ro thams cad kyi las yongs su shes shing / chos kyi ro'i ye shes la rab tu gnas par gyur cig /sems can thams cad gnas pa'i mtha'i chos kyi grong khyer du phyin te/ chos kyi ro du ma'i chos kyi dbyings rab tu rtogs par gyur cig /sems </font><hr>Kha227a<br><font size=+1>


@#/ /can thams cad chos kyi dbyings thams cad du rgyas par byed pas 'gro ba thams cad yongs su smin par bya ba dang / gdul ngal zhugs shing chos kyi sprin gyi char 'bebs par gyur cig /sems can thams cad bla na med pa'i chos kyi dga' bas rgyud tshim par gyur te/ ye shes mchog gi ro la sems rnam par gzhog par gyur cig /sems can thams cad ro thams cad kyi mtshan ma la mi 'dzin pas sangs rgyas thams cad kyi chos la brtson pa'i sems dang ldan zhing / ro'i mchog thams cad la chags pa med par gyur cig /sems can thams cad sangs rgyas kyi chos thams cad rab tu 'jug pas byung bas chos kyi ro gcig par gyur cig /sems can thams cad thams cad mkhyen pa'i theg pa las phyir mi ldog cing ro mchog gi ngo bo nyid las byung bar gyur cig /sems can thams cad dbang po thams cad dbye ba'i ye shes la mngon par mkhas pas sangs rgyas kyi chos kyi ro tha dad pa med par gyur cig /sems can thams cad bsgribs pa med pa'i sangs rgyas kyi chos kyis tshim par spyod cing / chos kyi ros yid rgyas par gyur cig / ces de ltar ro'i sbyin pa'i tshogs la brtson pa'i byang chub sems dpa' sems dpa' chen po sems can thams cad kyi ye shes chags pa med pa'i phung po sna tshogs bsgrub pa'i </font><hr>Kha227b<br><font size=+1>


phyir dge ba'i rtsa ba de dag yongs su bsngo'o/ /byang chub sems dpa' bzhon pa'i sbyin pa gtong ba'i tshe dge ba'i rtsa ba rnams 'di ltar yongs su bsngo ste/ sems can thams cad thams cad mkhyen pa'i theg pa la zhon par gyur cig /theg pa chen po rab tu thob cing rnam par zhig pa med pa'i theg pa dang / mchog gi theg pa dang / dam pa'i theg pa dang / mgyogs pa'i theg pa dang / stobs chen po'i theg pa dang / bsod nams dang ldan pa'i theg pa dang / 'jig rten las 'das pa'i theg pa dang / byang chub sems dpa'i theg pa dang / mtha' yas pa'i theg pas byung ste yon tan thams cad phun sum tshogs par gyur cig /ces de ltar byang chub sems dpa' sems dpa' chen po bzhon pa'i sbyin par gtogs pa'i dge ba'i rtsa ba de dag yongs su bsngo'o/ /byang chub sems dpa' gos kyi sbyin pa gtong ba'i tshe dge ba'i rtsa ba de dag sems can thams cad kyis khrel yod pa dang / ngo tsha shes pa rab tu thob par bya ba'i phyir yongs su bsngo'o/ /chos kyis rab tu yog pa'i lus kyi phyir yongs su bsngo'o/ /cha byad ngan pa thams cad rnam par bzlog par bya ba'i phyir yongs su bsngo'o/ /lus sba bar bya ba'i phyir yongs su bsngo'o/ /lus kyis 'khyud na lus la bde bar reg par bya ba'i phyir yongs su bsngo'o/ /kha dog dag par bya ba'i phyir yongs su bsngo'o/ /kha dog 'jam par bya ba'i phyir yongs </font><hr>Kha228a<br><font size=+1>


@#/ /su bsngo'o/ /kha dog shin tu 'jam par bya ba'i phyir yongs su bsngo'o/ /bde bar 'gro ba rab tu 'thob par bya ba'i phyir yongs su bsngo'o/ /sangs rgyas bde bar bsnyen bkur bar bya ba'i phyir yongs su bsngo'o/ /bla na med pa'i thams cad mkhyen pa nyid dag par bya ba'i phyir yongs su bsngo ste/ de ltar byang chub sems dpa' dge ba'i rtsa ba de dag yongs su bsngo bar byed do/ /de ltar byang chub sems dpa' sems dpa' chen po me tog gi sbyin pa byed pa'i tshe dra sna tshogs kyi me tog dang / kha dog rnam pa tha dad pa'i me tog dang / yid du 'ong ba'i me tog du ma dang / mig tu 'ong ba'i me tog dang / mi mthun pa med pa'i me tog dang / dus thams cad na yod pa'i me tog dang / lha rdzas dang mi'i me tog dang / 'od mdzes pa'i me tog dang / shin tu dri che zhing yid du 'ong bar mdzes pa'i me tog dang / 'di lta bu'i me tog rnams sangs rgyas bcom ldan 'das mngon du gyur pa dang / de bzhin gshegs pa yongs su mya ngan las 'das pa'i mchod rten rnams la 'bul ba dang / chos dkon mchog la mchod pa byed pa dang / dge 'dun dkon mchog la 'bul ba dang / dge ba'i bshes gnyen byang chub sems dpa' la 'bul ba dang / nyan thos dang rang sangs rgyas dang / pha dang ma rnams la sbyin pa byed pa'i tshe </font><hr>Kha228b<br><font size=+1>


chung du na bdag gi lus dang de ma yin pa gzhan bkren pa phongs pa slong zhing len pa sna tshogs la de dang de dag sbyin par bya ba'i tshe dge ba'i rtsa ba de dag 'di ltar yongs su bsngo ste/ sems can thams cad chos thams cad kyi me tog rgyas pa'i sems dang ldan pas/ sangs rgyas kyi ting nge 'dzin gyi me tog rgyas pa rab tu mthong bar gyur cig /sems can thams cad sangs rgyas la dga' ba rab tu rnyed nas blta na mi ngoms par gyur cig /sems can thams cad sems can kun gyi sems mi 'khrugs pas blta na yid du 'ong bar gyur cig /sems can thams cad dge ba'i las la lta zhing nye bar spyod pas lta ba yangs par gyur cig /sems can thams cad dge ba'i bshes gnyen thams cad la lta ba dang / sems ma nyams pas rjes su lta ba'i dran pa dang ldan par gyur cig /sems can thams cad 'gro ba kun gyi nyon mongs pa'i dug bsreg pa'i phyir dug sman bzang po nyams su myong ba lta bur gyur cig / sems can thams cad ye shes kyi rgyal po chen po la 'gro ba thams cad 'god pas smon lam chen po mthong bar gyur cig /sems can thams cad sems can kun gyi rab rib dang / thing tog dang / mun pa bsal ba'i phyir nyi ma'i dkyil 'khor 'char ba mthong bar gyur cig /sems can thams cad byang chub kyi zla 'od dge ba rnam par spel ba'i phyir zla ba lta bur </font><hr>Kha229a<br><font size=+1>


@#/ /mthong bar gyur cig /sems can thams cad dge ba'i bshes gnyen mthong zhing chos kyi rnam pa'i dge ba'i rtsa ba thams cad rab tu thob par bya ba'i phyir sems can thams cad kyis rgya mtsho'i rin po che'i gling du 'jug pa mthong bar gyur cig /sems can thams cad kyis bsgribs pa med pa'i ye shes mthong ba rnam par dag pa rab tu 'thob par bya ba'i phyir byang chub sems dpa' dge ba'i rtsa ba'i me tog yongs su gtong bar gtogs pa'i dge ba'i rtsa ba de dag de ltar yongs su bsngo'o/ /byang chub sems dpa' phreng ba'i sbyin pa byed pa'i tshe dge ba'i rtsa ba de sems can thams cad blta na mdzes pa'i phyir yongs su bsngo'o/ /blta na yid du 'ong ba'i phyir yongs su bsngo'o/ /blta na bzang ba'i phyir yongs su bsngo'o/ /blta na sdug pa'i phyir yongs su bsngo'o/ /blta na mngon par dga' ba'i phyir yongs su bsngo'o/ /blta na mya ngan med pa'i phyir yongs su bsngo'o/ /blta na rab tu dga' ba'i phyir yongs su bsngo'o/ /blta na yid mi bde ba med pa'i phyir yongs su bsngo'o/ /sangs rgyas mthong ba dang ldan pa'i phyir yongs su bsngo'o/ /bla na med pa'i thams cad mkhyen pa mthong ba rnam par dag pa 'thob pa'i phyir yongs su bsngo ste/ de ltar na/ byang chub sems dpa' sems dpa' chen po phreng ba'i sbyin pa byed pa'i tshe dge ba'i rtsa ba de dag sems </font><hr>Kha229b<br><font size=+1>


can thams cad la yongs su bsngo'o/ /byang chub sems dpa' spos kyi sbyin pa byed pa'i tshe dge ba'i rtsa ba de dag sems can thams cad la 'di ltar bsngo ste/ spos yongs su btang bas bsdus pa'i dge ba'i rtsa ba 'dis sems can thams cad tshul khrims kyi spos dang ldan par gyur cig /ma nyams pa'i tshul khrims dang / ma 'dres pa'i tshul khrims dang / rnyog pa med pa'i tshul khrims dang / 'gyod pa med pa'i tshul khrims dang / kun nas 'khor pa med pa'i tshul khrims dang / yongs su gdung ba med pa'i tshul khrims dang / log par ma zhugs pa'i tshul khrims dang / mtha' yas pa'i tshul khrims dang / 'jig rten las 'das pa'i tshul khrims dang / byang chub sems dpa' rnams kyi pha rol tu phyin pa'i tshul khrims dang ldan par gyur cig / tshul khrims kyi phung po gang dang sangs rgyas thams cad dang ldan pa de'i tshul khrims yongs su dag pa dang sems can thams cad ldan par gyur cig /ces de ltar byang chub sems dpa' sems dpa' chen po spos kyi sbyin pa byed pa'i tshe dge ba'i rtsa ba de dag sems can thams cad kyi tshul khrims kyi phung po yongs su rdzogs par bya ba'i phyir yongs su bsngo'o/ /bam po sum cu rtsa lnga pa / byang chub sems dpa' byug pa'i sbyin pa byed pa'i tshe dge ba'i rtsa ba de dag 'di ltar yongs su bsdo ste/ byug pa'i sbyin pas yongs su bzung ba'i dge ba'i rtsa ba 'dis sems can thams cad gtong </font><hr>Kha230a<br><font size=+1>


@#/ /pa thams cad yongs su gtong zhing sbyin pas bsgos par gyur cig /sems can thams cad de bzhin gshegs pa'i tshul khrims kyis shin tu rnam par dag cing tshul khrims kyis bsgos par gyur cig /sems can thams cad chags pa med pa'i bsam pa rab tu thob cing bzod pas bsgos par gyur cig /sems can thams cad byang chub sems dpa'i theg pa chen po la brtson 'grus kyi go cha bgos shing brtson 'grus kyis bsgos par gyur cig /sems can thams cad da ltar byung ba'i sangs rgyas mngon du bzhugs pa'i ting nge 'dzin rab tu thob pas bsam gtan gyis bsgos par gyur cig /sems can thams cad bla na med pa'i ye shes kyi rgyal po la skad cig gis rnam par dag cing shes rab kyis bsgos par gyur cig /sems can thams cad bla na med pa'i chos kyi 'jigs pa med pa rab tu 'thob cing chos kyis bsgos par gyur cig /sems can thams cad yon tan thams cad kyi ye shes rab tu thob cing yon tan gyis bsgos par gyur cig /sems can thams cad de bzhin gshegs pa'i stobs bcu'i pha rol tu phyin pa thob cing byang chub sems dpa'i yongs su bsngo ba thams cad kyis bsgos par gyur cig /sems can thams cad mi dge ba'i chos thams cad rab tu spangs shing chos dkar pos bsgos par gyur cig /ces de ltar byang chub </font><hr>Kha230b<br><font size=+1>


sems dpa' sems dpa' chen po byug pa'i sbyin pa byed pa'i tshe dge ba'i rtsa ba de dag yongs su bsngo'o/ /byang chub sems dpa' mal cha'i sbyin pa byed pa'i tshe dge ba'i rtsa ba de dag 'di ltar yongs su bsngo ste/ sems can thams cad shes rab dang / ye shes chen po thob pa'i phyir lha rdzas kyi mal cha rab tu thob par gyur cig /sems can thams cad so so'i skye bo ma yin pa'i byang chub kyi sems kyi gos bgo ba'i phyir 'phags pa'i mal rab tu thob par gyur cig /sems can thams cad 'khor ba'i sdug bsngal thams cad yongs su spang ba'i phyir bde ba'i mal rab tu thob par gyur cig /sems can thams cad sangs rgyas thams cad rnam par rol ba'i cho 'phrul yang dag par mthong ba'i phyir rin po che lta bu'i mal rab tu thob par gyur cig/ sems can thams cad chos thams cad legs par bkod pa'i gos bgo ba'i phyir mnyam pa med pa'i mal rab tu thob par gyur cig /sems can thams cad 'jig rten las 'das pa'i chos zil gyis mi non pa rnam par dag pas rgya chen po'i mal rab tu thob par gyur cig /sems can thams cad chos kyi bde ba dang ldan pas dge ba'i mal rab tu thob par gyur cig /sems can thams cad sangs rgyas kyi dmigs pa la brtson pas shin tu dag pa'i mal rab tu thob par gyur cig /sems can thams cad dge ba'i bshes gnyen gyis </font><hr>Kha231a<br><font size=+1>


@#/ /bskyabs pa dang ldan pas shin tu brtan pa'i mal rab tu thob par gyur cig /sems can thams cad sangs rgyas gzims pa lta bur glo g.yas pas 'bebs pa dang ldan pas seng+ge'i mal rab tu thob par gyur cig /ces de ltar byang chub sems dpa' dran pa dang shes bzhin gyis shin tu bsam pa'i dbang po yang dag par rgyu ba dang ldan pa mal cha'i sbyin pa yongs su gtong ba'i tshe dge ba'i rtsa ba de dag sems can thams cad la yongs su bsngo'o/ /byang chub sems dpa' sems dpa' chen po gnas kyi sbyin pa byed pa'i tshe dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad yon tan gyi gnas la brtson zhing ting nge 'dzin gyi gnas spyod yul du gyur pa dang / gnas pa med cing rten pa med pa'i gnas nas mi g.yo ba dang / gnas thams cad rnam par sgom pa dang / 'jig rten gyi gnas nas rnam par 'das pa dang / thams cad mkhyen pa'i gnas la gnas pa dang / sangs rgyas kyi gnas yongs su zin pa dang / bla na med pa'i gnas kyi mthar phyin pa dang / bde ba'i gnas la brtson pa dang / dge ba'i rtsa ba'i gnas la shin tu gnas pa dang / bla na med pa'i sangs rgyas kyi gnas dang mi 'bral zhing sangs rgyas kyi zhing yongs su dag pa la gnas par gyur cig /ces de ltar byang chub sems dpa' </font><hr>Kha231b<br><font size=+1>


sems dpa' chen po 'jig rten thams cad la phan pa dang / bde bar sems pa/ sems can thams cad la yongs su bsngo bas yongs su skyob pa la gnas kyi sbyin pa yongs su gtong ba'i tshe dge ba'i rtsa ba de dag sems can thams cad la de ltar yongs su bsngo'o/ /byang chub sems dpa' rgyab rten gyi sbyin pa byed pa'i tshe dge ba'i rtsa ba de dag 'di ltar yongs su bsngo ste/ sems can thams cad 'gro ba kun la phan pa dang / bde ba'i sems kyis ye shes kyi rten chen po la spyod pa dang / dge ba'i bshes gnyen gyi rten la spyod pa dang / bla ma'i rten la spyod pa dang / legs par spyod pa'i rten la spyod pa dang / byams pa chen po'i rten la spyod pa dang / snying rje chen po'i rten la spyod pa dang / pha rol tu phyin pa drug gi rten la spyod pa dang / byang chub kyi sems shin tu yangs pa'i rten la spyod pa dang / byang chub sems dpa' thams cad kyi lam gyi rten la spyod cing / sangs rgyas thams cad kyi rten la spyod par gyur cig /ces yongs su bsngo'o/ / de ltar byang chub sems dpa' sems dpa' chen po rgya brten gyi sbyin pa byed pa'i tshe dge ba'i rtsa ba de dag sems can thams cad yon tan thams cad rnam par dag par 'gyur ba dang / shin tu dag par 'gyur ba dang / ye shes rnam par dag par 'gyur ba dang / lam rnam par dag par 'gyur ba dang / chos rnam par dag par 'gyur ba dang / bsam pa rnam par dag par </font><hr>Kha232a<br><font size=+1>


@#/ /'gyur ba dang / mos pa rnam par dag par 'gyur ba dang / smon lam rnam par dag par 'gyur ba dang / mngon par shes pa'i yon tan dang / ye shes rnam par dag par 'gyur bar bya ba'i phyir yongs su bsngo'o/ /byang chub sems dpa' sems dpa' chen po 'di lta ste/ til mar gyi mar me'am/ mar gyi mar me'am/ rin po che'i mar me'am/ nor bu'i mar me'am/ ro'i mar me'am/ mar me chen po'am/ a ga ru'i mar me'am/ tsan+dan gyi mar me'am/ spos kyi ro thams cad kyi mar me'am/ kha dog mtha' yas par snang ba'i mar me'am/ rnam pa de lta bu'i mar me dag de yongs su gtong zhing sbyin pa byed pa na/ dge ba'i rtsa ba de dag 'gro ba thams cad la bde ba dang / 'gro ba thams cad bsdu ba'i phyir 'di ltar yongs su bsngo ste/ mar me sbyin pas yongs su bsdus pa'i dge ba'i rtsa ba 'dis sems can thams cad sangs rgyas thams cad kyi chos la snang ba mtha' yas par gyur cig /sems can thams cad 'jig rten thams cad shin tu phra ba dmigs par bya ba'i phyir snang ba shin tu gsal zhing dang bar gyur cig / sems can thams cad sems can med pa'i khams yongs su shes shing snang ba rab rib med par gyur cig /sems can thams cad 'od 'gyed pa'i lus su mngon par byung zhing </font><hr>Kha232b<br><font size=+1>


snang ba mtha' yas par gyur cig /sems can thams cad sangs rgyas thams cad kyi chos thams cad la phyir mi ldog pa'i sems dang ldan zhing 'od kun tu snang ba dang ldan par gyur cig / sems can thams cad sangs rgyas kyi zhing thams cad snang bar byed pa dang ldan zhing / sangs rgyas kyi 'od rab tu thob par gyur cig /sems can thams cad chos kyi dbyings thams cad 'od gcig gis rgyas par byed cing thogs pa med pa'i snang ba dang ldan par gyur cig /sems can thams cad bsam gyis mi khyab pa'i zhing du 'od zer rab tu 'gyed cing snang ba dpag tu med par gyur cig /sems can thams cad ye shes kyi skar mdas 'gro ba thams cad snang bar byed pa'i 'od dang ldan zhing 'od snang ba'i skar mda'i rgyal po lta bur gyur cig /sems can thams cad zhing kun tu 'od 'gyed pa'i rnam par 'phrul pas byung zhing snang ba kha dog mtha' yas par gyur cig /ces de ltar byang chub sems dpa' sems dpa' chen po mar me'i sbyin pa rab tu gtong ba'i tshe dge ba'i rtsa ba de dag sems can thams cad la phan pa dang / sems can thams cad la bde ba'i phyir yongs su bsngo'o/ /sems can thams cad dge ba'i rtsa bas yongs su bzung bas yongs su 'dzin to/ /sems can thams cad dge ba'i rtsa bas yang dag par bzung bas yang dag par 'dzin to/ /sems can thams cad la dge ba'i rtsa ba'i skal pas bgo </font><hr>Kha233a<br><font size=+1>


@#/ /bsha' byed do/ /sems can thams cad la dge ba'i rtsa bas snying brtse bar byad do/ /sems can thams cad la dge ba'i rtsa ba'i skal ba sbyin par byed do/ / sems can thams cad dge ba'i rtsa bas rab tu 'dzin to/ /sems can thams cad dge ba'i rtsa bas sbyin pa yongs su rdzogs par byed do/ /sems can thams cad dge ba'i rtsa bas dmigs par byed do/ /sems can thams cad dge ba'i rtsa ba mnyam pa nyid kyis mnyam par byed de/ /sems can thams cad dge ba'i rtsa ba shes pas rnam par dpyod par byed de| de ltar mar me sbyin pas bsdus pa'i dge ba'i rtsa ba de ci nas kyang sems can thams cad la dge ba'i rtsa ba rnams rab tu dgod pa'i phyir yongs su bsngo ba thogs pa med par 'gro pas de lta de ltar yongs su bsngo'o/ /byang chub sems dpa' sems dpa' chen po nad kyi rkyen sman dang / yo byad sbyin pa byed pa'i tshe dge ba'i rtsa ba de 'di ltar yongs su bsngo ste/ de dge ba'i rtsa ba 'dis sems can thams cad dmigs pa kun las shin tu 'das par gyur cig /sems can thams cad de bzhin gshegs pa'i sku rab tu thob cing lus nad med par gyur cig /sems can thams cad mi dge ba'i nad thams cad sos par gyur te sman lta bur gyur cig /sems can thams cad byang chub sems dpa' phyir mi ldog pa'i sa la rab </font><hr>Kha233b<br><font size=+1>


tu gnas pa'i tshul gyis sman a ga ru lta bur gyur cig /sems can thams cad nyon mongs pa'i dug gi gsal shing 'byin cing sangs rgyas kyi sman du gyur cig /sems can thams cad nyon mongs pa thams cad rnam par sbyong ba'i spyod pa dang ldan zhing nye bar bgrod pa'i ngang tshul can du gyur cig /sems can thams cad shin tu mi 'khrugs pa'i chos dang ldan zhing sman gyi rgyal po lta bur gyur cig /sems can thams cad 'gro ba thams cad gso ba la zhugs shing sman gyi sdong po lta bur gyur cig /sems can thams cad thams cad mkhyen pa nyid kyi snang ba rab tu thob cing nad thams cad byang bar gyur cig /sems can thams cad bsam pa ji lta ba bzhin du sman gyi sbyor ba la brtson pas 'gro ba thams cad kyi sman la mkhas par gyur cig /ces de ltar byang chub sems dpa' sman gyi sbyin pa byed pa'i tshe dge ba'i rtsa ba de dag sems can thams cad shin tu gso ba'i phyir yongs su bsngo'o/ /shin tu bde zhing dga' ba'i phyir yongs su bsngo'o| /sems can thams cad shin tu rnam par dag par bya ba'i phyir yongs su bsngo'o/ /sems can thams cad sangs rgyas snyun mi mnga' ba lta bu rab tu thob par bya ba'i phyir yongs su bsngo'o| |sems can thams cad kyi zug rngu thams cad bzlog pa'i phyir yongs su bsngo'o/ /sems can thams cad kyi lus nyams pa med cing brtan pa'i phyir yongs su bsngo'o/ /sems </font><hr>Kha234a<br><font size=+1>


@#/ /can thams cad rdo rje'i ri khor yug lta bur gzhom du mi chom pa dang / stobs dang ldan par bya ba'i phyir yongs su bsngo'o/ /sems can thams cad stobs thams cad kyis brtan cing bsam pa shin tu mtho ba thob par bya ba'i phyir yongs su bsngo'o/ /sems can thams cad kyis sangs rgyas kyi bde ba'i rnam pa zil gyis mi non pa yongs su rdzogs par 'gyur ba'i phyir yongs su bsngo'o/ /sems can thams cad kyi lus sangs rgyas thams cad kyi byin gyi rlabs kyis brtan pa'i phyir yongs su bsngo'o/ /gzhan yang byang chub sems dpa' sems dpa' chen po snod sna tshogs dang / bre dang / lnga bre'i sbyin pa byed pa 'di lta ste/ gser gyi snod dang / gser gyi bre dang / lnga bre rin po che sna tshogs kyis yongs su bkang ba dang / 'di lta ste/ dngul gyi snod dang / dngul gyi bre dang / lnga bre rin po che sna tshogs kyis yongs su bkang ba dang / 'di lta ste/ bai DUR+Ya'i snod dang / bai DUR+Ya'i bre dang / lnga bre rin po che rnam pa tha dad pas yongs su bkang ba dang / 'di lta ste/ shel gyi snod dang / shel gyi bre dang / lnga bre rin po che'i rgyan rnam pa tha dad pas yongs su bkang ba dang / 'di lta ste/ mu sa ra gal ba'i snod dang / mu sa ra gal ba'i bre dang / lnga bre mu tig dmar pos yongs su bkang ba dang / 'di lta ste/ asma gar+b+ha'i snod dang / asma gar+b+ha'i bre dang / lnga bre rin po che byi </font><hr>Kha234b<br><font size=+1>


ru dang / nor bu rin po che 'od zer snang bas yongs su bkang ba dang / 'di lta ste/ rin po che shi la'i snod dang / rin po che shi la'i bre dang / lnga bre kha zas zhim po ro'i mchog sna tshogs kyis yongs su bkang ba dang / 'di lta ste/ tsan+dan gyi snod dang / tsan+dan gyi bre dang / lnga bre lha rdzas lta bu'i gos phrugs kyis yongs su bkang ba dang / 'di lta ste/ rdo rje snod dang / rdo rje'i bre dang / lnga bre spos rin po che bye ba khrag khrig brgya stong du mas yongs su bkang ba dang / 'di lta ste/ snod sna tshogs dngos po rnam pa tha dad pa'i tshogs kyis bkang ba dang / bre dang lnga bre du ma sna tshogs bsags par bye ba tshad med pa nor gyi dbyig dang / dngul dang / gser phyes yongs su bkang ba de dag yon gyi gnas bsam gyis mi khyab par mos pa'i sems dang ldan pas sangs rgyas bcom ldan 'das rnams la 'bul lam/ dge ba'i bshes gnyen shin tu dkon par sems bskyed pas byang chub sems dpa' dkon mchog thams cad la 'bul lam/ sangs rgyas kyi bstan pa shin tu bstan pa'i phyir 'phags pa'i dge 'dun la 'bul lam/ 'phags pa'i skye bo la shin tu mos pa'i sems kyis gang zag gi rnam pa nyan thos dang / rang sangs rgyas la 'bul lam/ bla ma la bsnyen bkur zhing bshes gnyen la rim gro bya ba'i sems kyis pha dang ma dag la sbyin pa byed dam/ de dang de dag tu yon tan gyi tshogs bsags pa dang / </font><hr>Kha235a<br><font size=+1>


@#/ /gdams ngag dang / bslab pa dang / 'phags pa'i bstan pa la gnas par brtson pas slob dpon dang / bla ma dang / sbyin pa'i gnas la 'bul lam/ sems can thams cad la zhe mi sdang ba'i mig gis byams pa yongs su bsgoms shing / gtong ba'i sems kyis 'das pa dang / ma 'ongs pa dang / da ltar byung ba'i byang chub sems dpa' thams cad kyi dkyil 'khor gyi sbyin pa'i pha rol tu phyin pa la gcig tu nges par zhugs pa'i sems kyis sbyin pa thams cad brtson zhing tshogs chen po grangs med pas 'gro ba thams cad yongs su mi gtong zhing mi spang ba'i sems la shin tu gnas te sbyin pa'i dngos po thams cad la mngon par ma chags pa dang / yon gyi gnas thams cad rab tu bzung ba'i sems la gnas pas bkres pa dang phongs pa'i slong ba rnams la snod sna tshogs dang / bre dang / lnga bre yo byad kyi tshogs rnam pa tha dad pas yongs su bkang ba de dag sbyin pa dang / yongs su gtong ba'i tshe dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad dran pa'i dbang po nam mkha'i dbyings ltar yangs pa dang ldan te/ 'jig rten pa dang 'jig rten las 'das pa'i skad thams cad gzung ba dang / blang ba dang / yid la bya ba'i dran pa rmongs pa med cing snod tshad med pa'i snying po can du gyur cig /sems can thams cad </font><hr>Kha235b<br><font size=+1>


sangs rgyas kyi chos zab mo rgyun 'chad pa med pa'i chos can du gyur te/ snod bzang po rnam par dag par gyur cig /sems can thams cad 'das pa dang / ma byon pa dang / da ltar byung ba'i sangs rgyas thams cad kyi chos yang dag par 'dzin pa'i chos can du 'gyur te/ bla na med pa'i snod rin po che lta bur gyur cig /sems can thams cad 'das pa dang / ma byon pa dang / da ltar byung ba'i sangs rgyas thams cad kyi byang chub dbyer med pa la mos pas yang dag par bzung zhing sangs rgyas kyi chos yangs pa'i snod du gyur cig /sems can thams cad byang chub kyi sems bskyed pa rgya che zhing mthu che ba la yang dag par gzhol bas rin po che'i snod rnam pa'i mchog thams cad dang ldan pa shin tu brgyan pa lta bur gyur cig /sems can thams cad sangs rgyas kyi ye shes mtha' dang dbus med pa tshad med pa la mos pa rnam par dag cing / yon tan thams cad kyi snod dang 'byung gnas su gyur cig /sems can thams cad sangs rgyas kyi rnam par thar pa bsgribs pa med pas thams cad mkhyen pa'i ye shes kyi mthar gtugs te thams cad mkhyen pa'i ye shes kyi khongs su chud par gyur cig /sems can thams cad sems can gyi khams thams cad ma lus par thams cad mkhyen pa'i stobs la rab tu gzhag pa'i phyir phyi ma'i mtha' bskal par byang chub sems dpa'i spyod pa'i snod du gyur cig /sems can thams cad sangs </font><hr>Kha236a<br><font size=+1>


@#/ /rgyas thams cad kyi gsung gi yan lag gis chos bstan pa yang dag par 'dzin pa'i sems dang ldan par gyur te/ yon tan mchog thams cad dang / dus gsum gyi sangs rgyas kyi rigs kyi snod du gyur cig /sems can thams cad sangs rgyas thams cad kyi chos kyi 'khor lo bskor ba la gsol ba 'debs pa dang / chos yongs su 'dri ba la smra ba'i sngon du 'gro ba'i skyes bur gyur te/ de bzhin gshegs pa thams cad kyi 'khor gyi dkyil 'khor 'jig rten gyi khams nam mkha'i mthas gtugs pa gang bar byed pa shod ba'i snod du gyur cig /ces de ltar byang chub sems dpa' dge ba'i rtsa ba de dag ci nas kyang sems can gyi khams thams cad byang chub sems dpa' kun tu bzang po'i spyod pa dang / smon lam yongs su rdzogs pa'i snod du gyur pa'i phyir yongs su bsngo'o/ /byang chub sems dpa' sems dpa' chen po shing rta sna tshogs dang / shing rta du ma dang / rin po che sna tshogs kyi shing rta tshad med pa dang / sangs rgyas dang / byang chub sems dpa' gcig nas gcig tu brgyud pa dang / bla ma dang / ston pa dang / dge ba'i bshes gnyen dang / dge 'dun dang / nyan thos dang / rang sangs rgyas dang / sbyin pa'i gnas sna tshogs slong zhing len pa dang / phyogs gzhan nas 'ongs pa'i gang zag sna tshogs dang / phongs pa </font><hr>Kha236b<br><font size=+1>


dang / bkren pa slong ba dpag tu med pa dang / byang chub sems dpa'i sgra thos te 'ongs pa dang / byang chub sems dpa' yid ches pas skabs phye ste 'ongs pa dang / byang chub sems dpa'i sngon gyi smon lam dang / sbyin pa'i sgra thos te 'ongs pa dang / byang chub sems dpa'i smon lam dang / sems kyis bos shing bstabs pa de dag la sbyin zhing gtong ba 'di lta ste/ nor bu'i shing rta la rgyan gyis shin tu mdzes par byas pa sbyin pa'am/ gser gyi shing rta la dril bu'i dran bu'i dran pa rab tu 'khor bas brgyan pa rin po che'i srad bu'i lnga ldi bkye ba sbyin pa'am/ bai DUR+Ya'i shing rta la rin po che bye ba khrag khrig brgya stong du ma rnam pa sna tshogs kyis shin tu spras pa sbyin pa'am/ dngul gyi shing rta la shin tu dag pa'i gser rab tu bzang po'i dra bas g.yogs shing rta cang shes la bcas pa rin po che bye ba khrag khrig brgya stong du mas brgyan cing klubs pa sbyin pa'am/ gser gyi shing rta la rin po che'i dra ba dang / rgyan thams cad phun sum tshogs pas brgyan cing glang po che cang shes la bcas pa sbyin pa'am/ tsan+dan gyi shing rta la rin po che'i dam pa sna tshogs kyis shin tu spras te rin po che'i seng+ge'i khris brgyan pa/ na chung brgya phrag stong zhon pa rgyan thams cad dang / rin po che sna tshogs thams cad kyi gdugs phun sum tshogs pa/ skyes bu cang shes brgya stong du mas drangs pa sbyin pa'am/ shel gyi shing rta la rin </font><hr>Kha237a<br><font size=+1>


@#/ /po che du mas kha dog rnam par 'byed par shin tu mdzes par byas shing / na chung bye ba khrag khrig brgya stong grangs med pas yongs su gang ba/ rin po che'i bla re yog par bres pa/ rgyal mtshan dang / ba dan sna tshogs kyis phyogs bzhi nas brgyan pa sbyin pa'am/ asma gar+b+ha'i shing rta la rin po che sna tshogs du mas shin tu mdzes par byas te spos sna tshogs dri zhim pos bdugs pa/ spos kyi dam pa thams cad kyi byug pas rab tu byugs pa/ me tog gi rgyan thams cad kyis chal par bkang ba/ bu mo brgya phrag stong gis rin po che'i srad bu thogs te 'khrul pa med par drangs pa sbyin pa'am/ dri zhim po sna tshogs kyi shing rta la ras dang gos sna tshogs kyi bla re bres pa rin po che'i dra bas yog par khebs pa/ spos dri zhim po shin tu yid du 'ong ba rnam par dag pa mi mthun pa med pa tshor na dga' ba shin tu 'thul ba mtshams kyi lha'i bus drangs pa/ rin po che'i 'khor lo rin po che thams cad kyis shin tu brgyan cing mdzes par byas pa sbyin pa'am/ rin po che thams cad tshogs pa'i 'od 'byung ba'i shing rta la kha dog rnam pa sna tshogs su snang ba'i rin po che rnam pa du ma'i rgyan gyis brgyan pa/ rin po che sna tshogs kyi dra ba'i bla re bres pa/ rin po che sna tshogs kyi phreng ba mtha' yas pa kun nas dbyangs pa/ bu dang </font><hr>Kha237b<br><font size=+1>


bu mo bskyon pa/ spos sna tshogs kyi phye mas mtha' 'khor shin tu sbyangs pa/ sbyin pa byed pa na de dag las sangs rgyas bcom ldan 'das rnams la shing rta 'bul ba'i tshe dge ba'i rtsa ba de 'di ltar yongs su bsngo ste/ sems can thams cad sangs rgyas la yon tshad med pa 'bul bar dad cing sbyin pa'i gnas kyi dam pa la shin tu mos par gyur cig /sems can thams cad sbyin pa'i gnas mtha' yas pa rnam par dag pas sangs rgyas la rab tu brten par gyur cig /sems can thams cad gtong ba rgya chen po yongs su grub pas sangs rgyas thams cad la yongs su gtong bar mos par gyur cig /sems can thams cad sangs rgyas kyi rnam par thar pa bsgribs pa med pa rab tu thob cing nyan thos dang rang sangs rgyas kyi smon lam dang bral te sangs rgyas la bskyed pa'i yon tan thams cad mkhyen pa'i ye shes kyis myong bar gyur cig /sems can thams cad mtha' yas pa'i ye shes la shin tu mos shing sangs rgyas la yon gsol ba zad mi shes par gyur cig /sems can thams cad bla na med pa'i ye shes kyi rgyal pos rnam par dag cing ye shes kyi mchog la rab tu brten par gyur cig /sems can thams cad sangs rgyas kyi rdzu 'phrul thams cad du 'gro ba thob ste gang du dga' bar 'gro bar gyur cig /sems can thams cad ye shes mtha' yas pa'i </font><hr>Kha238a<br><font size=+1>


@#/ /'byung gnas la rab tu 'khod pa 'grub pa'i phyir ye shes chen po la rab tu brten par gyur cig /sems can thams cad thams cad mkhyen pa nyid kyi zhing las rnam par skye ba'i chos can du gyur te bsod nams kyi zhing dam par gyur cig /sems can thams cad dge ba'i rtsa ba thams cad bskyed pas sangs rgyas kyi ye shes la mos shing sangs rgyas thams cad la mi dga' ba med pa'i sems su gyur cig /sems can thams cad sems kyi skad cig gcig gis chos kyi dbyings thams cad du ngal ba med par zhugs te sangs rgyas kyi zhing thams cad yongs su sgrub pa lhun gyis grub par gyur cig /sems can thams cad sangs rgyas skye ba thams cad kyi drung du phyin pas byang chub sems dpa'i mngon par shes pas nam mkha'i dbyings thams cad du shin tu rnam par phye ba'i lus la rab tu zhugs par gyur cig /sems can thams cad gnas dpe med pa'i lus rab tu thob pas ngal zhing dub pa med par 'jig rten gyi khams thams cad du 'gro bar gyur cig /sems can thams cad phyir mi ldog pa'i yid kyis 'gro ba dang ldan zhing lus kyi mgyogs pa phun sum tshogs pa dang ldan par gyur cig /sems can thams cad sems kyi skad cig gcig gis bsam pa dang khams khyab par byed pas sangs rgyas kyi rnam par 'phrul ba </font><hr>Kha238b<br><font size=+1>


thams cad yang dag par ston pa'i snang ba gzhan zhing sangs rgyas thams cad kyi byin gyi rlabs dang / khyu mchog gi mthu 'byin pa'i pha rol tu phyin pa thob par gyur cig /sems can thams cad byang chub sems dpa' thams cad kyi spyod pa'i rjes su 'gro ba la bde bar 'gro bas rab tu brtson par gyur cig /sems can thams cad stobs bcu'i ye shes thams cad ma lus pa'i mthar thug par 'gro ba thob pas shin tu myur du 'gro bar gyur cig/ sems can thams cad chos kyi dbyings thams cad tha mi dad par 'jug pa la 'jig rten gyi khams kyi rgyud thams cad du 'gro ba'i pha rol tu phyin pa thob par gyur cig /sems can thams cad phyir mi ldog pa'i thams cad mkhyen pa'i ye shes kyi spyod yul dang / tshul shes te byang chub sems dpa' kun tu bzang po'i spyod pa khong du chud pa'i pha rol tu phyin pa thob pas 'dod par gyur cig /sems can thams cad chos nyid thams cad kyi rjes su song zhing chos ji lta ba bzhin du mthong bas 'dra ba med pa'i ye shes kyi tshul thob par gyur cig /ces de ltar byang chub sems dpa' sems dpa' chen po de bzhin gshegs pa rnams mngon du gyur pa'am/ de bzhin gshegs pa yongs su mya ngan las 'das pa'i mchod rten la shing rta 'bul pa'i tshe dge ba'i rtsa ba de dag sems can thams cad kyis de bzhin gshegs pa'i theg pa bsgribs pa med par </font><hr>Kha239a<br><font size=+1>


@#/ /'byung ba'i mthar phyin par yongs su bsngo'o/ /byang chub sems dpa' sems dpa' chen po dge ba'i bshes gnyen la shing rta 'bul ba'i tshe dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad byas pa'i drin mi gtong ba'i phyir dge ba'i bshes gnyen mi gtong ba'i sems stong ba med par gyur cig /sems can thams cad skal pa mnyam pa'i dge ba'i rtsa ba yongs su 'dzin pa'i phyir dge ba'i bshes gnyen dang don mthun par gyur cig/ sems can thams cad gtong ba dang / yongs su gtong ba thams cad kyis dge ba'i bshes gnyen la phan 'dogs pa'i phyir dge ba'i bshes gnyen la bla ma'i rim gros cher brtson par gyur cig / sems can thams cad dge ba'i bshes gnyen dang nye bar byas te spyad pa bsgrub pa'i phyir bsam pa dge ba dang ldan par gyur cig /sems can thams cad dge ba'i bshes gnyen dang mthun pa'i bsnyen bkur la nan tan byed pas dge ba'i bshes gnyen mthong ba rab tu thob par gyur cig /sems can thams cad sems 'khrul pa med cing nyams pa med pa dang 'dres pa med cing rnyog pa med pa'i phyir dge ba'i bshes gnyen la grol ba'i bsam pa can du gyur cig /sems can thams cad yo byad ci 'dod pa rab tu bsgrub pa'i phyir dge ba'i bshes gnyen la lus </font><hr>Kha239b<br><font size=+1>


yongs su gtong bar gyur cig /sems can thams cad byams pa dang ldan zhing 'khon med par rim gro byed pa'i phyir dge ba'i bshes gnyen gyis yongs su bzung zhing rab tu brtan par gyur cig /sems can thams cad sangs rgyas kyi chos kun tu mthun pa yang dag par mnyam pa'i phyir dge ba'i bshes gnyen dang mthun par gyur cig /sems can thams cad smon lam gcig pas byang chub sems dpa'i spyod pa las 'byung ba dang / stobs kyi mthar gtugs pa'i phyir dge ba'i bshes gnyen gyi dge ba'i rtsa ba dang / las kyi rnam par smin pa yongs su dag pa dang mthun zhing gcig par gyur cig /sems can thams cad ting nge 'dzin thams cad kyi yul la rnam par 'phrul pa ye shes mngon par shes pas shes rab bzang pos chos kyi brtson 'grus la shin tu byung bar gyur cig /sems can thams cad chos thams cad gzung ba'i pha rol tu phyin pa'i mthas gtugs par khong du chud pas rig pa'i pha rol tu phyin pa thob par gyur cig /sems can thams cad thogs pa med pa'i theg pas thams cad mkhyen pa nyid kyi mthar gtugs te theg pa chen pos mngon par spyod cing yang dag par gnas par gyur cig/ sems can thams cad bde ba'i phyogs las phyir mi ldog pa'i yid dang ldan zhing 'gro ba thams cad shes pa'i ye shes 'dzin par gyur cig /sems can thams cad sangs rgyas kyi chos </font><hr>Kha240a<br><font size=+1>


@#/ /la ji ltar thos pa bzhin du rmongs pa med pas chos thams cad la rab tu gzhol zhing ji lta ba bzhin du rtogs pa'i mngon par shes pa dang ldan par gyur cig /sems can thams cad bsgribs pa med pa'i ye shes kyis chos thams cad la 'byung ba'i mthar thug ste sangs rgyas thams cad kyis yongs su bzung ba'i yid dang ldan par gyur cig /sems can thams cad nyams pa med pa'i rdzu 'phrul gyi rkang pa dpe med pa rab tu thob pas mgyogs pa dam pa'i pha rol tu phyin pas 'gro bar gyur cig / sems can thams cad 'gro ba thams cad yongs su smin par bya ba dang / theg pa chen pos 'dul ba la rab tu zhugs pas 'gro zhing 'ong ba phun sum tshogs par gyur cig / sems can thams cad ye shes kyi shing rtas 'gro ba'i mthar thug pas gti mug med par 'gro bar gyur cig /sems can thams cad bsgribs pa med pa'i ye shes kyis thams cad du 'gro ba'i tshul shes shing chags pa med pa'i shing rta bzhon pa dang ldan par gyur cig /ces de ltar byang chub sems dpa' sems dpa' chen po dge ba'i bshes gnyen la shing rta 'bul ba dang / yongs su gtong bas yang dag par bzung ba'i dge ba'i rtsa ba de dag sems can thams cad sangs rgyas dang / byang chub sems dpa' thams cad </font><hr>Kha240b<br><font size=+1>


la tshul gyi rgyud gcig tu gyur pas bsnyen cing bkur ba'i yongs su sgrub pa rnam par dag par bya ba'i phyir yongs su bsngo'o/ /byang chub sems dpa' sems dpa' chen po sbyin pa thams cad la shin tu bslab pa'i sems dang ldan pa shes rab kyis shin tu rtogs pa'i bsam pa can/ yon tan gyis rnam par dag pa'i yid dang ldan pa/ mthun par yongs su gtong pa'i bsam pa can| dge 'dun rin po che shin tu dkon pa'i sems dang ldan pa/ tshogs rin po che la shin tu mos pa'i bsam pa can/ bstan pa rab tu gzung ba'i yid dang ldan pa/ lhag pa'i bsam pa shin tu brtan pa'i bsam pa can/ rim gro byed pa dang ldan pa/ mchod sbyin chen po'i mchod sbyin shin tu byas pa/ bstan pa'i yon tan chen po brjod pa/ sangs rgyas kyi bstan pa yon tan tha mi dad pas 'od gsal zhing rnyog pa med par dag pa de/ de bzhin gshegs pa'i dge 'dun dkon mchog la shing rta 'bul ba'i tshe dge 'dun dkon mchog la shing rta phul bas yang dag par bzung ba'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad sangs rgyas kyi bstan pa la yang dag par gzhol bas yang dag par zin par gyur cig /sems can thams cad 'phags pa'i skye mched las chos gzhan med par shin tu grub pas sems nang du gzhol bar gyur cig /sems can thams cad sangs rgyas kyi chos gcig nas gcig tu </font><hr>Kha241a<br><font size=+1>


@#/ /brgyud pas yang dag par bzung bas 'phags par red par gyur cig /sems can thams cad 'jig rten kun gyi shes pas yid ches par bya bas grangs su bgrang bar gyur cig /sems can thams cad chos kyi dbyings mi gnyis pa'i rang bzhin shes pa khong du chud pas chags pa med pa'i dbyings la yang dag par gzhol bar gyur cig /sems can thams cad de bzhin gshegs pa'i ye shes kyi spyod yul gyis yang dag par byung bas cang shes kyi kun nas bskor bar gyur cig /sems can thams cad nye ba'i nyon mongs pa'i rdul thams cad dang bral bas nyon mongs pa med pa'i chos la spyod par gyur cig /sems can thams cad 'phags pa'i dge 'dun so so'i skye bo med pa'i sas bla na med pa'i dge 'dun dkon mchog rab tu brjod par gyur cig /sems can thams cad chags pa med par gyur pa'i ye shes la shin tu brtson pa'i chos can du gyur te 'phags pa'i chos dang ldan par gyur cig /sems can thams cad khams gsum thams cad kyis gos pa med pa'i sems dang ldan zhing tshogs kyi rgyal po dam par gyur cig /sems can thams cad ye shes kyi chos kyi 'khor lo bskor ba la mkhas pas legs par bcas pa'i ye shes kyi bzhon pa dang ldan par gyur cig /sems can thams cad 'jig rten gyi khams kyi rgyud brjod du med pa'i yang </font><hr>Kha241b<br><font size=+1>


brjod du med par shin tu 'gro ba'i 'gros la mkhas pas sems skad cig gi rdzu 'phrul rab tu thob par gyur cig /sems can thams cad 'jig rten gyi khams thams cad du thogs pa med pa'i ye shes dang ldan zhing nam mkha' lta bu'i lus kyi shing rta sgrub par gyur cig /sems can thams cad nam mkha'i dbyings dang / de bzhin gshegs pa'i chos kyi dbyings kyi mthas gtugs par khyab par byed pas de bzhin gshegs pa thams cad kyi 'khor gyi dkyil 'khor du 'gro ba'i pha rol tu phyin pa'i mchog thob par gyur cig /sems can thams cad sangs rgyas kyi zhing thams cad ma lus par gang du dga' bar 'gro zhing rgyu ba dang ldan pas lus yang ba'i khyad par rjes su rtogs pa rab tu thob par gyur cig /sems can thams cad 'jig rten gyi khams thams cad du lus yang dag par ston pa'i phyir rdzu 'phrul gyi 'khor mtha' yas pa la mkhas par gyur cig /sems can thams cad 'jig rten gyi khams thams cad du lus 'phos pa med par 'gro ba yang dag par ston pa'i phyir rdzu 'phrul chen po'i khyu mchog gi mthu phyung ba'i pha rol tu phyin pa thob par gyur cig /sems can thams cad mig yor lta bu'i rdzu 'phrul gyis 'gro ba mngon par sgrub pa'i ye shes rab tu thob pas sangs rgyas kyi zhing thams cad la mi gnas pa'i lus rab tu thob par gyur cig /sems can thams cad dus la ji ltar bab par sems can yongs su </font><hr>Kha242a<br><font size=+1>


@#/ /smin par byed cing 'dul ba mi gtong ba'i phyir bsam gyis mi khyab pa'i rdzu 'phrul gyi khyu mchog gi mthu phyung ba yang dag par ston par gyur cig /sems can thams cad skad cig gcig gis chos kyi dbyings thams cad la chags pa med cing bsgribs pa med pa'i tshul gyis sems skad cig gcig gis phyogs thams cad du 'gro ba'i rdzu 'phrul la mngon par mkhas par gyur cig /ces de ltar byang chub sems dpa' sems dpa' chen po dge 'dun la shing rta 'bul zhing yongs su gtong bas yang dag par bzung ba'i dge ba'i rtsa ba de dag de ltar sems can thams cad bla na med pa'i ye shes kyi shing rta la gnas pa rnam par dag par 'gyur ba dang / chos kyi 'khor lo dang / chos kyi dbyings thams cad shes pa'i ye shes kyi 'khor lo rab tu bskor bar 'gyur ba'i phyir yongs su bsngo'o/ /gzhan yang byang chub sems dpa' sems dpa' chen po sbyin pa'i gnas kyi 'du shes nye bar gzhag pa'i sems dang ldan pa/ rim gro can/ zhes dang ldan pa/ bdag nyid che ba'i yon tan rgya mtsho gang chen mtsho'i tshul la mkhas pa/ yon tan dang ye shes kyi 'byung gnas kyi rigs dang ldan pa/ de bzhin gshegs pa'i yon tan la rnam par sems pa/ mthu chen por skyes pa/ bskal pa bye ba khrag khrig brgya stong du yongs su bsgoms pa'i sems dang </font><hr>Kha242b<br><font size=+1>


ldan pa| byang chub sems dpa'i spyod pa dus brjod du med pa thams cad du spyod pa rnam par spyad pa la rab tu zhugs pa/ bdud kyi bcings pa thams cad las sems rab tu grol ba/ bdud du ma'i sde dang bdud thams cad kyi shes pa'i stobs rab tu 'joms pa'i sems dang ldan pa/ gzhal du med pa'i chos la mkhas pas snang bar gyur pa de/ nyan thos dang / rang sangs rgyas la shing rta 'bul ba'i tshe shing rta yongs su btang bas yang dag par bzung ba'i dge ba'i rtsa ba de dag 'di ltar yongs su bsngo ste/ sems can thams cad bla na med pa'i sbyin pa yongs su smin pa grub pas sbyin pa'i gnas kyi dam par yid ches par gyur cig /sems can thams cad gcig tu spyod cing mi gnyis par yang dag par spyod pas 'du 'dzi med pa la dga' bar gyur cig /sems can thams cad 'gro ba thams cad bsod nams kyis yang dag par bsdu ba la brtson pas sbyin pa rnam par dag par byed pa'i mchog tu gyur cig /sems can thams cad dge ba'i rtsa ba grangs med pa'i 'bras bu rab tu gtong bas ye shes kyi mu stegs las byung bar gyur cig /sems can thams cad sbyin pa'i dkyil 'khor mchog gis rnam par dag pas bsgribs pa med par rtogs par khong du chud par gyur cig /sems can thams cad chos thams cad kyi rang bzhin byed pa med par khong du chud pas nyon mongs pa med pa'i </font><hr>Kha243a<br><font size=+1>


@#/ /chos la rnam par spyod par gyur cig /sems can thams cad bsod nams kyi zhing sbyin pa'i gnas 'gro ba thams cad dga' bar byas pas bsod nams tshad med pa shin tu bsags par gyur cig /sems can thams cad sbyin pa'i gnas su byas te phan 'dogs pa rnam par dag pas cho 'phrul mtha' yas pas rnam par rol ba yang dag par ston par gyur cig /sems can thams cad stobs bcu'i theg pa mchog gi 'bras bu yongs su stobs pas sbyin pa'i gnas yon tan zad mi shes par gyur cig /sems can thams cad bsod nams kyi phung po mi zad pas thams cad mkhyen pa'i mthar thug par gyur te sbyin pa'i gnas don yod pa'i 'bras bu dang ldan par gyur cig /sems can thams cad ma thos pa'i sangs rgyas kyi chos tshig dang / yi ge 'dzin cing sdig pa'i chos rab tu zhi bar gyur cig /sems can thams cad sangs rgyas kyi sgra don yod pa ye shes kyis rnam par rig pas sangs rgyas kyi chos thams cad mnyan pa la mos shing brtson par gyur cig /sems can thams cad la thos pa rjes su bsgrags pa'i chos can du gyur te sangs rgyas kyi chos thams cad thos pa'i pha rol tu phyin pa thob par gyur cig /sems can thams cad zhags pa thub pa dgu bcu rtsa drug gi lta ba las rnam par </font><hr>Kha243b<br><font size=+1>


'das te bstan pa la gnas pa'i bya ba la mos par gyur cig /sems can thams cad dge ba'i rtsa ba mchog rnam par spel bar byed cing 'phags pa mthong ba rab tu thob par gyur cig /sems can thams cad 'phags pa mthong zhing 'grogs pa'i bde ba dang ldan zhing ye shes kyis spyod pa'i gang zag la mos par gyur cig /sems can thams cad sangs rgyas kyi lta ba rjes su thos pa las byung bas thos pa don yod par gyur cig /sems can thams cad bstan pa rab tu gzung ba dang yongs su bsrung ba la zhugs pas sangs rgyas kyi bstan pa la ye shes kyi mkhas pa rab tu thob par gyur cig /sems can thams cad sangs rgyas kyi bstan pa gsal bar bya ba'i snang ba rab tu thob pas chos thams cad thos pa shin tu 'dzin pa la zhugs par gyur cig /sems can thams cad sbyin pa'i mdzod kyis dga' bar spyod cing gtong ba shin tu byed pa dang / mchod sbyin shin tu byas pas sangs rgyas kyi bstan pa la yon tan ji lta ba bzhin du rtogs pa phun sum tshogs par gyur cig /ces de ltar byang chub sems dpa' sems dpa' chen po nyan thos dang / rang sangs rgyas la shing rta 'bul ba'i tshe dge ba'i rtsa ba de dag sems can thams cad kyis ye shes dang / mngon par shes pa rnam par dag pa mchog dam pa phul rab tu 'thob cing / ci nas kyang </font><hr>Kha244a<br><font size=+1>


@#/ /mi 'jigs pa dang / thams cad mkhyen pa'i stobs dang / mi 'jigs pa rab tu 'thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po sbyin pa'i gnas dang len pa sna tshogs phyogs gzhan dang gzhan nas 'ongs pa'i gang zag dang / slong ba phongs pa dang / bkren pa mang po tshad med pa byang chub sems dpa'i sgra thos te 'ongs pa dang / byang chub sems dpa'i smon lam dang sems bskyed pas mos shing bstabs pa thams cad gtong bas shin tu re ba'i yid can de dag 'ongs pa mthong nas slong ba la rim gro bya bas mi ngoms pa'i sems kyis slong ba 'ongs pa rnams la bzod pa gsol ba'i sems bskyed de/ 'di ltar bdag nyid phyogs de dag tu khyod kyi drung du song ste rim gror bya ba zhig na/ de 'di ltar khyod 'dir phyin te shin tu ngal bar gyur to/ /zhes spyi bos btud de bzod pa gsol bas slong ba thams cad bzod pa byas/ rim gror byas/ ngal ba bstis nas ci 'dod pa sbyin pa de dag gis shin tu rim gro byed de/ 'di ltar nor bu'i shing rta 'dzam bu'i gling gi na chung bzang mo rin po ches yongs su bkang ba dang / 'di lta ste/ gser gyi shing rta yul gyi na chung rin po che shin tu rnam par dag pas yongs su bkang ba dang / 'di lta ste/ bai DUR+Ya'i shing rta na chung ma'i 'khor glu dang rol mo brdung zhing dkrol ba dang ldan pas yongs su bkang ba dang / 'di lta </font><hr>Kha244b<br><font size=+1>


ste| dngul gyi shing rta shin tu mdzes pa bud med gzhon nu lha'i bu mo lta bus yongs su bkang ba dang / 'di lta ste/ rin po che bye ba khrag khrig brgya stong grangs med pa'i rgyan gyis brgyan pa'i shing rta bud med cang shes rin po che rgyan thams cad kyis brgyan pa tshul mkhas pas yongs su bkang ba dang / 'di lta ste/ tsan+dan gyi shing rta byang chub sems dpa' bzhon par 'os pa dang| 'di lta ste/ shel gyi shing rta bud med bzang mo bzhin bzang ba/ cha byad sdug gu shin tu brgyan pa/ gzugs mdzes pa/ blta na sdug cing mi mthun pa med pas yongs su bkang ba dang / 'di lta ste/ asma gar+b+ha'i shing rta dbang bskur bas yongs su bkang ba dang / 'di lta ste/ spos dam pa'i shing rta bu dang bu mos yongs su bkang ba dang / 'di lta ste/ rin po che'i tshogs thams cad kyis brgyan pa'i shing rta nang gi bshes gnyen dbyer mi phyed pas yongs su bkang ba dang / de rnam pa 'di lta bu'i shing rta grangs med pa rnam pa sna tshogs slong mo pa thams cad la sbyin zhing yongs su gtong bas/ slong ba 'dod par bya ba'i dngos po rab tu thob pas yid la bsam pa shin tu rdzogs nas slong ba de dag thams cad sbyin pa thams cad sbyin pa'i tshul gyis yang dag par bzung ste shin tu tshim par byas shing bsam pa rdzogs par byas nas dga' ba dang / mgu ba dang / rangs pa dang / yid bde ba skyes par byas te dge ba'i rtsa ba de dag </font><hr>Kha245a<br><font size=+1>


@#/ /'di ltar yongs su bsngo'o/ /sems can thams cad byang chub kyi shing drung du bsam gyis mi khyab cing thogs pa med pa'i shing rta'i 'khor lo phyir mi ldog pas 'gro ba dang ldan te theg pa chen po'i shing rta la zhon par gyur cig /sems can thams cad byang chub sems dpa'i spyod pa thams cad la spyod cing phyi ma'i mtha' bskal ba'i mur thug par phyir mi ldog par chos kyi shing rta cang shes la zhon par gyur cig /sems can thams cad chos thams cad la rnam par rtog pa'i rlom sems med cing thams cad mkhyen pa'i rigs kyi lam la brtson pas chos thams cad ci yang ma yin pa'i shing rta la zhon par gyur cig /sems can thams cad thogs pa med pa'i rdzu 'phrul gyis sangs rgyas kyi zhing thams cad du 'gro ba la brtson pas kun tu 'gro ba dri ma med pa'i shing rta la zhon par gyur cig /sems can thams cad sangs rgyas thams cad kyi chos la dga' bas mos shing yang dag par 'gro ba la brtson pas thams cad mkhyen pa'i theg pa'i shing rta rjes su mthun pa la rab tu gnas par gyur cig /sems can thams cad byang chub sems dpa'i 'byung ba'i lam bcu dang / byang chub sems dpa'i ting nge 'dzin thams cad la rab tu dga' ba'i yid dang ldan zhing byang chub sems dpa'i spyod pa rnam par </font><hr>Kha245b<br><font size=+1>


dag pa'i shing rta la zhon par gyur cig /sems can thams cad tshul dang 'dra ba'i yul na gnas pa dang ldan pa dang / skyes bu dam pa la brten pa thob pas sngon byas pa'i bsod nams shin tu bsags pa dang / yang dag pa'i smon lam la shin tu brtson pa dang / byang chub sems dpa'i tshangs par spyad pa rnam par dag pa yongs su rdzogs pa phun sum tshogs pas 'khor lo bzhi pa'i shing rta la zhon par gyur cig /sems can thams cad de bzhin gshegs pa ma lus pa'i stobs dang / ye shes la brtson pas phyogs thams cad kyi chos kyi dbyings su chos kyi snang ba gtong ba la bslab par gyur cig /sems can thams cad chos kyi shing rtas 'byung ba'i pha rol tu phyin pa thob ste sangs rgyas kyi chos kyi shing rta la zhon par gyur cig /sems can thams cad phyogs thams cad du legs pa dang / bde ba yang dag par ston pas bsod nams thams cad dang / dge ba'i rtsa ba tshad med pa dang / chos bsam gyis mi khyab pa'i shing rta la mkhas par gyur cig /sems can thams cad 'jungs pa'i dri ma rab tu byang ste sbyin pa gtong bas 'byung ba'i shing rta dang ldan par gyur cig /sems can thams cad chos kyi dbyings mtha' dang dbus med pa ma lus par tshul khrims rnam par dag pas tshul khrims kyi pha rol tu phyin pa'i ye shes rnam par dag pa'i shing rta dang ldan par gyur cig /sems can thams cad sems 'khrugs pa med par gnas </font><hr>Kha246a<br><font size=+1>


@#/ /pas 'gro ba thams cad kyi bsam pa 'khrug pa med cing bzod pa'i pha rol tu phyin pa'i ye shes kyi shing rta dang ldan par gyur cig /sems can thams cad 'byung ba'i shing rtas snying po byang chub tu 'gro bar spyod pa'i go cha bgos pas brtson 'grus kyi pha rol tu phyin pa'i ye shes kyi shing rta dang ldan par gyur cig /sems can thams cad shin tu mgyogs pa'i shing rtas snying po byang chub tu byung ste bsam gtan gyi pha rol tu phyin pa'i ye shes kyi shing rta dang ldan par gyur cig /sems can thams cad chos kyi dbyings kyi shing rta la shin tu zhon zhing sangs rgyas kyi yul sprul pas rgyas par byed pa'i phyir shes rab kyi pha rol tu phyin pa'i ye shes kyi shing rta dang ldan par gyur cig /sems can thams cad chos yongs su gtong ba la 'jigs pa med pas thams cad mkhyen pa nyid kyi don du sbyin pa gtong ba'i phyir chos kyi rgyal po'i shing rta la zhon par gyur cig /sems can thams cad chos kyi mtshan nyid dang / rang bzhin gyi phyogs thams cad la rab tu 'jug pa rmongs pa med pa'i phyir smon lam la mi gnas pa'i ye shes kyi shing rta dang ldan par gyur cig /sems can thams cad theg pa chen po mnor bas 'jig rten gyi khams thams cad du skye zhing lus yang dag par bstan pa'i phyir sangs rgyas thams cad kyi chos kyi shing rta la </font><hr>Kha246b<br><font size=+1>


zhon par gyur cig /sems can thams cad byang chub sems dpa' kun tu bzang po'i smon lam skyo ba med par yongs su rdzogs par bya ba yongs su rdzogs par byed pa'i phyir thams cad mkhyen pa rin po che'i shing rta la zhon par gyur cig /ces de ltar byang chub sems dpa' sems dpa' chen pos sbyin pa'i gnas dang / len pa dang / slong ba sna tshogs la shing rta dga' ba dang / rab tu dga' ba dang / mos pa dang / spro ba'i yid kyi rnam par rtog pas sbyin pas yongs su bsdus pa'i dge ba'i rtsa ba de dag sems can thams cad mkhyen pa'i theg pa la zhon pa shin tu bsgrubs pas ye shes dang / sems kyi rnam pa mtha' yas pa yongs su rdzogs par bya ba'i phyir yongs su bsngo'o/ /bam po sum cu rtsa drug pa/ 'di ltar yang byang chub sems dpa' sems dpa' chen po glang po cang shes yan lag bdun shin tu gnas pa/ lo drug cu lon pa/ mche ba drug dang ldan pa/ kha dog pad+ma lta bu/ gdong rnam par dag pa/ dkar zhing dri ma med pa/ gser gyi rgyal mtshan can/ gser gyi rgyan dang ldan pa/ gser gyi dra bas lus kun nas yog pa/ sna rin po che sna tshogs kyi dra ba'i rgyan du bcug pa/ gser ltar blta na mdzes pa/ dpag tshad stong gis khyon du ngal ba med par 'gro ba sbyin zhing gtong ba'am/ rta cang shes gom pa zo mdog bde bar 'dong zhing 'degs pa dang / bya ltar mgyogs pa dang </font><hr>Kha247a<br><font size=+1>


@#/ /ldan pa| rdog ma lcang lor 'khril ba/ nam tsong dang rmig par ldan pa/ rmig pa'i dbyibs mtho zhing skyon med pa/ gser gyi dril bu'i dra bas brgyan pa/ rin po che sna tshogs kyi nyi ma'i dkyil 'khor dang zla ba dang ldan pa/ glo kun nas brgyan pa/ rin po che sna tshogs kyi gdong rgyan gyis rnam par brgyan pa/ zhon na bde ba/ lus la byams pa| shin tu mgyogs pa/ phyogs bzhir yid ltar mgyogs pa'i shugs dang ldan pa/ lha rdzas lta bu'i lhab lhub thams cad dang ldan pa de lta bus bla ma'i skye bo dang / bla mar bya ba dang / dge ba'i bshes gnyen dang / pha dang / ma dang / phongs pa dang / bkren pa dang / slong ba dang / len pa'i 'gro ba thams cad la sbyin zhing yongs su gtong ba dang / sems yangs pas sbyin pa dang / sems la chags pa med pas gtong ba dang / rjes su 'gyod pa med pas yid mgu bar byed pa dang / snying rje chen pos yongs su rgyas pa'i bsam pas gtang ba chen po rab tu gtong zhing byang chub sems dpa'i yon tan thams cad la rab tu brtson pa dang / byang chub sems dpa'i rigs su mngon par skyes pa'i bsam pa yongs su spyong pa'i che dge ba'i rtsa bde dag 'di ltar yongs su bsngo ste/ sems can thams cad byang chub sems dpa' thams cad kyi yon tan gyi rgyan gyis byung ste cang shes kyi </font><hr>Kha247b<br><font size=+1>


theg pa la rab tu gnas par gyur cig /sems can thams cad sangs rgyas thams cad rjes su 'gro ba'i chos kyi theg pas byung ste theg pa bzang po'i bzhon pa la mngon par zhon par gyur cig /sems can thams cad de bzhin gshegs pa'i stobs bsgribs pa med pa'i ye shes kyi theg pas snang bar gyur te theg pa chen po la shin tu mos par gyur cig / sems can thams cad smon lam thams cad sgrol ba la rab tu zhugs pas brtsam pa chen po'i theg pa dang ldan par gyur cig /sems can thams cad dge ba'i rtsa ba mnyam par sgrub pa yongs su rdzogs par bya ba rab tu 'thob pa la pha rol tu phyin pa'i theg pa mnyam pa nyid kyis byung bar gyur cig /sems can thams cad bla na med pa'i ye shes rin po che sangs rgyas thams cad kyi chos la shin tu 'byung ba'i chos can du gyur te theg pa rin po che yongs su rdzogs par gyur cig /sems can thams cad byang chub sems dpa'i ting nge 'dzin thams cad kyi me tog rgyas pa'i sems dang rgyud du gyur te byang chub sems dpa'i spyod pa'i rgyan rnam par bsags pa'i theg pas shin tu byung bar gyur cig /sems can thams cad mtha' yas pa'i theg pa myur ba la mngon par brtson pa'i ye shes kyi chos can du gyur te bskal pa grangs med pa'i byang chub sems dpa'i spyod pa rjes su bsam pa rjes su sems </font><hr>Kha248a<br><font size=+1>


@#/ /shing rnam par sbyong bar gyur cig /sems can thams cad byang chub sems dpa' thams cad kyis yang dag par sgrub pa la mkhas pas longs spyod kyi mchog thams cad dang / cang shes kyi theg pa chen po'i sbyin pa byed par gyur cig /sems can thams cad 'gro ba kun thams cad mkhyen pa nyid kyi lam gyi mthar gtugs par mngon par gzung bar bya ba'i phyir theg pa shin tu mtho bar gnas shing rab tu brten pa dang ldan par gyur cig /ces de ltar byang chub sems dpa' sems dpa' chen po glang po cang shes dang / rta cang shes bye ba khrag khrig brgya stong grangs med pa'i sbyin pa byed pa'i tshe dge ba'i rtsa ba de dag sems can thams cad chags pa med pa'i theg pa la mngon par bskyon zhing ye shes kyi bzhon pa yongs su 'grub pa dang / de bzhin gshegs pa'i theg pa bsgribs pa med pas 'byung ba'i mthar thug par yongs su bsngo'o/ /'di ltar byang chub sems dpa' sems dpa' chen po 'khor los bsgyur ba'i rgyal por gyur pa/ chos kyi dbang byed pa stan gyi sbyin pa byed cing rgyal po bzhugs pa'i khri stan bzang po baiDUR+Ya'i rkang pa can seng+ge'i khri la gnas pa gser gyi rgyu dang / rin po che'i dri bas blas pa/ stan reg na bde ba grangs med pa du ma bting ba/ nyen kor spos kyi dam pa thams cad kyis shin tu dri zhim par byas pa/ </font><hr>Kha248b<br><font size=+1>


nor bu rin po che sna tshogs kyi rgyal mtshan bsgrengs pa/ rin po che bye ba khrag khrig brgya stong du ma'i rgyan gyis brgyan pa/ gser gyi dra ba'i bla re bres pa/ gser gyi dril bu'i dra ba 'khrol ba'i sgra yid du 'ong ba'i dbyangs 'byung ba/ rin po che'i 'bru bye ba khrag khrig brgya stong phrag bcus kun nas bskor te rnam par phye bas shin tu 'phags shing blta na mdzes pa/ srog chags bye ba/ khrag khrig brgya stong grangs med pas kun nas blta ba/ gdugs khab gcig gis sa chen po thams cad skyong bar dbang bskur ba/ rgyal srid kyi dbang phyug thams cad la dbang ba'i stan du bya ba de la 'dug cing / 'khor lo thogs pa med pas bskyang ba dang chis bya ba la rgyal po'i bka' thams cad nyams pa med par nyan pa dpal rnam par snang ba dang / in+d+ra nI la dang / nor bu rin po che'i snying pos spras pa/ nyi ma dang / zla ba dang / skar ma che phra lta bu rab tu brgyan pa/ rgyan rnam pa sna tshogs rmad du byung bas brgyan pa/ rin po che khyad par du 'phags pa rgya mtshos spras pa| rgya mtsho dang / rgyal mtshan dang / bkra shis dang / bum pa sna tshogs yongs su gang ba dang / dga' ba 'khyil ba'i rgyan sna tshogs kyis rnam par brgyan pa/ 'dzam bu chu klung gi gser gyi gyim pag dri ma med cing rdul dang bral bas bkab pa de la 'dzam bu'i gling thams cad kyi bdag po spyi bo nas dbang bskur bas mngon par dbang bskur ba'i bsod nams kyi stobs dang </font><hr>Kha249a<br><font size=+1>


@#/ /ldan pa| byams pas dbang bskur ba/ pha rol gyi 'khor bcom pa dang ldan pa/ bka' la zlog pa med pa/ 'dug na dga' ba de lta bu'i stan gyi rnam pa tshul de 'dra ba sbyin zhing yongs su gtong ba dang / de dang de dag gis rgyal po bye ba khrag khrig brgya stong grangs med pa la khri stan bzang po'i rnam pa de lta bu'i sbyin pa byed cing yongs su gtong ba dang / yang dag par rdzogs pa'i sangs rgyas sbyin pa'i gnas kyi dam pa la gsol ba'am/ skyes bu dam pa dge ba'i bshes gnyen nam/ 'phags pa'i dge 'dun dkon mchog gam/ chos smra ba'am/ chos la dgab pa'i phyir yongs su g.yogs pa'i sems kyis sam/ pha dang / ma dang / bla ma'i skye bo'am/ nyan thos dang rang rgyal ba'i sbyin pa'i gnas sam/ byang chub sems dpa'i theg pa la yang dag par zhugs pa thams cad dam/ de bzhin gshegs pa thams cad kyi mchod rten mchod pa'i phyir ram/ phongs pa dang / bkren pa slong ba dpag tu med pa dag gam/ sems can thams cad la phan gdags pa'i phyir yang rung ste/ sbyin zhing yongs su gtong ba'i tshe dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad sangs rgyas kyi chos thams cad rnam par 'tshang rgya ba'i ye shes dang ldan zhing shin tu byang chub pa'i stan dang ldan par gyur cig /sems can thams cad bdud kyi dkrug ma dang dpung rab tu gzhom pa'i </font><hr>Kha249b<br><font size=+1>


phyir chos kyi dbang phyug thams cad kyi rdo rje'i ri rnam pa thams cad du thub pa med pa'i lus dang ldan zhing 'gro ba thams cad la dbang ba'i stan rab tu thob par gyur cig /sems can thams cad 'gro ba thams cad kyis blta bar 'os shing sangs rgyas rnam par rol pa'i seng+ge'i gdan rab tu thob par gyur cig /sems can thams cad 'gro ba kun la chos kyi dbang phyug gis skyong ba'i phyir stan gyi rgyan dang 'khor rnam par dag pa brjod du med pa'i yang brjod du med pa rab tu thob par gyur cig /sems can thams cad dge ba'i rtsa ba tshogs chen po rnam par dag pas khams gsum pas zil gyis mi non pa'i stan rab tu thob par gyur cig /sems can thams cad bskal pa grangs med par sangs rgyas kyi gdan gyi yon tan bsngags pa mthar thug pa med pa dang ldan zhing 'jig rten gyi khams brjod du med pa'i yang brjod du med pa/ stan gyis rgyas par byed pa'i byin gyi rlabs dang ldan par gyur cig /sems can thams cad chos kyi dbyings thams cad lus kyis rgyas par byed pa'i phyir gter chen po'i tshogs kyi stan la gnas par gyur cig /sems can thams cad ji ltar dam bcas pa'i sems can gyi khams thams cad la chos kyi sbyin pas rim gro byed pa'i phyir rgyan gyi rnam pa bsam gyis mi khyab pa sna tshogs dang ldan pa'i stan rab tu thob par gyur cig /sems can thams cad rdzu 'phrul dang rnam par 'phrul pa </font><hr>Kha250a<br><font size=+1>


@#/ /thams cad dang / sangs rgyas kyi khyu mchog gi mthu phyung ba yang dag par ston pa'i phyir dge ba'i stan la rab tu gnas par gyur cig /sems can thams cad de bzhin gshegs pa'i ye shes kyis rnam par 'tshang rgya zhing / de bzhin gshegs pa'i bdag nyid che ba thams cad dang khyu mchog gi mthu phyung ba yang dag par ston pa'i phyir rin po che thams cad kyi stan dang / spos thams cad kyi stan dang / me tog thams cad kyi stan dang / gos thams cad kyi stan dang / phreng ba thams cad kyi stan dang / nor bu rin po che thams cad kyi stan dang / baiDUR+Ya sna tshogs bsam gyis mi khyab pa'i stan dang / 'jig rten gyi khams brjod du med pa'i yang brjod du med pa ltar tshad med pa'i stan dang / 'gro ba thams cad ma lus par rgyan gyis rnam par dag pa'i stan dang / rdo rje'i gdan thams cad la 'khod par gyur cig /ces de ltar byang chub sems dpa' stan gyi sbyin pas yang dag par bzung ba'i dge ba'i rtsa ba de dag sems can thams cad 'gro ba thams cad kyis mgos btud pa'i byang chub kyi stan rab tu 'thob cing sangs rgyas kyi chos thams cad rnam par 'tshang rgya ba'i phyir yongs su bsngo'o/ /'di ltar yang byang chub sems dpa' sems dpa' chen po gdugs kyi sbyin pa byed cing / dbang phyug gi lus la dgab pa'i gdugs rin po che rgyan chen </font><hr>Kha250b<br><font size=+1>


pos shin tu brgyan pa bye ba khrag khrig brgya stong khyad par 'phags shing dbang che ba'i yo byad du bya ba/ rin po che'i rtsa ba can dril bu'i dra bas kun nas bskor ba/ rin po che'i srad bus gser gyi dril bu dpyangs pa'i sgra 'byung ba/ rin po che baiDUR+Ya'i phreng ba rab tu dpyangs pa/ nyen kor nas rnga'i sgra dbyangs yid du 'ong ba 'byung ba/ gser gyi dra ba rnam par dag pas g.yogs shing brgyan pa/ rin po che'i dra ba brgya phrag stong gi bla re bres pa/ nor bu rin po che'i 'bru grangs med pas spras pa/ rin po che bye ba khrag khrig brgya stong du mas sna tshogs su bres shing brgyan pa/ a ga ru dang / tsan+dan dang / spos kyi dam pa sna tshogs bye ba khrag khrig brgya stong du mas nyen kor dri zhim par bsgos shing bdugs pa/ 'dzam bu chu klung gi gser ltar 'od gsal zhing dag pa/ rgyan bye ba khrag khrig brgya stong mtha' yas pas brgyan pa/ de bas kyang ches lhag pa'i gdugs bye ba khrag khrig brgya stong grangs med pa dag kha na ma thob med pa'i sems kyis sbyin pa byed cing / sems can thams cad kyi gtso bo mngon du gyur pa'am/ de bzhin gshegs pa yongs su mya ngan las 'das pa'i mchod rten brgyan pa'i phyir ram/ chos btsal ba'i phyir byang chub sems dpa' dge ba'i bshes gnyen nam/ byang chub sems dpa' chos smra ba btsun par bya ba dag gam/ pha dang / ma'am/ dge 'dun dkon mchog gam/ sangs rgyas </font><hr>Kha251a<br><font size=+1>


@#/ /thams cad kyi bstan pa'am/ sbyin pa'i gnas kyi gang zag sna tshogs sam/ slob dpon dang / bla ma dang / byang chub kyi theg pa grub pa'am/ de la zhugs pa dag gam/ phongs pa dang / bkren pa slong ba dang len pa dag la 'bul ba dang / yongs su gtong ba dang / sbyin par byed pa'i tshe dge ba'i rtsa ba de dag 'di ltar yongs su bsngo ste| sems can thams cad sangs rgyas thams cad kyi g.yogs pa rab tu thob ste dge ba'i rtsa bas yang dag par yog par gyur cig /sems can thams cad nyon mongs pa dang nye ba'i nyon mongs pa thams cad las yongs su 'das te yon tan dang ye shes kyis mngon par bkab par gyur cig /sems can thams cad 'jig rten gyi sdus dang / mun pa dang / yongs su gdung ba thams cad las rnam par 'das te lus shin tu bkab par gyur cig /sems can thams cad 'gro ba thams cad kyis blta na sdug cing sangs rgyas thams cad la mnga' ba'i ye shes kyi snying po can du gyur cig /sems can thams cad sangs rgyas kyi chos la log pa med par 'jug par brtson pas ma 'khrugs pa'i chos dkar pos shin tu bkab par gyur cig /sems can thams cad chos kyi lus kyis sangs rgyas kyi sku'i mthar gtugs te mngon par bkab pa'i lus dang ldan par gyur cig /sems can thams cad 'jig rten </font><hr>Kha251b<br><font size=+1>


kun la stobs bcu'i ye shes kyi bla res skyob pa'i gdugs su red par gyur cig /sems can thams cad khams gsum thams cad las shin tu 'phags shing chags pa med pa'i ye shes kyi snying po dang ldan pas ye shes kyis rnam par snang bar gyur cig /sems can thams cad sbyin pa'i gnas dam pa la bsod nams thams cad kyis mchod pa'i phyir gdugs su 'os par gyur cig / sems can thams cad bla na med pa'i ye shes kyi gdugs rnam par sangs rgyas pas gdugs kyi dam par gyur cig /ces de ltar byang chub sems dpa' sems dpa' chen po gdugs kyi sbyin pa byed pa'i tshe dge ba'i rtsa ba de dag sems can thams cad kyi chos la dbang ba'i gdugs yang dag par bzung ba thob par bya ba'i phyir yongs su bsngo'o/ /gdugs gcig gis nam mkha' thams cad kyi dbyings kyis klas pa/ chos kyi dbyings kyi mthas gtugs pa'i 'jig rten gyi khams thams cad du sangs rgyas thams cad kyi khyu mchog gi mthu phyung ba yang dag par bstan pa las phyir mi ldog pa'i phyir yongs su bsngo'o/ /chos kyi dbyings thams cad gdugs gcig gis brgyan te de bzhin gshegs pa mchod par bya ba'i phyir yongs su bsngo'o/ /gdugs dang / rgyal mtshan dang / ba dan yid du 'ong pas de bzhin gshegs pa thams cad kyi sku la mngon par dgab pa'i phyir yongs su bsngo'o/ /sangs rgyas kyi zhing thams cad ma lus pa gdugs </font><hr>Kha252a<br><font size=+1>


@#/ /kyi rgyan gyis kun tu yog par bya ba'i phyir yongs su bsngo'o/ /sangs rgyas kyi mtshan la mos pa'i sems can thams cad dang / 'gro ba'i tshogs thams cad gdugs thams cad kyis dgab pa'i phyir yongs su bsngo'o/ /rin po che thams cad kyi gdugs sna tshogs brjod du med pa'i yang brjod du med pas sangs rgyas gcig la phul bas sangs rgyas thams cad la brjod du med pa'i gdugs phul bar sems shing yongs su bsngo'o/ /sangs rgyas thams cad kyi byang chub mngon par byang chub pas 'phags pa'i gdugs kyis sangs rgyas thams cad dgab pa'i phyir yongs su bsngo'o/ /sangs rgyas kyi sku ji snyed 'jig rten gyi khams chos kyi dbyings kyis klas pa/ nam mkha'i mthas gtugs pa thams cad na bzhugs pa thams cad la gdugs kyis dgab pa'i phyir yongs su bsngo'o/ /nor bu rin po che thams cad kyis brgyan pa'i gdugs dang / rin po che thams cad kyi phreng ba brgyus shing klubs pa dang / spos thams cad kyi mchog gi dri zhim po'i ngad 'byung ba'i gdugs dang / rin po che sna tshogs kyis rnam par spras pa'i gdugs dang / rgyan mdzes shing rnam par dag pa'i gdugs dang / rgyan tshad med par yangs shing rgya che ba dang / gser gyi dra bas kun nas yog par brgyan pa/ dril bu'i dra ba kun nas dbyangs pa'i sgra yid du 'ong </font><hr>Kha252b<br><font size=+1>


zhing snyan pa 'byung ba'i gdugs dang / ye shes bsgribs pa med cing chags pa med pa'i gdugs dang / sangs rgyas thams cad la mngon par dga' ba'i gdugs yongs su gtang ba'i phyir yongs su bsngo'o/ /de ltar byang chub sems dpa' sems dpa' chen po gdugs kyi sbyin pas yang dag par bzung ba'i dge ba'i rtsa ba de dag sems can thams cad la ye shes mchog gi gdugs kyis mngon par dgab pa'i phyir yongs su bsngo'o/ /sangs rgyas thams cad kyi yon tan gyis kun nas g.yogs shing rab tu brgyan pa'i phyir yongs su bsngo'o/ /sangs rgyas kyi ye shes dang / yon tan dang / dgongs pa dam pa rnam par dag par bya ba'i phyir yongs su bsngo'o/ /sems rin po che mtha' yas pa la dbang bsgyur ba rab tu thob par bya ba'i phyir yongs su bsngo'o/ /chos thams cad la ye shes kyi dbang bsgyur ba kun tu rdzogs par bya ba'i phyir yongs su bsngo'o/ /dge ba'i rtsa ba thams cad kyis mngon par g.yogs par yongs su bsngo ba'i don du yongs su bsngo'o/ /'gro ba thams cad kyis ye shes mchog gi gdugs rab tu thob par bya ba'i phyir yongs su bsngo'o/ /sangs rgyas thams cad kyi stobs bcus bla re bres pa'i gdugs su 'gyur bar bya ba'i phyir yongs su bsngo'o/ /chos kyi dbyings thams cad sangs rgyas kyi zhing gcig gis g.yogs par bya ba'i phyir yongs su bsngo'o/ /chos thams cad la dbang </font><hr>Kha253a<br><font size=+1>


@#/ /phyug tu dbang sgyur ba'i dbang thob par bya ba'i phyir yongs su bsngo'o/ /mthu chen po dang / dbang chen po'i sems kyi rgyud thob par bya ba'i phyir yongs su bsngo'o/ / blo yangs pa dang sems rgya che ba thob par bya ba'i phyir yongs su bsngo'o/ /yon tan tshad med pas 'gro ba thams cad mngon par dgab pa'i phyir yongs su bsngo'o/ /yon tan thams cad kyis sems mngon par dga' ba'i phyir yongs su bsngo'o/ /sems can thams cad kyis 'gro ba thams cad mngon par dgab pa'i phyir yongs su bsngo'o/ /ye shes chen pos mnyam par dgab pa thob par bya ba'i phyir yongs su bsngo'o/ /sems can thams cad kyi bsngo ba'i tshul ma lus par thob par bya ba'i phyir yongs su bsngo'o/ /sems dang bsam pa rnam par dag par 'gyur ba'i phyir yongs su bsngo'o/ /bsam pa dge ba dang / yid kyi dbang po rnam par dag pa dang ldan par bya ba'i phyir yongs su bsngo'o/ /'gro ba thams cad yongs su bsngo ba chen pos mngon par dgab cing yang dag par bsdu ba'i phyir yongs su bsngo'o/ /'di ltar yang byang chub sems dpa' sems dpa' chen po rgyal mtshan dang / ba dan rin po che sna tshogs rnam pa tha dad pa'i yu ba can rin po che'i dril bu'i dra ba 'khrol ba'i sgra yid du 'ong ba 'byung ba/ snam bu rin po che rnam pa sna tshogs dbyangs pa/ kha dog dang tshon sna tshogs </font><hr>Kha253b<br><font size=+1>


kyi snam bus brgyan cing bsgrengs pa/ gser gyi dra bas kun nas dbyangs shing klubs pa/ gser gyi dril bu'i sgra 'byung ba/ dril bu g.yer kha'i dra bas shin tu brgyan pa'i rgyal mtshan dang / ba dan bye ba khrag khrig brgya stong kha dog tha dad pa/ tshon tha dad pa/ shin tu mtho ba/ rin po ches rnam pa sna tshogs su brgyan pa/ rgyal mtshan gyi rtse mo zla gam gyis mdzes par brgyan pa/ 'dzam bu chu klung gi gser gyi nyi ma'i dkyil 'khor btsugs pa/ 'od zer rnam pa sna tshogs 'byung ba/ rgyal mtshan gyi rgyan gyis sa thams cad kun tu yog pa/ rgyal mtshan gyi rgyan rnam pa du ma 'od dang ldan pas rab tu brgyan pa'i rgyal mtshan rnam pa sna tshogs bsgrengs pa'i rgyan de lta bu dag 'jig rten gyi khams thams cad kyi las kyi rnam par smin pa la mos pa'i rgyal mtshan gyi rgyan gyis kun tu khyab par bya ba dang / 'jig rten gyi khams chos kyi dbyings thams cad kyis klas pa/ sangs rgyas kyi zhing nam mkha'i dbyings thams cad 'byams klas pa la gnas pa/ yangs pa/ kun tu rgyal mtshan gyi sbyin pa yongs su btang bar mos pas 'jig rten gyi khams thams cad rgyas par bya ba dang / byang chub sems dpa'i bsam pa dang mos pa'i khyab par rnam par dag par bya ba'i phyir sangs rgyas bcom ldan 'das mngon du gyur pa rnams la 'bul ba'am/ de bzhin gshegs pa yongs su mya ngan las 'das pa'i mchod rten nam/ </font><hr>Kha254a<br><font size=+1>


@#/ /chos dkon mchog mchod pa'am/ dge 'dun dkon mchog la 'bul lam/ dge ba'i bshes gnyen byang chub sems dpa' rnams sam/ nyan thos dang / rang sangs rgyas rnams sam/ 'khor gyi tshogs su gyur pa'am/ gang zag gi rnam pa gzhan su yang rung ste/ slong ba thams cad la rim gror bya ba'i phyir sbyin zhing yongs su gtong ba na rgyal mtshan dang / ba dan sbyin pas yang dag par bsdus pa'i dge ba'i rtsa ba 'di ltar yongs su bsngo ste/ dge ba'i rtsa ba 'dis sems can thams cad ye shes kyi rgyal mtshan dang / ba dan la thub pa med pas dge ba'i rtsa ba dang / bsod nams thams cad yang dag par sgreng ba'i rgyal mtshan can du gyur cig /sems can thams cad chos kyi go 'phang bris pa sbed pa'i chos nyid kyis chos thams cad la dbang sgyur ba'i rgyal mtshan sgreng bar gyur cig /sems can thams cad sangs rgyas thams cad kyi byang chub kyi chos yang dag par 'dzin pa'i chos can du gyur te rin po che'i gzhi la sangs rgyas kyi chos bris pa dang ldan par gyur cig /sems can thams cad 'gro ba kun la mar me snang bar gyur te rgyal mtshan shin tu 'phags par gyur cig /sems can thams cad bdud thams cad rnam par 'joms pa'i phyir thub pa med pa'i rgyal mtshan dang / ba dan can du gyur cig /sems can thams cad bdud thams cad kyis mi thub pa'i </font><hr>Kha254b<br><font size=+1>


chos can du gyur te ye shes dang / stobs kyi rgyal mtshan rab tu sgreng bar gyur cig /sems can thams cad rgyal mtshan thams cad mi ltung ba'i snang ba can du gyur te ye shes mthu bo che'i rgyal mtshan dang ldan par gyur cig /sems can thams cad ye shes kyi dkyil 'khor gyis chos kyi dbyings thams cad rnam par dag par gyur te ye shes kyi nyi ma'i dkyil 'khor 'od zer rab tu 'gyed pa'i rgyal mtshan dang ldan par gyur cig /sems can thams cad sangs rgyas kyi mchod pa la brtson zhing rgyal mtshan sna tshogs rab tu bsgrengs pas sangs rgyas thams cad kyi zhing brjod du med pa rgyas par 'gengs pa'i phyir rin po che'i rgyal mtshan gyi rgyan dang ldan par gyur cig /sems can thams cad zhags pa thub pa dgu bcu rtsa drug gi rgyal mtshan gyis dben zhing sems 'dod chags dang bral bar gyur te sangs rgyas kyi rgyal mtshan rab tu thob par gyur cig /ces de ltar byang chub sems dpa' sems dpa' chen po rgyal mtshan dang / ba dan gyi sbyin pa byed pa'i tshe dge ba'i rtsa ba de dag sems can thams cad byang chub sems dpa'i spyod pa rgya che zhing yangs pa dang / zab mo thams cad dang ldan par bya ba'i phyir yongs su bsngo'o/ /byang chub sems dpa' thams cad kyi spyod pa dang / rnam par 'phrul ba dang / 'byung ba'i rgyal mtshan dang ldan zhing / tha dad pa yang dag par </font><hr>Kha255a<br><font size=+1>


@#/ /shes pa rnam par dag pa thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po rin po che thams cad gtong ba la mos pa dang / sems can thams cad nor gyis phyug par byed pa dang / rin po che'i mdzod thams cad 'byed pa dang / rin po che thams cad gtong ba dang / rin po che'i 'byung gnas thams cad yongs su gtong ba dang / nor bu rin po che thams cad kyi sbyin pa byed pa dang / rin po che kun gyis sems can thams cad la khyab par byed pa dang / rin po che'i tshogs thams cad phangs par mi sems pa'i yid kyis gtong ba dang / rin po che'i tshogs thams cad 'thor ba'am/ rin po che thams cad yongs su gtang bar sems bskyed pa'i tshe srog chags bye ba khrag khrig brgya stong grangs med pa la rin po che byin pas yongs su bzung ba'i dge ba'i rtsa ba de dag 'di ltar yongs su bsngo ste/ sems can thams cad dran pa'i rgyud rmongs pa med cing sangs rgyas mthong ba rab tu thob par gyur cig /sems can thams cad sangs rgyas thams cad kyi chos kyi mdzod 'dzin pas/ chos dkon mchog gi snang ba rab tu thob par gyur cig /sems can thams cad sbyin pa dang / yongs su gtong ba shin tu brtan pas dge 'dun dkon mchog yongs su 'dzin par gyur cig /sems can </font><hr>Kha255b<br><font size=+1>


thams cad phyir mi ldog pa'i byang chub kyi sems rnam par dag pas thams cad mkhyen pa nyid kyi sems rin po che rab tu thob par gyur cig /sems can thams cad sangs rgyas kyi chos thams cad la rmongs pa med par gzhol bas ye shes rin po che la zhugs par gyur cig /sems can thams cad ye shes rin po che tshad med pa yang dag par bstan par bya ba'i phyir byang chub sems dpa'i yon tan rin po che grangs med pa phun sum tshogs par gyur cig /sems can thams cad stobs bcu'i ye shes rin po che mngon par 'tshang rgya ba la brtson pas yon tan rin po che mtha' yas pa'i bsngags pa dang ldan par gyur cig /sems can thams cad ye shes rin po che shin tu yangs pa'i mthar thug pas ye shes rin po che bcu drug gi snyoms par 'jug pa rab tu thob par gyur cig /sems can thams cad de bzhin gshegs pa'i ye shes rin po che la rnam par sangs rgyas pas rin po che'i dam pas sbyin pa'i gnas kyi mchog tu gyur cig /sems can thams cad tha dad pa yang dag par shes pa mi zad pa'i mdzod kyi chos rin po che rab tu ston pa la brtson pas rin po che'i dbang po dam par gyur cig/ ces de ltar byang chub sems dpa' sems dpa' chen po rin po che de dag yongs su gtong zhing sbyin pa byed pa'i tshe sems can thams cad sangs rgyas kyi spyan rin po che rnam par dag cing nyams pa </font><hr>Kha256a<br><font size=+1>


@#/ /med pas ye shes dam pa rin po che yongs su rdzogs par bya ba'i phyir yongs su bsngo'o/ /'di ltar yang byang chub sems dpa' sems dpa' chen po lus dang / yan lag dang / nying lag thams cad rgyan sna tshogs kyis shin tu brgyan pa/ lus blta na sdug pa/ rnam par dag cing mi mthun pa med pa'i rgyan gyis shin tu brgyan pa/ rin po che thams cad kyis rab tu brgyan pa/ rin po che'i rgyan sna tshogs rnam pa tha dad pa bye ba khrag khrig brgya stong gis shin tu brgyan pa/ sems can thams cad kyi lus rgyan gyis brgyan par brtson pa/ sems can thams cad la bu'i 'du shes kyis 'jig rten gyi bde ba dang / sangs rgyas kyi bde ba thams cad stob pa/ dga' ba sna tshogs kyis sems can rab tu dga' bar byed pa de/ rgyan sna tshogs rnam ba tha dad pa dag sems can thams cad yongs su smin par bya ba dang / sangs rgyas kyi chos thams cad la rab tu dgod pa'i phyir sbyin zhing yongs su gtong ba'i tsho rgyan yongs su btang bas yang dag par bsdus pa'i dge ba'i rtsa ba de dag 'di ltar yongs su bsngo ste/ sems can thams cad ye shes kyi rgyan rnam par dag pas lha dang bcas pa'i 'jig rten gyi rgyan du red par gyur cig /sems can thams cad bsod nams kyi rgyud kyi mtshan rnam par dag pa dang ldan zhing / mtshan gyi lus shin tu brgyan par gyur cig /sems can thams cad bsod nams brgya pa'i mtshan </font><hr>Kha256b<br><font size=+1>


dang ldan pa'i lus can du red de lus mtshan gyis shin tu brgyan par gyur cig /sems can thams cad lus kyi yan lag mtshan kun gyis brgyan pa dang ldan zhing / lus mtshan gyis shin tu rnam par bris pa phun sum tshogs par gyur cig /sems can thams cad tha dad pa yang dag par shes pa mi zad pa'i mdzod dang ldan zhing / tshig gi rgyan gyis shin tu brgyan par gyur cig /sems can thams cad dbyangs kyi yan lag yid du 'ong zhing rnam par dag pa dang ldan zhing yon tan gyis brgyan pa'i dbyangs dang ldan par gyur cig /sems can thams cad sangs rgyas kyi chos kyi tshig gi tshul rnam par dag pas 'gro ba kun mgu bar byed cing sangs rgyas kyi chos thams cad kyis tshig yid du 'ong bar brgyan pa dang ldan par gyur cig /sems can thams cad sangs rgyas kun la lta bas snyoms par 'jug cing sems kyi rgyan gyis brgyan par gyur cig /sems can thams cad chos snang ba thams cad kyis sangs rgyas kyi chos rab tu thob cing gzungs thams cad kyi rgyan gyis rab tu brgyan par gyur cig /sems can thams cad sangs rgyas kyi ye shes kyis rgyud shin tu brgyan pas sems ye shes kyis yang dag par brgyan pa dang ldan par gyur cig /ces de ltar byang chub sems dpa' sems dpa' chen po lus kyi rgyan de dag yongs su gtong ba'i tshe dge ba'i rtsa ba de dag sems can thams </font><hr>Kha257a<br><font size=+1>


@#/ /cad kyis sangs rgyas kyi chos tshad med pa thams cad kyi yon tan dang / ye shes kyi rgyan yongs su rdzogs te sems can thams cad kyi ris na nga rgyal dang / rgyags pa dang / dregs pa med par bya ba'i phyir yongs su bsngo'o/ /'di ltar yang byang chub sems dpa' sems dpa' chen po dbang phyug la spyi po nas dbang bskur bas mngon par dbang bskur ba/ cod pan dang gtsug gi rin po che'i spyin ba byed cing yongs su gtong ba dang / mngon par stob pa dang / sems can thams cad la phan 'dogs pa dang / ltos pa med par yongs su gtong pa'i sems rnam par 'phel bar byed pa dang / sbyin pas bsgos pa'i rgyud yongs su sgom pa dang / sbyin pa la dbang sgyur bar rab tu 'jug pa dang / sbyin pa'i ye shes la rab tu slob pa dang / sbyin pa gtong ba'i dbang po yongs su skyed pa dang / sbyin pa gtong ba'i blo rgya cher byed pa'i tshe cod pan dang / gtsug gi rin po che yongs su btang bas yang dag par bsdus pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad thams cad mkhyen pa nyid du sangs rgyas kyi chos thams cad kyis spyi bo nas dbang bskur bas dbang po thams cad la shin tu dbang bskur bar gyur cig /sems can thams cad ye shes kyi gtsug gi pha rol tu phyin pa thob pas spyi bo gtsug </font><hr>Kha257b<br><font size=+1>


tor can gyi mgo dang ldan par gyur cig /sems can thams cad 'gro ba kun gyi yon tan gyi spyi bo'i mthar phyin pas ye shes rin po che mchog gis sems can thams cad yang dag par sdud par gyur cig /sems can thams cad 'gro ba kun gyi spyi bos phyag bya bar 'os shing ye shes rin po che'i mchog la yang dag par gnas par gyur cig /sems can thams cad chos kyi skyid pa la dbang bsgyur ba rab tu thob ste ye shes kyi cod pa na shin tu bcings par gyur cig /sems can thams cad 'jig rten kun gyis blta bar mi nus pa'i chos can du gyur te ye shes kyi nor bu rin po ches mgo rab tu brgyan par gyur cig /sems can thams cad spyi bor gyur pa'i ye shes kyis sangs rgyas kyi chos thams cad la rnam par lta pa'i chos can du gyur te spyi bo shin tu btsun pa dang ldan par gyur cig /sems can thams cad ye shes rin po che'i rgya mtsho'i snying po rnam par dag pa dang ldan zhing stobs bcu'i rgyan cod pan gyis mgo rab tu brgyan par gyur cig /sems can thams cad 'dod pa'i khams kyi dang po nas bdud thams cad rnam par 'joms pa'i phyir sa'i dam pa la gnas par gyur cig /sems can thams cad stobs bcu'i mthar thug ste chos kyi ye shes kyi spyi bo rnam par dag par gyur cig /sems can thams cad thams cad mkhyen pa'i dbu zil gyis </font><hr>Kha258a<br><font size=+1>


@#/ /mi non pa'i snang ba rab tu thob ste rgyal po'i mchog dam par gyur cig /ces de ltar byang chub sems dpa' sems dpa' chen po cod pan dang / gtsug gi rin po che yongs su gtong ba'i tshe dge ba'i rtsa ba des sems can thams cad kyis ye shes mchog gi 'byung gnas rnam par dag pa dang / ye shes kyi cod pan dang / nor bu rin po che rab tu thob pa'i phyir yongs su bsngo'o/ /'di ltar yang byang chub sems dpa' sems dpa' chen pos btson rar bcug cing btson chas bcings pa'i sems can sdug bsngal ba/ sdug bsngal gyi khyim gyis bskor ba/ shing sgrog dang / lcags sgrog dang / ltung gis bcings pas lus lcags thag gis btags pa/ bsdams pa| shin tu brgyus pa'i lus can/ mi bde bas lus shin tu mnar ba/ skyabs med par ltung ba/ bkres pa dang skom pas nyen pa/ gos med pa/ mun pas yog cing khebs pa| shin tu rke ba/ brla lcags sgrog gis sgrogs pa de lta bu dag mthong nas byang chub sems dpa' snying rje can dang / rgyal po mig bzang gis ji ltar byas pa bzhin du bdag dang 'khor du bcas pa nor thams cad dang bcas par yongs su btang ste byin nas btson ra de nas sems can de dag yongs su thar par byed do/ /des btson ra de nas sems </font><hr>Kha258b<br><font size=+1>


can de dag thar par byas nas kyang nor gyi sbyin pa thams cad mngon par byin nas sman dang / sman pa dang / sngags kyi rnam pas lus nad med par byas te bde ba dang / yid dga' ba la rab tu bkod nas chos rin po che thos par byas te dga' ba'i gtam gyis dge ba'i rtsa ba la bkod nas sangs rgyas kyi bstan pa las mi nyams par byed do/ /de de ltar sems can btson ra nas bkye bas yang dag par bsdus pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad sred pa'i bcings pa dang / zhags pa las shin tu grol bar gyur cig /sems can thams cad ye shes mthong ba'i pha rol tu phyin cing 'khor ba'i rgyud shin tu chad par gyur cig /sems can thams cad bag la nyal ba shin tu bcom ste/ kun nas 'khor ba dang rnam par bral bsam rig pa'i mun pa dang / rab rib dang / ling tog rnam par bsal cing rab rib med pa'i ye shes yang dag par mthong bar gyur cig /sems can thams cad 'gro ba kun dgon par bya ba'i ye shes kyi mthar thug par gyur te khams gsum pa'i bcings pa thams cad dang bral bar gyur cig / sems can thams cad nyon mongs pa med pa'i sar ye shes bsgribs pa med pa mthong ba'i pha rol tu phyin pa thob cing nyon mongs pa'i bcings pa thams cad shin tu shigs par </font><hr>Kha259a<br><font size=+1>


@#/ /gyur cig /sems can thams cad rlom sems kyi g.yo ba rnam par rgyu ba thams cad yang dag par gzhom pa'i phyir g.yo ba med pa'i ye shes la yang dag par gzhol zhing / g.yo ba dang rlom sems kyi bcings pa thams cad dang bral bar gyur cig /sems can thams cad khams gsum thams cad du chags pa med par gnas shing 'dod pa'i dri ma thams cad dang bral te 'dod pa'i bcings pa thams cad rnam par spangs par gyur cig /sems can thams cad bsam pa sangs rgyas thams cad la btang bas lhag pa'i bsam pa shin tu grol bar gyur cig /sems can thams cad chos kyi dbyings kyis klas pa/ nam mkha'i mthas gtugs pa dag tu sems chags pa med pa dang / grol zhing bcings pa med par gyur cig /sems can thams cad 'jig rten gyi khams thams cad du 'gro ba thams cad yongs su smin par bya ba dang / gdul ba dang / theg pa chen po la dgod par bya ba'i phyir rnam par rgyu zhing / byang chub sems dpa'i mngon par shes pas 'jig rten gyi khams thams cad du 'dod par gyur cig /ces de ltar byang chub sems dpa' sems dpa' chen po sems can thams cad btson ra dang / btson tsha nas bkye bas yang dag par bzung ba'i dge ba'i rtsa ba de dag sems can thams </font><hr>Kha259b<br><font size=+1>


cad shin tu grol zhing / de bzhin gshegs pa thams cad kyi ye shes kyi sa la gnas par 'gyur ba'i phyir yongs su bsngo'o/ /'di ltar yang sems can la la zhig srog dang dbral ba'i phyir gsad du khrid pa/ sdug bsngal gyi rnam pa gzhan dang gzhan gyis mi bzad cing 'dar ba/ bcing ba lngas bcings pa/ skye bo brgya phrag stong gis kun nas bskor cing 'dzam bu gling du gtogs pa sna tshogs nas bshal zhing dkri ba/ gnyen bshes kyi rgyud dang / mdza' bo'i rgyud thams cad dang bral bar gyur pa/ ral gris gtsab cing gsheg pa/ gsal shing bsgrengs pa la bskyon pa/ lus thams cad kun nas glegs te me 'bar ba'i nang du dor ba'am/ sdug bsngal gyi rnam pa mi bde ba thams cad kyis mi bde bar bya ba gtse ba sna tshogs thams cad du bsgre ba zhig byang chub sems dpa' sems dpa' chen pos mthong bar gyur na/ de la byang chub sems dpa' sems dpa' chen po de gsad par bya bde'i don du lus yongs su gtong ste/ ji ltar byang chub sems dpa' mi pham pa dang / rgyal po khyad par du 'gro bas ji ltar byas pa dang / de ma yin pa'i byang chub sems dpa' sems dpa' chen po gzhan rnams kyang sems can gsad pa bslu ba'i don du lus yongs su gtong zhing / sdug bsngal gyi tshor ba thams cad nyams su len pa de bzhin du rab tu </font><hr>Kha260a<br><font size=+1>


@#/ /gtong ba byed cing tshig 'di skad du smra'o/ /khyed kyi mi bde ba 'di dag bdag la gyis shig /lus 'di yongs su gtong gi /nga'i srog gcad par gyis shig / nga la ni/ ci byas so cog kyang mi nyan pa med kyi/ khyed kyis mi 'di la ci bya bar 'dod pa de las grangs med pa'i 'gyur du sdug bsngal gyi rnam pas gtse ba thams cad kyis mi bde ba sna tshogs su gyis shig /ces te/ 'di ltar bdag gis gsad par bkri ba mthong yang bdag gi lus dang / srog gis mi blu ba ni/ bdag la tshul dang mi 'dra'o/ /de ci'i phyir zhe na/ bdag gis ni/ sems can thams cad la dmigs te 'gro ba thams cad bsrung ba'i phyir thams cad mkhyen pa nyid du sems bskyed do/ /snyam nas bdag gi lus dang srog yongs su btang ste gsad par bya ba de blus nas dge ba'i rtsa ba de 'di ltar yongs su bsngo'o/ /sems can thams cad gzhan gyis gtse ba'i sdug bsngal nye bar byung bas lus dang srog shin tu mi 'phrog par gyur cig /sems can thams cad sangs rgyas thams cad las thams cad mkhyen pa'i byang chub stobs bcur lung bstan pa'i gnas rab tu thob par gyur cig /sems can thams cad ngan song thams cad kyi lam las yongs su 'das te 'jigs pa thams cad las rab tu thar par gyur cig /sems can thams cad </font><hr>Kha260b<br><font size=+1>


'chi ba med pa'i ye shes kyi dbyings su zhugs pas 'tsho ba thams cad kyi skabs rab tu rnyed par gyur cig /sems can thams cad dge ba'i bshes gnyen de bzhin gshegs pas yongs su bzung bas dgras 'jigs pa thams cad dang bral bar gyur cig /sems can thams cad kha na ma thob med pa'i las dge ba thams cad spyod pas ral gris gtsab pa lta bu'i mi bde ba thams cad las 'das par gyur cig /sems can thams cad byang chub kyi shing dam pa'i drung du phyin cing 'jigs pa med par bdud kyi sde thams cad rnam par 'thor bas bag tsha ba dang / 'jigs shing skrag pa thams cad dang bral bar gyur cig /sems can thams cad bla na med pa'i chos kyi 'jigs pa med pas rnam par dag cing khyu mchog dang / seng+ge'i nga ro 'byin pas 'khor gyi 'jigs pa dang bag tsha ba thams cad dang bral bar gyur cig /sems can thams cad kha na ma tho ba med pa'i las la yang dag par spyod cing 'gro ba thams cad kyi nang na bsgribs pa med pa'i ye shes dang ldan pa'i seng+ger gyur cig /sems can thams cad skye bo kun yongs su skyong ba'i sems dang ldan zhing 'gro ba kun tu 'jigs pa med pa'i khang par zhugs par gyur cig /ces de ltar gsad par gyur ba dag byang chub sems dpa' sems dpa' chen pos rang gi lus dang srog btang ste blus </font><hr>Kha261a<br><font size=+1>


@#/ /nas dge ba'i rtsa ba de dag sems can thams cad kyi 'khor ba'i btson ra'i sdug bsngal kun spangs pa dang / sangs rgyas thams cad kyi bde ba mi spang pa'i phyir yongs su bsngo'o/ /'di ltar yang byang chub sems dpa' sems dpa' chen po la mgo las gtsug phud dang thor pag tu bcas pa bslangs na/ rgyal po gtsug na rin po che dang / byang chub sems dpa' yan lag dam pa shin tu 'phags pa dang / de ma yin pa'i byang chub sems dpa' gzhan dag gis ji ltar byin pa de bzhin du des slong ba de dag mthong nas gtong bar mos pa'i tshig dge bas thor pag dang gtsug phud du bcos te khyer cig /ces stob cing / kye tshur sheg /bdag gi mgo las gtsug phud dang / thor pag tu bcas pa longs shig /ces nas byang chub sems dpa' 'dzam bu'i gling na btsun pa mi'i dam pa des yid rtse gcig tu byas te yid ma 'khrugs pa dang / yid ma 'dres pa dang / las gzhan la mi sems pa'i yid dang / 'jig rten las 'phags pa'i yid dang / rab tu zhi ba'i yid dang / thams cad mkhyen pa nyid kyi yid dang / dag pa'i yid dang / drang ba'i yid dang / rig pa la brtson pa'i yid kyis gtsug phud dang / thor pag tu bcas pa de slong ba la gtong ba'i tshe gtsug phud dang / thor pag tu bcas </font><hr>Kha261b<br><font size=+1>


par tshon gyis phog ste mgo las phab nas pus mo g.yas pa'i lha nga sa la bcugs te rim gro dang bcas pa'i lus kyis sor mo bcu'i thal mo sbyar nas 'das pa dang / ma byon pa dang / da ltar byung ba'i sangs rgyas thams cad kyi byang chub kyi spyod pa rjes su dran pa'i sems bskyed pa dang / dga' bas rnam par spel ba'i lhag pa'i bsam pa dang / chos kyis yongs su rgyas pa'i yid kyi dbang dang / sdug bsngal gyi tshor bas dengs par mi 'gyur ba'i yid kyi dbang po dang / sdug bsngal gyi tshor ba skye ba'i mtshan nyid dang tha dad par khong du chud pa dang / tshor ba gcig nas gcig tu brgyud pa de dag thams cad mi rtag go /zhes bya bar rab tu shes pa dang / byang chub sems dpa' 'das pa dang / ma 'ongs pa dang / da ltar byung ba thams cad dang rgyud kyi tshul gcig tu gyur pa'i gtong ba'i sems dang / sems can thams cad thams cad mkhyen pa nyid du sems bskyed pa las phyir mi ldog pa dang / byang chub sems dpa'i spyod pa lhag pa'i bsam pa'i rnam pas thob pa/ gzhan gyi dring mi 'jog pas dge ba'i bshes gnyen gyis bstan pa'i tshul la gnas te gtsug phud dang / thor pag tu bcas pa mgo las phog ste yongs su gtong pa'i tshe dge ba'i rtsa ba de 'di ltar yongs su bsngo ste/ sems can thams cad byang chub sems dpa'i gtsug gi mchod rten du gyur te gtsug gtor bltar mi snang bar gyur cig /sems can </font><hr>Kha262a<br><font size=+1>


@#/ /thams cad skra shin tu phra ba dang / nyon mongs pa thams cad rnam par bsal cing skra rdo rje nag po'i dam pa lta bur gyur cig /sems can thams cad skra stug cing skra mtshams legs pa dang / skra snum par gyur cig /sems can thams cad mgo legs pa las shin tu legs par skyes pa'i skra rab tu 'jam pa dang ldan par gyur cig / sems can thams cad skra dga' ba 'khyil ba ltar g.yas phyogs su 'khyil cing dpal gyi be'u dang / bkra shis kyi skra dang ldan par gyur cig /sems can thams cad nyon mongs pa dang / nye ba'i nyon mongs pa las rnam par 'das shin sangs rgyas kyi mtshan dang ldan pa'i skra thob par gyur cig /sems can thams cad phyogs bcu'i 'jig rten du 'gro ba thams cad rgyas par rang gi skra las 'od zer rab tu 'gyed par gyur cig /sems can thams cad sangs rgyas kyi dbu shin tu rnam par dag pa ltar skra shin tu mdzes par gyur cig /sems can thams cad sems ma nyams shing sangs rgyas kyi dbu skra dang / dbu lta bur mdzes pa dang ldan pas spyi bo la gzhag pa'i mchod rten du 'os pa'i skra dang ldan par gyur cig /sems can thams cad sangs rgyas kyi dbu ltar chags pa med pa'i skra mdzes par skyes pas mun pa dang rdul mi chags pa dang ldan par gyur cig /ces de </font><hr>Kha262b<br><font size=+1>


ltar byang chub sems dpa' sems dpa' chen po gtsug phud dang thor pag tu bcas pa yongs su btang bas yang dag par bzung ba'i dge ba'i rtsa ba de dag sems can thams cad kyi sa lta bur shin tu zhi ba'i sems yongs su rdzogs par bya ba dang / thams cad mkhyen pa'i stobs bcu'i mthas gtugs par bya ba'i phyir yongs su bsngo'o/ /'di ltar yang byang chub sems dpa' sems dpa' chen po slong ba rnams la ji ltar byang chub sems dpa' dga' ba byed pa dang / rgyal po zla 'od dang / de ma yin pa'i byang chub sems dpa' tshad med pa gzhan dag gis gtong ba'i mig yongs su sbyangs pa'i sems dang / ye shes kyi mig yongs su sbyangs pa'i blo dang / chos kyi snang ba rab tu thob pa'i yid kyi gnas dang / bla na med pa'i sangs rgyas mngon du gyur pa'i yid kyi rnam pa dang / mngon par shes pa thams cad kyi mthar thug pa'i yongs su bsngo ba dang / ye shes kyi skye mched la yang dag par btang ba'i sems dang / dus gsum gyi byang chub sems dpa' dang mnyam par byas pa'i sbyin pa dang / gtong ba'i sems dang / zhe sdang ba med pa'i mig gis dad pa mi ldog pa'i dbang dang / slong ba rnams la phan 'dogs pa'i sems dang / sangs rgyas kyi spyan la gzhol bas byang chub sems dpa'i theg pa chen po dang / byams pa dang / snying rje </font><hr>Kha263a<br><font size=+1>


@#/ /yongs su sgom pa dang / dbang po drug shin tu bsdams pas slong ba rnams la mig byin pa de bzhin du/ de yang mig yongs su gtong zhing chos de lta bu la zhugs pa'i sems kyis slong ba dang / 'dod pa dag la sbyin pa byed cing mchod sbyin gyi don la 'jug pa dang / chos kyi mthu shin tu bskyed pa dang / 'jig rten thams cad kyi dga' bar lta ba dang / bag med pa'i sred pa rnam par zlog par byed pa dang / 'jig rten gyi dga' ba dang / 'dod pa sna tshogs mthong bas rang gi dga' ba khong du chud par byed pa dang / byang chub sems dpa'i dga' ba myong bar byed pa dang / ci bslangs pa'i dngos pos kha mi stong bar byed pa dang / mi gnyis pa'i sbyin pa rjes su srung ba dang / rlom sems med pas shin tu sbyin pa yongs su gtong ba dang / slong ba rnams kyis dngos po ci bslangs pa sbyin par byed pa'i tshe dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad 'gro ba thams cad kyi mig tu gyur te mig gi dam par gyur cig /sems can thams cad ye shes kyi mdzod shin tu yangs pas nyams pa med pa'i mig tu gyur cig /sems can thams cad snang ba mi 'phrog pa dang ldan zhing sha'i mig rnam par dag pa yongs su grub par gyur cig /sems can thams cad 'chi 'pho </font><hr>Kha263b<br><font size=+1>


dang skye ba shes shing lha'i mig rnam par dag par gyur cig /sems can thams cad de bzhin gshegs pa'i ye shes kyi rjes su 'dong zhing chos kyi mig rab tu thob par gyur cig / sems can thams cad gtong ba thams cad rnam par ston pas shes rab kyi mig thob par gyur cig /sems can thams cad chos thams cad mngon par 'tshang rgya ba'i phyir sangs rgyas kyi spyan dang ldan par gyur cig /sems can thams cad chags pa med pa'i mig gi mthar thug ste kun tu lta ba'i mig dang ldan par gyur cig /sems can thams cad sems can gyi khams yongs su shes shing rab rim med pa'i mig dang ldan par gyur cig /sems can thams cad stobs bcu mnga' ba'i de bzhin gshegs par phyin pas bsgribs pa'i mig dang ldan par gyur cig /ces de ltar byang chub sems dpa' sems dpa' chen po mig yongs su gtong ba na thams cad mkhyen pa'i tshad kyi mig gi chos sems can thams cad yongs su bsngo ba la nye bar 'god do/ /bam po sum cu rtsa bdun pa/ 'di ltar yang byang chub sems dpa' sems dpa' chen po ji ltar rgyal po khyad par du 'gro ba dang / byang chub sems dpa' mdud pa med pa'i spyi gtsug gis yongs su btang ba bzhin du slong bar nye bar 'ongs pa la byang chub sems dpa'i spyod pa blangs pa'i sems dang / de bzhin gshegs </font><hr>Kha264a<br><font size=+1>


@#/ /pa'i rigs su rigs dang ldan par byung bas sangs rgyas kyi rigs su byung ba'i sbyin pa'i sems dang / byang chub sems dpa' thams cad rjes su dran pa'i spyod pa la brtson pa dang / sangs rgyas kyi byang chub tu mthun par skyes pa dang / dbang po dang / ye shes dang / yon tan gyis shin tu btsun pa dang / khams gsum ma dag cang snying po med pa la snying por rab tu rtog pa dang / sangs rgyas dang / byang chub sems dpa' blta ba rab tu thob pas rang gi lus la chags pa med pa'i sems dang / gnas med pa'i sangs rgyas kyi chos thams cad rjes su dran par gnas pa dang / rdul ba dang / zhi ba'i sems dang / dbang po'i rgyu ba shin tu zhi ba dang / 'gro ba'i mya ngan thams cad nas sems can thams cad gdon par sems pa'i ye shes 'byung ba'i shes rab dang / bsod nams kyi 'byung gnas dang / rgyud ched du brjod pa rgya mtshos gtong ba'i sems yangs par byas pa dang / don la rnam par nges pa'i chos dang / mgon po thams cad kyi lam du 'jug pa dang / chos kyi dbang phyug la ye shes kyis spyod pa dang / rang gi lus snying po med pa las snying po blang pa'i blos yongs su gtong ba'i tshe rna ba dang / sna yongs su btang bas yang dag par bzung ba'i dge ba'i rtsa ba de 'di ltar yongs </font><hr>Kha264b<br><font size=+1>


su bsngo ste/ dge ba'i rtsa ba 'dis sems can thams cad chos thams cad kyi sgra rnam par rig par bya ba la chags pa med pa'i rna ba dang ldan par gyur cig /sems can thams cad kyis sgra thams cad skad ji lta ba bzhin du shes par bya ba'i phyir bsgribs pa med pa'i rna ba dang ldan par gyur cig /sems can thams cad sangs rgyas kyi snyan dang ldan pas thogs pa med pa'i rna ba dang ldan par gyur cig /sems can thams cad rna ba'i skye mched shin tu bsgoms pas rna ba rnam par dag par gyur cig /sems can thams cad rnam par shes pa zhi ba skye ba'i phyir bsgribs pa med pa'i rna ba dang ldan par gyur cig /sems can thams cad sangs rgyas thams cad kyi gsung khong du chud pa'i phyir chos kyi dbyings la gzhol ba'i rna ba dang ldan par gyur cig /sems can thams cad bsgribs pa med pa'i chos rnam par rig par bya ba'i phyir gnas med pa'i rna ba dang ldan par gyur cig /sems can thams cad phyir rgol ba 'jig par byed pa'i shes pa la mi phyed pa'i rna ba dang ldan par gyur cig /sems can thams cad rna ba shin tu dag pa la dbang sgyur bas kun tu 'jug pa'i rna ba dang ldan par gyur cig /sems can thams cad sangs rgyas kyi snyan rang tu 'thob par bya ba thob pas lha'i rna ba rab tu thob par gyur cig /ces de ltar byang chub </font><hr>Kha265a<br><font size=+1>


@#/ /sems dpa' sems dpa' chen pos rna ba yongs su btang bas yang dag par bsdus pa'i dge ba'i rtsa ba de dag sems can thams cad kyi rna ba rnam par dag pa'i phyir yongs su bsngos nas sna rnam par dag par yongs su bsngo ste/ sems can thams cad legs par mtho ba'i sna dang / dpe byad bzang po'i sna dang / mtshan bzang po'i sna dang / shin tu yid du 'ong pa'i sna dang / rnam par dag pa'i sna dang / rim gyis gzhol ba'i sna dang / mdzes par 'phags pa'i sna dang / dgra thams cad rab tu 'dul ba'i sna dang / ngo blta na sdug pa'i sna dang / de bzhin gshegs pa'i sangs rgyas kyi shangs rab tu 'thob pa'i phyir yongs su bsngo'o/ /sems can thams cad ngo la mi sdug pa med pa dang / chos thams cad kyi ngo dang / chags pa med pa'i ngo dang / blta na sdug pa'i ngo dang / mi mthun pa med pa'i ngo dang / shin tu rnam par dag pa'i ngo dang / kha na ma tho ba med pa'i ngo dang / de bzhin gshegs pa'i zhal gyi dkyil 'khor lta bu'i ngo dang / kun nas lta ba'i ngo dang / yid du 'ong zhing tshad med pa'i ngo dang ldan par gyur cig /ces de ltar byang chub sems dpa' sems dpa' chen po rna ba dang / sna yongs su btang bas yang dag par bsdus pa'i dge ba'i rtsa ba de dag sems can thams </font><hr>Kha265b<br><font size=+1>


cad la yongs su bsngo ste/ ci nas kyang sems can thams cad sangs rgyas kyi chos thams cad la rab tu 'jug par 'gyur ba dang / ci nas kyang sems can thams cad kyis sangs rgyas kyi chos thams cad shin tu 'dus par 'gyur ba dang / ci nas kyang sems can thams cad kyis sangs rgyas kyi chos thams cad shin tu shes par 'gyur ba dang / ci nas kyang sems can thams cad sangs rgyas kyi chos thams cad la shin tu 'jug par 'gyur ba dang / ci nas kyang sems can thams cad kyis de bzhin gshegs pa thams cad shin tu mthong bar 'gyur ba dang / ci nas kyang sems can thams cad kyi sangs rgyas kyi chos kyi sgo khong du chud par 'gyur ba dang / ci nas kyang sems can thams cad shin tu zil gyis mi non pa'i yongs su dag pa thob par 'gyur ba dang / ci nas kyang sems can thams cad kyis sangs rgyas kyi chos thams cad la snang ba rab tu 'thob par 'gyur ba dang / ci nas kyang sems can thams cad kyis sangs rgyas kyi zhing thams cad yongs su dag par 'gyur ba dang / ci nas kyang sems can thams cad de bzhin gshegs pa thams cad kyi byin gyis brlabs pa'i lus dang ldan par 'gyur ba de lta de ltar dge ba'i rtsa ba de dag yongs su bsngo'o/ /'di ltar yang byang chub sems dpa' sems dpa' chen po skyid pa zil gyis mi non pa'i sa la gnas te u dum war ltar shin tu dkon </font><hr>Kha266a<br><font size=+1>


@#/ /par sems pa'i sems rnam par dag pa dang / gtong ba mi dad cing 'byams klas pa dang / dad cing rlung sprugs te btang ba'i sems dang / yongs su gtong ba'i blo mtha' yas pa dang / dul ba dang / yongs su dul ba'i yid kyis gtong ba'i dbang po dang / gtong ba thams cad yongs su gtong ba'i mthar thug pa'i thams cad mkhyen pa'i smon lam dang / 'gro ba thams cad bde bar byed pa'i gtong ba'i 'bras bu dang / gtong ba chen po dang / shin tu gtong ba dang / rab tu gtong ba dang / mchog tu gtong ba'i sems kyis rang gi lus dang / yan lag dang / gdong gis kyang phan 'dogs pa dang / mi smon par gtong ba'i sems kyis rnam pa de lta bu'i chos la rab tu gnas te/ ji ltar rgyal po me tog so dang / glang po'i rgyal po mche ba drug pas so ji ltar byin pa de bzhin du rang gi lus dang / kha nas so yongs su gtong ba'i tshe dge ba'i rtsa ba de dag 'di ltar yongs su bsngo ste/ sems can thams cad 'gro ba kun gyis mchod rten du mchod par 'os par gyur te mche ba dkar zhing rno ba dang ldan par gyur cig /sems can thams cad sangs rgyas kyi mtshan rab tu thob pas so mnyam zhing thags bzang bar gyur cig /sems can thams cad byang chub sems dpa'i pha rol tu phyin pa la legs par </font><hr>Kha266b<br><font size=+1>


zhugs shing dul ba'i sems kyis nye bar spyod par gyur cig /sems can thams cad gdong gi dkyil 'khor blta na sdug cing kha'i nang dang so rnam par dag par gyur cig /sems can thams cad kha dang so dpe med par rnam par dag cing bzhin dran pa'i rgyan gyis brgyan par gyur cig /sems can thams cad so bzang po'i gseb nas spos zhim po'i mchog grangs med pa yid du 'ong ba dga' ba skyid pa'i ngad 'byung bas yongs su dag cing so bzhi bcu tshang ba dang ldan par gyur cig /sems can thams cad shin tu dul ba'i so rab tu thob cing bkra shis dang / dga' ba 'khyil ba dang / pad+mo sna tshogs kyis mdzes par bris pa'i so dang ldan par gyur cig /sems can thams cad gdong gi dkyil 'khor nas tshad med pa'i 'od zer snang ba 'byung bas 'od zer bye ba khrag khrig brgya stong mtha' yas pa rab tu 'byung ba'i so dang ldan par gyur cig /sems can thams cad kha zas la ma chags ma zhen cing kha na ma tho ba med par spyod pas sbyin pa'i gnas dam pa'i mthar thug par gyur te so'i thags legs shing 'bras can kha phye ba lta bur gyur cig /sems can thams cad byang chub sems dpa'i dam pa lung ston cing so'i gseb kun nas 'od 'phro ba/ kha dog mtha' yas pa'i snang ba 'byung ba dang ldan par gyur cig /ces de ltar byang chub sems dpa' so'i </font><hr>Kha267a<br><font size=+1>


@#/ /sbyin pas yang dag par bsdus pa'i dge ba'i rtsa ba de dag sems can ma lus pa thams cad mkhyen pa nyid du yang dag par bskyed pa dang / chags pa med pa'i rgyan gyis chos thams cad shes pa rnam par dag par bya ba'i phyir yongs su bsngo'o/ /'di ltar yang byang chub sems dpa' sems dpa' chen po la lce bslangs na/ ji ltar rgyal po bzhin bzang dang / byang chub sems dpa' phyir mi ldog pa dang / de ma yin pa'i byang chub sems dpa' gzhan dag gis kyang skye ba'i skye mched rnam pa sna tshogs dag la gnas shing tshe rabs bye ba khrag khrig brgya stong grangs med pa de dang de dag tu yongs su btang bar gyur pa de bzhin du/ ngas kyang slong ba de dag rgyal po la 'os pa'i seng+ge'i gdan dag la bkod cing slong bas mos pa'i sems kyis yid du 'ong zhing 'jam pa'i ngag dang / byams pa la spyod pa'i sems kyis rang gi lce gtong ba'i tshe/ gshe ba med pa'i sems dang / rma med pa'i sems dang / nyams pa med pa'i sems dang / rigs chen po'i rigs dang ldan pa'i sems dang / sangs rgyas kyi rigs su byung ba'i sems dang / byang chub kyi sems la dgod cing gzhag pa'i sems dang / rgyud 'khrugs pa med pa'i sems dang / mthu stobs chen po'i shugs kyi sems dang / lus la ma chags pa'i sems </font><hr>Kha267b<br><font size=+1>


dang / tshig tu brjod pa la chags pa med pa'i sems su byas te pus mo'i lha nga sa la btsugs shing bdag gi kha nas lce byung ste lus thams cad la slong ba dbang byed du bcug nas tshig mnyen zhing 'jam pa dang / yid du 'ong ba dang / byams par spyod pas tshig tu brjod cing / ci nas kyang khyed dga' zhing yid bde ba dang / mgu zhing rangs par bdag gi lce longs la/ gang du dgos pa de'i dgos pa sgrubs shig /ces nas de lce sbyin zhing yongs su gtong ba'i tshe lce yongs su btang bas yang dag par bzung ba'i dge ba'i rtsa ba de 'di ltar yongs su bsngo ste/ dge ba'i rtsa ba 'dis sems can thams cad tshig gi tshul thams cad kyis shes par byed pa'i phyir lce shin tu yangs pa dang ldan par gyur cig /sems can thams cad yang dag pa ji lta ba bzhin gyi tshig bden pa gnyis su bya ba med pa dang ldan par gyur te gdong gi dkyil 'khor khebs pa'i lce dang ldan par gyur cig /sems can thams cad sangs rgyas thams cad kyi cho 'phrul dang / rnam par 'phrul pa yang dag par ston pa'i phyir sangs rgyas kyi zhing thams cad du khyab pa'i lce dang ldan par gyur cig /sems can thams cad ro bro ba'i mchog shin tu rnam par dag pa dang ldan zhing shin tu bslab pa'i lce dang ldan par gyur cig /sems can thams cad 'gro ba kun gyi tshig shes pas the tshom </font><hr>Kha268a<br><font size=+1>


@#/ /gcod pa'i phyir nges pa'i tshig gi dbyings mtha' yas pa yod pa'i lce dang ldan par gyur cig /sems can thams cad lce'i mdzod nas 'od zer bye ba khrag khrig brjod du med pa'i yang brjod du med pa 'gyed pa'i phyir snang ba mtha' yas pa 'byung ba'i lce dang ldan par gyur cig /sems can thams cad chos thams cad rnam par nges pa'i spobs pa'i tshogs mi zad pas ston cing brjod pas tshig shin tu nges pa brjod pa'i lce dang ldan par gyur cig /sems can thams cad spyod pa kun brjod pa tshad med pa'i mdzod kyi lce dang ldan zhing 'dul ba'i mtha' dang mnyam par sems can kun gyi tshig thams cad dang / smra ba thams cad rnam par 'grel ba'i lce dang ldan par gyur cig / sems can thams cad spyod pa rjes su rjod pa'i tshig gi rgya mtsho thams cad la rab tu zhugs pas dbyangs kyi tshogs dang / tshig gi rnam par shes pa'i lce dang ldan par gyur cig /sems can thams cad spyod pa thams cad mngon par rjod pa'i ye shes kyi pha rol tu phyin pa thob cing chos thams cad kyi tshig thams cad shin tu ston pa'i lce dang / ldan par gyur cig /ces de ltar byang chub sems dpa' sems dpa' chen po thams cad mkhyen pa nyid du dmigs pa'i smon lam la rab tu brtson pa de lce yongs su btang bas </font><hr>Kha268b<br><font size=+1>


yang dag par bsdus pa'i dge ba'i rtsa ba de dag sems can thams cad kyis bsgribs pa med pa'i ye shes chags pa med pa yongs su rdzogs par bya ba'i phyir yongs su bsngo'o/ /'di ltar yang byang chub sems dpa' sems dpa' chen po chos thams cad kyi dam pa mgo lta bu'i ye shes la 'jug cing / sems can thams cad yongs su bskyab pa'i mgo byang chub khong du chud par byed pa dang / chos thams cad kyi mchog tshul gyi mgo dang ldan par bya ba'i phyir yang dag par lta ba dang / ye shes rnam par dag pa'i mgo la yang dag par lta ba dang / bsgribs pa med pa'i mgo yongs su sgrub pa dang / sa dam pa'i mgo rjes su lta ba dang / 'gro ba thams cad kyi ye shes dam pa mgo lta bu 'dod cing tshol ba dang / khams gsum pa thams cad kyis bltar med pa'i ye shes kyi mgo'i dam pa yang dag par sgrub pa dang / phyogs thams cad du phyin pa'i ye shes kyi rgyal po'i mgo la mngon par mos par byed pa dang / chos thams cad la dbang byed pa zil gyis mi non pa'i mgo yongs su grub par byed cing / de lta bu'i chos la spyod par brtson pa'i byang chub sems dpa' sangs rgyas kyi rigs thams cad kyi yongs su gtong ba'i tshul la bslab pa/ sangs rgyas la mos pa skyes pas dge ba'i rtsa ba rab tu thob pa/ slong ba mtha' yas bas dga' bas yongs su rgyas pa'i sems dang ldan pa </font><hr>Kha269a<br><font size=+1>


@#/ /yid kyi dbang po shin tu gsal ba/ rgyud rab tu dwangs shing sems dang yid shin tu dwangs pa/ sangs rgyas kyi chos la dga' ba'i snang ba thob pa/ byang chub kyi sems bskyed pa shin tu rgya che ba rgyun mi 'chad par sems pa/ gtong ba chen po gtong ba/ shin tu gtong bas gtong ba'i yid dang ldan pa/ dbang po shin tu dga' bas nye bar brtan pa'i chos can/ lhag pa'i bsam pa yangs shing dge la rgya che bas sbyin pa gtong bar mngon par 'dod pa/ de ji ltar byang chub sems dpa' ye shes mchog dang / skyes bu dam pa ka shi'i rgyal po dang / de ma yin pa'i byang chub sems dpa' sems dpa' chen po gzhan grangs med pa dag kyang mgo yongs su gtong bar gyur pa de ltar mgo gtong ba'i tshe mgo yongs su btang bas yang dag par bsdus pa'i dge ba'i rtsa ba de 'di ltar sems can thams cad kyis sangs rgyas kyi dbu rab tu thob par bya ba'i phyir yongs su bsngo'o/ /spyi gtsug bltar mi snang ba dang / skye mched zil gyis mi non pa dang / zhing thams cad du mngon par 'phags pa dang / bum pa rgyas pa dang / dga' ba 'khyil ba dang / skra dang mgo'i 'od dang / 'od zer sna tshogs kyis rnam par brgyan pa dang / 'jig rten thams cad du rmad du byung ba dang / dpal gyi be'us brgyan pa dang / sangs rgyas kyi dbu dang ldan pa dang / </font><hr>Kha269b<br><font size=+1>


ye shes kyi mgo rtogs par bya ba dang / 'gro ba thams cad kyi mchog tu phyin pa'i mgo dang ldan pa dang / mgo rnam par dag pa dang / ye shes kyi dkyil 'khor gyi mgo yongs su rdzogs par bya ba'i phyir yongs su bsngo ste/ de ltar byang chub sems dpa' sems dpa' chen po mgo yongs su gtong ba'i tshe dge ba'i rtsa ba de dag 'di ltar 'gro ba thams cad kyi chos kyi mchog yongs su rdzogs pa dang / ye shes kyi yan lag dam pa rab tu thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po slong ba rnams la dad pa'i lag pa thog mar 'gro ba dang / phan 'dogs pa'i tshul dang / chos spyod pa la brtson par 'gro zhing ldog pa dang / rin po che'i lag pa thog mar 'gro bas lag pa gtong ba dang / spyod pa don yod pa'i byang chub sems dpa'i lam la spyod pa dang / lag shin tu brkyang zhing gtong ba'i sems ma 'khrugs pa dang / rim par spyod pa'i tshul shin tu nges pa dang / byang chub sems dpa' seng+ge'i rtsal gyis spyod cing / lag pa yangs pa gtong ba la mos pas lag pa yongs su gtong ba dang / tshul gyi gzhi chen po rab tu brtan pa la spyod pa'i byang chub sems dpa'i yi dam dang / tshor bas ma nyams pa'i blo dang ba dang / 'gro ba ma yin par 'gro ba las phyir log pa'i 'gro bas byang chub tu 'byung bas de ji ltar byang chub sems dpa' rtag tu brtson </font><hr>Kha270a<br><font size=+1>


@#/ /pa dang / rgyal po dga' ldan dang / de ma yin pa'i byang chub sems dpa' sems dpa' chen po gzhan tshad med pa dag kyang skye ba'i skye gnas sna tshogs dag na gnas shing lag pa yongs su gtong bar gyur pa de ltar byang chub sems dpa' sems yangs shing rgya che ba tshad med pa dang ldan pa/ sangs rgyas rgya mtsho mthong bar gyur pa/ chos kyi rgyud kyi sgo rnam par bye ba/ 'jig rten gyi khams thams cad du khyab par gtong ba'i lag pa dang ldan pa/ thams cad mkhyen pa'i byang chub yang dag par 'dzin pa'i smon lam can| sems bskyed pa rdul med pa dang 'grogs pas kun nas bskor ba med pa/ ye shes dang chos kyi lus rgyun mi 'chad pa/ mi shigs mi chod pa'i lus dang ldan pa/ bdud kyi las thams cad kyis mi sgrub pa/ dge ba'i bshes gnyen gyis nye bar brtan pas sems spel ba/ byang chub sems dpa' thams cad kyis spyad pa dang gcig tu gyur pa'i gtong bas byung ba de/ slong ba la rkang lag gi sbyin pa byed cing yongs su gtong ba'i tshe dge ba'i rtsa ba de dag sems can thams cad la 'di ltar yongs su bsngo ste/ thams cad mkhyen pa nyid du dmigs te rkang lag yongs su btang ba yongs su byin pa 'di la dge ba'i rtsa ba ci yod pa de dag 'di ltar sems can thams cad la yongs su bsngo'o/ /dge ba'i rtsa ba </font><hr>Kha270b<br><font size=+1>


'dis sems can thams cad rdzu 'phrul gyi rkang pa thob cing rin po che'i lag pa dang ldan par gyur cig /de dag rin po che'i lag pa des sems can thams cad la sbyin pa'i gnas kyi 'du shes rab tu thob ste phan tshun gyi lus la rin po ches brgyan pa 'thob par gyur cig /mngon par 'thob par gyur cig /rab tu 'thob par gyur cig /sangs rgyas kyi zhing thams cad du khyab pa'i rin po che'i rgyan gyi sprin gyis sangs rgyas thams cad mchod par gyur cig /sems can de dag thams cad kyang phan tshun du zhe sdang ba med pa'i sems dang ldan zhing phan tshun byams pa'i sems dang ldan par gyur cig /de dag sangs rgyas kyi zhing thams cad kyi rjes su dong zhing 'jigs pa med pa la gnas te mngon par 'du bya ba med pa'i phyir thams cad lag na rin po che thogs pa dang / lag na spos thogs pa dang / lag na gos thogs pa dang / lag na gdugs thogs pa dang / lag na phreng ba thogs pa dang / lag na me tog thogs pa dang / lag na phye ma thogs pa dang / lag na lhab lhub thogs pa dang / lag na me tog mtha' yas pa thogs par gyur te kun nas sgo dang ldan pa'i thabs la gnas shing sangs rgyas thams cad la mchod par brtson pa'i sems dang / sangs rgyas kyi zhing kun tu 'gro ba'i rdzu 'phrul dang / sangs rgyas kyi zhing thams cad du thogs pa med pa'i lag pa dang / 'gro ba thams cad </font><hr>Kha271a<br><font size=+1>


@#/ /yang dag par 'dzin pa'i rdzu 'phrul dang / cho 'phrul gyi lag pa mtshan bzang po dang ldan pa'i lag pa dang / 'od zer gyi mdzod mtha' yas pa'i dkyil 'khor rab tu gtong ba'i lag pa dang / 'gro ba thams cad lag mthil gcig gis yog par byed pa'i lag pa dang / dra bar 'brel cing sen mo zangs ltar 'dug pa'i lag pa dang / sangs rgyas kyi phyag shin tu yangs pa dang ldan pas sangs rgyas thams cad la mchod pa byed par gyur cig /ces de ltar byang chub sems dpa' sems dpa' chen po yon tan rgya mtsho thams cad la rab tu zhugs pa'i sems bskyed pa dang / khas len pa'i ngang tshul dang / slong ba thams cad la mngon par mos shing 'dod pas dga' ba dang / spro ba dang / dad pa chen po rab tu thob pa dang / slong ba 'bod par ston pa dang / sangs rgyas kyi chos rgya mtsho thams cad kyi rjes su zhugs pa'i de bzhin gshegs pa'i dge ba'i rtsa ba thams cad dang rgyud kyi tshul gcig tu gyur pas rkang lag yongs su gtong ba byed cing / 'gro ba thams cad kyi byang chub tshol ba'i tshe rkang lag yongs su btang bas yang dag par bsdus pa'i dge ba'i rtsa ba de dag 'di ltar thams cad gtong ba'i don du yongs su bsngo'o/ /'di ltar yang byang chub sems dpa' sems dpa' chen po thams cad mkhyen pa'i bsam pa </font><hr>Kha271b<br><font size=+1>


dang / sems dang / yid du ldan pa/ byang chub kyi sems kyis rab tu dga' ba/ byang chub sems dpa'i spyod pa la mngon par dad pa'i sems dang ldan pa/ tshor bas dengs par mi 'gyur ba'i sems dang ldan pa/ slong ba thams cad la mngon par mos pa'i sems dang ldan pa/ len pa thams cad la zhe mi sdang ba'i sems dang ldan pa/ byang chub sems dpa' thams cad kyi gtong ba'i lam du rab tu zhugs pa'i sems dang ldan pa/ byang chub sems dpa' thams cad kyi gtong bas sbyin par bya ba'i rjes su srung ba'i sems dang ldan pa| byang chub sems dpa'i sbyin pa rgya chen pos gtong ba shin tu gtong ba'i sems dang ldan pa/ phyir mi ldog pa'i sems rgyun mi 'chad pa dang ldan pa/ bdag gi lus la phangs par mi lta ba'i sems dang ldan pa/ de ji ltar byang chub sems dpa' chos kyi 'byung gnas dang / rgyal po yid bde bar sems pa dang / de ma yin pa'i byang chub sems dpa' sems dpa' chen po gzhan grangs med pa dag kyang skye ba'i skye gnas de dang de dag la gnas shing khrag yongs su gtong bar gyur pa de ltar slong ba rnams la rang gi lus kyi khrag gtong ba'i tshe khrag yongs su btang bas yang dag par bsdus pa'i dge ba'i rtsa ba de 'di ltar yongs su bsngo ste/ dge ba'i rtsa ba 'dis sems can thams cad chos dang ye </font><hr>Kha272a<br><font size=+1>


@#/ /shes kyi lus dang ldan zhing byang chub sems dpa'i lus phun sum tshogs pa dang ldan par gyur cig /sems can thams cad rdo rje'i snying po dang 'dra bar dge sbyong gi lus dang ldan par gyur cig /sems can thams cad lus nyams pa med cing dag pa dang ldan te lus la rma med par gyur cig /sems can thams cad 'jig rten gyis mi 'phrog pa'i sems dang ldan zhing sprul pa lta bu'i lus dang ldan par gyur cig /sems can thams cad 'od dang ba'i lus nyams pa med pa dang ldan zhing yid du 'ong ba'i lus dang ldan par gyur cig /sems can thams cad de bzhin gshegs pa'i sku mi gnas pa dang ldan zhing chos kyi dbyings su mngon par skyes pa'i lus dang ldan par gyur cig /sems can thams cad gzhan thams cad lus thams cad la rim gro byed pa'i lus dang ldan zhing rin po che lta bu'i 'od yod pa'i lus dang ldan par gyur cig /sems can thams cad 'chi ba med pa'i dbyings su chos kyi skyid pa la dbang sgyur ba'i lus dang ldan zhing ye shes dam pa'i lus dang ldan par gyur cig /sems can thams cad 'gro ba kun gyis blta na don yod par skyes pas rin po che rgya mtsho lta bu'i lus dang ldan par gyur cig /sems can thams cad 'jig rten kun gyi gtse bas gos pa med cing bar </font><hr>Kha272b<br><font size=+1>


snang gi rang bzhin gyi lus dang ldan par gyur cig /ces de ltar byang chub sems dpa' sems dpa' chen po rang gi lus las khrag gi sbyin pa byed pa'i tshe ye shes kyi theg pa dang / theg pa chen po la rab tu gzhol ba'i sems kyis dge ba'i rtsa ba de dag yongs su bsngo'o/ /dag pa'i yid kyis yongs su bsngo'o/ /yangs pa'i yid kyis yongs su bsngo'o/ /dga' ba'i yid kyis yongs su bsngo'o// rangs pa'i yid kyis yongs su bsngo'o/ /spro ba'i yid kyis yongs su bsngo'o/ /zhum pa med pa'i yid kyis yongs su bsngo'o/ /bde ba'i yid kyis yongs su bsngo'o/ /dang ba'i yid kyis yongs su bsngo'o/ /mgu ba'i yid dang / rab tu dga' ba'i yid dang / yid bde zhing rangs pa skyes pas dge ba'i rtsa ba 'di yongs su bsngo'o/ /'di ltar yang byang chub sems dpa' sems dpa' chen po gtong ba'i sems gzhal du med pa'i dga' bas rnam par 'phel ba dang / byang chub sems dpa' dang mkhas pa'i skye bos bsten pa'i zla med pa'i dge ba'i rtsa ba dang / lhag pa'i bsam pa dam pa 'jig rten gyi dri ma bsal ba dang / slong ba thams cad kyis zad par mi nus pa'i nang gi lus nye bar blangs pa'i yongs su gtong ba dang / yon tan rin po ches yang dag par blangs pa'i dge ba 'byams klas pa dang / byang chub sems dpa' thams cad kyi yi dam gyis nye bar blangs pa'i sbyin pa'i tshogs chen po dang / slong ba thams cad kyi yid kyis 'dod par bsam pa </font><hr>Kha273a<br><font size=+1>


@#/ /btang yang 'gyod pa med pa'i sems dang / sbyin pa la dmigs pa'i dngos pos shin tu brtags pa'i las kyi rnam par smin pa'i rten dang / len pa rnams la sbyin pa yongs su gtong ba'i sems nyams pa med pa dang / sangs rgyas thams cad mngon du gyur pa pha lta bu'i 'du shes su mngon par 'dzin pa dang / 'gro ba thams cad la mngon du gyur pa'i sems can thams cad rnam par dag pa la gnas pa dang / 'jig rten gyi khams thams cad mngon du gyur pa'i sangs rgyas kyi zhing gi rgyan thams cad dang / 'gro ba thams cad la mngon du gyur pa'i snying rje chen pos yongs su skyob pa dang / sangs rgyas thams cad kyi byang chub la mngon du gyur pa'i stobs bcu rnam par spyod pa dang / 'das pa dang / ma 'ongs pa dang / da ltar byung ba'i byang chub sems dpa' thams cad mngon du gyur pa'i dge ba'i rtsa ba mthun pa yongs su rdzogs par bya ba dang / mi 'jigs pa thams cad mngon du gyur pa'i khyu mchog dang / seng+ge'i nga ro bsgrags pa dang / dus gsum mngon du gyur pa'i dus thams cad mnyam pa nyid kyi ye shes dang / dus gsum thams cad mngon du gyur pa'i phyi ma'i mtha'i bskal par thug par zhe non pa'i byang chub sems dpa'i smon lam dang / yongs su yid chad pa med pas mngon du gyur pa'i sems bskyed pa grangs med pas de ji ltar </font><hr>Kha273b<br><font size=+1>


byang chub sems dpa' phan pa tshol ba dang / rgyal po thams cad gtong ba dang / de ma yin pa'i byang chub sems dpa' sems dpa' chen po gzhan grangs med pa dag kyang skye ba'i skye mched sna tshogs dag na gnas shing sha dang / rkang yongs su gtong ba de lta slong ba rnams la lus las sha dang / rkang yongs su gtong ba'i tshe sha dang / rkang yongs su btang bas yang dag par bsdus pa'i dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'di sems can thams cad rdo rje'i snying po ltar mkhregs pa'i yan lag dang ldan zhing mi shigs pa'i lus dang ldan par gyur cig /sems can thams cad gsob med pa'i lus rab tu thob pas gsog ma yin pa'i lus dang ldan par gyur cig /sems can thams cad yid kyi rang bzhin gyi lus rnam par dag pa dang ldan zhing / sangs rgyas kyis brgyan pa'i lus dang ldan par gyur cig /sems can thams cad mtshan sum cu gnyis kyis lus shin tu grub pas bsod nams brgya pa'i mtshan gyi lus dang ldan par gyur cig /sems can thams cad de bzhin gshegs pa'i stobs bcu tha mi dad cing ma nyams pa dang ldan te dpe byad bzang po brgyad cus rnam par bris pa'i lus dang ldan par gyur cig /sems can thams cad de bzhin gshegs pa'i sku rab tu thob pas mtha' las 'das pa tshad med pa'i lus dang ldan par gyur cig /sems can thams cad bdud thams cad kyi dkrug </font><hr>Kha274a<br><font size=+1>


@#/ /ma rab tu 'joms pas kun tu khyab pa'i spyod lam dang ldan zhing thub pa med pa'i lus dang ldan par gyur cig /sems can thams cad 'das pa dang / ma byon pa dang / da ltar byung ba'i sangs rgyas thams cad dang lus gcig par gyur cig /sems can thams cad nam mkha'i dbyings kun tu chos kyi skus khyab par byed pa'i phyir chags pa med pa'i lus mngon par grub par gyur cig /sems can thams cad 'gro ba thams cad shong ba'i lus dang ldan zhing byang chub kyi lus dam pa dang ldan par gyur cig /ces de ltar byang chub sems dpa' sems dpa' chen po thams cad mkhyen par dmigs pa'i sems dang ldan pa slong ba la sha dang rkang yongs su gtong ba'i tshe dge ba'i rtsa ba de dag sems can thams cad kyis sangs rgyas kyi sku mtha' las 'das pa tshad med pa rnam par dag pa rab tu thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po sbyin pa'i rgyud la bslab pa'i sems dang ldan pa/ sbyin pa thams cad byin pas spyod pa'i sems dang ldan pa/ sbyin pa'i pha rol tu phyin pa chen po thob pa'i sems dang ldan pa/ pha rol tu 'gro ba'i sbyin pa grub pa'i sems dang ldan pa/ byang chub sems dpa' thams cad kyis byin pa'i rjes su bslab pa'i sems dang ldan pa/ sbyin pa dang yongs su gtong ba thams cad kyi zad mi </font><hr>Kha274b<br><font size=+1>


shes pa'i sems dang ldan pa/ sbyin pa'i gnas thams cad la shin tu gnas pa'i sems dang ldan pa/ byang chub sems dpa' thams cad kyi sbyin pa'i las pa rab tu gnas pa de sems dang ldan pa/ sangs rgyas thams cad yid la bya bas mngon du gyur pa'i gtong ba'i sems dang ldan pa/ slong ba thams cad rgyun mi 'chad par rgyu ba rab tu mchod dang sems dang ldan pa/ de ji ltar byang chub sems dpa' yongs su skyo ba med pa dang / rgyal po g.yo ba med pa dang / de ma yin pa'i byang chub sems dpa' sems dpa' chen po gzhan grangs med pa dag gis kyang snying yongs su btang bar gyur pa de ltar slong ba kun las 'ongs pa rnams kyis bslangs shing rang gi lus las snying yongs su gtong zhing sbyin pa byed pa dang / spong ba dang / thob par byed pa dang / lhag pa'i bsam pa rnam par sbyong ba dang / 'gro ba thams cad rab tu dgrol ba'i phyir stobs bcu'i byang chub la dmigs par byed pa dang / smon lam chen pos nan tan du byed pa dang / byang chub sems dpa'i spyod pa la yang dag par gnas pa dang / smon lam yongs su mi gtong bas sbyin pa byed pa'i tshe dge ba'i rtsa ba de dag sems can thams cad la 'di ltar yongs su bsngo ste| sems can thams cad rdo rje'i rang bzhin lta bus yongs su bzung ba'i snying dpal gyi be'us brgyan pa dang ldan zhing rdo rje'i ri 'khor yug thams cad ltar mi shigs shing rdo rje'i snying po </font><hr>Kha275a<br><font size=+1>


@#/ /lta bu'i snying dang ldan pa dang / bag tsha ba med pa'i snying dang / thub par dka' ba'i snying dang / 'jig rten thams cad kyis mi 'phrog pa'i snying dang / dpa' ba'i rgyal mtshan ye shes kyi snying po can gyi snying dang / mthu bo che chen po dam pa'i sems kyi rgyal mtshan can gyi snying dang / 'gro ba thams cad kyi gtso bo lta bur mi 'phrog pa'i snying dang / mthu bo che ltar mi shigs pa'i snying po can gyi snying dang / bdud kyi las dang / bdud kyi dpung dang / bdud kyi sde rnam par 'joms pa'i snying dang / brtan pa'i snying dang / gzengs mtho ba'i snying dang / dpa' ba'i snying dang / rtul phod pa'i snying dang / mi 'jigs mi dngangs skrag par mi 'gyur ba'i snying dang / rdo rje'i go cha chen po yang dag par bgos pa'i snying dang / shin tu btsun pa'i byang chub sems dpa'i snying dang / sangs rgyas kyi chos yongs su rdzogs pas byang chub snang bar gyur pa'i snying dang / byang chub kyi shing drung du 'dug nas sangs rgyas kyi chos thams cad rjes su rtogs shing / rmongs pa med par thams cad mkhyen pa nyid du mngon par 'tshang rgya ba'i snying dang / stobs bcu mngon par byang chub pa rab tu 'thob pa'i snying dang ldan par gyur cig /ces de ltar byang chub sems dpa' sems dpa' chen po snying gi sbyin pas yang dag par bzung ba'i dge ba'i rtsa ba de dag sems can thams cad 'gro ba thams cad </font><hr>Kha275b<br><font size=+1>


kyis gos pa med pa'i stobs bcu mnga' ba'i thugs phun sum tshogs pa dang / yongs su rdzogs pa dang ldan par yongs su bsngo'o/ /'di ltar yang byang chub sems dpa' sems dpa' chen po slong ba mngon par dang par byed pa'i lta ba dang / gsal zhing dga' bar byed pa'i mig dang / byang chub dang mnyam par bya ba'i byams pa dang / ci 'dod pas slong ba phu dud du bya ba'i sbyin pa dang / rgyun mi 'chad par yid la byed pa'i gtong ba dang / lus la snying po med par rtogs pas snying po blang ba'i sems dang bar gyur pa'i lus rjes su dran pa yid la byed pa dang / spyang ki dang / wa dang / khyis bza' bar 'gyur ba'i lus su rab tu rtogs pa dang / gzhan la rag lus shing lus mi rtag par yid la byed pa dang / lus kyi rgyus thams cad khong du chud pa dang / gzhan la dad pa'i sems dang / de lta bu'i chos de dag yid la bya ba la brtson pa de ji ltar byang chub sems dpa' legs par byin pa dang / rgyal po sdig pa bsal ba dang / de ma yin pa'i byang chub sems dpa' sems dpa' chen po gzhan grangs med pa dag gis kyang slong ba rnams la rgyu ma dang / mchin pa dang / mkhal ma dang / glo ba yongs su btang bar gyur pa de ltar rgyu ma dang / mchin pa dang / mkhal ma dang / glo ba yongs su gtong ba'i tshe byang chub sems dpa' slong ba de dag la mi 'gal ba'i mig gis blta zhing 'di ltar sems bskyed de </font><hr>Kha276a<br><font size=+1>


@#/ /'di ltar bdag gi lus mi rtag cing 'di ltar mi gtsang na/ 'on kyang rgyu ma dang / mchin pa dang / mkhal ma dang / glo ba lta bu dag kyang slong ba dag la dgos pa ltas sbyin par bya'o/ /zhes de lta bur yid la byed cing dga' ba'i rgyu dang / de ltar chos nyid shes pa'i bsam pa dang / slong ba mthong ba dge ba'i bshes gnyen du 'du shes pa'i byin gyi rlabs kyis lus snying po med pa de las snying po blang bar 'dod de/ de lta bur yid la byed cing rab tu rtogs pa dang ldan pa'i sems kyis rgyu ma dang / mchin pa dang / mkhal ma dang / glo ba de dag yongs su gtong ba'i tshe dge ba'i rtsa ba de dag sems can thams cad la 'di ltar yongs su bsngo ste/ rgyu ma dang / mchin pa dang / mkhal ma dang / glo ba yongs su btang bas yang dag par bsdus pa'i dge ba'i rtsa ba 'dis sems can thams cad ye shes kyi snying po'i lus dang ldan zhing lus kyi phyi nang shin tu gtsang zhing dag par gyur cig /sems can thams cad thams cad mkhyen pa'i smon lam yang dag par 'dzin pa'i phyir ye shes kyi lto dang yang dag par ldan par gyur cig /sems can thams cad nang spos zhim po'i mchog thams cad dang ldan zhing phyi rol tu 'od zer rab tu 'gyed pas blta na bzang ba'i lus dang ldan par gyur cig /sems can thams cad rim gyis gzhol zhing mnyam pa'i lus kyi yan </font><hr>Kha276b<br><font size=+1>


lag dang ldan te gzhu lta bu'i lto dang ldan pa'i lus su gyur cig /sems can thams cad sangs rgyas kyi chos kyi dga' bas lus shin tu bskyed pas lus chos kyi zas dang ye shes kyis gso bar gyur cig /sems can thams cad dga' ba'i lus dang chos kyi lus kyis yang dag par spyod pa zad mi shes pa'i lus dang ldan par gyur cig /sems can thams cad tha dad pa yang dag par shes pa'i chos snang ba dang ldan pas gzungs kyi snying pos lus kyi nang rnam par dag par gyur cig /sems can thams cad nang gi bsam pa'i rgyud shin tu sbyangs pas lus yongs su dag pa dang ldan par gyur cig /sems can thams cad ye shes kyis ngom par byed pa'i chos kyi sprin gyi char rab tu 'bebs pas de bzhin gshegs pa'i sku dang / ye shes kyi rnal 'byor khong du chud par gyur cig /sems can thams cad phyi rol gyi lus 'gro ba thams cad la ye shes kyi rgyal mtshan mdzes shing snang bar gyur pas nang gi lus dag cing zhi bar gyur cig /ces de ltar byang chub sems dpa' sems dpa' chen pos rgyu ma dang / mchin pa dang / mkhal ma dang / glo ba de dag rang gi lus las slong ba rnams la yongs su gtong ba'i tshe dge ba'i rtsa ba de dag sems can thams cad kyi lus phyi nang yongs su dag cing bsgribs pa med pa'i ye shes la rab tu 'khod </font><hr>Kha277a<br><font size=+1>


@#/ /pa thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen pos ji ltar byang chub sems dpa' chos kyi 'byung gnas dang / rgyal po skar ma'i 'od dang / de ma yin pa'i byang chub sems dpa' sems dpa' chen po gzhan dag gis kyang yan lag dang / nying lag dang / rus pa slong ba rnams la yongs su btang bar gyur pa de ltar yan lag dang / nying lag dang / rus pa bslangs pa na slong ba rnams la gtong ba'i tshe slong ba mthong ma thag tu sems dga' ba dang / sems mos pa dang / sems dad pa dang / sems rab tu spro ba dang / sems 'thad pa dang / byams pa'i sems dang / chags pa med pa'i sems dang / dag pa'i sems dang / slong ba rnams la rim gror bya ba'i sems rab tu 'thob ste/ de yan lag dang / nying lag dang / rus pa de dag bslangs pas slong ba la yongs su gtong ba'i tshe dge ba'i rtsa ba de dag sems can thams cad la 'di ltar yongs su bsngo ste/ rang gi lus kyi yan lag dang / nying lag dang / rus pa yongs su btang bas yang dag par bsdus pa'i dge ba'i rtsa ba 'dis sems can thams cad rus pa dang / sha dang / khrag med pa'i lus dang ldan zhing sprul pa lta bu'i lus can du gyur cig /sems can thams </font><hr>Kha277b<br><font size=+1>


cad lus la thub pa med cing zil gyis mi non pas rdo rje lta bu'i stobs kyi lus dang ldan par gyur cig /sems can thams cad chags pa med cing grol ba dang / bcings pa med pa'i ye shes kyi lus kyis byung ste/ thams cad mkhyen pa'i stobs dang chos su ldan pa'i lus phun sum tshogs par gyur cig /sems can thams cad dbang po tha mi dad cing gcad du med pa rab tu thob pas ye shes kyi stobs kyi lus dang ldan par gyur cig /sems can thams cad ye shes kyi stobs dang / dbang gi pha rol tu phyin pa thob pas chos kyi stobs kyi lus dang ldan par gyur cig /sems can thams cad lus shig shig po med pas yan lag shin tu brtan pa'i lus dang ldan par gyur cig /sems can thams cad 'gro ba kun yongs su smin par byed cing 'dul ba la zhugs pas 'gro ba thams cad ji ltar mos pa'i lus dang yan lag gi byin gyi rlabs dang ldan par gyur cig /sems can thams cad mthu bo che'i yan lag dang / nying lag yang dag par zin pas stobs chen po dang ldan zhing ye shes la gnas pa'i lus dang ldan par gyur cig /sems can thams cad chad cing dub pa med pa'i lus rab tu thob pas shin tu brtan par lus kyi rgyud 'brel ba dang ldan par gyur cig /sems can thams cad mthu dang brtson 'grus </font><hr>Kha278a<br><font size=+1>


@#/ /chen po dang ldan pa'i lus kyis shin tu brtan zhing stobs dang ldan par gyur cig /sems can thams cad mtha' yas pa'i ye shes kyi khyu mchog gi mthu 'byin pa'i lus dang ldan zhing chos kyi lus kyis 'gro ba thams cad du rnam par brgyan pa'i lus dang ldan par gyur cig /sems can thams cad kha na ma tho ba med cing blta na don yod pa dang ldan te bsod nams kyi stobs kyi lus dang ldan par gyur cig /sems can thams cad gnas med pa'i ye shes kyi mthar thug ste gnas pa'i lus dang ldan par gyur cig /sems can thams cad sangs rgyas thams cad kyi bsam pa byin gyis brlabs pa dang ldan zhing sangs rgyas kyis yongs su bzung ba'i lus dang ldan par gyur cig /sems can thams cad thams cad du 'gro ba'i lam gyi lus kyi rjes su song bas 'gro ba thams cad la phan 'dogs pa'i lus dang ldan par gyur cig /sems can thams cad sangs rgyas kyi chos thams cad la phyir phyogs pa med cing mngon par lta ba'i snang bas sgo kun nas lta ba'i lus dang ldan par gyur cig /sems can thams cad thams cad mkhyen pa'i theg pa la spyod pa bsam pa mthar phyin par bya ba la brtson pas brtson 'grus dang ldan pa'i lus phun sum tshogs </font><hr>Kha278b<br><font size=+1>


par gyur cig /sems can thams cad ye shes brtan par gnas pa thob pas nga rgyal dang / rlom pa dang / dregs pa thams cad rgyun 'chad cing rnam par dag pa'i lus dang ldan par gyur cig /sems can thams cad thams cad mkhyen pa'i theg pa la yang dag pa ji lta ba bzhin du las grub par gyur pas brtul zhugs dam pa'i lus dang ldan par gyur cig |sems can thams cad 'jig rten du skyes pa'i lus thams cad las rnam par 'das shing de bzhin gshegs pa'i dge bas byung ba'i lus su gyur cig /ces de ltar byang chub sems dpa' sems dpa' chen po yan lag dang / nying lag dang / rus pa de dag slong ba rnams la yongs su gtong ba'i tshe dge ba'i rtsa ba de dag sems can thams cad kyis thams cad mkhyen pa'i ye shes sgrub par bya ba dang / shin tu rnam par dag pa'i phyir yongs su bsngo'o/ /'di ltar yang byang chub sems dpa' sems dpa' chen po rang gi lus las slong ba dag gis mdog dang ldan pa'i pags pa bslangs pa'i tshe mtshon cha thogs pa'i slong ba mthong yang dga' bar byed pa'i dbang pos slong ba la lta zhing slong ba rnams la drin du gzo ba'i 'du shes nye bar bzhag nas legs par bting ba'i stan la slong ba rnams bkod de/ slong ba rnams la rim gro'i 'du shes nye bar gzhog pa dang / len pa rnams </font><hr>Kha279a<br><font size=+1>


@#/ /la shin tu dkon pa'i 'du shes yang dag par skyed pa dang / thams cad mkhyen pa'i gzhir gyur pa smon par bya ba yang dag par mthong bar sems shing slong ba rnams la phan 'dogs pa'i sems kyis rtog cing 'dzum dang ldan par lta bas slong ba rnams la blta zhing tshur sheg /longs shig ces bya ba'i tshig brjod pa dang slong ba rnams la bdag nyid ci dga' bar bya bas gtong ba de ji ltar byang chub sems dpa' dag pa'i snying po dang / ri dwags kyi rgyal po gser gyi rtsib logs ltar mdog dang ldan pa'i pags pa slong ba rnams la yongs su gtong ba'i tshe dge ba'i rtsa ba de dag sems can thams cad la 'di ltar yongs su bsngo ste/ sems can thams cad de bzhin gshegs pa'i yon tan gyis mi ngoms shing rnam par dag pas shin tu 'jam pa'i mdog dang ldan par gyur cig /sems can thams cad rdo rje'i mdog thub par dka' ba'i kha dog dang ldan zhing ma 'dres pa'i kha dog dang ldan par gyur cig /sems can thams cad 'dzam bu chu klung gi snying po ltar dag cing gser gyi mdog dang ldan par gyur cig /sems can thams cad bsam pa ji lta ba bzhin du kha dog rnam par sbyangs pas dag cing kha dog mtha' yas pa'i mdog dang ldan par gyur cig /sems </font><hr>Kha279b<br><font size=+1>


can thams cad dge sbyong de bzhin gshegs pa shin tu gzhon pa'i kha dog gis rnam par dag cing rnyog pa med cing dang ba'i kha dog dang / mdog gi mchog dang ldan par gyur cig /sems can thams cad rang bzhin gyis kha dog rnam par dag cing / kha dog dang mdog gi dam pa dang ldan par gyur cig /sems can thams cad mtshan dang dpe byad bzang pos rnam par bris shing sangs rgyas kyi kha dog rnam par dag pas mdog dang kha dog shin tu rnam par dag par gyur cig /sems can thams cad kha dog dang mdog bzang po phun sum tshogs shing 'gro ba kun tu mdog gi snang ba rab tu 'gyed par gyur cig /sems can thams cad 'jig rten gyi khams thams cad du 'od zer gyi dkyil 'khor brjod du med pa rnam par 'gyed pa'i rgyal mtshan dang ldan zhing mdog 'od zer gyi dra ba can dang ldan par gyur cig /sems can thams cad gzugs thams cad kyi kha dog rnam par dag ste/ mdog dang kha dog shin tu snum pa dang ldan par gyur cig /ces de ltar byang chub sems dpa' sems dpa' chen po rang gi lus las mdog dang ldan pa'i pags pa slong ba rnams la yongs su gtong ba'i tshe dge ba'i rtsa ba de dag sems can thams cad kyi sangs rgyas kyi zhing rnam par dag par 'gyur ba dang / de bzhin gshegs pa'i yon tan </font><hr>Kha280a<br><font size=+1>


@#/ /thams cad dang ldan par bya ba'i phyir yongs su bsngo'o/ /'di ltar yang byang chub sems dpa' sems dpa' chen po sems la phyin ci log med pa/ bzhin 'dzum pa can/ yid bde ba thob pa/ theg pa chen po la legs par gnas pa/ grags pa 'dod pa med pa'i sbyin pa can/ snying thag pa nas sbyin pa la gnas pa/ gtong ba chen po la yid rab tu zhugs pa/ 'jungs pa'i dri ma la mi gnas pa'i sems dang ldan pa/ phrag dog dang 'jungs pa'i dri ma dang bral ba/ de bzhin gshegs pa'i gsung la rab tu zhugs pa de ji ltar byang chub sems dpa' lta ba'i brtson 'grus dang / 'dzam bu gling gi bdag po gser gyi 'od dang / de ma yin pa'i byang chub sems dpa' tshad med pa gzhan dag gis kyang sor mo rnams yongs su btang bar gyur pa ltar slong ba la rkang lag gi sor mo yongs su gtong ba'i tshe dge ba'i rtsa ba de dag sems can thams cad la 'di ltar yongs su bsngo ste/ sor mo byin pa dang / ci bslangs pa'i dngos po btang bas yang dag par bsdus pa'i dge ba'i rtsa ba 'dis sems can thams cad sangs rgyas kyi phyag sor thob par gyur te/ sor mo ring bar gyur cig /sems can thams cad sor mo rim gyis gzhol bar legs par grub </font><hr>Kha280b<br><font size=+1>


pas sor mo zlum pa dang ldan par gyur cig /sems can thams cad sen mo gang ba'i sor mo rnam par dag pa dang ldan zhing sen mo zangs kyi kha dog lta bu'i sor mo dang ldan par gyur cig /sems can thams cad chos thams cad 'dzin par brtson pa'i sor mo dpe byad bzang po dang ldan zhing skyes bu dpa' bo thams cad mkhyen pa'i sor mo dang ldan par gyur cig /sems can thams cad stobs bcu'i phyag sor dang ldan par gyur te/ dpe byad bzang pos grub pa'i sor mo dang ldan par gyur cig /sems can thams cad shin tu sbyangs pa'i sor mo tshul dang mthun par skyes pas sor mo'i dam pa dang ldan par gyur cig /sems can thams cad sor mo'i chos nyid kyi yan lag dang / bum pa gang ba dang / bkra shis kyis rnam par mdzes pa dang ldan zhing sor mo'i rtse mo la 'khor lo yod pa'i sor mo dang ldan par gyur cig /sems can thams cad stobs bcu'i phyag sor 'phrin las kyi rnam par smin pa rgyu mthun par byung ba lta bu dang ldan zhing pad+mo bzang po dang dga' ba 'khyil bas sor mo thams cad kyi tshigs dang yan lag shin tu brgyan cing dpe byad bzang pos mdzes par rnam par phye ba'i rgyan gyis brgyan pa'i sor mo dang ldan par gyur cig /sems can thams cad sangs rgyas kyi zhing brjod du med pa snang bar bya ba la </font><hr>Kha281a<br><font size=+1>


@#/ /brtson zhing / 'od zer gyi dra ba'i mdzod rab tu 'gyed ba'i sor mo dang ldan par gyur cig /sems can thams cad sor mo shin tu mdzes pa dra bas legs par 'brel ba dang ldan zhing sor mo legs pa dang ldan par gyur cig /ces de ltar byang chub sems dpa' sems dpa' chen po sor mo yongs su gtong ba'i tshe sems can thams cad rnam par dag par bya ba'i sems kyis dge ba'i rtsa ba de dag thams cad sems can rnam la yongs su bsngo'o/ /gzhan yang byang chub sems dpa' sems dpa' chen po chos 'dod pa la/ la la zhig gis chos thob par bya bar bsam ste des 'di skad du gal te khyod kyi sha dang bcas pa'i sen mo nga la byin na ni/ ngas khyod la chos bstan par bya'o/ /zhes zer pa zhig yod na/ de la 'di skad du smras te/ bdag gi sha dang bcas pa'i sen mo ci bder khyer la bdag la chos bstan par mdzod cig / ces ji ltar rgyal po dbang phyug tu gyur pa legs par bshad pa chol ba dang / byang chub sems dpa' zad mi shes pa dang / de ma yin pa'i byang chub sems dpa' sems dpa' chen po gzhan tshad med pa chos kyi chos bzang po nyid la brtson pa/ 'gro ba kun tu chos kyi lo shin tu legs pa yang dag par bstan pa'i phyir sha dang bcas pa'i sen </font><hr>Kha281b<br><font size=+1>


mo yongs su btang bar gyur pa de ltar slong ba rnams la rang gi sha dang bcas pa'i sen mo yongs su gtong ba'i tshe dge ba'i rtsa ba de dag sems can thams cad la 'di ltar yongs su bsngo ste/ sems can thams cad sangs rgyas kyi phyag sen rab tu grub cing / zangs kyi kha dog lta bu'i sen mo dang ldan par gyur cig /sems can thams cad dpe byad bzang po'i sen mo rab tu thob cing mdog snum pa'i sen mo dang ldan par gyur cig /sems can thams cad sen mo'i dam pa dang ldan zhing 'od 'tsher ba'i sen mo dang ldan par gyur cig / sems can thams cad sen mo bzang po dang ldan zhing thams cad mkhyen pa'i phyag sen mo rab tu thob par gyur cig /sems can thams cad 'jig rten thams cad kyis mi gos shing mtshungs pa med pa'i sen mo dang ldan par gyur cig /sems can thams cad 'od kyis snang bar bya ba la brtson zhing shin tu brgyan pa'i sen mo dang ldan par gyur cig /sems can thams cad nyams pa med cing rnam par dag pa'i sen mo gang ba dang ldan par gyur cig /sems can thams cad ye shes che zhing yangs pa rnam par dag pa dang ldan zhing / sangs rgyas kyi chos thams cad kyi rjes su song ba'i mtshan dang ldan par gyur cig /sems can thams cad byang chub sems dpa'i las rnam par smin pas rnam par dag cing mdzes </font><hr>Kha282a<br><font size=+1>


@#/ /par skyes pa'i sen mo dang ldan par gyur cig /sems can thams cad 'od zer kha dog mtha' yas pa rab tu 'gyed pa'i mdzod dang ldan zhing mgon po thams cad mkhyen pa'i phyag sen dang ldan par gyur cig /ces de ltar byang chub sems dpa' sems dpa' chen po chos 'dod pa'i phyir sen mo dang shar bcas pa yongs su gtong ba'i tshe dge ba'i rtsa ba de dag sangs rgyas thams cad kyi sku dang phyag sen gyi rgyan yongs su rdzogs par bya ba dang / thogs pa med pa'i stobs kyi mthar phyin par bya ba'i phyir yongs su bsngo'o// //bam po sum cu brgyad pa/ 'di ltar yang byang chub sems dpa' sems dpa' chen po chos kyi don du chos tshol ba lhur len pa shin tu dkon pa'i chos tshel \ TSOL\ ba la zhugs pa la chos ston pa'i gang zag la las me'i rlubs su lus gzhug par byas te 'di skad du/ gal te khyod mi 'greng bdun du brkos pa'i me'i rlubs su mchong phod na/ ngas khyod la chos kyi sbyin pa bya'o/ /zhe na/ de la byang chub sems dpa' sems dpa' chen po sgra de thos nas shin tu dga' zhing yid bde ba dang / rab tu 'dun pa'i yid skyes nas 'di snyam du sems te/ ngan song thams cad dang / mnar med pa'i sdug bsngal nyams su blangs pa dang yang bsngo zhing bdag gis dam pa'i chos </font><hr>Kha282b<br><font size=+1>


btsal dgos na/ 'di ltar me'i rlubs su mchod pa tsam gyis dam pa'i chos rnyed par 'gyur na lta kye ma de ltar dkon pa'i sangs rgyas kyi chos de dag kyang sems can dmyal ba'i sdug bsngal lta bu med par me'i rlubs tsam du mchong bas rnyed pa 'di ni/ ngo mtshar che'o/ /snyam nas 'di ltar bdag gis mi 'greng bdun du brkos pa'i me'i rlubs su mchong bar bgyi'i| khyod kyis bdag la sangs rgyas kyi chos bshad du gsol zhes nas de ji ltar rgyal po legs par bshad pa tshol ba dang / byang chub sems dpa' rdo rje sems dpa' dang / de ma yin pa'i byang chub sems dpa' sems dpa' chen po gzhan grangs med pa dag gis kyang me'i rlubs su mchod par byas pa de ltar chos kyi don du sdug bsngal gyi tshor ba thams cad dang bsdo ba'i lus kyis me'i rlubs su mchong ba'i tshe dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad bla na med pa yang dag par rdzogs pa'i byang chub las shin tu phyir mi ldog pa'i chos can du gyur te thams cad mkhyen pa'i gnas dang ldan par gyur cig /sems can thams cad sangs rgyas kyi bde ba thams cad myong bar gyur te g.yang sa thams cad las phyir log par gyur cig /sems can thams cad 'jigs shing skrag pa thams cad dang </font><hr>Kha283a<br><font size=+1>


@#/ /bral zhing bag tsha ba med pa'i sems dang ldan par gyur cig /sems can thams cad bde ba dang / yid bde ba dang / chos thams cad kyi rgyan rab tu thob cing tshol ba la brtson par gyur cig /sems can thams cad me gsum rab tu zhi bas gnas pa'i sems dang ldan zhing ngan song gi lam thams cad dang shin tu bral bar gyur cig /sems can thams cad sangs rgyas kyi bde ba'i rnam pa rab tu thob ste yid bde ba thams cad dang ldan par gyur cig /sems can thams cad me gsum dang bral zhing byang chub kyi sems kyis 'dod chags dang / zhe sdang dang / gti mug zhi bar gyur cig /sems can thams cad sangs rgyas thams cad mthong ba'i dga' bas yang dag par spyod cing byang chub sems dpa'i ting nge 'dzin gyi bde ba rab tu thob par gyur cig /sems can thams cad sangs rgyas kyi chos thams cad mnyam pa med pa la rab tu gzhol zhing shin tu thos pa'i chos can du gyur cig /sems can thams cad thams cad mkhyen pa nyid kyi rjes su shin tu song ba'i chos dang ldan zhing byang chub sems dpa'i mngon par shes pas rnam par rol pa'i bde ba rab tu thob par gyur cig ces de ltar byang chub sems dpa' sems dpa' chen po chos tshol zhing me'i rlubs su mchong pas yang dag par bzung </font><hr>Kha283b<br><font size=+1>


ba'i dge ba'i rtsa ba de dag sems can thams cad kyis sgrib pa'i las dang spyod pa'i mthar phyin cing / ye shes kyi me shin tu rdzogs par bya ba'i phyir yongs su bsngo'o/ /'di ltar yang byang chub sems dpa' sems dpa' chen po dam pa'i chos kyi phyir sdug bsngal gyi tshor ba thams cad bdag gi lus kyis bzod par byed cing / dam pa'i chos brjod pa dang / byang chub sems dpa'i lam ston pa dang / sangs rgyas kyi byang chub gsal bar byed pa dang / bla na med pa'i ye shes kyi phung po'i tshogs yang dag par gsog pa dang / stobs bcu la brtson par byed cing thams cad mkhyen par sems bskyed pa yangs par byed pa dang / chags pa med pa'i ye shes kyi phung po la bdag mngon du mthun par yang dag par lta zhing sems can thams cad kyi rnam par dag pa dang / rnam par byang ba yang dag par sgrub pa dang / byang chub sems dpa'i spyod yul thams cad la rab tu 'jug pa dang / ye shes chen po la brtson zhing sangs rgyas kyi byang chub yongs su srung ba'i tshe ji ltar byang chub sems dpa' chos bzang po tshol ba dang / rgyal po shugs chen po 'dzin pa dang / de ma yin pa'i byang chub sems dpa' gzhan tshad med pa dag gis kyang ji ltar spyad pa bzhin du de sdug bsngal gyi rnam pa gcig ma yin pa nyams su 'bab pa dang / sdug bsngal gyi tshor ba'i gnod pa rnam pa </font><hr>Kha284a<br><font size=+1>


@#/ /sna tshogs myong ba dang / sdug bsngal gyi gnod pa thams cad dang phrad pa rang gi lus kyis nye bar len cing bzod par byed pa dang / dam pa'i chos spong ba'i gang zag sems gtum pa can sdig pa'i las kyis bsgribs pa/ bdud kyi las kyis byin gyis brlabs pa dag las sdug bsngal gyi gnod pa de dag thams cad nye bar len cing bzod par byed pa'i tshe dge ba'i rtsa ba de dag 'di ltar dam pa'i chos shes par bya ba'i phyir yongs su bsngo ste/ dge ba'i rtsa ba 'dis sems can thams cad bde ba'i nan tan gyis mngon par shes pa myur ba dang ldan zhing sdug bsngal dang / mi bde ba yongs su spangs par gyur cig /sems can thams cad bde ba'i rnam pa thams cad rab tu 'thob pa la gnas par sdug bsngal gyi tshor ba thams cad dang bral bar gyur cig /sems can thams cad mig yor lta bu'i bde ba rab tu thob cing sdug bsngal gyi phung po thams cad 'gag par gyur cig /sems can thams cad ye shes kyi spyod pa'i mthar phyin te sdug bsngal gyi btson ra nas phyir log par gyur cig /sems can thams cad sdug bsngal gyi lam rgyud dang 'tshe ba thams cad las phyir log cing bde ba'i lam mthong bar gyur cig /sems can thams cad sdug bsngal thams cad shin </font><hr>Kha284b<br><font size=+1>


tu rnam par chad pas chos kyi dga' ba dang bde ba'i rnam pas shin tu brtan par gyur cig /sems can thams cad phan tshun du zhe mi sdang zhing byams pa rab tu thob pas sdug bsngal las grol bar gyur cig /sems can thams cad 'khor ba thams cad na yod pa'i sdug bsngal rab tu byang zhing sangs rgyas thams cad kyi bde ba'i don mthong bar gyur cig /sems can thams cad sdug bsngal gyi tshor ba thams cad kyis lus la gnod par 'gyur ba med cing 'dra ba med pa'i bde ba rnam par dag pa dang ldan par gyur cig /sems can thams cad sangs rgyas kyi bde ba bsgribs pa med pa'i mthar phyin te bde ba'i khyad par thams cad rab tu thob par gyur cig /ces de ltar byang chub sems dpa' sems dpa' chen po thams cad mkhyen pa'i chos kyi phyir sdug bsngal gyi rnam pa thams cad bzod par byed cing nyams su len pa'i tshe dge ba'i rtsa ba de dag 'gro ba thams cad g.yang sa las bsrung zhing thams cad mkhyen pa'i rnam par thar pa'i bsgribs pa med pa la rab tu dgod pa'i phyir yongs su bsngo'o/ /'di ltar yang byang chub sems dpa' sems dpa' chen po dam pa'i chos btsal ba la shin tu brtson pa/ chos kyi tshig dang yi ge 'khor lngas yang dag par len pa/ 'das pa dang / ma byon pa dang / da ltar byung ba'i sangs rgyas kyi chos yongs su btsal pa dang rjes </font><hr>Kha285a<br><font size=+1>


@#/ /su dran pa la gnas pa/ chos kyi dga' bas spro zhing mos pa'i sems dang ldan pa/ zang zing med pa'i chos rab tu btsal pa la brtson pa/ 'jig rten pa'i rgyal po'i srid dang skyid pa'i ljan ljin thams cad las rnam par 'das pa/ sangs rgyas kyi rgyal srid dang / chos kyi skyid pa la mngon par mos pa/ 'jig rten gyi dga' ba thams cad kyis ma gos pa'i yid la byed pa dang ldan pa/ 'jig rten las 'das pa'i dga' bas sems shin tu spel ba/ 'jig rten gyi skyid pa zang zing dang bral ba'i yid dang ldan pa/ spros pa med pa'i sangs rgyas kyi chos la gnas pa rab tu thob par mngon par zhugs pa des rgya mtsho'i mthar thug pa'i sa chen po grong rdal bye ba khrag khrig brgya stong dang / yul dang yul grub bye ba khrag khrig brgya stong dang / skye bo du mas yongs su gang ba/ bde ba'i rnam pa thams cad dang / skye bos rgyas pa'i khyim gyis gang ba/ bza' shing gi ra ba bye ba khrag khrig brgya stong rtse zhing dga' bar bya ba'i gzhi dang ldan pa/ chu klung yid du 'ong ba sna tshogs dang / grib shing dang / bza' shing mdangs dga' bas shin tu brgyan pa| 'khrug long med cing shin tu bde pa/ gzhan gyi khams shin tu bcom pa/ bdag gi khams la nyams pa med pa/ gser dang / rin po che'i mdzod dang / bang ba bye ba </font><hr>Kha285b<br><font size=+1>


khrag khrig brgya stong gis brgyan pa/ bu dang / bu mo dang / chung ma dang / 'khor sna tshogs dang / chung ma'i 'khor sna tshogs yod pa/ grong khyer bye ba khrag khrig brgya stong dang rgyal po'i pho brang 'khor dang / pho brang chen po yod pa de lta bu'i chos kyi don dang / chos btsal ba'i phyir tshig dang yi ge'i 'bru gcig gi don du yang rgyal po'i srid snying po med pa las snying po bskyed cing chos la dkon pa'i 'du shes rab tu bskyed nas 'gro ba thams cad kyi don du sangs rgyas kyi rnam par thar pa bsgribs pa med pa dang / thams cad mkhyen pa'i lam rnam par dag pa tshol zhing / ji ltar byang chub sems dpa' mthu chen dpal dang / rgyal po khyad par dpal dang / de ma yin pa'i byang chub sems dpa' sems dpa' chen po gzhan dag gis kyang ji ltar spyad par gyur pa de bzhin du yongs su gtang bar bya ba'i tshe sa chen po rgya mtsho'i mthar thug pa yongs su btang ste chos btsal bas yang dag par bsdus pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad lag shin tu che bar gtong ba la mngon par mos shing shin tu yangs pa'i gtong ba dang ldan par gyur cig /sems can thams cad 'gyod pa med par sbyin pa'i bdag por gyur te gtong ba thams cad yongs su gtong bar gyur cig /sems can thams cad lus dang </font><hr>Kha286a<br><font size=+1>


@#/ /srog dang yo byad la mi lta bas chos tshol ba la shin tu brtson par gyur cig /sems can thams cad 'gro ba thams cad kyi the tshom gcod pas tshim par bya ba la brtson zhing chos thob par bya bas shin tu dga' bar gyur cig /sems can thams cad sangs rgyas kyi chos la yid dga' ba rab tu thob cing chos la mngon par dga' bar gyur cig /sems can thams cad sangs rgyas kyi chos tshol ba'i sems chen pos spyod pa dang / byang chub tshad med pa rnyed pas lus dang / srog dang / 'jig rten gyi skyid pa yongs su gtong bar gyur cig /sems can thams cad lus dang srog la mi lta zhing chos kyi dga' ba'i mthar thug pas chos kyi rim gro dang / sri zhu rab tu thob par gyur cig /sems can thams cad sangs rgyas kyi chos shin tu dkon pa/ mnyen pa la brtson zhing sangs rgyas kyi bstan pa yang dag par 'dzin par gyur cig /sems can thams cad byang chub sems dpa'i spyod pa gzhan gyi dring mi 'jog pa'i mthar phyin cing sangs rgyas kyi byang chub snang ba rab tu thob par gyur cig /sems can thams cad rab tu shes pa'i yid kyis the tshom gyi zug rngu dang bral zhing sangs rgyas kyi chos thams cad nges par rtogs pa mang bar gyur cig /ces de ltar byang chub sems dpa' sems dpa' chen po dge ba'i rtsa ba </font><hr>Kha286b<br><font size=+1>


de dag thams cad sems can thams cad kyi don du chos btsal ba dang / chos thams cad kyi don dang / bde ba'i lam gyi ye shes mthong ba yongs su rdzogs par bya ba'i phyir yongs su bsngo'o/ /gzhan yang byang chub sems dpa' chen po chos kyi dbang phyug byed cing srog gcod pa spangs pa la sems can rnams rab tu gzhog pa dang / 'dzam bu'i gling gi grong dang / grong khyer dang / ljongs dang / pho brang 'khor dang / rgyal po'i gnas thams cad kyi shan pa dang / gsad pa'i gnas thams cad rnam par gcod pa dang / rkang gnyis pa dang| rkang bzhi pa dang / ri dwags mang po la mi 'jigs pa'i sbyin pa byed pa dang / ltod pa med pa'i sems kyis byang chub sems dpa'i spyod pa la gnas pa dang / 'khon med pa'i sems kyis rgyal po'i srid thams cad la gnas pa dang / sems can gyi mi bde ba dang sdug bsngal thams cad sel ba dang / 'gro ba thams cad la bde bar byed pa'i sems rin po che bskyed pa dang / 'gro ba thams cad ni/ rin po che dang 'dra ba'i bsam pa rin po che rab tu sgrub pa dang / sdom pa gsum rnam par dag pa la bdag gnas shing gzhan rab tu 'jog pa'i tshe srog gcod pa spangs pa dang / bslab pa lnga la sems can rab tu bzhag pas yang dag par bsdus pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis </font><hr>Kha287a<br><font size=+1>


@#/ /sems can thams cad byang chub sems dpa'i sems so sor thob cing srog gi dbang po gcad du med pa dang / tshe ring zhing shes rab rab tu thob par gyur cig/ sems can thams cad sangs rgyas thams cad la rim gro byed pa'i tshe dang ldan zhing tshe dpag tu med par gyur cig /sems can thams cad gzhan gyi gnod pas srog 'gag par mi 'gyur zhing rga shi med pa'i chos la rab tu brtson par gyur cig /sems can thams cad tshe ji srid du 'dod cing bsam par gnas pa la mkhas shing nad med pa'i lus dang ldan par gyur cig /sems can thams cad phyi ma'i mtha'i bskal pa bye ba brgyar byang chub sems dpa'i spyod pa la gnas shing sems can thams cad yongs su smin par bya ba dang / gdul ba la zhugs te tshe 'gag pa med par gyur cig /sems can thams cad stobs bcu'i dge ba'i rtsa ba yang dag par bsags pa'i 'byung gnas su gyur cig /tshe'i dngos po 'dzin par gyur cig /sems can thams cad tshe'i tshad 'gag pa med pa'i dge ba'i rtsa ba dang smon lam yongs su rdzogs pas dge ba'i rtsa ba'i bsam pa thams cad yongs su rdzogs par gyur cig /sems can thams cad tshe'i tshad zad mi shes pa'i dge ba'i rtsa ba la brtson zhing sangs rgyas thams cad mthong ba dang / mnyes par bya ba'i dus dang </font><hr>Kha287b<br><font size=+1>


mnyam par gyur cig /sems can thams cad 'phags pa'i chos la dga' ba rab tu thob cing srog gi dbang po 'gag pa med pa dang 'phags pa'i skye mched la bslab par bya ba shin tu bslab par gyur cig /sems can thams cad mthu stobs dang brtson 'grus zad mi shes pa rab tu thob ste/ sangs rgyas kyi ye shes kyis dbang sgyur ba la rab tu 'jog pa dang / rga ba dang na ba med pa'i tshe phun sum tshogs par gyur cig /ces de ltar byang chub sems dpa' sems dpa' chen po dge ba'i rtsa ba de dag sems can thams cad kyis de bzhin gshegs pa'i stobs bcu'i ye shes shin tu rdzogs par 'gyur ba'i phyir srog gcod pa spangs pa dang / sdom pa gsum rnam par dag pa la rab tu dgod pa'i phyir yongs su bsngo'o/ /gzhan yang byang chub sems dpa' sems dpa' chen pos byol song gi skye gnas su gyur pa rkang bzhi pa dang / mir gyur pa rnams kyi pho mtshan bcad par gyur cing skyes pa'i rang bzhin dang bral bar gyur ba/ skyes bu'i dngos po gzhig par gyur pa/ nyug rum gyi dngos po la bzhag par gyur ba/ lus la gnod pa shin tu mi bzad par gyur pa mthong ba dang / skyes pa'i dngos po las bzlog par gyur pa pho mo gnyis ka ma yin pa'i skye gnas su bzhag par gyur pa/ sdug bsngal gyi tshor bas </font><hr>Kha288a<br><font size=+1>


@#/ /mnar bar gyur pa/ lus mi bde bas shin tu gzir bar gyur ba/ skyes par tshul gyis dpag pa tsam du gyur pa/ brten pa'i lus 'gag par gyur pa dang / sems can rnams kyi gnod pa'i rnam pa de lta bu dag byang chub sems dpa' sems dpa' chen pos mthong na/ byams pa chen pos sems can rnams yongs su skyob cing snying rje chen po sngon du btang ste/ 'gro ba thams cad la phan 'dogs pas 'dzam bu'i gling gi skyes pa las nyams par 'gyur ba thams cad rnam par zlog go /rab tu rgyun gcod do/ /yongs su skyob bo/ /rnam par chad par byed do/ /chos dang mthun pa'i mdzod dang / bang ba bye ba khrag khrig brgya stong dag kyang gtong zhing tshig 'di skad du brjod de| khyed kyis gang gi phyir sdig pa'i las rnam pa 'di lta bu bya bar gyur pa/ de'i bde ba dang phan pa'i rnam pa thams cad ngas sbyar gyi/ sdig pa'i las kyi rnam pa 'di lta bu dag tshul bzhin ma yin pa la 'jug par sems skyes pas bde ba myong ba'i don du khyed ma byed cig /de ltar pha rol la sdig pa'i las 'di lta bu dag byas shing bdag gis bde ba'i tshor ba myong bar 'gyur ba 'di ni/ gnas ma yin te/ de'i gnas med do/ /'di ltar sdig pa'i rnam pa 'di lta bu la spyod pa 'di ni/ sangs rgyas thams cad kyis smad </font><hr>Kha288b<br><font size=+1>


pa'o| |zhes nas de ma yin pa'i mi dge ba'i chos gzhan dag byed pa mthong na yang rnam par zlog par byed cing / sems can thams cad sbyin pa thams cad yongs su btang bas yang dag par sdud do/ /yo byad thams cad kyis kyang mngon par sdud par byed do/ /'di lta ste/ dben pa'i chos la yid ches par byed pa dang / dge ba'i las shin tu bsags pa dang / mi dge ba'i las phan tshun du byams pa'i sems kyis gcod pa dang / phan tshun du mi gnod cing mi 'tshe ba'i phyir legs par bshad pas kyang shin tu ngom par byed do/ /sems can de dag kyang byang chub sems dpa'i tshig thos nas sdig pa'i las de las ldang ngo / /rnam par ldog go /mi spyod do/ /des de ltar bsgrubs pa'i dge ba'i rtsa ba de dag yongs su bsngo ste| sems can thams cad sangs rgyas kyi mtshan gsang ba sbubs na 'dug pa dang ldan zhing / skyes bu chen po'i mtshan rab tu thob par gyur cig /sems can thams cad brtson 'grus dang / lhag pa'i bsam pa dang / tshangs pa'i spyod pa rnam par dag pas spyod cing skyes bu'i mtshan dang ldan par gyur cig /sems can thams cad chags pa med pa dang dpa' ba'i ye shes la yang dag par gnas pa las phyir mi ldog cing shin tu brtan pas dbang bsgyur ba rab tu thob par gyur cig /sems can thams cad 'dod pa'i </font><hr>Kha289a<br><font size=+1>


@#/ /dga' bas mi ldog mi chags pa'i sems dang ldan par gyur cig /sems can thams cad smad pa med pa thams cad mkhyen par 'byung ba'i ye shes bzang po dang ldan zhing skyes bu dam pa dang ldan par gyur cig /sems can thams cad stobs bcus byung ba'i dge ba'i rtsa ba dang ldan zhing skyes bu chen po'i stobs dang ldan par gyur cig /sems can thams cad rmad du byung ba'i tshogs la gnas pa rab tu thob cing du thams cad skyes bu'i dbang po nyams pa med par gyur cig /sems can thams cad khams gsum thams cad kyi 'dod chags dang bral bas dbang bsgyur zhing byang chub sems dpa'i spyod pa la gnas pa dang / 'dod pa lnga'i yon tan gyi dga' ba la ma chags pa dang grol zhing bcings pa med pa'i sems dang ldan par gyur cig /sems can thams cad 'gro ba kun gyi shes shing yid ches pa'i dul ba dang ldan zhing skyes bu mkhas pa'i dam par gyur cig /sems can thams cad skyes bu'i dam pa sangs rgyas kyi mkhyen pa la zhugs pa'i ye shes dang ldan zhing byang chub sems dpa'i mthu rtsal dang ldan par gyur cig /ces de ltar byang chub sems dpa' sems dpa' chen po skyes bu'i dam pa yongs su srung ba la zhugs pa/ skal ba dang ldan pa/ 'phags pa'i skye </font><hr>Kha289b<br><font size=+1>


gnas su skye ba 'thob pa'i ye shes kyi skye gnas dang / rigs la yang dag par brtson pa skyes bu khyad par du 'phags pa'i tshul shes pas yang dag par spyod pa/ skyes bu'i tshul bdun yang dag par mthong zhing rtogs pa/ skyes bu'i mthu rtsal dam pa dang / skyes bu'i mthu rtsal ma nor ba dang / sangs rgyas kyi bstan pa'i skyes bu'i mthu rtsal dang / dpa' ba'i skyes bu'i mthu rtsal dang / brtan pa'i skyes bu'i mthu rtsal gyis yang dag par bzung ba de/ skyes bu'i dbang po gcad pa med par byas pa dang / skyes bu'i dbang po brtan par byas pas yang dag par bzung ba'i dge ba'i rtsa ba de dag sems can thams cad gang gis de bzhin gshegs pa'i shes rab kyi mthu rtsal yongs su dag pa rab tu 'thob par 'gyur ba dang / mkhyen pa dang ldan pa'i skyes bur 'grub par yongs su bsngo'o/ /gzhan yang byang chub sems dpa' sems dpa' chen po de bzhin gshegs pa mngon par sangs rgyas pa| 'jig rten thams cad du grags par byed pa dang / kye ma sangs rgyas 'jig rten du byung ngo / /kye ma sangs rgyas 'jig rten du byung ngo / /zhes sangs rgyas kyi sgra sgrog cing / sangs rgyas kyi dbyangs kun tu grags par byed pa dang / sems can gyi nga rgyal dang / bag med pa dang / spros pa thams cad rnam par zlog pa dang / sangs rgyas mthong bar sems can </font><hr>Kha290a<br><font size=+1>


@#/ /rnams yang dag par stob pa dang / sangs rgyas rjes su dran pa la sems can rnams rab tu gzhog pa dang / sems can thams cad sangs rgyas la gzhol bar byed pa dang / sangs rgyas dmigs pa la brtson pa'i sems dang ldan pa'i sems can thams cad la rim gro byed pa dang / sangs rgyas rnam par rtog pa sems can rnams la ston pa dang / sangs rgyas rjod pa la sems can rnams yang dag par 'dzud pa dang / bskal pa bye bar yang sangs rgyas bcom ldan 'das skye ba ni/ shin tu dkon no/ /zhes bya ba'i tshig sems can rnams la brjod pa dang / sems can de dag gis kyang de'i phyir sangs rgyas mthong bar 'gyur ba dang / sangs rgyas la rim gro dang zhe sa byed pa dang / dga' ba dang / spro ba skyed pa dang / de bzhin gshegs pa las sangs rgyas thams cad kyi mtshan nyan pa dang / sangs rgyas grangs med pa la shin tu bskyed pa'i dge ba'i rtsa ba gsog pa dang / srog chags bye ba khrag khrig brgya stong grangs med pa'i sangs rgyas kyi gter rnam par sbyong ba dang / srog chags bye ba khrag khrig brgya stong grangs med pa de bzhin gshegs pa rnams kyi drung du yongs su smin par byed pa dang / sems can de dag kyang byang chub sems </font><hr>Kha290b<br><font size=+1>


dpa'i dge ba'i bshes gnyen dam pa rab tu shes pa dang / byang chub sems dpa' la yid ches pas sangs rgyas kyi chos la gnas par 'gyur ba dang / 'jig rten thams cad du bskal pa grangs med par bskyed cing spel ba'i dge ba'i rtsa bas sangs rgyas kyi 'phrin las yang dag par sgrub pa'i che dge ba'i rtsa ba de dag 'di ltar yongs su bsngo ste| dge ba'i rtsa ba 'dis sems can thams cad kyis sangs rgyas thams cad mnyes par byas te mi mnyes par mi byed pa dang / sangs rgyas blta ba dang mi 'bral bar gyur cig /sems can thams cad sangs rgyas thams cad blta ba yid la bya ba dang ma bral zhing sangs rgyas blta bar brtson pa'i yid dang ldan par gyur cig /sems can thams cad sangs rgyas kyi gsung dang chos kyi mdzod yang dag par 'dzin cing ye shes sgom pa shin tu mang bar gyur cig /sems can thams cad chos mnyan pa dang mi 'bral zhing bskal pa thams cad du byang chub sems dpa'i spyod pa la yang dag par gnas pa'i phyir sangs rgyas kyi chos kyi sgra 'byin par gyur cig /sems can thams cad sangs rgyas 'byung ba mthong zhing ye shes yang dag par gzung ba'i phyir dran pa nye bar gzhag par gyur cig /sems can thams cad sangs rgyas yid la bya ba dang / mthong bar </font><hr>Kha291a<br><font size=+1>


@#/ /bya ba'i mthu la brtson zhing yid la bya ba las gzhan med par gyur cig /sems can thams cad nam mkha'i dbyings kun tu sangs rgyas mthong ba'i 'byung gnas la zhugs shing phyogs kun tu sangs rgyas mthong ba rab tu thob par gyur cig /sems can thams cad 'jig rten gyi khams kun tu sangs rgyas byung ba brjod pa la brtson zhing sangs rgyas kyi skus byin gyis brlabs par gyur cig /sems can thams cad mos pa dang / dad pa mi shigs pa dang / snying thag pa'i bsam pas sangs rgyas thams cad 'grogs par gyur te/ dge ba'i bshes gnyen gyis sangs rgyas kyi chos rdzogs par thos par byas par gyur cig /sems can thams cad sangs rgyas skye ba don yod pas 'gro ba thams cad rnam par sbyang ba'i phyir sangs rgyas skye ba thams cad rab tu brjod par gyur cig /ces de ltar byang chub sems dpa' sems dpa' chen po sangs rgyas skye ba brjod pas yang dag par gzung ba'i dge ba'i rtsa ba de dag sems can thams cad kyis sangs rgyas mthong ba dang / mnyes par byed pa dang / mi mnyes par mi byed cing / sangs rgyas kyi chos bla na med pa thams cad yongs su dag pa'i mthar phyin par yongs su bsngo'o/ /gzhan yang byang chub </font><hr>Kha291b<br><font size=+1>


sems dpa' sems dpa' chen pos sangs rgyas bcom ldan 'das rnams kyi pho brang gi longs spyod dam/ byang chub sems dpa' dge ba'i bshes gnyen rnams ci dga' ba'i longs spyod dam/ 'phags pa'i dge 'dun gyi gtsug lag khang gi longs spyod dam/ pha ma gnas pa'i gnas sam/ nyan thos dang rang sangs rgyas sam/ gang zag gi rnam pa spyin pa'i gnas dag gam/ de ma yin pa'i phongs pa dang / bkren pa slong zhing len pa dag gam/ 'khor bzhi phongs pa med par gnas pa'i gnas sam/ de bzhin gshegs pa'i mchod rten brtsigs pa'i gnas sam/ yo byad sna tshogs gzhag pa'i gnas ci 'dod pa'i longs spyod du bya ba'am/ 'jigs pa dang dogs pa med cing dgra dang bral ba/ skyi g.ya' ba med pa'i gnas kyi sa dag 'bul ba'i tshe sa'i sbyin pa yongs su btang bas yul ci 'dod par byin bas yang dag par bzung ba'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad byang chub sems dpa' kun tu bzang po'i spyod pa'i pha rol tu phyin pa thob cing thams cad mkhyen pa'i sa yongs su dag par gyur cig /sems can thams cad sangs rgyas kyi chos thams cad yang dag par 'dzin pa la dran pa'i dbang po rmongs pa med cing sa lta bur red </font><hr>Kha292a<br><font size=+1>


@#/ /par gyur cig /sems can thams cad sangs rgyas kyi bstan pa thams cad srung ba la zhugs shing yang dag par 'dzin par gyur cig /sems can thams cad 'gro ba thams cad la zhe sdang ba med cing dge ba'i rtsa ba rnam par sbyang ba la brtson pas sems sa dang mnyam par gyur cig /sems can thams cad sangs rgyas gcig nas gcig tu brgyud pa thams cad du byang chub sems dpa'i sa thams cad yang dag par sgrub pa la mkhas shing sangs rgyas thams cad kyi rigs yang dag par 'dzin pa la zhugs par gyur cig /sems can thams cad 'gro ba kun yongs su smin par bya ba dang / 'dul ba rnam par dag pa'i lam la zhugs te gnas su red par gyur cig/ sems can thams cad sangs rgyas kyi stobs la rab tu dgod par brtson zhing sangs rgyas lta bur 'gro ba thams cad la phan 'dogs par gyur cig /sems can thams cad sangs rgyas kyi dga' ba bla na med pa la rab tu gzhog pa'i phyir 'gro ba thams cad kyi dga' bar red par gyur cig /sems can thams cad sangs rgyas kyi stobs dang / mi 'jigs pa'i chos kyi 'byung gnas su gyur te rab tu dgod pa la mkhas par gyur cig /sems can thams cad sangs rgyas thams cad kyi chos kyis rnam par rtse zhing yongs su spyod pa </font><hr>Kha292b<br><font size=+1>


thob ste sa lta bu'i ye shes dang ldan par gyur cig /ces de ltar byang chub sems dpa' sems dpa' chen pos sa'i sbyin pa yongs su btang bas yang dag par bzung ba'i dge ba'i rtsa ba de dag ci nas kyang sems can gyi khams thams cad kyis de bzhin gshegs pa'i sa yongs su dag pa thams cad rab tu thob par bya ba'i phyir sems can thams cad la yongs su bsngo'o/ /gzhan yang byang chub sems dpa' sems dpa' chen po sangs rgyas bcom ldan 'das byung ba rnams la rim 'gro'i don du bdag gi bran dang / las byed pa rnams 'bul ba'am| byang chub sems dpa' dge ba'i bshes gnyen sangs rgyas kyi chos thams cad yang dag par spel ba'i brtson pa rnams sam/ 'phags pa'i dge 'dun dkon mchog gam| pha dang / ma dang / slob dpon dang / bla ma'i sbyin pa'i gnas la bran dang / las byed pa'i mi 'bul ba dang / sems can nad pa rnams la rim gro byed pa med pas 'chi bar mi 'gyur bar rim gro bya ba'i phyir bran dang / las byed pa'i mi sbyin pa'am/ de ma yin pa'i sems can g.yog med pa la bran dang / las byed pa'i mi gtong ba'am/ phongs pa dang bkren pa slong zhing len pa gzhan dang gzhan dag la bran dang / las byed pa'i mi gtong ba'am/ de bzhin gshegs pa mya ngan las 'das pa'i sangs rgyas kyi mchod rten </font><hr>Kha293a<br><font size=+1>


@#/ /bsrung ba'i phyir 'bul ba'am/ dam pa'i chos yongs su bsrung ba'i phyir yi ge dang grangs la shin tu bslab pa'i mi bye ba khrag khrig brgya stong mang po 'bul ba byed cing rim gro pa de dag kyang mkhas pa/ tshul shes pa/ cang shes pa/ brtson pa/ le lo med pa/ drang ba/ drang po dang ldan pa/ phan par sems pa/ bde bar sems pa| byams par sems pa/ rim gro byed pa'i ngang tshul can/ 'khon med pa/ gcugs med par yongs su spyod pa/ gzo dang sgyu rtsal sna tshogs dang / grangs la shin tu bslab pa'i shes pa gsal ba can/ rim pa'i tshul shes pa dga' bar byed cing / rim gro byed pa la brtson zhing gtong ba/ byang chub sems dpa'i las las byung ba / yid du 'thad pa/ rim gro byed pa/ sems shin tu dang ba de lta bu'i rim gro ba dag gnas gar 'os pa dang / ci rigs pa dang / phan 'dogs pa de dang de dag la 'bul zhing yongs su gtong ba dang / sbyin pa byed pa'i tshe dge ba'i rtsa ba de dag sems can thams cad la 'di ltar yongs su bsngo ste/ rim gro ba yang dag par btang ba dang ldan pa'i dge ba'i rtsa ba 'dis sems can thams cad sangs rgyas thams cad bsnyen bkur ba dang rim gro bya ba la mkhas shing brtson te cang shes kyi sems dang ldan par gyur cig / </font><hr>Kha293b<br><font size=+1>


sems can thams cad sangs rgyas thams cad kyi bka' yang dag par len cing sangs rgyas thams cad dang mthun pa'i rim gro par gyur cig /sems can thams cad yid la bya ba dang / bsam pa dang / rnam par rtog pa gzhan med cing sangs rgyas thams cad la rtag tu skabs phye bar gyur cig /sems can thams cad dge ba thams cad yang dag par sdud pa la brtson zhing sangs rgyas thams cad kyi rigs las mi nyams pa dang / sangs rgyas kyi rjes su snyegs par gyur cig /sems can thams cad don yod par dus thams cad du 'phrad cing sangs rgyas thams cad la dus dang mthun par rim gro dang bsnyen bkur byed par gyur cig /sems can thams cad yi ge rnam par dag pas mi 'jigs par spyod cing sangs rgyas kyi chos kyi don 'dzin par gyur cig /sems can thams cad sangs rgyas la lus dang srog phul zhing sangs rgyas thams cad la ngom mi shes par lta bar gyur cig /sems can thams cad 'jig rten gyi gnas thams cad yang dag par 'joms pas sangs rgyas thams cad la lta ba dang ldan par gyur cig /sems can thams cad ngo mtshar du 'dzin pa dang / de ma yin pa'i gnas gzhan med cing sangs rgyas thams cad la brten par 'gyur cig /sems can thams cad sangs rgyas kyi chos bla na med pa </font><hr>Kha294a<br><font size=+1>


@#/ /mngon du gyur pa'i sems dang ldan par gyur te sangs rgyas kyi rjes su 'brang bar blo gros dang ldan par gyur cig /ces de ltar byang chub sems dpa' sems dpa' chen po rim gro ba yongs su btang bas yang dag par bsdus pa'i dge ba'i rtsa ba de dag sems can thams cad kyi rdul med cing rdul dang bral ba/ dri ma med pa/ rnyog pa med pa'i sar sangs rgyas kyi chos rnam par dag pa dang / sangs rgyas kyi sku gzhan la rag lus pa med pa'i rten gyi tshul rab tu thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po sems dma' bar byas shing / sa la gding ba'i rdog lam dang 'dra ba'i sems su byas te/ sa dang 'dra bar sdug bsngal thams cad bzod pa/ mi 'gyur ba/ mi skyo ba/ sems can thams cad la rim gro byed pas ngal ba med pa'i yid dang ldan pa/ sems can thams cad kyi sbyin bdag dge ba'i rtsa ba thams cad nye bar stob pa'i sems dang ldan pa/ 'gro ba byams pas nye bar byas pa/ nyams su len cing rna la gzon pa'i ngang tshul can/ dge ba shin tu brtan pa la brtson pa/ yid la byed pa bzang pos gnas pa la brtson pa/ sems can gyi khams thams cad bsnyen bkur ba'i sems kyis bdag nyid rim gro bar 'bul ba'i tshe </font><hr>Kha294b<br><font size=+1>


dge ba'i rtsa ba de dag 'di ltar yongs su bsngo ste/ ci nas kyang sems can thams cad shin tu rim gro byas pa dang / ci nas kyang byang chub sems dpa'i spyod pa rgyun mi 'chad pa dang / ci nas kyang byang chub sems dpa'i don nyams pa med pa dang / ci nas kyang byang chub sems dpa'i lam du legs par zhugs par 'gyur ba dang / ci nas kyang byang chub sems dpa'i mnyam pa nyid khong du chud par 'gyur ba dang / ci nas kyang de bzhin gshegs pa'i rigs su bdag nyid bgrang bar 'gyur ba dang / ci nas kyang byang chub sems dpa'i spyod pa bden pa'i tshig dang 'grogs pa rjes su srung bar 'gyur ba dang / ci nas kyang khams gsum thams cad sangs rgyas kyi chos kyis rnam par dag par 'gyur ba dang / ci nas kyang lhag pa'i bsam pas rtogs par sangs rgyas kyi chos thams cad khong du chud par 'gyur ba dang / ci nas kyang sems can thams cad kyi dge ba'i rtsa ba skyon med cing / rnam par dag par 'gyur ba dang / ci nas kyang sems can thams cad de dag thams cad yon tan chen po la rab tu zhugs te thams cad mkhyen pa'i mthar shin tu thug par 'gyur ba de ltar yongs su bsngo'o/ / de 'di ltar yongs su bsngo ste/ 'di ltar lus kyi rim gro sems can thams cad la yongs su btang ba'i dge ba'i rtsa ba gang bsags pa des sems can thams cad yongs su rtogs </font><hr>Kha295a<br><font size=+1>


@#/ /pa'i chos can/ rab tu 'dzin pa'i chos can/ yang dag par len pa'i chos can/ mi 'khrugs pa'i chos can/ chud mi za ba'i chos can/ mi nyams pa'i chos can/ mi 'bral ba'i chos can/ yid shin tu dul ba'i chos can/ ma dul ba 'dul ba'i chos can/ chos kyis nye bar dul ba'i chos can gyi rim gro pa/ sangs rgyas thams cad la shin tu nye bar sems pa'i sems dang ldan par gyur cig /ces de ltar byang chub sems dpas sangs rgyas thams cad la rim gro'i nan tan du byas te/ sems can de dag thams cad dge ba'i rtsa ba des mchod rten gyi dam par 'gyur ba dang / 'gro ba thams cad bsnyen bkur bar 'os par 'gyur ba dang / sems can thams cad sangs rgyas kyi ye shes rtogs par 'gyur ba'i phyir sbyin pa'i gnas dam par 'gyur ba dang / 'gro ba thams cad la snying brtse ba'i phyir len pa'i dam par 'gyur ba dang / dge ba'i rtsa ba thams cad la 'jug pa'i phyir bsod nams kyi don dam pa dang ldan par 'gyur ba dang / sbyin pa tshad med pa'i phyir sbyin sreg dam pa dang ldan par 'gyur ba dang / khams gsum thams cad na 'byung ba'i dam par 'gyur ba dang / lam ji lta ba bzhin du yang dag par ston pa'i phyir ded dpon dam par 'gyur ba dang / sangs rgyas kyi chos thams cad yang </font><hr>Kha295b<br><font size=+1>


dag par bzung ba'i phyir gzungs kyi dam pa rab tu thob par 'gyur ba dang / nam mkha'i dbyings ltar chags pa med pa'i lam gyi 'byung bas chos kyi dbyings tshad med pa dam par 'gyur ba'i phyir yongs su bsngo ste/ de ltar byang chub sems dpa' sems dpa' chen po bdag rim gro par phul bas/ yang dag par gzung ba'i dge ba'i rtsa ba de dag sems can gyi khams thams cad phyag bya bar 'os pa'i ye shes kyi phung po dang ldan par bya ba'i phyir sems can thams cad la yongs su bsngo'o/ /'di ltar byang chub sems dpa' sems dpa' chen po chos la dga' ba dang / dad pa dang / rab tu dga' zhing dang ba'i sems kyis sangs rgyas bcom ldan 'das rnams la chos dkon mchog bla na med pa la mos pa'i bsam pa dang / sangs rgyas thams cad la phar sems pa'i sems bskyed pa dang / chos bye ba grangs med par tshad med pa'i chos kyi khong du chud cing yang dag par bzung ba dang / shes rab chen po rin po che la yang dag par gzhol ba'i dge ba'i rtsa ba mngon du gyur pa dang / de bzhin gshegs pa'i spyod pa mtha' yas pa rjes su dran pa'i sangs rgyas kyi yul dang / don gyi rjes su 'brang bas de bzhin gshegs pa'i ldem po dag khong du chud pa dang / de bzhin gshegs pa'i chos kyi sprin las sangs rgyas thams cad kyi chos kyi char mngon par bab pa dang / </font><hr>Kha296a<br><font size=+1>


@#/ /rtul phod pas dbang bsgyur ba sems kyi dpa' bas thob pa dang / thams cad mkhyen pa'i theg pa phun sum tshogs pa thams cad mkhyen pa gang zag gi mchog gi sar shin tu bstan pa dang / chos chen po bye ba brgya stong tshad med pas shin tu brtan pa'i dbang pos bdag gi lus 'bul zhing de ltar byang chub sems dpa' sems dpa' chen po chos de lta bu dag nyan pas/ de bzhin gshegs pa la dga' ba tshad med pa rnam par 'phel ba'i sems dang ldan pa/ chos spyod pa la yang dag par gnas pa'i sems can dam pa rang gi the tshom chod pa/ gzhan gyi the tshom gcod pa la rab tu zhugs pa/ rab tu dag pa'i mtshan mas sems ma nyams pa/ dge ba'i rtsa ba thams cad dang / yon tan gyi 'byung gnas rab tu thob pa/ bsam pa tshad med pa'i spyod pa'i rjes su zhugs pa/ sems can thams cad kyi don la brtson pa'i sems dang ldan pa/ rdo rje'i snying po lta bu'i ye shes dam pa'i khyad par khong du chud pa'i sems brtan cing shin tu gnas pa/ sangs rgyas thams cad kyi zhabs kyi drung na gnas shing rnam par dag par byed pa/ de bzhin gshegs pa thams cad kyi zhabs kyi drung na gnas pa las mi 'bral ba de chos kyi rnam pa 'di lta bu dag la rab tu gnas te rang gi lus de bzhin </font><hr>Kha296b<br><font size=+1>


gshegs pa la mngon par 'bul ba'i tshe dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad sangs rgyas thams cad kyi yang dag par bzung ba'i lus dang ldan zhing / mi dma' ba'i lus yongs su rdzogs pa rab tu thob par gyur cig /sems can thams cad sangs rgyas thams cad blta ba dang mi 'bral ba'i rjes su song ba'i sems dang ldan pas sangs rgyas thams cad la nye bar brten cing spyod par gyur cig /sems can thams cad ye shes kyi yon tan dang ldan zhing nyams pa med pa'i lus dang ldan par gyur cig /sems can thams cad sangs rgyas thams cad mnyes par bya ba la brtson zhing mi dmigs pas tshangs pa'i spyad pa spyod par gyur cig /sems can thams cad bdag tu bya ba dang / bdag gir bya ba las gyen du 'phags shing bdag gi med pa'i lus rab tu thob par gyur cig /sems can thams cad lus 'phos pa med par lus yang dag par ston cing sangs rgyas kyi zhing thams cad du lus rnam par bkram par gyur cig /sems can thams cad bdag gi med cing yongs su 'dzin pa med par 'gro bas gzhan la rag las pa med pa'i lus dang ldan par gyur cig /sems can thams cad bla na med pa'i rgyud kyi rigs dang ldan zhing sangs rgyas kyi skur </font><hr>Kha297a<br><font size=+1>


@#/ /mngon par skyes par gyur cig /sems can thams cad bzod pa'i stobs kyis sems la thub pa med cing chos kyi stobs dang ldan pa'i lus can du gyur cig /sems can thams cad de bzhin gshegs pa'i sku rnam par dag pa yongs su rdzogs pas 'dra ba med pa'i lus dang ldan par gyur cig /sems can thams cad dmigs pa med pa'i dbyings su byung bas 'jig rten las 'das pa'i bsod nams kyi lus dang ldan par gyur cig /ces de ltar byang chub sems dpa' sems dpa' chen pos de bzhin gshegs pa la rang gi lus phul bas yang dag par bsdus pa'i dge ba'i rtsa ba de dag ci nas kyang sems can gyi khams thams cad dus gsum gyi de bzhin gshegs pa'i rigs dang rgyud du yang dag par 'grub par 'gyur bar bya ba'i phyir sems can thams cad la yongs su bsngo'o/ /'di ltar yang byang chub sems dpa' sems dpa' chen po sems can thams cad la 'gro ba kun gyi dge ba'i rtsa ba ltar phan 'dogs pas bdag nyid yongs su gtong ba dang / sems can thams cad kyi dge ba'i rtsa ba la yang dag par sems pa dang / mar me lta bur bdag sems can rnams la bsnyen pa dang / bde ba lta bur bdag sems can thams cad la byin gyis rlob pa dang / chos kyi gzhi lta bur </font><hr>Kha297b<br><font size=+1>


bdag 'gro ba thams cad yang dag par 'dzin pa dang / snang ba lta bur bdag sems can thams cad la yongs su gtong ba dang / 'gro ba thams cad mig yor lta bur bdag sems can thams cad la snang bar byed pa dang / dge ba'i rtsa ba'i rgyu lta bur bdag 'gro ba thams cad la ston pa dang / dge ba'i bshes gnyen lta bur bdag sems can thams cad la stob pa dang / lam lta bur bdag sems can thams cad la yang dag par ston pa dang / bla na med pa'i bde ba'i rnam pa rab tu thob pa lta bur bdag sems can thams cad la yongs su sbyong ba dang / nyi ma lta bur bdag 'gro ba thams cad la snyoms pa byed pa dang / de lta bu'i chos dang ldan par bdag sems can thams cad la yongs su gtong ba'i tshe bdag btang bas byung ba'i dge ba'i rtsa ba de dag sems can thams cad la 'di ltar yongs su bsngo ste/ dge ba'i rtsa ba 'dis sems can thams cad sangs rgyas kyi ye shes kyi sar rab tu phyin par gyur cig /sems can thams cad bla na med pa yang dag par rdzogs pa'i byang chub kyi ye shes dang ldan par gyur cig /sems can thams cad de bzhin gshegs pa'i 'khor gyi dkyil 'khor du dul ba thob par gyur cig /sems can thams cad sangs rgyas kyi phyir spyod pa mkhas shing spyod pa phun sum tshogs pa dang ldan par </font><hr>Kha298a<br><font size=+1>


@#/ /gyur cig /sems can thams cad don dang / chos dang / ye shes dang / mngon par shes pa dang ldan zhing mya ngan las 'da' ba'i mthu yod par gyur cig /sems can thams cad de bzhin gshegs pa'i rigs su byung bas rab tu tshim par gyur cig /sems can thams cad de bzhin gshegs pa'i dgongs pa dge bas ma rig pa'i bsam pa spang bar gyur cig /sems can thams cad byang chub kyi shing drung du dge ba'i rtsa ba dang ldan pas shin tu byung bar gyur cig /sems can thams cad 'tshe ba'i sems bskyed pa dang bral zhing nyon mongs pa'i dgra shin tu choms par gyur cig /sems can thams cad sangs rgyas kyi bstan pa yang dag par 'dzin pa'i phyir yongs su srung ba thob par gyur cig /ces de ltar byang chub sems dpa' sems dpa' chen po sems can thams cad la bdag yongs su btang bas yang dag par bsdus pa'i dge ba'i rtsa ba de dag 'gro ba thams cad la phan pa dang / sems can thams cad kyis bla na med pa'i bde ba dang ldan pa thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po sangs rgyas thams cad la drin du gzo ba'i sems bskyed pas sangs rgyas thams cad kyi rim gro bya ba dang / bu ltar bsam pa </font><hr>Kha298b<br><font size=+1>


dang / de bzhin gshegs pa thams cad kyi byang chub tu lhag pa'i bsam pa rnam par sbyang ba dang / sangs rgyas kyi chos thams cad la sems 'di snang zhing dang bar byin gyis brlab pa dang / 'jig rten gyi 'du shes las bdag phyir log par bya ba dang / bdag sangs rgyas kyi rigs su gtogs par bgrang ba dang / bdag sangs rgyas thams cad dang mthun par gzung ba dang / bdag bdud kyi yul las ring du bya ba dang / bdag sangs rgyas kyi yul la mos par bya ba dang / bdag sangs rgyas kyi chos thams cad kyi snod du byin gyis brlab pa dang / de lta bu'i chos la brtson par byed pa'i byang chub sems dpa' sems dpa' chen po sangs rgyas thams cad la rim gro byed pa'i tshe dge ba'i rtsa ba de sems can thams cad la 'di ltar yongs su bsngo ste/ dge ba'i rtsa ba 'dis sems can thams cad thams cad mkhyen pa'i ye shes rin po che'i 'byung gnas su gyur te/ sems nye bar brtan pa rnam par dag pa rab tu thob par gyur cig /sems can thams cad sdig to'i las thams cad la zhe sdang zhing cang shes dang yang dag par 'grogs par gyur cig /sems can thams cad shin tu bzung ba'i chos can du gyur te/ mi byed pa'i g.yog dang ldan par gyur cig /sems can thams cad dbang bskur ba'i byang chub sems dpa'i sa thob ste/ de bzhin gshegs </font><hr>Kha299a<br><font size=+1>


@#/ /pa thams cad kyi slob mar gyur cig /sems can thams cad mi dge ba thams cad las shin tu 'das te sangs rgyas thams cad kyis yongs su bzung bar gyur cig /sems can thams cad byang chub sems dpa'i chos skyon med pa la yang dag par spyod cing sangs rgyas thams cad dang mthun par gyur cig /sems can thams cad thams cad mkhyen pa'i ye shes su lung bstan pa'i phyir sangs rgyas la dmigs pa dang ldan par gyur cig /sems can thams cad sangs rgyas kyi chos thams cad la dbang sgyur zhing sangs rgyas thams cad la rag lus par gyur cig /sems can thams cad len pa med pa'i las mngon par 'du byed cing de bzhin gshegs pa thams cad kyis nye bar bzung bar gyur cig /sems can thams cad ye shes kyi spyod pas sangs rgyas thams cad mnyes par bya ba la brtson zhing sangs rgyas thams cad la bsnyen bkur byed pa'i dam par gyur cig /ces de ltar byang chub sems dpa' sems dpa' chen po de bzhin gshegs pa'i rim gro byed pas yang dag par bzung ba'i dge ba'i rtsa ba de dag sangs rgyas thams cad kyi mngon du gyur pas yongs su bsngo'o/ /'jig rten thams cad yongs su bskyab pa'i sems kyis yongs su bsngo'o/ /khams gsum pa thams cad las 'byung ba'i </font><hr>Kha299b<br><font size=+1>


sems kyis yongs su bsngo'o/ /gnod pa med pa'i rgyud kyis yongs su bsngo'o/ /tshad med pa'i byang chub yangs pa thob pas yongs su bsngo'o/ /sangs rgyas kyi chos kyis snang bar byas pa'i shes pas yongs su bsngo'o/ /sangs rgyas thams cad kyis shin tu bzung bas yongs su bsngo'o/ /de bzhin gshegs pa thams cad kyis byin gyis brlabs pas yongs su bsngo'o/ / sangs rgyas thams cad kyi chos la mos pas yongs su bsngo'o/ /'das pa dang / ma byon pa dang / da ltar byung ba'i sangs rgyas thams cad dang dge ba'i rtsa ba gcig tu byas te yongs su bsngo'o| |ci nas kyang sangs rgyas kyi chos thams cad khong du chud par bya ba'i phyir 'gyod pa med pa'i sems shin tu rdzogs par 'gyur bar dge ba'i rtsa ba de dag yongs su bsngo'o// // bam po sum cu dgu pa/ 'di ltar byang chub sems dpa' sems dpa' chen po yongs su 'dzin pa thams cad las rnam par 'das pa/ rgyal po'i srid la zhen pa'i bsam pa med pa/ ma chags pa'i sems dang ldan pa/ skyid pas ma bcings pa/ rgyal po'i srid la yongs su 'dzin pa med pa/ yongs su gzung ba la mi gnas pa/ ma btang ba gtong ba/ dbang phyug la ma chags pa/ gnod pa med pa'i las dang ldan pa/ sems can thams cad la phan pa dang bde bar sems pa de rgyal po'i srid yongs su gtong ba'i tshe rgyal po'i srid byin pas yang </font><hr>Kha300a<br><font size=+1>


@#/ /dag par bzung ba'i dge ba'i rtsa ba de dag 'di ltar yongs su bsngo ste/ ci nas kyang las kyi rnam par smin pa la ye rdam \ RNGAM?\ pa med pa de ltar dge ba'i rtsa ba de dag yongs su bsngo'o/ /ci nas kyang 'jig rten gyi chos la dga' ba mi skye ba de ltar dge ba'i rtsa ba de dag yongs su bsngo'o/ /ci nas kyang srid par skye mched la mngon par zhen pa med pa de ltar dge ba'i rtsa ba de dag yongs su bsngo'o/ /ci nas kyang 'jig rten gyi khams thams cad kyi gnas la gnas kyi 'du shes mi skyed pa de ltar dge ba'i rtsa ba de dag yongs su bsngo'o/ /ci nas kyang phung po dang / khams dang / skye mched la mngon par zhen pa med pa de ltar dge ba'i rtsa ba de dag yongs su bsngo'o/ /ci nas kyang phyi nang gi chos thams cad du lus la gnas pa'i sems mi skye ba de ltar dge ba'i rtsa ba de dag yongs su bsngo'o/ /ci nas kyang byang chub sems dpa'i spyod pa thams cad la rmongs par mi 'gyur ba de ltar dge ba'i rtsa ba de dag yongs su bsngo'o/ /ci nas kyang dge ba'i bshes gnyen thams cad dang ring du mi 'gyur ba de ltar dge ba'i rtsa ba de dag yongs su bsngo'o/ / ci nas kyang byang chub sems dpa'i spyod pa chen po'i smon lam nyams par mi 'gyur ba de ltar dge ba'i rtsa ba de dag yongs su bsngo'o/ /ci nas kyang dge ba'i bshes gnyen thams </font><hr>Kha300b<br><font size=+1>


cad mngon par mnyes par 'gyur ba de ltar dge ba'i rtsa ba de dag yongs su bsngo'o/ /gzhan yang 'di ltar yongs su bsngo ste/ rgyal po'i srid byin pas yang dag par bsdus pa'i dge ba'i rtsa ba 'dis sems can thams cad chos kyi dbang phyug gi dam pa thob ste chos kyi rgyal po'i srid la dbang bsgyur ba rab tu thob par gyur cig /sems can thams cad rgyal po'i dkrug ma dang / dgra thams cad rab tu gzhom pa'i phyir sangs rgyas kyi rgyal srid rab tu thob par gyur cig /sems can thams cad de bzhin gshegs pa'i ye shes kyi sangs rgyas kyi chos rab tu brjod pa'i phyir sangs rgyas kyi rgyal srid chen po la rab tu gnas par gyur cig /sems can thams cad bla na med pa'i chos kyi 'khor lo thogs pa med pa bskor ba'i phyir sangs rgyas thams cad kyi yul gyi rgyal srid la rab tu gzhol bar gyur cig /sems can thams cad chos kyi dbang phyug sangs rgyas kyi rigs rgyun mi 'chad par yang dag par 'dzin pa'i tshul du de bzhin gshegs pa thams cad kyi dge ba'i rtsa bas mngon par byung bar gyur cig /sems can thams cad byang chub sems dpa' tshad med pa yang dag par bsgrub pa'i phyir srid yangs shing / tshad med pa rjes su skyong bar gyur cig /sems can thams cad sangs rgyas 'byung ba rgyun ma chad pa dang ldan zhing chos kyi dbyings la nges pa'i rgyal srid dang ldan </font><hr>Kha301a<br><font size=+1>


@#/ /par gyur cig /sems can thams cad 'gro ba kun gdul pa la thogs pa med par zhugs pas sangs rgyas kyi zhing thams cad ye shes kyi dbang phyug tu gyur cig /sems can thams cad 'jig rten gyi khams kun gyi sems can theg pa chen po la rab tu gzhog pa'i tshul gyis 'jig rten gyi khams chos kyi dbyings kyis klas pa/ nam mkha'i mthas gtugs pa thams cad du chos kyi sbyin bdag tu gyur cig /sems can thams cad 'das pa dang / ma byon pa dang / da ltar byung ba'i sangs rgyas thams cad dang dge ba'i rtsa ba'i rgyud kyi tshul gcig tu gyur te ltod pa med pa'i rgyal srid rab tu thob par gyur cig /ces de ltar byang chub sems dpa' sems dpa' chen po rgyal po'i srid yongs su btang bas yang dag par bzung ba'i dge ba'i rtsa ba de dag ci nas kyang 'gro ba thams cad du shin tu bde ba dang / legs pa 'byung ba'i phyir sems can thams cad la yongs su bsngo'o/ /'di ltar yang byang chub sems dpa' sems dpa' chen pos sems mi 'khrugs pa dang / byang chub sems dpa'i sems rtse gcig pa dang / smon lam tshad med par byas te snying rje chen po bskyed cing byams pa chen po'i stobs nye bar bzhag ste bsam pa shin tu tshim par byas nas sems can gyi don la bdag rab tu bzhag ste ye </font><hr>Kha301b<br><font size=+1>


shes chen po la shin tu mos par byas nas sangs rgyas kyi chos la mnyam pa'i sems su byas te dge ba'i chos nyid la rnam par dpyod cing thams cad mkhyen pa'i rgyal srid la rab tu gzhol bar sems bskyed pa dang / chos kyi dbang phyug la shin tu brtson pa'i bsam pa dang / ye shes la dbang sgyur ba thob pa'i yid kyi dbang po dang / yon tan thams cad rnam par spyod pa'i rab tu 'jug pa dang / blo brtan pa dang ldan pa'i bsam pa yangs pa dang / tshogs su gyur pa'i dge ba'i rtsa ba thams cad dang / brtsam par skabs phye ba dang ldan pa'i sangs rgyas kyi chos kyi smon lam dang / gzhan la rag las pa med pa'i thams cad mkhyen pa nyid kyi chos dang / shin tu brtan pa'i byang chub tu sems bskyed pa'i stobs dang / brtsams pa thams cad mthar 'byin pa'i byang chub sems dpa' thams cad kyi spyod pa'i smon lam gyis mi dang yul du bcas pa dang / grong khyer dang rgyal po'i pho brang 'khor rgyan thams cad kyis rnam par brgyan pa thams cad gtong bar yongs su btang bas slong ba rnams la yongs su gtong ba'i tshe yul dang mir bcas pa dang / grong khyer dang rgyal po'i pho brang yongs su btang bas yang dag par bsdus pa'i dge ba'i rtsa ba de dag sems can thams cad la 'di ltar yongs su bsngo ste/ yul dang mir bcas pa dang / grong khyer dang rgyal po'i gnas rab </font><hr>Kha302a<br><font size=+1>


@#/ /tu byin pa'i dge ba'i rtsa ba 'dis sems can thams cad kyis 'jig rten gyi khams cad rnam par sbyangs te sangs rgyas thams cad bzhugs shing spyod pa'i phyir sangs rgyas thams cad la 'bul bar gyur cig /sems can thams cad zhi ba'i gnas rab tu thob cing dgon pa shin tu dben pa la mngon par mos par gyur cig /sems can thams cad bla na med pa'i dben pa'i mthar thug par grong dang / grong khyer dang / ljongs dang / khams dang / rgyal po'i gnas la gnas pa med par gyur cig /sems can thams cad 'jig rten gyi smra ba thams cad las rnam par 'das te 'du 'dzi med par gyur cig /sems can thams cad 'gyod pa med pa'i sbyin bdag tu gyur te gtong ba'i sems dang mi 'bral bar gyur cig /sems can thams cad gnas med pa'i bsam pa rab tu thob cing khyim gyi gnas dang rab tu bral bar gyur cig /sems can thams cad gtong ba shin tu gtong ba'i sems dang ldan zhing gtang bar bya ba gtong bar gyur cig /sems can thams cad khyim gyi gnas la chags pa las rnam par 'das te gnas pa chud za ba med par gyur cig /sems can thams cad gnod pa dang / 'tshe ba dang / 'jigs pa thams cad las rnam bar 'das te gtse ba thams cad kyis </font><hr>Kha302b<br><font size=+1>


yongs su gtong bar gyur cig /sems can thams cad sangs rgyas thams cad la sangs rgyas kyi zhing 'bul bas 'jig rten gyi khams thams cad rnam par spyod par gyur cig /ces de ltar byang chub sems dpa' chen po yul dang mir bcas pa dang / grong khyer dang rgyal po'i pho brang 'khor yongs su gtong ba'i tshe dge ba'i rtsa ba de dag sangs rgyas kyi zhing gi gnas yongs su dag par bya ba'i phyir sems can thams cad la yongs su bsngo'o/ /'di ltar yang byang chub sems dpa' sems dpa' chen po g.yog dang 'khor la dga' ba'i mtshan mar mi 'dzin cing ltos pa med pa'i sems dang ldan pa/ 'khor ba thams cad la zhen pa med pa'i rgyud can/ 'dod pa'i dga' ba thams cad kyis sems bcings pa med pa/ gzugs kyi rnam pa thams cad la mngon par ma chags pa'i sems dang ldan pa/ 'dod pa'i dga' ba thams cad la sems mi brkam pa/ 'dod pa'i dga' ba sna tshogs su yongs su spyod pa la rtog pa med par gnas pa/ 'dod pa'i sbyor ba thams cad la chags pa med pa'i sems dang ldan pa/ bud med kyi dga' ba dang / rtsed mo'i dga' ba yongs su spyod pa/ thams cad la mtshan mar mi 'dzin pa/ bud med rin po che'i yan lag dang nying lag thams cad la ma chags pa/ 'jig rten gyi phun sum tshogs pa thams cad las phyir mi ldog </font><hr>Kha303a<br><font size=+1>


@#/ /pas g.yog 'khor dang / chung ma'i 'khor dang rol mor bcas pa/ glu dang / gar dang / rnga dang / rol mo dkrol bar byed cing spyod pa/ bsnyen bkur zhing rim gro bya ba la shin tu mkhas par gyur pa/ gzo dang sgyu rtsal shin tu bslab pa/ 'jig rten pa'i yon tan thams cad dang ldan pa/ dga' bar byed pa yid du 'ong ba'i rim gros rtse bar byed pa/ bkur sti'i tshul la mkhas pa/ rol mo brdung ba'i sgra yid du 'ong ba shin tu phyung ba dang / rol mo dkrol ba dang / glu'i sgra mi mthun pa med pa dang / gar gyis nye bar spyod pa dang ldan pa/ bud med cang shes kyi tshogs kyis kun nas bskor ba bzhin sdug gu dang / cha byad sdug gu'i bu mo rin po che dang ldan pa/ phreng ba dang / spos dang / rgyan gyis rim gror byed pa/ bzhad gad dang / rol mos dga' bar rtse zhing bkur sti rnam pa sna tshogs yid du 'ong ba ston pa'i bud med rin po che 'grogs 'grogs pa dag nyan cing mthun par 'dzin pa/ nges pa'i tshig dga' bar byed cing rim gror byed pa/ rgyan bzang po rab tu mang pos blta na yid du 'ong bar brgyan pas shin tu rnam par dag pa| rol mo brdung ba dang dkrol ba bye ba khrag khrig brgya stong dang ldan pa/ byang chub sems dpa' las kyi dge ba'i rtsa ba dang rgyu mthun par byung ba las shes shing byang chub </font><hr>Kha303b<br><font size=+1>


sems dpa'i dbang gi rjes su 'brang ba/ sems dga' bar byed pa de lta bu g.yog 'khor dang / chung ma'i 'khor dang / rol mor bcas pa shin tu bshes pa/ de dag thams cad yongs su gtong zhing sbyin pa byed pa'i tshe dge ba'i rtsa ba de dag 'gro ba thams cad nas 'byung ba'i sems kyis yongs su bsngo'o/ /sangs rgyas kyi chos la dga' ba rab tu thob pas yongs su bsngo'o/ /snying po blang ba'i sems kyis yongs su bsngo'o/ /ye shes rdo rje'i dbyings mi shigs pa'i sems kyis yongs su bsngo'o/ /de bzhin gshegs pa'i dkyil 'khor rab tu 'thob pas yongs su bsngo'o/ /snying po len par byas te yongs su bsngo'o/ /bla na med pa'i sems dang ldan pas yongs su bsngo'o/ /ye shes kyis khong du chud pa'i chos dang ldan pas yongs su bsngo'o/ /dge ba'i rtsa ba thams cad kyi 'byung gnas su red par byas te yongs su bsngo'o/ /dus gsum gyi sangs rgyas thams cad dang mi 'gal bar byas te yongs su bsngo'o| |de lta bu'i chos la rnam par spyod cing byang chub sems dpa' sems dpa' chen po de bzhin gshegs pa'i rigs dang ldan pa'i rigs kyi rgyud du byung ba/ sangs rgyas kyi rigs rnam par dag pas rab tu skyes ba/ thams cad mkhyen pa'i lam du sems mngon par skyes pa/ byang chub sems dpa'i las dang / ye shes 'byams klas pa la zhugs </font><hr>Kha304a<br><font size=+1>


@#/ /pa| 'jig rten gyi dri ma thams cad rab tu spyod pa/ sbyin pa'i sems dang ldan pa/ yon tan chen po'i dkyil 'khor gyis sbyin pa'i gnas su gyur pa / 'jig rten thams cad kyi gnas dang 'gro ba thams cad kyi rten du gyur ba/ sems can thams cad rnam par dag par bya ba la yang dag par zhugs pa/ dge ba'i rtsa ba thams cad gzung ba la yang dag par brtson pa de 'khor thams cad yongs su btang bas yang dag par bzung ba'i dge ba'i rtsa ba de dag 'di ltar yongs su bsngo ste/ sems can thams cad byang chub sems dpa'i ting nge 'dzin mi 'phrog pa rab tu thob ste ting nge 'dzin tshad med pa'i 'khor gyis bskor bar gyur cig /sems can thams cad sangs rgyas mthong bas spro ba dang dga' ba rab tu thob ste sangs rgyas thams cad kyi ting nge 'dzin gyi rgyan la mnyam par gzhog par gyur cig /sems can thams cad tshad med pa'i ting nge 'dzin gyis rnam par 'phrul pa la gnas shing byang chub sems dpa'i ting nge 'dzin gyis rnam par rtse zhing spyod par gyur cig /sems can thams cad sems la 'khrug pa med cing chos dang mthun pa'i ting nge 'dzin rab tu thob par gyur cig /sems can thams cad ting nge 'dzin thams cad la dbang sgyur zhing byang chub sems dpa'i ting nge 'dzin zab </font><hr>Kha304b<br><font size=+1>


mo rab tu thob par gyur cig /sems can thams cad yang dag par bral ba'i yid rab tu thob ste ting nge 'dzin gyi 'khor dang ldan par gyur cig /sems can thams cad ting nge 'dzin gyi mtshan ma 'dzin pa shin tu thob ste ting nge 'dzin sna tshogs la mkhas par gyur cig /sems can thams cad ting nge 'dzin thams cad sgom pa la gnas shing ting nge 'dzin gyi khyad par shes par gyur cig /sems can thams cad rtag tu rgyun mi 'chad pa'i sems kyis mi gnyis pa'i ting nge 'dzin la yang dag par spyod cing chags pa med cing ting nge 'dzin rab tu thob par gyur cig /ces de ltar byang chub sems dpa' sems dpa' sems dpa' chen po 'khor thams cad yongs su btang bas yang dag par bzung ba'i dge ba'i rtsa ba de dag sems can thams cad kyi 'khor gzhan gyis mi phyed cing rnam par dag pa dang / byang chub sems dpa'i 'khor gyi tshogs rab tu thob par bya ba'i phyir yongs su bsngo'o/ /byang chub tu sems bskyed pa shin tu rnam par dag par 'gyur ba dang / sangs rgyas kyi chos yongs su rdzogs pa rab tu thob par 'gyur ba'i phyir sems can thams cad la yongs su bsngo'o/ /thams cad mkhyen pa'i ye shes khong du chud pa dang / thams cad mkhyen pa'i stobs yongs su rdzogs par 'gyur ba'i phyir sems can thams cad la yongs su bsngo'o/ /skal pa mnyam pa'i sems can </font><hr>Kha305a<br><font size=+1>


@#/ /dang 'grogs pa dang / mthun pa'i g.yog 'khor rab tu 'thob par bya ba'i phyir sems can thams cad la yongs su bsngo'o/ /kha na ma tho ba med pa'i dge ba'i rtsa ba rab tu 'grub pa dang / thams cad mkhyen pa'i bsod nams yongs su rdzogs par 'gyur ba'i phyir sems can thams cad la yongs su bsngo'o/ /sangs rgyas kyi sku rnam par dag pa 'thob pa dang / g.yog nges pa dang ldan par bya ba'i phyir sems can thams cad la yongs su bsngo'o/ /sangs rgyas kyi chos thams cad kyi mdzod shin tu rigs pa la zhugs pas rab tu ston pa dang / tha dad pa yang dag par shes pa gcig nas gcig tu brgyud pa thams cad 'thob par bya ba'i phyir sems can thams cad la yongs su bsngo'o| |'gro ba thams cad kyi dge ba'i rtsa ba las rnam par 'das pa dang / sems can thams cad grogs su 'gyur ba'i dge ba'i rtsa ba yongs su rdzogs par bya ba'i phyir yongs su bsngo'o| |rnam par dag pa'i chos thams cad yongs su rdzogs par 'gyur ba dang / kha na ma tho ba med pa'i las yongs su rdzogs par bya ba'i phyir sems can thams cad la yongs su bsngo'o/ /chos snang ba thams cad kyi rgyan yongs su dag par bya ba dang / sangs rgyas kyi chos thams cad mngon sum du rdzogs par bya ba'i phyir sems can thams cad la </font><hr>Kha305b<br><font size=+1>


yongs su bsngo'o/ /gzhan yang byang chub sems dpa' sems dpa' chen po bu dang bu mo dang chung ma yongs su gtong zhing / ji ltar gzhon nu shin tu sbyang ba dang / rgyal po rgyan thams cad ston pa dang / de ma yin pa'i byang chub sems dpa' sems dpa' chen po gzhan dag kyang thams cad mkhyen pa'i lam la mngon par gnas pa gtong ba dang / yongs su gtong ba thams cad rnam par 'phel bar byed pa/ byang chub sems dpa'i gtong ba'i lam rnam par sbyong ba/ phyis 'gyod pa med par gtong ba'i sems rnam par sbyong ba/ gtong ba rin po che thams cad kyis thams cad mkhyen par sems bskyed pa la mnyam par bzhag pa/ 'gro ba thams cad rnam par dag par byed pa'i lhag pa'i bsam pa rab tu sgrub pa/ lhag pa'i bsam pas dag pa'i byang chub rnam pa thams cad du yongs su rdzogs par byed pa/ byang chub sems dpa'i lam gyis bdag mngon par bskyab par yang dag par lta ba/ sangs rgyas thams cad kyi byang chub tu sems mngon du gyur par byin gyis rlob pa/ de bzhin gshegs pa thams cad kyi rigs la gnas pa'i sems bskyed pa yongs su sgyur ba rnams kyis bu dang bu mo dang chung ma yongs su btang ba de ltar bu dang bu mo dang chung ma de dag bsam pa stobs dang ldan par byas te btang ba dang / bdag de bzhin nyid du mos par byas te sbyin par byed pa dang / bdag </font><hr>Kha306a<br><font size=+1>


@#/ /nyid 'jig rten thams cad kyis ci 'dod par spyad par yang dag par lta ba dang / bdag sems can thams cad la sbyin pa kun gyi 'byung gnas su gyur par byin gyis rlob pa dang / gang gis sems can dma' bar gyur pa de dag gis yongs su rgyas par byed pa dang / de lta bu'i tshul gyis bdag yang dag par 'dzin pa dang mchod rten dam par 'gyur ro/ /zhes 'gro ba thams cad bdag spro bar byed pa dang / thams cad mkhyen pa'i sems nyid 'gro ba thams cad la shin tu sgrub pa dang / bdag 'gro ba thams cad la phan pa'i mu stegs su lta ba dang / bdag 'jig rten thams cad kyi 'babs bde bar rab tu rtogs pa dang / bdag 'gro ba thams cad kyi sbyin bdag tu mos par byed pa dang / bdag ye shes kyi yid dang ldan par byas shing bdag byang chub sems dpa'i spyod pa la rab tu brtson par yang dag par shes pa dang / bdag ji ltar smras pa de ltar byed pa la sbyor ba dang / bdag thams cad mkhyen pa'i go cha bgos par rab tu rtog cing ye shes dang bsod nams kyi zhing tshol ba dang / 'gro ba thams cad la dam bcas pa'i sems rjes su srung ba dang / rab tu nan tan byed pa la bdag shin tu gzhog pa dang / 'gro ba thams cad du snang ba'i ye shes yang dag par skyed pa dang / byang chub sems dpa' thams cad kyi </font><hr>Kha306b<br><font size=+1>


gtong ba'i sems yid la byed pa dang / de bzhin gshegs pa thams cad mngon sum du dmigs par byed pa'i tshe chags pa med pa dang / grol zhing bcings pa med pa'i sems dang ldan na/ sems can thams cad kyi don du ye shes dang bsod nams kyi tshogs bsags pa de dge ba'i rtsa ba de dag 'di ltar yongs su bsngo ste/ bu dang bu mo dang chung ma yongs su btang bas yang dag par bsdus pa'i dge ba'i rtsa ba 'dis sems can thams cad chos thams cad kyis 'jig rten gyi khams rgyas par 'gengs pa'i chos kyi 'khor lo phyir mi ldog pa yang dag par bskor bas sangs rgyas kyi byang chub la 'jog par byed cing bdag gi lus kyi sprul pa rab tu 'gyed par gyur cig /sems can thams cad sangs rgyas kyi zhing thams cad du smon lam gyis 'dong zhing lus la mngon par chags pa med par gyur cig /sems can thams cad kyi chags pa dang khong khro ba spangs shing sdug pa dang mi sdug pa'i sems dang bral bar gyur cig /sems can thams cad sangs rgyas kyi rigs kyi rjes su spyod cing de bzhin gshegs pa'i sras su red par gyur cig /sems can thams cad tha dad pa med pa'i sems kyis byung zhing sangs rgyas thams cad la rab tu 'du shes thob par gyur cig /sems can thams cad sangs rgyas thams cad kyi chos kyi sku las byung ba gsung las </font><hr>Kha307a<br><font size=+1>


@#/ /skyes par gyur te nges par sangs rgyas kyi sras su gyur cig /sems can thams cad de bzhin gshegs pa'i ye shes khong du chud par 'gyur ba'i phyir go skabs rab tu thob par gyur cig /sems can thams cad yang dag par bral ba'i mthar phyin te sangs rgyas kyi byang chub dang ldan par gyur cig /sems can thams cad bla na med pa'i chos gtong ba la brtson zhing sangs rgyas kyi byang chub yang dag par 'god pa dang ldan par gyur te/ sems can thams cad rkyen thams cad kyis zad par mi nus shing shin tu rtogs par gzhag pa'i sems dang ldan par gyur cig /sems can thams cad byang chub kyi shing drung du rnam par mchog thams cad dang ldan pa bla na med pa yang dag par rdzogs pa'i byang chub tu rnam par sangs rgyas te chos las skyes pa dang / chos las byung ba'i bu dang / bu mo dang / chung ma rab tu 'phro bar byed par gyur cig / ces de ltar byang chub sems dpa' sems dpa' chen po bu dang / bu mo dang / chung ma yongs su btang ba las byung ba'i dge ba'i rtsa ba de dag bsgribs pa med pa'i ye shes rab tu 'thob pa dang / khams gsum pa thams cad la chags pa med pa'i rnam par thar pa khong du chud par bya ba'i phyir yongs su bsngo'o/ /'di ltar yang byang chub sems </font><hr>Kha307b<br><font size=+1>


dpa' sems dpa' chen po khyim gyi dngos po la chags par gnas pa'i rnam pa la mos pa med pa/ khyim gyi rnam par rtog pas yongs su rtog pa med pa/ khyim gyi yo byad thams cad yongs su gnyer ba med pa/ khyim gyi chags pa thams cad kyi 'dod par gyur pa med pa/ khyim gyi longs spyod thams cad la ro myong bar lta ba med pa/ khyim gyi longs spyod thams cad khong du chud pa'i sems dang ldan pa/ khyim la mngon par chags pa thams cad las gyen du 'phags pa'i sems dang ldan pa/ khyim dang gnas la brten pa thams cad la mngon bar mos pa med par gyur pa/ khyim dang gnas la brten pa thams cad yud tsam gyi 'du shes kyi byin gyis brlabs pa/ sangs rgyas kyi bstan pa la shin tu 'byung ba'i bsam pa dang ldan pa| byang chub sems dpa'i gnas thams cad la zhugs pa'i sems dang ldan pa/ sangs rgyas kyi chos thams cad kyis brgyan pa'i sems dang ldan pa/ gcig nas gcig tu rjes su 'gyod pa med par gtong ba/ dmigs pa'i dngos po thams cad kyi sgo nas sangs rgyas thams cad kyis yang dag par bsngags pa/ 'gyod pa med par gtong ba'i sems dang ldan pa| khyim yongs su bzung ba shin tu gtang ba la mngon par chags pa med pa'i yid dang ldan pa/ phyogs dang yul thams cad la gnas pa med par gnas pa/ khyim dang gnas </font><hr>Kha308a<br><font size=+1>


@#/ /la chags pas brtson pa med pa/ yongs su bzung ba thams cad sbyin par shin tu btang bas gtong ba/ slong ba thams cad mthong na rab tu dga' ba dang / spyo ba dang / yid dga' ba skye bas slong ba rnams la tshul dang ldan pa'i sems kyis khyim nas khyim gyi yo byad dang rgyan thams cad yongs su gtong ba'i tshe khyim gyi sbyin pa yongs su btang bas yang dag par bsdus pa'i dge ba'i rtsa ba de dag 'di ltar yongs su bsngo ste/ sems can thams cad dkon mchog dam par 'byung ba la mngon par mos shing bu dang bu mo shin tu btang bar gyur cig /sems can thams cad khyim med par rab tu byung zhing khyim las rnam par grol te yang dag par rdzogs pa'i sangs rgyas kyi bstan pa la tshangs pa'i spyad pa spyod par gyur cig /sems can thams cad phyir mi ldog pa'i sems kyis 'jungs pa med par gnas shing thams cad yongs su gtong ba la mngon par mos par gyur cig /sems can thams cad gsog pa med cing chog shes pa la brtson pas khyim gyi chos dang rab tu bral bar gyur cig /sems can thams cad sangs rgyas kyi pho brang dang gnas la yang dag par gnas shing khyim dang gnas la gnas pa med par gyur cig /sems can thams cad kyi bar du gcod pa'i nan tan thams </font><hr>Kha308b<br><font size=+1>


cad 'gags par gyur te sgrib pa'i chos thams cad shin tu spangs par gyur cig /sems can thams cad gos pa med pa'i sems kyi gnas la brten pas ljan ljin med pa'i khyim dang ldan par gyur cig /sems can thams cad khyim na gnas pas mngon par rdzogs par sangs rgyas pa mthong ba'i ye shes dang ldan zhing yongs su smin par bya ba la mkhas par gyur cig /sems can thams cad sangs rgyas thams cad kyi gnas kyi rjes su song ba'i sems kyi ye shes dang ldan zhing khyim gyi gnas rnam par rig pa rab tu mthong bar gyur cig /sems can thams cad khyim gyis sangs rgyas kyi rnam par gcod pa rab tu thob cing sems can thams cad mtha' yas pa sim par byed par gyur cig /ces de ltar byang chub sems dpa' sems dpa' chen po khyim gyi sbyin pa yongs su btang bas yang dag par bsdus pa'i dge ba'i rtsa ba de dag sems can thams cad kyis byang chub sems dpa'i spyod pa dang / smon lam dang / rnam par 'phrul pa sna tshogs rab tu thob par bya ba'i phyir yongs su bsngo'o/ /'di ltar yang byang chub sems dpa' sems dpa' chen po bza' shing gi rab dga' ba dang / rtse ba dang / longs spyod mang po sna tshogs kyi gnas yongs su gtong zhing sbyin pa dang / stob pa dang / bdag sems can thams cad kyi bza' shing gi ra bar gyur pa'o/ /zhes </font><hr>Kha309a<br><font size=+1>


@#/ /yang dag par lta ba dang / bdag chos kyi dga' bar gyur par 'jig rten thams cad la yongs su ston pa dang / bdag sems can thams cad la yid bde ba'i sbyin pa byed par byin gyis rlob pa dang / bdag 'gro ba thams cad du dga' ba mtha' yas pa yang dag par skyed par shin tu ston pa dang / bdag khams gsum thams cad na chos dkar po'i skye ba'i sgor gyur par yang dag par 'dzin pa dang / bdag 'gro ba thams cad kyi sems dga' ba rtag tu skye bar byed par 'jig rten thams cad du gnas par byed pa dang / bdag sems can thams cad la sangs rgyas kyi byang chub stob par smon lam 'debs pa dang / bdag skye rgu thams cad kyi pha dang 'dra bar nan tan byed pa dang / bdag khams gsum thams cad na ye shes kyi 'byung gnas su gyur par rab tu rtog pa dang / bdag sems can gyi khams thams cad na yo byad kyis mi brel bar byed par rab tu gzhog pa dang / bdag smon lam thams cad kyis dge ba'i rtsa ba thams cad ma dang 'dra bar skyed par yang dag par sgrub pa'i tshe dge ba'i rtsa ba de dag sems can thams cad kyi skyon gyis skyo ba med par yongs su bsngo'o/ /sems can thams cad kyi gnod pas 'khrul pa med pa'i sems kyis yongs su bsngo'o/ /'jig rten gyi </font><hr>Kha309b<br><font size=+1>


gnas drin du mi gzo bas yongs su gang bas yongs su yi chad pa med pas yongs su bsngo'o/ /sems can thams cad las 'thob par bya ba la re ba med pas yongs su bsngo'o/ /'jig rten thams cad la smon pa med pa'i sems kyis yongs su bsngo'o/ /'jig rten thams cad kyi sdug bsngal bsal ba'i sems kyis 'gro ba thams cad la yongs su bsngo'o/ /bar snang dang mnyam pa'i sems kyis 'gro ba thams cad gos pa med par bya ba'i phyir yongs su bsngo'o/ /dge ba'i rtsa ba thams cad sngon du 'gro ba'i sems kyis yang dag pa ji lta ba bzhin du rab tu rtog pa'i phyir yongs su bsngo'o/ /sems can thams cad kyi sdug bsngal blang ba'i go cha bgos pa'i sems kyis skye rgu thams cad la yongs su bsngo'o/ /lta ba'i rnam pa thams cad shin tu zlog pa'i byang chub sems dpa'i spyod pa chen po dang smon lam mnyam pa med pa la rab tu brtson pa dang / theg pa chen po'i smon lam gyis skyo ba med par yongs su bsngo ste/ de ltar byang chub sems dpa' sems dpa' chen po bza' shing gi ra ba yongs su btang bas yang dag par bsdus pa'i dge ba'i rtsa ba de dag yongs su bsngo'o/ /de de ltar yid la byed pas rab tu rtog pa'i sems dang ldan par byas shing 'di ltar yang yongs su bsngo ste/ sems can thams cad kyis gong nas gong du ye shes kyi bza' shing gi ra ba rab tu thob ste dge ba'i rtsa </font><hr>Kha310a<br><font size=+1>


@#/ /ba gsar pa dang gsar ba yang dag par 'byung ba dang ldan par gyur cig /sems can thams cad sangs rgyas thams cad la lta zhing bsnyen bkur ba dang rim gro byed pa'i phyir 'khrug pa med pa'i chos can du gyur cig /sems can thams cad sangs rgyas kyi zhing gi bza' shing gi ra ba la dga' ba rab tu thob ste/ chos la rab tu dga' bas dga' bar gyur cig /sems can thams cad mngon par dga' ba'i bza' shing gi ra bar sangs rgyas kyi cho 'phrul yang dag par mthong ba'i phyir dga' ba'i sems dang ldan par gyur cig /sems can thams cad ye shes kyi yul la rnam par rtse zhing spyod pas sangs rgyas kyi dgyes pa dang / rol ba la rab tu brtson par gyur cig / sems can thams cad sangs rgyas kyi zhing dang / de bzhin gshegs pa'i 'khor gyi dkyil 'khor dang / 'dul bar 'dong bas dga' ba dang / rtse ba dang / longs spyod la rab tu brtson par gyur cig /sems can thams cad byang chub sems dpa'i rnam par thar pas phyi ma'i mthar thug pa'i bskal par byang chub sems dpa'i spyod pas yongs su mi skyo ba'i sems kyis gnas pa'i phyir byang chub sems dpa'i rtse ba dang longs spyod dang dga' ba la mos par gyur cig /sems can thams cad sangs rgyas kyi bza' shing gi ra ba </font><hr>Kha310b<br><font size=+1>


sems chen po bskyed pas dga' ba la brten cing chos kyi dbyings thams cad sangs rgyas kyis gang bar chud par gyur cig /sems can thams cad sangs rgyas kyi zhing sna tshogs su sangs rgyas mchod pa dang rim gro bya ba la dga' zhing sangs rgyas kyi zhing thams cad du 'gro ba la brtson par gyur cig /sems can thams cad sangs rgyas kyi zhing thams cad rab tu brgyan par bya ba rnam par dag par 'gyur ba'i phyir dga' zhing mos pa'i sems dang ldan par gyur cig /ces de ltar byang chub sems dpa' sems dpa' chen po bza' shing gi ra ba rtse ba dang / dga' ba dang / longs spyod kyi gnas yongs su gtong ba'i tshe dge ba'i rtsa ba de dag sems can thams cad sangs rgyas thams cad kyi bza' shing gi ra ba la rol ba'i gnas su 'dong zhing sangs rgyas thams cad mthong ba 'grub par 'gyur bar bya ba'i phyir yongs su bsngo'o/ /gzhan yang byang chub sems dpa' sems dpa' chen po mchod sbyin bye ba khrag khrig brgya stong grangs med pa du ma rung ba/ sangs rgyas thams cad kyis bsngags pa/ sems can thams cad la mi 'tshe bar gzhol ba/ 'gro ba thams cad rnam par dag par bya ba la brtson pa| gtan pa med pa'i las kyi lam gsum shin tu dag pa/ ye shes kyis grub pa'i mchod sbyin yo byad grangs med par gsog pa/ dmigs pa bye ba khrag khrig brgya stong grangs </font><hr>Kha311a<br><font size=+1>


@#/ /med pas rnam par dag pa/ sbyin pa rnam pa tha dad pa'i tshul gyis yang dag par bzung ba/ yo byad kyi rnam pa du ma dang ldan pa/ sbyin pa'i tshogs sna tshogs bye ba khrag khrig brgya stong grangs med pa can gyi mchod sbyin du byed pa'i tshe mchod sbyin byas pa'i sbyin pa chen pos yang dag par bzung ba'i dge ba'i rtsa ba de dag byang chub kyi sems dkon pa sbyin pa'i tshogs tshad med pas sems can thams cad rnam par dag par bya ba la zhugs pa/ dge ba brtsams pa/ thog ma dang bar ma dang tha mar rnam par dag pa sna tshogs dang ldan pa/ mos pa bye ba khrag khrig brgya stong gi bsam pa can/ sems can grangs med pa mngon par mgu bar byed pa/ byams pa tshad med pa sgom pa dang / yang dag par spyod pas nye bar gnas pa/ 'gro ba thams cad snying rje chen pos yongs su bskyabs pa shin tu grub pa/ 'das pa dang / ma byon pa dang / da ltar byung ba'i de bzhin gshegs pa mngon par mnyes par byed pa/ sangs rgyas thams cad kyi rigs kyi phyir rjes su 'gyod pa med pas gtong ba'i sems dang ldan pa/ phyis mya ngan du bya ba med par yang dag par spyod pas khyad par rnam par 'phel bar byed pa/ dad pa'i dbang po sems skad cig gis tshad med par rnam bar 'phel bar byed pas gtong ba dang ldan pa de 'di ltar </font><hr>Kha311b<br><font size=+1>


yongs su bsngo ste/ theg pa chen po'i sems bskyed pas grub pa'i mchod sbyin byas pa'i dge ba'i rtsa ba 'dis sems can thams cad gtong ba chen po dang / shin tu gtong ba dang / rab tu gtong ba dang / mchog tu gtong ba dang / gya nom par gtong ba dang / phul du gtong ba dang / bla na med par gtong ba dang / mnyam pa med par gtong ba dang / 'jig rten thams cad las 'phags pa'i gtong ba dang / sangs rgyas thams cad kyis bsngags pa'i chos gtong ba dang ldan zhing sbyin bdag gi dam pa sems can gyi khams thams cad ngan song nas 'don pa/ ye shes kyi lam la rab tu gzhog pa'i smon lam mnyam pa med pa dang ldan pa/ dge ba'i rtsa ba nor ba med pa dang ldan pa/ bdag mnyam pa med pa'i ye shes rjes su sangs rgyas pa dang ldan zhing sems can thams cad zhi ba'i ye shes la rab tu gzhog pa/ mngon par shes pa'i ye shes nyams pa med par 'gro ba thams cad la shin tu mkhas par byas pa/ ye shes kyi sa dang sangs rgyas kyi chos la gzhol ba/ sangs rgyas thams cad kyi rgyan gyi pha rol tu phyin pa dang ldan pa/ sangs rgyas kyi chos thams cad phyir mi ldog pas rgyun chad pa med par gyur te mchod sbyin shin tu byas par gyur cig /sems can thams cad 'gro ba kun la rim gro byed cing bla na med pa'i ye shes kyi mthar thug par rgyun </font><hr>Kha312a<br><font size=+1>


@#/ /chad pa med pas phyir mi ldog pa'i mchod sbyin byed par gyur cig /sems can thams cad tshad med mtha' yas pa'i bsod nams bsags pa'i pha rol tu phyin cing dge ba'i rtsa ba legs par bskyed pa dang ldan par gyur cig /sems can thams cad bsod nams kyi dkyil 'khor gyis chos kyi dbyings tshad med par bla na med par snang ba'i bde ba yongs su gtong zhing sangs rgyas thams cad kyis bsngags par 'gro ba thams cad kyi sbyin bdag tu gyur cig /sems can thams cad sems can gyi khams su snyoms par dge ba'i rtsa bas yang dag par 'dzin pa'i pha rol tu phyin pa thob cing mnyam pa'i sems kyis mchod sbyin byed par gyur cig /sems can thams cad theg pa'i mchog la 'gro ba thams cad rab tu 'god bar brtson zhing mchod sbyin gyi dam pa byed par gyur cig /sems can thams cad dus ma yin pa thams cad las 'das shing dus ma yin pa thams cad la bab pa'i mchod sbyin gyi mthar phyin par 'gro ba thams cad mtshan nyid gcig tu gyur pa'i mchod sbyin byed par gyur cig /sems can thams cad skyes bu dam pa'i mchod sbyin phun sum tshogs pa'i pha rol tu phyin pa dang ldan zhing mchod sbyin legs pa dang ldan par gyur cig /sems can thams cad sangs rgyas thams cad kyis nye </font><hr>Kha312b<br><font size=+1>


bar bstan te thams cad mkhyen pa nyid kyi mthar phyin pa la bkod de mchod sbyin gyi rgyan mtha' las rgyal ba rnam pa sna tshogs kyis mchod sbyin byed par gyur cig /sems can thams cad chos kyi dbyings tshad med par bsod nams kyi mchod sbyin byed pas mtha' dang dbus med pa'i bsod nams bsags pa'i pha rol tu phyin pa yang dag par sgrub cing thams cad mkhyen pa'i rnam par dag pa dang ldan par gyur cig /sems can thams cad smon lam chen pos sems can gyi khams thams cad sgrol zhing de bzhin gshegs pa'i gnas su gzhog pas 'gro ba kun gyi mchod sbyin gyi bdag por gyur cig /ces de ltar byang chub sems dpa' sems dpa' chen pos mchod sbyin byas pa'i bsod nams chen po sbyin pas yang dag par bsdus pa'i dge ba'i rtsa ba de dag ci nas kyang sems can kyi khams thams cad kyis mchod sbyin legs par byas par 'gyur ba dang / mchod sbyin chud mi za bar 'gyur ba dang / sangs rgyas thams cad mngon par mnyes pa'i mchod sbyin dang ldan par 'gyur ba dang / sems can thams cad la zhe sdang med pa'i mig gi mchod sbyin du 'gyur ba dang / 'gro ba thams cad yongs su skyob pa'i mchod sbyin du 'gyur ba dang / thams cad mkhyen pa'i ye shes kyis grub pa'i mchod sbyin byas par 'gyur ba dang / sangs rgyas thams cad blta ba </font><hr>Kha313a<br><font size=+1>


@#/ /dang mi 'bral ba'i mchod sbyin du 'gyur ba dang / cho ga dang shin tu ldan pa'i mchod sbyin du 'gyur ba dang / byang chub sems dpa'i yon tan thams cad kyis yongs su grub pa'i sangs rgyas kyi ye shes kyi mchod sbyin du 'gyur ba dang / sems can thams cad bla na med pa'i mchod sbyin byed cing de bzhin gshegs pa'i mchod sbyin gyi mthar thug par 'gyur bar yongs su bsngo'o/ /gzhan yang byang chub sems dpa' sems dpa' chen po yo byad kyi tshogs dang / dngos po la chags pa med pa'i sems dang ldan pa| mngon par ma chags pa'i sems dang ldan pa/ rnam par smin pa la mi re ba'i sems dang / 'jig rten gyi phun sum tshogs pa thams cad re zhing 'dod pa med pa'i sems dang / skyon med pa'i sems dang / rmongs pa med pa'i sems dang / chos la rtogs pas shin tu btsal ba'i sems dang / sems can thams cad don la gzhag par yongs su bsngo ba'i sems dang / chos thams cad kyi rang bzhin yang dag pa ji lta ba bzhin du rab tu rtogs pa'i sems dang ldan pa/ longs spyod mtha' yas pa rnam pa sna tshogs thams cad la dmigs pa tshad med pa'i rim gro byed pa'i tshul can/ sems can la phan pa rnam pa tha dad pas rnam pa sna tshogs du mar yang dag par spyod pa/ dngos po'i rnam pa tshad </font><hr>Kha313b<br><font size=+1>


med pa brjod du med pa dang / mngon par 'du bya ba'i rkyen mtshan nyid sna tshogs can thams cad sbyin pa'i tshogs la rab tu brtson pa/ gtang bar bya ba mtha' yas pa stob pas gtong ba thams cad yang dag par gtong ba la gzhol ba/ phyi nang gi yul zad mi shes pa'i dmigs pa thams cad shin tu ston pas de dag gtong ba dang / yongs su gtong ba dang / stob pa dang / spyin par byed pa dang / 'bul ba dang / bsam pa'i stobs rnam par 'phel bar byed pa dang / 'gro ba thams cad du yon tan chen po thob pas sems rin po che dang 'grogs pa dang / lan la re ba med par 'gro ba thams cad snying rjes rjes su skyong ba dang / 'gro ba rin po che thams cad kyi bsam pa rin po che shin tu sgrub pa dang / 'das pa dang / ma byon pa dang / da ltar byung ba'i sangs rgyas thams cad dang gcig tu bgrang ba'i dge ba'i rtsa bas thams cad mkhyen pa nyid rnam par 'phel bar byed pa'i tshe yo byad thams cad kyi sbyin pa yongs su btang bas yang dag par bsdus pa'i dge ba'i rtsa ba de dag sems can gyi khams thams cad ma lus par yongs su smin par bya ba dang / 'dul ba gcig nas gcig tu brgyud pa rnam par dag par bya ba'i phyir yongs su bsngo'o/ /zhing thams cad ma lus par gcig nas gcig tu brgyud pa nye ba'i nyon mongs pa med cing rgyan rnam par dag pas rnam par dbye ba dang / rab tu brgyan pa yongs </font><hr>Kha314a<br><font size=+1>


@#/ /su rdzogs par bya ba'i phyir yongs su bsngo'o/ /chos kyi dbyings thams cad ma lus par sems gcig gis rgyas par dgang ba dang / rnam bar dag par bya ba'i phyir yongs su bsngo'o/ /nam mkha'i khams thams cad ma lus pa'i mthar thug par yongs su rgyas par bya ba'i phyir yongs su bsngo'o/ /dus mtha' dang dbus med pa thams cad ma lus pa la 'jug cing thams cad mkhyen pas 'dul bas dus thams cad du chos kyi 'khor lo rab tu bskor ba'i phyir yongs su bsngo'o/ /ye shes kyi byin gyis brlabs thams cad ma lus pa la mkhas pa yang dag par bstan pas 'gro ba thams cad la phan gdags pa'i phyir yongs su bsngo'o/ /sangs rgyas kyi byang chub thams cad ma lus par mngon par 'tshang rgya bar bya bas phyi ma'i mtha'i mur thug pa'i bskal par bstan pa/ 'jig rten gyi khams 'byams klas pa thams cad du rgyun mi 'chad pas sems can kun gyis sangs rgyas kyi chos shes par bya ba'i phyir yongs su bsngo'o/ /bskal pa'i grangs thams cad ma lus pa byang chub sems dpa'i spyod pas rgyas par dgang ba'i phyir yongs su bsngo'o/ /'jig rten gyi khams kyi grangs dang / 'jig rten gyi khams kyi rgyu dang / 'jig rten gyi khams 'byams klas pa kun nas nyon mongs pa dang / rnam par dag pa dang / che ba dang / chung ba dang / phra ba dang / </font><hr>Kha314b<br><font size=+1>


yangs pa dang / snrel zhir rgyu ba dang / spyi'u tshugs su bstan pa dang / rgyan gcig pa dang / rgyan tha dad pa dang / 'jig rten gyi khams sna tshogs su bgrang zhing bstan pa thams cad ma lus par byang chub sems dpa'i spyod pas yongs su rgyas par dgang ba'i phyir yongs su bsngo'o/ /sangs rgyas kyi 'phrin las thams cad ma lus pa la dus gsum du brtson pas sems skad cig re re zhing thams cad mkhyen par gdul ba dang / rab tu dgod par bya ba'i phyir yongs su bsngo ste/ de ltar byang chub sems dpa' sems dpa' chen po sems can gyi khams grangs med pa thams cad gzung bar bya ba'i phyir sangs rgyas kyi lam rgyun mi gcad pa la zhugs pa/ snying rje chen po'i 'gro ba thams cad yongs su skyob cing / byams pa chen po tshad med pa la gnas pa/ byang chub sems dpa'i spyod pa thams cad kyi rjes su slob par zhugs pa/ de bzhin gshegs pa'i gdams ngag thams cad kyi tshul la gnas pa/ sangs rgyas thams cad la dge ba'i rtsa ba rgyun mi 'chad par skyed pa/ dus thams cad du slong ba la skyo ba med par rim gro byed pa'i sems dang ldan pa/ gtang ba thams cad btang bas 'gyod pa med pa'i sems dang ldan pa/ sbyin pa brtsams pa thams cad mkhyen par yongs su bsngo ba la brtson pa des slong ba de dang de dag 'ongs shing yo byad kyi dngos po mtha' yas pa slong ba dang / slong ba </font><hr>Kha315a<br><font size=+1>


@#/ /thams cad kyi bsam pa yongs su rdzogs par byed pa'i byang chub sems dpa'i spyod pa'i dus gzhan dang gzhan du slong ba 'ongs pa dang / slong pa de dang / de dag yul de dang der 'ongs shing / dus gzhan dang gzhan du phyin pa dmigs pa'i dngos po rnam pa tha dad pa slong ba dang / slong ba'i sems can sna tshogs bsam pa mthun pas gdong du blta ba dang / sems can slong ba grangs med par 'dus shing byang chub sems dpas skabs phye ba la gnas pa dang / sbyin pa 'thob pa la sdod pa'i slong ba sna tshogs dang / len pa sna tshogs dang / sems can sna tshogs dang / gang zag gzhan dang / gzhan sems sna tshogs dang ldan pa/ phyogs gzhan dang gzhan nas 'ongs pa'i mi rnam pa tha dad pa gzhan dang gzhan du gyur pa/ skye gnas tha dad pas zin pa/ sbyin pa'i gnas gzhan dang gzhan du gyur pa de lta bu'i slong ba'i tshogs chen po srog chags bye ba khrag khrig brgya stong grangs med pa kun nas 'dus pa mthong na/ slong ba de dag thams cad la sems dga' ba dang / sems dad pa dang / slong ba la byams pa dang / dge ba'i bshes gnyen mthong ba'i 'du shes kyis snying rje chen pos rim gro byed pa'i sems dang / yid rab tu spro ba dang / sems shin tu tshim pa rab tu thob ste phyir ldog pa med pa'i dad pas gtong ba rgyun mi chad </font><hr>Kha315b<br><font size=+1>


par bya ba'i sems dang / skyo ba med cing khyad par du 'phel bar gtong ba'i sems kyis slong ba ji ltar 'ongs pa dang / dngos po ci slong ba de dag yongs su tshim pa dang / yongs su rgyas pa dang / lag gang ba dang / snod gang ba dang / bsam pa gang ba dang / ci 'dod pa'i dngos po thob pa dang / yid bde ba mtha' yas pas rgyas pa dang / dbul ba bor ba dang / nor dang / yo byad thams cad bstud pas brtan pa dang / dngos po yongs su gtang ba thams cad kyis shin tu bsdud pa dang / ci bslangs pa'i dngos po thams cad thob pas yid bde ste sgra che zhing mtho ba 'byin pa dang / ci bde bar 'dong zhing spyod pa dang / bsam pa ji bzhin du shin tu tshim pa dang / nyon mongs pa med par sbyin pa thob pa dang / chad cing dub pa med pa'i sems dang ldan par byed de/ slong ba de dag mthong ba tsam gyis byang chub sems dpa' sems dpa' chen po'i shin tu dga' bar 'gyur gyi/ brgya byin gyi stan la 'dug pas bskal pa bye ba khrag khrig brgya stong du gnas pas ni/ ma yin no/ /rab mtshe ma'i dbang phyug la bskal pa bye ba khrag khrig brgya stong grangs med par gnas pas ma yin no/ /dga' ldan du skyes te skye ba dang / 'chi 'pho ba las rnam par 'das pas ma yin no/ /rab 'phrul dga'i dbang phyug la bskal pa grangs med par bde ba'i rnam pa thob pas ma yin no/ /dbang bsgyur ba'i dbang gis bskal pa </font><hr>Kha316a<br><font size=+1>


@#/ /bsam gyis mi khyab par yid du 'ong ba'i bud med kyi bde ba la gnas pas ma yin no/ /tshangs pa'i stan la gnas pas bskal pa brjod du med par tshangs pa'i bde ba la spyod pas ma yin no/ /mir gyur te 'khor los bsgyur ba'i srid stong gsum gyi mthar thug pa'i bde ba'i rnam pas bskal pa sa mtshams med cing tshad med par dga' ba dang / rtse ba dang / longs spyod thob par gyur pas ni/ ma yin no/ /dge rgyas kyi lha'i bde ba la bskal pa mtshungs pa med par bde ba'i rnam pa zad mi shes pa dang 'grogs pas ma yin no/ /gtsang ma'i gnas na gnas pas bskal pa mu med par bde ba dang 'grogs par gyur pas ma yin te/ de ltar byang chub sems dpa' sems dpa' chen po slong ba sna tshogs mthong na dga' bar 'gyur ro/ /spro ba skye'o/ /mos pa 'byung ngo / /rab tu dga' ba 'grub bo/ /dad pa 'phel lo/ /bsam pa 'byung ngo / /dbang po las su rung bar 'gyur ro/ /dga' ba'i sems yongs su rdzogs par 'gyur ro/ /mos pa chen pos bskyed pa'i sems kyi shugs rnam par 'phel lo/ /sangs rgyas kyi byang chub rtsa ba brtan zhing rnam par 'phel bar 'gyur ro/ /de dge ba'i rtsa ba de dag slong ba de dag dang sems can thams cad la phan pa'i phyir yongs su bsngo'o/ /bde ba'i phyir yongs su bsngo'o/ /don gyi </font><hr>Kha316b<br><font size=+1>


phyir yongs su bsngo'o/ /rnam par dag pa'i phyir yongs su bsngo'o/ /byang chub kyi phyir yongs su bsngo'o/ /mnyam pa nyid kyi phyir yongs su bsngo'o/ /yid bzang po'i 'byung gnas su 'gyur ba'i phyir yongs su bsngo'o/ /theg pa chen po'i bzang pa nyid kyi phyir yongs su bsngo'o/ /brtsams pa bzang po thams cad shes pa dang / 'byor bar bya ba'i phyir yongs su bsngo'o/ /byang chub sems dpa' kun tu bzang po'i spyod pa dang / smon lam yongs su rdzogs pas stobs bcu'i ye shes mngon par 'tshang rgya bar bya ba'i phyir yongs su bsngo'o/ /de yang sems chags pa med pa dang / grol zhing bcings pa med pa'i lus kyi las kyi phyir yongs su bsngo'o/ /sems chags pa med pa dang / grol zhing bcings pa med pa'i ngag gi las kyi phyir yongs su bsngo'o/ /sems chags pa med pa dang / grol zhing bcings pa med pa'i yid kyi las kyi phyir yongs su bsngo'o/ /de yang sems can gyi 'du shes kyis yongs su bsngo ba ma yin| gzhung de bzhin du srog gi 'du shes kyis ma yin/ gang zag gi 'du shes kyis ma yin/ shed las skyes pa'i 'du shes kyis ma yin/ shed bdag gi 'du shes kyis ma yin| skye ba po'i 'du shes kyis ma yin/ byed pa po'i 'du shes kyis ma yin no/ /tshor ba po'i 'du shes kyis ma yin/ yod pa dang med pa'i 'du shes kyis yongs su bsngo ba ma </font><hr>Kha317a<br><font size=+1>


@#/ /yin| 'jig rten 'di'i 'du shes kyis ma yin/ 'jig rten pha rol gyi 'du shes kyis ma yin/ shi 'pho ba'i 'du shes kyis ma yin/ skye ba'i 'du shes kyis ma yin/ rtag pa'i 'du shes kyis ma yin/ mi rtag pa'i 'du shes kyis ma yin/ sred pa'i 'du shes kyis ma yin/ sred pa med pa'i 'du shes kyis ma yin/ 'du shes med pas yongs su bsngo ba ma yin/ 'du shes med pa ma yin pas yongs su bsngo ba ma yin te/ de la chags pa med pa'i sems kyis yongs su bsngo'o/ /bcings pa med pa'i sems kyis yongs su bsngo'o/ /grol ba med pa'i sems kyis yongs su bsngo ste/ de ni/ las yongs su mi bsngo'o/ /rnam par smin pa yongs su mi bsngo'o/ /rtog pa yongs su mi bsngo'o/ /rnam par rtog pa yongs su mi bsngo'o/ /sems pa yongs su mi bsngo'o/ /bsam pa yongs su mi bsngo'o/ /sems yongs su mi bsngo'o/ /sems med pa yongs su mi bsngo'o/ /de de ltar yongs su bsngo ba'i tshe nang la mngon par chags pa med do/ /phyi rol la mngon par chags pa med do/ /rkyen la mngon par chags pa med do/ / dmigs pa la mngon par chags pa med do/ /rgyu la mngon par chags pa med do/ /rgyu 'dus pa la mngon par chags pa med do/ /chos la mngon par chags pa med do/ / </font><hr>Kha317b<br><font size=+1>


chos nyid la mngon par chags pa med do/ /sems pa la mngon par chags pa med do/ /bsam pa la mngon par chags pa med do/ /de de ltar yongs su bsngo ba'i tshe gzugs la mngon par chags pa med do/ /gzugs nye bar len pa la chags pa med do/ /gzugs 'gog pa la chags pa med do/ /tshor ba la chags pa med do/ /tshor ba nye bar len pa la chags pa med do/ /tshor ba 'gog pa la chags pa med do/ /'du shes la chags pa med do/ /'du shes nye bar len pa la chags pa med do/ /'du shes 'gog pa la chags pa med do| |'du byed la chags pa med do/ /'du byed nye bar len pa la chags pa med do/ /'du byed 'gog pa la chags pa med do/ /rnam par shes pa la chags pa med do/ /rnam par shes pa nye bar len pa la chags pa med do/ /rnam par shes pa 'gog pa la chags pa med do/ /gang de lta bu'i chos la chags pa med pa de ni/ gzugs la bcings pa med do/ /gzugs kyi skye ba la bcings pa med do/ /gzugs kyi 'gag pa la bcings pa med do/ /tshor ba la bcings pa med do/ /tshor ba'i skye ba la bcings pa med do/ /tshor ba'i 'gag pa la bcings pa med do/ /'du shes la bcings pa med do/ /'du shes kyi skye ba la bcings pa med do/ /'du shes kyi 'gag pa la bcings pa med do/ /'du byed la bcings pa med do/ /'du byed kyi </font><hr>Kha318a<br><font size=+1>


@#/ /skye ba la bcings pa med do/ /'du byed kyi 'gag pa la bcings pa med do/ /rnam par shes pa la bcings pa med do/ /rnam par shes pa'i skye ba la bcings pa med do| |rnam par shes pa'i 'gag pa la bcings pa med do/ /gang chos de dag la bcings pa med pa de ni/ chos thams cad la chags pa med pa ste/ de ci'i phyir zhe na/ chos gang la 'dzin pa'am/ chos gang la chos kyis chags par 'gyur ba'i chos de lta bu skyes pa'am/ skye ba'am/ skye bar 'gyur ba gang yang med do/ /de yang 'di ltar chos thams cad ni| 'du shes dang bral ba'i ngo bo nyid kyis dngos po med pa'i rang bzhin te/ gcig ma yin no/ /gnyis ma yin no/ /mang po ma yin no/ /tshad med pa ma yin no/ /chung du ma yin no| |nyung du ma yin no/ /dma' ba ma yin no/ /yangs pa ma yin no/ /zab pa ma yin no/ /gsal ba ma yin no/ /zhi ba ma yin no/ /spros pa ma yin no/ /gnas ma yin no/ / gnas med pa ma yin no/ /chos ma yin no/ /chos med pa ma yin no/ /bsgoms pa ma yin no/ /bsgoms pa med pa ma yin no/ /yod pa ma yin no/ /med pa ma yin no/ /de de ltar chos med pa'i tshul gyis chos rnams la rnam par lta ste/ chos kyi tshig gi lam la gnas pas chos ma yin zhes bya bar yang dag par rjes su mi mthong ngo / /de las kyi </font><hr>Kha318b<br><font size=+1>


lam yang rgyun gcod par mi byed do/ /byang chub sems dpa'i spyod pa yang rnam par thogs par mi byed do/ /thams cad mkhyen pa nyid las kyang phyir mi ldog go /rten pa'i las sgyu ma lta bur yang rab tu shes so/ /chos sgra brnyan dang 'dra ba yang 'jig par mi byed do/ /sems cad du snang bas kyang rlom sems su mi byed do/ /chos thams cad sgyu ma dang mnyam par yang yang dag pa ji lta ba bzhin du shes te/ las rnams kyi rgyu'i mthu dang yang 'gal bar mi byed do/ /las la gzhol bar yang rab tu 'jug ste/ chos rnams mngon par 'du bya ba med pa yang dag pa ji lta ba bzhin du rab tu shes te/ mngon par 'du bya ba med pa'i lam yang rgyun mi gcod do/ /de dge ba'i rtsa ba de dag 'di ltar yongs su bsngo ste/ gang gi phyir thams cad mkhyen pa nyid yul med cing / thams cad mkhyen pa nyid kun tu 'gro bas thams cad mkhyen pa nyid thams cad du yongs su bsngo zhing thams cad las ldog par mi byed do/ /ci'i phyir yongs su bsngo ba zhes bya zhe na/ 'di ni/ 'jig rten las pha rol tu gyur pas na/ de'i phyir pha rol ces bya'o/ /phung po las gzhan du 'gyur bar byed pas ni/ de'i phyir yongs su bsngo ba zhes bya'o/ /tshig gi lam las gzhan du gyur pas na/ de'i phyir yongs su bsngo ba zhes bya'o/ /sems can gyi 'du shes sna tshogs las pha rol tu gyur pas na/ de'i phyir yongs su </font><hr>Kha319a<br><font size=+1>


@#/ /bsngo ba zhes bya'o/ /'jig tshogs mang po las gzhan du gyur bas na/ de'i phyir yongs su bsngo ba zhes bya'o/ /mngon par 'du byed pa las gzhan du gyur pas na| de'i phyir yongs su bsngo ba zhes bya'o/ /srid pa las gzhan du gyur pas na/ de'i phyir yongs su bsngo ba zhes bya'o/ /nye bar len pa las gzhan du gyur pas na/ de'i phyir yongs su bsngo ba zhes bya'o/ /'jig rten gyi chos las gzhan du gyur pas na/ de'i phyir yongs su bsngo ba zhes bya'o/ /de de ltar yongs su bsngo bas sangs rgyas kyi rjes su song ba yin/ chos kyi rjes su song ba yin/ ye shes kyi rjes su song ba yin/ byang chub kyi rjes su song ba yin/ don gyi rjes su song ba yin/ yongs su bsngo ba'i rjes su song ba yin/ spyod yul gyi rjes su song ba yin/ spyod pa'i rjes su song ba yin/ rang bzhin gyi rjes su song ba yin/ rnam par dag pa'i rjes su song ba yin te/ de de ltar yongs su bsngo bas chos shes par bya ba thams cad khong du chud par byed pa yin/ sangs rgyas thams cad mnyas par bya ba yang yongs su rdzogs par byed de/ sangs rgyas gang yang thugs 'byung bar byas pa med pa yin/ chos gang la yang mi mthun par byas pa med pa yin/ chos gang yang chud gzan pa med pa yin/ chos gang dang 'gal bar </font><hr>Kha319b<br><font size=+1>


byed pa med pa yin/ chos dngos po gang yang nyams par byed pa med pa yin/ chos gang yang bor ba med pa yin/ rgyu gang yang bshig pa med pa yin/ rkyen gang yang phyi nang gi chos thams cad dang 'gal bar byas pa med pa yin/ las kyi 'bras bu yang rgyun gcod par mi byed de/ kye rgyal ba'i sras dag /'di ni/ byang chub sems dpa' sems dpa' chen po rnams kyi yongs su bsngo ba drug pa dge ba'i rtsa ba thams cad dang mnyam pa nyid kyi rjes su song ba zhes bya ba ste/ yongs su bsngo ba des yongs su bsngo ba'i byang chub sems dpa' sems dpa' chen po ni/ sangs rgyas tshad med pas byin gyis brlabs pa yin no/ /snying po thob pa yin no/ /chos nyid thob pa yin no/ /thams cad mkhyen pa la brtson pa yin no/ /don gyi chos dang ldan pa yin no/ /chos thams cad kyi rang bzhin gyi rjes su song ba yin no/ /dge ba'i rtsa ba dam pa thams cad kyi rjes su song ba yin no/ /smon lam chen po yongs su rdzogs par bya ba'i rjes su song ba yin no/ /rdo rje ltar mi shigs pa'i snying po'i rjes su song ba yin no/ /chos thams cad kyi dbang phyug la dbang sgyur ba rab tu thob pa dam pa'i rjes su song ba yin no// // bam po bzhi bcu pa/ de nas byang chub sems dpa' sems dpa' chen po rdo rje rgyal mtshan gyis phyogs bcur rnam par bltas te 'khor thams cad la bltas nas chos kyi dbyings la lta </font><hr>Kha320a<br><font size=+1>


@#/ /pa dang / don dang / yi ge dang / tshig la 'jug pa dang / sems mtha' dang dbus med par yangs pa yongs su sgom pa dang / 'gro ba thams cad snying rje chen pos rgyas par bya ba dang / dus gsum gyi sangs rgyas thams cad kyi rigs kyi sems yang dag par 'brel bar bya ba dang / yon tan thams cad la 'jug pa dang / sangs rgyas thams cad kyis byin gyis brlabs pa'i lus su yang dag par shes par bya ba dang / sems can thams cad kyi bsam pa rab tu dbye ba dang / dge ba'i rtsa ba ji ltar bskyed pa thob pa yang dag par mthong ba dang / chos kyi lus kyi rjes su song ba'i gzugs kyi lus yongs su dag pa yang dag par ston pa dag byed cing / sangs rgyas kyi byin gyi rlabs kyis de'i tshe tshigs su bcad pa 'di dag smras so/ /de dag rgyal po'i rigs dang ldan gyur cing / /'gro ba kun na rgyal po gang yod pa/ /de dag zil gnon rgyal po 'gro ba'i mchog/ phan pa'i don du rgyal po mthu chen 'gyur/ /de dag dang ba'i yid du rab gyur cing / /'gro ba kun la dbang sgyur rab thob ste/ /chos dang ldan par chos kyis rgyal srid skyong / /'gro ba rnams kyi bde ba rab tu skyed/ /de dag rgyal po'i rigs rgyud rnam dag pas/ /chos dang ldan par chos kyi 'khor lo bskor/ /de dag 'khrug med rgyal srid skyong ba byed/ /phyogs </font><hr>Kha320b<br><font size=+1>


rnams kun nas 'khor lo phyir mi ldog /de dag yon tan gzugs dang rab tu ldan/ /mkhas pa'i blo dang shes rab ye shes ldan/ /de dag zil gnon mthu la ldog pa med/ /bdud kyi dkrug ma thams cad rab tu 'joms/ /de dag tshul khrims rnam par dag pa ste/ /bzod pa'i stobs la sdom pa'i sems kyis gnas/ /'khon 'dzin khro ba rnam dag yid bsal bas| |rgyal ba rnams kyi chos 'dir rtag tu brtson/ /de dag zas dang skom dag sbyin byed cing / /bzhon dang phreng ba gos dang spos mang dang / /mal dang byug pa rgyab rten mar me dag /rnam pa mtha' yas ji snyed gtong byed cing / /phan pa'i sems kyis de dag sbyin byed tshe/ /de la shin tu dad pa'i sems bsgyur cing / /bsam pa dag pas dga' ba yongs bskyed de/ /'jig rten bla ma dag la sbyin pa byed/ /de dag dngos po thams cad gtong byed cing / /phyi dang nang dang gang rnams ji snyed ba/ /kun kyang dang ba'i yid kyis rab tu gtong / /yid la zhum par byed pa gang yang med/ /mgo yang gtong zhing mig kyang rab tu gtong / /lag pa gtong zhing de bzhin rkang pa gtong / /sha dag gtong zhing de bzhin rkang yang gtong / /thams cad lus kyang mi dga' med par gtong / /de dag dbang phyug shin tu yangs gyur cing / /rigs dang dus ldan 'gro ba mi yi rje/ /kha nas lce yangs shin tu brkyangs byas shing / /slong ba rnams la ma </font><hr>Kha321a<br><font size=+1>


@#/ /dga' med par gtong / /de dag dbang phyug shin tu yangs gyur cing / /slong ba rnams la lce sbyin byas nas kyang / /'di na 'gro ba yod pa ma lus kun/ /rgyal ba'i ljags yangs ji bzhin thob 'gyur bsngo/ /rab tu spro byas bu yang sbyin par byed/ /mi dga' med byas chung ma sbyin par byed/ /rab tu dga' byas rgyal srid sbyin par byed/ /bdag kyang gzhan gyi bran du sbyin par byed/ /ci 'dod gtong zhing thams cad gtong ba byed/ /mi skyor gtong zhing dus su gtong bar byed/ /ci 'dra'i dngos po bslangs par gyur pa rnams/ / thams cad bsam pa bzhin du rab tu gtong / /chos kyi don du bdag kyang gtong bar byed/ /byang chub don du dka' ba rab tu spyod/ /sems can don du thams cad bzod par byed/ ye shes don du phyir ldog mi 'gyur ro/ /rgyal ba rnams las chos rnams mnyan byas shing / /mngon par g.yog phyir 'bul bar byed pa'i tshe/ /'gro ba thams cad yongs su bskyab sems kyis/ /rgyal ba rnams la dga' ba yangs pa skyed/ /mi yi gtso bo 'dren pa mthong nas kyang / /byams ldan phan pa'i sems kyis rim gro byed/ /dga' bar byed pa'i yid dang ldan gyur cing / /snod du gyur te chos rnams len par byed/ /ci nas 'jig rten 'di dag bder 'gyur zhing / /ci nas thams cad bskyabs par 'gyur ba dang / /ci nas 'gro </font><hr>Kha321b<br><font size=+1>


ba thams cad 'grol 'gyur bar/ /de dag 'gro ba kun la yongs su bsngo/ /gzugs mdzes bzhin sdug dag snyan ldan ba dag /me tog gdugs btags spos zhim bskus pa rnams/ / phreng ba lhab lhub rgyan dang ldan pa yi/ /'khor dang ldan par de dag rab gyur cing / /mkhas shing shes pa'i g.yog 'khor de dag kyang / /phan par sems pa'i yid kyis gtong ba'i tshe/ / ltos shing re ba'i sems kyang mi 'byung bar/ /sems can phan phyir byang chub rab tu tshol/ /dge ba de la rjes su sems byed cing / /sna tshogs yangs shing rgya che snrel zhi la/ /'gro ba kun la brtan pa yongs su bsngo/ /las la gnas su byed pa gang yang med/ /de dag rgyal srid yangs pa sbyin par byed/ /yul dang mir bcas grong khyer dam pa dang / /rgyal po'i pho brang gnas su gyur pa dang / /khyim dang bza' shing rab sbyin par byed/ /bskal pa brgyar yang sus kyang ma byin pa'i/ /sbyin pa 'jig rten mi yi gtso la dbul/ /'jig rten rnams kyi pha rol byin byas shing / /'gro ba kun la pha rol ston par byed/ /de dag phyogs bcu'i slong ba mang po dag /rnam pa sna tshogs mthong bar gyur nas kyang / /slong ba thams cad shin tu mgur byas shing / /shin tu dgar 'gyur de bzhin spro bar byed/ /dus gsum rgyal ba kun gyis cir bsngos pa/ /skyes bu 'dul ba de dag spyod yul la/ /rab tu bslab ste pha rol phyin byas </font><hr>Kha322a<br><font size=+1>


@#/ /shing / /de dag las de yongs su bsngo bar byed/ /chos rnams 'di las kye ma su zhig zhugs/ /gang la zhugs gyur ji ltar zhugs gyur ces/ /de dag chos dngos 'di la rnam lta yang / /sbyin pa'i sems la rnam par thogs pa med/ /chos rnams gang la chos kyis chags med par/ /ye shes tshul shes de dag yongs su bsngo/ /chos kyi tshul la de dag yongs su bsngo/ /don gyi tshul shes de dag yongs su bsngo/ /las la nam yang rnam par rtog pa med/ /rnam par smin la'ang gnas par mi byed de/ /byang chub rten par rab tu des shes kyang / /chos nyid dbyings las 'gal bar mi byed do/ /lus la chags par de dag mi byed de/ /sems la'ang de dag gnas par mi byed do/ /las kyis de dag blo 'jug mi byed do/ /las kyis ye shes rten la'ang 'jug mi byed/ /'das pa'i chos la rtog par mi byed de/ /ma 'ongs chos la'ang blo ni gtong mi byed/ /da ltar yod la'ang gnas par mi byed de/ /dus gsum kun las rnam par dpen par skyes/ /de dag gzugs kyi pha rol phyin gyur cing / /tshor ba 'du shes 'du byed yid rnams dang / /'jig rten kun gyi pha rol phyin gyur te/ /dag pa de dag dma' ba'i yid mi 'gyur/ /phung po rnams dang khams la yongs btsal cing / /skye mched de bzhin lus kyi rnam pa dang / /sems </font><hr>Kha322b<br><font size=+1>


kyi rnam pa ma lus rnam gzhigs kyang / /byang chub dngos su gang yang mi rnyed do/ /rtag la nam yang chags par mi byed de/ /chad pa la yang de dag sems mi 'jug /chos nyid yod dang med pa ma yin te/ /gcig nas gcig brgyud las kyang ma lus shes/ /sems kyi rgyu yis byang chub thob mi byed/ /chos nyid la yang de dag mi gnas te/ /zhing la'ang de dag gnas pa ma yin no/ /dus gsum chos rnams kun kyang yod pa min/ /de ltar spyod pa chos 'di kun rtog cing / /ji ltar rgyal ba kun gyis brtag mdzad pa/ /de ltar des btsal nam yang rnyed pa med| |spyod pa rnams la mi shes rmongs pa med/ /bya ba'i lam dang 'gal bar mi byed cing / /las kyi lam rnams yongs su rjod byed pas/ /sems can lam rnams yongs su spyod byed cing / /rgyur bcas rkyen dang bcas par de la rtog /ye shes mkhas pas gang rnams rjod mdzad pa'i/ /mkhas pa'i lam la de dag spyod byed cing / /don gyi tshul la rjes su sems byed pas| |byang chub tshul ni mi yi gtso bos rtogs/ /chos rnams skye med 'jig pa med pa ste/ /'gro ba kun du gang yang 'pho ba med/ /chos rnams skye dang shi 'pho med par yang / /rgyal ba'i chos kyi tshul rnams rab tu rtogs/ /chos rnams gang gi rang bzhin rnam shes pa/ /de ni rang bzhin dngos yod mi rtog ste/ /dngos med rtog med de dag rab tu shes/ /bde gshegs </font><hr>Kha323a<br><font size=+1>


@#/ /ye shes de dag rnam par mthong / /'gro ba kun dang chos nyid thams cad dang / /sems can rnam pa zhing gi rnam pa dang / /chos kyi rnam pa dus rnams ma lus pa'i/ /chos rnams mkhas pas gang yang brjod pa med/ /chos rnams ma lus gzung bar bya ba med/ /ji snyed sems can rgyal bas sangs rgyas pa/ /de yi chos la'ang chos kyi dngos med de/ /de yang dus dang chos su brjod pa yin/ /chos nyid kun tu 'gro ba ci 'dra ba/ /de bzhin de dag yongs su bsngo ba byed/ /des kyang 'gro ba kun nas bsgyur byas te// de la kun tu dpa' bo yongs su bsngo/ /dge ba'i rtsa ba thams cad dang mnyam pa nyid kyi rjes su song ba zhes bya ba ste/ yongs su bsngo ba drug pa'o/ /kye rgyal ba'i sras dag /byang chub sems dpa' sems dpa' chen po rnams kyi yongs su bsngo ba 'gro ba thams cad mnyam pa nyid kyi rjes su song ba zhes bya ba bdun pa gang zhe na/ kye rgyal ba'i sras dag /'di la byang chub sems dpa' sems dpa' chen po thams cad gtong ba'i dmigs pa la brtson pa/ tshul khrims rnam par dag ba la rab tu brten pa/ lhag pa'i bsam pas byang chub sems dpa' yi dam phyir mi ldog pa'i brtson 'grus dang ldan pa/ thams cad gtong ba'i bzod pa dang ldan zhing / rna la gzon pa'i dang tshul </font><hr>Kha323b<br><font size=+1>


can| bsam gtan 'byams klas pa rnam pa tha dad pa la mkhas pa'i rjes su zhugs pa/ shes rab kyi tshul dang sa rnam par dpyod pa la mkhas pa/ 'gro ba thams cad kyi sems kyis rnam par phye ba'i dge ba'i rtsa ba dang ldan pa/ yon tan mtha' yas pa yang dag par bsdu ba'i dge ba'i rtsa ba dang ldan pa/ byang chub sems dpa'i las la rab tu brtson par yid la byed pa dang ldan pa/ 'gro ba thams cad kyi dge ba'i rtsa ba thams cad kyi phyogs mngon par skyob pa/ dge ba'i rtsa ba chung du nye bar gsog kyang rung / dge ba'i rtsa ba chen po nye bar gsog kyang rung / dge ba'i rtsa ba yangs pa nye bar gsog kyang rung / dge ba'i rtsa ba rgya chen po nye bar gsog kyang rung / dge ba'i rtsa ba tshad med par nye bar gsog kyang rung / dge ba'i rtsa ba sna tshogs mang po rdul tsam yan chad nye bar gsog kyang rung / dge ba'i rtsa ba gzhal du med pa nye bar gsog kyang rung / dge ba'i rtsa ba bsam gyis mi khyab pa nye bar gsog kyang rung / dge ba'i rtsa ba grangs med pa nye bar gsog kyang rung / dge ba'i rtsa ba mu med pa nye bar gsog kyang rung / sangs rgyas la dmigs pa'i dge ba'i rtsa ba nye bar gsog kyang rung / chos la dmigs pa'i dge ba'i rtsa ba nye bar gsog kyang rung / tshul de bzhin du dge 'dun la dmigs pa dang / dge ba'i bshes gnyen la dmigs pa dang / </font><hr>Kha324a<br><font size=+1>


@#/ /sems can thams cad la dmigs pa dang / thabs mkhas pa la dmigs pa dang / legs pa'i dge ba'i rtsa ba'i sems sgom pa la dmigs pa dang / nang la dmigs pa dang / phyi rol la dmigs pa dang / dge ba'i rtsa ba rnam pa tha dad pa mtha' yas pa'i tshogs la dmigs pa'i dge ba'i rtsa ba nye bar gsog kyang rung / dge ba'i rtsa ba de dag la yongs su spyod pa dang / nye bar gnas pa dang / 'jug pa dang / yang dag par sgrub pa dang / nye bar gsog pa dang / tshogs su bya ba dang / mos par bya ba dang / rnam par sbyong ba dang / rnam par ston pa dang / rgya cher byed ba'i tshe bzod pa rab tu thob pa'i sems dang ldan pa/ sems can dmyal ba'i sgo shin tu bcad pa/ dbang po rgyu ba shin tu bsdams pa/ bya ba'i tshul la rab tu zhugs pa/ phyin ci log med par 'gro ba/ sangs rgyas kyi chos thams cad kyi snod du gyur pa/ 'gro ba thams cad kyi bsod nams kyi zhing du byung ba/ sangs rgyas thams cad kyis byin gyis brlabs pa/ de bzhin gshegs pa'i dge ba'i rtsa ba thams cad kyis shin tu gsos pa/ dge ba'i rtsa ba thams cad las byung ba/ sangs rgyas thams cad kyi smon lam gyi rjes su song ba/ sangs rgyas kyi chos thams cad yongs su sbyang ba'i sems dang ldan pa/ de bzhin gshegs pa thams </font><hr>Kha324b<br><font size=+1>


cad kyi 'phrin las kyi rjes su 'brang ba/ rang gi sems kyi go skabs rnyed pa/ 'das pa dang / ma byon pa dang / da ltar byung ba'i sangs rgyas dang 'dra ba/ sangs rgyas kyi 'khor thams cad du yang dag par 'byung ba/ sangs rgyas thams cad kyi phyag gi stobs kyis phyung ba/ sangs rgyas thams cad kyi yon tan gyis yang dag par 'phags pa/ mtho ris la chags pa med pa| skyid pa la yongs su 'dzin pa med pa/ mngon par 'du byed pa la chags pa med pa/ dge ba'i rtsa ba'i dngos po thams cad yongs su bsngo bar byed pa/ 'gro ba thams cad kyi bsod nams kyi gter du gyur pa/ thams cad dang ldan pa'i nan tan la rab tu zhugs pa/ 'gro ba thams cad dgag pa'i gdugs su gyur pa/ 'gro ba thams cad rab tu rten pa'i lam gyis mngon par 'don pa/ sems can thams cad kyi dge ba'i rtsa ba brtan par byed pa/ yul thams cad du yongs su bsngo ba/ thams cad mkhyen pa'i byang chub kyi sgo rgyun mi 'chad par byed pa/ ye shes kyi rgyal mtshan yang dag par gzugs par byed pa/ lam chen po rnam par sbyong ba la brtson pa/ 'gro ba thams cad kyis blta na don yod pa la zhugs pa/ 'jig rten thams cad kyi dri ma sbyong ba/ rab tu sbyin pa'i sems dang ldan pa/ de bzhin gshegs pa'i rigs su rigs dang ldan par byung ba/ sangs rgyas rigs rnam par dag </font><hr>Kha325a<br><font size=+1>


@#/ /par rab tu skyes pa/ yon tan gyi dkyil 'khor chen pos sbyin pa'i gnas su gyur pa/ 'jig rten thams cad kyi rten du gyur pa/ 'gro ba thams cad kyi gnas su gyur pa/ sems can thams cad rnam par dag pa la yang dag par gzhog pa/ dge ba yongs su bsdu ba la yang dag par brtson pa/ byang chub tu sems bskyed pa'i byin gyi rlabs dang / lhag pa'i bsam pa rdul med pas yongs su bzung ba de/ dge ba'i rtsa ba de dag spyod pa'i tshe sems 'di ltar bskyed de/ dge ba'i rtsa ba byang chub tu sems bskyed pas yang dag par bzung ba dang / byang chub tu sems bskyed pas bsam pa dang / byang chub tu sems bskyed pas bstan pa dang / byang chub tu sems bskyed pa'i bsam pa las byung ba dang / byang chub tu sems bskyed pas phan pa la zhugs pa dang / 'gro ba thams cad ma lus pa la snying brtse bar byed pa dang / thams cad mkhyen pa'i spyod yul du yang dag par bsgrubs pa dang / stobs bcu la dmigs par brtson pa dang / stobs bcu'i dbyings su yang dag par bsgrubs pa dang / dge ba'i rtsa ba'i dbyings su mngon par bsgrubs pa dang / dge ba'i rtsa ba de ltar yang dag par bsgrubs pa de dag las rnam par smin pa gang byung ba de/ phyi ma'i mtha'i bskal pa'i mur thug par byang </font><hr>Kha325b<br><font size=+1>


chub sems dpa'i spyod pa la spyod pa dang / 'gro ba thams cad la yongs su gtang bar bya ba yongs su gtong ba'i phyir sems can thams cad la yongs su bsngo ste/ sems can gyi khams thams cad las sems can gcig kyang ma chud pa med par byas te/ sems can gcig la ji lta ba de bzhin du sems can thams cad ma lus pa la yang yongs su bsngo bar byed de 'di ltar yongs su bsngo'o/ /'jig rten gyi khams grangs med pa rin po ches yongs su rgyas pa dang / rin po che thams cad kyis chal bar gang ba dang / 'jig rten gyi khams grangs med pa gos kyis rnam par dag cing gos kyis yongs su gang ba dang / 'jig rten gyi khams grangs med pa spos thams cad kyis yid du 'ong zhing dri zhim pos yongs su rgyas pa dang / 'jig rten gyi khams grangs med pa rgyan thams cad kyis rnam par mdzes shing lhab lhub kyis yongs su rgyas pa yongs su rgyas pa dang / 'jig rten gyi khams grangs med pa me che mtha' yas pas khyad par du 'phags shing nor bu rin po ches yongs su rgyas pa dang / 'jig rten gyi khams grangs med pa me tog sna tshogs kyi kha dog du ma dang ldan par gyur cing me tog thams cad kyis yongs su rgyas pa dang / 'jig rten gyi khams grangs med pa kha zas zhim po sna tshogs rnam pa tha dad pa dang ldan zhing kha zas zhim po yongs su phun </font><hr>Kha326a<br><font size=+1>


@#/ /sum tshogs pa dang / 'jig rten gyi khams grangs med pa gser dang dngul dang nor gyi dbyig gis dag cing nor gyi dbyig gis yongs su rgyas pa dang / 'jig rten gyi khams grangs med pa rin po che'i ba dan sna tshogs kyis brgyan cing lha rdzas kyi gos thams cad kyis kun nas yog ste grangs pas yongs su rgyas pa dang / 'jig rten gyi khams grangs med pa rin po che sna tshogs kyi cod pan gyis rnam pa sna tshogs su yongs su brgyan cing rin po che'i cod pan gyis yongs su rgyas pa dag slong ba re re la phyi ma'i mtha'i bskal pa'i mur thug par sbyin pas ngoms par ma gyur cig /rgyun gcod par ma gyur cig /slong ba gcig la ji lta ba de bzhin du slong ba thams cad ma lus pa la yongs su gtong zhing / slong ba re re la'ang phyi ma'i mtha'i bskal ba'i mur thug par shin tu tshim par byed kyang yongs su skyo bar ma gyur cig /phyir ldog par ma gyur cig /de yang 'di ltar sgyu med pa'i sems dang / 'dod cing sred pa med pa'i sems dang / grags pa 'dod pa med pa'i sems dang / 'gyod pa med pa'i sems dang / mya ngan med pa'i sems dang / thams cad mkhyen pa'i lam la the tshom med pa'i sems dang / gtang ba shin tu gtong ba'i sems dang / snying brtse </font><hr>Kha326b<br><font size=+1>


ba'i sems dang / yongs su smin par bya ba'i sems dang / thams cad mkhyen pa'i ye shes la rab tu dgod pa'i sems kyis yongs su gtong bar gyur cig /ces de ltar byang chub sems dpa' sems dpa' chen po dge ba'i rtsa ba de dag ma 'ongs pa'i bskal pa'i mthar gtong ba dang / 'dod pa'i sbyin pa gtang ba'i phyir yongs su bsngo'o/ /gzhan yang byang chub sems dpa' sems dpa' chen po dge ba'i rtsa ba de dag sems can gyi khams las sems can gcig kyang ma chud pa med par byas shing / sems can thams cad la 'di ltar yongs su bsngo ste/ 'jig rten gyi khams grangs med pa glang po can shes yan lag bdun shin tu gnas pa/ gser gyi rgyal mtshan dang / gser gyi rgyan dang / gser gyi dra bas g.yogs pa dang / rin po che'i rgyan thams cad kyis rab tu brgyan pas yongs su gang ba'i sbyin par byed par gyur cig /'jig rten gyi khams grangs med pa rta'i rgyal po sprin ces bya ba dang 'dra ba rta'i rgyan thams cad kyis brgyan pa/ rin po che'i rgyan sdug gu sna tshogs dang / yan lag gi rgyan sna tshogs kyis brgyan pas yongs su gang ba'i sbyin pa byed par gyur cig /'jig rten gyi khams grangs med pa bud med dang / rol mo brdung ba dang / dkrol ba yid du 'ong ba'i skad dbyangs dang ldan pa dang bcas pas yongs su gang </font><hr>Kha327a<br><font size=+1>


@#/ /ba'i sbyin pa byed par gyur cig /'jig rten gyi khams grangs med pa bu dang bu mos gang ba byang chub kyi sems la gnas shing phyi ma'i mtha'i bskal pa'i mur thug par slong ba re la yang yongs su gtong bar gyur cig /'jig rten gyi khams grangs med pa rang gi lus kyis yongs su bkang ste byang chub kyi sems kyi stobs shin tu bde ba'i yid kyis yongs su gtong bar gyur cig /'jig rten gyi khams grangs med pa rang gi mgos yongs su bkang ste bag yod pa'i sems kyis yongs su gtong bar gyur cig /'jig rten gyi khams grangs med pa rang gi lus las byung ba'i mig gis yongs su bkang ste mig gi sbyin pa byed par gyur cig /'jig rten gyi khams grangs med pa sha dang rkang gis yongs su bkang ste sdug bsngal gyis nyams pa med pa'i yid kyi dbang pos yongs su gtong bar gyur cig /'jig rten gyi khams grangs med pa bdag dbang ba'i rgyal po'i srid dang skyid pas yongs su bkang ste srid kyi sbyin pa byed par gyur cig /'jig rten gyi khams grangs med pa bran dang las byed pa'i mis yongs su bkang ste gtang ba thams cad yongs su gtong ba dang / ma 'dres par gtong ba chen po'i sems la gnas pas slong ba re re la yang yongs su gtong bar gyur cig /de bzhin du </font><hr>Kha327b<br><font size=+1>


sems can gyi khams thams cad ma lus par yongs su bzung ste sems can gyi khams thams cad las gcig kyang ma chud pa med par slong ba gcig la ji lta bar slong ba thams cad la'ang de bzhin du sems can re re zhing yang phyi ma'i mtha'i bskal pa'i mur thug par tshim par byed par gyur cig /'jig rten gyi khams gcig tu phyi ma'i mtha'i bskal pa'i mur thug par byang chub sems dpa'i spyad pa spyod cing 'jig rten gyi khams gcig tu ji lta ba de bzhin du 'jig rten gyi khams chos kyi dbyings kyis klas pa/ nam mkha'i dbyings kyi mthas gtugs pa thams cad du yang snying rje chen po yangs pa yongs su rgyas pa'i sems dang / sems can thams cad la snying brtse bas sems can thams cad la rim gro byed pa'i tshe de'i rgyus bdag gi sems sbyin pa las phyir ldog par ma gyur cig /gtong ba'i sems kyis se gol gtogs pa tsam yang skyo bar ma gyur cig /de yang 'di ltar chags pa med pa'i sems dang / shin tu gtong ba'i sems dang / bdag nyid yangs pa'i sems dang / zab pa'i sems dang / legs par yongs su sdud pa'i sems dang / mngon par ma zhen pa'i sems dang / chos la srog med pa'i sems dang / yid shin tu thul ba'i sems dang / ma 'khrugs pa'i sems dang / g.yeng ba med pa'i sems dang / </font><hr>Kha328a<br><font size=+1>


@#/ /rin po che'i rigs sna tshogs thob pa'i sems dang / las kyi rnam par smin pa thams cad la re ba med pa'i sems dang / chos thams cad ma lus par mngon par 'tshang rgya bar bya ba'i sems dang / bsngo ba chen po'i rjes su 'brang ba'i sems dang / don gyi chos shin tu rtogs pa'i sems dang / ye shes chen po'i sa rab tu thob pa'i sems dang / sems can thams cad thams cad mkhyen pa'i ye shes la dgod pa'i sems dang / chos kyi snang ba chen po yang dag par bskyed pa'i sems dang / thams cad mkhyen pa'i ye shes la 'jug pa yang dag par bsgrubs pa'i sems kyis sbyin par gyur cig /ces de ltar byang chub sems dpa' sems dpa' chen po sems kyi skad cig re re la nye bar bsags pa'i dge ba'i rtsa ba de dag yongs su bsngo ste/ sems can de dag longs spyod kyis phongs pa med pa yongs su rdzogs par bya ba'i phyir yongs su bsngo'o/ /de dag gi bsod nams mi zad pa yang dag par bsdu ba'i phyir yongs su bsngo'o/ /de dag gis bde bar gtogs pa'i bde ba thams cad rab tu thob par bya ba'i phyir yongs su bsngo'o/ /de dag gi byang chub sems dpa' sems dpa' chen po'i las kyi tshogs kyi phyir yongs su bsngo'o/ /de dag gis chos thams cad kyi phung </font><hr>Kha328b<br><font size=+1>


po yongs su rdzogs par bya ba'i phyir yongs su bsngo'o/ /de dag theg pa thams cad las phyir mi ldog par bya ba'i phyir yongs su bsngo'o/ /de dag gis sangs rgyas thams cad mthong zhing mchod pa yongs su rdzogs par bya ba'i phyir yongs su bsngo'o/ /de dag sems can gyi khams thams cad du nyams pa med pa'i phyir yongs su bsngo'o/ /de dag sems can thams cad la sems nyams pas rnam par dag par 'gyur ba'i phyir yongs su bsngo'o/ /de dag sems can thams cad kyi mi khom ba rnam par spong zhing thams cad mkhyen pa'i ye shes la rab tu dgod par bya ba'i phyir yongs su bsngo'o/ /de ltar yongs su bsngo'o ba'i tshe yid bde zhing sems rab tu dga' bas yongs su bsngo ste/ 'di ltar sems can thams cad la phan pa dang bde ba'i phyir yongs su bsngo'o/ /sems can thams cad la mnyam pa'i sems la gnas te yongs su bsngo'o/ /sems can thams cad la gtong ba'i sems las su rung ba la gnas te yongs su bsngo'o/ /sems can thams cad la gtong ba yang dag par bsdus pa'i sems la gnas te yongs su bsngo'o/ /sems can thams cad mngon par mgu bar gtang ba'i sems la gnas te yongs su bsngo'o/ /sems can thams cad kyi dbul ba bzlog pa'i phyir gtong ba'i sems la gnas te yongs su bsngo'o/ /sems </font><hr>Kha329a<br><font size=+1>


@#/ /can thams cad nor thams cad kyis bsdu ba'i phyir gtong ba'i sems la gnas te yongs su bsngo'o/ /sems can thams cad la nor grangs med par gtong ba'i sems la gnas te yongs su bsngo'o/ /sems can thams cad la gtong ba mtha' yas pa thams cad yongs su gtong ba'i sems la gnas te yongs su bsngo'o/ /sems can thams cad la phyi ma'i mtha'i bskal pa'i mur thug par rgyun chad pa med par gtong ba'i sems la rgyun 'chad pa med par gnas te yongs su bsngo'o| |sems can thams cad la nor thams cad 'gyod pa med par sbyin pa dang / mdzod thams cad skyo ba med par gtong ba'i sems la gnas te yongs su bsngo'o/ /sems can thams cad la dngos po thams cad sbyin zhing gtong ba'i sems la gnas te yongs su bsngo'o/ /sems can thams cad kyi rjes su 'gro ba'i gtong ba'i sems la gnas te yongs su bsngo'o/ /sems can thams cad la phan gdags pa'i phyir gtong ba'i sems la gnas te yongs su bsngo'o/ /sems can thams cad la nor mang po rgya che ba yangs pa gtang ba'i sems la gnas te yongs su bsngo'o/ /sems can thams cad rgyan du mas rim gro bya ba'i phyir gtong ba'i sems la gnas te yongs su bsngo'o/ /sems can </font><hr>Kha329b<br><font size=+1>


thams cad la thogs pa med par gtong ba'i sems la gnas te yongs su bsngo'o/ /sems can thams cad la tha ba med par gtang ba'i sems la gnas te yongs su bsngo'o/ / sems can thams cad la stobs chen po shin tu bdo ba rdo rjes gtang ba'i sems la gnas te yongs su bsngo'o/ /sems can thams cad la nyi ma ltar snyoms pa'i 'od zer gyis gtang ba'i sems la gnas te yongs su bsngo'o/ /sems can thams cad la sangs rgyas kyi ye shes bsgrub pa'i phyir gtong ba'i sems la gnas te yongs su bsngo'o/ /sems can thams cad kyi theg pa chen po'i dge ba'i rtsa ba yongs su rdzogs par bya ba la gnas te yongs su bsngo'o/ /sems can thams cad la sangs rgyas kyi ye shes sgrub pa'i dge ba'i rtsa ba mngon du gyur pa la gnas te yongs su bsngo'o/ /sems can thams cad dang bsam pa tha dad pa med pa yongs su rdzogs par bya ba la gnas te yongs su bsngo'o/ /sems can thams cad kyi dge ba'i rtsa ba shin tu rnam par dag par bya ba la gnas te yongs su bsngo'o/ /sems can thams cad kyi the tshom thams cad bsal zhing dgag pa la gnas te yongs su bsngo'o/ /sems can thams cad ye shes dang yon tan mnyam pas rnam par dag par 'gyur bar bya ba la gnas te yongs su bsngo'o/ /sems can thams cad kyi bsod nams </font><hr>Kha330a<br><font size=+1>


@#/ /thams cad yongs su rdzogs par bya ba mi 'phrog pa la gnas te yongs su bsngo'o/ /sems can thams cad kyis mi g.yo ba'i ting nge 'dzin rnam par dag pa yongs su rdzogs par bya ba la gnas te yongs su bsngo'o/ /sems can thams cad thams cad mkhyen pa'i ye shes tha dad pa med pa la yongs su bsngo bar bya ba la gnas te yongs su bsngo'o/ /sems can thams cad kyis byang chub sems dpa'i spyod pa dang / rnam par 'phrul ba mtha' yas pa yongs su rdzogs par bya ba la gnas te yongs su bsngo'o/ /sems can thams cad kyi dge ba'i rtsa ba gnas med pa yang dag par sgrub pa la gnas te yongs su bsngo'o/ /sems can thams cad kyis 'das pa dang / ma byon pa dang / da ltar byung ba'i sangs rgyas thams cad rjes su dran pa rnam par dag pa bya ba la gnas te yongs su bsngo'o/ /sems can thams cad dge ba'i rtsa ba dam pa mngon par skyes pas rnam par dag par bya ba la gnas te yongs su bsngo'o/ /sems can thams cad kyi bdud kyi las dang / sgrib pa dang / bar du gcod pa'i chos thams cad bsal zhing dgag pa la gnas te yongs su bsngo'o/ /sems can thams cad kyi yon tan gyi spyod pa mtha' yas pa mngon par skyes pa mnyam zhing rnam par dag pa yongs su rdzogs par bya ba la gnas te yongs su </font><hr>Kha330b<br><font size=+1>


bsngo'o| |sems can thams cad sangs rgyas thams cad kyi thugs rlabs po che yid la bya ba dang mi 'bral bar bya ba la gnas te yongs su bsngo'o/ /sems can thams cad sangs rgyas thams cad mnyes par bya ba la brtson pa'i sems dang mi 'bral bar bya ba la gnas te yongs su bsngo'o/ /sems can thams cad kyis go skabs rnyed cing dge ba'i rtsa ba skyon med pa dang / chos dkar po thams cad kyi mnyam pa nyid rnam par dag pa yongs su rdzogs par bya ba la gnas te yongs su bsngo'o/ /sems can thams cad kyi shin tu rgya che zhing mtha' yas pa'i sems dang bsam pa rlabs po che mnyam pa nyid kyis rnam par dag pa la gnas te yongs su bsngo'o/ /sems can thams cad kyi gtong ba'i sems rnam par dag cing mnyam pa nyid du bya ba la gnas te yongs su bsngo'o/ /sems can thams cad sangs rgyas kyi tshul khrims dang / nan tan mnyam pa nyid kyis rnam par dag par bya ba la gnas te yongs su bsngo'o/ /sems can thams cad brtson 'grus chen po'i phung po brtson 'grus thams cad mnyam pa nyid du gyur pa'i rgyud 'tshob par bya ba la gnas te yongs su bsngo'o/ /sems can thams cad bzod pa'i pha rol tu phyin pa chen po rab tu thob par bya ba la gnas te yongs su bsngo'o/ /sems can thams cad bsam gtan mtha' yas </font><hr>Kha331a<br><font size=+1>


@#/ /pas rnam par phye ba'i ye shes dang / mngon par shes pa dang ldan par bya ba la gnas te yongs su bsngo'o/ /sems can thams cad kyis chos kyi sku shes rab kyi pha rol tu phyin pa yongs su rdzogs par bya ba la gnas te yongs su bsngo'o/ /sems can thams cad kyi chos kyi dbyings kyi mtha' yas pa rnam par dag cing mnyam pa nyid du yongs su rdzogs par bya ba la gnas te yongs su bsngo'o/ /sems can thams cad kyi mngon par shes pa thams cad kyi dge ba'i rtsa ba rnam par dag pa yongs su rdzogs par bya ba la gnas te yongs su bsngo'o/ /sems can thams cad spyod pa mthun pas yang dag par 'byung zhing chos yang dag par sgrub pa mnyam pa nyid kyis yongs su rdzogs par 'gyur ba la gnas te yongs su bsngo'o/ /sems can thams cad sangs rgyas thams cad kyi yul la 'jug pa yongs su rdzogs par bya ba la gnas te yongs su bsngo'o/ /de ltar byang chub sems dpa' sems dpa' chen po dge ba'i rtsa ba de dag 'di ltar sems can thams cad kyi lus kyi las mnyam zhing rnam par dag par 'gyur ba dang / sems can thams cad kyi dag gi las mnyam zhing rnam par dag par 'gyur ba dang / sems can thams cad kyi yid kyi las mnyam zhing rnam par dag par 'gyur ba dang / sems </font><hr>Kha331b<br><font size=+1>


can thams cad kyi dge ba'i las rnam par smin pa mnyam zhing rnam par dag par 'gyur ba dang / sems can thams cad kyi chos khong du chud pa mnyam zhing rnam par dag par 'gyur ba dang / sems can thams cad kyi don khong du chud pa rnam par dag par 'gyur ba dang / sems can thams cad kyi spyod pa khong du chud pa rnam par dag par 'gyur ba dang / sems can thams cad kyis byang chub sems dpa'i smon lam khong du chud pa rnam par dag par 'gyur ba dang / sems can thams cad kyi yon tan thams cad 'thob pa'i ye shes khong du chung pa rnam par dag pa 'gyur ba dang / sems can thams cad kyi rgyud gcig tu gyur pa'i dge ba'i rtsa ba thams cad thams cad mkhyen pa'i theg pa las 'byung bar yongs su bsngo ba mnyam pa nyid kyis yongs su rdzogs par bya ba dang / sems can thams cad kyi zhing rnam par dag pa thams cad mthong ba dang / 'jug pa dang / nyams su myong ba mnyam pa nyid yongs su rdzogs par bya ba dang / sems can thams cad kyis sangs rgyas thams cad mthong ba mnyam pa nyid yongs su rdzogs pa skyon med par bya ba dang / sems can thams cad kyis mtshan dang dpe byad bzang po dang / bsod nams kyi rgyan rnam pa sna tshogs thams cad mnyam pa nyid yongs su rdzogs par bya ba dang / sems can thams cad </font><hr>Kha332a<br><font size=+1>


@#/ /yan lag drug cu dang ldan pa'i dbyangs kyi rkyen phun sum tshogs pa'i gsung yan lag brgyad stong phrag brgyad kyis brgyan pa dang / gsung gi tshul mtha' yas pa'i yon tan dang ldan pa'i sangs rgyas kyi dbyangs yang dag par sgrub pa yongs su rdzogs par bya ba dang / sems can thams cad kyi stobs bcu'i rgyan chags pa med pa'i sems kyis mnyam par 'grub par bya ba dang / sangs rgyas kyi chos kyi rgyan mi 'phrog pa thams cad dang / tha dad pa yang dag par shes pa mnyam pa nyid yongs su rdzogs par bya ba dang / sems can thams cad bla na med pa'i mi 'jigs pas khyu mchog dang / seng+ge'i nga ro mnyam pa nyid sgrog par bya ba dang / sems can thams cad chos kyi 'khor lo thogs pa med cing phyir mi ldog pa rab tu bskor bas thams cad mkhyen pa'i ye shes thob par bya ba dang / sems can thams cad kyis chos thams cad mngon par sgrub pa la 'jug pa mnyam pa nyid yongs su rdzogs par bya ba dang / sems can thams cad kyis dge ba'i rtsa ba'i las thams cad rnam par dag pas dus mnyam pa nyid yongs su rdzogs par bya ba dang / sems can thams cad kyis bla na med pa'i ded dpon yongs su grub cing rnam par dag pas </font><hr>Kha332b<br><font size=+1>


mnyam pa nyid du bya ba dang / sems can thams cad kyis rgyan gcig dang / rgyan mtha' yas pa dang / sangs rgyas thams cad kyi rgyan mnyam pa nyid yongs su rdzogs par bya ba dang / sems can thams cad kyis dus thams cad mnyam pas dus gsum gyi dkyil 'khor gyi rjes su 'gro ba'i yid mnyam pa nyid yongs su rdzogs par bya ba dang / sems can thams cad sangs rgyas kyi zhing thams cad du 'dod zhing chos bstan pa don du gnyer ba'i skye mched mnyam pa nyid yongs su rdzogs par bya ba dang / sems can thams cad thams cad mkhyen pa la phan pa'i rim gro rtag tu byed par shes pa'i rjes su 'dod par bya ba dang / sems can thams cad kyis chos thams cad rnam par mthong ba'i ye shes kyis thams cad mthong ba dang ldan pa mnyam pa nyid yongs su rdzogs par bya ba dang / sems can thams cad kyi mi g.yo ba'i las kyi lam thams cad kyi rnam par smin pa sgrib pa med pa mnyam pa nyid yongs su rdzogs par bya ba dang / sems can thams cad dbang po thams cad la 'jug pa'i dbang po'i mngon par shes pa sna tshogs kyis 'gro ba thams cad kyi dbang po shes pa mnyam pa nyid yongs su rdzogs par bya ba dang / sems can thams cad kyi rnam par dbye ba med pa'i ye shes mnyam pa nyid kyis mnyam </font><hr>Kha333.1a<br><font size=+1>


@#/ /pa nyid gcig cing rnam par dag pa yongs su rdzogs par bya ba dang / sems can thams cad kyi dge ba'i rtsa ba mi mthun pa med cing mthun pa thams cad mnyam pa nyid du rnam par phye ba yongs su rdzogs par bya ba dang / sems can thams cad kyis byang chub sems dpa'i rdzu 'phrul dang cho 'phrul chen po can gyi rdzu 'phrul khong du chud pa rab tu 'thob pa'i mnyam pa nyid yongs su rdzogs par bya ba dang / sems can thams cad kyis sangs rgyas kyi yon tan zad mi shes pa dang / thams cad mkhyen pa'i bsod nams gcig tu mnyam pa rab tu thob par bya ba dang / sems can thams cad chos thams cad mnyam pa nyid khong du chud pa dang mi 'bral zhing byang chub tu sems bskyed pa yongs su shes par bya ba dang / sems can thams cad sbyin pa'i gnas kyi dam par gyur te dam pa'i chos mthong ba yongs su rdzogs par bya ba dang / sems can thams cad kyis mthu chen pos sbyin pa rnam par dag cing snying rje chen po mnyam pa nyid rab tu 'thob par bya ba dang / sems can thams cad kyi zil gyis ma non cing bzod par dka' ba'i gzi brjid mnyam pa nyid yongs su rdzogs par bya ba dang / sems can thams cad kyi thub par dka' </font><hr>Kha333.1b<br><font size=+1>


zhing blta na don yod pa mnyam pa nyid yongs su rdzogs par bya ba dang / sems can thams cad kyi pham pa med pa'i sems dang / yid dang bsam pa mnyam pa nyid yongs su rdzogs par bya ba dang / sems can thams cad kyi chos 'byams klas pa thams cad la dogs pa med par zhugs te khong du chud par bya ba dang / sems can thams cad 'jig rten gyi khams thams cad du 'od dang 'od zer gcig rab tu gtong ba mnyam pa nyid la 'jug par bya ba dang / sems can thams cad thogs pa med par byang chub sems dpa' thams cad kyi brtson 'grus brtsams pa mthar phyin par bya ba mnyam pa nyid la nan tan byed par bya ba dang / sems can thams cad kyi spyod pa gcig pa dang / smon lam mthun pa yongs su rdzogs par bya ba dang / sems can thams cad kyi brjod pa gcig dang / 'byung ba mnyam pa nyid yongs su rdzogs par bya ba dang / sems can thams cad kyi byang chub sems dpa' thams cad kyi lhag pa'i bsam pa mnyam pa nyid yongs su rdzogs par bya ba dang / sems can thams cad kyi dge ba'i bshes gnyen thams cad mthong zhing mgu bar bya ba mnyam pa nyid rab tu thob par bya ba dang / sems can thams cad kyi byang chub sems dpa'i spyod pa thams cad dang / sems can thams cad gdul ba rgyun mi 'chad pa mnyam pa nyid yongs su rdzogs par bya ba dang / sems can thams cad kyi thogs pa med par chos bstan pa dbyangs kyi yan lag thams cad du grag pa mnyam pa nyid la 'jug pa yongs su </font><hr>Kha333.2a<br><font size=+1>


@#/ /rdzogs par bya ba dang / sems can thams cad kyi sems dang shes pa thams cad sems dang shes pa gcig tu yongs su bsngo ba'i dge ba'i rtsa ba mnyam pa nyid yongs su rdzogs par bya ba dang / sems can thams cad kyi rnam par bral ba med pa'i dge ba'i rtsa ba thams cad yang dag par bsags pa mnyam pa nyid la sems can thams cad rab tu dgod par bya ba dang ldan pa'i ye shes rnam par dag par bya ba dang / sems can thams cad kyi thams cad mkhyen pa'i bsod nams kyi lhun mnyam pa nyid rnam par dag par bya ba dang / sems can thams cad kyi rmongs pa med par sems can thams cad kyi dge ba'i rtsa ba bsams shing yongs su bsngo ba shin tu grub par 'gyur ba'i mnyam pa nyid yongs su rdzogs par bya ba dang / sems can thams cad kyi thams cad mkhyen pa nyid du mngon par 'tshang rgya ba mnyam pa nyid yongs su 'grub cing yongs su rdzogs par bya ba dang / sems can thams cad kyi 'byung ba thams cad mi mnyam pa med pa dang / mngon par shes pa dang / ye shes kyi 'byung ba thams cad mnyam pa nyid yongs su rdzogs par bya ba dang / sems can thams cad 'khor gcig rnam par dag pa 'khor thams cad rnam par dag par byed pa'i ye shes mnyam pa nyid kyis brgyan pa dang / sems can thams cad kyi sangs rgyas kyi zhing thams cad sangs rgyas kyi zhing gcig dang mnyam pa nyid du mthong ba dang ldan par bya ba dang / sems can thams cad kyi lhab lhub thams cad dang / lhab lhub brjod du med pa dang / lhab lhub mtha' yas pa dang / </font><hr>Kha333.2b<br><font size=+1>


lhab lhub mu med pa dang / sangs rgyas kyi zhing thams cad rgyan gyis rab tu brgyan par bya ba'i lhab lhub mnyam pa nyid yongs su rdzogs par bya ba dang / sems can thams cad kyis chos thams cad rnam par rtogs shing mkhas pa dang / don dam par rtogs pa mnyam pa nyid yongs su rdzogs par bya ba dang / sems can thams cad kyis sangs rgyas thams cad kyi rnam par 'phrul ba/ rnam pa'i mchog /rnam pa dam pa/ rnam pa thams cad dang ldan pa mnyam pa nyid yongs su rdzogs par bya ba dang / sems can thams cad kyis rnam pa tha dad pa med cing rnam pa tha dad pa dang bral ba'i mngon par shes pa dang / bsod nams dang yon tan mnyam pa nyid rab tu thob par bya ba dang / sems can thams cad kyis chos mi mnyam pa med pa'i dge ba'i rtsa ba mnyam pa dang ldan pa'i sangs rgyas thams cad kyi dbang bskur bas dbang bskur ba gcig tu legs par dbang bskur ba mnyam pa nyid yongs su rdzogs par bya ba dang / sems can thams cad tshur zil gyis gnon cing phar zil gyis mi non pa'i sems can thams cad kyi ye shes dang / lus rnam par dag pa yongs su rdzogs pa thob par bya ba'i phyir yongs su bsngo'o/ /de ltar byang chub sems dpa' sems dpa' chen po snying brtse ba dang ldan pa/ phan par dga' ba/ snying </font><hr>Kha334a<br><font size=+1>


@#/ /rje chen po can/ sems can thams cad rnam par dag par bya ba la yang dag par zhugs pa/ phrag dog med pa/ ser sna med pa/ rigs dang ldan pa/ rab tu dge ba/ che ba nyid dang ldan pa/ yangs pa la mos pa/ 'khrug pa med pa/ khro ba med pa/ rnyog pa med pa/ rab rib med pa/ khams dang bsam pa shin tu gsal ba'i yid dang ldan pa/ drang po/ /drang ba/ g.yo med pa/ rmongs pa med pa/ mchog tu bya ba/ mi phyed pa/ 'da' ba med par spyod pa/ phyir mi ldog pa/ sems can thams cad la sems mnyam pa/ chos dkar po'i stobs kyi shugs dang ldan pa/ mdud pa med pa/ nyams pa med pa/ chos dkar po thams cad yongs su bsngo ba la mkhas pa/ sems can thams cad yongs su smin par bya ba dang / gdul ba la yang dag par brtson pa/ las ngan pa thams cad 'gag pa/ dka' thub dang brtul zhugs chen po'i dge ba'i rtsa ba sems can thams cad la yongs su bsngo ba la mkhas pa/ brtul zhugs dang dka' thub kyis sems can thams cad kyi dge ba'i rtsa ba shin tu sbyong ba/ sems can thams cad kyi sdug bsngal gyi phung po rang gi lus kyis len pa/ ye shes chen po'i mig gis yang dag par blta ba'i dge ba'i rtsa ba dang ldan pa/ ye shes kyi 'byung gnas </font><hr>Kha334b<br><font size=+1>


dge ba'i rtsa ba rab tu nyan pa/ sems can thams cad la dge ba'i rtsa ba yongs su bsngo ba/ sems can thams cad yon tan rnam par dag pa la rab tu dgod pa'i phyir dge ba'i rtsa ba mnyam par yongs su bsngo ba/ sems can thams cad kyi phyir dge ba'i rtsa ba yongs su bsdu ba la mkhas pa/ don gyi rjes su song ba'i khams kyi yon tan mngon par shes ba| sems can thams cad dang mnyam du dge ba'i rtsa ba rnam par byang ba yongs su bsngo ba/ sems can thams cad kyi bsod nams kyi zhing gi rnam pa la chos dkar po'i sa bon lta bur gyur pa/ dge ba'i rtsa ba thams cad 'gyod pa med par yongs su bsngo ba dang ldan pa/ sems can gyi khams thams cad thams cad mkhyen pa'i skal ba yongs su bsngo bas yongs su 'dzin pa/ dge ba'i rtsa ba thams cad kyi skal ba dang chos kyi char 'bebs pas dbyar gyi dus su gyur pa/ yongs su bsngo ba'i rigs dang ldan pa de dge ba'i rtsa ba de dag 'di ltar yongs su bsngo ste/ ci nas kyang sems can thams cad shin tu bde zhing skyid pa dang ldan par 'gyur ba dang / ci nas kyang sems can thams cad rnam par dag par 'gyur ba dang / ci nas kyang sems can thams cad shin tu bde bar 'gyur ba dang / ci nas kyang sems can thams cad shin tu grol bar 'gyur ba dang / ci nas kyang sems can </font><hr>Kha335a<br><font size=+1>


@#/ /thams cad mnyam pa nyid du 'gyur ba dang / ci nas kyang sems can thams cad shin tu shes pa dang ldan par 'gyur ba dang / ci nas kyang sems can thams cad chos dkar po la shin tu bkod par 'gyur ba dang / ci nas kyang sems can thams cad nyams pa med pa'i mig dang ldan par 'gyur ba dang / ci nas kyang sems can thams cad shin tu dul ba'i yid dang ldan par 'gyur ba dang / ci nas kyang sems can thams cad stobs bcu'i 'dul ba dang ldan par 'gyur bar yongs su bsngo ste| de ltar yongs su bsngo ba yang las kyi gnas su yongs su mi bsngo'o/ /rnam par smin pa'i gnas su ma yin no/ /lus kyi gnas su ma yin no/ /dngos po'i gnas su ma yin no/ /zhing gi gnas su ma yin no/ /phyogs kyi gnas su ma yin no/ /sems can thams cad kyi gnas su yongs su mi bsngo'o/ /sems can thams cad kyi gnas las gud du 'phags par yang yongs su mi bsngo'o/ /mngon par zhen pa thams cad las gud du 'phags par yang yongs su mi bsngo ste/ mngon par zhen pa'i chos yongs su shes par bya ba'i phyir yongs su bsngo'o/ /de ltar dge ba'i rtsa ba de dag sems can thams cad la yongs su bsngo zhing stob pa/ 'jig rten thams cad nges par byed pa/ / </font><hr>Kha335b<br><font size=+1>


sangs rgyas kyi ye shes yongs su rdzogs par byed pa/ bsam pa mnyam pas sems las su rung bar byas pa/ shin tu dag pa/ shin tu brtags pa/ shes rab dang ye shes dang ldan pa/ nang mnyam par gzhag pa dang ldan pa/ phyi rol gyi dmigs pa shin tu rtogs pa/ 'das pa dang / ma 'ongs pa dang / da ltar byung ba'i mthar phyin pa/ sangs rgyas kyi rigs shin tu gsal ba dang ldan pa de yongs su bsngo ba des de ltar yongs su bsngo ba'i tshe tshur zil gyis gnon la phar zil gyis mi gnon pa yin/ yon tan mi zad pa yin/ 'gro ba thams cad du byang chub sems dpa' thams cad kyi spyod pa la brtson pa yin/ zhing thams cad na bzhugs pa'i sangs rgyas kyang tshegs chung dus mig lam du snang bar mthong ba yin| 'jig rten gyi khams thams cad na yang byang chub sems dpa'i spyad pa spyod par snang ba yin te/ tshig rab tu phye ba thams cad la mkhas pa dang ldan pa'i gzungs kyang rab tu thob cing khong du chud do/ /phyi ma'i mtha'i bskal pa'i mur thug par rgyun 'chad pa med pa'i chos bstan pa'i dkyil 'khor gyis sems can thams cad dga' bar bya ba yongs su rdzogs par byed pas sangs rgyas kyi zhing brjod du med pa'i yang brjod du med pa yongs su sbyang ba'i don du sems kyi skad cig re re la mig yor snang ba'i tshul du skye ba yin/ 'jig </font><hr>Kha336a<br><font size=+1>


@#/ /rten gyi khams thams cad du sangs rgyas kyi zhing yongs su dag pa brjod du med pa'i yang brjod du med pa sems kyi skad cig re re la yongs su rdzogs par byed kyang sangs rgyas kyi zhing yongs su sbyang bar rnam par dpyod pa'i ye shes kyis ngoms mi shes pa yin/ sems can bye ba khrag khrig brgya stong brjod du med pa'i yang brjod du med pa mnyam pa nyid gang la bdag nyid gnas pa de la yongs su rdzogs par byed pa yin/ yongs su sgrub pa yin/ yongs su sbyong ba yin/ pha rol tu phyin pa thams cad la rab tu brtson par byed cing sems can rnams yongs su sdud pa yin/ las ji ltar rnam par dag pa'i tshul bzhin du'ang yang dag par 'byung ba yin/ thogs pa med pa'i rna ba mngon par sgrub pa'ang rab tu 'thob pa yin/ sangs rgyas kyi zhing brjod du med pa'i yang brjod du med par chos kyi 'khor lo bskor te chos mtha' yas pa bstan cing brjod pa thos nas de dag thams cad 'dzin pa yin te/ chos bstan pa de la ring ba'i 'du shes nye bar mi gzhog go /sems skad cig gis byung ba/ dngos po med pa la rab tu gnas pa/ rten pa med cing mngon par 'du bya ba med pa dang / gnas pa med pa'i byang chub sems dpa'i rdzu 'phrul la gnas shing / sangs rgyas kyi zhing </font><hr>Kha336b<br><font size=+1>


brjod du med par 'gro ba dang / sangs rgyas kyi zhing mang po rnam par phye ba thams cad du 'gro bar bya ba la se gol gtogs pa tsam yang dus gang du'ang thogs pa med pa yin/ byang chub sems dpa'i spyad pa spyod pa'i tshe yang skal pa mnyam pa'i byang chub sems dpa' mthong ba dang ldan pa yin te/ yon tan 'di dag dang gzhan dag kyang rnam par dag cing / mtha' dang dbus med pa'i dkyil 'khor byang chub sems dpa'i spyod pa dang mthun pa brjod du med pa'i yang brjod du med pa dang / zad mi shes pa'i yon tan dang / legs pa 'thob par 'gyur na/ bla na med pa yang dag par rdzogs pa'i byang chub tu mngon par 'tshang rgya ba'i tshe 'di lta ste/ zhing thams cad rnam par dag pa mnyam pa nyid dang / sems can thams cad rnam par dag pa mnyam pa nyid dang / lus thams cad rnam par dag pa mnyam pa nyid dang / dbang po thams cad rnam par dag pa mnyam pa nyid dang / las kyi rnam par smin pa thams cad rnam par dag pa mnyam pa nyid dang / 'khor gyi dkyil 'khor thams cad rnam par dag pa mnyam pa nyid dang / spyod pa yongs su rdzogs par bya ba thams cad rnam par dag pa mnyam pa nyid dang / chos thams cad kyi tshul la 'jug pa rnam par dag pa mnyam pa nyid dang / de bzhin gshegs pa thams cad kyi smon lam yongs su rdzogs </font><hr>Kha337a<br><font size=+1>


@#/ /par bya ba rnam par dag pa mnyam pa nyid dang / sangs rgyas thams cad kyi yul gyis rnam par 'phrul pa yang dag par bstan pa rnam par dag pa mnyam pa nyid 'thob pa lta ci smos/ bam po bzhi bcu gcig pa/ de ltar byang chub sems dpa' sems dpa' chen po yongs su bsngo ba 'dis yongs su bsngo ba'i tshe yon tan gyi rgyud kyi tshul rnam par dag par bya ba dang / yon tan thams cad rab tu brgyan par bya ba yongs su rdzogs pa rab tu 'thob ste/ de de ltar yongs su bsngo ba 'dis yongs su bsngo ba'i tshe sems can rnams zhing dang 'gal bar mi byed do/ /zhing rnams sems can dang 'gal bar mi byed do/ /zhing rnams sems can gyi las dang 'gal bar mi byed do/ /sems can gyi las rnams zhing dang 'gal bar mi byed do/ /bsam pa sems dang 'gal bar mi byed do/ /sems bsam pa dang 'gal bar mi byed do/ /bsam pa dang sems dmigs pa dang 'gal bar mi byed do/ /dmigs pa bsam pa dang sems dang 'gal bar mi byed do/ /las kyi rnam par smin pa rten pa dang 'gal bar mi byed do| |rten pa las kyi rnam par smin pa dang 'gal bar mi byed do/ /las bya ba lam dang 'gal bar mi byed do/ /lam las bya ba dang 'gal bar mi byed do/ /chos nyid </font><hr>Kha337b<br><font size=+1>


mtshan nyid dang 'gal bar mi byed do/ /mtshan nyid chos nyid dang 'gal bar mi byed do/ /chos rnams skye ba'i rang bzhin dang 'gal bar mi byed do/ /skye ba'i rang bzhin chos rnams dang 'gal bar mi byed do/ /zhing gi mnyam pa nyid sems can gyi mnyam pa nyid dang 'gal bar mi byed do/ /sems can gyi mnyam pa nyid zhing gi mnyam pa nyid dang 'gal bar mi byed do/ /sems can gyi mnyam pa nyid chos kyi mnyam pa nyid dang 'gal bar mi byed do/ /chos thams cad mnyam pa nyid sems can thams cad mnyam pa nyid dang 'gal bar mi byed do/ /sems can thams cad mnyam pa nyid chos thams cad mnyam pa nyid dang 'gal bar mi byed do/ /'dod chags dang bral ba'i mtha' mnyam pa nyid sems can thams cad kyi gnas mnyam pa nyid dang 'gal bar mi byed do/ /sems can thams cad kyi gnas mnyam pa nyid 'dod chags dang bral ba'i mtha'i mnyam pa nyid dang 'gal bar mi byed do/ /'das pa ma 'ongs pa dang 'gal bar mi byed do/ /ma 'ongs pa 'das pa dang 'gal bar mi byed do/ /ma 'ongs pa dang 'das pa dang ltar byung ba dang 'gal bar mi byed do/ /da ltar byung ba ma 'ongs pa dang 'das pa dang 'gal bar mi byed do/ /dus mnyam pa nyid sangs rgyas mnyam pa nyid dang 'gal bar mi byed do/ /sangs rgyas mnyam </font><hr>Kha338a<br><font size=+1>


@#/ /pa nyid dus mnyam pa nyid dang 'gal bar mi byed do/ /byang chub sems dpa'i spyod pa thams cad mkhyen pa nyid dang 'gal bar mi byed do/ /thams cad mkhyen pa nyid byang chub sems dpa'i spyod pa dang 'gal bar mi byed do/ /de de ltar yongs su bsngo ba'i tshe las mnyam pa nyid dang ldan pa yin/ rnam par smin pa mnyam pa nyid dang ldan pa yin| lus mnyam pa nyid dang ldan pa yin/ tshul mnyam pa nyid dang ldan pa yin/ smon lam mnyam pa nyid dang ldan pa yin/ sems can thams cad mnyam pa nyid dang ldan pa yin| zhing thams cad mnyam pa nyid dang ldan pa yin/ spyod pa thams cad mnyam pa nyid dang ldan pa yin/ ye shes thams cad mnyam pa nyid dang ldan pa yin/ 'das pa dang / ma byon pa dang / da ltar byung ba'i sangs rgyas thams cad mnyam pa nyid dang ldan pa yin/ sangs rgyas thams cad mngon par mnyes par byed pa yin/ byang chub sems dpa' thams cad mngon par dga' bar byed pa yin/ dge ba'i rtsa ba thams cad mngon par 'grub par byed pa yin/ smon lam thams cad mngon par 'grub par byed pa yin/ sems can thams cad yongs su smin par bya ba mngon par 'grub par byed pa yin/ las thams cad rab tu rtogs pa mngon par 'grub par byed pa yin/ dge ba'i bshes gnyen mthong </font><hr>Kha338b<br><font size=+1>


zhing bsnyen bkur byed pa mngon par 'grub par byed pa yin/ rnam par dag pa thams cad kyi dkyil 'khor dang ldan pa mngon par 'grub par byed pa yin/ chos thams cad kyi tshul la 'jug pa mngon par 'grub par byed pa yin/ chos dkar po thams cad yongs su bsngo ba rnam par dag pa'i dkyil 'khor mngon par 'grub par byed pa yin te/ kye rgyal ba'i sras dag /'di ni/ byang chub sems dpa' sems dpa' chen po rnams kyi yongs su bsngo ba 'gro ba thams cad mnyam pa nyid du rjes su song ba zhes bya ba ste/ bdun pa'o/ /yongs su bsngo ba de dang ldan pa'i byang chub sems dpa' sems dpa' chen po ni/ 'dod pa thams cad kyi tsher ma dang bral zhing phyir rgol ba rab tu bcom pa yin/ rgyud kyi tshul gcig tu gyur pas ltos pa med par shin tu byung ba yin/ yon tan gyi rgyal srid dang dbang rab tu thob pas bsod nams kyis skyob pa'i mthu chen po dang ldan pa yin/ zhing thams cad du 'gro ba la zhugs pas chags pa med par spyod pa yin/ lus thams cad dang ldan pas shin tu rnam par phye ba yin/ spyod pa dang smon lam thams cad kyis rnam par 'phrul pa'i ye shes dang ldan pas spyod pa chen pos byung ba yin/ sangs rgyas kyi zhing thams cad du rna ba'i shes pa thogs pa med par zhugs pas chos thams cad yongs su shes pa dang ldan pa yin/ shes rab kyi mig shin tu </font><hr>Kha339a<br><font size=+1>


@#/ /dag pa'i blo rab tu thob pas sangs rgyas thams cad mthong ba dang ldan pa yin/ dge ba'i rtsa ba brtsams pa thams cad mthar phyin par bya ba la rgyun mi 'chad ba yin te/ chos 'thob par bya ba thams cad thob pas rlom sems med pa yin no/ /de nas byang chub sems dpa' chen po rdo rje'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /de dag bsod nams rlabs chen byed pa dang / /rgya che zab mo phra dang rags byed cing / /sna tshogs chung ngu'i rnam pa byed kyang rung / /thams cad mtha' yas rnam par yongs su bsngo/ /de dag dngos po ji snyed gang yod pa/ /rgya che yangs pa gang dang gang yang rung / /glang po'i shing rta rta yi shing rta dang / /gos dang dbyig dang gser dang dngul dag gis/ /phyogs dang zhing rnams mtha' yas kun bkang zhing / /de dag mgo dang mig dang lag pa dang / /sha dang rkang dang de bzhin rkang pa dang / /rang gi lus kyis kun bkang sbyin par bsngo/ /de dag de ltar yongs su bsngo byas nas/ /sems can phan phyir yongs su dgrol sems kyis/ /mtha' dang dbus med bskal par spyod pa byed/ /'gro ba kun nas de dag sems mi ldog /de dag 'gro ba kun la phan pa'i phyir/ /legs par byas pa'i las kyis srid gsum gyi/ /'gro </font><hr>Kha339b<br><font size=+1>


pa ma lus thams cad ci nas kyang / /bde bar 'gyur zhing byang chub thob par bsngo/ /de dag mnyam zhing mtshungs par yongs su bsngo/ /las rnams dag pa ji ltar yongs bsgrubs pa| |de dag 'gro ba kun dang mnyam par bsngo/ /de dag smon lam 'ching bar 'gyur ba med/ /'gro ba kun tu ci la'ang thogs med par/ /thams cad rjes su smon lam de dag 'gro/ /de dag 'gro la phan phyir bsngo byed kyang / /mkhas pa rnams la spros pa gang yang med/ /'gro ba kun la de dag gnyis gyur cing / /sbyin pas 'phags te tshul khrims rnam dag la/ /brtson 'grus stobs kyis sems la bcings med pa/ /de dag smon lam phyir ldog med pa yin/ /de dag bsngo ba'i pha rol phyin pa dag /chos kyi rgyud la blo gros gnyis mnyam pa/ /de dag don nges pha rol phyin bya'i phyir/ /rkang gnyis dbang po'i drung du ye shes rkang pas 'dong / /de dag chos kyi rnga yi mthar phyin pas/ /rtag tu ye shes rnam pa'i snying po 'chang / /tshul bzhin chos la chags pa med par zhugs/ /de bas de dag yid la chags pa med/ /chos la gnyis su byed pa med pa ste/ /gnyis su med par chos la mi byed do/ /gnyis med gnyis las yongs su grol bas na/ /'gro ba kun gyi tshig lam thams cad shes/ /de dag 'jig rten mnyam nyid khong du chud/ /sems dang sgra dang las rnams thams cad kyang / /sprul pa lta </font><hr>Kha340a<br><font size=+1>


@#/ /bur 'gro ba kun shes te/ /kun kyang las kyi rnam smin tshul du 'jug /'jig rten ji snyed yod pa las rnams kyis/ /byin gyis brlabs yin phyogs rnams sgra kun kyang / /las kyi rnam par smin par 'jig rten 'di shes na/ /las rnams thams cad ma lus 'gag par 'gyur/ /de dag 'gro ba kun dang mnyam nyid du/ /lus dang dag dang sems rnams mnyam nyid kyis/ /'gro ba kun dang mnyam pa nyid phyir bsngo/ /mnyam pa nyid kyi gzhung tshul 'di 'dra'o/ /yongs su spyod pas 'gro ba thams cad kyi/ / gzugs rnams sbyangs shing de yi las bsngo ba/ /skyes bu 'dul ba'i bsod nams ci 'dra ba/ /de 'drar 'gro kun bsod nams gter du bsngo/ /de dag 'gro ba thams cad zil mnan cing / /brtson 'grus lus dang ldan par gyur pa rnams/ /skye rgu kun la phan par byed sems kyis/ /bsod nams rgya mtsho yongs su bsngo bar byed/ /bdag gis bsod nams bsgrubs pa gang yod pa/ /de yis 'gro kun rtag tu rnam dag gyur/ /rgyal ba de dag ji ltar rnam dag pa/ /de ltar 'jig rten rnam dag ldan gyur cig /mkhas shing don gyi tshul la shes gyur nas/ /ye shes mkhyen ldan chos rab bsngags gyur cing / /'gro kun sangs rgyas ji bzhin gyur cig ces/ /dge ba de dag mnyam pa nyid du bsngo/ /de </font><hr>Kha340b<br><font size=+1>


dag chos rnams gsog tu 'jal byed de/ /'gro ba thams cad stong par rnam rig nas/ /byed pa med cing byed po gang yang med/ /'gro ba rnams kyi las kyang chung mi za/ /chos rnams zhi zhing 'jig rten ma zhi bar/ /rtog med sems kyis de ltar 'jal byed cing / /'jig rten de dag rnam par rtog shes kyang / /rnam par rtog cing yongs su bsngo mi byed/ /bde gshegs skur bgrang lus dang ldan pa rnams/ /rgyal ba rnams kyi chos las skyes pa'i sras/ /de dag 'jig rten 'di la the tshom med/ /rgyal sras de dag de ltar yongs su bsngo/ / 'gro ba thams cad mnyam pa nyid du rjes su song ba zhes bya ba ste/ yongs su bsngo ba bdun pa'o/ /kye rgyal ba'i sras dag /byang chub sems dpa' sems dpa' chen po rnams kyi yongs su bsngo ba de bzhin nyid kyi mtshan nyid kyi rang bzhin zhes bya ba brgyad pa gang zhe na/ kye rgyal ba'i sras dag /de la byang chub sems dpa' sems dpa' chen po chos dkar po spyod pa la rab tu brtson pa'i sems dang ldan pa/ snying rje chen po shin tu gsal bar bya ba la rab tu zhugs pa/ lhag pa'i bsam pa chen po rin po che rab tu thob pa/ sangs rgyas thams cad yid la bya ba la brtson pa/ chos dkar po thams cad yongs su bsngo ba rgyun mi 'chad pa'i sems dang ldan pa/ byang chub sems dpa'i lam gyi bsam pas dge ba'i rtsa ba </font><hr>Kha341a<br><font size=+1>


@#/ /dam pa bzang po mngon par sgrub pa la mkhas pa/ yon tan dang ye shes la rab tu brtson pa'i yid la byed pa can/ kha lo sgyur ba/ dge ba'i rtsa ba thams cad ye shes kyis yongs su bsngo ba'i tshul la mkhas pa/ dge ba'i rtsa ba thams cad la yang dag par sems dpa'i mig dang ldan pa/ ye shes dang / mngon par shes pa shin tu rgya che ba dang ldan pa/ dran pa dang shes bzhin can/ brtan zhing mi g.yo ba'i sems dang ldan pa/ rmongs pa med pa/ dran pa nye bar gzhag pa/ khong nas snying brtse ba dang ldan pa/ las la thub pa med pa/ ye shes la dmigs pa thams cad las phyir mi ldog pa/ theg pa chen po'i sems kyis dpa' ba/ 'gro ba thams cad bde bar bya ba'i dge ba'i rtsa ba rab tu thob pa/ dge ba'i rtsa ba skyon med pa yang dag par gsog cing dge ba'i rtsa ba rnam pa tha dad pa mtha' yas pa nye bar sgrub pa dang / dmigs par byed pa dang / yongs su rdzogs par byed pa dang / yongs su dag par byed pa dang / nan tan du byed pa dang / mngon par brtson par byed pa dang / yongs su spyod cing sems pa dang / yang dag par sbyong ba dang / rab tu ston pa'i tshe dge ba'i rtsa ba sgo rnam pa tha dad pa gzhan dang gzhan gyi mtshan nyid sna tshogs dang ldan pa/ dngos po gzhan dang </font><hr>Kha341b<br><font size=+1>


gzhan las byung ba rnam pa sna tshogs su bkod par gyur pa/ yang dag par spyod pa du ma dang / brjod pa mtha' yas pa'i tshul gyis rnam par brtags pa/ dge ba'i rtsa ba rnam pa sna tshogs su yang dag par spyad cing tshad med par rnam par phye ba las byung ba/ stobs bcur 'gro ba'i sems kyi byin gyis brlabs pa de dag dmigs pa rnam pa sna tshogs la rab tu brtson pa/ gnyis su med pa'i thams cad mkhyen pa nyid la tshul gyi rgyud gcig tu gyur pas 'di ltar yongs su bsngo ste/ dge ba'i rtsa ba 'dis byang chub sems dpa'i spyod pa la brtson pa rnams kyi chags pa med pa'i lus yongs su rdzogs par gyur cig /byang chub sems dpa'i spyod pa la gnas pa rnams kyi chags pa med pa'i ngag yongs su dag par gyur cig /theg pa chen po la gnas pa'i spyod pa thob par bya ba'i phyir chags pa med pa'i sems yongs su grub par gyur cig /byang chub sems dpa' thams cad kyi spyod pa rnam par dag pa'i phyir bsgribs pa med pa'i sems yongs su rdzogs par gyur cig /'gro ba mtha' dang dbus med pa thams cad rgyas par dgang ba'i phyir sbyin pa chen po mtha' yas pa'i sems bskyed pa rab tu thob par gyur cig /zil gyis mi non pa'i sems rab tu 'thob pa'i phyir chos la dbang bsgyur ba'i sems kyis chos kyis snang ba thams cad ston par gyur cig / </font><hr>Kha342a<br><font size=+1>


@#/ /byang chub tu sems bskyed pa'i snang ba rab tu 'thob pa'i phyir ye shes kyi 'byung gnas dang mngon par shes pa thams cad rnam par dag par gyur cig / sangs rgyas rjes su dran pa rab tu 'thob pa'i phyir 'das pa dang / ma byon pa dang / da ltar byung ba'i sangs rgyas thams cad rjes su dran pa rnam par dag par gyur cig /ltos pa med par yongs su 'byung ba'i phyir 'khon med par gnas pa'i lhag pa'i bsam pa yongs su rdzogs par gyur cig /stobs bcu'i ye shes la rab tu dgod pa'i phyir 'gro ba thams cad nye bar blangs pas khyab par bya ba rgyun chad pa med par gyur cig /gos pa med par 'jig rten gyi khams su gnas par bya ba'i phyir 'jig rten gyi khams thams cad du rgyu ba'i ting nge 'dzin rab tu thob par gyur cig /sems can mtha' yas pa gdul ba rgyun chad pa med par bya ba'i phyir 'jig rten gyi khams thams cad du gnas par bya bas mi skyo bar gyur cig /byang chub sems dpa' bsam gyis mi khyab pa rab tu bsgrub pa'i phyir bsam pa'i rang bzhin mtha' dang dbus med pa mngon par sgrub pa la mkhas par gyur cig /rnam pa tha dad pa'i phyogs su ye shes kyis 'jug pa yongs su rdzogs par bya ba'i phyir 'jig rten gyi khams thams cad la rmongs pa med pa'i ye shes dang ldan par </font><hr>Kha342b<br><font size=+1>


gyur cig /ye shes dang mngon par shes pa la dbang bsgyur bar bya ba'i phyir sems skad cig gis 'byung bas 'jig rten gyi khams rnam par dag pa thams cad yongs su rgyas par gyur cig /'jig rten thams cad mthong ba rnam par dag pa rab tu 'thob par bya ba'i phyir chos thams cad la 'jug pa'i rang bzhin yongs su rdzogs par gyur cig /tha dad pa med pa'i ye shes dam pa 'thob pa'i phyir zhing gcig zhing thams cad du rjes su rtogs pa'i ye shes dang ldan par gyur cig /sems can brjod du med pa gdul zhing byin gyis brlab pa'i phyir zhing thams cad byin gyis rlob pa'i byang chub sems dpa'i byin gyi rlabs mthong ba yongs su rdzogs par gyur cig /sangs rgyas kyi zhing thams cad tshad med par bya ba'i phyir chos kyi dbyings tshad med pa sangs rgyas kyi zhing gcig tu mngon par mos par gyur cig /sangs rgyas kyi zhing thams cad ye shes kyi mthong ba dam pa 'thob par bya ba'i phyir sangs rgyas kyi zhing thams cad du 'gro ba'i ye shes kyi byin gyi rlabs rab tu thob par gyur cig /ces de ltar byang chub sems dpa' sems dpa' chen po dge ba'i rtsa ba de dag zhing gi rnam pa'i phyir yongs su bsngo'o/ /'gro ba thams cad rgyas par dgang ba'i phyir yongs su bsngo'o/ /ye shes kyis rnam par spyad cing byin gyis brlab pa'i phyir yongs su bsngo'o/ /ji ltar bdag </font><hr>Kha343a<br><font size=+1>


@#/ /gi phyir yongs su bsngo ba de ltar sems can thams cad kyi phyir yang yongs su bsngo ste/ 'di ltar sems can dmyal ba'i ngan song dgag pa'i phyir yongs su bsngo'o/ /byol song gi skye gnas kyi ngan song med par bya ba'i phyir yongs su bsngo'o/ /gshin rje'i 'jig rten gyi ngan song rgyun gcad pa'i phyir yongs su bsngo'o// sems can thams cad kyi sgrib pa'i las rgyun gcad pa'i phyir yongs su bsngo'o/ /sems can thams cad sems mnyam pa'i ye shes thob par bya ba'i phyir yongs su bsngo'o/ / dgra thams cad dang mdza' ba thams cad bde ba thams cad la gzud pa'i ye shes rnam par dag par bya ba'i phyir yongs su bsngo'o/ /sems can thams cad mngon du gyur pa'i ye shes kyi snang ba yang dag par bstan pa rnam par dge bar bya ba'i phyir yongs su bsngo'o/ /sems can gyi don bsam gyis mi khyab pa'i ye shes rtogs pa yongs su rdzogs par bya ba'i phyir yongs su bsngo'o/ /lhag pa'i bsam pa rdul med pa'i byang chub kyi sems dang ye shes tshad med pa yongs su rdzogs par bya ba'i phyir yongs su bsngo'o/ /sems can thams cad bde ba'i lam bstan par mnyam du yongs su bsngo ba'i phyir yongs su bsngo'o/ /yang dag pa'i sems la brtson pa'i byang chub sems dpa' sems dpa' chen </font><hr>Kha343b<br><font size=+1>


po de 'di ltar yongs su bsngo ste/ sems can thams cad la rnam par byang ba'i sprin gyi char dbab pa'i tshul dang / sems can thams cad la bsod nams kyi zhing du dmigs pa'i tshul dang / sems can thams cad byang chub kyi sems kyi khongs su gtogs pa'i yongs su bsngo bas srung ba'i byin gyi rlabs kyis bsgribs pa thams cad dang mi 'grogs bar bya ba'i phyir yongs su bsngo'o/ /bsgribs pa med pa'i dbyings la gnas par yongs su bsngo'o/ /ye shes dang mngon par shes pa chags pa med pas sems can thams cad kyis ye shes mthong ba yongs su rdzogs par bya ba'i phyir yongs su bsngo'o/ /sems can thams cad kyis lus kyi rjes su 'gro ba'i rnam par 'phrul pa yongs su rdzogs par bya ba'i phyir yongs su bsngo'o/ /sems can thams cad don yod pa'i dge ba'i rtsa ba rnam pa'i mchog thams cad dang ldan pa'i ye shes kyis phan 'dogs par bya ba'i phyir yongs su bsngo'o/ /'gro ba thams cad yongs su sdud pas 'gro ba thams cad rnam par dag par bya ba'i phyir yongs su bsngo'o/ /thams cad mkhyen pa nyid kyi mthar thug ste sems can thams cad kyis sems sgrib pa med cing mi sgul ba rab tu thob par bya ba'i phyir yongs su bsngo'o/ /gang yang byang chub sems dpa' sems dpa' chen pos yul dga' dga' ltar 'dug pa mthong ba'am/ </font><hr>Kha344a<br><font size=+1>


@#/ /bza' shing gi ra ba dga' dga' ltar 'dug pa dang / ljang ba dga' dga' ltar 'dug pa dang / me tog dga' dga' ltar 'dug pa dang / spos yid du 'ong ba dang / shing tog dga' dga' ltar 'dug pa dang / gos yid du 'ong ba dang / rin po che dga' dga' ltar 'dug pa dang / rgyan dga' dga' ltar 'dug pa dang / ldum ra dga' dga' ltar 'dug pa dang / grong khyer dga' dga' ltar 'dug pa dang / ljongs dga' dga' ltar 'dug pa dang / rgyal po'i gnas dga' dga' ltar 'dug pa dang / khams dga' dga' ltar 'dug pa dang / yul dga' dga' ltar 'dug pa dang / rgyal po'i srid dga' dga' ltar 'dug pa dang / dbang dga' dga' ltar bsgyur ba dang / phyogs dga' dga' ltar 'dug pa dang / 'khor dga' dga' ltar 'dug pa dang / 'brog dga' dga' ltar 'dug pa dag mthong na/ byang chub sems dpa' thabs dang ye shes la brtson pa/ bsod nams dam pas byung ba/ dge ba'i rtsa ba don du gnyer ba/ 'gro ba kun tu bag yod par spyod pa/ legs par bstan pa'i dge ba'i rtsa ba la brtson pa/ rgya mtsho lta bu shin tu dben pa/ dge ba'i rtsa ba zad mi shes pa thams cad dang ldan pa/ bsod nams kyi </font><hr>Kha344b<br><font size=+1>


'byung gnas dang ldan pa/ dge ba'i rtsa ba thams cad mi dad pa la mkhas pas yongs su bsngo ba/ rnam pa mtha' yas pa'i dge ba'i rtsa ba thams cad bsngo ba mthong ba dang / rnam par spyod pa'i ye shes dang ldan pa/ sems can thams cad la sems pas dmigs pa/ chud mi za ba'i dge ba'i rtsa ba dang ldan pa/ sems can thams cad kyi tshad kyis klas par rgyun mi chad cing / de bzhin nyid dang mnyam pa'i dge ba'i rtsa ba dang ldan pa/ dge ba'i rtsa ba de dag 'di ltar yongs su bsngo ste/ sems can thams cad chos nyid ji lta ba bzhin du yongs su 'dzin pa'i chos nyid kyi ngang tshul can du gyur te sangs rgyas mthong ba'i dga' ba rab tu thob cing sems can grangs med pa thams cad de bzhin nyid dang mnyam par rnam par dag par gyur cig /ces de 'di ltar byang chub sems dpa' sems dpa' chen pos dga' dga' ltar 'dug pa mthong ba de dag thams cad sems can thams cad la yongs su bsngos nas sangs rgyas kyi zhing thams cad sangs rgyas thams cad bsnyen bkur ba yongs su rdzogs pas mdangs dga' ba dang / zhing thams cad nye ba'i nyon mongs pa med cing rnam par dag pas mdangs dga' ba dang / sems can thams cad la sangs rgyas kyi chos thams cad yang dag par bstan pas mdangs dga' ba dang / byang chub sems dpa'i spyod </font><hr>Kha345a<br><font size=+1>


@#/ /pa thams cad yongs su gzung ba rab tu thob pas mdangs dga' ba dang / dge ba'i bshes gnyen thams cad la zhe sdang med pa'i mig gis blta bas mdangs dga' ba dang / dngos po thams cad yid du 'thad pa mthong bas mdangs dga' ba dang / sems can thams cad yang dag par gzung ba rab tu thob pas mdangs dga' ba dang / sangs rgyas kyi chos thams cad la chos kyi snang ba thams cad rab tu thob pas mdangs dga' ba dang / sems can thams cad la gtong ba'i sems kyis sbyin pa byed pas mdangs dga' ba dang / chos thams cad 'jigs pa med par sems can thams cad la rab tu ston pas mdangs dga' ba dang / byang chub sems dpa'i ting nge 'dzin thams cad rab tu thob pas mdangs dga' ba dang / byang chub sems dpa' thams cad kyi gzungs 'dzin pas mdangs dga' ba dang / byang chub sems dpa' thams cad kyi ye shes mtha' yas pas rnam par spyad pas mdangs dga' ba dang / byang chub sems dpa' thams cad kyi rnam par 'phrul ba yang dag par ston pas mdangs dga' ba dang / de bzhin gshegs pa'i dkyil 'khor thams cad kyis shin tu bstan pa yang dag par ston pas mdangs dga' ba dang / tshig </font><hr>Kha345b<br><font size=+1>


gi rab tu phye ba thams cad la mkhas pas bstan pa yang dag par ston pas mdangs dga' ba dang / snying rje chen po rab tu thob pas mdangs dga' ba dang / byang chub tu sems skye ba gsar pa gsar pas dbang po dga' bar gyur te mdangs dga' ba dang / sangs rgyas thams cad kyi rigs su chud pas mdangs dga' ba dang / sems can gyi khams thams cad 'dul ba rgyun mi chad pas mdangs dga' ba dang / byang chub sems dpa' thams cad kyi spobs pa mi zad pas chos thams cad rab tu ston pas mdangs dga' ba dang / 'jig rten gyi khams re re yang brjod du med pa'i bskal par gnas pas yongs su mi skyo zhing mdangs dga' ba dang / sangs rgyas kyi chos mtha' yas pa'i tshul la sgo mnyam pas 'jug pas mdangs dga' ba dang / rtsa ba med pa'i chos thams cad chags pa med pa'i tshul la rab tu 'jug pas mdangs dga' ba dang / 'dod chags med pa dang mnyam pa'i chos thams cad kyi sgrib pa yongs su spang ba'i phyir mi gnyis pa'i dbyings khong du chud pas mdangs dga' ba dang / 'dod chags dang bral ba'i mtha' dang mnyam pa'i chos thams cad la bden pa'i mtha' ji lta ba bzhin du rab tu 'jug pas mdangs dga' ba dang / byang chub sems dpa' thams cad kyi rtsod pa med pa yongs su rdzogs pas mdangs </font><hr>Kha346a<br><font size=+1>


@#/ /dga' ba dang / bsam pa rdo rje'i snying po lta bus thams cad mkhyen pa'i brtson 'grus rnam par dag pa yongs su rdzogs pas mdangs dga' ba dang / dge ba'i rtsa ba thams cad la bar du gcod pa'i dgra rab tu gdul ba yongs su rdzogs pas mdangs dga' ba dang / 'gro ba thams cad du khyab pa'i thams cad mkhyen pa'i tshul gyi sgo mngon par 'tshang rgya ba yang dag par bstan pa yongs su rdzogs pas mdangs dga' bar bya ba'i phyir yongs su bsngo ste/ de ltar byang chub sems dpa' sems dpa' chen po ye shes kyi snang ba rab tu thob pa/ dge ba'i bshes gnyen gyis yongs su bzung ba/ de bzhin gshegs pa'i nyi mas sems shin tu snang bar byas pa/ rmongs pa med pa'i chos la rab tu brtson pa/ ye shes kyi las la zhugs pa/ ye shes kyi sa la shin tu bslab pa/ chos kyi dbyings thams cad du dge ba'i rtsa ba rnam par bkram pa/ yongs su bsngo ba'i ye shes dang ldan pa/ byang chub sems dpa'i dge ba'i rtsa ba rgya mtsho thams cad kyi gting rnyed pa/ ye shes kyi rigs pa dam pa la zhugs pa/ dge ba'i rtsa ba rnam pa tha dad pa 'byams klas pa thams cad kyi ye shes la 'jug pa dang ldan pa de 'jig rten thams cad du gnas med par 'gro ba'i sems dang / sems can gyi khams thams cad la mngon par chags pas mi gnas </font><hr>Kha346b<br><font size=+1>


pa'i bsam pa dang / chos thams cad la rlom sems med pa'i yid la byed pa dang / sangs rgyas thams cad la nyams pa med pa'i ye shes dang / mngon par shes pa dang / 'das pa dang / ma byon pa dang / da ltar byung ba'i sangs rgyas thams cad dang mi 'gal ba'i yongs su bsngo ba'i sgos dge ba'i rtsa ba nye bar bsags pa de dag thams cad chos thams cad kyi mnyam pa nyid dang 'gal ba med cing / de bzhin gshegs pa'i mtshan nyid 'khrug par mi 'gyur ba dang / dus mnyam pa nyid la rnam par dpyad pa dang / sems can med par rtogs par bya ba dang / de bzhin gshegs pa'i byang chub kyi rjes su 'brang ba dang / chos rnam par dgod pa yang dag par brjod pa dang / don shes pa khong du chud par bya ba dang / zil gyis gnon pa'i sa thams cad kyi rjes su 'brang ba dang / chos nyid ji lta ba bzhin du rnam par dpyad pa dang / ye shes kyi dkyil 'khor la yang dag par sems pa dang / bsam pa shin tu brtan pa yang dag par rdzogs par bya ba dang / las thams cad yang dag par bsags pa la 'jug pa dang / chos rnams kyi bden pa nyid yang dag par blta ba dang / chos thams cad kyi skyon med pa nyid dang / chos ji lta ba bzhin du sprul pa'i rgyud pa ldan pa la rab tu 'jug par bya ba'i phyir chos thams cad kyi rang bzhin dngos po med par khong du chud par bya ba </font><hr>Kha347a<br><font size=+1>


@#/ /dang| don thams cad rnam pa sna tshogs su 'byung ba la rnam par dpyod pa dang / brjod pa thams cad la gnas med par shin tu bsgrubs pa dang / gnas thams cad rkyen sna tshogs kyis byung ba yang dag pa ji lta ba bzhin du rab tu shes par bya ba dang / yongs su bsngo ba rnam par dben pa la rab tu dpyod pa dang| chos thams cad tshul gcig tu yang dag par blta ba dang / tshul mtha' yas pa'i chos thams cad dang 'gal ba med par bya ba dang / yongs su bsngo ba la mkhas pa'i byang chub sems dpa' thams cad la 'grogs pas bsnyen pa dang / dge ba'i rtsa ba thams cad yongs su bsngo bas 'gro ba thams cad yang dag par gzung ba dang / 'das pa dang / ma 'ongs pa dang / da ltar byung ba'i byang chub sems dpa' thams cad kyi yongs su bsngo ba khong du chud par byed cing yongs su bsngo ste| de ltar byang chub sems dpa' sems dpa' chen po 'jigs pa med pa'i sems kyis sangs rgyas kyi chos thams cad la yongs su bsngo'o/ /tshad med pa'i sems kyis sems can thams cad rnam par dag par bya ba'i phyir yongs su bsngo'o/ /bdag gir bya ba med pa'i sems kyis phyogs thams cad la yongs su </font><hr>Kha347b<br><font size=+1>


bsngo'o| |khyad par med pa'i sems kyis 'jig rten thams cad la yongs su bsngo ste/ dge ba'i rtsa ba de yul dang / spyod yul thams cad dang / 'jig rten thams cad kyis gos pa med pa'i phyir yongs su bsngo'o/ /dge ba'i rtsa ba de 'jig rten las 'das pa'i chos la yang dag par spyod pas yongs su bsngo'o/ /dge ba'i rtsa ba de 'gro ba thams cad mi dmigs shing mi gnas pas yongs su bsngo'o/ /dge ba'i rtsa ba de thams cad zil gyis gnon pa'i nan tan bstan pas yang dag par bskyed pas yongs su bsngo'o// dge ba'i rtsa ba de chos kyi 'byung gnas rnam par brtags pa med pa mngon par bsgrubs pas yongs su bsngo'o/ /dge ba'i rtsa ba de de bzhin nyid kyi sgo thams cad du 'gro zhing| mtha' dang dbus med par 'gro bas yongs su bsngo'o/ /de bzhin nyid ji lta ba de bzhin du dge ba'i rtsa ba de dag chos thams cad kyi de kho na rab tu rtogs par bya ba'i phyir yongs su bsngo'o/ /de bzhin nyid kyi ngang tshul gang yin pa de'i ngang tshul du gyur par dge ba'i rtsa ba de dag yongs su bsngo'o/ /de bzhin nyid kyi rang bzhin gang yin pa de bzhin du dge ba'i rtsa ba de dag chos thams cad kyi rang bzhin rang bzhin med pa'i phyir yongs su bsngo'o/ /de bzhin nyid kyi mtshan nyid gang yin pa de bzhin du dge </font><hr>Kha348a<br><font size=+1>


@#/ /ba'i rtsa ba de dag mtshan nyid med pa'i chos thams cad mtshan nyid kyis yang dag par dmigs pa'i phyir yongs su bsngo'o/ /chos nyid gang gis de bzhin nyid rtogs par 'gyur ba de bzhin du dge ba'i rtsa ba de dag sangs rgyas kyi chos las phyir mi ldog pa'i phyir yongs su bsngo'o/ /de bzhin nyid kyi spyod yul gang yin pa de bzhin du dge ba'i rtsa ba de dag de bzhin gshegs pa'i spyod yul khong du chud par bya ba'i phyir yongs su bsngo'o/ /de bzhin nyid kyi yul gang yin pa de bzhin du dge ba'i rtsa ba de dag 'das pa dang / ma byon pa dang / da ltar byung ba'i sangs rgyas thams cad kyi yul yul med pa'i rang bzhin du khong du chud pa yongs su rdzogs par bya ba'i phyir yongs su bsngo'o/ /de bzhin nyid gang la gzhog pa de bzhin du dge ba'i rtsa ba de dag 'gro ba thams cad kyi gnas su 'gyur ba'i phyir yongs su bsngo'o/ /de bzhin nyid ji ltar rjes su song ba de bzhin du dge ba'i rtsa ba de dag phyi ma'i mthar gyur pa'i bskal pa'i rjes su 'brang zhing rgyun 'chad pa med pa'i phyir yongs su bsngo'o/ /de bzhin nyid ji ltar tshad med pa de bzhin du dge ba'i rtsa ba de dag 'gro ba thams cad kyi sems nam mkha'i dbyings ltar tshad med par </font><hr>Kha348b<br><font size=+1>


bya ba'i phyir yongs su bsngo'o/ /de bzhin nyid kyis gang du khyab pa de bzhin du dge ba'i rtsa ba de dag 'jig rten gyi khams thams cad sems gcig gis rgyas par dgang ba'i phyir yongs su bsngo'o/ /de bzhin nyid ji srid du ring bar gnas pa de bzhin du dge ba'i rtsa ba de dag 'jig rten thams cad dga' ba zad mi shes par gnas par bya ba'i phyir yongs su bsngo'o/ /de bzhin nyid ji ltar rjes su 'gro ba de bzhin du dge ba'i rtsa ba de dag sangs rgyas kyi chos dpe med pa thams cad yongs su rdzogs par bya ba'i phyir yongs su bsngo'o/ /de bzhin nyid kyi snying po gang yin pa de bzhin du dge ba'i rtsa ba de dag nye ba'i nyon mongs pa thams cad bsal ba'i snying po dang ldan par yongs su bsngo'o| |de bzhin nyid ji ltar mi shigs pa de bzhin du dge ba'i rtsa ba de dag 'gro ba thams cad mi mthun pa med par bya ba'i phyir yongs su bsngo'o/ /de bzhin nyid kyi snang ba gang yin pa de bzhin du dge ba'i rtsa ba de dag thams cad du snang bar yongs su bsngo'o/ /de bzhin nyid ji ltar thams cad na yod pa de bzhin du dge ba'i rtsa ba de dag thams cad du 'gro bar yongs su bsngo'o/ /de bzhin nyid ji ltar dus thams cad na yod pa de bzhin du dge ba'i rtsa ba de dag dus thams cad kyi rjes su 'brang bar yongs </font><hr>Kha349a<br><font size=+1>


@#/ /su bsngo'o/ /de bzhin nyid ji ltar rnam pa thams cad la yod pa de bzhin du dge ba'i rtsa ba de dag 'gro ba thams cad kyi rjes su 'gro zhing rnam par dag par yongs su bsngo'o/ /de bzhin nyid ji ltar chos thams cad la thogs pa med pa de bzhin du dge ba'i rtsa ba de dag spyod pa thams cad la thogs pa med par yongs su bsngo'o/ /de bzhin nyid ji ltar chos thams cad la mig tu gyur pa de bzhin du dge ba'i rtsa ba de dag 'gro ba thams cad kyi mig tu gyur par yongs su bsngo'o/ /de bzhin nyid ji ltar dub par 'gyur ba med pa de bzhin du dge ba'i rtsa ba de dag byang chub sems dpa'i spyod pa thams cad la dub pa med par yongs su bsngo'o/ /de bzhin nyid ji ltar zab pa de bzhin du dge ba'i rtsa ba de dag yongs su bsngo ba zab mo nyid du yongs su bsngo'o/ /de bzhin nyid ji ltar dngos po med pa de bzhin du dge ba'i rtsa ba de dag dngos po med pa khong du chud par bya ba'i phyir yongs su bsngo'o/ /de bzhin nyid ji ltar 'byung ba med pa de bzhin du dge ba'i rtsa ba de dag bstan du med pa'i tshul gyis yongs su bsngo'o/ /de bzhin nyid ji ltar rab rib med pa de bzhin du dge ba'i rtsa ba de dag rab rib med pa'i mig thob par yongs su bsngo'o/ /de bzhin nyid ji ltar 'dra ba med pa de bzhin du dge ba'i rtsa ba de dag byang chub sems dpa'i spyod pa 'dra ba med </font><hr>Kha349b<br><font size=+1>


pa bsgrub pa'i phyir yongs su bsngo'o/ /de bzhin nyid ji ltar zhi ba de bzhin du dge ba'i rtsa ba de dag rab tu zhi ba la gzhol bar yongs su bsngo'o/ /de bzhin nyid ji ltar rtsa ba med pa de bzhin du dge ba'i rtsa ba de dag rtsa ba med pa'i chos dam pa'i phyir yongs su bsngo'o/ /de bzhin nyid ji ltar mtha' dang dbus med pa de bzhin du dge ba'i rtsa ba de dag 'gro ba mtha' dang dbus med pa thams cad rnam par dag par bya ba'i phyir yongs su bsngo'o/ /de bzhin nyid ji ltar chags pa med pa de bzhin du dge ba'i rtsa ba de dag chags pa med pa'i mtha' dang mur thug par yongs su bsngo'o/ /de bzhin nyid ji ltar bsgribs pa med pa de bzhin du dge ba'i rtsa ba de dag sgrib pa thams cad rab tu bsal ba'i phyir yongs su bsngo'o/ /de bzhin nyid ji ltar 'jig rten na rgyu ba med pa de bzhin du dge ba'i rtsa ba de dag 'jig rten gyi chos thams cad rgyu ba med par bya ba'i phyir yongs su bsngo'o/ /de bzhin nyid ji ltar 'jig rten du ma gtogs pa de bzhin du dge ba'i rtsa ba de dga' 'khor ba thams cad du ma gtogs par bya ba'i phyir yongs su bsngo'o/ /de bzhin nyid ji ltar mngon par 'du bya ba med pa de bzhin du dge ba'i rtsa ba de dag mngon par 'du bya ba thams cad las gyen du 'phags par yongs su bsngo'o/ /de bzhin nyid ji ltar gnas pa de bzhin du dge ba'i rtsa ba de dag de bzhin nyid du gnas par yongs su bsngo'o/ /de bzhin nyid ji ltar chos thams cad dang 'byor pa de bzhin du dge ba'i rtsa ba de dag sems can thams </font><hr>Kha350a<br><font size=+1>


@#/ /cad spyod pa thos pa la brtson par bya ba'i phyir yongs su bsngo'o/ /de bzhin nyid ji ltar chos thams cad la yod pa de bzhin du dge ba'i rtsa ba de dag 'gro ba thams cad dang mnyam pa'i spyod pa yongs su 'grub par bya ba'i phyir yongs su bsngo'o/ /de bzhin nyid ji ltar chos thams cad dang bral ba med pa de bzhin du dge ba'i rtsa ba de dag 'gro ba thams cad dang / phyi ma'i mtha'i mur thug par mi 'bral bar yongs su bsngo'o/ /de bzhin nyid ji ltar chos thams cad la zad pa med pa de bzhin du dge ba'i rtsa ba de dag 'gro ba thams cad la yongs su bsngo ba mi zad pa'i phyir yongs su bsngo'o/ /de bzhin nyid ji ltar chos thams cad dang 'gal ba med pa de bzhin du dge ba'i rtsa ba de dag 'das pa dang / ma byon pa dang / da ltar byung ba'i sangs rgyas thams cad dang 'gal ba med par yongs su bsngo'o/ /de bzhin nyid ji ltar chos thams cad kyi mdo yin pa de bzhin du dge ba'i rtsa ba de dag 'gro ba thams cad ma lus pa'i dge ba'i rtsa ba yang dag par bsdu ba'i phyir yongs su bsngo'o/ /de bzhin nyid ji ltar chos thams cad la rgyud kyi tshul gcig tu gyur pa de bzhin du dge ba'i rtsa ba de dag 'das pa dang / ma byon pa dang / da ltar byung ba'i sangs rgyas thams cad dang rgyud kyi tshul gcig tu 'gyur bar yongs su bsngo'o/ /de bzhin nyid ji ltar chos thams </font><hr>Kha350b<br><font size=+1>


cad las ma 'das pa de bzhin du dge ba'i rtsa ba de dag 'jig rten pa dang / 'jig rten las 'das pa yang dag par bsdu ba'i phyir yongs su bsngo'o/ /de bzhin nyid ji ltar zil gyis mi non pa de bzhin du dge ba'i rtsa ba de dag 'gro ba thams cad zil gyis mi non pa'i phyir yongs su bsngo'o/ /de bzhin nyid ji ltar mi sgul ba de bzhin du dge ba'i rtsa ba de dag bdud thams cad kyi las kyis mi sgul ba'i sems dang ldan par yongs su bsngo'o/ /de bzhin nyid ji ltar ma 'khrugs pa de bzhin du dge ba'i rtsa ba de dag byang chub sems dpa'i spyod pa thams cad ma 'khrugs par spyad pa'i phyir yongs su bsngo'o/ /de bzhin nyid ji ltar g.yo ba med pa de bzhin du dge ba'i rtsa ba de dag sems can thams cad g.yo ba med pa'i phyir yongs su bsngo'o/ /de bzhin nyid ji ltar zad pa med pa de bzhin du dge ba'i rtsa ba de dag 'jig rten gyi chos thams cad kyis mi zad par bya ba'i phyir yongs su bsngo'o/ /de bzhin nyid ji ltar byang chub yin pa de bzhin du dge ba'i rtsa ba de dag chos thams cad rnam par 'tshang rgya ba mthong bar bya ba'i phyir yongs su bsngo'o/ /de bzhin nyid ji ltar zhig pa med pa de bzhin du dge ba'i rtsa ba de dag sems can thams cad kyi lhag pa'i bsam pa 'jig pa med par bya ba'i phyir yongs su bsngo'o/ /de bzhin nyid ji ltar snang ba yin pa de bzhin du dge ba'i rtsa ba de dag 'gro ba thams cad kyis ye shes kyi snang ba chen po rab tu thob par bya ba'i phyir yongs su </font><hr>Kha351a<br><font size=+1>


@#/ /bsngo'o| |de bzhin nyid ji ltar brjod du med pa de bzhin du dge ba'i rtsa ba de dag brjod pa thams cad brjod du med par shes par bya ba'i phyir yongs su bsngo'o/ / de bzhin nyid kyis ji ltar 'gro ba thams cad yang dag par gzung ba de bzhin du dge ba'i rtsa ba de dag byang chub sems dpa'i spyod pa thams cad yang dag par gzung ba rab tu thob par bya ba'i phyir yongs su bsngo'o/ /ji ltar de bzhin nyid spyod pa thams cad kyi rjes su song ba de bzhin du dge ba'i rtsa ba de dag brjod pa dang spyod pa thams cad ma lus par yongs su shes pa'i ye shes kyi phyir yongs su bsngo'o/ /de bzhin nyid ji ltar chos rnam pa tha dad pa thams cad ma lus pa la 'gro ba de bzhin du dge ba'i rtsa ba de dag sangs rgyas kyi zhing thams cad du mngon par 'tshang rgya bas mngon par sangs rgyas shing rnam par 'phrul ba yang dag par bstan pa yongs su rdzogs par bya ba'i phyir yongs su bsngo'o/ /de bzhin nyid ji ltar rnam par rtog pa med pa de bzhin du dge ba'i rtsa ba de dag 'jig rten thams cad kyis yongs su rtog pa rnam par rtog pa med par bya ba'i phyir yongs su bsngo'o/ /de bzhin nyid ji ltar lus thams cad la yod pa de bzhin du dge ba'i rtsa ba de dag tshad med pa'i lus kyis sangs rgyas kyi zhing thams cad rgyas par dgang pa'i phyir yongs su bsngo'o/ /de bzhin nyid </font><hr>Kha351b<br><font size=+1>


ltar skye ba med pa de bzhin du dge ba'i rtsa ba de dag skye ba med pas skye ba mngon par sgrub pa la mkhas pa bstan pa'i phyir yongs su bsngo'o/ /de bzhin nyid ji ltar gang na yang med pa ma yin pa de bzhin du dge ba'i rtsa ba de dag dus gsum du gtogs pa'i lus thams cad kyis thams cad du rnam par 'phrul zhing sangs rgyas kyi zhing byin gyis brlabs pa yang dag par bstan pa yongs su rdzogs par bya ba'i phyir yongs su bsngo'o/ /ji ltar de bzhin nyid mtshan mo la yod pa de bzhin du dge ba'i rtsa ba 'dis dus thams cad du bla na med pa'i snang ba thob cing sangs rgyas kyi mdzad pa yongs su rdzogs par gyur cig /ji ltar de bzhin nyid nyin mo la yod pa de bzhin du dge ba'i rtsa ba 'dis 'gro ba kun gyi nyin mor bgrang ba thams cad du sangs rgyas kyi rnam par 'phrul ba yongs su ston pa/ phyir mi ldog pa'i chos kyi 'khor lo rab tu dgod cing 'gro ba thams cad kyis blta na don yod pa rnam par dag par gyur cig /ji ltar zla ba dang yud tsam la de bzhin nyid yod pa de bzhin du dge ba'i rtsa ba 'dis 'gro ba thams cad kyis dus thams cad skad cig gcig tu khong du chud par bya ba'i phyir dus la 'jug par mkhas pa la rab tu gnas par gyur cig /ji ltar de bzhin nyid dbyar gyi dus la yod pa de bzhin du dge ba'i rtsa ba 'dis dbang po </font><hr>Kha352a<br><font size=+1>


@#/ /rnam pa tha dad pa rab tu shes par bya ba'i phyir bskal pa'i gnas sna tshogs su dbang po rnam par dag pa yongs su rdzogs par gyur cig /ji ltar de bzhin nyid 'du ba dang 'jig pa'i bskal pa la yod pa de bzhin du dge ba'i rtsa ba 'dis 'gro ba thams cad rnam par dag par gdul ba'i phyir bskal pa thams cad du rnam par dag pa rnam par bkod pas skye ba med cing gos pa med par gnas par gyur cig /ji ltar de bzhin nyid phyi ma'i mtha' la yod pa de bzhin du dge ba'i rtsa ba 'dis smon lam chen po las phyir mi ldog pa'i phyir phyi ma'i bskal pa'i mur thug pa thams cad du byang chub sems dpa'i spyod pa la gnas pa rnam par dag par gyur cig /ji ltar de bzhin nyid 'gro ba'i dus la yod pa de bzhin du dge ba'i rtsa ba 'dis sems kyi skad cig gcig tu yang 'bral ba med par bya ba'i phyir sems can thams cad kyi sems skad cig gcig gis sangs rgyas thams cad mthong ba yongs su rdzogs par gyur cig /ji ltar de bzhin nyid thams cad du 'gro ba de bzhin du dge ba'i rtsa ba 'dis khams gsum thams cad rnam par dag par 'gyur pa'i phyir thams cad zil gyis gnon pa thob par </font><hr>Kha352b<br><font size=+1>


gyur cig /ji ltar de bzhin nyid dngos po dang dngos po med pa thams cad kyi rjes su song ba de bzhin du dge ba'i rtsa ba 'dis dngos po med pa yongs su shes pa'i phyir dngos po thams cad rnam par dag par gyur cig /ji ltar de bzhin nyid dag pa de bzhin du dge ba'i rtsa ba 'dis tshogs chen po rgyu chen pos 'byung ba'i phyir byang chub sems dpa' thams cad kyi spyod pa yongs su dag par gyur cig /de bzhin nyid ji ltar 'od dang pa de bzhin du dge ba'i rtsa ba 'dis sems kyi 'od dang ba'i phyir byang chub sems dpa'i ting nge 'dzin thams cad rab tu thob par gyur cig /de bzhin nyid ji ltar dri ma med pa de bzhin du dge ba'i rtsa ba 'dis dri ma med pa'i sems yongs su rdzogs shing dri ma thams cad byang bar gyur cig /ji ltar de bzhin nyid bdag gi med pa de bzhin du dge ba'i rtsa ba 'dis sangs rgyas kyi zhing thams cad rgyas par 'gengs pa'i phyir tshad med pa yongs su gzung bar sems bskyed pa rnam par dag par gyur cig /de bzhin nyid ji ltar mnyam pa nyid yin pa de bzhin du dge ba'i rtsa ba 'dis chos thams cad snang zhing rab rib med pas mnyam par ye shes kyi 'byung gnas thams cad rab tu thob par gyur cig /ji ltar de bzhin nyid bgrang </font><hr>Kha353a<br><font size=+1>


@#/ /du med pa de bzhin du dge ba'i rtsa ba 'dis 'jig rten gyi khams thams cad du chos kyi sprin gyis rgyas par dgang ba'i phyir thams cad mkhyen pa'i theg pa dang / stobs kyi mdzod grangs med pa la gnas par gyur cig /ji ltar de bzhin nyid mnyam pa nyid kyi gnas su gyur pa de bzhin du dge ba'i rtsa ba 'dis byang chub sems dpa'i spyod pa thams cad nye bar blangs pa rab tu thob par bya ba'i phyir thams cad mkhyen pa la rab tu 'god par gyur cig /de bzhin nyid ji ltar sems can gyi khams rnam par phye ba thams cad la yod pa de bzhin du dge ba'i rtsa ba 'dis thogs pa med pa'i ye shes yongs su rdzogs pas sems can thams cad mngon du red par gyur cig /ji ltar de bzhin nyid shes pa dang / brjod pa dang / rnam par brjod pa dang / brda dang / gang zag thams cad la yod pa de bzhin du dge ba'i rtsa ba 'dis sgra grags pa thams cad shes pas sems can gyi khams thams cad shes par bya ba'i phyir sems can thams cad kyi sgra skad shes pa'i mngon par shes pa yang dag par 'dzin pa la mkhas par gyur cig /ji ltar de bzhin nyid 'gro ba thams cad las rnam par 'das </font><hr>Kha353b<br><font size=+1>


shing / 'gro ba thams cad yongs su bsdu ba'i mthar thug pa de bzhin du dge ba'i rtsa ba 'dis sems can thams cad dge ba'i rtsa ba la rab tu brten par bya ba'i phyir 'gro ba thams cad las 'das par gyur cig /ji ltar de bzhin nyid yangs pa de bzhin du dge ba'i rtsa ba 'dis 'khrul pa med par byang chub sems dpa'i spyod pa thams cad la shin tu brtson pas 'das pa dang / ma byon pa dang / da ltar byung ba'i sangs rgyas thams cad kyi chos bstan pa yang dag par 'dzin par gyur cig /ji ltar de bzhin nyid nam yang yal ba med pa de bzhin du dge ba'i rtsa ba 'dis ye shes chen po la sems can thams cad rab tu dgod pa'i phyir bskal pa thams cad du byang chub sems dpa'i spyod pa la rab tu brtson par gyur cig /ji ltar de bzhin nyid chos 'byams klas pa thams cad la yod pa de bzhin du dge ba'i rtsa ba 'dis chags pa med pa'i dran pa rnam par dag pas bsod nams kyi rgyud 'byams klas pa gzung bar gyur cig /ji ltar de bzhin nyid bsngags pa mtha' yas pa de bzhin du dge ba'i rtsa ba 'dis byang chub sems dpa'i spyod pa thob pa'i phyir ye shes bsngags pa mtha' yas pa khong </font><hr>Kha354a<br><font size=+1>


@#/ /du chud par gyur cig /ji ltar de bzhin nyid nye bar len pa med pa de bzhin du dge ba'i rtsa ba 'dis 'gro ba thams cad nye bar bzung pa rnam par dag cing chos thams cad la len pa med par gyur cig /ji ltar de bzhin nyid g.yo ba med pa de bzhin du dge ba'i rtsa ba 'dis byang chub sems dpa' kun tu bzang po'i spyod pa dang / smon lam yongs su rdzogs pas mi g.yo zhing brtan pa dang / shin tu gnas par gyur cig /ji ltar de bzhin nyid sangs rgyas kyi yul du gyur pa de bzhin du dge ba'i rtsa ba 'dis nyon mongs pa thams cad kyi yul zhi bar bya ba'i phyir 'gro ba thams cad kyis ye shes kyi yul yongs su rdzogs par gyur cig /ji ltar de bzhin nyid mi 'phrog pa de bzhin du dge ba'i rtsa ba 'dis mu stegs can gzhan dang / phas kyi rgol ba thams cad tshar gcad pa'i phyir bdud kyi las thams cad kyis mi 'phrog par gyur cig /ji ltar de bzhin nyid bsgom pa yang ma yin/ mi bsgom pa yang ma yin pa de bzhin du dge ba'i rtsa ba 'dis rnam par rtog pa thams cad rab tu spang ba'i phyir dngos po dang dngos po med pa thams cad la rnam par mi rtog par gyur cig /ji ltar de bzhin nyid bya ba med pa de bzhin du dge ba'i rtsa ba 'dis byang chub kyi sems kyi rgyan thams cad 'thob </font><hr>Kha354b<br><font size=+1>


par brtson pa'i phyir sangs rgyas thams cad mthong bas dma' ba med par gyur cig /ji ltar de bzhin nyid 'gro ba'i smra ba la yod pa de bzhin du dge ba'i rtsa ba 'dis skad la mkhas pa'i rgyud kyis shin tu 'phags par 'gyur ba'i phyir skad rnam par phye ba shes pa mngon par shes par gyur cig /ji ltar de bzhin nyid chos thams cad la ltos pa med pa de bzhin du dge ba'i rtsa ba 'dis sems can thams cad kun tu bzang po'i spyod pas byung ba'i phyir sems can thams cad ltos pa med par gyur cig /ji ltar de bzhin nyid sa nas sar 'gro ba de bzhin du dge ba'i rtsa ba 'dis kun tu bzang po'i rgyan thob pa'i phyir sems can thams cad kyi gnas ye shes kyis thob par gyur cig /ji ltar de bzhin nyid gcad du med pa de bzhin du dge ba'i rtsa ba 'dis spyod pa'i dkyil 'khor thams cad yang dag par bstan pa'i phyir sems can thams cad kyis mi 'jigs pa gcad du med pa rab tu thob par gyur cig /ji ltar de bzhin nyid zag pa med pa de bzhin du dge ba'i rtsa ba 'dis chos shes pa'i tshul gyis rnam par shes pa'i phyir zag pa med pa'i dge ba'i rtsa ba byang chub kyi sems yongs su rdzogs par gyur cig /ji ltar de bzhin nyid kyi chos gang yang 'gag pa med cing / chos gang yang mngon par sangs rgyas pa med pa de bzhin du dge ba'i rtsa ba 'dis chos </font><hr>Kha355a<br><font size=+1>


@#/ /kyi dbyings mtha' yas pa sems bskyed pas rgyas par dgang ba'i phyir chos thams cad mngon par 'tshang rgya bar gyur cig /ji ltar de bzhin nyid sngon gyi mthas zad par ma gyur pa dang / phyi ma'i mthas rgyas par 'gyur ba med cing / da ltar byung bas rnam pa tha dad par ma gyur pa de bzhin du dge ba'i rtsa ba 'dis 'khor ba thams cad las rnam par 'da' ba'i phyir byang chub kyi sems gsar pa gsar ba'i smon lam gyis 'gro ba thams cad rnam par dag pa dang ldan par gyur cig /ji ltar de bzhin nyid dus gsum du rnam par rtog pa med pa de bzhin du dge ba'i rtsa ba 'dis da ltar byung ba'i dus la skad cig rnam par dag pa'i phyir sngon gyi mtha' dang phyi ma'i mtha' rnam par dag par gyur cig /ji ltar de bzhin nyid sangs rgyas dang byang chub sems dpa' thams cad yongs su 'grub pa'i rgyu yin pa de bzhin du dge ba'i rtsa ba 'dis shin tu brtson pa'i brtson 'grus thob pa'i phyir sems can thams cad kyis sangs rgyas kyi ye shes rab tu grub par gyur cig /ji ltar de bzhin nyid nam yang kun nas nyon mongs par mi 'gyur zhing shin tu rnam par dag pa de bzhin du dge ba'i rtsa ba 'dis thams cad mkhyen pa nyid rnam par dag pa yongs su rdzogs par 'gyur ba'i phyir 'gro ba thams cad kyi </font><hr>Kha355b<br><font size=+1>


kun nas nyon mongs pa shin tu spangs par gyur cig /ces de ltar yongs su bsngo ba'i byang chub sems dpa' ni/ 'jig rten thams cad yongs su dag par bya ba'i phyir zhing thams cad mnyam pa nyid 'thob bo/ /chos kyi 'khor lo thogs pa med cing phyir mi ldog pa'i phyir 'jig rten thams cad mnyam pa nyid 'thob bo/ /thams cad mkhyen par smon pas shin tu 'byung ba'i phyir byang chub sems dpa' thams cad dang mnyam pa nyid 'thob bo/ /dus gsum gyi sangs rgyas thams cad dang mnyam pa nyid kyi phyir sangs rgyas thams cad dang mnyam pa nyid 'thob bo| /rang bzhin 'khrugs pa med pa'i phyir chos thams cad mnyam pa nyid 'thob bo/ /tshig gi tshul thams cad la mkhas pa'i rgyus yongs su shes pa'i phyir dus thams cad mnyam pa nyid 'thob bo/ /ji ltar bskyed pa'i dge ba'i rtsa ba yongs su bsngo ba'i phyir byang chub sems dpa'i spyod pa thams cad mnyam pa nyid 'thob bo/ /dus ji lta ba bzhin du sbyor ba'i sangs rgyas kyi 'phrin las rgyun mi gcod pa'i phyir dus thams cad mnyam pa nyid 'thob bo/ /'jig rten pa dang 'jig rten las 'das pa'i dge ba'i rtsa ba gos pa med pa'i mthar thug pa'i phyir las kyi rnam par smin pa thams cad mnyam pa nyid 'thob bo/ /'jig rten thams cad dang mi 'gal bar sangs rgyas kyi mdzad pa yang </font><hr>Kha356a<br><font size=+1>


@#/ /dag par bstan pa'i phyir sangs rgyas kyi rnam par 'phrul ba dang / byin gyi rlabs mnyam pa nyid 'thob ste/ kye rgyal ba'i sras dag /'di ni/ byang chub sems dpa' sems dpa' chen po rnams kyi yongs su bsngo ba de bzhin nyid kyi mtshan nyid kyi rang bzhin zhes bya ba ste/ brgyad pa'o/ /de la gnas pa'i byang chub sems dpa' sems dpa' chen po ni/ sangs rgyas kyi khyu mchog dang / seng+ge'i nga ro 'jigs pa med par bsgrag par bya ba'i phyir chos kyi sgo rnam par dag pa mtha' dang dbus med pa rab tu 'thob bo/ /dus thams cad du rgyun mi 'chad pa'i tshul du byang chub sems dpa' thams cad kyi yongs su smin par bya ba dang / gdul ba mtha' dang dbus med pa yongs su rdzogs pa rab tu 'thob bo/ /'jig rten gyi khams thams cad lus gcig gis rgyas par dgang ba'i phyir de bzhin gshegs pa'i sku mtha' dang dbus med pa tshad med pa rab tu 'thob bo| |dbyangs gcig gis sems can gyi khams thams cad shes par bya ba'i phyir de bzhin gshegs pa'i gsung mtha' dang dbus med pa mngon par sgrub pa yongs su rdzogs pa rab tu 'thob bo/ /'jig rten gyi khams thams cad skra'i sbugs gcig tu yongs su 'du bar bya ba'i phyir de bzhin gshegs pa'i stobs mtha' dang dbus med pa yongs su </font><hr>Kha356b<br><font size=+1>


rdzogs pa rab tu 'thob bo/ /sems can thams cad kyi lus rdul gcig la rab tu dgod pa'i phyir de bzhin gshegs pa'i rnam par 'phrul ba mtha' dang dbus med pa yongs su rdzogs pa rab tu 'thob bo/ /sems can gcig gi lus las sangs rgyas kyi yul thams cad mngon par 'tshang rgya ba yongs su bstan pa'i phyir de bzhin gshegs pa'i rnam par thar pa mtha' dang dbus med pa thams cad rab tu 'thob bo/ /ting nge 'dzin gcig la ting nge 'dzin thams cad mngon par sgrub pa la mkhas pa'i phyir de bzhin gshegs pa'i ting nge 'dzin mtha' dang dbus med pa thams cad yongs su rdzogs pa rab tu 'thob bo/ /phyi ma'i mtha'i mur thug par chos gcig gi tshig shin tu bstan pas sems can thams cad kyi the tshom gcad pa zad mi shes pa'i phyir de bzhin gshegs pa'i tha dad pa yang dag par shes pa mtha' dang dbus med pa thams cad yongs su rdzogs pa rab tu 'thob bo/ /sems can gyi khams ma lus par stobs bcu'i thams cad mkhyen pa nyid mngon par rdzogs par 'tshang rgya ba bstan pa'i phyir de bzhin gshegs pa'i dpa' ba rlabs po che mtha' dang dbus med pa yongs su rdzogs pa rab tu 'thob bo/ /de nas byang chub sems dpa' rdo rje rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di </font><hr>Kha357a<br><font size=+1>


@#/ /dag smras so/ /de dag bsam pa brtan pa'i sems ldan pa/ /dran pa gsal bas rmongs pa med gyur cing / /brtan zhing des la yongs su gdung med pa/ / mtshungs med de dag bsod nams yang dag gsog /de dag mi mthun med pa'i yid ldan zhing / /bsam pa shin tu rnam par dag pa rnams/ /ji snyed sna tshogs 'jig rten skye ba yi| |las kyi rnam pa thams cad rmongs med mkhas/ /de dag las kyi rnam pa sna tshogs pa/ /rnam pa tha dad yangs la rjes su sems/ /des ni 'jig rten ma lus bde bar byed| |de la yid kyis rtag tu mngon par brtson/ /de dag 'gro ba kun dang 'gal med yin/ /dga' bar byed pa'i sems dang ldan pa ste/ /las kyi rnam pa ci 'drar rnam phye ba/ / de dag yang dag sgrub par mngon par brtson/ /kha lo sgyur sar thams cad gzung sems ldan/ /yongs su gdung med chags med yid dang ldan/ /don dang chos nyid de dag rjes su 'thob/ /'gro la phan phyir de dag mngon par brtson/ /de dag yid kyis dge ba rtogs gyur cing / /gang dag rnam pa tha dad grangs mang ba/ /de dag rgyud dang tshul yang rab tu shes/ /de dag 'jig rten phan phyir yongs su bsngo/ /shin tu yangs pa'i tshul gyi dam pa 'di/ /mnyam yangs ye shes rtag tu tshul shes pas/ /gnas rnams </font><hr>Kha357b<br><font size=+1>


thams cad ma lus mthong byas shing / /de bzhin nyid ltar yongs su bsngo ba byed/ /gang la de bzhin nyid de yod pa yi/ /rnam pa thams cad 'jig rten blangs byas shing / /'jig rten rgyud rnams chags pa med pa'i phyir/ /de 'dra'i las su brtan pa yongs su bsngo/ /de ni kun tu 'gro bar rtogs byas shing / /de bzhin nyid kyi tshul rgyud gang yin dang / / dmigs pa dag dang 'on tam dmigs med pa/ /de ltar bsod nams yid du 'ong ba bsngo/ /mun la yod dang nyin la yod pa dang / /yud du yan man de bzhin zla yod dang / / lo la yod dang bskal la yod pa'am/ /de bzhin ji bzhin de bzhin nyid bzhin bsngo/ /dus la yod pa'am zhing la yod pa dang / /sems can yod pa'am chos la yod pa dang / /kun la yod pa'am yod pa ma yin pa/ /de bzhin bsod nams ma lus yongs su bsngo/ /de bzhin nyid kyi rang bzhin ci 'dra ba/ /rang bzhin de 'drar sems kyang bsgyur byas shing / /ji ltar de bzhin nyid de rjes 'gro ba/ /de ltar bsod nams gcig min yongs su bsngo/ /de bzhin ji bzhin de bzhin nyid kyi dngos/ /de la chos nyid khang yang yod med cing / /rang bzhin mi ldan ji ltar de bzhin nyid/ /de ltar las rnams mkhas pa yongs su bsngo/ /de bzhin nyid kyi mtshan nyid ci 'dra dang / /de bzhin nyid </font><hr>Kha358a<br><font size=+1>


@#/ /kyi dang tshul ci 'dra dang / /de bzhin nyid kyi rang bzhin ci 'dra ba/ /de 'dra las rnams kun kyang yongs su bsngo/ /de dag mtha' yas las la rab zhugs shing / /de bzhin nyid de ji ltar mtha' yas te/ /de la chags dang bcings pa med pa ltar/ /de ltar las rnams shin tu dag par byed/ /de ltar rgyal sras shin tu mkhas pa dag /bsam pa mi g.yo shin tu brtan thob pa/ /ye shes stobs ldan tshul la mkhas gyur pa/ /de dag rgyal ba'i mdzod kyi tshul la zhugs/ /de dag tshul gyi rgyal po'i tshul shes pas/ /de la chags dang bcings pa med pa'i phyir/ /chags med sems ni 'jug par mi 'gyur te/ /'jug par byed pa'ang gang yang dmigs pa med/ /chos kyi lus ni rab tu thob byas shing / /'gro ba kun las mtshan nyid ji bzhin pa/ /chos nyid de la mtshan nyid med gsungs pa/ /de 'dra'i mtshan nyid chos la rab tu zhugs/ /de ltar de dag 'grogs pa bsam mi khyab/ /de la sems ni lhag ma med par byed/ /bsam yas chos rnams kun la rab tu zhugs// sems ni sems min rnam par dben pa shes/ /de dag chos dben nyid la 'jug byed cing / /de ltar chos nyid rjes su sems pa byed/ /g.yo dang rlom sems </font><hr>Kha358b<br><font size=+1>


thams cad 'gag pa ste/ /de phyir yon tan rnam par grags pa yin/ /de dag rnam smin thams cad ma lus par/ /ye shes rgyas btab zad par mi 'gyur te/ /de ni mi zad mi zad nyid kyi dngos/ /mi zad mtha' yi tshul dang 'gal ba med/ /bsam pa lus kyi phyi rol yod pa min/ /sems ni nang na'ang yod pa ma yin te/ /dus rnams gang na'ang sems ni yod pa min/ /rlom sems rlom chos med pas zhi bar 'gyur/ /de 'dra'i smon lam ldan pa rgyal sras rnams/ /chos kyi rang bzhin brtson pa zhi ba stong pa ste/ /chos rnams ma lus thams cad g.yo ba med/ /bdag nyid rgyal bas rnam par sangs rgyas med/ /de bzhin nyid gang 'gro ba kun mnyam pa'i/ /chos nyid mtshan nyid rjes su shes byas shing / /bsam yas mtshan nyid de dag mthong gyur nas/ /mtshan nyid med pa'i shes la rmongs pa med/ /de ltar zab pa'i spyod pa rab brtson pa/ /de dag byang chub rtag par brtson pa ste/ /de dag smon lam de yang rtog pa med/ /'gro ba kun gyi don du de dag brtson/ /de dag 'jig rten rnams las 'das gyur cing / /'chi 'pho yongs su rtog pa med byas te| |sprul pa 'dra bar sems kyang rig byas nas/ /de dag 'gro ba gdul phyir rab tu 'jug /de dag mthong dang dran pa 'di 'dra ste/ /las kyi smin pas 'jig rten byung ba yi/ /khams </font><hr>Kha359a<br><font size=+1>


@#/ /gsum pa yi sems can thams cad la/ /de dag yongs su bskyab par mngon par brtson/ /'gro ba kun gyi 'du shes rgyu ba dang / /rnam par rtog pa ji snyed tha dad pa'i/ /skal ba mi mnyam de dag de bzhin shes/ /ngo bo nyid las nam yang phyir mi ldog /shes pas mkhas pa chos rab bsngags pa rnams/ /'gro ba kun la snying brtse'i sems ldan pas/ /chos kyi tshul la rjes su sems byed cing / /tshul mkhas de dag de ltar yongs su bsngo/ /de bzhin nyid kyi mtshan nyid kyi rang bzhin zhes bya ba ste| yongs su bsngo ba brgyad pa'o// // </font><hr>Ga1b<br><font size=+1>


@##/ /shin tu rgyas pa chen po'i mdo/ sangs rgyas phal po che zhes bya ba| bam po bzhi bcu rtsa gnyis pa/ kye| rgyal ba'i sras dag /byang chub sems dpa' sems dpa' chen po rnams kyi yongs su bsngo ba chags pa med pa dang / grol zhing bcings pa med pa zhes bya ba dgu pa gang zhe na/ kye| rgyal ba'i sras dag /'di </font><hr>Ga2a<br><font size=+1>


@##/ /la byang chub sems dpa' sems dpa' chen po dge ba'i rtsa ba thams cad la brnyas pa med pa'i sems dang ldan pa yin/ 'khor ba bsgrub pa la brnyas pa med pa'i sems dang ldan pa yin/ dge ba'i rtsa ba yang dag par bsdu ba la brnyas pa med pa'i sems dang ldan pa yin/ dge ba'i rtsa ba thams cad yongs su btsal ba la brnyas pa med pa'i sems dang ldan pa yin/ bshags pa'i las la brnyas pa med pa'i sems dang ldan pa yin/ rjes su yi rang ba'i rtsa ba la brnyas pa </font><hr>Ga2b<br><font size=+1>


med pa'i sems dang ldan pa yin/ 'jig rten gyi khams gzhan na bzhugs pa'i de bzhin gshegs pa la phyag bya ba'i las la brnyas pa med pa'i sems dang ldan pa yin/ thal mo sbyar zhing btud pa'i las la brnyas pa med pa'i sems dang ldan pa yin/ mchod rten la phyag bya ba dang / bla ma la phyag bya ba'i las la brnyas pa med pa'i sems dang ldan pa yin/ 'jig rten gyi khams gzhan na bzhugs pa'i de bzhin gshegs pa rnams la gsol ba gdab pa'i las la brnyas pa med pa'i sems dang ldan pa yin te/ de dge ba'i rtsa ba de dag la rab tu 'jug pa dang / dge ba'i rtsa ba de dag gi go skabs dbye bar byed pa dang / dge ba'i rtsa ba de dag la yid ches pa brtan par byed pa dang / dge ba'i rtsa ba de dag la bdag rab tu sbyor ba dang / </font><hr>Ga3a<br><font size=+1>


@##/ /dge ba'i rtsa ba de dag sems kyi bdag nyid che ba nyid la rab tu gzhog pa dang / dge ba'i rtsa ba de dag gi phyir chags pa med pa'i sems la rab tu brtson par byed pa dang / dge ba'i rtsa ba de dag sbyin pa la rag las par yang dag par sgrub pa dang / dge ba'i rtsa ba de dag gi phyir lhag pa'i bsam pa nyams pa med pa rab tu sgrub pa dang / dge ba'i rtsa ba de dag de bzhin gshegs pas dmigs pa'i yul la rab tu sbyor ba dang / dge ba'i rtsa ba de dag gi phyir stobs kyi shugs rab tu 'thob pa la yang dag par lta ba'i tshe/ dge ba'i rtsa ba de dag 'di ltar yongs su bsngo ste/ 'di ltar chags pa med pa dang| grol zhing bcings pa med pa'i sems su kun tu bzang po'i lus kyi las rab tu grub par gyur cig /chags pa med pa </font><hr>Ga3b<br><font size=+1>


dang / grol zhing bcings pa med pa'i sems su kun tu bzang po'i ngag gi las phun sum tshogs par gyur cig/ chags pa med pa dang / grol zhing bcings pa med pa'i sems su kun tu bzang po'i yid kyi las yongs su rdzogs par gyur cig/ thams cad du rab tu brtson pas chags pa med pa dang / grol zhing bcings pa med pa'i sems su kun tu bzang po'i brtson pa la bsten par gyur cig/ phyogs thams cad du song zhing chags pa med pa dang / grol zhing bcings pa med pa'i sems su kun tu bzang po'i dbyangs chags pa med pa'i gzungs 'thob par bya ba rab tu thob par gyur cig/ sangs rgyas thams cad mthong ba yang dag par 'dzin cing chags pa med pa dang / grol zhing bcings pa med pa'i sems su kun tu bzang po'i sangs rgyas thams cad mthong ba'i gzungs 'thob par bya ba rab tu thob par gyur cig /chos kyi sprin brjod du med pa ma lus par dkyil 'khor thams cad dang ldan pa'i dbyangs kyis rab tu bstan pa'i phyir chags pa med pa dang / grol zhing bcings pa med pa'i sems su kun tu bzang po'i dbyangs thams cad la mkhas pa'i gzungs rab tu thob par gyur cig/ 'jig rten gyi khams thams cad du byang chub sems dpa'i spyod pa la brtson zhing </font><hr>Ga4a<br><font size=+1>


@#/ /chags pa med pa dang / grol zhing bcings pa med pa'i sems su/ kun tu bzang po'i spyod pa bskal pa thams cad tu yang dag par 'dzin pa'i gzungs rab tu thob par gyur cig/ phyi ma'i mtha'i bskal pa'i mur thug pa ma lus pa thams cad du sems can gcig gi lus la ji lta ba de bzhin du sems can ma lus pa'i lus la yang chags pa med pa dang / grol zhing bcings pa med pa'i sems su kun tu bzang po'i byang chub sems dpa'i spyod pa dang / rnam par 'phrul pa dang / byin gyi rlabs thams cad sems can gcig gi lus la byin gyis rlob par gyur cig/ byang chub sems dpa'i spyod pa la rab tu brtson zhing chags pa med pa dang / grol zhing bcings pa med pa'i sems su kun tu bzang po dang mngon sum du 'gyur ba'i gnas su/ 'khor gyi dkyil 'khor thams cad mtha' dag lhag pa med cing ma lus par gzud pa bstan par byin gyis byin du rlob par gyur cig/ sems can thams cad 'dzud pa la chags pa med pa dang / grol zhing bcings pa med pa'i sems su kun tu bzang po'i sgo gcig nas/ sangs rgyas kyi rnam par 'phrul pa brjod du med pa'i yang brjod du med pa mi zad pa yang dag par mthong bar gyur cig/ </font><hr>Ga4b<br><font size=+1>


sangs rgyas thams cad kyi sku mngon sum du mthong ba'i phyir chags pa med pa dang / grol zhing bcings pa med pa'i sems su kun tu bzang po'i sgo sna tshogs nas/ sangs rgyas kyi rnam par 'phrul ba brjod du med pa'i yang brjod du med pa'i bskal par rnam par dgod pa mi zad pa la sems can thams cad rab tu 'jug par gyur cig/ yongs su skyo ba med pa'i sems la chags pa med pa dang / grol zhing bcings pa med pa'i sems su kun tu bzang po'i stobs bcu'i ye shes kyi sgo la/ sems du gdags pa brjod du med pa'i yang brjod du med pa yang dag par 'dzud pa dang / rab tu 'god pa dang / sems kyi skad cig re re la snying rje chen po yang dag par 'byung bar gyur cig /kun tu bzang po'i spyod pa la gnas pa'i tshe chags pa med pa dang / grol zhing bcings pa med pa'i sems su kun tu bzang po'i sems can thams cad kyi lus kyis sangs rgyas kyi khyu mchog gi mthu phyung ba dang / rnam par 'phrul pa thams cad yang dag par ston par gyur cig/ sems can thams cad 'dul ba'i dbang nye bar bzung ste/ sems can gcig la ji lta ba de bzhin du sems can thams cad ma lus pa la yang de bzhin du thams cad mkhyen pa'i sa'i stobs la rab tu dgod pa'i phyir/ chags pa med pa dang / </font><hr>Ga5a<br><font size=+1>


@#/ /grol zhing bcings pa med pa'i sems su kun tu bzang po'i 'gro ba kun gyi brjod pa/ sems can gcig gi tshig rnam par gdags pa la byin gyis rlob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su kun tu bzang po'i sems can gcig gi lus la/ sems can thams cad kyi lus yang dag par gzud par byin gyis byin du rlob cing / de dag kyang dge ba'i rtsa ba des sangs rgyas kyi sku rab tu thob par rang rang gis shes par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su kun tu bzang po'i me tog gcig la/ 'jig rten gyi khams thams cad ma lus par rnam par dag par byin gyis brlabs pa yang dag par shes par gyur cig/ sangs rgyas kyi zhing thams cad du sems can thams cad gdul ba'i dbang nye bar bzung ste/ rnam par bstan par bya ba'i phyir chags pa med pa dang / grol zhing bcings pa med pa'i sems su kun tu bzang po'i chos kyi dbyings su sgra dbyangs mngon par bsgrub pa mngon par sgrub par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su kun tu bzang </font><hr>Ga5b<br><font size=+1>


po'i sngon gyi mtha'i bskal ba'i mur thug pa sems kyi skad cig re res shin tu ston cing / sangs rgyas kyi shugs kyi rgyan 'jig rten gyi khams 'byams klas par gtogs par thams cad du rjes su dran par gyur cig/ dge ba'i rtsa ba 'dis 'jig rten gyi khams sna tshogs 'byams klas pa thams cad du ma byon pa'i sangs rgyas 'byung ba'i phyir chags pa med pa dang / grol zhing bcings pa med pa'i sems su kun tu bzang po'i bskal ba phyi ma'i mtha'i mur thug pa/ 'jig rten gyi khams thams cad tu gtogs par shin tu bstan pa la 'jug par gyur cig/ dge ba'i rtsa ba 'dis byang chub sems dpa' kun tu bzang po'i spyod pa la brtson zhing chags pa med pa dang / grol zhing bcings pa med pa'i sems su chos kyi dbyings thams cad snang ba gcig tu rgyas par bkang ste/ 'jig rten gyi khams nam mkha'i dbyings kyi mthar thug pa thams cad snang ba byed par gyur cig/ dge ba'i rtsa ba 'dis kun tu bzang po'i spyod pa la nye bar spyod pa thob cing / chags pa med pa dang / grol zhing bcings pa med pa'i sems su rgyud mtha' yas pa'i spyod pa'i rgyud ston par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su de bzhin gshegs pa'i ye shes la </font><hr>Ga6a<br><font size=+1>


@#/ /'jug pa'i tshe/ bskal pa thams cad du zad par gyur kyang ye shes mtha' dang dbus med pa'i mthar mi 'gyur kyang / de bzhin gshegs pa'i ye shes kyis byin gyi brlabs kyang / kun tu bzang po'i spyod pas rab tu grub par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su byang chub sems dpa' thams cad kyi spyod pa la brtson par byed pa'i tshe/ chos kyi dbyings ma lus pa na bzhugs pa'i de bzhin gshegs pa thams cad ma lus pas zhal bstan pa mdzad de/ sangs rgyas thams cad kyis byin gyis brlabs shing / kun tu bzang po'i spyod yul la rab tu zhugs par bsam pas lus kyi las dang / ngag gi las dang / yid kyi las la dub pa med par brtson zhing / byang chub sems dpa'i spyad pa spyod par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems dang ldan zhing / kun tu bzang po'i sems don gyi tshogs dang mi 'gal ba/ chos kyi lus ma nyams pa/ nges pa'i tshig gi sar rnam par dag pa/ spobs pa thams cad mi zad pa'i mdzod/ sems can thams cad gdul ba'i sar gyur pas/ sangs rgyas thams cad kyi byang chub rab tu thob par gyur </font><hr>Ga6b<br><font size=+1>


cig| dge ba'i rtsa ba 'dis chags pa med pa dang / grol zhing bcings pa med pa'i sems su byang chub sems dpa' kun tu bzang po'i spyod pa la brtson zhing / 'od mtha' yas pa dang| snang ba bsam gyis mi khyab pas chos kyi sgo re re la 'jug cing / de bzhin du chos thams cad kyi sgo nas 'gro zhing 'jug pas/ thams cad mkhyen pa'i sa'i mthar thug pa rab tu thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su kun tu bzang po'i rgyan gyi pha rol tu phyin pa thob ste/ dmigs pa re re zhing thams cad mkhyen pa nyid thams cad la zhugs kyang / thams cad mkhyen pa'i ye shes mthar thug par mi 'gyur ba'i tshul gyis rgyal po de lta bu thob par gyur cig /dge ba'i rtsa ba 'dis chags pa med pa dang / grol zhing bcings pa med pa'i sems su tshe 'di nas nye bar bzung ste/ phyi ma'i mtha'i bskal pa'i mur thug par rmongs pa med cing / rgyun mi 'chad par chos la gzhol zhing / byang chub sems dpa' kun tu bzang po'i spyod par gyur pa'i rgyud brjod du med pa'i thams cad mkhyen pa nyid du rnam par 'tshang rgya ba'i tshul thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su byang chub sems dpa'i spyod pa thams cad la rab tu snang bar </font><hr>Ga7a<br><font size=+1>


@#/ /gyur pa'i sems bsgribs pa med pa'i chos kyi snang ba rab tu thob pas/ rgyun mi 'chad pa'i las la rab tu brtson cing / byang chub sems dpa' kun tu bzang po'i rnam par 'phrul pa rab tu thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ byang chub sems dpa' kun tu bzang po'i spyod pa thob pa bya ba la brtson zhing / thams cad kyi tshul dang / mtha' yas pa'i tshul dang / bsam gyis mi khyab pa'i tshul dang / byang chub sems dpa'i tshul dang / thams cad mkhyen pa'i tshul dang / byang chub sems dpa'i 'dul ba thams cad kyi tshul dang / chos kyi 'khor lo mtha' dang dbus med pa rab tu bskor ba'i tshul dang| dus brjod du med pa'i tshul dang / chos rnam pa tha dad pa bstan pa'i tshul dang / 'jigs pa med pa'i mdzod sa mtshams med pa'i tshul dang / chos thams cad ma lus par bstan pa'i tshul dang / tshul dang tshul ma yin pa rjes su rtogs pa'i ye shes 'thob par bya ba rab tu thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su phyir mi ldog pa'i sems can/ byang chub tu yang dag par 'byung ba/ nyams pa med par bya ba dang / bstan pa dam pa'i dge ba'i rtsa bas </font><hr>Ga7b<br><font size=+1>


sems can thams cad rnam par dag pa'i mthar phyin par byed cing / kun tu bzang po'i las kyis bsral pas/ 'gro ba thams cad dga' bar byed pa'i lus kyi las yongs su rdzogs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su sems can gyi khams thams cad dga' bar bya ba'i tshig brjod du med pa la rab tu brtson zhing / dag gi las kyi rgyan thams cad rnam par dag pa dang / byang chub sems dpa' kun tu bzang po'i byin gyi rlabs la brtson pas/ sems can thams cad kyi rnam par brjod pa yongs su shes par bya ba'i ye shes rnam par dag pa yongs su thob par gyur cig/ dge ba'i rtsa ba 'dis kun tu bzang po'i spyod pa'i spyod yul rab tu rtogs shing chags pa med pa dang / grol zhing bcings pa med pa'i sems su 'gro ba 'byams klas pa thams cad dang / zhing 'byams klas pa thams cad dang / sems can 'byams klas pa thams cad dang / mngon par shes pa dang / ye shes brjod du med pa'i yang brjod du med pa'i chos 'byams klas pa dang / chos 'byams klas pa'i rgyan de bzhin gshegs pa'i dkyil 'khor gyi mdzod thams cad nas byung ba dang / lhag pa'i bsam pas rnam par dag pa'i sems kyi rgyud mnyam pa nyid kyis zhugs pa'i ye shes 'byams klas pa rab </font><hr>Ga8a<br><font size=+1>


@#/ /tu rtogs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su sangs rgyas thams cad kyi sku las byung ba'i lus rnam par dag pa dang / lhag pa'i bsam pa rnam par dag pas mos pa rab tu grub pa dang / sangs rgyas kyi byin gyi rlabs la brtson pa dang / sangs rgyas kyi gzi brjid kyis yongs su bzung ba dang / sangs rgyas kyi yul la yang dag par gnas pa dang / ye shes kyi rgyan mtha' yas pas snang bar byas pa dang / byang chub sems dpa'i las kyis mngon par byung ba dang / tshig rab tu dbye ba thams cad la mkhas pa rnam par dag pa khong du chud par bya ba la rab tu zhugs pa dang / theg pa chen po mtha' yas pa'i rnam par 'phrul pas rab tu byung ba dang / 'gro ba mtha' dang dbus med pa thams cad mngon par rdzogs par 'tshang rgya bar bya ba yang dag par bstan pa dang / byang chub sems dpa' kun tu bzang po'i spyod pa dang / smon lam dang / yongs su bsngo ba yongs su rdzogs pa thob par gyur cig/ dge ba'i rtsa ba 'dis mnyam pa nyid kyi smon lam gyi dbang pos brtson zhing chags pa med pa dang / grol zhing bcings pa med pa'i sems su dbang po rno ba dang / dbang po dge ba dang / chos thams cad la dbang sgyur ba'i dbang </font><hr>Ga8b<br><font size=+1>


po dang / mi zad pa'i dbang po dang / dge ba'i rtsa ba thams cad la brtson pa'i dbang po dang / sangs rgyas kyi yul thams cad la mnyam pa nyid du gyur pa'i dbang po dang / byang chub sems dpa' thams cad kyi lung bstan pa la phyir mi ldog par shin tu brtson pa'i dbang po dang / sangs rgyas kyi chos thams cad shin tu phugs pa'i dbang po rdo rje'i khams lta bu dang / de bzhin gshegs pa thams cad kyi ye shes mtha' dang dbus med pa'i snang bar tu thob pas/ rdo rje'i 'od 'phro ba'i dbang po dang / dbang po rab tu dbye ba thams cad ma lus pa la dbang sgyur ba'i dbang po dang / sems can mu med pa thams cad mkhyen pa'i dbang po la rab tu dgod pa'i phyir/ dbang po mtha' yas pa 'byams klas pa dang / dbang po thams cad yongs su rdzogs par bya ba'i dbang po bsgribs pa med cing / rnam par dag pa rab tu thob par gyur cig/ dge ba'i rtsa ba 'dis kun tu bzang po'i spyod pa rab tu brtson pa'i sems dang ldan pa/ chags pa med pa dang / grol zhing bcings pa med pa'i sems su byang chub sems dpa' thams cad kyi rdzu 'phrul dang / tshad med par 'byams klas pa/ byin gyis brlabs pa'i rdzu 'phrul dang / ye shes mtha' yas pas khyu mchog gi mthu 'byin pa'i rdzu 'phrul dang / lus ma g.yos par sangs rgyas kyi zhing thams cad kun tu </font><hr>Ga9a<br><font size=+1>


@#/ /bstan pa'i rdzu 'phrul dang / byang chub sems dpa'i dbang chags pa med cing / thogs pa med pa'i rdzu 'phrul dang / ma 'ongs pa'i sangs rgyas kyi zhing byin gyis brlab cing / yang dag par bstan pa'i rdzu 'phrul dang / sangs rgyas kyi zhing thams cad lus gcig gis rgyas par dgang ba'i rdzu 'phrul dang / byang chub sems dpa'i rnam par thar pa bsgribs pa med pas rnam par rtse ba'i rdzu 'phrul dang / mngon par 'du bya ba med pa'i sems skad cig gi rdzu 'phrul dang / dngos po med pa la rab tu gnas pas mi rten pa'i rdzu 'phrul dang / skra'i sbubs gcig tu 'jig rten gyi khams brjod du med pa rab tu dgod pa dang / chos kyi dbyings thams cad du rgyu zhing de bzhin gshegs pa'i 'khor gyi dkyil 'khor bstan pas/ sems can 'byams klas pa thams cad rnam par bstan pa'i ye shes kyi sgo la 'jug pa'i rdzu 'phrul rab tu thob par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su sangs rgyas kyi zhing shin tu dag pa la rab tu zhugs pa'i ye shes kyis 'jug pa dang / sangs rgyas kyi zhing mtha' dang dbus med par rab tu zhugs pa'i ye shes kyi sa dang / skye ba med pa la brtson pa'i sems bskyed pa la 'jug pa dang / </font><hr>Ga9b<br><font size=+1>


kun tu bzang pos rtogs pa'i sgo nas 'jug pas rab tu 'byung ba'i byang chub sems dpa'i spyod pa rab tu thob pas/ 'jig rten gyi khams brjod du med pa re rer lus kun tu dgye ba'i byin gyi rlabs shin tu bstan pas zhing gi rgyud la rab tu zhugs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su sangs rgyas kyi rigs su 'byung ba'i byang chub sems dpa'i spyod pa'i rgyud la gnas shing / rnam pa'i tshul tha dad pa brjod du med pa'i yang brjod du med pa/ bsam gyis mi khyab pa'i lhag pa'i bsam pas rnam par phye ba thob ste/ tshad med pa'i smon lam la yang dag par brtson zhing chos kyi dbyings thams cad dang / dus gsum gyi chos kyi dbyings thams cad du rgyun mi 'chad par rab tu zhugs pa'i sems su kun tu bzang po'i spyod pa'i tshul kun shes pa dang / rab tu shes pa dang rjes su rtogs pa'i shes rab kyi dbyings la rab tu zhugs par gyur cig/ dge ba'i rtsa ba 'dis byang chub sems dpa' kun tu bzang po'i spyod pa'i sgos rnam par dag par byas pa'i mig gi sgo dang ldan zhing / chags pa med pa dang / grol zhing bcings pa med pa'i sems su skra'i sbubs re re zhing brjod du med pa'i yang brjod du med pa'i zhing rnams yang dag par 'dzud pa rab tu shes par gyur cig/ de </font><hr>Ga10a<br><font size=+1>


@#/ /bzhin du chos kyi dbyings thams cad la 'jug pa nye bar bzung ste/ nam mkha'i dbyings kyi mthar thug pa gyur te/ skra'i sbubs gcig tu ji lta ba de bzhin du chos kyi dbyings thams cad nam mkha'i mthas gtugs pa'i skra'i sbubs thams cad du 'dzud pa la rab tu mkhas par gyur cig/ shin tu shes par gyur cig / mngon par rtogs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su sems kyi skad cig gcig la brjod du med pa'i yang brjod du med pa'i bskal pa lhag pa'i bsam pas yang dag par ston par byed cing / mtha' dang dbus med pa gcig nas gcig tu brgyud pas mthong bar gyur cig/ rab tu zhugs par gyur cig/ de bzhin du sems can gyi khams thams cad ma lus pa'i sems kyi skad cig la 'jug pa'i tshul du/ tshul 'di kun tu bzang po la brtson pa'i lhag pa'i bsam pas yongs su shes par gyur cig/ rab tu rtogs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems kyis lus re rer yang brjod du med pa'i yang brjod du med pa'i lus yongs su 'dzud pa mthong bar gyur cig/ rab tu rtogs par gyur cig/ lus gcig la ji lta ba de bzhin </font><hr>Ga10b<br><font size=+1>


du lus 'byams klas pa la 'jug pa thams cad ma lus par nye bar bzung ste/ sems can gyi khams thams cad ma tshang ba med pa dang / lhag pa med par shes pa'i sems bskyed pa chos kyi dbyings thams cad rgyas par khyab pa/ byang chub sems dpa' kun tu bzang po'i spyod pas yongs su bsngos pas/ tshul gyis 'di la rab tu zhugs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su/ sangs rgyas thams cad rtog par bya ba rab tu rtogs shing / nam mkha'i dbyings thams cad de bzhin gshegs pa'i sku dang bral ba med cing mtshan gyis rnam par 'phrul ba'i sku dang / dbyangs kyi yan lag rab tu dgye ba/ rgyun chad pa med pas snang bar mdzad pas gang ba rab tu chud par gyur cig/ de bzhin gshegs pas gsungs pa de dag kyang yang dag par 'dzin par gyur cig/ de bzhin gshegs pa'i sku de dag kyang kun tu bzang po'i smon lam yangs pa rgya chen po dang 'jig rten thams cad kyi 'du shes phyin ci log dang / sems phyin ci log dang / lta ba phyin ci log las 'phags pa'i lta ba dang / phyin ci log thams cad spangs pa'i tshul gyis dmigs su med par rab tu rtogs par gyur cig/ dge ba'i rtsa ba 'dis byang chub sems dpa' kun tu bzang po'i spyod pa la brtson pa'i byang chub sems dpa'i sa la gnas </font><hr>Ga11a<br><font size=+1>


@#/ /shing chags pa med pa dang / grol zhing bcings pa med pa'i sems su/ sems kyi skad cig gcig la mig 'phrul rnam par dbye ba'i tshul dang / chos kyi dbyings thams cad gzhi mnyam pas rnam par dbye ba dang / 'jig rten gyi khams sna tshogs la tshul gcig tu 'jug pa dang / 'jig rten gyi khams brjod du med pa'i yang brjod du med pa la rnam pa du mar rab tu 'jug pa dang / chos kyi dbyings thams cad la tshul gcig tu 'jug pa dang / nam mkha'i dbyings thams cad du rnam pa tha dad pa kun tu dgye dbar 'gal ba med pa'i tshul la rab tu 'jug pas 'jig rten gyi khams kyi rgyud thams cad dang / snrel zhir rgyu ba'i 'jig rten gyi khams la rab tu 'jug pa dang / spyi'i tshugs su rgyu ba'i 'jig rten gyi khams la rab tu 'jug pa dang / phyogs kyi dra ba brjod du med pa'i yang brjod du med pa'i rgyud dang / zhing 'byams klas pa thams cad la 'jug pa yongs su shes par gyur cig/ rab tu rtogs par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su spyod pa'i ye shes rin po ches 'du shes kyi rnam pa thams cad la 'jug par bsgoms pa'i ye shes kyi sa la yang dag par gnas shing 'du shes kyi rnam pa 'di lta ste/ sems can du 'du shes pa'i rnam </font><hr>Ga11b<br><font size=+1>


pa dang / chos su 'du shes pa'i rnam pa dang / zhing du 'du shes pa'i rnam pa dang / phyogs su 'du shes pa'i rnam pa dang / sangs rgyas su 'du shes pa dang / dus su 'du shes pa'i rnam pa dang / las su 'du shes pa'i rnam pa dang / spyod par 'du shes pa'i rnam pa dang / khams su 'du shes pa'i rnam pa dang / mos par 'du shes pa'i rnam pa dang / dbang por 'du shes pa'i rnam pa dang / dus su 'du shes pa'i rnam pa dang / byin gyi rlabs su 'du shes pa'i rnam pa dang / nyon mongs par 'du shes pa'i rnam pa dang / rnam par byang bar 'du shes pa'i rnam pa dang / yongs su smin par 'du shes pa'i rnam pa dang / sangs rgyas mthong bar 'du shes pa'i rnam pa dang / chos kyi 'khor lo bskor bar 'du shes pa'i rnam pa dang / chos bshad pa kun shes par bya bar 'du shes pa'i rnam pa dang / 'dul bar 'du shes pa'i rnam pa dang / 'byung ba rnam pa tha dad par 'du shes pa'i rnam pa dang / sa sna tshogs dang / sa du mar 'du shes pa'i rnam pa dang / byang chub sems dpa'i 'jug par 'du shes pa'i rnam pa dang / byang chub sems dpa'i gnas su 'du shes pa'i rnam pa dang| byang chub sems dpa'i snyoms par 'jug par 'du shes pa'i rnam pa dang / byang chub sems dpa'i snyoms par 'jug pa las ldang bar 'du shes pa'i rnam pa dang / byang </font><hr>Ga12a<br><font size=+1>


@#/ /chub sems dpa'i 'jig par 'du shes pa'i rnam pa dang / byang chub sems dpa'i 'du bar 'du shes pa'i rnam pa dang / byang chub sems dpa'i 'chi 'pho bar 'du shes pa'i rnam pa dang / byang chub sems dpa'i skye bar 'du shes pa'i rnam pa dang / byang chub sems dpa'i rnam par thar par 'du shes pa'i rnam pa dang / byang chub sems dpa'i rnam par 'phrul bar 'du shes pa'i rnam pa dang / byang chub sems dpa'i byin gyi rlabs su 'du shes pa'i rnam pa dang / byang chub sems dpa'i yul du 'du shes pa'i rnam pa dang / 'jig pa dang 'du ba'i bskal par 'du shes pa'i rnam pa dang / nyin mtshan dang / rab rib med pa dang / snang bar 'du shes pa'i rnam pa dang / zla ba phyed dang / zla ba gcig dang / lo dang dus 'gyur bar 'du shes pa'i rnam pa dang / 'gro ba dang 'ong bar 'du shes pa'i rnam pa dang / 'greng ba dang 'dug par 'du shes pa'i rnam pa dang / 'du shes pa'i rnam pa de dag dang / 'du shes kyi rnam pa'i sa de dag thams cad rnam par rtog pa med pa'i sems dang ldan zhing / 'du shes thams cad rnam bar spangs pa'i yid dang / chags pa thams cad rnam par bzlog pa'i sems dang / bsgribs pa thams cad rab tu spangs pa'i yid kyis yang dag par rtog pa dang ldan </font><hr>Ga12b<br><font size=+1>


zhing| de bzhin gshegs pa thams cad kyis yongs su gsal bar byas pa'i ye shes dang / sangs rgyas kyi chos thams cad kyis mngon par brlan pa'i dge ba'i rtsa ba dang / de bzhin gshegs pa thams cad kyi sku la yang dag par gnas pa'i chos dkar po thams cad yongs su gzung ba dang / yang dag par rdzogs pa'i sangs rgyas kyi spyod pa'i pha rol tu phyin pa thob pa shin tu brlabs pa/ sems can thams cad kyi gtso bo kun tu bzang po'i spyad pa spyod pas dbang bskur ba'i smon lam dang ldan pas sems kyi skad cig gcig la 'jug par shes par gyur cig/ mthong bar gyur cig/ rab tu shes par gyur cig/ zhugs par gyur cig/ shin tu sgrub par gyur cig/ yongs su rgyas par byed par gyur cig/ yongs su shes par gyur cig /rab tu rtogs par gyur cig/ rjes su thob par gyur cig/ rab tu 'phel bar byed par gyur cig/ byin gyis rlob par byed par gyur cig/ dge ba'i rtsa ba 'dis 'gro ba thams cad la rnam pa bzang po'i spyod pa'i ye shes rin po che dang / kun tu bzang po'i 'byung ba rtsom pa rlabs po che dang / chags pa med pa dang / grol zhing bcings pa med pa'i sems re re la sems tshad med pa yongs su 'dzud par byed cing yang dag par rten pa dang / rnam par rtog par gyur pa dang / rnam pa sna tshogs su gyur pa dang / mngon par </font><hr>Ga13a<br><font size=+1>


@#/ /'du bya ba rnam pa sna tshogs kyi las dang / tshad med pa'i las dang / mtshan nyid tha dad pa'i las dang / sems rnam pa sna tshogs dang / bsam pa rnam pa tha dad pas byung zhing yang dag par gzhol bar gyur pas rab tu shes par gyur cig/ dge ba'i rtsa ba 'dis kun tu bzang po'i smon lam dang / ye shes chen po rin po che dang / chags pa med pa dang / grol zhing bcings pa med pa'i sems su skye mched re re zhing brjod du med pa'i skye mched rab tu gzud pa dang / de bzhin du skye mched 'byams klas pa la rab tu 'jug pa shes par gyur cig/ rab tu shes par gyur cig/ khong du chud par gyur cig/ shin tu rtogs par gyur cig /dge ba'i rtsa ba 'dis byang chub sems dpa' kun tu bzang po'i spyod pa dang / las la rab tu brtson pa'i ye shes kyi sa dang / chags pa med pa dang / grol zhing bcings pa med pa'i sems su las 'byams klas pa re re la las mngon par 'du bya ba brjod du med pa'i yang brjod du med pa/ rkyen sna tshogs kyis mngon par 'du byas pa rnams yang dag par gzud pa dang / las 'byams klas pa gcig la ji lta ba de bzhin du las kyi mngon par 'du bya ba thams cad kyis las kyi yul sna tshogs su dmigs pa la brtson </font><hr>Ga13b<br><font size=+1>


par byed pa shes par gyur cig/ rab tu shes par gyur cig/ ye shes shin tu thob par gyur cig/ yongs su rdzogs par byed par gyur cig /dge ba'i rtsa ba 'dis chags pa med pa dang / grol zhing bcings pa med pa'i sems su chos re re la brjod du med pa'i yang brjod du med pa'i chos yang dag par gzud pa rab tu shes par gyur cig /chos gcig po de yang chos thams cad du yang dag par gzud pa rab tu shes par gyur cig/ chos rnam par phye ba yang rab tu shes par gyur cig/ ma chags pa dang 'gal ba med par yang chud par gyur cig/ dge ba'i rtsa ba 'dis byang chub sems dpa'i spyod pa kun tu bzang po'i chags pa med pa'i rgyud du gyur pa la gnas shing thams cad shes pas chags pa med pa dang| grol zhing bcings pa med pa'i sems su chos bstan pa re re la chos bstan pa rnam par phye ba 'byams klas pa brjod du med pa'i yang brjod du med pa gzhan dang / gzhan yongs su smin par bya bas yang dag par bsdus pa/ 'dul ba bsam gyis mi khyab pas yang dag par bsdus pa mtha' dang dbus med pa'i dus su yang dag par bshad pa/ dus thams cad du sems can gyi dbang po dang / mos pa ji lta ba bzhin du go bar byed pa/ sems can gyi mthu ji bzhin du sangs rgyas kyi gsung gi dbyangs kyis rnam par rig </font><hr>Ga14a<br><font size=+1>


@#/ /par byed pa/ sangs rgyas kyi gsung gcig gis brjod du med pa'i 'khor gyi dkyil 'khor gyi sems can 'byams klas pa rnam pa tha dad pa mngon par dga' bar byed pa/ chos kyi dbyings thams cad de bzhin gshegs pa gcig gi 'khor gyi dkyil 'khor du gyur pa'i byang chub sems dpa'i bsam pa rgya cher byed pa/ mtha' dang dbus med pa'i spyod pa'i dkyil 'khor la rab tu gnas shing kun tu bzang po'i sa la rab tu zhugs pa'i sems kyis yongs su shes par gyur cig/ rab tu shes par gyur cig| khong du chud par gyur cig/ sems skad cig/ sems skad cig cing khong du chud pa'i ye shes kyis ji skad du brjod pa'i chos 'byams klas pa la 'jug pas/ khong du chud par gyur cig/ sems kyi skad cig brjod du med pas rnam par spel ba'i ye shes kyi phung po chen pos phyi ma'i mtha'i bskal pa mtha' dang dbus med pa'i mur phyin par zhing 'byams klas pa thams cad du spyod cing ston par gyur cig / kun tu bzang po'i dmigs pa ye shes chen po la brtson pa dang / spyod pa brtsams pa thams cad rab tu 'grub par byed pa'i kun tu bzang po'i sas/ nam mkha'i dbyings thams cad spyod pa la 'jug pa bral ba med pas yongs su rgyas par byed par gyur cig/ dge ba'i rtsa ba </font><hr>Ga14b<br><font size=+1>


'dis byang chub sems dpa' kun tu bzang po'i spyod pa'i sgo la rab tu brtson pa'i dbang pos chags pa med pa dang / grol zhing bcings pa med pa'i sems su byang chub sems dpa'i spyod pa'i rgyal po rab tu thob cing bsam pa brjod du med pa'i yang brjod du med pa rnam par phye ba la gnas pa dang / dmigs pa bsam gyis mi khyab pa dang / spyod pa dge bas byung bas dbang po re re la brjod du med pa'i yang brjod du med pa yang dag par gzud par yongs su shes par gyur cig/ rab tu shes par gyur cig/ shin tu rtogs par gyur cig / khong du chud par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems dang / 'jigs pa med pa'i sems dang / rmongs pa med pa'i sems dang| 'khrugs pa med pa'i sems dang / rnam par 'khrugs pa med pa'i sems dang / bslad pa med pa'i sems dang / dbang po mi dma' ba'i sems dang / rtse gcig pa'i sems dang| shin tu mnyam par bzhag pa'i sems dang / chos shin tu rnam par phye ba'i sems dang / ye shes shin tu bstan pa'i sems dang / byang chub sems dpa' kun tu bzang po'i spyod pa dang / yongs su bsngo ba'i rjes su song ba'i sems kyis gzugs shin tu phra ba dang / lus shes pa shin tu phra ba dang / zhing shes pa shin tu phra ba dang / bskal </font><hr>Ga15a<br><font size=+1>


@#/ /pa shes pa shin tu phra ba dang / 'jig rten shes pa shin tu phra ba dang / yul shes pa shin tu phra ba dang / dus shes pa shin tu phra ba dang / chos kyi grangs shes pa shin tu phra ba dang / las kyi rnam par smin pa shes pa shin tu phra ba dang / rnam par dag pa shes pa shin tu phra ba dang / shin tu phra ba 'di dag thams cad sems kyi skad cig gcig tu brkyang ba'i ye shes byang chub sems dpa' kun tu bzang po'i spyod pa'i rjes su song bas yang dag pa ji lta ba bzhin du rab tu shes par gyur cig/ shin tu rtogs par gyur cig /khong du chud par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su rag las pa med par byang chub sems dpa'i spyod pa la rab tu gnas shing / kun tu bzang po'i spyod pa la brtson pa'i spyod pa chen po la dub pa med par gnas shing / sems can gyi rgyud shin tu phra ba dang / sems can gyi shi 'pho shin tu phra ba dang / sems can skye ba shin tu phra ba dang / sems can gyi gnas shin tu phra ba dang / sems can gyi rten shin tu phra ba dang / sems can mtha' dang dbus med pa'i rigs shin tu phra ba dang / sems can gyi khams thams cad kyi yul shin tu phra ba dang / sems can gyi 'du byed pa shin tu phra ba dang / sems can bstan </font><hr>Ga15b<br><font size=+1>


pa shin tu phra ba dang / sems can dmigs pa shin tu phra ba shin tu phra ba 'di dag dang / shin tu phra ba la 'jug pa ji snyed pa gang yang rung ste/ de dag thams cad sems gcig brkyang ba'i spyod pa'i ye shes kyis shes par gyur cig/ khong du chud par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su byang chub sems dpa' kun tu bzang po'i spyod pa la rab tu brtson pa'i lhag pa'i bsam pas byang chub sems dpa' rnams kyi thog ma sems bskyed pa nas nye bar bzung ba'i byang chub sems dpa'i spyod pa shin tu phra ba dang / byang chub sems dpa'i gnas shin tu phra ba dang / byang chub sems dpa'i rnam par 'phrul pa shin tu phra ba dang / byang chub sems dpa'i sangs rgyas kyi zhing tshad med par 'gro ba shin tu phra ba dang / byang chub sems dpa'i chos snang ba rab tu thob pa shin tu phra ba dang / byang chub sems dpa'i mig rnam par dag pa shin tu phra ba dang / byang chub sems dpa'i lhag pa'i bsam pa yongs su grub pa shin tu phra ba dang / byang chub sems dpa'i sangs rgyas thams cad kyi 'khor gyi dkyil 'khor du 'gro bar shin tu phra ba dang / byang chub sems dpa'i gzungs kyi sgo shes pa shin tu phra ba dang / byang chub sems dpa'i 'jigs pa med pa'i sa mtha' dang dbus med pa/ tha dad pa yang dag par shes pa thams cad kyi </font><hr>Ga16a<br><font size=+1>


@#/ /mdzod kyi 'od shin tu phra ba dang / byang chub sems dpa'i ting nge 'dzin mtha' dang dbus med pa'i mtshan ma shin tu phra ba dang / byang chub sems dpa'i sangs rgyas thams cad mthong ba'i ting nge 'dzin thob pa'i rab tu shes pa shin tu phra ba dang / byang chub sems dpa'i ting nge 'dzin zab mo mngon par bsgrub pa shin tu phra ba dang / byang chub sems dpa'i ting nge 'dzin rgya mtsho'i rgyan shin tu phra ba dang / byang chub sems dpa'i chos kyi dbyings kyi ting nge 'dzin gyi ye shes shin tu phra ba dang / byang chub sems dpa'i khyu mchog gi mthu phyung ba chen po'i rnam par 'phrul ba dang / ting nge 'dzin mngon par bsgrub pa'i ye shes shin tu phra ba dang / byang chub sems dpa'i phyi ma'i mtha'i mur spyod pa yang dag par gzung ba'i ting nge 'dzin gyi ye shes shin tu phra ba dang / byang chub sems dpa'i ting nge 'dzin rnam par dbye ba mtha' dang dbus med pa thams cad mngon par bsgrub pa'i ye shes shin tu phra ba dang / byang chub sems dpa'i sangs rgyas thams cad dang mngon sum du zhabs kyi drung na 'dug kyang sangs rgyas gcig dang yang bral ba med pa'i ting nge 'dzin mngon par bsgrub pa shin tu phra ba dang / byang chub sems dpa' thams cad kyi ting nge 'dzin rgya che zhing yangs pa dang / zab cing bsgribs pa med pa dang / chags pa </font><hr>Ga16b<br><font size=+1>


med pa la rab tu brtson pas thams cad mkhyen pa nyid kyi mthar thug par spyod pa yang dag par gzung ba'i mdzod shes pa'i sa khong du chud pa dang / mngon par shes pa'i sa rab tu thob pa dang / don gyi sa shin tu rtogs pa dang / byang chub sems dpa' thams cad kyi ting nge 'dzin bsgribs pa med pa'i ye shes shin tu phra ba thams cad shes par gyur cig / rab tu rtogs par gyur cig /dge ba'i rtsa ba 'dis chags pa med pa dang / grol zhing bcings pa med pa'i sems kyis byang chub sems dpa' thams cad kyi byang chub sems dpa' rnam par dgod pa'i ye shes shin tu phra ba dang / byang chub sems dpa'i sa shin tu phra ba dang / byang chub sems dpa'i spyod pa rnam pa tha dad pa shin tu phra ba dang / byang chub sems dpa'i yongs su bsngo ba mngon par bsgrub pa shin tu phra ba dang / byang chub sems dpa'i sangs rgyas thams cad kyi gter rab tu thob pa shin tu phra ba dang / byang chub sems dpa'i ye shes rnam par dpyad pa shin tu phra ba dang / byang chub sems dpa'i smon lam rnam par 'phrul ba shin tu phra ba dang / byang chub sems dpa'i snyoms par 'jug pa bstan pa shin tu phra ba dang / byang chub sems dpa'i rdzu 'phrul gyi tshul shin tu phra ba dang / byang chub sems dpa'i phyag rgya shin tu phra ba dang / byang chub sems dpa'i tshe gcig gis </font><hr>Ga17a<br><font size=+1>


@#/ /'thob pa la'ang dbang bsgyur ba shin tu phra ba dang / byang chub sems dpa'i dga' ldan gyi gnas su skyes pa shin tu phra ba dang / byang chub sems dpa'i lha'i pho brang gi gnas na 'dug pa shin tu phra ba dang / byang chub sems dpa'i sangs rgyas kyi zhing yongs su dag pa shin tu phra ba dang / byang chub sems dpa'i mi'i 'jig rten na dga' bar gnas pa shin tu phra ba dang / byang chub sems dpa'i 'od zer gyi dra ba dgye ba shin tu phra ba dang / byang chub sems dpa'i rigs rnam par dbye ba shin tu phra ba dang| byang chub sems dpa'i 'khor gyi dkyil 'khor rnam par dbye ba shin tu phra ba dang / byang chub sems dpa'i 'jig rten gyi khams thams cad du rgyas par skye ba shin tu phra ba dang / byang chub sems dpa'i lus gcig gis shi 'phos pa rnam par tha dad pa bstan pa shin tu phra ba dang / byang chub sems dpa'i ma'i mngal du 'gro ba shin tu phra ba dang| byang chub sems dpa'i mngal du song nas gnas pa shin tu phra ba dang / byang chub sems dpa'i ma'i mngal na rnam par 'phrul bas/ chos kyi dbyings thams cad 'khor gyi dkyil 'khor gcig par ma'i ltor shong pa'i ye shes shin tu phra ba dang / byang chub sems dpa'i ma'i mngal na sangs rgyas kyi khyu mchog gi mthu phyung ba thams </font><hr>Ga17b<br><font size=+1>


cad yang dag par bstan pa'i ye shes shin tu phra ba dang / byang chub sems dpa'i tshe shin tu phra ba dang / byang chub sems dpa'i gom pa bdun du seng+ge'i stabs su 'gro ba'i ye shes shin tu phra ba dang / byang chub sems dpa' btsun mo'i 'khor gyi nang na thabs mkhas pa yang dag par ston pa'i ye shes shin tu phra ba dang / byang chub sems dpa'i mngon par 'byung ba'i tshul dang spyod pa rab tu sbyor ba shin tu phra ba dang / byang chub sems dpa' byang chub kyi shing drung du 'dug pa shin tu phra ba dang / byang chub sems dpas bdud kyi sde rab tu pham par byas te/ bla na med pa yang dag par rdzogs pa'i byang chub tu rnam par 'tshang rgya ba shin tu phra ba dang / de bzhin gshegs pa'i byang chub kyi gdan la 'dug ste/ 'jig rten gyi khams thams cad du 'od zer gyi dra ba rab tu dgye ba shin tu phra ba dang / de bzhin gshegs pa'i rnam par 'phrul ba yang dag par bstan pa shin tu phra ba dang / de bzhin gshegs pa'i seng ge'i nga ro phyung ba'i mya ngan las 'das pa chen po shin tu phra ba dang / de bzhin gshegs pa sems can thams cad gdul ba'i 'khor du thogs pa med pa shin tu phra ba dang| de bzhin gshegs pa'i rnam par 'phrul ba bsam gyis mi khyab pa la byang chub kyi sems rdo rje lta bu yongs su shes pa shin tu phra ba dang / 'jig rten thams cad rgyas pa </font><hr>Ga18a<br><font size=+1>


@#/ /'gengs pa'i de bzhin gshegs pa'i byin gyi rlabs yongs su bstan pa shin tu phra ba dang / 'jig rten gyi khams thams cad rgyas par 'gengs pa'i sangs rgyas kyi mdzad pa phyi ma'i mtha'i mur thug par rgyun mi 'chad pa shin tu phra ba dang / de bzhin gshegs pa'i byin gyi rlabs chos kyi dbyings kyi mthar thug par thogs pa med pa shin tu phra ba dang / nam mkha'i dbyings kyi mthas gtugs pa'i zhing gi yul thams cad du sems can 'dul bar sangs rgyas skye ba bstan pa shin tu phra ba dang / sangs rgyas kyi sku gcig sangs rgyas kyi sku tha dad pa rab tu spro ba'i shes pa shin tu phra ba dang / 'das pa dang / ma 'ongs pa dang / da ltar byung ba'i dus gsum du gshegs pa'i de bzhin gshegs pa gang ji snyed pa'i dkyil 'khor gyi khyu mchog gi mthu dbyung ba'i ye shes shin tu phra ba gang ji snyed pa de dag thams cad sems kyi skad cig re re zhing rnam par 'phel ba'i ye shes kyi dkyil 'khor dang / byang chub sems dpa'i spyod pa sbyor ba phyir mi ldog cing rgyun mi 'chad pa dang / kun tu bzang por rab tu 'phros pa'i yongs su bsngo ba'i sa dang / de bzhin gshegs pa thams cad khong na yang dag par 'dzin pa'i byang chub sems dpa'i spyod pa dang / 'dod chags dang bral ba med </font><hr>Ga18b<br><font size=+1>


pas byung ba'i byang chub sems dpa'i sgo'i dkyil 'khor dang / spyod pa 'byams klas pa la brtson pa shin tu rnam par sbyangs pa dang / byang chub sems dpa'i spyod pa la dmigs pa 'gro ba thams cad bde bar bya ba dang / byang chub sems dpa'i sems dang bsam pas chen por bsgrubs pa dang / chos kyi dbyings thams cad du 'dul ba'i dmigs pa'i mdzod kyi yongs su bsngo ba'i sgo rdo rje'i rgyal mtshan dang / byang chub sems dpa' 'jug pa'i sgo de bzhin gshegs pas dgongs pa dang / chos bstan pa 'gal ba med pa'i tshul gyis chos thams cad kyi don la rab tu bstan pa dang / 'gro ba thams cad kyis mi bsgul ba'i dam bcas pa shin tu rgya che ba dang / sems skad cig gis mthar phyin pa'i 'jug pa dang| dmigs pa'i mdzod sems dang sems ma yin pa'i sa thams cad rab tu rtogs pa dang / yang dag par bstan pa'i sgo sems ma yin pa'i sems mngon par bsgrubs pa dang| ye shes kyis tshig gi lam thams cad las gyen du 'phags pa dang / spyod pas mngon par 'tshang rgya ba'i byin gyi rlabs byang chub sems dpa' thams cad dang rgyud kyi tshul gcig tu gyur ba dang / kun tu bzang po'i spyod pa'i dkyil 'khor phyi ma'i mtha'i mur rgyun mi 'chad pa dang / spyod pa rgyun mi 'chad pa dang / 'jig rten thams cad kyi 'gro </font><hr>Ga19a<br><font size=+1>


@#/ /ba'i rtogs pa dang / 'du shes kyi rnam pa dang / tshig gi lam du gdags pas gtugs pa'i byin gyi rlabs khyad par gyi smon lam chen pos rnam par 'phrul pas khong du chud par gyur cig /rab tu shes par gyur cig /shin tu sgrub par gyur cig /rnam par spyod par gyur cig / 'gro ba kun tu yang dag par ston par gyur cig /dge ba'i rtsa ba 'dis chags pa med pa dang / grol zhing bcings pa med pa'i sems su sems can gyi khams thams cad la 'jug par shes pa shin tu phra ba dang| sems can gyi khams rnam par dbye ba shes pa shin tu phra ba dang / sems can gyi khams sna tshogs rtogs par bstan pa shes pa shin tu phra ba dang / sems can gyi khams du ma'i mngon par zhen pa shes pa shin tu phra ba dang / sems can gyi khams kyi bye brag tha dad par shes pa shin tu phra ba dang / sems can gyi khams skal ba mnyam pa shes pa shin tu phra ba dang / sems can gyi khams mtha' dang dbus med pa'i lam gyi rgyud shes pa shin tu phra ba dang / sems can gyi khams bsam gyis mi khyab pa mngon par 'du bya ba sna tshogs rnam par rtog par gyur pa shes pa shin tu phra ba dang / sems can mtha' yas pa'i kun nas nyon mongs pa shes pa shin tu phra ba dang / </font><hr>Ga19b<br><font size=+1>


sems can grangs med pa'i rnam par byang ba shes pa shin tu phra ba dang / sems can gyi khams kyi yul shes pa shin tu phra ba 'di dag dang shes pa shin tu phra ba gang ji snyed pa de dag thams cad sems skad cig dang ldan pa'i ye shes kyi phung po dang / sems can thams cad yongs su smin par bya ba'i byin gyi rlabs dang / dus ji lta ba bzhin du bstan pas 'dul ba yongs su bzung ba dang / dus thams cad du chos kyi sgo brjod du med pa rab tu bstan cing chos kyi 'khor lo bskor ba'i byin gyi rlabs dang / byang chub sems dpa'i spyod pa la rab tu brtson pa'i ye shes 'byams klas pa dang / 'gro ba thams cad rab tu dga' ba'i gnas su gyur pa'i lus brjod du med pa'i byin gyi rlabs kyi khyu mchog gi mthu phyung ba dang / byang chub sems dpa'i sems la zhugs pa ye shes kyi nyi mas snang bar byas pa dang / byang chub sems dpa'i sems mngon par rdzogs pa'i byin gyi rlabs byang chub sems dpa'i ye shes kyi khyu mchog gi mthu phyung ba dang / ye shes chen po 'byams klas pa dang / kun tu bzang po'i spyod pa la rab tu brtson pa'i 'jug pas yang dag pa ji lta ba bzhin du yongs su shes par gyur cig/ rab tu shes par gyur cig /dge ba'i rtsa ba 'dis chags pa med pa dang / grol zhing bcings pa med pa'i sems su 'jig rten gyi khams chos kyi dbyings kyis </font><hr>Ga20a<br><font size=+1>


@#/ /klas pa/ nam mkha'i mthas gtugs pa thams cad shes pa shin tu phra ba 'di lta ste/ 'jig rten gyi khams shes pa shin tu phra ba dang / 'jig rten gyi khams cher gyur pa shes pa shin tu phra ba dang / 'jig rten gyi khams kun nas nyon mongs pa shes pa shin tu phra ba dang / 'jig rten gyi khams rnam par dag pa shes pa shin tu phra ba dang / 'jig rten gyi khams rgya chen po shes pa shin tu phra ba dang / 'jig rten gyi khams sna tshogs shes pa shin tu phra ba dang / 'jig rten gyi khams yangs pa shes pa shin tu phra ba dang / 'jig rten gyi khams dog pa shes pa shin tu phra ba dang / 'jig rten gyi khams thams cad bsgribs pa med pa'i rgyan gyis rab tu brgyan pa shes pa shin tu phra ba dang / 'jig rten gyi khams thams cad ma lus par sangs rgyas skye bas rgyas par dgang ba shes pa shin tu phra ba dang / 'jig rten gyi khams thams cad ma lus par rab tu snang bar bya ba shes pa shin tu phra ba dang / 'jig rten gyi khams thams cad ma lus par lus kyis rgyas par dgang ba shes pa shin tu phra ba dang / 'jig rten gyi khams thams cad ma lus par 'od zer rab tu dgye bas snang bar bya ba shes pa shin tu phra ba dang / 'jig rten gyi khams thams cad ma lus par sangs rgyas thams cad kyi byin gyi rlabs dang / </font><hr>Ga20b<br><font size=+1>


sangs rgyas thams cad kyi rnam par 'phrul ba dang / khyu mchog gi mthu phyung ba yang dag par bstan pa shes pa shin tu phra ba dang / 'jig rten gyi khams thams cad ma lus par dbyangs gcig gis dbyangs thams cad rnam par bstan cing rgyas par dgang ba shes pa shin tu phra ba dang / 'jig rten gyi khams thams cad ma lus pa'i 'khor gyi dkyil 'khor gyis sangs rgyas kyi sku kun nas bskor bas sangs rgyas kyi zhing thams cad la 'jug pa shes pa shin tu phra ba dang / chos kyi dbyings thams cad ma lus par sangs rgyas kyi zhing gcig tu byin gyis brlabs pa shes pa shin tu phra ba dang / chos kyi dbyings thams cad ma lus pa'i sangs rgyas kyi zhing gcig sangs rgyas kyi zhing thams cad du byin gyis brlabs pa shes pa shin tu phra ba dang / 'jig rten gyi khams thams cad ma lus par rmi lam lta bur 'jug pa shes pa shin tu phra ba dang / 'jig rten gyi khams thams cad ma lus par mig yor lta bur rnam par dmigs pas rgyas par dgang ba shes pa shin tu phra ba dang / 'jig rten gyi khams shes pa shin tu phra ba 'di dag dang / shes pa shin tu phra ba de dag thams cad byang chub sems dpa'i spyod pa sgyu ma lta bu'i rnam par mngon par bsgrubs pa la zhugs shing khong du chud pa dang / byang chub sems dpa' kun tu bzang po'i spyod pa dang / rnam pa </font><hr>Ga21a<br><font size=+1>


@#/ /'phrul pa dang / ye shes khong du chud pas byang chub sems dpa'i spyod pa thams cad rgyun mi 'chad pa kun tu bzang po sgyu ma lta bur mthong ba dang / sangs rgyas thams cad kyi khyu mchog gi mthu phyung ba dang / rnam par 'phrul pa byang chub kyi sems kyis yang dag par bskyed pa dang / lus la chags pa med par brtson pa'i yang dag par lta ba dang| dge ba'i rtsa ba chags pa med pa'i ye shes dang ma bral ba dang / mngon par chags pa med pa'i chos nyid dang / sems kyi rgyud dmigs pa med pas yang dag par 'jug pa dang| mtshan ma la 'jug pa mtshan ma thams cad la gyen du 'phags pa dang / byang chub sems dpa'i spyod pa'i mtshan ma yongs su sbyangs pa dang / 'du shes kyi rnam pa thams cad dang bral ba'i ting nge 'dzin thams cad kyi rgyan dang / 'jig rten gyi khams thams cad du byang chub sems dpa'i spyod pa rnam par bkod pa khams thams cad shes pa dang ldan pas rab tu shes par gyur cig/ khong du chud par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su chos kyi dbyings mtha' yas pa la 'jug pa shes pa shin tu phra ba dang / chos kyi dbyings shin tu bstan pa shes pa shin tu phra ba dang / chos kyi dbyings yangs pa la 'jug pa shes pa shin tu phra ba dang / chos </font><hr>Ga21b<br><font size=+1>


kyi dbyings bsam gyis mi khyab pa rnam par dbye ba shes pa shin tu phra ba dang / chos kyi dbyings thams cad rnam par dbye ba shes pa shin tu phra ba dang / chos kyi dbyings thams cad sems gcig gis rgyas par dbang ba shes pa shin tu phra ba dang / chos kyi dbyings thams cad la yang dag par gzhol ba shes pa shin tu phra ba dang / chos kyi dbyings thams cad dmigs su med pa'i spyod yul du shes pa shin tu phra ba dang / chos kyi dbyings thams cad chags pa med par brtag pa shes pa shin tu phra ba dang / chos kyi dbyings thams cad skye ba med par yongs su rig pa shes pa shin tu phra ba dang / chos kyi dbyings thams cad du byin gyi rlabs kyis rnam par 'phrul pa shes pa shin tu phra ba dang / chos kyi dbyings 'byams klas pa shes pa shin tu phra ba dang / 'di dag thams cad byang chub sems dpa' kun tu bzang po'i spyod pa'i byin gyi rlabs kyis ye shes dang / chos la dbang ba sgyur ba rab tu thob pa/ 'gro ba thams cad tshim par byed pa la brtson pa/ don gyi lus yongs su mi gtong zhing lus blta ba la bsgrings pa med pa'i ye shes mnyam pa med pa mngon par bsgrub pa'i rnam pa rab tu thob pa/ chos thams cad la mi gnas pa'i rang bzhin las ma g.yos pa yang dag pa ji lta ba bzhin nam mkha' ltar gos pa med pa'i tshig gi lam rnam par </font><hr>Ga22a<br><font size=+1>


@#/ /brjod pa'i spyod pa dang ldan pa rnam par bkod pa'i don gyi rang bzhin shin tu rtogs pa/ rang bzhin gyis zhi ba yongs su rig pa'i ye shes kyis mi gnas ba'i yid kyi yang dag par rtogs pa dang ldan pa/ dmigs pa'i tshul la rten pa med par gnas pa/ chos kyi dbyings thams cad kyi tshul yangs pa khong du chud pa/ 'jig rten thams cad du mi gnas pas yang dag par rgyu ba chos thams cad la mi dmigs pa/ gnas thams cad yang dag par bcom pas kun tu bzang po'i spyod pa'i sgo 'di dag la zhugs pa'i ye shes kyis yang dag par ji lta ba bzhin du khong du chud par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su bskal pa gang ji snyed pa thams cad shes pa mngon par bsgrub pa 'di lta ste/ brjod du med pa'i bskal pa sems kyi skad cig gcig tu byin gyis rlob pa shes pa shin tu phra ba dang / sems kyi skad cig gcig la brjod du med pa'i bskal pa yang dag par bstan pa shes pa shin tu phra ba dang / grangs med pa'i bskal pa la yang dag par 'jug pa shes pa shin tu phra ba dang / bskal pa gcig grangs med pa'i bskal par yang dag par 'jug pa shes pa shin tu phra ba dang / bskal pa ring po bskal pa thung ngur yang dag par 'jug pa shes pa shin tu phra ba </font><hr>Ga22b<br><font size=+1>


dang| bskal pa thung ngu bskal pa ring por yang dag par 'jug pa shes pa shin tu phra ba dang / sangs rgyas dang bcas pa'i bskal pa sangs rgyas mi bzhugs par 'jug pa'i shes pa shin tu phra ba dang / bskal pa thams cad ma lus pa'i grangs shes pa shin tu phra ba dang / bskal pa thams cad ma lus par bskal pa ma yin par shin tu brtags pa shes pa shin tu phra ba dang / sngon gyi mtha'i mur thug pa'i bskal pa dang / phyi ma'i mtha'i mur thug pa'i bskal pa dang / da ltar byung ba'i mu la yod pa'i bskal pa dang / dus gsum gyi bskal pa thams cad ma lus par sems kyi skad cig gcig gis mngon par rdzogs par byang chub pa shes pa shin tu phra ba dang / bskal pa shes pa shin tu phra ba 'di dag dang / bskal pa ma lus pa'i grangs de bzhin gshegs pa'i ye shes kyis thugs su chud pa shes pa shin tu phra ba de dag thams cad byang chub sems dpa' thams cad kyi spyod pa'i dkyil 'khor gyi rgyal po rab tu thob pa'i sems dang ldan pa/ kun tu bzang po'i spyod pa la rab tu zhugs pa'i sems dang ldan pa/ rtog pa dang rnam par rtog pa'i spros pa thams cad rab tu bsal ba'i sems dang ldan pa/ skyo ba med pa'i smon lam chen pos rtsom pa rgyun mi 'chad pa'i sems dang ldan pa/ mtha' dang dbus med pa'i 'jig rten mang por sangs rgyas mang po yang dag par </font><hr>Ga23a<br><font size=+1>


@#/ /bstan par yongs su rgyas par 'gengs pa'i sems dang ldan pa/ de bzhin gshegs pa thams cad kyi dge ba'i rtsa ba byang chub sems dpa'i spyod pa'i rigs yang dag par gzung ba'i sems dang ldan pa/ sems can thams cad shin tu bag dro bar byed pa'i spyod pa'i rigs dang / rnam par 'dres pa'i sems dang ldan pa/ bskal pa'i grangs thams cad du mngon par rdzogs par 'tshang rgya bar yang dag par bstan pa'i sems dang ldan pa/ 'jig rten gyi khams re re nas phyi ma'i mtha'i mur mi g.yo bar spyod pa rgyun mi gcod pa'i sems dang ldan pa/ 'jig rten gyi khams thams cad du de bzhin gshegs pa'i sku'i 'phrin las byang chub sems dpa'i lus kyis yongs su rgyas par 'gengs pa'i sems dang ldan pas/ sems kyi rgyu ba gcig gi gnas kyi sa yang dag pa ji lta ba bzhin du rab tu shes par gyur cig/ yang dag pa ji lta ba bzhin du khong du chud par gyur cig/ dge ba'i rtsa ba 'dis chags pa med pa dang / grol zhing bcings pa med pa'i sems su chos shin tu phra ba shes pa 'di lta ste/ zab mo'i chos shin tu phra ba dang / yangs pa'i chos shin tu phra ba dang / sna tshogs kyi chos shin tu phra ba dang / rgyan rnam par dbye ba'i chos shin tu phra ba dang / mtha' dang dbus med pa'i </font><hr>Ga23b<br><font size=+1>


bskal pa thams cad du bstan pa shin tu phra ba dang / chos thams cad chos gcig tu yang dag par 'jug pa shin tu phra ba dang / chos gcig chos thams cad du yang dag par 'jug pa shin tu phra ba dang / chos thams cad chos ma yin par 'jug pa shin tu phra ba dang / chos ma yin par shes pa chos rnam par dgod pa thams cad dang mi 'gal ba shin tu phra ba dang / 'di lta ste/ sangs rgyas kyi chos kyi tshul thams cad ma lus pa'i grangs la 'jug pa shes pa shin tu phra ba 'di dag dang / 'jig rten gyi khams thams cad du chos thams cad kyi grangs rnam par bkod pa dang / bstan pa shes pa shin tu phra ba de dag thams cad chags pa med par shes pa'i sems spyod pa gcig gi khyu mchog gi mthu phyung bas yang dag par bskyed pa dang / mtha' dang dbus med pa'i chos kyi dbyings la zhugs pa'i sems dang / spyod pa'i byin gyi rlabs kyi chos rnam pa tha dad pa thams cad khong du chud pa'i bsam pa'i stobs dang / shugs chags pa med pas rab tu rtogs pa dang / dbang po thams cad mkhyen pa'i ye shes kyis rab tu brten pa dang / dran pa dang / shes pa dang / chos la mkhas pa sangs rgyas thams cad kyi ye shes kyi khongs su chud pa dang / sangs rgyas mang po chos kyi dbyings thams cad yongs su khyab pa dang / byang chub sems dpa'i lus yang dag par bstan pa'i </font><hr>Ga24a<br><font size=+1>


@#/ /las dang / de bzhin gshegs pa thams cad kyi skur gtogs pa dang / tshig rnam par dgod cing shin tu bstan pa 'jig rten gyi khams thams cad du grag pa dang / yid kyi las sangs rgyas thams cad kyi byin gyi rlabs kyis yang dag par bzung ba dang / kun tu bzang po'i spyod pa mngon par bsgrub pa'i ye shes chos mtha' dang dbus med pa tha dad pa'i grangs dang / tshul thams cad ma lus pa'i ye shes la mkhas pa'i thams cad mkhyen pa nyid mngon par bsgrubs pas/ yang dag pa ji lta ba bzhin du rab tu shes par gyur cig/ khong du chud par gyur cig/ //bam po bzhi bcu gsum pa/ dge ba'i rtsa ba 'dis chags pa med pa dang / grol zhing bcings pa med pa'i sems su zhing thams cad ma lus par mngon par bsgrub pa shin tu phra ba dang / sems can thams cad ma lus pa'i ye shes dang / mngon par shes pa mngon par bsgrub pa shin tu phra ba dang / las kyi rnam par smin pa thams cad ma lus par shes pa mngon par bsgrub pa shin tu phra ba dang / 'gro ba thams cad ma lus pa'i sems shes pa mngon par bsgrub pa shin tu phra ba dang / dus thams cad ma lus par slebs par chos bstan pa shes pa mngon par bsgrub pa shin tu phra ba dang / chos </font><hr>Ga24b<br><font size=+1>


kyi dbyings mtha' dang dbus med pa thams cad ma lus par rab tu rtogs pa'i ye shes mngon par bsgrub pa shin tu phra ba dang / nam mkha'i dbyings thams cad ma lus pa'i mthar thug pa dang / dus gsum shes pa mngon par bsgrub pa shin tu phra ba dang / tshig dang ngag gi lam thams cad ma lus par shes pa mngon par bsgrub pa shin tu phra ba dang / 'jig rten pa'i chos thams cad ma lus par shes pa mngon par bsgrub pa shin tu phra ba dang / 'jig rten las 'das pa'i spyod pa thams cad ma lus par shes pa mngon par bsgrub pa shin tu phra ba dang| shes pa mngon par bsgrub pa 'di dag dang / de bzhin gshegs pa thams cad kyi lam dang / byang chub sems dpa' thams cad kyi lam dang / 'gro ba thams cad kyi lam shes pa mngon par bsgrub pa shin tu phra ba de dag thams cad byang chub sems dpa'i spyod pa dang ldan zhing kun tu bzang po'i byin gyi rlabs yang dag par 'dzin pas chos ji lta ba bzhin dang / yi ge ji lta ba bzhin du mig yor dang 'dra ba'i shes pa mngon par bsgrub pa dang / rmi lam dang 'dra ba'i shes pa mngon par bsgrub pa dang / sgyu ma dang 'dra ba'i shes pa mngon par bsgrub pa dang / sgra brnyan dang 'dra ba'i shes pa mngon par bsgrub pa dang / sprul pa dang 'dra ba'i shes pa mngon par bsgrub pa dang / dben pa dang mnyam pa'i shes </font><hr>Ga25a<br><font size=+1>


@#/ /pa mngon par bsgrub pa dang / zhi ba dang mnyam pa'i shes pa mngon par bsgrub pa dang / chos kyi dbyings thams cad kyi rang bzhin dang mnyam pa'i shes pa mngon par bsgrub pa dang / gnas med pa dang mnyam pa'i shes pa mngon par bsgrub pa dang / sangs rgyas kyi chos thams cad dang mnyam pa'i shes pa mngon par bsgrub pa dang / kun tu bzang po'i spyod pa nye bar blang pa la gnas par brtson pa'i shes pa mngon par bsgrub pa shin tu phra bas rab tu shes par gyur cig/ khong du chud par gyur cig/ ces te/ de yang 'jig rten nam/ 'jig rten gyi chos la mi rtog pa dang / de yang byang chub bam/ byang chub sems dpa' la mi rtog pa dang / de yang byang chub sems dpa'i spyod pa'am/ 'byung ba'i lam la mi rtog pa dang / de yang sangs rgyas dang / sangs rgyas kyi chos thams cad la mi rtog pa dang / de yang sems can thams cad gdul ba dang / mi gdul ba la rnam par mi rtog pa dang / de yang dge ba'i rtsa ba'am/ yongs su bsngo ba la rnam par mi rtog pa dang / de yang bdag gam gzhan la rnam par mi rtog pa dang / de yang dngos po dang / dmigs pa la rnam par mi rtog pa dang / de yang byang chub sems dpa'i spyod pa'am/ mngon par 'tshang rgya ba la rnam par mi rtog pa dang / de yang chos nyid dam/ yongs su shes par </font><hr>Ga25b<br><font size=+1>


bya ba la rnam par mi rtog pas/ de ltar byang chub sems dpa' sems dpa' chen po dge ba'i rtsa ba de dag chags pa med pa dang grol zhing bcings pa med pa'i sems dang / chags pa med pa dang grol zhing bcings pa med pa'i lus dang / chags pa med pa dang grol zhing bcings pa med pa'i sgra dang / chags pa med pa dang grol zhing bcings pa med pa'i las dang / chags pa med pa dang grol zhing bcings pa med pa'i rnam par smin pa dang / chags pa med pa dang grol zhing bcings pa med pa'i 'jig rten dang / chags pa med pa dang grol zhing bcings pa med pa'i zhing dang / chags pa med pa dang grol zhing bcings pa med pa'i sems can dang / chags pa med pa dang grol zhing bcings pa med pa'i chos dang / chags pa med pa dang grol zhing bcings pa med pa'i ye shes kyis yongs su bsngo ste/ de de ltar yongs su bsngo bas 'das pa'i sangs rgyas dang / byang chub sems dpa' thams cad kyi yongs su bsngo ba thob pa yin/ ma byon pa'i sangs rgyas dang / byang chub sems dpa' thams cad kyi yongs su bsngo ba thob pa yin/ da ltar byung ba'i sangs rgyas dang / byang chub sems dpa' thams cad kyi yongs su bsngo ba thob pa yin/ 'das pa'i sangs rgyas thams cad kyi yongs su bsngo ba la slob pa yin/ ma byon pa'i sangs rgyas thams cad kyi yongs su bsngo ba 'grub par 'gyur ba yin/ da ltar byung </font><hr>Ga26a<br><font size=+1>


@#/ /ba'i sangs rgyas thams cad kyi yongs su bsngo ba la rab tu gnas pa yin/ 'das pa'i sangs rgyas thams cad kyi yongs su bsngo ba'i lam la gnas pa yin| ma byon pa'i sangs rgyas thams cad kyi yongs su bsngo ba'i lam mi gtong ba yin/ da ltar byung ba'i sangs rgyas thams cad kyi yongs su bsngo ba'i lam dang 'gal bar mi byed pa yin/ 'das pa'i sangs rgyas thams cad kyi gdams ngag la nan tan du byed pa yin/ ma byon pa'i sangs rgyas thams cad kyi gdams ngag la nan tan byed par 'gyur ba yin| da ltar byung ba'i sangs rgyas thams cad kyi gdams ngag khong du chud par byed pa yin/ 'das pa'i sangs rgyas thams cad kyi mnyam pa nyid yongs su rdzogs par byed pa yin/ ma byon pa'i sangs rgyas thams cad kyi mnyam pa nyid sgrub par 'gyur ba yin/ da ltar byung ba'i sangs rgyas thams cad kyi mnyam pa nyid la nan tan byed pa yin/ 'das pa'i sangs rgyas thams cad kyi yul la yongs su spyod pa yin/ ma byon pa'i sangs rgyas thams cad kyi yul la rab tu gnas pa yin/ da ltar byung ba'i sangs rgyas thams cad kyi yul dang mnyam par 'gyur ba yin/ 'das pa dang| ma byon pa dang / da ltar byung ba'i sangs rgyas thams cad dang dge ba'i rtsa ba'i mtshan nyid gcig pa yin/ </font><hr>Ga26b<br><font size=+1>


'das pa dang / ma byon pa dang / da ltar byung ba'i sangs rgyas kyi rigs thams cad dang mnyam pa nyid du gnas pa thob ba yin/ 'das pa dang / ma byon pa dang / da ltar byung ba'i de bzhin gshegs pa thams cad kyi spyod yul dang tshul gyi rgyud gcig tu gyur pa yin/ 'das pa dang / ma byon pa dang / da ltar byung ba'i sems can gyi gtso bo thams cad kyi yul dang mi 'gal ba thob pa yin te/ kye| rgyal ba'i sras dag/ 'di ni byang chub sems dpa' sems dpa' chen po rnams kyi yongs su bsngo ba chags pa med pa dang / grol zhing bcings pa med pa'i sems zhes bya ba ste/ dgu pa'o/ /yongs su bsngo ba de dag la gnas pa'i byang chub sems dpa' sems dpa' chen po ni dge ba'i rtsa ba thams cad de ltar yongs su bsngo ste| de de ltar yongs su bsngo bas/ khor yug rdo rje'i ri thams cad kyis mi choms pa'i stobs dang ldan pa yin/ 'gro ba thams cad kyi gzugs thams cad ma lus pa dang ldan zhing zil kyis mi non pa yin/ bdud kyi sde dang / bdud kyi dpung / bdud kyi las thams cad rab tu 'joms pa yin/ 'jig rten gyi khams thams cad du byang chub sems dpa'i spyod pa ma lus pa yang dag par bstan pa la brtson pa yin/ 'gro ba thams cad la go bar byed pa'i sangs rgyas kyi chos thams cad kyi tshig dbye ba la mkhas pa dang ldan pa yin/ </font><hr>Ga27a<br><font size=+1>


@#/ /sangs rgyas kyi chos thams cad la rmongs pa med pa'i ye shes 'byams klas pa dang ldan pa yin/ gang dang gang du shi 'pho ba dang / skye ba dang / 'gro ba dang| 'ong ba dang / gnas pa dang / 'dug pa thams cad du mi phyed pa'i g.yog 'khor dang ldan pa yin/ 'das pa dang / ma byon pa dang / da ltar byung ba'i sangs rgyas thams cad kyi chos bstan pa dang / chos kyi 'byung gnas dran pa yang dag par 'dzin pa rnam par dag pa rab tu thob pa yin/ byang chub sems dpa'i spyod pa thams cad yongs su gzung ba la mi skyo bas phyi ma'i mtha'i bskal pa'i mur thug par spyod pa rgyun mi 'chad pa yin/ gnas thams cad yang dag par bcom pa yang rab tu thob pa yin/ byang chub sems dpa' kun tu bzang po'i spyod pa dang smon lam yang dag par bskyed pa yang thob pa yin/ thams cad mkhyen pa'i sangs rgyas kyi mdzad pa dang / byin gyi rlabs dang| byang chub sems dpa'i spyod pa dang / rnam par 'phrul pa thob par bya ba yang rab tu thob pa yin no/ /de nas byang chub sems dpa' sems dpa' chen po rdo rje rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /de dag zil gyis mi non 'gyur byas </font><hr>Ga27b<br><font size=+1>


shing| |'dra med de dag phyogs rnams thams cad du/ /las rnams ci 'drar yongs su bsags byas pa/ /de dag kun la brnyas par yong mi byed/ /bdag gis byas pa'am gzhan gyis byas pa yi| |dge ba gang la'ang brnyas par mi byed de/ /de la shin tu mos pa rab bskyed cing / /de dag sems can phan phyir yongs su bsngo/ /de dag sems la mtho ba med byas shing / / yid la dma' ba'ang 'chang ba med byas te/ /rgyal ba rnams kyi sku yi 'phrin las dang / /gsol ba btab las las yangs gang 'byung dang / /gang yang rnam pa mang po byed gyur cing| |sems can kun la bde dang phan sems kyis/ /brtan pa'i mos dang bsam las byung ba dag /skyes bu dbang por ci nas 'gyur bar bsngo/ /rnam pa sna tshogs ji snyed gang yod tshul/ /'gro ba 'di na tha dad mi 'dra ba/ /rgya che yangs dang phra mo zab mo'i rnams/ /de dag bdag gis yongs bsags shes par bya/ /ji snyed 'jig rten yangs pa'i 'gro ba yi/ /sna tshogs lus rnams lus su gzhol gzud pa/ /de dag shes byas spyad pa spyod pa'i tshe/ /ye shes sgo las phyir ldog ma gyur cig/ gang yang 'jig rten zhing gi sgo mnga' ba/ /phra dang rgya che spyi'u tshug snrel zhi dag / skra yi sbubs su kun kyang bsdu byas te/ /ye shes sgo nas thams cad shes gyur cig /gang yang sems kyi tshul mang </font><hr>Ga28a<br><font size=+1>


@#/ /gcig min pa/ /de dag sems su yang dag bsdu byas te/ /ye shes sgo nas de dag shes byas nas/ /spyod lam ldog pa med par spyad par bya/ /'gro ba kun gyi dbang po bsam pa dag /rgya che de bzhin shin tu phra ba dang / /zab mo sna tshogs ji snyed bsdu byas shing / /thams cad rang bzhin ji bzhin shes gyur cig /gang yang las kyi rnam pa sna tshogs pa/ /rab dang 'bring dang de bzhin tha ma'i rnams/ /thams cad ye shes sgo nas shes byas te/ /bde gshegs stobs la rab tu 'jug gyur cig /bdag gis las gtsang yongs su gang bsags pas/ /'jig rten bskal pa bsam gyis mi khyab pa/ /ji snyed de dag skad cig sems btud cing / /phyogs rnams kun tu de dag shes gyur cig /dus rnams snrel zhir dus gsum gzud byas shing / /bskal pa mi mnyam tha dad mtshan shes nas/ /de dag mnyam nyid de dang 'gal med du/ /spyod cing kun tu rmongs par med gyur cig /'gro ba'i spyod pa ji snyed gang yang rung / /'jig rten dag na brkyang bskum mi g.yo ba/ /rnam pa tha dad thams cad shes gyur kyang / /mtshan med dngos kyi rlom sems med gyur cig /phyogs rnams kun na skyes dbang ji snyed pa/ /su bzhugs de dag rnam par 'phrul mdzad </font><hr>Ga28b<br><font size=+1>


pa| |tshul gyis dkon zhing shin tu yangs pa rnams/ /de dag thams cad tshul bzhin shes gyur cig /dga' ldan gnas na rang byung gang bzhugs pa/ /mi yi seng+ge 'dra med chen po dang / /phra dang yangs dang rnam par rgya che dag /rang bzhin bzhin du thams cad mthong gyur cig /yum gyi phyal na dpe zla med pa rnams/ /rnam par 'phrul pa ji snyed mdzad pa dang / /'tshang rgya mya ngan 'da' dang 'khor lo'i mchog /'gro ba kun tu ldog pa med pa dang / /mi yi seng+ge bltams par gyur pa'i tshe/ /lha yi mchog dang tshangs pa'i mchog rnams dang / /ye shes mchog dang shes la gnas rnams kyis/ /lag pa'i dam pas rim gror blangs pa dang / /de bzhin chos dbyings ma lus ji snyed pa'i/ /phyogs na gang yod thams cad bsdu byas shing / /sangs rgyas rnam 'phrul gzhi mtha' dbus med pa/ /de dag thams cad mthong zhing shes gyur cig/ skyes bu khyu mchog 'jig rten byung gyur cing / /gshegs thabs bdun por gshegs par gyur pa dang / /dpe zla med pas rnam par gzigs pa dag /thams cad chags med sgo nas shes gyur cig| gang yang skyes dbang bzhad mo bzhad pa dang / /skye dgu'i 'di dag 'dod byin gzigs gyur cing / /sems can 'di dag rab rib bsgribs ldongs pa/ /srid pa'i sdug </font><hr>Ga29a<br><font size=+1>


@#/ /bsngal kun las dgrol bya zhes/ /seng+ge'i nga ro rnam par sgrog mdzad pa/ /bdag cag 'jig rten 'phags pa'i gtso yin gyi/ /ye shes sgron ma shin tu 'dir bstan cing / /'gro ba kun gyi skye ba dgag par bya/ /gang yang 'od zer brgya phrag mtha' yas pa/ /mi yi seng+ge skye tshe rab 'phro bas/ /ngan song thams cad zhi bar gyur pa dang // 'gro ba kun gyi sdug bsngal zhir gyur dang / /gang yang btsun mo'i 'khor gyi khrod bzhugs shing / /mi yi seng+ge rnam par 'phrul mdzad dang / /'gro ba kun la phan dang bde thugs kyis| |'jig rten sgron ma mngon par byung ba dang / /'gro rgyud 'di las shin tu byung gyur cing / /byang chub shing drung skyes dbang bzhugs gyur nas/ /sa rnams bskyod byas dpe zla med pa yi/ /'od snang phyogs bcu kun tu bkye gyur cing / /bdud kyi khyim rnams rab tu ldeg mdzad de/ /phyogs bcu'i 'jig rten thams cad skul mdzad dang / /sngon spyod gang rnams yongs su smin mdzad cing / /gang don skyes dbang rnam par 'tshang rgya ba/ /ma lus skra yi sbugs su bsdu byas shing / /phyogs rnams zhing rgyud de bzhin bsdu byas te/ / sems can mtha' yas rgyud kyang yongs bsdus shing / /rgyal ba rnams kyi rnam 'phrul grub gyur cig /tshul rnams 'di dag ma lus shes bya ste/ /'jig rten mkhyen pa'i </font><hr>Ga29b<br><font size=+1>


yon tan brjod pa dang / /ye shes mkhyen pa'i yon tan ma brjod pa/ /thams cad spyod la gnas te shes gyur cig /ji snyed bdud kyi dkrugs ma mang po dang / de dag dpung gis stong gsum khyab gyur cig /bdud rnams phyin ci log gtong mang po dag/ thams cad chags med sgo nas thul gyur cig /zhing na mi yi seng+ge gang bzhugs dang / /brgya byin gnas na skyes dbang gang bzhugs dang / /tshangs pa'i gnas na rang byung gang bzhugs pa/ /chags med thams cad ma lus mthong gyur cig / gang rnams chos kyi 'khor lo bskor ba dang / /mi yi gtso bo'i sku chul \ TSUL?\ mtha' yas pa/ /dus kyi dus gsum bskal pa ji snyed par/ /gang rnams rgyal bas mtha' ma ma brnyes dang / /dpe zla med pa'i gdan du gyur pa rnams/ /mtha' yas phyogs rnams gang gis khyab gyur pa/ /mtshan nyid tha dad rgyan gyis dag pa rnams/ /kun du rgyal ba bsam yas bzhugs pa dag / de dag rgyal sras mang pos yongs bskor cing| |chos dbyings ma lus kun tu khyab mdzad nas/ /gang gis sangs rgyas ma lus byung gyur pa'i/ /byang chub spyod pa kun tu ston mdzad cing / /ye shes mkhyen pa rnams kyi tshul gcig gis/ /sangs rgyas ma lus thams cad sdud mdzad cing / /rgyal ba'i rgyan tshul rnam pa sna tshogs kyis/ /gang gis chos kyi chos nyid yongs khyab pa/ /dpe zla med pa'i rnam </font><hr>Ga30a<br><font size=+1>


@#/ /'phrul ji snyed dang / /rgyal ba rnams kyi sku tshul ji snyed dang / /gang yang sku tshe bzung ste skyes gyur dang / /gang yang btsun mo'i 'khor gyis bskor ba dang / / gang yang mngon par 'byung ba bstan pa dang / /mkhas pas dbang po shin tu phra mkhyen dang / /mya ngan 'das nas ring bsrel kun bsdus te/ /bgos shing rgyal ba'i mchod rten byas pa'i bar/ /'jig rten dag na tshad med ma lus pa'i/ /spyod pa mtha' yas de dag rab spyod cing / /rgyal ba'i spyod pa yongs su gang brjod pa/ /de dag kun la spyod yangs 'jug gyur cig /de ltar tshul rnams kun la yongs bsngo ste/ /dge ba de dag yongs su bsngo bas na/ /byang chub spyod pa de dag rab tu shes/ /spyod pas skyo bar nam yang mi 'gyur ro/ / de dag rnam par 'phrul ba ji snyed pa/ /rgyal ba rnams kyis brjod pa gang yang rung / /'gro ba 'di na 'jig rten mkhyen pa yi/ /gang yod thams cad ma lus rtogs par shes/ /de ltar skyes dbang thams cad ma lus par/ /rab byung yul rnams rjes su thob gyur te/ /de dag skad cig gcig gis rtogs gyur kyang / /byang chub spyod las rnam par phyir mi ldog| gang yang rgyal ba'i spyod yul phra mo rnams/ /zhing dang chos kyi rgyud rnams thams cad kun/ /de dag spyod pa mchog gi shes gyur te/ /yongs su bsngo ba'i pha rol phyin pa </font><hr>Ga30b<br><font size=+1>


thob| |bskal pa shin tu phra la 'jug pa gang / /skad cig gcig la grangs dang grangs med tshul/ /de dag byang chub shes pas rtogs gyur kyang / /spyod pa'i dam pa de las phyir mi ldog/ gang yang 'gro ba rnams kyi zhing chen dang / /kun nas nyon mongs de bzhin rnam dag rnams/ /kun kyang ye shes spyod pas shes byas shing / /de la yid gzhungs sems can dam pa 'khod/ /dus kyi tshul rnams rjes su sems byed cing / /skad cig sems kyis bsam yas bskal pa dang / /de bzhin dus gsum ma lus thams cad kyang / /spyod pa'i mchog la gnas shing rab tu shes/ /sems la yang dag gzhol zhing 'jug pa dang / /chos la yang dag 'jug pa'i tshul rnams dang / /zhing la yang dag 'jug pa mkhas 'di la/ /kun kyang spyod pa dam pas rab tu shes/ /ye shes mngon par bsgrub pa gang yod dang / /sems can bsgrub dang de bzhin chos bsgrub dang / /rnam par 'phrul thob byang chub bsgrub pa rnams/ /mtha' dbus gzhi med thams cad ma lus pa/ /'jug pa shin tu phra ba mtha' dag bsdu byas shing / /rnam par phye ba ji snyed yod pa rnams/ /bskal pa mi mthun tha dad mtshan ldan pa/ /de dag thams cad spyod pa yangs pas shes/ /phyogs kyi rgyud na zhing rnams gcig min pa/ /'gro ba rnams na sna tshogs gang yod dang / /sems can 'gro rgyud sna tshogs </font><hr>Ga31a<br><font size=+1>


@#/ /tha dad pa/ spyod pa'i stobs la gnas shing shes par byed/ /gang gis yongs su bsngo ba 'di shes pa/ /de ni ji snyed 'das pa'i sangs rgyas dang / /gang rnams ma byon gang dag bzhugs pa rnams/ /de dag spyod dang mnyam pa nyid 'thob bo/ /rgyal ba kun gyis bsod nams 'thob par 'gyur/ /rgyal ba kun gyi ye shes 'thob par 'gyur/ /rgyal ba kun gyi spyod pa'i rjes bslabs shing / /yongs su bsngo ba 'di dag 'thob par 'gyur/ /'gro ba kun gyis thub par dkar gyur cing / /'jug pa kun tu bslab bya bslabs pa dag /rgyal ba kun gyi rjes su sems dpa' rnams/ /thams cad 'jig rten sgron ma mthong bar 'gyur/ /de yi spyod la tshad gdab mi nus te/ /yon tan rnams la'ang tshad kyis gzhal mi nus/ /dpe med de dag spyod la gnas bcas shing / /rgyal ba kun gyi rnam 'phrul rab tu shes/ /chags pa med pa dang grol zhing bcings pa med pa'i sems zhes bya ba ste| yongs su bsngo ba dgu pa'o/ /kye| rgyal ba'i sras dag / byang chub sems dpa' sems dpa' chen po rnams kyi yongs su bsngo ba chos kyi dbyings tshad med pa zhes bya ba bcu pa gang zhe na/ kye| rgyal ba'i sras dag/ 'di la byang chub sems dpa' sems dpa' chen po chos smra ba chen por gyur pas dri ma med pa'i go 'phang thob pa/ chos kyi mdzod kyi </font><hr>Ga31b<br><font size=+1>


sbyin pa rab tu byin zhing snying rje chen po dang ldan pas byams pa chen po thob cing / byang chub kyi sems la sems can rab tu dgod par brtson pa/ sems can gyi don la zhugs pas byang chub kyi sems rgyun mi 'chad par dge ba'i rtsa ba nye bar gsog pa/ sems can thams cad kyi kha lo sgyur bas 'gro ba thams cad la thams cad mkhyen pa'i lam yang dag par ston pa/ 'gro ba thams cad la chos kyi nyi ma dam par gyur pas/ dge ba'i rtsa ba tshad med pas 'jig rten thams cad snang bar byed pa/ 'gro ba thams cad la sems rab tu mnyam pas| sems can thams cad kyi dge ba'i rtsa ba mngon par 'du byed pa rgyun mi gcod pa ye shes la dbang sgyur zhing / sems rnam par dag pas dge ba'i rtsa ba'i las thams cad nyams pa med par sgrub pa/ ye shes chen pos 'gro ba thams cad kyi ded dpon du gyur pas/ sems can thams cad la bde ba'i lam yang dag par ston pa/ dge ba'i rtsa ba'i chos bskyed pa thams cad la sems thams cad kyis sngon 'dren pa/ sems can thams cad kyi dge ba'i rtsa ba dbyer mi phyed par gyur pas/ 'gro ba thams cad kyi dge ba'i rtsa ba spel ba la zhugs pa/ dam pa'i chos sbyin pa sngon du gtong bas chos dkar po thams cad la yang dag par brtson pa/ thams cad mkhyen pa nyid du sems bskyed pas yongs </font><hr>Ga32a<br><font size=+1>


@#/ /su bzung ba'i lhag pa'i bsam pas stobs dang shugs kyi pha rol tu phyin pa thob pa/ lhag pa'i bsam pa shin tu brtan pa las byung ba'i byang chub kyi sems bskyed pa yang dag par bsgrubs pas nye bar ston pa'i spyod pa mthu chen po'i sems dang ldan pas/ byang chub tu sems bskyed pa la mos shing dge ba'i bshes gnyen la bsten pa'i spyod pa dang ldan pa/ sgyu med par byang chub tu sems bskyed pa'i lhag pa'i bsam pa yang dag par bsgrubs pas thams cad mkhyen pa'i sgo'i dmigs pa mtha' dang dbus med pa la sems pa/ dge ba'i rtsa ba la dmigs shing yongs su bsngo ba rgya chen pos bsgribs pa med pa'i yul thams cad yang dag par bsdu ba la zhugs shing rab tu bsgrub pa de/ chung ngu na sangs rgyas kyi gsung las tshig dang yi ge gcig thos sam/ ston tam/ yang dag par 'dzin kyang rung ste/ sangs rgyas thams cad mngon du gyur pa'i 'jig rten gyi khams 'byams klas pa de dag na/ sangs rgyas bcom ldan 'das gang bzhugs shing 'tsho skyong ba de dag dran pas dmigs te| 'das pa'i sangs rgyas rnams kyang yid la byed/ ma byon pa'i sangs rgyas rnams kyang yid la byed/ da ltar byung ba'i sangs rgyas rnams kyang yid la byed/ 'das pa dang / ma </font><hr>Ga32b<br><font size=+1>


byon pa dang / da ltar byung ba'i sangs rgyas thams cad kyang yid la byed cing / byang chub sems dpa'i spyad pa spyod pa'i tshe/ dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sangs rgyas de dag thams cad kyis yang dag par dgongs te/ 'jig rten gyi khams gcig tu byang chub kyi spyad pa spyod par gyur cig /'jig rten gyi khams gcig tu ji lta ba de bzhin du 'jig rten gyi khams chos kyi dbyings kyis klas pa/ nam mkha'i mthas gtugs pa ma lus pa thams cad du yang byang chub sems dpa'i spyad pa spyod par gyur cig /phyi ma'i mtha'i mur thug pa'i bskal bar sems can gcig gi don du byang chub sems dpa'i spyad pa yang dag par spyod par gyur cig /sems can gcig gi don du ji lta ba de bzhin du sems can gyi khams mtha' dag ma lus pa lhag ma ma lus pa thams cad kyi don du sems can gcig gi phyir yang phyi ma'i mtha'i mur thugs par go cha bgos te/ sems can gcig gi ji lta ba de bzhin du sems can thams cad kyi phyir yang go cha bgos te/ byang chub sems dpa'i spyad pa yang dag par spyod par gyur cig /dge ba'i rtsa ba 'dis nam yang sangs rgyas dang 'bral ba'i 'du shes dang / dge ba'i bshes gnyen dang 'bral ba'i 'du shes skye bar ma gyur cig /'di ltar yang sangs rgyas thams cad mngon du gyur te/ sangs rgyas skye ba gcig dang yang </font><hr>Ga33a<br><font size=+1>


@#/ /mi 'bral zhing / sangs rgyas thams cad kyis byang chub sems dpa'i tshangs par spyod pa yang dag par bstan pa dang / brjod pa dang / bsngags pa de la spyod par gyur cig/ de dag yongs su rdzogs par byed par gyur cig /tshangs pa'i spyad pa ma god par spyod par gyur cig /tshangs pa'i spyod pa ma nyams par yongs su rdzogs par byed par gyur cig /tshangs pa'i spyod pa ma 'dres par yongs su spyod par gyur cig /tshangs pa'i spyod pa rnyog pa med pa gnas par gyur cig /ltung ba med pa'i tshangs pa'i spyod pa la rab tu gnas par gyur cig /zil gyis mi non pa'i tshangs pa'i spyod pa la yongs su spyod par gyur cig /sangs rgyas kyis bsngags pa'i tshangs pa'i spyod pa la nan tan du spyod par gyur cig /mi gnas pa'i tshangs pa'i spyod pa la rab tu bsgrub par gyur cig /mi dmigs shing byang chub kyi sems la gnas pa'i tshangs pa'i spyod pa rnam par spyod par gyur cig /'das pa dang / ma byon pa dang / da ltar byung ba'i sangs rgyas thams cad kyi spyod pa'i rjes su spyod pa'i tshangs pa'i spyod pa khong du chud par gyur cig /ji ltar bdag tshangs pa'i spyod pa de la nan tan du byed pa de bzhin du tshangs pa'i spyod pa chags pa med pa dang / tshangs par spyod pa gnas pa med pa dang / tshangs par spyod pa </font><hr>Ga33b<br><font size=+1>


nyon mongs pa med pa dang / tshangs par spyod pa nyams pa med pa dang / tshangs par spyod pa bsgribs pa med pa dang / tshangs par spyod pa brtan pa dang / tshangs par spyod pa gzhan gyi dring mi 'jog pa dang / tshangs par spyod pa mi bsgul ba dang / tshangs par spyod pa mi g.yo ba dang / tshangs par spyod pa mi 'khrugs pa de la sems can thams cad kyang rab tu 'god do/ /sems can thams cad rab tu sbyor ro/ /sems can thams cad shin tu bsgrub bo/ /sems can thams cad rnam par sbyong ngo / /sems can thams cad dri ma med par bya'o/ /sems can thams cad rnam par snang bar bya'o/ /sems can thams cad rdul med par bya'o/ /sems can thams cad rab rib med par bya'o/ /sems can thams cad yongs su gdung ba med par bya'o/ /sems can thams cad 'byung ba la gnas par bya'o/ /sems can thams cad 'gyod pa thams cad dang bral zhing gnod sems dang rnam par bral ba'i pha rol tu phyin pa thob par bya'o/ /de ci'i phyir zhe na/ byang chub sems dpa'i tshangs par spyod pa rnam par ma dag pas gzhan gyi tshangs par spyod pa rnam par dag par bya ba mi nus so/ /byang chub sems dpa' tshangs par spyod pa las phyir log pas/ pha rol byang chub sems dpa'i tshangs par spyod pa la bsgrub par mi nus so/ /byang chub sems dpa' tshangs par spyod pa rgyun chad pas / </font><hr>Ga34a<br><font size=+1>


@#/ /gzhan byang chub sems dpa'i tshangs par spyod pa la rnam par dag par bya bar mi nus so/ /byang chub sems dpa' tshangs par spyod pa dang bral bas/ gzhan byang chub sems dpa'i tshangs par spyod pa la nan tan du byed du gzhug par mi nus so/ /byang chub sems dpa' tshangs par spyod pa las nyams pas/ gzhan byang chub sems dpa'i tshangs par spyod pa la sbyar bar mi nus so/ /byang chub sems dpa' tshangs par spyod pa la mos pa med pas/ gzhan byang chub sems dpa'i tshangs par spyod pa la mos par bya bar mi nus so/ /byang chub sems dpa' tshangs par spyod pa la rnam par mi gnas pas/ gzhan byang chub sems dpa'i tshangs par spyod pa la gnas par gzhag par mi nus so/ /byang chub sems dpa' tshangs par spyod pa la ma zhugs pas/ gzhan byang chub sems dpa'i tshangs par spyod pa la gzhug par mi nus so/ /byang chub sems dpa' tshangs par spyod pa las g.yos pas/ gzhan byang chub sems dpa'i tshangs par spyod pa mi g.yo ba la gzhag par mi nus so/ /byang chub sems dpa' tshangs par spyod pa ma spyad pas/ gzhan byang chub sems dpa'i tshangs par spyod pas yang dag par gzung bar mi nus so/ /de ci'i phyir zhe na/ byang chub sems dpa' ni ji skad </font><hr>Ga34b<br><font size=+1>


smra ba de ltar byed pa yin/ byang chub sems dpa' ni ma nor ba la gnas shing ma nor bar smra ba yin/ byang chub sems dpa' ni bden par smra zhing de bzhin du byed pa la gnas pa yin/ byang chub sems dpa' ni lus kyi las dang / ngag gi las dang / yid kyi las yongs su dag cing nyon mongs pa thams cad bsal ba yin/ byang chub sems dpa' ni bsgribs pa thams cad rnam par 'thor zhing bsgribs pa med pa'i spyod yul la zhugs pa yin/ byang chub sems dpa' ni lhag pa'i bsam pa dang ldan zhing gzhan la lhag pa'i bsam pa dag pas chos ston pa yin/ byang chub sems dpa' ni drang ba'i tshul gyis dge ba'i rtsa ba la 'jam pa'i sems dang ldan zhing gzhan drang po la gzhog pa yin/ byang chub sems dpa' ni 'gyod pa dang bral bar byas shing gzhan 'gyod pa las rnam par slong ba yin/ byang chub sems dpa' ni yid dang bar gyur cing gzhan sems dang bar dbyer med pa la yang dag par bsgrub pa yin / byang chub sems dpa' ni chos yang dag par brjod par gyur cing gzhan chos la nye bar stobs pa yin te/ de ltar byang chub sems dpa' sems dpa' chen po dge ba'i rtsa ba de dag yongs su bsngo'o/ /gzhan yang byang chub sems dpa' sems dpa' chen po chos sbyin pa la brtson pa dge ba'i rtsa ba de dag 'di ltar yongs su bsngo ste/ dge ba'i rtsa ba 'dis </font><hr>Ga35a<br><font size=+1>


@#/ /chos thams cad kyi sgo mi zad pa rab tu thob par gyur cig /chos thams cad shin tu bstan pa'i sgo 'gro ba thams cad tshim par byed pa/ gzhan gyis brgal ba thams cad la rnam par 'das pa dor ba dang gzhag pa rab tu 'gags pa rab tu thob par gyur cig /dge ba'i rtsa ba 'dis 'das pa dang / ma byon pa dang / da ltar byung ba'i sangs rgyas thams cad kyi chos rgya mtsho shin tu ston par gyur cig /chos kyi gnas re re dang / chos kyi tshul re re dang / chos rnam par brjod pa re re dang / chos su gdags pa re re dang / chos su smos pa re re dang / chos brjod pa re re dang / chos kyi sgo re re dang / chos la 'jug pa re re dang / chos bskyed pa re re dang / chos rnam par dgod pa re re las chos mi zad pa/ mtha' dang dbus med pa'i mi 'jigs pa la rab tu brtson pa thob ste/ tha dad pa yang dag par shes pa la zhugs pas ston cing 'gro ba thams cad kyis phyi ma'i mthar thug pa mi zad pa dang ldan pa dang / sems can thams cad la lhag pa'i bsam pas bstan pa yang dag par bsgrubs pa'i tshig chags pa med pas byung ba dang / 'khrul ba med pa'i spobs pas 'gro ba thams cad dga' bar byed pa'i chos shin tu ston pa dang / 'gro ba thams cad du rjes su bsgrags pa'i chos kyi tshig </font><hr>Ga35b<br><font size=+1>


gi tshul dang ldan pa dang / chos thams cad kyi snang ba mtha' yas pa rgyun mi 'chad pa'i dga' ba'i shugs yang dag par skyed pa dang / sems can thams cad dga' ba dang / mos pas thams cad mkhyen pa nyid la rab tu bzhag par rmongs pa med pa dang / chos snang ba'i spobs pa dang ldan pa dang / tshig thams cad yang dag par gzung ba'i byin gyi rlabs kyis 'jig rten gyi khams thams cad rab tu brtson pa dang / chos kyi dbyings su lus tshad med pas byin gyis rlob pa dang / chos kyi dbyings sems yangs pa tshad med pas rgyas par 'gengs pa dang| chos kyi dbyings su dbyangs thams cad rnam par dag pa tshad med pas grags par byed pa dang / chos kyi dbyings su tshad med pa'i 'khor gyi dkyil 'khor yang dag par ston pa dang / chos kyi dbyings kyi byang chub sems dpa'i las tshad med pa la brtson pa dang / chos kyi dbyings kyi byang chub sems dpa'i spyod pa tshad med pa rab tu thob pa dang / chos kyi dbyings la yang dag par 'jug pa tshad med pa rab tu rtogs pa dang / chos kyi dbyings su chos tshad med pa mngon par bsgrubs pa la bslab pa dang / chos kyi dbyings su byang chub sems dpa'i spyod pa tshad med pa yang dag par spyod pa la gnas pa dang / chos kyi dbyings tshad med pa'i byang chub sems dpa'i spyod pa'i khong du chud pas sems can thams cad kyi gtso bos </font><hr>Ga36a<br><font size=+1>


@#/ /yang dag par bstan pa rab tu thob par gyur cig /ces de ltar sems can thams cad thams cad mkhyen pa'i ye shes la rab tu dgod pa shin tu bsgrub pa'i phyir byang chub sems dpa'i dge ba'i rtsa ba de dag yongs su bsngo'o/ /gzhan yang byang chub sems dpa' sems dpa' chen po dge ba'i rtsa ba de dag 'di ltar yongs su bsngo ste/ chos kyi dbyings tshad med pa'i sangs rgyas mthong ba dang / chos kyi dbyings tshad med pa'i sems can gdul ba dang / chos kyi dbyings tshad med pa'i sangs rgyas kyi zhing byin gyis brlab pa dang / chos kyi dbyings tshad med pa'i byang chub sems dpa'i ye shes khong du chud par bya ba dang / chos kyi dbyings tshad med pa'i mi 'jigs pa rab tu thob par bya ba dang / chos kyi dbyings tshad med pa'i tha dad pa yang dag par shes pa rab tu thob par bya ba dang / chos kyi dbyings tshad med pa'i byang chub sems dpa'i gzungs rab tu thob par bya ba dang / chos kyi dbyings tshad med pa'i byang chub sems dpa'i gnas bsam gyis mi khyab pa rab tu thob par bya ba dang / chos kyi dbyings tshad med pa'i bsod nams bsags pa yongs su grub par bya ba dang / chos kyi dbyings tshad med pa'i sems can gyi don gyi dge ba'i rtsa ba yongs su rdzogs par bya ba thob par gyur cig /dge ba'i rtsa ba des chos 'di dag </font><hr>Ga36b<br><font size=+1>


yongs su rdzogs par gyur cig/ ji ltar bdag gis thob par gyur ba de bzhin du/ sems can thams cad kyis kyang thob par gyur cig /thob pa 'di dang / mnyam pa nyid 'di dang / yongs su rdzogs pa 'dis sems can thams cad bdag dang spyod pa mnyam par gyur cig /bsod nams mnyam pa dang / ye shes mnyam pa dang / stobs mnyam pa dang / mi 'jigs pa mnyam pa dang / rnam par dag pa mnyam pa dang / rnam par 'phrul pa mnyam pa dang / mngon par byang chub pa mnyam pa dang / chos bstan pa mnyam pa dang / don mnyam pa dang / rnam par nges pa mnyam pa dang / mngon par shes pa thams cad mnyam pas mnyam par gyur cig /ces de ltar byang chub sems dpa' sems dpa' chen po dge ba'i rtsa ba de dag yongs su bsngo'o/ /gzhan yang byang chub sems dpa' sems dpa' chen po dge ba'i rtsa ba de dag 'di ltar yongs su bsngo ste/ ji ltar chos kyi dbyings tshad med pa de bzhin du dge ba'i rtsa ba de dag tshad med pa'i ye shes yongs su bsgrub pa'i phyir yongs su bsngo'o/ /ji ltar chos kyi dbyings mtha' dang dbus med pa de bzhin du dge ba'i rtsa ba de dag sangs rgyas mtha' dang dbus med pa thams cad mthong ba yongs su rdzogs par bya ba'i phyir yongs su bsngo'o/ /ji ltar chos kyi dbyings la mus gcad pa med pa de bzhin du dge ba'i rtsa ba de dag sangs rgyas </font><hr>Ga37a<br><font size=+1>


@#/ /kyi zhing mus gcad pa med pa thams cad du 'gro bar yongs su bsngo'o/ /ji ltar chos kyi dbyings sa mtshams med pa de bzhin du dge ba'i rtsa ba de dag 'jig rten gyi khams sa mtshams med pa thams cad du byang chub sems dpa'i spyod pa spyad par yongs su bsngo'o/ /ji ltar chos kyi dbyings la ris su chad pa med pa de bzhin du dge ba'i rtsa ba de dag sems can thams cad la thams cad mkhyen pa'i ye shes ris su chad pa med par bya ba'i phyir yongs su bsngo'o/ /ji ltar chos kyi dbyings rgyud kyi tshul gcig par gyur pa de bzhin du dge ba'i rtsa ba de dag sems can thams cad ye shes kyi rgyud kyi tshul gcig tu 'gyur ba'i phyir yongs su bsngo'o/ /ji ltar chos kyi dbyings rang bzhin yongs su dag pa de bzhin du dge ba'i rtsa ba de dag 'gro ba thams cad shin tu rnam par dag par bya ba'i phyir yongs su bsngo'o/ /ji ltar chos kyi dbyings 'gro ba thams cad kyi rjes su song ba de bzhin du dge ba'i rtsa ba de dag sems can thams cad kyis byang chub sems dpa' kun tu bzang po'i spyod pa yang dag par bsdu ba'i phyir yongs su bsngo'o/ /ji ltar chos kyi dbyings 'gro ba thams cad kyi rgyan du gyur pa de bzhin du dge ba'i rtsa ba de dag sems can thams cad kyis kun tu bzang po'i spyod pa'i rgyan rnam par dag par yongs su bsngo'o/ /ji ltar chos kyi dbyings </font><hr>Ga37b<br><font size=+1>


la 'jig pa med pa de bzhin du dge ba'i rtsa ba de dag byang chub sems dpa'i spyod pa thams cad 'jig pa med pa'i phyir yongs su bsngo'o/ /gzhan yang byang chub sems dpa' sems dpa' chen po dge ba'i rtsa ba de dag 'di ltar yongs su bsngo ste/ gang gis thams cad mkhyen pa nyid du 'gyur ba der dge ba'i rtsa ba de dag yongs su bsngo'o/ /thams cad mkhyen pa nyid ni thams cad du 'gro bas na thams cad du 'gro ba'i phyir dge ba'i rtsa ba de dag yongs su bsngo'o/ /ci nas kyang 'gro ba thams cad du shin tu snang bar 'gyur ba de ltar dge ba'i rtsa ba de dag yongs su bsngo'o/ /ci nas kyang sangs rgyas mthong ba dang / sangs rgyas kyi mdzad pa yongs su 'thob pa de ltar dge ba'i rtsa ba de dag yongs su bsngo'o/ /ci nas kyang sangs rgyas mthong ba dang / sangs rgyas kyi mdzad pa thogs pa med par 'gyur ba de ltar dge ba'i rtsa ba de dag yongs su bsngo'o/ /ci nas kyang sangs rgyas mthong ba sems can thams cad rnam par dag par bya ba las phyir mi ldog pa de ltar dge ba'i rtsa ba de dag yongs su bsngo'o/ /ci nas kyang sangs rgyas mthong ba yongs su shes shing rab tu 'phel bar byed pa de ltar dge ba'i rtsa ba de dag yongs su bsngo'o/ /ci nas kyang sangs rgyas mthong ba gnas su mi 'gyur ba de ltar dge ba'i rtsa ba de dag yongs su bsngo'o/ /ci nas kyang sangs rgyas mthong ba chags pa med par khong du chud par 'gyur ba de ltar </font><hr>Ga38a<br><font size=+1>


@#/ /dge ba'i rtsa ba de dag yongs su bsngo'o/ /ci nas kyang sangs rgyas mthong zhing kun tu bzang po'i spyod pa yang dag par 'grub par 'gyur ba de ltar dge ba'i rtsa ba de dag yongs su bsngo'o/ /ci nas kyang sangs rgyas mthong zhing mngon sum du blta ba rgyun mi 'chad pa de ltar dge ba'i rtsa ba de dag yongs su bsngo'o/ /ci nas kyang sangs rgyas mthong bas byang chub sems dpa'i stobs dang shugs skye bar 'gyur ba de ltar dge ba'i rtsa ba de dag yongs su bsngo'o/ /ci nas kyang sangs rgyas mthong zhing dngos po nyams par 'gyur ba thams cad las 'phags par 'gyur ba de ltar dge ba'i rtsa ba de dag yongs su bsngo'o/ /'di ltar yang chos kyi dbyings byed pa med pa dang / chos kyi dbyings kyi rang bzhin dang / chos kyi dbyings kyi ngo bo nyid dang / chos kyi dbyings gnas med pa dang / chos kyi dbyings nyams pa med pa dang / chos kyi dbyings dben pa dang / chos kyi dbyings zhi ba dang / chos kyi dbyings gnas pa dang / chos kyi dbyings mi 'pho ba dang / chos kyi dbyings tha dad pa med pa bzhin du 'gyur bar yongs su bsngo'o/ /gzhan yang byang chub sems dpa' sems dpa' chen po dge ba'i rtsa ba de dag 'di ltar yongs su bsngo ste/ dge ba'i rtsa ba chos bstan cing brjod pas yang dag par bzung ba dang / chos bstan par bskul ba dang / de la dmigs </font><hr>Ga38b<br><font size=+1>


pa la brtson par byas pa'i dge ba'i rtsa ba dang / de dag la sogs pa dge ba brtsams pa gzhan dang gzhan gyis sems can thams cad sangs rgyas thams cad kyis byin gyis brlabs shing byang chub sems dpar gyur te chos smra bar gyur cig /sems can thams cad chos kyi dbyings kyi thams cad mkhyen pa'i ye shes la sems can thams cad 'god pa'i tshul gyis bla na med pa'i chos smra bar gyur cig /sems can thams cad 'jig rten kun gyis chos yongs su dris pas zad par mi 'gyur bas mi 'phrogs pa'i chos smra bar gyur cig /sems can thams cad chos kyi snang bas bsgribs pa med pa thob pa'i phyir chags pa med pa'i chos smra bar gyur cig /sems can thams cad sangs rgyas kyi chos thams cad kyi tshig dang yi ge brjod pa la mkhas shing ye shes kyi snying po'i chos smra bar gyur cig/ sems can thams cad de bzhin gshegs pa thams cad kyi ye shes ston pa la mkhas shing sangs rgyas kyi byin gyis brlabs pa'i chos smra bar gyur cig /sems can thams cad gzhan gyi dring mi 'jog cing yang dag pa ji lta ba bzhin du chos ston pas mig dang 'dra ba'i chos smra bar gyur cig /sems can thams cad rigs pas gzung ba'i tshig dang / yi ge chud ma zos par shin tu ston pas sangs rgyas kyi chos thams cad dran pas yang dag par 'dzin pa'i chos smra bar gyur cig / </font><hr>Ga39a<br><font size=+1>


@#/ /sems can thams cad mtshan gyis shin tu brgyan pa'i lus dang ldan zhing / 'od mtha' yas par 'phro ba'i chos yang dag par dpyad pa la mkhas pas nye bar mi dmigs pa'i lam du zhugs pa'i chos smra bar gyur cig /sems can thams cad chos mi 'chad pa la gnas shing sangs rgyas kyi chos thams cad kyi char bsam pa thag pas dbab pa'i byin gyi rlabs kyis chos kyi sprin rab tu ston cig /sangs rgyas kyi zhing brjod du med pa lus kyis rgyas par 'gengs pa'i chos smra bar gyur cig /sems can thams cad gzhan gyis pham par mi nus pa'i rgyal mtshan dang ldan pa'i chos smra ba'i mdzod bdog pas chos rgya mtsho thams cad dang / sangs rgyas kyi chos chud mi gzon pa'i chos smra bar gyur cig| sems can thams cad sangs rgyas kyi spobs pa la brtson zhing chos thams cad yang dag par brjod pa la mkhas pas chos thams cad kyi dkyil 'khor gyi nyi ma'i chos smra bar gyur cig /sems can thams cad chos kyi dbyings mtha' yas pa shin tu bstan pa'i chos kyi 'byung gnas dang mdzod rab tu thob cing / chos kyi 'byung gnas dang / rigs kyi tshul dang ldan pa'i chos smra bar gyur cig /sems can thams cad chos kyi mdzod rnam par phye ba'i ye shes mngon par shes pa dang ldan zhing chos kyi spyod pa'i pha rol tu </font><hr>Ga39b<br><font size=+1>


phyin pa'i chos smra bar gyur cig /sems can thams cad de bzhin gshegs pas shin tu bstan pa'i pha rol tu phyin pa'i ye shes dang ldan zhing dbye ba med pa dang / gnas pa med pa'i chos la gnas pa rab tu thob pa'i chos smra bar gyur cig /sems can thams cad yon tan dang bsngags pa mu med cing zad mi shes pa dang ldan te/ chos thams cad khong du chud pa'i chos smra bar gyur cig /sems can thams cad bden pa'i mtha'i tshul gyis rjes su zhugs pas 'gro ba thams cad la mi slu ba'i chos smra bar gyur cig /sems can thams cad bdud kyi las thams cad khong du chud pa'i ye shes dang ldan zhing bdud thams cad rnam par 'thor ba'i chos smra bar gyur cig /sems can thams cad bdag gi med pa dang / yongs su 'dzin pa med pa'i sems dang ldan zhing sangs rgyas thams cad kyis yongs su bzung ba'i chos smra bar gyur cig /sems can thams cad byang chub sems dpa'i chos kyi stobs kyis smon lam rab tu thob cing / 'gro ba thams cad bde bar byed pa'i chos smra bar gyur cig /de yang 'di ltar yongs su bsngo ste/ nyams pa med pa'i las kyis yongs su bsngo'o/ /nyams pa med pa'i rnam par smin pas yongs su bsngo'o/ /nyams pa med pa'i sems kyis yongs su bsngo'o/ /nyams pa med pa'i chos la yongs su bsngo'o/ /nyams pa med pa'i dngos po la </font><hr>Ga40a<br><font size=+1>


@#/ /yongs su bsngo'o/ /nyams pa med pa'i rgyu rnams kyis yongs su bsngo'o/ /nyams pa med pa'i chos kyi lam gyis yongs su bsngo'o/ /nyams pa med pa'i ming mang po dang / tshig mang po dang / yi ge mang po'i phyir yongs su bsngo'o/ /nyams pa med pa'i yongs su bsngo ba'i phyir yongs su bsngo'o/ /nyams pa med pa'i sems can gyi don bya ba'i phyir yongs su bsngo ste/ de ltar byang chub sems dpa' dge ba'i rtsa ba de dag yongs su bsngo yang gzugs kyi tshul la chags shing yongs su mi bsngo'o/ /'dod pa la gnas pa'i sgra'i don du yongs su mi bsngo'o/ /dri'i phyir yongs su mi bsngo'o/ /ro'i phyir yongs su mi bsngo'o/ /reg bya'i phyir yongs su mi bsngo'o/ /'dod pa la gnas pa'i chos rnams kyi phyir yang yongs su mi bsngo'o/ /mtho ris su skye ba'i phyir yang yongs su mi bsngo'o/ /'dod pa la spyod pa'i phyir yang yongs su mi bsngo'o/ /'dod pa'i yul la chags pas kyang yongs su mi bsngo'o/ /g.yog 'khor gyi phyir yang yongs su mi bsngo'o/ /dbang phyug don du gnyer bas yongs su mi bsngo'o/ /'khor ba'i dga' ba'i don du yongs su mi bsngo'o/ / 'chi 'pho dang skye ba la gnas shing yongs su mi bsngo'o/ /dngos po la mngon par mos shing yongs su mi bsngo'o/ /'dod pa dang ldan par bya ba'i bsam pas yongs su mi bsngo'o// </font><hr>Ga40b<br><font size=+1>


kun gzhi la mos pas yongs su mi bsngo'o/ /bsten pa'i sems kyis yongs su mi bsngo'o/ /dge ba'i rtsa ba gzhig pa'i don du yongs su mi bsngo'o/ /khams gsum pa la gnas pas kyang yongs su mi bsngo'o/ /bsam gtan dang / rnam par thar pa dang / ting nge 'dzin dang / snyoms par 'jug pa'i rol chags pas kyang yongs su mi bsngo'o/ /nyan thos dang rang sangs rgyas kyi theg pa la gnas shing yongs su mi bsngo'o/ /'di ltar 'gro ba thams cad yongs su smin par bya ba dang / gdul ba'i don du thams cad mkhyen pa'i ye shes rdzogs par bya ba'i phyir yongs su bsngo'o/ /chags pa med pa'i ye shes la 'jug pa'i phyir yongs su bsngo'o/ /bsgribs pa med pa'i dge ba'i rtsa ba rnam par dag par bya ba'i phyir yongs su bsngo'o/ /'gro ba thams cad 'khor ba nas rab tu gdon pa'i ye shes chen po khong du chud par bya ba'i phyir yongs su bsngo'o/ /byang chub tu sems bskyed pa rdo rje lta bu dang / bsam pa bsten pa yongs su rdzogs par bya ba'i phyir yongs su bsngo'o/ /yun du 'chi ba med pa'i chos bsgrub pa'i phyir yongs su bsngo'o/ /sangs rgyas kyi rigs kyis brgyan pa'i rgyan du ma dang / thams cad mkhyen pa'i spyod pas rnam par 'phrul ba yang dag par bstan pa'i phyir yongs su bsngo'o/ /chos snang ba thams cad kyi ye shes kyi rdzu 'phrul gyis byang chub sems dpa'i </font><hr>Ga41a<br><font size=+1>


@#/ /rnam par 'phrul pa grub par bya ba'i phyir yongs su bsngo'o/ /chos kyi dbyings kyis klas pa nam mkha'i mthas gtugs pa'i zhing thams cad du byang chub sems dpa' kun tu bzang po'i spyod pa'i gzhi yongs su rdzogs pa thob cing phyir mi ldog pa dang / rdo rje lta bu'i go cha don yod pas sems can thams cad kun tu bzang po'i sa la rab tu dgod pa la gnas shing yongs su bsngo'o/ /phyi ma'i mtha'i bskal pa'i mur thug par sems can thams cad rab tu dgrol bar bya ba rgyun mi 'chad pa dang / sangs rgyas kyis bsgribs pa med pa thams cad 'jig rten du yang dag par bstan pa'i spyod pa rgyun mi 'chad pa la rab tu gnas par bya ba'i phyir nye bar gnas shing yongs su bsngo'o/ /de de ltar yongs su bsngo ba yang rang bzhin dang mnyam pa'i sems kyis yongs su bsngo'o/ /chos nyid dang mnyam pa'i sems kyis yongs su bsngo'o/ /'gro ba tshad med pa thams cad dang mnyam pa'i sems kyis yongs su bsngo'o/ /nyon mongs pa med pa dang mnyam pa'i sems kyis yongs su bsngo'o/ /byed pa med pa'i rang bzhin dang mnyam pa'i sems kyis yongs su bsngo'o/ /chos 'khrugs pa med pa yongs su shes pa'i sems kyis yongs su bsngo'o/ /dus gsum mnyam pa nyid du zhugs pa'i sems kyis yongs su bsngo'o// </font><hr>Ga41b<br><font size=+1>


'das pa dang / ma byon pa dang / da ltar byung ba'i de bzhin gshegs pa'i rigs su byung ba'i sems kyis yongs su bsngo'o/ /mngon par shes pa ma nyams pa thob pa'i sems kyis yongs su bsngo'o/ /thams cad mkhyen pa'i spyod pa la grub pa'i sems kyis yongs su bsngo'o/ /sems can thams cad sems can dmyal ba nas phyir bzlog pa'i phyir yongs su bsngo'o/ / sems can thams cad byol song gi skye gnas su mi dgod pa'i phyir yongs su bsngo'o/ /sems can thams cad gshin rje'i 'jig rten na gnas pa dgag pa'i phyir yongs su bsngo'o/ / sems can thams cad kyi sgrib pa'i chos thams cad spang ba'i phyir yongs su bsngo'o/ /'gro ba thams cad kyi sems dge ba'i rtsa bas shin tu tshim par bya ba'i phyir yongs su bsngo'o// chos kyi 'khor lo dus la bab par bskor bas dga' bar bya ba'i phyir yongs su bsngo'o/ /stobs bcu'i 'khor lo la sems can thams cad gzud pa'i phyir yongs su bsngo'o/ /byang chub sems dpa'i chos dang / smon lam mtha' dang dbus med pa thob par bya ba'am/ rnam par dag pa'i chos can du bya ba'i phyir yongs su bsngo'o/ /byang chub kyi sems cang shes bsgom pa yongs su rdzogs par bya bas dge ba'i bshes gnyen grangs med pa thams cad dga' bar bya ba'i sems kyis yongs su bsngo'o/ /sangs rgyas kyi chos zab mo la gnas par </font><hr>Ga42a<br><font size=+1>


@#/ /bya ba'i lhag pa'i bsam pas sangs rgyas kyi chos thams cad yang dag par gzung zhing / ye shes kyi snang ba shin tu 'phags par bya ba'i phyir yongs su bsngo'o// byang chub sems dpa'i spyod pa la bsgribs pa med par mngon sum du 'gyur bar bya ba'i phyir yongs su bsngo'o/ /sangs rgyas thams cad mngon du lta bar mngon par mos pas yongs su bsngo'o/ /chos snang ba thams cad la mngon par mos pas yongs su bsngo'o/ /dog pa med pa'i byang chub kyi sems kyis 'jigs pa med pa la mngon par mos pas yongs su bsngo'o/ / byang chub sems dpa'i gnas bsam gyis mi khyab pa'i ye shes la mngon par mos pas yongs su bsngo'o/ /sems can thams cad snying rje chen po rnam par dag pas yongs su bskyab pa la mngon par mos pas yongs su bsngo'o/ /sangs rgyas kyi zhing mtha' dag ma lus pa lhag ma med pa thams cad rnam par dag par bya ba dang / brjod du med pa'i rgyan sna tshogs kyis thams cad brgyan par mngon par mos pas yongs su bsngo'o/ /bdud kyi las dang / bdud kyi zhags pa dang / bdud kyi dkrugs ma thams cad rnam par gtor ba dang| rab tu gzhom par mngon par mos pas yongs su bsngo'o/ /sangs rgyas kyi zhing thams cad du gnas med par byang chub sems dpa'i spyod pa la gnas par mngon par mos </font><hr>Ga42b<br><font size=+1>


pas yongs su bsngo'o/ /thams cad mkhyen pa'i sems rgya chen pos sangs rgyas thams cad kyi chos kyi rgyud la 'jug par mngon par mos pas yongs su bsngo'o/ /dran pa rnam par sbyangs pas yongs su bsngo'o/ /blo gros rnam par nges pas yongs su bsngo'o/ /sangs rgyas kyi chos thams cad rig pas shin tu 'dzin pa'i mngon par shes pas yongs su bsngo'o/ /blo mtha' dang dbus med cing chags pa med pas yongs su bsngo'o/ /lhag pa'i bsam pa rnam par dag pas yongs su bsngo'o/ /'gro ba thams cad la byams pa chen po spyod pas yongs su bsngo'o/ / snying rje chen po la rab tu brtson pa'i sems kyis yongs su bsngo'o/ /dga' ba'i sems kyis yongs su bsngo'o/ /btang snyoms kyis gnyis la chags pa dang bral ba'i dge ba'i rtsa ba la dbang bsgyur bar gnas pas yongs su bsngo'o/ /rten cing 'brel te 'byung ba'i chos bsngags pa'i lam rab tu dbye bas chos rnam par dbye ba la zhugs pa dang / chos nyid la nges par gzhog pa'i yid dang sems kyis yongs su bsngo'o/ /dpa' ba'i rgyal mtshan gyi sems kyis yongs su bsngo'o/ /gzhan gyis mi thub pa'i rgyal mtshan dang ldan pa'i mdzod kyi sems kyis yongs su bsngo'o/ /bdud kyi dkyil 'khor thams cad rnam par gtor ba'i sems kyis yongs su bsngo'o/ /rnam par dag pa dang / chags pa med pa thams cad rab tu 'thob par bya ba'i sems </font><hr>Ga43a<br><font size=+1>


@#/ /kyis yongs su bsngo'o/ /byang chub sems dpa'i spyod pa thams cad spyad pa las phyir mi ldog par bya ba'i sems kyis yongs su bsngo'o/ /chos dam pa dang rab dang phul la mngon par mos pa'i sems kyis yongs su bsngo'o/ /yon tan gyi chos thams cad la dbang bsgyur ba'i ye shes kyis khyad par du 'phags pa'i thams cad mkhyen pa la mos shing dang ba'i sems kyis yongs su bsngo'o/ /bsam pa thams cad yongs su rdzogs par bya ba dang / bdud kyi dkrugs ma thams cad rab tu gzhig pa dang / chags pa med cing dri ma med pa'i chos kyi go 'phang 'thob pa dang / sangs rgyas kyi mdas 'gro ba thams cad la chos kyi 'khor lo bskor ba las phyir mi ldog pa'i sems kyis yongs su bsngo'o/ /de bzhin gshegs pa'i chos kyi ye shes kyi nyi ma rab dang phul khyad par du 'phags pa'i 'od zer brgya stong gis brgyan pa'i chos kyi dbyings kyi ye shes chen po'i snang ba 'gro ba thams cad du rab tu dgye ba'i sems kyis yongs su bsngo'o/ /'gro ba thams cad yongs su smin par bya zhing gdul ba dang / bsam pa ji lta ba bzhin du sems kyi rgyud shin tu tshim par bya ba dang| sngon gyi smon lam chen po nub pa med pas phyi ma'i mtha'i mur spyod pa chen po'i rgyud rgyun mi 'chad cing rnam par dag pa dang / snang ba dri ma med pas rgyags pa dang / dregs </font><hr>Ga43b<br><font size=+1>


pa dang| nga rgyal shin tu gcad pa dang / 'gro ba thams cad kyi nyon mongs pa rnam par gtor ba dang / sred pa'i dra ba yang dag par gtub pa dang / ma rig pa'i mun pa thibs po bsal ba dang| bsgribs pa med cing dri ma dang bral la chags pa med pa'i chos kyi lo shin tu legs pa dang / 'gro ba thams cad du bskal pa'i grangs rnam par 'chad pa med pas thams cad mkhyen pa'i ye shes rnam par 'tshang rgya ba dang / spyod pa'i rgyud las phyir mi ldog pas sems can gyi tshogs so sor chags pa med pa'i ye shes rab dam pa mchog rnam par 'tshang rgya bar bya ba dang| sems can re re las sangs rgyas kyi sku shin tu bstan pa'i rnam par 'phrul pa las phyir mi ldog par bya ba'i phyir yongs su bsngo'o/ /de ltar byang chub sems dpa'i dge ba'i rtsa ba de dag yongs su bsngo yang 'dod pa'i yul dang / khams gsum pa la gnas shing yongs su mi bsngo ste/ de ci'i phyir zhe na/ 'di ltar byang chub sems dpas ni dge ba'i rtsa ba rnams 'dod ma chags pas yongs su bsngo bar bya'o/ /byang chub sems dpas ni dge ba'i rtsa ba rnams zhe mi sdang bas yongs su bsngo bar bya'o/ /byang chub sems dpas ni dge ba'i rtsa ba rnams gti mug med pas yongs su bsngo bar bya'o/ /byang chub sems dpas ni dge ba'i rtsa ba rnams gnod pa med pas yongs su bsngo bar bya'o/ /byang chub sems dpas ni dge ba'i rtsa ba </font><hr>Ga44a<br><font size=+1>


@#/ /rnams nga rgyal med pas yongs su bsngo bar bya'o/ /byang chub sems dpas ni dge ba'i rtsa ba rnams g.yo med pas yongs su bsngo bar bya'o/ /byang chub sems dpas ni dge ba'i rtsa ba rnams drang pos yongs su bsngo bar bya'o/ /byang chub sems dpas ni dge ba'i rtsa ba rnams rig pas yongs su bsngo bar bya'o/ /byang chub sems dpas ni dge ba'i rtsa ba rnams mngon par brtson pas yongs su bsngo bar bya ste/ de de ltar yongs su bsngo bas sems rab tu dang ba 'thob bo/ /byang chub sems dpa'i spyod pa la go skabs dbye ba 'thob bo/ /byang chub sems dpa'i lam rnam par dag par 'gyur ro/ /de bzhin gshegs pa'i rigs su 'jug par 'gyur ro/ /sangs rgyas kyi ye shes rab tu 'grub par 'gyur ro/ /'jig rten gyi nyes pa thams cad rab tu spong ngo / /bdud kyi las thams cad rab tu spong ngo / /dge ba'i bshes gnyen thams cad rab tu dga' bar byed do/ /bdag gi smon lam chen po yongs su rdzogs par byed do/ /sems can thams cad gnyer ba chen pos shin tu 'bod pa yin no/ /gzhan yang byang chub sems dpa' sems dpa' chen po chos sbyin pas 'byung ba la sogs pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis sems can thams cad </font><hr>Ga44b<br><font size=+1>


kyis chos kyi dbyings rnam par dag pa thob par gyur cig/ sems can thams cad kyis dbyangs snyan pa dang / ye shes kyi rnga'i dbyangs dang / thams cad du bsam gyis khyab cing 'phags pa'i dbyangs dang / yid du 'ong ba'i dbyangs dang / dag pa'i dbyangs dang / zhing thams cad du sgras rgyas par 'gengs pa'i dbyangs dang / yon tan bye ba brgya stong brjod du med pa'i rgyan gyis brgyan pa'i dbyangs dang / sgra mtho ba dang / sgra che bas rnam par 'khrug pa thams cad rab tu zhi bar byed pa'i dbyangs dang / chos kyi dbyings thams cad sgras rgyas par 'gengs pa'i dbyangs dang / 'gro ba thams cad kyis ngag mnyan pa'i dbyangs rab tu thob par gyur cig /sems can thams cad kyis sgra dang dbyangs mtha' yas pa'i ye shes rab tu thob bar gyur cig/ sgra dang dbyangs thams cad rnam par dag pa rab tu thob par gyur cig /dbyangs tshad med pa dang / tshig gi lam thams cad shes pa rab tu thob par gyur cig /dbyangs la dbang bsgyur ba zil gyis mi non pa'i dbyangs thams cad la rab tu 'jug pa'i ye shes rab tu thob par gyur cig/ dbyangs thams cad kyis brgyan pa'i dbyangs kyi yan lag rnam par dag pa'i dbyangs rab tu thob par gyur cig /sems can thams cad 'gro ba thams cad kyis mnyan na mi ngoms pa'i dbyangs rab tu thob par gyur </font><hr>Ga45a<br><font size=+1>


@#/ /cig/ sems can thams cad kyis 'gro ba kun mos par nyan pa'i dbyangs kyis pha rol tu phyin pa thob par gyur cig/ sems can thams cad dad par byed pa'i dbyangs dang ldan par gyur cig/ sems can thams cad sangs rgyas kyi dbyangs su brjod pas smra ba'i sems rnam par dag pa rab tu thob par gyur cig /sems can thams cad sangs rgyas kyi chos thams cad rnam par sgrog pa'i sgra rab rib med pa'i dbyangs kyis smra bar gyur cig /sems can thams cad chos thams cad kyi gzungs kyi rgyan gyis chos thams cad rnam pa du mar ston pa dang / chos kyi dbyings tshad med pa'i 'khor gyi dkyil 'khor thob pa dang / bsam gyis mi khyab pa'i chos rdo rje'i tshig gis yang dag par gzung ba dang / chos nyid thams cad brjod pa rab tu dbye ba ye shes dang ldan pa dang / tshig dang yi ge brjod du med pa'i mdzod dang ldan pa dang / chos rnam pa tha dad pa thams cad shin tu bstan pa la gzhag pa dang / gnas par bya ba dang / rgyun mi 'chad par bya ba dang / chos snang ba thams cad kyis 'od rab tu thob pa la 'jug pa dang / 'gro ba thams cad thams cad mkhyen pa nyid kyi rnam par dag pa'i mthar thug par byed pa dang / chos thams cad kyis yang dag par bsdus pa'i don </font><hr>Ga45b<br><font size=+1>


dang| tshig dang / yi ge rnam par 'phrul pa'i dbyangs kyi byin gyi rlabs dang ldan pa dang / chags pa med pa'i dbyangs la dbang ba'i pha rol tu phyin pa thob pa dang / 'gro ba thams cad kyi shes pa'i dbyangs dang ldan par gyur cig /dge ba'i rtsa ba 'dis sems can thams cad mi dma' ba'i dbyangs dang / bag tsha ba med pa'i dbyangs dang / 'dod chags med pa'i tshig gi dbyangs dang / ngag snyan pa'i dbyangs dang / 'khor gyi dkyil 'khor thams cad mngon par dga' bar byed pa'i dbyangs dang / sangs rgyas kyi chos thams cad brjod pa'i dbyangs dang / 'gro ba thams cad kyi the tshom gcod cing khong du chud par byed pa'i dbyangs dang / spobs pas legs par sbyar ba'i dbyangs dang / sems can gnyid kyis log pa thams cad sad par byed pa'i dbyangs dam pa yangs pa dang ldan par gyur cig/ ces de ltar byang chub sems dpa' sems dpa' chen po dge ba'i rtsa ba de dag yongs su bsngo'o// //bam po bzhi bcu rtsa bzhi pa/ gzhan yang byang chub sems dpa'i dge ba'i rtsa ba de dag 'di ltar yongs su bsngo ste/ sems can thams cad kyi lus rnam par dag cing kha na ma tho ba med pa dang / sems can thams cad kyi bsod nams rnam par dag cing kha na ma tho ba med pa dang / sems can thams </font><hr>Ga46a<br><font size=+1>


@#/ /cad kyi mtshan rnam par dag cing kha na ma tho ba med pa dang / sems can thams cad kyi las dang rnam par smin pa rnam par dag cing kha na ma tho ba med pa dang| sems can thams cad kyi thams cad mkhyen pa nyid rnam par dag cing kha na ma tho ba med pa dang / sems can thams cad kyi byang chub kyi sems tshad med pa rnam par dag cing kha na ma tho ba med pa dang / sems can thams cad kyi dbang po'i tshul rab tu shes pa rnam par dag cing kha na ma tho ba med pa dang / sems can thams cad kyi mos pa rnam par dag cing kha na ma tho ba med pa dang / sems can thams cad kyi spyod pa chags pa med pa la brtson pa'i smon lam rnam par dag cing kha na ma tho ba med pa dang / sems can thams cad kyi dran pa dang / blo gros dang / rig pa dang / blo dang / ye shes dam pa dang / spobs pa rnam par dag cing kha na ma tho ba med pa'i phyir/ byang chub sems dpa' sems dpa' chen po dge ba'i rtsa ba de dag yongs su bsngo ste/ sems can thams cad kyi lus rnam pa de ltar yongs su dag cing lus yongs su dag pa shin tu gsal ba rnyog pa med pa/ rnam par dang ba/ rnam par dag pa/ rdul med pa/ dri ma dang bral ba 'od gsal zhing dang ba yid du 'ong ba/ bsgribs pa med pa de la 'jig rten gyi khams </font><hr>Ga46b<br><font size=+1>


thams cad gzugs brnyan gyi tshul du snang bar gyur cig/ mig yor gyi rnam par dmigs pas 'gro ba thams cad snang bar gyur cig /mig yor gyi gnas kyi rnam pa thams cad snang bar gyur cig /'di lta ste/ dper na/ me long gi dkyil 'khor shin tu dag pa la tshigs su mi 'gyur bar gdong du dmigs pa rnam par snang ba de lta bu'i lus yongs su dag pa/ sems can thams cad kyis rab tu thob par gyur cig /sems can thams cad byang chub sems dpa'i spyod pa yang dag par ston pa dang / chos yang dag par ston pa dang / yon tan yang dag par ston pa dang / nan tan yang dag par ston pa dang / 'grub pa yang dag par ston pa dang / byang chub sems dpa'i spyod yul dang / smon lam yang dag par ston pa dang / 'jig rten gyi khams gzhan na bzhugs pa'i sangs rgyas thams cad yang dag par ston pa dang / sangs rgyas thams cad kyi rnam par 'phrul pa dang / cho 'phrul yang dag par ston pa dang / byang chub sems dpa'i rnam par thar pa bsam gyis mi khyab pa'i byin gyi rlabs yang dag par ston pa dang / byang chub sems dpa' kun tu bzang po'i spyod pa dang / smon lam yongs su rdzogs pas thams cad mkhyen pa yang dag par ston par gyur cig /de ltar yongs su dag pa'i lus kyi rnam pas sems can thams cad ma lus par yongs </font><hr>Ga47a<br><font size=+1>


@#/ /su bzung ste/ thams cad mkhyen pa'i bsod nams kyi sku yongs su dag pa dang ldan par gyur cig /gzhan yang byang chub sems dpa' sems dpa' chen po chos kyi sbyin pas 'byung ba la sogs pa'i dge ba'i rtsa ba de dag 'di ltar yongs su bsngo ste/ dge ba'i rtsa ba 'dis 'jig rten gyi khams thams cad du rjes su song ba'i lus kyis byang chub sems dpa'i spyad pa spyod par gyur cig /'gro ba thams cad kyis blta na don yod cing byang chub kyi sems las phyir mi ldog pa dang / sems can thams cad la mthun par gyur pas bsam pa mi 'khrugs pa dang / bskal pa thams cad du skyo ba med par byang bas 'jig rten gyi khams thams cad du ma 'ongs pa'i dus kyi phyi ma'i mtha'i mur thug par gnas pa dang / chos kyi dbyings tshad med par snying rje chen po rgyun mi gcod pas/ sems can thams cad la dus la bab par chos ston pa mi gtong bas dbang po yang dag pa ji lta ba bzhin du shes pa dang / dge ba'i bshes gnyen dran pa'i khongs su gtogs pa'i sems dang ldan pas sems bskyed pa gcig dang yang mi 'bral ba dang / sangs rgyas thams cad 'dod cing zhal blta ba'i sems kyis de bzhin gshegs pa yid la byed pa mi gtong ba dang / dge ba'i rtsa ba brtsams pa thams </font><hr>Ga47b<br><font size=+1>


cad rjes su med par mi byed cing / sems can thams cad thams cad mkhyen pa'i sems la rab tu dgod pa'i sems kyi phyir mi ldog pa'i 'khor lo thob par bya ba'i phyir/ sangs rgyas kyi chos snang ba thams cad kyis chos thams cad la lta zhing sems pa yang dag par len pas chos kyi sprin yang dag par 'dzin pa'i byin gyi rlabs kyis byang chub sems dpa'i spyad pa spyod par gyur cig /sems can thams cad 'jug pa dang / zhing thams cad la 'jug pa dang / chos thams cad la 'jug pa dang / 'jig rten dang dus thams cad la 'jug pa dang / sems can thams cad kyi las dang rnam par smin pa shes pa la 'jug pa dang / byang chub sems dpa' thams cad kyi thabs mkhas pa'i ye shes la 'jug pa dang / byang chub sems dpa' thams cad kyi mngon par bsgrub pa'i ye shes la 'jug pa dang / byang chub sems dpa' thams cad kyi rnam par dag pa'i spyod yul gyi ye shes la 'jug pa dang / sangs rgyas thams cad kyi byin gyi rlabs dang / khyu mchog gi mthu la 'jug pa dang / chos kyi dbyings mtha' dang dbus med pa thams cad la 'jug pa rab tu thob pa la gnas shing byang chub sems dpa'i spyod pa spyod par gyur cig /ces de ltar byang chub sems dpa' sems dpa' chen po dge ba'i rtsa ba de dag yongs su bsngo'o/ /gzhan yang byang chub </font><hr>Ga48a<br><font size=+1>


@#/ /sems dpa' sems dpa' chen po dge ba'i las dang / chos la brtson pa dge ba'i rtsa ba de dag zhing thams cad yongs su dag par bya ba'i phyir 'di ltar yongs su bsngo ste/ sangs rgyas kyi zhing gcig kyang rgyan dang lhab lhub brjod du med pa'i yang brjod du med pa dang ldan zhing chos kyi dbyings tshad med par shin tu yangs par gyur te/ sangs rgyas kyi zhing gcig ji lta ba de bzhin du sangs rgyas kyi zhing sangs rgyas kyi ye shes kyis mngon par sangs rgyas pa thams cad ma lus par de ltar rnam par dag cing 'od gsal ba dang / bzang zhing bsgribs pa med par gyur cig /sangs rgyas kyi zhing gcig tu dmigs pa rnam par dag pa rnams ji ltar gzugs brnyan gyi tshul gyis yongs su snang ba de bzhin du sangs rgyas kyi zhing ma lus pa thams cad du'ang yongs su snang bar gyur cig /sangs rgyas kyi zhing de dag thams cad kyang gcig bzung bas yongs su bzung ste/ chos kyi dbyings tshad med par rtogs pa'i rnam par dag pas rnam par dag par gyur cig /'di lta ste/ rin po che'i rgyan grangs med pa kun nas gnas par gyur cig /gos rin po che thams cad bting zhing / rin po che sna tshogs grangs med pa thams cad kyi rin po che rnam par dag pa'i gdan kun nas gnas par gyur cig / </font><hr>Ga48b<br><font size=+1>


rin po che thams cad kyi dril bu'i dra ba dang ldan zhing / rin po che'i bla re grangs med pa kun nas gnas par gyur cig/ rin po che thams cad gcig nas gcig tu brgyud pas yongs su bzung zhing| rin po che'i gdugs grangs med pa kun nas gnas par gyur cig /nor gyi dbyig thams cad kyi char rab tu 'bab pa'i rin po che'i sprin grangs med pa kun nas gnas par gyur cig| blta na yid du 'ong ba rnam par dag pa'i rin po che'i me tog grangs med pa kun nas gnas par gyur cig/ rin po che sna tshogs kyis skar khung shin tu brgyan cing / rin po che thams cad kyi stegs bu grangs med pa kun nas gnas par gyur cig /sangs rgyas kyi dbyangs yid du 'ong ba sems can thams cad kyi khams su sgrog cing / rin po che'i dril bu grangs med pa kun nas gnas med par gyur cig /sangs rgyas kyi byang chub kyi yon tan gyis sems rgyas shing gsal bas rin po che'i pad+mo grangs med pa kun nas gnas par gyur cig /rin po che thams cad kyi me tog dang ldan pa'i rin po che'i shing grangs med pa kun nas gnas par gyur cig /byang chub sems dpa' mang po'i gnas rin po che'i gtsug lag khang grangs med pa kun nas gnas par gyur cig /sangs rgyas thams cad kyi zhing thams cad du yid du 'ong bar rgyu ba'i rin po che'i khang pa brtsegs pa grangs med pa kun nas </font><hr>Ga49a<br><font size=+1>


@#/ /gnas par gyur cig/ rin po che'i rgyan chen pos spras pa'i rin po che'i ba gam grangs med pa kun nas gnas par gyur cig /rin po che thams cad rnam par dag pas rnam par dag pa'i rin po che'i rta babs grangs med pa kun nas gnas par gyur cig /rin po che thams cad kyi se mo do las rab tu bkye ba'i rin po che'i 'od zer gyi sgo grangs med pa rnams kun nas gnas par gyur cig /rin po che sna tshogs kyis brgyan pa'i shing ta la rin po che'i zla gam grangs med pas brgyan pa kun nas gnas par gyur cig/ bsam gyis mi khyab pa'i rin po ches rnam par dag pa'i rin po che'i skar khung rnam pa sna tshogs grangs med pa kun nas gnas par gyur cig/ de bzhin gshegs pa'i 'phrin las kyi dge ba'i rtsa ba rab tu grub pas rin po che'i rgyan dang / lhab lhub grangs med pa kun nas gnas par gyur cig /rin po che thams cad kyi rgyan dang ldan pa'i rin po che'i snying po rab tu brgyan pa grangs med pa kun nas gnas par gyur cig /yid du 'ong ba'i rin po ches shin tu rnam par dag pa'i rin po che'i rgyan dang lhab lhub sna tshogs grangs med pa kun nas gnas par gyur cig /chos thams cad kyi rgyun shin tu rig par 'bab pa'i rin po che'i chu klung grangs med pa rnams kun nas gnas par gyur cig/ chos rgya mtsho thams cad dang ldan pa'i </font><hr>Ga49b<br><font size=+1>


rin po che'i rgya mtsho grangs med pa kun nas gnas par gyur cig /chos thams cad kyi me tog puN+Da ri ka rjes su sgrogs pa'i rin po che'i me tog puN+Da ri ka grangs med pa kun nas gnas par gyur cig/ ye shes kyi ri bo shin tu 'phags shing rnam par dag pa'i rin po che'i ri bo grangs med pa kun nas gnas par gyur cig /rin po che thams cad kyi srad bu bres pa'i rin po ches mig mangs ris su rnam par phye ba grangs med pa kun nas gnas par gyur cig /ye shes chen po'i 'od zer gyis chos kyi dbyings thams cad du snang bar byed pa'i rin po che'i 'od thogs pa med par gsal ba grangs med pa kun nas gnas par gyur cig/ yid du 'ong ba'i sgra snyan par sgrogs pa'i rin po che'i dril bu rab tu dkrol ba grangs med pa kun nas gnas par gyur cig| byang chub kyi sems rin po che dang ldan pas rin po che rnam par dag pas rnam par dpyang ba grangs med pa kun nas gnas par gyur cig/ rin po che'i kha dog bsam gyis mi khyab cing rnam par dag pa'i snam bu rin po che rab tu dpyang pa grangs med pa kun nas gnas par gyur cig /rin po che'i zla gam gyi rgyal mtshan gyis rnam par mdzes pa'i rin po che'i rgyal mtshan bsgreng ba grangs med pa kun nas gnas par gyur cig /rin po che thams cad kyi ba dan gyi sprin gyi char mngon par 'bab pa'i rin po che'i ba dan grangs med pa kun nas gnas </font><hr>Ga50a<br><font size=+1>


@#/ /par gyur cig /bar snang gi rgyan sna tshogs kyi snam bu rin po che'i lda ldi mngon par bres pa grangs med pa kun nas gnas par gyur cig/ rin po che sna tshogs reg na bde ba'i rin po che'i gding ba yongs su bting ba grangs med pa kun nas gnas par gyur cig /byang chub sems dpa' thams cad yang dag par ston cing / thams cad mkhyen pa'i spyan rnam par sbyong ba'i rin po che'i klong grangs med pa kun nas gnas par gyur cig /byang chub sems dpa'i tshogs brgya stong thams cad kyis mdzes par gyur pa'i rin po che'i sen mo do rab tu dpyang pa grangs med pa kun nas gnas par gyur cig /gnas pa dang mi gnas pa thams cad las shin tu 'das pas rin po che'i khang pa dang / gnas grangs med pa kun nas gnas par gyur cig/ rdo rje rin po ches mdzes par gyur cig/ rin po che'i rgyan gyis rab tu brgyan pa grangs med pa kun nas gnas par gyur cig/ grangs med par mthong ba thams cad rnam par dag cing rin po che sna tshogs kyis shin tu brgyan pa grangs med pa kun nas gnas par gyur cig /rin po che khyad par du 'phags pa thams cad dang ldan zhing / rin po che rnam par dag pas rnam par dpyang pa grangs med pa kun nas gnas par gyur cig /chags pa med pa'i lus kyi tshul rnam par dag </font><hr>Ga50b<br><font size=+1>


pas rin po che'i khor yug gis kun nas bskor ba grangs med pa kun nas gnas par gyur cig/ 'jig rten gyi khams thams cad du dri zhim po rjes su song zhing / rin po che'i spos grangs med pa kun nas gnas par gyur cig/ sprul pa re re zhing chos kyi dbyings kyi tshad dang mnyam pas rin po che'i 'phrul ba shin tu sprul pa grangs med pa kun nas gnas par gyur cig /snang ba re re las snang ba thams cad ston cing / rin po che'i snang ba grangs med pa kun nas gnas par gyur cig/ chos kyi ye shes kyi 'od rnam par dag pa'i rin po che'i 'od grangs med pa kun nas gnas par gyur cig/ 'od zer re res kyang chos kyi dbyings thams cad du khyab par 'gyur ba'i rin po che'i 'od zer nyams pa med pa grangs med pa kun nas gnas par gyur cig /rin po che'i 'byung gnas thams cad dang ldan pa'i rin po che'i 'byung ba grangs med pa kun nas gnas par gyur cig / chos rin po che'i dbyig thams cad sbyin pa'i rin po che'i mdzod grangs med pa kun nas gnas par gyur cig /de bzhin gshegs pa'i rgyal mtshan shin tu 'phags pa'i rin po che'i dpal grangs med pa kun nas gnas par gyur cig / ye shes bzang po chen po rnam par dag pa'i rin po che bzang po grangs med pa kun nas gnas par </font><hr>Ga51a<br><font size=+1>


@#/ /gyur cig /byang chub sems dpa' thams cad kyi ting nge 'dzin la dga' zhing rtse ba'i rin po che'i bza' shing gi ra ba shin tu brgyan pa grangs med pa kun nas gnas par gyur cig /de bzhin gshegs pa'i dbyangs kyis 'gro ba thams cad rnam par bstan pa'i rin po che'i dbyangs grangs med pa kun nas gnas par gyur cig/ rin po che thams cad kyi 'bru las chos kyi 'od zer rab tu 'gyed pa'i rin po che'i gzugs grangs med pa kun nas gnas par gyur cig /mtshan thams cad mtshan ma yin pas brgyan pa'i rin po che 'dra ba med pa grangs med pa kun nas gnas par gyur cig /rin po che thams cad kyi rim gro| byang chub sems dpa'i dga' ba bskyed pa'i rin po che'i rim gro grangs med pa kun nas gnas par gyur cig/ rin po che thams cad kyis lhun legs par brtsigs pa'i rin po che las bsgrubs pa grangs med pa kun nas gnas par gyur cig /rin po che thams cad kyis shin tu brtan par brgyan pa'i rin po che'i gnas grangs med pa rnams kun nas gnas par gyur cig/ byang chub sems dpa'i ting nge 'dzin gzhal du med pa'i gos bde bar bgo ba rab tu thob </font><hr>Ga51b<br><font size=+1>


pa'i rin po che'i gos dang ldan pa grangs med pa kun nas gnas par gyur cig /sems bskyed ma thag tu shin tu mthong ba'i gzungs rab tu thob cing chos gos dang ldan pa grangs med pa kun nas gnas par gyur cig /lus rin po che thams cad rnam par smin pa nges par rtogs shing rnam par dag pa'i rin po ches bsgos pa grangs med pa kun nas gnas par gyur cig| mthong ma thag tu chos thams cad kyi tshul shes pa'i mig rnam par dag cing nyams pa med par blta ba'i rin po che grangs med pa kun nas gnas par gyur cig/ ye shes kyi phung pos grub pa'i rin po che'i 'od kyi phung po grangs med pa kun nas gnas par gyur cig /de bzhin gshegs pa'i seng ge'i gzims kyi nga ros rnam par dag pa'i rin po che'i mal grangs med pa kun nas gnas par gyur cig /ye shes kyi mar me yongs su grub pa'i rin po che'i mar me grangs med pa mang po kun nas gnas par gyur cig/ shing ta la gcig dang gnyis la rin po che'i srad bus mig mangs ris su bris pa shin tu rnam par dag pa'i rin po che'i shing ta la grangs med pa mang po kun nas gnas par gyur cig/ rin po che'i yal gas shin tu rnam par dag pa'i rin po che'i sdong po grangs med pa kun nas gnas par gyur cig /rin po che sna tshogs kyi yal ga dang ldan pa'i rin po che'i shing lo grangs med pa </font><hr>Ga52a<br><font size=+1>


@#/ /kun nas gnas par gyur cig /bsam gyis mi khyab pa'i bya mang po chos kyi rgyun sgrog pas brgyan pa'i rin po che'i nags tshal grangs med pa kun nas gnas bar gyur cig /ye shes kyi snang ba kun tu gtong ba'i rin po che'i lo ma dang ldan pa grangs med pa kun nas gnas par gyur cig/ byang chub sems dpa' bsam gyis mi khyab pa me tog gcig la gnas shing / chos kyi dbyings thams cad du rgyu ba'i rin po che'i me tog dang ldan pa grangs med pa kun nas gnas par gyur cig/ thams cad mkhyen pa'i ye shes chen po las phyir mi ldog pa'i 'bras bu rab tu thob pa'i rin po che'i 'bras bu dang ldan pa grangs med pa kun nas gnas par gyur cig /grong gi chos thams cad yongs su spangs par gnas pa'i rin po che'i grong grangs med pa kun nas gnas par gyur cig /rin po che thams cad kyis yog pa'i sems can gyis gang zhing rin po che'i 'byung gnas grangs med pa kun nas gnas par gyur cig /mthu bo che dpa' bo chos kyi go cha brtan pa bgos pas byang chub sems dpa'i sems phyir mi ldog pa dang ldan pa'i rgyal po'i gnas rin po che grangs med pa kun nas gnas par gyur cig /sems kyi gnas thams cad las rnam par 'das pas rab tu gang ba'i rin po che'i gnas grangs med pa kun nas gnas par gyur </font><hr>Ga52b<br><font size=+1>


cig |yongs su shes pa'i gos thams cad rab tu bgo ba'i gos rin po che grangs med pa kun nas gnas par gyur cig /khyim med par rab tu byung ba'i byang chub sems dpas yongs su gang zhing rin po che'i 'byung gnas kyi gnas grangs med pa kun nas gnas par gyur cig/ blta na yid du 'ong ba rin po che dang ldan pa'i mthun pa'i rin po che grangs med pa kun nas gnas par gyur cig /bsam gyis mi khyab pa'i ye shes kyi 'od 'phro ba rab tu gtong ba'i chos kyi 'khor lo shin tu sprul pa rab tu bskor ba'i rin po che'i 'khor lo grangs med pa kun nas gnas par gyur cig /rin po che thams cad kyi shing rnam par dag pa mig 'phrul gyi rnam pa shin tu dag pa'i rin po che'i shing grangs med pa kun nas gnas par gyur cig /blta na bsam gyis mi khyab pa'i rin po che shin tu rnam par bkram pa'i rin po che'i sa rnam par dag pa grangs med pa kun nas gnas par gyur cig /yid du 'ong ba'i dbyangs chos kyi dbyings thams cad du sgrog pa'i rin po che'i rol mo brdung ba grangs med pa kun nas gnas par gyur cig/ phyi ma'i mtha'i bskal pa'i mur byin gyi rlabs rgyun mi 'chad pa'i rin po che'i rol mo dkrol ba grangs med pa kun nas gnas par gyur cig /chos rin po che rnams yongs su 'dzin pa'i sems can rin po che grangs med pa kun nas gnas </font><hr>Ga53a<br><font size=+1>


@#/ /par gyur cig /bsod nams rin po che dang ldan pa'i lus rin po che rnam par dag pa grangs med pa kun nas gnas par gyur cig /chos rin po che rab tu brjod pa'i rnam par dag pa'i ngag rin po che grangs med pa kun nas gnas par gyur cig /thams cad mkhyen par smon pa'i bsam pa rin po che rab tu thob pa'i sems yongs su byang ba rin po che grangs med pa kun nas gnas par gyur cig /thams cad mkhyen pa'i ye shes rin po che'i stobs rmongs pa med pa la rten pa'i dran pa rin po che yongs su dag pa grangs med pa kun nas gnas par gyur cig /sangs rgyas thams cad kyi chos rin po che bzung ba dang / yang dag par bcang ba'i byin gyi rlabs yod pa'i rig pa rin po che rnam par dag pa grangs med pa kun nas gnas par gyur cig /sangs rgyas thams cad kyi chos kyi mdzod nges par rtogs pa'i byang chub sems dpa'i blo gros rin po che yongs su dag pa grangs med pa kun nas gnas par gyur cig /thams cad mkhyen pa'i rin po che shin tu yangs pas rgyas par 'gengs pa'i blo rin po che tshad med pa grangs med pa kun nas gnas par gyur cig / stobs bcu rin po che thams cad nyams pa med pa'i mig rin po che yongs su dag pa grangs med pa kun nas gnas par gyur cig /chos kyi dbyings mtha' dang dbus med pa </font><hr>Ga53b<br><font size=+1>


thams cad du mnyan pa rnam par dag pa'i rna ba rin po che yongs su dag pa grangs med pa kun nas gnas par gyur cig /mthun pa'i dri rin po che rnam par dag pa'i sna rin po che yongs su dag pa grangs med pa kun nas gnas par gyur cig /mtha' dang dbus med pa'i tshig gi tshul thams cad rnam par ston pa'i lce yangs pa rin po che grangs med pa kun nas gnas par gyur cig/ 'jig rten gyi khams thams cad du thogs pa med par 'gro ba'i lus rin po che yongs su dag pa grangs med pa kun nas gnas par gyur cig /kun tu bzang po'i spyod pa dang / smon lam la brtson pa'i yid rin po che yongs su dag pa grangs med pa kun nas gnas par gyur cig /dbyangs rin po che rnam par dag pas 'jig rten gyi khams thams cad du rgyas par 'gengs pa'i dbyangs rin po che yongs su dag pa grangs med pa kun nas gnas par gyur cig /ye shes rin po che sngon du 'gro ba'i lus kyi las rin po che grangs med pa kun nas gnas par gyur cig/ ye shes rin po che bsgribs pa med pa la brtson pas ngag gi las rin po che yang dag par yongs su dag pa grangs med pa kun nas gnas par gyur cig / chags pa med pa'i ye shes rin po che'i mthar thug pa'i yid kyi las rin po che yangs shing yongs su dag pa grangs med pa kun nas gnas par gyur cig/ sangs rgyas kyi zhing de dag </font><hr>Ga54a<br><font size=+1>


@#/ /thams cad la sangs rgyas kyi zhing gcig dang / yul gcig dang / phyogs gcig dang / skra'i mchog ma'i rtse mo re re zhing yang de ltar skye mched kyi ye shes rnam par dag pa'i byang chub sems dpa' tshad med pa nas/ byang chub sems dpa' brjod du med pa'i yang brjod du med pa grangs dang / bgrang ba las 'das pas kun tu gang bar gyur cig /phyogs gcig tu ji lta ba bzhin du chos kyi dbyings kyi mthas gtugs pa/ nam mkha'i dbyings kyi khongs su gtogs pa'i sangs rgyas kyi zhing ma lus pa thams cad kyang yongs su gang bar gyur cig /de ltar byang chub sems dpa' dge ba'i rtsa ba de dag rin po che'i dmigs pas/ sangs rgyas kyi zhing yongs su dag pa'i phyir yongs su bsngo'o/ / sangs rgyas kyi zhing de dag thams cad kyang sangs rgyas kyi zhing gcig bzung bas bsdus te/ spos rnam pa sna tshogs thams cad kyi spos kyi rgyan tshad med pa kun nas gnas par gyur cig /gzhung de ltar rin po che ji lta ba de bzhin du spos su bsngo ba yang khong du chud par byas te/ ye shes kyi spos chags pa med pa'i mthar thug pa'i spos kyi yid kyi las rgya chen po yongs su dag pa/ tshad med pa'i bar du kun nas gnas par gyur cig /de bzhin du me tog sna tshogs thams cad kyi me tog gi rgyan bsam gyis mi khyab pa kun nas gnas par gyur </font><hr>Ga54b<br><font size=+1>


cig /ces bya ba nas ye shes kyi me tog chags pa med pa'i mthar thug pa'i yid kyi las me tog rgya che zhing yongs su dag pa bsam gyis mi khyab pa kun nas gnas par gyur cig /phreng ba dang / byug pa sna tshogs thams cad kyi phreng ba dang / byug pa'i rgyan mtshungs pa med pa kun nas gnas par gyur cig /ces bya ba nas ye shes kyi phreng ba dang / byug pa chags pa med pa'i mtha' thug pa'i yid kyi las kyi phreng ba dang / byug pa'i rgyan rnam par dag pa mtshungs pa med pa'i bar du kun nas gnas par gyur cig /phye ma dang / bdug pa sna tshogs thams cad kyi phye ma dang bdug pa'i rgyan sa mtshams med pa kun nas gnas par gyur cig /ces bya ba nas ye shes kyi phye ma dang / bdug pa chags pa med pa'i mthar thug pa'i yid kyi las kyi phye ma dang / bdug pa yongs su dag pa sa mtshams med pa'i bar du kun nas gnas par gyur cig /gos dang / chos gos sna tshogs thams cad kyi gos dang / chos gos kyi rgyan mu med pa kun nas gnas par gyur cig /ces bya ba nas ye shes kyi gos dang / chos gos kyi rgyan chags pa med pa'i mthar thug pa'i yid kyi las khrel yod pa dang / ngo tsha shes pa'i gos dang / chos gos yongs su dag pa mu med pa'i bar du kun nas gnas par gyur cig /zhing thams cad du gdugs sna tshogs yang dag par btsugs pa'i gdugs kyi rgyan sa mtshams med pa kun nas gnas par </font><hr>Ga55a<br><font size=+1>


@#/ /gyur cig /ces bya ba nas ye shes kyi gdugs kyi rgyan chags pa med pa'i mthar thug pa'i yid kyi las ye shes kyis yang dag par khyab pa yongs su dag pa sa mtshams med pa'i bar du kun nas gnas par gyur cig /rgyal mtshan dang / ba dan sna tshogs thams cad kyi rgyal mtshan dang / ba dan gyi rgyan tshad med pa kun nas gnas par gyur cig /ces bya ba nas ye shes kyi rgyal mtshan dang / ba dan chags pa med pa'i mthar thug pa'i yid kyi las kyi ye shes kyi rgyal mtshan dang / ba dan gyi rgyan yongs su dag pa tshad med pa'i bar du kun nas gnas par gyur cig /lhab lhub sna tshogs thams cad kyi lhab lhub kyi rgyan brjod du med pa'i yang brjod du med pa kun nas gnas par gyur cig /ces bya ba nas ye shes kyi lhab lhub kyi rgyan gyi mthar thug pa'i yid kyi las kyi ye shes kyi lhab lhub kyi rgyan gyis brgyan pa rnam par dag pa brjod du med pa'i yang brjod du med pa'i bar du kun nas gnas par gyur cig /de ltar tshul de bzhin du thams cad du yang shes par bya ste/ sangs rgyas kyi zhing de dag las sangs rgyas kyi zhing gcig bzung bas bsdus te/ nor bu rin po che sna tshogs thams cad kyi nor bu rin po che'i rgyan brjod du med pa'i yang brjod du med pa kun nas gnas par gyur cig/ ces bya ba nas nor bu rin po che thams cad kyi shing kun tu </font><hr>Ga55b<br><font size=+1>


bres pa'i nor bu rin po che'i gdan rnam par dag pa brjod du med pa'i yang brjod du med pa kun nas gnas par gyur cig /de ltar tshul de bzhin du kun tu byas te dmigs pa re re zhing lan brgyar bzlas par bya'o/ /ye shes kyi nor bu rin po che chags pa med pa'i mthar thug pa'i yid kyi las kyi ye shes kyi nor bu rin po che rnam par dag pa brjod du med pa'i yang brjod du med pa'i bar du gnas par gyur cig /ces de ltar byang chub sems dpa' sems dpa' chen po chos kyi sbyin pa la sogs pa'i dge ba'i rtsa ba de dag dge ba'i rtsa ba thams cad kyis bsgrubs pa'i sangs rgyas kyi zhing yongs su dag par yongs su bsngo'o/ /sems can thams cad yongs su dag pa mnyam pa nyid kyi phyir yongs su bsngo'o/ /sems can thams cad mnyam pa nyid mi 'khrugs pa yongs su dag pa dang / sems can thams cad mnyam pa nyid kyi phyir sangs rgyas kyi chos zab mo la 'jug pa dang / sems can thams cad mnyam pa nyid kyi phyir/ bsod nams kyi stobs thub pa med pa rnam par dag pa dang / sems can thams cad mnyam pa nyid kyi phyir/ bsod nams kyi mtshan nyid rnam par dag pa zil gyis ma non pa bstan pa dang / sems can thams cad mnyam pa nyid kyi phyir/ mi zad pa'i ye shes kyi stobs kyis sems can thams cad sangs rgyas kyi chos la gzud pa dang / sems can thams </font><hr>Ga56a<br><font size=+1>


@#/ /cad mnyam pa nyid kyi phyir/ tshig gi rnam pa grangs med pa shin tu dag pa'i dbyangs dang / sems can thams cad mnyam pa nyid kyi phyir/ thogs pa med pa'i mig gis chos kyi dbyings kyis klas pa/ nam mkha'i mthas gtugs pa shes par bya ba dang / sems can thams cad mnyam pa nyid kyi phyir/ sngon gyi mtha'i mur thug pa'i bskal pa'i 'jig rten gyi khams 'byams klas pa thams cad rjes su dran pa rnam par dag pa dang / sems can thams cad mnyam pa nyid kyi phyir/ bsgribs pa med pa'i blo gros chen pos chos nges par rtogs pa'i mdzod dang / sems can thams cad mnyam pa nyid kyi phyir/ byang chub mtha' dang dbus med pas chos kyi dbyings rgyas par dgang ba la chags pa med par yang dag par gzhol ba dang / sems can thams cad mnyam pa nyid kyi phyir/ dge ba'i rtsa ba thams cad rgyud kyi tshul gcig tu gyur pas rnam par dbye ba med pa dang / sems can thams cad mnyam pa nyid kyi phyir/ rgyud kyi tshul gcig tu gyur pa'i lus kyi las dang / ngag gi las dang / yid kyi las yon tan thams cad kyi rgyan dang ldan pa rnam par dag pa dang / sems can thams cad mnyam pa nyid kyi phyir/ kun tu bzang po'i spyod pa rgyud kyi tshul gcig tu </font><hr>Ga56b<br><font size=+1>


gyur pas 'byung ba dang / sems can thams cad mnyam pa nyid kyi phyir/ sangs rgyas kyi zhing thams cad rgyud kyi tshul gcig cing rnam par dag pa la 'jug pa dang / goms par bya ba dang / sems can thams cad mnyam pa nyid kyi phyir/ shes pa thams cad rnam par dpyad pa la 'jug pa yongs su rdzogs par bya ba dang / sems can thams cad mnyam pa nyid kyi phyir/ mi mnyam pa med par dge ba'i rtsa ba thams cad yongs su bsngo ba dang / sems can thams cad mnyam pa nyid kyi phyir/ lhag pa'i bsam pa gcig nas gcig tu brgyud pa rnam pa tha dad pas thams cad mkhyen pa'i ye shes yongs su rdzogs par bya ba dang / sems can thams cad mnyam pa nyid kyi phyir/ dkar po'i phyogs thams cad bsgrub cing brtan par bya ba dang / sems can thams cad mnyam pa nyid kyi phyir/ skad cig gcig gis thams cad mkhyen pa nyid du mngon par 'tshang rgya ba'i mthar thug par bya ba dang / sems can thams cad mnyam pa nyid kyi phyir/ nan tan gyi rnam pa thams cad yongs su rdzogs pa rnam par dag pa yongs su bsgrub pa'i phyir yongs su bsngo ste/ de ltar byang chub sems dpa' sems dpa' chen pos dge ba'i rtsa ba de dag sems can thams cad mnyam pa nyid kyi phyir yongs su bsngos nas/ chos thams cad yongs su dag par chos bstan pa'i </font><hr>Ga57a<br><font size=+1>


@#/ /tshul gyis chos nyid kyi stobs mnyam pa nyid yongs su rdzogs par bya ba'i phyir yongs su bsngo ste/ dge ba'i rtsa ba 'dis chos rgya mtsho brjod du med pa'i yang brjod du med pa thob pa rnam par dag pa'i spyod pa'i byin gyi rlabs dang ldan par gyur cig /ces yongs su bsngo'o/ /chos rgya mtsho de dag las chos rgya mtsho re re zhing yang chos kyi dbyings tshad med pa'i ye shes kyi snang ba rnam par dag par bya ba'i phyir yongs su bsngo'o/ /tshig thams cad rab tu dbye bas shin tu bstan pa mngon par bsgrub pa yang dag par bstan pa'i phyir yongs su bsngo'o/ /chos 'byams klas pa mtha' dbus med pa thams cad dang / chos kyi snang ba thams cad kyi ting nge 'dzin rab tu thob par bya ba'i phyir yongs su bsngo'o/ /dus gsum dang mi 'gal ba'i sangs rgyas thams cad kyi spobs pa thob par bya ba'i phyir yongs su bsngo'o/ /dge ba'i rtsa ba de 'das pa dang / ma byon pa dang / da ltar byung ba'i sangs rgyas thams cad kyis byin gyis brlabs pa'i lus thob par bya ba'i phyir yongs su bsngo'o/ /dge ba'i rtsa ba de sangs rgyas la dga' ba dang / chos la dga' ba dang / sems can thams cad yongs su bskyab pa'i phyir/ snying rje chen po la dga' ba las phyir mi ldog pa yongs su rdzogs par bya ba'i phyir </font><hr>Ga57b<br><font size=+1>


yongs su bsngo'o/ /dge ba'i rtsa ba de las kyi rnam pa bsam gyis mi khyab pa la bsgribs pa med pa'i ye shes kyis yang dag par gzhol bar bya ba dang / 'khor gyi dkyil 'khor rnam par dag pa thams cad kyi sems dang dbang po dang bar bya ba dang / dga' bar bya ba'i phyir yongs su bsngo'o/ /dge ba'i rtsa ba de zhing gi rgyud snrel zhi dang / spyi'u tshugs su rgyu ba thams cad shin tu bstan pa dang / phra ba dang / rgya che ba dang / yangs pa dang / dog pa dang / tha gru che ba sna tshogs dang / rnam par dag pa dang / kun nas nyon mongs pa thams cad du chos kyi 'khor lo rgyun mi 'chad par mnyam pa nyid du yang dag par bskor ba'i phyir yongs su bsngo'o/ /dge ba'i rtsa ba de sems bskyed pa'i skad cig re re dang / mi 'jigs pa gzhan dang gzhan tha dad pa yang dag par shes pa mi zad pas chos snang ba gsar pa/ gsar ba rab tu thob cing bstan pa dang bshad pa'i phyir yongs su bsngo'o/ /dge ba'i rtsa ba de dge ba'i rtsa ba thams cad tshol ba la lhag pa'i bsam pa dang / dbang po ma 'khrugs shing mi dma' bas/ chos 'byams klas pa thams cad ma lus par mngon par shes pa'i ye shes dang / chos kyi rdzu 'phrul thob pas sems can gyi 'khor gyi dkyil 'khor 'byams klas pa thams cad mngon par dga' ba dang / tshim par chos thams cad rab tu bstan pa'i phyir yongs su </font><hr>Ga58a<br><font size=+1>


@#/ /bsngo'o/ /dge ba'i rtsa ba de chos kyi dbyings tshad med pa thams cad du song ba'i yongs su bsngo ba la gnas shing 'di ltar yongs su bsngo ste/ chos kyi dbyings tshad med par song ba'i lus kyi las kyis yongs su bsngo'o/ /chos kyi dbyings tshad med par song ba'i ngag gi las kyis yongs su bsngo'o/ /chos kyi dbyings tshad med par song ba'i yid kyi las kyis yongs su bsngo'o/ /chos kyi dbyings tshad med par song ba'i gzugs mnyam pa nyid la gnas shing yongs su bsngo'o/ /chos kyi dbyings tshad med par song ba'i tshor ba dang / 'du shes dang / 'du byed dang / rnam par shes pa mnyam pa nyid la gnas shing yongs su bsngo'o/ /chos kyi dbyings tshad med par song ba'i phung po mnyam pa nyid la gnas shing yongs su bsngo'o/ /chos kyi dbyings tshad med par song ba'i khams mnyam pa nyid la gnas shing yongs su bsngo'o/ /chos kyi dbyings tshad med par song ba'i skye mched mnyam pa nyid la gnas shing yongs su bsngo'o/ /chos kyi dbyings tshad med par song ba'i nang mnyam pa nyid la gnas shing yongs su bsngo'o/ /chos kyi dbyings tshad med par song ba'i phyi rol mnyam pa nyid la gnas shing yongs su bsngo'o/ /chos kyi dbyings tshad med par song ba'i brtsams pa mnyam </font><hr>Ga58b<br><font size=+1>


pa nyid la gnas shing yongs su bsngo'o/ /chos kyi dbyings tshad med par song ba'i bsam pa mnyam pa nyid la gnas shing yongs su bsngo'o/ /chos kyi dbyings tshad med par song ba'i sbyor ba mnyam pa nyid la gnas shing yongs su bsngo'o/ /chos kyi dbyings tshad med par song ba'i mos pa mnyam pa nyid la gnas shing yongs su bsngo'o/ /chos kyi dbyings tshad med par song ba'i dbang po mnyam pa nyid la gnas shing yongs su bsngo'o/ /chos kyi dbyings tshad med par song ba'i sngon gyi mtha' dang / phyi ma'i mtha' dang / da ltar byung ba mnyam pa nyid la gnas shing yongs su bsngo'o/ /chos kyi dbyings tshad med par song ba'i las kyi rnam par smin pa mnyam pa nyid la gnas shing yongs su bsngo'o/ /chos kyi dbyings tshad med par song ba'i kun nas nyon mongs pa dang / rnam par byang ba rnam par dag pa mnyam pa nyid la gnas shing yongs su bsngo'o/ /chos kyi dbyings tshad med par song ba'i sems can thams cad mnyam pa nyid la gnas shing yongs su bsngo'o/ /chos kyi dbyings tshad med par song ba'i zhing thams cad mnyam pa nyid la gnas shing yongs su bsngo'o// chos kyi dbyings tshad med par song ba'i chos thams cad mnyam pa nyid la gnas shing yongs su bsngo'o/ /chos kyi dbyings tshad med par song ba'i 'gro ba thams cad du snang ba </font><hr>Ga59a<br><font size=+1>


@#/ /mnyam pa nyid la gnas shing yongs su bsngo'o/ /chos kyi dbyings tshad med par song ba'i byang chub sems dpa' thams cad mnyam pa nyid la gnas shing yongs su bsngo'o/ /chos kyi dbyings tshad med par song ba'i byang chub sems dpa'i spyod pa dang / smon lam thams cad mnyam pa nyid la gnas shing yongs su bsngo'o// chos kyi dbyings tshad med par song ba'i byang chub sems dpa'i 'byung ba thams cad mnyam pa nyid la gnas shing yongs su bsngo'o/ /chos kyi dbyings tshad med par song ba'i byang chub sems dpa'i yongs su smin par bya ba dang / 'dul ba thams cad mnyam pa nyid la gnas shing yongs su bsngo'o/ /chos kyi dbyings tshad med par song ba'i byang chub sems dpa'i 'khor thams cad mnyam pa nyid la gnas shing yongs su bsngo'o/ /chos kyi dbyings tshad med par song ba'i chos thams cad mi gnyis pa'i dbyings mnyam pa nyid la gnas shing yongs su bsngo'o/ /chos kyi dbyings tshad med par song ba'i de bzhin gshegs pa'i dkyil 'khor thams cad mnyam pa nyid la gnas shing yongs su bsngo'o/ / de de ltar yongs su bsngo bas/ chos kyi dbyings tshad med pa dang mnyam pa'i lus yongs su dag pa kun nas gnas par 'gyur ro/ /chos kyi dbyings tshad med pa dang mnyam </font><hr>Ga59b<br><font size=+1>


pa'i dgra yongs su dag pa kun nas gnas par 'gyur ro/ /chos kyi dbyings tshad med pa dang mnyam pa'i sems yongs su dag par kun nas gnas par 'gyur ro/ /chos kyi dbyings tshad med pa dang mnyam pa'i byang chub sems dpa'i spyod pa dang / smon lam yongs su dag pa kun nas gnas par 'gyur ro/ /chos kyi dbyings tshad med pa dang mnyam ba'i 'khor gyi dkyil 'khor yongs su dag pa kun nas gnas par 'gyur ro/ /chos kyi dbyings tshad med pa dang mnyam pa'i chos thams cad bstan pa dang brjod pas byang chub sems dpa' thams cad go bar bya ba yongs su dag pa kun nas gnas par 'gyur ro/ /chos kyi dbyings tshad med pa dang mnyam pa'i 'jig rten gyi khams thams cad ma lus par chos kyi dbyings la yang dag par gzhol ba'i tshul gyis lus 'byams klas pa rjes su 'gro bar kun nas gnas par 'gyur ro/ /chos kyi dbyings tshad med pa dang mnyam pa'i chos snang ba mtha' dang dbus med pa thams cad dang / mi 'jigs pa rnam par dag pa'i tshig gcig brjod pas sems can gyi khams ma lus pa thams cad kyi the tshom gcod cing / sems dang / dbang po dang / bsam pa khong du chud par byed pas tshim par byed pa dang / bla na med pa thams cad mkhyen pa'i stobs dang / mi 'jigs pa dang / de </font><hr>Ga60a<br><font size=+1>


@#/ /bzhin gshegs pa'i rnam par 'phrul pa dang / sangs rgyas kyi che ba nyid dang / ye shes la 'jug pa shin tu 'phags pa dang / chos mngon par shes pa la gnas par bya ba kun nas gnas par 'gyur te/ kye| rgyal ba'i sras dag /'di ni byang chub sems dpa' sems dpa' chen po rnams kyi yongs su bsngo ba chos kyi dbyings tshad med pa zhes bya ba bcu pa ste/ byang chub sems dpa' sems dpa' chen po'i chos sbyin pa la sogs pa'i dge ba'i rtsa ba thams cad bsngo ba des yongs su bsngos na/ byang chub sems dpa' kun tu bzang po'i spyod pa dang / smon lam mtha' dang dbus med pa yongs su rdzogs pa thob par 'gyur ro/ /'jig rten gyi khams thams cad kyi sangs rgyas kyi zhing chos kyi dbyings kyis klas pa/ nam mkha'i mtha' gtugs pa thams cad yongs su dag pa thob par 'gyur ro/ /sems can thams cad kyis kyang rab tu thob par bya ba la brtson par byed par 'gyur ro/ /chos thams cad la 'jug pa'i ye shes mtha' dang dbus med pa thams cad yongs su 'grub par 'gyur ro/ /sems bskyed pa mtha' dang dbus med pa thams cad kyi skad cig re re la sangs rgyas bskyed pa thams cad mthong ba rab tu thob cing khong du chud par 'gyur ro/ /de bzhin gshegs </font><hr>Ga60b<br><font size=+1>


pa thams cad kyi rnam par 'phrul pa dang / rgya chen po'i rnam par 'phrul pa dang / bsgribs pa med pa'i rnam par 'phrul pa dang / bsam gyis mi khyab pa'i rnam par 'phrul pa dang / 'gro ba thams cad rnam par dag par byed pa'i rnam par 'phrul pa dang / 'jig rten gyi khams thams cad byin gyis brlab cing brtan par byed pa'i rnam par 'phrul pa dang / shin tu bstan pa brjod du med pa'i rnam par 'phrul pa dang / dus thams cad du rnam par 'phrul pa'i mngon par shes pa dang / ye shes dang phyir mi ldog pa'i byin gyi rlabs kyis chos kyi dbyings mtha' dang dbus med pa thams cad ma lus par rgyas par 'gengs pa la 'jug cing khong du chud par 'gyur ro/ /kun tu bzang po'i mig mtha' dang dbus med pa mngon par bsgrubs pa yongs su rdzogs pa thob par 'gyur ro/ /de mtha' dang dbus med pa'i chos bstan pa chags pa med pa'i rna ba'i ye shes khong du chud pa yang dag par 'dzin par 'gyur ro/ /chos kyi dbyings mtha' dang dbus med pa thams cad lus kyi skyil mo krung gcig gis yongs su rgyas par byin gyis rlob kyang sems can thams cad la gnod pa med par byed par 'gyur ro/ /dus gsum mtha' dang dbus med pa thams cad la 'jug pa'i ye shes 'byams klas pa yongs su rdzogs pa thob cing </font><hr>Ga61a<br><font size=+1>


@#/ /khong du chud par 'gyur ro/ /blo mtha' dang dbus med pa thams cad rnam par dag pa dang / sems can thams cad rnam par dag pa dang / chos thams cad rnam par dag pa dang / skye mched yongs su shes pa'i ye shes thams cad rnam par dag pa dang / nam mkha'i dbyings mtha' dang dbus med pa thams cad la 'jug cing rgyas par 'gengs pa'i ye shes rnam par dag pa dang / sems can gyi ris dang / skye gnas rnam pa sna tshogs su gyur pa thams cad nas byung ba'i sgra dang / smra ba dang / skad thams cad ma lus pa la mngon sum gyi ye shes rnam par dag pa dang / 'jig rten gyi khams thams cad ma lus par rnam pa mtha' yas pa'i 'od zer dang / 'od kyi dkyil 'khor rab tu gtong zhing mtha' dang dbus med pa snang bar byed pa rnam par dag pa dang / dus gsum thams cad kyi byang chub sems dpa'i spyod pa ma lus par mngon par bsgrub pa'i ye shes rnam par dag pa dang / 'das pa dang / ma byon pa dang / da ltar byung ba'i de bzhin gshegs pa'i dkyil 'khor mtha' dang dbus med pa ma lus pa thams cad la skad cig gcig tu 'jug pa'i ye shes rnam par dag pa dang / sems can thams cad kyi mngon par 'du bya ba thams cad ma lus pa la 'jug </font><hr>Ga61b<br><font size=+1>


pas 'gro ba mtha' dang dbus med pa rnam par dag par bya ba rab tu thob par 'gyur ro/ /yongs su rdzogs par byed pa'o/ /rab tu sgrub bo/ /rnam par dag par byed do/ /mnyam par byed do| |mngon sum du byed do/ /rab tu rtogs par byed do/ /khong du chud par byed do/ /yang dag par sems par byed do/ /rnam par dag pa thams cad kyi pha rol tu phyin pa thob par bya ba rjes su thob par byed do/ /de nas de'i tshe sangs rgyas kyi byin gyi rlabs kyis phyogs bcu'i 'jig rten gyi khams su sangs rgyas kyi zhing brgya phrag stong gi rdul shin tu phra ba snyed kyi 'jig rten gyi khams rnam pa drug tu g.yos te/ g.yos so/ /rab tu g.yos so/ /kun tu g.yos so/ /'gul to/ /rab tu 'gul to/ /kun tu 'gul to/ /ldeg go /rab tu ldeg go/ kun tu ldeg go /chem chem/ rab tu chem chem/ kun tu chem chem mo/ /'ur 'ur/ rab tu 'ur 'ur/ kun tu 'ur 'ur ro/ /shig shig /rab tu shig shig /kun tu shig shig go /sangs rgyas kyi mthu dang / chos nyid rab tu thob pas lha rdzas kyi me tog gi sprin gyi char mngon par bab bo/ /lha rdzas kyi phreng ba'i sprin gyi char mngon par bab bo/ /lha rdzas kyi phye ma'i sprin gyi char mngon par bab bo/ /lha rdzas kyi gos kyi sprin gyi char mngon par bab bo/ /lha rdzas kyi rin po che'i sprin gyi char mngon par bab bo/ /lha rdzas kyi lhab lhub kyi sprin gyi char mngon par </font><hr>Ga62a<br><font size=+1>


@#/ /bab bo/ /lha rdzas kyi spos kyi sprin gyi char mngon par bab bo/ /lha rdzas kyi nor bu rin po che'i sprin gyi char mngon par bab bo/ /lha rdzas kyi dus dang mthun pa'i tsan+dan gyi sprin gyi char mngon par bab bo/ /lha rdzas kyi sbrul gyi snying po'i tsan+dan mchog gi sprin gyi char mngon par bab bo/ /lha rdzas kyi gdugs dang / rgyal mtshan dang / ba dan kha dog sna tshogs kyi sprin gyi char mngon par bab bo/ /lha rdzas kyi lha'i lus grangs med pa'i sprin gyi char mngon par bab bo/ /lha rdzas kyi dbyangs kyi yan lag brgya stong brjod du med pa'i tshig dang / brjod pa la rtog pa bsam gyis mi khyab pa dang ldan pa yid du 'ong bar spyod pa'i chos chen po'i sprin gyi char mngon par bab bo/ /lha rdzas kyi de bzhin gshegs pas bstod pa'i sangs rgyas bsngags pa bsam gyis mi khyab pa'i sprin gyi char mngon par bab bo/ /lha rdzas kyi legs so/ /zhes bya ba dang / lhung lhung ldegs kyi sgra 'byin pa dang / dga' bar byed pa'i dbyangs kyi sprin gyi char mngon par bab bo/ /lha rdzas kyi lha'i lus bye ba khrag khrig brgya stong grangs med cing brjod du med pas rab tu btud do/ / lha yul gyi lha grangs med pa sangs rgyas rjes su dran pa la brtson par yid la byed cing de bzhin gshegs pa la shin tu dad pa'i sems kyi rgyud dang ldan pa/ sangs rgyas kyi </font><hr>Ga62b<br><font size=+1>


yon tan dang mi 'bral ba'i sems kyis mngon par gnas so/ /lha rdzas kyi rol mo brdung ba dang / dkrol ba'i sgra lha'i glu'i dbyangs kyi tshul grangs med par grag pa de bzhin gshegs pa mchod cing yid la bya ba la brtson pa rnams kyang rab tu bsgrags so/ /lha rdzas las shin tu 'das pa'i 'od zer brgya stong grangs med pas kyang 'jig rten gyi khams chos kyi dbyings kyis klas pa/ nam mkha'i mthas gtugs pa thams cad kyi sangs rgyas kyi zhing gi tha gru thams cad rab tu snang bas khyab par byas so/ /lha rdzas las 'das pa'i sprul pa dang / sangs rgyas kyi yul grangs med pa bstan pa dang / de bzhin gshegs pa'i sku'i cho 'phrul rnams kyang yang dag par bstan par gyur to/ /gling bzhi pa 'di dga' ldan gyi gnas su lha'i dbang po rab dga' ldan gyi khang pa na ji lta ba de bzhin du 'jig rten gyi khams thams cad du yang phyogs bcu rgyas par bkang zhing chos bstan pa 'di nyid kun tu byung ngo / /sangs rgyas kyi mthus phyogs bcu'i sangs rgyas kyi zhing bcu'i rdul shin tu phra ba snyed kyi 'jig rten gyi khams kyi pha rol dag nas kyang / sangs rgyas kyi zhing brgya stong phrag bcu'i rdul shin tu phra ba snyed kyi byang chub sems dpa' lhags nas phyogs bcu bkang ste 'di skad zer ro/ /kye| rgyal ba'i sras/ de ltar khyod kyis yongs su bsngo ba'i chos nyid 'di bshad pa legs </font><hr>Ga63a<br><font size=+1>


@#/ /so| |legs so/ /kye/ rgyal ba'i sras/ bdag cag kun kyang ming rdo rje rgyal mtshan zhes bya ba sha stag ste/ 'jig rten gyi khams kyi ming rdo rje'i 'od ces bya ba dag na de bzhin gshegs pa'i mtshan rdo rje dpal zhes bya ba bzhugs pa dag gis drung nas 'dir phyin te/ kun na yang sangs rgyas kyi byin gyi rlabs kyis 'khor gyi rnam pa 'di lta bu dag na/ tshig 'di dag dang / yi ge 'di dag dang / go bar bya ba 'di dag gis don 'di nyid lhag pa med cing chad pa med par brjod de/ chos 'di nyid ston to/ /kye/ rgyal ba'i sras/ bdag cag kyang de ltar phyogs bcu'i 'jig rten gyi khams re re'i gling bzhi pa dag gi dga' ldan gyi gnas kyi lha'i rgyal po rab dga' ldan gyi khang pa rin po che thams cad kyi rgyan ces bya ba dag tu sangs rgyas kyi zhing brgya stong phrag bcu'i rdul shin tu phra ba snyed kyi byang chub sems dpa' rnams phyin pa mngon du mthong ba sha stag sangs rgyas kyi byin gyi rlabs kyis 'khor 'dir phyin to/ /de nas byang chub sems dpa' rdo rje'i rgyal mtshan gyis phyogs bcur bltas te/ 'khor thams cad la bltas nas chos kyi dbyings la rnam par blta ba dang / don dang tshig dang yi ge la rab tu 'jug pa dang / sems bskyed pa mtha' dang dbus med par yangs pa yongs su sgom </font><hr>Ga63b<br><font size=+1>


pa dang / 'gro ba thams cad la snying rje chen pos khyab par bya ba dang / dus gsum gyi sangs rgyas kyi rigs su sems yang dag par 'brel bar bya ba dang / sangs rgyas thams cad kyi yon tan la 'jug pa dang / sangs rgyas thams cad kyi byin gyis brlabs pa'i lus yang dag par bskyed pa dang / sems can thams cad kyi bsam pa yang dag par shes par bya ba dang / dge ba'i rtsa ba ji ltar bskyed pa'ang ji ltar dus la bab pa la yang dag par blta ba dang / chos kyi lus kyi rjes su song ba'i gzugs kyi lus yang dag par bstan par byed cing / sangs rgyas kyi byin gyi rlabs kyis de'i tshe tshigs su bcad pa 'di dag smras so/ /de dag chos la rab tu mkhas gyur cing / /chos rgyud mtha' yas rnam par dag byas nas| |chos kyi 'od byed chos la kha lo sgyur/ /chos rnams rab rtogs chags pa med pa thob/ /de dag chos kyi kha lo sgyur gyur te/ /shin tu dkon pa'i chos rnams ston byed cing| /chos kyi sgo la rab tu gzhag bya bar/ /sems can mtha' yas phyogs su go bar byed/ /de dag chos kyi gangs chen mtsho 'thung zhing / /chos nyid sprin char phyogs su rab tu 'bebs/ /'jig rten khams su chos nyid nyi shar cing / /sems can phan phyir chos rnams ston par byed/ /de dag shin tu dkon pa'i sbyin bdag ste/ /chos kyi rnam </font><hr>Ga64a<br><font size=+1>


@#/ /tshul shes pa rjes su thob/ /chos kyi snang bas rab tu sems gsal ba/ /'jigs med 'jig rten dag tu chos rab ston/ /shin tu dri med chos kyi sems dang ldan/ /chos kyi sgo la de dag rab tu gnas/ /chos rnams rgya mtsho de dag shin tu 'phags/ /'jig rten dag tu chos nyid rnga yang brdung / /de dag shin tu dkon pa'i chos brjod cing / /chos nyid bsod nams yang dag gsog par byed/ /chos nyid bsam pa yongs su dag byed cing / /chos kyi gter rnams 'gro ba kun la ston/ /chos kyi khang bar rgyal bas dbang bskur ba/ /chos nyid ye shes snying po'i lus dang ldan/ /chos kyi mtshan gzhi rtogs pa'i ye shes can/ /de dag chos nyid bzang po'i chos la gnas/ /rgyal ba kun gyis gang la bstod mdzad dang / /rab kyi phul gyis gang zhig gnang gyur cing / /skyes dbang thams cad gang gis bskyed gyur pa'i| |sbyin pa dam pa de dag sbyin par byed/ /de dag chos kyi lus ldan shes dang ldan/ /'jig rten mkhas pas chos nyid sprul mdzad pas/ /chos kyi sgron ma 'gro la phan pa'i phyir/ /dma' ba med par mtha' yas chos ston te/ /de dag chos bzang dam pa sbyin byas nas/ /dge rtsa de dag rjes su sems byed cing / /'jig rten dag </font><hr>Ga64b<br><font size=+1>


tu dge ba gang byas pa/ /de dag yongs bsngo'i shes dang ldan pa yin/ /rang byung thams cad gang gis bskyed gyur pa'i/ /dge rtsa de dag 'gro ba'i don du shes/ /thams cad rnam phye rnam par dag gyur cig /sangs rgyas rgyan gyi pha rol phyin par byed/ /zhing gi rgyan mang shin tu rgya che zhing / /phyogs rnams kun tu de la tshad med pas/ /'jig rten kun tu bsam yas rgyan ldan pa/ /de 'drar zhing rnams ma lus kun gyur cig /skyes bu 'dul ba'i ye shes ji tsam pa/ /de 'drar sems can rnam dag ldan gyur te/ /rgyal ba'i sras po bzang po ji bzhin du/ /yon tan kun gyis sems brgyan ldan gyur cig /de dag rnam 'phrul shin tu rnam yangs pa/ /gang gis 'jig rten ma lus rgyas gang ba/ /de yi spyod la shes rab bzang gnas par/ /sems can thams cad ma lus 'gyur bar shog /ji snyed 'jig rten ma lus gang yang rung / /phyogs su rgyal ba kun gyis sangs rgyas pa/ /kun kyang kun tu bzang po ji bzhin du/ /legs spyod dam pa mchog dang ldan gyur cig /yon tan rgyud rnams ji snyed gang yang rung / /rgyal sras rnams dang rgyal bas thugs chud pa'i/ / yon tan gang la mtha' dang dbus med pa/ /yon tan de 'drar sems can kun gyur cig /gang yang rdzu 'phrul stobs dang ldan pa rnams/ /'jug pa kun la bslab pa kun </font><hr>Ga65a<br><font size=+1>


@#/ /bslabs pa/ /rnam 'phrul thams cad yang dag ston pa rnams/ /phyogs rnams thams cad rgyas par 'dod gyur cig /sems kyi skad cig gcig gis rang byung rnams/ /'dren pa sems can kun dang mnyam mthong ste/ /chos rnams thams cad ma lus bsdu byas shing / /skra rtse gcig tu mi mgon sdud gyur cig /'jig rten 'di na 'gro ba gang rgyu ba/ /gang rnams mi yi dam pas mkhyen gyur pa/ /de dang mnyam pa thams cad ma lus pa'i/ /'jig rten mkhyen la mchod pa byed gyur cig /spos kyi rgyud dang de bzhin me tog dang / /gos kyi rgyud dang de bzhin gdugs rnams kyis/ /chos dbyings ma lus rgyas par gang byas shing / /'jig rten kun tu yid kyis 'gengs gyur cig /sangs rgyas mtshan gyi rnam pa bsam yas pa/ /skra rtse gcig tu thams cad bsdu ba yis/ /lhag ma med par lam rnams kun bsdus shing / /'jig rten sgron la phyag 'tshal gyur par shog /rgyal ba de dag kun la phyag 'tshal te/ /thams cad lus kyis tshul gyis 'dud byed cing / /phyogs rnams kun tu rgyal ba kun ston pas/ /phyi ma'i bskal kun zad par byed gyur cig /sems can snyed kyi yid kyi rnam pa yis/ /rgyal ba gcig la'ang mchod pa byed gyur cig /ji ltar rgyal ba gcig mchod de bzhin du/ /skyes dbang ma lus kun la'ang mchod gyur cig / </font><hr>Ga65b<br><font size=+1>


de dag mchod pa'i yon tan brjod byed pas/ /'gro ba kun du bskal ba zad gyur kyang / /skyes bu 'dul ba dpe zla med pa yi/ /rgyal ba mchod pa'i mthar thug med gyur cig /'gro ba kun na bskal mang ji snyed pa/ /de snyed bskal pa spyad pa spyod byed cing / /rgyal ba gcig la rim gro bya bas kyang / /bskal pa thams cad ma lus zad gyur cig /rgyal ba gcig la ji tsam brjod gyur pa/ /rgyal ba kun la'ang bskal pa de snyed de/ /bskal pa'i grangs kyi mthar thug ma gyur cig /rgyal ba'i spyod pas skyo ba med gyur cig /ji ltar chos dbyings rnam par dag pa dang / /ji tsam rgya chen yongs su mtha' yas pa/ /de snyed rgya chen me tog bzang po rnams/ /thub mang sems can snyed la 'bul gyur cig /dri zhim ldan pa'i de bzhin phye ma dag /gtsang zhing rnam dag rnam pa sna tshogs la/ /'gro ba kun na dpe zla dmigs med pa/ /de 'dras rgyal ba mchod pa byed gyur cig /zhing rnams du ma sems can mnyam pa yi/ / rgyal ba gcig la gdugs rnams 'bul byed cing / /rgyal ba kun la'ang de bzhin dgab bya bas/ /rgyal ba rnams la gdugs mchod byed gyur cig /byug pa dam pa mchog tu gyur pa rnams/ /'gro ba 'di na gang la dpe med pa/ /de yis sangs rgyas mchod byed spyod pa yis/ /bskal mang sems can mnyam pa zad gyur cig /de bzhin byung dang spos kyi phye ma </font><hr>Ga66a<br><font size=+1>


@#/ /dang / /me tog bdug pa na bza' spos rnams dang / /rin chen lhab lhub mchod pa mtha' yas pa'i/ /rim gro skye ba med par byed gyur cig /'jig rten sgron ma sems can mnyam pa dag /skad cig re rer byang chub 'tshang rgya ba/ /de dag yon tan mtha' yas rjod byed cing / /skyes bu 'dul la mchod pa byed gyur cig /sems can mnyam pa'i 'jig rten mkhyen pa la/ /sems can mnyam pa'i bskal pa bgrang byas shing / /blo mchog ldan pa mchod pa byed pa ni/ /rgyal bas bshad kyang zad par ma gyur cig |rgyal ba rnams la 'di 'dra'i mchod byed cing / /sangs rgyas rnams 'phrul kun tu 'gengs byed pas/ /bzang dang ldan pa'i spyod la gnas bcas shing / /sangs rgyas ma lus thams cad mthong gyur cig /'gro kun dge ba ji snyed yod pa dang / /byas dang byed gyur de bzhin byed pa dag /bzang po ci bzhin de 'dra'i sa dag la/ /kun kyang kun nas bzang por red gyur cig /'jig rten thams cad ma lus sems can rnams/ /ji snyed rgyal ba kun gyis thugs chud pa/ /kun kyang mkhas pa kun gyis bsngags pa yi/ /kun tu bzang po de bzhin 'gyur bar shog /phyogs rnams ma lus kun tu ci byas pa/ /skyes bu dam pa de ltar yongs su bsngo/ /rdo rje'i rgyal mtshan rgyal bas gang gsungs pa/ </font><hr>Ga66b<br><font size=+1>


yongs bsngo dam pa mchog dang phul yang yin/ /de bzhin zhing rnams thams cad ma lus par/ /rgyun bzhin kun kyang khong du chud bya ste/ /sems can ji snyed thams cad ma lus pa/ /de dag kun kyang kun tu bzang gyur cig /sbyin pas yongs bsngo ji bzhin red gyur cig /tshul khrims kyis kyang bsngo bzhin red gyur cig /brtson 'grus stobs kyis bskal par mi ldog cing // bzod pas 'khrugs pa med pa'i yid gyur cig /bsam gtan gyis kyang rtse gcig yid ldan zhing / /ting 'dzin kun gyi spyod yul shes gyur cig /shes rab dus rnams gsum po thams cad du/ /'jig rten dag tu mthar dmigs med gyur cig /lus dang ngag dang yid rnams thams cad kyang / /rnam pa kun tu rnam dag mkhas gyur cig /spyod pa de dag thams cad ma lus par/ /kun kyang kun tu bzang por red gyur cig /ji ltar chos dbyings rlom pa'i sems med cing / /de la spros dang chags pa med pa dang / /mya ngan 'da' dang bsgribs pa med pa ltar/ /de bzhin sems la rlom sems med gyur cig /chos mkhas yongs su bsngo ba gang brjod pa/ /de ni rgyal bas gsungs pa'i bsngo ba ste/ /mkhas pa'i spyod pa ci nas 'grub 'gyur bar/ /dge ba yongs pa de yis yongs su bsngo/ /rgyal ba'i sras kyis 'di la bslabs byas te/ /ji snyed gang yod thams cad ma lus par/ /khams rnams kun kyang </font><hr>Ga67a<br><font size=+1>


@#/ /yongs su bsdu byas te/ /ci nas bde gshegs stobs la 'jug par bsngo/ /yangs pa ji snyed rgyal bas gsungs pa dang / /kun tu bzang zhes gang la gdags pa yi/ /rgyal ba'i sras rnams gang la gnas gyur pa'i/ /spyod pa dam pa de dag su 'dod pas/ /sems can ma lus thams cad bgrang bar nus/ /dus gsum sems kyang ma lus kun bgrang nus/ /gang la kun tu bzang por ming gdags pa/ /rgyal sras de yi yon tan mtha' med do/ /nam mkha' spu rtses bgrang bar nus kyang srid/ / zhing rnams kun gyi rdul kyang bgrang bar nus/ /gang la rgyal sras drang srong che gnas pa'i/ /spyod pa de dag bgrang bar mi nus so/ /chos kyi dbyings tshad med pa zhes bya ba ste/ yongs su bsngo ba bcu pa'o/ /shin tu rgyas pa chen po'i mdo/ sangs rgyas phal po che zhes bya ba las/ rdo rje rgyal mtshan gyis yongs su bsngo ba'i le'u ste sum cu'o// // bam po bzhi bcu rtsa lnga pa/ de nas bcom ldan 'das lha'i rgyal po dbang sgyur gyi gnas kyi nor bu rin po che dam pa'i khang pa na/ byang chub sems dpa'i dge 'dun chen po thams cad kyang bla na med pa yang dag par rdzogs pa'i byang chub las phyir mi ldog pa 'jig rten gyi khams gzhan dang / gzhan nas 'dus pa sha stag kun kyang byang chub sems </font><hr>Ga67b<br><font size=+1>


dpa'i ye shes kyi yul dang spyod yul thams cad rab tu thob pas gnas pa/ de bzhin gshegs pa thams cad kyi ye shes kyi yul la 'jug cing gzhol ba'i spyod yul ma gtang ba| 'gro ba thams cad yongs su smin par bya ba dang / gdul bar bya ba'i dus bzhin du thogs pa med pa'i byin gyi rlabs rnam pa tha dad pas bya ba thams cad yang dag par ston pa la mkhas pa/ byang chub sems dpa'i smon lam thams cad mngon par bsgrub cing bskal pa dang / zhing dang / dus su spyod pa la gnas pa'i rgyun mi gcod pa/ byang chub sems dpa'i bsod nams dang / ye shes dang / rdzu 'phrul gyi tshogs yongs su rdzogs shing 'gro ba thams cad nye bar 'tsho ba mi zad pa la rab tu zhugs pa/ byang chub sems dpa'i shes rab dang / thabs thams cad kyi pha rol tu phyin pa dam pa thob pa/ byang chub sems dpa'i spyod pas 'khor ba dang / mya ngan las 'das pa'i sgo yang dag par bstan cing / shin tu bsgrub pa'i rgyun mi gcod pa/ byang chub sems dpa'i bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa dang / rig pa dang / ye shes la rnam par rol pa'i mngon par shes pas bya ba thams cad yang dag par ston pa la mkhas pa/ byang chub sems dpa'i rdzu 'phrul dang / stobs dang / dbang thams </font><hr>Ga68a<br><font size=+1>


@#/ /cad thob cing mngon par 'du bya ba med pa'i sems skad cig gis/ de bzhin gshegs pa thams cad kyi 'khor gyi dkyil 'khor du 'dong ba la sngon du 'dren pa'i gtam gyi skyes bu dam pa/ de bzhin gshegs pa thams cad kyi chos kyi 'khor lo yang dag par gzung ba dang / sangs rgyas la mchod pa dang / rim gro rgya chen po bya ba'i don du mngon par brtson pa/ byang chub sems dpa'i las thams cad yang dag par blang ba mnyam pa nyid kyis sbyor bas/ 'jig rten gyi khams thams cad du lus kyi gzugs brnyan rab tu 'byung ba/ chos kyi dbyings thams cad du chags pa med pa'i dbyangs rab tu sgrog pas/ dus gsum thams cad du chags pa med pa'i sems dang ye shes kyi yul rgyas par 'gengs pa/ byang chub sems dpa'i yon tan dang / nan tan yongs su rdzogs pa thams cad bskal pa brjod du med par rgyun mi 'chad par yang dag par bstan pa la yon tan bsngags shing / brjod pa zad mi shes pa sha stag ste/ 'di ltar byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rin po che'i snying po dang / byang chub sems dpa' sems dpa' chen po pad+mo'i snying po dang / byang chub sems dpa' sems dpa' chen po dpal </font><hr>Ga68b<br><font size=+1>


gyi snying po dang / byang chub sems dpa' sems dpa' chen po pad+mo dpal gyi snying po dang / byang chub sems dpa' sems dpa' chen po nyi ma'i snying po dang / byang chub sems dpa' sems dpa' chen po gtsang ba'i snying po dang / byang chub sems dpa' sems dpa' chen po sa'i snying po dang / byang chub sems dpa' sems dpa' chen po zla ba dri ma med pa'i snying po dang / byang chub sems dpa' sems dpa' chen po rgyan rnam par dgod pa thams cad rab tu snang bar ston pa'i snying po dang / byang chub sems dpa' sems dpa' chen po ye shes rnam par snang ba'i snying po dang / byang chub sems dpa' sems dpa' chen po dpal yid du 'ong ba'i snying po dang / byang chub sems dpa' sems dpa' chen po tsan dan dpal gyi snying po dang / byang chub sems dpa' sems dpa' chen po me tog dpal gyi snying po dang / byang chub sems dpa' sems dpa' chen po me tog rgyas pa'i dpal gyi snying po dang / byang chub sems dpa' sems dpa' chen po dpal lha'i snying po dang / byang chub sems dpa' sems dpa' chen po bsod nams dpal gyi snying po dang / byang chub sems dpa' sems dpa' chen po bsgribs pa med pa'i ye shes rnam par dag pa dpal gyi snying po dang / byang chub sems dpa' sems dpa' chen po yon tan dpal gyi snying </font><hr>Ga69a<br><font size=+1>


@#/ /po dang / byang chub sems dpa' sems dpa' chen po mthu chen dpal gyi snying po dang / byang chub sems dpa' sems dpa' chen po dri ma med pa'i snying po dang / byang chub sems dpa' sems dpa' chen po dri ma dang bral ba'i snying po dang / byang chub sems dpa' sems dpa' chen po spobs pa sna tshogs rgyan gyi snying po dang / byang chub sems dpa' sems dpa' chen po 'od zer gyi dra ba chen po rab tu snang ba'i snying po dang / byang chub sems dpa' sems dpa' chen po 'od dri ma med pa'i dpal gyi gzi brjid bzang po'i snying po dang / byang chub sems dpa' sems dpa' chen po gser bzang po dri ma med pa'i dbyig gis spras pa'i gzi brjid mdzes pa'i snying po dang / byang chub sems dpa' sems dpa' chen po mtshan thams cad kyis brgyan pas rnam par dag pa'i dpal gyi snying po dang / byang chub sems dpa' sems dpa' chen po dpal gyi be'u rdo rje 'od 'phro bas brgyan pa'i snying po dang / byang chub sems dpa' sems dpa' chen po 'od 'bar zhing 'phro ba'i dpal gyi snying po dang / byang chub sems dpa' sems dpa' chen po skar ma'i rgyal po 'od rab tu snang ba'i snying po dang / byang chub sems dpa' sems dpa' chen po </font><hr>Ga69b<br><font size=+1>


nam mkha'i mdzod ye shes bsgribs pa med pa'i snying po dang / byang chub sems dpa' sems dpa' chen po dbyangs kyi dkyil 'khor bsgribs pa med cing nga ro snyan pa'i snying po dang / byang chub sems dpa' sems dpa' chen po gzungs kyi snying po yon tan gyis 'gro ba thams cad kyi smon lam yang dag par 'dzin pa'i snying po dang / byang chub sems dpa' sems dpa' chen po rgya mtsho'i rgyan gyi snying po dang / byang chub sems dpa' sems dpa' chen po ri rab dpal gyi snying po dang / byang chub sems dpa' sems dpa' chen po yon tan thams cad rnam par dag pa'i snying po dang / byang chub sems dpa' sems dpa' chen po de bzhin gshegs pa'i snying po dang / byang chub sems dpa' sems dpa' chen po sangs rgyas dpal gyi snying po dang / byang chub sems dpa' sems dpa' chen po rnam par grol ba'i zla ba dang / de dag la sogs pa byang chub sems dpa' sems dpa' chen po tshad med pa/ gzhal du med pa/ grangs med pa/ bsam gyis mi khyab pa/ mtshungs pa med pa/ dpag tu med pa/ kun tu mtha' yas pa/ mu med pa/ sa mtshams med pa/ brjod du med pa'i yang brjod du med pa/ byang chub sems dpa' sems dpa' chen po rdo rje'i snying po la sogs pa'i sangs rgyas kyi zhing sna tshogs nas 'dus pa sha </font><hr>Ga70a<br><font size=+1>


@#/ /stag dang thabs gcig tu zhugs so/ /de nas de'i tshe byang chub sems dpa' sems dpa' chen po rdo rje'i snying po sangs rgyas kyi mthus theg pa chen po rab tu snang ba zhes bya ba'i ting nge 'dzin la snyoms par zhugs so/ /byang chub sems dpa' sems dpa' chen po rdo rje'i snying pos/ byang chub sems dpa' ting nge 'dzin theg pa chen po rab tu snang ba de la mnyam par bzhag ma thag tu/ de nas de'i tshe phyogs bcu'i 'jig rten gyi phyogs re re'i 'jig rten gyi khams sangs rgyas kyi zhing bye ba phrag bcu'i rdul shin tu phra ba snyed kyi pha rol nas/ sangs rgyas bcom ldan 'das sangs rgyas kyi zhing bye ba phrag bcu'i rdul shin tu phra ba snyed kun kyang mtshan rdo rje'i snying po zhes bya bar mthun pa sha stag gis zhal mngon par bstan te/ sangs rgyas bcom ldan 'das de dag gis de la 'di skad ces bka' stsal to/ /rigs kyi bu/ de ltar khyod byang chub sems dpa'i ting nge 'dzin theg pa chen po rab tu snang ba la snyoms par zhugs pa legs so/ /legs so/ /'di ltar rigs kyi bu khyod la phyogs bcu'i sangs rgyas bcom ldan 'das/ sangs rgyas kyi zhing bye ba phrag bcu'i rdul shin tu phra ba snyed kun kyang mtshan rdo rje'i snying po zhes bya bar mthun pa sha stag gis/ bcom ldan 'das de bzhin gshegs </font><hr>Ga70b<br><font size=+1>


pa dgra bcom pa yang dag par rdzogs pa'i sangs rgyas rnam par snang mdzad 'di'i sngon gyi smon lam gyi byin gyi rlabs dang / khyod nyid kyi ye shes kyi khyad par gyis byang chub sems dpa' thams cad la sangs rgyas kyi chos snang ba bsam gyis mi khyab pa rab tu brjod cing / ye shes kyi sa la 'jug par bya ba dang / dge ba'i rtsa ba thams cad yang dag par bsdu ba dang| sangs rgyas kyi chos thams cad rab tu dbye ba la mkhas par bya ba dang / chos thams cad la ye shes shin tu yangs par bya ba dang / shin tu legs par gnas pa'i chos rab tu bstan pa dang / ye shes tha mi dad pa rnam par sbyang ba dang / 'jig rten gyi chos thams cad kyis gos pa med par bya ba dang / 'jig rten las 'das pa'i dge ba'i rtsa ba yongs su dag par bya ba dang / ye shes bsam gyis mi khyab pa'i yul khong du chud par bya ba nas thams cad mkhyen pa'i ye shes kyi yul gyi bar du khong du chud par bya ba dang / 'di ltar byang chub sems dpa'i sa bcu brtsams pa rab tu thob par bya ba dang / byang chub sems dpa'i sa ma nor bar rnam par dgod pa shin tu bstan pa dang / sangs rgyas kyi chos thams cad la yang dag par dmigs par bya ba dang / zag pa med pa'i chos kyi bye brag rnam par bsgom pa dang / rnam par dbye ba shin tu rnam par phye ba'i shes rab kyi snang ba chen po la </font><hr>Ga71a<br><font size=+1>


@#/ /mkhas pa'i ye shes kyi rgyan thob par bya ba dang / shin tu brtags pa'i ye shes kyi sgo la 'jug par bya ba dang / gnas kyi rnam pa ci rigs su brjod pa dang / spobs pa'i snang ba dma' ba med par thob par bya ba dang / tha dad pa yang dag par shes pa chen po'i sa shin tu rtogs par bya ba dang / byang chub kyi sems la dran pa nyams pa med par bya ba dang / sems can gyi khams thams cad yongs su smin par bya ba dang / thams cad du song ba'i blo rnam par gdon mi za ba la mkhas pa rab tu thob par bya ba'i phyir byin gyis brlab pa mdzad do/ /de bas na rigs kyi bu khyod kyis chos kyi sgo rab tu dbye ba la mkhas par 'gyur ba'i chos kyi rnam grangs 'di la sangs rgyas kyi mthu dang / de bzhin gshegs pa'i ye shes snang ba'i byin gyi rlabs kyis rang gi dge ba'i rtsa ba yongs su dag par bya ba dang / chos kyi dbyings shin tu sbyangs pa dang / sems can gyi khams thams cad la phan gdags pa dang / chos kyi sku'i ye shes kyi lus la 'jug par bya ba dang / sangs rgyas thams cad kyis dbang bskur ba yang dag par blang ba dang / 'jig rten gyi khams thams cad du shin tu 'phags pa'i lus 'byung bar bya ba dang / 'jig rten gyi lam gyi rgyud thams cad las yang dag par 'da' bar bya ba dang / </font><hr>Ga71b<br><font size=+1>


'jig rten las 'das pa'i chos kyi tshul yongs su dag par bya ba dang / thams cad mkhyen pa'i ye shes yongs su rdzogs par bya ba'i phyir spobs pa skyed cig /de nas sangs rgyas bcom ldan 'das de dag gis byang chub sems dpa' rdo rje'i snying po la zil gyis mi non pa'i lus nye bar bsgrub pa mdzad do/ /thogs pa med pa'i spobs pas shin tu ston pa nye bar bsgrub pa mdzad do/ /shin tu sbyangs pa'i ye shes rnam par phye ba la 'jug pa nye bar bsgrub pa mdzad do/ /dran pa nyams pa med pa'i byin gyi rlabs nye bar bsgrub pa mdzad do/ /blo gros shin tu nges par rtogs pas mkhas pa nye bar bsgrub pa mdzad do/ /thams cad kyi rjes su song ba'i blo'i rjes su 'gro ba nye bar bsgrub pa mdzad do/ /yang dag par rdzogs pa'i sangs rgyas kyi stobs thub pa med pa nye bar bsgrub pa mdzad do/ /de bzhin gshegs pa'i mi 'jigs pa che zhing zhum pa med pa nye bar bsgrub pa mdzad do/ /thams cad mkhyen pa'i ye shes dang tha dad pa yang dag par mkhyen pas rnam par dbye ba'i chos kyi tshul shin tu rtogs par bya ba nye bar bsgrub pa mdzad do/ /de bzhin gshegs pa thams cad kyi sku dang gsung dang thugs kyi rgyan shin tu rnam par phye ba mngon par bsdu ba nye bar bsgrub pa mdzad do/ /de ci'i phyir zhe na/ de ni ting nge 'dzin de nyid kyi chos nyid rab tu thob pa dang / sngon gyi smon </font><hr>Ga72a<br><font size=+1>


@#/ /lam gyis mngon par bsgrubs pa dang / lhag pa'i bsam pa shin tu rnam par sbyangs pa dang / ye shes kyi dkyil 'khor shin tu sbyangs pa dang / tshogs shin tu bsags pa dang / yongs su sbyangs pa shin tu byas pa dang / dran pa'i snod tshad med pa dang / mos pa rnam par dag cing 'od shin tu gsal ba dang / gzungs kyi sgo tha dad pa med par thob pa dang / chos kyi dbyings kyi ye shes kyi phyag rgyas shin tu btab pa'i phyir ro/ /de nas sangs rgyas bcom ldan 'das de dag gis de dag na bzhugs bzhin du rdzu 'phrul gyis mthus so so nas phyag g.yas pa brkyang ste/ byang chub sems dpa' rdo rje'i snying po'i mgo la byug pa mdzad do/ /sangs rgyas bcom ldan 'das de dag gis byang chub sems dpa' rdo rje'i snying po la reg ma thag tu de nyid kyi tshe ting nge 'dzin de las langs nas/ byang chub sems dpa' de dag la smras pa/ kye| rgyal ba'i sras dag / byang chub sems dpa'i smon lam 'di ni shin tu rnam par gdon mi za ba ste/ tha mi dad pa/ ltar med pa/ chos kyi dbyings kyis klas par yangs pa/ nam mkha'i dbyings kyi mthar thug pa/ phyi ma'i mtha'i mur thug pa sangs rgyas kyi zhing thams cad dang / sems can gyi khams thams cad du rgyas par khyab pa/ 'gro ba thams cad yongs su skyob </font><hr>Ga72b<br><font size=+1>


pa| de bzhin gshegs pa thams cad kyis byin gyi brlabs pa ste/ kye| rgyal ba'i sras dag /de ni byang chub sems dpa' sems dpa' chen po rnams 'das pa'i sangs rgyas bcom ldan 'das rnams kyi ye shes kyi sa la yang rab tu 'jug par 'gyur ro/ /ma byon pa'i sangs rgyas bcom ldan 'das rnams kyi ye shes kyi sa la yang rab tu 'jug par 'gyur ro/ /da ltar byung ba'i sangs rgyas bcom ldan 'das rnams kyi ye shes kyi sa la yang rab tu 'jug par 'gyur ro/ /kye| rgyal ba'i sras dag /de la bcu po 'di dag ni byang chub sems dpa' rnams kyi ye shes kyi sa rnams te/ gang la bsams te bdag gis de skad du smras pa de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /bcu gang zhe na/ 'di lta ste/ rab tu dga' ba zhes bya ba byang chub sems dpa'i sa dang po dang / dri ma dang bral ba zhes bya ba byang chub sems dpa'i sa gnyis pa dang / 'od byed pa zhes bya ba byang chub sems dpa'i sa gsum pa dang / 'od 'phro ba can zhes bya ba byang chub sems dpa'i sa bzhi pa dang / rgyal bar dka' ba zhes bya ba byang chub sems dpa'i sa lnga pa dang / mngon sum pa zhes bya ba byang chub sems dpa'i sa drug pa dang / ring du song ba zhes bya ba byang chub sems dpa'i sa bdun </font><hr>Ga73a<br><font size=+1>


@#/ /pa dang / mi g.yo ba zhes bya ba byang chub sems dpa'i sa brgyad pa dang / legs pa'i blo gros zhes bya ba byang chub sems dpa'i sa dgu pa dang / chos kyi sprin ces bya ba byang chub sems dpa'i sa bcu pa ste/ kye| rgyal ba'i sras dag /de rnams ni byang chub sems dpa' rnams kyi byang chub sems dpa'i sa bcu ste/ de ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /kye|rgyal ba'i sras dag /bdag gis ni sangs rgyas kyi zhing gang na'ang de bzhin gshegs pa dgra bcom pa yang dag par rdzogs pa'i sangs rgyas rnams byang chub sems dpa'i sa bcu po 'di dag mi gsung ba de lta bu ma mthong ngo / /de ci'i phyir zhe na/ kye| rgyal ba'i sras dag /byang chub sems dpa' sems dpa' chen po rnams kyi byang chub sems dpa'i lam yongs su sbyong ba'i chos snang ba'i sgo 'di ni yang dag phul zhes bya ba yin te/ 'di ltar byang chub sems dpa'i sa rnam par dgod pa shin tu bstan pa'o/ /kye| rgyal ba'i sras dag /gnas 'di ni bsam gyi mi khyab pa ste/ 'di ltar byang chub sems dpa' rnams kyis shes pa'o/ /de nas de ltar byang chub sems dpa' rdo rje'i snying pos/ byang chub sems dpa'i sa bcu po 'di dag </font><hr>Ga73b<br><font size=+1>


ming tsam zhig brjod de/ cang mi zer bar 'dug nas de las rab tu phye ste ma bshad pa dang / de nas byang chub sems dpa'i 'khor de dag thams cad byang chub sems dpa'i sa bcu po de dag gi ming tsam zhig thos nas/ rab tu phye ste ma brjod pas skom par gyur nas/ de dag 'di snyam du sems te/ de ltar byang chub sems dpa' rdo rje'i snying pos byang chub sems dpa'i sa bcu po de dag gi ming tsam zhig brjod de cang mi zer bar 'dug na/ de las rab tu phye zhing mi ston pa de la rgyu ni gang / rkyen ni ci zhig yod snyam pa dang / de'i tshe byang chub sems dpa' 'khor 'dus pa de na/ byang chub sems dpa' sems dpa' chen po rnam par grol ba'i zla ba zhes bya ba 'dus shing 'dug 'dug ste/ de nas byang chub sems dpa' rnam par grol ba'i zla bas byang chub sems dpa'i 'khor de dag gi sems kyi yongs su rtog pa sems kyis yongs su shes nas/ byang chub sems dpa' rdo rje'i snying po la glu'i dbyangs kyis tshigs su bcad de don de dris so/ /ci phyir rtog pa rnam dag cing / /dran dang ye shes ldan pa yis/ /sa yi mchog ni brjod byas te/ /mkhas pas rnam par phye mi bshad/ /'di kun nges par rtogs pa ste/ /byang chub sems dpa' grags chen yin/ /ci phyir khyod ni sa brjod de/ /rab tu phye ba bshad mi bgyi/ /rgyal sras 'jigs med 'di dag </font><hr>Ga74a<br><font size=+1>


@#/ /ni| |kun kyang shin tu nyan par 'dod/ /sa yi don tshul yang dag tu/ /rnam par phye ste bshad par mdzod/ /'khor 'di shin tu rnam dang ste/ /le lo med cing dge dang ldan/ /dag pa'i mchog la gnas pa ste/ /yon tan ye shes ldan pa yin/ /phan tshun gcig la gcig lta zhing / /kun kyang rim gro bcas par gnas/ /sbrang rtsi ji ltar spang min pa/ /de ltar bdud rtsi mchog kyang 'dod/ /rdo rje'i snying po 'jigs med pa/ /shes rab chen pos de thos nas/ /'khor rnams dga' bar bya ba'i phyir/ /bde bar gshegs pa'i sras la smras/ /sangs rgyas sku rab yang dag 'byung bas na/ /byang chub sems dpa'i spyod pa rab bstan cing / /sa rgyu dam pa rnam par dbye bya ba/ /de ni rmad byung mchog tu dga' ba yin/ /phra zhing blta dka' rnam par rtog pa spangs/ /sems kyi sa dang bral bas bsgrub par dga'/ /mkhas pa rnams kyi zag med spyod yul te/ /'gro ba rnams kyis de thos mos par 'gyur/ /rdo rje lta bur bsam pa rab bzhag ste/ /sangs rgyas ye shes mchog la mos byas shing / /bdag med pa yi sems kyi sa shes na/ /ye shes dam pa 'di gzod mnyan par nus/ /ji ltar bar snang tshon ris bri ba dang / /nam mkha'i dbyings la rlung gnas ji bzhin du/ /de ltar ye shes zag pa med pa yang / /shin tu </font><hr>Ga74b<br><font size=+1>


lta dka' thub pas rnam par phye/ /de la bdag gi sems ni 'di snyam byed/ /sangs rgyas ye shes dam pa bsam yas la/ /'gro ba gang rnams dang bar byed dkon zhes/ /de yi phyir na ma smras ma bshad do/ /de skad ces smras pa dang / byang chub sems dpa' rnam par grol ba'i zla bas byang chub sems dpa' rdo rje'i snying po la 'di skad ces smras so/ /kye| rgyal ba'i sras / 'khor 'di ni byang chub sems dpa' sems dpa' chen po chos 'di dag la bsam pa shin tu sbyangs pa/ kun tu rtog pa yongs su sbyangs pa/ spyad par bya ba shin tu spyad pa/ tshogs shin tu bsags pa/ sangs rgyas bye ba khrag khrig brgya stong shin tu bsnyen bkur ba/ yon tan dang ye shes tshad med pa dang ldan pa/ the tshom dang nem nur med pa/ nyon mongs pa dang / bral ba/ mos pa dang lhag pa'i bsam pa la rab tu gnas pa/ gzhan gyi dring mi 'jog pa sha stag tshogs pas yongs su dag pa yin gyi/ kye| rgyal ba'i sras/ de bzhin gshegs pa'i byin gyis legs par bshad pa mdzod cig dang / byang chub sems dpa' 'di dag thams cad ni rnam par 'di lta bu'i gnas zab mo la mngon sum du gnas pa sha stag go /de nas byang chub sems dpa' rnam par grol ba'i zla bas don 'di nyid gsal bar bzlas pa'i phyir/ byang chub sems dpa' rdo rje'i snying po la tshigs su bcad de smras pa/ byang chub sems </font><hr>Ga75a<br><font size=+1>


@#/ /dpa'i spyod pa bla med pa/ /sa rnams rab phye rnam dgod brtags pa yi/ /ye shes sbyong zhing byang chub 'thob byed pa/ /mchog dang dam pa zhi ba'i chos rnams shod/ /'khor 'di dag pa nyon mongs med pa'i mchog /mos dang bsam pa shin tu sbyangs pa ste/ /sangs rgyas bye ba mang la spyod pa spyad/ /sa 'di brtag la yid ches ldan pa yin/ /de nas byang chub sems dpa' rdo rje'i snying pos byang chub sems dpa' rnam par grol ba'i zla ba la 'di skad ces smras so/ /kye| rgyal ba'i sras/ 'khor 'di ltar byang chub sems dpa' sems dpa' chen po chos kyi rnam pa 'di lta bu'i gnas zab mo la bsam pa shin tu sbyangs pa/ kun tu rtog pa yongs su sbyangs pa/ spyod pa shin tu spyad pa| tshogs shin tu bsags pa/ sangs rgyas bye ba khrag khrig brgya stong la dge ba'i rtsa ba shin tu bsags pa/ yon tan dang ye shes tshad med pa dang ldan pa/ the tshom dang nem nur med pa/ nyon mongs pa dang bral ba/ mos pa dang lhag pa'i bsam pa la rab tu gnas pa/ gzhan gyi dring mi 'jog pa sha stag tshogs pas shin tu dag pa yang yin na/ 'on kyang sems can mos pa chung ngu gzhan dag gis zab mo'i rnam pa 'di lta bu bsam gyis mi khyab pa'i gnas dag thos par gyur la/ thos nas kyang the tshom dang yid gnyis su gyur </font><hr>Ga75b<br><font size=+1>


na| de dag la yun ring por gnod pa dang / don med pa dang / mi bde ba'i rgyur 'gyur bas/ 'di lta zhig tu snying brtse ba'i phyir/ bdag ni cang mi zer bar 'dug pa nyid du mos so/ /de nas byang chub sems dpa' rdo rje'i snying pos don 'di nyid gsal bar bstan pa'i phyir tshigs su bcad pa 'di dag smras so/ /'khor 'di rnam dag shes rab yangs pa ste/ /zab cing gsal ba'i spyod ldan rtogs shes shing / /gzhan dring mi 'jog ri rgyal bzhin mi g.yo/ /bsam rtog mi 'khrug rgya mtsho chen po 'dra/ /'on kyang ma rtogs mi shes ma spyad pa/ /rnam shes yul gnas don la shes med pas/ /thos shing ma ches 'phral du ngan song lhung / /de dag snying brtses ye shes sa ma bshad/ /de nas byang chub sems dpa' rnam par grol ba'i zla bas/ yang byang chub sems dpa' rdo rje'i snying po la gsol ba btab pa/ /kye|rgyal ba'i sras/ legs par bshad pa mdzod cig dang / de bzhin gshegs pa'i byin gyis rnam pa 'di lta bu bsam gyis mi khyab pa'i gnas 'di dag kyang gzhan du mi 'gyur ba dang / legs par yid ches par 'gyur ro/ /de ci'i phyir zhe na/ kye| rgyal ba'i sras/ don 'di ltar sa shin tu bstan pa 'di bshad pa'i tshe chos nyid rab tu thob pas/ sangs rgyas thams cad kyis kyang dgongs par 'gyur/ byang chub sems dpa' thams cad kyang ye shes kyi sa 'di yongs su bsrung </font><hr>Ga76a<br><font size=+1>


@#/ /ba'i don du rab tu brtson par byed do/ /de yang ci'i phyir zhe na/ 'di ni spyod pa'i sa dang po ste/ 'di ni sangs rgyas kyi chos thams cad yang dag par 'grub pa'i gzhi yin no/ /kye| rgyal ba'i sras/ 'di lta ste/ dper na/ yi ge dang 'bru 'grangs pa ji snyed du bstan pa de dag thams cad kyi sngon du 'gro ba'ang yi ge'i phyi mo'o/ /tha mar yang yi ge'i phyi mo la thug ste/ yi ge'i phyi mo bstan pas ma khyab pa de lta bu'i yi ge dang 'bru 'grangs pa bstan pa ni gang yang med do/ /kye| rgyal ba'i sras/ de bzhin du sangs rgyas kyi chos thams cad kyang spyod pas rab tu 'grub pas sa sngon du 'gro'o/ /rang byung gi ye shes kyi mthar thug par 'gyur bas sa'i mthar thug pa'o/ /de bas na/ /kye| rgyal ba'i sras/ shod cig dang / de bzhin gshegs pa dgra bcom pa yang dag par rdzogs pa'i sangs rgyas rnams kyang yongs su bsrung ba'i phyir byin gyis rlob pa mdzad do/ /de nas byang chub sems dpa' rnam par grol ba'i zla bas don 'di nyid gsal bar bzlas pa'i phyir/ byang chub sems dpa' rdo rje'i snying po la tshigs su bcad de smras pa/ sa dang spyod 'jug byang chub 'gyur ba ye shes sgrub byed pa/ /spyod pa rnam dag thams cad mkhyen pa'i sras kyis legs par shod/ /phyogs bcu'i rgyal ba bde gshegs kun mgon </font><hr>Ga76b<br><font size=+1>


'dren pa ji snyed pa/ /khyu mchog de kun ye shes 'byung gnas ston la dgongs pa mdzad/ /'di ni dang po zhugs pa'i shes spyod 'di yi mthar thug ste/ rgyal ba'i ches rab gzhal yas ji snyed de dag 'byung gnas 'di/ /yi ge 'grangs pa'i phyi mo'i rjes 'gro sngon du de 'gro ltar/ /de bzhin sa mchog blo yi yul du tha ma thug par 'dod/ /de nas byang chub sems dpa' de dag thams cad kyis dbyangs kyi nga ro gcig tu glu'i dbyangs kyis tshigs su bcad de/ byang chub sems dpa' rdo rje'i snying po la don 'di nyid kyi phyir gsol ba btab pa/ blo yangs dam pa'i phul mnga' ba/ /spobs pa mtha' yas rnam par dbye ba rtogs mkhyen pas/ /yid du 'ong ba'i gsung dbyangs kyis/ /kun la phan don dam pa bshad pa mdzod/ /dran dang dga' bas spyod dag pa/ /stobs bcu'i stobs kyi shugs sogs yon tan ldan pa yi/ /sa yi dam pa mchog gi rnams/ /tha dad yang dag don mkhyen spyod pas shod/ /zhi sdom bsgrub pa'i yid ldan pa/ /nga rgyal dregs dang lta ba'i nyon mongs zhir gyur pas/ /'khor 'dir the tshom bral ba ste/ /khyod kyis legs par bshad du re zhing sdod/ /skom pa bsil ba'i chu 'dod bzhin/ /bkres pa kha zas nad pa sman rab 'dod pa dang / /bung ba sbrang rtsi 'dod pa ltar/ /de bzhin 'khor 'di khyod kyi tshig la sdod/ /de bas shin tu blo yangs pas/ /rdul </font><hr>Ga77a<br><font size=+1>


@#/ /med rnams la sa yi dam par 'jug pa shod/ /chags med stobs bcu'i tshogs gyur pa/ /bde gshegs spyod pa ma lus bshad par mdzod/ /de nas de'i tshe bcom ldan 'das shAkya thub pa'i mdzod spu nas byang chub sems dpa'i stobs snang ba zhes bya ba'i 'od zer 'khor gyi 'od zer brgya stong grangs med pa dang ldan pa byung ngo| |de byung nas phyogs bcu thams cad kyi 'jig rten gyi khams 'byams klas pa thams cad ma lus par snang bar byas nas/ sems can thams cad kyi ngan song gi sdug bsngal thams cad rtse zil bar byas te/ bdud kyi khyim thams cad zil gyis mnan nas de bzhin gshegs pa thams cad kyi 'khor gyi dkyil 'khor snang bar byas te/ sangs rgyas kyi yul gyi rnam pa bsam gyi mi khyab pa'i mthu bstan nas/ phyogs bcu thams cad kyi 'jig rten gyi khams 'byams klas pa thams cad du de bzhin gshegs pa thams cad kyi 'khor gyi dkyil 'khor du chos bstan pa'i byin gyi rlabs kyis byin du brlabs pa'i byang chub sems dpa'i lus snang bar byas te/ sangs rgyas kyi rnam par 'phrul pa bsam gyis mi khyab pa bstan nas steng gi bar snang la 'od zer stug po'i sprin gyi dra ba'i khang pa brtsegs pa chen por byas te 'dug go /de bzhin du sangs rgyas bcom ldan </font><hr>Ga77b<br><font size=+1>


'das de dag gi mdzod spu dag nas kyang / byang chub sems dpa'i 'od snang ba zhes bya ba'i 'od zer 'khor gyi 'od zer grangs med pa dang ldan pa dag byung bar gyur to/ /byung nas kyang de dag gis phyogs bcu thams cad du 'jig rten gyi khams 'byams klas pa kun tu de bzhin gshegs pa thams cad kyi 'khor gyi dkyil 'khor du chos bstan pa'i byin gyis byin du brlabs pa'i byang chub sems dpa' rnams snang bar byas te/ sangs rgyas kyi rnam par 'phrul ba bsam gyis mi khyab pa bstan nas/ 'jig rten gyi khams mi mjed 'di yang snang bar byas/ bcom ldan 'das shAkya thub pa de bzhin gshegs pa'i 'khor gyi dkyil 'khor 'di yang snang bar byas te/ byang chub sems dpa' sems dpa' chen po rdo rje'i snying po'i lus kyang snang bar byas nas/ steng gi bar snang la de bzhin du 'od zer stug po'i sprin gyi dra ba'i khang pa brtsegs pa chen por byas te 'khod do/ /de nas 'od zer stug po'i sprin gyi dra ba'i khang pa brtsegs pa chen po de dag nas sangs rgyas kyi byin gyis sgra'i rnam pa 'di lta bu 'di byung ngo / /mi mnyam mnyam dang mnyam pa mkha' dang mnyam pa dag / stobs bcu'i khyu mchog mthu ldan tshad med yon tan can/ /'jig rten kun mchog mi yi dam pa phul gyi rnams/ /shAkya seng ge'i chos la byin rlabs dam pa mdzad/ /bde gshegs </font><hr>Ga78a<br><font size=+1>


@#/ /sras po 'dren pa'i byin gyis bshad par gyis/ /chos rgyal khyu mchog rnams kyi mdzod kyi dam pa phye/ /sa yi ye shes rnam phye spyod mchog rab yangs pa| |stobs bcu'i byin gyis ma thogs myur du bstan pa gyis/ /gang gis rna lam bsam par chos dam rin chen 'di/ /song bar gyur pa de dag bde gshegs byin gyis brlabs// rdul med sa kun rim gyis rab tu rdzogs byas nas/ /stobs bcu ldan pa'i rgyal ba dam par 'grub par 'gyur/ /rgya mtsho'i chu byung gyur cing bskal pa'i mes gdungs kyang / /gal te snod gyur sems can de dag 'di la nyan/ /gang rnams the tshom za zhing yid gnyis byed pa ni/ /de dag rna bas rnam pa kun tu thos mi 'gyur/ /de phyir sa yi ye shes lam mchog bstan par gyis/ /gnas dang rgyud dang 'phro ba rim gyis rab tu shod/ /spyod dang yul dang chos dang ye shes tshul rnams kyi/ /chos kyi tshul yang 'gro ba kun la phan phyir shod/ /de nas byang chub sems dpa' rdo rje'i snying pos phyogs bcur bltas nas 'khor thams cad de bas kyang dad par bya ba'i phyir/ de'i tshe tshigs su bcad pa 'di dag smras so| |phra la shes dka' drang srong chen po'i lam/ /mi rtog rtog yul ma yin blta bar dka'/ /rang bzhin zhi zhing 'gag med 'byung ba med/ /mkhas gsal shes pas khong du </font><hr>Ga78b<br><font size=+1>


chud pa yin/ /ngo bo nyid stong zhi zhing sdug bsngal zad/ /rgyud las rnam grol mnyam par mya ngan 'das/ /mtha' dang dbus med tshig gis brjod du med/ /dus gsum grol ba nam mkha' 'dra zhing mtshungs/ /bde gshegs spyod yul zhi zhing nye bar zhi/ /smra ba'i lam rnams kun gyis brjod par dka'/ /de dag sa dang spyod pa de 'dra bas/ /smra bar dka' na bstan par ga la nus/ /de ni bsam yas sems lam rnam par spangs/ /ye shes mngon bsgrubs rgyal ba'i spyod yul te/ /phung po skye mched khams kyis bskyed pa min/ /sems kyis mi shes yid kyis rnam ma brtags/ /ji ltar bar snang gnas kyi bya yi rjes/ /shin tu smra dka' bstan par mi nus pa/ /de ltar bde gshegs sras kyi sa rnams kyang / /yid dang sems kyi yul gyis shes mi nus/ /'on kyang byams dang snying rje'i smon lam gyis/ /de las phyogs tsam rim pa'i tshul bzhin du/ /bshad par bya ste sems kyi spyod yul min/ /ye shes tshul gyis rdzogs par bya ba'o/ /de 'dra'i spyod yul phra zhing blta dka' ba/ /rang rig yin pas brjod par ma nus kyang / /'on kyang bde bar gshegs pa'i mthus brjod kyi/ /thams cad mthun par nan tan gyis te nyon/ /ye shes sa dang spyod 'jug ci 'dra ba/ /bskal pa bye bar zad par mi nus te/ /yang dag don dngos gzhan min gnas pa las/ /mdo tsam bshad kyi de dag </font><hr>Ga79a<br><font size=+1>


@#/ /mnyan par gyis/ /mthun zhing nan tan yod par sta gon gnas/ /bde gshegs byin gyis bdag gis bshad par bya/ /dpe ldan 'thad la yi ge mnyam pa yi| |chos sgra dam pa bdag gis brjod par bya/ /'di ni tshig gis brjod par shin tu dka'/ /de ltar tshad med bde gshegs mthu dag las/ /chu thigs gcig 'dra bdag gi lus 'di la| |de ring zhugs kyi bshad pa mnyan par gyis/ /kye| rgyal ba'i sras dag /de la sems can dge ba'i rtsa ba shin tu bsags pa/ spyad pa shin tu spyod pa/ tshogs shin tu bsags pa| |sangs rgyas byung ba shin tu bsnyen bkur ba/ chos dkar po shin tu bsdus pa/ dge ba'i bshes gnyen gyis shin tu bzung ba/ bsam pa yongs su dag pa/ lhag pa'i bsam pa shin tu rgya chen po can/ mos pa rgya chen po dang ldan pa/ snying rje dang snying brtse ba mngon du gyur pa/ sangs rgyas kyi ye shes la mngon par mos pa rnams rnam pa thams cad mkhyen pa'i ye shes la mos pa dang / stobs bcu'i stobs thob par bya ba dang / mi 'jigs pa chen po thob par bya ba dang / sangs rgyas kyi chos mnyam pa nyid thob par bya ba dang / 'gro ba thams cad yongs su bskyab par bya ba dang / snying brtse ba dang snying rje chen po yongs su dag par bya ba dang / phyogs bcu ma lus par thogs pa med pa'i ye shes </font><hr>Ga79b<br><font size=+1>


mngon du 'gyur ba bya ba dang / sangs rgyas kyi zhing ma lus pa thams cad thogs pa med par yongs su sbyang bar bya ba dang / dus gsum thams cad skad cig gcig gis khong du chud par bya ba dang / chos kyi 'khor lo chen po rab tu bskor ba la khyu mchog gi mthu dbyung ba rgya chen po thob par bya ba'i phyir/ byang chub sems dpa' rnams kyi sems snying rje chen po sngon du 'gro ba/ shes rab dang ye shes kyi dbang du gyur pa/ thabs mkhas pas yongs su bzung ba/ bsam pa dang lhag pa'i bsam pas rab tu brtan pa/ de bzhin gshegs pa'i stobs tshad med pa dang ldan pa/ sems can gyi stobs dang / blo'i stobs rnam par dbye bar bya ba/ shin tu rnam par phye ba/ chags pa med pa'i ye shes mngon du gyur pa/ rang byung gi ye shes dang mthun pa/ sangs rgyas thams cad kyi chos la shes rab dang / ye shes kyi man ngag yang dag par tshol ba/ sangs rgyas byung ba thams cad las gdams ngag yang dag par blangs pa/ chos kyi dbyings kyis klas pa/ nam mkha'i mthar thug par gnas pa/ phyi ma'i mtha'i mur thug par skye bar 'gyur te/ sems bskyed pa de bskyed ma thag tu/ byang chub sems dpa' sems dpa' chen po so so'i skye bo'i sa las rab tu 'das pa yin/ byang chub sems dpa'i skyon med pa shin tu non pa yin/ de bzhin gshegs </font><hr>Ga80a<br><font size=+1>


@#/ /pa'i rigs su skyes pa yin/ rigs brjod pa la kha na ma tho ba med pa yin/ 'jig rten gyi lam thams cad las phyir log pa yin/ 'jig rten las 'das pa'i lam shin tu non pa yin/ byang chub sems dpa'i chos nyid la gnas pa yin/ byang chub sems dpa'i rnam par dgod pa la rab tu gnas pa yin/ dus gsum mnyam pa nyid kyi rjes su song ba yin/ rdzogs pa'i byang chub la shin tu gzhol bas de bzhin gshegs pa'i rigs su nges pa yin/ kye| rgyal ba'i sras dag /chos kyi rnam pa 'di lta bu la gnas pa'i byang chub sems dpa' ni byang chub sems dpa'i sa rab tu dga' ba la mi g.yo ba'i tshul gyis rab tu gnas so/ /kye| rgyal ba'i sras dag / de la byang chub sems dpa'i sa rab tu dga' ba la gnas pa'i byang chub sems dpa' ni rab tu dga' ba mang ba yin/ yid bde ba mang ba yin/ mos pa mang ba yin/ rangs pa mang ba yin/ mgu ba mang ba yin/ spro ba mang ba yin/ 'tshe ba med pa mang ba yin/ khro ba med pa mang ba yin/ kye| rgyal ba'i sras dag /de ltar byang chub sems dpa'i sa rab tu dga' ba la gnas pa'i byang chub sems dpa' ni sangs rgyas bcom ldan 'das rnams rjes su dran zhing rab tu dga' ba yin/ sangs rgyas kyi chos rnams rjes su dran zhing rab </font><hr>Ga80b<br><font size=+1>


tu dga' ba yin/ byang chub sems dpa' sems dpa' chen po rnams rjes su dran zhing rab tu dga' ba yin/ byang chub sems dpa'i spyod pa rjes su dran zhing rab tu dga' ba yin/ pha rol tu phyin pa rnam par dag pa rjes su dran zhing rab tu dga' ba yin/ byang chub sems dpa'i sa'i khyad par rjes su dran zhing rab tu dga' ba yin/ byang chub sems dpa'i spyod yul mi 'phrogs pa rjes su dran zhing rab tu dga' ba yin/ de bzhin gshegs pa'i gdams ngag dang lung rjes su dran zhing rab tu dga' ba yin/ sems can gyi don rab tu thob par bya ba rjes su dran zhing rab tu dga' ba yin/ de bzhin gshegs pa thams cad kyi ye shes la 'jug pa'i thabs rjes su dran zhing rab tu dga' ba yin/ yang de 'di snyam du sems te| bdag ni 'gro ba thams cad kyi yul las phyir log go zhes rab tu dga' ba bskyed do/ /bdag ni sangs rgyas kyi sa dang nye bar gyur to zhes rab tu dga' ba bskyed do/ /bdag ni byis pa'i sa las ring du gyur to zhes rab tu dga' ba bskyed do/ /bdag ni ye shes kyi sa dang nye bar gyur to zhes rab tu dga' ba bskyed do/ /bdag ni ngan song dang ngan 'gro'i 'jigs pa thams cad rgyun chad do zhes rab tu dga' ba bskyed do/ /bdag ni sems can thams cad kyi gnas su gyur to zhes rab tu dga' ba bskyed do/ /bdag ni de </font><hr>Ga81a<br><font size=+1>


@#/ /bzhin gshegs pa thams cad mthong bar 'gyur ba dang nye bar gyur to zhes rab tu dga' ba bskyed do/ /bdag ni de bzhin gshegs pa thams cad kyi yul la yang dag par 'byung ngo zhes rab tu dga' ba bskyed do/ /bdag ni byang chub sems dpa' thams cad kyi mnyam pa nyid dang ldan par gyur to zhes rab tu dga' ba bskyed do/ / bdag ni 'jigs pa dang / bag tsha ba dang / dngangs pa dang / skyi g.ya' ba thams cad dang bral lo zhes rab tu dga' ba bskyed do/ /de ci'i phyir zhe na/ kye| rgyal ba'i sras dag /'di ltar byang chub sems dpas byang chub sems dpa'i sa rab tu dga' ba 'di thob ma thag tu 'jigs pa'i rnam pa 'di dag 'di lta ste/ 'tsho ba med pas 'jigs pa'am/ mi bsngags pas 'jigs pa'am/ 'chi bas 'jigs pa'am/ ngan song gis 'jigs pa'am/ 'khor du bag tsha bas 'jigs pa de dag thams cad de la med pa yin/ de ci'i phyir zhe na/ 'di ltar de ni bdag gi 'du shes dang bral bas/ de la bdag phangs par sems pa'ang med na/ yo byad thams cad la phangs par sems ba lta ga la yod de/ de'i phyir de la 'tsho ba med pas 'jigs pa med do/ /de ni su las kyang rim gror bya ba cung zad tsam yang re ba med la/ gzhan du na bdag nyid kyis </font><hr>Ga81b<br><font size=+1>


sems can de dag la yo byad mang po thams cad kyis bstud par bya'o snyam du sems pas de'i phyir de la mi bsngags pa'i 'jigs pa med do/ /de bdag tu lta ba dang bral bas de la bdag gi 'du shes med de/ de'i phyir de la 'chi ba'i 'jigs pa med do/ /bdag shi nas kyang gdon mi za bar sangs rgyas dang byang chub sems dpa' dag dang mi 'bral bar 'gyur ro zhes de'i phyir de la ngan song gis 'jigs pa med do/ /de 'di snyam du sems te/ bdag gi bsam pa dang 'jig rten na mtshungs pa'ang su yang med na/ lhag pa lta ga la yod ces de'i phyir de la 'khor du bag tsha ba med do/ /kye| rgyal ba'i sras dag /de ltar 'jigs pa dang / dngangs pa dang / bag tsha ba dang / skyi g.ya' ba med pa'i byang chub sems dpa' ni snying rje chen po sngon du 'gro bas lhag pa'i bsam pa ma nyams shing mi dma' bas de bas kyang dge ba'i rtsa ba thams cad yang dag par bsdu ba'i phyir rab tu brtson par byed do/ /kye| rgyal ba'i sras dag /de dad pa la dbang sgyur ba dang / mos pa mang ba dang / yid ches pa shin tu rnam par dag pa dang / rtog pa mang ba dang / snying brtse ba dang / snying rjes mngon par sgrub pa dang / byams pa chen po dang ldan pa dang / yid skyo ba med pa dang / ngo tsha shes pa dang / khrel yod pa'i rgyan dang / bzod cing nges pa </font><hr>Ga82a<br><font size=+1>


@#/ /dang ldan pa dang / de bzhin gshegs pa dgra bcom pa yang dag par rdzogs pa'i sangs rgyas rnams kyi bstan pa la rim gro dang / bkur sti dang / ri mo yod pa dang / nyin mtshan du mi ngoms par dge ba'i rtsa ba gsog pa dang / dge ba'i bshes gnyen la bsten pa dang / chos kyi dga' bas dga' bar gnas pa dang / mi ngoms par mang du thos pa tshol ba dang / ji skad du thos pa'i chos la tshul bzhin du rtog pa dang / gnas med pa'i yid dang / 'thob pa dang / bkur sti dang / bsngags pa la chags pa med pa dang / yo byad thams cad la phangs par sems shing chags pa med pa dang / sems bskyed pa rin po che lta bus ngoms pa med par mngon par bsgrub pa dang / thams cad mkhyen pa nyid kyi sa la mngon par mos pa dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa la dmigs pa dang / pha rol tu phyin pa'i tshogs yongs su tshol ba dang / sgyu dang g.yo yongs su spangs pa dang / ji skad du smras pa de ltar byed pa dang / rtag tu rgyun mi 'chad par bden pa'i tshig gi rjes su srung ba dang / de bzhin gshegs pa'i rigs la skyon du 'gyur bar mi byed pa dang / byang chub sems dpa'i bslab pa mi gtong </font><hr>Ga82b<br><font size=+1>


pa dang / ri'i dbang po'i rgyal po che po ltar thams cad mkhyen pa nyid kyi sems mi sgul ba dang / 'jig rten gyi bya ba thams cad la mngon par dga' ba med pa dang / 'jig rten las 'das pa'i dge ba'i rtsa ba'i lam dang ldan pa dang / mi ngoms par byang chub kyi yan lag gi tshogs rab tu bsags pa dang / rtag tu rgyun mi chad par gong nas gong du khyad par du 'bogs pa'i lam tshol ba dang / sa yongs su sbyong ba'i chos kyi rnam pa 'di lta bu dag dang ldan pa'i byang chub sems dpa' sems dpa' chen po ni/ byang chub sems dpa'i sa rab tu dga' ba la gnas pa yin te/ de byang chub sems dpa'i sa rab tu dga' ba de la shin tu gnas shing / rnam pa 'di lta bu'i smon lam chen po dang / brtson pa chen po dang / mngon par bsgrub pa chen po 'di dag mngon par sgrub ste/ 'di ltar sangs rgyas thams cad ma lus pa lhag ma med pa mtha' dag la mchod cing rim gro bya ba'i phyir/ rnam pa'i mchog thams cad dang ldan pa/ mos pa rgya chen pos rnam par dag pa/ chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa bskal pa 'grangs pa thams cad du sangs rgyas skye ba 'grangs pa la rim gro dang / mchod pa chen po bya ba rgyun mi 'chad pa'i smon lam chen po mngon par sgrub bo/ /'di lta ste/ de bzhin gshegs </font><hr>Ga83a<br><font size=+1>


@#/ /pa thams cad kyis gsungs pa'i chos kyi tshul yang dag par gzung ba dang / sangs rgyas thams cad kyi byang chub yang dag par blang ba dang / yang dag par rdzogs pa'i sangs rgyas thams cad kyi bstan pa yang dag par bsrung ba'i phyir/ chos kyi dbyings kyis klas par rgya che ba nam mkha'i dbyings kyi mthar thug pa/ phyi ma'i mtha'i mur thug pa/ bskal pa 'grangs pa thams cad kyi sangs rgyas 'byung ba 'grangs pa'i dam pa'i chos yongs su gzung ba rgyun mi 'chad pa'i smon lam chen po mngon par sgrub bo/ /'di lta ste/ 'jig rten gyi khams 'byams klas pa thams cad ma lus pa'i sangs rgyas skye ba thams cad kyi dga' ldan gyi pho brang dam pa na bzhugs pa la sogs te/ 'pho ba dang / gshegs pa dang / dku na bzhugs pa dang / skye ba dang / gzhon nu'i rol pa dang / btsun mo'i 'khor gyi nang na bzhugs pa dang / mngon par 'byung ba dang / dka' ba spyad pa dang / snying po byang chub tu gshegs pa dang / bdud gdul ba dang / mngon par 'tshang rgya ba dang / gsol ba gdab pa dang / chos kyi 'khor lo chen po bskor ba dang / mya ngan las 'das pa chen po ston pa'i drung du 'gro zhing mchod pa dang / rim gro bya ba dang / dam pa'i chos yang dag par gzung ba'i sbyor ba la sogs pa thams cad dus gcig tu </font><hr>Ga83b<br><font size=+1>


mngon par bsgrub pa'i phyir/ chos kyi dbyings kyi klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa bskal pa 'grangs pa thams cad du sangs rgyas 'byung ba 'grangs pa'i drung du 'gro ba nas/ mya ngan las 'das pa chen po'i bar gyi drung du 'gro ba rgyun mi 'chad pa'i smon lam chen po mngon par sgrub bo/ /'di lta ste/ byang chub sems dpa'i spyod pa rgya chen po shin tu yangs pa/ tshad med pa/ mi 'phrogs pa/ tha mi dad pa/ pha rol tu phyin pa thams cad kyis yang dag par bsdus pa/ sa yongs su sbyang ba'i yan lag dang / nye ba'i yan lag tu bcas pa mngon par bsgrub pa dang / mtshan nyid dang / bye brag gi mtshan nyid du bcas pa dang / 'grub pa dang / 'jig pa dang / byang chub sems dpa'i spyod par gtogs pa thams cad dang / sa ji lta ba bzhin dang / ji lta bur bstan pa dang / pha rol tu phyin pa yongs su sbyang ba la gdams ngag dang / man ngag sbyin pas nye bar brtan pa'i sems bskyed pa mngon par bsgrub pa'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa bskal pa 'grangs pa thams cad du spyod pa 'grangs pa sems bskyed pas mngon par bsgrub pa/ rgyun mi 'chad pa'i smon lam chen po mngon par sgrub bo/ /'di lta ste/ sems </font><hr>Ga84a<br><font size=+1>


@#/ /can gyi khams thams cad ma lus pa/ lhag ma med pa mtha' dag gzugs yod pa dang / gzugs med pa dang / 'du shes yod pa dang / 'du shes med pa dang / 'du shes yod pa'ang ma yin pa dang / 'du shes med pa'ang ma yin pa dang / sgo nga las skyes pa dang / mngal nas skyes pa dang / drod gsher las skyes pa dang / rdzus te byung ba khams gsum du gtogs pa/ 'gro ba drug tu 'dus pa/ skye ba thams cad du gtogs pa'i sems can gyi khams thams cad yongs su smin par bya ba dang / sangs rgyas kyi chos la gzud pa dang / lam gyi rgyud 'grangs pa thams cad rgyun gcad pa dang / thams cad mkhyen pa'i ye shes la dgod pa'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa 'grangs pa thams cad dang / sems can 'grangs pa thams cad du sems can gyi khams yongs su smin par bya ba la rgyun mi 'chang pa'i smon lam chen po mngon par sgrub bo/ /'di lta ste/ 'jig rten gyi khams yangs pa dang / dogs pa dang / rgya chen po dang / tshad med pa dang / phra ba dang / che ba dang / snrel zhi dang / spyi'u tshugs su rgyu ba thams cad ma lus pa lhag ma med pa/ mtha' dag gzhi mnyam </font><hr>Ga84b<br><font size=+1>


par yang dag par 'jug pa khong du chud par bya ba dang / mig 'phrul gyi rnam pa ltar phyogs bcu'i rnam pa tha dad pa ma lus pa'i rnam pa la 'jug pa/ rnam par phye ba'i ye shes khong du chud cing / mngon du 'gyur bar bya ba'i phyir chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa 'grangs pa thams cad du 'jig rten gyi khams 'grangs par 'jig rten gyi khams thams cad la 'jug cing / yongs su dag par bya ba'i phyir/ smon lam chen po mngon par sgrub bo/ /'di lta ste/ zhing thams cad zhing gcig tu yang dag par gzhol bar bya ba dang / zhing gcig zhing thams cad du yang dag par gzhol bar bya ba dang / yongs su sbyang ba dang / sangs rgyas kyi zhing tshad med pa 'od mang po'i rgyan gyis rab tu brgyan par bya ba dang / kun nas nyon mongs pa thams cad bsal bas yongs su dag pa'i lam dang ldan pa dang / sems can ye shes kyi 'byung gnas tshad med pas yongs su gang ba'i sangs rgyas kyi yul rgya chen po la yang dag par gzhol zhing khong du chud par bya ba dang / bsam pa'i tshul bzhin du sems can rnams la yang dag par bstan cing shin tu tshim par bya ba'i phyir/ chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ </font><hr>Ga85a<br><font size=+1>


@#/ /bskal pa 'grangs pa thams cad du zhing 'grangs par sangs rgyas kyi zhing yongs su dag par bya ba la rgyun mi 'chad pa'i smon lam chen po mngon par sgrub bo/ /'di lta ste/ byang chub sems dpa' thams cad dang bsam pa gcig pa'i sbyor ba dang / ltod pa med pa'i dge ba'i rtsa ba thams cad bsags pa dang / byang chub sems dpa' thams cad dang dmigs pa gcig cing mnyam pa dang / byang chub sems dpa' dang rtag tu rgyun mi 'chad par 'grogs shing mi 'bral ba dang / sangs rgyas 'byung ba ci dgar bstan pa dang / rang gi sems bskyed pas de bzhin gshegs pa thams cad kyi yul dang / mthu dang / ye shes khong du chud par bya ba dang / ma nyams shing rjes su 'brang ba'i mngon par shes pa rab tu thob par bya ba dang / 'jig rten gyi khams thams cad du rnam par rgyu bar bya ba dang / sangs rgyas thams cad kyi 'khor gyi dkyil 'khor du gzugs brnyan 'byung ba yang dag par bstan pa dang / skye ba'i skye gnas thams cad du rang gi lus rjes su 'gro bar bya ba dang / theg pa chen po bsam gyis mi khyab pa dang ldan pa'i byang chub sems dpa'i spyod pa thams cad spyad pa rgyun mi 'chad pa'i phyir chos kyi dbyings kyis klas par rgya che ba/ nam mkha'i dbyings kyi mthar thug </font><hr>Ga85b<br><font size=+1>


pa| phyi ma'i mtha'i mur thug pa/ bskal pa 'grangs pa thams cad du spyod pa 'grangs par theg pa chen po mngon par bsgrub pa la rgyun mi 'chad pa'i smon lam chen po mngon par sgrub bo/ /'di lta ste/ phyir mi ldog pa'i 'khor lo la yang dag par gnas shing / byang chub sems dpa'i spyod pa spyad pa dang / lus dang ngag dang yid kyi las don yod par bya ba dang / mthong ma thag tu sangs rgyas kyi chos gdon mi za bar thob par bya ba dang / dbyangs brjod ma thag tu ye shes khong du chud par bya ba dang / dad par gyur ma thag tu nyon mongs pa phyir mi ldog par bya ba dang / bsam pa sman gyi rgyal po chen po lta bur rab tu thob par bya ba dang / lus yid bzhin gyi nor bu lta bu thob par bya ba dang / byang chub sems dpa' spyod pa thams cad spyad pa'i phyir chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal pa 'grangs pa thams cad du phyir mi ldog pa'i 'khor lo 'grangs par spyod pa thams cad 'bras bu yod pa rgyun mi 'chad pa'i smon lam chen po mngon par sgrub bo/ /'di lta ste/ 'jig rten gyi khams thams cad du bla na med pa yang dag par rdzogs pa'i byang chub tu mngon par 'tshang rgya ba dang / skra'i sbubs gcig dang tha mi dad pa'i skra'i sbubs thams cad du tshe dang / skye ba dang / </font><hr>Ga86a<br><font size=+1>


@#/ /gzhon nu rol pa dang / btsun mo'i 'khor gyi nang na bzhugs pa dang / mngon par 'byung ba dang / rnam par 'phrul pa dang / snying po byang chub tu gshegs pa dang / bdud 'dul ba dang / mngon par 'tshang rgya ba dang / gsol ba gdab pa dang / chos kyi 'khor lo chen po bskor ba dang / yongs su mya ngan las 'da' ba chen po bstan pa dang / sangs rgyas kyi yul dang mthu dang ye shes chen po khong du chud par bya ba dang / sems can gyi khams thams cad kyi bsam pa ji lta ba bzhin du sangs rgyas 'byung ba dang / skad cig gcig tu mngon par 'tshang rgya ba dang / rab tu zhi ba thob par bya ba yang dag par bstan pa dang / mngon par 'tshang rgya ba gcig gis chos kyi dbyings thams cad 'phrul bas rgyas par dgang ba dang / dbyangs gcig brjod pas sems can gyi khams thams cad kyi sems dang / bsam pa shin tu tshim par bya ba dang / mya ngan las 'das pa chen po yongs su bstan pa dang / spyod pa rnams rgyun mi 'chad par bya ba dang / theg pa chen po'i sa la chos thams cad rnam par dgod pa yang dag par bstan pa dang / chos shes pa'i rdzu 'phrul gyi sgyu dang / mngon par shes pa dang / dbang gis chos kyi dbyings thams cad sprul bas rnam par dgang ba'i </font><hr>Ga86b<br><font size=+1>


phyir/ chos kyi dbyings kyis klas par rgya che ba/ nam mkha'i dbyings kyi mthar thug pa/ phyi ma'i mtha'i mur thug pa/ bskal ba 'grangs pa thams cad du mngon par 'tshang rgya ba 'grangs par ye shes chen po'i mngon par shes pa rgyun mi 'chad pa'i smon lam chen po mngon par sgrub bo/ /kye| rgyal ba'i sras dag /de ltar rnam pa 'di lta bu'i smon lam chen po dang / brtson 'grus chen po dang / mngon par bsgrub pa chen po'i smon lam gyi sgo bcu po 'di dag la sogs pa/ smon lam brgya stong grangs med pa phrag bcu tshang ba dag /byang chub sems dpa'i sa rab tu dga' ba la gnas pa'i byang chub sems dpas thob bo/ /mngon par sgrub bo/ /smon lam de dag kyang mthar thug pa'i gnas bcus mngon par sgrub ste/ bcu gang zhe na/ 'di lta ste/ sems can gyi khams kyi mthar thug pa dang / 'jig rten gyi khams kyi mthar thug pa dang / nam mkha'i khams kyi mthar thug pa dang / chos kyi khams kyi mthar thug pa dang / mya ngan las 'das pa'i khams kyi mthar thug pa dang / sangs rgyas 'byung ba'i khams kyi mthar thug pa dang / de bzhin gshegs pa'i ye shes kyi khams kyi mthar thug pa dang / sems kyi dmigs pa'i khams kyi mthar thug pa dang / ye shes mngon par bsgrub pa'i khams kyi mthar thug pa dang / 'jig rten gyi rgyud dang / chos kyi rgyud dang / ye shes kyi rgyud </font><hr>Ga87a<br><font size=+1>


@#/ /kyi khams kyi mthar thug pa dag go/ //bam po bzhi bcu drug pa/ de ltar smon lam chen po 'di dag sems can gyi khams kyi mtha' gang du thug pa de'i mthar thug par gyur cig /smon lam chen po 'di dag 'jig rten gyi khams kyi mtha' gang du thug pa dang / nam mkha'i khams dang / chos kyi khams dang / mya ngan las 'das pa'i khams dang / sangs rgyas 'byung ba'i khams dang / de bzhin gshegs pa'i ye shes kyi khams dang / sems can gyi dmigs pa'i khams dang / ye shes mngon par bsgrub pa'i khams dang / 'jig rten gyi rgyud dang / chos kyi rgyud dang / ye shes kyi rgyud kyi khams kyi mtha' gang du thug pa de'i mthar thug par gyur cig /'di ltar sems can gyi khams mthar thug pa med pa dang / 'jig rten gyi khams dang / nam mkha'i khams dang / chos kyi khams dang / mya ngan las 'das pa'i khams dang / sangs rgyas 'byung ba'i khams dang / de bzhin gshegs pa'i ye shes kyi khams dang / sems kyi dmigs pa'i khams dang / ye shes mngon par bsgrub pa'i khams dang / 'jig rten gyi rgyud dang / chos kyi rgyud dang / ye shes kyi rgyud kyi khams mthar thug pa med pa de bzhin du smon lam chen po 'di dag kyang mthar thug pa med par gyur te/ bdag gi dge ba'i rtsa ba </font><hr>Ga87b<br><font size=+1>


'di dag kyang mthar thug pa med par gyur cig /ces de ltar smon lam shin tu bsgrubs shing / phan pa'i sems dang ldan pa/ 'jam pa'i sems dang ldan pa/ las su rung ba'i sems dang ldan pa/ zhi ba'i sems dang ldan pa/ dul ba'i sems dang ldan pa/ nye bar zhi ba'i sems dang ldan pa/ gnyen pa'i sems dang ldan pa/ byams pa'i sems dang ldan pa| 'khrugs pa med pa'i sems dang ldan pa/ glong ba med pa'i sems dang ldan pa de ni legs par rtog pa mang zhing dad pa dang ldan pa yin te/ de ni de bzhin gshegs pa dgra bcom pa yang dag par rdzogs pa'i sangs rgyas rnams kyi sngon gyi mtha'i spyod pa mngon par bsgrubs pa'i rgyud la yid ches pa yin/ pha rol tu phyin pa yang dag par bsdu ba la yid ches pa yin/ sa yang dag par bsgrub pa dang / khyad par du 'gyur ba la mngon par yid ches pa yin/ stobs yongs su 'grub pa la mngon par yid ches pa yin/ mi 'jigs pa yongs su rdzogs par 'gyur ba la mngon par yid ches pa yin/ sangs rgyas kyi chos ma 'dres pa mi 'phrogs pa la mngon par yid ches pa yin/ sangs rgyas kyi chos bsam gyis mi khyab pa la mngon par yid ches pa yin/ sangs rgyas kyi yul mtha' dang dbus med pa mngon par bsgrub pa la mngon par yid ches pa yin/ de </font><hr>Ga88a<br><font size=+1>


@#/ /bzhin gshegs pa'i spyod yul tshad med pa'i rjes su song ba'i rjes su 'jug pa la mngon par yid ches pa yin/ 'bras bu yongs su grub pa la mngon par yid ches pa yin/ mdor bsdu na byang chub sems dpa'i spyod pa thams cad dang / de bzhin gshegs pa sa dang / ye shes kyi bar du shin tu bstan pa'i byin gyi rlabs la mngon par yid ches pa yin no/ /yang de 'di snyam du sems te/ sangs rgyas kyi chos 'di dag de ltar rgya che zhing de ltar zab la de ltar dben zhing de ltar zhi ba ste/ de ltar stong la de ltar mtshan ma med cing / de ltar smon pa med la/ de ltar chags pa med de/ de ltar gos pa med cing / de ltar tshad med la/ sangs rgyas kyi chos de dag de ltar rlabs che na 'on kyang byis pa so so'i skye bo 'di dag lta ba ngan par lhung ba'i rgyud dang / ma rig pa'i mun nag dang / rab rib kyi thibs pos kun nas khebs pa'i yid dang / nga rgyal gyi rgyal mtshan shin tu bsgreng ba'i yongs su rtog pa dang / sred pa'i dra bas mngon par ye rngam pa'i yid la bya ba dang / sgyu dang g.yo'i thibs po la rjes su spyod pa'i sems dang / bsam pa dang / phrag dog dang / 'jungs pa can gyi kun nas 'khor bas lam gyi rgyud du skye ba'i kun tu 'brel ba dang / </font><hr>Ga88b<br><font size=+1>


'dod chags dang / zhe sdang dang / gti mug la spyod pa'i las shin tu bsags pa dang / khro ba dang / khon du 'dzin pas 'bar ba byas pa'i sems kyi me lce dang / phyin ci log dang bcas pa'i las mngon par bsgrub pa dang / 'dod pa dang / srid pa'i ma rig pa dang / lta ba dang / kun tu zag pa'i bag chags mtshams 'brel ba'i sems dang / yid dang rnam par shes pa'i sa bon gyis 'di lta ste/ khams gsum du ming dang gzugs lhan cig tu skyes shing tha mi dad par byung ba'i yang skye ba'i sdug bsngal gyi myu gu mngon par bskyed do/ /ming dang gzugs de rnam par 'phel nas/ skye mched drug gi tshogs 'byung bar 'gyur ro/ /skye mched rnams byung bas phan tshun reg pa dang / phrad cing 'dus pas tshor ba mngon par 'byung ngo / /tshor ba myong ba de nyid la yang dang yang mngon par dga' bas sred pa dang / nye bar len pa rnam par 'phel lo/ /nye bar len pa rnam par 'phel bas srid pa kun tu 'byung ngo / /srid pa kun tu byung bas skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kyang 'byung bar 'gyur te/ de ltar sems can de dag gi sdug bsngal gyi phung po bdag dang bdag gi med pa/ gsob/ gsog/ stong pa/ byed pa med pa/ sems med pa/ rtswa </font><hr>Ga89a<br><font size=+1>


@#/ /dang / shing dang / rtsig pa dang / sgang sgong dang / mig g.yor lta bu mngon par 'byung yang de ltar khong du mi chud do/ /ces de la byang chub sems dpas sems can de dag de ltar sdug bsngal gyi phung po dang 'bral mi myong ba mthong nas/ de'i phyir de'i snying rje chen po rgyas pa 'byung ste/ sems can 'di dag ni bdag gis yongs su bskyab par bya ba dag go /yongs su dgrol bar bya ba dag go /shin tu bde ba la dgod par bya ba dag go snyam ste/ de'i phyir de'i byams pa chen po rgyas pa 'byung ngo / /kye/ rgyal ba'i sras dag /de ltar byang chub sems dpa' snying rje dang / byams pa de lta bu'i rnam pa dang ldan pa'i lhag pa'i bsam pas byang chub sems dpa'i sa dang po la gnas pa'i tshe/ dngos po thams cad la phangs par sems pa'i sems yongs su spangs nas/ sangs rgyas kyi ye shes la mos pa dang / dad pa rlabs po che'i blos sbyin pa chen po la rab tu brtson par byed de/ de 'di ltar 'di lta ste/ nor dang 'bru'i mdzod dang / bang ba yongs su gtang bar bya ba dag gam/ gser dang / nor bu dang / mu tig dang / bai DUR+Ya dang / rin po che shI la dang / byi ru dang / dngul dang / sa le sbram yongs su gtang bar bya ba dang / rin po che'i rgyan dang lhab lhub yongs su </font><hr>Ga89b<br><font size=+1>


gtang ba'am/ rta dang / glang po dang / shing rta dang / rkang thang dang / bzhon pa yongs su gtang ba'am/ bran pho dang bran mo yongs su gtang ba'am/ grong dang grong khyer dang / ljongs dang / pho brang 'khor dang / rgyal po'i gnas yongs su gtang ba'am/ bza' shing gi ra ba dang / dka' thub kyi nags tshal dang / gtsug lag khang yongs su gtang ba'am/ chung ma dang / bu dang bu mo yongs su gtang ba'am/ sdug cing yid du 'ong ba'i dngos po thams cad yongs su gtang ba'am/ mgo dang / rna ba dang / rkang lag dang / mig dang / yan lag gi dam pa dang / lus thams cad yongs su gtang ba'am/ gtang bar bya ba'i dngos po de dag thams cad la chags pa med par byas nas/ sangs rgyas kyi ye shes la dad pa dang / mos pa'i blos yongs su gtong ste/ de ltar de byang chub sems dpa'i sa dang po 'di la gnas pa'i tshe/ gtod pa chen po rab tu byed do/ /de de ltar byams pa dang / snying rje dang / gtong ba'i bsam pa dang ldan pas sems can thams cad yongs su bskyab pa'i phyir yang dang yang 'jig rten pa dang / 'jig rten las 'das pa'i don yongs su tshol zhing don du gnyer to/ /de de ltar yongs su tshol zhing don du gnyer ba'i tshe yongs su skyo ba'i sems mi skye ste/ de'i phyir de'i yongs su mi skyo ba'i sems mngon par 'byung ngo / / </font><hr>Ga90a<br><font size=+1>


@#/ /yongs su skyo ba med pas gtsug lag thams cad la 'jigs pa med pa yin/ de'i phyir gtsug lag thams cad la rab tu shes pa yin te/ de de lta bu'i gtsug lag dang ldan pas bya ba dang / mi bya ba shin tu rtogs pa'i blos sems can rab dang / 'bring dang / tha ma la dad pa'i tshul ji lta ba dang / ci 'os pas ci nus su snying thag pa nas yang dag pa nyid thob par bya ba'i phyir brtson par byed do/ /nan tan du byed do/ /de'i phyir de 'jig rten shes pa yin te/ 'jig rten shes pas dus dang tshod du ran par spyod cing ngo tsha shes pa dang / khrel yod pas bsam pa shin tu brgyan pas/ bdag dang gzhan gyi don du rab tu brtson par byed de/ de'i phyir ngo tsha shes shing khrel yod pa yin/ sbyor ba de dag la'ang 'byung bar spyod pa yin/ phyir mi ldog cing phyir mi ldog pa'i brtson 'grus dang / stobs kyis shugs kyang rab tu thob pa yin te/ de ltar de dga' ba'i stobs dang shugs yongs su skyes pa yin/ dga' ba'i stobs dang shugs rab tu thob pas/ de bzhin gshegs pa mchod cing rim gror bya ba la rab tu brtson zhing bstan pa la'ang nan tan shin tu byed do/ /de ltar de'i sa yongs su sbyong ba'i chos 'di lta ste/ dad pa dang / snying rje dang / byams pa dang / gtong ba dang / skyo ba med pa dang / gtsug lag shes pa </font><hr>Ga90b<br><font size=+1>


dang / 'jig rten shes pa dang / khrel yod cing ngo tsha shes pa dang / dga' ba'i stobs kyi shugs dang / de bzhin gshegs pa mchod cing rim gro bya ba'i nan tan yongs su skyes pa yin no/ /de de ltar byang chub sems dpa'i sa rab tu dga' ba 'di la gnas pa'i tshe/ lta ba rgya chen po dang / smon lam gyi stobs kyis sangs rgyas mang po rab tu snang bar 'gyur te/ lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po rab tu snang bar 'gyur ro/ /des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ bsams pa rgya chen pos rim gro byed do/ /bkur sti byed do/ /bsti stang byed do/ /mchod pa byed do/ /na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'bul zhing / byang chub sems dpa'i bde ba'i yo byad thams cad kyang yongs su 'bul lo/ dge </font><hr>Ga91a<br><font size=+1>


@#/ /'dun gyi tshogs rnams la yang yang dag par mchod par byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de ltar des sangs rgyas bcom ldan 'das de dag mchod pas sems can yongs su smin par bya ba mngon par 'grub pa yin/ de bsdu ba'i dngos po sbyin pa dang / ngag snyan pa gnyis kyi shas che bas sems can rnams yongs su smin par byed do/ /de'i mos pa'i shugs dang / stobs kyis bsdu ba'i dngos po gong ma gnyis kyang yongs su 'grub par 'gyur te/ ma lus par khong du chud par ni ma yin no/ /de'i pha rol tu phyin pa bcu las sbyin pa'i pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub pa ma yin no/ /de ji lta ji ltar sangs rgyas bcom ldan 'das rnams la mchod pa byed cing / sems can yongs su smin par bya ba la brtson pa dang / sa yongs su sbyong ba'i chos 'di dag yang dag par blangs te gnas pa de lta de ltar de'i dge ba'i rtsa ba thams cad mkhyen pa nyid du yongs su bsdos pa/ de dag de bas kyang shas cher shin tu byang ba dang / yongs su dag pa dang / las su rung bar 'gyur ro/ /kye| rgyal ba'i sras dag /'di lta ste/ dper na/ mgar ba mkhas pas </font><hr>Ga91b<br><font size=+1>


gser gyi sa le sbram ji lta ji ltar mer bsregs pa de lta de ltar shin tu byang zhing yongs su dag pa dang / ci dgar las su rung bar 'gyur ro/ /kye/ rgyal ba'i sras dag /de bzhin du byang chub sems dpa' rnams ji lta ji ltar sangs rgyas bcom ldan 'das rnams la mchod pa byed cing / sems can yongs su smin par bya ba la brtson par byed pa dang / sa yongs su sbyong ba'i chos kyi rnam pa 'di lta bu dag yang dag par blangs te gnas pa de lta de ltar de'i dge ba'i rtsa ba thams cad mkhyen pa nyid du yongs su bsngos pa de dag shin tu byang ba dang / yongs su dag pa dang / ci dgar las su rung bar 'gyur ro/ /kye| rgyal ba'i sras dag /gzhan yang sa dang po la gnas pa'i byang chub sems dpa' sems dpa' chen pos/ byang chub sems dpa'i sa dang po nyid kyi rnam pa dang / 'thob par bya ba dang / rgyu mthun pa'i 'bras bu sangs rgyas dang / byang chub sems dpa' dang / dge ba'i bshes gnyen las yongs su btsal zhing yongs su dri bar bya'o/ /sa'i yan lag yongs su bsgrub pa'i phyir yang ngoms mi shes par byas te/ des byang chub sems dpa'i sa dang po 'di la gnas pa'i tshe/ byang chub sems dpa'i sa gnyis pa dang / gsum pa dang / bzhi pa dang / lnga pa dang / drug pa dang / bdun pa dang / </font><hr>Ga92a<br><font size=+1>


@#/ /brgyad pa dang / dgu pa dang / bcu pa'i rnam pa dang / 'thob bar bya ba dang / rgyu mthun pa'i 'bras bu sangs rgyas dang / byang chub sems dpa' dang / dge ba'i bshes gnyen las yongs su btsal zhing yongs su dri bar bya'o/ /sa'i yan lag yongs su bsgrub pa'i phyir yang ngoms mi shes par bya'o/ /des sa'i phyogs dang mi mthun pa'i phyogs la mkhas par bya'o/ /sa 'grub pa dang / 'jig pa la mkhas par bya'o/ /sa'i rnam pa dang / rgyu mthun pa'i 'bras bu la mkhas par bya'o/ / sa 'thob par bya ba dang / rnam par bsgom pa la mkhas par bya'o/ /sa'i rnam pa yongs su sbyang ba la mkhas par bya'o/ /sa nas sar 'phar ba la mkhas par bya'o/ /sa dang sa la rnam par gnas pa la mkhas par bya'o/ /sa nas sa'i gnas gzhan du 'pho bar bya ba la mkhas par bya'o/ /sa nas sar yongs su sbyang ba'i khyad par gyi ye shes la mkhas par bya'o/ /sa nas sa thob nas phyir mi ldog pa'i ye shes la mkhas par bya'o/ /byang chub sems dpa'i sa yongs su sbyang bas/ de bzhin gshegs pa'i sa gnan pa la mkhas par bya'o/ /kye| rgyal ba'i sras dag /de ltar byang chub sems dpa' sems dpa' chen po sa'i rnam pa mngon par bsgrub pa la mkhas pa </font><hr>Ga92b<br><font size=+1>


ni sa dang po las gyen du ma bskyod par sa bcu'i bar du gnan cing 'thab par bya ba thogs pa med de/ thogs pa med par 'gro ba dang / sa'i ye shes snang bas sangs rgyas kyi ye shes snang ba'ang rab tu thob bo/ /kye/ rgyal ba'i sras dag /'di lta ste/ dper na/ ded dpon chen po mkhas pas lam grogs yongs su gdon pa'i bsam pa dang ldan pa/ grong rdal chen po'i sar phyin par bya bar 'dod pa ni thog ma nas lam dang lam gyi yon tan dang / lam las gol ba'i nyes pa dang / lam gyi bar lam gyi khyad par dang / lam gyi bar lam 'khrul na nyes par 'gyur ba dang / lam du bya mi bya dang / brgyags bshams pa yongs su tshol zhing kun tu 'dri'o/ /thog ma'i lam gyi bar lam nas ma 'phags pa nas grong rdal du phyin gyi bar du shin tu mkhas pa yin te/ lam gyi bar lam de nas ma 'phags par de nyid nas shes pas shin tu brtags pa'i blo dang / brgyags kyi tshogs chen po phun sum tshogs pas lam grogs mang po rnams nyam nyes med par grong rdal chen po der phyin par byed de/ mya ngan dang dgon pa'i nyes pas bdag dang lam grogs rnams la gnod par mi 'gyur bar byed do/ /kye| rgyal ba'i sras ngag /de bzhin du byang chub sems dpa' sems dpa' chen po ded dpon </font><hr>Ga93a<br><font size=+1>


@#/ /mkhas pa yang gang gi tshe/ byang chub sems dpa'i sa dang po la gnas shing / sa'i phyogs dang / mi mthun pa'i phyogs la mkhas pa dang / sa 'grub pa dang / 'jig pa la mkhas pa dang / sa'i rnam pa dang / rgyu mthun pa'i 'bras bu la mkhas pa dang / sa 'thob par bya ba dang / rnam par bsgom pa la mkhas pa dang / sa'i yan lag yongs su sbyang ba la mkhas pa dang / sa nas sar 'phar ba la mkhas pa dang / sa nas sar rnam par gnas pa la mkhas pa dang / sa nas sar khyad par du 'gyur ba'i ye shes la mkhas pa dang / sa nas sa thob pa las phyir mi ldog pa la mkhas pa dang / byang chub sems dpa'i sa thams cad yongs su sbyang bas de bzhin gshegs pa'i sa gnon pa la mkhas par gyur pa de'i tshe bsod nams kyi tshogs chen po'i brgyags yongs su bzung ba dang / ye shes kyi tshogs chen po la rnam par dbye ba shin tu byas pa dang / sems can gyi lam grogs mang po yongs su gdon pa'i bsam pa dang ldan pas thams cad mkhyen pa'i grong rdal chen por phyin par bya bar 'dod cing thog ma nas sa'i lam dang / sa'i lam gyi yon tan dang / sa'i lam gol ba'i nyes pa dang / sa'i lam gyi bar lam gyi khyad par </font><hr>Ga93b<br><font size=+1>


dang / sa'i lam gyi bar lam 'khrul na nyes par 'gyur ba dang / bsod nams kyi tshogs chen po'i brgyags bshams shing gsog pa dag kyang / sangs rgyas dang / byang chub sems dpa' dag dang / dge ba'i bshes gnyen dag las yongs su tshol zhing yongs su 'dri ste/ de lam gyi bar lam dang po nas gyen du 'phags par thams cad mkhyen pa'i grong rdal chen por phyin par bya ba'i bar du mkhas pa yin/ de de ltar ye shes kyis rnam par rtogs pa'i blo dang / bsod nams dang / ye shes kyi tshogs chen po'i brgyags phun sum tshogs pas sems can gyi lam grogs kyi tshogs chen po yongs su smin pa'i tshul bzhin du 'khor ba'i mya ngan dang / dgon pa ba rgal dka' ba las bsgral te/ thams cad mkhyen pa'i ye shes kyi grong rdal chen po'i bar du phyin par byed cing / 'khor ba'i mya ngam dang / dgon pa'i nyes pas sems can lam grogs sam/ bdag la gnod par yang mi 'gyur bar byed do/ /kye| rgyal ba'i sras dag /de bas na byang chub sems dpa' sems dpa' chen pos yongs su skyo ba med pa'i yid kyis sa yongs su sbyang ba'i khyad par la brtson par bya'o/ /de bzhin gshegs pa thams cad kyi ye shes kyi sa gnon pa'i bar du yang mkhas par bya'o/ /kye/ rgyal ba'i sras dag /'di ni byang chub sems </font><hr>Ga94a<br><font size=+1>


@#/ /dpa' sems dpa' chen po rnams kyi byang chub sems dpa'i sa dang po rab tu dga' ba'i sgor 'jug pa mdor bsdus te bstan pa'o/ /rgya cher ni shin tu bstan pa brgya stong grangs med pa la rnam pa'i mur thug pa med pa ste/ bskal pa grangs med pa'i mthar thug par shin tu bstan pa'i tshul gyi khong du chud par bya'o// de la gnas pa'i byang chub sems dpa' sems dpa' chen po ni phal cher 'dzam bu'i gling gi rgyal por 'gyur te/ srid chen po la dbang sgyur ba rab tu thob cing chos kyis yongs su bskyang ba dang / sems can rnams sbyin pa chen pos yongs su bsdu ba la mkhas shing mthu yod pa yin/ sems can rnams kyis 'jungs pa'i dri ma bzlog pa la mkhas pa yin/ sbyin pa chen po rtsom pas yongs su dub par mi 'gyur ba yin/ de sbyin pa'am/ ngag snyan pa'am/ don bsgrub pa'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad mkhyen pa'i ye shes la rten pa'i bar du </font><hr>Ga94b<br><font size=+1>


'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin/ de 'dod na skad cig yud tsam thang cig tu/ khyim dang / chung ma dang / srid thams cad yongs su spangs te/ de bzhin gshegs pa'i bstan pa la rab tu 'byung ba dang / rab tu byung nas kyang skad cig yud tsam thang cig tu ting nge 'dzin brgya rab tu 'thob cing snyoms par 'jug pa dang / sangs rgyas brgya mthong ba dang / de dag gi byin gyi rlabs kyang yang dag par shes pa dang / 'jig rten gyi khams brgya bskyod pa dang / sangs rgyas kyi zhing brgyar 'gro ba dang / 'jig rten gyi khams brgya snang bar bya ba dang / sems can brgya yongs su smin par bya ba dang / bskal pa brgyar gnas par bya ba dang / sngon gyi mtha' dang phyi ma'i mtha'i bskal pa brgya la rab tu 'jug pa dang / chos kyi sgo brgya rnam par 'byed </font><hr>Ga95a<br><font size=+1>


@#/ /pa dang / lus brgya yongs su bstan pa dang / lus re re la yang byang chub sems dpa'i 'khor brgya yang dag par bstan par bya ba'i brtson 'grus kyi rnam pa de lta bu rtsom mo/ /de yan chad byang chub sems dpa'i smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan tam/ byin gyi rlabs sam/ mos pa'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong du mas kyang bgrang bar dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so/ /de dag dkar bo'i chos bsags dge ba phun ldan zhing / /bde gshegs yongs su bsnyen bkur snying rje byams ldan la/ /dad pa rgya che dge sems dang tshul dag ldan pa/ /rgyal ba'i ye shes don du rlabs chen sems kyang bskyed/ /rgyal ba'i chos rdzogs 'gro ba yongs su bskyab don du/ /thams cad mkhyen pa sangs rgyas </font><hr>Ga95b<br><font size=+1>


stobs sbyong brtan mthu can/ /brtse rab chen pos chos kyi 'khor lo bskor bya bas/ /rgyal ba'i zhing sbyong sems kyi dam pa rab tu bskyed/ /'gro bar rnam pa sna tshogs dus rnams bstan pa'i phyir/ /'dren pa kun gyi yon tan thams cad 'dod tshol zhing / /dus gsum skad cig gcig tu mi rtog shes byed pa'i/ /mkha' 'dra shin tu yangs pa'i sems dang ldan par byed/ /shes rab dbang sgyur snying rje sngon 'gro thabs ldan zhing / /mos dang bsam pa rnam dag stobs kyis tshad med la/ /chags med mngon gyur gzhan gyi dring la mi 'jog pa/ /bde gshegs rnams dang mnyam gyur sems kyi dam pa bskyed/ /bde gshegs sras sems rin chen yang dag skyes 'phral du/ /byis pa'i spyod bral sangs rgyas rnams kyi spyod dang ldan/ /stobs bcu mnga' rigs kha na ma tho med par skyes/ /bde gshegs mnyam nyid rjes rtogs byang chub mchog tu nges/ /'di 'dra'i sems dang sa thob lhan cig mngon par skyes/ /bsam pa mi g.yo ri yi rgyal po 'dra bar gnas/ /rab tu dga' zhing spro mang dad dang ldan pa ste/ /mos pa'i shugs yangs rtag par sems kyi mchog dang ldan/ /'khrug dang 'tshe ba med cing khro ba med pa ste/ /ngo tsha shes shing srid zhu drang ldan shin tu </font><hr>Ga96a<br><font size=+1>


@#/ /bsdams/ /'gro ba yongs su bskyab pa'i mtshungs med ye shes dran gyur cing / /'dod par bya ba'i gnas dang ldan gyur dga' ba bskyed/ /sa thob gyur ma thag tu 'jigs pa lnga dang bral/ /'tsho ba med dang 'chi dang mi bsngags ngan 'gro dang / /'khor gyi 'jigs bral de la bag tsha'i rnam pa med/ /ci'i phyir zhe na de la bdag gi gnas med do/ /de dag bag chags bral zhing snying rje byams dang ldan/ /bsti stang dang ldan dga' ba phun sum yon tan mang / /nyin dang mtshan du dge ba'i phyogs la sten byed cing / /sems can don du chos brtson 'dod bskyed phyir ma yin/ /dge ba'i chos thos bsam la mkhas shing gnas med spyod/ /thob sems sred bral byang chub sems la rtag par dga'/ /bde gshegs ye shes 'dod cing gzhan du sems pa med/ /pha rol phyin pa tshol zhing sgyu dang g.yo yang spangs/ /ci smras de bzhin byed pas bden pa'i tshig la gnas/ /rgyal ba'i rigs skyon mi 'gyur byang chub slob la spyod/ /'jig rten las kyi bsam bral 'gro ba'i don du brtson/ /dkar pos ngoms pa med par phyir zhing gong du rtsol/ /de dag 'di 'dra'i chos brtson yon tan don dang ldan/ /rgyal ba blta ba'i don du smon lam </font><hr>Ga96b<br><font size=+1>


mngon par sgrub/ /dam chos yongs su gzung zhing drang srong drung 'gro dang / /spyod pa mchog gi don du smon lam mngon par sgrub/ /sems can yongs su smin bya sangs rgyas zhing sbyangs te/ /de yi zhing mchog rgyal sras kun gyis gang 'gyur zhing / /rgyal sras rnams dang bsam pa gcig cing don mthun phyir/ /skra sbubs kun tu don gyi dam pa mngon 'tshang rgya/ /de dag smon lam du ma mngon par sgrub pa byed/ /de dag mtha' yas yangs shing mthar thug med dang ldan/ /nam mkha'i khams dang chos nyid mya ngan 'das khams dang / /'jig rten mthar thug rgyal ba 'byung dang ye shes sa/ /sems kyi yul dang ye shes 'jug pa'i mthar thug dang / /rnam gsum rgyud rnams mthar thug 'gro ba'i mur thug pa/ /rnam pa de tshul bdag smon mthar yang thug gyur cing / /de dag mthar thug ji bzhin bdag spyod de 'drar shog /de ltar mngon bsgrubs 'jam zhing byams pa'i sems ldan pa/ /sangs rgyas yon tan yid ches sems can rnam par lta/ /sems can sdug bsngal nyon mongs bdag gis bskyab ces te/ /rten 'brel 'byung 'jug snying rje byams dang ldan pa ni/ /de dag don du sna tshogs sbyin pa yang du rtsom/ /rgyal srid mchog dang rin chen sna tshogs glang po rta/ /mgo dang </font><hr>Ga97a<br><font size=+1>


@#/ /rkang lag mig dang de bzhin bdag gi sha/ thams cad yongs su gtong yang zhum pa'i yid med do/ /gtsug lag sna tshogs tshol yang yongs su skyo ba med/ /gtsug lag 'jig rten spyod pa'i rjes kyang rab tu snyogs/ /'jig rten shes dang ldan zhing khrel yod dga' dang ldan/ /bde gshegs gcig min rim gro rjes su mchod pa byed/ /de ltar mkhas pa nyin mtshan rtag tu brtson pa yi/ /dge ba mer bcug gser bzhin shin tu dag par 'gyur/ /de dag sa rnams bcu po 'di la sbyangs byas shing / /thogs pa med par chags med rab tu thob par 'gyur/ /ji ltar ded dpon lam grogs mang la phan brtson pa/ /lam gyi yon tan dris shing bde ba'i grong du skyel/ /de bzhin byang chub sems dpa' dang po'i sa gnas pa/ /'gro ba'i don bshams chags med sa bcu rab tu 'thob/ /'di gnas yon tan ldan pa mi yi dbang por 'gyur/ /byams pa'i sems kyis sa rnams ma lus yongs su skyong / /'dzam bu'i rgyal mtshan srid kun rab tu skyong byed cing / /sbyin pas 'gro ba sangs rgyas ye shes mchog la 'god/ /khyu mchog dam pa 'dod na rgyal srid rab tu gtong / /rgyal ba'i bstan par rab tu byung zhing brtson </font><hr>Ga97b<br><font size=+1>


'grus rtsom/ ting 'dzin brgya dang sangs rgyas brgya rnams mthong bar byed/ /zhing brgya bskyod cing rab tu snang byed kun tu 'gro /sems can brgya sbyong chos kyi sgo la 'god pa byed/ /bskal pa brgyar 'jug lus brgya rab tu ston pa byed/ /rgyal ba'i sras kyang brgya yi grangs tshang yongs su ston/ /de yi gong na sman mchog stobs ldan tshad kyang med/ / bdag gis don du mdor sdus te/ /sa rnams khyed la bshad pa byas/ /rgya cher bskal pa bye bar yang / /thams cad zad par mi nus so/ /de ltar sa yi dang po 'di/ /'jig rten kun la phan sems pa'i/ /byang chub sems dpa' mchog rnams la/ /rgyal ba'i sras kyis bstan pa yin/ /rab tu dga' ba zhes bya ste/ /byang chub sems dpa'i sa dang po/ /sa mchog yid du 'ong ba 'di'i/ /gnas kyi dam pa thos gyur nas/ /bde bar gshegs pa'i sras kyi rnams/ /yid rtog dang zhing rab tu dga'/ /kun kyang bstan las 'das gyur te/ /nam mkha'i dbyings la mngon 'phags nas/ /me tog sil ma rab tu 'thor/ /legs zhes bya ba'i tshig kyang brjod/ /rdo rje'i snying po 'jigs med pa/ /shes rab chen po legs so legs/ /byang chub sems dpa'i spyod pa ste/ /sa 'di khyod kyis legs par bshad/ /'khor 'di rnam par dang zhing gsal/ /rnam grol zla ba 'di yang 'dri// </font><hr>Ga98a<br><font size=+1>


@#/ /rgyal ba'i sras kyi gong du yang / /sa gnyis rab tu brjod pa mjod \ MDZOD?\/ /yid kyi rtog pa ci 'dra bas/ /sa gnyis pa ni 'thob 'gyur ba/ /shes rab chen pos bshad par mdzod/ /rgyal ba'i sras rnams nyan par 'dod/ /byang chub sems dpa' rdo rje'i snying pos smras pa/ kye rgyal ba'i sras dag /de ltar byang chub sems dpa' sa dang po la yongs su sbyang ba byas pa de sa gnyis pa la mngon par mos pa yin te/ de'i sems kyi bsam pa bcu 'byung ngo / /bcu gang zhe na/ 'di lta ste| drang po'i bsam pa dang / 'jam pa'i bsam pa dang / las su rung ba'i bsam pa dang / dul ba'i bsam pa dang / zhi ba'i bsam pa dang / dge ba'i bsam pa dang / ma 'dres pa'i bsam pa dang / mi ltos pa'i bsam pa dang / rlabs po che'i bsam pa dang / bdag nyid che ba'i bsam pa dang / sems kyi bsam pa bcu po 'di dag 'byung ste/ de dag gis byang chub sems dpa'i sa gnyis pa dri ma dang bral ba la gnas pa yin/ kye| rgyal ba'i sras dag /de la byang chub sems dpa'i sa dri ma dang bral ba la gnas pa'i byang chub sems dpa' ni rang bzhin gyis srog gcod pa dang bral ba yin te/ dbyig pa spangs/ mtshon cha spangs/ khon du 'dzin </font><hr>Ga98b<br><font size=+1>


pa spangs shing ngo tsha dang ldan pas srog chags su gyur pa thams cad la phan pa dang / bde bas phan 'dogs shing byams pa'i sems dang ldan pa yin te/ de yid kyi yongs su rtog pa tsam gyis kyang srog chags la 'tshe ba mi byed na sems can gzhan la sems can du 'du shes shing ched du bsams te lus la gtse ba chen po bya ba lta ci smos/ bdag gis longs spyod kyis chog shes shing gzhan gyi longs spyod la re ba med pas ma byin pa len pa dang bral ba yin te/ de gzhan gyis yongs su bzung ba'i dngos po la gzhan gyis yongs su bzung bar 'du shes shing rku sems nye bar bzhag ste/ chung ngu na rtswa dang lo ma yang ma byin par mi len na/ 'tsho ba'i yo byad gzhan lta ci smos/ bdag gi chung mas chog shes shing gzhan gyi chung ma la re ba med pas 'dod pas log par g.yem pa dang bral ba yin te/ de gzhan gyis yongs su bzung ba'i bud med gzhan gyi chung ma rus dang / mtshan ma dang / chos kyis bsrung ba rnams la chags sems kyang mi skyed na gnyis kyis gnyis phrad par bya ba lta ci smos/ yang dag par smra zhing bden par smra ba dang / dus su smra ba dang / tshod du smra ba la ji skad du smras pa de bzhin du byed pas/ rdzun du smra ba dang bral ba yin te/ de chung ngu na rmi lam du yang </font><hr>Ga99a<br><font size=+1>


@#/ /rdzun gyi tshig mi pa rjod \ BRJOD?\ na ched du bsams te brjod pa lta ci smos/ de sems can gyi dbyen mi byed cing mi 'tshe ba la zhugs pas phra ma'i tshig dang bral ba yin te/ de de dag dbye ba'i phyir/ tshu bi las thos shing pha pir snyod pa ma yin/ pha bi las thos nas tshu bir snyod pa ma yin te/ 'dum pa rnams dbye bar mi byed/ bye ba rnams la dpar bas mi rnon te/ mi 'dum pa la dga' zhing mi 'dum pa la mos pa ma yin pas/ bden nam rdzun yang rung mi 'dum bar bya ba'i tshig mi smra'o/ /zhe gcod pa'i tshig dang bral ba yin te/ rnyogs pa dang / brlang ba dang / rtsub pa dang / gzhan la gnod pa dang / zhe snad par 'gyur ba dang / nyes pa ngor brjod pa dang / nyes pa ngor brjod pa la gzhol ba dang / grong mi'i tshig dang / ma rabs kyi tshig dang / gzungs su bzung ba ma yin pa dang / rnar mi snyan pa dang / khro ba dang / gshe ba las byung ba dang / snying na bar byed pa dang / yid yongs su gdung bar byed pa dang / mi snyan pa dang / yid du mi 'ong ba dang / bdag dang gzhan gyi sems ma rung bar byed pa'i tshig gi rnam pa de lta bu spangs te/ gang 'di 'jam pa dang / yid du 'ong ba dang / snyan pa dang / gzungs su bzung ba </font><hr>Ga99b<br><font size=+1>


dang / rnar 'ong ba dang / snying du sdug pa dang / pho brang 'khor gyi tshig dang / gtsigs pa dang / gsal ba dang / 'go ba dang / mnyan par 'os pa dang / mi gnas pa dang / skye bo mang po dga' bar 'gyur ba dang / skye bo mang po'i yid du 'ong ba dang / mkhas pas bsngags pa dang / sems can thams cad la phan zhing bde bar 'gyur ba dang / yid bde bar byed pa dang / yid sim par byed pa dang / bdag dang gzhan gyi sems dang bar byed pa dang / 'dod chags dang / zhe sdang dang / gti mug dang / nyon mongs pa thams cad zhi bar byed pa'i tshig gi rnam pa de lta bu dag brjod do/ /tshig kyal ba spangs pa yin te/ legs par lan glon pa'i tshig dang / dus su smra ba dang / bden par smra ba dang / don du smra ba dang / chos su smra ba dang / rig par smra ba dang / dul bar smra ba dang / dus la bab par shin tu go ba'i gtan tshigs dang bcas par smra bas/ de chung ngu na bzhad gad du bya ba tsam gyi tshig la'ang yongs su spang par bya ba yongs su spong na dgos pa don du gnyer cing tshig gis rnam par 'khrug pa lta ci smos chags sems med pa yin te/ de gzhan gyi nor dang / gzhan gyi 'dod pa dang / gzhan dbang ba'i yo byad gzhan gyis yongs su bzung ba la ji ltar na gang gzhan </font><hr>Ga100a<br><font size=+1>


@#/ /gyi yin pa de dag bdag gir 'gyur zhes te/ chags sems mi skyed mi re mi smon cing 'dod pa'i sems mi skyed do/ /gnod sems dang bral ba yin te/ sems can thams cad la byams pa'i sems dang / phan pa'i sems dang / snying brtse ba'i sems dang / bde ba'i sems dang / 'jam pa'i sems dang / 'gro ba thams cad la phan gdags pa'i sems dang / 'byung po thams cad la phan zhing snying brtse ba'i sems dang ldan pas/ gang 'di khro ba dang / mdud par 'dzin pa dang / tha ba dang / dri ma dang / gnod sems dang / khrong khro ba la sogs pa de dag spangs te/ gang 'di phan pa dang ldan pa/ byams pa dang ldan pa/ sems can thams cad la phan pa dang bde bar bya ba'i phyir rnam par rtog cing rnam par dpyod pa de dag la rnam par rtog pa yin/ yang dag par lta ba dang ldan zhing ngo mtshar dang / bkra shis dang / ngang tshul ngan pa'i lta ba sna tshogs dang bral ba yin te/ lta ba drang zhing g.yo med la sgyu med pas/ sangs rgyas dang chos dang dge 'dun la bsam pa nges pa yin/ de dge ba bcu'i las kyi lam 'di dag rtag tu rgyun mi chad par srung zhing 'di ltar sems kyi bsam pa mngon par sgrub ste/ sems can rnams kyi ngan song dang / ngan </font><hr>Ga100b<br><font size=+1>


'gro dang / log par ltung ba yod pa gang yang rung ste/ de dag thams cad mi dge ba bcu'i lam yongs su blangs pa'i rgyu las byung gi /bdag gis ni 'di ltar bdag nyid yang dag pa'i nan tan la gnas te/ gzhan yang yang dag pa'i nan tan la dgod par bya'o/ /yang dag pa'i nan tan la gnas par bstan to/ /de ci'i phyir zhi na/ bdag log pa'i nan tan la gnas shing / gzhan yang dag pa'i nan tan la dgod par bya ba 'di ni gnas med skabs med pa ste/ 'di ni mi srid do zhes nas yang de 'di ltar rnam par dpyod de/ mi dge ba bcu'i las kyi lam 'di dag yongs su bzung ba'i rgyus sems can dmyal ba dang / byol song gi skye gnas dang / gshin rje'i 'jig rten gyi lam gyi rgyud du skye ba rnams yod par gyur to/ /dge ba bcu'i las kyi lam yongs su bzung bas ni mir skye ba la sogs pa srid pa'i rtse mo'i bar du skye ba yod par gyur to/ /de'i gong du dge ba bcu'i las kyi lam 'di dag nyi tshe ba'i sems dang / khams gsum pas skrag pa'i yid dang / snying rje chen po med pa dang / gzhan las thos pa'i sgra'i rjes su 'brang bas shes rab kyi rnam par yongs su bsgoms na/ nyan thos kyi theg pa yongs su sgrub bo/ /de'i gong du gzhan gyi dring mi 'jog pa dang / rang mngon par </font><hr>Ga101a<br><font size=+1>


@#/ /'tshang rgya ba dang / snying rje chen po dang / thabs mkhas pa med pa dang / rten cing 'brel bar 'byung ba zab par khong du chud pas yongs su sbyangs na/ rang sangs rgyas kyi theg pa yongs su sgrub bo/ /de'i gong du yangs shing tshad med pa'i sems dang / snying brtse zheng snying rje ldan pa dang / thabs mkhas pas yang dag par bzung ba dang / smon lam chen po shin tu btab pa dang / sems can thams cad yongs su mi gtong ba dang / sangs rgyas kyi ye shes rgya chen po la dmigs pas yongs su sbyangs na/ byang chub sems dpa'i sa yongs su dag pa dang / pha rol tu phyin pa rnam par dag pa'i spyod pa rgya chen po yongs su sgrub par 'gyur ro/ / de'i gong du dge ba bcu'i las kyi lam 'di dag nyid rnam pa'i mchog thams cad dang ldan par yongs su sbyangs pas stobs bcu'i stobs thob par 'gyur ba dang / mi 'jigs pa bzhi thob pa nas rnam pa'i mchog thams cad dang ldan pa'i sangs rgyas kyi chos thams cad yongs su 'grub pa yang dag par sgrub bo/ /de lta bas na bdag gis dge ba bcu'i las mngon par bsgrub tu 'dra ba la rnam pa thams cad du yongs su sbyang zhing mngon par bsgrub pa la brtson par bya'o zhes nas de 'di </font><hr>Ga101b<br><font size=+1>


ltar yang dag par slob ste/ mi dge ba bcu'i las kyi lam 'di dag bsten pa dang / bsgoms pa dang / mang du byas pa'i shas che bas ni sems can dmyal ba'i rgyur 'gyur ro/ / 'bring gis byol song gi skye gnas kyi rgyur 'gyur ro/ /tha mas ni gshin rje'i 'jig rten gyi rgyur 'gyur te/ de la srog gcod pas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ tshe thung ba dang / nad mang ba'o/ /ma byin par len pas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ longs spyod chung ba dang / thun mong gi longs spyod du 'gyur ba'o/ /'dod pas log par g.yem pas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ ltod pa dang bcas pa'i chung ma dang / g.yog 'khor mi srun pa'o/ /brdzun du smra bas ni sems can dmyal bar khrid do/ /byol song gi skye gnas su khrid do/ / </font><hr>Ga102a<br><font size=+1>


@#/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ skur pa mang ba dang / gzhan gyis bslu ba'o/ /phra mas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ g.yog mi 'dums pa dang / g.yog ngan par 'gyur ba'o/ /zhe gcod pa'i tshig gis ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ yid du mi 'ong ba thos pa dang / 'thab mo'i tshig go /tshig kyal pas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ tshig mi btsun pa dang / spongs pa ma brtags pa'o/ /chags sems kyis ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid </font><hr>Ga102b<br><font size=+1>


do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ chog mi shes pa dang / 'dod pa che ba'i/ /gnod sems kyis ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ gnod par glags lta ba dang / pha rol gyis mnar ba'o/ /log par lta bas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ lta ba ngan par ltung ba dang / g.yo sgyu can no/ /de ltar na mi dge ba bcu'i las kyi lam 'di dag ni sdug bsngal gyi phung po che zhing tshad med pa sdud par 'gyur gyi/ mi dge ba bcu'i las kyi lam 'di dag bdag gis spangs te/ chos la dga' zhing mos pas dga' bar gnas par bya'o zhes te/ de mi dge ba bcu'i las kyi lam 'di dag spangs nas dge ba bcu'i las kyi lam la gnas shing gzhan yang de nyid la rab tu gzhog go /de sems can rnams la sngon pas kyang phan pa'i sems dang / bde ba'i sems dang / byams pa'i sems dang / </font><hr>Ga103a<br><font size=+1>


@#/ /snying rje'i sems dang / snying brtse ba'i sems dang / phan gdags pa'i sems dang / yongs su bsrung ba'i sems dang / slob dpon gyi sems dang / ston pa'i sems dang / mnyam pa'i sems bskyed cing / de 'di snyam du sems te/ kye ma/ sems can 'di dag ni lta ba ngan par lhung ba dag ste/ blo gros mi mnyam zhing bsam pa mi mnyam pa log pa'i lam thibs por rgyu ba yin gyi/ de dag bdag gis bden pa'i lam yang dag par lta ba'i lam/ de bzhin nyid ji lta ba bzhin la rab tu dgod par bya'o/ /e ma'o/ /sems can 'di dag ni mi mthun zhing rtsod pa dang / 'thab pa la zhugs pa/ rtag tu rgyun mi 'chad par khro ba dang / khon du 'dzin pas shin tu 'bar bar gyur pa yin gyi/ de dag bdag gis bla na med pa'i byams pa chen po rab tu nye bar bsgrub pa la rab tu dgod par bya'o/ /kye ma/ sems can 'di dag ni chog mi shes shing gzhan gyis nor la mngon par zhen te/ shin tu mi bzad par 'tsho bas rjes su spyod pa yin gyi/ de dag bdag gis lus dang / ngag dang / yid kyi las yongs su dag pas 'tsho ba la rab tu dgod par bya'o/ /kye ma/ sems can 'di dag ni </font><hr>Ga103b<br><font size=+1>


'dod chags dang / zhe sdang dang / gti mug dang / sred pa'i gzhi dang ldan zhing / nyon mongs pa sna tshogs kyi me lce rtag tu rgyud mi 'chad par kun tu 'bar bar gyur kyang 'di las 'byung ba'i thabs yongs su mi tshol ba yin gyi/ de dag bdag gis nyon mongs pa thams cad shin tu zhi zhing gtse ba med pa'i mya ngan las 'das pa la rab tu dgod par bya'o/ /kye ma/ sems can 'di dag ni gti mug gi mun pa dang / rab rib kyi ling thog gis bsgribs shing mun pa chen po thibs pa'i nang du song bas shes rab kyi snang ba dang ring du gyur te/ 'khor ba'i mya ngam chen por las shing lta ba ngan pa'i mya ngam la gzhol bar gyur pa yin gyi/ de dag bdag gis ci nas kyang chos thams cad kyi yid yang dag pa ji lta ba nyid bsgribs pa med pa khong du chud par 'gyur ba dang / gzhan gyi dring mi 'jog pa thob par 'gyur bar shes rab kyi mig bsgribs pa med pa yongs su sbyang bar bya'o// kye ma/ sems can 'di dag ni 'khor ba'i mya ngam dang dgon pa chen por las shing / sems can dmyal ba dang / byol song gi skye gnas dang / gshin rje'i 'jig rten gyi g.yang sa la mngon du bltas pa/ lta ba ngan pa mi bzad pa'i dra bas kun nas 'khor ba/ gti mug thibs pos kun nas yog pa/ log pa'i lam gol bar zhugs pa/ long bar </font><hr>Ga104a<br><font size=+1>


@#/ /gyur pa/ dge ba'i mgon med pa/ 'byung ba ma yin pa la 'byung bar lta ba/ bdud kyi zhags pas bcings pa/ yul gyi rkun pos zin pa/ bdud kyi bsam pa thibs por nub pa/ sangs rgyas kyi bsam pa dang ring du gyur pa yin gyi/ de dag bdag gis rnam pa de lta bu'i 'khor ba'i dgon pa dang / mya ngam brgal dka' ba las bsgral te/ 'jigs pa med pa'i gnas thams cad mkhyen pa'i grong rdal chen po gtse ba med par rab tu dgod par bya'o/ /kye ma/ sems can 'di dag ni chu bo chen po'i klong du bying zhing 'dod pa dang / srid pa'i ma rig pa dang / lta ba'i chu bo la rab tu gzhol ba/ 'khor ba'i rgyud du 'brang ba/ sred pa'i chu klung gis khyer zhing dba' rlabs chen pos g.yengs pa/ sred pa'i 'dod chags kyi mthus shin tu bcom pa/ brtag pa'i mthu med pa/ 'dod pa dang / gnod sems dang / 'tshe ba dang / rnam par rtog pa mang po'i rjes su spyod pa/ 'jig tshogs la lta ba'i chu'i srin pos khrid pa/ 'dod pa'i yon tan thibs po'i gling du zhugs pa/ smon pa'i 'dod chags kyi 'dam du thogs pa/ nga'i nga rgyal gyi g.ye ba chen por 'khyams pa/ rten med pa/ skye mched kyi grong rdal nas ma 'phags pa/ dge ba'i sgrol ba med pa </font><hr>Ga104b<br><font size=+1>


yin gyi/ de dag bdag gis snying rje chen po dang / dge ba'i rtsa ba'i stobs kyis shugs kyis bton te/ thams cad mkhyen pa'i rin po che'i gling gtse ba med pa/ rdul med pa| zhi ba/ bde ba/ 'jigs pa med pa la rab tu dgod par bya'o/ /kye ma/ sems can 'di dag ni khams gsum gyi sdug bsngal dang / yid mi bde ba dang / 'khrug pa mang po can chags pa dang / khong khro ba dang / sdug pa dang / mi sdug pas rnam par bcings pa dang / mya ngan dang smre sngags 'don pa'i rjes su spyod pa/ sred pa'i sgrog gis bcings pa| ma rig pa'i thibs pos kun nas yog pa'i nang na mi mthun par gyur pa yin gyi/ de dag bdag gis khams gsum pa'i gnas thams cad las dben pa'i mya ngan las 'das pa bsgribs pa med pa la rab tu dgod par bya'o/ /kye ma/ sems can 'di dag ni bdag dang bdag gi la mngon par zhen cing / phung po'i gnas las ma 'phags pa/ phyin ci log bzhi la rab tu zhugs pa/ skye mched drug gi grong stong pa la shin tu gnas pa/ 'byung ba chen po bzhi'i sbrul gyis gtse ba/ phung po'i gshed ma dang chom pos shin tu bcom pa/ gzhal du med pa'i sdug bsngal myong bar gyur pa yin gyi/ de dag bdag gis bde ba'i dam pa gnas thams cad </font><hr>Ga105a<br><font size=+1>


@#/ /dang bral ba 'di lta ste/ bsgribs pa med pa thams cad mkhyen pa'i mya ngan las 'das pa la rab tu dgod par bya'o/ /kye ma/ sems can 'di dag ni dma' ba dang / zhan pa dang / zhum pa la mos shing thams cad mkhyen pa'i ye shes dam pa'i sems mi bdog pas/ theg pa chen po'i 'byung ba yod kyang nyan thos dang rang sangs rgyas kyi blo can yin gyi/ de dag bdag gis sangs rgyas kyi chos rgya chen po'i blo gros dang / bsam pa yangs pa'i theg pa chen po bla na med pa la thams cad mkhyen pa'i ye shes yongs su bstan pas rab tu dgod par bya'o snyam mo/ /kye| rgyal ba'i sras dag /de ltar tshul khrims kyi stobs dang / mthu de lta bu dang ldan pa'i byang chub sems dpa' snying rje dang / byams pa mngon par bsgrub pa la mkhas pa/ sems can thams cad kyis ma bcol ba'i bshes gnyen du gyur pa/ sems can thams cad yongs su ma btang ba/ bya ba dang mi bya ba mngon par bsgrub pa la mkhas pa/ byang chub sems dpa'i sa dri ma med pa la gnas pa de'i lta ba rgya chen po dang / smon lam gyi stobs kyis sangs rgyas mang po rab tu snang bar gyur te/ lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong </font><hr>Ga105b<br><font size=+1>


phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po rab tu snang bar 'gyur ro/ /des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ bsam pa rgya chen pos rim gro byed do/ /bkur sti byed do/ / bsti stang byed do/ /mchod par byed do/ /na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'bul zhing / byang chub sems dpa'i bde ba'i yo byad thams cad kyang yongs su 'bul lo/ /dge 'dun gyi tshogs rnams la yang dag par mchod pa byed do/ /dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de bzhin gshegs pa dgra bcom pa yang dag par rdzogs pa'i sangs rgyas de dag las dge ba bcu'i las kyi lam 'di dag kyang rim gro chen pos rab tu 'dzin te/ ji ltar bzung ba de'ang bar ma dor chud zos par mi byed do/ /de bskal pa du ma dang / bskal pa brgya phrag du ma dang / bskal </font><hr>Ga106a<br><font size=+1>


@#/ /pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar ser sna'i skyon dang / tshul khrims ngan pa'i dri ma med pas gtong ba dang / tshul khrims rnam par dag pa la yang dag par 'byung zhing gnas so| |kye| rgyal ba'i sras dag /'di lta ste/ dper na/ gser gyi sa le sbram de nyid nag mtshur du bcug na/ de bas kyang dri ma thams cad dang bral bar 'gyur ro| |kye| rgyal ba'i sras dag /de bzhin du byang chub sems dpa'i sa dri ma dang bral ba 'di la gnas pa'i byang chub sems dpa' yang bskal pa du ma nas bskal pa bye ba khrag khrig brgya stong du ma'i bar du ser sna'i nyes pa dang / tshul khrims ngan pa'i dri ma med pas gtong ba dang / tshul khrims rnam par dag pa la yang dag 'byung zhing gnas so/ /de'i bsdu ba'i dngos po bzhi las ngag snyan pa shas che ba yin/ pha rol tu phyin pa bcu las tshul khrims kyi pha rol tu phyin pa'i shas che </font><hr>Ga106b<br><font size=+1>


ba yin te/ lhag ma rnams kyang ci tshul ci nus su yang dag par mi sgrub pa ma yin no/ /kye| rgyal ba'i sras dag /'di ni byang chub sems dpa'i sa dri ma med pa zhes bya ba ste/ byang chub sems dpa'i sa gnyis pa mdor bstan pa'o/ /de la gnas pa'i byang chub sems dpa' ni phal cher 'khor los bsgyur ba'i rgyal po gling bzhi la dbang bar 'gyur te/ chos kyis dbang bsgyur ba rab tu thob cing rin po che sna bdun dang ldan pa/ sems can thams cad kyi ser sna'i skyon dang / tshul khrims ngan pa'i dri ma bzlog par bya ba la mkhas shing mthu yod pa dang / sems can rnams dge ba bcu'i las kyi lam la rab tu dgod par bya bar shin tu mkhas pa dang / sbyin pa chen po rtsom pas thub pa med pa yin te/ sbyin pa'am/ ngag snyan pa'am/ don bsgrub pa'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid </font><hr>Ga107a<br><font size=+1>


@#/ /la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin no/ /de 'dod na skad cig yud tsam thang cig tu khyim dang / chung ma dang / srid thams cad yongs su spangs te/ de bzhin gshegs pa'i bstan pa la rab tu 'byung ba dang / de rab tu byung nas kyang skad cig yud tsam thang cig tu ting nge 'dzin stong rab tu 'thob cing de dag la snyoms par 'jug pa dang / sangs rgyas stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams stong skyod pa dang / sangs rgyas kyi zhing stong du 'gro ba dang / 'jig rten gyi khams stong snang bar byed pa dang / sems can stong yongs su smin par byed pa dang / bskal pa stong du gnas pa dang / sngon gyi mtha' dang / phyi ma'i mtha'i bskal pa stong la rab tu 'jug pa dang / chos kyi sgo stong rnam par 'byed pa dang / lus stong </font><hr>Ga107b<br><font size=+1>


yongs su bstan pa dang / lus re re la yang byang chub sems dpa'i 'khor stong yang dag par bstan par bya ba'i brtson 'grus de lta bu rtsom mo/ /de yan chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan tam/ byin gyi rlabs sam/ mos pa'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong du ma'i bar gyis kyang bgrang bar dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so/ /de dag gnyen drang las rung 'jam pa'i sems ldan zhing / bsam pa dag dang bsam pa zhi dang ldan pa rnams/ /'du 'dzi'i dmigs bral rlabs chen blo dang ldan pa yin/ /che nyid sems ldan mkhas pa de dag gnyis la 'phar/ /de gnas yon tan 'chang zhing dge ba phun ldan pa/ /gtse med sems ldan srog gcod rnam par kun spangs shing / /ma byin len dang gzhan gyi chung ma de bzhin spangs/ /bden dang ldan zhing phra ma mi smra zhe gcod med/ /gzhan </font><hr>Ga108a<br><font size=+1>


@#/ /gyi longs spyod 'dod sems bral zhing byams sems ldan/ /drang zhing g.yo med yang dag lam du rab tu zhugs/ /g.yo med thibs po med cing shin tu nges pa ste/ /rtag tu bag yod ston pa'i spyod pa yongs su srung / /sems dmyal byol song skye gnas sdug bsngal ji snyed dang / /gshin rje'i ris na yi dwags rtag tu lus 'bar ba/ /de dag sdig blos dge ba min la brtson pas byung / /de bas de spangs bden pa'i chos dang ldan par bya/ /mi yi nang du skye ba yid du 'ong la sogs/ /srid rtse'i bar gyi lha yi bsam gtan bde ba dang / /rang rgyal theg pa de bzhin nyan thos theg pa dag /kun kyang dkar lam bcu pos byung ba yin zhes te/ /de ltar shes shing rtag par mkhas pa bag yod pa/ /shin tu bsdams pa'i yid kyis pha rol tshul la 'god/ /sems can sdug bsngal shes shing snying brtse bskyed byas nas/ /de bas gong du snying rje'i sems dang ldan par byed/ /kye ma byis pa'i blo can 'di dag lta ngan lhung / /khro zhing shar gnyer gnod pa kun sems rtsod pa can/ /rtag tu mi ngoms yul la yang dang yang du smon/ /gzhi gsum 'brel ba de dag yongs su dgrol bar bya/ /gti mug mun pa chen pos kun nas yog pa rnams/ /lta ba'i dra mang mya ngam lam du lhung 'gyur ba/ / </font><hr>Ga108b<br><font size=+1>


'khor ba'i shing thags nang na rtag tu dgras gtse zhing / /bdud kyi chom po'i nang gnas de dag bdag gis dgrol/ /nyon mongs rlabs kyis g.yengs shing chu bo bzhir nub pa/ / khams gsum sdug bsngal brgya yis yongs su gdungs pa rnams/ /phung po'i gnas la rten cing bdag tu 'du shes pa/ /de dag sdug bsngal dgrol don bdag gis brtson par bya| |sangs rgyas ye shes dam pa rmad byung phul spangs shing / /'byung ba yod bzhin dma' ba'i blo gros skyed byed pa/ /de dag de bzhin gshegs pa'i ye shes yang dgod ces| |rgyal ba'i ye shes don du brtson 'grus yangs pa rtsom/ /'di gnas yon tan brgya bsags drang srong chen po rnams/ /bde gshegs du ma mthong zhing mchod pa'ang rab tu byed/ /dge ba de dag bskal pa bye bar phyir zhing sbyong / /gser gyi dam pa nag mtshur nang du bcug pa bzhin/ /'di gnas rgyal sras 'khor los bsgyur ba'i rgyal por 'gyur// dge ba bcu la sems can rab tu dgod pa byed/ /dge tshogs gang yang rung ste gsog par byed pa rnams/ /stobs bcu ldan zhing 'gro ba'i skyabs 'gyur don du gsog /'dod na rgyal po'i srid kyang rnam par spangs byas shing / /brtan pa rnams ni bstan pa'i mchog la rab byung nas/ /brtson 'grus ldan zhing ting 'dzin dam pa mchog kyang 'thob/ /sangs </font><hr>Ga109a<br><font size=+1>


@#/ /rgyas stong tshang skad cig gcig gis mthong bar byed/ /'di 'dra'i tshul gyis bgrang bas gzhan yang gcig min pa/ /khyu mchog sa 'di gnas pa rab tu ston par byed/ /de yi gong nas ye shes smon lam mchog ldan pa/ /rnam par 'phrul pa rnam pa du mas sems can 'dul/ /de ltar sa mchog gnyis pa 'di/ / 'jig rten kun la phan 'dod pa'i/ /byang chub sems dpa'i mchog rnams la/ /bde bar gshegs pa'i sras kyis bstan/ /dri ma dang bral ba zhes bya ba ste/ byang chub sems dpa'i sa gnyis pa'o// //bam po bzhi bcu bdun pa/ byang chub sems dpa'i spyod yul bsam yas pa/ /sa mchog spyod pa de skad thos gyur nas/ / rgyal ba'i sras rnams rab tu dga' zhing bsti stang du/ /me tog sprin char kun nas mngon par 'bebs/ /ri yi rgyal por bod pa legs so legs/ /sems can kun la snying brtse bsam pa yis/ /sa mchog dam pa'i spyod yul de 'dra dang / /mkhas pa'i tshul khrims sdom pa khyod kyis bshad/ /yang dag de dngos ma nor gzhan min pa'i| |byang chub sems dpa'i spyod pa yid 'ong zhing / /sems can kun la phan dang bde bar rab sems pa/ /phul du 'od gsal khyod kyis bstan pa byas/ /da dung </font><hr>Ga109b<br><font size=+1>


da chud lha dang mis mchod cing / /chos kyi ye shes rigs par brjod mkhas pa/ /de dag spyod yul tshul ni ji bzhin du/ /sa yi dam pa gsum pa brjod par mdzod/ /drang srong chen po'i sbyin tshul spyod pa dang / /bzod pa brtson 'grus zhi ba shes rab thabs/ /byams pa'i mchog dang snying rje lam gyi rnams/ /rgyal sras spyod pa rnam sbyang bstan mdzod cig |rdo rje'i snying po 'jigs med la/ /rnam grol zla bas yang smras pa/ /gsum la yang dag 'phar 'gyur ba'i/ /bsam pa mkhas pas bshad pa mdzod/ /byang chub sems dpa' sems dpa' chen po rdo rje'i snying pos smras pa/ kye/ rgyal ba'i sras dag /de ltar byang chub sems dpa' sa gnyis pa la bsam pa shin tu sbyangs pa ni/ sa gsum pa yongs su gnon to/ /de sems kyi bsam pa yid la bya ba bcus yongs su gnon to/ /bcu gang zhe na/ 'di lta ste/ dag pa'i sems kyi bsam pa yid la bya ba dang / mi g.yo ba'i sems kyi bsam pa yid la bya ba dang / skyo ba'i sems kyi bsam pa yid la bya ba dang / 'dod chags dang bral ba'i sems kyi bsam pa yid la bya ba dang / phyir mi ldog pa'i sems kyi bsam pa yid la bya ba dang / brtan pa'i sems kyi bsam pa yid la bya ba dang / sbyangs pa'i sems kyi bsam pa yid la bya ba dang / rlom sems kyi bsam pa yid la bya ba dang / rlabs po </font><hr>Ga110a<br><font size=+1>


@#/ /che'i sems kyi bsam pa yid la bya ba dang / bdag nyid che ba'i sems kyi bsam pa yid la bya ba'o/ /kye/ rgyal ba'i sras dag /byang chub sems dpa' byang chub sems dpa'i sa gsum pa la gnas pa ni 'du byed kyi rnam pa thams cad la mi rtag par yang dag pa ji lta ba bzhin du rab tu rtog go /sdug bsngal ba dang / bdag med pa dang / mi sdug pa dang / yid brtan du mi rung ba dang / rnam par 'jigs pa dang / ring du mi gnas pa dang / skad cig tu 'byung zhing 'gag pa dang / mi zad cing mi skye mi 'gag pa dang / sngon gyi mtha' kun nas ma byung ba dang / phyi ma'i mtha' 'pho ba med pa dang / da ltar byung ba mi gnas par rab tu rtog go /'du byed kyi rnam pa de lta bu la rab tu rtog pa'i tshe/ mngon par 'jig pa dang / mya ngan can/ smre sngags 'don pa can/ 'khrug pa can/ yid du 'ong ba dang / yid du mi 'ong bas rnam par bcings pa/ sdug bsngal dang yid mi bde ba mang ba/ bsags pa med pa las byung ba/ 'dod chags dang / zhe sdang dang / gti mug gi me rab tu 'bar ba/ nad du mas rnam par skyed pa/ sgyu ma'i rang bzhin lta bur mthong nas/ de de bas kyang 'du byed thams cad las sems gyen du skyod cing de bzhin gshegs pa'i ye shes la rab tu gtong ste/ des de bzhin </font><hr>Ga110b<br><font size=+1>


gshegs pa'i ye shes bsam gyis mi khyab pa'ang rjes su mthong ste/ mtshungs pa med pa dang / gzhal du med pa dang / rnyed par dka' ba dang / ma 'dres pa dang / gnod pa med pa dang / 'khrug pa med pa dang / mi 'jigs pa'i grong rdal du 'gro ba dang / phyir mi ldog pa dang / 'gro ba mang po yongs su skyob pa yang yang dag par rjes su mthong ngo / / des de bzhin gshegs pa'i ye shes de ltar tshad med pa mthong ste/ 'du byed kyi rnam pa de ltar sdug bsngal mang pos gtses par mthong nas/ sems can thams cad la de bas kyang shas cher sems kyi bsam pa bcu nye bar gzhog ste/ bcu gang zhe na/ 'di lta ste/ mgon med pa dang / skyabs med pa dang / rten med pa'i sems kyi bsam pa dang / rtag tu phongs pa'i sems kyi bsam pa dang / 'dod chags dang / zhe sdang dang / gti mug gi me kun nas 'bar ba'i sems kyi bsam pa dang / srid pa'i btson ras bzung ba'i sems kyi bsam pa dang / rtag tu rgyun mi 'chad par nyon mongs pa'i thibs pos bsgribs pa'i sems kyi bsam pa dang / brtag pa'i mthu med pa'i sems kyi bsam pa dang / dge ba'i chos la mos pa med pa'i sems kyi bsam pa dang / sangs rgyas kyi chos thams cad las shin tu gol ba'i sems kyi bsam pa dang / 'khor ba'i rgyud kyi rjes su 'bab pa'i sems </font><hr>Ga111a<br><font size=+1>


@#/ /kyi bsam pa dang / thar pa'i lam gyis dngangs pa'i sems kyi bsam pa dang / sems kyi bsam pa 'di bcu nye bar gzhog go /des de ltar sems can gyi khams gtse ba mang po can mthong nas brtson 'grus 'di ltar rtsom ste/ sems can 'di dag ni bdag gis bskyab par bya ba/ yongs su dgrol bar bya ba/ yongs su sbyang bar bya ba/ shin tu gdon par bya ba/ rab tu dgod par bya ba/ shin tu brtan par bya ba/ yongs su tshim par bya ba/ gnas su phyin par bya ba/ rnam par gdul bar bya ba/ yongs su mya ngan las 'da' bar bya ba yin no/ /zhes nas de de ltar 'du byed kyi rnam pa thams cad las skyo ba'i rjes su song zhing sems can thams cad la rab tu lta ba'i rjes su song ba dang / thams cad mkhyen pa'i ye shes la thams cad mkhyen pa'i ye shes kyi rjes su song zhing / de bzhin gshegs pa'i ye shes la rab tu brten pas sems can thams cad yongs su bskyab par bya ba la brtson pa de 'di ltar yongs su rtog ste/ rgyu dang / gzhi dang / tshul dang / thabs gang zhig gi 'di lta bur sdug bsngal dang| nye ba'i nyon mongs par lhung ba'i sems can 'di dag mngon par gdon par nus/ rgyu dang / gzhi dang / tshul dang / thabs gang zhig gis ni shin tu bde ba'i mya ngan </font><hr>Ga111b<br><font size=+1>


las 'das par dgod par nus snyam nas/ de la byang chub sems dpa' 'di snyam du sems te/ bsgribs pa med pa'i ye shes rnam par thar pa'i gnas ma gtogs par gzhan gyis mi nus so/ /bsgribs pa med pa'i ye shes rnam par thar pa'i gnas de yang chos thams cad yang dag pa ji lta ba bzhin du khong du chud pa ma gtogs par gzhan gyis thob par mi nus so/ /chos thams cad yang dag pa ji lta ba bzhin du khong du chud pa yang rgyu ba med cing skye ba med pa la spyod pa'i shes rab ma gtogs par gzhan gyis khong du chud par mi nus so/ /shes rab kyi snang ba de yang bsam gtan la mkhas shing rtogs pa'i blos rab tu rtog pa med par gzhan gyis thob par mi rung ngo / /bsam gtan la mkhas shing rtog pa'i blos rab tu rtog pa de yang thos pas mkhas pa med par mi 'byung ngo / /zhes de de ltar shin tu brtag pa'i shes pa dang ldan pas/ de bas kyang shes cher dam pa'i chos tshol ba la mngon par brtson par gnas te/ nyin mtshan du chos mnyan pa don du gnyer ba yin/ sangs rgyas kyi chos btsal ba'i don du chos la mos shing ngoms mi shes la rgyun mi 'chad pa yin/ chos la dga' zhing spro ba dang chos la rab tu 'jug pa yin/ chos la gzhol zhing chos la 'bab pa dang / chos la bab pa yin/ chos la rten cing chos la </font><hr>Ga112a<br><font size=+1>


@#/ /skyabs tshol ba dang / chos la mthu tshol ba yin/ chos dang gnyer ba'i chos la mngon par brtson pa yin te/ de de ltar chos tshol ba la mngon par brtson pas rin po che'i rnam pa'am/ dbyig gi rnam pa'am/ nor dang 'bru'i mdzod dang / bang ba gang yang rung ste/ yongs su mi gtong ba de lta bu gang yang med do/ / chos smra ba'i gang zag de 'ba' zhig la dka' ba'i 'du shes su gyur pa las phar/ de dag gzhan la cung zad kyang dga' ba'i 'du shes mi skyed do/ /de ni chos kyi don du phyi rol gyi dngos po nye bar bzung ba yongs su mi gtong ba de gang yang med do/ /nang gi dngos po yongs su mi gtong bar bya ba de lta bu'ang cung zad kyang med do/ /gang 'di dag 'di lta ste/ g.yog 'khor yongs su gtang ba'am/ rgyal srid yongs su gtang ba'am/ longs spyod yongs su gtang ba'am/ nor dang / 'bru dang / nor bu dang / gser gyi mdzod dang / bang ba yongs su gtang ba dang / rta dang / glang po dang / shing rta dang / bzhon pa yongs su gtang ba'am/ rin po che'i rgyan dang / lhab lhub yongs su gtang ba dang / chung ma dang / bu dang / bu mo yongs su gtang ba'am/ mgo dang / rkang lag dang / yan lag gi dam pa yongs su gtang ba'am/ lus thams cad </font><hr>Ga112b<br><font size=+1>


yongs su gtang bar bya ba yang rung ste/ de dag thams cad chos kyi don du yongs su mi gtong ba gang yang med do/ /bla ma la bsnyen bkur dang / rim gror bya ba gang yang rung ste nyams su mi len pa gang yang med do/ /nga rgyal dang lhag pa'i nga rgyal yongs su gtang bas nga rgyal med pa la sbyang ba gang yang rung ste/ nyams su mi len pa gang yang med do// lus kyi gnod pa gang yang rung ste/ nyams su mi len pa gang yang med do/ /de ma thos pa'i chos kyi tshig gcig thos pa nor che bar 'dzin gyi/ stong gsum gyi stong chen po'i 'jig rten gyi khams yongs su gang ba'i rin po che'i phung po thob pas ni ma yin no/ /legs par bshad pa'i tshigs su bcad pa gcig thos pas sems dga' bar 'gyur gyi/ brgya byin dang / tshangs pa dang / 'khor los bsgyur ba'i rgyal po'i srid la bskal pa brgya stong mang po'i mthar thug par gnas pas ni ma yin no/ /de la la la zhig brgya la 'di skad du zer te/ gal te khyod kyis me'i dong chen por lus por te/ sdug bsngal gyi tshor ba'i phung po chen po rang gi lus kyis nyams su blang bar nus na/ ngas khyod la chos kyi tshig yang dag par rdzogs pa'i sangs rgyas kyis bstan pa/ byang chub sems dpa'i spyod pa yongs su spyad pa 'di bshad par bya'o/ /zhes na yang de 'di </font><hr>Ga113a<br><font size=+1>


@#/ /snyam du sems te/ chos kyi tshig yang dag par rdzogs pa'i sangs rgyas kyis bstan pa byang chub sems dpa'i spyod pa yongs su sbyong ba'i don du ni| stong gsum gyi stong chen po'i 'jig rten gyi khams mes gang bar yang tshangs pa'i 'jig rten nas bdag gis bdag dor bar mos na/ me'i dong tha mal pa 'di lta bu zhig tu bdag dor ba lta ci smos kyi/ de bas sems can dmyal ba'i sdug bsngal thams cad nyams su bab pas kyang bdag gis chos btsal bar bya'i/ me'i sdug bsngal dang 'grogs pa lta khyad du gsad do/ /zhes nas de rnam pa de lta bu'i brtson 'grus rtsom pas chos yongs su tshol lo/ /ji skad du thos pa'i chos rnams la yang tshul bzhin du rab tu rtog pa'i ngang tshul can yin te/ de chos de dag thos nas kyang / rjes la rang gi sems rtog par bzhag pas gcig pu dben pa na 'dug cing 'di ltar rtog go / chos dang gnyer ba'i chos la nan tan du bya bas sangs rgyas kyi chos khong du chud par bya ba'i tshig gi lam yongs su dag pa 'ba' zhig gis ma yin no/ /zhes te/ byang chub sems dpa' de byang chub sems dpa'i sa 'od byed pa la gnas shing 'dod pa rnams las dben/ sdig to dang mi dge ba'i chos rnams las dben zhing rnam par rtog pa </font><hr>Ga113b<br><font size=+1>


can| rnam par dpyod pa can/ dben pa las skyes pa'i dga' ba dang bde ba'i bsam gtan dang po la nye bar bsgrubs te gnas so/ /de rnam par rtog pa dang / rnam par dpyod pa rnam par zhi ste/ nang shin tu dang zhing sems kyi rgyud gcig tu gyur pas/ rnam par rtog pa dang / rnam par dpyod pa med pa/ ting nge 'dzin las skyes pa'i dga' ba dang / bde ba can bsam gtan gnyis pa la nye bar bsgrubs te gnas so/ /de dga' ba las 'dod chags dang bral te btang snyoms su gnas pas dran pa dang ldan zhing rab tu shes par bde ba yang lus kyis rab tu tshor te/ 'phags pa rnams kyis btang snyoms pa dran pa can dga' ba med la bde ba la gnas pa'o zhes bya bar bsam gtan gsum pa la nye bar bsgrubs te gnas so/ /de bde ba yang spangs/ sdug bsngal yang spangs la bde ba'i yid dang / nyam nga ba'i yid kyang sngar nub pas sdug bsngal yang med/ bde ba yang med pa'i btang snyoms dran pas yongs su dag pa'i bsam gtan bzhi pa la nye bar bsgrubs te gnas so/ /de gzugs su 'du shes pa las rnam pa thams cad du 'das nas/ thogs pa'i 'du shes rnam pa nub ste/ 'du shes sna tshogs yid la mi byed pas mtha' yas nam mkha' zhes te/ nam mkha' mtha' yas pa'i skye mched la nye bar bsgrubs </font><hr>Ga114a<br><font size=+1>


@#/ /te gnas so/ /de nam mkha' mtha' yas pa'i skye mched las rnam pa thams cad du 'das nas mtha' yas rnam shes zhes te/ rnam par shes pa mtha' yas pa'i skye mched la nye bar bsgrubs te gnas so/ /de rnam par shes pa'i skye mched las rnam pa thams cad du 'das nas ma yod cung zad ces te/ cung zad kyang med pa'i skye mched la nye bar bsgrubs te gnas so/ /de cung zad kyang med pa'i skye mched las rnam pa thams cad du 'das nas 'du shes med 'du shes med min gyi skye mched la nye bar bsgrubs te gnas so/ /de chos dang gnyer ba'i chos la nan tan du byas pa ma gtogs par de yang mngon par dga' ba'i gnas dang rten ma yin pas/ de byams pa dang ldan pa'i sems yangs pa/ rgya che ba/ gnyis su med pa/ tshad med pa/ kho na med pa/ ltod pa med pa/ bsgribs pa med pa/ gnod pa med pa thams cad du khyab pas 'jig rten gyi khams chos kyi dbyings kyis klas pa/ nam mkha'i mthas gtugs pa thams cad rgyas par bkang nas nye bar bsgrubs te gnas so/ /de bzhin du snying rje dang ldan pa dang / dga' ba dang ldan pa dang / btang snyoms dang ldan pa'i sems yangs pa/ rgya che ba/ gnyis su med pa/ tshad med pa/ khon med pa/ ltod pa med pa/ bsgribs pa </font><hr>Ga114b<br><font size=+1>


med pa/ gnod pa med pa/ thams cad du khyab pas 'jig rten gyi khams chos kyi dbyings kyis klas pa/ nam mkha'i mthas gtugs pa thams cad rgyas par bkang nas nye bar bsgrubs te gnas so/ /de rdzu 'phrul gyi rnam pa du ma myong bar byed de/ sa 'di yang g.yo bar byed do/ /gcig tu gyur nas mang por 'gyur ro/ /mang por gyur nas gcig tu 'gyur ro// snang ba dang mi snang ba la'ang rab tu spyod de/ rtsig pa la thags thogs med pa dang / ra ba la thags thogs pa med pa dang / ri la yang / dper na/ nam mkha' bzhin du thags thogs med cing chags pa med par 'gro'o/ /dper na/ nam mkha' la lding ba'i bya bzhin du nam mkha' la'ang skyil mo krung gis gnas par byed do/ /chu bzhin du sa la yang nub cing 'byung bar ston to/ /sa bzhin du chu la yang 'byin pa med par 'gro'o/ /me'i phung po chen po bzhin du du ba 'thul lo/ /me lce 'bar ro/ /sprin chen po bzhin du lus las char 'bebs so/ /nyi ma dang zla ba 'di ltar rdzu 'phrul che zhing 'di ltar mthu che la/ 'di ltar dbang che bar grags pa dag kyang lag pas nyug cing reg par byed do/ /tshangs pa'i 'jig rten gyi bar du yang lus kyis dbang bsgyur te/ de lha'i rna ba'i khams rnam par dag pa mi las 'das pas lha dang mi'i sgra gnyis ka yang nyan to/ /ring yang rung / </font><hr>Ga115a<br><font size=+1>


@#/ /nye yang rung ste/ chung ngu na sbrang bu dang / sha sbrang dang / bung ba dang / srin bu'i sgra yang thos so/ /de sems can pha rol dang / gang zag pha rol gyi sems kyang sems kyis yang dag pa ji lta ba bzhin du rab tu shes te/ 'dod chags dang bcas pa'i sems la 'dod chags dang bcas pa'i sems zhes yang dag pa ji lta ba bzhin rab tu shes so/ /'dod chags dang bral ba'i sems la 'dod chags dang bral ba'i sems zhes yang dag pa ji lta ba bzhin du rab tu shes so/ /zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / nyon mongs dang bcas pa dang / nyon mongs dang bral ba dang / che ba dang| chung ba dang / yangs pa dang / dog pa dang / mnyam par bzhag pa dang / mnyam par ma bzhag pa dang / rnam par grol ba dang / rnam par ma grol ba dang / skyon can dang / skyon med pa dang / sems rgya chen po la sems rgya chen po'o zhes yang dag pa ji lta ba bzhin du rab tu shes so/ /sems rgya chung ngu la sems rgya chung ngu'o zhes yang dag pa ji lta ba bzhin du rab tu shes te/ de ltar na sems can pha rol dang / gang zag pha rol gyi sems kyis yang dag pa ji lta ba bzhin du rab tu shes so/ /de rnam pa </font><hr>Ga115b<br><font size=+1>


du mar sngon gyi gnas rjes su dran te/ tshe rabs gcig kyang rjes su dran no/ /gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu dang / tshe rabs brgya yang rjes su dran no/ /tshe rabs brgya phrag du ma dang / tshe rabs stong phrag du ma dang / tshe rabs brgya stong phrag du ma dang / tshe rabs bye ba brgya stong phrag du ma nas/ tshe rabs bye ba khrag khrig brgya stong phrag du ma'i bar du rjes su dran no/ /'du ba'i bskal pa du ma dang / 'jig pa'i bskal pa du ma dang / 'du ba dang / 'jig pa'i bskal pa du ma yang rjes su dran no/ /bskal pa brgya yang rjes su dran no/ /bskal pa stong dang / bskal pa stong phrag brgya dang / bskal pa bye ba stong phrag brgya nas bskal pa bye ba brgya stong du ma'i bar du rjes su dran no/ /bskal pa khrag khrig dang / bskal pa khrag khrig brgya dang / bskal pa khrag khrig stong dang / bskal pa khrag khrig stong phrag brgya dang / bskal pa bye ba khrag khrig brgya stong nas/ bskal pa bye ba khrag khrig brgya stong du ma'i bar du rjes su dran te/ bdag ni che ge mo zhig na 'dug 'dug go /ming ni 'di zhes bya'o/ / rigs ni 'di yin no/ /rus ni 'di yin no/ /kha zas ni 'di lta bu zhig zos so/ /tshe ni 'di tsam zhig tu gyur to/ /'di srid gcig tu ring du gnas so/ /bde ba dang nyon mongs </font><hr>Ga116a<br><font size=+1>


@#/ /pa ni 'di lta bu zhig myong ngo / /de nas shi 'phos nas che ge mo zhig tu skyes so/ /de nas kyang shi 'phos nas 'di lta bu zhig tu skyes so/ /zhes sa tshigs dang bcas/ mtshan ma dang bcas/ don rtags dang bcas par rnam pa du mar sngon gyi gnas rjes su dran no/ /des lha'i mig rnam par dag cing mi las 'das pas sems can rnams shi 'pho ba dang / skye ba dang / kha dog sdug pa dang / bde ba'i lam du phyin pa dang / ngan song du song ba dang / ngan pa dang / bzang po thams cad rab tu mthong ngo / /las ji lta ba bzhin rjes su 'brang ba'i sems can rnams yang dag pa ji lta ba bzhin du rab tu shes te/ sems can 'di dag ni lus kyis ngan du spyod pa dang ldan pa/ ngag gis ngan du spyod pa dang ldan pa/ yid kyis ngan du spyod pa dang ldan pa/ 'phags pa rnams la skur pa 'debs pa / log par lta ba can dag ste/ log par lta ba'i las rab tu blangs pa'i rgyus lus zhig ste/ shi ba'i 'og tu ngan song ngan 'gro log par ltung ba/ sems can dmyal bar skye'o zhes bya ba dang / sems can 'di dag ni lus kyis legs par spyod pa dang ldan pa/ ngag gis legs par spyod pa dang ldan pa/ yid kyis legs par spyod pa </font><hr>Ga116b<br><font size=+1>


dang ldan pa/ 'phags pa la skur pa mi 'debs pa/ yang dag pa'i lta ba can dag ste/ yang dag pa'i lta ba'i las rab tu blangs pa'i rgyus lus zhig ste/ shi ba'i 'og tu bde 'gro mtho ris kyi 'jig rten du lhar skye'o zhes bya bar rab tu shes te/ de ltar na lha'i mig rnam par dag pa mi las 'das pas sems can 'chi ba dang / skye ba dang / kha dog sdug pa dang / kha dog mi sdug pa dang / bde 'gror song ba dang / ngan song du song ba dang / ngan pa dang / bzang po thams cad sa tshigs dang bcas/ mtshan ma dang bcas/ dan rtags dang bcas par rab tu mthong ste/ las ji lta ba bzhin du rjes su 'brang ba'i sems can rnams kyang yang dag pa ji lta ba bzhin du rab tu shes so/ /de bsam gtan dang| rnam par thar pa dang / ting nge 'dzin dang / snyoms par 'jug pa 'di dag la snyoms par 'jug cing rnam par ldang yang gang du byang chub kyi yan lag rnams yongs su rdzogs par 'gyur ba'i gnas ma gtogs par de dag gi dbang gis mi skye'o/ /byang chub sems dpa'i sa 'od byed pa 'di la gnas pa'i tshe/ de'i lta ba rgya chen po dang / smon lam gyi stobs kyis sangs rgyas mang po snang bar 'gyur te/ lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong </font><hr>Ga117a<br><font size=+1>


@#/ /phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong mang po rab tu snang bar 'gyur ro/ /des de bzhin gshegs pa dgra bcom pa yang dag par rdzogs pa'i sangs rgyas mthong nas bsam pa rgya chen pos rim gro byed do/ /bkur sti byed do/ /bsti stang byed do/ /mchod pa byed do/ /na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'bul zhing byang chub sems dpa'i bde ba'i yo byad thams cad kyang yongs su 'bul lo/ /dge 'dun gyi tshogs rnams la yang yang dag par mchod pa byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing de dag las rim gror chos nyan to/ /len to/ /'dzin to/ /thos nas kyang ci tshul du nan tan gyi yang dag par bsgrub ste/ </font><hr>Ga117b<br><font size=+1>


de chos thams cad la 'pho ba med pa dang / 'jig pa med pa dang / rten cing 'brel par 'byung ba shes pas rab tu lta zhing rtog pas kyang 'dod pa'i bcings pa thams cad bsrabs par 'gyur ro/ /srid pa'i bcings pa thams cad bsrabs par 'gyur ro/ /ma rig pa'i bcings pa thams cad bsrabs par 'gyur ro/ /lta ba las byung ba'i bcings pa rnams ni snga nas kyang byang ba yin te/ byang chub sems dpa'i sa 'od byed pa 'di la gnas pa'i byang chub sems dpa'i log pa'i 'dod chags ni bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar spangs shing mi gsog par gnas so/ /log pa'i zhe sdang spangs shing mi gsog par gnas so/ /log pa'i gti mug spangs shing mi gsog par gnas te/ dge ba'i rtsa ba de dag kyang yongs su byang ba dang / yongs su dag pa dang / las su rung bar gyur par gnas so/ /kye/ rgyal pa'i sras dag /'di lta ste/ dper na/ gser gyi sa le sbram </font><hr>Ga118a<br><font size=+1>


@#/ /de nyid mgar ba mkhas pa'i lag na spyod na srang grangs ci yod pa'i tshad bzhin du 'dug go /kye/ rgyal pa'i sras dag /de bzhin du byang chub sems dpa' sems dpa' chen po/ byang chub sems dpa'i sa 'od byed pa 'di la gnas pa'i log pa'i 'dod chags kyang 'grib pa med par 'byang bar 'gyur ro/ / log pa'i zhe sdang yang 'grib pa med par 'byang bar 'gyur ro/ /log pa'i gti mug kyang 'grib pa med par 'byang bar 'gyur ro/ /dge ba'i rtsa ba de dag kyang rab tu 'byang zhing yongs su dag pa dang / las su rung bar 'gyur ro/ /de bzod pa dang nges pa yang de bas kyang yongs su dag par 'gyur ro/ /grogs la bde zhing nges pa'i bsam pa dang| mi 'khrugs pa'i bsam pa dang / glong ba med pa'i bsam pa dang / rnyog pa med pa'i bsam pa dang / mtho dman med pa'i bsam pa dang / sems can la phan 'dogs pas lan mi re ba'i bsam pa dang / phan btags pa la phyir lan glon pa'i bsam pa dang / g.yo med cing sgyu med pa'i bsam pa dang / thibs po med pa'i bsam pa yang yongs su dag par 'gyur te/ de'i bsdu ba'i dngos po bzhi las don grub pa'i shas che ba yin/ pha rol tu phyin pa bcu las bzod pa'i pha rol tu phyin pa shas che </font><hr>Ga118b<br><font size=+1>


ba yin te/ lhag ma rnams kyang ci tshul ci nus su yang dag par mi sgrub pa ma yin te/ kye/ rgyal ba'i sras dag /'di ni byang chub sems dpa'i sa 'od byed pa zhes bya ste / byang chub sems dpa'i sa gsum pa'o/ /de la gnas pa'i byang chub sems dpa' ni phal cher lha'i rgyal po'i dbang po 'gyur te/ sems can rnams kyi 'dod pa'i 'dod chags rnam par bzlog pa'i thabs nye bar bsgrubs pa la mkhas shing mthu yod pa yin/ de sbyin pa'am/ ngag snyan pa'am/ don bsgrub pa'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur / bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang| byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma </font><hr>Ga119a<br><font size=+1>


@#/ /'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin brgya stong rab tu thob cing de dag la snyoms par 'jug pa dang / sangs rgyas brgya stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams brgya stong skyod pa dang / sangs rgyas kyi zhing brgya stong du 'gro ba dang / 'jig rten gyi khams brgya stong snang bar bya ba dang / sems can brgya stong yongs su smin par bya ba dang / bskal pa brgya stong du gnas par bya ba dang / sngon gyi mtha' dang / phyi ma'i mtha'i bskal pa brgya stong la rab tu 'jug pa dang / chos kyi sgo brgya stong rnam par 'byed pa dang / lus brgya stong yongs su bstan pa dang / lus re re la yang byang chub sems dpa'i 'khor brgya stong yang dag par bstan par bya ba'i brtson 'grus kyi rnam pa de lta bu rtsom mo/ /de yan chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan </font><hr>Ga119b<br><font size=+1>


tam| byin gyi rlabs sam/ mos pa'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis bgrang bar dka'o/ /de nas byang chub sems dpa' sems dpa' chen po rdo rje'i snying pos don 'di nyid yang brtag pa dang bstan par bya ba'i phyir de'i tshe tshigs su bcad pa 'di dag smras so/ /de dag yon tan 'byung gnas bsam dag sems des pa// skyo zhing 'dod chags bral te 'tshe med sems dang ldan/ /sems bskyed bstan pa dga' ldan rgya chen shugs can rnams/ /mkhas pa bdag nyid che ba'i sems ldan gsum pa gnon/ /'od byed sa phyogs 'di la gnas pa'i mkhas pa ni/ /sdug bsngal mi rtag mi sdug rab tu 'jig chos dang / /ring por mi gnas skad cig snying po med par ni/ /'dus byas rnam pa 'ong ba med la rab tu rtog /nad du gyur pa mya ngan smre sngags 'don dang bcas/ /gnod dang 'khrug dang sdug dang mi sdug rjes 'brang ba/ /sdug bsngal yid blong phung po 'bar ba'i me 'dra bar/ /'dus byas mtha' yas kun nas 'bar mthong de las skyod/ /srid pa gsum po kun las skyo zhing ltos sems med/ /bde </font><hr>Ga120a<br><font size=+1>


@#/ /gshegs ye shes 'dod cing blo gzhan med pa ste/ /bsam du med cing gzhal yas pha rol mtha' yas pa'i/ /rgyal pa'i ye shes gnod med de dag rab tu mthong / /de dag sangs rgyas ye shes gnod med mthong gyur nas/ /skyabs med mgon dang bral pa rab tu dgrol ba'i phyir/ /rtag tu dbul zhing me gsum kun nas 'bar gyur dang / /srid pa'i btson rar sdug bsngal sna brgyas sems bskor cing / /nyon mongs bsgribs dang rnam par lta dang 'dod nyams pa/ /bde gshegs chos kyi dga' ba stor ba'i byis pa rnams/ /'khor ba'i rgyud du 'bab cing thar pas dngangs gyur pa/ /bdag gis bskyabs pa yin zhes brtson 'grus dam du rtsom| |ye shes 'dod pas ltos pa med par 'gro don byed/ /gang rgyus rnam thar lam gyi rgyud ni gang zhes rtog /bde gshegs ye shes bsgribs pa med las gzhan med na/ /bde gshegs ye shes de yang shes rab mthus 'byung ste/ /shes rab thos las 'byung bar byang chub sems dpa' rtog /de ltar shes nas thos don spyad par brtson 'grus rtsom/ /nyin mtshan nyan pa'i rgyur spyod bya ba gzhan med par/ /chos kyi don gnyer chos la rab tu rten pa yin/ /nor bu mu tig rin chen tshogs dang </font><hr>Ga120b<br><font size=+1>


mdza' gnyen dang / /srid longs du ma pho brang phun ldan dam pa dang / /chung ma dag dang bu dang mthun par spyod ba'i 'khor/ /ltos med sems kyis mkhas pa chos kyi don du gtong / /mgo dang rkang lag mig dang de bzhin bdag gi sha /lce dang mche ba rna ba sna dang khrag rnams dang / /phangs pa'i rkang dang snying phyung yongs su gtong bar byed/ /'di ni dka' bar mi rtsi thos pa de dkar rtsi/ /la la de drung 'ongs shing de skad smrar gyur te/ /de ste me lce mi bzad 'bar dong mchong phod na/ /bde gshegs bstan chos rin chen bshad do zhes na yang / /thos nas mi dma'i yid kyis yon tan don du mchod/ /chos kyi tshig gcig don du ri rab brtses btags par/ /stong gsum mes bkang tshangs ris yul nas mchongs gyur kyang / /da dung rgyal ba'i byang chub yangs pa thob dka' na/ /de ste tha mal mi bdes rnyed 'gyur shin tu bde/ /drang srong mchog gi ye shes 'thob 'gyur ji srid pa/ /de srid bar du mnar med sdug bsngal bzod bya na/ /mi yi sdug bsngal phung po sna tshogs ci smos kyi/ /chos rab mnyam pa'i don du bdag gis nyams blang zhes/ /chos rnams thos par gyur nas tshul bzhin sems par byed/ /bsam gtan tshad med de bzhin gzugs med rnam pa bzhi/ /mngon par shes pa'i </font><hr>Ga121a<br><font size=+1>


@#/ /dam pa lnga po mngon sgrub kyang / /de dag dbang gis skye bar de dag 'gyur ba min/ /legs ldan 'di gnas sangs rgyas khrag khrig mang po la/ /mchod par byed cing des rtogs yid kyis chos kyang nyan/ /bsrabs par gyur cing log bral yongs su dag par 'gyur/ /skyon med gser sbram ji ltar srang la gcal ba bzhin/ /de gnas yon tan ldan pa lha yi bdag po ste/ /dbang sgyur don byed 'dod pa'i nad kyi rnam pa sel/ /lha mang sna tshogs du ma dge ba'i lam la dgod/ /sangs rgyas yon tan mngon 'dod bsam pa gzhan yang med/ /'di la gnas pa'i rgyal sras brtson 'grus rab rtsom ste/ /brgya phrag stong las mi nyung ting 'dzin thob pa yin/ /mtshan rab sku brgyan sangs rgyas rnams kyang rab tu mthong / /yan chad smon lam rab ldan yon tan bsam mi khyab/ /de ltar sa mchog gsum pa 'di/ /'jig rten kun la phan brtson pa'i/ /byang chub sems dpa'i mchog rnams la/ /rgyal ba'i sras kyis bstan pa yin/ /'od byed pa zhes bya ba ste/ /byang chub sems dpa'i sa gsum pa'o/ /sa mchog dam pa yid 'ong phul gyi/ /spyod pa yangs pa 'di 'dra thos nas/ /rgyal sras yid dga' shin tu mgu gyur/ /rgyal ba la ni </font><hr>Ga121b<br><font size=+1>


me tog mngon 'thor/ /chos 'di shin tu bstan cing brjod pas/ /lan tshwa'i gangs chen mtsho yang g.yos 'gyur/ /lha yi bu mo yid 'ong snyan pa'i/ /glu yi dbyangs su chos rab dbyangs len/ /dbang sgyur lha dbang shin tu yid dga'/ /bde gshegs rin chen lha rdzas nor 'thor/ /don 'grub yon tan pha rol phyin pa'i/ /rgyal ba de tshe gsung rab sgrog mdzad/ /ci phyir zhe na chos kyi dam pa/ /rdzogs pa'i byang chub sems dpa'i spyod rab/ /de ring 'dir thos mkhas pa'i sa de/ /bskal pa brgya yang thos par rab dka'// rgyal sras mkhas la spyod pa'i dam pa/ /lha dang mi la phan pas yang shod/ /sa don nges pa ma nor lam 'di/ /lha ma nga 'di dag yid dga' nyan 'gyur/ /bde bar gshegs pa'i sras po la/ /rnam thar zla bas yang smras pa/ /bzhi por yang dag 'bar ba yi/ /spyod yul mkhas pas bshad par mdzod/ /byang chub sems dpa' rdo rje'i snying pos smras pa/ kye| rgyal ba'i sras dang / /de ltar byang chub sems dpa' byang chub sems dpa'i sa gsum pa la snang ba shin tu sbyangs pa ni byang chub sems dpa'i sa bzhi pa yongs su gnon to/ /de chos snang ba la 'jug pa bcu yongs su gnon te/ bcu gang zhe na/ 'di lta ste/ sems can gyi khams rnam par dpyad pa snang ba la 'jug pa dang / </font><hr>Ga122a<br><font size=+1>


@#/ /'jig rten gyi khams rnam par dpyad pa snang ba la 'jug pa dang / chos kyi khams rnam par dpyad pa snang ba la 'jug pa dang / nam mkha'i khams rnam par spyad pa snang ba la 'jug pa dang / rnam par shes pa'i khams rnam par dpyad pa snang ba la 'jug pa dang / 'dod pa'i khams rnam par dpyad pa snang ba la 'jug pa dang / gzugs kyi khams rnam par dpyad pa snang ba la 'jug pa dang / gzugs med pa'i khams rnam par dpyad pa snang ba la 'jug pa dang / bsam pa dang mos pa yangs pa'i khams rnam par dpyad pa snang ba la 'jug pa dang / bdag nyid che ba'i bsam pa dang / mos pa'i khams rnam par dpyad pa snang ba la 'jug pa dang| chos snang ba la 'jug pa bcu po 'di dag gis yongs su gnon to/ /kye| rgyal ba'i sras dag /de la byang chub sems dpa'i sa 'od 'phro ba can thob pa'i byang chub sems dpa' ni de bzhin gshegs pa'i rigs su de'i bdag nyid kyi chos rab tu 'thob pa'i phyir ye shes yongs su smin par byed pa'i chos bcus yang dag par 'byung ba yin/ bcu gang zhe na/ 'di lta ste/ phyir mi ldog pa'i bsam pa dang / dkon mchog gsum la dad pa mi phyed pa rab tu thob pa'i mthar thug pa dang / </font><hr>Ga122b<br><font size=+1>


'du byed skye ba dang / 'jig par rnam par bsgom pa dang / rang bzhin gyis ma skyes pa rnam par bsgom pa dang / 'jig rten rgyu zhing ldog pa rnam par bsgom pa dang / las kyi srid par skye ba rnam par bsgom pa dang / 'khor ba dang mya ngan las 'das pa rnam par bsgom pa dang / sems can gyi zhing dang las rnam par bsgom pa dang / sngon gyi mtha' dang phyi ma'i mtha' rnam par bsgom pa dang / med pa'i mtha' dang zad pa'i mtha' rnam par bsgom pa ste/ kye| rgyal ba'i sras dag/ ye shes yongs su smin par byed pa'i chos bcu po 'di dag dang ldan pa'i byang chub sems dpa' sems dpa' chen po ni de bzhin gshegs pa'i rigs su de'i bdag nyid kyi chos rab tu 'thob pa'i phyir yang dag par byung ba yin/ kye| rgyal ba'i sras dag/ byang chub sems dpa'i sa 'od 'phro ba can la gnas pa'i byang chub sems dpa' de ni yongs su sbyong ba dang ldan zhing / shes bzhin can dran pa dang ldan par 'jig rten gyi chags sems dang / yid mi bde ba rnam par spangs te/ nang gi lus la lus kyi rjes su lta bar gnas so/ /yongs su sbyong ba dang ldan zhing shes bzhin can dran pa dang ldan par 'jig rten gyi chags sems dang yid mi bde ba rnam par spad \?\ te/ phyi'i lus la lus kyi rjes su lta bar gnas so/ /spyod pa </font><hr>Ga123a<br><font size=+1>


@#/ /dang ldan zhing shes bzhin can dran pa dang ldan par 'jig rten gyi chags sems dang yid mi bde ba rnam par spangs te/ phyi nang gi lus la lus kyi rjes su lta bar gnas so/ /de bzhin du nang gi tshor ba dang / phyi rol gyi tshor ba dang / phyi nang gi tshor ba dang / de bzhin du nang gi sems dang / phyi rol gyi sems dang / phyi nang gi sems la lta ste/ sbyong ba dang ldan zhing shes bzhin can dran pa dang ldan par 'jig rten gyi chags sems dang / yid mi bde ba rnam par spangs te/ nang gi chos la chos kyi rjes su lta bar gnas so/ /yongs su sbyong ba dang ldan zhing shes bzhin can dran pa dang ldan par 'jig rten gyi chags sems dang yid mi bde ba rnam par spangs te/ phyi rol gyi chos la chos kyi rjes su lta bar gnas so/ /yongs su sbyong ba dang ldan zhing shes bzhin can dran pa dang ldan par 'jig rten gyi chags sems dang / yid mi bde ba rnam par spangs te/ phyi nang gi chos la chos kyi rjes su lta bar gnas so/ /de sdig to dang mi dge ba'i chos ma skyes pa rnams mi skye ba'i phyir dad pa bskyed do/ /rtsol lo/ /brtson 'grus rtsom mo/ /sems rab tu 'dzin te/ /smon lam yang dag par 'debs so/ /sdig to dang mi dge ba'i chos skyes pa rnam par </font><hr>Ga123b<br><font size=+1>


spang ba'i phyir dad pa bskyed do/ /rtsol lo/ /brtson 'grus rtsom mo/ /sems rab tu 'dzin to/ /smon lam yang dag par 'debs so/ /dge ba'i chos ma skyes pa rnams skye bar 'gyur bar dad pa bskyed do/ /rtsol lo/ /brtson 'grus rtsom mo/ /sems rab tu 'dzin to/ /smon lam yang dag par 'debs so/ /dge ba'i chos skyes pa rnams gnas pa dang / mi nyams pa dang / rgya cher 'gyur ba dang / de bas kyang 'phel bar 'gyur ba dang / bsgom pa dang / yongs su rdzogs par 'gyur ba'i phyir dad pa bskyed do/ /rtsol lo/ /brtson 'grus rtsom mo/ /sems rab tu 'dzin to/ /smon lam yang dag par 'debs so/ /de mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ </font><hr>Ga124a<br><font size=+1>


@#/ /'gog pa la gnas pa/ rnam par spangs pas yongs su grub pa yongs su sgom mo/ /dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ // dad pa'i dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / brtson 'grus kyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / dran pa'i dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / ting nge 'dzin gyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / shes rab kyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / </font><hr>Ga124b<br><font size=+1>


dad pa'i stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /brtson 'grus kyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /dran pa'i stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /ting nge 'dzin gyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /shes rab kyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /dran pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /chos rnam par dbye ba yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub </font><hr>Ga125a<br><font size=+1>


@#/ /pa yongs su sgom mo/ /brtson 'grus yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /dga' ba yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /bag yod pa yang dag byang chub kyi yan lag dben pa la gnas pa / 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /ting nge 'dzin yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo| |yang dag pa'i lta ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom </font><hr>Ga125b<br><font size=+1>


mo| |yang dag pa'i rtog pa dben pa la gnas pa/ 'dod chags dang bral ba la gnas pa/ 'gog pa la gnas pa/ /rnam par spangs pas yongs su grub pa yongs su sgom mo/ / yang dag pa'i dag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /yang dag pa'i las kyi mtha' dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / yang dag pa'i 'tsho ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / yang dag pa'i rtsol ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / yang dag pa'i dran pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ /yang dag pa'i ting nge 'dzin dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spangs pas yongs su grub pa yongs su sgom mo/ / </font><hr>Ga126a<br><font size=+1>


@#/ /de dag kyang sems can thams cad la lta ba dang / sngon gyi smon lam mngon par bsgrubs pas nye bar brtan pa dang / snying rje chen po sngon du btang ba dang / byams pa chen po dang ldan par bya ba dang / thams cad mkhyen pa'i ye shes la dmigs pa dang / sangs rgyas kyi zhing bsgrub cing rgyan mngon par grub par bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / gzugs dang / mtshan dang / dpe byad bzang po dang / dbyangs kyi yan lag dang / gsung phun sum tshogs pa mngon par bsgrub pa dang / gong nas gong du khyad par du 'gyur ba'i chos yongs su btsal ba dang / sangs rgyas kyi rnam par thar pa zab mo thos pa khong du chud par bya ba dang / shes rab dang thabs la shin tu mkhas pas rnam par spyod pa'i phyir ro/ /kye| rgyal ba'i sras dag /byang chub sems dpa'i sa 'od 'phro ba can 'di la gnas pa'i byang chub sems dpa' ni gang 'di la 'jig tshogs la lta ba la sogs pa bdag tu mngon par chags pa dang / sems can du mngon par chags pa dang / srog dang / gso ba dang / gang zag dang / shed bdag dang / shed las skyes pa la mngon par chags pa dang / phung po dang / khams dang / skye mched </font><hr>Ga126b<br><font size=+1>


la mngon par chags pa las byung ba/ brkyang ba dang / bskum pa dang / rnam par brtags pa dang / rnam par dpyad pa dang / dran pa dang / bdag gir byas pa dang / nor du byas pa dang / brtan pa'i gnas su gyur pa de dag thams cad kyi thams cad du rab tu shes so/ /rab tu spong ngo / /de 'di ltar las gang bya ba'i mi cha ba yang dag par rdzogs pa'i sangs rgyas kyis smad pa/ kun nas nyon mongs pa dang ldan pa de dag thams cad kyi thams cad du spong ngo / /las gang bya ba'i rigs pa yang dag par rdzogs pa'i sangs rgyas kyis bsngags pa/ byang chub kyi lam gyi tshogs dang mthun pa/ de dag yang dag par blangs shing gnas te/ de phyir zhing ji lta ji ltar thabs dang shes rab kyis mngon par bsgrubs pa'i lam yang dag par bsgrub pa'i phyir lam gyi yan lag rnams sgom pa/ de lta de ltar 'jam pa'i sems dang ldan pa yin/ mnyen pa'i sems dang ldan pa yin/ las su rung ba'i sems dang ldan pa yin/ phan pa dang bde ba skyed pa'i sems dang ldan pa yin/ kun nas nyon mongs pa med pa'i sems dang ldan pa yin/ gong nas gong du khyad par yongs su tshol ba'i sems dang ldan pa yin/ ye shes kyi khyad par la mos pa'i sems dang ldan pa yin/ 'gro ba thams cad yongs su bskyab pa'i sems dang ldan pa yin/ bla ma la </font><hr>Ga127a<br><font size=+1>


@#/ /rim gro bya ba dang mthun pa'i sems dang ldan pa yin/ ji skad du thos pa'i chos la nan tan du byed pa'i sems dang ldan pa yin te/ de ni byas pa shes pas drin du gzo ba yin/ 'grogs na bde zhing des pa yin/ 'jam zhing mnyen pa yin/ sgyu med cing nga rgyal med pa thibs po med par spyod pa yin/ mthun par 'dzin cing nga lo bde ba yin te/ de de ltar bzod pa dang ldan/ de ltar dul ba dang ldan/ de ltar zhi ba dang ldan te/ de ltar bzod cing dul ba zhi ba dang ldan pas/ gong du sa yongs su sbyong ba'i las rnams yid la byed cing yang dag par spyod pas phyir mi ldog pa'i brtson 'grus dang ldan pa yin/ rgyun ma chad pa'i brtson 'grus dang ldan pa yin| kun nas nyon mongs pa med pa'i brtson 'grus dang ldan pa yin/ zlog par mi nus pa'i brtson 'grus dang ldan pa yin/ skyo ba med pa'i brtson 'grus dang ldan pa yin/ yangs pa'i brtson 'grus dang ldan pa yin/ mtha' yas pa'i brtson 'grus dang ldan pa yin/ shin tu sbyangs pa'i brtson 'grus dang ldan pa yin/ mi mnyam pa dang mnyam pa'i brtson 'grus dang ldan pa yin/ mi 'phrogs pa'i brtson 'grus dang ldan pa yin/ sems can thams cad yongs su smin par byed pa'i brtson 'grus dang ldan pa </font><hr>Ga127b<br><font size=+1>


yin| tshul dang mi tshul ba bye brag phyed pa'i brtson 'grus dang ldan pa yin te/ phyir zhing de'i bsam pa'i khams yongs su dag par 'gyur ro/ /lhag pa'i bsam pa'i khams dang rnam par mi 'bral lo/ /mos pa'i khams kyang shin tu byang bar 'gyur ro/ /dge ba'i rtsa ba rnam par 'phel ba dang yongs su skye'o/ /'jig rten gyi dri ma'i rnyog pa dang yang bral bar 'gyur ro/ /the tshom dang / yid gnyis dang / nem nur yang rgyun chad par 'gyur ro/ /nem nur med pa la mngon sum du gyur pa yang yongs su rdzogs par 'gyur ro/ / dga' ba dang bag yangs kyang yang dag par 'byung ngo / /de bzhin gshegs pa la dad pa rlabs po che yang mngon sum du 'gyur ro/ /sems kyi bsam pa tshad med pa yang yang dag par skye'o/ /de byang chub sems dpa'i sa 'od 'phro ba can 'di la gnas pa'i tshe lta ba rgya chen po dang / smon lam gyi stobs kyis sangs rgyas mang po snang bar 'gyur te/ lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag </font><hr>Ga128a<br><font size=+1>


@#/ /khrig brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ /des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ bsam pa rgya chen pos rim gro byed do/ /bkur sti byed do/ /bsti stang byed do/ /mchod pa byed do/ /na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'bul zhing / byang chub sems dpa'i bde ba'i yo byad thams cad kyang yongs su 'bul lo/ / dge 'dun gyi tshogs rnams la yang yang dag par mchod pa byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de bzhin gshegs pa dgra bcom pa yang dag par rdzogs pa'i sangs rgyas de dag bsnyen bkur byed cing / de dag gis chos bstan pa yang rim gror nyan cing len to/ /'dzin to| |thos nas kyang ci tshul du nan tan gyis yang dag par sgrub bo/ /de dag las phal cher de bzhin gshegs pa de dag gi bstan pa la rab tu 'byung ste/ phyir zhing de'i bsam pa dang / lhag pa'i bsam pa dang / mos pa mnyam pa nyid kyang rnam par dag par 'gyur te/ byang chub sems dpa'i sa 'od 'phro ba can 'di la gnas pa'i byang </font><hr>Ga128b<br><font size=+1>


chub sems dpa' de bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong khrag du mar bsam pa dang / lhag pa'i bsam pa dang / mos pa'i bsam pa mnyam pa nyid rab tu gnas so/ /de dge ba'i rtsa ba de dag thams cad yongs su dag cing shin tu 'od gsal bar 'gyur ro/ /kye| rgyal ba'i sras dag /'di lta ste/ dper na/ gser gyis le sbram de nyid mgar ba mkhas pas rgyan du byas pa ni/ de ma yin pa'i gser gyi sa le sbram gzhan rgyan du ma byas pas mi 'phrogs shing mi thub pa yin/ kye| rgyal ba'i sras dag /de bzhin du byang chub sems dpa' sems dpa' chen po byang chub sems dpa'i sa 'od 'phro ba can 'di la gnas pa'i dge ba'i rtsa ba de dag kyang de ma yin pa'i byang chub sems dpa'i sa 'og ma rnams la gnas pa'i byang chub sems dpa' rnams kyi dge ba'i rtsa bas mi 'phrogs shing mi thub pa yin/ kye| rgyal ba'i sras dag/ 'di lta ste/ dper na/ nor bu rin po che 'od dang </font><hr>Ga129a<br><font size=+1>


@#/ /ldan pa/ 'od zer gyi dkyil 'khor yongs su dag pa can/ snang ba rab tu gtong pa ni de ma yin pa'i rin po che'i rnam pas mi 'phrogs shing mi thub pa yin/ rlung langs pa dang / chu dang / char bab pas 'od mi chod pa yin/ kye| rgyal ba'i sras dag /de bzhin du byang chub sems dpa' sems dpa' chen po/ byang chub sems dpa'i sa 'od 'phro ba can 'di la gnas pa'ang de ma yin pa'i sa 'og ma la gnas pa'i byang chub sems dpa' rnams kyis mi 'phrogs shing mi thub pa yin/ bdud dang nyon mongs pa'i rgyud rnams kyis ye shes mi chod pa yin/ de'i bsdu ba'i dngos po bzhi las/ don mthun pa'i shas che ba yin/ pha rol tu phyin pa bcu las brtson 'grus kyi pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub pa ma yin no/ /kye/ rgyal ba'i sras dag/ 'di ni byang chub sems dpa' sems dpa' chen po rnams kyi byang chub sems dpa'i sa bzhi pa ste/ 'od 'phro ba can zhes bya'o/ /de la gnas pa'i byang chub sems dpa' sems dpa' chen po ni phal cher lha'i rgyal po rab mtshe mar 'gyur te/ sems can rnams kyi 'jig tshogs la lta ba mang po yang dag par gzhom </font><hr>Ga129b<br><font size=+1>


pa la mkhas shing mthu yod pa yin/ de sbyin pa'am/ ngag snyan pa'am/ don bsgrub pa'am/ don mthun pas dge ba'i rtsa ba gang ci rtsom yang rung ste/ de thams cad ji ltar na/ sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin khrag khrig rab tu thob cing de dag la snyoms par 'jug pa dang / sangs rgyas khrag khrig mthong zhing de dag gi byin gyi rlabs kyang yang dag par shes pa dang / 'jig rten gyi khams khrag khrig spyod pa dang / sangs rgyas kyi zhing khrag khrig tu 'gro ba dang / 'jig </font><hr>Ga130a<br><font size=+1>


@#/ /rten gyi khams khrag khrig snang bar bya ba dang / sems can khrag khrig yongs su smin par bya ba dang / bskal pa khrag khrig tu gnas par bya ba dang| sngon gyi mtha' dang / phyi ma'i mtha'i bskal pa khrag khrig la rab tu 'jug pa dang / chos kyi sgo khrag khrig rnam par 'byed pa dang / lus khrag khrig yongs su bstan pa dang / lus re re la yang byang chub sems dpa'i 'khor khrag khrig yang dag par bstan par bya ba'i brtson 'grus kyi rnam pa de lta bu rtsom mo/ /de yan chad byang chub sems dpa'i smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam| dbyangs sam/ spyod pa'am/ rgyan tam/ byin gyi rlabs sam/ mos pa'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis kyang bgrang bar dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so/ /sa gsum 'od byed pa </font><hr>Ga130b<br><font size=+1>


la shin tu sbyangs byas shing / /nam mkha'i khams dang yid kyi khams dang khams gsum dang / /sems can spyod dang chos dang 'jig rten dpyod byed cing / /mos dang bsam pa rnam par dag pa yang dag gnon/ /'od 'phro yod pa'i sa thob 'phral du mthu chen rnams/ /ston pa'i rigs su yang dag skyes pas phyir mi ldog /sangs rgyas chos dang dge 'dun dkon mchog dad mi phyed/ /skye zhing 'jig dang gnas ma byed pa med par lta/ /'jig rten rgyu ba'i las dang byed dang srid skye dang / /mya ngan 'das 'khor zhing dang sems can rnam par sgom/ /sngon dang phyi mtha' zad dang skye med grub pa dang / /las la ston pa'i rigs kyi rjes su 'brang zhing sgom/ /de dag 'di 'dra'i chos ldan phan dang bder sems pa/ /lus dang dran pa tshor ba sems dang chos sgom ste/ /dran pa nyer gzhag bsgom pa rten pa rnams spangs pa/ /phyi dang nang gi gnyis ka'i rnam par mkhas pa sgom sdig to zad cing dge chos rnam par 'phel 'gyur ba'i/ /yang dag spong ba bzhi la'ang mkhas pa sgom par byed/ /rdzu 'phrul rkang pa bzhi dang stobs dang dbang po dang / byang chub yan lag rin chen lam rab yid 'ong sgom/ /de dag kun kyang 'gro la lta ba'i blo sgom ste/ /snying brtse byams pa sngon 'gro smon lam nye bar rton/ /stobs kyi dam </font><hr>Ga131a<br><font size=+1>


@#/ /pa go 'phang mchog gi rjes sems shing / /thams cad mkhyen pa'i ye shes sangs rgyas zhing la smon/ /ston pa'i 'jigs med rnams dang chos rnams 'phrogs med dang / /sangs rgyas gsung gi mchog la brten pa smon byed cing / /rin chen lam zab rnam par thar pa'i gnas rnams dang / /che ba'i thabs rnams yang dag bsgrub phyir sgom par byed/ /'jig tshogs lta med lta ba drug cu gnyis kyang med/ /bdag dang bdag gi med cing srog tu dmigs pa med/ phung po skye mched rnams dang khams kyi gnas dang rten/ /kun kyang mkhas pas bzhi pa'i sa la rab tu spangs/ /des ni gang dang gang rnams rgyal bas smad mdzad pa'i/ / las dang nyon mongs bcas pa don du mi 'gyur rnams/ /de dag yongs su spangs shing mkhas pa khong nas dag /'gro ba bskyab pa'i don du las rab dge ba brtson// mkhas pa de ni byams pa'i sems ldan bag kyang yod/ /gnyen 'jam sems ldan phan dang bde byed dran dang ldan/ /dam pa'i don rnams thams cad skyon med yongs su tshol/ /ye shes dbang bskur mngon mos 'gro ba'i don kyang byed/ /bla ma rim gror byed dang ldan zhing nan tan brtson/ /drin bzo khro ba med cing nga lo bde dang ldan// </font><hr>Ga131b<br><font size=+1>


sgyu med thibs po med cing shin tu nges pa ste/ /yang dag sgrub byed brtson 'grus phyir ldog med pa yin/ /yid du 'ong ba'i sa 'di la ni de gnas tshe/ /lhag pa'i bsam pa nyid dang bsam dga' thob par 'gyur/ /mos pa rab tu 'byung 'gyur dge chos rnam par 'phel/ /dri ma rnyog pa the tshom yid gnyis thams cad bsal/ /'di la gnas pa'i mi rab khyu mchog rgyal ba'i sras/ /bde gshegs bye ba du ma mngon par mchod pa byed/ /chos kyang nyan byed bstan pa de la rab tu 'byung / /rgyan du byas pa'i gser ltar mi 'phrogs thub pa med/ /mkhas pa 'di la gnas pa'i yon tan bsam pa dang / /ye shes thabs dang spyod pa rnam dag lam la yang / /rnam par bzlog par bdud rnams bye bas mi nus te/ /rin chen 'od la rlung gis chod par mi 'gyur bzhin/ /mi dang lhas mchod 'os pa 'di la gnas pa yi/ /dbang phyug mtshe ma'i dam pa chos la spyod par 'gyur/ /lta ba'i thibs po rnams las sems can rnam par bzlog /rgyal ba'i ye shes don du dge ba'i rab tu brtsom/ /brtson 'grus ldan pas mi yi khyu mchog khrag khrig brgya/ /gzhan du mi sems shin tu mnyam par bzhag pas mthong / /yan chad smon lam dam pa yon tan don spyod pa/ /ye shes 'byung gnas bskal pa mang por </font><hr>Ga132a<br><font size=+1>


@#/ /mngon par sgrub/ /de ltar sa mchog bzhi pa 'di/ /rnam dag dag pa'i spyod ldan zhing / /yon tan ye shes don ldan pa/ /bde bar gshegs pa'i sras kyis bstan/ /'od 'phro can zhes bya ba ste/ /byang chub sems dpa'i sa bzhi pa'o// //bam po bzhi bcu brgyad pa/ mkhas pa rnams kyi sa mchog spyod pa thos gyur nas/ /chos kyi shes pas rgyal sras rnams ni mgu zhing dga'/ /dga' ba'i yid kyis mkha' las me tog char yang 'bebs/ /bdag nyid che ba'i bde gshegs sras po dge zhes brjod/ /lha yi bdag po dbang sgyur lha yi tshogs rnams dang / /dga' bas mkha' la 'phags te bde gshegs mchod pa'i phyir/ / me tog sna tshogs sprin chen mdog sdug yid 'ong ba/ /dga' zhing mos pas bde bar gshegs la mngon par gtor/ /glu dbyangs snyan pa yid 'ong sil snyan rnga yi sgra/ lha tshogs mang pos rgyal ba mchod pa'i don du byas/ /rgyal ba de tshe rab tu 'phrul ba'i sku yang ston/ /sgra dbyangs rnam pa kun las 'di 'dra'i sgra byung ngo / /yun ring mchog gis thub pa'i dgongs pa rdzogs/ /yun ring mchog gis thub pas byang chub brnyes/ /lha mi phan pa yun ring mchog gis mthong / /lha yi gnas su shAkya thub pa </font><hr>Ga132b<br><font size=+1>


gshegs/ /yun ring mchog gis rgya mtsho'i chu yang g.yos/ /yun ring mchog gis 'od bzang thub pas bkye/ /yun ring mchog gis sems can bde bar 'gyur/ /thugs rje che gsung yun ring mchog gis thos/ /yun ring mchog gis thub pa che dang phrad/ /yon tan kun gyi mtha' phyin da byon to/ /nga rgyal dregs snyems mun pa kun spangs te/ / mtshungs med mchod par 'os la mchod par gyis/ /de la mchod byas bde 'gro'i lam du 'gro /de la mchod byas bde ba rnam pa mang / /de la mchod byas sdug bsngal thams cad 'byang / /de la mchod byas rgyal ba'i ye shes 'thob/ /rgyal ba mkha' ltar rnam par dag pa ste/ /'gro bas mi gos pad+mo'i chu dang 'dra/ /shin tu 'phags pa rgya mtsho'i ri rab bzhin/ /spro ba'i sems kyis rgyal ba mchod gyis shig /de skad dbyangs su brjod byas nas/ /lha yi bu mo brgya mang ba/ /dga' bas rgyas pas rab tu lta/ /shin tu dga' bas rim gror byed/ /de nas rdo rje'i snying po la/ /rnam thar zla bas smras pa ni/ /sa lnga'i rnam pa ci 'dra ba/ /rgyal ba'i sras kyis bshad par mdzod/ /byang chub sems dpa' rdo rje'i snying pos smras pa/ kye| rgyal ba'i sras dag /de ltar byang chub sems dpa'/ byang chub sems dpa'i sa bzhi pa la sa'i lam yongs su rdzogs pa ni/ byang chub sems dpa'i </font><hr>Ga133a<br><font size=+1>


@#/ /sa lnga pa la 'jug ste/ de sems kyi bsam pa rnam par dag pa mnyam pa nyid bcus 'jug go /bcu gang zhe na/ 'di lta ste/ 'das pa'i sangs rgyas kyi chos kyis bsam pa rnam par dag pa mnyam pa nyid dang / ma byon pa'i sangs rgyas kyi chos kyis bsam pa rnam par dag pa mnyam pa nyid dang / da ltar byung ba'i sangs rgyas kyi chos kyis bsam pa rnam par dag pa mnyam pa nyid dang / tshul khrims kyis bsam pa rnam par dag pa mnyam pa nyid dang / /sems kyis bsam pa rnam par dag pa mnyam pa nyid dang / lta ba dang / nem nur dang / dogs pa bsal bas bsam pa rnam par dag pa mnyam pa nyid dang / lam dang lam yin pa shes pas bsam pa rnam par dag pa mnyam pa nyid dang / nan tan dang spong ba shes pas bsam pa rnam par dag pa mnyam pa nyid dang / byang chub kyi phyogs kyi chos thams cad gong nas gong du rnam par bsgom pas bsam pa rnam par dag pa mnyam pa nyid dang / sems can thams cad yongs su smin par bya bas bsam pa rnam par dag pa mnyam pa nyid de/ kye| rgyal ba'i sras dag /sems kyi bsam pa rnam par dag pa bcu po 'di dag gis de la 'jug ste/ kye| rgyal ba'i sras dag /byang chub sems dpa'i sa lnga </font><hr>Ga133b<br><font size=+1>


thob pa'i byang chub sems dpa' de ni byang chub kyi phyogs dang / lam gyi yan lag de dag nyid la sbyang ba shin tu byas shing lhag pa'i bsam pa shin tu sbyangs pas de'i gong du lam gyi khyad par tshol zhing / de bzhin nyid kyi rjes su zhugs pa dang / smon lam gyi mthu dang / shugs dang / snying rje dang / byams pas sems can yongs su mi gtong ba dang / bsod nams dang ye shes kyi tshogs rab tu bsags pa dang / yongs su rgyun chad pa med pa dang / thabs la mkhas pas mngon par bsgrub pa dang / gong nas gong du sa'i snang ba blta ba dang / de bzhin gshegs pa'i byin gyi rlabs btsal ba dang / dran pa dang / blo gros dang / rig pa dang / blo'i stobs dang shugs kyi sa yid la bya ba'i phyir mi zlog par byas te/ 'di ni sdug bsngal 'phags pa'i bden pa zhes bya bar yang dag pa ji lta ba bzhin du rab tu shes so/ /'di ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam 'phags pa'i bden pa zhes bya bar yang dag pa ji lta ba bzhin du rab tu shes te/ de kun rdzob kyi bden pa la mkhas pa yin/ don dam pa'i bden pa la mkhas pa yin/ mtshan nyid kyi bden pa la mkhas pa yin/ rnam par dbye ba'i bden pa la mkhas pa yin/ brtag pa'i bden pa la mkhas pa yin/ dngos </font><hr>Ga134a<br><font size=+1>


@#/ /po'i bden pa la mkhas pa yin/ 'byung ba'i bden pa la mkhas pa yin/ byang zhing mi skye ba'i bden pa la mkhas pa yin/ lam gyi ye shes la 'jug pa'i bden pa la mkhas pa yin/ byang chub sems dpa'i sa'i rim pa mtshams sbyar ba grub par bya bas de bzhin gshegs pa'i ye shes yang dag par bskyed pa'i bar du mkhas pa yin te/ de sems can gzhan dang gang zag gzhan la bsam pa ji lta ba bzhin du shin tu dga' bar byed pas kun rdzob kyi bden pa yang rab tu shes so/ / theg pa gcig tu yang dag par gzhol bas don dam pa'i bden pa yang rab tu shes so/ /chos kyi rang gi mtshan nyid khong du chud pas mtshan nyid kyi bden pa yang rab tu shes so| |chos kyi bye brag rnam par dgod pa khong du chud pas rnam par dbye ba'i bden pa yang rab tu shes so/ /phung po dang khams dang skye mched rnam par dgod pas rtog ba'i bden pa yang rab tu shes so/ /lus dang sems la gnod pa nyams su 'bab pas dngos po'i bden pa yang rab tu shes so/ /'gro ba'i rgyud kyi mtshams sbyor bas 'byung ba'i bden pa yang rab tu shes so/ /rims dang yongs su gdung ba thams cad shin tu zhi bas byang zhing mi skye ba'i bden pa yang rab tu shes so/ /mi gnyis pas mngon </font><hr>Ga134b<br><font size=+1>


par bsgrub pas lam gyi ye shes la 'jug pa'i bden pa yang rab tu shes so/ /rnam pa thams cad du mngon par 'tshang rgya ba dang / byang chub sems dpa'i sa rim pa thams cad mtshams sbyar ba rab tu bsgrub pas de bzhin gshegs pa'i ye shes yang dag par 'byung ba'i bden pa yang rab tu shes so/ de 'ang mos pas shes pa'i stobs dang / shugs kyis te lhag ma ma lus par ye shes khong du chud pas ni ma yin no/ /de de ltar bden pa la mkhas pa mngon par bsgrubs pa'i blos 'dus byas thams cad gsob gsog rdzun pa bslu ba'i chos can dku byed pa/ byis pa 'drid par yang dag par ji lta ba bzhin du rab tu shes te/ de sngon pas kyang sems can thams cad la snying rje mngon du 'gyur ro/ /byams pa chen po'i snang ba yang rab tu 'byung ste/ de de ltar ye shes kyi stobs dang shugs rab tu thob cing sems can thams cad la lta ba dang / sangs rgyas kyi ye shes la mngon par mos pas 'du byed kyi rnam pa thams cad kyi sngon gyi mtha' dang / phyi ma'i mtha' rab tu rtog ste/ 'di ltar sngon gyi mtha'i ma rig pa dang / srid pa dang / sred pa las rab tu byung ba'i sems can 'khor ba'i rgyud du 'bab pa/ phung po'i gnas las ma 'phags pa/ sdug bsngal gyi phung po chen po/ bdag med pa/ sems can med pa/ srog med pa/ gso </font><hr>Ga135a<br><font size=+1>


@#/ /ba med pa/ gang zag med pa/ bdag dang bdag gi dang bral ba/ rnam par 'phel lo zhes de'ang yang dag pa ji lta ba bzhin du rab tu shes so/ /'di ltar phyi ma'i mtha' med pa la rmongs pa'i 'dod pa 'di nyid rgyun gcad pa dang / mthar dbyung ba dang / 'byung bar bya ba dang / yod pa dang med pa de yang yang dag pa ji lta ba bzhin du rab tu shes te/ de 'di snyam du sems so/ /de ltar lus grangs med pa zhig 'gags la 'gag par 'gyur zhing 'gag bzhin te/ 'di ltar rgud par 'gyur yang lus la skyo ba mi skyed cing / sdug bsngal gyi 'khrul 'khor je bas je 'phel du byed pa dang / 'khor ba'i rgyud las phyir mi ldog cing / phung po'i gnas mi gtong ba dang / khams kyi sbrul gyis skyo bar mi 'gyur ba dang / nga rgyal dang lta ba'i zug rngu mi 'byin cing / 'dod chags dang / zhe sdang dang / gti mug gi me lce 'bar ba zhi bar mi byed pa dang| ma rig pa'i mun pa chen po mi sel cing / srid pa'i mtsho mi skem la/ stobs bcu'i ded dpon mi tshol zhing / bdud kyi bsam pa thibs po'i rjes su song ste/ 'khor ba'i rgya mtsho rnam par rtog pa sna tshogs kyi chu srin gyis dkrugs pas yongs su g.yeng bar 'khod cing / byis pa so so'i skye bo de dag de ltar mi shes shing rmongs pa ni ngo </font><hr>Ga135b<br><font size=+1>


mtshar che'i/ ma la/ bdag gis sems can de ltar sdug bsngal gyis mnar ba/ mgon med pa/ dpung gnyen med pa/ skyabs med pa/ gnas med pa/ gzhi med pa/ rten med pa/ long bar gyur pa/ ma rig pa'i sgo nga'i sbubs dang / pris yog pa/ mun pas khebs pa de dag gi don du bdag gcig pu gnyis su med pas bsod nams dang / ye shes kyi tshogs kyi rnam par bsags par bya ba/ ji lta bur bsags pas sems can de dag shin tu rnam par dag pa thob par 'gyur ba dang / stobs bcu'i stobs kyi ye shes chags pa med pa'i bar gyi mthar thug pa thob par 'gyur ba'i rnam pa de lta bu'i bsod nams dang / ye shes kyi tshogs bsags par bya'am ci snyam ste/ de de ltar shin tu brtags pa'i ye shes kyis mngon par bsgrubs pa'i blos dge ba'i rtsa ba gang ci rtsom yang de dag thams cad sems can thams cad yongs su bskyab pa dang / sems can thams cad la phan pa dang / sems can thams cad la bde ba dang / sems can thams cad la snying brtse ba dang / sems can thams cad la gtse ba med pa dang / sems can thams cad yongs su dgrol ba dang / sems can thams cad drang ba dang / sems can thams cad dad par bya ba dang / sems can thams cad gdul ba dang / sems can thams </font><hr>Ga136a<br><font size=+1>


@#/ /cad yongs su mya ngan las bzla ba'i phyir rab tu rtsom ste/ byang chub sems dpa'i sa lnga pa shin tu khyab par dga' ba 'di la gnas pa'i byang chub sems dpa' de ni/ de bas kyang nyams par mi 'gyur ba'i chos nyid kyis dran pa dang ldan pa yin/ shin tu nges par rtogs pa'i ye shes kyis blo gros dang ldan pa yin/ mdo'i don dang / tshul dang / ldem po dag khong du chud pas rig pa dang ldan pa yin/ bdag de gzhan gyi sems rjes su srung bas ngo tsha shes shing khrel yod pa yin/ sdom pa dang tshul ma bor bas dga' ba dang ldan pa yin/ gnas dang gnas pa ma yin pa la mkhas shing shin tu brtags pas blo dang ldan pa yin/ gzhan gyi dring mi 'jog pas ye shes dang ldan pa yin/ don dang don ma yin pa'i tshig yang dag par dbye ba la mkhas pas shes rab dang ldan pa yin/ bsgom pa mngon par bsgrub pa la mkhas pas mngon par shes pa bsgrub pa thob pa yin/ 'jig rten gyi rjes su 'brang bas thabs la mkhas pa yin/ bsod nams kyi tshogs nye bar gsog pas ngom mi shes pa yin/ ye shes kyi tshogs yongs su tshol bas brtson 'grus rgyun mi 'chad pa yin/ byams pa dang snying rje chen po'i tshogs yang dag par gsog pas </font><hr>Ga136b<br><font size=+1>


skyo ba med pa'i bsam pa dang ldan pa yin/ de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa yongs su tshol bas snyom las med par yongs su tshol ba la brtson pa yin/ sangs rgyas kyi zhing bsgrub pa dang / rgyan mngon par shom pas mngon par bsgrub pa'i yid dang ldan pa yin/ mtshan dang dpe byad bzang po yang dag par bsgrub pas dge ba rnam pa sna tshogs la brtson pa yin/ de bzhin gshegs pa'i sku dang gsung dang thugs kyi rgyan yongs su tshol bas rtag tu rgyun mi 'chad par brtson pa yin/ byang chub sems dpa' dang / chos smra ba thams cad la rim gro byed pas bsnyen bkur dang / sri zhu chen po'i ngang tshul can yin/ byang chub kyi sems dang thabs mkhas pa chen po'i ngang tshul dang ldan par 'jig rten du rgyu bas khong khro ba med pa'i sems dang ldan pa yin/ sems can thams cad yongs su smin par bya ba la mngon par brtson pas nyin mtshan du gzhan du sems pa'i yid yongs su spangs pa yin te/ de de ltar mngon par brtson pas sbyin pas kyang sems can yongs su smin par byed do/ /ngag snyan pa dang / don bsgrub pa dang / don mthun pa dang / gzugs kyi lus kun tu bstan pa dang / chos bshad </font><hr>Ga137a<br><font size=+1>


@#/ /pa dang / byang chub sems dpa'i spyod pa brjod pa dang / de bzhin gshegs pa'i che ba nyid smos pa dang / 'khor ba'i nyes pa bstan pa dang| sangs rgyas kyi ye shes kyi yon tan yongs su grags par bya ba dang / rdzu 'phrul dang / rnam par 'phrul pa chen po mngon par bsgrub pa dang / bya ba dang / thabs rnam pa sna tshogs kyis sbyor bas sems can yongs su smin par byed do/ /de ltar sems can yongs su smin par bya ba la mngon par brtson pa dang ldan zhing / sangs rgyas kyi ye shes kyi rjes su song ba'i bsam pa can/ dge ba'i rtsa ba phyir mi ldog pa'i sbyor ba dang ldan pa/ khyad par can gyi chos yongs su btsal ba la mngon par brtson pa de gang 'di 'jig rten na yod pa'i yi ge dang / gtsug lag dang / lag brda dang / grangs dang / rtsis dang / shod thabs la sogs pa dang / khams kyi cho ga dang| gso ba'i cho ga dang / skem pa dang / brjed byed dang / 'byung po'i gdon bsal pa dang / dug dang ro langs kyi sbyor ba bsal ba dang / rang bzo dang / gar gyi cho ga dang / gtam dang / rol mo dang / sgrung gtam la dga' bskyed pa dang / grong dang grong khyer dang / bza' shing gi ra ba dang / chu klung dang / mtshe'u dang / lteng ka dang / </font><hr>Ga137b<br><font size=+1>


rdzing bu dang / me tog dang / shing tog dang / rtsi dang / nags tshal mngon par bsgrub pa dang / gser dang / dngul dang / nor bu dang / mu tig dang / bai DUR+Ya dang / dung dang / rin po che shI la dang / byi ru dang / rin po che rnams kyi 'byung gnas bstan pa dang / nyi ma dang / zla ba dang / gza' dang / rgyu skar dang / sa g.yo ba dang / ri dwags kyi ltas dang / rmi lam dang ltas bstan pa la 'jug pa dang / yan lag dang / nying lag gi mtshan dang / spyod pa'i mtshan dang / sdom pa dang / tshul dang / bsam gtan dang / mngon par shes pa dang / tshad med pa dang / gzugs med pa'i gnas rnams dang / gzhan yang gang sems can la 'tshe bar mi 'gyur ba'i sbyor ba dang / sems can thams cad la phan pa dang| bde bar 'gyur ba yod dgu de dag thams cad 'jig rten la snying brtse bas rim gyis sangs rgyas kyi chos la rab tu dgod pa'i phyir mngon par sgrub bo/ /byang chub sems dpa'i sa shin tu rgyal bar dka' ba 'di la gnas pa'i byang chub sems dpa'i lta ba rgya chen po dang / smon lam gyi stobs kyis sangs rgyas mang po snang bar 'gyur te/ lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas </font><hr>Ga138a<br><font size=+1>


@#/ /bye ba brgya stong phrag mang po dang / sangs rgyas khrag khrig mang po dang / sangs rgyas khrig khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ /des de bzhin gshegs pa dgra bcom pa yang dag par rdzogs pa'i sangs rgyas de dag mthong nas bsam pa rgya chen pos rim gro byed do/ /bkur sti byed do/ /bsti stang byed do/ /mchod pa byed do/ / na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'bul zhing byang chub sems dpa'i bde ba'i yo byad thams cad kyang yongs su 'bul lo| |dge 'dun gyi tshogs rnams la'ang yang dag par mchod pa byed de/ dge ba'i rtsa ba dag kyang bla na med pa yang dag par rdzogs pa'i byang chub tu yongs su bsngo'o/ / de bzhin gshegs pa dgra bcom pa yang dag par rdzogs pa'i sangs rgyas de dag la rim gro byed cing de dag las rim gro dang / zhe sa dang / bsti stang du chos bstan pa nyan to/ /len to/ /'dzin to/ /thos nas kyang ci tshul du nan tan gyis yang dag par sgrub ste/ de dag las phal cher de bzhin gshegs pa de dag gi bstan pa la rab tu </font><hr>Ga138b<br><font size=+1>


'byung ngo / /rab tu byung nas kyang thos pa 'dzin pa'i gzungs rab tu thob pa'i chos smra bar 'gyur ba yin/ de ltar byang chub sems dpa'i sa shin tu rgyal bar dka' ba 'di la gnas pa'i byang chub sems dpa' de'i dge ba'i rtsa ba de dag bskal pa du mar shin tu byang ba dang / yongs su dag pa dang / 'od rab tu gsal bar gnas so/ /bskal pa brgya phrag du ma dang / bskal pa stong phrag du ma dang / bskal pa brgya stong du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar dge ba'i rtsa ba de dag shin tu byang ba dang / yongs su dag pa dang / rab tu 'od gsal bar gnas so/ /kye| rgyal ba'i sras dag /gser gyi sa le sbram de nyid rin po che mu sa ra gal bas btab na| de bas kyang yongs su 'tsher ro/ /yongs su dag par 'gyur ro/ /'od shin tu gsal zhing dang bar 'gyur ro/ /kye| rgyal ba'i sras dag /de bzhin du byang chub sems dpa'i sa shin tu rgyal bar dka' ba 'di la gnas pa'i byang chub sems dpa'i dge ba'i rtsa ba thabs dang shes rab kyis rnam par spyad pa yang de bas kyang shin tu byang ba dang / </font><hr>Ga139a<br><font size=+1>


@#/ /yongs su dag pa dang / rab tu 'od gsal zhing dang ba yin/ ye shes kyi sbyor ba'i yon tan mngon par bsgrubs pa dang ldan pa yin/ mi 'phrogs shing shin tu brtags pa yin/ kye| rgyal ba'i sras dag / 'di lta ste/ dper na/ nyi ma dang / zla ba dang / skar ma dang / rgyu skar gyi gzhal med khang gi 'od snang ba ni rlung gi dkyil 'khor gyis mi 'phrogs shing / rlung dang thun mong du mi spyod pa yin/ kye| rgyal ba'i sras dag/ de bzhin du byang chub sems dpa'i sa shin tu rgyal bar dka' ba 'di la gnas pa'i dge ba'i rtsa ba thabs dang / shes rab dang / ye shes dang / sems kyis shin tu brtags pa dang ldan pa yang nyan thos dang rang sangs rgyas kyis mi 'phrogs pa yin/ 'jig rten pa dang thun mong du mi spyod pa yin/ de'i pha rol tu phyin pa bcu las bsam gtan gyi pha rol tu phyin pa shas che ba yin te/ lhag ma rnams kyang ci tshul ci nus su mi sgrub pa ma yin no/ /kye| rgyal ba'i sras dag/ 'di ni byang chub sems dpa'i sa shin tu rgyal bar dka' ba zhes bya ba/ byang chub sems dpa'i sa lnga pa mdor bstan pa'o/ /de la gnas pa'i byang chub sems dpa' ni phal cher lha'i rgyal po rab dga' ldan du 'gyur te/ sems can thams cad kyi mu stegs </font><hr>Ga139b<br><font size=+1>


kyi gnas thams cad rnam par bzlog pa la mkhas shing mthu yod pa yin/ de sbyin pa'am/ ngag snyan pa'am/ don bsgrub pa'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin khrag khrig phrag stong rab tu 'thob cing / de dag la snyoms par 'jug pa dang / sangs rgyas khrag khrig phrag stong mthong zhing de dag gi byin gyi rlabs kyang yang dag par shes pa dang / 'jig </font><hr>Ga140a<br><font size=+1>


@#/ /rten gyi khams khrag khrig phrag stong skyod pa dang / sangs rgyas kyi zhing khrag khrig phrag stong du 'gro ba dang / 'jig rten gyi khams khrag khrig phrag stong du snang bar bya ba dang / sems can khrag khrig phrag stong yongs su smin par bya ba dang / bskal pa khrag khrig phrag stong du gnas par bya ba dang / sngon gyi mtha' dang phyi mi'i mtha'i bskal pa khrag khrig phrag stong la rab tu 'jug pa dang / chos kyi sgo khrag khrig phrag stong rnam par 'byed pa dang / lus khrag khrig phrag stong yongs su bstan pa dang / lus re re la yang byang chub sems dpa'i 'khor khrag khrig phrag stong yang dag par bstan par bya ba'i phyir brtson 'grus kyi rnam pa de lta bu rtsom mo/ /de yan chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan tam/ byin gyi rlabs sam/ mos pa 'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du mas kyang bgrang </font><hr>Ga140b<br><font size=+1>


par dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang bstan par bya ba'i phyir/ de'i tshe tshigs su bcad pa 'di dag smras so/ / rgyal ba'i spyod pa bzhi po de ltar rnam sbyangs te/ /dus gsum mnyam pa nyid kyi rjes su sems byed cing / /tshul khrims sems dang nan tan lam rnams rnam dag pas/ /nem nur med pa'i mkhas pa lnga pa yongs su gnon/ /dran pa'i gzhu dang dbang po mda' rno phyir mi ldog /yang dag spong ba rta yin gzhon pa rdzu 'phrul rkang / /stobs lnga go cha dgra rnams kun gyis tshugs mi nus/ /dpa' bas mi ldog mkhas pa lnga pa yongs su gnon/ /ngo tsha khrel yod gos yin mkhas pa'i tshul gtsang spos/ /byang chub yan lag phreng ba byug pa bsam gtan mchog /shes rab rnam par dpyang dang thabs mchog rgyan yin te/ /bza' shing ra ba ting 'dzin dga' ldan yang dag gnon/ /rdzu 'phrul bzhi po rkang pa dran pa rnam dag mgrin/ /byams brtse rnam dag mig yin shes rab mche ba mchog /bdag med nga ros nyon mongs dgra rnams rab tu 'joms/ /mkhas pa mi yi seng ge sa lnga yongs su gnon/ /de dag sa mchog lnga pa'i phyogs su phyin gyur nas/ /yongs su dag pa'i lam rnam phyir zhing gong du sbyong / /bsam dag mkhas pa rgyal ba 'thob </font><hr>Ga141a<br><font size=+1>


@#/ /par bya don du/ /skyo ba med par snying rje byams pa'i rjes su sems/ /bsod nams tshogs bsags de bzhin ye shes rab ldan pa/ /sa rnams snang bar bya phyir gcig min thabs rtog cing / /sangs rgyas byin gyis dran dang blo gros blo thob pas/ /bden pa bzhi po ma lus yang dag khong du chud/ /don dam bden pa de bzhin kun rdzob mtshan bden dang / /rnam par dbye ba'i bden pa de bzhin brtag bden dang / /'byung zhing 'jug dang dngos po bzhi lam bden pa nas/ /sgrib med bden pa'i bar du yang dag rab tu rtogs/ /de ltar bden pas yongs su sbyangs pa'i blo phra yang / /rnam thar dam pa sgrib med de ni thob pa min/ /ye shes mos yangs yon tan rnams kyi 'byung gnas te/ /'gro kun dgra bcom rang rgyal rnams ni zil gyis gnon/ /de dag bden pas de ltar rang gi blos bsgrubs pas/ /'dus byas rdzun zhing rang bzhin snying po med par shes/ /sems can don du bde gshegs ye shes tshol ba'i tshe/ /bde gshegs thugs brtse byams pa snang ba rab tu 'thob/ /'dus byas sngon dang phyi mtha' mkhas pa rab tu lta/ /gti mug mun gnag mun pas 'khrugs shing sred chags pa'i/ /'gro rnams sdug bsngal phung po lta ba bdag med cing / /srog </font><hr>Ga141b<br><font size=+1>


bral rtswa shing 'dra ba mngon par sel ba byed/ /nyon mongs rjes 'gro 'di dag 'das dang ma 'ongs pa'i/ /sdug bsngal rgyun gcod mthar phyin gzhal bar yong mi byed/ /kyi hud 'gro ba de ltar 'khyams zhes snying rje skye/ /gti mug 'khrul pas 'khor ba'i rgyud du phyir mi ldog /phung po'i gnas dang khams sprul lta bu'i zug rngu can/ /mes gdungs yid can sgrib pa'i mun pas bsgribs gyur pa/ /don rnams rnam par ma brtags sred pa'i mtshor lhung zhing / /rgyal ba'i ded dpon bral ba sdug bsngal rgya mtshor gnas/ /de ltar rig nas bag yod phyir zhing rab tu rtsom/ /ci rtsom kun kyang 'gro ba rnam thar don du ste/ /phyir zhing dran ldan blo gros rig dang ldan pa yin/ /khrel yod dga' ldan mkhas pa blo ldan shes rab ldan/ /bsod nams bsags dang ye shes dam pas mi ngoms shing / /rtag tu skyo med le lo med par thos pa tshol/ /zhing sgrub rgyal ba'i mtshan dang sangs rgyas gsung tshol zhing / /sems can phan par brtson pa'i bya bas ngoms mi shes/ /'gro ba smin bya'i don du mkhas pas bzo yi gnas/ /yi ge lag brda grangs dang rtsis dang gso ba'i thabs/ /'byung po'i gdon dang las rnams sna tshogs bsal ba'i phyir/ /snying brtse byams pa'i blo gsal gtsug lag kun la gzhol/ /rang bzo mchog dang gar sdug </font><hr>Ga142a<br><font size=+1>


@#/ /sna tshogs dga' byed dang / /chu klung ra ba shing tog me tog 'dug gnas dang / /bya ba sna tshogs sgrub byed sems can bde don du/ /rin chen 'byung gnas du ma'ang nye bar ston pa byed/ /sa g.yo nyi zla gza' skar kun kyang de bzhin du/ /sems can yan lag mtshan ma'i dpyad dang rgyal srid gnas/ /gzugs med bsam gtan mngon shes mchog dang tshad med pa/ /'gro la bde dang phan pa'i don 'dod mngon par bsgrub/ /shin tu rgyal dka' 'di thob shes rab mchog spyod pa// sangs rgyas bye ba mchod byed chos rnams nyan par byed/ /de dag dge dang bsam pa phyir zhing dag par 'gyur/ /gser sbram ji ltar mu sar gal bas btab pa bzhin/ / ji ltar bar snang gza' yi rin chen gzhal med khang / /rlung la rgyu ste 'on kyang rlung gis 'phrogs pa min/ /de ltar 'gro ba'i don spyod 'jig rten chos spyod kyang / /ji ltar pad+mo chus mi chags bzhin 'phrogs pa min/ /'di la gnas pa dga' ldan dbang po mkhas par 'gyur/ /mu stegs spyod dang lta ba mang po'i gnas kyang sel/ /stobs rnams bcu po sems can bskyab par bya'o zhes/ /dge ba de dag rgyal ba'i ye shes don du rtsom/ /'di na sa gong du brtson 'grus rtsom byed mthu thob pa/ /khrag khrig </font><hr>Ga142b<br><font size=+1>


bye ba stong gi bde gshegs mchod pa byed/ /ting 'dzin thob nas khrag khrig zhing yangs mkhas pas bskyod/ /yan chad smon lam khyad par yon tan 'byung gnas so/ /de ltar sa mchog lnga pa 'di/ /thabs kyi rnam pa khrag khrig gis/ /sems can gtso la yang dag tu/ /rgyal ba'i sras kyis bstan pa yin/ /shin tu rgyal bar dka' ba zhes bya ba ste/ byang chub sems dpa'i sa lnga pa'o/ /mkhas pa rnams kyis mchog spyod pa rab thob nas/ /rgyal sras dga' zhing mkha' las me tog char 'bebs so/ /nor bu rin chen rnam dag 'od gsal rgya chen 'byung ba dag /bde bar gshegs la mngon 'thor dge zhes rnam par brjod/ /lha rnams brgya phrag stong grangs dga' zhing bar snang las/ /lha rdzas yid 'ong rin chen sna tshogs phye ma'i rnams/ /bde bar gshegs la mngon 'thor byug pa phreng ba spos/ /gdugs dang rgyal mtshan ba dan se mo do yang 'bul/ /lha yi dbang po dbang sgyur lha tshogs mang po dang / /steng gi nam mkha' la 'khod cing rin chen sprin yangs pa/ /rgyal ba mchod pa'i don du bde bar gshegs la 'thor/ /dga' ba'i sems kyis rgyal sras legs zhes rnam par brjod/ /bar snang gnas las lha yi bu mo stong gis kyang / /glu dbyangs yid 'ong rol mo'i sgra dbyangs snyan pa phyung / /sgra rnams kun gyi dbyangs las 'di skad tshig kyang byung / / </font><hr>Ga143a<br><font size=+1>


@#/ /rgyal ba'i gsung ni yid 'ong nyon mongs gdung ba sel/ /chos rnams thams cad stong zhing dngos zhi mtshan ma med/ /nam mkha'i dbyings dang mtshungs mnyam rnam dag rnam mi rtog /'gro dang gnas las rnam 'das ma lus spros pa med/ /de bzhin nyid du chos rnams yang dag mnyam mi rtog /chos rnams kun la snang ba khong du sus chud pa/ /de la dngos dang dngos med g.yo ba gang yang med/ /snying rje brtse bas 'gro ba dgrol phyir brtson pa ni/ /de dang de dag rgyal sras chos kyi sku skyes pa'o/ /mtshan ma thams cad spangs shing sbyin pa'i spyad pa spyod/ /tshul khrims shin tu sems dam sngon nas zhi zhing dul/ /'gro ba'i don du chos kyi ye shes ma nyams bzod/ /brtson 'grus stobs dang ldan zhing chos rnams kun gyis dben/ /nyon mongs bsal cing rnam dag bsam gtan tshul la zhugs/ /dngos po thams cad snga nas zhi zhing rnam par phye/ /ye shes spyod dang stobs phyug rtag tu 'gro don brtson/ /rgyal sras de dag sdig zhi che ba nyid dang ldan/ /de skad sgra dbyangs snyan pa stong grangs brjod byas nas/ /lha yi bu mo mi smra dad par thub la lta/ /rdo rje'i snying po 'jigs med la/ /thar pa'i zla bas yang smras pa/ /sa mchog lnga yi gong ma </font><hr>Ga143b<br><font size=+1>


de| |rnam pa ci 'dras 'grub par 'gyur/ /byang chub sems dpa' rdo rje snying pos smras pa/ kye| rgyal ba'i sras dag /de ltar byang chub sems dpa'i sa lnga pa la sa'i lam yongs su rdzogs pa'i byang chub sems dpa' de ni/ byang chub sems dpa' sa drug pa la 'jug go /de chos mnyam pa nyid bcus 'jug ste/ bcu gang zhe na/ 'di lta ste/ chos thams cad mtshan ma med pa mnyam pa nyid dang / chos thams cad mtshan nyid med pa mnyam pa nyid dang / chos thams cad mi skye ba mnyam pa nyid dang / chos thams cad ma byung ba mnyam pa nyid dang / chos thams cad dben pa mnyam pa nyid dang / chos thams cad snga nas rnam par dag pa mnyam pa nyid dang / chos thams cad spros pa med pa mnyam pa nyid dang / chos thams cad blang ba med pa dang / dor ba med pa mnyam pa nyid dang / chos thams cad sgyu ma dang / rmi lam dang / mig yor dang / sgra brnyan dang / chu'i zla ba dang / gzugs brnyan dang / sprul pa dang mtshungs pa mnyam pa nyid dang / chos thams cad dngos po yod pa dang / dngos po med pa dang / gnyis ka ma yin pa mnyam pa nyid de/ kye| rgyal ba'i sras dag /chos mnyam pa nyid bcu po 'di dag gis byang chub sems dpa'i sa drug pa la 'jug go /de chos thams cad la rang bzhin de 'dra bar rab tu rtog cing spyod </font><hr>Ga144a<br><font size=+1>


@#/ /pa dang mthun par sems shing mi mthun par mi byed pas byang chub sems dpa'i sa drug pa mthun pa'i bzod pa rnon pos 'thob ste/ 'on kyang da dung mi skye ba'i chos la bzod pa mngon du gyur pa ni thob pa ma yin no/ /de chos thams cad la rang bzhin de ltar rtog pa'i tshe/ de bas kyang snying rje chen po sngon du 'gro ba dang| snying rje chen po la dbang bsgyur bas snying rje chen po yongs su rdzogs par bya ba'i phyir/ 'jig rten 'byung ba dang / 'jig pa la rnam par lta'o/ /de 'jig rten 'byung ba dang / 'jig pa la lta ba'i tshe/ 'di snyam ste/ 'jig rten kun tu rgyu ba'i skye ba ji snyed yod pa de dag thams cad bdag tu mngon par shes pa las 'byung ste/ bdag tu mngon par zhen pa dang bral na 'byung ba yang med par 'gyur ro/ /byis pa'i blo can bdag tu mngon par zhen pa/ mi shes pa'i rab rib kyis bsgribs pa yod pa dang med pa la mngon par mos pa/ tshul bzhin ma yin pa yid la byed pa la gzhol ba/ yang dag pa ma yin par rab tu zhugs pa/ log pa'i rjes su 'brang ba de dag ni bsod nams dang bsod nams ma yin pa'i 'du byed nye bar gsog ste/ 'du byed de dag gis yongs su bsgos pa'i sems kyi sa bon zag pa dang bcas pa/ nye bar len pa dang bcas pa ni/ </font><hr>Ga144b<br><font size=+1>


ma 'ongs pa'i skye ba dang / rga shi dang / yang srid pa mngon par 'grub pa 'byung ba nye bar song ba yin te/ las kyi zhing gi gzhi dang / ma rig pa'i mun pa dang / sred pa'i snum dang| nga'i nga rgyal gyis brlan pa'i lta ba'i rnam pa dang / dra ba rab tu 'phel bas ming dang gzugs kyi myu gu 'byung ste/ byung nas rnam par 'phel lo/ /ming dang gzugs kyi myu gu rnam par 'phel nas/ dbang po lnga 'byung bar 'gyur ro/ /dbang po lnga byung nas/ phan tshun 'dus shing phrad pas reg par 'gyur ro/ /reg pa 'dus pas tshor ba 'byung ngo / /tshor ba de'i rjes su mngon par smon pas sred pa 'byung ngo / /sred pa ni nye bar len pa rnam par 'phel bar byed do/ /nye bar len pa rnam par 'phel ba las srid pa 'byung bar 'gyur ro| |srid pa byung nas phung po lnga po 'byung bar 'gyur te/ phung po lnga byung nas lam gyi rgyud lngar rim gyis dengs par 'gyur ro/ /dengs nas 'bral bar 'gyur te/ dengs shing bral bas mi dga' zhing yongs su gdung bar 'gyur ro/ /mi dga' ba dang yongs su gdung ba'i rgyus mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa 'byung bar 'gyur yang de dag las su yang 'byung bar byed pa med do/ /rang bzhin dang lhun gyis grub par 'jig par 'gyur yang de dag la 'jig </font><hr>Ga145a<br><font size=+1>


@#/ /par byed pa su yang med do/ /zhes de ltar byang chub sems dpa' sems dpa' chen po lugs su mthun par rten cing 'brel bar 'byung ba la rab tu rtog go /de 'di snyam du sems te/ bden pa mngon par mi shes pa ni yang dag par ma rig pa ste/ ma rig pas byas pa'i las kyi rnam par smin pa ni 'du byed rnams so/ /'du byed la gnas pa'i sems dang po ni rnam par shes pa'o/ /rnam par shes pa dang lhan cig tu skyes pa'i nye bar len pa'i phung po bzhi ni ming dang gzugs so| |ming dang gzugs rnam par 'phel ba ni skye mched drug go /dbang po dang yul dang rnam par shes pa gsum phrad pa zag pa dang bcas pa ni reg pa'o/ /reg pa'i rjes las skyes pa ni tshor ba'o/ /tshor ba la chags pa ni sred pa'o/ /sred pa rnam par 'phel ba ni nye bar len pa'o/ /nye bar len pa las byung ba'i las zag pa dang bcas pa ni srid pa'o/ /las dang rgyu mthun pa'i 'bras bu ni skye ba'o/ /skye ba ni phung po 'byung ba'o/ /phung po yongs su smin pa ni rga ba'o/ /rgas nas phung po 'jig pa ni 'chi ba'o| |'chi zhing 'bral ba'i tshe myos shing chags par 'gyur ba'i sems la yongs su gdung ba ni mya ngan to/ /mya ngan las byung ba'i tshig tu brjod pa ni smre sngags 'don </font><hr>Ga145b<br><font size=+1>


pa'o| |dbang po lnga'i nyams su bab pa ni sdug bsngal lo/ /yid kyis lta ba'i nyams su bab ni yid mi bde ba'o/ /sdug bsngal dang yid mi bde ba mang po byung ba ni 'khrug pa ste| de ltar na sdug bsngal gyi phung po chen po dang / sdug bsngal gyi sdong po 'ba' zhig byed pa po dang / tshor ba po med pa mngon par grub par 'gyur ro/ /de 'di snyam du sems te| byed pa po la mngon par chags pas las rnams yod par gyur te/ gang na byed pa po med pa de na don dam par na las kyang mi dmigs so/ /de 'di snyam du sems te/ 'di ltar khams gsum pa 'di ni sems tsam ste/ gang 'di srid pa'i yan lag bcu gnyis de bzhin gshegs pas rab tu phye ste bka' stsal ba de dag thams cad kyang sems gcig la gnas pa dag go /de ci'i phyir zhe na/ dngos po gang la 'dod chags dang ldan pa'i sems skyes pa de ni rnam par shes pa'o/ /dngos po ni 'du byed do/ / 'du byed la mgo rmongs pa ni ma rig pa'o/ /ma rig pa'i sems dang lhan cig skyes pa ni ming dang gzugs so/ /ming dang gzugs rnam par 'phel ba ni drug gi skye mched do// dgru gi skye mchod dang 'brel ba ni reg pa'o/ /reg pa dang lhan cig skyes pa ni tshor ba'o/ /tshor bas mi ngoms pa ni sred pa'o/ /sred pas mnar te sdug cing mi gtong ba ni nye </font><hr>Ga146a<br><font size=+1>


@#/ /bar len pa'o/ /srid pa'i yan lag 'byung ba 'di dag ni srid pa'o/ /srid pa 'byung ba ni skye ba'o/ /skye ba yongs su smin pa ni rga ba'o/ /rga ba dang bral ba ni 'chi ba'o/ /de la ma rig pa ni bya ba gnyis su nye bar gnas pa yin te/ sems can rnams kyang dmigs pa la rmongs par byed do/ /'du byed mngon par bsgrub pa'i rgyu yang 'byin to/ /'du byed rnams kyang bya ba gnyis su nye bar gnas pa yin te/ ma 'ongs pa'i rnam par smin pa yang mngon par 'grub par byed do/ /rnam par shes pa mngon par 'grub pa'i rgyu yang 'byin to/ /rnam par shes pa'ang bya ba gnyis su nye bar gnas pa yin te/ srid pa'i nying gi mtshams kyang sbyor ro/ /ming dang gzugs mngon par 'grub pa'i rgyu yang 'byin to/ /ming dang gzugs kyang bya ba gnyis su nye bar gnas pa yin te/ phan tshun nye bar rton par yang byed do/ /skye mched drug mngon par 'grub pa'i rgyu yang 'byin to/ /drug gi skye mched kyang bya ba gnyis su nye bar gnas pa yin te/ rang gi yul rnam par phye ba yang ston to/ /reg pa mngon par 'grub pa'i rgyu yang 'byin to/ /reg pa yang bya ba gnyis su nye bar gnas pa yin te/ dmigs pa la reg par yang byed do/ /tshor ba mngon par 'grub </font><hr>Ga146b<br><font size=+1>


pa'i rgyu yang 'byin to/ /tshor ba yang bya ba gnyis su nye bar gnas pa yin te/ yid du 'ong ba dang / yid du mi 'ong ba dang / gnyis ka ma yin par tshor ba yang skyed do/ / sred pa mngon par 'grub pa'i rgyu yang 'byin to/ /sred pa yang bya ba gnyis su nye bar gnas pa yin te/ chags par 'gyur ba'i dngos po la mngon par chags par yang byed do/ /nye bar len pa mngon par 'grub pa'i rgyu yang 'byin to/ /nye bar len pa yang bya ba gnyis su nye bar gnas pa yin te/ kun nas nyon mongs pas 'ching bar yang byed do/ /srid pa mngon par 'byung ba'i rgyu yang 'byin to/ /srid pa yang bya ba gnyis su nye bar gnas pa yin te/ srid pa'i rgyud gzhan du yang gnas par byed do/ /skye ba mngon par 'grub pa'i rgyu yang 'byin to/ /skye ba yang bya ba gnyis su nye bar gnas pa yin te/ phung po 'byung bar yang byed do/ /rga ba mngon par 'grub pa'i rgyu yang 'byin to/ /rga ba yang bya ba gnyis su nye bar gnas pa yin te/ dbang po yongs su 'gyur bar yang byed do/ /'chi bar 'gyur ba'i rgyu yang 'byin to/ /'chi ba yang bya ba gnyis su nye bar gnas pa yin te/ 'du byed 'jig par yang byed do/ /yongs su ma shes pa rgyun mi 'chad pa'i rgyu yang 'byin to/ /de la ma rig pa'i rkyen gyis 'du byed </font><hr>Ga147a<br><font size=+1>


@#/ /rnams so zhes bya ba ni/ ma rig pa'i rkyen gyis 'du byed rnams rgyun mi 'chad cing rton pa'o/ /'du byed kyi rkyen gyis rnam par shes pa'o zhes bya ba ni| 'du byed kyi rkyen gyis rnam par shes pa rgyun mi 'chad cing rton pa'o/ /rnam par shes pa'i rkyen gyis ming dang gzugs zhes bya ba ni/ rnam par shes pa'i rkyen gyis ming dang gzugs rgyun mi 'chad cing rton pa'o/ /ming dang gzugs kyi rkyen gyis drug gi skye mched ces bya ba ni/ ming dang gzugs kyi rkyen gyis drug gi skye mched rgyun mi 'chad cing rton pa'o/ /drug gi skye mched kyi rkyen gyis reg pa'o zhes bya ba ni/ drug gi skye mched kyi rkyen gyis reg pa rgyun mi 'chad cing rton pa'o/ /reg pa'i rkyen gyis tshor ba'o zhes bya ba ni/ reg pa'i rkyen gyis tshor ba rgyun mi 'chad cing rton pa'o/ /tshor ba'i rkyen gyis sred pa'o zhes bya ba ni/ tshor ba'i rkyen gyis sred pa rgyun mi 'chad cing rton pa'o/ /sred pa'i rkyen gyis nye bar len pa'o zhes bya ba ni/ sred pa'i rkyen gyis nye bar len pa rgyun mi 'chad cing rton pa'o/ /nye bar len pa'i rkyen gyis sred pa'o zhes bya ba ni/ nye bar len pa'i rkyen gyis srid pa rgyun mi 'chad cing rton pa'o/ /srid pa'i rkyen gyis skye ba'o zhes bya ba ni/ srid pa'i rkyen gyis skye ba rgyun mi 'chad cing rton </font><hr>Ga147b<br><font size=+1>


pa'o| |skye ba'i rkyen gyis rga shi'o zhes bya ba ni/ skye ba'i rkyen gyis rga shi rgyun mi 'chad cing rton pa'o/ /ma rig pa 'gags pas 'du byed rnams 'gag go zhes bya ba de ni/ ma rig pa'i rkyen med pas 'du byed rnams nye bar zhi zhing rton pa med pa'o/ /'du byed 'gags pas rnam par shes pa 'gag go zhes bya ba ni/ 'du byed kyi rkyen med pas rnam par shes pa nye bar zhi zhing rton pa med pa'o/ /rnam par shes pa 'gags pas ming dang gzugs 'gag go zhes bya ba ni/ rnam par shes pa'i rkyen med pas ming dang gzugs nye bar zhi zhing rton pa med pa'o/ /ming dang gzugs 'gags pas drug gi skye mched 'gag go zhes bya ba ni/ ming dang gzugs kyi rkyen med pas drug gi skye mched nye bar zhi zhing rton pa med pa'o/ /drug gi skye mched 'gags pas reg pa 'gag go zhes bya ba ni/ drug gi skye mched kyi rkyen med pas reg pa nye bar zhi zhing rton pa med pa'o/ /reg pa 'gags pas tshor ba 'gag go zhes bya ba ni/ reg pa'i rkyen med pas tshor ba nye bar zhi zhing rton pa med pa'o/ /tshor ba 'gags pas sred pa 'gag go zhes bya ba ni/ tshor ba'i rkyen med pas sred pa nye bar zhi zhing rton pa med pa'o/ /sred pa 'gags pas len pa 'gag go zhes bya ba ni/ sred pa'i rkyen med pas len pa nye </font><hr>Ga148a<br><font size=+1>


@#/ /bar zhi zhing rton pa med pa'o/ /nye bar len pa 'gags pas srid pa 'gag go zhes bya ba ni/ nye bar len pa'i rkyen med pas srid pa nye bar zhi zhing rton pa med pa'o/ /srid pa 'gags pas skye ba 'gag go zhes bya ba ni/ srid pa'i rkyen med pas skye ba nye bar zhi zhing rton pa med pa'o/ /skye ba 'gags pas rga shi 'gag go zhes bya ba ni/ skye ba'i rkyen med pas rga shi nye bar zhi zhing rton pa med pa'o/ /de la ma rig pa dang / sred pa dang / nye bar len pa ni/ nyon mongs pa'i lam gyi rgyun mi 'chad pa'o| |'du byed dang / srid pa ni/ las kyi lam gyi rgyun mi 'chad pa'o/ /lhag ma rnams ni/ sdug bsngal gyi lam gyi rgyun mi 'chad pa'o/ /rab tu rnam par phye bas sngon gyi mtha' dang / phyi ma'i mtha' 'gags pas lam gyi rgyun mi 'chad pa'o/ /de ltar lam 'di gsum ni bdag med cing bdag dang bdag gi dang bral bar 'byung zhing 'jig pa ste/ rang bzhin gyis mdud khyim lta bu'o/ /de ltar ma rig pa'i rkyen gyis 'du byed rnams zhes bya ba 'di ni/ sngon gyi mtha' la bltas pa'o/ /rnam par shes pa dang / ming dang gzugs dang / drug gi skye mched dang / reg pa dang / tshor ba 'di dag ni/ da ltar byung ba la bltas pa'o/ /sred pa dang / nye bar len pa dang / srid pa dang / </font><hr>Ga148b<br><font size=+1>


skye ba zhes bya ba 'di ni/ phyi ma'i mtha' la bltas pa ste/ de phan chad du yang de dag rgyun du 'byung ngo / /ma rig pa 'gags pas 'du byed rnams 'gag ces bya ba 'di ni blta ba rgyun chad pa ste/ lhag ma rnams kyang de bzhin no/ /yang 'di ltar srid pa'i yan lag bcu gnyis po 'di dag gi rgyus sdug bsngal gsum 'byung ste/ de la ma rig pa dang / 'du byed dang / rnam par shes pa dang / ming dang gzugs dang / drug gi skye mched ces bya ba 'di ni 'du byed kyi sdug bsngal lo/ /reg pa dang / tshor ba zhes bya ba 'di ni sdug bsngal gyi yang sdug bsngal lo/ /sred pa dang / nye bar len pa dang / srid pa dang / skye ba nas 'khrug pa zhes bya ba'i bar 'di ni 'gyur ba'i sdug bsngal lo/ /ma rig ba 'gags pas 'du byed rnams 'gag ces bya ba 'di ni sdug bsngal gsum gyi rgyun 'chad pa'o/ /ma rig pa'i rkyen gyis 'du byed rnams zhes bya ba ni 'du byed rnams rgyu dang rkyen las byung ba ste / lhag ma rnams kyang de bzhin no/ /ma rig pa 'gags pas 'du byed 'gag ces bya ba ni 'du byed rnams med pa ste/ lhag ma rnams kyang de bzhin no/ /ma rig pa'i rkyen gyis 'du byed rnams zhes bya ba ni skye ba rnam par 'brel ba ste/ lhag ma rnams kyang de bzhin no/ /ma rig pa 'gags pas 'du byed 'gag ces bya ba ni 'jig pa rnam par 'brel </font><hr>Ga149a<br><font size=+1>


@#/ /ba ste/ lhag ma rnams kyang de bzhin no/ /ma rig pa'i rkyen gyis 'du byed rnams zhes bya ba ni srid pa lugs su mthun par brtag pa ste/ lhag ma rnams kyang de bzhin no/ /ma rig pa 'gags pas 'du byed 'gag ces bya ni zad pa dang / 'jig pa'i lugs su mthun par brtag pa ste/ lhag ma rnams kyang de bzhin no zhes de ltar rten cing 'brel bar 'byung ba la lugs su mthun pa dang / mi mthun pa'i tshul du rab tu rtog ste/ 'di ltar srid pa'i yan lag rjes su 'brel pa dang / sems gcig tu yang dag par 'du ba dang / rang gi las ma 'dres pa dang / ched du byed pa med pa dang / lam gsum gyi rgyud du 'brang ba dang / sngon gyi mtha' dang / da ltar byung ba dang / phyi ma'i mtha' la blta ba dang / sdug bsngal gsum 'byung ba dang / rgyu dang rkyen las byung ba dang / skye ba dang 'jig pa rnam par 'brel ba dang / srid pa'i lugs su mthun pa dang / zad par 'gyur bar rab tu rtog pa'o/ /de de ltar rten cing 'brel bar 'byung ba la rnam pa bcur rab tu rtog cing bdag med pa dang / srog med pa dang / gang zag med pa dang / ngo bo nyid kyis stong pa dang / rang bzhin gyis byed pa po dang / tshor ba po med par rab tu rtog pa'i tshe/ stong pa nyid kyi rnam par </font><hr>Ga149b<br><font size=+1>


thar pa'i sgo skyes pa yin/ srid pa'i yan lag 'di dag gi rang bzhin 'gags shing rnam par thar pa la shin tu nye bar gnas pas chos kyi mtshan ma gang yang mi skye ste/ des de'i mtshan ma med pa'i rnam par thar pa'i sgo skyes pa yin/ de ltar de stong pa nyid dang / mtshan ma med pa la zhugs pas snying rje chen po sngon du gtong zhing sems can yongs su smin par bya ba ma gtogs par 'dod pa gang yang mi skye ste/ des de'i smon pa med pa'i rnam par thar pa'i sgo skyes pa yin/ de rnam par thar pa'i sgo gsum po 'di dag sgom pas| bdag dang pha rol gyi 'du shes dang bral ba dang / byed pa po dang / tshor ba po'i 'du shes dang bral ba dang / yod pa dang / med pa'i 'du shes dang bral bas byang chub kyi yan lag yongs su ma tshogs pa rnams yongs su rdzogs par bya ba'i phyir snying rje chen po sngon du btang ste/ de bas kyang shin tu brtson par byed do/ /de 'di snyam du sems te/ 'du ba yod pas ni 'dus byas 'phel bar 'gyur ro/ /'du ba dang bral bas ni 'phel ba med do/ /rgyu rkyen dang ldan pas ni 'du byed 'phel bar 'gyur ro/ /rgyu rkyen dang mi ldan pas ni 'phel ba med do/ /de lta bas na bdag gis de lta bu 'dus byas nyes pa mang po'i skyon can shes par bya ste/ 'du ba dang / rgyu rkyen dang ldan pa 'di dag rgyun gcad par </font><hr>Ga150a<br><font size=+1>


@#/ /bya'o/ /sems can yongs su smin par bya ba'i phyir 'du byed rnams shin tu zhi ba'ang mngon du mi bya'o zhes te/ kye|rgyal ba'i sras dag /de de ltar 'du byed kyi rnam pa de ltar nyes pa mang po'i skyon can/ snying po dang / rang bzhin med pa/ skye ba med pa/ 'gag pa med pa'i rang bzhin du rab tu rtog pa dang / snying rje chen por rab tu sgrub pa dang / sems can yongs su mi gtong bas chags pa med pa'i ye shes mngon sum zhes bya ba/ shes rab kyi pha rol tu phyin pa la gnas pa snang ba'i tshul du mngon sum du 'gyur ro/ /de de lta bu ye shes dang ldan zhing shes rab kyi pha rol tu phyin pa la gnas pas snang bar gyur nas kyang / byang chub kyi yan lag yongs su sdud pa'i rkyen nye bar gsog cing yang dag par sdud do/ /'dus byas dang 'grogs par yang mi gnas so/ /'du byed rnams rang bzhin gyis zhi ba'ang rab tu rtog go /'on kyang byang chub kyi yan lag rnams ma rdzogs pa'i phyir de la mi gnas te/ de byang chub sems dpa'i sa mngon sum 'di la gnas pa'i tshe/ 'jug pa stong pa zhes bya ba'i ting nge 'dzin skye bar 'gyur ro/ /rang bzhin stong pa nyid dang / don dam pa stong pa nyid dang / chen po stong pa nyid dang / 'du ba stong pa nyid dang / mngon par sgrub pa stong pa </font><hr>Ga150b<br><font size=+1>


nyid dang / yang dag pa ji lta ba bzhin du rnam par rtog pa'i stong pa nyid dang / ltos pa stong pa nyid dang / tha dad pa dang / tha dad pa med pa stong pa nyid ces bya ba'i ting nge 'dzin kyang skye bar 'gyur te/ de dag la sogs pa stong pa nyid kyi sgo'i ting nge 'dzin brgya stong phrag bcu de la mngon sum du 'gyur ro/ /de bzhin du mtshan ma med pa'i sgo'i ting nge 'dzin brgya stong phrag bcu dang / smon pa med pa'i sgo'i ting nge 'dzin brgya stong phrag bcu mngon sum du 'gyur ro/ /de ltar byang chub sems dpa'i sa mngon sum 'di la gnas pa'i byang chub sems dpa' de phyir zhing mi phyed pa'i bsam pa yongs su rdzogs pa 'thob bo/ /nges pa'i bsam pa dang / dge ba'i bsam pa dang / zab pa'i bsam pa dang / phyir mi ldog pa'i bsam pa pa dang / rgyun mi 'chad pa'i bsam pa dang / dri ma med pa'i bsam pa dang / mtha' yas pa'i bsam pa dang / ye shes la mngon par mos pa'i bsam pa dang / thabs dang shes rab tu ldan pa'i bsam pa yongs su rdzogs pa 'thob ste/ byang chub sems dpa'i bsam pa 'di bcu ni de bzhin gshegs pa'i byang chub kyi rjes su song ba yin/ phas kyi rgol ba thams cad kyis phyir mi ldog pa yin/ ye shes kyi sa la yang dag par gzhol ba yin/ nyan thos dang rang sangs rgyas kyi sa las rnam par log pa yin/ sangs rgyas kyi ye </font><hr>Ga151a<br><font size=+1>


@#/ /shes mngon du bya ba la shin tu nges pa yin/ bdud dang nyon mongs pa kun nas rgyu ba thams cad kyis mi 'phrogs pa yin/ byang chub sems dpa'i snang ba la shin tu gnas pa yin/ stong pa nyid dang / mtshan ma med pa dang / smon pa med pa'i chos yang dag par spyad pa yongs su bsgoms pa yin/ thabs dang shes rab dang ye shes rnam par dpyad pa dang ldan pa yin/ byang chub kyi phyogs kyi chos mngon par bsgrub pa dang rnam par 'dres pa yin/ de ltar de byang chub sems dpa'i sa mngon sum 'di la gnas pa'i tshe/ shes rab kyi pha rol tu phyin pa la gnas pa'i shas che ba yin/ chos de dag la tshul bzhin du mthun par byed cing mi mthun par mi byed pas/ mthun pa'i bzod pa gsum pa rab tu rno ba rab tu skyes pa yin/ de ltar de byang chub sems dpa'i sa mngon sum 'di la gnas pa'i tshe/ de'i lta ba rgya chen po dang / smon lam gyi stobs kyis sangs rgyas mang po snang bar 'gyur te/ lta ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig </font><hr>Ga151b<br><font size=+1>


brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ /des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ bsam pa rgya chen pos rim gro byed do/ /bkur sti byed do/ /bsti stang byed do/ /mchod pa byed do/ /na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'bul zhing byang chub sems dpa'i bde ba'i yo byad thams cad kyang yongs su 'bul lo/ /dge 'dun gyi tshogs rnams la yang yang dag par mchod pa byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing rim gro dang / bkur stis nan tan du chos nyan cing len to/ /'dzin to/ /thos nas kyang yang dag pa ji lta ba bzhin du snyoms par 'jug pa dang / shes rab dang ye shes kyi snang bas rab tu brtson par byed do/ /nan tan gyis yongs su 'dzin pas de sngon pas kyang de bzhin gshegs pa'i chos kyi mdzod rab tu thob pa yin/ de ltar de byang chub sems </font><hr>Ga152a<br><font size=+1>


@#/ /dpa'i sa mngon sum 'di la gnas pa'i tshe/ dge ba'i rtsa ba de dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang| bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar sngon pas kyang ches byang ba dang| ches 'od gsal zhing dang bar gnas so/ /kye| rgyal ba'i sras dag/ 'di lta ste/ dper na/ gser gyi sa le sbram de nyid baiDUR+Yas btab na sngon pas kyang shin tu 'tsher la 'od gsal zhing dwangs par 'gyur ro/ /kye| rgyal ba'i sras dag /de bzhin du byang chub sems dpa'i sa mngon sum 'di la gnas pa'i byang chub sems dpa'i dge ba'i rtsa ba de dag kyang shes rab dang ye shes kyis shin tu brtags pas sngon pas kyang shin tu byang la 'od gsal zhing dwangs pa yin te/ phyi phyir zhing yang rab tu zhi bas mi 'phrogs par 'gyur ro/ /kye| rgyal ba'i sras dag /'di lta ste/ dper na/ zla ba'i 'od ni sems can gyi lus kyang sim par byed la/ rlung gi dkyil 'khor </font><hr>Ga152b<br><font size=+1>


chen po bzhis kyang mi 'phrogs pa yin/ kye| rgyal ba'i sras dag /de bzhin du byang chub sems dpa' sems dpa' chen po/ byang chub sems dpa'i sa mngon sum 'di la gnas pa'i dge ba'i rtsa ba de dag sngon pas kyang sems can du ma'i bsam pa'i nyon mongs pa 'bar ba yang zhi zhing sim par byed la/ bdud kyi lam gyi rgyud bzhis kyang mi 'phrogs pa yin/ de'i pha rol tu phyin pa bcu las shes rab kyi pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub pa ma yin no/ /kye |rgyal ba'i sras dag /'di ni byang chub sems dpa'i sa mngon sum zhes bya ba ste/ byang chub sems dpa'i sa drug pa'o/ /de la gnas pa'i byang chub sems dpa' phal cher lha'i rgyal po rab 'phrul dgar 'gyur te/ sems can thams cad kyi lhag pa'i nga rgyal zhi bar bya ba la mkhas shing mthu yod pa yin/ nyan pa thams cad kyi yongs su dri bas mi 'phrogs pa yin/ de sbyin pa'am/ ngag snyan pa'am/ don bsgrub pa'am/ don mthun pa sa dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par </font><hr>Ga153a<br><font size=+1>


@#/ /'gyur ba nas/ thams cad mkhyen pa'i ye shes la brten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin khrag khrig brgya stong rab tu 'thob cing de dag la mnyam par gzhog pa dang / sangs rgyas khrag khrig brgya stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams khrag khrig brgya stong skyod pa dang / sangs rgyas kyi zhing khrag khrig brgya stong du 'gro ba dang / 'jig rten gyi khams khrag khrig brgya stong snang bar bya ba dang / sems can khrag khrig brgya stong yongs su smin par bya ba dang / bskal pa khrag khrig brgya stong du gnas par bya ba dang / sngon gyi mtha' dang / </font><hr>Ga153b<br><font size=+1>


phyi ma'i mtha'i bskal pa khrag khrig brgya stong la rab tu 'jug pa dang / chos kyi sgo khrag khrig brgya stong rnam par 'byed pa dang / lus bye ba khrag khrig brgya stong yongs su bstan pa dang / lus re re la yang byang chub sems dpa'i 'khor khrag khrig brgya stong yang dag par bstan par bya ba'i brtson 'grus kyi rnam pa de lta bu rtsom mo/ /de yan chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan tam/ byin gyi rlabs sam/ mos pa'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du ma'i bar gyis kyang bgrang bar dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so/ /mkhas pas lam gyi spyod pa lnga por yongs rdzogs nas/ /chos rnams mtshan med mtshan nyid med dang ma skyes dang / /ma byung snga nas yongs su zhi zhing spros med pa/ /yongs su sgom </font><hr>Ga154a<br><font size=+1>


@#/ /pas ye shes blo can drug pa gnon/ /chos rnams dben zhing len med rnam par rtog med dang / /sgyu ma'i rang bzhin gnyis kyi dngos las rnam grol bas/ /chos kyi tshul la 'gal med rjes su mthun byed cing / /ye shes ldan pa'i dam pa drug pa yongs su gnon/ /mthun pa rno la gnas shing ye shes stobs ldan pa/ /'jig rten kun gyi 'byung dang 'jig la rab tu rtog /gti mug mun pas 'gro ba 'byung ba kun tu bskyed/ /gti mug de nyid bral bas 'byung ba med pa yin/ / rkyen gyi rnam pa don dam stong par rnam pa 'byed/ /bya ba mi 'gal rgyu rkyen byed pa mnyam par shes/ /yang dag ji bzhin byed pa med par las shes nas/ /'dus byas sprin sdug lta bur byed pa med par shes/ /bden pa mi shes de ni yang dag ma rig pa/ /las ni sems kyi stobs kyis mgo rmongs byung bar 'gyur/ /sems la rten te lhan cig byung ba ming dang gzugs/ /de ltar sdug bsngal phung po chen po'i bar du 'byung / /khams gsum sems kyi rgyu las byung ba der 'jug ste/ /srid pa'i yan lag bcu gnyis 'di dag sems gcig rten/ /'dod chags skyes pa de las sems su brjod pa yin/ /de bzhin srid pa'i dngos po sems kyi rnam pa'o/ /ma rig bya ba </font><hr>Ga154b<br><font size=+1>


gnyis byed rmongs bya'i dngos po la/ /rmongs par byas shing de nas sems pa'i rgyu yang 'byin/ /de bzhin rga ba phung po gzhig bya 'jig byed par/ /de las sdug bsngal ming thogs thams cad mi zad 'byung / /ma rig rkyen gyis chad par 'gyur ba yod pa min/ /rnam par chad cing rgyu rkyen bral bas yod pa 'gag /gti mug sred pa nyer len nyon mongs lam yin te/ /las dang srid pa sems pa lhag ma sdug bsngal yin/ /gti mug skye mched bar du 'dus byas sdug bsngal te/ /reg dang tshor ba de dag sdug bsngal sdug bsngal yin/ /yan lag lhag mar 'gyur ba'i sdug bsngal rnam 'phel ba/ /bdag med shes pas sdug bsngal gsum po 'chad par 'gyur/ /mun pa sems dang 'dus byas 'di ni sngon bltas yin/ /rnam par shes nas tshor ba'i rgyud du da ltar byung / /sred dang srid par sdug bsngal 'byung ba phyi ma'i mtha'/ /'gags shing zad pa de dag lta ba chad pa yin/ /gti mug rkyen gyis de dag rnam par 'brel pa 'byung / /zad pas byang chub rkyen rnams rnam par 'brel pa yin/ /rgyu las rgyu 'byung med na rgyu yi rgyun chad 'gyur/ /bde phan shes ldan rang bzhin stong pa de ltar rtog /rgyud du mthun pa gti mug mun pas byung ba yin/ /mi mthun bzlog pa gti mug zad pas mi 'byung ba'o/ / </font><hr>Ga155a<br><font size=+1>


@#/ /zad pa'i rkyen dang de dag yod dang med pa las/ /gnas pa med blo rnam pa bcur ni de ltar rtog /srid pa'i yan lag mtshams dang sems gcig las mthun dang / /ched du mi byed rgyud gsum rjes 'brang sngon mtha' dang / /sdug bsngal gsum dang rgyus byung skye dang 'jig pa dang / /srid pa'i mthar phyin zad dang rkyen gyi lugs mthun par/ |de ltar rten 'brel 'byung la yang dag 'jug byed pas/ /sgyu 'dra yang dag ma yin tshor bar byed med cing / /rmi lam 'dra ba de bzhin mig yor 'dra ba ste/ /byis pa slu ba'i smig rgyu rang bzhin mchungs \ MTSUNGS?\ mnyam pa/ /de ltar bsgom pa mkhas pa'i stong pa nyid kyi sgo/ /rkyen rnams med pa de ni mtshan ma med pa ste/ /log par shes pas nam yang smon pa med pa yin/ /gzhan du sems can snying brtse'i don du skye ba 'dzin/ /de 'dra'i rnam thar sgo la sgom byed mthu che ba| |snying brtse ba yi blo ldan sangs rgyas yon tan mngon 'dod cing / /'dus byas 'dus pa mkhas pa yongs su rtog byed pas/ /bsam pa nges shing gcig min legs dang ldan pa yin/ /stong nyid ting 'dzin stong phrag bcu rnams yongs su rgyas/ /de bzhin brtan pa mtshan ma med dang smon med ldan/ /shes rab shas che mthun pa'i bzod </font><hr>Ga155b<br><font size=+1>


pa mchog can te/ /mkhas pa'i rnam thar ye shes chags pa med dang ldan/ /de 'dra'i bsam pas drang srong che mang mchod byed pas/ /rgyal ba'i bstan pa 'di la shin tu bsngags pa yin/ /de ni sangs rgyas mdzod thob khong du chud pas na/ /bai DUR+Yas btab gser mdog bzhin du sngon pas gsal/ /zla ba'i 'od ni 'gro ba'i lus la sim par byed/ / rlung bzhi langs pas yongs su 'phrogs par mi nus so/ /rgyal sras 'od kyang bdud kyi lam las shin tu 'das/ /nyon mongs yongs su gdung dang sdug bsngal nad kyang sel// sa 'di phyogs su phyin pa lha yi bdag por 'gyur/ /'phrul dga'i dam pa lhag pa'i nga rgyal sel la mkhas/ /ye shes lam dang ldan pa de ni ci rtsom yang / /nyan thos lam las 'das te brtan zhing mi 'phrogs pa'o/ /bde gshegs sras po brtson 'grus ldan pa 'dod gyur na/ /ting 'dzin bye ba brgya stong tshang pa 'thob par byed/ /skad cig gcig tu phyogs bcur sangs rgyas mang po lta/ /dpyid kyi nyi ma gsal zhing lhan par byed pa bzhin/ /zab cing blta dka' phra ba ste/ /nyan thos rang rgyal shes mi nus/ /bdag nyid che la sa drug pa/ /rgyal ba'i sras kyis bshad pa yin/ /mngon sum zhes ni bya ba ste/ /byang chub sems dpa'i sa drug pa'o// //bam po bzhi bcu rtsa dgu pa/ de nas </font><hr>Ga156a<br><font size=+1>


@#/ /sna tshogs yid 'ong sprin/ /lha tshogs mang po mkha' la gnas shing mngon par mthong / /tshig snyan rnam par rjod pa byed/ /dga' ba'i dam pa mchog gis yongs su rgyas/ /dge'o don dam sems mdzad cing / /yon tan brgya dang yan lag ldan zhing dbang sgyur ba/ /mi yi puN+Da ri ka yin/ /'gro la phan pa'i spyod rab yang dag bshad/ /yid 'ong 'od mchog ldan khyod dang / /mi yi gtso bo mya ngan yongs su sel mdzad la/ /dbang phyug chen po mkha' gnas shing / /spos sprin yid 'ong dam pa mngon par 'thor/ /tshig snyan rab tu rjod pa byed/ /lha tshogs mang po mkha' las dgar 'gyur dbyangs sgrog cing / /gang gis sa bstan 'di thos pa/ /de dag thob pa bzang po thob ces zer/ /rol mo brdung dkrol dbyangs snyan pa/ /brgya mang lha yi bu mos dga' bar byas/ /bde bar gshegs dang khyod mthu yis/ /tshig rab 'di 'dra rab tu brjod par 'gyur/ /zhi dang nges spyod dam pa can/ /ma dul 'dul mdzad 'jig rten kun gyis mchod byas pa/ /'jig rten kun las 'das pa yi| |'jig rten spyod pa shin tu phra ba bstan/ /sna tshogs lus kyang rab tu bstan/ /lus dang lus la chos nyid phun sum tshogs shing ldan/ /rnam dpyod zhi gnas mthus </font><hr>Ga156b<br><font size=+1>


bcil pas/ /dbyangs su sgrog kyang yi ge brjod mi byed/ /zhing rnams brgyar yang 'dod byed cing / /mgon po mchod par 'os la mchod par byed/ /zhing rgyal bdag tu 'du shes pa| |ye shes dbang sgyur mchog gi rab tu sel/ /sems can yongs su smin byed kyang / /bdag dang gzhan gyi 'du shes rnam pa kun tu med/ /dge ba yangs pa yang dag gsog /'on kyang dge ba gsog la gnas pa med/ /'dod chags zhe sdang gti mug gis/ /'jig rten thams cad rab tu 'bar bar mthong gyur cing / /'du shes thams cad rnam spangs nas/ /snying brtse ldan par brtson 'grus rab tu rtsom/ /lha mang lha yi bu mo yis/ /gsung ba'i mchog la mchod byas nas/ /kun kyang mi smra dgar gyur te/ /drang srong che la lta zhing gnas/ /thar pa'i zla bas yang smras pa/ /'khor rnams shin tu rnam par dang / /sa bdun pa yi rnam pa dag /rgyal ba'i sras kyis bshad pa mdzod/ /byang chub sems dpa' rdo rje'i snying pos smras pa/ kye| rgyal ba'i sras dag /byang chub sems dpa'i sa drug pa la de ltar sa'i lam yongs su rdzogs pa'i byang chub sems dpa' ni / byang chub sems dpa'i sa bdun pa yongs su gnon to/ /de thabs dang shes rab kyis mngon par bsgrubs pa'i lam brtsam pa'i khyad par bcus yongs su gnon te/ bcu </font><hr>Ga157a<br><font size=+1>


@#/ /gang zhe na/ 'di lta ste/ stong pa nyid dang / mtshan ma med pa dang / smon ba med pa'i ting nge 'dzin shin tu bsgoms pa'i yid dang yang ldan la/ bsod nams dang / ye shes kyi tshogs chen po yang yang dag par gsog pa yin/ bdag med pa dang / gso ba med pa dang / gang zag med pa'i chos la'ang rab tu 'jug la/ tshad med pa bzhi mngon par sgrub pa yang yongs su mi gtong ba yin/ bsod nams kyi tshogs kyis shin tu mtho ba'i pha rol tu phyin pa mngon par bsgrub pa'ang mngon par sgrub la/ chos gang la yang mngon par chags pa med pa yin/ khams gsum pa las dben par gyur pa'ang thob la khams gsum pa bsdu ba dang / rgyan mngon par bsgrub pa'ang mngon par sgrub pa yin/ nyon mongs pa 'bar ba thams cad shin tu zhi zhing rab tu zhi ste/ nye bar zhi ba yang yin la/ sems can thams cad kyi 'dod chags dang / zhe sdang dang / gti mug dang / nyon mongs pa'i me lce rab tu zhi bar mngon par bsgrub pa'ang mngon par sgrub pa yin/ sgyu ma dang / rmi lam dang / mi yor dang| sgra brnyan dang / chu'i zla ba dang / gzugs brnyan dang / sprul pa'i rang bzhin lta bur yod pa dang / med pa dang / gnyis ka ma yin pa thams cad kyang khong du chud </font><hr>Ga157b<br><font size=+1>


la| las dang bya ba rnam par phye ba tshad med pa'i bsam pa yang mngon par sgrub pa yin/ zhing gi tha gru nam mkha' dang mnyam par shin tu bsgoms pa'i yid dang ldan la| sangs rgyas kyi zhing yongs su sbyong zhing bsgrub pa dang / rgyan kyang mngon par sgrub pa yin/ sangs rgyas thams cad kyi rang bzhin dang / chos dang / sku nam mkha' lta bur yang rab tu 'jug la/ gzugs dang / mtshan dang / dpe byad bzang po bsdu zhing rgyan mngon par bsgrub pa yang mngon par sgrub pa yin/ de bzhin gshegs pa'i gsung rang bzhin gyis zhi zhing brjod du med pa'i sgra dbyangs dang ldan par yang yid ches la/ sems can thams cad kyi dbyangs kyi yan lag rnam par phye ba'i rgyan mngon par bsgrub pa yang mngon par sgrub pa yin/ sangs rgyas bcom ldan 'das rnams kyis skad cig gcig tu dus gsum thugs su chud par yang khong du chud la/ dus dang bskal pa'i grangs mtshan nyid tha dad pa la'ang sems can gyi bsam pa rnam par bsgom pa'i phyir rjes su 'jug pa yin te/ kye| rgyal ba'i sras dag /thabs dang shes rab kyis mngon par bsgrubs pa'i lam brtsam pa'i khyad par 'di bcus byang chub sems dpa' sa drug pa la rnam par dbye ba shin tu byas pa sa bdun yongs su </font><hr>Ga158a<br><font size=+1>


@#/ /gnon to/ /kye| rgyal ba'i sras dag /de ltar byang chub sems dpa' sems dpa' chen po lam gyi tshogs thabs dang shes rab kyis mngon par bsgrubs pa'i khyad par snang bar gyur pa 'di dag mngon par bsgrubs pas byang chub sems dpa'i sa bdun yongs su gnon ces bya ste/ de ltar byang chub sems dpa'i sa bdun pa la gnas pa'i byang chub sems dpa' de ni sems can gyi khams tshad med pa la 'jug go /sangs rgyas bcom ldan 'das rnams kyi sems can yongs su smin par mdzad pa dang / 'dul ba'i 'phrin las tshad med pa la 'jug go/ 'jig rten gyi khams mang po tshad med pa la 'jug go /sangs rgyas bcom ldan 'das rnams kyi sangs rgyas kyi zhing rnam par dag pa tshad med pa la 'jug go /chos tha dad pa tshad med pa la 'jug go /sangs rgyas bcom ldan 'das rnams kyi ye shes mngon par 'tshang rgya ba tshad med pa la 'jug go /bskal pa'i grangs tshad med pa la 'jug go /sangs rgyas bcom ldan 'das rnams kyi dus gsum thugs su chud pa tshad med pa la 'jug go /sems can gyi mos pa'i khyad par tshad med pa la 'jug go /sangs rgyas bcom ldan 'das rnams kyi mtshan dang / sku gzugs dang / </font><hr>Ga158b<br><font size=+1>


sku sna tshogs ston pa tshad med pa la 'jug go/ sems can rnams kyi bsam pa dang / dbang po tha dad pa tshad med pa la 'jug go /sangs rgyas bcom ldan 'das rnams kyi gsung brjod pas sems can yongs su smin par mdzad pa tshad med pa la 'jug go /sems can rnams kyi sems dang spyod pa tshad med pa la 'jug go /sangs rgyas bcom ldan 'das rnams kyi ye shes 'byams klas pas thugs su chud pa tshad med pa la 'jug go /nyan thos kyi theg pas 'byung ba la mos pa tshad med pa la 'jug go/ sangs rgyas bcom ldan 'das rnams kyi lam shin tu bstan pa'i ye shes la 'jug pa tshad med pa la 'jug cing mos par byed do/ /rang sangs rgyas kyi ye shes yang dag par bsgrub pa shin tu rdzogs par bya ba tshad med pa la 'jug go /sangs rgyas bcom ldan 'das rnams kyi ye shes zab mo'i sgor 'jug pa bstan pa tshad med pa la 'jug go |byang chub sems dpa' rnams kyi byang chub sems dpa'i spyod pa'i sbyor ba tshad med pa la 'jug go /sangs rgyas bcom ldan 'das rnams kyi theg pa chen po yang dag par bsgrub pa la 'jug pa shin tu bstan pa tshad med pa la 'jug go /de 'di snyam du sems te/ de bzhin gshegs pa dgra bcom pa yang dag par rdzogs pa'i </font><hr>Ga159a<br><font size=+1>


@#/ /sangs rgyas rnams kyi spyod yul ni de ltar tshad med pa ste/ de ni bskal pa brgya phrag khrag khrig dang / bskal pa stong phrag khrag khrig dang| bskal pa brgya stong phrag khrag khrig nas de snyed kyi bskal pa bye ba khrag khrig brgya stong gis kyang bgrang bar dka' ste/ sangs rgyas bcom ldan 'das rnams kyi spyod yul de bdag gis lhun gyis grub par bsgrub par bya'o/ /rtog pa med pa dang / rnam par rtog pa med par yongs su rdzogs par bya'o zhes de de ltar shin tu brtags pa'i ye shes dang / mngon par shes pa dang ldan zhing / rtag tu rgyun mi 'chad par mngon par brtson pa ni thabs dang shes rab kyis yongs su bsgoms pa'i lam gyi tshogs rgya chen po'i ye shes la mi g.yo ba'i tshul gyis yongs su gnas pa yin/ de skad cig gcig tu yang lam mngon par bsgrub pa las ldang bar mi byed de/ de 'gro yang de lta bu'i ye shes mngon par bsgrub pa yin/ 'greng ba dang / 'dug pa dang / nyal ba dang / rmi lam dag tu yang sgrib pa med cing / spyod lam thams cad la gnas kyang rnam pa 'di lta bu'i 'du shes yid la bya ba dang mi 'bral ba yin/ de'i sems bskyed pa re re la yang / byang chub sems dpa'i pha rol tu </font><hr>Ga159b<br><font size=+1>


phyin pa bcu dang / byang chub sems dpa'i sa bcu yang dag par bsgrub pa yang dag par 'byung ngo / /de ci'i phyir zhe na/ 'di ltar byang chub sems dpa' sems dpa' chen po de snying rje chen po sngon du btang ba'i sems bskyed pa byung ba re re zhing yang / sangs rgyas kyi chos yang dag par bsgrub pa dang / de bzhin gshegs pa'i ye shes kyi don du yongs su bsngo bas/ de la gang sangs rgyas kyi ye shes yongs su tshol zhing / sems can rnams la dge ba'i rtsa ba yongs su gtong ba 'di ni de'i sbyin pa'i pha rol tu phyin pa'o| |gang nyon mongs pa'i yongs su gdung ba thams cad rab tu zhi ba 'di ni de'i tshul khrims kyi pha rol tu phyin pa'o/ /gang snying rje dang byams pa sngon du 'gro bas sems can thams cad la 'tshig pa med pa 'di ni de'i bzod pa'i pha rol tu phyin pa'o/ /gang gong nas gong du dge ba'i chos tshol pas mi ngoms par dam 'cha' ba 'di ni de'i brtson 'grus kyi pha rol tu phyin pa'o/ /gang thams cad mkhyen pa'i ye shes mngon du bya ba'i phyir 'gyod pa med pa'i lam dang ldan pa 'di ni de'i bsam gtan gyi pha rol tu phyin pa'o/ /gang rang bzhin gyis ma skyes pa mngon du gyur pa 'di ni de'i shes rab kyi pha rol tu phyin pa'o/ /gang ye shes tshad med pa mngon par bsgrub pa 'di ni de'i </font><hr>Ga160a<br><font size=+1>


@#/ /thabs mkhas pa'i pha rol tu phyin pa'o/ /gang gong nas gong du ye shes la dmigs shing mngon par bsgrub pa 'di ni de'i smon lam gyi pha rol tu phyin pa'o/ /gang phas kyi rgol ba thams cad dang / bdud kyi tshogs thams cad kyis lam yongs su mi chod pa 'di ni de'i stobs kyi pha rol tu phyin pa'o/ /gang chos thams cad la yang dag pa ji lta ba bzhin du rtog pa 'di ni de'i ye shes kyi pha rol tu phyin pa'o/ /kye| rgyal ba'i sras dag /de ltar na byang chub sems dpa'i sa ring du song ba 'di la gnas pa'i byang chub sems dpa'i pha rol tu phyin pa bcu po de dag de ltar yongs su rdzogs par 'gyur te/ bsdu ba'i dngos po bzhi yang yongs su rdzogs par 'gyur ro/ /byin gyi rlabs bcu dang / byang chub kyi phyogs kyi chos sum cu rtsa bdun dang / rnam par thar pa'i sgo gsum dang / mdor bsdu na byang chub kyi yan lag gi chos thams cad skad cig skad cig tu yongs su rdzogs par 'gyur ro/ /de skad ces smras pa dang / byang chub sems dpa' rnam par grol ba'i zla bas byang chub sems dpa' sems dpa' chen po rdo rje'i snying po la 'di skad ces smras so/ /kye|rgyal ba'i sras/ ci byang chub sems dpa' sems dpa' chen po/ byang chub sems dpa'i sa bdun pa 'di </font><hr>Ga160b<br><font size=+1>


la gnas pa 'ba' zhig gis byang chub kyi yan lag thams cad skad cig skad cig tu yongs su rdzogs par 'gyur ram/ 'on te ma yin gyi/ sa bcu po thams cad la'ang de bzhin du yongs su rdzogs par 'gyur/ byang chub sems dpa' rdo rje'i snying pos smras pas/ kye| rgyal ba'i sras/ sa bcu po kun la yang byang chub sems dpa'i byang chub kyi yan lag thams cad skad cig skad cig tu yongs su rdzogs par lta 'gyur te/ byang chub sems dpa'i sa bdun pa 'di la ni de dag pas lhag par yongs su rdzogs par 'gyur ro// de ci'i phyir zhe na/ kye| rgyal ba'i sras/ byang chub sems dpa'i sa 'di ni nan tan du bya ba'i spyod pa yongs su rdzogs par byed pa ye shes dang / mngon par shes pa'i spyod pa yongs su gnon pa ste/ de ltar/ kye| rgyal ba'i sras/ byang chub sems dpa'i sa dang po la ni smon lam thams cad la lhag par dmigs pas byang chub sems dpa'i byang chub kyi yan lag thams cad yongs su rdzogs par 'gyur ro/ /gnyis pa la sems kyi dri ma thams cad gsal bas/ gsum pa la smon lam rnam par 'phel ba dang / chos kyi snang ba thob pas/ bzhi pa la lam la 'jug pas/ lnga pa la 'jig rten gyi spyod pa'i rjes su 'brang bas/ drug pa la chos zab mo'i sgor 'jug pas byang chub kyi yan lag thams cad </font><hr>Ga161a<br><font size=+1>


@#/ /yongs su rdzogs par 'gyur te| byang chub sems dpa'i sa bdun pa 'di la ni sangs rgyas kyi chos thams cad yongs su sgrub pas byang chub kyi yan lag thams cad skad cig skad cig tu yongs su grub par 'gyur ro/ /de ci'i phyir zhe na/ byang chub sems dpa'i sa dang po nas bzung ste/ byang chub sems dpa'i sa bdun pa'i bar du byang chub sems dpas mngon par bsgrubs pa'i ye shes mngon par sgrub pa'i sbyor ba'i yan lag de dag byang chub sems dpa' sa brgyad pa yan chad lhun gyis grub par yongs su 'grub bo/ /kye| rgyal ba'i sras/ 'di lta ste/ dper na/ kun nas nyon mongs shing rnam par dag pa'i 'jig rten gyi khams dang / shin tu dag pa'i 'jig rten gyi khams dag gi 'jig rten gyi khams gnyis kyi 'jig rten gyi khams kyi bar ni smon lam dang / thabs dang / shes rab dang / mngon par shes pa'i stobs dang / shugs chen po ma gtogs par 'dod 'dod brgal bar mi nus so/ /kye| rgyal ba'i sras/ de bzhin du byang chub sems dpa'i spyod pa 'dres pa dang / yongs su dag pa'i bar yang smon lam dang / thabs dang / shes rab dang / mngon par shes pa dang / ye shes kyi stobs dang / shugs chen po ma gtogs par 'dod 'dod brgal bar mi nus so/ /byang </font><hr>Ga161b<br><font size=+1>


chub sems dpa' rnam par grol ba'i zla bas smras pa/ kye|rgyal ba'i sras/ 'o na ci byang chub sems dpa'i sa bdun rnams la/ byang chub sems dpa'i spyod pa nyon mongs pa'i spyod pas kun nas nyon mongs par yid ches par bya ba yin nam/ byang chub sems dpa' rdo rje'i snying pos smras pa/ kye|rgyal ba'i sras/ byang chub sems dpa'i sa dang po rab tu dga' ba nyid bzung ba yan chad du byang chub sems dpa'i spyod pa thams cad byang chub tu yongs su bsngos pa'i dbang gis nyon mongs pa'i rnyog pa dang bral bar gar 'os pa'i tshul gyis lam mnyam pa nyid kyis yid ches par bya ste/ de tsam gyis sa bdun po rnams su nyon mongs pa'i spyod pa las yang dag par 'das zhes mi bya'o/ /kye| rgyal ba'i sras/ 'di lta ste/ dper na/ 'khor los bsgyur ba'i rgyal po ni lha rdzas kyi glang po rin po che la zhon zhing gling bzhi dag tu 'ang 'gro/ mi'i sdug bsngal dang / phongs pa dang / kun nas nyon mongs pa'i nyes pa rnams kyang rab tu shes te/ 'on kyang nyes pa de dag gis gos par mi 'gyur ro/ /de tsam gyis mi'i lus las yongs su 'das pa'ang ma yin te/ nam mi'i lus spangs te tshangs pa'i 'jig rten du skyes par gyur pa de'i tshe ni tshangs pa'i gzhal med khang na gnas shing / stong gi 'jig rten gyi khams kyang mthong / de dag du'ang 'gro/ tshangs pa'i gzugs </font><hr>Ga162a<br><font size=+1>


@#/ /brnyan yang kun tu ston te/ mi zhes kyang mi brjod do/ /kye/ rgyal ba'i sras/ de bzhin du byang chub sems dpa'i sa dang po bzung ba yan chad/ byang chub sems dpa'i pha rol tu phyin pa'i theg pa la zhon zhing 'gro ba thams cad du rgyu ba'i tshe/ kun nas nyon mongs pa'i nyes pa rnams kyang rab tu shes te/ yang dag pa'i lam du zhugs pas kun nas nyon mongs pa de dag gis gos par yang mi 'gyur ro/ /'on kyang de tsam gyis sa bdun po rnams la/ nyon mongs pa'i nyes pa rnams las yang dag par 'das zhes ni mi bya ste/ nam sbyor ba can gyi spyod pa thams cad spangs te/ sa bdun po nas sa brgyad pa yongs su non par gyur te/ byang chub sems dpa'i theg pa yongs su dag pa la zhon zhing 'gro ba thams cad du rgyu ba'i tshe/ kun nas nyon mongs pa'i nyes pa thams cad kyang rab tu shes te/ 'jig rten gyi bya ba kun las 'das pas nyes pa de dag gis kun nas nyon mongs par gyur ces mi bya'o/ /kye/ rgyal ba'i sras/ byang chub sems dpa'i sa bdun pa 'di la gnas pa'i byang chub sems dpa' ni 'dod chags la sogs pa'i nyon mongs pa mang po thams cad las kyang shin tu shas che bar 'da' ste/ byang chub sems dpa'i sa bdun pa 'di la spyod pa'i byang chub sems dpa' de ni nyon mongs pa can zhes kyang mi </font><hr>Ga162b<br><font size=+1>


bya| nyon mongs pa med pa zhes kyang mi bya'o/ /de ci'i phyir zhe na/ nyon mongs pa thams cad rgyu ba med pas nyon mongs pa can zhes mi bya'o/ /de bzhin gshegs pa'i ye shes mngon par 'dod cing bsam pa yongs su ma rdzogs pas nyon mongs pa med pa zhes kyang mi bya'o/ /de ltar byang chub sems dpa'i sa bdun pa 'di la gnas pa'i byang chub sems dpa' ni lhag pa'i bsam pas yongs su dag pa'i lus kyi las dang ldan pa yin/ lhag pa'i bsam pas yongs su dag pas ngag gi las dang ldan pa yin/ lhag pa'i bsam pas yongs su dag pa'i yid kyi las dang ldan pa yin/ de ni 'di ltar mi dge ba'i las kyi lam de bzhin gshegs pas smad pa kun nas nyon mongs pa dang bcas pa de dag las thams cad kyi thams cad du yang dag par 'das pa yin/ gang 'di dag dge ba'i lam yang dag par rdzogs pa'i sangs rgyas kyis bsngags pa de dag gi rjes su rtag tu rgyun mi 'chad par 'brang ba yin/ gang yang byang chub sems dpa'i sa lnga pa la bzo'i gnas dang / las kyi gnas ji ltar mngon par bsgrubs pa de dag thams cad kyang lhun gyis grub pa rab tu 'byung ngo / /de ni stong gsum gyi stong chen po'i 'jig rten gyi khams na slob dpon du bya ba yin te/ de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa'i sa brgyad pa yan chad kyi </font><hr>Ga163a<br><font size=+1>


@#/ /byang chub sems dpa' ma gtogs par su yang de dang bsam pa'am sbyor bas mnyam pa med de| 'di ltar yang gang 'di dag bsam gtan rnams dang| ting nge 'dzin dag dang / snyoms par 'jug pa rnams dang / mngon par shes pa dag dang / rnam par thar pa rnams kyang thams cad kyi thams cad du bsgom pa mngon par bsgrub pa'i sgo'i tshul gyis mngon du 'gyur te/ 'on kyang da dung byang chub sems dpa'i sa brgyad pa la ji ltar de bzhin du ni rnam par smin pas yongs su rdzogs pa ma yin no/ /de ltar byang chub sems dpa'i sa bdun pa 'di la gnas pa'i byang chub sems dpa'i sems bskyed pa thams cad la shes rab dang thabs dang bsgom pa'i stobs yongs su rdzogs par 'gyur te/ sngon pas kyang byang chub kyi yan lag thams cad yongs su rdzogs pa rab tu 'thob bo/ /de de ltar byang chub sems dpa'i sa bdun pa 'di la gnas pa'i tshe/ byang chub sems dpa'i ting nge 'dzin rnam par dbye ba shin tu rnam par phye ba zhes bya ba la mnyam par gzhog ste/ byang chub sems dpa'i ting nge 'dzin don shin tu bsam pa zhes bya ba dang / khyad par gyi blo gros zhes bya ba dang / rab tu phye ba'i don gyi mdzod ces bya ba dang / chos ji lta ba bzhin du rnam par 'byed pa zhes bya ba dang / rtsa ba shin tu gnas pas </font><hr>Ga163b<br><font size=+1>


bstan pa zhes bya ba dang / ye shes dang mngon par shes pa'i sgo zhes bya ba dang / chos kyi dbyings yongs su sbyangs pa zhes bya ba dang / de bzhin gshegs pa'i yon tan zhes bya ba dang| don sna tshogs kyi mdzod 'khor ba dang mya ngan las 'das pa'i sgo zhes bya ba la yang mnyam par gzhog ste/ de dag la sogs pa mngon par shes pa dang / ye shes chen po sgo'i ting nge 'dzin sa yongs su sbyong bar byed pa brgya stong phrag bcu tshang ba la snyoms par 'jug go /de thabs dang shes rab kyis yongs su sbyang ba'i ting nge 'dzin de dag rab tu thob pa dang / snying rje dang snying brtse ba'i mthus nyan thos kyi sa las 'das pa yin/ rang sangs rgyas kyi sa las 'das pa yin/ shes rab dang ye shes kyis rnam par dpyad pa'i sa mngon sum du gyur pa yin/ de ltar de byang chub sems dpa'i sa bdun pa 'di la gnas pa'i tshe/ lus kyi las tshad med pa mtshan ma dang bral bar rab tu 'byung ngo / /ngag gi las tshad med pa mtshan ma dang bral ba rab tu 'byung ngo / /yid kyi las tshad med pa mtshan ma dang bral ba shin tu rnam par sbyangs pa mi skye ba'i chos kyi bzod pas snang bar gyur pa tshad med pa rab tu 'byung ngo / byang chub sems dpa' rnam par grol ba'i zla bas smras pa/ kye/ rgyal ba'i sras/ de lta go/ byang chub sems dpa'i sa dang po la gnas pa'i tshe'ang byang chub sems dpa'i lus dang / </font><hr>Ga164a<br><font size=+1>


@#/ /ngag dang yid kyi las tshad med pa nyan thos dang / rang sangs rgyas kyi spyod pa las yang dag par 'das na ci rob/ byang chub sems dpa' rdo rje'i snying pos smras pa/ kye/ rgyal ba'i sras/ de lta'ang ma yin te/ de ni sangs rgyas kyi chos la dmigs pa'i mthur zad kyi rang gi blos rnam par dpyad pa ni ma yin no/ /byang chub sems dpa'i sa bdun pa 'di la ni rang gi blo'i spyod yul rnam par dpyod pa rab tu thob pas nyan thos dang / rang sangs rgyas thams cad kyis mi 'phrogs pa yin/ kye/ rgyal ba'i sras/ 'di lta ste/ dper na/ rgyal po'i rigs su skyes pa'i rgyal po'i mtshan dang ldan pa ni btsas ma thag tu rgyal po'i byin gyis blon po'i tshogs thams cad zil gyis gnon gyi / rang gi blos rnam par dpyad pas ni ma yin no/ /nam nar son par gyur pa de'i tshe rang gi blo'i mthus blon po thams cad kyi byed pa'i tshul las shin tu 'das pa yin/ kye/ rgyal ba'i sras| de bzhin du byang chub sems dpa'ang sems bskyed ma thag tu lhag pa'i bsam pa'i bdag nyid chen pos nyan thos dang / rang sangs rgyas thams cad zil gyis gnon te// rang gi blos rnam par brtags pas ni ma yin no/ /byang chub sems dpa'i sa bdun pa 'di la gnas pa'i byang chub sems dpa' ni rang gi yul gyi ye shes kyi stobs kyis shugs </font><hr>Ga164b<br><font size=+1>


kyis nyan thos dang / rang sangs rgyas kyi byed pa'i tshul las shin tu 'das pa yin no/ /kye/ rgyal ba'i sras/ de ltar byang chub sems dpa' sems dpa' chen po byang chub sems dpa'i sa bdun pa 'di la gnas pa'i tshe/ lus dang ngag dang yid kyi las zab cing dben la/ rgyu ba med pa dang ldan pa'ang rab tu thob pa yin te/ khyad par gong du btsal ba'i brtson 'grus kyang yongs su mi gtong ngo / /yongs su btsal ba'i brtson 'grus des kyang yang dag pa'i mthar gnas pa la'ang khyad par gong ma shin tu thob par bya ba'i phyir yang dag pa'i mtha' mngon du'ang mi byed do/ /byang chub sems dpa' rnam par grol ba'i zla bas smras pa/ kye/ rgyal ba'i sras/ byang chub sems dpa'i sa gang yan chad du byang chub sems dpa'i 'gog pa la snyoms par 'jug /byang chub sems dpa' rdo rje'i snying pos smras pa/ kye/ rgyal ba'i sras/ byang chub sems dpa'i sa drug pa yan chad byang chub sems dpa'i 'gog pa la snyoms par 'jug ste/ byang chub sems dpa'i sa bdun pa 'di la gnas pa'i byang chub sems dpa' ni sems skad cig re re la yang 'gog pa la snyoms par 'jug ste/ 'gog pa mngon du byas zhes ni mi bya'o/ /de bas na de ni bsam gyis mi khyab pa'i lus dang ngag dang yid kyi las dang ldan zhes bya ba yin no/ /kye/ </font><hr>Ga165a<br><font size=+1>


@#/ /rgyal ba'i sras dag /de ltar byang chub sems dpa' yang dag pa'i mtha' la gnas pas kyang gnas la/ yang dag pa'i mtha' mngon du yang mi byed pa ni ngo mtshar che'o/ /kye/ rgyal ba'i sras/ 'di lta ste/ dper na/ mi la la zhig rgya mtsho chen po'i gru chen por zhugs te/ rgal ba'i thabs la mkhas shing rlung la mkhas pa dang / chu la mkhas pa ni/ rgya mtsho chen po'i chu'i nyes pas mi gos so/ /kye/ rgyal ba'i sras/ de bzhin du byang chub sems dpa' sems dpa' chen po/ byang chub sems dpa'i sa bdun pa 'di la gnas shing pha rol tu phyin pa'i gru chen por zhugs pa yang yang dag pa'i mtha' la gnas pas kyang gnas la/ yang dag pa'i mtha' mngon du yang mi byed do/ /de ltar de ye shes kyi stobs dang shugs thob pa ni ting nge 'dzin dang / ye shes kyi stobs dang shugs kyis mngon par bsgrubs pa'i blo dang / thabs dang shes rab kyi stobs dang / shugs chen pos 'khor pa'i sgo yang ston la/ mya ngan las 'das pa'i bsam pa dang yang mi 'bral ba yin/ 'khor mang pos kun nas bskor bar snang yang rtag tu rgyun mi 'chad par sems kyi dben pa'ang rab tu thob pa yin/ khams gsum du skye ba yang smon lam gyi dbang gis mngon par sgrub la/ 'jig rten gyi nyes pas kyang mi gos pa yin/ zhi zhing rab tu zhi ba yin </font><hr>Ga165b<br><font size=+1>


la| thabs kyis rab tu 'bar te/ de ltar 'bar yang tshig par mi 'gyur ba yin/ sangs rgyas kyi ye shes la'ang yongs su 'jug la/ nyan thos dang rang sangs rgyas kyis las kyang phyir mi ldog pa yin/ sangs rgyas kyi yul gyi mthil du yang phyin la/ bdud kyi yul na'ang 'dug par snang ba yin/ bdud kyi lam bzhi las kyang yang dag par 'das la bdud kyi yul dang spyod yul yang yang dag par ston pa yin/ mu stegs can gyi gnas thams cad na'ang 'dug par snang la/ sangs rgyas kyi mu stegs kyi gnas kyi bsam pa yang mi gtong ba yin/ 'jig rten gyi bya pa thams cad dang yang ldan par snang la/ 'jig rten las 'das pa'i tshul la yang yang dag par gzhol ba yin/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / mi dang / mi ma yin pa dang / brgya byin dang / tshangs pa dang / 'jig rten gyi mgon po thams cad las lhag pa'i rgyan dang / lhab lhub shin tu bsgrub pa'ang rab tu thob la/ chos la dga' ba yid la bya ba'ang mi spong ba yin/ de ltar de lta bu'i ye shes dang ldan par byang chub sems dpa'i sa ring du song ba 'di la gnas pa'i byang chub sems dpa' de'i lta ba rgya chen po dang / smon lam gyi stobs kyis sangs rgyas mang po snang bar 'gyur te/ lta ba rgya chen po dang smon lam gyi stobs kyis sangs rgyas brgya phrag mang po </font><hr>Ga166a<br><font size=+1>


@#/ /dang| sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba brgya stong phrag mang po dang / sangs rgyas khrag khrig mang po dang / sangs rgyas khrag khrig brgya phrag mang po dang / sangs rgyas khrag khrig stong phrag mang po dang / sangs rgyas khrag khrig brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ /des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ bsam pa rgya chen pos rim gro byed do/ /bkur sti byed do/ /bsti stang byed do/ /mchod par byed do/ /na bza' dang / bsod snyoms dang / gzims cha dang / snyun gyi rkyen sman dang / yo byad dag kyang 'bul zhing / byang chub sems dpa'i bde ba'i yo byad thams cad kyang yongs su 'bul lo/ /dge 'dun gyi tshogs rnams la yang yang dag par mchod pa byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngo'o/ /de ltar de bzhin gshegs pa de dag la bsnyen bkur byed cing / de dag las rje sa dang / rim gros nan tan du chos bstan pa nyan cing len to/ /'dzin to/ /thos nas kyang ma nor ba'i snyoms par 'jug pa dang / shes rab dang ye shes kyi snang bas rab tu brtson par byed cing nan tan gyis </font><hr>Ga166b<br><font size=+1>


yongs su 'dzin to/ /sangs rgyas bcom ldan 'das de dag gi bstan pa yang yang dag par 'dzin to/ /nyan thos dang rang sangs rgyas kyi mngon par rtogs pa yongs su dri bas kyang mi 'phrogs pa yin te/ de sngon pas kyang sems can la phan 'dogs pa'i chos kyi bzod pa rnam par dag par 'gyur ba yin/ de ltar byang chub sems dpa'i sa ring du song ba 'di la gnas pa'i byang chub sems dpa' de'i dge ba'i rtsa ba de dag sngon pas kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig phrag du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar shin tu dag cing yongs su byang bar gnas so/ /kye/ rgyal ba'i sras/ 'di lta ste/ dper na/ gser gyi sa le spram de nyid rin po che thams cad kyis rab tu spras pa ni sngon pas kyang rgyan gyi rnam pa gzhan dang gzhan gyis mi thub pa dang / ches 'od gsal zhing dang bar 'gyur ro/ /kye/ rgyal ba'i sras/ de bzhin du byang chub sems dpa' sems dpa' chen po/ byang chub sems dpa'i sa ring du song ba 'di la gnas pa'i </font><hr>Ga167a<br><font size=+1>


@#/ /thabs dang shes rab kyis bsgrubs pa'i dge ba'i rtsa ba de dag sngon pas kyang ches shin tu byang ba dang / ches 'od gsal zhing dang bar 'gyur ro/ / nyan thos dang rang sangs rgyas thams cad kyis kyang mi 'phrogs pa yin/ kye/ rgyal ba'i sras/ 'di lta ste/ dper na/ nyi ma'i 'od ni skar ma'i tshogs dang / zla ba'i 'od kyis mi 'phrogs shing 'dzam bu'i gling na rlan gyi bag yod pa thams cad kyang shin tu skam par byed do/ /kye/ rgyal ba'i sras/ de bzhin du byang chub sems dpa'i sa ring du song ba 'di la gnas pa'i byang chub sems dpa'i dge ba'i rtsa ba de dag kyang sngon pas kyang nyan thos dang / rang sangs rgyas thams cad kyis mi 'phrogs pa yin/ phyin ci log bzhi dang ldan pa'i nyon mongs pa'i rlan gyi rnam pa thams cad kyang yongs su skem mo/ /de'i pha rol tu phyin pa bcu las thabs mkhas pa'i pha rol tu phyin pa'i shas che ba yin te/ lhag ma rnams kyang ci tshul ci nus su mi sgrub pa ma yin no/ /kye/ rgyal ba'i sras/ 'di ni byang chub sems dpa' sems dpa' chen po rnams kyis ring du song ba zhes bya ba ste/ byang chub sems dpa'i sa bdun pa mdor bstan pa'o/ /de la gnas pa'i byang chub sems dpa' sems dpa' chen po ni phal cher lha'i rgyal po dbang sgyur du 'gyur te/ </font><hr>Ga167b<br><font size=+1>


sems can rnams la mngon par rtogs pa'i ye shes yang dag par bstan pa la mkhas shing mthu med pa ste/ nyan thos dang rang sangs rgyas thams cad kyis yongs su dri bas mi zad pa yin/ sems can skyon med par shin tu bslab par bya ba la'ang mkhas pa yin te/ sbyin pa'am/ ngag snyan pa'am/ don bsgrub pa'am/ don mthun pas dge ba'i rtsa ba gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba dang / rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin bye ba </font><hr>Ga168a<br><font size=+1>


@#/ /khrag khrig brgya stong rab tu thob cing de dag la snyoms par 'jug pa dang / sangs rgyas bye ba khrag khrig brgya stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams bye ba khrag khrig brgya stong snang bar bya ba dang / sems can bye ba khrag khrig brgya stong yongs su smin par bya ba dang / bskal pa bye ba khrag khrig brgya stong du gnas par bya ba dang / sngon gyi mtha' dang phyi ma'i bskal pa bye ba khrag khrig brgya stong mang po la rab tu 'jug pa dang / chos kyi sgo bye ba khrag khrig brgya stong rnam par 'byed pa dang / lus bye ba khrag khrig brgya stong yongs su bstan pa dang / lus re re la yang byang chub sems dpa'i 'khor bye ba khrag khrig brgya stong yang dag par bstan par bya ba'i brtson 'grus kyi rnam pa de lta bu rtsom mo/ /de yan chad byang chub sems dpa'i smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan tam/ byin gyi rlabs sam/ mos pa'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal </font><hr>Ga168b<br><font size=+1>


pa brgya stong phrag du ma dang / bskal pa bye ba khrag khrig brgya stong phrag du ma'i bar gyis kyang bgrang bar dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so/ /ye shes zab mo don dam tshig gis rjes snyegs shing / /sa drug rtogs pa'i yid ldan bdag nyid mnyam bzhag pa/ /shes rab thabs gnyis zung du 'brel pa mngon par sgrub/ /mkhas pas sa bdun spyod pa dam pa yongs su gnon/ /stong pa mtshan med mi smon snying rje byams dang ldan/ /chos nyid mnyam pa'i rjes 'gro sangs rgyas mchod par byed/ /shes pas shes byas bsod nams stobs kyis mi ngoms pas/ /de phyir mkhas pa bdun pa'i sa phyogs yongs su gnon/ /khams gsum mngon par sgrub byed shin tu dben pa thob/ /nyon mongs stobs rnams zhi zhing 'gro ba zhi la mos/ /mig yor sgyu ma rmi lam mi gnyis chos spyod kyang / /snying rje las spyod ston pa mkhas pas bdun pa gnon/ /nam mkha'i bsam pas zhing rnams yongs spyod rnam mi rtog /rgyal ba'i mtshan dang ldan zhing mi g.yo chos dang ldan/ /brjod pa'i dbyangs bral 'gro ba dgar bya don du gnyer/ /skad cig sems kyi rgyal bas kun mkhyen yang dag gzhol/ /chos rnams 'di </font><hr>Ga169a<br><font size=+1>


@#/ /dag spyad pas snang ba thob gyur pas/ /'gro ba'i don 'dod sa mchog yongs su mnan ces bya/ /de dag sa 'dir gnas shing mtha' yas sems can spyod/ / bde gshegs tshad med las mkhyen rnam par spyod pa byed/ /zhing dang bskal pa chos grangs sna tshogs du ma dang / /mos dang bsam pa sems dang spyod pa sna tshogs dang / / theg pa gsum po bstan pa tshad med yang dag 'jug /bdag gis sems can de dag yongs su smin bya zhes/ /de dag de ltar rnam phye shes rab lam ldan pa/ /spyod lam bzhi por mngon par brtson zhing thabs dang ldan/ /sems kyi skad cig kun la byang chub yon tan sgrub/ /pha rol phyin pa bcur 'jug yongs su rdzogs par byed/ /sems skyes 'gro la yongs bsngo de ni sbyin pa'o/ /tshul khrims nyon mongs zhi ba bzod pa mi 'tshig pa/ /brtson 'grus de nas khyad par gong du rtsom pa ste/ /lam las mi sgul de ni legs ldan bsam gtan no/ /mi skye'i bzod pa rdul med mkhas pa'i shes rab mchog /da dung mngon 'dod bsngo ba de yi smon lam ste/ /mi thub stobs yin shin tu rtogs pa ye shes so| |de ltar byang chub yon tan thams cad skad cig ldan/ /dang por dmigs pas yon tan yongs su rdzogs par 'gyur/ /gnyis la dri ma bsal phyir gsum la bgegs </font><hr>Ga169b<br><font size=+1>


bsal bas/ /bzhi la lam gyis lnga la mnyam pa nyid kyis te/ /mi skye'i snang bas mkhas pa'i drug pa rnam par 'phel/ /bdun pa 'dir phyin yon tan mtha' dag kun rdzogs par/ / smon lam du ma sna tshogs mngon par sgrub pa byed/ /ci phyir zhe na ye shes spyod pa 'dir grub pa/ /de ni brgyad pa yan chad kun tu rnam dag 'gyur/ /'da' dka' phyin dka' ye shes mang po'i las kyis 'grub/ /zhing gnyis bar mtshams ji ltar yongs su brgal dka' bzhin/ /bdun la spyod pa rgyal po chags med ji bzhin te/ /lam la gnas pa yin gyi thams cad brtan ma 'das/ /brgyad pa'i ye shes sa dang gang tshe ldan gyur pa/ /de tshe sems kyi yul 'das ye shes las la gnas/ /tshangs pa 'gro ba lta yang mi yi bdag nyid min// de bzhin mkhas pa pad mo bzhin du mi chags spyod/ /'di la gnas pa nyon mongs sna tshogs rab tu 'da'/ /de dag nyon mongs spyod med byang ba'ang thob pa min/ /lam la gnas kyang de 'dra'i nyon mongs spyod med min/ /rgyal ba'i ye shes mngon 'dod de bas zad pa min/ /'jig rten bzo dang las gnas rnam pa sna tshogs dag /mkhas pas gtsug lag rgyus la gnas te shes byas dang / /bsam gtan mngon shes stobs sgom ldan par gyur pa rnams/ /de bas gsal 'gyur ting 'dzin sna tshogs mngon par sgrub/ /nyan thos rang rgyal spyod las yongs </font><hr>Ga170a<br><font size=+1>


@#/ /su 'das pa ste/ /bdun pa'i byang chub sems dpa'i spyod la mkhas pa gnas/ /sngon chad bsam pas yin gyi 'di la ye shes kyis/ /nar son mthu dang ldan pa'i rgyal po'i bu bzhin no/ /shin tu zab dang ldan pas gong du rtsom byed de/ /'gog pa'i sems dang ldan yang mngon par mi byed do/ /ji ltar rgya mtshor phyin cing gru chen zhugs gyur pa/ /chu tshul thams cad mngon gyur gru la skyon mi gyur/ /de dag sngon pas thabs dang shes rab mchog dang ldan/ /shes dka' 'gro ba kun tu shes spyod yon tan mang / /sangs rgyas bye ba mang du bsam pa dag pas mchod/ /gser sbram de nyid rin chen mang pos smras pa bzhin/ /'di la gnas pa'i mkhas pa'i shes rab mchog gi 'ong / /sred pa'i chu rnams ji ltar nyi bzhin yongs su skem/ /sa mchog 'di la gnas pa dbang sgyur rgyal por 'gyur/ /ye shes dam pa'i 'bras bu ston la mthu yod mkhas/ /'dod na brtson 'grus dam pa'i stobs dang ldan gyur pa/ /sangs rgyas bye ba khrag khrig brgya stong tshang bdag /phyogs rnams kun tu shin tu mnyam par bzhag pas mthong / yan chad smon lam yon tan mchog can tshad kyang med/ /'di ni sa mchog bdun pa ste/ /rang rgyal dbang la spyod pa dang / /'jig rten kun gyis shes par dka'/ /thabs dang </font><hr>Ga170b<br><font size=+1>


shes rab sbyor ba'o/ /ring du song ba zhes bya ba ste/ byang chub sems dpa'i sa bdun pa'o// //bam po lnga bcu pa/ mkhas pa'i spyod pa de 'dra dam pa thos nas/ /lha yi tshogs dang lha yi dbang po kun dga'/ /byang chub sems dpa' 'gro phan brtson pa mang po/ /bde bar gshegs dang rgyal sras rnams la mchod byed/ /me tog phreng ba rgyal mtshan ba dan yid 'ong / /spos dang phye ma rin chen na bza' rgyan pa/ /dbyig gis spras pa'i gdugs rab khrag khrig du ma/ /phreng ba'i sprin gyi dam pa'i char yang mngon 'bebs/ /lha yi bu mos yid du 'ong ba'i sgra dbyangs/ /du ma'i sil snyan gar gyi mchog dang ldan byas/ /bde bar gshegs dang rgyal sras mchod pa'i don du/ /thub pa'i yon tan rmad du byung brjod byed| |thams cad gzigs pa rkang gnyis khyu mchog gtso bo/ /sangs rgyas spyod yul 'gro la phan phyir ston mdzad/ /dbyangs sprin yid du 'ong ba rab tu 'byung ba'i/ /rnga dang sil snyan sna tshogs rnams la 'di byung / /skra yi rtse la bde gshegs brgya phrag stong snyed/ /gang+gA khrag khrig bye ba'i rdul bas de mang / /zhing mchog dam pa mnyam pa med pa dag na/ /khyu mchog rnams ni rdul bral chos rnams ston mdzad/ /spu gcig rtse la 'byams klas dam pa'i zhing mang / /gling bzhi du ma rgya mtsho mtsho chen kun nas/ /khor yug bye ba de bzhin ri rab </font><hr>Ga171a<br><font size=+1>


@#/ /thams cad/ /so so'i tshul dang ldan par kun kyang snang gyur/ /skra yi rtse mo de la 'gro rgyud drug po/ /yi dwags byol song mi dang sems dmyal lha dang| |gnod sbyin srin po klu dang lha min mang po/ /sna tshogs las kyi yul la kun kyang spyod byed/ /rdul bral kun gyi zhing gi spyod yul kun tu/ /'khor lo dam pa'i mchog kyang de tshe 'khor gyur/ /'gro ba'i 'du shes sems dang de bzhin spyod pa/ /bde gshegs gsung gi dam pa kun kyang bstan byas/ /sems can lus la bde gshegs zhing mar sna tshogs/ /zhing la sems can rmad snyed lus kyang de bzhin/ /lha dang mi yi lam rgyud de bzhin sna tshogs/ /mkhyen nas bde bar gshegs pa chos rnams kun ston// shin tu yangs pa'i zhing la 'du shes phrar gyur/ /rdul gyi mtshan ma dag la 'du shes yangs gyur/ /de la sogs pa bde bar gshegs pa'i rdzu 'phrul/ /'jig rten kun gyis brjod kyang zad par mi 'gyur/ /che ba nyid dbyangs de skad du/ /snyan pa'i dbyangs su grag gyur nas/ /'khor rnams rab tu dga' zhing zhi/ /gsung ba'i mchog la lta zhing gnas/ /'khor rnams zhi bar shes gyur nas/ /rnam grol zla bas yang smras pa/ /sa brgyad pa yi rnam pa dang / /de lta 'jug pa bstan par mdzod/ /byang chub sems </font><hr>Ga171b<br><font size=+1>


dang 'a rdo rje'i snying pos smras pa/ kye| rgyal ba'i sras dag /de ltar byang chub sems dpa' sems dpa' chen po byang chub sems dpa'i sa bdun pa la rnam par dbye ba shin tu byas pa thabs dang shes rab kyis lam shin tu sbyangs pa/ tshogs shin tu bsags pa/ smon lam chen po shin tu btab pa'i stobs dang shugs can de bzhin gshegs pa'i byin gyi rlabs kyis byin tu brlabs pa rang gi dge ba'i rtsa ba'i stobs dang shugs thob pa/ de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa yid la bya ba dang ldan pa/ bsam pa dang / lhag pa'i bsam pas yongs su sbyang ba'i sems dang ldan pa/ bsod nams dang ye shes kyi stobs kyis mngon par 'phags pa/ snying rje dang snying brtse ba chen pos sems can gyi khams thams cad yongs su mi gtong ba'i sbyor ba dang ldan pa/ ye shes kyi lam tshad med pa'i rjes su song ba de chos thams cad thog ma nas ma byung ba nyid la yang dag pa ji lta ba bzhin du 'jug go /ma skyes pa dang / mtshan nyid med pa dang / skye ba med pa dang / 'jig pa med pa dang / thug pa med pa dang / mi rgyu ba dang / mi ldog pa dang / dngos po med pa'i rang bzhin dang / thog ma dang / tha ma dang / dbus mnyam pa nyid dang / de bzhin nyid kyis rnam par mi rtog pa'i thams cad mkhyen pa'i ye shes la'ang </font><hr>Ga172a<br><font size=+1>


@#/ /yang dag pa ji lta ba bzhin du 'jug ste/ des rnam pa thams cad du sems dang / yid dang / rnam par shes pa'i rnam par rtog pa dang / 'du shes dang bral zhing thogs pa med la nam mkha' dang 'dra zhing / nam mkha'i rang bzhin du khong du chud pas mi skye ba'i chos la bzod pa thob ces bya'o/ /kye| rgyal ba'i sras dag de la de lta bu'i bzod pa dang ldan pa'i byang chub sems dpa' ni/ byang chub sems dpa'i sa mi g.yo ba thob ma thag tu byang chub sems dpa'i gnas zab mo shes par dka' ba tha mi dad pa mtshan ma thams cad dang bral ba/ 'du shes kyi bgegs thams cad las phyir log pa tshad med pa/ nyan thos dang rang sangs rgyas thams cad kyis mi 'phrogs pa dben pa thams cad mngon du gyur pa shin tu thob pa yin/ kye| rgyal ba'i sras dag /'di lta ste/ dper na/ dge slong rdzu 'phrul dang ldan pa/ sems can thams cad la dbang thob pa / mthar gyis 'gog pa'i bar du mnyam par bzhag pa ni rgyu ba dang / sems pa dang / g.yo ba'i rnam par rtog pa dang / 'du shes thams cad dang bral ba yin/ kye| rgyal ba'i sras dag /de bzhin du byang chub sems dpa' yang byang chub sems dpa'i sa brgyad pa mi g.yo ba 'di thob ma thag tu ched du bya ba thams cad dang bral te/ lhun gyis grub pa'i chos </font><hr>Ga172b<br><font size=+1>


nyid thob cing lus dang / ngag dang / sems kyi rtsol ba thams cad dang bral te/ shin tu dben pa'i chos nyid la gnas pa yin/ kye| rgyal ba'i sras dag /'di lta ste/ dper na/ mi la la zhig gnyid kyis log pa'i rmi lam du bdag chu klung chen pos khyer ba snyam byed la/ de de nas ci phyin du 'bad cing rtsol ba chen po rtsom rtsom pa las de 'bad cing rtsol ba chen po de nyid kyis sad par gyur na/ de sad ma thag tu 'bad cing rtsol ba thams cad dang bral bar 'gyur ro/ /kye| rgyal ba'i sras dag /de bzhin du byang chub sems dpa' yang nyon mongs pa'i chu klung chen po bzhir sems can mang po dod bar shes nas 'bad cing rtsol ba yongs su rtsom mo/ /de brtson 'grus chen po dang ldan pas byang chub sems dpa'i sa mi g.yo ba 'di thob ma thag tu ched du bya ba thams cad bral ba yin te/ de'i gnyis po rgyu ba 'am mtshan ma rgyu ba dag kyang thams cad kyi thams cad du mi snang bar 'gyur ro/ /kye| rgyal ba'i sras dag /'di lta ste/ dper na/ tshangs pa'i 'jig rten du skyes shing gnas pa ni/ 'dod pa la spyod pa'i nyon mongs pa rnams yongs su mi rgyu ba yin te/ kye| rgyal ba'i sras dag /de bzhin du byang chub sems dpa'i sa mi g.yo ba la gnas pa'i byang chub sems dpa' yang sems dang / yid dang / rnam par shes pa'i yongs su rgyu ba rnams thams cad kyi thams cad du </font><hr>Ga173a<br><font size=+1>


@#/ /yongs su mi rgyu ba yin te/ de sangs rgyas la yongs su rgyu ba'am/ byang chub la yongs su rgyu ba'am/ byang chub sems dpa' la yongs su rgyu ba'am/ rang sangs rgyas la yongs su rgyu ba'am/ nyan thos la yongs su rgyu ba'am/ mya ngan las 'das pa la yongs su rgyu ba'am/ dgra bcom pa la yongs su rgyu ba'am/ phyir mi 'ong ba la yongs su rgyu ba'am/ lan gcig phyir 'ong ba la yongs su rgyu ba'am/ rgyun du zhugs pa la yongs su rgyu ba yang yongs su mi rgyun 'jig rten pa'i yongs su rgyu ba yongs su mi rgyu ba lta ci smos/ kye| rgyal ba'i sras dag /de ltar mi g.yo ba'i sa la gnas pa'i byang chub sems dpa' sngon gyi smon lam gyi stobs dang shugs la gnas pa de'i chos kyi sgo'i rgyud de la sangs rgyas bcom ldan 'das rnams de bzhin gshegs pa'i ye shes kyis nye bar bsgrub pa mdzad de/ de la 'di skad ces bka' stsal to/ /rigs kyi bu/ legs so/ /legs so/ / sangs rgyas kyi chos rjes su rtogs par bya ba la 'di ni don dam pa'i bzod pa yang yin na/ 'on kyang / rigs kyi bu/ nged kyi stobs bcu dang / mi 'jigs pa bzhi dang / sangs rgyas kyi chos phun sum tshogs pa de khyod la med kyi/ sangs rgyas kyi chos phun sum tshogs pa de dag yongs su btsal ba'i phyir brtson 'grus rtsoms shig /bzod pa'i sgo 'di nyid kyang ma gtong zhig/ </font><hr>Ga173b<br><font size=+1>


rigs kyi bu/ 'di lta ste/ khyod kyis de ltar zhi ba'i rnam par thar pa thob kyang byis pa so so'i skye bo 'di dag zhi ba ma yin/ rab tu zhi ba ma yin te/ nyon mongs pa sna tshogs yongs su rgyu bar gyur na/ de ltar rnam par rtog pa rnam pa sna tshogs kyis yongs su mnar ba la soms/ 'di ltar yang / rigs kyi bu khyod kyi sngon gyi smon lam sems can gyi don yongs su 'grub par bya bar btab pa dang / ye shes kyi sgo bsam gyis mi khyab pa dran par gyis shig /'di ltar yang / rigs kyi bu/ 'di ni chos rnams kyi chos nyid de/ de bzhin gshegs pa rnams byung yang rung / ma byung yang rung / chos kyi dbyings dang / chos kyi gnas nyid 'di ni de bzhin du 'dug pa ste/ 'dis ni de bzhin gshegs pa rnams nyi tshe brjod par bya ba ma yin te/ nyan thos dang rang sangs rgyas thams cad kyang rnam par mi rtog pa'i chos nyid 'di 'thob bo/ /rigs kyi bu khyod nged kyi lus tshad med pa dang / ye shes tshad med pa dang / sangs rgyas kyi zhing tshad med pa dang / ye shes mngon par bsgrubs pa tshad med pa dang / 'od kyi dkyil 'khor tshad med pa dang / dbyangs kyi yan lag rnam par dag pa tshad med pa la ltos/ khyod kyis kyang de bzhin tu mngon par bsgrub par bya dgos so/ /'di ltar/ rigs kyi bu/ gang de ltar chos thams cad la rnam par mi rtog pa de ni khyod kyi snang ba gcig pur zad de/ rigs kyi </font><hr>Ga174a<br><font size=+1>


@#/ /bu| de bzhin gshegs pa rnams kyi chos snang ba ni 'di 'dra ste/ yongs su mtha' yas par song la yongs su mtha' yas par bsgrubs pa ste/ de snyed kyi bskal pa bye ba khrag khrig brgya stong gis kyang bgrang bar dka'/ de dag thob par bya ba'i phyir mngon par bsgrub pa skyed cig /'di ltar yang / rigs kyi bu/ phyogs bcu'i zhing tshad med pa dang / sems can tshad med pa dang / chos rnam par phye ba tshad med pa la ltos te/ de dag thams cad ma nor bar bgrang bar gyis shig /ces te/ kye| rgyal ba'i sras dag| de ltar de lta bu'i ye shes dang ldan pa'i byang chub sems dpa' la sangs rgyas bcom ldan 'das de dag ye shes mngon par bsgrub pa'i sgo de dag la sogs pa gang gis byang chub sems dpa' ye shes rnam par phye ba'i tshul mngon par bsgrub pa'i las tshad med pa yongs su rdzogs par byed pa/ gzhal du med pa dag nye bar bsgrub pa mdzad do/ /kye| rgyal ba'i sras dag /khyed kyis yid ches pa dang / khong du chud par bya na/ gal te sangs rgyas bcom ldan 'das de dag gis byang chub sems dpa' de mngon par bsgrub pa'i sgor gzhug pa mdzad du zin na/ de nyid de'i mtha' las brgal ba'i mya ngan las 'das par 'gyur te/ sems can thams cad kyis dgos pa'ang rgyun bcad par 'gyur ro/ /de ltar sangs rgyas </font><hr>Ga174b<br><font size=+1>


bcom ldan 'das de dag ni byang chub sems dpa' de la ye shes mngon par bsgrub pa'i las gang gis skad cig gcig tu mngon par bsgrubs pas kyang thog ma sems bskyed pa phyin chad sa bdun la zhugs shing rjes su song ba yongs su rtsom pa'i bar snga ma de dag gis brgya'i char yang nye bar mi 'gro /stong gi cha dang / khrag khrig gi cha dang / khrag khrig brgya'i cha dang / khrag khrig stong gi cha dang / khrag khrig brgya phrag stong gi cha dang / bye ba khrag khrig brgya phrag stong gi char yang nye bar mi 'gro'o/ /grangs dang / cha dang / bgrang ba dang / dpe dang / rgyur yang nye bar mi 'gro ba nas/ bsgrun pa tsam gyi bar du'ang mi chog pa de snyed du tshad med pa'i ye shes mngon par bsgrub pa las nye bar bsgrub pa mdzad do/ /kye| rgyal ba'i sras dag /de ci'i phyir zhe na/ sngon chad lus gcig gis mngon par bsgrub pas spyod pa mngon par bsgrub par gyur gyi/ 'di la gnas pa'i byang chub sems dpa' rnams ni lus rnam par phye ba tshad med pas/ byang chub sems dpa'i spyod pa'i mthu yongs su sdud de/ dbyangs mngon par bsgrub pa tshad med pa dang / ye shes mngon par bsgrub pa tshad med pa dang / skye ba mngon par bsgrub pa tshad med pa dang / zhing yongs su sbyong ba tshad med pa dang / sems can yongs su smin par bya ba tshad med pa dang / sangs rgyas mchod cing bsnyen bkur </font><hr>Ga175a<br><font size=+1>


@#/ /ba tshad med pa dang / chos kyi tshul khong du chud pa tshad med pa dang / mngon par shes pa mngon par bsgrub pa'i stobs dang shugs tshad med pa dang / 'khor gyi dkyil 'khor tshad med pa rnam par phye ba dang / tshad med pa'i rjes su song ba'i lus dang / ngag dang / yid kyi las kyis byang chub sems dpa'i spyod pa thams cad kyi mthu mi sgul ba'i tshul gyis yang dag par sgrub bo/ /kye| rgyal ba'i sras dag /'di lta ste/ dper na/ rgya mtsho chen por 'gro ba'i gru ni rgya mtsho chen por ma phyin gyi bar du ched du bskyod cing 'gro bar bya ba yin te/ rgya mtsho chen po la zhen ma thag tu rlung gi dkyil 'khor gyis bsu bas ched du bskyod mi dgos pa yin/ des rgya mtsho chen po la nyin gcig gis ci chod pa de ni sngon du bskyod cing 'gro bas lo brgyar yang de ltar tshad med par phyin par mi nus so/ /kye| rgyal ba'i sras dag /de bzhin du byang chub sems dpa' sems dpa' chen po dge pa'i rtsa ba chen po'i tshogs yang dag par bsags pa theg pa chen po'i grur zhugs pa yang byang chub sems dpa'i spyod pa'i rgya mtshor phyin nas yud tsam gcig tu lhun gyis grub pa'i ye shes kyis thams cad mkhyen pa'i ye shes ji tsam yang dag par gnon pa de ni sngon gyi ched du bya ba'i las kyis bskal pa brgya stong du yang yang dag par non par mi nus so/ /kye| </font><hr>Ga175b<br><font size=+1>


rgyal ba'i sras dag /de la byang chub sems dpa'i sa brgyad pa 'di thob pa'i byang chub sems dpa' ni thabs mkhas pa'i ye shes kyis bsgrub pa lhun gyis grub pa la shin tu zhugs pa'i byang chub sems dpa'i blos thams cad mkhyen pa'i ye shes la rnam par dpyod cing 'jig rten gyi khams 'byung ba yang rnam par spyod do/ /'jig rten gyi khams 'jig pa'ang rnam par spyod do/ /de 'jig rten ji ltar 'byung ba de yang rab tu shes so/ /'jig rten ji ltar 'jig pa de yang rab tu shes so/ /las gang bsags pas 'jig rten 'byung bar 'gyur ba de yang rab tu shes so/ /las gang bsags pas 'jig rten 'jig par 'gyur ba de yang rab tu shes so/ /dus ji srid kyis 'jig rten 'byung bar 'gyur ba de yang rab tu shes so| |dus ji srid kyis 'jig rten 'jig par 'gyur ba de yang rab tu shes so/ /dus ji srid du 'jig rten byung nas gnas pa de yang rab tu shes so/ /dus ji srid du 'jig rten zhig par gnas pa de yang rab tu shes so/ /de sa'i khams shin tu chung ba yang rab tu shes so/ /sa'i khams shin tu che ba yang rab tu shes so/ /sa'i khams tshad med pa'ang rab tu shes so| |sa'i khams rnam par phye ba yang rab tu shes so/ /de chu'i khams shin tu chung ba'ang rab tu shes so/ /chu'i khams shin tu che ba'ang rab tu shes so/ /chu'i khams tshad med pa </font><hr>Ga176a<br><font size=+1>


@#/ /yang rab tu shes so/ /chu'i khams rnam par phye ba yang rab tu shes so/ /de me'i khams shin tu chung ba'ang rab tu shes so/ /me'i khams shin tu che ba'ang rab tu shes so/ /me'i khams tshad med pa yang rab tu shes so/ /me'i khams rnam par phye ba yang rab tu shes so/ /de rlung khams shin tu chung ba'ang rab tu shes so/ /rlung gi khams shin tu che ba'ang rab tu shes so/ /rlung gi khams tshad med pa yang rab tu shes so/ /rlung gi khams rnam par phye ba yang rab tu shes so/ / de shin tu phra ba'i rdul phra ba nyid kyang rab tu shes so/ /shin tu phra ba'i rdul yangs pa yang rab tu shes so/ /shin tu phra ba'i rdul tshad med pa yang rab tu shes so/ /shin tu phra ba'i rdul rnam par phye ba yang rab tu shes so/ /'jig rten gyi khams gang na sa'i khams kyi rdul shin tu phra ba ji snyed pa de dag kyang rab tu shes so/ /chu'i khams kyi rdul shin tu phra ba ji snyed pa de dag kyang rab tu shes so/ /me'i khams kyi rdul shin tu phra ba ji snyed pa de dag kyang rab tu shes so/ /rlung gi khams kyi rdul shin tu phra ba ji snyed pa de dag kyang rab tu shes so/ /rin po che rnam par phye ba ji snyed pa yod pa dang / rin po che'i rdul shin tu phra ba ji snyed yod pa de dag kyang rab tu shes so/ /sems can gyi lus </font><hr>Ga176b<br><font size=+1>


la rdul ji snyed yod pa de dag kyang rab tu shes so/ /zhing gi lhun la rdul shin tu phra ba snyed yod pa de dag kyang rab tu shes so/ /de sems can gyi lus che ba dang / lus yangs pa dang| lus phra ba dang / lus rnam par phye ba'ang rab tu shes so/ /sems can dmyal ba pa'i lus rdul shin tu phra ba ji snyed kyis byung ba dang / byol song gi skye gnas pa'i lus rdul shin tu phra ba ji snyed kyis byung ba dang / gshin rje'i 'jig rten pa'i lus rdul shin tu phra ba ji snyed kyis byung ba dang / lha ma yin gyi 'jig rten pa'i lus rdul shin tu phra ba ji snyed kyis byung ba dang / lha'i 'jig rten pa'i lus rdul shin tu phra ba ji snyed kyis byung ba dang / mi'i ris su gtogs pa'i lus rdul shin tu phra ba ji snyed kyis byung ba de dag kyang rab tu shes so/ /de de ltar rdul shin tu phra ba rab tu dbye ba la zhugs pa ni 'dod pa'i khams 'jig pa'ang rab tu shes so/ /gzugs kyi khams 'jig pa yang rab tu shes so| |gzugs med pa'i khams 'jig pa yang rab tu shes so/ /'dod pa'i khams 'du ba yang rab tu shes so/ /gzugs kyi khams 'du ba yang rab tu shes so/ /gzugs med pa'i khams 'du ba yang rab tu shes so/ /'dod pa'i khams chung ba yang rab tu shes so/ /'dod pa'i khams che ba'ang rab tu shes so/ /'dod pa'i khams tshad med </font><hr>Ga177a<br><font size=+1>


@#/ /pa'ang rab tu shes so/ /'dod pa'i khams rnam par phye ba'ang rab tu shes so/ /gzugs kyi khams dang / gzugs med pa'i khams chung ba'ang rab tu shes so/ /che ba'ang rab tu shes so/ /tshad med pa'ang rab tu shes so/ /rnam par phye ba yang rab tu shes so/ /de khams gsum rnam par spyad pa'i ye shes khong du chud pa mngon par bsgrubs pa'i ye shes kyi snang ba dang ldan la/ sems can gyi lus rab tu dbye ba la mkhas shing zhing gi lhun rnam par dbye ba'i ye shes la mkhas pas skye ba'i skye mched thams cad mngon par bsgrub pa la blo shin tu gtong ste/ de ni sems can thams cad yongs su smin par bya ba'i phyir/ sems can rnams kyi skye ba dang / yongs su grub pa ci 'dra ba de lta bur rang gi lus byin gyis rlob bo/ /de stong gsum gyi stong chen po'i 'jig rten gyi khams rgyas par bkang zhing sems can gyi mos pa ji lta ba de bzhin du rang gi lus mig yor lta bu'i ye shes kyi rjes su 'brang bas skye bar bya ba'i phyir mngon par sgrub ste/ stong gsum gyi stong chen po'i 'jig rten gyi khams gnyis sam/ gsum mam/ bzhi'am/ lnga'am/ bcu'am/ nyi shu'am/ sum cu'am/ bzhi bcu'am/ lnga bcu dag nas brjod du med pa'i yang brjod du med pa'i bar dag rgyas par bkang ste/ sems can </font><hr>Ga177b<br><font size=+1>


gyi mos pa ji lta ba de bzhin du rang gi lus mig yor lta bu'i ye shes kyi rjes su 'brang bas skye bar bya ba'i phyir mngon par bsgrub bo/ /de de lta bu'i ye shes dang ldan pas sangs rgyas kyi zhing gcig nas kyang mi g.yo la/ sangs rgyas kyi zhing brjod du med pa dag gi de bzhin gshegs pa'i 'khor gyi dkyil 'khor dag tu yang snang bar phyin pa yin/ de sems can rnams kyi lus rnam par phye ba dang / mos pa dang / bsam pa ji lta ba bzhin du zhing de dang de dag dang / 'khor gyi dkyil 'khor de dang de dag tu de lta de ltar rang gi lus ston te/ de dge sbyong gi 'khor gyi dkyil 'khor du dge sbyong gi kha dog dang gzugs ston to/ /bram ze'i 'khor gyi dkyil 'khor du bram ze'i kha dog dang gzugs ston to/ /rgyal rigs kyi 'khor gyi dkyil 'khor du rgyal rigs kyi kha dog dang gzugs ston to/ /rje'u rigs kyi 'khor gyi dkyil 'khor du rje'u rigs kyi kha dog dang gzugs ston to/ /khyim bdag gi 'khor gyi dkyil 'khor du khyim bdag gi kha dog dang gzugs ston to/ /rgyal po chen po bzhi'i ris kyi 'khor gyi dkyil 'khor du rgyal po chen po bzhi'i kha dog dang gzugs ston to/ /sum cu rtsa gsum pa'i 'khor gyi dkyil 'khor du sum cu rtsa gsum pa'i kha dog dang gzugs ston to/ /de bzhin du mtshe ma'i 'khor gyi dkyil 'khor dang / dga' ldan gyi 'khor gyi dkyil 'khor dang / 'phrul dga'i 'khor gyi dkyil 'khor dang / </font><hr>Ga178a<br><font size=+1>


@#/ /gzhan 'phrul dbang byed kyi 'khor gyi dkyil 'khor dang / tshangs pa'i 'khor gyi dkyil 'khor nas/ 'og min gyi 'khor gyi dkyil 'khor gyi bar du de lta de lta bu'i kha dog dang gzugs ston to/ /de nyan thos kyis 'dul ba'i sems can rnams la nyan thos kyi lus dang kha dog dang gzugs ston to/ /rang sangs rgyas kyi 'dul ba'i sems can rnams la rang sangs rgyas kyi lus dang kha dog dang gzugs ston to/ /byang chub sems dpas 'dul ba'i sems can rnams la byang chub sems dpa'i lus dang kha dog dang / gzugs ston to/ /de bzhin gshegs pas 'dul ba'i sems can rnams la de bzhin gshegs pa'i sku dang kha dog dang sku gzugs ston to/ /kye| rgyal ba'i sras dag/ de ltar sangs rgyas kyi zhing rjod du med pa ji snyed pa de dag gi sems can rnams kyi mos pa rab tu mang ba de dag thams cad du rang gi lus de lta de ltar rnam par phye ba yongs su ston to/ /de lus kyi rnam par rtog pa dang / 'du shes thams cad dang rnam par bral ba ste/ lus mnyam pa nyid thob pas sems can gyi lus rab tu shes so/ /zhing gi lus dang / las kyi rnam par smin pa'i lus dang / nyan thos kyi lus dang / rang sangs rgyas kyi lus dang / byang chub sems dpa'i lus dang / de bzhin gshegs pa'i sku dang / ye shes kyi lus dang / chos kyi lus dang / </font><hr>Ga178b<br><font size=+1>


nam mkha'i lus kyang rab tu shes so/ /des sems can rnams kyi sems dang bsam pa mngon par bsgrub pa yongs su shes pas 'dod na/ sems can gyi lus nam mkha'i lus su byin gyis rlob bo/ /de bzhin du zhing gi lus dang / las rnam par smin pa'i lus dang / nyan thos kyi lus dang / rang sangs rgyas kyi lus dang / byang chub sems dpa'i lus dang / de bzhin gshegs pa'i sku dang / ye shes kyi lus dang / chos kyi lus kyang nam mkha'i lus su byin gyis rlob bo/ /des sems can rnams kyi sems dang bsam pa mngon par bsgrub pa yongs su shes pas sems can gyi lus rang gi lus su byin gyis rlob bo/ /de bzhin du zhing gi lus dang / las rnam par smin pa'i lus dang / nyan thos kyi lus dang / rang sangs rgyas kyi lus dang| byang chub sems dpa'i lus dang / de bzhin gshegs pa'i sku dang / ye shes kyi lus dang / chos kyi lus dang / nam mkha'i lus kyang rang gi lus su byin gyis rlob bo/ /des sems can rnams kyi sems dang bsam pa mngon par bsgrub pa yongs su shes pas/ lus gang dang gang lus gang dang gang du 'dod pa de dang de'i lus su lus de dang de dag byin gyis rlob bo/ /de sems can gyi lus kyi lus rnams kyi las kyi lus kyang rab tu shes so/ /rnam par smin pa'i lus dang / nyon mongs pa'i lus dang / gzugs kyi lus dang / gzugs med pa'i lus </font><hr>Ga179a<br><font size=+1>


@#/ /kyang rab tu shes so/ /zhing gi lus rnams kyis chung ba'i rang bzhin yang rab tu shes so/ /che ba dang / tshad med pa dang / kun nas nyon mongs pa dang / rnam par dag pa dang / snrel zhi dang / spyi'u tshugs dang / gzhi mnyam par yang dag par 'jug pa dang / phyogs kyi dra ba rnam par dbye ba yang rab tu shes so/ /las rnam par smin pa'i lus rnam par phyi ba'i brda yang rab tu shes so/ /de bzhin du nyan thos kyi lus rnam par phye ba'i brda dang / rang sangs rgyas kyi lus rnam par phye ba'i brda dang / byang chub sems dpa'i lus rnam par phye ba'i brda yang rab tu shes so/ /de bzhin gshegs pa'i sku rnams kyi mngon par 'tshang rgya ba'i lus kyang rab tu shes so/ /smon lam gyi lus dang| sprul pa'i lus dang / byin gyi rlabs kyi lus dang / gzugs dang / mtshan dang / dpe byad bzang po'i rgyan gyi lus dang / 'od kyi lus dang / yid kyi rang bzhin gyi lus dang / bsod nams kyi lus dang / ye shes kyi lus dang / chos kyi lus kyang rab tu shes so/ /ye shes kyi lus rnams kyi shin tu rnam par dpyad pa nyid kyang rab tu shes so/ /yang dag pa ji lta ba bzhin du brtags pa yang rab tu shes so/ /'bras bu'i sbyor bas yang dag par bzung ba dang / 'jig rten pa dang / 'jig rten las 'das pa rnam par phye ba dang / theg </font><hr>Ga179b<br><font size=+1>


pa gsum rnam par dgod pa dang / thun mong dang / thun mong ma yin pa dang / 'byung ba dang / ma 'byung ba dang / slob pa dang / mi slob pa yang rab tu shes so/ /chos kyi lus rnams kyi mnyam pa nyid kyang rab tu shes so/ /'khrul pa med pa yang rab tu shes so/ /gnas dang / brda dang / kun rdzob rnam par dgod pa dang / sems can dang sems can ma yin pa'i chos rnam par dgod pa dang / sangs rgyas dang / chos dang / 'phags pa'i dge 'dun rnam par dgod pa yang rab tu shes so/ /nam mkha'i lus rnams kyi tshad med pa nyid kyang rab tu shes so/ /thams cad kyi rjes su song ba dang / lus med pa dang / nor ba med cing / mtha' yas pa dang / gzugs mang po mngon zhing gsal bar byed pa yang rab tu shes so/ /des lus kyi ye shes mngon par bsgrub pa de lta bu rab tu thob pas bskal pa brjod du med pa'i yang brjod du med par tshe byin gyis brlabs pa'i phyir tshe'i dbang rab tu 'thob bo/ /ting nge 'dzin shin tu rtogs pa'i ye shes la 'jug par bya ba'i phyir sems kyi dbang rab tu 'thob bo/ /'jig rten gyi khams thams cad rgyan du mas rab tu brgyan cing shin tu klubs pa'i byin gyi rlabs yang dag par bstan pa'i phyir yo byad kyi dbang rab tu 'thob bo/ /las kyi rnam par smin pa'i byin gyi rlabs dus bzhin du ma nor bar bstan pa'i phyir las kyi dbang rab tu 'thob bo/ /'jig rten gyi khams thams </font><hr>Ga180a<br><font size=+1>


@#/ /cad du skye ba yongs su bstan pa'i phyir skye ba'i dbang rab tu 'thob bo/ /sangs rgyas kyi zhing dang / dus gang du ci dga' bar mngon par 'tshang rgya ba yang dag par bstan pa'i phyir smon lam gyi stobs rab tu 'thob bo/ /'jig rten gyi khams thams cad sangs rgyas kyis rab tu gang ba yang dge bar bstan pa'i phyir mos pa'i dbang rab tu 'thob bo/ /sangs rgyas kyi zhing thams cad du rdzu 'phrul dang / rnam par 'phrul ba yang dag par bstan pa'i phyir rdzu 'phrul gyi stobs rab tu 'thob bo/ /de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan dang dpe byad bzang po dang / mngon par 'tshang rgya ba yang dag par bstan pa'i phyir ye shes kyi dbang rab tu 'thob bo/ /mtha' dang dbus med pa'i chos kyi sgo snang ba yang dag par bstan pa'i phyir chos kyi dbang rab tu 'thob bo/ /de byang chub sems dpa'i dbang bcu po 'di dag thob ma thag nas bsam gyis mi khyab pa'i ye shes dang ldan pa yin/ tshad med pa'i ye shes dang ldan pa yin/ yangs pa'i ye shes dang ldan pa yin/ mi 'phrogs pa'i ye shes dang ldan pa yin/ des de lta bu rjes su song zhing de lta bu'i ye shes dang ldan pas lus kyi las kha na ma tho ba shin tu med pa yang dag par rgyu zhing 'byung ba yin/ ngag gi </font><hr>Ga180b<br><font size=+1>


las kha na ma tho ba shin tu med pa yang dag par rgyu zhing 'byung ba yin/ yid kyi las kha na ma tho ba shin tu med cing ye shes sngon du 'gro ba ye shes rjes su 'brang ba/ shes rab kyi pha rol tu phyin pas dbang bsgyur ba/ snying rje chen po sngon du 'gro ba'i thabs mkhas pas shin tu rnam par phye ba/ smon lam gyis shin tu mngon par bsgrubs pa/ de bzhin gshegs pa'i byin gyis shin tu brlabs pa/ sems can gyi don bya zhing sbyor ba rgyun ma chad pa/ 'jig rten gyi khams thams cad du rnam par phye ba yang dag par rgyu zhing 'byung ngo / /kye| rgyal ba'i sras dag /de la mdor bsdu na/ byang chub sems dpa'i sa mi g.yo ba 'di thob pa'i byang chub sems dpa'i lus dang ngag dang yid kyi las ni sangs rgyas kyi chos thams cad yang dag par sdud pa'i phyir yang dag par rgyu zhing 'byung ngo / /de ltar des byang chub sems dpa'i sa mi g.yo ba 'di thob pas nyon mongs pa'i rgyu ba thams cad dang bral ba'i phyir bsam pa'i stobs shin tu brtan pa yin/ lam dang mi 'bral ba'i phyir lhag pa'i bsam pa shin tu brtan pa yin/ sems can gyi don yongs su mi gtong ba'i phyir snying rje chen po'i stobs shin tu brtan pa yin/ 'gro ba thams cad yongs su skyob pa'i phyir byams pa chen po'i stobs shin tu brtan pa yin/ nyams pa med pa'i chos dang ldan pa'i phyir gzungs kyi stobs shin </font><hr>Ga181a<br><font size=+1>


@#/ /tu brtan pa yin/ sangs rgyas kyi chos thams cad rab tu dbye ba'i bye brag la mkhas pa'i phyir spobs pa'i stobs shin tu brtan pa yin/ 'jig rten gyi khams mtha' yas par spyod pa'i rnam pa la mkhas pas mngon par shes pa'i stobs shin tu brtan pa yin/ byang chub sems dpa'i bya ba thams cad yongs su mi gtong bas smon lam gyi stobs shin tu brtan pa yin/ sangs rgyas kyi chos thams cad yang dag par bsgrub pa'i phyir pha rol tu phyin pa'i stobs shin tu brtan pa yin/ thams cad mkhyen pa'i ye shes rnam pa thams cad du mngon du gyur pas de bzhin gshegs pa'i byin gyi rlabs kyi stobs shin tu brtan pa yin te/ de de lta bu'i stobs kyi shugs dang ldan pas bya ba thams cad kyang yang dag par ston la/ bya ba thams cad la kha na ma tho ba'ang med pa yin/ kye| rgyal ba'i sras dag /'di ni byang chub sems dpa'i ye shes kyi sa brgyad pa ste/ mi 'phrogs pa'i phyir mi g.yo ba zhes bya'o/ /ye shes mi zlog pa'i phyir mi 'gyur ba zhes bya'o/ /'gro ba thams cad kyis shes par dka' bas na thob par dka' ba'i sa zhes bya'o| |kha na ma tho ba med pa'i phyir gzhon nu'i sa zhes bya'o/ /bsam pa ji lta ba bzhin dbang bsgyur bas skye ba'i sa zhes bya'o/ /gzod bya ba med pas yongs su rdzogs pa'i sa </font><hr>Ga181b<br><font size=+1>


zhes bya'o/ /ye shes kyis rnam par dbye ba shin tu byas pas mthar thug pa'i sa zhes bya'o/ /smon lam shin tu mngon par bsgrubs pas mya ngan las 'das pa'i sa zhes bya'o/ /gzhan gyis rnam par mi 'khrugs pas byin gyi rlabs kyis zhes bya'o/ /sngon gyi mtha' mngon par bsgrubs pas lhun gyis grub pa'i sa zhes bya'o/ /kye| rgyal ba'i sras dag /de ltar byang chub sems dpa' de lta bu'i ye shes mngon par bsgrubs pa dang ldan zhing / sangs rgyas kyi rigs kyi rjes su song ba/ sangs rgyas kyi yon tan gyis shin tu gsal bar gyur ba/ de bzhin gshegs pa'i spyod lam dang spyod pa dang tshul gyi rjes su song ba/ sangs rgyas kyi yul la mngon du gyur pa de ni rtag tu rgyun mi 'chad par de bzhin gshegs pa'i byin gyis shin tu brlabs pa yin/ brgya byin dang / tshangs pa dang / 'jig rten gyi mgon pos rab tu bsu ba yin/ lag na rdo rje rtag par rjes su 'brang ba yin/ ting nge 'dzin gyi stobs yongs su ma btang ba yin / lus rnam par phye ba tshad med pa mngon par grub pa yin/ lus kyi spyod pa'i stobs thams cad dang ldan pa yin/ mngon par shes pa chen po'i rnam par smin pa yongs su rdzogs pa yin/ ting nge 'dzin mtha' yas pa la dbang bsgyur ba yin/ lung bstan pa tshad med pa yang dag par nod pa yin/ yongs su smin pa'i tshul bzhin du 'gro ba rnams la mngon par 'tshang </font><hr>Ga182a<br><font size=+1>


@#/ /rgya ba yongs su ston pa yin te/ de de lta bu'i sa dang ldan zhing theg pa chen po'i dkyil 'khor la rab tu zhugs pa shin tu rnam par dpyad pa'i ye shes mngon par shes pa chen po dang ldan pa rtag tu rgyun mi 'chad par shes rab snang ba'i 'od zer gtong ba/ chos kyi dbyings chags pa med pa'i lam du zhugs pa/ 'jig rten gyi khams kyi lam rnam par dbye ba la mkhas pa/ yon tan gyi rnam pa thams cad yang dag par ston pa rang gi sems bskyed pa la dbang bsgyur ba/ sngon gyi mtha' dang phyi ma'i mtha' shin tu rtogs pa'i ye shes can/ bdud kyi lam thams cad yongs su bzlog pa'i ye shes dang ldan pa/ de bzhin gshegs pa'i yul dang spyod yul gyi rjes su zhugs pa ni 'jig rten gyi khams 'byams klas shing mu med pa dag tu byang chub sems dpa'i spyod pa phyir mi ldog pa'i tshul gyis spyod pas de'i phyir byang chub sems dpa' de ni byang chub sems dpa'i sa mi g.yo ba thob pa yin zhes bya'o/ /kye| rgyal ba'i sras dag /de la byang chub sems dpa'i sa mi g.yo ba thob pa'i byang chub sems dpa' ni ting nge 'dzin gyi stobs kyis mngon par bsgrubs pas rtag tu rgyun mi 'chad par de bzhin gshegs pa mtha' yas pa mthong ba dang mi 'bral ba yin/ sangs rgyas mthong ba mchod cing bsnyen </font><hr>Ga182b<br><font size=+1>


bkur ba rgya chen po yang yongs su mi gtong ste/ de bskal pa re re dang / 'jig rten gyi khams 'byams klas pa re re dag tu yang sangs rgyas du ma dang / sangs rgyas brgya phrag du ma dang / sangs rgyas stong phrag du ma dang / sangs rgyas brgya stong phrag du ma dang / sangs rgyas bye ba brgya stong phrag du ma dang / sangs rgyas khrag khrig du ma dang / sangs rgyas khrag khrig brgya phrag du ma dang / sangs rgyas khrag khrig stong phrag du ma dang / sangs rgyas khrag khrig brgya stong phrag du ma dang / sangs rgyas bye ba khrag khrig brgya phrag du ma la rim gro byed do/ /bkur sti byed do| |bsti stang byed do/ /mchod pa byed do/ /mchod pa mngon par bsgrub pa'i rnam pa thams cad kyang yang dag par 'bul lo/ /de bzhin gshegs pa de dag la bsnyen bkur byed cing 'jig rten gyi khams rnam par dbye ba sngon du 'gro ba'i chos snang ba nye bar bsgrub pa yang yang dag par len to/ /de sngon pas kyang de bzhin gshegs pa'i chos kyi mdzod rab tu thob pas 'jig rten gyi khams rnam par phye ba yongs su dris pa shin tu bstan pas mi 'phrogs pa yin/ de'i dge ba'i rtsa ba de dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig du ma dang / bskal pa khrag khrig brgya phrag du ma dang / bskal </font><hr>Ga183a<br><font size=+1>


@#/ /pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar shin tu byang ba dang / yongs su dag pa dang / shin tu 'od gsal zhing dang bar gnas pa yin/ kye| rgyal ba'i sras dag /'di lta ste/ dper na/ gser gyi sa le sbram de nyid mgar ba mkhas pa des yongs su zin par gyur nas/ 'dzam bu'i gling gi bdag po'i mgul lam/ mgo la btags na sems can 'dzam bu'i gling pa thams cad kyi rgyan gyi rnam pa kun gyis mi thub mi 'phrogs pa yin/ kye| rgyal ba'i sras dag /de bzhin du byang chub sems dpa'i sa mi g.yo ba 'di la gnas pa'i byang chub sems dpa'i dge ba'i rtsa ba de dag nyan thos dang / rang sangs rgyas thams cad nas byang chub sems dpa'i sa bdun pa la gnas pa'i byang chub sems dpa' rnams kyi bar gyis kyang mi 'phrogs pa yin/ byang chub sems dpa'i sa 'di dang ldan pa'i byang chub sems dpa'i ye shes kyi sgo shin tu rnam par phye bas sems can rnams kyi nyon mongs pa'i mun pa rab tu sel to/ /kye| rgyal ba'i sras dag /'di lta ste| dper na/ stong la dbang ba'i tshangs pa ni stong gi 'jig rten gyi khams byams pas bkang zhing 'od kyis snang bar byed do/ /kye| rgyal ba'i sras dag /de bzhin du byang chub </font><hr>Ga183b<br><font size=+1>


sems dpa'i sa mi g.yo ba 'di la gnas pa'i byang chub sems dpa' yang sangs rgyas kyi zhing brgya stong phrag bcu'i rdul shin tu phra ba snyed kyi bar gyi 'jig rten gyi khams snang bas rgyas par bkang zhing sems can rnams kyi nyon mongs pa'i yongs su gdung ba mthar gyis zhi bar byed do/ /lus kyang shin tu tshim par byed do/ /de'i pha rol tu phyin pa bcu las smon lam gyi pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub pa ma yin no/ /kye| rgyal ba'i sras dag /'di ni byang chub sems dpa'i sa mi g.yo ba zhes bya ba ste/ byang chub sems dpa'i sa brgyad pa mdor bstan pa'o/ /rgya cher ni bskal pa mu med pas bstan pa'i mthar thug par shes par bya'o// de la gnas pa'i byang chub sems dpa' ni phal cher stong gi bdag po tshangs pa chen por 'gyur te/ gzhan zil gyis gnon cing / gzhan gyis zil gyis mi non pa dang / don mthong zhing dbang thob par 'gyur te/ sems can rnams la nyan thos dang / rang sangs rgyas dang byang chub sems dpa'i pha rol tu phyin pa ston pa la mkhas shing mthu yod pa yin| 'jig rten gyi khams rnam par phye ba yongs su dris pas mi 'phrogs pa yin/ de sbyin pa'am/ ngag snyan pa'am/ don bsgrub pa'am/ don mthun pas dge ba'i rtsa ba </font><hr>Ga184a<br><font size=+1>


@#/ /gang ci rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dzin par 'gyur ba nas thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin stong gsum brgya stong phrag bcu'i rdul shin tu phra ba snyed rab tu 'thob cing / de dag la snyoms par 'jug pa dang / sangs rgyas stong gsum brgya stong phrag bcu'i rdul shin tu phra ba snyed mthong ba dang / de dag gi byin gyi rlabs kyang yang dag par shes pa dang / 'jig rten gyi khams stong </font><hr>Ga184b<br><font size=+1>


gsum brgya stong phrag bcu'i rdul shin tu phra ba snyed skyod pa dang / sangs rgyas kyi zhing stong gsum brgya stong phrag bcu'i rdul shin tu phra ba snyed du 'gro ba dang / 'jig rten gyi khams stong gsum brgya stong phrag bcu'i rdul shin tu phra ba snyed snang bar bya ba dang / sems can stong gsum brgya stong phrag bcu'i rdul shin tu phra ba snyed yongs su smin par bya ba dang / bskal pa stong gsum brgya stong phrag bcu'i rdul shin tu phra ba snyed du gnas par bya ba dang / sngon gyi mtha' dang / phyi ma'i mtha'i bskal pa stong gsum brgya stong phrag bcu'i rdul shin tu phra ba snyed la rab tu 'jug pa dang / chos kyi sgo stong gsum brgya stong phrag bcu'i rdul shin tu phra ba snyed rnam par 'byed pa dang / lus stong gsum brgya stong phrag bcu'i rdul shin tu phra ba snyed yongs su bstan pa dang / lus re re la yang byang chub sems dpa'i 'khor stong gsum brgya stong phrag bcu'i rdul shin tu phra ba snyed yang dag par bstan par bya ba'i phyir brtson/ 'grus kyi rnam pa de lta bu rtsom mo/ /de yan chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan tam/ byin gyi rlabs sam/ mos pa'am/ mngon par 'du byed pa dag kyang bskal pa du ma dang / </font><hr>Ga185a<br><font size=+1>


@#/ /bskal pa brgya phrag du ma dang / bskal pa stong phrag du ma dang / bskal pa brgya stong phrag du ma'i bar gyis kyang bgrang bar dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so/ /de dag sa bdun shes rab thabs kyis lam sbyangs shing| /shin tu tshogs bsags smon lam chen po rab btab pa/ /mi yi dam pas byin brlabs dge ba'i rtsa ldan zhing / /ye shes mngon 'dod mkhas pa brgyad pa yongs su gnon/ / bsod nams ye shes nyer bsags snying rje byams ldan zhing / /tshad med sems kyi rjes srong mkhas dang 'dra ba'i blo/ /drang srong chen po chos thos rtogs pa'i stobs ldan pa/ /mi skye ba yi bzod pa phra zhing zhi ba rab tu 'thob/ /snga nas ma skyes mi skye mtshan nyid med pa dang / /ma byung 'jig pa med cing rgyu ba med pa dang / /dngos po skye 'jig med pa'i de nyid rtog med pa/ /yid dang sems kyi rgyu ba med cing nam mkha' 'dra/ /de dag 'di 'dra'i bzod ldan spros pa med gyur pa'i/ /mkhas pa zab spyod zhi ba'i gnas rab thob pa yin/ /dgra bcom rang rgyal 'gro ba kun gyi shes par dka'/ /mtshan ma sna tshogs 'dzin pa'i 'du shes rnam par bsal/ /de ltar gnas pa'i yid dang sems dang rtog pa med/ /dge slong 'gog </font><hr>Ga185b<br><font size=+1>


dang ldan ltar rnam par mi rtog thob/ /rmi lam chus khyer gnyid sad bzhin du rtsol dang bral/ /tshangs pa'i gnas kyi 'dod pa ji bzhin gnyis kyang med/ /sngon gyi byin gyis bde gshegs yang dag bskul ba mdzad/ /'di ni bde gshegs dbang bskur bzod pa dam pa ste/ /nged kyi ye shes stobs yangs sangs rgyas chos kyi rnams/ /de dag khyod la med kyi de la brtson 'grus rtsom/ /ci phan khyad kyi nyon mongs 'bar ba kun zhi yang / /'jig rten nyon mongs mes tshig de dag mi lta'am/ /sems can phan phyir spyad pa'i sngon gyi smon lam soms/ /'gro ba mthar rgyur ye shes don zhugs shes par gyis/ /chos nyid de bzhin nyid 'di mi rtog rtag tu 'dug /sa 'di rgyal ba nyan thos rang rgyal kun gyi ste/ /'dis ni 'jig rten dag tu stobs bcu mi brjod do/ /gzhan du ye shes yangs pa dus gsum tshad kyis brjod/ /de ltar de la mtshungs med lha dang mis mchod pa/ /ye shes sgo mo rnam mang nye bar bsgrub pa mdzad/ /rgyal ba'i chos sgrub pha rol mtha' yas gzhug mdzad pa/ /de la sngon gyi byang chub spyod pas char mi 'gro/ /khyu mchog de dag ye shes sa mchog 'di thob nas| |phyogs rnams kun tu skad cig gcig gis rgyas 'gengs pa/ /ye shes zhugs dang ldan zhing mngon shes mchog thob pas/ /rgya mtsho cher phyin gru chen rlung gis bkur ba </font><hr>Ga186a<br><font size=+1>


@#/ /bzhin/ /ched du bskyod sems bral zhing ye shes las la gnas/ /zhing rnams 'byung zhing gnas pa rnam par dpyod pa byed/ /khams rnams bzhi po kha dog tha dad yangs pa dang / /phra zhing che dang rnam par phye la yang dag 'jug /stong gsum shin tu rdul phra kun la 'jug byed de/ khams bzhi 'gro ba'i lus rnams rnam par phye ba dang / /rgyud drug rin chen rnam par phye ba'i rdul phran rnams/ /rnam par phye zhing ye shes yul gyis ma lus 'brang / /ye shes rnam bsgoms yid ldan lus rnams thams cad du/ /'gro ba'i don phyir rang gi lus rnams gzud par byed/ /stong gsum thams cad sna tshogs gzugs kyis khyab byas shing / /'jig rten mtha' yas dag tu sna tshogs lus kyang ston/ /bar snang mkha' la nyi zla rlung gi rgyu 'gro yang / /so so'i dkyil 'khor gzugs brnyan chu dkyil rab tu snang / /de bzhin mi g.yo'i chos la ye shes dam pas rgyu| |bsam dag 'gro ba rnams la mkhas pa'i gzugs brnyan snang / /'gro ba'i bsam pa bzhin du lus kyi rnam phye ba/ /mi dang lha yi 'khor rnams kun tu ston par byed/ /nyan thos rang rgyal bde gshegs sras kyi lus rnams dang / /bde bar gshegs sku yan lag brgyad pa rab tu ston/ /sems can zhing dang de bzhin las kyi rnam smin lus/ /'phags lus </font><hr>Ga186b<br><font size=+1>


sna tshogs de bzhin chos dang ye shes lus/ /nam mkha'i lus dang mnyam pa nyid du khyu mchog ldan/ /rdzu 'phrul sna tshogs 'gro ba tshim par bya phyir ston/ /dbang bcu dri ma med pa'i ye shes dpyod pa thob/ /ye shes spyod dang las rnams snying rje mthun pa'ang thob/ /las rnams ji snyed rgyal ba'i chos rnams yongs su bsgrub/ /sdom pa gsum la gnas shing mi g.yo ri rab bzhin/ /rgyal sras rnams kyi stobs bcu bskyod par mi nus pa/ /de dag kun nas bdud rnams kun gyi yong mi zlog /sangs rgyas byin brlabs brgya byin tshangs pas phyag kyang bya/ / lag na rdo rje'i dpung rnams rtag tu phyi bzhin 'brang / /sa phyogs 'di la gnas pa'i yon tan mtha' yas te/ /de dag bskal pa khrag khrig stong gis zad mi nus/ /de dag sangs rgyas bye ba bsnyen bkur yang byed pas/ /rgyal po'i mgo la 'dug pa'i rgyan bzhin shin tu gsal/ /sa phyogs 'di gnas byang chub sems dpa' shes ldan pa/ /stong gi bdag po tshangs chen yon tan mang por 'gyur/ /theg pa gsum ston yongs su mi 'khrugs mi 'phrogs te/ /'od bzang byams pa'i bsam pas 'gro ba'i nyon mongs sel/ /skad cig gcig tu stong phrag bcu yi zhing rnams kyi/ /rdul khams ji snyed de snyed ting 'dzin ldan pa thob/ /phyogs bcu'i sems can gtso bo de snyed mang po mthong / /yan chad smon lam mchog gi rgyan can </font><hr>Ga187a<br><font size=+1>


@#/ /gcig min no/ /'di ni mdor bsdus rgyal sras kyi/ /sa brgyad shin tu bstan pa ste/ /rgya chen bskal pa bye bar yang / /thams cad mthar phyin mi nus so/ /byang chub sems dpa'i sa brgyad pa ste/ mi g.yo ba zhes bya ba'o// //bam po lnga bcu rtsa gcig pa/ sa yi dam pa 'di bshad tshe/ /de bzhin gshegs pa'i byin rlabs kyis/ /tshad med bsam gyis mi khyab pa'i/ /bye ba'i zhing rnams g.yos par 'gyur/ /thams cad gzigs pa'i sku las kyang / /'od zer yid du 'ong ba bkye/ /des ni zhing rnams snang bar byas/ /sems can rnams kyang bde bar gyur/ /byang chub sems dpa' stong snyed kyang / /bar snang gnas la 'khod gyur te/ /lha rdzas lhag pa'i mchod pa yis/ /gsung ba'i mchog la mchod pa byed/ /lha yi rgyal po dbang phyug dang / /dbang sgyur rnams kyang dga' bar gyur/ /mchod pa rnam pa sna tshogs kyis/ /yon tan rgya mtsho mchod pa byed/ /de nas lha yi bu mo stong / /dga' zhing dbang po bder gyur pas/ /sbyar legs snyan pa'i glu yi dbyangs/ /ston pa mchod pa'i don du len/ /rol mo'i sgra dbyangs de dag las/ /drang srong chen po'i byin rlabs kyis/ /'di 'dra'i sgra dbyangs stong snyed du/ /snyan pa'i dbyangs su grags par gyur/ /zhi dul rab zhi dri ma thams cad med gyur cing / /sa yi </font><hr>Ga187b<br><font size=+1>


mchog dang ldan pas spyod pa legs spyod pa/ /phyogs bcur 'gro la phan par spyod pa'i khyu mchog rnams/ /mkha' dbyings 'dra ba'i yid kyis rgyal ba'i spyod pa ston/ /mi yi gnas dang lha yi gnas dang klu gnas su/ /phyogs bcur bsod nams stobs kyis rgyan rnams mang po byung / /de las yang du rgyal sras ye shes la mos pa/ /rgyal ba'i yon tan bsngags pa rgya chen rab tu ston/ /zhing gcig ma g.yos rdul med zhing rnams thams cad du/ /'gro la phan byed zla ba lta bu'i 'od ldan pa/ /thams cad dbyangs su 'du shes sems zhi yid rab kyis| |so so skad bzhin sgra skad brgya yang rnam par brjod/ /sems can gang rnams blo zhan sems yid dmar gyur pa/ /de la mkhas pa khyu mchog nyan thos spyod pa ston/ /sems can gang rnams sems rno rang rgyal theg brtson pa/ /de la rdul med rang rgyal theg pa'i ye shes sten/ /sems can gang rnams phan sems snying rje brtse yid can/ /de la de dag rgyal sras spyod pa'i mchog kyang ston/ /sems can gang rnams blo mchog dam pa'i yid mos pa/ /de la mkhas pa tshad med sangs rgyas sku ston to/ /ji ltar sgyu mkhan 'gro ba rnams la sgyu ston pa/ /lus mang bye ba sna tshogs de dag dngos po med/ /de bzhin rgyal sras mkhas pa ye shes sgyu mkhas pa/ /spyod pa thams cad ston kyang de dag dngos po med/ /'di 'dra'i </font><hr>Ga188a<br><font size=+1>


@#/ /sgra skad brgya stong du/ /snyan pa'i dbyangs su brjod byas nas/ /lha yi bu mo mi smra bar/ /zhi la mos pas rgyal ba lta/ /'khor rnams rnam par dang bas na/ bde gshegs sras la yang smras pa/ /dam chos spyod pa'i spyod pa rnams/ /brgyad pa'i gong du yang gsungs shig /byang chub sems dpa' rdo rje'i snying pos smras pa/ kye| rgyal ba'i sras dag| de ltar byang chub sems dpa' byang chub sems dpa'i sa brgyad pa la gnas pa ni de lta bu'i blo tshad med pa'i ye shes kyis rnam par dpyad pas de nas gong du rnam par thar pa zhi ba la mos par zhe non cing / de nas gong du de bzhin gshegs pa'i ye shes shin tu rdzogs pa rnam par dpyad pa dang / de bzhin gshegs pa'i gsang ba'i rjes su 'jug par bya ba la 'jug pa dang / ye shes bsam gyis mi khyab pa'i che ba nyid rnam par dbye ba dang / gzungs dang ting nge 'dzin rab tu dbye ba yongs su sbyang ba dang / mngon par shes pa rgya chen po mngon par bsgrub pa dang / 'jig rten gyi khams rnam par dbye ba khong du chud par bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa yongs su mi 'phrogs pa sbyang bar bya ba dang / de bzhin gshegs pa'i chos kyi 'khor lo bskor ba dang / khyu mchog gi mthu phyung ba'i rjes su 'brang bar bya ba dang / snying rje chen </font><hr>Ga188b<br><font size=+1>


po'i mthu phyung ba yongs su mi gtong bar byed pas byang chub sems dpa'i sa dgu pa yongs su gnon te/ de byang chub sems dpa'i sa 'di la gnas pa'i tshe/ dge ba dang / mi dge ba dang| lung du ma bstan pa'i chos mngon par 'du bya ba yang dag pa ji lta ba bzhin du rab tu shes so/ /zag pa dang bcas pa dang / zag pa med pa'i chos mngon par 'du bya ba dang / 'jig rten pa dang / 'jig rten las 'das pa'i chos mngon par 'du bya ba dang / bsam pa dang / bsam du med pa'i chos mngon par 'du bya ba dang / nges pa dang / ma nges pa'i chos mngon par 'du bya ba dang / nyan thos dang / rang sangs rgyas kyi chos mngon par 'du bya ba dang / byang chub sems dpa'i spyod pa'i chos mngon par 'du bya ba dang / de bzhin gshegs pa'i sa'i chos mngon par 'du bya ba dang / 'dus byas kyi chos mngon par 'du bya ba dang / 'dus ma byas kyi chos mngon par 'du bya ba yang yang dag par ji lta ba bzhin du rab tu shas \ SHES?\ so/ / de de lta bu'i shes par bya ba khong du chud pa'i blos sems can thams cad kyi sems thibs po rab tu rgyu ba yang dag pa ji lta ba bzhin du rab tu shes te/ nyon mongs pa thibs po rab tu rgyu ba dang / las thibs po rab tu rgyu ba dang / dbang po thibs po rab tu rgyu ba dang / mos pa thibs po rab tu rgyu ba dang / khams thibs po rab tu rgyu ba dang / bsam pa dang bag la </font><hr>Ga189a<br><font size=+1>


@#/ /nyal ba'i thibs po rab tu rgyu ba dang / skye ba thibs po rab tu rgyu ba dang / bag chags kyi mtshams sbyor ba thibs po rab tu rgyu ba dang / phung po gsum du rnam par gnas pa thibs po rab tu rgyu ba yang dag par ji lta ba bzhin du rab tu shes so/ /de ni sems can rnams kyi sems rnam pa tha dad pa yang dag pa ji lta ba bzhin du rab tu shes te/ sems rnam pa sna tshogs dang / sems skad cig tu myur du 'gyur zhing 'jig pa dang / mi 'jig pa dang / sems lus med pa dang / sems mtha' yas shing thams cad du dbang byed pa dang / sems 'od gsal zhing dang ba dang / sems nyon mongs pa dang bcas pa dang / sems nyon mongs pa med pa dang / sems bcings pa dang / rnam par grol ba dang| sems sgyu ma lta bur rnam par bsgrub pa dang / sems 'gro ba'i rgyud ji lta ba bzhin du nye bar gnas pa nas/ sems rnam pa sna tshogs stong phrag du ma'i bar du yang dag pa ji lta ba bzhin du rab tu shes so/ /de ni nyon mongs pa rnams ring du song ba yang dag pa ji lta ba bzhin du rab tu shes te/ sbyor ba mtha' yas pa dang / lhan cig skyes shing tha mi dad pa dang / bag la nyal ba dang / kun nas 'khor ba'i gnas gcig pa dang / sems dang ldan pa dang / mi ldan pa dang / skye ba'i mtshams sbyor ba dang / lam gyi rgyud </font><hr>Ga189b<br><font size=+1>


ji lta ba bzhin du nye bar gnas pa dang / khams gsum rnam par phye ba dang / sred pa dang / ma rig pa dang / lta ba'i zug rngu dang / nga rgyal dang / gti mug gi kha na ma tho ba chen po dang / las rnam pa gsum gyi gzhi rgyun mi 'chad pa nas mdor bsdu na nyon mongs pa'i rgyud stong phrag brgyad cu rtsa bzhi'i bar du rjes su 'jug par bya ba yang dag pa ji lta ba bzhin du rab tu shes so/ /de ni las dge ba dang / mi dge ba dang / lung du ma bstan pa yang dag pa ji lta ba bzhin du rab tu shes so/ /rnam par dmigs pa dang / rnam par mi dmigs pa dang / sems dang lhan cig tu skyes shing tha mi dad pa dang / rang gi ngang gis skad cig tu rgyus 'byung zhing 'jig la 'bras bu chud mi za bar mtshams sbyor ba dang / rnam par smin pa yod pa dang| rnam par smin pa med pa dang / nag po dang / dkar po dang / mi dkar ba dang / mi gnag pa dang / phyogs du ma'i las yongs su len pa rnam pa tha dad pa dang / las kyi zhing tshad med pa dang / 'phags pa dang / 'jig rten pa rnam par phye ba dang / 'jig rten las 'das pa'i chos rnam par dgod pa dang / nye bar len pa dang bcas pa dang / nye bar len pa med pa dang / 'dus byas dang / 'dus ma byas pa dang / tshe 'di dang / skye ba dang / rgyud gzhan du tshor bar 'gyur ba dang / theg pa dang theg pa ma yin par nges pa dang ma nges pa nas/ </font><hr>Ga190a<br><font size=+1>


@#/ /las rnam pa tha dad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so/ /de ni dbang po zhan pa dang / 'bring dang / rab rnams yang dag pa ji lta ba bzhin du rab tu shes te/ sngon gyi mtha' dang / phyi ma'i mthar tha dad pa dang / tha mi dad pa dang / yangs pa dang / 'bring dang / tha ma dang / nyon mongs pa dang| lhan cig tu skyes shing tha mi dad pa dang / theg pa dang / theg pa ma yin par nges pa dang / ma nges pa dang / yongs su smin pa'i tshul bzhin du 'dul ba dang / dbang po'i dra ba'i rjes su 'brang zhing myur du 'jig pa dang / mtshan mar 'dzin pa dang / dbang po'i dbang gzhan gyis mi thub pa dang / dbang po'i rnam pa phyir bzlog tu rung ba dang / phyir bzlog tu ma rung ba dang / ring du song ba dang / lhan cig skyes pa rnam pa sna tshogs tha dad pa nas/ dbang po rnam pa tha dad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so/ /de ni mos pa zhan pa dang / 'bring dang / rab rnams yang dag pa ji lta ba bzhin du rab tu shes pa nas/ dbang po'i tshul bzhin du mos pa rnam pa tha dad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so/ /de ni khams tha ma dang / 'bring dang / rab rnams yang dag pa ji lta ba bzhin du rab tu shes pa nas/ </font><hr>Ga190b<br><font size=+1>


khams rnam pa tha dad pa stong phrag brgyad cu rtsa bzhi'i bar du yang dag pa ji lta ba bzhin du rab tu shes so/ /de ni bsam pa tha ma dang / 'bring dang / rab rnams yang dag pa ji lta ba bzhin du rab tu shes pa nas/ bsam pa rnam pa tha dad pa stong phrag du ma'i bar du yang dag pa ji lta ba bzhin du rab tu shes so/ /de ni bag la nyal ba rnams bsam pa dang lhan cig skyes pa dang / sems dang lhan cig skyes pa dang / sems dang ldan pa dang / sems dang mi ldan pa dang / ring du song ba dang / thog ma med pa nas gud du ma bskyod pa dang / bsam gtun dang / rnam par thar pa dang / ting nge 'dzin dang / snyoms par 'jug pa dang / mngon par shes pa bzod par dka' ba dang / khams gsum pa'i mtshams shin tu sbyor ba dang / thog ma med pa'i dus kyi sems kyi rgyud kun tu rgyu bar byed pa dang / skye ba'i sgo kun nas 'byung ba rnam par dmigs par byed pa dang / gnyen po thob pas dngos por mi 'gyur ba dang / sa'i skye mched dang phrad pa dang / mi 'phrad pa dang / 'phags pa'i lam tha dad pa med pas yang dag par bsal ba yang dag pa ji lta ba bzhin du rab tu shes so/ /de ni skye ba rnam pa tha dad pa yang dag pa ji lta ba bzhin du rab tu shes te/ las ji lta ba bzhin du skye ba dang / sems can dmyal ba dang / byol song dang / yi dwags dang / lha ma yin dang / mi dang / lha'i gnas rnam par </font><hr>Ga191a<br><font size=+1>


@#/ /dgod pa dang / gzugs dang / gzugs med par skye ba dang / 'du shes yod pa dang / 'du shes med par skye ba dang / las kyi zhing dang / sred pa'i rlan dang / ma rig pa'i mun pa dang / rnam par shes pa'i sa bon gyis yang srid pa rab tu 'byung ba dang / ming dang gzugs lhan cig skyes shing tha mi dad pa dang / srid bar mgo yud khyer zhing sred pas mngon par mos pa'i mtshams sbyor ba dang / spyod par 'dod pa dang / 'byung bar 'dod pa dang / sems can la mos pa dang / thog ma dang / tha ma med pa dang / khams gsum pa yongs su 'dzin pa dang / srid pa nyid kyi mtshams sbyor ba yang dag pa ji lta ba bzhin du rab tu shes so/ /de ni bag chags rnams rgyu ba dang / mi rgyu ba yang dag pa ji lta ba bzhin du rab tu shes te/ lam gyi rgyud gang dang ji ltar 'brel ba'i bag chags kyis bsgos pa dang / sems can spyad pa spyod pa ji lta ba bzhin du bsgos pa dang / las dang nyon mongs pa la goms pa ji lta ba bzhin du bsgos pa dang / dge ba dang / mi dge ba dang / lung du ma bstan pa'i las la goms pas bsgos pa dang / yang srid par 'gro bar bsgos pa dang / mthar gyis bsgos pa dang / ring du song zhing rgyun mi 'chad pa dang / nyon mongs pa bsal bas bsgos pa dang / dngos por gyur pa dang / dngos por ma gyur </font><hr>Ga191b<br><font size=+1>


pas bsgos pa dang / nyan thos dang / rang sangs rgyas dang / byang chub sems dpa' dang / de bzhin gshegs pa mthong zhing thos pas bsgos pa yang dag pa ji lta ba bzhin du rab tu shes so/ /de ni sems can gyi phung po yang dag par nges pa dang / log par nges pa dang / gnyis kar ma nges pa yang dag pa ji lta ba bzhin du rab tu shes te/ yang dag par lta bas yang dag par nges pa dang / log par lta bas log par nges pa dang / de gnyis ka dang bral bas ma nges pa dang / mtshams med pa lnga las gang yang rung bar log par nges pa dang / dbang po lngar yang dag par nges pa dang / de gnyis ka dang bral bas ma nges pa dang / log pa brgyad du log par nges pa dang / yang dag pa la yang dag par nges pa dang / phyis byar med pa dang / de gnyis ka dang bral bas ma nges pa dang / ser sna dang / phrag dog dang / snying mi brtse ba la nye bar spyod pa ma btang bas log par nges pa dang / 'phags pa bla na med pa'i lam bsgoms pas yang dag par nges pa dang / de gnyis ka dang bral bas ma nges pa'i phung por bstan pa yang dag pa ji lta ba bzhin du rab tu shes so/ /kye| rgyal ba'i sras dag |de ltar de lta bu'i ye shes dang ldan pa'i byang chub sems dpa' ni byang chub sems dpa'i sa legs pa'i blo gros la rab tu gnas pa zhes bya ste/ byang chub sems dpa'i sa </font><hr>Ga192a<br><font size=+1>


@#/ /legs pa'i blo gros 'di la gnas pa'i byang chub sems dpa' de ni sems can gyi spyod pa rnam pa tha dad pa de lta bu dag yongs su shes nas/ de'i tshul bzhin du thar pa nye bar bsgrubs pa nye bar bsgrub bo/ /de sems can yongs su smin par bya ba yang yang dag pa ji lta ba bzhin du rab tu shes te/ sems can gdul ba dang / nyan thos kyi theg pa bstan pa dang / rang sangs rgyas kyi theg pa bstan pa dang / byang chub sems dpa'i theg pa bstan pa dang / de bzhin gshegs pa'i sa bstan pa yang dag pa ji lta ba bzhin du rab tu shes so/ /des de ltar shes nas sems can rnams la yang dag pa ji lta ba bzhin du chos ston te bsam pa rnam par dbye ba'i tshul ji lta ba dang / bag la nyal ba rnam par dbye ba'i tshul ji lta ba dang / dbang po rnam par dbye ba'i tshul ji lta ba dang / mos pa rnam par dbye ba'i tshul ji lta ba dang / spyod yul rnam par dbye ba'i tshul ji lta ba bzhin du ye shes nye bar bsgrub pa dang / spyod yul thams cad kyi rgyus khong du chud pa dang / khams thibs po yongs su rgyu ba'i tshul ji lta ba bzhin du rjes su 'brang bar bya ba dang / skye ba dang nyon mongs pa'i las kyi bag chags rnam pa gang dang gang yod pa phyir bzlog par bya ba dang / phung po rnam par dgod pa'i tshul ji lta ba bzhin du tshul dang sbyar ba dang / theg pa gang la </font><hr>Ga192b<br><font size=+1>


mos pa'i rnam par thar pa thob par bya bas chos ston te/ de ltar byang chub sems dpa'i sa legs pa'i blo gros 'di la gnas pa'i byang chub sems dpa' ni chos smra ba chen po'i go 'phang la gnas shing / de bzhin gshegs pa'i chos kyi mdzod yongs su srung ba yin/ de chos smra ba'i chos dang ldan pas ye shes la mkhas pa tshad med pa'i rjes su song zhing tha dad pa yang dag par shes pa bzhis mngon par bsgrubs pa'i byang chub sems dpa'i tshig gis chos ston te/ de la byang chub sems dpa' tha dad pa yang dag par shes pa bzhi rtag tu rgyun mi 'chad cing ma 'dres par yang dag par 'byung ngo / /bzhi gang zhe na/ 'di lta ste/ chos tha dad pa yang dag par shes pa dang / don tha dad pa yang dag par shes pa dang / nges pa'i tshig tha dad pa yang dag par shes pa dang / spobs pa tha dad pa yang dag par shes pa'o/ /de chos tha dad pa yang dag par shes pas chos rnams kyi rang gi mtshan nyid rab tu shes so/ /don tha dad pa yang dag par shes pas chos rnams kyi rnam par dbye ba rab tu shes so/ /nges pa'i tshig tha dad pa yang dag par shes pas chos rnams ma 'dres par bstan pa rab tu shes so/ / spobs pa tha dad pa yang dag par shes pas chos rnams mthun par rjes su mtshams sbyar ba rgyun mi 'chad pa rab tu shes so/ /gzhan yang chos tha dad pa yang dag par shes </font><hr>Ga193a<br><font size=+1>


@#/ /pas chos rnams kyi rang bzhin med pa rab tu shes so/ /don tha dad pa yang dag par shes pas chos rnams kyi 'byung ba dang / 'jig pa rab tu shes so/ /nges pa'i tshig tha dad pa yang dag par shes pas chos thams cad rnam par dgod pa rgyun chad pa med par chos ston to/ /spobs pa tha dad pa yang dag par shes pas ji ltar rnam par dgod pa bzhin du 'khrugs pa med pa mtha' yas pas chos ston to/ /gzhan yang chos tha dad pa yang dag par shes pas da ltar byung ba'i chos rnam par dbye ba rab tu shes so/ /don tha dad pa yang dag par shes pas 'das pa dang / ma 'ongs pa'i chos rnam par dbye ba rab tu shes so/ /nges pa'i tshig tha dad pa yang dag par shes pas/ 'das pa dang / ma 'ongs pa dang| da ltar 'byung ba ma 'dres par chos ston to/ /spobs pa tha dad pa yang dag par shes pas dus re re zhing chos kyi snang ba mu med par chos ston to/ /gzhan yang chos tha dad pa yang dag par shes pas chos kyi bye brag rab tu shes so/ /don tha dad pa yang dag par shes pas don gyi bye brag rab tu shes so/ /nges pa'i tshig tha dad pa yang dag par shes pas skad ji lta ba bzhin du bstan pas chos ston to/ /spobs pa tha dad pa yang dag par shes pas bsam pa ji lta ba bzhin du shes pas chos ston to/ /gzhan yang chos tha dad pa yang </font><hr>Ga193b<br><font size=+1>


dag par shes pas chos kyi rgyus rnam par dbye ba ma 'dres pa mkhas pas rab tu shes so/ /don tha dad pa yang dag par shes pas rjes su 'gro ba'i ye shes de bzhin nyid rnam par dgod pa rab tu shes so/ /nges pa'i tshig tha dad pa yang dag par shes pas kun rdzob kyi rgyus yang dag par bstan pas chos ston to/ /spobs pa tha dad pa yang dag par shes pas don dam pa'i rgyus la mkhas pas chos ston to/ /gzhan yang chos tha dad pa yang dag par shes pas chos rnams tshul gcig las mi 'gyur ba rab tu shes so/ /don tha dad pa yang dag par shes pas phung po dang / khams dang / skye mched dang / rten cing 'brel bar 'byung ba mkhas par khong du chud par bya ba la yang dag par 'jug go /nges pa'i tshig tha dad pa yang dag par shes pas 'gro ba thams cad mngon par smon pa'i sgra dbyangs shin tu snyan pa'i tshig gis chos ston to/ /spobs pa tha dad pa yang dag par shes pas phyi phyir zhing dran pa mtha' yas pas chos ston to/ /gzhan yang chos tha dad pa yang dag par shes pas theg pa gcig la yang dag par gzhol ba tha dad pa rab tu shes so/ /don tha dad pa yang dag par shes pas theg pa rab tu rnam par phye ba'i rnam pa tha dad pa rab tu shes so/ /nges pa'i tshig tha dad pa yang dag par shes pas theg pa thams cad tha dad pa med par shin tu ston to/ /spobs pa tha dad pa </font><hr>Ga194a<br><font size=+1>


@#/ /yang dag par shes pas theg pa re re la yang chos kyi snang ba mu med par shin tu ston to/ /gzhan yang chos tha dad pa yang dag par shes pas byang chub sems dpa'i spyod pa dang / ye shes kyi spyod pa dang / chos kyi spyod pa thams cad ye shes kyis khong du chud par bya ba la rab tu 'jug go /don tha dad pa yang dag par shes pas sa bcu rnam par dgod cing shin tu bstan pa rnam par phye ba la yang dag par 'jug go /nges pa'i tshig tha dad pa yang dag par shes pas sa'i lam ji lta ba bzhin du nye bar bsgrub pa tha mi dad par yang dag par ston to/ /spobs pa tha dad pa yang dag par shes pas sa re re zhing rnam pa mu med pa yang dag par ston to/ /gzhan yang chos tha dad pa yang dag par shes pas de bzhin gshegs pa thams cad mtshan nyid gcig tu khong du chud par bya ba la rab tu 'jug go /don tha dad pa yang dag par shes pas dus dang / dngos po dang / mtshan nyid rnam par phye ba sna tshogs khong du chud par bya ba rab tu shes so/ /nges pa'i tshig tha dad pa yang dag par shes pas khong du chud pa rnam par phye ba bzhin du bstan pas chos ston to| |spobs pa tha dad pa yang dag par shes pas chos kyi tshig re re la yang bskal pa mtha' yas par rgyun mi 'chad par chos ston to/ /gzhan yang chos tha dad pa yang dag </font><hr>Ga194b<br><font size=+1>


par shes pas de bzhin gshegs pa thams cad kyi gsung dang / stobs dang / mi 'jigs pa dang / sangs rgyas kyi chos dang / byams pa chen po dang / thugs rje chen po dang / tha dad pa yang dag par mkhyen pa'i tshul dang / chos kyi 'khor lo bskor ba dang / thams cad mkhyen pa'i ye shes rtog par bya ba rab tu shes so/ /don tha dad pa yang dag par shes pas sems can gyi spyod pa stong phrag brgyad cu rtsa bzhi dang / bsam pa ji lta ba dang / dbang po ji lta ba dang / mos pa ji lta ba bzhin du de bzhin gshegs pa'i gsung rab tu shes so/ / nges pa'i tshig tha dad pa yang dag par shes pas sems can thams cad kyi spyod pa dang / ma 'dres pa'i de bzhin gshegs pa'i gsung rjes su bsgrags pas chos ston to/ /spobs pa tha dad pa yang dag par shes pas de bzhin gshegs pa'i ye shes 'od gsal ba dang / spyod pa'i dkyil 'khor la mos pas chos ston to/ /kye| rgal ba'i sras dag /de ltar tha dad pa yang dag par shes pa'i ye shes de lta bu dang ldan pa'i byang chub sems dpa' de bzhin gshegs pa'i chos kyi mdzod thob cing / byang chub sems dpa'i sa dgu pa la gnas pa chos smra ba chen po'i go 'phang la gnas pa'i tshe/ don dang ldan pa'i gzungs rab tu thob pa yin/ chos dang ldan pa'i gzungs rab tu thob pa yin/ ye shes mngon par bsgrub pa </font><hr>Ga195a<br><font size=+1>


@#/ /dang ldan pa'i gzungs rab tu thob pa yin/ snang ba dang ldan pa'i gzungs rab tu thob pa yin/ blo gros bzang po dang ldan pa'i gzungs dang / dbyig dang ldan pa'i gzungs dang / grags pa dang ldan pa'i gzungs dang / gzi brjid dang ldan pa'i gzungs dang / chags pa med pa'i sgo'i gzungs dang / mtha' yas pa dang ldan pa'i gzungs dang / don sna tshogs kyi mdzod dang ldan pa'i gzungs rab tu thob pa yin/ de gzungs de dag la sogs pa gzungs kyi sgo brgya stong grangs med pa phrag bcu yongs su tshang bar thob ste/ gzungs kyi sgo brgya stong grangs med pa phrag bcu dang ldan pa'i dbyangs kyi yan lag la mkhas pas de snyed du tshad med pa nyid dang ldan pa'i spobs pa rnam par phye ba'i sgos chos ston to/ /de de ltar tshad med pa'i gzungs kyi sgo brgya stong grangs med pas tshad med pa'i sangs rgyas bcom ldan 'das rnams las chos nyan cing thos nas kyang brjod par mi byed de/ ji skad du thos pa yang tshad med par rnam par phye bas shin tu ston to/ /de ni de bzhin gshegs pa gcig las gzungs kyi sgo brgya stong grangs med pa phrag bcus chos khong du chud par byed de/ de bzhin gshegs pa gcig las ji lta ba de bzhin du yang dag par rdzogs pa'i sangs rgyas mtha' yas pa las gzungs kyi sgo brgya stong grangs </font><hr>Ga195b<br><font size=+1>


med pa phrag bcus chos khong du chud par byed do/ /de smon pa tsam gyis kyang yang dag par rdzogs pa'i sangs rgyas rnams las chos kyi sgo snang ba ches mang du yang dag par 'dzin gyi/ nyan thos shin tu mang du thos pa dang ldan pa thos pa 'dzin pa'i gzungs rab tu thob pa rnams kyis ni bskal pa brgya phrag stong du yang gzung ba'i byin gyi rlabs kyis de ltar mi zin to/ / de ltar de lta bu'i gzungs thob cing spobs pa thob pas chos kyi gtam bya ba'i phyir 'dug na/ stong gsum gyi stong chen po'i 'jig rten gyi khams thams cad rgyas par bkang ste/ chos kyi stan la 'dug cing sems can rnams la bsam pa ji lta ba bzhin du rnam par phye zhing chos ston to/ /de'i chos kyi stan yang de bzhin gshegs pa dag dang / byang chub sems dpa' dbang bskur ba'i sa thob pa ma gtogs par thams cad las 'phags shing snang ba tshad med pa dang ldan pa yin/ de 'dod na chos kyi stan la 'dug cing dbyangs gcig gis 'khor thams cad du sgra skad sna tshogs rnam pa tha dad pas yang dag par go bar byed do/ /'dod na sgra skad sna tshogs dang / dbyangs kyi yan lag tha dad pa rnam par phye bas 'khor thams cad mngon par go bar byed do/ /'dod na 'od zer gyi sgo nye bar bsgrubs pas chos kyi sgo shin tu brjod do/ /'dod na ba spu'i bu ga thams cad nas dbyangs rnam par phye ba shin tu brjod </font><hr>Ga196a<br><font size=+1>


@#/ /do| |'dod na stong gsum gyi stong chen po'i 'jig rten gyi khams na gzugs su snang ba ji snyed yod pa'i gzugs su snang ba de dag las chos kyi sgra 'byung bar byed do/ /'dod na dbyangs kyi yan lag gcig gi sgras chos kyi dbyings thams cad khong du chud par byed do/ /'dod na sgra dang dbyangs thams cad chos kyi sgrar byin gyis rlob bo/ / 'dod na 'jig rten gyi khams thams cad na yod pa'i glu dang / rol mo brdung ba dang / dkrol ba'i sgra thams cad las chos kyi sgra 'byung bar byed do/ /'dod na yi ge gcig gi sgra las chos thams cad kyi tshig rab tu phye ba'i sgra 'byung bar byed do/ /'dod na 'jig rten gyi khams mtha' yas shing brjod du med pa'i sa dang / chu dang / me dang / rlung gi phung po rdul shin tu phra rab rnam par phye ba'i rdul shin tu phra ba re re las chos kyi sgo brjod du med pa 'byung bar byed do/ /gal te de la stong gsum gyi stong chen po'i 'jig rten gyi khams su gtogs pa'i sems can rnams 'ongs te/ skad cig yud tsam thang gcig tu dri ba yongs su 'dri zhing / de dag re res kyang sgra rnam pa tha dad pa tshad med pas yongs su dris par gyur la/ gcig gis gang dris pa de gzhan mi 'dri bar gyur na yang / de la byang chub sems dpa' des sems can de dag thams cad kyi sgra tshig so so dang / yi ge'i 'bru </font><hr>Ga196b<br><font size=+1>


yan chad ma lus par bzung ste/ bzung nas kyang tshig gcig mngon par brjod pas sems can de dag thams cad kyi sems dang bsam pa tshim par byed pa nas/ 'jig rten gyi khams brjod du med pa'i bar du gtogs pa'i sems can thams cad kyis skad cig thang gcig yud tsam du dri ba yongs su dris te/ de dag re re zhing yang sgra rnam pa tha dad pa tshad med pas 'dri bar gyur la/ gcig gis ci dris pa de gzhan mi 'dri bar gyur na yang / de dag thams cad byang chub sems dpa' des skad cig yud tsam thang cig tu ma lus par bzung ste/ sgra gcig brjod pas de dag thams cad khong du chud par byed do/ /de 'jig rten gyi khams brjod du med pa'i yang brjod du med pa'i bar dag kyang rgyas par bkang zhing sems can rnams la bsam pa dang / dbang po dang / mos pa ji lta ba bzhin du chos ston to/ /chos kyi gtam la zhugs pa'i tshe'ang de bzhin gshegs pa'i byin gyi rlabs len cing sangs rgyas kyi mdzad pa thams cad kyi sems can thams cad la nye bar gnas pa yin/ yang de 'di lta bu'i ye shes snang bas 'dzin pa yongs su rtsom ste/ gal te skra'i rtse mo'i go gcig la 'jig rten gyi khams brjod du med pa'i rdul shin tu phra ba ji snyed pa de snyed kyi de bzhin gshegs pa bzhugs pa de snyed du tshad med par gyur pa'i 'khor gyi dkyil 'khor du chos bstan te/ de bzhin </font><hr>Ga197a<br><font size=+1>


@#/ /gshegs pa de dag re res kyang / de snyed kyi sems can tshad med pa la chos rnam pa tha dad par shin tu bstan te/ sems can gyi bsam pa'i rgyud re re la yang de snyed du chos nye bar bsgrub pa tshad med par nye bar bsgrub par gyur la/ de bzhin gshegs pa gcig gis ji lta ba de bzhin du de bzhin gshegs pa thams cad kyis 'khor gyi dkyil 'khor thams cad du ste/ skra'i rtse mo'i go gcig la ji lta ba de bzhin du chos kyi dbyings thams cad du de ltar gyur kyang de dag thams cad zin par 'gyur na/ 'jig rten gyi khams de tsam dag gi sems can rnams kyi lta smos kyang ci dgos/ de de ltar byang chub sems dpa'i sa legs pa'i blo gros 'di thob pa'i byang chub sems dpa' ni nyin mtshan du yid la bsam pa gzhan med par sangs rgyas kyi spyod yul la zhugs pas de bzhin gshegs pa dang 'grogs pa rab tu thob cing byang chub sems dpa'i rnam par thar pa zab mo rab tu thob pa yin/ de de lta bu'i ye shes dang ldan zhing mnyam par bzhag kyang de bzhin gshegs pa blta ba yongs su mi spong ste/ bskal pa re re zhing sangs rgyas du ma nas/ sangs rgyas brgya stong bye ba khrag khrig lta zhing mthong nas kyang rim gro dang / bkur sti dang / bsti stang dang / mchod pa byed de/ sangs rgyas mthong zhing mchod </font><hr>Ga197b<br><font size=+1>


pa bya ba rgya chen po yongs su mi gtong ngo / /de bzhin gshegs pa de dag la zhu ba yongs su zhu ba yang byed de/ chos kyi gzungs rab tu bstan pa las shin tu byung ba yin/ de'i dge ba'i rtsa ba de dag sngon pas kyang shin tu byang zhing mi 'phrogs par 'gyur te/ /kye| rgyal ba'i sras dag /'di lta ste/ dper na/ gser gyi sa le sbram de nyid mgar ba mkhas pas rgyan du byas te/ yongs su zin pa 'khor los bsgyur ba'i rgyal po'i yan lag gi dam pa mgo 'am mgul du btags na/ khams kyi rgyal po thams cad dang / gling bzhi pa'i sems can thams cad kyi rgyan gyi rnam pas mi thub cing mi 'phrogs pa yin no/ /kye| rgyal ba'i sras dag /de bzhin du byang chub sems dpa'i sa legs pa'i blo gros 'di la gnas pa'i byang sems dpa'i dge ba'i rtsa ba de dag kyang / nyan thos dang / rang sangs rgyas dang / sa 'og ma la gnas pa'i byang chub sems dpa' thams cad kyis mi 'phrogs shing mi thub pa yin/ de'i dge ba'i rtsa ba snang ba des ni sems can rnams kyi nyon mongs pa dang / sems kyi thibs po snang bar byas te de nyid nas phyir ldog go /kye| rgyal ba'i sras dag /'di lta ste/ dper na| stong gnyis la dbang ba'i tshangs pa chen po ni stong gnyis kyi 'jig rten gyi khams thams cad kyi thibs po dma' bar gzhol ba yongs su snang bar byed do/ /kye| rgyal ba'i sras dag/ </font><hr>Ga198a<br><font size=+1>


@#/ /de bzhin du byang chub sems dpa'i sa legs pa'i blo gros 'di la gnas pa'i byang chub sems dpa'i dge ba'i rtsa ba'i snang ba de yang sems can rnams kyi nyon mongs pa dang / sems kyi thibs po snang bar byas te/ de nyid nas phyir ldog go /de'i pha rol tu phyin pa bcu las stobs kyi pha rol tu phyin pa'i shas che ba yin te/ lhag ma rnams kyang ci tshul ci nus su yang dag par mi sgrub par ni ma yin no/ /kye| rgyal ba'i sras dag /'di ni byang chub sems dpa'i sa legs pa'i blo gros zhes bya ba ste/ byang chub sems dpa'i sa dgu pa mdor bstan pa'o/ /rgya cher ni bskal pa mu med pa'i bstan pa'i mthar thug par shes par bya'o/ /de la gnas pa'i byang chub sems dpa' ni phal cher tshangs pa chen por gyur te/ stobs dang mthu chen po thob pa/ stong gnyis la dbang zhing zil gyis gnon la gzhan gyis zil gyis mi non pa/ mthun pa'i don mthong ba/ dbang shin tu thob pa/ sems can rnams la nyan thos dang / rang sangs rgyas dang / byang chub sems dpa'i pha rol tu phyin pa thams cad ston pa la mkhas shing mthu yod pa ste/ sems can gyi bsam pa yongs su dris pa bstan pas mi 'phrogs pa yin/ de sbyin pa'am/ ngag snyan pa'am/ don bsgrub pa'am/ don mthun pas dge ba'i rtsa ba gang ci rtsom yang rung ste/ de </font><hr>Ga198b<br><font size=+1>


thams cad ji ltar na/ sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas thams cad mkhyen pa'i ye shes la rten pa'i bar du 'gyur snyam ste/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed rab tu thob cing de dag la snyoms par 'jug pa dang / sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed mthong ba dang / de dag gi byin gyi rlabs kyang yang dag par shes pa dang / 'jig rten gyi khams sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed skyod pa dang / sangs </font><hr>Ga199a<br><font size=+1>


@#/ /rgyas kyi zhing grangs med pa brgya stong phrag bcu tshang ba'i rdul shin tu phra ba snyed du 'gro ba dang / 'jig rten gyi khams sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed snang bar bya ba dang / sems can sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed yongs su smin par bya ba dang / bskal pa sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed du gnas par bya ba dang / sngon gyi mtha' dang / phyi ma'i mtha'i bskal pa sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed la rab tu 'jug pa dang / chos kyi sgo sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed rnam par 'byed pa dang / lus sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed yongs su bstan pa dang / lus re re la yang byang chub sems dpa'i 'khor sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed yang dag par bstan pa'i brtson 'grus kyi rnam pa de lta bu rtsom mo/ /de yan chad byang chub sems dpa' smon lam gyi mthu can rnams/ smon lam gyi khyad par gyis rnam par 'phrul te/ de dag gi </font><hr>Ga199b<br><font size=+1>


lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan tam/ byin gyi rlabs sam/ mos pa'am/ mngon par 'du byed pa dag kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong phrag du mas kyang bgrang bar dka'o/ /de nas byang chub sems dpa' rdo rje'i snying pos sa'i don 'di nyid yang brtag par bya ba dang / bstan par bya ba'i phyir de'i tshe tshigs su bcad pa 'di dag smras so| |de dag tshad med stobs kyi blo yis rnam dpyod cing / /ye shes phra ba'i dam pa 'gro bas shes dka' ba/ /de bzhin bde gshegs gsang ba'i gnas la yang dag 'jug /'gro ba'i don byed de dag sa dgu yongs su gnon/ /de dag gzungs mchog ting 'dzin che ba nyid mchog dang / /mngon shes yangs dang de bzhin zhing 'jug mtha' yas dang / /stobs dang rtogs pa'i ye shes rgyal ba'i brten gnas dang / /smon lam snying rje'i bsam pas mkhas pa dgu la 'jug /sa dgu ldan pa de dag rgyal ba'i mdzod 'dzin cing / /dge ba'i chos dang mi dge lung du ma bstan dang / /zag dang bcas dang 'jig rten pa dang 'phags pa dang / /bsam du rung dang bsam du mi rung mkhas pas shes/ /nges pa'i chos dang ma nges </font><hr>Ga200a<br><font size=+1>


@#/ /chos kyang rab tu rtogs/ /theg gsum phun sum tshogs pa'i bya ba yongs su 'jal/ /'dus byas rnam par phye dang grangs dang rgyu ba dang / /'jig rten ji ltar mngon byed de la rab tu 'jug /de dag de 'dra'i shes ldan blo mchog phra ldan pa/ /sems can sems kyi thibs po yongs su rtog pa byed/ /rnam shes sna tshogs myur du 'gyur zhing ldog pa dang / /rnam shes mtha' yas 'byung la rtag tu mkhas pa 'jug /nyon mongs mtha' yas sbyor dang grogs su 'gyur ba dang / /kun nas 'khor dang bag nyal 'gro rgyud mtshams sbyor dang / /las rnams sna tshogs rnam par phye la'ang de bzhin 'jug /rgyu dang 'gog dang de bzhin 'bras bu 'jig pa'ang yang dag 'jug /dbang po rno dang tha ma 'bring dang yangs pa dang / /tha dang sngon dang phyi ma'i mtha' la'ang yang dag 'jug /mos pa dge dang mi dge sna tshogs du ma dag /stong phrag brgyad cu rtsa bzhi kun la yang dag 'jug /khams kyi rnam pa nyon mongs lta ba srid pa rnams/ /thibs por gyur ba snga phyi med cing 'chad med dang / /bag nyal bsam pa lhan cig skyes pa'i rgyud rnams kyi/ /sems rnams kun rgyu 'brel cing rgyun chad mi 'gyur ba/ /bsam pa bag nyal rgyud yod dngos po ma yin te/ /yul la mi gnas bsam pa yongs su 'bral mi 'gyur/ /shes pa dka' </font><hr>Ga200b<br><font size=+1>


ba'i bsam gtan yul las phyir mi ldog /rdo rje lta bu'i lam gyis chod 'gyur gzhan gyis min/ /rgyud drug skye ba rnam par phye la rab tu 'jug /sred rlan ma rig mun pa de bzhi las kyi zhing| |rnam shes sa bon can 'byung myu gu ming dang gzugs/ /khams gsum sngon mtha' med par de dag rab tu 'jug /de dag bag chags tshul dang nyon mongs las dang sems/ / 'dod chags bral bas lam gyi rgyud du 'byung ba min/ /sems can phung po gsum du nges pa yang dag shes/ /lta bar bying ba shes pa'i lam dang de dag ldan/ /de 'dra'i shes ldan sa mchog 'di la gnas pa ste/ /sems can bsam pa mos pa dbang po'i tshul bzhin du/ /chos rnams rnam par phye zhing shin tu ston pa byed/ /tha dad yang dag don shes nges tshig spobs pa yis/ /de dag chos smra'i tshul la gnas pa rab tu thob/ /seng ge khyu mchog dpe 'dra ri yi rgyal po 'dra/ /bdud rtsi sprin chen zhim pa'i char yang rab tu 'babs/ /klu yi dbang pos rgya mtsho rgyas pa byed pa bzhin/ /don gyi don shes de bzhin chos nyid rab tu shes/ /nges tshig rjes su song zhing spobs pa rab tu thob/ /de dag grangs med stong phrag bcu yi gzungs thob bas/ / chos rnams 'dzin pa rgya mtsho sprin chen char 'dzin bzhin/ /de dag de 'dra'i ting 'dzin gzungs gsal thob gyur pas/ /skad cig gcig gis sangs rgyas mang po stong yang mthong / /rin </font><hr>Ga201a<br><font size=+1>


@#/ /chen chos rnams thos nas yang du ston byed de/ /tshig gi dkyil 'khor rnam dag dbyangs kyi yan lag ldan/ /'dod na stong gsum 'jig rten khams su gtogs pa yi/ /sems can bsam sems sna tshogs tshul bzhin smin byed cing / /thams cad bsam pa dbang po ji bzhin tshim par byed/ /gling bzhi rgya mtsho'i sprin bzhin yang dag rab tu 'jug /de bas gong du legs ldan brtson 'grus rab thob pa/ /skra rtse'i go gcig bsam gyis mi khyab sems pa byed/ /sems can sna tshogs mang la bde gshegs chos ston pa/ /thos nas sa bon kun 'dzin sa bzhin yongs su 'dzin/ /phyogs rnams bcu po'i sems can mang po ji snyed pa/ /de dag thams cad 'khor gcig 'dus par 'khod gyur kyang / /de dag bsam pa skad cig gcig gis bsam byas shing / /sgra skad gcig gis de dag thams cad tshim par byed/ /'di la gnas pa chos rgyal lha mi mchog tu 'gyur/ / rgyal ba'i sras po chos kyis yongs su skyong ba yin/ /nyin mtshan kun tu rgyal ba rnams dang rtag par 'grogs/ /zab yangs ye shes rnam par thar pa ldan par gnas/ /de dag yang du sangs rgyas khrag khrig bsnyen bkur byed/ /'khor los bsgyur ba'i rgyan bzang yongs su byang ba bzhin/ /de yi 'od kyang nyon mongs thibs po snang ba byed/ /tshangs pa'i 'od kyis stong </font><hr>Ga201b<br><font size=+1>


gnyis 'jig rten ji bzhin no/ /'di la gnas pa legs ldan tshangs chen 'jig rten du/ /skye 'gyur theg gsum ston la mkhas shing mthu yod pa/ /'gro ba kun la phan phyir ci tsam gang yang rung / /yon tan shes ldan bde gshegs ye shes ldan pa bsngo/ /grangs med zhing du gtogs pa'i rdul phran du yod pa/ /de snyed ting 'dzin skad cig gcig tu brtan pas thob| |phyogs rnams kun gyi rgyal ba mthong zhing gsung yang nyan/ /yan chad smon lam ldan pa tshad med rnam par 'phrul/ /'di ni sa rab dgu pa ste/ /ye shes chen pos rnam par spyod| |zab cing blta dka' shin tu phra/ /rgyal ba'i sras kyis bstan pa yin/ /legs pa'i blo gros zhes bya ba ste/ byang chub sems dpa'i sa dgu pa'o// /bam po lnga bcu gnyis pa/ spyod pa bla na med pa 'di thos nas/ /gtsang gnas lha rnams bye ba rab tu dga'/ /dbang po tshim par bar snang mkha' la gnas/ /bde bar gshegs la rje sar mchod pa byed/ /byang chub sems dpa' bye ba bsam yas pa/ /bar snang mkha' gnas rab tu dga' gyur cing / /spos sprin tshad med yid du 'ong ba dag /'gro ba'i nyon mongs sel ba dri zhim bdug pa byed/ /lha yi dbang po dbang sgyur rab dga' zhing / /bar snang gnas las lha 'khor khrag khrig dang / /rim gro bcas par gos rnams 'dor bar byed/ / </font><hr>Ga202a<br><font size=+1>


@#/ /yid 'ong gos brgya yongs su bskor ba byas/ /lha yi bu mo mang po shin tu dga'/ /bde bar gshegs la rjes sa mchod pa byed/ /rol mo brdung ba bye ba khrag khrig byed/ /'di 'dra'i sgra dbyangs kun las byung bar gyur/ /zhing mchog gcig na bde bar gshegs pa bzhugs/ /zhing rnams kun tu sku gzugs rab tu bstan/ /sku gzugs khrag khrig sna tshogs yid du 'ong / /chos dbyings rgya chen yongs su rgyas par gang / /spu gcig rtse nas bde gshegs 'od bkye ba/ /'gro ba'i nyon mongs yongs su zhi bar 'phro/ /zhing gi rdul khams zad par nus 'gyur gyi/ /de dag bgrang bas shes par mi nus so/ /la las sangs rgyas mtshan rab mnga' bar mthong / /'khor los bsgyur ba'i dam par la las mthong / /zhing rnams la lar spyod pa mchog mdzad cing / /dag cing zhi bar rkang gnyis dam pa mthong / /dga' ldan gnas na mgon po bzhugs pa dang / / 'pho dang gshegs par de bzhin rab tu snang / /zhing rnams bye bar yum gyi skur bzhugs dang / /zhing rnams la lar skye ba de bzhin snang / /'gro ba'i don du mgon po 'byung mdzad dang| |byang chub dam pa mchog tu 'tshang rgya ba'i/ /chos kyi 'khor lo mya ngan 'da' ba dag /zhing mang khrag khrig kun na de bzhin snang / /sgyu ma'i mkhan po mkhas par lobs gyur pa/ / </font><hr>Ga202b<br><font size=+1>


ji ltar 'tsho phyir gzugs mang ston pa bzhin/ /de bzhin ston pa ye shes mchog mkhyen pa/ /sku gzugs kun tu 'gro ba rnams la ston/ /stong pa zhi ba rang bzhin mtshan nyid med/ / chos nyid bar snang mkha' dang mnyam par yang / /sangs rgyas ston pa don dam de nyid du/ /sangs rgyas spyod yul mchog gis yang dag bstan/ /bde gshegs spyod yul rang bzhin ci 'dra ba/ /sems can kun gyi chos nyid de 'dra ste/ /mtshan dang mtshan gzhi mnyam pa nyid kyis 'dra/ /mtshan nyid med pa chos rnams kun gyi mchog /bde gshegs ye shes don du su gnyer bas/ /rtog dang rnam rtog yongs rtog yongs su spangs/ /dngos dang dngos med mnyam nyid shes par gyis/ /myur du mi yi gtso bo mchog tu 'gyur/ /'di 'dra'i sgra skad stong snyed du/ /snyan pa'i dbyangs su brjod byas nas/ /lha yi bu mo mi smra zhing / /zhi la dga' bar bde gshegs lta/ /'khor rnams zhi bar shes gyur nas/ /rnam thar zla ba 'jigs med pas/ / rdo rje'i snying po 'jigs med pa/ /rgyal sras de la yang smras pa/ /bcu par yang dag 'phar ba yi/ /rnam pa yon tan spyod yul dang / /mtshan ma dag dang cho 'phrul rnams/ /mkhas pas kun kyang bstan par mdzod/ /byang chub sems dpa' rdo rje'i snying pos smras pa/ kye| rgyal ba'i sras dag /de ltar byang chub sems dpa' byang chub sems dpa'i sa dgu pa'i bar du shes </font><hr>Ga203a<br><font size=+1>


@#/ /par bya ba tshad med pa yongs su brtags pa'i blos rnam par dbye ba shin tu rnam par phye ba/ chos dkar po shin tu rdzogs pa bsags par bya ba'i tshogs mtha' yas pa shin tu bsags pa/ bsod nams dang ye shes kyis tshogs yongs su zin pa/ snying rje chen po shin tu yangs pa thob pa/ 'jig rten gyi khams rnam par phye ba rnam pa tha dad pa la mkhas pa/ sems can gyi khams thibs pos nye bar spyod pa la rab tu zhugs pa/ de bzhin gshegs pa'i spyod yul la 'jug pa dang ldan pa'i 'du shes dang / yid la byed pa can stobs dang / mi 'jigs pa dang / sangs rgyas kyi chos la lhag par dmigs pa'i rjes su song ba ni/ rnam pa thams cad du thams cad mkhyen pa'i ye shes la dbang bskur ba'i sa thob pa zhes bya'o/ /kye| rgyal ba'i sras dag /byang chub sems dpa' ye shes de lta bu dang ldan zhing dbang bskur ba'i sa thob pa de la byang chub sems dpa'i ting nge 'dzin dri ma med pa zhes bya ba mngon du 'gyur ro/ /byang chub sems dpa'i ting nge 'dzin chos kyi dbyings rnam par phye ba la 'jug pa zhes bya ba dang / snying po byang chub kyi rgyan rnam par phye ba zhes bya ba dang| 'od zer gyi me tog rnam pa thams cad ces bya ba dang / rgya mtsho'i snying po zhes bya ba dang / rgya mtsho'i rgya zhes bya ba dang / nam mkha'i dbyings ltar yangs pa zhes bya ba dang / chos </font><hr>Ga203b<br><font size=+1>


thams cad kyi rang bzhin rnam par 'byed pa zhes bya ba dang / sems can thams cad kyi sems dang spyod pa'i rjes su song ba zhes bya ba dang / da ltar byung ba'i sangs rgyas thams cad mngon sum du bzhugs pa zhes bya ba mngon du 'gyur te/ de la de dag la sogs pa ting nge 'dzin brgya stong phrag grangs med pa phrag bcu mngon du 'gyur ro/ /de ting nge 'dzin de dag thams cad la mnyam par gzhog cing rnam par ldang ngo / /de ting nge 'dzin la mkhas pa dang ldan pa yin te/ ting nge 'dzin gyi dgos pa de dag thams cad la'ang rab tu spyod do/ /ting nge 'dzin brgya stong grangs med pa phrag bcu'i tha ma la thams cad mkhyen pa'i ye shes kyi khyad par gyis mngon par dbang bskur ba zhes bya ba'i byang chub sems dpa'i ting nge 'dzin mngon du 'gyur te/ de mngon du gyur ma thag tu stong gsum brgya stong phrag bcu'i tha gru dang mnyam pa'i rin po che'i pad+mo chen po rin po che thams cad kyis rnam pa thams cad du spras shing brgyan pa| 'jig rten thams cad kyi spyod yul las 'das pa/ 'jig rten las 'das pa'i dge ba'i rtsa bas byung ba/ sgyu ma'i rang bzhin dang spyod yul gyis yongs su grub pa/ chos kyi dbyings la shin tu gnas par snang ba/ lha rdzas kyi yul las shin tu 'das pa/ nor bu rin po che bai DU R+Ya'i chu ba chen po can/ tsan dan gyi rgyal po mtshungs pa med pa'i snying po can/ </font><hr>Ga204a<br><font size=+1>


@#/ /asma gar+b+ha rab kyi ze ba can/ 'dzam bu chu klung gis gser ltar snang ba'i lo ma can/ 'od zer tshad med pas shin tu rgyas pa'i lhun can/ rin po che thams cad kyi nang yongs su spras pa/ rin po che mu med pa'i dra bas kun nas yog pa/ stong gsum brgya stong phrag bcu tshang ba'i rdul shin tu phra ba snyed kyi rin po che'i pad+mo chen po'i 'khor dang ldan pa 'byung bar 'gyur te/ byang chub sems dpa' de'i lus kyang de dang rkyen du 'tsham zhing / de'i tshul dang mthun par gnas so/ /de thams cad mkhyen pa'i ye shes kyi khyad par gyis dbang bskur ba dang ldan pa'i ting nge 'dzin thob ma thag tu rin po che'i pad+mo'i rgyal po chen po de la 'dug par snang ste/ rin po che'i pad+mo'i rgyal po chen po de la byang chub sems dpa' de 'dug ma thag tu rin po che'i pad+mo'i rgyal po chen po de'i 'khor rin po che'i pad+mo ji snyed byung ba de snyed kyi byang chub sems dpas byang chub sems dpa' de yongs su bskor te/ rin po che'i pad+mo chen po de dag la 'khod nas/ byang chub sems dpa' de nyid la lta zhing / de dag re re yang ting nge 'dzin brgya stong phrag bcu bcu la snyoms par 'jug go /byang chub sems dpa' de dang / byang chub sems dpa' de dag gis mnyam par bzhag ma thag tu 'jig rten gyi khams ma lus par g.yo bar 'gyur ro/ /ngan </font><hr>Ga204b<br><font size=+1>


song thams cad rtse zhil bar 'gyur ro/ /chos kyi dbyings thams cad snang bas rgyas par 'gyur ro/ /'jig rten gyi khams thams cad yongs su dag par 'gyur ro/ /zhing thams cad du sangs rgyas kyi sgra grag par 'gyur ro/ /skal ba dang spyod pa mthun pa'i byang chub sems dpa' thams cad kyang 'du bar 'gyur ro/ /'jig rten gyi khams thams cad kyi lha dang mi'i rol mo brdung ba dang / dkrol ba'i sgra yang 'byung bar 'gyur ro/ /sems can thams cad kyi bde ba yang skye bar 'gyur ro/ /yang dag par rdzogs pa'i sangs rgyas thams cad la bsam gyis mi khyab pa'i mchod pa dang / rim gro yang rab tu 'byung bar 'gyur ro/ /de bzhin gshegs pa thams cad kyi 'khor gyi dkyil 'khor kyang rnam par dmigs par 'gyur te/ de ci'i phyir zhe na/ kye| rgyal ba'i sras dag /byang chub sems dpa' de ni rin po che'i pad+mo'i rgyal po de la 'dug ma thag tu rkang pa'i mthil gnyis kyi 'og nas 'od zer brgya stong grangs med pa phrag bcu 'byung ngo / /byung nas kyang phyogs bcur mnar med pa'i sems can dmyal ba chen po yan chad snang bar byas te/ sdug bsngal rnams kyang rab tu zhi bar byed do/ /pus mo'i lha nga gnyis nas 'od zer brgya stong grangs med pa phrag bcu 'byung ste/ byung nas kyang phyogs bcur byol song gi skye gnas kyi gnas </font><hr>Ga205a<br><font size=+1>


@#/ /thams cad snang bar byas nas/ sdug bsngal rnams kyang rab tu zhi bar byed do/ /lte ba'i dkyil 'khor nas 'od zer brgya stong grangs med pa phrag bcu 'byung ste/ byung nas kyang phyogs bcur gshin rje'i 'jig rten gyi khams thams cad snang bar byas nas/ sdug bsngal rnams kyang rab tu zhi bar byed do/ /g.yas g.yon gyi rtsib logs gnyis nas 'od zer brgya stong grangs med pa phrag bcu 'byung ste/ byung nas kyang phyogs bcur mi'i gnas rnams snang bar byas te/ sdug bsngal rnams kyang rab tu zhi bar byed do/ /lag pa'i mthil gnyis nas 'od zer brgya stong grangs med pa phrag bcu 'byung ste/ byung nas kyang phyogs bcur lha dang lha ma yin gyi gnas rnams snang bar byas nas/ sdug bsngal rnams kyang rab tu zhi bar byed do/ /phrag pa gnyis nas 'od zer brgya stong grangs med pa phrag bcu 'byung ste/ byung nas kyang phyogs bcur nyan thos kyi theg pa pa rnams kyi gnas snang bar byas nas/ chos snang ba'i sgo yang nye bar bsgrub bo/ /rgyab dang mgul nas 'od zer brgya stong grangs med pa phrag bcu 'byung ste| byung nas kyang rang sangs rgyas kyi gnas thams cad snang bar byas nas/ zhi ba'i ting nge 'dzin gyi tshul gyi sgo'ang nye bar sgrub bo/ /kha'i sgo nas 'od zer brgya stong grangs </font><hr>Ga205b<br><font size=+1>


med pa phrag bcu 'byung ste/ byung nas kyang phyogs bcur byang chub sems dpa' sems dang po bskyed pa nas bzung ba yan chad sa dgu pa thob pa'i bar dag snang bar byas nas/ shes rab dang thabs kyi tshul gyi sgo yang nye bar bsgrub bo/ /smin mtshams kyi mdzod spu nas 'od zer brgya stong grangs med pa phrag bcur 'byung ste/ byung nas kyang phyogs bcur bdud kyi gnas thams cad zil gyi mnan te/ dbang bskur ba'i sa thob pa'i byang chub sems dpa' rnams snang bar byas nas de dag gi lus su nub par 'gyur ro/ /yan lag dam pa'i spyi gtsug nas 'od zer stong gsum brgya stong grangs med pa phrag bcu tshang ba'i rdul shin tu phra ba snyed 'byung ste/ byung nas kyang phyogs bcur de bzhin gshegs pa'i 'khor gyi dkyil 'khor thams cad snang bar byas te/ 'jig rten lan bcur bskor ba byas nas steng gi nam mkha'i dbyings la 'dug ste/ 'od zer gyi dra ba'i dkyil 'khor du byas nas/ de bzhin gshegs pa la mchod cing rim gro bya ba 'od shin tu gsal ba zhes bya ba rab tu byed do/ /mchod pa dang rim gro de la sems dang po bskyed pa nye bar bzung ba yan chad sa dgu pa thob kyi bar du de bzhin gshegs pa mchod cing rim gro byas pas brgya'i char yang nye bar mi 'gro'o/ /stong gi cha dang / brgya stong gi cha dang / khrag khrig gi cha dang / khrag </font><hr>Ga206a<br><font size=+1>


@#/ /khrig brgya'i cha dang / khrag khrig stong gi cha dang / khrag khrig brgya stong gi cha dang / bye ba khrag khrig brgya stong gi char yang nye bar mi 'gro'o/ /grangs dang| cha dang / bgrang ba dang / dpe dang / rgyur yang nye bar mi 'gro ba nas/ bsgrun pa tsam gyi bar du'ang mi chog go /'od zer gyi dra ba'i dkyil 'khor chen po de las phyogs bcu na me tog tu gdags pa dang / spos dang / bdug pa dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / rin po che'i rgyan dang / nor bu rin po cher gdags pa ci yod pa de dag thams cad las lhag cing 'jig rten gyi yul thams cad las 'das pa'i dge ba'i rtsa ba'i dbang gis grub pa dag sprin chen po'i char bzhin du mngon par 'bab bo/ /mchod pa de dag sems can gang gis mthong ba de dag thams cad kyang bla na med pa yang dag par rdzogs pa'i byang chub tu nges par 'gyur ro/ /mchod pa dang rim gro'i rnam pa de lta bu dag byas nas kyang 'od zer de dag gis de bzhin gshegs pa'i 'khor gyi dkyil 'khor thams cad snang bar byas nas/ 'jig rten lan bcur bskor ba byas te/ de bzhin gshegs pa dgra bcom pa yang dag par rdzogs pa'i sangs rgyas </font><hr>Ga206b<br><font size=+1>


rnams kyi zhabs kyi mthil gyi 'og tu nub par 'gyur te/ de nas de bzhin gshegs pa de dag dang / byang chub sems dpa' de dag gis 'jig rten gyi khams 'byams klas pa che ge mo zhig tu de lta bu'i spyod pa dang ldan pa'i byang chub sems dpa' dbang bskur ba'i dus la bab par thugs su chud do/ /kye|rgyal ba'i sras dag /der phyogs bcu nas byang chub sems dpa'i sa dgu la gnas pa'i bar gyi byang chub sems dpa' mtha' yas pa 'ongs te/ byang chub sems dpa' de la kun nas bskor nas mchod pa chen po byas te/ byang chub sems dpa' de nyid la lta zhing ting nge 'dzin stong phrag bcu bcu la so so nas mnyam par gzhog go /byang chub sems dpa' dbang bskur ba'i sa thob pa rnams kyi dpal gyi be'u dang / rdo rje dang / bkra shis las bdud kyi dgra las rnam par rgyal ba zhes bya ba'i 'od zer chen po gcig 'od zer gyi 'khor brgya stong grangs med pa phrag bcu dang ldan par 'byung ste/ byung nas kyang phyogs bcu snang bar byas nas/ cho 'phrul mu med par yang dag par bstan te/ byang chub sems dpa' de'i dpal gyi be'u dang / rdo rje dang / bkra shis su nub par 'gyur ro/ /'od zer de dag der nub ma thag tu byang chub sems dpa' de'i stobs dang / mthu yang brgya phrag stong gyur pas kyang lhag par mngon par 'phel bar snang ngo / / </font><hr>Ga207a<br><font size=+1>


@#/ /kye| rgyal ba'i sras dag /de nas de bzhin gshegs pa dgra bcom pa yang dag par rdzogs pa'i sangs rgyas de dag gi smin mtshams kyi mdzod spu nas thams cad mkhyen pa'i mngon par shes pa dang ldan pa zhes bya ba'i 'od zer gyi 'khor grangs med pa dang ldan pa 'byung ste/ de dag gis phyogs bcu thams cad du 'jig rten gyi khams thams cad ma lus par snang bar byas nas/ 'jig rten lan bcur bskor te/ de bzhin gshegs pa'i rnam par 'phrul pa chen po bstan nas| byang chub sems dpa' brgya stong bye ba khrag khrig mang po yang dag par bskul nas/ sangs rgyas kyi zhing 'byams klas pa thams cad rnam pa drug tu bskyod de / ngan song thams cad kyi lam gyi rgyud dang / skye ba dang / shi 'pho rab tu zhi bar byas nas/ bdud kyi gnas thams cad zil gyis mnan te/ de bzhin gshegs pa thams cad mngon par 'tshang rgya bar rnam par sangs rgyas pa'i sangs rgyas kyi gdan yang dag par bstan nas/ sangs rgyas thams cad kyi 'khor gyi dkyil 'khor brgyan pa'i mthu rab tu bstan te/ 'jig rten gyi khams chos kyi dbyings kyis klas pa/ nam mkha'i mthas gtugs pa thams cad snang bar byas nas phyir log ste </font><hr>Ga207b<br><font size=+1>


byang chub sems dpa'i 'khor gyi dkyil 'khor thams cad kyi steng nas bskor ba byas te/ rgyan chen po bstan nas 'od zer de dag byang chub sems dpa' de'i yan lag gi dam par nub bo/ /de'i 'khor gyi 'od zer rnams kyang de ltar tshogs pa'i byang chub sems dpa' rnams kyi mgor nub par 'gyur ro/ /'od zer de dag gis phog ma thag tu byang chub sems dpa' de dag gis sngan chad ma thob pa'i ting nge 'dzin stong phrag bcu bcu rab tu thob bo/ /'od zer de dag kyang dus gcig tu byang chub sems dpa' de'i yan chad dam pa la 'char bar 'gyur te/ byang chub sems dpa' de yang yang dag par rdzogs pa'i sangs rgyas kyi yul la mngon par dbang bskur ba zhes bya'o/ /stobs bcu yongs su rdzogs nas ni yang dag par rdzogs pa'i sangs rgyas su bgrang ba yang 'thob par 'gyur ro/ /kye| rgyal ba'i sras dag /'di lta ste/ dper na/ 'khor los bsgyur ba'i rgyal po'i bu thu bo gzhon nu btsun mo dam pa las btsas pa/ rgyal po'i mtshan dang ldan pa de 'khor los bsgyur ba'i rgyal pos lha'i glang po rin po che la gser gyi khri dam pa'i steng du bzhag ste| steng du bla re bres shing gdugs dang / rgyal mtshan dang / ba dan dang / rol mo brdung ba dang / dkrol ba dang / glu'i dbyangs la sogs pa'i rgyan chen po byas te/ rgya mtsho </font><hr>Ga208a<br><font size=+1>


@#/ /chen po bzhi las chu blangs pa gser gyi bum pas bcus te/ chu des gzhon nu de'i spyi bo nas mngon par dbang bskur na dbang bskur ma thag tu de ni rgyal po rgyal rigs spyi bo nas dbang bskur pa zhes bya ba'i grangs su 'gro'o/ /dge ba bcu'i las kyi lam yongs su rdzogs nas ni 'khor los bsgyur bar bgrang ba rab tu 'thob bo/ /kye| rgyal ba'i sras dag /de bzhin du byang chub sems dpa' yang sangs rgyas bcom ldan 'das de dag gis dbang bskur ma thag tu ye shes kyi dbang mngon par bskur bas mngon par dbang bskur ba zhes bya'o/ /stobs bcu yongs su rdzogs nas ni yang dag par rdzogs pa'i sangs rgyas kyi grangs su 'gro'o/ /kye| rgyal ba'i sras dag /'di ni gang gi don du byang chub sems dpa' dka' ba brgya stong du ma rtsom pa'i byang chub sems dpa'i mngon par dbang bskur ba'o/ /de de ltar mngon par dbang bskur zhing yon tan dang ye shes rnam par 'phel ba ni/ byang chub sems dpa'i sa chos kyi sprin la gnas pa zhes bya'o/ /kye| rgyal ba'i sras dag /de la byang chub sems dpa'i sa chos kyi sprin la gnas pa'i byang chub sems dpa' ni chos kyi khams yang dag par bsgrub pa yang dag pa ji lta ba bzhin du rab tu shes so/ /'dod pa'i khams </font><hr>Ga208b<br><font size=+1>


yang dag par bsgrub pa dang / gzugs kyi khams yang dag par bsgrub pa dang / gzugs med pa'i khams yang dag par bsgrub pa dang / 'jig rten gyi khams yang dag par bsgrub pa dang / sems can gyi khams yang dag par bsgrub pa dang / rnam par shes pa'i khams yang dag par bsgrub pa dang / 'dus byas dang / 'dus ma byas kyi khams yang dag par bsgrub pa dang / nam mkha'i khams yang dag par bsgrub pa dang / yang dag pa dang / yang dag pa ma yin pa'i khams bstan pa yang dag par bsgrub pa dang / mya ngan las 'das pa'i khams yang dag par bsgrub pa dang / lta ba'i rnam pa dang / nyon mongs pa yang dag par bsgrub pa yang dag pa ji lta ba bzhin du rab tu shes so/ /'jig rten gyi khams 'jig pa dang 'du ba yang dag par bsgrub pa dang / nyan thos kyi spyod pa yang dag par bsgrub pa dang / rang sangs rgyas kyi spyod pa yang dag par bsgrub pa dang / byang chub sems dpa'i spyod pa yang dag par bsgrub pa dang / de bzhin gshegs pa'i stobs dang / mi 'jigs pa dang / gzugs kyi sku dang / chos kyi sku yang dag par bsgrub pa dang / rnam pa thams cad du thams cad mkhyen pa'i ye shes yang dag par bsgrub pa dang / mngon par rdzogs par 'tshang rgya ba dang / chos kyi 'khor lo bskor ba dang / bzlog pa bstan pa yang dag par bsgrub pa dang / mdor bsdu </font><hr>Ga209a<br><font size=+1>


@#/ /na chos thams cad rnam par phye ba la 'jug cing shin tu brtag pa yang dag par bsgrub pa yang dag pa ji lta ba bzhin du rab tu shes so/ /de de lta bu'i ye shes dang ldan pa'i blos gong du sems can rnams kyi sprul pa'i las yang dag par ji lta ba bzhin du rab tu shes so/ /nyon mongs pa'i sprul pa dang / lta ba'i rnam pa'i sprul pa dang / 'jig rten gyi khams kyi sprul pa dang / chos kyi khams kyi sprul pa dang / nyan thos kyi sprul pa dang / rang sangs rgyas kyi sprul pa dang / byang chub sems dpa'i sprul pa dang / de bzhin gshegs pa'i sprul pa dang / sprul pa thams cad kyi rnam par dgod pa dang / rnam par mi dgod pa yang dag pa ji lta ba bzhin du rab tu shes so/ /de sangs rgyas kyi byin gyi rlabs kyang yang dag pa ji lta ba bzhin du rab tu shes so/ /chos kyi byin gyi rlabs dang / dge 'dun gyi byin gyi rlabs dang / las kyi byin gyi rlabs dang / nyon mongs pa'i byin gyi rlabs dang / dus kyi byin gyi rlabs dang / smon lam gyi byin gyi rlabs dang / mchod pa'i byin gyi rlabs dang / spyod pa'i byin gyi rlabs dang / bskal pa'i byin gyi rlabs dang / ye shes kyi byin gyi rlabs yang dag pa ji lta ba bzhin du rab tu shes so/ /gang 'di de bzhin gshegs pa dgra bcom pa yang dag par rdzogs pa'i sangs rgyas rnams kyi phra ba la 'jug pa'i ye shes 'di lta ste/ </font><hr>Ga209b<br><font size=+1>


spyod pa phra ba la 'jug pa'i ye shes sam/ skye ba dang 'pho ba phra ba la 'jug pa'i ye shes sam/ sku tshe phra ba la 'jug pa'i ye shes sam/ mngon par 'byung ba phra ba la 'jug pa'i ye shes sam| mngon par byang chub pa phra ba la 'jug pa'i ye shes sam/ rnam par 'phrul pa phra ba la 'jug pa'i ye shes sam/ chos kyi 'khor lo bskor ba phra ba la 'jug pa'i ye shes sam/ sku tshe'i tshad byin gyi rlabs pa phra ba la 'jug pa'i ye shes sam/ yongs su mya ngan las 'da' ba phra ba la 'jug pa'i ye shes sam/ bstan pa gnas pa phra ba la 'jug pa'i ye shes de dag thams cad yang dag pa ji lta ba bzhin du des rab tu shes so/ /gang 'di de bzhin gshegs pa dgra bcom pa yang dag par rdzogs pa'i sangs rgyas rnams kyi gsang ba la 'jug pa'i gnas 'di lta te/ sku'i gsang ba'am/ gsung gi gsang ba'am/ thugs kyi gsang ba'am/ dus dang dus ma yin pa thugs su chud pa'i gsang ba'am/ byang chub sems dpa' lung bstan pa'i gsang ba'am/ sems can bsdu ba dang / tshar gcad pa gsang ba'am/ theg pa tha dad pa gsang ba'am/ sems can gyi spyod pa dang / dbang po rnam par phye ba gsang ba'am/ las dang bya ba la 'jug pa gsang ba'am/ spyod pa dang mngon par 'tshang rgya ba'i rang bzhin brjod pa thugs su chud pa gsang ba de dag thams </font><hr>Ga210a<br><font size=+1>


@#/ /cad yang dag pa ji lta ba bzhin du des rab tu shes so/ /gang 'di dag bskal pa la 'jug pa'i ye shes 'di lta ste/ bskal pa gcig la bskal pa grangs med par yang dag par 'jug pa dang / grangs med pa'i bskal pa la bskal pa gcig tu yang dag par 'jug pa dang / bskal pa grangs med pa la bskal pa grangs med par yang dag par 'jug pa dang / bskal pa gcig la bskal pa dang / bskal pa la skad cig tu yang dag par 'jug pa dang / bskal pa la bskal pa ma yin par yang dag par 'jug pa dang / bskal pa ma yin pa la bskal par yang dag par 'jug pa dang / sangs rgyas dang bcas pa'i bskal pa sangs rgyas med pa'i bskal par yang dag par 'jug pa dang / sangs rgyas med pa'i bskal pa sangs rgyas dang bcas pa'i bskal par yang dag par 'jug pa dang / 'das pa dang / ma 'ongs pa dang / da ltar byung ba la da ltar byung ba dang / 'das pa dang / ma 'ongs pa'i bskal par 'jug cing / ma 'ongs pa dang / 'das pa dang / da ltar byung ba'i bskal par yang dag par 'jug pa dang / bskal pa ring po la bskal pa thung ngur yang dag par 'jug pa dang / bskal pa thung ngu la bskal pa ring por yang dag par 'jug pa dang / bskal pa thams </font><hr>Ga210b<br><font size=+1>


cad la ming du btags par yang dag par 'jug pa de dag thams cad kyang yang dag pa ji lta ba bzhin du des rab tu shes so/ /gang 'di dag de bzhin gshegs pa rnams kyis thugs su chud pa'i ye shes 'di lta ste/ skra'i rtse mo la 'jug pa'i ye shes sam/ rdul shin tu phra ba la 'jug pa'i ye shes sam/ zhing mang po mngon par 'tshang rgya ba la 'jug pa'i ye shes sam/ sems can gyi lus dang / sems mngon par 'tshang rgya ba la 'jug pa'i ye shes sam/ thams cad du khyab pa mngon par 'tshang rgya ba la 'jug pa'i ye shes sam| snrel zhi'i spyod pa la 'jug pa yang dag par ston pa'i ye shes sam/ lugs dang mthun pa'i spyod pa yang dag par bstan pa la 'jug pa'i ye shes sam/ lugs dang mi mthun pa'i spyod pa yang dag par bstan pa la 'jug pa'i ye shes sam/ 'jig rten bsam du rung ba dang / bsam du mi rung ba dang / rnam par shes par rung ba dang / rnam par shes par mi rung ba'i spyod pa yang dag par bstan pa la 'jug pa'i ye shes sam/ nyan thos kyis shes par bya ba dang / rang sangs rgyas kyis shes par bya ba dang / byang chub sems dpas shes par bya ba dang / de bzhin gshegs pas mkhyen par bya ba'i spyod pa yang dag par bstan pa la 'jug pa'i ye shes de dag thams cad kyang yang dag pa ji lta ba </font><hr>Ga211a<br><font size=+1>


@#/ /bzhin du des rab tu shes so/ /kye| rgyal ba'i sras dag /de ltar na sangs rgyas bcom ldan 'das rnams kyi ye shes shin tu yangs pa tshad med pas sa 'di la gnas pa'i byang chub sems dpas khong du chud pa'i ye shes kyang tshad med do/ /kye| rgyal ba'i sras dag /de ltar byang chub sems dpa' sa 'di dang ldan pa'i byang chub sems dpa' de byang chub sems dpa'i rnam par thar pa bsam gyis mi khyab pa zhes bya ba rab tu 'thob bo/ /bsgribs pa med pa zhes bya ba dang / rnam par dag pa rab tu 'byed pa zhes bya ba dang / sgo kun tu snang ba zhes bya ba dang / de bzhin gshegs pa'i mdzod ces bya ba dang / 'khor lo thogs pa med pa dang ldan pa zhes bya ba dang / dus gsum gyi rjes su song ba zhes bya ba dang / chos kyi dbyings kyi snying po zhes bya ba dang / rnam par thar pa'i dkyil 'khor snang ba zhes bya ba dang / yul ma lus pa zhes bya ba'i byang chub sems dpa'i rnam par thar pa rab tu 'thob bo/ /kye| rgyal ba'i sras dag /'di lta ste/ byang chub sems dpa'i rnam par thar pa bcu po de dag la sogs pa rnam par thar pa'i sgo brgya stong grangs med pa/ byang chub sems dpa'i sa bcu pa 'di la gnas pa'i byang chub sems dpas rab tu thob ste/ de bzhin du ting nge 'dzin brgya phrag stong dang / gzungs brgya phrag </font><hr>Ga211b<br><font size=+1>


stong dang / mngon par shes pa mngon par bsgrub pa brgya phrag stong yang rab tu 'thob bo/ /de ye shes de lta bu dang ldan pa'i blo dang / tshad med pa'i rjes su song ba'i dran pa mkhas pa dang ldan pa yin/ de phyogs bcu'i sangs rgyas bcom ldan 'das grangs med pa las skad cig yud tsam thang cig tu chos kyi snang ba chen po tshad med pa dang / chos kyi 'od chen po dang / chos kyi sprin chen po yang dag par 'dzin to/ /mos par byed do/ /yang dag par len to/ /bdag gir byed do/ /kye| rgyal ba'i sras dag/ 'di lta ste/ dper na/ rgya mtsho'i klu'i rgyal po'i sprin las rnam par bkye ba'i chu'i phung po chen po ni rgya mtsho chen po ma gtogs par sa'i phyogs gzhan gyis bzod pa'am/ bdag gir bya ba dang / blang ba'am/ gzung bar mi nus so| |kye| rgyal ba'i sras dag /de bzhin du de bzhin gshegs pa rnams kyi de bzhin gshegs pa'i gsang ba la 'jug pa dang / chos kyi snang ba chen po dang / chos kyi 'od chen po dang / chos kyi sprin chen po de dag ni sems can thams cad dang / nyan thos dang / rang sangs rgyas thams cad dang / sa dang po nye bar bzung ba yan chad sa dgu pa'i bar la gnas pa'i byang chub sems dpa' de dag gis kyang bzod pa'am/ blang ba'am/ yang dag par gzung ba'am/ bdag gir bya bar sla ba ma yin te/ byang chub sems dpa'i </font><hr>Ga212a<br><font size=+1>


@#/ /sa chos kyi sprin 'di la gnas pa'i byang chub sems dpa' ni de dag thams cad la mos par byed do/ /yang dag par len to/ /yang dag par 'dzin te| |bdag gir byed do/ /kye| rgyal ba'i sras dag /'di lta ste/ dper na/ rgya mtsho chen po ni klu'i rgyal po chen po gcig gi sprin chen po yang bzod do/ /len to/ /'dzin to/ / bdag gir byed do/ /klu'i rgyal po chen po gnyis dang / gsum nas tshad med pa'i bar gyi sprin chen po dag kyang skad cig yud tsam thang cig gis bzod do/ /len to/ /'dzin to| |bdag gir byed do/ /de ci'i phyir zhe na/ rgya mtsho chen po de tshad med par rgya che zhing yangs pa'i phyir ro/ /kye| rgyal ba'i sras dag /de bzhin du byang chub sems dpa'i sa chos kyi sprin 'di la gnas pa'i byang chub sems dpa' yang de bzhin gshegs pa gcig las kyang skad cig yud tsam thang cig tu chos snang ba chen po dang / chos kyi 'od chen po dang / chos kyi sprin chen po tshad med pa rnams bzod do/ /yang dag par len to/ /yang dag par 'dzin to/ /bdag gir byed do/ /de bzhin gshegs pa gnyis dang / gsum nas tshad med pa'i bar dag las kyang skad cig yud tsam thang cig tu chos kyi snang ba chen po dang / chos kyi 'od chen po dang / chos kyi sprin chen po tshad med pa bzod </font><hr>Ga212b<br><font size=+1>


do| |yang dag par 'dzin to/ /yang dag par len to/ /bdag gir byed do/ /de ci'i phyir zhe na/ sa 'di yang chos kyi sprin ces bya'o/ /byang chub sems dpa' rnam par grol ba'i zla bas smras pa/ kye| rgyal ba'i sras/ de bzhin gshegs pa ji snyed cig las byang chub sems dpa' skad cig yud tsam thang cig tu chos kyi snang ba chen po dang / chos kyi 'od chen po dang| chos kyi sprin chen po bzod par byed pa dang / yang dag par 'dzin pa dang / yang dag par len cing bdag gir byed pa de dag bgrang bar nus sam/ byang chub sems dpa' rdo rje'i snying pos smras pa/ kye| rgyal ba'i sras/ de bzhin gshegs pa 'di snyed cig las byang chub sems dpa' skad cig yud tsam thang cig tu chos kyi snang ba chen po dang / chos kyi 'od chen po dang / chos kyi sprin chen po bzod cing yang dag par len pa dang / yang dag par 'dzin cing bdag gir byed do/ /zhes grangs kyis shin tu bstan pa'i tshul du bgrang bar sla ba ma yin te/ 'on kyang dpe tsam du bstan par bya'o/ /kye|rgyal ba'i sras/ 'di lta ste/ dper na/ phyogs bcu'i 'jig rten gyi khams sangs rgyas kyi zhing brjod du med pa| bye ba khrag khrig brgya stong gi rdul shin tu phra ba snyed na/ sems can gyi khams ma lus pa'i tshul du ji snyed cig yod pa de dag las sems can gcig cig thos pa </font><hr>Ga213a<br><font size=+1>


@#/ /'dzin pa'i gzungs rab tu thob par gyur to/ /'di lta ste/ dper na/ bcom ldan 'das rdo rje pad+mo'i bla ma de bzhin gshegs pa dgra bcom pa yang dag par rdzogs pa'i sangs rgyas kyi dge slong rnam par rgyal ba chen po zhes bya ba bzhin du de bzhin gshegs pa'i zham ring ba nyan thos chen po thos pa 'dzin pa'i mchog tu phyin par gyur la| rnam pa de lta bu'i thos pa 'dzin pa'i stobs kyi shugs dang / sems can gcig po de ldan par gyur te/ sems can gcig po de ci 'dra ba de bzhin du 'jig rten gyi khams de dag thams cad kyi sems can thams cad dang ldan par gyur la/ gcig gis gang bzung ba de bzhin gyis bzung na/ kye| rgyal ba'i sras/ de la ji snyam du sems/ sems can de dag gi thos pa 'dzin pa'i shes pa de dag tshad med cing mang ba yin mod/ byang chub sems dpa' rnam par grol ba'i zla bas smras pa/ kye| rgyal ba'i sras/ sems can de dag gi thos pa 'dzin pa'i shes pa de ni mang ste/ tshad kyang med do/ /byang chub sems dpa' rdo rje'i snying pos smras pa/ kye|rgyal ba'i sras/ khyod kyis khong du chud pa dang yid ches par bya na/ de ltar byang chub sems dpa'i sa chos kyi sprin 'di la gnas pa'i byang chub sems dpa' ni de bzhin gshegs pa gcig las kyang skad cig yud tsam thang cig </font><hr>Ga213b<br><font size=+1>


tu chos kyi snang ba dang / 'od dang / sprin chen po chos kyi dbyings dus gsum gyi mdzod ces bya ba bzod cing yang dag par len to/ /yang dag par 'dzin to/ /bdag gir byed do/ / chos kyi snang ba dang / 'od dang / sprin chen po yang dag par 'dzin pa'i shes pa de la thos pa 'dzin pa'i shes pa snga mas brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang| rgyur yang nye bar mi 'gro ba nas/ bsgrun pa tsam gyi bar du yang mi chog go /de bzhin gshegs pa gcig las ji lta ba de bzhin du phyogs bcu'i 'jig rten gyi khams snga ma dag na rdul shin tu phra ba ji snyed pa de snyed kyi yang dag par rdzogs pa'i sangs rgyas rnams dang / de dag pas kyang ches mang zhing tshad med pa'i de bzhin gshegs pa rnams las skad cig yud tsam thang cig tu chos kyi snang ba dang / 'od dang / sprin chen po chos kyi dbyings dus gsum gyi mdzod ces bya ba bzod cing yang dag par len to/ /yang dag par 'dzin to| |bdag gir byed do/ /de bas na sa 'di yang chos kyi sprin ces bya'o/ /kye| rgyal ba'i sras/ gzhan yang byang chub sems dpa'i sa chos kyi sprin la gnas pa'i byang chub sems </font><hr>Ga214a<br><font size=+1>


@#/ /dpa' ni rang gi smon lam gyi stobs dang shugs kyis snying brtse ba dang / snying rje chen po'i sprin chos kyi snang ba chen po rab tu sgrog pa'i 'brug sgra shin tu sgrog pa mngon par shes pa dang / rig pa dang / mi 'jigs pa'i glog rnam par 'gyur ba 'od zer chen po'i rlung gis shin tu bskyod pa/ bsod nams dang ye shes kyi sprin gyi dra ba stug pos kun nas khebs pa/ lus sna tshogs kyi sprin gyi glog yang dag par ston pa/ chos kyi sgra chen po rab tu sgrog pa bdud kyi 'khor thams cad shin tu tshar gcod pa yongs su bslang ste/ skad cig yud tsam thang cig tu phyogs bcu'i 'jig rten snga ma de dag na rdul shin tu phra ba ji snyed yod pa de snyed kyi 'jig rten gyi khams kyang bye ba khrag khrig brgya stong dang| de dag pas kyang ches mang zhing tshad med pa'i 'jig rten gyi khams bye ba khrag khrig brgya stong rgyas par bkang ste/ dge ba'i bdud rtsi'i rgyun gyi char chen pos bsam pa ji lta ba bzhin du sems can rnams kyi mi shes pa las langs pa'i nyon mongs pa'i rdul gyi me lce thams cad rab tu zhi bar byed do/ /de bas na sa 'di'ang chos kyi sprin ces bya'o/ /kye| rgyal ba'i sras/ gzhan yang byang chub sems dpa'i sa chos kyi sprin la gnas pa'i byang chub sems dpa' ni/ 'jig rten gyi khams gcig tu yang dga' ldan gyi gnas na </font><hr>Ga214b<br><font size=+1>


bzhugs pa nas bzung ste/ 'pho ba dang / yum gyi skur bzhud pa dang / sku na bzhugs pa dang / tshe dang / mngon par 'byung ba dang / mngon par 'tshang rgya ba dang / gsol ba gdab pa dang / chos kyi 'khor lo chen po bskor ba dang / mya ngan las 'das pa chen po bstan pa'i bar du sems can gyi bsam pa'i tshul dang / 'dul ba'i tshul ji lta ba bzhin du de bzhin gshegs pa'i 'phrin las thams cad byin gyis rlob bo/ /de bzhin du 'jig rten gyi khams gnyis nas 'jig rten gyi khams snga ma de dag na rdul shin tu phra ba ji snyed yod pa de dag pas kyang ches mang ba'i 'jig rten gyi khams bye ba khrag khrig brgya stong tshad med pa'i bar dag tu yang dga' ldan gyi gnas na bzhugs pa nas bzung ste/ yongs su mya ngan las 'das pa chen po bstan pa'i bar du sems can rnams kyi bsam pa'i tshul dang / 'dul ba'i tshul ji lta ba bzhin du de bzhin gshegs pa'i 'phrin las thams cad byin gyis rlob bo/ /de de lta bu'i ye shes dang ldan zhing shin tu brtags pa'i mngon par shes pa chen po thob pas/ 'dod na 'jig rten gyi khams dog pa yangs par byin gyis rlob bo/ /yangs pa yang dog par byin gyis rlob bo/ /'dod na kun nas nyon mongs pa rnam par dag par byin gyis rlob bo/ /rnam par dag pa kun nas nyon mongs par byin gyis rlob bo/ /de bzhin du rgya chen po dang / </font><hr>Ga215a<br><font size=+1>


@#/ /shin tu yangs pa dang / tshad med pa dang / phra ba dang / tha gru chen po dang / snrel zhi dang / spyi'u tshugs dang / gzhi mnyam pa la sogs pa'i 'jig rten gyi khams thams cad kyang khyu mchog gi mthu phyung bas mngon par bsgrub pa de dang der byin gyis rlob bo/ /de 'dod na rdul shin tu phra ba gcig la 'jig rten gyi khams khor yug gi 'obs dang bcas pa rnam pa thams cad dang ldan pa gcig kyang byin gyis rlob ste/ rdul shin tu phra ba de yang mi 'phel la/ bya ba de dag kyang yongs su rton to/ /rdul shin tu phra ba gcig la 'jig rten gyi khams gnyis dang / gsum dang / bzhi dang / lnga nas 'jig rten gyi khams brjod du med pa'i bar du thams cad kyang khor yug gi 'obs dang bcas pa rnam pa thams cad dang ldan par byin gyis rlob ste/ rdul shin tu phra ba de yang mi 'phel la/ bya ba de dag kyang yongs su ston to/ /'dod na 'jig rten gyi khams gcig tu 'jig rten gyi khams gnyis kyi rgyan yongs su ston to/ /'dod na 'jig rten gyi khams brjod du med pa'i bar gyi rgyan yongs su ston to/ /'dod na 'jig rten gyi khams gcig gi rgyan 'jig rten gyi khams gnyis su yongs su ston to/ /'dod na 'jig rten gyi khams brjod du med pa dag tu yang yongs su ston to/ /'dod na 'jig rten gyi khams </font><hr>Ga215b<br><font size=+1>


brjod du med pa dag na/ sems can gyi khams ji snyed yod pa de dag thams cad 'jig rten gyi khams gcig tu sdud de/ sems can de dag la yang gnod par mi 'gyur ro/ /'dod na 'jig rten gyi khams gcig na/ sems can gyi khams ji snyed pa de dag 'jig rten gyi khams brjod du med par sdud de/ sems can de dag la yang gnod par mi 'gyur ro/ / 'dod na skra'i rtse mo gcig la sangs rgyas kyi yul gyi rgyan rnam pa thams cad dang ldan pa gcig ston to/ /'dod na sangs rgyas kyi yul gyi rgyan rnam pa thams cad dang ldan pa brjod du med pa'i bar du ston to/ /'dod na 'jig rten gyi khams brjod du med pa dag na/ rdul shin tu phra ba ji snyed yod pa de snyed kyi lus skad cig yud tsam thar cig tu shin tu sprul pa byed do/ /lus re re la yang de snyed kyi lag pa yongs su ston to/ /lag pa de dag gis kyang phyogs bcur sangs rgyas mchod pa rab tu byed de/ lag pa re res kyang me tog gi phung po chu klung gang+gA'i bye ma snyed sangs rgyas bcom ldan 'das de dag la mngon par 'thor ro/ /me tog ji lta ba bzhin du spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / de bzhin du rgyan thams cad kyang yongs su 'bul lo/ /lus re re la yang de snyed kyi mgo byin gyis rlob </font><hr>Ga216a<br><font size=+1>


@#/ /cing| mgo re re la yang de snyed kyi lce byin gyis brlabs te/ de dag gis kyang sangs rgyas bcom ldan 'das de dag gi yon tan shin tu rjod pa byed do| |sems bskyed pa re re la yang phyogs bcu rgyas par khyab par 'gro ste/ sems bskyed pa tsam gyis kyang mngon par rdzogs par byang chub pa tshad med pa nas mya ngan las 'das pa chen po'i rgyan gyi bar du byin gyis rlob bo/ /dus gsum gyi lus tshad med pa yang byin gyis rlob ste/ rang gi lus la sangs rgyas bcom ldan 'das tshad med pa rnams kyi sangs rgyas kyi zhing gi yon tan dang rgyan tshad med pa byin gyis rlob bo/ /'jig rten gyi khams 'jig pa dang / 'du ba thams cad kyang rang gi lus la byin gyis rlob bo/ /rlung gi dkyil 'khor thams cad kyang ba spu'i khung bu gcig nas gtong ste/ sems can rnams la yang gnod par mi byed do/ /'dod na chu'i phung po yan chad 'jig rten gyi khams gcig byin gyis rlob bo/ /der yang pad mo chen po byin gyis rlob bo/ /pad mo chen po de'i 'od rnam par phye bas kyang 'jig rten gyi khams mu med pa rgyas par gang bar byed de/ de la yang byang chub kyi shing chen po yongs su ston pa nas rnam pa'i mchog thams cad dang ldan pa'i thams cad mkhyen pa'i bar du yang dag par </font><hr>Ga216b<br><font size=+1>


ston to/ /rang gi lus la phyogs bcu'i nor bu dang / glog dang / nyi zla'i 'od byin gyis rlob pa nas/ snang ba dang 'od thams cad kyi bar du byin gyis rlob bo/ /kha'i dbugs kyis kyang phyogs re re'i 'jig rten gyi khams mtha' yas pa g.yo bar byed de/ sems can rnams 'jigs par yang mi byed do/ /phyogs bcur rlung gis 'jig pa dang / mes 'jig pa dang / chus 'jig pa yang byin gyis rlob la/ 'dod na sems can thams cad bsam pa bzhin du gzugs kyi lus dang / gnas yongs su brgyan par byin gyis rlob bo/ /rang gi lus la de bzhin gshegs pa'i sku byin gyis rlob ste/ de bzhin gshegs pa'i sku la rang gi lus byin gyis rlob bo/ /de bzhin gshegs pa'i sku la rang gi sangs rgyas kyi zhing byin gyis rlob bo/ /rang gi sangs rgyas kyi zhing du de bzhin gshegs pa'i sku byin gyis rlob bo/ /kye| rgyal ba'i sras/ de ltar byang chub sems dpa'i sa chos kyi sprin la gnas pa'i byang chub sems dpa' ni rdzu 'phrul dang / rnam par 'phrul pa 'di dag dang / gzhan yang bye ba khrag khrig brgya stong tshad med pa yongs su ston to/ /de nas 'khor de'i byang chub sems dpa' la la dang / lha dang / klu dang / gnod sbyin dang / dri za dang / lha ma yin dang / brgya byin dang / tshangs pa dang / 'jig rten gyi mgon po dang / dbang </font><hr>Ga217a<br><font size=+1>


@#/ /phyug chen po dang / gtsang ma'i gnas su gtogs pa kha cig 'di snyam du sems te de ltar de ste/ byang chub sems dpa'i rdzu 'phrul mngon par 'du bya ba'i spyod yul yang de ltar tshad med na/ de bzhin gshegs pa rnams kyi rdzu 'phrul gyi rnam pa ci 'dra ba zhig yod snyam pa dang / de nas byang chub sems dpa' rnam par grol ba'i zla bas 'khor de dag gi sems dang bsam pa'i rgyud shes nas/ byang chub sems dpa' rdo rje'i snying po la 'di skad ces smras so/ /kye/ rgyal ba'i sras/ 'khor 'di dag the tshom du gyur na/ de dag gi the tshom gcod pa'i phyir byang chub sems dpa'i cho 'phrul rnam par phye ba cung zad cig mi bstan tam// //bam po lnga bcu gsum pa/ de nas byang chub sems dpa' rdo rje'i snying po de'i tshe/ byang chub sems dpa'i ting nge 'dzin sangs rgyas kyi zhing thams cad kyi lhun dang / rang bzhin yang dag par ston pa zhes bya ba la snyoms par zhugs so/ /de ltar byang chub sems dpa' rdo rje'i snying po/ byang chub sems dpa'i ting nge 'dzin sangs rgyas kyi zhing thams cad kyi lhun dang / rang bzhin yang dag par ston pa la snyoms par zhugs ma thag tu de nas de nyid kyi tshe/ byang chub sems dpa'i 'khor de dag thams cad dang / lha dang / klu dang / gnod sbyin dang / </font><hr>Ga217b<br><font size=+1>


dri za dang / lha ma yin dang / brgya byin dang / tshangs pa dang / 'jig rten gyi mgon po dang / dbang phyug chen po dang / gtsang ma'i gnas kyi ris su gtogs pa'i 'khor de dag thams cad| byang chub sems dpa' rdo rje'i snying po'i lus kyi nang na 'khod par rang rang gis shes par gyur te/ der sangs rgyas kyi zhing mngon du grub par shes so/ /sangs rgyas kyi zhing de'i rnam pa dang / rgyan ji snyed pa de dag kyang bskal pa khrag khrig tshang bas kyang brjod par mi nus par mthong ste/ der byang chub kyi shing stong gsum brgya stong phrag bcur khyab pa'i lhun can/ stong gsum khrag khrig yongs su tshang ba tsam du yangs shing tshad med pa'i yal ga can rtse mo shin tu mtho ba byung ste/ de dang rkyen du 'bab par de'i drung gi snying po byang chub la seng ge'i khri rgya chen po byung nas/ de la de bzhin gshegs pa mngon par shes pa'i blo gros thams cad kyi rgyal po zhes bya ba snying po byang chub tu gshegs te bzhugs pa mthong ngo / /de ltar de na rgyan ji snyed snang bar gyur pa de dag ni bskal pa khrag khrig yongs su tshang bas kyang brjod par dka'o/ /des cho 'phrul chen po 'di bstan nas/ byang chub sems dpa'i 'khor de dag thams cad dang / lha dang / klu dang / gnod sbyin dang / dri za dang / lha ma yin dang / brgya byin dang / tshangs pa dang / 'jig rten gyi </font><hr>Ga218a<br><font size=+1>


@#/ /mgon po dang / dbang phyug chen po dang / gnas gtsang ma'i ris su gtogs pa'i 'khor de dag thams cad so so'i gnas ji bzhin du bkod pa dang / de nas 'khor de dag thams cad ngo mtshar dang / rmad du gyur nas mi smra bar byang chub sems dpa' rdo rje'i snying po de nyid la sems shing 'khod par gyur to/ /de nas byang chub sems dpa' rnam par grol ba'i zla bas/ byang chub sems dpa' rdo rje'i snying po la 'di skad ces smras so/ /kye| rgyal ba'i sras/ ting nge 'dzin 'di'i mthu rnam par bkod pa de ni rmad du byung bar ngo mtshar che na/ kye| rgyal ba'i sras/ ting nge 'dzin de'i ming ci zhes bya/ byang chub sems dpa' rdo rje'i snying pos smras pa/ kye| rgyal ba'i sras/ ting nge 'dzin 'di ni sangs rgyas kyi zhing thams cad kyi lhun dang rang bzhin yang dag par ston pa zhes bya'o/ /byang chub sems dpa' rnam par grol ba'i zla bas smras pa/ kye| rgyal ba'i sras/ 'o na ting nge 'dzin 'di'i spyod yul dang / yul dang / rgyan ji lta bu yin/ byang chub sems dpa' rdo rje'i snying pos smras pa/ kye|rgyal ba'i sras/ byang chub sems dpa'i ting nge 'dzin 'di la shin tu goms pa ni/ 'dod na sangs rgyas kyi zhing 'di 'dra ba 'jig rten gyi khams chu klung gang+gA'i bye ma snyed dam/ de bas kyang mang du rang gi lus la ston to// </font><hr>Ga218b<br><font size=+1>


kye| rgyal ba'i sras/ byang chub sems dpa'i sa chos kyi sprin la gnas pa'i byang chub sems dpas ni/ byang chub sems dpa'i ting nge 'dzin 'di 'dra ba brgya stong shin tu mang pa rab tu 'thob ste/ de bas byang chub sems dpa' de'i lus sam/ lus kyi las ni byang chub sems dpa' rgyal tshab kyi go 'phang thob cing / byang chub sems dpa'i sa legs pa'i blo gros la gnas pa dag gis kyang shes par sla ba ma yin no/ /ngag gam/ ngag gi las kyang shes par sla ba ma yin no/ /yid dam/ yid kyi las kyang shes par sla ba ma yin no/ /rdzu 'phrul shes par sla ba ma yin no/ /dus gsum la rnam par lta ba shes par sla ba ma yin no/ /ting nge 'dzin gyi spyod yul la 'jug pa shes par sla ba ma yin no/ /ye shes kyi yul shes par sla ba ma yin no/ /rnam par thar pas rnam par rol pa shes par sla ba ma yin no/ /'phrul pa'i las shes par sla ba ma yin no/ /byin gyi rlabs kyi las shes par sla ba ma yin no/ /mtha'i las shes par sla ba ma yin pa nas/ mdor bsdu na gom pa 'dor zhing 'degs pa'i las kyi bar du yang byang chub sems dpa' rgyal tshab kyi go 'phang thob cing / byang chub sems dpa'i sa legs pa'i blo gros la gnas pa rnams kyis kyang shes par sla ba ma yin te/ kye| rgyal ba'i sras/ byang chub sems dpa'i sa </font><hr>Ga219a<br><font size=+1>


@#/ /chos kyi sprin 'di ni mdor bsdus te bstan na yang de ltar tshad med pa ste/ rgya cher ni bskal pa brgya stong grangs med pas kyang bstan pa'i mthar thug par mi 'gyur bar shes par bya'o/ /byang chub sems dpa' rnam par grol ba'i zla bas smras pa/ kye/ rgyal ba'i sras/ byang chub sems dpa' rnams kyi spyod pa'i yul dang / byin gyi rlabs kyang de ltar tshad med na/ de bzhin gshegs pa rnams kyi spyod yul dang / yul gyi rgyud ci 'dra ba zhig yod/ byang chub sems dpa' rdo rje'i snying pos smras pa/ kye/ rgyal ba'i sras/ 'di lta ste/ dper na/ mi la la zhig gis gling bzhi pa'i 'jig rten gyi khams nas rde'u rgya shug gi tshig gu tsam gnyis sam/ gsum zhig blangs te/ 'jig rten gyi khams mtha' yas pa dag na/ sa'i khams ji snyed yod pa rdo ba 'di las ji tsam zhig gis lhag par 'phags shing lhag par tshad med ces zer ba zhig yod na/ kye/ rgyal ba'i sras/ de ltar khyod de bzhin gshegs pa dgra bcom pa yang dag par rdzogs pa'i sangs rgyas ye shes tshad med pa mnga' ba rnams kyi chos nyid byang chub sems dpa'i chos nyid kyis 'jal ba ni/ khyod kyi tshig 'di de dang 'dra bar bdag gis dpags so/ /kye/ rgyal ba'i sras/ ji ltar gling bzhi pa'i 'jig </font><hr>Ga219b<br><font size=+1>


rten gyi khams nas gang blangs pa'i sa'i khams cung zad la lhag ma las tshad med pa de bzhin du/ kye/ rgyal ba'i sras/ byang chub sems dpa'i sa chos kyi sprin 'di kho na yang bskal pa grangs med par shin tu bstan kyang phyogs tsam zhig bstan du zad na/ de bzhin gshegs pa'i sa lta smos su 'ang ga la yod/ kye/ rgyal ba'i sras/ khyod kyis khong du chud pa dang / yid ches par bya na/ de bzhin gshegs pa 'di bdag gi mdun na dbang du bzhugs te/ kye/ rgyal ba'i sras/ gal te phyogs bcu'i phyogs re re'i sangs rgyas kyi zhing 'jig rten gyi khams mu med pa'i rdul shin tu phra ba ji snyed cig sa 'di lta bu thob pa'i byang chub sems dpa' rnams kyis bu ram shing gi tshal lam/ smig ma'i tshal lam/ 'od ma'i tshal lam/ til gyi zhing thibs po bzhin du/ yongs su gang bar gyur kyang / byang chub sems dpa'i spyod pa mngon par bsgrub pa/ bskal pa mu med par mngon par bsgrubs pa de dag gis ni de bzhin gshegs pa'i ye shes skad cig yud tsam thang cig tu byung ba'i de bzhin gshegs pa'i yul gyi brgya'i char yang nye bar mi 'gro'o/ /stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya </font><hr>Ga220a<br><font size=+1>


@#/ /stong gi char yang nye bar mi 'gro ba nas/ grangs dang / cha dang / bgrang ba dang / dpe dang / rgyu dang / bsgrun pa tsam du yang nye bar mi 'gro'o/ /kye| rgyal ba'i sras/ de ltar ye shes de lta bu dang ldan pa'i byang chub sems dpa' de bzhin gshegs pa'i sku dang / gsung dang / thugs dang gnyis su med pa ni/ byang chub sems dpa'i ting nge 'dzin gyi stobs kyang yongs su mi gtong la/ sangs rgyas blta ba dang / mchod pa dang / rim gro yang rab tu byed de/ bskal pa re re la yang de bzhin gshegs pa mtha' yas pa la mchod pa rnam pa thams cad du mngon par bsgrub pa'i mchod pa rgya chen po'i rjes su song bas mchod pa byed do/ /sangs rgyas bcom ldan 'das de dag gi byin gyi rlabs kyi snang ba yang yang dag par 'dzin to/ /de ni sngon pas kyang bskal pa du ma dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba brgya stong phrag du ma dang / bskal pa khrag khrig du ma dang / bskal pa khrag khrig brgya phrag du ma dang / bskal pa khrag khrig stong phrag du ma dang / bskal pa khrag khrig brgya stong phrag du ma dang / bskal pa bye ba khrag khrig brgya stong phrag du mar chos kyi dbyings yongs su dris pa shin tu bstan </font><hr>Ga220b<br><font size=+1>


pas mi 'phrogs par gnas so/ /kye| rgyal ba'i sras dag/ 'di lta ste/ dper na/ lha rdzas kyi rgyan gyi rnam pa mgar bas ma brdungs pa rin po che'i dam pas spras pa/ lha'i rgyal po dbang sgyur gyi yan lag gi dam pa mgo'am/ mgul du btags na/ de ma yin pa'i lha dang / mi'i rgyan gyi rnam pa gzhan gyis mi 'phrogs shing mi thub pa yin/ kye| rgyal ba'i sras/ de bzhin du byang chub sems dpa'i sa bcu pa chos kyi sprin 'di thob pa'i byang chub sems dpa'i ye shes kyi rgyud de dag kyang sems can thams cad dang / nyan thos dang / rang sangs rgyas thams cad dang / byang chub sems dpa'i sa dang po nye bar bzung ba yan chad byang chub sems dpa'i sa dgu pa thob pa'i bar gyi byang chub sems dpa' rnams kyis kyang mi 'phrogs pa yin/ byang chub sems dpa'i sa 'di la gnas pa'i ye shes snang ba ni sems can rnams thams cad mkhyen pa'i ye shes la gzud pa'i rgyu yin te/ de ma yin pa'i ye shes snang ba gzhan gyis mi 'phrogs so/ /kye| rgyal ba'i sras/ 'di lta ste/ dper na/ lha'i rgyal po dbang phyug chen po'i 'od kyis ni skye ba'i skye mched thams cad du'ang khyab la/ sems can rnams kyi lus kyang sim par byed do/ /kye| rgyal ba'i sras/ de bzhin du byang chub sems dpa'i sa bcu pa 'di </font><hr>Ga221a<br><font size=+1>


@#/ /la gnas pa'i byang chub sems dpa'i ye shes snang ba yang nyan thos dang / rang sangs rgyas thams cad dang / byang chub sems dpa'i sa dang po nye bar bzung ba yan chad byang chub sems dpa'i sa dgu pa la gnas pa'i bar gyi byang chub sems dpa' rnams kyis kyang mi 'phrogs pa yin/ thams cad mkhyen pa'i ye shes kyi bar gyi chos nyid la yang sems can rnams rab tu gzhog go/ kye| rgyal ba'i sras/ byang chub sems dpa'i ye shes de lta bu dang ldan pa la ni/ sangs rgyas bcom ldan 'das rnams kyis dus gsum gyi ye shes yang dag par bstan to/ /chos kyi dbyings rab tu phye ba'i ye shes dang / 'jig rten gyi khams thams cad rgyas par dgang ba dang / 'jig rten gyi khams thams cad du snang bar byin gyis brlab pa dang / sems can thams cad dang / zhing gi chos yongs su shes par bya ba dang / sems can thams cad kyi sems dang / spyod pa la 'jug pa'i ye shes nas/ mdor bsdu na thams cad mkhyen pa'i ye shes thob par bya ba'i bar du yang dag par bstan to/ /de'i pha rol tu phyin pa bcu las ye shes kyi pha rol tu phyin pa'i shas che ba yin te/ kye| rgyal ba'i sras/ 'di ni byang chub sems dpa' rnams kyi chos kyi sprin ces bya ba/ byang chub sems </font><hr>Ga221b<br><font size=+1>


dpa'i sa bcu pa mdor bstan pa'o/ /rgya cher ni bskal ba grangs med pa mu med pas bstan pa'i mthar thug par shes par bya'o/ /de la gnas pa'i byang chub sems dpa' ni phal cher lha'i rgyal po dbang phyug chen por 'gyur te/ sems can rnams la nyan thos dang / rang sangs rgyas dang / byang chub sems dpa'i pha rol tu phyin pa bstan pa la mkhas shing mthu yod pa yin/ chos kyi dbyings rnam par phye ba yongs su dris pa bstan pas mi 'phrogs pa yin/ sbyin pa'am/ ngag snyan pa'am/ don bsgrub pa'am/ don mthun pas dge ba'i rtsa ba gang ji rtsom yang rung ste/ de thams cad ji ltar na sems can thams cad kyi mchog tu 'gyur/ gtso bor 'gyur/ thu bor 'gyur/ phul du 'gyur/ dam par 'gyur/ bla na med par 'gyur/ 'dren par 'gyur/ yongs su 'dren par 'gyur ba nas/ thams cad mkhyen pa'i ye shes la brten pa'i bar du 'gyur snyam te/ sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / byang chub sems dpa'i sa yid la bya ba dang / pha rol tu phyin pa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la </font><hr>Ga222a<br><font size=+1>


@#/ /bya ba nas/ rnam pa'i mchog thams cad dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ de 'dod na skad cig yud tsam thang cig tu ting nge 'dzin sangs rgyas kyi zhing brjod du med pa bya ba khrag khrig brgya stong phrag bcu'i rdul shin tu phra ba snyed rab tu 'thob cing / de dag la snyoms par 'jug pa dang / sangs rgyas sangs rgyas kyi zhing brjod du med ba bye ba khrag khrig brgya stong phrag bcu'i rdul shin tu phra ba snyed mthong ba dang / de dag gi byin gyi rlabs kyang yang dag par shes pa dang / 'jig rten gyi khams sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed skyod pa dang / sangs rgyas kyi zhing sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed du 'gro ba dang / 'jig rten gyi khams sangs rgyas kyi zhing brjod du med pa byed pa khrag khrig brgya stong phrag bcu'i rdul shin tu phra ba snyed snang bar bya ba dang / sems can sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed yongs su smin par bya ba dang / bskal pa sangs rgyas kyi zhing brjod du med pa bye ba khrag khrig brgya stong </font><hr>Ga222b<br><font size=+1>


phrag bcu'i rdul shin tu phra ba snyed du gnas par bya ba dang / sngon gyi mtha' dang / phyi ma'i mtha'i bskal ba sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba la rab tu 'jug pa dang / chos kyi sgo sangs rgyas kyi zhing brjod du med pa byed pa khrag khrig brgya stong phrag bcu'i rdul shin tu phra ba snyed rnam par dbye bar bya ba dang / lus sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed yongs su bstan pa dang / lus re re la yang byang chub sems dpa'i 'khor sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed yang dag par bstan pa'i brtson 'grus kyi rnam pa de lta bu rtsom mo/ /de yang chad byang chub sems dpa' smon lam gyi mthu can rnams smon lam gyi khyad par gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ rgyan tam/ byin gyi rlabs sam/ mos pa'am/ mngon par 'du byed pa dag kyang bskal pa du ma dang / bskal ba brgya phrag du ma dang / bskal ba stong phrag du ma dang / bskal ba brgya stong phrag du ma'i bar gyis kyang bgrang bar dka'o/ /kye| rgyal ba'i sras/ bya </font><hr>Ga223a<br><font size=+1>


@#/ /chub sems dpa'i sa bcu pa de dag ni/ rim gyis mngon du gzhol bas thams cad mkhyen pa'i ye shes la rnam pa thams cad rjes su song bar blta'o/ /kye| rgyal ba'i sras/ 'di lta ste/ dper na/ mtsho chen po ma dros pa las byung ba'i 'bab chu ni chu klung chen po'i rgyud kyi sgo bzhis 'dzam bu'i gling yongs su ngoms par byas nas mi zad par byas te/ gong du rnam par 'phel ba dang / rgya mtsho chen po'i bar du zhen par 'gyur te/ chu de ni thog ma nas kyang rgya mtsho chen po la mngon par gzhol ba yin te/ kye| rgyal ba'i sras/ de bzhin du byang chub kyi sems las byung ba'i dge ba'i rtsa ba'i chu 'bab pa yang smon lam chen po'i chu klung gi rgyun gyi sgo nas bsdu ba'i dngos po bzhis sems can gyi khams ngoms par byas te/ mi zad par byas nas gong du rnam par 'phel ba dang / rnam pa thams cad du thams cad mkhyen pa'i ye shes kyi bar gyi rgya mtsho chen po la zhen par 'gyur te/ dge ba'i rtsa ba'i chu de ni thog ma nas kyang thams cad mkhyen pa nyid kyi rgya mtsho chen po la mngon par gzhol ba yin/ kye| rgyal ba'i sras/ byang chub sems dpa'i sa bcu po de dag ni/ sangs rgyas kyi ye shes kyi gzhi las yod par 'gyur te/ kye| rgyal ba'i sras/ </font><hr>Ga223b<br><font size=+1>


'di lta ste/ dper na/ sa chen po'i gzhi las ri'i rgyal po chen po bcu yod par gyur pa 'di lta ste/ ri'i rgyal po chen po kha ba can dang / ri'i rgyal po chen po spos kyi ngad can dang ri'i rgyal po chen po rnam par 'dal ba dang / ri'i rgyal po chen po drang srong ri dang / ri'i rgyal po chen po gnya' shing 'dzin dang / ri'i rgyal po chen po rta rna ri dang / ri'i rgyal po chen po sa 'dzin dang / ri'i rgyal po chen po khor yug dang / ri'i rgyal po chen po dpal can dang / ri'i rgyal po chen po ri rab bo/ /kye/ rgyal ba'i sras/ de la 'di lta ste/ dper na/ ri'i rgyal po chen po kha ba can ni/ sman gyi rnam pa thams cad kyi 'byung gnas te/ sman sna tshogs thams cad blang bas mthar thug pa med do/ /kye| rgyal ba'i sras| de bzhin du byang chub sems dpa'i sa rab tu dga' ba la gnas pa'i byang chub sems dpa' yang 'jig rten pa'i gtsug lag dang / tshig dang / sngags dang / rig pa'i gnas kyi 'byung gnas yin te/ 'jig rten pa'i gtsug lag dang / tshig dang / sngags dang / rig pa'i gnas bstan pas mthar thug pa med do/ /kye| rgyal ba'i sras/ 'di lta ste/ dper na/ ri'i rgyal po chen po spos kyi ngad can ni/ spos kyi rnam pa thams cad kyi 'byung gnas yin te/ spos kyi rnam pa sna tshogs blang pas mthar thug </font><hr>Ga224a<br><font size=+1>


@#/ /pa med do/ /kye| rgyal ba'i sras/ de bzhin du byang chub sems dpa'i sa dri ma dang bral ba la gnas pa'i byang chub sems dpa' yang byang chub sems dpa'i tshul khrims dang / sdom pa dang / tshul thams cad kyi 'byung gnas yin te/ byang chub sems dpa'i tshul khrims dang / sdom pa dang / tshul rnam pa sna tshogs kyi spos kyi mthar thug pa med do/ /kye| rgyal ba'i sras/ 'di lta ste/ dper na/ ri'i rgyal po rnam par 'dal ba ni/ rin po che'i rang bzhin shin tu dag pa/ rin po che'i rnam pa thams cad kyi 'byung gnas yin te| rin po che rnam pa sna tshogs thams cad blang bas zad pa med do/ /kye| rgyal ba'i sras/ de bzhin du byang chub sems dpa'i sa 'od byed pa la gnas pa'i byang chub sems dpa' yang 'jig rten ba'i bsam gtan dang / mngon par shes pa dang / rnam par thar pa dang / ting nge 'dzin dang / snyoms par 'jug pa rnams kyi 'byung gnas yin te/ 'jig rten pa'i bsam gtan dang / mngon par shes pa dang / rnam par thar pa dang / ting nge 'dzin dang / snyoms par 'jug pa yongs su dris pa bstan pas zad pa med do/ /kye| rgyal ba'i sras/ 'di lta ste/ dper na/ ri'i rgyal po chen po drang srong ri ni/ rin po che'i rang bzhin rnam par </font><hr>Ga224b<br><font size=+1>


dag pa/ drang srong mngon par shes pa lnga dang ldan pa'i 'byung gnas yin te/ mngon par shes pa lnga dang ldan pa'i drang srong bgrang bas zad pa med do/ /kye| rgyal ba'i sras/ de bzhin du byang chub sems dpa'i sa 'od 'phro ba can gnas pa'i byang chub sems dpa' yang lam dang lam ma yin pa'i khyad dang / bye brag shes pa thams cad kyi 'byung gnas yin te/ lam dang lam ma yin pa'i khyad dang / bye brag gi rgyud yongs su dris pa yongs su bstan pas zad par mi 'gyur ro/ /kye| rgyal ba'i sras/ 'di lta ste/ dper na/ ri'i rgyal po chen po gnya' shing 'dzin ni/ rin po che'i rang bzhin rnam par dag pa/ gnod sbyin rdzu 'phrul chen po dang ldan pa rnams kyi 'byung gnas yin te/ gnod sbyin rdzu 'phrul chen po can bgrang bas zad pa med do/ /kye| rgyal ba'i sras/ de bzhin du byang chub sems dpa'i sa shin tu rgyal bar dka' ba la gnas pa'i byang chub sems dpa' yang mngon par shes pa dang / rdzu 'phrul dang / rnam par 'phrul pa dang / cho 'phrul thams cad kyi 'byung gnas yin te/ mngon par shes pa dang / rdzu 'phrul dang / rnam par 'phrul ba dang / cho 'phrul yongs su dris pa bstan pa zad pa med do/ /kye| rgyal ba'i sras/ 'di lta ste/ dper na/ ri'i rgyal po chen po rta rna ri ni/ </font><hr>Ga225a<br><font size=+1>


@#/ /rin po che'i rang bzhin rnam par dag pa/ shing tog gi rnam pa thams cad kyi 'byung gnas yin te/ shing tog rnam pa sna tshogs thams cad blang bas zad par mi 'gyur ro/ /kye| rgyal ba'i sras/ de bzhin du byang chub sems dpa'i sa mngon sum la gnas pa'i byang chub sems dpa' yang rten cing 'brel bar 'byung ba la 'jug pa shin tu bstan pa'i 'byung gnas yin te/ nyan thos kyi 'bras bu mngon par khong du chud par bya ba yongs su dris pa bstan pas zad pa med do/ / kye| rgyal ba'i sras/ 'di lta ste/ dper na/ ri'i rgyal po chen po sa 'dzin ni/ rin po che'i rang bzhin rnam par dag pa/ klu rdzu 'phrul chen po dang ldan pa rnams kyi 'byung gnas yin te/ klu rdzu 'phrul chen po can bgrang bas zad pa med do/ /kye| rgyal ba'i sras/ de bzhin du byang chub sems dpa'i sa ring du song ba las gnas pa'i byang chub sems dpa' yang thabs dang shes rab shin tu bstan pa'i 'byung gnas yin te/ rang sangs rgyas kyi 'bras bu mngon par khong du chud par bya ba yongs su dris pa bstan pas zad pa med do/ /kye| rgyal ba'i sras/ 'di lta ste/ dper na/ ri'i rgyal po chen po khor yug ni/ rin po che chen po'i rang bzhin rnam par dag pa/ dbang du gyur </font><hr>Ga225b<br><font size=+1>


pa rnams kyi 'byung gnas yin te/ dbang du gyur pa bgrang bas zad pa med do/ /kye| rgyal ba'i sras/ de bzhin du byang chub sems dpa'i sa mi g.yo ba la gnas pa'i byang chub sems dpa' yang byang chub sems dpa'i dbang mngon par sgrub pa yongs su dris pa shin tu bstan pa'i 'byung gnas yin te/ 'jig rten gyi khams rnam par phye ba yongs su dris pa bstan pas zad pa med do/ /kye| rgyal ba'i sras/ 'di lta ste/ dper na/ ri'i rgyal po dpal dang ldan pa ni/ rin po che'i rang bzhin rnam par dag pa/ lha ma yin rdzu 'phrul chen po dang ldan pa rnams kyi 'byung gnas yin te/ lha ma yin rdzu 'phrul chen po can bgrang bas zad pa med do/ /kye| rgyal ba'i sras/ de bzhin du byang chub sems dpa' sa legs pa'i blo gros la gnas pa'i byang chub sems dpa' yang sems can 'byung ba dang / 'jig pa shes pa'i rgyud thams cad kyi 'byung gnas yin te/ 'gro ba thams cad 'byung ba yongs su dris pa bstan pas zad pa med do/ /kye| rgyal ba'i sras/ 'di lta ste/ dper na/ ri'i rgyal po chen po ri rab ni/ rin po che'i rang bzhin rnam par dag pa/ lha rdzu 'phrul chen po dang ldan pa rnams kyi 'byung gnas yin te/ lha rdzu 'phrul chen po can bgrang bas zad pa med do/ /kye| rgyal ba'i sras/ de bzhin </font><hr>Ga226a<br><font size=+1>


@#/ /du| byang chub sems dpa'i sa chos kyi sprin la gnas pa'i byang chub sems dpa' yang de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa rnams kyi 'byung gnas yin te/ sangs rgyas kyi 'phrin las yang dag par bstan pa yongs su dris pa bstan pas zad pa med do/ / kye| rgyal ba'i sras/ ji ltar rin po che'i ri chen po de dag rgya mtsho chen po las byung zhing / rgya mtsho chen po las smos pa de bzhin du/ kye| rgyal ba'i sras/ byang chub sems dpa'i sa bcu po 'di dag kyang thams cad mkhyen pa nyid las byung ba'o/ /thams cad mkhyen pa nyid las smos pa'o/ /kye| rgyal pa'i sras/ 'di lta ste/ dper na| rgya mtsho chen po ni rnam pa bcus mi 'phrogs pa'i phyir rgya mtsho'i grangs su 'gro ste/ bcu gang zhe na/ 'di lta ste/ rim gyis gzhol ba dang / shi ba'i ro dang mi 'grogs pa dang / chu gzhan gyi grangs yongs su spangs pa dang / ro gcig pa dang / rin po che mang ba dang / zab cing gting ring ba dang / yangs shing tshad med pa dang / 'byung po mang po'i gnas su gyur pa dang / dbres kyi tshul las mi 'da' ba dang / sprin chen po'i char thams cad yongs su 'dzin pas mi ngoms pa'o// </font><hr>Ga226b<br><font size=+1>


kye| rgyal ba'i sras/ de bzhin du byang chub sems dpa' yang spyod pa'i rnam pa bcus mi 'phrogs pa'i grangs su 'gro'o/ /bcu gang zhe na/ 'di lta ste/ byang chub sems dpa'i sa rab tu dga' ba la smon lam chen po rim gyis mngon par bsgrub pas gzhol ba dang / byang chub sems dpa'i sa dri ma dang bral ba la tshul khrims ngan pa'i ro dang mi 'grogs pa dang / byang chub sems dpa'i sa 'od byed pa la 'jig rten pa rnam par gdags pa'i grangs yongs su spangs pa dang / byang chub sems dpa'i sa 'od 'phro ba can la sangs rgyas la mos pa mi phyed pa'i ro gcig pa dang / byang chub sems dpa'i sa shin tu rgyal bar dka' ba la thabs dang / mngon par shes pa tshad med pas 'jig rten gyi bya ba mngon par bsgrub pa'i rin po che mang ba dang / byang chub sems dpa'i sa mngon sum la rten cing 'brel par 'byung ba rab tu brtag pas shin tu zab pa dang / byang chub sems dpa'i sa ring du song ba la blo dang / rnam par 'byed pa dang / mkhas pa yangs shing tshad med pa dang / byang chub sems dpa'i sa mi g.yo ba la rgyan chen po mngon par bsgrub pa yang dag par bstan pa'i 'byung po mang po gnas pa dang / byang chub sems dpa'i sa legs pa'i blo gros la rnam </font><hr>Ga227a<br><font size=+1>


@#/ /par thar pa zab mo dang / 'gro ba thams cad kyi spyod pa ji lta ba bzhin du khong du chud pa'i tshul gyis dbres las mi 'da' ba dang / byang chub sems dpa'i sa chos kyi sprin la de bzhin gshegs pa thams cad kyi chos snang ba'i sprin chen po'i char yang dag par bzung bas mi ngoms pa'o/ /kye| rgyal ba'i sras / 'di lta ste/ dper na/ nor bu rin po che ni/ rin po che'i mkhan po mkhas pas shin tu bsregs/ shin tu bsgrubs/ shin tu sbyangs/ shin tu dag par byas/ /legs par phug /rin po che'i srad bus legs par btags/ rin po che bai DUR+Ya'i rtsa ba'i rgyal mtshan gyi rtse mo la bzhag ste/ 'od thams cad 'byung bar gyur la rgyal pos bsngags par gyur te/ rin po che'i rigs bcu las 'das shing shin tu 'phags par gyur pa de'i tshe/ sems can thams cad la rin po ches phan gdags pa'i don du nye bar gnas pa yin/ kye| rgyal ba'i sras/ de bzhin du byang chub sems dpa'i thams cad mkhyen pa nyid kyi sems rin po che bskyed pa yang sbyangs pa'i yon tan gyi sdom pa dang / tshul khrims dang / brtul zhugs dang / dka' thub kyis shin tu bsregs/ bsam gtan dang / rnam par thar pa dang / ting nge 'dzin dang / </font><hr>Ga227b<br><font size=+1>


snyoms par 'jug pas shin tu bsgrubs/ lam gyi yan lag gi rnam pas shin tu sbyangs/ thabs dang mngon par shes pas shin tu dag par byas/ rten cing 'brel bar 'byung bas shin tu phug/ thabs dang shes rab rin po che sna tshogs kyi srad bus shin tu btags/ dbang gi rin po che bai DUR+Ya'i yu ba'i rgyal mtshan gyi rtse mo la bzhag / sems can gyi spyod pa rab tu brtags pa dang / thos pa'i ye shes kyi 'od rab tu 'byung bar 'gyur te/ chos kyi rgyal po de bzhin gshegs pas yang dag par rdzogs pa'i sangs rgyas kyi ye shes kyi mngon par dbang bskur bas dbang bskur bar gyur pa de'i tshe/ sems can thams cad la sangs rgyas kyi 'phrin las rin po che chen po thams cad kyis yang dag par phan gdags pa'i don du nye bar gnas pa yin te/ de'i tshe thams cad mkhyen pa zhes kyang bya'o/ /kye| rgyal ba'i sras/ byang chub sems dpa'i spyod pa yang dag par bsgrub cing / rnam pa thams cad du thams cad mkhyen pa'i ye shes dang / yon tan yang dag par bsags pa'i chos kyi sgo'i rgyud 'di ni/ sems can dge ba'i rtsa ba ma bskyed pa rnams kyi rna lam du grag par mi 'gyur ro/ /byang chub sems dpa' rnam par grol ba'i zla bas smras pa/ kye| rgyal ba'i sras/ 'o na rnam pa thams </font><hr>Ga228a<br><font size=+1>


@#/ /cad du thams cad mkhyen pa'i ye shes dang / yon tan yang dag par bsags pa'i chos kyi sgo'i rgyud 'di gang gi rna lam du grag par gyur pa de dag bsod nams kyi tshogs ci tsam zhig dang ldan par 'gyur/ byang chub sems dpa' rdo rje'i snying pos smras pa/ kye| rgyal ba'i sras/ thams cad mkhyen pa'i ye shes kyi mthu ji tsam pa de snyed kyi bsod nams kyi tshogs ni thams cad mkhyen pa nyid du sems bskyed cing bsgrub par dmigs pa la yod de/ chos kyi sgo'i rgyud 'di grag cing mngon par gyur pa'i bsod nams kyi tshogs kyang de tsam du shes par bya'o/ /de ci'i phyir zhe na/ kye| rgyal ba'i sras/ rnam pa thams cad du thams cad mkhyen pa'i ye shes dang / yon tan yang dag par bsags pa'i chos kyi rgyud 'di ni/ byang chub sems dpa' ma yin pas mnyan pa'am/ mos par bya ba'am/ gzung bar yang mi nus na bsgom pa'i rnam par sbyor bas brtson par mi nus pa lta ci smos/ de bas na/ kye| rgyal ba'i sras/ gang gis chos kyi sgo'i rgyud 'di thos te/ thos nas mos par byed pa dang / mos par byas shing 'dzin pa dang / bsgom pa'i rnam pas brtson par byed na/ sems can de dag ni thams cad mkhyen pa'i ye shes </font><hr>Ga228b<br><font size=+1>


kyi sgo dang ldan par shes par bya'o/ /de nas de'i tshe sangs rgyas kyi mthu dang / chos nyid thob pas phyogs bcur 'jig rten gyi khams sangs rgyas kyi zhing khrag khrig phrag bcu'i rdul shin tu phra ba snyed rnam pa drug dang / ltas chen po bco brgyad du g.yos so/ /rab tu g.yos so/ /kun tu g.yos so/ /'gul to/ /rab tu 'gul to/ /kun tu 'gul to// ldag go/ rab tu ldeg go /kun tu ldeg go/ chem chem/ rab tu chem chem/ kun tu chem chem mo/ /'ur 'ur/ rab tu 'ur 'ur/ kun tu 'ur 'ur ro/ /shig shig/ rab tu shig shig/ kun tu shig shig go/ sangs rgyas kyi mthu dang chos nyid rab tu thob pas lha rdzas kyi phreng ba'i sprin gyi char mngon par bab bo/ /lha rdzas kyi gos kyi sprin gyi char mngon par bab bo/ /lha rdzas kyi rin po che'i sprin gyi char mngon par bab bo/ /lha rdzas kyi gdugs kyi sprin gyi char mngon par bab bo/ /lha rdzas kyi rgyal mtshan gyi sprin gyi char mngon par bab bo/ /lha rdzas kyi ba dan gyi sprin gyi char mngon par bab bo/ /lha rdzas kyi rol mo brdung ba dang / dkrol ba dang / glu'i dbyangs kyi sprin gyi sgra mngon par sgrog go/ lha rdzas las 'das pa'i thams cad mkhyen pa'i sa la mngon par bstod pa'i glu'i dbyangs kyi sprin gyi sgra mngon par sgrog go/ ji ltar gling bzhi pa'i 'jig rten </font><hr>Ga229a<br><font size=+1>


@#/ /gyi khams 'di'i gzhan 'phrul dbang byed kyi gnas su lha'i rgyal po dbang sgyur gyi gzhal med khang nor bu rin po che'i snying por ji lta ba de bzhin du 'jig rten gyi khams thams cad du yang phyogs bcu rgyas par gang zhing / chos bstan pa 'di yang thams cad du byung bar gyur to/ /sangs rgyas kyi mthus phyogs bcu nas byang chub sems dpa' sangs rgyas kyi zhing khrag khrig phrag bcu'i rdul shin tu phra ba snyed phyogs bcu rgyas par byed cing lhags te/ de dag phyin nas kyang 'di skad ces zer ro/ /kye| rgyal ba'i sras/ de ltar khyod kyis byang chub sems dpa'i chos nyid 'di brjod pa legs so/ /legs so/ /kye/ rgyal ba'i sras/ bdag cag kyang rdo rje'i snying po zhes bya ba ming mthun pa sha stag ste/ 'jig rten gyi khams rdo rje'i dpal zhes bya ba nas/ de bzhin gshegs pa mtshan rdo rje'i rgyal mtshan zhes bya ba dag gi drung nas 'dir lhags te/ 'jig rten gyi khams de dag thams cad na yang chos bstan pa 'di nyid sangs rgyas kyi mthus 'khor gyi rnam pa 'di 'dra ba dag la tshig 'di dag nyid dang / yi ge 'di dag nyid dang / khong du chud par bya ba 'di dag nyid dang / don 'di nyid lhag chad med par mngon par brjod de 'byung </font><hr>Ga229b<br><font size=+1>


bar gyur to/ /kye| rgyal ba'i sras/ bdag cag kyang dbang du gyur pa sha stag /sangs rgyas kyi mthus 'khor 'dir phyin to/ /kye| rgyal ba'i sras/ 'jig rten gyi khams 'dir bdag cag ji ltar phyin pa de bzhin du phyogs bcu'i 'jig rten gyi khams thams cad kyi gling bzhi pa'i 'jig rten gyi khams re re'i gzhan 'phrul dbang byed kyi gnas kyi lha'i rgyal po dbang sgyur gyi gzhal med khang nor bu rin po che'i snying por yang sangs rgyas kyi zhing khrag khrig phrag bcu'i rdul shin tu phra ba snyed kyi byang chub sems dpa' rnams phyin par gyur to/ /de nas byang chub sems dpa' rdo rje'i snying pos phyogs bcur bltas te/ 'khor gyi dkyil 'khor thams cad la bltas nas chos kyi dbyings la rnam par lta ba dang / thams cad mkhyen pa'i ye shes kyi sems bskyed pa yang dag par brjod pa dang / byang chub sems dpa'i yul yang dag par bstan pa dang / spyod pa'i stobs yongs su sbyangs pa dang / rnam pa thams cad mkhyen pa yang dag par bsgrub pa brjod pa dang / 'jig rten gyi dri ma sel ba dang / thams cad mkhyen pa'i ye shes nye bar bsgrub pa dang / bsam gyis mi khyab pa'i ye shes kyi rgyan yongs su bstan pa dang / byang chub sems dpa' thams cad kyi yon tan rab tu rjod pa byed </font><hr>Ga230a<br><font size=+1>


@#/ /cing| sa'i don 'di yang brtag par bya ba dang / bstan pa'i phyir sangs rgyas kyi mthus de'i tshe tshigs su bcad pa 'di dag smras so/ /zhi dang dul dga' zhi zhing dul ba'i yid ldan la/ /nam mkha'i dbyings 'dra bar snang mkha' dang mtshungs 'dra zhing / /tha ba'i dri ma rnam sbyangs lam rnams shes gnas pa'i/ /byang chub sems dpa'i spyod pa'i khyad par rab la nyon/ /bskal pa bye bar dge ba brgya stong rab bsags shing / /sangs rgyas brgya stong drang srong chen po mchod byas te/ /dbang sgyur rnams dang rang rgyal mtha' yas mchod byas nas/ /'gro ba kun la phan phyir byang chub sems skye'o/ /brtul zhugs dka' thub dka' spyad dul bzod ldan gyur la| |khrel yod dpal gyi spyod ldan ye shes dge 'phags shing / /blo gros rig yangs sangs rgyas ye shes sems ldan gyi/ /byang chub sems dpa' rgyal ba'i stobs dang mnyam 'dra skye/ /dus gsum rgyal ba ji snyed mchod rab mchod pa'i phyir/ /nam mkha'i dbyings tshad zhing rnams thams cad yongs su sbyong / /chos rnams thams cad ji snyed de dag mnyam rtogs pas/ /'gro ba dgrol ba'i don du byang chub sems skye'o/ /gzhal yas sems skyes sa mchog rab tu thob gyur nas/ /sdig </font><hr>Ga230b<br><font size=+1>


pa thams cad bsal phyir rdul med rab tu dga'/ /smon lam stobs dpyad dkar chos yang dag bsags byas nas/ /snying rje brtse ldan sa yi gong ma yongs su gnon/ /'gro phyir byams sems tshul khrims thos dang yon tan ldan/ /dri med dri bral rang bzhin yongs dag bsam pa yis/ /'jig rten thams cad me gsum 'bar bar mthong gyur nas/ /gsum pa rnams yangs blo yis 'gro ba'i don du gnon/ /sdug bsngal mi rtag nad pa zug rngus mi bde ba'i/ /khams gsum rtag tu sdug bsngal brgya yi me 'bar bas/ /'dus byas nyes mthong rgyal ba'i legs pa mngon mos shing / /ye shes 'od 'phro yangs ldan 'od 'phro yod pa gnon/ /dran dang blo ldan lam gyi ye shes thob gyur cing / /sa mchog de la sangs rgyas brgya stong bsnyen bkur nas/ /mi yi gtso bo'i yon tan rtag tu dran byed cing / /'gro ba kun gyis thub dka' rgyal bar dka' ba gnon/ /ye shes blo gros thabs dang shes rab blo dpyod pas/ /'gro don mtha' yas sna tshogs bya ba bstan byas shing / /stobs bcu'i mchod pa sems can don rnams bsgrub byas te/ /mi skye mngon sum mtha' yas sa drug yongs su gnon/ /'jig rten kun tu 'gro bas shes dka' spyod byed cing / /bdag bral byed med yod dang med pa rnam bsal ba'i/ / </font><hr>Ga231a<br><font size=+1>


@#/ /rang bzhin stong chos yan lag bcu gnyis rab 'byung zhes/ /phra zhing rno ba'i sems ldan bdun pa yongs su gnon/ /thabs dang shes rab sems yangs rab tu thob gyur cing / /ring du song ba gdul dka' ring du song ba gnon/ /rang bzhin dul zhing zhi phyir du ma'i sems spangs te/ /de nas nam mkha' 'dra ba'i mi g.yo yongs su gnon/ /de la mkhas pa'i ye shes las rnams sna tshogs phyir/ /zhi ba de las bslang zhing mi yi mchog tu bsnams/ /dbang bcu ldan zhing 'jig rten yang dag nyid dpyod pa'i/ /rang bzhin chen po 'gro phyir legs pa'i blo gros gnon/ /'di la shin tu phra bar 'jig rten kun dpyad cing / /sems can thibs po'i spyod ldan nyon mongs las dpyad de/ /de dag gdul ba'i spyod pas yon tan mang po gnon/ /bde gshegs mdzod thob don gyi dam pa rab tu ston/ /dkar chos rim gyis de 'dra'i spyod pa ldan gyur pas/ /sa dgu'i bar du bsod nams ye shes tshogs thob cing / /rgyal ba rnams kyi stobs mchog don dam mngon 'dod pa| |ye shes yon tan dbang bskur sangs rgyas kun las 'thob/ /brgya stong phrag bcu'i ting 'dzin grangs med gang yod pa/ /spyod yul shes pas chos nyid shes </font><hr>Ga231b<br><font size=+1>


yangs thob gyur nas/ /de yi rjes la thams cad mkhyen par dbang bskur 'thob/ /yul yangs ting 'dzin de dag thob pas de mi sgul/ /gang tshe de yis kun mkhyen dbang bskur thob pa'i tshe/ /pad+mo rgya chen rin chen kun gyis brgyan pa 'byung / /de yi tshul mthun lus kyi dbus su gnas par 'gyur/ /rgyal ba'i sras kyis yongs bskor de la lta zhing gnas/ / de yi 'od zer khrag khrig mtha' yas stong phrag mang / /phyogs bcu'i 'gro ba'i sdug bsngal kun kyang zhi bar byed/ /mgo yi gtsug nas 'od zer bye ba stong byung zhing / /phyogs rnams kun gyi mi yi gtso bo'i 'khor du rgyu/ /steng gi nam mkha'i dbyings la 'od zer dra bar gnas/ /sangs rgyas mchod phyir brtson par rgyal ba'i zhabs su 'dong / /de tshe rgyal ba rnams dang rgyal sras rnams kyis kyang / /chos rab don du rgyal sras dbang bskur thob par mkhyen/ /mchod pa'i don du rgyal sras mtha' yas kun kyang 'ong / /de'i tshe kun mkhyen dbang bskur mi mchog mdzod spu nas/ /dbang bskur 'od zer dam pa mang po 'byung bar 'gyur/ /'od zer mchog gis bskor cing spyi bo'i gtsug tu nub/ / gang tshe rgyal mchog bu yi thu bo srid mchog la/ /dbang bskur zhing du sangs rgyas kun gyis dbang bskur tshe/ /phyogs bcu'i 'jig rten thams cad kun nas g.yo bar </font><hr>Ga232a<br><font size=+1>


@#/ /'gyur/ /mnar med bar gyi sdug bsngal de tshe zhi zhing 'dug /gang tshe kun mkhyen dbang gis mngon par dbang bskur ba/ /de phyir mkhas pas chos sprin sa mchog thob ces bya/ /mkhas pa 'di la gnas pa'i shes rgyud tshad med de/ /sa rab 'di la gnas pa 'gro kun gtso yin no/ /gzugs dang gzugs med de bzhin 'dod pa'i khams yangs dang / /sems can khams dang zhing dang chos khams yangs pa dang / /grangs dang grangs med nam mkha'i khams kyi bar du ste/ /chos dbyings yangs pa thams cad ma nor khong du chud/ /'di la gnas pa mthu chen sprul pa'i las kun dang / /de bzhin byin rlabs rgyal ba'i ye shes phra ba dang / /mi mchog gsang ba bskal pa'i grangs rnams shes bya dang / /skra rtse gcig tu 'jig rten khams rnams gzung ba dang / /mi yi gtso bo 'byung dang sku tshe 'tshang rgya dang / /'khor lo dam pa bskor dang mya ngan 'da' ba'i rnams/ /thams cad rab shes gong du rnam thar zhi ba dag /sngan chad ma thob kun kyang de tshe rab tu 'thob/ /'di la gnas pa'i mthu che rgyal ba'i chos kyi sprin/ /thams cad khong du chud byed dran pas kun kyang 'dzin/ /klu rnams kun gyi sprin char rgya </font><hr>Ga232b<br><font size=+1>


mtsho 'dzin pa ltar/ /de bzhin rgyal ba'i chos sprin char chen kun kyang 'dzin/ /rgyal ba gcig las chos gang mthu chen nges thob pa/ /de la phyogs bcu mtha' yas zhing gi sems can rnams/ /thams cad bde gshegs nyan thos thos pa 'dzin gyur kyang / /byang chub sems dpa' thos pa'i grangs char nyer mi 'gro /ye shes spyod pa'i stobs kyis sngan chad spyad pa'i mthus/ /skad cig yud tsam gcig tu khrag khrig zhing bkang zhing / /bdud rtsi'i char 'bebs nyon mongs kun kyang zhi bar byed/ /de phyir rgyal bas 'di ming chos kyi sprin ces gsungs/ /'di gnas mthu chen lha yi 'jig rten gtsor gyur pa'i/ /phyogs rnams kun tu mi yi gtso bo'i yul yang ston/ /rnam 'phrul khrag khrig stong phrag du ma yang ston te/ /byang chub spyod pa de sems 'gro ba myos par 'gyur/ /mkhas pa legs ldan 'di gnas gom pa bor ba tsam/ /sa dgu'i bar du gnas pas shes par mi nus na/ /sems can gzhan gyis shes par mi 'gyur smos ci dgos/ /dus gsum nyan thos rang rgyal kun gyis de bzhin no/ /'di gnas thams cad mkhyen par 'gro ba kun la ston/ /shes pa dus gsum kun tu thogs med zhi chos can/ /zhing rnams kun tu rgyas bkang chos rnams kun gyi bar/ /rgyal </font><hr>Ga233a<br><font size=+1>


@#/ /ba kun gyi yon tan brjod cing ston par byed/ /mkhas pa 'di la gnas pa sangs rgyas mchod byed cing / /phyogs rnams kun tu zhing dang chos kyi dbyings bkang ste/ /rgyal ba mngon du mchod pas mchod byed 'phrogs pa med/ /yon tan kun ldan sa yi lha yi lha zhes bya/ /mkhas pa 'di gnas shes rab snang bas 'gro kun gyi/ /mun pa kun bsal chos kyi tshul yang rab tu ston/ /dbang phyug dam pa'i mthu yis 'gro ba'i 'dod chags sel/ /de bas rgyal sras nyon mongs sel la mkhas zhes bya/ /'di la gnas pa de dag khams gsum dbang phyug 'gyur/ /ye shes tshul shes theg pa gsum po ston la mkhas/ /skad cig yud tsam gcig gis ting 'dzin gcig min 'thob/ /phyogs bcu kun tu rgyal ba'i dam pa gcig min ston/ /'di ni bdag gis rgyal sras sa rnams mdor bstan gyi/ /rgya cher bskal pa brgya phrag stong gis bstan mi nus/ /yon tan 'di 'dra'i sangs rgyas ye shes sa 'di la/ /gnas pa rtag tu ri yi rgyal po bzhin mi g.yo/ /rgyal sras thog ma gtsug lag kun gyis mi g.yo ste/ /sman gyi rnam pa kun gnas ri rgyal gangs bzhin no/ /tshul khrims thos pas gnyis pa spos ngad spos dang 'dra/ /rnam 'dal </font><hr>Ga233b<br><font size=+1>


me tog ji bzhin gsum pa shes par bya/ /lam la mos bzhin mi 'khrugs 'od 'phro thob pa ste/ /drang srong gnas bzhin mkhas pa rnams kyi rten gyur pa'o/ /gnod sbyin gnya' shing 'dzin bzhin bsam yas lnga pa thob/ /rta rna'i shing tog 'dra bar drug pa'i 'bras bu ste/ /bdun pas 'dzin klu bzhin shes rab chen pos thob/ khor yug dbang ldan bzhin du brgyad pa dbang can 'thob/ /dgu pa dri ma sel ba dpal can lha min bzhin/ /bcu pa rgyal ba'i legs ldan ri rab lha gnas 'dra/ /dang po smon lam sngon 'gro gong ma tshul khrims tshogs/ /gsum pa spyod pa'i yon tan bzhi pa gcig gi dngos/ /lnga pa dge mang drug pa shin tu zab pa'i dngos/ /brgyad pa blo gros yangs pa kun tu gcig min rgyan/ /dgu pa mkhas pa ye shes phra zhing zab dang ldan/ /'gro rgyud thams cad ye shes ldan pas rab tu gnon/ /bcu pa rgyal ba rnams las yang dag chos 'dzin te/ /rgyal sras spyod pa mi sgul rgya mtsho de 'dra'o/ /spyod pa bcu 'das thog ma'i sems rab skye bar 'gyur/ /dka' thub brtul bas gnyis pa gsum pa bsam gtan gyis/ /dag pas bzhi pa shin tu byang bas lnga pa'o/ /drug pa rnon pos rtogs pa bdun pa mi phyed sa/ /brgyad pa mthu chen rdo rje'i rgyal mtshan ldan pa yin/ /dgu la ye shes </font><hr>Ga234a<br><font size=+1>


@#/ /ldan pas thibs po'i spyod pa shes/ /bcu la rgyal bas dbang bskur rgyal po dbang thob bzhin/ /yon tan rin chen dag pas de bzhin rim du 'phar// phyogs rnams kun gyi zhing rnams bshig ste bgrang bar nus/ /rnam shes gcig gis 'gro ba kun sems shes par rung / /nam mkha'i dbyings kun skra yis gzhal bar nus srid kyi/ /rgyal ba'i yon tan bskal pa khrag khrig bshad mi nus/ /de bzhin gshegs pa dgra bcom pa yang dag par rdzogs pa'i sangs rgyas kyis mngon par gnang ste/ yid dga' bar byang chub sems dpa' sems dpa' chen po rdo rje'i snying pos de skad ces smras pa dang / bcom ldan 'das gzhan 'phrul dbang byed kyi lha'i nang na bzhugs shing mngon par sangs rgyas nas ring por ma lon te/ zhag bdun pa gnyis la bab pa'i tshe/ lha'i rgyal po dbang byed kyi gzhal med khang nor bu rin po che'i snying po can na bzhugs pas/ byang chub sems dpa' rdo rje'i snying pos bshad pa la mngon par dgyes pa mdzad do/ /byang chub sems dpa'i 'khor de dag thams cad dang / lha dang / klu dang / gnod sbyin dang / dri za dang / lha ma yin dang / brgya byin dang / tshangs pa dang / 'jig rten gyi mgon po dang / </font><hr>Ga234b<br><font size=+1>


dbang phyug chen po dang / gtsang ma'i ris su gtogs pa'i 'khor thams cad kyang mngon par dga'o/ /shin tu rgyas pa chen po'i mdo/ sangs rgyas phal po che zhes bya ba las/ sa bcu'i le'u ste/ sum cu rtsa gcig pa'o// //bam po lnga bcu rtsa bzhi pa/ bcom ldan 'das de bzhin gshegs pa'i byin gyi rlabs la/ byang chub sems dpa' sems dpa' chen po kun tu bzang po la sogs pa thams cad kyang / byang chub sems dpa' kun tu bzang po'i spyod pa la gnas pa/ sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu dang thabs gcig tu bzhugs te/ de'i tshe 'khor gyi dkyil 'khor de nyid du phyogs bcu nas byang chub sems dpa' sems dpa' chen po seng ge'i khri chags pa med pa'i rgyan gyi snying po can la 'khod pa bcu 'thon par gyur te/ byang chub sems dpa' de dag re re zhing yang byang chub sems dpa' sems dpa' chen po'i 'khor seng ge'i khri chags pa med pa'i rgyan gyi snying po can la 'khod pa/ sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas pa sha stag go /byang chub sems dpa' sems dpa' chen po de </font><hr>Ga235a<br><font size=+1>


@#/ /dag thams cad kyang ming 'di zhes bya ba dag ste/ 'di ltar byang chub sems dpa' sems dpa' chen po kun tu snang ba mdzod kyi snying pos byung ba zhes bya ba dang / byang chub sems dpa' sems dpa' chen po zab mo'i mdzod kyi snying pos byung ba zhes bya ba dang / byang chub sems dpa' sems dpa' chen po dpal gyi gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po sprin sgra zab mo rnam pa tha dad pa'i mdzod kyi snying pos byung ba zhes bya ba dang / byang chub sems dpa' sems dpa' chen po rdo rje mi phyed pa'i gtsug gi mdzod kyi snying pos byung ba zhes bya ba dang / byang chub sems dpa' sems dpa' chen po ngag gi lam mi g.yo bar kun tu 'gro ba'i 'od zer snang ba'i gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po grags pa snyan par kun tu rnam par grags pa'i 'od kyi gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po ri'i rgyal po mi g.yo ba'i 'od zer snang ba'i gzi brjid kyi mdzod kyi snying pos byung ba zhes bya ba dang / byang chub sems dpa' sems </font><hr>Ga235b<br><font size=+1>


dpa' chen po kun nas blta ba'i gzugs rnam par dmigs pa'i 'od zer gyi rgyal po snang ba'i gzi brjid kyi mdzod kyi snying pos byung ba zhes bya ba dang / byang chub sems dpa' sems dpa' chen po stobs bcu rnam par dag pa thub pa med pa'i 'od zer snang ba'i gzi brjid kyi mdzod kyi snying pos byung ba zhes bya ba dag ste/ byang chub sems dpa' sems dpa' chen po de dag de ltar 'thon ma thag tu de'i mod la/ byang chub sems dpa' sems dpa' chen po kun tu bzang po ma gtogs par byang chub sems dpa'i 'khor de dag thams cad kyang langs par gyur to/ /byang chub sems dpa' sems dpa' chen po kun tu bzang po'i 'od ma gtogs par 'od thams cad kyang mi snang bar gyur te/ thams cad kyang zil gyis non par gyur to/ /sangs rgyas kyi mchod pa bsam gyis mi khyab pa chos kyi dbyings thams cad rgyas par khyab pa mang po'ang mngon par byung bar gyur te/ 'di ltar spos kyi sprin chos kyi dbyings thams cad rgyas par khyab par byed pa bye ba khrag khrig brgya stong gi char mngon par bab par gyur to/ /me tog gi sprin chos kyi dbyings thams cad rgyas par khyab pa brjod du med pa'i yang brjod du med pa bye ba khrag khrig brgya stong phrag bcu'i char mngon par bab par gyur to/ /byug pa'i sprin chos kyi dbyings thams </font><hr>Ga236a<br><font size=+1>


@#/ /cad rgyas par khyab pa bye ba khrag khrig brgya stong gi char mngon par bab par gyur to/ /gdugs kyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /gos kyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /rin po che'i sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /rgyal mtshan gyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /ba dan gyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /'jig rten gyi khams yongs su dag pa'i sprin chos kyi dbyings thams cad rgyas par khyab par bye ba khrag khrig brgya stong gi char mngon par bab par gyur to/ /byang chub sems dpa'i 'khor gyi dkyil 'khor gyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /'od zer gyi dra ba snang ba chen po'i sprin chos kyi dbyings thams cad rgyas par khyab pa bye ba khrag khrig brgya stong gi char </font><hr>Ga236b<br><font size=+1>


mngon par bab par gyur to/ /rin po che sna tshogs kyi gzhal med khang gi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /snying po byang chub kyi rgyan rnam par phye ba'i sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /de bzhin gshegs pa'i gzugs brnyan snang ba'i gos kyi sprin chos kyi dbyings thams cad rgyas par khyab pa bye ba khrag khrig brgya stong gi char mngon par bab par gyur to/ /byang chub sems dpa' sems dpa' chen po de dag gi seng ge'i khri mang po de dag las/ byang chub sems dpa' re re'i seng ge'i khri'i rgyan rin po che rnam par dag pa re re dang / dmigs pa mang po de dag thams cad las dmigs pa re re las kyang 'jig rten gyi khams 'byams klas pa thams cad yongs su snang bar gyur to/ /dmigs pa mang po de dag thams cad las dmigs pa re re zhing yang sems can gyi khams 'byams klas pa thams cad yongs su snang bar gyur to/ /dmigs pa mang po de dag thams cad las dmigs pa re re zhing yang de bzhin gshegs pa 'byams klas pa thams cad yongs su snang bar gyur to/ /dmigs pa mang po de dag thams cad las dmigs pa </font><hr>Ga237a<br><font size=+1>


@#/ /re re zhing yang byang chub sems dpa' 'byams klas pa thams cad yongs su snang bar gyur to/ /dmigs pa mang po de dag thams cad las dmigs pa re re zhing yang dus 'byams klas pa thams cad yongs su snang bar gyur te/ /dmigs pa mang po de dag las dmigs pa re re zhing yang 'jig rten gyi khams thams cad kyi 'das pa'i 'jig rten gyi khams 'byams klas pa brjod du med pa'i yang brjod du med pa sangs rgyas 'byung ba dang bcas pa/ chos kyi 'khor lo bskor ba dang bcas pa/ de bzhin gshegs pa'i 'khor gyi dkyil 'khor dang bcas pa/ byang chub sems dpa'i 'khor gyi dkyil 'khor dang bcas pa/ sems can 'dul ba dang bcas pa/ ming gi 'khor lo dang bcas pa mang po yongs su snang bar gyur to/ /byang chub sems dpa' de dag gis sngon gyi mtha'i mur thug pa'i dus dag tu 'jig rten gyi khams gang dang gang du byang chub sems dpa'i spyod pa spyad par gyur pa de dag kyang yongs su snang bar gyur to/ /de bzhin gshegs pa de dag gi zhabs kyi drung na 'khod cing / pha rol tu phyin pa de dag thams cad yongs su sbyong ba yang yongs su snang bar gyur to/ /dmigs pa mang po de dag thams cad las </font><hr>Ga237b<br><font size=+1>


dmigs pa re re zhing yang phyi ma'i mtha'i mur thug pa'i dus kyi 'jig rten gyi khams 'byams klas pa brjod du med pa'i yang brjod du med pa/ sangs rgyas skye ba dang bcas pa/ chos kyi 'khor lo dang bcas pa/ de bzhin gshegs pa'i 'khor gyi dkyil 'khor dang bcas pa/ byang chub sems dpa'i 'khor gyi dkyil 'khor dang bcas pa/ sems can 'dul ba dang bcas pa/ ming gi 'khor lo dang bcas pa mang po yongs su snang bar gyur to/ /byang chub sems dpa' de dag phyi ma'i mtha'i mur thug pa'i dus dag tu 'jig rten gyi khams gang du byang chub sems dpa'i spyod pa spyad par gyur pa de dag kyang yongs su snang bar gyur to/ /de bzhin gshegs pa de dag gi zhabs kyi drung na 'khod cing / pha rol tu phyin pa yongs su sbyong ba byed pa dag kyang yongs su snang bar gyur to/ /de nas byang chub sems dpa' de dag 'di snyam du gyur te/ byang chub sems dpa' 'di dag 'jig rten gyi khams 'byams klas pa na gang dang gang nas lhags /de bzhin gshegs pa ni gang dang gang gi zhabs kyi drung nas phyin snyam ste/ byang chub sems dpa'i 'khor gyi dkyil 'khor de dag thams cad kyis byang chub sems dpa' sems dpa' chen po kun tu bzang po la 'di skad ces smras so/ /kye| rgyal </font><hr>Ga238a<br><font size=+1>


@#/ /ba'i sras/ byang chub sems dpa' 'di dag lhags na gang nas lhags/ 'jig rten gyi khams 'byams klas pa ni gang shed nas/ de bzhin gshegs pa ni gang zhig gi zhabs kyi drung nas 'dir phyin/ de nas byang chub sems dpa' sems dpa' chen po kun tu bzang pos byang chub sems dpa'i 'khor gyi dkyil 'khor de dag thams cad la 'di skad ces smras so/ /kye|rgyal ba'i sras dag/ de bas na khyed nyid kyis byang chub sems dpa' 'di dag 'jig rten gyi khams ni gang nas lhags/ de bzhin gshegs pa ni gang zhig gi zhabs kyi drung nas phyin pa yongs su brtags pa dang / yongs su dpyad pa gyis shig/ de nas byang chub sems dpa' chags pa med pa'i mig gis kun tu 'gro ba zhes bya ba'i ting nge 'dzin dang / thams cad kyi rjes su song ba zhes bya ba dang / chos kyi dbyings shin tu rnam par phye ba zhes bya ba dang / mngon par shes pa thams cad dang ldan pa zhes bya ba dang / dmigs pa thams cad shin tu rnam par phye ba'i snying po zhes bya ba dang / sems can thams cad kyi lus mngon par shes pa dang ldan pa zhes bya ba dang / byang chub sems dpa'i ting nge 'dzin sangs rgyas kyi zhing thams cad kyi gzhi rab tu rtogs </font><hr>Ga238b<br><font size=+1>


pa zhes bya ba dag la mnyam par gzhag go/ de ltar de dag la sogs pa byang chub sems dpa'i ting nge 'dzin grangs med pa bye ba khrag khrig brgya stong phrag bcu la byang chub sems dpa' re res kyang mnyam par bzhag ste/ kun gyis byang chub sems dpa'i ting nge 'dzin gzhan dang / gzhan sha stag la snyoms par bzhag kyang 'jig rten gyi khams 'byams klas pa de dag kyang ma mthong / de bzhin gshegs pa gang gi zhabs kyi drung na byang chub sems dpa' de dag tshangs pa'i spyad pa spyod pa de dag kyang ma mthong nas/ ting nge 'dzin de dag las langs te/ byang chub sems dpa' sems dpa' chen po kun tu bzang po la 'di skad ces smras so/ /kye|rgyal ba'i sras/ bdag cag byang chub sems dpa' re res kyang byang chub sems dpa'i ting nge 'dzin grangs med pa bye ba khrag khrig brgya stong phrag bcu la mnyam par bzhag kyang 'jig rten gyi khams 'byams klas pa de dag kyang ma mthong / byang chub sems dpa' de dag sangs rgyas bcom ldan 'das gang gi zhabs kyi drung na tshangs par spyod pa'i de bzhin gshegs pa de dag kyang ma mthong ngo / /de nas byang chub sems dpa' sems dpa' chen po kun tu bzang pos yang byang chub sems dpa' 'khor gyi dkyil 'khor de dag la smras pa/ kye| </font><hr>Ga239a<br><font size=+1>


@#/ /rgyal ba'i sras dag/ da dung du byang chub sems dpa' de dag 'jig rten gyi khams 'byams klas pa gang nas lhags pa dang / de bzhin gshegs pa gang zhig gi zhabs kyi drung nas lhags pa brtags par gyis shig/ dpyad par gyis shig /'jig rten gyi khams 'byams klas pa de dag ni mthong bar dka'o/ / sangs rgyas bcom ldan 'das gang gi zhabs kyi drung na byang chub sems dpa' 'di dag tshangs pa'i spyad pa spyod pa'i de bzhin gshegs pa de dag kyang / de bas kyang shin tu mthong bar dka'o/ /de nas byang chub sems dpa' de dag las byang chub sems dpa' re res kyang / byang chub sems dpa'i ting nge 'dzin sangs rgyas kyi zhing bcu'i rdul shin tu phra ba snyed la mnyam par bzhag go/ de ltar mnyam par bzhag kyang byang chub sems dpa' de dag gis 'jig rten gyi khams 'byams klas pa de dag kyang ma mthong / sangs rgyas bcom ldan 'das gang gi zhabs kyi drung na/ byang chub sems dpa' de dag tshangs pa'i spyad pa spyod pa'i de bzhin gshegs pa de dag kyang ma mthong ngo / /de nas byang chub sems dpa' de dag ting nge 'dzin de dag las langs te/ byang chub sems dpa' sems dpa' chen po kun tu bzang po </font><hr>Ga239b<br><font size=+1>


la 'di skad ces smras so/ /kye| rgyal ba'i sras/ bdag cag byang chub sems dpa' re res byang chub sems dpa'i ting nge 'dzin sangs rgyas kyi zhing bcu'i rdul shin tu phra ba snyed la mnyam par bzhag kyang / 'jig rten gyi khams 'byams klas pa de dag kyang ma mthong ngo / /gang gi zhabs kyi drung na byang chub sems dpa' de dag tshangs pa'i spyad pa spyod pa'i de bzhin gshegs pa de dag kyang ma mthong ngo / /de nas byang chub sems dpa' sems dpa' chen po kun tu bzang po stan de las nam mkha'i dbyings su 'phags te| bcom ldan 'das la lan brgya stong du mar g.yas phyogs su bskor ba byas nas/ byang chub sems dpa'i 'khor gyi dkyil 'khor thams cad la 'di skad ces smras so/ / kye| rgyal ba'i sras dag/ de bzhin gshegs pa'i sku chags pa mi mnga' ba'i rgyan dang ldan pa dus gsum mtshungs par mnyam pa/ 'jig rten gyi khams 'byams klas pa thams cad kun tu khyab pa chos kyi dbyings kyi khongs su chud pa/ 'gro ba thams cad kyi bsam pa ji lta ba bzhin du rnam par dmigs pa 'di la ltos shig dang / de la 'jig rten gyi khams 'byams klas pa thams cad kyang gzugs brnyan du gyur par snang ngo / /de bzhin gshegs pa 'byams klas pa thams cad kyang gzugs </font><hr>Ga240a<br><font size=+1>


@#/ /brnyan du gyur bar snang ngo / /byang chub sems dpa' 'byams klas pa thams cad kyang gzugs brnyan du gyur par snang ngo / /sems can gyi khams 'byams klas pa thams cad kyang gzugs brnyan du gyur par snang ngo / /lam gyi rgyud 'byams klas pa thams cad kyang gzugs brnyan du gyur bar snang ngo / /kye/ rgyal ba'i sras dag/ de bas na khyed kyis rang gi lus kun tu lta ba'i mig dang ldan par byin gyis rlobs la/ shes rab kyi mig nam mkha'i dbyings kyis klas par byin gyis rlob ste/ ye shes yangs pa'i mig dmigs pa thams cad kyi rjes su song ba khong du chud par gyis la/ phyogs 'byams klas pa thams cad du de bzhin gshegs pa thams cad byin gyis rlobs te/ de bzhin gshegs pa'i sku thams cad du mi gnas pa 'di la gnas pa thams cad yongs su bsal ba'i lta bas ltos shig mngon par zhen pa thams cad las gyen du 'phags pa dang / srid pa thams cad la mngon par zhen pa med pa dang / shin tu phra ba'i tshul gyis stobs bcu'i stobs yongs su non pa dang / dmigs pa chung ngu la rgya chen por 'jug pa'i lta bas ltos shig /de nas byang chub sems dpa' de dag gis byang chub sems dpa' </font><hr>Ga240b<br><font size=+1>


sems dpa' chen po kun tu bzang po'i gdams ngag bzhin du thal mo sbyar te/ bcom ldan 'das la phyag 'tshal nas sems shing rtog pa dang / bcom ldan 'das kyi zhabs kyi mthil gnyis kyi 'khor lo rtsibs stong yod pa la 'jig rten gyi khams chos kyi dbyings kyi 'khor lo zhes bya ba yod pa mthong bar gyur te/ 'jig rten gyi khams de na de bzhin gshegs pa chos kyi dbyings kyi rgyan gyi rgyal po zhes bya ba bzhugs shing 'tsho skyong ngo / /chos ston to/ /de'i sangs rgyas kyi zhing nas/ byang chub sems dpa' kun tu snang ba mdzod kyi snying pos byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go/ bcom ldan 'das kyi zhabs byin pa ri dwags e na ya'i byin pa lta bu gnyis la 'jig rten gyi khams chags pa med pa'i snying po zhes bya ba yod de/ de na de bzhin gshegs pa 'od rgya mtsho chags pa med cing dri ma med pa'i snying po zhes bya ba bzhugs shing 'tsho skyong ngo / /chos ston to/ /de'i sangs rgyas kyi zhing nas byang chub sems dpa' zab mo'i chos mdzod kyi snying pos </font><hr>Ga241a<br><font size=+1>


@#/ /byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go/ de bzhin gshegs pa'i zhabs pus mo gnyis kyi lha nga la 'jig rten gyi khams sa la \ LE?\sbram yod pa zhes bya ba yod de/ de na de bzhin gshegs pa gser 'bar ba dam pa zhes bya ba bzhugs shing 'tsho skyong ngo / /chos ston to/ /de'i sangs rgyas kyi zhing nas byang chub sems dpa' dpal gyi gzi brjid mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i dul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i snying po can la 'dug go/ bcom ldan 'das kyi sku sta zur gyi dkyil 'khor la 'jig rten gyi khams rin po che sna tshogs kyi rgyan gyi snying po zhes bya ba yod de/ de na de bzhin gshegs pa dge ba sna tshogs kyi snying po zhes bya ba bzhugs shing 'tsho skyong ngo / /chos ston to/ /de'i sangs rgyas kyi </font><hr>Ga241b<br><font size=+1>


zhing nas byang chub sems dpa'i sprin sgra zab mo rnam pa tha dad pa'i mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go/ bcom ldan 'das kyi sku lte ba'i dkyil 'khor na 'jig rten gyi khams rnam par snang ba'i snying po zhes bya ba yod de/ de na de bzhin gshegs pa rnam par snang mdzad gzi brjid kyi rgyal po zhes bya ba bzhugs shing 'tsho skyong ngo / /chos ston to/ /de'i sangs rgyas kyi zhing nas byang chub sems dpa' rdo rje mi phyed pa'i gtsug gi mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i snying po can la 'dug go/ bcom ldan 'das kyi thugs ka na 'jig rten gyi khams dpal gyi 'od zer snying po zhes bya ba yod de/ de na de bzhin gshegs pa dpal gyi be'u rgyan gyis brgyan pa'i snying po zhes bya ba bzhugs shing 'tsho skyong ngo / /chos ston </font><hr>Ga242a<br><font size=+1>


@#/ /to| |de'i sangs rgyas kyi zhing nas byang chub sems dpa' ngag gi lam mi g.yo bar kun tu 'gro ba'i 'od zer snang ba'i gzi brjid kyi mdzod kyi snying pos byung ba zhes bya ba byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go/ bcom ldan 'das kyi sku phrag pa'i lhun gnyis la 'jig rten gyi khams gsar yod pa zhes bya ba yod de/ de na de bzhin gshegs pa gser 'bar ba'i snying po zhes bya ba bzhugs shing 'tsho skyong ngo / /chos ston to| |de'i sangs rgyas kyi zhing nas byang chub sems dpa' grags pa snyan par kun tu rnam par grags pa'i 'od kyi gzi brjid mdzod kyi snying pos byung ba zhes bya ba / byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyis snying po can la 'dug go/ bcom ldan 'das rnam par snang mdzad kyi zhal gyi gsung </font><hr>Ga242b<br><font size=+1>


gi dbyangs la 'jig rten gyi khams rin po che sna tshogs zhes bya ba yod de/ de na de bzhin gshegs pa 'od zer dpag tu med pa'i gzi brjid kyis rab tu brgyan pa'i rgyal po zhes bya ba bzhugs shing 'tsho skyong ngo / /chos ston to/ /de'i sangs rgyas kyi zhing nas/ byang chub sems dpa' ri'i rgyal po mi g.yo ba'i 'od zer snang ba'i gzi brjid mdzod kyi snying pos byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go/ bcom ldan 'das rnam par snang mdzad kyi smin mtshams na 'jig rten gyi khams chos kyi dbyings mi zad pa'i mdzod ces bya ba yod de/ de na de bzhin gshegs pa ye shes dus gsum du mi zad pa'i mdzod ces bya ba bzhugs shing 'tsho skyong ngo / /chos ston to/ /de'i sangs rgyas kyi zhing nas byang chub sems dpa' kun nas blta ba'i gzugs rnam par dmigs pa'i 'od zer gyi rgyal po snang ba'i gzi brjid mdzod kyi snying pos byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du med pa bye </font><hr>Ga243a<br><font size=+1>


@#/ /ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go/ bcom ldan 'das rnam par snang mdzad kyi dbu la 'jig rten gyi khams gzhi spyi'u tshugs kyi lhun yongs su 'dzin pa zhes bya ba yod de/ de na de bzhin gshegs pa rin po che'i me tog brtsegs pa zhes bya ba bzhugs shing 'tsho skyong ngo / /chos ston to/ /de'i sangs rgyas kyi zhing nas byang chub sems dpa' stobs bcu rnam par dag pa thub pa med pa'i 'od zer snang ba'i gzi brjid mdzod kyi snying pos byung ba zhes bya ba/ byang chub sems dpa'i 'khor sangs rgyas kyi zhing brjod du med pa'i yang brjod du med pa bye ba khrag khrig brgya stong phrag bcu'i rdul shin tu phra ba snyed kyis bskor cing mdun du byas te 'ongs nas/ seng ge'i khri chags pa med pa'i rgyan gyi snying po can la 'dug go/ de nas byang chub sems dpa' de dag thams cad kyis 'jig rten gyi khams rgya mtsho de dag dang / de bzhin gshegs pa'i 'khor gyi dkyil 'khor de dag dang / byang chub sems dpa'i 'khor gyi dkyil 'khor de dag dang / sangs rgyas kyi rnam par 'phrul pa de dag mthong bar gyur </font><hr>Ga243b<br><font size=+1>


nas| byang chub sems dpa' de dag thams cad las byang chub sems dpa' re res kyang ting nge 'dzin chos kyi dbyings kyi snying po la sogs pa ting nge 'dzin sangs rgyas kyi zhing bcu'i rdul shin tu phra ba snyed thob par gyur to/ /byang chub sems dpa' re res kyang gzungs chos thams cad kyi sa la sogs pa gzungs sangs rgyas kyi zhing bcu'i rdul shin tu phra ba snyed thob par gyur te/ byang chub sems dpa' re res kyang shes rab kyi pha rol tu phyin pa rdul dang bral ba'i snying po la sogs pa shes rab kyi pha rol tu phyin pa sangs rgyas kyi zhing bcu'i rdul shin tu phra ba snyed thob par gyur to/ /byang chub sems dpa' de dag thams cad las byang chub sems dpa' re res kyang stobs kyi glog la sogs pa thams cad mkhyen pa nyid kyi glog sangs rgyas kyi zhing bcu'i rdul shin tu phra ba snyed thob par gyur to/ /kye| rgyal ba'i sras dag/ chos kyi sgo 'di dag ni bsam pa rdo rje dam pa lta bur byas te yongs su chub par bya'o/ /rim gro chen po dang ldan pa'i bsam pas yongs su bsrung bar bya'o/ /kye| rgyal ba'i sras dag/ chos kyi sgo 'di dag ni / byang chub sems dpa' sems dpa' chen po dge ba'i bshes gnyen gyis yongs su zin pa kun tu bzang po'i spyod pa la zhugs pa rnams ma gtogs par gzhan gyi </font><hr>Ga244a<br><font size=+1>


@#/ /rna lam du 'gro bar mi 'gyur ro/ /byang chub sems dpa' sems dpa' chen po kun tu bzang pos de skad ces smras pa dang / byang chub sems dpa' sems dpa' chen po de dag yid dga' ste/ byang chub sems dpa' sems dpa' chen po kun tu bzang pos smras pa la mngon par dga'o/ /shin tu rgyas pa chen po'i mdo/ sangs rgyas phal po che zhes bya ba las/ kun tu bzang pos bstan pa'i le'u zhes bya ba ste/ sum cu rtsa gnyis pa'o// //bam po lnga bcu rtsa lnga pa/ bcom ldan 'das thog ma mngon par sangs rgyas pa pho brang 'od thams cad kyi snying po can na de bzhin du mnyam par bzhag par bcom ldan 'das bsam gtan khrag khrig brgya'i ting nge 'dzin dang / thams cad kyis mi phyed pa'i lhag pa'i bsam pas thob pa'i thams cad mkhyen pa'i stobs dang / de bzhin gshegs pa'i sku shin tu dag pa dang / gnas med pa la rten pa'i sangs rgyas kyi sku dang / mi gnyis pa'i zhi gnas dang yang dag par ldan pa dang / tshad med par khyab pa'i sangs rgyas kyi che ba nyid dang / mi gnas pa'i bsam gtan gyi rgyud dang / 'gro ba thams cad kyis rnam par dmigs pa'i de bzhin gshegs pa lta ba dang / </font><hr>Ga244b<br><font size=+1>


dus la bab pa'i sangs rgyas 'byung ba dang / skad cig gcig gis byung ba'i mtshan nyid med pa la spyod pas bzhugs te/ byang chub sems dpa'i dbang bskur ba byang chub sems dpa'i rnam par dgod pa la rab tu gnas pa/ mtha' dang dbus med pa'i chos kyi dbyings kyis byang chub sems dpa'i yongs su dag pa dang ldan pa/ byang chub sems dpa'i ting nge 'dzin kun tu lta ba rab tu thob pa/ 'gro ba thams cad bde bar byed pa'i snying rje chen po rab tu thob pa/ bdud kyi dpung thams cad rab tu 'joms pa/ thams cad mkhyen pa'i ye shes yang dag par bsgrubs pa/ 'gro ba thams cad du rab tu zhi bar gnas pas byang chub sems dpa'i rnam par thar pa mi gnas pa la gnas pa/ sangs rgyas kyi zhing bcu'i rdul shin tu phra ba snyed dang thabs gcig ste/ 'di ltar byang chub sems dpa' rdo rje'i gtsug dang / gzhal du med pa'i blo gros dang / zhi ba'i blo gros dang / gtong ba'i blo gros dang / klu'i blo gros dang / thob pa'i blo gros dang / spyin pa'i blo gros dang / stobs kyi blo gros dang / bsam gyis mi khyab pa'i blo gros dang / chags pa med pa'i blo gros dang / mchog gi blo gros dang / lha'i blo gros dang / mchod sbyin byas pa'i blo gros dang / mthu'i blo gros dang / don gyi blo gros dang / chos </font><hr>Ga245a<br><font size=+1>


@#/ /la dbang po'i blo gros dang / chos kyi blo gros dang / zhi ba'i blo gros dang / nam mkha'i blo gros dang / skad cig gcig gi blo gros dang / legs pa'i blo gros dang / sdom pa'i blo gros dang / nam mkha'i blo gros dang / stobs kyi blo gros dang / glang po'i blo gros dang / sangs rgyas kyi mthu'i blo gros dang / don rnam par dmigs pa'i blo gros dang / dam pa'i blo gros dang / ye shes snang ba'i blo gros dang / 'phags pa'i blo gros dang / dran pa'i rgyan dang / dngos po med pa'i mthar phyin pa dang / rang bzhin gyi rgyan dang / yul zab mo dang / gnas dang gnas ma yin pa la mkhas pa dang / klu'i 'od dang / snang ba 'dzin pa dang / sangs rgyas kyi rim gro la brtson pa dang / sems kyi rgyal po dang / spyod pa gcig pa dang / mngon par shes pa ma nyams pa dang / ye shes kyi tshogs dang / yon tan 'byung gnas dang / chos kyi sgron ma dang / 'gro ba'i bdag po dang / 'gro ba 'dzin pa dang / bde ba byed pa dang / mchog tu gyur pa dang / bla na med pa dang / mnyam pa med pa dang / 'dra ba med pa dang / 'od thogs pa med pa dang / 'od rab tu snang ba dang / grags pa'i 'od dang / shin tu </font><hr>Ga245b<br><font size=+1>


rnam par snang ba dang / legs pa brtan pa dang / chos kyi char pa dang / thig le dam pa dang / ye shes kyi mig dang / chos kyi mig dang / shes rab kyi sprin dang / sa'i rgyal po dang / smon lam khyad par du thogs pa med pas 'gro ba dang / ye shes kyi snying po dang / bsam pa'i rgyal po dang / nang gi blo gros yang dag par grub pa dang / thams cad mkhyen pa'i spyod yul dang / sa'i stabs kyis rnam par gnon pa dang / sa dang / stobs dang / mi 'jigs pa 'dzin pa dang / zla ba bzang po dang / ri bo chen po'i dpal dang / rin po che chen po'i dpal dang / bar snang gi rgyud dang / khams chen po'i rgyal po dang / dkyil 'khor mnyam pa khong du chud pa dang / gzi brjid gzhan gyis mi pham pa dang| klu chen po'i lta ba'i dpal dang / mnyam pa nyid kyi ngang tshul dang / phyir mi ldog pa'i brtson 'grus dang / sangs rgyas kyi 'khor lo yang dag par 'dzin pa'i dpal dang| dran pa'i yul nyams pa med pa dang / bsam gyis mi khyab pa'i blo gros kyis rnam par rtogs pa dang / mtha' dang dbus med pa'i blos rnam par rol pa dang / mdzod zad mi shes pa dang / ye shes nyi ma'i dpal dang / chos kyi nyi ma dang / ye shes phun sum tshogs pa'i snying po dang / blo dam pa'i char 'bebs pa dang / kun </font><hr>Ga246a<br><font size=+1>


@#/ /tu blta ba dang / blta na don yod pa dang / rdo rje'i mngon par shes pa dang / ye shes rdo rje'i blo gros dang / kun tu mig gi dpal dang / sangs rgyas kyi don gyi nyi ma dang / sangs rgyas kyi rdo rje yang dag par gzung ba'i bsam pa dang / byang chub sems dpa' sems dpa' chen po mig gi yul kun tu ye shes kyi rgyan dang / de dag la sogs pa byang chub sems dpa' sangs rgyas kyi zhing bcu'i rdul shin tu phra ba snyed kun kyang / sngon bcom ldan 'das de bzhin gshegs pa rnam par snang mdzad kyi byang chub sems dpa'i spyod pa dang / dge ba'i rtsa ba la grogs su gyur pa sha stag dang thabs gcig go/ de nas byang chub sems dpa' kun tu mig de'i tshe/ sangs rgyas kyi mthus stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das gang na ba der thal mos btud de/ bcom ldan 'das la 'di skad ces gsol to/ /gal te bdag gis zhus nas zhus pa'i lung bstan par bcom ldan 'das kyis skabs dbye bar gnang na/ bdag gis de bzhin gshegs pa dgra bcom pa yang dag par rdzogs pa'i sangs rgyas la phyogs gcig cig zhu'o/ /de skad ces gsol ba dang / </font><hr>Ga246b<br><font size=+1>


bcom ldan 'das kyis byang chub sems dpa' sems dpa' chen po kun tu mig la 'di skad ces bka' stsal to/ /kun tu mig khyod kyis de bzhin gshegs pa la ci dang ci 'dod pa dris shig dang / ngas dris pa de dang de'i lung bstan pas khyod kyi sems tshim par bya'o/ /de skad ces bka' stsal pa dang / byang chub sems dpa' kun tu mig gis bcom ldan 'das la 'di skad ces gsol to/ /btsun pa bcom ldan 'das/ ting nge 'dzin dang / rnam par thar pa du dang ldan pa'i byang chub sems dpa' kun tu bzang po'i sgo dang / kun tu bzang po'i spyod pa dang / smon lam du ldan pa rnams ting nge 'dzin dang / rnam par thar pa la snyoms par 'jug cing rnam par ldang ba lags/ ting nge 'dzin gyi khyad par gyi gnas 'thob pa lags/ byang chub sems dpa'i ting nge 'dzin bsam gyis mi khyab pa la snyoms par 'jug pa dang / rnam par ldang ba la mkhas pa rgyun mi 'chad pa 'thob pa lags/ ting nge 'dzin thams cad kyi khyu mchog gi mthu dang rnam par 'phrul pa dang ldan pa lags/ de skad ces gsol ba dang / bcom ldan 'das kyis byang chub sems dpa' kun tu mig la 'di skad ces bka' stsal to/ /kun tu mig khyod kyis de ltar 'das pa dang / ma 'ongs pa dang / da ltar byung ba'i byang chub </font><hr>Ga247a<br><font size=+1>


@#/ /sems dpa'i dkyil 'khor thams cad dang / de bzhin gshegs pa'i dkyil 'khor thams cad kyi don du de bzhin gshegs pa la don 'dri bar bsams pa legs so/ /legs so/ /kun tu mig/ de bas na byang chub sems dpa' kun tu bzang po bsam gyis mi khyab pa'i byang chub sems dpa'i rnam par 'phrul pa dang ldan pa/ byang chub sems dpa'i khyu mchog gi mthu bsgrub par dka' ba dang ldan pa/ byang chub sems dpa'i spyod pa la 'jug pa tshad med pas mngon par byung ba/ byang chub sems dpa'i cho 'phrul dang rnam par 'phrul pa la shin tu bslabs pa/ byang chub sems dpa'i smon lam sgrub par dka' bas rnam par sbyangs pa/ byang chub sems dpa'i 'byung ba'i phyir mi ldog pa dang ldan pa/ pha rol tu phyin pa'i tshul mtha' yas pas rnam par sbyangs pa/ gzungs 'thob par bya ba mu med pa dang ldan pa/ tha dad pa yang dag par shes pa zad mi shes pas thogs pa med par rnam par dag pa/ 'gro ba thams cad la skyo ba med pa thob pa'i snying rje chen pos phyi ma'i mtha'i mur thug pa'i smon lam dang ldan pa 'di 'khor 'dir 'dus te/ 'dug pa yin gyi/ de la dris shig dang / ting nge 'dzin dang / rnam par 'phrul pa ston to/ /de nas byang chub sems dpa'i </font><hr>Ga247b<br><font size=+1>


'khor de dag gis byang chub sems dpa' kun tu bzang po'i ming thos ma thag tu byang chub sems dpa'i ting nge 'dzin bsam gyis mi khyab pa mngon du gyur to/ /chags pa med pa'i sems rnam par phye bas kyang byin gyis brlabs par gyur to/ /ye shes bsam gyis mi khyab par 'jug par bya ba la'ang rab tu gzhol bar gyur to/ /ye shes mi 'phrogs pa'i spyod yul yang rab tu byung ngo / /de bzhin gshegs pa grangs med pa mthong zhing rnam par dmigs pa yang mngon du gyur to/ /de bzhin gshegs pa'i stobs tshad med pa yang khong du chud par gyur to/ /de bzhin gshegs pa dang rgyud kyi tshul gcig pa yang rjes su rtogs par gyur to/ /dus gsum mtha' yas pa la 'jug pa yang khong du chud par gyur to/ /bsod nams zad mi shes pa'i byin kyang thob par gyur to/ /rnam par 'phrul pa bzang po yongs su rdzogs par bya ba'ang khong du chud par gyur nas/ de dag thams cad kyis rim gro dang bcas shing rjes dang bcas pas de bzhin gshegs pa'i 'khor gyi dkyil 'khor thams cad du lta bar gyur na/ de bzhin gshegs pa'i byin gyi rlabs dang / byang chub sems dpa' kun tu bzang po'i rdzu 'phrul gyi khyu mchog gi mthus byang chub sems dpa' kun tu bzang po yang ma mthong / byang chub </font><hr>Ga248a<br><font size=+1>


@#/ /sems dpa' kun tu bzang po'i lus kyang ma mthong / byang chub sems dpa' kun tu bzang po gang na gnas pa'i stan yang ma mthong ngo / /de nas byang chub sems dpa' kun tu mig gis bcom ldan 'das la 'di skad ces gsol to/ /bcom ldan 'das/ byang chub sems dpa' kun tu bzang po da ltar ga la mchis/ bcom ldan 'das kyis bka' stsal pa/ kun tu mig /'khor 'di nyid na nga'i zhabs kyi drung na 'jug go /nga'i zhabs kyi drung na spyod do/ /nga'i zhabs kyi drung nas ma g.yos so| |de nas byang chub sems dpa' kun tu mig dang / byang chub sems dpa'i 'khor de dag thams cad kyis yang 'khor gyi dkyil 'khor thams cad la rnam par bltas nas/ bcom ldan 'das la 'di skad ces gsol to/ /bcom ldan 'das/ bdag cag gis kun tu bzang po de ma mthong ngo / /de'i lus kyang ma mthong ngo / / de'i stan yang ma mthong ngo / /bcom ldan 'das kyis bka' stsal pa/ rigs kyi bu dag /khyed kyis byang chub sems dpa' kun tu bzang po'i lus ma mthong zhing / stan ma mthong ba ni de de bzhin te yus so/ /de ci'i phyir zhe na/ 'di ltar byang chub sems dpa' kun tu bzang po de ni brjod du med cing zab pa la gnas pa ste/ 'di </font><hr>Ga248b<br><font size=+1>


ltar ye shes kyi dbyings mtha' yas par 'jug pa la zhugs pa'o/ /seng ge rnam par bsgyings pa'i ting nge 'dzin rab tu thob pa'o/ /sangs rgyas kyi cho 'phrul bla na med pa rab tu thob pa'o/ /chags pa med pa'i mthas rnam par dag pa'i de bzhin gshegs pa'i stobs bcus grub pa'o/ /chos kyi dbyings dam pa'i las dang ldan pa'o/ /sangs rgyas thams cad kyi byin gyi rlabs la gnas pa'o/ /'das pa dang / ma byon pa dang / da ltar byung ba'i sangs rgyas thams cad dang / ye shes tha mi dad pa'i rgyan dang ldan pa'o/ /'di lta ste| byang chub sems dpa' kun tu bzang po 'di ni/ sems skad cig gi mtha'i rjes su 'brang ba'o/ /de nas byang chub sems dpa' kun tu mig gis de bzhin gshegs pa las kun tu bzang po'i yon tan rnam par dag pa thos ma thag tu/ byang chub sems dpa'i ting nge 'dzin grangs med pa brgya stong phrag bcu la mnyam par bzhag ste/ byang chub sems dpa' kun tu bzang po mngon par 'dod cing / mthong bar bya ba dang / gsol ba gdab pa'i bsam pas tshol lo/ /yongs su tshol lo/ /rab tu rtog go/ shin tu zhib cing brtags par rnam par dpyod do/ /rjes su rtog go /rnam par blta'o/ /'on kyang byang chub sems dpa' kun tu mig gis byang chub sems dpa' kun tu bzang </font><hr>Ga249a<br><font size=+1>


@#/ /po ma mthong ngo / /byang chub sems dpa'i 'khor de dag thams cad kyis kyang mthong par ma gyur to/ /de nas byang chub sems dpa' kun tu mig ting nge 'dzin de las langs te/ bcom ldan 'das la 'di skad ces gsol to/ /bcom ldan 'das/ ting nge 'dzin grangs ma mchis pa stong phrag bcu la mnyam par bzhag ste| rnam par bltas kyang byang chub sems dpa' kun tu bzang po ma mthong ngo / /de'i lus kyi las kyang ma mthong ngo / /de'i ngag dang ngag gi las kyang ma thos so/ /de'i yid dang yid kyi las kyang ma mthong ngo / /de'i stan yang ma mthong ngo / /byang chub sems dpa' sems dpa' chen po kun tu bzang po de gang na mchis pa dang / spyod pa'i phyogs de yang ma mthong ngo / /bcom ldan 'das kyis bka' stsal pa/ kun tu mig /de ni de bzhin te/ khyod kyis byang chub sems dpa' kun tu bzang po de mi mthong ngo / / de ci'i phyir zhe na/ byang chub sems dpa'i rnam par thar pa bsam gyis mi khyab pa la shin tu bslabs pa ni/ byang chub sems dpa' kun tu bzang po'o/ /kun tu mig /de la ji snyam du sems/ sgyu ma'i gzugs kyi rnam pa sna tshogs mang po sgyu ma'i sngags kyi yi ge gang la gnas pa dmigs par nus sam/ btsun pa </font><hr>Ga249b<br><font size=+1>


bcom ldan 'das/ ma lags so/ /bcom ldan 'das kyis bka' stsal pa/ kun tu mig/ sgyu ma'i sngags kyi gzugs kyi rnam pa de dag kyang dmigs shing bstan par mi nus na/ byang chub sems dpa' kun tu bzang po'i lus kyi spyod yul gsang ba dang / ngag gi spyod yul gsang ba dang / yid kyi spyod yul gsang ba la 'jug par mi nus pa dang / mthong bar mi nus pa lta smos kyang ci dgos/ de ci'i phyir zhe na/ byang chub sems dpa' kun tu bzang po ni zab cing bsam gyis mi khyab par rnam par spyod pa'o/ / byang chub sems dpa' kun tu bzang po ni tshad med cing tshad las 'das pa ste/ ye shes rdo rje'i blo dang ldan pa'o/ /chos kyi dbyings mtha' dang dbus med pa la yang dag par gnas pa'o/ /'jig rten gyi khams thams cad du gnas med par spyod cing / sems can thams cad kyi lus dang gzugs kyi rjes su zhugs pa'o/ /blang ba med pa'i chos kyi tshul dang ldan pa'o/ /mi zad cing tha mi dad pa'i rdzu 'phrul dang / khyu mchog gi mthu la lhun gyis grub par gnas pa'i mthar phyin pa'o/ /byang chub sems dpa' kun tu bzang po ni chos kyi dbyings khong du chud pa dang ldan pa'o/ /de ltar/ rigs kyi bu/ byang chub sems dpa' kun tu bzang po ni blta na don yod pa'o/ /mnyan </font><hr>Ga250a<br><font size=+1>


@#/ /pa don yod pa'o/ /bsnyen bkur byed pa don yod pa'o/ /bsam pa don yod pa'o/ /rjes su dran pa don yod pa'o/ /de la dad par byas pa don yod pa'o/ /byang chub sems dpa' kun tu bzang po de ni mthong ba don yod pa'o/ /thos pa don yod pa'o/ /bsnyen bkur ba don yod pa'o/ /bsam pa don yod pa'o/ /rjes su dran par byas pa don yod pa'o/ /de la mos par byas pa don yod pa'o/ /blta ba don yod pa'o/ /brtags pa don yod pa'o/ /btsal ba don yod pa'o/ /byang chub sems dpa' kun tu bzang po ni rjes su smon lam gdab pa don yod pa'o/ /de nas byang chub sems dpa' kun tu mig dang / byang chub sems dpa'i 'khor de dag thams cad/ byang chub sems dpa' kun tu bzang po mthong bar 'dod cing thal mo sbyar te/ bcom ldan 'das dang / byang chub sems dpa' kun tu bzang po la phyag 'tshal zhing tshig 'di skad brjod do/ /sangs rgyas thams cad la phyag 'tshal lo/ /byang chub sems dpa' kun tu bzang po la phyag 'tshal lo/ /sangs rgyas thams cad la btud de phyag 'tshal lo/ /byang chub sems dpa' kun tu bzang po la btud de phyag 'tshal lo/ /de nas bcom ldan 'das kyis byang chub sems dpa' </font><hr>Ga250b<br><font size=+1>


kun tu mig dang / byang chub sems dpa'i 'khor chen po de dag la bka' stsal pa/ rigs kyi bu dag/ byang chub sems dpa' kun tu bzang po la phyag 'tshol la gsol ba thob cig/ phyogs thams cad du mngon du gyis la kun tu mig gi lus su byin gyis rlob ste/ byang chub sems dpa' kun tu bzang po la dmigs pa gyis la chos kyi dbyings thams cad mngon du bya ba'i sems kyis byin gyis brlabs par gyis te/ chos thams cad 'dod chags dang bral bar khong du chud par gyis la/ byang chub sems dpa' kun tu bzang po dang / smon lam gcig par byung ste/ gnyis su med pa la mnyam par zhog la/ 'jig rten gyi khams thams cad lus las mngon par byung bar byin gyis rlob ste/ dbang po tha mi dad pa'i rjes su 'brang bar gyis la kun tu bzang po'i smon lam kun tu 'gro ba yongs su sbyang bar gyis shig dang / byang chub sems dpa' kun tu bzang po mthong bar 'gyur ro/ /de nas byang chub sems dpa' kun tu mig gis bcom ldan 'das kyis bka' stsal pa de skad thos nas byang chub sems dpa'i 'khor de dag dang bcas pas spyi bos gtugs te phyag 'tshal nas/ byang chub sems dpa' kun tu bzang po la gsol ba btab bo/ /byang chub sems dpa' de dag </font><hr>Ga251a<br><font size=+1>


@#/ /gis gsol ba btab ma thag tu/ de'i tshe byang chub sems dpa' kun tu bzang po'i rnam par thar pa'i rnam par 'phrul ba gang gis/ byang chub sems dpa' de dag thams cad kyis byang chub sems dpa' kun tu bzang po de bzhin gshegs pa'i zhabs kyi drung na gnas shing / pad+mo'i stan la 'dug par mthong bar 'gyur ba dang / 'khor de'i byang chub sems dpa' rnams kyi lus las kyang 'byung bar snang ba dang / 'jig rten gyi khams kyi rgyud 'byams klas pa dag nas kyang 'ong bar snang ba dang / sangs rgyas gcig nas gcig tu brgyud pa thams cad yang dag par ston pa dang / sangs rgyas thams cad kyi 'phrin las 'jig rten gyi khams thams cad du rab tu brjod pa dang / byang chub sems dpa'i spyod pa thams cad rab tu ston pa dang / thams cad mkhyen pa'i ye shes kyi lam snang bar byed pa dang / byang chub sems dpa'i rnam par 'phrul ba thams cad yang dag par ston pa dang / byang chub sems dpa'i khyu mchog gi mthu phyung ba thams cad yang dag par brjod pa dang / de bzhin gshegs pa tshad med pa'i dus gsum rab tu ston pa de lta bu'i rnam par thar pa'i rnam par 'phrul pa kun tu bstan to/ /de </font><hr>Ga251b<br><font size=+1>


nas byang chub sems dpa' kun tu mig dang / byang chub sems dpa'i 'khor de dag thams cad kyis rnam par 'phrul pa de dag mthong nas dga' zhing mgu ste/ yi rangs nas rab tu dga' zhing bde ba dang / yid dga' ba skyes nas/ dmigs pa thams cad kyis btud pa'i rjes su byang chub sems dpa' kun tu bzang po la phyag 'tshal to/ / de'i tshe sangs rgyas kyi byin gyi rlabs dang / byang chub sems dpa' de dag gi mos pa dang / byang chub sems dpa' kun tu bzang po'i sngon gyi dge ba'i rtsa bas sprin gyi char stong phrag bcu mngon par bab par gyur pa 'di lta ste/ me tog sna tshogs kyi sprin gyi char mngon par bab bo/ /phreng ba sna tshogs kyi sprin gyi char mngon par bab bo/ /spos sna tshogs kyi sprin gyi char mngon par bab bo/ /spos kyi phye ma sna tshogs kyi sprin gyi char mngon par bab bo/ /gdugs sna tshogs kyi sprin gyi char mngon par bab bo/ /na bza' sna tshogs kyi sprin gyi char mngon par bab bo/ /rgyan sna tshogs kyi sprin gyi char mngon par bab bo/ /rin po che sna tshogs kyi sprin gyi char mngon par bab bo/ /spos sna tshogs kyi sprin gyi char mngon par bab bo/ /snam bu rin po che'i sprin gyi char mngon par bab bo/ /'jig rten gyi khams brjod du med pa rnam pa drug tu g.yos so/ /rol mo brdung </font><hr>Ga252a<br><font size=+1>


@#/ /ba dang / dkrol ba thams cad kyi sgra mang po byung ngo / /lha'i nga ro snyan pa mang po rab tu byung ngo / /'jig rten gyi khams brjod du med pa'i yang brjod du med pa snang ba chen pos khyab par snang ngo / /'jig rten gyi khams brjod du med pa'i yang brjod du med pa'i sems can rnams rnam par dag par gyur to/ / ngan song gi lam gyi rgyud gsum rnam par zhi bar gyur to/ /'jig rten gyi khams brjod du med pa'i yang brjod du med pa rnam par dag par gyur to/ /byang chub sems dpa' brjod du med pa'i yang brjod du med pa byang chub sems dpa' kun tu bzang po'i spyod pa la zhugs par gyur to/ byang chub sems dpa' brjod du med pa'i yang brjod du med pa byang chub sems dpa' kun tu bzang po'i spyod pa la yongs su grub par gyur to/ /byang chub sems dpa' brjod du med pa'i yang brjod du med pa byang chub sems dpa' kun tu bzang po'i spyod pa la smon lam yongs su rdzogs par byas nas/ bla na med pa yang dag par rdzogs pa'i byang chub tu mngon par sangs rgyas par gyur to/ /de nas byang chub sems dpa' kun tu mig gis bcom ldan 'das la 'di skad ces gsol to/ /bcom ldan 'das/ byang </font><hr>Ga252b<br><font size=+1>


chub sems dpa' kun tu bzang po ni bdag nyid che ba la rnam par spyod pa'o/ /mtshungs pa ma mchis pa la rnam par spyod pa'o/ /yongs su mi chod pa la rnam par spyod pa'o/ /slar mi ldog pa la rnam par spyod pa'o/ /mnyam pa nyid rjes su rtogs pa la rnam par spyod pa'o/ /gzhan gyis mi zlog pa la rnam par spyod pa'o/ /chos thams cad tha mi dad pa la rnam par spyod pa'o/ /chos thams cad dang ma 'dres par rnam par spyod pa'o/ /sems can thams cad kyi sems kyi byin gyis rlabs mkhas pa la rnam par spyod pa'o/ /bcom ldan 'das/ byang chub sems dpa' kun tu bzang po ni chos thams cad kyi dbang dang / ting nge 'dzin dang / rnam par thar pa la rnam par spyod pa'o/ /bcom ldan 'das kyis bka' stsal pa/ kun tu mig /de khyod kyis ji skad du smras pa de bzhin te/ byang chub sems dpa' kun tu bzang po ni yon tan grangs med pas rnam par dag pa'o/ / yon tan mtshungs pa med pas rnam par brgyan pa'o/ /yon tan tshad med pas rin po che dang ldan pa'o/ /yon tan bsam gyis mi khyab pa'i 'byung gnas rgya mtsho'o/ / yon tan dpag tu med pa'i mtshan nyid do/ /yon tan mu med pa'i sprin to/ /yon tan sa mtshams med pas bsngags shing bstod pa'o/ /chos rin po che zad mi shes </font><hr>Ga253a<br><font size=+1>


@#/ /pa'o| |byang chub sems dpa' kun tu bzang po ni/ sangs rgyas thams cad kyis yon tan brjod cing bsngags pa mi zad pa'o/ /de nas bcom ldan 'das kyis byang chub sems dpa' kun tu bzang po la 'di skad ces bka' stsal to/ /kun tu bzang po khyod kyis byang chub sems dpa' kun tu mig dang / byang chub sems dpa'i 'khor thams cad la/ byang chub sems dpa' kun tu bzang po'i spyod pa dang / smon lam yongs su rdzogs pa dang ldan pa'i byang chub sems dpa' sems dpa' chen po rnams kyi ting nge 'dzin shin tu bstan pa gang gis 'das pa dang / ma 'ongs pa dang / da ltar byung ba'i byang chub sems dpa'i spyod pa byung ba dang / 'byung ba dang / 'byung bar 'gyur ba'i ting nge 'dzin bcu shin tu bstan pa la mkhas pas/ ting nge 'dzin rgya chen po bcu shin tu bstan pa spobs par gyis shig/ bcu gang zhe na/ 'di lta ste/ byang chub sems dpa'i ting nge 'dzin rgya chen po la mkhas pa rab tu thob pa dang / rjes su 'gro ba snang ba zhes bya ba dang / 'di lta ste| byang chub sems dpa'i ting nge 'dzin rgya chen po rab tu thob pa yid du 'ong ba zhes bya ba dang / 'di lta ste/ zhing 'byams klas pa gcig nas gcig tu </font><hr>Ga253b<br><font size=+1>


brgyud pa'i rjes su song ba dang / 'di lta ste/ lhag pa'i bsam pa gtsang mas spyod pa zhes bya ba dang / 'di lta ste/ 'das pa'i rgyan gyi snying po zhes bya ba dang / 'di lta ste/ ye shes rnam par snang ba'i snying po zhes bya ba dang / 'di lta ste/ sangs rgyas thams cad kyis rnam par bkod pa'i 'jig rten gyi khams kyi rgyan ces bya ba dang / 'di lta ste/ sems can gyi lus tha mi dad pa zhes bya ba dang / 'di lta ste/ sems can gyi khams la dbang ba zhes bya ba dang / 'di lta ste/ byang chub sems dpa'i ting nge 'dzin rgya chen po la mkhas pa rab tu thob pa bcu pa chags pa med pa'i dkyil 'khor ces bya ba ste/ byang chub sems dpa' sems dpa' chen po rnams kyi ting nge 'dzin rgya chen po 'di bcu ni 'das pa dang / ma byon pa dang / da ltar byung ba'i de bzhin gshegs pa thams cad kyis gsungs so/ /gsung ngo / /gsung bar 'gyur ro/ /byang chub sems dpa' gang gis ting nge 'dzin bcu po 'di dag la bsten cing bsgoms te/ mang du byas pa dang / dngos por byas pa dang / shes par byas pa dang / mngon du byas pa dang / mdun du byas pa dang / mnyam par gzhag pa dang / shin tu brtsams pa de dag kyang byang chub sems dpa'i ting nge 'dzin bcu po 'di dag dang ldan pas byang chub sems dpa' </font><hr>Ga254a<br><font size=+1>


@#/ /yin yang sangs rgyas zhes bya'o/ /de bzhin gshegs pa zhes bya'o/ /stobs bcu pa zhes bya'o/ /'dren pa zhes bya'o/ /rnam par 'dren pa zhes bya'o/ /thams cad mkhyen pa zhes bya'o/ /thams cad gzigs pa zhes bya'o/ /chags pa med pa la gnas pa zhes bya'o/ /bsgribs pa med pa'i spyod yul can zhes bya'o/ /chos thams cad kyi dbang phyug ces bya'o/ /byang chub sems dpa' gang gis ting nge 'dzin 'di dag thob pa de ni 'jig rten gyi khams thams cad du rjes su song ba yang yin la/ 'jig rten gyi khams thams cad nas phyir log pa yang yin/ sems can thams cad kyi khams su rab tu song ba'ang yin la/ sems can med pa'i mtha' yang khong du chud pa yin/ chags pa med pa'i lus kyi snying po'i rjes su song ba'ang yin la/ chos kyi dbyings thams cad la yang 'jug par spyod pa yin no/ /chos kyi dbyings mtha' dang dbus med pas kyang rnam par dag la/ 'das pa dang / ma byon pa dang / da ltar byung ba'i de bzhin gshegs pa thams cad kyi yang rjes su 'brang ba yin/ de bzhin gshegs pa thams cad kyi chos rnam par mthong ba yang yin la/ spyod pa thams cad kyi </font><hr>Ga254b<br><font size=+1>


yang rjes su song ba yin/ dbyangs kyi yan lag dang / yi ge la rab tu spobs shing / byang chub sems dpa'i spyod pa thams cad yongs su rdzogs pas rnam par dag pa'ang yin la| byang chub sems dpa'i spyod pa rnam par phye ba yongs su rdzogs par bya ba la'ang rab tu gnas pa yin/ rtag par dus gsum skad cig tu zhugs pa'ang yin la/ dus gsum thams cad yongs su shes par bya ba'i phyir yang dag par gzhol ba'ang yin/ sangs rgyas thams cad kyi chos ston pa'ang yin la/ thabs kyis chos thams cad kyi 'khor lo bskor ba las phyir mi ldog pa'i lus dang yang ldan pa yin/ 'das pa dang / ma 'ongs pa dang / da ltar byung ba'i byang chub sems dpa' thams cad rnam par 'tshang rgya bar bya ba'i tshul la yang rab tu zhugs la/ sangs rgyas gcig mngon par sangs rgyas pas sangs rgyas thams cad du'ang shin tu ston pa yin te/ 'di dag ni byang chub sems dpa' rnams kyi chos kyi rnam pa'i tshul lo/ /'di dag ni byang chub sems dpa' rnams kyi ye shes rnam par sbyang ba'i tshul lo/ /thams cad mkhyen pa'i rgyal mtshan gzhan gyis mi pham pa'i tshul lo/ /byang chub sems dpa' kun tu bzang po'i spyod pa dang / smon lam gyi tshul lo/ byang chub sems </font><hr>Ga255a<br><font size=+1>


@#/ /dpa'i mngon par shes pa rnon po dang 'grogs pa'i tshul lo/ /gzungs dang spobs pa thams cad kyi tshul lo/ /dus gsum tha mi dad pa'i tshul lo| |'das pa dang / ma byon pa dang / da ltar byung ba'i sangs rgyas thams cad kyi tshul lo/ /sems can thams cad thams cad mkhyen pa nyid la rab tu dgod pa'i tshul lo/ /'di dag ni byang chub sems dpa' thams cad kyi 'jig rten gyi khams thams cad yongs su dag par bya ba'i khyu mchog gi mthu bstan pa'i tshul lo/ / byang chub sems dpa'i ting nge 'dzin 'di dag thob pa'i byang chub sems dpa' rnams ni mthu mi zad pa'i phyir chos kyi dbyings kyi stobs thob pa yin/ 'pho ba med pa'i mthar thug par 'gyur ba'i phyir nam mkha'i dbyings ltar tshad med pa yin/ chos kyi rgyal srid la 'gro ba dbang bskur ba'i phyir dbang mtha' yas par bsgyur ba yin/ stobs bcu shin tu yangs pa'i tshul thob pa'i phyir 'gro ba thams cad du tshad med pa'i ye shes thob pa yin/ rab tu zhi ba'i mtha' la zhugs pas nyon mongs pa med pa'i sems rab tu bsgoms pa yin/ shugs dang ldan pa'i rtsal ba dog pas snying rje chen po'i seng ge yin/ yon tan dang </font><hr>Ga255b<br><font size=+1>


bsngags pa thams cad dang ldan pas chos kyi sgron ma la yang dag par gzhol zhing mi zad pa yin/ nyan thos dang rang sangs rgyas thams cad kyis bsam gyis mi khyab pa yin/ chos shes shing khong du chud pas gnas kyi mthar phyin pa yin/ spyod pa dang / rnam par gdags pa dang / brda thams cad la sna tshogs su shin tu bstan pa byed par mkhas pa yin/ chos thams cad mtshan ma med pa mkhas pa la zhugs pas mtshan ma med pa la mos pa yin/ de bzhin gshegs pa'i mnga' chen pos rnam par dag pas rigs dang rgyud rnam par dag pa yin/ gzhi med pa la 'jug pa'i ye shes kyis chos kyi gzhi rab tu dbye ba'i snying po'i rjes su song ba yin/ chos yongs su gtong ba la brtson pas dus thams cad du mkhas pa dang ldan pa yin/ shes par bya ba thams cad khong du chud pas/ sems can gyi nang na mkhas pa yin/ skye dgu thams cad shin tu dag par byed pas mtha' yas pa rnam par spyod pa yin/ sangs rgyas kyi byang chub rnam par sangs rgyas pa dang / 'tshang rgya bar bya ba'i spyod pa yang dag par ston pas byang chub sems dpa'i dkyil 'khor gyi thabs la mkhas pa yin/ byang chub sems dpa'i spyod pa'i byin gyi rlabs kyis zad mi shes pa yin/ thams cad </font><hr>Ga256a<br><font size=+1>


@#/ /mkhyen pa'i yul rnam par 'tshang rgya bar bya ba la mkhas pas cho 'phrul chen po ston pa yin gyi/ de bas na kun tu bzang po byang chub sems dpa'i ting nge 'dzin bcu bo 'di dag rgya cher spros te bshad pas bstan par gyis shig /byang chub sems dpa'i 'khor 'di dag thams cad nyan par 'dod do/ /de nas byang chub sems dpa' kun tu bzang pos bcom ldan 'das kyis bka' stsal pa dang / byang chub sems dpa' de dag gis kyang gsol ba btab par shes nas/ byang chub sems dpa' kun tu mig dang / byang chub sems dpa'i tshogs thams cad la smras pa/ kye| rgyal ba'i sras dag/ bcu bo 'di rnams ni byang chub sems dpa' sems dpa' chen po rnams kyi byang chub sems dpa'i chos ma lus par mthar thug pa ste/ bcu gang zhe na/ 'di lta ste/ sangs rgyas skye ba khong du chud pa'i ye shes dang / sems can dri ma med pa mngon par bsgrubs par bya ba'i ye shes dang / 'jig rten gyi khams mig yor lta bur shes pa'i ye shes dang / chos kyi dbyings kyi rjes su 'jug pa'i ye shes dang / byang chub sems dpa' rab tu gzung ba la mkhas pa'i ye shes dang / phyir mi ldog pa'i byang chub sems dpa'i thabs yongs </font><hr>Ga256b<br><font size=+1>


su gnon pa'i ye shes dang / don thams cad dang ldan pa'i chos kyi lhag mthong la mkhas pa'i ye shes dang / byang chub kyi sems kyi mthu'i rjes su song ba'i ye shes dang / sangs rgyas kyi chos thams cad shes pa'i ye shes dang / thams cad mkhyen pa'i smon lam dang byin gyi rlabs kyi ye shes te/ kye| rgyal ba'i sras dag /de dag ni byang chub sems dpa' rnams kyi byang chub sems dpa'i chos ma lus par mthar thug pa'o/ /kye| rgyal ba'i sras dag /bcu po 'di dag ni/ byang chub sems dpa' sems dpa' chen po rnams kyi sems bskyed pa mtha' dang dbus med pa ste/ bcu gang zhe na/ 'di lta ste/ sems can thams cad nye bar gzung ba dang / yongs su dgrol ba'i phyir sems bskyed pa mtha' dang dbus med pa dang / 'di lta ste/ sangs rgyas kyi chos thams cad yongs su bsgrub pa'i phyir sems bskyed pa mtha' dang dbus med pa dang / 'di lta ste / sangs rgyas thams cad bsnyen bkur zhing mchod pa'i phyir sems bskyed pa mtha' dang dbus med pa dang / 'di lta ste/ sangs rgyas thams cad mthong bar bya ba'i mig tshad med pa yang dag par bsgrub pa'i phyir sems bskyed pa mtha' dang dbus med pa dang / 'di lta ste/ sangs rgyas thams cad kyi gsung dang / dbyangs dang / bka' yang dag </font><hr>Ga257a<br><font size=+1>


@#/ /par gzung zhing nyams pa med par bya ba'i phyir sems bskyed pa mtha' dang dbus med pa dang / 'di lta ste/ sangs rgyas thams cad kyi rnam par 'phrul ba'i bye brag tha dad pa rnam par dbye ba la mkhas par khong du chud pa bskyed pa'i phyir sems bskyed pa mtha' dang dbus med pa dang / 'di lta ste/ de bzhin gshegs pa rnams kyi byang chub kyi mtshams sbyar ba'i stobs la 'jug par bya ba'i phyir sems bskyed pa mtha' dang dbus med pa dang / 'di lta ste/ thams cad mkhyen pa'i stobs mtha' yas pas shin tu phra bar dmigs shing yongs su mnan pa'i sangs rgyas kyi chos rab tu bstan pa'i phyir sems ba skyed pa mtha' dang dbus med pa dang / 'di lta ste/ sangs rgyas kyi khyu mchog gi mthu bsam gyis mi khyab cing / 'byams klas pa la 'jug pa dang / khong du chud par bya ba'i phyir sems bskyed pa mtha' dang dbus med pa dang / 'di lta ste/ sangs rgyas kyi tha dad pa yang dag par mkhyen pa mngon du bya bar lhag pa'i bsam pa yang dag par gtang zhing / sangs rgyas kyi chos thams cad yang dag par blang ba'i phyir sems bskyed pa mtha' dang dbus med pa dang / 'di lta ste/ de bzhin gshegs pa thams cad kyi 'khor gyi </font><hr>Ga257b<br><font size=+1>


dkyil 'khor du 'jug cing lus sna tshogs kyi byin gyi rlabs yang dag par bstan pa'i phyir sems bskyed pa mtha' dang dbus med pa ste/ kye| rgyal ba'i sras dag /bcu po de dag ni/ byang chub sems dpa' rnams kyi sems bskyed pa mtha' dang dbus med pa'o/ /kye| rgyal ba'i sras dag /bcu po 'di rnams ni/ byang chub sems dpa' sems dpa' chen po rnams kyi ting nge 'dzin gyi bye brag la 'jug pa'i ye shes te/ bcu gang zhe na/ 'di ltar shar phyogs su snyoms par zhugs te/ nub phyogs nas rnam par ldang ba dang / nub phyogs su snyoms par zhugs te/ shar phyogs nas rnam par ldang ba dang / shar dang byang gi mtshams su snyoms par zhugs te/ lho dang nub kyi mtshams nas rnam par ldang ba dang / lho dang nub kyi mtshams su snyoms par zhugs te/ shar dang byang gi mtshams nas rnam par ldang ba dang / lho phyogs su snyoms par zhugs te| byang phyogs nas rnam par ldang ba dang / byang phyogs su snyoms par zhugs te/ lho phyogs nas rnam par ldang ba dang / nub dang byang gi mtshams su snyoms par zhugs te/ shar dang lho'i mtshams nas rnam par ldang ba dang / shar dang lho'i mtshams su snyoms par bzhugs te/ nub dang byang gi mtshams nas rnam par ldang ba </font><hr>Ga258a<br><font size=+1>


@#/ /dang / 'og gi phyogs su snyoms par zhugs te/ steng gi phyogs nas rnam par ldang ba dang / steng gi phyogs su snyoms par zhugs shing / 'og gi phyogs nas rnam par ldang ba ste/ kye| rgyal ba'i sras dag/ bcu po 'di rnams ni/ byang chub sems dpa' sems dpa' chen po dag gi ting nge 'dzin gyi bye brag la 'jug pa'i ye shes so/ /kye| rgyal ba'i sras dag /bcu po 'di rnams ni/ byang chub sems dpa' sems dpa' chen po rnams kyi ting nge 'dzin rgya chen por bya ba la mkhas pa ste/ bcu gang zhe na/ 'di lta ste/ kye| rgyal ba'i sras dag/ 'di la byang chub sems dpa' sems dpa' chen pos stong gsum gyi stong chen po'i 'jig rten gyi khams pad mo gcig tu byin gyis brlabs te/ pad+mo gcig po de rang gi skyil mo krung gis rgyas par khyab par byin gyis rlob bo/ /rang gi lus de las kyang stong gsum gyi stong chen po'i 'jig rten gyi khams ston to/ /stong gsum gyi stong chen po'i 'jig rten gyi khams der yang gling bzhi pa khrag khrig phrag brgya ston to| |gling bzhi pa khrag khrig brgya po re re zhing yang bdag gi lus re re byin gyis rlob ste/ lus de dag re re la'ang stong gsum gyi stong chen po'i 'jig rten gyi khams </font><hr>Ga258b<br><font size=+1>


khrag khrig brgya brgya ston to/ /'jig rten gyi khams de dag gi gling bzhi pa re rer yang byang chub sems dpa'i spyod pa khrag khrig brgya brgya yang dag par ston te/ byang chub sems dpa'i spyod pa de dag re re la yang mos pa bye ba khrag khrig brgya brgya mngon par bsgrub bo/ /mos pa de dag re re la'ang dbang po sna tshogs rnam par phye ba khrag khrig phrag brgya brgya yongs su rdzogs pa rab tu 'thob par bya ba yongs su rdzogs par byed do/ /dbang po sna tshogs rnam par phye ba de dag re re la yang byang chub sems dpa' khrag khrig brgya brgya phyir mi ldog pa'i lam gyis byang chub sems dpa'i chos la rab tu gzhog go /'on kyang lus mang po'am/ lhag par 'phel bar mi byed de/ mnyam par bzhag pa'ang nyams par 'gyur ba med do/ /kye| rgyal ba'i sras dag/ 'di lta ste/ dper na/ lha ma yin gyi dbang po sgra gcan zhes bya ba yod de/ de'i rang bzhin gyi lus ni dpag tshad bdun brgya'o/ /de'i sprul ba'i lus ni dpag tshad brgya stong phrag drug cu rtsa brgyad de/ de'i lus phyed rgya mtsho chen po'i nang na 'dug kyang lus kyi stod gyen du 'phags pa ri rab kyi rtse mo dang mnyam pa dang / kye| rgyal ba'i sras dag /lha ma yin gyi dbang po sgra gcan de sprul pa'i lus dpag tshad brgya stong phrag drug </font><hr>Ga259a<br><font size=+1>


@#/ /cu rtsa brgyad pa des sngon gyi lus 'jig par mi byed do/ /sngon skyes pa'i phung po dang / khams dang / skye mched kyang yongs su nyams par mi 'gyur ro| |lus chen po de yod pas kyang sprul pa'i lus la gzhan du 'du shes par mi 'gyur te/ lus snga ma shi 'phos pa'i 'du shes kyang med la/ gsar du skyes pa'i lus kyis kyang nyams dga' ba rab tu thob pa yin te/ sprul pa'i lus des mthu dang dbang byed par dbang sgyur bar yang yang dag par ston pa na rmongs shing 'khrul bar 'gyur ba'ang med de/ lha ma yin gyi dbang po sgra gcan de ni/ 'dod chags can/ zhe sdang can/ gti mug can te/ nga rgyal dang / dregs pa dang ldan yang rgya mtsho'i nang na gnas shing / rgya mtsho'i nang gi khyim na 'dug bzhin du rnam pa de lta bu'i sprul pa'i lus kyis mngon par 'phags na/ byang chub sems dpa' sems dpa' chen po chos thams cad sgyu ma'i rnam par rab tu rtogs pa 'jig rten thams cad na dpe med pa mig yor dang mnyam par rab tu zhugs pa 'jig rten gyi khams thams cad sangs rgyas skyes pa'i sprul pa rnam par dmigs pa lta bur khong du chud pa sgra dbyangs rnam par dmigs pa thams cad ri'i brag ca lta bur </font><hr>Ga259b<br><font size=+1>


shes pa yang dag pa'i chos rab tu mthong ba/ chos ji lta ba bzhin gyi lus dang ldan pa/ rang bzhin gyis 'od gsal zhing dang ba'i chos la zhugs pa/ sems kyi rang bzhin dngos po med par rab tu rtogs pa/ lus kyi yul tshad med pa la gnas pa/ sangs rgyas kyi ye shes snang bas byang chub kyi spyod pa rnam par sbyangs pa lta smos kyang ci dgos te| de ting nge 'dzin chen po de la gnas pas cung zad du 'khrul pa'ang med na/ blong zhing rmongs par 'gyur ba med pa lta ci smos/ de lus kyi stod lha'i 'jig rten du 'phags par byin gyis rlob cing lus kyi smad 'dod pa'i khams na 'dug par byin gyis rlob kyang shin tu mnyam par bzhag pas rab tu sbyar ba'i ting nge 'dzin gyi dkyil 'khor chen po des/ lha ma yin gyi dbang po sgra gcan de yang rang gi lus kyi nang du rlag pa des lus chen po ston cing spyoms pa'i skye ba dang / rdzu 'phrul thams cad kyang lus kyi nang du rlag par byin gyis rlob bo/ /kye/ rgyal ba'i sras dag /'di lta ste/ dper na/ mi sdug pa bsgoms pa la gnas pa'i dge slong ni mi sdug pa'i mtshan mar rnam par lta zhing| nang gi lus la rtog pa la mngon par brtson pa yin/ de bzhin du byang chub sems dpa' sems dpa' chen po yang lus su 'jig rten gyi khams thams cad </font><hr>Ga260a<br><font size=+1>


@#/ /chud par bya ba'i phyir/ chos kyi lus la brtag par mngon par brtson pa yin te/ lus de la 'jig rten dang / 'jig rten gyi chos mthong yang 'di lta ste/ byang chub sems dpa'i khyu mchog gi mthu dang / rnam par 'phrul pa dang / ting nge 'dzin rab tu thob pas lus la 'jig rten dang / 'jig rten gyi chos kyis chags pa med do// kye| rgyal ba'i sras dag /'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes rjes su 'gro ba snang ba zhes bya'o| |kye| rgyal ba'i sras dag /gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams kyi rdul shin tu phra ba snyed kyi stong gsum gyi stong chen po'i 'jig rten gyi khams rnams stong gi 'jig rten gyi khams re re la byin gyis rlob ste/ 'jig rten gyi khams de dag re re yang lus rnam par dmigs pa stong gsum gyi stong chen po'i 'jig rten gyi khams kyi rdul shin tu phra ba snyed yang dag par ston to/ /lus de dag re re las kyang 'od zer gyi dkyil 'khor stong gsum gyi stong chen po'i 'jig rten gyi khams kyi rdul shin tu phra ba snyed rab tu 'gyed do/ /'od zer re re la yang kha dog stong gsum gyi stong chen po'i 'jig </font><hr>Ga260b<br><font size=+1>


rten gyi khams kyi rdul shin tu phra ba snyed yang dag par ston te/ kha dog de dag re res kyang 'jig rten gyi khams stong gsum gyi stong chen po'i 'jig rten gyi khams kyi rdul shin tu phra ba snyed snang bar byed do/ /snang ba de dag re res kyang sems can stong gsum gyi stong chen po'i 'jig rten gyi khams kyi rdul shin tu phra ba snyed yongs su smin par byed do/ /de la yang byang chub sems dpa' des 'jig rten gyi khams rab tu shes so/ /'jig rten gyi khams rnam par phye ba rab tu shes so/ /'jig rten gyi khams kun nas nyon mongs pa rab tu shes so/ /'jig rten gyi khams rnam par dag pa rab tu shes so/ /'jig rten gyi khams su 'gro ba rab tu shes so/ /'jig rten gyi khams byin gyis brlab pa rab tu shes so/ / 'jig rten gyi khams su gnas par bya ba rab tu shes so/ /'jig rten gyi khams snang bar bya ba rab tu shes so/ /'jig rten gyi khams nas 'gro ba'ang rab tu shes so/ /de ltar byang chub sems dpa' 'jig rten gyi khams la de ltar 'jug kyang / 'jig rten gyi khams ji lta ba de bzhin du byang chub sems dpa' la 'jug ste/ 'jig rten gyi khams rnam par dmigs pas 'jig rten gyi khams spro bar yang mi byed do/ /chos kyi rang bzhin las kyang 'jig rten gyi khams 'jig par mi byed do// // </font><hr>Ga261a<br><font size=+1>


@#/ /bam po lnga bcu drug pa/ kye| rgyal ba'i sras dag /'di lta ste/ dper na/ lha'i bu nyi ma 'char ba'i tshe ri rab ri'i rgyal po 'khor bar gnas pa'i rin po che'i ri bdun la 'char bar 'gyur te/ ri bdun po de dag la shar nas ri mtshams kyi gnas bdun po shin tu rub pa de dag tu'ang snang ba'i tshul gyis kun tu 'char ro/ /de yang rin po che'i ri bdun po gser gyi mdog can de dag la nyi ma'i gzugs brnyan snang bas ri bdun gyi nyi ma'i gzugs brnyan ri mtshams bdun po de dag tu snang ba'i tshul gyis 'char bar 'gyur te/ ri mtshams bdun po de dag kyang gser gyi mdog tu 'dug pas/ de dag las kyang ri bdun po de dag la gzugs brnyan gyi tshul du nyi ma'i 'od 'char zhing rnam par dmigs par 'gyur ro/ /de ltar na gcig gis gcig snang bar bya ba'i tshul du ri mtshams de dag tu nyi ma'i gzugs brnyan shar cing / rin po che'i ri de dag la nyi ma'i gzugs brnyan 'byung bas/ de'i phyir rin po che'i ri rnams las nyi ma 'char zhes bya'o/ /de ltar gcig nas gcig tu snang ba rnam par dmigs pa brgyud pas nyi ma'i dkyil 'khor gyi mthar thug pa med de/ de ltar snang ba yang dngos po yang ma yin/ dngos </font><hr>Ga261b<br><font size=+1>


po ma yin pa yang ma yin/ yod pa yang ma yin/ med pa yang ma yin/ ri rnams la gnas pa yang ma yin/ nang du phyin pa yang ma yin/ phyi rol na gnas pa yang ma yin/ de dag dang bral bar gnas pa yang ma yin no/ /kye| rgyal ba'i sras dag /de bzhin du byang chub sems dpa' sems dpa' chen po/ byang chub sems dpa'i ting nge 'dzin 'di la gnas pa yang 'jig rten gyi khams rnam par dmigs pa 'jig par yang mi byed do/ /chos rnams kyi rang bzhin yang yongs su mi spong ngo / /byang chub sems dpa' de nyid 'jig rten gyi khams kyi nang du phyin pa'ang ma yin no/ /byang chub sems dpa' de 'jig rten gyi khams la rnam par dmigs pa'i phyi rol na 'dug pa'ang ma yin no| |byang chub sems dpa' de 'jig rten gyi khams la yang mi rtog ste/ byang chub sems dpa' de 'jig rten gyi khams la rnam par rtog pa'ang ma yin no/ /byang chub sems dpa' de 'jig rten gyi khams kyi mtshan ma rnam par 'jig par byed pa ma yin no/ /chos thams cad kyi mtshan nyid gcig po yang mtshan nyid med pa las rnam par mi zlog ste/ byang chub sems dpa' de yang chos rnam par dbye ba 'khrug par mi byed do/ /byang chub sems dpa' de de bzhin nyid kyi rang bzhin gnas pa de </font><hr>Ga262a<br><font size=+1>


@#/ /las kyang phyir mi ldog go /kye| rgyal ba'i sras dag /'di lta ste/ dper na/ sgyu ma'i gtsug lag mig 'phrul zhes bya ba 'jig rten na yod de/ sgyu ma'i mkhan po sgyu ma'i gtsug lag de la shin tu bslabs shing nan tan du byed byed pa rnams lam pho che'i bzhi mdo dag tu 'khod cing 'gro ba'i tshogs chen po 'dus pa dag gi mdun du skad cig yud tsam du nyi ma gcig dang / nyin zhag bdun dang / zla ba phyed dang / zla ba gcig kyang ston to/ /lo gcig kyang ston to/ /lo brgya yang ston to/ /grong yang ston to/ /yul yang ston to/ /chu klung gi rgyun kyang ston to/ /rgya mtsho yang ston to/ /sprin yongs su sdud pa yang ston to/ /sprin chen po las char 'bab pa yang ston to/ /gnam stong pa las char 'bab pa yang ston to/ /'jig rten gyi gnas rnam pa sna tshogs kyang ston to/ /de ltar bstan pas nyi ma gcig po 'jig par mi 'gyur ro/ /nyi ma gcig pos kyang nyin zhag dang / zla ba dang / lo de dag 'jig par mi 'gyur ro/ /yun ring pos kyang sgyu mi ston cing sgrub pa zad par mi 'gyur te/ sgyu ma bstan pa'i dus kyis kyang yun ring po rnam par dmigs pa zad par mi 'gyur ro/ /kye| rgyal ba'i sras dag /de bzhin du byang chub sems dpa' sems </font><hr>Ga262b<br><font size=+1>


dpa' chen po/ ting nge 'dzin 'di la mnyam par bzhag pa yang 'jig rten gyi khams gcig tu 'jig rten gyi khams grangs med pa la 'jug pa rab tu ston to/ /rlung gi phung po dang / me'i phung po dang / chu'i phung po dang / sa'i phung por bcas pa dang / rgya mtsho dang / gling du bcas pa dang / rin po che'i ri dang / ri rab dang / khor yug dang / btang bzung dang / khor yug chen pos yongs su bskor bar bcas pa dang / mi'i 'jig rten dang / grong rdal dang / yul gru dang / grong gis gang bar bcas pa dang / bza' shing gi ra ba dang / chu klung dang / mtsho dang / lteng ka dang bcas pa dang / lha'i gnas dang / rgyan du bcas pa dang / klu'i gnas su bcas pa dang / gnod sbyin gyi gnas su bcas pa dang / dri za'i gnas su bcas pa dang / lha ma yin gyi gnas su bcas pa dang / nam mkha' lding gi gnas su bcas pa dang / mi'am ci'i gnas su bcas pa dang| mi'i rgyan dang gnas su bcas pa dang / 'dod pa'i khams kyi yul dang bcas pa dang / gzugs kyi khams kyi yul dang bcas pa dang / gzugs med pa'i khams kyi yul dang bcas pa dang / 'jig rten gyi khams byur bur bcas pa dang / 'jig rten gyi khams stong du bcas pa dang / 'jig rten gyi khams stong gsum du bcas pa dang / </font><hr>Ga263a<br><font size=+1>


@#/ /las dang rnam par smin par bcas pa dang / shi 'pho dang skye bar bcas pa dang / sems can du bcas pa dang / yun ring por bcas pa dang / yud tsam thang cig tu bcas pa dang / nyi mar bcas pa dang / dus mtshams su bcas pa dang / zla ba dang / lo dang / lo brgyar bcas pa dang / bskal pa dang / 'jig pa dang / 'du bar bcas pa dang / kun nas nyon mongs pa dang / rnam par dag pa dang / yangs pa dang / phra ba dang / rgya che ba dang / tshad med par bcas pa dang / sangs rgyas skye bar bcas pa dang / byang chub sems dpa'i 'khor du bcas pa dang / 'dul ba'i sems can du bcas pa dang / sangs rgyas rnam par 'phrul ba'i yul dang / thams cad du byin gyis brlab pa dang / sangs rgyas kyi zhing rnam par dag par bcas pa dang / yul dang / phyogs dang / gzhi sna tshogs dang / gnas snod du mas gang ba dang / 'gro ba'i rgyud sna tshogs dang / sems can gyi ris bsam gyis mi khyab par bcas pa dang / sngon gyi mtha' dang / phyi ma'i mtha' dang / de ltar byung ba dang / rin po che sna tshogs dang / rin po che du ma dang / las dang rnam par smin pa sna tshogs rnam par dag par bcas pa dang / 'jig rten gyi khams de dag la 'jig rten gyi khams gcig tu </font><hr>Ga263b<br><font size=+1>


'jug pa'i tshe/ 'jig rten na yod pa dang / 'jig rten du gtogs pa'i sems can de dag thams cad kyang ston to/ /mthong bar byed do/ /shes par byed do/ /rnam par dpyod do/ / rtogs par byed do/ /rab tu shes par byed do/ /khong du chud par byed do/ /de la yang dag par 'jug pa yang mi zad pa'i ye shes kyis thob par gyur par yang dag pa ji lta ba bzhin du ma nor bar lta'o/ /'jig rten gyi khams kyi grangs de dag gis kyang 'jig rten gyi khams 'di dag rnam par 'jig par mi byed de/ 'jig rten gyi khams 'di dag gis 'jig rten gyi khams de dag rnam par 'jig par mi byed do/ /de ci'i phyir zhe na/ byang chub sems dpa' ni/ chos thams cad la srog med pa'i chos la yongs su rab tu zhugs pa ste| byang chub sems dpa' ni/ byed pa med pa'i chos la rab tu zhugs pas spyod pa thams cad la rlom sems med do/ /byang chub sems dpa' ni/ 'jig rten thams cad nyon mongs pa med pa'i chos la brtson pas bdag med pa la spyod pa yin/ byang chub sems dpa' ni/ lus thams cad la rten cing 'brel bar 'byung ba'i chos su yang dag pa ji lta ba bzhin du lta bas sems can med pa la spyod pa yin/ byang chub sems dpa' ni/ skye ba dang 'jig pa thams cad chos kyi rgyud kyi rgyu las byung </font><hr>Ga264a<br><font size=+1>


@#/ /ba'i chos su rtogs pas gang zag med pa la spyod pa yin/ byang chub sems dpa' ni/ chos kyi rang bzhin yang dag par blang ba la zhugs pas shed can dang / shed las skyes pa med pa la gnas pa yin/ byang chub sems dpa' ni/ chos thams cad rang bzhin gyis dben pas byed pa po med pa la spyod pa yin/ byang chub sems dpa' ni/ chos thams cad la de bzhin gshegs pa'i spyod pa rnam par phye ba gcig gis spyod pas rnam par mi rtog pa la spyod pa yin/ byang chub sems dpa' ni/ chos kyi dbyings dbyer med pa'i chos nyid kyis bsam gyis mi khyab pa la gnas pa yin/ byang chub sems dpa' ni/ thabs kyi rnam grangs la mkhas shing / sems can gdul ba la brtson pas snying rje chen po la spyod pa yin te/ de ltar na byang chub sems dpa' sems dpa' chen po 'jig rten gyi khams gcig rnam par gzhog pas/ 'jig rten gyi khams rnam par dgod pa grangs med pa la 'jug go /bskal pa grangs med pa'i rgyud rab tu shes so/ /byang chub sems dpa'i 'jug pa grangs med pa yang dag par mthong ngo / /sangs rgyas grangs med pa'i rjes su yang dag par 'brang ngo / /de bzhin gshegs pa dgra bcom pa yang dag par </font><hr>Ga264b<br><font size=+1>


rdzogs pa'i sangs rgyas de dag gis chos bstan pa yang dag par 'dzin to/ /byang chub sems dpa'i spyod pa de la bdag yang dag par spyod par mthong ste/ 'di nas kyang bdag gud du g.yo ba med do/ /de dag dang bdag tu tha dad pa med par yang rab tu shes te/ chos kyi dbyings la 'jug pas kyang rgyun chad pa med par rab tu 'jug go/ ye shes kyi rjes su 'jug cing phyir mi ldog pa'ang rab tu shes te/ dper na/ sgyu ma'i mkhan po des 'di la gnas shing sgyu ma thams cad ston kyang sgyu ma'i sprul pa des/ sa 'di skyon can du'ang mi 'gyur la/ sgyu ma'i sprin de dag gis kyang sa 'di rlan par mi 'gyur te/ sgyu ma'i nyi ma des mun pa'i grangs su bya ba 'di dag bsal bar yang mi 'gyur ro/ / de bzhin du byang chub sems dpa' yang sangs rgyas kyi zhing gi yul la zhing du 'jug pa'ang byed/ 'jig rten ma yin pa'i yul la 'jig rten yang rab tu shes/ gzugs med pa'i yul la gzugs su byin gyis rlob pa yang shin tu ston te/ gcig gis gnyis pa 'jig par mi byed do/ /gnyis pas kyang gcig 'jig par mi byed do/ /de ni des 'jig rten gyi chos thams cad sgyu ma'i dra bar chos kyi rang bzhin la 'jug pas rab tu shes shing / khong du chud pa dang / ye shes kyi rang bzhin la 'jug pa </font><hr>Ga265a<br><font size=+1>


@#/ /dang| las kyi rang bzhin la 'jug pas khong du chud pa dang / las kyi rang bzhin ye shes kyi rang bzhin du rab tu bsgrub pa dang / ye shes kyi rang bzhin du las thams cad rab tu spyod pas de'i phyir rab tu shes so/ /'di lta ste/ dper na/ sgyu ma'i mkhan po de ni sgyu ma'i rnam pa ston na sa med par yongs su ston pa ma yin/ skye bo'i tshogs sna tshogs med par yongs su ston pa yang ma yin no/ /de bzhin du byang chub sems dpa' yang nam mkha'i rang bzhin med par 'jig rten thams cad la yongs su 'jug pa'ang ma yin/ 'jig rten gyi rnam pa med par nam mkha'i rang bzhin la 'jug pa'ang ma yin no/ /de ci'i phyir zhe na/ nam mkha'i rang bzhin yang 'jig rten dang tha mi dad/ 'jig rten gyi rnam pa yang nam mkha'i rang bzhin dang tha mi dad de/ byang chub sems dpa' de ni nam mkha'i rang bzhin de la 'jig rten gyi yul dang / las sna tshogs kyi rgyan rnam pa sna tshogs la rab tu 'jug go/ mngon par sgrub bo/ /yang dag par lta'o/ /rnam par lta'o/ /khong du chud par byed do| |rtog par byed do/ /goms par byed do/ /rjes su sgom mo/ /rab tu rtog go /rnam par dpyod do/ /sems skad cig gis 'jig rten gyi khams grangs med pa'i </font><hr>Ga265b<br><font size=+1>


'jig pa dang / 'du ba'i rnam pa yang rab tu shes so/ /bskal pa gcig nas gcig tu brgyud pa'i rnam pa la brtson par bya ba'ang rab tu shes so/ /skad cig gcig gis bskal pa de dag gcig nas gcig tu brgyud pa'i dus thams cad dbang du byed do/ /sems kyi skad cig re re la bskal pa dang / dus rnam par dmigs pas mang du byed pa de yang lus las gzhan du mi byed de/ de yang de bzhin gshegs pa'i ye shes bsam gyis mi khyab pa'i rnam par thar pa sgyu ma la byang chub sems dpa' rab tu slob cing yongs su grub pa'i pha rol tu phyin pas ye shes sgyu ma'i mthar phyin pa dang / 'jig rten sgyu ma'i grangs kyi rjes su zhugs pa dang / chos thams cad sgyu ma'i rang bzhin du rtogs pa dang / 'jig rten dang 'gal ba med pa'i ye shes sgyu ma'i mthar phyin pa dang / dus gsum sgyu ma tha mi dad par khong du chud pa dang / mngon par shes pa sgyu ma nges par rtogs pa dang / sems sgyu ma mtha' yas shing mu med pa la rab tu zhugs pa dang / sangs rgyas thams cad sgyu ma'i rang bzhin du yang dag par mos par byas pa'i phyir te/ de ltar byang chub sems dpa' 'jig rten gyi khams thams cad la rab tu 'jug cing rnam par spyod kyang thams cad du chags pa med de/ kun </font><hr>Ga266a<br><font size=+1>


@#/ /la'ang rlom sems med do/ /'di lta ste/ dper na/ sgyu ma byed pa ni mig 'phrul dang / sgyu ma thams cad ston kyang yongs su ston pa yang med do/ de la rmongs par yang mi 'gyur ro/ /de bzhin du/ byang chub sems dpa' rnams kyang chos thams cad la 'jug pa'i pha rol tu'ang phyin la chos la zhugs pas rlom ba yang med do/ /kye| rgyal ba'i sras dag /'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes yid du 'ong ba zhes bya ba ste gnyis pa'o/ /kye| rgyal ba'i sras dag /gzhan yang byang chub sems dpa' sems dpa' chen po dag/ shar phyogs logs su 'jig rten gyi khams grangs med pa 'das shing der sangs rgyas kyi zhing 'byams klas pa gcig nas gcig tu brgyud pa'i rjes su song ba zhes bya ba'i ting nge 'dzin la snyoms par 'jug go |'jig rten gyi khams de dag ji snyed 'das pa de snyed kyi sangs rgyas kyi zhing rdul shin tu phra ba snyed kyi 'jig rten gyi khams 'das nas/ 'jig rten gyi khams de dag tu'ang 'jig rten gyi khams la lar nyi ma rangs par snyoms par 'jug go /la lar snga dro'i dus/ la lar nyi ma gung gi dus/ la lar phyi dro'i dus/ la lar snga </font><hr>Ga266b<br><font size=+1>


dro'i thun gyi dus/ la lar nyi ma gung gi thun gyi dus/ la lar phyi dro'i thun gyi dus/ la lar skad cig gcig gi dus/ la lar yud tsam gcig gi dus/ la lar thang gcig gi dus/ la lar srod kyi dus/ la lar yud du yan man gyi dus/ la lar zla ba gcig gi dus/ la lar lo'i dus/ la lar lo brgya stong gi dus/ la lar lo bye pa brgya stong gi dus/ la lar lo bye ba khrag khrig brgya stong gi dus/ la lar bskal pa gcig gi dus/ la lar bskal pa brgya'i dus/ la lar bskal pa stong gi dus/ la lar bskal pa brgya phrag stong gi dus/ la lar bskal pa bye ba khrag khrig brgya stong gi dus/ la lar bskal pa tshad med pa'i dus/ la lar bskal pa dpag tu med pa'i dus| la lar bskal pa mu med pa'i dus/ la lar bskal pa mtha' yas pa'i dus/ la lar bskal pa grangs med pa'i dus/ la lar bskal pa bsam gyis mi khyab pa'i dus/ la lar bskal pa gzhal du med pa'i dus/ la lar bskal pa bgrang du med pa'i dus/ la lar bskal pa sa mtshams med pa'i dus/ la lar bskal pa brjod du med pa'i dus su snyoms par 'jug kyang / byang chub sems dpa' des chos sgyu ma de dag ring du gnas par sems par mi 'gyur ro/ /dus gzhan du rjes </font><hr>Ga267a<br><font size=+1>


@#/ /su 'brang bar yang mi sems te/ byang chub sems dpa' de dus rnam pa tha dad pa sna tshogs de dag la mngon par chags par yang mi byed do/ /mngon/ par zhen pa yang mi byed do/ /dbang du yang mi byed do/ /mi rtog go /rnam par mi rtog go/ chos thams cad la nyams pa med par gzhol bas byams pa'i mngon par shes pa dang ldan pa yin/ ting nge 'dzin gyi mngon par shes pas ldan pa yin/ kye| rgyal ba'i sras dag/ 'di lta ste/ dper na/ lha'i bu nyi ma ni nyin par snang bar byed cing 'gro yang nyin par dang yang 'grogs pa med/ mtshan mo dang yang mi 'grogs so/ /'gro ba'i tshe yang nyin mor snang la/ nub nas kyang mtshan mor snang ngo / /'on kyang nyin par yang skyed pa med la/ mtshan mo yang bshig pa med do/ /de bzhin du byang chub sems dpa' sems dpa' chen po yang 'jig rten gyi khams grangs med pa dag tu snyoms par zhugs shing grangs su brjod pas rnam par ston to/ /kye| rgyal ba'i sras dag /'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes zhing 'byams klas pa gcig nas gcig tu brgyud pa'i rjes su song ba zhes bya ba ste gsum pa'o/ /kye| </font><hr>Ga267b<br><font size=+1>


rgyal ba'i sras dag/ gzhan yang byang chub sems dpa' sems dpa' chen po rnams ni/ sems can gyi lus sangs rgyas kyi skur mngon par mos par byed de/ des de bzhin gshegs ba shin tu mang pos mthong bas/ 'jig rten gyi khams grangs med pa'i rdul shin tu phra ba snyed kyi de bzhin gshegs pa de dag la spos kyi rnam pa'i mchog thams cad kyis mchod pa byed do/ /me tog sna tshogs yid du 'ong ba thams cad kyis mchod pa byed do/ /zhing yangs pa'i rnam pa sangs rgyas kyi zhing grangs med pa'i rdul shin tu phra ba snyed kyis mchod pa byed do/ /rgyan gyi rnam pa 'gro ba thams cad las shin tu 'das pa thams cad kyis mchod pa byed do/ /'gro ba thams cad kyi rin po che sna tshogs tshad med pas kun tu yog pa'i rnam pa thams cad kyis mchod pa byed do/ /rgyan rnam par phye ba'i tshogs kyi rnam pa thams cad kyis mchod pa byed do/ /nor bu rin po che sna tshogs dam pa'i gtsug lag khang gi rnam pa grangs med pa thams cad kyis mchod pa byed do/ /lha rdzas las kyang 'das pa'i mnab stsal dang / zhal zas sangs rgyas kyi byin gyis brlabs pa'i rnam pa dam pa thams cad kyis mchod pa byed do/ /sangs rgyas kyi zhing thams cad rnam par dag par bya ba'i rgyan sna tshogs rnam pa tha dad pa ma lus pa sangs rgyas bsnyen bkur </font><hr>Ga268a<br><font size=+1>


@#/ /ba dang / mchod pa'i rnam par gtogs pas sangs rgyas thams cad la rim gro bya ba'i tshul dang ldan par mchod pa byed do/ /de bzhin gshegs pa de dag gi zhabs la'ang phyag 'tshal zhing lus thams cad kyis rab tu 'bebs so/ /rje sar zhu ba rnams kyang byed de/ sangs rgyas kyi chos kyang shin tu rtogs par byed do/ /sangs rgyas kyi bstan pa yang rab tu 'dzin to/ /sangs rgyas kyi che ba nyid kyang khong du chud par byed do/ /de bzhin nyid la yang yang dag par 'jug pas rab tu 'jug go /snying rje chen po'i rjes su 'brang ba'ang rab tu byed do/ /chags pa med pa'i stobs rab tu spel ba la'ang mngon par mos shing / sangs rgyas kyi chos thams cad kyang yongs su 'thob par byed do/ /sems can thams cad kyi gtso bo'i rjes su yang rab tu 'brang ste/ skad cig gcig gis mthar yang rab tu 'jug go /de bzhin gshegs pa de dag 'byung ba'i tshe'ang skye ba mi dmigs so/ /de bzhin gshegs pa de dag mya ngan las 'das pa'i tshe'ang 'jig pa mi dmigs so/ /kye| rgyal ba'i sras dag /'di lta ste/ dper na/ g.yeng ba'i sems kyis yul rnam par dmigs pa ni/ gzugs las kyang ma byung / dmigs </font><hr>Ga268b<br><font size=+1>


pa gang las kyang ma byung ngo / /sems rnam par mi dmigs pa'i tshe yang dmigs pa gang las kyang 'gag par mi 'gyur ro/ /kye|rgyal ba'i sras dag /de bzhin du byang chub sems dpas kyang de bzhin gshegs pa de dag 'byung ba'i tshe/ 'byung bar mi dmigs so/ /de bzhin gshegs pa de dag mya ngan las 'da' pa'i tshe yang 'jig par mi dmigs so/ /kye| rgyal ba'i sras dag /'di lta ste/ dper na/ nyi ma'i gung la smig rgyu ba snang ba ni sprin las byung ba'ang ma yin/ mtsho las byung ba'ang ma yin| sprin la gnas pa yang ma yin/ sa la gnas pa yang ma yin/ phyogs nas byung ba'ang ma yin/ dge ba yang ma yin/ mi dge ba yang ma yin/ dang ba yang ma yin/ rnyog pa can yang ma yin/ btung ba yang ma yin/ dbo ba yang ma yin/ dngos po yod pa yang ma yin/ dngos po med pa yang ma yin/ ro dang ldan pa yang ma yin/ rnam par dmigs pa dang / rnam par mi dmigs pa'i grangs su yang mi chud na/ de'i rkyen gyis rnam par shes par gdags pa yang yod de/ smig rgyu ba'i rgyud ji lta ba de bzhin du chu klung gi 'du shes skye ste/ rgyang ring po nas 'du shes dang / rnam par shes pa skye'o/ /nye bar bsnyen na 'jig cing smig rgyu bar rnam par dmigs pa yang med do/ / </font><hr>Ga269a<br><font size=+1>


@#/ /kye| rgyal ba'i sras dag/ de bzhin du byang chub sems dpas kyang de bzhin gshegs pa de dag skye ba'i tshe yang skye bar mi dmigs so/ /de bzhin gshegs pa de dag mya ngan las 'da' ba'i tshe'ang 'jig par mi dmigs kyang / mtshan yod pas sangs rgyas la sangs rgyas kyi 'du shes kyis rnam par dmigs so| |mtshan med pas mtshan med pa'i mtshan mas mi dmigs te/ kye|rgyal ba'i sras dag/ 'di ni byang chub sems dpa' sems dpa' chen po rnams kyi ting nge 'dzin lhag pa'i bsam pa gtsang mas spyod pa zhes bya ba ste/ de la snyoms par zhugs shing / rnam par langs kyang de ni 'jig pa med do/ /kye| rgyal ba'i sras dag/ 'di lta ste/ dper na/ mi gnyid kyis log pa'i rmi lam rmis nas sad de mtshan ma yid kyis zin la dran zhing rmi lam la bsgribs pa med par dmigs pa ni sad kyang rmi lam rjes su dran pas yongs su dran no/ /kye| rgyal ba'i sras dag/ de bzhin du byang chub sems dpa' sems dpa' chen po rnams kyang sangs rgyas mthong ba'i mtshan ma yang yongs su 'jig par mi byed do/ /sangs rgyas kyi chos blangs pa rnams kyang yang dag par 'dzin to/ /de bzhin gshegs pa de dag gi 'khor gyi dkyil 'khor </font><hr>Ga269b<br><font size=+1>


rnam par dag pa yang bsam pa ji lta ba bzhin du rnam par dmigs so/ /sangs rgyas kyi zhing gi rgyan kyang rjes su 'thob par byed do/ /don gyi tshul yang rnam par 'phel bar byed do/ /chos thams cad kyi tshul yang rnam pa du mar yongs su sbyong ngo / /ye shes kyi sgron ma yang shin tu yangs par byed do/ /sangs rgyas kyi rigs kyang rnam par 'phel bar byed do/ /mi 'jigs pa yongs su dag pa yang rab tu brjod do/ /tha dad pa yang dag par shes pa mi zad pa'ang rab tu ston to/ /kye| rgyal ba'i sras dag/ 'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes bzhi pa'o/ /kye| rgyal ba'i sras dag/ gzhan yang byang chub sems dpa' sems dpa' chen po rnams ni/ sangs rgyas bcom ldan 'das pa rnams kyi 'od la rab tu 'jug go/ bskal pa gcig nas gcig tu brgyud pas zhing gcig nas gcig tu brgyud pa khong du chud par byed do/ /zhing gcig nas gcig tu brgyud pas sangs rgyas gcig nas gcig tu brgyud par rab tu shes so/ /sangs rgyas gcig nas gcig tu brgyud pas chos bstan pa gcig nas gcig tu brgyud pa rab tu shes so/ /chos gcig nas gcig tu brgyud pas bsam pa gcig nas gcig tu brgyud pa rab tu shes so/ /bsam pa gcig nas gcig tu brgyud pas </font><hr>Ga270a<br><font size=+1>


@#/ /dbang po gcig nas gcig tu brgyud pa rab tu shes so/ /dbang po gcig nas gcig tu brgyud pas 'dul ba gcig nas gcig tu brgyud pa rab tu shes so/ /'dul ba gcig nas gcig tu brgyud pas de bzhin gshegs pa rnams kyi sku tshe gcig nas gcig tu brgyud pa rab tu shes so/ /sku tshe gcig nas gcig tu brgyud pas lo grangs bye ba khrag khrig gcig nas gcig tu brgyud pa rab tu shes te/ de ltar de bzhin gshegs pa rnams kyi ye shes mtha' yas pa 'dab chags par rab tu shes so/ /de bzhin du 'das pa'i zhing rnams 'dab chags par rab tu shes so/ /de bzhin du 'das pa'i chos kyi rnam grangs rnams 'dab chags par rab tu shes so/ /de bzhin du 'das pa'i bskal pa rnams 'dab chags par rab tu shes so/ /de bzhin du 'das pa'i chos rnams 'dab chags par rab tu shes so/ /de bzhin du 'das pa'i sems can rnams 'dab chags par rab tu shes so/ /de bzhin du 'das pa'i mos pa rnams 'dab chags par rab tu shes so/ /de bzhin du 'das pa'i sems can gyi spyod pa rnams 'dab chags par bar tu shes so/ /de bzhin du 'das pa'i nyon mongs pa rnams 'dab chags par rab tu shes so/ /de bzhin du 'das pa'i bag chags rnams 'dab chags par rab tu shes so// </font><hr>Ga270b<br><font size=+1>


de bzhin du 'das pa'i rnam par byang ba rnam par dag pa rnams 'dab chags par rab tu shes so/ /de dag ting nge 'dzin 'das pa rnam par dag pa'i snying po zhes bya ba la snyoms par 'jug ste| sems bskyed pa gcig gis bskal pa brgya phrag stong la 'jug go/ de dang 'dab chags pa'i sems mtha' yas pas bskal pa bye ba khrag khrig brgya phrag stong la 'jug go | bskal pa tshad med pa la 'jug go/ bskal pa dpag tu med pa la 'jug go/ bskal pa gzhal du med pa la 'jug go/ bskal pa mu med pa la 'jug go/ bskal pas mtshams med pa la 'jug go /bskal pa grangs med pa la 'jug go /bskal pa bsam gyis mi khyab pa la 'jug go/ bskal pa dpag gis mi khyab pa la 'jug go/ bskal pa brjod du med pa'i yang brjod du med pa la 'jug go/ de dag ting nge 'dzin da ltar byung ba 'gag pa med pa 'das pa ma skyes shing bsgribs pa med pa zhes bya ba la snyoms par 'jug ste/ ting nge 'dzin de la de dag chos bcus dbang bskur ba yin/ de dag de las langs nas kyang de bzhin gshegs pa rnams la dbang bskur ba'i chos bcu po de dag la bsam gyis mi khyab par yang dag par 'jug go/ rab tu 'thob par byed do/ /shin tu brtson par byed do/ /yongs su rdzogs par byed do/ /thogs pa med pa yongs su khong du chud par byed do/ /rtogs par byed do/ </font><hr>Ga271a<br><font size=+1>


@#/ /rjes su 'thob par byed do/ /yongs su rgyas par byed do/ /yongs su 'dzin to/ /'khor gsum la rab tu zhugs pas mnyam pa nyid du 'dzin par byed do/ /bcu gang zhe na/ 'di lta ste/ don tha dad pa yang dag par shes pa dang / nges pa'i tshig tha dad pa yang dag par shes pas chud mi za ba dang / 'phral du bsgrubs pa ma yin pa'i spobs pa tha dad pa yang dag par shes pa dang / gcad du med pa'i chos tha dad pa yang dag par shes pa dang / mi 'jigs pa rnams la rang byung ba dang / sems can med pa'i tshig la rab tu rten pa dang / sems can thams cad kyi 'jug pa'i tshul dang / khams gsum ba'i dam pa dang / dge ba'i rtsa ba bla na med pa dang / de bzhin gshegs pa'i sku rdul gcig gi tshad du ston pa ste/ des de bzhin gshegs pa'i sku rdul brgya'i bar gyi tshad du rab tu mthong ngo / /de bzhin gshegs pa'i sku rdul stong gi tshad du rab tu mthong ngo / /de bzhin gshegs pa'i sku rgyang grags tsam du rab tu mthong ngo / /de bzhin gshegs pa'i sku dpag tshad phyed tsam du rab tu mthong ngo / /de bzhin gshegs pa'i sku dpag tshad gcig tsam du rab tu mthong ngo / /de bzhin gshegs pa'i sku dpag tshad bcu tsam du rab tu mthong ngo / /de bzhin gshegs pa'i sku dpag tshad </font><hr>Ga271b<br><font size=+1>


brgya tsam du rab tu mthong ngo / /de bzhin gshegs pa'i sku dpag tshad stong tsam du rab tu mthong ngo / /de bzhin gshegs pa'i sku 'dzam bu'i gling tsam du rab tu mthong ngo / /de bzhin gshegs pa'i sku gling bzhi'i 'jig rten gyi khams tsam du rab tu mthong ngo / /de bzhin gshegs pa'i sku stong gi 'jig rten gyi khams tsam du rab tu mthong ngo| |de bzhin gshegs pa'i sku stong gnyis pa'i 'jig rten gyi khams tsam du rab tu mthong ngo / /de bzhin gshegs pa'i sku stong gsum gyi stong chen po'i 'jig rten gyi khams tsam du rab tu mthong ngo / /de bzhin gshegs pa'i sku 'jig rten gyi khams brgya'i tshad du rab tu mthong ngo / /de bzhin gshegs pa'i sku 'jig rten gyi khams stong gi tshad du rab tu mthong ngo / /de bzhin gshegs pa'i sku 'jig rten gyi khams brgya phrag stong gi tshad du rab tu mthong ngo / /de bzhin gshegs pa'i sku 'jig rten gyi khams bye ba brgya stong gi tshad du rab tu mthong ngo / /de bzhin gshegs pa'i sku 'jig rten gyi khams tshad med pa'i tshad du rab tu mthong ngo / /de bzhin gshegs pa'i sku 'jig rten gyi khams dpag tu med pa'i tshad du rab tu mthong ngo / /de bzhin gshegs pa'i sku 'jig rten gyi khams grangs med pa'i tshad </font><hr>Ga272a<br><font size=+1>


@#/ /du rab tu mthong ngo / /de bzhin gshegs pa'i sku 'jig rten gyi khams mtha' yas pa'i tshad du rab tu mthong ngo / /de bzhin gshegs pa'i sku 'jig rten gyi khams mu med pa'i tshad du rab tu mthong ngo / /de bzhin gshegs pa'i sku 'jig rten gyi khams bsam gyis mi khyab pa'i tshad du rab tu mthong ngo| |de bzhin gshegs pa'i sku 'jig rten gyi khams gzhal du med pa'i tshad du rab tu mthong ngo / /de bzhin gshegs pa'i sku 'jig rten gyi khams dpag tu med pa'i tshad du rab tu mthong ngo / /de bzhin gshegs pa'i sku 'jig rten gyi khams bgrang du med pa'i tshad du rab tu mthong ngo / /de bzhin gshegs pa'i sku 'jig rten gyi khams mtshams med pa'i tshad du rab tu mthong ngo / /de bzhin gshegs pa'i sku 'jig rten gyi khams brjod du med pa'i tshad du rab tu mthong ngo / /de bzhin gshegs pa'i sku 'jig rten gyi khams brjod du med pa'i yang brjod du med pa'i tshad du rab tu mthong ngo / /de ltar na byang chub sems dpa' de bzhin gshegs pa'i sku de lta bu'i kha dog tshad med par rab tu mthong ngo / /de lta bu'i sku gzugs tshad med par rab tu mthong ngo / /de lta bu'i mtshan tshad med par rab tu mthong </font><hr>Ga272b<br><font size=+1>


ngo| |de lta bu'i 'od tshad med par rab tu mthong ngo / /de lta bu'i 'od zer gyi dra ba snang ba tshad med par rab tu mthong ngo / /chos kyi dbyings tshad med pa rab tu mthong ngo / /chos kyi dbyings mtha' dang dbus med pa rab tu mthong ngo / /chos kyi dbyings thams cad ye shes kyi khong du chud pa rab tu mthong ngo / /chags pa med pa'i lus rab tu mthong ngo / /bsgribs pa med pa'i rnam par dag pa rab tu mthong ngo / /de ltar byang chub sems dpa' de bzhin gshegs pa'i sku rab tu mthong yang / de bzhin gshegs pa'i sku de rnam par 'phel bar yang mi byed/ 'grib par yang mi byed do/ /kye| rgyal ba'i sras dag/ 'di lta ste/ dper na/ nam mkha' ni yungs kar srin bus zos pa'i sbubs kyis chung du byas pa yang ma yin/ 'jig rten gyi khams grangs med pa dang / 'jig rten gyi khams kyi mtshams de dag gis yangs par byas pa yang ma yin no/ /kye| rgyal ba'i sras dag/ de bzhin du de bzhin gshegs pa'i sku yang lta ba rgya chen pos yangs par byas pa yang ma yin/ lta ba rgya chung dus bltas pas chung du byas pa'ang ma yin no/ /kye| rgyal ba'i sras dag/ 'di lta ste/ dper na| zla ba'i dkyil 'khor ni 'dzam bu'i gling nas blta bas chung ngu byas pa'ang ma yin/ zla ba'i dkyil 'khor la gnas te blta bas cher byas pa yang ma yin no/ /kye| rgyal ba'i sras </font><hr>Ga273a<br><font size=+1>


@#/ /dag |de bzhin du byang chub sems dpa' de dag ting nge 'dzin 'di la gnas shing / sangs rgyas de dag mthong bar yang 'gyur la/ de bzhin gshegs pa'i sprul pa de dag kyang 'jig par mi byed do/ /bsam pa ji lta ba bzhin du yang sangs rgyas mthong bar byed do/ /sangs rgyas kyi gsung de bzhin gshegs pa'i dbyangs kyis chos ji snyed du brjod cing bstan pa de dag thams cad kyang rab tu 'dzin cing shes par byed pa yin/ rab tu shes par byed pa yin/ nyams pa med pa'i chos la'ang rab tu rten pa yin/ kye| rgyal ba'i sras dag /'di lta ste/ dper na/ sems can rnams kyi 'chi 'pho dang / skye ba ni sems la gsol ba gdab pa med do/ /de bzhin du byang chub sems dpa' ting nge 'dzin 'di la gnas pa'i 'jig rten gyi khams kyi rgyan dang / sangs rgyas rnam par dmigs pa yang nan tan bya mi dgos par rnam par dag ste| byang chub sems dpa' de ni myur ba bcu dang ldan pa yin/ bcu gang zhe na/ 'di lta ste/ spyod pa la yang dag par byung bas yongs su rdzogs par bya ba myur du yongs su rdzogs par byed pa yin/ sangs rgyas kyi chos snang bas 'jig rten myur du snang bar byed pa yin/ chos kyi 'khor lo'i thabs mkhas pas sems can myur du yongs </font><hr>Ga273b<br><font size=+1>


su smin par byed pa yin/ las ji lta ba bzhin du sems can rnam par dmigs pas sangs rgyas kyi zhing myur du yongs su spyod pa yin/ stobs bcu mnyam pa nyid kyi ye shes myur du gnon pa yin/ de bzhin gshegs pa thams cad dang myur du 'grogs pa yin/ byams pa chen po'i stobs kyis bdud kyi dkrugs ma myur du 'joms pa yin/ the tshom yongs su gcod pas sems can thams cad myur du tshim par byed pa yin/ mos pa dang 'dul ba ji lta ba bzhin du rnam par 'phrul ba myur du yang dag par ston pa yin/ 'jig rten gyi khams thams cad du sgra skad sna tshogs rnam par dag par 'gyur ba'i phyir chos thams cad kyi rang bzhin dang myur du ldan par 'gyur ba yin/ byang chub sems dpa' de ni chos thams cad la byang chub sems dpa'i rgya bcus btab pa yin te/ bcu gang zhe na/ 'di lta ste/ byang chub sems dpa' de ni 'das pa dang / ma byon pa dang / da ltar byung pa'i sangs rgyas thams cad dang dge ba'i rtsa ba gcig pa yin/ byang chub sems dpa' de ni mtha' dang dbus med pa'i lus kyis ye shes kyi rang bzhin gcig pa yin/ byang chub sems dpa' de ni de bzhin gshegs pa thams cad la mchod pas spyod pa gcig pa yin/ byang chub sems dpa' de ni gnyis su med pa yang dag par blang ba la rtogs par </font><hr>Ga274a<br><font size=+1>


@#/ /bzhag pas dkyil 'khor tshad med pa yin/ byang chub sems dpa' de ni chos kyi dbyings yongs su shes pas chags pa med pa'i yul dang ldan pa yin| byang chub sems dpa' de ni stobs bcu'i snang ba thob pas bsgribs pa med pa'i spyod yul dang ldan pa yin/ byang chub sems dpa' de ni mi gnyis pa la yang dag par spyod pas dgang sla ba yin/ byang chub sems dpa' de ni 'gro ba thams cad 'dul ba'i phyir yongs su rgyun chad pa med pa yin/ byang chub sems dpa' de ni don shes shing mkhas par bya ba la shin tu rtogs par bzhag pa yin/ byang chub sems dpa' de ni sangs rgyas thams cad dang mi gnyis pa yin te/ kye| rgyal ba'i sras dag /'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes kyi tshul sangs rgyas thams cad kyis rnam par bkod pa'i 'jig rten gyi khams kyi rgyan ces bya ba ste/ ting nge 'dzin de dang ldan pa'i byang chub sems dpa' ni/ sangs rgyas kyi chos thams cad la slob dpon med pa yin/ 'gro ba thams cad du 'gro ba'i rtsa rtsal yod pas gzhan gyi dring mi 'jog pa yin/ sems kyi rang bzhin 'od gsal zhing dag pa dang ldan pas shin tu dag pa yin/ 'jig rten thams cad yongs su 'grel ba </font><hr>Ga274b<br><font size=+1>


zhugs pas thu bo dam pa yin/ skye dgu thams cad bsam pa thag pa nas phan pa yin/ ma 'ongs pa'i sangs rgyas kyi rigs rab tu sgrub pa yin/ thams cad mkhyen pa'i sgo la rab tu gzhog pa yin/ gnyis su med par smra zhing nor pa med par khong du chud par ston pas de kho na nyid la mkhas pa yin/ sangs rgyas kyi chos thams cad kyi chos kyi mdzod rab tu btang ba yin/ sems can gyi ris sems su bsam pa ji lta ba bzhin du chos kyi sprin gyi char 'bebs pa yin/ kye rgyal ba'i sras dag 'di lta ste/ dper na/ brgya byin mngon par dga' ba'i nor bu rin po che ni lha'i rgyal po'i spyi bo la btags na/ nor bu de'i byin gyis lha'i dbang po brgya byin 'od dang ldan par 'gyur ba ste/ nor bu rin po che de bdog pas lha'i rgyal po brgya byin chos bcus sum cu rtsa gsum pa'i lha thams cad zil gyis gnon to/ /bcu gang zhe na/ sum cu rtsa gsum ris kyi lha'i bu gzhan thams cad kyi lha rdzas las 'das pa'i mdog dang / lha rdzas las 'das pa'i gzugs dang / lha rdzas las 'das pa'i blta na mdzes pa dang / lha rdzas las 'das pa'i 'khor dang / lha rdzas las 'das pa'i longs spyod dang / lha rdzas las 'das pa'i rdzu 'phrul dang / lha rdzas las 'das pa'i dbang chen po dang / lha rdzas las 'das pa'i spyod </font><hr>Ga275a<br><font size=+1>


@#/ /pa dang / lha rdzas las 'das pa'i blo gros dang / lha rdzas las 'das pa'i shes rab ste/ de ni lha rdzas las 'das pa'i bsod nams rab tu grub pas nor bu rin po che de thob pa'i phyir ro/ /kye| rgyal ba'i sras dag /de bzhin du byang chub sems dpa' de yang ting nge 'dzin 'di thob pas ye shes kyi tshogs chen po yangs pa'i gter chen po bcu 'thob bo/ /bcu gang zhe na/ 'di lta ste/ sangs rgyas kyi zhing thams cad snang bar bya ba'i ye shes rab tu 'thob bo/ /'di lta ste/ sems can gyi khams thams cad du skye zhing 'byung ba'i ye shes rab tu 'thob bo/ /'di lta ste/ dus gsum du sprul pa'i byin gyis brlabs pa'i ye shes rab tu 'thob bo/ /'di lta ste / sangs rgyas thams cad kyi sku'i byin gyis brlabs pa'i ye shes rab tu 'thob bo/ /'di lta ste/ chos thams cad rtogs par rig pa'i ye shes rab tu 'thob bo/ /'di lta ste/ chos thams cad nye bar ston pa'i chos shin tu brjod pa'i ye shes rab tu 'thob bo/ /'di lta ste/ 'gro ba thams cad khongs su chud pa'i chos kyi lus kyi ye shes rab tu 'thob bo/ /'di lta ste/ chos thams cad mngon du gyur cing kun tu mthong ba'i mig gi ye shes rnam par dag pa rab tu 'thob bo/ /'di lta ste/ dbang thams cad kyi pha rol tu phyin pa'i ye shes rab tu 'thob bo/ /'di lta ste/ chos 'byams </font><hr>Ga275b<br><font size=+1>


klas pa thams cad ma lus par khong du chud pa rab tu 'thob bo/ /ting nge 'dzin 'di thob ma thag tu byang chub sems dpa' de rnam par dmigs pa thams cad du 'jig rten gyi khams thams cad rnam par brgyan par bya ba'i phyir dag pa'i lus bcu 'thob bo/ /bcu gang zhe na/ 'di lta ste/ 'jig rten gyi khams brjod du med pa'i yang brjod du med pa snang bar bya ba'i phyir/ 'od kyi dkyil 'khor brjod du med pa'i yang brjod du med pa rab tu 'gyed do/ /'di lta ste/ 'jig rten gyi khams rnam par dag par bya ba'i phyir/ kha dog du ma dang / kha dog sna tshogs dang / 'od kyi 'khor lo brjod du med pa'i yang brjod du med pa byin gyis rlob bo/ /'di lta ste/ sems can byin gyis brlab cing gdul ba'i phyir/ 'od zer gyi dkyil 'khor brjod du med pa'i yang brjod du med pa rab tu 'gyed do/ /'di lta ste/ sangs rgyas thams cad kyi spyan sngar 'gro ba'i phyir lus brjod du med pa'i yang brjod du med pa byin gyis rlob bo/ /'di lta ste/ sangs rgyas thams cad bsnyen bkur bar bya ba'i phyir spos dang / me tog sna tshogs yid du 'ong ba'i sprin du ma brjod du med pa'i yang brjod du med pa'i char mngon par 'bebs so/ /'di lta ste/ sangs rgyas bsnyen bkur ba dang / sems can gdul ba'i phyir/ ba spu'i khung bu re rer yang rol mo brdung ba dang / dkrol ba brgya </font><hr>Ga276a<br><font size=+1>


@#/ /phrag du ma yid du 'ong zhing rgya che ba brjod du med pa'i yang brjod du med pa byin gyis rlob bo/ /'di lta ste/ sems can rnams mos pa'i tshul bzhin du yongs su smin par bya ba'i phyir/ sprul pa'i rgyud rnam pa sna tshogs rnam par dag pa dang / khyu mchog gi mthu dang / rnam par 'phrul pa'i sprul pa du ma brjod du med pa'i yang brjod du med pa la rab tu rten to/ /'di lta ste/ phyogs bcur sangs rgyas kyi chos rnam pa tha dad pa sna tshogs yongs su bri ba'i phyir/ gom pa re res 'jig rten gyi khams brjod du med pa'i yang brjod du med pa yongs su 'da' bar byed do/ /'di lta ste/ mthong ba dang / thos pa dang / mchod pa thams cad don yod par bya ba'i phyir/ spyi gtsug ltar mi snang ba'i lus rnam par dag pa dang / gzugs dang / mtshan sna tshogs rnam par dag pa brjod du med pa'i yang brjod du med pa rab tu 'thob bo/ /'di lta ste| sgra skad sna tshogs dang / sgra skad du mas 'gro ba rnams rnam par bstan pa'i phyir/ sgra dang / skad dang / nga ro dang / dbyangs kyi yan lag brjod du med pa'i yang brjod du med pa rab tu brjod do/ /de ltar byang chub sems dpa' lus kyi gzi brjid phun sum tshogs shing rnam par dag pa bcu rab tu 'thob bo/ /byang chub sems dpa' de ni/ </font><hr>Ga276b<br><font size=+1>


sems can byin gyis brlab pa yongs su rdzogs par bya ba bcu rab tu 'thob ste/ bcu gang zhe na/ 'di lta ste/ sangs rgyas mthong zhing rnam par dmigs par bya ba'i phyir/ sems can rnams byin gyis rlob bo/ /'di lta ste/ sangs rgyas la dad pa rab tu 'thob par bya ba'i phyir/ sems can rnams byin gyis rlob bo/ /'di lta ste/ chos nyan cing khong du chud par bya ba'i phyir/ sems can rnams byin gyis rlob bo/ /'di lta ste/ sangs rgyas dang bcas pa'i 'jig rten gyi khams bstan pa'i phyir/ sems can rnams byin gyis rlob bo/ /'di lta ste/ sangs rgyas kyi rnam par 'phrul pa yang dag par bstan pa'i phyir/ sems can rnams byin gyis rlob bo/ /'di lta ste/ las ji ltar bsags pa bzhin du rjes su dran par bya ba'i phyir/ sems can rnams byin gyis rlob bo/ /'di lta ste/ rtse gcig tu 'gyur ba yongs su rdzogs par bya ba'i phyir/ sems can rnams byin gyis rlob bo/ /'di lta ste/ sangs rgyas kyi cha byad rnam par dag par bya ba'i phyir/ sems can rnams byin gyis rlob bo/ /'di lta ste/ byang chub kyi sems la yang dag par 'jug par bya ba'i phyir / sems can rnams byin gyis rlob bo/ /'di lta ste/ sangs rgyas kyi ye shes yongs su rdzogs par bya ba'i phyir/ sems can rnams byin gyis rlob bo/ /kye| rgyal ba'i sras </font><hr>Ga277a<br><font size=+1>


@#/ /dag| de ltar byang chub sems dpa' de sems can byin gyis brlab pa bcu yongs su rdzogs par byed do/ /kye| rgyal ba'i sras dag /de ltar byang chub sems dpa' sems can byin gyis brlab pa bcu yongs su rdzogs par byas nas/ sems can rnams la sangs rgyas kyi mdzad pa bcu byed de/ bcu gang zhe na/ 'di ltar byang chub sems dpa' ni thos pas kyang sems can rnams yongs su smin par byed pas/ sems can rnams la sangs rgyas kyi mdzad pa byed pa yin/ 'di lta ste / byang chub sems dpa' ni mthong bas kyang sems can 'dul ba'i phyir/ sangs rgyas kyi mdzad pa byed pa yin/ byang chub sems dpa' ni rjes su dran pas kyang / sems rnam par dag par 'gyur bas/ sangs rgyas kyi mdzad pa byed pa yin byang chub sems dpa' ni 'jig rten gyi khams skyod pas kyang ngan song gsum rnam par zlog pa'i phyir| sangs rgyas kyi mdzad pa byed pa yin/ byang chub sems dpa' ni byin gyi rlabs kyis kyang sems can rnams kyi dran pa nyams par mi 'gyur ba'i phyir/ sangs rgyas kyi mdzad pa byed pa yin/ byang chub sems dpa' ni rmi lam du mthong bas kyang sems can rnams kyi dran pa nyams par mi 'gyur ba'i phyir/ sangs rgyas kyi mdzad pa byed pa </font><hr>Ga277b<br><font size=+1>


yin| byang chub sems dpa' ni 'od kyi dkyil 'khor 'gyed pas kyang sems can rnams kyi dran pa nyams par mi 'gyur ba'i phyir/ sangs rgyas kyi mdzad pa byed pa yin/ byang chub sems dpa' ni byang chub sems dpa'i spyod pa yang dag par ston pas kyang sems can rnams smon lam gyi khyad par la rab tu gzhog pas/ sangs rgyas kyi mdzad pa byed pa yin/ byang chub sems dpa' ni mngon par 'tshang rgya bas kyang sems can rnams chos khong du chud par rtogs par 'gyur ba'i phyir/ sangs rgyas kyi mdzad pa byed pa yin/ byang chub sems dpa' ni mya ngan las 'das pa ston pas kyang sems can mi dga' ba bstan pas shin tu rtogs par byed pa'i phyir/ sangs rgyas kyi mdzad pa byed pa yin te/ kye| rgyal ba'i sras dag /'di dag ni byang chub sems dpa' sems can rnams la sangs rgyas kyi mdzad pa bcu byed pa'o/ /kye| rgyal ba'i sras dag /gzhan yang byang chub sems dpa' sems dpa' chen po de ting nge 'dzin chen po lus yang dag par 'dres pa zhes bya ba la snyoms par 'jug ste/ lus yang dag par 'dres pa des mi gnas pa bcu yongs su rdzogs par byed do/ /bcu gang zhe na/ 'di lta ste/ 'jig rten gyi khams thams cad la mi gnas pa dang / phyogs thams cad la mi gnas pa dang / </font><hr>Ga278a<br><font size=+1>


@#/ /bskal pa thams cad la mi gnas pa dang / sems can thams cad la mi gnas pa dang / chos thams cad la mi gnas pa dang / byang chub sems dpa'i spyod pa thams cad la mi gnas pa dang / byang chub sems dpa'i smon lam thams cad la mi gnas pa dang / ting nge 'dzin thams cad la mi gnas pa dang / sangs rgyas thams cad la mi gnas pa dang / sa thams cad la mi gnas pa ste/ byang chub sems dpa' lus yang dag par 'dres pa'i ting nge 'dzin la gnas pa'i tshe/ gnas med pa bcu po 'di dag rab tu 'thob bo// //bam po lnga bcu rtsa bdun pa/ ji ltar na byang chub sems dpa' sems can thams cad kyi lus yang dag par 'dres pa la mnyam par gzhog ce na/ kye| rgyal ba'i sras dag /'di la byang chub sems dpa' nang gi lus su snyoms par zhugs shing / phyi rol gyi lus las rnam par ldang ngo / /phyi rol gyi lus su snyoms par zhugs shing / nang gi lus las rnam par ldang ngo / /lus gcig tu snyoms par zhugs shing / lus tha dad pa las rnam par ldang ngo / /lus tha dad pa la snyoms par zhugs shing / mi'i lus las rnam par ldang ngo / /mi'i lus su snyoms par zhugs shing / gnod sbyin gyi lus </font><hr>Ga278b<br><font size=+1>


las rnam par ldang ngo / /gnod sbyin gyi lus su snyoms par zhugs shing / klu'i lus las rnam par ldang ngo / /klu'i lus su snyoms par zhugs shing / lha ma yin gyi lus las rnam par ldang ngo / /lha ma yin gyi lus su snyoms par zhugs shing / lha'i lus las rnam par ldang ngo / /lha'i lus su snyoms par zhugs shing / tshangs pa'i lus las rnam par ldang ngo / /tshangs pa'i lus su snyoms par zhugs shing / 'dod pa'i khams nas rnam par ldang ngo / /'dod pa'i khams nas snyoms par zhugs shing / mtho ris kyi 'jig rten nas rnam par ldang ngo / /mtho ris kyi 'jig rten du snyoms par zhugs shing / sems can dmyal ba nas rnam par ldang ngo / /sems can dmyal bar snyoms par zhugs shing / mi'i khams nas rnam par ldang ngo / /mi'i khams nas snyoms par zhugs shing / de ma yin pa'i lam gyi rgyud gzhan nas rnam par ldang ngo / /de ma yin pa'i lam gyi rgyud la snyoms par zhugs shing / lus stong las rnam par ldang ngo / /lus stong la snyoms par zhugs shing / lus gcig las rnam par ldang ngo / /lus gcig la snyoms par zhugs shing / lus bye ba las rnam par ldang ngo / /lus bye ba la snyoms par zhugs shing / lus gcig las rnam par ldang ngo / /lus gcig la snyoms par zhugs shing / lus khrag khrig las </font><hr>Ga279a<br><font size=+1>


@#/ /rnam par ldang ngo / /lus khrag khrig la snyoms par zhugs shing / 'dzam bu'i gling du gtogs pa'i sems can las rnam par ldang ngo / /'dzam bu'i gling du gtogs pa'i sems can la snyoms par zhugs shing / nub kyi ba glang spyod du gtogs pa'i sems can las rnam par ldang ngo / /nub kyi ba glang spyod du gtogs pa'i sems can la snyoms par zhugs shing / byang gi sgra mi snyan du gtogs pa'i sems can las rnam par ldang ngo / /byang gi sgra mi snyan du gtogs pa'i sems can la snyoms par zhugs shing / shar gyi lus 'phags por gtogs pa'i sems can las rnam par ldang ngo / /shar gyi lus 'phags por gtogs pa'i sems can la snyoms par zhugs shing| gling gsum du gtogs pa'i sems can las rnam par ldang ngo / /gling gsum du gtogs pa'i sems can la snyoms par zhugs shing / gling gnyis su gtogs pa'i sems can las rnam par ldang ngo / /gling gnyis su gtogs pa'i sems can la snyoms par zhugs shing / gling bzhir gtogs pa'i sems can las rnam par ldang ngo| |gling bzhir gtogs pa'i sems can la snyoms par zhugs shing / rgya mtshor gtogs pa'i sems can las rnam pa ldang ngo / /rgya mtshor gtogs pa'i sems </font><hr>Ga279b<br><font size=+1>


can la snyoms par zhugs shing / rgya mtsho'i lha'i lus las rnam par ldang ngo / /rgya mtsho'i lha'i lus su snyoms par zhugs shing / rgya mtshor gtogs pa'i chu'i phung po las rnam par ldang ngo / /rgya mtshor gtogs pa'i chu'i phung po la snyoms par zhugs shing / rgya mtshor gtogs pa'i sa'i phung po las rnam par ldang ngo / /rgya mtshor gtogs pa'i sa'i phung po la snyoms par zhugs shing / rgya mtshor gtogs pa'i me'i phung po las rnam par ldang ngo / /rgya mtshor gtogs pa'i me'i phung po la snyoms par zhugs shing / rgya mtshor gtogs pa'i rlung gi phung po las rnam par ldang ngo / /rgya mtshor gtogs pa'i rlung gi phung po la snyoms par zhugs shing / 'byung ba chen po bzhi las rnam par ldang ngo / /'byung ba chen po bzhi la snyoms par zhugs shing / chos 'byung ba med pa las rnam par ldang ngo / /chos 'byung ba med pa la snyoms par zhugs shing / ri rab las rnam par ldang ngo / /ri rab la snyoms par zhugs shing| rin po che'i ri bdun las rnam par ldang ngo / /rin po che'i ri bdun la snyoms par zhugs shing / rin po che'i rgyan bdun las rnam par ldang ngo / /rin po che rgyan bdun la snyoms par zhugs shing / sa bon dang / lo tog dang / sa dang / shing dang / ri nag po sna tshogs las rnam par ldang ngo / /sa bon dang / lo tog dang / sa dang / shing dang / ri nag po sna tshogs </font><hr>Ga280a<br><font size=+1>


@#/ /la snyoms par zhugs shing / me tog bzang po dang / dri zhim po dang / rin po che'i rgyan gyis brgyan pa'i ri las rnam par ldang 'o/ /me tog bzang po dang| dri zhim po dang / rin po che'i rgyan gyis brgyan pa'i ri la snyoms par zhugs shing / gling bzhi par gtogs pa'i bla dang / 'og thams cad dang / sems can rnam par phye ba thams cad kyi skye gnas las rnam par ldang ngo / /gling bzhi par gtogs pa'i bla dang / 'og thams cad dang / sems rnam par phye ba thams cad kyi skye gnas la snyoms par zhugs shing / stong gi 'jig rten gyi khams su gtogs pa'i sems can las rnam par ldang ngo / /stong gi 'jig rten gyi khams su gtogs pa'i sems can la snyoms par zhugs shing / stong gnyis kyi 'jig rten gyi khams su gtogs pa'i sems can las rnam par ldang ngo / /stong gnyis kyi 'jig rten gyi khams su gtogs pa'i sems can la snyoms par zhugs shing / stong gsum gyi 'jig rten gyi khams su gtogs pa'i sems can las rnam par ldang ngo / /stong gsum gyi 'jig rten gyi khams su gtogs pa'i sems can la snyoms par zhugs shing / stong gsum gyi stong chen po'i 'jig rten gyi khams su gtogs pa'i sems can las rnam par ldang ngo / /stong gsum gyi stong chen po'i 'jig rten </font><hr>Ga280b<br><font size=+1>


gyi khams su gtogs pa'i sems can la snyoms par zhugs shing / stong gsum gyi stong chen po'i 'jig rten gyi khams khrag khrig phrag brgyar gtogs pa'i sems can las rnam par ldang ngo| |stong gsum gyi stong chen po'i 'jig rten gyi khams khrag khrig phrag brgyar gtogs pa'i sems can la snyoms par zhugs shing / bye ba brgya phrag stong du gtogs pa'i sems can las rnam par ldang ngo / /'jig rten gyi khams bye ba brgya phrag stong du gtogs pa'i sems can la snyoms par zhugs shing / 'jig rten gyi khams tshad med par gtogs pa'i sems can las rnam par ldang ngo / /'jig rten gyi khams tshad med par gtogs pa'i sems can la snyoms par zhugs shing / 'jig rten gyi khams grangs med par gtogs pa'i sems can las rnam par ldang ngo / /'jig rten gyi khams grangs med par gtogs pa'i sems can la snyoms par zhugs shing / sangs rgyas kyi zhing dpag tu med par gtogs pa'i sems can las rnam par ldang ngo / /sangs rgyas kyi zhing dpag tu med par gtogs pa'i sems can la snyoms par zhugs shing / sangs rgyas kyi zhing mtha' yas par gtogs pa'i sems can las rnam par ldang ngo / /sangs rgyas kyi zhing mtha' yas par gtogs pa'i sems can la snyoms par zhugs shing / sangs rgyas kyi zhing mu med par gtogs pa'i sems can las rnam par ldang ngo / / </font><hr>Ga281a<br><font size=+1>


@#/ /sangs rgyas kyi zhing mu med par gtogs pa'i sems can la snyoms par zhugs shing / 'jig rten gyi khams gzhal du med par gtogs pa'i sems can las rnam par ldang ngo / /'jig rten gyi khams gzhal du med par gtogs pa'i sems can la snyoms par zhugs shing / 'jig rten gyi khams bsam gyis mi khyab par gtogs pa'i sems can las rnam par ldang ngo / /'jig rten gyi khams bsam gyis mi khyab par gtogs pa'i sems can la snyoms par zhugs shing / 'jig rten gyi khams dpag gis mi lang bar gtogs pa'i sems can las rnam par ldang ngo / /'jig rten gyi khams dpag gis mi lang bar gtogs pa'i sems can la snyoms par zhugs shing / 'jig rten gyi khams brjod du med pa'i sems can las rnam par ldang ngo / /'jig rten gyi khams brjod du med pa'i sems can la snyoms par zhugs shing / 'jig rten gyi khams brjod du med pa'i yang brjod du med par gtogs pa'i sems can las rnam par ldang ngo / /'jig rten gyi khams brjod du med pa'i yang brjod du med par gtogs pa'i sems can la snyoms par zhugs shing / kun nas nyon mongs pa'i sems can las rnam par ldang ngo / /kun nas nyon mongs pa'i sems can la snyoms par zhugs shing / </font><hr>Ga281b<br><font size=+1>


rnam par byang ba'i sems can las rnam par ldang ngo / /rnam par byang ba'i sems can la snyoms par zhugs shing / mig gi skye mched las rnam par ldang ngo / /mig gi skye mched la snyoms par zhugs shing / rna ba'i skye mched las rnam par ldang ngo / /rna ba'i skye mched la snyoms par zhugs shing / sna'i skye mched las rnam par ldang ngo / /sna'i skye mched la snyoms par zhugs shing / lce'i skye mched las rnam par ldang ngo / /lce'i skye mched la snyoms par zhugs shing / lus kyi skye mched las rnam par ldang ngo / /lus kyi skye mched la snyoms par zhugs shing / reg gi skye mched las rnam par ldang ngo / /reg gi skye mched la snyoms par zhugs shing / ro'i skye mched las rnam par ldang ngo / /ro'i skye mched la snyoms par zhugs shing / dri'i skye mched las rnam par ldang ngo / /dri'i skye mched la snyoms par zhugs shing / sgra'i skye mched las rnam par ldang ngo / /sgra'i skye mched la snyoms par zhugs shing| gzugs kyi skye mched las rnam par ldang ngo / /gzugs kyi skye mched la snyoms par zhugs shing / rdul shin tu phra ba gcig las rnam par ldang ngo / /rdul shin tu phra ba gcig la snyoms par zhugs shing / 'jig rten gyi khams grangs med pa'i rdul shin tu phra ba rnam par phye ba las rnam par ldang ngo / /'jig rten gyi khams grangs med pa'i rdul shin tu phra </font><hr>Ga282a<br><font size=+1>


@#/ /ba rnam par phye ba la snyoms par zhugs shing / nyan thos las rnam par ldang ngo / /nyan thos la snyoms par zhugs shing / rang sangs rgyas las rnam par ldang ngo| |rang sangs rgyas la snyoms par zhugs shing / rang gi lus las rnam par ldang ngo / /rang gi lus la snyoms par zhugs shing / sangs rgyas kyi sku las rnam par ldang ngo / / sangs rgyas kyi sku la snyoms par zhugs shing / sems kyi skad cig gcig las rnam par ldang ngo / /sems kyi skad cig gcig la snyoms par zhugs shing / bskal pa bye ba las rnam par ldang ngo / /bskal pa bye ba la snyoms par zhugs shing / sngon gyi mtha' las rnam par ldang ngo / /sngon gyi mtha' la snyoms par zhugs shing / phyi ma'i mtha' las rnam par ldang ngo / /phyi ma'i mtha' la snyoms par zhugs shing / da ltar byung ba'i mtha' las rnam par ldang ngo / /da ltar byung ba'i mtha' la snyoms par zhugs shing / dus gsum las rnam par ldang ngo / /dus gsum la snyoms par zhugs shing / skad cig gi mtha' las rnam par ldang ngo / /skad cig gi mtha' la snyoms par zhugs shing / dus gsum las rnam par ldang ngo / /dus gsum la snyoms par zhugs shing / phyogs bcu nas rnam par ldang ngo / /phyogs bcur snyoms par zhugs shing / ngag gi lam </font><hr>Ga282b<br><font size=+1>


las rnam par ldang ngo / /ngag gi lam la snyoms par zhugs shing / phyogs bcu nas rnam par ldang ngo / /kye| rgyal ba'i sras dag /'di lta ste/ dper na/ 'byung po'i gnod sbyin phyis non pa'i mi ni gnod sbyin gyi dbang gis lus de dang der gyur cing 'phyan te/ rang la dbang med do/ /'byung po'i gnod sbyin de yang gzhan gyi lus kyi dbang gis 'gro ste/ bdag gi lus mi ston to/ /kye| rgyal ba'i sras dag /de bzhin du ting nge 'dzin 'di thob pa'i byang chub sems dpa' yang nang du snyoms par zhugs shing / phyi rol las rnam par ldang ngo| |phyi rol du snyoms par zhugs shing / nang nas rnam par ldang ngo / /'di lta ste/ dper na/ shi ba'i ro sngags kyis byin gyis brlabs pa ni 'gro zhing rgyu'o/ /gang gi phyir yongs su bslang ba de la yang ci dga' thob par byed de/ shi ba'i ro de dang / sngags su yang gcig pa ma yin no/ /kye| rgyal ba'i sras dag /de bzhin du ting nge 'dzin 'di thob pa'i byang chub sems dpa' yang dmigs pa skal ba mnyam par snyoms par zhugs shing / skal ba mi mnyam pa'i dmigs pa las rnam par ldang ngo / /skal ba mi mnyam pa'i dmigs pa la snyoms par zhugs shing / skal ba mnyam pa'i dmigs pa las rnam par ldang ngo / /kye| rgyal ba'i sras dag /'di lta ste/ dge slong dbang thob pa ni gcig tu gyur cing mang </font><hr>Ga283a<br><font size=+1>


@#/ /por 'gyur ro/ /mang por gyur cing gcig tu 'gyur ro/ /lus gcig nas shi 'phos te/ de'i tshe lus mang po de dag tu skyes pa'ang ma yin/ lus mang po de dag las shi 'phos te/ de'i tshe lus gcig tu skyes pa yang ma yin no/ /gcig tu gyur pa las shi 'phos te/ mang por skyes pa yang ma yin/ mang por gyur pa las shi 'phos te/ gcig tu gyur pa yang ma yin no/ /kye| rgyal ba'i sras dag/ de bzhin du byang chub sems dpa' yang lus gcig tu snyoms par zhugs shing / lus mang po las rnam par ldang ngo / /lus mang por snyoms par zhugs shing / lus gcig las rnam par ldang ngo / /'di lta ste/ dper na/ sa gcig gi ro ni rnam pa gcig pa ste/ lo tog mang po dang / 'byung ba mang po sna tshogs su rang gi ro kun tu gtong yang / sa'i ro dus dus su rnam pa tha dad par 'gyur ba yin no/ /de bzhin du byang chub sems dpa'i ting nge 'dzin 'di thob pa yang / rnam pa gcig la snyoms par zhugs shing / rnam pa mang po las rnam par ldang ngo / /rnam pa mang po la snyoms par zhugs shing / rnam pa gcig las rnam par ldang ngo / /kye| rgyal ba'i sras dag /'di ni byang chub sems dpa' sems dpa' chen po rnams kyi byang chub sems dpa'i ting nge 'dzin sems can rnams kyi khams tha </font><hr>Ga283b<br><font size=+1>


mi dad pa zhes bya ba ste brgyad pa'o/ /de la gnas pa'i byang chub sems dpa' ni rab tu bsngags pa'i chos bcus rab tu bsngags pa yin/ bcu gang zhe na/ 'di lta ste/ de bzhin nyid la mnyam par bzhag pa'i tshul gyis de bzhin gshegs pa zhes bya/ sangs rgyas kyi chos thams cad khong du chud par rtogs pas sangs rgyas zhes bya/ 'jig rten thams cad la rab tu ston pas ston pa zhes bya/ chos thams cad shes par gyur pas thams cad mkhyen pa zhes bya/ 'gro ba thams cad kyi rten du gyur pas mgon zhes bya/ chos thams cad kyi tshul rjes su rtogs pas 'dren pa zhes bya/ sems can thams cad la thams cad mkhyen pa'i ye shes kun tu phyin par byed pas rnam par 'dren pa zhes bya/ 'gro ba thams cad du snang ba'i sgron mar gyur pas snang ba zhes bya/ don grub ste bya ba byas la chos thams cad rab tu phye ba shes shing tshogs pa med pa la spyod pa yongs su rdzogs pas stobs bcu mnga' ba zhes bya| chos kyi 'khor lo thams cad la dbang ba'i pha rol tu phyin pa thob pas thams cad gzigs pa zhes bya ste/ kye/ rgyal ba'i sras dag /byang chub sems dpa' de ni rab tu bsngags pa'i chos 'di bcus rab tu bsngags pa yin/ byang chub sems dpa' de ni snang ba bcus snang bar byas pa yin te/ bcu gang zhe na/ 'di lta ste/ sangs rgyas thams cad kyi snang ba dang / </font><hr>Ga284a<br><font size=+1>


@#/ /sems can gyi khams yang dag par blangs te rnam par brgyan cing byin gyis brlabs pa'i snang ba dang / gdul zhing byin gyis brlabs pa'i snang bas sems can thams cad kyi snang ba dang / chos kyi dbyings kyi dkyil 'khor thams cad du ston pas mi 'jigs pa tshad med pa'i snang ba dang / chos thams cad la tha dad par byed pa med pas tha dad par byed pa med pa'i snang ba dang / chos thams cad 'dod chags dang bral bar khong du chud pas tshul la 'jug pa'i snang ba dang / chos thams cad 'dod chags dang bral ba mnyam pa nyid kyis tha dad par bya ba med pa la 'jug pa'i snang ba dang / sangs rgyas thams cad kyi byin gyi rlabs rgyun mi 'chad pas 'gro ba thams cad kyi skyabs su rnam par 'phrul pa'i snang ba dang / sangs rgyas thams cad kyi khyu mchog gi mthu phyung ba pha rol tu phyin pa thob pas mun pa shin tu bsal ba'i snang ba dang / thams cad la gnas par shin tu bstan pa la mkhas shing gzhol bas chos thams cad kyi de bzhin nyid kyi snang ba ste/ snang ba 'di bcus byang chub sems dpa' de snang bar byas pa yin/ byang chub sems dpa' de thams cad du mngon par 'du bya ba med pa bcus shin tu bslabs pa yin/ bcu gang zhe na/ 'di lta ste/ mngon par 'dus ma byas pa'i lus kyi las dang / mngon </font><hr>Ga284b<br><font size=+1>


par 'dus ma byas pa'i ngag gi las dang / mngon par 'dus ma byas pa'i yid kyi las dang / dngos po med pa la gnas shing mngon par 'dus ma byas pa'i rdzu 'phrul dang / ma nyams shing mngon par 'dus ma byas pa'i chos nyid dang / tha mi dad pa'i ye shes dang / ma skyes pa'i ye shes dang / ma 'gags pa'i chos nyid dang / bstan pa'i tshig rab tu shes pa dang / don nyams pa med pa ste/ kye| rgyal ba'i sras dag /byang chub sems dpa' de thams cad du mngon par 'dus ma byas pa'i tshig bcu po 'di dag gis shin tu bslabs pa yin/ kye| rgyal ba'i sras dag /de ltar na de ni byang chub sems dpa' sems dpa' chen po rnams kyi ting nge 'dzin rnam pa tha dad pa'i dmigs pa rnams kyis gcig dang / mang po la snyoms par 'jug cing / rnam par ldang ba dang / skal ba mi mnyam pa dang / skal ba mnyam pa dang / skal ba mnyam pa dang / skal ba mi mnyam pa dang / yangs pa dang / phra ba dang| phra ba dang / yangs pa dang / chung ba dang / che ba dang / che ba dang / chung ba dang / rjes su 'gro ba dang / rnam par phye ba dang / rnam par phye ba dang / rjes su 'gro ba dang / lus med pa dang / lus dang bcas pa dang / lus dang bcas pa dang / lus med pa dang / rnam par ldang ba dang / snyoms par zhugs pa dang / snyoms par ma zhugs pa dang / rnam par ldang ba dang / rnam </font><hr>Ga285a<br><font size=+1>


@#/ /par dmigs pa dang / dmigs pa med pa dang / dmigs pa med pa dang / rnam par dmigs pas ting nge 'dzin 'di ni cho 'phrul thams cad kyi yul lo| |kye| rgyal ba'i sras dag /'di lta ste/ dper na/ rig sngags can chen po'i rig sngags kyis bsgrub pa ni gzugs rnam pa sna tshogs bstan pa'i 'byung gnas su rab tu grub par 'gyur yang / sngags de yang gzhan la/ sgyu ma'i gzugs kyi rnam par snang ba dag kyang gzhan no/ /de ltar yin yang sgyu ma'i rnam pa de dag ni sngags kyi sgra'i mthar thug pa yin te/ mig gi rnam par shes pas shes par bya ba'i sgyu ma'i gzugs kyi rnam pa dang / sgyu ma dang / rna ba'i rnam par shes pas shes par bya ba'i sgyu ma'i sgra dang / sgyu ma dang| sna'i rnam par shes pas shes par bya ba'i sgyu ma'i dri dang / sgyu ma dang / lce'i rnam par shes pas shes par bya ba'i sgyu ma'i ro dang / sgyu ma dang / lus kyi rnam par shes pas shes par bya ba'i sgyu ma'i reg bya dang / sgyu ma dang / yid kyi rnam par shes pas shes par bya ba'i sgyu ma'i rnam pa dang / sprul pa mang pos cho 'phrul zhing rnam par 'gyur pa dag kyang de bzhin no/ /kye| rgyal ba'i sras dag /de bzhin du byang chub sems dpa' yang skal ba mnyam par snyoms par zhugs shing / skal ba mi mnyam pa las rnam </font><hr>Ga285b<br><font size=+1>


par ldang bar ston to/ /skal ba mi mnyam pa la snyoms par zhugs shing / skal ba mnyam pa las rnam par ldang bar ston to/ /kye| rgyal ba'i sras dag /'di lta ste/ dper na/ lha dang lha ma yin g.yul du lhags pa'i tshe/ lha rnams rgyal zhing lha ma yin pham par gyur na/ de'i tshe lha'i dbang po dpag tshad brgya'i lus mig stong dang ldan pa dpung gi tshogs yan lag bzhis yongs su bskor cing / lha ma yin rnam par 'thor te/ de'i tshe lha ma yin gyi dbang po de lha ma yin gyi sgyu la shin tu mkhas pas/ sum cu rtsa gsum pa'i lha'i sde kun tu 'byer ba dang| rdzing bde ba 'byung ba'i drung gi khung nas lha ma yin shing rta dang / bzhon pa dang / dpung du bcas pa mang po 'byung bar ston to/ /kye| rgyal ba'i sras dag /de bzhin du byang chub sems dpa' sems dpa' chen po yang sgyu ma lta bu'i ye shes la gnas pa yongs su grub pa'i phyir/ tha mi dad pa'i chos la snyoms par zhugs shing / tha dad pa'i chos las rnam par ldang ba ston to/ /kye| rgyal ba'i sras dag /'di lta ste/ dper na/ sa bon mang po dang / 'byung ba mang po dag las sa bon sa la btab na sa bon ni 'og tu 'gro /'bras bu ni steng du 'byung ba yin/ kye| rgyal ba'i sras dag /de bzhin du byang chub sems dpa' yang ting nge 'dzin gyi rgyud kyi tshul gcig par snyoms par zhugs shing tshul gyi rnam pa tha dad </font><hr>Ga286a<br><font size=+1>


@#/ /pa las rnam par ldang ba ston to/ /'di lta ste/ dper na/ bud med skyes pa dang phrad par gyur ba'i khrag rdus pa las bur 'gyur te/ rdus pa de ma'i khong na gnas shing rim gyis skyes pa dang / zla ba bcu la las yongs su dag pa ni/ yan lag dang nying lag thams cad dang ldan pa dbang po tshang zhing rnam par dag par skye yang khrag rdus pa de yang gzhan/ dbang po drug rnams kyang gzhan no/ khrag rdus pa de la yang dbang po drug phra ba'i tshul du med pa ma yin te/ srid pa'i yan lag gi mtshan nyid dang ldan la las gcig nas gcig tu brgyud pas bskyed cing rlung dang ldan na las kyi rnam par smin pa ji lta ba bzhin du yan lag ma nyams par skye'o/ /de bzhin du byang chub sems dpa' yang thams cad mkhyen pa'i dngos po'i tshul du snyoms par zhugs shing / dngos po med pa'i tshul las rnam par ldang ngo / /'di lta ste/ dper na/ klu'i gnas ni sa la rten mod kyi/ bar snang gnas la sprin kyang skyed la bar snang gnas la/ klu'i gnas dang / khyim med kyang sprin gyi char 'dod pa'i mi rnams gyen du lta zhing klu'i sprul pa bar snang gi gnas la yod pa la lta ste/ gnas 'og na 'dug kyang sprin bla na lding bar snang ngo / /de bzhin du ting nge 'dzin 'di thob pa'i byang chub sems dpa' yang mtshan nyid med pa la snyoms par zhugs </font><hr>Ga286b<br><font size=+1>


shing / mtshan nyid las rnam par ldang ngo / /'di lta ste/ dper na/ tshangs pa yid du 'ong ba zhes bya ba'i tshangs pa'i gzhal med khang chen po rnam dag phul zhes bya ba yod de/ gzhal med khang chen po de la stong gi 'jig rten thams cad snang ngo / /stong phrag bcu'i 'jig rten thams cad snang ngo / /stong phrag brgya'i 'jig rten thams cad snang ngo / /stong gsum gyi stong chen po'i 'jig rten gyi khams lha'i gnas dang bcas pa/ klu'i gnas dang bcas pa/ gnod sbyin gyi gnas dang bcas pa/ dri za'i gnas dang bcas pa/ lha ma yin gyi gnas dang bcas pa/ nam mkha' lding gi gnas dang bcas pa/ mi'am ci'i gnas dang bcas pa/ lto 'phye chen po'i gnas dang bcas pa/ mi'i 'jig rten dang bcas pa/ ngan song gi rgyud gsum dang bcas pa/ ri rab dang bcas pa/ khor yug dang bcas pa/ rin po che'i ri dang bcas pa/ btang bzung dang bcas pa/ rgya mtsho dang bcas pa/ gling bzhi ma 'dres pa 'khor dang bcas pa/ grong khyer dang / grong rdal dang / pho brang 'khor dang / rgyal po'i gnas dang bcas pa/ ri dang / brag dang / shing mang po sna tshogs dang bcas pa/ rin po che'i rgyan dang bcas pa/ sman dang / nags tshal dang / rdzing dang / lu ma'i rgyun dang / chu klung dang / chu klung chen po dang / khor yug chen po'i mthar thug pa thams cad snang ste/ de </font><hr>Ga287a<br><font size=+1>


@#/ /yang de tsam du zad kyi stong gsum gyi stong chen po'i 'jig rten gyi khams 'dir gtogs pa las chung ngu na rdul shin tu phra ba'i gzegs ma par snang gnas la 'phyo ba lta bur phra ba dang / ra ba dang / chu klung yongs pa de dag thams cad kyang / tshangs pa'i gzhal med khang 'gro ba thams cad na phul du gyur cing / rnam par dag pa'i lhun la gzugs brnyan gyi tshul du snang zhing rnam par dmigs la mthong bar gyur kyang / de dag la thags thogs gang yang med do/ /de yang 'di ltar /dper na| me long gi dkyil 'khor la bzhin gyi gzugs brnyan gyi snang ba bzhin du gzhal med khang chen po de la thams cad kyang snang / thams cad kyang gsal/ thams cad kyang dmigs te/ thams cad kyi gzugs brnyan dmigs par yod do/ /de bzhin du byang chub sems dpa' yang sems kyi khams tha mi dad pa zhes bya ba'i ting nge 'dzin 'dis zhing gi rgyud kyang rab tu shes so/ /sangs rgyas kyi rgyud kyang rab tu shes so/ /sems can gyi rgyud kyang rab tu shes so/ /chos kyi rgyud kyang rab tu shes so/ /spyod pa'i rgyud kyang rab tu sgrub bo/ /mos pa'i rgyud kyang yongs su rdzogs par byed do/ /ting nge 'dzin gyi rgyud la yang rnam par 'phrul par byed do/ /rnam par ldang ba'i rgyud kyang </font><hr>Ga287b<br><font size=+1>


yongs su ston to/ /ye shes kyi rgyud kyang rab tu 'thob bo/ /skad cig gi mtha'i rgyud la rab tu gnas so/ /kye| rgyal ba'i sras dag /byang chub sems dpa' de ni rnam par 'phrul pa bcus kyang mchog tu gyur pa yin te/ bcu gang zhe na/ 'di ltar sangs rgyas kyi rnam par 'phrul pa nam mkha'i dbyings kyis klas pa chos kyi dbyings kyi mthas gtugs pa dang / byang chub sems dpa'i rnam par 'phrul pa tha dad pa med pa'i mthar thug pa tha mi dad pa'i dbang dam pa'i pha rol tu phyin pa dang / byang chub sems dpa'i spyod pa dang / smon lam chen po'i rnam par 'phrul pa de bzhin nyid la zhugs shing / sangs rgyas kyi mdzad pa'i pha rol tu phyin pa thob pa dang / 'jig rten gyi khams rnam par 'phrul pa dmigs pa thams cad don yod cing rnam par dag pas 'jig rten gyi khams thams cad rab tu snang bar bya ba'i byin gyi rlabs can dang / sems can thams cad rnam par 'phrul pa bsam gyis mi khyab pa'i las rnam par smin pa sgyu ma lta bu la 'jug pa dang / ye shes dang / ting nge 'dzin gyi rnam par 'phrul pa yangs pa dang phra ba'i ting nge 'dzin gyi mtshan ma dang / ting nge 'dzin las ldang ba shes pa dang / 'di lta ste/ byang chub sems dpa'i mthu dang / byang chub sems dpa'i khong du chud pas de bzhin gshegs pa'i yul la 'jug cing 'byung ba dang / </font><hr>Ga288a<br><font size=+1>


@#/ /de bzhin gshegs pa'i sku ston pa'i rnam par 'phrul pa dang / gzhan yang byang chub sems dpa' sangs rgyas sprul pa dang / sangs rgyas su byin gyis brlabs pa dang / chos kyi 'khor lo sprul pa dang / 'dul ba byin gyis brlab pa byed cing / de bzhin gshegs pa'i rigs dang rgyud du skye ba dang / sangs rgyas kyi sgra grag par bya ba rab tu sgrub pa'i rdzu 'phrul dang / rnam par 'phrul pa sems ltar mgyogs pa'i pha rol tu phyin pa yin/ gzhan yang byang chub sems dpa' sangs rgyas brjod pa med pa'i bstan pa dang / ldem po dag rab tu shes te/ chos kyi sgo bye ba khrag khrig brgya stong brjod du med pa'i yang brjod du med pas chos kyi 'khor lo rnam par 'phrul pa dag ston par byed do/ /gzhan yang byang chub sems dpa' sems dpa' chen po nyin zhag gi grangs dang / yud du yan man dang / zla ba'i grangs dang / lo dang / bskal pa'i grangs rab tu shes te/ skad cig gcig dang ldan pa'i ye shes kyi dus gsum mngon par bsgrub pa'i rnam par 'phrul pa yang dag par ston te/ byang chub sems dpa' spyod pa rnam par 'phrul pa bcu po 'di dag la'ang pha rol tu phyin pa thob pa yin te/ kye| rgyal ba'i sras dag /'di ni byang chub sems dpa' sems dpa' chen po rnams kyi ting nge 'dzin rgya chen </font><hr>Ga288b<br><font size=+1>


po la mkhas pa'i ye shes sems can gyi khams tha mi dad pa zhes bya ba ste brgyad pa'o/ /gzhan yang byang chub sems dpa' sems dpa' chen po bdag gi lus dang / mig gi skye mched nas/ yid kyi skye mched kyi mthar thug pa'i bar du byang chub sems dpa'i ting nge 'dzin chos kyi dbyings la dbang bsgyur ba zhes bya ba la snyoms par 'jug ste/ bdag gi ba spu'i khung bu re rer yang byang chub sems dpa'i ting nge 'dzin chos kyi dbyings la dbang bsgyur ba la snyoms par 'jug go /de'i rang bzhin gyi chos nyid kyang der byin gyis rlob ste/ de nyid nas 'jig rten yang rab tu shes so/ /'jig rten gyi chos kyang rab tu shes so/ /'jig rten gyi khams kyang rab tu shes so/ /'jig rten gyi khams bye ba khrag khrig brgya stong yang rab tu shes so/ /'jig rten gyi khams grangs med pa yang rab tu shes so/ /'jig rten gyi khams sangs rgyas kyi zhing brjod du med pa'i rdul shin tu phra ba snyed kyang rab tu shes so/ /'jig rten gyi khams de dag kyang byang chub sems dpa'i yon tan yongs su rdzogs shing dag pas rnam par dag la 'od gsal shing rgyan bzang bo shin tu mang bas rnam pa du mar brgyan cing / rin po che bzang po sna tshogs kyis shin tu gang bar mthong ste/ de na bskal pa brgyar yang byang chub kyi spyad pa spyod cing gnas </font><hr>Ga289a<br><font size=+1>


@#/ /so| |bskal pa stong dang / bskal pa khrag khrig dang / bskal pa bye ba khrag khrig brgya stong dang / bskal pa tshad med pa dang / bskal pa grangs med pa dang / bskal pa dpag tu med pa dang / bskal pa mu med pa dang / bskal pa bgrang du med pa dang / bskal pa mtha' yas pa dang / bskal pa mtshungs pa med pa dang / bskal pa bsam gyis mi khyab pa dang / bskal pa gzhal du med pa dang / bskal pa brjod du med pa dang / bskal pa brjod du med pa'i yang brjod du med pa dang / bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed du byang chub sems dpa'i spyad pa spyod cing gnas so/ /yongs su rgyun mi gcod do/ /de na de ltar byang chub sems dpa' de mnyam par bzhag pas snyoms par 'jug go /rnam par ldang ngo / /de de ltar ting nge 'dzin de la snyoms par zhugs shing / rnam par ldang ba dang / 'jig rten gyi khams mngon par bsgrub pa dag kyang rab tu spyod do/ /der yang sems can gyi khams yongs su smin par byed do/ /chos kyi dbyings khong du chud par byed do/ /dus shes par bya ba rab tu rtogs par byed do/ /chos bstan pa shin tu byin gyis rlob bo/ /chags pa med cing thogs pa med pa'i rgyud yongs su rdzogs </font><hr>Ga289b<br><font size=+1>


par byed do/ /chos kyi dbyings kyi dbang gis mig tha dad pa med pa'ang khong du chud pa yin/ rna ba tha dad pa med pa'i dam pa'i pha rol tu phyin pa yin/ sna tha dad pa med pa la mkhas par gyur pa yin/ lce tha dad pa med pa'i bslab pa yin/ lus tha dad pa med pa shin tu grub pa yin/ sems tha dad pa med pa'i rjes su song zhing khong du chud pa yin te/ de de lta bu'i ye shes dang ldan pas gzungs khrag khrig stong phrag bcu'i chos snang ba 'byung ngo / /spyod pa yongs su dag pa khrag khrig stong phrag bcu yongs su 'grub bo/ /dbang po thams cad mngon par shes pa khrag khrig stong phrag bcu rab tu gnon to/ /mngon par shes pa khrag khrig stong phrag bcu yongs su rdzogs par 'gyur ro/ / ting nge 'dzin khrag khrig stong phrag bcu yongs su gnon to/ /rdzu 'phrul khrag khrig stong phrag bcu yongs su 'grub bo/ /stobs khrag khrig stong phrag bcu rnam par 'phel lo/ /bsam pa khrag khrig stong phrag bcu yongs su rdzogs par 'gyur ro/ /byin gyi rlabs khrag khrig stong phrag bcu yang dag par ston to/ /rnam par 'phrul pa khrag khrig stong phrag bcu mngon sum du 'gyur ro/ /byang chub sems dpa'i chags pa med pa khrag khrig stong phrag bcu yang dag par 'grub bo/ /byang chub sems dpa'i tshogs khrag khrig stong phrag bcu </font><hr>Ga290a<br><font size=+1>


@#/ /yongs su rdzogs par 'gyur ro/ /byang chub sems dpa'i rigs khrag khrig stong phrag bcus yongs su sbyor zhing kun tu 'gro'o/ /byang chub sems dpa'i tshul khrag khrig stong phrag bcus yongs su snang bar 'gyur ro/ /don khrag khrig stong phrag bcu shin tu ston to/ /smon lam khrag khrig stong phrag bcu dang yang dag par ldan no| |yongs su bsngo ba khrag khrig stong phrag bcu shin tu ston to/ /byang chub sems dpa'i skyon med pa khrag khrig stong phrag bcu yongs su dag par byed do/ /chos kyi sgo khrag khrig stong phrag bcu rab tu snang bar byed do/ /byang chub sems dpa'i bstan pa khrag khrig stong phrag bcu yongs su rdzogs par byed do/ /byang chub sems dpa'i rnam par dag pa khrag khrig stong phrag bcu rnam par dag par byed de| byang chub sems dpa'i ting nge 'dzin chos kyi dbyings la dbang bsgyur ba 'di la gnas pa'i byang chub sems dpa' sems dpa' chen po ni yon tan gyi tshogs du ma dang ldan pa yin/ yon tan gyi tshogs tshad med pa dang ldan pa yin/ yon tan gyi tshogs mtha' yas pa dang ldan pa yin/ yon tan gyi tshogs bsam gyis mi khyab pa dang ldan pa yin/ yon tan gyi tshogs mtshungs pa med pa dang ldan pa yin/ yon tan gyi tshogs gzhal du med pa dang ldan pa yin/ yon </font><hr>Ga290b<br><font size=+1>


tan gyi tshogs brjod du med pa dang ldan pa yin/ yon tan gyi tshogs zad mi shes pa dang ldan pa yin/ yon tan gyi tshogs kun tu mtha' yas pa dang ldan pa yin/ yon tan gyi tshogs de dag gis byang chub sems dpa' shin tu sbyangs pa yin/ yang dag par byang bar byas pa yin/ rab tu brgyan pa yin/ yongs su bzung ba yin/ yang dag par grub par byas pa yin/ yang dag par brjod pa yin/ nye bar brtan pa yin/ mthun pa'i 'bras bu dang ldan par byas pa yin/ byang chub sems dpa'i ting nge 'dzin chos kyi dbyings la dbang bsgyur ba 'di la gnas pa'i byang chub sems dpa' de la ni/ shar phyogs logs kyi sangs rgyas kyi zhing grangs med pa stong phrag bcu'i rdul shin tu phra ba snyed kyi de bzhin gshegs pa mtshan mthun pa'i mtshan gcig la yang rnam par brtag cing / rnam par dbye ba'i rnam pa sangs rgyas kyi zhing grangs med pa stong phrag bcu'i rdul shin tu phra ba snyed mnga' zhing mtshan gcig la ji lta ba de bzhin du mtshan re re las rnam par brtag cing / rnam par dbye ba'i rnam pa sangs rgyas kyi zhing grangs med pa stong phrag bcu'i rdul shin tu phra ba snyed mnga' ba sha stag gis byin gyis brlab pa mdzad do/ /shar phyogs su ji lta ba de bzhin du lho phyogs dang / de bzhin du nub phyogs dang / de bzhin du byang phyogs </font><hr>Ga291a<br><font size=+1>


@#/ /dang| de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi sangs rgyas kyi zhing grangs med pa stong phrag bcu'i rdul shin tu phra ba snyed kyi de bzhin gshegs pa mtshan rnam par dgod pa gcig tu mthun pa sha stag /byang chub sems dpa' de la byin gyis rlob pa mdzad cing zhal mngon par ston to/ / byang chub sems dpa' de'i sangs rgyas kyi zhing rnam par dag pa yang byin gyis rlob pa mdzad do/ /de bzhin gshegs pa'i sras kyi thu bor brjod pa'i phyir lus tshad med pa yang rab tu brjod pa mdzad do/ /de bzhin gshegs pa'i spyan bsam gyis mi khyab pa'ang rab tu bstan to/ /de bzhin gshegs pa'i snyan tshad med pa'ang shin tu brjod do// de bzhin gshegs pa'i shangs mi bsnyengs pa'i dgongs pa dang ldan pa yang rab tu bstan to/ /de bzhin gshegs pa'i sras kyi thu bo'i yon tan phun sum tshogs pa yang yang dag par bstan to/ /de bzhin gshegs pa'i rdzu 'phrul rjes su bsgrags pa yang rab tu bshad do/ /de bzhin gshegs pa'i byang chub mtha' dang dbus med pa yang </font><hr>Ga291b<br><font size=+1>


dag par sbyang ba mdzad do/ /de bzhin gshegs pa'i gsung dgongs pas rnam par dag pa'ang thob par mdzad do/ /de bzhin gshegs pa'i chos kyi 'khor lo phyir mi ldog pa yang yang dag par ston to/ /de bzhin gshegs pa'i 'khor mtha' yas pa yang rnam par dmigs pa mdzad do/ /de bzhin gshegs pa'i chos ldem po dag mtha' yas pa la'ang rab tu gzhug pa mdzad do/ /de bzhin gshegs pa'i dge ba'i rtsa ba yang yang dag par brjod do/ /de bzhin gshegs pa'i mnyam pa nyid la'ang yang dag par zhugs pa mdzad do/ /de bzhin gshegs pa'i rigs dang rgyud dus kyi tshad dang mnyam pa yang rab tu brjod do/ /de bzhin gshegs pa'i chos kyi rnam pa dang bye brag thams cad kyang shin tu bstan to/ / de bzhin gshegs pa'i chos kyi byin gyi rlabs rnam par dmigs par bya ba'ang rab tu brjod do/ /de bzhin gshegs pa'i zhing bstan pa yang byin gyis brlab pa mdzad do/ /de bzhin gshegs pa'i gsung chos kyi sprin gyi char yang rab tu 'bebs so/ /sangs rgyas kyi zhing thams cad rnam par dmigs par bya ba yang yongs su bstan to/ /sangs rgyas thams cad kyi snyoms par 'jug pa yang rab tu brjod do/ /sangs rgyas thams cad kyi 'khor kun nas 'dus pa gcig nas gcig tu brgyud pa yang rnam par dmigs pa mdzad do// </font><hr>Ga292a<br><font size=+1>


@#/ /sangs rgyas thams cad kyi chos bsam gyis mi khyab pa'ang byin gyis brlab par mdzad do/ /chos thams cad mnyam pa nyid kyang yang dag par bstan to| |chos thams cad mi 'pho zhing rgyun 'chad pa med pa yang khong du chud par mdzad do/ /chos kyi dkyil 'khor thams cad kyi rjes su 'gro ba yang rab tu rdzogs par mdzad do| |de bzhin gshegs pa'i yon tan tshad med pa yang yongs su bstan to/ /ting nge 'dzin gyi dkyil 'khor thams cad sbyang ba yang khong du chud par mdzad do/ /sems sgyu ma lta bu mthar thug pa med pa yang rab tu bsgrub pa mdzad do/ /kye| rgyal ba'i sras dag /byang chub sems dpa'i ting nge 'dzin chos kyi dbyings la dbang bsgyur ba 'di la gnas pa'i byang chub sems dpa' ni/ sangs rgyas bcom ldan 'das mtshan tha dad pa/ mtshan re re zhing yang rnam par dbye ba'i bye brag sangs rgyas kyi zhing grangs med pa stong phrag bcu'i rdul shin tu phra ba snyed mnga' ba mtshan de dag re re'i rnam par dbye ba'i rnam grangs kyang / sangs rgyas kyi zhing grangs med pa stong phrag bcu'i rdul shin tu phra ba snyed mnga' ba dag gis mtha' dang dbus med pa'i tshul du lus kyang byin gyis brlab pa mdzad do/ /chags pa med pa'i tshul du sems kyang byin gyis brlab pa mdzad </font><hr>Ga292b<br><font size=+1>


do| |chos thams cad nyams pa med pa la gzhol bar dran pa'ang byin gyis brlab pa mdzad do/ /chos thams cad rtogs par khong du chud par blo gros kyang byin gyis brlab pa mdzad do/ /chos thams cad shin tu 'dzin par rig pa'ang byin gyis brlab pa mdzad do/ /chos thams cad yangs shing 'byams klas pa'i tshul du blo yang byin gyis brlab pa mdzad do/ /mngon par shes pa rnon pos chos tha mi dad pa mkhas pas khong du chud par dbang po tshad med pa'ang byin gyis brlab pa mdzad do/ /byin gyi rlabs kyis chos kyi dbyings khong du chud pa'i tshul du spyod yul thogs pa med pa yang byin gyis brlab pa mdzad do/ /bsgribs pa med pa'i ye shes rnam par dag par ye shes la 'jug pa'ang byin gyis brlab pa mdzad do/ /'jig rten gyi khams thams cad du rnam par 'phrul pa yang dag par ston par mngon par 'tshang rgya ba'ang byin gyis brlab pa mdzad do/ /kye| rgyal ba'i sras dag / de ltar byang chub sems dpa'i ting nge 'dzin 'di la gnas pa'i byang chub sems dpa' ni rgya mtsho'i sgo bcu la shin tu rtogs pa yin te/ bcu gang zhe na/ 'di ltar sangs rgyas rgya mtsho mthong bas rtogs pa yin/ sems can rgya mtsho ming gis khong du chud pa yin/ chos rgya mtsho ye shes kyis rab tu rtogs pa yin/ zhing rgya mtsho la dngos po med par </font><hr>Ga293a<br><font size=+1>


@#/ /gnas shing / mngon par 'dus ma byas pa'i bsam pas rjes su 'brang ba yin te/ yon tan rgya mtsho phun sum tshogs pas rab tu rtogs pa yin/ ye shes kyi rnam par 'phrul pa rgya mtsho rnam par dmigs pas khong du chud pa yin/ dbang po rgya mtsho rnam par phye ba la mkhas pa'i sa'i ye shes kyis khong du chud pa yin/ sems rgya mtsho sems can gyi ris thams cad kyi sems tha dad pa dang / sems yangs pa dang / sems tshad med pa yongs su shes pas khong du chud pa yin/ spyod pa rgya mtsho smon lam gyis yongs su rdzogs par byed pa yin/ smon lam rgya mtsho mtha' las brgal bar 'byung ba rnam par dag pas yongs su grub par byed pa yin te/ 'di dag ni byang chub sems dpa' de rgya mtsho'i sgo bcu la shin tu rtogs pa rnams so/ /byang chub sems dpa' de ni mchog tu bya ba bcu 'thob pa yin te/ bcu gang zhe na/ 'di ltar sems can thams cad kyi phul du bya ba 'thob pa yin/ lha thams cad kyi mchog tu bya ba 'thob pa yin/ tshangs pa khyu mchog thams cad kyi nang na chags pa med pa 'thob pa yin/ 'jig rten thams cad kyis mi 'phrogs pa 'thob pa yin/ 'gro ba thams cad kyis mi thub pa 'thob pa yin/ 'gro ba thams cad dang tha mi dad pa 'thob pa yin/ lam gyi rgyud thams cad nas 'byung ba 'thob </font><hr>Ga293b<br><font size=+1>


pa yin/ skye ba thams cad du dbang phyug 'thob pa yin/ sangs rgyas kyi chos thams cad la dbang 'thob pa yin/ 'byung ba'i rnam par 'phrul pa thams cad la stobs dang shugs 'thob pa yin/ 'di dag ni byang chub sems dpas mchog tu bya ba bcu 'thob pa'o/ /byang chub sems dpa' de ni stobs bcus sems can gyi khams su nan tan byed pa yin te/ bcu gang zhe na/ 'di ltar 'gro ba thams cad 'dul ba'i stobs kyis 'byung ba'i ded dpon du 'gyur ba dang / brtson 'grus kyi stobs kyis phyir mi ldog pa dang / chags pa med pa'i stobs kyis dri ma med pa dang / zhi ba'i stobs kyis sgrib pa med pa dang / sems kyi rgyud yongs su bsgyur ba'i stobs kyis chos thams cad la dbang bsgyur ba dang / rang bzhin gyi chos kyi stobs kyis don gyi dbang dang / bsgribs pa med pa'i chos kyis shes rab che ba dang / mi 'jigs pa'i stobs kyis chos ston pa dang / tha dad pa yang dag par shes pa'i stobs kyis byin gyis rlob pa'i chos nyid dang / rang byung gi stobs kyi mtha' yas pa'i ye shes rnam par ston pa ste/ stobs chen po/ stobs 'phags pa/ stobs dpe med pa/ stobs tshad med pa/ stobs shin tu bsgrubs pa/ stobs mi g.yo ba/ stobs shin tu brtan pa/ stobs 'khrugs pa med pa/ stobs ye shes kyi blo gros can/ stobs legs par bsgrubs </font><hr>Ga294a<br><font size=+1>


@#/ /pa| stobs mnyam par bzhag pa/ stobs yongs su dag pa/ stobs chos kyi lus can/ stobs chos snang ba can/ stobs chos kyi sgron ma can/ stobs chos kyi tshul can/ stobs zil gyis mi non pa/ stobs shin tu mnyam par bzhag pa/ rtsal dam pa dang ldan pa'i stobs/ skyes bu dam pa'i stobs/ skyes bu dam pas bsten pa'i stobs/ yang dag par rdzogs pa'i sangs rgyas kyi byin gyis brlabs pa'i stobs/ rnam pa thams cad du dge ba'i rtsa ba la bsten pa'i stobs/ dge ba'i rtsa ba tshad med pa la gnas pa'i stobs/ de bzhin gshegs pa'i stobs la zhugs pa'i stobs/ sems rtogs par bzhag pa'i stobs/ byang chub sems dpa'i dga' ba rnam par 'phel ba'i stobs/ byang chub sems dpa'i dad pa rab tu bskyed pa'i stobs/ byang chub sems dpa'i shugs shin tu 'phel bar byed pa'i stobs/ byang chub sems dpa'i sems kyi rgyu mthar phyin pa'i stobs/ byang chub sems dpa' lhag pa'i bsam pa rnam par dag par byed pa'i stobs/ byang chub sems dpa'i dge ba'i rtsa ba la yongs su gnas pa dang rgyu mthun pa'i stobs/ chos la shin tu gzhol ba'i stobs/ lus la thogs pa med pa'i stobs/ thabs mkhas pa'i tshul la zhugs pa'i stobs/ chos thams cad </font><hr>Ga294b<br><font size=+1>


'od dang zhing rnam par snang ba'i stobs/ 'gro ba thams cad du g.yo ba med pa phun sum tshogs pa'i stobs/ sems can thams cad kyis mi 'phrogs shing mi sgul ba'i stobs bcus sems can gyi khams su nan tan du byed pa ste/ byang chub sems dpa' de'i yon tan de ltar tshad med pa dang / chos kyi bsngags pa de ltar tshad med pa yongs su rdzogs par 'gyur ro/ /mngon par snang bar 'gyur ro/ /'byung bar 'gyur ro/ /'phel bar 'gyur ro/ /rab tu skyed par 'gyur ro/ /rab tu rton par 'gyur ro/ /yang dag par 'phel bar 'gyur ro| |rnam par dag par 'gyur zhing yongs su dag par 'gyur te/ yon tan de dag la mtha' med do/ /bden pa shes pa la mtha' med do/ /byang chub sems dpa'i spyod pa de dag la mtha' med do/ /byang chub sems dpa'i tshul de dag la mtha' med do/ /byang chub sems dpa'i khyu mchog gi mthu de dag la mtha' med do/ /byang chub sems dpa'i dka' ba spyod pa de dag la mtha' med do/ /byang chub sems dpa'i mngon par grub pa de dag la mtha' med do/ /byang chub sems dpa'i rnam par dag pa de dag la mtha' med do/ /byang chub sems dpa'i 'byung ba de dag la mtha' med do/ /byang chub sems dpa'i las la dbang bsgyur ba de dag gi mtha' ni bskal pa brjod du med pas kyang brjod par mi nus te/ de dag ni byang </font><hr>Ga295a<br><font size=+1>


@#/ /chub sems dpa' des 'thob bo/ /de dag ni byang chub sems dpa' des 'grub bo/ /de dag ni byang chub sems dpa' des gnon to/ /de dag ni byang chub sems dpa' de la mngon sum du dad par 'gyur ro/ /de dag ni byang chub sems dpa' de la rab tu snang ngo / /de dag ni byang chub sems dpa' des yongs su shes so/ /de dag ni byang chub sems dpa' de'i chos kyi tshul du 'byung ngo / /de dag ni byang chub sems dpa' de'i rnam par dgod pa'i ye shes su 'gro'o// //bam po lnga bcu brgyad pa| ting nge 'dzin 'di la gnas pa'i byang chub sems dpa' ni ting nge 'dzin tshad med pa/ grangs med pa/ gzhal du med pa/ mu med pa/ kun tu mtha' yas pa/ dpag tu med pa| bsam gyis mi khyab pa/ mtshungs pa med pa/ brjod du med pa'i yang brjod du med pa dag la dmigs pa re re nas 'jug pas snyoms par 'jug go /rnam par ldang ngo| |ting nge 'dzin de dag dang / ting nge 'dzin gyi khyad par yang rab tu shes so/ /ting nge 'dzin gzhal du med pa yang rab tu shes so/ /ting nge 'dzin shin tu yangs pa yang rab tu shes so/ /ting nge 'dzin la rnam par spyad pa'ang rab tu shes so/ /ting nge 'dzin gyi mtshan ma yang rab tu shes so/ /ting nge 'dzin bstan pa yang rab tu shes </font><hr>Ga295b<br><font size=+1>


so| |ting nge 'dzin gyi spyod yul yang rab tu shes so/ /ting nge 'dzin gyi rgyu mthun pa'i 'bras bu'ang rab tu shes so/ /ting nge 'dzin dben pa'ang rab tu shes so/ /ting nge 'dzin gyi rang bzhin yang rab tu shes so/ /ting nge 'dzin gyi 'byung ba'ang rab tu shes so/ /'di lta ste/ dper na/ klu'i rgyal po chen po ma dros pa'i gnas nas chu klung chen po ma dros pa rnyog pa med pa| dang ba 'od gsal ba/ dri ma med pa dag pa/ nam mkha' lta bu dri ma dang bral ba bzhi 'bab ste/ de dag kyang kha gcig dang / gnyis dang / gsum dang / bzhi'i sgo nas 'bab ste/ 'di ltar chu klung chen po gang+gA ni glang po che'i kha nas 'bab bo/ /chu klung chen po si ta ni seng ge'i kha nas 'bab bo/ /chu klung chen po sin+d+hu ni glang gi kha nas 'bab bo/ /chu klung chen po pak+Shu ni rta'i kha nas 'bab bo/ /de dag de ltar phyogs bzhi nas kha'i sgo bzhi nas 'bab ste/ chu klung gang+gA ni dngo nas dngul gyi bye ma 'dren cing 'bab ste/ dngul gyi bye ma la gnas so/ /chu klung si ta ni dngo nas rdo rje'i bye ma 'dren cing 'bab ste/ /rdo rje'i bye ma la gnas so/ /chu klung chen po sin+d+hu ni dngo nas gser gyi bye ma 'dren cing 'bab ste/ gser gyi bye ma la gnas so/ /chu klung chen po pak+Shu ni dngo nas bai DUR+Ya'i sngon po'i bye ma 'dren cing 'bab ste/ bai DUR+Ya sngon po'i bye ma la gnas so/ /chu klung chen po gang+gA ni lha rdzas kyi dngul gyi kha dog lta bu'i sgo nas 'bab </font><hr>Ga296a<br><font size=+1>


@#/ /bo| |chu klung chen po si ta ni lha rdzas kyi rdo rje'i kha dog lta bu'i sgo nas 'bab bo/ /chu klung chen po sin+d+hu ni lha rdzas kyi gser gyi kha dog lta bu'i sgo nas 'bab bo// chu klung chen po pak+Shu ni lha rdzas kyi bai DUR+Ya sngon po'i kha dog lta bu'i sgo nas 'bab bo/ /chu klung chen po de bzhi char yang kha'i sgo dpag tshad tsam gyi tshad nas 'bab ste/ de dag 'bab pa'i tshe re res kyang mtsho chen po la lan bdun bdun du g.yas phyogs su bskor te phyogs bzhir 'bab cing / rgya mtsho chen po gangs chen mtsho la zhen par 'dong ngo / /de ltar chu klung chen po rnams kyis lan bdun du g.yas phyogs su bskor ba'i bar gyi gling de dag kyang / me tog ut+pa la dang / pad mo dang / ku mu da dang / puN+Da ri ka dang / lha rdzas kyi rin po che'i rang bzhin las grub pa/ yid du 'ong ba dri zhim pa/ mtha'i rgyan du sdug pa/ mdog gsal ba/ rin po che sna tshogs kyi kha dog ltar 'dug pa/ 'od dang zhing gsal ba/ gcig gis gzugs brnyan gcig tu snang ba/ mdangs dga' ba/ blta na yid du 'ong ba/ rang bzhin dang zhing shin tu rnam par dag pas brgyan pa ste/ blta na kha dog 'od gsal ba/ mun bsal cing snang ba 'byin pa/ blta na gting mi bra zhing shin tu rnam par phye bar brgyan pa/ kha dog sna tshogs su me tog gis kun nas yogs pa/ 'dab ma sna tshogs dang ldan </font><hr>Ga296b<br><font size=+1>


zhing| snying po kha dog sna tshogs can/ ze ba mdog du mar snang ba'i me tog gis yongs su brgyan pa ste/ mtsho chen po de'i nang dang / mtsho'i dkyil 'khor ni rgyar dpag tshad lnga bcu yod de| zabs su dpag tshad lnga bcu yod do/ /de'i gzhi ni rin po che'i gseg ma bdal ba ste/ rin po che sna tshogs kha dog du ma dang ldan pas shin tu brgyan par gnas pa'o/ /de'i ngogs ni rin po che sna tshogs pha gu brtsigs pa ltar 'dug pas kun nas 'khor ba'o/ /de'i dri ni tsan dan bzang po'i bsung lta bu ste/ me tog kha dog du ma can las bsung gi ngad rnam pa du ma langs pa dang ldan pa yin/ me tog ut+pa la dang / pad mo dang / ku mu da dang / puN+Da ri kas kun nas yogs pa/ rin po che'i shing me tog rab tu rgyas pas kun nas 'khor ba ste/ nam lha'i bu nyi ma 'char ba'i tshe nyi ma'i 'od zer de dag mtsho'i rin po che dang / gseg ma dang / me tog dang / chu klung gi rgyud gyi bye ma dang / dngo'i kha dang / chu klung gi g.yas phyogs su bskor ba'i mtsho dang / rin po che'i shing gi lhun dang / yal ga dang / lo ma dang / me tog la bab par gyur na/ de'i tshe 'od zer re res phog kyang rin po che'i 'byung gnas sna tshogs kyi dbyings na gnas pa'i 'od zer gyi dra ba bye ba khrag khrig brgya stong gis kun nas yog pa lta bur snang ste/ thams cad kyang 'od kyi mdog dam pa des 'jam 'jam ltar </font><hr>Ga297a<br><font size=+1>


@#/ /'dug pas mtsho chen po ma dros pa rnam pa'i mchog thams cad dang ldan par snang ngo / /mtsho chen po ma dros pa de'i 'khor na rin po che rgyan du 'khod pa/ yid du 'ong zhing chal par rgyas la rgya cher 'dal ba de dag thams cad kyang nyi ma'i dkyil 'khor lta bur gyur par snang ste/ rin po che dam pa sna tshogs shin tu phra ba thams cad dang / rin po che'i bye ma kun tu bdal ba dang / rin po che'i rgyan sna tshogs shin tu phra ba dang / rin po che'i rdul shin tu phra ba dang / rin po che'i rdul shin tu phra ba'i bye ma de ltar phra ba dag la'ang phan tshun du gzugs brnyan snang na chung zhes dog pa'am/ che zhes yangs pa med par dngos po ji lta ba bzhin du ma nor bar snang ngo / /chu klung chen po de dag ji ltar mtsho chen po ma dros pa las kha bzhi nas 'bab pa de bzhin du byang chub sems dpa' sems dpa' chen po'i tha dad pa yang dag par shes pa bzhi'i chu klung chen po'i 'bab pa yang thams cad mkhyen pa nyid kyi rgya mtsho la zhen par 'dong ngo / /ji ltar chu klung chen po gang+gA glang po'i kha dngul gyi kha dog tu 'dug pa nas dngul gyi bye ma 'dren cing 'bab pa de bzhin du/ byang chub sems dpa' chos dkar po dag par byed pa'i sgo nas don tha dad pa yang dag par shes pa/ de bzhin gshegs pa'i tshul thams cad </font><hr>Ga297b<br><font size=+1>


yongs su sbyong ba/ don gyi tshul thams cad shin tu dag par byed pa yang chos thams cad kyi snang ba rnam par gsal bar byed cing 'bab ste/ bsgribs pa med pa'i rgya mtsho'i mthar thug par 'gro'o/ /ji ltar chu klung chen po si ta seng ge'i kha rdo rje'i kha dog tu 'dug pa nas rdo rje'i bye ma 'dren cing 'bab pa de bzhin du/ byang chub sems dpa'i chos tha dad pa yang dag par shes pa/ sangs rgyas kyi rdo rje'i tshig brjod pa dang / 'gro ba thams cad la snang bar bya ba dang / ye shes kyi rdo rje'i tshig rab tu 'dren cing 'bab ste/ chags pa med pa'i rgya mtsho la zhen par 'gro'o/ /ji ltar chu klung chen po sin+d+hu glang gi kha gser gyi kha dog tu 'dug pa nas gser gyi bye ma 'dren cing 'bab pa de bzhin du/ byang chub sems dpa'i nges pa'i tshig tha dad pa yang dag par shes pa/ sems can gyi tshogs thams cad khong du chud par byed cing 'gal ba med pa dang / 'gro ba thams cad tshim par byed pa/ shin tu 'gro ba yang tshul rnam par dag pa'i yan lag gis yongs su smin par bya ba dang / 'dul ba la rtag tu brtson par 'bab ste/ rten cing 'brel bar 'byung ba'i tshul gyi rgya mtsho la zhen par 'gro'o/ /ji ltar chu klung chen po pak+Shu rta'i kha bai DUR+Ya sngon po'i kha dog tu 'dug pa nas bai DUR+Ya sngon po'i bye ma 'dren cing 'bab pa de bzhin du/ byang chub sems dpa'i spobs </font><hr>Ga298a<br><font size=+1>


@#/ /pa tha dad pa yang dag par shes pa mi zad pa yang chos brjod du med pa bye ba khrag khrig brgya stong rab tu snang bar bya ba dang / dam pa'i chos kyi chu klung rgyun du 'bab par bya ba'i klung rab tu skyed par byed cing chos thams cad kyi rgya mtsho la gzhol bar 'bab ste/ byang chub sems dpa' thams cad kyi chos rgya mtsho la zhen par 'gro'o// ji ltar chu klung chen po bzhi po de dag gis mtsho chen po ma dros pa la g.yas phyogs su bskor ba byas te/ phyogs bzhi nas rgya mtsho la zhen par 'dong ba de bzhin du/ byang chub sems dpa' yang lus kyi las mthun pa dang ldan pa yin/ ngag gi las mthun pa dang ldan pa yin/ yid kyi las mthun pa dang ldan pa yin/ mthun pa'i ye shes sngon du 'gro ba dang ldan pa yin/ ji ltar de dag phyogs bzhi nas rgya mtsho chen po la zhen par 'dong ba de bzhin du/ byang chub sems dpa' yang phyogs bzhi nas thams cad mkhyen pa'i ye shes kyi rgya mtsho la zhen par 'gro ba yin te/ bzhi gang zhe na/ 'di lta ste/ sangs rgyas rnam par dmigs pas sangs rgyas thams cad mthong ba'i phyogs dang / 'di lta ste| lus kyi las nges pa dang / gzungs brjed pa med pas yongs su 'dzin pas chos thams cad snang ba'i phyogs dang / 'di lta ste/ byang chub sems dpa'i spyod pa thams </font><hr>Ga298b<br><font size=+1>


cad yongs su rdzogs par bya ba'i phyir pha rol tu phyin pa'i phyogs dang / chos kyi 'khor lo bskor bas sems can thams cad dga' bar bya ba yongs su rdzogs par bya ba'i phyir snying rje chen po'i phyogs so/ /ji ltar chu klung chen po de dag gis lan bdun du bskor ba'i bar gyi gling rnams/ me tog ut+pa la dang / pad mo dang / ku mu da dang / puN+Da ri kas kun nas yog pa de bzhin du/ byang chub sems dpa' bar ma dor 'dul bar ma gyur ba'i sems can rnams la btang snyoms su gzhog pa yang ting nge 'dzin bye ba khrag khrig brgya phrag stong gis kun tu khyab pa'o/ /sangs rgyas mthong bas rnam pa sna tshogs su brgyan pa'o/ /sangs rgyas kyi zhing yongs su dag cing rdul med pas yid du 'ong ba'o/ /ji ltar mtsho chen po ma dros pa rin po che'i shing gis yongs su 'khor ba de bzhin du/ byang chub sems dpa' yang byang chub tu mngon par 'tshang rgya ba ston na/ sangs rgyas kyi zhing gis kun nas 'khor cing brgyan pa yin/ ji ltar mtsho chen po ma dros pa'i nang dpag tshad lnga bcu yod la dang zhing rnyog pa med pa dang gsal ba de bzhin du/ byang chub sems dpa' mngon par 'tshang rgya ba'i sems kyang dge ba'i rtsa ba thams cad kyis yongs su rgyas pas dang zhing rnyog pa med la gsal ba dang / mtha' dang dbus med pa yin/ ji ltar mtsho chen po ma dros pa rin po che'i pha gus </font><hr>Ga299a<br><font size=+1>


@#/ /brtsigs pas mtha' bskor cing / tsan dan dri zhim po'i bsung dang ldan pa de bzhin du/ byang chub sems dpa' mngon par 'tshang rgya ba'i sems kyang ye shes rin po che khrag khrig stong phrag bcus shin tu brgyan cing khyad par du 'phags pa'i smon lam gyi ye shes dang ldan la dge ba'i rtsa ba dri zhim po thams cad dang ldan pa'o| |ji ltar mtsho chen po ma dros pa'i nang rin po che thams cad kyi gram bus yongs su brgyan cing / nor bu rin po che rnam pa sna tshogs kyis mdzes par gyur pa de bzhin du/ byang chub sems dpa'i ye shes phra bas khong du chud pa'i dran pa yang byang chub sems dpa'i rnam par thar pa bsam gyis mi khyab pa'i rin po ches rnam par brgyan cing / de ltar byung ba'i chos thams cad la thogs pa med pa'i sangs rgyas thams cad kyi gnas la rnam par spyod pas tshul dang dus shes par bya ba thams cad la zhugs pa yin| ji ltar klu'i rgyal po chen po ma dros pa gtse ba dang / mi bde ba thams cad las rnam par 'das pa de bzhin du/ byang chub sems dpa' yang 'jig rten gyi gtse ba dang| 'jigs pa thams cad dang bral ba yin te/ 'jig rten thams cad du snang bar gnas kyang 'jig rten thams cad kyis mi gos pa yin/ ji ltar chu klung chen po bzhi </font><hr>Ga299b<br><font size=+1>


po de dag gis 'dzam bu'i gling mngon par brlan cing yongs su brlan nas rgya mtsho chen po la zhen par 'dong ba de bzhin du/ byang chub sems dpa' yang ye shes kyi chu klung chen po bzhis lha dang 'jig rten du bcas pa/ tshangs par bcas pa/ dge sbyong dang bram ze'i skye dgur bcas pa mngon par brlan te/ bla na med pa yang dag par rdzogs pa'i byang chub kyi ye shes rgya mtsho stobs bcus rnam par brgyan pa la zhen par 'gro'o/ /bzhi gang zhe na/ 'di lta ste/ smon pa'i ye shes kyi chu klung 'gro ba thams cad bskyab pa dang / 'gro ba thams cad gdul ba'i phyir rgyun mi 'chad par 'gro ba dang / 'di lta ste/ pha rol tu phyin pa yongs su rdzogs pa'i chu klung byang chub sems dpa'i spyod pa rnam par dag pas rab tu dang ba/ sems can gyi khams thams cad la phan 'dogs shing / mi zad pa'i rgyun gyi mthar thug pas dus gsum gyi ye shes rgya mtsho la zhen par 'bab pa dang / 'di lta ste/ byang chub sems dpa'i mnyam pa med pa'i ye shes kyi chu klung ting nge 'dzin rin po che grangs med pas brgyan pa/ sangs rgyas thams cad lta zhing sangs rgyas thams cad kyi ye shes rgya mtsho la zhen par 'bab pa dang / 'di lta ste/ snying rje chen po'i ye shes kyi chu klung byams pa chen po'i dbang du 'gyur ba 'gro ba thams cad nas phyir mi ldog cing 'gro ba thams cad nye bar </font><hr>Ga300a<br><font size=+1>


@#/ /gzung ba'i phyir/ thabs mkhas pa'i mtshams sbyor ba grangs med pas yongs su gdung ba zhi bar byed cing stobs bcu rgya mtsho la zhen par 'bab pa'o/ / ji ltar chu klung chen po bzhi po de dag mtsho chen po ma dros pa nas mi zad pa'i rgya mtsho la zhen par 'dong ba de bzhin du/ byang chub sems dpa' yang khyad par du 'phags pa'i smon lam dang ldan pa'i byang chub sems dpa'i spyod pas thams cad mkhyen pa'i ye shes zad mi shes pa'i mthar thug par 'gro zhing rnam par 'tshang rgya bar rnam par rol pas rnam par 'tshang rgya ba yin/ ji ltar chu klung chen po bzhi po de dag rgya mtsho chen po zhen par 'dong zhing phyir mi ldog pa de bzhin du/ byang chub sems dpa' smon lam gyi rgyun ma chad par byang chub sems dpa' kun tu bzang po'i smon lam la rab tu brtson pa yang thams cad mkhyen pa nyid du mngon par bsgrub pa las phyir mi ldog cing / sangs rgyas kyi byang chub chos thams cad la bsgribs pa med pa dang / chags pa med pa la gnas pa'i de bzhin gshegs pa'i ye shes rgya mtsho zhen par 'gro'o/ /ji ltar chu klung chen po bzhi po de dag bskal par gnas shing skyo ba dang / yongs su skyo ba med par rgya mtsho la zhen par 'dong ba de bzhin du/ byang chub sems dpa' kun tu bzang po'i spyod pa dang / smon </font><hr>Ga300b<br><font size=+1>


lam la brtson pa'i byang chub sems dpa' yang phyi ma'i mtha' mur thug pa'i bskal par byang chub sems dpa'i spyad pa spyod pas yongs su mi skyo bar de bzhin gshegs pa thams cad kyi ye shes rgya mtshor rgyun ma chad par rjes su gzhol zhing zhen par 'gro ba yin/ ji ltar mtsho chen po ma dros pa de rin po che sna tshogs kyi mdog ltar 'dug cing / dngul gyi bye ma'i mdog tu snang ba dang / gser gyi bye ma'i mdog tu snang ba dang / rdo rje'i bye ma'i mdog tu snang ba dang / bai DUR+Ya'i bye ma'i mdog tu snang ba dang / nyi ma'i 'od zer gyis phog na nyi ma'i dkyil 'khor rnam pa thams cad dang ldan pa'i gzugs su mngon zhing snang ba dang / nyi ma'i 'od zer dang phrad na mtsho chen po ma dros pa de dmigs pa thams cad kyi gzugs su gyur par snang yang lus kyi gzugs su snang ba dang / rin po che sna tshogs kyi rnam pa snang bar gyur pa de dag gcig gis gcig bdo zhing phan tshun du gnod par 'gyur ba med do// de bzhin du byang chub sems dpa' yang chos kyi dbyings la dbang bsgyur ba'i ting nge 'dzin 'di la gnas pas rang gi lus kyi ba spu'i khung bu re rer yang de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed rab tu mthong ngo / /sangs rgyas kyi zhing yang mthong ngo / /'khor gyi dkyil 'khor du'ang </font><hr>Ga301a<br><font size=+1>


@#/ /'jug go /chos bstan pa'ang nyan to/ /de dag thams cad kyang mnyes par byed do/ /de bzhin gshegs pa'i sku tshad med pa la'ang yid ches shing / khong du chud par byed do/ /sangs rgyas kyi zhing de dag na de bzhin gshegs pa rnams la bsnyen bkur byed cing / chos nyan pas kyang bskal pa brjod du med pa'i yang brjod du med pa'i bye ba khrag khrig 'da' bar byed kyang yun ring po'i 'du shes kyang mi skye/ yun thung ngu'i 'du shes kyang mi skye'o/ /ba spu'i bu ga de dag tu'ang de'i lus la mi bde pa med cing / 'jig rten gyi khams de dag dang / de bzhin gshegs pa bzhugs pa de dag dang / 'khor gyi dkyil 'khor de dag dang / sems can gyi khams sna tshogs 'khod pa de dag la'ang gnod pa med do/ /de ci'i phyir zhe na/ de ni 'di ltar chos kyi dbyings la 'jug pa de/ sems shin tu phra bas mtha' dang dbus med pa/ las kyi rnam par smin pa/ dpe med pa'i tshul la 'jug pa/ ting nge 'dzin bsam gyis mi khyab pa'i yul rtogs par gnas pa/ bsam gyis mi khyab pa'i yul sangs rgyas thams cad kyi yul rnam par sgrub pa/ sangs rgyas thams cad kyi byin gyi rlabs bsam gyis mi khyab pa/ sangs rgyas kyi rnam par 'phrul pa tshad med pa bsgrub par dka' ba/ </font><hr>Ga301b<br><font size=+1>


bzod par dka' ba/ de bzhin gshegs pa'i stobs bcu yongs su 'dzin pa/ byang chub sems dpa' kun tu bzang po'i spyod pa dang / dmigs pa yongs su rdzogs par byed pa/ sangs rgyas thams cad kyi rnam par 'phrul pa la 'jug pas skyo ba med pa'i phyir ro/ /de ltar byang chub sems dpa' de sems skad cig la snyoms par zhugs shing / rnam par ldang yang yun ring po yang 'jig par mi byed/ mngon par zhen par yang mi ltung / dmigs pa thams cad la'ang gnas pa med /de dngos po thams cad la yang mi gnas so/ /skad cig gi rgyud la yang rab tu 'jug go /sems can gyi don yang yang dag par sgrub bo/ /sangs rgyas kyi khyu mchog gi mthu phyung ba mthong bas kyang ngoms par mi byed do| |chos kyi dbyings kyi mthar dbyung bas kyang sgyid lug par mi byed de/ de la gzhag par bya ba yang gang yang med do/ /thams cad mkhyen pa'i ye shes mngon par bsgrubs ba'i rjes su yang rab tu 'jug go /ye shes kyi sbrul pa yang byin gyis rlob bo/ /sems can gyi ris la 'jug par yang mtha' dang dbus med par 'jug go /'jug rten gyi khams thams cad rnam par dag pa yang yongs su rdzogs par byed do/ /'jig rten gyi phyin ci log thams cad rnam par rtog pa med pas rab tu shes so/ /rtog pa'i sa thams </font><hr>Ga302a<br><font size=+1>


@#/ /cad las kyang yongs su 'da'o/ /mtshan ma sna tshogs yongs su shes pa yang mi spong ngo / /byang chub sems dpa'i ye shes dang thabs la mkhas pa yang yongs su rdzogs par byed do/ /shin tu rnam par dag pa la'ang rtog par mi byed do/ /thams cad zil gyis gnon pa'i sa yang rab tu 'thob par byed do/ /'di lta ste/ dper na/ nam mkha'i rang bzhin ni dngos po thams cad kyi rjes su song ba'ang yin la/ dngos po thams cad las kyang rnam par 'das pa'o/ /de bzhin du byang chub sems dpa' yang 'jig rten gyi khams thams cad du'ang rgyu la/ 'jig rten gyi khams thams cad las kyang rnam par 'das pa yin/ sems can gyi khams yongs su dgrol ba la'ang brtson la/ sems can gyi 'du shes thams cad kyang med pa yin/ chos kyi dbyings thams cad kyang ye shes kyi spyod yul du gyur la/ chos thams cad kyis snyems pa'i sems kyang med pa yin/ sangs rgyas thams cad blta bas kyang mi ngoms la/ sangs rgyas thams cad la blta ba'i gnas kyang yongs su bsal ba yin/ ting nge 'dzin gyi rnam pa thams cad la mkhas par bya ba'ang khong du chud la chos thams cad kyi de bzhin nyid khong du chud pas chags pa yang med pa yin/ chos kyi tshig rnam par shes pa </font><hr>Ga302b<br><font size=+1>


mtha' yas pa'i spobs pa dang yang ldan la/ tshig med cing yi ge med pa yang khong du chud pa yin/ brjod du med pa la yang shin tu spyod la/ dbyangs kyi yan lag rnam par dag pa dang yang ldan pa yin/ chos thams cad kyi yang mthar phyin la/ gzugs sna tshogs kyis 'dul ba rnams kyang yul du byed pa yin/ chos thams cad kyi rang bzhin gyi mthar yang rab tu thug la/ snying rje chen pos sems can gyi khams thams cad yongs su dgrol zhing gdul ba la yang rab tu brtson pa yin/ sems can gyi khams 'phel ba dang 'grib pa med pa yang rab tu shes la/ chos kyi dbyings kun tu khyab pa khong du chud pa las kyang mi g.yo ba yin/ 'gro ba thams cad gdul ba yang rgyun mi gcod la/ de bzhin gshegs pa'i spyod pa 'khor gsum yongs su dag par khong du chud pa yin/ chos rnam pa sna tshogs la'ang rnam par mi rtog la/ bstan pa sna tshogs la 'jigs pa med pas chos bstan pa'i chos kyi 'khor lo yang rgyun mi 'chad pa yin/ kye|rgyal ba'i sras dag /'di ni byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye shes chos kyi dbyings la dbang bsgyur ba zhes bya ba ste dgu pa'o/ /kye|rgyal ba'i sras dag /byang chub sems dpa' sems dpa' chen po rnams kyi ting nge 'dzin rgya chen po la mkhas pa'i ye </font><hr>Ga303a<br><font size=+1>


@#/ /shes bcu pa gang zhe na/ kye| rgyal ba'i sras dag /'di la byang chub sems dpa' sems dpa' chen po byang chub sems dpa'i ting nge 'dzin chags pa med cing / dri ma med pa zhes bya ba la snyoms par 'jug pa ste/ ting nge 'dzin de la snyoms par zhugs pa'i tshe/ lus kyi las chags pa med par yang dag par gnas so/ /ngag gi las chags pa med par yang dag par gnas so/ /yid kyi las chags pa med par yang dag par gnas so/ /sangs rgyas kyi zhing mnyam pa nyid chags pa med par yang dag par gnas so/ /sems can yongs su smin par bya ba'i ye shes chags pa med pa la yang dag par 'jug go /sems can 'dul ba'i ye shes chags pa med par yang dag par gnas so/ /'od zer kun tu dgye ba chags pa med pa rab tu 'gyed do/ /'od kyi dkyil 'khor chags pa med pa rab tu gtong ngo / /sprul pa mang po chags pa med pa rab tu 'gyed do/ /chos kyi 'khor lo chags pa med pa rab tu bskor ro/ /byang chub sems dpa'i khyu mchog gi mthu phyung ba'ang rab tu 'thob par byed do/ /sangs rgyas kyi stobs rnams la yang yang dag par 'jug go /sangs rgyas kyi ye shes kyang rab tu 'thob par byed do/ /sangs rgyas kyi bzhengs pas rnam par ldang ngo / /sangs rgyas kyi rnam par 'phrul ba snang </font><hr>Ga303b<br><font size=+1>


bas nye bar spyod do/ /byang chub sems dpa' de ting nge 'dzin 'di la gnas pa'i tshe/ thams cad mkhyen pa nyid la rab tu rtog go /thams cad mkhyen pa nyid la yongs su blta'o/ /thams cad mkhyen pa nyid khong du chud par byed do/ /thams cad mkhyen pa nyid rtogs par byed do/ /thams cad mkhyen pa nyid dmigs par byed do/ /thams cad mkhyen pa nyid la rab tu lta'o| |thams cad mkhyen pa nyid la rjes su blta'o/ /thams cad mkhyen pa nyid la rnam par lta ste/ byang chub sems dpa' sems dpa' chen po de/ byang chub sems dpa' kun tu bzang po'i smon lam chen po dang / byang chub sems dpa'i sems chen po dang / byang chub sems dpa'i spyod pa chen po dang / byang chub sems dpa'i khong du chud pa chen po dang / byang chub sems dpa'i rtogs pa chen po dang / byang chub sems dpa'i snang ba chen po dang / byang chub sems dpa'i skye ba chen po dang / byang chub sems dpa'i byin gyi rlabs chen po dang| byang chub sems dpa'i sprul pa chen po dang / byang chub sems dpa'i rgyun chen po yongs su mi gcod do/ /ldog par mi byed do/ /skyo bar mi byed do/ /gtong bar mi byed do/ / 'gyed par mi byed do/ /sgyid lug par mi byed do/ /gzhog par mi byed do/ /byang chub sems dpa'i rgyun mthar phyin par mi byed do/ /de ci'i phyir zhe na/ de ni byang chub sems dpa'i chos </font><hr>Ga304a<br><font size=+1>


@#/ /la smon lam chen pos rab tu grub pa dang / yang dag par 'jug pa'i 'byung gnas chen po dang / 'jigs pa'i pa med pa'i sangs rgyas kyi chos rgya mtsho chen po shin tu bslabs pas/ byang chub sems dpa'i smon lam khyad par du 'phags pa dang ldan pa'i phyir ro/ /byang chub sems dpa'i spyod pa khyad par can dang ldan pa'i phyir ro/ /thabs mkhas pa'i ye shes snang ba la shin tu bslabs pa'i phyir ro/ /byang chub sems dpa'i sprul pa yongs su shes pa'i phyir ro/ /sems can thams cad kyi gtso bos byin gyis brlabs pa'i phyir ro/ /'das pa dang / ma byon pa dang / da ltar byung ba'i sangs rgyas thams cad kyi thugs rje chen po'i rjes su snyegs pa'i phyir ro/ / sangs rgyas kyi chos 'gyur ba med pa yongs su bsgrub pa'i phyir ro/ /de ci'i phyir zhe na/ 'di lta ste/ dper na/ mi la la zhig gis nor bu rin po che sna tshogs tshon gyis bsgyur pa'i gos kyi steng du bzhag na/ nor bu rin po che de yang khong nas tshon gyis gyur par snang ste/ nor bu rin po che'i rang bzhin ni 'gyur ba med do/ /de bzhin du byang chub sems dpa' yang ting nge 'dzin rin po che thob pa'i ye shes kyi sgos thams cad mkhyen pa nyid la yongs su lta zhing / byang chub sems dpa' kun tu bzang po'i spyod pa'ang rgyun mi gcod do/ / </font><hr>Ga304b<br><font size=+1>


ji ltar nor bu rin po che de kha dog thams cad ston kyang nor bu'i rang bzhin yongs su mi spong ba de bzhin du/ byang chub sems dpa' yang byang chub sems dpa'i spyod pa'i rang bzhin thams cad mkhyen pa'i yon tan can yongs su mi spong ngo / /de ci'i phyir zhe na/ 'di ltar byang chub sems dpa' de ni 'gro ba thams cad kyi don du yang dag par zhugs pa'i phyir ro/ / 'gro ba thams cad dgrol bar smon pa'i phyir ro/ /sangs rgyas thams cad mnyes par byed pa las phyir mi ldog pa'i phyir ro/ /'jig rten gyi khams thams cad rnam par sbyong bas sgyid lug pa med pa'i phyir ro/ /'gro ba thams cad du rgyun mi 'chad par spyod pas skyo ba med pa'i phyir ro/ /chos rgya mtsho mtha' dang dbus med cing tshad med pas yongs su yi 'chad pa med pa'i phyir ro/ /sems can rnam par dag par bya ba'i dmigs pas rnam par 'phel ba thams cad ston pa'i las phyir 'gyod pa med pa'i phyir ro/ /'gro ba thams cad la rim gro bya bas snyoms pa med cing sgyid lug pa med pa'i phyir ro/ /'gro ba thams cad snang bar bya bas skyo ba med pa'i phyir ro/ /chos kyi sgo mtha' yas pa la 'jug pa las phyir mi ldog cing yongs su skyo ba med pa'i phyir ro/ /'di lta ste/ dper na/ nam mkha'i rang bzhin ni 'jig rten gyi khams thams cad yongs su 'dzin cing rten kyang ngal ba med cing dub pa med la </font><hr>Ga305a<br><font size=+1>


@#/ /nyam chung bar mi 'gyur zhing / rga bar mi 'gyur/ 'jig par mi 'gyur/ 'gyes par mi 'gyur/ byang bar mi 'gyur/ rnam pa tha dad par mi 'gyur/ rnam pa gzhan du mi 'gyur/ dngos po gzhan du mi 'gyur/ rang bzhin rnam par mi spong ngo / /de ci'i phyir zhe na/ de ni nam mkha'i rang bzhin chos nyid kyi ngo bo nyid kyang phyir ro/ /de bzhin du byang chub sems dpa' yang smon lam chen po rgya che zhing yangs la tshad med pa dang ldan pas/ sems can thams cad dgrol ba la nye bar gnas pa'i sgos skyo zhing dub pa'i sems mi skyed do/ /'di lta ste/ dper na/ mya ngan las 'das pa ni dus gsum gyi sems can mtha' dang dbus med pa de snyed cig yongs su mya ngan las zlo yang bar 'ga' tsam yang skyo ba med cing sgyid lug pa med de/ yongs su yi chad pa med do/ /de ci'i phyir zhe na/ 'di lta ste/ mya ngan las 'das pa'i mthar thug pa 'di ni chos thams cad kyi dben pa nyid de/ de bas na gang las kyang phyir nur bar bya ba med do/ /de bzhin du byang chub sems dpa' yang 'gro ba thams cad gdon pa'i phyir/ 'jig rten du skyes pas sems can thams cad yongs su dgrol ba la skyo ba'i sems mi skyed do/ /'di lta ste/ dper na/ thams cad mkhyen pa nyid la byang chub sems dpa' de snyed cig byang chub kyi don du gnas </font><hr>Ga305b<br><font size=+1>


kyang skyo ba dub pa med de/ 'das pa dang / ma 'ongs pa dang / da ltar byung ba rnams sangs rgyas kyi mnga' bsgyur ba la bsgrubs so/ /sgrub bo/ /bsgrub par 'gyur ro/ /de ci'i phyir zhe na/ de ni zad pa med pa'i chos nyid thob pa'i phyir te/ de las gzhan du 'gyur ba med cing / 'dul ba'i chos la mngon par chags pa med pas phyir nur ba med do/ /de bzhin du byang chub sems dpa' yang thams cad mkhyen pa nyid kyi ting nge 'dzin mang po bdag gis thob par byed cing khong du chud par byed do/ /de ltar byang chub sems dpa' de'i ting nge 'dzin de ni/ 'od phyogs thams cad kyi mthas klas par 'dal ba/ 'jig rten gyi khams thams cad du 'od zer thogs pa med pa/ yon tan sna tshogs du ma'i snying po can gos brjod du med pa yongs su 'byung ba| rin po che brjod du med pa yongs su 'byung ba/ spos brjod du med pa yongs su 'byung ba/ rgyan dang lhab lhub du ma dang ldan pa/ gser gyi dra ba rgya chen pos kun nas yogs pa / dril bu'i dra ba'i sgra kun nas 'byung ba/ blta na bzang zhing yid du 'ong ba rin po che sna tshogs brjod du med pa'i mdzod dang ldan pa/ rin po che sna tshogs mang po ston pas dag cing bzang po spyod pa/ gnas shin tu bstan pa thams cad mkhyen pa nyid kyi sgo ston pa'i yon tan can/ de bzhin gshegs pa mang pos byin gyis brlabs pa/ dge ba'i rtsa ba dag pa thams </font><hr>Ga306a<br><font size=+1>


@#/ /cad kyis yang dag par byung bas rnam par snang ba/ de bzhin gshegs pa thams cad kyi dpal gyi byin dang ldan pa/ de bzhin gshegs pa thams cad kyi byin gyi rlabs las byung ba/ lus gcig tu gnas kyang phyogs bcu brjod du med cing / tshad med par byang chub sems dpa' 'byung ba'i go 'phang dang / yon tan tshad med pa grangs med pa brgya stong rnam par dag pa/ phun sum tshogs pa thams cad mkhyen pa nyid du mthun zhing gnas su gyur pa/ sangs rgyas thams cad mkhyen pa nyid du mthun zhing gnas su gyur pas/ sangs rgyas thams cad kyi snang ba 'byung bar byed pa/ 'gro ba thams cad kyi mchod rten du gyur pa/ 'jig rten thams cad kyi phyag bya zhing mdun du bya bar 'os pa/ chos nyid sgyu ma lta bu'i mthun pa'i 'bras bu sprul pa kun tu 'gyed pa/ 'gro ba thams cad kyi dpe dang dpe med pa'i yon tan can te/ de la gnas pa'i tshe byang chub sems dpa' skyil mo krung gcig tu gnas shing / de'i bdag nyid yongs su rdzogs par byed pa'i tshe/ 'jig rten gyi khams thams cad ma lus par byang chub sems dpa'i skyil mo krung gcig gis yongs su khyab par 'gyur te/ sangs rgyas thams cad kyis byin gyis brlabs pa ste de ltar gnas pa'i </font><hr>Ga306b<br><font size=+1>


tshe ba spu'i khung bu gcig nas kyang sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed kyi 'od zer 'byung ste/ ba spu'i khung bu gcig nas ji lta ba de bzhin du ba spu'i khung bu thams cad nas kyang 'od zer gyi sgo de snyed de snyed 'byung ngo / /'od zer gyi sgo de dag re re las kyang sangs rgyas kyi zhing bye ba khrag khrig brjod du med pa phrag bcu'i rdul shin tu phra ba snyed kyi nor bu rin po che rnam par snang ba'i snying po can kha dog du mar snang ba/ rgyan sna tshogs dang ldan pa/ yon tan gyi rnam pa du ma dang ldan pa/ rin po che'i dra ba rgya chen pos kun nas khebs pa/ me tog gi dra ba rgya chen pos yongs su khebs pa/ spos rin po che khrag khrig brgya stong kun tu gtong ba/ rin po che'i rgyan yid du 'ong ba sna tshogs kyi snying po can/ rin po che'i gdugs bsam gyis mi khyab pas bkab pa 'byung ste/ rin po che de dag re re las kyang khang pa brtsegs pa sangs rgyas kyi zhing bye ba khrag khrig brgya stong phrag bcu'i rdul shin tu phra ba snyed 'byung ngo / /khang pa brtsegs pa de dag re re las kyang seng ge'i khri pad+mo'i snying po can sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed 'byung ngo / /seng ge'i khri pad+mo'i snying po can de dag re re las kyang 'od sangs rgyas kyi zhing bye ba </font><hr>Ga307a<br><font size=+1>


@#/ /khrag khrig brgya stong grangs med pa phrag bcu'i rdul shin tu phra ba snyed 'byung ngo / /'od de dag re re las kyang kha dog sangs rgyas kyi zhing bye ba khrag khrig brgya stong brjod du med pa'i rdul shin tu phra ba snyed 'byung ngo / /kha dog de dag re re las kyang snang ba'i dkyil 'khor sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed 'byung ngo / /snang ba'i dkyil 'khor de dag re re las kyang nor bu rin po che rnam par snang ba sna tshogs kyi me tog sangs rgyas kyi zhing bye ba khrag khrig brjod du med pa phrag bcu'i rdul shin tu phra ba snyed 'byung ngo / /me tog de dag re re las kyang rin po che thams cad kyi rgyan/ sangs rgyas kyi zhing bye ba khrag khrig brjod du med pa phrag bcu'i rdul shin tu phra ba snyed 'byung ngo / /rgyan de dag re re las kyang khyu mchog gi mthu phyung ba sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed 'byung ngo / /khyu mchog gi mthu phyung ba de dag re re las kyang sangs rgyas kyi chos sangs rgyas kyi zhing bye ba khrag khrig brgya stong phrag bcu'i rdul shin tu phra ba snyed kyi char rab tu 'bab bo/ /chos kyi tshig rnam par phye ba'i char de dag las kyang chos khong du chud par bya bar mdo'i tshul sangs rgyas kyi zhing bye ba khrag khrig rgya stong phrag bcu'i rdul shin </font><hr>Ga307b<br><font size=+1>


tu phra ba snyed yongs su brjod do/ /mdo'i tshul yongs su brjod pa de dag re re las kyang chos kyi sgo sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed rab tu ston to/ /chos kyi sgo rab tu bstan pa de dag re re zhing yang ye shes rdo rje lta bus gtan la phebs pa'i chos kyi 'khor lo/ chos kyi rnam grangs sna tshogs dang ldan pa bstan pa rgya chen po can/ chos kyi tshig rnam pa tha dad pa dang ldan par 'khor ba/ sangs rgyas kyi zhing bye ba khrag khrig brgya stong phrag bcu'i rdul shin tu phra ba snyed rab tu bskor ro// chos kyi 'khor lo bskor ba de dag re re zhing yang sems can gyi khams sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed yongs su smin par byed do/ /sems can gyi khams yongs su smin par bya ba 'byams klas pa de dag re re zhing yang sems can gyi khams sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed sangs rgyas kyi chos la 'dul te/ de ltar snyoms par zhugs shing rnam par 'phrul pa rgya chen po ston pa/ ting nge 'dzin gyi yul zil gyis mi non pa sprul pa'i sgyu ma sna tshogs la mngon par zhen pa med pa/ rang bzhin tshad med pa/ mtha' dang dbus med pa/ brjod du med pa dang ldan pa/ chos kyi dbyings rdul med </font><hr>Ga308a<br><font size=+1>


@#/ /pa'i rang bzhin can/ yang dag pa'i mtha'i mtshan nyid can/ de bzhin gshegs pa'i rigs la spyod pa/ chags pa med pa'i mthar thug pa/ gnas med pa/ len pa med pa/ rtsa ba med pa/ zab pa/ gting dpag dka' ba/ mngon sum du khong du chud pas rab tu rtog pa/ tshad med pa/ rmongs pa med pa/ gzhi med pa/ chos kyi dbyings kyi gnas gzhi med pa dang ldan pa/ 'das pa dang / ma byon pa dang / da ltar byung ba'i sangs rgyas thams cad kyis bsngags pa/ de bzhin gshegs pa'i stobs dang rgyu mthun pa'i 'bras bu can| sangs rgyas kyi yul gyi rjes su snyegs pa/ byang chub sems dpa'i tshe gcig pa'i mngon sum du gyur pa/ byang chub sems dpa'i mig rdul med pa dang ldan pa/ shes rab kyi mig kun tu spyod pa can/ sha'i mig rdul dang bral zhing rdul med par yang dag par skyes pa/ sangs rgyas kyi spyan kun tu snang ba can/ ye shes kyi mig ces bya ba'i don gyi yul dang / rnam pa rab tu ston pa can chos kyi sgo 'byed pa'i skyes bu dam pa yang dag par zhugs pa'i byang chub kyi sems yongs su rdzogs pa/ yul la thogs pa med pa/ ye shes kyi rnam pa'i 'byung gnas su gyur pa/ 'jig rten thams cad las mngon par 'phags pa/ skye ba med pa yang dag par byung ba/ rnam par 'phrul pas skye ba kun tu ston pa/ byin gyi rlabs </font><hr>Ga308b<br><font size=+1>


mi yul la mkhas pa/ yon tan mchog gis rnam par dag pa/ bsam pa 'od gsal ba'i snying po can/ mos pa shin tu dag pas ye shes nam mkha'i dbyings kun nas khebs pa dang ldan pa/ 'phags pa'i tshogs kyis blta bar 'os pa/ smon lam mngon du gyur pa/ 'dod pa yongs su rdzogs pa/ yon tan bsngags pa zad mi shes pa/ sangs rgyas thams cad kyi lhag mthong gi mdzod du gyur pa/ sangs rgyas kyi byang chub kyi 'byung gnas rgya mtshor gyur pa ye shes rin po che thams cad kyis shin tu brgyan pa/ ye shes kyi skyes bu puN+Da ri kar byung ba| sems can gyi don mtha' dang dbus med par rab tu sgrub pa/ sangs rgyas kyi ye shes mu med pa la zhugs pa'i 'od zer gyis snang bar gyur pa/ ye shes kyi 'od yongs su snang ba| chos rnam par dag pa snang bas kun tu spyod pa/ shin tu dben pa'i sgor gyur pa/ sangs rgyas kyi chos thams cad la thogs pa med par dmigs pa'i ye shes kyi mthar thug pa / sangs rgyas thams cad kyi byang chub kyi thabs dang ldan pa/ yon tan gyi spyod pa las byung ba/ skyes bu dam pa byang chub sems dpa'i tshul rab tu shes pa/ byang chub sems dpa'i bcun spu la rab tu gnas pa/ sangs rgyas thams cad kyis yang dag par dgongs pas rab tu zhugs pa/ sangs rgyas kyi chos kyi sku'i byin dang / snying po can/ dran pa bsam gyis mi </font><hr>Ga309a<br><font size=+1>


@#/ /khyab pa rtse gcig tu gyur pa/ dmigs pa med pa'i yul dang mtshan ma ston pa/ shin tu yangs pa las yang dag par byung ba'i rgyud can/ chags pa med pa'i spyod yul du khong du chud pa'i chos kyi dbyings kyis byang chub tshad med pa nam mkha'i dbyings ltar yangs shing sa mtshams med pa'i sangs rgyas kyi yul gyis 'jig rten thams cad du sems can gyi don byed pa/ thams cad mkhyen pa'i dge ba'i rtsa ba dang rgyu mthun pa'i ye shes tshad med pa'i yul rnam par non pa/ dag cing drag shul che ba'i ye shes kyis grub pa/ byang chub sems dpa'i bsam pa dang yang dag par 'grogs pa/ byang chub sems dpa' thams cad kyi rigs dag par byed pa de bzhin gshegs pa'i byang chub yid du 'ong ba dang ldan pa/ sangs rgyas dang byang chub sems dpa'i chos thams cad kyis kha na ma tho ba med pa'i tshul shin tu phra ba'i thabs shes pa/ rtogs pa rdo rje lta bu'i stobs dang mthus byung ba/ sangs rgyas kyi byin gyi rlabs kyis rtogs par gyur pa/ sems can gyis thos par dka' ba/ mi gnyis pa'i sgor zhugs pa/ chos kyi tshul mtshan nyid med pa la gzhol ba/ mtshan ma'i rgyud kyis chos ston pa thams cad las shin tu 'phags pa/ sems can bsam pa bzhin du 'dul ba yang dag par ston pa/ dad pa ji </font><hr>Ga309b<br><font size=+1>


lta ba bzhin du 'gro ba tshim par byed pa/ chos kyi dbyings tha mi dad pa'i rang bzhin can ye shes mi zad pa'i yul shin tu non pa/ byang chub sems dpa'i mthu chen pos byung ba/ byang chub sems dpa'i mnyam pa nyid thub pa med pa rab tu thob pa/ de bzhin gshegs pa mthong ba'i yon tan la 'jug pa thams cad kyi mtha'i rjes su 'gro ba rnam par phye ba thams cad la mkhas pa'i ye shes dang ldan pa/ chos kyi rnam grangs yongs su ston pa/ zhing thams cad rnam par dmigs par bya ba la rab tu gzhol ba/ zhing dag par bya par dgang ba thams cad kyi rgyan du gyur pa/ sangs rgyas kyi chos snang ba thams cad yang dag par ston pa/ byang chub sems dpa'i gnas kyis byung ba/ 'das pa dang / ma byon pa dang| da ltar byung ba'i sangs rgyas thams cad kyi chos rab tu brjod pa/ 'jig rten thams cad la rnam par lta ba/ dge ba mtha' dang mu med pas yang dag par byung ba/ 'jig rten gyi rtsom pa thams cad las rnam par 'das pa/ sangs rgyas kyi 'jig rten las 'das pa shin tu byung ba/ mtshungs pa med pa dang 'dra ba med pa'i dbang gis shes par gyur pa| mkhas pas khong du chud pa/ skyes bu dam pas yang dag par bsu ba/ ma byon pa'i sangs rgyas thams cad kyi rgyud yongs su 'dzin pa/ byang chub sems dpa'i dge ba'i bshes </font><hr>Ga310a<br><font size=+1>


@#/ /gnyen gyis byung ba/ lhag pa'i bsam pa rnam par dag pas 'bras bu yongs su grub pa/ lhag pa'i bsam pa che ba nyid la gnas pa rab tu thob pa/ mnyam pa dang bstan pa'i dge ba'i rtsa ba thob par bya ba rab tu thob pa/ chos thams cad la chags pa med par gnas pa'i mtha'i dkyil 'khor dang ldan pa/ g.yo ba med par kun tu spyod pa| rlom sems thams cad rnam par 'jig pa/ g.yo ba thams cad las yang dag par langs pa/ chos la gnas pas ye shes rnam par snang ba dang ldan pa/ mun pa med pa la zhugs pa/ sangs rgyas kyi chos thams cad la yang dag par zhugs pas snang ba thob pa/ 'gags pa med par srid pa thams cad las shin tu 'phags pa/ srid pa thams cad khong du chud pa/ 'dus byas thams cad yul du gyur pa'i tha dad pa yang dag par shes pa dang ldan pa/ mngon par 'du bya ba med pa'i rang bzhin dang ngo bo nyid can/ lus kyi las mtha' yas pa dang ldan pa/ ngag gis las mu med pa dang ldan pa/ yid kyi las mtha' dang dbus med pa dang ldan pa/ tha snyad dang yi ge'i rgyud brjod du med pa dang ldan pa| sangs rgyas kyi yon tan rgya mtsho la zhugs pa/ 'du shes kyi rnam pa thams cad khong du chud pas chags pa med cing bcings pa med pa/ 'du shes thams cad dang bral ba'i </font><hr>Ga310b<br><font size=+1>


yul la shin tu bsgoms pa/ chos kyi dbyings gzugs med pa/ nam mkha'i rang bzhin lta bus yang dag par byung ba/ chos thams cad nam mkha' lta bur rnam par bsgoms pa la rab tu zhugs pa/ chos kyi dbyings bstan pa la ye shes dbang du gyur pa thams cad mkhyen pa'i yul ma 'dres pa'i sgo mngon par sgrub pa stobs bcu'i sar shes par bya ba shin tu bslabs pa/ thams cad mkhyen pa nyid kyi ye shes kyi stegs dang ldan pa/ chos thams cad la lhag mthong gi ye shes dang ldan pa/ byang chub sems dpa'i chos de dang de dag rnam par dgod pa'i don khong du chud par bya ba la ye shes kyi mig gis zhi gnas kyis yang dag par non cing / ye shes chen po bsgom pas rnam par snang bar gyur pa'i khyad par can gyi smon lam dang ldan pa rab tu ston pa/ sangs rgyas thams cad kyi de bzhin gshegs pa'i mthu tha dad pa med pa ston pa ste/ de nyid chags pa med pa'i sgo'i tshul lo/ /de nyid byang chub sems dpa' mang po'i 'byung ba'o/ /de nyid byang chub sems dpa'i mthus thams cad mkhyen pa'i brtson 'grus la 'jug pa ste/ chags pa med pa la gnas par bya ba'i phyir zhing rnams kyi zhing ngo / /sems can med pa'i mtha' la gnas par bya ba'i phyir/ sems can gyi khams rnams 'dul ba'o/ /dmigs pa thams cad mi dmigs par bya ba'i phyir </font><hr>Ga311a<br><font size=+1>


@#/ /sangs rgyas kyi chos thams cad rab tu ston pa'o/ /rtog pa thams cad las rab tu dben par bya ba'i phyir gnyis su med pa shin tu ston pa'o/ /gnyis su med pa'i don du mngon par 'du bya ba med pa thams cad kyi mngon par 'du byed pa rab tu brjod pa'o/ /gzugs su dmigs pa med kyang gzugs kyi grangs su bstan pa dang / tshor ba'i yul med kyang tshor ba'i yul du brjod pa'i phyir sangs rgyas thams cad kyi bdag nyid ched du brjod pa'o/ /phyin ci log thams cad kyang byang la/ 'du shes kyi gnas thams cad kyang yongs su ston pa'o/ /mngon par 'du bya ba med par yang ston la/ 'du byed thams cad kyang rab tu brjod pa'o/ /'du byed thams cad kyang rnam par mi dmigs la/ chos thams cad rnam par shes par yang rab tu brjod pa'o/ /chos kyi 'khor lo yang byin gyis rlob la/ chos thams cad brjod du med par yang rab tu ston pa'o/ /chos thams cad la'ang rgyu ba med la/ chos kyi 'khor lo yang shin tu bskor ba'o/ /chos thams cad la'ang rnam pa tha dad pa med la/ rnam par dbye ba yang yongs su ston pa'o/ /chos thams cad la skye ba med par yang ston la/ gzugs rnams 'jig pa'i mtshan nyid du'ang brjod pa'o/ /chos thams cad shin tu phra bar </font><hr>Ga311b<br><font size=+1>


yang khong du chud la/ phra ba rnams shin tu yangs par yang ston pa'o/ /bla na med pa'i chos kyang sbyin par byed la/ gong ma'i go 'phang shes par bya ba'ang rab tu ston pa'o/ /chos thams cad brjod du med par yang brjod pa/ brjod pa'i tshig dang yi ge'i rgyan rnam par dag pa yang rab tu ston pa'o/ /phyi dang nang gi chos med par bstan pa la'ang shin tu mkhas la/ chos thams cad sems med cing btags pa'i rgyud ji lta ba bzhin du'ang rab tu ston pa'o/ /yongs su 'grub pa tshad med pas 'byung ba yang khong du chud la/ byang ba'i mthar phyin pas chos thams cad zag pa zad par yang rab tu ston pa'o/ /chos thams cad la nyon mongs pa med par yang khong du chud la/ rang 'byung gi 'du shes kyang rab tu brjod pa'o/ /chos thams cad la slob dpon med par yang shin tu ston la/ bla ma la brten cing sten par yang rab tu ston pa'o/ /chos thams cad gzhan gyi dring mi 'jog par yang shes la/ dge ba'i bshes gnyen gyi spyod yul yang rab tu brjod pa'o/ /chos thams cad rgyu ba med par yang brjod la/ chos kyi 'khor lo bskor ba'ang shin tu ston pa'o/ /chos thams cad 'byung ba med par yang rab tu shes la/ rgyu las 'byung ba'ang yongs su mi gtong ba'o/ /chos thams cad thog ma med par yang rab tu brjod la/ sngon gyi mtha'i mu yang rab tu sbyong ba'o/ /chos </font><hr>Ga312a<br><font size=+1>


@#/ /thams cad 'ong ba med par yang khong du chud la/ 'ong ba'i mtha' yang rab tu brjod pa'o/ /chos thams cad ma 'ongs pa dang / da ltar byung ba med par yang rab tu ston la/ da ltar byung bar yang shin tu ston pa'o/ /bya ba med pa'i lam yang yongs su brjod la/ bya ba'i lam yang shin tu ston pa'o/ /chos thams cad rgyu med par yang rab tu shes la/ rgyu bsags par yang rab tu brjod pa'o/ /chos thams cad mnyam pa med par yang ston la/ mnyam pa nyid kyi lam gyi lam gol ba'ang rab tu brjod pa'o/ /chos thams cad tshig gi lam dang bral bar yang ston la/ dus gsum shin tu bstan pa'ang shin tu rtogs par byed pa'o/ /chos thams cad gnas pa med par yang ston la/ gnas shin tu gzhom pa la rab tu mkhas pa'o/ /chos thams cad lus med kyang 'das pa dang / ma byon pa dang / da ltar byung ba'i sangs rgyas thams cad kyi sku yang rab tu thob par byed pa'o/ /'das pa dang / ma byon pa dang / da ltar byung ba'i sangs rgyas thams cad kyang shin tu ston la/ sangs rgyas gcig par bstan pa yang rab tu ston to/ /chos thams cad la brjod pa med par yang khong du chud la/ chos thams cad yongs su brjod pa'ang rab tu ston to/ /chos </font><hr>Ga312b<br><font size=+1>


thams cad bltar med par yang ston la/ lta ba'ang rab tu brjod pa'o/ /chos thams cad la mtha' med par yang ston la/ chos bstan pa'i rnam pas kyang rab tu brjod pa'o// chos thams cad la yul med kyang ye shes kyi yul du rab tu brjod pa'o/ /chos kyi rnam grangs thams cad khyad par med kyang 'bras bu'i khyad par rnam par sbyang ba rab tu ston pa'o| |chos thams cad la 'byung ba med kyang spyod pas 'byung ba'i khyad par rab tu ston pa'o/ /chos thams cad kun tu khyab pa yin yang mdos yongs su brjod pa shin tu ston pa'o/ / chos thams cad la snang ba med kyang snang ba yongs su brjod pa'i phyir rnam par snang bar byed pa ste/ de ltar rgya che ba'i ting nge 'dzin gyi ye shes kyi dkyil 'khor chen po la byang chub sems dpa' rnams 'jug go /khong du chud par byed do/ /thob par byed do/ /rjes su snyegs par byed do/ /shin tu sgrub par byed do/ /yongs su rdzogs par byed do/ /shin tu gsog go /yongs su sbyong ngo / /snyoms par 'jug go /chos thams cad de'i chos nyid dang / rang bzhin dang / ye shes kyi snying po'i tshul gyis sangs rgyas thams cad kyi chos khong du chud par byed kyang / byang chub sems dpa' de ni 'di snyam du mi sems te/ byang chub sems dpa' ni 'di snyed gcig go /byang chub sems dpa'i chos ni 'di snyed gcig go /byang chub </font><hr>Ga313a<br><font size=+1>


@#/ /sems dpa'i mthar thug pa ni 'di tsam zhig go /sprul pa'i byin gyis rlabs ni 'di tsam zhig go /mngon par shes pa bsgrub pa ni 'di snyed cig go /ye shes ni 'di tsam zhig go /nges par rtogs par bya ba ni 'di tsam zhig go /rjes su snyegs pa ni 'di tsam zhig go /'jug par bya ba ni 'di tsam zhig go /byang chub sems dpa'i yul ni 'di tsam zhig go snyam du sems pa med do// //bam po lnga bcu dgu pa/ de ci'i phyir zhe na/ de ni 'di ltar byang chub sems dpa'i ting nge 'dzin rnams ni rnam pa de lta bu ste| de ltar tshad med pa'i phyir ro/ /byang chub sems dpa'i ting nge 'dzin rnams ni de lta bu'i khyad par dang ldan pa'i phyir ro/ /de dag ni gzhan dang gzhan gyis bskyed pa/ gzhan dang gzhan du byin gyis brlabs pa/ gzhan dang gzhan du rgyu ba/ chos rnam pa sna tshogs kyi sgo can ye shes kyi sgo brjod du med pa/ blos rnam par brtag cing rnam pa dbye bas khyad par gyi mtha' med pa nges par rtogs pa grangs med pas khong du chud pa/ ye shes bye ba khrag khrig brgya stong brjod du med pas rgya che ba/ sangs rgyas mthong ba sna tshogs kyi mdzod du gyur pas/ mtha' dang dbus med pa mos pas rnam par dag pa/ dbang po shin tu yangs pa/ mngon par shes pa rab tu rno ba/ bsags pa med pa'i spyod yul can/ kun </font><hr>Ga313b<br><font size=+1>


tu lta bas rab tu thob pa/ sangs rgyas thams cad lta bas grub pa/ kun tu bzang po'i lhag pa'i bsam pas bsgrubs pa/ ye shes kyi rgyal po'i sku las byung ba/ de bzhin gshegs pas bstan pa'i ye shes tshad med pa rnam par 'phrul ba'i rnam par phye ba mtha' dang dbus med pa/ sangs rgyas thams cad kyi ye shes zad mi shes pa las gol ba med pa'i sgo can| sangs rgyas kyi yul thams cad mngon sum du gyur pa/ byang chub sems dpa' kun tu bzang po'i ye shes kyi khyu mchog gi mthu phyung bas rnam par spyang ba/ sgo thams cad kyi dkyil 'khor rab tu skyes pas dpe med par brjod pa/ dmigs pa shin tu phra bas chos kyi dbyings thams cad la yang dag par gzhol ba/ chos kyi dbyings thams cad ma lus par dmigs pa shin tu phra bar byin gyis rlob pa/ 'phags par gsung ba'i thams cad mkhyen pas shin tu snang bar byas pa/ dbang gi dmigs pa thams cad mngon par bsgrub pa| chos kyi sgo thams cad kyi mthar phyin pa'i tha dad pa yang dag par shes pa can/ chos kyi dbyings kyis klas pa'i ye shes kyi lus dang ldan pa/ thams cad du 'gro ba'i lam gyis grub pa/ ting nge 'dzin thams cad mkhas par khong du chud pa/ sems sangs rgyas thams cad kyis byin gyis brlabs pa dag ste/ sems skad cig re re la byang chub sems dpa' </font><hr>Ga314a<br><font size=+1>


@#/ /kun tu bzang po'i spyod pa la gnas te/ ting nge 'dzin brjod du med pa'i yang brjod du med pa bye ba phrag brgya la snyoms par zhugs kyang / byang chub sems dpa' kun tu bzang po'i ting nge 'dzin dang yul gyi rgyan gyi snang bas yongs su snang bar bya ba rnams kyis mtha' dmigs par mi rung ngo / /de ci'i phyir zhe na/ chos thams cad ni byin gyi rlabs kyis byin du brlabs pa ste/ thams cad kyang khong du chud par bya'o/ /zhing rnams ni mu med pa ste/ thams cad kyang khong du chud par bya'o/ /sems can gyi khams thams cad ni bsam gyis mi khyab pa ste/ de dag ni rdo rje'i tshig khong du chud par bya ba'o/ /de dag gis khyad par thams cad kyang khong du chud par bya ba'o/ /sngon gyi mtha' ni thog ma dang tha ma med pa ste/ de dag kyang thams cad khong du chud par bya ba'o/ /phyi ma'i mtha' ni mu med pa ste/ de dag kyang lhag ma ma lus par khong du chud par bya ba'o/ /da ltar byung ba'i dus ni mtha' dang dbus med pa ste/ nam mkha' dbyings kyis klas pa/ chos kyi dbyings kyi mthas gtugs pa ste/ de yang ma lus par khong du chud par bya ba'o/ /sangs rgyas kyi yul ni bsam gyis mi khyab pa'i yul te/ de dag kyang thams cad khong du chud par bya'o/ /byang chub sems dpa'i spyod pa ni grangs med pa ste/ de dag kyang thams cad </font><hr>Ga314b<br><font size=+1>


khong du chud par bya ba'o/ /sangs rgyas kyis thugs su chud pa dang dgongs pa ni yul mtha' yas pa/ yul brjod du med pa ste/ de dag kyang thams cad khong du chud par bya ba'o/ /chos su dmigs pa thams cad ni/ sems kyi rang bzhin mthar phyin pa med pa ste/ de dag kyang thams cad lhag ma med par khong du chud par bya'o/ /de ci'i phyir zhe na/ 'di lta ste / dper na/ yid bzhin gyi nor bu las ni ji bsam pa thams cad 'byung yang de snyed du mngon par 'du byed pas stongs par mi 'gyur zhing / bsam pa thams cad yongs su rdzogs par 'gyur yang rgyun chad pa med do/ /zad par 'gyur ba med do/ /yid bzhin gyi nor bu de yang rgyun gcod par sems pa med do/ /de bzhin du byang chub sems dpa' yang sems sgyu ma lta bu la zhugs pas/ chos kyi dmigs pa thams cad mngon par bsgrub kyang mthar phyin pa'i sems mi skyed de/ ting nge 'dzin de dang de dag gi rgyun yongs su mi gcod do| |de ci'i phyir zhe na/ 'di ltar byang chub sems dpa' ni sgyu ma'i dkyil 'khor yangs shing rgya che ba tshad med pa la zhugs pas/ kun tu bzang po'i spyod pa don yod pa / nges par rtogs pa la gnas pa dang / mngon par bsgrub pa khong du chud pa'i ye shes kyi sgo dang ldan pas de la rgyas par 'gyur ba'am/ 'bri bar 'gyur ba med do/ /'di lta ste/ </font><hr>Ga315a<br><font size=+1>


@#/ /dper na/ byis pa so so'i skye bo rnams ni/ sems kyi sgo mu med pa ste/ de dag gi sems ni ma skyes/ mi skye/ skye bar mi 'gyur ba yin yang de dag gi sems skye ba dang / skye bar 'gyur ba'am/ skyes pa mtha' med pa ste/ thug pa med pa'o/ /zad par mi 'gyur ba'o/ /sems kyi rgyud yongs su rgyun chad pa med de/ bsam gyis mi khyab pa'o/ /de bzhin du byang chub sems dpa' ting nge 'dzin gyi rnam pa sgyu ma'i sgo mang po kun dang ldan pa/ 'di lta bu la snyoms par zhugs pa la'ang mur thug pa med do// tshad kyis gcal ba med do/ /de ci'i phyir zhe na/ byang chub sems dpa' kun tu bzang pos de snyed du tshad med pa'i chos kyi tshul gyi sgo khong du chud pa'i phyir ro/ /'di lta ste/ dper na/ klu'i rgyal po rgya mtsho dang / dga' bo dang / bsnyen dga' bo dang / yid du 'ong ba dang / klu'i rgyal po chen po de ma yin pa dag gis char phab na/ char pa'i thigs pa re re zhing / ba ru ra'i 'bras bu tsam gyi rgyun du phab kyang char pa de la zad ces bya ba med do/ /sngar bab pa de nyid phyir 'bab ces bya ba med do/ /sprin gyi mngon par 'du bya ba la zad ces bya ba med do/ /de bzhin du byang chub sems dpa' kun tu bzang po'i ting nge 'dzin gyi sgo dang / ye shes kyi sgo dang / chos kyi sgo dang / sangs rgyas lta ba'i sgo </font><hr>Ga315b<br><font size=+1>


dang| phyogs su 'gro ba'i sgo dang / sems kyi dbang gi rjes su 'gro ba'i sgo dang / byin gyi rlabs kyi sgo dang / cho 'phrul gyi sgo dang / rnam par 'phrul pa'i sgo dang / mya ngan las 'da' ba'i tshul gyi sgo dang / chos kyi tshul gyi sgo dang / byang chub sems dpa'i tshogs rgya mtsho brjod du med pa'i yang brjod du med pa yongs su rdzogs par bya ba'i sgo dang / de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed mngon par sangs rgyas pa'i drung du 'gro ba'i sgo dang / dbang po'i dra ba brjod du med pa'i yang brjod du med pa la 'jug cing khong du chud par bya ba'i sgo dang / 'jig rten gyi khams kyi rgyud tha dad pa'i bye brag brjod du med pa'i yang brjod du med pa'i sems kyi tshad kyis khong du chud par bya ba dang / sangs rgyas kyi zhing 'byams klas pa'i sgo dang / 'jig rten gyi khams dngos po yod pa dang / dngos po med pa brjod du med pa'i yang brjod du med pa'i sgo dang / sems can gyi 'du shes khong du chud par bya ba dang / rjes su bsnyegs pa brjod du med pa'i yang brjod du med pa'i sgo dang / dus rnam pa tha dad cing bskal pa mi mthun pa khong du chud par bya ba dang / bstan pa brjod du med pa'i yang brjod du med pa'i sgo dang / 'jig rten gyi khams kyi rgyud 'byung ba dang / 'jig pa brjod du med pa'i yang </font><hr>Ga316a<br><font size=+1>


@#/ /brjod du med pa yang dag pa ji lta ba bzhin du shes pas khong du chud pa'i sgo dang / sangs rgyas kyi zhing spyi'u tshugs brjod du med pa'i yang brjod du med pa dang / snrel zhir rgyu ba brjod du med pa'i yang brjod du med pa dag tu sems kyi skad cig gcig gis byang chub tu rnam par 'tshang rgya bar bya ba'i sgo la mtha' med do| |zad pa med do/ /sa mtshams med do/ /mu med do/ /skyo ba med do/ /yongs su yi 'chad pa med do/ /thug pa med do/ /rgyun 'chad pa med do/ /phyir ldog pa med do/ / chud za ba med do/ /'on kyang byang chub sems dpa' de chos kyi sgos thug pa med par mi 'gyur ro/ /nges par rtogs par bya bas yongs su yi 'chad par 'gyur ba med do| |thams cad mkhyen pa'i sgo zad par 'gyur ba med do/ /sangs rgyas kyi zhing 'byams klas pa'i 'jig rten gyi khams thams cad snang bar bya ba las phyir ldog pa med do/ /chos kyi 'khor lo brjod du med pa'i yang brjod du med pa rab tu bskor ba la btang snyoms su byed pa med do/ /sangs rgyas kyi dgongs pa yongs su dri ba la zad par 'gyur ba med do/ /sangs rgyas kyi byang chub blta ba la mthar thug pa med do/ /sems can gyi khams thams cad 'dul bar bya ba yongs su gtong ba med do/ /kun tu </font><hr>Ga316b<br><font size=+1>


bzang po'i spyod pa dang / smon lam gyis 'byung ba rgyun chad par 'gyur ba med do/ /kha dog mtha' yas pa'i lus tshad med pa brjod du med pa'i yang brjod du med pa yongs su bstan pas sa mtshams su 'gyur ba med do/ /de ci'i phyir zhe na/ 'di lta ste/ dper na/ me ni ji srid du shing yod pa de srid du 'bar te/ me 'bar ba la mthar thug pa med do/ /de bzhin du byang chub sems dpa' yang ji tsam du sems can gyi khams la rnam par dpyod pa dang / ji tsam du chos kyi dbyings la 'jug pa dang / ji tsam du 'jig rten gyi khams su rgyu ba dang / ji tsam du nam mkha'i rang bzhin gyi tshad mi dmigs pa dang / ji tsam du sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sangs rgyas kyi zhing gcig nas gcig tu brgyud pa'i sems kyi skad cig re re la 'jug cing khong du chud par bya ba dang / ji tsam du thams cad mkhyen pa'i ye shes dang / sangs rgyas kyi zhing 'byams klas pa brjod du med pa'i yang brjod du med pa dag gi /chos kyi bye brag rnam par phye ba la 'jug pa dang / ji tsam du sems can gyi khams kyi rgyud brjod du med pa'i yang brjod du med pa dge ba'i rtsa ba la gzhog cing nye bar 'tsho bar byed pa dang / nye bar rton pa dang / shin tu rnam par dag par byed pa dang / ji tsam du byang chub sems dpa'i dge ba'i rtsa ba </font><hr>Ga317a<br><font size=+1>


@#/ /dam pa brjod du med pa'i yang brjod du med pa yang dag par mthong zhing / smon lam gcig tu nges pa med pa kun tu bzang po'i spyod pa dang / smon lam la nges par bya ba dang / kun tu bzang po'i spyod yul gyi ye shes kyi sgo la gzhog pa dang / ji tsam du dus gsum la 'jug pa'i rgyud brjod du med pa'i yang brjod du med pa 'byams klas pa dang / snyoms shing rnam par rtog pa'i dus la 'jug pas mtha' dang dbus med pa'i tshul du 'jug pa dang / ji tsam du 'jig rten gyi khams 'byung ba dang| 'jig pa dang / gnas pa brjod du med pa'i yang brjod du med pa rnam par rtog pa'i dmigs pa kun tu rgyu ba 'byung zhing rgyun mi 'chad pa de tsam du ye shes kyi dmigs pa/ snying rje chen po las byung ba/ smon lam chen pos sprul pa/ 'gro ba thams cad ma lus par 'dul ba la brtson pa yang mthar thug ces bya ba med do/ /de ci'i phyir zhe na/ 'di ltar de ni byang chub sems dpa' kun tu bzang po'i spyod pa dang / smon lam yongs su rdzogs par bya ba'i phyir/ byang chub sems dpa' kun tu bzang po'i spyod pa'i khyad par ye shes kyis bsgrubs pas/ 'gro ba thams cad yongs su dgrol bar bya ba la brtson pa'i phyir ro/ /de bas na byang chub sems dpa' ting nge 'dzin </font><hr>Ga317b<br><font size=+1>


gyi rnam pa 'di lta bu dang / de lta bu'i yul de ltar rgya che ba dang / de ltar yangs pa dang / de ltar tshad med pa dang / de ltar bsam gyis mi khyab pa dang / de ltar 'od kun tu mtha' yas pa dang / de ltar sangs rgyas thams cad mngon du gyur pa dang / de ltar de bzhin gshegs pa thams cad kyis byin gyis brlabs pa dang / de ltar dge ba'i rtsa ba thams cad kyis yongs su grub pa dang / de ltar mi 'khrugs pa'i sems dang ldan pa la mngon par brtson par bya'o/ /yongs su yi 'chad pa med pas brtan par bya'o/ /skyo ba med pa'i sems kyis bsgrub par bya'o/ /bsam pa phyir mi ldog pa bskyed par bya'o/ /gdon mi za bar 'byung bas sbyar bar bya'o/ /rtsom pa'i nan tan gyis mthun par spyad par bya'o// bsam gyis mi khyab pa'i ye shes yongs su gnon par bya'o/ /sgyu'i sa la mngon par zhen pa med par bya'o/ /'jig rten gyi yul thams cad la mi gnas par bya'o/ /chos thams cad la chags pa med par bya'o/ /rlom sems thams cad yang dag par bsal bar bya'o/ /dngos po thams cad la chags pa med par bya'o/ /dmigs pa thams cad la rtog pa med par bya'o/ /chos khong du chud par bya ba la tshod 'dzin pa med par bya'o/ /chos kyi ye shes rtogs par khong du chud par bya'o/ /thams cad mkhyen pa'i gdan </font><hr>Ga318a<br><font size=+1>


@#/ /la sangs rgyas su byang chub pas rmongs pa med par bya'o/ /chos kyi snang ba yongs su bsgrub par bya'o/ /'gro ba thams cad dge ba'i rtsa bas yongs su bsdu par bya'o/ /bdud kyi yul las sems can yongs su bskyod par bya'o/ /chos kyi yul la sems can rab tu dgod par bya'o/ /sangs rgyas kyi yul la rab tu gzud par bya'o/ / smon lam gyi yul las phyir ldog pa med par bya'o/ /'byung ba'i yul la rtogs pas gzhag par bya'o/ /rnam par dag pa'i yul la rab tu zhen par bya'o/ /pha rol tu phyin pa'i yul khong du chud par bya'o/ /sangs rgyas thams cad la shin tu mos par bya'o/ /chos thams cad la dngos po med pa'i bdag nyid du yang dag par 'jug par bya'o// chos thams cad rang bzhin med pa khong du chud par bya'o/ /'jig rten gyi rang bzhin snang bar bya'o/ /chos kyi 'thad pa rab tu brjod par bya'o/ /ye shes kyi rang bzhin yang dag par bstan par bya'o/ /go cha'i dam pa bgos pa yongs su mi spang bar bya'o/ /skal ba mnyam par spyod pa rnams dang lhan cig gnas par bya'o/ /sangs rgyas thams cad rjes su dran pa la sems lhod pa med par bya'o/ /de bzhin gshegs pa thams cad la rnam par rtog pa med par bya'o/ /chos kyi dbyings tha dad pa med pa la bdag rab tu sbyar </font><hr>Ga318b<br><font size=+1>


bar bya'o/ /sems sgyu ma lta bur rab tu shes par bya'o/ /'jig rten gyi rgyud thams cad rmi lam lta bur khong du chud par bya'o/ /smon lam dang sangs rgyas blta bar bya ba thams cad mig yor lta bur shes par bya'o/ /slob pa med pa'i chos 'byams klas pa thams cad sprul pa lta bur shes par bya'o/ /tshig gi lam thams cad sgra brnyan lta bur khong du chud par bya'o// chos thams cad sgyu ma lta bur rtogs par bya'o/ /shi 'pho dang / skye ba thams cad 'khrul 'khor lta bur shes par bya'o/ /sangs rgyas kyi zhing du 'gro ba thams cad lus med par khong du chud par bya'o/ /de bzhin gshegs pa thams cad la sangs rgyas kyi chos dri bas yongs su skyo ba med par bya'o/ /'jig rten gyi chos thams cad 'jig par bstan pa'i sa dang / gdams ngag dang / man ngag tu bya ba la btang snyoms med par bya'o/ /gdul bar bya ba dus la bab pa'i sems can rnams yongs su smin par bya'o zhes de ltar byang chub sems dpa' de/ byang chub sems dpa' kun tu bzang po'i spyod pa la nan tan du byed pa dang / de ltar byang chub sems dpa'i spyod pa'i dkyil 'khor yongs su sgrub pa dang / de ltar byang chub sems dpa'i 'byung ba la rab tu brtson pa dang / de ltar 'das pa dang / ma byon pa dang / da ltar byung ba'i sangs rgyas kyi chos yongs su 'dzin pa dang / de ltar chos nyid 'khrugs pa med </font><hr>Ga319a<br><font size=+1>


@#/ /par rnam par 'byed pa dang / de ltar sangs rgyas kyi zhing 'byams klas pa rnam par sbyong ba dang / de ltar de bzhin gshegs pa thams cad la mos par byed pa dang / de ltar sangs rgyas kyi stobs 'byams klas pa khong du chud par byed pa dang / de ltar chags pa med pa'i sems kyis rab tu 'byed pa dang / phyogs mtshams med pa brjod du med pa'i yang brjod du med pa rnam pa tha dad pa dag tu skal ba mnyam par rnam par dgod pa la 'gro ba rnams rab tu dgod pa'i tshe/ sangs rgyas kyi zhing de bzhin gshegs pa dang bcas pa/ sangs rgyas kyi zhing brjod du med pa'i yang brjod du med pa'i rdul shin tu phra ba snyed thams cad ma lus pa de dag gi phyogs gcig gi de bzhin gshegs pa mtshan tha dad pa dang / mtshan gcig pa thams cad dang / phyogs gcig nas ji lta ba bzhin du phyogs bcu'i phyogs 'byams klas pa'i rgyud thams cad nas kyang de bzhin te/ phyogs 'byams klas pa'i rgyud gcig nas ji lta ba de bzhin du phyogs kyi rgyud sangs rgyas kyi zhing brjod du med pa'i yang brjod du med pa'i rdul shin tu phra ba snyed thams cad nas kyang de bzhin te/ phyogs re re nas kyang mtshan re re'i sgos/ de bzhin gshegs pa sangs rgyas kyi zhing brjod du med pa'i yang brjod du med pa'i rdul shin </font><hr>Ga319b<br><font size=+1>


tu phra ba snyed kyis zhal mngon par bstan to/ /de bzhin du chos kyi dbyings kyi mthas klas pa'i phyogs bcu ma lus par rdzogs pa'i sangs rgyas kyi zhing thams cad nas kyang / de bzhin gshegs pa kun gyis zhal mngon par bstan te/ byang chub sems dpa' de ye shes chen po'i ting nge 'dzin dang / snyoms par 'jug pa kun tu bzang po'i spyod yul la yang dag par gnas pa'i rnam pa de lta bu dang / de bzhin gshegs pa'i yul la rmongs pa med cing / chos thams cad la rab tu gzhol bar bya ba'i phyir/ de bzhin gshegs pa'i blo gros nye bar bsgrub pa mdzad do/ /thams cad mkhyen pa nyid du yang dag par gzhol zhing chos rnam pa tha dad pa thams cad kyi don khong du chud par bya ba'i phyir blo gros nye bar bsgrub pa mdzad do/ /chags pa med pa la rtogs par gzhog pas sangs rgyas kyi chos thams cad yongs su 'dzin par bya ba'i phyir/ rig pa nye bar bsgrub pa mdzad do/ /ye shes 'byams klas pas khong du chud par bya ba dang / blo gros rnam par sangs rgyas pa'i chos kyi dbyings kyi yul gyi mthas klas pa thams cad la sangs rgyas kyi byang chub nye bar bsgrub pa mdzad do/ / byang chub sems dpa' de chos kyi snang ba dang / 'od thams cad kyis mun pa med pa'i ye shes 'byams klas pa las phyir mi ldog par bya ba'i phyir shes rab nye bar bsgrub pa mdzad do/ /byang </font><hr>Ga320a<br><font size=+1>


@#/ /chub sems dpa' de thabs mkhas pa 'jig rten thams cad las 'phags pas sems can 'dul ba la bsgribs pa med par bya ba'i phyir/ ye shes nye bar bsgrub pa mdzad do/ /byang chub sems dpa' de chos kyi rgyud mtha' yas pa brjod pa la zad mi shes pa tha dad pa yang dag par shes pa bskyed pa'i phyir spobs pa nye bar bsgrub pa mdzad do/ / byang chub sems dpa' de 'gro ba thams cad du lus brjod du med pa'i yang brjod du med pa'i rgyud dang / kha dog mtha' yas pa rnam pa tha dad pa rnam par ston par bya ba'i phyir/ sprul pa nye bar bsgrub pa mdzad do/ /byang chub sems dpa' de sems can sna tshogs thams cad la dbyangs kyi yan lag dang ldan pa'i sgra dbyangs dang skad sna tshogs ston par bya ba'i phyir/ lce yangs pa nye bar bsgrub pa mdzad do/ /byang chub sems dpa' de mthong ma thag tu ston pa dang / thos par byed pas sems can thams cad yongs su smin par bya ba la rmongs pa med par bya ba'i phyir/ rmongs pa med par nye bar bsgrub pa mdzad do/ /des byang chub sems dpa' de byang chub sems dpa' kun tu bzang po'i spyod pa la yongs su grub pa yin/ yongs su grub nas kyang thams cad mkhyen pa'i sgo yongs su rdzogs par bya bas/ de bzhin gshegs pa'i rigs la 'jug go /'byung ba'i sgo yongs su dag par byed do/ /chags pa med </font><hr>Ga320b<br><font size=+1>


pa'i sgos yongs su 'byung bar byed do/ /sems can thams cad 'byung ba'i sgo yongs su rtsom zhing byin gyis rlob bo/ /chos thams cad kyi rnam par 'phrul pa'i sgo yang dag par ston to/ /cho 'phrul gyi sgo chos med pas sems can 'dul ba la rab tu 'jug go /byang chub sems dpa' kun tu bzang po'i spyod pa'i rnam pa la rab tu mkhas par sbyong ngo / /sangs rgyas thams cad kyi khyu mchog gi mthu phyung ba la byang chub sems dpa' kun tu bzang po'i spyod pas yang dag par 'byung ngo / /phyi ma'i mtha'i mur thug pa'i 'gro ba thams cad 'dul ba'i phyir/ sangs rgyas kyi chos thams cad rnam par phye ba'i chos kyi 'khor lo rab tu bskor ba 'gro ba thams cad 'dul ba'i mthar thug pa'i byin gyi rlabs kyis byin du rlob bo/ /de ci'i phyir zhe na/ byang chub sems dpa' ni smon lam gyi khyad par de lta bu dang ldan pas yongs su grub bam/ ma grub na 'jig rten thams cad kyi slob dpon du 'gyur ba yin/ chos kyi nyi ma 'jig rten du shar ba yin/ ye shes kyi zla ba 'jig rten thams cad du snang bar byung ba yin/ ye shes dam pa'i ri rab mi g.yo pa 'jig rten thams cad las mngon par 'phags pa yin/ ye shes kyi rgya mtsho tshad med pa 'jig rten thams cad du yang dag par gnas pa yin/ bsgrub pa rgyun mi 'chad pas 'jig rten thams cad du chos kyi nan tan byed pa yin/ 'jig rten gyi khams sa mtshams med pa thams cad du rab tu snang ba yin/ rnam par dag pa yangs shing mtha' yas pa 'gro ba thams cad brjod pa yin/ sems can gyi khams </font><hr>Ga321a<br><font size=+1>


@#/ /mtha' dang dbus med pa dge ba'i rtsa ba dang / bsod nams kyi rgyud dang / thams cad mkhyen pa nyid dang ldan pa'i smon lam chen po la rab tu brtson par gzhog pa yin/ kun tu bzang po'i spyod pa'i brtson 'grus yangs pa rgya chen po'i smon lam chen po la rab tu gzhog pa yin/ spyod pa chen po dang ting nge 'dzin yangs pa'i rnam par 'phrul pa brjod du med pa'i yang brjod du med pa la sems can gyi khams yang dag par gzhog cing rab tu sbyor ro/ /de ltar byang chub sems dpa' de lta bu'i ngang tshul can/ de lta bu'i ye shes can/ de lta bu'i chos thob par gyur pa/ de lta bu'i chos kyi snang bar gyur pa/ de lta bu'i chos la gnas pa/ chos de lta bu mthong bar gyur pa/ mngon par shes pa de lta bu'i yid dang ldan pa/ cho 'phrul dam pa de lta bu dang ldan pa/ cho 'phrul mchog tu bya ba/ phul du byung ba de lta bus yang dag par grub pa/ rtag tu brtson pa'i snying rje chen pos mngon par 'phags pa/ chos kyi don bzang po la rtag tu rgyun mi 'chad par brtson pa/ bde ba'i lam yang dag par ston pa/ bsod nams chen po dang / ye shes yangs pa'i 'od zer gyi rgyal mtshan du gyur pa/ rnam par thar pa bsam gyis mi khyab pa shin tu thob pa/ thams cad mkhyen pa'i yul la don yod par rjes su song ba/ sangs rgyas kyi rnam par thar pa'i pha rol tu phyin pa thob pa/ rnam par thar pa'i tshul shin tu phra ba bsam </font><hr>Ga321b<br><font size=+1>


gyis mi khyab pa rab tu bsgoms pa/ chos kyi dbyings kyi rgyud dang / tshul rmongs pa med par khong du chud pa kun tu bzang po'i ting nge 'dzin brjod du med pa'i yang brjod du med pa la rnam par rtse zhing spyod pa/ seng ge bsgyings pa'i ye shes kyi grub pa la shin tu gnas pa/ sems dang yid dang rnam par shes pa la chags pa med pa rnams kyi chos kyi bsam pa dang lhag pa'i bsam pa rab tu yangs pa chen po bcu 'byung ngo / /bcu gang zhe na/ 'di la byang chub sems dpa' sangs rgyas thams cad rjes su dran pas gnas pa yin/ chos thams cad kyi de bzhin nyid tshad med pas gnas pa yin/ sems can thams cad gdul ba'i snying rje chen pos gnas pa yin/ zhing rnam par dag pa'i gnas bsam gyis mi khyab pa'i phyir gnas pa rnam par dag pas gnas pa yin/ sangs rgyas bcom ldan 'das rnams kyi sangs rgyas kyi yul la mos pa rnam par dag pas gnas pa yin/ 'das pa dang / ma byon pa dang / da ltar byung ba'i sangs rgyas thams cad kyi byang chub tha dad par mi byed pas gnas pa yin/ chags pa med pa'i mtha' bsgribs pa med pas chos thams cad kyi ngo bo nyid dang / rang bzhin mtshan nyid med pas gnas pa yin/ de bzhin gshegs pa thams cad kyi dge ba'i rtsa ba 'das pa dang / ma byung ba dang / da ltar byung ba thams cad dang rgyud kyi tshul gcig tu gyur pas gnas pa yin/ de bzhin gshegs pa thams cad kyi sku'i 'phrin las </font><hr>Ga322a<br><font size=+1>


@#/ /dang| gsung gi 'phrin las dang / thugs kyi 'phrin las 'das pa dang / ma byung ba dang / da ltar byung ba chags pa med pa'i chos kyi dbyings shin tu ston pa'i ye shes sngon du 'gro bas gnas pa yin/ de bzhin gshegs pa 'das pa dang / ma byon pa dang / da ltar byung ba thams cad kyi skye ba dang / mngon par 'byung ba dang / snying po byang chub tu gshegs pa dang / mngon par 'tshang rgya ba dang / chos kyi 'khor lo bskor ba dang / yongs su mya ngan las 'das pa dus gsum mnyam pa nyid thugs su chud pa skad cig gcig gis mthar 'jug pas gnas pa yin te/ de ltar byang chub sems dpa'i lhag pa'i bsam pa de dag ni tshad med pa/ shin tu yangs pa/ bgrang du med pa/ gzhal du med pa/ zad mi shes pa/ brjod par dka' ba/ bsam gyis mi khyab pa/ brjod du med pa/ bzod par dka' ba/ 'gro ba thams cad kyis mi 'phrogs pa dag ste/ chos thams cad kyi ye shes rab tu bsgrub pa'i phyir/ byang chub sems dpa' de lhag pa'i bsam pa de lta bus gnas so/ /de dag gis byang chub sems dpa' de byang chub sems dpa' kun tu bzang po'i spyod pa'i pha rol tu phyin pa thob pa yin te/ chos rnam par dag pa yang rab tu thob bo/ /bsam pa'i stobs kyang rnam par 'phel bar byed do/ /sems can rnams la dge ba'i rtsa ba tshad med pa yang yang </font><hr>Ga322b<br><font size=+1>


dag par ston to/ /byang chub sems dpa'i stobs kyang rnam par 'phel bar byed do/ /byang chub sems dpa'i yon tan mi khom pa khom par byed pa thams cad kyang yongs su rdzogs par byed do// shin tu 'byung bar bya ba'i phyir/ byang chub sems dpa'i spyod pa thams cad yongs su grub pa yang rab tu 'thob bo/ /sangs rgyas thams cad kyi chos kyi gzungs kyis 'das pa dang / ma byon pa dang / da ltar byung ba'i sangs rgyas thams cad kyi bstan pa yang dag par 'dzin to/ /'dod chags dang bral ba'i mthar sems can gyi khams thams cad la yang dag par lta'o/ /tshig gi lam gyi rgyud kyis sems can thams cad 'dul ba yongs su ston to/ /de ci'i phyir zhe na/ de ni ting nge 'dzin rgya chen po de lta bu thob pa'i byang chub sems dpa' rnams kyi chos nyid de/ des byang chub sems dpa' de sangs rgyas kyi ye shes 'byams klas pa thams cad la mchog tu bya ba rab tu 'thob bo/ /de'i phyir chos 'byams klas pa thams cad ston pa la mkhas pa'i tha dad pa yang dag par shes pa rab tu 'thob bo/ /de'i phyir 'jig rten thams cad du chos kyi dam pa 'jigs pa med par rnam par dag pa rab tu 'thob bo/ /de'i phyir ting nge 'dzin thams cad kyi rjes su 'gro ba'i ye shes rab tu 'thob bo/ /de'i phyir byang chub sems dpa'i tshul thams cad la mkhas pa'i dam pa rab tu 'thob bo/ /de'i phyir tshul thams cad kyi rgyan rab tu 'thob bo/ /de'i phyir 'jig rten thams cad du chos kyi dbugs phyin pa'i pha rol tu phyin pa dang ldan par 'gyur ro// </font><hr>Ga323a<br><font size=+1>


@#/ /de'i phyir sems can thams cad kyi dus dang dus ma yin pa rab tu shes so/ /de'i phyir 'jig rten gyi khams thams cad snang bar bya ba rab tu shes so/ /de'i phyir sems can thams cad la bsgribs pa med pa'i ye shes khong du chud par 'gyur ro/ /de'i phyir don thams cad bsgrub par yon tan thams cad la yan lag rab tu gnas par 'gyur ro/ /de'i phyir theg pa'i dam pa rab tu brtson par byas te/ sems can thams cad la mnyam par gzhag pa rnam par dag pa rab tu brjod do/ /de ci'i phyir zhe na/ de ni byang chub sems dpa' sems can gyi don la gnas pa/ snying rje chen po de lta bu rnam par 'phel bar byed pa/ dge ba'i bshes gnyen dang bsten par 'dod pa/ sangs rgyas thams cad blta bar 'dod pa/ chos thams cad snang bar bya bar 'dod pa| zhing thams cad du 'gro bar 'dod pa/ phyogs thams cad du rgyu bar 'dod pa/ dus gsum mnyam pa nyid khong du chud par 'dod pa/ chos thams cad mnyam pa nyid mngon par 'tshang rgya bar 'dod pa/ sangs rgyas mnyam pa nyid la rab tu gnas par 'dod pa/ ye shes mnyam pa nyid la 'dug par 'dod pas chos 'di dag la las de lta bur brtson zhing las gzhan med pa dang / ngoms mi shes pa dang / sems ma 'khrugs pa dang / yid rtse gcig tu gyur pa dang / de ltar gnas pa la brtson pa dang / de ltar khong du chud pa'i yid dang / de ltar mnyam </font><hr>Ga323b<br><font size=+1>


pa'i sems dang / de lta bu'i yid bde ba dang / de ltar las su rung ba dang / de ltar brtson pa dang / de ltar mthar 'byin pa dang / de ltar rnam par spyod pas nan tan du bya zhing mngon par bsgrub par bya'o/ /de ci'i phyir zhe na/ byang chub sems dpa' rnams ni log par smra ba ma yin/ byang chub sems dpa' rnams ni gzhan du smra ba ma yin te/ byang chub sems dpa' rnams ni ji skad du smras pa de bzhin du byed pa'o/ /de ci'i phyir zhe na/ 'di lta ste/ dper na/ rdo rje ni gcig tu mi rung bar brjod pa ste/ mi tshogs pa'i rang bzhin yongs su mi gtong ngo / /de bzhin du byang chub sems dpa' yang chos 'di dag las brjod pa ste/ 'di lta bu'i chos la gnas pa yongs su mi gtong ngo / /'di lta ste/ dper na/ gser ni kha dog shin tu bzang bar brjod pa ste/ gser gyi kha dog bzang po rnam par dag pa yongs su mi gtong ngo / /de bzhin du byang chub sems dpa' yang de ltar dge zhing bzang ba'i chos kyis brjod pa ste/ de ltar dge zhing bzang ba'i chos la gnas pa yongs su mi gtong ngo / /'di lta ste/ dper na/ lha'i bu nyi ma ni snang ba'i dkyil 'khor gyis brjod pa ste/ snang ba yongs su mi gtong ngo / /de bzhin du byang chub sems dpa' yang 'gro ba thams cad du snang bas brjod pa ste/ byang chub sems dpa'i snang ba yongs su mi gtong ngo / /'di lta ste/ dper na/ ri'i rgyal po ri rab ni rin po che bzhi'i phung pos rgya mtsho las shin tu 'phags par </font><hr>Ga324a<br><font size=+1>


@#/ /brjod pa ste/ rgya mtsho las shin tu 'phags pa yongs su mi gtong ngo / /de bzhin du byang chub sems dpa' yang 'jig rten thams cad las dge ba'i rtsa bas shin tu 'phags par brjod pa ste/ 'jig rten thams cad las shin tu 'phags pa yongs su mi gtong ngo / /'di lta ste/ dper na/ sa chen po ni 'gro ba thams cad yongs su rton par brjod pa ste/ rton pa'i rang bzhin yongs su mi gtong ngo / /de bzhin du byang chub sems dpa' yang 'gro ba thams cad yongs su 'grel bar brjod pa ste/ snying rje chen po yongs su mi gtong ngo / /'di lta ste/ dper na/ rgya mtsho chen po ni rin po che thams cad kyi 'byung gnas su brjod pa ste/ rgya mtsho'i chu yongs su mi gtong ngo / /de bzhin du byang chub sems dpa' yang dge ba'i rtsa ba thams cad kyi 'byung gnas su brjod pa ste/ sems can thams cad yongs su dgrol ba'i smon lam yongs su mi gtong ngo / /'di lta ste/ dper na/ 'phong gi slob dpon ni mda' gzhu dang 'phong la zo bdog bde bas ji srid du mda' gzhu dang ldan zhing mda' gzhu la brtson pas brjod par bya ba ste/ 'phong gi tshul du bya ba yongs su mi gtong ngo / /de bzhin du byang chub sems dpa' yang ji tsam du ting nge 'dzin gyi sgo dang| yul gyi rnam pa 'di lta bu la mngon par brtson zhing yongs su sgrub pa de tsam du thams cad mkhyen pa'i ye shes kyis snang bar 'gyur ba yin/ 'di lta ste/ dper na/ 'khor los bsgyur ba'i </font><hr>Ga324b<br><font size=+1>


rgyal po ni ji tsam du tshe ring ba de tsam du bde ba myong ba yin/ de bzhin du byang chub sems dpa' yang ji tsam du byang chub sems dpa'i spyad pa spyod cing rnam pa 'di lta bu'i ting nge 'dzin chen po la snyoms par 'jug pa de tsam du sems can gyi khams rnam par dag par 'gyur ro/ /shin tu rnam par dag pa yang rab tu 'thob bo/ /'di lta ste/ dper na/ ji tsam du sa bon btab pa de tsam du rnam par 'phel lo/ /de bzhin du byang chub sems dpa' yang ji tsam du byang chub sems dpa' kun tu bzang po'i spyod pa la brtson pa de tsam du sems can gyi khams rnams dge ba'i rtsa ba rnam par dag par 'gyur ro/ /'di lta ste/ dper na/ sprin chen po ni ji tsam du char 'bebs pa de tsam du dbyar gyi dus la sa bon rnam par 'phel bar 'gyur ro/ /de bzhin du byang chub sems dpa' yang ji tsam du chos kyi sprin gyi char 'bebs shing / byang chub sems dpa'i spyad pa spyod pa dang / rnam pa 'di lta bu'i ting nge 'dzin chen po la snyoms par 'jug pa de tsam du sems can rnams shin tu rnam par dag par 'gyur te/ shin tu mthar thug par 'gyur ba dang / shin tu bde ba phun sum tshogs pa dang ldan pa dang / mchog tu bya ba shin tu 'thob pa dang / shin tu pha rol tu phyin pa dang / 'jig rten thams cad shin tu tshim par byed pa dang / skye dgu thams cad kyi bya ba thams cad la the tshom shin tu gcod pa dang / sbyin bsreg yongs su bzung zhing sbyin pa yongs su sbyong bas bsod nams rmad du byung ba dang / phyir </font><hr>Ga325a<br><font size=+1>


@#/ /mi ldog pa'i 'khor lo la rab tu gzhog pa'i phyir/ thams cad mkhyen pa nyid du skal pa shin tu mnyam par 'gyur ba dang / sems can thams cad khams gsum las bsgral ba'i phyir/ ye shes shin tu rnam par dag par byed pa yin/ thams cad mkhyen pa'i ye shes la sems can rnams dgod pa'i phyir/ chos kyi 'khor los bsgyur ba dam par 'gyur ba yin/ de ci'i phyir zhe na/ byang chub sems dpa' ni rang bzhin gyi mchos kyi dbyings rnam par phye ba ste/ bsam gyis mi khyab pa'o/ /tshad med pa'o/ /byang chub sems dpa'i spyod pa rnam par sbyong ba'o/ /thams cad mkhyen pa nyid kyi phyir ye shes sbyong ba'o/ /yongs su 'dul bas sems can sbyong ba'o/ /yongs su bsngo bas zhi ba sbyong ba'o/ /rab tu gzhog pas chos sbyong ba'o/ /zhum pa med pas mi 'jigs pa sbyong ba'o/ /rab tu bstan pas tha dad pa yang dag par shes pa sbyong ba'o/ /shin tu bstan pa mchos sbyong ba'o/ /chos thams cad las phyir mi ldog par gzungs sbyong ba'o/ /sangs rgyas kyi 'byung ba thams cad kyi don du sangs rgyas kyi bstan pa sbyong ba'o/ /de ltar byang chub sems dpa' ting nge 'dzin 'di la gnas pa ni yon tan 'di dag dang / gzhan yang yongs su dag pa brjod du med pa'i yang brjod du med pa bye ba khrag khrig brgya stong rab tu 'thob bo/ /ting nge 'dzin chen po'i dkyil 'khor 'di dag gi dbang dang / sangs rgyas thams cad kyi byin gyi rlabs dang / rang gi dge ba'i rtsa ba'i rgyu'i stobs dang / ye shes </font><hr>Ga325b<br><font size=+1>


kyi sa'i sgrol ba'i mthu dang / dge ba'i bshes gnyen gyi nye bar bstan pa'i stobs dang / bdud kyi las thams cad rab tu 'joms pa'i mthu dang / dge ba'i las skal ba mnyam pa rnams kyi gzhung gcig pa'i mthu dang / smon lam rnams kyi dag pa'i stobs dang / ji ltar bskyed pa'i dge ba'i rtsa ba yongs su grub pa'i stobs dang / 'jig rten las 'das pa'i bsod nams thub pa med cing zad mi shes pa'i mthus de ltar snyoms par 'jug pa la gnas pa ni yon tan mtshungs pa mnyam pa bcus sangs rgyas 'das pa dang / ma byon pa dang / da ltar byung ba thams cad dang mtshungs pa mnyam pa yin te/ bcu gang zhe na / 'di ltar gzugs dang / mtshan dang / dpe byad bzang po sna tshogs kyis byang chub sems dpa' mtshungs pa mnyam pa yin/ 'od dang 'od zer gyi dra ba rab tu 'gyed pa rnam par dag pas byang chub sems dpa' mtshungs pa mnyam pa yin/ rdzu 'phrul dang / rnam par 'phrul pa dang / sprul pa sems can 'dul ba'i tshul bzhin du ston pas byang chub sems dpa' mtshungs pa mnyam pa yin/ lus tshad med pa dang / kha dog mtha' yas pa dang / dbyangs thams cad rnam par dag pas byang chub sems dpa' mtshungs pa mnyam pa yin/ sangs rgyas kyi zhing rnam par dag pa byin gyis rlob cing sems can gyi las dang spyod pa ji lta ba bzhin du rnam par dmigs pa yang dag par ston pas byang chub sems dpa' mtshungs pa mnyam pa yin/ sems can thams cad kyi tha snyad gzungs dam pas 'dzin </font><hr>Ga326a<br><font size=+1>


@#/ /pa'i mthu dang / dran pa nyams pa med pa'i mthar thug par gnas pas byang chub sems dpa' mtshungs pa mnyam pa yin/ tha dad pa yang dag par shes pa mi zad pas sems can thams cad kyi sgra skad shes pas ston cing / chos kyi 'khor lo bskor bas byang chub sems dpa' mtshungs pa mnyam pa yin/ mi 'jigs pas bag tsha ba med pa seng+ge nga ro sgrog cing / chos dang mthun par sems can thams cad khong du chud par byed pas byang chub sems dpa' mtshungs pa mnyam pa yin/ dus gsum gyi tshig gi lam la 'jug pa skad cig gi mthar 'jug par byed pas byang chub sems dpa' mtshungs pa mnyam pa yin/ sangs rgyas kyi stobs dang de bzhin gshegs pa'i yul rnam par phye ba sems can rnams la yang dag par ston pas byang chub sems dpa' de bzhin gshegs pa thams cad dang mtshungs pa mnyam pa yin/ de nas byang chub sems dpa' kun tu mig gis byang chub sems dpa' kun tu bzang po la 'di skad ces smras so/ /kye| rgyal ba'i sras/ de ltar byang chub sems dpa' de rnam pa de lta bu de dag dang ldan pas de bzhin gshegs pa thams cad dang mtshungs pa mnyam pa yin na/ ci'i phyir sangs rgyas ma yin/ ci'i phyir stobs bcu ma yin/ ci'i phyir thams cad mkhyen pa ma yin/ ci'i phyir kun tu gzigs pa ma yin/ ci'i phyir chos thams cad kyi </font><hr>Ga326b<br><font size=+1>


dkyil 'khor la bsgribs pa mi mnga' ba gzigs pa ma yin/ ci'i phyir chos thams cad mngon par sangs rgyas pa ma yin/ ci'i phyir 'das pa dang / ma byon pa dang / da ltar byung ba'i sangs rgyas thams cad dang mi gnyis par spyod pa ma yin/ ci'i phyir gnas pa'i mthar gyur pa'i ye shes dang ldan pa ma yin/ ci'i phyir byang chub sems dpa' kun tu bzang po'i spyod pa dang / smon lam rgyun gcod pa ma yin/ ci'i phyir chos kyi dbyings kyi mthar thug pa ma yin/ ci'i phyir byang chub sems dpa'i rgyud nye bar len pa btang snyoms su mi gzhog /de nas byang chub sems dpa' kun tu bzang pos/ byang chub sems dpa' kun tu mig la 'di skad ces smras so/ /kye| rgyal ba'i sras/ khyod de skad du gal te byang chub sems dpa' de de bzhin gshegs pa thams cad dang mtshungs pa mnyam pa yin na/ ci'i phyir sangs rgyas ma yin ces zer ba de ji skad smras pa de bzhin te/ legs so/ /legs so/ kye| rgyal ba'i sras/ nam byang chub sems dpa'i spyod pa'i dkyil 'khor dang / 'das pa dang / ma 'ongs pa dang / da ltar byung ba'i smon lam tha mi dad par zhugs pas yang dag par skyes pa'i yul thob par gyur pa de'i tshe sangs rgyas zhes bya'o/ /de bzhin gshegs pa'i don du byang chub sems dpa'i spyad pa spyod pa rgyun ma bcad pas de byang chub sems dpa' zhes bya'o/ /nam de bzhin gshegs pa rnams kyi stobs bcu la zhugs par gyur pa de'i tshe stobs bcu zhes bya'o/ /de bzhin </font><hr>Ga327a<br><font size=+1>


@#/ /gshegs pa'i stobs bsgrub cing / byang chub sems dpa'i spyod pa rgyun mi gcod pas byang chub sems dpa' zhes bya'o/ /nam ched du bya ba med par chos kyi dbyings shin tu bstan pa thams cad rtogs par gyur pa de'i tshe thams cad mkhyen pa zhes bya'o/ /chos kyi dbyings thams cad shin tu bstan pa tha dad pa la 'jug pa rig par spyod cing mkhas par bya ba las phyir mi ldog pas de'i phyir byang chub sems dpa' zhes bya'o/ /nam byang chub sems dpa' de chos thams cad mi gnyis par yang dag par spyod pa yongs su shes par gyur pa de'i tshe/ sangs rgyas kyi chos thams cad rnam par sangs rgyas pa'i blo mnga' ba zhes bya'o/ /byang chub sems dpa' de chos thams cad gnyis pa dang / gnyis ma yin pa la mkhas pas rnam pa tha dad pa'i rgyud la 'jug cing chos gcig nas gcig tu brgyud pa mkhas pa la gnas pas de byang chub sems dpa' zhes bya'o/ /nam byang chub sems dpa' de kun tu gzigs pa'i yul ye shes kyi sgos khong du chud par gyur pa de'i tshe kun tu gzigs pa zhes bya'o/ /byang chub sems dpa' de kun tu gzigs pa'i yul mngon par sgrub cing sems dang ye shes sems skad cig tu rnam par 'phel bas yongs su skyo bar mi byed pas byang chub sems dpa' zhes bya'o/ /nam byang chub sems dpa' de chos snang ba'i sgo thams </font><hr>Ga327b<br><font size=+1>


cad kyis snang bar byed cing / mun pa med pa'i sa la gnas pa de'i tshe bsgribs pa med par gzigs pa zhes bya'o/ /byang chub sems dpa' de bsgribs pa med pa'i ye shes ston pa'i don du sangs rgyas rjes su dran pas de byang chub sems dpa' zhes bya'o/ /nam byang chub sems dpa' des de bzhin gshegs pa rnams kyi ye shes kyi tshul mngon par khong du chud par gyur pa de'i tshe/ chos thams cad mngon par sangs rgyas pa zhes bya'o/ /byang chub sems dpa' de de bzhin gshegs pa rnams kyi ye shes kyi tshul mngon par sangs rgyas pa la spyod cing rtog la khong du chud pas de byang chub sems dpa' zhes bya'o/ /nam byang chub sems dpa' de de bzhin gshegs pa'i gnas la spyod cing / de bzhin gshegs pa thams cad dang mi gnyis par gyur pa de'i tshe/ 'das pa dang / ma byon pa dang / da ltar byung ba'i sangs rgyas thams cad dang mi gnyis pa zhes bya'o/ /byang chub sems dpa' de de bzhin gshegs pa'i sku thob par bya ba'i phyir bdag yongs su sbyong zhing rnam par sgom pas byang chub sems dpa' zhes bya'o/ /nam byang chub sems dpa' de 'gro ba thams cad du gnas pa'i yang dag pa'i mtha' khong du chud par gyur pa de'i tshe/ yang dag pa'i mtha' mkhyen pa zhes bya'o/ /byang chub sems dpa' de gnas pa'i yang dag pa'i mtha' la rtogs par gzhog cing yang dag pa'i mtha' mngon du mi </font><hr>Ga328a<br><font size=+1>


@#/ /byed cing / chos thams cad rab tu dbye ba'i rgyud la btang snyoms rab tu thob pa yang ma yin pas/ de byang chub sems dpa' zhes bya'o/ /nam byang chub sems dpa' de len pa med cing 'dor pa med la/ rtog pa med cing rnam par rtog pa med par gyur pa de'i tshe smon lam yongs su btang ba zhes bya'o/ /byang chub sems dpa' de byang chub sems dpa'i spyod pa yongs su rdzogs par byed cing shin tu yangs par byed pa dang / rnam par spyong ba dang / phyir mi ldog par byed pas byang chub sems dpa' kun tu bzang po'i spyod pa dang / smon lam rgyun ma bcad pa zhes bya'o/ /nam byang chub sems dpa' de chos kyi dbyings snang bar bya ba'i tshul gyis chos kyi dbyings mtha' dang dbus med pa rab tu shes shing mtshan nyid gcig gis chos thams cad kyi mtshan nyid rab tu shes par gyur pa de'i tshe/ chos kyi dbyings kyi mthar thug pa zhes bya'o/ /nam byang chub sems dpa' de phyir mi ldog / pa'i btang snyoms dang ldan par gyur pa de'i tshe/ byang chub sems dpa'i rgyud nye bar len pa la btang snyoms pa zhes bya'o/ /byang chub sems dpa' de chos kyi dbyings la 'jug pa rab tu shes pa'i tshul gyis chos kyi dbyings mtha' dang dbus med pa rab tu shes shing / chos thams cad mtshan nyid tha dad pa'i tshul gyis mtshan nyid sna tshogs rab tu shes la/ phyi </font><hr>Ga328b<br><font size=+1>


ma'i mtha'i mur thug pa'i bskal par skyo ba med cing yongs su yi 'chad pa med de/ 'gro ba thams cad snying rje chen pos yongs su bskyab pa'i sems kyis sems can thams cad yongs su 'grel cing 'dul bas de'i phyir/ byang chub sems dpa' kun tu bzang po zhes bya'o/ /kye| rgyal ba'i sras dag/ 'di lta ste/ dper na/ glang po'i rgyal po shugs dang ldan pa zhes bya ba ni/ ri gser gyi logs zhes bya ba'i rin po che bdun gyi rang bzhin gyi lung pa rin po che'i ra ba bdun gyis bskor ba/ rin po che'i shing thags kyi dra ba bdun gyis bskor ba/ rin po che'i dra bas kun nas yog pa na gnas te| glang po'i rgyal po shugs dang ldan pa de yang thams cad du dkar ba gangs kyi mdog ltar 'dug pa/ gser gyi rgyal mtshan can/ gser gyi rgyan gyis brgyan pa/ gser gyi phyang phrul gyis klubs pa| gser gyi dra bas bkab pa/ dril bu'i dra ba brgyus pa/ rin po che thams cad kyi dra bas sna kun nas bkab pa/ rin po che'i dril bu'i phreng ba kun nas brgyus pa/ yan lag bdun shin tu gnas pa| mche ba drug dang ldan pa/ yid du 'ong ba/ gzugs dang kha dog mi mthun pa med pa/ blta na skyo mi shes bar sdug pa/ rnam par dag pa/ rigs dang ldan pa/ cang shes pa/ yid bzhin du byed pa ste/ de ni lha'i dbang po sum cu rtsa gsum gyi bdag po brgya byin gyis bsgo na/ gser gyi logs kyi ri lung pa nas mi snang bar gyur te/ sum cu rtsa gsum du lha'i rgyal po brgya byin la rim gro bya ba'i </font><hr>Ga329a<br><font size=+1>


@#/ /phyir 'ong ngo / /de nas lha'i rgyal po brgya byin gyis glang po'i rgyal po shugs dang ldan pa la zhon par gyur pa na/ de'i tshe glang po'i rgyal po shugs dang ldan pa de/ rdzu 'phrul gyi rnam pa sna tshogs ston te/ mgo sum cu rtsa gsum mngon par sprul pa byed do/ /mgo re re la yang mche ba drug drug mngon par sprul pa byed do/ / so re re la yang rdzing bu bdun bdun mngon par sprul pa byed do/ /rdzing bu re re zhing yang pad+mo bdun bdun mngon par sprul pa byed do/ /pad+mo re re la yang lha'i bu mo brgya phrag bdun bdun mngon par sprul pa byed do/ /lha'i bu mo de dag thams cad kyang lha rdzas kyi rol mo stong phrag du ma'i sgra 'byin pas lha'i dbang po brgya byin la rim gror byed do/ /lha'i dbang po brgya byin yang shugs dang ldan pa'i rim gro dang / sprul pa la longs spyod pa'i phyir chu klung phyogs mtshams zhes bya ba'i ngogs nas puN+Da ri ka gcig gis khebs pa zhes bya ba'i bza' shing gi ra bar 'gro'o/ /de nas lha'i dbang po brgya byin puN+Da ri ka gcig gis khebs pa'i bza' shing gi ra bar phyin nas glang po'i rgyal po shugs dang ldan pa las babs te/ khang pa rin po che thams cad kyi rgyan dang / snying po can na gnas shing lha'i bu mo mtha' yas pa dang rtse'o/ /de nas glang po'i rgyal po shugs dang ldan pas </font><hr>Ga329b<br><font size=+1>


lus sna tshogs kyi rdzu 'phrul brtul te/ sum cu rtsa gsum pa'i lha rnams dang puN+Da ri ka gcig gis khebs pa'i bza' shing gi ra ba de na/ lha mo rnams dang lhan cig rtse dga' zhing dga' bar spyod do/ /de ltar glang po'i rgyal po shugs dang ldan pa rtse dga' zhing dga' bar spyod pa'i tshe/ sum cu rtsa gsum pa'i lha dang lus mtshungs par gnas pas/ sum cu rtsa gsum pa'i lha dang / glang po'i rgyal po shugs dang ldan pa'i lus zhes lus kyi khyad par med do/ /gzugs zhes gzugs kyi khyad par med do/ /kha dog ces kha dog gi khyad par med do/ /gzi brjid ces gzi brjid kyi khyad par med do/ /'od dang / rgyan dang / gos dang / rtsed mo dang / longs spyod dang / blta ba dang / tshul gyis kyang khyad par gang yang med do/ /glang po'i rgyal po shugs dang ldan pa dang / sum cu rtsa gsum pa'i lha rnams su 'di dag ni sum cu rtsa gsum pa'i lha'o/ /'di dag ni glang po'i rgyal po shugs dang ldan pa'o zhes bya bar rnam par brtag tu med do/ /sum cu rtsa gsum pa'i lha rnams dang / glang po'i rgyal po shugs dang ldan par 'dra'o/ /glang po'i rgyal po shugs dang ldan pa dang / sum cu rtsa gsum pa'i lha rnams su 'dra'o| |kye/ rgyal ba'i sras dag /de ltar glang po'i rgyal po shugs dang ldan pa/ gser gyi logs kyi ri rin po che bdun gyi rang bzhin gyi lung pa nas dga' ba sna tshogs mngon par </font><hr>Ga330a<br><font size=+1>


@#/ /sprul pa byas te/ sum cu rtsa gsum pa'i lha'i nang du lha'i dbang po brgya byin gyi longs spyod kyi don du 'ongs nas/ lha'i dbang po brgya byin la mchod pa dang / rim gro bya ba dang / bkur sti bya ba dang / phu dud bya ba'i phyir sum cu rtsa gsum pa'i lha dang tha mi dad pa'i tshul gyis lha'i dga' ba la spyod pa de bzhin du/ byang chub sems dpa' sems dpa' chen po byang chub sems dpa' kun tu bzang po'i spyod pa dang / /smon lam la brtson pa/ byang chub sems dpa'i ting nge 'dzin rin po che'i rgyan gyis brgyan pa/ byang chub sems dpa'i yon tan/ byang chub kyi yan lag bdun shin tu gnas pa/ 'od zer kun tu 'gyed pa'i lus dang ldan pa/ chos kyi dril gyi sgra kun tu sgrog pa'i dbyangs dang ldan pa/ chos kyi rgyal mtshan rab tu bsgreng ba'i rgyal mtshan can/ snying rje'i lung pa'i gnas na 'dug pa mthu bo che'i stobs kyi lus kyi khyad par can/ theg pa chen po'i smon lam gyi mche ba dang ldan pa/ drag shul gyi seng+ges bag tsha ba med pa/ ye shes kyi rgyud kyi chos kyi cod pa na btags pa/ gsang ba'i gnas thams cad nas rab tu byung ba/ byang chub sems dpa'i spyod pa dang / smon lam gyis skyo ba med pa'i byang chub kyi shing drung na mos shing spyod pa dang / smon lam </font><hr>Ga330b<br><font size=+1>


gyi rgyun mi gcod pa/ byang chub kyi shing drung du 'dug cing / thams cad mkhyen pa nyid kyi rdzing bu tha dad pa med par mngon par 'tshang rgya bar mngon sum du gyur pa/ byang chub sems dpa' kun tu bzang po'i spyod pa dang / smon lam rgya chen po rnam par 'phel bar byed pa dang / blo rnam par sangs rgyas pa/ byang chub sems dpa'i smon lam mngon par sgrub cing rgyun mi gcod pa/ lhod par mi byed pa/ phyir ldog par mi byed pa/ snying rje chen po mtha' dang dbus med pa rnam par 'phel bar byed pa/ smon lam chen po'i theg pas sems can thams cad kyi ris na kun tu bzang po'i spyod pa la mngon par gnas shing / brtson 'grus yongs su mi gtong ba/ phyi ma'i mtha'i mur thug par sems can thams cad kyi sdug bsngal yongs su bsal ba'i phyir/ byang chub sems dpa' kun tu bzang po'i lam yongs su chad par mi byed kyang / byang chub tu mngon par 'tshang mi rgya ste/ rdzogs par byang chub pa'i sgo brjod du med pa'i yang brjod du med pa dang / chos kyi 'khor lo bskor ba'i sgo brjod du med pa'i yang brjod du med pa dang / bsgom pa'i bsam pa sna tshogs kyi sgo brjod du med pa'i yang brjod du med pa dang / zhing 'byams klas pa sna tshogs kyi gnas su mya ngan las 'da' ba dang / rnam par 'phrul pa dang / mngon par 'tshang rgya ba'i sgo </font><hr>Ga331a<br><font size=+1>


@#/ /brjod du med pa'i yang brjod du med pas 'jig rten gyi khams sna tshogs 'byams klas pa brjod du med pa'i yang brjod du med pa dag tu skye bar snang ngo| |byang chub sems dpa' kun tu bzang po'i spyad pa spyod par snang ngo / /de bzhin gshegs pa byang chub kyi shing drung du mngon par sangs rgyas pa brjod du med pa'i yang brjod du med pa/ byang chub sems dpa'i tshogs brjod du med pa'i yang brjod du med pas kun nas bskor ba dag gi zhabs kyi drung du 'gro bar snang ngo / /phyogs 'byams klas pa dang / phyogs mtshams 'byams klas pa'i sangs rgyas kyi zhing mang po rgya mtsho dag tu mngon par sangs rgyas nas/ skad cig gcig lon pa dang / mngon par sangs rgyas nas yud tsam zhig lon pa dang / mngon par sangs rgyas nas dus gzhan du gyur pa dang / mngon par sangs rgyas nas nyi ma gcig lon pa dang / mngon par sangs rgyas nas zla ba phyed lon pa dang / mngon par sangs rgyas nas lo gcig lon pa dang / mngon par sangs rgyas nas lo grangs med pa lon pa dang / mngon par sangs rgyas nas bskal pa gcig lon pa dang / mngon par sangs rgyas nas bskal pa brjod du med pa'i yang brjod du med pa snyed lon pa'i de bzhin gshegs pa dag gi zhabs kyi drung du nye bar 'gro'o/ /de bzhin du shar phyogs kyi sangs </font><hr>Ga331b<br><font size=+1>


rgyas kyi zhing gi sangs rgyas thams cad la rim gro byed do/ /mchod pa byed do/ /phyag 'tshal lo/ /rab tu 'dud do/ /sangs rgyas rnams la zhu ba byed do/ /rnam par 'phel ba'i sgyu ma'i dkyil 'khor gyi zhing yongs su sbyong zhing / byang chub sems dpa'i spyod pa rnam par dag pa mtha' yas pa dang / ye shes brjod du med pa'i yang brjod du med pa dang / byang chub sems dpa'i rnam par 'phrul pa brjod du med pa'i yang brjod du med pas/ byang chub sems dpa'i khyu mchog gi mthu phyung ba sna tshogs dang / byang chub sems dpa'i ye shes yangs pa sna tshogs dang / byang chub sems dpa'i spyod yul sna tshogs dang / byang chub sems dpa'i rdzu 'phrul sna tshogs dang / byang chub sems dpa'i mngon par bsgrub pa'i khyu mchog gi mthu mtha' dang dbus med pa sna tshogs dang / byang chub sems dpa'i rnam par thar pa la rnam par rtse ba sna tshogs dang / byang chub sems dpa'i chos snang ba rnam par dag pa'i tshul sna tshogs kyi byang chub sems dpa'i spyod pa dang / smon lam gyis thams cad du spyod par snang ngo / /byang chub sems dpa' kun tu bzang po'i rdzu 'phrul dang / khyu mchog gi mthu phyung ba'i tshul gyis sngon gyi mtha' yang 'jig par mi byed de/ 'khor ba'i 'khor lo rgyun bcad pa dang / 'jig rten gyi khams kyi rgyud 'byams klas pa rnam </font><hr>Ga332a<br><font size=+1>


@#/ /par dag par bya ba dang / de bzhin gshegs pa'i rgyud dang / sangs rgyas thams cad mthong bar bya ba dang / sangs rgyas kyi chos thams cad la 'jug cing khong du chud par bya ba dang / dus gsum gyi rgyud kyi sangs rgyas kyi tshul rjes su dran par bya ba dang / thams cad mkhyen pa'i ye shes kyi rgyud rnam pa tha dad pa'i sgra dang / chos thams cad kyi rgyu phyogs kyi rgyud dang / chos kyi lus thams cad kyi rjes su 'brang bar bya ba dang / byang chub sems dpa'i spyod pa thams cad yang dag par gzung ba'i rgyud khong du chud cing yongs su rdzogs par bya ba dang / kun tu bzang po'i rgyud kyis thams cad mkhyen pa'i ye shes dang / khyu mchog gi mthu mngon par 'tshang rgya bar bya ba'i phyir sems can brjod du med pa'i yang brjod du med pa rnam par dag par byed do/ /kye/ rgyal ba'i sras dag /ltos dang / de ltar kun tu bzang po'i spyod pa rgyun mi 'chad pa dang / byang chub sems dpa'i spyod pa yongs su chad pa med pa dang / thams cad mkhyen pa nyid kyi snang ba nyams pa med pa dang / sangs rgyas thams cad yongs su blta ba'i phyir/ kun tu bzang po'i spyod pa rgya chen po 'byung zhing / thams cad mkhyen pa'i khyu mchog gi mthu phyung pa myong bar byed pa ngo mtshar mi che'am/ kye| rgyal ba'i sras dag /glang po'i </font><hr>Ga332b<br><font size=+1>


rgyal po'i shugs dang ldan pa de ni glang po'i gnas nas kyang 'pho ba med la/ sum cu rtsa gsum gyi skye ba'i skye mched du yang rab tu skye'o/ /bzhon pa'i dngos por yang rnam par spyod do/ /lha'i rtse ba la yang yongs su spyod do/ /rim gro bya ba'i tshul yang yongs su mi spong ngo / /lha'i bu mo rnams dang yang kun tu rtse'o/ /lha rnams dang yang mtshungs shing mnyam ste/ rnam pa tha dad pa med do/ /kye| rgyal ba'i sras dag /de bzhin du byang chub sems dpa' yang kun tu bzang po'i spyod pa theg pa chen po yang yongs su mi gtong zhing shi 'pho ba yang med la/ sangs rgyas kyi khyu mchog gi mthu phyung ba la yang rab tu spyod do/ /thams cad mkhyen pa nyid la yang rnam par rtse'o/ /sangs rgyas kyi rnam par thar pa yang rab tu shes so/ /chags pa med pa nyid kyang mngon par sgrub bo/ /chags pa med cing bsgribs pa med pa yang rnam par dag par byed do/ /zhing rnams la yang gnas pa med do/ /sangs rgyas kyi chos rnams la yang rlom sems med cing mi rtog rnam par mi rtog go /chos thams cad kyang mnyam pa nyid du byed do/ /mi gnyis pa dang yang 'gal bar mi byed do/ /sangs rgyas kyi zhing yongs su mi spong ste/ de ltar na byang chub sems dpa' de 'das pa dang / ma byon pa dang / da ltar byung ba'i sangs </font><hr>Ga333a<br><font size=+1>


@#/ /rgyas thams cad dang yang mtshungs shing mnyam la byang chub sems dpa'i spyod pa yang rgyun mi gcod pa yin/ kye| rgyal ba'i sras dag /glang po'i rgyal po shugs dang ldan pa de glang po'i yul na yang snang la/ lha'i yul na yang spyod do/ /de bzhin du byang chub sems dpa' sems dpa' chen po rnam pa 'di lta bu'i chos rgya chen po dang ldan pa yang / byang chub sems dpa' kun tu bzang po'i spyod pa dang / smon lam la rab tu gnas pa'i byang chub sems dpa'i lhag pa'i bsam pa rnam par dag bas yang dag par gnas pa yin/ kye| rgyal ba'i sras dag /'di ni ting nge 'dzin gyi dkyil 'khor rgya chen po/ tshad med pa/ byang chub sems dpa' nye bar spyod pa/ lhag pa'i bsam pas rab tu thob pa/ ye shes chen po la zhugs pa bcu pa ste/ kye| rgyal ba'i sras dag /'di dag ni byang chub sems dpa' kun tu bzang po'i ting nge 'dzin rgya chen po'i dkyil 'khor bcu rnams so/ /shin tu rgyas pa chen po'i mdo/ sangs rgyas phal po che zhes bya ba las/ ting nge 'dzin bcu'i le'u ste/ sum cu rtsa gsum pa'o// // bam po drug cu tham pa/ de nas byang chub sems dpa' sems dpa' chen po kun tu bzang pos yang byang chub sems dpa' de dag la smras pa/ kye| rgyal ba'i sras </font><hr>Ga333b<br><font size=+1>


dag| bcu po 'di dag ni/ byang chub sems dpa' sems dpa' chen po rnams kyi mngon par shes pa ste/ bcu gang zhe na/ kye|rgyal ba'i sras dag /'di la byang chub sems dpa' sems dpa' chen po/ stong gsum gyi stong chen po'i 'jig rten gyi khams gcig tu sems can ji snyed skyes pa de dag thams cad kyi sems dang bsam pa'i rgyud rab tu shes so/ /sems bskyed pa rab tu shes so/ /dge ba dang / mi dge ba dang / yangs pa dang / dog pa dang / rgya chen po dang / rgya chung ngu dang / 'khor ba'i rjes su 'gro ba dang / 'khor ba las ldog pa dang / yid bsal ba dang / nyan thos kyi sems dang / rang sangs rgyas kyi sems dang / byang chub sems dpa'i sems dang / nyan thos kyi spyod pa dang / rang sangs rgyas kyi spyod pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa dang / sems can dmyal ba dang / byol song gi skye gnas dang / gshin rje'i 'jig rten dang / yi dwags dang / mi khom par skye ba rnams kyi sems dang spyod pa yang rab tu shes te/ sems can gyi ris sna tshogs dang / sems can gyi ris du ma rnam par dbye ba dang / rnam par gdags pa 'byams klas pa mang po dag gi sems </font><hr>Ga334a<br><font size=+1>


@#/ /can rnams kyi bsam pa sems kyis rab tu shes so/ /de bzhin du 'jig rten gyi khams brgya dang / 'jig rten gyi khams stong dang / 'jig rten gyi khams brgya stong dang / 'jig rten gyi khams bye ba khrag khrig brgya stong nas/ gzhung de bzhin du 'jig rten gyi khams brjod du med pa'i yang brjod du med pa dang / 'jig rten gyi khams sangs rgyas kyi zhing brgya phrag stong gi rdul shin tu phra ba snyed du skyes pa'i sems can de dag gi bsam pa sems kyis rab tu shes te/ kye| rgyal ba'i sras dag / 'di ni byang chub sems dpa' rnams kyi sems la mkhas shing shes pa zhes bya ba ste/ ye shes kyi mngon par shes pa dang po'o/ /kye|rgyal ba'i sras dag /gzhan yang byang chub sems dpas 'jig rten gyi khams sangs rgyas kyi zhing brjod du med pa'i rdul shin tu phra ba snyed kyi bar dag na/ sems can shi 'pho ba dang / skye bar 'gyur ba 'di lta ste/ bde ba'i lam dang / ngan song dang / kha dog sdug pa dang / kha dog mi sdug pa dang / ngan pa dang / bzang po dang / kun nas nyon mongs pa dang / kun nas nyon mongs pa med pa dang / rnam par byang ba dang / rnam par ma byang ba dang / de ltar sems can gyi rigs du ma dang / lha'i ris dang / klu'i ris dang / gnod sbyin gyi ris dang / dri za'i ris </font><hr>Ga334b<br><font size=+1>


dang| lha ma yin gyi ris dang / nam mkha' lding gi ris dang / mi'am ci'i ris dang / lto 'phye chen po'i ris dang / mi'i ris dang / mi ma yin pa'i ris dang / dog pa'i ris dang| yangs pa'i ris dang / chung ba'i ris dang / che ba'i ris dang / rnam par dgod pa sna tshogs kyi ris kyi skye ba dang shi 'pho rab tu shes te/ de lha'i mig thogs pa med cing dag la rnam par dag pas sems can rnams las ji ltar bsags pa'i tshul bzhin du yang dag par mthong ste/ bde ba dang sdug bsngal rnam pa ji lta bu myong ba dang / las ji lta bur bsags pa dang / las kyi mngon par 'du bya ba rnam pa ji lta bu dang ldan pa dang / bsam pa'i rnam pa ji lta bu yin pa dang / rtog pa ji lta bu dang ldan pa dang / lta ba ji lta bu dang ldan pa dang / spobs pa ji lta bu dang ldan pa dang / rgyu ji lta bu dang ldan pa dang / las ji lta bu dang ldan pa dang / dmigs pa ji lta bu dang ldan pa dang / rnam pa ji lta bus rgyu ba de dag thams cad kyang rab tu mthong ngo / /kye| rgyal ba'i sras dag /'di ni byang chub sems dpa' sems dpa' chen po rnams kyi lha'i mig ste/ ye shes kyi mngon par shes pa gnyis pa'o/ /kye| rgyal ba'i sras dag /gzhan yang byang chub sems dpas bdag dang / sems can gzhan 'jig rten gyi khams sangs rgyas kyi zhing brjod du med pa'i yang brjod </font><hr>Ga335a<br><font size=+1>


@#/ /du med pa'i rdul shin tu phra ba snyed kyi bar dag tu gtags pa rnams kyi sngon gyi gnas rjes su dran zhing rab tu shes te/ bdag gi sngon gyi gnas kyang bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed rjes su dran no/ /sems can gzhan gyi sngon gyi gnas kyang bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed rjes su dran zhing rab tu shes so/ /bdag ni sngon che ge mo zhig na 'dug 'dug ste/ ming ni 'di zhes bya'o/ /rus ni 'di zhes bya'o/ /rigs ni 'di zhes bya'o/ /kha zas ni 'di za za'o/ /bde ba dang sdug bsngal ni 'di lta bu zhig myong bar gyur to/ /zhes bya bar bdag gi sngon gyi gnas rjes su dran zhing rab tu shes so/ /sems can 'di ni sngon che ge mo zhig na 'dug 'dug ste/ ming ni 'di zhes bya'o/ /rus ni 'di zhes bya'o/ /rigs ni 'di zhes bya'o/ kha zas ni 'di za'o/ /bde ba dang sdug bsngal ni 'di lta bu zhig myong bar gyur to/ /zhes bya bar sems can gzhan 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi bar dag tu gtogs pa rnams kyi sngon gyi gnas rjes su dran zhing rab tu shes so/ /sems can de dag re re zhing </font><hr>Ga335b<br><font size=+1>


yang tshe'i rgyud gcig nas gcig tu brgyud pa'i srid pa'i rgyud rgyu dang bcas/ rkyen dang bcas pa dang / tshe'i rgyud du gnas shing 'dug 'dug pa'i rnam pa sngon gyi mtha' rnam pa sna tshogs su gnas gnas pa dang / 'jig rten gyi rgyud dang / byung ba'i rgyud gcig nas gcig tu brgyud pa dang / mtshan nyid tha dad pa'i lus rnam pa tha dad pa sna tshogs thams cad las rnam pa tha dad pa sna tshogs bsags pas skye ba'i sgo sna tshogs kyi skye gnas su gyur pa dang / bag la nyal ba dang / las dang lta ba sna tshogs kyis sems rnam pa tha dad pa sna tshogs bskyed pa dang / rgyu dang rkyen sna tshogs gzhan gyis 'byung ba rnam pa tha dad pa'i las kyis rgyud rnam pa sna tshogs 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed rjes su dran zhing rab tu shes so/ /'jig rten gyi khams kyi rgyud gcig gi sems can rnams kyi las ji ltar shes pa de bzhin du / 'jig rten gyi khams kyi rgyud sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sems can rnams kyi sngon gyi gnas na 'dug cing spyod spyod ba rjes su dran zhing rab tu shes so/ /sngon gyi mtha'i bskal pa de dang de dag gi 'jig rten gyi khams de dang de dag tu sangs rgyas bcom ldan 'das/ sangs rgyas kyi zhing brjod du med </font><hr>Ga336a<br><font size=+1>


@#/ /pa'i yang brjod du med pa'i rdul shin tu phra ba snyed byung ba rnams mtshan ni 'di zhes bya'o/ /byung ni 'di ltar byung ngo / /'khor gyi rnam pa ni 'di lta bu'o/ /yab dang yum gyi mtshan ni 'di skad ces bya'o/ /zham 'bring ba'i ming ni 'di skad ces bya'o/ /nyan thos mchog gi zung dang bzang po'i zung gi ming ni 'di skad ces bya'o| |rigs ni 'di zhes bya'o/ /rgyal po'i pho brang ni ming 'di zhes bya ba nas mngon par byung ste/ byang chub kyi shing ming 'di zhes bya ba'i drung du brten nas/ bla na med pa yang dag par rdzogs pa'i byang chub tu mngon par sangs rgyas te/ gnas kyi ming 'di zhes bya ba dag na bzhugs shing mdo 'di snyed cig yang dag par bstan to/ /sems can 'di snyed cig gi don mdzad do/ /sku tshe'i tshad 'di tsam zhig gis sangs rgyas kyi mdzad pa yang dag par bstan te/ phung po ma lus pa'i mya ngan las 'das pa'i dbyings su yongs su mya ngan las 'das so/ /mya ngan las 'das nas kyang de dag gi chos ni 'di srid cig tu gnas par gyur to/ /zhes mtshan rnam par dgod pa sangs rgyas kyi zhing brjod du med pa'i yang brjod du med pa'i rdul shin tu phra ba snyed dang / mtshan de dag re re'i rnam pa yang sangs rgyas kyi zhing brjod du med pa'i yang brjod du med pa'i rdul shin </font><hr>Ga336b<br><font size=+1>


tu phra ba snyed kyis de bzhin gshegs pa dgra bcom pa yang dag par rdzogs pa'i sangs rgyas de dag byang chub tu thugs bskyed ba dang bcas/ smon lam dang bcas/ spyod pa dang bcas/ 'byung ba dang bcas/ sangs rgyas mchod pa dang bcas/ sems can yongs su smin par mdzad pa dang bcas/ 'khor gyi dkyil 'khor dang bcas/ chos kyi 'khor lo dang bcas/ dus gang du byung ba dang bcas/ sku tshe ji srid pa dang bcas/ sangs rgyas kyi cho 'phrul dang bcas/ sangs rgyas kyi rnam par 'phrul ba yang dag par bstan pa dang bcas/ yongs su mya ngan las 'da' ba dang bcas/ chos 'bar bar gnas pa dang bcas/ mchod rten rnam par phye ba'i rgyan dang bcas/ sems can gyi dge ba'i rtsa ba bskyed pa dang bcas par rjes su dran zhing rab tu shes so/ /kye| rgyal ba'i sras/ 'di ni byang chub sems dpa' sems dpa' chen po rnams kyi sngon gyi gnas rjes su dran pa zhes bya ba ye shes kyi mngon par shes pas sngon gyi mtha'i mur gyur pa'i bskal pa la 'jug pa ste/ gsum pa'o/ /kye| rgyal ba'i sras dag /gzhan yang byang chub sems dpa' phyi ma'i mtha'i mur gyur pa'i bskal pa la 'jug ste/ 'jig rten gyi khams re re zhing yang bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed la rab tu 'jug </font><hr>Ga337a<br><font size=+1>


@#/ /go |bskal pa grangs med pa de dang de dag la sems can gyi lam gyi rgyud ji snyed byung ba dang / sems can shi 'pho bar gyur pa ji snyed pa dang / sems can skye ba ji snyed pa dang / sems can gyi srid pa'i rgyud gcig nas gcig tu brgyud pa ji snyed pa dang / sems can gyi las ji snyed pa dang / rnam par smin pa ji snyed pa dang / dge ba'am/ mi dge ba'am/ 'byung ba'am/ mi 'byung ba'am/ nges pa'am/ ma nges pa'am/ log par nges pa'am/ yang dag par nges pa'am/ bag la nyal ba dang bcas pa'i dge pa'i rtsa ba'am/ bag la nyal ba med pa'i dge ba'i rtsa ba'am/ phun sum tshogs pa'i dge ba'i rtsa ba'am/ rgud par gyur pa'i dge ba'i rtsa ba'am/ dge bas yongs su bzung ba'am/ mi dge bas yongs su bzung ba'am/ yang dag par blangs pa'i dge ba'i rtsa ba'am/ yang dag par ma blangs pa'i dge ba'i rtsa ba'am/ mngon par bsgrubs pa'i sdig pa'i chos sam/ mngon par ma bsgrubs pa'i sdig pa'i chos kyang rung ste/ de dag thams cad rab tu shes so/ /de dag re re la yang 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed du phyi ma'i mtha'i mur thug pa'i bskal par 'jug go /'jig rten gyi khams kyi rgyud de dag re re </font><hr>Ga337b<br><font size=+1>


zhing yang bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed gcig nas gcig tu brgyud pa la rab tu 'jug go /sangs rgyas bcom ldan 'das sangs rgyas kyi zhing brjod du med pa'i yang brjod du med pa'i rdul shin tu phra ba snyed mtshan 'di zhes bya ba dag 'byung bar 'gyur ro/ /zhes bya ba nas mtshan rnam par phye ba sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi de bzhin gshegs pa dgra bcom pa yang dag par rdzogs pa'i sangs rgyas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed dang po thugs bskyed pa dang bcas/ smon lam dang bcas/ spyod pa dang bcas/ 'byung ba dang bcas| sangs rgyas mchod cing rim gro mdzad pa dang bcas/ sems can yongs su smin par mdzad pa dang bcas/ chos kyi 'khor lo dang bcas/ 'khor gyi dkyil 'khor dang bcas/ dus ji lta ba dang bcas/ sku tshe'i tshad ji lta ba dang bcas/ sangs rgyas kyi cho 'phrul dang bcas/ sangs rgyas kyi rnam par 'phrul ba yang dag par bstan pa dang bcas| yongs su mya ngan las 'das pa dang bcas/ chos 'bar bar gnas pa dang bcas/ mchod rten rnam par phye ba'i rgyan dang bcas/ sems can gyi dge ba'i rtsa ba bskyed </font><hr>Ga338a<br><font size=+1>


@#/ /pa dang bcas par rjes su dran zhing khong du chud do/ /kye| rgyal ba'i sras dag /'di ni byang chub sems dpa' rnams kyi phyi ma'i mtha'i mur gyur pa'i bskal pa shes pa la 'jug pa ste/ ye shes kyi mngon par shes pa bzhi pa'o/ /kye| rgyal ba'i sras dag /gzhan yang byang chub sems dpa' chags pa med pa'i rna ba rnam par dag pa mngon par sgrub cing rnam par sbyong / yongs su sbyong / yongs su rdzogs par byed/ yangs par byed/ tshad med par byed/ 'thob par byed/ mngon du byed/ 'od gsal bar byed/ bsgribs pa med par byed/ khong du chud par byed de/ de chags pa med pa'i rna ba mngon par bsgrub pa dang ldan pas/ sgra ji snyed mnyan par 'dod pa de dag rab tu nyan to/ /gang mi 'dod pa de dag ni mi nyan to/ /de shar phyogs kyi sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi zhing brjod du med pa'i yang brjod du med pa'i rdul shin tu phra ba snyed kyis bshad pa de dag rab tu nyan to/ /shar phyogs na sangs rgyas bcom ldan 'das de dag ston pa dang / gsung ba dang / 'chad pa dang / brjod pa dang / rnam par dgod pa mdzad pa dang / ji </font><hr>Ga338b<br><font size=+1>


snyed du smin par mdzad pa dang / ji snyed du 'dul ba dang / ji snyed du dran par bskul pa dang / ji snyed du chos ston pa zab cing yangs la rnam par phye ba sna tshogs dang ldan pa thabs kyi tshul mtha' yas shing rnam par dag la/ tshad med pa la mkhas pa dang ldan pa de dag thams cad rab tu 'dzin to/ /don bzang po dang / yi ge bzang po 'khor gyi dkyil 'khor du nges pa'i tshig dang bcas pa ji ltar shes par byas pa/ ji ltar khong du chud par byas pa/ ji ltar 'dul bar gyur pa/ ji ltar dmigs par gyur ba/ ji ltar brten par gyur pa/ ji ltar 'byung bar 'gyur ba de dag thams cad rab tu 'dzin to/ /yang dag par 'dzin to/ /chud zos par mi byed do/ /zhig par mi byed do/ /thogs par mi byed do| |ldog par mi byed do/ /'phrul par mi byed do/ /rmongs par mi byed do/ /gzhan la rab tu ston cing gzhan gyis khong du chud par byed kyang de la tshig gcig gam/ yi ge gcig kyang 'khrul par mi byed do/ /de de ltar yi ge dang / tshig yan chad du chags pa med pa'i rna ba'i rnam par shes pas 'dzin te/ ji ltar shar phyogs kyi sangs rgyas bcom ldan 'das de dag gi legs par gsungs pa de dag nyan pa de bzhin du/ lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi </font><hr>Ga339a<br><font size=+1>


@#/ /phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi phyogs re re zhing yang / de bzhin gshegs pa dgra bcom pa yang dag par rdzogs pa'i sangs rgyas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyis gsungs pa rab tu nyan to/ /kye| rgyal ba'i sras dag /'di ni byang chub sems dpa' sems dpa' chen po rnams kyi thogs pa med pa'i rna ba rnam par dag pa zhes bya ba ste/ ye shes kyi mngon par shes pa lnga pa'o/ /kye| rgyal ba'i sras dag /gzhan yang byang chub sems dpa' sems dpa' chen po dngos po med pa la gnas shing / mngon par 'dus ma byas pa'i rdzu 'phrul thob pa yin te/ mtshan nyid thob pa yin/ mnyam pa nyid thob pa yin/ rgya chen po thob pa yin/ tshad med pa thob pa yin/ mi gnas pa thob pa yin/ sems ltar mgyogs pa thob pa yin/ thub pa med pa thob pa yin/ ldog pa med pa thob pa yin/ mi g.yo ba thob pa yin/ rnam par 'phel ba thob pa yin/ rjes su 'gro ba thob pa yin/ de 'jig rten gyi khams </font><hr>Ga339b<br><font size=+1>


ji srid du ring yang rung ste/ de dag na bzhugs pa'i sangs rgyas bcom ldan 'das de dag gi gsung thos te/ 'jig rten gyi khams thams cad na bzhugs pa dang / 'jig rten gyi khams tshad med pa na bzhugs pa dang / 'jig rten gyi khams grangs med pa na bzhugs pa dang / 'jig rten gyi khams dpag tu med pa na bzhugs pa dang / 'jig rten gyi khams mtshungs pa med pa na bzhugs pa dang / 'jig rten gyi khams bsam gyis mi khyab pa na bzhugs pa dang / 'jig rten gyi khams gzhal du med pa na bzhugs pa dang / 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed na bzhugs pa de dag thams cad kyi gsung nyan to/ /thos nas kyang 'jig rten gyi khams der bdag nyid phyin par byed de/ de yang gang na sangs rgyas skye ba sangs rgyas kyi zhing gi rdul shin tu phra ba snyed yod pa'i 'jig rten gyi khams de dang de dag gcig nas gcig tu brgyud pa'i phyogs bcu'i rgyud phyogs rnam pa tha dad par gnas pa dang / phyogs ci 'dra ba'i 'khor sna tshogs spyi'u tshugs su rgyu ba'i phyogs kyi tshul dang / smrel zhir rgyu ba'i phyogs kyi tshul dang / phyogs rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi phyogs la 'jug pa rnam pa sna tshogs dang / </font><hr>Ga340a<br><font size=+1>


@#/ /phyogs kyi mtshan nyid tha dad par rjes su 'brang bar bya bar sangs rgyas mu med pa skye ba dang ldan pa/ sangs rgyas kyi zhing rnam pa tha dad pa yongs su dag pa sangs rgyas skye ba dang ldan pa/ 'jig rten gyi khams kyi rgyan gzhan dang gzhan yod pa yon tan bye ba sna tshogs kyis rnam par sbyangs pa/ yon tan tshad med pas yongs su rgyas pa'i sangs rgyas kyi zhing rnam par dag pa dag tu rnam par 'phrul pa sna tshogs kyis rnam par 'phrul pa dang / de bzhin gshegs pa'i mtshan yongs su rjod pa byed cing / de dag tu bdag phyin par byed pas/ de bzhin gshegs pa dag gi zhabs kyi drung na 'dug kyang 'di nas kyang g.yos pa med do/ /der song ba'ang med la / der yang bdag phyin par rab tu ston cing / de bzhin gshegs pa de dag gi zhal blta'o/ /de dag la phyag 'tshal lo/ /de dag la 'dud pa byed do/ /de dag la mchod pa byed do/ /de dag la rim gro byed do/ /de dag la bsnyen bkur byed do/ /byang chub sems dpa'i chos kyang yongs su 'dri'o/ /sangs rgyas kyi ye shes mngon par sgrub pa la yang rab tu 'jug go /sangs rgyas bcom ldan 'das de dag gi 'khor gyi dkyil 'khor gyis mtshan ma yang rab tu shes so/ /chos bstan pa'i mtshan ma yang </font><hr>Ga340b<br><font size=+1>


rab tu shes so/ /sangs rgyas kyi zhing gi mtshan ma yang rab tu shes so/ /de dag la mngon par chags pa yang med de/ de dag la yang pha rol tu phyin pa shin tu thob pa yin/ sangs rgyas kyi zhing du 'gro ba dang / sangs rgyas kyi zhing la dmigs pas bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed kyis 'gro yang 'gro ba dang| sangs rgyas blta ba'i rnam par dmigs pa mthar thug pa med do/ /sangs rgyas kyi zhing gcig nas gcig tu brgyud pa las phyir ldog pa med do/ /de bzhin gshegs pa'i zhal blta ba'i rgyun gcod pa med do/ /de bzhin gshegs pa'i 'khor gyi dkyil 'khor mi dmigs par byed pa med do/ /shugs la nyams pa med do/ /sangs rgyas kyi chos yongs su dri ba'i rgyun gcod pa med do/ /sangs rgyas kyi chos btsal bas yongs su yi 'chad pa med do/ /smon lam gyi khyad par dang ldan pa'i byang chub sems dpa'i spyod pa kun tu bzang po'i smon lam gyi yongs su rdzogs par bya ba sangs rgyas kyi rigs 'byams klas pa tshad med pa'i don du zhugs pa las phyir ldog pa med do/ /phyogs thams cad kyi sangs rgyas kyi zhing de bzhin gshegs pas thugs su chud pa dag tu 'gro zhing yang dag par gzhol bar bya ba la thogs pa med do/ /kye|rgyal ba'i sras dag /'di ni byang chub sems dpa' </font><hr>Ga341a<br><font size=+1>


@#/ /sems dpa' chen po rnams kyi dngos po med pa la gnas shing mngon par 'dus ma byas pa'i rdzu 'phrul zhes bya ba sangs rgyas kyi zhing thams cad du 'gro ba'i ye shes kyi mngon par shes pa ste drug pa'o/ /kye|rgyal ba'i sras dag /gzhan yang byang chub sems dpa' sems dpa' chen po 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed du skyes pa'i sems can rnams kyi skad sna tshogs rab tu shes te/ 'phags pa'i skad shes so/ / 'phags pa ma yin pa'i skad shes so/ /lha'i skad shes so/ /klu'i skad shes so/ /gnod sbyin gyi skad shes so/ /lha ma yin gyi skad shes so/ /nam mkha' lding gi skad shes so/ /mi'am ci'i skad shes so/ /lto 'phye chen po'i skad shes so/ /mi'i skad shes so/ /mi ma yin pa'i skad shes pa nas/ sems can gyi ris brjod du med pa'i yang brjod du med pa'i bar gyi sems can gyi skad rnam pa sna tshogs shes pa dang / sgra dang / tshig dang / brda rnams rab tu shes te / rnam par dgod pa'i mkhas pa thams cad la rab tu 'jug go /brda la 'jug pa thams cad rab tu shes so/ /spyod pa rnam par dgod pa thams cad rab tu shes so/ /skad rnam par dbye ba thams cad rab tu shes </font><hr>Ga341b<br><font size=+1>


so| |skad rnam pa tha dad pa rgya mtsho thams cad la rab tu 'jug ste/ de ji lta ji ltar 'jig rten gyi khams la 'jug pa de lta de ltar sems can gyi khams la 'jug go /ji lta ji ltar sems can gyi khams la 'jug pa de lta de ltar skad rnam par phye ba thams cad khong du chud par byed de/ de la sems can gzhan gyi skad kyis rmongs par 'gyur ba med do// 'di lta ste/ dper na/ lha'i bu nyi ma ni shar ma thag tu gzugs rnam par phye ba'i rgyud thams cad snang bar byed do/ /de nas mig dang ldan pa rnams gzugs de dang de dag mthong pas mtshan ma yongs su 'dzin to/ /de bzhin du byang chub sems dpa' yang skad kyi sprin rnam par phye ba thams cad la 'jug ste/ skad thams cad mngon par shes pa'i ye shes kyis skad dang dbyangs kyi tshul mkhas pa la 'jug cing / khong du chud par byed do/ /kye| rgyal ba'i sras dag /'di ni byang chub sems dpa' sems dpa' chen po skad kyi tshul thams cad la mkhas pa zhes bya ba ste/ ye shes kyi mngon par shes pa bdun pa'o/ /kye| rgyal ba'i sras dang / gzhan yang byang chub sems dpa' sems dpa' chen po| chos thams cad kha dog dang bral bar rab tu shes te/ tha mi dad pa'i kha dog dang / rnam pa med pa'i kha dog dang / bye brag med pa'i kha dog dang / rnam par dbye ba med pa'i </font><hr>Ga342a<br><font size=+1>


@#/ /kha dog dang / sngon po med pa'i kha dog dang / ser po med pa'i kha dog dang / dkar po med pa'i kha dog dang / nag po med pa'i kha dog dang / dmar po med pa yang rab tu shes te/ de de bas kyang chos kyi dbyings la 'jug par byed pa'i tshe/ rang gi lus kha dog sna tshogs dang ldan par byin gyis rlob ste/ mtha' yas pa'i kha dog dang / tshad med pa'i kha dog dang / rnam par dag pa'i kha dog dang / shin tu brgyan pa'i kha dog dang / thams cad dang ldan pa'i kha dog dang / dpe med pa'i kha dog dang / kun tu snang ba'i kha dog dang / yid du 'ong ba'i kha dog dang / mi sdug pa med pa'i kha dog dang / zad mi shes pa'i kha dog dang / shin tu gsal ba'i kha dog dang / kha na ma tho ba med pa'i kha dog dang / mthu chen po dang ldan pa'i kha dog dang / thub par dka' ba'i kha dog dang / nyams par mi 'gyur ba'i kha dog dang / shin tu bsgrubs pa'i kha dog dang / shin tu mdzes pa'i kha dog dang / dpag tu med pa'i kha dog dang / shin tu bsrungs pa'i kha dog dang / shin tu bsags pa'i kha dog dang / yongs su smin par byed pa'i kha dog dang / 'dul ba ji lta ba bzhin du bsgrubs pa'i kha dog dang / thogs pa med pa'i kha dog dang / shin tu dang ba'i kha </font><hr>Ga342b<br><font size=+1>


dog dang / rnyog pa med pa'i kha dog dang / rab tu gsal ba'i kha dog dang / mdangs dang ldan pa'i kha dog dang / bsam gyis mi khyab pa'i tshul dang ldan pa'i kha dog dang / zil gyis gnon pa'i kha dog dang / thams cad zil gyis gnon pa'i kha dog dang / thams cad zil du brlag pa'i kha dog dang / thams cad zil du rlog par byed pa'i kha dog dang / rab rib med pa'i kha dog dang / mun pa med pa'i kha dog dang / shin tu mnyam par gzhag pa'i kha dog dang / sems bde ba'i kha dog dang / mtshan sna tshogs dang ldan pa'i kha dog dang / dpe byad bzang po sna tshogs dang ldan pa'i kha dog dang / che ba nyid dang ldan pa'i kha dog dang / spyod yul dang ldan pa'i kha dog dang / yang dag par bsgrubs pa'i kha dog dang / bsam pa rnam par dag pa'i kha dog dang / shin tu sbyangs pa'i kha dog dang / mchog tu byung zhing rgya che ba'i kha dog dang / thub pa med pa'i kha dog dang / gnas pa med pa'i kha dog dang / kun tu mtha' yas pa'i kha dog dang / sangs rgyas kyi zhing brjod du med par rab tu 'dal ba'i kha dog dang / rnam par 'phel ba'i kha dog dang / snying po bzung ba'i kha dog dang / yon tan mchog dang ldan pa'i kha dog dang / yid bzhin gyi kha dog dang / mos pa rnam par sbyong ba'i kha dog dang / </font><hr>Ga343a<br><font size=+1>


@#/ /tshogs shin tu bsags pa'i kha dog dang / chos bsgribs pa med par shin tu rtogs pa'i kha dog dang / nam mkha' ltar 'od dang ba'i kha dog dang / rnam par dag pas brgyan pa'i kha dog dang / dri ma med pa'i kha dog dang / rdul dang bral ba'i kha dog dang / rdul med pa'i kha dog dang / dri ma med pa'i kha dog dang / mtshungs pa med pa'i kha dog dang / blta na bzang ba'i kha dog dang / kun nas blta ba'i kha dog dang / dus bzhin du yang dag par ston pa'i kha dog dang / rab tu zhi ba'i kha dog dang / 'dod chags dang bral ba'i kha dog dang / 'od shin tu gsal ba'i kha dog dang / bsod nams kyi zhing du gyur pa'i kha dog dang / bde bar byed pa'i kha dog dang / 'jigs pa med par byed pa'i kha dog dang / gti mug med par spyod pa'i kha dog dang / ye shes kyis rnam par gnon pa'i kha dog dang / chags pa med pa'i lus kyi kha dog dang / lus kyi rgyan kun tu mtha' yas pa'i kha dog dang / don yod pa'i kha dog dang / byams pa chen pos yang dag par 'phags pa'i kha dog dang / snying rje chen pos byin gyis brlabs pa'i kha dog dang / tshul mthun par 'byung ba'i kha dog dang / bsod nams kyi stobs dang ldan pa'i kha dog dang / rjes su dran par bya ba'i kha dog dang / rin </font><hr>Ga343b<br><font size=+1>


po che na mtha' yas pa'i kha dog dang / rin po che'i dam pa rnam par snang ba'i kha dog dang / 'gro ba thams cad dad par byed pa'i kha dog dang / thams cad mkhyen pa nyid la mngon du gyur pa'i kha dog dang / bzhin 'dzum pa'i kha dog dang / rin po che'i rgyan gyi dam pa thams cad dang ldan pa'i kha dog dang / sems mi gnas pa'i kha dog dang / gnas med pa'i kha dog dang / byin gyi rlabs kyis rnam par 'phrul pa'i kha dog dang / rdzu 'phrul rnam pa du mas khyu mchog gi mthu phyung ba'i kha dog dang / de bzhin gshegs pa'i rigs su yang dag par byung ba'i kha dog dang / 'dri ba med pa'i kha dog dang / chos kyi dbyings su 'dal ba'i kha dog dang / 'khor ji lta ba bzhin du 'gro ba'i kha dog dang / rnam pa sna tshogs kyi kha dog dang / shin tu grub pa'i kha dog dang / shin tu sbyangs pas rab tu byung ba'i kha dog dang / 'dul ba ji lta ba bzhin du spyod pa lam ston pa'i kha dog dang / blta na mi ngoms pa'i kha dog dang / rnam pa sna tshogs su 'od gsal ba'i kha dog dang / 'od zer gyi dra ba grangs med pa rab tu 'gyed pa'i kha dog dang / 'od sna tshogs brjod du med pa'i kha dog dang / dri zhim po dang 'od bsam gyis mi khyab pas khams gsum las yang dag par 'da' ba'i kha dog dang / nyi ma'i dkyil 'khor lta bu'i 'od zer </font><hr>Ga344a<br><font size=+1>


@#/ /gyis tshad med par snang ba'i kha dog dang / 'khor lo dpe med pa'i gzugs byin gyis rlob pa'i kha dog dang / me tog gi sprin yid du 'ong ba mtha' yas pa rab tu 'thor pa'i kha dog dang / phreng ba'i sprin gyi pad+mo sna tshogs su bsgrubs pas yang dag par brgyan pa'i kha dog dang / 'gro ba thams cad las shin tu 'das pa'i kha dog dang / spos zhim po thams cad kyi gsung 'byung bas spos 'phro ba 'gyed pa'i kha dog dang / de bzhin gshegs pa thams cad kyi mdzod spu nas byung ba'i kha dog dang / sgra dbyangs brjod du med pas chos thams cad bstan pa yang dag par ston pa'i kha dog dang / rnam pa'i mchog thams cad dang ldan pa'i kun tu bzang po'i kha dog tu bdag gi lus byin gyis rlob ste/ kye | rgyal ba'i sras dag /de ltar byang chub sems dpa' sems dpa' chen po ni kha dog med pa'i chos kyi dbyings la zhugs pas mthong bas 'dul ba dang / rjes su dran pas 'dul ba dang / chos kyi 'khor los 'dul ba dang / dus kyis 'dul ba dang / skad cig gis 'dul ba dang / bsnyen bkur bas 'dul ba dang / khong du chud par bya bas 'dul ba dang / rdzu 'phrul gyis 'dul ba dang / rnam par 'phrul pa sna </font><hr>Ga344b<br><font size=+1>


tshogs kyis 'dul ba dang / cho 'phrul bsam gyis mi khyab pas 'dul ba rnams la rnam pa de lta bu'i kha dog tu rang gi lus byin gyis rlob bo/ /kye| rgyal ba'i sras dag /'di ni byang chub sems dpa' sems dpa' chen po rnams kyi kha dog grangs med pa'i lus mngon par sgrub pa'i rgyan ces bya ba/ mngon par shes pa'i ye shes 'gro ba thams cad yongs su 'grel ba la brtson pa ste brgyad pa'o/ /kye| rgyal ba'i sras dag /gzhan yang byang chub sems dpa' sems dpa' chen po chos thams cad bdag med par rab tu shes so| /chos thams cad rigs med par rab tu shes so/ /chos thams cad 'ong ba med par rab tu shes so/ /chos thams cad 'bral ba med par rab tu shes so/ /chos thams cad bye brag med par rab tu shes so/ /chos thams cad tha dad pa med par rab tu shes so/ /chos thams cad gnyis su byar med par rab tu shes so/ /chos thams cad mi gnyis pa dang / mi gnyis pa ma yin par rab tu shes so/ /chos thams cad bdag nyid med par rab tu shes so/ /chos thams cad 'dra ba med par rab tu shes so/ /chos thams cad 'gro ba med par rab tu shes so/ /chos thams cad ma skyes par rab tu shes so/ /chos thams cad ma 'gags par rab tu shes so/ /chos thams cad 'pho ba med </font><hr>Ga345a<br><font size=+1>


@#/ /par rab tu shes so/ /chos thams cad 'jig pa med par rab tu shes so/ /chos thams cad bden pa med par rab tu shes so/ /chos thams cad rdzun pa med par rab tu shes so/ /chos thams cad mtshan nyid med pas mtshan nyid gcig par rab tu shes so/ /chos thams cad yod pa'ang ma yin par rab tu shes so/ / chos thams cad med pa'ang ma yin par rab tu shes so/ /chos thams cad chos kyang ma yin par rab tu shes so/ /chos thams cad chos ma yin pa'ang ma yin par rab tu shes so/ /chos thams cad spyod pa la gzhol ba'ang ma yin par rab tu shes so/ /chos thams cad spyod pa la mi gzhol ba'ang ma yin par rab tu shes so/ /chos thams cad las kyang ma yin par rab tu shes so/ /chos thams cad las ma yin pa'ang ma yin par rab tu shes so/ /chos thams cad rnam par smin pa ma yin par rab tu shes so/ /chos thams cad rnam par smin pa ma yin pa'ang ma yin par rab tu shes so/ /chos thams cad mngon par 'du bya ba med par yang rab tu shes so/ /chos thams cad mngon par 'du bya ba med pa'ang ma yin par rab tu shes so/ /chos thams cad brda yang ma yin par rab tu shes so/ /chos thams cad brda ma yin pa'ang ma yin </font><hr>Ga345b<br><font size=+1>


par rab tu shes so/ /chos thams cad don dam pa'ang ma yin par rab tu shes so/ /chos thams cad don dam pa ma yin pa'ang ma yin par rab tu shes so/ /chos thams cad 'byung ba'ang ma yin par rab tu shes so/ /chos thams cad mi 'byung ba'ang ma yin par rab tu shes so/ /chos thams cad 'byin pa'ang ma yin par rab tu shes so/ /chos thams cad mi 'byin pa yang ma yin par rab tu shes so/ /chos thams cad tshad med par yang rab tu shes so/ /chos thams cad tshad med pa ma yin par yang rab tu shes so/ /chos thams cad 'jig rten pa'ang ma yin par rab tu shes so/ /chos thams cad 'jig rten las 'das pa'ang ma yin par rab tu shes so/ /chos thams cad rgyu las byung ba'ang ma yin par rab tu shes so/ /chos thams cad rgyu las ma byung ba'ang ma yin par rab tu shes so/ /chos thams cad kha dog nges pa med par yang rab tu shes so/ / chos thams cad kha dog nges pa med pa'ang ma yin par rab tu shes so/ /chos thams cad kha dog yongs su grub pa yang ma yin par rab tu shes so/ /chos thams cad kha dog yongs su ma grub pa'ang ma yin par rab tu shes so/ /chos thams cad byung ba'ang ma yin par rab tu shes so/ /chos thams cad byung ba ma yin pa'ang ma yin par rab </font><hr>Ga346a<br><font size=+1>


@#/ /tu shes so/ /chos thams cad rnam par brtags pa yang ma yin par rab tu shes so/ /chos thams cad rnam par ma brtags pa'ang ma yin par rab tu shes so/ /chos thams cad tshul yang ma yin par rab tu shes so/ /chos thams cad tshul ma yin pa'ang ma yin par rab tu shes so/ /de ni spyod pa la mngon par chags pa med do/ /don dam pa la gnas pa med do/ /chos la rab tu rtog pa med do/ /yi ge yongs su sgrub pa med do/ /zhi ba'i rjes su shin tu 'brang ngo / /smon lam yongs su mi gtong ngo / /don gyi tshul la rnam par lta'o/ /chos kyi tshul la rab tu 'jug go /chos kyi sprin kun nas slong ngo / /chos yongs su 'bab pa'i yi ge'i char mngon par 'phebs \ 'BEBS?\ so/ /tshul brjod du med pa la 'jug go /tha dad pa yang dag par shes pa zad mi shes pa don gyi tshul rab tu brjod cing / chos kyi tshul mngon par ston pas chos thams cad kyi nges pa'i tshig la mkhas pa dang / chos thams cad spobs pas thabs mkhas pa'i tshul brjod du med pa'i yang brjod du med pa la rab tu 'jug go /byams pa chen po rnam par dag pa dang ldan zhing / snying rje chen po rab tu thob pa yi ga med pa'i yul dang ldan pa yi ges mngon par bsgrubs pa'i don la brtson zhing / 'gal ba med pa rang bzhin gyis </font><hr>Ga346b<br><font size=+1>


chos la brtson pa chos thams cad rten cing 'brel par byung par ston pas gos pa med pa/ brjod pa thams cad kyi rjes su song ba'i spobs pa dang ldan pa/ de chos thams cad zad mi shes pa'i spobs pas ston to/ /brjod do/ /rnam par 'god do/ /yang dag par ston to/ /'grel to/ /rnam par 'byed do/ /'byin to/ /khong du chud par byed do/ /rab tu ston to/ /rtogs par byed do/ /rab tu sgrub bo/ /rnam par sbyong ngo / /the tshom sel to/ /dogs pa gcod do/ /de kho na ston to/ /rang bzhin brjod do/ /'gro ba la phan 'dogs so| |chos nyid las mi nyams so/ /mi gnyis pa la 'jug go /chags pa med pa'i sgo ston to/ /dbyangs kyi yan lag thams cad yang dag par bsgrubs pas rab tu 'joms pa'i sgras sgra'i char yang bsam pa ji lta ba'i dus las yol bar mi byed par mngon par 'bebs so/ /kye| rgyal ba'i sras dag /'di ni byang chub sems dpa' sems dpa' chen po rnams kyi chos thams cad shes pa'i ye shes kyi mngon par shes pa ste dgu pa'o/ /kye| rgyal ba'i sras dag /gzhan yang byang chub sems dpa' sems dpa' chen po sems skad cig re re zhing chos thams cad 'gog pa'i ting nge 'dzin la snyoms par 'jug kyang / byang chub sems dpa'i lam gyi rgyud mi gcod do/ /byang chub sems dpa'i las </font><hr>Ga347a<br><font size=+1>


@#/ /kyang thogs par mi byed do/ /byang chub sems dpa'i byams pa chen po las kyang rnam par mi 'dra'o/ /snying rje chen po las kyang phyir mi ldog go /pha rol tu phyin pa rnams kyang rgyun mi gcod do/ /zhing thams cad rab tu dbye zhing mkhas par bya bas kyang skyo bar mi byed do/ /'gro ba thams cad yongs su dgrol ba'i smon lam yang rgyun mi gcod do/ /chos kyi 'khor lo yang thogs par mi byed do/ /sems can yongs su smin par bya ba dang / 'dul bar bya ba yang ring du mi spong ngo / /sangs rgyas mchod cing rim gro bya ba'ang rgyun mi gcod do/ /chos thams cad la dbang bsgyur ba'i sgo las kyang phyir mi ldog go /sangs rgyas mthong ba'i skal pa med par yang mi 'gyur ro/ / chos thams cad yongs su dri ba las kyang phyir mi ldog go /mnyam pa nyid dang bstod pa yang rab tu shes so/ /bsgribs pa med pa yang mngon par sgrub bo/ /sangs rgyas kyi chos thams cad la khyad par gyi smon lam mnyam pa nyid kyang yongs su rdzogs par byed do/ /zhing thams cad kyi gzhi dang dbyings tha dad pa'i rjes su'ang rab tu 'jug ste| sangs rgyas kyi rigs thams cad kyi pha rol tu phyin pa'ang thob pa yin/ 'jig rten gyi khams kyi rgyud de dang / de dag tu chos thams cad sprul pa lta bur bslab </font><hr>Ga347b<br><font size=+1>


pa'ang shin tu bslabs pa yin/ chos thams cad mtshan ma med par zhugs pas/ chos thams cad rten cing 'brel par 'byung ba la mkhas pa dang ldan pa yin/ chos thams cad lus med pa'i tshul dang / chos thams cad kyi rang bzhin gyi tshul dang / spyod pa'i tshul khong du chud pa dang yang ldan pa yin/ chos thams cad kyi rjes su 'brang ba la mi gnas pa yin/ chos kyi tshul thams cad rab tu rtogs shing bsam pa dang / dbang po ji lta ba'ang rab tu rtogs pa yin/ de 'dod na bskal pa dang / bskal pa gcig dang / bskal pa brgya dang / bskal pa stong dang / bskal pa khrag khrig dang / bskal pa khrag khrig brgya dang / bskal pa khrag khrig stong dang / bskal pa bye ba khrag khrig brgya dang / bskal pa bye ba khrag khrig stong dang / bskal pa tshad med pa dang / dpag tu med pa dang / grangs med pa dang / bsam gyis mi khyab pa dang / mtshungs pa med pa dang / gzhal du med pa dang / kun tu mtha' yas pa dang / mu med pa dang / sa mtshams med pa dang / bskal pa brjod du med pa'i yang brjod du med par chos thams cad 'gog pa'i ting nge 'dzin gcig la snyoms par zhugs kyang de'i lus 'jig par mi 'gyur ro/ /nyam chung par mi 'gyur ro/ /skal ba zhan par mi 'gyur </font><hr>Ga348a<br><font size=+1>


@#/ /ro| |chud mi za'o/ /rnam par chud mi za'o/ /zhum par mi 'gyur ro/ /rnam par zhum par mi 'gyur ro/ /zad par mi 'gyur ro/ /dngos po yod pa dang med par mi 'gyur te/ byang chub sems dpa'i bya ba'ang yongs su rdzogs par byed do/ /byang chub sems dpa'i chos nyid kyang brjod do/ /sems can gyi dus kyang yongs su mi spong ngo / /sems can 'dul ba'i dus la bab pa yang thogs par mi byed do/ /sangs rgyas kyi chos nyid kyang rnam par 'phel bar byed do/ /byang chub sems dpa'i mnyam pa nyid kyang yongs su rdzogs par byed do/ /sems can thams cad kyi don kyang yongs su mi gtong ngo / /sprul pa'i rgyud kyang rgyun mi gcod do/ /mi g.yar lta bu'i chos kyi tshul las kyang ldog par mi byed do/ /bsam gtan dang / ting nge 'dzin gyi sa las kyang mi g.yo'o/ /kye| rgyal ba'i sras dag /'di ni byang chub sems dpa' sems dpa' chen po rnams kyi chos thams cad 'gog pa zhes bya ba ste/ ye shes kyi mngon par shes pa bcu pa'o/ /de la gnas pa'i byang chub sems dpa' sems dpa' chen po ni/ lha dang 'jig rten du bcas pas bsam gyis mi khyab pa yin/ 'gro ba thams cad kyis bsam gyis mi khyab pa yin/ nyan thos thams cad kyis bsam gyis mi khyab pa yin/ rang </font><hr>Ga348b<br><font size=+1>


sangs rgyas thams cad kyis bsam gyis mi khyab pa yin/ sa 'og ma la gnas pa'i byang chub sems dpa' thams cad kyis bsam gyis mi khyab pa yin/ lus kyi las bsam gyis mi khyab pa yin/ ngag gi las bsam gyis mi khyab pa yin/ yid kyi las bsam gyis mi khyab pa yin/ ting nge 'dzin rnam par 'phrul pa la 'jug pa bsam gyis mi khyab pa yin/ ye shes kyi spyod yul bsam gyis mi khyab pa yin te/ sangs rgyas bcom ldan 'das rnams kyis byang chub sems dpa' de dag bstan par mdzad cing bshad pa dang / gnas de dag dgod par mdzad de khong du chud par mdzad pa dang / mngon par shes pa de lta bu thob pa'i byang chub sems dpa' bstan pa dang / brjod pa dang / bshad pa dang / rab tu bkod pa dang / bsngags pa dang / brjod pa dang / bstod pa dang / bkral ba dang / rab tu bstan pa dang / yongs su brjod pa ni gtogs so/ /kye| rgyal pa'i sras dag /bcu po de dag ni byang chub sems dpa' rnams kyis mngon par shes pa ste/ de dag la gnas pa'i byang chub sems dpa' sems dpa' chen po rnams ni/ dus gsum thams cad kyi ye shes kyi mngon par shes pa bsgribs pa med pa rab tu 'thob bo/ /shin tu rgyas pa chen po'i mdo/ sangs rgyas phal po che zhes bya ba las/ mngon par shes pa'i le'u ste/ sum cu rtsa bzhi pa'o// // </font><hr>Ga349a<br><font size=+1>


@#/ /bam po drug cu rtsa gcig pa/ de nas byang chub sems dpa' kun tu bzang pos/ yang byang chub sems dpa' de dag la smras pa/ kye| rgyal ba'i sras dag /bcu po 'di rnams ni byang chub sems dpa' sems dpa' chen po rnams kyi bzod pa thob pa ste/ bzod pa thob pa de dag dang ldan pa'i byang chub sems dpa' ni/ bzod pa thams cad kyis bsgribs pa med pa thob pas sangs rgyas kyi chos zad mi shes pa/ bsgribs pa med pa thams cad thob par 'gyur pa dag go /bcu gang zhe na| 'di lta ste/ sgra khong du chud pa'i bzod pa dang / mthun pa'i bzod pa dang / mi skye ba'i chos kyi bzod pa dang / sgyu ma lta bu'i bzod pa dang / smig rgyu lta bu'i bzod pa dang / rmi lam lta bu'i bzod pa dang / sgra brnyan lta bu'i bzod pa dang / gzugs brnyan lta bu'i bzod pa dang / sprul pa lta bu'i bzod pa dang / nam mkha' lta bu'i bzod pa'o/ /kye| rgyal ba'i sras dag /bcu po de rnams ni byang chub sems dpa' rnams kyi bzod pa thob pa ste/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /kye| rgyal ba'i sras dag /de la bzod pa dang po sgra khong du chud pa gang zhe na/ </font><hr>Ga349b<br><font size=+1>


'di lta ste/ chos de dag thos nas mi 'jigs/ mi skrag /skrag par mi 'gyur zhing / dad pa dang / yid ches pa dang / mos pa dang / spro ba dang / 'jug pa dang / rjes su 'brang ba dang| de'i rang bzhin du gnas shing khong du chud par byed pa ste/ kye| rgyal ba'i sras dag /'di ni byang chub sems dpa' sems dpa' chen po rnams kyi sgra khong du chud pa'i bzod pa thob pa ste dang po'o/ /kye| rgyal ba'i sras dag /byang chub sems dpa' sems dpa' chen po rnams kyi mthun pa'i bzod pa thob pa gnyis pa gang zhe na/ kye| rgyal ba'i sras dag| 'di la byang chub sems dpa' sems dpa' chen po chos 'di dag ni mthun pa zhes bya bar rtog go /dpyod do/ /mnyam par byed do/ /mi 'gal bar byed do/ /chos de dag la ji ltar mthun par 'jug par bya ba de ltar rnam par sgom mo/ /bsam pa rnam par dag par byed do/ /mnyam par byed do/ /brtson par byed do/ /rtogs par byed do/ /rab tu sgrub bo/ /kye| rgyal ba'i sras dag /'di ni byang chub sems dpa' sems dpa' chen po rnams kyi mthun pa'i bzod pa thob pa ste gnyis pa'o/ /kye| rgyal ba'i sras dag / byang chub sems dpa' sems dpa' chen po rnams kyi mi skye ba'i chos kya \ KYI?\ bzod pa thob pa gsum pa gang zhe na/ kye| rgyal ba'i sras dag /'di la byang chub sems dpa' sems </font><hr>Ga350a<br><font size=+1>


@#/ /dpa' chen po rdul tsam gyi chos kyang gang yang skyes par mthong ba med do/ /chos gang yang 'gag par mthong ba med do/ /de ci'i phyir zhe na/ gang ma skyes pa de ni ma 'gags pa'o/ /gang ma 'gags pa de ni mi zad pa'o/ /gang mi zad pa de ni rdul med pa'o/ /gang rdul med pa de ni tha mi dad pa'o/ /gang tha mi dad pa de ni gzhi med pa'o/ /gang gzhi med pa de ni zhi ba'i sa'o/ /gang zhi ba'i sa yin pa de ni 'dod chags dang bral ba'o/ /gang 'dod chags dang bral ba de ni mngon par 'du bya ba med pa'o// gang mngon par 'du bya ba med pa de ni smon pa med pa'o/ /gang smon pa med pa de ni gnas pa med cing len pa med pa ste/ kye|rgyal ba'i sras dag /'di ni byang chub sems dpa' sems dpa' chen po rnams kyi mi skye ba'i chos kyi bzod pa thob pa ste gsum pa'o/ /kye| rgyal ba'i sras dag /byang chub sems dpa' sems dpa' chen po rnams kyi sgyu ma lta bu'i bzod pa thob pa bzhi pa gang zhe na/ kye| rgyal ba'i sras dag /'di la byang chub sems dpa' sems dpa' chen po chos thams cad rten cing 'brel bar 'byung ba'i tshul gyi sgyu ma lta bur 'jug ste/ chos kyi rnam pa gcig la rnam pa mang por mos par byed do/ /chos rnam pa mang po la chos kyi rnam pa gcig tu mos par byed do/ /de ni </font><hr>Ga350b<br><font size=+1>


chos de dag la sgyu ma'i tshul gyis zhing du yang sgom par byed do/ /sems can du'ang khong du chud par byed do/ /chos kyi dbyings su'ang rtogs par byed do/ /'jig rten gyi khams su'ang mnyam par byed do/ /sangs rgyas skye bar yang mtshungs par byed do/ /'jug tu med pa'i tshul gyis kyang rjes su 'jug go /byin gyi rlabs kyi tshul gyis kyang mngon par sgrub bo/ /'di lta ste/ dper na/ sgyu ma ni glang po'i lus la yang mi gnas so/ /rta'i lus la'ang mi gnas so/ /shing rta'i lus la'ang mi gnas so/ /rkang thang gi lus la'ang mi gnas so/ /bud med la'ang mi gnas so/ /skyes pa la'ang mi gnas so/ /rogs po la'ang mi gnas so/ /bu mo la'ang mi gnas so/ /shing la'ang mi gnas so/ /lo ma la'ang mi gnas so/ /me tog la'ang mi gnas so/ /'bras bu la'ang mi gnas so/ /sa dang chu dang me dang rlung la'ang mi gnas so/ /nyin zhag dang / yud du yan man dang| zla ba dang / lo la'ang mi gnas so/ /lo brgya la'ang mi gnas so/ /zla ba dang nyi ma la'ang mi gnas so/ /bskal pa la'ang mi gnas so/ /zhi ba dang rab tu zhi ba la'ang mi gnas so/ /sna tshogs dang rnam pa sna tshogs la'ang mi gnas so/ /gcig pa dang tha dad pa la'ang mi gnas so/ /yangs pa dang dog pa la'ang mi gnas so/ /rgya chen po </font><hr>Ga351a<br><font size=+1>


@#/ /dang rgya chung ngu la'ang mi gnas so/ /tshad yod pa dang tshad med pa la'ang mi gnas so/ phra ba dang rigs pa la'ang mi gnas so/ /'khor sna tshogs la'ang mi gnas so/ /'khor kyang sgyu ma la mi gnas so/ /sgyu ma'ang 'khor la mi gnas te/ sgyu ma kun tu bstan pa dang / sna tshogs kyi sgyu ma rnam pa tha dad pa bstan pa'i grangs su bgrang ba yang yod do/ /de bzhin du byang chub sems dpa' sems dpa' chen po yang 'jig rten thams cad la sgyu ma lta bur 'jug cing las kyi 'jig rten dang / nyon mongs pa'i 'jig rten dang / zhing gi 'jig rten dang / chos kyi 'jig rten dang / dus kyi 'jig rten dang / rgyud kyi 'jig rten dang / ldan pa'i 'jig rten dang / mi ldan pa'i 'jig rten dang| 'jug pa'i 'jig rten dang / mngon par 'du bya ba'i 'jig rten la 'jug pa'i tshe/ byang chub sems dpa' sems dpa' chen po 'jig rten thams cad la sgyu ma'i rnam par 'jug pas sems can rnams skye bar mi byed do/ /'jig par mi byed do/ /zhing rnams skye bar mi byed do/ /'jig par mi byed do/ /chos rnams skye bar mi byed do/ / 'jig par mi byed do/ /'das pa la mi rtog go /'das pa la rnam par mi rtog go /ma 'ongs pa la mngon par 'du mi byed do/ /ma 'ongs pa 'byung bar mi byed do/ /da ltar </font><hr>Ga351b<br><font size=+1>


byung ba la gnas pa med do/ /da ltar byung ba la chags pa med do/ /byang chub la spyod pa med do/ /byang chub la yongs su rtogs pa med do/ /sangs rgyas 'byung bar mi byed do/ /sangs rgyas yongs su mya ngan las 'da' bar mi byed do/ /smon lam la gnas par mi byed do/ /skyon med pa la chags par mi byed do/ /mnyam pa nyid mi len to/ /chags pa med pa mi 'dor ro/ /zhing la chags pa med do/ /tha dad pa med par yang khong du chud do/ /sems can gyi khams kyang mngon par sgrub ste/ sems can gyi khams tha dad pa'ang rab tu shes so/ / chos kyi dbyings kyang khong du chud de/ gnas pa'i chos nyid las kyang mi g.yo'o/ /dus mnyam pa nyid la'ang rab tu 'jug ste/ dus la rnam par rtog pas kyang 'gal bar mi byed do| |phung po dang skye mched rnams kyang mngon par sgrub ste/ gnas yang dag par gzhom pa yang khong du chud par byed do/ /sems can rnams kyang yongs su smin par mi byed de| chos kyi dbyings mnyam pa nyid tha dad pa med par yang rab tu shes so/ /chos thams cad brjod du med cing yi ge med par yang rab tu shes te/ tha dad pa yang dag par shes pas kyang thogs pa med do/ /sems can thams cad dgrol ba'i don du 'dod pa la'ang chags par mi byed do/ /snying rje chen pos kyang 'dul ba'i sems can rnams la chos kyi </font><hr>Ga352a<br><font size=+1>


@#/ /'khor lo bskor ro/ /sems can la lta ba'i phyir snying rje chen po yang byin gyis rlob ste/ snying rje chen po'i phyogs la'ang sems can thams cad yongs su 'grel to/ /sngon gyi rgyu'ang rab tu brjod do/ /rgyu 'pho ba med pa'ang yang dag pa ji lta ba bzhin du rab tu shes so/ /kye| rgyal ba'i sras dag /'di ni byang chub sems dpa' sems dpa' chen po rnams kyi sgyu ma lta bu'i bzod pa thob pa ste bzhi pa'o/ /kye| rgyal ba'i sras dag /byang chub sems dpa' sems dpa' chen po rnams kyi smig rgyu lta bu'i bzod pa thob pa lnga pa gang zhe na/ kye|rgyal ba'i sras dag /'di la byang chub sems dpa' sems dpa' chen po 'jig rten thams cad smig rgyu lta bur rab tu shes te/ 'di lta ste/ dper na/ smig rgyu ni yul na'ang mi gnas/ phyogs na'ang mi gnas so/ /de bzhin du byang chub sems dpa' sems dpa' chen po yang yul na yang mi gnas/ phyogs na'ang mi gnas pa'i chos nyid rab tu shes so/ /'jig rten nang na yang mi gnas/ phyi rol na yang mi gnas pa dang / yod pa yang ma yin/ med pa yang ma yin pa dang / rtag pa yang ma yin/ chad pa yang ma yin par rnam par rig par gyur pa rab tu shes so/ /yang dag pa ji lta ba bzhin du rab tu </font><hr>Ga352b<br><font size=+1>


shes so/ /nang zhes bya ba nang na gnas pa ma yin pa dang / nang zhes bya ba phyi rol na gnas pa ma yin pa dang / kha dog gcig pa ma yin pa dang / kha dog tha dad pa ma yin pa yang rab tu shes so/ /chos thams cad kha dog med pa'i sa thob par bya ba yang yongs su rdzogs par byed do/ /kye| rgyal ba'i sras dag /'di ni byang chub sems dpa' sems dpa' chen pa rnams kyi smig rgyu lta bu'i bzod pa thob pa ste lnga pa'o/ /kye| rgyal ba'i sras dag /byang chub sems dpa' sems dpa' chen po rnams kyi rmi lam lta bu'i bzod pa thob pa drug pa gang zhe na/ kye| rgyal ba'i sras dag /'di la byang chub sems dpa' sems dpa' chen po 'jig rten thams cad rmi lam lta bur rab tu shes te/ 'di lta ste| dper na/ rmi lam ni 'jig rten las byung ba yang ma yin/ 'jig rten las 'das pa yang ma yin/ rmi lam ni 'dod pa'i khams kyang ma yin/ gzugs kyi khams kyang ma yin/ gzugs med pa'i khams kyang ma yin no/ /rmi lam ni shi 'pho ba yang ma yin/ skye ba yang ma yin no/ /rmi lam ni kun nas nyon mongs pa'ang ma yin/ rnam par byang ba'ang ma yin no/ /rmi lam ni lta ba'ang ma yin/ rnam par dag pa'ang ma yin te/ rmi lam snang ba yang med pa'ang ma yin no/ /de bzhin du byang chub sems dpa' sems dpa' chen </font><hr>Ga353a<br><font size=+1>


@#/ /po yang 'jig rten thams cad 'khrug pa med pa'i tshul gyis rmi lam gyi ngo bo nyid dang / tshul dang / rmi lam la mngon par chags pa dang / rmi lam rab tu dben pa dang / rmi lam gyi rang bzhin dang / rmi lam gyi byin gyi rlabs dang / rmi lam tha mi dad pa dang / rmi lam gyi 'du shes dang / rnam par rtog pa dang / rmi lam gyi 'jig rten khong du chud pa lta bur rab tu shes te/ kye| rgyal ba'i sras dag /'di ni byang chub sems dpa' sems dpa' chen po rnams kyi rmi lam lta bu'i bzod pa thob pa ste drug pa'o/ /kye| rgyal ba'i sras dag /byang chub sems dpa' sems dpa' chen po rnams kyi sgra brnyan lta bu'i bzod pa thob pa bdun pa gang zhe na / kye| rgyal ba'i sras dag /'di la byang chub sems dpa' sems dpa' chen po 'phags pa'i chos kyi pha rol tu phyin pa ni chos nyid mngon par bsgrub pa'i bslab pa la shin tu bslabs pa yin te/ 'di lta ste/ dper na/ sgra brnyan ni sgra sna tshogs grags par byed kyang 'pho ba med do/ /de bzhin du byang chub sems dpa' sems dpa' chen po yang de bzhin gshegs pa'i gsung nang na brjod pa yang ma yin par rab tu shes so/ /de bzhin gshegs pa'i gsung phyi rol na brjod pa yang ma yin par rab tu shes </font><hr>Ga353b<br><font size=+1>


so| |de ltar shes pa de yang nang nas shes pa'ang ma yin par rab tu shes so/ /phyi rol nas shes pa'ang ma yin par rab tu shes so/ /phyi nang nas shes pa'ang ma yin par rab tu shes te/ 'on kyang bstan pa mngon par bsgrub pa'ang rab tu shes so/ /byin gyi rlabs la mkhas pas 'jug pa'ang rab tu shes so/ /tshig kyang rab tu shes so/ /sgra brnyan lta bur rten cing 'brel bar 'byung bas grag par gyur ba'i chos nyid kyang 'khrug par mi byed de/ sgro 'dogs par yang mi byed la/ dbyangs kyi yan lag rnam pa tha dad pa la 'jug cing bslab pa la'ang shin tu bslabs pa yin/ 'di lta ste/ dper na/ lha'i dbang po brgya byin gyis lha'i bud med 'grogs ma'i kha'i dbugs kyis lan gcig bus pas| kha'i dbugs yan lag stong dang ldan pa 'byung ngo / /kha'i dbugs la rnam par rtog pa med kyang dbyangs kyi yan lag rnam pa stong du sgrog go /de bzhin du byang chub sems dpa' sems dpa' chen po yang rnam par mi rtog pa dang ldan pa'i dbyings la 'jug pa'i tshe/ dbyangs kyi yan lag mtha' yas pa rnam par bsgom pa la mkhas pas 'jig rten gyi khams mtha' dang dbus med par 'gro ba thams cad la phyir mi ldog pa'i chos kyi 'khor lo bskor ba la rab tu 'jug cing 'khor rnams la'ang rgya cher yang dag par ston to/ / </font><hr>Ga354a<br><font size=+1>


@#/ /lce shin tu yangs pa yang byin gyis rlob ste/ dbyangs chags pa med pa yang rab tu brjod do/ /zhing thams cad du 'gengs pa'i dbyangs kyang byin gyis rlob bo/ /sems can rnams kyis mtha' yas par khong du chud par yang byin gyis rlob bo/ /chos rnam par phye ba 'byams klas pa yang rab tu snang bar byed do| |dbyangs thams cad la 'jug pa med pa yang rab tu shes so/ /sgra rnam par dmigs pa yang rnam par dmigs pa med par rab tu shes so/ /dbyangs sna tshogs kyang rnam par 'god do/ /dbyangs kyi yan lag gi dkyil 'khor khong du chud pas kyang rab tu spyod de/ kye| rgyal ba'i sras dag /'di ni byang chub sems dpa' sems dpa' chen po rnams kyi sgra brnyan lta bu'i bzod pa thob pa ste bdun pa'o/ /kye| rgyal ba'i sras dag /byang chub sems dpa' sems dpa' chen po rnams kyi gzugs brnyan lta bu'i bzod pa thob pa brgyad pa gang zhe na/ kye| rgyal ba'i sras dag /'di la byang chub sems dpa' sems dpa' chen po 'jig rten nas shi 'pho ba med do/ /'jig rten du skye ba med do/ /'jig rten gyi nang na mi gnas so/ /'jig rten gyi phyi rol na mi gnas so/ /'jig rten du rgyu ba med do/ /'jig rten du rgyun chad pa med do/ /'jig </font><hr>Ga354b<br><font size=+1>


rten dang 'dres pa med do/ /'jig rten dang tha dad pa med do/ /'jig rten du 'gro ba med de/ /'jig rten las grol bar 'gro ba med do/ /'jig rten du gzhol bar 'gro ba med do/ /'jig rten las ldog pa med do/ /byang chub sems dpa' de nyid kyang 'jig rten ma yin te/ 'jig rten las 'das pa'ang ma yin no/ /byang chub sems dpa' spyad pa spyod pa'ang ma yin te/ smon lam chen po rgyun gcod pa'ang ma yin no/ /mang ba yang ma yin/ nyung ba yang ma yin te/ sangs rgyas kyi chos thams cad rdzogs par 'thob par bya ba la'ang don yod pa spyod do/ /'jig rten gyi bya ba thams cad kyang yongs su rdzogs par byed do/ 'jig rten gyi rgyud kyi rjes su 'brang ba'ang ma yin no/ /chos kyi rgyud thogs par byed pa'ang ma yin no/ /'di lta ste/ dper na/ gzugs brnyan ni nyi ma'am/ zla ba'am/ bud med dam/ skyes pa'am/ shing ngam/ ri'am/ gnas sam/ rtsig pa'am/ sa'am/ chu klung gi rgyud dam/ dngos po sna tshogs mtha' yas pa tshad med pa rnams kyi gzugs gang dang gang yod pa de dag thams cad rnam par dmigs par byed de/ chu'am/ til mar ram/ nor bu'am/ mching bu'am/ me long ngam/ gzhan yang yo byad kha dog dang ba/ mdog gsal ba gang yang rung ste/ de dag shin tu dang ba'i phyir de dag tu </font><hr>Ga355a<br><font size=+1>


@#/ /gzugs brnyan rnam par dmigs par byed kyang gzugs brnyan ni shin tu dang ba'i dbyings de dang 'dres pa yang med do/ /gzugs brnyan de de las gud na 'dug pa yang ma yin no/ /gzugs brnyan de de ltar rnam par dmigs pa dang yang 'grogs ba med do/ /dang pa'i dngos po de yang gzugs brnyan gyis dang 'grogs pa med do/ /gzugs brnyan de chu klung gi rgyun gyis kyang khyer bar mi nus so/ /gzugs brnyan de chu bo'i rgya mtshor 'chi bar yang mi 'gyur ro/ /dang ba sna tshogs de dag gis kyang gzugs brnyan de la gos par mi 'gyur te/ de dag tu gzugs brnyan rnam par dmigs pa'ang yod cing / de dag gis gzung ba 'dra yang gzugs brnyan gang du dmigs par gyur pa des de'i tshe gzung ba med do/ /gzugs brnyan de ni ring bar yang snang nye bar yang snang ste/ de ltar ring ba dang nye bar yang med do/ /de bzhin du byang chub sems dpa' sems dpa' chen po yang rang gi ye shes kyi dkyil 'khor gzhan gyi rgyud kyi yul du snang bar byed kyang / 'di ni gzhan gyi rgyud do/ /'di ni bdag gi ye shes kyi rgyud do/ /'di ni bdag gi ye shes kyi dkyil 'khor to zhes gnyis su mi byed do/ /bdag gi yul dang gzhan gyi yul rnam par dbye ba'ang rab tu shes so/ /'di lta ste/ dper na/ sa bon du gyur pa ni shin tu </font><hr>Ga355b<br><font size=+1>


'phel zhing skye ba yin te/ chu ba dang / lo ma dang / sbu gu'i gnas su gyur nas rnam par dbye ba'ang yod do/ /de bzhin du byang chub sems dpa' sems dpa' chen po yang chos nyid mi gnyis pa la gnyis kyis mtshan nyid mi mthun pa'i ye shes la chags pa med pa'i mtha'i tshul gyis rab tu 'jug go /kye| rgyal ba'i sras dag /'di ni byang chub sems dpa' sems dpa' chen po rnams kyi gzugs brnyan lta bu'i bzod pa thob pa ste brgyad pa'o/ /bzod pa de dang ldan pa'i byang chub sems dpa' sems dpa' chen po ni sangs rgyas kyi zhing bsam gyis mi khyab pa dag tu 'gro ba yang med la/ sangs rgyas kyi zhing brjod du med pa dag tu'ang snang ngo / /'jig rten gyi khams gang nas kyang g.yo ba med cing / 'jig rten gyi khams gang du'ang 'gro ba med la/ lus kyi dkyil 'khor gzugs brnyan du gyur pa yang kun tu rnam par dmigs par byed de/ rjes su song ba'i lus kyang 'jig rten thams cad du phyin par byed do/ /lus rnam par phye ba chags pa med pas spyod pa'ang rab tu shes so/ /gang yang 'jig rten na 'jig rten gyi mtshan ma dang / 'jig rten dong skom yod pa de dag 'dres pa'ang ma yin/ tha dad pa yang ma yin par rab tu shes so/ /de bzhin gshegs pa'i rigs su rigs dang ldan par byung ba'i lus dang ngag dang yid </font><hr>Ga356a<br><font size=+1>


@#/ /rnam par dag pa yang rab tu 'thob bo/ /kha dog mtha' yas pa'i lus thams cad rnam par dag pa yang rab tu thob bo/ /kye|rgyal ba'i sras dag| byang chub sems dpa' sems dpa' chen po rnams kyi sprul pa lta bu'i bzod pa thob pa gang zhe na/ kye| rgyal ba'i sras dag /'di la byang chub sems dpa' sems dpa' chen po 'jig rten thams cad sprul pa lta bur rab tu 'jug ste/ sems can thams cad kyi bsam pas sprul pa dang / bsams te sprul pa dang / 'jig rten gyi khams mngon par 'du byed pas sprul pa dang / rnam par rtog pas sprul pa dang / bde ba dang sdug bsngal thams cad kyi phyin ci log gis sprul pa dang / sgro btags pas sprul pa dang / 'jig rten gyi chos thams cad med pas sprul pa dang / tshig gi lam gyi byin gyi rlabs kyis sprul pa dang / nyon mongs pa thams cad kyi yongs su rtog pas sprul pa dang / 'du shes kyis sprul pa dang / 'di lta ste/ 'dul ba rnam par byang bar bya ba dang / rnam par dag par bya ba'i yongs su rtog pas sprul pa dang / 'di lta ste/ dus gsum du phyir mi ldog pas sprul pa mnyam pa nyid kyis byung ba med pa dang / 'di lta ste/ byang chub sems dpa'i smon lam gyis sprul pa spyod pas yangs par byas pa dang / 'di lta ste/ </font><hr>Ga356b<br><font size=+1>


de bzhin gshegs pa'i thugs rje chen pos sprul pa dang / 'gro ba thams cad la bstabs par rnam par bkod pa dang / 'di lta ste/ chos kyi 'khor lo dang / thabs mkhas pa'i ye shes kyis sprul pa mi 'jig pa dang / tha dad pa yang dag par shes pa'i ye shes kyis 'jug par rab tu shes te/ de ltar byang chub sems dpa' sems dpa' chen po 'jig rten pa dang / 'jig rten las 'das pa'i sprul pa rab tu shes par byed do/ /khong du chud par byed do/ /rtogs par byed do/ /yangs par byed do/ /mtha' dang dbus dang / mu med par ji ltar bskyed pa bzhin du thob par byed do/ /grub par byed do/ /dbang du byed do/ /de kho na nyid du shes so/ /yang dag pa nyid las mi g.yo bar byed do/ /yang dag par lta'o/ /ji ltar spyod pa bzhin du chud mi za bar byed do/ /'di lta ste/ dper na/ sprul pa ni sems las mi 'byung ste/ sems kyi chos las ma byung / las kyis bsgrubs pa ma yin /rnam par smin pa'i rjes su 'brang ba ma yin/ 'jig rten du skyes pa ma yin/ 'jig rten du 'gag pa ma yin/ chos kyi rjes su snyegs pa ma yin |chos thob par byed pa ma yin/ ring du gnas pa ma yin/ yud tsam du gnas pa ma yin/ 'jig rten na spyod pa ma yin/ 'jig rten las 'das pa ma yin/ phyogs </font><hr>Ga357a<br><font size=+1>


@#/ /su 'gro ba ma yin/ phyogs la gzhol ba ma yin/ tshad yod pa ma yin/ tshad med pa ma yin/ skyo ba ma yin/ skyo ba med pa ma yin/ rgyun chad pa ma yin/ rgyun mi 'chad pa ma yin/ 'phags pa ma yin/ so so'i skye bo ma yin/ kun nas nyon mongs pa ma yin/ rnam par byang ba ma yin/ shi 'phos pa ma yin/ skyes pa ma yin/ shes pa ma yin/ mi shes pa ma yin/ snang ba ma yin/ 'jig pa ma yin/ 'jig rten la gnas pa ma yin/ chos kyi dbyings la gzhol ba ma yin / mkhas pa ma yin/ shes rab 'chal pa can ma yin/ nye bar len pa ma yin/ nye bar mi len pa ma yin/ 'khor ba ma yin/ mya ngan las 'das pa ma yin/ yod pa ma yin/ med pa ma yin no/ /de bzhin du byang chub sems dpa' sems dpa' chen po yang 'phrul pa'i byin gyis rlabs la mkhas pas/ 'jig rten na byang chub sems dpa'i spyad pa spyod de/ 'jig rten gyi chos la lta zhing / bdag mngon par sprul pa byed kyang 'jig rten gyi sprul pa la mngon par chags pa med do/ /bdag gi sprul pa mngon par chags pa med do/ /bdag dang 'jig rten gyi mngon par sprul pa la yongs su rtog pa med do/ /'jig rten la gnas pa med do/ /'jig rten rgyun gcod pa med do/ / </font><hr>Ga357b<br><font size=+1>


chos la gnas pa med do/ /chos kyi dbang du 'gro ba ma yin no/ /sems can gyi khams kyang rdul tsam yang 'dul ba med do/ /sems can gyi khams smon lam las yongs su spong ba med do/ /chos de dag la rtog pa med do/ /rnam par rtog pa med do/ /chos de dag la len pa med do/ /chos de dag la 'dor ba med do/ /sangs rgyas kyi chos yod pa ma yin pa de dag kyang yongs su rdzogs par byed de/ chos de dag kyang yod pa'ang ma yin/ med pa yang ma yin no/ /ji ltar sprul pa de yod pa yang ma yin/ med pa ma yin pa de bzhin du byang chub sems dpa' sems dpa' chen po yang sprul pa lta bu'i bzod pa la gnas shing / sangs rgyas thams cad kyi byang chub kyang yongs su rdzogs par byed do/ /sems can gyi don kyang rab tu byed do/ /kye| rgyal ba'i sras dag /'di ni byang chub sems dpa' sems dpa' chen po rnams kyi sprul pa lta bu'i bzod pa thob pa ste dgu pa'o/ /bzod pa de dang ldan pa'i byang chub sems dpa' sems dpa' chen po ni sangs rgyas kyi zhing thams cad la mi gnas pa yin te/ ji ltar sprul pa de 'jig rten gyi khams thams cad la mi gnas par spyod cing sangs rgyas kyi chos thams cad la rnam par rtog pa med par spyod pa dang / ji ltar sprul pa de sangs rgyas kyi byang chub dang / byang chub sems dpa'i spyod pa thams cad la dub </font><hr>Ga358a<br><font size=+1>


@#/ /pa med par spyod pa dang / ji ltar sprul pa de phyin ci log med cing lus su dmigs pa thams cad la lus med par spyod pa dang / ji ltar sprul pa de byin gyi rlabs kyis gzugs kyi rnam pa thams cad kyi gzugs la mi gnas par spyod pa dang / ji ltar sprul pa de rang bzhin snang ba'i tshul du yang dag pa'i mtha' mnyam pa nyid yongs su rdzogs par byed pa dang / ji ltar sprul pa de chos thams cad la rnam par grol ba'i chos gnas med par spyod pa dang / ji ltar sprul pa de gnas med pa'i rang bzhin dang / chos thams cad kyi tshul gyi rnam par byang ba la spyod pa dang / ji ltar sprul pa de de bzhin gshegs pa thams cad kyi 'khor du/ cho 'phrul gyis nye bar 'gro zhing 'gro ba med par spyod pa dang / ji ltar sprul pa de khor yug dang / ri rab thams cad la snang ba bzhin no/ /kye| rgyal ba'i sras dag /byang chub sems dpa' sems dpa' chen po rnams kyi nam mkha' lta bu'i bzod pa thob pa bcu gang zhe na/ kye| rgyal ba'i sras dag /'di la byang chub sems dpa' sems dpa' chen po nam mkha' ji lta ba de ltar mtshan nyid med pa'i tshul gyis chos kyi dbyings thams cad la 'jug go /nam mkha' ji lta ba de ltar zhing thams cad bsgrub pa med pa'i tshul gyis 'jig rten gyi khams </font><hr>Ga358b<br><font size=+1>


thams cad la 'jug go /nam mkha' ji lta ba de ltar gnyis su med pa'i tshul gyis chos thams cad la 'jug go /nam mkha' ji lta ba de ltar 'jug pa med pa'i tshul gyis sems can thams cad kyi spyod pa la 'jug go /nam mkha' ji lta ba de ltar rnam par dbye ba med pa'i tshul gyis sangs rgyas thams cad la 'jug go /nam mkha' ji lta ba de ltar tha dad pa med pa'i tshul gyis de bzhin gshegs pa rnams kyi stobs thams cad la 'jug go /nam mkha' ji lta ba de ltar sngon gyi mtha' dang / phyi ma'i mtha' dang / da ltar byung ba'i tshul gyis bsam gtan thams cad la rab tu 'jug go /nam mkha' ji lta ba de ltar brjod du med pa'i tshul gyis chos thams cad yang dag par bstan pa la 'jug go /nam mkha' ji lta ba de ltar chags pa med cing bsgribs pa med pa'i tshul gyis de bzhin gshegs pa thams cad kyi sku la 'jug go /nam mkha' ji lta ba de ltar nam mkha'i dbyings kyi tshul gyis chos thams cad bsal ba med pa la 'jug go /de ltar byang chub sems dpa' sems dpa' chen po nam mkha' lta bu'i chos thams cad la de lta bu'i bzod pa las byung ba'i ye shes kyis 'jug pa'i tshe/ lus nam mkha' lta bur rab tu 'thob bo/ /nam mkha' lta bu'i lus kyi las rab tu 'thob bo/ /nam mkha' lta bu'i ngag rab tu </font><hr>Ga359a<br><font size=+1>


@#/ /'thob bo/ /nam mkha' lta bu'i ngag gi las rab tu 'thob bo/ /nam mkha' lta bu'i yid rab tu 'thob bo/ /nam mkha' lta bu'i yid kyi las rab tu 'thob bo/ /'di lta ste/ dper na/ nam mkha' ni chos thams cad dang ldan te/ 'chi 'pho ba yang med do/ /skye ba yang med do/ /de bzhin du byang chub sems dpa' sems dpa' chen po yang chos thams cad kyi lus dang ldan te/ 'chi 'pho ba yang med do/ /skye ba yang med do/ /'di lta ste/ dper na/ nam mkha' ni gzhi med do| |tha dad pa med do/ /de bzhin du byang chub sems dpa' sems dpa' chen po yang chos thams cad shes pas gzhi med do/ sangs rgyas thams cad kyi stobs rnams dang / tha mi dad do/ /'di lta ste/ dper na/ nam mkha' ni 'jig rten thams cad kyi gzhi ste/ rang bzhin med pa dang / yul med pas gzhi'ang ma yin no/ /de bzhin du byang chub sems dpa' sems dpa' chen po yang chos thams cad kyi gzhi yin te/ chos thams cad kyi rang bzhin med pas gzhi'ang ma yin no/ /'di lta ste /dper na| nam mkha' ni skye ba med cing / 'gag pa med kyang 'jig rten thams cad kyi skye ba dang / 'gag pa 'dzin to/ /de bzhin du byang chub sems dpa' sems dpa' </font><hr>Ga359b<br><font size=+1>


chen po yang 'jug pa yang med/ yongs su rdzogs pa yang med de/ 'jig rten thams cad kyi rnam par dag pa yang rab tu ston to/ /'di lta ste/ dper na/ nam mkha' ni phyogs kyang ma yin/ phyogs mtshams kyang ma yin te/ phyogs rgya mtsho mtha' yas pa la'ang yang dag par gzhol lo/ /de bzhin du byang chub sems dpa' sems dpa' chen po yang las kyang ma yin/ rnam par smin pa yang ma yin te/ las dang rnam par smin pa rgya mtsho yang yongs su ston to/ /'di lta ste/ dper na/ nam mkha' ni ldang ba med cing 'dug pa med de/ rnam par phye ba mtha' yas pa'ang yongs su ston to/ /de bzhin du byang chub sems dpa' sems dpa' chen po yang / spyod pa yang med/ gnas pa yang med de/ spyod pa rnam par phye ba yang yongs su ston to/ /'di lta ste/ dper na/ nam mkha' ni kha dog kyang ma yin/ kha dog med pa yang ma yin te/ kha dog gi rnam pa'ang yongs su ston to/ /de bzhin du byang chub sems dpa' sems dpa' chen po yang 'jig rten gyi kha dog kyang ma yin/ 'jig rten las 'das pa'i kha dog kyang ma yin te/ kha dog mtha' yas pa'ang yongs su ston to/ /'di lta ste/ dper na/ nam mkha' ni ring du gnas pa'ang ma yin/ yud tsam gcig tu gnas pa yang ma yin te/ gnas pa dang yongs su gnas pa'ang </font><hr>Ga360a<br><font size=+1>


@#/ /rab tu ston to/ /de bzhin du byang chub sems dpa' sems dpa' chen po yang ring du gnas pa yang ma yin/ yud tsam gcig tu gnas pa yang ma yin te /byang chub sems dpa'i spyod pa la gnas pa dang / yongs su gnas pa yang rab tu ston to/ /'di lta ste/ dper na/ nam mkha' ni kun nas nyon mongs pas nyon mongs par gyur pa'ang med la/ rnam par byang bas rnam par byang bar gyur pa'ang med do/ /de bzhin du byang chub sems dpa' sems dpa' chen po yang 'jig rten la 'jug pas bsgribs pa yang med/ rnam par dag cing gsal bar gyur pa'ang med do/ /'di lta ste/ dper na/ nam mkha' ni 'jig rten thams cad kyi mngon sum du gyur pa yin te/ 'jig rten thams cad ni nam mkha'i mngon sum du gyur pa ma yin no/ /de bzhin du byang chub sems dpa' sems dpa' chen po yang chos thams cad la mngon sum du gyur pa ste / byang chub sems dpa' ni chos thams cad kyi mngon du gyur pa ma yin no/ /'di lta ste/ dper na/ nam mkha' ni gnas thams cad la rab tu gzhol ba yin te/ nam mkha'i mtha' ni yod pa ma yin no/ /de bzhin du byang chub sems dpa' sems dpa' chen po yang chos kyi gnas thams cad la gnas te/ byang chub kyi sems ni mtha' yod pa ma </font><hr>Ga360b<br><font size=+1>


yin no/ /de ci'i phyir zhe na/ de ni bdag nyid nam mkha' dang mnyam par byas te yongs su bsgoms pa dang / rnam par sbyangs pa dang / shin tu bsgrubs pa dang / mnyam pa nyid du byas pa dang / rgyud kyi tshul gcig tu byas pa dang / ro gcig tu byas pa dang / tshad gcig tu byas pa dang / nam mkha' lta bur dag pa'i kha dog tu byas pa dang / thams cad du 'gro bar byas pa'i phyir ro/ /chos thams cad la yang dag par sems pa dang / khong du chud par byed pa dang / chos thams cad tha mi dad pa rab tu 'thob par byed pa dang| zhing thams cad du 'gro bar bsgrub pa dang / lus thams cad la gnas pa med pa yongs su rdzogs par byed pa dang / phyogs thams cad la rmongs pa med pa khong du chud par byed pa dang / stobs thams cad tha mi dad par sgrub pa dang / yon tan thams cad yul mtha' yas par yongs su rdzogs par byed pa dang / chos thams cad kyi 'byung gnas rab tu thob par byed pa dang / dpag tu med pa thob par byed pa dang / rdo rje ltar brtan pa la rab tu gzhol ba dang / dbyangs kyi yan lag tshad med pa thams cad mngon par sgrub pa dang / 'jig rten thams cad du phyin cing chos kyi 'khor lo yongs su mi gtong ba'i phyir ro/ /kye| rgyal ba'i sras dag /'di ni byang chub sems dpa' sems dpa' chen po rnams kyi nam mkha' lta bu'i </font><hr>Ga361a<br><font size=+1>


@#/ /bzod pa thob pa ste bcu pa'o/ /bzod pa de dang ldan pa'i byang chub sems dpa' sems dpa' chen po de ni/ 'gro ba med pa'i tshul du 'gro ba med pa'i lus rab tu 'thob bo/ /'gag pa med pa'i tshul du skye ba med pa'i lus rab tu 'thob bo/ /'jig pa med pa'i tshul du 'pho ba med pa'i lus rab tu 'thob bo/ /ji ltar mthong ba ma yin pa'i tshul du bden pa med pa'i lus rab tu 'thob bo/ /mtshan nyid med pa'i tshul du mtshan nyid gcig pa'i lus rab tu 'thob bo/ /sangs rgyas kyi stobs tshad med pa'i tshul du tshad med pa'i lus rab tu 'thob bo/ /de bzhin nyid kyi mtshan nyid kyi tshul du mnyam pa nyid kyi lus rab tu 'thob bo/ /dus gsum mnyam pa nyid khong du chud cing bzod pa'i tshul du tha mi dad pa'i lus rab tu 'thob bo/ /mnyam pa nyid kyi mig rnam par dag pas bsgribs pa med pa'i tshul du thams cad du 'gro ba'i lus rab tu 'thob bo/ /chos thams cad ldan pa dang mi ldan pa med pa'i tshul du 'dod chags dang bral ba'i mtha'i lus rab tu 'thob bo/ /bsod nams zad mi shes pa'i tshul du nam mkha' ltar mtha' dang mu med pa rab tu 'thob bo/ /chos thams cad nam mkha'i rang bzhin gyi mtshan nyid kyis mtshan nyid gcig pa'i tshul du chos nyid mnyam pa nyid </font><hr>Ga361b<br><font size=+1>


thob pas zad mi shes shing thogs pa med pa rab tu 'thob bo/ /nam mkha' ltar thogs pa med pa'i tshul du dbyangs mtha' yas shing tshad med pa rab tu 'thob bo/ /nam mkha' ltar thams cad la thogs pa med pa'i tshul du byang chub sems dpa'i spyod pa thams cad la mkhas pa yongs su rdzogs shing rnam par dag pa rab tu 'thob bo/ /nam mkha' ltar rgyun chad pa med pa'i tshul du sangs rgyas kyi chos rgya mtsho gcig nas gcig tu brgyud pa tshad med pa thams cad rab tu 'thob bo/ /nam mkha' ltar tshad med cing mthar thug pa med pa'i tshul du sangs rgyas kyi zhing thams cad tshad med pa'i zhing du byin gyis rlob pa rab tu 'thob bo/ /nam mkha' rgya mtsho'i tshul du chos thams cad kyi rnam par 'phrul pa rgyun mi 'chad par yang dag par ston pa yang yongs su rdzogs par 'gyur ro/ /nam mkha' ltar 'jig rten thams cad 'dzin pa'i tshul du lus thams cad 'jig pa med cing shin tu brten pa yongs su rdzogs par 'gyur ro/ /'jig rten gyi gdung ba thams cad kyis nam mkha' 'tshig par mi 'gyur ba'i tshul du rdo rje ltar sra zhing brtan la rno ba'i dbang po yongs su 'grub par 'gyur ro/ /nam mkha' lta bu'i ye shes kyi byin gyi rlabs kyi tshul du 'jig rten thams cad rab tu 'dzin pa'i stobs la yang dag par 'byung ngo / /kye| rgyal ba'i </font><hr>Ga362a<br><font size=+1>


@#/ /sras dag /'di dag ni byang chub sems dpa' sems dpa' chen po rnams kyi bzod pa thob pa bcu'o/ /de nas byang chub sems dpa' sems dpa' chen po kun tu bzang pos don 'di nyid de bas kyang gsal bar bstan pa'i phyir/ byang chub sems dpa' de dag la tshigs su bcad de smras pa/ ji ltar skyes bu la la zhig /rin chen 'byung gnas thos gyur nas/ /nor tshogs chen po bsags don du/ /rab tu dga' ba skye ba yin/ /de bzhin shes rab che ldan pa'i/ /byang chub sems dpa' rgyal sras rnams/ /de bzhin gshegs pa'i chos kyi mtshan/ /zab cing zhi ba rab tu nyan/ /zab pa'i chos ni thos gyur cing / /de dag yid ni 'jigs mi 'gyur/ /de dag sems la sdang ba med/ /skrag pa skye bar mi 'gyur ro/ /rgya chen dbyangs ni thos gyur nas/ /bzod pa'i dbyangs kyis byang chub tu/ /shes rab chen po yang dag 'jug /de la the tshom skye ba med/ /bdag ni thams cad mkhyen par bya/ /bdag ni mi yi mgon du bya/ /chos rab shin tu zab pa rnams/ /bdag gis sgra yi sgo nas thos/ /sgra yi rjes su 'brang bas ni/ /dga' ba'i dam pa mi 'thob ces/ /de bzhin gshegs pa'i chos don du/ /de yi mos pa brtan pa skye/ /bsam pa byang chub sems rab kyis/ /'dus shing </font><hr>Ga362b<br><font size=+1>


yongs su sgom pa byed/ /chos rnams 'khrug par mi byed de/ /de yi dad pa rnam par 'phel| /des ni sgra rjes 'gro ba yi/ /bzod pa rab tu 'thob par 'gyur/ /spyod la shin tu brtson byed cing| |dbyangs kyi bzod la rab tu gnas/ /chos kyi 'byung gnas yin pas na/ /shin tu brtson pa rab tu tshol/ /brtson 'grus ldog par mi byed de/ /sangs rgyas byang chub sgrub pa byed| |dbyangs tsam gyis ni gnas byed pas/ /byang chub sems dpa' bag tsha med/ /dbyangs kyis mos pa rab tu 'thob/ /des ni rgyal ba mnyes par byed/ /skyes bu la la bsod nams rgyas gyur pas/ /gser gyi 'byung gnas chen po rnyed gyur nas/ /brgyan pa'i gnas kyi rgyan du rab sbyangs nas/ /de dag lus dang mthun pa'i rgyan du byed/ /de bzhin mkhas pas chos kyi phul thos na/ /sems dang blo yangs rgya mtshor bsgyur byas shing / /ji ltar sngon thos chos rnams rtog par byed/ /mi mthun tshul du chos la tshol mi byed/ /de dag rtogs nas shin tu mthun par spyod/ /rnam par mi sgom chos ni gang yang med/ /de dag chos rnams ji bzhin mthun byed cing / /de bzhin de ni chos rnams khong du chud par byed/ /mkhas pa'i sems ni rnam dag skyer 'gyur te/ /dga' ba'i sems yid rnam dag gsal ba skye/ /chos kyi yid la bdag nyid che ba brtson/ /rten cing 'brel 'byung chos la rab tu 'jug /chos rnams </font><hr>Ga363a<br><font size=+1>


@#/ /mnyam pa nyid la de brtson te/ /dngos po rnam par bsgom la mngon par brtson/ /rgyal ba'i mdzod dang 'gal bar mi byed de/ /chos rnams mi mnyam med par rab tu shes/ /de ni bsam pa mthar thug rab brtan pas/ /rgyal ba'i byang chub ji bzhin rab tu spyod/ /ri rab bzhin du mi g.yo brtan pa yis/ /de yi bsam pa byang chub mchog la rten/ /mnyam gzhag sems dang ldan pas de brtson te/ /brtson 'grus ldan pa'i yid kyis rab tu spyod/ /bskal pa stong du spyad pa spyod byed kyang / /de yi brtson 'grus 'jig par mi 'gyur ro/ /'di dag chos la yang dag de 'jug ste/ /rgyal ba'i rtogs bya'i gting yang rab tu rnyed/ /chos nyid zhi ba rab tu thob gyur pas/ /de la 'jums pa'i yid byed gang yang med/ /dpe zla med pas ji skad gsungs pa ltar/ /de ni chos rnams mnyam pa nyid du byed/ /mi mnyam tshul du bzod pa mi skyed de/ /ye shes mnyam nyid yongs su rdzogs par sgrub/ /bde bar gshegs pas mthun par gang gsungs pa/ /de dag bzod pa'i sgo nas rab tu 'grub/ /chos rnams 'jig dang ldan pa ma yin te/ /chos nyid ji bzhin de 'dra rab tu shes/ /lha gnas 'di lha'i bu rnams 'dir 'dus dang / /sum cu rtsa gsum gnas su lha rnams skyes gyur pa/ /de dag zil </font><hr>Ga363b<br><font size=+1>


mngar sna tshogs rnam pa gzhan dang gzhan/ /de dag 'khor ba'i snad gcig mngon spyod zad gyur na/ /zil mngar zhim pa de dag 'ongs pa ma yin te/ phyogs bcu kun nas zil mngar stobs pa med/ /las rnams ji lta ji bzhin lha rnams de ltar za/ /de la skye ba med de bza' ba med pa min/ /de bzhin byang chub sems dpa'i sems rab mngon skyes kyang / /de la rdul cha'i chos kyang skyes par gyur pa med/ /ma skyes gang yin chos de nam yang 'gag pa med/ /dam pa'i chos kyi rkyen brten mkhas pa rab tu bzhugs/ /ma 'gags gang yin mi zad chos rgyud de dang de/ /chos nyid 'di yi tshul la rab tu gnas pa yin/ /tha dad med pa'i chos dbyings 'di la rab tu 'jug /'jig rten tha dad med pa'i rgyud kyi tshul yang shes/ /de bzhin nyid mnyam 'jig rten zhi ba'i gzhir gyur pa/ /gzhi med tha dad med pa'i yang dag mtha' shes te/ smon lam rdo rje'i rang bzhin 'gro la phan phyir 'debs/ /rgyal sras de ni bde gshegs mkhyen la'ang mngon chags med/ /de ni dben gzhol sangs rgyas chos rnams ston pa byed/ /chos kyi shugs las 'on kyang g.yo bar 'gyur ba med/ /brda dang grangs kyi tshul gyis mngon par 'du byed de/ / 'jig rten snying brtser smon lam dam pa rab tu 'debs/ /smon lam 'debs la gnas kyang stobs bcu ldan pa ste/ /'gro ba ma lus kun la de ni gnas pa med/ /mkhas pa'i ye shes </font><hr>Ga364a<br><font size=+1>


@#/ /yongs su len dang 'dor ba spangs/ /chos dang chos kyi man ngag rnam pa'i tshul la mkhas/ /'di ni bzod pa'i dam pa ma skyes chos can te/ /des ni chos rnams zad med zad par mi 'gyur ro/ /mi skye'i tshul gyis yongs su gdams bya'i chos kyi dbyings/ /de bzhin nyid las brtan pa rnam par 'gyur ba med/ /rgyal sras byang chub don du bzod pa 'di gnas pa/ /de la phyogs kun sangs rgyas mtha' yas lung yang ston/ /rgyal sras de la sangs rgyas mkhyen pas dbang bskur mdzad/ /phyogs bcu kun nas rab tu snang bar mngon du gnas/ /de dag chos kun rab zhi rtag tu zhi ba'i sems/ /mngon par sgrub cing dge ba kun la 'gro ba 'god/ /dus gsum chos rnams kun gyi mtshan nyid de 'dra bas/ /mtshan rnams yongs su dag byas sems can 'dul ba byed/ /sgyu ma lta bu'i chos rnams nges par sus rtogs pa/ /de dag 'jig rten sna tshogs du ma rtogs byed cing / /'jig rten sna tshogs sgyu tshul yang dag rtogs byas nas/ /las yangs shin tu bsags pas rnam pa sna tshogs pa/ /sems las las kyi rnam pa du ma 'byung bar 'gyur/ /de bas 'jig rten sems de sgyu ma lta bur bstan/ /de dag rnam brtags sgyu ma 'dra bas nub par 'gyur/ /srid pa'i lam rgyud ma lus sgyu 'dra </font><hr>Ga364b<br><font size=+1>


yang dag min/ /ji ltar sgyu ma'i rnam pa byin rlabs byas pa'i gzugs/ /lam gyi bzhi mdor 'jig rten phal gyi nang bstan pa/ /'gro bas mthong na de la kun kyang mos pa skyed/ / sgyu mas 'jig rten las ni gang yang 'grub mi 'gyur/ /de bzhin 'gro ba ji snyed gang rnams yod pa dag /sgyu ma'i rang bzhin lta bu ma skyes chos nyid de/ /dngos yod dngos med de bzhin yod dang med pa dang / /skal pa mi mnyam tshul gyis gro rgyud rab tu ston/ /sgyu ma'i tshul rnams shes nas sems can yongs su 'grel/ /sgyu ma lta bu'i yin par sems can khong du chud/ /sems can sgyu 'dra de bzhin sgyu ma sems can 'dra/ /sems can med cing sgyu ma 'dra bar 'jig rten shes/ /sems can zhing dang chos dang de bzhin dus gsum dang / /'jig rten thams cad sgyu ma'i rnam par rab tu 'byed/ /sgyu ma'i rnam pa lta bur chos rnams rab rtogs pas/ /'jig rten ma lus 'di dag sgyu ma'i rnam par shes/ /skyes pa dag dang de bzhin bud med rogs pa dang / /bu mo de bzhin rnam par dul ba nye bar rton/ /glang po rta dang ba lang phyugs dang shing rnams dang / /me tog 'bras bu bzang dang ldan pa'i mtsho yang ston/ /thabs kyi rnam pa sna tshogs mang bar sgyu ma'i sems/ /sna tshogs gnas la'ang sgyu ma yongs su gnas pa med/ /sgyu ma dben la gzhol zhing shin tu zhi ba yang / /'jig </font><hr>Ga365a<br><font size=+1>


@#/ /rten rnam par rtog pa sna tshogs mang po ston/ /de bzhin rgyal sras btsun pa rigs dang ldan pa rnams/ /'jig rten sgyu ma sna tshogs ji bzhin ston par byed/ /sgom dang rnam par sgom pa'i dngos po'i sems kyang med/ /dngos po dngos med sgyu ma ji bzhin rab tu shes/ /zhing dang sems can chos kyi rnam pa mang por bcas| |las rnams sna tshogs rnam pas yongs su bsags pa la/ /gnas par mi byed mngon par chags pa de bzhin med/ /chags med mtha' yi sgyu ma'i tshul ni des shes so/ /de ltar rgyal sras mkhas pa rnams/ /rab tu zhi la dga' zhing spros pa med pa ste/ /gnas med sa dang yang dag ldan/ /chos dbyings gnas la de dag rab tu zhugs/ /de na chos nyid rtogs pa ste/ /brtan pa de dag rgyal ba'i sku skyes sras yin no/ /'du shes rgyu la mkhas pa ste/ /'gro ba thams cad 'du shes 'dra bar shes// smig rgyu'i 'du shes 'dra ba ste/ /'gro ba thams cad de ltar 'du shes phyin ci log /'du shes rnam phye mkhas pa ste/ /de ni 'gro kun 'du shes spangs pa yin/ /sems can sna tshogs khong du chud/ /'jig rten kun gyi sna tshogs rnam pa kun dang bral/ /'jig rten 'du shes rab tu shes so/ /'jig rten 'du shes med min 'du shes ldan/ / </font><hr>Ga365b<br><font size=+1>


phyogs rnams 'du shes 'dra ba ste/ /sems can mtha' yas 'du shes rnam pa sna tshogs yin/ /ma nor mig dang ldan pa rnams/ /'jig rten sna tshogs 'du shes rab tu mthong| |'jig rten smig rgyu 'dra ba ste/ /'du shes sna tshogs rnam pas 'jig rten rnam par bkod/ /'jig rten 'du shes gnas pa ste/ /de dag phyin ci log gsum rnam par spangs/ /ji ltar smig rgyu'i tshogs kyi rnams/ /'gro ba rnams la chu yi rnam pa dmigs par snang / /de la chu ni yod min yang / /chu yi 'du shes rnam par rab tu bslu| |de bzhin 'jig rten thams cad kyang / khams gsum lam rgyud rnam pa sna tshogs mtha' yas te/ /'du shes rnam pa smig rgyu bzhin/ /chags med yid ldan spyod yul mtha' yas so/ /'du shes thams cad rnam par spangs/ /chags med ye shes ldan zhing spros pa med pa rnams/ /'gro ba 'du shes chags gyur pa/ /'du shes bslus las brten pa 'grel par byed/ /nga rgyal rlom dang dregs pa spangs/ /'du shes thams cad bsal cing 'jig rten 'dren pa byed/ /mi zad zad pa rtogs pa rnams/ /bden pa zad mi shes kyi tshul 'di yin/ /'jig rten 'di dag thams cad rmi lam lta bur khong du chud/ /chos rnams thams cad rmi lam ngo bo nyid du rab tu rtogs/ /rmi lam de dag </font><hr>Ga366a<br><font size=+1>


@#/ /yul la mi gnas phyogs la'ang mi gnas te/ /rmi lam lta bur 'jig rten rab tu zhi la de dag gzhol/ /rmi lam rang bzhin mkhas shing rnam par rtog med chos dang ldan/ /rmi lam rtogs pa'i yid ldan sems la 'gyur ba gang yang med/ /'jig rten kun tu rmi lam lta bur shin tu rgyu zhing spyod/ /dus gsum ma lus thams cad sgyu ma lta bu'i tshul du rtogs/ /rmi lam shi 'phor 'gyur ba med cing skye ba de bzhin med/ /rmi lam phyogs rnams kun na yod pa ma yin med pa min/ /khams gsum rmi lam lta bu 'di la rnam rtog med byas shing / /rmi lam shin tu rtogs mkhas de dag sems la bcings pa med/ /'gro ba rmi lam rang bzhin 'dra la de dag mi gnas te/ /'jig rten 'gro ba rnam par dben la de dag brten pa med/ /'jig rten rnam la mi rtog de bzhin rnam pa rtog pa med/ /rmi lam rtogs shing mkhas pa'i bzod pa'i sa ni 'di yin no| |rmi lam 'gro ba rnams ni rnam pa sna tshogs du ma snang / /tha dad rnam pa gzhan dang gzhan du bye brag rnam pa mang / /de bzhin ye shes zla bas 'gro ba thams cad rnam par mthong / /rmi lam sgra dang 'dra bar de dag rnam par rtog pa med/ /rmi lam lta bu'i tshul gyis rnam pa brtan pas rab tu rtogs/ /de dag rmi lam mtshan nyid rnam 'das </font><hr>Ga366b<br><font size=+1>


skal pa mnyam pa min/ /rmi lam de dag gcig pa ma yin nam yang mang pa min/ /rmi lam rnam bkod rnam par 'gro ba thams cad rab tu shes/ /de dag sems can thams cad rmi lam 'dra ba'i chos can dang / /zhing rnams thams cad rmi 'dra de bzhin chos rnams rmi 'dra kun/ /ji ltar nyon mongs de bzhin rnam par byang ba rab tu shes/ /'jig rten rmi 'dra de la rnam par rtog pa gang yang med/ /rmi lam lta bu'i spyod pas yang dag grub par gyur pa rnams/ /rmi lam lta bu'i smon lam rnam pas gnas pa med pa dag / rmi lam lta bu'i chos rnams kun la gnas 'cha' mi byed de/ /'jig rten rmi lam 'dra la khyab par byed pa gang yang med/ /'jig rten 'di dag rmi lam lta bur byung bar shes shing dag /rmi lam tshul rtogs 'gro ba kun tu mi 'jigs chos dang ldan/ /rmi lam bzhin spyod ldan pas 'jig rten kun tu chud mi za/ /ring thung kun kyang rmi lam brgyud bzhin de dag rab tu shes/ /'di ni rmi lam lta bu'i yid ldan rnams kyi bzod pa ste/ /rmi lam lta bus 'jig rten sems can rab tu 'dren par byed/ /sems can rnams kyi bsam pa rtogs byas chags med ye shes can/ /sems la bcings med 'gro ba khrag khrig yongs su 'grel ba byed/ /de ltar byang chub sems dpa'i spyod pa </font><hr>Ga367a<br><font size=+1>


@#/ /rgya che mtha' yas pa/ /chos rnams mngon rab bsgrub pa yangs pa khong du chud byed/ /chos kyi chos nyid du ma'i tshul rnams khong du des chud| |chos tshul rnam pa tha dad kun la chags pa'i sems med/ /'gro kun dbyangs kyi yan lag rnam pa ji snyed yod pa/ /de dag sgra dbyangs sgra snyan bzhin du khong du des chud/ /sgrar brjod de dag nang na med par rab tu shes te/ /sgra rnams thams cad phyi nang med par rab tu de shes/ /sgra brnyan ji ltar rnam pa sna tshogs sgra tshul grag ste/ / rnam rtog dbyangs dang 'dra yang rnam rtog med pa'i sgra yin/ /sgra rnams rnam pa sna tshogs thams cad de bzhin rab shes/ /sgra la mngon par chags med de bzhin rlom pa'i sems med/ /sems can kun gyi gtso bo thams cad de mthong gyur cing / /'jig rten mgon po chos rnams gsung zhing dbyangs sgrog mdzad pas/ /mdo mang brjod du med pa rab tu gsung zhing ston kyang / /rgyal ba'i gsung dbyangs de la de ni gnas par mi byed/ /sgra brnyan de dag ji ltar sgra yi rnam par grag kyang / /sgra brnyan rnam pa dag la sgra rnams gang yang yod min/ /de ltar dbyangs kyi bye brag rjes 'brang chos kyi rnam pa/ /chos nyid 'jig med ldan pa rnam phye chos la rab mkhas/ /de dag sgra </font><hr>Ga367b<br><font size=+1>


dbyangs thams cad rnam par rab tu sgom ste/ sgra rnams rnam par dbye la mkhas pas sgra rnams sel byed/ /'gro ba kun dbyangs dbyangs tshul min par rab tu shes te/ /dbyangs kyi yan lag dag pa de dag dbyangs kun rab shes/ /chos rnams de dag kun la sgra med sgrar 'jug byed de/ /brjod pa khrag khrig sna tshogs rnams kyi rjes su zhugs shing / /'gro ba thams cad sgra brnyan bzhin du mngon par ston byed/ /'gro ba ma lus kun gyi sgra yang de bzhin rab shes/ /de dag tshig tshul rjes su 'gro ba'i shes bya rtogs ldan/ /'jig rten 'di dag thams cad sgra brnyan yan lag 'drar shes/ /dbyangs kyi rang bzhin rnam par dag pas khong du chud de/ /sgra yi mtshan nyid ji bzhin 'jig rten de bzhin shes so/ /ji ltar sgra rnams chos rnams du ma rnam par ston byed/ /sgra yi rnam rtog sna tshogs dbyangs kyi yan lag kun ldan/ /'jig rten ma lus kun dbyangs mtshan nyid ci 'dra de bzhin/ / 'gro ba kun gyi mtshan nyid rgyal ba'i sras kyis rab shes/ /bzod pa 'di 'dra'i stobs kyis mkhas gyur dpa' bo de dag/ sgra dbyangs sna tshogs 'jig rten kun tu yongs su sbyong ste| |dus gsum shes pa'i blo dang ldan pas sgra yi tshul shes/ /'on kyang rnam rtog gnas la de dag gnas mi 'cha'o/ /zhi ba'i yid ldan 'di ltar byang chub brtson/ / </font><hr>Ga368a<br><font size=+1>


@#/ /'jig rten phan pa'i don du byang chub tshol/ /chos nyid rab tu zhi la rtag tu 'jug /brtan pa 'jig rten rnams la rtog mi byed/ /mi sgul mthu can ye shes stobs ldan pas/ /chos nyid dngos med zhi ba ji bzhin du/ /'jig rten thams cad ma lus de shes te/ /de la gzhol zhing phan par de spyod do// 'gro ba kun la nam yang mi gnas te/ /'gro ba kun dang 'bral bar byed ma yin/ /'gro ba kun la de ni gnas mi 'cha'/ /de la gnas pa gang yang yod pa min/ / 'gro ba chos nyid rang bzhin ldan par shes/ /rang bzhin de la'ang gnas par mi byed de/ /'gro ba 'di la'ang de ni rten mi byed/ /'gro ba'i gnas las yongs su grol ba yin/ /'jig rten gnas pa ji snyed gang yang rung / /de dag rang bzhin tshul rnams kun shes te/ /gnyis med chos kyang brtan pas rab tu shes/ /gnyis med de la'ang de ni gnas mi 'cha'/ /de ni 'jig rten rnams dang ldan gyur kyang / /'jig rten lam la gnas pa'i sems med de/ /'jig rten phyi rol spyad pa spyod pa min/ /chos kun ye shes rang bzhin yin par shes/ /chu la gzugs brnyan ji ltar snang ba rnams/ /nang na mi 'dug phyi na mi gnas pa/ /de bzhin brtan pa </font><hr>Ga368b<br><font size=+1>


byang chub don du spyod/ /'jig rten rnam sgom 'jig rten yod pa min/ /'jig rten skye med grol ba ma yin te/ /'jig rten brjod par mi nus gyur pa min/ /'jig rten phyi rol rgyu ba'ang ma yin te/ /'gro ba 'di ni gzugs brnyan ji bzhin no/ /de ltar zab pa'i tshul las byung bas na/ /dag cing 'od gsal dri med sems dang ldan/ /ye shes gzhol bas chos kyi sgron ma ste/ /smon lam kun las yongs kyang ldog pa med/ /de ni 'jig rten gsog par mi byed de/ /ye shes mthar thug mtha' yang mi dmigs so/ /skye dgu mtha' yas kun la bde byed de/ /'gro ba kun las chags pa rnam par bzlog /dpe med rnams kyi zab pa nyid la ltos/ /'gro ba kun gyi don du rab tu brtson/ /bzod pa 'di ni ye shes gzhol ba ste/ /de la gnas shing spyad pa de 'dra spyod/ /chos gnas rnam par dbyen la rab tu zhugs/ /sprul pa de 'dra kun dang ldan gyur cig /sprul pa'i dngos la spyod par rjes song bas/ /sprul pa'i dngos po nam yang gtong ba med/ /de ni byang chub spyod pa'i sa mchog tu/ /sprul pa'i dngos ldan rjes su spyad pas na/ /sprul pa ci 'drar rnam pa kun zhi ba/ /sprul pa de 'dra'i tshul la rnam par gnas/ /de bas 'gro kun sprul pa rab tu shes/ /skye dgu'i </font><hr>Ga369a<br><font size=+1>


@#/ /las kyi rnam pa mtha' yas pas/ /sprul pa'i dngos dang mnyam pa nyid kyis mnyam/ /sprul pa'i mtha' rtogs shin tu rnam par dben/ / mi yi mgon po thams cad sprul par shes/ /dus gsum sangs rgyas ji snyed gang bzhugs pa/ /smon lam gang btab spyod pa spyad pa'i rgyu/ /des ni mi gtso thams cad sprul pa yin/ /gang gis sems can rnam dag sprul pa yis/ /byams dang snying rje chen po shin tu yangs/ /de ltar sprul pa rnam phye shes pa ni/ /de dag byin rlabs 'phrul snang byed pa'o/ /de dag 'jig rten rnam par rtog pa med/ /sprul pa'i dngos tshul 'gro ba thams cad shes/ /'gro ba'i las kyi rnam pa gang yod pa'i/ /'jig rten de dag sprul pa'i sas bsgrubs pa'o/ /sprul pa'i mdzod mang rnam par phye ba la/ /zhugs shing byang chub spyad pa spyod byas pa/ /de dag sna tshogs bye brag rnam pa mang / / 'jig rten las kyi rnam pas byas pa bzhin/ /sprul pa rnam par rtog pa med pa ste/ /sprul pa nam yang yongs su rtog pa med/ /rtog dang rnam par rtog pas yid dben pa| |sprul pa bzhin du de dag spyod pa yin/ /sprul pa rgya mtsho shes pas khong du chud/ /sprul pa'i dngos pos 'jig rten rgyas kyang 'debs/ /sprul pa'i mi gnas 'gro </font><hr>Ga369b<br><font size=+1>


ba med pa ste/ /sprul pa ji bzhin de bzhin ye shes so/ /de ni nam mkha' gnas med ji bzhin du/ /bzod pa bcu pa'i tshul la rab tu 'jug /de ni mkha' 'drar chos rnams kun byas shing / /sems can sems can med par nam mkha' shes/ /de ni nam mkha' lta bu'i shes ldan te/ /de la chags pa gang yang yod pa min/ /ji ltar nam mkha' sna tshogs ma yin pa/ /de ltar 'jig rten chags med rab tu shes/ /de ni bzod pa mkha' 'dra'i mthu ldan pas/ /mi zad nam mkha' bzhin du zad pa med/ /de ni mkha' 'dra'i spyod yul thob gyur kyang / /mkha' la rnam par rtog par mi byed do/ /nam mkha' la ni ngo bo nyid med de/ /nam mkha'i sa mtshams nam yang chad pa med/ / mkha' la bye brag tha dad yod pa min/ /de ni mkha' 'dra'i blo yi stobs dang ldan/ /mkha' la mthar thug rtsa ba med pa ste/ /nam mkha' la ni mtha' dbus yod pa min/ / mkha' la rnam pa tha dad de bzhin med/ /ye shes stobs kyang nam mkha' de dang 'dra/ /brtan pas de 'dra'i chos nyid rab shes te/ /ji ltar nam mkha' skyes pa med pa dang / / ji ltar mkha' la 'gag pa med tshul du/ /de 'dra'i chos nyid dam pa des thob bo/ /nam mkha' 'dra ba'i chos la de gnas shing / /phyogs rnams kun gyi 'gro ba kun ston to/ / </font><hr>Ga370a<br><font size=+1>


@#/ /bdud kyi dkrugs ma thams cad bcom byas shing / /mkha' 'dra'i bzod pa'i tshul la shin tu brtan/ /des ni mkha' 'drar mtshan nyid med pa kun| |'jig rten ji snyed mtshan nyid tha dad pa/ /mtshan nyid mtshan 'das mtshan ma med tshul du/ /kun kyang yang dag mkha' dang 'dra bar byed/ /gang la dus gsum thams cad gnas pa yin/ /chos nyid mkha' 'dra des ni shes byas shing / /de ni rnam par phye ba gcig tshul gyis/ /'gro ba thams cad nam mkha'i tshul du shes/ / de ni nam mkha' lta bu'i ye shes lus/ /de ni nam mkha' lta bu'i sgra dbyangs ldan/ /de ni nam mkha'i rang bzhin lus can te/ /ye shes nam mkha' lta bur zhi bas gnas/ /rgyal ba'i sras kyi spyad pa spyod pa'i tshe/ /bzod pa bcu po 'di dag de dag gi /bzod pa'i stobs la de dag rab gnas pa/ /'jig rten phan pa'i don du bshad cing bstan/ /'di yi tshul la brtan pa bslabs pa rnams/ /ye shes 'di la shin tu mthu che ste/ /chos kyi mthu dang ye shes mthur yang ldan/ /byang chub tshul rjes bsam pa'i sems dang ldan/ /bzod pa 'di yi tshul la zhugs pa ni/ /ye shes stobs kyis chags pa med la 'jug /'jig rten lhar bcas de yi zil gyis mnon/ /'jig rten </font><hr>Ga370b<br><font size=+1>


dag tu 'khor lo bla med bskor/ /de dag spyod tshul shin tu rgya che bas/ /de dag tshad ni 'jig rten kun na med/ /skyes bu 'dul ba dpe zla med pa yi/ /ye shes rgya mtsho'i tshul la de dag zhugs/ /bdag med sems kyis 'jig rten spyod pa'i tshe/ /chos kyis rnam dag gyur pa'i yid ldan pas/ /bstan pa de dag 'di 'dra'i chos la 'jug /chos nyid des kyang 'jig rten tshim par byed/ /'gro ba'i tshad ni thams cad shes par nus/ /sems can ma lus thams cad bgrang bar nus/ /rdul gcig rtse la ma lus zhing bgrang nus| |mkhas pa'i yon tan de dag mtha' yas so/ /sangs rgyas sras po skyes bu chen po la/ /bzod pa bcu po 'di dag yod pa ni/ /ye shes spyod yul sgor yang 'gro kun gyis| |tshad du bgrang bar nus pa yod pa min/ /shin tu rgyas pa chen po'i mdo/ sangs rgyas phal po che zhes bya ba las/ bzod pa'i le'u ste/ sum cu rtsa lnga pa'o// // bam po drug cu rtsa gnyis pa/ /de nas bcom ldan 'das la byang chub sems dpa' sems kyi rgyal pos 'di skad ces gsol to/ /bcom ldan 'das/ grangs ma mchis pa shin tu bstan pa zhes bgyi ba dang / grangs ma mchis pa'i grangs ma mchis pa zhes bgyi ba de/ bcom ldan 'das/ ji ltar na grangs ma mchis pa bstan pa lags/ tshad ma </font><hr>Ga371a<br><font size=+1>


@#/ /mchis pa dang / mu ma mchis pa dang / kun tu mtha' yas pa dang / bgrang du mi rung ba dang / mtshungs pa ma mchis pa dang / bsam gyis mi khyab pa dang / gzhal du ma mchis pa dang / brjod du ma mchis pa'i yang brjod du ma mchis pa lags na ji ltar bstan par 'gyur/ de skad ces gsol pa dang / bcom ldan 'das kyis byang chub sems dpa' sems kyi rgyal po la 'di skad ces bka' stsal to/ /skyes bu dam pa/ legs so/ /legs so/ /skyes bu dam pa/ de ltar khyod kyis 'jig rten thams cad grangs kyi rjes su 'jug par bya ba'i phyir/ sangs rgyas kyi ye shes kyis mkhyen pa'i don 'di/ de bzhin gshegs pa dgra bcom pa yang dag par rdzogs pa'i sangs rgyas la zhu bar bsam pa legs so/ /legs so/ /de bas na skyes bu dam pa legs par nyon la rab tu yid la gzung zhig dang bstan par bya'o// bcom ldan 'das/ de ltar bgyi'o zhes gsol nas/ byang chub sems dpa' sems kyi rgyal po bcom ldan 'das la phyir nyan to/ /bcom ldan 'das kyis de la 'di skad ces bka' stsal to/ /skyes bu dam pa/ de la 'di skad ces bya ste/ brgya stong phrag brgya na bye ba'o/ /bye ba bye ba na khod khod do/ /khod khod khod khod na thad dgu'o/ /thad </font><hr>Ga371b<br><font size=+1>


dgu thad dgu na khrig khrig go /khrig khrig khrig khrig na thams thams so/ /thams thams thams thams na myad myid do/ /myad myid myad myid na gang ya'o/ /gang ya gang ya na ban bun no/ /ban bun ban bun na phyar phyur ro/ /phyar phyur phyar phyur na lcag lcig go /lcag lcig lcag lcig na byang bying ngo / /byang bying byang bying na chem chem mo/ /chem chem chem chem na phyal phyol lo/ /phyal phyol phyal phyol na khyud khyud do/ /khyud khyud khyud khyud na zar zer ro/ /zar zer zar zer na khrib khrib bo/ /khrib khrib khrib khrib na ya gangs so// ya gangs ya gangs na cho ma'o/ /cho ma cho ma na khram khrim mo/ /khram khrim khram khrim na nab nub bo/ /nab nub nab nub na sang sang ngo / /sang sang sang sang na brgyud yas so| |brgyud yas rgyud yas na gtang yas so/ /gtang yas gtang yas na bkra yar ro/ /bkra yar bkra yar na gsa' yas so/ /gsa' yas gsa' yas na mtshungs med do/ /mtshungs med mtshungs med na lam lum mo/ /lam lum lam lum na yal yol lo/ /yal yol yal yol na khral khrul lo/ /khral khrul khral khrul na thud thud do/ /thud thud thud thud na bsam phyod do/ /bsam phyod bsam phyod na brang breng ngo / /brang breng brang breng na bgrod yas so/ /bgrod yas bgrod yas na bsngo yas so/ /bsngo </font><hr>Ga372a<br><font size=+1>


@#/ /yas bsngo yas na zang yag go /zang yag zang yag na 'phro bkye'o/ /'phro bkye 'phro bkye na rtse 'phyo'o/ /rtse 'phyo rtse 'phyo na yong tan no/ /yong tan yong tan na 'brug g.yos so/ /'brug g.yos 'brug g.yos na sang yal lo/ /sang yal sang yal na thig yug go /thig yug thig yug na yid 'phyo'o/ /yid 'phyo yid 'phyo na nab neb bo/ /nab neb nab neb na khrig thams so/ /khrig thams khrig thams na yal yal lo/ /yal yal yal yal na bgrang yas so/ /bgrang yas bgrang yas na thug yal lo/ /thug yal thug yal na shang shang ngo / /shang shang shang shang na yag yag go /yag yag yag yag na tham thim mo/ /tham thim tham thim na rlom bsnyal lo/ /rlom bsnyal rlom bsnyal na gzhal 'phyos so/ /gzhal 'phyos gzhal 'phyos na gzhal yal lo/ /gzhal yas gzhal yas na gzhal med do/ /gzhal med gzhal med na gzhal 'khor to/ /gzhal 'khor gzhal 'khor na gzhal thim mo/ /gzhal thim gzhal thim na gar gzhal lo/ /gar gzhal gar gzhal na gzhal sangs so/ /gzhal sangs gzhal sangs na gzhal thag go /gzhal thag gzhal thag na gzhal phul lo/ /gzhal phul gzhal phul na gzhal zhi'o/ / </font><hr>Ga372b<br><font size=+1>


gzhal zhi gzhal zhi na 'phyo 'gyur ro/ /'phyo 'gyur 'phyo 'gyur na nyar nyer ro/ /nyar nyer nyar nyer na phyag phyig go /phyag phyig phyag phyig na zal zul lo/ /zal zul zal zul na sal sal lo/ /sal sal sal sal na g.yo ldeg go /g.yo ldeg g.yo ldeg na phan phun no/ /phan phun phan phun na brnang ya'o/ /brnang ya brnang ya na rem 'drol lo/ /rem 'drol rem 'drol na rdzi ngad do/ /rdzi ngad rdzi ngad na rdzi rdul lo/ /rdzi rdul rdzi rdul na phun yol lo/ /phun yol phun yol na ngad ngad do/ /ngad ngad ngad ngad na bgrang brtsi'o/ /bgrang brtsi bgrang brtsi na zab bgrang ngo / /zab bgrang zab bgrang na dga' rkyang ngo / /dga' rkyang dga' rkyang na gzhung 'dal lo/ /gzhung 'dal gzhung 'dal na khrug phyad do/ /khrug phyad khrug phyad na 'ol phyod do/ /'ol phyod 'ol phyod na gdab yas so/ /gdab yas gdab yas na gcal yas so/ /gcal yas gcal yas na bgrang yas so/ /bgrang yas bgrang yas na byim 'phyo'o/ /byim 'phyo byim 'phyo na yam me 'o/ /yam me yam me na bsnyal yas so/ /bsnyal yas bsnyal yas na ldab ldeb bo/ /ldab ldeb ldab ldeb na 'phan chad do/ /'phan chad 'phan chad na phang phung ngo / /phang phung phang phung na khe'u tshang ngo / /khe'u tshang khe'u tshang na zhung zung ngo / /zhung zung zhung zung na mchog yal lo/ /mchog yal mchog yal na mtha' </font><hr>Ga373a<br><font size=+1>


@#/ /rdul lo/ /mtha' rdul mtha' rdul na yun 'gyangs so/ /yun 'gyangs yun 'gyangs na bun lob bo/ /bun lob bun lob na lam lom mo/ /lam lom lam lom na bsnyad yas so/ /bsnyad yas bsnyad yas na lang ling ngo / /lang ling lang ling na ljab ljib bo/ /ljab ljib ljab ljib na mi brtsal to/ /mi brtsal mi brtsal na 'byams yas so/ /'byams yas 'byams yas na nga 'grang ngo / /nga 'grang nga 'grang na smos yal lo/ /smos yal smos yal na bkra chal lo/ /bkra chal bkra chal na lo rgyas so/ /lo rgyas lo rgyas na 'bum rdib bo/ /'bum rdib 'bum rdib na gam gum mo/ /gam gum gam gum na la lo'o/ /la lo la lo na bgrang 'phyos so/ /bgrang 'phyos bgrang 'phyos na bgrang 'phyos la bsgres pa'o/ /bgrang 'phyos la bsgres pa bgrang 'phyos la bsgres na dpag yas so/ /dpag yas dpag yas na dpag yas la bsgres pa'o/ /dpag yas la bsgres pa dpag yas la bsgres na yal phyong ngo / /yal phyong yang phyong na yal phyong la bsgres pa'o/ /yal phyong la bsgres pa yal phyong la bsgres na mu yal to/ /mu yal mu yal na mu yal bsgres pa'o/ /mu yal la bsgres pa mu yal la bsgres na bgrang yol lo/ /bgrang yol bgrang </font><hr>Ga373b<br><font size=+1>


yol na bgrang yol la bsgres pa'o/ /bgrang yol la bsgres pa bgrang yol la bsgres na mi 'jal to/ /mi 'jal mi 'jal na mi 'jal la bsgres pa'o/ /mi 'jal la bsgres pa mi 'jal la bsgres na bsam phyod do/ /bsam phyos bsam phyos na bsam phyos la bsgres pa'o/ /bsam phyos la bsgres pa bsam phyos la bsgres na mtha' 'byams so/ / mtha' 'byams mtha' 'byams na dpag thag go /dpag thag dpag thag na dpag thag la bsgres pa'o/ /dpag thag la bsgres pa dpag thag la bsgres na brjod du med pa'o| |brjod du med pa brjod du med pa na brjod du med pa la bsgres pa'o/ /brjod du med pa la bsgres pa brjod du med pa la bsgres na brjod du med pa'i yang brjod du med pa la bsgres pa shin tu bstan pa'o/ /de nas bcom ldan 'das kyis byang chub sems dpa' sems kyi rgyal po la tshigs su bcad de bka' stsal pa/ brjod du med pa'i brjod du med pa ni/ /brjod du med pas thams cad 'tshang bar 'gyur/ /brjod du med pa bskal par brjod byas kyang / /brjod du med la mthar thug gang yang med/ /brjod du med pa'i sangs rgyas zhing gi rnams/ /thams cad bshig ste rdul du kun blags shing / /gcig rtse la'ang gcig po brjod med par/ /thams cad brjod du med par rab </font><hr>Ga374a<br><font size=+1>


@#/ /tu 'jug /zhing rnams brjod du med pa'i brjod med pa/ /skad cig sems kyis kun kyang rab tu 'jig /skad cig re re 'jig pa brjod du med| |'jig pas bskal pa mang po zad par byed/ /dbye ba'i bye brag dbye ba brjod du med/ /rdul la 'jug pa brjod du med pa ste/ /bgrang ba'i tshul gyis brjod du med pa yis/ /bskal pa brjod du med pa zad par byed/ /rdul dang rdul la mtshan nyid brjod du med/ /brjod du med pa'i rdul rnams kun bzung ste/ / bskal par kun tu bzang po bstod byas kyang / /kun tu bzang po de bsngags mthar mi thug /brjod du med pa'i kun tu bzang po rnams/ /skra rtse re re kun la yang dag 'jug /skra rtse gcig bzhin yul rnams kun la ste/ /chos dbyings ma lus ji snyed de bzhin no/ /skra rtse re re zhing gi khams kyi rnams/ /brjod du med par yang dag 'dzud par byed/ /mkha' dbyings skra yi rtse mos gzhal du rung / /zhing rnams thams cad brjod du med pa'o/ /skra rtse de las sangs rgyas zhing gi rnams/ /rnam pa sna tshogs rnam par phye ba mang / /bskal pa mi mthun zhing rnams brjod du med/ /bskal pa mthun pa'i zhing yang brjod du med/ /skra rtse gcig po de la brjod med pa'i// </font><hr>Ga374b<br><font size=+1>


zhing rnams dag pa brjod du med pa dang / /sna tshogs rgyan rnams brjod du med pa 'god/ /rnam pa du ma tha dad brjod du med/ /ming gi tshogs kyang brjod du med pa ste/ /skra rtse gcig la thams cad rab tu gzhol/ /de bzhin gshegs pa'i mtshan rnams re rer yang / /brjod du med pa'i brjod du med pa yin/ /sangs rgyas re rer brjod du med pa yi/ /sku rnams ba spu'i khung bur byin gyis rlob/ /spu gcig nas kyang brjod du med pa yi/ /kha dog sna tshogs mang po rab tu 'byung / /spu gcig nas kyang brjod du med pa yi/ /'od zer brjod du med pa rab tu 'gyed/ /'od zer re re las kyang brjod med pa'i/ /pad mo brjod du med pa mang po 'byung / /pad mo re re la yang brjod med pa'i/ / lo ma brjod du med pa mang po 'byung / /brjod du med pa'i brjod du med pa yi/ /lo ma kha dog brjod du med pa ste/ /kha dog re re de bzhin brjod du med/ /pad mo re re lo ma brjod du med/ /lo ma re re'i 'od zer brjod du med/ /kha dog tha dad rnam pa brjod du med/ /kha dog re re brjod med de dag las/ /'od zer mang po brjod du med pa 'byung / / 'od zer kun las brjod med zla ba 'byung / /zla ba las kyang zla ba brjod du med/ /zla ba re re las kyang brjod med pa'i/ /kha dog mtha' yas ldan pa'i 'od mang 'byung / /kha dog </font><hr>Ga375a<br><font size=+1>


@#/ /re re las kyang brjod med pa'i/ /nyi ma kun tu snang ba brjod du med/ /nyi ma re re las kyang brjod med pa'i/ /kha dog brjod du med pa sna tshogs 'byung / /kha dog re re las kyang brjod med pa'i/ /'od zer brjod du med pa rab tu 'byung / /'od zer re re la yang brjod med pa'i/ /seng ge'i khri mang brjod med sna tshogs gnas/ /seng ge'i khri mang sna tshogs re re las/ /'od gsal brjod du med pa'i brjod med 'byung / /kha dog sna tshogs brjod du med pa dang / /dag pa sna tshogs brjod du med pa 'byung / /'od gsal re re las kyang brjod med pa'i/ /rnam par snang ba sna tshogs rab tu 'byung / /rnam par snang ba sna tshogs re re las| |brjod du med pa'i brjod du med pa yi/ /brjod du med pa bsgres pa'i grangs snyed kyi/ /ri rab pad mo'i mchog dang ldan pa 'byung / /ri rab re re'i tshad kyang 'di tsam ste/ /brjod du med pa'i brjod du med pa yi/ /zhing rnams brjod du med pa yod pa'i rnams/ /ri rab gcig gis yongs su rgyas pa ste/ /brjod du med pa'i brjod du med pa yi| |ri rab lhag ma rnams kyang de tsam mo/ /de dag bshig ste rdul phran char blags na/ /yon tan legs pa brjod med de snyed ldan/ /de bzhin bye brag khyad </font><hr>Ga375b<br><font size=+1>


par bzung byas kyang / /brjod du med pa'i brjod du med pa ste/ /brjod du med la bsgres pa yongs bzung zhing / /'od zer brjod du med pa rab tu 'byung / /tshigs bcad brjod du med pa gsal ba'i rnams/ /rnam par dbye ba brjod du med pa 'byung / /brjod du med pa'i 'jig rten khams su rgyu/ /de bzhin sangs rgyas brjod du med pa 'byung / /brjod du med pa'i brjod du med pa yi/ /skad cig re re bden pa brjod du med/ /phyi ma'i mtha' yi mu mthar bstod byas kyang / /de bzhin gshegs pa de dag mu med do/ /sangs rgyas re re zhing yang brjod med pa/ /brjod du med la bsgres pa gsal dag pa'i/ /dbyangs kyi yan lag brjod med gsal dag par/ /'khor lo brjod du med pa rab tu bskor/ /'khor lo re re bskor bas brjod med pa'i/ /mdo sde brjod du med pa mang po 'byung / /mdo sde brjod du med pa re re las/ /chos kyi rnam grangs brjod du med pa 'byung / /chos rnams brjod du med pa re re las/ /shin tu bstan 'chos brjod du med pa 'byung / /shin tu bstan pa brjod med re re yang / /sems can brjod du med pa rnam par 'dul/ /de dag skra rtse gcig la 'jug pa ste/ /skra gcig ji bzhin de bzhin ma lus kun/ /brjod du med pa'i brjod du med pa ste/ /bskal pa brjod du med pa zad par byed/ /chags med sems kyang brjod du </font><hr>Ga376a<br><font size=+1>


@#/ /med pa ste/ /de dag sangs rgyas brjod du med sprul pa/ /sangs rgyas re re brjod du med pa las/ /bsgres pa'i tshul du sprul pa kun tu 'byung / / phyogs rnams brjod du med pa kun tu 'dong / /de dag sku yang brjod du med pa ste/ /rnam par phye sku de bzhin brjod du med/ /kha dog sna tshogs rnam pa grangs med do/ / sangs rgyas zhing tshad brjod du med par yang / /sems can brjod med rnam par ston par byed/ /rnam par bstan pa de dag re re zhing / /sems can brjod du med pa yongs su sbyong / /de dag rgyan bzang rnam phye brjod du med/ /de dag rdzu 'phrul mang po'ang brjod du med/ /rnam dag dbang yang brjod du med pa ste/ /cho 'phrul rnams kyang brjod du med pa 'byung / /rnam par 'phrul pa brjod du med pa ste/ /spyod yul rnams kyang de bzhin brjod du med/ /de dag byin gyi rlabs kyang brjod du med de/ / 'jig rten brjod du med pa'i khams su 'byung / /chos tshul rnam dag brjod du med pa ste/ /tshul gyi mdo yang brjod du med pa 'byung / /mdo sde re re las kyang brjod med pa'i/ /brjod du med chos yang dag rab tu 'byung / /chos rnams re re las kyang brjod med pa'i/ /shin tu bstan pa brjod du med pa 'byung / /bstan pa re re </font><hr>Ga376b<br><font size=+1>


zhing yang brjod med pa'i/ /rtogs par shes pa brjod du med pa 'byung / /rtogs par shes pa re res brjod med pa'i/ /sems can brjod du med pa rnam par 'dul/ / tshul mthun chos kyang brjod du med pa ste/ /tshul mthun sems kyang brjod du med pa 'byung / /mi mthun chos kyang brjod du med pa ste/ /mi mthun sems kyang de bzhin brjod du med/ /dbang po mi mthun brjod du med pa ste/ /tshig gi rnam pa mi mthun brjod du med/ /de dag brjod du med pa rnam par 'dul/ /skad cig re rer spyod yul gyur pa la/ /brjod du med pa'i rnam par 'phrul pa ston/ /de bas de dag brjod du med pa yin/ /de la dus kyang brjod du med pa ste/ /bskal pa tha dad brjod du med pa 'byung / /bstan pa de dag brjod du med pa 'jug /grangs kyi tshul gyis de dag brjod du med/ /skra rtse gcig la brjod du med pa yi/ /yangs dang dog pa rnam pa mang po gnas/ /ngag dang nyon mongs brjod du med pa ste/ /rgya che phra ba de bzhin brjod du med/ /zhing gcig la yang brjod du med pa yi/ /bye brag rnam par 'phro bas zhing mi mthun/ / tshad dang grangs su de dag brjod du med/ /skra rtse re re la yang yang dag gzhol/ /sangs rgyas zhing rnams brjod du med gnas kyang / /skra rtse gcig tu dog par mi 'gyur te/ /de </font><hr>Ga377a<br><font size=+1>


@#/ /na gnod pa'i rnam pa gcig med pa/ /brjod du med par yang dag rab tu gzhol/ /zhing rnams de dag 'dre bar mi 'gyur te/ /'dre ba'i nyes pa de dag kun la med/ /gcig kyang brjod med shin tu yangs pa ste/ /zhing gcig ji bzhin de bzhin thams cad zhing / /skra rtse gcig bzung brjod du med pa yis// mkhas pas mkha' dbyings gzhal du rung srid kyi/ /skra rtse gcig gi zhing rnams mang po dag /shin tu bstan pas brjod du med pa yin/ /skra rtse gcig tu'ang de bzhin skra 'jug ste/ /brjod du med pa gcig nas gcig brgyud pa'i/ /skra rtse bzung ba brjod du med pa ste/ /skra rtse de dag mthar thug gang yang mod/ / bskal pa gcig nas gcig tu brgyud pa yi/ /yun ring brjod du med pa bzung byas shing / /tshul 'dir brjod du med pa 'dzud pa byed/ /bskal pa kun kyang de bzhin brjod du med/ /mtha' dang dbus med tshul 'di bzung byas shing / /bstan pa brjod du med pa'i spyod yul gyis/ /de dag brjod du med par rab tu 'jug brjod du med pa'i 'jug tshul 'di yin no/ /yid kyi dbang po brjod du med pa dang / /rnam par gnon pa brjod du med pa dang / /rnam par 'phrul pa brjod </font><hr>Ga377b<br><font size=+1>


du med pa yis/ /phyogs rnams brjod du med pa kun tu 'gro/ /de dag sems kyang brjod du med pa ste/ /rgya che yangs pa brjod du med pas na/ /de dag dmigs pa brjod du med pa ste/ /des ni brjod med kun gyi mthar phyin byed/ /de bzhin lus kyi las kyang brjod med de/ /ngag gi las kyang brjod du med pa yin/ /de bzhin sems kyang brjod du med pa 'byung / /mos pa dag pa dag kyang brjod du med/ /de dag rnam shes dag pa brjod du med/ /de dag shes rab gsal ba brjod du med/ /brjod du med pa'i tshul rnams yongs su gnon/ /the tshom brjod du med pa rab tu gcod/ /de dag 'byung ba brjod du med pa dang / /yongs su gnon pa brjod du med pa yis/ /de dag ting 'dzin brjod du med pa ste/ /des ni brjod med thams cad 'da' bar byed/ /sems can thams cad brjod du med pa ste/ /zhing rnams kun kyang de bzhin brjod du med/ /sems can lus rnams brjod du med pa ste/ /de dag bsam pa brjod du med pa yin/ /de dag las kyi rnam smin brjod med de/ /de dag mos pa de bzhin brjod du med/ /khams kyi rnam pa tha dad brjod du med/ /de dag bye brag khyad par brjod du med/ /de dag lus mang brjod du med pa ste/ /gang du 'byung ba de dag </font><hr>Ga378a<br><font size=+1>


@#/ /brjod du med/ /ji ltar 'byung ba'ang brjod du med pa ste/ /'di las 'byung ba'ang brjod du med pa yin/ /yang dag 'jug pa brjod du med pa shes/ /de dag tshul gyis lam yang brjod du med/ /de dag rab tu ston pa'ang brjod du med/ /dus rnams brjod du med par shin tu 'byung / /bdag nyid che ba 'di 'dra'i snying rje can/ /brjod du med pa 'jig rten dag na rgyu/ /de dag lus rnams brjod du med pa yis/ /brjod du med pa rnams la yang dag 'jug/ sems can gtso bo brjod du med pa rnams/ /mthong zhing shes rab brjod du med pa yis/ /chos rnams brjod du med pa zhi bar byed/ /sangs rgyas de dag brjod du med pa ston/ /de dag lus rnams brjod du med pa yis/ /de nas zhing rnams brjod du med par 'dod/ /rnam par 'phrul pa brjod du med pa yis/ /zhing rnams brjod du med pa kun tu 'dong // de dag lus rnams brjod du med pa yis/ /skyes bu khyu mchog brjod du med pa la/ /rnam pa tha dad brjod du med pa yis/ /mchod pa brjod du med pa rab tu byed/ /rin chen dag pa brjod du med pa dang / /me tog sna tshogs de bzhin brjod med dang / /spos dang phreng mchog brjod du med pa yis/ /rgyal ba brjod du med pa bsnyen bkur byed/ /de dag dad pa </font><hr>Ga378b<br><font size=+1>


brjod du med pa ste/ /mos pa dag pa'ang brjod du med pa yin/ /bsam pa de bzhin brjod du med pa yis/ /sangs rgyas brjod du med la phyag kyang 'tshal/ /spyin zhing gtong ba brjod du med pa ste/ /mi dma'i sems kyang de bzhin brjod du med/ /yongs su gtong ba brjod du med pa ste/ /thams cad gtong ba de bzhin brjod du med/ /tshul khrims rnam par dag par brjod du med/ /yid gsal dad pa de bzhin brjod du med/ /rgyal ba bsngags shing bstod pa brjod med de/ /zhi ba'i sa yang de bzhin brjod du med/ /de dag bzod pa brjod du med pa ste/ /mi skye'i chos kyang de bzhin brjod du med/ /rab tu zhi ba'i brjod du med dang ldan/ /zhi ba'i sa yang de bzhin brjod du med/ /brtson 'grus phung po brjod du med pa ste/ /zhum med sems kyang brjod du med pa yin/ /phyir mi ldog pa'ang brjod du med pa ste/ /mi sgul sems kyang brjod du med pa'o/ /bsam gtan mdzod ni brjod du med pa ste/ /rtogs par gzhog chos de bzhin brjod du med/ /bsam gtan zhi yid brjod du med pa ste/ /brjod du med pa'i bsam gtan rab tu shes/ /de dag shes rab brjod du med la zhugs/ /de bas ting 'dzin brjod du med pa ste/ /rab tu dben chos brjod du med dang ldan/ /sangs rgyas brjod du med la mngon par 'jug /spyod </font><hr>Ga379a<br><font size=+1>


@#/ /pa'i sgo ni brjod du med pa ste/ /de dag smon lam brjod du med pa yin/ /de dag spyod yul brjod du med pas na/ /chos sgo dag pa brjod du med pa yin| |de dag chos stobs brjod du med pa ste/ /chos la gnas pa'ang brjod du med pa yin/ /de dag chos kyi dran pa brjod du med/ /de dag chos kyi dbyings kyang brjod du med/ /de dag ye shes brjod du med dang ldan/ /ye shes brjod du med la shin tu bslabs/ /de dag phung po khams kyang brjod du med/ /de dag brjod med ye shes mthar yang thug /de dag chos kyi 'khor lo brjod du med/ /de dag chos kyi char 'bebs brjod du med/ /de dag chos kyi ye shes brjod du med/ /de dag chos kyi sprin kyang brjod du med/ /de dag rdzu 'phrul rnam par brjod med de/ /tshul dbyings brjod du med pa khong du chud/ /dngos med ye shes brjod du med pa ste/ /sems kyi skad cig de dag brjod du med| |brjod med tshad du rnam pa tha dad pa/ /skad cig sems kyis brjod du med pa shes/ /zhing rnams rgya mtsho brjod du med pa ste/ /bstan pa de dag brjod du med pa gnon/ / zhing rnams rnam phye brjod du med pa ste/ /rgyan kyang de bzhin brjod du med pa yin/ /gzugs dang dbyibs kyang brjod du med pa ste/ /kha dog mdog kyang de bzhin brjod du </font><hr>Ga379b<br><font size=+1>


med| |khyad par sna tshogs brjod du med pa ste/ /rnam pa tha dad de bzhin brjod du med/ /dge dang nyon mongs brjod du med pa ste/ /rnam pa mi mthun ye shes brjod du med/ / sems can brjod du med pa rab tu shes/ /sems can khams kyang brjod du med pa ste/ /de dag las kyang de bzhin brjod du med/ /sems can de dag spyod pa'ang brjod du med/ /dbang po dag kyang brjod du med pa ste/ /de dag sems kyang brjod du med pa yin/ /khams kyi rnam pa de dag brjod du med/ /de dag mos pa'ang de bzhin brjod du med/ /de dag rnam par spyod pa brjod med de/ /kun nas nyon mongs de bzhin brjod du med/ /rnam par byang ba'ang brjod du med pa ste/ /'dul ba de bzhin brjod du med pa 'byung / /lus kyi rnam pa brjod du med pa dag /brjod du med pa mngon par sprul byas shing / /brtan pa brjod du med pa'i nan tan byed/ /sems can brjod du med pa yongs su 'grel/ /de dag rnam par 'phrul pa brjod du med/ /'od rnams brjod du med pa rab tu 'gyed/ /kha dog sna tshogs de bzhin brjod du med/ /sems can brjod du med pa rnam par sbyong / /'od zer dra ba de bzhin brjod du med/ /ba spu re re nas kyang brjod med pa'i/ /brjod du med pa mang po rab tu 'byung / /zhing rnams </font><hr>Ga380a<br><font size=+1>


@#/ /brjod du med pa snang bar byed/ /yongs su gnon pa brjod du med pa dang / /de bzhin 'byung ba brjod du med pa dang / /rnam par gnon pa brjod du med pa yis/ /'jig rten brjod du med pa rnam par 'dul/ /de dag lus kyi las kyang brjod du med/ /rnam dag tshig kyang de bzhin brjod du med/ /mtha' yas yid kyang brjod du med pa ste/ /spyod pa'i khyad par de bzhin brjod du med/ /ye shes brgyud kyang brjod du med pa ste/ /khams rnams brjod du med pa khong du chud/ / brtan pa gzungs rnams brjod du med pa la/ /shin tu bslab pa brjod med byas pa yin/ /sgra dbyangs brjod du med pa shes pa ste/ /rnam dag dbyangs kyang brjod du med pa yin/ /de dag bden pa dran pa brjod du med/ /'gro ba brjod du med pa shes par byed/ /de dag spyod lam brjod du med pa ste/ nan tan rnam dag de bzhin brjod du med/ /bag tsha med pa brjod du med pa ste/ /'jig rten brjod du med pa rab tu 'dul/ /de bzhin gshegs sras brjod du med pa yi/ /rnam dag spyod pa brjod med 'di 'dra ste/ /de dag yon tan legs pa brjod du med/ /de dag zad pa med pa'ang brjod du med/ /'jig rten mgon po brjod du med pa rnams/ /yon tan legs </font><hr>Ga380b<br><font size=+1>


pa brjod du med pa gsung / /rdzogs pa'i byang chub sems dpa' brjod du med/ /yon tan rnam dag de bzhin brjod du med/ /brtan pa gang la gnas pa brjod du med/ /gang gnas ye shes de yang brjod du med/ /bskal pa ji snyed zad 'gyur brjod du med/ /de dag mthar thug med pa brjod du med/ /sangs rgyas shes byed yid 'ong brjod du med/ /yang dag 'jug pa'i ye shes brjod du med/ /de dag brjod du med pa'i chos la 'jug /de dag chags pa med pa'ang brjod du med/ /dus gsum bsam pa brjod du med pa ste/ /de la tshad bzung brjod du med pa yin/ /'byung ba'i ye shes brjod du med pa ste/ /mi gnas gnas pa'ang de bzhin brjod du med/ /spyod pa'i khyad par brjod du med pa ste/ /smon lam khyad par de bzhin brjod du med/ /smon lam rnam dag brjod du med pa ste/ /byang chub sgrub pa'ang de bzhin brjod du med/ /sangs rgyas byang chub brjod du med pa la/ /de dag ye shes brjod du med pas byung / /don rnams brjod du med pa shes par byed/ /thams cad mkhyen chos de bzhin brjod du med/ /rnam dag zhing yang brjod du med pa ste/ /de dag spyod pa'i stobs kyang brjod du med/ /de dag brjod du med par bsgom byas nas/ /skad cig gcig tu brjod med mngon 'tshang rgya/ /de dag brjod du med pa'i rnam 'phrul </font><hr>Ga381a<br><font size=+1>


@#/ /pa| |sangs rgyas brjod du med pa rab tu ston/ /de dag cho 'phrul brjod du med pa yis/ /'jig rten brjod du med pa rab tu ston/ /brtan pa chos kyi 'khor lo brjod med pa/ /de dag brjod du med par rab tu skor/ /de dag ston pa'ang brjod du med pa ste/ /'jig rten phan 'dogs brjod du med pa byed/ /bskal pa brjod du med pa thams cad kyang / /zad par 'gyur gyi yon tan brjod du med/ /yon tan dang ni legs pa brjod med pas/ /zad par mi nus de bzhin brjod du med/ / de dag mgon po brjod du med pa la/ /tshig dang dbang po brjod du med pa yis/ /bskal pa brjod du med par bstod byas kyang / /de bzhin gshegs pa'i yon tan mthar thug med/ /phyogs bcu'i sems can ji snyed yod pa rnams/ /ma lus thams cad bde bar gshegs gyur te/ /sangs rgyas gcig la'ang brjod du med pa yi/ /sku mnga' thams cad brjod du med gyur la/ /sku rnams re re brjod du med pa yis/ /brjod du med pa'i dbu rnams mngar gyur la/ /dbu rnams re re brjod du med pa yi/ /brjod du med pa'i ljags yangs mngar gyur la/ /ljags yangs re re brjod du med pa yi/ /gsung zab brjod du med pa brjod mdzad de/ /dbyangs gcig gis kyang yon tan brjod </font><hr>Ga381b<br><font size=+1>


med par/ /bskal pa brjod du med par bstod byas la/ /sangs rgyas gcig bzhin sangs rgyas thams cad de/ /sku gcig ji bzhin de bzhin thams cad sku/ /dbu gcig ji bzhin de bzhin thams cad dbu/ /ljags gcig ji bzhin de bzhin thams cad ljags/ /dbyangs kyi yan lag ldan pas legs brjod kyang / /bskal pa rnam pa sna tshogs mtha' yas pa'i/ /bskal pa mtha' yas mur thug zad par 'gyur/ /legs pa chags med de dag mthar thug mi 'gyur ro/ /rdul rtse gcig la brjod du med pa yi/ /pad mo'i dpal zhes bya ba brjod du med/ /de bzhin gshegs pa bzang po zhes bya ba'i/ /zhing rnams brjod du med la rab tu 'jug /rdul rtse gcig la ji snyed yod pa yi/ /chos dbyings ji tsam thams cad ma lus par/ /rdul gyi zhing rnams brjod du med pa dag /'byung bar 'gyur zhing gzhan yang 'jig par 'gyur/ /rdul rtse gcig la mtha' dang dbus med pa'i| |zhing rnams du mar bstan pa yang dag 'jug /phyogs rnams rnam par dbye ba brjod du med/ /zhing rnams rgya mtsho de bzhin brjod du med/ /zhing rnams re rer de bzhin gshegs pa rnams/ /brjod du med pa rnam par brtag byas te/ /zhing gcig ji bzhin de bzhin zhing kun tu/ /de dag brjod du med pa'i lus su 'byung / /de dag spyod pa'i mthu ni brjod du med pa </font><hr>Ga382a<br><font size=+1>


@#/ /ste| khyad par 'phags chos de bzhin brjod du med/ /de dag rdzu 'phrul brjod du med pa ste/ /chags med nyid kyang de bzhin brjod du med/ /skra la 'jug pa brjod du med pa ste/ /skra la brten pa de bzhin brjod du med/ /de dag stobs bcu brjod du med pa ste/ /byang chub 'tshang rgya de bzhin brjod du med/ /rtogs pa dag la brjod du med pa ste/ /chos dbyings yongs su gnon pa brjod du med/ /de dag brjod shes brjod du med pa ste/ /de dag nyid kyang brjod du med pa yin/ /tshad dang grangs kyang brjod du med pa ste/ /brtan pa de dag tshul bzhin rtogs par byed/ /mgon po'i tshul rnams brjod du med pa dag /rnam pa tshad med brtan pa yongs su gnon/ /ting 'dzin tha dad rnam pa sna tshogs rnams/ /brjod du med pa de dag rab tu 'jug /spyod pa rnam dag brjod du med pa ste/ /brjod du med pa'i rgyal ba mngon du 'gyur/ /chags med sems kyang brjod du med pa ste/ /brjod du med pa'i gnas kyang rnam par gnon/ /spyod pa mtha' yas brjod du med pa ste/ rdzu 'phrul brjod du med pa'ang rab tu ston/ /zhing rnams brjod du med pa shin tu shes/ /de phyir sangs rgyas brjod du med pa mthong / /spyod pa'i mthu ni brjod du med pa yis/ /ye shes brjod du med pa khong du chud/ /de la 'gro ba med cing phyir ldog med pa ste/ </font><hr>Ga382b<br><font size=+1>


brjod du med pa'i yul la'ang rab tu 'jug/ brjod du med pa'i zhing du rnam par rgyu/ /brjod du med ba'i bskal pa zad par byed/ /tshul gyi rnam ba brjod du med pa ste/ /brjod du med pa'i de bzhin nyid kyang thob/ /ye shes brjod du med pa rab tu 'byung / /skad cig re rer brjod du med ba ston/ /re re'i tshig gis brjod du med pa yi/ /sangs rgyas brjod du med pa rab tu shes/ /byang chub dus gcig mngon par sangs rgyas pa/ /tha dad dus su khong du chud par byed/ /de dag skra rtser 'jug pa brjod du med/ /shin tu skra la 'jug pa'ang brjod du med| |rab tu rgya che'i rgyud kyang brjod du med/ /sangs rgyas rnam par mthong ba'ang brjod du med/ /sangs rgyas rigs la gang zhugs de dag gi /tshul gcig nyid kyang brjod du med pa ste/ /de bas zhing rgyud brjod du med pa la/ /rdzogs par 'tshang rgya'i don du kun tu 'jug /zhing dang sems can de bzhin gshegs pa rnams/ /tha dad khams bsgyur brjod du med pa dag /brtan pas shes pa brjod du med pa ste/ /dus gsum 'dzin pa brjod du med pa yin/ /shin tu rgyas pa chen po'i mdo/ sangs rgyas phal po che zhes bya ba las/ sems kyi rgyal pos dris nas grangs la 'jug pa bstan pa'i le'u ste/ sum cu rtsa drug pa'o// //de nas byang chub sems dpa' sems kyi </font><hr>Ga383a<br><font size=+1>


@#/ /rgyal pos byang chub sems dpa' de dag la smras pa/ /kye| rgyal ba'i sras dag /gang bcom ldan 'das de bzhin gshegs pa shAkya thub pa'i sangs rgyas kyi zhing 'jig rten gyi khams mi mjed 'di yi bskal pa ji tsam pa de ni/ de bzhin gshegs pa tshe dpag tu med pa'i sangs rgyas kyi zhing 'jig rten gyi khams bde ba yod pa'i nyin zhag gcig go /kye| rgyal ba'i sras dag /'jig rten gyi khams bde ba yod pa'i bskal pa ji tsam pa de ni/ de bzhin gshegs pa rdo rjes rab tu 'joms pa'i sangs rgyas kyi zhing 'jig rten gyi khams ngur smrig rgyal mtshan gyi nyin zhag gcig go /kye| rgyal ba'i sras dag /'jig rten gyi khams ngur smrig rgyal mtshan gyi bskal pa ji tsam pa de ni/ de bzhin gshegs pa sku pad mo shin tu rgyas pa'i sangs rgyas kyi zhing 'jig rten gyi khams phyir mi ldog pa'i 'khor lo rab tu sgrog pa'i nyin zhag gcig go |kye| rgyal ba'i sras dag /'jig rten gyi khams 'khor lo rab tu sgrog pa'i bskal pa ji tsam pa de ni/ bcom ldan 'das de bzhin gshegs pa chos kyi rgyal mtshan gyi sangs rgyas kyi zhing 'jig rten gyi khams rdul med pa'i nyin zhag gcig go /kye| rgyal ba'i sras dag /'jig rten gyi khams rdul med pa'i bskal pa ji tsam pa de ni/ bcom </font><hr>Ga383b<br><font size=+1>


ldan 'das de bzhin gshegs pa seng ge'i sangs rgyas kyi zhing 'jig rten gyi khams sgron ma bzang po'i nyin zhag gcig go /kye| rgyal ba'i sras dag /'jig rten gyi khams sgron ma bzang po'i bskal pa ji tsam pa de ni/ bcom ldan 'das de bzhin gshegs pa rnam par snang ba'i snying po'i sangs rgyas kyi zhing 'jig rten gyi khams 'od bzang po'i nyin zhag gcig go /kye| rgyal ba'i sras dag /'jig rten gyi khams 'od bzang po'i bskal pa ji tsam pa de ni/ bcom ldan 'das de bzhin gshegs pa chos kyi 'od zer gyis sku'i pad mo shin tu rgyas pa'i sangs rgyas kyi zhing 'jig rten gyi khams 'da' bar dka' ba'i nyin zhag gcig go /kye|rgyal ba'i sras dag /'jig rten gyi khams 'da' bar dka' ba'i bskal pa ji tsam pa de ni/ bcom ldan 'das de bzhin gshegs pa mngon par mkhyen pa thams cad kyi 'od zer gyi sangs rgyas kyi zhing 'jig rten gyi khams rgyan dang ldan pa'i nyin zhag gcig go /kye| rgyal ba'i sras dag /'jig rten gyi khams rgyan dang ldan pa'i bskal pa ji tsam pa de ni/ bcom ldan 'das de bzhin gshegs pa thugs zla ba'i sangs rgyas kyi zhing 'jig rten gyi khams me long gi dkyil 'khor mdog gi nyin zhag gcig go /kye| rgyal ba'i sras dag /de ltar bskal pa bgrang ba la 'jug </font><hr>Ga384a<br><font size=+1>


@#/ /pa'i tshul 'dis 'jig rten gyi khams grangs med pa brgya stong phrag bcu 'das pa ni/ de'i pha rol na/ bcom ldan 'das de bzhin gshegs pa dpal bzang po bzhugs pa'i sangs rgyas kyi zhing 'jig rten gyi khams pad mo'i dpal gyi nyin zhag gcig go /bgrang ba'i tshul 'dis 'jig rten gyi khams thams cad byang chub sems dpa' kun tu bzang po'i spyod pa dang ldan pas yongs su gang ngo // //shin tu rgyas pa chen po'i mdo /sangs rgyas phal po che zhes bya ba las| tshe'i tshad kyi le'u zhes bya ba ste/ sum cu bdun no// //de nas yang byang chub sems dpa'i sems kyi rgyal pos yang byang chub sems dpa' de dag la smras pa/ kye| rgyal ba'i sras dag /shar phyogs logs na sngon chad byang chub sems dpa' bzhugs bzhugs pa'i ri drang srong 'byung ba zhes bya ba yod de/ de la byang chub sems dpa' rdo rje dpal zhes bya ba/ byang chub sems dpa'i 'khor sum brgya dang ldan pa chos ston to/ /kye| rgyal ba'i sras dag /lho phyogs logs na sngon byang chub sems dpa' bzhugs bzhugs pa'i ri dpal gyi phung po zhes bya ba yod de/ de la byang chub sems dpa' chos kyi blo gros zhes bya ba/ byang chub sems dpa'i 'khor lnga brgya dang ldan pa chos </font><hr>Ga384b<br><font size=+1>


ston to/ /kye| rgyal ba'i sras dag /nub phyogs logs na sngon byang chub sems dpa' bzhugs bzhugs pa'i ri rdo rje 'od 'phro ba can zhes bya ba yod de/ de la byang chub sems dpa' seng ge'i 'gros su 'gro ba zhes bya ba/ byang chub sems dpa'i 'khor sum brgya dang ldan pa chos ston to/ /kye| rgyal ba'i sras dag /byang phyogs logs na sngon byang chub sems dpa' bzhugs bzhugs pa'i ri spos kyi phung po zhes bya ba yod de/ de la byang chub sems dpa' spos kyi glang po zhes bya ba/ byang chub sems dpa'i 'khor stong phrag gsum dang ldan pa chos ston to/ /kye| rgyal ba'i sras dag /byang phyogs logs na sngon byang chub sems dpa' bzhugs bzhugs pa'i ri spong ri zhes bya ba yod de/ de la byang chub sems dpa' 'jam dpal zhes bya ba/ byang chub sems dpa'i 'khor stong phrag bcu dang ldan pa chos ston to/ /kye| rgyal ba'i sras dag /byang dang shar gyi phyogs mtshams logs na sngon byang chub sems dpa' bzhugs bzhugs pa'i ri rgya mtsho chen po bzhi'i gnas rdo rje'i ri zhes bya ba yod de/ de la byang chub sems dpa' chos kyis 'phags pa zhes bya ba/ byang chub sems dpa'i 'khor brgya phrag bcu gnyis dang ldan pa chos ston to/ /kye| rgyal ba'i sras dag /shar dang lho'i phyogs mtshams logs na sngon byang chub sems dpa' </font><hr>Ga385a<br><font size=+1>


@#/ /bzhugs bzhugs pa'i ri mchod rten zhes bya ba yod de/ de la byang chub sems dpa' lha'i phung po zhes bya ba/ byang chub sems dpa'i 'khor stong dang ldan pa chos ston to/ /kye| rgyal ba'i sras dag /lho dang nub kyi phyogs mtshams logs na sngon byang chub sems dpa' bzhugs bzhugs pa'i ri skar ma'i 'od ces bya ba yod de/ de la byang chub sems dpa' bzang po'i dpal zhes bya ba/ byang chub sems dpa'i 'khor stong phrag gsum dang ldan pa chos ston to/ /kye| rgyal ba'i sras dag |nub dang byang gi phyogs mtshams logs na sngon byang chub sems dpa' bzhugs bzhugs pa'i ri spos kyi ngad can zhes bya ba yod de/ de la byang chub sems dpa' spos kyi 'od zer rab tu 'gyed pa zhes bya ba/ byang chub sems dpa'i 'khor stong phrag lnga dang ldan pa chos ston to/ /kye|rgyal ba'i sras dag /rgya mtsho chen po'i nang na sngon byang chub sems dpa' bzhugs bzhugs pa'i gnas phug bzang po zhes bya ba yod do/ /kye| rgyal ba'i sras dag /yul shin tu yangs pa'i lho phyogs logs na sngon byang chub sems dpa' bzhugs bzhugs pa'i gnas rtsa ba shin tu bstan pa zhes bya ba yod do/ /yul pa Ta la'i bu zhes bya ba na sngon byang chub sems dpa' bzhugs </font><hr>Ga385b<br><font size=+1>


bzhugs pa'i dge 'dun gyi kun dga' ra ba gser gyi gling zhes bya ba yod do/ /yul ma thu ra na sngon byang chub sems dpa' bzhugs bzhugs pa'i gnas tshim par byed pa'i phug ces bya ba yod do/ /yul ril ba gtong ba zhes bya ba na sngon byang chub sems dpa' bzhugs bzhugs pa'i gnas chos kyi stan zhes bya ba yod do/ /yul dge ba'i phul du phyin pa zhes bya ba na sngon byang chub sems dpa' bzhugs bzhugs pa'i gnas btang bzung gi phug ces bya ba yod do/ /yul be'u ra zhes bya ba na sngon byang chub sems dpa' bzhugs bzhugs pa'i gnas thub ces bya ba klus btsugs pa yod do/ /yul kam po tsa na sngon byang chub sems dpa' bzhugs bzhugs pa'i gnas byams pas 'phags pa zhes bya ba yod do/ /rgya'i gnas na sngon byang chub sems dpa' bzhugs bzhugs pa'i gnas mthu bo thu'i phug ces bya ba yod do/ /yul kha sha na sngon byang chub sems dpa' bzhugs bzhugs pa'i gnas pa lang gi mgo bo zhes bya ba yod do/ /kha che'i yul na sngon byang chub sems dpa' bzhugs bzhugs pa'i gnas shin tu ston pa zhes bya ba yod do/ /yul dga' ba 'phel ba zhes bya ba na sngon byang chub sems dpa' bzhugs bzhugs pa'i gnas gnas brtan gyi phug ces bya ba yod do/ /yul chu 'dzin zhes bya </font><hr>Ga386a<br><font size=+1>


@#/ /ba na sngon byang chub sems dpa' bzhugs bzhugs pa'i gnas khyor bo ston pa zhes bya ba yod do/ /yul sa 'dzin gyi dkyil 'khor na byang chub sems dpa' bzhugs bzhugs pa'i gnas brgyags kyi phug ces bya ba yod do/ /shin tu rgyas pa chen po'i mdo/ sangs rgyas phal po che zhes bya ba las/ byang chub sems dpa'i gnas kyi le'u zhes bya ba ste/ sum cu rtsa brgyad pa'o// // </font><hr>Nga1b<br><font size=+1>


@##/ /shin tu rgyas pa chen po'i mdo/ sangs rgyas phal po che zhes bya ba/ bam po drug cu rtsa gsum pa/ de nas byang chub sems dpa'i tshogs chen po de'i nang nas / byang chub sems dpa' kha cig 'di snyam du sems te/ sangs rgyas bcom ldan 'das rnams kyi sangs rgyas kyi zhing ni ji tsam zhig tu bsam gyis mi khyab/ sangs rgyas </font><hr>Nga2a<br><font size=+1>


@##/ /bcom ldan 'das rnams kyi sngon gyi smon lam dang / 'byung ba rnam par dag pa ni ji tsam zhig tu bsam gyis mi khyab/ sangs rgyas bcom ldan 'das rnams kyi de bzhin gshegs pa'i gdung ni ji tsam zhig tu bsam gyis mi khyab/ sangs rgyas bcom ldan 'das rnams kyi sangs rgyas kyi skye ba ni ji tsam zhig tu bsam gyis mi khyab/ sangs rgyas bcom ldan 'das rnams kyi de bzhin gshegs pa'i sku ni ji tsam zhig tu bsam gyis mi khyab/ sangs rgyas bcom ldan 'das rnams kyi de </font><hr>Nga2b<br><font size=+1>


bzhin gshegs pa'i gsung ni ji tsam zhig tu bsam gyis mi khyab/ sangs rgyas bcom ldan 'das rnams kyi de bzhin gshegs pa'i ye shes ni ji tsam zhig tu bsam gyis mi khyab/ sangs rgyas bcom ldan 'das rnams kyi de bzhin gshegs pa'i rnam par 'phrul pa ni ji tsam zhig tu bsam gyis mi khyab/ sangs rgyas bcom ldan 'das rnams kyi chags pa mi mnga' ba'i rnam par spyod pa ni ji tsam zhig tu bsam gyis mi khyab/ sangs rgyas bcom ldan 'das rnams kyi sangs rgyas kyi rnam par thar pa ni ji tsam zhig tu bsam gyis mi khyab snyam pa dang / de nas bcom ldan 'das kyis byang chub sems dpa' de dag gi sems thugs kyis thugs su chud nas/ byang chub sems dpa' ut+pa la'i snying po/ sangs rgyas kyi byin gyi rlabs kyis byin du brlabs so/ /sangs rgyas kyi ye shes kyi byin dang ldan </font><hr>Nga3a<br><font size=+1>


@##/ /par mdzad do/ /de bzhin gshegs pa'i 'od kyis snang bar mdzad do/ /sangs rgyas kyi gzi brjid kyis yongs su rgyas par mdzad do/ /sangs rgyas kyi mi 'jigs pa la rab tu bzhag go /sangs rgyas kyi chos kyi dbyings la 'jug pa khong du chud par mdzad do/ /sangs rgyas kyi bdag nyid che ba nyid dang / rdzu 'phrul gyi yul rab tu rtogs par mdzad do/ /chags pa med pa'i rgyud 'byams klas pa la rab tu bzhag go /sangs rgyas thams cad gcig nas gcig tu brgyud pa'i rigs rab tu rtogs par mdzad do/ / sangs rgyas kyi tshul gyi gnas brjod du med pa la rab tu bzhag pa mdzad do/ /de nas byang chub sems dpa' ut+pa la'i snying pos chos kyi dbyings la 'jug pa rig cing khong du chud pas/ chags pa med pa'i dbyings su bsgrubs pa'i yid dang / chos thams </font><hr>Nga3b<br><font size=+1>


cad la bsgribs pa med par gnas pa'i byang chub sems dpa'i spyod pa dang / kun tu bzang po'i smon lam dang ldan pa'i yang dag par 'jug pa dang / sangs rgyas thams cad kyi rjes su song ba'i sangs rgyas blta ba dang / snying rje chen pos lta ba'i sems can thams cad yongs su sbyong ba'i go cha chen po dang / byang chub sems dpa'i yi dam dang / spyod pa'i dkyil 'khor rgyun chad pa med pa dang / sangs rgyas kyi ye shes mngon par sgrub pa skad cig gi cha shas la rnam par spyod pa dang / thams cad mkhyen pa nyid kyi sgo mthong ba mi zad pa dang / tha dad pa yang dag par shes pa'i rnam pa/ gzungs thams cad kyis snang bar byas pa dang ldan pas sangs rgyas kyi mthus byang chub sems dpa' pad+mo'i snying po la 'di skad ces smras so/ / kye rgyal ba'i sras/ sangs rgyas bcom ldan 'das rnams ni tshad med pa la rnam par spyod pa ste/ kye rgyal ba'i sras/ sangs rgyas bcom ldan 'das rnams ni rnam par 'phrul pa chen po la rnam par spyod pa'o/ /kye rgyal ba'i sras/ sangs rgyas bcom ldan 'das rnams ni sangs rgyas kyi mdzad pa thams cad la sku'i mtshan nyid thams cad rab tu brnyes pa'o/ / sangs rgyas bcom ldan 'das rnams kyi chos kyi 'khor lo bskor ba ni ting nge 'dzin dang dgongs pas sbyar ba'o/ /sangs rgyas bcom ldan 'das rnams kyi tha dad pa yang dag par </font><hr>Nga4a<br><font size=+1>


@#/ /mkhyen pa bzhi ni brjod du med pa'i yang brjod du med pa shin tu ston pa'o/ /sangs rgyas bcom ldan 'das rnams ni/ sangs rgyas kyi chos thams cad la bsam gyis mi khyab par rnam par spyod pa'o/ /sangs rgyas bcom ldan 'das rnams kyi sangs rgyas kyi gsung dang dbyangs ni tshad med pa'o/ /sangs rgyas bcom ldan 'das rnams kyi chos kyi dbyings thugs su chud pa ni brjod du med pa'o/ /sangs rgyas bcom ldan 'das rnams kyi sangs rgyas kyi khyu mchog gi mthu phyung ba ni/ thams cad mngon par mkhyen pa'o/ /kye rgyal ba'i sras dag/ sangs rgyas bcom ldan 'das rnams kyis chos kyi dbyings thugs su chud cing bstan pa ni bsgribs pa med pa'i mthar thug pa'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi chos kyi dbyings mtha' dang dbus med pa'i sangs rgyas kyi chos rnam pa bcu ste| bcu gang zhe na/ sangs rgyas bcom ldan 'das rnams kyi gzugs kyi sku rnam par dag pa ni rnyog pa med par rgyud thams cad du byung bas mtha' dang dbus med pa'o// sangs rgyas bcom ldan 'das rnams kyi chags pa med pa'i spyan ni/ chos thams cad mnyam pa nyid kyi spyan mngon par sangs rgyas pas mtha' dang dbus med pa'o/ / </font><hr>Nga4b<br><font size=+1>


sangs rgyas bcom ldan 'das rnams kyi chags pa med pa'i snyan ni/ 'gro ba thams cad kyi sgra bsgribs pa med par thugs su chud pas mtha' dang dbus med pa'o/ /sangs rgyas bcom ldan 'das rnams kyi shangs kyi skye mched ni/ sangs rgyas kyi mnga' thams cad kyi pha rol tu phyin pa brnyes pas mtha' dang dbus med pa'o/ /sangs rgyas bcom ldan 'das rnams kyi ljags shin tu yangs pa ni/ chos kyi dbyings thams cad du gsung gi dbyangs rjes su 'gro bas mtha' dang dbus med pa'o/ /sangs rgyas bcom ldan 'das rnams kyi sku'i chos nyid ni/ sems can thams cad ma lus pa'i sems kyi rnam pa la de bzhin gshegs pa mthong ba rnam par dmigs pas mtha' dang dbus med pa'o/ /sangs rgyas bcom ldan 'das rnams kyi thugs kyi 'phrin las ni/ chos kyi sku dang tha mi dad cing / dus gsum chags pa med par thugs su chud cing rnam par dag pas mtha' dang dbus med pa'o/ /sangs rgyas bcom ldan 'das rnams kyi sangs rgyas kyi rnam par thar pa bsgribs pa mi mnga' ba la rnam par spyod pa ni/ sangs rgyas kyi go 'phang dang / rnam par 'phrul ba dang / cho 'phrul mi zad pa yang dag par ston pas mtha' dang dbus med pa'o/ /sangs rgyas bcom ldan 'das rnams kyi 'jig rten gyi khams thams cad rnam par dag pa ni/ brjod du med pa'i rgyan byin gyis brlabs pas/ sangs rgyas kyi </font><hr>Nga5a<br><font size=+1>


@#/ /zhing nye bar nyon mongs pa med pa yang dag par bstan te/ bsam pa ji lta ba bzhin du rnam par dmigs par mdzad pas mtha' dang dbus med pa'o/ / sangs rgyas bcom ldan 'das rnams kyi byang chub sems dpa'i spyod pa'i khyad par dang / smon lam thams cad yongs su rdzogs pa ni/ rnam par rol ba'i ye shes kyi chos yongs su rdzogs te/ chos thams cad rdzogs par byang chub par bya ba la mtha' dang dbus med pa ste/ kye rgyal ba'i sras/ bcu po 'di dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi dbyings mtha' dang dbus med pa'i sangs rgyas kyi chos rnams so/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sangs rgyas kyi skad cig gcig la ye shes kyis mngon par bsgrubs pa yang dag par bstan pa'o/ /bcu gang zhe na/ skad cig gcig la 'jig rten gyi khams thams cad du dga' ldan gyi gnas nas 'pho ba yongs su bstan pa dang / skad cig gcig la 'jig rten gyi khams thams cad du byang chub sems dpa'i tshe yongs su bstan pa dang / skad cig gcig la 'jig rten gyi khams thams cad du mngon par 'byung ba yongs su bstan pa dang / skad cig gcig la 'jig rten gyi khams thams cad du byang </font><hr>Nga5b<br><font size=+1>


chub kyi shing drung du bzhugs shing mngon par 'tshang rgya ba yongs su bstan pa dang / skad cig gcig la 'jig rten gyi khams thams cad du chos kyi 'khor lo bskor ba yongs su bstan pa dang / skad cig gcig la 'jig rten gyi khams thams cad du 'dul ba'i sems can yongs su smin pa'i tshul ji lta ba bzhin du dus la bab par shes pas sangs rgyas bsnyen bkur ba yongs su bstan pa dang| skad cig gcig la 'jig rten gyi khams thams cad du sems can ji ltar 'dul ba'i tshul bzhin du de bzhin gshegs pa brjod du med pa dang / sangs rgyas kyi sku sna tshogs rnam par dmigs pa yongs su bstan pa dang / skad cig gcig la 'jig rten gyi khams thams cad du rgyan sna tshogs dang / rgyan brjod du med pas de bzhin gshegs pa'i khyu mchog gi mthu phyung ba dang / thams cad mkhyen pa'i mdzod yongs su bstan pa dang / skad cig gcig la 'jig rten gyi khams thams cad du rnam par dag pa gcig ma yin pa thams cad yongs su bstan pa dang / skad cig gcig la 'jig rten gyi khams thams cad du 'das pa dang / ma byon pa dang / da ltar byung ba'i sangs rgyas skye ba thams cad du dbang po dang / brtson 'grus rnam pa tha dad pa byung ba dang / mos pa dang / spyod pa rnam pa tha dad pa byung ba la dus gsum gyi sangs rgyas kyi rgyud du mngon par 'tshang rgya ba yongs su bstan pa ste/ kye rgyal ba'i sras/ </font><hr>Nga6a<br><font size=+1>


@#/ /bcu po de dag ni/ sangs rgyas bcom ldan 'das rnams kyi sangs rgyas kyi skad cig la ye shes mngon par sgrub pa yang dag par bstan pa'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sangs rgyas kyi dus las mi 'da' ba ste/ bcu gang zhe na/ sangs rgyas bcom ldan 'das rnams kyis mngon par 'tshang rgya ba ni/ de'i dus las mi 'da' bas dus la bab pa yin/ sangs rgyas bcom ldan 'das rnams kyi dge ba rnam par smin pa dang / rnam par ma smin pa mnyam pa nyid ni/ de'i dus las mi 'da' bas dus la bab pa yin/ sangs rgyas bcom ldan 'das rnams kyis yongs su smin pa'i byang chub sems dpa' rnams lung bstan pa ni/ de'i dus las mi 'da' bas dus la bab pa yin/ sangs rgyas bcom ldan 'das rnams kyis sems can gyi bsam pa'i rgyud du cho 'phrul yongs su bstan pa ni/ de'i dus las mi 'da' bas dus la bab pa yin/ sangs rgyas bcom ldan 'das rnams kyis sems can mos pa ji lta bu dang ldan pa'i tshul bzhin du sku yongs su bstan pa ni/ de'i dus las mi 'da' bas dus la bab pa yin/ sangs rgyas bcom ldan 'das rnams btang snyoms su bzhugs pa ni/ de'i dus las mi 'da' bas dus la bab pa yin/ sangs rgyas bcom </font><hr>Nga6b<br><font size=+1>


ldan 'das rnams yul dang grong dang grong rdal du gshegs pa ni/ de'i dus la mi 'da' bas dus la bab pa yin/ sangs rgyas bcom ldan 'das rnams dad pa ji lta bu dang ldan pa'i tshul bzhin du sems can yongs su 'dzin pa ni/ de'i dus las mi 'da' bas dus la bab pa yin/ sangs rgyas bcom ldan 'das rnams sems can kun nas nyon mongs pa dang ldan zhing gdul dka' ba la gzhan la ltos pa mi mnga' bar 'dul ba ni/ de'i dus las mi 'da' bas dus la bab pa yin/ sangs rgyas bcom ldan 'das rnams kyi sangs rgyas kyi rnam par 'phrul pa bsam gyis mi khyab pas rnam par 'phrul pa bstan pa ni/ de'i dus las mi 'da' bas dus la bab pa yin/ kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi dus las mi 'da' ba'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sangs rgyas kyi yul dpe med cing bsam gyis mi khyab pa ste/ bcu gang zhe na/ 'jig rten gyi khams thams cad ma lus par skyil mo krung gcig gis rgyas par dgang ba dang / dus gcig tu sangs rgyas thams cad yongs su bstan pa dang / 'od zer gcig gis 'jig rten gyi khams ma lus pa thams cad snang bar bya ba dang / sku gzugs gcig gis lus dang / gzugs thams cad yongs su bstan pa </font><hr>Nga7a<br><font size=+1>


@#/ /dang| gnas gcig na bzhugs kyang 'jig rten gyi khams thams cad ma lus par byon pa'i skur 'gyur ba dang / ye shes gcig rtogs pas chos thams cad la bsgribs pa med par 'gyur ba dang / thugs gcig bskyed pas chos kyi dbyings thams cad ma lus par rgyas par 'gengs pa dang / sangs rgyas kye che ba nyid tshad med pa dang ldan pa'i gshegs stabs gcig gis de kho na nyid yang dag par bstan pa dang / dus gsum thams cad sangs rgyas kyi go 'phang gis rgyas par 'gengs pa dang / 'gro ba thams cad dang ma 'dres par bzhugs shing / 'das pa dang / ma byon pa dang / da ltar byung ba'i sangs rgyas bcom ldan 'das rnams dang mi dmigs pa'i tshul gyis rgyud kyi tshul gcig pa ste| kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi yul dpe med cing bsam gyis mi khyab pa'o/ /kye rgyal ba'i sras/ bcu po 'di dag ni/ de bzhin gshegs pa rnams kyi sangs rgyas kyi byin gyis brlabs mngon par sgrub pa'i ye shes te/ bcu gang zhe na/ 'jug pa med pa'i chos thams cad la 'jug pas smon lam mngon par sgrub pa'i ye shes dang / lus med pa la lus mngon par sgrub pa'i ye shes dang / chos thams cad mi gnyis pa la mngon par 'tshang rgya ba mngon par sgrub pa'i ye </font><hr>Nga7b<br><font size=+1>


shes dang / sems can gyi mthar thug par bdag med pa la sems can 'dul ba mngon par sgrub pa'i ye shes dang / chos thams cad mtshan ma med pa la mtshan ma sna tshogs mngon par sgrub pa'i ye shes dang / 'jig rten gyi khams kyi yul ma skyes pa la 'jig rten gyi khams 'du ba dang / 'jig pa mngon par sgrub pa'i ye shes dang / yul thams cad mngon par 'du bya ba med pa la las kyi rnam par smin pa mngon par sgrub pa'i ye shes dang / chos thams cad brjod du med pa la chos kyi dbyings su gsung mngon par sgrub pa'i ye shes dang / chos thams cad kun nas nyon mongs pa dang / rnam par byang bas 'jug pa med pa la kun nas nyon mongs pa dang / rnam par byang ba mngon par sgrub pa'i ye shes dang / chos thams cad ma skyes pa la skye ba dang / 'jig pa'i mtshan nyid rten cing 'brel bar 'byung ba mngon par sgrub pa'i ye shes te/ kye rgyal ba'i sras/ bcu po de dag ni/ de bzhin gshegs pa rnams kyi sangs rgyas kyi mngon par sgrub pa'i ye shes so/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi tshad med pa'i khongs su chud pa dag ste/ bcu gang zhe na/ sangs rgyas bcom ldan 'das rnams kyi sku ni/ dus gsum thams cad kyi rjes su 'brang ba'i khongs su chud pa yin/ sangs rgyas bcom ldan 'das rnams sems can thams cad 'dul </font><hr>Nga8a<br><font size=+1>


@#/ /bar mdzad pa ni/ cho 'phrul chen po gsum gyi khongs su chud pa yin/ sangs rgyas bcom ldan 'das rnams tshig rab tu dbye ba thams cad la mkhas pa ni/ sangs rgyas kyi chos kyi gzungs thams cad kyi khongs su chud pa yin/ sangs rgyas bcom ldan 'das rnams kyi chos kyi 'khor lo thams cad ni/ de bzhin gshegs pa'i tha dad pa yang dag par mkhyen pa bzhir khongs su chud pa yin/ sangs rgyas bcom ldan 'das rnams sems can thams cad yongs su mi gtong ba ni/ thugs rje chen po'i khongs su chud pa yin/ sangs rgyas bcom ldan 'das rnams rtag tu mnyam par bzhag pa ni/ dus thams cad du sems can thams cad la rnam par gzigs pa'i khongs su chud pa yin/ sangs rgyas bcom ldan 'das rnams kyi sangs rgyas kyi dge ba'i rtsa ba ni/ sems can rnam par gdul ba thams cad khongs su chud pa yin/ sangs rgyas bcom ldan 'das rnams kyi chags pa mi mnga' bar spyod pa ni/ chos kyi dbyings thams cad khongs su chud pa yin/ sangs rgyas bcom ldan 'das rnams kyi skad cig gcig tu ni/ 'das pa dang / ma byon pa dang / da ltar byung ba'i sangs rgyas skye ba thams cad khongs su chud pa yin/ sangs rgyas bcom ldan 'das rnams kyi nyi ma gcig tu ni/ dus gsum gyi bskal pa'i grangs khong du chud par bstan pa thams cad khongs </font><hr>Nga8b<br><font size=+1>


su chud pa yin/ kye rgyal ba'i sras/ bcu po de dag ni/ sangs rgyas bcom ldan 'das rnams kyi tshad med pa'i khongs su chud pa'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi shin tu rgya che ba'i chos bzod par dka' ba rnams te/ bcu gang zhe na/ bdud kyi dkrugs ma rab tu 'joms zhing rnam par 'thor ba ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /mu stegs can gzhan dang / phas kyi rgol ba tshar bcad pa ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /'dul ba'i sems can thams cad rab tu tshim par mdzad pa ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ / sems can 'dul ba'i dbang gis 'jig rten gyi khams thams cad du gshegs pa ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ / chos kyi dbyings thugs su chud pa'i ye shes ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /'jig rten gyi khams thams cad ma lus par skus khyab cing / sangs rgyas kyi sku rnam par phye ba sna tshogs thams cad du mi gnyis pa ni/ sangs rgyas bcom ldan 'das rnams kyi shin tu rgya che ba'i chos bzod </font><hr>Nga9a<br><font size=+1>


@#/ /par dka' ba'o/ /gsung gi yan lag thams cad la sems can mos par bya ba dang / thos par bya ba dang / gdul bar bya ba don yod par tha dad pa yang dag par mkhyen pa thogs pa med pas bstan pa'i tshul du tha dad pa yang dag par mkhyen pa bzhi 'byung ba ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o// sangs rgyas bcom ldan 'das rnams kyi ba spu'i bu ga gcig nas/ de bzhin gshegs pa 'jig rten gyi khams thams cad kyi rdul shin tu phra ba snyed bsam gyis mi khyab cing thogs pa med pa'i tshul du 'jig rten gyi khams thams cad kyi rdul shin tu phra ba snyed kyi thabs kyis 'byung zhing / de bzhin du sangs rgyas kyis sku'i ba spu'i bu ga thams cad nas 'byung ba ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /de bzhin gshegs pa dgra bcom pa yang dag par rdzogs pa'i sangs rgyas rdul shin tu phra ba gcig la sangs rgyas kyi zhing 'jig rten gyi khams thams cad kyi rdul shin tu phra ba snyed yongs su ston cing / sangs rgyas kyi rgyan dang / rang bzhin gyi lhab lhub dang / chos kyi 'khor lo bskor ba rgyun mi 'chad cing / sems can rnam par 'dul ba thogs pa med pa la 'jig rten gyi khams de dag tu gtogs pa rnams la'ang mi bde ba dang / gnod pa med kyang rdul </font><hr>Nga9b<br><font size=+1>


shin tu phra ba de yang yangs par ma byas/ 'jig rten gyi khams de dag kyang chung bar ma byas par ji ltar gnas pa'i chos kyi dbyings kyang thugs su chud pa'i ye shes mnga' ba ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /mun pa med pa'i khams de bzhin gshegs pas mngon par sangs rgyas te/ sangs rgyas kyi chos thams cad la mun pa med cing bsgribs pa mi mnga' la/ sems can pha rol gyi bsgribs pa sna tshogs kyi gnas rnam par sel na/ de la de bcom ldan 'das de bzhin gshegs pa'i stobs bcu dang ldan pa ni| sangs rgyas bcom ldan 'das rnams kyi shin tu rgya che ba'i chos la bzod par dka' ba ste/ kye rgyal ba'i sras/ bcu po de dag ni/ sangs rgyas bcom ldan 'das rnams kyi shin tu rgya che ba'i chos bzod par dka' ba'o/ /kye rgyal ba'i sras dag/ bcu po 'di dag ni/ sangs rgyas bcom ldan 'das rnams kyi bdag nyid che ba rnam pa thams cad du kha na ma tho ba med cing shin tu dag pa ste/ bcu gang zhe na/ sangs rgyas bcom ldan 'das rnams kyi yang dag par bsgrubs pa bdag nyid che ba ni/ sngon gyi mtha' nas rnam pa thams cad du kha na ma tho ba med cing rnam par dag pa'o/ /sangs rgyas bcom ldan 'das rnams kyi 'das pa dang / ma byon pa dang / da ltar byung ba'i sangs rgyas kyi rgyud du rigs dang ldan par 'byung ba'i bdag nyid che </font><hr>Nga10a<br><font size=+1>


@#/ /ba ni/ de bzhin gshegs pa'i rigs rnam par dag pas/ rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni rnam par shes pa la mi gnas pa ste/ sangs rgyas bcom ldan 'das rnams kyi bdag nyid che ba ni/ phyi ma'i mtha'i mur thug par gnas pas/ rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni dus gsum la mi gnas par rnam par spyod cing chos thams cad la rten pa yang dag par bcom pas| sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni dngos po rnam pa tha dad pa la rnam par gzhag pa gcig gis len pa med pas/ sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni sngon gyi mtha' dang / phyi ma'i mthar chos kyi dbyings la gnas pas mnyam pa'i bsod nams mi zad pa dang ldan pas/ mi zad pa'i bsod nams mnga' ba ste/ sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par </font><hr>Nga10b<br><font size=+1>


dag pa'o/ /sangs rgyas bcom ldan 'das rnams ni sku gzugs dang / kha dog mtha' yas pas 'jig rten gyi khams thams cad na sems can 'dul ba'i dus dang dbang gis chags pa med par bzhugs pas/ sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni mi 'jigs pa bzhi brnyes pas bag tsha ba mi mnga' bar bzhugs shing khyu mchog dang / seng ge'i nga ro 'byin te/ rgol ba'i nang na stag lta bu'i mthu dang ldan la/ chos thams cad bstan pa la thugs sgron ma lta bu mnga' bas/ sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o| |sangs rgyas bcom ldan 'das rnams ni yongs su mya ngan las 'das nas bskal pa brjod du med pa'i yang brjod du med pa zhig lon yang mtshan gyi tshig thos pa tsam gyis bzhugs pa dang 'dra bar sems can rnams kyi yon shin tu sbyong zhing / mya ngan las 'das nas de srid kyi yun ring po 'das kyang / sangs rgyas la bskyed pa'i yon tan zad par mi 'gyur bas/ sangs rgyas kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o/ /sangs rgyas bcom ldan 'das rnams ni 'jig rten gyi khams brjod du med pa'i </font><hr>Nga11a<br><font size=+1>


@#/ /yang brjod du med pa dag na bzhugs shing / 'jig rten gyi khams rgyang ring po na bzhugs kyang / 'jig rten gyi khams 'di na gnas pa'i sems can rnams kyis rjes su dran par byas na/ sku mngon par ston pa mdzad pas/ sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa ste/ kye rgyal ba'i sras/ bcu po de dag ni/ sangs rgyas bcom ldan 'das rnams kyi bdag nyid che ba ni/ rnam pa thams cad du kha na ma tho ba med cing shin tu rnam par dag pa'o/ / kye rgyal ba'i sras dag /bcu po 'di dag ni/ sangs rgyas bcom ldan 'das rnams kyi shin tu rnam par dag pa ste/ bcu gang zhe na/ sangs rgyas bcom ldan 'das rnams ni sangs rgyas kyi tshangs pa'i spyod pa rnam par dag pa la/ sngon gyi smon lam gyis shin tu rnam par dag pa yin/ sangs rgyas bcom ldan 'das rnams ni chags pa med pa'i tshul khrims kyis shin tu rnam par dag pa yin/ sangs rgyas bcom ldan 'das rnams ni/ sems can thams cad kyi nyon mongs pa sel bas shin tu rnam par dag pa yin/ sangs rgyas bcom ldan 'das rnams ni/ sangs rgyas kyi zhing gis shin tu rnam par dag pa yin/ sangs rgyas bcom ldan 'das rnams ni 'khor gyis shin tu rnam par dag pa yin/ sangs rgyas bcom </font><hr>Nga11b<br><font size=+1>


ldan 'das rnams ni rigs rnam par dag pas shin tu rnam par dag pa yin/ sangs rgyas bcom ldan 'das rnams ni/ gzugs kyi sku'i mtshan dang dpe byad bzang po rnam par dag pas shin tu rnam par dag pa yin/ sangs rgyas bcom ldan 'das rnams ni/ chos kyi sku rnyog pa med pas shin tu rnam par dag pa yin/ sangs rgyas bcom ldan 'das rnams ni/ thams cad mkhyen pa'i ye shes kyi phung po bsgribs pa med pas shin tu rnam par dag pa yin/ sangs rgyas bcom ldan 'das rnams ni/ sangs rgyas kyi rnam par thar pa thams cad la mthu chen po brnyes shing / pha rol tu phyin pa dam pa brnyes pas shin tu rnam par dag pa yin te/ kye rgyal ba'i sras/ bcu po de dag ni/ sangs rgyas bcom ldan 'das rnams kyi shin tu rnam par dag pa'o/ /kye rgyal ba'i sras dag/ bcu po 'di dag ni/ sangs rgyas bcom ldan 'das rnams kyi mdzad pa 'jig rten gyi khams thams cad du 'byung zhing dus thams cad du gnas pa ste/ bcu gang zhe na/ sangs rgyas rjes su dran pa thob pa'i sems can rnams la dus thams cad du sangs rgyas bstan pa dang / sems can sems cad shes dang ldan pa rnams la dus thams cad du chos bstan pa dang / sems can sangs rgyas la dad pa'i sems dang ldan pa'i dge ba'i rtsa ba dus thams cad du bskyed pa dang / chos skyon med par 'das pa'i sems can rnams dus thams cad du ye shes khong du chud par </font><hr>Nga12a<br><font size=+1>


@#/ /bya ba dang / 'gro ba thams cad du sangs rgyas kyi mdzad pa dus thams cad du rgyun mi 'chad pa dang / de bzhin gshegs pa rnams 'jig rten gyi khams thams cad du dus thams cad du chags pa mi mnga' bar gshegs pa dang / sems can thams cad la thugs rje chen po dus thams cad du mi gtong ba dang / sangs rgyas bcom ldan 'das rnams kyi sangs rgyas kyi sprul pa dus thams cad du thogs pa med pa dang / sangs rgyas bcom ldan 'das rnams kyi sangs rgyas kyi rnam par 'phrul pa sna tshogs dus thams cad du thogs pa med pa dang / sangs rgyas bcom ldan 'das rnams chos kyi dbyings gnas pa'i sangs rgyas dus thams cad du 'byung ba ste/ kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi mdzad pa 'jig rten gyi khams thams cad du 'byung zhing / dus thams cad du gnas pa'o/ /kye rgyal ba'i sras/ bcu po 'di dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes rgya mtsho mi zad pa'i tshul rnams te/ bcu gang zhe na/ sangs rgyas bcom ldan 'das rnams ni de bzhin gshegs pa'i skus ye shes rgya mtsho mi zad pa'o/ /sangs rgyas bcom ldan 'das rnams ni/ sangs rgyas kyi 'phrin las tshad med pa brnyes pas ye shes rgya mtsho mi zad </font><hr>Nga12b<br><font size=+1>


pa'o| |sangs rgyas bcom ldan 'das rnams ni sangs rgyas kyi spyan gyi yul mnga' bas ye shes rgya mtsho mi zad pa'o/ /sangs rgyas bcom ldan 'das rnams ni dge ba'i rtsa ba tshad med pa bsam gyis mi khyab pa mnga' bas ye shes rgya mtsho mi zad pa'o/ /sangs rgyas bcom ldan 'das rnams ni chos kyi tshar mngon par 'bebs pas ye shes rgya mtsho mi zad pa'o/ /sangs rgyas bcom ldan 'das rnams ni sangs rgyas kyi yon tan dang / legs pa mang po mnga' bas ye shes rgya mtsho mi zad pa'o/ /sangs rgyas bcom ldan 'das rnams ni sngon gyi mtha'i thams cad mkhyen pa'i smon lam dang khyad par mnga' bas ye shes rgya mtsho mi zad pa'o/ /sangs rgyas bcom ldan 'das rnams ni phyi ma'i mtha'i mur 'gro ba thams cad sangs rgyas kyi 'phrin las rgyun mi 'chad par bsgrub pas ye shes rgya mtsho mi zad pa'o/ /sangs rgyas bcom ldan 'das rnams ni sems can gyi rigs thams cad ma lus pa'i sems dang spyod pa la ye shes rgya mtsho mi zad pa'o/ /sangs rgyas bcom ldan 'das rnams ni thams cad mkhyen pa'i bsod nams zil gyis mi non pas ye shes rgya mtsho mi zad pa'o/ /kye rgyal ba'i sras/ bcu po de dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes rgya mtsho mi zad pa'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sangs rgyas kyi </font><hr>Nga13a<br><font size=+1>


@#/ /tshul rnams te/ bcu gang zhe na/ 'di lta ste/ pha rol tu phyin pa thams cad kyis mngon par byung ba 'di ni/ sangs rgyas bcom ldan 'das rnams kyi tshul yin no| |'di lta ste/ chos thams cad la mi mkhyen pa gang yang mi mnga' ba 'di ni/ sangs rgyas bcom ldan 'das rnams kyi tshul yin no/ /'di lta ste/ thams cad kyang thugs rje chen po dang ldan pa 'di ni/ sangs rgyas bcom ldan 'das rnams kyi tshul yin no/ /'di lta ste/ thams cad kyang stobs bcu tshad med pa dang ldan pa 'di ni/ sangs rgyas bcom ldan 'das rnams kyi tshul yin no/ /'di lta ste/ thams cad kyang bla na med pa'i chos kyi 'khor lo rab tu bskor ba 'di ni/ sangs rgyas bcom ldan 'das rnams kyi tshul yin no/ /'di lta ste/ thams cad kyang sems can 'dul ba yang dag par zhugs pa 'di ni/ sangs rgyas bcom ldan 'das rnams kyi tshul yin no/ /'di lta ste/ thams cad kyang 'gro ba thams cad kyi don du mngon par sangs rgyas pa 'di ni/ sangs rgyas bcom ldan 'das rnams kyi tshul yin no/ /'di lta ste/ 'dul ba'i sems can rnams 'dul ba la thogs pa mi mnga' ba 'di ni/ sangs rgyas bcom ldan 'das rnams kyi tshul yin no/ /'di lta ste/ mi gnyis par yang dag par spyod pa'i mtshan nyid kyi chos la rab tu gzhol ba 'di ni/ sangs rgyas </font><hr>Nga13b<br><font size=+1>


bcom ldan 'das rnams kyi tshul yin no/ /'di lta ste/ ji ltar yongs su smin par gyur pa dang / dul bar gyur pa'i sems can rnams la sangs rgyas kyi yul mu med pas/ sangs rgyas kyi yongs su mya ngan las 'da' ba ston pa 'di ni/ sangs rgyas bcom ldan 'das rnams kyi tshul yin te/ kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi tshul lo| |kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sangs rgyas kyi chos mtha' yas pa shin tu bstan pa'i sgo rnams te/ bcu gang zhe na/ sangs rgyas bcom ldan 'das rnams ni sems can gyi khams shin tu bstan pa'i sgor mtha' yas pa'o/ /sangs rgyas bcom ldan 'das rnams ni sems can gyi spyod pa sna tshogs shin tu bstan pa'i sgor mtha' yas pa'o/ /sangs rgyas bcom ldan 'das rnams ni sems can thams cad kyi las dang / rnam par smin pa shin tu bstan pa'i sgor mtha' yas pa'o/ /sangs rgyas bcom ldan 'das rnams ni sems can thams cad la gdams ngag dang / man ngag shin tu bstan pa'i sgor mtha' yas pa'o/ /sangs rgyas bcom ldan 'das rnams ni sems can mtha' yas pa rnam par sbyong ba'i nan tan gyi sgor mtha' yas pa'o/ /sangs rgyas bcom ldan 'das rnams ni byang chub sems dpa'i spyod pa thams cad la gdams ngag dang / man ngag gis yongs su gzhog pa'i sgor </font><hr>Nga14a<br><font size=+1>


@#/ /mtha' yas pa'o/ /sangs rgyas bcom ldan 'das rnams ni byang chub sems dpa'i khyad par gyi smon lam rnam pa tha dad pas 'byung ba shin tu bstan pa'i sgor mtha' yas pa'o/ /sangs rgyas bcom ldan 'das rnams ni 'jig rten gyi khams thams cad ma lus pa'i 'du ba dang / 'jig pa shin tu bstan pa'i sgor mtha' yas pa'o/ /sangs rgyas bcom ldan 'das rnams kyi sangs rgyas kyi zhing rnam par dag pa ni byang chub sems dpa'i bsam pa dang / mos pa ji lta ba bzhin du yongs su bstan pa'i sgor mtha' yas pa'o/ /sangs rgyas bcom ldan 'das rnams kyi 'jig rten gyi khams ma lus pa thams cad du 'das pa dang / ma byon pa dang / da ltar byung ba'i sangs rgyas gcig nas gcig tu brgyud pa ni bskal pa yangs pa de dang de dag tu bstan cing brjod pa dang / yongs su bshad pas sangs rgyas kyi ye shes thams cad khong du chud par bya ba'i sgor mtha' yas pa ste/ kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi chos mtha' yas pa shin tu bstan pa'i sgo'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sangs rgyas kyi 'phrin las sems can rnams la sgrub pa ste/ bcu gang zhe na/ sangs rgyas bcom ldan 'das rnams kyi sku yongs su bstan pa ni/ sems </font><hr>Nga14b<br><font size=+1>


can rnams la sangs rgyas kyi 'phrin las sgrub bo/ /sangs rgyas bcom ldan 'das rnams kyi gsung yang sems can rnams la sangs rgyas kyi 'phrin las sgrub bo/ /sangs rgyas bcom ldan 'das rnams len pa mdzad pa yang sems can rnams la sangs rgyas kyi 'phrin las sgrub bo/ /sangs rgyas bcom ldan 'das rnams len pa mi mdzad pa yang sems can rnams la sangs rgyas kyi 'phrin las sgrub bo/ /sa dang / chu dang / me dang / rlung gis kyang sangs rgyas bcom ldan 'das rnams sems can rnams la sangs rgyas kyi 'phrin las sgrub bo/ /sangs rgyas bcom ldan 'das rnams ni byin gyi rlabs kyi yul dang mi dmigs pa thams cad yul du mdzad pas kyang / sems can rnams la sangs rgyas kyi 'phrin las sgrub bo/ /sangs rgyas bcom ldan 'das rnams kyi mtshan kyang sems can rnams la sangs rgyas kyi 'phrin las sgrub bo/ /sangs rgyas bcom ldan 'das rnams ni zhing la dmigs par mdzad pas kyang / sems can rnams la sangs rgyas kyi 'phrin las sgrub bo/ /sangs rgyas bcom ldan 'das rnams ni sangs rgyas kyi zhing rnam par dag pas kyang / sems can rnams la sangs rgyas kyi 'phrin las sgrub bo/ /sangs rgyas bcom ldan 'das rnams mi gsung bar bzhugs pa yang sems can rnams la sangs rgyas kyi 'phrin las sgrub pa ste/ kye rgyal ba'i sras/ bcu po de dag ni/ sangs rgyas bcom ldan 'das </font><hr>Nga15a<br><font size=+1>


@#/ /kyi sangs rgyas kyi 'phrin las sems can rnams la sgrub pa'o// //bam po drug cu rtsa bzhi pa/ kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sems can gyi gtso bo'i chos te/ bcu gang zhe na/ smon lam chen po la rab tu brtan zhing smon lam zhig pa mi mnga' bas ji skad du gsung ba de ltar mdzad cing gnyis su mi gsung ba 'di ni/ sems can gyi gtso bo'i chos dang po'o/ /phyi ma'i mtha'i mur thug pa'i bskal pa thams cad du/ byang chub sems dpa'i spyod pa la yon tan thams cad yongs su rdzogs par mdzad par rab tu brtson zhing sgyid lug pa mi mnga' ba 'di ni/ sems can gyi gtso bo'i chos gnyis pa'o/ /sems can 'dul bar 'gyur ba gcig cig gzigs kyang 'jig rten gyi khams brjod du med pa'i yang brjod du med par gshegs shing 'jig rten gyi khams thams cad du gshegs pa la thag thogs med pa 'di ni/ sems can gyi gtso bo'i chos gsum pa'o/ /zhe sdang ba'i sems can rnams la thugs rje chen pos snyoms pa dang / dad pa'i sems can rnams la thugs rje chen pos snyoms pa 'di ni/ sems can gyi gtso bo'i chos bzhi pa'o/ /gang gi tshe bla na med pa yang dag par rdzogs pa'i byang chub tu yang dag par zhugs nas bla na med pa yang dag par rdzogs pa'i byang chub tu mngon par sangs </font><hr>Nga15b<br><font size=+1>


rgyas kyi bar du de bzhin gshegs pa dgra bcom pa yang dag par rdzogs pa'i sangs rgyas su mi 'gyur ro snyam du byang chub kyi sems ma nyams pa 'di ni/ sems can gyi gtso bo'i chos lnga pa'o/ / dge ba'i rtsa ba thams cad yang dag par sgrub cing thams cad mkhyen pa nyid du yongs su bsngo bas 'jug gi /'jig rten pa'i rgyud la ma yin pa 'di ni/ sems can gyi gtso bo'i chos drug pa'o// sangs rgyas thams cad kyi rjes su bsngo na/ sangs rgyas kyis spyad pa'i sems su lus kyi las dang / ngag gi las dang / yid kyi las kyis slob cing nyan thos dang / rang sangs rgyas kyi spyod pas thams cad mkhyen pa nyid du yongs su bsngo ba med pas/ bla na med pa yang dag par rdzogs pa'i byang chub tu mngon par sangs rgyas pa 'di ni/ sems can gyi gtso bo'i chos bdun pa'o/ /byang chub sems dpa'i sems rnam par dag cing / 'od gsal la dwangs pa/ thams cad du snang zhing kun tu 'od 'byung ba/ sangs rgyas kyi chos thams cad la snang zhing thams cad du snyoms pas thams cad mkhyen pa nyid yongs su rdzogs par byed pa 'di ni/ sems can gyi gtso bo'i chos brgyad pa'o/ /'jig rten pa'i bde ba thams cad yongs su spangs te/ 'jig rten pa'i dga' ba thams cad la ma chags pa dang / 'jig rten thams cad kyis gos pa med pa'i smon lam thams cad du mnyam pa nyid kyis 'jig rten thams cad bde ba thams cad dang ldan par byas te/ sdug bsngal </font><hr>Nga16a<br><font size=+1>


@#/ /dang| spros pa thams cad rab tu 'joms pa 'di ni/ sems can gyi gtso bos chos dgu pa'o/ /sdug bsngal gyi mi bde ba thams cad nyams su bab ste/ 'gro ba thams cad kyi don du dka' thub kyis shin tu gdungs kyang bla bar sems bskyed pas/ sangs rgyas thams cad kyi rigs yongs su bsrung ba dang ldan pa dang / stobs bcu'i sa'i bar du sangs rgyas kyi yul la mos pas mthar thug pa 'di ni/ sems can gyi gtso bo'i chos bcu pa ste/ kye rgyal ba'i sras/ bcu po de dag ni/ sangs rgyas bcom ldan 'das rnams kyi sems can gyi gtso bo'i chos so/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sangs rgyas kyi rnam par spyod pa chags pa med pa rnams te / bcu gang zhe na/ sangs rgyas bcom ldan 'das rnams ni 'jig rten gyi khams ma lus pa thams cad du gshegs pas chags pa mi mnga' bar rnam par spyod pa yin/ sangs rgyas bcom ldan 'das rnams ni/ 'jig rten gyi khams ma lus pa thams cad na bzhugs pas chags pa mi mnga' bar rnam par spyod pa yin/ sangs rgyas bcom ldan 'das rnams ni| 'jig rten gyi khams thams cad na bzhugs pa dang / bzhengs pa dang / bzhud pas chags pa mi mnga' bar rnam par spyod pa yin/ sangs rgyas bcom ldan 'das rnams ni/ </font><hr>Nga16b<br><font size=+1>


'jig rten gyi khams ma lus pa thams cad du chos ston pas chags pa mi mnga' bar rnam par spyod pa yin/ sangs rgyas bcom ldan 'das rnams ni/ 'jig rten gyi khams ma lus pa thams cad kyi dga' ldan gyi gnas na bzhugs kyang / chags pa mi mnga' bar rnam par spyod pa yin/ sangs rgyas bcom ldan 'das rnams ni/ chos kyi dbyings ma lus pa thams kyi sngon gyi mtha' dang / phyi ma'i mtha' dang / da ltar byung ba'i mtha' la chags pa mi mnga' bar rnam par spyod pa yin/ sangs rgyas bcom ldan 'das rnams ni/ chos kyi dbyings ma lus pa thams cad tsam gyi 'khor gyi dkyil 'khor na bzhugs kyang chags pa mi mnga' bar rnam par spyod pa yin/ sangs rgyas bcom ldan 'das rnams ni/ sems can ma lus pa thams cad kyi sems dang spyod pa la gzigs shing / thugs kyi skad cig gcig la cho 'phrul chen po gsum gyis sems can rnam par 'dul yang chags pa mi mnga' bar rnam par spyod pa yin/ sangs rgyas bcom ldan 'das rnams ni/ sku gcig gis kyang tshad med bsam gyis mi khyab pa'i sangs rgyas kyi rnam par spyod pa chen por rnam par spyod kyang chags pa mi mnga' bar rnam par spyod pa yin/ sangs rgyas bcom ldan 'das rnams ni/ sems can gyi khams 'byams klas pa ma lus pa thams cad du de bzhin gshegs pa'i chos </font><hr>Nga17a<br><font size=+1>


@#/ /ma lus pa thams cad kyi mthar thug pa bsam gyis mi khyab par ston cing gsung yang / chags pa mi mnga' bar rnam par spyod pa yin te/ kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi rnam par spyod pa chags pa med pa'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sangs rgyas kyi rgyan mchog dam pa bla na med pa rnams te/ bcu gang zhe na/ sangs rgyas bcom ldan 'das rnams kyi sku mtshan dang dpe byad bzang po sna tshogs kyis rnam par brgyan pa ni/ sangs rgyas bcom ldan 'das rnams kyi sku'i rgyan mchog dam pa bla na med pa'o/ /sangs rgyas bcom ldan 'das rnams kyi gsung yan lag gi mchog dam pa drug cu dang ldan zhing yan lag lnga brgyas yongs su bzung ba dang / rgyan brgya stong du mas rab tu brgyan pa dang / dbyangs kyi yan lag mtha' yas mu med pas rnam par dag pa dang| sangs rgyas kyi chos kyi don dang / tshig dang / yi ge brjod du med pa'i yang brjod du med pas rab tu tshim par mdzad pa dang / bag tsha ba mi mnga' bas seng+ge'i nga ro chen po sgrogs pa dang / 'jigs pa med pa chen pos bsnyengs pa mi mnga' bar gyur pa dang / chos kyi dbyings ma lus pa thams cad du sems can thams cad la grags cing bsal te </font><hr>Nga17b<br><font size=+1>


khong du chud par 'gyur ba dang / sems can bsam pa tha dad pa dang / dbang po tha dad pa rnam pa sna tshogs 'dul bar nye bar gnas pa 'di ni/ sangs rgyas bcom ldan 'das rnams kyi gsung gi rgyan mchog dam pa bla na med pa'o/ /sangs rgyas bcom ldan 'das rnams kyi thugs kyi 'phrin las ni stobs bcus brgyan pa/ sangs rgyas kyi ting nge 'dzin chen po thams cad kyi me tog shin tu rgyas pa/ sangs rgyas kyi chos ma 'dres pa bco brgyad kyi rgyan gyis shin tu brgyan cing bsgrubs pas chags pa med pa'i spyod yul dang ldan pa/ chos kyi dbyings kyi gzhi la rab tu rten pa/ sangs rgyas thams cad kyi chos gting med pa rab tu brnyes pa/ chos kyi dbyings ma lus pa thams cad kyi rgyan du gyur pa/ dus gsum gyi chos kyi dbyings ma lus pa thams cad kyi sems can kun gyi sems dang spyod pa thams cad skad cig gcig dang ldan pa'i shes rab kyi rab tu mkhyen pa ste/ 'di ni sangs rgyas bcom ldan 'das rnams kyi thugs kyi rgyan mchog dam pa bla na med pa'o/ /sangs rgyas bcom ldan 'das rnams ni 'od zer bye ba brjod du med pa rab tu 'gyed par mdzad de/ 'od zer de dag re re la yang 'od zer gyi 'khor gyi dra ba brjod du med pa dang ldan pa/ sangs rgyas kyi zhing 'byams klas pa thams cad ma lus par snang bar byed cing / 'jig rten gyi khams kyi rgyud thams cad mun pa med par ston pa/ </font><hr>Nga18a<br><font size=+1>


@#/ /sangs rgyas skye ba dang mi 'brel bas sangs rgyas kyi 'phrin las las phyir mi ldog cing don yod pa/ sangs rgyas skye ba brjod du med pas gnas pa med pa rang bzhin rnam par dag cing / kun du snyoms par 'byung ba ste/ 'di ni sangs rgyas bcom ldan 'das rnams kyi 'od zer gyi rgyan mchog dam pa bla na med pa'o/ /sangs rgyas bcom ldan 'das rnams bzhad mo 'dzum par ston na/ zhal gyi sgo nas 'od zer kha dog sna tshogs kha dog du ma dang ldan pa bye ba khrag khrig brgya stong brjod du med pa phyogs bcu'i 'jig rten gyi khams ma lus pa thams cad snang bar byed pa/ sems can gyi khams tshad med grangs med bsam gyis mi khyab pa rnam par ston pa/ bla na med pa yang dag par rdzogs pa'i byang chub tu rnam pa gzhan du mi 'gyur bar lung ston pa/ 'gro ba thams cad du shin tu gsal bar 'byung ste/ 'di ni sangs rgyas bcom ldan 'das rnams kyi bzhad mo 'dzum pa bstan pa'i rgyan mchog dam pa bla na med pa'o/ /sangs rgyas bcom ldan 'das rnams kyi chos kyi sku ni tshad med pa ste/ bsgribs pa med pas rnam par dag pa chos thams cad chags pa med pa nyid kyi mthar thug pa/ mtha' dang dbus med pa'i chos kyi dbyings la gnas pa/ 'jig rten thams cad dang ma 'dres pa/ 'jig rten thams cad dang 'dzi ba med pa/ 'jig rten thams cad kyi de </font><hr>Nga18b<br><font size=+1>


kho na nyid la yang dag par zhugs pa/ 'jig rten thams cad las gyen du 'phags pa/ 'jig rten thams cad las 'das pa'i chos kyis yang dag par spyod pa/ tshig gi lam dang bral ba| brjod du med pa'i mthar phyin pa/ phung po dang / khams dang / skye mched dang bral ba ste/ 'di ni sangs rgyas bcom ldan 'das rnams kyi chos kyi sku'i rgyan mchog dam pa bla na med pa'o| |sangs rgyas bcom ldan 'das rnams ni 'od tshad med pa mnga' ba ste/ 'jig rten gyi khams ma lus pa thams cad du 'od ma 'dres shing rgyan du ma dang ldan pa/ kha dog sna tshogs brjod du med pa'i yang brjod du med pa'i rgyan dang ldan pa/ 'od kyi snang ba kun du thogs pa med cing thams cad du chags pa med pa/ 'od kyi dkyil 'khor bsgribs pa med pa tshad med pa'i mdzod du gyur pa/ 'od thams cad kyi 'byung gnas su gyur pa ste/ 'di ni sangs rgyas bcom ldan 'das rnams kyi 'od kyi rgyan mchog dam pa bla na med pa'o/ /sangs rgyas bcom ldan 'das rnams ni kha dog mtha' yas pa mnga' ba ste/ kha dog yid du 'ong ba mnga' ba'o/ /kha dog 'od gsal ba mnga' ba'o/ /kha dog tshad med pa mnga' ba'o/ /sems can gyi khams ma lus pa thams cad kyi bsam pa dang mos pa bzhin du rnam par dmigs pa'i kha dog mnga' ba'o/ /de ma yin pa'i kha dog gzhan khams gsum du gtogs pa thams cad zil gyis </font><hr>Nga19a<br><font size=+1>


@#/ /gnon pa'i kha dog mnga' ba'o/ /kha dog thams cad kyi pha rol tu phyin pa brnyes pas sangs rgyas bcom ldan 'das rnams ni kha dog bla na med pa mnga' ba ste/ 'di ni sangs rgyas bcom ldan 'das rnams kyi kha dog gi rgyan mchog dam pa bla na med pa'o/ /sangs rgyas bcom ldan 'das rnams ni dge bas shin tu rnam par dag pa ste/ 'das pa dang / ma byon pa dang / da ltar byung ba'i sangs rgyas thams cad kyi rigs dge ba rin po che'i 'byung gnas su gyur pa la shin tu byung ba'o/ /chos nyid kyi rnam pa thams cad du khyad par yod pa dang / khyad par med pa'i spyod pas rnam par dag pa'i rgyan gyi ye shes skye ba thams cad kyi nang du gtogs pa dang / de bzhin gshegs pa'i rigs bsgribs pa med pa'i rgyud rnam par dag pas 'jig rten gyi mi snyan pa thams cad kyis mi snyan pa brjod du med pa ste/ 'di ni sangs rgyas bcom ldan 'das rnams kyi sangs rgyas kyi rigs dang rgyud rnam par dag pa'i rgyan mchog dam pa bla na med pa'o/ /sangs rgyas bcom ldan 'das rnams ni byams pa chen po'i mthu dang / rang bzhin gyi rgyan mnga' ba ste/ shin tu dang ba yongs su rtog pa'i rnyog pa mi mnga' ba sku'i 'phrin las yongs su gsal ba/ blta bas mi skyo ba/ thugs shin tu rnam par gsal ba/ thugs rje chen po mnga' ba/ 'gro ba thams cad skyo ba pa yon gyi gnas kyi dam pa/ bla na med pa </font><hr>Nga19b<br><font size=+1>


yongs su 'dzin pa'i nang na thugs brtse ba can phan par mdzad pa/ sems can thams cad kyi don du ye shes chen po byin gyis brlabs te/ bsod nams chen pos yongs su 'phags pa/ 'gro ba thams cad kyi bsod nams kyi zhing du gyur pa/ sems can rnams kyi yon tan dang / ye shes kyi phung po thams cad rnam par 'phel bar mdzad pa ste/ 'di ni sangs rgyas bcom ldan 'das rnams kyi byams pa chen po dang / thugs rje chen po'i mthar thug pa'i bsod nams kyi rgyan mchog dam pa bla na med pa'o/ /kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi rgyan mchog dam pa bla na med pa'o/ /kye rgyal ba'i sras/ bcu po 'di dag ni sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos rnams te/ bcu gang zhe na/ sangs rgyas bcom ldan 'das rnams ni chos thams cad la mnga' ba dang / chos thams cad la snang bar mdzad pa'i mnga' bsgyur bas/ tshig dang yi ge mtha' yas pa la thogs pa mi mnga' ba'i spobs pa mnga' ba dang / chos thams cad ma lus par yongs su brjod pas mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos dang po'o/ /sangs rgyas bcom ldan 'das rnams ni sems can ji ltar yongs su smin pa dang / smon lam ji ltar btab pa'i tshul </font><hr>Nga20a<br><font size=+1>


@#/ /bzhin du 'dul ba la thogs pa mi mnga' bas mnga' che ste/ 'di ni sangs rgyas kyi mnga' chen pos mnga' ba sgyur ba'i chos gnyis pa'o/ /sangs rgyas bcom ldan 'das rnams ni 'jig rten gyi khams ma lus pa thams cad sems can gcig la'ang gnod pa med par rnam pa drug tu rab tu bskyod pa dang / 'jig rten gyi khams rgyan rnam par bkod pa grangs med tshad med pa dang ldan pa/ nam mkha'i dbyings kyi mthas gtugs pa thams cad gcig nas gcig tu 'phang ba dang / gcig nas gcig tu gzhug pa dang / gcig nas gcig tu bsdu ba dang / gcig nas gcig tu bsre bas 'jig rten gyi khams gzhan dang / gzhan dag gzhan dang gzhan gyi phyogs su rab tu bzhag kyang / sems can gyi khams rnams 'khor zhing rmongs par mi 'gyur la the tshom du mi 'gyur bar mdzad pas mnga' che ba ste/ 'di ni sangs rgyas kyi mnga' chen pos mnga' bsgyur ba'i chos gsum pa'o/ /sangs rgyas bcom ldan 'das rnams ni 'jig rten gyi khams ma lus pa thams cad byin gyis rlob pa'i ye shes kyis 'jig rten gyi khams kyi rgyan phan tshun du byin gyis brlab pa dang / thugs skad cig gis 'jig rten gyi khams thams cad kyi rgyan yang dag par bstan pa dang / bskal pa grangs med par brjod kyang yi ge shin tu bstan pa zad mi shes pa dang / 'jig rten </font><hr>Nga20b<br><font size=+1>


gyi khams ma lus pa thams cad rgyan thams cad kyis rnam par brgyan pa dang / mi mthun pa med cing nye bar nyon mongs pa med pa dang / sangs rgyas kyi zhing gcig tu yongs su 'du bar sangs rgyas kyi zhing rnam par dag pa thams cad byin gyis brlab pa la mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos bzhi pa'o| |sangs rgyas bcom ldan 'das rnams ni sangs rgyas kyis 'dul ba'i sems can gzigs na sems can gcig gi don du bskal pa brjod du med pa'i yang brjod du med par skyil mo krung gcig gis bzhugs na yang de bzhin gshegs pa'i sku la mi bde ba mi mnga' zhing thugs la mi bde ba mi mnga' ste/ gang zag de yang mi bsnyel bas 'dul ba'i dus las mi 'da' ba dang / gang zag gcig la ji lta ba de bzhin du rim pa rim pas 'jig rten gyi khams ma lus pa thams cad du phyi ma'i mtha'i mur thug pa'i sku tshe la mnga' bar byin gyis brlabs te bzhugs kyang sangs rgyas bcom ldan 'das rnams la skyo ba mi mnga' ba ste/ de ltar sems can gyi khams thams cad mthar gyis rim pas/ sangs rgyas kyis 'dul ba'i gang zag gi don du yongs su skyong ba mdzad pa la mnga' che ba ste/ 'di ni sangs rgyas bcom ldan 'das rnams kyi mnga' chen pos mnga' bsgyur ba'i chos lnga pa'o/ /sangs rgyas bcom ldan 'das rnams ni/ 'jig rten gyi khams ma lus pa </font><hr>Nga21a<br><font size=+1>


@#/ /thams cad du yang dag par gzhol ba'i de bzhin gshegs pa'i bzhud pas 'jig rten gyi khams thams cad du bzhud pa la thag thogs mi mnga' ba dang / phyogs bcu'i chos kyi dbyings ma lus pa thams cad kyi 'jig rten gyi khams kyi rgyud rgya mtsho 'byams klas pa dang / phyogs kyi dra ba'i rgyud thams cad du thugs skad cig gcig dang ldan pas bzhud par byin gyis rlob cing chos kyi dbyings shin tu bstan pa khong du chud par bya bas/ chos kyi 'khor lo thogs pa med pa rab tu bskor ba la mnga' che ba ste/ 'di ni sangs rgyas bcom ldan 'das rnams kyi mnga' chen pos mnga' bsgyur ba'i chos drug pa'o/ /sangs rgyas bcom ldan 'das rnams ni 'dul ba'i sems can gyi khams thams cad kyi don du thugs skad cig re re la bla na med pa yang dag par rdzogs pa'i byang chub tu mngon par 'tshang rgya bar mnga' che ba ste/ de la chos thams cad mngon par sangs rgyas pa gang yang med la/ gang gis mngon par sangs rgyas pa'ang med de/ mngon par 'tshang rgya bar 'gyur ba med kyang / slob pa'i sa la gnas shing mngon par 'tshang rgya bar yang mi brjod pa dang / sangs rgyas kyi chos thams cad kyang bsgribs pa med par rtogs par thugs su chud pas sems can thams cad 'dul ba'i don du ye shes tshad med pa'i tshul gyis / </font><hr>Nga21b<br><font size=+1>


sangs rgyas kyi rnam par 'phrul pa chen po'i yul yongs su rgyun mi gcod pa 'di ni/ sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos bdun pa'o// sangs rgyas bcom ldan 'das ni spyan gyi skye mched kyis sangs rgyas kyi 'phrin las gang bsgrub pa de snyan gyi skye mched kyis yongs su grub par mdzad do/ /snyan gyi skye mched kyis sangs rgyas kyi 'phrin las gang bsgrub pa de shangs kyi skye mched kyis yongs su grub par mdzad do/ /shangs kyi skye mched kyis sangs rgyas kyi 'phrin las gang bsgrub pa de ljags kyi skye mched kyis yongs su grub par mdzad do/ /ljags kyi skye mched kyis sangs rgyas kyi 'phrin las gang bsgrub pa de ni sku'i skye mched kyis yongs su grub par mdzad do/ /sku'i skye mched kyis sangs rgyas kyi 'phrin las gang bsgrub pa de thugs kyi skye mched kyis yongs su grub par mdzad do/ /thugs kyi skye mched kyis sangs rgyas kyi 'phrin las gang bsgrub pa de 'jig rten gyi khams ma lus pa thams cad kyi dmigs pa 'jig rten pa dang / 'jig rten las 'das pa sna tshogs rnam par phye ba thams cad du grub par mdzad do/ /de bzhin du dmigs pa thams cad re re yang snrel zhing bsgrub pas| sangs rgyas kyi 'phrin las bsgrub pa la mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos brgyad pa'o/ /sangs </font><hr>Nga22a<br><font size=+1>


@#/ /rgyas bcom ldan 'das rnams ni rang gi sku'i ba spu'i bu ga gcig gi nang du sems can gyi khams ma lus pa thams cad gzud par mdzad cing khongs su chud bar mdzad pa dang / sems can re re zhing yang lus sangs rgyas kyi zhing brjod du med pa tsam du yangs par mdzad kyang / sems can de dag la gnod pa dang / mi bde bar mi 'gyur ba dang| de dag du yang sems can re re zhing 'jig rten gyi khams gcig nas gcig tu brgyud pas bskal pa grangs med pa zad par gnas par bya ba dang / 'jig rten gyi khams grangs med par gom pa gcig gis phyin pas 'jig rten gyi khams de dag tu sangs rgyas byung ba rnams kyi spyan sngar 'gro bar bya ba dang / sangs rgyas de dag byung ba'i tshe yang brjod du med pa'i 'jig rten gyi khams kyi rgyud dang gling de dag na sems can gyi gtso bos brjod du med pa'i yang brjod du med pa'i chos kyi 'khor lo bskor bar bya ba dang / ba spu'i bu ga de nas sangs rgyas gcig nas gcig tu brgyud pa brjod du med pa'i yang brjod du med pa 'byung bar bya ba dang / sems can gcig nas gcig tu brgyud pa brjod du med pa'i yang brjod du med pa 'byung bar bya ba dang / chos kyi 'khor lo gcig nas gcig tu brgyud pa brjod du med pa'i yang brjod du med pa bskor bar bya ba dang / chos kyi dbyings bstan pa gcig nas </font><hr>Nga22b<br><font size=+1>


gcig tu brgyud pa brjod du med pa'i yang brjod du med pa shin tu bstan par bya ba dang / 'das pa gcig nas gcig tu brgyud pa brjod du med pa dang / ma 'ongs pa gcig nas gcig tu brgyud pa brjod du med pa dang / da ltar byung ba gcig nas gcig tu brgyud pa brjod du med pa yongs su brjod par bya ba dang / nam mkha'i dbyings mtha' dang dbus med par bstan pa kun tu mtshams med par sems can thams cad 'ong zhing 'gro ba dang / skye ba'i skye mched thams cad du 'dod pa'i longs spyod rgya chen po bgegs med pa thams cad 'byung bar bya ba la mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' sgyur ba'i chos dgu pa'o/ /sangs rgyas bcom ldan 'das rnams ni chos kyi dbyings ma lus pa thams cad du pad+mo'i rgyan chen pos brgyan pa'i seng+ge'i khri pad+mo'i snying po can la de bzhin gshegs pa gcig gi chos kyi dbyings tshad med pa thams cad du khyab pa'i skus byang chub tu mngon par rdzogs par sangs rgyas te sangs rgyas kyi rnam par 'phrul pa thams cad yongs su bstan pa mdzad pa dang / de bzhin gshegs pa gcig gi ji lta bar 'jig rten gyi khams thams cad kyi rdul shin tu phra ba snyed kyi sems can gyi gtso bo thams cad kyang de bzhin du dgongs pa skad cig ma re re'i byin gyis rlabs kyis brlabs pa dang / dgongs pa skad cig la ji lta ba bzhin du dgongs pa skad cig thams </font><hr>Nga23a<br><font size=+1>


@#/ /cad la'ang pad+mo'i rgyud kyis yongs su dag par mngon par 'tshang rgya bar bya ba dang / de bzhin du chos kyi dbyings thams cad ma lus pa'i sangs rgyas kyi zhing brjod du med pa rnam par dag pa rgyan sna tshogs dang ldan pa'i 'jig rten gyi khams su dmigs pa rnam pa sna tshogs dang ldan pa'i zhing rnam par dag pa 'byams klas pa brjod du med pa mtshan nyid tha dad pa rnam pa tha dad pa'i rgyud tshad med cing 'byams klas pa dus kyi rgyud grangs med pa dang ldan pa/ bstan pa ma 'dres pa dang ldan pa/ blo tshad med pa dang / mos pa shin tu yangs pa dang ldan pa/ mtshan nyid sna tshogs kyi gnas med pa/ mtshan nyid bsam gyis mi khyab pa dang ldan pa/ tshad med pa thams cad dgongs pa skad cig ma las dgongs pa skad cig ma gcig gis thams cad yongs su bstan kyang / sangs rgyas bcom ldan 'das rnams ched du sgrub pa mi mdzad pa la mnga' che ba ste/ 'di ni sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos bcu pa'o/ /kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi mnga' chen pos mnga' bsgyur ba'i chos so/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sangs rgyas kyi chos yongs su rdzogs pa tshad med pa bsam gyis mi khyab pa rnams te/ </font><hr>Nga23b<br><font size=+1>


bcu gang zhe na/ mtshan re re zhing bsod nams brgya pa'i mtshan yongs su dag par 'gyur ba 'di ni yongs su rdzogs pa dang po ste/ des sangs rgyas bcom ldan 'das rnams byang chub tu mngon par 'tshang rgya'o/ /sangs rgyas kyi chos rnams yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ /dge ba'i rtsa ba thams cad yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ /yon tan thams cad kyi 'byung gnas phun sum tshogs pa'i spyod pa yongs su dag pa yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ /sems can yongs su smin par bya ba dang / 'dul ba yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ /sangs rgyas kyi mnga' 'gro ba thams cad kyis zil gyis gnon pa yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ /zhing yongs su dag par bya ba yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ /thams cad mkhyen pa'i ye shes yongs su rdzogs pas sangs rgyas bcom ldan 'das rnams byang chub tu mngon par 'tshang rgya'o/ /mtshan dang dpe byad bzang po dang / gzugs kyi sku blta na don yod par yongs su rdzogs pas </font><hr>Nga24a<br><font size=+1>


@#/ /sangs rgyas bcom ldan 'das rnams byang chub tu mngon par 'tshang rgya'o/ /de bzhin gshegs pa thams cad dang mnyam pa nyid yongs su rdzogs pas sangs rgyas bcom ldan 'das rnams byang chub tu mngon par 'tshang rgya ste/ sangs rgyas kyi 'phrin las thams cad yongs su rdzogs par mdzad nas/ yongs su mya ngan las 'da'o// kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi chos yongs su rdzogs pa tshad med pa bsam gyis mi khyab pa'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi thabs mkhas pa ste/ bcu gang zhe na/ sangs rgyas bcom ldan 'das rnams ni chos thams cad byin gyis brlabs pa med cing spros pa thams cad med par yang thugs su chud la/ dge ba'i sgo nas sangs rgyas kyi byin gyi rlabs kyang shin tu ston cing brjod de/ 'di ni sangs rgyas bcom ldan 'das rnams kyi sangs rgyas kyi thabs mkhas pa dang po'o/ /sangs rgyas bcom ldan 'das rnams ni chos thams cad la gzigs pa med cing phan tshun du mkhyen pa med do/ /ma bcings ma gol ba dang / gzung ba med cing bsags pa med de/ yongs su rdzogs pa med par yang thugs su chud la sangs rgyas kyi chos thams cad la mnga' dam pa yang brnyes te/ </font><hr>Nga24b<br><font size=+1>


sangs rgyas bcom ldan 'das rnams chos thams cad la mnga' bsgyur ba de yang yang dag pa de kho na nyid ma nor ba rnam pa gzhan du mi 'gyur ba dang / chos thams cad bdag gi med cing yongs su 'dzin pa med la de kho na nyid kyi mtha' las rnam par mi 'da' yang sangs rgyas bcom ldan 'das rnams ni mnga' chen pos chos kyi dbyings thams cad snang ba la'ang rab tu mkhyen pa 'di ni/ sangs rgyas bcom ldan 'das rnams kyi sangs rgyas kyi thabs mkhas pa gnyis pa'o/ /sangs rgyas bcom ldan 'das rnams ni mtshan ma'i mtha' thams cad mi mnga' ste/ mtshan ma thams cad dang mi 'grogs shing / mtshan ma'i mngon par shes pa thams cad dang ma 'dres la/ de'i rang bzhin du ngo bo nyid med pa dang / ji ltar ngo bo nyid med pa'i sgra'i tshul thams cad thugs su chud kyang gzugs kyi mtshan ma'i sku gzugs rnam par dag pa grangs med pa dang / zhing gi mtshan ma dang / rnam par spyod pa'i mtshan ma zad mi shes pa rnam pa sna tshogs yang dag par bstan cing bshad pa'i ye shes kyi phung po mun pa med pa 'gro ba thams cad kyi sgron ma chen por gyur pas mun pa med pa'i snang ba ston pa 'di ni/ sangs rgyas bcom ldan 'das rnams kyi sangs rgyas kyi thabs mkhas pa gsum pa'o/ /chags pa med pa'i mtha' ni sngon gyi mtha' yang ma yin/ phyi ma'i mtha' yang ma yin/ da ltar byung ba yang ma yin te/ </font><hr>Nga25a<br><font size=+1>


@#/ /chos kyi dbyings su gnas pa ni 'das pa dang / ma 'ongs pa dang / da ltar byung ba yang ma yin pas/ de bzhin nyid kyi mtshan nyid kyis 'byung ba med kyang sangs rgyas 'byung ba rnams kyi rigs tshad med pa'i phyir shin tu bstan pa brjod du med pas 'das pa dang / ma byon pa dang / da ltar byung ba'i sangs rgyas pa skye ba yang rab tu brjod cing kun tu gzigs pa'i sangs rgyas kyi yul gyis de bzhin du gzigs pa 'di ni/ sangs rgyas bcom ldan 'das rnams kyi sangs rgyas kyi thabs mkhas pa bzhi pa'o/ /sangs rgyas bcom ldan 'das rnams ni sku'i 'phrin las dang / gsung gi 'phrin las dang / thugs kyi 'phrin las kyi mngon par 'du mdzad pa yang mi mnga' la yongs su blang ba mi mnga' bas bzhugs shing rnam par phye ba med pa'i mthar thug pa ste/ dor ba med pa'i chos kyi gnas kyi pha rol tu phyin la bgrang ba'i tshul las rnam par 'das kyang tshul grangs med pa'i mdzod du gyur cing| bgrang ba dang mngon par sgrub pa mtha' yas pa dang / 'jig rten pa dang 'jig rten las 'das pa rnam pa sna tshogs tha dad pa'i grangs kyi tshul thugs su chud pa ye shes bsgrigs pa med pas gzigs pa rnams te/ chos kyi dbyings ma lus pa thams cad kyi sems can gdul ba rnam par dmigs pa la rdzu 'phrul sna tshogs tshad med mu med par mngon </font><hr>Nga25b<br><font size=+1>


par sgrub pa mdzad pa 'di ni sangs rgyas bcom ldan 'das rnams kyi sangs rgyas kyi thabs mkhas pa lnga pa'o/ /chos thams cad lta ba med pas tha mi dad pa dang / bye brag med pa dang / 'byung ba med pa dang / mtshan nyid med pa dang / sna tshogs med pa dang / blang ba med pa dang / dor ba med pa dang / rang bzhin med par rab tu mkhyen kyang chos kyi rgyud shin tu nges par yang dag par sgrub cing 'jig rten gyi tshul dang 'gal ba med pa dang / rang bzhin med pa yang yang dag par gzigs pas thams cad mkhyen pa/ thams cad gzigs pa/ mkhyen par bya ba thams cad ma lus par gzigs pas chos la mnga' bsgyur ba thams cad kyang rab tu ston la/ de bzhin nyid kyi rang bzhin las kyang mi nyams pa 'di ni/ sangs rgyas bcom ldan 'das rnams kyi sangs rgyas kyi thabs mkhas pa drug pa'o/ /sangs rgyas bcom ldan 'das rnams ni thugs su chud pa'i rnam pa gcig gis gzhan dang gzhan mkhyen par bya ba/ chos de'i skyon med pa las rnam par ma 'das pa gnas pa med pa/ dge ba'i rtsa ba rnam par dag pa mnyam pa nyid kyi chos skyon med pas dus thams cad du gnas pa rab tu mkhyen te/ de la yang nyi ma gcig gam/ zla ba phyed dam/ lo gcig gam/ lo brgya'am/ bskal pa 'jig pa dang / 'du bas rjes su bsnyag pa dang / phyir phyogs pa mi mnga' bar dus tshad med pa dang / nyi ma gcig dang / yud tsam gcig gi dus dang / snga </font><hr>Nga26a<br><font size=+1>


@#/ /dro nas nyi ma phyed kyi dus dang / phyi dro nas snga dro'i dus dang / nyi ma gung nas phyi dro'i dus dang / nyi ma 'grangs pa'i dus dang / nyi ma bdun dang / zla ba phyed kyi dus dang| zla ba dang / lo dang / lo brgya'i dus dang / bskal pa gcig gi dus dang / tshad med grangs med pa bsam gyis mi khyab pa'i dus nas/ phyi ma'i mtha'i mur thug pa'i dus su chos bstan pa dang / chos kyi 'khor lo thogs pa med cing phyir mi ldog /rgyun chad par mi 'gyur/ bral bar mi 'gyur/ bar chad par mi 'gyur/ med par mi 'gyur/ 'jig par mi 'gyur/ g.yo bar mi 'gyur/ ring du mi 'gyur/ 'khor de na gnas pa nyid du yang rgyun chad par mi 'gyur te/ 'di ni sangs rgyas bcom ldan 'das rnams kyi sangs rgyas kyi thabs mkhas pa bdun pa'o| |sangs rgyas bcom ldan 'das rnams ni chos kyi dbyings ma lus pa thams cad du rtag tu dus la bab par bzhugs pa ste/ sangs rgyas bcom ldan 'das rnams ni mi 'jigs pa tshad med pa mnga' ba'o/ /tha dad pa yang dag par mkhyen pa grangs med pa mnga' ba'o/ /tha dad pa yang dag par mkhyen pa tshad med pa mnga' ba'o/ /tha dad pa yang dag par mkhyen pa zad mi shes pa mnga' ba'o/ /tha dad pa yang dag par mkhyen pa thogs pa med pa mnga' ba'o/ /tha dad pa yang dag par mkhyen pa mtha' yas pa mnga' ba'o/ /thun mong ma yin pa'i </font><hr>Nga26b<br><font size=+1>


tha dad pa yang dag par mkhyen pa mnga' ba'o/ /tha dad pa yang dag par mkhyen pa mthar thug pa med pa mnga' ba'o/ /tha dad pa yang dag par mkhyen pa de kho na dang ldan pa mnga' ba'o/ /tha dad pa yang dag par mkhyen pa tshig gi tshul thams cad rab tu rtogs pa mnga' ba'o/ /chos thams cad tha dad pa yang dag par mkhyen pa mnga' ba'o/ /bsam pa dang / mos pa dang / dbang po ji lta ba bzhin du chos kyi tshul dang / rnam grangs tshul ji ltar rnam par bkod pa bzhin dus mtshams med par ston te/ mdo sde bye ba khrag khrig brjod du med pa'i yang brjod pa med pa rnams mdo sde de dang de la thog ma dang / tha ma dang / dbus kyi tshul gyis yang dag par ston te/ 'di ni sangs rgyas bcom ldan 'das rnams kyi sangs rgyas kyi thabs mkhas pa brgyad pa'o/ /sangs rgyas bcom ldan 'das rnams ni ming med kyang / ming dang rigs su byung ba'i chos thams cad tshig dang / yi ges shin tu dbyangs pa'i dbyings mngon par sangs rgyas pa ste/ ming 'das pa ma yin pa dang / ming ma 'ongs pa ma yin pa dang / ming da ltar byung ba ma yin pa dang / ming sems can ma yin pa dang / ming zhing ma yin pa dang / ming chos ma yin pa dang / ming yon tan ma yin pa dang / ming byang chub sems dpa' ma yin pa dang / ming sangs rgyas ma yin pa dang / ming grangs ma yin pa dang / ming grangs med pa ma yin pa dang / ming skye ba ma yin pa </font><hr>Nga27a<br><font size=+1>


@#/ /dang| ming 'gag pa ma yin pa dang / ming med pa ma yin pa dang / ming yod pa ma yin pa dang / ming gcig pa ma yin pa dang / ming tha dad pa ma yin pa dang| ming thams cad ma yin pa dang / chos thams cad rang bzhin gyis brjod du med pa dang / phyogs med pa dang / brda med pa dang / tshig gi lam med pa dang / sgra dang bral ba| sgra'i rnam pa thams cad mi 'byung ba yongs su bsgrubs pa med pa/ byas pa dang rnam par byas pa med pa/ rnam pa gcig ma yin pa/ rnam pa mang po ma yin pa yang thugs su chud la brjod pa dang / spyod pa thams cad la yang pha rol tu phyin pa'i mchog brnyes pa dag ste/ rnam par rtog pa'i yul mi mnga' ba dag go /mngon par 'du mdzad pa med pa la rab tu brtson pa dag go /rtog pa dang / kun tu rtog pa dang / yongs su rtog pa 'gag pa dag go /spyod pa thams cad la mi gnas par spyod pa dag ste/ 'di ni sangs rgyas bcom ldan 'das rnams kyi sangs rgyas kyi thabs mkhas pa dgu pa'o/ /sangs rgyas bcom ldan 'das rnams ni chos thams cad kyi gzugs ma skyes pa rab tu mkhyen pa ste/ tshor ba'i spros pa med pa dang / 'du shes kyi grangs med pa dang / 'du byed kun tu rgyu ba med pa dang / rnam par shes pa nye bar len pa med pa dang / rang bzhin gyis zhi bar rab tu </font><hr>Nga27b<br><font size=+1>


mkhyen te/ chos thams cad skye mched kyi rgyud med pa dang / khams rnams mi dmigs pa dang / chos thams cad mi 'jigs pa dang / chos thams cad bskyod du med cing rang bzhin gyis nam mkha' lta bu dang / chos thams cad dben pa dang / las med pa dang / rnam par smin pa med pa dang / spyod pas 'byung ba med pa dang / ma grub pa dang / ma byung ba dang / grangs kyis mi brjod pa dang / yod pa ma yin pa dang / med pa ma yin pa dang / ma skyes pa dang / ma 'gags pa dang / kun nas nyon mongs pa med pa dang / rnam par byang ba med pa dang / skyon med pa dang| gnas med pa dang / yongs su gnas pa med pa dang / yongs su smin par byas pa med pa dang / rnam par btul ba med pa dang / sems can med pa dang / sems can med pa ma yin pa dang / srog med pa dang / srog med pa ma yin pa dang / rkyen med pa dang / rkyen med pa ma yin pa dang / rten pa med pa dang / rten pa med pa ma yin par chos thams cad thugs su chud kyang chos kyi dbyings thams cad shin tu bstan pa la pha rol tu phyin pa'i dam pa brnyes pa dag ste/ nges pa dang / ma nges pa dang / log par nges pa'i phung po gsum rnam par dgod pa rnams la stobs bcus thugs su chud pa'i ye shes mi 'jigs pa bzhis rnam par dag pa'i sangs rgyas kyi yul chen po dang ldan pas seng ge'i sgra sgrog pa 'di ni/ sangs rgyas </font><hr>Nga28a<br><font size=+1>


@#/ /bcom ldan 'das rnams kyi sangs rgyas kyi thabs mkhas pa bcu pa ste/ kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi thabs mkhas pa'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi sangs rgyas kyi 'phrin las rgya chen po tshad med pa bsam gyis mi khyab pa rnams te/ de dag ni sangs rgyas kyi byin gyi rlabs ma gtogs par lha dang bcas pa'i 'jig rten dang / 'das pa dang / ma 'ongs pa dang / da ltar byung ba'i nyan thos dang / rang sangs rgyas thams cad kyis 'jug par mi nus pa'o/ /bcu gang zhe na/ phyogs bcu'i nam mkha'i dbyings kyi mthas gtugs pa'i chos kyi dbyings thams cad kyi 'jig rten gyi khams ma lus pa thams cad du dga' ldan du skye ba bstan pa dang / byang chub sems dpa'i spyod pa mu med pa dag la sangs rgyas kyi 'phrin las mdzad de/ kha dog tshad med pa / gzi brjid tshad med pa/ snang ba tshad med pa/ dbyangs tshad med pa/ dbyangs kyi yan lag rnam par dag pa tshad med pa/ gsung brjod pas rnam par dmigs pa tshad med pa/ ting nge 'dzin tshad med pa la spyod pa/ shes rab dang / ye shes yul tshad med pa mnga' ba rnams lha dang bcas pa'i 'jig rten la phan 'dogs pa mdzad de/ bdud dang bcas </font><hr>Nga28b<br><font size=+1>


pa| tshangs pa dang bcas pa/ dge sbyong dang bram ze'i skye dgu dang bcas pa/ lha dang mi dang lha ma yin du bcas pa'i 'jig rten la phan 'dogs pa mdzad do/ /byams pa chen po'i spyod yul thogs pa med pa dang / thabs thugs rje chen po'i sgo'i mthar thug pas sems can la phan 'dogs pa mdzad do/ /bsod nams kyi stobs dang / mnga' phun sum tshogs pa dang / dbang po rnam par sbyang ba dang / cang shes kyi sems yongs su dag pas kyang sems can rnams la phan 'dogs pa mdzad do/ /theg pa sna tshogs rnam par dag pas kyang sems can rnams la phan 'dogs pa mdzad do/ /theg pa chen po yongs su rdzogs par bya bas kyang sems can rnams la phan 'dogs par mdzad do/ /'gro ba thams cad gdon pas kyang sems can rnams la phan 'dogs pa mdzad de/ 'di ni sangs rgyas bcom ldan 'das rnams kyi sangs rgyas kyi 'phrin las dang po'o/ /dga' ldan gyi pho brang nas 'phos pa med kyang yum gyi skur gshegs shing / byang chub sems dpa'i sku tha ma skye bar bstan pa/ sgyu ma lta bur yongs su spyod pa/ sprul pa lta bu'i ting nge 'dzin gyi mthar thug pa/ mig yor lta bur rnam par dmigs pa/ nam mkha'i yul tshad med par khyab pa/ bzhed pa bzhin du skye yang chags pa mi mnga' ba/ smig rgyu ba lta bur bstan pa/ nyon mongs pa med pa'i chos la yang dag par gzhol ba/ gnas med pa'i </font><hr>Nga29a<br><font size=+1>


@#/ /ye shes la gnas pa/ rang bzhin gyis 'dod chags dang bral bas rnam par dag pa/ rgyan shin tu rgya che ba'i mdzod kyis sangs rgyas kyi 'phrin las mdzad do/ / khang pa brtsegs pa rin po che las byas pa'i pho brang chen po rin po che'i rgyan mang po ldan pa na bzhugs pas kyang sangs rgyas kyi 'phrin las mdzad do/ /rdzu 'phrul gyis kyang sangs rgyas kyi 'phrin las mdzad do/ /yid la bya ba byin gyi rlabs chen pos kyang sangs rgyas kyi 'phrin las mdzad do/ /rnam par 'phrul ba'i mdzod chen po yang dag par bstan pas kyang sangs rgyas kyi 'phrin las mdzad do/ /ye shes kyi nyi ma'i dkyil 'khor chen pos kyang sangs rgyas kyi 'phrin las mdzad do/ /yum sku skyed pa'i sku na bzhugs pas kyang sangs rgyas kyi 'phrin las mdzad do| |sangs rgyas kyi yul gyi spyod yul chen po brnyes pas kyang sangs rgyas kyi 'phrin las mdzad do/ /sangs rgyas kyi byin gyis 'jig rten byin du brlabs pa mtha' yas pas kyang sangs rgyas kyi 'phrin las mdzad do/ /ting nge 'dzin chen po grangs med pa la rnam par spyod cing snyoms par 'jug pas kyang sangs rgyas kyi 'phrin las mdzad do/ /ting nge 'dzin las bzhengs pa de dang de dag gis kyang sangs rgyas kyi 'phrin las mdzad do/ /spyod pa'i thog ma la yongs su mya ngan las 'das pa chen po'i mthar thug pa'i bar du thog ma dang / dbus dang / tha ma'i tshul </font><hr>Nga29b<br><font size=+1>


gyis kyang sangs rgyas kyi 'phrin las mdzad do/ /sa 'di la gnyis su med pa thams cad mthar phyin par byas nas tha mar 'jig rten gyi grangs kyis skye ba yongs su ston te/ skye bas kyang 'jig rten thams cad du sangs rgyas kyi 'phrin las mdzad do/ /gzhon nur gyur pas kyang 'jig rten thams cad du sangs rgyas kyi 'phrin las mdzad do/ /byang chub sems dpar gyur pas kyang 'jig rten thams cad du sangs rgyas kyi 'phrin las mdzad do/ /mngon par 'byung bas kyang 'jig rten thams cad du sangs rgyas kyi 'phrin las mdzad do/ /mngon par 'tshang rgya bas kyang 'jig rten thams cad du sangs rgyas kyi 'phrin las mdzad do/ /chos kyi 'khor lo bskor bas kyang 'jig rten thams cad du sangs rgyas kyi 'phrin las mdzad do/ /thabs mkhas pa sna tshogs kyis kyang 'jig rten sna tshogs/ 'jig rten tshad med pa/ 'jig rten kun tu mtha' yas pa phyogs kyi dra ba'i rgyud dang / rigs thams cad kyi 'jig rten ma lus pa thams cad du sangs rgyas kyi 'phrin las mdzad do/ /zhing gi rgyud ma lus pa'i 'jig rten du sangs rgyas kyi 'phrin las mdzad do/ /las kyi rnam par smin pa ma lus pa'i 'jig rten du sangs rgyas kyi 'phrin las mdzad do/ /sems can gyi rgyud ma lus pa'i 'jig rten du sangs rgyas kyi 'phrin las mdzad do/ /skye ba dang shi 'pho ba'i rgyud ma lus pa'i 'jig rten du sangs rgyas kyi 'phrin las mdzad do/ /sprul pa chen </font><hr>Nga30a<br><font size=+1>


@#/ /po'i rgyud dang / sangs rgyas kyi rigs dang / chos dran pa'i sgo'i 'khor los kyang / sangs rgyas kyi 'phrin las mdzad de/ 'di na sangs rgyas bcom ldan 'das rnams kyi sangs rgyas kyi 'phrin las gnyis pa'o/ /dge bar spyod pa'i las rnam par dag cing / gdung rabs thams cad du ye shes kyi tshul rnam par dag pas sku tshe'i rgyud kyi tshul dang ldan pa/ sems can thams cad gdul ba thugs su chud pa/ dge ba'i rtsa ba thams cad yongs su rdzogs par mdzad cing btsun mo'i 'khor gyi nang na bzhugs pa ston kyang / sangs rgyas thams cad kyi 'dod chags dang bral ba'i tshul gyi gnas la bzhugs pa rnams sgra dang / tshig thams cad dang bral bar brtags pas dngos po thams cad dngos po med pa las byung bar khong du chud par bya ba dang / dngos po thams cad shes pa la gzud par bya ba dang / tshul khrims thams cad thams cad mkhyen pa nyid kyi mthar thug par yongs su rdzogs par bya ba dang / snying rje chen pos 'gro ba mu med pa la rnam par blta bar bya ba dang / byams pa chen pos sems can med pa'i yul la rab tu rtog par bya ba dang / dga' ba chen pos 'jig rten brjod du med par khong du chud par bya ba dang / btang snyoms chen pos sems la dbang sgyur ba la gnas par bya ba dang / thams cad mkhyen pa'i yon tan gyis </font><hr>Nga30b<br><font size=+1>


rang yongs su rgyas par byed par bya ba dang / chos kyi dbyings kyi lus ma lus par mngon par bsgrub par bya ba dang / thams cad du gnas med pa'i lus yongs su rdzogs par byed par bya ba dang / 'khor thams cad rnam par dag par nan tan du byed par bya ba dang / chos bstan pa rnam par brjod pa rab tu brjod par bya ba dang / 'jig rten gyi dngos po la smod par bya ba dang / 'gro ba thams cad kyi nyes pa la rtog par bya ba mdzad cing spyod pa dang / dge ba'i rtsa bar rnam par smin pa yang dag par bstan pa dang / ji ltar bkod pa'i tshul du sems can gdul ba dang / yongs su ma smin pa'i sems can yongs su smin par bya ba dang / yongs su smin pa rnams tshul bzhin du gdul ba dang / grangs med pa'i thabs mkhas pa mngon par sgrub pa dang / sangs rgyas kyi 'phrin las phyir mi ldog pa yongs su bstan pa dang / sgo sna tshogs nas chos kyi spyod pa rab tu brjod pa dang / sems can rnams kyi bsam pa sna tshogs rnam par sbyang ba dang / thugs rje chen po las byung ba'i chos kyi sprin gyis mngon par spang ba dang / thams cad la skyob pa'i byams pa chen po bskyed pa'i cho 'phrul gsum gyis yongs su brlan pa dang / sangs rgyas thams cad mthong ba dang / rnam par dmigs pa'i btsun mo'i 'khor gyi nang du bstan pa yan chad du 'jig rten mtha' dang dbus med par sangs rgyas kyi 'phrin las yongs su bstan pa </font><hr>Nga31a<br><font size=+1>


@#/ /mdzad cing / ye shes kyi mthu chen po thogs pa med pa dang / sangs rgyas kyi mngon par mkhyen pa bsgribs pa med par bsgrubs pa dang / chos rnam pa gsum gyis thabs mkhas pa dang ldan pa'i 'phrin las kyi mtha' dang / sku'i 'phrin las kyi mtha' shin tu rnam par dag pa dang / gsung gi 'phrin las ye shes nyams pa med pas rnam par dag pa dang / thugs kyi 'phrin las kyi mtha' zab cing chags pa med pa'i mthar thug pa'i thabs la mkhas pas sems can rnams kyi don mdzad de/ 'di ni sangs rgyas bcom ldan 'das rnams kyi sangs rgyas kyi 'phrin las gsum pa'o// //bam po drug cu lnga pa/ rnam par rgyal ba chen po mnga' ba rnams ni btsun mo'i 'khor rgyan rnam par skye ba tshad med pa dang ldan pa yid du 'ong ba spangs te/ mngon par 'byung ba'i spyod pa yongs su bstan pas sems can rnams 'jig rten gyi gnas las bskyod pa dang / 'jig rten gyi mngon par zhen pa rnam par bzlog pa dang / 'jig rten du gtogs pa thams cad mi rtag par shes par bya ba dang / 'jig rten gyi tshul la mngon par zhen pa rnam par bzlog pa dang 'jig rten gyi dga' ba la sred pa yongs su bcad pa dang / 'jig rten gyi nyon mongs pa byang zhing nub pa la yang dag par spyod par bya ba dang / sems can gyi don rjes su dran </font><hr>Nga31b<br><font size=+1>


par bya ba'i phyir/ mngon par 'byung ba'i don la rab tu gzhol ba dang / khyim pa'i tshul yongs su spang ba bstan pa dang / nyon mongs pa med pa'i chos kyi sbyor ba la yang dag par gnas par bya ba dang| sngon gyi smon lam yongs su rdzogs par bya ba dang / yon tan gyi dkyil 'khor tshad med pa yongs su snang bar bya ba dang / ye shes kyi dkyil 'khor chen po brnyes pas sems can rnams kyi mi shes pa'i sgrib pa rab tu bsal ba dang / bdag nyid bsod nams kyi zhing bla na med par gyur par 'gro ba thams cad la bstan pa dang / dge ba'i rtsa ba thams cad sangs rgyas la bskyed pa'i dge ba'i rtsa ba'i nang du 'dus par 'gro ba thams cad la yang dag par brjod pa dang / bdag nyid kyis ye shes kyi don gzigs par bstan pa dang / sems can rnams rnam par dag pa'i sgor brjod pa dang / sems can rnams kha na ma tho ba med pa'i sgor sgrub pa dang / 'jig rten thams cad du 'byung ba'i sgo rab tu bstan pa dang / thams cad mkhyen pa nyid kyi rgyal mtshan yang dag par bsgreng ba mdzad cing mngon par 'byung ba ste/ 'di ni sangs rgyas bcom ldan 'das rnams kyi sangs rgyas kyi 'phrin las bzhi pa'o/ /don gcig ma yin pa mkhyen pa dang ldan pa thams cad mkhyen pa'i ye shes kyi mthar thug pa rnams ni/ chos thams cad mngon par 'tshang rgya bar bya'o zhes byang chub kyi shing drung du byon te/ byang chub tu mngon par 'tshang </font><hr>Nga32a<br><font size=+1>


@#/ /rgya bas kyang bdud kyi dpung thams cad rab tu gzhom pa dang / sku'i byin gyi rlabs kyi mdzod kyi chos kyi dbyings ma lus pa thams cad du rgyas par dgang ba'i phyir| byin gyi rlabs zad mi shes pa'i mthar thug pas mtha' rnam par spangs pa spyod pa tshad med pa rab tu brnyes pa thams cad mkhyen pa'i yul gyis rnam par rol pa'i ye shes kyi don dang ldan pa/ thams cad mkhyen pa'i yon tan yang dag par sgrub pa yongs su rdzogs pa/ 'jig rten gyi khams ma lus pa thams cad du gdan rnam par bkram pas yongs su rgyas pa/ sangs rgyas kyi zhing ma lus pa thams cad du byang chub sems dpa' rnam par dmigs pa/ byang chub sems dpa'i spyod pa dam pa thob pa rnams kyis zhal du blta ba/ byang chub sems dpa' thams cad kyi rnam pa dang / smon lam khyad par can dang ldan pa'i byang chub sems dpa'i 'khor gyi dkyil 'khor thams cad kyis yang dag par bsam pa'i chos kyi 'khor lo zab mo rab tu bskor ba/ sangs rgyas kyi yul tshad med pa brtsams pas/ byang chub sems dpa' brjod du med pa'i 'byung gnas su gyur pa/ byang chub sems dpa'i spyod pa sna tshogs spyod pa la yang dag par gzhol ba'i byang chub sems dpa'i 'khor gyi dkyil 'khor rnam par dag pa mnga' ba/ 'jig rten gyi khams thams cad sangs rgyas kyi byin gyis byin du </font><hr>Nga32b<br><font size=+1>


rlob pa'i yul mnga' ba/ dge ba'i rtsa ba bskyed pa'i sems can gyis rnam par dmigs pa dge ba'i rtsa ba thams cad tha mi dad pa dang ldan pa 'byung ba'i sa byang chub sems dpa'i spyod pa mtha' yas pa'i mthu'i gnas la yon tan gyi khyad par thams cad rab tu brnyes nas bzhugs pa 'jig rten gyi rnam pa thams cad ma lus pa'i mthar thug pa/ sems can gyi rnam pa thams cad dang / zhing gi rnam pa thams cad dang / chos kyi rnam pa thams cad dang / byang chub sems dpa'i rnam pa thams cad dang / yongs su smin par bya ba'i rnam pa thams cad dang / dus kyi rnam pa thams cad dang / 'dul ba'i rnam pa thams cad dang / sangs rgyas kyi rnam par 'phrul ba'i rnam pa thams cad ma lus par mthar thug pa rnams 'gro ba ma lus pa thams cad du mos pa ji lta ba bzhin du rnam par 'tshang rgya bas sangs rgyas kyi 'phrin las mdzad de/ 'di ni sangs rgyas bcom ldan 'das rnams kyi sangs rgyas kyi 'phrin las lnga pa'o/ /sangs rgyas bcom ldan 'das rnams kyi chos kyi 'khor lo bskor ba mdzad pa phyir mi ldog pa'i tshul gyis phyir mi ldog pa'i 'khor lo dang / 'jig rten thams cad kyis khong du chud par 'gyur ba'i tshul gyis tshad med pa'i 'khor lo dang / mi 'jigs pa'i seng+ge'i nga ro chen po'i tshul gyis thams cad ma lus par mngon par sangs rgyas pa'i 'khor lo dang / chos kyi mdzod mun pa med pa'i </font><hr>Nga33a<br><font size=+1>


@#/ /sgos snang bar byed pa'i tshul gyis chos thams cad mkhyen pa'i mdzod kyi 'khor lo dang / ye shes nam mkha'i dbyings ltar tshad med pa'i tshul gyis chags pa med pa'i 'khor lo dang / chos thams cad kyi dngos po med pa'i rang bzhin rab tu rtogs par bya ba'i tshul gyis bsgribs pa med pa'i 'khor lo dang / sems can thams cad kyi chos kyi mig rnam par sbyong ba'i tshul gyis 'jig rten thams cad kyi sgron ma'i 'khor lo dang / 'jig rten thams cad du rgyas par 'gengs pa'i tshul gyis thams cad mkhyen pa'i chos brjod pa'i 'khor lo dang / sangs rgyas kyi chos thams cad dang mi 'gal ba'i tshul gyis/ sangs rgyas thams cad 'dab 'dres par gyur pa'i 'khor lo dang / de dag la sogs pa rnam pa bye ba khrag khrig brgya stong du chos kyi 'khor lo bskor bas sems can thams cad kyi sems dang spyod pa'i rnam pa la chos kyi 'khor lo bskor te/ de ltar chos kyi 'khor lo bskor bas kyang / sangs rgyas bcom ldan 'das rnams sangs rgyas kyi 'phrin las bsam gyis mi khyab pa mdzad de/ 'di ni sangs rgyas bcom ldan 'das rnams sangs rgyas kyi 'phrin las drug pa'o/ /sangs rgyas bcom ldan 'das rnams ni/ grong dang / grong khyer dang / grong rdal dang / rgyal po'i gnas su gshegs pas kyang sems can rnams la sangs rgyas </font><hr>Nga33b<br><font size=+1>


kyi 'phrin las mdzad de/ mi'i rgyal po'i gnas dang / lha'i rgyal po'i gnas dang / klu'i rgyal po'i gnas dang / gnod sbyin gyi rgyal po'i gnas dang / dri za'i rgyal po'i gnas dang / lha ma yin gyi rgyal po'i gnas dang / nam mkha' lding gi rgyal po'i gnas dang / mi'am ci'i rgyal po'i gnas dang / lto 'phye chen po'i rgyal po'i gnas dang / srin po'i rgyal po'i gnas dang| sha za'i rgyal po'i gnas dag tu gshegs pas kyang / sangs rgyas bcom ldan 'das rnams ni sangs rgyas kyi 'phrin las mdzad de/ 'di lta ste/ grong khyer gyi khrod byon na/ sa g.yo ba dang / 'od zer snang ba dang / long ba rnams mig 'thob pa dang / 'on pa rnams sgra thos par 'gyur ba dang / smyos pa rnams dran pa 'thob par 'gyur ba dang / gos med pa rnams gos 'thob par 'gyur ba dang / sdug bsngal ba rnams bde ba 'thob pa dang / rol mo'i cha spyad ma dkrol ma brdungs par sgra yid du 'ong ba rang 'byin pa dang / rgyan snod na 'dug pa dang / gnas nas ma phog pa dang / ma bskyod ma dkrol bar bskyod cing dkrol ba'i sgra 'byung ba dang / bya sna tshogs mang po'i sgra skad yid du 'ong ba 'byung ba dang / blta na gtang mi bra zhing mi mthun pa med pa'i sku mthong bas kyang sangs rgyas bcom ldan 'das rnams sems can rnams la sangs rgyas kyi 'phrin las mdzad do/ /mtshan dang dpe byad bzang po bstan </font><hr>Nga34a<br><font size=+1>


@#/ /pas kyang sangs rgyas bcom ldan 'das rnams sems can rnams la sangs rgyas kyi 'phrin las mdzad de/ yongs su gzigs pa dang / rnam par gzigs pa dang / brkyang ba dang bskum pas kyang sems can rnams la sangs rgyas kyi 'phrin las mdzad do/ /gshegs pa dang / slar bzhud pa dang / bzhengs pa dang / 'chag pa dang / bzhugs pa dang / gzims pas kyang sems can rnams la sangs rgyas kyi 'phrin las mdzad do/ /chos bstan pa dang / mi gsung bar bzhugs pas kyang sems can rnams la sangs rgyas kyi 'phrin las mdzad do/ /rdzu 'phrul gyi cho 'phrul dang / yongs su bstan pa'i cho 'phrul dang / rjes su bstan pa'i cho 'phrul gyis kyang sangs rgyas bcom ldan 'das rnams 'jig rten gyi khams kyi yul sems can bsam pa sna tshogs rgya mtsho dang ldan pa/ 'jig rten gyi spyod pa thams cad rgyu zhing 'byung ba dang ldan pa/ dge ba'i rtsa ba chen pos shin tu bstan pa/ sangs rgyas rjes su dran pa dang ldan pa/ sngon 'grogs 'grogs pa'i byang chub sems dpa' dang gnas pa'i sems can rnams la sangs rgyas kyi 'phrin las mdzad do/ /yang dag par rdzogs pa'i sangs rgyas rnams ni sku gzugs blta na mi ngoms pa'o zhes bya bar gzhol ba dang / sangs rgyas rnams skye bar dkon no zhes bya bar </font><hr>Nga34b<br><font size=+1>


yid ches par byed pa dang / de bzhin gshegs pa mthong zhing / de bzhin gshegs pa'i gsung thos pa ni bsod nams kyi chos dkar po'i 'byung gnas su gyur pa'o zhes sangs rgyas kyi spyod pa yid la byed pa dang / 'jig rten thams cad rnam par dag pa ni/ de bzhin gshegs pa skye ba yin no zhes bya bar khong du chud par byed pa dang / sangs rgyas kyi yon tan bsngags pa ni mtha' yas pa'o zhes bya bar yang dag par lta ba dang / ma byon pa'i sangs rgyas 'byung ba'i de bzhin gshegs pa'i rigs yang dag par sgrub pa dang / dge ba'i rtsa ba dang / mos pa'i tshul thams cad kyis sangs rgyas bcom ldan 'das rnams mnyes par byed pa dang / de bzhin gshegs pa rnams ni yon tan mtha' yas pa'o zhes khong du chud par byed pa dang / de bzhin gshegs pa ni sems can thams cad la mngon du gyur par rtog pa dang / de bzhin gshegs pa ni sems can gyi rigs bsam gyis mi khyab pa'i gnas su gyur bar sems pa dang / de bzhin gshegs pa ni zhing thams cad na snang bar khong du chud pa dang / de lta bu'i dge ba'i rtsa ba thams cad 'byung bas/ 'jig rten thams cad na sangs rgyas bcom ldan 'das rnams sems can rnams la sangs rgyas kyi 'phrin las mdzad do/ /dad par byas pa dang / phyag 'tshal ba dang / thal mo sbyar ba byas pa dang / rjes su bstod pa dang / spyan drangs pa dang / </font><hr>Nga35a<br><font size=+1>


@#/ /mchod pa dang / mngon du mthong ba dang / 'dzum pa byas pa dang / sangs rgyas la dga' ba'i sems kyis mos par bya ba'i dge ba'i rtsa ba'i sgo nas kyang sangs rgyas bcom ldan 'das rnams ni sems can rnams la sangs rgyas kyi 'phrin las mdzad do/ /sangs rgyas rjes su dran par gyur pas kyang sangs rgyas bcom ldan 'das rnams ni sems can rnams la sangs rgyas kyi 'phrin las mdzad do/ /sangs rgyas mthong bar 'dod par bya bas kyang sangs rgyas bcom ldan 'das rnams ni sems can rnams la sangs rgyas kyi 'phrin las mdzad do/ /de bzhin gshegs pa'i sku kha dog dang dbyibs kyi rnam pa tshad med pa bstan pas kyang sangs rgyas bcom ldan 'das rnams ni sems can rnams la sangs rgyas kyi 'phrin las mdzad do/ /de bzhin gshegs pa'i gsung thos par bya bas kyang sangs rgyas bcom ldan 'das rnams ni sems can rnams la sangs rgyas kyi 'phrin las mdzad de/ de dag la sogs pa sangs rgyas bcom ldan 'das rnams kyi sangs rgyas kyi 'phrin las mdzad pa rnam pa bye ba khrag khrig brgya stong brjod du med pa dag 'jig rten gyi khams ma lus pa thams cad du sems can thams cad kyi bsam pa dang / mthu dang 'dul ba ji lta ba'i tshul las mi 'da' bar 'byung ngo / /de ltar sangs rgyas kyi 'phrin </font><hr>Nga35b<br><font size=+1>


las 'jig rten thams cad kyi sems can kun gyi sems dang / spyod pa dang / bsam pa la gnas pa dge ba rgya che ba tshad med pa dag phyir mi ldog pa'i yul dang / snying rje chen pos rab tu bskul ba dang / sngon gyi smon lam gyis yongs su skyo ba med pa dang / sangs rgyas kyi 'phrin las mkhyen pa'i stobs dang shugs kyis 'jig rten thams cad du 'byung ste/ 'di ni sangs rgyas bcom ldan 'das rnams kyi sangs rgyas kyi 'phrin las bdun pa'o/ /sangs rgyas bcom ldan 'das rnams ni dgon pa la bzhugs sam/ zhi bar bzhugs sam/ dben par bzhugs sam| sangs rgyas kyi rnam par spyod pa la bzhugs sam/ /ting nge 'dzin chen po'i gnas la bzhugs sam/ gcig pu dgyes par bzhugs sam/ sku mi snang bar bzhugs sam/ ye shes zab mo'i gnas la bzhugs sam/ sangs rgyas kyi yul gyi stobs tshad med pa la bzhugs sam/ sku'i yongs su spyod pa mi mthong bar bzhugs kyang rung ste/ sangs rgyas bcom ldan 'das rnams kyi sangs rgyas kyi 'phrin las gzhan gyis mi tshugs pa'i ye shes dang / smon lam gyi tshul gyis mos pa bzhin du 'dul ba'i sems can rnams la rgyun mi 'chad par 'byung ste/ sangs rgyas lha yongs su tshol bas kyang sangs rgyas kyi 'phrin las rgyun mi 'chad do/ /sangs rgyas klu yongs su tshol bas kyang sangs rgyas kyi 'phrin las rgyun mi 'chad </font><hr>Nga36a<br><font size=+1>


@#/ /do| |sangs rgyas gnod sbyin yongs su tshol ba dang / sangs rgyas mi'am ci yongs su tshol ba dang / sangs rgyas lto 'phye chen po yongs su tshol ba dang / sangs rgyas srin po yongs su tshol ba dang / sangs rgyas mi dang mi ma yin pa yongs su tshol ba dang / sangs rgyas nyan thos dang / sangs rgyas rang sangs rgyas dang / sangs rgyas byang chub sems dpa' yongs su tshol bas kyang sangs rgyas kyi 'phrin las rgyun mi 'chad do/ /chos ston pas kyang sangs rgyas kyi 'phrin las rgyun mi 'chad do/ /sangs rgyas gcig brjod pas kyang sangs rgyas kyi 'phrin las rgyun mi 'chad do/ /sangs rgyas thams cad brjod pas kyang sangs rgyas kyi 'phrin las rgyun mi 'chad do/ /byang chub sems dpa'i spyod pa'i khyad par dang / smon lam thams cad gcig tu brjod pas kyang sangs rgyas kyi 'phrin las rgyun mi 'chad do/ /byang chub sems dpa'i spyod pa gcig rnam par phye ste/ spyod pa tha dad pa brjod pas kyang sangs rgyas kyi 'phrin las rgyun mi 'chad do/ /'jig rten gyi yul sangs rgyas kyi yul du brjod pas kyang sangs rgyas kyi 'phrin las rgyun mi 'chad do/ /sangs rgyas kyi yul 'jig rten gyi yul du brjod pas kyang sangs rgyas kyi 'phrin las rgyun mi 'chad do/ /yul ma yin pa sangs rgyas kyi yul du brjod pas kyang sangs rgyas kyi 'phrin las rgyun </font><hr>Nga36b<br><font size=+1>


mi 'chad do/ /nyin mtshan dang / yud du yan man dang / zla ba dang / lo 'grangs par bzhugs pa dang / yongs su bzhugs pa nas de bzhin du bskal pa brjod du med pa'i yang brjod du med pa'i bar du bzhugs pa dang / yongs su bzhugs pas kyang sangs rgyas bcom ldan 'das rnams sems can rnams la sangs rgyas kyi 'phrin las mdzad de/ 'di ni sangs rgyas bcom ldan 'das rnams kyi sangs rgyas kyi 'phrin las brgyad pa'o/ /sangs rgyas bcom ldan 'das rnams ni dge ba'i rtsa ba rnams la 'byung gnas lta bu sems can thams cad kyi bsam pa kun la rnam par sbyong ba lta bu/ sangs rgyas rnams la dad pa lta bu/ sems khong du chud par bya ba la shin tu mos pa lta bu/ dbang po rnams la sgrub pa lta bu/ sems can skye dgu thams cad la 'dul ba lta bu/ 'gro ba thams cad la mos pa lta bu/ byang chub sems dpa' thams cad la 'byung ba lta bu/ byang chub tu zhugs pa rnams la bskul ba lta bu/ gzhan gyi dring mi 'jog pa rnams la ye shes kyi snang ba lta bu dag ste/ sangs rgyas bcom ldan 'das rnams ni 'jig rten mi rtag par ston pa dang / sangs rgyas kyi 'phrin las rgyun mi 'chad par brjod pa dang / 'phrin las mdzad pa'i mthar thug par bstan pa dang / chos kyi rgyud nyams pa med pa'i dngos por brjod pa dang / srid pa'i tshul rtsa ba nas chad </font><hr>Nga37a<br><font size=+1>


@#/ /par brjod pa dang / sems can thams cad skyo bar bya bar bstan pa dang / sangs rgyas kyi rjes su 'gro ba'i sems su mthun par bya ba dang / sku tshe'i mtha' lta bur sems can rnams kyis shes par bya ba dang / sems can rnams kyis 'jig rten thams cad du dga' bar bya ba med par bstan pa dang / sems can rnams la ma byon pa'i sangs rgyas gcig nas gcig tu brgyud pa mnyes par gyis shig par bstan pa dang / sangs rgyas bcom ldan 'das rnams chos kyi 'khor lo bskor ba bstan tu mi rung bar khong du chud par bya ba dang / 'jig rten rnams kyi rtsol ba bskyed pa dang / sangs rgyas la dmigs par brtson pa'i sems la dgod pa dang / yun du dran pa rnam par dag pas de bzhin gshegs pa mthong ba'i rnam par rtog pa bskyed pa dang / skyo ba'i dbang po phyir bzlog cing / yongs su dag par mdzad pa dang / sangs rgyas la mos pa bskyed pa dang / skyo bar gyur ba'i sems can rnams la byin gyis brlab par bya ba dang / sangs rgyas la dmigs pa'i rkyen 'jig rten gyi khams ma lus pa thams cad du phyin par dgongs pa mdzad pa dang / sku thams cad bshig ste/ de bzhin gshegs pa'i sku gdung gis sems can rnams yongs su gzung ba mdzad pa dang / 'jig rten rnam par 'khrugs pa dang / dregs shing </font><hr>Nga37b<br><font size=+1>


myos pa'i sems can rnams sdom pa la dgod pa mdzad cing yongs su mya ngan las 'da' bar ston pas kyang / sangs rgyas kyi 'phrin las rgyun mi 'chad de/ 'di ni sangs rgyas bcom ldan 'das rnams kyi sangs rgyas kyi 'phrin las dgu pa'o/ /de bzhin gshegs pa rnams mya ngan las 'da' ba'i tshe| 'jig rten thams cad na sems can rnams smre sngags 'don cing ngu ba dang mya ngan byed pa dang / mchi ma 'byin pa dang / yang dag par rdzogs pa'i sangs rgyas zhe'am/ thugs rje chen po zhe'am/ ded dpon chen po zhe'am/ phan par bzhed pa thugs brtse ba can zhe'am/ lha dang bcas pa'i 'jig rten gyi sems can thams cad kyi skyabs su gyur pa/ mgon du gyur pa/ rten du gyur pa/ bla na med pa bsod nams kyi zhing nub par gyur to/ / zhe'am/ sangs rgyas bcom ldan 'das rnams ni 'byung bar dka'o zhes rnam pa de lta bur smre sngags 'don pa dang / mya ngan byed pa dang / sangs rgyas mthong ba rjes su dran pa'i sems can rnams kyi bsam pa dang / yid la bya ba de dang de dag gi sgor sangs rgyas kyi 'phrin las tshad med pa rgyun mi 'chad do/ /sangs rgyas bcom ldan 'das rnams yongs su mya ngan las 'da' ba'i tshe/ 'di lta ste/ sems can rnams kyi sems dad par bya ba'i dbang dang / sems can rnams dad pas mchod par bya ba'i dbang dang / sems can rnams lhag </font><hr>Nga38a<br><font size=+1>


@#/ /pa'i bsam pa rnam par sbyong bar bya ba'i dbang dang / sems can rnams yongs su smin par bya ba'i dbang dang / sems can rnams yongs su sbyang bar bya ba'i dbang dang / sems can rnams 'dul ba'i dbang dang / sems can rnams bsod nams kyi tshogs yongs su rdzogs par bya ba'i dbang dang / sems can rnams de bzhin gshegs pa la mchod pas dmigs par bya ba'i dbang dang / de bzhin gshegs pa'i mchod rten dam pa sna tshogs su brgyan pas/ phyogs dang yul sna tshogs su sems can rnams kyi dge ba'i rtsa ba bsags par bya ba'i dbang gis sems can rnams kyi bsam pa dang / mos pa ji lta ba bzhin du sku gdung dang / ring bsrel byin gyis rlob ste/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi'i gnas thams cad du 'dul pa dang / mos pa'i tshul ji lta ba bzhin du sku gdung dang / ring bsrel byin gyis rlob bo/ /rang gi sku rnam par phye ste/ sku gdung dang ring bsrel tshad med pa grangs med pa/ dpag tu med pa/ bsam gyis mi khyab pa brjod du med pa'i yang brjod du med pa byin gyis rlob bo/ /de bzhin gshegs pa'i mchod rten gyis sangs rgyas kyi sku gdung 'jig rten thams cad du rnam par phye ba </font><hr>Nga38b<br><font size=+1>


de'i yul dang / phyogs kyi klu'i gnas dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i gnas dang / mi'i gnas pa dang / srin po'i gnas dag tu sku gdung dang ring bsrel mchod par byed par 'gyur bas/ sku gdung gi ring bsrel dang / dbu dang phyag sen gyi mchod rten dang / sangs rgyas bzhugs pa'i mchod rten la 'gro ba thams cad nges par sangs rgyas dran par 'gyur te/ chos la rab tu rten par 'gyur ro/ /dge 'dun la dad pa rab tu 'thob par 'gyur ro/ /yul dang phyogs kyi gnas de dang de dag tu 'ang rgyun mi 'chad par sangs rgyas mchod pa la brtson pa'i bsam pas sbyin pa yongs su gtong bar 'gyur ro/ /bsod nams byed par 'gyur ro/ /mtho ris de dang de yongs su dag pa rab tu 'thob par 'gyur ro/ /rigs dang rgyud kyi bdag nyid che ba rab tu 'thob par 'gyur ro/ /longs spyod chen po dang 'khor rnam par dag pa rab tu 'thob par 'gyur ro/ /lha dang mi'i phun sum tshogs pa nyams su myong bar 'gyur ro/ /log par ltung ba med pa'i lam yongs su rdzogs par 'gyur ro/ /sangs rgyas 'byung ba don yod pa rab tu sgrub par 'gyur ro/ /chos dkar po la gnas pa yongs su rdzogs par byed par 'gyur ro/ /khams gsum pa las 'byung ba'i lam yongs su sbyong bar 'gyur ro/ /theg pa gang la dad pa'i smon lam gyis nges par 'byung / </font><hr>Nga39a<br><font size=+1>


@#/ /bar 'gyur ro/ /de bzhin gshegs pa de dang de dag la drin du gzo ba rab tu 'thob par 'gyur ro/ /sangs rgyas bcom ldan 'das rnams la brten pa dang / skyabs btsal ba dang / mgon btsal ba dang / dpung gnyen btsal ba'i sems bskyed par 'gyur te/ de ltar sangs rgyas bcom ldan 'das rnams ni yongs su mya ngan las 'das kyang yon bsam gyis mi khyab pa sbyong ba/ bsod nams zad mi shes pa'i yon gyi gnas dag ste/ sangs rgyas bcom ldan 'das rnams ni 'jig rten du byung na/ de ltar sems can rnams kyi dge ba'i rtsa ba rnam pa mang po rab tu bsags pas bsod nams kyi tshogs rab tu rdzogs par 'gyur te/ 'di ni sangs rgyas bcom ldan 'das rnams kyi sangs rgyas kyi 'phrin las bcu pa'o/ /kye rgyal ba'i sras/ bcu po de dag ni/ sangs rgyas bcom ldan 'das rnams kyi sangs rgyas kyi 'phrin las rgya chen po tshad med pa bsam gyis mi khyab pa rnams so/ /de dag ni sangs rgyas kyi byin gyi rlabs ma gtogs par lha dang bcas pa'i 'jig rten gyis ched gzung bar mi nus pa'o/ /'das pa dang / ma 'ongs pa dang / da ltar byung ba'i nyan thos dang / rang sangs rgyas thams cad kyis 'jug par mi nus pa'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi gnyis su </font><hr>Nga39b<br><font size=+1>


med par spyod cing / dngos po rnam pa gnyis su med pa'i chos kyi dbang phyug gi chos rnams te/ bcu gang zhe na/ 'di lta ste/ sangs rgyas bcom ldan 'das rnams ni/ lung bstan pa thams cad ston pa la gnyis su med par spyod do/ /sangs rgyas bcom ldan 'das rnams ni/ sems can sangs rgyas kyi rjes su dran pa la brtson pa rnams kyi sems dang bsam pa brjod du med pa 'byams klas pa rnams la gnyis su med par spyod do/ /sangs rgyas kyi chos thams cad kyi don ma lus par mngon par sangs rgyas pas gnyis su med pa'i sku rnam par dmigs par mdzad do/ /'das pa dang / ma byon pa dang / da ltar byung ba'i de bzhin gshegs pa thams cad la rang bzhin gnyis su med par thugs su chud pa mnga' ba'o/ /'byung ba dang / 'byung ba'i mtha' gnyis su med pa dang / sngon gyi mtha' dang / phyi ma'i mtha' dang / da ltar byung ba'i mtha' gnyis su med par thugs su chud pa mnga' ba'o/ /sangs rgyas kyi zhing thams cad gnyis su med pas dus gsum gyi sangs rgyas kyi zhing thams cad gcig par rab tu mkhyen cing ston pa thugs su chud par mnga' ba'o/ /sangs rgyas gcig dang / sangs rgyas thams cad kyi gsung gnyis su med par thugs su chud pa mnga' ba'o/ /de bzhin gshegs pa thams cad kyis thugs su chud pa dang / 'dul ba mdzad pa'i rnam par </font><hr>Nga40a<br><font size=+1>


@#/ /dmigs pa gnyis su med par thugs su chud pa mnga' ba'o/ /'jig rten gyi chos thams cad dang / sangs rgyas kyi chos gnyis su med par thugs su chud pa mnga' ba'o/ /'das pa dang / ma byon pa dang / da ltar byung ba'i sangs rgyas thams cad kyi dge ba'i rtsa ba thams cad dge ba'i rtsa ba gcig ste/ gnyis su med par thugs su chud par mnga' ba'o/ /kye rgyal ba'i sras/ bcu po de dag ni/ sangs rgyas bcom ldan 'das rnams kyi gnyis su med par spyod cing / dngos po gnyis su med pa'i chos kyi dbang phyug gi chos so/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi de bzhin gshegs pa bzhugs pa chos thams cad la rab tu bzhugs pa rnams so/ /bcu gang zhe na/ sangs rgyas bcom ldan 'das rnams ni chos kyi dbyings gnas pa'i ye shes thugs su chud pa la bzhugs pa'o/ /sangs rgyas bcom ldan 'das rnams ni thugs rje chen po mi nyams pa la bzhugs pa'o/ /sangs rgyas bcom ldan 'das rnams ni smon lam ji lta ba bzhin du 'byung ba la bzhugs pa'o/ / sangs rgyas bcom ldan 'das rnams ni 'dul ba'i sems can yongs su mi gtong ba la bzhugs pa'o/ /sangs rgyas bcom ldan 'das rnams ni dngos po med pa la gnas </font><hr>Nga40b<br><font size=+1>


pa'i chos nyid la bzhugs pa'o/ /sangs rgyas bcom ldan 'das rnams ni de bzhin gshegs pa'i sku skal ba mnyam pa tha mi dad cing don yod pa la bzhugs pa'o/ /sangs rgyas bcom ldan 'das rnams ni rtag tu mnyam par bzhag pa'i thugs la bzhugs pa'o/ /sangs rgyas bcom ldan 'das rnams ni chos thams cad nyams pa med par gzhol bar la bzhugs pa'o/ /sangs rgyas bcom ldan 'das rnams ni chags pa med pa'i thugs kyis rnam par spyod pa la bzhugs pa'o/ /sangs rgyas bcom ldan 'das rnams ni chos thams cad kyi mnyam pa nyid la 'jug pas grub pa med pa'i yang dag pa'i mtha'i mtshan nyid la bzhugs pa ste/ kye rgyal ba'i sras/ bcu po de dag ni/ sangs rgyas bcom ldan 'das rnams kyi de bzhin gshegs pa bzhugs pa chos thams cad la bzhugs pa rnams so/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi chos thams cad ma lus par mngon par mkhyen pa rnams te/ bcu gang zhe na/ 'di lta ste/ chos kyi dbyings ma lus pa thams cad kyi 'das pa 'grangs pa mtha' dag thams cad mngon par mkhyen pa dang / ma 'ongs pa 'grangs pa mtha' dag thams cad mngon par mkhyen pa dang / da ltar byung ba 'grangs pa mtha' dag thams cad mngon par mkhyen pa dang / tshig gi lam mtha' dag thams cad mngon par </font><hr>Nga41a<br><font size=+1>


@#/ /mkhyen pa dang / 'jig rten gyi rgyud mtha' dag thams cad mngon par mkhyen pa dang / sems can gyi bsam pa dang / shes pa mtha' dag thams cad mngon par mkhyen pa dang / byang chub sems dpa'i dge ba'i rtsa ba chung ngu dang / 'bring dang / chen po dang / rnam pa sna tshogs su rnam par gnas pa'i mtshan nyid kyi dge ba'i rtsa ba rnams la bsam pa tshad med pa yongs su mi btang bas/ sangs rgyas kyi ye shes 'bar bar bya ba dang / yongs su rdzogs par bya ba mtha' dag thams cad mngon par mkhyen pa dang / chos thams cad 'tshang rgya ba'i mkhyen pa mtha' dag thams cad mngon par mkhyen pa dang / 'jig rten gyi rgyud thams cad rnam par dbye ba'i ye shes gzigs pa mtha' dag thams cad mngon par mkhyen pa dang / chos kyi dbyings kyi gzhi mig 'phrul gyi rnam pa lta bur dbye ba thams cad mngon par mkhyen pa ste/ kye rgyal ba'i sras/ bcu po de dag ni/ sangs rgyas bcom ldan 'das rnams kyis chos thams cad ma lus par mngon par mkhyen pa'o// //bam po drug cu rtsa drug pa/ kye rgyal ba'i sras/ bcu po 'di dag ni/ sangs rgyas bcom ldan 'das rnams kyi stobs chen po/ stobs dam pa/ stobs tshad med pa/ stobs bdag nyi che ba/ stobs thub pa med pa/ stobs mi mnyam pa/ stobs snying po dang </font><hr>Nga41b<br><font size=+1>


ldan pa/ stobs mi shigs pa/ stobs 'jig rten thams cad kyis bsam gyis mi khyab pa/ stobs sems can thams cad kyis mi 'phrogs pa/ sangs rgyas kyi rgyal mtshan stobs po che dpa' bo chen po'i stobs rnams te/ bcu gang zhe na/ 'di lta ste/ sangs rgyas kyi sku ni pha rol gyi gnod pa thams cad kyis mi shigs mi chod pa'o/ /'jig rten gyi yul thams cad kyis sku tshe'i dbang po nyams par mi nus pa'o/ /'jig rten gyi khams thams cad kyi bskal pa'i me'i gdung bas 'tshig par mi nus pa'o/ /'jig rten gyi khams thams cad 'jig par gtogs pa'i chu'i phung por 'grongs par mi 'gyur ba'o/ /bdud thams cad dang / bdud kyi sde thams cad dang / lha thams cad kyi dpung dang / klu dang / gnod sbyin dang / dri za dang / lha ma yin dang| nam mkha' lding dang / mi'am ci dang / lto 'phye chen po dang / mi dang mi ma yin pa thams cad kyi dpung dang / sha za dang / srin po thams cad kyi dpung dang / sems can ma lus pa thams cad kyi dpung gis brgal bar dka' ba'o/ /rdo rje ri rab kyi ri tsam gyi char pa dang / khor yug gi ri chen po tsam dang / stong gsum gyi stong chen po tsam gyi rdo rje'i char bab kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi ba spu gcig kyang 'gul bar mi 'gyur/ g.yo bar mi 'gyur te/ bag tsha ba'i shas mi mnga' </font><hr>Nga42a<br><font size=+1>


@#/ /ba'o| |bzhugs sam/ bzhengs sam/ bzhud dam/ gzims kyang rung ste/ spyod lam 'gyur ba med do/ /de bzhin gshegs pa gang na bzhugs ba'i yul de dang / de'i 'khor dag tu yang de bzhin gshegs pa dgyes na kun tu 'bab par mi 'gyur ro/ /sangs rgyas kyi zhabs 'bring rnams la yang gnod par mi 'gyur ro/ /sangs rgyas kyis byin gyis brlabs pa'i sems can rnams la yang gnod par mi 'gyur zhing mi g.yo na/ de bzhin gshegs pa'i sku lta la smos kyang ci dgos te/ 'di ni sangs rgyas bcom ldan 'das rnams kyi mthu bo che chen po stobs sangs rgyas kyi spyod pa'i rgyal mtshan gyi chos dang po'o/ /gzhan yang sangs rgyas bcom ldan 'das rnams dgyes na/ chos kyi dbyings thams cad kyis klas pa'i 'jig rten gyi khams thams cad ri rab kyi ri dang bcas pa/ khor yug dang khor yug chen po'i ri dang bcas pa/ rgya mtsho dang ri dang nags tshal thibs po dang / sems can gnas pa'i gnas tha dad pa kun dang bcas pa/ de lta bu'i 'jig rten gyi khams thams cad de bzhin gshegs pa'i ba spu'i bu ga gcig tu btsud de/ phyi ma'i mtha'i bskal pa'i mur thug par bzhag kyang de bzhin gshegs pa'i byin gyi rlabs ma gtogs par sems can rnams kyis shes par mi nus so/ /de bzhin gshegs pa de </font><hr>Nga42b<br><font size=+1>


dag ni de snyed kyi 'jig rten gyi khams sku'i ba spu'i khung bu gcig gis bzung ste/ phyi ma'i mtha'i bskal pa'i mur thug par bsnams shing / gshegs sam/ bzhugs sam/ bzhengs sam/ gzims kyang rung ste/ de bzhin gshegs pa'i thugs skad cig tsam yang skyo ba mnga'o/ /chad cing dub par mi 'gyur ro/ /mthu dang stobs la yongs su nyams par 'gyur ba mi mnga'o/ /spyod lam rnam par 'gyur ba mi mnga'o/ /kye rgyal ba'i sras/ 'di lta ste/ dper na/ nam mkha' ni chos kyi dbyings ma lus pa'i 'jig rten gyi khams thams cad 'dzin kyang skyo ba med do/ /dub pa med do/ /gnod pa med do/ /med par mi 'gyur ro/ /mi g.yo/ mi 'byung / mi 'jig go/ de bzhin du sangs rgyas bcom ldan 'das rnams kyang ba spu'i khung bu gcig tu 'jig rten gyi khams ma lus pa thams cad bsnams kyang / de'i rgyus thugs skad cig tsam du yang mi bde ba'i sku nyams mi 'byung ste/ 'di ni sangs rgyas bcom ldan 'das rnams kyi mthu bo che chen po'i stobs/ sangs rgyas kyi spyod pa'i rgyal mtshan gyi chos gnyis pa'o/ /gzhan yang sangs rgyas bcom ldan 'das rnams gshegs stabs gcig tu bzhud pas sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams yongs su 'da' zhing thugs bskyed pa gcig gis bskal pa tha dad pa'i </font><hr>Nga43a<br><font size=+1>


@#/ /rim pas sangs rgyas kyi zhing brjod du med pa'i yang brjod du med pa'i rdul shin tu phra ba snyed 'byung bar mdzad do/ /de lta bur gshegs pas bskal pa 'jig rten gyi khams thams cad kyi rdul shin tu phra ba snyed du gshegs shing / 'jig rten gyi khams thams cad kyi sems kyi rgyud ji snyed pa'i bskal par bzhud de/ 'jig rten gyi khams thams cad kyi rdul shin tu phra ba snyed kyi 'jig rten gyi khams tsam du 'khor kun tu rgya che zhing yangs pa'i khor yug chen po'i rdo rje'i ri dang / sangs rgyas kyi zhing gi rnam pa brjod du med pa'i yang brjod du med pa la bsgres pa snyed kyi rdul shin tu phra ba snyed kyang de la bsgres pa de snyed ba spu'i khung bu gcig tu btsud de/ ba spu'i khung bu gcig tu ji lta ba bzhin du sku'i ba spu'i khung bu thams cad du btsud de/ ba spu'i khung bu yang sems can thams cad snyed du gyur la de dag thams cad bsnams te/ de snyed kyi ba spu'i khung bur tshul de bzhin du bshams te| thugs bskyed pa de lta bus de bzhin gshegs pa 'jig rten gyi khams thams cad du rgyu zhing gshegs sam/ phyogs kyi dra ba thams cad du rgyu zhing gshegs sam/ nam mkha'i dbyings thams cad du rgyu zhing gshegs sam/ 'jig rten gyi khams kyi rgyud 'grangs pa sngon gyi mthar gtogs pa nas bzung ste/ phyi ma'i mtha'i bskal pa'i mur thug </font><hr>Nga43b<br><font size=+1>


par de bzhin du gshegs pas bskal pa thams cad zad par gyur kyang de bzhin gshegs pa bzhud pa la brtson pa ni nyams par mi 'gyur ro/ /sku nyam chung bar mi 'gyur ro/ /thugs rnam par 'khrug par mi 'gyur ro/ /ting nge 'dzin nyams par mi 'gyur ro/ /de bzhin gshegs pa'i sku yongs su nyams par mi 'gyur te/ 'di ni sangs rgyas bcom ldan 'das rnams kyi mthu bo che chen po'i stobs/ sangs rgyas kyi spyod pa'i rgyal mtshan gyi chos gsum pa'o/ /gzhan yang sangs rgyas bcom ldan 'das rnams ni bsod snyoms gcig bzhes nas bskal pa brjod du med par skyil mo krung gcig bcas pas nyin mtshan gyi rgyud du sngon gyi mtha' dang / phyi ma'i mtha'i mur gtogs pa'i bskal pa 'das par bzhugs kyang sku mi g.yo zhing bde ba'i dam pa la spyod pa dang / sangs rgyas kyi rnam par spyod pa bsam gyis mi khyab pas rnam par spyod kyang sems can 'ga' tsam la'ang / sangs rgyas kyi 'phrin las rgyun 'chad par mi 'gyur ro/ /de bzhin gshegs pa'i sku de la 'jig rten gyi khams thams cad yongs su bkod do/ 'jig rten gyi khams de dag gi sems can gcig gi lus kyang 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed tsam du che ba de lta bur gyur la/ sems can gcig </font><hr>Nga44a<br><font size=+1>


@#/ /gi lus kyi tshad ji tsam pa de tsam gyi lus su sems can thams cad kyang gyur la/ sems can de dag re re'i gzugs kyang 'jig rten gyi khams thams cad kyi lcid ji tsam yod pa de tsam du gyur te/ sems can gcig ji ltar lci ba bzhin du sems can thams cad re re'i lcid kyang de tsam du 'gyur te/ sems can de dag thams cad de bzhin gshegs pa'i phyag sor gyi rtse mo gcig la phyi ma'i mtha'i bskal pa'i mur thug par bsnams te/ phyag sor gyi rtse mo gcig gis ji ltar bsnams pa de bzhin du phyag sor thams cad kyi rtse mo la'ang de tsam re re bsnams kyang / de'i phyir de bzhin gshegs pa la sku mnyel ba'am/ thugs dub par mi 'gyur te/ thugs bskyed pa'i cha shas shin tu phra ba gcig tsam du yang sdug bsngal mi bde ba skye bar mi 'gyur ro/ /de bzhin du 'jig rten gyi khams la 'jug pa dang / nam mkha'i dbyings la 'jug pa dang / phyogs kyi dra ba'i rnam pa la 'jug pa re re dang / de lta bu la 'jug pa/ nam mkha'i khams ma lus pa'i dbyings kyis klas pa/ chos kyi dbyings kyi mthas gtugs pa/ skra'i rtse mo'i cha shas kyis gzhal ba'i 'jig rten gyi khams la 'jug pa thams cad re re zhing yang skra'i rtse mo'i cha shas kyis gzhal te/ nam mkha'i dbyings kyi kun tu khyab pa thams cad ma </font><hr>Nga44b<br><font size=+1>


lus pa'i skra'i rtse mo'i cha shas kyi tshad kyis nam mkha'i dbyings la 'jug pa thams cad du zhugs te/ de bzhin gshegs pa'i spyod lam 'di'i tshul dang / skyil mo krung gcig tu bzhugs pa'i spyod pas sngon gyi mtha' dang / phyi ma'i mtha'i mur thug pa'i bskal pa zad par mdzad de/ bskal pa 'da' bar mdzad cing bskal pa la rab tu 'jug ste/ 'di ni sangs rgyas bcom ldan 'das rnams kyi mthu bo che chen po'i stobs/ sangs rgyas kyi spyod pa'i rgyal mtshan gyi chos bzhi pa'o/ /gzhan yang sangs rgyas bcom ldan 'das rnams ni sku gcig la dbu sangs rgyas kyi zhing brjod du med pa'i yang brjod du med pa'i rdul shin tu phra ba snyed byin gyis brlabs te/ dbu re re la ljags sangs rgyas kyi zhing brjod du med pa'i yang brjod du med pa'i rdul shin tu phra ba snyed byin gyis brlabs nas/ de dag re res kyang dbyangs kyi yan lag dang / sgra skad kyi gsung sangs rgyas kyi zhing brjod du med pa'i yang brjod du med pa'i rdul shin tu phra ba snyed re re brjod de/ chos kyi dbyings ma lus pa'i sems can gyi khams thams cad go bar mdzad cing dbyangs kyi yan lag dang / sgra skad kyi gsung re res kyang mdo sde sangs rgyas kyi zhing brjod du med pa'i yang brjod du med pa'i rdul shin tu phra ba snyed bshad la/ mdo sde re re la yang chos bstan pa/ sangs rgyas kyi zhing brjod du med pa'i yang brjod du med </font><hr>Nga45a<br><font size=+1>


@#/ /pa'i rdul shin tu phra ba snyed rab tu gzhol bar mdzad de/ chos bstan pa gcig las kyang chos kyi tshig dang / yi ge sangs rgyas kyi zhing brjod du med pa'i yang brjod du med pa'i rdul shin tu phra ba snyed brjod par gyur la/ chos bstan pa gcig las ji lta ba bzhin du chos bstan pa thams cad las kyang de snyed kyi chos kyi tshig dang / yi ge brjod de/ de ltar brjod pas bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed du rab tu bstan la/ bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed zad par gyur kyang / da dung gzhan yang bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed du brgyud cing rab tu ston pa'i tshul gyi rnam grangs 'dis bskal pa 'jig rten gyi khams thams cad kyi rdul shin tu phra ba snyed du rab tu bstan la/ rnam grangs 'di 'dra bas bskal pa 'jig rten gyi khams thams cad kyi rdul shin tu phra ba snyed zad la sems can thams cad kyi sems kyi spyod pa snyed kyi bskal pa 'das par gyur te| phyi ma'i mtha'i mur thug pa'i bskal pa zad cing 'das par byas kyang de bzhin gshegs pa'i sprul pa chos thams cad snang ba'i 'khor lo bskor ba dang / chos thams cad </font><hr>Nga45b<br><font size=+1>


rab tu shes par bstan cing lung bstan pa dang / the tshom thams cad rab tu gcod pa'i chos kyi 'khor lo bskor ba dang / chos thams cad snang bar byed pa'i chos kyi 'khor lo bskor ba dang| byang chub sems dpa'i spyod pa thams cad brjod pa'i rgyun dang ldan pa'i chos kyi 'khor lo bskor ba dang / ye shes kyi nyi ma'i dkyil 'khor chen po'i rgyan dang ldan pa'i chos kyi 'khor lo bskor ba dang / 'gro ba thams cad ma lus pa'i ye shes kyi sgron ma chen pos brgyan pa'i chos kyi 'khor lo bskor ba dang / tha dad pa yang dag par mkhyen pa dang / mi 'jigs pa chen pos brgyan pa'i chos kyi 'khor lo bskor ba rgyun mi 'chad de/ sangs rgyas kyi sku gcig gi byin gyi rlabs kyis ji lta ba de bzhin du chos kyi 'khor lo'i sprin chen po dpe thams cad la dpe med par rab tu 'byung bar 'gyur ro/ /de bzhin du chos kyi dbyings ma lus pa thams cad kyi nam mkha'i dbyings kyi mthas gtugs pa skra'i rtse mo'i cha shas kyis gzhal ba ma lus pa thams cad chags pa med par rnam par dbye bas/ sangs rgyas kyi zhing brjod du med pa'i yang brjod du med pa snyed kyi sangs rgyas kyi sprul pa de snyed de snyed du thugs kyi skad cig re re la phyi ma'i mtha'i mur thug pa'i bskal par sprul pa mdzad cing / de bzhin gshegs pa'i sprul pa'i sku thams cad las de bzhin gshegs pa'i sku re re la'ang de </font><hr>Nga46a<br><font size=+1>


@#/ /snyed de snyed kyi dbu mnga' bar gyur la/ gzhung de bzhin du sku re re la'ang de snyed de snyed kyi ljags mnga' bar gyur te/ ljags re re las kyang de snyed de snyed kyi dbyangs kyi yan lag dang / sgra skad kyi gsung chos kyi dbyings ma lus pa'i sems can gyi khams thams cad go bar mdzad pa byung la/ dbyangs kyi yan lag dang / sgra skad kyi gsung de dag re res kyang de snyed de snyed kyi mdo sde bshad par gyur la/ mdo sde de dag re re la yang de snyed de snyed kyi chos bstan pa la rab tu gzhol ba mdzad de/ chos bstan pa de dag re re las kyang de snyed de snyed kyi chos kyi tshig dang / yi ge brjod par gyur la/ chos kyi tshig dang yi ge de dag re res kyang chos kyi dbyings ma lus pa thams cad dbyangs kyi rgyas par bkang ste/ sems can gyi khams ma lus pa thams cad go bar mdzad kyang / de bzhin gshegs pa'i dbyangs la dub ba mi mnga' ste/ nyams par mi 'gyur la thogs pa mi mnga' zhing dma' bar mi 'gyur te/ de lta bu'i chos kyi 'khor lo bskor yang bskal pa phyi ma'i mtha'i mur thug pa'i bar du rgyun 'chad par mi 'gyur te/ 'di ni sangs rgyas bcom ldan 'das rnams kyi mthu bo che chen po'i stobs/ sangs rgyas kyi spyod pa'i rgyal mtshan gyi chos lnga pa'o/ /gzhan yang sangs rgyas bcom ldan 'das rnams </font><hr>Nga46b<br><font size=+1>


ni thugs dpal gyi be'us brgyan pa rdo rje chen po ltar shin tu bstan par grub pa mnga' ba dag ste/ de dag byang chub kyi shing drung du byon na bdud sdig to can gyi sems can thams cad snyed kyi bdud kyi sde gzugs sna tshogs can shin tu mi sdug pa/ 'jigs 'jigs ltar 'dug pa rab tu sdang ba'i gzugs can/ 'jig rten thams cad shin tu 'jigs pa'i gzugs can/ rab tu skyi g.ya' ba skyed pa'i gzugs can/ bdud shin tu mi sdug pa'i gzugs 'chang ba/ rab mchog por 'jigs pa 'jigs pa chen po skyed pa/ 'gro ba thams cad gsod pa/ 'jig rten thams cad phung bar byed pa/ de lta bu sha stag gis byang chub kyi shing drung dang / chos kyi dbyings thams cad dang / nam mkha'i dbyings kyi mthar thug par gang bar gzigs kyang byang chub kyi shing drung na bzhugs pa'i de bzhin gshegs pa rnams la bsnyengs pa mi mnga'o/ /bag tsha ba mi mnga'o/ /ba spu gcig kyang g.yo ba med do/ /thugs kyi cha shas shin tu phra ba 'ga' tsam gyis kyang de ltar rnam pa tha dad pa'i gzugs la mtshan ma rnam pa tha dad pa 'dzin pa mi mnga' ste/ shin tu brtan no/ /g.yo ba med do/ /mi sgul to/ / 'gyur pa med do/ /rnam par rtog pa med do/ /shin tu zhi ba'o/ /bsnyengs pa dang / bag tsha ba thams cad dang shin tu bral lo/ /sdug pa dang khong khro ba shin tu spangs so/ /sangs </font><hr>Nga47a<br><font size=+1>


@#/ /rgyas kyi spyod pa rgyun mi 'chad do/ /byams pa chen po'i stobs dang ldan pa'o/ /thugs rje chen po'i gnas kyis dbang po shin tu dben pa'o/ /bag tsha ba mi mnga' ba'i thugs dang ldan pa'o/ /thugs shin tu brten zhing nyams pa mi mnga' ba'o/ /tshur zil gyis mi gnon la phar zil gyis gnon pa'i thugs dang ldan pa ste/ bdud thams cad dang / bdud kyi ris su gtogs pa'i lha thams cad dang / bdud kyi sde thams cad shin tu zil gyis gnon to/ /shin tu spa gong ngo / /de ltar zil gyis mnan te spa gong ba dang / de bzhin gshegs pa la skyabs tshol lo/ /de dag la'ang bcom ldan 'das de dag cho 'phrul chen po gsum gyis de bzhin gshegs pa'i 'dul ba mdzad pa nye bar sgrub ste/ bla na med pa yang dag par rdzogs pa'i byang chub las phyir mi ldog par 'gyur ro/ /'di ni sangs rgyas bcom ldan 'das rnams kyi mthu bo che chen po'i stobs/ sangs rgyas kyi spyod pa'i rgyal mtshan gyi chos drug pa'o/ /gzhan yang sangs rgyas bcom ldan 'das rnams kyi gsung thogs pa med pa ni/ 'jig rten gyi khams ma lus pa de dang de dag thams cad du sems can rnams 'dul ba'i don gyis rnam par dmigs par kun tu khyab par 'byung ste/ de bzhin gshegs </font><hr>Nga47b<br><font size=+1>


pa'i gsung de ni ri rnams la thogs pa med do/ /ri rab la thogs pa med do/ /rin po che'i ri la thogs pa med do/ /khor yug dang khor yug chen po la thogs pa med do/ /lha'i khyim la thogs pa med do/ /klu'i khyim la thogs pa med do/ /gnod sbyin gyi khyim la thogs pa med do/ /dri za'i khyim la thogs pa med do/ /lha ma yin gyi khyim la thogs pa med do/ /nam mkha' lding gi khyim la thogs pa med do/ /mi'am ci'i khyim la thogs pa med do/ /lto 'phye chen po'i khyim la thogs pa med do/ /mi dang mi ma yin pa'i khyim la thogs pa med do/ /gal te brgya la 'jig rten gyi khams thams cad na yod pa'i sgra chen po 'jig rten rnam pa tha dad pa'i sgras 'jig rten gyi khams thams cad gang ste/ ca co 'dres par gyur kyang de la de bzhin gshegs pa'i gsung ni 'dul ba'i sems can rnams kyi rna ba'i rnam par dmigs pa la bsgribs pa med pa yin te/ de bzhin gshegs pa'i gsung 'ba' zhig de dag gi rna ba'i rnam par dmigs pa la lhang nge lham me lhan ne ste go bar mdzad pa'i tshig dang / yi ge rnams kyang rlag par mi 'gyur te/ 'di ni sangs rgyas bcom ldan 'das rnams kyi mthu bo che chen po'i stobs/ sangs rgyas kyi spyod pa'i rgyal mtshan gyi chos bdun pa'o/ /gzhan yang sangs rgyas bcom ldan 'das rnams kyi thugs ni chags pa mi mnga' ba ste/ </font><hr>Nga48a<br><font size=+1>


@#/ /bskal pa bye ba khrag khrig brgya stong brjod du med pa'i yang brjod du med par yongs su sbyangs pa'o/ /'das pa dang / ma byon pa dang / da ltar byung ba'i sangs rgyas thams cad dang rgyan gcig tu gyur pa'o/ /rnyog pa med cing rnam par dang ste shin tu gsal ba'o/ /bdag gi zhes bya ba mi mnga' ba'o/ /chos thams cad la mi gnas pa'o/ /nang na gnas pa ma yin pa'o/ /phyi rol na gnas pa ma yin pa'o/ /ma skyes pa'o/ /dmigs pa thams cad kyis dben pa'o/ /zhi zhing gnas pa med pa'o/ / rtsom pa med pa'o/ /'du shes sna tshogs thams cad la mi gnas pa'o/ /dngos po'i rnam par rtog pa thams cad 'gags pa'o/ /rang bzhin gyis 'od dang zhing gsal ba'o/ / yongs su dag pa'o/ /dmigs pa dang / yid la bya ba thams cad dang ma 'dres pa'o/ /chos thams cad nyon mongs pa med pa'i yul dang ldan pa'o/ /yang dag pa'i mtha' 'dod chags dang bral bas dag pa'o/ /chos kyi dbyings shin tu bstan pa'i mthar thug pa'o/ /chos kyi dbyings kun nas mi zad pa dang ldan pa'o/ /'du shes kyi rnam pa thams cad kyi tshad dang tshad med pa dang bral ba'o/ /'dus byas dang 'dus ma byas kyi brjod pa thams cad 'gags pa'o/ /tshig gi lam gyis brjod du med pa'i mthar thug pa'i yul </font><hr>Nga48b<br><font size=+1>


lo| |mi zad pa dang chags pa med pa'i dbyings kyi mthar thug pa'o/ /ye shes sngon du 'gro ba'o/ /stobs bcu'i rgyan du gyur pa'o/ /chos thams cad kyis rnam par dag pa'o/ /thabs mkhas pas byung ba'o/ /chos sna tshogs dang / chos du ma dang / chos thams cad shin tu bstan pa dang mi 'gal ba'o/ /dus gsum du tha dad pa med pa'o/ /chos kyi dbyings thams cad du chos gzhi med pa thams cad kyi mnga' ba'i pha rol tu phyin pa gnyis pa'o/ /chos thams cad la mnga' ba'i 'byung gnas dang mdzod du gyur pa'o/ /chos kyi tshul thams cad la dgongs pa khyad par du rmongs pa med pa'o/ /zhing gi rgyud du gtogs pa thams cad dang / phyogs kyi dra ba dang / rgyud 'byams klas pa ma lus pa thams cad la mi gnas pa brtan zhing mi g.yo la| nyams pa med pa'i ye shes kyis rab tu gzigs pa chos ma lus pa thams cad kyi mthar thug pa/ zag pa thams cad yongs su zad pa thugs rnam par grol zhing zag pa mi mnga' ba dang / shes rab rnam par grol bas shin tu rnam par grol ba yang dag pa'i mtha' mi zad pas klas pa/ chags pa med par rnam par spyod pa rtag tu mnyam par bzhag pa| dus gsum thams cad kyi bsgrub pa med par 'byung ba/ sems can thams cad kyi dus gsum gyi sems dang spyod pa thams cad ma lus par thugs skad cig gis rab tu mkhyen </font><hr>Nga49a<br><font size=+1>


@#/ /pa ste| 'di ni sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos brgyad pa'o/ /gzhan yang sangs rgyas bcom ldan 'das rnams kyi chos kyi sku ni sku mi mnga' ba ste/ rang bzhin gcig tu gyur pa sangs rgyas thams cad kyi yul tshad med pa'i sku'o/ /mtha' dang dbus med par yongs su grub pa'i sku'o/ /'jig rten thams cad kyis zad par mi nus pa'i sku'o/ /khams gsum pas gos pa med pa'i sku'o/ /brten pa'i skus rnam par dmigs pa'o/ /lhag pa'i bsam pa dang rjes su dran pa'i byin gyi rlabs kyis sku'i rang bzhin yang dag par ston pa'o/ /bden pa med pa dang / rdzun pa med pa'i sku mnyam pa nyid kyi yongs su dag pa'o/ /chos kyi sku bzhud pa dang / byon pa med pa'i sku'o/ /'dus ma byas pas 'jig pa med pa'i sku'o/ /mtshan nyid med pas mtshan nyid gcig pa'i chos kyi sku'i rang bzhin no/ /yul na mi gnas pa dang / phyogs na mi gnas pa'i sku'o/ /ma lus pa thams cad kyi lus kyi sku'o/ /sangs rgyas kyi khyu mchog gi mthu phyung pa dang / rnam par 'phrul pa mtha' yas pa'i sku'i rang bzhin no/ /lus thams cad du yongs su gzhol ba'i sku sna tshogs su rnam par dmigs pa mdzad kyang chos kyi sku'i </font><hr>Nga49b<br><font size=+1>


tshul gyi rjes su 'brang ba'o/ /ye shes kun tu snang ba'i snying po can no/ /sku yongs kyi mdzod du gyur pa'o/ /chos kyi dbyings rnam pa tha dad pa med pa shin tu bstan pa'i sku'o/ /khams gsum ma lus pa thams cad rgyas par 'gengs pas kun tu khyab pa'i sku'i rang bzhin no/ /mi g.yo mi dgongs pa'i sku rnam par dag pa'o/ /yod pa yang ma yin/ med pa yang ma yin pa'i tshul dang tshul ma yin par rab tu brjod pa'i sku'o/ /sems can gyi mos pa rnam pa sna tshogs 'dul bar gyur pa'i sku'o/ /'gags pa yang ma yin/ ma 'gags pa yang ma yin pas 'dul ba ston pa'i sku'o/ /yon tan rin po che thams cad yang dag par 'byung bas shin tu 'phags pa'i sku'o/ /chos thams cad sangs rgyas kyi chos kyi de bzhin nyid du yang dag par bsgrubs pa'i sku'o/ /rang bzhin gyis rab tu zhi zhing bsgribs pa med pa'i mthar thug pa'i sku'o/ /thogs pa mi mnga' bas chos thams cad thugs su chud pa'i sku'o/ /thams cad kyi rjes su song ba'i chos kyi dbyings kyis rnam par dag cing / 'jig rten thams cad du shin tu rnam par phye ba'i sku'o/ /phyir mi ldog cing bsgribs pa mi mnga' la/ sangs rgyas kyi rnam par thar pas ye shes thams cad rjes su 'brang zhing yang dag par gzhol bas thugs su chud pa'i sku ste/ 'di ni sangs rgyas bcom ldan 'das rnams kyi mthu bo che chen po'i </font><hr>Nga50a<br><font size=+1>


@#/ /stobs sangs rgyas kyi spyod pa'i rgyal mtshan gyi chos dgu po'o/ /gzhan yang sangs rgyas bcom ldan 'das rnams kyi ye shes mnyam pa med pa dang mnyam pa ni de bzhin gshegs pa thams cad kyi thugs su chud pa ste/ byang chub sems dpa'i spyod pa thams cad kyis byung ba'o/ /mngon par 'grub pa'i spyod pa khyad par du 'phags pa'i smon lam dang / byang chub sems dpa'i spyod pas rnam par dag pa'o/ /byang chub sems dpa'i spyod pa thams cad kyis yongs su rdzogs par byas pa'o/ / tha dad pa med pa'o/ /sangs rgyas thams cad kyi byang chub sems dpa'i spyod pa thams cad kyis bzung ba'o/ /byang chub sems dpa'i spyod pa rgya mtsho'i spyod pa'i tshul thams cad thugs su chud pa'o/ /smon lam dang spyod pa chen pos yongs su mi dog pa'o/ /spyod pa thams cad mi mnyam pa med pas yongs su rdzogs par byas pa'o/ /spyod pa'i stobs la thub par dka' ba'i spyod pa thams cad kyis mngon par byung ba'o/ /spyod pa thams cad kyi rnam par dag pa'o/ /byang chub sems dpa'i spyod pa legs par spyad pas rgyud dma' ba med pa'o/ /sangs rgyas thams cad kyis tshad med bar spyod pa'o/ /ting nge 'dzin thams cad kyi spyod yul mtha' yas pa'o/ /lam thams cad kyis rab tu brjod pa ma </font><hr>Nga50b<br><font size=+1>


yin pa'o/ /lam gyi yul med pa'o/ /lam thams cad la rab tu zhugs pa'o/ /ye shes dam pa'i stobs kyi tshul mkhyen pa'o/ /bag tsha ba mi mnga' bas chos kyi char 'bebs pa'i 'khor lo dang ldan pa'o/ /dge ba dris pa dang ma dris pa la rjes su mthun pa'i chos kyi tshul ston pa mkhyen pa'o/ /mnyam pa med pa dang mnyam pas shin tu dag pa'o/ /sku dang / thugs dang| gsung gi yang dag par spyod pa rnams la 'phrin las gsum yongs su dag pa dang / sangs rgyas kyi bsgom pas brnyes pa'o/ /sangs rgyas kyi rnam par spyod pas brnyes pa'o/ /de bzhin gshegs pa'i rigs thams cad bskyed pa'i don du sangs rgyas kyi ye shes kyi mdzad pa thams cad rab tu 'byung ba'o/ /thams cad mkhyen pa'i gnas kyi bstan pa tshad med pa'i gnas rtsa ba med pa dang ldan pa'o/ /mngon par shes pa'i ye shes thams cad kyis mthar thug par mi 'gyur pa'o/ /'jig rten gyi sems kyis spyod pa'i shes pa thams cad kyis bsam gyis mi khyab pa'o/ /chos thams cad ma lus par mkhyen cing gzigs pas sems can thams cad yongs su skyob pa'o/ /dus gsum yangs pa thams cad kyi tshul shin tu phra ba mtha' dang dbus med pa ma lus par mkhyen pa'o/ /'jig rten las 'das pa'i don mkhyen pa'i phyir phra ba'i ye shes thugs su chud pas 'jig rten gyi khams ma lus pa thams cad rnam par dag pa/ </font><hr>Nga51a<br><font size=+1>


@#/ /phyir mi ldog pa'i ye shes kyis sangs rgyas kyi 'phrin las brjod du med pa 'jig rten thams cad du sbyor ba'o/ /sangs rgyas kyi sku 'grangs pa thams cad thugs su chud pa'i ye shes kyis yi ge med pa'i chos thugs su chud pa'o/ /yi ge sna tshogs rnam par phye ba dang / yi ge thams cad smos shing brjod pa mkhyen pas brjod du med pa thugs su chud pa'o/ /kun tu bzang po'i ye shes kyi dge ba'i rtsa ba'i chos spyad pa thams cad rnam par dag pa'o/ /dam bcas pa'i tshul bzhin du sems can thams cad kyi lus dang / skye mched ji lta bar thugs skad cig dang ldan pa'i shes rab kyis chos thams cad khong du chud par ston pa mkhyen pa'o/ /chos thams cad kyi don du chos yongs su btang zhing rim gror bya bas thugs su chud pa'o/ /'jig rten gyi khams thams cad ma lus par yul du gyur pa'o/ /chos kyi dbyings ma lus pa thams cad yul du gyur pa'o/ / dus gsum thams cad la thugs skad cig gis chags pa med par mkhyen cing thugs su chud pa'i yul dang ldan pa'o/ /de bzhin gshegs pa thams cad kyi sangs rgyas 'byung ba ma lus par yul du gyur pa'o/ /'jig pa med par 'dul ba thams cad yul du gyur pa'o/ /thams cad kyi rjes su song zhing rnam par dag pa'i yul thams cad mngon par </font><hr>Nga51b<br><font size=+1>


sangs rgyas pa'o/ /sa mtshams med cing thug pa med pa'i mngon par shes pa rnam par sangs rgyas pa'o/ /sems can thams cad kyi sems dang / yid dang / rnam par shes pa'i rnam pa dus gsum du brjod pa ma lus pa thams cad thugs skad cig gis mkhyen cing thugs su chud pa'o/ /sems can gyi rnam pa thams cad las mtshams ma bcad pa'o/ /'jig rten gyi khams kyi rnam pa thams cad la mu med pa'o/ /dus gsum gyi rnam par thams cad la mtha' yas pa'o/ /sangs rgyas kyi khyu mchog gi mthu phyung ba'i rnam pa thams cad la tshad med pa'i shes bya'i rnam pa thams cad la lhag ma ma lus pa ste/ de dag thams cad lhag ma med par mngon par sangs rgyas pas sangs rgyas kyi ye shes sangs rgyas kyi rdzu 'phrul dang / rnam par 'phrul pas byung ba thams cad thugs su chud pa dang / mkhyen pa thams cad rgyun chad pa med de/ de la sangs rgyas bcom ldan 'das rnams sangs rgyas kyi khyu mchog gi mthu phyung ba'i skus mtha' dang dbus med par spyod pa yin/ chags pa med pa'i thugs kyis spyod pas mtha' dang dbus med par spyod pa yin/ thugs rje chen po'i sbyor bas dus thams cad du rtag tu rgyun mi 'chad par chos bstan pa la spyod pas mtha' dang dbus med par spyod pa yin te/ 'di ni sangs rgyas bcom ldan 'das kyi sangs rgyas kyi mthu bo che chen po'i </font><hr>Nga52a<br><font size=+1>


@#/ /stobs sangs rgyas kyi spyod pa'i rgyal mtshan gyi chos bcu pa'o/ /kye rgyal ba'i sras/ bcu po de dag ni/ sangs rgyas bcom ldan 'das rnams kyi mthu bo che chen po'i stobs sangs rgyas kyi spyod pa'i rgyal mtshan gyi chos rnams te/ 'das pa dang / ma 'ongs pa dang / da ltar byung ba'i sems can thams cad dang / nyan thos dang / rang sangs rgyas thams cad kyis bsam gyis mi khyab cing dpag tu med pa nus pa dag go /kye rgyal ba'i sras/ bcu po de dag ni/ sangs rgyas bcom ldan 'das rnams kyi thogs pa mi mnga' ba rnams te/ sangs rgyas bcom ldan 'das rnams ni dga' ldan gyi tshe ji srid par bzhugs nas/ 'pho ba la thogs pa mi mnga'o/ /sangs rgyas bcom ldan 'das rnams ni/ zla ba bcus bltams pa bstan pa la thogs pa mi mnga'o/ /sangs rgyas bcom ldan 'das rnams ni/ mngon par 'byung bar dgyes pa'i thugs kyi mngon par 'byung ba la thogs pa mi mnga'o/ /sangs rgyas bcom ldan 'das rnams ni/ byang chub kyi shing drung du bzhugs nas/ sangs rgyas kyi chos thams cad mngon par 'tshang rgya ba la thogs pa mi mnga'o/ /sangs rgyas bcom ldan 'das rnams ni/ thugs skad cig gis sangs rgyas kyi chos thams cad mngon par sangs rgyas nas/ 'jig rten gyi khams </font><hr>Nga52b<br><font size=+1>


thams cad du de bzhin gshegs pa'i rnam par 'phrul pa thams cad yongs su bstan pa la thogs pa mi mnga'o/ /sangs rgyas bcom ldan 'das rnams ni/ dus bzhin du 'dul ba rnams la chos kyi 'khor lo bskor ba la thogs pa mi mnga'o/ /sangs rgyas bcom ldan 'das rnams ni/ dge ba'i rtsa ba ji ltar bskyed pa'i tshul bzhin du dus la bab par bshad cing lung bstan pa la thogs pa mi mnga'o/ /sangs rgyas bcom ldan 'das rnams ni/ dus la bab pa'i tshul bzhin du sangs rgyas kyi 'phrin las mdzad pa la thogs pa mi mnga'o/ / sangs rgyas bcom ldan 'das rnams ni/ byang chub sems dpa' yongs su grub pa rnams lung bstan pa la thogs pa mi mnga'o/ /sangs rgyas bcom ldan 'das rnams ni/ skad cig gcig tu sems can thams cad kyi dri ba yongs su dris pa skad cig gcig gis lung bstan pa la thogs pa mi mnga' ste/ kye| rgyal ba'i sras/ bcu po de dag ni/ sangs rgyas bcom ldan 'das rnams kyi thogs pa mi mnga' ba'o/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi de bzhin gshegs pa mthong ma thag tu myur du 'byung ba'i chos rnams te/ bcu gang zhe na/ sangs rgyas bcom ldan 'das rnams ni/ mthong ma thag tu sems can rnams myur du ngan song dang bral bar 'gyur ro/ /sangs rgyas </font><hr>Nga53a<br><font size=+1>


@#/ /bcom ldan 'das rnams ni/ mthong ma thag tu sems can rnams myur du bsod nams yongs su rdzogs pa 'thob par 'gyur ro/ /sangs rgyas bcom ldan 'das rnams ni/ mthong ma thag tu sems can rnams myur du dge ba'i rtsa ba la yongs su smin par 'gyur ro/ /sangs rgyas bcom ldan 'das rnams ni/ mthong ma thag tu sems can rnams myur du mtho ris su skye ba yongs su dag pa 'thob par 'gyur ro/ /sangs rgyas bcom ldan 'das rnams ni/ mthong ma thag tu sems can rnams myur du yid gnyis dang / nem nur yang dag par bsal ba 'thob par 'gyur ro/ /sangs rgyas bcom ldan 'das rnams ni/ mthong ma thag tu sems can rnams myur du byang chub kyi sems bskyed nas phyir mi ldog pa 'thob par 'gyur te/ sems can mos pa yangs pa dang ldan pa/ sangs rgyas kyis 'dul ba las byang chub tu sems ma bskyed pa rnams kyang bla na med pa yang dag par rdzogs pa'i byang chub tu sems bskyed do/ /sangs rgyas bcom ldan 'das ni/ mthong ma thag tu skyon med par ma 'das pa dmigs pa'i lta ba can gyi sems can rnams myur du skyon med pa 'da' ba'i rgyu rab tu 'dzin to/ /sangs rgyas bcom ldan 'das rnams ni/ mthong ma thag tu sems can rnams myur du 'jig rten pa dang / 'jig rten las </font><hr>Nga53b<br><font size=+1>


'das pa'i dbang po rnam par dag par 'gyur ro/ /sangs rgyas bcom ldan 'das rnams ni/ mthong ma thag tu sems can rnams myur du bsgribs pa thams cad byang ba 'thob par 'gyur ro| |sangs rgyas bcom ldan 'das rnams ni mthong ma thag tu sems can rnams myur du snang ba 'thob cing mi 'jigs pa zhum pa med pa'i spobs pa rab tu rtsom ste/ kye rgyal ba'i sras/ bcu po de dag ni/ sangs rgyas bcom ldan 'das rnams kyi de bzhin gshegs pa mthong ma thag tu myur du 'byung ba'i chos rnams so/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi rjes su dran pa rnam par dag pa ste/ bcu gang zhe na/ sangs rgyas bcom ldan 'das rnams ni/ sngon gyi sbyor bas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni/ spyod pa rnam par dag pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni/ pha rol tu phyin pa yongs su rdzogs pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni/ smon lam chen po yongs su rdzogs pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni/ yang dag par bsgrubs pas kyang </font><hr>Nga54a<br><font size=+1>


@#/ /byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni/ sngon gyi mthar sangs rgyas kyi tshangs par spyod pa la spyad pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni/ mngon par 'tshang rgya ba'i sgo nas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni/ gzugs kyi sku tshad med mu med pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni/ sangs rgyas kyi yul gyis rnam par 'phrul pa tshad med mu med pas kyang byang chub sems dpa' rnams kyis rjes su dran par bya ba yin/ sangs rgyas bcom ldan 'das rnams ni/ stobs bcu dang / mi 'jigs pas kyang byang chub sems dpa' rnams kyis rjes su dran par bya ba yin te/ kye rgyal ba'i sras/ bcu po de dag ni/ sangs rgyas bcom ldan 'das rnams kyi rjes su dran pa rnam par dag pa'o/ /kye rgyal ba'i sras/ bcu po 'di dag ni/ de bzhin gshegs pa rnams kyi thams cad mkhyen pa nyid kyi rnam par spyod pa ste/ bcu gang zhe na/ 'di ltar chos kyi dbyings thams cad dang / dus gsum gyi sems can thams cad kyi sems sna </font><hr>Nga54b<br><font size=+1>


tshogs dang / sems du ma dang / spyod pa dang / g.yo ba'i rgyud thams cad ma lus par thugs gcig gis thugs su chud pa dang / dus gsum gyi sems can thams cad kyi las dang / las kun nas blangs pa sna tshogs cho ma cho dgu rnam pa tha dad pas mngon par 'gro zhing nye bar gsog pa mang nyung dang / rnam par smin pa tha dad pa ma lus par thugs gcig gis thugs su chud pa dang / chos kyi dbyings thams cad kyi sems can gyi rigs sna tshogs dang / sems can gyi rigs du ma'i sems can ma lus pa thams cad 'dul ba'i dus ji bzhin du yongs su bstan pa'i cho 'phrul dang / rjes su bstan pa'i cho 'phrul dang / rdzu 'phrul gyi cho 'phrul gyis byin gyis brlabs yang dag par bstan pa ma lus par thugs su chud pa dang / chos kyi dbyings thams cad dang| phyogs dra ba'i rgyud thams cad dang / 'jig rten gyi khams kyi rgyud thams cad kyi sems can thams cad kyi sems kyi mtshan ma bzung ste/ sangs rgyas bstan pa dang / skye ba dang / rnam par dbye ba ma lus par thugs su chud pa dang / 'jig rten gyi khams thams cad kyi sems can rnams kyi bsam pa ji lta ba dang / mos pa ji lta ba dang / 'dul ba ji lta ba bzhin du rnam pa tha dad pa tshad med par skad cig tu/ sangs rgyas bstan pa dang / rnam par dmigs par bya ba dang / byin gyis brlabs pa ma lus par thugs su chud pa dang / 'jig rten gyi </font><hr>Nga55a<br><font size=+1>


@#/ /khams thams cad kyi sems can pha rol gyi bsam pa la/ sangs rgyas kyi byin gyi rlabs yang dag par bstan pa ma lus par thugs su chud pa dang / chos kyi dbyings thams cad kyi sems can rnams 'dul ba ji lta ba bzhin du nye bar len pa med pa'i sangs rgyas nyid du 'gyur bar gdams ngag dang / rjes su bstan pas de bzhin gshegs pa 'byung ba bstan pa ma lus par thugs su chud pa dang / chos kyi dbyings thams cad kyi sems can thams cad kyi thams cad du 'gro ba dang / de dang der 'gro ba'i lam ma lus par thugs kyi skad cig gcig gis thugs su chud pa dang / chos kyi dbyings thams cad kyi sems can rnams kyis/ sangs rgyas rjes su dran pa'i phyogs thams cad du btang ba'i tshul ma lus par thugs kyi skad cig gcig gis thugs su chud pa dang / chos kyi dbyings thams cad kyi sems can rnams kyi mos pa dang / sems kyi tshad ji lta ba bzhin du sangs rgyas kyi sku kha dog mu med pa/ dbyibs mtha' yas pa bstan pa ma lus par thugs kyi skad cig gcig gis thugs su chud pa ste/ kye rgyal ba'i sras/ bcu po de dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa nyid kyi rnam par spyod pa'o/ /kye rgyal ba'i sras/ bcu po 'di dag ni/ de bzhin gshegs pa dgra bcom pa yang dag par </font><hr>Nga55b<br><font size=+1>


rdzogs pa'i sangs rgyas rnams kyi sangs rgyas kyi ting nge 'dzin tshad med bsam gyis mi khyab pa rnams te/ bcu gang zhe na/ 'di ltar sangs rgyas bcom ldan 'das rnams ni/ chos thams cad la rtag tu mnyam par bzhag kyang chos kyi dbyings ma lus pa thams cad kyi sems can rnams la 'ang skad cig gcig tu chos ston pa mdzad do/ /sangs rgyas bcom ldan 'das rnams ni/ chos kyi dbyings ma lus pa thams cad kyi sems can thams cad la mnyam par bzhag kyang / skad cig gcig gis sems can gyi khams sna tshogs rnam pa tha dad pa rnams kyang bdag med pa'i mtha' la gnas par yongs su ston to/ /sangs rgyas bcom ldan 'das rnams ni/ chos kyi dbyings ma lus pa thams cad kyi dus gsum la mnyam par bzhag kyang thugs kyi skad cig gcig gis cha shas la'ang mnyam par bzhag cing rnam par spyod do/ /sangs rgyas bcom ldan 'das rnams ni/ chos kyi dbyings ma lus pa thams cad kyi phyogs 'byams klas pa'i dra ba thams cad kyi sangs rgyas kyi zhing gi rgyud dang / rnam pa thams cad la mnyam par bzhag kyang mi zad pa'i zhing gi mtha' la yang bzhugs shing rnam par spyod do/ /sangs rgyas bcom ldan 'das rnams ni/ chos kyi dbyings ma lus pa thams cad kyi sangs rgyas kyi sku mu med pa la mnyam par bzhag kyang 'jig rten gyi khams thams cad kyis kyang sangs rgyas kyi sku sna tshogs rnam par dmigs par yang dag </font><hr>Nga56a<br><font size=+1>


@#/ /par ston pa mdzad do/ /sangs rgyas bcom ldan 'das rnams ni/ chos kyi dbyings ma lus pa thams cad sku dang / gsung dang / thugs kyis yongs su rgyas par rtag tu mnyam par bzhag kyang sems can thams cad kyi sems 'byung ba'i mdzod sna tshogs la yang mos pa dang yid la byed pa ji lta ba bzhin du rnam par spyod do/ /sangs rgyas bcom ldan 'das rnams ni/ chos kyi dbyings ma lus pa thams cad kyi chos thams cad kyi rang bzhin la rtag tu mnyam par bzhag kyang 'dod chags dang bral ba'i mtha'i mur thug pa la bzhugs pa yang yongs su mi gtong ngo / /sangs rgyas bcom ldan 'das rnams ni/ chos kyi dbyings ma lus pa thams cad kyi 'jig rten thams cad kyi brten pa la rtag tu mnyam par bzhag kyang thugs skad cig gcig gis rten cing 'brel par 'byung ba brjod pa yang rab tu ston to/ /sangs rgyas bcom ldan 'das rnams ni/ chos kyi dbyings ma lus pa thams cad kyi 'jig rten pa dang / 'jig rten las 'das pa 'byams klas pa la rtag tu mnyam par bzhag kyang thugs skad cig gcig gis sems can thams cad la sangs rgyas mu med pa bstan pa rnam par dgod pa'i tshul mu med pas/ sangs rgyas bstan pa rgyun mi gcod do/ /sangs rgyas bcom ldan 'das rnams ni/ chos kyi dbyings ma lus pa thams cad du bsgribs pa med par rtag tu </font><hr>Nga56b<br><font size=+1>


mnyam par bzhag kyang thugs skad cig gcig gis sangs rgyas kyi chos thams cad kyang rtogs par thugs su chud cing / sangs rgyas kyi rnam par thar pa mu med pa'i pha rol tu phyin pa'i mchog brnyes par bzhugs te/ kye rgyal ba'i sras/ bcu po de dag ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi sangs rgyas kyi ting nge 'dzin tshad med bsam gyis mi khyab pa rnams so/ /kye rgyal ba'i sras/ bcu po 'di dag ni/ sangs rgyas bcom ldan 'das rnams kyi rnam par thar pa rnams te/ bcu gang zhe na/ rdul shin tu phra ba gcig la sangs rgyas skye ba brjod du med pa'i yang brjod du med pa yongs su bstan pa'i rnam par thar pa dang / rdul shin tu phra ba gcig la chos kyi 'khor lo brjod du med pa'i yang brjod du med pa bskor ba yongs su bstan pa'i rnam par thar pa dang / rdul shin tu phra ba gcig la sems can yongs su smin par bya ba dang / gdul ba brjod du med pa'i yang brjod du med pa yongs su bstan pa'i rnam par thar pa dang / rdul shin tu phra ba gcig la zhing brjod du med pa'i yang brjod du med pa yongs su bstan pa'i rnam par thar pa dang / rdul shin tu phra ba gcig la 'das pa dang / ma byon pa dang / da ltar byung ba'i sangs rgyas skye ba thams cad yongs su bstan pa'i rnam par thar pa dang / rdul shin tu phra ba gcig la 'das pa dang / ma 'ongs pa dang / da ltar byung ba'i zhing gi rgyud yongs su bstan </font><hr>Nga57a<br><font size=+1>


@#/ /pa'i rnam par thar pa dang / rdul shin tu phra ba gcig la 'das pa dang / ma byon pa dang / da ltar byung ba'i de bzhin gshegs pa thams cad kyi rdzu 'phrul dang / rnam par 'phrul pa yongs su bstan pa'i rnam par thar pa dang / rdul shin tu phra ba gcig la 'das pa dang / ma 'ongs pa dang / da ltar byung ba'i sems can gyi khams thams cad yongs su bstan pa'i rnam par thar pa dang / rdul shin tu phra ba gcig la 'das pa dang / ma byon dang / da ltar byung ba'i sangs rgyas kyi 'phrin las thams cad yongs su bstan pa'i rnam par thar pa ste| kye rgyal ba'i sras/ bcu po de dag ni/ sangs rgyas bcom ldan 'das rnams kyi rnam par thar pa'o/ /shin tu rgyas pa chen po'i mdo/ sangs rgyas phal po che zhes bya ba las/ sangs rgyas kyi chos bsam gyis mi khyab pa bstan pa'i le'u ste/ sum cu dgu pa'o// //bam po drug cu rtsa bdun pa/ de nas byang chub sems dpa' kun tu bzang pos mtshan rgya mtsho brjod du med pa'i don du/ byang chub sems dpa' de dag la smras pa/ kye rgyal pa'i sras dag /de bzhin gshegs pa'i dbu la mi chen po'i mtshan chos kyi rgyan rin po che sna tshogs sum cu rtsa gnyis mnga' bas/ de bzhin gshegs pa'i dbu de ni 'khor kun nas 'od zer gyi dra ba shin tu 'phro ba'i sprin rab tu 'byung zhing rgyas par 'geng pa ste/ de la mi chen </font><hr>Nga57b<br><font size=+1>


po'i mtshan rin po che dang po dbu'i dbu mtshams na rin po che sna tshogs thams cad kyi rgyal po las 'jig rten gyi khams thams cad du snang ba bkye bas/ dpal gyis yongs su rgyas shing yan lag dang / nying lag thams cad nas de bzhin gshegs pa'i sprin rnam par bkye ba yongs su 'khyil ba'i klong gi dbyings kyi phyogs thams cad 'od kyis rnam par snang ba zhes bya ba mnga' ba dang / sangs rgyas kyi dbu la 'phro ba'i 'od kyi dkyil 'khor glog gi phreng ba lta bur 'byung bas/ phyogs mtshams thams cad du de bzhin gshegs pa snying po byang chub tu bzhugs pa ston cing / thams cad mkhyen pa nyid kyi nam mkha'i sprin kun du 'dal bas chos kyi dbyings kyi gzhi de bzhin gshegs pa'i mtshan rin po che'i rgyal po sna tshogs mdzod spu g.yas phyogs su 'khyil ba'i dbyibs las gser gyi kha dog bzang por 'od zer 'bar bar 'jig rten gyi khams su byung ba'i 'od kyis chos kyi dbyings thams cad du de bzhin gshegs pa'i dbu dang / de bzhin gshegs pa'i spyan gsal ba'i 'od kyi sprin ces bya ba mnga' ba dang / de bzhin gshegs pa'i dbu la rin po che'i 'od kyi klong g.yas phyogs su yongs su 'khyil ba chos kyi dbyings thams cad dang / 'jig rten gyi khams thams cad du de bzhin gshegs pa'i bsod nams dang / ye shes kyi sgron ma snang bas 'jig rten </font><hr>Nga58a<br><font size=+1>


@#/ /gyi khams rgya mtsho thams cad du sangs rgyas kyi sprin rnam par 'dal ba byang chub sems dpa'i mchog rnams la snang bas/ chos kyi dbyings rgyas par khyab ba'i sprin ces bya ba mnga' ba dang / de bzhin gshegs pa'i mtshan gser yid du 'ong ba'i sprin sna tshogs kyis/ de bzhin gshegs pa'i khyu mchog gi mthu phyung ba rab tu 'bar bas de bzhin gshegs pa thams cad kyi 'od zer rnam par snang bar byas pas/ sangs rgyas kyi zhing bsam gyis mi khyab pa snang bar bstan pa'i 'od kyi sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che bai DU R+Ya'i 'od zer dang / me tog gi mdog gis chos kyi dbyings thams cad snang bar rnam par 'phrul pa'i sprin/ nor bu rin po che'i rgyal po'i mtshan nyid lta bu'i dbu skra/ rin po che sna tshogs snang ba'i mtshan nyid kyi 'od chags pas/ phyogs thams cad rnam par snang bar byed pa/ sangs rgyas kyi sngon gyi dka' thub dang / dpal gyi ye shes las rnam pa de lta bur byung ba'i rin po che'i 'od zer rab tu bkye ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan dang / rin po che'i 'od zer g.yas phyogs su 'khyil zhing 'phro bas byang chub sems dpa'i rnam par 'phrul pa/ rin po che'i cod pan gyi 'od de bzhin </font><hr>Nga58b<br><font size=+1>


gshegs pa'i stobs kyi rnam par rgyas pas/ 'jig rten gyi khams thams cad du rin po che 'od tshad med par de bzhin gshegs pa'i chos kyi rang bzhin gyis/ rnam par 'phrul pa yang dag par ston pa'i sprin ces bya ba mnga' ba dang / sangs rgyas kyi dbu de la de bzhin gshegs pa'i mtshan rin po che rnam par 'phrul pas/ nor bu rin po che rgya mtshos bkye ba'i 'od dang / 'od zer dri ma med pa rab tu 'phros pas byang chub sems dpa'i chos bstan pa rgya mtsho rnam par snang ba 'das pa dang / ma byon pa dang / da ltar byung ba'i de bzhin gshegs pa rnams kyi ye shes rgya mtsho shin tu yangs pas chos kyi dbyings kun tu de bzhin gshegs pa'i gsung gi sprin 'byung ba zhes bya ba mnga' ba dang / de bzhin gshegs pa'i dbu la/ rin po che'i rgyal po sems kyi rgyal po dang / in+d+ra nI la las 'od bkye ba g.yas phyogs su 'khyil bas 'jig rten gyi khams dang / chos kyi dbyings thams cad du snang ba'i byang chub sems dpa'i 'od 'phro ba sgron ma'i sprin| de bzhin gshegs pa thams cad kyi yon tan rgya mtsho rab tu sgrogs pas 'jig rten gyi khams rgya mtsho thams cad du nga ro 'byin cing / sangs rgyas kyi stobs yongs su dag pa rgya mtsho dang / sangs rgyas rgya mtsho 'byin pa'i sprin shin tu yangs pa'i 'od ces bya ba mnga' ba dang / de bzhin gshegs pa'i mtshan rin po che'i me tog sna tshogs dang / rin po che'i rgyal po </font><hr>Nga59a<br><font size=+1>


@#/ /bai DUR+Ya'i 'od zer rin po che thams cad kyi 'od zer kun tu 'byung ba'i dra ba mngon par 'phags pa las/ chos kyi lus dang ldan pa'i byang chub sems dpa' 'jig rten gyi khams thams cad dang / phyogs rgya mtshor de bzhin gshegs pa'i sa yang dag par ston cing sangs rgyas kyi stobs chos kyi dbyings la mngon du gyur pa rab tu ston par bzhugs pa| sems can thams cad la yongs su ston pas de bzhin gshegs pa'i sa tshad med mu med par yang dag par 'phags shing yongs su dag la dri ma med pa yongs su mnan te/ rin po che thams cad kyi 'od kun tu snang ba'i rang bzhin rab tu bkye ba'i 'od zer dkyil 'khor gyi sprin ces bya ba mnga' ba dang / de bzhin gshegs pa'i mtshan 'jig rten gyi khams tshad med pa na bzhugs pa'i de bzhin gshegs pa rnams kyi mtshan rin po che las 'od rab tu bkye bas/ zhing thams cad kun nas yog cing bsgribs pa med de/ chos kyi dbyings thams cad du sangs rgyas kyi gsung rin po che'i me tog shin tu rgyas pa'i 'od zer 'phro ba rab tu bkye bas/ chos kyi rgya mtsho chen po rab tu sbyar ba las/ byang chub sems dpa'i spyod pa thams cad kyi snying po dang / snang ba can gyi sprin langs pa'i 'od ces bya ba mnga' ba dang / de bzhin gshegs pa'i mtshan rin po che bai DUR+Ya dang / in+d+ra nI la dang / rdo rje mang po las nor bu rin po che rnam par bton </font><hr>Nga59b<br><font size=+1>


te| rab tu bkram pa'i kha dog mtha' yas pa'i 'od rnam par dag pa/ rin po che bai DUR+Ya'i 'od kun tu 'byung ba las sgra skad rgya mtsho thams cad kyis chos kyi dbyings su sangs rgyas kyi snang ba rnam par ston pa'i chos rgya mtsho'i ye shes sangs rgyas sprul pa'i 'od kun du 'gyed pa'i sprin rab tu snang ba zhes bya ba mnga' ba dang / sangs rgyas kyi dbu la de bzhin gshegs pa'i mtshan rin po che'i 'od g.yas phyogs su 'phro ba'i me tog rin po che'i lhab lhub kyis brgyan pas/ 'jig rten gyi khams thams cad kyi de bzhin gshegs pa'i snying po byang chub kyi rgyan gyi sprin mngon par 'thon pa/ chos kyi dbyings dang / 'jig rten gyi khams thams cad du chos rnam par dag pa ste/ bskal pa thams cad du rnam par thar pas chos kyi dbyings rnam par sangs rgyas pa'i sprin ces bya ba mnga' ba dang / sangs rgyas kyi dbu la de bzhin gshegs pa'i mtshan rin po che sems kyi rgyal po'i 'od zer dam pa rgya mtshos brgyan pa'i chos kyi rgyan du mtshan rnam par bkod pa las/ 'jig rten gyi khams na 'khod pa'i byang chub sems dpa'i sprin la snang ba shin tu 'byung zhing ye shes kyi sku dang / chos kyi skus de bzhin gshegs pa thams cad kyi mtshan rgya mtsho la spyod pa'i byang chub sems dpas yongs su khyab pa'i sprin dang / chos kyi dbyings kyi sprin gyi 'od ces bya ba mnga' ba dang / de bzhin gshegs pa'i dbu la de bzhin gshegs </font><hr>Nga60a<br><font size=+1>


@#/ /pa'i mtshan rdo rje'i gzhi/ me tog dang ldan pa'i bai DUR+Ya kun tu snang bas chos kyi dbyings thams cad kyi rgyan du gyur te/ rnam par snang bas chos kyi dbyings rgya mtsho yongs su rgyas par 'gengs shing / 'jig rten gyi khams su rin po che thams cad kyi pad+mo'i 'od kyi rgyan thams cad kyis chos kyi dbyings thams cad du khebs par byang chub sems dpa'i spyod pa bzhis rnam par 'phrul pa dang / nga ros chos kyi dbyings thams cad du rgyas pa'i mtshan rgya mtshos thams cad du brgyan pa'i sprin snang ba zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan chos kyi dbyings rgya mtsho'i gzhi gangs chen mtsho thams cad kyi rgyan dang / de bzhin gshegs pa'i rgyan tshad med pa thugs skad cig gis yang dag par ston cing / chos kyi dbyings dang / 'jig rten gyi khams thams cad du bsam gyis mi khyab par 'gengs pas/ sangs rgyas kyi ting nge 'dzin rgya mtsho'i spyod pa rnam par gzigs pa'i sprin snang ba zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan pad+mo'i gzhi dang / rgyan gyi me tog ri rab rgya mtsho'i 'od zer rin po che'i gzhi sangs rgyas kyi dgongs pa las byung ba dang / rnam par snang mdzad kyi sprul pa rgya mtsho mi zad pa'i 'od kun tu snang ba'i sprin ces bya ba mnga' ba dang / de bzhin gshegs pa'i </font><hr>Nga60b<br><font size=+1>


dbu la de bzhin gshegs pa'i mtshan dpal rin po che dri ma med par sangs rgyas kyi 'od sna tshogs de bzhin gshegs pa thams cad kyi seng ge'i khri dang / rgyan dang / sangs rgyas kyi sku'i gzugs brnyan khong na srel cing / rin po che'i 'od 'phro ba'i gzhi rgya mtsho dang / sangs rgyas kyi chos khyu mchog gi mthu phyung ba dang / sangs rgyas kyi tshul gyis zhing rgya mtsho thams cad du snang ba'i de bzhin gshegs pa thams cad kyi rnam par grol ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan bai DUR+Ya rin po che'i me tog dang / gser gyi pad+mo las chos kyi 'od zer gyi sprin dang / rin po che'i rgyal po sgron ma ltar de bzhin gshegs pa thams cad kyi 'od rnam par dag pas snang ba'i rgyan bstan pas/ chos kyi dbyings thams cad du dmigs shing rnam par bkye bas tha mi dad cing sangs rgyas kyi dbu'i rin po che'i sprin dang / rdo rje'i 'od 'phro ba'i ri/ 'od zer stug po'i sprin gyis chos kyi dbyings la 'jug cing / chos rgya mtsho'i tshul gyis rnam par 'phrul pas snang ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan 'khor lo rtsibs stong pa rin po che'i 'od zer sna tshogs tshad med pa dang ldan cing rnam pa thams cad du rnam par dag la/ dge ba'i rtsa ba thams cad kyi phyogs bcu thams cad du shes rab kyi nyi ma shin tu gsal ba dang / ye shes kyi 'od </font><hr>Nga61a<br><font size=+1>


@#/ /kyi chos rgya mtsho'i dbyangs dang ldan pa sangs rgyas kyi gdung rnam par dag pa'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che'i phreng ba rnam par bkye ba dang / rin po che'i me tog dang / rin po che bai DUR+Ya'i 'od du 'phro ba'i sangs rgyas kyi 'od seng ge rnam par snang ba'i mthu dang ldan pas/ chos kyi dbyings thams cad du rnam par gnon pa'i mtshan rgya mtsho'i sprin gyi rdul gcig las sangs rgyas kyi zhing thams cad kyi rdul snyed du yang dag par 'phro bas/ sangs rgyas kyi mtshan yang dag par ston cing de'i dkyil 'khor gyi ye shes ston pas/ de bzhin gshegs pa thams cad kyi mtshan dang / rnam par 'phrul pa'i sprin snang ba zhes bya ba mnga' ba dang / sangs rgyas kyi dbu la de bzhin gshegs pa'i mtshan de kho na thugs su chud pa'i mtshan nyid rin po che'i rgyan rnam par dag pas de bzhin gshegs pa dang / byang chub sems dpa'i ye shes kyi snying po tshad med pa dang / chos kyi dbyings thams cad du snang ba'i 'od la 'jug pa zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che bai DUR+Ya'i me tog dang / seng ge'i zla ba 'od zer rnam par snang ba dang / rin po che'i rgyal po 'od zer brgya pa kun tu snyoms par dpal gyi sprin gyis/ chos kyi dbyings dang / nam mkha' khyab pa'i sangs rgyas kyi 'od </font><hr>Nga61b<br><font size=+1>


zer snang bas/ zhing dang 'jig rten mang por de bzhin gshegs pa bzhugs pa'i 'od rnam par snang ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan sangs rgyas kyi snang ba rin po che thams cad kyi 'od 'phro ba'i sgron ma chos kyi dbyings kyi 'khor lo'i rgyud kyis kun tu rnam par dag pas/ sangs rgyas kyi 'od kyi sprin phyogs bcur bkye ba kun tu snang ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che'i 'od 'phro ba'i na bun gyis byang chub sems dpa' thams cad de bzhin gshegs pa'i snying po byang chub tu bzhugs te/ chos kyi dbyings thams cad thugs kyi skad cig re re la byang chub sems dpa'i dge 'dun yang dag par ston cing / rgyan brjod du med pa'i yang brjod du med pa thams cad yongs su ston pa'i sprin snang ba zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan rin po che rgya mtsho dang| spos yid du 'ong ba sna tshogs kyi 'od zer rin po che'i dra ba rab tu 'phel bas sems can gyi khams kyi las rgya mtsho thams cad sgrog pa dang / chos kyi dbyings thams cad sgrog pa'i dbyangs kyi sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan de bzhin gshegs pa'i spyan yongs su dag pas/ zhing thams cad kyi </font><hr>Nga62a<br><font size=+1>


@#/ /rgyan rab tu snang ba rnam par bkod pa'i phyir chos rgya mtsho'i sgra bsam gyis mi khyab pa sangs rgyas nas 'das pa dang / ma 'ongs pa dang / da ltar byung ba'i chos kyi rang bzhin gyi gzhi sna tshogs kun tu snang bas/ sangs rgyas kyi sprul pa mang po kun tu snang ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan sangs rgyas rgya mtsho'i sprin chos kyi dbyings thams cad du bsgrubs pa mi mnga' ba phyogs bcu'i 'jig rten gyi khams rgya mtsho thams cad du bzhugs pa'i 'od rab tu snang ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan byang chub sems dpa' dang / de bzhin gshegs pa thams cad dang / sems can rgya mtsho bsam gyis mi khyab pa'i chos kyi dbyings la 'jug pa'i tshul mang po chos kyi dbyings thams cad du snang ba'i sangs rgyas kyi sprin kun tu mched pa dang / rin po che'i sprin gyi sgron ma'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan ye shes kun tu yangs pa'i sangs rgyas kyi sa dang / byang chub sems dpa'i 'khor gyi dkyil 'khor dang / chos rgya mtsho'i lam tshad med pa dang / zhing gi dkyil 'khor dang / byang chub sems dpa'i bsngo ba sems can gyi rgyud thams cad kyi </font><hr>Nga62b<br><font size=+1>


bsam pa ji bzhin du sangs rgyas kyi spyod yul gyis zhugs pa dang / byang chub sems dpa' kun tu bzang po'i smon lam dang / spyod pa'i nga ros sangs rgyas kyi ye shes kyi gzhi kun gyi mthar thug cing thams cad mngon par mkhyen pas/ chos kyi dbyings kyi gzhi kun tu thug par 'byung ba'i sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan chos kyi dbyings dang / nam mkha'i dbyings thams cad du rin po che snang ba'i sprin yid du 'ong ba/ snying po byang chub kyi gzugs brnyan yongs su ston par mngon par 'phags pas/ byang chub sems dpa' dang / de bzhin gshegs pa'i sku yang dag par ston pa'i sprin kun tu bkye bas/ 'jig rten gyi khams rgya mtsho thams cad du sprin gyi 'od du gnas pa zhes bya ba mnga' ba dang / de bzhin gshegs pa'i dbu la de bzhin gshegs pa'i mtshan gtsug tor 'od kun tu snang ba tshad med pa ston pas byang chub sems dpa' dang / de bzhin gshegs pa'i 'od rnam par dag pa dang / de bzhin gshegs pa'i rnam par gnon pa dang / gzi chen pos chos kyi dbyings kyi gzhi kun tu snang ba'i rin po che'i rgyal po ltar 'od kun nas 'byung ba yongs su grub ste/ chos kyi dbyings thams cad du 'od zer gyi sprin dang / 'od kyi rgyan phyogs thams cad snang bas rnam par snang bar byung zhing / byang chub sems dpa' rgya mtsho dang / </font><hr>Nga63a<br><font size=+1>


@#/ /de bzhin gshegs pa'i stobs shin tu 'phel ba'i mthu dang / sangs rgyas kyi rnam par gnon pa'i sprin gyi phyogs bcu'i zhing gi dra ba dang / nam mkha'i khams thams cad rgyas par khyab pa'i byang chub kyi sems rin po che'i 'od zer gyi sprin ces bya ba mnga' ba dang / de bzhin gshegs pa'i dbu la de bzhin gshegs pa'i mtshan gtsug tor dbu'i gtsug nas mtho ba/ rim gyis mngon par 'phags shing 'dzam bu chu klung gi gser dang / rin po che'i tshon gyis kha dog bzang po rnam pa sna tshogs kyi 'od dang ldan par gyur pa| gser gyi thig le dri ma med pa'i mig 'phrul gyis kun nas shin tu brgyan pa/ 'jig rten gyi khams thams cad na bzhugs pa'i de bzhin gshegs pa thams cad thugs kyi skad cig re re la yongs su ston pa'i sprin gyis kun tu rgyas par khyab cing / zhing gi dkyil 'khor snang bar gyur bas zhing gi dkyil 'khor byang chub sems dpa'i gnas su gyur pa/ rgyan thams cad kyis rab tu brgyan pa kun tu snang ba'i de bzhin gshegs pa'i gtsug tor mtshan sum cu rtsa gnyis kyi rgyan du gyur cing / chos kyi dbyings thams cad kyi rgyan du gyur ba'i sprin snang ba zhes bya ba mnga' ba'o/ /kye rgyal ba'i sras dag /sangs rgyas kyi mdzod spu la de bzhin gshegs pa'i mtshan sangs rgyas rgya mtsho thams cad kyi 'od rab tu snang ba/ rin po che </font><hr>Nga63b<br><font size=+1>


thams cad kyi mdog ltar snang ba nyi ma dang zla ba ltar snang zhing shin tu rnam par dag pas/ phyogs bcur 'od zer rgya mtsho rab tu 'gyed pa kun nas rin po che'i 'od zer 'byung ba/ 'od kun tu snang ba/ dpal kun tu rgyas pa'i sangs rgyas kyi sku rab tu 'bar ba'i sgron ma dri ma med pa'i me tog shin tu rgyas shing / rin po che'i sprin chen po shin tu 'gyed pa/ phyogs kyi 'khor thams cad du rnam par snang zhing / de bzhin gshegs pa'i chos rgya mtsho thams cad kyi dbyangs kyi sgra/ chos kyi dbyings thams cad du shin tu 'phags pa'i mar me rab tu snang bas/ rin po che'i rgyal po'i me tog kun tu rgyas shing chos kyi dbyings thams cad rgyas pa'i sprin ces bya ba mnga' ba'o/ /de bzhin gshegs pa'i spyan la de bzhin gshegs pa'i mtshan rin po che sna tshogs sems can gyi khams su chags pa med pa'i ye shes kyi spyan rnam par dag pas grub pa/ 'od 'phro ba'i sprin rin po che dngul gyi mdog tu kun tu ston pas rnam par 'phrul ba'i sprin ces bya ba mnga'o/ /de bzhin gshegs pa'i shangs la de bzhin gshegs pa'i mtshan rin po che sna tshogs kyis yongs su dag pas/ rin po che thams cad kyi 'od dang / mchog dang kha dog dang / ldan par gyur pa de bzhin thugs su chud pa/ rin po che'i me tog gi sprin gyis kun tu rgyas shing / byang chub sems dpa' thams cad kyi sangs rgyas kyi chos rgya mtsho bsam gyis mi khyab </font><hr>Nga64a<br><font size=+1>


@#/ /pa dang| sems can gyi 'jig rten thams cad mngon par mkhyen pa'i ye shes kyi sprin ces bya ba mnga'o/ /sangs rgyas kyi ljags yangs pa la 'jig rten gyi khams rgya mtsho thams cad ljags yangs pa'i sprin gyis kun tu khyab pa'i mtshan nyid yongs su rdzogs pa'i dge ba'i rtsa bas yongs su grub pa/ rin po che thams cad kyi rgyal po'i gzhi las 'od 'phros pas chos kyi dbyings thams cad rnam par snang bar mdzad pa'i ngang tshul can/ 'das pa dang / ma 'ongs pa dang / da ltar byung ba'i sems kyi gzugs brnyan dang / de bzhin gshegs pa thams cad kyi chos kyi dbyings kyi rgyan thams cad shin tu ston pa'i gsung dang ldan pa'i sangs rgyas kyi mtshan gyi ljags yangs pa'i sgro rin po che thams cad / kha dog dang / mdog gis rab tu brgyan pa 'od zer rgya mtsho bsam gyis mi khyab pa rab tu snang ba/ bzhad mo 'dzum pas phyogs bcur rab tu bkye zhing 'gro ba thams cad shin tu dang ste/ rin po che'i rgyal po'i 'od 'phro bas rab tu brgyan par/ de bzhin gshegs pa'i gsung sna tshogs rnam par dag pa rab tu brjod cing / shin tu rgya che ba'i 'jig rten gyi khams rgya mtsho thams cad du chos kyi nga ro 'byin pa/ bskal pa tshad med par sangs rgyas kyi gsung gi sgra 'byin pa/ chos kyi dbyings gnas pa thams cad du nga ro yangs pa 'byin pa/ 'jig </font><hr>Nga64b<br><font size=+1>


rten gyi khams thams cad du dbyangs shin tu sgrog cing / snang ba yang dag par ston pa'i dbyangs kyi sprin ces bya ba mnga'o/ /de bzhin gshegs pa'i ljags kyi 'og gi drung na de bzhin gshegs pa'i mtshan rin po che sna tshogs thams cad ltar snang zhing mdzod spu yongs su 'khyil ba'i dbyibs lta bu/ rin po che thams cad kyi rang bzhin lta bu/ sangs rgyas thams cad kyi gsung gi dkyil 'khor phyogs bcu nas btang ba'i dbyangs dang ldan pa/ sangs rgyas kyi gsung gi sbubs can ljags kyi mtshan nyid yongs su dag pa/ sangs rgyas kyi zhing thams cad kyi rdul gyi mtshan nyid med pa'i rang bzhin du/ sangs rgyas thams cad kyi gsung rgya mtsho bsam gyis mi khyab pa'i dbyangs sgrog pa'i sprin ces bya ba mnga'o/ /de bzhin gshegs pa'i ljags kyi rtse mo la de bzhin gshegs pa'i mtshan rin po che gser gyi 'od 'phro bas/ sangs rgyas rgya mtsho'i dbyings thams cad du snang zhing / yid du 'ong ba'i rin po che'i rgyal po'i dbyangs kyi yan lag 'jig rten gyi khams thams cad du sgrog cing gsung snyan pa'i ro myong bas/ sems can la go bar mdzad cing bskal pa bsam gyis mi khyab par mnyan du yod par dbyangs kyi yan lag gi sgra yang dag par ston pa'i sprin sems can thams cad la yid du 'ong ba'i chos su snang bas chos kyi dbyings rnam par snang ba'i sprin ces bya ba mnga'o/ /de bzhin </font><hr>Nga65a<br><font size=+1>


@#/ /gshegs pa'i ljags kyi rtse mo la de bzhin gshegs pa'i mtshan zhing tshad med pa yongs su dag pa na bzhugs pa'i gsung rin po che'i rgyal bas kun nas brgyan cing sna tshogs su gyur pas/ sangs rgyas kyi chos kyi dbyings kyi klong du bsngags pa rab tu 'jug pa rnam par phye ba gzhan dang gzhan du byang chub sems dpa' rnams la yang dag par ston pa'i sprin gyis chos kyi dbyings kyi gzhi dang / sangs rgyas dang / byang chub sems dpa' thams cad kun nas yog par sangs rgyas kyi gsung la byang chub sems dpa' 'dzud cing / zhing thams cad du rin po che'i rgyal po sgo kun nas ston pas/ chos kyi dbyings su snang ba'i sprin ces bya ba mnga'o/ /de bzhin gshegs pa'i zhal gyi rkan la de bzhin gshegs pa'i mtshan in+d+ra nI la sna tshogs dang bai DUR+Ya'i dbyibs kyi chos kyi dbyings kyi khongs su gtogs pa'i byang chub sems dpa'i sprin yongs su rgyas par mdzad pa/ phyogs thams cad du rin po che'i 'od 'phro zhing dri ma med pa byung bas/ rnam par snang ba'i spos kyi sgron ma'i sprin gyi khongs su/ byang chub sems dpa'i tshogs 'dus par snang bas/ zhing rgya mtsho'i ming du bya ba thams cad du rnam par 'phrul ba'i tshul la rab tu gnas shing chos kyi dbyings bsam gyis mi khyab pa'i chos nyid yang dag par ston pa'i sprin ces bya ba mnga'o/ / </font><hr>Nga65b<br><font size=+1>


de bzhin gshegs pa'i tshems mche ba g.yas kyi 'og ma la de bzhin gshegs pa'i mtshan 'od rin po che'i mtshan gyi rgyan gyis chos kyi dbyings yangs pa 'od zer snang ba'i dkyil 'khor gyi 'khor lo sna tshogs kyi de bzhin gshegs pa'i tshems mche ba rin po che rnam pa thams cad du mdzes par byung ba/ de bzhin gshegs pa'i sku'i 'od gsal bas 'od kyi dra ba kun tu bkye ba/ phyogs bcu'i 'jig rten gyi khams rgya mtsho'i sems can du gtogs pa thams cad la bkra shis dang / 'khor lo rnam pa kun tu mdzes pas/ rnam par snang ba'i sangs rgyas kyi tshems mche ba de bzhin gshegs pa'i sprin ces bya ba mnga'o/ /de bzhin gshegs pa'i tshems mche ba g.yas pa gong ma la de bzhin gshegs pa'i mtshan rdo rje spos kyi 'od 'phro ba'i sprin kun tu snang ba'i 'od zer rin po che'i rgyal po rnam par snang ba'i snying po can chos kyi dbyings thams cad kyi tshad kyis klog pa rin po che'i 'od zer sna tshogs rab tu bkye ba'i 'od zer re re'i khongs su phyogs bcu'i sangs rgyas thams cad kyi rnam par 'phrul pa chud par ston pa/ zhing thams cad kyi snying po byang chub kyi rgyan gyi sprin kun du nar cing mched pas 'od kyi sprin rin po che'i 'od du 'phro ba ri rab kyi snying po can zhes bya ba mnga'o/ /de bzhin gshegs pa'i tshems mche ba g.yon pa 'og ma la de bzhin gshegs pa'i mtshan tha dad pa'i mtshan </font><hr>Nga66a<br><font size=+1>


@#/ /nyid shin tu ston pas spos dang / rin po che yid du 'ong ba'i me tog sna tshogs thams cad dang / de bzhin gshegs pa'i tshul sna tshogs kyi 'khor lo dang rin po che thams cad kyi 'od zer rnam par snang ba kun tu 'phro ba'i sgron ma dri ma med pa'i sprin yang dag par bstan pas/ 'jig rten gyi khams rgya mtsho thams cad du rab tu gsal bas rnam par snang zhing / de bzhin gshegs pa gdan seng ge'i khri pad+mo'i snying po can dri ma med pa la bzhugs pa'i sprin/ byang chub sems dpa'i rgya mtsho'i dbyings su rin po che sna tshogs thams cad kyi ri rab kyi mar me rab tu snang ba'i sprin ces bya ba mnga'o/ /de bzhin gshegs pa'i tshems mche ba g.yon pa gong ma la de bzhin gshegs pa'i mtshan rin po che gser gyi 'od sna tshogs kun nas rnam par dag pa/ 'dzam bu chu klung gi rin po che'i rgyud kyi dra ba'i 'khor lo dang / rin po che'i me tog shin tu snang ba'i 'khor lo sna tshogs yongs su 'khyil ba| chos kyi dbyings su gsung sgrog cing / sangs rgyas kyi rnam par 'phrul ba bsam gyis mi khyab pa yongs su ston pas/ byang chub sems dpa' yongs su smin par mdzad cing / nam mkha'i dbyings su rgyan thams cad kyi gzugs brnyan gyi sprin zad mi shas pa kun tu mched par 'gyed pas/ chos rgya mtsho rab tu sgrog pa'i sangs rgyas kyi gsung dang / rin po che thams </font><hr>Nga66b<br><font size=+1>


cad kyi tshen du snang ba'i sangs rgyas nam mkha'i dbyings las gsung gi sgra 'byin pa/ chos kyi sgron ma'i 'od/ de bzhin gshegs pa'i sprin du snang ba zhes bya ba mnga'o/ /de bzhin gshegs pa'i tshems kyi mtshams na/ de bzhin gshegs pa'i mtshan tshems kyi mtshams thams cad na mtshan gcig par me tog gi mtshan dang / rgya mtsho'i sgo'i mtshan gyi sprin rin po che thams cad kyi kha dog tu 'dal ba las/ rin po che'i 'od zer rgya mtsho rab tu 'gyed cing / bzhad mo 'dzum pas sangs rgyas kyi 'od nor bu rin po che'i 'od du 'phro ba g.yas phyogs su 'khyil zhing / chos kyi dbyings rgyas par khyab par rin po che'i 'od zer rgya mtsho'i khongs su chud pa'i snying po can gyis sangs rgyas kyi tshems kyi mtshams thams cad rgyas par gang bas/ skad cig tu 'od kyis rgyas par kun tu rgyu ba'i 'od zer sangs rgyas kyi gsung gi dkyil 'khor rgya mtsho kun tu 'gyed pa'i sprin snang ba zhes bya ba mnga'o/ /de bzhin gshegs pa'i sgros la de bzhin gshegs pa'i mtshan 'dzam bu chu klung gi gser dang / pad+mo'i mdog dang / 'od ltar snang ba/ chos kyi dbyings thams cad du mdangs rab tu snang bas dpal phun sum tshogs pa/ rin po che thams cad kyi 'od zer dang / mdangs kyi kun tu khyab par rnam par snang zhing / gser dang / pad+mo'i mdog yongs su dag pas kun tu sbyangs pas/ rin po che thams cad kyi mdangs dang / mdog tu snang ba mnga'o/ /de </font><hr>Nga67a<br><font size=+1>


@#/ /bzhin gshegs pa'i mgur la de bzhin gshegs pa'i mtshan dung gi mgur/ sangs rgyas thams cad kyi 'od lam me/ lam mer yongs su snang bas/ mdog shin tu gsal zhing / gzhi thams cad rin po che'i rgyal pos rnam par snang bar byas pas/ phyogs thams cad du rnam par gsal ba'i 'od zer rab tu 'gyed cing / 'jig rten gyi khams thams cad snang bar mdzad pa'i sprin ces bya ba mnga'o/ /de bzhin gshegs pa'i sku phrag pa g.yas pa la de bzhin gshegs pa'i mtshan rin po che thams cad kyi 'od dang / gser gyi kha dog rab tu 'phel bas pad+ma'i mdog rnam par snang ba dang / rin po che'i 'od kyi dra ba rab tu snang ste/ kun tu gsal bar chos kyi dbyings snang bar mdzad cing / byang chub sems dpa' thams cad khongs su chud pa'i sprin rab tu snang bas/ sangs rgyas rab tu mang po thams cad snying por byas pa/ rin po che thams cad kyi gzhi dang ldan pa'i sprin ces bya ba mnga'o/ /de bzhin gshegs pa'i sku phrag pa'i dbus na de bzhin gshegs pa'i mtshan shin tu 'phags shing / yongs su rgyas la/ 'dzam bu chu klung gi gser gyi 'od dang| mdog yongs su dag pa/ byang chub sems dpa'i 'khor lo rab tu snang bas/ chos kyi dbyings snang bar rin po che'i rgyal po mchog tu kun tu snang ba'i sprin ces bya ba mnga'o/ / </font><hr>Nga67b<br><font size=+1>


de bzhin gshegs pa'i sku phrag pa g.yon pa la sangs rgyas kyi dbu'i mdzod spu'i dkyil 'khor rgya mtsho'i gzhi las/ rin po che 'od zer gyi dra ba sna tshogs shin tu bsgrubs pa/ 'dzam bu chu klung gi gser dang / pad+mo'i mdog ltar gsal zhing bzang ba rab tu bkye bas/ chos kyi dbyings dang / 'jig rten gyi khams thams cad du rnam par 'phrul pa'i 'od ston cing / de bzhin gshegs pa thams cad kyi mdzod spu rin po che'i sprin gyi 'od rab tu snang ba bkye bas/ dpal rab tu 'bar zhing chos kyi dbyings snang bar mdzad pa'i sprin ces bya ba mnga'o/ /de bzhin gshegs pa'i sku phrag pa g.yas pa'i lhun la de bzhin gshegs pa'i mtshan/ mtshan nyid rnam par phye ba rin po che'i go cha/ 'dzam bu chu klung gi gser lta bu/ dpal thams cad kyis rgyas pas/ chos kyi dbyings kyi sangs rgyas thams cad kyi 'od kyi dbyings rgya mtsho'i 'od rnam par snang ba/ rin po che'i me tog spos kyi 'od 'phro bas zhing rgya mtsho thams cad rgyan rnam par phye bas brgyan te/ kun tu snang ba'i sprin ces bya ba mnga'o/ /de bzhin gshegs pa'i sku phrag pa g.yon pa'i lhun la de bzhin gshegs pa'i mtshan sgron ma'i 'od 'phro ba'i phung po'i sprin chos kyi dbyings kun tu rab tu mched pas/ byang chub sems dpa'i dge 'dun yongs su khyab cing / chos kyi dbyings kyi gzhi'i rgyan du gyur par kun tu mched cing snang ba'i dbyings kyi sprin ces bya ba </font><hr>Nga68a<br><font size=+1>


@#/ /mnga'o/ /sangs rgyas kyi thugs ka'i dpal gyi be'u la/ de bzhin gshegs pa'i mtshan/ mtshan nyid rgya mtshos kun tu brgyan pas rab tu 'jam pa'i gzhi rin po che thams cad kyi mdog lta bur snang ba/ rin po che sna tshogs kyi tshad du 'od zer gyi dkyil 'khor kun tu 'khyil bas yongs su dag cing / chos rgya mtsho'i gsung dbyangs dang ldan pa| rin po che'i me tog shin tu rgyas pas rnam par brgyan te/ rin po che'i 'od zer gyi mtshan gyi dbyings rgya mtsho la gnas pa'i dpal rgya mtsho kun gyi gzhung gi sprin ces bya ba mnga'o/ de bzhin gshegs pa'i dpal gyi be'u'i g.yas phyogs 'dab chags na de bzhin gshegs pa'i mtshan chos kyi dbyings rnam par dag pa'i 'khor lo snang ba'i gzhi'i rgyan/ rin po che'i mig 'phrul gyi 'khor lo rnam par dag pa las/ sangs rgyas kyi sprin gyi lhun dri ma med pas rab tu snang zhing / phyogs thams cad kyi chos kyi dbyings su 'od rnam par snang ba/ dpal gyi be'u dang mtshams sbyor ba rab tu ston pa'i sprin ces bya ba mnga'o/ /de bzhin gshegs pa'i dpal gyi be'u'i 'dab chags g.yon phyogs na byang chub sems dpa'i rin po che'i cod pan la snang ba shin tu 'phags pa'i sprin gyi lhun dri ma med pas thams cad du/ sangs rgyas kyi rnam par 'phrul pa yang dag par ston cing / chos rgya mtsho'i spyod pa rab tu ston </font><hr>Nga68b<br><font size=+1>


pas| 'das pa dang / ma byon pa dang / da ltar byung ba'i de bzhin gshegs pa dang / byang chub sems dpa' thams cad rab tu ston pa'i sprin ces bya ba mnga'o/ /de bzhin gshegs pa'i dpal gyi be'u'i g.yas phyogs kyi 'og rol 'dab chags na de bzhin gshegs pa'i mtshan rin po che'i me tog dang / rin po che'i mdzod spus rab tu brgyan pa'i rin po che'i 'khor lo/ rin po che'i 'od 'phro ba'i sgron ma dri ma med pa/ pad+mo'i dbyibs 'jig rten gyi khams su ston pas/ me tog rgyas pa'i sprin ces bya ba mnga'o/ /de bzhin gshegs pa'i dpal gyi be'u'i g.yon phyogs \ PHYOGS?\ gyi 'og rol gyi 'dab chags na rin po che thams cad kyi 'od sems kyi rgyal po'i snying po can rin po che'i rgyal po'i 'od zer gyi 'khor lo dang / 'od rab tu bkye bas/ kun tu dri ma med pa'i rgya mtsho shin tu 'phags pa'i khongs su sangs rgyas kyi tshul thams cad rab tu snang ba'i rin po che'i phung po ma lus par chud pa'i snying po can/ chos kyi dbyings thams cad du gser rab tu 'bar ba'i sprin ces bya ba mnga'o/ /de bzhin gshegs pa'i dpal gyi be'u'i rtse mo la nam mkha'i dbyings su rin po che'i sgron ma/ spos rin po che'i rgyal po lus thams cad la snying po byang chub kyi 'od zer rab tu 'bar zhing / bai DUR+Ya'i dkyil 'khor gyi sgron ma la spos kyi phreng bas phyogs yangs pa thams cad rgyas par 'gengs shing / kun tu g.yas phyogs su 'khyil pa/ sangs rgyas kyi </font><hr>Nga69a<br><font size=+1>


@#/ /dpal gyi be'u rgya mtsho'i sprin ces bya ba mnga'o/ /de'i 'og na rjes su 'gro ba'i dpal gyi be'u gnyis pa yod pa'i dbus na de bzhin gshegs pa'i mtshan mtshan nyid kyi pad+mo'i gzhi la ze ba byang chub sems dpa' g.yas phyogs su 'khor bar 'khod pa rab tu snang bas shin tu 'phags shing yongs su dag la/ chos kyi dbyings rgya mtshor gsung sgrog pa'i sangs rgyas kyi 'od zer gyi phung po'i snying po can/ rin po che'i rgyal pos shin tu brgyan pa/ rin po che'i 'od rab tu 'bar bas 'od zer rnam par snang ba'i 'od kyi lhun dang ldan pa'i sprin ces bya ba mnga'o/ /rjes su 'gro ba'i dpal gyi be'u gsum pa la de bzhin gshegs pa'i mtshan/ mtshan rgya mtshos yongs su gang ba'i rin po che rgya mtsho'i nang na/ zhing thams cad gzugs brnyan du 'khod par ston cing / byang chub sems dpa'i sprin gzhan dang gzhan mngon par phyung bas chos kyi dbyings rnam par snang ba'i sprin kun tu ston pa'i 'od kyi sprin ces bya ba mnga'o/ /rjes su 'gro ba'i dpal gyi be'u bzhi pa la de bzhin gshegs pa'i mtshan/ mtshan nyid kyi rnam pa rgya mtshos chos kyi dbyings thams cad du de bzhin gshegs pa rnam par snang ba dang / 'jig rten gyi khams dang / rgyan thams cad snang bas/ 'jig rten gyi khams rgya mtshor 'od rab tu bkye ba'i 'od zer snang ba phun sum tshogs pas rgyas par </font><hr>Nga69b<br><font size=+1>


snang ba'i 'od zer gyi sprin rin po che'i rgyal po'i 'khor lo g.yas phyogs su 'khyil ba'i nyi ma rnam par snang ba dang / phreng ba kun tu byung zhing 'phags pa'i sprin ces bya ba mnga'o/ /dpal gyi be'u de'i 'og rol na chos thams cad kyi sgron ma'i dbyings dri ma med pa spos kyi me tog gi 'od zer rab tu snang ba/ sangs rgyas rgya mtsho thams cad kyi thugs su 'dus pa de bzhin gshegs pa'i mtshan rgya mtsho las/ chos kyi dbyings thams cad du chos kyi 'khor lo'i klong thams cad kyi gsung gi dbyangs kyi sprin 'byin pa zhes bya ba mnga'o/ /de bzhin gshegs pa'i dpal gyi be'u bcu pa la de bzhin gshegs pa'i mtshan/ sangs rgyas dang / byang chub sems dpa'i phyogs thams cad du sangs rgyas kyi chos kyi spyod pas mthu phyung zhing / sangs rgyas kyi 'od yongs su dag pa dang / dri ma med pa 'das pa dang / ma byon pa dang / da ltar byung ba'i sangs rgyas thams cad kyi ye shes rgya mtsho'i klong yongs su dag pa thams cad kyis zhing rgya mtsho rab tu brgyan cing klubs te/ rnam par 'god pa'i sprin ces bya ba mnga'o/ /de bzhin gshegs pa'i phyag gi mthil la de bzhin gshegs pa'i mtshan rin po che'i 'khor lo rtsibs stong dang ldan pa/ dbus rin po ches brgyan pa/ rin po che'i 'od zer rnam par gsal ba'i 'od rnam par snang ba chos kyi dbyings su 'bar zhing 'khor lo g.yas phyogs su 'khyil ba/ sangs rgyas rgya mtsho'i gzungs </font><hr>Nga70a<br><font size=+1>


@#/ /rnam par snang bas sangs rgyas thams cad kyi 'od dang / dpal gyis rgyas par gang ba'i 'od zer rin po che'i rgyal po rnam par snang ba sna tshogs thams cad lta bur 'jig rten gyi khams su chos kyi rgyan gyi sprin du snang ba zhes bya ba mnga'o/ /de bzhin gshegs pa'i phyag rin po che la de bzhin gshegs pa'i mtshan/ rin po che'i rgyan gyi sprin zla ba'i 'od zer kun tu 'byung bas nam mkha'i dbyings yongs su brgyan cing / sangs rgyas dang / byang chub sems dpa'i gsung 'jig rten thams cad du sgrog pa rgya mtshos byang chub sems dpa'i spyod pa rgya mtsho yang dag par brjod pa rgya mtsho'i 'od kyi sprin ces bya ba mnga'o/ /sangs rgyas kyi phyag la de bzhin gshegs pa'i mtshan rin po che'i me tog bai DUR+Ya dang / in+d+ra nI las brgyan pa g.yas phyogs su 'khyil ba/ pad+mo'i snying po can/ byang chub sems dpa' dang / 'jig rten gyi khams thams cad du rin po che'i phung po mchog la gnas pa'i 'od/ phyogs thams cad kyi dbyings byang chub kyi shing rnam par bkod pas brgyan pa/ sangs rgyas rgya mtsho'i sprin la sangs rgyas kyi chos kyi sku'i 'od snang ba mi g.yo ba'i sprin ces bya ba mnga'o/ /de bzhin gshegs pa'i phyag la de bzhin gshegs pa'i mtshan 'od 'phro ba rnam par snang ba dang / rin po che'i rlabs kyi 'od rnam par snang bas / </font><hr>Nga70b<br><font size=+1>


phyogs thams cad du sprul pa'i dra ba'i 'od kyi sprin rab tu bkye ste/ chos thams cad kyi spyod pa rgya mtsho la 'jug pas/ shin tu 'phags pa'i byang chub sems dpa'i rin po che'i tshogs las rab tu mchod pa'i 'od zer snang ba 'od 'phro ba'i 'phreng bas kun tu brgyan pa'i sprin ces bya ba mnga'o/ /de bzhin gshegs pa'i phyag la de bzhin gshegs pa'i mtshan/ rin po che'i 'od kyi gzhi las blangs pa rgya mtsho'i snying po can gyi sprin/ sangs rgyas pad+mos yongs su khyab pa'i mdog gi me tog shin tu rgyas pas pad+mo'i 'od zer rin po che rab tu snang ba'i sprin chos kyi dbyings thams cad du rab tu snang bar rin po che'i sprin rab tu bstan pa'i sprin ces bya ba mnga'o/ /de bzhin gshegs pa'i phyag la de bzhin gshegs pa'i mtshan/ rin po che'i 'od zer rgya mtsho/ chos kyi dbyings su bsod nams kyi snang ba rab tu 'gyed pa/ spos 'od 'phro ba thams cad kyis shin tu brgyan pa/ me tog 'od 'phro ba rin po che ltar snang ba shin tu ston pas rab tu 'phags shing zhing gi dra ba la 'jug pa dang / snying po byang chub kyi gzhi kun tu gsal bar rnam par snang ba'i sprin ces bya ba mnga'o/ /de bzhin gshegs pa'i phyag la de bzhin gshegs pa'i mtshan/ 'jig rten thams cad kyis rin po che'i mdog tu byas te/ kun tu snang bar brgyan pa'i 'od dang / rgyan gyi dmigs pa thams cad dang / thugs skad cig la zhal mngon par bstan </font><hr>Nga71a<br><font size=+1>


@#/ /pa| sangs rgyas kyi mnyam pa nyid kyis gser gyi 'od zer rab tu bkye ba rnam par dag pa bai DUR+Ya'i sgron ma'i sprin ces bya ba mnga'o/ /de bzhin gshegs pa'i phyag la de bzhin gshegs pa'i mtshan/ mig 'phrul gyi dra ba'i mdog /rdo rje'i me tog kun nas yid du 'ong bas rab tu brgyan pa/ 'dzam bu chu klung gi gser gyi dbyings kyi shin tu spras pa/ 'jig rten gyi khams thams cad kyi rdul mkhyen pa'i sgron ma rab tu snang ba'i sprin ces bya ba mnga'o/ /de bzhin gshegs pa'i phyag la de bzhin gshegs pa'i mtshan / rin po che'i me tog gi mtshon gyi 'od zer rab tu 'bar ba'i sgron ma'i ri rab 'jig rten gyi khams thams cad du khyab pa/ rin po che'i gzhi la rab tu gnas pas pad+mo'i 'od kyi sprin ces bya ba mnga'o/ /de bzhin gshegs pa'i phyag la de bzhin gshegs pa'i mtshan rin po che'i sprin stug po glog gi phreng ba kun nas 'gyur bar rab tu 'dal ba/ zhing thams cad du snang zhing pad+mo'i snying po can gyi gdan la sangs rgyas thams cad bzhugs pa/ chos kyi dbyings thams cad du gser gyi gzhi la rab tu snang ba'i mig 'phrul gyis sangs rgyas mang po'i phyag gis mtshan gyi rgyud thams cad bstan pas/ phyogs kyi klong thams cad du 'khor lo dang / mdzod dang / phreng ba dang / bum pa dang / rin po che kun tu bkram pa dang / </font><hr>Nga71b<br><font size=+1>


bkra shis kyis kun tu brgyan pa'i sangs rgyas kyi phyag 'jig rten gyi khams rgya mtsho sangs rgyas kyi sprin gyis khyab pa'i chos kyi dbyings 'od rnam par snang ba'i 'od zer gsal ba'i sprin ces bya ba mnga'o/ /sangs rgyas kyi phyag g.yas pa'i phyag sor la de bzhin gshegs pa'i mtshan/ mtshan nyid rin po che yongs su dag pas chos kyi dbyings rnam par dag pa/ chu'i zla ba lta bur snang ba'i 'od kyi phung po'i snying po can/ rin po che'i rgyal po'i mtshan nyid kyis gzhi rab tu brgyan pa/ rin po che'i me tog gi 'dab ma'i mdog dang tshon du snang bas/ rin po che thams cad kyi sgra mkhyen pa dang / zhing yongs su ston pas bskal pa dang / zhing gi klong rgya mtsho'i sprin ces bya ba mnga'o/ /de bzhin gshegs pa'i phyag g.yon pa'i phyag sor la de bzhin gshegs pa thams cad kyis rnam par bkye ba'i rin po che'i mdzod/ chos kyi dbyings kyi klong thams cad du snang ba rin po che'i rgyal po mang po'i sprin mched de byung bas/ phyag sor gyi mtshan gyi gzhi rin po che sna tshogs kyi 'od zer rnam pa tha dad pas/ de bzhin gshegs pa'i phyag dra bar 'brel ba la/ in+d+ra nI la dang / rdo rje shin tu brtan pa'i rin po che'i sprin gyi tshon sna tshogs rin po che 'od 'phro bar rnam par snang zhing chos kyi dbyings rnam par sangs rgyas pas rnam par snang bar byang chub rgya mtsho thams cad khongs su chud cing / kun tu mched pa'i 'od zer gyis rab tu brgyan pa'i byang chub </font><hr>Nga72a<br><font size=+1>


@#/ /sems dpa'i 'od kyis/ 'jig rten gyi khams thams cad du kun tu bzang po'i spyod pa rgya mtsho'i sgra phyag gi mthil nas/ sangs rgyas kyi zhing thams cad du go bar mdzad pas/ byang chub sems dpa' la rab tu snang zhing / sems yang dag par bskul ba dang / smon lam gzhan dang gzhan gyi 'od rin po che'i rgyal po'i gzhi nyi ma la sbyin pa sna tshogs kyi 'khor lo rtsibs stong dang ldan pa'i dkyil 'khor kun tu 'phel bas/ rnam par snang bar byas shing sprul pa chos kyi dbyings su snang ba/ rin po che thams cad kyi sprin ces bya ba mnga'o// de bzhin gshegs pa'i gsang ba'i gnas sbubs su nub pa la/ de bzhin gshegs pa'i mtshan rim pa g.yas phyogs su 'khyil cing 'od rab tu gsal ba dang ldan pa/ rin po che'i me tog chos kyi dbyings su snang ba'i 'od nam mkha' lta bu rin po che thams cad kyi 'od du snang ba/ de bzhin gshegs pa'i 'khor lo'i gzhi thams cad la rab tu gnas pa/ chos kyi dbyings rgya mtsho gzhan dang gzhan du rin po che'i 'od sna tshogs de bzhin gshegs pa'i sprin gyis kun tu khyab cing rab tu snang ba/ sangs rgyas kyi sprin gyis khyab pa'i chos kyi dbyings kyi mtshan nyid kun tu snang ba'i klong sna tshogs kyi sprin ces bya ba mnga'o/ /de bzhin gshegs pa'i sku sta zur g.yas pa la sems can thams cad kyi rin po ches rab tu brgyan cing / rin </font><hr>Nga72b<br><font size=+1>


po che bsam gyis mi khyab pa'i gzhi rgya mtsho 'od 'phro ba'i phung po rnam par snang bas/ phyogs thams cad kyi chos kyi dbyings kun nas khyab pa'i tshul gyis nam mkha'i dbyings dang / chos kyi dbyings thams cad dang / mtshan gcig pa rgya mtsho'i sprin las/ sangs rgyas kyi rnam par 'phrul pa thams cad mtshan nyid gcig tu bstan pa'i gzugs brnyan khongs su chud pa'i gzhi'i mtshan nyid kyis rin po che thams cad kyi sgron ma dang / phreng ba kun tu khyab pa'i sprin ces bya ba mnga'o/ /de bzhin gshegs pa'i sku sta zur g.yon pa la rin po che'i pad+mo rnam par dag pa pad+mo'i mdog dang / kha dog gi 'od zer rin po ches rab tu brgyan pa/ phyogs bcu thams cad du rab tu mched pa'i 'khor lo/ chos kyi dbyings rgya mtsho thams cad la rab tu gnas pa'i gzhi la kun nas bzhugs pa'i mtshan gyi sprin yang dag par bstan pa phyogs su mched cing rab tu byung ba'i 'od zer gyi dra bas chos kyi dbyings rgya mtsho dang / nam mkha'i dbyings thams cad kun nas khyab par snang ba'i sprin ces bya ba mnga'o/ /de bzhin gshegs pa'i zhabs brla g.yas pa la de bzhin gshegs pa'i mtshan rin po che thams cad kyi mtshan nyid sna tshogs dang / chos kyi 'od kyi spos rin po che rab tu bkye bas/ rim gyis mtho bar gnas shing ran pas rin po che'i rgyal po thams cad rnam par gnon pa'i mtshan rgya mtsho sprin mdzes pa/ thugs kyi skad cig re re </font><hr>Nga73a<br><font size=+1>


@#/ /la mnyam par kun tu ston pa'i sprin ces bya ba mnga'o/ /sangs rgyas kyi zhabs brla g.yon pa la rin po che rgya mtsho thams cad yongs su tshang ba'i gzhi'i chos rim gyis gzhol bar gnas pas rab tu brgyan cing / zhabs kyi gshegs stabs rnam par bkod kyang 'od zer rgya mtsho rab tu 'byung zhing / sems can thams cad la rab tu snang bas/ sangs rgyas kyi chos la mos pa rgya mtsho skye ba'i 'od zer tshad med pa rgya mtsho'i sprin ces bya ba mnga'o/ /de bzhin gshegs pa'i zhabs byin pa g.yas pa ri dwags e na ya'i byin pa lta bu la de bzhin gshegs pa'i mtshan rin po che'i 'od zer gyi me tog 'dzam bu chu klung gi gser ltar snang ba 'jig rten gyi khams thams cad du shin tu snang zhing gshegs stabs thams cad la/ 'od zer zhing thams cad yongs su skyod pa/ kun tu gsung gi dbyangs rab tu 'gyed pas/ de bzhin gshegs pa'i mtshan gyi gzhi'i sgra 'byin pa'i byang chub sems dpa'i sprul pa byung ba'i 'od zhing thams cad kyi nam mkha'i dbyings su rnam par snang zhing / rin po che'i 'od 'phro bas kun tu brgyan pa dang / yongs su dag pa'i zhing du byang chub sems dpa'i sprul pa'i snying po chos kyi dbyings dang / nam mkha'i khams thams cad kyi sprin ces bya ba mnga'o/ /de bzhin gshegs pa'i zhabs byin pa g.yon </font><hr>Nga73b<br><font size=+1>


pa ri dwags e na ya'i byin pa lta bu la de bzhin gshegs pa'i mtshan/ gser kha dog bzang po ltar shin tu 'od 'bar ba'i 'od zer rin po che thams cad kyi 'od du rtag tu 'byung ba gshegs stabs thams cad kyi zhabs kyi 'og na/ zhing thams cad rab tu gnas te/ chos kyi dbyings thams cad du sangs rgyas kyi snang ba'i dbyings kyis rgyas par khebs shing / sangs rgyas phal po che'i me tog kun tu rgyas pa/ chos kyi dbyings rgya mtsho thams cad kyi sprin ces bya ba mnga'o/ /de bzhin gshegs pa'i zhabs byin pa'i spu yan lag gyen du gnas pa la de bzhin gshegs pa'i mtshan/ rin po che'i 'od zer gyi mdzod phyogs thams cad du rab tu bkye bas/ phyogs thams cad kyi chos kyi dbyings su 'od zer gyi dra ba gcig tu gyur pa'i spu las sangs rgyas kyi rnam par 'phrul pa thams cad bstan pa spu thams cad kyi nang du zhing gi gzugs brnyan thams cad khongs su chud par ston pas/ chos kyi dbyings kun tu 'od rab tu snang ba yongs su ston pa'i sprin ces bya ba mnga'o/ /de bzhin gshegs pa'i zhabs la de bzhin gshegs pa'i mtshan/ 'dzam bu chu klung gi gser dang / rdo rje dang / pad+mo gser gyi mdog tu snang ba/ rin po che'i 'od zer 'bar ba rab tu 'gyed pa/ 'od zer gyi dra bas phyogs bcu'i zhing rgya mtsho thams cad rgyas par 'gengs pa'i sprin gyi me tog kun tu rgyas par rin po </font><hr>Nga74a<br><font size=+1>


@#/ /che'i spos kyi 'od 'phro ba'i ri las/ 'khor gyi gzhi thams cad du byang chub sems dpa'i sprul pa dang / spos thams cad dang / rin po che'i kha dog thams cad rtag tu bkye bas/ zhabs kyi mthil gshegs stabs gcig tu bor bas kyang / chos kyi dbyings kyi klong gi rgyud thams cad du/ byang chub sems dpa' rgya mtsho rab tu gnas pa'i sprin ces bya ba mnga'o/ /de bzhin gshegs pa'i zhabs kyi bol la de bzhin gshegs pa'i mtshan rin po che thams cad kyi rgyan gyis brgyan pa'i 'od zer gyi mdzod rab tu 'bar bas/ byang chub sems dpa' thams cad la de bzhin gshegs pa'i 'od zer gyi mdzod rab tu 'gyed pa'i sangs rgyas kyi go 'phang chen po yang dag par ston cing / sangs rgyas kyi sprin gyi 'od kun tu rnam par snang ba'i sprin ces bya ba mnga'o/ /de bzhin gshegs pa'i zhabs kyi sor mo'i mtshams thams cad na de bzhin gshegs pa'i mtshan/ rin po che'i mtshan nyid kyis bsgrubs pa/ rin po che'i rgyal po sna tshogs dang / rin po che thams cad kyi 'od zer gyi sprin rab tu 'bar bas/ sangs rgyas kyi tshul gzhan dang gzhan dag dang / sangs rgyas kyi rnam par 'phrul pa yongs su bstan pa'i 'od sangs rgyas kyi chos rgya mtsho thams cad du snang ba las/ rin po che sna tshogs kyi sprin rab tu 'gyed cing / snying po byang chub thams cad kyi sgo ston pa/ kun tu </font><hr>Nga74b<br><font size=+1>


snang bas phyi ma'i mtha'i mur thug pa'i bskal par/ sangs rgyas thams cad kyis kun tu khyab pa'i sprin ces bya ba mnga'o/ /de bzhin gshegs pa'i zhabs kyi mthil la/ rin po che mi phyed pa'i gzhi nor bu'i rgyal po/ ri rab mar me'i 'od zer dang ldan pa'i 'khor lo bsod nams kyi 'od zer las byung ba/ rtsibs stong dang ldan pa rgyan gzhan dang gzhan ston pas/ chos kyi dbyings rgya mtsho thams cad du khyab pa/ de bzhin gshegs pa'i mtshan gyi sprin gyi klong rin po che thams cad kyi 'od zer rab tu 'bar bas shin tu bstan pa'i snying po can/ sangs rgyas thams cad kyi 'od kyi dbyings kyis shin tu rgyas pa/ phyogs bcu kun tu 'od kyi dra bas rnam par snang bar mdzad pa/ rin po che'i 'od zer rab tu snang bar sprin gyi 'khor lo'i gnas mtha' yas pas spos thams cad kyi dri yongs su 'phro ba'i sgron ma rin po che'i rgyal pos kun tu brgyan cing rin po che sna tshogs kyi mtshan nyid kyis gzhi rnam par dag pas/ chos kyi dbyings rgya mtsho thams cad du snang ba'i sprin ces bya ba mnga'o/ /de bzhin gshegs pa'i zhabs kyi mthil la nam mkha' ltar kun tu rnam par dag pa'i rin po che rgya mtsho yongs su snang bas/ de bzhin gshegs pa la mos pa'i skye bo thams cad la rin po che thams cad kyi kha dog gi sgron ma'i phreng ba dang / 'khor los phyogs dang / phyogs mtshams thams cad rgyas shing / byang chub sems dpa'i </font><hr>Nga75a<br><font size=+1>


@#/ /sprin shin tu 'phags pas yongs su gang ba'i sprin gyi sgra/ dpal gyi be'u dang / mdzod spu'i dbyibs kyi rin po che'i me tog gi sprin dang / spos kyi 'od zer rab tu snang ba kun tu 'phel ba'i 'od kyi dbyings su ston cing 'jig rten gyi khams thams cad du sangs rgyas rgya mtsho'i sprin kun tu ston pa'i sprin ces bya ba mnga'o/ /de bzhin gshegs pa'i zhabs kyi bol gyi logs g.yas pa la sangs rgyas kyi 'od rnam par snang ba thams cad rab tu ston pa'i dbyangs dang / rin po che in+d+ra nI la'i mdog rnam pa sna tshogs su yongs su dag par chos kyi dbyings rgya mtsho ston cing snying po byang chub kyi gdan yongs su ston pas/ sangs rgyas kyi 'od kyi dbyings rin po che'i 'od zer 'dzin pa rab tu bkye bas yongs su rgyas shing / mtshan nyid gcig pas chos kyi dbyings ma 'dres par rgyan gzhan dang gzhan du rnam par 'phrul pa'i 'od kyi sprin ces bya ba mnga'o/ /de bzhin gshegs pa'i zhabs kyi mthil rting pa logs na/ de bzhin gshegs pa'i mtshan/ chos kyi dbyings rgya mtsho thams cad snang ba'i mtshan gyi rgyan gyis sangs rgyas kyi rnam par 'phrul pa rnam par bkod pa la kun nas 'jug pa'i sprul pa'i 'khor lo rgya mtsho dang / rin po che dang spos kyi 'od 'phro ba rgya mtsho dang / ri rab rin po che me tog bai DUR+Ya sna tshogs ma 'dres pa'i rang bzhin gyis gzhi byas </font><hr>Nga75b<br><font size=+1>


pa| chos kyi dbyings thams cad du sprul pa'i rgyud kyis yongs su khebs par mdzad cing / rang rang gi chos kyi rgya mtsho sgrar sgrog pa'i sprin ces bya ba mnga'o/ /de bzhin gshegs pa'i zhabs la de bzhin gshegs pa'i mtshan/ rin po che'i gzhi sna tshogs shin tu zab pa'i 'od zer gyi dkyil 'khor gyis rnam par snang zhing / 'dzam bu chu klung gi gser gyi 'od lta bur snang bas phyogs thams cad kyi chos kyi dbyings rnam par snang bar mdzad cing / 'jig rten gyi khams dang / ri rab kyi sprin gyis mngon par khyab pa/ snying po byang chub kyi rgyan thams cad yongs su ston pa'i 'od kyi sprin ces bya ba mnga'o/ /de bzhin gshegs pa'i zhabs la rin po che thams cad kyi 'od zer rnam par snang ba zla ba dang / rin po che'i 'od 'phro bas shin tu brgyan pa'i snying po can/ in+d+ra nI la'i dra bas gzhi kun nas brgyan par chos kyi dbyings su snang ba'i sprin/ nor bu'i rgyal po spos kyi sgron ma thams cad kyi 'od kun tu 'phro ba lta bu'i sprin/ de bzhin gshegs pa'i mthus/ thugs kyi skad cig re re la chos kyi dbyings rgya mtsho'i kha dog 'gyur ba gzhan dang gzhan du shin tu ston pa'i sprin ces bya ba mnga'o/ /de bzhin gshegs pa'i zhabs la de bzhin gshegs pa'i mtshan/ nam mkha'i dbyings su rin po che'i sprin snang ba g.yas phyogs su 'khyil cing mngon par 'phags pa'i 'od zer rin po che'i dkyil </font><hr>Nga76a<br><font size=+1>


@#/ /'khor rab tu snang ba la/ sangs rgyas thams cad bzhugs shing mdzod spu dang / rin po che'i rgyal po las de bzhin gshegs pa thams cad kyi snying po byang chub kyi rgyan rab tu bstan pa'i 'od gzhi kun tu khyab pa/ rdo rje dang / in+d+ra nI la'i tshon lta bus rab tu brgyan pa'i sprin kun tu mched pa zhes bya ba mnga'o/ /de bzhin gshegs pa'i zhabs la de bzhin gshegs pa'i mtshan 'bar zhing snang ba dang / chos kyi dbyings zab mo'i gsung shin tu 'phags pa/ chos kyi dbyings su snang ba'i sprin gyi me tog rin po che'i ze ba can yongs su rgyas pas chos kyi dbyings dang / nam mkha'i dbyings kyi mtshan nyid rgya mtsho rgyas par khyab pa'i sprin mtshan nyid gcig pa rgya mtsho la sangs rgyas thams cad kyi gnas rgya mtsho rab tu snang zhing / sangs rgyas kyi rnam par 'phrul pa dang / byang chub sems dpa' chos kyi dbyings rgya mtsho la 'jug pa shin tu bstan pa mi zad pa'i rgyud chos kyi dbyings kyi gzhir thug par kun tu snang ba'i sprin ces bya ba mnga'o/ /de bzhin gshegs pa'i zhabs la gser rnam par dag cing yid du 'ong ba kha dog bzang po'i sprin/ 'dzam bu chu klung gi 'od zer las sangs rgyas kyi sprin kun tu khyab pa zhing gi rgyud dang / klong rnam par bkod par rnam par 'phrul zhing / byang chub sems dpa'i chos snang ba rgya mtsho'i gzhir thug </font><hr>Nga76b<br><font size=+1>


pa mi zad pas sangs rgyas thams cad kyi yon tan dang / mthu phyogs su kun tu rnam par snang zhing / byang chub sems dpa'i snying po la klong med pa'i chos kyi dbyings/ rin po che'i sprin du snang ba'i rgyan rab tu ston pa'i sprin ces bya ba mnga'o/ /de bzhin gshegs pa'i zhabs la de bzhin gshegs pa'i mtshan/ sangs rgyas kyi 'od zer zla ba 'od 'phro bas rab tu brgyan pa'i snying po can/ rin po che'i rgyal po kun tu dri zhim zhing 'od 'byung ba'i 'od zer gyi dkyil 'khor rgya mtsho'i gzhi rin po che'i 'khor lo thams cad du 'byung ba sna tshogs rin po che thams cad kyi kha dog dang| mdog dang / 'od zer gyi 'khor lo khongs su chud pa'i gzhir 'jig rten gyi khams rgya mtsho dang / sangs rgyas rgya mtsho khongs su chud par rnam par snang zhing 'bar bas/ 'jig rten gyi khams thams cad du byang chub sems dpa' shin tu ston pa'i sgo/ sangs rgyas kyi chos rgya mtsho thams cad kyi sprin gyi sgra'i nga ro rab tu gtong bar/ de bzhin gshegs pa'i zhabs kyi mthil la mtshan thams cad kyi rab tu brgyan pa'i rgyan/ sangs rgyas kyi rnam par 'phrul pa thams cad rab tu ston pa'i sprin ces bya ba mnga' ste/ de bzhin gshegs pa rnam par snang mdzad kyi sku'i yan lag dang / nying lag thams cad ni de dag la sogs pa de bzhin gshegs pa'i mtshan mang po'i sprin/ 'jig rten gyi khams gzhi dang snying po me tog gi rgyan </font><hr>Nga77a<br><font size=+1>


@#/ /gyis brgyan pa rgya mtsho phrag bcu'i rdul shin tu phra ba snyed kyis ni rin po che sna tshogs thams cad kyi mtshan rin po ches rab tu brgyan pa'o/ /shin tu rgyas pa chen po'i mdo/ sangs rgyas phal po che zhes bya ba las/ de bzhin gshegs pa'i sku'i mtshan rgya mtsho bstan pa'i le'u ste/ bzhi bcu pa'o// //bam po drug cu rtsa brgyad pa/ de nas bcom ldan 'das kyis byang chub sems dpa' lag na rin po che la bka' stsal pa/ lag na rin po che/ de bzhin gshegs pa dgra bcom pa yang dag par rdzogs pa'i sangs rgyas la/ dpe byad bzang po 'od 'dzin pa dang ldan pa'i rgyal po zhes bya ba mnga' ste/ de las 'od zer bar chad med par shin tu 'bar ba zhes bya ba 'od zer gyi 'khor brgya stong grangs med pa phrag bdun cu dang ldan pa 'byung ste/ de nam \ NA MA?\ byang chub sems dpa' dga' ldan gyi gnas nas rang gi lus 'dor ba de'i tshe/ 'od zer dpal gyi rgyal po zhes bya ba gtong ste| de 'jig rten gyi khams bcu'i rdul shin tu phra ba snyed kyi 'jig rten gyi khams rab tu snang bar byed do/ /'jig rten gyi khams de dag na sems can dmyal ba chen po ji snyed yod pa de dag kyang yongs su snang bar byed do/ /de dag tu sems can ji snyed skyes pa de dag kyang yongs su snang bar byed de/ de dag gis kyang snang ba de mthong zhing shes te/ sems can </font><hr>Nga77b<br><font size=+1>


de dag gi sems can dmyal ba'i sdug bsngal de dag thams cad kyang rtse zhil bar 'gyur ro/ /sems can de dag gi mig yongs su sbyang ba rnam pa bcu yang rnam par dag par 'gyur ro/ /de bzhin du rna ba dang / sna dang / lce dang / lus dang / yid yongs su spyang ba dag kyang rnam par dag par 'gyur te/ sems can dmyal ba pa de dag kyang dga' ba dang nyams bde ba chen po dang ldan par 'gyur ro/ /sems can dmyal ba de dag nas shi 'phos nas kyang dga' ldan gyi lha dang skal ba mnyam par skye ste/ de dag der skyes nas kyang lha'i rnga rga ba med pa zhes bya ba sgra 'byin pa thos par 'gyur ro/ /kye grogs po dag /bag yod pa dang / de bzhin gshegs pa la dge ba'i rtsa ba bskyed pa dang / sngon dge ba'i bshes gnyen bkur ba dang ldan pa'i dge ba'i rtsa ba'i stobs dang shugs kyis 'dir skyes so/ /de nyid kyi phyir sems can dmyal ba dag nas shi 'phos nas/ de bzhin gshegs pa rnam par snang mdzad kyi mthus lha'i 'jig rten 'dir skyes so/ /de bzhin gshegs pa'i zhabs kyi mthil gyi 'khor lo rtsibs stong dang ldan pa la kun tu snang zhing mdzes pa'i 'od zer yod de/ de la 'od 'dzin pa dang ldan pa zhes bya ba'i dpe byad bzang po'i 'od yod do/ /de las 'od zer bzhi bcu 'byung ste/ de'i nang nas 'od zer gcig cig yon tan yongs su dag pa'i 'od ces bya ste/ de ni 'jig rten gyi khams sangs rgyas kyi zhing bye ba khrag </font><hr>Nga78a<br><font size=+1>


@#/ /khrig gi rdul shin tu phra ba snyed snang bar byed do/ /yul ji lta ba dang / bsam pa ji lta ba dang / yongs su smin pa'i khyad par ji lta ba bzhin du/ mnar med pa'i sems can dmyal ba chen po'i sems can rnams kyang snang bar byed de/ de dag de nas shi 'phos nas dga' ldan gyi lha dang skal ba mnyam par skye'o/ /de dag der skyes nas kyang lha'i rnga'i sgra las/ kye btsun pa lha'i sras po dag /legs kyi/ byang chub sems dpa' rnam par snang mdzad de nyid la phyag 'tshol cig /byang chub sems dpa' rnam par snang mdzad ni 'di yin te/ dri ma dang bral ba zhes bya ba'i ting nge 'dzin la mnyam par bzhag cing bzhugs so zhes bya ba'i sgra thos par 'gyur ro/ /de nas lha'i bu de dag rnga des bskul ba dang / yid du 'ong ba'i sgra 'di lta bu gang nas byung zhes ngo mtshar du 'dzin par 'gyur ro/ /de nas yang rnga de nyid las sgra 'di skad du 'byung bar 'gyur te/ lha'i sras po dag /bdag ni lha'i rnga zhes bya ba ste/ dge ba'i rtsa ba'i stobs dang / shugs kyis grub pa'o/ /lha'i sras po dag /'di lta ste/ dper na/ lha'i rnga kho bo ni bdag ces bya ba'i sgra brjod kyang bdag la bdag tu bya ba rgyu ba med do/ /lha'i sras po dag /de bzhin du sangs rgyas bcom ldan 'das rnams kyang / nga ni sangs rgyas zhes gsungs te/ de dag la bdag tu bya ba mi mnga'o/ /bdag gir bya ba </font><hr>Nga78b<br><font size=+1>


mi mnga'o/ /lha'i sras po dag /'di lta ste/ dper na/ bdag gi sgra ni shar phyogs nas kyang ma 'ongs/ lho phyogs nas kyang ma yin/ nub phyogs nas kyang ma yin/ byang phyogs nas kyang ma yin te/ phyogs bcu kun nas kyang 'ongs pa med do/ /lha'i sras po dag /de bzhin du sangs rgyas bcom ldan 'das rnams kyi 'phrin las rnam par smin pa yang / shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin te/ phyogs bcu kun nas kyang 'ongs pa med do/ /lha'i sras po dag /'di lta ste/ dper na/ khyed kyi sngon gyi mtha'i sems can dmyal ba rnams ni/ shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin te/ phyogs bcu kun nas kyang 'ongs pa med do/ / 'on kyang phyin ci log gi las byed pa gti mug gi dra ba can rnams la lus su snang ba mi 'byung ba'ang ma yin te/ de dag kyang rtsa ba med cing gnas med pa'o/ /byang chub sems dpa' rnam par snang mdzad kyi mthus snang ba chen po 'byung ba'i 'od zer de dag kyang shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin te/ phyogs bcu kun nas kyang 'ongs pa med do/ /lha'i sras po dag /de bzhin du bdag kyang lha'i rnga ting nge 'dzin dang / dge ba'i rtsa ba dang / shes rab kyi pha rol tu phyin pa dbyangs rnam par dag pa'i mthus byung ba </font><hr>Nga79a<br><font size=+1>


@#/ /ste| cho 'phrul gyi rnam pa 'di 'dra ba dag ston to/ /lha'i sras po dag /'di lta ste/ dper na/ ri'i rgyal po ri rab 'di ni shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin te/ phyogs bcu kun nas kyang 'ongs pa med do/ /lha'i sras po dag / 'on kyang sum cu rtsa gsum pa'i lha rnams longs spyod pa dang / yongs su spyod pa dang / bde ba'i rim gro'i phyir rnam pa 'di lta bus nye bar gnas so/ /lha'i sras po dag /bdag kyang lha'i rnga ste/ de bzhin du mkhyen par mdzod cig /lha'i sras po dag /'di lta ste/ dper na/ 'jig rten gyi khams sangs rgyas kyi zhing bye ba khrag khrig gi rdul shin tu phra ba snyed cig thams cad rdul shin tu phra mor blags te/ rdul phra mo ji snyed byung ba de snyed kyi sems can zhig yongs su brtag pa nye bar bzung ste/ tshogs shing 'dus par gyur kyang / bdag ni de dag thams cad bsam pa ji lta ba bzhin du legs par bshad pas tshim par byed de/ bdag la skyo ba'am/ nyam chung bar 'gyur ba'am/ dregs pa'am/ rlom pa med do/ /lha'i sras po dag /de bzhin du byang chub sems dpa' rnam par snang mdzad dri ma dang bral ba'i ting nge 'dzin la bzhugs pa'i phyag g.yas pa'i mthil gyi dpe byad bzang po gcig las/ 'od zer gcig byung ba yang / de snyed du rnam par 'phrul </font><hr>Nga79b<br><font size=+1>


zhing 'byung ste/ de ni nyan thos dang / rang sangs rgyas rnams kyis kyang shes par dka' na/ sems can rnams kyis lta ci smos/ lha'i sras po dag /legs so/ /legs so/ /byang chub sems dpa' blta ba'i don du bzhud cig /nye bar bzhud cig /bsnyen bkur mdzod cig /bsten par mdzod cig /dge ba'i rtsa ba dag gi bar chad du gyur ta re/ lha'i sras po dag /'di lta ste/ dper na| bskal pa'i me byung ba'i tshe/ ri'i rgyal po ri rab lta bu yang rmeg med par mi snang bar 'gyur ro/ /lha'i sras po dag /de bzhin du 'dod chags kyis kun nas 'khor ba'i sems su gyur na| sangs rgyas rjes su dran pa rnam par dgod pa tsam yang med par 'gyur gyi de'i phyir/ lha'i sras po dag /khyed kyis drin du gzo bar mdzod la drin du mi gzo ba med par mdzod cig/ lha'i bu byas pa mi dran pa dag ni/ lha ma yin gyi g.yul du phal cher gzhan gyis bsad cing 'chi bar 'gyur te/ 'di nas shi 'phos nas kyang drin du mi gzo ba'i sems can de dag ni/ phal cher sems can dmyal bar 'dong bar 'gyur ro/ /lha'i sras po dag /khyed 'od zer chen po snang ba gang gi mthus sems can dmyal ba de dag nas shi 'phos te 'dir skyes par gyur pa'i dge ba'i rtsa ba de nyid rgya cher yongs su bsngo ba mdzod cig /lha'i sras po dag /lha'i rnga bdag ni bud med ma yin/ skyes pa ma yin te/ bsod nams kyi spyod pa brgya phrag 'di </font><hr>Nga80a<br><font size=+1>


@#/ /snyed kyang yongs su brjod do/ /lha'i sras po dag /'di na lha'i bu dang / lha'i bu mo dag gi longs spyod gzhal med khang gi longs spyod dam/ bza' shing gi ra ba'i longs spyod gang yod pa de dag kyang mtshan nyid de lta bur blta'o/ /lha'i sras po dag /ji ltar bdag ma skyes ma 'gags pa de bzhin du/ gzugs dang / tshor ba dang / 'du shes dang / 'du byed dang / rnam par shes pa dag kyang ma skyes ma 'gags par mkhyen par mdzod cig /lha'i sras po dag /'di ni ting nge 'dzin gnas med pa'i phyag rgya zhes bya ba la 'jug par rtogs par mdzod cig /de nas lha'i bu de dag ngo mtshar dang rmad du gyur te/ me tog gi sprin stong phrag bcu dang / spos kyi sprin stong phrag bcu dang / rol mo'i sprin stong phrag bcu dang / rgyal mtshan gyi sprin stong phrag bcu dang / gdugs kyi sprin stong phrag bcu dang / bstod pa'i sprin stong phrag bcu dag mngon par sprul te/ byang chub sems dpa' rnam par snang mdzad kyi gzhal med khang gang na bar der dong ste phyin nas kyang / gzhal med khang la phyag 'tshal zhing / gnas par gyur kyang byang chub sems dpa' de ma mthong ba dang / lha'i bu la la 'di skad ces zer te/ kye grogs po dag /byang chub sems dpa' de ni lha yul 'di nas shi 'phos te/ mi'i 'jig rten du rgyal po zas gtsang ma'i khyim du lha mo sgyu ma'i sku na tsan dan gyi khang pa </font><hr>Nga80b<br><font size=+1>


brtsegs pa yod par brdzus te skyes kyi/ lha'i bu dag /lha'i mig gis legs par ltos shig ces nas/ de dag gis bltas pa dang / byang chub sems dpa' de tshangs pa'i ris kyi lha'i bu rnams dang / de bzhin du 'dod pa la spyod pa'i lha'i bu thams cad kyis mchod cing rim gror byas te/ de na 'dug pa mthong ngo / /de nas lha'i bu de dag 'di snyam du gyur te/ bdag cag gis byang chub sems dpa' de ma mthong ngam/ de dang ma smras te/ bag dbab pa ma tho ba na/ sems skad cig tu yang dga' ldan gyi gnas na 'khod par dga' ba'i sems bskyed pa'i mi cha'i/ / 'dzam bu'i gling du mi 'dong du mi rung ngo zhes nas/ lha'i bu de dag re re zhing yang lha'i bu mo bye ba phrag bcu'i 'khor dang bcas te 'dong bar byas pa dang / lha'i bu de dag gis de ltar 'dod pa'i sems bskyed ma thag tu lha'i rnga de las sgra 'byung ba/ lha'i sras po dag /byang chub sems dpa' de ni skye ba'ang med/ shi 'pho ba'ang med de/ byang chub sems dpa' sems dpa' chen po dag ni/ shi 'pho ba med pa'i mngon par shes pa dang ldan pa dag ste/ de dag ni sems can rnams kyi bsam pa ji lta ba bzhin du/ mig lam du snang bar 'gyur ro/ /lha'i sras po dag /'di lta ste/ dper na/ bdag ni khyed kyi mig gi lam gyis mi mthong ste/ mig gi lam las 'das kyang lha'i sras po khyed la sgra brjod do/ /lha'i sras po dag /de bzhin du byang </font><hr>Nga81a<br><font size=+1>


@#/ /chub sems dpa'i ting nge 'dzin dri ma dang bral ba la mnyam par bzhag pa ni mig gis snang ba ma yin yang / skye ba'i skye mched thams cad du snang ste/ 'on kyang byang chub sems dpa' la rtog pa med do/ /rnam par rtog pa med do/ /g.yo ba med do/ /sems pa med do/ /de bas na/ lha'i sras po dag /khyed kyis bla na med pa yang dag par rdzogs pa'i byang chub tu sems bskyed la bsam pa yongs su sbyong ste/ spyod pa la mnos la las kyi sgrib pa dang / nyon mongs pa'i sgrib pa dang / rnam par smin pa'i sgrib pa dang / lta ba'i sgrib pa bshags par gyis te/ lus kyi las dang / ngag gi las dang / yid kyi las kun tu bzang po chos kyi dbyings kyis klas pas sems can gyi khams su ming dang lus byin gyis rlobs shig |sems can gyi khams dang mnyam pa'i lus kyis/ sems can gyi khams dang mnyam pa'i mgo byin gyis rlobs shig /sems can gyi khams dang mnyam pa'i mgos sems can gyi khams dang mnyam pa'i lce byin gyis rlobs shig /sems can gyi khams dang mnyam pa'i lces sgrib pa de dag nyes pa la nyes par shogs shig /de skad ces brjod pa dang / lha'i bu de dag ngo mtshar dang rmad du gyur te/ rab tu dga' zhing sems bde bar gyur nas/ yang lha'i rnga de la byang chub sems dpa' rnams sdig pa 'chags pa'i rnam pa ji lta bu zhig </font><hr>Nga81b<br><font size=+1>


yod ces phyir 'dri'o/ /de nas lha'i rnga de byang chub sems dpa' de'i ting nge 'dzin gyi byin rlabs dang / lha'i bu de dag gi dge ba'i rtsa ba'i stobs dang / byin gyi rlabs kyis rnam pa 'di lta bu'i sgra 'byin to/ /lha'i sras po dag /las ni shar phyogs nas 'ongs te/ sems la gnas pa ma yin/ 'dug pa ma yin/ tshogs su bsags pa ma yin/ phung por gyur pa ma yin te/ lho phyogs nas ma yin/ nub phyogs nas ma yin/ byang phyogs nas ma yin/ las de ni phyogs bcu kun nas kyang 'ongs te gnas pa ma yin no/ /de ltar de ni byang chub sems dpas phyin ci log las byung ba ste/ gnas med par yang dag par shes pas de'i phyir de la 'gyod pa med do/ /lha'i sras po dag /'di lta ste/ dper na/ lha'i rnga bdag ni las kyi rnam par smin pa ji lta ba dang| spyod pa ji lta ba dang / tshul khrims ji lta ba dang / dga' ba ji lta ba dang / shin tu byang ba ji lta ba dang / ting nge 'dzin ji lta ba bzhin du bdag ces brjod do/ /lha'i sras po dag /de bzhin du sangs rgyas bcom ldan 'das rnams dang / byang chub sems dpa' rnams kyang bdag ces bya ba'am/ bdag gi zhes bya ba'am/ sems can zhes bya bar gsung brjod cing / 'dod chags dang / zhe sdang dang / gti mug dang / las dang / bya ba'i gsung yang brjod de/ lha'i sras po dag /bdag ces bya ba med do/ /bdag med par bdag gi zhes bya ba mi dmigs </font><hr>Nga82a<br><font size=+1>


@#/ /so| |de dag gi las kyi rnam pa lam gyi rgyud drug tu rnam par smin par 'gyur bar byas pa de dag kyang shar phyogs nas mi dmigs so/ /lho phyogs nas ma yin| nub phyogs nas ma yin/ byang phyogs nas ma yin te/ phyogs bcu kun nas kyang dmigs par mi rung ngo / /lha'i sras po dag /'di lta ste/ dper na/ bdag gi sgra ni lha'i bu yongs su ma dag pa rnams kyi rna lam du mi 'gro bas/ sems can dmyal ba rnams bskul kyang thos par mi 'gyur te/ sgra de ni ma skyes ma 'gags pa'o/ /lha'i sras po dag /de bzhin du las thams cad kyang ma skyes ma 'gags pa ste/ ji ltar yongs su sbyangs pa dang / ji ltar bsags pa'i tshul du 'bras bu'ang rnam par smin par byed de/ lha'i sras po dag /'di lta ste/ dper na/ bdag gi sgra ni bskal pa khrag khrig tu brjod kyang rnam par rtog pa med pas zad pa med do/ /thug pa med do/ /'gro ba med do/ /'ong ba med do/ /lha'i sras po dag /gang la 'gro ba dang / 'ong ba yod pa de dag la ni rtag pa'am chad pa dag kyang yod par snang ste/ sangs rgyas bcom ldan 'das rnams ni ldem po ngag gis sems can smin par mdzad pa'i don du ston pa ma gtogs par rtag pa'am chad pa'i chos ston pa mi mdzad do/ /lha'i sras po dag /'di lta ste/ dper na/ sgra de ni bsam pa ji lta ba bzhin du 'jig rten gyi khams tshad </font><hr>Nga82b<br><font size=+1>


med par dbyangs kyis go bar byed do/ /lha'i sras po dag /de bzhin du sangs rgyas bcom ldan 'das rnams kyang sems can rnams kyi bsam pa ji lta ba bzhin du mngon du ston pa mdzad do/ / lha'i sras po dag /'di lta ste/ dper na/ shel gyi me long gi dkyil 'khor sgron ma zhes bya ba/ 'jig rten gyi khams bcu'i chad dang mnyam pa dag cing gsal la mdog shin tu bzang ba yod de/ de la 'jig rten gyi khams tshad med pa dag nas kyang / ri thams cad kyi gzugs brnyan dang / sems can de dag thams cad kyi gzugs brnyan yang rab tu snang na/ lha'i sras po dag/ de la ji snyam du sems/ de ltar me long gi dkyil 'khor de la/ sems can dmyal ba pa dang / byol song gi skye gnas pa dang / gshin rje'i 'jig rten pa'i sems can mang po snang bas yongs su ma dag par mi 'gyur ram/ lus shin tu mi sdug par gnas pa de dag kyang / me long de la 'phos pa'am/ gnas pa'am/ sems dang ldan par gyur pa yod dam med/ smras pa/ de lta bu ni med do/ /smras pa/ lha'i sras po dag /de bzhin du las rnams kyang 'pho ba yang med/ 'gro ba yang med/ gnas pa yang med de/ dge ba'i rtsa ba rnam par smin pa yang mi snang ba ma yin no/ /'di lta ste/ dper na/ sgyu mas ni mig bslu ba byed do/ /lha'i sras po dag /de bzhin du gang gis las rnams shes te/ mthong ba dang / khong du chud pa de dag gi sdig </font><hr>Nga83a<br><font size=+1>


@#/ /pa bshags pa ni shin tu rnam par dag par 'gyur ro/ /shin tu bstan pa 'di bstan pa'i tshe/ 'jig rten gyi khams sangs rgyas kyi zhing bye ba khrag khrig brgya stong gi rdul shin tu phra ba snyed kyi dga' ldan gnas kyi lha'i bu de dag thams cad mi skye ba'i chos la bzod pa rab tu thob par gyur to/ /'dod pa la spyod pa'i lha'i ris drug gi lha'i bu tshad med grangs med bsam gyis mi khyab pa dag gis kyang / bla na med pa yang dag par rdzogs pa'i byang chub tu sems bskyed do/ /'dod pa la spyod pa'i lha'i ris drug po de dag gi lha'i bu mo rnams kyang bud med kyi lus de las gyur te/ bla na med pa yang dag par rdzogs pa'i byang chub tu nges par gyur to/ /de nas lha'i bu de dag gis kun tu bzang po'i yongs su bsngo bas rgya cher bshags te/ sa bcu 'thob pa dang / ting nge 'dzin stobs kyi rgyan yongs su 'thob pa'i don du/ sems can gyi khams dang mnyam pa'i lus kyi las dang / ngag gi las dang| yid kyi las kyi rgya cher bshags pa byas nas/ de dag las kyi sgrib pa rnam par dag pa dang / byang chub sems dpa' bye ba khrag khrig brgya stong / rin po che sna bdun gyi pad+mo rdul shin tu phra ba snyed las 'khod cing 'od chen po rab tu gtong ba mthong bar gyur te/ de dag gi dpe byad bzang po re re nas kyang sems can gyi khams dang mnyam pa'i 'od zer mang po byung </font><hr>Nga83b<br><font size=+1>


ste| 'od zer de dag la yang sems can gyi khams dang mnyam pa'i de bzhin gshegs pa bzhugs shing / sems can rnams la bsam pa ji lta ba bzhin du chos ston pa mthong bar gyur kyang / de tsam gyis ting nge 'dzin dri ma dang bral ba'i spyod yul gyi cha shas tsam yang legs par mthong bar ma gyur to/ /de nas lha'i bu de dag gis me tog gi sprin la sogs pa snga ma de dag dang / ba spu'i bu ga re re nas kyang sems can gyi khams dang mnyam pa'i me tog gi sprin mngon par sprul te/ byang chub sems dpa' rnam par snang mdzad dang / de de bzhin gshegs pa mtha' yas pa la mchod pa byed par gyur to/ /me tog ji snyed cig gtor ba de dag thams cad kyang de bzhin gshegs pa'i sku gzugs su gnas par gyur to/ /spos kyi sprin gyi char rab tu phab pa de dag gis 'jig rten gyi khams sangs rgyas kyi zhing tshad med pa'i rdul shin tu phra ba snyed du sems can gang gis lus la bab pa de dag kyang / 'di lta ste/ dper na/ bsam gtan bzhi pa la mnyam par bzhag pa'i dge slong gi lus kyi bde ba de lta bu dang ldan par gyur to/ /gang la las kyi sgrib pa'i nyes pa med pa de dag ni/ spos kyi dri de tshor ba tsam gyis gzugs dang / sgra dang / dri dang / ro dang / reg bya las byung ba'i nyon mongs pa thams cad byang bar gyur to/ nang gi dngos po'i nyon mongs pa lnga brgya dang / phyi </font><hr>Nga84a<br><font size=+1>


@#/ /rol gyi dngos po'i nyon mongs pa lnga brgya dang / 'dod chags la spyod pa'i nyon mongs pa stong phrag nyi shu rtsa gcig dang / zhe sdang la spyod pa'i nyon mongs pa stong phrag nyi shu rtsa gcig dang / gti mug la spyod pa'i nyon mongs pa stong phrag nyi shu rtsa gcig dang / cha mnyam pa la spyod pa'i nyon mongs pa stong phrag nyi shu rtsa gcig dang / de bzhin du 'phral gyi 'dod chags la spyod pa dang / 'phral gyi zhe sdang la spyod pa dang / 'phral gyi gti mug la spyod pa dang / 'phral gyi cha mnyam pa la spyod pa'i nyon mongs pa dang / mi shes pa de dag thams cad kyang byang bar gyur to/ /gang gis 'od zer spos kyi phung po gzi brjid rnam par 'phrul pa'i 'od rab tu 'thob pa'i don du dge ba'i rtsa ba yongs su sbyangs shing bskyed pa de dag gis gdugs kyi sprin de dag mig lam du mthong bar gyur te/ de dag gis kyang 'khor los bsgyur ba chu klung gang+gA'i bye ma snyed kyi dge ba'i rtsa ba bskyed par gyur to/ / de ni 'di ltar 'khor los bsgyur ba'i sa gser gyi dra bas dag pa 'thob pa'i phyir dge ba'i rtsa ba rab tu bskyed par gyur te/ de la gnas pa'i byang chub sems dpa' ni/ 'jig rten gyi khams sangs rgyas kyi zhing bye ba khrag khrig brgya stong gi rdul shin tu phra ba snyed du 'khor los bsgyur bar byed do/ /der sems can mang po yongs su smin par 'gyur ro/ / </font><hr>Nga84b<br><font size=+1>


'di lta ste/ dper na/ bcom ldan 'das de bzhin gshegs pa 'khor lo'i blo gros kyi sangs rgyas kyi zhing 'jig rten gyi khams me long gi dkyil 'khor ltar snang ba zhes bya ba de na/ bcom ldan 'das de'i sprul pa/ dge slong ba dang / dge slong ma dang / dge bsnyen pha dang / dge bsnyen ma'i gzugs dang / gzhung de bzhin du skyes pa'i rabs kyi sde'i khyad par thams cad kyis 'jig rten gyi khams tshad med pa dag tu mi 'gro ba de lta bu'i skad cig med do/ /thang cig med do/ /yud tsam med do/ /de bzhin gshegs pa de'i mtshan kyang grag ste thos nas kyang sangs rgyas kyi zhing der skye bar 'gyur ro/ /de bzhin du 'khor los bsgyur ba'i sa gser gyi dra bas dag pa la gnas pa'i byang chub sems dpa'i rnam par 'phrul pa shin tu gsal ba'i mtshams med pa'i 'od zer gyis phog pa'i sems can de dag thams cad kyang dge ba'i rtsa ba de dag gis sems can yongs su 'dul shing sa bcu 'thob par 'gyur ro| |'di lta ste/ dper na/ tshad med pa'i bsam gtan thob pa ni/ ji srid du bsam gtan yongs su nyams par ma gyur pa de srid du tshangs pa'i gzhal med khang yang mthong la/ tshangs pa'i 'jig rten na bde ba gang yod pa de dag kyang myong ba yin/ de bzhin du byang chub sems dpa' 'khor los bsgyur ba'i sa gser gyi dra bas dag pa la gnas pa'i gtsug </font><hr>Nga85a<br><font size=+1>


@#/ /gi rin po che'i 'od kyis su la phog par gyur pa de dag sa bcu 'thob par 'gyur te/ chos tshad med pa snang ba chen po'ang rab tu 'thob par 'gyur ro/ /stobs rnam par dag pa'i ting nge 'dzin shin tu bsgrubs pa'i phyir mig yongs su sbyangs pa bcu'ang rab tu 'thob par 'gyur ro/ /gzhung de bzhin du yid yongs su sbyangs pa bcu yang rab tu 'thob ste/ sha'i mig rnam par dag pa 'di lta ste/ 'jig rten gyi khams sangs rgyas kyi zhing bye ba khrag khrig brgya stong gi rdul shin tu phra ba snyed cig rdul shin tu phra bar byas te/ rdul shin tu phra mo de dag byang chub sems dpa' de dag gis lag pa g.yon pas blangs te khyer la/ de snyed kyi 'jig rten gyi khams 'das pa dang rdul gcig bor te/ de ltar gcig nas gcig tu bzhag pa'i tshul dang thabs de lta bur bgrang ba'i tshul gyis shar phyogs su rdul de dag thams cad zad par gyur la/ de lta bu'i tshul du gang du bor ba dang / gang du ma bor ba'i 'jig rten gyi khams de dag thams cad shin tu phra ba'i rdul du blags la/ de ltar mang ba'i rdul shin tu phra ba de dag kyang khyer te/ shar phyogs logs su 'jig rten gyi khams 'das nas rdul shin tu phra ba gcig bor la/ tshul de 'dra bar phyogs bcu kun tu rdul shin tu phra ba de dag zad par gyur nas/ de snyed kyi 'jig rten de dag thams cad </font><hr>Nga85b<br><font size=+1>


gcig tu bsdoms te/ sangs rgyas kyi zhing gcig gi chu zheng du gyur na/ lag na rin po che/ de la ji snyam du sems/ sangs rgyas kyi zhing de che zhing / tshad med la bsam gyis mi khyab pa yin nam| gsol pa/ bcom ldan 'das/ de ni de bzhin te/ btsun pa bcom ldan 'das/ gang gis dpe bstan pa'i 'di thos par gyur la/ thos nas kyang glo ba ches shing ngo mtshar gyi 'du shes dang / rmad kyi 'du shes bskyed pa mchis na/ sems can de dag kyang ngo mtshar dang ldan par 'gyur ro/ /bka' stsal pa/ lag na rin po che/ de de bzhin no/ /de de bzhin te/ lag na rin po che khyod kyis ji skad du smras pa bzhin no/ /lag na rin po che/ rigs kyi bu dang / rigs kyi bu mo de dag ni ngas bla na med pa yang dag par rdzogs pa'i byang chub tu lung bstan pa de lta bu dag ni/ sangs rgyas kyi ye shes thob par 'gyur to/ /red do/ /'gyur ro/ /lag na rin po che/ 'di lta ste/ dper na/ sangs rgyas kyi zhing bye ba phrag stong gi rdul shin tu phra ba snyed kyi sangs rgyas kyi zhing ji snyed pa de snyed kyi sangs rgyas kyi zhing gi rdul shin tu phra ba snyed kyi sangs rgyas kyi zhing dper rnam par bkod pa de dag thams cad kyang / rdul shin tu phra bar blags la/ sangs rgyas kyi zhing re re zhing yang sangs rgyas kyi zhing de dag na/ rdul shin tu phra ba ji snyed yod pa de snyed kyi sangs rgyas kyi zhing zhig yod par gyur te/ zhing de dag na </font><hr>Nga86a<br><font size=+1>


@#/ /ji lta ba de bzhin du zhing thams cad na'ang de snyed cig yod par gyur ba/ rdul de dag thams cad kyang tshul de bzhin du bkod de/ rnam grangs 'di 'dra bar rdul shin tu phra bar dgod pa'i tshul gyis lan brgyad cur bsgres te/ rdul gyi 'bru re re la yang zhing thams cad kyi rdul shin tu phra ba snyed kyi 'bras bu mngon par grub par gyur kyang / de dag thams cad byang chub sems dpa'i sha'i mig gis bsgribs pa med par mthong ste/ lag na rin po che/ byang chub sems dpa'i sha'i mig las kyi rnam par smin pas yongs su grub pa des ni/ sangs rgyas kyi zhing khrag khrig brgya'i rdul shin tu phra ba snyed kyi de bzhin gshegs pa sems skad cig gis mthong ste/ de ni 'jig rten gyi khams bcu'i rdul shin tu phra ba snyed kyi 'jig rten gyi khams la dbang sgyur zhing 'khor los bsgyur ba'i rgyal po'i sa gser gyi dra bas dag pa thob pa'i bsod nams rnam par smin pa dang / dge ba'i rtsa ba dang / ting nge 'dzin gyis yongs su grub pa'i shel gyi me long sgron ma zhes bya ba mdog dag ste/ bzang zhing gsal ba bzhin no/ /shin tu rgyas pa chen po'i mdo/ sangs rgyas phal po che zhes bya ba las/ dpe byad bzang po'i 'od zer bstan pa'i le'u ste/ bzhi bcu rtsa gcig pa'o// //bam po drug cu dgu pa/ de nas yang byang chub sems dpa' </font><hr>Nga86b<br><font size=+1>


kun tu bzang pos/ byang chub sems dpa' de dag la smras pa/ kye rgyal ba'i sras dag /de ni sems can gyi snod ji lta ba bzhin du yang dag par rdzogs pa'i sangs rgyas la dmigs te/ rdul tsam zhig brjod du zad do/ /de ci'i phyir zhe na/ kye rgyal ba'i sras dag /sems can mi mkhas pa 'gyod pas kun nas non pa/ bdag dang bdag gir bya ba la mngon par zhen pa/ 'jig tshogs la shin tu chags pa/ phyin ci log la rab tu rten pa/ the tshom la rab tu gzhol ba/ log par lta ba yongs su rtog pas byung ba/ rmongs pas bsgrubs pa/ 'khor ba'i rgyud du gzhol ba/ de bzhin gshegs pa'i lam dang mi ldan pa rnams kyi don du sangs rgyas bcom ldan 'das rnams 'jig rten du 'byung ngo / /kye rgyal ba'i sras dag /'di lta ste/ byang chub sems dpa'i gzhan la zhe sdang bskyed pa tsam du kha na ma tho ba che ba'i chos ni 'ga' tsam yang bdag gis ma mthong ste/ de ci'i phyir zhe na/ kye rgyal ba'i sras dag /gzhan la khong khro ba bskyed pa'i byang chub sems dpa' ni sgrib pa'i chos kyi sgo brgya stong phrag bcu po 'di dag yongs su 'dzin par 'gyur te/ brgya stong phrag bcu gang zhe na/ 'di lta ste/ byang chub sems dpa' mi mthong ba 'dzin par 'gyur ro/ /chos mi thos pa 'dzin par 'gyur ro/ /'jig rten gyi khams kun nas nyon mongs par skye ba 'dzin par 'gyur ro/ /ngan song du gnas par </font><hr>Nga87a<br><font size=+1>


@#/ /'dzin par 'gyur ro/ /mi khom par skye ba 'dzin par 'gyur ro/ /nad mang ba 'dzin par 'gyur ro/ /skur ba mang ba 'dzin par 'gyur ro/ /ngang tshul mi gsal ba 'dzin par 'gyur ro/ /brjed ngas pa 'dzin par 'gyur ro/ /blo chung ba 'dzin par 'gyur ro/ /mig gi sgrib pa 'dzin par 'gyur ro/ /rna ba'i sgrib pa 'dzin par 'gyur ro/ / sna'i sgrib pa 'dzin par 'gyur ro/ /lce'i sgrib pa 'dzin par 'gyur ro/ /lus kyi sgrib pa 'dzin par 'gyur ro/ /yid kyi sgrib pa 'dzin par 'gyur ro/ /sdig pa'i bshes gnyen 'dzin par 'gyur ro/ /sdig pa'i grogs po 'dzin par 'gyur ro/ /theg pa dma' ba dang 'dre ba 'dzin par 'gyur ro/ /skye bo ma rabs dang phrad pa 'dzin par 'gyur ro/ /bdag nyid che ba'i skye bo la mos pa med par 'gyur ro/ /yang dag pa'i lta ba mi mthong mi rnyed pa 'dzin par 'gyur ro/ /mu stegs can gzhan gyi nang du skye ba 'dzin par 'gyur ro/ /bdud kyi yul dang bstan pa 'dzin par 'gyur ro/ /sangs rgyas kyi bstan pa dang ring du 'gyur ba 'dzin par 'gyur ro/ /dge ba'i bshes gnyen mi mthong ba 'dzin par 'gyur ro/ /dge ba'i rtsa ba'i bar du 'gyur ba 'dzin par 'gyur ro/ /mi dge ba'i chos rnam par 'phel ba 'dzin par 'gyur ro/ /skye mched dma' ba 'thob pa 'dzin par 'gyur ro/ /mtha' 'khob kyi yul du gnas </font><hr>Nga87b<br><font size=+1>


pa 'dzin par 'gyur ro/ /mi'i nang na rkun ldo byed par skye ba 'dzin par 'gyur ro/ /lha'i nang na mi srun par skye ba 'dzin par 'gyur ro/ /klu dang / gnod sbyin dang / dri za dang / lha ma yin dang / mi'am ci dang / lto 'phye chen po dang / srin po mi srun par skye ba 'dzin par 'gyur ro/ /sangs rgyas kyi chos la dad pa med pa 'dzin par 'gyur ro/ /byis pa'i chos la brten pa 'dzin par 'gyur ro/ /theg pa dma' ba la mos pa 'dzin par 'gyur ro/ /theg pa chen po la yid mi ches pa 'dzin par 'gyur ro/ / bsal par gnas pas 'jigs pa mang ba 'dzin par 'gyur ro/ /'khor bas skyo ba 'dzin par 'gyur ro/ /de bzhin gshegs pa'i chos la spong ba 'dzin par 'gyur ro/ /sangs rgyas kyi rnam par 'phrul pa yongs su mi 'dzin pa 'dzin par 'gyur ro/ /byang chub sems dpa'i dbang po la dga' ba med pa 'dzin par 'gyur ro/ /byang chub sems dpa' dang / spyod pa la thun mong du spyad pa mi 'thob pa 'dzin par 'gyur ro/ /byang chub sems dpa'i bsam pa yongs su ma dag pa 'dzin par 'gyur ro/ /byang chub sems dpa'i lhag pa'i bsam pa zhum zhing dma' ba 'dzin par 'gyur ro/ /thams cad mkhyen pa nyid du sems bskyed pa yongs su mi 'dus par 'dzin par 'gyur ro/ /yongs su sgyid lug pas rab tu zhig pa 'dzin par 'gyur </font><hr>Nga88a<br><font size=+1>


@#/ /ro| |las kun nas nyon mongs pa 'dzin par 'gyur ro/ /rnam par smin pa ma dag pa 'dzin par 'gyur ro/ /ye shes kyi stobs bdag nyid che ba ma yin pa 'dzin par 'gyur ro/ /ye shes kyi rgyud byang bar mi nus pa 'dzin par 'gyur ro/ /byang chub sems dpa'i spyod pa rgyun chad pa 'dzin par 'gyur ro/ /thams cad mkhyen pa'i gdams ngag yongs su mi zin pa 'dzin par 'gyur ro/ /sangs rgyas kyi byang chub tu 'grub par mi 'gyur ba 'dzin par 'gyur ro/ /de bzhin gshegs pa'i yul dang ring ba 'dzin par 'gyur ro/ /brgyud kyi yul la gnas pa 'dzin par 'gyur ro/ /de bzhin gshegs pa'i yul la mi gnas pa 'dzin par 'gyur ro/ /byang chub sems dpa'i go cha la mos pa med pa 'dzin par 'gyur ro/ /byang chub sems dpa'i gnas kyis 'jigs pa 'dzin par 'gyur ro/ /byang chub sems dpa'i dge ba'i las kyis skyo ba 'dzin par 'gyur ro/ /lta ba dang the tshom la mngon par zhen pa 'dzin par 'gyur ro/ /sems yongs su rmongs pas bsgribs pa 'dzin par 'gyur ro/ /byang chub sems dpa' dang 'grogs pa'i las drungs phyung ba 'dzin par 'gyur ro/ /de bzhin gshegs pa'i tshul khrims nyams par gyur pas tshul khrims ngan pa 'dzin par 'gyur ro/ /bzod pa'i </font><hr>Nga88b<br><font size=+1>


sgo mthar ma phyin pas gnod sems dang / gti mug dang / khro ba 'dzin par 'gyur ro/ /byang chub sems dpa'i brtson 'grus chen po las mi ldog par bya ba la zhum pa 'dzin par 'gyur ro/ /ting nge 'dzin mi 'thob pa'i 'khrug pa 'dzin par 'gyur ro/ /shes rab kyi pha rol tu phyin pa dang mi mthun pa'i phyogs shes rab 'chal ba 'dzin par 'gyur ro/ /gnas dang gnas ma yin pa la mi mkhas pa 'dzin par 'gyur ro/ /sems can gyi thabs la thabs mi mkhas pa 'dzin par 'gyur ro/ /byang chub sems dpa'i ye shes la rnam par mi dpyod pa 'dzin par 'gyur ro/ /byang chub sems dpa'i chos kyis 'byung ba khong du mi chud pa 'dzin par 'gyur ro/ /byang chub sems dpa'i mig 'byams klas pa bcu mi 'grub pa'i dmus long lta bu 'dzin par 'gyur ro/ /sgrib pa med pa'i chos kyi rgyud mngon par sgrub pa la glen zhing lkugs pa 'dzin par 'gyur ro/ /dbang po gzhan dang nor ba'i dbang po 'dzin pas sna yongs su nyams pa 'dzin par 'gyur ro/ /sems can pha rol gyi tshig gi rgyud mi shes pas lce'i sgrib pa 'dzin par 'gyur ro/ /sems can gang zag pha rol la zhe sdang bas las kyi sgrib pa 'dzin par 'gyur ro/ /myos pa'i sems 'thob par 'gyur bas sems kyi sgrib pa 'dzin par 'gyur ro/ /sdom pa gsum dang mi ldan pas las kyi sgrib pa 'dzin par 'gyur ro/ /dag gi nyes pa bzhis kun nas nyon mongs pas skye mched kyi sgrib pa 'dzin par 'gyur </font><hr>Nga89a<br><font size=+1>


@#/ /ro| |chags sems dang / gnod sems dang / log par lta ba mang pas yid kyi las kyi sgrib pa 'dzin par 'gyur ro/ /chos yongs su btsal ba la rku sems 'dzin par 'gyur ro/ /byang chub sems dpa'i dmigs pa la thogs pa 'dzin par 'gyur ro/ /byang chub sems dpa'i mthu la shin tu zhum pa 'dzin par 'gyur ro/ /byang chub sems dpa'i skyon med pa la sgyid lug pa 'dzin par 'gyur ro/ /byang chub sems dpa'i ye shes kyi sgo snang ba rgyun 'chad pa 'dzin par 'gyur ro/ /dran pa'i stobs dang shugs nyam chung ba 'dzin par 'gyur ro| |de bzhin gshegs pa'i bstan ba yongs su mi 'dzin pa 'dzin par 'gyur ro/ /byang chub sems dpa'i skyon med pa'i gnas rnam par spong ba 'dzin par 'gyur ro/ /byang chub sems dpa'i chud mi za ba'i gnas la mi sten pa 'dzin par 'gyur ro/ /nyan thos dang rang sangs rgyas kyi skyon med pa yid kyis mchod pa 'dzin par 'gyur ro/ /'das pa dang / ma 'ongs pa dang / da ltar byung ba'i byang chub sems dpa'i tshul dang / de bzhin gshegs pa'i rigs dang ring ba 'dzin par 'gyur ro/ /kye rgyal ba'i sras dag /de ltar byang chub sems dpa' gcig la gcig ngan sems bskyed pa ni/ de dag la sogs pa sgrib pa'i chos kyi sgo brgya stong phrag bcu rnams 'dzin par 'gyur ro/ /de ci'i phyir zhe na/ kye rgyal ba'i sras dag /byang chub sems dpa'i theg pa la zhugs </font><hr>Nga89b<br><font size=+1>


pa rnams ni/ phan tshun du ngan sems kyi sems bskyed pa lta bur kha na ma tho ba che ba'i chos 'ga' tsam yang ma mthong ngo / /de bas na/ rgyal ba'i sras dag /byang chub sems dpa'i spyod pa myur du rdzogs par bya bar 'dod pa'i byang chub sems dpas chos bcu la brtson par bya'o/ /bcu gang zhe na/ sems can thams cad yongs su mi gtong ba dang / byang chub sems dpa' thams cad la ston pa'i sems su bya ba dang / sangs rgyas kyi chos thams cad mi spang ba dang / zhing thams cad la mi zad pa'i ye shes kyis 'jug pa dang / byang chub sems dpa'i spyod pa thams cad la mos pa dang / dad pa chen po dang / nam mkha'i dbyings kyis klas pa'i chos kyi dbyings mnyam pa nyid rnam par bsgoms pa'i byang chub kyi sems mi gtang ba dang / de bzhin gshegs pa'i stobs la 'jug pas sangs rgyas kyi byang chub la rnam par dpyad pa dang / tha dad pa yang dag par shes pa la brtson par bya ba dang / sems can thams cad yongs su smin par bya bas yongs su mi skyo ba dang / 'jig rten gyi khams thams cad du gnas pa la mngon par chags pa med pa ste/ kye rgyal ba'i sras dag /byang chub sems dpas chos bcu po de dag la mngon par brtson par bya'o/ /de chos bcu po de dag la gnas pas rnam par dag par byed ba'i chos bcu rab tu 'thob ste/ bcu gang zhe na/ 'di lta ste/ chos zab mo la 'jug pa rnam par dag pa dang / dge ba'i bshes gnyen dang 'grogs pa rnam par dag pa dang / sangs rgyas kyi bstan pa </font><hr>Nga90a<br><font size=+1>


@#/ /yongs su bzung ba rnam par dag pa dang / nam mkha'i dbyings rnam par sgom pa rnam par dag pa dang / chos kyi dbyings la 'jug pa rnam par dag pa dang / mtha' dang dbus med pa'i sems rnam par dpyad pa rnam par dag pa dang / byang chub sems dpa' thams cad kyis grogs bya ba'i dge ba'i rtsa ba rnam par dag pa dang / bskal pa thams cad la mngon par chags pa med pa rnam par dag pa dang / dus gsum thams cad rab tu brtags pa rnam par dag pa dang / sangs rgyas thams cad kyi rigs su nan tan du bya ba rnam par dag pa ste/ rnam par dag par byed pa'i chos bcu po de dag rab tu 'dzin to/ /de de lta bu'i chos bcu po de dag la gnas pas/ ye shes 'byams klas pa bcu la 'jug par 'gyur te/ bcu gang zhe na/ 'di lta ste/ sems can thams cad kyi sems dang spyod pa la 'jug pa dang / 'gro ba thams cad kyi las kyi rnam par smin pa rab tu phye ba la 'jug pa dang / sangs rgyas kyi chos thams cad la ye shes snang bas 'jug pa dang / sangs rgyas kyi chos kyi tshul dang ldem po dag la ye shes kyis 'jug pa dang / gzungs kyi sgo thams cad la ye shes kyis 'jug pa dang / yi ge thams cad la spobs pa'i ye shes kyis 'jug pa dang / sems can thams cad kyi skad dang / tha snyad dang / tshig la mkhas pa'i ye shes la 'jug pa dang / 'jig rten gyi khams thams cad du lus bstan pa'i ye shes la 'jug pa dang / 'khor gyi dkyil </font><hr>Nga90b<br><font size=+1>


'khor thams cad du gzugs brnyan 'byung ba bstan pa'i ye shes la 'jug pa dang / skye mched thams cad du thams cad mkhyen pa'i ye shes la 'jug pa ste/ ye shes 'byams klas pa bcu po de dag rab tu 'dzin to/ /de de ltar ye shes 'byams klas pa bcu la rab tu gnas pas yang dag par gzud pa la 'jug pa bcu 'thob ste/ bcu gang zhe na/ 'di ltar 'jig rten gyi khams thams cad skra'i sbubs su gzud pa la 'jug cing / skra'i sbubs gcig 'jig rten gyi khams bsam gyis mi khyab par mngon par sgrub pa la 'jug pa dang / sems can thams cad kyi lus sems can gcig gi lus su bsdu zhing / sems can gcig gi lus brjod du med pa'i lus su mngon par bsgrub pa la 'jug pa dang / bskal pa brjod du med pa sems kyi skad cig tu gzud pa la 'jug cing / sems kyi skad cig brjod du med pa'i bskal par 'jug pa bstan pa dang / chos gcig sangs rgyas kyi chos thams cad du yang dag par gzhol ba la 'jug cing / sangs rgyas kyi chos thams cad chos gcig tu gzud pa la 'jug pa dang / skye mched gcig brjod du med pa'i skye mched du bya ste/ brjod du med pa'i skye mched du bya ba la 'jug cing / skye mched brjod du med pa skye mched gcig tu bstan pa la 'jug pa dang / dbang po gcig brjod du med pa'i dbang por bya ba la 'jug cing / dbang po brjod du med pa dbang po gcig tu gzud pa la 'jug pa dang / dbang po thams cad dbang po med pa dang / tha mi dad par 'jug cing / </font><hr>Nga91a<br><font size=+1>


@#/ /dbang po med pa dbang por bya ba la 'jug pa dang / 'du shes thams cad 'du shes gcig tu byin gyis brlab pa la 'jug cing / 'du shes gcig 'du shes thams cad du byin gyis brlab pa la 'jug pa dang / tshig gcig rnam par brjod pa tshig brjod du med pa rnam par brjod pa bya ba la 'jug cing / tshig rnam par brjod pa thams cad sgra gcig gi dbyangs su byin gyis brlab pa la 'jug pa dang / dus gsum thams cad bsam gtan gcig tu bsdu ste/ bsam gtan gcig po dus thams cad du kun tu spro bar bstan pa la 'jug pa ste/ kye rgyal ba'i sras dag /yang dag par gzud pa bcu po de dag sems kyi bsam pa bcu la gnas te/ rnam par dpyad par bya'o/ /bcu gang zhe na/ 'jig rten gyi khams thams cad kyi spyod pa la mi spyod pa'i sems kyi bsam pa la gnas pa dang / 'gro ba thams cad kyi 'du shes dang / yid la byed pa la mi gnas pa'i sems kyi bsam pa la gnas pa dang / lhag pa'i bsam pa nam mkha'i dbyings kyis klas pa'i sems kyi bsam pa la gnas pa dang / chos kyi dbyings mtha' dang dbus med pa'i sems kyi bsam pa la gnas pa dang / sangs rgyas thams cad kyi dgongs pa la mkhas pa'i sems kyi bsam pa la gnas pa dang / chos zab mo tha mi dad pa la mkhas pa'i sems kyi bsam pa la gnas pa dang / dogs pa thams cad la lan med par bya ba'i sems </font><hr>Nga91b<br><font size=+1>


kyi bsam pa la gnas pa dang / dus thams cad tha mi dad cing mnyam pa'i sems kyi bsam pa la gnas pa dang / 'das pa dang / ma byon pa dang / da ltar byung ba'i sangs rgyas thams cad mnyam pa nyid kyi sems kyi bsam pa la gnas pa dang / sangs rgyas thams cad kyi stobs tshad med pa'i sems kyi bsam pa la gnas pa ste/ kye rgyal ba'i sras dag /sems kyi bsam pa bcu po de dag la gnas te| byang chub sems dpas yang dag par gzud pa bcu po de dag rnam par dpyad par bya'o/ /de sems kyi bsam pa bcu po de dag la gnas pas/ sangs rgyas kyi chos la mkhas pa'i snang ba bcu 'thob bo/ /bcu gang zhe na/ 'di lta ste/ sangs rgyas kyi chos zab mo snang ba la mkhas pa rab tu 'thob bo/ /sangs rgyas kyi chos yangs pa mngon par sgrub pa la mkhas pa rab tu 'thob bo/ /sangs rgyas kyi chos sna tshogs shin tu bstan pa la mkhas pa rab tu 'thob bo/ /sangs rgyas kyi chos mnyam pa nyid la 'jug pa la mkhas pa rab tu 'thob bo/ /sangs rgyas kyi chos tha dad pa'i snang ba la 'jug par mkhas pa rab tu 'thob bo/ /sangs rgyas kyi chos tha mi dad pa la 'jug par mkhas pa rab tu 'thob po/ /sangs rgyas kyi chos kyi rgyan la 'jug par mkhas pa rab tu 'thob bo/ / sangs rgyas kyi tshul gcig pa'i mos pa la 'jug par mkhas pa rab tu 'thob bo/ /sangs rgyas kyi chos mtha' yas pa'i tshul la 'jug par mkhas pa rab tu 'thob bo/ /sangs rgyas kyi chos thams </font><hr>Nga92a<br><font size=+1>


@#/ /cad rang gi sems la rag lus pas rang gi stobs dang mthu phyir mi ldog pa la mkhas pa rab tu 'thob ste/ kye rgyal ba'i sras dag /sangs rgyas kyi chos la mkhas pa'i snang ba bcu po de dag rab tu 'thob bo/ /kye rgyal ba'i sras dag /de bas na byang chub sems dpa' sems dpa' chen pos chos de dag thos nas/ rim gro dang / zhe sa chen po'i bsam pas gzung bar bya'o/ /de ci'i phyir zhe na/ byang chub sems dpa' chos 'di la gnas pa la ni/ bla na med pa yang dag par rdzogs pa'i byang chub kyang dkon pa ma yin te/ las gron chung ngus sangs rgyas kyi chos thams cad yang dag par 'grub pa'i byin gyi rlabs rab tu 'thob bo/ /'das pa dang / ma byon pa dang / da ltar byung ba'i sangs rgyas bcom ldan 'das dang mnyam pa nyid du yang 'jug par 'gyur ro/ /de nas de'i tshe sangs rgyas kyi mthus/ 'jig rten gyi khams sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed rnam pa drug tu rab tu g.yos so/ /sangs rgyas kyi mthu dang chos nyid rab tu thob pas lha rdzas las 'das pa'i me tog gi sprin gyi char mngon par bab bo/ /lha rdzas las 'das pa'i spos kyi sprin gyi char mngon par bab bo/ /gzhung de bzhin du phye ma dang / na bza' dang / rgyal mtshan dang / ba dan </font><hr>Nga92b<br><font size=+1>


dang| gdugs dang / nor bu rin po che dang / sprul gyi snying po'i tsan dan dang / rgyan dang lhab lhub thams cad kyi sprin gyi char mngon par bab bo/ /lha rdzas las 'das pa'i rol mo dkrol ba'i sprin dang / lha rdzas las 'das pa'i rol mo brdung ba'i sprin gyi char mngon par bab bo/ /lha rdzas las 'das pa'i byang chub sems dpa'i mchod pa'i sprin gyi char mngon par bab bo/ /lha rdzas las 'das pa'i de bzhin gshegs pa'i yon tan gyi rnam par brjod du med pa'i sprin gyi char mngon par bab bo/ /lha rdzas las 'das pa'i de bzhin gshegs pas legs so zhes gsungs pa'i rnam par brjod du med pa'i sprin gyi char mngon par bab bo/ /lha rdzas la 'das shing chos kyi dbyings su rgyas par khyab pa'i de bzhin gshegs pa'i gsung gi dbyangs mngon par brjod pa'i sprin gyi char mngon par bab bo/ /'jig rten gyi khams yongs su dag pa rnam par brjod du med pa'i sprin gyi char mngon par bab bo/ /byang chub nye bar brtan pa'i rnam par brjod du med pa'i sprin gyi char mngon par bab bo/ /'od zer snang ba'i rnam pa brjod du med pa'i sprin gyi char mngon par bab bo/ /shin tu bstan pa'i byin gyi rlabs kyi char rnam pa brjod du med pa'i sprin gyi char mngon par bab ste/ ji ltar 'jig rten gyi khams 'di'i gling bzhi par/ de bzhin gshegs pa byang chub kyi shing drung du de bzhin gshegs pa mngon par 'tshang rgya </font><hr>Nga93a<br><font size=+1>


@#/ /ba'i snying po byang chub la byang chub sems dpa'i pho brang na bzhugs par snang ba de bzhin du/ phyogs bcu'i 'jig rten gyi khams ma lus pa rgyas par gang bar bzhugs te/ chos bstan pa 'di'ang thams cad du byung ngo / /sangs rgyas kyi mthu dang / phyogs bcur de bzhin gshegs pa mngon par sangs rgyas pa'i chos nyid rab tu thob pas/ sangs rgyas kyi zhing brjod du med pa phrag bcu'i rdul shin tu phra ba snyed kyi sangs rgyas kyi zhing 'das pa'i pha rol nas/ byang chub sems dpa' sangs rgyas kyi zhing bcu'i rdul shin tu phra ba snyed kyang 'ongs par gyur te/ phyogs bcu bkang nas de dag 'di skad zer ro/ kye rgyal ba'i sras/ de ltar de bzhin gshegs pa'i smon lam lung bstan pa'i chos nyid brjod pa legs so/ /legs so| |kye rgyal ba'i sras/ bdag cag kyang thams cad kun tu bzang po zhes bya bar ming mthun par sha stag ste/ 'jig rten gyi khams kun tu dpal zhes bya ba dag nas de bzhin gshegs pa'i mtshan kun tu dpal gyi dbang phyug ces bya ba sha stag gi drung nas 'dir phyin te/ thams cad na yang chos bstan pa 'di nyid sangs rgyas kyi byin gyis 'khor gyi rnam pa 'di lta bu dag tu tshig 'di dag dang / yi ge 'di dag dang / go bar bya ba 'di dag dang / brjod pa 'di dag gis lhag chad med par byung bar gyur te/ kye rgyal ba'i sras/ bdag cag kyang dbang du gyur pa sha </font><hr>Nga93b<br><font size=+1>


stag| sangs rgyas kyi byin gyi rlabs kyis 'khor 'dir phyin to/ /ji ltar bdag cag 'khor 'dir phyin pa de bzhin du 'jig rten gyi khams ma lus pa thams cad kyi gling bzhi pa kun gyi de bzhin gshegs pa mngon par 'tshang rgya ba'i gzhir byang chub sems dpa' sangs rgyas kyi zhing bcu'i rdul shin tu phra ba snyed kyis phyogs bcu bkang ste phyin par gyur to/ /de nas byang chub sems dpa' kun tu bzang pos phyogs bcur blta ste/ chos kyi dbyings la rnam par bltas nas byang chub sems dpa'i spyod pa rab tu brjod pa dang / de bzhin gshegs pa mngon par 'tshang rgya ba'i dbyings yongs su brtod pa dang / smon lam chen po'i dbyings kun tu grags par bya ba dang / 'jig rten gyi khams dang / bskal pa thams cad kyi grangs yongs su brjod pa dang / dus ji lta ba bzhin du sangs rgyas 'byung ba bstan pa dang / sems can gyi khams dang dbang po ji ltar yongs su smin pa'i tshul bzhin du sangs rgyas byung ba mnyes par bya ba brjod pa dang / byin gyis brlabs pa'i tshul bzhin du sangs rgyas 'byung ba dang / de bzhin gshegs pa'i spyod pa don yod pa yongs su brjod par bya ba dang / dge ba'i rtsa ba ji ltar bskyed pa bzhin du gsal bar bya ba yang dag par bstan pa dang / byang chub sems dpa' mang po'i mthu chen po bstan pa dang / sems can thams cad la rdzogs pa'i byang chub kyi sgras skul bar byed cing / dge ba'i rtsa ba'i stobs dang / shugs dang / sangs </font><hr>Nga94a<br><font size=+1>


@#/ /rgyas kyi byin gyi rlabs kyis de'i tshe tshigs su bcad pa 'di dag smras so/ /thams cad shin tu dad sems kyis/ /sgrib pa ma lus thams cad rnam par bsal gyis la/ / yon tan 'byung gnas 'jig rten gtso bo yi/ /smon lam dam pa bshad kyi mnyan par gyis/ /mkhas mchog skyes bu seng ge dag /spyad pa ci 'dra sngon spyad spyod par 'gyur ba'i rnams/ /byang chub sems dpa' gtso rnams kyi/ /spyod pa thams cad rim gyis brjod par bya/ /'di la dpe med mchog rnams kyi/ /bskal pa'i grangs dang 'jig rten grangs dang chos bstan dang / /rgyal ba rnams kyi 'byung ba dag /yongs su brjod kyi dang ba'i yid kyis nyon/ /de dag sngon chad smon lam gyis/ /sems can ji ltar sdug bsngal rnams las dgrol bya zhes/ /sems can rnams la phan pa'i phyir/ / 'jig rten sgron ma skye ba rnams kyang mthong / /spyod pa ji ltar shes gyur te/ /gsung gi mchog rnams kun la mchod pa byas pas na/ /sangs rgyas mnyam pa nyid rnyed de/ /thams cad mkhyen nyid rab la mngon sangs rgyas/ /sngon gyi mi yi seng ge rnams/ /sangs rgyas phyogs bcur 'od snang rab tu 'bar mdzad cing / /'od zer dra ba rab 'gyed pas/ /phyogs bcu'i 'jig rten snang mdzad mthong gyur nas/ /bdag cag rgyal ba'i yon tan gyis/ /brgyan pa'i 'jig rten sgron ma'i dam par 'gyur bas te/ /stobs bcu mnga' ba kun mkhyen par/ /mi yi seng ger bya zhes smon lam 'debs/ / </font><hr>Nga94b<br><font size=+1>


'debs/ /nged kyis sems can thams cad kyi/ /'dod chags zhe sdang gti mug rab tu 'bar gyur pa'i/ /sdug bsngal rnams las rab bkrol te/ /ngan song thams cad yongs su gcad bya zhes/ / 'di 'dra'i smon lam rdzogs byas te/ /de nas dpa' ba chen po spyod pa rab la spyod/ /blo brtan phyir ldog mi 'gyur ba/ /stobs bcu rnams kyi chags med rab tu 'thob/ /skyes bu seng ge gang rnams kyis| |'di 'dra'i smon lam sngar btab phyir ldog mi 'gyur bar/ /'jig rten rnams na spyod mdzad pa/ /de dag don yod spyod pa brjod par bya/ /bskal pa bzang po gcig la yang / /sangs rgyas stong grangs tshang bar kun kyang 'byung 'gyur te/ /kun tu gzigs pa gang brjod pa/ /de dag rim gyis bshad pa 'di 'dra'o/ /bskal pa bzang po gcig bzhin du/ /brjod du med pa'i bskal pa khrag khrig de bzhin te/ /sangs rgyas ma byon de dag gi /bzang po'i spyod pa bdag gis bstan par bya/ /zhing rgyud gcig po ji bzhin du/ /brjod du med pa'i zhing rnams thams cad kun bzung ste/ /ma byon stobs bcu'i skyon med pa'i/ /spyod pa thams cad de bzhin bshad par bya/ /rgyal ba gang 'og gang 'byung dang / /ci mtshan de yi smon lam rnam pa ci 'dra dang / /rgyal ba gang gis gang gi lung / /bstan mdzad mkhas pa'i sku tshe ji tsam dang / /chos kyi rnam pa dge ba ni/ /gang gis bsgrubs te dam pa brnyes par gyur pa dang / /'jig rten ji ltar btul ba dang / /rgyal ba rnams kyi dam chos cir gnas </font><hr>Nga95a<br><font size=+1>


@#/ /dang| |rnam dag zhing yang ci 'dra dang / /sems can rnam par dag dang chos kyi 'khor lo dang / /bstan pa'i dus dang dus min dang / /de las gang zag rnam par dag 'gyur dang / /sems can rnams kyi las gang dang / /spyod pa gang dang rnam grol ci 'drar 'gyur ba dang / /dbang po rno rtul bar ma dang / /spyod mchog sems can 'dul ba'ang bstan par bya/ /'di 'dra'i shes par 'jug pa la/ /spyod pa'i dam pa rnams kyis rab tu zhugs gyur cing / /bzang po'i 'byung gnas spyod pa dang / /'gro kun ye shes 'khor lo spyod zhugs pa/ /lus kyi las la chags med cing / /ngag la chags med sgra dbyangs thams cad rnam dag la/ /sems spyod chags pa med pa yis/ /dus gsum ma lus rgyas par khyab par byed/ /'dri 'dra kun tu bzang po yi/ /spyod pa'i mchog la pha rol phyin pa thob gyur pa/ /brjod du med pa'i dkyil 'khor rnams/ /chos dbyings kun tu rab tu rjod par byed/ /ma 'ongs dus kyi bskal pa dang / /'byams klas zhing rnams brjod du med pa thams cad kyang / /skad cig sems kyis rab tu shes/ / chos nyid de la rnam par rtog pa med/ /gang rnams spyod pa'i sa 'di la/ /spyod pa'i dam pas rjes su zhugs par gyur pa rnams/ /byang chub sems dpa' mchog rnams </font><hr>Nga95b<br><font size=+1>


kyi| |yon tan spyod pa phyogs tsam bshad par bya/ /mtha' dang dbus med ye shes can/ /stobs bcu rnams kyi spyod yul mchog la zhugs gyur pa/ /thams cad shes byed mkhas pa'i rnams/ /mi ldog spyod pas rab tu zhugs gyur cing / /'od byed blo gros dam pa dang / /kun tu bzang po'i smon lam mchog la zhugs gyur pa| |dpe zla med pa de dag gi /ye shes tshul dang spyod pa brjod par bya/ /rdul phran gcig gi cha shas la/ /'jig rten khams rnams ji snyed de dag shes pa dang / /spyod pa rgya che thos gyur na/ /'jig rten de dag thams cad mos par 'gyur/ /rdul phran gcig la ji lta ba/ /de bzhin rdul phran thams cad ma lus gzung bya ste/ /ye shes bzang po de dag ni/ /'jig rten khams la 'jug pa bsam mi khyab/ /de dag dus kyi rnam pa la'ang / /rdul phran gcig gi khyon gyi cha la yang dag 'jug /rdul phran gcig la de bzhin du/ /zhing yangs rnam pa tha dad kun la 'jug /rdul phran thams cad re re la/ /zhing rnams brjod du med pa mang po 'dzud pa byed/ / rnam pa tha dad du ma dang / /gcig dang tshad med de bzhin rab tu shes/ /ji snyed ci yang ma lus pa'i/ /chos dbyings gzung ba thams cad yang dag gzung byed cing / / </font><hr>Nga96a<br><font size=+1>


@#/ /mtshan nyid tha dad sna tshogs te/ /sems can grangs kyi bskal pa rgyud mi mnyam/ /'jig rten phra bar 'jug pa la/ /phra la shin tu gzhol bas phra bar 'jug bya ste| |brjod du med pa rab bstan pa'i/ /bskal pa thams cad ma lus 'dzud pa byed/ /de dag ring dang thung ba dang / /dus kyi skad cig sems la bskal pa mi mthun shes/ /shes spyod mi mnyam ma yin pa'i/ /shes pas de dag thams cad khong du chud/ /yangs dang yangs min mkhas pas na/ /'jig rten zab mo rnams la rab tu 'jug par byed/ /lus la zhing rnams de shes te/ /zhing la'ang de bzhin gcig min lus 'dzud do/ /phyogs rnams bcu po thams cad du/ /phyogs rnams kun la 'jug cing skad cig du ma dang / /'jig rten khams rnams 'byams klas la/ /tshad med gzi brjid ldan pa rab tu 'jug /gang yang zhing rnams mtha' yas shing / /dbus med gzung ba byas shing dus kyi dbyings su 'dzud/ / zhing gi rgyud la mkhas pa'i rnams/ /shes dang ldan pas ye shes rab tu 'byung / /bzang po'i yon tan ldan pa'i rnams/ /phyogs dang 'jig rten khams kyi rgyud du gyur pa dag / ji snyed yod pa der 'jug ste/ /brjod du med pa de dag rab tu shes/ /zhing dang zhing gis rnams kyi/ /brjod du med pa'i zhing rnams kun kyang rab tu 'thob/ /de dag tshul yang rab tu </font><hr>Nga96b<br><font size=+1>


shes| |las rnams gang gis sbyangs pa'ang khong du chud/ /gang yang zhing rnams du ma dag /las rnams khrag khrig kun gyis kun nas nyon mongs par/ /'gro ba kun du bsgrub byas pa/ /de dag thams cad rgyud kyang ci 'dra shes/ /brjod du med pa yangs pa'i rnams/ /zhing gcig bstan pas de dag yongs su shes par gyur/ /de 'dra'i zhing la 'jug pa dang| |gang la grangs med de dag kun la 'jug /'jig rten khams ni gcig la yang / /'jig rten khams rnams thams cad yang dag 'dzud pa byed/ /'jig rten gcig tu bsgongs mi 'gyur/ /'jig rten khams rnams de bzhin 'dres mi 'gyur/ /spyi'u tshugs rnams dang gong ma'i rnams/ /bla dang 'og gis rnams yongs su gzung bya ste/ /'gro ba'i rnam par ming thogs pa/ /'jig rten kun la 'jug cing rab tu shes/ /snrel zhing rgyu ba'i rgyud rnams dang / /zhing rnams mtha' yas mtha' dang dbus yod ma yin pa/ /sna tshogs yangs pa rab tu shes// rnam pa gcig shes rnam pa tha dad shes/ /zhing gi grangs rnams rab tu shes/ /ye shes chags med mtha' ldan kun gyi grangs rnams kyang / /bzang po'i theg pa spyod pa yis/ /rgyal sras kun du bzang rnams rab tu shes/ /'jig rten thams cad sprul pa dang / /sems can rnam par sprul dang de bzhin zhing sprul dang / /chos rnams sprul pa'i tshul shes pa/ /sangs </font><hr>Nga97a<br><font size=+1>


@#/ /rgyas sprul pa'i pha rol phyin pa rnams/ /'jig rten phra zhing zab pa dang / /yangs shing sna tshogs yangs pas cho ma cho dgu'i rnams/ /sna tshogs tha dad rnam bsags pa/ /las kyi rnam smin gnas pa'i 'jig rten rnams/ /rdzu 'phrul rnam par 'phrul pa yis/ /chos dbyings 'jug par bya la shin tu bslabs pa yi/ /rgyal sras mtha' dang dbus med pa/ /phyogs bcu thams cad ma lus 'gengs par byed/ /'jig rten khams rnams de dag gi /ming ni bskal pa sems can snyed kyis mthar thug cing / /zad par brjod par mi nus te/ /ming bshad gal te sangs rgyas gsung na gsung / /'jig rten mgon po rnams kyi yang / /mtshan rnams mtshan nyid mi mthun rnam pa sna tshogs mtshan/ / bskal pa brjod med zad byas kyang / /mtshan rnams gcig nas gcig brgyud mthar thug med/ /'on kyang dma' ba'i sems med par/ /mkhas pa rnams ni dus gsum bde gshegs sangs rgyas phyir/ /chos kyi dbyings la byung ba ste/ /sangs rgyas ye shes sa la'ang rab tu zhugs/ /dran pas chags med dag pa ste/ /chags med yid dang ldan zhing blo gros mtha' yas pas/ /ye shes blo gros mchog ldan pa/ /chos dbyings bshad la pha rol phyin pa thob/ /gang gis 'jig rten khams kyi rnams/ /yangs dang phra ba rnam pa sna tshogs shes gyur </font><hr>Nga97b<br><font size=+1>


cing| |der ni 'das pa'i dus rnams la/ /sems gcig bskyed pas rab tu 'jug pa byed/ /mi yi seng ge de dag tu/ /sangs rgyas spyod pa sna tshogs rnam pas chags med par/ /byang chub mchog tu sangs rgyas shing / /rnam par 'phrul pa thams cad ston pa mdzad/ /de bzhin ma 'ongs dus rnams kyi/ /rjes su gang byon de yi bskal pa ci 'dra dang / /de la mi yi seng ge gang| |skye bar 'gyur ba de dag kun kyang shes/ /smon lam spyod pa ci 'dra dang / /spyod yul gang rnams bsgom pa gang gis grub gyur cing / /bsgrub pa'i rnam pa ci 'dra bas/ /bskal pa gang la byang chub 'tshang rgya dang / /de dag 'khor kyang khong du chud/ /sku tshe'i tshad dang sems can 'dul ba ci 'dra dang / /chos kyi sgo mo gang zhig gis/ /'gro bar chos kyi 'khor lo bskor ba shes// de ltar kun tu bzang po yi/ /ye shes mchog gis bsgrubs pa'i spyod pa'i sa gnas shing / /de dag thams cad rab tu shes/ /de ni 'gro gtso kun gyi 'byung gnas yin/ /de ltar byung ba gzung byas shing / /'jig rten khams rnams thams cad 'dab chags ma lus par/ /'jig rten khams la rab tu 'jug /de bzhin chos kyi dbyings rnams rab tu shes/ /des ni mi yi gtso bo rnams/ /dgra las rgyal zhing thams cad gzigs pa ji snyed pa/ /mi thub rgol ba dpa' bo'i rnams/ /chos kyi mnga' la pha rol phyin brnyes pa/ /de dag 'khor kyang </font><hr>Nga98a<br><font size=+1>


@#/ /rab tu shes/ /sems can 'dul dang zhing rnams rnam par dag pa dang / /rgyal ba'i rnam par 'phrul pa'i rnams/ /sems pas bskal pa yangs pa zad par byed/ /skyes bu'i mchog rnams 'dul mdzad cing / /'jig rten mchog tu phyin pa'i byin rlabs dam pa la/ /mi zad mdzod kyi shes yangs pas/ /ye shes tshul la mkhas pa rab tu 'jug /chags med mig gis blta ba dang / /chags med rna ba mngon par bsgrub pa sgrub byed cing / /chags pa med pa'i lus yangs dang / /yangs pa'i lces kyang 'jig rten tshim par byed/ /dam pa'i sems la chags med de/ /bsam pa kun tu rnam yangs rnam par dag dang ldan/ /ye shes 'byung gnas bdag nyid che/ /dus gsum sems rnams ma lus des khyab bo/ /sprul pa'i pha rol phyin thob cing / /zhing rnams sprul pa'i bslab par bya ba bslab pa'i rnams/ /sems can sprul la mkhas pa dag / sprul pa sprul pas 'jig rten 'dul ba byed/ /'du shes rnam pa du ma ste/ /des ni 'jig rten sna tshogs ma lus rnam par bris/ /de dag thams cad rab tu shes/ /sangs rgyas ye shes tshul la rab tu 'jug /'khor rnams brjod du med pa dag /sangs rgyas sku rnams re re dag la yod pa'i rnams/ /kun la 'jug cing mthong bar byed/ /sems can </font><hr>Nga98b<br><font size=+1>


rnam par 'dul ba'i mtha' yang med/ /ye shes zab mo mthong bas na/ /ye shes nyi ma shin tu gsal ba shar gyur pa'i/ /phyir mi ldog pa'i spyod pa la/ /'jig rten 'byams klas kun tu 'jug par byed/ /ji lta'i tshul du zhugs gyur cing / /'jig rten 'di dag thams cad rnam par bkod 'dra bar/ /sems can tshul bzhin rab tu 'phags/ /khams gsum thams cad mig yor tshul 'drar shes/ /'on kyang rtog dang rnam rtog med/ /'jig rten mtha' dang dbus med kun la rtog mi byed/ /rtog dang rtog med mkhas pa ste/ /rtog pa'i shes pas rnam par rtog pa med/ /bskal pa brjod du med pa rnams/ /sems bskyed gcig la yang dag 'du bar 'dzud byed cing / /'jig rten mi khom 'di mthong nas/ /skad cig sems kyis thams cad shes par byed/ /brjod du med pa'i zhing rnams kyang / /sems bskyed gcig gis thams cad yongs su 'da' bar byed/ /bskal pa brjod med zad byed kyang| |skra rtse'i cha shas gcig las g.yo ba med/ /bskal pa brjod du med pa dag /nyi ma gcig dang yud tsam gcig tu 'dzud byed kyang / /ring dang thung la gzhol ba med/ /skad cig gcig la 'jug pa'i pha rol phyin/ /sems kyi rnam pa 'jig rten kun/ /'jig rten rnam pa sems can kun gyi sems yin te/ /rnam pa gnyis kyi grangs su zhugs/ /'on kyang </font><hr>Nga99a<br><font size=+1>


@#/ /de dag mi gnyis rtog pa med/ /sgyu ma'i rnam pa 'jig rten te/ /sems can zhing dang sangs rgyas chos kyang de bzhin no/ /'on kyang 'jig rten mgon po'i rnams/ /chos kyi dbyings rnams kun la gcig tu snyoms/ /lus rnams brjod du med pa yis/ /phyogs bcu thams cad rgyas par bkang zhing yongs su ston/ / 'on kyang lus la gzhol ba med/ /chos nyid rten pa gnas med rab tu shes/ /'on kyang mi yi seng ge rnams/ /gnyis la gnas pa'i shes pas byung ba ma yin te/ /mi gnyis pa la'ang gnas pa med/ /gnyis dang gnyis med chos rnams rab tu shes/ /ji ltar smig rgyu rab rib dang / /mig yor sgra brnyan de bzhin rmi lam 'dra ba dang / /rmi lam rnam pa sprul pa ltar/ /'gro ba thams cad ma lus rab tu shes/ /de ltar spyod yul nyams med pas/ /sangs rgyas kun gyi rigs kyi rjes su 'byung ba yin/ /kun tu bzang po'i ye shes dang / /chos kyi dbyings la shin tu bdal ba yin/ /snying rje chen po mtha' yas kyang / /sems can med dang mnyam par zhing rnams thams cad sgom/ /sngon nas nyon mongs nyams med pa'i/ /bsam pa dag pas 'jig rten kun tu 'gro/ /mi zad mkha' ltar rnam dag pa'i/ /rgya che shin tu yangs pa'i sa la rab tu zhugs/ /gsung ba'i seng ge </font><hr>Nga99b<br><font size=+1>


thams cad kyi/ /tshul gyi dkyil 'khor thams cad rjes su dran/ /'jig rten rab tu spros pa la/ /smon lam tshad med yongs su gdab pa byas pas na/ /de dag spyod pa yongs su dag /'jig rten khams rnams thams cad rgyas par khyab/ /sangs rgyas rnams dang rgyal sras dang / /de bzhin sangs rgyas rnams kyi chos rnams thams cad dang / /'jig rten rnams dang 'jig rten chos/ /chags med tha dad med pa'i tshul du shes/ /chos kyi sku yi snying po can/ /de yi lus la 'jig rten thams cad gzud byas shing / /'jig rten de yi lus yin yang / /'jig rten kun gyis de la gos pa med/ /ji ltar dang ba'i chu gsal la/ /gzugs brnyan yongs su snang yang der song 'phos pa med/ /de bzhin 'jig rten thams cad kyi/ /rjes su lus 'gro der song 'phos pa med/ /de ltar 'jig rten thams cad kyis/ /gos pa med cing 'jig rten yongs su dag pas na/ /lus ni mkha' dang 'dra ba ste/ /de yi lus rnams gang yang skyes pa med/ /mi zad pa yi lus shes pas/ /de ni nam yang skyes shes 'gags pa med pa ste/ /rtag dang mi rtag ma yin par/ /'jig rten kun la'ang rnam par dmigs pa byed/ /lta ba'i rnam pa rab tu 'gags/ /brtan pa de dag yang dag lta ba ston pa byed/ /bdag gi med cing gnas pa med/ /len pa med cing chos kyi dbyings dang </font><hr>Nga100a<br><font size=+1>


@#/ /mnyam/ /ji ltar sgyu mkhan mkhas pa zhig /sna tshogs mtshan nyid rnam pa tha dad gzugs 'phrul byed/ /'on kyang de la 'gro ba med/ /gang du 'gro ba de bzhin mi dmigs so/ /sgyu ma tshad med ma yin te/ /sgyu ma tshad kyis dmigs par bya ba'ang ma yin no/ /tshad med tshad dang ldan pa yang / /tshogs kyi dbus su ston pa rab tu byed/ /de bzhin rtogs pa'i blo ldan pa/ /sangs rgyas kun gyi dge ba'i rtsa ba rnams las byung / /sems ni tshad yod ma yin te/ /tshad med pa la gnas pa'ang de dag min| |'du shes rnam pa gcig min te/ /de dag tshad med pa dang tshad dang ldan pa ston/ /lam gyi rgyud dang 'brel ba med/ /tshad med rnams gnas pa'ang de bzhin med/ / sangs rgyas chos rnams zab pa ste/ /shin tu yangs pas zab cing zhi bas de bzhin zab/ /zab mo sna tshogs rgyud rnams dang / /mtha' yas zab pa rnams kyang rab tu shes/ /ye shes bzang po rmongs pa med/ /rgyud la dri ma med pas bsam pa rnam par dag /byin gyis rlob la mkhas pas na/ /srog chags bye ba shin tu dag par byed/ /dge bar byed pa'i dkyil 'khor rnams/ /rab tu brjod cing dge dang mi dge rnam par ston/ /gnas la mngon par ma chags pas/ /chos kyi dbyings rnams kun tu rab tu rgyu/ /sems can </font><hr>Nga100b<br><font size=+1>


med mthar phyin gyur kyang / /'jig rten thams cad ma lus de dag khong du chud/ /'jig rten thams cad ma lus par/ /rnam par sangs rgyas mya ngan gar mi 'da'/ /chos rnams bgrang ba'i tshul la mkhas/ /sems can bgrang tshul shes kyang grangs la skyes pa med/ /chos kyi sprin chen char 'bebs shing / /'jig rten khams rnams thams cad snang bar byed| |sangs rgyas byang chub ma lus la/ /sems bskyed gcig gis de dag rab tu 'jug /de dag phyir ldog med pa ste/ /sems can kun gyi khams las phyir mi ldog / sangs rgyas sku ni thob gyur kyang / /chos rnams 'di dag lus yod ma yin rab tu shes/ /lus rnams kun gyi tshul la mkhas/ /lus kyi rnam phye 'jig rten rab tu shes/ /sems can kun tu rgyu ba dang / /bskal pa rnams dang zhing la pha rol phyin pa thob/ /phyogs rnams rgya mtsho gangs chen mtshor/ /ye shes rgya mtsho'i tshul la mkhas pas zhugs/ /lus rnams thams cad re re las/ /sems can kun gyi lus rnams sna tshogs ji snyed dang / /sangs rgyas sku ni mtha' yas pa/ /ye shes shin tu yangs pa de ston to/ /skad cig gcig gi dus tshul la| |mi yi gtso bo mang po 'byung ba rab tu shes/ /bskal pa mang po brjod med du/ /mi yi seng ge bgrang bas zad mi 'gyur/ /de dag mya ngan 'da' ba yang / /skad cig gcig </font><hr>Nga101a<br><font size=+1>


@#/ /la tshad med shin tu yangs pa 'byung / /ring bsrel rnam dbye mang po yang / /ye shes dri med phra bas ston pa byed/ /de bzhin ma 'ongs dus kyi yang / /mi yi seng ge mtha' yas smon lam 'debs pa'i rnams/ /byang chub dri med sems bskyed pa/ /ye shes yangs shing shin tu phra bas shes/ /bzang po spyod la gnas bcas shing / /de bzhin du gsum gshegs pa'i sems can gtso bo rnams/ /ji snyed skyes par gyur pa dag /de dag thams cad ma lus rab tu shes/ /de ltar rab tu shes pas na/ /mtha' dang dbus med spyod pa'i sa dang de bzhin du/ /ye shes 'byung gnas blo gros la/ /ye shes 'khor lo'i spyod pas phyir mi ldog /ye shes phra mo ra ba yangs pa/ /stobs bcu rnams kyi spyod yul mchog la de dag zhugs/ /bzang po rtogs pa'i blo can rnams/ /phyir mi ldog la 'jug pa brjod bya na/ /sangs rgyas rgyal ba thams cad kyi/ /yang dag gzhol bar bya la de dag zhugs pas na/ /spyod las phyir ldog med pa ste/ /byang chub dam pa zhi bar 'tshang yang rgya/ /de 'dra'i sems rgyud gcig la yang / /mtha' dang dbus med sems rnams yang dag 'dzud pa byed/ /shin tu yangs pa'i tshad med las/ /'du shes de dang de la yang dag bsgrubs/ /nyon mongs med dang nyon mongs dang / /slob </font><hr>Nga101b<br><font size=+1>


dang mi slob sems kyang de bzhin rab tu shes/ /sems rgyud de dag re re la/ /sems rnams brjod du med pa mngon 'tshang rgya/ /gcig dang gnyis su shes pa med/ /de dag yongs su 'dres par 'gyur ba'ang med pa ste/ /so so'i 'du shes rnam pa la/ /sems can de dag skyes par gyur pa yin/ /'di na 'dug par mthong gyur kyang / /sems can brjod med gzhan dang gzhan sems ldan pa'i rnams/ /gzhan gyi zhing phyir 'du shes kyang / /'jig rten sna tshogs rnams la rab tu skye/ /'di 'dra'i tshul la 'jug pa la/ /spyod pa'i mchog gis rjes su zhugs par gyur pa rnams/ /kun tu bzang po'i ming thob ste/ /'jig rten mgon po kun gyi rjes su skyes/ /sems can bye ba la la ni/ /ngan song 'grangs pa'i ming thogs mtho ris 'du shes 'gyur/ /la la mtho ris sa rnams kyi/ /rnam pa kun la ngan song 'du shes 'gyur/ /'jig rten mi mtshungs skal la ltos/ /rnam pa tha dad las kyi sa las rab tu skyes/ /'du shes rnam pa mtha' yas te/ /gcig min yangs la 'jig rten rab tu 'jug /'jig rten khams rnams thams cad kyi/ /'du shes dra ba skal ba mi mnyam rab tu shes/ /mig 'phrul sgyu ma'i tshul gyis na/ /skad cig gcig gis sems kyis rab tu gzhol/ /de bzhin dbang po rnams la ste/ /mig gi skye mched </font><hr>Nga102a<br><font size=+1>


@#/ /rna ba sna yi skye mched dang / /lce dang lus dang yid la yang / /'jig rten rnam pa tha dad 'du shes 'jug /mig rnams re re'i yul la yang / /mtha' dang dbus med mig rnams rab tu 'dzud pa byed/ /rnam pa tha dad du ma ste/ /tshad med kun la'ang zhen par 'gyur ba med/ /'on kyang phan tshun gcig gis gcig /bde zhing gnod par 'gyur ba de dag kun na med/ /bdag bdag so so'i las kyi rnams/ /ji ltar bsags pa'i tshul bzhin nyams su myong / /bzang zhes bya ba de dag kun/ /tshad med stobs dang ye shes sa yi shes rab kyi/ /'byams klas mig rnams thams cad la/ /rab tu zhugs pas shin tu rtogs pa yin/ /de bzhin 'jig rten thams cad kyang / /thams cad ma lus rnam pa thams cad 'jig tshul du/ /thams cad shin tu shes gyur kyang / /rgya chen spyod pas mya ngan mi 'da'o/ /sangs rgyas shin tu bstan pa dang / /sems can bstan dang de bzhin zhing rnams bstan pa dang / /dus rnams shin tu bstan pa dang / /bstan pa sna tshogs rnam pa kun kyang shes/ /la la 'di la 'das gyur kyang / /gzhan dang gzhan rnams ma 'ongs dus la gnas pa yin/ /'on kyang ma 'ongs dus kyi rnams/ /la las da ltar byung bar rab tu shes/ /de 'dra'i tshul can gcig min pa'i/ /'jig rten mtshan nyid tha </font><hr>Nga102b<br><font size=+1>


dad thams cad rab tu shes/ /thams cad mkhyen pa nyid tshul gyis/ /sangs rgyas ye shes kun tu mtha' yang yas/ /shin tu rgyas pa chen po'i mdo/ sangs rgyas phal po che zhes bya ba las/ kun tu bzang po'i spyod pa bstan pa'i le'u ste/ bzhi bcu gnyis pa'o// //bam po bdun cu tham pa/ bcom ldan 'das ye shes chen pos rnam par sangs rgyas pa'i thugs mnga' ba/ 'das pa dang / ma byon pa dang / da ltar byung ba'i sangs rgyas thams cad dang sku gcig pas mnyam pa nyid brnyes pa/ sangs rgyas thams cad kyi spyod pa mnyam pa nyid dang ldan pa/ chags pa med pa'i spyod yul mngon par mkhyen pa ye shes kyi rang bzhin chos kyi sku mnga' ba/ mtshan nyid yong nas med pa'i chos la rten pa chos kyi dbyings mi gnyis pa'i spyod yul gyis yang dag par spyod pa mtha' dang dbus med cing mtshungs pa'i mngon par 'tshang rgya ba brnyes pa/ rnam par thar pa bsgribs pa med pa'i spyod yul la shin tu dgyes pa/ chos kyi sku nam mkha'i dbyings kyi mthas klas pa mnga' ba/ de bzhin gshegs pa'i byin gyi rlabs kyi pho brang khang pa brtsegs pa'i gzhal med khang de bzhin gshegs pa bzhugs pa/ chos kyi dbyings kyi snying po can 'od kun nas 'byung ba/ rgyan chen po dang ldan pa 'od dang zhing gsal ba rnam </font><hr>Nga103a<br><font size=+1>


@#/ /par snang ba'i snying po can/ sangs rgyas skye ba chos kyi dbyings mtha' dang dbus med pa'i gnas/ byang chub sems dpa'i lus las byung ba/ gzhi 'od zer gyis rnam par brgyan pa/ byang chub sems dpa'i lus rang bzhin du gnas pas rab tu bsgrubs pa'i chos chen po'i gzhir gyur pa/ chos kyi dbyings kun tu rgyas pa/ de bzhin gshegs pa'i 'od dang ldan pa/ nam mkha'i dbyings kyi mthas btugs pa/ ye shes kyi yul yang dag pa'i mtha' spyod yul chags pa med pas rnam par gsal ba na| byang chub sems dpa' sems dpa' chen po rin po che bzang po'i pad+mo chen po rang rang gi smon lam gyi byung ba'i dbus kyi snying po la 'khod pa kun kyang tshe gcig gis thogs pa/ 'jig rten gyi khams gzhan dang gzhan nas phyin pa/ ye shes chen po rnam par phye ba'i spyod yul la gzhol ba/ chos kyi dbyings tha mi dad pa'i gzhi mnyam pa nyid la zhugs pa/ nam mkha'i dbyings gzhi med cing mtha' dang dbus med pa la rnam par spyod pa/ chos thams cad 'byung ba med cing mngon par grub pa med pa mngon du byas pa/ byang chub sems dpa'i lus las ma g.yos par thams cad mkhyen pa'i ye shes rab tu thob pa/ 'jig rten gyi khams thams cad du kun gyis brjod pa/ de bzhin gshegs </font><hr>Nga103b<br><font size=+1>


pa'i ye shes las mngon du byung ba sangs rgyas thams cad kyi byang chub mngon sum du gyur pa'i ye shes snang ba thob pa/ de bzhin gshegs pa'i spyod yul rgyun ma chad pa/ ye shes kyi rang bzhin chos kyi lus gcig cing tha mi dad pas/ gzugs kyi lus mtha' yas pa'i sgo kun tu ston pa/ chos kyi dbyings mtha' dang dbus med pa la 'jug pa shin tu shes pa sems can gyi khams su rnam par spyad pa las phyir mi ldog pa/ de bzhin gshegs pa'i chos kyi dbyings dang yang dag pa'i mtha' mnyam pa nyid thob pas sprul pa mngon par sgrub pa de bzhin gshegs pa rnam par snang mdzad dang / sngon lhan cig tu skyes shing dge ba'i rtsa ba bsags pa sha stag 'di lta ste/ byang chub sems dpa' sems dpa' chen po kun tu bzang po dang / kun tu grags pa'i dbang phyug rgyal po dang / de bzhin gshegs pa'i rigs su byung ba'i dpal dang / rdo rje dpal gyi rgyal mtshan dang / rnam par grol ba bsgribs pa med pa'i zla ba dang| nyi ma'i 'od zer dri ma med pa'i snying po dang / mngon par shes pa chen pos rnam par 'phrul pa'i blo dang / 'od dri ma med pa'i dpal gyi gzi brjid 'od zer gyi rgyal po dang / blo gros rgya mtsho'i mchog 'dzin cing blo la rnam par rtse ba gsal bas mngon par shes pa'i dpal dang / byang chub sems dpa' sems dpa' chen po stobs bcu mi 'jigs pa'i </font><hr>Nga104a<br><font size=+1>


@#/ /seng ge'i nga ro chen pos rnam par rtse bas mngon par shes pa dang / de dag la sogs pa byang chub sems dpa' sems dpa' chen po sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed dang thabs gcig tu bzhugs so/ /de nas de'i tshe bcom ldan 'das kyi mdzod spu nas de bzhin gshegs pa 'byung ba zhes bya ba'i 'od zer/ 'od zer gyi 'khor bye ba khrag khrig brgya stong grangs med pa mang po'i 'od zer dang ldan pa byung ste/ des 'jig rten gyi khams 'byams klas pa thams cad ma lus par snang bar byas/ 'jig rten g.yas phyogs su lan bcur bskor te/ de bzhin gshegs pa rnam par 'phrul pa bstan nas/ byang chub sems dpa' bye ba khrag khrig brgya stong mang po bskul ba byas te/ 'jig rten gyi khams 'byams klas pa thams cad rab tu bskyod nas/ ngan song gi rgyud thams cad kyi skye ba dang / shi 'pho rab tu zhi bar byas te/ bdud kyi khyim thams cad zil gyis mnan nas/ de bzhin gshegs pa thams cad mngon par 'tshang rgya bas rnam par sangs rgyas ba'i gdan bstan par bya ste/ sangs rgyas kyi 'khor gyi dkyil 'khor rnam par bkod pa 'byams klas pa rab tu bstan nas/ 'jig rten gyi khams chos kyi dbyings kyis klas </font><hr>Nga104b<br><font size=+1>


pa| nam mkha'i mthas gtugs pa 'byams klas pa thams cad ma lus par rgyas par khyab par byas nas phyir 'ongs te/ byang chub sems dpa' 'khor gyi dkyil 'khor thams cad la g.yas phyogs nas bskor nas/ de byang chub sems dpa' de bzhin gshegs pa'i rigs su byung ba' \ BA'I?\ dpal gyi spyi bor nub bo/ /de nas byang chub sems dpa'i 'khor de dag thams cad ngo mtshar cher 'dzin cing dga' ba thob par 'gyur te/ 'od zer gyi dra ba snang ba 'di lta bu byung bas na/ chos chen po brjod par ni 'gyur du nges so snyam nas rtogs pa'i blo yang thob par gyur to/ /'od zer de dag gis byang chub sems dpa' de bzhin gshegs pa'i rigs su byung ba'i dpal gyi lus la phog par gyur ma thag tu/ de nas de'i tshe byang chub sems dpa' sems dpa' chen po de bzhin gshegs pa'i rigs su byung ba'i dpal pad+mo'i stan las langs te/ bla gos phrag pa gcig la gzar nas pad+mo'i snying po de la pus mo g.yas pa'i lha nga sa la btsugs nas/ bcom ldan 'das ga la ba der thal mo sbyar ba btud de/ de bzhin gshegs pa'i 'du shes dang ldan pa'i yid la byed pas/ de bzhin gshegs pa la tshigs su bcad de gsol pa/ rnam dag blo mnga' yon tan mkhyen pas 'phags pa/ /spyod yul chags pa med pa'i pha rol phyin brnyes/ /dus gsum </font><hr>Nga105a<br><font size=+1>


@#/ /mnyam pa'i chos nyid mnyam pa ston pa/ /khyod la bdag ni bsti stang rim gro bgyid do/ /mtshan nyid med pa'i spyod yul pha rol phyin brnyes/ /mtshan gyis shin tu brgyan pa'i sku yang ston mdzad/ /dri med 'od can 'od zer stong dang ldan 'gyed/ /bdud kyi sde rnams ma lus rab tu 'joms mdzad/ /phyogs bcu kun na gang rnams ji snyed mchis pa'i/ /zhing rnams thams cad ma lus rab tu bskyod kyang / /thugs rje ldan pas su la'ang 'jigs par mi mdzad/ /khyod kyi rdzu 'phrul mthu ni de 'dra de tshul/ nam mkha'i dbyings la mnyam pa nyid du rab zhugs/ /de bzhin chos dbyings mnyam pa nyid kyang brnyes gyur/ /sems can stong phrag bye ba grol bar mdzad cing / /sems can kun gyi sdig chen rab tu zhi mdzad/ /bskal pa stong du brtul zhugs dam po spyod de/ /byang chub mchog gi lam ni yang dag bsgrubs nas/ /chags pa med pa'i ye shes spyod yul 'di brnyes| |sangs rgyas kun dang rang bzhin gcig tu rab 'gyur/ /rnam par 'dren pa khyod kyis 'di nas 'od bkye/ /'jig rten thams cad ma lus kun tu bskyod nas/ /cho 'phrul mtha' yas yang dag bstan pa bgyi ste/ /bdag gi lus 'dir de dag ma lus zhugs gyur/ /de la bdag gi blo gros 'di ltar skyes te/ /chos rje khyod la bdag gis zhu ba'i </font><hr>Nga105b<br><font size=+1>


dus bab/ /shin tu nges pa'i chos la rab tu bslabs pa'i/ /byang chub sems dpa' rnams kyang 'dus par gyur snyam/ /tshogs 'di dag pa 'dus pas rnam par dag pa/ /'jig rten slob dpon mgon pos rab tu bsngags pa/ /ye shes mtha' yas ldan pa yul la chags med/ /de 'dra'i mthu chen dpa' bo 'di dag 'dir phyin/ /de don 'jig rten slob dpon drang srong chen po/ /ye shes stobs dang brtson 'grus mtha' yas byung gyur/ /byang chub sems dpa' 'di dag snang bar mdzad gsol/ /chos rab bdag gis gang zhus de yang bshad gsol/ /drang srong chen po'i spyod yul 'di dag bstan cing / /yang dag ma nor brjod par nus pa gang lags/ /skyes bu khyu mchog rnams kyi sras ni gang lags/ /'jig rten mgon gyi gtso bo khyod kyis bshad gsol/ /tshigs su bshad pa de dag gsol ma thag tu de'i tshe bcom ldan 'das kyi zhal gyi sgo nas/ mi bsnyengs pa'i mthar phyin pa zhes bya ba'i 'od zer 'khor gyi 'od zer khrag khrig brgya stong grangs med pa dang ldan pa byung ste/ des 'jig rten gyi khams 'byams klas pa thams cad ma lus par snang bar byas nas/ 'jig rten g.yas phyogs su lan bcur bskor te/ de bzhin gshegs pa'i rnam par 'phrul pa bstan nas/ byang chub sems dpa' bye ba khrag khrig brgya stong mang po bskul ba byas te/ 'jig rten gyi </font><hr>Nga106a<br><font size=+1>


@#/ /khams 'byams klas pa thams cad rab tu bskyod nas/ ngan song gi rgyud thams cad kyi skye ba dang / shi 'pho ba rab tu zhi bar byas te/ bdud kyi khyim thams cad zil gyis mnan nas/ de bzhin gshegs pa thams cad mngon par 'tshang rgya bas rnam par sangs rgyas pa'i gdan bstan pa byas te/ sangs rgyas kyi 'khor gyi dkyil 'khor rnam par bkod pa 'byams klas pa rab tu bstan nas/ 'jig rten gyi khams chos kyi dbyings kyis klas pa/ nam mkha'i mthas gtugs par 'byams klas pa thams cad ma lus par rgyas par khyab par byas nas phyir 'ongs te/ byang chub sems dpa'i 'khor gyi dkyil 'khor thams cad la g.yas phyogs nas bskor nas/ byang chub sems dpa' kun tu bzang po'i kha'i sgor nub bo/ /de bzhin gshegs pa'i 'od zer des byang chub sems dpa' sems dpa' chen po kun tu bzang po la reg par gyur ma thag tu/ de nas de'i tshe byang chub sems dpa' sems dpa' chen po kun tu bzang po'i lus kyi seng ge'i khri sngon ci 'dra ba de las/ byang chub sems dpa'i lus kyi seng ge'i khri brgya phrag stong 'gyur du bzang zhing khyad par du 'phags par 'dug ste/ de bzhin gshegs pa'i seng ge'i gdan ma gtogs par byang chub sems dpa' gzhan gyi lus kyi seng ge'i khri las/ byang chub </font><hr>Nga106b<br><font size=+1>


sems dpa' kun tu bzang po'i lus kyi seng ge'i khri brgya phrag stong 'gyur du bzang zhing khyad par du 'phags par snang ngo / /de nas byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ de bzhin gshegs pa'i cho 'phrul chen po/ 'jig rten thams cad kyis khong du chud par dka' ba/ byang chub sems dpa' rnams rab tu dga' bar 'gyur ba/ bsam gyis mi khyab pa 'di lta bu bstan na/ kye rgyal ba'i sras/ de gang gi sngon gyi mtshan mar 'gyur/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras/ de ni bdag 'di snyam du sems te/ sngon gyi yang dag par rdzogs pa'i sangs rgyas rnams kyi cho 'phrul chen po 'di 'dra ba dag kyang mthong ste/ de bzhin gshegs pa rnams ni de bzhin gshegs pa 'byung ba bstan pa zhes bya ba'i chos kyi rnam grangs bstan par dgongs pa dang / cho 'phrul chen po'i rnam pa 'di lta bu dag ston pa mdzad do/ /de nas byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ de bzhin gshegs </font><hr>Nga107a<br><font size=+1>


@#/ /ba skye ba 'byung ba bstan pa'i chos kyi rnam grangs kyi ming thos par gyur ma thag tu de'i tshe sa chen po g.yos par gyur to/ /de nas byang chub sems dpa' sems dpa' chen po de bzhin gshegs pa'i rigs su 'byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ legs par spobs par mdzod cig /ji ltar byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba bstan pa khong du chud par bya/ kye rgyal ba'i sras/ 'khor 'dus pa 'di ni shin tu dag pa ste/ byang chub sems dpa' bye ba khrag khrig brgya stong kun nas 'dus pa'o/ /kye rgyal ba'i sras/ 'di ni byang chub sems dpa' sems dpa' chen po sngon spyad pa shin tu spyad pa/ las kyi mtha' shin tu sbyangs pa/ dran pa dang / blo gros dang / rigs pas shin tu 'phags pa/ rgya chen po'i pha rol tu phyin pa mchog thob pa/ de bzhin gshegs pa thams cad kyi spyod yul dang / spyod pa dang / tshul la rab tu gnas pa/ sangs rgyas kyi rjes su song ba'i 'du shes yid la byed pa ma nyams pa/ snying rje chen pos 'gro ba thams cad la rnam par lta ba/ byang chub sems dpa'i mngon par shes </font><hr>Nga107b<br><font size=+1>


pa chen pos rnam par rol pa'i spyod yul can/ de bzhin gshegs pa thams cad kyi byin rang gi rgyud du len pa/ sangs rgyas thams cad kyi chos kyi dpal gyi byin gyis brlabs pa ste| de dag la sogs pa yon tan dang / legs pa tshad med pa mang po dang ldan pa sha stag 'ongs shing 'dus pa'o/ /kye rgyal ba'i sras/ khyod kyang sangs rgyas bye ba khrag khrig brgya stong mang po bsnyen bkur ba/ byang chub sems dpa' thams cad kyi spyod pa'i mchog tu phyin pa/ ting nge 'dzin dang snyoms par 'jug pa'i sgo thams cad kyi rnam par mngon par rol par mkhas pa/ de bzhin gshegs pa thams cad kyi gsang ba'i gnas su chud pa/ sangs rgyas kyi chos thams cad la the tshom yongs su chad pa/ de bzhin gshegs pa thams cad kyi byin gyis byin du brlabs pa/ sems can thams cad kyi dbang po la mkhas pa dang ldan pa/ sems can thams cad kyi mos pa dang rnam par grol ba'i lam yang dag par ston pa/ de bzhin gshegs pa thams cad kyi rigs dang rgyud yang dag par 'byung ba'i ye shes dang ldan pa/ sangs rgyas kyi chos thams cad bstan pa la pha rol tu phyin pa'i mchog thob pa de dag la sogs pa yon tan mang po tshad med pa'i khyad par gyi mthar thug pa yin gyi/ kye rgyal ba'i sras/ de bzhin gshegs pa dgra bcom pa yang dag par rdzogs pa'i sangs </font><hr>Nga108a<br><font size=+1>


@#/ /rgyas rnams kyi skye ba 'byung ba bstan pa dang / sku yang dag par bstan pa dang / dbyangs rab tu brjod pa dang / thugs kyi mthu dang / yul gyi gnas dang| spyod yul bstan pa dang / mngon par byang chub pa'i gnas dang / chos kyi 'khor lo bskor bar mngon par bsgrub pa dang / yongs su mya ngan las 'das pa chen po bstan pa dang / de bzhin gshegs pa rnams mthong zhing thos pa dang / de bzhin gshegs pa dang 'grogs pas dge ba'i rtsa ba 'byung ba bstan pa la legs par spobs pa mdzod cig / de nas byang chub sems dpa' sems dpa' chen po de bzhin gshegs pa'i rigs su byung ba'i dpal gyis don 'di nyid yang bzlas te brjod pa'i phyir/ de'i tshe byang chub sems dpa' sems dpa' chen po kun tu bzang po la tshigs su bcad de smras pa/ chags med blo gros shin tu rnam par sangs rgyas blo ldan/ /ye shes mtha' yas yul la mnyam pa nyid du gyur pa| |rgyal ba'i spyod yul tshad med legs par yang dag shod cig /de thos sangs rgyas sras rnams thams cad rab tu dga' 'gyur/ /rgyal ba mchog rnams 'byung ba ji ltar byang chub sems dpas/ /khong du chud bya ji ltar de dag yang dag blta bya/ /de bzhin gshegs thugs ci 'drar sku dag dbyangs kyang ci 'dra/ /skyes bu khyu mchog rnams kyi yul dang spyod </font><hr>Nga108b<br><font size=+1>


yul ci 'dra/ /de bzhin gshegs pa byang chub ji ltar rnam par 'tshang rgya/ /chos kyi 'khor lo dam pa rgyal ba ji ltar bskor mdzad/ /bde gshegs mya ngan 'das pa'i yang dag nyid kyang gsung ste/ /sangs rgyas sras po mtha' yas 'di dag dga' bar mdzod cig /gang gis bde gshegs chos rgyal chen po mthong bar gyur cing / /gang rnams 'grogs shing dge ba yang dag skyed par byed pa/ /de dag bsod nams 'phel ba'ang ma nor brjod par mdzod cig /bde gshegs mthong na cir 'gyur de dang 'grogs na ci 'gyur/ /bde gshegs mya ngan 'das dang 'on tam bzhugs kyang rung ste/ /de bzhin gshegs pa'i mtshan rnams gang gis thos par gyur cing / /yon tan 'byung gnas rnams la gang rnams dad pa bskyed pa/ /de dag don kyang cir 'gyur 'khor 'dir bstan par mdzod cig /byang chub sems dpa' 'di dag thams cad thal mo sbyar cing / /bde bar gshegs dang khyod dang bdag la kun kyang lta sdod/ /dris pa 'di dag sems can dag pa khyod kyis lung ston/ /yon tan rgya mtsho che mnga' rnams kyi spyod yul bstan mdzod/ /de dag don du chos rab ldan pa'i gsung mchog brjod cing / /mkha' 'dra khyod kyi skye bo rnams kyi the tshom gcad mdzod/ /dpe dang rgyur ldan tshig gis de bzhin gshegs pa'i rigs ston/ /thos nas sems can khrag khrig byang chub mchog tu sems bskyed/ /ji ltar zhing rnams </font><hr>Nga109a<br><font size=+1>


@#/ /thams cad ma lus rgyas par bkang zhing / /rgyal ba sku yi yan lag sna tshogs yang dag ston mdzod/ /ji ltar khrag khrig chos dang ldan pa'i gsung rab brjod pa/ /sangs rgyas byang chub dpe dang rgyu yis bstan par mdzod cig /gang zhig phyogs bcu'i zhing rnams khrag khrig thams cad kun tu/ /bskal pa mang po bye ba mtha' yas 'grangs par song yang / /de ring rgyal sras 'dir tshogs 'di 'dra'i 'khor dang 'dra ba/ /byang chub sems dpa' rnams kyis mthong bar shin tu dka'o/ /de bas rgyal sras rang bzhin dag pa khyod kyis bshad mdzod/ /de bzhin gshegs pa rnams kyi rigs yangs yongs su ston cig /byang chub sems dpa' 'di dag thams cad thal mo sbyar te| |yangs pa'i chos kyis skom zhing chos la don gnyer gnas so/ /de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la dmigs nas/ byang chub sems dpa'i tshogs thams cad la smras pa/ kye rgyal ba'i sras dag /'di lta ste/ de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba bstan pa/ tshad med pa'i chos kyi byung ba 'di </font><hr>Nga109b<br><font size=+1>


ni bsam gyis mi khyab pa'i gnas te/ kye rgyal ba'i sras dag /de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba ni/ rgyu gcig ma yin pa dang / rkyen gcig ma yin pas yang dag par 'grub bo/ /de ci'i phyir zhe na/ kye rgyal ba'i sras dag /chos bcu po 'di dag la sogs pa chos rnam pa tha dad pa brgya stong / tshad med/ grangs med pa yongs su rdzogs par bya ba'i tshul yang dag par bsgrubs pa'i rgyus/ de bzhin gshegs pa rnams 'byung bar 'gyur ro/ /bcu gang zhe na/ 'di lta ste/ sngon 'gro ba thams cad yongs su bskyab pa'i sems dang / byang chub kyi sems tshad med pa bskyed pa yang dag par bsgrubs pa dang / bsam pa dang / lhag pa'i bsam pa sngon shin tu sbyangs shing yang dag par bsgrubs pa dang / byams pa chen po dang / thugs rje chen po tshad med pas sems can yongs su bskyab pa yang dag par bsgrubs pa dang / spyod pa dang / smon lam tshad med pa rgyun 'chad pa med par yang dag par bsgrubs pa dang / bsod nams dang ye shes kyi tshogs chen po mi ngoms par yang dag par bsgrubs pa dang / sangs rgyas mchod cing rim gro bya ba dang / sems can yongs su smin par bya ba'i rgyun tshad med pa yang dag par bsgrubs pa dang / thabs dang shes rab kyi lam rnam par dag cing tshad med </font><hr>Nga110a<br><font size=+1>


@#/ /pa yang dag par bsgrubs pa dang / yon tan rnam par dag pa'i rnam pa tshad med pa yang dag par bsgrubs pa dang / lam gyi yan lag rnam par dgod pa tshad med pa'i ye shes yang dag par bsgrubs pa dang / don dang ldan pa'i chos tshad med pa khong du chud pas mthar phyin par bya ba yang dag par bsgrubs pa ste/ kye rgyal ba'i sras dag/ chos bcu po de dag la sogs pa chos rnam pa tha dad pa brgya stong / tshad med/ grangs med pa yongs su rdzogs par bya ba'i tshul yang dag par bsgrubs pa'i rgyus/ de bzhin gshegs pa rnams 'byung bar 'gyur ro/ /kye rgyal ba'i sras/ 'di lta ste/ dper na/ stong gsum gyi stong chen po'i 'jig rten gyi khams 'byung ba ni/ rgyu gcig gis 'byung ba ma yin/ rkyen gcig gis 'byung ba ma yin te/ kye rgyal ba'i sras dag / stong gsum gyi stong chen po'i 'jig rten gyi khams ni rgyu tshad med pa dang / rkyen tshad med pa dang / bsgrub pa tshad med pas yongs su 'grub par 'gyur te/ 'di ltar sprin chen po'i char dus las mi 'da' bar rab tu 'bab pas kyang rgyu byas la/ rlung gi dkyil 'khor bzhi rgyun mi 'chad par ldang bas kyang rgyu byas nas yongs su 'grub par 'gyur ro/ /bzhi po de dag kyang gang zhe na/ 'di lta ste/ rlung gi dkyil 'khor yongs su 'dzin pa zhes bya ba ni/ yongs su gzung ba'i </font><hr>Nga110b<br><font size=+1>


phyir ldang ngo / /rlung gi dkyil 'khor yongs su skem pa zhes bya ba ni/ chu'i phung po yongs su bskam pa'i phyir ldang ngo / /rlung gi dkyil 'khor yongs su gzhog pa zhes bya ba ni/ gzhal med khang thams cad yongs su dgod pa'i phyir ldang ngo / /rlung gi khams dkyil 'khor rnam par dgod par zhes bya ba ni/ sems can stong gsum gyi stong chen po'i 'jig rten gyi khams su gtogs pa thams cad kyi rkyen du skyes pa'i las dang / byang chub sems dpa'i dge ba'i rtsa ba'i stobs dang / shugs kyis gnas kyi rnam pa'i rgyan rnam par phye ba| shin tu rnam par dbye bas stong gsum gyi stong chen po'i 'jig rten gyi khams rnam par dbye ba'i phyir ldang ste/ kye rgyal ba'i sras dag /de dag la sogs pa'i rnam pa tshad med pas/ stong gsum gyi stong chen po'i 'jig rten gyi khams chos nyid rab tu thob pa'i phyir yongs su 'byung bar 'gyur ba yang / 'byung ba de la 'byung bar byed pa gang yang med de/ 'byung bar 'gyur ba yang med pa ma yin no/ /kye rgyal ba'i sres dag /de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyang / rgyu gcig ma yin pa dang / rkyen gcig ma yin pas 'byung bar 'gyur te/ kye rgyal ba'i sras dag /de bzhin gshegs pa dgra bcom pa yang dag par rdzogs pa'i sangs rgyas rnams ni/ rgyu tshad med pa dang / </font><hr>Nga111a<br><font size=+1>


@#/ /rnam pa tshad med pa dang / yang dag par bsgrub pa tshad med pas 'byung ste/ 'di ltar yang dag par rdzogs pa'i sangs rgyas rnams kyi drung du sngon chos kyi sprin gyi char chen po bab pas kyang rgyu byas la/ de bzhin gshegs pa'i ye shes kyi rlung gi dkyil 'khor bzhi rgyun mi 'chad par ldang bas kyang rgyu byas nas/ yang dag par 'grub par 'gyur ro/ /bzhi gang zhe na/ 'di lta ste/ de bzhin gshegs pa'i ye shes kyi rlung gi dkyil 'khor chen po dran pas yang dag par bzung zhing gzungs kyis chud mi za ba zhes bya ba yod de/ de ni de bzhin gshegs pa de dag gi chos kyi sprin chen po'i char yang dag par gzung ba'i phyir ldang ngo / /de bzhin gshegs pa'i ye shes kyi rlung gi dkyil 'khor chen po lhag mthong dang / zhi gnas kyis bsgrubs pa zhes bya ba yod de/ de ni nyon mongs pa thams cad yongs su bskam pa'i phyir ldang ngo / /de bzhin gshegs pa'i ye shes kyi rlung gi dkyil 'khor chen po yongs su bsngo ba la mkhas pa zhes bya ba yod de/ de ni dge ba'i rtsa ba thams cad yongs su bsngo ba'i phyir ldang ngo / /de bzhin gshegs pa'i ye shes kyi rlung gi dkyil 'khor chen po sprul pa'i rgyun rnam par bkod pa rnam par 'byed cing rnam par dgod pa zhes bya ba yod de/ de ni sems can sngon yongs su smin par byas pa rnams kyi </font><hr>Nga111b<br><font size=+1>


rkyen du 'byung ba'i dge ba'i rtsa ba yongs su dag pa dang / de bzhin gshegs pa'i dge ba'i rtsa ba zag pa med pa'i stobs dang shugs kyi phyir ldang ngo / /kye rgyal ba'i sras dag /de dag la sogs pa'i rnam pa tshad med pa dang / yang dag par bsgrub pa tshad med pas/ de bzhin gshegs pa dgra bcom pa yang dag par rdzogs pa'i sangs rgyas rnams chos nyid rab tu thob pa'i phyir 'byung bar 'gyur te/ de la 'byung bar byed pa'am/ skye bar byed pa gang yang med de/ 'byung ba'ang med pa ma yin no/ /de ltar rgyal ba'i sras dag /dpe'i sgo dang pos khong du chud par bya ba 'dis/ byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba khong du chud par bya'o/ /kye rgyal ba'i sras dag / gzhan yang 'di lta ste/ dper na/ stong gsum gyi stong chen po'i 'jig rten gyi khams yongs su 'byung bar 'gyur ba'i tshe/ gcig tu sdug cing tha mi dad pa zhes bya ba'i sprin chen po'i char 'bab ste/ de ni stong gsum gyi stong chen po yongs su sgrub pa'i rlung gi dkyil 'khor ma gtogs par sa'i phyogs gzhan gyis gzung ba'am/ bzod par mi nus so/ /kye rgyal ba'i sras dag /de bzhin du de bzhin gshegs pa dgra bcom pa yang dag par rdzogs pa'i sangs rgyas rnams 'byung ba'i tshe/ de bzhin gshegs pa'i rigs tha mi dad pa zhes bya </font><hr>Nga112a<br><font size=+1>


@#/ /ba'i chos kyi sprin chen po'i char 'bab ste/ de ni byang chub sems dpa' sems dpa' chen po de dag nyid kyi stobs dang shugs kyis bsgrubs pa'i sems kyi rgyud ma gtogs par byang chub sems dpa' bsam pa dma' ba can dang nyan thos dang / rang sangs rgyas thams cad kyis gzung ba'am/ bzod par mi nus so/ /kye rgyal ba'i sras dag /khong du chud par bya ba'i sgo gnyis pa 'dis kyang byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ /kye rgyal ba'i sras dag /gzhan yang 'di lta ste/ dper na/ sprin chen po'i char de dag 'bab pa'i tshe/ gang nas kyang 'ongs pa med la gang du yang 'gro ba med de/ sems can rnams kyi las kyi tshogs chen pos char rab tu 'bab pa yang yod do/ /kye rgyal ba'i sras dag /de bzhin du de bzhin gshegs pa dgra bcom pa yang dag par rdzogs pa'i sangs rgyas kyi chos kyi sprin chen po char mngon par 'bab pa yang gang nas kyang 'ongs pa med la/ gang du yang 'gro ba med de| byang chub sems dpa' rnams kyi dge ba'i rtsa ba'i stobs dang shugs chen pos char mngon par 'bab pa yang yod do/ /kye rgyal ba'i sras dag /khong du chud par bya ba'i sgo gsum </font><hr>Nga112b<br><font size=+1>


pa 'dis kyang byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o// kye rgyal ba'i sras dag /gzhan yang 'di lta ste/ dper na/ sprin chen po'i char mngon pa 'bab pa de dag ni/ stong gsum gyi stong chen por gtogs pa'i sems can thams cad kyis shes pa'am/ bgrang bar sla ba ma yin te/ kye rgyal ba'i sras dag/ stong gsum gyi stong chen po'i 'jig rten gyi khams su gtogs pa'i sems can rnams ni/ sprin chen po'i char de la sems dpas mgo rmongs par 'gyur ro/ /sprin chen po'i char de la bltas pas mig 'khrugs par 'gyur ro/ /stong gsum gyi stong chen po'i dbang phyug chen po ni ma gtogs te/ de'i sngon gyi dge ba'i rtsa ba yongs su sbyangs pa'i khyad par gyis de la chung ngu na char pa'i thigs pa gcig kyang ma rig par mi 'bab bo/ /kye rgyal ba'i sras dag /de bzhin du de bzhin gshegs pa de dag yang dag par 'byung ba'i tshe/ de bzhin gshegs pa'i chos kyi sprin gyi char mngon par 'bab pa yang sems can thams cad dang / nyan thos dang / rang sangs rgyas thams cad kyis shes pa'am bsam par mi nus te/ de dag ni de bzhin gshegs pa'i chos kyi sprin gyi char la sems pas mgo rmongs par 'gyur ro/ /'gro ba thams cad kyi dbang phyug / </font><hr>Nga113a<br><font size=+1>


@#/ /byang chub sems dpa' sems dpa' chen po de dag ni ma gtogs te/ blo shin tu sbyangs pa'i mthu dang / shugs kyis de dag la chung ngu na tshig dang / yi ge 'ga' tsam yang ma rig par sems can gzhan gyis sems kyi rgyud la mi 'bab po/ /kye rgyal ba'i sras dag /khong du chud par bya ba'i sgo bzhi pa 'dis kyang byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ /kye rgyal ba'i sras dag/ gzhan yang 'di lta ste/ dper na/ sprin chen po'i char de dag 'bab pa'i nang na/ rab tu zhi bar byed pa zhes bya ba'i sprin chen po'i char 'bab pa yod de/ de ni me'i phung po de rab tu zhi bar byed do/ /'byung bar byed pa zhes bya ba'i sprin chen po'i char 'bab pa yod de/ de las chu'i phung po de dag 'byung ngo / /yongs su gcod pa zhes bya ba'i sprin chen po'i char 'bab pa yod de/ de ni chu'i phung po de dag yongs su gcod do/ /yongs su bsgrub pa zhes bya ba'i sprin chen po'i char 'bab pa yod de/ de ni nor bu rin po che mang po yongs su 'grub par byed do/ /rnam par 'byed pa zhes bya ba'i sprin chen po'i char 'bab pa yod de/ de ni stong gsum gyi stong chen po'i 'jig rten gyi khams de rnam par 'byed do/ /kye rgyal ba'i sras </font><hr>Nga113b<br><font size=+1>


dag |de bzhin gshegs pa yang dag par 'byung ba la'ang / rab tu zhi bar byed pa zhes bya ba de bzhin gshegs pa'i rgyu mthun pa'i chos kyi sprin chen po'i char 'bab pa yod de/ de ni sems can thams cad kyi nyon mongs pa 'bar ba thams cad rab tu zhi bar byed do/ /'byung bar byed pa zhes bya ba chos kyi sprin chen po'i char 'bab pa yod de/ de ni sems can thams cad kyi dge ba'i rtsa ba'i tshogs thams cad yang dag par 'byung bar byed do/ /yongs su gcod pa zhes bya ba chos kyi sprin chen po'i char 'bab pa yod de/ de ni sems can thams cad kyi nyon mongs pa dang lta ba'i rnam pa thams cad yongs su gcod do/ /yongs su sgrub pa zhes bya ba chos kyi sprin chen po'i char 'bab pa yod de/ de ni thams cad mkhyen pa'i chos rin po che yongs su grub par byed do/ /rnam par 'byed pa zhes bya ba chos kyi sprin chen po'i char 'bab pa yod de/ de ni sems can thams cad kyi sems dang bsam pa rnam par 'byed do/ /kye rgyal ba'i sras dag /khong du chud par bya ba'i sgo lnga pa 'dis kyang byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ /kye rgyal ba'i sras dag /'di lta ste/ dper na/ char sprin chen po yang ro gcig la/ chu'i phung po yang rnam par mi rtog mod kyi/ de </font><hr>Nga114a<br><font size=+1>


@#/ /ltar rnam pa tshad med par tha dad pa'i char rnam par phye ba 'bab bo/ /kye rgyal ba'i sras dag /de bzhin du de bzhin gshegs pa'i thugs rje chen po'i char sprin ro gcig pa las/ de ltar tshad med cing rnam pa tha dad pa'i chos kyi char sna tshogs 'bab ste/ de bzhin gshegs pa yang yongs su 'byung ngo / /chos rnam par phye ba tshad med pa yang snang zhing yod do/ /kye rgyal ba'i sras dag /khong du chud par bya ba'i sgo drug pa 'dis kyang byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ /kye rgyal ba'i sras dag /gzhan yang 'di lta ste/ dper na/ stong gsum gyi stong chen po yongs su 'grub par 'gyur ba'i tshe/ thog ma nyid du gzugs la spyod pa'i lha'i bu rnams kyi gzhal med khang yongs su 'grub par 'gyur ro/ /de'i 'og tu 'dod pa la spyod pa'i lha'i bu rnams kyi gzhal med khang yongs su 'grub par 'gyur ro/ /de'i 'og tu mi rnams kyi gnas yongs su 'grub par 'gyur ro/ /de'i 'og tu de ma yin pa'i sems can lhag ma gzhan rnams kyi gnas rnam par phye ba sna tshogs 'grub par 'gyur ro/ /kye rgyal ba'i sras dag /de bzhin du de bzhin gshegs pa yang dag par </font><hr>Nga114b<br><font size=+1>


'byung ba'i tshe yang / thog ma nyid du byang chub sems dpa'i ye shes kyi rgyud rnams 'byung bar 'gyur ro/ /de'i 'og tu rang sangs rgyas kyi ye shes kyi rgyud rnams 'byung ngo / /de'i 'og tu nyan thos kyi dge ba'i rtsa ba'i ye shes kyi rgyud rnams 'byung bar 'gyur ro/ /de'i 'og tu de ma yin pa'i sems can gzhan gyi 'dus byas kyi dge ba'i rtsa ba dang / shes pa'i rgyud rnams 'byung bar 'gyur ro/ /kye rgyal ba'i sras dag /de ltar dper na/ char sprin chen po yang ro gcig la/ chu'i phung po yang rnam par mi rtog pa las/ sems can gyi dge ba'i rtsa ba rnam pa tha dad pas gzhal med khang rnam pa tha dad pa yod cing snang ngo / /kye rgyal ba'i sras dag /de bzhin du de bzhin gshegs pa'i thugs rje chen po'i char sprin ro gcig pa las/ sems can gyi snod rnam pa tha dad pa'i phyir/ dge ba'i rtsa ba rnam pa tha dad pa yod cing snang bar gyur to/ /kye rgyal ba'i sras dag /khong du chud par bya ba'i sgo bdun pa 'dis kyang byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba khong du chud par bya'o/ /kye rgyal ba'i sras dag /gzhan yang 'di lta ste/ dper na/ chus 'jig pa'i bskal pa chen po 'byung ste/ stong gsum gyi stong chen po'i 'jig rten gyi khams gangs chen mtsho gcig tu gyur pa'i tshe/ chos nyid </font><hr>Nga115a<br><font size=+1>


@#/ /thob pas de bzhin gshegs pa 'byung ba'i yon tan rin po ches rnam par brgyan pa zhes bya ba'i pad+mo mang po 'byung ste/ de dag gis ni chu'i bskal pa thams cad kun nas khebs so/ /de dag ni 'jig rten thams cad 'od kyis rgyas par 'gengs te/ pad+mo de dag byung ba dang / lha'i bu dbang phyug chen po dang / gnas gtsang ma'i rigs kyi lha'i bu gzhan rnams kyis kyang bskal pa 'di la ni yang dag par rdzogs pa'i sangs rgyas 'di snyed cig 'byung bar 'gyur ro zhes bya ba khong du chud do/ /kye rgyal ba'i sras dag / stong gsum gyi stong chen po'i 'jig rten gyi khams yongs su 'grub pa'i tshe/ rlung gi dkyil 'khor dag cing 'od gsal ba zhes bya ba ldang ste/ de ni gzugs la spyod pa'i lha rnams kyi gzhal med khang yongs su gnas par byed do/ /rlung gi dkyil 'khor dag cing dang la 'od gsal bas rgyan bzang po zhes bya ba ldang ste/ de ni 'dod pa la spyod pa'i lha'i bu rnams kyi lha'i gzhal med khang yongs su 'god do/ /rlung gi dkyil 'khor gcig tu sdug cing tha mi dad pa zhes bya ba ldang ste/ de ni khor yug dang / khor yug chen po'i ri rnams yongs su gzhog pa byed do/ /rlung gi dkyil 'khor khyad par du 'phags zhes bya ba ldang ste/ de ni ri rab ri'i rgyal po yongs su gzhog pa byed do/ /rlung gi dkyil 'khor brtan pa </font><hr>Nga115b<br><font size=+1>


zhes bya ba ldang ste/ de ni rin chen po bcu yongs su gzhog pa byed do/ /bcu gang zhe na/ 'di lta ste/ seng ldeng can dang / drang srong ri dang / bdud las rgyal dang / bdud las shin tu rgyal dang / gnya' shing 'dzin dang / sa 'dzin dang / btang bzung dang / btang bzung chen po dang / spos kyi ngad can dang / kha ba can no/ /rlung gi dkyil 'khor rab tu gnas pa zhes bya ba ldang ste / de ni sa chen po kun nas gnas par byed do/ /rlung gi dkyil 'khor rnam par bkod pa zhes bya ba ldang ste/ de ni sa bla'i lha dang / klu dang / dri za'i khyim kun nas gnas par byed do/ /rlung gi dkyil 'khor mdzod mi zad pa zhes bya ba ldang ste/ de ni stong gsum gyi stong chen po'i 'jig rten gyi khams su gtogs pa'i rgya mtsho chen po kun nas gnas par byed do/ /rlung gi dkyil 'khor rnam par snang ba'i dkyil 'khor zhes bya ba ldang ste/ de ni stong gsum gyi stong chen po'i 'jig rten gyi khams kyi rin po che'i rigs thams cad kun nas gnas par byed do/ /rlung gi dkyil 'khor rtsa ba brtan pa zhes bya ba ldang ste/ de ni yid bzhin gyi shing thams cad kun nas gnas par byed do/ /kye rgyal ba'i sras dag /de ltar char sprin chen po'i char ro gcig tu 'bab pa dang / chu'i phung po rnam par mi rtog pa las chos nyid thob pa dang / sems can rnams kyi dge ba'i rtsa ba tha dad pa'i khyad par gyis rlung gi dkyil 'khor rnam pa tha dad pa yod </font><hr>Nga116a<br><font size=+1>


@#/ /cing snang ngo / /rlung gi dkyil 'khor rnam pa tha dad par gyur pas/ stong gsum gyi stong chen po'i 'jig rten gyi khams kyang yod cing snang ngo / /kye rgyal ba'i sras dag /de bzhin du de bzhin gshegs pa dgra bcom pa yang dag par rdzogs pa'i sangs rgyas dge ba'i rtsa ba'i tshogs thams cad shin tu bsags pa/ bla na med pa'i ye shes chen po snang ba la mngon du gyur pa rnams 'byung ba'i tshe/ ye shes kyi 'od zer chen po bsam gyis mi khyab pa/ de bzhin gshegs pa'i rigs rgyun mi 'chad pa zhes bya ba 'jig rten gyi khams ma lus pa thams cad rgyas par 'gengs pa 'byung ste/ 'od zer des ni de bzhin gshegs pa dang / dbang bskur ba thob pa'i byang chub sems dpa' thams cad kyis kyang byang chub sems dpa' 'di snyed cig /de bzhin gshegs pa'i mthu 'dis yang dag par 'grub par 'gyur ro zhes bya bar thugs su chud do/ /kye rgyal ba'i sras dag |de ltar de bzhin gshegs pa 'byung bar 'gyur ba'i tshe/ de bzhin gshegs pa thams cad kyi rigs 'byung ba'i mthus/ de bzhin gshegs pa'i ye shes kyi 'od zer chen po 'od bzang po dri ma med pa zhes bya ba 'byung ste/ 'od zer des de bzhin gshegs pa rnams kyi ye shes zag pa med cing / mi zad pa yang dag par 'grub par 'gyur </font><hr>Nga116b<br><font size=+1>


ro| |de bzhin gshegs pa'i ye shes kyi 'od zer chen po kun tu snang ba zhes bya ba 'byung ste/ 'od zer des de bzhin gshegs pa rnams kyi ye shes bsam gyis mi khyab pa/ chos kyi dbyings su gzhol ba yang dag par 'grub par 'gyur ro/ /de bzhin gshegs pa'i ye shes kyi 'od zer chen po/ de bzhin gshegs pa'i rigs yang dag par 'byung ba zhes bya ba 'byung ste/ 'od zer des de bzhin gshegs pa rnams kyi stobs mi sgul ba yang dag par 'grub par 'gyur ro/ /de bzhin gshegs pa'i ye shes kyi 'od zer chen po zil gyis mi non cing / yang dag par 'phags pa zhes bya ba 'byung ste/ 'od zer des de bzhin gshegs pa rnams kyi stobs dang mi bsnyengs pa zil gyis mi non pa'i ye shes yang dag par 'grub par 'gyur ro/ /de bzhin gshegs pa'i ye shes kyi 'od zer chen po thams cad mngon par mkhyen pa zhes bya ba 'byung ste/ 'od zer des de bzhin gshegs pa rnams kyi ye shes thams cad du brjod pa las 'das shing| thams cad du thogs pa med pa yang dag par 'grub par 'gyur ro/ /de bzhin gshegs pa'i ye shes kyi 'od zer chen po sprul pas mngon par bsgrubs pa zhes bya ba 'byung ste/ 'od zer des de bzhin gshegs pa mthong zhing thos pa dang / de dang 'grogs pa don yod pas dge ba'i rtsa ba chud mi za ba'i ye shes yang dag par 'grub par 'gyur ro/ /de bzhin gshegs pa'i ye </font><hr>Nga117a<br><font size=+1>


@#/ /shes kyi 'od zer chen po mnyam pa nyid kyi rjes su song ba zhes bya ba 'byung ste/ 'od zer des de bzhin gshegs pa rnams kyi bsod nams dang ye shes mi zad pa'i tshogs 'gro ba thams cad nye bar 'tsho ba yang dag par 'grub par 'gyur ro/ /de bzhin gshegs pa'i ye shes kyi 'od zer chen po 'jug par dka' ba zhes bya ba 'byung ste/ 'od zer des de bzhin gshegs pa rnams kyi ye shes dkon mchog gsum gyi rigs rgyun mi gcod cing / ye shes zab mo thugs su chud pa yang dag par 'grub par 'gyur ro/ /de bzhin gshegs pa'i ye shes kyi 'od zer chen po rgyan sna tshogs can zhes bya ba 'byung ste/ 'od zer des de bzhin gshegs pa rnams kyi ye shes mtshan dang dpe byad bzang po'i rgyan sna tshogs kyi 'gro ba thams cad rnam pa thams cad du dga' bar 'gyur ba yang dag par 'grub bo/ /de bzhin gshegs pa rnams kyi ye shes kyi 'od zer chen po tshe mi 'phrogs pa zhes bya ba 'byung ste/ 'od zer des de bzhin gshegs pa rnams kyi ye shes sangs rgyas kyi yul chos kyi dbyings kyis klas pa/ nam mkha'i mthas gtugs par sku tshe'i tshad rgyun mi 'chad pa yang dag par 'grub par 'gyur te/ kye rgyal ba'i sras dag /de ltar de bzhin gshegs pa'i thugs rje chen po'i char sprin chen </font><hr>Nga117b<br><font size=+1>


po ro gcig pa dang / de bzhin gshegs pa'i ye shes kyi 'od zer gyi dkyil 'khor chen po ro gcig pa dang / byang chub sems dpas yang dag par bsgrubs pa'i chos nyid thob pa dang / sems can gyi bsam pa dang / dbang po dang / brtson 'grus rnam pa tha dad pa'i chos nyid thob pas/ de bzhin gshegs pa thams cad kyi ye shes kyi 'od zer rang bzhin gcig pa las rnam pa tha dad du gyur pa yod cing snang ngo / /ye shes kyi 'od zer rnam pa tha dad pa las/ de bzhin gshegs pa 'byung ba yang dag par 'grub pa rnam pa tha dad pa yang yod cing snang ngo / /kye rgyal ba'i sras dag /de bzhin gshegs pa yang dag par 'grub pa rnam par phye ba'i ro gcig pa las/ yon tan rnam pa tha dad pa'i rgyan tshad med bsam gyis mi khyab pa 'byung zhing / de bzhin gshegs pa'i byin gyi rlabs kyis/ sems can rnams kyis kyang de bzhin du shes par 'gyur ba la ltos /kye rgyal ba'i sras dag /de ni 'di ltar de bzhin gshegs pa dgra bcom pa yang dag par rdzogs pa'i sangs rgyas rnams kyis byin gyis ma brlabs na/ sems can sngon chad de bzhin gshegs pa la dge ba'i rtsa ba ma bskyed pas/ de bzhin gshegs pa'i ye shes la chung ngu na cha shas gcig tsam bstan pa yang shes par 'gyur ba'am/ khong du chud par 'gyur ba'i gnas </font><hr>Nga118a<br><font size=+1>


@#/ /med skabs med de/ de ni gnas ma yin no/ /kye rgyal ba'i sras dag /de ltar de bzhin gshegs pa'i mthu'i khyad par gyis sems can rnams de bzhin gshegs pa'i ye shes chen po'i mthu la 'jug cing rtog pa dang khong du chud par byed kyang / de bzhin gshegs pa la rtog pa mi mnga'/ rnam par rtog pa mi mnga' ste / 'byung ba med cing kun nas 'byung ba med la yang dag par 'grub pa med de/ bya ba med cing de la byed pa su la'ang med mod kyi/ yang dag par 'byung ba'i grangs su bgrang ba yang yod do| |kye rgyal ba'i sras dag /khong du chud par bya ba'i sgo brgyad pa 'dis kyang byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas skye ba 'byung ba khong du chud par bya'o/ /kye rgyal ba'i sras dag /gzhan yang 'di lta ste/ dper na/ rlung gi dkyil 'khor chu'i phung po'i 'dzin pa bzhi ni| nam mkha' la gnas shing ldang ngo / /bzhi gang zhe na/ 'di lta ste/ rlung gi dkyil 'khor brtan pa dang / rlung gi dkyil 'khor gnas pa dang / rlung gi dkyil 'khor mi nyams pa dang / rlung gi dkyil 'khor snying po dang ldan pa zhes bya ba dag ste/ rlung gi dkyil 'khor chen po de bzhi ni rab tu lding zhing chu'i phung po 'dzin te/ chu'i phung po la gnas pa'i sa </font><hr>Nga118b<br><font size=+1>


chen po ni mi 'jig /rnam par mi 'jig pas de'i phyir sa ni chu la gnas so/ /chu ni rlung la gnas so/ /rlung ni nam mkha' la gnas so/ /nam mkha' ni mi gnas pa zhes bya ste/ stong gsum gyi stong chen po'i 'jig rten gyi khams ni tshul de lta bur gnas so/ /kye rgyal ba'i sras dag /de bzhin du de bzhin gshegs pa 'byung ba'i tshe/ de bzhin gshegs pa'i ye shes kyi rlung gi dkyil 'khor chen po shes rab kyi snang ba chags pa med pa la gnas pa bzhi ldang ste/ de dag ni 'gro ba thams cad kyi dge ba'i rtsa ba yongs su 'dzin to/ /bzhi gang zhe na/ 'di lta ste/ de bzhin gshegs pa'i ye shes kyi rlung gi dkyil 'khor chen po bsdu bas sems can yongs su dga' bar 'gyur ba zhes bya ba dang / ye shes kyi rlung gi dkyil 'khor chen po chos rnam par dgod pa la 'gro ba mos par byed pa zhes bya ba dang / ye shes kyi rlung gi dkyil 'khor chen po dge ba'i rtsa ba thams cad yongs su srung ba zhes bya ba dang / ye shes kyi rlung gi dkyil 'khor chen po 'khor ba thams cad zag pa med pa'i dbyings su khong du chud pa zhes bya ba dag ste/ kye rgyal ba'i sras dag /bzhi po de dag ni shes rab kyi snang ba chags pa med pa la gnas pa'i ye shes kyi rlung gi dkyil 'khor chen po rnams te/ de dag ni 'gro ba thams cad byams pa chen pos yongs su bskyab pa dang / thugs rje chen pos </font><hr>Nga119a<br><font size=+1>


@#/ /'gro ba thams cad yongs su dgrol zhing gzung ba'i phyir ldang ste/ byams pa chen po dang / snying rje chen po la gnas pa'i byang chub sems dpa' ni 'gro ba mang po rnam par phye ba 'byams klas pa'i nang na/ thabs mkhas pa la gnas pa'i byams pa chen pos sems can thams cad nye bar 'tsho ba yin te/ kye rgyal ba'i sras dag |de bzhin gshegs pa 'byung ba ni tshul de lta bur 'grub cing de ltar gnas pa yin te/ shes rab kyi snang ba chags pa med pa ni mi gnas pa'o/ /kye rgyal ba'i sras dag / khong du chud par bya ba'i sgo dgu pa 'dis kyang byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ /kye rgyal ba'i sras dag /gzhan yang 'di lta ste/ dper na/ stong gsum gyi stong chen po'i 'jig rten gyi khams 'grub pa ni/ tshad med pa'i sems can rnams yongs su spyod pa rnam pa tha dad pas nye bar 'tsho ba yin te/ 'di ltar chu la gnas pa'i sems can rnams kyang gnas kyis nye bar 'tsho ba yin/ sems can sa'i steng na 'khod pa rnams kyang sa'i steng na yod pa'i rnam pa tshad med pas nye bar 'tsho ba yin/ gzhal med khang na gnas pa rnams kyang gzhal med khang gis nye bar 'tsho </font><hr>Nga119b<br><font size=+1>


yin/ nam mkha' la gnas pa rnams kyang bar snang gi gnas kyis nye bar 'tsho ba yin/ kye rgyal ba'i sras dag /de bzhin du de bzhin gshegs pa yang dag par grub pa yang rnam pa tshad med pas 'gro ba thams cad nye bar 'tsho ba yin te/ 'di ltar mthong bar dga' ba dang / dad cing mos par gyur pa'i sems can rnams kyang sangs rgyas mthong bas nye bar 'tsho ba yin| tshul khrims kyi stobs kyi mthu la gnas pa rnams kyang / sangs rgyas kyi tshul khrims kyis nye bar 'tsho ba yin/ bsam gtan dang / tshad med pa la gnas pa rnams kyang / 'phags pa 'jig rten las 'das pa'i mngon par shes pas nye bar 'tsho ba yin/ chos kyi sgo snang ba la gnas pa rnams kyang rgyu chud mi za bas nye bar 'tsho ba yin/ snang ba med pa la gnas pa rnams kyang| chos 'byams klas pa chud mi za bas nye bar 'tsho ba yin pas/ de'i phyir de bzhin gshegs pa yang dag par grub pa ni/ 'gro ba thams cad nye bar 'tsho ba yin zhes bya'o/ /kye rgyal ba'i sras dag /khong du chud par bya ba'i sgo rnam pa bcu pa 'dis kyang byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi skye ba 'byung ba khong du chud par bya'o/ /kye rgyal ba'i sras dag /byang chub sems dpa' sems dpa' chen pos/ de bzhin gshegs pa skye ba 'byung ba bstan pa </font><hr>Nga120a<br><font size=+1>


@#/ /ni de lta bur shes par bya ste/ spyod pa yongs su bsgrubs pa tshad med pas na/ tshad med par shes par bya'o/ /phyogs bcu thams cad rgyas par 'gengs pas na/ shin tu yangs par shes par bya'o/ /skye ba dang 'jig pa'i gnas dang bral bas na/ len pa med cing 'dor ba med par shes par bya'o/ /sems dang / yid dang / rnam par shes pa dang bral bas na/ rgyu ba med cing rgyu ba dang bral bar shes par bya'o/ /nam mkha'i rang bzhin lta bu yin pas na/ lus med par shes par bya'o/ /sems can thams cad la bdag med pas na/ mnyam par shes par bya'o/ /sems can thams cad la zad mi shes pa'i zhing du gyur pas na/ mi zad par shes par bya'o/ /phyi ma'i mtha'i mur thug par rgyun mi 'chad pas na/ phyir mi ldog par shes par bya'o/ /de bzhin gshegs pa'i ye shes la gnyen po med pas na/ mi 'phrogs par shes par bya'o/ /'dus byas dang / 'dus ma byas mnyam pa nyid du thugs su chud pas na/ mi gnyis par shes par bya'o/ /sngon yongs su smin par byas pa'i sems can gyi bsam pa'i khyad par yongs su rdzogs par mdzad pas na 'gro ba thams cad nye bar 'tsho bar shes par bya'o/ /kye rgyal ba'i sras dag /de dag la sogs pa rnam par byang ba rnam pa tha dad pa tshad med pa shin tu bstan pa'i sgos kyang / </font><hr>Nga120b<br><font size=+1>


byang chub sems dpa' sems dpa' chen pos/ de bzhin gshegs pa 'byung zhing yang dag par 'grub pa bstan pa shes par bya'o/ /de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ de'i tshe tshigs su bcad pa 'di dag smras so/ /'jig rten kun las 'das shing stobs bcur mngar gyur te/ /mi mnyam mnyam dang mnyam zhing bar snang mkha' mnyam pa'i/ /mgon po rnams kyi spyod yul mtshungs med mtha' yas nyon/ /de dag 'jig rten kun na yon tan mtshungs pa med// stobs bcu yon tan tshad med mnga' ba thams cad kyi/ /mthu la sems dang yid kyi tshul gyis mi bsam ste/ /skyes bu seng ge rnams ni 'jig rten thams cad kyis/ /sgo rnams re rer bskal pa bye bar mi rtogs so/ /phyogs bcu kun na zhing rnams ji snyed yod pa rnams/ /skyes bu la las bshig ste rdul phran bgrang nus kyang / /des ni stobs bcu mnga' ba'i spu gcig yon tan yang / /bskal pa khrag khrig brgyas kyang tshad gzung mi nus so/ /skyes bu la la nam mkha'i dbyings la 'jal byed cing / /de ltar la las rtsis 'go bzung ste bgrang byas kyang / /gzhal bar mi nus mtha' yang rnyed par mi rung ba/ /de bzhin bde gshegs rnams kyi spyod yul tshad kyang med/ /dus gsum sems can rnams kyi rigs </font><hr>Nga121a<br><font size=+1>


@#/ /rgyud ji snyed dang / /de dag dus gsum spyod pa sems can 'ga' zhig gis/ /sems kyi skad cig yid kyis shes kyang 'gro snyed kyi/ /bskal pas thams cad zil gnon rang bzhin shes mi nus/ /ji ltar chos kyi dbyings ni kun tu mtha' yas shing / /kun yin thams cad ma yin mi snang gzung du med/ /de bzhin stobs bcu mnga' ba'i spyod yul tshad med de/ /thams cad yin yang kun min chos dbyings rang bzhin yin/ /de bzhin nyid ni de bzhin nyid du mi rtog cing / /kun nas 'byung pa med cing nam yang nub pa med/ /de bzhin 'jig rten kun 'das de dag spyod yul te/ /de bzhin nyid dang tshul mtshungs 'phel dang 'grib pa spangs/ /yang dag mtha' ni mtha' med mtha' la gnas pa ste/ /dus gsum kun dang rnam pa kun tu rnam par bral/ /de bzhin mgon po phan mdzad kun gyi spyod yul te/ /dus gsum rgyas mdzad rnam pa kun tu chags mi mnga'/ /rang bzhin byas pa med pas rnam par 'gyur ba med/ /rang bzhin mkha' 'dra dri med nyon mongs med pa ste/ /de bzhin rgyal ba rnams kyi rang bzhin kun tu dag /rang bzhin 'gyur dang bral zhing yod dang med ba min/ /sgra dang tshig las rnam grol dbyangs rnams thams cad med/ /'gro dang 'ong bral rnam rtog med </font><hr>Nga121b<br><font size=+1>


pas mya ngan 'das/ /de bzhin stobs bcu mnga' ba'i spyod yul rang bzhin med/ /tshig gi rang bzhin kun gyis brjod par mi nus so/ /de ltar chos kun rang bzhin zhi ba mkhyen gyur pas/ /ji ltar nam mkha'i rlung dang bya rjes 'dra ba ste/ /sngon chad smon lam mdzad pas gzugs kyi skur yang snang / /stobs bcu mnga' ba rnams kyi cho 'phrul ci 'dra ltos/ / rgyal ba'i spyod yul 'di la 'jug par su 'dod pa/ /des ni nam mkha' 'dra bar bsam pa yongs su sbyongs/ /rtog dang rnam par rtog dang 'du shes 'dzin spong ste/ /nam mkha' lta bu'i yid kyis de la 'jug par gyis/ /de bas bde gshegs sras rnams mgon po'i spyod yul rnams/ /bdag gis dpe tsam chung shas bshad kyi mnyan par gyis/ / stobs bcu mnga' ba'i yon tan mthar phyin mi nus kyang / /shas tsam shes par bya ba'i don du cung zad brjod/ /de dag sku yi 'phrin las ji ltar 'byung ba dang / /mgon po rnams kyi gsung dang thugs kyi spyod yul dang / /stobs bcu rnams kyi yul dang 'khor lo bskor ba dang / /mya ngan 'da' dang dge rtsa thams cad bshad kyi nyon/ /'jig rten 'di dag ma lus skye zhing 'byung ba'i tshe/ /de la rgyu yi rnam grangs gcig ces bgrang med kyi/ /rgyu dang tshul gyi rnam pa khrag khrig brgya mang gis/ /'jig rten stong gsum kun nas gnas </font><hr>Nga122a<br><font size=+1>


@#/ /pa'i grangs su 'gro/ /de bzhin skyes bu'i mchog rnams skye bar 'gyur ba'i tshe/ /de dag yon tan 'di snyed yin zhes bgrang pa med/ /rdul dang rdul phran bgrang nus sems can kun bsam nus/ /stobs bcu mnga' ba rnams kyi 'byung ba rnams la min/ /ji ltar sprin dang dus kyi char la rten byas shing / /char chen 'babs byed rlung rnams bzhi po de bzhin te/ /dge rtsa kun dang byang chub sems dpa'i mthus/ /'jig rten stong gsum kun nas gnas pa'i grangs su 'gro/ /de bzhin stobs bcu rnams kyi chos sprin rgyur byas shing / /bsam pa rnam dag byed pa'i ye shes rlung ldang ste/ /sngon gyi dge ba rkyen gyis rigs par yongs bsngos pas/ /stobs bcu mgon po rnams ni 'byung zhing skye bar 'gyur/ /steng gi mkha' yi dbyings las sprin chen char brugs pa/ /stong gsum stong chen 'jig rten kun nas 'jig 'gyur tshe/ /mkha' dbyings rgya chen dag pa'i rlung langs ma gtogs par/ /sa phyogs gzhan gyis bzung zhing gzung bar mi nus so/ /de bzhin stobs bcu mnga' ba 'byung bar 'gyur ba'i tshe/ /phyogs bcu kun gyi chos dbyings yongs su rgyas bkang zhing / /chos tshul char chen 'bab bar gyur la lhag pa'i sems/ /rnam par dag pa ma gtogs gzhan gyis 'dzin mi nus/ /nam mkha'i </font><hr>Nga122b<br><font size=+1>


dbyings las sprin chen char pa 'bab gyur pa/ /de la 'gro dang 'ong ba nam yang yod pa min/ /de la byed pa med de tshor ba po yang med/ /de dag chos nyid thob 'byung rnam pa gzhan gyis min| |de bzhin stobs bcu mnga' ba'i chos sprin char 'bab pa/ /de dag 'pho dang 'ong ba yod pa ma yin yang / /byang chub sems dpa'i mthu dang legs par spyad pa'i rgyus/ /byang chub sems dpa'i chos kyi rang bzhin sprin kyang 'byung / /sprin gyi char bkye char thigs yongs su bgrang nus pa'i/ /sems can de 'dra khams gsum 'di ni yod pa min/ /stong gsum dbang po'i dbang phyug de ni ma gtogs te/ /dbang bsgyur de ni sngon gyi smon lam 'bras bus bgrang / /de bzhin bde gshegs char chen 'bab pa ma lus par/ /sems can kun gyis bgrang bsam gzhal par sla ba min/ /'jig rten kun na 'gro ba'i mchog gyur dbang phyug rnams/ /de dag sprin chen char mkhyen rin chen lag bkod ltar/ /rab tu zhi byed zhi byed 'byung ba 'byung bar byed/ /gzhan yang yongs su gcod pa de ni yongs su gcod/ /sgrub pa de bzhin gzhan te de ni rin chen sgrub/ /rnam par 'byed pa stong gsum thams cad rnam par 'byed/ / stobs bcu mnga' ba'i zhi sprin nyon mongs kun zhir byed/ /'byung ba dge stong brgya 'grangs kun nas 'byung bar byed/ /yongs su gcod pa lta ba'i rnam pa yongs gcod de/ /rgyal </font><hr>Nga123a<br><font size=+1>


@#/ /ba'i rin chen sgrub cing bsam pa rnam par 'byed/ /bar snang mkha' las char 'bab ci ltar ro gcig kyang / /gnas kyi khyad kyis yongs su 'gyur ba sna tshogs mang / /'on kyang chu la rtog med rnam par rtog pa med/ /tha dad rnam pa 'grangs pa de dag chos nyid tshul/ /de bzhin chos kyang gcig min tha dad ma yin te/ /ro gcig zhi zhing rtog med rnam par rtog med de/ /'on kyang sangs rgyas chos 'grangs mu med 'byung bar 'gyur/ /de ni rdul bral rnams kyi chos nyid tshul yin no/ /ji ltar thog mar gzugs khams gzhal med khang pa 'byung / /de nas 'dod khams gzhal med khang rnams rnam par 'god/ /de nas sa steng mi yi gnas rnams rnam bkod de/ /de nas klu dang dri za 'gro ba kun gyi gnas/ /de bzhin stobs bcu mnga' ba de dag 'byung ba'i tshe/ /thog mar byang chub sems dpa'i spyod pa mu med 'byung / /de nas zhi dga' rang rgyal theg la gnas pa rnams| |de nas dbang du gyur pa'i de nas 'gro kun gyi/ /ji ltar pad+mo sangs rgyas skye ba'i ltas gyur pas/ /sngon chad sangs rgyas mthong ba'i lha rnams dga' 'gyur zhing / /chu las brten cing 'od gsal gzhal med khang yang 'byung / /rlung langs 'jig rten ras ris cha char 'god pa byed/ /sangs rgyas sngon gyi dge ba'i 'od gsal ltas yin te/ /des ni </font><hr>Nga123b<br><font size=+1>


sangs rgyas rgyal sras kun gyi thugs chud 'gyur/ /ye shes yongs dag dkyil 'khor mkha' ltar rnam dag pa'i/ /stobs bcu tha dad ji snyed sangs rgyas chos 'byung mkhyen/ /rlung ni chu phung ma lus kun gyi gnas yin te/ /de phyir sa steng gnas rnams 'jig par mi 'gyur ro/ /sa yang shing dang gel pa sman gyi gnas yin te/ /mkha' la gnas su bya ba gang yang med pa yin/ /mgon po rnams kyang shes rab ye shes gzhi la bzhugs/ /ye shes thugs rje byams pa thabs kyis yongs su bzung / /rgyal ba'i chos rnams ji snyed de dag thabs su 'dus/ /rdul med shes rab de ni gnas med lus kyang med/ /'jig rten byung nas tshad med mang po kun kyang 'tsho/ /sa la gnas dang chu la gnas pa thams cad dang / / nam mkha'i lha rdzas gzhal med khang la gnas pa dang / /rkang gnyis rkang bzhi sems can thams cad nye bar 'tsho/ /de bzhin skyes mchog dbang po chos kyi rgyal skyes pa/ / 'gro ba ma lus thams cad nye bar 'tsho ba yin/ /mthong zhing thos par gyur dang mchod pas de bzhin te/ /nyon mongs bsal bas sems can thams cad nye bar 'tsho/ /'byung ba mthar thug med pas 'jig rten mgo rmongs 'gyur/ /'on kyang 'gro la phan 'don sems can shes bya'i phyir/ /mi mkhas 'gro ba bstan phyir ye shes bstan don du/ /rgyal ba </font><hr>Nga124a<br><font size=+1>


@#/ /rnams kyi don rab dpe med dpes brjod do// //bam po bdun cu rtsa gcig pa/ de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi sku bltar yod pa ji lta bur khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras/ de bzhin gshegs pa'i sku bltar yod pa ni/ byang chub sems dpa' sems dpa' chen pos tshad med pa'i rjes su 'gro bas khong du chud par bya'o/ /kye rgyal ba'i sras/ de ci'i phyir zhe na/ de de bzhin gshegs pa'i sku bltar yod pa ni/ byang chub sems dpas chos gcig gam/ rnam pa gcig gam/ sku gcig gam/ zhing gcig gam/ sems can gcig gis khong du chud par bya ba ma yin te/ kye rgyal ba'i sras/ de ci'i phyir zhe na/ </font><hr>Nga124b<br><font size=+1>


de bzhin gshegs pa'i sku bltar yod pa ni/ thams cad du rjes su song bar byang chub sems dpas khong du chud par bya'o/ /kye rgyal ba'i sras/ 'di lta ste/ dper na/ nam mkha'i dbyings ni thams cad kyi rjes su song ba ste/ 'dod pa dang / gzugs yod pa dang / gzugs med pa'i gnas thams cad du khyab pa yin yang gang du'ang song ba med cing / rjes su song ba med par shes par bya'o/ /de ci'i phyir zhe na/ de ni nam mkha' la gzugs med pa'i phyir ro/ /kye rgyal ba'i sras/ de bzhin du de bzhin gshegs pa'i sku yang thams cad kyi rjes su song ba ste| sems can thams cad dang / chos thams cad dang / zhing thams cad kun tu khyab par shes par bya'o/ /'on kyang gar yang gshegs pa med cing rjes su bzhud pa med de/ de ci'i phyir zhe na/ de ni de bzhin gshegs pa'i sku la lus med pa'i phyir te/ sems can rnam par dmigs pa yod pa'i phyir skur bstan pa yang yod do/ /kye rgyal ba'i sras/ byang chub sems dpa' sems dpa' chen pos khong du chud par bya ba'i sgo dang po 'dis/ de bzhin gshegs pa'i sku bltar yod pa shes par bya'o/ /kye rgyal ba'i sras/ gzhan yang 'di lta ste| dper na/ nam mkha' gzugs med de/ yangs shing rgya che ba'i phyir/ sems can thams cad kyi bya ba snang zhing yod par gyur te/ nam mkha' la rtog pa med do/ /spros pa med do/ / </font><hr>Nga125a<br><font size=+1>


@#/ /kye rgyal ba'i sras/ de bzhin du de bzhin gshegs pa'i sku ye shes kyi 'od snang ba la brten cing / sems can thams cad kyi dge ba'i rtsa ba'i las 'jig rten pa dang / 'jig rten las 'das pa rnams yod cing snang bar gyur kyang / de bzhin gshegs pa'i sku la rnam par rtog pa mi mnga' ste/ spros pa mi mnga'o/ /de ci'i phyir zhe na/ de bzhin gshegs pa'i sku ni thogs ma nas spros pa thams cad yang dag par chad pa'i phyir ro/ /kye rgyal ba'i sras/ byang chub sems dpa' sems dpa' chen pos khong du chud par bya ba'i sgo gnyis pa 'dis kyang / de bzhin gshegs pa'i sku bltar yod pa shes par bya'o/ /kye rgyal ba'i sras/ gzhan yang 'di lta ste/ dper na/ 'dzam bu'i gling du nyi ma shar ba ni 'od kyis tshad med par khyab pas/ sems can rnams tshad med pa'i rnam pas nye bar 'tsho ste/ 'di ltar ri la bab cing rtswa dang nags tshal skye bar byed pas kyang nye bar 'tsho ba yin| mun pa'i mun nag yongs su sel zhing snang bar byed pas kyang nye bar 'tsho ba yin/ sa la bab cing 'dam rdzab yongs su skem pas kyang nye bar 'tsho ba yin/ lo tog la bab cing yongs su smin par byed pas kyang nye bar 'tsho ba yin/ nags tshal dang / gel ba dang / sman la bab cing skye ba dang rnam par 'phel bar byed pas kyang nye bar 'tsho ba </font><hr>Nga125b<br><font size=+1>


yin| nam mkha' la bab kyang bar snang la spyod pa'i sems can rnams nye bar 'tsho ba yin/ pad+mo'i nags tshal la bab kyang kha 'bye zhing rgyas par byed pas nye bar 'tsho ba yin/ grong dang / grong khyer dang / ljongs dang / pho brang 'khor dang / rgyal po'i gnas la bab kyang gzugs sna tshogs gsal bar ston pas nye bar 'tsho ba yin/ chu la bab kyang chu la gnas pa'i sems can yongs su longs spyod pas nye bar 'tsho ba yin/ las kyi rnam pa sna tshogs la bab kyang dgos pa brtsams pa yongs su grub par byed pas nye bar 'tsho ba yin/ de ci'i phyir zhe na/ de ni nyi ma'i dkyil 'khor gyi 'od zer tshad med pa bkye ba'i phyir ro/ /kye rgyal ba'i sras/ de bzhin du de bzhin gshegs pa'i sku bltar yod pa'i nyi ma yang / rnam pa tshad med pas sems can thams cad nye bar 'tsho ba yin te/ 'di ltar dge ba'i las yongs su skyed cing sdig pa'i las rnam par zlog pas kyang nye bar 'tsho ba yin/ shes rab kyi 'od snang ba mdzad cing gti mug gi mun pa rnam par sel bas kyang nye bar 'tsho ba yin/ 'gro ba thams cad yongs su skyob cing / byams pa chen po dang ldan pas kyang nye bar 'tsho ba yin/ 'gro ba thams cad yongs su 'grel cing / thugs rje chen po dang ldan pas kyang nye bar 'tsho ba yin/ dbang po dang / stobs dang / byang chub kyi yan lag 'phel bar mdzad cing / chos </font><hr>Nga126a<br><font size=+1>


@#/ /kyi lo tog la bab pas kyang nye bar 'tsho ba yin/ sems can gyi rnyog pa yongs su sel bas dad pa bskyed pas kyang nye bar 'tsho ba yin/ rgyu dang 'bras bu rnam par chud mi za bas mthong ba don yod pas kyang nye bar 'tsho ba yin/ skye ba dang / 'pho ba yang dag par ston cing / gzugs snang bar mdzad pas kyang nye bar 'tsho ba yin/ dge ba'i rtsa ba rnam par chud mi gzon cing khong khro ba mi mnga' bas kyang nye bar 'tsho ba yin/ slob ma'i yon tan pad+mo kha phye zhing rgyas par mdzad de/ sems can rnams la ye shes kyi 'od zer tshad med pa rab tu gtong bas kyang nye bar 'tsho ba yin/ spyad pa brtsams pa yongs su grub pa mdzad cing / byang chub sems dpa'i spro ba bskyed pas kyang nye bar 'tsho ba yin/ de ci'i phyir zhe na/ de bzhin gshegs pa'i sku'i nyi ma ni/ ye shes kyi 'od zer gyi dkyil 'khor tshad med pa dang ldan pa'i phyir ro/ /kye rgyal ba'i sras/ byang chub sems dpa' sems dpa' chen pos khong du chud par bya ba'i sgo gsum pa 'dis kyang de bzhin gshegs pa'i sku bltar yod pa shes par bya'o/ /kye rgyal ba'i sras/ gzhan yang 'di lta ste/ dper na/ nyi ma'i dkyil 'khor de nyid 'dzam bu'i gling du 'char ba'i tshe/ thog ma nyid du ri'i rgyal po chen po 'di lta ste/ ri rab ri'i rgyal po la snang bar 'gyur ro/ / </font><hr>Nga126b<br><font size=+1>


de'i 'og tu de ma yin pa'i ri chen po gzhan la snang bar 'gyur ro/ /de'i 'og tu ri nag po dag la'ang snang bar 'gyur ro/ /de'i 'og tu sa phyogs mthon po rnams su snang bar 'gyur ro/ / de'i 'og tu 'dzam bu'i gling 'di'i sa phyogs dma' ba dag kyang snang bar byed de/ 'on kyang nyi ma'i dkyil 'khor la/ 'dir ni thog ma nyid du 'od zer dgye'o zhe'am/ 'dir ni thog mar snang bar bya'o zhes bya ba'i rnam par rtog pa med de/ spros pa med kyang nyi ma'i dkyil 'khor 'od mnyam du gtong zhing 'char ba ni med pa ma yin te/ sa mthon dman gyi khyad par gyis mtho mtho la sngar 'char ro/ /kye rgyal ba'i sras/ de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes kyi sku nyi ma'i dkyil 'khor yang| chos kyi dbyings mtha' dang dbus med pa'i ris su 'char bar 'gyur ba'i tshe/ rtag tu rgyun mi 'chad par thogs pa med pa'i ye shes kyi 'od zer snang ba 'gyed de/ de yongs su bkye ba'i tshe yang thog ma nyid du lhag pa'i bsam pa/ ri'i rgyal po chen po lta bu dang ldan pa'i skyes bu dam pa rnams la/ chos kyi snang ba chen po yang dag par ston pa'i tshul du 'char bar 'gyur ro/ /de'i 'og tu nyan thos dang rang sangs rgyas kyi theg par zhugs pa rnams la 'char bar 'gyur ro/ /de'i 'og tu dge ba'i rtsa ba nges pa dang ldan pa'i sems can rnams </font><hr>Nga127a<br><font size=+1>


@#/ /la bsam pa'i snod ji lta ba bzhin du ye shes kyi snang ba chen po yang dag par bstan pa'i tshul gyis 'char bar 'gyur ro/ /de'i 'og tu chung ngu na log par nges pa'i sems can yan chad sems can thams cad la'ang de bzhin gshegs pa'i ye shes kyi 'od zer chen po 'char bar 'gyur ro/ /de ltar shar nas kyang sems can rnams la shin tu phan par 'gyur te/ ma 'ongs pa'i rgyu'ang yongs su smin par mdzad cing / dge ba'i chos kyis rnam par 'phel bar mdzad kyang / de bzhin gshegs pa'i ye shes kyi sku nyi ma'i 'od zer de dag ni/ sems can 'di rnams la bdag cag gis thog ma nyid du theg pa chen pos snang bar byas te/ de'i 'og tu bsam pa 'bring dang ldan pa rnams la/ nyan thos dang| rang sangs rgyas kyi theg pas rnam par dag par bya ba'i phyir snang bar bya'o/ /de'i 'og tu sems can dge ba'i bsam pa can mos pa'i theg pa dang ldan pa rnams la bsam pa ji lta ba bzhin du yongs su smin par bya ba'i tshul gyis snang bar bya'o/ /de'i 'og tu chung ngu na sems can log par nges pa yan chad sems can thams cad kyi bsam pa yongs su sbyang bar bya'o/ /blta ba bsrang bar bya'o zhes rnam par rtog pa mi mnga'/ spros pa mi mnga' ste/ 'on kyang 'od zer mnyam par 'gyed pas/ 'od zer gyi </font><hr>Nga127b<br><font size=+1>


mnyam pa nyid du kun tu bsgribs pa med par sems can thams cad la rab tu snang bar 'gyur te/ de ni de bzhin gshegs pa'i ye shes kyi sku nyi ma'i dkyil 'khor la rnam par rtog pa mi mnga' ba'i phyir ro/ /de yang 'di lta ste/ dper na/ nyi ma'i dkyil 'khor rnam par rtog pa med cing / 'od zer mnyam pa nyid du 'char yang ri chen po rnams la rnam pa tha dad du snang bar 'gyur ro/ /de bzhin du de bzhin gshegs pa'i ye shes kyi sku nyi ma'i dkyil 'khor rnam par rtog pa mi mnga' zhing / 'od zer mnyam pa nyid du 'char yang / sems can rnams kyi dge ba'i rtsa ba rnam pa tha dad pa dang / bsam pa'i rnam pa tha dad pas/ de bzhin gshegs pa'i 'od zer rnam pa tha dad pa yang snang zhing yod do/ /kye rgyal ba'i sras/ byang chub sems dpa' sems dpa' chen pos khong du chud par bya ba'i sgo bzhi pa 'dis kyang / de bzhin gshegs pa'i sku bltar yod pa shes par bya'o/ /kye rgyal ba'i sras/ gzhan yang 'di lta ste/ dper na/ nyi ma'i dkyil 'khor de nyid shar kyang sems can dmus long rnams kyi mig lam du snang bar mi 'gyur te/ de ni mig dang mi ldan pa'i phyir ro/ /kye rgyal ba'i sras| de ltar nyi ma'i dkyil 'khor de sems can dmus long rnams mig dang mi ldan pa'i phyir mig lam du mi snang du zin gyis kyang / sems can dmus long rnams la'ang nyi </font><hr>Nga128a<br><font size=+1>


@#/ /mar gdags pa dang / kha zas 'ju ba dang / bde bar spyod pa dang / lus kyi grang ba bsal ba dang / lus yang ba dang / mig nad dang / lus la gnas pa'i nad rlung ngam mkhris pa'am/ bad kan las byung ba de dag thams cad sel bar byed pa'i sgor mi phan pa ma yin te/ phan 'dogs so/ /kye rgyal ba'i sras/ de bzhin du de bzhin gshegs pa'i ye shes kyi sku nyi ma'i dkyil 'khor yang / sems can lhag pa'i bsam pa'i mig ldongs par gyur pa/ mos pa log pa/ lta ba log pa/ sbyor ba log pa/ 'tsho ba log pa/ dmus long lta bur gyur pa'i mig lam du snang bar mi 'gyur te/ de ni dad pa'i mig dang mi ldan pa'i phyir ro/ /kye rgyal ba'i sras/ de ltar de bzhin gshegs pa'i ye shes kyi sku nyi ma'i dkyil 'khor sems can dmus long lta bur gyur pa'i dad pa'i mig dang mi ldan pa de dag gi mig lam du snang bar ma gyur du zin kyang / sems can rnam pa de lta bu dag la de bzhin gshegs pa'i mthus/ sems can de dag gi lus la mi bde ba/ rtse zhil bar 'gyur ba dang / ma 'ongs pa'i nyon mongs pa'i rgyu'i lhags pa sel ba'i sgor de bzhin gshegs pa'i ye shes kyi sku nyi ma'i dkyil 'khor phan par mi 'gyur ba ma yin te/ phan 'dogs so/ /kye rgyal ba'i sras/ de bzhin </font><hr>Nga128b<br><font size=+1>


gshegs pa la yon tan rin po che thams cad yang dag par bsags pa zhes bya ba'i 'od zer dang / thams cad mkhyen pa'i ye shes kyi snang ba dang ldan pa zhes bya ba'i 'od zer dang| rnam par dag pas rnam par rol pa'i ye shes kyi snang ba dang ldan pa zhes bya ba'i 'od zer dang / dbyangs chen pos ye shes rnam par dgod pa'i don snang ba dang ldan pa zhes bya ba'i 'od zer dang / spyod pa thams cad kyis shin tu tshim par byed pa'i ye shes snang ba dang ldan pa zhes bya ba'i 'od zer dang / sems can thams cad kyi the tshom thams cad yongs su bcad pa'i yul la rnam par rol pa zhes bya ba'i 'od zer dang / mi gnas pa'i ye shes rnam par 'phrul ba'i snang ba dang ldan pa zhes bya ba'i 'od zer dang / spros pa thams cad yang dag par gcad pa'i yul la ye shes kyis rnam par rol pa zhes bya ba'i 'od zer dang / theg pa tha dad pa'i snod la dbyangs rab tu bsgrags pa zhes bya ba'i 'od zer dang| zhing gi rgyan du sems can yongs su smin par mdzad cing / skye ba rnam par sbyong bas rnam par rol pa'i dkyil 'khor gyi dbyangs zhes bya ba'i 'od zer mnga' ste/ kye rgyal ba'i sras| 'od zer de dag la sogs pa de bzhin gshegs pa'i mdzod spu'i gseb kyi sgo gcig nas kyang 'od zer stong tshang bar 'byung ste/ lnga brgya ni 'og gi phyogs su gtogs so/ / </font><hr>Nga129a<br><font size=+1>


@#/ /lnga brgya ni steng gi phyogs su gtogs so/ /'od zer de dag mthong bar gyur na byang chub sems dpa' sangs rgyas kyi zhing gzhan dang gzhan na 'khod pa rnams kyis/ de bzhin gshegs pa mtshan tha dad pa rnams rab tu shes par 'gyur te/ byang chub sems dpa' de dag thams cad kyang / de bzhin gshegs pa'i yul la mgo yongs su dag pa bcu rab tu 'thob par 'gyur ro/ /de bzhin gshegs pa'i yul la mig yongs su dag pa bcu dang / rna ba yongs su dag pa bcu dang / sna yongs su dag pa bcu dang / lce yongs su dag pa bcu dang / lus yongs su dag pa bcu dang / lag pa yongs su dag pa bcu dang / rkang pa yongs su dag pa bcu dang / sa yongs su dag pa bcu dang / ye shes 'byams klas pa yongs su dag pa bcu rab tu 'thob par 'gyur te/ de dag gi skye mched byang chub sems dpa'i sar grub pa de dag gis 'od zer de dag mthong zhing shes par gyur nas kyang / de dag gi skye mched de dag de bas kyang rnam par dag par gyur te/ de dag gi dge ba'i rtsa ba thams cad kyang thams cad mkhyen pa nyid du yongs su smin par 'gyur ro/ /nyan thos kyi theg pa pa dang / rang sangs rgyas kyi theg pa pa rnams la yang / phyogs gcig gi sar dri ma thams cad yongs su byang ba'i rgyur </font><hr>Nga129b<br><font size=+1>


'gyur ro/ /sems can dmus long lta bu rnams kyis kyang / lus kyi bde ba rab tu 'thob cing yongs su rdzogs pa dang / skyon med pa dang / rnam par dag pa dang / shin tu dul ba rab tu 'grub par 'gyur te/ de ni gong du yang rnam par bsgom pa'i ye shes rab tu 'grub pa'i rgyur 'gyur ro/ /sems can dmyal ba pa dang / byol song gi skye gnas pa dang / gshin rje'i 'jig rten pa'i sems can rnams dang / log par ltung ba'i sems can rnams la yang / lus kyi bde ba nye bar 'grub pa'i rgyur 'gyur te/ lus kyi bde ba de dang ldan par gyur nas kyang / log par ltung ba de dag nas shi 'phos shing 'grol bar 'gyur ro/ /log par ltung ba'i ngan song de dag nas shi 'phos nas kyang lha dang mir skye ste/ kye rgyal ba'i sras/ sems can de dag gis ni/ khong ta bdag cag rgyu gang dang / rkyen gang dang / su'i mthus der skyes par gyur pa'ang mi shes/ khong du mi chud do/ /'di lta ste/ dper na| sems can dmus long du gyur pa de dag 'di snyam sems te/ bdag cag ni tshangs pas byas pa ste/ tshangs pas sprul pa'o zhes bya ba'i lta ba'i rnam pa dang ldan yang / de bzhin gshegs pa'i ting nge 'dzin gyi dkyil 'khor kun tu rnam par 'phrul pa la bzhugs shing / sangs rgyas kyi gsung stong phrag drug cu dang ldan pas/ sems can de dag la bka' stsal </font><hr>Nga130a<br><font size=+1>


@#/ /te| grogs po dag /'di ni tshangs pa'i zhing ma yin/ 'jig rten gyi mgon po'i zhing ma yin te/ 'di ni sangs rgyas kyi zhing ngo / /khyed ni de bzhin gshegs pas yongs su smin par byas pa'o/ /zhes bka' stsal na/ sems can de dag kyang de bzhin gshegs pa'i byin gyi rlabs kyis dran par gyur nas/ de dag de ma thag tu dga'| rangs shing yid bde bas rab tu dga' ba dang / bde ba'i nyams kyis yid spro ba dang ldan par gyur nas/ me tog gi sprin dang / spos kyi sprin dang / rol mo'i sprin dang| na bza'i sprin dang / gdugs kyi sprin dang / rgyal mtshan gyi sprin dang / ba dan gyi sprin dang / rin po che'i sprin dang / seng ge'i rgyal mtshan dang / zla ba kham pa'i khang pa brtsegs pa'i sprin dang / bstod pa'i sprin dang / rgyan sna tshogs shin tu bsgrubs pa'i sprin rgya chen pos de bzhin gshegs pa la rim gro byed do/ /bkur sti byed do/ / bsti stang byed do/ /mchod pa byed do/ /de ci'i phyir zhe na/ de ni de dag gi lha'i mig rnam par dag par byas pa'i phyir te/ sems can de dag la'ang bla na med pa yang dag par rdzogs pa'i byang chub tu/ de bzhin gshegs pa lung ston to/ /kye rgyal ba'i sras/ de ltar de bzhin gshegs pa'i ye shes kyi sku nyi ma'i dkyil 'khor ni sems can dmus </font><hr>Nga130b<br><font size=+1>


long du gyur pa rnams la yang dge ba'i rtsa ba yongs su smin par mdzad pas phan 'dogs pa yin no/ /kye rgyal ba'i sras/ byang chub sems dpa' sems dpa' chen pos khong du chud par bya ba'i sgo lnga pa 'dis kyang / de bzhin gshegs pa'i sku bltar yod pa shes par bya'o/ /kye rgyal ba'i sras/ gzhan yang 'di lta ste/ dper na/ zla ba'i dkyil 'khor 'char bar 'gyur ba'i tshe rmad du byung ba'i chos bzhi snga phyi med par byed de/ bzhi gang zhe na/ 'di lta ste/ skar ma thams cad zil gyis gnon to/ /'phel ba dang| 'grib pa yang yongs su ston to/ /'dzam bu'i gling thams cad kyi chu dang ba'i snod kun tu'ang gzugs brnyan rab tu snang ngo / /sems can kun gyis bltas na'ang mngon sum du gnas par snang ste/ de la rnam par rtog pa med do/ /sprul pa med do/ /kye rgyal ba'i sras/ de bzhin du de bzhin gshegs pa'i sku zla ba'i dkyil 'khor yang / rmad du byung ba'i chos bzhi snga phyi med par ston to/ /bzhi gang zhe na/ 'di lta ste/ slob pa dang mi slob pa thams cad dang / rang sangs rgyas thams cad kyi yon tan rnam pa thams cad du zil gyis gnon to/ /ji lta bur mos pa'i sems can rnams kyi lta ba rnam pa tha dad pa'i tshul dang / sku tshe'i tshad rnam pa tha dad pa yang yang dag par ston te/ de bzhin </font><hr>Nga131a<br><font size=+1>


@#/ /gshegs pa'i sku zla ba'i dkyil 'khor la 'phel ba dang / 'grib pa mi mnga'o/ /'jig rten gyi khams thams cad du lhag pa'i bsam pa dang / sems yongs su dag cing / mos pa yongs su bsgoms pa'i stobs dang / shugs su ldan pa'i sems can byang chub kyi snod rnams la'ang gzugs brnyan rab tu 'byung ngo| |sems can kun gyis bltas kyang / bdag bdag la mngon du gzigs par 'dzin te/ bsam pa ji lta ba bzhin du chos nyan/ theg pa gang gis 'dul ba'i sa ci bzhin du rnam par grol bar 'gyur te/ sems can ji lta bur 'dul ba bzhin du snang ba'i tshul gyis de bzhin gshegs pa'i sku'ang rab tu ston te/ de bzhin gshegs pa'i sku zla ba'i dkyil 'khor de la rnam par rtog pa mi mnga'/ spros pa mi mnga'o/ /rnam par rtog pa mi mnga' zhing spros pa mi mnga' bas kyang 'phrin las de dag la rab tu spyod do/ /kye rgyal ba'i sras/ byang chub sems dpa' sems dpa' chen pos khong du chud par bya ba'i sgo drug pa 'dis kyang / de bzhin gshegs pa'i sku bltar yod pa shes par bya'o/ /kye rgyal ba'i sras/ gzhan yang 'di lta ste/ dper na/ stong gsum gyi stong chen po'i bdag po tshangs pa chen po ni/ las gron chung ngus stong gsum gyi </font><hr>Nga131b<br><font size=+1>


stong chen po'i 'jig rten gyi khams thams cad du lus yongs su ston te/ 'on kyang lus yongs su 'byed pa med do/ /lus tha dad par byed pa med do/ /stong gsum gyi stong chen por gtogs pa'i sems can rnams kyis kyang / bsam pa mnyam pa nyid ji lta bu dang ldan pa'i tshul bzhin du lus mnyam pa nyid du mthong ngo / /kye rgyal ba'i sras| de bzhin du de bzhin gshegs pa yang / sku yongs su 'byed pa mi mdzad/ sku tha dad par mdzad pa yang mi mnga' bar 'jig rten gyi khams thams cad du gtogs pa'i sems can rnams la yang bsam pa dang / mos pa ji lta ba bzhin du sku yongs su ston te/ de bzhin gshegs pa'i sku la rnam par rtog pa mi mnga'/ spros pa mi mnga'o/ /kye rgyal pa'i sras/ byang chub sems dpa' sems dpa' chen pos khong du chud par bya ba'i sgo bdun pa 'dis kyang / de bzhin gshegs pa'i sku bltar yod pa shes par bya'o/ /kye rgyal ba'i sras/ gzhan yang 'di lta ste/ dper na/ sman pa'i rgyal po chen po sman gyi yo byad dang / cho ga la shin tu mkhas pa gtsug lag dang sngags thams cad kyi tshul shes pa zhig yod la/ 'dzam bu'i gling gi sman thams cad de'i dbang du gyur te/ sman pa'i rgyal po chen po de'i sngon gyi dge ba'i rtsa ba'i stobs kyi shugs dang / sngags dang / </font><hr>Nga132a<br><font size=+1>


@#/ /rig sngags kyi mthu dang / thabs kyis mthong ma thag tu sems can rnams kyi nad yongs su 'tsho bar 'gyur zhing / nad med par 'gyur ba zhig yod de/ de nas sman pa'i rgyal po de 'chi ba'i dus la bab par gyur na/ de 'di snyam du sems par gyur te/ kyi hud sems can 'di dag bdag shi ba dang mgon med par 'gyur gyi/ bdag gi thabs mkhas pa'i stobs kyis sman thams cad yongs su bsdus te/ bdag gi lus la bsku'o/ /sngags dang rig sngags kyi stobs dang / byin gyi rlabs kyis kyang bdag gi lus byin gyis brlabs te/ ci nas kyang bdag shi nas lus mi 'jig pa dang / mi skam pa dang / mi nyams shing 'gro ba dang / 'ong ba dang / 'dug pas kyang spyod pa dang / nad thams cad sos par bya ba'i phyir/ sman pa'i las su bya ba thams cad kyang spyod cing blta ba dang / mnyan pa'i don spyod pas kyang sngon ji lta ba bzhin du phyin chad kyang gnas par bya'o snyam du sems pa zhig yod na/ kye rgyal ba'i sras/ de bzhin du de bzhin gshegs pa dgra bcom pa yang dag par rdzogs pa'i sangs rgyas sman pa'i rgyal po chen po bla na med pa nyon mongs pa'i nad thams cad rab tu zhi bar mdzad pa la mkhas pa/ bskal pa bye ba khrag khrig brgya stong mang pos kun mkhyen </font><hr>Nga132b<br><font size=+1>


pa'i rtsi la/ brtson 'grus shin tu mdzad pa/ shes rab kyi pha rol tu phyin pa'i thabs mkhas pa dang / sngags dang / rig sngags la shin tu bslabs pa/ stobs dang mi bsnyengs pa dang / sangs rgyas kyi chos ma 'dres pa la rab tu mkhas pa sems can thams cad yongs su smin par bya ba dang / gdul ba'i tshul mkhyen pa/ de bzhin gshegs pa thams cad kyi mnga' chen po brnyes pa des kyang / sngon byang chub sems dpa'i spyod pa la bzhugs shing / bsod nams dang / ye shes kyi tshogs dang / shes rab kyi pha rol tu phyin pa'i thabs mkhas pa'i sngags dang / rig sngags dang / sman gyi mthus phyi ma'i mtha'i mur thug pa'i bskal par 'gro ba thams cad kyi nyon mongs pa'i nad gso ba'i phyir/ sku tshe'i tshad byin gyis brlabs pas/ de'i sku yongs su dag pa'i phyir/ mthong ma thag tu ched du mi mdzad cing lhun gyis grub par sems can rnams kyi nyon mongs pa'i nad thams cad rab tu zhi bar 'gyur te| sangs rgyas kyi 'phrin las thams cad kyang rgyun mi 'chad par 'byung ngo / /kye rgyal ba'i sras/ byang chub sems dpa' sems dpa' chen pos khong du chud par bya ba'i sgo brgyad pa 'dis kyang / de bzhin gshegs pa'i sku bltar yod pa shes par bya'o/ /kye rgyal ba'i sras/ gzhan yang 'di lta ste/ dper na/ rgya mtsho chen po'i nang na nor bu rin po che </font><hr>Nga133a<br><font size=+1>


@#/ /chen po 'od thams cad 'dus pas rnam par snang ba'i snying po zhes bya ba yod de/ kye rgyal ba'i sras/ nor bu rin po che chen po de'i 'od kyis/ sems can gang la bab pa de dag thams cad kyang 'di lta ste/ nor bu rin po che 'od thams cad 'dus pas/ rnam par snang ba'i snying po'i kha dog tu kha dog gcig par 'gyur ro/ /gang gis nor bu rin po che de mthong bar gyur ba de dag gi mig kyang yongs su dag par 'gyur ro/ /nor bu rin po che de'i 'od kyi dkyil 'khor gyis ji tsam du khyab par gyur pa de tsam du 'od kyi dkyil 'khor de las/ sems can bde bar byed pa zhes bya ba'i nor bu rin po che'i char 'bab par 'gyur te/ des sems can de dag kyang rab tu bde bar 'gyur la/ sdug bsngal yang rgyun 'chad par 'gyur ro/ /kye rgyal ba'i sras/ ltos dang / nor bu rin po che de chos ci la yang mi rtog na/ 'on kyang don chen po rab tu sgrub bo/ /kye rgyal ba'i sras/ de bzhin du de bzhin gshegs pa la yang sku rin po che chen po bsod nams thams cad yongs su bsdus pas/ ye shes chen po'i snying po dang ldan pa mnga' ste/ de bzhin gshegs pa'i sku rin po che'i ye shes kyi 'od zer de dag gis/ sems can ji snyed la reg par gyur pa de dag thams cad kyang / 'di lta ste/ de </font><hr>Nga133b<br><font size=+1>


bzhin gshegs pa'i sku'i kha dog tu kha dog gcig par 'gyur ro/ /sems can gang gis de bzhin gshegs pa'i sku mthong bar gyur pa de dag gi chos kyi mig kyang rnam par dag par 'gyur ro/ /de bzhin gshegs pa'i sku rin po che'i 'od zer gyi dra ba'i dkyil 'khor gyis sems can ji snyed la reg pa de dag thams cad kyang / dbul ba dang yongs su bral bar 'gyur te/ byang chub kyi sgo'i bar gyi de bzhin gshegs pa'i bde ba yang rab tu 'thob par 'gyur ro/ /kye rgyal ba'i sras/ ltos dang / de bzhin gshegs pa'i sku chos gang la yang rtog pa mi mnga' ste/ spros pa mi mnga' yang 'gro ba thams cad kyi don yongs su thob par mdzad do/ /kye rgyal ba'i sras/ byang chub sems dpa' sems dpa' chen pos khong du chud par bya ba'i sgo dgu pa 'dis kyang / de bzhin gshegs pa'i sku bltar yod pa shes par bya'o/ /kye rgyal ba'i sras/ gzhan yang 'di lta ste/ dper na/ rgya mtsho chen po'i nang na/ rin po che'i rgyal po chen po yid bzhin gyi nor bu 'gro ba thams cad kyi rgyan gyi snying po zhes bya ba yod de/ rin po che'i rgyal po de ni yon tan brgya stong phrag bcu dang ldan pa ste/ nor bu rin po che'i rgyal po de gang na 'dug pa de 'khor gyi sems can kun gyi nad dang / sdug bsngal gyi gtse ba thams cad med par 'gyur ro/ /sems can ji snyed cig </font><hr>Nga134a<br><font size=+1>


@#/ /nor bu rin po che'i rgyal po de la/ 'dod pas sems pa de dag thams cad kyi bsam pa yongs su rdzogs par byed de/ rin po che'i rgyal po chen po de ni bsod nams ma byas pa'i sems can rnams kyi mig lam du snang bar 'gyur ba ma yin no/ /kye rgyal ba'i sras/ de la nor bu rin po che'i rgyal po chen po zhes bya ba de ni / de bzhin gshegs pa'i sku sems can thams cad shin tu tshim par mdzad pa'i tshig bla dwags te/ gang na de bzhin gshegs pa'i sku bltar yod cing mtshan mnyan du yod la/ yon tan dang / legs pa yongs su brjod du yod pa de phyogs kyi sems can kun gyi 'khor ba la gnas pa'i sdug bsngal dang / mi bde ba thams cad med par 'gyur ro/ /kye rgyal ba'i sras/ de bzhin gshegs pa'i sku rin po che de ni/ ci ste sems can 'jig rten gyi khams thams cad du gtogs pa kun gyis snga phyi med par sems rtse gcig tu yid la bya ba ma 'khrugs pas/ de bzhin gshegs pa'i sku blta ba'i phyir dmigs pa byas na de dag thams cad kyis so so nas de bzhin gshegs pa'i sku'ang mthong bar 'gyur la/ thams cad kyi chos kyi bsam pa yang yongs su rdzogs par 'gyur ro/ /de bzhin gshegs pa'i sku de yang sems can 'dul ba'i dbang du de </font><hr>Nga134b<br><font size=+1>


bzhin gshegs pa'i byin gyi rlabs kyis bstan pa ma gtogs par sems can bsod nams ma byas pa rnams kyi mig lam du snang bar mi 'gyur te/ sems can su la'ang rung ste/ dge ba'i rtsa ba de bzhin gshegs pa'i sku bstan pas yongs su smin par bya ba zhig yod na/ de dag yongs su smin par bya ba'i don du de bzhin gshegs pa sku rin po che ston to| |kye rgyal ba'i sras/ byang chub sems dpa' sems dpa' chen po sems tshad med pa'i rjes su song zhing / phyogs kyi dra ba thams cad rgyas par 'gengs pa/ nam mkha' lta bur chags pa med pa'i spyod yul dang ldan pa/ chos kyi dbyings mnyam pa nyid khong du chud pa yang dag pa'i mtha' mnyam pa nyid la gnas pa/ de bzhin nyid la gnas pa/ de bzhin nyid ma skyes ma 'gags pa dang / dus gsum mnyam pa nyid kyi rjes su song ba rtog pa dang / rnam par rtog pa dang / yongs su rtog pa thams cad dang bral ba phyi ma'i mtha'i mur thug pa'i lhag pa'i bsam pa la zhugs pa| 'jig rten gyi khams dang / chos kyi dbyings ma lus pa thams cad du khyab pa/ de bzhin gshegs pa thams cad dang / sku'i rgyun gcig tu gyur pas khong du chud par bya ba'i sgo 'dis kyang| de bzhin gshegs pa dgra bcom pa yang dag par rdzogs pa'i sangs rgyas kyi sku bltar yod pa shes par bya'o/ /de nas byang chub sems dpa' sems dpa' chen po </font><hr>Nga135a<br><font size=+1>


@#/ /kun tu bzang pos/ don 'di nyid yang brtag par bya ba'i phyir/ de'i tshe tshigs su bcad pa 'di dag smras so/ /ji ltar mkha' dbyings kun tu mu med dbyings yin te/ /gzugs dang gzugs med de bzhin dngos dang dngos med kun/ /phyogs dang phyogs mtshams kun dang sems can lus dang zhing / /dus gsum ma lus mkha' dbyings des khyab bo/ /de bzhin gshegs sku kun nas bltar yod de bzhin te/ /'jig rten khams dang chos dbyings mi khyab gang yang med/ /rnam pa kun tu bltar med gzung med rgyal ba'i sku/ /'dul ba'i don yod mgon po'i sku ni bltar med min/ /ji ltar mkha' dbyings 'di ni gzung med dbyings yin pas/ / 'gro ba kun gyi las kyi rnam pa ma lus gnas/ /'on kyang bdag gis gang du ji ltar su yi don/ /ci dang ci zhig bya zhes mkha' dbyings rtog pa med/ /de bzhin skyes mchog sku yi 'phrin las brten byas te/ /phyogs bcu kun nas dkar po'i chos rnams ci yod pa/ /sna tshogs mi rnams byed kyang sangs rgyas sku la ni/ /'di yi don zhig bya zhes yongs su rtog mi mnga'/ /ji ltar 'dzam bu'i gling du nyi ma 'char 'gyur tshe/ /mun pa ma lus sel cing rab tu snang ba byed/ /shing dang pad+mo'i nags tshal sa rnams gar </font><hr>Nga135b<br><font size=+1>


bab pa'i/ /sna tshogs gnas kyis sems can thams cad nye bar 'tsho/ /de bzhin rgyal ba'i nyi ma sems can kun 'tsho ste/ /lha mi 'jig rten rnams kyi 'dus byas dge rtsa la/ / mun pa'i thibs po bsal cing shes rab snang 'gyur bas/ /mi yi dbang po mchog mthong bde ba thams cad 'thob/ /nyi ma'i 'od zer thog ma ri rab khor yug la/ /shar nas de yi 'og tu ri bo mang la 'char/ /de nas sa steng 'di yi phyogs rnams mtho mtho la/ /de nas sa steng dma' ba'i phyogs rnams snang bar byed/ /bde gshegs 'od zer thog mar rgyal sras lus la 'char/ /de yi 'og tu rang rgyal theg pa la gnas par 'char/ /de nas dbang bsgyur de nas slob pa'i rnams la 'char/ /de nas ma lus 'gro 'char sangs rgyas rtog mi mnga'/ /mig dang mi ldan nyi ma kun tu snang mi mthong / /'on kyang nyi ma'i grangs kyis de dag nye bar 'tsho/ /bkres pa spong zhing lus la shin tu lham par byed/ /de ltar sems can thams cad nyi mas nye bar 'tsho/ /dad dang mi ldan sangs rgyas nyi ma mi mthong ste/ /'on kyang rgyal ba'i byin gyis de yang nye bar 'tsho/ /rgyal ba'i mtshan thos bde gshegs 'od la reg gyur kyang / /de la byang chub go 'phang bar gyi rgyur 'gyur ro/ /zla ba shar ba skar ma thams cad zil gyis gnon/ /'gro ba rnams </font><hr>Nga136a<br><font size=+1>


@#/ /la 'phel dang 'grib pa yang du ston/ /chu mtsho kun la gzugs brnyan rab tu snang bar byed/ /gang rnams chu la lta ba de la mngon par snang rgyal ba'i zla ba shar ba nyan thos zil gyis gnon/ /'dul pa ji bzhin rang sku 'phel dang 'grib pa ston/ /lha dang mi yi sems la gzugs brnyan rab tu snang / /'gro ba kun gyis bdag bdag mdun na bzhugs par shes/ /tshangs pa ji ltar tshangs pa'i gnas nas ma g.yos kyang / /stong gsum tshangs gnas kun tu rang gi lus kyang ston// lha dang mi rnams rang gi lus kyi dbang du byed/ /tshangs pa rang gi lus kyang tha dad byed pa min/ /de bzhin chos rnams kun la mnga' 'gyur ston pa yang / /phyogs bcu kun tu sku gzugs mtha' yas ston par mdzad/ /dpe zla med pa rnams kyi sku la dbye ba med/ /mi rnams kun kyang so so'i ston pa mngon 'gyur shes/ /ji ltar gtsug lag kun la mkhas pa'i sman pa zhig /gang gis mthong bar gyur pa de dag nad 'jig pa/ /gang tshe tshe zad 'chir 'gyur de tshe sman bsdus shing / /rang gi lus la bskus te spyod pa thams cad ston/ /de ltar mi mchog dbang po mtshungs med sman pa'i rgyal/ /thabs dang shes rab ye shes kun la rab mkhas pa/ /sngon gyi spyod </font><hr>Nga136b<br><font size=+1>


pa'i khyad kyis ston pa'i sku ston te/ /mthong zhing 'gro ba'i nyon mongs ma lus nad kyang 'jil/ /ji ltar gangs chen mtsho la rin chen 'byung yod pa/ /'od kyi rnam pa thams cad kun tu 'gyed byed de/ /sems can gang la reg pa de dag de tshul 'gyur/ /gang gis mthong 'gyur de dag mig kyang rnam par dag /rgyal ba rin chen de bzhin shes rab 'od 'gyed de/ /sems can sus reg de dag sangs rgyas kha dog 'gyur/ /gang gis rgyal ba mthong ba de dag mig lnga 'thob par 'gyur/ /mun pa rdul bsal rgyal ba'i sa la gnas par 'gyur/ /ji ltar nor bu rin chen bsam pa kun ster ba/ /gang rnams ci 'dod de la de dag thams cad 'byin/ /de ni bsod nams gang gis byas pa des mthong ste/ /rin chen dam pa de la rnam rtog gang yang med/ /de bzhin bde gshegs sku mchog bsam pa kun skong ba/ /mthong nas smon lam su 'debs de dag bsam pa 'grub/ /snying ring dma' ba'i sems ldan 'gro bas thub mi mthong / /bde gshegs rnam rtog mi mnga' ser sna mi mnga'o// //bam po bdun cu gnyis pa/ de skad ces smras pa dang / byang chub sems dpa' sems dpa' chen po de bzhin gshegs pa'i rigs su 'byung ba'i dpal gyis/ byang chub sems </font><hr>Nga137a<br><font size=+1>


@#/ /dpa' sems dpa' chen po kun tu bzang po la 'di skad ces smras so/ /kye rgyal ba'i sras/ ji ltar byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi gsung brjod pa khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras/ byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi gsung brjod pa ni/ dbyangs kyi dkyil 'khor tshad med pas rgyas shing khyab par mdzad pa'i phyir/ kun tu khyab par shes par bya'o/ /chos bstan pa mngon par bsgrub pa'i phyir/ sems can thams cad kyi bsam pa ji lta ba bzhin du tshim par mdzad par shes par bya'o/ /sems rab tu tshim par mdzad pa'i phyir/ 'khor gyi dkyil 'khor thams cad mos pa ji lta ba bzhin du dga' bar mdzad par shes par bya'o/ /dus las mi 'da' ba'i phyir/ dus la ji ltar 'das pa bzhin du 'bral ba med par </font><hr>Nga137b<br><font size=+1>


shes par bya'o/ /sgra brnyan dang 'dra ba'i phyir shin tu mi skye mi 'gag par shes par bya'o/ /las bsags pa thams cad yongs su brjod pa'i phyir/ bdag po med par shes par bya'o/ /gting dpag dka' ba'i phyir shin tu zab par shes pa'o/ /chos kyi dbyings la zhen pas cis kyang mi tshugs par shes par bya'o/ /chos nyid la yang dag par gzhol bas rgyun mi 'chad par shes par bya'o/ /shin tu gnas la phebs pa'i mtha' thug pas skyor med par shes par bya ste/ de bzhin gshegs pa'i gsung brjod pa ni bdag po yod pa yang ma yin/ bdag po med pa yang ma yin pa dang / rnam par dmigs pa yang ma yin/ rnam par mi dmigs pa yang ma yin par shes bya'o| |de ci'i phyir zhe na/ kye rgyal ba'i sras/ 'di lta ste/ dper na/ 'jig rten gyi khams 'jig par 'gyur ba'i tshe/ chos nyid thob pas sgra chen po'i dbyangs chen po bzhi 'byung bar 'gyur te/ de dag la bdag po med cing yongs su 'dzin pa med do/ /bzhi gang zhe na/ kye rgyal ba'i sras/ 'jig rten gyi khams 'jig par 'gyur ba'i tshe / sgra chen po'i dbyangs chen po thog ma rnam pa 'di lta bu 'byung ste/ kye ma grogs po dag /bsam gtan dang po ni 'dod pa dang / gnod sems med pas shin tu bde ba ste/ 'dod </font><hr>Nga138a<br><font size=+1>


@#/ /pa'i khams las yang dag par 'da' ba'i rgyur 'gyur ro/ /sgra de thos nas sems can rnams bsam gtan dang po bsgrubs te /'dod pa'i khams las 'das nas/ tshangs pa'i 'jig rten du skye'o/ /de nas chos nyid thob pas/ sgra chen po'i dbyangs chen po gnyis pa 'byung ste/ kye ma grogs po dag /bsam gtan gnyis pa 'di ni rnam par rtog pa med cing / rnam par dpyod pa med pas shin tu bde ba ste/ tshangs ris kyi lha las yang dag par 'da' ba'i rgyur 'gyur ro/ /sgra de thos nas kyang sems can rnams bsam gtan gnyis pa bsgrubs te/ tshangs pa'i 'jig rten las 'das nas gya nom snang ba'i lha dang skal ba mnyam par skye'o/ / de nas chos nyid rab tu thob pas sgra chen po'i dbyangs chen po gsum pa 'byung ste/ kye ma grogs po dag /bsam gtan gsum pa 'di ni dga' ba med pas shin tu bde ba ste/ gya nom snang ba'i lha las yang dag par 'da' ba'i rgyur 'gyur ro/ /sgra de thos nas kyang sems can rnams bsam gtan gsum pa bsgrubs te/ gya nom snang ba'i lha las 'das nas/ dge rgyas kyi lha dang skal ba mnyam par skye'o/ /de nas chos nyid rab tu thob pas sgra chen po'i dbyangs chen po bzhi pa 'byung ste/ kye ma grogs po dag /bsam </font><hr>Nga138b<br><font size=+1>


gtan bzhi pa 'di ni shin tu zhi ba ste/ dge rgyas kyi lha las yang dag par 'da' ba'i rgyur 'gyur ro/ /sgra de thos nas kyang sems can rnams bsam gtan bzhi pa bsgrubs te/ dge rgyas kyi lha las 'das nas/ 'bras bu che ba'i lha dang skal ba mnyam par skye'o/ /kye rgyal ba'i sras/ de ltar 'jig rten gyi khams 'jig par 'gyur ba'i tshe/ chos nyid rab tu thob pas sgra chen po'i dbyangs chen po de bzhi 'byung bar 'gyur te/ de la bdag po'am rjod par byed pa gang yang med mod kyi/ de ltar tshad med pa'i yon tan dang ldan pa'i sgra rnams 'byung bar 'gyur ro/ /kye rgyal ba'i sras/ de bzhin du de bzhin gshegs pa'i gsung la'ang bdag po gang yang med de/ rjod par byed pa med do/ / 'phro bar byed pa med do/ /len pa med do/ /gtong ba med do/ /'on kyang de bzhin gshegs pa'i chos nyid thob pas/ sgra chen po'i dbyangs chen po bzhi 'byung bar 'gyur te/ bzhi gang zhe na/ 'di lta ste/ de bzhin gshegs pa'i chos nyid thob pas sgra chen po gcig 'byung ba ni/ kye ma/ 'dus byas 'di dag sdug bsngal pa ste/ sems can dmyal ba ni sdug bsngal lo/ /byol song gi skye gnas ni sdug bsngal lo/ /gshin rje'i 'jig rten ni sdug bsngal lo/ /bsod nams ma byas pa ni sdug bsngal lo/ /bdag gir </font><hr>Nga139a<br><font size=+1>


@#/ /'dzin pa ni sdug bsngal te/ sdig pa'i las spyod pa ni sdug bsngal gyi/ lha dang mir skye ba'i phyir dge ba'i rtsa ba skyed cig /'phags pa'i skye mched yongs su gzung zhig /mi khom par skye ba yongs su spongs shig /sgra de thos nas kyang sems can rnams ma nor bar nan tan rab tu byed de/ de dag ma nor bar nan tan byed cing dge ba yongs su spyod do/ /de dag dge ba spyod pa'i nan tan la zhugs pas/ mi khom par skye ba yongs su spong ste/ lha dang mir skye ba'i skye mched kyang rab tu 'dzin to/ /de nas de bzhin gshegs pa'i chos nyid rab tu thob pas sgra chen po'i dbyangs chen po gnyis pa 'byung ste/ kye ma/ 'dus byas 'di dag ni/ shin tu sdug bsngal ba ste/ 'bar ba/ kun nas 'bar ba /rab tu 'bar ba lcags kyi gong bu dang 'dra ba/ mi rtag cing 'gyur ba'i chos can dag go /'dus ma byas ni zhi ba/ gdung ba med pa/ bsil ba/ yongs su gdung ba dang bral ba'o/ /sgra de thos nas kyang sems can rnams dge ba'i chos la mngon par brtson par byed de/ de ltar mngon par brtson pas nyan thos kyi theg pa la sgra'i rjes su 'gro ba'i bzod pa thob par 'gyur ro/ /de nas de bzhin gshegs pa'i chos nyid thob pas sgra chen po'i dbyangs chen po gsum </font><hr>Nga139b<br><font size=+1>


pa 'byung ste/ kye ma/ nyan thos kyi theg pa 'di ni gzhan gyi sgra'i rjes su 'brang bas shin tu chung ba ste/ 'di bas mtho ba'i theg pa 'di lta ste/ rang gis mngon par 'tshang rgya bar bya ba slob dpon med par rang sangs rgyas kyi theg pa yod do/ /sgra de thos nas kyang sems can mos pa che ba rnams rang sangs rgyas kyi theg pa la nan tan byed cing / nyan thos kyi theg pa spangs nas/ rang sangs rgyas kyi byang chub tu 'jug go /de nas de bzhin gshegs pa'i chos nyid rab tu thob pas sgra chen po'i dbyangs chen po bzhi pa 'byung ste/ kye ma| nyan thos dang rang sangs rgyas kyi theg pa las 'das pa'i theg pa chen po/ byang chub sems dpa'i spyod pa dang mthun pa/ pha rol tu phyin pa drug dang / byang chub kyi spyod pa rgyun mi 'chad pa/ byang chub kyi sems yongs su mi gtong ba/ bsod nams dang / ye shes kyi tshogs tshad med pas yongs su bzung ba yod de/ nyan thos kyi theg pa ni gzhan gyi sgra'i rjes su 'brang ba'o/ /rang sangs rgyas kyi theg pa ni shin tu chung ba'o/ /theg pa chen po ni theg pa'i dam pa/ theg pa'i gtso bo/ theg pa'i mchog ste/ bla na med pa'i theg pa/ sems can thams cad nye bar 'tsho ba'i theg pa'o/ /sgra de thos nas kyang sems can de bas kyang yangs pa la mos pa/ dbang po rno ba/ sngon dge ba'i rtsa ba bskyed </font><hr>Nga140a<br><font size=+1>


@#/ /pa| de bzhin gshegs pa'i byin gyi rlabs kyis byin du brlabs pa de dag snying thag pa nas/ de bzhin gshegs pa rang 'byung gi byang chub tu sems bskyed de/ de bzhin gshegs pa'i gsung de yang sku las 'byung ba ma yin/ thugs las 'byung ba ma yin te/ sems can rnams kyi dge ba'i las shin tu bsags pas khong du chud par 'gyur ba'ang med pa ma yin no/ /kye rgyal ba'i sras/ khong du chud par bya ba'i sgo dang po 'dis kyang / byang chub sems dpa' sems dpa' chen pos de bzhin gshegs pa'i gsung khong du chud par bya'o/ /kye rgyal ba'i sras/ gzhan yang 'di lta ste/ dper na/ ri dang / gcod rong dang / brag gi sul dang / mtshams nas sgra brnyan grag pa ni/ 'jig rten kun la'ang mtshungs par grag ste/ lus med cing bltar mi snang la/ gzhan gyi sgra'i rkyen la brten te/ sgra thams cad kyi tshul du sgra brnyan de dag 'byung yang de la rnam par rtog pa med do/ /kye rgyal ba'i sras/ de bzhin du de bzhin gshegs pa'i gsung yul na mi gnas/ phyogs na mi gnas pa ste/ 'on kyang sems can gyi bsam pa dang / mos pa la rten cing 'byung ba med pa'ang ma yin te/ de ni sgras rnam par dmigs pa med cing brjod du med pa'o/ / </font><hr>Nga140b<br><font size=+1>


kye rgyal ba'i sras/ khong du chud par bya ba'i sgo gnyis pa 'dis kyang / byang chub sems dpa' sems dpa' chen pos de bzhin gshegs pa'i gsung khong du chud par bya'o| |kye rgyal ba'i sras/ gzhan yang 'di lta ste/ dper na/ lha rnams kyi chos kyi rnga chen po chos la yang dag par skul ba zhes bya ba steng gi bar snang las yang dag par sgrog ste/ nam lha rnams bag med par spyod par gyur pa de'i tshe/ chos kyi rnga chen po de 'di skad du/ kye grogs po dag /'dod pa'i bde ba 'di dag ni shin tu mi rtag cing slu la myur du 'jig cing byis pa 'drid pa ste/ byis pas bsnyen pa'o/ /byis pas bsngags pa'o/ /de bas na bag yod par gyis la bag med par ma byed cig /ngan song dag tu lhur bar gyur ta re zhes bya ba'i sgra sgrog go /kye rgyal ba'i sras/ de ltar sgra de thos nas bag med par spyod pa'i lha'i bu rnams kyang so so nas skyo bar gyur te/ rang rang gi gnas kyi 'dod pa'i dga' ba spangs nas/ lha'i rgyal po'i gnas su 'dong ngo / /de dag der phyin nas kyang chos la dga' bas nyi ma stung zhing chos la spyod par 'gyur ro/ / kye rgyal ba'i sras/ ltos dang / lha'i rnga de la byung ba'am/ 'jig pa gang yang med la/ lha rnams la'ang don chen po de lta bus shin tu phan 'dogs so/ /kye rgyal ba'i sras/ </font><hr>Nga141a<br><font size=+1>


@#/ /de bzhin du de bzhin gshegs pa'i gsung yang sems can gyi khams ma lus pa rgyas par mdzad de/ sems can bag med par spyod pa rnams yang dag par bskul ba'i phyir chos chen po'i sgra sgrog cing 'byung ngo / /'di lta ste/ yongs su gzung ba med pa'i sgra 'byung ngo / /bag yod pa'i sgra 'byung ngo / /mi rtag pa dang / sdug bsngal ba dang / bdag med pa'i sgra 'byung ngo / /zhi ba mya ngan las 'das pa'i sgra 'byung ngo / /'jig rten gyi khams ma lus par rgyas par bkang ste| sems can bag med par spyod pa rnams mos pa ji lta ba bzhin du rab tu dga' bar bya ba dang / theg pa ji lta ba bzhin du 'byung bar bya ba'i phyir yang dag par skul ba mdzad cing / rang 'byung gi ye shes tshad med pa dang / byang chub sems dpa'i spyod pa mi 'phrogs pa dang / de bzhin gshegs pa rnams kyi ye shes kyis thams cad du khyab cing lhun gyis grub pa yang rab tu brjod do/ /sgra de thos nas kyang sems can tshad med grangs med pa dge ba'i chos la shin tu brtson par 'gyur te/ la la ni nyan thos kyi theg pa la/ la la ni rang sangs rgyas kyi theg pa la/ la la ni bla na med pa'i theg pa chen po la mngon par 'jug kyang / de bzhin gshegs pa'i gsungs </font><hr>Nga141b<br><font size=+1>


de ni gang la'ang zhugs pa med de/ gang gis kyang tshig tu mi brjod do/ /kye rgyal pa'i sras/ khong du chud par bya ba'i sgo gsum pa 'dis kyang / byang chub sems dpa' sems dpa' chen pos de bzhin gshegs pa'i gsung khong du chud par bya'o/ /kye rgyal ba'i sras/ gzhan yang 'di lta ste/ dper na/ lha'i rgyal po dbang sgyur gyi lha'i bu mo bzang mo zhes bya ba'i kha'i dbugs gcig gis lha rdzas kyi rol mo'i sgra yan lag brgya stong dang ldan pa'i nga ro 'byung ste/ sgra de byung ba na/ sgra rnam pa tha dad pa brgya phrag stong gi dbyangs su grag go /kye rgyal ba'i sras/ ltos dang / de ltar kha'i dbugs gcig pu las kyang / sgra'i dbyangs tshad med pa 'byung bar rung ngo / /kye rgyal ba'i sras/ de bzhin du de bzhin gshegs pa'i gsung gcig 'byung yang tshad med par khyab pa ste/ sems can gyi bsam pa ji lta ba bzhin du sems kyi rgyud las mos pa'i tshul dang 'dra bar tshad med pa'i sgra'i rnam par de bzhin gshegs pa'i gsung grag go /kye rgyal ba'i sras/ khong du chud par bya ba'i sgo bzhi pa 'dis kyang / de bzhin gshegs pa'i gsung khong du chud par bya'o/ /kye rgyal ba'i sras/ gzhan yang 'di lta ste/ dper na/ tshangs pa chen po ni tshangs pa'i 'jig rten na 'dug kyang 'dod na/ tshangs </font><hr>Nga142a<br><font size=+1>


@#/ /pa'i 'khor thams cad du tshangs pa'i dbyangs kyis go bar byed do/ /dbyangs de yang tshangs pa'i 'khor las gzhan du mi 'gro ste/ tshangs pa'i ris kyi lha'i bu thams cad kyang so so nas tshangs pa chen po ni bdag kho na'i don du tshangs pa'i sgra sgrog go snyam mo/ /kye rgyal ba'i sras/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / sangs rgyas kyi gsung bla na med pa sgrog pa'i tshe/ 'khor gyi dkyil 'khor thams cad dbyangs kyis mngon par go bar mdzad de/ dbyangs de yang 'khor gyi dkyil 'khor las gud du mi 'gro'o/ /de ci'i phyir zhe na/ de la de bzhin gshegs pa ni dbyangs kyi ser sna mi mnga' ste/ sems can dbang po yongs su ma smin pa rnams la de bzhin gshegs pa'i dbyangs grag par mi 'gyur ro/ /'khor gyi dkyil 'khor du tshogs pa'i sems can thams cad kyang 'di snyam du sems te/ bdag kho na'i don du de bzhin gshegs pa chos ston to snyam mo/ /de bzhin gshegs pa ni gsung sgrogs pa yang med/ phyir sdud pa yang med de/ 'phrin las de dag kyang yod cing snang ngo / /kye rgyal ba'i sras/ khong du chud par bya ba'i sgo lnga pa 'dis kyang / de bzhin gshegs pa'i gsung khong du chud par </font><hr>Nga142b<br><font size=+1>


bya'o| |kye rgyal ba'i sras/ gzhan yang 'di lta ste/ dper na/ nam mkha'i dbyings las char gyi ro gcig pa bab kyang snod kyi rnam pa tha dad pas chu rnam pa tha dad par snang gi chu la rnam par rtog pa med do/ /kye rgyal ba'i sras/ de bzhin du de bzhin gshegs pa'i gsung yang 'di lta ste/ de bzhin gshegs pa'i rnam par grol bar ro gcig kyang / sems can gyi bsam pa'i snod rnam pa tha dad pas/ de bzhin gshegs pa'i gsung rnam pa tha dad du snang ste/ de bzhin gshegs pa'i gsung la rnam par rtog pa med do/ /kye rgyal ba'i sras/ khong du chud par bya ba'i sgo drug pa 'dis kyang / byang chub sems dpa' sems dpa' chen pos de bzhin gshegs pa'i gsung khong du chud par bya'o/ /kye rgyal ba'i sras/ gzhan yang 'di lta ste/ dper na/ klu'i rgyal po ma dros pa ni 'dzam bu'i gling thams cad sprin chen pos rgyas shing khyab par bya ste/ 'di ltar lo tog bskyed pa dang / rtswa dang / gel ba dang / rtsi dang / nags tshal sna tshogs rnam par spel ba dang / rnang \?\ dang / lu ma dang / mtsho dang / mtshe'u dang / rdzing bu yongs su dgang ba'i phyir char chen po 'bebs kyang / char de ni klu'i rgyal po ma dros pa'i lus las byung ba ma yin/ sems las byung ba ma yin te/ sems can rnams la'ang rnam pa tshad med pas nye bar 'tsho ba'i rgyur 'gyur ro/ /kye rgyal ba'i sras/ de bzhin du de bzhin gshegs pa </font><hr>Nga143a<br><font size=+1>


@#/ /dgra bcom pa yang dag par rdzogs pa'i sangs rgyas kyang / 'jig rten gyi khams ma lus pa thams cad thugs rje chen po'i sprin gyis rgyas par bkang ste/ sems can thams cad kyi bsam pa yongs su tshim par bya ba dang / dge ba'i rtsa ba thams cad shin tu bskyed pa dang / theg pa thams cad yongs su rdzogs par bya ba'i phyir chos kyi sprin chen po'i char bdud rtsi'i ro dang ldan pa 'bebs te/ de bzhin gshegs pa'i gsung de yang nang nas byung ba yang ma yin/ phyi rol nas 'byung ba yang ma yin mod kyi/ de ltar tshad med pa'i sems can rnams kyang nye bar 'tsho ba'i rgyur 'gyur ro/ /kye rgyal ba'i sras/ khong du chud par bya ba'i sgo bdun pa 'dis kyang / de bzhin gshegs pa'i gsung khong du chud par bya'o| |kye rgyal ba'i sras/ gzhan yang 'di lta ste/ dper na/ klu'i rgyal po yid du 'ong ba ni/ nam char chen po dbab par 'dod pa de'i tshe/ nam mkha' thams cad sprin gyi dra bas yog par byed de/ zhag bdun du sprin chen po kun nas sdud do/ /sems can gyi las kyi mtha' rnams yongs su ma zin gyi bar du char gyi rgyun kyang kun tu gtong bar mi byed do/ /de ci'i phyir zhe na/ kye rgyal ba'i sras/ klu'i rgyal po chen po yid du 'ong ba ni/ mi 'tshe ba'i ngang tshul dang ldan pa ste/ zhag bdun 'das nas char gyi rgyun shin tu phra bas sa thams cad </font><hr>Nga143b<br><font size=+1>


yongs su ngoms par byed do/ /kye rgyal ba'i sras/ de bzhin du de bzhin gshegs pa dgra bcom pa yang dag par rdzogs pa'i sangs rgyas chos kyi rgyal po chen po yang thugs rje chen po'i sprin bsdus te/ nam chos kyi char chen po dbab par dgyes pa de'i tshe/ shes rab dang thabs mkhas pas sems can yongs su smin par mdzad do/ /sems can rnams kyi dbang po yongs su ma smin gyi bar du ni/ bdud rtsi'i char sngar 'bebs par mi mdzad de/ nam sems can rnams yongs su smin par gyur pa de'i tshe gzod chos kyi char chen po bdud rtsi'i ro dang ldan pa 'bebs so/ /phra zhing zab la mkhas pas shes par bya ba'i chos brjod cing / sems can rnams 'jigs par ma gyur par rim gyis thams cad mkhyen pa nyid kyi chos kyi ro bla na med pas yongs su ngoms par mdzad do/ /kye rgyal ba'i sras/ khong du chud par bya ba'i sgo brgyad pa 'dis kyang / de bzhin gshegs pa'i gsung khong du chud par bya'o/ /kye rgyal ba'i sras / 'di lta ste/ dper na /rgya mtsho chen po'i nang na lag gis 'gro ba'i bdag po rgyan chen po zhes bya ba yod de/ de 'dod na rgya mtsho chen po'i nang du rgyan gcig dang ldan pa'i char rab tu 'bebs so/ / de 'dod na rgyan bcu dang ldan pa'i char rab tu 'bebs so/ /de 'dod na rgyan brgya dang ldan pa'i char rab tu 'bebs so/ /de 'dod na rgyan stong dang ldan pa'i char rab tu 'bebs so/ /de 'dod na </font><hr>Nga144a<br><font size=+1>


@#/ /rgyan brgya phrag stong dang ldan pa'i char rab tu 'bebs kyang / kye rgyal ba'i sras/ char pa de dag la rnam par rtog pa gang yang med de/ 'on kyang klu'i rgyal po de'i khyu mchog gi mthu phyung ba bsam gyis mi khyab pa rnam par phye ba'i byin gyis rnam par dgod pa'i rgyan brgya phrag stong dang ldan pa'i char 'bab pa yod cing snang ngo / /kye rgyal ba'i sras /de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / nam chos kyi char chen po dbab par dgyes pa de'i tshe/ bzhed na chos gcig rnam par dgod pa'i rgyan gyis kyang chos ston to/ /bzhed na chos bcu rnam par dgod pa'i rgyan dang / bzhed na chos nyi shu rnam par dgod pa'i rgyan dang / bzhed na chos brgya rnam par dgod pa'i rgyan dang / bzhed na chos stong rnam par dgod pa'i rgyan dang / bzhed na chos brgya phrag stong rnam par dgod pa'i rgyan dang / bzhed na sems can gyi spyod pa stong phrag brgyad cu rtsa bzhi la gsung rnam pa tha dad pa stong phrag brgyad cu rtsa bzhi rnam par dgod pa'i rgyan gyi chos ston pa nas/ gsung gi rnam pa bye ba khrag khrig brgya stong tshad med pa'i bar du rnam par dgod pa'i rgyan gyis chos ston to/ /sems can tshad med pa yongs su tshim par mdzad kyang / de bzhin gshegs pa'i chos kyi sprin chen po'i gsung la rnam par rtog pa gang yang mi mnga'o/ / </font><hr>Nga144b<br><font size=+1>


'on kyang so sor ci rigs su sems can rnams kyi dbang po yongs su tshim par bya ba'i phyir 'di lta ste/ de bzhin gshegs pa'i chos kyi dbyings kyi dkyil 'khor shin tu dag pa'i phyir| de ltar gsung gi rnam pa tshad med par 'byung bar 'gyur ro/ /kye rgyal ba'i sras/ khong du chud par bya ba'i sgo dgu pa 'dis kyang / de bzhin gshegs pa'i gsung khong du chud par bya'o| |kye rgyal ba'i sras/ gzhan yang 'di lta ste/ dper na/ klu'i rgyal po gangs chen mtsho ni/ nam klu'i rgyal po chen po'i rnam par rtse bas rnam par rtse bar 'dod cing sems can rnams kyang bde ba dang yongs su tshim par bya bar 'dod par gyur pa de'i tshe/ gling chen po bzhi pa'i 'jig rten gyi khams kyi sa'i steng nye bar bzung ba yan chad lha'i dbang po dbang sgyur gyi gnas kyi bar du sprin gyi dra ba kha dog sna tshogs can kha dog du ma dang ldan pas yongs su khebs par byed do/ /sprin gyi dra ba'i rgyan de dag la yang kha dog rnam pa tha dad pa'i gzugs rnam par phye ba 'di lta bu dag snang zhing yod de/ 'di ltar la la ni dzam+bu chu klung gi gser gyi kha dog tu snang ngo / /la la ni bai DUR+Ya bzang po'i kha dog tu snang ngo / /la la ni dngul gyi kha dog tu snang ngo / /la la ni shel gyi kha dog tu snang ngo / /la la ni mu sa ra gal ba'i kha dog tu snang ngo / /la la ni asma gar ba'i kha dog tu snang ngo / /la la ni dpal </font><hr>Nga145a<br><font size=+1>


@#/ /snying po'i kha dog tu snang ngo / /la la ni mu tig dmar po'i kha dog tu snang ngo / /la la ni spos sna tshogs kyi kha dog tu snang ngo / /la la ni gos dkar po dri ma med pa'i kha dog tu snang ngo / /la la ni kha dog gcig tu snang ngo / /la la ni kha dog rnam pa tha dad pa sna tshogs su snang ngo / /rnam pa de lta bu'i sprin gyi dra bas gling bzhi pa kun nas khebs par byas nas/ rnam pa sna tshogs kyi glog 'gyed do/ /'di ltar sprin gser gyi kha dog tu 'dug pa las glog gi phreng ba bai DUR+Ya'i kha dog lta bu 'gyed do/ sprin bai DUR+Ya bzang po'i kha dog tu 'dug pa las/ glog gi phreng ba gser gyi kha dog lta bu 'gyed do/ /sprin dngul gyi kha dog tu 'dug pa las glog gi phreng ba mu sa ra gal ba'i kha dog lta bu 'gyed do/ /sprin mu sa ra gal ba'i kha dog tu 'dug pa las/ glog gi phreng ba dngul gyi kha dog lta bu 'gyed do/ /sprin asma gar ba'i kha dog tu 'dug pa las| glog gi phreng ba mu tig dmar po'i kha dog lta bu 'gyed do/ /sprin mu tig dmar po'i kha dog tu 'dug pa las/ glog gi phreng ba asma gar ba'i kha dog lta bu 'gyed do/ / sprin asma gar ba'i kha dog tu 'dug pa las/ glog gi phreng ba dpal gyi snying po'i kha dog lta bu 'gyed do/ /sprin dpal gyi snying po'i kha dog tu 'dug pa las/ glog gi phreng </font><hr>Nga145b<br><font size=+1>


ba spos rnam pa tha dad pa'i kha dog lta bu 'gyed do/ /sprin spos rnam pa tha dad pa'i kha dog lta bur 'dug pa las/ glog gi phreng ba shel gyi kha dog lta bur 'gyed do/ /sprin shel gyi kha dog lta bur 'dug pa las/ glog gi phreng ba rin po che sna tshogs cho ma cho dgu'i kha dog lta bur 'gyed do/ /sprin rnam pa sna tshogs rnam pa tha dad pa'i kha dog tu 'dug pa las/ glog gi phreng ba kha dog gcig tu snang bar 'gyed do/ /sprin kha dog gcig tu 'dug pa las/ glog gi phreng ba sna tshogs rnam pa tha dad pa'i kha dog dang ldan pa 'gyed do/ /rnam pa ji lta bur mos pa'i tshul bzhin du sems can dga' bar bya ba'i phyir 'brug gi sgra dbyangs rnam pa du ma'i nga ro 'byin te/ la lar ni lha'i rnga'i sgra dbyangs kyi nga ro 'byin to/ /la lar ni lha'i bu mo'i glu dang rol mo'i sgra dbyangs kyi nga ro 'byin to/ /la lar ni rol mo brdung ba dang dkrol ba'i sgra dbyangs kyi nga ro 'byin to/ /la lar ni klu'i bu mo'i glu'i sgra dbyangs sna tshogs kyi nga ro 'byin to/ / la lar ni dri za'i bu mo'i glu'i sgra dbyangs dang nga ro 'byin to/ /la lar ni mi'am ci'i bu mo'i sgra dbyangs kyi nga ro 'byin to/ /la lar ni sa grum pa'i sgra dbyangs kyi nga ro 'byin to/ /la lar ni rgya mtsho'i 'brug gi sgra zab mo'i sgra dbyangs kyi nga ro 'byin to/ /la lar ni seng ge'i rgyal po'i sgra'i gdangs kyi sgra dbyangs kyi nga ro 'byin to/ /la lar ni bya btsun pa'i skad kyi sgra dbyangs kyi nga ro </font><hr>Nga146a<br><font size=+1>


@#/ /'byin to/ /la lar ni rnam pa sna tshogs tha dad pa'i glu'i sgra dbyangs kyi nga ro 'byin to/ /de lta bu'i sprin gyi dra ba chen po bsdus te/ glog gi phreng ba bkye nas 'brug gi sgra dbyangs dang nga ro rnam pa de lta bu dag kyang phyung ste/ dga' ba dang spro ba chen po bskyed pa zhes bya ba'i klu'i rlung chen po 'gyed do/ /rlung chen po de dag langs pas kyang sems can rnams kyi lus sil bar gyur te/ dga' ba dang spro ba yang rab tu skye'o/ /de nas sems can rnams kyi bsod nams dang mos pa'i khyad par gyi tshul ji lta ba bzhin du las kyis rnam pa sna tshogs tha dad du gyur pa'i char chen po 'bebs te/ lha'i rgyal po dbang sgyur gyi gnas nye bar gzung ba man chad sa'i steng na yod pa'i gnas kyi bar du char pa rnam pa tha dad pa 'bebs te/ 'di ltar rgya mtsho chen por ni tha mi dad pa zhes bya ba'i char sprin chen po'i char 'bebs so/ /dbang sgyur gyi lha rnams la ni shin tu snyan cing mnyan par 'os pa zhes bya ba'i sgra snyan pa'i glu dang / rol mo'i char chen po 'bebs so/ /'phrul dga'i lha rnams ni snang bar rab tu gtong ba zhes bya ba'i nor bu rin po che'i char chen po 'bebs so/ /dga' ldan gyi lha rnams la ni gtsug phud 'phyang ba zhes bya ba'i char chen po 'bebs so/ /mtshe ma'i lha rnams la ni rgyan sna tshogs zhes bya ba me tog gi char </font><hr>Nga146b<br><font size=+1>


chen po 'bebs so/ /sum cu rtsa gsum gyi lha rnams la ni spos yid du 'ong ba zhes bya ba lha rdzas kyi spos kyi char chen po 'bebs so/ /rgyal po chen po bzhi'i ris kyi lha rnams la ni dga' bar byed pa zhes bya ba lha rdzas kyi gos kyi char chen po 'bebs so/ /klu'i rgyal po chen po'i gnas su ni 'od shin tu 'phags pa zhes bya ba mu tig dmar po'i char chen po 'bebs so/ /lha ma yin gyi gnas su ni pha rol shin tu 'joms pa zhes bya ba gzhu dang mtshon cha'i char chen po 'bebs so/ /byang gi sgra mi snyan du ni me tog shin tu rgyas pa zhes bya ba me tog sna tshogs kyi char chen po 'bebs so/ /gzhung de bzhin du gling chen po bzhi pa'i 'jig rten gyi khams thams cad kyi gnas sna tshogs su rnam pa tha dad pa'i char sna tshogs rab tu 'bebs so/ /kye rgyal ba'i sras/ klu'i rgyal po gangs chen mtsho la ser sna cung zad kyang med de/ 'on kyang sems can rnams kyi dge ba'i rtsa ba dang / bsod nams kyi tshogs rnam pa sna tshogs tha dad pa'i khyad par gyis/ char rnam pa tha dad pa'ang snang zhing yod par gyur to/ /kye rgyal ba'i sras/ de bzhin du de bzhin gshegs pa dgra bcom pa yang dag par rdzogs pa'i sangs rgyas bla na med pa'i chos kyi rgyal po chen po yang rtag tu rgyun mi 'chad par chos kyi rnam par rol pas rnam par rol pa'i tshe/ chos kyi dbyings ma lus pa thams cad chos kyi sku'i sprin gyis </font><hr>Nga147a<br><font size=+1>


@#/ /rgyas par bkang zhing sems can ji ltar mos pa'i tshul bzhin du/ sku'i sprin yang dag par ston te/ 'di ltar sems can la la la ni skye ba 'byung ba'i sku'i sprin yongs su ston to/ /sems can la la la ni sprul pa'i sku'i sprin yongs su ston to/ /sems can la la la ni byin gyi rlabs kyi sku'i sprin yongs su ston to/ /sems can la la la ni gzugs kyi sku'i sprin yongs su ston to/ /sems can la la la ni sku sna tshogs mngon par bsgrub pa'i sprin yongs su ston to/ /sems can la la la ni bsod nams kyi sku'i sprin yongs su ston to/ /sems can la la la ni ye shes kyi sku'i sprin yongs su ston to/ /sems can la la la ni stobs la thub pa med pa'i sku'i sprin yongs su ston to/ /sems can la la la ni mi bsnyengs pa zil gyis mi non pa'i sku'i sprin yongs su ston to/ /sems can la la la ni chos kyi dbyings lus pa med pa'i sku'i sprin yongs su ston te/ kye rgyal ba'i sras| de ltar de bzhin gshegs pa dgra bcom pa yang dag par rdzogs pa'i sangs rgyas ni 'jig rten gyi khams ma lus pa thams cad chos kyi sku'i sprin gyis bkang zhing / sems can rnams kyis sems dang / bsam pa dang / mos pa ji lta ba'i tshul bzhin du de dag la 'od zer gyi glog gi phreng ba 'gyed do/ 'di ltar sems can la la la ni 'od zer gyi glog </font><hr>Nga147b<br><font size=+1>


gi phreng ba kun tu khyab pa zhes bya ba 'gyed do/ /sems can la la la ni 'od zer gyi glog gi phreng ba sangs rgyas kyi gsang ba la 'jug pa zhes bya ba 'gyed do/ /sems can la la la ni 'od zer gyi glog gi phreng ba spobs pa snang ba zhes bya ba 'gyed do/ /sems can la la la ni 'od zer gyi glog gi phreng ba snang bar byed pa zhes bya ba 'gyed do/ /sems can la la la ni 'od zer gyi glog gi phreng ba gzungs kyi sgo mi zad pa la 'jug pa zhes bya ba 'gyed do/ /sems can la la la ni 'od zer gyi glog gi phreng ba dran pa 'khrug pa zhes bya ba 'gyed do/ / sems can la la la ni 'od zer gyi glog gi phreng ba blo gros mi 'phrogs pa zhes bya ba 'gyed do/ /sems can la la la ni 'od zer gyi glog gi phreng ba rigs pa'i rjes su 'jug pa zhes bya ba 'gyed do/ /sems can la la la ni 'od zer gyi glog gi phreng ba bsam pa thams cad shin tu tshim par byed pa zhes bya ba 'gyed do/ /kye rgyal ba'i sras/ de ltar de bzhin gshegs pa dgra bcom pa yang dag par rdzogs pa'i sangs rgyas kyi rnam pa de lta bu'i 'od zer gyi dra ba'i glog tshad med pa de dag rab tu bkye nas/ ting nge 'dzin chen po 'brug gi sgra dbyangs rnam pa 'di lta bu dag rab tu sgrog ste/ 'di ltar sems can la la la ni blo shin tu rnam par sangs rgyas pa zhes bya ba'i ting nge 'dzin gyi 'brug gi sgra dbyangs sgrog go /sems </font><hr>Nga148a<br><font size=+1>


@#/ /can la la la ni shin tu sbyangs pas dri ma med pa'i phyag rgya zhes bya ba'i ting nge 'dzin gyi 'brug gi sgra dbyangs sgrog go /sems can la la la ni chos thams cad la dbang bsgyur ba zhes bya ba'i ting nge 'dzin gyi 'brug gi sgra dbyangs sgrog go /sems can la la la ni rdo rje'i dkyil 'khor zhes bya ba'i ting nge 'dzin gyi 'brug gi sgra dbyangs sgrog go / sems can la la la ni ri rab rgyal mtshan zhes bya ba'i ting nge 'dzin gyi 'brug gi sgra dbyangs sgrog go /sems can la la la ni gangs can rgya mtsho zhes bya ba la ting nge 'dzin gyi 'brug gi sgra dbyangs sgrog go /sems can la la la ni nyi ma sgron ma zhes bya 'i ting nge 'dzin gyi 'brug gi sgra dbyangs sgrog go /sems can la la la ni 'gro ba thams cad yongs su tshim par byed pa zhes bya'i ting nge 'dzin gyi 'brug gi sgra dbyangs sgrog go /sems can la la la ni mdzod mi zad pa zhes bya ba'i ting nge 'dzin gyi 'brug gi sgra dbyangs sgrog go /sems can la la la ni mi 'khrugs pa'i mos pa yongs su 'dzin pa zhes bya ba'i ting nge 'dzin gyi sgra dbyangs sgrog ste/ kye rgyal ba'i sras/ de ltar de dag la sogs pa de bzhin gshegs pa'i chos kyi sku'i sprin las/ de dag la sogs pa ting nge 'dzin rnam pa tha dad pa'i sgo'i 'brug chen po'i sgra dbyangs chos mnyan pa'i sngon gyi ltas 'gro </font><hr>Nga148b<br><font size=+1>


ba thams cad shin tu tshim par byed pa rab tu sgrog go /kye rgyal ba'i sras/ de bzhin gshegs pa'i chos kyi sku'i sprin rnam pa de lta bu byung ba dang / 'od zer gyi glog gi phreng ba bkye ste| ting nge 'dzin gyi 'brug sgras 'gro ba thams cad tshim par byed pa shin tu bsgrags pa'i tshe/ de bzhin gshegs pa'i chos kyi sku'i sprin sngon byams pa chen po dang / thugs rje chen po sgribs pa med pas mngon par bsgrubs pa las ye shes chen po'i dkyil 'khor gyi rlung 'byung ba yod de/ de ni thog mar sems can thams cad dang / byang chub sems dpa' thams cad kyi sems dang lus tshim par byed do/ /de'i 'og tu chos kyi sprin gyi char chen po 'bebs so/ /kye rgyal ba'i sras/ chos kyi sku'i sprin chen po bsam gyis mi khyab pa thugs rje chen po las byung ba bsdus shing / sems can lus dang sems sim par gyur pa rnams la de bzhin gshegs pa'i chos kyi char chen po bsam gyis mi khyab pa 'bebs te/ 'di ltar byang chub sems dpa' snying po byang chub kyi mchog tu phyin pa rnams la chos kyi dbyings tha mi dad pa zhes bya ba'i chos kyi sprin chen po'i char rab tu 'bebs so/ /byang chub sems dpa' srid pa tha ma pa rnams la de bzhin gshegs pa'i gsang ba byang chub sems dpa'i thabs kyis rnam par rol pa zhes bya ba'i chos kyi sprin chen po'i char rab tu </font><hr>Nga149a<br><font size=+1>


@#/ /'bebs so/ /byang chub sems dpa' dbang bskur ba thob pa rnams la de bzhin gshegs pa'i rgyan gyis rnam par klubs pa zhes bya ba'i chos kyi sprin chen po'i char rab tu 'bebs so/ /byang chub sems dpa' tshe gcig gis thogs pa rnams la kun nas snang ba yongs su sbyong pa zhes bya ba'i chos kyi sprin chen po'i char rab tu 'bebs so/ /byang chub sems dpa' bzod pa thob pa rnams la yon tan rin po che ye shes kyi me tog shin tu rgyas pas/ byang chub sems dpa'i spyod pa rgyun mi 'chad pa zhes bya ba'i chos kyi sprin chen po'i char rab tu 'bebs so/ /byang chub sems dpa' spyod pa la zhugs pa rnams la sprul pas mngon par 'jug pa'i spyod pa rgyun mi 'chad cing / yongs su skyo ba med pa zhes bya ba'i chos kyi sprin chen po'i char rab tu 'bebs so/ /byang chub sems dpa' sems dang po bskyed pa rnams la de bzhin gshegs pa'i spyod pa'i rjes su bsnyegs shing byams pa chen po dang / snying rje chen pos 'gro ba thams cad yongs su skyob pa zhes bya ba'i sprin chen po'i char rab tu 'bebs so/ /sems can rang sangs rgyas kyi theg pa la mos pa rnams la rten cing 'brel par 'byung ba'i tshul khong du chud pas mtha' gnyis kyi lta ba dang bral zhing / rnam par grol ba'i 'bras bu chud mi za ba zhes bya ba'i </font><hr>Nga149b<br><font size=+1>


chos kyi sprin chen po'i char rab tu 'bebs so/ /sems can nyan thos kyi theg pa la mos par mos la nyon mongs pa'i dgra thams cad 'joms pa zhes bya ba'i shes rab kyi ral gri'i chos kyi sprin chen po'i char rab tu 'bebs so/ /sems can dge ba'i rtsa ba shin tu bsags shing theg pa la nges par gyur pa rnams la dga' ba dang / spro ba rab tu bskyed pa zhes bya ba'i chos kyi sgo sna tshogs mngon par bsgrubs pa'i char rab tu 'bebs te/ kye rgyal ba'i sras/ de ltar de bzhin gshegs pa ni chos kyi sgo bcu po 'di dag la sogs pa tshad med pa'i chos kyi sprin chen po'i char sems can ma lus pa thams cad kyi mos pa ji lta ba bzhin du chos kyi dbyings thams cad rgyas par bkang ste/ rab tu 'bebs pa mdzad do/ /kye rgyal ba'i sras/ de bzhin gshegs pa dgra bcom pa yang dag par rdzogs pa'i sangs rgyas rnams la chos kyi ser sna gang yang mi mnga' yang / sems can rnam pa ji lta bu smin pa'i tshul dang| bsam pa dang / dbang po dang / mos pa dang / brtson 'grus rnam pa tha dad pas/ de bzhin gshegs pa'i chos kyi char chen po rnam pa tha dad par snang bar gyur to/ /kye rgyal ba'i bas/ khong du chud pa bya ba'i sgo bcu pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas </font><hr>Nga150a<br><font size=+1>


@#/ /rnams kyi gsung brjod pa khong du chud par bya'o/ /kye rgyal ba'i sras/ de bzhin gshegs pa'i gsung de ni tshad med pa shin tu bstan pa bcus khong du chud par bya ste/ bcu gang zhe na/ 'di ltar thams cad rjes su song ba'i phyir/ nam mkha'i dbyings ltar tshad med par khong du chud par bya'o/ /ma lus pa'i mthar thug pas chos kyi dbyings ltar tshad med par khong du chud par bya'o/ /sems can thams cad kyi sems rab tu sim par byed pas/ sems can gyi khams ltar tshad med par khong du chud par bya'o| |rnam par ston pas las ltar tshad med par khong du chud par bya'o/ /shin tu zhi bar byed pas nyon mongs pa ltar tshad med par khong du chud par bya'o/ /sems can rnams kyi mos pa ji lta ba bzhin du khong du chud par byed pas sgra dbyangs rnam pa tha dad pa ltar tshad med par khong du chud par bya'o/ /rnam par grol ba shin tu rtogs pas mos pa tshad med pa ltar khong du chud par bya'o/ /mtha' dang dbus med cing sa mtshams med pas/ dus gsum ltar tshad med par khong du chud par bya'o/ /chos thams cad rnam par 'byed pas ye shes ltar tshad med par khong du chud par bya'o/ /de bzhin gshegs pa'i chos kyi dbyings kyi rjes su song bas sangs rgyas kyi yul phyir mi ldog pa ltar tshad med par </font><hr>Nga150b<br><font size=+1>


khong du chud par bya ste/ kye rgyal ba'i sras/ de ltar de dag la sogs pa mngon par bsgrubs pa tha dad pa shin tu bstan pa brgya stong mang pos/ byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi gsung brjod pa khong du chud par bya'o/ /de nas byang chub sems dpa' sems dpa' chen po kun tu bzang pos/ don 'di nyid yang brtag pa'i phyir tshigs su bcad pa 'di dag smras so/ /'jig rten 'jig par 'gyur tshe gzhal med sgra dbyangs bzhi/ /sems can dge ba'i 'bras bus bar snang mkha' las 'byung / /bsam gtan bzhi ni zhi ba sdug bsngal med pa yod/ /de skad sgra thos 'dod pa'i khams rnams rnam par spong / /de bzhin stobs bcu mnga' gsung dam pa tshad med pa/ /sems can don du chos dbyings rnam par bkang zhing 'byung / /des ni srid pa'i mtsho las 'da' zhing brgal bar 'gyur/ /bde gshegs gsung de skul med de thugs la min/ /ri dang brag dang lung sul gnas pa'i sgra brnyan ni/ /mi yi sgra bzhin sgra brnyan thams cad rab tu brjod/ /gzhan gyi sgra phyung rnam par dmigs pas sgra de 'byung / /de la sgra rtog rnam pa kun tu yod pa min/ /stobs bcu mnga' ba'i gsung dbyangs chos nyid rnam mi rtog /gzhan gyi spyod dang dbang po yongs su smin </font><hr>Nga151a<br><font size=+1>


@#/ /pa 'byung / /sems can mang po 'dul zhing bsam pa dga' bar mdzad/ /stobs bcu mnga' ba rnams la rlom sems bskyod mi mnga'/ /ji ltar rnga chen chos la bskul ba'i sgra ldan pa/ /gang tshe lha rnams 'dod la zhen cing bag med pa/ /de tshe mkha' yi dbyings las chos kyi sgras ston te/ /sgra de thos shing lha rnams bag yod spyod par 'gyur/ /de bzhin stobs bcu mnga' ba'i chos sgra ldan pa'i rda/ /phyogs bcu kun tu sems can yang dag rab tu skul/ /rgyal ba'i gsung ni skye med 'gag pa mi dmigs so// de yi sgra thos sems can byang chub thob par 'gyur/ /lha yi dbang po dbang sgyur lha rdzas rtse ba'i tshe/ /lha mo'i kha dbugs gcig kyang yan lag mang ldan pas/ /kha dbugs sgra dbyangs gcig las sna tshogs sgra mang 'byung / /sgra dbyangs brgya stong mang po 'byung yang de la rnam rtog med/ /de bzhin stobs bcu mnga' ba'i gsung gcig bsgrags pa las// sems can rnyed kyi gsung gi yan lag dus gcig 'byung / /sems can ji bzhin ji ltar mos par gsung nyan cing / /thos nas nyon mongs spong byed sgra la rtog pa med/ /ji ltar tshangs pa tshangs pa'i stan la ma g.yos par/ /sgra dbyangs gcig brjod tshangs pa bsam yas dga' bar byed/ /'on kyang tshangs pa'i dbyangs de 'khor gyi phyir mi 'byung // </font><hr>Nga151b<br><font size=+1>


'khor rnams ji snyed thams cad khong du chud par byed/ /stobs bcu legs mnga' tshangs pa sangs rgyas gdan bzhugs shing / /gsung gcig chos dbyings ma lus bkang ste rab tu sgrog |'khor las mi 'da' sangs rgyas ser sna mnga' ba min/ /sems can dad dang bral bas rgyal ba'i gsung mi thos/ /ji ltar chu rgyun thams cad rang bzhin gcig pa ste/ /ro mthun mi rtog dag cing yan lag brgyad dang ldan/ /sa steng snod kyi khyad par gzhan dang gzhan gyur pas/ /rkyen dang phrad gyur chu yi rnam pa tha dad 'gyur/ /de bzhin rgyal sras thams cad mkhyen gsung thams cad kyang / /ro mthun mi rtog sangs rgyas byang chub rang bzhin yin/ /sems can spyod pa'i khyad kyis rnam pa tha dad 'gyur/ /sems can bde gshegs gsung la gzhan dang gzhan du nyan/ /ma dros klu ni 'dzam bu'i gling chen kun bkang zhing / /sa gzhi ngoms par bya phyir char pa'i rgyun kyang gtong / /lo tog nags tshal chu klung rim gyis skye bar byed/ /'on kyang chu rgyun lus las ma byung sems las min/ /bcom ldan 'das kyang de bzhin chos kyi dbyings bkang zhing / /sems can ngoms par bya phyir chos kyi char chen 'bebs/ /dge ba brgya 'phel sems can nyon mongs zhi bar mdzad/ /rgyal ba'i gsung ni phyi nang gang yang yod pa min/ /lag gis 'gro ba'i bdag po yid du 'ong ba ni/ /nyin zhag </font><hr>Nga152a<br><font size=+1>


@#/ /bdun du mkha' dbyings 'di la sprin sdud de/ /dgos pa ma grub bar du char gyi rgyun mi 'bebs/ /phan pa'i don du char rgyun phra mo phyis 'bebs so/ / stobs bcu 'gro pa'i don du chos dbyings rgyas mdzad cing / /sems can yongs su smin phyir don dam mi gsung ste/ /nam zhig snod du gyur tshe zab mo'i chos kyang gsung / /thos nas mi dngang sangs rgyas ye shes 'jug par 'gyur/ /ji ltar rgya mtsho'i klu yi rgyal po rgyan chen ni/ /sprin gyi rgyan bcu bsdus shing char chen rab tu 'bebs/ /'on tam sprin rgyan brgya bsdus brgya stong rgyan bsdus shing / /ro gcig char las rnam pa sna tshogs mang po 'bebs/ /sangs rgyas tha dad yang dag mkhyen gyi mthar phyin pa'i/ /rang byung sgo bcu 'on tam nyi shu brgya gsung ste/ /gal te yang na brgya stong tshad med mang po gsung / /'on kyang chos dbyings rnam par 'byed par mdzad pa med/ /lag 'gro kun gyi gtso bo klu dbang gangs chen mtsho/ /gling bzhi 'di dag sprin gyi dra bas kun tu dgengs/ /gnas rnams kun tu char pa rnam pa sna tshogs 'bebs/ /gangs chen mtsho bdag de la gnyis su bya ba med/ /sangs rgyas 'gro kun gtso bo chos rgyal dam pa yang / /thugs rje chen po'i stobs kyi sku sprin rgyas brdal cing / /byang chub lam du zhugs la chos rab char </font><hr>Nga152b<br><font size=+1>


'bebs te/ /mi rtog 'jig rten kun la gzhan dang gzhan yang gsung // //bam po bdun cu gsum pa/ de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ byang chub sems dpa' sems dpa' chen pos ji lta bur de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal pa'i sras/ de bzhin gshegs pa rnams ni sems kyis rnam par dgod pa ma yin/ yid kyis rnam par dgod pa ma yin/ rnam par shes pas rnam par dgod pa ma yin te/ kye rgyal ba'i sras/ de bzhin gshegs pa'i thugs skye ba ni de bzhin gshegs pa'i ye shes tshad med pas khong du chud par bya'o/ /kye rgyal pa'i sras/ 'di lta ste/ dper na/ nam mkha' la brten cing bya ba thams cad rnam par dgod par 'gyur te/ nam mkha' ni mi gnas pa'o/ /kye rgyal ba'i sras dag /de bzhin gshegs pa'i ye </font><hr>Nga153a<br><font size=+1>


@#/ /shes la brten cing / 'jig rten pa dang / 'jig rten las 'das pa'i shes pa thams cad rnam par dgod pa yin te/ de bzhin gshegs pa'i ye shes ni mi gnas pa'o/ /kye rgyal ba'i sras/ khong du chud par bya ba'i sgo dang po 'dis/ byang chub sems dpa' sems dpa' chen pos de bzhin gshegs pa rnams kyi thugs skye ba khong du chud par bya'o/ /kye rgyal ba'i sras/ gzhan yang 'di lta ste/ dper na/ chos kyi dbyings su ni nyan thos thams cad kyang rnam par grol bar 'gyur ro/ /rang sangs rgyas thams cad kyang rnam par grol te/ byang chub sems dpa' thams cad kyang yang dag par 'byung mod kyi/ chos kyi dbyings la 'phel zhing 'grib pa med do/ /kye rgyal ba'i sras/ de bzhin du de bzhin gshegs pa'i ye shes la brten cing 'jig rten dang / 'jig rten las 'das pa'i shes pa 'grangs pa thams cad kyang rnam par dgod cing / las dang bzo'i gnas thams cad rnam par dgod kyang de bzhin gshegs pa'i ye shes la 'phel zhing 'grib pa med do/ /kye rgyal ba'i sras/ khong du chud par bya ba'i sgo gnyis pa 'dis kyang byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras/ </font><hr>Nga153b<br><font size=+1>


gzhan yang 'di lta ste/ dper na/ gling chen po bzhi dang / gling phran bye ba brgya phrag brgyad cu dag ni/ rgya mtsho chen pos mngon par spangs pa'i phyir/ gang dang gang du sa'i khams bshong ba de dang de nas chu 'byung ste/ rgya mtsho chen po la rnam par rtog pa med do/ /kye rgyal ba'i sras/ de bzhin du sems can thams cad kyi sems dang bsam pa yang de bzhin gshegs pa'i ye shes kyis mngon par brlan pas/ de dag dmigs pa gang dang gang la rnam par dpyod cing / chos kyi sgo gang dang gang la brtson par byed pa de dang de nas ye shes kyi snang ba 'byung ste/ de bzhin gshegs pa'i ye shes rgya mtsho chen po de ni snyoms shing rnam par mi rtog la/ rim par 'byed pa mi mdzad kyang bsam pa dang sbyor ba'i khyad par gyis de bzhin gshegs pa'i ye shes snang ba'i khyad par du 'gyur ba'ang yod do/ /kye rgyal ba'i sras/ khong du chud par bya ba'i sgo gsum pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras| gzhan yang 'di lta ste/ dper na/ rgya mtsho chen po'i nang na/ nor bu rin po che chen po yon tan tshad med pa phun sum tshogs pa bzhi yod de/ nor bu rin po che de dag gi </font><hr>Nga154a<br><font size=+1>


@#/ /gzi brjid dang mthus rgya mtsho chen por rin po che thams cad 'byung ste/ kye rgyal ba'i sras/ gal te rgya mtsho chen po'i nang na/ nor bu rin po che de bzhin med du zin na ni/ rgya mtsho chen po'i nang na/ nor bu rin po che gcig kyang yod par mi 'gyur ro/ /bzhi po de dag kyang gang zhe na/ 'di lta ste/ rin po che thams cad yang dag par sdud pa zhes bya ba'i nor bu rin po che chen po dang / mi zad pa'i mdzod ces bya ba'i nor bu rin po che chen po dang / snying blas med pa zhes bya ba'i nor bu rin po che chen po dang / rgyan thams cad yang dag par sdud pa zhes bya ba'i nor bu rin po che chen po ste/ nor bu rin po che tshad med pa'i yon tan phun sum tshogs pa dang ldan pa de bzhi yod do/ /kye rgyal ba'i sras / nor bu rin po che chen po bzhi po de dag ni bsod nams ngan ngon dang ldan pa'i lha ma yin nam/ nam mkha' lding ngam/ klu'am/ de ma yin pa'i sems can chu la gnas pa'i mig gis mthong bar mi 'gyur ro/ /de ci'i phyir zhe na/ nor bu rin po che chen po de bzhin ni/ klu'i rgyal po gangs chen mtsho'i mdzod na 'khod pa'i phyir ro/ /kye rgyal ba'i sras dag /rin po che chen po bzhi po de dag ni gru bzhir 'dug pa ste/ klu'i rgyal po gangs chen mtsho'i gnas kyi phyogs bzhir bkod pa dag go /kye rgyal ba'i sras/ de bzhin du de bzhin gshegs pa dgra </font><hr>Nga154b<br><font size=+1>


bcom pa yang dag par rdzogs pa'i sangs rgyas rnams kyi ye shes rgya mtsho chen po'i nang na/ ye shes kyi rin po che chen po bsod nams dang / ye shes dang / yon tan phun sum tshogs pa bzhi yod de/ ye shes rin po che chen po de dag gi brjid dang mthus de bzhin gshegs pa'i ye shes rgya mtsho chen po'i nang nas/ slob pa dang / mi slob pa thams cad dang / rang sangs rgyas thams cad dang / byang chub sems dpa' thams cad kyi ye shes rin po che 'byung ste/ kye rgyal ba'i sras/ gal te de bzhin gshegs pa'i ye shes rgya mtsho chen po'i nang nas ye shes rin po che chen po de bzhi med du zin na ni/ de bzhin gshegs pa'i ye shes rgya mtsho chen po'i nang na/ chung ngu na byang chub sems dpa' gcig gi ye shes rin po che yang 'byung bar mi 'gyur ro/ /bzhi po de dag kyang gang zhe na/ 'di lta ste/ thabs mkhas pa chags pa med pa'i ye shes rin po che chen po dang / 'dus byas dang / 'dus ma byas su mnyam pa'i chos rab tu rtog pa'i ye shes rin po che chen po dang / chos kyi dbyings tha mi dad kyang rnam pa tha dad du shin tu ston pa'i ye shes rin po che chen po dang / dus dang dus ma yin pa las mi 'da' zhing / dus phebs par byed pa'i ye shes rin po che chen po ste/ de bzhin gshegs pa'i ye shes rin po che chen po de bzhi yod do/ /kye rgyal ba'i sras dag /ye shes rin po che </font><hr>Nga155a<br><font size=+1>


@#/ /chen po bzhi po de dag ni/ sems can bsod nams ngan don dang ldan pa rnams kyi mig gis mthong bar mi 'gyur te/ de ci'i phyir zhe na/ ye shes rin po che chen po de bzhi ni/ de bzhin gshegs pa'i chos kyi mdzod na 'khod pa'i phyir te/ kye rgyal ba'i sras/ ye shes rin po che chen po bzhi po de dag ni rnam pa kun tu bzang po ste| phyogs bzhir rnam par bkod cing / byang chub sems dpa' nye bar 'tsho ba dang / byang chub sems dpa'i ye shes snang bas 'thob pa dag ste/ phyogs bzhir byang chub sems dpa' yang dag par bsgrub pa'i phyir rnam par bkod pa dag go /kye rgyal ba'i sras/ khong du chud par bya ba'i sgo bzhi pa 'dis kyang byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras/ gzhan yang 'di lta ste/ dper na/ rgya mtsho de nyid kyi 'og na nor bu rin po che chen po drag shul gyi gzi brjid dang ldan pa mthu shin tu che ba bzhi yod de/ nor bu rin po che chen po de dag gi gzi brjid dang mthus rgya mtsho chen por blugs pa'i chu'i phung po thams cad yongs su 'grib par 'gyur te/ de yod pas rgya mtsho chen po yang 'phel ba dang / 'grib par mi 'gyur ro/ /nor bu </font><hr>Nga155b<br><font size=+1>


rin po che chen po de bzhi ni rgya mtsho chen po'i 'og gi mtshams na gnas te/ bzhi gang zhe na/ 'di lta ste/ nyi ma'i snying po zhes bya ba'i nor bu rin po che dang / rlan med pa zhes bya ba'i nor bu rin po che dang / mi'i 'od ces bya ba'i nor bu rin po che dang / ma lus pa'i mthar thug pa zhes bya ba'i nor bu rin po che dag ste/ nor bu rin po che chen po de bzhi yod do/ /kye rgyal ba'i sras| gal te rgya mtsho che chen po la nor bu rin po che chen po de bzhi med du zin na ni/ gling chen po bzhi pa'i 'jig rten gyi khams thams cad kyang gcig tu chus yongs su rgyas par 'gyur te/ khor yug dang khor yug chen po'i ri las kyang 'das shing / chu'i phung pos srid pa'i rtse mo man chad du'ang gang bar 'gyur ro/ /kye rgyal ba'i sras/ rgya mtsho chen por 'dus pa'i chu'i phung po de dag kyang nor bu rin po che nyi ma'i snying po'i 'od gyis phog na/ chu'i rang bzhin spangs nas 'o ma dang zhor gyur te 'dug go /nor bu rin po che chen po rlan med pa'i 'od kyis phog na/ 'o ma dang zho'i rang bzhin spangs nas/ mar gyi snying khu lta bur 'gyur ro/ /me'i 'od kyi nor bu rin po che chen po'i 'od kyis phog na/ mar gyi snying khu lta bu'i rang bzhin spangs te/ me lta bur 'bar bar 'gyur ro/ /nor bu rin po che chen po ma lus pa'i mthar thug pa'i 'od kyis phog na/ thams cad lhag ma med cing ma </font><hr>Nga156a<br><font size=+1>


@#/ /lus pa mi snang bar 'gyur ro/ /kye rgyal ba'i sras/ de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes kyi rgya mtsho chen po la/ ye shes rin po che chen po mthu dang 'od shin tu che ba bzhi yod de/ ye shes rin po che chen po de bzhi'i mthu dang 'od kyis ma phog na/ byang chub sems dpa'i smon lam gyi bsam pas byung ba'i bsod nams kyi chu'i phung po yongs su 'grib par 'gyur te/ de dag yod pas de bzhin gshegs pa'i ye shes kyi rgya mtsho chen po gang ba dang / 'grib par mi mngon no/ /bzhi po de dag kyang gang zhe na/ 'di lta ste/ dba' rlabs thams cad zhi bar byed pa'i ye shes rin po che chen po dang / chos kyi rjes su 'brang zhing sred pa yongs su dag par byed pa'i ye shes rin po che chen po dang / shes rab kyi 'od chen pos shin tu snang ba'i ye shes rin po che chen po dang / mun pa med cing snang ba med pa de bzhin gshegs pa'i mnyam pa nyid kyi ye shes rin po che chen po ste/ de bzhin gshegs pa'i ye shes rin po che mthu dang / gzi brjid shin tu che ba 'di bzhi yod do/ /kye rgyal ba'i sras/ de bzhin gshegs pa'i ye shes rin po che chen po 'di bzhi'i gzi brjid dang mthus byang chub sems dpa' thams cad kyang / de bzhin gshegs </font><hr>Nga156b<br><font size=+1>


pa'i ye shes mnyam pa nyid 'thob par 'gyur ro/ /kye rgyal ba'i sras/ de ltar de bzhin gshegs pa'i ye shes kyi rgya mtsho chen po de la/ byang chub sems dpa' bsod nams dang / byang chub kyi tshogs chen po bsags pa rnams kyi dge ba'i rtsa ba'i dba' rlabs kyi shugs drag po lha dang mi dang lha ma yin gyi 'jig rten du bcas pas/ mi zlog cing bsam gyis mi khyab pa ldang ste/ byang chub sems dpa' dge ba'i rtsa ba'i dba' rlabs kyi shugs bsam gyis mi khyab pa de dag la de bzhin gshegs pa'i ye shes rin po che chen po dba' rlabs thams cad zhi bar byed pa'i 'od kyis phog na/ dge ba'i rtsa ba'i dba' rlabs kyi shugs drag po spangs nas ting nge 'dzin la rtse gcig tu gnas par 'gyur ro/ /chos kyi rjes su 'brang zhing sred pa zad par byed pa'i ye shes rin po che chen po'i 'od kyis phog na/ ting nge 'dzin gyi ro dang / gnas rnam par spangs te/ mngon par shes pa rgya chen po mngon par bsgrub pa'i tshul la gnas par 'gyur ro/ /shes rab kyi 'od chen pos shin tu snang ba'i ye shes rin po che chen po'i 'od kyis phog na/ mngon par shes pa rgya chen po mngon par bsgrub pa'i tshul rnam par spangs te/ rig pa'i snang ba chen po mngon par bsgrub pa'i tshul la gnas par 'gyur ro/ /mun pa med cing snang ba med pa de bzhin gshegs </font><hr>Nga157a<br><font size=+1>


@#/ /pa'i mnyam pa nyid kyi ye shes rin po che chen po'i 'od kyis phog na/ rig pa'i snang ba chen po mngon par bsgrub pa'i tshul rnam par spangs te/ de bzhin gshegs pa'i sa mnyam pa nyid ched du bya ba yongs su zhi ba 'phrin las lhun gyis grub par 'byung ba rab tu thob bo/ /kye rgyal ba'i sras/ ye shes rin po che chen po 'di bzhi'i 'od snang bas phog pa'i byang chub sems dpa' rnams ni/ de bzhin gshegs pa'i mnyam pa nyid bzhi po de dag 'thob par 'gyur ro/ /kye rgyal ba'i sras/ gal te de bzhin gshegs pa'i ye shes kyi rgya mtsho chen po'i nang na/ ye shes rin po che chen po 'di bzhi med du zin na/ chung ngu na byang chub sems dpa' gcig gis kyang de bzhin gshegs pa'i sa mnyam pa nyid 'thob par 'gyur ba'i gnas med/ skabs med de/ de ni gnas ma yin no/ /kye rgyal ba'i sras/ khong du chud par bya ba'i sgo lnga pa 'dis kyang / de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras/ gzhan yang 'di lta ste/ dper na/ 'og gi chu'i phung po nye bar bzung ba yan chad/ 'du shes med 'du shes med min gyi skye mched kyi srid pa'i rtse mo'i bar gyi stong gsum gyi stong chen po'i 'jig rten gyi khams thams cad nam mkha' la gnas </font><hr>Nga157b<br><font size=+1>


pa ste/ gzugs med pa la spyod pa'i sems can gyi gnas dang / gzugs la spyod pa'i sems can gyi gnas dang / 'dod pa la spyod pa'i sems can gyi gnas ji snyed pa de dag thams cad nam mkha' la gnas shing nam mkha'i dbyings las byung ba'o/ /de ci'i phyir zhe na/ nam mkha'i dbyings kyis thams cad du khyab pa'i phyir te/ nam mkha' la gnod pa'am/ mi bde bar 'gyur ba med kyang / khams gsum du 'grub pa'i grangs su'ang 'gro'o/ /kye rgyal ba'i sras/ de bzhin du phyogs bcu'i 'jig rten gyi khams grangs med pa ma lus pa dag na nyan thos kyi ye shes sam/ rang sangs rgyas kyi ye shes sam/ byang chub sems dpa'i ye shes sam/ 'dus byas la spyod pa'i ye shes sam/ 'dus ma byas la spyod pa'i ye shes gang ji snyed pa de dag thams cad de bzhin gshegs pa'i ye shes kyi nam mkha' la gnas shing / de bzhin gshegs pa'i ye shes nam mkha' las byung ba'o/ /de ci'i phyir zhe na/ de bzhin gshegs pa'i ye shes kyi nam mkha'i dbyings kyis kun tu khyab pa'i phyir te/ de bzhin gshegs pa'i ye shes la gnod pa'am/ mi bde bar 'gyur ba med kyang / ye shes yang dag par 'grub pa rnam pa tha dad par 'gyur ba'ang yod do/ /kye rgyal ba'i sras/ khong du chud par bya ba'i sgo drug pa 'dis kyang / byang chub sems dpa' sems dpa' chen po </font><hr>Nga158a<br><font size=+1>


@#/ /de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras/ gzhan yang 'di lta ste/ dper na/ ri'i rgyal po kha ba dang ldan pa'i rtse mo la sman gyi rgyal po rtsa ba ma grags pa zhes bya ba yod de/ de ni sa chen po'i 'og rdo rje'i dbyings kyi chu'i phung po'i gzhi'i gting nas/ dpag chad \ TSAD?\ brgya stong phrag drug cu rtsa brgyad mngon par brtol te/ gyen du byung bas rtsa ba shin tu brtan pa'o/ /sman gyi rgyal po chen po de'i rtsa ba'i 'od las 'dzam bu'i gling na yod pa'i shing thams cad kyi rtsa ba chags par 'gyur te/ sdong po'i 'od kyis sdong po chags par 'gyur ro/ /yal ga'i 'od kyis yal ga chags par 'gyur ro/ /lo ma'i 'od kyis lo ma chags par 'gyur ro/ /me tog gi 'od kyis me tog chags par 'gyur ro/ /'bras bu'i 'od kyis 'bras bu chags par 'gyur ro/ /sman gyi rgyal po chen po de'i rtsa ba las snying po 'grub bo/ /snying po las rtsa ba 'grub bo/ /de'i phyir na rtsa ba ma grugs pa zhes bya ste/ sman gyi rgyal po chen po de ni gnas rnam pa gnyis su mi skye ste/ gnyis gang zhe na/ 'di lta ste/ sems can dmyal ba'i nang dang chu'i phung po las mi skye'o/ /de gnyis las mi skye zhes yongs su mi skye ba'i chos can yang ma yin te/ 'di ltar sa'i dkyil 'khor </font><hr>Nga158b<br><font size=+1>


ji tsam du mnyam zhing skabs yod pa de tsam du sman gyi rgyal po chen po skye ba'i skabs yod do/ /kye rgyal ba'i sras/ de bzhin du de bzhin gshegs pa'i ye shes sman gyi rgyal po chen po rtsa ba ma grugs pa yang sngon gyi lhag pa'i dgongs pa dang / thugs rje chen pos rtsa ba brtan par byung zhing / rtsa ba gnas pa med pa de bzhin gshegs pa thams cad kyi rigs su byung ba/ dus gsum gyi dge ba'i rtsa ba thams cad kyis ye shes kyi shing yang dag par 'grub pa/ 'jig rten gyi khams ma lus pa thams cad du dge ba'i rtsa bas kun tu khyab pa/ ngan song thams cad rnam par zlog pa/ dge ba'i rtsa ba rnam par byung ba/ thabs mkhas pas brtan zhing sra la mi g.yo ba'i sdong po can/ pha rol tu phyin pas chos kyi dbyings rgyas par 'gengs pa'i yal ga can/ bsam gtan dang / rnam par thar pa dang / ting nge 'dzin dang snyoms par 'jug pa'i lo ma kun tu 'gebs pa can gzungs dang / spobs pa dang / byang chub kyi yan lag gi me tog shin tu rgyas pa can thams cad mkhyen pa'i rnam par grol ba rtog pa dang bral ba'i 'bras bu can te/ kye rgyal ba'i sras/ de bzhin gshegs pa'i ye shes sman gyi rgyal po chen po rtsa ba ma grugs pa zhes bya ba de la/ ci'i phyir rtsa ba ma grugs pa zhes bya zhe na/ shin tu rgyun chad pa med pa dang / byang chub sems dpa'i spyod pa'i dkyil 'khor </font><hr>Nga159a<br><font size=+1>


@#/ /rgyun mi 'chad cing / byang chub sems dpa'i spyod pa las kyang de bzhin gshegs pa nyid du 'gyur la/ de bzhin gshegs pa nyid las kyang byang chub sems dpa'i spyod pa 'byung bas/ de'i phyir rtsa ba ma grugs pa zhes bya ba'o/ /kye rgyal ba'i sras/ de bzhin gshegs pa'i ye shes sman gyi rgyal po chen po rtsa ba ma grugs pa de'i rtsa ba'i 'od las/ byang chub sems dpa' thams cad 'gro ba thams cad yongs su mi gtong ba'i snying rje chen po'i rtsa ba 'dzin to/ /sdong po'i 'od las brtson 'grus dang / lhag pa'i bsam pa dang / thabs mkhas pa'i sdong po 'dzin to/ /yal ga'i 'od las pha rol tu phyin pa'i yal ga 'dzin to/ /lo ma'i 'od las tshul khrims dang / bslab pa dang / sbyangs pa'i yon tan dang / sdom pa thams cad kyi lo ma 'dzin to/ /me tog gi 'od las mtshan dang dpe byad bzang po dge ba'i rtsa ba sna tshogs kyis grub pa'i me tog 'dzin to/ /'bras bu'i 'od las ma skyes ma byung ba'i bzod pa nas/ sangs rgyas su dbang bskur ba'i sa'i bar gyi 'bras bu 'dzin to/ /kye rgyal ba'i sras/ de bzhin gshegs pa'i ye shes sman gyi rgyal po chen po rtsa ba ma grugs pa de ni gnas gnyis nas mi skye ste/ gnyis gang zhe na/ 'di lta ste/ 'dus ma byas kyi g.yang du lhung ba nyan thos dang / rang sangs rgyas </font><hr>Nga159b<br><font size=+1>


rnams dang / dbang po dang bsam pa nyams pa'i snod lta bu dang / sred pa'i chus gang pa las mi skye ste/ kye rgyal ba'i sras/ de bzhin gshegs pa'i ye shes sman gyi rgyal po chen po de mi skye ba'i chos can la mi skye zhes yongs su mi skye ba'i chos can yang ma yin te/ byang chub sems dpa' lhag pa'i bsam pa chen po can/ mnyam pa'i sems dang ldan pa rnams la skye ste/ ji tsam du sems can rnams kyi mos pa dang / lhag pa'i bsam pa yod pa de tsam du de bzhin gshegs pa'i ye shes sman gyi rgyal po chen po de rnam par skye ba'i chos can du 'gyur ro/ /kye rgyal ba'i sras/ ltos dang / de bzhin gshegs pa'i ye shes la 'phel zhing 'grib pa med la/ rtsa ba grug pa med kyang gtan du rgyun mi 'chad par snang ba yin te/ kye rgyal ba'i sras/ khong du chud par bya ba'i sgo bdun pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras/ gzhan yang 'di lta ste/ dper na/ mes 'jig pa'i bskal pa byung ba'i tshe/ stong gsum gyi stong chen po'i 'jig rten gyi khams nyi ma bdun shar cing / 'tshig pa dang / 'bar ba dang / rab tu 'bar ba dang / me'i phung po chen por gyur te/ gcig tu 'bar bar gyur nas/ rtswa dang / gel </font><hr>Nga160a<br><font size=+1>


@#/ /ba dang / sman dang / nags tshal yan chad khor yug dang khor yug chen po'i bar du 'tshig cing thal ba'ang mi mngon par 'gyur ba de'i tshe/ /mi la la zhig gis rtswa skam po dud pa rlan gyi bag med pa khur chen po gcig cig bkur bkur te bcug na/ kye rgyal ba'i sras/ de la ji snyam du sems/ rtsa khur gcig po de las chung ngu na rtswa'i zegs pa gcig kyang ma tshig pa yod dam/ smras pa/ kye rgyal ba'i sras/ ma yin te/ ma tshig pa yod par 'gyur ba ni gnas med/ skabs med do/ /smras pa/ kye rgyal ba'i sras| me'i phung po chen po de'i nang gi rtswa'i zegs ma 'ga' zhig ma tshig pa ni yod kyang srid kyi/ de bzhin gshegs pa'i ye shes kyis ni dus gsum na yod pa'i sems can 'grangs pa dang / zhing 'grangs pa dang / bskal pa 'grangs pa dang / chos 'grangs pa gang yang thugs su ma chud pa rnyed par mi rung ste/ de ni gnas ma yin no/ /kye rgyal ba'i sras/ de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams kyis tha mi dad pa'i ye shes thugs su chud pa'i phyir ro/ /kye rgyal ba'i sras/ khong du chud par bya ba'i sgo brgyad pa 'dis kyang / byang chub sems dpa' sems dpa' chen pos de bzhin gshegs pa'i thugs skye ba khong du chud par bya'o/ /kye rgyal ba'i sras/ </font><hr>Nga160b<br><font size=+1>


gzhan yang 'di lta ste/ dper na/ rlung gis 'jig rten pa'i bskal ba byung ba'i tshe/ rnam par 'thor pa zhes bya ba'i rlung dmar chen po 'byung ste/ de dag ni khor yug dang khor yug chen po'i rdo rje'i ri yan chad stong gsum gyi stong chen po'i 'jig rten gyi khams thams cad bshig/ bcom/ rnam par gtor te cha shas kyang med par byed de/ de la phyir zlog pa zhes bya ba'i rlung dmar chen po gzhan ldang ba'ang yod de/ de dag ni stong gsum gyi stong chen po'i 'jig rten gyi khams kyi 'khor kun nas ldang ste/ rnam par 'thor ba'i rlung dmar chen po 'jig rten gyi khams gzhan du mi 'gro bar phyir zlog go /kye rgyal ba'i sras/ ci ste phyir zlog pa'i rlung dmar chen po de dag gis rnam par 'thor ba'i rlung dmar chen po de phyir ma bcil du zin na/ phyogs bcu'i 'jig rten gyi khams tshad med/ grangs med pa dag kyang bshig par 'gyur ro/ /bcom par 'gyur ro/ /gtor bar 'gyur ro/ /cha shas kyang mi bzhag par 'gyur ro/ /kye rgyal ba'i sras/ de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes kyi rlung dmar chen po nyon mongs pa thams cad rnam par 'thor ba yod de/ ye shes kyi rlung dmar chen po des de bzhin gshegs pa byang chub sems dpa' thams cad kyi nyon mongs pa'i bag chags rnam </font><hr>Nga161a<br><font size=+1>


@#/ /par 'thor zhing / rnam par 'joms pa mdzad de/ de la'ang de bzhin gshegs pa rnams kyi ye shes kyi rlung dmar chen po thabs mkhas pas yang dag par 'dzin pa zhes bya ba rab tu ldang ba yod de/ nyon mongs pa'i bag chags rnam par 'thor ba'i ye shes kyi rlung dmar chen po de dag gis byang chub sems dpa' dbang po yongs su ma smin pa rnams las phyir zlog go /kye rgyal ba'i sras/ de la ci ste de bzhin gshegs pa'i ye shes kyi rlung dmar chen po thabs mkhas pa'i dkyil 'khor de med du zin na/ de'i phyir byang chub sems dpa' tshad med/ grangs med pa zhig nyan thos dang rang sangs rgyas kyi sar ltung bar 'gyur ro/ /ye shes kyi rlung dmar chen po thabs mkhas pas/ yang dag par 'dzin pa de'i mthus byang chub sems dpa' rnams nyan thos dang rang sangs rgyas kyi sa las 'das te/ rang byung ba'i de bzhin gshegs pa nyid la rab tu 'khod do/ /kye rgyal ba'i sras/ khong du chud par bya ba'i sgo dgu pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi thugs skye ba khong du chud par bya'o/ /kye rgyal ba'i sras/ gzhan yang de bzhin gshegs pa'i ye shes ni thams cad du khyab pa ste/ de ci'i phyir zhe na/ kye rgyal ba'i sras/ sems can gyi ris </font><hr>Nga161b<br><font size=+1>


na| de bzhin gshegs pa'i ye shes kyis thams cad du ma khyab pa de lta bu gang yang med de/ de'ang ci'i phyir zhe na/ de bzhin gshegs pa'i ye shes ni 'du shes su 'dzin pas rnam par dgod pa ma yin te/ thams cad mkhyen pa'i ye shes/ rang byung gi ye shes/ chags pa med pa'i ye shes ni 'du shes dang rnam par bral bas rab tu 'byung ngo / /kye rgyal ba'i sras/ 'di lta ste/ dper na/ ri mo'i gzhi chen po stong gsum gyi stong chen po'i 'jig rten gyi khams tsam zhig yod par gyur la/ ri mo'i gzhi chen po de la stong gsum gyi stong chen po'i 'jig rten gyi khams ril gyis rdzogs par bris te/ 'di ltar khor yug chen po'i tshad du ni khor yug chen po bris/ sa chen po'i tshad du ni sa chen po bris/ stong gnyis pa'i 'jig rten gyi khams kyi tshad du ni/ stong gnyis pa'i 'jig rten gyi khams bris/ stong gi 'jig rten gyi khams kyi tshad du ni/ stong gi 'jig rten gyi khams bris/ gling bzhi pa'i 'jig rten gyi khams kyi tshad du ni| gling bzhi pa'i 'jig rten gyi khams bris/ rgya mtsho chen po'i tshad du ni rgya mtsho chen po bris/ 'dzam bu'i gling gi tshad du ni 'dzam bu'i gling bris/ shar gyi lus 'phags kyi gling gi tshad du ni shar gyi lus 'phags kyi gling bris/ nub kyi ba glang spyod kyi gling gi tshad du ni nub kyi ba glang spyod kyi gling bris/ byang gi sgra mi snyan gyi gling gi tshad du ni byang gi sgra mi snyan gyi gling </font><hr>Nga162a<br><font size=+1>


@#/ /bris/ ri rab kyi tshad du ni ri rab bris/ sa bla na spyod pa'i lha'i gzhal med khang gi tshad du ni sa bla na spyod pa'i lha'i gzhal med khang rnams bris/ 'dod pa la spyod pa'i lha'i gzhal med khang gi tshad du ni/ 'dod pa la spyod pa'i lha'i gzhal med khang rnams bris/ gzugs la spyod pa'i lha'i gzhal med khang gi tshad du ni/ gzugs la spyod pa'i lha'i gzhal med khang rnams bris/ gzugs med pa la spyod pa'i lha'i gzhal med khang gi tshad du ni/ gzugs med pa la spyod pa'i lha'i gzhal med khang rnams bris par gyur la/ ri mo'i gzhi chu zheng du stong gsum gyi stong chen po'i 'jig rten gyi khams tsam yod pa de/ rdul shin tu phra ba gcig gi nang du bcug par gyur la/ rdul gcig la ji lta ba de bzhin du rdul shin tu phra ba ma lus pa thams cad re re la yang / de tsam gyi ri mo'i gzhi chen po re re yod par gyur te/ de nas skyes bu mkhas pa yid gzhungs pa/ khong bzo ba/ gsal ba/ de bzhin nyid khong du chud pa'i rtogs pa dang ldan pa zhig skyes par gyur te/ de la 'phrul gyi mig kun tu dag pa shin tu 'od gsal ba yang bdog par gyur la/ des 'phrul gyi mig gis bltas na mthong bar gyur nas/ ri mo'i gzhi chen po de lta bu de ltar shin tu phra mo'i rdul de dag la 'khod kyang sems can su la yang phan par ma gyur pas/ de 'di snyam du sems te/ kye ma/ </font><hr>Nga162b<br><font size=+1>


bdag gis brtson 'grus kyi mthu dang stobs shig gis/ rdul phra mo 'di dag kha phye ste/ ri mo'i gzhi chen po 'di dag 'gro ba thams cad nye bar 'tsho bar bya'o snyam nas/ des brtson 'grus kyi stobs dang / mthu chen po bskyed de/ ri mo'i gzhi chen po de dag 'gro ba thams cad kyi bsam pa ji lta ba bzhin du nye bar 'tsho bar byed pa zhig yod na/ kye rgyal ba'i sras/ de bzhin du de bzhin gshegs pa'i ye shes tshad med pa'i ye shes chags pa med pa'i ye shes/ sems can thams cad nye bar 'tsho ba'i ye shes kyang / sems can thams cad kyi sems la ril gyis chud par gnas te/ sems can gyi sems de dag thams cad de bzhin gshegs pa'i ye shes tshad dang mnyam yang / de bzhin gshegs pa'i ye shes de ni byis pa 'du shes su 'dzin pas rnam par glags pa rnams mi shes shing khong du mi chud la/ mngon du mi byed/ nyams su myong bar mi byed de/ de nas de bzhin gshegs pa'i ye shes chags pa med pas/ sems can gyi khams thams cad la rnam par gzigs nas ngo mtshar gyi thugs skye bar 'gyur te/ kye ma sems can 'di dag de ltar de bzhin gshegs pa'i ye shes yang dag par ji lta ba bzhin du'ang mi shes la/ de bzhin gshegs pa'i ye shes kyang khong na yod pa ngo mtshar che'i/ bdag gis sems can 'di dag ci nas kyang rang rang gi 'du shes kyi mdud pa chen po 'phags </font><hr>Nga163a<br><font size=+1>


@#/ /pa'i lam gyi stobs dang shugs kyis bkrol te de bzhin gshegs pa'i ye shes khong du chud cing / de bzhin gshegs pa'i mnyam pa nyid kyang thob par 'gyur ba'i 'phags pa'i lam bstan te/ 'du shes kyi rnam pas rnam par glags pa thams cad bsal bar bya'o zhes nas/ de bzhin gshegs pa'i lam bstan pas de dag gi 'du shes kyi rnam pa thams cad yongs su bsal bar mdzad do/ /de ltar 'du shes kyi rnam pa thams cad yongs su sel ba'i phyir/ de bzhin gshegs pa'i ye shes tshad med pas 'gro ba thams cad yongs su 'tsho'o/ /kye rgyal ba'i sras/ khong du chud par bya ba'i sgo bcu pa 'dis kyang / byang chub sems dpa' sems dpa' chen pos de bzhin gshegs pa dgra bcom pa yang dag pa rdzogs pa'i sangs rgyas rnams kyi thugs skye ba khong du chud pa bya ste/ kye rgyal ba'i sras/ de dag la sogs pa mngon par bsgrub pa brgya stong tshad med grangs med pa'i sgos/ byang chub sems dpa' sems dpa' chen pos de bzhin gshegs pa'i thugs skye ba khong du chud par bya'o/ /de nas byang chub sems dpa' sems dpa' chen po kun tu bzang pos/ don 'di nyid yang brtag par bya ba'i phyir/ de'i tshe tshigs su bcad pa 'di dag smras so/ /stobs bcu mnga' ba'i thugs ni ye shes mchog las byung / rgyal ba'i ye shes de yang ji ltar brtag </font><hr>Nga163b<br><font size=+1>


ce na/ /phyogs bcu kun gyi sems can khams ni ji snyed pa/ thams cad lus med rang bzhin med pa'i mkha' las 'byung / /chos dbyings kun gyi sems can khams rnams ji snyed pa/ / bzo dang mkhas pa'i ye shes sna tshogs bde myong ba/ /de dag thams cad bde gshegs mkhyen las thabs kyis 'byung / /bde gshegs ye shes de ni sngon nas rang bzhin med/ chos kyi dbyings las gnas te dpang can tshogs rnams grol/ /phyogs bcu'i rang rgyal theg la gnas pa kun kyang ste/ /sangs rgyas ma lus pa yang chos kyi dbyings su 'byung / /chos dbyings de la rnam par 'phel zhing 'grib pa med/ /de bzhin sangs rgyas mkhyen la shes pa kun 'byung ste/ /slob dang mi slob 'dus byas 'dus ma byas pa 'byung / /bde gshegs dam pa'i ye shes 'phel zhing 'grib pa'ang med/ /sangs rgyas ye shes de la skye zhing 'jig pa'ang med/ /ji ltar gling rnams chu yi rgyal pos mngon brlan pas/ /sa steng gang 'dod brkos pa'i nges par chu 'byung 'thob/ /sa la rnam rtog med de chu la mu med pas/ /brtson 'grus stobs dang ldan na phyogs kun chu yang 'byung / /phyogs bcu ma lus sems can khams rnams ji snyed pa/ /de dag sems ni bde gshegs mkhyen pas mngon brlan pas/ /gang dang gang du las byas brtson 'grus mthus bskyed pa/ /de dang de nas ye shes chu 'byung 'thob </font><hr>Nga164a<br><font size=+1>


@#/ /par 'gyur/ /rin chen mchog bzhi gangs chen mtsho yi mdzod gnas pa/ /de dag mthus ni chu 'dzin chen por rin chen 'byung / /nor bu rin chen de dag phal gyis mi mthong ste/ /de dag phyogs bzhir rnam phye gangs chen mtsho na gnas/ /bde gshegs ye shes bzhi po tshad med de bzhin te/ /'gro ba'i ye shes nges 'byung 'jig par mi 'gyur ro/ /ye shes chen po de dag gzhan rnams sus mi mthong / /stobs bcu rnams dang dbang bskur thob pa ma gtogs so/ /chu 'dzin chen po'i mtha' na rin chen bzhi yod de/ /stobs chen gzi brjid che bas de dag chu 'grib byed/ /de dag med du zin na gling bzhi rgyas par 'gyur/ /de dag yod pas rgya mtsho 'phel zhing 'grib pa med| |de bzhin bde gshegs ye shes rgyal sras don brtson pa/ /chos kyi shugs gcod dba' rlabs shin tu rnam par sel/ /shes rab yangs pa'i ye shes mtha' dang dbus med snang / /de med gyur na rgyal sras gang yang 'tshang mi rgya/ /'og gi gzhi nas bzung ste srid pa'i rtse mo'i bar/ /'dod dang gzugs dang gzugs med khams gsum thams cad kyang| /bdag med dbyings la legs par gnas pas gnas pa ste/ /nam mkha' mtho zhing dma' bar 'gyur ba gang yang med/ /de bzhin bde gshegs ye shes shes </font><hr>Nga164b<br><font size=+1>


pa kun gyi rgyu/ /slob dang mi slob rnams dang de bzhin rang rgyal dang / /byang chub sems dpa' bde bar byed pa'i ye shes kyang / /sangs rgyas ye shes mchog la bde bar rab tu gnas/ / gangs ri spo la gzi brjid che ba'i sman gyi mchog /rtsa ba grugs med yod de de yi gzi brjid mthus/ /'dzam bu'i gling gi shing mchog thams cad rnam par skye/ /snying po rtsa ba skyed byed rtsa ba snying po skyed/ /de bzhin bde gshegs rigs las sangs rgyas ye shes 'byung / /de yi yon tan mthus ni rnal 'byor ye shes 'byung / /spyod pa'i byang chub 'byung ste byang chub spyod pa 'byin/ /sems yid mnyam dang ldan la sangs rgyas ye shes skye/ /bskal pa'i 'jig dus mi bzad bskal pa'i me byung bar/ /la las spur rtswa'i khur bor mi tshig gnas med de| |rgyal ba'i sras rnams de ni mi tshig skabs med do/ /rdo rje 'tshig par byed na rtswa skam ci zhig smos/ /rtswa la mi tshig ji ste gnas yod srid 'gyur gyi/ /bde gshegs ye shes kyis ni ma mkhyen gang yang med/ /sems can dus dang bskal pa zhing rnams rab tu mkhyen/ /de ltar sangs rgyas ye shes tshad med mtha' yang yas/ /bskal pa 'jig pa'i tshe na rnam 'thor rlung ldang ste/ /de ni khor yug ri rab kun kyang rnam par 'thor bar byed/ /rnam 'thor phyir ldog byed pa'i rlung dmar gzhan med na/ /tshad med zhing rnams kun kyang </font><hr>Nga165a<br><font size=+1>


@#/ /rnam par 'jig par 'gyur/ /de bzhin stobs bcu mnga' ba'i ye shes rlung ldang pa/ /de dag byang chub sems dpa'i nyon mongs rnam par 'thor/ /de la thabs dang ldan pa'i rlung dmar gzhan yod de/ /des ni yongs su bzung bas nyan thos mi 'gyur ro/ /stong gsum tshad kyi ri mo'i gzhi zhig yod gyur la/ /rdul phran ma lus kun gyi sbubs na'ang de 'dra ste/ /skyes bu mkhas pa'i mig ldan la las rnam phye nas/ /ri mo'i gzhi de 'gro kun nye bar 'tsho byas na/ /bcom ldan de yang de bzhin sems can kun gyi sems/ /ril gyis bde gshegs mkhyen yin 'du shes bsgribs gyur ces/ /rgyal ba'i thugs rje bskyed cing 'du shes spong bar ston/ /'du shes yongs su shes nas rgyal sras nye bar 'tsho/ /de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi yul ji lta bur khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos/ </font><hr>Nga165b<br><font size=+1>


byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras/ de la byang chub sems dpa' sems dpa' chen pos de bzhin gshegs pa'i yul ni shes rab dang ye shes chags pa med cing / bsgribs pa med pas 'jug cing / 'gro ba thams cad yul du gyur pa'i sgos khong du chud par bya ste/ de bzhin gshegs pa'i yul ni 'jig rten thams cad yul du gyur pa dang / zhing thams cad yul du gyur pa dang / chos thams cad yul du gyur pa dang / sems can thams cad yul du gyur pa dang| de bzhin nyid tha mi dad pa yul du gyur pa dang / chos kyi dbyings bsgribs pa med pa yul du gyur pa dang / yang dag pa'i mtha' la mtha' med pa yul du gyur pa dang / nam mkha'i dbyings tshad med pa yul du gyur pa dang / mya ngan las 'das pa'i dbyings la yul med pa yul du gyur pa'i sgos khong du chud par bya ste/ 'gro ba thams cad gyi yul ji ltar tshad med pa de bzhin du/ de bzhin gshegs pa'i yul yang tshad med de/ mya ngan las 'das pa'i yul gyi bar du ji ltar tshad med cing yul med la yul ma yin te/ thams cad gang na'ang med pa de bzhin du/ de bzhin gshegs pa'i yul yang tshad med cing / yul med la yul ma yin te/ thams cad gang na'ang med do/ /kye rgyal ba'i sras/ 'di ltar yang byang chub sems </font><hr>Nga166a<br><font size=+1>


@#/ /dpa' sems dpa' chen pos sems kyi yul gyis sangs rgyas kyi yul khong du chud par bya ste/ ji ltar sems kyi yul tshad med cing mu med de/ ma bcings ma grol ba de bzhin du de bzhin gshegs pa'i yul yang tshad med cing mu med de/ ma bcings ma grol ba'o/ /de ci'i phyir zhe na/ 'di ltar sems de ni ji lta ji ltar bsams shing rnam par brtags pa de lta de ltar tshad med par rnam par dgod pa yin te/ kye rgyal ba'i sras/ 'di lta ste/ dper na/ klu rnams ni sems kyi khyad par gyis char pa'i rgyun chen po 'bebs te/ char pa'i rgyun de yang klu rnams kyi nang nas byung ba'ang ma yin/ phyi rol nas byung ba'ang ma yin no/ /kye rgyal ba'i sras/ de bzhin du de bzhin gshegs pa'i yul yang rnam pa ji lta ji ltar bur bsams te/ rnam pa brtags pa de lta de lta bur bsam gyis mi khyab pa rnam par dgod par 'gyur te/ de ni phyogs na gnas pa yang ma yin/ yul na gnas pa yang ma yin no/ /kye rgyal ba'i sras/ gzhan yang 'di lta ste/ dper na/ rgya mtsho chen po la chu'i phung po tshad med pa gang ji snyed yod pa de dag thams cad klu rnams kyi sems kyi khyad par las byung ba'o/ /kye rgyal ba'i sras/ de bzhin du thams cad mkhyen pa nyid kyi rgya mtsho la chos kyi rgyud tshad med pa gang ji snyed yod pa de dag thams </font><hr>Nga166b<br><font size=+1>


cad sngon gyi thugs kyi smon lam mngon par bsgrubs pa'i khyad par gyis byung pa'o/ /byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras/ rgya mtsho chen po ni ji tsam zhig tu tshad med/ thams cad mkhyen pa'i ye shes kyi rgya mtsho ni ji tsam zhig tu tshad med/ byang chub sems dpa' kun tu bzang pos smras pa/ kye rgyal ba'i sras/ gnas 'di bstan pa bsam gyis mi khyab pa ste/ 'on kyang dpe tsam zhig bstan gyi de nyon cig /kye rgyal ba'i sras/ rgya mtsho chen por ni/ 'dzam bu'i gling 'di nas chu klung stong phrag phyed dang gsum 'bab bo/ /nub kyi ba lang spyod kyi gling nas chu klung stong phrag lnga 'bab bo/ /shar gyi lus 'phags po'i gling nas chu klung stong phrag phyed dang brgyad 'bab bo/ /byang gi sgra mi snyan gyi gling nas chu klung stong phrag bcu tshang bar 'bab ste/ kye rgyal ba'i sras/ de ltar na rgya mtsho chen po der gling bzhi pa'i 'jig rten gyi khams 'di nas chu klung stong phrag nyi shu rtsa lnga tshang bar rgyun mi 'chad par 'bab bo/ /kye rgyal ba'i sras/ de la ji snyam du sems/ gling chen po bzhi nas rgya mtsho chen por 'bab pa'i chu'i phung po de tshad med pa yin mod/ byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras/ de ni tshad med grangs med do/ /byang </font><hr>Nga167a<br><font size=+1>


@#/ /chub sems dpa' kun tu bzang pos smras pa/ kye rgyal ba'i sras/ gling bzhi pa'i 'jig rten gyi khams 'di nas chu'i phung po ji snyed cig rgya mtsho chen por bab pa de dag pas kyang klu'i rgyal po 'od zer bcu pa'i sprin las chu'i phung po ches mang bar rgya mtsho chen por 'bab bo/ /kye rgyal ba'i sras/ gling chen po bzhi pa'i 'jig rten gyi khams nas chu'i phung po ji snyed cig rgya mtsho chen por 'bab pa dang / klu'i rgyal po 'od zer bcu pa'i sprin las chu'i phung po ji snyed cig rgya mtsho chen por 'bab pa de dag pas kyang klu'i rgyal po 'od zer brgya pa'i sprin las chu'i phung po ches mang bar rgya mtsho chen por 'bab bo/ /kye rgyal ba'i sras/ gling chen po bzhi pa'i 'jig rten gyi khams nas chu'i phung po ji snyed cig rgya mtsho chen por 'bab pa dang / klu'i rgyal po 'od zer bcu pa'i sprin las chu'i phung po ji snyed cig rgya mtsho chen por 'bab pa dang / klu'i rgyal po 'od zer brgya pa'i sprin las chu'i phung po ji snyed cig rgya mtsho chen por 'bab pa de dag pas kyang / klu'i rgyal po rgyan chen po'i sprin las chu'i phung po ches mang ba rgya mtsho chen por 'bab bo| |kye rgyal ba'i sras/ gling chen po bzhi pa'i 'jig rten gyi khams nas chu'i phung po ji snyed cig rgya mtsho chen por 'bab pa dang / klu'i rgyal po 'od zer bcu pa'i sprin las </font><hr>Nga167b<br><font size=+1>


chu'i phung po ji snyed cig rgya mtsho chen por 'bab pa dang / klu'i rgyal po 'od zer brgya pa'i sprin las chu'i phung po ji snyed cig rgya mtsho chen por 'bab pa dang / klu'i rgyal po rgyan chen po'i sprin las chu'i phung po ji snyed cig rgya mtsho chen por 'bab pa de dag pas kyang / klu'i rgyal po yid du 'ong ba'i sprin las chu'i phung po ches mang bar rgya mtsho chen por 'bab bo/ /gzhung de bzhin du de bas kyang / klu'i rgyal po 'gro bar char 'bebs pa'i sprin las ches mang bar 'bab bo/ /de bas kyang klu'i rgyal po dga' bo dang / nye dga' bo'i sprin las ches mang bar 'bab bo| |de bas kyang klu'i rgyal po 'od mtha' yas pa'i sprin las ches mang por 'bab bo/ /de bas kyang klu'i rgyal po shugs chen por 'dzin pa'i sprin las ches mang bar 'bab bo/ /de bas kyang klu'i rgyal po shin tu rnam par rgyal ba'i sprin las ches mang bar 'bab ste/ kye rgyal ba'i sras/ gling chen po bzhi pa'i 'jig rten gyi khams nas chu'i phung po ji snyed cig rgya mtsho chen por bab pa dang / klu'i rgyal po 'od zer bcu pa'i sprin las ji snyed cig bab pa dang / klu'i rgyal po 'od zer brgya pa'i sprin las ji snyed cig bab pa dang / klu'i rgyal po rgyan chen po'i sprin las ji snyed cig bab pa dang / klu'i rgyal po yid du 'ong ba'i sprin las ji snyed cig bab pa dang / klu'i rgyal po 'gro bar char 'bebs pa'i sprin las ji snyed cig bab pa dang / klu'i rgyal po </font><hr>Nga168a<br><font size=+1>


@#/ /dga' bo dang / nye dga' bo'i sprin las ji snyed cig bab pa dang / klu'i rgyal po 'od mtha' yas pa'i sprin las ji snyed cig bab pa dang / klu'i rgyal po shugs chen po 'dzin pa'i sprin las ji snyed cig bab pa dang / klu'i rgyal po rnam par rgyal ba'i sprin las ji snyed cig bab pa de dag pas kyang / klu'i rgyal po rnam par bsgyings pa'i sprin las chu'i phung po ches mang bar rgya mtsho chen por 'bab ste/ kye rgyal ba'i sras/ klu'i rgyal po chen po bcu po 'di dag la sogs pa klu'i rgyal po'i rigs khrag khrig brgyad cu so so'i sprin las chu'i phung po chen po mang po rgya mtsho chen por 'bab bo/ /kye rgyal ba'i sras/ gling chen po bzhi pa'i 'jig rten gyi khams nas/ chu'i phung po ji snyed cig rgya mtsho chen por bab pa dang| klu'i rgyal po chen po bcu'i sprin las chu'i phung po ji snyed cig rgya mtsho chen por bab pa dang / klu'i rgyal po chen po'i rigs khrag khrig brgyad cu so so'i sprin las chu'i phung po ji snyed cig rgya mtsho chen por bab pa de dag pas kyang / klu'i rgyal po gangs chen mtsho'i bu thu bo 'dzam bu'i rgyal mtshan gyi sprin las chu'i phung po ches mang bar rgya mtsho chen por 'bab bo/ /kye rgyal ba'i sras/ de bzhin du chu klung chen po de dag nas chu'i phung po ji snyed cig rgya mtsho chen por bab pa dang / sprin chen po de dag las chu'i phung po ji snyed cig rgya mtsho </font><hr>Nga168b<br><font size=+1>


chen por bab pa de dag pas kyang / klu'i rgyal po 'od zer bcu pa'i gnas nas chu'i phung po ches mang bar rgya mtsho chen por 'bab bo/ /kye rgyal ba'i sras/ gling chen po bzhi pa'i 'jig rten gyi khams kyi chu klung chen po dag nas/ chu'i phung po ji snyed cig rgya mtsho chen por bab pa dang / klu'i rgyal po chen po snga ma de dag gi sprin las chu'i phung po ji snyed cig rgya mtsho chen por bab pa dang / klu'i rgyal po gangs chen mtsho'i bu'i thu bo 'dzam bu'i rgyal mtshan gyi sprin las chu'i phung po ji snyed cig rgya mtsho chen por bab pa dang / klu'i rgyal po chen po 'od zer bcu pa'i gnas nas chu'i phung po ji snyed cig rgya mtsho chen por bab pa de bas kyang / klu'i rgyal po 'od zer brgya ba'i gnas nas chu'i phung po ches mang bar rgya mtsho chen por 'bab bo/ kye rgyal ba'i sras/ gling chen po bzhi ba'i 'jig rten gyi khams kyi chu klung chen po dag nas/ chu'i phung po ji snyed cig rgya mtsho chen por bab pa dang / klu'i rgyal po chen po de dag dang / klu'i rgyal po chen po'i rigs khrag khrig brgyad cu so so'i sprin las chu'i phung po ji snyed cig rgya mtsho chen por 'bab pa dang / klu'i rgyal po gangs chen mtsho'i bu thu bo 'dzam bu'i rgyal mtshan gyi sprin las chu'i phung po ji snyed cig rgya mtsho chen por bab pa dang / klu'i rgyal po chen po 'od zer bcu pa'i gnas nas chu'i phung po ji snyed cig rgya mtsho chen por </font><hr>Nga169a<br><font size=+1>


@#/ /bab pa dang / klu'i rgyal po chen po 'od zer brgya ba'i gnas nas chu'i phung po ji snyed cig rgya mtsho chen por bab pa de dag pas kyang / klu'i rgyal po chen po rgyan chen po'i gnas nas chu'i phung po ches mang bar rgya mtsho chen por 'bab po/ /kye rgyal ba'i sras/ gzhung de bzhin du de dag pas kyang yid du 'ong ba'i gnas nas ches mang bar 'bab bo/ /de dag pas kyang 'gro bar char 'bebs pa'i gnas nas ches mang bar 'bab bo/ /de dag pas kyang dga' bo dang / nye dga' bo'i gnas nas ches mang bar 'bab bo| |de dag pas kyang 'od mtha' yas pa'i gnas nas ches mang bar 'bab bo/ /de dag pas kyang shugs chen po 'dzin pa'i gnas nas ches mang bar 'bab bo/ /de dag pas kyang shin tu rnam par rgyal ba'i gnas nas ches mang bar 'bab bo/ /de dag pas kyang klu'i rgyal po chen po rnam par bsgyings pa'i gnas nas/ chu'i phung po ches mang bar rgya mtsho chen por 'bab bo/ /kye rgyal ba'i sras/ gling chen po bzhi ba'i 'jig rten gyi khams kyi chu klung nas chu'i phung po ji snyed cig rgya mtsho chen por bab pa dang / klu'i rgyal po chen po bcu po de dag gi sprin dang / gnas nas chu'i phung po ji snyed cig rgya mtsho chen por bab pa dang / klu'i rgyal po chen po'i rigs khrag khrig brgyad cu'i sprin </font><hr>Nga169b<br><font size=+1>


dang| gnas nas chu'i phung po ji snyed cig rgya mtsho chen po bab pa dang / 'dzam bu'i rgyal mtshan gyi sprin las chu'i phung po ji snyed cig rgya mtsho chen por bab pa de dag bas kyang / klu'i rgyal po chen po gangs chen mtsho'i sprin tha mi dad pa zhes bya ba las chu'i phung po ches mang bar rgya mtsho chen por 'bab bo/ /kye rgyal ba'i sras/ de bzhin du gling chen po bzhi pa'i 'jig rten gyi khams kyi chu klung gi chu'i phung po ji snyed cig rgya mtsho chen por rab tu bab pa dang / klu'i rgyal po chen po snga ma de dag gi sprin dang / gnas nas chu'i phung po ji snyed cig rgya mtsho chen po bab pa dang / klu'i rgyal po chen po gangs chen mtsho'i bu thu bo 'dzam bu'i rgyal mtshan gyi sprin las/ chu'i phung po ji snyed cig rgya mtsho chen por bab pa dang / klu'i rgyal po chen po gangs chen mtsho'i sprin tha mi dad pa zhes bya ba las/ chu'i phung po ji snyed cig rgya mtsho chen por bab pa de bas kyang / klu'i rgyal po gangs chen mtsho'i gnas nas chu'i dbab brgal chen po bai DUR+Ya sngon po'i kha dog lta bur 'dug pa ches mang ba 'byung ste/ de ni rgya mtsho chen po thams cad kyang chu'i shugs chen pos rgyas par byed mod kyi/ 'on kyang rgya mtsho chen po ni 'bras la 'da' ba med de/ kye rgyal ba'i sras/ rgya mtsho chen po de ni chu'i phung pos de ltar tshad med pa ste/ phyi ltar chu'i phung pos tshad med pa de ltar rin po </font><hr>Nga170a<br><font size=+1>


@#/ /che'i phung pos kyang tshad med de/ sems can gyi gnas kyis kyang tshad med la/ sems can chen po'i lus kyi rnam pas kyang tshad med na/ kye rgyal ba'i sras/ de la de ji snyam du sems/ rgya mtsho chen po de tshang med mod/ byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras| rgya mtsho chen po de ni dpes brjod par yang dka' ba tsam du rgya che'o/ /byang chub sems dpa' kun tu bzang pos smras pa/ kye rgyal ba'i sras/ de ltar rgya mtsho chen po tshad med pa des de bzhin gshegs pa'i ye shes rgya mtsho yul tshad med pa'i brgya'i char yang nye bar mi 'gro'o/ /stong gi char yang nye bar mi 'gro ba nas/ rgyur bya ba'i bar du yang nye bar mi 'gro'o/ /kye rgyal ba'i sras/ 'on kyang bsam pa ji lta ba bzhin du sems can gyis/ rnam par rig par bya ba nye bar bzung ste rgya mtsho chen po las de bzhin gshegs pa'i yul dper blang gi/ de bzhin gshegs pa'i ye shes rgya mtsho'i yul la dpe yod pa ma yin te/ kye rgyal ba'i sras/ de bzhin gshegs pa'i ye shes rgya mtsho'i yul ni dpe las 'das pa'o/ /kye rgyal ba'i sras/ de bzhin gshegs pa'i ye shes rgya mtsho'i yul de lta bu de ni 'di lta ste/ thugs dang po bskyed pa nas/ byang chub sems dpa'i spyod pa thams cad </font><hr>Nga170b<br><font size=+1>


rgyun ma chad pa'i phyir/ yang dag par bsgrubs pas kyang tshad med par khong du chud par bya'o/ /byang chub kyi phyogs kyi chos dang / rin po che gsum gyi rgyun mi gcod pas rin po che'i phung pos kyang tshad med par khong du chud par bya'o/ /slob pa dang / mi slob pa dang / rang sangs rgyas thams cad nye bar 'tsho bas 'byung po gnas pas kyang tshad med par khong du chud par bya'o/ / sa dang po la gnas pa'i byang chub sems dpa' yan chad chags pa med pa'i mthar thug pa'i sa la gnas pa'i bar gyi byang chub sems dpa' thams cad gnas pas 'byung po chen po'i lus rnam pa tha dad pas kyang tshad med par khong du chud par bya ste/ kye rgyal ba'i sras/ byang chub sems dpa' sems dpa' chen pos de ltar de bzhin gshegs pa'i ye shes rgya mtsho'i yul 'gro ba thams cad nye bar 'tsho ba ni/ tshad med pa'i ye shes dang ldan pa'i tshul gyis khong du chud par bya'o/ /de nas byang chub sems dpa' sems dpa' chen po kun tu bzang pos don de nyid yang brtag par bya ba'i phyir/ tshigs su bcad pa 'di dag smras so/ /rdul med rnams kyi yul ni tshad med gzhal du med/ /sems kyi yul bzhin rnam pa kun tu tshad med de/ /sems kyis mngon bsgrubs yid kyi yul ni ji lta ba/ /de bzhin stobs bcu rnams kyi yul yang shes par bya/ /klu yi dbang po gnas nas nam yang mi g.yo </font><hr>Nga171a<br><font size=+1>


@#/ /bar| |sems kyi mthus ni char chen rgyun kyang rab tu 'bebs/ /de la'ang 'od dang 'gro bar dmigs pa med pa ste/ /klu yi dbang po'i bsam pa tsam gyis char yang 'bab/ /de bzhin stobs bcu gang dag nas kyang byon pa med/ /de bzhin thub pa gang du'ang bzhud pa mi dmigs te/ /thugs kyis dgongs pas skra rtse gcig la 'jug par yang / /chos kyi dbyings kyi tshad du de dag shin tu 'byung / /rgya mtsho chu dang rin chen tshogs kyis tshad med de/ /sems can dag dang 'byung po gnas pas tshad kyang med/ /ro gcig rnyog par mi nus sems can der skyes pa/ /de dag kun kyang chu bo gzhan la spyod mi byed/ /de bzhin rgyal ba'i yul yang mkhyen pas tshad med de/ /rin chen gsum gnas rin chen tshogs kyis tshad kyang med/ /slob dang mi slob sems can rnams kyis tshad med de/ /ye shes mchog don spyod pa'i 'byung po'i tshad kyang med// //bam po bdun cu rtsa bzhi ba/ de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ byang chub sems dpa' </font><hr>Nga171b<br><font size=+1>


sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi spyod yul ji lta bur shes par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras/ byang chub sems dpa' sems dpa' chen pos de bzhin gshegs pa'i spyod yul ni chags pa med pa'i spyod yul du shes par bya ste/ ji ltar de bzhin nyid ni sngon gyi mtha' nas byung ba ma yin/ phyi ma'i mtha' nas 'phos pa ma yin/ da ltar byung bas mngon par bsgrubs pa ma yin pa de bzhin du de bzhin gshegs pa'i spyod yul yang ma skyes/ ma 'phos/ mngon par grub pa med par khong du chud par bya'o/ /kye rgyal ba'i sras/ chos kyi dbyings la lus med pas chos kyi dbyings de ni/ tshad yod pa'ang ma yin/ tshad med pa'ang ma yin no/ /kye rgyal ba'i sras/ de bzhin du de bzhin gshegs pa'i spyod yul la lus med pa de bzhin gshegs pa'i spyod yul de yang tshad yod pa'ang ma yin/ tshad med pa'ang ma yin/ /kye rgyal ba'i sras/ 'di lta ste/ dper na/ 'dab chags bya ni nam mkha' las lding ste/ 'gro na lo brgyar song </font><hr>Nga172a<br><font size=+1>


@#/ /yang ji srid du phyin pa de srid na ma phyin pa'ang yod de/ nam mkha' la mtha' med pas snga phyi khyad par med do/ /kye rgyal ba'i sras/ de bzhin du de bzhin gshegs pa'i spyod yul yang / bskal pa bye ba khrag khrig brgya phrag stong du bstan kyang / de snyed ni ma bstan pa yang yod de/ de ni de bzhin gshegs pa'i spyod yul la mu med pa'i phyir ro/ /kye rgyal ba'i sras/ de lta bu'i de bzhin gshegs pa dgra bcom pa yang dag par rdzogs pa'i sangs rgyas rnams kyang / chags pa med pa'i spyod yul la mi gnas pa'i tshul gyis bzhugs shing / sems can thams cad la spyod yul de yang ston pa mdzad do/ /sems can chags pa sna tshogs la mngon par zhen pa rnams kyang chags pa'i lam de dang de nas yongs su zlo ba mdzad do/ /kye rgyal ba'i sras/ 'di lta ste/ dper na/ nam mkha' lding gi rgyal po chen po'i spyod yul ni nam mkha' ste/ nam mkha' la gnas shing / rang gi mig yongs su dag pas klu'i gnas su bltas te/ rgya mtsho chen po'i chu'i phung po chen po nam mkha' lding gi shugs drag po dang / gshog pa'i rlung chen po'i mthus g.yas g.yon du bsal nas/ klu'am/ klu'i bud med dus yongs su smin te/ tshe'i mthar phyin pa brjod cing 'byin to/ / </font><hr>Nga172b<br><font size=+1>


kye rgyal ba'i sras/ de bzhin gshegs pa nam mkha' lding gi rgyal po chen po chags pa med pa'i spyod yul mnga' ba yang / bsgribs pa med pa'i spyod yul las bzhugs shing / de bzhin gshegs pa'i spyan bla na med pa rnam par dag pas chos kyi dbyings thams cad du sems can thams cad kyi gnas la gzigs nas/ de bzhin gshegs pa'i stobs kyi shugs dang ldan pa'i shes rab dang / ye shes kyi gshog pas 'khor ba'i rgya mtsho chen po sred pa'i chus gang ba phye ste/ bsal nas sems can dbang po yongs su dag cing sngon dge ba'i rtsa ba'i tshogs bsags par gyur pa/ sangs rgyas kyi chos kyi snod du gyur pa rnams 'khor ba'i rgya mtsho nas bton te/ de bzhin gshegs pa'i chos kyi spyod yul la rab tu dgod pa mdzad kyang / de bzhin gshegs pa ni chags pa med pa'i spyod yul la bzhugs pas/ spros pa thams cad yongs su chad de/ rtog pa mi mnga'/ rnam par rtog pa mi mnga'o/ /kye rgyal ba'i sras/ 'di lta ste/ dper na/ nyi ma dang / zla ba'i dkyil 'khor dag ni 'gro ba thams cad nye bar 'tsho ba ste/ gcig pu spyod cing grogs med kyang gzhan gyis mi sdug cing gnas pa med la/ nam mkha'i dbyings las rgyu zhing 'gro ba dang 'ong bar mngon yang de dag ni bdag cag gang du 'dod/ gang nas 'gro snyam du sems pa med </font><hr>Nga173a<br><font size=+1>


@#/ /do/ /kye rgyal ba'i sras/ de bzhin du de bzhin gshegs pa nyi zla rnams kyang spyod yul mya ngan las 'das pa mnga' bdag ste/ rang bzhin nyid kyi chos dang ldan yang de dag chos kyi dbyings thams cad du rjes su spyod cing gshegs pa yang dag par ston par mdzad de/ sangs rgyas kyi 'phrin las thams cad rgyun mi 'chad pas/ 'gro ba thams cad nye bar 'tsho yang gshegs pa dang / bzhud par rnam par rtog pa'am/ spros pa mi mnga' ste/ gcig tu spyod cing 'dra ba med pas thub pa med la/ mi gnas shing chags pa med pas spyod kyang de dag 'pho ba dang / skye ba dang / yum gyi sku na bzhugs pa dang / bltams pa dang / mngon par 'byung ba dang / dka' ba spyod pa mdzad pa dang / snying po byang chub tu gshegs pa dang / bdud 'dul ba dang / byang chub tu rnam par 'tshang rgya ba dang / chos kyi 'khor lo bskor ba dang / yongs su mya ngan las 'das pa chen po ston pa yang snang zhing yod do/ /'on kyang de dag la bdag cag gis gang du skye bar bya/ gang du mya ngan las 'da' bar bya snyam du dgongs pa mi mnga'o/ /kye rgyal ba'i sras/ de ltar tshul tshad med pa dang / rnam pa tshad med par byang chub sems dpa' sems dpa' chen pos de bzhin gshegs pa dgra bcom pa yang dag </font><hr>Nga173b<br><font size=+1>


par rdzogs pa'i sangs rgyas rnams kyi spyod yul khong du chud par bya'o/ /de nas byang chub sems dpa' sems dpa' chen po kun tu bzang pos/ don 'di nyid yang brtag par bya pa'i phyir tshigs su bcad pa 'di dag smras so/ /de bzhin nyid ni nam yang ma skyes 'jig pa med/ /nam yang phyogs na mi gnas mi snang de bzhin nyid/ /de bzhin phan mdzad rnams kyi spyod yul tshad med de/ /dngos nyid de bzhin nyid mtshungs dus las rnam par 'das/ /ji ltar chos dbyings dbyings de dbyings nyid ma yin la/ /tshad yod ma yin de ltar tshad med ma yin pa/ /de bzhin yon tan mnga' ba'i spyod yul tshad med de/ /sngon nas lus med pas na tshad yod ma yin no/ /bar snang mkha' la khrag khrig lo 'grangs bya lding ba/ /mkha' yi dbyings la dang po de dang tha mar 'dra/ /rgyal ba'i spyod yul bskal pa brgya 'grangs bshad byas kyang / /ji snyed brjod pa de snyed yon tan ma brjod yod/ /nam mkha' lding ni mkha' gnas klu la rnam par lta/ /chu chen yongs phye klu dang klu yi bu mo 'dren/ /stobs bcu rang gi mthu yis nyon mongs rnam phye zhing / / dge rtsa legs par byas pa 'dus byas khams nas 'byin/ /nyi ma zla ba mkha' yi dbyings las shugs kyis rgyu/ /sems can bde ba skyed kyang rtog pa yod pa min/ /bcom </font><hr>Nga174a<br><font size=+1>


@#/ /ldan 'das kyang de bzhin chos kyi dbyings gshegs shing / /sems can mang po 'dul yang rnam par rtog mi mnga'/ /de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ byang chub sems dpa' sems dpa' chen pos ji lta bur de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rdzogs par byang chub pa khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras/ 'di la byang chub sems dpa' sems dpa' chen pos/ don thams cad rnam par dpyad pa mnyam pa nyid dang / chos thams cad la nem nur med cing gnyis su med pa rjes su rtogs pas/ de bzhin gshegs pa rnams kyi mngon par rdzogs par byang chub pa khong du chud par bya'o/ /mtshan ma med pa rjes su rtogs pa dang / rgyu ba med pa rjes su rtogs pa </font><hr>Nga174b<br><font size=+1>


dang| thogs pa med pa rjes su rtogs pa dang / mtha' dang dbus med pa rjes su rtogs pa dang / mu med par khyab pa rjes su rtogs pa dang / mtha' dang mtha' med pa yongs su spangs pa'i dbus kyi gnas khong du chud pa dang / yi ge dang sgra dang brjod pa 'byung ba thams cad rjes su rtogs pa dang / sems can thams cad kyi sems dang / spyod pa'i rnam par rtog pa thams cad dang / bsam pa dang / dbang po dang / nyon mongs pa dang / bag chags dang / bag la nyal ba dang / rang bzhin mngon sum du rjes su rtogs pa dang| dus gsum thams cad sems kyi skad cig gcig gi ye shes kyis rjes su rtogs pas/ de bzhin gshegs pa thams cad kyi mngon par rdzogs par byang chub pa khong du chud par bya'o/ /kye rgyal ba'i sras/ 'di lta ste/ dper na/ rgya mtsho chen po la gling bzhi pa'i sems can thams cad kyi lus kyi gzugs brnyan rgya lta bur snang ste/ de'i phyir rgya mtsho chen po zhes bya'o/ /kye rgyal ba'i sras/ de bzhin du de bzhin gshegs pa'i mngon par rdzogs par byang chub pa la sems can thams cad kyi sems dang / dbang po dang / bsam pa rnam pa tha dad pa rnams snang ba med pa'i rang bzhin gyis yongs su snang bar 'gyur te/ de'i phyir de bzhin gshegs pa'i mngon par rdzogs par byang chub </font><hr>Nga175a<br><font size=+1>


@#/ /pa zhes bya'o/ /kye rgyal ba'i sras/ de bzhin gshegs pa'i mngon par rdzogs par byang chub pa de ni/ yi ge thams cad kyis bstan pa ma yin no| |dbyangs thams cad kyis brjod pa ma yin no/ /tha snyad thams cad kyis smos pa ma yin mod kyi/ 'on kyang gzhan gyi rnam par rig pa nye bar bzung ste/ de bzhin gshegs pa'i mngon par rdzogs par byang chub pa bstan par bya'o/ /kye rgyal ba'i sras/ de bzhin gshegs pa dgra bcom pa yang dag par rdzogs pa'i sangs rgyas rnams mngon par byang chub pa'i tshe sems can thams cad kyi tshad ji snyed pa de snyed kyi tshad kyi sku kun nas gnas par 'gyur ro/ /chos thams cad kyi tshad ji snyed pa dang / zhing thams cad kyi tshad ji snyed pa dang / dus thams cad kyi tshad ji snyed pa dang / de bzhin gshegs pa thams cad kyi tshad ji snyed pa dang / sangs rgyas thams cad kyi tshad ji snyed pa dang / tha snyad thams cad kyi tshad ji snyed pa dang / de bzhin nyid dang / chos kyi dbyings kyi tshad ji snyed pa dang / nam mkha'i dbyings dang chags pa med pa'i dbyings kyi tshad ji snyed pa dang / mngon par bsgrub pa'i dbyings dang / rnam par spyod pa'i dbyings kyi tshad ji snyed pa dang / mya ngan las 'das pa'i dbyings kyi tshad ji </font><hr>Nga175b<br><font size=+1>


snyed pa de snyed kyi sku kun nas gnas par 'gyur ro/ /kye rgyal ba'i sras/ de bzhin du sku'i tshad ji snyed pa de snyed kyi tshad kyi gsung yang kun nas gnas par 'gyur ro/ /sku dang gsung gi tshad ji snyed pa de snyed du chags pa med pa'i thugs kun nas gnas par 'gyur te/ de de lta bur tshad med pa'i sku dang gsung dang thugs kyi 'phrin las 'khor gsum yongs su dag pa brnyes pa/ rang gi sku de nyid las sems can thams cad mngon par 'tshang rgya ba'i dmigs pa ston to/ /de bzhin du sems can thams cad kyang mya ngan las 'das pa zhi ba'i dbyings su yang dag par gzhol ba'i bar du rab tu ston te/ de ni 'di ltar thams cad dngos po med pa'i rang bzhin dang / mtshan nyid med pa'i rang bzhin dang / mi skye mi 'gag pa'i rang bzhin dang / bdag la bdag med pa'i rang bzhin dang / sems can la sems can med pa'i rang bzhin dang / sangs rgyas rnam par mi rtog pa'i rang bzhin dang / chos kyi dbyings kyi rang bzhin dang / nam mkha'i dbyings kyi rang bzhin du thugs su chud de/ de lta bu'i rang bzhin mngon par rdzogs par sangs rgyas nas/ ma lus par thugs su chud pa dang / chos kyi dbyings rab tu brnyes pa dang / de bzhin gshegs pa'i thugs rje chen po rgyun mi 'chad pas sems can gyi don yongs su sgrub pa mdzad do// </font><hr>Nga176a<br><font size=+1>


@#/ /kye rgyal ba'i sras/ 'di lta ste/ nam mkha' ni skye ba med pas 'jig rten gyi khams 'du yang rung / 'jig kyang rung ste/ de bzhin du mi zad mi 'phel bar gnas so/ /kye rgyal ba'i sras/ de bzhin du de bzhin gshegs pa rnams kyi byang chub kyang 'di lta ste/ gcig pa'ang ma yin/ tha dad pa'ang ma yin pas/ mtshan nyid med par mtshan nyid gcig pa'i phyir mngon par rdzogs par sangs rgyas kyang rung / mngon par rdzogs par sangs ma rgyas kyang rung ste/ mtshan nyid de kho na bzhin du gnas so/ /kye rgyal ba'i sras/ 'di lta ste/ dper na/ mi la la zhig skyes te/ des chu klung gang+gA'i bye ma snyed kyi sems bskyed pa mngon par sprul la/ sems bskyed pa de dag re res kyang de bzhin gshegs pa kha dog med pa/ mtshan ma med pa/ dbyibs dang bral ba/ sku dang bral ba chu klung gang+gA'i bye ma snyed cig sprul te/ de de mngon par sprul pa byed pa la yang / bskal pa chu klung gang+gA'i bye ma snyed cig 'das par gyur na/ kye rgyal ba'i sras/ de la ji snyam du sems/ mi des sprul pa'i sems bskyed pa de dag gis/ de bzhin gshegs pa ji snyed cig sprul par 'gyur/ byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras/ khyod </font><hr>Nga176b<br><font size=+1>


kyis ji skad du smras pa'i don bdag gis shes te/ ji snyed du sprul pa byas pa de snyed cig ni ma sprul pa'ang yod do/ /byang chub sems dpa' kun tu bzang pos smras pa/ kye rgyal ba'i sras/ ji skad du smras pa de de bzhin gyis/ legs so/ /legs so/ /kye rgyal ba'i sras/ de bzhin du skad cig thang cig yud tsam gyis sems can thams cad bla na med pa yang dag par rdzogs pa'i byang chub tu mngon par sangs rgyas kyang / de snyed cig ni mngon par sangs rgyas so/ /de snyed cig ni mngon par sangs ma rgyas pa'ang yod par 'gyur ro| |de ci'i phyir zhe na/ de ni 'di ltar byang chub la mtshan nyid med pas gang la mtshan nyid med pa de'i mngon par rdzogs pa'i byang chub la 'grib pa med do/ /de'i mngon par rdzogs pa'i byang chub la 'phel ba med do/ /kye rgyal ba'i sras/ de ltar byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rdzogs pa'i byang chub khong du chud par bya'o/ /kye rgyal ba'i sras/ de bzhin gshegs pa rnams mngon par sangs rgyas nas/ skad cig yud tsam thang cig gis blo shin tu rnam par sangs rgyas pa'i ting nge 'dzin la snyoms par 'jug ste/ de dag ting nge 'dzin de la snyoms par zhugs ma thag tu/ mngon par rdzogs </font><hr>Nga177a<br><font size=+1>


@#/ /par byang chub pa'i sku 'byams klas pa gcig las/ sku sems can ma lus pa thams cad dang mnyam pa kun nas gnas par 'gyur te/ mngon par rdzogs par byang chub pa'i sku 'byams klas pa gcig las ji lta ba de bzhin du/ mngon par rdzogs par byang chub pa'i sku ma lus pa thams cad kyi sgo nas kyang / sku sems can ma lus pa thams cad dang mnyam pa re re kun nas gnas par 'gyur ro/ /kye rgyal ba'i sras/ de ltar na mngon par rdzogs pa'i byang chub kyi sgo yang tshad med pas/ de bzhin gshegs pa'i sku dbyibs kyang tshad med pa nyid du shes par bya ste/ de'i phyir na de bzhin gshegs pa'i dbyings tshad med ces bya/ sems can gyi khams tshad du ma byas pa zhes bya'o/ /kye rgyal ba'i sras/ de ltar na byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rdzogs pa'i byang chub khong du chud par bya ste/ skra'i rtse mo gcig la yang byang chub sems dpa' sems dpa' chen pos de bzhin gshegs pa'i sku sems can thams cad snyed du 'jug par bya'o/ /de ci'i phyir zhe na/ de ni 'di ltar de bzhin gshegs pa rnams kyi mngon par rdzogs par byang chub pa'i sku de dag ni/ mi </font><hr>Nga177b<br><font size=+1>


mi 'jig pa'i tshul gyis yongs nas ma skyes pa'i phyir ro/ /skra'i rtse mo gcig la ji ltar khong du chud par bya ba de bzhin du chos kyi dbyings ma lus pa thams cad du'ang khong du chud par bya ste/ gnas gang na de bzhin gshegs pa mi bzhugs pa de lta bu ni gang yang med par mos par bya'o/ /de ci'i phyir zhe na/ de ni de bzhin gshegs pa rnams kyi mngon par rdzogs pa'i byang chub kyis thams cad du khyab pa'i phyir te/ de bas na stobs dang mthu dang nyams kyi tshul ji lta ba bzhin du de bzhin gshegs pa rnams kyi snying po byang chub dang| byang chub kyi shing dang / gdan seng ge'i khri dang / mngon par rdzogs pa'i byang chub rnam pa tha dad pa'ang / de bzhin gshegs pa'i stobs la 'jug pa'i tshul gyis khong du chud par bya'o/ /kye rgyal ba'i sras/ gzhan yang byang chub sems dpa' sems dpa' chen pos/ rang gi sems kyi tshul gyis de bzhin gshegs pa thams cad kyi mngon par rdzogs pa'i byang chub khong du chud par bya'o/ /de ci'i phyir zhe na/ de bzhin gshegs pa'i mngon par rdzogs pa'i byang chub dang bral ba'i sems de lta bu gang yang med de/ rang gi sems las ji lta ba de bzhin du sems can ma lus pa thams cad kyi sems mang po 'byams klas pa rnams las kyang / de bzhin gshegs pa rnams kyi mngon par rdzogs pa'i </font><hr>Nga178a<br><font size=+1>


@#/ /byang chub khong du chud par bya ste/ kye rgyal ba'i sras/ de ltar byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rdzogs par byang chub rgya che zhing yangs la kun tu khyab ste/ mi 'bral ba dang / rnam par 'chad pa med pa dang / rgyun mi 'chad par tshul gyi sgo bsam gyis mi khyab pa la 'jug pas khong du chud par bya'o/ /de nas byang chub sems dpa' sems dpa' chen po kun tu bzang pos/ don 'di nyid yang brtag par bya ba'i phyir/ tshigs su bcad pa 'di dag smras so/ /chos rnams thams cad rtogs pa gnyis dang gnyis med bral/ /chos rnams thams cad rtogs pa yang dag yul med yin/ /chos rnams thams cad rtogs pa nam mkha'i rang bzhin mnyam/ /chos rnams thams cad rtogs pa bdag dang bdag med snyoms/ /gling bzhi kun gyi gzugs mang ji snyed ji bzhin du/ /gzugs brnyan rgya mtshor rgya 'dra de phyir rgya mtsho ste/ /de bzhin phyogs bcu'i sems can thams cad rgya bzhin du/ /bsam pa thugs su chud pas de phyir byang chub yin/ /ji ltar nam mkha' 'jig rten yongs su 'grub 'gyur kyang / /rnam par 'phel bar mi 'gyur 'jig kyang 'grib pa med/ / </font><hr>Nga178b<br><font size=+1>


rgyal ba 'jig rten 'das pa'i byang chub de bzhin te/ /byang chub byang ma chub tu mtshan nyid med par gcig /mkhas pa'i sems kyis sprul pa mngon par sprul byas pa/ / mngon sprul mngon ma sprul kyang sngon dang rang bzhin mnyam/ /de bzhin 'gro ba thams cad byang chub sangs rgyas kyang / /sngon dang rang bzhin gcig ste 'phel zhing 'grib pa med/ rnam sangs rgyas zhes bya ba'i rgyal ba'i ting 'dzin yod/ /byang chub snying por bzhugs nas ting 'dzin de bsgrubs te/ /sems can snyed kyi 'od zer mnyam par rab bkye zhing / / pad+ma ji bzhin rnam par sangs rgyas sems can 'dul/ /bskal pa dus gsum sems can zhing gi rang bzhin dang / /chos dang de bzhin sems dang dbang po bsam pa dag /thams cad rang gi sku la mnyam pa nyid du gzigs/ /de bas byang chub gnas ni tshad med shes par gyis/ /de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ byang chub sems dpa' sems dpa' chen pos/ /de bzhin gshegs pa dgra bcom pa yang dag par rdzogs pa'i sangs rgyas rnams chos kyi 'khor lo bskor ba ji lta bur khong du </font><hr>Nga179a<br><font size=+1>


@#/ /chud par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal ba'i sras/ 'di la byang chub sems dpa' sems dpa' chen po de bzhin gshegs pa'i thugs kyis shin tu byin gyis brlabs pas/ chos kyi 'khor lo rab tu bskor ba ni/ yong gis ldang ba med pa'i tshul gyis 'khor ba med cing / mngon par grub pa med par shes par bya'o/ /chos kyi 'khor lo bskor ba ni mthar lta ba thams cad dang bral ba'i tshul gyis/ 'khor gsum yongs su gcod pa shin tu chad par shes par bya'o// nam mkha'i mtha' khong du chud pa'i tshul gyis/ 'dod chags dang bral ba'i mtha'i mtha' med par shes par bya'o/ /chos kyi 'khor lo bskor ba ni brjod du med pa'i tshul gyis| |smos su med par shes pa bya'o/ /chos kyi 'khor lo bskor ba ni/ mya ngan las 'das pa'i rang bzhin gyis shin tu zhi bar shes par bya'o/ /chos kyi 'khor lo bskor ba ni| de bzhin gshegs pa'i gsung gis thams cad du khyab pa'i phyir/ yi ge dang / sgra dang / dbyangs dang / skad sna tshogs su 'khor bar shes par bya'o/ /chos kyi </font><hr>Nga179b<br><font size=+1>


'khor lo bskor ba ni/ chos kyi tshul gyi rang bzhin gyis/ sgra brnyan gyi sgra dang / dbyangs kyi rang bzhin du shes par bya'o/ /chos kyi 'khor lo bskor ba ni bdag po yong nas med pa'i phyir/ sgra thams cad sgra gcig tu khong du chud par bya'o/ /chos kyi 'khor lo bskor ba ni/ phyi dang nang 'brel ba med pas yi ge zad mi shes par shes par bya'o/ /chos kyi 'khor lo bskor ba ni chos nyid khong du chud pa'i tshul gyis/ yong gis ma skyes ma 'gags par shes par bya'o/ /kye rgyal ba'i sras/ 'di lta ste/ dper na/ yi ge 'grangs pa thams cad ni bstan pa thams cad kyis shin tu bstan kyang mi 'phel mi 'grib ste/ sngon gyi mtha' bskal ba'i mur thug pa nas yi ge thams cad brjod kyang ma 'phel/ ma 'gribs pa yin no// kye rgyal ba'i sras/ de bzhin du de bzhin gshegs pa rnams chos kyi 'khor lo bskor ba yang / yi ge rnam par dmigs par bstan pa thams cad kyis shin tu bstan kyang / mi 'phel mi 'grib ste/ sngon gyi mtha'i mur byung ba'i sangs rgyas rnams kyis/ chos kyi 'khor lo bskor kyang chos kyi 'khor lo ma zad pa yin te/ de bzhin gshegs pa rnams chos kyi 'khor lo bskor ba de ni dgos pa thams cad dang / spyod pa 'grangs pa thams cad dang / 'jig rten pa dang / 'jig rten las 'das pa'i dgos pa thams cad kyi nang du 'dus kyang </font><hr>Nga180a<br><font size=+1>


@#/ /gang la yang mi gnas par shes par bya'o/ /kye rgyal ba'i sras/ 'di lta ste/ dper na/ yi ge'i 'bru 'grangs pa ni dgos pa thams cad dang / spyod pa 'grangs pa thams cad dang / bgrang pa 'grangs pa thams cad dang / 'jig rten pa dang / 'jig rten las 'das pa'i gnas thams cad du khyab par 'dug kyang ci la'ang mi gnas par shes par bya'o/ /kye rgyal ba'i sras/ de bzhin du de bzhin gshegs pa rnams chos kyi 'khor lo bskor ba yang sems can dang / chos dang / las dang / rnam par smin pa thams cad du khyab kyang / ci la yang mi gnas te/ sems can gang yang rung / sgra sna tshogs ji snyed du brjod pa de dag thams cad kyang / de bzhin gshegs pa chos kyi 'khor lo bskor ba'i sgra nyid du brjod do/ /de ci'i phyir zhe na/ sgra thams cad ni chos kyi 'khor lo bskor ba'i tshul las rnam par mi 'da'o/ /kye rgyal ba'i sras/ de ltar byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams chos kyi 'khor lo bskor ba khong du chud par bya'o/ /kye rgyal ba'i sras/ gzhan yang byang chub sems dpa' sems dpa' chen po de bzhin gshegs pa rnams chos kyi 'khor lo bskor ba khong du chud par 'dod pas/ de bzhin gshegs pa'i mngon par </font><hr>Nga180b<br><font size=+1>


bsgrub pa la 'jug pa khong du chud par bya'o/ /kye rgyal ba'i sras/ de bzhin gshegs pas mngon par bsgrub pa de yang gang zhe na/ kye rgyal ba'i sras/ de bzhin gshegs pa rnams chos kyi 'khor lo bskor ba'i tshe/ sems can thams cad kyi sems dang / spyod pa dang / bsam pa dang / dbang po dang / brtson 'grus rnam pa tha dad pa ji snyed pa de snyed du de bzhin gshegs pa'i gsung las dbyangs kyi yan lag 'byung bar 'gyur ro/ /kye rgyal ba'i sras/ de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams la ting nge 'dzin mi bsnyengs pa/ chags pa med pa'i mthar thug pa zhes bya ba mnga' ste/ de la snyoms par zhugs shing / de bzhin gshegs pa rnams chos kyi 'khor lo bskor ba mdzad de/ kye rgyal ba'i sras/ de bzhin gshegs pa rnams ting nge 'dzin de la snyoms par zhugs ma thag tu sems can thams cad ji snyed yod pa de snyed kyi chos kyi 'khor lo bskor ba'i sgra mngon par rdzogs pa'i byang chub kyi sku re re'i zhal nas 'byung ngo / /sgra'i dbyangs de dag re re zhing yang dbyangs kyi yan lag dang / sgra rnam pa tha dad pa sems can snyed dang ldan par 'byung ngo / /kye rgyal ba'i sras/ de ni de bzhin gshegs pa rnams chos kyi 'khor lo bskor ba mdzad pa ste/ 'di ltar ting nge 'dzin de nyid la </font><hr>Nga181a<br><font size=+1>


@#/ /snyoms par zhugs pa'o/ /sems can thams cad mnyam par dga' bar 'gyur ba ste/ gang gis de lta bur de bzhin gshegs pa chos kyi 'khor lo bskor ba khong du chud pa de dag ni de bzhin gshegs pa'i rigs dang mthun par spyod pa yin/ gang gis de lta bur khong du ma chud pa de dag ni de bzhin gshegs pa'i rigs las log pa'i chos la spyod pa dag go /kye rgyal ba'i sras/ de ltar byang chub sems dpa' sems dpa' chen pos tshad med pa khong du chud par bya ba'i tshul gyis/ de bzhin gshegs pa dgra bcom pa yang dag par rdzogs pa'i sangs rgyas rnams chos kyi 'khor lo bskor ba mngon par sgrub pa mdzad pa khong du chud par bya'o/ /de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ de'i tshe tshigs su bcad pa 'di dag smras so/ /mtshungs med chos kyi 'khor lo bskor ba mi dmigs te/ /phyir yang log med dus rnams kun las rnam par grol/ /yi ge thams cad smra bar bya bas zad mi 'gyur/ /de bzhin stobs bcu'i chos kyi 'khor lo mtha' yang yas/ /yi ge'i 'bru rnams thams cad dgos pa kun tu khyab/ /gang na'ang mi gnas de bzhin sangs rgyas 'khor lo ste/ /sgra rnams kun la zhugs kyang rang bzhin </font><hr>Nga181b<br><font size=+1>


zhugs pa med/ /ma lus sems can spyod pas sems can dga' bar mdzad/ /grangs las yongs su 'das pa'i chos rnams brjod pa'i phyir/ /ma lus mthar thug ting 'dzin ston pa snyoms par 'jug /de mthus skad cig de la sems can ji snyed pa/ /de snyed rgyal ba'i gsung dbyangs yid du 'ong ba 'byung / /sgra gcig dbyangs las sems can ma lus ji snyed pa'i/ /sgra dbyangs rnam pa tha dad dus gcig 'byung bar 'gyur/ /'jig rten dbang phyug kun la rnam par rtog mi mnga'/ /gang rnams ji ltar mos pa de bzhin gsung yang nyan| |yi ge rnams ni nang na yod min phyi nang 'byung ba min/ /de dag zad par mi 'gyur bsags pa'ang gang yang med/ /'on kyang 'khor lo bskor na 'gro ba'i don du 'gyur/ / stobs bcu mnga' ba rnams kyi cho 'phrul ji 'dra ltos/ /de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis| byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ byang chub sems dpa' sems dpa' chen pos/ ji ltar de bzhin gshegs pa dgra bcom pa yang dag par rdzogs pa'i sangs rgyas rnams kyi mya ngan las 'das pa chen po khong du chud par bya/ de skad ces smras pa dang / byang chub sems dpa' sems </font><hr>Nga182a<br><font size=+1>


@#/ /dpa' chen po kun tu bzang pos byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so| |kye rgyal ba'i sras/ 'di la byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par 'dod pas/ rang bzhin gyi ngo bo nyid la blo yongs su btang ste/ des de bzhin nyid kyi yongs su ngan las 'das pa ji lta ba de bzhin du/ de bzhin gshegs pa'i yongs su mya ngan las 'das pa khong du chud par bya'o/ /yang dag pa'i mtha'i yongs su mya ngan las 'das pa ji lta ba dang / chos kyi dbyings kyi yongs su mya ngan las 'das pa ji lta ba dang / nam mkha'i dbyings kyi yongs su mya ngan las 'das pa ji lta ba dang / rang bzhin yongs su mya ngan las 'das pa ji lta ba dang / 'dod chags dang bral ba'i mtha'i yongs su mya ngan las 'das pa ji lta ba dang / rmi lam gyi mtha'i yongs su mya ngan las 'das pa ji lta ba dang / mtshan nyid med pa'i mtha'i yongs su mya ngan las 'das pa ji lta ba dang / chags pa med pa'i mtha'i yongs su mya ngan las 'das pa ji lta ba dang / bdag gi rang bzhin gyi mtha'i yongs su mya ngan las 'das pa ji lta ba dang / </font><hr>Nga182b<br><font size=+1>


chos thams cad kyi rang bzhin gyi mtha'i yongs su mya ngan las 'das pa ji lta ba bzhin du/ de bzhin gshegs pa'i yongs su mya ngan las 'da' ba khong du chud par bya'o/ /de ci'i phyir zhe na/ de ni de dag thog ma nas ma skyes ma byung ba'i phyir te/ chos gang ma skyes ma byung ba de la 'bral bar 'gyur ba gang yang med do/ /kye rgyal ba'i sras/ gzhan yang de bzhin gshegs pa rnams ni/ byang chub sems dpa' rnams la yongs su mya ngan las 'da' ba shin tu mthar thug pa mi brjod mi ston te/ de ci'i phyir zhe na/ de dag gis ni de bzhin gshegs pa thams cad da ltar byung ba de bzhin du/ 'das pa dang / ma byon pa rnams kyang skad cig gcig la mngon du bya zhing / skad cig kyang ye shes kyi skad cig gis rjes su 'brang bar bya| skad cig de la yang de bzhin gshegs pa thams cad mngon du blta bar bya/ de bzhin gshegs pa'i mngon par bsgrub pa thams cad kyang des mngon par bsgrub par bya ste/ des ni gnyis kyi 'du shes kyang bskyed par mi bya/ mi gnyis pa'i 'du shes kyang ma yin/ sems can gyi 'du shes kyang ma yin/ bdag gi 'du shes kyang ma yin pa'i phyir/ kye rgyal ba'i sras/ de ci'i phyir zhe na/ byang chub sems dpas ni mngon par zhen pa'i lam thams cad dang bral zhing / 'du shes thams cad yongs su spang bar bya dgos pa'i phyir ro/ /kye rgyal </font><hr>Nga183a<br><font size=+1>


@#/ /ba'i sras/ gzhan yang de bzhin gshegs pa 'byung ba zhes bya ba 'di ni sems can pha rol yongs su tshim par 'gyur ba'i tshig go /de bzhin gshegs pa'i yongs su mya ngan las 'das pa zhes bya ba 'di ni/ sems can pha rol gyi skyo ba skyed pa'i tshig ste/ kye rgyal ba'i sras/ de bzhin gshegs pa rnams ni skye ba med de/ yongs su mya ngan las mi 'da'o/ /de ci'i phyir zhe na/ de bzhin gshegs pa rnams ni chos kyi dbyings la bzhugs pa'i phyir te/ sems can pha rol gyi sems dang / bsam pa yongs su bsgom par bya ba'i phyir/ de bzhin gshegs pa yongs su mya ngan las 'da' bar snang ngo / /kye rgyal ba'i sras/ 'di lta ste/ dper na/ nyi ma'i dkyil 'khor chos kyi dbyings kyi tshad dang mnyam pa zhig shar la/ de shar nas kyang 'jig rten gyi khams thams cad kyi chu yongs su dang ba'i snod thams cad du gzugs brnyan phyin par snang zhing mngon la/ nyi ma'i dkyil 'khor la 'phos pa med cing / nyi ma'i dkyil 'khor kun tu phyin par snang bar gyur kyang de'i nang nas chu'i snod gcig cig chag gam/ de nas logs shig tu phyung ba'am/ stong par bzhag par gyur na/ nyi ma'i gzugs brnyan yang snang bar mi 'gyur na/ kye rgyal ba'i sras/ de la ji snyam du sems/ nyi ma'i dkyil 'khor ram gcig gis nyes te/ </font><hr>Nga183b<br><font size=+1>


snod der nyi ma'i gzugs brnyan mi snang bar ma gyur grang ngo / /byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras/ de lta ma yin te/ snod dang mi ldan pa'i phyir/ nyi ma'i gzugs brnyan mi snang gi /nyi ma'i dkyil 'khor gyis nyes pa ni ma yin no/ /byang chub sems dpa' kun tu bzang pos smras pa/ kye rgyal ba'i sras| de bzhin du de bzhin gshegs pa'i nyi ma'i dkyil 'khor 'char bar 'gyur ba'i tshe'ang / 'jig rten gyi khams 'byams klas pa thams cad kyi chos kyi dbyings kun tu snga phyi med par 'char te/ de ni 'jig rten gyi khams 'byams klas pa kun gyi sems can sems rnyog pa med pa dang ldan pa'i chu bo snod thams cad la gzugs brnyan snang bar 'gyur ro/ /sems kyi rgyud rnyog pa med pa'i phyir rtag tu rgyun mi 'chad par/ de bzhin gshegs pa'i sku nyi ma'i dkyil 'khor snang yang sems can sems rnyog pa dang ldan zhing snod chag par gyur pa rnams kyis ni de bzhin gshegs pa'i nyi ma'i dkyil 'khor mthong bar mi 'gyur te/ de bzhin gshegs pa la 'pho ba mi mnga' yang / thams cad du skye bar snang ste/ 'jig rten gyi khams 'byams klas pa la la zhig gi sems can snod chag pa lta bur gyur pa/ sems rnyog pa dang ldan zhing / las dang nyon mongs pas bsgribs pa zhig yod par gyur na yang der </font><hr>Nga184a<br><font size=+1>


@#/ /ni de bzhin gshegs pa rnams mya ngan las 'da' bar snang na/ kye rgyal ba'i sras/ de la ji snyam du sems/ de bzhin gshegs pas nyes te/ de bzhin gshegs pa rnams mya ngan las 'da' ba'am/ gcig tu ma gyur grang ngo / /smras pa/ kye rgyal ba'i sras/ de lta bu ma yin te/ de bzhin gshegs pa rnams ni sems can gyi rgyud dge ba'i rtsa ba dang mi ldan pas yongs su mya ngan las 'da'i/ de bzhin gshegs pa rnams kyis nyes pa'i phyir zhes ni mi brjod do/ /smras pa/ kye rgyal ba'i sras/ 'o na byang chub sems dpa' sems dpa' chen pos/ de bzhin gshegs pa rnams mya ngan las 'da' ba yang de lta bur shes par bya'o/ /kye rgyal ba'i sras/ gzhan yang yongs su mya ngan las 'da' bas 'dul ba'i sems can rnams la/ de bzhin gshegs pa rnams yongs su mya ngan las 'da' ba ston te/ de bzhin gshegs pa rnams ni 'byung ba yang med/ yongs su mya ngan las 'da' ba yang med do/ /kye rgyal ba'i sras/ de yang 'di lta ste/ dper na/ me ni 'jig rten thams cad na yang me'i dgos pa bsgrub bo/ /de la grong ngam/ grong khyer ram/ grong rdal lam/ yul lam/ pho brang 'khor tam/ rgyal po'i gnas shig tu me shi bar gyur na/ kye rgyal ba'i sras/ de la ji snyam du sems/ des 'jig rten thams cad du me thams </font><hr>Nga184b<br><font size=+1>


cad lhag ma med pa'am/ gcig tu shi ste zhi bar ma gyur grang ngo / /byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras/ de lta ma yin no/ /smras pa/ kye rgyal ba'i sras/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / 'jig rten gyi khams 'byams klas pa ma lus pa thams cad na/ de bzhin gshegs pa'i 'phrin las mdzad pa las dus gzhan zhig na/ de bzhin gshegs pa'i 'phrin las yongs su rdzogs par grub nas/ zhing gi grangs su bya ba la la zhig nas/ yongs su mya ngan las 'da' ba bstan par gyur na/ kye rgyal ba'i sras/ de la ji snyam du sems/ 'jig rten thams cad nas kyang / de bzhin gshegs pa'am gcig yongs su mya ngan las 'das par ma gyur grang ngo / /smras pa/ kye rgyal ba'i sras/ de lta ma yin no/ /smras pa/ kye rgyal ba'i sras/ 'o na byang chub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po yang de lta bur khong du chud par bya'o/ / kye rgyal ba'i sras/ gzhan yang 'di lta ste/ dper na/ sgyu ma'i mkhan po mkhas pa lobs pa shin tu byang ba zhig gis/ sngags dang rig sngags kyi stobs dang shugs la brten te/ </font><hr>Nga185a<br><font size=+1>


@#/ /stong gsum gyi stong chen po'i 'jig rten gyi khams thams cad du/ sgyu ma'i rnam pa mang po bstan te/ grong dang / grong khyer dang / ljongs dang / pho brang 'khor dang / rgyal po'i gnas thams cad du rang gi lus bstan te/ sgyu ma de dag kyang bskal par gnas par byin gyis brlabs pa las grong ngam/ grong khyer ram/ ljongs sam| yul lam/ pho brang 'khor tam/ rgyal po'i gnas gcig cig tu dgos pa rdzogs par zin nas/ sgyu ma'i mkhan po des rang gi lus mi snang bar byas na/ kye rgyal ba'i sras| de ji snyam du sems/ 'jig rten thams cad nas kyang / sgyu ma'i rnam pa mang po yongs su nub pa'am/ gcig tu ma gyur grang ngo / /byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras/ de lta ma yin no/ /smras pa/ kye rgyal ba'i sras/ de bzhin du de bzhin gshegs pa dgra bcom pa yang dag par rdzogs pa'i sangs rgyas ye shes kyi sgyu ma tshad med pa la shin tu byang ba/ thabs dang / shes rab dang / ye shes kyi rig sngags kyis shin tu byung ba yang chos kyi dbyings thams cad du/ de bzhin gshegs pa'i sku sgyu ma'i rnam pa lta bu/ chos kyi dbyings kyis klas pa gnas pa/ nam mkha'i dbyings kyi mthar thug par mi 'jigs pa </font><hr>Nga185b<br><font size=+1>


bstan la/ sems can gyi mos pa bzhin du 'phrin las rdzogs par zin nas/ zhing 'byams klas pa la la zhig nas yongs su mya ngan las 'das pa ston kyang / zhing gcig nas yongs su mya ngan las 'das pas 'jig rten gyi khams thams cad nas yongs su mya ngan las 'da' ba ma yin te/ kye rgyal ba'i sras/ byang chub sems dpa' sems dpa' chen pos| de bzhin gshegs pa rnams yongs su mya ngan las 'da' ba ni/ de lta bur khong du chud par bya'o/ /kye rgyal ba'i sras/ gzhan yang de bzhin gshegs pa dgra bcom pa yang dag par rdzogs pa'i sangs rgyas rnams kyi ting nge 'dzin mi g.yo ba zhes bya ba yod de/ ting nge 'dzin de la ni de bzhin gshegs pa rnams yongs su mya ngan las 'da' ba ston pa'i tshe snyoms par 'jug go /ting nge 'dzin de la snyoms par zhugs ma thag tu/ de bzhin gshegs pa'i sku 'byams klas pa re re las kyang 'od zer bye ba khrag khrig brgya stong tshad med pa 'byung bar 'gyur te/ 'od zer de dag re re'i sgo nas kyang pad+mo grangs med pa 'byung bar 'gyur ro/ /pad+mo de dag re re las kyang ze ba brjod du med pa 'byung bar 'gyur ro/ /ze ba de dag thams cad la yang seng ge'i khri mang po 'byung bar 'gyur ro/ /seng ge'i khri mang po de dag la yang de bzhin gshegs pa'i sku mang po bzhugs pa yongs su snang ngo / /kye </font><hr>Nga186a<br><font size=+1>


@#/ /rgyal ba'i sras/ de la sems can thams cad kyi grangs ji snyed yod pa de snyed kyi de bzhin gshegs pa'i sku rnam pa'i mchog thams cad dang ldan pa/ sangs rgyas kyi yon tan gyi rgyan thams cad kyis shin tu brgyan pa kun nas bzhugs te/ de dag ni sngon gyi dam bcas pa chen po mthar dbyung ba'i phyir ro/ /de la sems can dbang po yongs su smin pa rnams kyis de bzhin gshegs pa'i sku de dag mthong nas rnam par 'dul bar 'gyur te/ de bzhin gshegs pa'i sku de dag kyang / 'di lta ste / sems can thams cad gang dang gang du yongs su smin par gyur pa'i tshul bzhin du gdul ba'i dus las mi 'da' bar bya ba'i phyir/ phyi ma'i mtha'i mur thug par byin gyis brlabs pa dag ste/ de bzhin gshegs pa'i sku de dag ni yul na gnas pa yang ma yin/ phyogs na gnas pa yang ma yin no/ /yod pa yang ma yin/ med pa yang ma yin no/ /'on kyang de bzhin gshegs pa'i sngon gyi smon lam chen po'i byin gyi rlabs dang / sems can thams cad kyi dbang po yongs su smin pa rgyur byas na/ de bzhin gshegs pa'i sku de dag kyang brjod par 'gyur ro/ /kye rgyal ba'i sras/ da ltar byang chub sems dpa' sems dpa' chen pos/ de bzhin gshegs pa dgra bcom pa yang dag par </font><hr>Nga186b<br><font size=+1>


rdzogs pa'i sangs rgyas rnams kyi yongs su mya ngan las 'da' ba tshad med pa'i rjes su song ba/ chags pa med pa'i mthar thug pa/ chos kyi dbyings ltar mtha' dang dbus med pa/ nam mkha'i dbyings kyi rang bzhin can/ de bzhin nyid kyis mi skye mi 'gag pa yang dag pa'i mtha' la gnas pa/ dus bzhin du rab tu ston pa/ 'gro ba thams cad du rgyun mi 'chad pa| sngon gyi byin gyi rlabs kyis shin tu byin gyis brlabs pa/ 'gro ba'i zhing thams cad dang / chos kyi dbyings 'byams klas pa thams cad las mi 'da' ba khong du chud par bya'o| |de nas byang chub sems dpa' sems dpa' chen po kun tu bzang pos don 'di nyid yang brtag par bya ba'i phyir/ de'i tshe tshigs su bcad pa 'di dag smras so/ /nyi ma'i dkyil 'khor chos dbyings tshad dang mnyam pa ni/ /snod du gzugs brnyan snang ste chag la snang ba min/ /de ltar mi mchog dbang po 'jig rten kun tu snang / /sems can dad med rnams kyis mya ngan 'das par shes/ /me ni 'jig rten kun na dgos pa'i don sgrub ste/ /shing dang mi ldan de dang de nas zhi bar 'gyur/ /de bzhin rgyal ba'i me 'bar gzi brjid che mnga' ba/ /'dul ba med pas yongs su mya ngan 'da' ba ston/ /sgyu ma'i mkhan po stong gsum khams su lus ston pa/ /dgos pa'i mthar phyin bdag gi lus kyang mi </font><hr>Nga187a<br><font size=+1>


@#/ /snang byed/ /zhing rnams gang du sangs rgyas 'phrin las rdzogs gyur pa/ /der ni rgyal ba mi snang 'on kyang gud na snang / /rgyal ba'i ting 'dzin mi g.yo thob ces bya ba yod/ /rgyal ba'i 'phrin las rdzogs nas de la snyoms par 'jug /'byams klas sku rnams gcig las tshad med mtha' yas pa'i/ /'od zer pad+mo sangs rgyas skad cig gcig gis 'byung / /rgyal ba de dag chos dbyings kun tu rgyas 'gengs pa/ /sems can bsod nams byas pas sangs rgyas de mthong ste/ /rgyal ba'i sku mdog de dag chos kyi dbyings mnyam par/ /sku tshe byin gyis brlabs pas yan lag kun dang ldan/ /ji ltar sangs rgyas ma skyes skyes par brjod gyur pa/ /de bzhin zhig pa med kyang mya ngan 'das zhes brjod/ /dpe dang dbyangs dang tshig gi lam rnams kun gyis dben/ /don grub sangs rgyas lha yi dam pa mtshungs pa med/ /de skad ces smras pa dang / byang chub sems dpa' sems dpa' chen po de bzhin gshegs pa'i rigs su byung ba'i dpal gyis/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ de la de bzhin gshegs pa dgra bcom pa yang dag par rdzogs pa'i sangs rgyas rnams mthong ba dang / thos pa dang / de dag dang 'grogs </font><hr>Nga187b<br><font size=+1>


pa'i dge ba'i rtsa ba skye bar 'gyur ba byang chub sems dpa' sems dpa' chen pos ji lta bur khong du chud par bya/ de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po de bzhin gshegs pa'i rigs su byung ba'i dpal la 'di skad ces smras so/ /kye rgyal pa'i sras/ de la de bzhin gshegs pa dgra bcom pa yang dag par rdzogs pa'i sangs rgyas rnams mthong ba dang thos pa dang / de dag dang 'grogs pa'i dge ba'i rtsa ba skye bar 'gyur ba ni /byang chub sems dpa' sems dpa' chen pos/ mi zad pa mngon par bsgrub pa'i blos don yod pa dang / bgegs med pa dang / shin tu mthar thug par 'grub pa dang / mi slu ba dang| bsam pa thams cad yongs su rdzogs par byed pa dang / 'dus byas thams cad la spyod pa'i rgyud mi zad pa dang / 'dus ma byas kyi ye shes 'thob par 'gyur ba dang / de bzhin gshegs pa'i ye shes skye bar 'gyur ba dang / phyi ma'i mtha'i mu mtha' yas pa'i mthar thug par 'gyur ba dang / rang 'byung gi sa rnam pa'i mchog thams cad dang ldan pa 'thob par 'gyur bar khong du chud par bya'o/ /kye rgyal ba'i sras/ 'di lta ste/ dper na/ mi la la zhig gis rdo rje'i khams shig zos par gyur na/ de ni ci tsam du chung ngu zin </font><hr>Nga188a<br><font size=+1>


@#/ /kyang / rdo rje'i khams de zhu bar mi nus te/ de ni gdon mi za bar gnas thams cad las 'das nas/ 'og gi phyogs su 'byung bar 'gyur ro/ /kye rgyal ba'i sras/ de ci'i phyir zhe na/ de ni rdo rje'i chos ma 'dres pa yin pa'i phyir ro/ /kye rgyal ba'i sras/ de bzhin du de bzhin gshegs pa la bskyed pa'i dge ba'i rtsa ba ni ji tsam du chung ngu zin kyang / 'dus byas la spyod pa'i nyon mongs pa'i gnas thams cad las mngon par 'das te/ de bzhin gshegs pa'i ye shes 'dus ma byas pa'i mthar thug par 'gyur ro/ /kye rgyal ba'i sras/ de ci'i phyir zhe na/ de bzhin gshegs pa la bskyed pa'i dge ba'i rtsa ba'i chos ma 'dres pa yin pa'i phyir ro/ /kye rgyal ba'i sras/ gzhan yang 'di lta ste/ dper na/ rtswa dang lo ma'i phung po ni ri rab tsam zhig yod du zin kyang / der me mdag yungs kar gyi 'bru tsam gcig bcug na/ rtswa dang lo ma'i phung po de ni gdon mi za bar tshig par 'gyur ro/ /de ci'i phyir zhe na/ de ni me'i mtshan nyid sreg pa la sta gon du gnas pa'i phyir ro/ /kye rgyal ba'i sras/ de bzhin du de bzhin gshegs pa la bskyed pa'i dge ba'i rtsa ba'i me mdag kyang ji tsam du chung ngu zin kyang / nyon mongs pa thams cad kyi rtswa dang / lo ma'i phung po ma lus par bsregs nas/ sangs rgyas kyi </font><hr>Nga188b<br><font size=+1>


mthar phyin gyi bar du 'grub par byed do/ /kye rgyal ba'i sras/ de ci'i phyir zhe na/ de bzhin gshegs pa la bskyed pa'i dge ba'i rtsa ba ni/ shin tu thug pa'i mthar phyin pa'i phyir ro| |kye rgyal ba'i sras/ gzhan yang 'di lta ste/ dper na/ ri'i rgyal po kha ba can la sman gyi rgyal po chen po blta na legs pa zhes bya ba yod de/ sman gyi rgyal po de sems can gang gis mthong bar gyur pa de dag gi mig rnam par dag par 'gyur ro/ /sman gyi rgyal po de la rlung gis btab pa'i sgra gang gis thos pa de dag gi rna ba rnam par dag par 'gyur ro/ /gang gis dri tshor ba de dag gi sna rnam par dag par 'gyur ro/ /gang gis myangs pa de dag gi lce rnam par dag par 'gyur ro/ /gang gis reg pa de dag gi lus rnam par dag par 'gyur ro/ /gang gis de 'khor gyi su phyogs su phyin pa de dag gi nad kyang yongs su zhi bar 'gyur ro/ /kye rgyal ba'i sras/ de bzhin du de bzhin gshegs pa dgra bcom pa yang dag par rdzogs pa'i sangs rgyas sman gyi rgyal po chen po bla na med pa yang / sems can thams cad rnam pa thams cad du nye bar 'tsho ba yin te/ sems can gang gis de bzhin gshegs pa'i gzugs kyi sku mthong bar gyur pa de dag la mthong ba'i dge ba'i rtsa ba de ni lha'i mig yongs su dag pa'i rgyur </font><hr>Nga189a<br><font size=+1>


@#/ /'gyur ro/ /sems can gang gis de bzhin gshegs pa'i mtshan thos pa de dag la/ rna ba yongs su dag pa'i rgyur 'gyur ro/ /sems can gang gis/ de bzhin gshegs pa'i tshul khrims kyi dri tshor ba de dag la/ lha'i sna yongs su dag pa'i rgyur 'gyur ro/ /sems can gang gis/ de bzhin gshegs pa'i chos kyi ro myong ba de dag la/ tshig gi tshul thams cad shes pa'i lce'i dbang po yangs pa rnam par dag pa'i rgyur 'gyur ro/ /sems can gang la de bzhin gshegs pa'i 'od kyis phog par gyur pa de dag la/ chos kyi sku shin tu che ba yongs su dag pa'i rgyur 'gyur ro/ /sems can gang gis/ de bzhin gshegs pa rjes su dran pa de dag la/ de bzhin gshegs pa dran pa rtse gcig yongs su dag pas/ yang dag par rdzogs pa'i sangs rgyas mthong ba'i rgyur 'gyur ro/ /sems can gang gis| de bzhin gshegs pa bzhugs bzhugs pa'i sa phyogs sam/ de bzhin gshegs pa'i mchod rten la mchod pa byas na/ de dag gi dge ba'i rtsa ba de yang nyon mongs pa'i nad thams cad zhi zhing / 'phags pa'i bde ba 'thob pa'i rgyur 'gyur ro/ /kye rgyal ba'i sras/ khyod kyis yid ches pa dang / khong du chud par </font><hr>Nga189b<br><font size=+1>


bya na| sems can la la zhig gis de bzhin gshegs pa mthong ngam/ thos kyang las kyi sgrib pas kun nas 'khor ba'i phyir/ de bzhin gshegs pa la ma dad pa zhig byas na'ang de dag gi mthong ba'i dge ba'i rtsa ba de ni yongs su mya ngan las 'da' ba'i bar du don yod do/ /zhes bdag smra'o/ /kye rgyal ba'i sras/ de bzhin gshegs pa mthong ba dang / thos pa dang / de dag dang 'grogs pa'i dge ba'i rtsa ba skye ba ni/ byang chub sems dpa' sems dpa' chen pos/ mi dge ba'i chos thams cad spang ba dang / dge ba'i chos thams cad mngon du bya zhing / yongs su rdzogs par 'gyur ba'i rgyur khong du chud par bya'o/ /kye rgyal ba'i sras/ gzhan yang dpe rnam par dgod pa thams cad kyis/ de bzhin gshegs pa rnam pa thams cad du shes par mi rung ste/ cis kyang dper bya ba ma yin no/ /de ci'i phyir zhe na/ kye rgyal ba'i sras/ de bzhin gshegs pa rnams ni sems kyi las thams cad las shin tu 'das pas bsam gyis mi khyab pa ste/ 'on kyang sems can rnams kyi bsam pa yongs su chim \ TSIM?\ par bya ba'i phyir| bde bzhin gshegs pa rnams ni byang chub sems dpa' rnams la dpes ston pa mngon par gnang bar mdzad kyi/ de lhur blang ba'i phyir ni ma yin no/ /kye rgyal </font><hr>Nga190a<br><font size=+1>


@#/ /ba'i sras/ chos kyi rnam grangs rnam pa 'di lta bu dag ni de bzhin gshegs pa'i gsang ba'i gnas zhes bya'o/ /'jig rten thams cad kyis shes par dka' ba zhes bya'o/ /de bzhin gshegs pa'i phyag rgya dang ldan pa zhes bya'o/ /ye shes kyi mthu chen po brjod pa zhes bya'o/ /de bzhin gshegs pa'i rigs ston pa zhes bya'o/ /byang chub sems dpa' thams cad yang dag par sgrub pa zhes bya'o/ /'gro ba thams cad kyis mi 'phrogs pa zhes bya'o/ /shin tu nges par de bzhin gshegs pa'i spyod yul gyi rjes su song ba zhes bya'o/ /sems can gyi khams ma lus pa thams cad rnam par sbyong ba zhes bya'o/ /de bzhin gshegs pa thams cad kyis bstan pa'i rtsa ba zhes bya'o/ /shin tu mthar thug pa'i mur phyin pa zhes bya ba'i bar du ste/ kye rgyal ba'i sras/ chos kyi rnam grangs rnam pa 'di lta bu dag ni/ theg pa chen po la yang dag par zhugs pa bsam gyis mi khyab pa'i theg pa la gnas pa'i byang chub sems dpa' sems dpa' chen po rnams ma gtogs par gzhan gyi don du de bzhin gshegs pa ston pa mi mdzad do/ /chos kyi rnam grangs rnam pa 'di lta bu dag ni / </font><hr>Nga190b<br><font size=+1>


byang chub sems dpa' sems dpa' chen po ma gtogs par sems can gzhan gyi lag tu phyin par mi 'gyur ro/ /kye rgyal ba'i sras/ 'di lta ste/ dper na/ 'khor los bsgyur ba'i rgyal po rin po che gang gis 'khor los bsgyur ba'i rgyal por brjod pa'i rin po che gang yang rung ste/ rin po che de dag ni 'khor los bsgyur ba'i rgyal po de'i bu thu bo gzhon nu btsun mo dam pa las byung ba/ 'khor los bsgyur ba'i mtshan dang ldan pa ma gtogs par sems can gzhan gyi lag tu phyin par mi 'gyur ro/ /kye rgyal ba'i sras/ 'khor los bsgyur ba'i rgyal po'i bu 'khor los bsgyur ba'i mtshan dang ldan pa de lta bu med na ni/ 'khor los bsgyur ba'i rgyal po dus byas nas zhag bdun lon pa dang / nor bu rin po che de dag ma lus par nub par 'gyur te/ mi 'khod do/ /kye rgyal ba'i sras/ de bzhin du mdo sde rin po che rnam pa 'di lta bu 'di dag kyang de bzhin gshegs pa rnams kyi sras kyi thu bo/ de bzhin gshegs pa'i rigs su byung ba/ de bzhin gshegs pa rnams la dge ba'i rtsa ba bskyed pa rnams ma gtogs par sems can gzhan gyi lag tu phyin par mi 'gyur ro/ /kye rgyal ba'i sras/ skyes bu dam pa de lta bu </font><hr>Nga191a<br><font size=+1>


@#/ /dag med du zin na ni/ ring po mi thogs par mdo sde rnam pa 'di lta bu/ de bzhin gshegs pa'i gsang ba chen po chos kyi rnam grangs/ de bzhin gshegs pa'i tshul rgyun mi 'chad par byed pa rnams kyang / thams cad kyi thams cad du nub par 'gyur te mi 'khod do/ /de ci'i phyir zhe na| nyan thos dang / rang sangs rgyas thams cad la ni chos kyi rnam grangs rnam pa 'di lta bu dag mnyan pa'i mthu yang med na gzung ba'am bcang ba'am/ bklag pa'am/ bstan pa'am/ bri ba lta ci smos te/ de ni gnas ma yin no/ /gzhan du na chos kyi rnam grangs rnam pa 'di lta bu dag ni skyes bu dam pa de dag nyid kyi lag tu phyin pa'am/ glegs bam du byas pa'am/ yid la yod par 'gyur ro/ /kye rgyal ba'i sras/ de lta bas na byang chub sems dpa' sems dpa' chen pos chos kyi rnam grangs 'di lta bu dag thos nas/ bsam pa thag pas rim gro dang / bkur sti dang / rje sar byas te/ spyi bo la blang bar bya'o/ / rab tu dga' bar bya'o/ /de ci'i phyir zhe na/ kye rgyal ba'i sras/ gnas 'di la mos pa'i byang chub sems dpa' sems dpa' chen po rnams la ni/ bla na </font><hr>Nga191b<br><font size=+1>


med pa yang dag par rdzogs pa'i byang chub dkon pa ma yin no/ /kye rgyal ba'i sras/ byang chub sems dpa' sems dpa' chen pos/ bskal pa bye ba khrag khrig brgya stong mang por pha rol tu phyin pa drug yang dag par bsgrub pa dang / byang chub kyi phyogs kyi chos yang dag par bsgrub pa la mngon par brtson par byas kyang / de bzhin gshegs pa'i che ba nyid bsam gyis mi khyab 'di ma thos sam/ thos nas kyang yid mi ches shing dad pa med de/ mi 'jug/ khong du chud par mi byed na/ byang chub sems dpa' de ni byang chub sems dpa'i chos nyid la yang dag par byung ba ma yin no/ /de la de bzhin gshegs pa rnams kyis kyang / de bzhin gshegs pa'i rigs su byung bar bshad par mi 'gyur ro/ /kye rgyal ba'i sras/ nam byang chub sems dpa' sems dpa' chen pos de bzhin gshegs pa'i ye shes che ba nyid bsam gyis mi khyab pa/ tshad med pa/ chags pa med pa/ bsgrib pa med pa 'di thos nas yid ches shing dad de/ 'jug pa dang / khong du chud par byed pa de'i tshe byang chub sems dpa' de de bzhin gshegs pa'i rigs su byung ba yin/ de bzhin gshegs pa'i yul gyi rjes su song ba yin/ sangs rgyas dang byang chub sems dpa' </font><hr>Nga192a<br><font size=+1>


@#/ /thams cad kyi mnyam pa nyid du shin tu grub pa yin/ thams cad mkhyen pa'i ye shes kyi yul la rab tu gnas pa yin/ 'jig rten gyi chos thams cad dang shin tu bral ba yin/ de bzhin gshegs pa'i spyod yul la shin tu byung ba yin/ byang chub sems dpa' thams cad kyi chos nyid rtogs par khong du chud pa yin/ de bzhin gshegs pa thams cad kyi khyu mchog gi mthu phyung ba dang rnam par rol pa la the tshom med pa yin te/ byang chub sems dpa'i dbang rang 'byung gi chos nyid la gnas pas kyang / de bzhin gshegs pa yul chags pa med pa la 'jug pa yin no/ /kye rgyal ba'i sras/ byang chub sems dpas chos 'di dag thos nas blo thams cad kyi rjes su song ba dang / sems kyi bsam pa'i stobs dang shugs tshad med pa'i rjes su song ba dang / lhag pa'i bsam pas 'jug pa rtogs pa dang / rnam par rtog pa yongs su spangs pa dang / yid la byed pa de bzhin gshegs pa thams cad mngon du gyur pa dang| dran pa'i dbang nam mkha'i dbyings mnyam pa nyid kyis rnam par bsgoms pa dang / byang chub sems dpa'i blo gros kyi las chos kyi dbyings mtha' dang dbus </font><hr>Nga192b<br><font size=+1>


med par rnam par dpyad pa dang / rang byung gi ye shes 'byams klas pa yon tan thams cad yongs su rdzogs pas mngon par shes par bya ba dang / sems bskyed pa 'jig rten thams cad kyi dri ma thams cad dang bral ba/ byang chub sems dpa'i spyod pa dang bsam pa la 'jug pa 'byams klas pa/ phyogs kyi dra ba thams cad du rgyas par 'gengs pa dang / dge ba'i rtsa ba yongs su bsngo ba'i ye shes 'das pa dang / ma byon pa dang / da ltar byung ba'i sangs rgyas thams cad dang rgyud kyi tshul gcig tu gyur pas chos 'di rnams la 'jug pa med par khong du chud pa'i tshul gyis 'jug par bya ste/ des ni chos gang la yang gcig tu dmigs pas yid la bya bar mi bya'i| kye rgyal ba'i sras/ chos gcig la chos thams cad tshad med pa'i tshul du yid la bya'o/ /kye rgyal ba'i sras/ yon tan de lta bu dang ldan pa'i byang chub sems dpas ni las gron chung ngur rang byung gi ye shes dang / mnga' bsgyur ba 'thob par 'gyur ro/ /de nas byang chub sems dpa' sems dpa' chen po kun tu bzang pos don de nyid yang brtag par bya ba'i phyir/ de'i tshe tshigs su bcad pa 'di dag smras so/ /rgyal ba de dag thos mthong mchod pa byas pas kyang / /tshad med pa yi </font><hr>Nga193a<br><font size=+1>


@#/ /bsod nams phung po 'phel bar 'gyur/ /nyon mongs 'khor ba'i sdug bsngal thams cad spangs gyur tu/ /'dus byas 'di nang bar ma dor ni zad mi 'gyur/ /skyes bu la las rdo rje zos gyur de la ni/ /zhu bar mi 'gyur gdon mi za bar phyir byung 'gyur/ /de bzhin stobs bcu rnams la mchod byas bsod nams kyi/ /ye shes rdo rjes nyon mongs ma lus bcom par 'gyur/ /rtswa skam spungs pa ri bo'i mchog tsam yod gyur kyang / /me mdag yungs 'bru tsam kyis de ni tshig 'gyur te/ /de bzhin bde gshegs mchod pa cung zad ci byas kyang / /nyon mongs thams cad 'tshig byed mya ngan 'das rgyur 'gyur/ /ri bo kha ba can la mthong legs sman yod de/ /mthong zhing reg pas nad rnams thams cad zhi bar byed/ /de bzhin stobs bcu rnams ni mthong ngam thos kyang rung / /yon tan kun ldan sangs rgyas ye shes 'thob par 'gyur/ /de nas de'i tshe sangs rgyas kyi mthus/ phyogs bcur 'jig rten gyi khams bye ba khrag khrig brgya stong brjod du med pa'i rdul shin tu phra ba snyed kyi 'jig rten gyi khams rnam pa drug dang / ltas chen po bco brgyad du g.yos so/ /rab tu g.yos so/ /kun tu g.yos so/ /'gul </font><hr>Nga193b<br><font size=+1>


to| |rab tu 'gul to/ /kun tu 'gul to/ /ldeg go /rab tu ldeg go /kun tu ldeg go /chem chem/ rab tu chem chem/ kun tu chem chem mo/ /'ur 'ur/ rab tu 'ur 'ur/ kun tu 'ur 'ur ro/ /shig shig /rab tu shig shig /kun tu shig shig go /'di lta ste/ shar phyogs dma' bar gyur na/ nub phyogs mtho bar gyur to/ /nub phyogs dma' bar 'gyur na/ shar phyogs mtho bar gyur to/ /lho phyogs dma' bar gyur na/ byang phyogs mtho bar gyur to/ /byang phyogs dma' bar gyur na/ lho phyogs mtho bar gyur to/ /dbus dma' bar gyur na mtha' mtho bar gyur to/ /mtha' dma' bar gyur na dbus mtho bar gyur to/ /de bzhin gshegs pa'i mthus lha rdzas las 'das pa'i me tog gi sprin dang / na bza'i sprin dang / gdugs kyi sprin dang / rgyal mtshan gyi sprin dang / ba dan gyi sprin gyi char mngon par bab bo/ /lha rdzas las 'das pa'i spos kyi sprin gyi char mngon par bab bo/ /lha rdzas las 'das pa'i phreng ba dang / byug pa'i sprin gyi char mngon par bab bo/ /lha rdzas las 'das pa'i rgyan dang / lhab lhub kyi sprin gyi char mngon par bab bo/ /lha rdzas las 'das pa'i nor bu rin po che 'od chen po ldan pa'i sprin gyi char mngon par bab bo/ /lha </font><hr>Nga194a<br><font size=+1>


@#/ /rdzas las 'das pa'i byang chub sems dpa'i legs so zhes brjod pa'i sprin gyi char mngon par bab bo/ /lha rdzas las 'das pa'i byang chub sems dpa'i lus brjod du med pa'i sprin gyi char mngon par bab bo/ /'jig rten gyi khams bsam gyis mi khyab par yongs su dag par mngon par 'tshang rgya ba'i sprin gyi char mngon par bab bo/ /de bzhin gshegs pa'i gsung chos kyi dbyings mtha' dang dbus med pa rgyas par 'gengs pa'i sprin gyi char mngon par bab bo/ / gling bzhi ba'i 'jig rten gyi khams 'dir de bzhin gshegs pa'i byang chub thugs su chud pa'i chos kyi byin gyi rlabs kyis / byang chub sems dpa' dga' bar gyur pa de bzhin du 'jig rten gyi khams ma lus pa thams cad du'ang / phyogs bcu rgyas pa thams cad rab tu dga' bar gyur to/ /phyogs bcu'i 'jig rten gyi khams sangs rgyas kyi zhing bye ba khrag khrig brgya stong brjod du med pa brgyad cu'i rdul shin tu phra ba snyed kyi pha rol dag nas kyang / de bzhin gshegs pa sangs rgyas kyi zhing bye ba khrag khrig brgya stong brjod du med pa/ brgyad cu'i rdul shin tu phra ba snyed mtshan kun tu bzang por mthun pa sha stag gis byang </font><hr>Nga194b<br><font size=+1>


chub sems dpa' kun tu bzang po la zhal mngon par bstan te/ 'di skad ces gsungs so/ /rigs kyi bu khyod kyis de bzhin gshegs pa'i mthu bsam gyis mi khyab pa'i tshul mang po/ sangs rgyas kyi byin gyi rlabs dang / chos nyid rjes su bsnyegs pas bstan pa legs so/ /legs so/ /kye rgyal ba'i sras/ de bzhin gshegs pa sangs rgyas kyi zhing bye ba khrag khrig brgya stong brjod du med pa brgyad cu'i rdul shin tu phra ba snyed thams cad kyang mtshan mthun pa sha stag chos bstan pa 'di la legs par brjod pa mdzad do/ /nged kyis kyang de skad du brjod pa yin no/ /nged kyis ji skad du brjod pa de bzhin du sangs rgyas thams cad kyis kyang brjod do/ /chos bstan pa 'di shin tu bstan pa'i tshe/ byang chub sems dpa' sangs rgyas kyi zhing brgya phrag stong gi rdul shin tu phra ba snyed kyis byang chub sems dpa'i ting nge 'dzin thams cad mngon par shes pa rab tu thob par gyur te/ de dag kyang nged kyis thams cad bla na med pa yang dag par rdzogs pa'i byang chub tu tshe gcig gis thogs par lung bstan to/ /sems can sangs rgyas kyi zhing brgya phrag stong gi rdul shin tu phra ba snyed kyis kyang / bla na med pa yang dag par rdzogs pa'i </font><hr>Nga195a<br><font size=+1>


@#/ /byang chub tu sems bskyed de/ de dag kyang ma 'ongs pa'i dus bskal pa sangs rgyas kyi zhing brjod du med pa'i rdul shin tu phra ba snyed kyis/ sangs rgyas kyi yul phun sum tshogs pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas dag tu 'gyur bar nged kyis lung bstan to| |chos bstan pa 'di yang ma 'ongs pa'i byang chub sems dpa' rnams kyis ma thos pa'i chos thos par bya ba'i phyir nged kyis byin gyis brlabs so/ /gling bzhi pa'i 'jig rten gyi khams 'dir sems can rnams kyis ji ltar shes par gyur cing dul bar gyur pa de bzhin du/ phyogs bcu'i 'jig rten gyi khams bye ba khrag khrig brgya stong tshad med/ grangs med pa/ bsam gyis mi khyab pa/ mtshungs pa med pa/ mtha' yas pa/ mu med pa/ sa mtshams med pa/ dpag tu med pa/ brjod du med pa/ chos kyi dbyings kyis klas pa/ nam mkha'i dbyings kyis mthas gtugs pa thams cad ma lus pa dag tu yang sems can rnams rnam par dul bar gyur to/ / sangs rgyas kyi mthu dang / bcom ldan 'das de bzhin gshegs pa rnam par snang mdzad kyi sngon gyi smon lam gyi byin gyi rlabs dang / chos nyid rab tu thob pa dang / dge </font><hr>Nga195b<br><font size=+1>


ba'i rtsa ba'i mthu dang / de bzhin gshegs pa'i ye shes nyams pa med pa las mi 'gyur ba dang / sangs rgyas kyi sku 'thob pa las gzhan du mi 'gyur ba dang / dus la ji ltar bab pa bzhin du/ byang chub sems dpa' yang dag par bskul ba dang / sngon mngon par bsgrubs pa chud ma zos pa dang / byang chub sems dpa' kun tu bzang po'i spyod pa dang / mthu shin tu yangs pa dang / thams cad mkhyen pa'i ye shes kyi mnga' bsgyur ba yang dag par bstan pa'i mthus/ phyogs bcu'i 'jig rten gyi khams sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed kyi pha rol nas/ byang chub sems dpa' sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed phyogs bcu'i chos kyi dbyings rgyas par 'gengs shing / byang chub sems dpa' rgyan chen po rab tu bstan pa dang / 'od zer gyi dra ba chen po rab tu dgye ba dang / 'jig rten gyi khams thams cad bskyod pa dang / bdud kyi khyim thams cad rab tu gzhig pa dang / ngan song gi yul thams cad rab tu zhi bar bya ba dang / de bzhin gshegs pa'i che ba nyid rab tu brjod pa dang / chos yang dag par 'gro ba rnam pa tha dad pa tshad med pas de bzhin gshegs pa'i legs pa brjod pa dang / rnam pa </font><hr>Nga196a<br><font size=+1>


@#/ /thams cad du chos kyi char tshad med pa dbab pa'i sprin gyi char mngon par dbab pa dang / lus rnam pa tha dad pa tshad med pa rab tu bstan pa dang / de bzhin gshegs pa thams cad kyi chos kyi sprin chen po rang rang gi rgyud kyi snod tshad med pas yang dag par gzung ba byed cing 'ongs par gyur to/ /de dag kyang sangs rgyas kyi byin gyis 'di skad du brjod de/ kye rgyal ba'i sras/ de ltar khyod kyis de bzhin gshegs pa'i chos nyid mi 'phrogs shing / bsam gyis mi khyab pa 'di brjod pa legs so/ /legs so/ /kye rgyal ba'i sras/ bdag cag kyang thams cad kun tu bzang po zhes bya bar ming mthun pa sha stag ste/ de bzhin gshegs pa'i mtshan kun tu grags pa'i dbang phyug rgyal po zhes bya ba dag gi drung nas 'jig rten gyi khams kyi ming kun tu snang ba'i 'od ces bya ba dag nas 'dir phyin te/ thams cad du'ang sangs rgyas kyi mthu dang / de bzhin gshegs pa'i chos nyid rab tu thob pas chos bstan pa 'di nyid byung bar gyur to/ /kye rgyal ba'i sras/ de ltar bdag cag kyang dbang du gyur pa sha stag sangs rgyas kyi byin gyi rlabs kyis 'khor 'dir phyin te/ ji ltar bdag cag 'khor 'dir phyin pa de bzhin du/ phyogs bcu'i 'jig rten gyi khams chos kyi dbyings kyis klas pa/ nam mkha'i mtha' gtugs pa/ thams </font><hr>Nga196b<br><font size=+1>


cad kyi gling bzhi pa thams cad du yab de bzhin gshegs pa'i byin gyi rlabs dang mthus/ byang chub sems dpa' sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed phyin par gyur te/ thams cad na'ang de bzhin gshegs pa'i mnga' mi 'phrogs pa'i chos 'di nyid tshig 'di dag nyid dang / yi ge 'di dag nyid dang / nges pa'i tshig mngon par bsgrub pa 'di dag nyid kyis don 'di nyid brjod de lhag chad med par brjod do/ /de nas byang chub sems dpa' sems dpa' chen po kun tu bzang pos/ byang chub sems dpa'i tshogs thams cad la rnam par bltas nas/ de bzhin gshegs pa'i rigs brjod cing / sangs rgyas kyi che ba nyid smos pa dang / de bzhin gshegs pa'i chos nyid mi 'phrogs pa yongs su brjod pa dang / sngon gyi dge ba'i rtsa ba tshad med cing yangs pa don yod par brjod pa dang / rnam pa'i mchog thams cad dang ldan pa'i sangs rgyas skye ba smos pa dang / sems can ma lus pa thams cad kyi sems kyi bsam pa rab tu brtag pa dang / 'gro ba thams cad la dus la ji ltar 'bab pa bzhin du chos bstan pa rnam par dgod pa yongs su mi gtong ba dang / byang chub sems dpa' thams cad kyi chos snang ba mtha' dang dbus med pa yang dag par bskyed pa dang / de bzhin </font><hr>Nga197a<br><font size=+1>


@#/ /gshegs pa'i sprul pa dang / byin gyi rlabs rnam par dgod pa chen po rab tu bstan pa dang / de bzhin gshegs pa thams cad dang rang bzhin gcig pa'i lus mi 'khrugs par bya ba byed cing sngon gyi spyod pa'i stobs dang / shugs kyis mngon par bsgrubs te/ rang gi rgyud kyi mthus yang dag par blangs pa'i sangs rgyas kyi byin gyi rlabs kyis/ de'i tshe tshigs su bcad pa 'di dag smras so/ /dpe rnams ji snyed 'jig rten kun na gang yod pa/ /de dag thams cad sangs rgyas spyod lam 'di dang bral// 'on kyang 'gro la phan phyir sems can bstan pa'i phyir/ /dpe med rnams la don gyi tshul gyi dpe yang blangs/ /bde gshegs gsang ba 'di dag tha mal dman mi thos/ / bskal pa brgya phrag stong du de yi sgra dkon no/ /gang rnams brtson 'grus blo ldan shin tu dul gyur pa/ /de 'dra'i skyes bus sangs rgyas gsang ba 'di 'dra thos/ /gang gis 'di thos gyur nas rab tu dgar 'gyur ba/ /des ni sngon chad sangs rgyas brgya stong bkur cing mchod/ /bde gshegs rnams kyis byin rlabs rgyal bas yongs su gzung / /lha dang mis bstod mkhas pas rim gror bya ba yin/ /'di ni bde gshegs 'jig rten 'das pa kun gyi dkor/ /rgyal ba sems can sgrol ba kun kyang 'di las 'byung / /'di ni dkar po'i lam mang </font><hr>Nga197b<br><font size=+1>


kun gyi mtha' yas rigs/ /de phyir bag yod gyis te 'di ni gzung bar gyis/ /de bzhin gshegs pa dgra bcom pa yang dag par rdzogs pa'i sangs rgyas kyis mngon par gnang ste/ byang chub sems dpa' sems dpa' chen po kun tu bzang pos de skad ces smras pa dang / byang chub sems dpa' de bzhin gshegs pa'i rigs su byung ba'i dpal yid dga' ste/ byang chub sems dpa'i 'khor de dag thams cad dang / lha dang / mi dang / lha ma yin dang / klu dang / gnod sbyin dang / dri za dang / brgya byin dang / tshangs pa dang / 'jig rten gyi mgon po dang / dbang phyug chen po dang / gtsang ma'i gnas kyi 'khor du bcas pa thams cad byang chub sems dpa' sems dpa' chen po kun tu bzang pos bshad pa la mngon par dga'o/ /shin tu rgyas pa chen po'i mdo// sangs rgyas phal po che zhes bya ba las/ de bzhin gshegs pa skye ba 'byung ba bstan pa'i le'u ste/ bzhi bcu rtsa gsum mo// //bam po bdun cu lnga pa/ bcom ldan 'das shin tu rnam par sangs rgyas pa'i thugs mnga' ba mi gnyis pa la yang dag par spyod pa/ mtshan nyid med pa'i chos la rab tu brten pa/ sangs rgyas thams cad dang mnyam pa nyid brnyes pa/ bsgribs pa med pa thugs su chud par rtogs pa/ phyir mi ldog pa'i chos dang ldan pa/ spyod yul la 'phrogs pa med pa/ dus gsum rnam par dgod pa bsam gyis mi khyab pa la mnyam pa nyid </font><hr>Nga198a<br><font size=+1>


@#/ /du byung ba/ 'jig rten gyi khams thams cad du shin tu khyab pa'i sku mnga' ba/ chos thams cad la the tshom mi mnga' ba'i ye shes can/ spyod pa thams cad dang ldan pa'i thugs mnga' ba/ chos kyi ye shes la nem nur mi mnga' ba/ rnam par ma brtags pa'i skad dang ldan pa'i byang chub sems dpa' thams cad kyis yang dag par gnon pa'i ye shes can/ sangs rgyas kyi spyod pa mi gnyis pa'i pha rol tu phyin pa'i mchog brnyes pa/ de bzhin gshegs pa'i rnam par thar pa tha mi dad pa'i ye shes kyi mthar phyin pa/ sangs rgyas kyis mtha' dang dbus med pa'i mnyam pa nyid thugs su chud pa/ chos kyi dbyings kyis klas pa/ nam mkha'i dbyings kyi mthas gtugs pa/ sangs rgyas kyi spyod pas rnam par spyod cing yul ma ga d+ha'i chos kyi dgon pa'i snying po byang chub la pho brang 'od kun nas 'byung ba na/ gdan seng+ge'i khri pad+mo'i snying po can la bzhugs shing / byang chub sems dpa' sems dpa' chen po sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed thams cad kyang / bla na med pa yang dag par rdzogs pa'i byang chub tu tshe gcig gis thogs pa/ 'jig rten gyi khams gzhan dang gzhan nas 'dus pa kun kyang / byang chub sems dpa'i ye shes kyi tshul thams cad rab tu thob pa sha stag ste/ </font><hr>Nga198b<br><font size=+1>


'di ltar sems can gyi khams thams cad yongs su smin par bya ba dang / rnam par gdul ba dang / byang chub sems dpa'i chos la rab tu dgod par mkhas pa/ 'jig rten gyi khams 'byams klas pa thams cad dpyad pa'i tshul gyi ye shes 'byams klas pa la zhugs pa dag ste/ 'di ltar mya ngan las 'das pa'i sa dang / spyod yul dang ye shes la spyod cing rtog pa spros pa thams cad yongs su chad pa spyod pa nye bar bzung ba rgyun mi 'chad pas/ sems can thams cad yang dag par gzung ba la mkhas pa/ chos kyi tshul la 'jug par bya ba mtha' dang dbus med pa la rab tu zhugs pa/ sems can thams cad kyi las kyi rnam par smin pa chud mi za zhing mi dmigs par brtag cing dpyad pa la shin tu mkhas pa/ sems can thams cad kyi bsam pa dang / bag la nyal ba dang / dbang po dang / rtsom pa dang / sbyor ba mthon dman brtag cing dpyad pa la rab tu mkhas pa/ 'das pa dang / ma byon pa dang / da ltar byung ba'i de bzhin gshegs pa thams cad kyis gsungs pa'i don dang / tshig dang / yi ge gzung zhing bcang ba dang / shes par bya ba dang / mnyam par gzung ba dang / brtag par bya ba la shin tu mkhas pa 'jig rten dang / 'jig rten las 'das pa'i chos kyi tshul la 'jug par bya ba mtha' dang dbus med pa la shin tu zhugs pa/ 'dus byas dang / 'dus ma byas dang / </font><hr>Nga199a<br><font size=+1>


@#/ /dus rnam pa tha dad pa'i tshul brtag pa la rab tu mkhas pa/ 'das pa dang / ma byon pa dang / da ltar byung ba'i de bzhin gshegs pa thams cad kyi ye shes kyi dkyil 'khor skad cig gcig gi de ma thag tu rab tu thob par rnam par spyod pa/ sems kyi skad cig re re la mngon par rdzogs par byang chub pa yang dag par ston pa/ sems can thams cad kyi sems bskyed pa dang mi 'bral bar byang chub tu rnam par 'tshang rgya bar sems can gcig gi sems kyi dmigs pa la zhugs pas/ sems can ma lus pa thams cad kyi sems kyi dmigs pa la mkhas par khong du chud pa/ rang 'byung gi ye shes dang / sa mngon du gyur pa las mi nyams pa'i byang chub sems dpa'i lus dang ldan pa thams cad mkhyen pa'i sa thob kyang rgyun mi 'chad pa'i spyod pa las phyir mi ldog pa/ byang chub sems dpa'i sa mngon par 'du bya ba'i mthu rgyun mi 'chad pa/ mngon par 'du bya ba med pa'i ye shes kyi tshul la zhugs pa/ sems can gcig gi don du/ bskal pa mu med par spyod pa yongs su 'dzin pa'i byin gyi rlabs la mkhas pa/ bskal pa grangs med par 'byung zhing / mthong bar dka' ba'i byang chub sems dpa' rin po che shin tu bzang po chos kyi 'khor lo thogs pa med pa'i byin gyi rlabs kyis 'gro ba thams cad rnam par 'dul </font><hr>Nga199b<br><font size=+1>


ba'i dbyings la 'jug par mkhas pa/ 'das pa dang / ma byon pa dang / da ltar byung ba'i de bzhin gshegs pa thams cad kyi rnam par dag pa'i gnas yang dag par gzung ba'i phyir sngon gyi spyod pa'i mthu'i khyad par dang / smon lam phun sum tshogs pa dag ste/ de dag dang / de ma yin pa de bzhin gshegs pa thams cad kyis yon tan bsngags shing yongs su brjod kyang bskal pa mu med par mi zad/ mi thug pa/ legs pa/ shin tu brjod pa rab tu thob pa sha stag ste/ 'di ltar byang chub sems dpa' sems dpa' chen po kun tu bzang po dang / byang chub sems dpa' sems dpa' chen po kun tu mig dang / byang chub sems dpa' sems dpa' chen po kun tu 'phrul ba dang / byang chub sems dpa' sems dpa' chen po kun tu shes rab dang / byang chub sems dpa' sems dpa' chen po kun tu lta ba dang / byang chub sems dpa' sems dpa' chen po kun tu 'od dang / byang chub sems dpa' sems dpa' chen po kun tu snang ba dang / byang chub sems dpa' sems dpa' chen po kun tu gsal ba dang / byang chub sems dpa' sems dpa' chen po kun tu dpal dang / byang chub sems dpa' sems dpa' chen po kun tu blo dang / byang chub sems dpa' sems dpa' chen po shugs chen po dang / byang chub sems dpa' sems </font><hr>Nga200a<br><font size=+1>


@#/ /dpa' chen po shugs chen po 'dzin pa dang / byang chub sems dpa' sems dpa' chen po rnam par 'phrul ba chen po dang / byang chub sems dpa' sems dpa' chen po rnam par 'phrul pa chen pos rab tu mdzes pa dang / byang chub sems dpa' sems dpa' chen po brtson 'grus kyis rnam par gnon pa dang / byang chub sems dpa' sems dpa' chen po rnam par bsgyings pa chen po dang / byang chub sems dpa' sems dpa' chen po rnam par bsgyings pa chen po'i stobs dang / byang chub sems dpa' sems dpa' chen po glang po chen po'i dam pa dang / byang chub sems dpa' sems dpa' chen po glang po chen po spos kyi glang po dang / byang chub sems dpa' sems dpa' chen po zla ba chen po dang / byang chub sems dpa' sems dpa' chen po zla ba chen po bzang po dang / byang chub sems dpa' sems dpa' chen po yon tan zla ba dang / byang chub sems dpa' sems dpa' chen po rin chen zla ba dang / byang chub sems dpa' sems dpa' chen po zla ba kun tu snang ba dang / byang chub sems dpa' sems dpa' chen po chos dri ma med pa'i zla ba dang / byang chub sems dpa' sems dpa' chen po rnam par snang ba'i zla ba dang / byang chub sems dpa' sems dpa' chen po rnam </font><hr>Nga200b<br><font size=+1>


par grags pa'i zla ba dang / byang chub sems dpa' sems dpa' chen po 'od zer rab tu 'gyed pa dang / byang chub sems dpa' sems dpa' chen po zla ba yongs su rgyas pa dang / byang chub sems dpa' sems dpa' chen po tshangs pa'i dbyangs dang / byang chub sems dpa' sems dpa' chen po tshangs pa'i dbang po 'brug gi dbyangs dang / byang chub sems dpa' sems dpa' chen po sa grum pa'i sgra'i dbyangs dang / byang chub sems dpa' sems dpa' chen po chos kyi dbyings rab tu sgrog pa'i dbyangs dang / byang chub sems dpa' sems dpa' chen po bdud kyi dkyil 'khor thams cad rnam par 'joms pa'i dbyangs dang / byang chub sems dpa' sems dpa' chen po chos kyi rnga sgra'i dbyangs dang / byang chub sems dpa' sems dpa' chen po kun tu go bar byed pa'i dbyangs dang / byang chub sems dpa' sems dpa' chen po mi rtog rnam par mi rtog pa'i dbyangs dang / byang chub sems dpa' sems dpa' chen po sa gzhi rab tu sgrog pa'i dbyangs dang / byang chub sems dpa' sems dpa' chen po yan lag thams cad kyi dbyangs zil gyis gnon pa dang / byang chub sems dpa' sems dpa' chen po kun nas snying po dang / byang chub sems dpa' sems dpa' chen po kun nas dri ma med pa'i snying po dang / byang chub sems dpa' sems dpa' chen po yon </font><hr>Nga201a<br><font size=+1>


@#/ /tan gyi snying po dang / byang chub sems dpa' sems dpa' chen po rnam par snang ba'i snying po dang / byang chub sems dpa' sems dpa' chen po rin po che'i snying po dang / byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po zla ba'i snying po dang / byang chub sems dpa' sems dpa' chen po nyi ma'i snying po dang / byang chub sems dpa' sems dpa' chen po gtsang ma'i snying po dang / byang chub sems dpa' sems dpa' chen po pad+mo'i snying po dang / byang chub sems dpa' sems dpa' chen po pad+mo dpal gyi snying po dang / de dag la sogs pa byang chub sems dpa' sems dpa' chen po sangs rgyas kyi zhing bye ba khrag khrig brgya stong brjod du med pa phrag bcu'i rdul shin tu phra ba snyed kun kyang kun tu bzang po'i spyod pa dang smon lam du ldan pa/ smon lam dang lhag pa'i bsam pa phun sum tshogs pa/ sangs rgyas byung ba thams cad kyi drung du 'gro zhing gsol ba gdab pa la mkhas pa/ de bzhin gshegs pa thams cad kyi chos kyi tshul yang dag par 'dzin pa/ sangs rgyas thams cad kyi rigs rgyun mi gcod pa| sangs rgyas 'byung ba gcig nas gcig tu lung bstan pa dang / mngon par 'tshang rgya ba dang / ming dang / zhing dang / 'khor lo'i tshul yongs su sbyong ba/ sangs rgyas mi bzhugs </font><hr>Nga201b<br><font size=+1>


pa'i 'jig rten gyi khams su sangs rgyas skye ba yongs su ston pa/ kun nas nyon mongs pa'i sems can gyi khams thams cad yongs su dag par byed pa/ byang chub sems dpa'i las kyi sgrib pa thams cad rab tu sel ba/ chos kyi dbyings sgrib pa med pa la shin tu zhugs pa sha stag dang thabs gcig tu bzhugs te/ de nas byang chub sems dpa' sems dpa' chen po kun tu bzang po de'i tshe/ sangs rgyas phal po che zhes bya ba'i ting nge 'dzin la snyoms par zhugs so/ /de ltar byang chub sems dpa' sems dpa' chen po kun tu bzang pos/ ting nge 'dzin chen po sangs rgyas phal po che zhes bya ba de la mnyam par bzhag ma thag tu/ de'i tshe phyogs bcu'i 'jig rten gyi khams 'byams klas pa/ chos kyi dbyings kyis klas pa/ nam mkha'i mthas gtugs pa ma lus pa thams cad rnam pa drug tu g.yos te/ g.yos so/ /rab tu g.yos so/ /kun tu g.yos so/ /'gul to/ /rab tu 'gul to/ /kun tu 'gul to| |ldeg go /rab tu ldeg go /kun tu ldeg go /chem chem/ rab tu chem chem/ kun tu chem chem mo/ /'ur 'ur/ rab tu 'ur 'ur/ kun tu 'ur 'ur ro/ /shig shig /rab tu shig shig/ kun tu shig shig go /de ltar 'jig rten gyi khams 'byams klas pa ma lus pa thams cad du rab tu bskyod de/ dbyangs kyis mngon par go bar byas nas/ ting nge 'dzin de las </font><hr>Nga202a<br><font size=+1>


@#/ /langs par gyur to/ /de nas byang chub sems dpa' sems dpa' chen po kun tu shes rab kyis/ /byang chub sems dpa'i tshogs chen po 'dus par shes nas/ byang chub sems dpa' sems dpa' chen po kun tu bzang po la 'di skad ces smras so/ /kye rgyal ba'i sras/ legs par bstan pa mdzod cig /byang chub sems dpa' sems dpa' chen po rnams kyi rgyu mthun pa ni gang / ngo mtshar gyi 'du shes ni gang / spyod pa ni gang / dge ba'i bshes gnyen ni gang / brtson 'grus rtsom pa ni gang / dbugs phyin pa thob pa ni gang / sems can yongs su smin par bya ba ni gang / tshul khrims ni gang / lung bstan pa ni gang / kye rgyal ba'i sras/ byang chub sems dpa' rnams kyi byang chub sems dpa' la 'jug pa ni gang / de bzhin gshegs pa la 'jug pa ni gang / sems can rnams kyi bsam pa dang / spyod pa la 'jug pa ni gang / 'jig rten gyi khams la 'jug pa ni gang / bskal pa la 'jug pa ni gang / dus gsum bstan pa ni gang / dus gsum la 'jug pa ni gang / mi skyo zhing yongs su sgyid lug pa med pa'i sems bskyed pa ni gang / kun tu dbye ba'i ye shes ni gang / gzungs ni gang / kye rgyal ba'i sras/ byang chub sems dpas sangs rgyas bstan pa'i rjes su rtogs par bya ba ni gang / kun tu bzang po'i sems bskyed pa ni gang / </font><hr>Nga202b<br><font size=+1>


kun tu bzang po'i spyod pa'i chos ni gang / snying rje chen po rab tu thob pa ni gang / rkyen gang gis byang chub tu sems bskyed pa'i byang chub kyi sems kyi rkyen ni gang / dge ba'i bshes gnyen la gus pa'i sems ni gang / yongs su dag pa ni gang / pha rol tu phyin pa ni gang / shes pa khong du chud par bya ba ni gang / rab tu rtogs pa ni gang / kye rgyal ba'i sras/ byang chub sems dpa' rnams kyi stobs kyi shugs ni gang / mnyam pa nyid ni gang / sangs rgyas kyi chos kyi tshul gyi lam ni gang / chos bstan pa ni gang / yongs su bzung ba ni gang / spobs pa ni gang / mi gnas pa ni gang / sems mnyam pa nyid ni gang / ye shes mngon par bsgrub pa ni gang / kye rgyal ba'i sras/ byang chub sems dpa' rnams kyi sprul pa ni gang / byin gyi rlabs ni gang / dbugs phyin pa chen po rab tu thob pa ni gang / sangs rgyas kyi chos zab mo la 'jug pa ni gang / gnas su bya ba ni gang / sems bskyed pa bstan pa ni gang / nem nur thams cad gcod pa'i sems bskyed pa ni gang / bsam gyis mi khyab pa ni gang / dgongs te bshad pa la mkhas pa ni gang / ye shes rnam par dbye ba la mkhas pa ni gang / kye rgyal ba'i sras/ byang chub sems dpa' rnams kyi snyoms par 'jug pa ni gang / ril po ni gang / rnam par thar pa ni gang / mngon par shes pa ni gang / rig pa ni gang / rnam par grol ba ni gang / skyed mos tshal ni gang / gzhal </font><hr>Nga203a<br><font size=+1>


@#/ /med khang ni gang / dga' ba ni gang / rgyan ni gang / kye rgyal ba'i sras/ byang chub sems dpa' rnams kyi sems bskyed pa'i mi sgul ba ni gang / lhag pa'i bsam pa yongs su mi gtong ba la gnas pa ni gang / ye shes kyi rnam par blta ba ni gang / chos shin tu bstan pa ni gang / yongs su dag pa ni gang / phyag rgya ni gang / ye shes snang ba ni gang / byang chub sems dpa'i gnas mtshungs pa med pa ni gang / sangs rgyas kyi byang chub tu zhum pa med pa'i sems bskyed pa ni gang / lhag pa'i bsam pa ri bo lta bu ni gang / kye rgyal ba'i sras/ byang chub sems dpa' rnams kyi bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu ni gang / byang chub sems dpa'i rnam par spyod pa rin po che lta bu ni gang / theg pa chen po'i go cha rdo rje lta bu'i sems bskyed pa ni gang / rtsom pa chen po ni gang / brtsams pa chen po mthar phyin par bya ba ni gang / dad pa mi phyed pa ni gang / lung bstan pa ni gang / dge ba'i rtsa ba yongs su bsngo ba ni gang / ye shes khong du chud pa ni gang / sems bskyed pa rgya chen po mtha' dang dbus med pa ni gang / kye rgyal ba'i sras/ byang chub sems dpa' rnams kyi gter ni gang / sdom pa ni gang / dbang ni gang / rnam par 'phrul pa ni gang / sems can la rnam par 'phrul ba ni gang / zhing </font><hr>Nga203b<br><font size=+1>


la rnam par 'phrul ba ni gang / chos la rnam par 'phrul ba ni gang / lus la rnam par 'phrul ba ni gang / smon lam la rnam par 'phrul ba ni gang / spyod yul la rnam par 'phrul ba ni gang kye rgyal ba'i sras/ byang chub sems dpa' rnams kyi ye shes la rnam par 'phrul ba ni gang / mngon par shes pa la rnam par 'phrul ba ni gang / rdzu 'phrul la rnam par 'phrul ba ni gang stobs la rnam par 'phrul ba ni gang / rnam par rtse ba ni gang / khyu mchog gi mthu phyung ba ni gang / stobs ni gang / mi 'jigs pa ni gang / byang chub sems dpa'i ma 'dres pa'i chos ni gang / las ni gang / lus ni gang / byang chub sems dpa' rnams kyi lus kyi las ni gang / rang bzhin mi gang / ngag ni gang / ngag yongs su dag pa ni gang / yongs su 'dzin pa ni gang / gang gis shin tu bzung zhing byang chub sems dpa'i ngag 'byung bar 'gyur/ byang chub sems dpa'i ngag gis ni ngag gi las gang zhig 'grub par 'gyur/ sems ni gang / sems bskyed pa ni gang / sems kyis rgyas par dgang pa ni gang / kye rgyal ba'i sras/ byang chub sems dpa' rnams kyi dbang po ni gang / bsam pa ni gang / lhag pa'i bsam pa ni gang / sbyor ba ni gang / mos pa ni gang / 'jig rten gyi khams su mos pa la 'jug pa ni gang / sems can gyi khams su mos pa la 'jug pa ni gang / bag chags ni </font><hr>Nga204a<br><font size=+1>


@#/ /gang / nye bar len pa ni gang / nan tan ni gang / kye rgyal ba'i sras/ byang chub sems dpa' rnams kyi 'grub pa ni gang / sangs rgyas kyi chos las 'gol ba'i lam ni gang / skyon med pa ni gang / byang chub sems dpa'i chos nges pa 'thob pa ni gang / sangs rgyas kyi chos 'byung ba'i lam ni gang / skyes bu dam pa'i ming thob pa ni gang / lam ni gang / lam tshad med pa ni gang / lam gyi tshogs ni gang / lam sgom pa ni gang / kye rgyal ba'i sras/ byang chub sems dpa' rnams kyi lam gyi rgyan ni gang / rkang pa ni gang / lag pa ni gang / lto ni gang / snying po ni gang / snying ni gang / go cha ni gang / mtshon cha ni gang / mgo ni gang / mig ni gang / kye rgyal ba'i sras/ byang chub sems dpa' rnams kyi rna ba ni gang / sna ni gang / lce ni gang / lus ni gang / yid rnam par rgyu ba ni gang / 'gro ba ni gang / gnas pa ni gang / stan la 'dug pa ni gang / lam ni gang / rnam par spyod pa ni gang / kye rgyal ba'i sras/ byang chub sems dpa' rnams kyi spyod yul ni gang / lta ba ni gang / rnam par lta ba ni gang / rnam par bsgyings pa ni gang / seng+ge'i nga ro ni gang / sbyin pa yongs su dag pa ni gang / tshul khrims yongs su dag pa ni gang / bzod pa yongs su dag pa ni gang / brtson 'grus yongs su dag pa ni gang / bsam gtan yongs su dag pa ni gang / kye rgyal ba'i </font><hr>Nga204b<br><font size=+1>


sras/ byang chub sems dpa' rnams kyi shes rab yongs su dag pa ni gang / byams pa yongs su dag pa ni gang / snying rje yongs su dag pa ni gang / dga' ba yongs su dag pa ni gang / btang snyoms yongs su dag pa ni gang / don ni gang / chos ni gang / bsod nams kyi tshogs ni gang / ye shes kyi tshogs ni gang / rig pa skye ba ni gang / kye rgyal ba'i sras/ byang chub sems dpa' rnams kyi chos yongs su tshol ba ni gang / chos rab tu brjod pa ni gang / chos kyi nan tan ni gang / bdud ni gang / bdud kyi las ni gang / bdud kyi las bzlog pa ni gang / sangs rgyas mthong bar bya ba ni gang / sangs rgyas kyi 'phrin las ni gang / nga rgyal gyi las ni gang / ye shes kyi las ni gang / kye rgyal ba'i sras/ byang chub sems dpa' rnams kyi bdud kyi byin gyi rlabs ni gang / sangs rgyas kyi byin gyi rlabs ni gang / chos kyi byin gyi rlabs ni gang / dga' ldan na gnas pa'i las ni gang / dga' ldan gyi gnas nas 'chi 'pho ston pa ni gang / mngal na gnas par ston pa ni gang / shin tu phra ba'i rgyud ston pa ni gang / cher skye ba ni gang / gad mo cher dgod pa ni gang / gom pas rnam par gnon pa ni gang / kye rgyal ba'i sras/ byang chub sems dpa' rnams kyi gzhon nu'i sa kun tu ston pa ni gang / btsun mo'i 'khor nye bar ston pa ni gang / mngon par 'byung ba ni gang / dka' ba spyod pa'i sbyor ba ni gang / snying po byang chub tu 'gro ba ni gang / </font><hr>Nga205a<br><font size=+1>


@#/ /snying po byang chub la 'dug pa ni gang / snying po byang chub la 'dug pa rnams kyi ngo mtshar rmad du byung ba'i chos ni gang / bdud 'dul ba ston pa ni gang / de bzhin gshegs pa'i stobs mngon par rdzogs par byang chub pa ni gang / chos kyi 'khor lo rab tu bskor ba ni gang / chos kyi 'khor lo rab tu bskor ba'i chos dkar po'i rnam pa ni gang / kye rgyal ba'i sras/ de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'da' ba chen po bstan pa ni gang / de skad ces smras pa dang / byang chub sems dpa' sems dpa' chen po kun tu bzang pos/ byang chub sems dpa' sems dpa' chen po kun tu shes rab la dmigs nas/ byang chub sems dpa'i tshogs de dag thams cad la smras pa/ kye rgyal ba'i sras/ bcu po 'di dag ni/ byang chub sems dpa' sems dpa' chen po'i rgyu mthun pa ste/ bcu gang zhe na/ 'di ltar chud mi za ba'i phyir/ byang chub kyi sems kyi rgyu mthun pa dang / rgyud kyi tshul gcig tu bya ba'i phyir/ dge ba'i bshes gnyen gyi rgyu mthun pa dang / shin tu bsags pa'i phyir dge ba'i rtsa ba'i rgyu mthun pa dang / nan tan bya ba'i phyir/ pha rol tu phyin pa'i rgyu mthun pa dang / 'byung ba'i phyir chos thams cad kyi rgyu mthun pa dang / byang chub brtan pa'i phyir smon lam gyi rgyu mthun pa dang / </font><hr>Nga205b<br><font size=+1>


rgya chen po yang dag par bsags pa'i phyir/ spyod pa'i rgyu mthun pa dang / tshul gcig tu bya ba'i phyir byang chub sems dpa' thams cad dang rgyu mthun pa dang / sems rab tu dang ba'i phyir/ sangs rgyas mchod pa rgyu mthun pa dang / pha lta bur brjod pa'i phyir/ de bzhin gshegs pa thams cad dang rgyu mthun pa'o/ /kye rgyal ba'i sras/ bcu po de dag ni/ byang chub sems dpa' rnams kyi rgyu mthun pa ste/ de dag la gnas shing byang chub sems dpa' rnams de bzhin gshegs pa'i ye shes chen po bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi ngo mtshar gyi 'du shes te/ bcu gang zhe na/ 'di ltar dge ba'i rtsa ba thams cad la mi dge bar 'du shes pa dang / dge ba thams cad la byang chub kyi sa bon du 'du shes pa dang / sems can thams cad la byang chub kyi snod du 'du shes pa dang / smon lam thams cad la smon lam med par 'du shes pa dang / chos thams cad la 'byung bar 'du shes pa dang / spyod pa thams cad la spyod pa med par 'du shes pa dang / chos thams cad la sangs rgyas kyi chos su 'du shes pa dang / tshig tu spyod pa thams cad la ngag gi lam med par 'du shes pa dang / sangs rgyas thams cad la phar 'du shes pa dang / de bzhin gshegs pa thams cad la gnyis su med par 'du shes pa'o/ /kye </font><hr>Nga206a<br><font size=+1>


@#/ /rgyal ba'i sras/ bcu po de dag ni/ byang chub sems dpa' rnams kyi ngo mtshar gyi 'du shes te/ de dag la gnas shing byang chub sems dpa' rnams la 'du shes rnam par bzlog pa la mkhas pa/ bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi spyod pa ste/ bcu gang zhe na/ 'di ltar sems can thams cad yongs su smin par bya ba'i don du spyod pa dang / chos thams cad yongs su btsal ba'i don du spyod pa dang / bslab pa thams cad nan tan du bya ba'i don du spyod pa dang / dge ba'i rtsa ba thams cad bsags pa'i don du spyod pa dang / ting nge 'dzin rtse gcig tu bya ba'i don du spyod pa dang / ye shes rab tu shes par bya ba'i don du spyod pa dang / sgom pa yongs su bsgom pa'i don du spyod pa dang / zhing brgyan pa'i don du spyod pa dang / dge ba'i bshes gnyen bsnyen bkur ba'i don du spyod pa dang / de bzhin gshegs pa mchod cing rim gro bya ba'i don du spyod pa'o/ /kye rgyal ba'i sras/ bcu po de dag ni/ byang chub sems dpa' rnams kyi spyod pa ste/ de dag la gnas shing / byang chub sems dpa' rnams de bzhin gshegs pa'i ye shes chen po'i spyod pa bla na med pa yongs su rdzogs pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi dge ba'i </font><hr>Nga206b<br><font size=+1>


bshes gnyen te/ bcu gang zhe na/ 'di ltar byang chub kyi sems la rab tu gzhog pa'i bshes gnyen dang / dge ba'i rtsa ba la sbyor ba'i bshes gnyen dang / pha rol tu phyin pa la 'jug par byed pa'i bshes gnyen dang / chos thams cad ston pa'i bshes gnyen dang / sems can thams cad yongs su smin par bya ba la gzhog pa'i bshes gnyen dang / spobs pa la rnam par gdon mi za bar byed pa'i bshes gnyen dang / 'gro ba thams cad nas gyen du bskyod pa'i bshes gnyen dang / bskal pa thams cad du gnas shing mi skyo bar byed pa'i bshes gnyen dang / kun tu bzang po'i spyod pa la rab tu gzhog pa'i bshes gnyen dang / sangs rgyas thams cad kyi ye shes la 'jug cing / 'bab par byed pa'i bshes gnyen te/ kye rgyal ba'i sras/ bcu po de dag ni| byang chub sems dpa' rnams kyi dge ba'i bshes gnyen no/ /kye rgyal ba'i sras/ bcu po 'di dag ni/ byang chub sems dpa' rnams kyi brtson 'grus brtsams pa ste/ bcu gang zhe na/ 'di ltar sems can gyi khams thams cad yongs su smin par bya'o snyam ste brtson 'grus rtsom pa dang / chos thams cad la gzung bar bya'o snyam ste brtson 'grus rtsom pa dang / 'jig rten gyi khams thams cad yongs su sbyang bar bya'o snyam ste brtson 'grus rtsom pa dang / byang chub sems dpa'i bslab pa thams cad shes par bya'o snyam ste brtson 'grus rtsom pa dang / </font><hr>Nga207a<br><font size=+1>


@#/ /sems can thams cad kyi nyes byas zad par bya'o snyam ste brtson 'grus rtsom pa dang / sems can dmyal ba dang / byol song gi skye gnas dang / gshin rje'i 'jig rten gyi sdug bsngal thams cad rgyun gcad do snyam ste brtson 'grus rtsom pa dang / bdud thams cad las rgyal bar bya'o snyam ste brtson 'grus rtsom pa dang / sems can thams cad 'khrug pa med par bya'o snyam ste brtson 'grus rtsom pa dang / sangs rgyas thams cad la mchod par bya'o snyam ste brtson 'grus rtsom pa dang / de bzhin gshegs pa thams cad la mnyes par bya'o snyam ste brtson 'grus rtsom pa'o/ /kye rgyal ba'i sras/ bcu po de dag ni/ byang chub sems dpa' rnams kyi brtson 'grus rtsom pa ste/ de dag la gnas shing byang chub sems dpa' rnams de bzhin gshegs pa'i brtson 'grus kyi pha rol tu phyin pa bla na med pa yang dag par rdzogs pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi dbugs phyin pa thob pa ste/ bcu gang zhe na/ 'di ltar bdag ni byang chub kyi sems la gnas pa yin gyi/ da dung gzhan yang byang chub kyi sems la dgod do zhes te/ dbugs phyin pa rab tu 'thob bo/ /bdag ni 'jig rten gyi rtsod pa thams cad kyis rtsod du med pa la gzhol ba yin gyi/ da dung gzhan yang rtsod pa med par </font><hr>Nga207b<br><font size=+1>


dga' ba la rab tu dgod par bya'o zhes dbugs phyin pa 'thob bo/ /bdag ni byis pa'i chos las 'phags kyi/ da dung pha rol yang byis pa'i chos las gyen du bskyod de/ sangs rgyas kyi chos la dgod par bya'o zhes dbugs phyin pa 'thob bo/ /bdag ni dge ba'i rtsa ba btsal ba la brtson pa yin gyi/ da dung gzhan yang dge ba'i rtsa ba tshol bar brtson pa la rab tu dgod par bya'o zhes dbugs phyin pa 'thob bo/ /bdag ni pha rol tu phyin pa'i lam du zhugs pa yin gyi/ da dung gzhan yang pha rol tu phyin pa'i lam du 'jug pa la dgod par bya'o zhes dbugs phyin pa 'thob bo/ /bdag ni sangs rgyas kyi rigs su skye ba yin gyi/ da dung gzhan yang sangs rgyas kyi rigs su skye ba la rab tu dgod par bya'o zhes dbugs phyin pa 'thob bo/ /bdag ni dngos po med pa'i chos kyi tshul la zhugs pa yin gyi/ da dung gzhan yang dngos po med pa'i chos kyi tshul la dgod par bya'o zhes dbugs phyin pa 'thob bo/ /bdag ni sangs rgyas kyi chos thams cad mi spong ba la brtson pa yin gyi/ da dung gzhan yang sangs rgyas kyi chos thams cad mi spong bar brtson pa la dgod par bya'o zhes dbugs phyin pa 'thob bo/ /bdag gis ni thams cad mkhyen pa'i byang chub tu smon lam yongs su rdzogs par 'gyur gyi/ da dung gzhan yang thams cad mkhyen pa'i byang chub tu smon lam yongs su rdzogs par byed pa la dgod par bya'o zhes dbugs </font><hr>Nga208a<br><font size=+1>


@#/ /phyin pa 'thob bo/ /bdag ni de bzhin gshegs pa thams cad kyi ye shes kyi mdzod mi zad par zhugs pa yin gyi/ da dung gzhan yang de bzhin gshegs pa thams cad kyi ye shes kyi mdzod mi zad par 'jug pa la dgod par bya'o zhes dbugs phyin pa 'thob bo/ /kye rgyal ba'i sras/ bcu po de dag ni/ byang chub sems dpa' rnams kyi dbugs phyin pa 'thob pa ste/ de dag la gnas shing byang chub sems dpa' rnams de bzhin gshegs pa'i ye shes chen po'i dbugs phyin pa bla na med pa 'thob par 'gyur ba dag go |kye rgyal ba'i sras/ bcu po 'di dag ni/ byang chub sems dpa' rnams kyi sems can yongs su smin par bya ba dag ste/ bcu gang zhe na/ 'di ltar byang chub sems dpa' rnams ni| sbyin pas kyang sems can gyi khams yongs su smin par byed do/ /gzugs kyis kyang sems can gyi khams yongs su smin par byed do/ /chos ston pas kyang sems can gyi khams yongs su smin par byed do/ /bskal pa mnyam pas kyang sems can gyi khams yongs su smin par byed do/ /gnas med pas kyang sems can gyi khams yongs su smin par byed do/ /byang chub sems dpa'i spyod pa brjod pas kyang sems can gyi khams yongs su smin par byed do/ /'jig rten gyi khams kun tu 'bar ba yang dag par </font><hr>Nga208b<br><font size=+1>


bsten pas kyang sems can gyi khams yongs su smin par byed do/ /sangs rgyas kyi chos kyi che ba nyid brjod pas kyang sems can gyi khams yongs su smin par byed do/ /rdzu 'phrul sna tshogs kyi rnam par 'phrul bas kyang sems can gyi khams yongs su smin par byed do/ /thabs mkhas pa'i sbyor ba dang / tshul gyis 'jig rten du spyod pa sna tshogs kyis kyang / sems can gyi khams yongs su smin par byed do/ /kye rgyal ba'i sras/ bcu po de dag ni/ byang chub sems dpa' rnams kyi sems can yongs su smin par bya ba ste/ de dag gis byang chub sems dpa' rnams sems can gyi khams yongs su smin par byed pa dag go /kye rgyal ba'i sras/ bcu po 'di dag ni/ byang chub sems dpa' rnams kyi tshul khrims te/ bcu gang zhe na/ 'di ltar byang chub kyi sems mi nyams pa'i tshul khrims dang / nyan thos dang / rang sangs rgyas kyi sa yongs su spong ba'i tshul khrims dang / sems can thams cad la phan par dga' bas rnam par lta ba'i tshul khrims dang / sangs rgyas kyi chos thams cad la rab tu dgod pa'i tshul khrims dang / byang chub sems dpa'i bslab pa thams cad la nan tan du bya ba'i tshul khrims dang / chos thams cad mi dmigs pa'i tshul khrims dang / dge ba'i rtsa ba thams cad byang chub tu yongs su bsngo ba'i tshul khrims dang / sangs rgyas </font><hr>Nga209a<br><font size=+1>


@#/ /kyi chos thams cad las phyir phyogs su mi lta ba'i tshul khrims dang / chos thams cad nges par rtogs pa la mngon par zhen pa med pa'i tshul khrims dang / dbang po sdom pa'i tshul khrims so/ /kye rgyal ba'i sras/ bcu po de dag ni/ byang chub sems dpa' rnams kyi tshul khrims te/ de dag la gnas shing byang chub sems dpa' rnams de bzhin gshegs pa'i tshul khrims rgya chen po'i pha rol tu phyin pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi lung bstan pa ste/ lung bstan pa de dag gis lung bstan pa'i byang chub sems dpa' rnams ni bdag cag lung bstan to zhes bya bar shes so/ /bcu gang zhe na/ 'di ltar snying thag pa nas byang chub kyi sems phun sum tshogs pa ni/ byang chub sems dpa' rnams kyi rang gi rgyud las lung bstan pa'o/ /byang chub sems dpa'i spyod pa la mi skyo ba ni/ byang chub sems dpa'i lung bstan pa'o/ /bskal pa thams cad du zhe non pa ni/ byang chub sems dpa' rnams kyi lung bstan pa'o/ /sangs rgyas kyi chos thams cad la nan tan du byed pa ni/ byang chub sems dpa' rnams kyi lung bstan pa'o/ /de bzhin gshegs pa thams cad kyi bka' la gcig tu chad par mos shing yid ches la mngon par dad pa </font><hr>Nga209b<br><font size=+1>


ni| byang chub sems dpa' rnams kyi lung bstan pa'o/ /dge ba'i rtsa ba thams cad yang dag par gsog cing sgrub pa ni/ byang chub sems dpa' rnams kyi lung bstan pa'o/ /sems can thams cad sangs rgyas kyi byang chub la rab tu dgod par brtson pa ni/ byang chub sems dpa' rnams kyi lung bstan pa'o/ /dge ba'i bshes gnyen thams cad dang rgyud kyi tshul gcig tu byed pa ni/ byang chub sems dpa' rnams kyi lung bstan pa'o/ /dge ba'i bshes gnyen thams cad la ston par 'du shes pa ni/ byang chub sems dpa' rnams kyi lung bstan pa'o/ /sngon gyi byang chub kyi smon lam rjes su srung ba ni/ byang chub sems dpa' rnams kyi lung bstan pa'o/ /kye rgyal ba'i sras/ bcu po de dag ni/ byang chub sems dpa' rnams kyi lung bstan pa ste/ lung bstan pa de dag gis lung bstan pa'i byang chub sems dpa' rnams ni bdag cag lung bstan to zhes bya bar shes so/ /kye rgyal ba'i sras/ bcu po 'di dag ni/ byang chub sems dpa' rnams kyi byang chub sems dpa' la 'jug pa ste/ bcu gang zhe na/ 'di ltar sngon gyi smon lam la 'jug pa dang / spyod pa la 'jug pa dang / yang dag par bsgrub pa la 'jug pa dang / pha rol tu phyin pa la 'jug pa dang / bsgrub pa la 'jug pa dang / smon lam rnam pa tha dad pa la 'jug pa dang / mos pa tha dad pa la 'jug pa dang / zhing gi rgyan la 'jug pa dang / rdzu 'phrul gyi rnam par </font><hr>Nga210a<br><font size=+1>


@#/ /'phrul pa la 'jug pa dang / skye ba bstan pa la 'jug pa'o/ /kye rgyal ba'i sras/ bcu po de dag ni/ byang chub sems dpa' rnams kyi byang chub sems dpa' la 'jug pa ste/ 'jug pa de dag gis ni 'das pa dang / ma 'ongs pa dang / da ltar byung ba'i byang chub sems dpa' thams cad la 'jug pa dag go /kye rgyal ba'i sras/ bcu po 'di dag ni/ byang chub sems dpa' rnams kyi de bzhin gshegs pa la 'jug pa ste/ bcu gang zhe na/ 'di ltar mu med pa'i mngon par rdzogs par byang chub pa la 'jug pa dang / mu med pa'i chos kyi 'khor lo bskor ba la 'jug pa dang / mu med pa'i chos kyi tshul la 'jug pa dang / mu med pa'i dbyangs kyi dkyil 'khor la 'jug pa dang / mu med pa'i sems can 'dul ba la 'jug pa dang / mu med pa'i rdzu 'phrul gyis rnam par 'phrul pa la 'jug pa dang / mu med pa'i sku sna tshogs la 'jug pa dang / mu med pa'i ting nge 'dzin la 'jug pa dang / mu med pa'i stobs dang / mi 'jigs pa la 'jug pa dang / mu med pa'i mya ngan las 'das pa yongs su bstan pa'o/ /kye rgyal ba'i sras/ bcu po de dag ni/ byang chub sems dpa' rnams kyi de bzhin gshegs pa la 'jug pa ste/ 'jug pa de dag gis ni 'das pa dang / ma byon pa dang / da ltar byung ba'i de bzhin gshegs pa thams cad la </font><hr>Nga210b<br><font size=+1>


'jug par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sems can gyi bsam pa dang / spyod pa la 'jug pa ste/ sems can gyi spyod pa dang bsam pa la 'jug pa de dag gis ni/ byang chub sems dpa' rnams sems can thams cad kyi bsam pa dang / spyod pa la rab tu 'jug go /bcu gang zhe na/ 'di ltar sems can thams cad kyi sngon gyi mtha'i spyod pa la 'jug pa dang / sems can thams cad kyi phyi ma'i mtha'i spyod pa la 'jug pa dang / sems can thams cad kyi da ltar byung ba'i spyod pa la 'jug pa dang / sems can thams cad kyi dge ba'i spyod pa la 'jug pa dang / sems can thams cad kyi mi dge ba'i spyod pa la 'jug pa dang / sems can thams cad kyi sems kyi spyod pa la 'jug pa dang / sems can thams cad kyi dbang po'i spyod pa la 'jug pa dang / sems can thams cad kyi mos pa sna tshogs kyi spyod pa la 'jug pa dang / sems can thams cad kyi nyon mongs pa'i bag chags dang / bag la nyal ba'i spyod pa la 'jug pa dang / sems can thams cad kyi dus dang / dus ma yin par yongs su smin par bya ba dang / rnam par 'dul ba'i spyod pa la 'jug pa'o/ /kye rgyal ba'i sras/ bcu po de dag ni/ byang chub sems dpa' rnams kyi sems can gyi bsam pa dang / spyod pa la 'jug pa ste/ de dag gis byang chub sems dpa' rnams </font><hr>Nga211a<br><font size=+1>


@#/ /sems can gyi bsam pa dang / spyod pa la 'jug par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi 'jig rten gyi khams la 'jug pa ste/ bcu gang zhe na/ 'di ltar 'jig rten gyi khams rnams la kun nas nyon mongs par 'jug pa dang / 'jig rten gyi khams rnams la rnam par dag par 'jug pa dang / 'jig rten gyi khams rnams la chung ngur 'jug pa dang / 'jig rten gyi khams rnams la chen por 'jug pa dang / 'jig rten gyi khams rnams la rdul shin tu phra mor tshud par 'jug pa dang / 'jig rten gyi khams rnams la rab tu phra bar 'jug pa dang / 'jig rten gyi khams rnams la yangs par 'jug pa dang / 'jig rten gyi khams rnams la 'byung bar 'jug pa dang / 'jig rten gyi khams rnams la sangs rgyas dang bcas par 'jug pa dang / 'jig rten gyi khams rnams la sangs rgyas med par 'jug pa'o/ /kye rgyal ba'i sras/ bcu po de dag ni/ byang chub sems dpa' rnams kyi 'jig rten gyi khams la 'jug pa ste/ de dag gis ni byang chub sems dpa' rnams 'jig rten gyi khams thams cad la 'jug par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi bskal pa la 'jug pa ste/ de dag gis byang chub sems dpa' rnams </font><hr>Nga211b<br><font size=+1>


bskal pa thams cad la rab tu 'jug go /bcu gang zhe na/ 'di ltar 'das pa'i bskal pa la 'jug pa dang / ma 'ongs pa'i bskal pa la 'jug pa dang / da ltar byung ba'i bskal pa la 'jug pa dang / grangs yod pa'i bskal pa la 'jug pa dang / grangs med pa'i bskal pa la 'jug pa dang / grangs yod pa grangs med pa'i bskal pa la 'jug pa dang / grangs med pa grangs yod pa'i bskal pa la 'jug pa dang / bskal pa thams cad la bskal pa gcig tu 'jug pa dang / bskal pa ma yin pa la bskal par 'jug pa dang / bskal pa thams cad la skad cig gcig gis 'jug pa'o/ /kye rgyal ba'i sras/ bcu po de dag ni/ byang chub sems dpa' rnams kyi bskal pa la 'jug pa rnams te/ de dag gis byang chub sems dpa' rnams bskal pa la 'jug par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi dus gsum bstan pa ste/ de dag gis byang chub sems dpa' rnams dus gsum shin tu ston to/ /bcu gang zhe na/ 'di ltar 'das pa'i dus la 'das par bstan pa dang / 'das pa'i dus la ma 'ongs par bstan pa dang / 'das pa'i dus la da ltar byung bar bstan pa dang / ma 'ongs pa'i dus la 'das par bstan pa dang / ma 'ongs pa'i dus la da ltar byung bar bstan pa dang / ma 'ongs pa'i dus la </font><hr>Nga212a<br><font size=+1>


@#/ /mi zad par bstan pa dang / da ltar byung ba'i dus la 'das par bstan pa dang / da ltar byung ba'i dus la ma 'ongs par bstan pa dang / da ltar byung ba'i dus la mnyam pa nyid du bstan pa dang / da ltar byung ba'i dus la dus gsum skad cig tu bstan pa'o/ /kye rgyal ba'i sras/ bcu po de dag ni/ byang chub sems dpa' rnams kyi dus gsum bstan pa ste/ de dag gis byang chub sems dpa' rnams dus gsum ston par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi dus gsum la 'jug pa ste/ bcu gang zhe na/ 'di ltar brda la 'jug pa dang / tshig gi lam la 'jug pa dang / mngon par brjod pa la 'jug pa dang / gdags pa la 'jug pa dang / 'du shes la 'jug pa dang / legs par bsngags pa la 'jug pa dang / spyod pa la 'jug pa dang / mi zad pa la 'jug pa dang / zhi ba la 'jug pa dang / dben pa la 'jug pa'o/ /kye rgyal ba'i sras/ bcu po de dag ni/ byang chub sems dpa' rnams kyi dus gsum la 'jug pa ste/ de dag gis byang chub sems dpa' rnams dus gsum la 'jug par 'gyur ba dag go / kye rgyal ba'i sras/ bcu po 'di dag ni/ byang chub sems dpa' rnams kyi mi skyo zhing / yongs su sgyid lug pa med pa'i sems bskyed pa ste/ bcu gang zhe na/ 'di ltar sangs rgyas </font><hr>Nga212b<br><font size=+1>


thams cad mchod cing rim gro bya bas mi skyo zhing / yongs su sgyid lug pa med pa'i sems bskyed pa dang / dge ba'i bshes gnyen thams cad bsnyen bkur bas mi skyo zhing / yongs su sgyid lug pa med pa'i sems bskyed pa dang / chos thams cad btsal ba la mi skyo zhing / yongs su sgyid lug pa med pa'i sems bskyed pa dang / chos thams cad mnyan pa la mi skyo zhing / yongs su sgyid lug pa med pa'i sems bskyed pa dang / chos thams cad bstan pa la mi skyo zhing / yongs su sgyid lug pa med pa'i sems bskyed pa dang / sems can thams cad yongs su smin par bya ba dang / gdul bas mi skyo zhing / yongs su sgyid lug pa med pa'i sems bskyed pa dang / sems can thams cad sangs rgyas kyi byang chub la rab tu dgod par bya bas mi skyo zhing / yongs su sgyid lug pa med pa'i sems bskyed pa dang / bskal pa brjod du med pa'i yang brjod du med par 'jig rten gyi khams re rer byang chub sems dpa'i spyad pa spyod pas mi skyo zhing / yongs su sgyid lug pa med pa'i sems bskyed pa dang / 'jig rten gyi khams ma lus pa thams cad du rjes su spyod pas mi skyo zhing / yongs su sgyid lug pa med pas sems bskyed pa dang / sangs rgyas kyi chos thams cad rtogs par bya ba dang / yang dag par lta ba la mi skyo zhing / yongs su sgyid lug pa med pa'i sems bskyed pa'o/ /kye rgyal </font><hr>Nga213a<br><font size=+1>


@#/ /ba'i sras/ bcu po de dag ni/ byang chub sems dpa' rnams mi skyo zhing / yongs su sgyid lug pa med pa'i sems bskyed pa ste/ de dag la gnas shing byang chub sems dpa' rnams de bzhin gshegs pa'i ye shes chen po yongs su skyo ba med pa bla na med pa 'thob par 'gyur ba dag go /kye rgyal ba'i sras/ bcu po 'di dag ni| byang chub sems dpa' rnams kyi kun tu dbye ba'i ye shes te/ bcu gang zhe na/ 'di ltar sems can kun tu dbye ba'i ye shes dang / dbang po kun tu dbye ba'i ye shes dang / las dang rnam par smin pa kun tu dbye ba'i ye shes dang / skye ba kun tu dbye ba'i ye shes dang / 'jig rten gyi khams kun tu dbye ba'i ye shes dang / chos kyi dbyings kun tu dbye ba'i ye shes dang / sangs rgyas kun tu dbye ba'i ye shes dang / chos kun tu dbye ba'i ye shes dang / dus gsum kun tu dbye ba'i ye shes dang / tshig gi rgyud thams cad la ngag gi lam kun tu dbye ba'i ye shes so/ /kye rgyal ba'i sras/ bcu po de dag ni/ byang chub sems dpa' rnams kyi kun tu dbye ba'i ye shes te/ de dag la gnas shing byang chub sems dpa' rnams de bzhin gshegs pa'i ye shes chen po kun tu dbye ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi gzungs </font><hr>Nga213b<br><font size=+1>


te| bcu gang zhe na/ 'di ltar chos thams cad mi brjed par 'dzin pa'i phyir thos pa'i gzungs dang / chos thams cad ji lta ba bzhin du rab tu 'byed pa'i phyir chos khong du chud pa'i gzungs dang / chos kyi rang bzhin rjes su rtogs pa'i phyir chos thams cad nges par rtogs pa'i gzungs dang / sangs rgyas kyi chos bsam gyis mi khyab pa thob pa'i phyir chos snang ba rab tu 'thob pa'i gzungs dang / da ltar byung ba'i sangs rgyas bcom ldan 'das rnams las chos mngon du thos pa yongs su mi zad pa'i phyir ting nge 'dzin gyi gzungs dang / sgra skad dang / tha snyad bsam gyis mi khyab pa la 'jug pa'i phyir dbyangs kyi dkyil 'khor la 'jug pa'i gzungs dang / 'das pa dang / ma byon pa dang / da ltar byung ba'i sangs rgyas kyi chos bsam gyis mi khyab pa shin tu ston pa'i phyir dus gsum gyi gzungs dang / sangs rgyas kyi chos mtha' dang dbus med pa rnam pa tha dad pa thams cad shin tu ston pa'i phyir rnam pa sna tshogs su spobs pa'i gzungs dang / sangs rgyas byung ba brjod du med pa thams cad du rna ba'i dbang pos khyar \?\ par byed pa'i phyir thogs pa med pa'i rna ba mngon par bsgrub pa'i gzungs dang / de bzhin gshegs pa'i stobs bcu dang / mi bsnyengs pa la rab tu 'god pa'i phyir sangs rgyas kyi chos thams cad kyi gzungs so/ /kye rgyal ba'i sras/ bcu po de dag </font><hr>Nga214a<br><font size=+1>


@#/ /ni| byang chub sems dpa' rnams kyi gzungs te/ de dag thob par bya ba'i phyir/ byang chub sems dpa' rnams kyis brtson par bya ba dag go /kye rgyal ba'i sras/ bcu po 'di dag ni/ byang chub sems dpa' rnams kyis sangs rgyas bstan pa rjes su rtogs par bya ba ste/ bcu gang zhe na/ 'di ltar mngon par byang chub pa'i sangs rgyas dang / smon lam gyi sangs rgyas dang / las rnam par smin pa'i sangs rgyas dang / byin gyis brlabs kyi sangs rgyas dang / sprul pa'i sangs rgyas dang / chos kyi dbyings kyi sangs rgyas dang / sems kyi sangs rgyas dang / ting nge 'dzin gyi sangs rgyas dang / rang bzhin gyi sangs rgyas dang / bsam pa ji lta ba'i sangs rgyas so/ / kye rgyal ba'i sras/ bcu po de dag ni/ byang chub sems dpa' rnams kyi sangs rgyas bstan pa rjes su rtogs par bya ba rnams so/ /kye rgyal ba'i sras/ bcu po 'di dag ni/ byang chub sems dpa' rnams kyi kun tu bzang po'i sems bskyed pa ste/ bcu gang zhe na/ 'di ltar sems bskyed pa de ni 'gro ba thams cad yongs su skyob pa'i phyir byams pa chen po dang ldan pa'o/ /sems bskyed pa de ni 'gro ba thams cad kyi sdug bsngal gyi phung po rang gi lus kyis len pa'i phyir snying rje chen po dang ldan pa'o/ /sems bskyed pa de </font><hr>Nga214b<br><font size=+1>


ni ci bdog pa yongs su gtong ba'i phyir gtang ba thams cad yongs su gtong ba sngon du 'gro ba'o/ /sems bskyed pa de ni sangs rgyas kyi chos thams cad la mngon par mos pas thams cad mkhyen pa'i ye shes yid la byed pa sngon du 'gro ba'o/ /sems bskyed pa de ni byang chub sems dpa'i bslab pa thams cad la nan tan du byed pas yon tan gyis brgyan pa'o/ /sems bskyed pa de ni skye ba'i skye mched thams cad du nyams par mi 'gyur bas rdo rje lta bu'o/ /sems bskyed pa de ni chos dkar po thams cad la yang dag par gzhol bas rgya mtsho lta bu'o/ /sems bskyed pa de ni gzhan gyi ngan du brjod pa dang / ngan du smos pa'i ngag dang / tshig bzod pa'i phyir ri bo chen po'i dbang po dam pa lta bu'o/ /sems bskyed pa de ni sems can thams cad la dbugs phyin pa chen pos sdud pa'i phyir bde bar byed pa'o/ /sems bskyed pa de ni chos thams cad rab tu dbye ba la mkhas pas mi dmigs pa'i phyir shes rab kyi pha rol tu phyin pas rtogs par khong du chud pa'o/ /kye rgyal ba'i sras/ bcu po de dag ni/ byang chub sems dpa' rnams kyi kun tu bzang po'i sems bskyed pa ste/ de dag la gnas shing byang chub sems dpa' rnams myur du kun tu bzang po'i ye shes khong du chud pas mkhas pa 'thob par 'gyur ba dag </font><hr>Nga215a<br><font size=+1>


@#/ /go |kye rgyal ba'i sras/ bcu po 'di dag ni/ byang chub sems dpa' rnams kyi kun tu bzang po'i spyod pa'i chos te/ bcu gang zhe na/ 'di ltar ma 'ongs pa'i bskal pa thams cad du gnas pa'i smon lam ni kun tu bzang po'i spyod pa'i chos so/ /ma byon pa'i de bzhin gshegs pa thams cad mchod cing rim gror bya ba'i smon lam ni kun tu bzang po'i spyod pa'i chos so/ /sems can thams cad byang chub sems dpa' kun tu bzang po'i spyod pa la dgod pa ni kun tu bzang po'i spyod pa'i chos so/ /dge ba'i rtsa ba thams cad yang dag par bsags pa'i smon lam ni kun tu bzang po'i spyod pa'i chos so/ /pha rol tu phyin pa thams cad la 'jug pa'i smon lam ni kun tu bzang po'i spyod pa'i chos so/ /byang chub sems dpa' thams cad kyi spyod pa yongs su rdzogs par bya ba'i smon lam ni kun tu bzang po'i spyod pa'i chos so/ /'jig rten gyi khams thams cad brgyan pa'i smon lam ni kun tu bzang pa'i spyod pa'i chos so/ /sangs rgyas kyi zhing thams cad du skye ba gzung ba'i smon lam ni kun tu bzang po'i spyod pa'i chos so/ /chos thams cad yongs su btsal zhing rab tu dbye ba la mkhas par bya ba'i smon lam ni kun tu bzang po'i spyod pa'i chos so/ /sangs rgyas kyi zhing thams cad du bla na med pa yang dag par rdzogs pa'i byang chub tu mngon par 'tshang rgya ba'i </font><hr>Nga215b<br><font size=+1>


smon lam ni kun tu bzang po'i spyod pa'i chos so/ /kye rgyal ba'i sras/ bcu po de dag ni/ byang chub sems dpa' rnams kyi kun tu bzang po'i spyod pa'i chos te/ de dag gis smon cing mngon par brtson par byas na/ byang chub sems dpa' rnams myur du kun tu bzang po'i smon lam dang / spyod pa yongs su rdzogs par 'thob par 'gyur ba dag go/ //bam po bdun cu drug pa/ kye rgyal ba'i sras/ bcu po 'di dag ni/ byang chub sems dpa' rnams kyi snying rje chen po rab tu thob pa ste/ de dag gis byang chub sems dpa' rnams rtag tu rgyun mi 'chad par sems can gyi khams la rnam par blta'o/ /bcu gang zhe na/ 'di ltar sems can gyi khams mgon med pa rnams la rnam par lta ba'i snying rje chen po rab tu thob pa dang / sems can gyi khams theg pa med pa la rnam par lta ba'i snying rje chen po rab tu thob pa dang / dge ba'i rtsa bas dbul ba'i sems can gyi khams la rnam par lta ba'i snying rje chen po rab tu thob pa dang / yun ring po nas gnyid kyi brgyal ba'i sems kyi khams la rnam par lta ba'i snying rje chen po rab tu thob pa dang / dge ba med pa'i sems can gyi khams la rnam par lta ba'i snying rje chen po rab tu thob pa dang / 'dod chags kyi bcing bas glags pa'i sems can gyi khams la rnam par lta ba'i snying rje chen po rab tu thob pa dang / srid pa'i grangs chen mtshor </font><hr>Nga216a<br><font size=+1>


@#/ /rab tu gzhol bar gyur pa'i sems can gyi khams la rnam par lta ba'i snying rje chen po rab tu thob pa dang / yun ring po nas na ba'i sems can gyi khams la rnam par lta ba'i snying rje chen po rab tu thob pa dang / dge ba'i chos la mos pa med pa'i sems can gyi khams la rnam par lta ba'i snying rje chen po rab tu thob pa dang / sangs rgyas kyi chos las shin tu 'khyams par gyur pa'i sems can gyi khams la rnam par lta ba'i snying rje chen po rab tu thob pa'o/ /kye rgyal ba'i sras/ bcu po de dag ni/ byang chub sems dpa' rnams kyi snying rje chen po rab tu thob pa ste/ de dag gis byang chub sems dpa' rnams rtag tu rgyun mi 'chad par sems can gyi khams la rnam par lta ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rkyen gang gis byang chub tu sems skye bar 'gyur ba'i byang chub kyi sems kyi rkyen rnams te/ bcu gang zhe na/ 'di ltar sems can gyi khams yongs su smin par bya ba dang / rnam par gdul bar bya ba'i rkyen ni byang chub kyi sems kyi rkyen to/ /sems can thams cad kyi sdug bsngal gyi phung po rnam par bzlog pa'i rkyen ni byang chub kyi sems kyi rkyen to/ /sems can thams cad la bde ba'i yo byad kyis sdud pa'i rkyen ni byang chub kyi sems kyi rkyen to/ /sems can thams cad kyi </font><hr>Nga216b<br><font size=+1>


mi shes pa bsal ba'i rkyen ni byang chub kyi sems kyi rkyen to/ /sems can thams cad la sangs rgyas kyi ye shes nye bar bsgrub pa'i rkyen ni byang chub kyi sems kyi rkyen te/ /sangs rgyas thams cad mchod cing rim gro bya ba'i rkyen ni byang chub kyi sems kyi rkyen to/ /de bzhin gshegs pa thams cad mnyes par bya ba'i rkyen ni byang chub kyi sems kyi rkyen to/ /sangs rgyas thams cad kyi sku gzugs dang / mtshan dang / dpe byad bzang po yongs su bstan pa'i rkyen ni byang chub kyi sems kyi rkyen to/ /sangs rgyas thams cad kyi ye shes la 'jug cing khong du chud par bya ba'i rkyen ni byang chub kyi sems kyi rkyen to/ /sangs rgyas kyi stobs dang / mi bsnyengs pa thams cad yongs su bstan pa'i rkyen ni byang chub kyi sems kyi rkyen to| |kye rgyal ba'i sras/ bcu po de dag ni/ byang chub sems dpa' rnams kyi byang chub kyi sems kyi rkyen to/ rkyen de dag gis byang chub kyi sems yang dag par skye bar 'gyur ba dag go /kye rgyal ba'i sras/ byang chub sems dpa' gang gis bla na med pa yang dag par rdzogs pa'i byang chub tu sems bskyed pa des kyang thams cad mkhyen pa'i ye shes mngon par 'tshang rgya bar bya ba'i phyir dge ba'i bshes gnyen rnams la rim gro dang / bkur sti dang / bsnyen bkur bya'o/ /de dge ba'i bshes gnyen rnams la rim gro dang / </font><hr>Nga217a<br><font size=+1>


@#/ /bkur sti dang / bsnyen bkur byed pa'i tshe/ dge ba'i bshes gnyen rnams la sems bskyed pa bcu po 'di dag bskyed par bya ste/ bcu gang zhe na/ 'di ltar rim gro bya ba'i sems dang / dga' bar bya ba'i sems dang / ji skad bsgo ba bzhin du nan tan du bya ba'i sems dang / yid mi 'byung ba'i sems dang / ji snyam yang mi byed pa'i sems dang / gcig tu nges pa'i sems dang / dge ba'i rtsa ba thams cad la rgyud kyi tshul gcig tu gyur pa'i sems dang / smon lam gcig pa'i sems dang / ston pa'i sems dang / spyod pa mtshungs par yongs su rdzogs par bya ba'i sems te/ kye rgyal ba'i sras/ bcu po de dag ni/ dge ba'i bshes gnyen rnams la sems bskyed pa rnams so/ /de sems bskyed pa bcu po 'di dag bskyed pa'i tshe/ yongs su dag pa bcu rab tu 'thob par 'gyur te/ bcu gang zhe na/ 'di ltar chud mi za ba'i phyir lhag pa'i bsam pa yongs su dag pa dang / sems can ji lta bur 'dul ba bzhin du bstan pa'i phyir gzugs yongs su dag pa dang / sgra skad dang / tha snyad bsam gyis mi khyab pa la 'jug par bya ba'i phyir dbyangs kyi dkyil 'khor yongs su dag pa dang / sangs rgyas kyi chos bsam gyis mi khyab pa bstan pa la mkhas par bya ba'i phyir spobs pa yongs su dag pa dang / mi shes pa thams cad dang </font><hr>Nga217b<br><font size=+1>


bral bar bya ba'i phyir ye shes yongs su dag pa dang / byang chub sems dpa' thams cad kyi dbang rab tu thob par bya ba'i phyir skye ba yongs su dag pa dang / sngon bskal ba mnyam par spyad pa'i sems can rnams kyi dge ba'i rtsa ba yongs su smin par bya ba'i phyir 'khor yongs su dag pa dang / sgrib pa'i las thams cad spangs pas rnam par bzlog pa'i phyir rnam par smin pa yongs su dag pa dang / byang chub sems dpa' thams cad dang tshul gcig tu bya ba'i phyir smon lam yongs su dag pa dang / kun tu bzang po'i theg pas 'byung ba'i phyir spyod pa yongs su dag pa ste/ yongs su dag pa bcu po 'di dag 'thob par 'gyur ro/ /kye rgyal ba'i sras/ bcu po 'di dag ni/ byang chub sems dpa' rnams kyi pha rol tu phyin pa ste/ bcu gang zhe na| 'di ltar bdog pa thams cad yongs su gtong ba'i phyir sbyin pa'i pha rol tu phyin pa dang / sangs rgyas kyi tshul khrims yongs su sbyang ba'i phyir tshul khrims kyi pha rol tu phyin pa dang / bzod pa'i stobs kyi bsam pa mi 'khrugs pas sangs rgyas kyi stobs la sbyar ba'i phyir bzod pa'i pha rol tu phyin pa dang / mos pa thams cad las phyir mi ldog par bya ba'i phyir brtson 'grus kyi pha rol tu phyin pa dang / dran pa rtse gcig tu bya ba'i phyir bsam gtan gyi pha rol tu phyin pa dang / chos thams cad yang dag par ji lta ba bzhin du rab tu rtogs par bya </font><hr>Nga218a<br><font size=+1>


@#/ /ba'i phyir shes rab kyi pha rol tu phyin pa dang / sangs rgyas kyi stobs la 'jug pa'i phyir ye shes kyi pha rol tu phyin pa dang / kun tu bzang po'i smon lam yongs su rdzogs par bya ba'i phyir smon lam gyi pha rol tu phyin pa dang / rdzu 'phrul dang / rnam par 'phrul ba yongs su bstan pa'i phyir rdzu 'phrul gyi pha rol tu phyin pa dang / chos thams cad la yang dag par gzhol bar bya ba'i phyir chos kyi pha rol tu phyin pa'o/ /kye rgyal ba'i sras/ bcu po de dag ni/ byang chub sems dpa' rnams kyi pha rol tu phyin pa ste/ de dag la gnas shing byang chub sems dpa' rnams de bzhin gshegs pa'i ye shes chen po'i pha rol tu phyin pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi shes pa khong du chud par bya ba ste/ bcu gang zhe na/ 'di ltar 'jig rten gyi khams thams cad la rnam pa tha dad pa shes pa khong du chud par bya ba dang / sems can gyi khams thams cad kyi ris bsam gyis mi khyab pa la 'jug pa'i shes pa khong du chud par bya ba dang / chos thams cad la gcig pa dang / tha dad par yang dag par gzhol bar bya ba'i shes pa khong du chud par bya ba dang / chos kyi dbyings 'byams klas pa thams cad shin tu bstan pa'i shes pa khong du chud par bya ba dang / nam mkha'i dbyings ma </font><hr>Nga218b<br><font size=+1>


lus pa thams cad kyis klas pa'i shes pa khong du chud par bya ba dang / 'jig rten gyi khams thams cad la ma 'ongs pa'i dus kyi 'jug pa khong du chud par bya ba dang / 'jig rten gyi khams thams cad la 'das pa'i dus kyi 'jug pa'i shes pa khong du chud par bya ba dang / 'jig rten gyi khams thams cad la da ltar byung ba'i dus kyi 'jug pa'i shes pa khong du chud par bya ba dang / de bzhin gshegs pa thams cad kyi spyod pa dang / smon lam rnam pa tha dad pa thams cad yongs su rdzogs par bya bas gcig tu rtogs par 'gyur ba'i shes pa khong du chud par bya ba dang / 'das pa dang / ma byon pa dang / da ltar byung ba'i sangs rgyas thams cad spyod pa gcig gis byung ba'i shes pa khong du chud par bya ba'o/ /kye rgyal ba'i sras/ bcu po de dag ni/ byang chub sems dpa' rnams kyi shes pa khong du chud par bya ba ste/ de dag la gnas shing byang chub sems dpa' rnams chos snang ba thams cad la dbang bsgyur ba 'thob pa dang / bsam pa ji lta ba bzhin du smon lam yongs su rdzogs pa 'thob pa dang / sangs rgyas kyi chos thams cad mtshan nyid gcig tu mos pas sangs rgyas kyi chos thams cad mngon par rdzogs par 'tshang rgya bar 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rab tu rtogs pa ste/ bcu gang zhe na/ 'di ltar chos </font><hr>Nga219a<br><font size=+1>


@#/ /thams cad la tshul gcig tu rtogs pa dang / chos thams cad la tshul tha dad par rtogs pa dang / chos thams cad la mtshan nyid gcig tu rtogs pa dang / sems can gyi sems dang / bsam pa thams cad la chags pa med pa'i ye shes su rtogs pa dang / sems can thams cad kyi dbang po mnyam pa nyid du rtogs pa dang / sems can thams cad kyi nyon mongs pa dang / bag chags kyi spyod pa rtogs pa dang / sems can thams cad kyi bsam pa dang / bag la nyal ba'i spyod pa rtogs pa dang / sems can thams cad kyi dge ba dang / mi dge ba'i spyod pa thams cad rtogs pa dang / byang chub sems dpa'i spyod pa dang / smon lam dang / rnam par rtse ba dang / 'phrul ba dang / byin gyi rlabs thams cad rtogs pa dang / de bzhin gshegs pa'i stobs bcu ma lus par mngon par sangs rgyas pa'i byin gyi rlabs rtogs pa'o/ /kye rgyal ba'i sras/ bcu po de dag ni/ byang chub sems dpa' rnams kyi rtogs pa ste/ de dag la gnas shing byang chub sems dpa' rnams chos thams cad kyi tshul la mkhas pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi stobs kyi shugs te/ bcu gang zhe na/ 'di ltar chos thams cad kyi rang bzhin la 'jug pa'i stobs kyi shugs </font><hr>Nga219b<br><font size=+1>


dang / chos thams cad sprul pa lta bu'i stobs kyi shugs dang / chos thams cad sgyu ma lta bu'i stobs kyi shugs dang / chos thams cad la sangs rgyas kyi chos su 'jug pa'i stobs kyi shugs dang / chos thams cad la mngon par chags pa med pa'i stobs kyi shugs dang / sangs rgyas kyi chos thams cad la shin tu mos pa'i stobs kyi shugs dang / dge ba'i bshes gnyen thams cad la shin tu gus pa'i bsam pa mi gtong ba'i stobs kyi shugs dang / dge ba'i rtsa ba thams cad kyis ye shes kyi rgyal po chen po mnyes par byed pa'i stobs kyi shugs dang / sangs rgyas kyi chos thams cad la zab par yid ches pas mi spangs pa'i stobs kyi shugs dang / thams cad mkhyen pa nyid kyi sems las mi ldog par mkhas pa'i stobs kyi shugs so/ /kye rgyal ba'i sras/ bcu po de dag ni/ byang chub sems dpa' rnams kyi stobs kyi shugs te/ de dag la gnas shing byang chub sems dpa' rnams de bzhin gshegs pa'i stobs bcu bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi mnyam pa nyid de/ bcu gang zhe na/ 'di ltar sems can thams cad la mnyam pa nyid dang / chos thams cad la mnyam pa nyid dang / sangs rgyas kyi zhing thams cad la mnyam pa nyid dang / lhag pa'i bsam pa thams cad la mnyam pa </font><hr>Nga220a<br><font size=+1>


@#/ /nyid dang / dge ba'i rtsa ba thams cad la mnyam pa nyid dang / byang chub sems dpa' thams cad la mnyam pa nyid dang / smon lam thams cad la mnyam pa nyid dang / pha rol tu phyin pa thams cad la mnyam pa nyid dang / spyod pa thams cad la mnyam pa nyid dang / sangs rgyas thams cad la mnyam pa nyid do/ /kye rgyal ba'i sras/ bcu po de dag ni/ byang chub sems dpa' rnams kyi mnyam pa nyid de/ de dag la gnas shing byang chub sems dpa' rnams kyi sangs rgyas kyi chos thams cad mnyam pa nyid bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sangs rgyas kyi chos kyi tshul gyi lam rnams te/ bcu gang zhe na/ 'di ltar chos thams cad ni ming tsam mo/ /chos thams cad ni sgyu ma lta bu'o/ /chos thams cad ni mig yor lta bu'o/ /chos thams cad ni brten pa tsam mo/ /chos thams cad ni las dang bral ba'o/ /chos thams cad ni mi zad pa'i sbyor ba'o/ /chos thams cad ni yang dag pa'i mtha'o/ /chos thams cad ni mtshan ma med pa'o/ /chos thams cad ni don dam pa'o// chos thams cad ni chos kyi dbyings so/ /kye rgyal ba'i sras/ bcu po 'di dag ni byang chub sems dpa' rnams kyi sangs rgyas kyi chos kyi tshul gyi lam ste/ de dag la gnas shing </font><hr>Nga220b<br><font size=+1>


byang chub sems dpa' rnams thams cad mkhyen pa'i ye shes kyi tshul la mkhas pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi chos bstan pa ste/ bcu gang zhe na/ 'di ltar zab mo'i chos bstan pa dang / yangs pa'i chos bstan pa dang / sna tshogs kyi chos bstan pa dang / thams cad mkhyen pa nyid brjod pa mang po'i chos bstan pa dang / pha rol tu phyin pa dang ldan pa'i chos bstan pa dang / de bzhin gshegs pa'i stobs mngon par bsgrub pa'i chos bstan pa dang / dus gsum dang ldan pa'i chos bstan pa dang / phyir mi ldog pa'i byang chub sems dpas bya ba'i chos bstan pa dang / sangs rgyas kyi yon tan dang legs par rab tu brjod pa'i chos bstan pa dang / byang chub sems dpa'i bslab pa thams cad dang / sangs rgyas thams cad kyi mnyam pa nyid dang / de bzhin gshegs pa thams cad la dmigs pa dang ldan pa'i chos bstan pa'o/ /kye rgyal ba'i sras/ bcu po de dag ni/ byang chub sems dpa' rnams kyi chos bstan pa ste/ de dag la gnas shing byang chub sems dpa' rnams de bzhin gshegs pa rnams kyi chos bstan pa chen po bla na med pa ston par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi yongs su gzung ba ste/ bcu gang zhe na/ </font><hr>Nga221a<br><font size=+1>


@#/ /'di ltar dge ba'i rtsa ba dang / bsod nams kyi tshogs rnams yongs su gzung ba dang / de bzhin gshegs pa thams cad kyis gzungs pa'i chos bstan pa rnams yongs su gzung ba dang / dpe dang mthun par bstun pa thams cad yongs su gzung ba dang / chos kyi tshul dang sgo thams cad yongs su gzung ba dang / gzungs thams cad mngon par bsgrub pa'i sgo rnams yongs su gzung ba dang / the tshom thams cad yongs su gcod pa rnams yongs su gzung ba dang / byang chub sems dpa'i bsgrub pa thams cad yongs su gzung ba dang / de bzhin gshegs pa thams cad mnyam pa nyid kyi ting nge 'dzin shin tu bstan pa'i sgo rnams yongs su gzung ba dang / chos snang ba'i sgo thams cad yongs su gzung ba dang / sangs rgyas thams cad kyi rnam par sprul pa dang / rnam par rol pa dang / byin gyi rlabs rnams yongs su gzung ba'o/ /kye rgyal ba'i sras/ bcu po de dag ni/ byang chub sems dpa' rnams kyi yongs su gzung ba ste/ de dag la gnas shing byang chub sems dpa' rnams de bzhin gshegs pa'i ye shes chen po yongs su gzung ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi spobs pa ste/ bcu gang zhe na/ 'di ltar chos thams cad la rnam par ma brtags </font><hr>Nga221b<br><font size=+1>


pa'i spobs pa dang / chos thams cad la mngon par 'du byed pa med pa'i spobs pa dang / chos thams cad la mi gnas pa'i spobs pa dang / chos thams cad la stong pa nyid du snang ba'i spobs pa dang / chos thams cad la mun pa med pa'i spobs pa dang / chos thams cad la sangs rgyas kyi byin gyi rlabs kyi spobs pa dang / chos thams cad la gzhan gyi dring mi 'jog pa'i spobs pa dang / chos thams cad la tshig gi bye brag mkhas pa'i spobs pa dang / chos thams cad la de kho na nyid bstan pa'i spobs pa dang / sems can gyi sems dang spyod pa thams cad la bsam pa ji lta ba bzhin du tshim par byed pa'i spobs pa'o/ /kye rgyal ba'i sras/ bcu po de dag ni/ byang chub sems dpa' rnams kyi spobs pa ste/ de dag la gnas shing byang chub sems dpa' rnams sangs rgyas thams cad kyi spobs pa la mkhas pa bla na med pa 'thob par 'gyur ba dag go /kye rgyal ba'i sras/ bcu po 'di dag ni /byang chub sems dpa' rnams kyi dbang ste/ bcu gang zhe na/ 'di ltar sems can thams cad yongs su smin par byed cing / 'dul ba'i ye shes kyi dbang dang / chos thams cad snang ba rab tu thob pa'i dbang dang / dge ba'i rtsa ba thams cad la spyod pa'i dbang dang / ye shes chen po'i dbang dang / mi gnas pa'i tshul khrims kyi dbang dang / dge ba'i rtsa ba thams cad byang </font><hr>Nga222a<br><font size=+1>


@#/ /chub tu yongs su bsngo ba'i dbang dang / brtson 'grus brtsams pa thams cad las phyir mi ldog pa'i ye shes kyi dbang dang / bdud thams cad shin tu pham par bya ba'i ye shes kyi dbang dang / gang du dga' bar 'gro ba'i byang chub kyi sems bskyed pa'i ye shes kyi dbang dang / sangs rgyas thams cad kyi byang chub nam 'dod pa na mngon par rdzogs par 'tshang rgya ba'i ye shes kyi dbang ngo / /kye rgyal ba'i sras/ bcu po de dag ni/ byang chub sems dpa' rnams kyi dbang ste/ de dag la gnas shing byang chub sems dpa' rnams de bzhin gshegs pa'i ye shes chen po'i dbang bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi mi gnas pa ste/ bcu gang zhe na/ 'di ltar 'jig rten gyi khams thams cad la mi gnas pa dang / sems can thams cad la mi gnas pa dang / chos thams cad la mi gnas pa dang / bya ba thams cad la mi gnas pa dang / dge ba'i rtsa ba thams cad la mi gnas pa dang / skye ba'i skye mched thams cad la mi gnas pa dang / smon lam thams cad la mi gnas pa dang / spyod pa thams cad la mi gnas pa dang / byang chub sems dpa' thams cad la mi gnas pa dang / sangs rgyas thams cad la mi gnas </font><hr>Nga222b<br><font size=+1>


pa'o/ /kye rgyal ba'i sras/ bcu po de dag ni/ byang chub sems dpa' rnams kyi mi gnas pa ste/ de dag la gnas shing byang chub sems dpa' rnams sems yangs par bsgyur ba yongs su shes pa'i ye shes yongs su dag cing bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sems mnyam pa nyid de/ bcu gang zhe na/ 'di ltar bsod nams thams cad bsags pa la sems mnyam pa nyid dang / smon lam rnam pa tha dad pas 'byung ba thams cad la sems mnyam pa nyid dang / sems can gyi ris thams cad la sems mnyam pa nyid dang / sems can gyi las rnam par smin pa la 'jug pa thams cad la sems mnyam pa nyid dang / chos la 'jug pa thams cad la sems mnyam pa nyid dang / zhing kun nas nyon mongs pa dang / rnam par dag pa thams cad la sems mnyam pa nyid dang / sems can gyi mos pa la 'jug pa thams cad la sems mnyam pa nyid dang / spyod pa'i rnam par rtogs pa thams cad la sems mnyam pa nyid dang / sangs rgyas kyi stobs dang / mi bsnyengs pa la 'jug pa thams cad la sems mnyam pa nyid dang / de bzhin gshegs pa thams cad kyi ye shes la 'jug pa khong du chud par bya ba la sems mnyam pa nyid do/ /kye rgyal ba'i </font><hr>Nga223a<br><font size=+1>


@#/ /sras/ bcu po de dag ni/ byang chub sems dpa' rnams kyi sems mnyam pa nyid de/ de dag la gnas shing byang chub sems dpa' rnams de bzhin gshegs pa'i thugs mnyam pa nyid rgya che zhing bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi ye shes mngon par bsgrub pa ste/ bcu gang zhe na/ 'di ltar sems can gyi khams thams cad kyi mos pa khong du chud par bya ba la zhugs pa'i ye shes mngon par bsgrub pa dang / sangs rgyas kyi zhing sna tshogs khong du chud par bya ba la zhugs pa'i ye shes mngon par bsgrub pa dang / phyogs kyi dra ba rnam par dbye ba thams cad khong du chud par bya ba la zhugs pa'i ye shes mngon par bsgrub pa dang / 'jig rten gyi khams spyi'u tshugs su rgyu ba dang / snrel zhing rgyu ba thams cad khong du chud par bya ba la zhugs pa'i ye shes mngon par bsgrub pa dang / chos thams cad gcig pa dang / tha dad pa'i 'byams klas par rnam par dgod pa la mkhas pa khong du chud par bya ba la zhugs pa'i ye shes mngon par bsgrub pa dang / lus kyi rgyud thams cad khong du chud par bya ba la 'jug par zhugs pa'i ye shes mngon par bsgrub pa dang / 'du shes kyis phyin ci log tu gyur pa'i 'jig rten gyi </font><hr>Nga223b<br><font size=+1>


rnam pa'i 'du shes dang / rlom sems khong du chud par bya ba la zhugs pa'i ye shes mngon par bsgrub pa dang / chos kyi rgyud thams cad la 'byung ba gcig gis mthar thug par 'jug pa khong du chud par bya ba la zhugs pa'i ye shes mngon par bsgrub pa dang / chos kyi dbyings thams cad kyi de bzhin gshegs pa'i rnam par 'phrul ba dang / byin gyi rlabs khong du chud par bya ba la zhugs pa'i ye shes mngon par bsgrub pa dang / 'gro ba thams cad kyi dus gsum du 'dus pa'i sangs rgyas kyi rigs thams cad rgyun mi gcod pa khong du chud par bya ba la zhugs pa'i ye shes mngon par bsgrub pa'o/ /kye rgyal ba'i sras/ bcu po de dag ni/ byang chub sems dpa' rnams kyi ye shes mngon par bsgrub pa ste| de dag la gnas shing byang chub sems dpa' rnams chos gang la yang mgo rmongs par mi 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sprul pa ste/ bcu gang zhe na/ 'di ltar sems can sprul pa dang / lus sprul pa dang / zhing sprul pa dang / mchod pa sprul pa dang / dbyangs sprul pa dang / spyod pa dang smon lam sprul pa dang / sems can yongs su smin par bya ba dang / gdul ba sprul pa dang / mngon par rdzogs par byang chub pa sprul pa dang / chos bstan pa sprul pa dang / byin gyi rlabs </font><hr>Nga224a<br><font size=+1>


@#/ /sprul pa'o/ /kye rgyal ba'i sras/ bcu po de dag ni/ byang chub sems dpa' rnams kyi sprul pa ste/ de dag la gnas shing byang chub sems dpa' rnams chos thams cad sprul pa yongs su rdzogs pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi byin gyi rlabs te/ bcu gang zhe na/ 'di ltar sangs rgyas kyi byin gyi rlabs dang / chos kyi byin gyi rlabs dang / sems can gyi byin gyi rlabs dang / las kyi byin gyi rlabs dang / spyod pa'i byin gyi rlabs dang / smon lam gyi byin gyi rlabs dang / spyod yul gyi byin gyi rlabs dang / dus kyi byin gyi rlabs dang / dge ba'i byin gyi rlabs dang / ye shes kyi byin gyi rlabs so/ /kye rgyal ba'i sras/ bcu po de dag ni/ byang chub sems dpa' rnams kyi byin gyi rlabs te/ de dag la gnas shing byang chub sems dpa' rnams chos thams cad la dbang bsgyur ba'i byin gyi rlabs bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi shin tu dbugs phyin par rab tu rnyed pa bcu ste/ bcu gang zhe na/ kye rgyal ba'i sras/ 'di la byang chub sems dpa' 'di ltar sems bskyed de/ ma 'ongs pa'i dus na de bzhin gshegs pa gang ji snyed cig 'byung bar </font><hr>Nga224b<br><font size=+1>


'gyur ba de dag thams cad mnyes par bya'o zhes dbugs phyin pa chen po rab tu 'thob bo/ /de bzhin gshegs pa dgra bcom pa yang dag par rdzogs pa'i sangs rgyas de dag la yang sangs rgyas kyi tshul dang 'dra ba'i rim gro bla na med pa bya'o/ /mchod pa dang bsnyen bkur bla na med pa bya'o zhes dbugs phyin pa chen po rab tu 'thob bo/ /bdag gis de bzhin gshegs pa dgra bcom pa yang dag par rdzogs pa'i sangs rgyas de dag la mchod nas kyang gdams ngag gang gis byang chub sems dpa' rnams byang chub sems dpa'i sar byung bar gyur pa dang / 'byung ba dang / 'byung bar 'gyur ba de lta bu'i gdams ngag dang / man ngag bstan pa mdzad kyi/ gdams ngag dang man ngag de yang bdag gis bsam pa thag pas rim gror byas te/ mnyan la yang dag par nan tan du bya'o zhes dbugs phyin pa chen po rab tu 'thob bo/ /kye rgyal ba'i sras/ gzhan yang byang chub sems dpa' 'di snyam du sems te/ bdag bskal pa brjod du med par byang chub sems dpa'i spyad pa spyod pa'i tshe/ sangs rgyas bcom ldan 'das dang / byang chub sems dpa' rnams dang mi 'bral bar 'gyur ro zhes dbugs phyin pa chen po rab tu 'thob bo/ /kye rgyal ba'i sras/ gzhan yang byang chub sems dpa' 'di snyam du sems te/ sngon bdag bla na med pa yang dag par rdzogs </font><hr>Nga225a<br><font size=+1>


@#/ /pa'i byang chub tu ma zhugs pa'i tshe/ 'di lta ste/ 'tsho ba med pa'i 'jigs pa'am/ grags pa med pa'i 'jigs pa'am/ 'chi ba'i 'jigs pa'am/ ngan song gi 'jigs pa'am/ 'khor du bag tsha ba'i 'jigs pa yang rung ste/ ji snyed kyi 'jigs par gyur pa de dag thams cad ni rnam par bzlog par gyur/ ring du byas par gyur/ rnam par bcil bar gyur te/ byang chub kyi sems bskyed ma thag tu cis kyang mi 'jigs par gyur to/ /mi dngang bar gyur to/ /skyi g.ya' ba med par gyur to/ /cis kyang 'jigs par mi 'gyur ro/ /dngang bar mi 'gyur ro/ /skyi g.ya' bar mi 'gyur ro/ /de bas na brtan zhing rnam par gnon la zil gyis mi non pas bdud dang / mu stegs can dang / phas kyi rgol ba thams cad kyis mi thub par gyur to zhes dbugs phyin pa chen po rab tu 'thob bo/ /kye rgyal ba'i sras/ gzhan yang byang chub sems dpa' 'di snyam du sems bskyed de/ bdag byang chub sems dpa'i spyad pa spyod pa'i tshe/ sems can gyi khams thams cad bla na med pa yang dag par rdzogs pa'i byang chub tu yongs su smin par bya'o/ /rab tu dgod par bya'o/ /de dag byang chub thob par gyur nas kyang / de bzhin gshegs pa dgra bcom pa yang dag par rdzogs pa'i sangs rgyas de dag la dad pa chen po dang </font><hr>Nga225b<br><font size=+1>


ldan pa'i sems bskyed pas/ tshe'i tshad kyi mthar thug gi bar du sangs rgyas la 'os pa'i rim gros mchod pa dang / bkur sti bya'o/ /de bzhin gshegs pa de dag yongs su mya ngan las 'das nas kyang / sku gzugs la mchod pa'i las kyi phyir mchod rten tshad med pa mang po bya'o/ /de dag gi bstan pa yang yongs su bsrung bar bya'o/ /de dag gi dam pa'i chos kyang yongs su bzung ba bla na med pas yongs su gzung bar bya'o zhes dbugs phyin pa chen po rab tu 'thob bo/ /kye rgyal ba'i sras/ gzhan yang byang chub sems dpa' 'di ltar sems bskyed de/ 'jig rten gyi khams thams cad bla na med pa'i mdzes pas brgyan par bya/ spud par bya/ klubs par bya/ yongs su sbyang bar bya/ mnyam par bya/ bsgyur bar bya/ byin gyis brlab par bya/ bskyod par bya/ snang bar bya/ rdzu 'phrul dang / rnam par 'phrul bas dgang bar bya'o zhes dbugs phyin pa chen po rab tu 'thob bo/ /kye rgyal ba'i sras/ gzhan yang byang chub sems dpa' 'di ltar sems bskyed de/ sems can thams cad kyi the tshom gcad par bya'o/ /nem nur gcad par bya'o/ /bsam pa yongs su sbyang bar bya'o/ /sems khong du chud par bya'o/ /nyon mongs pa rnam par bzlog par bya'o/ /ngan song gi sgo gcad par bya'o/ /bde pa'i las kyi sgo dbye bar bya'o/ /mun pa rnam par bsal bar bya'o/ /'od kyis snang bar </font><hr>Nga226a<br><font size=+1>


@#/ /bya'o/ /bdud thams cad dang / bdud kyi las rnams rab tu gdul bar bya'o/ /bla na med pa'i bde ba chen po 'thob pa 'gro ba thams cad du yang dag par bstan par bya'o/ /rab tu bskyed par bya'o zhes dbugs phyin pa chen po rab tu 'thob bo/ /kye rgyal ba'i sras/ gzhan yang byang chub sems dpa' 'di ltar sems bskyed de/ bdag gis sangs rgyas mthong ba ni don yod pa ste/ ji tsam na de bzhin gshegs pa dgra bcom pa yang dag par rdzogs pa'i sangs rgyas lta bar 'dod pa de tsam na mthong bar 'gyur gyi/ bdag gis sangs rgyas mthong ba ni rgyun chad par mi 'gyur ro/ /de bzhin gshegs pa mngon du 'gyur ba ni rgyun chad par mi 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas/ u dum wa ra'i me tog lta bur bskal pa thams cad du skye zhing mthong bar dka' ba rnams las chos mnyan pa yang rgyun mi 'chad par 'gyur te/ de ltar bdag gi bsam pa yongs su dag pas/ sems bskyed pa g.yo thams cad yongs su spangs pa drang ba'i ngang tshul dang ldan pa sgyu'i rnam pa med pas/ sems kyi skad cig re re la sangs rgyas mthong ba'i byin gyi rlabs dang ldan par 'gyur ro zhes dbugs phyin pa chen po rab tu 'thob bo/ /kye rgyal ba'i sras/ gzhan </font><hr>Nga226b<br><font size=+1>


yang byang chub sems dpa' 'di ltar sems bskyed de/ gang gi tshe bdag bla na med pa yang dag par rdzogs pa'i byang chub tu 'tshang rgya ba de'i tshe/ 'jig rten gyi khams thams cad sangs rgyas kyi zhing rnam par 'phrul pas rgyas par dgang ngo / /bla na med pa yang dag par rdzogs pa'i byang chub tu mngon par sangs rgyas nas kyang / 'gro ba thams cad re rer sangs rgyas skye ba yongs su bstan par bya'o/ /bla na med pa yang dag par rdzogs pa'i byang chub tu mngon par sangs rgyas nas chos kyi rnga chen po brdung bar bya'o/ /chos kyi sprin gyi char chen po mngon par dbab pa dang / chos kyi sbyin pa chen po sbyin pa dang / mi 'jigs pa chen po rnam par dag par bya ba'i phyir seng ge'i nga ro chen pos rnam par spel pa'i smon lam chen pos/ chos kyi dbyings su gnas pa'i bskal par chos bstan par bya'o/ /'on kyang snying rje chen po'i byin gyi rlabs kyis bdag gi lus la dub pa med par 'gyur| ngag dang sems la dub pa med par 'gyur ro/ /zhes dbugs phyin pa chen po rab tu 'thob bo/ /kye rgyal ba'i sras/ bcu po de dag ni byang chub sems dpa' rnams kyi dbugs phyin pa chen po rab tu 'thob pa ste/ de dag la gnas shing byang chub sems dpa' rnams de bzhin gshegs pa'i ye shes chen po la mngon par 'tshang rgya ba bla na med </font><hr>Nga227a<br><font size=+1>


@#/ /par 'thob par 'gyur ba dag go /kye rgyal ba'i sras/ bcu po 'di dag ni byang chub sems dpa'i sangs rgyas kyi chos zab mo la 'jug pa rnams te/ bcu gang zhe na/ 'di ltar 'jig rten gyi khams thams cad du 'das pa'i dus la 'jug pa 'di ni sangs rgyas kyi chos zab mo la 'jug pa dang po'o/ /'jig rten gyi khams 'grangs pa de dang de dag gi 'jig rten gyi khams thams cad du ma 'ongs pa'i dus la 'jug pa 'di ni sangs rgyas kyi chos zab mo la 'jug pa gnyis pa'o/ /'jig rten gyi khams 'grangs pa dang / 'jig rten gyi khams yod pa dang / 'jig rten gyi khams su bstan pa dang / 'jig rten gyi khams yongs su dag pa dang / 'jig rten gyi khams su shes pa gang ji snyed pa'i 'jig rten gyi khams thams cad du da ltar byung ba'i dus la 'jug pa 'di ni/ sangs rgyas kyi chos zab mo la 'jug pa gsum pa'o/ /'jig rten gyi khams thams cad du sna tshogs su 'jug pa 'di ni / sangs rgyas kyi chos zab mo la 'jug pa bzhi pa'o/ /sems can gyi las dang rnam par smin pa sna tshogs thams cad la 'jug pa 'di ni/ sangs rgyas kyi chos zab mo la 'jug pa lnga pa'o| /byang chub sems dpa'i spyod pa sna tshogs la 'jug pa 'di ni/ sangs rgyas kyi chos zab mo la 'jug pa drug pa'o/ /kye rgyal ba'i sras/ gzhan yang byang chub sems dpa' </font><hr>Nga227b<br><font size=+1>


de bzhin gshegs pa 'das pa rnams kyi mtshams sbyor ba shes pa 'di ni/ sangs rgyas kyi chos zab mo la 'jug pa bdun pa'o/ /kye rgyal ba'i sras/ gzhan yang byang chub sems dpa' sangs rgyas bcom ldan 'das ma byon pa rnams kyi sangs rgyas gcig nas gcig tu brgyud pa shes pa 'di ni/ sangs rgyas kyi chos zab mo la 'jug pa brgyad pa'o/ /kye rgyal ba'i sras| gzhan yang byang chub sems dpa' da ltar byung ba'i sangs rgyas bcom ldan 'das rnams kyi chos kyi dbyings kyis klas shing nam mkha'i mthas gtugs pa'i sangs rgyas kyi zhing rab tu shes so/ /'khor gyi dkyil 'khor rab tu shes so/ /chos bstan pa rab tu shes so/ /sems can 'dul ba rab tu shes so/ /de bzhin du phyogs bcu kun gyi yang rab tu shes te/ 'di ni sangs rgyas kyi chos zab mo la 'jug pa dgu pa'o/ /kye rgyal ba'i sras/ gzhan yang byang chub sems dpa' 'jig rten gyi chos rab tu shes so/ /nyan thos kyi chos rab tu shes so/ /rang sangs rgyas kyi chos rab tu shes so/ /byang chub sems dpa'i chos rab tu shes so/ /de bzhin gshegs pa'i chos rab tu shes so/ /chos de dag la'ang rnam par mi rtog pas rab tu zhugs nas rnam pa tha dad par ston te/ chos de dag kyang gzud pa med pa'i tshul gyis chos kyi dbyings su 'dzud do/ /chos rnams rnam par rtag tu med par yang shes </font><hr>Nga228a<br><font size=+1>


@#/ /la| chos de dag ji lta ba de bzhin du'ang rab tu ston te/ 'di ni sangs rgyas kyi chos zab mo la 'jug pa bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi sangs rgyas kyi chos zab mo la 'jug pa bcu ste/ de dag la gnas shing byang chub sems dpa' rnams yang dag par rdzogs pa'i byang chub kyi ye shes chen po bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi gnas pa ste/ de dag la gnas shing byang chub sems dpa' rnams byang chub kyi spyad pa spyod do/ /bcu gang zhe na/ 'di ltar sangs rgyas thams cad mchod pa dang / rim gror bya ba la gnas shing / byang chub sems dpa' byang chub sems dpa'i spyad pa spyod do/ /sems can thams cad yongs su smin par bya ba dang / gdul ba la gnas shing / byang chub sems dpa' byang chub sems dpa'i spyad pa spyod do/ /dge ba'i bshes gnyen thams cad dga' bar bya ba la gnas shing / byang chub sems dpa' byang chub sems dpa'i spyad pa byed do/ /dge ba'i rtsa ba rab tu bsags pa la gnas shing / byang chub sems dpa' byang chub sems dpa'i spyad pa spyod do/ /sangs rgyas kyi zhing yongs su dag par bya ba la gnas shing / byang chub sems dpa' byang </font><hr>Nga228b<br><font size=+1>


chub sems dpa'i spyad pa spyod do/ /'gro ba thams cad yongs su mi gtang ba la gnas shing / byang chub sems dpa' byang chub sems dpa'i spyad pa spyod do/ /pha rol tu phyin pa thams cad la 'jug pa la gnas shing / byang chub sems dpa' byang chub sems dpa'i spyad pa spyod do/ /byang chub sems dpa'i smon lam thams cad yongs su rdzogs par bya pa la gnas shing / byang chub sems dpa' byang chub sems dpa'i spyad pa spyod do/ /byang chub kyi sems tshad med pa la gnas shing / byang chub sems dpa' byang chub sems dpa'i spyad pa spyod do/ /sangs rgyas thams cad kyi mngon par rdzogs par 'tshang rgya ba la gnas shing / byang chub sems dpa' byang chub sems dpa'i spyad pa spyod do/ /kye rgyal ba'i sras/ bcu po de dag ni/ byang chub sems dpa' rnams kyi gnas su bya ba rnams te/ gnas de dag la gnas shing / byang chub sems dpa' rnams byang chub sems dpa'i spyad pa spyod do/ / kye rgyal ba'i sras/ bcu po 'di dag ni/ byang chub sems dpa' rnams kyi sems bskyed pa bstan pa ste/ bcu gang zhe na/ 'di ltar sgrib pa'i las thams cad rnam par bzlog pa'i phyir| sems brten pa bskyed pa dang / sangs rgyas bcom ldan 'das yongs su mya ngan las 'das pa rnams kyi brtan pa yongs su gzung ba'i phyir/ sems brtan pa bskyed pa </font><hr>Nga229a<br><font size=+1>


@#/ /dang / bdud thams cad rab tu pham par bya ba'i phyir/ sems brten pa bskyed pa dang / lus dang srog thams cad la mi lta ba'i phyir/ sems brtan pa bskyed pa dang / mu stegs can dang / phas kyi rgol ba thams cad chos bzhin du tshar gcad pa'i phyir/ sems brtan pa bskyed pa dang / 'gro ba thams cad yongs su tshim par bya ba'i phyir/ sems brtan pa bskyed pa dang / 'khor gyi dkyil 'khor thams cad mngon par dga' bar bya ba'i phyir/ sems brtan pa bskyed pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po thams cad yongs su gdul ba'i phyir/ sems brtan pa bskyed pa dang / chos zab mo rnam par bsgom pa dang / nyan thos dang / rang sangs rgyas kyis sa rnam par bzlog pa'i phyir/ sems brtan pa bskyed pa dang / bskal pa brjod du med pa'i yang brjod du med par byang chub sems dpa'i spyad pa spyod pas mi skyo ba'i rgyud du bya ba'i phyir/ sems brtan pa bskyed pa'o/ /kye rgyal ba'i sras/ bcu po de dag ni/ byang chub sems dpa' rnams kyi sems bskyed pa brtan pa rnams te/ de dag la gnas shing byang chub sems dpa' rnams de bzhin gshegs pa'i ye shes chen po brtan </font><hr>Nga229b<br><font size=+1>


zhing bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sangs rgyas kyi chos thams cad la nem nur thams cad gcod pa'i sems bskyed pa the tshom med cing yid gnyis med la/ som nyi med pa rnams te/ bcu gang zhe na/ kye rgyal ba'i sras/ de la byang chub sems dpa' 'di ltar sems bskyed de/ sems can thams cad sbyin pas yongs su bsdu bar bya'o/ /tshul khrims dang / bzod pa dang / brtson 'grus dang / bsam gtan dang / shes rab dang / byams pa dang / snying rje dang / dga' ba dang / btang snyoms kyis yongs su bsdu bar bya'o snyam yang / de la de ni de ltar mi 'gyur snyam pa'i nem nur med/ yid gnyis med/ the tshom med de/ de ni gnas ma yin no/ /'di ni nem nur thams cad gcod pa'i sems bskyed pa dang po'o/ /kye rgyal ba'i sras/ gzhan yang byang chub sems dpa' 'di ltar sems bskyed de/ ma 'ongs pa'i dus na/ gang ji snyed du 'byung bar 'gyur ba'i sangs rgyas thams cad bla na med pa'i mnyes par bya ba dang / sangs rgyas thams cad mchod cing / bsnyen bkur ba'i sems bskyed pas mnyes par bya'o snyam yang / de la de ni de ltar mi 'gyur snyam pa'i nem nur med/ yid gnyis med/ the tshom med de/ de ni gnas ma yin no/ /'di </font><hr>Nga230a<br><font size=+1>


@#/ /ni nem nur thams cad gcod pa'i sems bskyed pa gnyis pa'o/ /kye rgyal ba'i sras/ gzhan yang byang chub sems dpa' 'di ltar sems bskyed de/ 'jig rten gyi khams thams cad 'od zer sna tshogs kyi dra ba'i rgyan gyis yongs su rgyas par dgang ngo snyam yang / de la de ni de ltar mi 'gyur snyam pa'i nem nur med/ yid gnyis med/ the tshom med de/ de ni gnas ma yin no/ 'di ni nem nur thams cad gcod pa'i sems bskyed pa gsum pa'o/ /kye rgyal ba'i sras/ gzhan yang byang chub sems dpa' 'di ltar sems bskyed de/ ma 'ongs pa'i bskal pa'i mur thug par mi skyo ba'i rgyud kyis sems can tshad med pa yongs su smin par bya ba'i phyir/ sems can gyi khams grangs med pa/ bsam gyis mi khyab pa/ mtshungs pa med pa/ tshad med pa/ gzhal du med pa/ kun tu mtha' yas pa/ mu med pa/ sa mtshams med pa/ brjod du med pa'i yang brjod du med pa/ grangs dang bgrang ba las 'das pa/ chos kyi dbyings kyis klas pa/ nam mkha'i dbyings kyi mthas gtugs pa thams cad bla na med pa'i yongs su smin par bya ba dang / bla na med pa'i rnam par gdul bas yongs su smin pa dang / rnam par gdul bar bya'o snyam na yang / de la de ni de ltar mi 'gyur snyam pa'i nem nur med/ yid gnyis med/ </font><hr>Nga230b<br><font size=+1>


the tshom med de/ de ni gnas ma yin no/ /'di ni the tshom thams cad gcod pa'i sems bskyed pa bzhi pa'o/ /kye rgyal ba'i sras/ gzhan yang byang chub sems dpa' 'di ltar sems bskyed de/ byang chub sems dpa'i spyad pa spyod pa'i tshe/ smon lam thams cad yongs su rdzogs par bya'o zhes nas/ de la nem nur med cing / yid gnyis med pa dang / the tshom med par gnas pa yin te/ 'di ni nem nur thams cad gcod pa'i sems bskyed pa lnga pa'o/ /kye rgyal ba'i sras/ gzhan yang byang chub sems dpa' 'di snyam ste/ bdag byang chub sems dpa'i spyad pa spyod pa'i tshe/ sangs rgyas kyi chos thams cad snang bar gyur pas/ chos thams cad mngon du gyur par 'gyur ro snyam yang / de la de ni de ltar mi 'gyur snyam pa'i nem nur med/ yid gnyis med/ the tshom med de/ de ni gnas ma yin no/ /'di ni nem nur thams cad gcod pa'i sems bskyed pa drug pa'o/ /kye rgyal ba'i sras/ gzhan yang byang chub sems dpa' 'di snyam ste/ 'di ltar sems can thams cad kyi sems khong du chud par bya ba'i phyir/ chos thams cad sangs rgyas kyi chos su mos par bya'o snyam yang / de la de ni de ltar mi 'gyur snyam pa'i nem nur med/ yid gnyis med/ the tshom med de/ de ni gnas ma yin no/ /'di ni nem nur thams cad gcod pa'i sems bskyed pa bdun pa'o/ /kye rgyal ba'i sras/ gzhan </font><hr>Nga231a<br><font size=+1>


@#/ /yang byang chub sems dpa' chags pa med pa'i chos kyi sgo thams cad chags pa thams cad mi dmigs pas rab tu shes shing / de la nem nur med/ yid gnyis med/ the tshom med pas/ bla na med pa yang dag par rdzogs pa'i byang chub tu mngon par sangs rgyas kyi bar du yang dag pa nyid la gnas pa 'di ni/ nem nur thams cad gcod pa'i sems bskyed pa brgyad pa'o/ /kye rgyal ba'i sras/ gzhan yang byang chub sems dpas chos thams cad 'du shes kyi phyin ci log rab tu spangs pa dang / blang ba med cing dor ba med pa'i tshul gyis 'jig rten las 'das pa'i chos su shes te/ de la gzhan gyi dring mi 'jog cing nem nur med/ yid gnyis med la/ the tshom med pa yin te| 'di ni nem nur thams cad gcod pa'i sems bskyed pa dgu pa'o/ /kye rgyal ba'i sras/ gzhan yang byang chub sems dpa' 'di snyam du sems te/ 'du shes kyi phyin ci log thams cad rab tu spangs pa'i sems skad cig gcig gi ye shes gcig dang / gnyis su mi dmigs pa bgrang ba thams cad dang bral ba/ 'dus ma byas la shin tu gzhol ba/ brjod pa thams cad rab tu spangs pa/ spyod yul brjod du med pa'i mthar phyin pas/ sangs rgyas kyi chos thams cad mngon par 'tshang rgya bar bya'o snyam yang / </font><hr>Nga231b<br><font size=+1>


de la de ni de ltar mi 'gyur snyam pa'i nem nur med/ yid gnyis med/ the tshom med de/ de ni gnas ma yin no/ /'di ni nem nur thams cad gcod pa'i sems bskyed pa bcu pa ste| kye rgyal ba'i sras/ bcu po de dag ni/ byang chub sems dpa' rnams kyi sangs rgyas kyi chos thams cad la nem nur thams cad gcod pa'i sems bskyed pa the tshom med cing yid gnyis med la som nyi med pa rnams te/ de dag la gnas shing / byang chub sems dpa' rnams sangs rgyas kyi chos thams cad la nem nur med pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi bsam gyis mi khyab pa nyid de/ bcu gang zhe na/ 'di ltar dge ba'i rtsa ba thams cad la bsam gyis mi khyab pa yin/ smon lam thams cad la bsam gyis mi khyab pa yin/ chos thams cad sgyu ma lta bur 'jug pa la bsam gyis mi khyab pa yin/ byang chub sems dpa'i spyad pa spyod pa'i tshe/ byang chub tu sems bskyed pa la gnas pa'i dge ba'i rtsa ba chud mi za zhing rtog pa med pa dang / rnam par rtog pa med pa la bsam gyis mi khyab pa yin/ kye rgyal ba'i sras/ gzhan yang byang chub sems dpa' zab mo'i chos thams cad la'ang rab tu 'jug pa smon lam thams cad yongs su rdzogs kyi bar du yongs su mya ngan las kyang mi 'da' ba 'di ni bsam gyis mi </font><hr>Nga232a<br><font size=+1>


@#/ /khyab pa lnga pa'o/ /kye rgyal ba'i sras/ gzhan yang byang chub sems dpa' byang chub sems dpa'i spyad pa spyod pa'i tshe/ mngal du 'gro ba dang / skye ba ba dang / gom pa bdun du 'gro ba dang / btsun mo'i 'khor gyi nang na gnas pa dang / mngon par 'byung ba dang / dga' ba spyod pa'i sbyor ba dang / snying po byang chub tu 'gro ba dang / bdud 'dul ba dang / rnam par 'tshang rgya ba dang / chos kyi 'khor lo bskor ba dang / yongs su mya ngan las 'da' ba dang / sangs rgyas kyi rnam par 'phrul ba'i byin gyi rlabs thams cad yongs su ston cing / snying rje chen po dang / 'gro ba thams cad yongs su skyob pa'i smon lam gyi bar gyis yongs su rgyun mi gcod pa 'di ni bsam gyis mi khyab pa drug pa'o/ /kye rgyal ba'i sras/ gzhan yang byang chub sems dpa' chos kyi dbyings kyis klas par sems bskyed pas/ de bzhin gshegs pa'i stobs bcu dang / byin gyi rlabs kyang yang dag par ston la/ sems can yongs su smin par bya ba yang rgyun mi gcod pa 'di ni bsam gyis mi khyab pa bdun pa'o/ /kye rgyal ba'i sras/ gzhan yang byang chub sems dpa' chos thams cad mtshan ma med pa la mtshan ma yod par 'jug /mtshan ma yod pa la mtshan ma med par 'jug /rtog pa med pa la rtog pa yod par ston /rtog </font><hr>Nga232b<br><font size=+1>


pa yod pa la rtog pa med par ston/ dngos po med pa la dngos po yod par 'jug /dngos po yod pa la dngos po med par 'jug /mngon par 'du byed pa la mngon par 'du bya ba med par ston/ mngon par 'du bya ba med pa la mngon par 'du bya ba yod par ston/ chos thams cad brjod du med pa la brjod du yod par shes/ chos thams cad brjod du yod pa la brjod du med par shes te/ 'di ni bsam gyis mi khyab pa brgyad pa'o/ /kye rgyal ba'i sras/ gzhan yang byang chub sems dpa' byang chub kyang sems dang mnyam par shes la/ sems kyang byang chub dang mnyam par shes te/ 'gro ba thams cad kyang sems dang byang chub tu shes mod kyi/ de'i sems phyin ci log tu 'gyur ba med/ 'du shes phyin ci log tu 'gyur ba med/ lta ba phyin ci log tu 'gyur ba med de/ 'di ni bsam gyis mi khyab pa dgu pa'o/ /kye rgyal ba'i sras/ gzhan yang byang chub sems dpa' sems kyi skad cig re re zhing 'gog pa la snyoms par 'jug kyang / yang dag pa'i mtha' mngon du mi byed/ zag pa zad pa yin yang dge ba'i rtsa ba zag pa zad par mi byed/ chos thams cad zag pa med par yang shes/ zag pa zad par yang shes/ zag pa 'gag par yang shes shing / sangs rgyas kyi chos la 'jig rten gyi chos su 'jug ste/ 'jig rten gyi chos la sangs rgyas kyi chos su 'jug kyang / sangs rgyas kyi chos kyis 'jig rten gyi chos la rnam par </font><hr>Nga233a<br><font size=+1>


@#/ /mi rtog /'jig rten gyi chos kyis sangs rgyas kyi chos la rnam par mi rtog /chos thams cad gzung ba med pa'i tshul du chos kyi dbyings su 'dzud la/ chos thams cad 'gyur ba med pa'i tshul gyis gnyis su med par yang shes pa 'di ni/ bsam gyis mi khyab pa bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi bsam gyis mi khyab pa rnams te/ de dag la gnas shing byang chub sems dpa' rnams sangs rgyas kyi chos thams cad bsam gyis mi khyab pa bla na med pa 'thob par 'gyur ba dag go| |bam po bdun cu rtsa bdun pa/ kye rgyal ba'i sras/ bcu po 'di dag ni/ byang chub sems dpa' rnams kyi dgongs te bshad pa la mkhas pa ste/ bcu gang zhe na/ 'di ltar sangs rgyas kyi chos kyi rnam grangs thams cad la dgongs te bshad pa la mkhas pa dang / skye ba'i skye mched thams cad la dgongs te bshad pa la mkhas pa dang / byang chub sems dpa'i rdzu 'phrul dang / rnam par 'phrul pa dang / mngon par rdzogs par 'tshang rgya ba thams cad la dgongs te bshad pa la mkhas pa dang / sems can thams cad kyi las kyi rnam par smin par 'jug pa thams cad la dgongs te bshad pa la mkhas pa dang / sems can thams cad kyi kun nas nyon mongs pa dang / rnam par byang ba dang / rnam par ldang ba la </font><hr>Nga233b<br><font size=+1>


dgongs te bshad pa la mkhas pa dang / chos thams cad chags pa med pa'i sgo'i mthar phyin pa la bsgribs pa med pa'i tshul gyis dgongs te bshad pa la mkhas pa ste/ 'di ni dgongs te bshad pa la mkhas pa drug pa'o/ /kye rgyal ba'i sras/ gzhan yang byang chub sems dpa' nam mkha'i dbyings kyi phyogs re re dang / 'jig rten gyi khams kyi rgyud re re na yang / 'jig rten gyi khams 'grub pa dang / 'jig rten gyi khams 'jig pa rgyun mi 'chad cing mtshams med pa shes pa 'di ni dgongs te bshad pa la mkhas pa bdun pa'o/ /kye rgyal ba'i sras/ gzhan yang byang chub sems dpa' chos kyi dbyings thams cad du phra ba dang / yangs pa'i 'jug pas yongs su 'jug pa thams cad gzung ba dang / de bzhin gshegs pa dgra bcom pa yang dag par rdzogs pa'i sangs rgyas rnams skye ba nas bzung ste/ yongs su mya ngan las 'da' ba chen po'i bar du gzung ba rgyun chad pa med pas/ chos kyi dbyings thams cad sangs rgyas kyis yongs su gang bar 'jug cing / sangs rgyas skye ba thams cad kyang shin tu rnam par phye bar mthong ba 'di ni dgongs te bshad pa la mkhas pa brgyad pa'o/ /kye rgyal ba'i sras/ gzhan yang byang chub sems dpa' 'gro ba thams cad mi 'gyur ba'i tshul gyis mya ngan las 'das par shes kyang / thams cad mkhyen pa'i smon lam yongs su rdzogs </font><hr>Nga234a<br><font size=+1>


@#/ /par bya ba yongs su ma rdzogs kyi bar du smon lam phyir zlog par mi byed pa 'di ni dgongs te bshad pa la mkhas pa dgu pa'o/ /kye rgyal ba'i sras/ gzhan yang byang chub sems dpa' chos thams cad gzhan gyi dring mi 'jog par yang shes la/ dge ba'i bshes gnyen la bsten par yang ring du mi spong / de bzhin gshegs pa la rim gro bya ba yang rgyun mi gcod/ dge ba'i bshes gnyen dang rgyud kyi tshul gcig tu gyur pa'i dge ba'i rtsa ba yang yang dag par sdud cing / bskyed pa dang / skyong ba dang / brtan par byed pa dang / rnam pa gcig tu byed pa dang / rgyud kyi tshul gcig tu byed pa dang / gcig tu 'byung bar byed pa dang / yongs su grub pa gcig tu byed pa 'di ni dgongs te bshad pa la mkhas pa bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi dgongs te bshad pa la mkhas pa rnams te/ de dag la gnas shing / byang chub sems dpa' rnams de bzhin gshegs pa thams cad kyi dgongs te bshad pa la mkhas pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi ye shes rnam par dbye ba la mkhas pa ste/ bcu gang zhe na/ 'di ltar zhing thams cad du ye shes rnam par dbye ba la mkhas pa dang / sems can gyi skye mched la 'jug par </font><hr>Nga234b<br><font size=+1>


ye shes rnam par dbye ba la mkhas pa dang / sems can thams cad kyi sems dang / spyod pa la 'jug par ye shes rnam par dbye ba la mkhas pa dang / sems can thams cad kyi dbang po yongs su shes par ye shes rnam par dbye ba la mkhas pa dang / sems can thams cad kyi las dang / rnam par smin pa mngon par 'du byed pa la 'jug par ye shes rnam par dbye ba la mkhas pa dang / nyan thos kyi spyod pa thams cad la 'jug par ye shes rnam par dbye ba la mkhas pa dang / rang sangs rgyas kyi spyod pa thams cad la 'jug par ye shes rnam par dbye ba la mkhas pa dang / byang chub sems dpa'i spyod pa thams cad la 'jug par ye shes rnam par dbye ba la mkhas pa dang / 'jig rten gyi chos thams cad la 'jug par ye shes rnam par dbye ba la mkhas pa dang / sangs rgyas kyi chos thams cad la 'jug par ye shes rnam par dbye ba la mkhas pa'o/ /kye rgyal ba'i sras/ bcu po de dag ni/ byang chub sems dpa' rnams kyi ye shes rnam par dbye ba la mkhas pa ste/ de dag la gnas shing byang chub sems dpa' rnams/ sangs rgyas kyi chos thams cad du ye shes rnam par dbye ba la mkhas pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi snyoms par 'jug pa ste/ bcu gang zhe na/ 'di ltar 'jig rten gyi khams thams cad shes </font><hr>Nga235a<br><font size=+1>


@#/ /pa la snyoms par 'jug pa dang / sems can thams cad kyi lus la snyoms par 'jug pa dang / chos thams cad la snyoms par 'jug pa dang / sangs rgyas mthong ba thams cad la snyoms par 'jug pa dang / bskal par gnas par mkhas pa thams cad la snyoms par 'jug pa dang / bsam gyis mi khyab pa'i lus kyi rgyud kyi ting nge 'dzin dang / rnam par ldang ba mkhas pa la snyoms par 'jug pa dang / de bzhin gshegs pa thams cad kyi sku la snyoms par 'jug pa dang / 'gro ba thams cad khong du chud par bya bas snyoms pa'i ye shes kyis mkhas pa la snyoms par 'jug pa dang / byang chub sems dpa' thams cad kyi ting nge 'dzin la sems kyi skad cig gcig gi ye shes kyis 'jug pa la snyoms par 'jug pa dang / chags pa med pa'i sems skad cig gis ye shes kyis byang chub sems dpa'i spyod pa thams cad yang dag par blang ba la rab tu gnas shing rgyun mi gcod pa'i smon lam chen po'i ye shes mkhas pa la snyoms par 'jug pa'o/ /kye rgyal ba'i sras/ bcu po de dag ni/ byang chub sems dpa' rnams kyis snyoms par 'jug pa ste/ de dag la gnas shing byang chub sems dpa' rnams sangs rgyas kyi chos thams cad du snyoms par 'jug pa la mkhas pa bla na med pa 'thob par 'gyur ba dag go /kye rgyal ba'i </font><hr>Nga235b<br><font size=+1>


sras/ bcu po 'di dag ni/ byang chub sems dpa' rnams kyi ril po rnams te/ bcu gang zhe na/ 'di ltar ril gyis sems can dang / ril gyis zhing dang / ril gyis mtshan nyid mi mthun pa'i 'gro ba dang / ril gyis bskal pa'i me dang / ril gyis chus 'jig pa dang / ril gyis sangs rgyas dang / ril gyis sna tshogs mngon par bsgrub pa dang / ril gyis de bzhin gshegs pa'i sku kha dog mtha' yas pa dang / ril gyis chos thams cad rnam pa sna tshogs su bstan pa dang / ril gyis de bzhin gshegs pa thams cad mchod pa rnam pa tha dad pa'o/ /kye rgyal ba'i sras/ bcu po de dag ni/ byang chub sems dpa' rnams kyi ril po ste/ de dag la gnas shing / byang chub sems dpa' rnams de bzhin gshegs pa'i ye shes chen po'i ril po bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rnam par thar pa rnams te/ bcu gang zhe na/ 'di ltar 'jig rten gyi khams thams cad du lus kyis rgyas par dgang ba'i rnam par thar pa dang / 'jig rten gyi khams thams cad du kha dog du ma dang / kha dog sna tshogs yongs su bstan pa'i rnam par thar pa dang / chos kyi dbyings thams cad la sangs rgyas kyi zhing gcig tu 'jug pa'i rnam par thar pa dang / sems can gyi khams thams cad byin gyis brlabs pa'i rnam </font><hr>Nga236a<br><font size=+1>


@#/ /par thar pa dang / sangs rgyas kyis brgyan pa'i 'jig rten gyi khams thams cad du lus kyis rgyas par dgang ba'i rnam par thar pa dang / bdag 'jig rten gyi khams thams cad du phyin par shes par bya ba'i rnam par thar pa dang / 'jig rten gyi khams thams cad du sems kyi skad cig gcig gis 'gro ba'i rnam par thar pa dang / 'jig rten gyi khams gcig tu sangs rgyas thams cad skye ba yongs su bstan pa'i rnam par thar pa dang / 'jig rten gyi khams thams cad du lus gcig tu shes par bya ba'i rnam par thar pa dang / sems kyi skad cig gcig la sangs rgyas thams cad kyi rnam par sprul pa dang / rnam par rol ba dang / mi 'bral ba yongs su bstan pa'i rnam par thar pa'o/ / kye rgyal ba'i sras/ bcu po de dag ni/ byang chub sems dpa' rnams kyi rnam par thar pa ste/ de dag la gnas shing byang chub sems dpa' rnams de bzhin gshegs pa thams cad kyi rnam par thar pas rnam par rol pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi mngon par shes pa rnams te| bcu gang zhe na/ 'di ltar sngon gyi gnas rjes su dran pas mngon par bsgrub pa la mkhas shing shes pa'i mngon par shes pa dang / lha'i rna ba sgrib pa med pa mngon par bsgrub </font><hr>Nga236b<br><font size=+1>


pa la mkhas shing shes pa'i mngon par shes pa dang / sems can pha rol dang / gang zag pha rol gyi sems dang / spyod pa bsam gyis mi khyab pa yongs su shes pa mngon par bsgrub pa la mkhas shing shes pa'i mngon par shes pa dang / lha'i mig thogs pa med pas rnam par blta ba mngon par bsgrub pa la mkhas shing shes pa'i mngon par shes pa dang / rdzu 'phrul dang / rnam par 'phrul pa chen po'i byin gyi rlabs kyis sems can rnams kyi bsam pa bsam gyis mi khyab pa ji lta ba bzhin du mngon par bsgrub pa la mkhas shing shes pa'i mngon par shes pa dang / 'jig rten gyi khams bsam gyis mi khyab par lus yongs su bstan pa mngon par bsgrub pa la mkhas shing shes pa'i mngon par shes pa dang / 'jig rten gyi khams brjod du med par sems skad cig gis 'gro ba mngon par bsgrub pa la mkhas shing shes pa'i mngon par shes pa dang / 'jig rten gyi khams bsam gyis mi khyab pa brgyan par byin gyis brlab pa la mkhas shing shes pa'i mngon par shes pa dang / lus kyi rgyud brjod du med par sprul pa yongs su bstan pa mngon par bsgrub pa la mkhas shing shes pa'i mngon par shes pa dang / 'jig rten gyi khams brjod du med par bdag bla na med pa yang dag par rdzogs pa'i byang chub tu mngon par sangs rgyas so/ /zhes bya bar sems can gyi </font><hr>Nga237a<br><font size=+1>


@#/ /bsam pa bsam gyis mi khyab pa ji lta ba bzhin du yongs su bstan pa la mkhas shing shes pa'i mngon par shes pa ste/ kye rgyal ba'i sras/ bcu po de dag ni| byang chub sems dpa' rnams kyis mngon par shes pa ste/ de dag la gnas shing byang chub sems dpa' rnams de bzhin gshegs pa'i mngon par shes pa chen po bsgrub pa la mkhas pa bla na med pa 'thob par 'gyur ba dag go /sangs rgyas thams cad kyi rnam par 'phrul pa 'thob par 'gyur ba dag go /sems can thams cad la yongs su ston pa'i nan tan byed par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rig pa ste/ bcu gang zhe na/ 'di ltar sems can thams cad kyi las dang / rnam par smin pa mngon par grub pa la mkhas shing shes pa'i rig pa dang / 'gro ba thams cad dmigs pas dben zhing byed pa med pa la spros pa med pa'i sems rab tu zhi ba mngon par grub pa la mkhas shing shes pa'i rig pa dang / dmigs pa thams cad la zhugs pas sems gcig la yang tha dad du dmigs shing / chos thams cad rab tu rtogs pas rdo rje lta bu'i ye shes kyi rig pa dang / dbyangs bsam gyis mi khyab pa byin gyis brlabs pas/ 'jig rten gyi khams mu med par go bar bya bar mngon par grub pa la mkhas shing shes pa'i rig la </font><hr>Nga237b<br><font size=+1>


dang / gnas thams cad yang dag par gzhom pa mngon par bsgrub pa la mkhas shing shes pa'i rig pa dang / skye ba la mkhas pa dang / mi skye ba la mkhas pa mngon par bsgrub pa shes pa'i rig pa dang / 'du shes dang / tshor ba'i yul thams cad rnam par bzlog pa mngon par bsgrub pa la mkhas shing shes pa'i rig pa dang / kye rgyal ba'i sras/ gzhan yang byang chub sems dpa' chos thams cad mtshan nyid med pa dang / mtshan nyid dang bral ba med cing rnam par dgod pa gcig tu gyur pa dang / rnam par dgod pa med pa'i tshul gyis rig par bya ba sna tshogs tha dad pa rab tu shes te/ tshad med pa'i bskal par chos ston cing / chos kyi dbyings su gnas pa'i tshul gyis bla na med pa yang dag par rdzogs pa'i byang chub tu yang dag par 'byung ba 'di ni ye shes kyi rig pa brgyad pa'o/ /kye rgyal ba'i sras/ gzhan yang byang chub sems dpa' 'gro ba thams cad mngon par 'grub pa 'gyur ba med pa'i tshul dang / skye ba mi dmigs pa'i tshul gyis rab tu shes/ rgyu rab tu shes/ rkyen rab tu shes/ dngos po rab tu shes/ dmigs pa rab tu shes/ 'du byed rab tu shes/ skye ba rab tu shes/ 'gog pa rab tu shes/ de kho na bstan pa rab tu shes/ gti mug dang ldan par gyur pa rab tu shes/ gti mug dang bral ba rab tu shes/ phyin ci log rab tu shes/ phyin ci log med pa rab tu shes/ kun nas nyon </font><hr>Nga238a<br><font size=+1>


@#/ /mongs pa rab tu shes/ rnam par byang ba rab tu shes/ 'khor ba rab tu shes/ mya ngan las 'das pa rab tu shes/ dmigs pa rab tu shes/ dmigs pa med pa rab tu shes/ mngon par chags pa rab tu shes/ mngon par chags pa med pa rab tu shes/ gnas rab tu shes/ gyen du bskyod pa rab tu shes/ zhugs pa rab tu shes/ log pa rab tu shes/ 'jug pa rab tu shes/ ldog pa rab tu shes/ 'jig pa rab tu shes/ 'byung ba rab tu shes/ yongs su smin pa rab tu shes/ dbang po rab tu shes/ snod tha dad pa'i tshul gyis sems can de dag gi 'dul ba'ang rab tu shes/ sems can 'dul zhing / byang chub sems dpa'i spyod pa la mgo rmongs pa yang med de/ kye rgyal ba'i sras/ de ci'i phyir zhe na/ byang chub sems dpas ni/ sems can yongs su smin par bya ba'i don du ma gtogs par/ bla na med pa yang dag par rdzogs pa'i byang chub tu sems ma bskyed de/ de dag gang gi phyir sems bskyed pa'i sems can de dag yongs su smin par byed cing / rnam par 'dul ba'i lus la nyon mongs par mi rtsi'o/ /kye rgyal ba'i sras/ 'di ni byang chub sems dpa' rnams kyi 'gro ba thams cad kyi bya ba dang mi 'gal ba zhes bya ba rten cing 'brel bar 'byung ba rig pa ste dgu pa'o/ /kye rgyal ba'i sras/ gzhan yang byang chub sems </font><hr>Nga238b<br><font size=+1>


dpa' sangs rgyas gang la yang mngon par chags pa med de/ sangs rgyas la mngon par chags pa mi skyed/ chos gang la yang mngon par chags pa med de/ chos la mngon par chags pa mi skyed/ zhing gang la yang mngon par chags pa med de/ zhing la mngon par chags pa mi skyed/ sems can gang la yang mngon par chags pa med de/ sems can la mngon par chags pa mi skyed/ sems can gang yang mthong ba med de/ sems can yang yongs su smin par byed cing sems can yang yongs su 'dul bar byed/ chos gang yang ston pa med de/ spyod pa yang yongs su sbyong zhing smon lam yang yongs su rdzogs par byed/ snying rje chen po yang rnam par 'phel bar byed/ sangs rgyas kyang mthong bar byed/ de bzhin gshegs pas chos bstan pa la yang rjes su 'brang bar byed/ de bzhin gshegs pa dang rgyu mthun pa yang 'thob par byed/ dge ba'i rtsa ba skyed par byed/ de bzhin gshegs pa'i spyod yul yang rgyun mi 'chad par byed/ de bzhin gshegs pa mchod pa yang rnam par 'phel bar byed/ 'jig rten gyi khams bsam gyis mi khyab pa yang chos kyi dbyings kyis klas pa'i sems kyis yongs su skyod par byed/ chos bstan pa rnam pa sna tshogs kyang rab tu shes par byed/ sems can gyi grangs kyang rab tu shes par byed/ sems can rnam pa </font><hr>Nga239a<br><font size=+1>


@#/ /tha dad pa yang rab tu shes par byed/ sdug bsngal skye ba yang rab tu shes par byed/ sdug bsngal 'gog pa yang rab tu shes par byed de/ 'du byed kyi rnam pa thams cad sdug bsngal bar shes nas/ mig yor lta bu'i tshul gyis byang chub sems dpa'i spyad pa spyod cing / skye ba'i skye mched thams cad rtsa ba nas rgyun mi gcod pa'i sems bskyed pas 'gro ba thams cad yongs su bskyab pa'i phyir mi spyod pa'i tshul gyis byang chub sems dpa'i spyad pa la spyod cing / sangs rgyas thams cad kyi rigs kyi rjes su bslab pa dang / rtog pa'i phyin ci log thams cad khong du chud pa/ ri bo'i rgyal po chen po dam pa lta bu thams cad mkhyen pa nyid kyi sgo la gzhol bas/ sems can thams cad srid pa'i gangs chen mtsho las phyir bzlog pa'i phyir ye shes 'byams klas pa/ che zhing mi g.yo ba'i bla na med pa yang dag par rdzogs pa'i byang chub tu mngon par 'tshang rgya bar bya'o/ /zhes bya ba 'di ni shes pa'i rig pa bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi rig pa ste/ de dag la gnas shing byang chub sems dpa' rnams de bzhin gshegs pas mkhyen pa'i rig pa chen po mngon par bsgrub pa la mkhas pa/ bla na med pa 'thob par 'gyur ba dag go / </font><hr>Nga239b<br><font size=+1>


kye rgyal ba'i sras/ bcu po 'di dag ni/ byang chub sems dpa' rnams kyi rnam par grol ba ste/ bcu gang zhe na/ 'di ltar nyon mongs pa las rnam par grol ba dang / lta ba las rnam par grol ba dang / nye bar len pa las rnam par grol ba dang / phung po dang / khams dang / skye mched las rnam par grol ba dang / nyan thos dang / rang sangs rgyas kyi theg pa las 'da' ba'i rnam par grol ba dang / mi skye ba'i chos la bzod pa thob pa'i rnam par grol ba dang / 'gro ba'i zhing thams cad nas sems can gyi chos las gyen du bskyod pa'i rnam par grol ba dang / byang chub sems dpa'i rnam par bsgrub pa mtha' dang dbus med pa'i rnam par grol ba dang / byang chub sems dpa'i spyod pa thams cad la gyen du bskyod de/ de bzhin gshegs pa'i sa 'thob pa'i rnam par grol ba dang / dus gsum thams cad skad cig gcig gis shes pa'i rnam par grol ba'o/ /kye rgyal ba'i sras/ bcu po de dag ni/ byang chub sems dpa' rnams kyi rnam par grol ba ste/ de dag la gnas shing byang chub sems dpa' rnams sangs rgyas kyi 'phrin las bla na med pa sems can rnams kyis 'thob par byed pa dag go /kye rgyal ba'i sras/ bcu po 'di dag ni/ byang chub sems dpa' rnams kyis skyed mos tshal te/ bcu gang zhe na/ 'di ltar yongs su skyo ba med pas 'khor ba'i skyed mos tshal dang / mi dga' ba </font><hr>Nga240a<br><font size=+1>


@#/ /med pas sems can yongs su smin par bya ba'i skyed mos tshal dang / spyod pa chen po bskyed cing / rab tu 'dzin pas bskal pa thams cad du zhe non pa'i skyed mos tshal dang / rang gi khyim ltar dga' bas 'jig rten gyi khams yongs su dag pa'i skyed mos tshal dang / bdud kyi yul mngon par 'dul bas bdud kyi khyim thams cad kyi skyed mos tshal dang / tshul bzhin du rab tu rtogs pas ji skad du thos pa'i chos rtogs par gzhog pa'i skyed mos tshal dang / bdag gi pha'i yul la spyod pas pha rol tu phyin pa drug dang / bsdu ba'i dngos po bzhi dang / byang chub kyi phyogs kyi chos sum cu rtsa bdun gyi skyed mos tshal dang / chos gzhan yid la mi byed pas de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad dang / mdor na sangs rgyas kyi chos thams cad kyi skyed mos tshal dang / mya ngan las 'das pa chen po'i rgyan gyis rnam par gdul ba dang / chos kyi 'khor lo bskor ba mi gtong bas byang chub sems dpa' thams cad kyi rnam par 'phrul pa dang / rnam par rtse ba dang / byin gyi rlabs yongs su bstan pa'i skyed mos tshal dang / 'jig rten gyi khams thams cad du chos kyi lus kyis rgyas par 'gengs shing / nam mkha'i dbyings </font><hr>Nga240b<br><font size=+1>


dang mnyam pa nyid du rtogs pas sems kyi skad cig thams cad la mngon par rdzogs par 'tshang rgya ba dang mi 'bral ba 'gro ba thams cad du bstan pa'i skyed mos tshal lo/ /kye rgyal ba'i sras/ bcu po de dag ni/ byang chub sems dpa' rnams kyi skyed mos tshal te/ de dag la gnas shing byang chub sems dpa' rnams yongs su skyo ba med pa'i spyod pa chen po bla na med pas dga' ba rab tu 'thob pa dag go /kye rgyal ba'i sras/ bcu po 'di dag ni/ byang chub sems dpa' rnams kyi gzhal med khang ste/ bcu gang zhe na/ 'di ltar nyams pa med pas byang chub kyi sems kyi gzhal med khang dang / 'dod pa'i khams kyi sems can gyi khams yongs su smin par byed pas/ dge ba bcu'i las kyi lam dang / bsod nams dang / ye shes kyi tshogs kyi gzhal med khang dang / gzugs kyi khams kyi sems can gyi khams yongs su smin par byed pas/ tshangs pa'i gnas bzhi la bsam gtan 'cha' ba'i gzhal med khang dang / nyon mongs pa'i dngos po thams cad kyis mi gos pas/ gnas gtsang ma'i lha'i gnas su skye ba'i gzhal med khang dang / sems can mi khom pa thob par las rnam pa bzlog pas/ gzugs med pa'i lha'i rgyud kyi gzhal med khang dang / nyon mongs pa thams cad las sems can gyen du bskyod pas/ kun nas nyon mongs pa'i </font><hr>Nga241a<br><font size=+1>


@#/ /'jig rten gyi khams su ched du bsams te skye ba 'dzin pa'i gzhal med khang dang / sngon lhan cig spyod spyod pa'i sems can yongs su smin par byed pas slas dang / bu dang / bu mo dang / chung ma kun tu ston pa'i gzhal med khang dang / sems can dbang phyug la chags pa rnam par bzlog pas/ gling bzhi dang / 'dzam bu'i gling dang / brgya byin dang / tshangs pa dang / 'jig rten gyi mgon po'i dbang phyug la dbang byed pa'i gzhal med khang dang / bsam gtan dang / rnam par thar pa dang / ting nge 'dzin dang / snyoms par 'jug pas shin tu rnam par rtse ba shes pa'i phyir/ byang chub sems dpa'i spyod pa thams cad la gnas pa'i dbang phyug la dbang bsgyur bas rnam par rtse ba'i mngon par shes pa'i gzhal med khang dang / de bzhin gshegs pa'i stobs bcu'i rgyan la gnas pas/ thams cad mkhyen pa nyid kyi rgyal srid dang / dbang phyug bla na med pa la sangs rgyas thams cad kyi rdzu 'phrul gyi dbang bskur ba yang dag par blang zhing / chos thams cad dbang bsgyur ba'i rgyal srid gzung ba'i gzhal med khang ngo / /kye rgyal ba'i sras / bcu po de dag ni/ byang chub sems dpa' rnams kyi gzhal med khang ste/ de dag la gnas shing byang chub sems dpa' rnams 'gro ba thams cad du chos kyi dbang bskur bas rnam </font><hr>Nga241b<br><font size=+1>


par 'phrul ba'i byin gyi rlabs bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi dga' ba ste/ bcu gang zhe na/ 'di ltar 'khrug pa med pas dran pa'i dga' ba dang / rab tu rnam par 'byed pa la mkhas pas blo gros kyi dga' ba dang / sangs rgyas thams cad kyi zhabs kyi drung nas mngon sum du chos thos pa yongs su zad par mi 'gyur bas rtogs pa'i dga' ba dang / phyogs bcu tshad med par khyab pas blo'i dga' ba dang / sems can gyi lus sgo mtha' yas pa yongs su ston pas byang chub sems dpa'i rnam par 'phrul ba'i dga' ba dang / ting nge 'dzin gyi sgo gcig gis ting nge 'dzin gyi sgo thams cad la 'jug pas ting nge 'dzin gyi dga' ba dang / thos pa thams cad 'dzin pa nyams pa med par kun tu 'dzin cing / sems can gzhan gyi rgyud kyis 'thob par byed pas gzungs kyi dga' ba dang / tshig gcig dang / yi ge gcig gis bskal pa brjod du med par gzhan dang gzhan du smra zhing / nges pa'i tshig rgyun mi 'chad par rab tu ston pas spobs pa'i dga' ba dang / sems can thams cad kyi lus mtha' yas pa'i sgo'i rgyud du mngon par byang chub pa ston pas mngon par rdzogs par byang chub pa'i dga' ba dang / bdud dang phyir rgol ba thams cad chos dang mthun par tshar gcod pas chos kyi </font><hr>Nga242a<br><font size=+1>


@#/ /'khor lo bskor ba'i dga' ba'o/ /kye rgyal ba'i sras/ bcu po de dag ni/ byang chub sems dpa' rnams kyi dga' ba ste/ de dag la gnas shing byang chub sems dpa' rnams sangs rgyas thams cad kyi chos kyi dgyes pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rgyan te/ bcu gang zhe na/ 'di ltar thub pa med pas stobs kyi rgyan dang / zil gyis mi non pas mi 'jigs pa'i rgyan dang / don brjod du med cing yangs pa brjod pa'i sgo rgyun mi 'chad pas don gyi rgyan dang / chos kyi phung po stong phrag brgyad cu rtsa bzhi shin tu brtags pa'i chos rab tu ston pa la mgo rmongs pa med pas chos kyi rgyan dang / byang chub sems dpa' thams cad kyis bya ba'i smon lam las phyir mi ldog pas smon lam gyi rgyan dang / kun tu bzang po'i theg pas 'byung bas spyod pa'i rgyan dang / zhing thams cad zhing gcig tu byin gyis rlob pas zhing gi rgyan dang / zhing thams cad du chos kyi sprin chen po'i char rgyas pa rab tu 'bebs pas dbyangs kyi dkyil 'khor gyi rgyan dang / bskal pa grangs med pa thams cad du spyod pa'i rgyun mi gcod pas byin gyi rlabs kyi rgyan dang / sems can gcig gi lus sems can snyed kyi lus su ston cing / sems </font><hr>Nga242b<br><font size=+1>


kyis khong du chud par byed pa'i thams cad mkhyen pa'i stobs bcu dang / mi 'jigs pa'i mthu las phyir mi ldog pas 'phrul ba'i rgyan to/ /kye rgyal ba'i sras/ bcu po de dag ni/ byang chub sems dpa' rnams kyi rgyan te/ de dag la gnas shing byang chub sems dpa' rnams sangs rgyas kyi chos thams cad kyi rgyan bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sems bskyed pa mi sgul ba ste/ bcu gang zhe na/ 'di ltar gtang ba thams cad yongs su gtong zhing / sbyin pa thams cad sbyin par byed pas sems bskyed pa mi sgul ba dang / sangs rgyas kyi chos thams cad nges par rtogs par gzhag pa la sems bskyed pa mi sgul ba dang / sangs rgyas thams cad la mchod cing rim gro bya ba'i yid la bya ba mang bas sems bskyed pa mi sgul ba dang / sems can thams cad kyis mi 'khrugs pas sems bskyed pa mi sgul ba dang / 'gro ba thams cad yongs su mi gtong bas sems bskyed pa mi sgul ba dang / sangs rgyas kyi chos thams cad yongs su btsal ba rgyun mi gcod pas sems bskyed pa mi sgul ba dang / bskal pa 'gro ba thams cad dang mnyam pa brjod du med pa'i yang brjod du med par byang chub sems dpa'i spyad pa spyod pas zhum par mi 'gyur/ sgyid lug par mi 'gyur zhing / </font><hr>Nga243a<br><font size=+1>


@#/ /byang chub sems dpa'i spyod pa las phyir mi ldog pas sems bskyed pa mi sgul ba dang / kye rgyal ba'i sras/ gzhan yang byang chub sems dpa' dad pa rting tshugs pa dang / rnyog pa med cing dag pa dang / rnam par dag pa dri ma med pa 'od dang bas/ sangs rgyas thams cad bsnyen bkur ba la brtson pa phyir mi ldog pa/ mi zad pa/ mi 'phrogs pa| dga' ba dang / spro ba dang / mos pa chen pos byung ba dang ldan pas sems bskyed pa mi sgul ba dang / thams cad mkhyen par sbyor zhing 'gyur ba'i lam la shin tu grub pas sems bskyed pa mi sgul ba dang / byang chub sems dpa'i spyod pa dang / gdams ngag dang / man ngag dang / bslab pa thams cad gzung zhing mnyan par yongs su mi spong zhing mos par bya ba la sems bskyed pa mi sgul pa'o/ /kye rgyal ba'i sras/ bcu po de dag ni/ byang chub sems dpa' rnams kyi sems bskyed pa mi sgul ba ste/ de dag la gnas shing byang chub sems dpa' rnams thams cad mkhyen pa'i ye shes mi sgul cing / bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi lhag pa'i bsam pa yongs su mi gtong ba la gnas pa ste/ bcu gang zhe na/ 'di ltar sangs rgyas thams cad kyi byang chub mngon par rdzogs par 'tshang rgya ba yongs su mi gtong ba dang / sems can thams cad yongs su smin par bya ba </font><hr>Nga243b<br><font size=+1>


dang / rnam par 'dul ba yongs su mi gtong ba dang / sangs rgyas thams cad kyi gdung bsab pa yongs su mi gtong ba dang / dge ba'i bshes gnyen thams cad la bsnyen pa yongs su mi gtong ba dang / sangs rgyas kyi zhing thams cad du de bzhin gshegs pa bsnyen bkur bya ba yongs su mi gtong ba dang / yon tan thams cad yongs su btsal ba'i phyir/ theg pa chen po yongs su mi gtong ba dang / sangs rgyas 'byung ba thams cad du tshangs par spyad pa spyod cing / tshul khrims bsrung ba yongs su mi gtong ba dang / byang chub sems dpa' thams cad yongs su mi gtong ba dang / de bzhin gshegs pa thams cad kyi gsung yongs su btsal zhing / yang dag par gzung ba la mkhas pa yongs su mi gtong ba dang / byang chub sems dpa'i spyod pa dang / smon lam thams cad yang dag par bsgrub pas sangs rgyas kyi chos thams cad yang dag par bsgrub pa yongs su mi gtong ba'o/ /kye rgyal ba'i sras/ bcu po de dag ni/ byang chub sems dpa' rnams kyi lhag pa'i bsam pa yongs su mi gtong ba la gnas pa ste/ de dag la gnas shing byang chub sems dpa' rnams sangs rgyas kyi chos thams cad yongs su mi gtong ba bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi ye shes kyi rnam par lta ba ste/ bcu gang zhe na/ 'di ltar chos thams cad kyi tshig rab tu dbye ba bstan par mkhas pa la ye shes kyi rnam par lta ba dang </font><hr>Nga244a<br><font size=+1>


@#/ /dus gsum gyi dge ba'i rtsa ba thams cad la ye shes kyis rnam par lta ba dang / byang chub sems dpa'i spyod pa dang / rnam par 'phrul pa thams cad la ye shes kyis rnam par lta ba dang / chos thams cad kyi tshul gyi sgo la ye shes kyis rnam par lta ba dang / sangs rgyas thams cad kyi byin gyi rlabs la ye shes kyis rnam par lta ba dang / gzungs kyi sgo thams cad la ye shes kyis rnam par lta ba dang / 'jig rten gyi khams thams cad du chos bstan pa la ye shes kyis rnam par lta ba dang / chos kyi dbyings thams cad du 'jug pa la ye shes kyis rnam par lta ba dang / phyogs bcu thams cad du bsam gyis mi khyab pa la ye shes kyis rnam par lta ba dang / sangs rgyas kyi chos thams cad kyi ye shes snang ba chags pa med pa la ye shes kyis rnam par lta ba'o/ /kye rgyal ba'i sras/ bcu po de dag ni/ byang chub sems dpa' rnams kyi ye shes kyis rnam par lta ba ste/ de dag la gnas shing byang chub sems dpa' rnams de bzhin gshegs pa'i ye shes chen pos rnam par gzigs pa bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi chos shin tu bstan pa ste/ bcu gang zhe na/ 'di ltar chos thams cad rten cing 'brel par 'byung bar bstan pa dang / chos thams cad sgyu ma lta bur bstan pa dang / chos thams cad nyon mongs pa med pa bstan pa dang / chos thams </font><hr>Nga244b<br><font size=+1>


cad mtha' dang dbus med par bstan pa dang / chos thams cad gnas med par bstan pa dang / chos thams cad rdo rje lta bur bstan pa dang / chos thams cad de bzhin gshegs par bstan pa dang / chos thams cad rab tu zhi bar bstan pa dang / chos thams cad 'byung ba'i lam du bstan pa dang / chos thams cad don gcig pa'i rang bzhin yongs su ma grub par bstan pa'o/ /kye rgyal ba'i sras/ bcu po de dag ni/ byang chub sems dpa' rnams kyi chos shin tu bstan pa ste/ de dag la gnas shing byang chub sems dpa' rnams chos thams cad shin tu bstan pa la mkhas pa thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi yongs su dag pa ste/ bcu gang zhe na/ 'di ltar lhag pa'i bsam pa yongs su dag pa dang / the tshom dang yid gnyis rnam par 'thor ba yongs su dag pa dang / lta ba yongs su dag pa dang / spyod yul yongs su dag pa dang / thams cad mkhyen pa nyid la mos pa yongs su dag pa dang / tha dad pa yang dag par shes pa yongs su dag pa dang / mi 'jigs pa yongs su dag pa dang / byang chub sems dpa' thams cad kyi ye shes kyis rnam par spong ba yongs su dag pa dang / byang chub sems dpa'i yang dag par dam bcas pa thams cad yang dag par bsgrub pa yongs su dag pa dang / bsod nams brgya pa'i mtshan gyi mi chen po'i mtshan sum cu rtsa gnyis dang ldan zhing / bla na med pa yang dag par rdzogs pa'i byang chub kyi mthar thug pa'i dge ba'i chos </font><hr>Nga245a<br><font size=+1>


@#/ /dang ldan pa'i dge ba'i rtsa ba thams cad yongs su dag pa'o/ /kye rgyal ba'i sras/ bcu po de dag ni/ byang chub sems dpa' rnams kyi yongs su dag pa ste/ de dag la gnas shing byang chub sems dpa' rnams sangs rgyas kyi chos thams cad yongs su dag pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi phyag rgya ste/ bcu gang zhe na/ kye rgyal ba'i sras/ 'di la byang chub sems dpa' 'du byed kyi sdug bsngal dang / 'gyur ba'i sdug bsngal shes kyang / sangs rgyas kyi chos yongs su btsal bas sgyid lug par byed par 'gyur ba med cing / byang chub sems dpa'i spyod pa la zhum par 'gyur ba med la/ mi 'jigs/ mi skrag/ skrag par mi byed de/ smon lam las phyir mi ldog cing / thams cad mkhyen pa nyid du sems bskyed pa rgyun mi gcod cing / sangs rgyas kyi chos yongs su btsal ba la mthar thug pa med pa 'di ni bla na med pa yang dag par rdzogs pa'i byang chub tu 'gyur ba'i phyag rgya dang po'o/ /kye rgyal ba'i sras/ gzhan yang byis pa so so'i skye bo rang gi kun nas nyon mongs pas shin tu 'khrugs par gyur pa de dag byang chub sems dpa' la mi snyan par brjod cing / ngan du zer la/ mi tshul ba dang / rtsub pa'i ngag </font><hr>Nga245b<br><font size=+1>


'byin cing / sdigs ra byed pa dang / rdo dang / dbyig pa dang / mtshon chas rdeg cing 'debs kyang / de'i rgyus byang chub sems dpa'i spyod pa dang / sangs rgyas kyi chos yongs su btsal pa las skyo bar mi 'gyur la/ bzod pa dang / mos pa mang bar spyod cing / chos skyon med pa yang dag par ji lta ba bzhin du rtogs pa'i bzod pa dang ldan pa 'di ni/ bla na med pa yang dag par rdzogs pa'i byang chub tu 'gyur ba'i phyag rgya gnyis pa'o/ /kye rgyal ba'i sras/ gzhan yang byang chub sems dpa' sangs rgyas kyi chos zab mo thams cad mkhyen pa nyid dang ldan pa bstan pa'i tshe/ khong nas shes pas 'jug cing mos pa dang / yid ches pa dang / dga' ba dang / mngon par dad par 'gyur ba 'di ni/ bla na med pa yang dag par rdzogs pa'i byang chub tu 'gyur ba'i phyag rgya gsum pa'o/ /kye rgyal ba'i sras/ gzhan yang byang chub sems dpa' rang gi shes pas bdag shes par byed cing / thams cad mkhyen pa nyid du sems bskyed pa/ lhag pa'i bsam pas 'byung bas sangs rgyas su 'gyur bar bya'o/ /bla na med pa yang dag par rdzogs pa'i byang chub tu mngon par 'tshang rgya bar bya'o/ /dga' ba dang / mos pa dang / spro ba chen pos byung ba'i sems bskyed pa dang / mos pa chen po'i rgyus rnam par 'phel ba'i brtson 'grus chen pos 'gro ba lnga'i rgyud du 'khor zhing nyon mongs pa'i sems can </font><hr>Nga246a<br><font size=+1>


@#/ /rnams rab tu dgrol bar bya'o snyam pa 'di ni/ bla na med pa yang dag par rdzogs pa'i byang chub tu 'gyur ba'i phyag rgya bzhi pa'o/ /kye rgyal ba'i sras / gzhan yang byang chub sems dpa' de bzhin gshegs pa'i ye shes mu med pa la 'jug kyang de bzhin gshegs pa'i ye shes las mtshams kyis dpog pa mi byed cing / sangs rgyas bcom ldan 'das tshad med pa rnams las de bzhin gshegs pa'i ye shes kun tu mtha' yas pa thos shing / tshad 'dzin par mi byed cing / yi ge rnam par dgod pa thams cad kyis de bzhin gshegs pa'i ye shes las mtshams su dpog par mi byed pa 'di ni/ bla na med pa yang dag par rdzogs pa'i byang chub tu 'gyur ba'i phyag rgya lnga pa'o/ / kye rgyal ba'i sras/ gzhan yang byang chub sems dpa' bla na med pa yang dag par rdzogs pa'i byang chub tu shin tu mos pa yin te/ mos pa gzhan gyis mi thub pa dang / mos pa zab pa dang / mos pa yangs pa dang / mos pa che ba dang / mos pa sna tshogs dang / mos pa zil gyis mi non pa dang / mos pa bla na med pa dang / mos pa brten pa dang / mos pa las mi mtshungs pa'i mos pa dang ldan / zhing| de la bdud thams cad dang / bdud kyi ris kyi lha thams cad dang / mu stegs can gzhan dang / phas kyi rgol ba thams cad kyi mes pa de las bzlog par mi nus shing / thams cad </font><hr>Nga246b<br><font size=+1>


mkhyen pa nyid du sems bskyed pa las phyir bzlog par mi nus te/ de lta bu'i mos pa chen po la gnas pa'i byang chub sems dpa' ni bla na med pa yang dag par rdzogs pa'i byang chub las phyir mi ldog pa'i mos pa dang ldan pa yin te/ 'di ni phyag rgya drug pa'o/ /kye rgyal ba'i sras/ gzhan yang byang chub sems dpa' mi zlog cing / lus dang srog la mi lta bar thams cad mkhyen pa nyid la mngon par phyogs shing / thams cad mkhyen pa nyid du sems bskyed pa sangs rgyas thams cad kyi byang chub snang bas byang chub sems dpa'i spyad pa la spyod cing / sangs rgyas kyi byang chub yongs su mi gtong la/ dge ba'i bshes gnyen bsnyen pa las phyir mi ldog pa 'di ni bla na med pa yang dag par rdzogs pa'i byang chub tu 'gyur ba'i phyag rgya bdun pa'o/ /kye rgyal ba'i sras/ gzhan yang byang chub sems dpa' theg pa chen po la gnas pa'i rigs kyi bu'am/ rigs kyi bu mo rnams la sangs rgyas kyi chos yongs su btsal bas nye bar ston par byed de/ dge ba'i rtsa ba la yang rab tu gzhog go /ji ltar na byang chub las phyir mi ldog par 'gyur zhes te/ thams cad mkhyen pa nyid kyi sems kyis kyang rab tu 'dzin to/ /'di ni bla na med pa yang dag par rdzogs pa'i byang chub tu 'gyur ba'i phyag rgya brgyad pa'o/ /kye rgyal ba'i sras/ gzhan yang byang chub sems dpa' sems can thams cad la snyoms pa'i sems la gnas shing / thams cad mkhyen </font><hr>Nga247a<br><font size=+1>


@#/ /pa'i ye shes yang dag par bsgrub pa la brtson pa yin te/ sems can thams cad la yang snying rje chen po bskyed cing / bla na med pa yang dag par rdzogs pa'i byang chub las phyir mi ldog par chos ston te/ 'di ni bla na med pa yang dag par rdzogs pa'i byang chub tu 'gyur ba'i phyag rgya dgu pa'o/ /kye rgyal ba'i sras/ gzhan yang byang chub sems dpa' 'das pa dang / ma byon pa dang / da ltar byung ba'i sangs rgyas bcom ldan 'das rnams dang / dge ba'i rtsa ba thams cad kyi rgyud kyi tshul gcig tu gyur cing / sangs rgyas thams cad kyi rigs rgyun mi gcod pa la shin tu brtson pa dang / thams cad mkhyen pa'i ye shes kyi lam gyis 'byung ba la gnas pa yin te/ 'di ni bla na med pa yang dag par rdzogs pa'i byang chub tu 'gyur ba'i phyag rgya bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi phyag rgya ste/ phyag rgya de dag dang ldan na/ byang chub sems dpa' rnams myur du bla na med pa yang dag par rdzogs pa'i byang chub tu mngon par 'tshang rgya zhing / chos kyi ye shes kyi phyag rgya bla na med pa 'thob par 'gyur ba dag go /kye rgyal ba'i sras/ bcu bo 'di dag ni/ byang chub sems dpa' rnams kyi ye shes snang ba ste/ bcu gang zhe na/ 'di ltar byang chub sems dpa' bla na med pa </font><hr>Nga247b<br><font size=+1>


yang dag par rdzogs pa'i byang chub tu nges te/ sangs rgyas kyi byang chub kyis snang bar gyur pa'i ye shes snang ba dang / sangs rgyas thams cad blta ba la ye shes snang ba dang / sems can thams cad kyi 'chi 'pho dang / skye ba'i skye mched la ye shes snang ba dang / mdo sde'i chos kyi rnam grangs thams cad la ye shes snang ba dang / dge ba'i bshes gnyen thams cad kyi rgyu mthun pas byang chub tu sems bskyed cing / dge ba'i rtsa ba thams cad bsags pa la ye shes snang ba dang / sems can rnam par gdul ba la ye shes snang ba dang / sems can thams cad yongs su smin par bya ba dang / gdul bas de bzhin gshegs pa'i sa la dgod pa la ye shes snang ba dang / chos kyi tshul 'byams klas shing bsam gyis mi khyab pa bstan pa la ye shes snang ba dang / sangs rgyas thams cad kyi byin gyi rlabs la mkhas pa la ye shes snang ba dang / pha rol tu phyin pa thams cad yongs su rdzogs par bya ba la ye shes snang ba'o/ /kye rgyal ba'i sras/ bcu po de dag ni/ ye shes snang ba ste/ de dag la gnas shing byang chub sems dpa' rnams sangs rgyas kyi chos thams cad la bla na med pa'i ye shes snang ba 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi byang chub sems dpa'i gnas sems can thams cad dang / nyan thos thams cad dang / rang </font><hr>Nga248a<br><font size=+1>


@#/ /sangs rgyas thams cad dang mtshungs pa med pa ste/ bcu gang zhe na/ kye rgyal ba'i sras/ 'di la byang chub sems dpa' yang dag pa'i mtha'i gnas kyis gnas kyang / smon lam thams cad yongs su ma rdzogs kyi bar du mngon du mi byed pa 'di ni byang chub sems dpa'i gnas mtshungs pa med pa dang po'o/ /kye rgyal ba'i sras/ gzhan yang byang chub sems dpa'i dge ba'i rtsa ba thams cad bskyed par bya ba yang / chos kyi dbyings thams cad kyis klas par sems bskyed pas skyed par byed la/ chos gang la yang mngon par chags pa med pa 'di ni byang chub sems dpa'i gnas mtshungs med pa gnyis pa'o/ /kye rgyal ba'i sras/ gzhan yang byang chub sems dpa' sprul pa lta bu'i byang chub sems dpa'i spyod pa la chos thams cad rab tu zhi bas spyod kyang / sangs rgyas kyi chos thams cad la mgo rmongs pa yang med pa 'di ni byang chub sems dpa'i gnas mtshungs pa med pa gsum pa'o/ /kye rgyal ba'i sras/ gzhan yang byang chub sems dpa' 'gro ba thams cad las gyen du 'phags pa'i yid la bya bas bskal pa brjod du med par smon lam chen po yongs su rdzogs par bya ba'i phyir/ byang chub sems dpa'i spyad pa spyod kyang yongs su skyo ba mi skyed de/ 'di ni byang chub sems dpa'i gnas mtshungs pa med pa bzhi pa'o/ /kye rgyal </font><hr>Nga248b<br><font size=+1>


ba'i sras/ gzhan yang byang chub sems dpa' chos thams cad rang bzhin gyis dpen pas/ chos thams cad la mi gnas par spyod kyang / thams cad mkhyen par 'byung ba'i chos yongs su ma rdzogs kyi bar du yongs su mya ngan las 'da' bar mi byed pa la 'di ni/ byang chub sems dpa'i gnas mtshungs pa med pa lta bu'o/ /kye rgyal ba'i sras/ gzhan yang byang chub sems dpa' bskal pa thams cad bskal pa ma yin pa yang shes la/ bskal pa'i grangs kyang rab tu ston te/ de yang yang dag par de kho na bzhin du 'gyur ba 'di ni byang chub sems dpa'i gnas mtshungs pa med pa drug pa'o/ /kye rgyal ba'i sras/ gzhan yang byang chub sems dpa' chos thams cad mngon par 'du bya ba med par yang shes la/ sangs rgyas kyi chos thams cad yongs su btsal ba'i phyir/ mngon par 'du bya ba'i spros pa yang rgyun mi gcod pa 'di ni/ byang chub sems dpa'i gnas mtshungs pa med pa bdun pa'o/ /kye rgyal ba'i sras/ gzhan yang byang chub sems dpa' khams gsum thams cad sems tsam du 'jug ste/ dus gsum yang sems tsam du shes la/ sems de yang mtha' dang dbus med par khong du chud pa 'di ni/ byang chub sems dpa'i gnas mtshungs pa med pa brgyad pa'o/ /kye rgyal ba'i sras/ gzhan yang byang chub sems dpa' sems can gcig gi don du yang / thams cad mkhyen pa'i sa la rab tu gzhag </font><hr>Nga249a<br><font size=+1>


@#/ /pa'i phyir bskal pa brjod du med par byang chub sems dpa'i spyad pa spyod la/ sems can gcig gi don du ji lta ba de bzhin du/ sems can thams cad kyi don du yang thams cad mkhyen pa'i sa la dgod pa'i phyir/ byang chub sems dpa'i spyad pa spyod kyang dus su spyod pas yongs su mi skyo ba yin te/ 'di ni byang chub sems dpa'i gnas mtshungs pa med pa dgu pa'o/ /kye rgyal ba'i sras/ gzhan yang byang chub sems dpa' byang chub sems dpa'i spyod pa yang yongs su rdzogs la/ sems can thams cad kyi don du 'gyur bas/ bla na med pa yang dag par rdzogs pa'i byang chub tu mngon par 'tshang mi rgya zhing / ji srid ji srid du 'khor ba/ de srid de srid du sems can gyi don du phyi phyir zhing tshad med par bya bar 'gyur ro/ /sangs rgyas kyi byang chub tu rab tu dgod par 'gyur ro snyam pa 'di ni/ byang chub sems dpa'i gnas mtshungs pa med pa bcu pa'o/ kye rgyal ba'i sras/ bcu po de dag ni/ byang chub sems dpa'i gnas mtshungs pa med pa ste/ de dag la gnas shing byang chub sems dpa' rnams sangs rgyas kyi chos thams cad la ye shes chen po mtshungs pa med pas gnas pa bla na med pa 'thob par 'gyur ba dag go/ //bam po bdun cu rtsa brgyad pa/ kye rgyal ba'i sras/ bcu po 'di dag ni / </font><hr>Nga249b<br><font size=+1>


byang chub sems dpa' rnams kyi sangs rgyas kyi byang chub tu zhum pa med pa'i sems bskyed pa ste/ bcu gang zhe na/ kye rgyal ba'i sras/ 'di la byang chub sems dpas 'di ltar bdud dang / bdud kyi ris kyi lha thams cad rab tu pham par bya'o snyam ste/ zhum pa med pa'i sems bskyed pa dang / mu stegs can gzhan dang / phas kyi rgol ba thams cad chos dang mthun par tshar gcad do snyam ste/ zhum pa med pa'i sems bskyed pa dang / legs par bshad pas sems can gyi khams thams cad tshim par bya'o snyam ste/ zhum pa med pa'i sems bskyed pa dang / chos kyi dbyings yongs su rdzogs par bya bas/ pha rol tu phyin pa yongs su rdzogs par bya ba thams cad yongs su rdzogs par bya'o snyam ste/ zhum pa med pa'i sems bskyed pa dang / 'gro ba thams cad kyi bsod nams kyi phung po yongs su rdzogs par bya ba yongs su rdzogs par bya'o/ /yang dag par bsdu bar bya'o snyam ste/ zhum pa med pa'i sems bskyed pa dang / gter chen po bla na med pa yang dag par rdzogs pa'i byang chub tu brtsams pa chen po dang / byang chub sems dpa'i spyod pa rdzogs par dka' ba yongs su rdzogs par bya'o snyam ste| zhum pa med pa'i sems bskyed pa dang / sems can gyi khams thams cad bla na med pa'i yongs su smin par bya ba dang / bla na med pa'i gdul bas yongs su smin par bya'o/ / </font><hr>Nga250a<br><font size=+1>


@#/ /gdul bar bya'o snyam ste/ zhum pa med pa'i sems bskyed pa dang / 'jig rten gyi khams thams cad kha dog du ma dang / kha dog sna tshogs dang / brgya stong du ma las 'das pa'i kha dog tu mos pas bsgyur la / byang chub mngon par rdzogs par 'tshang rgya bar bya'o snyam ste/ zhum pa med pa'i sems bskyed pa dang / kye rgyal ba'i sras/ gzhan yang byang chub sems dpa' 'di lta sems bskyed pa dang / bdag byang chub sems dpa'i spyad pa spyod pa'i tshe/ gang la la zhig gis bdag gi lus la dmigs te/ lag pa dang / rkang pa dang / rna ba dang / sna dang / sha dang / khrag dang / rus pa dang / rkang dang / bu dang / bu mo dang / chung ma dang / glang po dang / rta dang / rgyal srid dang / g.yog 'khor thams cad slong ba zhig byung na de la bdag gis thams cad yongs su gtang bar bya ste/ sems can thams cad la yongs su skyo ba dang ldan pa'i sems gcig kyang mi skyed do/ /sems can thams cad la phan pa dang / bde ba'i phyir/ rnam par smin pa la re ba med cing / snying rje chen po sngon du 'gro ba dang / byams pa chen po'i mthas gtugs pa'i sems bskyed pas/ lus thams cad kyang yongs su gtang ngo snyam ste/ zhum pa med pa'i sems bskyed pa dang / kye rgyal ba'i sras/ gzhan </font><hr>Nga250b<br><font size=+1>


yang byang chub sems dpa' 'di snyam du sems te/ dus gsum gyi sangs rgyas thams cad dang / sangs rgyas kyi chos thams cad dang / sems can thams cad dang / zhing thams cad dang / 'gro ba thams cad dang / dus thams cad dang / nam mkha'i khams thams cad dang / spyod par brtags pa'i khams thams cad dang / mya ngan las 'das pa'i khams zhi ba gang ji snyed pa thams cad dang / chos tha dad pa de dag thams cad sems skad cig gcig dang ldan pa'i shes rab kyis shes par bya/ rtogs par bya/ mngon par rdzogs par 'tshang rgya bar bya| blta bar bya/ khong du chud par bya/ bsgom par bya/ rnam par bsgom par bya/ mngon par shes par bya/ yongs su shes par bya/ rab tu spang bar bya/ mngon du bya ste/ de dag thams cad la ma brtags/ rnam par ma brtags/ sna tshogs su ma byas/ rnam pa tha dad du ma byas/ ched du bskyod par ma byas/ dmigs par ma byas/ bsgom par ma byas/ rnam par bsgom par ma byas/ gcig tu ma byas/ gnyis su ma byas pa'i ye shes mi gnyis pa gnyis po thams cad rab tu shes pa dang / mtshan nyid med pa'i ye shes mtshan nyid thams cad rab tu shes pa dang / rtog pa med pa'i ye shes rtog pa thams cad rab tu shes pa dang / sna tshogs su gyur pa med pa'i ye shes sna tshogs thams cad rab tu shes pa dang / rnam pa tha dad </font><hr>Nga251a<br><font size=+1>


@#/ /par gyur pa med pa'i ye shes rnam pa tha dad pa thams cad rab tu shes pa dang / 'jig rten du gyur pa med pa'i ye shes 'jig rten thams cad rab tu shes pa dang / 'jig rten gyi khams su phyin pa med pa'i ye shes 'jig rten gyi khams thams cad du rab tu shes pa dang / dus su gyur pa med pa'i ye shes dus thams cad rab tu shes pa dang / sems can gyi sar gyur pa med pa'i ye shes sems can gyi khams thams cad rab tu shes pa dang / mngon par shes pa thams cad las gyen du 'phags pa'i ye shes mngon par chags pa'i spyod yul gyi mthar thug pa dang / gnas med pa la gzhol ba'i ye shes gnas thams cad rab tu shes pa dang / kun nas nyon mongs pa med pa'i ye shes kun nas nyon mongs pa thams cad rab tu shes pa dang / mi zad pa'i mthar phyin pa'i ye shes zad pa thams cad rab tu shes pa dang / chos kyi dbyings la gzhol ba'i ye shes 'jig rten gyi khams thams cad du lus yongs su ston pa dang / brjod pa dang / tshig dang / sgra dang / dbyangs dang bral ba'i ye shes sgra dbyangs brjod du med pa rab tu brjod pa dang / rang bzhin gcig pa'i ye shes rang bzhin med pa rab tu rtogs pa dang / spyod yul gcig la zhugs pa'i ye shes spyod yul tha dad pa yongs su ston pas brjod pa chen </font><hr>Nga251b<br><font size=+1>


po'i byin gyi rlabs yang dag par bstan pa'i phyir/ brjod du med pa'i chos thams cad mngon par rdzogs par 'tshang rgya bar bya'o/ /sems can thams cad yongs su smin par bya ba dang| gdul ba'i phyir thams cad mkhyen pa nyid kyi sa chen po mngon par rdzogs par 'tshang rgya bar bya'o/ /cho 'phrul chen po dang / rnam par 'phrul ba'i cho 'phrul yang 'gro ba thams cad du bstan par bya'o snyam pa 'di ni/ zhum pa med pa'i sems bskyed pa bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi zhum pa med pa'i sems bskyed pa ste/ de dag la gnas shing byang chub sems dpa' rnams sangs rgyas kyi chos thams cad la zhum pa med pa bla na med pa 'thob par 'gyur pa dag go /kye rgyal ba'i sras/ bcu po 'di dag ni/ byang chub sems dpa' rnams kyi lhag pa'i bsam pa ri bo lta bu ste/ bcu gang zhe na/ kye rgyal ba'i sras/ 'di la byang chub sems dpa' thams cad mkhyen pa'i chos yid la bya bas rtag tu rgyun mi 'chad par brtson pa yin te/ 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu dang po'o/ /kye rgyal ba'i sras| gzhan yang byang chub sems dpa' chos thams cad mi dmigs pas/ chos thams cad la rang bzhin gyis stong par rnam par lta ba 'di ni/ bla na med pa yang dag par </font><hr>Nga252a<br><font size=+1>


@#/ /rdzogs pa'i byang chub tu lhag pa'i bsam pa ri bo lta bu gnyis pa'o/ /kye rgyal ba'i sras/ gzhan yang byang chub sems dpa' bskal pa mtha' dang dbus med par chos dkar po thams cad kyi spyod pa dang ldan pa'i sems bskyed pas/ byang chub sems dpa'i spyad pa spyod cing / chos dkar po yang dag par blangs pa thams cad la nan tan du byed pas/ de bzhin gshegs pa'i ye shes tshad med pa yang khong du chud par byed pa 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu gsum pa'o/ /kye rgyal ba'i sras/ gzhan yang byang chub sems dpa' sangs rgyas kyi chos thams cad kyis/ dge ba'i bshes gnyen la tshul dang 'dra ba'i rim gro byed cing / re ba med pa'i sems bskyed pa chos rku ba dang bral bas nan tan du byed de/ gzhan du na 'di la/ bdag gis de bas kyang rim gro dang / bkur sti rgya chen po bskyed par bya'o/ /'di la yongs su btang ba thams cad kyang dbul bar bya'o snyam pa 'di ni/ bla na med pa yang dag par rdzogs pa'i byang chub tu lhag pa'i bsam pa ri bo lta bu bzhi pa'o/ /kye rgyal ba'i sras/ gzhan yang byang chub sems dpa' sems can thams cad las sdug bsngal gyi rnam pa bzod par byed de/ lus la gnod pa dang / srog </font><hr>Nga252b<br><font size=+1>


la 'bab pa yang nyams su len cing / gshe ba dang / mi snyan du zer ba dang / sdigs pa dang / smod pa dang / khyad du gsod pa thams cad la bzod par byed de/ de'i rgyus nyams par mi 'gyur/ 'khrug par mi 'gyur/ 'khrug pa dang / rnam par 'khrug par mi byed de/ de'i rgyus sems can rnams la snying rje chen po'i go bgos pa yang yongs su mi 'dor/ rgyun mi gcod cing de bas kyang shas cher snying rje chen po rnam par 'phel bar byed do/ /rgyun mi gcod do/ /kye rgyal ba'i sras/ de ci'i phyir zhe na/ de ni byang chub sems dpa' de chos thams cad yang dag par ji lta ba bzhin du 'byung ba'i btang snyoms dang / de bzhin gshegs pa'i chos thams cad rab tu rtogs pa'i bzod pa dang / des pa'i dbang dang ldan pa'i phyir te/ 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu lnga pa'o/ /kye rgyal ba'i sras/ gzhan yang byang chub sems dpa' bsod nams kyis dbang bsgyur ba chen po dang ldan pa yang yin te/ lha la dbang bsgyur ba dang / mi la dbang bsgyur ba dang / gzugs la dbang bsgyur ba dang / stobs la dbang bsgyur ba dang / 'khor la dbang bsgyur ba dang / 'dod pa la dbang bsgyur ba dang / rgyal srid la dbang bsgyur ba dang / dbang phyug la dbang bsgyur ba dang / yon tan la dbang bsgyur ba dang / shes rab la dbang bsgyur ba chen po dang </font><hr>Nga253a<br><font size=+1>


@#/ /ldan pa yin te/ de rgyal srid kyi bde ba'i dbang du mi 'gyur/ 'dod pa'i bde ba'i dbang du mi 'gyur/ longs spyod kyi bde ba'i dbang du mi 'gyur 'khor gyi bde ba'i dbang du mi 'gyur te/ gzhan du na chos 'dod pa'i chos la gzhol ba/ chos la 'bab pa/ chos la bab pa/ chos kyi mthar thug pa/ chos la brten pa/ chos la skyabs tshol ba/ chos la dpung gnyen tshol ba dang / chos la gnas pa/ chos la don du gnyer ba/ chos la mngon par dga' ba/ chos la tshol ba yin te/ chos nyid la bsam gtan 'cha' zhing gnas pa yin te/ rnam pa de lta bu'i bde ba'i bye brag dang 'grogs pas/ bdud kyi yul la gnas pa ma yin/ kye rgyal ba'i sras/ de yang ci'i phyir zhe na/ de ni byang chub sems dpas sngon sems can thams cad bdag gis bdud kyi yul las rnam par bzlog par bya'o/ /sangs rgyas kyi yul la dgod par bya'o zhes sems bskyed pa'i phyir te/ 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu drug pa'o/ /kye rgyal ba'i sras/ gzhan yang byang chub sems dpa' bla na med pa yang dag par rdzogs pa'i byang chub tu brtson 'grus 'di lta bur brtsams te/ bskal pa grangs med par byang chub sems dpa'i spyad </font><hr>Nga253b<br><font size=+1>


pa spyod kyang / de ring kho nar bla na med pa yang dag par rdzogs pa'i byang chub tu gzod zhugs pa tsam du 'dzin te/ byang chub sems dpa'i spyod pas mi 'jigs/ mi skrag /skrag par mi 'gyur zhing / mi 'jigs pa 'di lta bu dang ldan pa yin te/ de ring kho na bla na med pa yang dag par rdzogs pa'i byang chub tu 'gyur ba snyam du 'dzin pas/ de phyin chad kyang 'di ltar sems can thams cad yongs su smin par bya ba'i phyir/ bskal pa tshad med par byang chub sems dpa'i spyad pa spyod pa 'di ni/ bla na med pa yang dag par rdzogs pa'i byang chub tu lhag pa'i bsam pa ri bo lta bu bdun pa'o/ /kye rgyal ba'i sras/ gzhan yang byang chub sems dpa' sems can pha rol dang / gang zag pha rol cang shes ma yin pa| gdul dka' ba/ gso dka' ba/ byas pa mi gzo ba/ byas pa mi dran pa shes nas/ de dag rnam par bzlog pa'i phyir/ go cha chen po bgos te/ sems can thams cad kyi sems la dbang bsgyur ba la yang bsam pa'i spyod yul ji lta ba bzhin du gnas pa yin te/ sems can 'khu bas skyo bar mi 'gyur zhing / sems can pha rol gyi nyon mongs pas phyir ldog par mi 'gyur ba 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu brgyad pa'o/ /kye rgyal ba'i sras/ gzhan yang byang chub sems dpa' 'di </font><hr>Nga254a<br><font size=+1>


@#/ /lta bu zhig bdag gis byang chub sems dpa'i spyod pa yang dag par bsgrub par 'gyur/ zhes bya bar su la'ang skabs 'byed pa med par bla na med pa yang dag par rdzogs pa'i byang chub tu sems bskyed de/ gzhan du na bdag gcig pus phyi ma'i mtha'i mur thug pa'i bskal par byang chub sems dpa'i spyod pa spyad par bya'o/ /rang gi rgyud 'di nyid las sangs rgyas kyi chos thams cad yang dag par bsgrub par bya'o/ /sems bskyed pa la rag las par bla na med pa yang dag par rdzogs pa'i byang chub rtogs par bya ste/ byang chub tu sems bskyed par bya'o/ /rang gi rgyud rnam par sbyang bar bya'o/ /gzhan gyi rgyud rnam par sbyang bar bya'o/ /rang gi yul khong du chud par bya'o/ /gzhan gyi yul khong du chud par bya'o/ /'das pa dang / ma byon pa dang / da ltar byung ba'i sangs rgyas bcom ldan 'das rnams dang / yul gcig tu 'gyur bar bya'o snyam pa 'di ni/ bla na med pa yang dag par rdzogs pa'i byang chub tu lhag pa'i bsam pa ri bo lta bu dgu pa'o/ /kye rgyal ba'i sras/ gzhan yang byang chub sems dpa' ni chos gang byang chub sems dpa'i spyad pa spyod pa de lta bu'i chos kyang rjes su mi mthong ngo / /chos gang byang chub sems dpa'i spyod pa yongs su rdzogs </font><hr>Nga254b<br><font size=+1>


par byed pa de lta bu'i chos kyang rjes su mi mthong ngo / /chos gang bla na med pa yang dag par rdzogs pa'i byang chub tu mngon par sangs rgyas pa'am/ 'tshang rgya ba'am/ 'tshang rgya bar 'gyur ba de lta bu'i ches kyang rjes su mi mthong ngo / /gang gis chos bstan pa dang / ston pa dang / ston par 'gyur ba de lta bu'i chos kyang rjes su mi mthong ngo / /de la ston par byed pa de yang mi dmigs la/ chos ston pa nyid kyang mi dmigs te/ 'on kyang byang chub sems dpa' bla na med pa yang dag par rdzogs pa'i byang chub las smon lam phyir zlog par mi byed do/ /kye rgyal ba'i sras/ de ci'i phyir zhe na/ 'di lta ste/ chos thams cad mi dmigs pa'i spyod pas/ chos thams cad yongs su btsal ba de lta bus ni/ bla na med pa yang dag par rdzogs pa'i byang chub tu 'byung bar 'gyur te/ de ni gnyen po yongs su sbyang ba dang / shes rab yongs su rdzogs par bya ba'i phyir/ las dang dge ba'i rtsa ba de bas kyang shas cher yang dag par sdud do/ /dge ba'i las thams cad yang dag par bsdus pas sems kyi skad cig re re zhing shin tu shas che bar rnam par 'phel te / de la gal te chos 'di dag thams cad de lta bur dpen na/ bdag kyang su zhig gi phyir/ bla na med pa yang dag par rdzogs pa'i byang chub tu zhugs snyam pa'i 'jigs pa med/ </font><hr>Nga255a<br><font size=+1>


@#/ /sdang ba med de/ 'di ni bla na med pa yang dag par rdzogs pa'i byang chub tu lhag pa'i bsam pa ri bo lta bu bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi lhag pa'i bsam pa ri bo lta bu ste/ de dag la gnas shing byang chub sems dpa' rnams de bzhin gshegs pa'i ye shes chen po thugs ri bo'i rgyal po lta bu bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu ste/ bcu gang zhe na/ 'di ltar sems can gyi khams thams cad tshad med par 'jug pa/ 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu dang po'o/ /kye rgyal ba'i sras/ gzhan yang byang chub sems dpa' ni 'jig rten gyi khams 'byams klas pa la rtog pa med pa dang / rnam par rtog pa med pa la gnas pas 'jug pa med par zhugs pa yin te/ 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu gnyis pa'o/ /kye rgyal ba'i sras/ gzhan yang byang chub sems dpa' nam mkha'i dbyings tshad med pa thams cad yongs </font><hr>Nga255b<br><font size=+1>


su sbyangs shing / nam mkha' la sgrib pa med pa'i tshul gyis phyogs kyi dra ba rnam par phye ba thams cad mnyam pa nyid du rtogs pa 'di ni/ bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu gsum pa'o/ /kye rgyal ba'i sras/ gzhan yang byang chub sems dpa' ni chos kyi dbyings khong du chud par bya ba la chags pa med par 'jug pa'i tshul dang / chad pa med par 'jug pa'i tshul dang / rtag pa med par 'jug pa'i tshul dang / tshad med par 'jug pa'i tshul dang / 'jug pa med par 'jug pa'i tshul dang / ldog pa med par 'jug pa'i tshul dang / 'jug pa thams cad yongs su shes pa'i tshul gyis shin tu zhugs pa yin te/ 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu bzhi pa'o/ /kye rgyal ba'i sras/ gzhan yang byang chub sems dpa' ni dge ba'i rtsa ba thams cad yang dag par sdud cing yongs su gsog ste/ 'das pa dang / ma byon pa dang / da ltar byung ba'i sangs rgyas bcom ldan 'das thams cad dang / byang chub sems dpa' dang / chos smra pa dang / nyan thos dang / rang sangs rgyas rnams dang / so so'i skye bo thams cad la dge ba'i rtsa ba ji snyed cig byas pa dang / byed pa dang / byed par 'gyur ba dang / dge ba'i </font><hr>Nga256a<br><font size=+1>


@#/ /rtsa ba gang gis 'das pa dang / ma byon pa dang / de ltar byung ba'i sangs rgyas bcom ldan 'das rnams bla na med pa yang dag par rdzogs pa'i byang chub tu mngon par sangs rgyas pa dang / 'tshang rgya ba dang / 'tshang rgya bar 'gyur ba dang / chos gang 'das pa dang / ma byon pa dang / da ltar byung ba'i sangs rgyas bcom ldan 'das rnams kyis bstan pa dang / ston pa dang / ston par 'gyur ba dang / sems can ji snyed cig chos bstan pa de dag la grub pa dang / 'grub pa dang / 'grub par 'gyur ba dang / sems can ji snyed cig dul ba dang / 'dul ba dang / 'dul bar 'gyur ba de lta bu'i dge ba'i rtsa ba thams cad rab tu shes so/ /mos par byed do/ /rjes su yi rang bar byed do| |dge ba'i rtsa ba yongs su btsal bas kyang skyo bar mi byed/ skyo ba mi skyed de/ 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu lnga pa'o/ /kye rgyal ba'i sras/ gzhan yang byang chub sems dpa' ni 'das pa'i skal pa la 'jug pa ste/ sems bskyed pa re res kyang bskal pa brjod du med pa la 'jug go /bskal pa re re la yang sangs rgyas skye ba khrag khrig phrag brgya'am/ khrag khrig phrag stong ngam/ khrag khrig brgya phrag stong ngam/ sangs rgyas skye ba tshad med pa </font><hr>Nga256b<br><font size=+1>


dang| grangs med pa dang / bsam gyis mi khyab pa dang / mtshungs pa med pa dang / gzhal du med pa dang / dpag tu med pa dang / mtha' yas pa dang / mu med pa dang / sa mtshams med pa dang / brjod du med pa la 'jug go /sangs rgyas skye ba grangs dang bgrang ba las 'das pa la 'jug cing shes par byed do/ /sangs rgyas bcom ldan 'das de dag gi 'khor gyi dkyil 'khor yang khong du chud par byed do/ /byang chub sems dpa'i tshogs dang / nyan thos kyi dge 'dun dang / chos bstan pa dang / sems can gdul ba dang / sku tshe'i tshad dang| byin gyi rlabs dang / bstan pa gnas pa'i rim pa la yang 'jug go /bskal pa gcig la ji ltar zhugs pa de bzhin du bskal pa thams cad la yang 'jug na/ sangs rgyas mi bzhugs pa dang / sangs rgyas ma byung ba'i bskal pa lta ci smos te/ bskal pa gang la sems can gang gis bla na med pa yang dag par rdzogs pa'i byang chub tu dge ba'i rtsa ba bskyed pa dang / sems can gang gis dge ba'i rtsa ba yongs su smin par byas pa dang / sems can gang gis ma byon pa'i sangs rgyas mthong bar dge ba'i rtsa ba yongs su smin par byas pa de dag kyang / byang chub sems dpas rab tu shes te/ de ltar 'jug pas brjod du med pa'i yang brjod du med pa'i bskal pa la 'jug cing rtog kyang / sngon gyi bskal pa'i dus </font><hr>Nga257a<br><font size=+1>


@#/ /la 'jug pas ngoms par mi 'gyur ba 'di ni/ bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu drug pa'o/ / kye rgyal ba'i sras/ gzhan yang byang chub sems dpa' ma 'ongs pa'i bskal pa la 'jug cing / rnam par dpyod la sems shing rtog ste/ ma 'ongs pa'i dus kyi bskal pa gang dang gang ni sangs rgyas dang bcas par 'gyur/ bskal pa gang dang gang ni sangs rgyas mi bzhugs par 'gyur/ bskal pa de dag la yang sangs rgyas bcom ldan 'das ni ji snyed cig 'byung / de bzhin gshegs pa de dag gi mtshan ni ci zhes bya bar 'gyur/ 'jig rten gyi khams ni gang du/ ming ni ci zhes bya ba zhig tu/ sems can ni ji snyed cig yongs su smin par mdzad par 'gyur/ de bzhin gshegs pa de dag ni sku tshe'i tshad ji tsam dang ldan pa zhig tu 'gyur zhes bskal pa gcig nas gcig tu brgyud pa dang / gcig nas gcig tu 'brel pa thams cad la rtog ste/ de ltar 'jug cing rtog pas bskal pa brjod du med pa zad par byed kyang / phyi ma'i mtha'i mur thug pa'i dus la 'jug pas ngoms par mi 'gyur ba 'di ni/ bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu bdun pa'o/ /kye rgyal ba'i sras/ gzhan yang byang </font><hr>Nga257b<br><font size=+1>


chub sems dpa' da ltar byung ba'i dus la 'jug cing rtog ste/ phyogs sna tshogs la 'jug par bya ba dang / phyogs bcu rnam pa gnas pa dang / phyogs kyi rgyud bstan pa mtha' yas pa dang / phyogs kyi dra ba dang / phyogs kyi dra ba'i rgyud rnam pa tha dad pa thams cad bstan pa dag tu sangs rgyas bcom ldan 'das dag bla na med pa yang dag par rdzogs pa'i byang chub tu mngon par sangs rgyas pa dang / mngon par 'tshang rgya ba dang / mngon par 'tshang rgya bar 'gyur ba dang / snying po byang chub kyi shing drung du gshegs pa dang / byang chub kyi gzhi la nyug pa dang / bzhugs pa dang / bdud kyi dkrugs ma rab tu pham par mdzad pa dang / rnam par 'tshang rgya ba dang / bzhengs pa dang / grong rdal du gshegs pa dang / lha'i gnas su chos ston pa dang / chos kyi 'khor lo bskor ba dang / sems can gyi khams rnam par 'dul ba dang / de bzhin gshegs pa'i rnam par 'phrul ba yongs su ston pa dang / bla na med pa yang dag par rdzogs pa'i byang chub yongs su gtong ba dang / sku tshe'i 'du byed spong ba dang / phung po ma lus pa'i mya ngan las 'das par yongs su mya ngan las 'da' ba dang / chos kyi tshul yang dag par 'gro ba dang / bstan pa yang dag par 'dzin pa dang / dam pa'i chos gsal bar byed pa dang / de bzhin gshegs pa'i mchod rten gyis brgyan </font><hr>Nga258a<br><font size=+1>


@#/ /par byed pa dang / de bzhin gshegs pa'i mchod rten la mchod pa byed pa dang / 'jig rten gyi khams thams cad du mchod rten gyi rgyan yid la byed pa dag la sems shing / rnam par sems la yid la byed de/ de lta bur 'jug pas sems bskyed pa re re la yang 'jig rten gyi khams brjod du med pa la 'jug cing| sems can thams cad kyang rtogs par byed/ sangs rgyas bcom ldan 'das kyang mthong bar byed/ dam pa'i chos kyang thos par byed/ thos nas kyang kun chub par byed| dran pas yongs su 'dzin/ blo gros kyis rnam par 'byed/ rtogs pas rnam par 'phel bar byed de/ blos phyogs bcur tshad med par rgyas par byed kyang / sangs rgyas kyi chos la mgo rmongs par mi 'gyur ro/ /de ci'i phyir zhe na/ rmi lam lta bur rnam par bsgoms pa'i phyir te/ de bzhin gshegs pa de dag la yang mchod cing rim gror bya ba thams cad byed pas/ de bzhin gshegs pa de dang de dag gi zhabs drung du bdag nyid de bzhin gshegs pa la mchod cing rim gro byed par brtson par ston kyang / bdag gi lus la yang mngon par chags pa med/ de bzhin gshegs pa'i sku la yang ma yin/ 'jig rten gyi khams la yang ma yin/ chos mnyan pa la yang ma yin/ </font><hr>Nga258b<br><font size=+1>


bskal pa'i grangs la 'jug pa la yang ma yin te/ da ltar byung ba'i sangs rgyas mthong bas ngoms par yang mi 'gyur la/ chos mnyan pas kyang ma yin/ 'jig rten gyi khams rnam par brtags pas kyang ma yin/ bskal pa'i grangs la 'jug pas kyang ma yin te/ 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu brgyad pa'o/ /kye rgyal ba'i sras/ gzhan yang byang chub sems dpa' bskal pa brjod du med pa'i yang brjod du med par sangs rgyas bcom ldan 'das rnams la rim gro byed/ bkur sti byed/ mchod pa byed de/ bskal pa re re la yang brjod du med pa'i yang brjod du med pa'i sangs rgyas bcom ldan 'das rnams la rim gro byed/ bkur sti byed/ mchod pa byed cing / bdag gi lus skye ba dang / shi 'pho yongs su bstan pas khams gsum thams cad las 'das pa'i mchod pas/ de bzhin gshegs pa nyan thos kyi dge 'dun dang bcas pa dang / byang chub sems dpa'i tshogs kyis bskor ba la mchod pa byed pa dang / de bzhin gshegs pa mya ngan las 'das pa rnams kyi sku gdung la yang bla na med pa'i mchod pas mchod par byed cing / yongs su gtong ba'i sems bsam gyis mi khyab pas sems can gyi khams thams cad shin tu tshim par bya ba'i phyir/ rnam par smin pa la re ba med cing phan gdags pa lhur bya ba dang / phan par </font><hr>Nga259a<br><font size=+1>


@#/ /'dod pas yongs su gzung bar sbyin pa byed kyang / sangs rgyas mchod cing rim gror bya ba dang / sems can thams cad la yongs su btang ba shin tu btang bas ngoms par mi 'gyur te/ bskal pa brjod du med pa'i yang brjod du med par sangs rgyas bcom ldan 'das rnams la rim gror bya ba dang / sems can nye bar bsgral ba dang / bstan pa yongs su bzung ba dang / dam pa'i chos brjod pa dang / bla na med pa yang dag par rdzogs pa'i byang chub tu sems can gdul bas kyang / ngoms par mi 'gyur ba 'di ni bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu dgu pa'o/ /kye rgyal ba'i sras/ gzhan yang byang chub sems dpa' ni| byang chub sems dpa'i gdams ngag dang / byang chub sems dpa'i bslab pa dang / byang chub sems dpa'i man ngag dang / byang chub sems dpa'i nan tan dang / byang chub sems dpa'i yongs su dag pa dang / byang chub sems dpa'i yongs su smin par bya ba dang / byang chub sems dpa'i 'dul ba dang / byang chub sems dpa'i mnyam pa nyid dang| byang chub sems dpa'i 'byung ba dang / byang chub sems dpa'i gzugs kyi sgo'i lam sangs rgyas bcom ldan 'das thams cad dang / byang chub sems dpa' thams cad </font><hr>Nga259b<br><font size=+1>


dang| chos smra ba thams cad las tshol ba dang / yongs su tshol ba dang / 'dzin pa dang / kun chub par byed cing sems can thams cad yongs su bsdu ba dang / bslab pa dang / grub par bya ba dang / sems can de dag la chos bstan pas ngoms par mi 'gyur te/ thams cad mkhyen pa nyid dang ldan pa'i sems bskyed pa/ sangs rgyas thams cad kyi chos kyi tshul gyi rjes su song bas/ bskal pa brjod du med pa'i yang brjod du med par sems can brjod du med pa'i yang brjod du med pa bla na med pa yang dag par rdzogs pa'i byang chub las phyir mi ldog par rab tu gzhog pa dang / sangs rgyas kyi chos thams cad la sbyor yang ngoms par mi 'gyur ba 'di ni/ bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi bla na med pa yang dag par rdzogs pa'i byang chub tu ye shes kyis 'jug pa rgya mtsho lta bu ste/ de dag la gnas shing byang chub sems dpa' rnams sangs rgyas thams cad kyi chos kyi ye shes chen po rgya mtsho lta bu bla na med pa 'thob par 'gyur ba dag go /kye rgyal ba'i sras| bcu po 'di dag ni/ byang chub sems dpa' rnams kyi rnam par spyod pa rin po che lta bu ste/ bcu gang zhe na/ 'di ltar sangs rgyas bzhugs pa'i 'jig rten gyi khams grangs </font><hr>Nga260a<br><font size=+1>


@#/ /med par 'gro zhing / de bzhin gshegs pa rnams blta ba dang / de dag la phyag bya ba dang / bsnyen bkur byed pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu dang po'o/ /kye rgyal ba'i sras/ gzhan yang byang chub sems dpa' bsam gyis mi khyab pa'i sangs rgyas bcom ldan 'das rnams las chos nyan cing thos nas kyang 'dzin cing khong du chud par byed de/ dran pas yang dag par 'dzin pa dang / blo gros kyis rnam par 'byed pa dang / rtogs pas rnam par 'phel bar byed pa dang / blos phyogs bcur tshad med par 'gengs pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu gnyis pa'o/ /kye rgyal ba'i sras/ gzhan yang byang chub sems dpa' sangs rgyas kyi zhing 'di nas kyang mi snang bar ma gyur la/ gzhan du yang lus ston la/ sangs rgyas kyi chos la yang mgo rmongs pa med pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu gsum pa'o/ /kye rgyal ba'i sras/ gzhan yang byang chub sems dpa' chos gcig la rnam par spyod pas chos </font><hr>Nga260b<br><font size=+1>


thams cad shes shing / chos thams cad don gcig pa dang / don tha dad pa ma yin pa'i mthar thug pa'i tshul gyis chos tha dad pa yang dag par bstan pa yang rab tu shes pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu bzhi pa'o/ /kye rgyal ba'i sras/ gzhan yang byang chub sems dpa' nyon mongs pa rnam par bzlog pa yang rab tu shes/ nyon mongs pa'i rgyun bcad pa yang rab tu shes/ nyon mongs pa rnam par gzhil ba yang rab tu shes te/ nyon mongs pa spong ba la shin tu gnas kyang / byang chub sems dpa'i spyod pa las yang dag pa'i mtha' mngon du mi byed cing yang dag pa'i mtha' la yang pha rol tu phyin pa'i mchog kyang thob la/ thabs mkhas pa'i bslab pa la shin tu byang bas/ sngon gyi smon lam yongs su bskang ba'i spyod pa de yongs su rdzogs par byed kyang lus dub par mi 'gyur ba 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu lnga pa'o/ /kye rgyal ba'i sras/ gzhan yang byang chub sems dpa' ni 'gro ba thams cad sems kyis brtags pa yul na mi gnas pa/ phyogs na mi gnas par yang shes shing 'jug la/ yul dang gnas kyang ston te/ rtog pa dang / mngon par 'du byed pa </font><hr>Nga261a<br><font size=+1>


@#/ /yang med la/ sems can thams cad yongs su smin par bya ba dang / gdul ba'i phyir mngon par 'du bya ba'i sa la yang spyod pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu drug pa'o/ /kye rgyal ba'i sras/ gzhan yang byang chub sems dpa' chos thams cad rang bzhin med pa dang / sna tshogs ma yin pa dang / rnam pa tha dad pa med pa dang / bgrang ba med pa dang / mtshungs pa med pa dang / kha dog med pa dang| mtshan nyid med pas rang bzhin gcig par rab tu shes te/ gcig tu yang mi dmigs la/ mang po'i rang bzhin du yang yod pa ma yin par rab tu shes te/ byang chub sems dpas chos 'di dag ni sangs rgyas kyi chos so/ /'di dag ni byang chub sems dpa'i chos so/ /'di dag ni rang sangs rgyas kyi chos so/ /'di dag ni nyan thos kyi chos so| |'di dag ni so so'i skye bo'i chos so/ /'di dag ni dag pa'i chos so/ /'di dag ni mi dge ba'i chos so/ /'di dag ni 'jig rten pa'i chos so/ /'di dag ni 'jig rten las 'das pa'i chos so/ /'di dag ni kha na ma tho ba dang bcas pa'i chos so/ /'di dag ni kha na ma tho ba med pa'i chos so/ /'di dag ni zag pa dang bcas pa'i chos </font><hr>Nga261b<br><font size=+1>


so| |'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so zhes bya bar rab tu shes pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu bdun pa'o/ /kye rgyal ba'i sras/ gzhan yang byang chub sems dpa' ni sangs rgyas bcom ldan 'das kyang mi dmigs/ byang chub sems dpa' yang mi dmigs/ chos kyang mi dmigs /sems can yang mi dmigs te/ 'di ltar sems can thams cad gdul ba dang / chos thams cad rtogs par bya ba'i phyir smon lam gyi rgyun kyang mi gcod do/ /de ci'i phyir zhe na/ kye rgyal ba'i sras/ de ni byang chub sems dpa' sems la mkhas pas sems can gzhan gyi rab tu rtog pa la mkhas pa dang / sems can thams cad kyi dmigs pa la mkhas pas/ sems can thams cad la gdams ngag rjes su ston pa la mkhas pa dang| sems can thams cad yongs su mya ngan las 'da' bar bya ba la mkhas pa'i phyir te/ byang chub sems dpa'i spyod pa de yang smon lam yongs su rdzogs par bya ba'i phyir spyod pa 'di ni/ byang chub sems dpa'i bla na med pa yang dag par rdzogs pa'i byang chub tu rnam par spyod pa rin po che lta bu brgyad pa'o/ /kye rgyal ba'i sras/ gzhan yang byang chub </font><hr>Nga262a<br><font size=+1>


@#/ /sems dpa' ni 'du shes kyi byin gyi rlabs thams cad la mkhas pas chos rab tu ston cing rnam par 'byed de/ shes par yang byed la/ thabs mkhas pas mya ngan las 'das pa yang yongs su ston te/ de yang phyin ci log med pa dang / nor pa med par rab tu shes te/ byang chub sems dpa' des de bzhin nyid mi g.yo ba'i phyir/ chos thams cad dus gsum mnyam pa nyid la gnas shing / yang dag pa'i mtha' la rab tu rten par yang yang dag par shes te/ sems can gang dul ba'am/ 'dul ba'am/ 'dul bar 'gyur ba de lta bu'i sems can gang yang rjes su mi mthong la/ byung rgyal du bdag gis bskyed do/ /snyam du yang mi sems te| chos gang skye ba'am/ 'gag par 'gyur ba de lta bu yang mi dmigs te/ chos thams cad la mi gnas pas don yod par 'gyur ba 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu dgu pa'o/ /kye rgyal ba'i sras/ gzhan yang byang chub sems dpa' ni sangs rgyas bcom ldan 'das bsam gyis mi khyab pa'i de bzhin gshegs pa re re las kyang rnam pa tha dad du bgrang ba'i tshul gyis bskal pa bgrang ba sna tshogs ming tha dad pa </font><hr>Nga262b<br><font size=+1>


gzhan dang gzhan bskal pa de dang de dag tu gdags pa'i bskal pa gcig bzung ba nas brjod du med pa shin tu bstan pa'i bar du lung bstan pa nyan cing / lung bstan pa de dag thos nas kyang / byang chub sems dpa'i spyod pa dang / de bzhin gshegs pa'i ye shes bsam gyis mi khyab pa la 'khor ba med cing mgo rmongs pa med pa la lung bstan pa de dag rnam pa de lta bur thos nas kyang / de bzhin gshegs pa gnyis su mi gsung ba dang / bdag nyid kyi spyod pa'i mthu dang / smon lam gyi khyad par gyis sems can ji ltar smin par byas pa rnams kyi smon lam de dag thams cad chos kyi dbyings khong du chud pas/ bla na med pa yang dag par rdzogs pa'i byang chub tu yongs su rdzogs par byed pa 'di ni/ byang chub sems dpa' rnams kyi bla na med pa yang dag par rdzogs pa'i byang chub tu rnam par spyod pa rin po che lta bu bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi byang chub sems dpa'i rnam par spyod pa rin po che lta bu ste/ de dag la gnas shing byang chub sems dpa' rnams yang dag par rdzogs pa'i sangs rgyas kyi ye shes rin po che chen po bla na med par 'tshang rgya bar 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi theg pa chen </font><hr>Nga263a<br><font size=+1>


@#/ /po'i go cha rdo rje lta bu'i sems bskyed pa ste/ bcu gang zhe na/ kye rgyal ba'i sras/ 'di la chos thams cad mtha' yas pa yin yang / byang chub sems dpa' ni 'di ltar chos thams cad dus gsum ma lus par shes pas mngon par rdzogs par 'tshang rgya bar bya'o snyam du sems bskyed pa 'di ni/ theg pa chen po'i go cha rdo rje lta bu'i sems bskyed pa dang po'o/ /kye rgyal ba'i sras/ gzhan yang skra'i rtse mo'i go dang / sgo re re la yang sems can mtha' yas te/ mu med pas chos kyi dbyings thams cad kyi sems can lta smos kyang ci dgos na/ byang chub sems dpa' ni go cha chen po bgos shing / 'di skad du sems can thams cad mya ngan las 'das pa chen po bla na med pas yongs su mya ngan las 'da' bar bya'o zhes bya ba'i tshig brjod pa 'di ni/ theg pa chen po'i go cha rdo rje lta bu'i sems bskyed pa gnyis pa'o/ /kye rgyal ba'i sras| gzhan yang 'jig rten gyi khams rnams ni mtha' yas mu med pa ste/ ris med la sa mtshams med pa na/ byang chub sems dpa' ni 'di ltar sangs rgyas kyi zhing yongs su dag par bya ba bla na med pas 'jig rten gyi khams thams cad yongs su spyad bar bya'o/ /zhes smon lam mngon par sgrub cing / de yang yang dag pa dang / dben </font><hr>Nga263b<br><font size=+1>


par yongs su sbyong ba 'di ni/ theg pa chen po'i go cha rdo rje lta bu'i sems bskyed pa gsum pa'o/ /kye rgyal ba'i sras/ gzhan yang 'gro ba thams cad ni mtha' yas mu med pa ste| ris med la sa mtshams med pa na/ byang chub sems dpa' ni 'di ltar 'gro ba thams cad bla na med pa'i ye shes kyi snang ba chen pos snang bar bya'o zhes te/ dge ba'i rtsa ba yongs su bsngo ba 'di ni/ theg pa chen po'i go cha rdo rje lta bu'i sems bskyed pa bzhi pa'o/ /kye rgyal ba'i sras/ gzhan yang sangs rgyas bcom ldan 'das rnams ni mtha' yas mu med pa ste/ ris med la sa mtshams med pa na/ byang chub sems dpa' ni dge ba'i rtsa ba bskyed cing / 'di ltar sangs rgyas bcom ldan 'das rnams mnyes par byas pa'i 'og tu bdag kyang bla na med pa yang dag par rdzogs pa'i byang chub tu mngon par 'tshang rgya bar bya'o zhes yongs su bsngo ba 'di ni/ theg pa chen po'i go cha rdo rje lta bu'i sems bskyed pa lnga pa'o/ /kye rgyal ba'i sras/ gzhan yang byang chub sems dpas sangs rgyas bcom ldan 'das rnams kyang mthong ste/ chos kyang nyan la dga' ba dang / spro ba bskyed kyang rang gi lus la yang mngon par chags par mi byed de/ de bzhin gshegs pa'i sku la yang mngon par chags par mi byed cing / de bzhin gshegs pa'i sku de dag </font><hr>Nga264a<br><font size=+1>


@#/ /kyang yod par yang mi byed/ med par yang mi byed/ med pa ma yin par yang mi byed/ yod pa ma yin par yang mi byed/ dngos por yang mi byed/ dngos po med par yang mi byed/ gzugs su yang mi byed/ mtshan du yang mi byed/ 'byung bar yang mi byed/ 'jig par yang mi byed/ de bzhin gshegs pa'i sku de dag skye bar yang mi byed/ 'jig par yang mi byed/ de bzhin gshegs pa'i sku la dngos por yang mi 'jug ste/ dngos po chud za bar yang mi byed do/ /de ci'i phyir zhe na/ de ni dngos po thams cad ma bzung ba'i phyir te/ 'di ni theg pa chen po'i go cha rdo rje lta bu'i sems bskyed pa drug pa'o/ /kye rgyal ba'i sras/ gzhan yang byang chub sems dpa' sems can gzhan dang / gang zag gzhan dag gis mgo bcad par gyur tam/ lag pa bcad dam/ rkang pa bcad dam/ rna ba dang / sna bcad dam/ mig phyung bar gyur tam/ gshe'am/ mi snyan par zer ram/ rdeg gam/ sdigs sam/ smod dam/ 'ching ngam/ co 'dri 'am/ tho 'tsham yang bzod cing de'i rgyus sems khro bar mi 'gyur/ 'khrug pa dang rnam par 'khrug par mi 'gyur/ gnod par sems pa dang / khong khro bar mi 'gyur te/ brjod du med pa'i yang brjod du med pa'i bskal par byang chub sems dpa'i spyad pa spyod </font><hr>Nga264b<br><font size=+1>


kyang| sems can thams cad yongs su gtong ba'i sems mi bskyed do/ /kye rgyal ba'i sras/ de ltar byang chub sems dpa'i chos thams cad mi gnyis par rnam par spyad pa'i bslab pa la slob cing / mi 'khrugs pa'i bsam pas sems can thams cad kyi sdug bsngal du byas pa'i sdug bsngal thams cad rang gi lus kyis nyams su blang bas bzod par byed cing btang snyoms su gnas pa 'di ni/ theg pa chen po'i go cha rdo rje lta bu'i sems bskyed pa bdun pa'o/ /kye rgyal ba'i sras/ gzhan yang ma 'ongs pa'i dus la ni mtha' med de/ thug pa med cing rgyun 'chad pa med pa yin na/ byang chub sems dpa' ni 'di ltar ma 'ongs pa'i bskal pa 'grangs pa chos kyi dbyings kyis gtugs pa| nam mkha'i dbyings ltar gnas pa gang ji snyed cig yod pa de dag thams cad kyis 'jig rten gyi khams thams cad du sems can yongs su smin par bya bas/ byang chub sems dpa'i spyod pa spyad par bya'o/ /'jig rten gyi khams gcig tu ji ltar spyad pa de bzhin du/ 'jig rten gyi khams chos kyi dbyings kyis klas pa/ nam mkha'i dbyings kyi mtha' gtugs pa thams cad du yang spyad par bya'o zhes sems bskyed kyang de lta bu'i dus su spyod pas/ sdang ba med cing / mi 'jigs/ mi skrag go /kye rgyal ba'i sras/ de ci'i phyir zhe na/ </font><hr>Nga265a<br><font size=+1>


@#/ /de ltar sems can thams cad kyi don du byang chub sems dpa'i spyod pa nyams su len pa ni byang chub sems dpa'i yi dam bstan pa ste/ 'di ni theg pa chen po'i go cha rdo rje lta bu'i sems bskyed pa brgyad pa'o/ /kye rgyal ba'i sras/ gzhan yang byang chub sems dpa' ni bla na med pa yang dag par rdzogs pa'i byang chub kyi sems la rag lus par yid ches par byas te/ bsam pa yongs su dag pas dge ba'i rtsa ba thams cad yang dag par sdud cing yongs su rdzogs par byed de/ nam 'dod par gyur pa de'i tshe/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes byang chub la/ dbang bsgyur bar gnas shing / bgegs med pa'i lam du zhugs pa dang / nye bar len pa'i rkyen thams cad yongs su byang bas sangs rgyas kyi byang chub tu brten pa thogs pa med kyang / bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ de yang ci'i phyir zhe na/ 'di ltar sems can thams cad yongs su smin par bya ba dang / smon lam yongs su rdzogs par bya ba'i phyir te/ byang chub sems dpa'i spyod pa 'jig rten gyi khams thams cad kyis klas te spyod pa 'di ni/ theg pa chen po'i go cha rdo rje lta bu'i sems bskyed pa dgu ba'o/ /kye </font><hr>Nga265b<br><font size=+1>


rgyal ba'i sras/ gzhan yang byang chub sems dpa' sangs rgyas bcom ldan 'das rnams kyang mi dmigs/ byang chub kyang mi dmigs/ byang chub sems dpa' yang mi dmigs/ chos thams cad kyang mi dmigs/ sems can thams cad kyang mi dmigs/ sems kyang mi dmigs/ spyod pa yang mi dmigs/ sngon gyi mtha' yang mi dmigs/ phyi ma'i mtha' yang mi dmigs/ da ltar byung ba yang mi dmigs/ 'gro ba thams cad kyang mi dmigs/ 'dus byas dang 'dus ma byas kyang mi dmigs te/ de de ltar dben bar gnas pa yin/ de ltar zab mo la gnas pa dang / de ltar zhi ba la gnas pa dang / de ltar nyon mongs pa med pa la gnas pa dang / de ltar brjod du med pa la gnas pa dang / de ltar gnyis su med pa la gnas pa dang / de ltar rtog pa med pa la gnas pa dang / de ltar chos thams cad kyi rang bzhin la gnas pa dang / de ltar rig pa la gnas pa dang / de ltar grol ba la gnas pa dang / de ltar mya ngan las 'das pa la gnas pa dang / de ltar yang dag pa'i mtha' la gnas pa yin yang smon lam gyi rgyun kyang mi gcod/ thams cad mkhyen pa nyid du sems bskyed pa dang / byang chub sems dpa'i spyod pa dang / sems can yongs su smin par bya ba dang / pha rol tu phyin pa rnams dang / sems can gdul ba dang / sangs rgyas mchod </font><hr>Nga266a<br><font size=+1>


@#/ /cing rim gror bya ba dang / chos bstan pa dang / 'jig rten gyi khams brgyan pa'i rgyun kyang mi gcod do/ /kye rgyal ba'i sras/ de ci'i phyir zhe na| 'di ltar byang chub sems dpa' rnams ni smon lam chen pos shin tu byung ba'i phyir te/ gang gis chos thams cad kyi mtshan nyid 'di lta bur rab tu shes pa ni snying rje chen po de bas kyang rnam par 'phel bar byed/ yon tan brjod du med pas kyang sems can thams cad yongs su mi gtong ba'i sems cher bskyed de/ de ltar dngos po med pa'i chos thams cad la yang byis pa so so'i skye bo kun tu gti mug pa 'di dag gis chos thams cad kyi rang bzhin khong du mi chud mi shes kyi/ de khong du chud par bya'o/ /de ci'i phyir zhe na/ 'gro ba thams cad na sangs rgyas bcom ldan 'das rnams las lhag par zhi ba'i gnas kyang med na/ de dag gis kyang chos de lta bur bstan te/ sems can yang yongs su smin par mdzad cing / thugs rje chen po yang ma glod na bdag cag gis lta sems bskyed pa bden pa'i tshig la gnas la mi slu ba/ sangs rgyas dang chos kyi rigs thams cad mi gcod pa/ smon lam chen pos mngon du byas pa dang / sems can thams cad kyi don la gdon mi zar sems </font><hr>Nga266b<br><font size=+1>


bskyed pa dang / dge ba'i rtsa ba thams cad shin tu bsags pas yongs su bsngo ba la mkhas pa'i gnas pa la rab tu gnas pa ye shes zab mos mngon par bsgrubs pa 'gro ba'i tshogs thams cad khong du chud pa dang / sems can thams cad la mnyam pa nyid du gyur pa'i sems kyis sems can thams cad bla na med pa'i chos sbyin pa chen po la bod bod la| sems can thams cad grol bar ma byas/ sems can thams cad sangs rgyas su phyin par ma byas/ sangs rgyas kyi chos thams cad yongs su rdzogs par ma byas te/ smon lam chen po yongs su ma rdzogs par snying rje chen po yang ji ltar glod par bya/ smon lam chen po yongs su rdzogs par bya'o snyam pa 'di ni theg pa chen po'i go cha rdo rje lta bu'i sems bskyed pa bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi theg pa chen po'i go cha rdo rje lta bu'i sems bskyed pa ste/ de dag la gnas shing byang chub sems dpa' rnams de bzhin gshegs pa'i mngon par mkhyen pa chen po'i ye shes rdo rje lta bu thob par 'gyur ba dag go/ //bam po bdun cu rtsa dgu pa/ kye rgyal ba'i sras/ bcu po 'di dag ni/ byang chub sems dpa' rnams kyi rtsom pa chen po ste/ bcu gang zhe na/ 'di ltar sangs rgyas thams cad mchod do/ /bsnyen </font><hr>Nga267a<br><font size=+1>


@#/ /bkur ro zhes brtsam pa chen po rtsom pa dang / byang chub sems dpa' thams cad kyi dge ba'i rtsa ba bstan par bya'o zhes brtsam pa chen po rtsom pa dang / de bzhin gshegs pa mya ngan las 'das pa thams cad kyi mchod rten me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan gyis brgyan par bya'o/ /mchod par bya'o/ /dam pa'i chos kyang yang dag par gzung bar bya'o/ /bstan pa yang yongs su bsrung bar bya'o zhes brtsam pa chen po rtsom pa dang / sems can gyi khams thams cad bla na med pa yang dag par rdzogs pa'i byang chub tu yongs su smin par bya'o zhes brtsam pa chen po rtsom pa dang / 'jig rten gyi khams thams cad sangs rgyas kyi zhing yongs su dag pa bla na med pas yongs su dag par bya'o zhes brtsam pa chen po rtsom pa dang / kye rgyal ba'i sras/ gzhan yang byang chub sems dpa' 'di snyam du sems te/ ma 'ongs pa'i bskal pa 'grangs pa ji snyed pa de dag thams cad kyis 'jig rten gyi khams re rer yang sems can re re'i don du yang byang chub sems dpa'i spyod pa spyad par bya'o/ /sems can gcig gi don du ji lta ba bzhin du sems can thams cad ma lus pa'i </font><hr>Nga267b<br><font size=+1>


don du yang snying rje chen po bskyed de/ sems can thams cad sangs rgyas kyi byang chub la dgod pa'i phyir/ byang chub sems dpa'i spyod pa spyad par bya'o zhes sangs rgyas kyi chos kyi don du yongs su skyo ba dang ldan pa'i sems bskyed pa gcig kyang mi skyed pa'i brtsam pa chen po rtsom pa dang / sangs rgyas bcom ldan 'das de dag las kyang de bzhin gshegs pa gcig la yang bsam gyis mi khyab pa'i bskal par mchod pa dang / rim gro bya ste/ de bzhin gshegs pa gcig la ji lta ba de bzhin du/ de bzhin gshegs pa thams cad la yang mchod pa dang / rim gro bya'o zhes brtsam pa chen po rtsom pa dang / de bzhin gshegs pa de dag yongs su mya ngan las 'das nas kyang thams cad kyi sku gdung la bskal pa bsam gyis mi khyab par rin po che thams cad kyi gdugs dang / dril bu dang / rgyal mtshan dang / ba dan dang / bdug spos dang / na bza' thams cad kyis mchod pa bya ste/ de bzhin gshegs pa re re zhing yang mchod rten 'jig rten gyi khams yangs pa brjod du med par khyab pa de bzhin gshegs pa'i sku gzugs kyis brgyan pa mang po byas te/ de bzhin gshegs pa'i sku gzugs de dag kyang 'di lta ste/ 'jig rten gyi khams yangs pa/ bsam gyis mi khyab par khyab pa de lta bu'i rnam pa dang ldan par bya'o/ / </font><hr>Nga268a<br><font size=+1>


@#/ /sangs rgyas kyi chos kyi don du sangs rgyas bcom ldan 'das bsnyen bkur ba dang / sems can yongs su smin par bya ba dang / bstan pa yongs su gzung ba dang / dam pa'i chos brjod pa la rgyun gcod cing / gtang ba'i sems bskyed pa gcig kyang bskyed par mi bya'o zhes brtsam pa chen po rtsom pa dang / dge ba'i rtsa ba des kyang de bzhin gshegs pa thams cad dang gcig cing mtshungs pa'i sangs rgyas kyi sa thob par bya ba'i phyir/ bla na med pa yang dag par rdzogs pa'i byang chub tu mngon par 'tshang rgya bar bya'o zhes brtsam pa chen po rtsom pa dang / mngon par sangs rgyas nas kyang 'jig rten gyi khams 'byams klas pa thams cad du sangs rgyas kyi rnam par 'phrul pa dang / cho 'phrul bsam gyis mi khyab pa yang dag par bstan cing / bskal pa brjod du med par chos bstan kyang bdag gi lus la dub par mi 'gyur zhing ngag dang / sems la dub par mi 'gyur bar bya'o/ /'gro ba thams cad yongs su bskyang ba'i phyir sems bskyed pa chos dang ldan pa de bzhin gshegs pa'i chos kyis brtan pa/ sems can thams cad kyi don du smon lam chen po btab pa dang ldan pa/ byams pa chen po sngon du 'gro ba snying rje chen po'i mthar </font><hr>Nga268b<br><font size=+1>


thug pa/ mtshan nyid med pa'i chos kyi gzhis gtugs pa/ bden pa'i tshig la gnas pa/ chos thams cad kyis dben pa mngon du byas pa/ sems can thams cad mi dmigs pa| las dang bya ba mi 'gal ba/ 'das pa dang / ma byon pa dang / da ltar byung ba'i sangs rgyas thams cad dang rgyud kyi tshul gcig tu gyur pa/ chos kyi dbyings kyis klas pa/ nam mkha'i mthas gtugs pa/ mtshan nyid med pa'i chos la gzhol ba/ 'jug pa dang / ldog pa med par yongs su rdzogs pa/ sangs rgyas kyi chos thams cad rgyun mi gcod pa dang| smon lam chen po dang ldan pas/ sangs rgyas kyi 'phrin las chen po sgrub bo zhes brtsam pa chen po rtsom pa'o/ /kye rgyal ba'i sras/ bcu po de dag ni/ byang chub sems dpa' rnams kyi brtsam pa chen po rtsom pa ste/ de dag la gnas shing byang chub sems dpa' rnams de bzhin gshegs pa'i ye shes chen po phun sum tshogs pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi brtsams pa chen po mthar phyin par bya ba ste/ bcu gang zhe na/ 'di ltar de bzhin gshegs pa thams cad mchod pa dang / rim gro bya ba la brtsams pa chen po mthar phyin par byed pa dang / sems can thams cad mos pa ji lta ba bzhin du rjes su bsrung ba la </font><hr>Nga269a<br><font size=+1>


@#/ /brtsams pa chen po mthar phyin par byed pa dang / sangs rgyas kyi chos thams cad btsal ba la brtsams pa chen po mthar phyin par byed pa dang / dge ba'i rtsa ba thams cad bsags pa la brtsams pa chen po mthar phyin par byed pa dang / sangs rgyas kyi chos thams cad nges par rtogs par bya ba la brtsams pa chen po mthar phyin par byed pa dang / smon lam thams cad yongs su rdzogs par bya ba la brtsams pa chen po mthar phyin par byed pa dang / byang chub kyi spyod pa thams cad khong du chud par bya ba la brtsams pa chen po mthar phyin par byed pa dang / dge ba'i bshes gnyen thams cad mnyes par bya ba la brtsams pa chen po mthar phyin par byed pa dang / 'jig rten gyi khams thams cad du 'gro ba dang / de bzhin gshegs pa'i drung du nye bar 'gro ba la brtsams pa chen po mthar phyin par byed pa dang / chos thams cad mnyan par bya ba'i phyir/ sangs rgyas kyi 'khor gyi dkyil 'khor du 'gro ba la brtsams pa chen po mthar phyin par byed pa'o/ /kye rgyal ba'i sras/ bcu po de dag ni/ byang chub sems dpa' rnams kyi brtsams pa chen po mthar phyin par bya ba ste/ de dag la gnas shing byang chub sems dpa' rnams yang dag par rdzogs pa'i byang chub kyi ye shes </font><hr>Nga269b<br><font size=+1>


chen po brtsams pa chen po mthar dbyung ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi dad pa mi phyed pa ste/ bcu gang zhe na/ 'di ltar sangs rgyas thams cad la dad pa mi phyed pa dang / sangs rgyas kyi chos thams cad la dad pa mi phyed pa dang / 'phags pa'i dge 'dun thams cad la dad pa mi phyed pa dang / byang chub sems dpa' thams cad la dad pa mi phyed pa dang / dge ba'i bshes gnyen thams cad la dad pa mi phyed pa dang / sems can thams cad la dad pa mi phyed pa dang / byang chub sems dpa'i smon lam thams cad la dad pa mi phyed pa dang / byang chub sems dpa'i spyod pa thams cad khong du chud par bya ba la dad pa mi phyed pa dang / sangs rgyas thams cad la mchod cing bsnyen bkur bya ba la dad pa mi phyed pa dang / sems can thams cad yongs su smin par bya ba dang / gdul bar bya ba byang chub sems dpa'i thabs mkhas pa mtshams sbyar ba'i tshul la dad pa mi phyed pa'o/ /kye rgyal ba'i sras/ bcu po de dag ni/ byang chub sems dpa' rnams kyi dad pa mi phyed pa ste| de dag la gnas shing byang chub sems dpa' rnams kyi ye shes chen po'i dad pa mi phyed pa bla na med pa 'thob par 'gyur ba dag go /kye rgyal ba'i sras/ bcu po 'di dag </font><hr>Nga270a<br><font size=+1>


@#/ /ni| byang chub sems dpa' rnams kyi lung bstan pa ste/ bcu gang zhe na/ 'di ltar mos pa drag pos rang gi rgyud la lung bstan pa dang / byang chub sems dpa'i dge ba'i rtsa ba la gzhol ba'i skabs kyis lung bstan pa dang / spyod pa rgya chen pos lung bstan pa dang / mngon du lung bstan pa dang / gsang ste lung bstan pa dang / rang gi sems la rag las par khong du chud pas lung bstan pa dang / bzod pa thob pas lung bstan pa dang / sems can yongs su smin par bya ba'i don gyis lung bstan pa dang / bskal pa 'grangs pa thams cad mi zad pas lung bstan pa dang / byang chub sems dpa'i spyod pa thams cad kyis rnam par 'phrul bas lung bstan pa'o/ /kye rgyal ba'i sras/ bcu po de dag ni/ byang chub sems dpa' rnams kyi lung bstan pa ste/ de dag la gnas shing byang chub sems dpa' rnams sangs rgyas thams cad kyis lung bstan pa thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi dge ba'i rtsa ba yongs su bsngo ba ste/ bcu gang zhe na/ 'di ltar bdag gi dge ba'i rtsa ba 'dis dge ba'i bshes gnyen rnams dang smon lam gcig pa phun sum tshogs par gyur cig /phun sum tshogs par 'gyur ram/ 'gyur zhe na/ rnam pa </font><hr>Nga270b<br><font size=+1>


gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis dge ba'i bshes gnyen rnams dang bsam pa gcig pa phun sum tshogs par gyur cig/ phun sum tshogs par 'gyur ram/ 'gyur zhe na/ rnam par gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis dge ba'i bshes gnyen rnams dang spyod pa gcig tu yongs su rdzogs pa phun sum tshogs par gyur cig /phun sum tshogs par 'gyur ram/ 'gyur zhe na/ rnam pa gzhan du ma 'gyur bar de ltar phun sum tshogs par 'gyur cig /bdag gi dge ba'i rtsa ba 'dis dge ba'i bshes gnyen rnams dang rgyud kyi tshul gcig pa phun sum tshogs par gyur cig /phun sum tshogs par 'gyur ram/ 'gyur zhe na/ rnam pa gzhan du ma 'gyur bar de ltar phun sum tshogs par gyur cig /bdag gis dge ba'i rtsa ba 'dis dge ba'i bshes gnyen rnams dang gcig cing mnyam pa phun sum tshogs par gyur cig /phun sum tshogs par 'gyur ram/ 'gyur zhe na/ rnam pa gzhan du ma 'gyur bar de ltar phun sum tshogs par gyur cig / bdag gi dge ba'i rtsa ba 'dis dge ba'i bshes gnyen rnams dang yid la bya ba gcig pa phun sum tshogs par gyur cig /phun sum tshogs par 'gyur ram/ 'gyur zhe na/ rnam pa </font><hr>Nga271a<br><font size=+1>


@#/ /gzhan du ma 'gyur bar de ltar phun sum tshogs par gyur cig /bdag gi dge ba'i rtsa 'dis dge ba'i bshes gnyen rnams dang yongs su dag pa gcig pa phun sum tshogs par 'gyur cig /phun sum tshogs par 'gyur ram/ 'gyur zhe na/ rnam pa gzhan du ma 'gyur bar de ltar phun sum tshogs par gyur cig /bdag gis dge ba'i rtsa ba 'dis dge ba'i bshes gnyen rnams dang gcig tu rnam par spyod pa phun sum tshogs par gyur cig /phun sum tshogs par 'gyur ram/ 'gyur zhe na/ rnam pa gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'di dge ba'i bshes gnyen rnams dang gcig cing mnyam par 'jug pa yongs su rdzogs pa phun sum tshogs par gyur cig /phun sum tshogs par 'gyur ram/ 'gyur zhe na/ rnam pa gzhan du ma 'gyur bar de ltar phun sum tshogs par gyur cig /bdag gi dge ba'i rtsa ba 'dis dge ba'i bshes gnyen rnams dang tha ma dang pa phun sum tshogs par 'gyur cig /phun sum tshogs par 'gyur ram/ 'gyur zhe na/ rnam pa gzhan du ma 'gyur bar de ltar phun sum tshogs par 'gyur cig ces bya'o/ /kye rgyal ba'i sras/ bcu po de dag ni/ byang chub sems dpa' rnams kyi dge ba'i rtsa ba yongs su bsngo ba ste/ de dag la gnas </font><hr>Nga271b<br><font size=+1>


shing / byang chub sems dpa' rnams dge ba'i rtsa ba yongs su bsngo ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi ye shes khong du chud pa ste/ bcu gang zhe na/ 'di ltar gtong ba'i sems kyis rnam par 'phrul pa'i ye shes khong du chud pa dang / sangs rgyas kyi chos thams cad la mos pa'i ye shes khong du chud pa dang / de bzhin gshegs pa thams cad kyi ye shes mtha' dang dbus med pa la 'jug pa'i ye shes khong du chud pa dang / dris pa thams cad kyi the tshom gcod pa'i ye shes khong du chud pa dang / don shes pa la 'jug pa'i ye shes khong du chud pa dang / de bzhin gshegs pa thams cad kyi gsung la mkhas pas sangs rgyas kyi chos thams cad la yid ches par 'jug pa'i ye shes khong du chud pa dang / sangs rgyas la bskyed pa'i dge ba'i rtsa ba chung yang rung ste/ thams cad de bzhin gshegs pa'i ye shes tshad med par 'gyur bar yid ches par byas shing / chos dkar po thams cad yongs su rdzogs par byed pa'i ye shes khong du chud pa dang / byang chub sems dpa' rnam par spyod pa bsam gyis mi khyab pa yongs su rdzogs par bya ba'i ye shes khong du chud pa dang / sems kyi skad cig gcig gis sangs rgyas kyi zhing brjod du med par 'gro zhing gnas </font><hr>Nga272a<br><font size=+1>


@#/ /par bya ba'i phyir/ sems kyi skad cig gcig gis ye shes khong du chud pa dang / sangs rgyas thams cad kyi byang chub mngon par 'tshang rgya ba dang / chos kyi dbyings thams cad la 'jug pa dang / sangs rgyas kyi chos thams cad bstan pa dang / gzung ba dang / de bzhin gshegs pa thams cad kyi gsung sna tshogs la 'jug pa'i rgyan gyi ye shes khong du chud pa'o/ /kye rgyal ba'i sras/ bcu po de dag ni/ byang chub sems dpa' rnams kyi ye shes khong du chud pa rnams te/ de dag la gnas shing byang chub sems dpa' rnams sangs rgyas thams cad kyi ye shes khong du chud pa bla na med pa 'thob par 'gyur ba dag go /kye rgyal ba'i sras/ bcu po 'di dag ni /byang chub sems dpa' rnams kyi sems bskyed pa mtha' dang dbus med pa rnams te/ bcu gang zhe na/ 'di ltar sangs rgyas thams cad la sems bskyed pa rgya chen po mtha' dang dbus med pa dang / chos kyi dbyings thams cad du 'jug pa la sems bskyed pha rgya chen po mtha' dang dbus med pa dang / 'gro ba thams cad kyi zhing dang / dus dang / chos kyi dbyings su 'jug pa las sems bskyed pa rgya chen po mtha' dang dbus med pa dang / chos thams cad nam mkha' dang mnyam par lta ba la sems bskyed pa rgya chen po mtha' dang dbus </font><hr>Nga272b<br><font size=+1>


med pa dang / byang chub sems dpa'i spyod pa thams cad la rgya cher brtag pa la sems bskyed pa rgya chen po mtha' dang dbus med pa dang / dus gsum gyi sangs rgyas thams cad yid la bya ba la sems bskyed pa rgya chen po mtha' dang dbus med pa dang / las dang rnam par smin pa bsam gyis mi khyab par 'jug pa la sems bskyed pa rgya chen po mtha' dang dbus med pa dang / sangs rgyas kyi zhing thams cad yongs su dag par bya ba la sems bskyed pa rgya chen po mtha' dang dbus med pa dang / 'khor gyi dkyil 'khor thams cad du 'jug pa la sems bskyed pa rgya chen po mtha' dang dbus med pa dang / de bzhin gshegs pa thams cad kyi dbyings rnam par blta ba la sems bskyed pa rgya chen po mtha' dang dbus med pa'o/ /kye rgyal ba'i sras/ bcu po de dag ni/ byang chub sems dpa' rnams kyi sems bskyed pa rgya chen po mtha' dang dbus med pa ste/ de dag la gnas shing byang chub sems dpa' rnams sangs rgyas kyi chos mtha' dang dbus med pa thams cad kyi ye shes chen po rgya mtsho lta bu bla na med pa 'thob par 'gyur ba dag go /kye rgyal ba'i sras| bcu bo 'di dag ni/ byang chub sems dpa' rnams kyi gter te/ bcu gang zhe na/ 'di ltar chos thams cad la bgrang bas sbyar ba'i gter dang / chos thams cad la </font><hr>Nga273a<br><font size=+1>


@#/ /nges par rtogs pa'i gter dang / chos thams cad la gzung snang ba'i gter dang / chos thams cad la tha dad pa yang dag par shes pas rab tu snang ba'i gter dang / chos thams cad la brjod du med pa'i tshul la mkhas par khong du chud pa'i gter dang / sangs rgyas kyi rnam par 'phrul ba dang / cho 'phrul thams cad la so sor rtog cing lta ba'i gter dang / chos thams cad la mnyam pa nyid du mngon par bsgrub par mkhas pa'i gter dang / sangs rgyas thams cad mthong ba dang mi 'bral ba'i gter dang / sgyu ma lta bu'i bskal pa bsam gyis mi khyab pa yongs su grub par 'jug pa la mkhas pa'i gter dang / sangs rgyas dang byang chub sems dpa' thams cad la dga' ba dang / rab tu dga' ba dang / mos pa chen po rab tu rnyed pa'i gter ro/ /kye rgyal ba'i sras/ bcu po de dag ni/ byang chub sems dpa' rnams kyi gter te/ de dag la gnas shing / byang chub sems dpa' rnams sangs rgyas thams cad kyi chos kyi ye shes kyi gter bla na med pa 'thob pas sems can thams cad 'dul ba la brtson par byed pa dag go /kye rgyal ba'i sras/ bcu po 'di dag ni/ byang chub sems dpa' rnams kyi sdom pa ste/ bcu gang zhe na/ 'di ltar sangs rgyas kyi chos thams cad la mi 'khrug </font><hr>Nga273b<br><font size=+1>


mi 'khrul ba'i sdom pa dang / sangs rgyas thams cad la bsam pa'i sdom pa dang / byang chub sems dpa' thams cad la bsam pa rlabs po che'i sdom pa dang / dge ba'i bshes gnyen thams cad la bsam pa mi 'dor ba'i sdom pa dang / nyan thos dang / rang sangs rgyas yid la bya ba thams cad la yongs su mi rgyu ba'i sdom pa dang / byang chub sems dpa' chud za ba'i lam thams cad rnam par bzlog pa'i sdom pa dang / sems can thams cad la khong khro ba med pa'i sdom pa dang / dge ba'i rtsa ba brtsam pa thams cad mthar phyin par bya ba'i sdom pa dang / bdud thams cad rab tu pham par bya ba'i sdom pa dang / pha rol tu phyin pa thams cad yongs su rdzogs par bya ba'i sdom pa'o/ /kye rgyal ba'i sras/ bcu po de dag ni/ byang chub sems dpa' rnams kyi sdom pa ste/ de dag la gnas shing / byang chub sems dpa' rnams ye shes chen po'i sdom pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi dbang ste/ bcu gang zhe na/ 'di ltar bskal pa brjod du med par tshe'i tshad byin gyis rlob pas tshe la dbang ba dang / ting nge 'dzin grangs med pa la nges par rtogs par gzhog cing / ye shes kyis 'jug pa'i tshul gyis sems la </font><hr>Nga274a<br><font size=+1>


@#/ /dbang ba dang / 'jig rten gyi khams thams cad rgyan rnam par dbye ba du mas rab tu brgyan par byin gyis brlab par ston pa'i tshul gyis yo byad la dbang ba dang / dus ji lta ba bzhin du las kyi rnam par smin pa byin gyis rlob pas las la dbang ba dang / 'jig rten gyi khams thams cad du skye ba ston pas skye ba la dbang pa dang / 'jig rten gyi khams thams cad sangs rgyas kyis yongs su gang bar lta bas mos pa la dbang ba dang / dus dang zhing gang du 'dod par mngon par 'tshang rgya bas/ smon lam la dbang ba dang / rdzu 'phrul gyi rnam par 'phrul pa thams cad yongs su ston pas rdzu 'phrul la dbang ba dang / chos kyi sgo dang / snang ba mtha' dang dbus med pa yang dag par ston pas chos la dbang ba dang / de bzhin gshegs pa'i stobs bcu dang / mi bsnyengs pa skad cig skad cig tu go bar yongs su ston pas/ ye shes la dbang ba'o/ /kye rgyal ba'i sras/ bcu po de dag ni/ byang chub sems dpa' rnams kyi dbang ste/ de dag la gnas shing / byang chub sems dpa' rnams sangs rgyas thams cad kyi byang chub kyi mnga'i pha rol tu phyin pa ye shes kyi rnam par 'phrul pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rnam par 'phrul </font><hr>Nga274b<br><font size=+1>


ba rnams te/ bcu gang zhe na/ 'di ltar sems can la rnam par 'phrul ba dang / zhing la rnam par 'phrul ba dang / chos la rnam par 'phrul ba dang / las la rnam par 'phrul ba dang / smon lam la rnam par 'phrul ba dang / spyod yul la rnam par 'phrul ba dang / ye shes la rnam par 'phrul ba dang / mngon par shes pa la rnam par 'phrul pa dang / rdzu 'phrul la rnam par 'phrul ba dang / stobs la rnam par 'phrul ba ste/ kye rgyal ba'i sras/ bcu po de dag ni/ byang chub sems dpa' rnams kyi rnam par 'phrul pa'o/ /kye rgyal ba'i sras| de la byang chub sems dpa' rnams kyi sems can la rnam par 'phrul ba gang zhe na/ kye rgyal ba'i sras/ bcu po 'di dag ni/ byang chub sems dpa' rnams kyi sems can la rnam par 'phrul ba ste/ bcu gang zhe na/ 'di ltar sems can thams cad sems can med pas sgrol ba'i rnam par 'phrul ba dang / sems can thams cad kyi 'du shes kyi rnam par byin gyis brlab pa'i rnam par 'phrul ba dang / sems can thams cad la dus la bab na chos ston pa rgyun mi gcod pa'i rnam par 'phrul ba dang / sems can gyi khams thams cad du sprul pa'i rnam par 'phrul ba dang / sems can gyi khams thams cad skra'i sbubs gcig tu btsud kyang gnod par mi 'gyur ba'i rnam par 'phrul ba dang / sems can </font><hr>Nga275a<br><font size=+1>


@#/ /gyi khams thams cad 'jig rten gyi khams su byin gyis brlabs te/ pha rol shes par byed pa dang / yongs su ston pa'i rnam par 'phrul ba dang / sems can gyi khams thams cad du brgya byin dang / tshangs pa dang / 'jig rten gyi mgon po'i dbang yongs su ston pa'i rnam par 'phrul pa dang / sems can gyi khams thams cad du nyan thos dang / rang sangs rgyas kyi gzugs dang / kha dog dang / mtshan dang / cho ga dang / spyod lam yongs su ston pa'i rnam par 'phrul ba dang / sems can gyi khams thams cad du byang chub sems dpa'i spyod pa thob pa yongs su ston pa'i rnam par 'phrul ba dang / sems can gyi khams ma lus pa thams cad du thams cad mkhyen pa'i stobs mngon par rdzogs par sangs rgyas pa'i gzugs kyi sku dang / mtshan dang / dpe byad bzang po sna tshogs kyi rgyan yongs su ston pa'i rnam par 'phrul ba ste/ kye rgyal ba'i sras/ bcu po de dag ni| byang chub sems dpa' rnams kyi sems can la rnam par 'phrul ba'o/ /kye rgyal ba'i sras/ bcu po 'di dag ni/ byang chub sems dpa' rnams kyi zhing la rnam par 'phrul ba ste/ bcu gang zhe na/ 'di ltar zhing thams cad zhing gcig tu byin gyis rlob pa'i rnam par 'phrul ba dang / zhing thams cad skra'i sbubs gcig tu 'dzud pa'i rnam </font><hr>Nga275b<br><font size=+1>


par 'phrul ba dang / zhing thams cad mi zad pa la 'jug pa'i rnam par 'phrul ba dang / zhing thams cad skyil mo krung gcig gis rgyas par 'gengs pa'i lus gcig yongs su ston pa'i rnam par 'phrul ba dang / zhing thams cad rang gi lus su chud par yongs su ston pa'i rnam par 'phrul ba dang / zhing thams cad rab tu bskyod kyang / sems can 'jigs par mi 'gyur ba'i rnam par 'phrul ba dang / zhing thams cad kyi rgyan rnam par phye ba zhing gcig tu yongs su ston pa'i rnam par 'phrul ba dang / zhing gcig gis rnam par phye zhing thams cad kyi rgyan rnam par phye bar yongs su ston pa dang / zhing thams cad kyi de bzhin gshegs pa'i 'khor gyi dkyil 'khor du de bzhin gshegs pa'i sku gcig gis yongs su khyab par sems can thams cad la ston pa'i rnam par 'phrul ba dang / zhing phra ba dang / che ba dang / yangs pa dang / rgya che ba dang / zab pa dang / snrel zhi dang / spyi'u tshugs su rgyu ba dang / gzhi mnyam pa la 'jug par yongs su gzhol bas phyogs kyi dra ba rnam par phye ba la 'jug par sems can ma lus pa thams cad la yongs su ston ba'i rnam par 'phrul ba ste/ kye rgyal ba'i sras/ bcu po de dag ni/ byang chub sems dpa' rnams kyi zhing la rnam par 'phrul ba'o/ /kye rgyal ba'i sras/ bcu po 'di dag ni/ byang </font><hr>Nga276a<br><font size=+1>


@#/ /chub sems dpa' rnams kyi chos la rnam par 'phrul ba ste/ bcu gang zhe na/ 'di ltar chos thams cad chos gcig tu yang dag par gzhol bar bya ba dang / chos gcig po chos thams cad du yang dag par gzhol bar byed kyang / sems can gyi bsam pa dang mi 'gal bar rnam par 'phrul ba dang / chos thams cad shes rab kyi pha rol tu phyin pas sgrub par khong du chud par bya ba pha rol gyi go bar bya ba'i rnam par 'phrul ba dang / chos thams cad 'du shes dang bral bar sems can mang pos khong du chud par bya ba'i rnam par 'phrul ba dang / chos thams cad la tshul gcig tu 'jug cing tshul mtha' yas par ston pa'i rnam par 'phrul ba dang / chos thams cad la brjod du med par 'jug cing / sgo brgya stong gi pha rol gyi rgyud du bstan pa'i rnam par 'phrul ba dang / chos thams cad sgo kun nas rgyu ba'i yi ge'i tshul la mkhas par rnam par 'phrul ba dang / chos thams cad chos kyi sgo gcig dang mi 'gal ba la 'jug pa'i tshul khong du chud par bstan pas bskal pa brjod du med cing mi zad pa rnam par 'phrul ba dang / chos thams cad sangs rgyas kyi chos su 'jug pa la sems can mang po gzung ba'i rnam par 'phrul ba dang / chos thams </font><hr>Nga276b<br><font size=+1>


cad mtha' dang dbus med par yongs su ston pa'i rnam par 'phrul ba dang / chos thams cad la chags pa med pa'i mthar phyin cing mtha' dang dbus med pa'i sgyu ma'i dra ba rnam pa tha dad pa la 'jug pa med pas bskal pa mu med par mi zad par sems can la ston pa'i rnam par 'phrul ba ste/ kye rgyal ba'i sras/ bcu po de dag ni/ byang chub sems dpa' rnams kyi chos la rnam par 'phrul ba'o/ /kye rgyal ba'i sras/ bcu po 'di dag ni/ byang chub sems dpa' rnams kyi lus la rnam par 'phrul ba ste/ bcu gang zhe na/ 'di ltar sems can thams cad kyi lus rang gi lus su byin gyi rlob cing / mos par byed pa la 'jug pa'i rnam par 'phrul ba dang / rang gi lus sems can thams cad kyi lus kyi 'du shes su byin gyi rlob pa'i rnam par 'phrul ba dang / sangs rgyas thams cad kyi sku sangs rgyas gcig gi skur mos shing / 'jug pa'i rnam par 'phrul ba dang / sangs rgyas gcig gi sku sangs rgyas ma lus pa thams cad kyi skur 'jug cing / gzhan la yongs su ston pa'i rnam par 'phrul ba dang / zhing thams cad du nam mkha' byin gyi rlob pa'i rnam par 'phrul ba dang / dus gsum thams cad chos kyi sku gcig gis yongs su rgyas par sems can la ston pa'i rnam par 'phrul ba dang / lus gcig tu ting nge 'dzin la mnyam par </font><hr>Nga277a<br><font size=+1>


@#/ /bzhag cing lus mtha' yas pa las rnam par ldang ba'i rnam par 'phrul ba dang / lus gcig gis mngon par sangs rgyas shing sems can snyed kyi lus su yongs su ston pa'i rnam par 'phrul ba dang / sems can thams cad kyi lus sems can gcig gi lus su ston pa'i rnam par 'phrul ba dang / sems can thams cad kyi lus chos kyi skur ston cing / chos kyi sku sems can gyi lus su ston pa'i rnam par 'phrul ba ste/ kye rgyal ba'i sras/ bcu po de dag ni/ byang chub sems dpa' rnams kyi lus la rnam par 'phrul ba'o/ /kye rgyal ba'i sras/ bcu po 'di dag ni/ byang chub sems dpa' rnams kyi smon lam la rnam par 'phrul ba ste/ bcu gang zhe na/ 'di ltar byang chub sems dpa' thams cad kyi smon lam rang gi smon lam du byin gyis rlob pa'i rnam par 'phrul ba dang / sangs rgyas thams cad kyi rdzogs pa'i byang chub kyi smon lam gyi stobs dang mthu mngon par rdzogs par byang chub par yongs su ston par rnam par 'phrul ba dang / sems can ji ltar smin pa rang rang gi bsam pa de bzhin du bla na med pa yang dag par rdzogs pa'i byang chub tu mngon par rdzogs par 'tshang rgya bar bya ba'i rnam par 'phrul pa dang / bskal pa 'grangs pa mu </font><hr>Nga277b<br><font size=+1>


med pa thams cad du smon lam gyi rgyun mi gcod pa'i rnam par 'phrul pa dang / rnam par shes pa'i lus las gyen du bskyod de/ ye shes kyi lus la'ang mi gnas pa'i smon lam la dbang bsgyur bas lus thams cad yongs su ston pa'i rnam par 'phrul pa dang / rang gi lus tshad du gyur bas pha rol gyi tshogs kyi smon lam thams cad yongs su rdzogs par bya ba'i rnam par 'phrul pa dang / sems can thams cad yongs su smin par bya ba'i smon lam las phyir mi ldog pa'i rnam par 'phrul pa dang / bskal pa 'grangs pa thams cad byang chub kyi spyod pas rgyas par dgang ba'i smon lam rgyun mi 'chad pa'i rnam par 'phrul pa dang / skra'i sbubs gcig tu mngon par 'tshang rgya ba'i smon lam gyi stobs kyis sangs rgyas kyi zhing thams cad du rgyas par dgang zhing / 'jig rten gyi khams brjod du med pa'i yang brjod du med pa/ sems can gcig tu ston pa'i smon lam la rnam par 'phrul pa dang / chos kyi tshig gcig brjod pas chos kyi dbyings ma lus pa thams cad rgyas par bkang ste/ chos kyi sprin chen po byung ba las chos bdud rtsi'i char rab tu 'bab cing / rig pa dang rnam par grol ba'i glog snang ba dang / yang dag pa de kho na nyid kyi chos kyi 'brug sgra mngon par 'byung bas sems can gyi khams thams cad yongs </font><hr>Nga278a<br><font size=+1>


@#/ /su ngoms par bya ba'i smon lam chen po yongs su rdzogs par bya bas rnam par rtse ba'i rnam par 'phrul pa ste/ kye rgyal ba'i sras/ bcu po de dag ni/ byang chub sems dpa' rnams kyi smon lam la rnam par 'phrul ba'o/ /kye rgyal ba'i sras /bcu po 'di dag ni/ byang chub sems dpa' rnams kyi spyod yul la rnam par 'phrul ba ste/ bcu gang zhe na/ 'di ltar kye rgyal ba'i sras/ byang chub sems dpa' rnams ni chos kyi dbyings kyi spyod yul dang yang ldan la sems can gyi khams kyi spyod yul du'ang snang ngo / /kye rgyal ba'i sras/ byang chub sems dpa' rnams ni sangs rgyas kyi spyod yul la mngon par dga' ba'ang yin la/ bdud kyi spyod yul la gnas par yang snang ngo / /kye rgyal ba'i sras/ byang chub sems dpa' rnams ni/ mya ngan las 'das pa'i spyod yul dang yang ldan la/ 'khor ba'i spyod yul las kyang mi g.yo'o/ /kye rgyal ba'i sras/ byang chub sems dpa' rnams ni thams cad mkhyen pa nyid kyi spyod yul dang ldan la byang chub sems dpa'i spyod yul gyi rgyud kyang rgyun mi gcod do/ /kye rgyal ba'i sras/ byang chub sems dpa' rnams ni zhi ba dang / rab tu zhi ba dang / nye bar zhi ba'i spyod yul dang yang ldan la/ sems can ma zhi ba/ rab </font><hr>Nga278b<br><font size=+1>


tu ma zhi ba/ nye bar ma zhi ba'i spyod yul can rnams kyang rnam par mi spong ngo / /kye rgyal ba'i sras/ byang chub sems dpa' rnams ni blang ba med pa dang / dor ba med pa dang / spro ba med pa dang / mi 'gro ba dang / mtshan ma med pa dang / dngos po med pa dang / rnam par mi dmigs pa dang / bar snang dang mnyam pa'i spyod yul dang yang ldan la/ sems can spros pa dang / mtshan ma thams cad du dmigs pa'i spyod yul can rnams kyi gnas na yang snang ngo / /kye rgyal ba'i sras/ byang chub sems dpa' rnams ni stobs dang| rnam par thar ba'i spyod yul dang yang ldan la/ phyogs gcig pa'i spyod yul thams cad du yang snang ngo / /kye rgyal ba'i sras/ byang chub sems dpa' rnams ni sems can med pa'i mtha'i spyod yul dang yang ldan la/ sems can thams cad yongs su smin par bya ba yang rnam par mi spong ngo / /kye rgyal ba'i sras/ byang chub sems dpa' rnams ni bsam gtan dang / rnam par thar pa dang / rtogs pa dang / ye shes dben pa'i spyod yul dang yang ldan la 'jig rten gyi khams thams cad du skye bar yang snang ngo / /kye rgyal ba'i sras/ byang chub sems dpa' rnams ni de bzhin gshegs dpa'i spyod pa dang / mngon par 'tshang rgya ba dang / sangs rgyas kyi rgyan dang / spyod yul thams cad kyang thob la/ nyan thos dang rang </font><hr>Nga279a<br><font size=+1>


@#/ /sangs rgyas thams cad kyi spyod lam dang / cho ga yang yongs su ston te/ kye rgyal ba'i sras/ bcu po de dag ni/ byang chub sems dpa' rnams kyi spyod yul la rnam par 'phrul pa'o/ /kye rgyal ba'i sras/ bcu po 'di dag ni/ byang chub sems dpa' rnams kyi ye shes la rnam par 'phrul ba ste/ bcu gang zhe na/ 'di ltar tha dad pa yang dag par shes pa'i ye shes mi zad pa la rnam par 'phrul ba dang / rmongs pa med pa'i gzungs thams cad thob pa'i ye shes la rnam par 'phrul pa dang / smon lam shin tu rnam par gdon mi za ba bstan pa dang / sems can gyi khams thams cad kyi dbang po yongs su 'dzin pa dang / khong du chud pa'i ye shes la rnam par 'phrul ba dang / rang gi sems kyi ye shes pha rol gyi sems kyi ye shes dang sems gcig las sems can thams cad kyi spyod pa dang / rnam par g.yo bar byed pa'i ye shes la rnam par 'phrul ba dang / sems can gyi khams thams cad kyi bsam pa dang / bag la nyal ba dang / bag chags dang / nyon mongs pa'i nad la gang dang 'byor ba'i sman yang dag par gtong ba'i ye shes rnam par 'phrul ba dang / de bzhin gshegs pa'i stobs bcu la skad cig gcig gis 'jug pa'i ye shes la rnam par 'phrul ba dang / dus gsum gyi bskal pa'i grangs thams cad la chags </font><hr>Nga279b<br><font size=+1>


ba med pa'i ye shes yangs pa sems can gzhan gyis thob par byed pa'i ye shes la rnam par 'phrul ba dang / thogs pa med pa'i sems kyi skad cig tu mngon par 'tshang rgya bar 'gro pa thams cad du yongs su ston pa'i ye shes la rnam par 'phrul ba dang / sems can gcig gi 'du shes kyis sems can ma lus pa thams cad kyi las dang / bya ba la mngon sum du ye shes la rnam par 'phrul ba dang / sems can gcig gi sgra dbyangs kyis sgra thams cad la 'jug pa yongs su ston pa'i ye shes la rnam par 'phrul ba ste/ kye rgyal ba'i sras / bcu po de dag ni/ byang chub sems dpa' rnams kyi ye shes la rnam par 'phrul ba'o/ /kye rgyal ba'i sras/ bcu po 'di dag ni/ byang chub sems dpa' rnams kyi mngon par shes pa la rnam par 'phrul ba ste/ bcu gang zhe na/ 'di ltar 'jig rten gyi khams thams cad du lus yongs su ston kyang / lus gcig tu dmigs pa'i mngon par shes pa la rnam par 'phrul ba dang / de bzhin gshegs pa gcig gi 'khor gyi dkyil 'khor du de bzhin gshegs pa thams cad kyi 'khor gyi dkyil 'khor dang / chos bstan pa yongs su 'dzin pa'i mngon par shes pa la rnam par 'phrul ba dang / sems can gcig gi sems la dmigs pas byang chub kyi rgyud brjod du med pa rnam par 'tshang rgya zhing sems can thams </font><hr>Nga280a<br><font size=+1>


@#/ /cad kyi sems kyis go bar byed pa'i mngon par shes pa la rnam par 'phrul ba dang / dbyangs gcig gis 'jig rten gyi khams thams cad du go bar byed cing| sgra rnam pa tha dad pa thams cad du shes par byed pas/ sems can gzhan gyi sems kyi rgyud du phyin par byed pa'i mngon par shes pa la rnam par 'phrul ba dang / 'gro ba thams cad kyi sngon gyi mtha'i mur thug pa'i bskal pa/ sems kyi skad cig gcig gis rjes su dran zhing shes pas/ las kyi 'bras bu rnam par smin pa ji lta ba bzhin du mngon sum du ston cing / sems can gyi go bar byed pa'i mngon par shes pa la rnam par 'phrul ba dang / 'jig rten gyi khams thams cad brgyan par bya ba'i mngon par shes pa la rnam par 'phrul ba dang / dus thams cad mnyam pa nyid du 'jug pa'i mngon par shes pa la rnam par 'phrul ba dang / sangs rgyas thams cad kyi byang chub tu spyod pa'i smon lam yang dag par bskyed ba dang / chos kyi snang ba rab tu dgye ba'i mngon par shes pa la rnam par 'phrul ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten gyi mgon po thams cad kyis mngon par shes pa la rnam par 'phrul ba dang / nyan thos dang / rang sangs rgyas dang / byang </font><hr>Nga280b<br><font size=+1>


chub sems dpa' dang / de bzhin gshegs dpa'i stobs bcu dang / byang chub sems dpa'i dge ba'i rtsa ba thams cad kyis yongs su bsrung ba'i mngon par shes pa la rnam par 'phrul ba dang / kye rgyal ba'i sras/ mdor na/ byang chub sems dpa' ni mngon par shes pas chos thams cad la yang dag par gzhol ba yin te/ bcu po de dag ni/ byang chub sems dpa' rnams kyi mngon par shes pa la rnam par 'phrul pa'o/ /kye rgyal ba'i sras/ bcu po 'di dag ni/ byang chub sems dpa' rnams kyi rdzu 'phrul la rnam par 'phrul ba ste/ bcu gang zhe na/ 'di ltar 'jig rten gyi khams brjod du med pa'i yang brjod du med pa/ rdul shin tu phra ba gcig tu 'dzud pa'i rdzu 'phrul la rnam par 'phrul ba dang / rdul shin tu phra ba gcig la chos kyi dbyings thams cad dang mnyam pa'i sangs rgyas kyi zhing gcig yongs su ston pa'i rdzu 'phrul la rnam par 'phrul ba dang / rgya mtsho thams cad kyi chu'i phung po chen po bsdu'i khung bu gcig tu blugs te/ chos kyi dbyings dang mnyam pa'i 'jig rten gyi khams su 'gro yang sems can la gnod par mi 'gyur ba'i rdzu 'phrul la rnam par 'phrul ba dang / 'jig rten gyi khams brjod du med pa'i yang brjod du med pa rang gi lus su btsud de/ bya ba thams cad yongs su ston pa la mkhas pa'i rdzu 'phrul la rnam par 'phrul ba dang / khor yug dang rdo rje'i ri bsam gyis mi khyab pa thams cad ba spu'i khung bu gcig tu bres te/ </font><hr>Nga281a<br><font size=+1>


@#/ /'jig rten gyi khams thams cad du 'gro yang sems can rnams sdang bar mi 'gyur ba'i rdzu 'phrul la rnam par 'phrul ba dang / bskal pa brjod du med pa'i yang brjod du med pa bskal pa gcig tu byin gyis brlabs te/ bskal pa gcig la brjod du med pa yang brjod du med pa'i bskal pa 'du ba dang / 'jig pa ston kyang sems can la gnod par mi 'gyur ba'i rdzu 'phrul la rnam par 'phrul ba dang / 'jig rten gyi khams thams cad du chus 'jig pa yongs su bstan pa dang / me dang rlung gis 'jig pa yongs su bstan kyang sems can la gnod par mi 'gyur ba'i rdzu 'phrul la rnam par 'phrul pa dang / 'jig rten gyi khams thams cad 'tshig cing chu dang / me dang rlung gis 'jig kyang longs spyod dang / nye bar spyod pa thams cad kyi sa yongs su gang bar byas shing sems can la kun tu ston pa'i rdzu 'phrul la rnam par 'phrul pa dang / 'jig rten gyi khams bsam gyis mi khyab pa lag pa'i mthil gyis blangs te/ 'jig rten gyi khams brjod du med pa'i yang brjod du med par bkod kyang / sems can la gnod par mi 'gyur ba'i rdzu 'phrul la rnam par 'phrul ba dang / zhing thams cad nam mkha'i rang bzhin du yongs su bstan pas/ sems can gyis go bar byed pa ni rdzu 'phrul la rnam par 'phrul </font><hr>Nga281b<br><font size=+1>


ba ste| kye rgyal ba'i sras/ bcu po de dag ni/ byang chub sems dpa' rnams kyi rdzu 'phrul la rnam par 'phrul pa'o/ /kye rgyal ba'i sras/ bcu po 'di dag ni/ byang chub sems dpa' rnams kyi stobs la rnam par 'phrul pa ste/ bcu gang zhe na/ 'di ltar yongs su smin par bya ba dang / 'dul ba mi gtong bas sems can gyi stobs la rnam par 'phrul ba dang / nam mkha' brjod du med pa'i yang brjod du med pa thams cad rgyan rnam par phye bas brgyan par yongs su ston pas zhing gi stobs la rnam par 'phrul pa dang / lus thams cad lus med par 'jug pas chos kyi stobs la rnam par 'phrul pa dang / spyod pa rgyun mi spyod pas bskal pa'i stobs la rnam par 'phrul pa dang / gnyid kyis log pa sangs par byed pas sangs rgyas kyi stobs la rnam par 'phrul ba dang / byang chub sems dpa'i spyod pa thams cad skyed cing rab tu 'dzin pa'i phyir spyod pa'i stobs la rnam par 'phrul ba dang / sems can gyi khams thams cad yang dag par sgrol bas sangs rgyas kyi stobs la rnam par 'phrul ba dang / chos thams cad bdag po med par mngon par 'tshang rgya ba'i phyir/ rang byung gi stobs la rnam par 'phrul ba dang / thams cad mkhyen pa'i ye shes ma lus par mngon par 'tshang rgya ba'i phyir/ thams cad mkhyen pa'i stobs la rnam par 'phrul ba dang / sems can thams cad </font><hr>Nga282a<br><font size=+1>


@#/ /yongs su mi gtong bas/ snying rje chen po'i stobs la rnam par 'phrul ba'o/ /kye rgyal ba'i sras/ bcu po de dag ni/ byang chub sems dpa' rnams kyi stobs la rnam par 'phrul ba ste/ kye rgyal ba'i sras/ sems can la rnam par 'phrul ba bzung ba man chad stobs la rnam par 'phrul ba yan chad kyi bar du/ bcu po de dag ni/ byang chub sems dpa' rnams kyi rnam par 'phrul ba ste/ kye rgyal ba'i sras/ byang chub sems dpa' gang gis rnam par 'phrul ba bcu po de dag thob par gyur pa de ni/ 'dod na bla na med pa yang dag par rdzogs pa'i byang chub tu mngon par 'tshang rgya'o/ /mi 'dod na mngon par 'tshang mi rgya'o/ /'dod na mngon par 'tshang yang rgyal spyod pa yang rgyun mi gcod do/ / kye rgyal ba'i sras/ de ci'i phyir zhe na/ byang chub sems dpa' rnams ni smon lam chen pos byung ba ste/ sgo mtha' yas pa'i rnam par 'phrul ba yongs su bstan pa la mkhas pa'i phyir ro/ /kye rgyal ba'i sras/ bcu po 'di dag ni/ byang chub sems dpa' rnams kyi rnam par rtse ba ste/ bcu gang zhe na/ 'di ltar byang chub sems dpa' sems can gyi lus la zhing gi lus byin gyis rlob pa byed kyang / sems can gyi lus 'byed par mi byed pa de ni rnam par rtse ba dang po'o/ /kye rgyal ba'i sras/ gzhan yang byang chub sems dpa' zhing gi lus la </font><hr>Nga282b<br><font size=+1>


sems can gyi lus byin gyis rlob kyang / zhing gi lus 'dres par yang mi byed pa de ni rnam par rtse ba gnyis pa'o/ /kye rgyal ba'i sras/ gzhan yang byang chub sems dpa' sangs rgyas kyi sku la sems can gyi lus byin gyis rlob kyang / sangs rgyas kyi sku dma' bar mi byed pa de ni rnam par rtse ba gsum pa'o/ /kye rgyal ba'i sras/ gzhan yang byang chub sems dpa' nyan thos dang / rang sangs rgyas kyi lus la de bzhin gshegs pa'i sku yongs su ston kyang / nyan thos dang rang sangs rgyas kyi lus rgya chen por yang mi byed pa 'di ni/ rnam par rtse ba bzhi pa'o| |kye rgyal ba'i sras/ gzhan yang byang chub sems dpa' spyod pa'i lus la mngon par 'tshang rgya ba'i lus yongs su ston kyang / spyod pa'i rgyun mi gcod pa de ni rnam par rtse ba lnga pa'o/ /kye rgyal ba'i sras/ gzhan yang byang chub sems dpa' mngon par rdzogs par byang chub pa'i lus la spyod pa yongs su ston kyang / mngon par rdzogs par byang chub pa nye bar len par yang mi byed pa de ni rnam par rtse ba drug pa'o/ /kye rgyal ba'i sras/ gzhan yang byang chub sems dpa' mya ngan las 'das pa'i dbyings su 'khor ba'i rgyun yongs su ston kyang / mya ngan las 'das pa la mngon par chags pa mi skyed pa de ni rnam par rtse ba bdun pa'o/ /kye rgyal ba'i sras/ gzhan yang byang chub sems dpa' 'khor ba la </font><hr>Nga283a<br><font size=+1>


@#/ /mya ngan las 'das pa yongs su ston kyang / yongs su mya ngan las 'da' bas shin tu mya ngan las 'da' bar mi byed pa 'di ni rnam par rtse ba brgyad pa'o/ / kye rgyal ba'i sras/ gzhan yang byang chub sems dpa' mnyam par gzhag bzhin du 'di lta ste/ 'ong ba dang / 'gro ba dang / 'greng ba dang / 'dug pa'i bya ba thams cad yongs su ston kyang / ting nge 'dzin gyi mnyam pa nyid 'khrug par mi byed pa 'di ni rnam par rtse ba dgu pa'o/ /kye rgyal ba'i sras/ gzhan yang byang chub sems dpa' de bzhin gshegs pa gcig gi zhabs kyi drung nas chos thos nas/ lus kyang mi snang bar mi byed la ting nge 'dzin gyi stobs kyis/ de bzhin gshegs pa'i 'khor gyi dkyil 'khor brjod du med pa'i yang brjod du med pa gzhan dang gzhan du lus rnam par dgod pas ldang yang lus tha dad par yang mi byed/ ting nge 'dzin tha dad par yang mi byed la/ de bzhin gshegs pa de dag las kyang chos nyan cing thos nas kyang 'dzin cing kun chub par byed la/ ting nge 'dzin la snyoms par 'jug cing / chos dri ba bzung ba'i rgyun kyang mi gsod de/ de de ltar mnyam par gzhag bzhin du lus mi snang bar yang mi byed la/ ting nge 'dzin gyi lus dang sgo mngon par sgrub pa re re las kyang brjod du med pa'i yang brjod du med pa'i ting nge 'dzin gyi lus dang / sgo mngon par sgrub </font><hr>Nga283b<br><font size=+1>


cing / de lta bu'i tshul gyis bskal pa thams cad zad par gyur kyang / byang chub sems dpa'i ting nge 'dzin gyi sgo mngon par sgrub pa'i mtha' gang yang med pa de ni rnam par rtse ba bcu pa'o| |kye rgyal ba'i sras/ bcu po de dag ni/ byang chub sems dpa' rnams kyi rnam par rtse ba ste/ de dag la gnas shing byang chub sems dpa' rnams de bzhin gshegs pa'i ye shes chen pos rnam par rol pa bla na med par thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi yul te/ bcu gang zhe na/ 'di ltar chos kyi dbyings mtha' yas pa'i sgo la 'jug par sems can la yongs su ston pa'i yul dang / 'jig rten gyi khams thams cad du rgyan rnam pa sna tshogs du ma dang / mngon par sgrub pa 'gro ba thams cad kyis rnam par dmigs par bya ba'i yul dang / sems can gyi khams thams cad du/ sprul pa mngon par sgrub pa rnam par dmigs par bya ba'i yul dang / de bzhin gshegs pa'i sku byang chub sems dpa'i lus su mngon par sgrub pa dang / byang chub sems dpa'i lus de bzhin gshegs pa'i skur mngon par sgrub pa'i yul dang / nam mkha'i khams 'jig rten gyi khams su mngon par bsgrub pa dang / 'jig rten gyi khams nam mkha'i khams su mngon par sgrub pa'i yul dang / mya ngan las 'das pa 'khor bar mngon par sgrub pa dang / 'khor bar mya ngan las 'das pa mngon </font><hr>Nga284a<br><font size=+1>


@#/ /par sgrub pa'i yul dang / sems can gcig gi skad du brjod pas sangs rgyas kyi chos thams cad bstan par mngon par sgrub pa'i yul dang / mtha' yas pa'i sgo nas lus kun tu ston cing / lus gcig tu byin gyis brlab pa dang / lus rnam pa tha dad pa thams cad mngon par sgrub pa'i yul dang / lus gcig gis chos kyi dbyings thams cad du rgyas par dgang ba'i yul dang / sems can thams cad kyi sems bskyed pa'i skad cig re re la/ mtha' yas pa'i sgo mngon par sgrub cing / rnam par 'tshang rgya ba'i yul lo/ /kye rgyal ba'i sras/ bcu po de dag ni/ byang chub sems dpa' rnams kyi yul te/ de dag la gnas shing / byang chub sems dpa' rnams de bzhin gshegs pa'i ye shes chen po'i yul bla na med pa 'thob par 'gyur ba dag go/ //bam po brgyad cu pa/ kye rgyal ba'i sras/ bcu po 'di dag ni/ byang chub sems dpa' rnams kyi stobs te| bcu gang zhe na/ 'di ltar 'jig rten thams cad dang 'du 'dzi med pa'i phyir bsam pa'i stobs dang / sangs rgyas kyi chos thams cad la sgyid lug pa med par bya ba'i phyir/ lhag pa'i bsam pa'i stobs dang / byang chub sems dpa'i brtsams pa thams cad mthar phyin par bya ba yongs su bstan pa'i phyir sbyor ba'i stobs dang / 'gro ba thams cad kyi sems dang </font><hr>Nga284b<br><font size=+1>


spyod pa rab tu shes par bya ba'i phyir ye shes kyi stobs dang / bsam pa thams cad yongs su rdzogs par bya ba'i phyir smon lam gyi stobs dang / phyi ma'i mtha'i mur thug par rgyun chad pa med par bya ba'i spyod pa'i stobs dang / theg pa thams cad kyi 'byung bar kun tu bstan pa dang / theg pa chen po las phyir mi ldog par bya ba'i phyir theg pa'i stobs dang / skra'i sbubs gcig tu sangs rgyas 'byung ba thams cad dang / 'jig rten gyi khams yongs su dag pa thams cad kun tu bstan pa'i phyir/ rnam par 'phrul pa'i stobs dang / sems bskyed pa thams cad la byang chub tu rnam par 'tshang rgya ba dang / mi 'bral ba'i phyir byang chub kyi stobs dang / chos kyi tshig gcig brjod pas sems can thams cad kyi bsam pa dang / dbang po ma lus pa lhag ma med pa mtha' dag rtogs par bya ba'i phyir/ chos kyi 'khor lo bskor ba'i stobs te/ kye rgyal ba'i sras/ bcu po de dag ni/ byang chub sems dpa' rnams kyi stobs te/ de dag la gnas shing byang chub sems dpa' rnams thams cad mkhyen pa'i ye shes dang / stobs bcu dang ldan pa'i mchog tu 'gyur ba 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi mi 'jigs pa ste/ bcu gang zhe na/ 'di ltar kye rgyal ba'i sras/ byang chub sems dpa' rnams ni sgra thams cad 'dzin pa'i gzungs rab tu thob pa yin te/ de 'di snyam du/ </font><hr>Nga285a<br><font size=+1>


@#/ /shar phyogs dang / byang phyogs dang / lho phyogs dang / nub phyogs nas/ ston pa la la zhig bdag gi gan du byon te/ 'gro ba chen po brgya stong rab tu bshad par gyur na/ bdag gis de gzung bar mi nus snyam du mi sems te/ byang chub sems dpas rgyu yang rjes su mi mthong ngo / /rgyu yang rjes su mi mthong bas/ mi 'jigs pa chen po'i dam ba thob cing / brtan la zhum pa med pa'i yid kyis 'gro ba thams cad la ci 'dod pa de dris shig ces skabs 'byed pa 'di ni/ mi 'jigs pa dang po'o/ /kye rgyal ba'i sras/ byang chub sems dpa' rnams ni yi ge dang / don brjod pa dang / sgra dang / skad thams cad kyi mtshams sbyar ba rab tu rtogs par bya ba dang / de bzhin gshegs pas dbang bskur ba'i spobs pa thogs pa med pa dam pa'i pha rol tu phyin pa thob pa yin te/ de dag 'di snyam du shar phyogs dang / lho phyogs dang / nub phyogs dang / byang phyogs nas la la zhig 'ongs te| bdag la chos kyi the tshom chen po zhig dris par gyur na/ bdag gis lan mi lon pa snyam du mi sems te/ byang chub sems dpas rgyu yang rjes su mi mthong ngo / /rgyu yang rjes su mi mthong bas mi 'jigs pa chen po'i dam pa thob cing / 'gro ba thams cad kyi dri ba yongs su dri ba ci yod pa bstan pa dang / 'jigs shing spu ldang ba med par byos la gang 'dod </font><hr>Nga285b<br><font size=+1>


pa de dag dris shig /ces skabs 'byed pa 'di ni mi 'jigs pa gnyis pa'o/ /kye rgyal ba'i sras/ byang chub sems dpa' rnams ni stong pa'i chos khong du chud par rtogs pa yin te/ bdag dang / bdag gi dang / byed pa po dang / byed du 'jug pa dang / tshor ba po dang / srog dang / gso ba dang / gang zag dang / phung po dang / khams dang / skye mched du lta ba dang bral te/ sems nam mkha' dang mtshungs pa'i rjes su song ba de dag 'di snyam du bdag la la la zhig gis lus dang / ngag dang / yid kyis gnod par bya ba'am/ gcig tu mi 'gyur ba'am snyam du sems pa med de/ byang chub sems dpas mtshan ma yang rjes su mi mthong ngo / /de ci'i phyir zhe na/ 'di ltar skyes bu dam pa ni bdag tu 'dzin pa dang / bdag gir 'dzin pa dang bral ba'i phyir te/ mtshan ma yang rjes su mi mthong bas/ mi 'jigs pa chen po'i dam pa thob cing / byang chub sems dpa' thams cad kyi sngon du 'dor ba la rab tu brtan pa 'di ni mi 'jigs pa gsum pa'o/ /kye rgyal ba'i sras/ byang chub sems dpa' rnams ni sangs rgyas kyi byin gyi rlabs kyis byin du brlabs te/ sangs rgyas kyi snang bas nye bar brtan cing / de bzhin gshegs pa'i spyod lam dang / spyod pa dang / tshul la rab tu gnas la/ spyod lam rnam par ma brtags shing / ji lta bzhin du gnas pas/ de dag 'di snyam du bdag gi spyod </font><hr>Nga286a<br><font size=+1>


@#/ /lam la la la zhig gis brgal bar mi 'gyur ram snyam du mi sems te/ byang chub sems dpas mtshan ma yang rjes su mi mthong ngo / /mtshan ma yang rjes su mi mthong bas mi 'jigs pa chen po'i dam pa thob cing / 'khor gyi nang du phyin nas chos ston pa 'di ni mi 'jigs pa bzhi pa'o/ /kye rgyal ba'i sras/ byang chub sems dpa' rnams ni lus dang / ngag dang / yid shin tu dag cing yongs su dag pa dang / gtsang ba dang / gtsang sbra dang / nges pa dang ldan zhing / ngan par spyod pa dang / ngan du byed pa dang / ngan du smra ba dang bral ba yin te/ de dag ni 'di snyam du bdag gi lus dang / ngag dang / yid kyi las la la la zhig gis brgal bar mi 'gyur ram snyam du mi sems te/ byang chub sems dpas mtshan ma yang rjes su mi mthong ngo / /mtshan ma yang rjes su mi mthong bas/ 'jigs pa dang bral zhing mi 'jigs pa chen po'i dam pa thob cing / sems can gzhan chos la sbyor ba byed pa 'di ni mi 'jigs pa lnga pa'o/ /kye rgyal ba'i sras/ byang chub sems dpa' rnams ni lag na rdo rje rtag tu phyi bzhin 'brangs pas yongs su bsrung ba chen po thob cing / lha dang / klu dang / gnod sbyin dang / dri za dang / lha ma yin gyis rtag tu rim gror bya ba yin/ brgya byin dang / tshangs pa dang / 'jig rten gyi mgon po rnams kyis rtag tu phyag bya ba yin/ de bzhin gshegs pa thams </font><hr>Nga286b<br><font size=+1>


cad kyis rtag tu dgongs pa yin te/ de dag 'di snyam du bdag cag la bdud dam bdud kyi ris su gtogs pa'i lha'am/ mu stegs can nam/ mu stegs spyod pa dang / kun tu rgyu ba dag gam/ sems can dmigs pa la mngon par zhen pa la la zhig 'ongs shing / bar chad byed par mi 'gyur ram zhes bya bar sems pa med de/ byang chub sems dpa' mtshan ma yang rjes su mi mthong ngo / / mtshan ma yang rjes su ma mthong bas 'jigs pa dang bral zhing / mi 'jigs pa'i dam pa chen po thob pas dga' zhing / yid bde ba dang ldan par byang chub sems dpa'i las thams cad la nan tan du byed pa 'di ni mi 'jigs pa drug pa'o/ /kye rgyal ba'i sras/ byang chub sems dpa' rnams ni/ sangs rgyas kyi sa bsngags pa'i dran pa rab tu thob cing / dran pa'i dbang po mchog dang ldan pas yongs su rmongs pa med pa yin te/ de dag 'di snyam du bdag cag gis chos kyi tshig dang / yi ge byang chub sems dpa'i lam dang ldan pa de bzhin gshegs pa'i zhal nas byung pa la la zhig yongs su ma zin pa'am/ chud za par 'gyur zhing nub par gyur pa med dam zhes bya bar sems dpa' med de/ byang chub sems dpas mtshan ma yang rjes su mi mthong ngo / /mtshan ma yang rjes su mi mthong bas 'jigs pa dang bral zhing mi 'jigs pa chen po'i dam pa thob pas/ de bzhin gshegs pa thams cad kyi bstan pa yang dag par gzung ba'i phyir nan tan du byed pa 'di ni mi 'jigs </font><hr>Nga287a<br><font size=+1>


@#/ /pa bdun pa'o/ /kye rgyal ba'i sras/ byang chub sems dpa' rnams ni thabs dang / shes rab dang / ye shes khong du chud par rtogs shing / byang chub sems dpa'i stobs kyi pha rol tu phyin pa mchog thob pas/ rgyun mi 'chad par sems can gyi khams yongs su smin par byed cing / de dag sangs rgyas kyi byang chub tu smon lam dang / bsam pa chen po rab tu btang ste/ sems can rnams la snying rje chen po bskyed nas ched du bsams te/ 'jig rten gyi gnas 'dod pa dang / 'khrug pa dang / nyon mongs pa'i rnyog pa can du skye ba bzung zhing / 'dod pa'i dga' ba la rtse ba dang / 'khor gyi longs spyod chen po sems can yongs su smin par bya ba'i don du bdag gis yongs su gzung bar byed kyang / de dag 'di snyam du bdag cag sems can gyi 'du 'dzi'i gos pas yongs su gos par gyur te/ byang chub sems dpa'i lam dang ldan pa'i bsam gtan dang / rnam par thar pa dang / ting nge 'dzin dang / snyoms par 'jug pa dang / gzungs kyi sgo dang / spobs pa'i bar chad dam| gcig tu mi 'gyur ram zhes sems pa med de/ byang chub sems dpa' de dag gis rgyu yang rjes su mi mthong ngo / /kye rgyal ba'i sras/ de ci'i phyir zhe na/ byang chub sems dpa' rnams ni byang chub sems dpa'i lam la rgyun mi 'chad par spyod pa'i phyir/ chos thams cad la dbang gi pha </font><hr>Nga287b<br><font size=+1>


rol tu phyin pa dam pa thob pa dag ste/ de dag gis 'jig rten gyi rnam par 'khrug pa thams cad kyis/ byang chub sems dpa'i las la rnam par 'khrug par 'gyur ba rjes su mi mthong ngo / / rjes su mi mthong bas 'jigs pa dang bral zhing / mi 'jigs pa chen po'i pha rol tu phyin pa dam pa thob pas/ 'jig rten gyi khams kyi gnas thams cad kyi skye ba'i skye mched thams cad du skye ba gzung bar smon lam rab tu 'debs te/ 'di ni mi 'jigs pa brgyad pa'o/ /kye rgyal 'a sras/ byang chub sems dpa' rnams ni thams cad mkhyen pa'i sems ma nyams shing / byang chub sems dpa'i lam la gnas pas theg pa chen po la yang dag par gnas pa dag ste/ de dag ni thams cad mkhyen pa nyid kyi sems kyi stobs dang shugs la gnas shing / nyan thos dang / rang sangs rgyas thams cad kyi cho ga dang / spyod lam yongs su ston kyang / de dag 'di snyam du/ bdag cag nyan thos sam/ rang sangs rgyas kyi theg pa'am/ gcig gis 'byung bar mi 'gyur ram snyam du sems pa med de/ byang chub sems dpas rgyu yang rjes su mi mthong ngo / /rgyu yang rjes su mi mthong bas 'jigs pa dang bral zhing / mi 'jigs pa chen po'i pha rol tu phyin pa dam pa thob pas/ theg pa thams cad mnyam pa nyid du ston cing /theg pa chen po'i mnyam pa nyid </font><hr>Nga288a<br><font size=+1>


@#/ /yongs su rdzogs par byed pa 'di ni mi 'jigs pa dgu pa'o/ /kye rgyal ba'i sras/ byang chub sems dpa' rnams ni dge ba'i rtsa ba yang dag par bsdus pas dkar po'i chos yongs su 'dus pa yin/ mngon par shes pa dang / bsam pa thams cad yongs su rdzogs pa yin/ rgyun chad pa med par sangs rgyas kyi byang chub la rab tu rten pa yin| byang chub sems dpa'i spyod pa thams cad yongs su rdzogs pa yin/ sangs rgyas thams cad mkhyen pa'i ye shes dang / rdzu 'phrul la mngon par dbang bskur ba yang sems can yongs su smin par bya ba'i phyir/ spyod pa nye bar blang ba de yang rgyun mi gcod de/ de dag 'di snyam du bdag cag gis/ sems can yang yongs su smin par ma gyur la/ bdag cag kyang sangs rgyas kyi khyu mchog gi mthu phyung ba ston par mi nus pa'am/ gcig tu mi 'gyur ram zhes sems pa med de/ byang chub sems dpa' rgyu yang rjes su mi mthong ngo / /rgyu yang rjes su mi mthong bas 'jigs pa dang bral zhing / mi 'jigs pa chen po'i pha rol tu phyin pa dam pa thob pas sems can yongs su smin pa'i tshul ji lta ba bzhin du sangs rgyas kyi yul yongs su ston te/ byang chub sems dpa'i spyod pa yang rgyun mi gcod la/ byang chub sems dpa'i smon lam chen pos skye ba yang rgyun mi gcod </font><hr>Nga288b<br><font size=+1>


cing / byang chub sems dpas yongs su smin par bya ba yang rgyun mi gcod de/ 'di ni mi 'jigs pa bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi mi 'jigs pa ste/ de dag la gnas shing byang chub sems dpa' rnams mi 'jigs pa chen po bla na med pa thob par 'gyur ba dang / byang chub sems dpa'i mi 'jigs pa las kyang phyir ldog par mi 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi byang chub sems dpa'i chos ma 'dres pa rnams te/ bcu gang zhe na/ kye rgyal ba'i sras| 'di la byang chub sems dpa' rnams ma bstan par pha rol tu phyin pa rnams la brtson zhing gtong ba yongs su gtong ba la 'jungs pa dang bral ba yin/ tshul khrims yongs su dag la tshul khrims ngan pa thams cad rab tu bsal ba yin/ bzod pa phun sum tshogs la bsam pa mi sgul pa yin/ brtson 'grus chen po dang ldan la dus thams cad du phyir mi ldog pa yin| shin tu mnyam par gzhag pa'i ye shes dang ldan la/ 'khrug pa thams cad yongs su spangs pa yin/ shes rab kyis shin tu byung zhing sdig pa'i lta ba dang bral ba yin te / kye rgyal ba'i sras/ de ltar ma bstan par pha rol tu phyin pa la brtson pa 'di ni byang chub sems dpa' rnams kyi ma 'dres pa'i chos te/ de ltar pha rol tu phyin pa'i lam dang mthun pa 'di ni/ </font><hr>Nga289a<br><font size=+1>


@#/ /byang chub sems dpa'i ma 'dres pa'i chos dang pa'o/ /kye rgyal ba'i sras/ byang chub sems dpa' rnams ni sems can gyi khams yongs su sdud cing / 'jig rten gyi zang zing dang / chos kyi sbyin pa yongs su gtong ba'i dang tshul can bzhin 'dzum pa/ snyan par smra ba/ tshig 'jam pa/ sems can thams cad kyi sems mngon par dga' ba/ don yang dag pa ji lta ba bzhin la rab tu sbyor ba/ sangs rgyas kyi byang chub kyi don khong du chud par byed pa/ mi mnyam pa'i sems med pa| sems can thams cad la snyoms par don du sems pa dag ste/ kye rgyal ba'i sras/ de ltar ma bstan par sems can gyi khams yongs su bsdu ba'i phyir nan tan du byed pa de ni/ byang chub sems dpa' rnams kyi ma 'dres pa ste/ de ltar bsdu ba'i dngos po'i lam dang mthun pa 'di ni/ byang chub sems dpa' rnams kyi ma 'dres pa gnyis pa'o/ /kye rgyal ba'i sras/ byang chub sems dpa' rnams ni yongs su bsngo ba'i tshul la mkhas shing / rnam par smin pa la re ba med par sangs rgyas kyi byang chub kyi rjes su song bar yongs su bsngo zhing / 'jig rten gyi snyoms par 'jug pa thams cad la ye brngam pa med pas/ de bzhin gshegs pa'i ye shes la rab tu gnas shing sems </font><hr>Nga289b<br><font size=+1>


can gyi don du yongs su bsngo ste/ kye rgyal ba'i sras/ de ltar ma bstan par dge ba'i rtsa ba thams cad brtsam pa dang / sangs rgyas kyi ye shes de ltar tshol zhing sems can gyi don yongs su tshol ba 'di ni/ byang chub sems dpa' rnams kyi ma 'dres pa ste/ 'di ni byang chub sems dpa' rnams kyi chos ma 'dres pa gsum pa'o/ /kye rgyal ba'i sras/ byang chub sems dpa' rnams ni thabs mkhas pa'i pha rol tu phyin pa'i dam pa thob pas/ sems can thams cad kyi rjes su 'brang zhing 'jig rten pa thams cad kyi lam la yongs su skyo ba med pa'i yid dang ldan te/ 'phags pa'i spyod yul la mngon du bltas la/ nyan thos dang / rang sangs rgyas thams cad kyi 'byung ba las phyir phyogs te| sems can thams cad yongs su smin pa la mngon par brtson zhing / bdag gi bde ba la chags pa med de/ bsam gtan dang / rnam par thar pa dang / ting nge 'dzin dang / snyoms par 'jug pa la snyoms par 'jug pa dang / rnam par ldang ba la mkhas pas rang gi dbang du gyur pa'i ting nge 'dzin thob cing / 'khor bas yongs su skyo ba med pa'i sems dang ldan te/ 'khor ba la bza' shing gi ra ba lta bu'i 'du shes chen po thob pa dang / bdud kyi khyim thams cad na gnas pa dang / </font><hr>Nga290a<br><font size=+1>


@#/ /brgya byin dang / tshangs pa dang / 'jig rten kyi mgon po thams cad kyi dbang chen po yongs su ston cing / skye ba'i skye mched thams cad du gzugs brnyan byung bar gyur la/ zhags pa 'thub pa'i rab tu byung ba thams cad kyi lta ba dang bral te/ 'jig rten pa'i rang bzo dang / sngags dang / gtsug lag dang / yi ge dang / shod thabs dang / grangs dang / rtsis dang / rang gi rtsed mo dang / 'jig rten pa'i dga' ba thams cad yongs su ston cing / bud med kyi cho ga dang / mtshan ma dang / cha lugs dang / sgyu rtsal thams cad kyi tshul la mkhas pa/ 'jig rten pa dang / 'jig rten las 'das pa'i chos mnyan pa dang / dpyad pa dang / dri ba dang / brtags pa shin tu bsten pa'i pha rol tu phyin pa'i mchog thob pa/ 'jig rten pa dang / 'jig rten las 'das pa'i dgos pa'i pha rol tu phyin pa'i mchog thob/ sems can thams cad kyi ngor blta ba dbang dang ldan pa dang / rang sangs rgyas thams cad kyi cho ga dang / spyod lam yongs su ston pa/ theg pa chen po la yang dag par zhugs pa/ de bzhin gshegs pa'i rnam par 'tshang rgya ba skad cig skad cig tu ston pa spyod pa'i rgyun yongs su mi gcod pa ste/ kye rgyal </font><hr>Nga290b<br><font size=+1>


ba'i sras/ de ltar thabs mkhas pa'i pha rol tu phyin pa'i mchog thob kyang / bstan pa med pa 'di ni byang chub sems dpa' rnams kyi ma 'dres pa'i chos te/ 'di ni byang chub sems dpa' rnams kyi chos ma 'dres pa bzhi pa'o/ /kye rgyal ba'i sras/ gzhan yang byang chub sems dpa' zung dang smrel zhi la mkhas shing ye shes kyi rnam par rtse ba dang / ye shes kyi pha rol tu phyin pa'i mchog thob pas/ 'di ltar mya ngan las 'das pa la gnas kyang 'khor ba'i sgo yongs su ston pa/ sems can med pa'i mtha'i spyod yul dang ldan yang / sems can thams cad yongs su smin par bya ba ma btang ba shin tu dul ba dang / zhi ba'i pha rol tu phyin pa'i mchog thob kyang / nyon mongs pa'i 'bar ba sems can la yongs su ston pa/ chos kyi ye shes gcig tu stug pa'i lus dang ldan yang / sems can gyi sgo mtha' yas pa yongs su ston pa/ bsam gtan chen po la bsam gtan 'cha' yang / 'dod pa'i dga' ba thams cad kyis rtse zhing longs spyod par sems can la rnam par ston pas gcig tu dga' bar dga' zhing mos pa/ khams gsum pa thams cad las phyir bltas kyang sems can thams cad yongs su smin par bya ba'i bsam pa ma btang ba/ rtag tu chos kyi dga' bas </font><hr>Nga291a<br><font size=+1>


@#/ /dga' zhing mos kyang / lha'i bu mo brgya phrag stong gi sgra rab tu phyung ba dang rtse ba/ mtshan dang dpe byad bzang po dang / dge ba'i mchog brgya phrag stong gis brgyan pa'i lus dang ldan yang dbul ba thams cad kyi tshul yongs su ston pa/ rtag tu kha na ma tho ba med pa'i las dge ba spyad kyang / sems can dmyal ba dang / byol song gi skye gnas dang / gshin rje'i 'jig rten du skye ba yang yongs su ston pa/ sangs rgyas kyi ye shes kyi pha rol tu phyin pa'i mchog thob kyang / byang chub sems dpa'i ye shes kyi lus las gyen du ma g.yos pa dag ste/ kye rgyal ba'i sras/ de ltar byang chub sems dpa' rnams ni ye shes mu med pa dang ldan pas/ de'i phyir de dag nyan thos dang / rang sangs rgyas thams cad kyis kyang khong du chud par dka' na/ sems can byis pa gzhan gyis lta smos kyang ci dgos te/ 'di ni byang chub sems dpa'i chos ma 'dres pa lnga pa'o/ /kye rgyal ba'i sras/ byang chub sems dpa' rnams ni/ lus dang / ngag dang / yid ye shes sngon du 'gro ba dang ldan pa ste/ las shin tu dag par spyod cing srog gcod pa dang bral ba nas/ sdig pa'i lta ba'i bar dang bral bas/ </font><hr>Nga291b<br><font size=+1>


byams pa phun sum tshogs shing yang dag pa'i lta ba la zhugs pa yin te/ kye rgyal ba'i sras/ de ltar lus dang / ngag dang / yid kyi las ye shes sngon du 'gro ba dang ldan pa 'di ni/ byang chub sems dpa' rnams kyi chos ma 'dres pa ste/ 'di ni byang chub sems dpa'i chos ma 'dres pa drug pa'o/ /kye rgyal ba'i sras/ byang chub sems dpa' rnams ni snying rje chen po dang ldan pas/ sems can thams cad yongs su mi gtong zhing / sems can thams cad kyi sdug bsngal gyi phung po rang gi lus kyis len par mkhas pas sems can dmyal ba dang / byol song gi skye gnas dang / gshin rje'i 'jig rten gyi sdug bsngal gyi sems can gyi don du yongs su skyo ba med pa'i sems dang ldan zhing / sems can gyi khams thams cad dgrol ba la zhugs pa/ 'dod pa'i dga' ba thams cad kyis rtse zhing yongs su longs spyod pa la chags pa med pa'i yid dang ldan pas rtag tu sems can rnams sdug bsngal gyi phung po las dgrol ba la mngon par brtson pa ste/ kye rgyal ba'i sras/ de ltar snying rje chen po'i stobs yongs su mi gtong ba 'di ni byang chub sems dpa' rnams kyi chos ma 'dres pa ste/ 'di ni byang chub sems dpa'i chos ma 'dres pa bdun pa'o/ /kye rgyal ba'i sras/ </font><hr>Nga292a<br><font size=+1>


@#/ /byang chub sems dpa' rnams ni/ 'gro ba thams cad kyi yid du 'ong zhing mthong na dga' ba ste/ brgya byin dang / tshangs pa dang / 'jig rten gyi mgon po thams cad kyi phyag bya ba/ 'gro ba thams cad mthong bar smon pa/ sems can thams cad mngon par dga' ba'i sems dang ldan pa dag ste/ kye rgyal ba'i sras| de ci'i phyir zhe na/ de ni byang chub sems dpa' rnams sngon nas las kyi mtha' kha na ma tho ba med pa dang ldan zhing / yongs su dag pa'i las kyi tshul gyis spyod pas| de'i phyir de dag mthong bas 'gro ba thams cad mi ngoms pa yin/ kye rgyal ba'i sras/ de ltar 'gro ba thams cad mthong bar mngon par dga' ba de ni| byang chub sems dpa' rnams kyi chos ma 'dres pa ste/ 'di ni byang chub sems dpa' rnams kyi chos ma 'dres pa brgyad pa'o/ /kye rgyal ba'i sras/ byang chub sems dpa' rnams ni thams cad mkhyen pa nyid kyi sems brtan pa dang ldan pa'i lhag pa'i bsam pa'i go cha shin tu bgos pas de dag ji ltar nyon mongs shing / byis pa'i skye bo'i 'du 'dzi dang ji ltar brten tam/ nyan thos dang / rang sangs rgyas kyi tshogs kyi nang du ji ltar phyin kyang rung ste/ thams cad mkhyen pa'i sems rin po </font><hr>Nga292b<br><font size=+1>


che bzang po 'od dang ldan pa de 'jig par mi byed do/ /kye rgyal ba'i sras/ de ni 'di lta ste/ dper na/ nor bu rin po che chen po rgyan bzang po zhes bya ba de chu dang bar byed pa ni| pad+mo'i rdzing bu ji ltar rnyogs kyang rung ste/ nang du btsug na nor bu rin po che'i 'od gsal zhing bzang ba de nyid rnam par mi spong ste/ chu de thams cad kyang rnyog pa med par rab tu dang bar byed do/ /kye rgyal ba'i sras/ de bzhin du byang chub sems dpa' yang / byis pa'i skye bo'i 'du 'dzis ji ltar brten kyang / thams cad mkhyen pa'i sems rin po che 'od gsal zhing / snang ba bzang po de chud zos par mi byed de/ sems can de dag kyang nyon mongs pa'i rnyog pa de las zlog cing / thams cad mkhyen pa'i sems rin po che 'od gsal zhing / snang ba de nyid la rab tu 'god do/ /kye rgyal ba'i sras/ de ltar ji ltar nyon mongs par gyur kyang rung / byis pa'i skye bo'i 'du 'dzin dang ji ltar brten tam/ nyan thos dang / rang sangs rgyas kyi tshogs kyi nang du ji ltar phyin kyang rung ste/ thams cad mkhyen pa'i sems rin po che de nyid 'jig par mi byed pa de ni/ byang chub sems dpa'i chos ma 'dres pa ste/ 'di ni byang chub sems dpa'i chos ma 'dres pa dgu pa'o/ /kye rgyal ba'i sras/ byang chub </font><hr>Nga293a<br><font size=+1>


@#/ /sems dpa' rnams ni rang gi yul gyi ye shes kyi chos la dbang bsgyur ba'i pha rol tu phyin pa dam pa thob pa ste/ rang byung gi ye shes kyi dbang bskur bas dbang bskur zhing / go 'phang skyon med pa la gnas kyang dge ba'i bshes gnyen la gnas pa ring du mi spong zhing / de bzhin gshegs pa la rim gror bya ba'i rgyun mi gcod de/ de ltar tshul phun sum tshogs pa dang / 'gro ba thams cad du dge ba'i bshes gnyen bsten pa las phyir mi ldog cing / de bzhin gshegs pa la rim gror bya ba rgyun mi gcod pa de ni byang chub sems dpa'i chos ma 'dres pa ste/ 'di ni byang chub sems dpa'i chos ma 'dres pa bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi chos ma 'dres pa ste/ de dag la gnas shing byang chub sems dpa' rnams/ de bzhin gshegs pa'i chos ma 'dres pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi las te/ bcu gang zhe na/ 'di ltar 'jig rten gyi khams thams cad yongs su sbyang ba'i las dang / sangs rgyas thams cad bsnyen bkur ba'i las dang / byang chub sems dpa'i grogs thams cad dang / </font><hr>Nga293b<br><font size=+1>


dge ba'i rtsa ba gcig tu bya ba'i las dang / sems can gyi khams thams cad yongs su smin par bya ba'i las dang / ma 'ongs pa'i dus thams cad kyi phyi ma'i mtha'i mur thug par yongs su bzung ba'i las dang / 'jig rten gyi khams thams cad du 'gro yang 'jig rten gyi khams gcig nas mi g.yo ba'i rdzu 'phrul gyi las dang / kha dog mtha' yas pa'i 'od zer dgye ba'i 'od kyi las dang / pad+mo'i snying po la byang chub sems dpa'i gzugs 'khod pa yongs su bstan pa'i 'od zer gyi las dang / mya ngan las 'das pa'i sangs rgyas bcom ldan 'das rnams kyi bstan pa bzung bas/ dkon mchog gsum gyi rigs rgyun mi gcad pa'i las dang / 'jig rten thams cad du rgyu zhing chos bstan pa dang / sems can gdul ba yang dag par sgrub pa'i sprul pa'i las dang / nam 'dod pa dang / nam sems bskyed pa na smon lam yongs su rdzogs par sems can la yang dag par ston pa'i byin gyi rlabs kyi las so/ /kye rgyal ba'i sras/ bcu po de dag ni/ byang chub sems dpa' rnams kyi las te/ de dag la gnas shing byang chub sems dpa' rnams de bzhin gshegs pa'i 'phrin las rgya chen po bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi lus te/ bcu gang zhe na/ 'di ltar 'gro ba thams cad du byung ba med pas/ byang </font><hr>Nga294a<br><font size=+1>


@#/ /chub sems dpa'i lus ni 'ongs pa med pa'o/ /'gro ba thams cad du mi dmigs pa med pas/ byang chub sems dpa'i lus ni 'ongs pa'o/ /'jig rten thams cad kyis dmigs pa ji lta ba bzhin du byang chub sems dpa'i lus ni bden pa ma yin pa'o/ /'jig rten gyi bden pa rnam par dmigs pa ji lta ba bzhin du byang chub sems dpa'i lus ni rdzun ma yin pa'o/ /phyi ma'i mtha'i mur rgyun mi 'chad pas/ byang chub sems dpa'i lus ni rgyun mi zad pa'o/ /bdud thams cad kyis mi shigs pas/ byang chub sems dpa' rnams kyi lus ni brtan pa'o/ /bdud kyi rgol ba thams cad kyis mi sgul bas/ byang chub sems dpa'i lus ni sra ba'o/ /bsod nams brgya ba'i mtshan gyis shin tu rnam par dag par snang bas/ byang chub sems dpa'i lus ni mtshan bzang po dang ldan pa'o/ /chos kyi mtshan nyid med pa'i mthar thug pas/ byang chub sems dpa'i lus ni mtshan nyid med pa'o/ /'das pa dang / ma byon pa dang / da ltar byung ba'i de bzhin gshegs pa thams cad kyi sku dang mnyam pa nyid thob pas byang chub sems dpa'i lus ni kun tu song ba'o/ /kye rgyal ba'i sras/ bcu po de dag ni/ byang chub sems dpa' rnams kyi lus te/ de dag la gnas shing byang chub sems dpa' rnams de bzhin gshegs pa'i </font><hr>Nga294b<br><font size=+1>


sku mi zad pa/ bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi lus kyi las te/ bcu gang zhe na/ 'di ltar 'jig rten gyi khams thams cad lus gcig gis rgyas par 'gengs pa'i lus kyi las dang / sems can gyi khams thams cad du sgo yongs su stan pa'i lus kyi las dang / skye ba thams cad du gnas pa'i lus kyi las dang / 'jig rten gyi khams thams cad du 'gro ba'i lus kyi las dang / sangs rgyas thams cad kyi 'khor gyi dkyil 'khor du 'gro ba'i lus kyi las dang / 'jig rten gyi khams thams cad lag pa gcig gis kun tu khebs par byed pa'i lus kyi las dang / khor yug dang / rdo rje'i ri thams cad lag pa gcig gis nyug pa'i lus kyi las dang / sangs rgyas kyi zhing thams cad du rang gi lus 'jig pa dang / 'byung ba yongs su ston pa'i lus kyi las dang / sems can gyi khams thams cad lus gcig gis yongs su 'dzin pa'i lus kyi las dang / /sems can gyi khams thams cad lus med par khong du chud pas zhing yongs su dag pa dang / yongs su rdzogs pa kun tu ston pa'i lus kyi las so/ /kye rgyal ba'i sras/ bcu po de dag ni/ byang chub sems dpa' rnams kyi lus kyi las te/ de dag la gnas shing byang chub sems dpa' rnams </font><hr>Nga295a<br><font size=+1>


@#/ /sangs rgyas kyi chos 'gro ba kun gyis rnam par rig par bya ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rang bzhin te/ bcu gang zhe na/ 'di ltar nan tan dang ldan pas/ pha rol tu phyin pa'i rang bzhin dang / 'gro ba thams cad yongs su mi gtong pas| bsdu ba'i dngos po'i rang bzhin dang / sems can thams cad kyi sdug bsngal gyi phung po rang gi lus kyi len kyang yongs su mi skyo bas/ snying rje chen po'i rang bzhin dang / 'gro ba thams cad yongs su skyob pas/ byams pa chen po'i rang bzhin dang / 'gro ba thams cad nye bar 'tsho bas bsod nams kyi rang bzhin dang / sangs rgyas thams cad kyi sku dang gcig tu 'dres pas ye shes kyi rang bzhin dang / skye ba'i skye mched thams cad las 'das pas chos kyi rang bzhin dang / thams cad du sgo yongs su ston pas/ thams cad kyi rang bzhin dang / rdzu 'phrul dang / rnam par 'phrul pa thams cad yongs su ston pas/ rdzu 'phrul gyi rang bzhin dang / nam 'dod pa'i dus su mngon par rdzogs par 'tshang rgya bas/ byang chub kyi rang bzhin no/ /kye rgyal ba'i sras bcu po de dag ni/ byang chub sems dpa' rnams kyi rang bzhin te/ de dag la gnas shing byang chub sems dpa' rnams </font><hr>Nga295b<br><font size=+1>


de bzhin gshegs pa'i ye shes chen po'i rang bzhin bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi ngag ste/ bcu gang zhe na/ 'di ltar sems can thams cad bde bar byed pas/ byang chub sems dpa' rnams kyi ngag ni 'jam pa'o/ /sems can thams cad kyi sems sim par byed pas/ byang chub sems dpa' rnams kyi ngag ni snyan pa'o/ /yang dag pa ji lta ba bzhin du go bar byed pas/ byang chub sems dpa' rnams kyi ngag ni mi rdzun pa'o/ /rmi lam na yang log par mi smra bas/ byang chub sems dpa'i ngag ni bden pa'i rjes su 'brang ba'o/ /brgya byin dang / tshangs pa dang / 'jig rten gyi mgon po thams cad zil gyis gnon pas/ byang chub sems dpa' rnams kyi ngag ni rgya che ba'o/ /chos kyi rang bzhin ston pas/ byang chub sems dpa' rnams kyi ngag ni zab mo'i dbyangs su sgrog pa'o/ /chos bstan pa thams cad mi zad pas/ byang chub sems dpa' rnams kyi ngag ni snying po dang ldan pa'o/ /sgra ji lta ba bzhin du khong du chud par byed pas/ byang chub sems dpa' rnams kyi ngag ni shin tu gsal ba'o/ /dus dang las dang rnam par smin pa ji lta ba bzhin du yongs su ston pas/ byang chub sems dpa' rnams kyi ngag ni rnam pa tha dad pa'o/ /bsam pa ji lta ba bzhin du rnam par spyod pa </font><hr>Nga296a<br><font size=+1>


@#/ /la 'jug par byed pas/ byang chub sems dpa' rnams kyi ngag ni 'gro ba thams cad la bgro ba'o/ kye rgyal ba'i sras/ bcu po de dag ni/ byang chub sems dpa' rnams kyi ngag ste/ de dag la gnas shing byang chub sems dpa' rnams de bzhin gshegs pa'i gsung bla na med pa 'thob par 'gyur ba dag go /kye rgyal ba'i sras| byang chub sems dpa'i ngag de yang las rnam par dag pa bcus yongs su sbyangs pa yin te/ bcu gang zhe na/ 'di ltar de bzhin gshegs pa'i gsung la mos pa yongs su dag pa dang / byang chub sems dpa'i tshig sngon ma thos pa la mngon par mos pa yongs su dag pa dang / 'gro ba thams cad kyi yid du mi 'ong ba'i tshig yongs su spangs pas yongs su dag pa dang / sngon gyi mthar ngag gi nyes pa bzhi dang bral bas yongs su dag pa dang / dga' ba dang mos pa chen pos de bzhin gshegs pa mngon du bstod pas yongs su dag pa dang / sgra chen pos de bzhin gshegs pa mchod par 'os pa/ yang dag pa ji lta ba bzhin du sangs rgyas kyi yon tan dang / legs pa brjod pas yongs su dag pa dang / bsam pa thag pas sems can gzhan la chos kyi sbyin pas sdud pas yongs su dag pa dang / glu'i dbyangs dang / rol mo brdung ba dang / dkrol </font><hr>Nga296b<br><font size=+1>


ba'i dbyangs kyis de bzhin gshegs pa la mngon par bstod pas yongs su dag pa dang / sangs rgyas bcom ldan 'das rnams las mngon sum du chos thos nas/ rang gi lus 'bul bas yongs su dag pa dang / byang chub sems dpa'i chos smra ba thams cad las chos thos nas rim gro bya ba'i phyir/ bdag 'bul zhing snying thag pa nas yongs su gtong bas yongs su dag pa ste/ kye rgyal ba'i sras/ byang chub sems dpa'i ngag ni las rnam par dag pa bcu po de dag gis shin tu sbyangs par 'byung ngo / /kye rgyal ba'i sras/ byang chub sems dpa' rnams kyi ngag de ltar yongs su sbyangs pa de yang yongs su 'dzin pa bcus yongs su gzung bar 'byung ste/ bcu gang zhe na/ 'di ltar lha'i dbang po la sogs pa lha thams cad kyis yongs su gzung bar 'byung ba yin/ klu'i dbang po dang / gnod sbyin gyi dbang po dang / dri za'i dbang po dang / lha ma yin gyi dbang po dang / nam mkha'i lding gi dbang po dang / mi'am ci'i dbang po dang / lto 'phye chen po'i dbang po dang / tshangs pa'i dbang po la sogs pa tshangs pa'i ris su gtogs pa'i lha thams cad kyis yongs su gzung bar 'byung ba yin/ de bzhin gshegs pa chos kyi dbang po la sogs pa chos su smra ba thams cad kyis yongs su gzung bar 'byung ba yin te/ kye rgyal ba'i sras/ byang chub sems dpa'i ngag ni yongs su 'dzin pa bcu po de dag gis </font><hr>Nga297a<br><font size=+1>


@#/ /shin tu gzung bar 'byung ngo / /kye rgyal ba'i sras/ byang chub sems dpa'i ngag de ltar shin tu gzung bar 'byung ba de yang dgos pa bcu yongs su grub par byed de/ bcu gang zhe na/ 'di ltar sems can gyi khams mngon par dga' bar byed do/ /'jig rten gyi khams su go bar byed do/ /dbang po'i khams la 'jug par byed do| |mos pa'i khams rnam par dag par byed do/ /nyon mongs pa'i khams sel bar byed do/ /bag chags kyi khams spong bar byed do/ /bsam pa'i khams sbyong bar byed do/ / lhag pa'i bsam pa'i khams rnam par 'phel bar byed do/ /chos kyi khams rgyas par byed do/ /mya ngan las 'das pa'i khams yang dag par rtogs par byed do/ /dgos pa bcu po de dag yongs su sgrub bo/ /kye rgyal ba'i sras/ bcu po 'di dag ni/ byang chub sems dpa' rnams kyi sems te/ bcu gang zhe na/ 'gro ba thams cad kyi dge ba'i rtsa ba yang dag par 'dzin cing ston pas/ byang chub sems dpa' rnams kyi sems ni sa lta bu'o/ /sangs rgyas thams cad kyi ye shes rgya chen po'i rgya mtsho mtha' dang dbus med pa la zhugs pas/ byang chub sems dpa' rnams kyi sems ni rgya mtsho lta bu'o/ /'jig rten las 'das pa'i dge ba'i rtsa ba shin tu mtho ba la 'gro ba thams cad rab tu dgod pa'i </font><hr>Nga297b<br><font size=+1>


phyir| byang chub sems dpa'i sems ni ri bo chen po lta bu'o/ /kun nas nyon mongs pa med cing bsam pa dag pa dang ldan pas/ byang chub sems dpa' rnams kyi sems ni nor bu rin po che lta bu'o/ /chos thams cad la rab tu rno bas/ byang chub sems dpa' rnams kyi sems ni rdo rje lta bu'o/ /bdud dang mu stegs can gzhan dang phas kyi rgol ba thams cad kyis mi sgul bas/ byang chub sems dpa' rnams kyi sems ni ri'i rgyal po rdo rje'i khor yug shin tu brtan zhing mi shigs pa lta bu'o/ /'jig rten gyi chos thams cad kyis mi gos pas/ byang chub sems dpa' rnams kyi sems ni pad+mo lta bu'o/ /bskal pa thams cad du 'byung ba dang / mthong bar dka' bas byang chub sems dpa' rnams kyi sems ni me tog u du ma wa ra lta bu'o/ /'gro ba thams cad kyi ma rig pa'i mun pa mun nag dang / rab rib kyi rmugs pa sel ba'i phyir/ byang chub sems dpa' rnams kyi sems ni nyi ma lta bu'o/ /'gro ba thams cad kyis brjod du med pa'i phyir/ byang chub sems dpa' rnams kyi sems ni bar snang lta bu'o/ /kye rgyal ba'i sras| bcu po de dag ni/ byang chub sems dpa' rnams kyi sems te/ de dag la gnas shing / byang chub sems dpa' rnams de bzhin gshegs pa'i thugs rgya chen po yongs su dag pa bla na med pa </font><hr>Nga298a<br><font size=+1>


@#/ /'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sems bskyed pa ste/ bcu gang zhe na/ 'di ltar 'gro ba thams cad rab tu dgrol bar bya'o zhes byang chub sems dpa' sems bskyed do/ /sems can thams cad kyi nyon mongs pa bsal bar bya'o zhes byang chub sems dpa' sems bskyed do/ /bag chags kyi mtshams 'brel ba thams cad spang bar bya'o zhes byang chub sems dpa' sems bskyed do/ /chos thams cad la the tshom med pa thob par bya'o zhes byang chub sems dpa' sems bskyed do/ /sems can thams cad kyi sdug bsngal gyi phung po rab tu zhi bar bya'o zhes byang chub sems dpa' sems bskyed do/ /ngan song dang mi khom pa thams cad gcad par bya'o zhes byang chub sems dpa' sems bskyed do/ /de bzhin gshegs pa thams cad mnyes par bya'o zhes byang chub sems dpa' sems bskyed do/ /byang chub sems dpa'i bslab pa thams cad la nan tan du bya'o zhes byang chub sems dpa' sems bskyed do/ /skra'i sbubs su 'jug pa thams cad kyang ma lus par 'gro ba thams cad du sangs rgyas thams cad byang chub tu 'tshang rgya ba bstan par bya'o zhes byang chub sems dpa' sems bskyed do/ /'gro ba ma lus pa thams cad kyi </font><hr>Nga298b<br><font size=+1>


bsam pa dang / dbang po rab tu rtogs pas 'jig rten gyi khams thams cad du grags par bya bar chos kyi rnga bla na med pa brdung bar bya'o zhes byang chub sems dpa' sems bskyed do/ / kye rgyal ba'i sras/ bcu po de dag ni/ byang chub sems dpa' rnams kyi sems bskyed pa ste/ de dag la gnas shing byang chub sems dpa' rnams de bzhin gshegs pa'i thugs rgya chen po'i 'phrin las bla na med pa rtsom par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sems kyis rgyas par dgang ba ste/ bcu gang zhe na/ 'di ltar sems shin tu yangs pa dang ldan pas nam mkha'i dbyings thams cad rgyas par dgang ba dang / mtha' dang dbus med pa khong du chud pas chos kyi dbyings thams cad rgyas par dgang ba dang / skad cig gcig tu 'dzud pas dus gsum thams cad rgyas par dgang ba dang / gshegs pa dang / skye ba dang / 'byung ba dang / rnam par 'tshang rgya ba dang| chos kyi 'khor lo bskor ba dang / mya ngan las 'das pa chen po mngon sum du shes pas/ sangs rgyas skye ba thams cad du rgyas par dgang ba dang / bag chags dang dbang po nam mkha' lta bur khong du chud pas/ sems can gyi khams thams cad du rgyas par dgang ba dang / chos kyi dbyings thams cad khong du chud pa'i ye shes dang ldan pas/ </font><hr>Nga299a<br><font size=+1>


@#/ /mig yor lta bu'i ye shes kyis rgyas par dgang ba dang / sgyu ma'i dra ba rnam pa tha dad pa lta bur khong du chud pas/ mtha' dang dbus med par rgyas par dgang ba dang / rang bzhin mi dmigs pas mi skye bar rgyas par dgang ba dang / rang gi sems dang gzhan gyi sems la thogs pa med pas/ chags pa med par rgyas par dgang ba dang / sems bskyed pa thams cad la mngon par rdzogs par byang chub pa yongs su ston pas/ dbang gis rgyas par dgang ba'o/ /kye rgyal ba'i sras/ bcu po de dag ni/ byang chub sems dpa' rnams kyi sems kyis rgyas par dgang ba ste/ de dag la gnas shing byang chub sems dpa' rnams sangs rgyas kyi chos thams cad kyis rgyas par dgang ba mtha' dang dbus med pa'i rgyan bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi dbang po ste/ bcu gang zhe na/ 'di ltar sangs rgyas thams cad mthong bar dad pa phyir ldog pa med pas/ byang chub sems dpa' rnams kyi dbang po ni dga' bar byed pa'o/ /sangs rgyas kyi chos thams cad mngon par 'tshang rgya bar byed pas/ byang chub sems dpa' rnams kyi dbang po ni mngon par mos pa'o/ /bya ba thams cad la thogs pa med pas/ byang chub </font><hr>Nga299b<br><font size=+1>


sems dpa' rnams kyi dbang po ni phyir mi ldog pa'o/ /byang chub sems dpa'i spyod pa thams cad rgyun mi gcod pa'i phyir/ byang chub sems dpa' rnams kyi dbang po ni gnas pa'o/ / shes rab kyi pha rol tu phyin pa'i tshul khong du chud pa'i phyir/ byang chub sems dpa' rnams kyi dbang po ni shin tu phra ba'o/ /sems can thams cad kyi dgos pa yongs su grub par byed pa'i phyir/ byang chub sems dpa' rnams kyi dbang po ni rgyun mi 'chad do/ /chos thams cad la rab tu rno ba'i phyir/ byang chub sems dpa' rnams kyi dbang po ni rdo rje lta bu'o/ /de bzhin gshegs pa thams cad kyi yul la snang ba 'thob pa'i phyir/ byang chub sems dpa' rnams kyi dbang po ni rdo rje'i 'od 'phro ba ltar snang bar byed pa'o/ /de bzhin gshegs pa thams cad kyi sku dang / lus gcig tu gyur pas/ byang chub sems dpa' rnams kyi dbang po ni tha mi dad pa'o/ /de bzhin gshegs pa'i stobs kyi rjes su zhugs pa'i phyir/ byang chub sems dpa' rnams kyi dbang po ni chags pa med pa'i mthar phyin pa'o/ /kye rgyal ba'i sras/ bcu po de dag ni/ byang chub sems dpa' rnams kyi dbang po ste/ de dag la gnas shing / byang chub sems dpa' rnams de bzhin gshegs pa'i dbang po rgya chen po yongs su rdzogs pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub </font><hr>Nga300a<br><font size=+1>


@#/ /sems dpa' rnams kyi bsam pa ste/ bcu gang zhe na/ 'di ltar byang chub sems dpa' rnams kyi bsam pa 'jig rten gyi chos thams cad kyis ma gos pa dang / byang chub sems dpa' rnams kyi bsam pa nyan thos dang / rang sangs rgyas thams cad kyi yid la bya ba dang ma 'dres pa dang / byang chub sems dpa' rnams kyi bsam pa sangs rgyas kyi byang chub kyi rjes su song ba dang / byang chub sems dpa' rnams kyi bsam pa thams cad mkhyen pa'i ye shes su 'byung ba'i lam dang mthun pa dang / byang chub sems dpa' rnams kyi bsam pa bdud dang / mu stegs can gzhan dang / mu stegs spyod pa'i rgol ba thams cad kyis mi 'phrogs pa dang / byang chub sems dpa' rnams kyi bsam pa de bzhin gshegs pa thams cad kyi ye shes kyi dkyil 'khor gyis rnam par dag pas/ kun nas nyon mongs pa med pa dang / byang chub sems dpa' rnams kyi bsam pa chos ji skad du thos pa yongs su mi gtong bas shin tu zin par yang dag par 'dzin pa dang / byang chub sems dpa' rnams kyi bsam pa skye ba'i skye mched thams cad kyis ma gos pas yongs su nyams pa med pa dang / byang chub sems dpa' rnams kyi bsam pa ye shes phra ba la zhugs pa'i phyir zab pa dang / </font><hr>Nga300b<br><font size=+1>


byang chub sems dpa' rnams kyi bsam pa sangs rgyas kyi chos thams cad la shin tu brtson pa'o/ /kye rgyal ba'i sras/ bcu po de dag ni/ byang chub sems dpa' rnams kyi bsam pa ste/ de dag la gnas shing byang chub sems dpa' rnams thams cad mkhyen pa'i dgongs pa bla na med pa yongs su rdzogs par 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi lhag pa'i bsam pa ste/ bcu gang zhe na/ 'di ltar byang chub sems dpa' rnams kyi lhag pa'i bsam pa dge ba'i rtsa ba thams cad bsags pa la phyir mi ldog par dbang bsgyur ba dang / byang chub sems dpa' rnams kyi lhag pa'i bsam pa de bzhin gshegs pa thams cad kyi dgongs pa'i tshul bstan pa la nem nur med pa dang / byang chub sems dpa' rnams kyi lhag pa'i bsam pa smon lam dang spyod pa chen po'i rgyun yongs su 'dzin pa dang / byang chub sems dpa' rnams kyi lhag pa'i bsam pa sangs rgyas kyi chos thams cad la 'jug par bya ba la yul du phyin pa dang / byang chub sems dpa' rnams kyi lhag pa'i bsam pa sangs rgyas kyi chos thams cad la dbang bsgyur bas mngon sum du gyur pa dang / byang chub sems dpa' rnams kyi lhag pa'i bsam pa chos sna tshogs kyi tshul la rab tu zhugs pas </font><hr>Nga301a<br><font size=+1>


@#/ /rgya che ba dang / byang chub sems dpa' rnams kyi lhag pa'i bsam pa brtsams pa thams cad mthar phyin par byed pas gtso bor gyur pa dang / byang chub sems dpa' rnams kyi lhag pa'i bsam pa ting nge 'dzin dang / snyoms par 'jug pa dang / rnam par 'phrul ba'i rgyan thams cad la dbang bsgyur ba dang / byang chub sems dpa' rnams kyi lhag pa'i bsam pa sngon gyi smon lam gyis yongs su bzung bas shin tu brtan pa dang / byang chub sems dpa' rnams kyi lhag pa'i bsam pa sems can thams cad yongs su smin par bya ba dang / gdul ba la rgyun mi 'chad pa'o/ /kye rgyal ba'i sras/ bcu po de dag ni/ byang chub sems dpa' rnams kyi lhag pa'i bsam pa ste/ de dag la gnas shing / byang chub sems dpa' rnams sangs rgyas thams cad kyi lhag pa'i dgongs pa bla na med pa yongs su dag pa 'thob par 'gyur ba dag go/ //bam po brgyad cu rtsa gcig pa/ kye rgyal ba'i sras/ bcu po 'di dag ni/ byang chub sems dpa' rnams kyi sbyor ba ste/ bcu gang zhe na/ 'di ltar rnam par smin pa la re ba med par bdog pa thams cad yongs su gtong bas/ byang chub sems dpa' rnams kyi sbyin pa'i sbyor ba dang / gzhan la brnyas pa med pas/ byang chub sems dpa' rnams kyi tshul khrims </font><hr>Nga301b<br><font size=+1>


dang / bslab pa dang / sbyangs pa'i yon tan dang / sdom pa dang / brtul zhugs pa dang / dka' thub thams cad du yi dam bcas pa la nan tan byed pa'i sbyor ba dang / bdag dang pha rol gyi 'du shes med pas/ byang chub sems dpa' rnams kyi gnod sems kyi tha ba dang gshe ba thams cad rna la gzon cing / sems can gyis ngan du byas pa thams cad bzod pa'i sbyor ba dang / lus dang / ngag dang / sems yang dag par bskul bas brtsams pa thams cad mthar phyin par byed pa'i phyir/ byang chub sems dpa' rnams kyi brtson 'grus brtsams pa thams cad las phyir mi ldog pa'i sbyor ba dang / 'dod pa 'khrugs pa dang / nyon mongs pa'i g.yog 'khor yongs su spong bas/ byang chub sems dpa' rnams kyi bsam gtan dang| rnam par thar pa dang / ting nge 'dzin dang / snyoms par 'jug pa dang / mngon par shes pa thams cad mngon par sgrub pa'i sbyor ba dang / bsod nams bsags pa thams cad la skyo ba med pas/ byang chub sems dpa' rnams kyi shes rab kyi nan tan gyi sbyor ba dang / sems can med pa la zhugs pas/ byang chub sems dpa' rnams kyi byams pa chen po'i sbyor ba dang / chos thams cad rang bzhin gyis dben pa'i phyir/ byang chub sems dpa' rnams kyi 'gro ba thams cad kyi sdug bsngal rang gi lus kyis len pa'i snying rje </font><hr>Nga302a<br><font size=+1>


@#/ /chen po las phyir mi ldog par sbyor ba dang / chags pa med par khong du chud pas 'gro ba thams cad yang dag par ston pa'i phyir/ byang chub sems dpa' rnams kyi de bzhin gshegs pa'i stobs bcu rnam par 'tshang rgya ba'i sbyor ba dang / sems can gzhan gyi rgyud du phyin par byed pas/ byang chub sems dpa' rnams kyi chos kyi 'khor lo bskor ba las phyir mi ldog pa'i sbyor ba'o/ /kye rgyal ba'i sras/ bcu po de dag ni/ byang chub sems dpa' rnams kyi sbyor ba ste/ de dag la gnas shing| byang chub sems dpa' rnams de bzhin gshegs pa'i ye shes chen po'i sbyor ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi mos pa ste/ bcu gang zhe na/ 'di ltar bsgrub par dka' ba'i dge ba'i rtsa ba sbyor bas rlabs po che'i mos pa dang / rgyan sna tshogs mngon par sgrub pas sna tshogs kyi mos pa dang / yid zhum pa med pas rgya chen po'i mos pa dang / chos zab mo'i tshul la zhugs pas zhi bar byed pa'i mos pa dang / sems rgya chen po bskyed pas yangs pa'i mos pa dang / sangs rgyas kyi byin gyi rlabs kyi mthu dang / shugs su ldan pas rang gis skabs phye ba'i mos pa dang / bdud kyi las thams cad rab tu </font><hr>Nga302b<br><font size=+1>


'joms pas mi 'phrogs pa'i mos pa dang / las kyi rnam par smin pa la gcig tu nges pas shin tu gdon mi za ba'i mos pa dang / ci 'dod pa'i cho 'phrul yongs su ston pas mngon du gyur pa'i mos pa dang / stobs dang mi ldan pa med pa'i phyir/ dus gang du 'dod par byang chub tu mngon par rdzogs par 'tshang rgya bas sangs rgyas thams cad kyis lung bstan pa yang dag par nod pa'i mos pa'o/ /kye rgyal ba'i sras/ bcu po de dag ni/ byang chub sems dpa' rnams kyi mos pa ste/ de dag la gnas shing / byang chub sems dpa' rnams de bzhin gshegs pa'i mos pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi 'jig rten gyi khams su mos pa la 'jug pa ste/ bcu gang zhe na/ 'di ltar 'jig rten gyi khams thams cad 'jig rten gyi khams gcig tu mos pa la 'jug pa dang / 'jig rten gyi khams gcig 'jig rten gyi khams thams cad du mos pa la 'jug pa dang / 'jig rten gyi khams thams cad pad+mo'i gdan gcig la bzhugs pa'i de bzhin gshegs pa'i skus yongs su khyab par mos pa la 'jug pa dang / 'jig rten gyi khams thams cad nam mkha'i rang bzhin du yang dag par bstan par mos pa la 'jug pa dang / 'jig rten gyi khams thams cad sangs rgyas kyi rgyan gyis brgyan </font><hr>Nga303a<br><font size=+1>


@#/ /par mos pa la 'jug pa dang / 'jig rten gyi khams thams cad byang chub sems dpa'i lus kyis rgyas par gang bar mos pa la 'jug pa dang / 'jig rten gyi khams thams cad skra'i sbubs gcig tu dgod par mos pa la 'jug pa dang / 'jig rten gyi khams thams cad sems can gcig gi lus kyi rgyud kyi rjes su 'brang bar mos pa la 'jug pa dang / 'jig rten gyi khams thams cad de bzhin gshegs pa gcig gi byang chub kyi shing dang / de bzhin gshegs pa gcig gi snying po byang chub kyis yongs su rgyas par gang bar mos pa la 'jug pa dang / 'jig rten gyi khams thams cad du sgra'i dbyangs gcig gis go bar bya ba dang / sems can gyi khams thams cad kyi sgra skad rnam pa tha dad pa la 'jug pas tshim par bya bar mos pa la 'jug pa'o/ /kye rgyal ba'i sras/ bcu po de dag ni/ byang chub sems dpa' rnams kyi 'jig rten gyi khams su mos pa la 'jug pa ste/ de dag la gnas shing / byang chub sems dpa' rnams de bzhin gshegs pa'i sangs rgyas kyi zhing la mos pa bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi sems can gyi khams su mos pa la 'jug pa ste/ bcu gang </font><hr>Nga303b<br><font size=+1>


zhe na/ 'di ltar sems can gyi khams thams cad rang bzhin gyis lus med par mos pa la 'jug pa dang / sems can gyi khams thams cad sems can gcig gi lus kyi rgyud du 'dus par mos pa la 'jug pa dang / sems can gyi khams thams cad byang chub sems dpa'i khong du 'dus par mos pa la 'jug pa dang / sems can gyi khams thams cad de bzhin gshegs pa'i skur 'dus par mos pa la 'jug pa dang / sems can gyi khams thams cad du sems can gcig gi lus yongs su zhugs par gyur bar mos pa la 'dug pa dang / sems can gyi khams thams cad sangs rgyas kyi chos kyi snod du mos pa la 'jug pa dang / sems can gyi khams thams cad brgya byin dang / tshangs pa dang / 'jig rten gyi mgon po dang / ci 'dod pa dang / gar mos pa'i gzugs dang / kha dog dang / cha byad du mngon par blta bar mos pa la 'jug pa dang / sems can gyi khams thams cad nyan thos dang / rang sangs rgyas kyi gzugs dang / kha dog dang / cha byad du yongs su bstan par mos pa la 'jug pa dang / sems can gyi khams thams cad byang chub sems dpa'i yon tan gyis yongs su brgyan par byin gyis brlab cing / yongs su bstan par mos pa la 'jug pa dang / sems can gyi khams thams cad de bzhin gshegs pa'i sku gzugs dang / mtshan dang / </font><hr>Nga304a<br><font size=+1>


@#/ /dpe byad bzang po dang / gzugs kyi sku sna tshogs kyi spyod lam dang / tshul dang / spyod pa yongs su bstan cing / gzhan gyis rig par bya bar mos pa la 'jug pa'o/ /kye rgyal ba'i sras/ bcu po de dag ni /byang chub sems dpa' rnams kyi sems can gyi khams su mos pa la 'jug pa ste/ de dag la gnas shing / byang chub sems dpa' rnams de bzhin gshegs pa'i dgyes pa dang / khyu mchog gi mthu phyung ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi bag chags te/ bcu gang zhe na/ 'di ltar byang chub kyi sems kyi bag chags dang / dge ba'i rtsa ba'i bag chags dang / sems can yongs su smin par bya ba'i bag chags dang / sangs rgyas lta ba'i bag chags dang / 'jig rten gyi khams yongs su dag par skye ba'i bag chags dang / spyod pa'i bag chags dang / smon lam gyi bag chags dang / pha rol tu phyin pa'i bag chags dang / chos mnyam pa nyid nges par rtogs pa'i bag chags dang / spyod pa rnam pa tha dad pa'i bag chags so/ /kye rgyal ba'i sras/ bcu po de dag ni/ byang chub sems dpa' rnams kyi bag chags te/ de dag la gnas shing / byang chub sems </font><hr>Nga304b<br><font size=+1>


dpa' rnams nyon mongs pa'i bag chags ma lus par spangs nas/ de bzhin gshegs pa'i ye shes chen pos bag chags thugs su chud pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi nye bar len pa ste/ nye bar len pa de dag gis byang chub sems dpa'i spyod pa rgyun mi gcod pa'o/ /bcu gang zhe na/ 'di ltar yongs su smin pa'i mthar phyin par bya ba'i phyir/ sems can gyi khams nye bar len pa dang / lhag ma med par yongs su dag par bya ba'i phyir/ 'jig rten gyi khams nye bar len pa dang / byang chub sems dpa'i spyod pas mnyes par bya ba'i phyir/ de bzhin gshegs pa nye bar len pa dang / mtshan dang dpe byad bzang po dang / sangs rgyas gyi yon tan yang dag par bsdu ba'i phyir/ dge ba'i rtsa ba nye bar len pa dang / sems can thams cad kyi sdug bsngal gyi phung po nye bar blangs te rab tu zhi bar bya ba'i phyir/ snying rje chen po nye bar len pa dang / sems can thams cad thams cad mkhyen pa'i bde ba la rab tu dgod pa'i phyir/ byams pa chen po nye bar len pa dang / byang chub sems dpa'i rgyan yang dag par bsdu ba'i phyir/ pha rol tu phyin pa nye bar len pa dang / sgo thams cad yongs su bstan pa'i phyir / </font><hr>Nga305a<br><font size=+1>


@#/ /thabs mkhas pa nye bar len pa dang / chags pa med pa'i ye shes kyi phyir byang chub nye bar len pa dang / mdor na thams cad mngon sum du shes pas mngon par shes par bya ba'i phyir/ byang chub sems dpa'i chos thams cad nye bar len pa'o/ /kye rgyal ba'i sras/ bcu po de dag ni/ byang chub sems dpa' rnams kyi nye bar len pa ste/ nye bar len pa de dag gis byang chub sems dpa'i spyod pa rgyun mi gcod cing / de bzhin gshegs pa thams cad kyi nye bar len pa med pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi nan tan te/ bcu gang zhe na/ 'di ltar pha rol tu phyin pa'i nan tan tan dang / bslab pa'i nan tan dang / ye shes kyi nan tan dang / don gyi nan tan dang / chos kyi nan tan dang / mngon par bsgrub pa'i nan tan dang / yang dag par bstan pa'i nan tan dang / spyod pas mi skyo ba'i nan tan dang / mngon par rdzogs par byang chub par bya ba'i nan tan dang / chos kyi 'khor lo bskor ba'i nan tan no/ /kye rgyal ba'i sras/ bcu po 'di dag ni/ byang chub sems dpa' rnams kyi nan tan te/ de dag la gnas shing / byang chub sems dpa' rnams chos thams cad kyi nan tan bla na med pa 'thob </font><hr>Nga305b<br><font size=+1>


par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi 'grub pa ste/ bcu gang zhe na/ 'di ltar dge ba'i bshes gnyen la sems pa ni sangs rgyas kyi chos rnams 'grub pa'o/ /de bzhin gshegs pa'i bka' la mngon par yid ches pa ni sangs rgyas kyi chos rnams 'grub pa'o/ /dam pa'i chos la mi spong ba ni/ sangs rgyas kyi chos rnams 'grub pa'o/ /tshad med pa'i sems kyis sangs rgyas su dge ba'i rtsa ba yongs su bsngo ba mi zad pa ni/ sangs rgyas kyi chos rnams 'grub pa'o/ /de bzhin gshegs pa'i yul sa mtshams med par yid ches pa ni sangs rgyas kyi chos rnams 'grub pa'o/ /'jig rten gyi khams kyi yul la 'jug pa ni sangs rgyas kyi chos rnams 'grub pa'o/ /chos kyi dbyings kyi yul las mi g.yo ba ni sangs rgyas kyi chos rnams 'grub pa'o/ /bdud kyi yul las gyen du spags pa ni sangs rgyas kyi chos rnams 'grub pa'o/ /sangs rgyas thams cad kyi yul rjes su dran pa ni sangs rgyas kyi chos rnams 'grub pa'o/ /de bzhin gshegs pa'i stobs bcu'i yul la mngon par mos pa ni sangs rgyas kyi chos rnams 'grub pa'o/ /kye rgyal ba'i sras/ bcu po de dag ni/ byang chub sems dpa' rnams kyi 'grub pa ste/ de dag la gnas shing / byang chub sems dpa' </font><hr>Nga306a<br><font size=+1>


@#/ /rnams de bzhin gshegs pa'i ye shes chen po 'grub pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sangs rgyas kyi chos las gol ba'i lam ste/ de dag ni byang chub sems dpas yongs su spang bar bya ba dag go /bcu gang zhe na/ 'di ltar dge ba'i bshes gnyen la brnyas pa ni sangs rgyas kyi chos las gol ba'i lam mo/ /'khor ba'i sdug bsngal gyis 'jigs pa ni sangs rgyas kyi chos la gol ba'i lam mo/ /byang chub sems dpa'i spyod pas skyo ba ni/ sangs rgyas kyi chos las gol ba'i lam mo/ /'jig rten gyi khams na gnas pas yongs su skyo ba ni/ sangs rgyas kyi chos las gol ba'i lam mo/ /mnyam par gzhag pa la gnas su byed pa ni/ sangs rgyas kyi chos las gol ba'i lam mo/ /dge ba'i rtsa ba la chags shing zhen pa ni/ sangs rgyas kyi chos las gol ba'i lam mo/ /dam pa'i chos spong ba ni sangs rgyas kyi chos las gol ba'i lam mo/ /byang chub sems dpa'i spyod pa las dpa' bas 'byed pa ni sangs rgyas kyi chos las gol ba'i lam mo/ /nyan thos dang / rang sangs rgyas su 'dod pa ni sangs rgyas kyi chos las gol ba'i lam mo/ /byang chub sems dpa' </font><hr>Nga306b<br><font size=+1>


la zhe sdang zhing khong khro ba ni sangs rgyas kyi chos las gol ba'i lam mo/ /kye rgyal ba'i sras/ bcu po de dag ni/ byang chub sems dpa' rnams kyi sangs rgyas kyi chos las gol ba'i lam rnams te/ de dag ni byang chub sems dpas yongs su spang bar bya'o/ /de dag yongs su spangs nas de'i 'og tu byang chub sems dpa' rnams byang chub sems dpa'i skyon med pa nyid du 'da' bar 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi skyon med pa ste/ bcu gang zhe na/ 'di ltar shes rab kyi pha rol tu phyin pa yang mngon par bsgrub la/ sems can thams cad la yang rnam par lta ba dang / lta ba'i rnam pa thams cad dang yang bral la/ lta ba'i bcing bas glags pa thams cad kyang rab tu 'grel ba dang / mtshan ma thams cad kyang yid la mi byed la/ mtshan ma la mngon par dga' ba'i sems can thams cad kyang mi 'dor ba dang / khams gsum pa thams cad las yang dag par 'das te/ 'jig rten gyi khams kyi gnas thams cad na gnas pa dang / nyon mongs pa rnams kyang rnam par bzlog la/ sems can rnams dang yang phrad cing 'grogs pa dang / chos rnams la yang 'dod chags dang bral la/ sems can thams cad la yang snying rje chen pos byams pa dang / dngos po thams </font><hr>Nga307a<br><font size=+1>


@#/ /cad kyis kyang dben la/ 'khor thams cad kyang yongs su ston pa dang / 'jig rten gyi khams las kyang gyen du 'phags la/ skye zhing shi 'pho ba'i spyod pa yang mngon par bsgrub pa dang / 'jig rten gyi chos thams cad kyis kyang ma gos la/ 'jig rten gyi bya ba thams cad la yang thogs pa med pa dang / sangs rgyas kyi byang chub kyang mngon du gyur la/ spyod pa dang / smon lam chen po'i nyi ma yang rgyun mi gcod pa'o/ /kye rgyal ba'i sras/ bcu po de dag ni/ byang chub sems dpa' rnams kyi skyon med pa/ 'phags pa/ 'jig rten las 'das pa/ 'gro ba thams cad dang thun mong ma yin pa/ nyan thos dang / rang sangs rgyas thams cad dang ma 'dres pa ste/ skyon med pa de dag la gnas shing / byang chub sems dpa' rnams byang chub sems dpa'i chos nges pa rnam par 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi byang chub sems dpa'i chos nges pa 'thob ste/ bcu gang zhe na/ 'di ltar de bzhin gshegs pa'i rigs su skyes pa yin/ sangs rgyas kyi yul la gnas pa yin/ byang chub sems dpa'i las la zhugs pa yin/ pha rol tu phyin pa la nan tan du byed pa yin/ sangs rgyas kyi rgyud nas byung ba yin/ de bzhin </font><hr>Nga307b<br><font size=+1>


gshegs pa'i gdung las skyes pa yin/ sangs rgyas kyi stobs la gnas pa yin/ de bzhin gshegs pa'i byang chub tu rjes su song ba yin/ sangs rgyas thams cad dang sku dang rang bzhin gcig pa yin/ de bzhin gshegs pa thams cad kyi rnam par spyod pa dang mi gnyis pa yin te/ kye rgyal ba'i sras/ bcu po de dag ni/ byang chub sems dpa' rnams kyi byang chub sems dpa'i chos nges pa 'thob pa ste/ de dag ni skyon med pa la gnas pa'i byang chub sems dpa' rnams kyi 'thob pa dag go /kye rgyal ba'i sras/ bcu po 'di dag ni/ byang chub sems dpa' rnams kyi sangs rgyas kyi chos la 'byung ba'i lam ste/ bcu gang zhe na/ 'di ltar dge ba'i bshes gnyen rnams dang rgyud kyi tshul gcig tu 'gyur ba dang / dge ba'i rtsa ba thun mong du mos pa ni sangs rgyas kyi chos la 'byung ba'i lam mo/ /de bzhin gshegs pa thams cad kyi rnam par 'phrul pa dang tshul mthun zhing / smon lam chen po la dbugs phyin pa thob pa ni/ sangs rgyas kyi chos la 'byung ba'i lam mo/ /sems rgya chen pos rang gi dge ba'i rtsa ba'i go 'byed pa ni/ sangs rgyas kyi chos la 'byung ba'i lam mo// las ji ltar byas pa chud mi za bas/ bskal pa 'grangs pa thams cad du mi skyo ba ni sangs rgyas kyi chos la 'byung ba'i lam mo/ /phyi ma'i mtha'i mur thug pa thams cad du </font><hr>Nga308a<br><font size=+1>


@#/ /yongs su 'dzin pas/ 'jig rten gyi khams grangs med par gnas par bya ba ni sangs rgyas kyi chos la 'byung ba'i lam mo/ /sems can gyi khams thams cad yongs su smin par bya ba la mkhas pas/ byang chub sems dpa'i spyod pa rgyun mi gcad pa ni sangs rgyas kyi chos la 'byung ba'i lam mo/ /snying rje chen po bskyed de sems tshad med par byed pa ni sangs rgyas kyi chos la 'byung ba'i lam mo/ /nam mkha'i dbyings thams cad sems bskyed pa gcig gis rgyas par dgang bas/ spyod pa dang smon lam chen po'i khyad par la 'jug pa ni sangs rgyas kyi chos la 'byung ba'i lam mo/ /sngon mngon par bsgrub pa chud mi za bar de bzhin gshegs pa'i rigs yang dag par 'dzin pa ni sangs rgyas kyi chos la 'byung ba'i lam mo/ /'gro ba thams cad la byang chub kyi sems yongs su ston cing / byang chub kyi sems skyes pa rnams kyi dge ba'i rtsa ba thams cad nye bar ston pa ni sangs rgyas kyi chos la 'byung ba'i lam mo/ /kye rgyal ba'i sras/ bcu po 'di dag ni/ byang chub sems dpa' rnams kyi sangs rgyas kyi chos la 'byung ba'i lam ste/ de dag gis byung ba'i byang chub sems dpa' rnams skyes bu dam pa'i ming bcu 'thob par 'gyur ba dag go /kye rgyal ba'i sras/ bcu po </font><hr>Nga308b<br><font size=+1>


'di dag ni/ byang chub sems dpa' rnams kyi skyes bu dam pa'i ming 'thob pa ste/ bcu gang zhe na/ 'di ltar byang chub kyi ye shes kyi lus dang ldan pas byang chub sems dpa' zhes bya ba yin/ theg pa chen po la rab tu gnas pa'i phyir sems dpa' chen po zhes bya ba yin/ chos kyi dam pa mngon par rtobs pas dam pa'i sems dpa' zhes bya ba yin/ mchog gi chos mngon par 'tshang rgya bas mchog gi sems dpa' zhes bya ba yin/ ye shes kyi khyad par rab dang ldan pas rab kyi sems dpa' zhes bya ba yin/ phul du brtson 'grus rtsom pas phul gyi sems dpa' zhes bya ba yin/ gong na med pa'i chos yang dag par ston pas bla na med pa'i sems dpa' zhes bya ba yin/ stobs bcu'i ye shes yangs pa dang ldan pas stobs kyi sems dpa' zhes bya ba yin/ 'gro ba thams cad na dpe med pas mi mnyam/ mi 'dra ba'i sems dpa' zhes bya ba yin/ nam 'dod pa'i sems kyi skad cig la byang chub tu mngon par rdzogs par 'tshang rgya bas bsam gyis mi khyab pa'i sems dpa' zhes bya ba yin/ kye rgyal ba'i sras/ bcu po de dag ni/ byang chub sems dpa' rnams kyi skyes bu dam pa'i ming thob pa rnams so/ /kye rgyal ba'i sras/ bcu po 'di dag ni/ byang chub sems dpa' rnams kyi lam ste/ bcu </font><hr>Nga309a<br><font size=+1>


@#/ /gang zhe na/ 'di ltar gcig pu grogs med par byang chub kyi sems mi gtong bas byang chub sems dpa' rnams kyi lam gcig la rten pa dang / thabs dang shes rab kyis mngon par bsgrub pas/ byang chub sems dpa' rnams kyi lam yan lag gnyis pa dang / stong pa nyid kyi sbyor ba dang / mtshan ma med pa'i mtha'i rtse mor byin pa dang / smon pa med pa'i phyir/ khams gsum dang mi 'dre pas byang chub sems dpa'i lam rnam pa gsum pa dang / nyes pa bshags pa'i tshul dang / bsod nams thams cad la rjes su yi rang ba dang / de bzhin gshegs pa la gsol ba gdab pa'i rim gro rgyun mi gcod pa dang / yongs su bsngo ba las mkhas pas shin tu bsngo ba'i phyir/ byang chub sems dpa'i lam spyod pa bzhis smos pa dang / dad pa'i rtsa ba tshugs te shin tu brtan pa dang / brtson 'grus chen po las phyir mi ldog pa dang / dran pa rtse gcig pa dang / ting nge 'dzin gyi tshul ma 'khrugs pa dang / rab tu rtogs pa'i shes rab kyi spyod yul la mkhas pas/ byang chub sems dpa' rnams kyi lam dbang po lngas rnam par spel ba dang / 'di lta ste/ lha'i mig gis 'jig rten gyi khams thams cad kyi gzugs kyi rnam pa thams cad sems can gyi shi 'pho </font><hr>Nga309b<br><font size=+1>


ba dang / skye ba thams cad yongs su mthong ba'i rang bzhin dang ldan pa dang / lha'i rna bas de bzhin gshegs pa thams cad kyi chos bstan pa mnyan cing dran par bya ba dang / yongs su gzung bar bya bas sems can pha rol gyi dbang po la yang dag par phyin par byed pa dang / bdag gis sems chags pa med pas pha rol gyi sems shes pas mthong ba la dbang bsgyur ba mngon par bsgrub pa dang / sngon gyi gnas rjes su dran pas bskal pa 'grangs pa thams cad rjes su dran zhing / dge ba'i rtsa ba rnam par 'phel bar byed pa dang / rdzu 'phrul dang rnam par 'phrul pa chen po bsgrub pas/ sems can ji ltar 'dul ba bzhin du cho 'phrul sna tshogs yongs su ston cing / sems can thams cad la chos brjod pa dang / zag pa zad pa'i ye shes dang ldan pas yang dag pa'i mtha' mngon sum du mthong zhing byang chub sems dpa'i spyod pa bsgrub pa rgyun mi gcod pas byang chub sems dpa' rnams kyi lam mngon par shes pa drug gis rnam par 'phrul ba dang / 'di lta ste/ sems can gyi gtso bo mtha' yas pa thams cad skra'i rtse mo gcig la bzhugs par mthong ste/ yang dag par bzung zhing / sems can gzhan gyi bsam pas rnam par rig par bya ba la 'jug pas sangs rgyas rjes su dran pa dang / de bzhin gshegs pa </font><hr>Nga310a<br><font size=+1>


@#/ /gcig gi 'khor gyi dkyil 'khor nas ma g.yos par de bzhin gshegs pa thams cad kyi 'khor gyi dkyil 'khor du mngon du zhal nas chos bstan pa bsgrags pa mi zad pas/ 'gro ba thams cad kyi bsam pa dang dbang po ji lta ba bzhin du rnam par rig par bya ba la 'jug pas chos rjes su dran pa dang / phyir mi ldog pa'i byang chub sems dpa'i tshogs mthong ba dang mi 'bral zhing / 'gro ba thams cad la byang chub sems dpa'i lus yongs su ston pas dge 'dun gyi rjes su dran pa dang / byang chub sems dpa' thams cad kyi sbyin pa yongs su gtong ba la yang dag par gzhol zhing / gtong ba chen pos rnam par spel ba yid la byed pas gtong pa rjes su dran pa dang / byang chub sems dang mi 'bral bas dge ba'i rtsa ba thams cad 'gro ba thams cad la stobs pas tshul khrims rjes su dran pa dang / dga' ldan gyi pho brang gi mchog na/ byang chub sems dpa' tshe gcig gis thogs pa bzhugs pa rjes su dran pas lha rjes su dran pa dang / thabs kyi ye shes chen pos 'gro ba thams cad yongs su smin par bya ba dang / gdul ba rgyun mi 'chad pa la zhugs te/ sems can rjes su dran pa'i phyir dge 'dun rjes su dran pas/ byang chub sems dpa'i lam rjes su dran pa </font><hr>Nga310b<br><font size=+1>


bdun gyis mngon par bsgrub pa dang / 'di lta ste/ log par lta ba thams cad yongs su spangs pas yang dag pa'i lta ba'i lam du byung ba dang / rnam par rtog pa dang / yongs su rtogs pa dang bral bas thams cad mkhyen pa nyid dang mthun zhing / don yod la yid la bya ba med pas byung ba dang / ngag gi nyes pa bzhi dang bral bas 'phags pa dang mthun zhing yang dag pa'i dag rab tu brjod pas dang / lus kyi las thams cad sems can nye bar 'tsho bas/ 'gro ba thams cad thogs pa med par yongs su smin par byed cing / 'dul bas mngon par bsgrub pa dang / 'phags pa'i rigs la rab tu gnas shing / sbyangs pa'i yon tan gyi sdom pa/ byang chub kyi lam dang ldan pa'i spyod pa lam dang / spyod pa dang / tshul la rab tu gnas shing / thams cad du kha na ma tho ba med pas yang dag pa'i 'tsho ba dang / byang chub sems dpa' thams cad kyi brtul zhugs dang / dka' thub kyis kun nas gdungs pa dang / yongs su gdungs pa yang dag par ston cing / de bzhin gshegs pa'i stobs bcu'i rang bzhin thogs pa med pa dang ldan pa'i phyir yang dag pa'i rtsol ba dang / sgra thams cad 'dzin cing dran pa 'jig rten gyi rnam par 'khrug pa thams cad kyis bar du mi mchod pa'i phyir yang dag pa'i dran pa dang / byang chub sems dpa'i </font><hr>Nga311a<br><font size=+1>


@#/ /rnam par thar pa bsam gyis mi khyab pa'i ting nge 'dzin gcig gis ting nge 'dzin thams cad mngon par bsgrub pa la mkhas pa'i phyir/ yang dag pa'i ting nge 'dzin dang ldan pas/ byang chub sems dpa' rnams kyi lam ni/ 'phags pa'i lam yan lag brgyad pa dang ldan zhing / byang chub dang mthun par gyur pa dang / 'di lta ste/ 'dod pa dang / gnod sems dang / 'che ba med pa dang / ngag gi las thams cad kyis ma bsgribs par chos ston pa'i tshul dang ldan pas/ rnam par rtog pa dang / rnam par dpyod pa bsal ba dang / thams cad mkhyen pa'i ye shes la sems can yongs su smin par bya ba'i bsam pa yongs su mi gtong zhing dga' ba zeng zang po dang bral ba dang / de bzhin gshegs pa thams cad mthong bas dga' ba'i yid bde ba yang rgyun mi 'chad cing / 'jig rten pa'i bde ba dang / sdug bsngal dang bral bas/ 'phags pa 'jig rten las 'das pa'i byang chub sems dpa'i lam dang mthun pa dang / mi g.yo ba'i gzugs med pa'i snyoms par 'jug pas mngon par bsgrub pa dang / 'dod pa'i khams dang / gzugs kyi khams su skyes pa las ma g.yos par 'du shes dang / tshor ba thams cad 'gog pa'i snyoms </font><hr>Nga311b<br><font size=+1>


par 'jug pas mngon par bsgrubs shing / byang chub sems dpa'i spyod pa bsgrub pa rgyun mi gcod pas/ byang chub sems dpa' rnams kyi lam mthar gyis spyod cing snyoms par 'jug pa dgus pa mngon par bsgrub pa dang / 'di lta ste/ gnas dang / gnas ma yin pa la mkhas pa'i ye shes dang ldan pa dang / 'gro ba thams cad kyi 'das pa dang / ma 'ongs pa dang / da ltar byung ba'i las dang / rgyu dang / rnam par smin pa yongs su len pa shin tu rtog pa dang / dbang po ji lta ba bzhin du chos ston cing / go bar byed pas sems can gyi khams thams cad kyi dbang po rab dang tha ma shes pa'i ye shes kyis shin tu brtags pa dang / khams tha dad pa dang khams du ma la mkhas pa dang ldan pa dang / rab dang tha ma dang 'bring la mos pa rab tu rtogs pa'i chos kyi tshul la zhugs pa dang / 'gro ba thams cad dang / zhing dang / dus dang / bskal pa thams cad byang chub sems dpa'i lus dang / gzugs kyis rgyas par dgang zhing / de bzhin gshegs pa'i tshul yongs su bstan pas/ byang chub sems dpa'i spyod pa bsgrub pa yongs su mi gtong ba dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba thams cad las rnam par ldang ba dus la </font><hr>Nga312a<br><font size=+1>


@#/ /bab pa dang / dus la ma bab ba rtogs pa'i ye shes kyi tshul gyis mngon par bsgrubs pa'i byang chub sems dpa'i rnam par thar pa la rab tu gnas pa dang / sems can thams cad kyi skye ba dang / shi 'pho ba dang / lam gyi rgyud dang / 'pho ba tha dad pa'i gnas la mkhas pa dang ldan pa dang / dus gsum gyi bskal pa 'grangs pa thams cad skad cig gcig tu gzung ba rtogs pa'i ye shes snang bas mngon par bsgrub pa dang / 'gro ba thams cad kyi nyon mongs pa dang / bag chags dang / bsam pa dang / bag la nyal ba byang ba thob pa'i ye shes kyi tshul gyis mngon par bsgrubs pa'i byang chub sems dpa'i spyod pa bsgrub pa mi gtong bas byang chub sems dpa' rnams kyi lam ni de bzhin gshegs pa'i stobs bcu rab tu rtogs pa la yang dag par btang ba'o/ /kye rgyal ba'i sras/ bcu po de dag ni/ byang chub sems dpa' rnams kyi lam ste/ de dag la gnas shing / byang chub sems dpa' rnams de bzhin gshegs pa thams cad kyi lam la mkhas pa bla na med pa 'thob par 'gyur ba dag go /kye rgyal ba'i sras/ gzhan yang byang chub sems dpa' rnams kyi lam ni tshad med pa'o/ /lam gyi tshogs ni tshad med pa'o/ /lam bsgom pa ni tshad </font><hr>Nga312b<br><font size=+1>


med pa'o/ /lam gyi rgyan ni tshad med pa'o/ /de ci'i phyir zhe na/ kye rgyal ba'i sras/ de las bcu po 'di dag ni/ byang chub sems dpa' rnams kyi lam tshad med pa ste/ bcu gang zhe na/ 'di ltar nam mkha'i dbyings tshad med pa dang / mtha' dang dbus med pa'i chos kyi dbyings tshad med pa dang / mi zad pa'i sems can gyi khams tshad med pas dang / mu med pa'i 'jig rten gyi khams tshad med pas dang / mi zad pa'i bskal pa 'grangs pa tshad med pa dang / 'gro ba thams cad kyi tha snyad mtha' yas shing tshad med pa dang / de bzhin gshegs pa'i sku tshad med pa dang / de bzhin gshegs pa'i gsung gi dbyangs tshad med pa dang / de bzhin gshegs pa'i stobs tshad med pa dang / thams cad mkhyen pa'i ye shes tshad med pa ste/ kye rgyal ba'i sras/ bcu po de dag ni/ byang chub sems dpa' rnams kyi lam tshad med pa rnams so/ /kye rgyal ba'i sras/ de ci'i phyir zhe na/ nam mkha'i dbyings ji tsam du tshad med pa de tsam du tshad med par byang chub sems dpas lam gyi tshogs yongs su bsdu bar bya'o/ /ji ltar chos kyi dbyings mtha' dang dbus med pa de ltar mtha' dang dbus med par byang chub sems dpas lam gyi 'tshogs yongs su bsdu bar bya'o/ /ji ltar sems can gyi khams mi zad pa de ltar mi zad par byang chub </font><hr>Nga313a<br><font size=+1>


@#/ /sems dpas lam gyi tshogs yongs su bsdu bar bya'o/ /ji ltar 'jig rten gyi khams mu med pa de ltar mu med par byang chub sems dpas lam gyi tshogs yongs su bsdu bar bya'o/ /ji ltar bskal pa grangs su 'grang zhing bstan pa mi zad pa de ltar 'gro ba thams cad du mi zad par byang chub sems dpas lam gyi tshogs yongs su bsdu bar bya'o/ /ji ltar 'gro ba thams cad kyi tha snyad mtha' yas pa de ltar 'gro ba thams cad kyi sgra dang tha snyad la 'jug pa'i ye shes kyis mngon par bsgrubs pa mtha' yas par byang chub sems dpas lam gyi tshogs yongs su bsdu bar bya'o/ /ji ltar de bzhin gshegs pa'i sku tshad med pa de ltar 'gro ba dang / zhing dang / dus dang / sems can dang / bskal pa thams cad du rgyas par 'gengs shing / tshad med par byang chub sems dpas lam gyi tshogs yongs su bsdu bar bya'o/ /ji ltar sangs rgyas kyi gsung gi dbyangs tshad med pa de ltar byang chub sems dpas tshig gi lam gcig brjod pas chos kyi dbyings ma lus pa thams cad du rgyas par khyab cing / sems can gyi khams thams cad go bar byed pa'i lam gyi tshogs yongs su bsdu bar bya'o/ /ji ltar de bzhin gshegs pa'i stobs </font><hr>Nga313b<br><font size=+1>


tshad med pa de ltar de bzhin gshegs pa'i stobs kyis brtan pa'i byang chub sems dpas lam gyi tshogs yongs su bsdu bar bya'o/ /ji ltar thams cad mkhyen pa'i ye shes tshad med pa de ltar tshad med par byas te/ byang chub sems dpas lam gyi tshogs yongs su bsdu bar bya'o/ /kye rgyal ba'i sras/ bcu po de dag ni/ byang chub sems dpa' rnams kyi lam gyi tshogs ste de dag la gnas shing / byang chub sems dpa' rnams de bzhin gshegs pa'i ye shes mtha' dang dbus med pa 'thob par 'gyur ba dag go |kye rgyal ba'i sras/ bcu po 'di dag ni/ byang chub sems dpa' rnams kyi lam bsgom pa ste/ bcu gang zhe na/ 'di ltar lus dang / ngag dang / sems kyi mi longs pa med pas/ blang ba med pa dang / dor ba med pa bsgom pa dang / yang dag pa ji lta ba bzhin du 'jug pa'i ye shes dang ldan pas/ bsnan pa med pa dang / dbri ba med pa bsgom pa dang / rang bzhin gyis 'jug pa med pas/ bsgom pa med pa dang / rnam par bsgom pa med pa bsgom pa dang / mngon par zhen pa thams cad dang bral bas/ sgyu ma dang / rmi lam dang / mig yor dang / sgra brnyan dang / gzugs brnyan dang / smig rgyu dang / chu'i zla ba lta bur bsgom pa dang / khams gsum pa'i bsod nams blta bas </font><hr>Nga314a<br><font size=+1>


@#/ /bsags pa bsal ba'i phyir/ stong pa nyid dang / mtshan ma med pa dang / smon pa med pa dang / mngon par 'du bya ba med pa bsgom pa dang / chos su gdags pa rnam par dgod pa dang bral bas brjod du med pa dang / bstan du med pa dang / smos su med pa dang / bshad du med pa bsgom pa dang / chos thams cad la zhugs pa'i ye shes mngon sum dang ldan pas/ chos kyi dbyings tha mi dad pa bsgom pa dang / de kho na nyid dang / de bzhin nyid nam mkha'i mtha' dang mnyam pa khong du chud pas de bzhin nyid dang / yang dag pa'i mtha' ma nyams par bsgom pa dang / mngon par 'du byed pa'i stobs rgyun mi 'chad pa'i phyir/ byang chub sems dpa'i ye shes yangs pa bsgom pa dang / chos thams cad mngon sum du gyur te/ the tshom med pas/ de bzhin gshegs pa'i stobs bcu dang / mi bsnyengs pa bzhi dang / tha dad pa yang dag par mkhyen pa dang / thams cad mkhyen pa'i ye shes mtshungs pa med pa bsgom pa'o/ /kye rgyal ba'i sras/ bcu po de dag ni/ byang chub sems dpa' rnams kyi lam bsgom pa ste/ de dag la gnas shing / byang chub sems dpa' rnams thams cad mkhyen pa'i ye shes bsgom pa la mkhas pa bla na med pa 'thob par 'gyur </font><hr>Nga314b<br><font size=+1>


ba dag go /kye rgyal ba'i sras/ bcu po 'di dag ni/ byang chub sems dpa' rnams kyi lam gyi rgyan te/ bcu gang zhe na/ kye rgyal ba'i sras/ 'di la byang chub sems dpa' 'dod pa'i khams nas kyang mi g.yo la/ gzugs dang / gzugs med pa la spyod pa'i bsam gtan dang / rnam par thar pa dang / ting nge 'dzin dang / snyoms par 'jug pa la snyoms par 'jug kyang / de dag gi dbang gis mi skye ba 'di ni lam gyi rgyan dang po'o/ /kye rgyal ba'i sras/ gzhan yang byang chub sems dpa' nyan thos kyi lam mngon sum du gyur ba'i ye shes la zhugs kyang / lam des 'byung ba yang ma yin pa 'di ni lam gyi rgyan gnyis pa'o/ /kye rgyal ba'i sras/ gzhan yang byang chub sems dpa' rang sangs rgyas kyi lam la mngon sum du gyur pa'i ye shes snang bar mkhas kyang / snying rje chen po'i stobs rgyun mi gcod pa 'di ni lam gyi rgyan gsum pa'o/ /kye rgyal ba'i sras/ gzhan yang byang chub sems dpa' g.yog 'khor mang po dang ldan zhing / g.yog 'khor lha dang mi rnam par dag pa dang ldan zhing lha'i bu mo brgya stong gis rol mo brdung ba dang / dkrol ba'i sgra phyung ste brjod pa la spyod kyang / byang chub sems dpa'i lam dang ldan pa'i bsam gtan dang / rnam par thar pa dang / ting nge 'dzin dang / snyoms par </font><hr>Nga315a<br><font size=+1>


@#/ /'jug pa mi 'dor ba 'di ni lam gyi rgyan bzhi ba'o/ /kye rgyal ba'i sras/ gzhan yang byang chub sems dpa' 'gro ba thams cad kyi rtse dga' la dga' dgod pa dang / sems can dang 'dres shing 'bur ldog pa byed kyang / sems kyi skad cig gcig la yang byang chub sems dpa'i ting nge 'dzin mnyam pa nyid mi 'dor ba 'di ni lam gyi rgyan lnga pa'o/ /kye rgyal ba'i sras/ gzhan yang / byang chub sems dpa' 'jig rten gyi chos thams cad dang ma 'dres shing 'jig rten gyi pha rol tu phyin pa yin yang / sems can bsgral ba'i phyir/ pha rol tu mi 'gro ba'i lam yang mi gtong ba 'di ni lam gyi rgyan drug pa'o/ /kye rgyal ba'i sras/ gzhan yang byang chub sems dpa' yang dag pa ji lta ba bzhin gyi ye shes snang ba la zhugs pa'i lam la gnas kyang / lam ngan par zhugs pa'i sems can phyir zlog pa'i phyir lam ma yin pa dang / lam ngan pa yang gnon la/ lam des 'khor ba 'dzin pa yang ma yin te/ des dag par yang mi sems pa 'di ni lam gyi rgyan bdun pa'o/ /kye rgyal ba'i sras/ gzhan yang byang chub sems dpa' rtag tu tshul khrims legs par bsrungs pa dang ldan zhing / de bzhin gshegs </font><hr>Nga315b<br><font size=+1>


pa'i tshul khrims rnam par dag pa la rten pas lus dang / ngag dang / yid kyi las kyi mtha' kha na ma tho ba med pa dang ldan yang / tshul khrims ngan pa dang ldan pa'i sems can yongs su smin par bya ba'i phyir/ so so'i skye bo tha mal ba'i spyod pa thams cad ston cing / byang chub sems dpa' lam la rten pas bsod nams kyi tshogs rnam par dag pa thams cad yongs su rdzogs pa yin yang / sems can dmyal ba dang / byol song gi skye gnas dang / gshin rje'i 'jig rten dang / mi khom pa dang / dbul bar skyes pa'i lam du zhugs pa'i sems can thams cad rnam par bzlog pa'i phyir/ de dag gi lam du skyes pa yang ston la/ lam de dag la yang dag par gzhol ba yang ma yin pa 'di ni lam gyi rgyan brgyad pa'o/ /kye rgyal ba'i sras/ gzhan yang byang chub sems dpa' sangs rgyas kyi chos thams cad la gzhan gyi dring mi 'jog cing thogs pa med pa'i spobs pa thob pa/ sangs rgyas kyi chos thams cad la ye shes snang bas rnam par lta ba/ de bzhin gshegs pa thams cad kyi byin gyis brlabs pa/ sangs rgyas thams cad kyi chos kyi sku dang / lus gcig tu gyur pa/ sems can thams cad kyi chos kyi snying po'i tshul can dgongs pa'i snang ba khong du chud pa/ theg pa thams cad kyi mnyam pa nyid la rab tu gnas pa/ </font><hr>Nga316a<br><font size=+1>


@#/ /sangs rgyas thams cad kyi spyod yul la mngon par mos pa/ 'gro ba thams cad kyi yid du 'ong ba/ sems can gyi khams thams cad kyi ngor lta ba/ 'gro ba thams cad kyi slob dpon du bya ba yin yang / chos yongs su btsal bar bya ba rgyun mi gcod cing / ngo mtshar gyis yongs su zin par snang bas/ sri zhu'i las thams cad la gnas te/ mkhan po dang / slob dpon du ston kyang / de nyid 'gro ba thams cad kyi slob dpon du gyur pa yin te/ de ci'i phyir zhe na/ byang chub sems dpa' rnams ni thabs mkhas pa dang ldan par byang chub sems dpa'i lam la shin tu gnas pa yin pas/ de dag ni thabs gang dang gang gis sems can rnams 'dul bar 'gyur ba de dang de'i thabs sems can rnams la yongs su ston te/ 'di ni lam gyi rgyan dgu pa'o/ /kye rgyal ba'i sras/ gzhan yang byang chub sems dpa' dge ba'i rtsa ba thams cad yongs su 'dus shing / byang chub sems dpa'i spyod pa dang / rdzu 'phrul thams cad thob pa/ de bzhin gshegs pa thams cad kyi dbang bskur bas mngon par dbang bskur ba /chos thams cad la dbang ba'i dbang phyug gi pha rol tu phyin pa'i mchog thob pa/ chags pa med cing dri ma med pa'i thabs dang ldan pa/ 'jig rten gyi khams thams cad du </font><hr>Nga316b<br><font size=+1>


thogs pa med par de bzhin gshegs pa'i sku yang dag par ston pa/ chos kyi 'khor lo thogs pa med par bskor ba'i byin gyi rlabs dang ldan pa/ 'jig rten gyi khams thams cad du khyab pa'i lus dang gzugs bdog pa/ chos thams cad kyi dbang phyug gi pha rol tu phyin pa dam pa dang ldan pa/ byang chub sems dpa'i dbang thams cad rab tu thob pa/ 'gro ba thams cad kyi zhing du skye ba yongs su ston pa la mkhas pa/ 'das pa dang / ma 'ongs pa dang / da ltar byung ba'i de bzhin gshegs pa thams cad dang yul gcig tu gyur pa yang yin la/ byang chub sems dpa'i spyod pa yang rgyun mi gcod cing / byang chub sems dpa' chos nyid kyang rnam par mi spong / byang chub sems dpa'i las las kyang rnam par mi ldog /byang chub sems dpa'i lam las kyang phyir mi ldog/ byang chub sems dpa'i spyod pa yang rgyun mi gcod/ byang chub sems dpa'i nye bar len pa yang 'chad par mi byed/ byang chub sems dpa'i thabs mkhas pa las kyang phyir mi ldog /byang chub sems dpa'i bya ba yang thogs par mi byed/ byang chub sems dpa'i mngon par 'du byed pa'i stobs kyis kyang yongs su skyo ba med cing / byang chub sems dpa'i spyod pa'i byin gyi rlabs las kyang ring du 'phang ba ma yin te/ kye rgyal ba'i sras/ de ci'i phyir zhe na/ de ltar byang chub </font><hr>Nga317a<br><font size=+1>


@#/ /sems dpa'i spyod pa rgyun mi gcad pa dang / thams cad mkhyen pa nyid kyi sgo la rnam par lta ba de lta bus ni/ byang chub sems dpa' bla na med pa yang dag par rdzogs pa'i byang chub tu myur du 'byung ba'i phyir te/ 'di ni lam gyi rgyan bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi lam gyi rgyan te/ de dag la gnas shing / byang chub sems dpa' rnams de bzhin gshegs pa'i lam rin po che'i rgyan bla na med pa thob par gyur kyang / byang chub sems dpa'i lam gyi rgyun mi gcod pa'o/ /kye rgyal ba'i sras/ bcu po 'di dag ni/ byang chub sems dpa' rnams kyi rkang pa ste/ bcu gang zhe na/ 'di ltar smon lam chen po'i khyad par yongs su bsdu ba shin tu rdzogs par bya ba'i phyir/ tshul khrims kyi rkang pa dang / byang chub kyi yan lag thams cad yang dag par bsdu ba las phyir mi ldog pa'i phyir/ brtson 'grus kyi rkang pa dang / sems can rnams bsam pa ji lta ba bzhin du yongs su tshim par bya ba'i phyir mngon par shes pa'i rkang pa dang / sangs rgyas kyi zhing thams cad du 'gro yang zhing gcig nas mi g.yo ba'i phyir/ rdzu 'phrul gyi rkang pa dang / khyad par du 'gro ba'i phyir lhag pa'i bsam pa'i rkang pa dang / bsam pa thams cad mthar </font><hr>Nga317b<br><font size=+1>


phyin par bya ba'i phyir/ dam bcas pa brtan pa'i rkang pa dang / bla ma thams cad kyis bsgo ba las 'gal bar mi byed pa'i phyir mthun par 'dzin pa'i rkang pa dang / de bzhin gshegs pa thams cad kyis gsungs pa yang dag par bzung bas mi skyo ba'i phyir/ chos mnyan pa mi ngoms par tshol ba'i rkang pa dang / tshangs pa'i gnas nas 'khor gyi dkyil 'khor thams cad du 'gro bar sgyid lug pa med pa'i phyir/ chos kyi char 'bebs pa'i rkang pa dang / thams cad du kha na ma tho ba med pa'i phyir/ byang chub sems dpa'i spyod pa chen po la nan tan du byed pa'i rkang pa'o/ /kye rgyal ba'i sras/ bcu po 'di dag ni/ byang chub sems dpa' rnams kyi rkang pa ste/ de dag la gnas shing / byang chub sems dpa' rnams de bzhin gshegs pa'i zhabs kyi mchog gis 'jig rten gyi khams thams cad du 'gro ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi lag pa ste/ bcu gang zhe na/ 'di ltar de bzhin gshegs pa thams cad kyis gsungs pa la gcig tu mos shing yid ches pas mthar phyin par bya ba'i phyir/ dad pa'i lag pa dang| slong ba thams cad yid bzhin du tshim par bya ba'i phyir/ gtong ba rab tu gtong ba'i lag pa dang / lag pa g.yas pa brkyang ba'i phyir/ tshur shog /bde bar 'ongs sam zhes 'dor </font><hr>Nga318a<br><font size=+1>


@#/ /te| gsong por smra ba'i lag pa dang / bsod nams bsags pa rnam par spel ba las mi g.yo ba'i phyir/ de bzhin gshegs pa thams cad mchod cing rim gro byed pa'i lag pa dang / sems can thams cad kyi the tshom gcad pa'i phyir/ thos pa thams cad la mkhas pa'i lag pa dang / 'dod pa'i 'dam du thogs pa'i sems can gyi khams la lag pa ring du brkyang ste 'ju bar rnyeb pa'i phyir/ khams gsum dang bral zhing shin tu 'byung bar byed pa'i lag pa dang / chu bo chen po bzhis khyer ba la lag pa ring du brkyang zhing gdon pa'i phyir/ bde ba'i thang la gzhog pa'i lag pa dang / 'gro ba thams cad la gnod pa med par bstan pa'i chos rab tu bstan pa'i phyir/ yang dag par sbyor ba'i chos la slob dpon gyis mi bcab pa'i lag pa dang / lus dang sems kyi nad rab tu bsal ba'i phyir/ 'jig rten pa dang / 'jig rten las 'das pa'i gtsug lag thams cad shes pa'i lag pa dang / nyon mongs pa'i mun pa thams cad dang bral ba'i chos kyi snang ba mtshungs pa med pa yongs su bstan pa'i phyir shes rab dang / ye shes rin po che'i lag pa'o/ / kye rgyal ba'i sras/ bcu po de dag ni/ byang chub sems dpa' rnams kyi lag pa ste/ de dag la gnas shing / byang chub sems dpa' rnams de bzhin gshegs pa'i phyag </font><hr>Nga318b<br><font size=+1>


'jig rten gyi khams thams cad kun nas yog par skyob pa bla na med pa 'thob par 'gyur ba dag go/ //bam po brgyad cu rtsa gnyis pa/ kye rgyal ba'i sras/ bcu po 'di dag ni/ byang chub sems dpa' rnams kyi lto ste/ bcu gang zhe na/ 'di ltar bsam pa dag pas g.yo med pa'i lto dang / drang bas sgyu med pa'i lto dang / thibs po med pas 'chos pa med pa'i lto dang / dngos po thams cad la mngon par chags pa med pas yul la mi 'dzin pa'i lto dang / shes pa'i phyir nyon mongs pa thams cad sel ba'i lto dang / skyon med pa'i phyir sems dag pa'i lto dang / chos ji lta ba bzhin du yid la bya ba'i phyir kha zas thams cad yongs su shes par bya ba so sor rtog pa'i lto dang / rten cing 'brel bar 'byung ba rjes su rtogs par bya ba'i phyir/ mngon par 'du mi byed pa so sor rtog pa'i lto dang / bsam pa shin tu smin pas 'byung ba thams cad shes pa'i lto dang / sems can thams cad sangs rgyas kyi sku'i nang du chud pa khong du chud pa'i phyir/ dri ma mtha' yas pa'i lta ba thams cad dang bral ba'i lto'o/ /kye rgyal ba'i sras/ bcu po de dag ni/ byang chub sems dpa' rnams kyi lto ste/ de dag la gnas shing / byang chub sems dpa' rnams de bzhin gshegs pa'i sku 'gro ba thams cad yongs su 'dzin </font><hr>Nga319a<br><font size=+1>


@#/ /pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi snying po ste/ bcu gang zhe na/ 'di ltar de bzhin gshegs pa thams cad kyi tshul gyi mthu tshad med pa yongs su bskyed pa'i phyir/ byang chub sems dpa' rnams kyi snying po sangs rgyas kyi rigs rgyun mi gcod par kun nas gnas pa dang / ye shes kyi snang ba chen po yongs su bstan pa'i phyir/ byang chub sems dpa'i snying po chos kyi rigs rab tu gsal bar byed par kun nas gnas pa dang / phyir mi ldog pa'i 'khor lo la yang dag par gzhol bar bya ba'i phyir/ byang chub sems dpa' rnams kyi snying po dge 'dun gyi rigs yongs su sdud par kun nas gnas pa dang / dus ji lta ba bzhin lus mi 'da' bar bya ba'i phyir byang chub sems dpa' rnams kyi snying po chos thams cad nges par gleng ba byed pa dang / rgyu gcig nas gcig tu brgyud pa'i rgyun mi 'chad par bya ba'i phyir/ byang chub sems dpa' rnams kyi snying po nges pa med par yongs su smin par byed par gnas pa dang / ma 'ongs pa'i rgyu skyon med par bya ba'i phyir/ byang chub sems dpa' rnams kyi snying po sems can log par nges pa rnams </font><hr>Nga319b<br><font size=+1>


la snying rje chen po skye bar kun nas gnas pa dang / bdud kyi sde thams cad btul te/ dge ba'i rtsa ba mi 'phrogs par bya ba'i phyir/ byang chub sems dpa' rnams kyi snying po de bzhin gshegs pa'i stobs bcu thub pa med pa'i rgyu yongs su rdzogs par byed par kun nas gnas pa dang / 'gro ba ma lus pa thams cad yongs su tshim par bya ba'i phyir/ byang chub sems dpa' rnams kyi snying po mi 'jigs pa chen po'i seng ge dang / khyu mchog gi nga ro 'byin par kun nas gnas pa dang / thams cad du ye shes yang dag par gzhol bar bya ba'i phyir/ byang chub sems dpa' rnams kyi snying po sangs rgyas kyi chos ma 'dres pa bco brgyad 'thob pa'i phyir kun nas gnas pa dang / skad cig gcig tu mi mnyam pa med par zhugs pa'i byang chub sems dpa' rnams kyi snying po zhing thams cad dang / chos thams cad dang / sangs rgyas thams cad mnyam pa nyid du khong du chud par gnas pa'o/ /kye rgyal ba'i sras/ bcu po de dag ni/ byang chub sems dpa' rnams kyi snying po ste/ de dag la gnas shing / byang chub sems dpa' rnams dge ba'i rtsa ba thams cad ma log pas de bzhin gshegs pa'i ye shes chen po'i snying po bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi snying ste/ bcu gang zhe na/ brtsam pa thams cad mthar phyin par bya ba'i </font><hr>Nga320a<br><font size=+1>


@#/ /phyir zhe non pa'i snying dang / mtshan dang dpe byad bzang po'i bsod nams kyi tshogs yongs su bsdu ba'i phyir/ sems zhum pa med pa'i snying dang / bdud kyi sde thams cad rab tu gzhom pa'i phyir/ rnam par gnon pa chen po'i snying dang / nyon mongs pa thams cad kyis mi tshugs pa'i phyir/ tshul bzhin du sbyor ba'i snying dang / snying po byang chub kyi bar du phyin par bya ba'i phyir/ phyir mi 'gyur zhing phyir mi ldog pa'i snying dang / sems 'pho ba med par khong du chud pas mngon par chags pa med pa'i phyir/ rang bzhin gyis 'od gsal ba'i snying dang / ji ltar mos pa'i tshul bzhin du rnam par thar pa 'thob par bya ba'i phyir/ sems can gyi tshul shes pa'i snying dang / theg pa gzhan la mos pa med par sems can gyi khams yongs su bskyab pa'i phyir/ tshangs pa'i rnam par spyod pa rgya chen pos sangs rgyas kyi chos la 'jug pa'i snying dang / lta ba'i mtshan mas khams gsum la mngon par chags pa med par bya ba'i phyir/ stong pa nyid dang / mtshan ma med pa dang / smon pa med pa dang / mngon par 'du bya ba med pa'i snying dang / sems can thams cad bdud du gyur pa'i sgos bdud thams cad 'ongs par gyur kyang / spu gcig kyang mi g.yo bas dpal gyi be'us brgyan cing / rdo rje'i </font><hr>Nga320b<br><font size=+1>


khams ltar sra zhing brtan pa'i snying po dam pa dang ldan pa'i snying ngo / /kye rgyal ba'i sras/ bcu po de dag ni/ byang chub sems dpa' rnams kyi snying ste/ de dag la gnas shing / byang chub sems dpa' rnams de bzhin gshegs pa'i ye shes snang ba chen po'i snying po dang ldan pa'i snying bla na med pa 'thob par 'gyur ba dag go /kye rgyal ba'i sras /bcu po 'di dag ni/ byang chub sems dpa' rnams kyi go cha ste/ bcu gang zhe na/ 'di ltar 'gro ba thams cad yongs su bskyab pa'i phyir byams pa chen po'i go cha dang / mi dga' ba thams cad bzod par bya ba'i phyir snying rje chen po'i go cha dang / brtsam pa thams cad mthar phyin par bya ba'i phyir smon lam gyi go cha dang / sangs rgyas thams cad kyi rgyun 'byung bar bya ba'i phyir yongs su bsngo ba'i go cha dang / 'gro ba thams cad nye bar 'tsho bar bya ba'i phyir bsod nams kyi go cha dang / 'gro ba thams cad bsgral pa'i phyir pha rol tu phyin pa'i go cha dang / 'gro ba thams cad kyi nyon mongs pa'i mun pa rab tu zhi bar bya ba'i phyir ye shes kyi go cha dang / sgo kun dang ldan pa'i dge ba'i rtsa ba mngon par bsgrub pa'i phyir thabs mkhas pa'i go cha dang / theg pa gzhan la mos pa med pa'i phyir thams cad mkhyen pa nyid kyi sems brtan zhing 'khrug pa med pa'i go cha dang / chos kyi rlom </font><hr>Nga321a<br><font size=+1>


@#/ /sems med pas gcig tu nges pa'i go cha'o/ /kye rgyal ba'i sras/ bcu po de dag ni/ byang chub sems dpa' rnams kyi go cha ste/ de dag la gnas shing / byang chub sems dpa' rnams kyi bdud kyi sde thams cad spa bkong ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi mtshon cha ste/ bcu gang zhe na/ 'di ltar ser sna'i skyon rab tu gzhom pa'i phyir/ gtong ba'i mtshon cha dang / tshul khrims ngan pa thams cad bsal ba'i phyir/ tshul khrims kyi mtshon cha dang / rnam par rtog pa thams cad bsal ba'i phyir/ chos mnyam pa nyid kyi mtshon cha dang / 'gro ba thams cad kyi nyon mongs pa yongs su gcad pa'i phyir/ shes rab dang ye shes kyi mtshon cha dang / 'tsho ba thams cad la kha na ma tho ba med par bya ba'i phyir/ yang dag pa'i 'tsho ba'i mtshon cha dang / sgo thams cad yongs su bstan pa'i phyir/ thabs mkhas pa'i mtshon cha dang / nyon mongs pa'i sgo nas sems can bzlog pa'i phyir/ 'dod chags dang / zhe sdang dang / gti mug dang / mdor bsdu na/ nyon mongs pa thams cad kyi mtshon cha dang / spyod pa rgyun mi 'chad pas sems can gyi khams yongs su smin par bya ba'i phyir/ </font><hr>Nga321b<br><font size=+1>


'khor ba'i mtshon cha dang / mngon par zhen pa thams cad rab tu bsal ba'i phyir/ chos tshul gcig pa bstan pa'i mtshon cha dang / spyod pa'i sgo las phyir phyogs su mi lta ba'i phyir| thams cad mkhyen pa nyid kyi mtshon cha'o/ /kye rgyal ba'i sras/ bcu po de dag ni/ byang chub sems dpa' rnams kyi mtshon cha ste/ mtshon cha de dag gis byang chub sems dpa' rnams sems can thams cad kyi sems dang / bsam pa la yun ring po'i nye bar nyon mongs pa dang / bag la nyal ba yod pa thams cad rab tu 'joms pa dag go / kye rgyal ba'i sras/ bcu po 'di dag ni/ byang chub sems dpa' rnams kyi mgo ste/ bcu gang zhe na/ 'di ltar spyi gtsug bltar mi snang ba'i phyir/ mya ngan las 'das pa'i mgo dang / lha dang bcas pa'i 'jig rten thams cad 'dud par bya ba'i phyir/ bla ma la 'dud pa'i mgo dang / stong gsum thams cad kyi bdag por 'gyur bar bya ba'i phyir/ mos pa yangs pa'i mgo dang / khams gsum gyis mchod par bya ba'i phyir/ dge ba'i rtsa ba thams cad sngon du 'gro ba'i mgo dang / gtsug tor dang ldan pa'i spyi bo 'thob par bya ba'i phyir/ sems can thams cad kyi khur khyer ba'i mgo dang / thams cad du khyad par du 'gro bar bya ba'i phyir/ gzhan gyi ltung ba la brnyas pa med pa'i mgo dang / spyi bo la gnas </font><hr>Nga322a<br><font size=+1>


@#/ /pa'i chos thob par bya ba'i phyir/ shes rab kyi pha rol tu phyin pa'i mgo dang / sems can thams cad kyi mgo mnyam par yongs su bstan pa'i phyir| ye shes dang thabs su ldan pa'i mgo dang / 'gro ba thams cad slob par bya ba'i phyir/ sems can thams cad yongs su smin par byed pa'i mgo dang / dkon mchog gsum gyi gdung rgyun mi gcad pa'i phyir/ de bzhin gshegs pa thams cad kyi chos kyi tshul yongs su bsdu ba'i mgo'o/ /kye rgyal ba'i sras/ bcu po de dag ni/ byang chub sems dpa' rnams kyi mgo ste/ de dag la gnas shing / byang chub sems dpa' rnams de bzhin gshegs pa'i ye shes chen po'i spyi bor gyur pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi mig ste/ bcu gang zhe na/ 'di ltar gzugs thams cad blta ba'i phyir sha'i mig dang / sems can thams cad blta ba'i phyir lha'i mig dang / sems can thams cad kyi dbang po dang yul blta ba'i phyir shes rab kyi mig dang / chos thams cad yang dag pa ji lta ba bzhin du blta ba'i phyir/ chos kyi mig dang / de bzhin gshegs pa'i stobs bcu blta ba'i phyir sangs rgyas kyi mig </font><hr>Nga322b<br><font size=+1>


dang / chos yongs su shes pa blta ba'i phyir/ ye shes kyi mig dang / sangs rgyas kyi mthu'i 'od snang ba blta ba'i phyir snang ba'i mig dang / mya ngan las 'da' bar bya ba'i phyir| mngon par bsgrub pa'i mig dang / bsgribs pa med par bya ba'i phyir/ chags pa med pa'i mig dang / chos kyi dbyings sgo thams cad nas blta ba'i phyir/ thams cad mkhyen pa'i mig go /kye rgyal ba'i sras/ bcu po de dag ni/ byang chub sems dpa' rnams kyi mig ste/ mig de dag dang ldan pas byang chub sems dpa' rnams de bzhin gshegs pa'i ye shes chen po'i spyan bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rna ba ste/ bcu gang zhe na| 'di ltar bsngags pa thos na dga' ba spong ba dang / mi snyan thos na khong khro ba spong ba dang / nyan thos dang / rang sangs rgyas kyi gtam thos na 'dod pa med cing mi smon pa dang / byang chub sems dpa' 'byung ba'i gtam thos na dga' ba dang / mos pa dang / spro ba chen po skye ba dang / sems can dmyal ba dang / byol song gi skye gnas dang / gshin rje'i 'jig rten dang / yi dwags dang / lha ma yin dang / mi khom pa dang / dbul por skyes pa thos na snying rje chen po'i go gyon pa dang / lha dang mi'i rgyud kyi bye brag thos </font><hr>Nga323a<br><font size=+1>


@#/ /na rtag tu chos la gzud pa'i blor 'gyur ba dang / sangs rgyas kyi yon tan dang bsngags pa thos na de'i yon tan dang bsngags pa yongs su rdzogs par bya ba'i brtson 'grus dang pha rol tu phyin pa dang / bsdu ba'i dngos po dang / byang chub sems dpa'i sde snod kyi gtam thos na thams cad kyi pha rol tu 'gro ba dang / kye rgyal ba'i sras/ byang chub sems dpa'i rna ba'i dbang po la ni/ phyogs bcu'i 'jig rten gyi khams nas bsgrags pa'i sgra thams cad kyang grag cing thos par 'gyur te/ sgra thams cad sgra brnyan lta bur brjod du med pa'i don du khong du chud cing shes pa dang / kye rgyal ba'i sras/ byang chub sems dpa'i chos kyi rna ba mnyam par bzhag pa dang ldan te/ thog ma sems bskyed nas snying po byang chub kyi bar du byang chub sems dpa'i lam dang mi gnas kyang / sems can yongs su smin par bya ba mi 'dor ba'o/ /kye rgyal ba'i sras/ bcu po de dag ni/ byang chub sems dpa' rnams kyi rna ba ste/ de dag la gnas shing / byang chub sems dpa' rnams de bzhin gshegs pa'i ye shes chen po'i snyan bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sna ste/ bcu gang zhe na/ 'di ltar mthun </font><hr>Nga323b<br><font size=+1>


pa'i dri la mi mthun par gnas pa dang / mi mthun pa'i dri la mthun par gnas pa dang / dri mthun pa dang / mi mthun pa la mnyam pa nyid du gnas pa dang / dri mthun pa dang / mi mthun pa ma yin pa la btang snyoms su gnas pa dang / gos dang / mal cha dang / yan lag dang / nying lag gi dri la 'dod chags dang / zhe sdang dang / gti mug dang / cha mnyam pa la spyod pa'i sems can gyi rgyu shes par gnas pa dang / gter chen po de dag dang / rtswa dang / gel ba dang / sman dang / nags tshal ji snyed pa de dag gi dris gter thams cad mngon sum du shes par gnas pa dang / 'og gi sems can dmyal ba chen po mnar med pa yan chad/ srid pa'i rtse mo man chad la gnas pa'i sems can rnams kyi dri tshor ba tsam gyis sngon gyi spyod pa ston par gnas pa dang / nyan thos kyi tshul khrims dang / thos pa dang / gtong dang / shes rab kyi dri tshor bas thams cad mkhyen pa nyid kyi sems mi 'khrugs par gnas pa dang / byang chub sems dpa' thams cad kyi spyod pa'i dri tshor zhing / de bzhin gshegs pa'i sa la yang dag par gzhol ba'i ye shes la gnas pa dang / de bzhin gshegs pa thams cad kyi yul dang / ye shes kyi dri tshor zhing / byang chub sems dpa'i spyod pa rgyun mi gcod par gnas pa'o// </font><hr>Nga324a<br><font size=+1>


@#/ /kye rgyal ba'i sras/ bcu po de dag ni/ byang chub sems dpa' rnams kyi sna yongs su dag pa ste/ de dag la gnas shing / byang chub sems dpa' rnams kyi de bzhin gshegs pa'i shangs mtha' dang dbus med pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi lce ste/ bcu gang zhe na/ 'di ltar sems can gyi spyod pa mi zad pa rab tu ston pa'i lce dang / chos kyi tshul mi zad pa rab tu ston pa'i lce dang / sangs rgyas kyi yon tan dang bsngags pa mi zad pa rab tu ston pa'i lce dang / nges pa'i tshig dang / spobs pa mi zad pa ston pa'i lce dang / theg pa chen po'i tshogs mi zad pa ston pa'i lce dang / de'i lce de phyogs bcu'i nam mkha' rgyas par 'gengs pa dang / de'i lce de sems can thams cad la yang dag par gzhol ba dang / de'i lce de sangs rgyas kyi zhing thams cad du 'od kyis snang bar byed pa dang / de'i lce de sangs rgyas thams cad mnyes par byed cing phyag 'tshal ba dang / de'i lce de bdud dang / rgol ba dang / nyon mongs pa dang / 'khor ba thams cad 'jig cing mya ngan las 'das pa'i lam ston pa'o/ /kye rgyal ba'i sras/ bcu po de dag ni/ byang chub sems dpa' rnams kyi lce ste/ de dag la gnas shing / byang </font><hr>Nga324b<br><font size=+1>


chub sems dpa' rnams de bzhin gshegs pa'i ljags sangs rgyas kyi zhing thams cad rgyas par khyab pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi lus te/ bcu gang zhe na/ 'di ltar mi yongs su smin par bya ba'i phyir mi'i lus dang / sems can dmyal ba dang / byol song gi skye gnas dang| gshin rje'i 'jig rten gyi sems can gdul ba'i phyir mi ma yin pa'i lus dang / 'dod pa'i khams dang / gzugs kyi khams dang / gzugs med pa na spyod pa'i sems can gdul ba'i phyir lha'i lus dang / slob pa'i sa bstan pa'i phyir slob pa'i lus dang / mi slob pa'i sa bstan pa'i phyir mi slob pa'i lus dang / rang sangs rgyas kyi sar gdul ba'i phyir rang sangs rgyas kyi lus dang / theg pa chen po la yang dag par 'byung bar bya ba'i phyir byang chub sems dpa'i lus dang / dbang bskur ba'i ye shes 'thob par bya ba'i phyir de bzhin gshegs pa'i sku dang / mngon par bsgrubs pa la mkhas par bya ba'i phyir yid kyi rang bzhin gyi lus dang / zag pa med cing lhun gyis grub pa'i bya bas lus thams cad yongs su bstan pa'i phyir chos kyi lus so/ /kye rgyal ba'i sras/ bcu po de dag ni/ byang chub sems dpa' rnams kyi lus te/ de dag la gnas shing / byang chub sems </font><hr>Nga325a<br><font size=+1>


@#/ /dpa' rnams de bzhin gshegs pa'i sku bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi yid rnam par rgyu ba ste/ bcu gang zhe na/ 'di ltar dge ba'i rtsa ba thams cad brtsam pa la yid ni sngon du 'gro'o/ /nan tan lhur blangs pa la yid ni gnas so/ /sangs rgyas kyi chos rnams la yid ni rjes su zhugs pa'o/ /sems can rnams kyi bsam par yid ni khong du chud pa'o/ /nyon mongs pa thams cad dang ma 'dres pas yid ni rgyu ba med pa'o/ /glo bur gyi dri mas kun nas nyon mongs pa med pa'i phyir/ yid ni 'od gsal ba'o/ /dus ji lta ba'i skad cig las kyang mi 'da' ba'i phyir/ yid ni dpyad pa shin tu brtags pa'o/ /thams cad du kha na ma tho ba med pa'i phyir/ yid ni las kyi mtha' shin tu dpyad pa'o/ /dbang po shin tu dul bas yul la mi rgyug pa'i phyir/ yid ni dbang po rung ba'o/ /sangs rgyas kyi ting nge 'dzin la bdag gir mi byed pa'i phyir yid ni shin tu mnyam par gzhog pa'o/ /kye rgyal ba'i sras/ bcu po de dag ni/ byang chub sems dpa' rnams kyi yid rnam par rgyu ba ste/ de dag la gnas shing / byang chub sems dpa' rnams de bzhin gshegs pa'i thugs rnam par rgyu </font><hr>Nga325b<br><font size=+1>


ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi 'gro ba ste/ bcu gang zhe na/ 'di ltar chos 'dod pas chos nyan du 'gro ba dang / sems can gyi don du chos ston du 'gro ba dang / rang gi sems nges par rtogs pas 'dod pa med pa dang / sdang ba med pa dang / gti mug med pa dang / 'jigs pa med par 'gro ba dang / sems can yongs su smin par bya ba'i phyir/ 'dod pa'i khams su 'gro ba dang / myur du phyir ldog par bya bas/ gzugs dang / gzugs med pa'i snyoms pa 'jug par 'gro ba dang / shes rab myur ba 'thob par bya ba'i phyir/ don dang chos kyi rgyud du 'gro ba dang / 'dul ba'i dbang gis skye ba thams cad du 'gro ba dang / de bzhin gshegs pa blta ba dang / phyag bya ba dang / bsnyen bkur ba'i phyir sangs rgyas kyi zhing thams cad du mngon par shes pas 'gro ba dang / 'khor ba'i rgyud kyi rgyun mi gcad pa'i phyir/ mya ngan las 'das pa'i rgyud du 'gro ba dang / byang chub sems dpa'i spyod pa rgyun mi gcad pa'i phyir/ sangs rgyas kyi chos thams cad yongs su rdzogs par bya bar 'gro ba'o/ / kye rgyal ba'i sras/ bcu po de dag ni/ byang chub sems dpa' rnams kyi 'gro ba ste/ de dag la gnas shing / byang chub sems dpa' rnams de bzhin gshegs pa bzhud pa dang / </font><hr>Nga326a<br><font size=+1>


@#/ /gshegs pa dang / byon pa med pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi gnas te/ bcu gang zhe na/ 'di ltar nyams pa med pa'i phyir/ byang chub kyi sems la gnas pa dang / tshogs kyis mi ngoms pa'i phyir/ pha rol tu phyin pa la gnas pa dang / shes rab shin tu sbyangs pa'i phyir/ chos kyi gtam la gnas pa dang / bsam gtan chen po khong du chud par bya ba'i phyir/ bas mtha' dgon pa la gnas pa dang / bya ba nyung ba'i phyir thams cad mkhyen pa nyid dang mthun pa'i sbyangs pa'i yon tan dang / chog shes pa dang / 'phags pa'i rgyud la gnas pa dang / chos kyi brtson 'grus rjes su 'brang bar bya ba'i phyir nan tan la gnas pa dang / sangs rgyas kyi spyod lam yongs su rdzogs par bya ba'i phyir/ de bzhin gshegs pa bsnyen bkur ba la gnas pa dang / ye shes chen po yongs su rdzogs par bya ba'i phyir/ mngon par shes pas 'byung ba la gnas pa dang / lung bstan pa yongs su rdzogs par bya ba'i phyir/ bzod pa thob pa la gnas pa dang / sangs rgyas kyi chos thams cad yongs su rdzogs par bya ba'i phyir/ snying po byang chub la gnas pa'o/ /kye </font><hr>Nga326b<br><font size=+1>


rgyal ba'i sras/ bcu po de dag ni/ byang chub sems dpa' rnams kyi gnas pa ste/ de dag la gnas shing / byang chub sems dpa' rnams thams cad mkhyen pa'i gnas bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi stan la 'dug pa ste/ bcu gang zhe na/ 'di ltar dge ba bcu'i las kyi lam bsgrub pa'i phyir/ 'khor los bsgyur ba'i stan la 'dug pa dang / 'jig rten thams cad sangs rgyas kyi chos kyi dbang phyug la dgod pa'i phyir/ 'jig rten gyi mgon po'i stan la 'dug pa dang / 'gro ba thams cad kyi dbang por 'gyur ba'i phyir/ brgya byin gyi stan la 'dug pa dang / rang gi sems dang gzhan gyi sems la dbang bsgyur ba'i phyir/ tshangs pa'i stan la 'dug pa dang / chos kyi stan ma nor par bya ba'i phyir/ seng ge'i stan la 'jug pa dang / gzungs dang spobs pa'i stobs kyis brjod pa'i phyir| chos kyi stan la 'dug pa dang / dam bcas pa mthar phyin par bya ba'i phyir/ yi dam la brtan pa'i stan la 'dug pa dang / gshe ba dang / sdang ba la byams par bya ba'i phyir| byams pa chen po'i stan la 'dug pa dang / mi dga' ba thams cad bzod par bya bas mi skyo bar bya ba'i phyir/ snying rje chen po'i stan la 'dug pa dang / phas kyi rgol ba dang / </font><hr>Nga327a<br><font size=+1>


@#/ /bdud kyi sde thams cad bzlog pa'i phyir/ rdo rje'i stan la 'dug pa'o/ /kye rgyal ba'i sras/ bcu po de dag ni/ byang chub sems dpa' rnams kyi stan la 'dug pa ste/ de dag la gnas shing / byang chub sems dpa' rnams de bzhin gshegs pa'i sangs rgyas kyi gdan chen po bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi mal te/ bcu gang zhe na/ 'di ltar lus dang sems dben par bya ba'i phyir/ dben pa'i mal dang / tshul bzhin gyi sbyor ba sgrub pa'i phyir/ nang du yang dag par gzhog pa'i mal dang / lus dang sems las su rung bar bya ba'i phyir/ snyoms par 'jug pa'i mal dang / gzhan dang bdag la gdung ba med par bya ba'i phyir/ tshangs pa'i mal dang / phyis 'gyod pa med par bya ba'i phyir/ legs pa'i las kyi mal dang / phyis khro ba med par bya ba'i phyir/ yang dag pa'i nan tan gyi mal dang / dge ba'i bshes gnyen gyis bskul bar bya ba'i phyir/ lam kyi mal dang / yongs su bsngo ba la mkhas pa'i phyir/ shin tu mnyam par bzhag pa'i mal dang / brtsam pa mthar phyin par bya ba'i phyir/ dgos pa thams cad yongs su sgrub pa'i mal dang / sngon las legs par spyad pa'i phyir/ lhun gyis grub par spyod pa'i mal lo/ / </font><hr>Nga327b<br><font size=+1>


kye rgyal ba'i sras/ bcu po de dag ni/ byang chub sems dpa' rnams kyi mal te/ de dag la gnas shing / byang chub sems dpa' rnams de bzhin gshegs pa'i chos kyi gzims mal chen por rnam par 'tshang rgya ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rnam par spyod pa ste/ bcu gang zhe na/ 'di ltar sems can thams cad la sems mnyam pas byams pa chen po la rnam par spyod pa dang / ma bslabs pa la brnyas pa med pa'i phyir/ snying rje chen po la rnam par spyod pa dang| mi dga' ba thams cad bsal ba'i phyir/ dga' ba chen po la rnam par spyod pa dang / 'dus byas dang / 'dus ma byas su mnyam zhing mtshungs pa'i phyir/ btang snyoms chen po la rnam par spyod pa dang / byang chub kyi sems sngon du 'gro bas/ pha rol tu phyin pa thams cad la rnam par spyod pa dang / rab tu rnam par dbye ba la mkhas pas rnam pa'i mchog thams cad dang / ldan pa'i stong pa nyid la rnam par spyod pa dang / skyon med pa la thogs pa med pas mtshan ma med pa la rnam par spyod pa dang / ched du bsams te skye ba 'dzin pa'i phyir/ smon pa med pa la rnam par spyod pa dang / bzod pa yongs su rdzogs par bya ba'i phyir/ dran pa dang / shes bzhin la rnam par spyod pa dang / lung bstan pa 'thob par bya ba'i phyir /chos </font><hr>Nga328a<br><font size=+1>


@#/ /thams cad mnyam pa nyid la rnam par spyod pa'o/ /kye rgyal ba'i sras/ bcu po de dag ni/ byang chub sems dpa' rnams kyi rnam par spyod pa dang / de dag la gnas shing / byang chub sems dpa' rnams de bzhin gshegs pa'i rnam par spyod pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi spyod yul te/ bcu gang zhe na/ 'di ltar dran pa nye bar gzhag pa yongs su rdzogs par bya ba'i phyir/ dran pa'i spyod yul dang / chos kyi tshul rtogs par bya ba'i phyir/ rtogs pa'i spyod yul dang / sangs rgyas thams cad mnyes par bya ba'i phyir/ blo gros kyi spyod yul dang / thams cad mkhyen pa nyid kyi ye shes yongs su rdzogs par bya ba'i phyir/ pha rol tu phyin pa'i spyod yul dang / sems can yongs su smin par bya ba'i phyir/ bsdu ba'i dngos po'i spyod yul dang / dge ba'i rtsa ba thams cad dran pa'i phyir/ 'khor ba'i spyod yul dang / 'du 'dzi bsal zhing sems can mos pa ji lta ba bzhin du gdul ba'i phyir/ sems can thams cad dang 'grogs pa'i spyod yul dang / sems can thams cad kyi dbang po dang yul khong du chud par bya ba'i phyir/ mngon par shes pa bskyed pa'i spyod yul dang / shes rab </font><hr>Nga328b<br><font size=+1>


kyi pha rol tu phyin pa'i mtshon cha gdags pa'i phyir/ thabs mkhas pa'i spyod yul dang / thams cad mkhyen pa'i ye shes mngon par sangs rgyas kyang / byang chub sems dpa'i spyad pa rgyun mi gcod pa'i phyir/ snying po byang chub kyi spyod yul lo/ /kye rgyal ba'i sras/ bcu po de dag ni/ byang chub sems dpa' rnams kyi spyod yul te/ de dag la gnas shing / byang chub sems dpa' rnams de bzhin gshegs pa'i ye shes chen po'i spyod yul bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi lta ba ste/ bcu gang zhe na/ 'di ltar gzugs shin tu phra ba blta ba'i phyir/ las legs par byas pas lta ba dang / sems can gyi grangs la mngon par chags pa med par bya ba'i phyir/ shi 'pho'i rgyud shes pas lta ba dang / sems can gyi dbang po khong du chud par bya ba'i phyir/ sems can gyi dbang po shes pas lta ba dang / chos kyi dbyings tha dad du mi dbye pa'i phyir/ chos rab tu rnam par 'byed pa'i lta ba dang / sangs rgyas kyi spyan gsal ba 'thob par bya ba'i phyir/ sangs rgyas kyi chos thams cad la mngon du lta ba dang / ji ltar gnas pa'i chos bstan pa'i phyir shes rab dang / ye shes thob pas lta ba dang / sangs rgyas kyi chos nges par rab tu 'thob par bya ba'i phyir/ mi skye ba'i bzod pa 'thob pas lta ba dang / 'du </font><hr>Nga329a<br><font size=+1>


@#/ /shes dang / nyon mongs pa thams cad kyi khams gsum pa dang / nyan thos dang / rang sangs rgyas kyi sa rnam par bzlog pa'i phyir/ mi ldog pa'i sa la lta ba dang / sangs rgyas kyi chos thams cad la dbang bsgyur bas ye shes mi nyams pa yongs su bstan pa'i phyir/ dbang bskur ba'i sa la lta ba dang / phyogs bcur bya ba thams cad bstan pa'i phyir/ blo shin tu rnam par sangs rgyas pa'i ting nge 'dzin la snyoms par zhugs pas lta ba'o/ /kye rgyal ba'i sras/ bcu po de dag ni/ byang chub sems dpa' rnams kyi lta ba ste/ de dag la gnas shing / byang chub sems dpa' rnams de bzhin gshegs pa'i ye shes chen pos lta ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rnam par lta ba ste/ bcu gang zhe na/ 'di ltar mi dga' ba'i sems med pas bsam pa ji lta ba bzhin du tshim par bya ba'i phyir/ slong ba la rnam par lta ba dang / thams cad mkhyen pa nyid kyi tshul khrims la rab tu dgod pa'i phyir/ sems can tshul khrims ngan pa can la rnam par lta ba dang / bzod pa'i stobs kyis sangs rgyas kyi bzod pa la rab tu dgod pa'i phyir/ sems can gnod sems can la rnam par lta ba </font><hr>Nga329b<br><font size=+1>


dang| mi gtong ba la brtson pas theg pa chen po la sems can yang dag par dgod pa'i phyir/ sems can le lo can la rnam par lta ba dang / thams cad mkhyen pa'i sa rnam par 'khrug pa med pa la rab tu dgod pa'i phyir/ sems can sems rnam par 'khrug pa can la rnam par lta ba dang / the tshom med pas lta ba dang / dmigs pa thams cad rab tu bsal ba'i phyir/ sems can shes rab 'chal ba can la rnam par lta ba dang / ji ltar bstan pa'i sangs rgyas kyi chos la rab tu dgod pa'i phyir/ dge ba'i bshes gnyen la dge bar rnam par lta ba dang / don gyi mchog nyams su myong bar bya ba'i phyir/ ji skad du thos pa'i chos la lhag mthong gis rnam par lta ba dang / snying rje chen po'i stobs mi gtang ba'i phyir/ sems can thams cad yongs la rnam par lta ba dang / thams cad mkhyen pa'i ye shes rdzogs par 'tshang rgya bar bya ba'i phyir/ sangs rgyas kyi chos thams cad la rnam par lta ba'o/ /kye rgyal ba'i sras/ bcu po de dag ni/ byang chub sems dpa' rnams kyi rnam par lta ba ste/ de dag la gnas shing / byang chub sems dpa' rnams de bzhin gshegs pa'i ye shes chen pos rnam par lta ba bla na med par thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' </font><hr>Nga330a<br><font size=+1>


@#/ /rnams kyi rnam par bsgyings pa ste/ bcu gang zhe na/ 'di ltar lha dang / klu dang / gnod sbyin dang / dri za dang / lha ma yin dang / nam mkha' lding dang| mi 'am ci dang / lto 'phye chen po'i 'khor thams cad zil gyis gnon pa'i phyir/ khyu mchog gi rnam par bsgyings pa dang / shin tu dul zhing cang shes pa'i sems kyis sems can thams cad kyi khur bkur ba'i phyir/ glang po'i bsgyings pa dang / chos kyi sprin chen po shin tu 'dus pa las rig pa dang / rnam par grol ba'i glog 'gyu zhing yang dag par ma nor bar 'brug sgra chen po bsgrags te/ dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa'i bdud rtsi'i chu'i chos kyi char pa mngon par dbab pa'i phyir/ klu'i rnam par bsgyings pa dang / ma rig pa'i sgo nga'i sbubs dang| lcag lcig gi spri brtol te/ sred pa'i chu lhag mthong gi gshog pas phye ste/ sems kyi sprul 'dod pa dang / 'khrug pa dang / nyon mongs pa'i rnyog pa can mngon par blang zhing dbyung ba'i phyir/ nam mkha' lding gi dbang po chen po'i rnam par bsgyings pa dang / 'jigs pa dang / bag tsha ba thams cad med cing / ye shes chen </font><hr>Nga330b<br><font size=+1>


po mnyam pa nyid kyi sder mos ngan par tshogs pa'i phas kyi rgol ba thams cad rab tu gzhom pa'i phyir/ seng ge chen po'i rnam par bsgyings pa dang / 'dod pa dang / 'khrug pa dang / nyon mongs pa'i rnyog pa'i dgra gnod par sems pa/ gdul dka' ba thams cad dbus nas gzhom pa'i phyir/ dpa' bo'i rnam par bsgyings pa dang / phung po dang / khams dang / skye mched dang / rten cing 'brel bar 'byung ba thams cad rab tu rtogs par byed pa'i ye shes kyis chos thams cad kyi dbang phyug yang dag par bstan pa'i phyir| ye shes kyi rnam par bsgyings pa dang / dran pa dang / blo gros dang / rtogs pas thos pa thams cad yongs su bzung ste/ mi brjed par bzhag pas/ sems can gzhan gyi dbang po'i rgyud du phyin par bya ba'i phyir/ gzungs kyi rnam par bsgyings pa dang / myur zhing mgyogs la dag cing thogs pa med pa dang / chags pa med par tshig thams cad rab tu phye ste bstan pas sems can thams cad tshim par byed cing / don yod la rmongs pa med pa'i spobs pa dang ldan pas spobs pa'i rnam par bsgyings pa dang / seng ge'i khri dam pa'i steng du phyin ste/ bdud kyi rgol ba thams cad bcom nas/ thams cad mkhyen pa'i ye shes kyi tshogs yongs su rgyas pa'i phyir/ sems </font><hr>Nga331a<br><font size=+1>


@#/ /kyi skad cig gcig dang ldan pa'i shes rab kyis gang thong bar bya ba de thams cad du/ 'di ltar bla na med pa yang dag par rdzogs pa'i byang chub mngon par 'tshang rgya bas sangs rgyas kyi rnam par bsgyings pa'o/ /kye rgyal ba'i sras/ bcu po de dag ni/ byang chub sems dpa' rnams kyi rnam par bsgyings pa ste/ de dag la gnas shing| byang chub sems dpa' rnams chos thams cad la dbang bsgyur ba'i rnam par bsgyings pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi seng ge'i nga ro ste/ bcu gang zhe na/ 'di ltar sangs rgyas su 'gyur bar bya'o zhes byang chub kyi sems kyi seng ge'i nga ro chen po dang / ma brgal ba brgal bar bya'o/ /ma grol ba dgrol bar bya'o/ /dbugs ma phyin pa dbugs dbyung bar bya'o/ /yongs su mya ngan las ma 'das pa yongs su mya ngan las bzla bar bya'o zhes sems can la snying rje ba'i seng ge'i nga ro chen po dang / sangs rgyas kyi gdung dang / chos kyi gdung dang / dge 'dun gyi gdung mi gcad do/ /zhes de bzhin gshegs pas mdzad pa bzo ba'i seng ge'i nga ro chen po dang / zhing thams cad yongs su dag par bya'o zhes dam bcas pa la </font><hr>Nga331b<br><font size=+1>


brtan zhing / kha 'og tu lus 'khrus pa'i seng ge'i nga ro chen po dang / ngan song dang / mi khom pa thams cad bsgom par bya'o zhes rang gi lus yongs su dag pa'i seng ge'i nga ro chen po dang / sangs rgyas kyi sku dang / gsung dang / thugs kyi rgyan dang / mtshan dang dpe byad bzang po yongs su rdzogs par bya'o zhes bsod nams kyi tshogs yongs su btsal bas mi ngoms pa'i seng ge'i nga ro chen po dang / sangs rgyas thams cad kyi ye shes yongs su rdzogs par bya'o zhes ye shes kyi tshogs yongs su btsal bas mi ngoms pa'i seng ge'i nga ro chen po dang / bdud dang bdud kyi las thams cad rab tu gzhom par bya'o zhes yang dag pa'i nan tan dang / nyon mongs pa med pa'i seng ge'i nga ro chen po dang / bdag med pa dang / sems can med pa dang / srog med pa dang / gang zag med pa dang / stong pa nyid dang / mtshan ma med pa dang / smon pa med pas nam mkha'i dbyings dri ma med pa lta bur chos thams cad shes par bya'o zhes mi skye ba'i chos kyi bzod pa thob par bya ba'i seng ge'i nga ro chen po dang / kye rgyal ba'i sras/ gzhan yang byang chub sems dpa' srid pa'i tha ma par gyur pa'i tshe/ sangs rgyas kyi zhing gtsang zhing dri ma med la 'od gsal ba'i rgyan dang ldan pa thams cad bskyed do/ brgya byin </font><hr>Nga332a<br><font size=+1>


@#/ /dang| tshangs pa dang / 'jig rten gyi mgon po thams cad kyis rab tu bsngags pa'i rigs su byung ste/ ye shes chen po chags pa med pas rnam par lta ba'i blo'i mig dang ldan pa/ sems can thams cad kyi nang nas bdag bla na med par mthong ste/ sa chen pos yongs su ma bzung bar gom pa bdun du 'gro zhing seng ge'i nga ro chen po sgrog ste/ bdag ni 'jig rten na mchog tu gyur pa/ bdag ni 'jig rten na gtso bor gyur pa yin gyi/ skye zhing 'chi ba mthar dbyung bar bya'o zhes ji skad du smras pa de ltar byed pa'i seng ge'i nga ro chen po'o/ /kye rgyal ba'i sras/ bcu po de dag ni/ byang chub sems dpa' rnams kyi seng ge'i nga ro ste/ de dag la gnas shing / byang chub sems dpa' rnams de bzhin gshegs pa'i seng ge'i nga ro chen po bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sbyin pa yongs su dag pa ste/ bcu gang zhe na/ 'di ltar sems can la mi mnyam pa med pa'i phyir/ sems snyoms pa'i sbyin pa dang / bsam pa thams cad yongs su rdzogs par bya ba'i phyir/ bsam pa ji lta ba bzhin du tshim par byed pa'i sbyin pa dang / phan pa'i dngos po yongs su ma nyams pa'i phyir/ 'khrug pa med pa'i </font><hr>Nga332b<br><font size=+1>


sbyin pa dang / gang zag rab dang / tha ma shes pa'i phyir ci rigs su sbyin pa dang / rnam par smin pa la re ba med pa'i phyir/ ye brngam pa med pa'i sbyin pa dang / sems kyis 'dzin pa thams cad spong ba'i phyir/ yongs su gtang ba shin tu gtong ba'i sbyin pa dang / ma btang ba gtong bas dag par bya ba'i phyir/ phyi nang gi dngos po la phangs pa med par yongs su gtong ba'i sbyin pa dang / 'dus byas dang 'dus ma byas yongs su spang ba'i phyir/ byang chub tu yongs su bsngos pa'i sbyin pa dang / snying po byang chub kyi bar du rjes su gzhol bar bya ba'i phyir/ sems can de dag yongs su smin par bya ba'i sbyin pa dang / sbyin bdag dang / len pa dang / sbyin pa nam mkha' dang mtshungs par yid la byed pa'i phyir/ 'khor gsum yongs su dag pa'i sbyin pa'o/ /kye rgyal ba'i sras/ bcu po de dag ni/ byang chub sems dpa' rnams kyi sbyin pa yongs su dag pa ste/ de dag la gnas shing / byang chub sems dpa' rnams de bzhin gshegs pa'i gtong ba chen po yongs su dag pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi tshul khrims yongs su dag pa ste/ bcu gang zhe na/ 'di ltar sdom pa gsum yongs su bsrung ba'i phyir/ lus yongs su dag pa'i tshul khrims dang / ngag gi nyes pa bzhi yongs </font><hr>Nga333a<br><font size=+1>


@#/ /su spang ba'i phyir/ ngag yongs su dag pa'i tshul khrims dang / chags sems dang / gnod sems dang / log par lta ba yongs su spang ba'i phyir| sems yongs su dag pa'i tshul khrims dang / lha dang mi thams cad kyi bdag po byed du gzhug pa'i phyir/ bslab pa thams cad god pa med pa'i tshul khrims dang / nyi tshe ba'i theg pa la 'dod pa med pa'i phyir/ byang chub kyi sems yongs su bsrung bas dag pa'i tshul khrims dang / kha na ma tho ba rdul tsam la yang 'jigs par lta ba'i phyir| de bzhin gshegs pa thams cad kyi bstan pa'i cho ga dang bslab pa'i gnas ma god cing dag pa'i tshul khrims dang / sems can thams cad ltung ba las bslang ba'i phyir/ 'dul bas dben pa'i tshul khrims dang / dge ba'i chos thams cad kyi yi dam brtan pa'i phyir sdig pa thams cad mi byed pas dag pa'i tshul khrims dang / rlom sems med par bya ba'i phyir dmigs pa'i lta ba thams cad yongs su spang ba'i tshul khrims dang / snying rje chen po'i stobs mngon par bsgrub pa'i phyir/ 'gro ba thams cad rjes su bsrung bas dag pa'i tshul khrims so/ /kye rgyal ba'i sras/ bcu po de dag ni/ byang chub sems dpa' rnams kyi tshul khrims yongs su dag pa ste/ de dag la </font><hr>Nga333b<br><font size=+1>


gnas shing / byang chub sems dpa' rnams de bzhin gshegs pa'i tshul khrims kha na ma tho ba med cing yongs su dag pa bla na med pa 'thob par 'gyur ba dag go/ kye rgyal ba'i sras| bcu po 'di dag ni/ byang chub sems dpa' rnams kyi bzod pa yongs su dag pa ste/ bcu gang zhe na/ 'di ltar sems can gzhan gyi yid dang mi 'gal bar bya ba'i phyir/ gzhan gyis mi snyan par brjod pa dang / ngan par 'os pa'i tshig gi lam rna la gzon pa'i bzod pa yongs su dag pa dang / bdag dang gzhan bsrung ba'i phyir/ rdo dang / dbyug pa dang| mtshon cha dang / lag cha thams cad bag la zha bar bya ba'i bzod pa yongs su dag pa dang / rang bzhin gyis mi 'khrugs pa'i phyir/ tha ba dang / khro ba dang / gnod sems thams cad kyis mi gos pa'i bzod pa yongs su dag pa dang / dpon du gyur pas bag la zha bar bya ba'i phyir sems can dma' ba la mi 'khrug pa'i bzod pa yongs su dag pa dang / bdag gi lus dang srog yongs su gtong ba'i phyir/ skyabs tshol ba bskyab pa'i bzod pa yongs su dag pa dang / ma bslabs pa thams cad la mi brnyas pa'i phyir/ bdag gi nga rgyal yongs su spong ba'i bzod pa dang / sgyu ma'i rnam pa lta bur rab tu rtogs pa'i phyir/ lus yan lag so sor phral te gtubs kyang mi 'khrug pa'i bzod pa yongs su </font><hr>Nga334a<br><font size=+1>


@#/ /dag pa dang / bdag dang gzhan gyi 'du shes dang bral ba'i phyir/ gnod par byas pa thams cad la zhe mi sdang ba'i sems kyi bzod pa yongs su dag pa dang / yul thams cad rnam par bzlog pa'i phyir/ nyon mongs pa dang mi mthun pa'i bzod pa yongs su dag pa dang / chos thams cad zad cing mi skye ba thams cad mkhyen pa'i ye shes kyi yul la gzhan gyi dring mi 'jog par 'jug pa'i phyir/ byang chub sems dpa' thams cad kyi ye shes kyi tshul dang mthun pa'i bzod pa yongs su dag pa'o/ /kye rgyal ba'i sras/ bcu po de dag ni/ byang chub sems dpa' rnams kyi bzod pa yongs su dag pa ste/ de dag la gnas shing / byang chub sems dpa' rnams sangs rgyas kyi chos thams cad bzod pa la gzhan gyi dring mi 'jog par 'jug pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi brtson 'grus yongs su dag pa ste/ bcu gang zhe na/ 'di ltar sangs rgyas dang / byang chub sems dpa' dang / slob dpon dang / bla ma dang / sbyin pa'i gnas thams cad la ldang zhing bsnyen bkur dang / rim gro bya ba las mi ldog pa'i phyir/ lus kyis brtsams pa yongs su dag pa'i brtson 'grus dang / de bzhin </font><hr>Nga334b<br><font size=+1>


gshegs pa thams cad kyis gsungs pa mnyan pa dang / dran par bya ba dang / gzung ba dang / de bzhin gshegs pa thams cad kyi yon tan dang / bsngags pa rab tu brjod pa dang / ji skad du thos pa'i chos rnams sems can thams cad la ston pas mi skyo ba'i phyir/ ngag gis brtsams pa yongs su dag pa'i brtson 'grus dang / byams pa dang / snying rje dang / dga' ba dang / btang snyoms dang / bsam gtan dang / rnam par thar pa dang / ting nge 'dzin dang / snyoms par 'jug pa la snyoms par 'jug cing ldang ba la mkhas pa las mi ldog pa'i phyir/ sems kyis brtsams pa yongs su dag pa'i brtson 'grus dang / g.yo dang sgyu med pa dang / rang bzhin gyis drang zhing 'chos pa med de/ sbyor ba'i brtsams pa thams cad las mi ldog pa'i phyir| bsam pa zhum pa med pas yongs su dag pa'i brtson 'grus dang / rtag tu rgyun mi 'chad par gong nas gong du khyad par du 'gro zhing mngon sum gyi ye shes kyi snang bas / dge ba'i chos thams cad la lhag par dmigs pa'i phyir/ lhag pa'i bsam pa yongs su dag pa'i brtson 'grus dang / sbyin pa dang / dul ba dang / sdom pa dang / des pa dang / tshul khrims dang / thos pa dang / gtong pa dang / bag yod pas shin tu bzung zhing thogs pa med par snying po byang chub tu 'gro ba'i phyir/ thogs pa med cing don yod pas yongs </font><hr>Nga335a<br><font size=+1>


@#/ /su dag pa'i brtson 'grus dang / 'dod chags dang / zhe sdang dang / gti mug dang / 'dod pa'i 'khrug pa dang / nyon mongs pa dang / lta ba dang / kun nas bskor ba dang / sgrib pa dang / bar du gcod pa yongs su chad pa'i phyir/ bdud kyi dgra thams cad dang bral bas yongs su dag pa'i brtson 'grus dang / shes pa dang / rab tu shes pa dang / shin tu khong du chud pa dang / legs par byas pas/ 'gyod pa med par brtsams pa thams cad mthar phyin par bya ba dang / sangs rgyas kyi chos ma 'dres pa rab tu thob par bya ba'i phyir| ye shes snang ba yongs su bsgrubs pas yongs su dag pa'i brtson 'grus dang / sems kyi 'dzin pa dang / yongs su 'dzin pa thams cad spang bas lus dang / ngag dang / sems kyis brtsams pa mtshan ma dang / mtshan ma med pa mnyam pas sgo kun dang ldan pa'i chos kyi dbyings shin tu rtogs shing ji lta ba bzhin du shes pas khong du chud pa'i phyir| blang ba med pa dang / dor ba med pas yongs su dag pa'i brtson 'grus dang / sa dang sa ma yin pa las yang dag par 'das te/ sangs rgyas thams cad kyi dbang bskur ba yang dag par mnod pa dang / sangs rgyas thams cad kyi sku zag pa med pa dang / 'chi 'pho dang / skye ba dang / 'byung ba dang / rnam par 'tshang rgya ba dang / chos kyi 'khor </font><hr>Nga335b<br><font size=+1>


lo bskor ba dang / yongs su mya ngan las 'da' ba chen po yongs su bstan pa dang / kun tu bzang po'i rnam pa yongs su rdzogs pa'i phyir/ chos kyi snang ba yongs su rdzogs pas yongs su dag pa'i brtson 'grus so/ /kye rgyal ba'i sras/ bcu po de dag ni/ byang chub sems dpa' rnams kyi brtson 'grus yongs su dag pa ste/ de dag la gnas shing / byang chub sems dpa' rnams de bzhin gshegs pa'i brtson 'grus chen po bla na med pa yongs su dag pa 'thob par 'gyur ba dag go// //bam po brgyad cu gsum pa/ kye rgyal ba'i sras/ bcu po 'di dag ni/ byang chub sems dpa' rnams kyi bsam gtan yongs su dag pa ste/ bcu gang zhe na/ 'di ltar yongs su gzung ba thams cad las 'byung ba'i phyir/ rtag tu rgyun mi 'chad par rab tu 'byung bas/ mngon par 'byung ba'i sems kyi bsam gtan yongs su dag pa dang / lam bstan pa'i phyir/ dge ba'i bshes gnyen tshul dang 'dra ba rnyed pa'i bsam gtan yongs su dag pa dang / bdag gi med cing yongs su 'dzin pa med pa'i phyir/ bas mtha'i dgon pa'i gnas dang / nags tshal na gnas pa'i bsam gtan yongs su dag pa dang / dben pa la mos pas dga' ba'i phyir/ 'du 'dzi spong zhing sems can mi gtong ba'i bsam gtan yongs su dag pa dang / dbang po'i </font><hr>Nga336a<br><font size=+1>


@#/ /sgo bsdam pa'i phyir sems dul zhing las su rung ba'i bsam gtan yongs su dag pa dang / sgra'i tsher ma thams cad kyis bsam gtan la sgrib pa med pa'i phyir| rang gi ye shes nye bar zhi ba'i bsam gtan yongs su dag pa dang / rab tu dbye ba thams cad mngon sum du shes pas lam dang byang chub kyi yan lag la sbyor ba'i bsam gtan yongs su dag pa dang / da dung 'dod pa'i khams su dmigs pa'i phyir/ bsam gtan gyi ro mi myang ba'i thabs las rnam par mi ldog pa'i bsam gtan yongs su dag pa dang / sems can thams cad kyi dbang po rjes su rtogs par bya ba'i phyir/ mngon par shes pa dang / rig pa bskyed pa'i bsam gtan yongs su dag pa dang / sangs rgyas kyi ting nge 'dzin bdag gir bya ba med pa dang ldan pa'i phyir/ mngon par 'du mi 'byed pa la mngon par phyogs shing rnam par rtse ba'i bsam gtan yongs su dag pa'o/ /kye rgyal ba'i sras/ bcu po de dag ni/ byang chub sems dpa' rnams kyi bsam gtan yongs su dag pa ste/ de dag la gnas shing / byang chub sems dpa' rnams de bzhin gshegs pa'i bsam gtan yongs su dag pa bla na med pa 'thob par 'gyur ba dag go/ kye rgyal ba'i sras/ bcu po de dag ni/ byang chub sems dpa' rnams kyi shes rab yongs su </font><hr>Nga336b<br><font size=+1>


dag pa ste/ bcu gang zhe na/ 'di ltar 'bras bu chud mi za ba'i tshul gyis rgyu rab tu shes pa'i shes rab yongs su dag pa dang / tshogs pa dang mi 'gal ba'i phyir rkyen thams cad la 'jug pa'i shes rab yongs su dag pa dang / rten cing 'brel pa la 'jug pa ji lta ba bzhin du shes pa'i phyir/ rtag pa dang chad pa med pa'i shes rab yongs su dag pa dang / sems can du 'dzin pa spong pa'i phyir/ lta ba thams cad sel ba'i shes rab yongs su dag pa dang / sgyu ma'i rang bzhin du yongs su brtag pa'i phyir/ sems can thams cad kyi sems dang spyod pa la rnam par lta ba'i shes rab yongs su dag pa dang / tshig gi bye brag thams cad bstan pa thogs pa med par lung bstan pa'i phyir tha dad pa yang dag par shes pa chen po la 'jug pa'i shes rab yongs su dag pa dang / de bzhin gshegs pa thams cad kyi mkhyen pa dang / mkhas pa'i rjes su zhugs pa'i phyir/ bdud dang / phas kyi rgol ba dang / nyan thos dang / rang sangs rgyas thams cad kyis gting dpag dka' pa'i shes rab yongs su dag pa dang / thams cad du chags pa med pa'i mtshan nyid kyi rjes su song ba'i phyir/ sangs rgyas thams cad kyi sku mthong ba dang / sems can thams cad thog ma nas rnam par dag par mthong ba dang / chos thams cad dben par mthong ba dang / zhing thams cad nam </font><hr>Nga337a<br><font size=+1>


@#/ /mkha'i rang bzhin du mthong ba'i shes rab yongs su dag pa dang / thams cad la khyad par can gyi ye shes rjes su thob pa'i phyir/ gzungs dang spobs pa la brten pa'i pha rol tu phyin pa thams cad dang / thabs kyi lag pa rkyong ba'i shes rab yongs su dag pa dang / chos thams cad kyi spyi bor gyur pa'i ye shes rab tu 'thob pa'i phyir/ sems kyi skad cig gcig dang ldan pas chos thams cad mnyam pa nyid du rtogs pa'i ye shes rdo rje lta bu mi 'khrugs shing dbyer med pa'i mtshan nyid kyi shes rab yongs su dag pa'o/ /kye rgyal ba'i sras/ bcu po de dag ni/ byang chub sems dpa' rnams kyi shes rab yongs su dag pa ste/ de dag la gnas shing / byang chub sems dpa' rnams de bzhin gshegs pa'i ye shes snang ba chen po bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi byams pa yongs su dag pa ste/ bcu gang zhe na/ 'di ltar sems can la bye brag dbye ba med pa'i phyir/ sems mnyam pa'i byams pa yongs su dag pa dang / sems can thams cad kyi bya ba ci yod pa la brtson par bya ba'i phyir/ phan pa'i dngos po'i byams pa yongs su dag pa dang / sems can thams cad rga shi'i nyam nga ba las bsgral ba'i phyir/ rang gis bskyab pa'i byams pa yongs </font><hr>Nga337b<br><font size=+1>


su dag pa dang / 'dus byas kyi dge ba'i rtsa ba la lhag par dmigs pa'i phyir 'gro ba thams cad yongs su mi gtong zhing phangs par sems pa dang ldan pa'i byams pa yongs su dag pa dang / 'gro ba thams cad kyi nyon mongs pa yang dag par gcad pa'i phyir/ rnam par dbral pa'i byams pa yongs su dag pa dang / 'gro ba thams cad thams cad mkhyen pa nyid kyi sems la mos par bya ba'i phyir/ byang chub kyi rnam pa mngon par bsgrubs pa'i byams pa yongs su dag pa dang / thams cad du 'od zer mnyam par rab tu dgye ba'i phyir/ 'gro ba thams cad la khong khro ba med pa'i byams pa yongs su dag pa dang / sems can thams cad yongs su bskyab pa'i phyir/ nam mkha' rgyas par 'gengs pa'i byams pa yongs su dag pa dang / yang dag pa ji lta ba bzhin du mngon par 'tshang rgya ba'i phyir/ chos la dmigs pa'i byams pa yongs su dag pa dang / sems can skyon med par gzud pa'i phyir/ sgrib pa med pa'i byams pa yongs su dag pa'o/ /kye rgyal ba'i sras/ bcu po de dag ni/ byang chub sems dpa' rnams kyi byams pa yongs su dag pa ste/ de dag la gnas shing / byang chub sems dpa' rnams de bzhin gshegs pa'i byams pa chen po bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi </font><hr>Nga338a<br><font size=+1>


@#/ /snying rje chen po yongs su dag pa ste/ bcu gang zhe na/ 'di ltar khong nas snying rje ba'i phyir/ grogs med pa'i snying rje chen po yongs su dag pa dang / sdug bsngal gyi phung po thams cad len pa la zhum pa med pa'i phyir/ yongs su skyo ba med pa'i snying rje chen po yongs su dag pa dang / tshad du bsams te skye ba len cing mngon par 'dren pa'i phyir/ ngan song dang mi khom par skyes pa thams cad la snying rje chen po yongs su dag pa dang / mi rtag pa'i don yongs su bstan pa'i phyir/ lha dang mir skyes pa thams cad la snying rje chen po yongs su dag pa dang / bskal pa dpag tu med par go cha mi 'dor ba'i phyir/ log par nges pa thams cad la snying rje chen po yongs su dag pa dang / sems can thams cad la bde pa bstabs pa'i phyir bdag gi bde ba la chags pa med pa'i snying rje chen po yongs su dag pa dang / rang gi sems yongs su sbyang ba'i phyir/ legs par byas pa thams cad la lan mi re ba'i snying rje chen po yongs su dag pa dang / yang dag pa ji ltar bzhin du chos bstan pa'i phyir/ phyin ci log dang / mi shes pa la gnas pa'i 'jig rten gyi rgyud rnam par bzlog pa'i snying rje chen po yongs su dag pa dang / kye rgyal ba'i sras/ gzhan yang byang chub sems dpas chos thams cad rang bzhin </font><hr>Nga338b<br><font size=+1>


gyis 'od dang zhing gsal ba dang / yongs su gdung ba med pa dang / kun nas 'khrug pa med pa ste/ glo bur gyi dri ma dang / kun nas nyon mongs pas kun nas nyon mongs par gyur to/ /zhes bya bar shes nas sems can thams cad la thog ma nas dag cing / rnam par dag pa dang dri ma med cing yongs su dag pa dang / rang bzhin gyis 'od dang zhing gsal ba'i chos bstan pa'i phyir/ snying rje chen po skye ba dang / kye rgyal ba'i sras/ gzhan yang byang chub sems dpas chos thams cad nam mkha'i bya lam lta bu yin yang / rang gi sgrib pas bsgribs pas shes par ma gyur to/ /zhes bya bar shes nas/ sems can thams cad la yang dag pa'i lam theg pa chen po'i 'byung ba yongs su bstan pa'i phyir/ snying rje chen po 'byung ba'o| |kye rgyal ba'i sras/ bcu po de dag ni/ byang chub sems dpa' rnams kyi snying rje chen po yongs su dag pa ste/ de dag la gnas shing / byang chub sems dpa' rnams de bzhin gshegs pa'i thugs rje chen po bla na med pa yongs su dag pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi dga' ba yongs su dag pa ste/ bcu gang zhe na/ 'di ltar rab tu dga' bas byang chub kyi sems bskyed pa ni dga' ba yongs su dag pa'o/ /gnod pa med par bdog pa thams cad yongs su gtong </font><hr>Nga339a<br><font size=+1>


@#/ /ba ni dga' ba yongs su dag pa'o/ /sems zhum pa med pas sems can tshul khrims ngan pa can yongs su smin par byed pa ni dga' ba yongs su dag pa'o/ sems can thams cad kyi nyes byas bzod par bya ba'i phyir/ dam bcas pa mthar phyin par byed pa ni dga' ba yongs su dag pa'o/ /chos don du gnyer pa'i phyir/ lus dang srog btang ba la 'gyod pa med pa ni dga' ba yongs su dag pa'o/ /chos la mos shing dga' ba ni dga' ba yongs su dag pa'o/ /'dod pa'i dga' ba thams cad spong ba ni dga' ba yongs su dag pa'o/ /sangs rgyas blta ba dang bsnyen bkur bas mi ngoms shing / chos kyi dbyings tha dad du mi 'byed pa ni dga' ba yongs su dag pa'o/ /bsam gtan dang / rnam par thar pa dang / ting nge 'dzin dang / snyoms par 'jug pas 'byung ba thams cad la sems can gzhan mos par byed pa ni dga' ba yongs su dag pa'o/ /zhi ba dang thub cing mi 'khrug pa la bsam gtan 'cha' ba/ shes rab kyi shes che bas lta ba bsal ba dang / brtul zhugs dang dka' thub yongs su rdzogs par bya ba'i bsam pas/ byang chub sems dpa'i spyod pa rgyun mi 'chad par byed pa ni dga' ba yongs su dag pa'o/ /kye rgyal ba'i sras/ bcu po de dag ni/ byang chub sems dpa' rnams kyi dga' ba yongs su </font><hr>Nga339b<br><font size=+1>


dag pa ste/ de dag la ngas shing / byang chub sems dpa' rnams de bzhin gshegs pa'i dgyes pa chen po yongs su dag pa bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi btang snyoms yongs su dag pa ste/ bcu gang zhe na/ 'di ltar sems can thams cad kyis rim gro byas kyang dga' ba med la/ sems can thams cad kyis rim gro ma byas kyang khong khro bar mi 'gyur ba'i btang snyoms yongs su dag pa dang / 'jig rten gyi chos brgyad las rnam par 'das par spyod pas btang snyoms yongs su dag pa dang / snod ma yin pa rnams kyang bkol te mi 'dor la/ snod du gyur pa rnams kyi dus dang yang sbyor ba'i btang snyoms yongs su dag pa dang / nyan thos dang / rang sangs rgyas dang / slob pa dang / mi slob pa rnams par dag pa'i chos thob par gyur pa rnams la rtsol ba gtong ba'i btang snyoms yongs su dag pa dang / 'dod pa'i dga' ba dang / rtsed mo dang / longs spyod dang / kun nas nyon mongs pa'i ngag tu 'gyur ba'i chos thams cad la sems 'brel bar mi gtong ba'i btang snyoms yongs su dag pa dang / nyan thos dang / rang sangs rgyas kyi theg pa 'khor bas skyo ba'i rnal 'byor la spyod pa rnams dang / bsnyen par mi byed pa'i btang snyoms yongs su dag pa dang / 'jig rten rgyang phan pa'i gtam thams cad dang / mya </font><hr>Nga340a<br><font size=+1>


@#/ /ngan las mi 'da' ba dang / 'dod chags dang mi 'bral ba'i gtam dang / mi rigs shing 'du 'dzir gyur pa'i gtam dang / gzhan la mtho 'tsham pa'i gtam dang / nyan thos dang / rang sangs rgyas kyi gtam dang / mdor na byang chub sems dpa'i lam las gol ba'i gtam thams cad dang / 'du ba med pa'i btang snyoms yongs su dag pa dang / dran pa dang / blo'i stobs dang / shugs ji lta ba bzhin du gang la yongs su smin par byas pa'i sems can de dag gis/ de la gong ma'i chos shes par mi nus na yang de dag gi dus bsdad pas btang snyoms yongs su dag pa dang / byang chub sems dpa'i sngon yongs su smin par byas pa gang / de gzhin \ BZHIN?\ gshegs pa'i sas 'dul bar gyur pa de dag la bsdad pa'i phyir btang snyoms yongs su dag pa dang / kye rgyal ba'i sras/ gzhan yang byang chub sems dpa' rnams kyi btang snyoms gnyis dang bral zhing mtho dman med la/ blang dor med cing rtog pa dang / rnam par rtog pa dang / yongs su rtog pa dang bral bas rtag tu mnyam par bzhag cing / chos yang dag pa ji lta ba bzhin du khong du chud par gnas pa'i bzod pa thob pa'i btang snyoms yongs su dag pa'o/ /kye rgyal ba'i sras/ bcu po de dag ni/ byang chub sems dpa' rnams kyi btang snyoms </font><hr>Nga340b<br><font size=+1>


yongs su dag pa ste/ de dag la gnas shing / byang chub sems dpa' rnams de bzhin gshegs pa'i btang snyoms chen po yongs su dag pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi don te/ bcu gang zhe na/ 'di ltar nan tan lhur len pa'i phyir thos pa'i don dang / rab tu dbye ba la mkhas pa'i phyir chos kyi don dang / don dam pa stong ba nyid kyi phyir stong pa'i don dang / sems can kyi 'du 'dzis dben pa'i phyir dben pa'i don dang / sems can gyi sgra la mngon par chags pa med pa'i phyir brjod du med pa'i don dang / dus gsum mnyam pa nyid kyi phyir yang dag par ji lta ba bzhin gyi don dang / ro mnyam pa nyid kyi phyir chos kyi dbyings la 'jug pa'i don dang / de bzhin nyid kyi rjes su 'brang ba'i phyir de bzhin nyid kyi don dang / yang dag pa'i mtha' rtogs pa'i phyir yang dag pa'i mtha'i don dang / sdug bsngal gyi phung po yang dag par gcad cing / byang chub sems dpa'i spyod pa bsgrub pa bskyed pa'i phyir/ mya ngan las 'das pa chen po'i don to/ /kye rgyal ba'i sras/ bcu po de dag ni/ byang chub sems dpa' rnams kyi don te/ de dag la gnas shing / byang chub sems dpa' rnams thams cad mkhyen pa'i ye shes kyi don bla na med pa 'thob par 'gyur ba dag go/ kye rgyal ba'i sras/ bcu po 'di </font><hr>Nga341a<br><font size=+1>


@#/ /dag ni| byang chub sems dpa' rnams kyi chos te/ bcu gang zhe na/ 'di ltar ji skad du smras pa de bzhin du bya ba'i phyir bden pa'i chos dang / len cing 'dzin pa thams cad yongs su gcad pa'i phyir yongs su 'dzin pa med pa'i chos dang / nyon mongs pa'i 'bar ba thams cad rab tu zhi bar bya ba'i phyir rtsod pa med pa'i chos dang / yongs su gdung ba dang bral ba'i phyir zhi ba'i chos dang / 'dod chags kyi dri ma dang nyon mongs pa thams cad dang bral ba'i phyir 'dod chags dang bral ba'i chos dang / dmigs pa thams cad rgyun chad pa'i phyir yongs su rtog pa med pa'i chos dang / nam mkha' dang 'dra zhing mtshungs pa'i phyir mi skye ba'i chos dang / skye ba dang / 'jig pa dang / gnas pa med pa'i phyir 'dus ma byas kyi chos dang / rang bzhin gyis kun nas nyon mongs pa med pa'i phyir rang bzhin gyi chos dang / byang chub sems dpa'i spyod pa bsgrub cing / yongs su gzung ba'i phyir phung po thams cad spangs te/ mya ngan las 'das par 'gro ba'i chos so/ /kye rgyal ba'i sras/ bcu po de dag ni/ byang chub sems dpa' rnams kyi chos te/ de dag la gnas shing / byang chub sems dpa' rnams de bzhin gshegs pa'i chos nyid bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ </font><hr>Nga341b<br><font size=+1>


byang chub sems dpa' rnams kyi bsod nams kyi tshogs te/ bcu gang zhe na/ 'di ltar dkon mchog gsum gyi gdung rgyun mi gcod pa'i phyir/ pha rol byang chub kyi sems la yi dam 'char gzhug pa'i bsod nams kyi tshogs dang / mi dge ba'i chos thams cad spang zhing dge ba'i chos thams cad yang dag par bsdu par bya ba'i phyir/ yongs su bsngo ba'i rnam pa bcu'i rjes su 'brang ba'i bsod nams kyi tshogs dang / 'jig rten gsum gyi bsod nams zil gyis ngan pa'i phyir/ shes rab dang ye shes bstan pa'i bsod nams kyi tshogs dang / sems can gyi khams thams cad pha rol gyi mthar bsgral ba'i phyir/ yongs su skyo ba med pa'i bsod nams kyi tshogs dang / yongs su bzung ba thams cad gtong ba'i phyir/ nang dang phyi'i dngos po thams cad yongs su gtong ba'i bsod nams kyi tshogs dang / brtson 'grus chen po brtsams pas sems kyi sgo gtan 'byed cing mchod sbyin rab tu bya ba'i phyir/ mtshan dang dpe byad bzang po yongs su rdzogs par bya ba'i bsod nams kyi tshogs dang / thabs dang tshul dang 'thad pas yongs su gzung ba'i phyir/ dge ba'i rtsa ba rab 'bring dang / tha mas rlom sems med par yongs su bsngo ba'i bsod nams kyi tshogs dang / skyes bu dam pa'i rnam par gnon pa yongs su bstan pa'i phyir/ yang dag pa dang / log par nges pa dang / </font><hr>Nga342a<br><font size=+1>


@#/ /nyam dma' zhing dge ba'i rtsa ba ma bsags pa rnams la brnyas pa med cing / snying rje chen po dang ldan pa'i bsod nams kyi tshogs dang / lhag pa'i bsam pa brtan pas yongs su skyong ba'i phyir/ de bzhin gshegs pa thams cad la mchod cing rim gror bya ba dang / byang chub sems dpa' thams cad la ston pa ltar dben par sems pa dang / sems can thams cad kyi bya ba ci yod pa byed pa la brtson pa'i bsod nams kyi tshogs dang / kye rgyal ba'i sras/ dge ba'i rtsa ba bskal pa grangs med par bsags shing yongs su bsdus te/ lag pa'i mthil du byin cing bdag la dbang yod par gyur pa'i byang chub kyang sems can la la zhig la yongs su btang ste/ byin na mi dga' ba med la 'gyod pa med cing / de bzhin du sems can ma lus pa thams cad la yang rang la dbang yod par yongs su bsdus te/ lag pa'i mthil du phyin pa'i byang chub yongs su btang ste| byin yang mi dga' ba med la phyis 'gyod pa med pa 'di ni/ byang chub sems dpa' rnams kyi bsod nams kyi tshogs nam mkha'i dbyings rgya chen po'i rjes su song ba zhes bya ba ste/ ye shes chen po yangs pa khong du chud pa'i rgyur 'gyur ba'o/ /kye rgyal ba'i sras/ bcu po de dag ni/ byang chub sems dpa' rnams kyi bsod nams kyi tshogs </font><hr>Nga342b<br><font size=+1>


te| de dag la gnas shing / byang chub sems dpa' rnams de bzhin gshegs pa'i bsod nams kyi tshogs chen po bla na med pa 'thob par 'gyur pa dag go /kye rgyal ba'i sras/ bcu po 'di dag ni/ byang chub sems dpa' rnams kyi ye shes kyi tshogs te/ bcu gang zhe na/ 'di ltar bsam pa sgyu med par bya ba'i phyir/ yang dag pa'i dge ba'i bshes gnyen mang du thos pa rnams la bsten pa dang / bkur ba dang / bsnyen bkur bya ba dang / rim gror bya ba dang / bsti stang du bya ba dang / bla mar bya ba dang / gus par bya ba dang / bka' blo bde zhing mthun par len pa'i ye shes kyi tshogs dang / bdag snod du bya ba'i phyir nga rgyal med cing / 'dud pa dang / phyag 'tshal ba dang / rab tu gus pa dang / lus dang sems las su rung ba dang / khong bde ba dang / mi slu ba dang / mi rtsub pa dang / des shing 'jam la mnyen pa dang / bzhin 'dzum zhing khro gnyer med pa dang / 'dor te gsong por smra ba dang / rab tu dga' ba dang / mi 'chos pa dang / g.yo med pa dang / sgyu med pa'i ye shes kyi tshogs dang / ye shes rnam pa bcu la rab tu sbyar ba'i phyir dran pa shes bzhin dang / rtogs pa khong du chud pa dang / blo gros mi g.yeng ba dang / ngo tsha shes pa dang / mos pa la rab tu gnas pa dang / rjes su dran par bya ba drug dran pa dang / gus pa drug yongs su bstan pa dang / snying por bya ba'i chos drug gi rjes </font><hr>Nga343a<br><font size=+1>


@#/ /su 'brang ba'i ye shes kyi tshogs so/ /bsam pa dang yid la bya ba gzhan med par bya ba'i phyir chos don du gnyer ba dang / chos 'dod pa dang / chos la mos shing dga' ba dang / chos btsal ba dang / thos pas mi ngoms pa dang / 'jig rten rgyang phan pa dang ma 'dres pa dang / 'jig rten pa'i gtam thams cad spong ba dang / 'jig rten las 'das pa'i gtam lhur len pa dang / theg pa dma' ba spong zhing blo gros yangs pa'i theg pa chen po la yang dag par gzhol ba'i ye shes kyi tshogs dang / nan tan lhur blang ba'i phyir pha rol tu phyin pa drug yongs su btsal ba la mthun par brtson pa dang / tshangs pa'i gnas bzhi rab tu sgrub pa dang / rig pa dang mthun pa'i chos dang bsten pa dang| mkhas pa'i skye bo la yongs su 'dri ba dang / lam nyam nga ba dang bral zhing yang dag pa'i lam la ma nor bar gzhol ba dang / bskul ba dang / dran par bya ba dang / mos par bya pas rang gi sems 'dul ba dang / pha rol kyi sems rjes su bsrung ba'i ye shes kyi tshogs dang / bdag dang gzhan gyi sems rnam par sbyang ba'i phyir rtag tu rgyun mi 'chad par 'byung ba'i sems dang / khams gsum pas dben par dga' zhing rang gi sems rtogs par byed pa dang / mi dge ba'i sems kyi skabs mi 'byed cing / </font><hr>Nga343b<br><font size=+1>


rnam par rtog pa gsum bsal bas lus dang / ngag dang / sems las su rung ba dang / sems kyi rang bzhin gcig tu nges pa rab tu rtogs par byed pa'i ye shes kyi tshogs dang / kye rgyal ba'i sras/ gzhan yang phung po rnams la sgyu ma lta bur rtog pa dang / khams rnams la sprul pa lta bu'i 'du shes su rtog pa dang / chos thams cad sgyu ma dang / smig rgyu ba dang / chu'i zla ba dang / rmi lam dang / mig yor dang / sgra brnyan dang / gzugs brnyan dang / mig yor dang 'dra zhing / nam mkha'i ri me dang mnyam pa dang / mgal me bskor ba lta bu ste/ 'ja' tshon dang 'dra ba nyi ma dang zla ba'i 'od lta bu ste/ chos thams cad ni gzung du med pa/ mtshan ma med pa/ rtag pa med pa/ chad pa med pa/ song ba med pa/ 'ongs pa med pa ste / chos thams cad mi gnas par rab tu rtog cing 'jug pa dang / mos pa dang yid ches pa 'di ni skye ba dang 'jig pa la mi gnas pa zhes bya ba ye shes kyi tshogs bdun pa ste/ chos thams cad khong du chud pa dag pa'i rgyur 'gyur ba'o/ /chos thams cad bdag med pa dang / sems can med pa dang / srog med pa dang / gang zag med pa dang / sems med pa dang / don med pa dang / 'dod chags med pa dang / zhe sdang med pa dang / gti mug med pa dang / nyon mongs pa med pa dang / lus med pa dang / rdzas med pa dang / lta ba med pa dang / dri </font><hr>Nga344a<br><font size=+1>


@#/ /ma med pa dang / rje ba med pa dang / gos pa med pa dang / rgyu ba med pa dang / zang zing med pa dang / mya ngan las 'das pa'i rgyud du yang dag par gzhol ba thos na mos shing yid ches la/ yid gnyis med cing the tshom mi za ba 'di ni ye shes kyi tshogs brgyad pa ste/ mos pa yongs su rdzogs par 'gyur ba'o/ /kye rgyal ba'i sras/ gzhan yang byang chub sems dpa' tshul bzhin gyi sbyor bas yang dag par bral bar byas pas/ dbang po bsdams pa lhag mthong dang / zhi gnas kyis zhi ba dang / nye bar zhi ba dang / rab tu zhi bar gyur pa/ yid la bya ba thams cad kyis ma byas/ ma bskyed/ mngon par ma byas pa'i ngang tshul can bdag med pa dang / sems can med pa dang / bdag gi 'du shes rnam par rgyu ba nan tan du byed pa med pa'i blo dang ldan pa/ zad pa med cing tshad med la/ mi dmigs pa'i bzod pa can/ lus dang / ngag dang / sems blang ba med pa dang / dor ba med pas sngon du 'gro ba'i brtson 'grus dang ldan pa/ sems can thams cad dang / chos thams cad la mi gnas par bsam gtan 'cha' ba/ tshu rol med pa/ pha rol med pa/ tshu rol dang pha rol dang bral ba/ rgyu ba med pa/ rgyu ba dang bral ba'i shes rab kyis de ltar nges par rtog pa 'di ni ye shes kyi tshogs dgu pa ste/ mtshan ma dang yongs su rtog pa thams cad </font><hr>Nga344b<br><font size=+1>


kyi pha rol tu phyin par 'gyur ba'o/ /kye rgyal ba'i sras/ rten cing 'brel bar 'byung ba mthong bas ni/ chos mthong ba shin tu rnam par dag par 'gyur/ chos mthong ba ni zhing mthong ba shin tu rnam par dag par 'gyur/ zhing mthong bas ni nam mkha' mthong ba shin tu rnam par dag par 'gyur/ nam mkha' mthong bas ni chos kyi dbyings mthong ba shin tu rnam par dag par 'gyur/ chos kyi dbyings mthong bas ni ye shes mthong ba shin tu rnam par dag par 'gyur ba 'di ni ye shes kyi tshogs bcu ba ste/ thams cad mkhyen pa'i ye shes yang dag par sgrub ba'i rgyur 'gyur ba'o/ /kye rgyal ba'i sras/ bcu po de dag ni/ byang chub sems dpa' rnams kyi ye shes kyi tshogs te/ de dag la gnas shing / byang chub sems dpa' rnams chos thams cad la ma chags ma bsgrubs pa'i ye shes shin tu rnam par dag pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi rig pa skye ba ste/ bcu gang zhe na/ 'di ltar chos shin tu rnam par phye ba'i blo ni rig pa skye ba'o/ /chos rnams la chags pa med pa'i rnal 'byor ni rig pa skye ba'o/ /lta ba ma log pa ni rig pa skye ba'o/ /dbang po rnams la shes rab snang ba ni rig pa skye ba'o/ /rig pa brtsams pa la yang dag par sbyor ba ni rig pa skye ba'o/ /ye shes mngon par rtogs </font><hr>Nga345a<br><font size=+1>


@#/ /par bya ba'i phyir/ bden pa la 'jug pa ni rig pa skye ba'o/ /las dang nyon mongs pa la zad cing mi skye bar shes pa ni rig pa skye ba'o/ /shes rab dang ye shes kyis rnam par 'byed pa'i lha'i mig ni rig pa skye ba'o/ /sngon gyi mtha' nas rnam par sbyangs pa'i sngon gyi gnas rjes su dran pa ni rig pa skye ba'o/ /mngon par shes pa yongs su sbyangs pas sems can la lta ba'i zag pa zad pa'i ye shes ni rig pa skye ba'o/ /kye rgyal ba'i sras/ bcu po de dag ni/ byang chub sems dpa' rnams kyi rig pa skye ba ste/ de dag la gnas shing byang chub sems dpa' rnams sangs rgyas thams cad kyi chos kyi rig pa snang ba bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi chos yongs su tshol ba ste/ bcu gang zhe na/ 'di ltar g.yo dang sgyu med pas bsam pa thag par chos yongs su tshol ba dang / brtson 'grus lhod pa med par sran 'dzugs pas/ brtson 'grus kyis chos yongs su tshol ba dang / lus dang srog la mi lta bar chos yongs su tshol ba dang / rnyed pa dang / stobs dang / bkur sti dang / grags pa'i phyir ma yin gyi/ 'gro ba thams cad kyi nyon mongs pa spang pa'i phyir chos yongs su tshol ba dang / bdag 'ba' zhig la phan pa'i phyir ma yin gyi/ bdag </font><hr>Nga345b<br><font size=+1>


dang gzhan dang 'gro ba thams cad la phan pa'i phyir chos yongs su tshol ba dang / chos kyi mdangs kyis bar chod bya ba'i phyir ma yin gyi/ shes rab la 'jug pa'i phyir chos yongs su tshol ba dang / go blo la dga' ba'i phyir ma yin gyi/ rab tu rten par bya ba'i phyir chos yongs su tshol ba dang / byang chub kyi sems ma btang bas/ sems can la snying rje ba'i phyir chos yongs su tshol ba dang / yid gnyis dang bral ba'i phyir sems can thams cad kyi the tshom gcad pa'i chos yongs su tshol ba dang / rlom sems med cing 'dod pa med pa'i phyir sangs rgyas kyi chos yongs su rdzogs par bya ba'i chos yongs su tshol ba'o/ /kye rgyal ba'i sras/ bcu po de dag ni/ byang chub sems dpa' rnams kyi chos yongs su tshol ba ste/ chos yongs su tshol ba de dag gis byang chub sems dpa' rnams sangs rgyas kyi chos thams cad la gzhan gyi dring mi 'jog pa'i ye shes bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi chos rab tu brjod pa ste/ bcu gang zhe na/ 'di ltar byis pa so so'i skye bo rnams la kun rdzob la 'jug pa'i dge pa'i rtsa ba bskyed pa dang / dad pa'i rjes su 'brang ba rnams la dad pa mi phyed pa dang / chags pa'i gnas las bzla zhing chos kyi rang bzhin khong du chud par bya ba dang / chos kyi </font><hr>Nga346a<br><font size=+1>


@#/ /rjes su 'brang ba rnams la chos la gnas pa dang / chos kyi rjes su brtson pa dang / chos dang gnyer ba'i chos la nan tan du byed pa dang / brgyad pa rnams la log pa brgyad las bzla zhing yang dag pa brgyad la 'jug pa dang / rgyun du zhugs pa rnams la kun tu sbyor ba yongs su spang ba dang / 'khor ba'i rgyun gcad pa dang / don dam pa'i bden pa mthong ba dang / lan gcig phyir 'ong ba rnams la ro myong ba'i kha na ma tho ba yongs su brtag pa dang / gang du yang ma 'ongs la mi 'gro ba'i chos rab tu brjod pa dang / phyir mi 'ong ba rnams la khams gsum du mngon par dga' ba med pas skad cig 'ga' tsam du yang skye bar mi smon pa'i phyir/ zag pa zad pa rab tu brjod pa dang / dgra bcom pa rnams la mngon par shes pa drug gis rnam par 'phrul ba dang / rnam par thar pa brgyad kyis rnam par rtse ba dang / mthar gyis spyod cing snyoms par 'jug pa dgu'i ting nge 'dzin la snyoms par 'jug pa dang / tha dad pa yang dag par shes pa bzhi rab tu brjod pa dang / rang sangs rgyas rnams la rten cing 'brel bar 'byung ba la 'jug pa'i ro gcig pa dang / gcig tu dga' ba dang / dben pa la dga' ba dang / smra ba nyung ba dang / bya ba nyung ba dang / rang 'byung gis yongs su gnan pa dang / ma thos par rang gi ye shes </font><hr>Nga346b<br><font size=+1>


kyis mngon par rtogs par bya ba rab tu brjod pa dang / byang chub sems dpa' rnams la blo gros rgya chen po dang / dbang po rno ba dang / rtag tu rgyun mi 'chad par sems can rab tu thar par byed pa'i sems dang / bsod nams kyi tshogs bsags pa dang / stobs bcu dang / mi 'jigs pa dang / sangs rgyas kyi chos thams cad yongs su rdzogs par bya ba rab tu brjod pa'o/ /kye rgyal ba'i sras/ bcu po de dag ni/ byang chub sems dpa' rnams kyi chos rab tu bstan pa ste/ de dag la gnas shing / byang chub sems dpa' rnams de bzhin gshegs pa'i shes rab dang / ye shes chen po rab tu brjod pa bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi chos kyi nan tan te/ bcu gang zhe na/ 'di ltar dge ba'i bshes gnyen la gus par byed pas chos la nan tan byed pa dang / lhas yang dag par bskul zhing chos la nan tan byed pa dang / sangs rgyas bcom ldan 'das rnams la ngo tsha dang khrel gyis 'dzem zhing chos la nan tan byed pa dang / sems can la snying rje ba'i phyir 'khor ba'i rgyun mi gcod pas chos la nan tan byed pa dang / shin tu mthar phyin par legs par byas pas phyir 'khrug pa med par chos la nan tan byed pa dang / byang chub sems dpa' brtson 'grus chen po theg pa chen po la zhugs pa gzhan gyi rjes </font><hr>Nga347a<br><font size=+1>


@#/ /su bslab par bya'o zhes chos la nan tan byed pa dang / tshul bzhin gyi sbyor bas log pa spang ba'i phyir chos la nan tan byed pa dang bdud kyi las dang nyon mongs pa thams cad gzhom pa'i phyir chos la nan tan byed pa dang / sangs rgyas su gyur nas sems can thams cad kyi dbang po mchog dang / 'bring dang / tha ma shes pas chos bstan par bya'o zhes chos la nan tan byed pa dang / sems chos kyi dbyings mtha' dang dbus med pa yangs shing rgya che bas yongs su sbyang ba'i phyir chos la nan tan byed pa'o/ /kye rgyal ba'i sras/ bcu po de dag ni/ byang chub sems dpa' rnams kyi chos kyi nan tan te/ de dag la gnas shing byang chub sems dpa' rnams de bzhin gshegs pa'i nan tan bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi bdud de/ bcu gang zhe na/ 'di ltar mngon par chags pa'i phyir phung po'i bdud dang / glags su 'gyur ba'i phyir nyon mongs pa'i bdud dang / sgrib pa'i phyir las kyi bdud dang / slong ba'i phyir sems kyi bdud dang / skyes pa dang bral bar byed pa tsam gyi bdud dang / g.yo ba dang / rlom pa dang / 'gyur ba dang / bag med par spyod pas lha'i bu'i bdud dang / de la zhen pa'i phyir dge ba'i rtsa ba'i bdud </font><hr>Nga347b<br><font size=+1>


dang| ro myong bar byed pa'i phyir ting nge 'dzin gyi bdud dang / gzugs brnyan gyi phyir dge ba'i bshes gnyen gyi bdud dang / smon lam mngon par mi sgrub pas chos kyi dbyings kyi ye shes khong du chud pa'i bdud do/ /kye rgyal ba'i sras/ bcu po de dag ni/ byang chub sems dpa' rnams kyi bdud de/ de dag yongs su spang ba'i phyir byang chub sems dpas brtson par bya ba dag go / kye rgyal ba'i sras/ bcu po 'di dag ni/ byang chub sems dpa' rnams kyi bdud kyi las te/ bcu gang zhe na/ 'di ltar byang chub kyi sems nyams pa'i dge ba'i rtsa ba brtsam pa thams cad ni bdud kyi las so/ /sems mi mnyam pa'i sbyin pa yongs su gtong ba dang / tshul khrims la 'khrug pa dang ngan sems dang ldan pa yongs su spong ba dang / le lo can yongs su gtong ba dang / sems 'khrugs pa la brnyas pa dang / shes rab 'chal ba can la smod pa ni bdud kyi las so/ /chos la slob dpon gyis bcabs pa dang / chos kyi snod la khyad du gsod pa dang / zang zing la 'brel bar chos ston pa ni bdud kyi las so/ /snod ma yin pa la chos rgya chen po ston pa ni bdud kyi las so/ /pha rol tu phyin pa rnams mi thos pa dang / thos na log par 'jug pa dang / log par zhugs nas le lo byed pa dang / le lo byas nas sems zhum pa byed pa dang / sems zhum par gyur nas byang chub kyi lam yangs pa dang ldan </font><hr>Nga348a<br><font size=+1>


@#/ /pa'i sems dang sems las byung ba'i chos mi 'byung ba ni bdud kyi las so/ /sdig pa'i grogs la bsten pa dang / dge ba'i bshes gnyen yongs su spong ba dang / nyan thos dang / rang sangs rgyas kyi theg pa 'dod pa dang / skye ba'i skye mched la mngon par mi dga' ba dang / mya ngan las 'das pa dang / 'dod chags dang bral ba dang / sems nye bar zhi ba ni bdud kyi las so/ /byang chub sems dpa' la zhe sdang ba'i bsam pa dang / mi snyan par brjod pa dang / 'thob pa'i bgegs byed pa dang / 'khrul pa'i skyon tshol ba dang / mi bde ba'i mig gis lta ba ni bdud kyi las so/ /dam pa'i chos la spong ba dang / ma thos pa'i mdo sde thos na smod pa dang / chos smra ba gzhan gyis bshad pa nyan par mi dga' zhing brnyas te khyad du gsod pa dang / bdag bstod pa dang gzhan smod pa ni bdud kyi las so/ /'jig rten rgyang phan pa tshol zhing yi ge sna tshogs dang 'bru sna tshogs su rang bzor byas pa'i rang bzo la dga' ba dang / nyan thos dang / rang sangs rgyas kyi gtam rjes su dran pa dang / zab mo'i gtam 'chab cing sbed pa dang / gtam sna tshogs rnam par brjod pa dang / snod ma yin pa la zab mo'i chos ston pa dang / byang chub kyi lam mi tshol ba dang / lam ngan pa'i rgyud la gnas pa ni bdud kyi las so/ /grol ba dang / rgal ba dang / dbugs </font><hr>Nga348b<br><font size=+1>


phyin pa la ni bsten cing bsnyen pa dang / bkur ba dang / rim gro byed kyi/ ma grol ba dang / ma brgal ba dang / dbugs ma phyin pa la mi sten/ mi snyen/ bkur ba mi byed/ rim gro mi byed/ yongs su smin par mi byed pa dang / mngon pa'i nga rgyal du lhung ste/ su la yang mi 'dud cing nga rgyal yongs su 'phel bar byed pa dang / sems can la khong khro ba dang / chos kyi ye shes mi tshol ba dang / ye shes kyi gter mi srung ba dang / sems rtag tu brlang ba dang / mgu dka' zhing gsol ba gdab par dka' ba ni bdud kyi las so/ /kye rgyal ba'i sras/ bcu po de dag ni/ byang chub sems dpa' rnams kyi bdud kyi las te/ de dag yongs su spangs shing byang chub sems dpa' rnams sangs rgyas kyi chos tshol bar 'gyur ba dag go / kye rgyal ba'i sras/ bcu po 'di dag ni/ byang chub sems dpa' rnams kyi bdud kyi las bzlog pa ste/ bcu gang zhe na/ 'di ltar dge ba'i bshes gnyen bsnyen bkur ba'i phyir nga rgyal thams cad yongs su spang ba ni bdud kyi las bzlog pa'o/ /bdag la mi bstod mi bsngags pa ni bdud kyi las bzlog pa'o/ /sangs rgyas kyi chos zab mo la mos shing mi spong ba ni bdud kyi las bzlog pa'o/ /thams cad mkhyen pa'i sems yongs su nyams par mi byed pa ni bdud kyi las bzlog pa'o/ /chos zab mo'i tshul la brtson zhing bag </font><hr>Nga349a<br><font size=+1>


@#/ /yod par gnas pa ni bdud kyi las bzlog pa'o/ /byang chub sems dpa'i sde snod la gnas shing chos thams cad yongs su tshol ba ni bdud kyi las bzlog pa'o| |yang dang yang mnyan cing yang dag pa'i gtam gyis yongs su mi skyo ba ni bdud kyi las bzlog pa'o/ /'jig rten gyi khams thams cad na bzhugs pa'i de bzhin gshegs pa thams cad la skyabs dang dpung gnyen tshol ba'i 'du shes ni bdud kyi las bzlog pa'o/ /sgrub pa la sangs rgyas thams cad kyi byin gyi rlabs rjes su dran zhing mos pas yang dag par len pa ni bdud kyi las bzlog pa'o/ /byang chub sems dpa'i grogs thams cad kyi dge ba'i rtsa ba dang mi gnyis par mngon par bsgrub pa ni bdud kyi las bzlog pa'o// kye rgyal ba'i sras/ bcu po de dag ni/ byang chub sems dpa' rnams kyi bdud kyi las bzlog pa ste/ de dag gis byang chub sems dpa' rnams bdud kyi lam thams cad las 'da' bar 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sangs rgyas mthong bar bya ste/ bcu gang zhe na/ 'di ltar mngon par rdzogs par byang chub pa'i sangs rgyas 'jig rten na bzhugs pa mngon par chags pa med par mthong bar bya ba dang / smon lam gyi sangs rgyas mngon par sgrub pa dang / las </font><hr>Nga349b<br><font size=+1>


rnam par smin pa'i sangs rgyas la yid ches par bya ba dang / byin gyi rlabs kyi sangs rgyas kyi rjes su 'brang bar bya ba dang / mya ngan las 'das pa'i sangs rgyas khong du chud par bya ba dang / chos kyi dbyings kyi sangs rgyas la thams cad du gzhol bar bya ba dang / sems kyi sangs rgyas gnas par bya ba dang / ting nge 'dzin gyi sangs rgyas la tshad du gnas par mi bya ba dang / rang bzhin 'od gsal ba'i sangs rgyas rab tu rtogs par bya ba dang / bsam pa ji lta ba bzhin gyi sangs rgyas rgya chen pos blang bar bya ba'o/ /kye rgyal ba'i sras/ bcu po de dag ni/ byang chub sems dpa' rnams kyi sangs rgyas mthong bar bya ba ste/ de dag la gnas shing / byang chub sems dpa' rnams de bzhin gshegs pa mthong ba bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi sangs rgyas kyi 'phrin las te/ bcu gang zhe na/ 'di ltar yang dag pa'i nan tan la mos par bya ba'i phyir/ dus su bskul ba ni sangs rgyas kyi 'phrin las so/ /sngon gyi dge ba'i rtsa ba yang dag par bskul ba'i phyir/ rmi lam du sangs rgyas ston pa ni sangs rgyas kyi 'phrin las so/ /the tshom med pa'i ye shes kyi phyir ma thos pa'i mdo sde ston pa ni sangs rgyas kyis phrin las so/ /the tshom med pa'i sems kyi phyir 'gyod pa'i kun nas 'khor bas yongs </font><hr>Nga350a<br><font size=+1>


@#/ /su non pa la 'byung ba'i las nye bar sgrub pa ni sangs rgyas kyi 'phrin las so/ /'jungs pa'i sems dang / shes rab 'chal ba'i bar gyi sems dang / nyan thos dang / rang sangs rgyas kyi sems dang / the tshom dang / nem nur gyi sems dang / de la zhen pa'i sems dang / nga rgyal gyi sems shig byung na/ sngon dge ba'i rtsa ba mngon par bsgrubs pa'i phyir/ mtshan gyis brgyan pa'i de bzhin gshegs pa'i sku mdun du gnas te/ bzlog pa ni sangs rgyas kyi 'phrin las so/ /chos mnyan pa'i mu ge byung ba'i tshe| chos mnyan pa gang thos pas gzungs kyi ye shes thob par 'gyur ba de lta bu'i chos mnyan pa thos par byed cing / mngon par shes pa'i ye shes nye bar bstan te/ mos pa shin tu rnam par dag pa'i phyir sems can gyi don tshad med pa la brtson par sbyar ba 'di ni sangs rgyas kyi 'phrin las drug pa'o/ /bdud kyi las shig byung bar gyur na nam mkha'i dbyings las sgra bsgrags pa'i tshul lam/ 'on tam yan lag nas brgyud pa'i tshul lam/ thabs sna tshogs kyis bdud kyi las de dag shes par byed pa dang / khong du chud par byed pa dang / bsal bar 'dod par byed cing / de thos nas lhag pa'i bsam pa che ba nyid kyis zil gyis mnan te spyod par 'gyur ba 'di ni/ sangs </font><hr>Nga350b<br><font size=+1>


rgyas kyi 'phrin las bdun pa'o/ /sngon smon lam shin tu bsgrubs pas mtshams med pa'i sems las yongs su bsrung ba dang / nyan thos dang / rang sangs rgyas kyi skyon med par 'jug pa las bsrung ba dang / dbang po ma smin pa rnam par grol bar dmigs pa las bzlog pa 'di ni sangs rgyas kyi 'phrin las so/ /'khor ba rgyud du 'brel bar byed pa'i zag pa rnams yongs su gcod pa dang / gcod pa yongs su 'brel bar byed pa'i kun tu sbyor ba rnams yang dag par sgrub pa dang / sems can rnams la snying rje chen po mngon par sgrub pa dang / spyod pa yongs su bsgrub par mos kyang sbyor ba mya ngan las 'das pa 'di ni sangs rgyas kyi 'phrin las dgu pa ste/ spyod pa rgyun mi 'chad pa'i rgyur 'gyur ba'o/ /kye rgyal ba'i sras/ khyod tshur shog /bdag dang sems can kun kyang yongs su mya ngan las 'das par shes par gyis la/ sems can ma brgal bas ma 'jigs par bsod nams dang / ye shes kyi tshogs btsal bas mi ngoms pa la sems zhog cig/ mngon par 'du byed pa'i rang bzhin gyi mtshan nyid kyang ma btang zhig/ sangs rgyas kyi gzugs kyi sku yang ma dor cig/ 'dod chags dang bral ba yang thob par gyis shig/ chos thams cad la chags pa med pa'i thams cad mkhyen pa'i ye shes kyang btsal bar gyis shig/ </font><hr>Nga351a<br><font size=+1>


@#/ /chos thams cad la gzhan gyi dring 'jog pa med par sangs rgyas kyi zhing yang yongs su sbyang bar gyis shig/ zhing gi mtshan nyid nam mkha' lta bur yang shes par gyis shig/ sems can yongs su smin par bya bas kyang ma skyo zhig/ bdag med pa'i mtshan nyid kyang ma spongs shig/ mngon par shes pa'i ye shes la yang rnam par 'phrul bar gyis shig /chos kyi dbyings las kyang ma g.yo zhig/ byang chub kyi sems bskyed pa yang ma btang zhig/ thams cad mkhyen pa'i ye shes la yang 'byung bar gyis shig/ chos kyi 'khor lo bskor bas kyang sems can thams cad tshim par gyis shig/ chos nyid brjod du med pa las kyang 'da' bar ma byed cig/ de bzhin gshegs pa'i rnam par 'phrul ba dang / byin gyi rlabs kyang yongs su ston cig/ byang chub sems dpa'i lus kyang ma dor cig/ yongs su mya ngan las 'das pa chen po yang yongs su ston cig/ skye ba'i skye mched thams cad du yang snang bar gyis shig ces/ kye rgyal ba'i sras/ rnam pa de lta bu'i chos zung dang / snrel zhir bsgrub pa mngon par bsgrub pa rnams nye bar bsgrub pa 'di ni/ sangs rgyas kyi 'phrin las yang dag phul gyi chos bcu pa'o/ /kye rgyal ba'i sras/ bcu po de dag ni/ byang chub sems </font><hr>Nga351b<br><font size=+1>


dpa' rnams kyi sangs rgyas kyi 'phrin las te/ de dag la gnas shing / byang chub sems dpa' rnams rang 'byung gi 'phrin las gzhan gyi dring mi 'jog pa bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi nga rgyal gyi las te/ bcu gang zhe na/ 'di ltar bla ma dang / sbyin pa'i gnas dang / pha dang / ma dang / dge sbyong dang / bram ze dang / yang dag par song ba dang / yang dag par zhugs pa la rim gro med pa ni nga rgyal gyi las so/ /chos smra ba dang / khyad par gyi chos khong du chud pa dang / chos rgya chen po ston pa dang / theg pa chen po la yang dag par gnas pa dang / 'byung ba'i lam gyi tshul shes pa dang / gzungs dang / mdo sde la shin tu byang ba rnams la mi 'dud de khengs shing 'gying la/ chos dang chos smra ba la gus pa mi skyed pa dang / gus par mi nyan pa dang / zhe sa mi byed pa ni nga rgyal gyi las so/ /chos mnyan pa dang / yang dag pa'i gtam bya bar 'jug pa las chos kyi shugs chen po skyes kyang chos smra ba la legs so zhes bya ba mi ster cing / la la zhig 'di la dad par 'gyur du 'ong ngo snyam pa ni nga rgyal gyi las so/ /lhag pa'i nga rgyal bskyed de/ bdag gi gzengs bstod cing gzhan gyi nyams smod pa dang / rang gi drod mi 'dzin cing sems nges par rtogs pa mi skyed pa ni nga rgyal </font><hr>Nga352a<br><font size=+1>


@#/ /gyi las so/ /mtho ba'i nga rgyal bskyed de/ shes bzhin khong du chud bzhin du bsngags par 'os pa'i gang zag rnams kyi legs pa 'chab pa dang / mi snyan par brjod cing gzhan gyi yon tan bsngags pas dga' bar mi 'gyur ba 'di ni nga rgyal gyi las so/ /'di ni chos so/ /'di ni 'dul ba'o/ /'di ni yang dag par sangs rgyas kyi bka' yin no zhes bya bar yang shes la/ gang zag la zhe sdang zhing chos la zhe sdang ba dang / chos spong ba dang gzhan yang dpa' bas ldog par byed pa ni nga rgyal gyi las so/ / stan mthon po 'dod cing gces par bya ba'i chos tshol ba dang / gzhan gyis rim gro bya bar sdod cing mngon par dga' ba dang / gnas brtan rgan pa tshangs pa'i spyod pa yun ring du spyod spyod pa rnams la mi ldang zhing mi bsu ba dang / bsnyen bkur mi byed pa ni nga rgyal gyi las so/ /bzhin khro gnyer can du byas shing mi 'dzum pa dang / tshig 'jam zhing mnyen pa med la rtag tu khengs pa'i sems kyis klan ka tshol zhing glags lta ba ni nga rgyal gyi las so/ /lhag pa'i nga rgyal du lhung zhing mkhas pa'i drung du mi 'gro/ mi sten mi snyen/ rim gro mi byed cing / dge ba ni gang / mi dge ba ni gang / bya ba ni ci/ mi bya ba ni ci/ ci zhig byas na yun ring por don dang / bde ba dang / phan par 'gyur zhes </font><hr>Nga352b<br><font size=+1>


mi 'dri/ mi dpyod de/ de rmongs pa las kyang ches rmongs par gyur nas/ gti mug gis slong zhing nga rgyal gyis brgyal te/ 'byung ba mi mthong ba ni nga rgyal gyi las so/ /de mngon pa'i nga rgyal gyis zil gyis non pas sangs rgyas skye ba mnyes par mi byed pa dang / sngon gyi dge ba'i rtsa ba zad par byed cing / gsar du mi sgrub la/ mi bshad pa 'chad pa dang / 'thab mo byed cing rtsod pa mang bar gyur te/ de de lta bu'i chos la mang du spyod pas 'dod rgyal chen por lhung ba'i gnas su gyur kyang / byang chub sems dpa'i stobs dang shugs kyis de da dung dbang phyug thob par 'gyur yang / bskal pa brgya stong du mar yang sangs rgyas skye ba mthong bar yang mi 'gyur na/ chos mnyan pa lta smos kyang ci dgos te/ 'di ni nga rgyal gyi las bcu pa'o// //bam po brgyad cu rtsa bzhi pa/ kye rgyal ba'i sras/ bcu po de dag ni/ byang chub sems dpa' rnams kyi nga rgyal gyi las te/ de dag yongs su spangs shing / byang chub sems dpa' rnams ye shes kyi las bcu 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi ye shes kyi las te/ bcu gang zhe na/ 'di ltar las kyi rnam par smin pa la yid ches pas/ rgyu dang 'bras bu chud mi za ba ni ye shes kyi las so/ /byang chub sems mi gtong bas/ rtag tu rgyun mi 'chad par </font><hr>Nga353a<br><font size=+1>


@#/ /sangs rgyas yid la byed pa ni ye shes kyi las so/ /dge ba'i bshes gnyen la bsnyen cing bsten pa dang / rim gro byed cing de la ldang ba dang / bsnyen bkur ba dang / bla mar bya ba dang / nyan par dga' ba ni ye shes kyi las so/ /chos la don du gnyer cing chos 'dod pa dang / chos tshol ba dang / thos pa btsal bas mi ngoms pa dang / tshul bzhin yid la bya bas sbyor ba dang / tshul bzhin ma yin pa'i yid la byed pa yongs su spong ba ni ye shes kyi las so/ /sems can rnams la nga rgyal med pa dang / byang chub sems dpa' rnams la ston pa tsam du gces par sems pa dang / chos rnams la bdag tsam du gces par sems pa dang / de bzhin gshegs pa rnams la srog tsam du gces par sems pa dang / nan tan nyams su blang ba la sangs rgyas tsam du gces par sems pa ni ye shes kyi las so/ /lus dang / ngag dang / yid kyi las kha na ma tho ba med pa dang / 'tsho ba'i dbang po smad du mi rung ba dang / 'tsho ba mkhas pas bsngags pa dang / byang chub kyi las kyi rjes su rtsom pa'i rtsol ba ni ye shes kyi las so/ /rten cing 'brel par 'byung ba dang / mi 'gal pa dang / lta ba'i thibs po dang bral ba dang / gti mug gi mun pa dang / rab rib sel pa dang / ma rig pa'i mun nag med par byed pa dang / chos thams cad </font><hr>Nga353b<br><font size=+1>


la shes rab kyi snang ba rab tu thob par byed pa ni ye shes kyi las so/ /yongs su bsngo ba bcu'i rjes su 'brang ba dang / pha rol tu phyin pa rnams la mar 'du shes pa dang / thabs mkhas pa la phar 'du shes pa dang / bsam pa byang chub kyi rnam pa la zhugs pa ni ye shes kyi las so/ /sbyin pa dang / tshul khrims dang / thos pa dang / lhag mthong dang / zhi gnas yongs su tshol ba dang / bsod nams dang ye shes kyi tshogs yongs su tshol bas mi skyo ba ni ye shes kyi las so/ /las gang sangs rgyas kyis bsngags pa/ bdud kyi dkrugs ma dang / nyon mongs pa thams cad dang bral ba bsgribs pa dang / gcod pa dang / kun nas 'khor ba thams cad yongs su chad pa/ sems can thams cad yongs su smin par bya ba dang / rnam par gdul pa'i ye shes dang mthun pa dam pa'i chos yongs su gzung ba la brtson pa/ sangs rgyas kyi zhing yongs su dag par byed pa'i mngon par shes pa dang / rig pa'i ye shes mngon sum du gyur cing / de lta bu'i las byed pa 'di ni ye shes kyi las yang dag phul gyi chos dang ldan pa bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi ye shes kyi las te/ de dag la gnas shing / byang chub sems dpa' rnams de bzhin gshegs pa'i ye shes chen po sngon du 'gro bas/ mngon par bsgrub </font><hr>Nga354a<br><font size=+1>


@#/ /pa la mkhas pa bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi bdud kyi byin gyi rlabs te| bcu gang zhe na/ 'di ltar sems zhum par gyur pa ni bdud kyi byin gyi rlabs so/ /bsam pa 'khrugs pa ni bdud kyi byin gyi rlabs so| /rgya chung dus mgu ba ni bdud kyi byin gyi rlabs so/ /gcig las mi bzod pa ni bdud kyi byin gyi rlabs so/ /smon lam la lhag par mi dmigs pa ni bdud kyi byin gyi rlabs so/ /nyon mongs pa rnam par bzlog pa dang / zhi ba 'dod pa ni bdud kyi byin gyi rlabs so/ /'khor ba'i rgyun mi gcod pa ni bdud kyi byin gyi rlabs so/ /spyod pa las phyir mi ldog pa ni bdud kyi byin gyi rlabs so/ /sems can yongs su smin par mi byed pa ni bdud kyi byin gyi rlabs so/ /chos la the tshom za zhing dam pa'i chos spong ba ni bdud kyi byin gyi rlabs so/ /kye rgyal ba'i sras/ bcu po de dag ni bdud kyi byin gyi rlabs te/ de dag yongs su spangs shing / byang chub sems dpa' rnams sangs rgyas kyi byin gyi rlabs bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi sangs rgyas kyi byin gyi rlabs te/ bcu gang zhe na/ 'di ltar thog mar byang chub tu sems skye ba ni sangs </font><hr>Nga354b<br><font size=+1>


rgyas kyi byin gyi rlabs so/ /tshe rabs su byang chub kyi sems mi tshor ba ni sangs rgyas kyi byin gyi rlabs so/ /bdud kyi las khong du chud cing de rnam par zlog pa ni sangs rgyas kyi byin gyi rlabs so/ /pha rol tu phyin pa grag cing thos par 'gyur ba dang / thos nas kyang nan tan byed pa ni sangs rgyas kyi byin gyi rlabs so/ /'khor ba'i sdug bsngal rab tu shes shing yongs su skyo bar mi byed pa ni sangs rgyas kyi byin gyis rlabs so/ /chos zab mo rtogs par bya bas 'bras bu thob par byed pa ni sangs rgyas kyi byin gyi rlabs so/ /sems can rnams la nyan thos dang / rang sangs rgyas kyi rnam par grol bas chos ston kyang / de'i rnam par grol ba la mos pa med pa ni sangs rgyas kyi byin gyi rlabs so/ /'dus byas kyi rang bzhin la rtog cing 'dus ma byas la mi gnas la/ 'dus byas dang / 'dus ma byas la mi gnyis par 'du shes pa ni sangs rgyas kyi byin gyi rlabs so/ /nying gi mtshams sbyor ba la gnas kyang / nying gi mtshams sbyor ba sel ba ni sangs rgyas kyi byin gyi rlabs so/ /thams cad mkhyen pa'i ye shes khong du chud kyang byang chub sems dpa'i spyod pa bsgrub pa'i rigs kyi rgyun mi gcod pa ni sangs rgyas kyi byin gyi rlabs so/ /kye rgyal ba'i sras/ bcu po de dag ni/ sangs rgyas kyi byin gyi rlabs te/ de dag la gnas shing / byang chub sems dpa' rnams de bzhin gshegs </font><hr>Nga355a<br><font size=+1>


@#/ /pa'i stobs bcu'i byin gyi rlabs bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi chos kyi byin gyi rlabs te/ bcu gang zhe na/ 'di ltar 'dus byas thams cad mi rtag go zhes bya ba ni chos kyi byin gyi rlabs so/ /'dus byas thams cad sdug bsngal lo zhes bya ba ni chos kyi byin gyi rlabs so/ /'du byed thams cad bdag med do zhes bya ba ni chos kyi byin gyi rlabs so/ /mya ngan las 'das pa zhi ba'o zhes bya ba ni chos kyi byin gyi rlabs so/ /chos rnams ni rten cing 'brel bar 'byung ste/ rkyen rnams med par mi 'byung ba ni chos kyi byin gyi rlabs so/ /tshul bzhin ma yin pa kun nas byung bas ma rig pa kun nas 'byung ngo / /ma rig pa kun nas byung bas rga shi'i bar du kun nas 'byung ngo / /tshul bzhin ma yin pa 'gags pas/ ma rig pa 'gag go/ ma rig pa 'gags pas/ rga shi'i bar du 'gag par 'gyur ba ni chos kyi byin gyi rlabs so/ /nyan thos kyi theg pa rnam par thar pa'i sgo gsum gyis byung ba dang / rang sangs rgyas kyi theg pa nyon mongs pa med pa'i chos khong du chud pas byung ba ni chos kyi byin gyi rlabs so/ /theg pa chen po pha rol tu phyin pa drug dang / bsdu ba'i dngos po bzhis byung ba'i ni chos kyi byin gyi rlabs so/ /sangs rgyas kyi yul zhing </font><hr>Nga355b<br><font size=+1>


thams cad dang / chos thams cad dang / sems can thams cad dang / dus thams cad rab tu mkhyen pa'i ye shes mnga' ba ni chos kyi byin gyi rlabs so/ /mya ngan las 'das pa yid la bya ba thams cad yongs su chad pa dang / 'dzin pa thams cad rnam par spangs pa dang / sngon gyi mtha' dang phyi ma'i mtha'i rang bzhin gyi rjes su song bar shes pa ni chos kyi byin gyi rlabs so| |kye rgyal ba'i sras/ bcu po de dag ni/ byang chub sems dpa' rnams kyi chos kyi byin gyi rlabs te/ de dag la gnas shing / byang chub sems dpa' rnams sangs rgyas thams cad kyi byin gyi rlabs bla na med pa 'thob par 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi dga' ldan na gnas pa'i las te / bcu gang zhe na/ 'di ltar 'dod pa'i khams kyi lha'i bu rnams la 'dod pa'i dben pa bstan pa dang / dbang phyug mi rtag pa bstan pa dang / phun sum tshogs pa thams cad rgud par 'gyur ba bstan pa dang / de dag byang chub kyi sems la yang dag par dgod pa 'di ni dga' ldan na gnas pa'i las dang po'o/ /gzugs kyi khams kyi lha'i bu rnams la bsam gtan dang / rnam par thar pa dang / ting nge 'dzin dang / snyoms par 'jug pa la snyoms par 'jug pa dang / rnam par ldang ba ston cing / bsam gtan dang / bsam gtan gyi yan </font><hr>Nga356a<br><font size=+1>


@#/ /lag de dag la mngon par zhen pa dang / sred pas byung ba'i 'jig tshogs su lta ba dang / gti mug gi shas che ba'i nyon mongs pa rnams yang dag pa ji lta ba bzhin du bstan pa dang / gzugs dang / gzugs med pa'i phyin ci log la zhugs pa thams cad la sdug par yid la byed pa thams cad mi sdug cing mi rtag par yongs su bstan te/ byang chub kyi sems la dgod pa 'di ni dga' ldan na gnas pa'i las gnyis pa'o/ /kye rgyal ba'i sras/ dga' ldan gyi gnas rab na gnas pa'i byang chub sems dpa' rnams ni rgyan bzang po'i ting nge 'dzin la gnas te/ lus las 'od bkye zhing / stong gsum gyi stong chen po'i 'jig rten gyi khams snang ba chen pos rgyas par bkang nas| sems can rnams la dad pa ji bzhin du chos sna tshogs kyi sgra skad rab tu brjod de/ chos kyi sgra skad de dag thos nas/ sems dang bar gyur te/ dga' ldan gyi lha dang brtul zhugs mthun par skye bar 'gyur zhing de ltar skyes nas kyang / byang chub kyi sems la dgod pa 'di ni dga' ldan na gnas pa'i las gsum pa'o/ /kye rgyal ba'i sras| dga' ldan gyi gnas rab na gnas pa'i byang chub sems dpa' ni byang chub sems dpa'i mig bsgribs pa med pas phyogs bcu'i dga' ldan gyi gnas rab na </font><hr>Nga356b<br><font size=+1>


gnas pa'i byang chub sems dpa' rnams la lta ste/ byang chub sems dpa' de dag gis kyang byang chub sems dpa' de mthong ngo / /mthong nas kyang chos yang dag par bgro \ 'GRO?\ ba chen po dang / yang dag pa'i chos kyi gtam chen po byed do/ /yum gyi skur gshegs pa dang / skye ba dang / 'byung ba dang / snying po byang chub kyi rgyun rnam par dgod pa yang yang dag par bgro'o \ 'GRO'O?\/ /sngon gyi spyod pa gang gis ye shes kyi che ba nyid de thob par gyur ba'i sngon gyi spyod pa de dag kyang rab tu brjod de/ gnas nas mi g.yo yang bya ba 'di lta bu dag ston pa 'di ni dga' ldan na gnas pa'i las bzhi pa'o/ /kye rgyal ba'i sras/ dga' ldan gyi gnas rab na gnas pa'i byang chub sems dpa'i drung du byang chub sems dpa' de la blta ba dang / phyag bya ba dang / bsnyen bkur ba'i phyir phyogs bcu nas dga' ldan gyi gnas rab na 'khod pa'i byang chub sems dpa' rnams 'ongs te/ byang chub sems dpa' de dag gi sems dang / bsam pa yongs su tshim par bya ba dang / smon pa yongs su rdzogs par bya ba'i phyir chos yang dag par bgro ba'i sgo chen po yang dag par ston te/ so so'i sa la gnas pa'i byang chub sems dpa' rnams kyis gang bya ba dang / gang spang ba dang / gang bsgom pa dang / gang mngon du bya ba de dag kyang yang dag par ston to/ /yang dag par bgro </font><hr>Nga357a<br><font size=+1>


@#/ /ba'i chos de dag thos nas kyang rab tu dga' zhing mgu ba dang / rangs pas legs par brjod cing / rang rang gi zhing dang / rang rang gi gnas su 'dod par 'gyur pa 'di ni dga' ldan na gnas pa'i las lnga pa'o/ /kye rgyal ba'i sras/ dga' ldan gyi gnas rab na gnas pa'i gan du nam bdud sdig can 'dod pa'i khams kyi dbang po 'khor mang pos yongs su bskor zhing glags btsal ba'i phyir 'ongs par gyur na yang de'i tshe/ byang chub sems dpa' bdud thams cad tshar gcod pa zhes bya ba'i rdo rje'i tshig la gnas shing / shes rab kyi pha rol tu phyin pa dang / thabs mkhas pas yang dag par bzung ba'i ye shes kyi sgos mnyam zhing mnyen pa'i mtha' gnyis bzung nas/ ci nas kyang bdud sdig can gyis glags rnyed par mi 'gyur ba de lta de ltar byin gyis rlob bo/ /de lta de ltar chos kyang ston te/ bdud kyi 'khor chen po des byang chub sems dpa'i rnam par 'phrul pa de lta bu mthong nas/ bla na med pa yang dag par rdzogs pa'i byang chub tu sems bskyed par 'gyur ba 'di ni dga' ldan na gnas pa'i las drug pa'o/ /kye rgyal ba'i sras/ byang chub sems dpa' dga' ldan gyi gnas rab na gnas pa ni gang gi tshe/ 'di ltar 'dod pa'i khams kyi lha'i bu 'di rnams chos mnyan pa dang / yang dag </font><hr>Nga357b<br><font size=+1>


par bgro \ 'GRO?\ bas skyo bar gyur to/ /zhes bya bar shes par gyur pa de'i tshe/ 'dod pa'i khams kyi gnas thams cad du sgra sgrog cing dbyangs 'byin te/ grogs po dag/ de ring byang chub sems dpa' btsun mo'i 'khor chen po ston pa mdzad kyi/ blta bar su 'dod pa de dag myur du shog cig ces nas/ der lha'i bu bye ba khrag khrig brgya stong kun nas 'du par 'gyur te/ de dag dang byang chub sems dpa' rnams kun nas 'dus par gyur nas kyang / lha'i bu de dag gis sngon chad ma mthong / ma thos pa'i btsun mo'i 'khor de lta bu bstan nas/ de dag nam dga' bas mos par gyur pa de'i tshe/ de dag gis rol mo brdung ba dang / dkrol ba de dag las/ kye grogs po rnams/ 'du byed thams cad ni mi rtag go/ 'du byed thams cad ni sdug bsngal ba'o/ /chos thams cad ni bdag med pa'o/ /mya ngan las 'das pa ni zhi ba'o zhes sgra 'byung ba dang / byang chub sems dpa'i spyod pas ni thams cad mkhyen pa'i ye shes yongs su rdzogs par 'gyur ro zhes bya ba'i sgra 'byung ba thos par 'gyur te/ de dag gis chos kyi sgra de thos pa dang skyo ba skye bar gyur te/ byang chub kyi sems la yang dag par gzhol bar 'gyur ba 'di ni dga' ldan na gnas pa'i las bdun pa'o/ /kye rgyal ba'i sras/ byang chub sems dpa' dga' ldan gyi gnas rab na 'dug pa ni/ dga' ldan </font><hr>Nga358a<br><font size=+1>


@#/ /gyi gnas nas kyang lus mi snang bar ma gyur la/ phyogs bcur yang de bzhin gshegs pa rnams la blta ba dang / phyag bya ba dang / bsnyen bkur ba dang / chos mnyan pa'i phyir 'gro ste/ de la sangs rgyas bcom ldan 'das de dag gis byang chub sems dpa'i sa mngon par dbang bskur ba thob pa'i mchog tu phyin pas/ thams cad mngon par shes pa zhes bya ba yang dag par bstan par 'gyur ba dang / thams cad mkhyen pa'i ye shes yan lag dang / nye ba'i yan lag thams cad dang ldan zhing / rnam pa'i mchog thams cad dang ldan pa la 'jug pa sems kyi skad cig gcig gis sbyor ba yang dag par bstan par 'gyur ba 'di ni dga' ldan na gnas pa'i las brgyad pa'o/ /kye rgyal ba'i sras/ byang chub sems dpa' dga' ldan gyi gnas rab na gnas pa'i mthus/ khyad par 'dod pa zhes bya ba'i de bzhin gshegs pa'i mchod pa dang / rim gro rnam pa tshad med pas rnam par dag pa mtha' yas pa'i rnam pa yongs su ston pa/ chos kyi dbyings kyis klas pa/ nam mkha'i mthas gtugs pa/ 'jig rten gyi khams 'byams klas pa'i de bzhin gshegs pa'i mchod pa'i las kyi don du 'byung ste/ 'khod pa de mthong nas sems can grangs med tshad med pa rnams bla na med pa yang dag par rdzogs </font><hr>Nga358b<br><font size=+1>


pa'i byang chub tu sems bskyed de/ 'di ni dga' ldan na gnas pa'i las dgu pa'o/ /kye rgyal ba'i sras/ /byang chub sems dpa' dga' ldan gyi gnas rab na gnas pa mtha' dang dbus med pa'i chos sgyu ma la zhugs pa ni/ mig yor lta bus shin tu bsgrubs pa'i ye shes kyi 'jig rten gyi khams 'byams klas pa thams cad du gzugs sna tshogs dang / kha dog sna tshogs dang / dbyibs sna tshogs dang / spyod lam sna tshogs dang / bya ba sna tshogs dang / sbyor ba sna tshogs dang / bstan pa mngon par bsgrub pa sna tshogs dang / dgod pa rnam pa sna tshogs kyis/ sems can rnams mos pa ji lta ba bzhin du sems dang / bsam pa mgu bar bya ba'i phyir/ chos ston cing gzugs yongs su ston te/ 'di ni dga' ldan na gnas pa'i las bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi dga' ldan na gnas pa'i las te/ de dag byas nas byang chub sems dpa' rnams phyis mi'i 'jig rten du 'ong bar 'gyur ba dag go/ kye rgyal ba'i sras/ bcu po 'di dag ni/ byang chub sems dpa' rnams kyi dga' ldan gyi gnas nas shi 'pho ston pa ste/ bcu gang zhe na/ kye rgyal ba'i sras/ 'di la byang chub sems dpa' rnams lha'i ris dga' ldan nas shi 'pho ba'i tshe/ rkang pa'i mthil gyi 'og nas bde ba'i rgyan </font><hr>Nga359a<br><font size=+1>


@#/ /ces bya ba'i 'od zer 'byung ste/ de byung nas kyang stong gsum gyi stong chen po'i 'jig rten gyi khams snang ba chen pos rgyas par bkang zhing / ngan song dang mi khom pa'i rgyud du skyes pa'i sems can rnams kyi lus la 'bab bo/ /de ltar 'od de lus la bab ma thag tu/ de nyid kyi tshe/ sems can de dag bde ba thams cad kyis tshim zhing sdug bsngal gyi tshor ba rtse zhil bar 'gyur ro/ /bde ba'i nyams de nyams su tshor ma thag tu de dag gis 'di ltar/ grogs po dag/ sems can gzhan zhig ni 'jig rten gyi khams 'dir skyes so zhes bya bar shes te/ 'di ni dga' ldan gyi gnas nas shi 'pho ston pa dang po'o/ /kye rgyal ba'i sras/ gzhan yang byang chub sems dpa' de'i smin mtshams kyi mdzod spu nas/ yang dag par bskul ba zhes bya ba'i 'od zer 'byung ste/ de byung nas kyang stong gsum gyi stong chen po'i 'jig rten gyi khams rgyas par bkang zhing / sngon lhan cig tu spyod spyod pa'i byang chub sems dpa' rnams kyi lus la bab bo/ /'od zer des de ltar lus la bab ma thag tu de nyid kyi tshe/ byang chub sems dpa' de dag gis byang chub sems dpa' dga' ldan gyi gnas nas shi 'pho bar khong du chud de/ de dag thams cad 'dus nas byang chub </font><hr>Nga359b<br><font size=+1>


sems dpa' la mchod pa'i las mngon par bsgrub pa 'di ni dga' ldan gyi gnas nas shi 'pho ston pa gnyis pa'o/ kye rgyal ba'i sras/ gzhan yang byang chub sems dpa' lag pa g.yas pa'i mthil nas yongs su dag pa'i yul zhes bya ba'i 'od zer 'byung ste/ de byung nas kyang stong gsum gyi stong chen po'i 'jig rten gyi khams yongs su sbyong zhing / de na zag pa med pa'i rang sangs rgyas 'khod pa de dag 'jig rten gyi khams gzhan du sel te/ /ma yin na yang gang gis shes par gyur pa de dag tshe'i 'du byed 'dor ro/ /gzhan yang 'dul ba'i dbang du de bzhin gshegs pa'i byin gyis byin du brlabs pa'i sems can ma gtogs par/ bdud dang mu stegs can gzhan dang / phas kyi rgol ba dang / kun tu rgyu ba dang / dmigs pa la mngon par zhen pa'i sems can rnams 'jig rten gyi khams gzhan du sel te/ 'di ni dga' ldan gyi gnas nas shi 'pho ston pa gsum pa'o| |kye rgyal ba'i sras/ gzhan yang byang chub sems dpa' de'i pus mo gnyis kyi lha nga gnyis nas dri ma med cing bzang la 'od gsal ba'i rgyan ces bya ba'i 'od zer 'byung ste/ de byung nas kyang lha'i gnas tha ma nye bar bzung ba yan chad/ 'og min gyi lha'i gnas man chad du snang bar byed de/ des lha'i bu de dag gis kyang / byang chub </font><hr>Nga360a<br><font size=+1>


@#/ /sems dpa' dga' ldan gyi gnas nas shing 'pho bar shes nas/ de dag kun kyang skyo ba'i yid kyis me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan thogs te/ rol mo brdung ba dang / dkrol ba'i sgra rab tu phyung nas byang chub sems dpa'i drung du mchod pa'i las kyi phyir 'dong ste/ shi 'pho ba nye bar bzung ba nas/ yongs su mya ngan las 'das pa chen po bstan gyi bar du bsnyen bkur byed do/ /phyi bzhin 'brang ngo / /'di ni dga' ldan gyi gnas nas shi 'pho ston pa bzhi pa'o/ /kye rgyal ba'i sras/ gzhan yang byang chub sems dpa' de dpal gyi be'u'i rgyan dang ldan pa/ rdo rje'i khams ltar sra zhing brtan pa'i snying po can gyi snying ga nas/ gzhan gyis mi thub pa'i rgyal mtshan zhes bya ba'i 'od zer gtong ste/ de btang nas kyang lag na rdo rje'i 'jig rten thams cad yongs su snang bar byed do/ /de nas lag na rdo rje khrag khrig phrag brgya 'ongs te/ shi 'pho ston pa nye bar bzung ba nas/ yongs su mya ngan las 'da' ba chen po bstan gyi bar du byang chub sems dpa'i phyi bzhin 'brang ste/ 'di ni dga' ldan gyi gnas nas shi 'pho ston pa lnga pa'o/ /kye rgyal ba'i sras/ gzhan yang byang chub sems dpa' de'i ba spu'i bu ga </font><hr>Nga360b<br><font size=+1>


thams cad nas 'gro ba thams cad du rnam par phye ba zhes bya ba'i 'od zer 'byung ste/ de byung nas kyang stong gsum gyi stong chen po'i 'jig rten gyi khams thams cad snang bar byas nas/ byang chub sems dpa'i lus la bab bo/ /byang chub sems dpa'i lus la bab nas/ lha dang / mi'i gnas su 'char ro/ /des byang chub sems dpa' de dag kyang bdag cag gis 'dir gnas te/ sems can yongs su smin par bya ba dang / de bzhin gshegs pa mchod pa bya bar 'gyur ro/ /snyam du khong du chud pa 'di ni dga' ldan gyi gnas nas shi 'pho ston pa drug pa'o/ /kye rgyal ba'i sras/ gzhan yang byang chub sems dpa' de'i khang pa nor bu rin po che chen po'i snying po can nas rnam par bsags pa shin tu gnas pa zhes bya'i 'od zer 'byung ste/ de byung nas kyang khyim gang du byang chub sems dpa' skye bar 'gyur ba'i khyim der 'char ro/ /'od zer de ltar shar ma thag tu de nyid kyi tshe/ byang chub sems dpa' de dag khyim mam/ grong khyer ram/ grong rdal lam/ 'dzam bu'i gling du sems can 'dul ba nye bar bzung zhing skye ba rab tu 'dzin te/ 'di ni dga' ldan gyi gnas nas shi 'pho ston pa bdun pa'o/ /kye rgyal ba'i sras/ gzhan yang byang chub sems dpa' de'i khang pa brtsegs pa lha thams cad kyi gnas kyi rgyan ces bya ba las/ gnas </font><hr>Nga361a<br><font size=+1>


@#/ /thams cad rnam par dag pa'i rgyan ces bya ba'i 'od zer 'byung ste/ de dag byung ma thag tu yum gang gi sku g.yas par skye bar 'gyur ba de'i lus la 'bab bo/ /de ltar bab ma thag tu de nyid kyi tshe/ byang chub sems dpa'i yum bde ba thams cad thob par 'gyur te/ yon tan dang sdom pa thams cad la yang gnas par 'gyur ro/ /yum gyi sku der yang pho brang brtsegs pa chen po rin po che'i dam pas brgyan pa/ byang chub sems dpa'i longs spyod kyi don du 'byung ste/ 'di ni dga' ldan gyi gnas nas shi 'pho ston pa brgyad pa'o/ /kye rgyal ba'i sras/ gzhan yang byang chub sems dpa'i rkang pa'i mthil gyi 'og nas gnas pa zhes bya ba'i 'od zer 'byung ste/ de byung ma thag tu lha'i bu'am/ /tshangs pa gang la byang chub sems dpa'i mchod pa'i las kyi don du shi 'pho bar 'dod par gyur la/ byang chub sems dpas kyang lha'i bu de dag de na 'khod bzhin du/ de bzhin gshegs pa la mchod pa'i las mngon par sgrub par nus par shes pa de dag gi lus la bab bo/ /de ltar 'od zer des bab par gyur ma thag tu de nyid kyi tshe/ lha'i bu de dag shi 'pho'i las de las rnam par ldang ste/ de dag de na 'khod bzhin du byang chub sems dpa' la shi 'pho nye bar bzung ba nas yongs su </font><hr>Nga361b<br><font size=+1>


mya ngan las 'das pa bstan gyi bar du mchod pa'i las byed de/ 'di ni dga' ldan gyi gnas nas shi 'pho ston pa dgu pa'o/ /kye rgyal ba'i sras/ gzhan yang byang chub sems dpa'i dpe byad bzang po rnams las nyi ma sna tshogs kyi tshul zhes bya ba'i 'od zer 'byung ste/ de byung nas kyang byang chub sems dpa'i las sna tshogs ston to/ /kye rgyal ba'i sras/ de la lha dang mi la las ni byang chub sems dpa' dga' ldan gyi gnas rab nyid na 'dug par mthong ngo / /la las ni yum gyi skur bzhud par mthong ngo / /la las ni skye bar mthong ngo / /la las ni 'byung bar mthong ngo / /la las ni rnam par 'tshang rgya bar mthong ngo / /la las ni chos kyi 'khor lo bskor bar mthong ngo / /la las ni de bzhin gshegs pa mya ngan las 'da' bar mthong ste/ 'di ni dga' ldan gyi gnas nas shi 'pho ston pa bcu pa'o/ /kye rgyal ba'i sras/ de ltar byang chub sems dpa'i 'od zer bcu po de dag la sogs pa 'od zer grangs med pa brgya stong phrag bcu byang chub sems dpa'i lus las 'byung ste/ de bzhin du stan dang / gzhal med khang dang / khang pa brtsegs pa dag nas kyang 'byung ste de dag byung nas kyang / byang chub sems dpa'i las sna tshogs yongs su ston to/ /kye rgyal ba'i sras/ de ltar las yongs su grub pa'i byang chub sems dpa' rnams chos thams cad rab tu grub pa'i </font><hr>Nga362a<br><font size=+1>


@#/ /phyir lha'i gnas dga' ldan nas shi 'pho ston to/ /kye rgyal ba'i sras/ bcu po 'di dag ni/ byang chub sems dpa' rnams kyi mngal na gnas par ston pa ste/ bcu gang zhe na/ 'di ltar sems rgya chung ba dang / dma' ba la dga' ba rnams yongs su smon par bya ba'i phyir/ byang chub sems dpa'i dngos po'i bsod nams kyi rtsa ba la yid mi ches par gyur du 'ong zhes byang chub sems dpa' mngal na gnas par ston pa 'di ni mngal na gnas par ston pa dang po'o/ /pha dang / ma dang / gnyen bshes kyi tshogs dang / sngon lhan cig tu spyod spyod pa'i byang chub sems dpa' rnams dang / sems can gang gi dge ba'i rtsa ba mngal na gnas pas yongs su smin par bya ba de dag gi don du/ byang chub sems dpa' mngal na gnas par ston te/ 'di ni mngal na gnas par ston pa gnyis pa'o/ /kye rgyal ba'i sras/ byang chub sems dpa'i ni rmongs pa med cing dran la shes bzhin du ma'i ltor 'gro ste/ ma'i lto na 'dug pa'i tshe yang dran pa nyams pa med do/ /'di ni mngal na gnas par ston pa gsum pa'o/ /kye rgyal ba'i sras/ byang chub sems dpa' ni ma'i mngal na 'dug kyang 'di lta ste/ phyogs dang 'jig rten gyi khams nas 'dus pa'i byang chub sems dpa' dang / brgya byin dang / </font><hr>Nga362b<br><font size=+1>


tshangs pa dang / 'jig rten gyi mgon po rnams dang lhan cig tu 'grogs shing chos bsgrag pa dang / yang dag pa'i gtam bya ba rgyun mi gcod cing / byang chub sems dpa'i stobs tshad med pa yang yongs su ston te/ kye rgyal ba'i sras/ de dag mngal na gnas kyang de lta bu'i smon lam gyi khyad par bdog pas/ byang chub sems dpa' de dag ni ye shes mu med pa dang ldan pa ste/ 'di ni mngal na gnas par ston pa bzhi pa'o/ /kye rgyal ba'i sras/ byang chub sems dpa' ma'i mngal na gnas pa'i tshe/ de ni 'khor gyi dkyil 'khor kun nas gnas par 'gyur ba yod de/ byang chub sems dpa' de dag gi sngon gyi smon lam gyis de dag yongs su smin par bya ba'i phyir/ byang chub sems dpa' mngal na gnas par ston te/ 'di ni mngal na gnas par ston pa lnga pa'o/ /kye rgyal ba'i sras/ byang chub sems dpa' mi'i 'jig rten du byung nas kyang / mir skyes pa rnam pa mchog thams cad dang ldan pa ston te/ 'di ni mngal na gnas par ston pa drug pa'o/ /kye rgyal ba'i sras/ byang chub sems dpa' ni ma'i lus na 'dug bzhin du/ 'di lta ste/ dper na/ me long gi dkyil 'khor yongs su drag pa'i bzhin gyi dkyil 'khor lta bur stong gsum gyi stong chen po'i 'jig rten gyi khams su snang ste/ de la mos pa chen po dang ldan pa'i </font><hr>Nga363a<br><font size=+1>


@#/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phyo chen po dang / mi dang mi ma yin pa de dag gis shes par gyur nas/ de dag nye bar 'ongs shing mchod pa dang / rim gro byed de/ 'di ni mngal na gnas par ston pa bdun pa'o/ /kye rgyal ba'i sras/ byang chub sems dpa' mngal na gnas pas 'jig rten gyi khams gzhan na 'khod pa'i byang chub sems dpa'i srid pa tha ma par gyur pa rnams dang tshogs te/ chos kyi brda'i sgo chen po ye shes chen po'i snying po zhes bya ba yang dag par bgro bar bya ba yod de/ de dag dang 'du ba'i phyir byang chub sems dpa' mngal na gnas par ston te/ 'di ni mngal na gnas par ston pa brgyad pa'o/ /kye rgyal ba'i sras/ byang chub sems dpa' ni dri ma med pa'i snying po can zhes bya ba'i ting nge 'dzin la snyoms par zhugs shing ma'i mngal du 'gro ste/ ting nge 'dzin de'i mthus ma la yang gnod par mi 'gyur bar dga' ldan gyi gnas rab dga' bas kyang lhag pa'i rgyan ma'i khong du kun nas gnas par 'gyur te/ 'di ni mngal na gnas par ston pa dgu pa'o/ /kye rgyal ba'i sras/ gzhan yang byang chub sems dpa' ma'i mngal na 'dug pa'i mthus 'jig </font><hr>Nga363b<br><font size=+1>


rten gyi khams 'byams klas pa thams cad du de bzhin gshegs pa'i mchod pa'i las kyi phyir/ bsod nams chen po'i me tog kun nas rgyas pa zhes bya ba'i de bzhin gshegs pa'i mchod pa'i rim gro 'byung ste/ sangs rgyas bcom ldan 'das de dag kyang de la byang chub sems dpa'i rnam par spyod pa chos kyi dbyings kyi snying po mtha' dang dbus med pa yang dag par ston te/ shes par bya ba de shes pas byang chub sems dpa' rnams shin tu phra ba'i 'gro ba bcu ston to/ /kye rgyal ba'i sras/ bcu po 'di dag ni/ byang chub sems dpa' rnams kyi shin tu phra ba'i rgyud ston pa ste/ bcu gang zhe na/ kye rgyal ba'i sras/ 'di la byang chub sems dpa' ma'i mngal na yang gnas la thog ma sems bskyed pa nye bar bzung ba nas dbang bskur ba'i bar du yang yongs su ston pa dang / ma'i mngal na yang gnas la dga' ldan na gnas pa yang yongs su ston pa dang / ma'i mngal na yang gnas la skye ba yang yongs su ston pa dang / ma'i mngal na yang gnas la gzhon nu'i sa yang yongs su ston pa dang / ma'i mngal na yang gnas la btsun mo'i 'khor gyi nang na 'dug par yang yongs su ston pa dang / ma'i mngal na yang gnas la mngon par 'byung ba yang yongs su ston pa dang / ma'i mngal na yang gnas la dka' ba spyod par sbyor ba dang / snying po byang </font><hr>Nga364a<br><font size=+1>


@#/ /chub tu 'gro ba nas rnam par 'tshang rgya ba'i bar du yang yongs su ston pa dang / ma'i mngal na yang gnas la chos kyi 'khor lo bskor ba yang yongs su ston pa dang / ma'i mngal na yang gnas la yongs su mya ngan las 'da' bar yang yongs su ston pa dang / ma'i mngal na yang gnas la shin tu phra la rgya che bar 'jug pa'i tshul gyis mngal gyi gnas de nyid du byang chub sems dpa'i spyod pa thams cad dang / de bzhin gshegs pa'i rnam par 'phrul ba'i byin gyis rlabs kyi rnam pa dang / sgo yang yongs su ston pa'o/ /kye rgyal ba'i sras/ bcu po de dag ni/ byang chub sems dpa' rnams kyi shin tu phra ba'i rgyud ston pa ste/ de dag la gnas shing / byang chub sems dpa' rnams ye shes chen po shin tu phra ba bla na med pa 'thob par 'gyur ba dag go /kye rgyal ba'i sras/ bcu po 'di dag ni/ byang chub sems dpa' rnams kyi cher skye ba ste/ bcu gang zhe na| kye rgyal ba'i sras/ de la byang chub sems dpa' dran zhing shes bzhin du skye ba dang / 'od zer gyi dra ba dang / snang ba chen pos stong gsum gyi stong chen po'i 'jig rten gyi khams rgyas par bkang ste/ lus snang ba dang ldan par skye ba dang / phyir mi ldog cing srid pa'i tha ma par gyur par skye ba dang / ma skyes shing 'byung ba med par skye ba dang / </font><hr>Nga364b<br><font size=+1>


khams gsum pa sgyu ma'i rnam pa lta bur khong du chud de skye ba dang / phyogs bcu'i 'jig rten gyi khams su lus yongs su ston cing skye ba dang / lus de nyid kyis thams cad mkhyen pa'i ye shes khong du chud par bya bar skye ba dang / de bzhin gshegs pa ma lus pa thams cad kyi 'od zer bkye nas yang dag par bskul ba'i lus su skye ba dang / ye shes chen pos rnam par 'byed pa'i ting nge 'dzin la snyoms par 'jug pa'i lus su skye ba dang / kye rgyal ba'i sras/ byang chub sems dpa' skyes nas kyang / sangs rgyas kyi zhing thams cad kyang rab tu g.yos par 'gyur/ sems can thams cad kyang rab tu 'grol bar 'gyur/ ngan song thams cad kyang rab tu zhi bar 'gyur/ bdud thams cad kyang rab tu spa 'god par 'gyur/ byang chub sems dpa' dpag tu med pa yang 'ong bar 'gyur ba'o/ /kye rgyal ba'i sras/ bcu po de dag ni/ byang chub sems dpa' rnams kyi cher skye ba ste/ de dag ni byang chub sems dpa' sems can 'dul ba'i don du yongs su ston pa dag go/ kye rgyal ba'i sras/ bcu po 'di dag ni/ byang chub sems dpa' rnams kyi gad mo cher 'god pa ste/ bcu gang zhe na/ 'di ltar kye ma'o 'jig rten gnas pa 'di ni 'dod pa'i 'dam du phying ba ste/ 'di la nged ma gtogs par gzhan 'byin par byed pa su yang med do snyam nas/ </font><hr>Nga365a<br><font size=+1>


@#/ /byang chub sems dpa' rnams gad mo cher dgod pa dang / kye ma'o 'jig rten gnas pa 'di ni nyon mongs pas ldongs par byas pa'o/ /bdag ni shes rab dang ye shes kyis shin tu brgyan pa'o/ /zhes nas/ byang chub sems dpa' rnams gad mo cher dgod pa dang / lus kyi gzhi 'di nyid kyis de bzhin gshegs pa'i chos kyi sku bla na med pa chen po dus gsum rgyas par 'gengs pa thob par 'gyur ro zhes byang chub sems dpa' rnams gad mo cher dgod pa dang / kye rgyal ba'i sras/ gzhan yang byang chub sems dpa' rnams/ byang chub sems dpa'i mig bsgribs pa med pas/ phyogs bcur tshangs pa'i lha'i gnas nye bar bzung ba nas/ dbang phyug chen po'i gnas kyi bar du rnam par lta zhing 'di snyam du sems te/ sems can 'di dag ni lus su 'phel ba'o/ /bdag ni ye shes kyi stobs dang ldan pa'o zhes bya bar mthong nas| byang chub sems dpa' rnams gad mo cher dgod pa dang / sngon dge ba'i rtsa ba bskyed pa'i sems can rnams da dung phyir mi ldog par mthong nas/ byang chub sems rnams gad mo cher dgod pa dang / sa bon chung ngu las 'bras bu cher 'gyur bar mthong nas/ byang chub sems dpa' rnams gad mo cher dgod pa dang / yang dag par rdzogs </font><hr>Nga365b<br><font size=+1>


pa'i sangs rgyas kyi bstan pa don yod par mthong nas/ byang chub sems dpa' rnams gad mo cher dgod pa dang / sngon theg pa la lhan cig tu zhugs pa'i byang chub sems dpa' rnams chags pa'i gnas gzhan dang gzhan la chags pas/ sangs rgyas kyi chos kyi che ba nyid ma thob pa mthong nas/ byang chub sems dpa' rnams gad mo cher dgod pa dang / kye rgyal ba'i sras/ gzhan yang sngon 'grogs par gyur pa'i lha dang mi rnams chung ngu na byis pa'i sa las kyang ma 'das shing yongs su skyo ba'i dbang po dang ldan par gyur pa mthong nas/ byang chub sems dpa' rnams gad mo cher dgod pa dang / de bzhin gshegs pa ma lus pa thams cad kyi 'od zer dbugs phyin pa chen po/ rnam par 'phel bar byed pas reg par gyur nas/ byang chub sems dpa' rnams gad mo cher dgod pa'o/ /kye rgyal ba'i sras/ bcu po de dag ni/ byang chub sems dpa' rnams kyi gad mo cher dgod pa ste/ de dag gis byang chub sems dpa' rnams sems can 'dul ba'i dbang gi phyir dgod par 'gyur ba dag go /kye rgyal ba'i sras/ bcu po 'di dag ni/ byang chub sems dpa'i gom pas rnam par gnon pa ste/ bcu gang zhe na/ 'di ltar byang chub sems dpa'i mthu yongs su bstan pa'i phyir byang chub sems dpa' rnams gom pas rnam par gnon pa dang / nor bdun </font><hr>Nga366a<br><font size=+1>


@#/ /yongs su gtong bar bstan pa'i phyir gom pas rnam par gnon pa dang / sa'i lha'i bsam pa yongs su rdzogs par bya ba'i phyir gom pas rnam par gnon pa dang / khams gsum las 'das pa'i rnam par gnon pa dang / 'gros yongs su bstan pa'i phyir gom pas rnam par gnon pa dang / glang po'i 'gros dang / khyu mchog gi 'gros dang / seng ge'i 'gros dang / 'gros thams cad las 'das shing byang chub sems dpa'i 'gros khyad par du 'phags pa yongs su bstan pa'i phyir/ byang chub sems dpa' rnams 'gros kyis rnam par gnon pa dang / kye rgyal ba'i sras/ sa chen po yang rdo rje'i dbyings kyis kun nas bzung bar 'gyur te/ sa'i phyogs gzhan gyis byang chub sems dpa'i lus gzung bar mi nus pa bstan pa'i phyir/ byang chub sems dpa' rnams gom pas rnam par gnon pa dang / sems can gzhan spro bar bya ba'i phyir/ byang chub sems dpa' rnams gom pas rnam par gnon pa dang / byang chub kyi yan lag rin po che bdun gyi nan tan yongs su bstan pa'i phyir/ byang chub sems dpa' rnams gom pas rnam pas gnon pa dang / chos nyid rab tu thob pas gzhan gyi dring mi 'jog pa yongs su bstan pa'i phyir/ byang chub sems dpa' rnams gom pas rnam par gnon </font><hr>Nga366b<br><font size=+1>


pa dang / bdag ni 'jig rten na gtso bo yin/ bdag ni 'jig rten na phul du phyin pa yin no zhes tshig brjod pa'i phyir/ byang chub sems dpa' rnams gom pas rnam par gnon pa'o/ / kye rgyal ba'i sras/ bcu po dag ni/ byang chub sems dpa' rnams kyi gom pas rnam par gnon pa ste/ de dag ni byang chub sems dpa' rnams sems can 'dul ba'i don du ston pa dag go /kye rgyal ba'i sras/ bcu po 'di dag ni/ byang chub sems dpa' rnams kyi gzhon nu'i sa kun tu ston pa'i las te/ bcu gang zhe na/ 'di ltar yi ge dang / grangs dang / brda' dang / rtsis kyi sbyor ba thams cad las rab tu 'das pa'i bya ba kun tu ston pa'i las dang / rta dang / glang po dang / shing rta rgyug pa thams cad dang / 'phong kun las 'phags pa kun tu ston pa'i las dang / cho lo dang / rnga thabs dang / gar dang / rgyan po dang / rtsed mo dang / 'jig rten gyi dga' ba la phal las 'phags pa'i bya ba kun tu ston pa'i las dang / lus dang / ngag dang / yid kyi las kha na ma tho ba med pa kun tu ston pa'i las dang / mya ngan las 'das pa'i sgo'i ting nge 'dzin la snyoms par 'jug pas 'jig rten gyi khams tshad med pa rgyas par dgang ba kun tu ston pa'i las dang / mi thams cad dang / lha thams cad dang / klu dang / gnod sbyin dang / dri za dang / lha ma yin dang / nam mkha' lding </font><hr>Nga367a<br><font size=+1>


@#/ /dang / mi'am ci dang / lto 'phye chen po dang / brgya byin dang / tshangs pa dang / 'jig rten gyi mgon po thams cad las shin tu 'das par byang chub sems dpa'i mthu kun tu ston pa'i las dang / brgya byin dang / tshangs pa dang / 'jig rten gyi mgon po'i gzugs dang / kha dog dang / gzi brjid las shin tu 'das par byang chub sems dpa'i gzugs dang / kha dog dang / gzi brjid kun tu ston pa'i las dang / 'dod pa dang / dga' ba dang / rtse bas myos pa'i sems can rnams la chos kyi dga' bar rab tu dga' ba yang dag par bskyed pa kun tu ston pa'i las dang / chos kyi rim gro bskyed pa dang / de bzhin gshegs pa la mchod pa dang / rim gro bya bas/ 'dod pa'i khams thams cad rgyas par 'gengs pa kun tu ston pa'i las dang / chos la dga' ba'i snang bas de bzhin gshegs pa'i byin gyi rlabs yang dag par blang ba kun tu ston pa'i las so| |kye rgyal ba'i sras/ bcu po de dag ni/ byang chub sems dpa' rnams kyi gzhon nu'i sa kun tu ston pa'i las te/ de dag yongs su bstan nas/ de'i 'og tu byang chub sems dpa' rnams btsun mo'i 'khor gyi nang du 'dod par 'gyur ba'o/ /kye rgyal ba'i sras/ bcu po 'di dag ni/ byang chub sems dpa' rnams kyi btsun mo'i 'khor </font><hr>Nga367b<br><font size=+1>


nye bar ston pa ste/ bcu gang zhe na/ 'di ltar sngon lhan cig tu spyod spyod pa'i byang chub sems dpa' rnams kyi dge ba'i rtsa ba yongs su smin par bya ba'i don du byang chub sems dpa' rnams btsun mo'i 'khor nye bar ston pa dang / byang chub sems dpa'i dge ba'i rtsa ba brjod pa'i phyir/ btsun mo'i 'khor nye bar ston pa dang / longs spyod dang skyid pa la chags pa'i lha dang / mi rnams la longs spyod dang skyid pa'i che ba nyid yongs su bstan pa'i phyir btsun mo'i 'khor nye bar ston pa dang / rnyog pa lnga'i zhing du sems can rnams kyi bsam pa'i rjes su 'brang ba'i phyir btsun mo'i 'khor nye bar ston pa dang / btsun mo'i 'khor gyi nang na ting nge 'dzin la gnas shing byang chub sems dpa'i mthu dang che ba nyid yongs su bstan pa'i phyir btsun mo'i 'khor nye bar ston pa dang / sngon gyi smon lam dang ldan pa'i sems can rnams kyi bsam pa yongs su rdzogs par bya ba'i phyir/ btsun mo'i 'khor nye par ston pa dang / pha dang / ma dang / gnyen pa'i tshogs kyi bsam pa yongs su rdzogs par bya ba'i phyir/ btsun mo'i 'khor nye bar ston pa dang / chos kyi dbyings chen po dang ldan pa'i rol mo brdung ba dang / dkrol ba'i sgras de bzhin gshegs pa thams cad mchod cing bsnyen bkur ba yongs su grub par bya ba'i phyir/ btsun mo'i 'khor nye bar ston pa </font><hr>Nga368a<br><font size=+1>


@#/ /dang / btsun mo'i 'khor gyi nang nas byang chub sems dpa'i ting nge 'dzin la gnas shing / shin tu phra ba'i mngon par rdzogs par 'tshang rgya ba nas yongs su mya ngan las 'das pa chen po'i bar du bstan pa'i phyir/ btsun mo'i 'khor nye bar ston pa dang / chos kyi skyabs dang ldan pa yang dag par bstan pa'i phyir/ btsun mo'i 'khor nye bar ston pa'o/ /kye rgyal ba'i sras/ bcu po de dag ni/ byang chub sems dpa' rnams kyi btsun mo'i 'khor nye bar ston pa ste/ de dag ni srid pa tha ma pa'i byang chub sems dpa' yongs su bstan nas/ de'i 'og tu mngon par 'byung bar 'gyur pa dag go/ kye rgyal ba'i sras/ bcu po 'di dag ni/ byang chub sems dpa' rnams kyi mngon par 'byung ba ste/ bcu gang zhe na/ 'di ltar khyim gyi gnas smad pa'i phyir/ byang chub sems dpa' mngon par 'byung ba dang / gnas la dga' ba'i sems can gyen du bskyed pa'i phyir/ byang chub sems dpa' rnams mngon par 'byung ba dang / 'phags pa dang mthun pa'i lam gyis legs pa yongs su bstan pa'i phyir/ byang chub sems dpa' rnams mngon par 'byung ba dang / rab tu byung ba'i yon tan dang legs pa yang dag par bsngags pa'i phyir/ byang chub sems dpa' rnams mngon par 'byung ba dang / mtha' gnyis </font><hr>Nga368b<br><font size=+1>


kyi lta ba dang bral ba yang dag par bstan pa'i phyir/ byang chub sems dpa' rnams mngon par 'byung ba dang / 'dod pa'i bde ba dang phrad par brtson zhing bdag gi bde ba lhur len pa'i sems can skyo bar bya ba'i phyir/ byang chub sems dpa' rnams mngon par 'byung ba dang / khams gsum pa thams cad las 'byung ba'i sngon gyi ltas yang dag par bstan pa'i phyir/ byang chub sems dpa' rnams mngon par 'byung ba dang / rang la rag las par spyod cing / gzhan gyi dring mi 'jog pa la brten pa'i phyir/ byang chub sems dpa' rnams mngon par 'byung ba dang / de bzhin gshegs pa'i stobs bcu dang / mi bsnyengs pa thob pa dang mthun par yang dag par bstan pa'i phyir/ byang chub sems dpa' rnams mngon par 'byung ba dang / kye rgyal ba'i sras/ chos nyid kyis kyang byang chub sems dpa' srid pa'i tha ma pa ni gdon mi za bar mngon par 'byung ste/ kye rgyal ba'i sras/ bcu po de dag ni/ byang chub sems dpa' rnams sems can 'dul ba'i dbang gi phyir/ /mngon par 'byung ba yongs su ston pa dag go/ kye rgyal ba'i sras/ bcu po 'di dag ni/ byang chub sems dpa' rnams kyi dka' ba spyod pa'i sbyor ba ste/ bcu gang zhe na/ 'di ltar dma' ba la mos pa'i sems can gyi khams yongs su smin par bya ba'i phyir/ byang chub sems dpa' rnams dka' ba spyod pa ston </font><hr>Nga369a<br><font size=+1>


@#/ /pa dang / lta ba'i rnam pa la gnas pa'i sems can rnams gyen du bskyod pa'i phyir/ byang chub sems dpa' rnams dka' ba spyod pa ston pa dang / las dang bya bas 'khyams par gyur pa'i sems can rnams la las kyi rnam par smin pa mngon sum du bstan pa'i phyir/ byang chub sems dpa' rnams dka' ba spyod pa ston pa dang / kun nas nyon mongs pa'i 'jig rten gyi khams 'byams klas par chos nyid rjes su 'brang bar bya ba'i phyir/ byang chub sems dpa' rnams dka' ba spyod pa ston pa dang / bdag gi dub pa nye bar zhi zhing mthu dang ldan pa yongs su bstan pa'i phyir/ byang chub sems dpa' rnams dka' ba spyod pa ston pa dang / ma yin na chos la chags pa rnams kyi don du byang chub sems dpa' rnams dka' ba spyod pa ston pa dang / 'dod pa'i bde ba dang phrad par brtson zhing rang gi bde ba lhur len pa'i sems can rnams skyo bar bya ba'i phyir/ byang chub sems dpa' rnams dka' ba spyod pa ston pa dang / byang chub sems dpa'i spyod pa brtsams pa'i khyad par yongs su bstan pa'i phyir/ byang chub sems dpa' rnams dka' ba spyod pa ston pa dang / skye bo phyi ma rnams brtson 'grus rtsom pa la yang dag par sbyar ba'i phyir/ byang chub sems dpa' rnams dka' ba spyod pa ston pa dang / ma yin </font><hr>Nga369b<br><font size=+1>


na dbang po yongs su ma smin pa'i lha dang mi rnams yongs su smin par bya ba'i dus bsdad pa'i phyir/ byang chub sems dpa' rnams dka' ba spyod pa ston pa'o/ /kye rgyal ba'i sras/ bcu po de dag ni/ byang chub sems dpa' rnams sems can 'dul ba'i dbang gi phyir/ dka' ba spyod pa'i sbyor ba yongs su ston pa dag go/ kye rgyal ba'i sras/ bcu po 'di dag ni/ byang chub sems dpa' rnams kyi snying po byang chub tu 'gro ba ste/ bcu gang zhe na/ 'di ltar 'jig rten gyi khams thams cad snang bar bya ba'i phyir/ byang chub sems dpa' rnams snying po byang chub tu 'dod pa dang / 'jig rten gyi khams thams cad rab tu bskyod pa'i phyir/ byang chub sems dpa' rnams snying po byang chub tu 'dong ba dang / 'jig rten gyi khams thams cad du bdag gi lus rnam par phye ba yongs su bstan pa'i phyir/ byang chub sems dpa' rnams snying po byang chub tu 'dod pa dang / sngon lhan cig tu spyod spyod pa'i grogs kyi byang chub sems dpa' rnams bskul ba'i phyir/ byang chub sems dpa' rnams snying po byang chub tu 'dong ba dang / snying po byang chub kyi rgyan rnam par phye ba yongs su bstan pa'i phyir/ byang chub sems dpa' rnams snying po byang chub tu 'dong ba dang / sems can ji ltar mos pa rnams la lus dang / spyod lam dang / byang chub kyi shing gi rgyan rnam par phye ba yongs su bstan pa'i phyir/ byang chub sems dpa' rnams snying po byang chub tu 'dong ba dang / 'jig rten gyi khams </font><hr>Nga370a<br><font size=+1>


@#/ /thams cad na bzhugs pa'i de bzhin gshegs pa thams cad mngon du blta ba'i phyir/ byang chub sems dpa' rnams snying po byang chub tu 'dong ba dang / gom pa dor ba dang| gdeg pa thams cad du ting nge 'dzin gyi sgo la snyoms par 'jug cing / skad cig skad cig tu rnam par 'tshang rgya ba las mi 'da' ba'i phyir/ byang chub sems dpa' rnams snying po byang chub tu 'dong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten gyi mgon po thams cad kyi mchod pa blang ba'i phyir/ byang chub sems dpa' rnams snying po byang chub tu 'dong ba dang / chags pa med pa'i ye shes chen pos rnam par phye ba'i byang chub sems dpa'i spyod pa spyad pas/ 'jig rten gyi khams thams cad rnam par blta ba'i phyir/ de bzhin gshegs pa thams cad yid la byed cing / phyogs thams cad du rnam par phye ba'i mngon par rdzogs pa'i byang chub yongs su bstan pa'i phyir/ byang chub sems dpa' rnams kyi snying po byang chub tu 'dong ba'o/ /kye rgyal ba'i sras/ bcu po de dag ni/ byang chub sems dpa' rnams kyi snying po byang chub tu 'gro ba sems can 'dul ba'i dbang gi phyir yongs su bstan pa dag go/ // </font><hr>Ca1b<br><font size=+1>


@##/ /shin tu rgyas pa chen po'i mdo/ sangs rgyas phal po che zhes bya ba/ bam po brgyad cu lnga pa/ kye rgyal ba'i sras/ bcu po 'di dag ni/ byang chub sems dpa' rnams kyi snying po byang chub la 'dug pa ste/ bcu gang zhe na/ 'di ltar 'jig rten gyi khams thams cad rab tu bskyod cing / byang chub sems dpa' rnams snying po </font><hr>Ca2a<br><font size=+1>


@##/ /byang chub la 'khod do/ /'jig rten gyi khams thams cad snang bar byed cing / byang chub sems dpa' rnams snying po byang chub la 'khod do/ /ngan song thams cad rab tu zhi bar byed cing| byang chub sems dpa' rnams snying po byang chub la 'khod do/ /'jig rten gyi khams thams cad rdo rje'i rang bzhin du byin gyis rlob cing / byang chub sems dpa' rnams snying po byang chub la 'khod do/ /de bzhin gshegs pa'i gdan seng ge'i khri la rnam par lta zhing / byang chub sems </font><hr>Ca2b<br><font size=+1>


dpa' rnams snying po byang chub la 'khod do/ /yid nam mkha' dang mnyam pa la rnam par mi rtog cing / byang chub sems dpa' rnams snying po byang chub la 'khod do/ /ji ltar mthun pa'i lus dang spyod lam yongs su ston cing / byang chub sems dpa' rnams snying po byang chub la 'khod do/ /rdo rje'i snying po'i ting nge 'dzin rjes su rtogs par byed cing / byang chub sems dpa' rnams snying po byang chub la 'khod do/ /de bzhin gshegs pa thams cad kyi byin gyi rlabs rnam par dag pa'i gnas yang dag par len cing / byang chub sems dpa' rnams snying po byang chub la 'khod do/ /bdag gi dge ba'i rtsa ba'i mthus 'gro ba thams cad byin gyis rlob cing / byang chub sems dpa' rnams snying po byang </font><hr>Ca3a<br><font size=+1>


@#/ /chub la 'khod do/ /kye rgyal ba'i sras/ bcu po de dag ni/ byang chub sems dpa' rnams kyi snying po byang chub la 'dug pa'o/ /kye rgyal ba'i sras/ byang chub sems dpa' rnams snying po byang chub kyi mchog la 'khod nas kyang / ngo mtshar rmad du byung ba'i chos bcu 'byung ste/ bcu gang zhe na/ kye rgyal ba'i sras/ de la snying po byang chub mchog la 'khod pa'i byang chub sems dpa' rnams la 'jig rten gyi khams thams cad na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis zhal mngon par bstan te/ phyag g.yas pa brkyang zhing / kye ded dpon chen po/ rgyal bar gyur cig/ rgyal bar gyur cig /ces gsung brjod de/ </font><hr>Ca3b<br><font size=+1>


'di ni ngo mtshar rmad du byung ba'i chos dang po'o/ /kye rgyal ba'i sras/ snying po byang chub mchog la 'khod pa'i byang chub sems dpa' rnams la de bzhin gshegs pa de dag thams cad dgongs pa dang / byin gyis rlob pa yang dag par mdzad de/ 'di ni ngo mtshar rmad du byung ba'i chos gnyis pa'o/ /kye rgyal ba'i sras/ snying po byang chub mchog la 'khod pa'i byang chub sems dpa' rnams la sngon lhan cig tu spyod spyod pa'i byang chub sems dpa' rnams 'ongs te/ byang chub sems dpa' de dag la kun nas bskor cing mchod pa'i las rnam par phye ba rnam pa sna tshogs mngon par sgrub pa ste/ 'di ni ngo mtshar rmad du byung ba'i chos gsum pa'o/ /kye rgyal ba'i sras/ snying po byang chub mchog la 'khod pa'i byang chub sems dpa' rnams la| 'jig rten gyi khams thams cad kyi rtswa dang / gel pa dang / sdong po dang / nags tshal thams cad kyang bsam pa yod ko lta ste/ snying po byang chub gang na ba der 'dud cing phyag 'tshal te/ 'di ni ngo mtshar rmad du byung ba'i chos bzhi pa'o/ /byang chub sems dpa' spyod pa thams cad las yang dag par 'da' ba'i tshe yang chos kyi dbyings rnam par 'byed pa zhes bya ba'i ting nge 'dzin mngon du gyur te/ ting nge 'dzin de thob ma thag tu byang chub sems dpa'i spyod pa thams cad las yang dag par 'da' bar 'gyur te/ 'di ni ngo mtshar </font><hr>Ca4a<br><font size=+1>


@#/ /rmad du byung ba'i chos lnga pa'o/ /kye rgyal ba'i sras/ rgya mtsho mchog gi dam pa dri ma med cing kun nas snang la 'od gsal ba'i sa'i snying po la 'khod pa'i byang chub sems dpa' rnams la de bzhin gshegs pa thams cad kyi chos kyi sprin chen po kun nas yog par 'gyur te/ 'di ni ngo mtshar rmad du byung ba'i chos drug pa'o/ /kye rgyal ba'i sras/ snying po byang chub mchog la 'khod pa'i byang chub sems dpa' rnams kyi mthus de bzhin gshegs pa la mchod pa dang / rim gror bya ba shin tu rgya chen po rnams/ de bzhin gshegs pa'i mchod pa'i las kyi phyir 'jig rten gyi khams 'byams klas pa thams cad du 'byung ste/ 'di ni ngo mtshar rmad du byung ba'i chos bdun pa'o/ /kye rgyal ba'i sras/ snying po byang chub mchog la 'khod pa'i byang chub sems dpa' rnams la ye shes mchog gis sems can thams cad kyi bsam pa dang / dbang po dang / spyod pa mngon du 'gyur te/ 'di ni ngo mtshar rmad du byung ba'i chos brgyad pa'o/ /kye rgyal ba'i sras/ snying po byang chub mchog la 'khod pa'i byang chub sems dpa' rnams la blo shin tu rnam par dag pa zhes bya ba'i ting nge 'dzin mngon du 'gyur te/ ting nge 'dzin de thob ma thag tu nam mkha'i dbyings tshad med pa </font><hr>Ca4b<br><font size=+1>


dang| dus gsum rgyas par 'gengs pa'i lus kun nas gnas par 'gyur te/ 'di ni ngo mtshar rmad du byung ba'i chos dgu pa'o/ /kye rgyal ba'i sras/ snying po byang chub mchog la 'khod pa'i byang chub sems dpa' rnams kyi lus kyi las dus thams cad la yang dag par gzhol zhing / ye shes chen po chags pa med pa rdul dang bral ba'i snang ba dang ldan par 'gyur te/ 'di ni ngo mtshar rmad du byung ba'i chos bcu pa'o/ /kye rgyal ba'i sras/ bcu po de dag ni/ byang chub sems dpa' rnams kyi ngo mtshar rmad du byung ba'i chos rnams te| byang chub sems dpa' snying po byang chub mchog la gnas pa rnams la 'byung bar 'gyur ba dag go /kye rgyal ba'i sras/ don rnam pa bcu po 'di dag gi dbang yang dag par mthong nas/ snying po byang chub mchog la 'dug pa'i byang chub sems dpa' bdud 'dul ba ston te/ bcu gang zhe na/ 'di ltar kun nas nyon mongs pa'i 'jig rten gyi khams 'byams klas pa na 'thab mo dang / g.yul la mos pa'i sems can rnams la byang chub sems dpa'i stobs kyi che ba nyid yang dag par bstan pa'i phyir/ byang chub sems dpa' bdud 'dul ba ston to/ /yid gnyis dang / the tshom du gyur pa'i mi dang / lha rnams kyi yid gnyis dang / the tshom gcad pa'i phyir bdud 'dul ba ston to/ /bdud kyi sde </font><hr>Ca5a<br><font size=+1>


@#/ /yongs su smin par bya ba'i phyir bdud 'dul ba ston to/ /'thab mo dang / g.yul la mos pa'i lha dang / mi rnams kun nas bsdu ba dang / kun nas 'dus pa'i lha dang mi rnams 'dul ba'i dbang gi phyir bdud 'dul ba ston to/ /byang chub sems dpa'i mthu la thub pa med pa yongs su bstan pa'i phyir bdud 'dul ba ston to/ /sems can gzhan mos shing spro bar bya ba'i phyir bdud 'dul ba ston to/ /phyi ma'i skye bo rnams la snying brtse ba'i phyir bdud 'dul ba ston to/ /snying po byang chub kyi bar gyi bdud kyi las yongs su bstan pa dang / byang chub sems dpa' bdud kyi lam thams cad las 'das pa yongs su bstan pa'i phyir bdud 'dul ba ston to/ /nyon mongs pa'i stobs kyis nyams smad cing stobs med par byas pa yongs su bstan pa dang / dge ba'i rtsa ba brjod pa dang / byams pa'i stobs yang dag par bstan pa'i phyir bdud 'dul ba ston to/ /kun nas nyon mongs pa'i 'jig rten gyi khams 'byams klas pa dag tu chos nyid rjes su 'brang bar bya ba'i phyir/ byang chub sems dpa' bdud 'dul ba ston to/ /kye rgyal ba'i sras/ don bcu po de dag gi dbang mngon pas na/ byang chub sems dpa' bdud 'dul ba ston to/ /kye rgyal ba'i sras/ bcu po 'di dag ni/ </font><hr>Ca5b<br><font size=+1>


byang chub sems dpa' rnams kyi de bzhin gshegs pa'i stobs mngon par rdzogs par byang chub pa ste/ bcu gang zhe na/ kye rgyal ba'i sras/ de la byang chub sems dpa' rnams bdud dang / las dang / nyon mongs pa thams cad las 'das shing / byang chub sems dpa'i spyod pa thams cad yongs su rdzogs pa yin/ byang chub sems dpa'i ting nge 'dzin gyi sgo thams cad la rnam par rtse ba yin/ byang chub sems dpa'i bsam gtan 'byams klas pa thams cad dang ldan pa yin/ chos dkar po'i tshogs thams cad yang dag par bsags pa yin/ chos snang ba rnam par dpyad par bya ba thams cad shin tu rnam par phye ba yin/ 'jig rten gyi khams thams cad du khyab pa'i lus dang ldan pa yin/ sems can thams cad la snyoms pa'i sems dang / dbyangs su ldan pa yin/ byin gyi rlabs thams cad kyis rab mchog por byin gyis brlabs pa yin/ 'das pa dang / ma byon pa dang / da ltar byung ba'i de bzhin gshegs pa thams cad kyi sku dang / gsung dang / thugs rnam par mi rtog pa thob pa yin/ skad cig gcig gis dus gsum rnam par 'tshang rgya ba yin/ shin tu rnam par sangs rgyas pa zhes bya ba'i ting 'dzin kyang rab tu thob pa yin/ de bzhin gshegs pa'i stobs dang ldan pa yin te/ 'di ltar gnas dang gnas ma yin pa'i </font><hr>Ca6a<br><font size=+1>


@#/ /stobs dang ldan pa yin/ zag pa zad pa shes pa'i bar gyi stobs dang ldan pa yin te/ kye rgyal ba'i sras/ bcu po de dag ni/ byang chub sems dpa' rnams kyi de bzhin gshegs pa'i stobs mngon par rdzogs par byang chub pa ste/ stobs bcu po de dag dang ldan pa'i de bzhin gshegs pa rnams ni/ de bzhin gshegs pa zhes bya ba'i grangs su 'gro'o/ /kye rgyal ba'i sras/ de ltar mngon par sangs rgyas pa'i de bzhin gshegs pa dgra bcom pa yang dag par rdzogs pa'i sangs rgyas ni/ chos kyi 'khor lo chen po rnam pa bcu bskor te/ rnam pa bcu gang zhe na/ 'di ltar mi 'jigs pas shin tu sbyangs pa'i ye shes dang ldan pa dang / tha dad pa yang dag par shes pa bzhi'i sgra rjes su bsgrags pa dang / bden pa bzhi'i tshul gyis shin tu brtags pa dang / sangs rgyas kyi rnam par thar pa bsgribs pa med pa'i rjes su song ba dang / sems can thams cad kyi sems dga' bar 'gyur ba dang / thogs pa med cing blta bar dka' la yo ba med cing / sdug bsngal gyi gsal shing 'byin pa dang| sngon gyi snying rje chen po'i byin gyi rlabs pa dang / 'jig rten gyi khams thams cad du grags pa dang / bskal pa grangs med par chos ston pa rgyun mi 'chad pa dang / </font><hr>Ca6b<br><font size=+1>


dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa dang / legs par spyad pas bskor ba'o| |kye rgyal ba'i sras/ sgo rnam pa bcu po de dag la sogs pa rnam pa tshad med pa de bzhin gshegs pa chos kyi 'khor lo bskor ro/ /kye rgyal ba'i sras/ de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi 'khor lo de ni sems can gzhan gyi sems kyi rgyud la chos dkar po'i rnam pa bcus thogs pa med pa dang / mngon par chags pa med par 'byung bar 'gyur te/ bcu gang zhe na/ 'di ltar smon lam thams cad kyi stobs kyi shugs dang / snying rje chen po'i byin gyi rlabs dang / sems can gyi khams thams cad mi gtong ba dang / ye shes kyi rnam par 'phrul ba bsam pa ji lta ba bzhin du ston pa dang / dus la bab par thob par byed pa dang / rigs pa'i tshul bzhin du mi 'khrul ba dang / dus gsum shes par bya ba rab tu rtogs pa dang / lus kyi dbang zil gyis mi non pa dang / tshig gi dbang dmigs par dka' ba dang / ye shes kyi dbang tshig bzhin du khong du chud par byed pa ste/ kye rgyal ba'i sras/ chos dkar po'i rnam pa bcu po de dag gis/ de bzhin gshegs pa dgra bcom pa yang dag par rdzogs </font><hr>Ca7a<br><font size=+1>


@#/ /pa'i sangs rgyas rnams kyi chos kyi 'khor lo sems can gzhan gyi sems kyi rgyud la thogs pa med pa dang / mngon par med par 'gyur bar 'gyur ro| |kye rgyal ba'i sras/ sangs rgyas kyi 'phrin las rdzogs par mdzad zin pa'i de bzhin gshegs pa dgra bcom pa yang dag par rdzogs pa'i sangs rgyas ni don bcu'i dbang gzigs nas/ yongs su mya ngan las 'da' ba chen po ston te/ bcu gang zhe na/ 'di ltar yang dag pa ji lta ba bzhin du 'du byed mi rtag pa yongs su bstan pa dang / 'dus byas thams cad yid brtan du mi rung bar bstan pa dang / mya ngan las 'da' ba'i phyogs bde bar 'gro bas 'jigs pa dang / bag tsha ba thams cad dang 'bral ba yang dag par bstan pa dang / gzugs kyi lus la zhen pa'i lha dang mi rnams la gzugs kyi lus mi rtag pa nyid du yang dag par bstan pa dang / chos kyi sku la yang dag par sbyar ba dang / rnam par 'gyur ba'i mthus phyir mi ldog par yongs su bstan pa dang / 'du byed thams cad 'dod dgur mi rung zhing dbang bsgyur du med pa yongs su bstan pa dang / sa gsum gyi 'khor ba thams cad sgyu ma'i rnam pa lta bur yongs su bstan pa dang / mya ngan las 'das pa ni snying po dam pa ste/ mi 'jigs pa'i chos nyid du yang dag par bstan pa </font><hr>Ca7b<br><font size=+1>


dang| kun 'byung zhing 'jigs pas 'bral bar 'gyur ba yongs su bstan pa dang / kye rgyal ba'i sras/ sangs rgyas bcom ldan 'das kyi chos nyid kyis kyang de bzhin te/ sangs rgyas kyi 'phrin las thams cad rdzogs par mdzad de/ dgongs pa thams cad yongs su rdzogs shing chos kyi 'khor lo shin tu bskor te/ 'dul ba thams cad shin tu dul nas/ byang chub sems dpa' thams cad shin tu lung bstan par 'gyur te/ mnyam pa med pa'i go 'phang yongs su mya ngan las 'da' ba chen por yongs su mya ngan las 'da'o/ /kye rgyal ba'i sras| don bcu po de dag yang dag par gzigs nas/ de bzhin gshegs pa dgra bcom pa yang dag par rdzogs pa'i sangs rgyas mnyam pa med pa'i go 'phang yongs su mya ngan las 'das pa chen po yongs su ston to/ /kye rgyal ba'i sras/ 'di ni byang chub sems dpa' rnams kyi spyod pa yongs su sbyong ba zhes bya ba'i chos kyi sgo ste/ yang dag par rdzogs pa'i sangs rgyas mang pos gsungs pa'o/ /don tshad med pa khong du chud par 'gyur ba'o/ /mkhas pa'i skye bo dga' bar byed pa'o/ /byang chub sems dpa' thams cad kyi spyod pa dang / smon lam chen po rgyun mi 'chad par byed pa'o/ /sems can gang gis 'di thos par gyur te/ thos nas kyang mos par byed pa dang / mos par gyur nas kyang nan </font><hr>Ca8a<br><font size=+1>


@#/ /tan gyis yang dag par bsgrub pa de dag thams cad myur du bla na med pa yang dag par rdzogs pa'i sangs rgyas su mngon par 'tshang rgya bar 'gyur ro| |kye rgyal ba'i sras/ de ci'i phyir zhe na/ byang chub ni byang chub sems dpa' nan tan lhur byed pa rnams kyis 'grub kyi/ nan tan dang mi ldan pa rnams kyis ma yin no/ / kye rgyal ba'i sras/ de lta bas na/ byang chub sems dpa' sems dpa' chen po nan tan la gnas pas/ 'jig rten las 'das pa'i chos kyi sgo'i le'u byang chub sems dpa'i spyod pa dang / yon tan gyi 'byung gnas/ don rnam par gdon mi za ba'i me tog/ chos kyi sgo thams cad la yang dag par gzhol ba/ ye shes kyi sgo la 'jug pa/ 'jig rten gyi lam thams cad las yang dag par 'das pa/ nyan thos dang / rang sangs rgyas thams cad kyi lam dang bral ba/ 'gro ba thams cad dang thun mong ma yin pa/ chos thams cad kyi sgo snang bar byed pa/ 'gro ba thams cad kyi 'jig rten dang 'jig rten las 'das pa'i dge ba'i rtsa ba rnam par 'phel bar byed pa 'di/ rim gror byas te/ mnyan par bya'o/ /blang bar bya'o/ /yongs su gzung bar bya'o/ /yongs su bzung nas kyang nges pas rtogs pa'i sgos yongs su sbyang ba dang / smon lam mngon par bsgrub </font><hr>Ca8b<br><font size=+1>


pa la brtson par bya'o/ /kye rgyal ba'i sras/ de ltar brtson pa'i byang chub sems dpa' rnams la ni/ bla na med pa yang dag par rdzogs pa'i byang chub dkon pa ma yin no/ /'jig rten las 'das pa'i chos kyi sgo'i le'u chos thams cad kyi sgor yang dag par gzhol ba'i chos kyi rnam grangs 'di bstan pa'i tshe/ sangs rgyas kyi mthu dang / chos kyi rnam grangs 'di'i chos nyid thob pas/ phyogs bcu'i 'jig rten gyi khams tshad med grangs med pa rnams rab tu g.yos par gyur to/ /'jig rten gyi khams g.yos par gyur pa de dag thams cad kyang snang ba chen pos rgyas shing gsal bar gyur to/ /phyogs bcu'i sangs rgyas bcom ldan 'das kyang dgyes par gyur te/ byang chub sems dpa' kun tu bzang po la zhal bstan nas gsung brjod pa/ kye rgyal ba'i bu/ legs so/ /legs so/ /ji ltar khyod kyis byang chub sems dpa' sems dpa' chen po rnams la/ 'jig rten las 'das pa'i chos kyi sgo'i le'u byang chub sems dpa'i spyod pa dang / yon tan gyi 'byung gnas don rnam par gdon mi za ba'i me tog chos kyi sgo thams cad la yang dag gzhol ba/ ye shes kyi sgo la 'jug pa| 'jig rten gyi lam thams cad las yang dag par 'das pa dang / nyan thos dang / rang sangs rgyas thams cad kyi lam dang bral ba/ 'gro ba thams cad dang thun mong ma yin pa/ </font><hr>Ca9a<br><font size=+1>


@#/ /chos thams cad kyi sgo snang bar byed pa/ 'gro ba thams cad kyi 'jig rten dang / 'jig rten las 'das pa'i dge ba'i rtsa ba rnam par 'phel bar byed pa 'di bstan pa ni rgyal ba'i bu khyod chos 'di dag la legs par bslabs pas shin tu byang ba ste/ rgyal ba'i bu khyod kyis chos kyi byin gyi rlabs dang / mthus mos pa'i chos kyi rnam grangs 'di legs par bshad de/ nged kyis kyang mngon par bsngags so/ /de bzhin du de bzhin gshegs pa thams cad kyis kyang mngon par bsngags so/ /kye rgyal ba'i bu/ khyod kyis chos kyi rnam grangs 'di da ltar dang / ma 'ongs pa'i byang chub sems dpa' rnams kyi ma thos pa'i chos thos par bya ba'i phyir/ nged kyis byin gyis brlab pa mdzad do// de nas byang chub sems dpa' sems dpa' chen po kun tu bzang pos sangs rgyas kyi byin gyi rlabs kyis phyogs bcur bltas te/ 'khor gyi dkyil 'khor thams cad la bltas nas chos kyi dbyings thams cad la bltas te/ de'i tshe tshigs su bcad pa 'di dag smras so/ /gang rnams de dag bskal pa bye ba khrag khrig stong du brtul zhugs dka' spyad pa// gang rnams de dag sangs rgyas bye ba khrag khrig stong las byung ba'i chos kyi sras/ /gang rnams de dag sems can bye ba khrag khrig stong rnams byang chub rab 'god pa/ /dpe </font><hr>Ca9b<br><font size=+1>


zla med pa de dag rnams kyi spyod pa bshad kyi rtse cig mnyan par byos/ /gang dag sangs rgyas khrag khrig mtha' yas mchod kyang bdag ni sangs rgyas mi gnas pa/ /gang dag nyon mongs bcings pa'i 'gro ba thar byed sems can 'du shes mi gnas dang / /gang rnams de dag sangs rgyas yon tan rtag tu tshol yang yon tan mi gnas pa/ /de dag 'jig rten rab tu dga' bar byed pa'i spyod mchog mdzes pa brjod par bya/ /gang rnams de dag srid pa gsum na las dang nyon mongs bdud kyi dbang song snang / /gang rnams de dag 'phags pa'i yon tan ldan zhing khyu mchog spyod pa ston pa po/ /gang rnams de dag gti mug nyon mongs nyes bral bsam pa zhi zhing rab zhi ba/ /'gro ba rnams la spyod pa'i rim pa ston pa de dag yon tan brjod par bya| |gang rnams de dag bdud g.yo 'gro ba kun las brgal te thams cad dbang byed pa/ /'gro ba thams cad dag la sprul pa sna tshogs tha dad mtha' yas rab tu ston/ /sems bskyed gyur ma thag tu gnas dang 'jig pa'i bya ba thams cad ston byed pa/ /de dag yon tan sna tshogs mdzes pa sems can dga' bar byed pa brjod par bya/ /srid pa'i rgyud na sems can sdug bsngal nyen cing skye dang rga bas gzir ba dang / /'chi dang mya ngan dag gis gtses shing gnod byas nyon mongs kun tu gzir mthong nas/ /de dag thar bar bya phyir </font><hr>Ca10a<br><font size=+1>


@#/ /snying rje rgya chen bskyed nas ye shes mchog 'god pa/ /de dag yon tan shin tu dge ba phyogs tsam bshad kyi rtse cig mnyan par byos/ /sbyin dang tshul khrims bzod pa brtson 'grus dga' bar bsam gtan la yang rnam par rtsen/ /shes rab thabs kyi pha rol phyin cing byams dang snying rje lhag pa'i bsam pa dang / /dga' ba'i chos la brtson zhing btang snyoms dga' bas bskal pa brgyar yang spyod spyad pa/ /de dag spyod ldan yon tan ldan pa rnams kyi yon tan bstan gyi de dag nyon/ /gang rnams de dag byang chub gnyer phyir bye ba khrag khrig stong gi lus skem pa/ /gang rnams byang chub zhi ba tshol phyir srog la lta ba med par gyur pa dang / /gang rnams de dag sems can phan phyir rtag brtson bdag gi bde ba mi tshol ba/ /byams dang snying rje'i sems ldan thub pa de dag kun gyi spyod mchog brjod par bya/ /rgya mtsho'i chu thigs bgrangs pa re res thams cad zad par bya bar rung srid kyi/ /de dag yon tan bskal pa bye ba khrag khrig du ma stong du brjod byas kyang / /dpe tsam bya bar mi nus legs par brjod cing bstan par mi nus 'on kyang go/ sems can phan pa'i don du sangs rgyas yul rnams bstan par bya ba mnyan par byos/ /gang dag 'gro ba rnams kyi don phyir dge ba kun 'dzin dkar </font><hr>Ca10b<br><font size=+1>


po 'phel byed kyang / /mtho bar mi sems dma' bar sems med mi dman chos tshol ngoms par yong mi 'gyur/ /'gro ba kun nas don gnyer chu klung ye shes mtsho chen shes rab shing sdong ste/ /ston pa'i mkhas pa de dag rnams ni sa ltar 'gro ba thams cad 'tsho ba yin/ /byams pa rlan yin snying rje rtsa ba dga' ba sdong po brtan pa sdom pa ste/ /ze ba ye shes dri ni tshul khrims bzang po lo ma me tog yon tan can/ /sangs rgyas 'od kyis rab tu rgyas byas blo gros ldan pa sems can dga' byed pa/ /de dang de dag pad+mo lta bur 'dus byas ma gos 'gro ba rnams la snang / /sa bon mos pa sa gzhi bsam pa byams dang snying rje dang ni rtsa ba ste/ /sdong po shes rab thabs ni yal ga lcug ma dag ni pha rol phyin rab lnga/ /bsam gtan shes rab mngon shes me tog rgyas pa kun mkhyen ye shes 'bras bu ste/ /chos kyi shing mchog rdzu 'phrul bya 'khod de dang des ni 'jig rten gsum po khebs/ /rim gyis dkar yangs yongs su spel ba lus yin bden pa rnams ni rkang pa ste/ /dran pa mgrin pa spyod mchog shes rab mgo yin ral pa rnam par grol ba dge/ stong pa don dam sul dang phug yin byams dang snying rje dag ni mig gnyis te/ /de dag seng ge lta bur bdag med sgra 'byin bdud sde rab tu skrag par byed/ /'gro ba ma lus rnams ni 'khor ba'i 'brog </font><hr>Ca11a<br><font size=+1>


@#/ /dgon nyon mongs mi bzad 'khyams gyur te/ /bdud kyi bya ma rta dang rkun por bcas pas zin cing gti mug mdongs gyur pa/ /lam ni rab stor mi mkhas sems can mthong nas ded dpon mkhas pa de dag ni/ /lam gyi mthar khrid 'jigs pa med pa'i grong khyer dam pa mchog la rab tu 'god/ /'gro ba dag ni 'dod chags zhe sdang mun pa nyon mongs sna tshogs nad btab cing / /yun ring nas ni 'dus byas sdug bsngal dag la gzhol zhing sdug bsngal rab 'bar ba/ /sems can mthong nas snying rje bskyed de nyon mongs pa yi nad pa kun gso zhing / /nad rnams zhi bar byed pa stong phrag brgyad cu rtsa bzhi dam pa dag kyang ston/ /rgyal po lta bu de dang de dag 'khor rnams dgar byed 'gro la chos ston pa/ /sdig pa spong la dge la bsnyen cing sangs rgyas yon tan rnams kyang tshol cig ces/ /rkang gnyis dbang po'i chos kyi yul la kun mkhyen ye shes dbang por dbang bskur ba/ /rgya chen byang chub yan lag rin chen 'byung gnas de dag 'gro ba'i 'phags pa'i nor/ /tshul khrims lte ba ting 'dzin mu khyud brgyan pa'i ye shes 'od dang shes rab mtshon/ /ye shes rno ba'i gzhu can nyon mongs 'joms zhing bdud kyi sde rnams dkrug byed pa/ /chos kyi sgron ma che 'byin mchog rnams de dang de dag sangs rgyas bskor ba yin/ /'khor lo mchog rnams </font><hr>Ca11b<br><font size=+1>


bskor zhing pha rol rgol ba dag dang mu stegs thams cad 'joms/ /ye shes chu ni zab cing mi zad shin tu rgya chen chos kyi ro dang ldan/ /byang chub yan lag de bzhin bsam gtan rin chen gang ba 'gro kun shes par dka'/ /thams cad mkhyen pa'i gnas kyi mtha' rlabs mtha' yas yul rnams dag cing lhag bsam dge /de dang de dag ye shes rgya mtsho mtshungs med bstan pas zad par mi 'gyur ro/ /'jig rten rab 'phags rtag tu yul gyis mi gos 'gro ba rnams kyi gnas gyur pa/ /bsam gtan mngon shes rab 'phel ye shes rtse mo lhag pa'i bsam pa mi sgul ba/ /gang dag de dang nyer phrad shes rab ye shes mchog gis rab tu 'dra bar 'gyur/ /de dang de dag yon tan ri rab shes rab rab brtan 'gro ba kun gyis bltas/ / lhag pa'i bsam pa mchog ni rdo rje mtshungs shing 'dra ste brtul zhugs thams cad brtan/ /sangs rgyas chos dang dge 'dun thams cad mkhyen pa'i spyod yas bsam pa mi phyed de/ / bdud dang sems can nyon mongs 'jig rten rlung dag gis ni mi bskyod rab brtan pa/ /de dang de dag 'jig rten dam pa nyon mongs 'bar ba dag las zlog par byed/ /byams pa'i sprin rnams kun 'dus snying rje stug po rig pa'i glog chen rgyu zhing ldog /thub pa rnams ni rdzu 'phrul gnas bzhi dbyangs kyi 'brug sgra 'byin cing rab tu sgrog/ tha dad yang dag shes dang </font><hr>Ca12a<br><font size=+1>


@#/ /tshul khrims yan lag brgyad ldan chu yi char 'bebs pa/ /de dang de dag sprin chen nyon mongs zhi byed sems can don phyir mngon par 'phags/ /shes rab dga' dang khrel yod dag ni 'obs te chos kyi rgyal mtshan bsgreng / /ye shes shing thags yin te thar pa'i sgo phye dran pa de dag sgo ba yin/ /bden pa rnams ni lam chen bzhi ste shin tu dge ba'i rdzu 'phrul rab brgyan pa/ /srid pa gsum na bdud sde dag gis mi thul grong khyer chos nyid dag tu ston/ /thams cad mkhyen pa'i sems mchog shing la rab 'dug rdzu 'phrul rkang pa'i rkang pa brtan/ /gshog pa thabs kyi stobs te pha rol gnon mthu byams dang snying rje mig gnyis yin/ /ston pa de dag 'gro ba kun na thub med mkha' lding dbang po'i drag shul 'dra/ /srid pa'i mtsho nas 'don cing lha mi rnams kyang mya ngan 'da' ba'i mchog la 'god/ /tshul khrims dkyil 'khor rdzu 'phrul rkang pa'i shugs ldan ye shes 'od zer phreng ba mdzes/ /'od snang kun 'char nyon mongs 'joms shing srid pa'i rgya mtsho rab tu skem par byed/ /stobs dang dbang po dge ba'i sman 'phel sems can pad+mo yongs su rgyas byed pa/ /de dang de dag snang byed chos kyi nyi ma'i khyu mchog 'gro ba kun du 'byung / /chos dbyings rnam par dag pa dkyil 'khor 'gro ba kun gyis blta na </font><hr>Ca12b<br><font size=+1>


mdzes pa ste/ /nyan thos rang rgyal rnams kyi tshogs mang skar ma 'dra ba dag ni zil gyis mnan/ /sems kyi rgyud rnams mthong nas srid pa gsum du 'phel dang 'grib pa rnam par stan/ / de dang de dag ye shes zla ba 'gro la 'char zhing mkhas pa nam mkha'i mtha'/ /chos kyi dbang po 'gro ba kun la dbang byed gzugs dang yon tan dag gis brgyan/ /ye shes rdo rje mnga' ba thabs ni mig ste chos la dbang chen bsgyur gnas pa/ /lus dang mtshan dang dpe byad bzang po sna tshogs kun gyis blta ba'i dbang po ste/ /chos kyis 'gro ba kun las rgyal ba de dang de dag chos kyi dbang po yin/ /srid pa gsum na 'dod pa'i 'dam dang nyon mongs las las rab 'das kun dbang po/ /byams pa snang dang thugs rje bsam gtan dga' dang btang snyoms rnams la mos/ /srid pa gsum po kun du tha dad lus ston chos kyi sgras kyang go 'byed pa/ /de dang de dag tshangs pa lta bur rnam dag mos shing lta ba'i rnam pa sel/ /'khor las rab tu 'das shing rnam dag yul dang ldan pa bdag po chos kyi dbang / /phyir ldog mi 'gyur blo gros che 'chang gang rnams theg pa dma' dang tha dad la/ /chos kyi dbang por dbang bskur 'jig rten dam pa ye shes phyir ldog mi 'gyur ba/ /thams cad mkhyen pa'i yon tan dbang phyug grags chen de dang de dag 'jig rten dbang / /nam mkha'i mkha' dbyings lta bur dngos dang </font><hr>Ca13a<br><font size=+1>


@#/ /rnam bral dmigs pa thams cad rnam bsal ba/ /'gro ba kun tu bya ba nyams len khyu mchog ci la'ang gnas pa med pa ste/ /'gro ba kun tu spyod pa dkar zhugs mkhas pa de dag rab tu mi gnas pa/ /de dang de dag ye shes dge zhing dag pas shes rab nam mkha'i dbyings dang 'dra/ /de dang de dag shin tu rgya chen thabs ldan sa lhar 'gro ba kun gyi gsos/ /chu 'dra de dang de dag byams dang snying rje nyon mongs me ni rab tu sel/ /de dang de dag ye shes mes ni nyon mongs sreg cing bag chags bcas pa bsal/ /ston pa de dag mi gnas rlung dang 'dra bar srid pa gsum na rab tu rgyu/ /de dang de dag rin chen 'dra ste shin tu dkon zhing 'gro bar dbul yang sel/ /de dang de dag rdo rje lta bur srid pa gsum na lta ba kun tu 'joms/ /de dang de dag yon tan kun gyi phreng ba sna tshogs 'jig rten gsum mdzes byed/ /ston pa de dag nor bu rin chen mtshungs 'dra spyod pa kun gyi gtsug tu phyin// de dang de dag me tog lta bur yon tan rab rgyas byang chub yan lag rtse/ /phreng ba lta bur de dang de dag smon lam bcings shing 'jig rten mgon la gnas/ /de dang de dag tshul khrims ma nyams skyon med rnam dag dri ni dri rab zhim/ /de dang de dag 'jig rten gsum na chos dang ye shes kyis ni bag chags dag/ gdugs 'dra de dang de dag stobs kyi bla </font><hr>Ca13b<br><font size=+1>


res nyon mongs rdul las skyob par byed/ /ye shes rgyal mtshan bsgreng ba'i thugs mnga' de dang de dag nga rgyal mtshan snyol/ /de dang de dag spyod pa'i ba dan sna tshogs yid 'ong ye shes kun tu 'phags/ /gos 'dra de dang de dag rdzu 'phrul yon tan 'gro ba kun la khebs par byed/ /theg pa 'dra ba khyu mchog mtha' yas de dang de dag 'jig rten gsum las 'byin// de dang de dag rab dul glang po lta bur yid kyis rtag tu dul la gnas/ /de dang de dag rdzu 'phrul rtas ni khal chen khyer zhing 'jig rten gsum las 'da'/ /klu yi dbang po lta bu de dang de dag sems kyi yul du chos char 'bebs/ /de dang de dag 'gro ba kun la me tog u dum war mtshungs 'dra shin tu dkon/ /dpa' bo lta bu de dang de dag nyon mongs 'joms shing bdud kyi sde rnams 'khrugs/ /mi ldog 'khor lo lta bu de dang de dag 'dren pa rnams kyis rab tu btsud/ /de dang de dag sgron ma lta bur mun pa sel cing sems can thams cad lam yang ston/ /de dang de dag chu klung lta bur yon tan ded cing lam rgyun rjes su 'gro /de dang de dag zam pa lta bur ngal ba med par rtag tu 'gro ba sgrol/ /gru dang gru chen lta bur smon lam rab btab ye shes gangs chen mtsho thob byed/ /de dang de dag mnyan pa lta bur 'gro ba ye shes thang chen mchog la 'god/ /de dag skyed mos tshal gyi dga' brtse zhing 'gro la yang dag spyod pa ston/ /de </font><hr>Ca14a<br><font size=+1>


@#/ /dag chos kyi rnam thar mngon shes me tog ye shes gzhal med khang dag pa/ /mkhas pa de dang de dag sman ltar nad zhi byed cing nyon mongs rab tu sel/ / sman gyis rgyas pa'i gangs ri lta bur de dang de dag ye shes 'byung gnas so/ /de dag sangs rgyas lta bur ye shes kyis ni 'gro ba gnyid log mun pa sel/ /yang dag sangs rgyas lta bur gzhan min yid kyis 'gro ba yang dag rtogs par byed/ /de dang de dag rgyal ba ci 'dra de ltar 'ongs te mkhas pa de nyid gnas/ /de dag thams cad mkhyen pa lta bur ye shes 'byung gnas kun nas sgor yang zhugs/ /zhi ba skyed pa de dang de dag ston pas rab bsngags 'gro ba kun la ston/ /de dang de dag rang gi ye shes yul dang thams cad mkhyen gyi spyod yul shes/ /de dang de dag tshad med dpung dang 'dra bar 'gro ba kun na thub pa med/ /de dag ye shes mi 'jigs blo gros 'chang ba thams cad mkhyen pa'i chos kyang shes/ /gang na gang dag 'gro ba kun gyi gzugs dang ming rnams ji snyed snang yod pa/ /kun tu gzugs snyoms gzugs kyi rjes su song zhing ming dbyangs rjes su song ba yin/ /gzugs rnams kun las 'das shing ming dang rnam par bral yang bya ba thams cad ston/ /de dag mthu ni 'gro ba rnams kyis rnam pa kun du brjod par mi nus so/ /gang dag 'di 'dra'i yon tan </font><hr>Ca14b<br><font size=+1>


thob cing dngos bral dngos po med pa'i chos gnas shing / /yod dang med pa'i mdud pa thams cad bral ba mkhas pa ye shes mngon sum can/ /thams cad shes kyang ye shes rten pa ma yin ye shes de la gnas pa min/ /de dag spyod la 'jug pa yid 'ong 'jig rten dga' bar byed pa bshad par bya/ /chos kyi tshul ni sgyu ma'i rang bzhin dngos po dben pa lta bur rab rtogs nas/ /mkhas pas sangs rgyas byin gyi rlabs kyis smon lam thabs dang snying rje dag kyang byed/ /sprul pa'i ye shes sgo dang ldan pas khyu mchog bya ba sna tshogs rab ston pa'i/ / byang chub sems dpa' ma nor yid can rtse gcig mnyam pa med pa legs par grags/ /lus gcig la ni mtha' yas lus dang rgya chen lus rnams tha dad rab tu ston/ /sems med yid med sems kyi yul med 'on kyang 'gro ba kun du de dag ston/ /khyu mchog brjod pa'i pha rol phyin pa de dag dbyangs gcig rnam par rjod byed kyang / /'gro ba dag gis sgra skad ji snyed yod pa de dag thams cad rab tu rjod/ /nyon mongs rgyud byung lus dang bral yang sems can rnams kyi lus la dbang bsgyur te/ /brjod du med pa'i tshul gyis zhi ba rtogs shing sgra rnams thams cad rab tu ston/ /de dag sems kyi rang bzhin zhi zhing 'od gsal nam mkha' mtshungs par yang dag shes/ /'gro ba kun la bya ba rnam pa sna tshogs sgo nas 'jig </font><hr>Ca15a<br><font size=+1>


@#/ /rten sna tshogs ston/ /de dag lus rnams gang la'ang gnas pa med de lus kyang de dag ston pa byed/ /'gro ba thams cad kyi ni skye ba dag dang rgyu mthun gnas pa ji snyed pa/ /thams cad kun du skye ba'i lus dang ldan yang skye ba dag la gnas pa med/ /rang gi lus la mkha' 'dra dngos bral sems can sems la sna tshogs rnam pa ste/ /mkhas pa kun la dbang bsgyur de dag lus ni mtha' yas kun tu ston byed cing / /me tog dri dang byug pa phye ma sil snyan gdugs dang ba dan rgyal mtshan rnams/ /thams cad mkhyen la mchod pas rkang gnyis gtso bo 'jig rten mchog la mchod byed cing / /mkhas pa bsam pa thag pas lus kyi 'du byed mchod pa dam pa kun du ston/ /mkhas pa de dag rgyal ba zhabs kyi drung 'khod rgyal ba thams cad kyi/ /'khor rnams kun na snang zhing mtshungs med de dag zhu ba kun kyang zhu ba byed/ /chos kyi dam pa thos nas ting 'dzin re re mtha' yas sgo ldan thob gyur cing / /blo gros ldan pa de snyed rnam par ldang ba ston pa byed kyang zad pa med/ /'gro ba sgyu ma lta bur rtogs nas shes rab ye shes thabs kyi pha rol phyin/ /sgyu ma lta bu'i chos dang gzugs spos mtha' yas dang ba 'gro ba kun la ston/ /sna tshogs gzugs dang sgra rnams mtha' yas shin tu rgya che sems kyang rab tu ston/ /'gro ba thams cad la ni </font><hr>Ca15b<br><font size=+1>


'du shes dra ba 'jug pa ston kyang gnas pa med/ /'gro don rjes 'gro de dag la la dag tu thog ma'i sems su 'gro ba ston/ /la lar 'gro ba kun la byang chub spyod pa mtha' yas rgya chen dag kyang ston/ /la lar sbyin dang tshul khrims bzod pa brtson 'grus bsam gtan shes rab rnams/ /la lar tshangs pa'i lam sdud kha cig tu ni spyod pa mchog kyang rab tu ston/ /mkhas pa rtogs med de dag la lar spyod pa rdzogs shing bzod pa thob pa ston/ /la lar skye ba gcig gis thogs par nges shing la lar rgyal bas dbang bskur ba/ /la lar nyan thos gzugs su gyur cing la la dag tu rang rgyal gzugs su gyur/ /bye ba khrag khrig mang po'i zhing du mya ngan 'da' bas spyod las ldog pa med/ /de dag la lar lha dbang brgya byin lha dang bcas pa la lar tshangs par 'gyur/ /de dag la lar lha yi bu mo brgyas bskor la lar gcig pu spyod pa ston/ /la lar dge slong rab tu zhi zhing yid zhi la lar rgyal po dbang phyug 'gyur/ /la lar chos kyi dra bar 'jug pa'i ye shes khyu mchog gzugs kyang rab tu ston/ /la lar bud med sgyu rtsal pha rol rab phyin la lar dka' thub can du 'gyur/ /la lar 'dod pa'i longs spyod rgya chen ston cing la lar bsam gtan thub pa byed/ /la lar mya ngan 'da' dang tshe yis dang la lar rgan dang byis par ston/ /de dag spyod pa bsams na skye bo myos par 'gyur </font><hr>Ca16a<br><font size=+1>


@#/ /te yid gnyis rnyed par 'gyur/ /la lar lha dang 'grogs shing la lar shi 'pho la lar mngal 'gro gnas pa ston/ /la lar mngal zhugs la lar rnam par sangs rgyas la lar 'khor lo rab tu bskor/ /la lar skye ba la lar mya ngan 'das pa la lar bzo yang rab tu slob/ /la lar bud med tshogs kyi dbus gnas la lar ting 'dzin la lar mngon par 'byung / /la lar khyu mchog byang chub dam par sangs rgyas byang chub shing gi drung na bzhugs/ /la lar 'khor lo rab tu bskor zhing la lar sna tshogs chos rnams yongs su tshol/ /la lar sangs rgyas gyur cing zhing rnams bye ba brgyar khyab 'gro bar ston byed kyang / /byang chub don du spyod pa dag gis tshogs rnams las kyang phyir ldog ma yin no/ /bskal pa'i grangs la 'jug pa'i pha rol phyin pas bskal pa bye ba phrag brgya dag /khyu mchog sems gcig nang ston sems gcig bskal pa brgyar yang de bzhin ston pa byed/ /'gro ba thams cad la yang rtog dang mi rtog rtog pa'i yul rnams thams cad ston/ /gsog pa med cing phyogs la gnas med spyod pa de dag kun kyang rab tu ston/ /gang phyir rgyal ba nye rgyal de dag nyi tshe'i phyogs med kun na bzhugs pas na/ /'gro ba kun gyi rgyal ba ji snyed pa dag thams cad rdul gcig steng du mthong / / </font><hr>Ca16b<br><font size=+1>


sangs rgyas zhing rnams bsgrubs dang sems can yul dang chos kyi rgyu tshul rnams kyang mthong / /de ltar brtson pas bskal pa khrag khrig brtson byed 'on kyang cha shas zad mi 'gyur/ /de ltar 'gro ba kun gyi sems can tshul rnams mtha' yas rgya chen rab tu shes/ /sems can gcig la mtha' yas lus dang rgyu dang bye ba khrag khrig yod pa rnams/ /de dag 'gro ba gcig dang ma lus thams cad dag la rnam pa kun du ston pa byed/ /bslab pa 'di yi phyogs la pha rol phyin te ma bslabs rnams ni ston pa byed/ /dbang po rnon po dang ni 'bring dang gang dag dbang po rtul ba'ang rab shes nas/ /'gro bar skal ba yod dang skal ba med pa'i dbang po'i 'khor lo skor ba byed/ /dbang po re re la yang dbang po thams cad rnam pa phan tshun gnas pa dang / /dbang po'i dngos po phra ba'i tshul dang gang dag dbang po brtan pa'ang rab tu shes/ /de ltar khams dang mos dang bsam pa spyod dang nyon mongs bag chags rnams kyang shes| |sngon gyi mtha' dang phyi ma'i mtha' yi sems spyod da ltar byung ba'ang de bzhin te/ /sems can kun gyi spyod pa'i pha rol phyin kyang 'ong dang 'gro ba yod ma yin/ /ma nor spyod pa shes nas 'gro ba kun la chos kyi dam pa ston pa byed/ /de ltar sems kyi sems spyod sna tshogs kun nas nyon mongs med pa dag /sems gcig la ni khong du chud nas byang chub </font><hr>Ca17a<br><font size=+1>


@#/ /mchog tu kun mkhyen rnam sangs rgya/ /sems kyi skad cig gcig gis 'gro ba rnams phye rang gi shes pas rtogs gyur nas/ /sems kyi tshul shes sems med rab tu gzhol bas ye shes mchog la kun kyang 'god/ /rdzu 'phrul mchog thob ye shes khyu mchog mngon par shes pa kun gyis rab tu 'phags/ /sems bskyed gcig gis khrag khrig mtha' yas zhing dang phyogs rnams thams cad du'ang 'gro/ de ltar ye shes dbang bsgyur 'gro zhing bskal pa bye ba khrag khrig zad byed kyang / /skra rgyud shin tu phra ba gcig la zhugs par gnas las gar yang 'pho ba med/ /'tsho ba'i don du sgyu mkhan gzugs rnams sna tshogs 'gro ba kun la ston byed kyang / /sgyu ma kun btsal gzugs su mi dmigs gzugs yod ma yin par yang dmigs pa med/ /de ltar mkhas pa ye shes thabs dang shes rab rgya chen sgyu mar zhugs pa rnams/ /sprul pa phun sum tshogs pas 'jig rten phal chen khyab par byas shing rab tu ston/ /nyi ma zla ba mkha' la rgyu zhing mdzes la shin tu 'phags pa'i rnams/ /ma rnyogs chu rnams ji snyed dag tu snang yang de ni chu dang 'dres ma yin/ /de ltar chos nyid dag pa'i dkyil 'khor mchog la shes pas shin tu 'phags pa'i rnams/ /'gro ba dag pa'i sems kyi </font><hr>Ca17b<br><font size=+1>


yul la snang yang 'gro ba dag dang 'dres ma yin/ /la la gnyid log rmi lam dag na bya ba rnam pa sna tshogs tha dad byed/ /lo ni bye ba khrag khrig mang po zad par rmis kyang mtshan mo de ma zad| |de ltar chos nyid rang bzhin mtshungs par rjes rtogs bya ba sna tshogs kun ston te/ /skad cig gcig la bskal pa bye ba zad byed de dag ye shes zad mi 'gyur/ /ri yi dbang po'i ri sul gnas pa 'jig rten dag dang mnyam du thos pa'i sgra/ /kun nas sgra yi sgra brnyan de dang 'dra bar brjod kyang rtog cing g.yo ba med/ /de bzhin chos kyi rang bzhin shes pa'i khyu mchog byang chub sems dpa' mkhas pa dag /rtog pa med par sems can sgra rnams ji snyed par ni chos dang spyod pa ston/ /dpyid zla dag gi smig rgyu g.yos la ji ltar sems can chur ni 'du shes nas/ /de nas chu rnyed mi 'gyur btung du med cing je bas je skom rnams 'phel ba/ /de ltar mkhas pa thar la zhugs pa sems can dag gi nyon mongs g.yo ba'i rnams/ / shes pas rtog nas sems can 'du shes bya med phyir zhing bya ba rnam par 'phel/ /gzugs ni dbu ba lta bur khyu mchog ston te tshor ba chu yi chu bur 'dra/ /'du shes thams cad smig rgyu lta bur rag las 'dus byas chu skyes shing dang 'dra/ /sems ni sgyu 'dra bsgrub bya skyed byed de bzhin bya ba sna tshogs rab tu ston/ /de ltar phung po dgod pa ston kyang dbang </font><hr>Ca18a<br><font size=+1>


@#/ /bsgyur dag ni de la gnas pa med/ /skye mched stong pa'i rang bzhin dbang med 'khrul 'khor bya ba kun du 'byin byed dang / /khams ni chos kyi dbyings mtshungs dngos po dag dang bral bar 'gro ba rnams la ston/ /dam pa'i don tshul zhi ba las ni bden pa sna tshogs rnams kyang rab tu ston/ /de ltar de dag chos tshul rnam par dgod pa ston pa byed kyang gnas pa med/ /'ong ba med cing phyogs su 'gro ba med la rgyud du gnas pa med pa yi/ /nyon mongs rgyu las byung ba'i las dang las las sdug bsngal de ltar lam gsum du/ /rkyen la rag las 'byung ba rnams dang yod dang med las rab tu 'das pa yi/ /yang dag don dam dbu ma'i lam ni dngos po med la gnas pa rab tu ston/ /skad cig gcig la dus gsum khong du chud kyang skad cig sna tshogs rnams kyang ston/ /'dod dang gzugs med khams kyi yul dang bya ba sna tshogs ston par byed| |sdom pa gsum gyi spyod dang rab tu ldan zhing thar pa gsum yang rab tu ston/ /thams cad mkhyen pa nyid du gcig la theg pa gsum du rnam par dgod pa de bzhin ston| |gnas dang gnas ma yin pa rab tu dbye ba'i chos dang dbang po pha rol phyin/ /khams dang mos pa dag dang nyon mongs rnam 'byed kun du 'gro ba thob gyur pa/ /mig </font><hr>Ca18b<br><font size=+1>


gi yul gyur sngon gyi gnas pa dran zhing nyon mongs zhi bar mkhas pa dag /sangs rgyas stobs bcu dag gis ye shes shin tu yangs kyang stobs la dmigs pa med/ /sangs rgyas thams cad rjes su dpog stong 'gro ba kun du mngon sum chos bzhed de/ /nyon mongs zag pa lhan cig skyes pa mi mnga' byang ba'ang brnyes par gyur pa med/ /'byung ba thugs su chud pa'i ye shes rgya chen des ni 'gro ba 'don pa mdzad/ /'di yi gnas la rgyal sras 'jigs pa med cing 'on kyang zhi bar spyod pa med/ /'khrul pa mi mnga' lam las g.yo ba'ang mi mnga' dgongs pa nyams pa'ang mi mnga' ste/ /mos dang brtson 'grus ting 'dzin shes rab rnam par 'byed pa ye shes gang du'ang nyams pa med pa/ /thams cad mkhyen pa mdzad sdom pa gsum mdzad dus gsum kun la mngon sum mkhyen mnga' ba/ /'gro ba kun gyis ma thob byams pa'i chos nyid mi 'phrogs chags pa med brnyes pa/ /chos sgo gang dag gis ni spyod pa 'di dag rab tu thob pa smra ba'i mchog /de dag yon tan mang po don gyis brgyan pa'i phyogs tsam bdag gis brjod par bya/ /de dag spyod pa bskal pa khrag khrig dag tu brjod kyang zad par mi nus te/ /'on kyang ji ltar sa la sa rdul 'dra ye shes spyod pa phyogs tsam brjod par bya/ /sangs rgyas ye shes rten ldan bsam pa thob pas ngo mtshar 'du shes gnas pa </font><hr>Ca19a<br><font size=+1>


@#/ /rnams/ /spyod pa mchog dang ldan zhing byams pa'i rjes song brtson 'grus brtan pas rnam gnon cing / /tshul khrims mi g.yo dbugs phyin de dag 'gro ba thams cad yongs su smin par byed/ /lung bstan rab tu thob nas rgyal sras rnams kyi spyod pa tshul bzhin thob par byed/ /sangs rgyas yon tan dag la zhugs kyang sems can sems dang zhing la sems pa byed/ /bskal pa'i dus la 'jug pa'i ye shes ldan zhing mkhas pa skyo ba'i 'du shes med/ /gzungs kyi tshul dang yang dag tha dad stobs rnams thob cing yang dag don gyis rgyal/ /bstan pa mtshungs med sems kyis mkhas pa byang chub zhi ba rnam par 'tshang yang rgya/ /sems kyi spyod pa thams cad bzang po'i yon tan spyod pa'i mchog tu smon pa byed/ /snying rje'i rkyen dang byams pa mchog rten byang chub dam pa sbyong bar byed dang ldan/ /brtson pas pha rol phyin rtogs rab tu mkhas shing skyo ba'i pha rol phyin gyur pas/ /khyu mchog mos dang rab tu rtogs pa'i stobs thob byang chub dam pa mngon 'tshang rgya/ /mnyam pa nyid kyis mnyam pa thob cing ye shes tshul gyis chos mchog ston byed pa/ /yon tan thob byed spobs dang ldan pa de dag chos kyi dbang phyug mchog tu 'gyur/ /dbang la gnas kyang gnas pa med pas mnyam pa med </font><hr>Ca19b<br><font size=+1>


pa'i sems kyi 'brug sgra sgrogs/ /ye shes mchog dang de bzhin gshegs sprul sgrub cing byang chub zhi ba nye bar 'gro /mkhas pa de dag bskal pa 'byams klas byin rlabs shes pas dbugs phyin rab tu thob/ /zab la gnas pas brtan par 'gro na gnas shing nem nur bsal bas mkhas pa rnams/ /ye shes bsam gyis mi khyab chos kyi dgongs pa mkhas shing rnam phye pha rol phyin/ /snyoms par 'jug pa'i ye shes yul la zhugs nas thams cad mkhyen par 'tshang yang rgya/ /ye shes rnam thar kun gyi pha rol phyin cing mngon par shes pas rnam par rtsen/ /rig pa'i snang ldan rnam grol nyon mongs bral bas 'gro la skyed mos tshal dang 'dra/ /gang la dkar ba'i spyod pa'i gzhal med khang mdzes sna tshogs spyod pa ston pa po| |'gro ba kun la rgyan rnams du ma rab tu ston kyang sems las g.yo ba med/ /bsam pa shin tu shes pas bstan pa rab tu mkhas shing pha rol phyin 'gyur bas/ /mkhas pa dag ni dag cing sbyangs ba'i byang chub phyag rgya snang ba'i ye shes kyis/ /'gro ba dag dang mi mtshungs zhum med khyu mchog lhag pa'i bsam pa ri bo 'dra/ /ye shes rgya mtsho 'dra dang yon tan mi zad don du spyod pa chen po spyod/ /de dag rin chen 'dra ba'i gnas la rdo rje lta bu'i go cha bgos pas gnas/ /shin tu rgya chen rtsom la rab tu mkhas shing 'gro </font><hr>Ca20a<br><font size=+1>


@#/ /ba kun na thub pa med/ /byang chub mchog tu lung bstan skyon med khong du chud pa'i rgya chen sems la gnas/ /sangs rgyas gter mchog mi zad thob nas thams cad mkhyen pa nyid du 'tshang rgya'o/ /rtag tu kun rdzob shes pas dbang 'gyur rnam par 'phrul ba rnams la mkhas pas na/ /zhing rnams kun dang chos kyi yul la rnam par 'phrul pa'i ye shes rgyud la gnas/ /lus dang smon lam spyod yul ye shes rnam par 'phrul pa la yang de bzhin te/ /'gro ba dag la rnam par rtse ba bye ba khrag khrig du ma mang po ston/ /mngon par shes pa'i rdzu 'phrul stobs kyis rnam par 'phrul zhing nges par rnam par rtse/ /khyu mchog de dag sangs rgyas yul la stobs thob 'gro ba kun gyis thub pa med/ /mkhas pa 'jigs pa med dang bag tsha med dang ma 'dres rnams kyis shin tu brgyan/ /sangs rgyas sras dag las rnams thams cad byed cing shin tu mdzes pa'i lus dang ldan/ /de dag lus kyi las kyi dngos po shin tu rgya che dag kyang dag cing dge /de yang 'byin pa'i tshe na rgyal bas byin gyis brlabs shing las ni mchog kyang byed| |dam pa de dag sems bskyed gcig la sems rgyas byed pa'i sems kyang rab tu ston/ /rgyal ba'i dbang po thob pas rtag tu dbang po'i ting 'dzin dbang la rab tu </font><hr>Ca20b<br><font size=+1>


gnas/ /bsam bdag cing g.yo rgyu rnams dang bral te lhag pa'i bsam pa mngon sum gyur/ /mos pa'i 'jug pa rnam pa sna tshogs tha dad 'gro ba dag la rab tu ston/ /bag chags thams cad spangs nas spyod pa dam pa rab tu 'dzin/ /nan tan bya ba grub pa'i ye shes mkhas pas thams cad mkhyen par 'tshang yang rgya/ /bsam pa rnam par spangs nas de dag skyon med gnas pa zhi ba mchog kyang 'thob/ /mkhas pa 'di lam shin tu bslabs pa de dag ming ni yon tan sgo nas grags/ /mtha' yas sems kyi yul ldan gnas pa med par lam rnams yang du sgom pa byed/ /ye shes tshul la gnas shing 'gro ba rnams la lam gyi rgyan rnams shin tu ston/ /spyod pa lag pa lta bu dag dang ldan pa lto yin snying po ye shes mchog /snying ni rdo rje lta bu snying rje'i go bgos ye shes gdab pa'i mtshon cha yin/ /shes rab mgo ste chos rtogs mig yin byang chub spyod pa yang ni rna ba yin| |tshul khrims dag cing nyon mongs med la gtsang ste mun bzhi byed sna yin te/ /spobs pa lce yin lus ni rig pa yin te sems ni ye shes dam pa yin/ /spyod pa rgyu ba yin te byang chub shing gnas seng ge'i khri ni 'dug pa yin/ /tshangs pa'i lam rnams dag ni lam yin stong pa chags med dam pa spyod yul lo/ /gang gis de dag </font><hr>Ca21a<br><font size=+1>


@#/ /snang bar 'gyur ba'i snang ba bde bar gshegs kyi ye shes yul/ /sems can spyod la rnam par lta ba ye shes mchog ste rnam pa sna tshogs bsgyings// sems can dben zhing chags dang bral ba'i sbyin pa bsnyems pa med pa'i tshul khrims dang / /bzod pa mi 'khrugs brtson 'grus mi ldog dbang bsgyur ba ni bsam gtan dam pa yin| |rgyu ba med cing nam mkha' 'dra ba shes rab byams pa sems can rnam par 'dren/ /skyo ba med snying rje rnam dag chos ni dga' ba nyon mongs gnas las btang yang snyoms/ /don ni zhi ba chos kyi yul la nye bar 'gro ba bsod nams 'gro la bsngos/ /ye shes tshogs ni ral gri rnon po lta bu snang ba chen po rig pa ste/ /'gro ba rnams la thos pa ston pas mi ngoms bskal par 'dren kyang 'jigs pa med/ /nan tan byed la gnas te bdud rnams btul nas bdud kyi lam yang rab tu bcad/ /rgyal ba rnams kyi 'phrin las gang yin ye shes spyod pa lhag pa'i bsam pas 'dzin/ /nga rgyal las rnams rnam par spangs te rtag tu ye shes kyi yang bya ba byed/ /bdud rnams byin gyis brlabs bcom mkhas pa de dag sangs rgyas byin gyi rlabs kyis 'phags/ /chos kyi byin gyi rlabs thob blo gros chen po 'chang ba lha yi gnas su 'dong / /lha rnams </font><hr>Ca21b<br><font size=+1>


byas te 'chi 'phos song nas mchog gi mngal ni shin tu phra bar 'gro/ skye ba mchog ni nye bar bstan nas mchog gi gom pa bdun ni 'dor bar byed/ /mkhas pa de dag sems can kun la bzo dang spyod dang btsun mo'i 'khor kyang ston/ /chags pa med par mngon par byung nas byang chub shing drung chos kyi rgyan kyang byed/ /stong pa stan las 'od zer dra ba yangs pa skye zhing yang dag bskul ba byed/ /bdud rnams btul te byang chub go 'phang sangs rgyas chos kyi 'khor lo rab tu bskor/ /sangs rgyas sa yang rab tu bstan nas 'dren pa de dag mtshungs pa med par bzhud/ /gang gis mkhas pa bskal pa bye bar rnam par rtse zhing yang dag byung gyur nas/ /sems can bye ba khrag khrig stong phrag du ma sangs rgyas yon tan rab 'god kyang / /rnam pa kun du sems can mi gnas chos la ma yin spyod la ma yin pa'i/ /de dag gi ni spyod pa 'di 'dra mtha' yas shin tu rgya chen mdor bstan te/ /de 'dra'i spyod dang ldan pa'i ye shes khyu mchog rdzu 'phrul dag gis rnam par rtse/ /zhing rnams bye ba stong yang skra rtse gcig la bskal pa khrag khrig brgyar 'dzin te/ /lag tu khyer te zhing rnams bye bar 'gro yang lus la'ang ngal dub gang yang med/ /mkhas pas khyer nas ji lta'i gnas su bkod kyang 'gro ba dag la gnod pa med/ /'jig rten mkhyen pa'i zhing gi rgyan rnams ji snyed rnam pa tha dad bstan pa dag/ kun kyang ba </font><hr>Ca22a<br><font size=+1>


@#/ /sbu gcig gi bu gar khyu mchog de dag yang dag rab tu ston/ /mkhas pa ba spu'i bu gar rgya mtsho chu rnams ma lus khong chud rab ston kyang / /'phel zhing 'grib med 'gro ba dag la gnod par 'gyur med bya ba de yang ston/ /khor yug khrag khrig shin tu phra ba'i rdul byas lag gis bsdus khyer zhing / /zhing rnams khrag khrig bye ma snyed du 'dor byed gcig tu gnyis kyang gzhog mi byed/ /zhing rnams de dag rdul du byas te de bzhin gzhan yang rnam par 'jig byed de/ /de 'dra'i rjes su dang ba zad par gyur kyang 'jug pa de dag mi zad do/ /'jig rten kun gyi nyi ma zla ba skar ma gang dag stong rnams ji snyed dang / /gang yang nor bu'i 'od dang me yi 'od dang gang na gang rnams lha dbang 'od/ / mang po de dag rab tu 'das pa'i 'od zer khrag khrig spu gcig khung nas 'gyed/ /'jig rten kun gyi ngan song sdug bsngal zhi bar byed cing chos kyi dam pa ston/ /'gro ba ma lus sgra yi rnam pa sna tshogs skad rnams thams cad ji snyed pa/ /sku mchog de dag tshig gcig rab tu brjod pas sgra rnams thams cad tshang bar brjod/ /srog chags bye ba rnams kyis yid du 'ong ba'i sgra thob dga' zhing mgu bar 'gyur/ /rgyal bas bstan pa'i chos kyi rnam pa ji snyed thams cad de las thos par 'gyur/ /gang yang ji snyed </font><hr>Ca22b<br><font size=+1>


'das pa'i bskal pa yod pa de dag ma 'ongs bskal par ston/ /gang yang ma 'ongs pa dang da ltar byung ba ji snyed de dag 'das par ston/ /khyu mchog dag ni zhing rnams 'tshig dang gnas pa rnam pa tha dad ston pa byed/ /'gro ba ji snyed thams cad mkhas pa de dag skra rtse gcig la rab tu 'god/ /'das dang ma byon pa dang phyogs bcu kun na bzhugs pa'i rgyal ba ji snyed pa/ /de dag thams cad rang gi lus las ma nor dbang bsgyur rnam par 'phrul pa ston/ /sprul pa'i byin gyi rlabs la shes pa'i mkhas pa de dag 'gro ba ji snyed sems/ /de snyed lus rnams rdul dang bral ba ston kyang lus la gnas pa gang yang med/ /lam rgyud drug po gang rnams ji snyed yod pa'i 'gro ba kun gyi lus bsdus shing / /brgya byin tshangs pa'i 'jig rten mgon po rnams dang de bzhin lha dang mi yi rnams/ /gang yang nyan thos rang rgyal rnams la dad cing sangs rgyas sku la mos pa la/ /sangs rgyas byang chub 'grub pa'i spyod pa dag dang thams cad mkhyen pa'i spyod pa ston/ /'gro ba kun gyi 'du shes dra ba rab dang 'bring dang tha mar 'jug pa rnams/ /thams cad shes shing byin rlob byang chub 'tshang rgya zhing rnams kun kyang rab tu ston/ /'du shes dra ba rnams bsgoms blo ldan 'jig rten 'du shes rnams la dbang bsgyur ba/ /bya ba dang ni sbyor ba ji snyed pa dang kun mchog byang </font><hr>Ca23a<br><font size=+1>


@#/ /chub spyod pa sten/ /de dag de dang rnam par 'phrul pa shin tu rgya chen dam pa gzhan yang ston/ /de dag gang la 'jig rten sa min pa dang yul min de dag bya ba ston/ /ston kyang bya ba lhur len ma yin gzhan yang phyir zhing gong du ston pa byed/ /de dag sems can rnams kyi bsam pa ji bzhin spyod pa ci bzhin yang dag 'jug /lus ni nam mkha' lta bu dag dang yid la chags med 'jig rten gsum gyi gtso/ /tshul khrims spos kyi byug pa rab tu zhi ba gos yin yon tan sna tshogs rgyan/ /chos kyi go 'phang skyon med thob cing thams cad mkhyen pa yid bzhin nor bu ste/ /bde gshegs kun gyi ye shes dbang bskur thams cad mkhyen pa'i rgyal po'i thabs la gnas/ /pha rol phyin pa rtag 'byung 'khor lo yin te glang po mngon par shes pa mchog /ye shes rdzu 'phrul rta ste chags pa med 'gro shes rab nor bu dam pa yin/ /spyod pa btsun mo bzang mo bsdu ba rnam pa bzhi po khyim bdag dam pa'o/ /thabs la shin tu mkhas pa blon po yin te mkhas pa de dag 'khor los bsgyur/ /stong pa khyim ste ting 'dzin grong khyer mchog yin byams dang snying rje'i go cha'o/ /shes rab ral gri yin te dran pa gzhu mdzes dbang po rno ba mda' yang yin/ /'jig rten mkhyen pa rnams kyi byin gyi rlabs ni gdugs te/ </font><hr>Ca23b<br><font size=+1>


ye shes rgyal mtshan bsgreng / /de dang de dag bzod pa'i stobs kyis bdud kyi dpung dang sde rnams 'dus pa 'joms/ /gzungs ni sa ste byang chub spyod pa chu klung ye shes lu ma shes rab shing| |me tog byang chub yan lag ting nge 'dzin ni rta ste rdzu 'phrul rnam par brgyan/ /stong pa rnam thar brgyan pa rdzing bu yin te rnam par dpyod pa bzang po btsun mo yin/ /thar pa bdud rtsi bza' ba yin te chos ni btung ba theg pa gsum gyis rtse/ /de dag spyod pa de 'dra yid 'ongs khyad par 'phags te de bas gong du mang / /gang gi bskal pa bye ba khrag khrig stong du skyo ba yongs su mi skyo bar/ /ston pa mchod cing rnam dag zhing la brtson pas 'gro ba ye shes mchog la 'god/ /kha na ma tho kun med ye shes rab gnas thams cad mkhyen pa nyid rgyas byed| |zhing rnams rdul gyi 'brur blags re re nas kyang 'grang zhing brtsi bar nus 'gyur la/ /bar snang mkha' chen 'di yang skra yis gzhal te zad par bya bar nus srid de/ /skad cig gcig la 'gro ba rnams kyi sems ni bgrang tshul shes par nus srid kyi/ /sangs rgyas sras rnams spyod pa dag ni bskal pa brgyar brjod zad par mi nus so/ /gang zhig yon tan rnam dag 'di dag 'thob par 'dod cing gong du gzhan 'dod dang / /gang zhig sdug bsngal rnams las 'gro ba thar byas bde la dgod par 'dod pa dang / /gang zhig bde bar </font><hr>Ca24a<br><font size=+1>


@#/ /gshegs pa'i sku gsung thugs dang mnyam du 'gyur bar 'dod pa dag /des ni rdo rje lta bu brtan pa'i sems su gyis te yon tan bslab par byos/ / shin tu rgyas pa chen po'i mdo/ sangs rgyas phal po che zhes bya ba las/ 'jig rten las 'das pa'i le'u ste/ bzhi bcu rtsa bzhi pa'o// //bam po brgyad cu drug pa| bcom ldan 'das mnyan du yod pa'i dze ta'i tshal/ skyabs med pa la zas sbyin pa'i kun dga' ra ba'i nang / pho brang brtsegs pa bkod pa rgya chen po can na/ byang chub sems dpa' kun tu bzang po dang / 'jam dpal la sogs pa 'di lta ste/ byang chub sems dpa' sems dpa' chen po shes pa dam pa'i ye shes dang / brtan pa dam pa'i ye shes dang| chags med dam pa'i ye shes dang / me tog dam pa'i ye shes dang / nyi ma dam pa'i ye shes dang / zla ba dam pa'i ye shes dang / dri med dam pa'i ye shes dang / rdo rje dam pa'i ye shes dang / rdul med dam pa'i ye shes dang / byang chub sems dpa' rnam par snang mdzad dam pa'i ye shes dang / byang chub sems dpa' skar ma'i rgyal mtshan dang / ri rab rgyal mtshan dang / rin chen rgyal mtshan dang / chags med rgyal mtshan dang / me tog rgyal mtshan dang / dri med rgyal mtshan dang / nyi ma'i rgyal </font><hr>Ca24b<br><font size=+1>


mtshan dang / mdzes pa'i rgyal mtshan dang / rdul med rgyal mtshan dang / byang chub sems dpa' rnam par snang ba'i rgyal mtshan dang / byang chub sems dpa' rin chen gzi brjid dang / blo gros chen po'i gzi brjid dang / ye shes rdo rje'i gzi brjid dang / dri ma med pa'i gzi brjid dang / chos kyi nyi ma'i gzi brjid dang / bsod nams ri bo'i gzi brjid dang / ye shes snang ba'i gzi brjid dang / kun nas dpal gyi gzi brjid dang / kun nas 'od dpal gzi brjid dang / byang chub sems dpa' phyogs bcu snang bas rgyas par 'gengs pa'i gzi brjid dang / byang chub sems dpa' sa'i snying po dang / nam mkha'i snying po dang / pad+mo'i snying po dang / rin po che'i snying po dang / nyi ma'i snying po dang / yon tan rnam dag snying po dang / chos rgya mtsho'i snying po dang / rnam par snang ba'i snying po dang / gtsug gi snying po dang / byang chub sems dpa' pad+mo'i dpal gyi snying po dang / byang chub sems dpa' bzang po'i mig dang / rnam par dag pa'i mig dang / dri ma med pa'i mig dang / chags pa med pa'i mig dang / kun nas blta ba'i mig dang / shin tu rnam par blta ba'i mig dang / ut+pa la'i mig dang| rdo rje'i mig dang / rin po che'i mig dang / byang chub sems dpa' nam mkha'i mig dang / byang chub sems dpa' lha'i cod pan dang / chos kyi dbyings snang ba'i blo gros </font><hr>Ca25a<br><font size=+1>


@#/ /cod pan dang / byang chub sems dpa' dam pa'i cod pan dang / phyogs rnam par snang ba'i cod pan dang / sangs rgyas thams cad yang dag par byung ba'i snying po'i cod pan dang / 'jig rten thams cad las mngon par 'phags pa'i cod pan dang / kun nas rnam par snang ba'i cod pan dang / zil gyis non pa med pa'i cod pan dang| de bzhin gshegs pa thams cad kyi seng ge'i khri 'dzin pa'i cod pan dang / byang chub sems dpa' chos kyi dbyings nam mkha' kun nas snang ba'i cod pan dang / byang chub sems dpa' tshangs pa'i dbang po'i gtsug phud dang / klu'i dbang po'i gtsug phud dang / sangs rgyas thams cad kyi sprul pa snang ba'i gtsug phud dang / byang chub dam pa'i gtsug phud dang / smon lam rgya mtsho thams cad rab tu sgrogs pa'i rin chen rgyal po'i gtsug phud dang / de bzhin gshegs pa thams cad kyi 'od kyi dkyil 'khor rab tu 'gyed pa'i nor bu rin chen 'brug sgra'i gtsug phud dang / nam mkha'i dbyings thams cad tha mi dad par rnam par dmigs pa'i rin chen rgyal pos brgyan pa'i gtsug phud dang / de bzhin gshegs pa thams cad rnam par 'phrul pa snang ba'i rgyal mtshan rin po che'i rgyal po dra bas kun nas yog pa'i gtsug phud dang / de bzhin gshegs pa </font><hr>Ca25b<br><font size=+1>


thams cad kyi chos kyi 'khor lo sgrog pa'i gtsug phud dang / byang chub sems dpa' dus gsum gyi ming thams cad rab tu sgrog pa'i gtsug phud dang / byang chub sems dpa' rgya chen po'i 'od dang / gzi brjid dri ma med pa'i 'od dang / rin po che'i 'od dang / rdul dang bral ba'i 'od dang / skar ma'i 'od dang / chos kyi 'od dang / zhi ba'i 'od dang / nyi ma'i 'od dang| rnam par 'phrul ba'i 'od dang / byang chub sems dpa' lha'i 'od dang / byang chub sems dpa' bsod nams dpal dang / ye shes dpal dang / chos kyi dpal dang / mngon par shes pa'i dpal dang / 'od kyi dpal dang / me tog dpal dang / rin po che'i dpal dang / byang chub kyi dpal dang / tshangs pa'i dpal dang / byang chub sems dpa' kun nas snang ba'i dpal dang / byang chub sems dpa' tshangs pa'i dbyangs dang / rgya mtsho'i dbyangs dang / sa sgra'i dbyangs dang / 'jig rten dbang po'i dbyangs dang / ri dbang rgyal po 'thab pa'i dbyangs dang / chos kyi dbyings kun tu rgyas pa'i dbyangs dang / chos rgya mtsho thams cad rab tu sgrog pa'i dbyangs dang / bdud kyi dkyil 'khor thams cad rab tu 'dul ba'i dbyangs dang / snying rje chen po'i tshul gyi sprin rab tu sgrog pa'i dbyangs dang / byang chub sems dpa' 'gro ba thams cad sdug bsngal rab tu zhi bar bya bas dbugs 'byin </font><hr>Ca26a<br><font size=+1>


@#/ /pa'i dbyangs dang / byang chub sems dpa' chos kyi 'phags pa dang / khyad par gyis 'phags pa dang / ye shes kyis 'phags pa dang / bsod nams ri bos 'phags pa dang / yon tan gyi tshogs kyis 'phags pa dang / grags pas 'phags pa dang / kun du snang bas 'phags pa dang / byams pa chen pos 'phags pa dang / ye shes rgya mtshos 'phags pa dang / byang chub sems dpa' de bzhin gshegs pa'i rgyud kyi gdung gis 'phags pa dang / byang chub sems dpa' 'od kyi dpal dang / mchog gi dpal dang / kun tu 'phags pa'i dpal dang / rnam par snang ba'i dpal dang / chos kyi dpal dang / zla ba'i dpal dang / nam mkha'i dpal dang / rin po che'i dpal dang / dpal gyi dpal dang / byang chub sems dpa' ye shes kyi dpal dang / byang chub sems dpa' ri'i dbang po'i rgyal po dang / chos kyi dbang po'i rgyal po dang / 'gro ba'i dbang po'i rgyal po dang / tshangs pa'i dbang po'i rgyal po dang / tshogs kyi dbang po'i rgyal po dang / lha'i dbang po'i rgyal po dang / zhi pa'i dbang po'i rgyal po dang / mi g.yo ba'i dbang po'i rgyal po dang / khyu mchog dbang po'i rgyal po dang / byang chub sems dpa' mchog gi dbang po'i rgyal po dang / byang chub sems dpa' rab tu zhi ba'i sgra dang / chags pa </font><hr>Ca26b<br><font size=+1>


med pa'i sgra dang / sa'i dbyangs kyi sgra dang / rgya mtsho'i 'brug gi sgra dang / sprin gyi dbyangs kyi sgra dang / chos snang ba'i sgra dang / nam mkha'i dbyings kyi sgra dang / sems can kun gyi dge ba'i rtsa ba rab tu sgrogs pa'i sgra dang / sngon gyi smon lam yongs su bskul ba'i sgra dang / byang chub sems dpa' bdud kyi dkyil 'khor bcom zhing med par byed pa'i sgra dang / byang chub sems dpa' rin po che'i blo dang / ye shes ri bo'i blo dang / nam mkha'i blo dang / dri ma med pa'i blo dang / chags pa med pa'i blo dang / rnam par sangs rgyas pa'i blo dang / dus gsum snang ba'i blo dang / yangs pa'i blo dang / kun du snang ba'i blo dang / byang chub sems dpa' chos kyi dbyings su snang ba'i blo dang / de dag la sogs pa byang chub sems dpa' lnga stong tsam ste/ kun kyang byang chub sems dpa' kun tu bzang po'i spyod pa dang / smon lam gyi byung ba dang / sangs rgyas kyi zhing thams cad rgyas par 'geng \?\ pa chags pa med pa'i spyod yul can de bzhin gshegs pa thams cad kyi drung du 'dong bas lus mtha' yas pa'i byin gyi rlabs dang ldan pa/ sangs rgyas thams cad kyi rnam par 'phrul pa yongs su bstan pa/ rnam par dmigs par bya ba la bsgribs pa med pa'i mig gi dkyil 'khor rnam par dag pa/ de bzhin gshegs pa thams cad mngon par 'tshang rgya ba'i tshe/ nye bar 'dong pa rgyun mi </font><hr>Ca27a<br><font size=+1>


@#/ /gcod pas tshad med par phyin pa/ chos rgya mtsho'i tshul thams cad la ye shes snang ba rab tu thob pas snang ba mtha' yas pa dang ldan pa/ tha dad pa yang dag par shes pa rnam par dag pas/ bskal pa mtha' yas par shin tu ston pa mi zad pa/ 'gro ba'i bsam pa ji lta ba bzhin du gzugs kyi lus yongs su ston pas/ nam mkha'i dbyings kyis klas pa'i ye shes kyi spyod yul rnam par dag cing mi gnas pa/ sems can gyi khams sems can med pa dang / srog med pa yongs su shes pas rab rib med pa/ chos kyi dbyings thams cad du 'od zer gyi dra bas rgyas par 'gengs pas nam mkha' dang mnyam pa sha stag dang thabs gcig tu bzhugs so/ /nyan thos rdzu 'phrul chen po dang ldan pa lnga brgya ste/ thams cad kyang bden pa'i tshul gyis rang bzhin mngon par khong du chud pa/ yang dag pa'i mtha' mngon sum du gyur pa/ chos kyi rang bzhin la zhugs pa/ srid pa'i rgya mtsho las gyen du 'phags pa/ de bzhin gshegs pa'i tshogs su 'gyur ba'i spyod yul can kun nas sbyor ba dang / bag la nyal ba dang / bcings pa rnam par bzlog pa/ chags pa med pa'i gnas la brten pa nam mkha' ltar zhi ba la rnam par spyod pa/ sangs rgyas la the tshom dang / nem nur dang yid gnyis yongs su </font><hr>Ca27b<br><font size=+1>


chad pa| sangs rgyas kyi ye shes rgya mtsho la mos pa'i lam du zhugs pa sha stag dang / 'jig rten gyi dbang po sngon gyi rgyal ba la bya ba byas pa/ 'gro ba thams cad la phan pa dang bde ba'i don du zhugs pa/ gsol ba ma btab par dge ba'i bshes gnyen du gyur pa/ sems can gzhan bsrung ba la zhugs pa/ 'jig rten thams cad las 'phags pa'i khyad par dang ldan pa'i ye shes kyi sgo la zhugs pa/ sems can thams cad yongs su mi gtong ba'i sems dang ldan pa/ sangs rgyas thams cad kyi bstan pa'i spyod yul la byung ba/ de bzhin gshegs pa'i bstan pa yongs su bsrung ba la zhugs pa/ sangs rgyas kyi rigs yang dag par gzung ba'i smon lam gyis yang dag par skyes pa/ de bzhin gshegs pa'i gdung gi rgyud du 'byung ba mngon du gyur pa/ thams cad mkhyen pa nyid la mngon par mos pa sha stag dang yang thabs gcig go /de nas byang chub sems dpa' 'khor dang bcas pa de dag dang / nyan thos rdzu 'phrul chen po dang ldan pa de dag dang / 'jig rten gyi dbang po 'khor dang bcas pa de dag 'di snyam du gyur te/ de bzhin gshegs pa'i yul dang / de bzhin gshegs pa'i ye shes kyi spyod yul dang / de bzhin gshegs pa'i byin gyi rlabs dang / de bzhin gshegs pa'i stobs dang / de bzhin gshegs pa'i mi bsnyengs pa dang / de bzhin gshegs pa'i ting nge 'dzin dang / </font><hr>Ca28a<br><font size=+1>


@#/ /de bzhin gshegs pa'i rnam par spyod pa dang / de bzhin gshegs pa'i mnga' dang / de bzhin gshegs pa'i ye shes dang / de bzhin gshegs pa'i byin gyi rlabs dang| de bzhin gshegs pa'i rnam par 'phrul pa dang / de bzhin gshegs pa'i mthu dang / de bzhin gshegs pa'i sngon gyi smon lam dang / sngon legs par spyad pa'i dge ba'i rtsa ba dang| dge ba'i bshes gnyen gyi skyabs dang / dad pa'i mig yongs su dag pa dang / rgya chen po la mos pa'i snang bar rab tu thob pa dang / byang chub sems dpa'i lhag pa'i bsam pa rnam par dag pa dang / bsam pa thag pas thams cad mkhyen pa nyid du smon cing / yang dag par zhugs pa ma gtogs par lha dang bcas pa'i 'jig rten gyis 'jug pa'am/ khong du chud pa'am/ yid ches pa'am/ yongs su shes pa'am/ rnam par rtogs pa'am/ gzung ba'am/ rnam par dpyad pa'am/ rnam par bsgom pa'am/ rnam par dbye ba'am| rnam par grol ba'am/ rab tu brjod pa'am/ sems can pha rol gyi rgyud du phyin par bya bar ni mi nus na/ bcom ldan 'das nyid kyis bdag cag byang chub sems dpa' rnams kyi bsam pa'i tshul ji lta ba dang / sems can bsam pa rnam pa tha dad pa dang / mos pa sna tshogs dang / shes pa sna tshogs kyi tshig dang brda sna tshogs su gyur pa/ dbang </font><hr>Ca28b<br><font size=+1>


bsgyur ba'i sa gzhan dang gzhan la gnas pa/ dbang po sna tshogs su rnam par dag pa/ bsam pa dang sbyor ba rnam pa gzhan dang gzhan can/ sems dang bsam pa'i yul gzhan dang gzhan can/ de bzhin gshegs pa'i yon tan gzhan dang gzhan la gnas pa/ chos bstan pa gzhan dang gzhan la mos pa dag la/ sngon thams cad mkhyen pa nyid du zhugs pa lta'ang yang dag par bstan grang / sngon byang chub sems dpa'i smon lam mngon par bsgrubs pa lta'ang yang dag par bstan grang / sngon gyi byang chub sems dpa'i pha rol tu phyin pa'i dkyil 'khor yongs su dag pa lta'ang yang dag par bstan grang / sngon gyi byang chub sems dpa'i sa yongs su mnan pa'i rnam par 'phrul pa lta'ang yang dag par bstan grang / sngon gyi byang chub sems dpa'i spyod pa'i dkyil 'khor mngon par bsgrubs pa yongs su rdzogs par mdzad pa lta'ang yang dag par bstan grang / sngon gyi byang chub sems dpa'i tshul mngon par bsgrubs pa rnam par phye ba'i snang ba lta'ang yang dag par bstan grang / sngon byang chub sems dpa'i lam gyi bkod pa yongs su dag par mdzad pa lta'ang yang dag par bstan grang / sngon byang chub sems dpa'i 'byung ba'i tshul rgya mtsho mngon par bsgrubs pa lta'ang yang dag par bstan grang / sngon gyi byang chub sems dpa'i yang dag par bsgrub </font><hr>Ca29a<br><font size=+1>


@#/ /pa dang| rnam par 'phrul pa'i bkod pa phun sum tshogs pa lta'ang yang dag par bstan grang / byang chub sems dpa'i sngon gyi sbyor ba rgya mtsho lta'ang yang dag par bstan grang / mngon par rdzogs pa'i byang chub kyi sgos rnam par 'phrul ba lta'ang yang dag par bstan grang / de bzhin gshegs pa'i chos kyi 'khor lo rab tu bskor pa'i rnam par 'phrul ba dang / khyu mchog gi mthu lta'ang yang dag par bstan grang / de bzhin gshegs pa'i sangs rgyas kyi zhing yongs su dag pa dang / rnam par 'phrul ba lta'ang yang dag par bstan grang / de bzhin gshegs pa'i sems can gyi khams gdul ba'i thabs kyi sgo lta'ang yang dag par bstan grang / de bzhin gshegs pa thams cad mkhyen pa nyid kyi chos kyi grong khyer la mnga' mdzad pa lta'ang yang dag par bstan grang / de bzhin gshegs pa sems can thams cad kyi lam snang bar mdzad pa lta'ang yang dag par bstan grang / de bzhin gshegs pa sems can thams cad kyi gnas su gshegs shing / rnam par 'phrul pa mdzad pa lta'ang yang dag par bstan grang / de bzhin gshegs pa sems can thams cad kyi yon bzhes pa mdzad pa lta'ang yang dag par bstan grang / de bzhin gshegs pa sems can thams cad kyi bsod nams dang / yon ston pa'i cho </font><hr>Ca29b<br><font size=+1>


'phrul mdzad pa lta'ang yang dag par bstan grang / de bzhin gshegs pa sems can thams cad kyi sems kyi tshul la/ sangs rgyas kyi gzugs brnyan dmigs pa mdzad pa lta'ang yang dag par bstan grang / de bzhin gshegs pa sems can thams cad la rnam par 'phrul pa'i cho 'phrul mdzad pa lta'ang yang dag par bstan grang / de bzhin gshegs pa sems can thams cad la yongs su bstan pa dang / rjes su bstan pa'i cho 'phrul mdzad pa lta'ang yang dag par bstan grang / de bzhin gshegs pa sems can thams cad la sangs rgyas kyi ting nge 'dzin gyi spyod yul bsam gyis mi khyab pas rnam par 'phrul pa mdzad pa lta'ang yang dag par bstan grang snyam pa dang / de nas bcom ldan 'das kyis byang chub sems dpa' de dag gi sems kyi yongs su rtogs pa thugs kyis mkhyen nas/ seng ge rnam par bsgyings pa zhes bya ba'i ting nge 'dzin nam mkha' dang mnyam pas dpe med pa/ 'gro ba thams cad du rnam par snang ba'i rgyan dang ldan pa/ thugs rje chen po'i sgo'i rang bzhin can/ thugs rje chen po'i sgo dang ldan pa/ thugs rje chen po'i sngon du 'gro ba/ thugs rje chen po'i chos can la mnyam par bzhag go/ bcom ldan 'das kyis de ltar mnyam par bzhag ma thag tu/ pho brang brtsegs pa rgyan chen po can yang mtha' dang dbus med par yangs shing / rdo rje thub pa med pa'i </font><hr>Ca30a<br><font size=+1>


@#/ /rgyan mtshan gyis sa'i gzhi rab tu brgyan pa dang / nor bu rin po che'i rgyal po thams cad kyi dra ba kun du bkram pa/ rin po che du ma'i me tog sil mas chal par gang ba/ nor bu rin po che dam pa mdzes par bkram pa dang / bai DUR+Ya'i ka bas mdzes par byas pa/ rin po che'i rgyal po 'gro ba rnam par snang bas rgyan shin tu rnam par phye ba dang / rin po che bzang po mang po dang ldan pa'i nor bu rin po che/ 'dzam bu'i chu klung gi phung pos shin tu brgyan pa dang / rin po che thams cad las sgo gang dang / rta babs dang| pu shu dang / skar khung byas shing / khri 'phang grangs med pa rnam par dag pas brgyan pa dang / 'jig rten gyi dbang po thams cad dang 'dra ba'i nor bu rin po che'i rgyan dang ldan pa dang / 'gro ba rgya mtsho'i nor bu rin po che rnam par phye ba dang / nor bu rin po che thams cad kyi dra bas kun nas yog pa'i gdugs dang / rgyal mtshan rab tu bsgreng ba dang| sgo dang / rta babs thams cad las 'od zer chos kyi dbyings su rgyas par 'gengs pa rab tu 'byung bas rnam par mdzes par byas pa dang / phyi rol gyi 'khor gyi dkyil 'khor gyi sa'i gzhi stegs bu brjod du med pas brgyan pa dang / phyogs kun nas them skabs kyi phreng ba nor bu rin po ches brtsegs shing / shin tu rnam par phye bas rab tu mdzes </font><hr>Ca30b<br><font size=+1>


par kun nas gnas par gyur to/ /dze ta'i tshal thams cad kyang / chu zheng gab par shin tu yangs shing rgya che bar kun nas gnas par gyur te/ sangs rgyas kyi mthus sangs rgyas kyi zhing brjod du med pa'i rdul shin tu phra ba snyed kyi sangs rgyas kyi zhing rnams kyang / chu zheng kun du rgya che zhing yangs pa dang / rin po che thams cad kyi rgyan sna tshogs dang ldan zhing / sa'i gzhi nor bu rin po che sna tshogs brjod du med pas kun nas grub pa dang / nor bu rin po che grangs med pa'i rwa bas kun nas bskor ba dang / rin po che sna tshogs kyi shing ta la'i phreng bas mdzes pas brgyan par kun nas gnas par gyur to/ /sangs rgyas kyi zhing de dag na spos chu'i chu klung tshad med pa klong mtha' yas par 'khyil ba'i spos kyi chus yongs su gang ba/ rin po che sna tshogs kyi me tog mang po dang 'dres par gyur la g.yas phyogs su 'khyil zhing 'bab pa/ sangs rgyas kyi chos thams cad dbyangs su sgrog pas rab tu brgyan pa dag kyang kun nas gnas par gyur to/ /rin po che'i me tog puN+Da ri ka'i phreng ba dang / rin po che'i shing gam yo rin po che thams cad kyi pad+mo rab tu rgyas shing / shin tu 'phags pas mdzes par bkod pa dang / rin po che sna tshogs kyi khang pa brtsegs pa'i phreng ba bsam gyis mi khyab pa nor bu rin po che thams cad kyi dra bas kun nas yog pa/ nor bu rin po che grangs med pa'i </font><hr>Ca31a<br><font size=+1>


@#/ /dra ba kun du snang bas brgyan cing mdzes pa dang / nor bu rin po che'i gzhal med khang nor bu rin po che thams cad kyis brgyan pa grangs med pa/ spos thams cad kyi ngad kun nas 'byung ba/ bdug spos kyi sprin gyi rgyan dang ldan pa dag kyang kun nas gnas par gyur to/ /rin po che'i rgyal mtshan grangs med pa dang / gos kyi rgyal mtshan dang / ba dan gyi rgyal mtshan dang / rin po che'i snam bu'i rgyal mtshan dang / me tog gi rgyal mtshan dang / rgyan gyi rgyal mtshan dang / phreng ba'i rgyal mtshan dang / rin po che sna tshogs kyi dril bu'i rgyal mtshan dang / rin po che'i rgyal po'i gdugs kyi rgyal mtshan dang / nor bu rin po che snang bas kun du rgyas par 'gengs pa'i rgyal mtshan dang / nor bu rin po che'i rgyal po de bzhin gshegs pa thams cad kyi mtshan gyi 'khor lo'i dbyangs rab tu sgrog pa'i rgyal mtshan dang / nor bu rin po che'i rgyal po seng ge yid du 'ong ba'i rgyal mtshan dang / nor bu rin po che'i rgyal po de bzhin gshegs pa thams cad kyi sngon gyi sbyor ba rab tu sgrog pa'i rgyal mtshan dang / nor bu rin po che'i rgyal po chos kyi dbyings thams cad rab tu snang ba'i rgyal mtshan dang / rgyal mtshan gyi rgyan rnam par phye ba thams cad phyogs kun nas rgyan du gyur pa dag kyang kun nas gnas par gyur to/ /dze ta'i tshal gyi nam mkha'i dbyings </font><hr>Ca31b<br><font size=+1>


thams cad kyang lha'i gzhal med khang gi sprin bsam gyis mi khyab pas brgyan par kun nas gnas par gyur to/ /dze ta'i tshal nyid kyang spos sna tshogs kyi shing grangs med pa'i sprin byis kun nas yog cing brgyan pa dang / brjod du med pa'i rgyan sna tshogs dang ldan pa'i ri rab kyis kun nas 'khor cing bkod pa dang / rol mo brdung ba dang / dkrol ba brjod du med pa'i sprin las/ de bzhin gshegs pa thams cad la bstod pa'i dbyangs dang / nga ro snyan pa 'byung bas kun nas brgyan pa dang / rin po che'i pad+mo brjod du med pa'i sprin gyis kun nas yog cing brgyan pa dang / rin po che'i seng ge'i khri brjod du med pa'i steng lha rdzas kyi rin po che'i stan bting ba la byang chub sems dpa' 'khod cing / de bzhin gshegs pa la bstod pa'i sgra dbyangs snyan pa 'byin pa'i sprin gyis kun nas brgyan pa dang / lha'i dbang po brjod du med pa'i gzugs brnyan mngon par 'byung ba'i nor bu rin po che'i 'bru'i sprin gyis kun nas brgyan pa dang / mu tig dkar po'i dra ba'i sprin brjod du med pas kun nas brgyan pa dang / mu tig dmar po'i khang pa brtsegs pa'i sprin brjod du med pas kun nas yog cing brgyan pa dang / rdo rje lta bur sra ba'i mu tig gi sprin brjod du med pa'i char mngon par 'bab pas rab tu brgyan par kun nas gnas par gyur to/ /de ci'i phyir zhe na/ de ni de bzhin </font><hr>Ca32a<br><font size=+1>


@#/ /gshegs pa'i dge ba'i rtsa ba bsam gyis mi khyab pa'i phyir ro/ /de bzhin gshegs pa'i chos dkar po'i tshogs bsam gyis mi khyab pa'i phyir ro/ /de bzhin gshegs pa'i khyu mchog gi mthu dang / byin gyi rlabs bsam gyis mi khyab pa'i phyir ro/ /de bzhin gshegs pa'i sku gcig 'jig rten gyi khams thams cad du rgyas par 'gengs pa rnam par 'phrul ba bsam gyis mi khyab pa'i phyir ro/ /de bzhin gshegs pa thams cad kyi sku gcig tu zhugs pas/ sangs rgyas kyi zhing rnam par phye ba thams cad la yang dag par gzhol ba'i byin gyi rlabs yongs su ston pa bsam gyis mi khyab pa'i phyir ro/ /de bzhin gshegs pa rnams rdul shin tu phra ba gcig la chos kyi dbyings thams cad kyi gzugs brnyan rnam par dmigs par yongs su ston par mdzad pa bsam gyis mi khyab pa'i phyir ro/ /de bzhin gshegs pa rnams ba spu'i bu ga gcig tu sngon gyi mtha' de bzhin gshegs pa gcig nas gcig tu brgyud pa yongs su ston par mdzad pa bsam gyis mi khyab pa'i phyir ro/ /de bzhin gshegs pa rnams kyi 'od zer gcig gi sgo nas 'jig rten gyi khams 'byams klas pa snang bar 'gyur ba bsam gyis mi khyab pa'i phyir ro/ /de bzhin gshegs pa rnams ba spu'i rtse mo gcig las sprul pa'i </font><hr>Ca32b<br><font size=+1>


sprin 'jig rten gyi khams thams cad kyi rdul shin tu phra ba snyed kyi sangs rgyas kyi zhing thams cad rgyas par 'gengs pa bsam gyis mi khyab pa'i phyir ro/ /de bzhin gshegs pa rnams ba spu'i sgo gcig nas 'jig rten gyi khams 'du ba dang / 'jig pa'i bskal pa yongs su ston pa bsam gyis mi khyab pa'i phyir ro/ /ji ltar dze ta'i tshal de lta bu'i sangs rgyas kyi zhing yongs su dag pas yongs su dag par kun nas gnas par gyur pa de bzhin du/ phyogs bcu'i 'jig rten gyi khams chos kyi dbyings kyis klas pa/ nam mkha'i mthas gtugs pa thams cad kyang yongs su dag par kun nas gnas shing rab tu brgyan pa dang / shin tu spud pa dang / de bzhin gshegs pa'i skus yongs su rgyas pa dang / dze ta'i tshal du yang dag par gzhol ba dang / byang chub sems dpas yongs su rgyas pa dang / de bzhin gshegs pa'i 'khor gyi dkyil 'khor rgya mtsho shin tu rnam par gnas pa dang / rgyan thams cad kyi sprin gyi char mngon par 'bab pa dang / rin po che thams cad kyi 'od kyis rab tu snang ba dang / rin po che sna tshogs thams cad kyi sprin gyi char mngon par 'bab pas brgyan pa dang / zhing thams cad kyi bkod pa'i sprin gyis kun nas yog par brgyan pa dang / lha rdzas kyi lus thams cad kyi sprin gyi char rab tu 'bab pas brgyan pa dang / me tog sna tshogs thams cad </font><hr>Ca33a<br><font size=+1>


@#/ /kyi sprin shin tu rgyas pa'i lhun gyis kun tu rgyas shing brgyan pa dang / gos thams cad kyi shing gi sprin gyi mdzod nas gos kha dog sna tshogs su mdzes pa'i char rab tu 'bab pas brgyan pa dang / phreng ba dang / lda ldi dang / se mo do'i rgyan thams cad kyi sprin gyi char rgyun mi 'chad par mngon par 'bab pas brgyan pa dang / spos sna tshogs kyi bdug spos phyogs kun nas 'thul ba'i sprin dang / na bun gyi char thams cad kyi lus kyi dbyibs ltar mngon par 'bab pas brgyan pa dang / rin po che thams cad kyi me tog gi dra ba'i sprin las rin po che'i rgyal po'i phye ma zhib bu'i char rgyun mi 'chad par rab tu 'bab pa dang / rin po che thams cad kyi rgyal mtshan dang / ba dan gyi sprin lha'i bu mo'i lag na khyer ba/ nam mkha'i dbyings kun du rgyu zhing 'khor bas brgyan pa dang / rin po che thams cad kyi pad+mo rin po che sna tshogs kyi 'dab ma'i dkyil 'khor can| chu ba mthon po dang ldan pa'i ze ba la rol mo bkod pa/ kun nas sgra 'byin cing dbyangs snyan par sgrog pas brgyan pa dang / rin po che'i 'bru sna tshogs kyi dra ba dang / rin po che seng ge'i dra ba sna tshogs rnam pa tha dad pa'i phreng ba dang / se mo dos \?\ brgyan par kun nas gnas shing snang bar gyur to/ /de ltar bcom ldan 'das de bzhin </font><hr>Ca33b<br><font size=+1>


gshegs pa'i ting nge 'dzin chen po seng ge rnam par bsgyings pa de la mnyam par bzhag ma thag tu/ de'i tshe shar phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams/ gser gyi sprin sgron ma'i rgyal mtshan zhes bya ba de bzhin gshegs pa rnam par snang mdzad dpal gyi gzi brjid rgyal po'i sangs rgyas kyi zhing nas/ byang chub sems dpa' rnam par snang ba'i smon lam gyi gtsug gi 'od zer snang ba zhes bya ba/ byang chub sems dpa' sangs rgyas kyi zhing brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ nam mkha'i dbyings rgyan sna tshogs kyi sprin gyis brgyan pa dang / lha rdzas kyi me tog gi sprin gyi char mngon par dbab pa dang / lha rdzas kyi spos kyi sprin gyi char rab tu dgye ba dang / lha rdzas kyi rin po che'i pad+mo'i sprin gyi char mngon par gtor ba dang / lha rdzas kyi phreng ba'i sprin gyi char rab tu btang ba dang / lha rdzas kyi rin po che'i sprin gyi char mngon par dbab pa dang / lha rdzas kyi rgyan gyi sprin gyi char mngon par gtor ba dang / lha rdzas kyi rin po che'i gdugs kyi sprin gyi char mngon par bsgrub pa dang / kha dog sna tshogs rnam pa tha dad cing shin tu phra ba'i lha rdzas kyi gos kyi sprin gyi char mngon </font><hr>Ca34a<br><font size=+1>


@#/ /par dbab pa dang / lha rdzas kyi rin po che'i rgyal mtshan dang ba dan gyi sprin nam mkha'i dbyings las byin gyi rlabs pa dang / rin po che sna tshogs kyi sprin gyi rgyan yid du 'ong bas nam mkha'i dbyings rgyas par 'gengs par byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste| 'khor dang bcas pas bcom ldan 'das la phyag 'tshal nas/ shar phyogs su brten te khang pa brtsegs pa rgyan kun dang ldan zhing / nor bu rin po che'i dra bas kun nas khyab pa dang / seng ge'i khri nor bu rin po che phyogs rab tu snang ba'i pad+mo'i snying po can dag mngon par sprul nas/ nor bu rin po che yid bzhin gyi rgyal po'i dra ba'i rgyan gyis kun nas brgyan pa'i byang chub sems dpa'i lus su byin gyis brlabs nas/ skyil mo krung bcas te 'khod do/ /lho phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams rdo rje rgyal mtshan gyi snying po zhes bya ba/ de bzhin gshegs pa dpal gyi snying po kun nas snang ba'i rgyal po'i sangs rgyas kyi zhing nas/ byang chub sems dpa' sems dpa' chen po brtson 'grus kyi shugs thub par dka' ba'i rgyal po zhes bya ba/ byang chub sems dpa' </font><hr>Ca34b<br><font size=+1>


sangs rgyas kyi zhing brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ 'jig rten gyi khams rgya mtsho thams cad spos kyi lda ldi dang dra bas kun du 'brel bar byin gyis brlab pa dang / sangs rgyas kyi zhing 'byams klas pa thams cad rin po che sna tshogs kyi lda ldi dang // dra ba chen pos kun du 'brel bar byin gyis brlab pa dang / sangs rgyas kyi zhing gi rgyud thams cad me tog thams cad kyi lda ldi dang / phreng ba'i dra bas kun nas 'brel bar byin gyis brlab pa dang / sangs rgyas kyi zhing gi 'khor thams cad phreng ba dang / lda ldi dang / se mo do'i dra bas kun nas 'brel bar byin gyi brlab pa dang / sangs rgyas kyi zhing gi dkyil 'khor thams cad 'og gi gzhi rten rdo rje thams cad kyi phreng bas yongs su gzung bar byin gyis brlab pa dang / /sangs rgyas kyi zhing gi tshul thams cad nor bu rin po che sna tshogs kyi dra bas kun nas 'brel bas byin gyis brlab pa dang / 'jig rten gyi khams thams cad gos sna tshogs kyi lda ldis kun nas yongs su blangs shing gzung bar byin gyis brlab pa dang / sangs rgyas kyi zhing thams cad rin po che sna tshogs kyi lus kyi phreng ba dang / lda ldi mang po'i dra ba kun nas 'brel bar mngon par bsgrub pa dang / zhing thams cad nor bu rin po che </font><hr>Ca35a<br><font size=+1>


@#/ /dpal gyi 'od zer gyi lda ldi dang phreng ba'i dra bas kun nas 'brel bar byin gyis brlab pa dang / sangs rgyas kyi zhing thams cad rin po che rnam par snang ba'i lda ldi dang dra bas kun du 'brel bar byin gyis brlab pa dang / 'jig rten gyi khams thams cad kyi gzhi nor bu rin po che seng ge yid du 'ong ba'i phreng ba dang lda ldi'i dra bas yongs su gzung bar byin gyis brlab pa byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas/ lho phyogs su brten te/ nor bu rin po che 'gro ba la rnam par snang ba'i khang pa brtsegs pa dang / seng ge'i khri nor bu rin po che phyogs kun tu snang ba'i pad+mo'i snying po can dag mngon par sprul te/ rin po che thams cad kyi me tog gi dra ba'i rgyan gyis kun nas brgyan pa'i byang chub sems dpa'i lus su byin gyis brlabs nas/ skyil mo krung bcas te 'khod do/ /nub phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams rin po che'i ri rab rnam par snang ba'i rgyal mtshan mar me zhes bya ba/ de bzhin gshegs pa chos kyi dbyings kyi ye shes sgron ma'i sangs rgyas kyi </font><hr>Ca35b<br><font size=+1>


zhing nas/ byang chub sems dpa' dpal kun nas 'phags pa'i gzi brjid ces bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ chos kyi dbyings thams cad bdug spos kha dog sna tshogs dang / dri sna tshogs su ldan pa'i ri rab kyi sprin sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad spos kha dog sna tshogs dang ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad bdug spos kha dog dang dri du mar ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad spos kha dog sna tshogs dang ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad nor bu rin po che'i rgyal po mdangs 'byung ba/ sa thams cad kyi rdul gyi kha dog dang 'dra ba'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad nor </font><hr>Ca36a<br><font size=+1>


@#/ /bu rin po che skar ma'i rgyal mtshan 'od kyi dkyil 'khor sna tshogs kyi bkod pa dang ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad rin po che'i rgyal po rdo rje'i snying po kha dog sna tshogs can/ bkod pa rnam pa tha dad pa'i yul dang ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos kyi dbyings thams cad nor bu rin po che 'dzam bu'i chu klung / 'jig rten gyi khams thams cad du snang ba'i yul dang ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / nam mkha'i dbyings thams cad nor bu rin po che'i rgyal po chos kyi dbyings thams cad rab tu snang ba'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis kun nas khyab par byin gyis brlab pa dang / sems can gyi khams kyi yul thams cad nor bu rin po che'i rgyal po de bzhin gshegs pa thams cad kyi mtshan rab tu snang ba'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / chos </font><hr>Ca36b<br><font size=+1>


kyi dbyings thams cad kyi nam mkha' rin po che'i rgyal po/ de bzhin gshegs pa thams cad kyi sngon gyi sbyor ba rab tu snang bar yongs su ston cing / byang chub sems dpa'i spyod pa'i sgra 'byin pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par dgang ba dang / phyogs bcu thams cad rin po che'i rgyal po/ de bzhin gshegs pa thams cad kyi snying po byang chub rab tu snang ba'i 'od dang ldan pa'i ri rab kyi sprin/ sangs rgyas kyi zhing brjod du med pa'i rdul shin tu phra ba snyed kyis rgyas par 'gengs pa byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas nub phyogs su brten te/ khang pa brtsegs pa spos kyi rgyal po thams cad kyi lhun dang ldan pa/ mu tig gi dra bas kun nas khyab pa dang / seng ge'i khri nor bu rin po che lha'i dbang po rab tu snang ba'i rgyal mtshan gyi pad+mo'i snying po can dag mngon par sprul nas/ rin po che gser gyi dra bas kun nas brgyan pa dang / yid bzhin gyi rgyal po'i cod pan bcings pa'i byang chub sems dpa'i lus su byin gyis brlabs nas/ skyil mo krung bcas te 'khod do/ /byang phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams/ rin po che'i gos yongs su snang ba zhes bya ba/ </font><hr>Ca37a<br><font size=+1>


@#/ /de bzhin gshegs pa chos kyi dbyings nam mkha'i dpal rnam par snang ba'i sangs rgyas kyi zhing nas/ byang chub sems dpa' chags pa med pa'i dpal gyi rgyal po zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ nam mkha'i dbyings rin po che'i snam bu'i sprin gyi rgyan gyis brgyan par byin gyis brlab pa dang / nam mkha'i dbyings rin po che'i gos kha dog ser po dang / mdog ser po'i sprin gyi rgyan gyis brgyan par byin gyis brlab pa dang / nam mkha'i dbyings rin po che'i gos/ spos sna tshogs kyis dri zhim por byas pa'i sprin gyi char rab tu 'bab pa'i rgyan gyis brgyan par byin gyis brlab pa dang / nam mkha'i dbyings rin po che'i rgyal po nyi ma'i rgyal mtshan gyi sprin gyi rgyan gyis brgyan par byin gyis brlab pa dang / nam mkha'i dbyings nor bu rin po che gser gyi mdog shin tu 'bar ba'i sprin gyis rgyan gyis brgyan par byin gyis brlab pa dang / nam mkha'i dbyings nor bu'i rgyal po rin po che 'bar ba'i gos kyis sprin gyi rgyan gyis brgyan par byin gyis brlab pa dang / nam mkha'i dbyings rin po che skar ma thams cad kyi gzugs brnyan gyis sna tshogs su gyur ba'i gos kyi sprin gyi rgyan gyis brgyan par byin gyis brlab </font><hr>Ca37b<br><font size=+1>


pa dang / nam mkha'i dbyings phyogs bcu kun nas/ nor bu rin po che snam bu khra bo'i rdo ltar snang ba'i sprin gyis yongs su rgyas par byin gyis brlab pa dang / nam mkha'i dbyings phyogs bcu kun nas rin po che'i rgyal po rnam par snang ba'i dpal rab tu 'bar ba'i 'od dang ldan pa'i gos kyi sprin gyis yongs su rgyas par byin gyis brlab pa dang / nam mkha'i dbyings phyogs bcu kun nas nor bu'i rgyal po snang ba shin tu gsal bas phyogs kyi dbyings rnam par snang ba'i gos kyi sprin gyis yongs su rgyas par byin gyis brlab pa dang / nam mkha'i dbyings rin po che'i rgyal po rgya mtsho'i rgyan gyi gos kyi sprin gyis kun nas yog par byin gyis brlab pa byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pa bcom ldan 'das la phyag 'tshal nas byang phyogs su brten te/ rin po che'i rgyal po rgya mtsho yongs su 'byung ba'i khang pa brtsegs pa dang / seng ge'i khri bai DUR+Ya'i pad+mo'i snying po can dag mngon par sprul nas/ nor bu rin po che'i rgyal po seng ge mdzes pa'i dra bas yongs su brgyan pa dang / rin po che skar ma'i rgyal mtshan mgo la thogs pa'i byang chub sems dpa'i lus su byin gyis brlabs nas| skyil mo krung bcas te 'khod do/ /byang dang shar gyi phyogs mtshams kyi 'jig rten gyi khams kyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol </font><hr>Ca38a<br><font size=+1>


@#/ /gyi 'jig rten gyi khams sa chen po thams cad du mdzes pa'i rin po che'i 'od zer gyi dra ba rab tu 'gyed pa zhes bya ba/ de bzhin gshegs pa mi dmigs pa'i spyan gyi sangs rgyas kyi zhing nas/ byang chub sems dpa' chos kyi dbyings su shin tu 'phrul ba'i smon lam zla ba zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ 'jig rten gyi khams rab 'byams thams cad rin po che'i khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byams thams cad spos kyi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byams thams cad bdug spos kyi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byams thams cad tsan dan gyi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byams thams cad me tog gi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byams thams cad rin po che'i khang pa brtsegs pa'i sprin gyis kun nas khebs par byin gyis brlab pa </font><hr>Ca38b<br><font size=+1>


dang / 'jig rten gyi khams rab 'byams thams cad rdo rje'i khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byams thams cad gser gyi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byams thams cad gos kyi khang pa brtsegs pa'i sprin gyis kun nas khebs par byin gyis brlab pa dang / 'jig rten gyi khams rab 'byams thams cad pad+mo'i khang pa brtsegs pa'i sprin gyis kun nas khebs par byin gyis brlab pa byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas/ byang dang shar gyi phyogs mtshams su brten te/ nor bu rin po che'i khang pa brtsegs pa sgo chos kyi dbyings thams cad la mngon par lta ba dang / seng ge'i khri rin po che'i rgyal po spos mtshungs pa med pa'i pad+mo'i snying po can dag mngon par sprul nas/ rin po che'i rgyal po'i me tog gi dra bas yongs su brgyan pa dang / rin po che'i rgyal po mdzod sna tshogs kyi dra ba'i cod pan bcings pa'i byang chub sems dpa'i lus su byin gyis brlabs nas/ skyil mo krung bcas te 'khod do/ /shar dang lho'i phyogs mtshams kyi 'jig rten gyi khams rgya mtsho sangs rgyas kyi zhing brjod du med pa'i </font><hr>Ca39a<br><font size=+1>


@#/ /rdul shin tu phra ba snyed kyi pha rol gyi 'jig rten gyi khams spos kyi sprin bkod pa'i rgyal mtshan zhes bya ba de bzhin gshegs pa klu dbang rgyal po'i sangs rgyas kyi zhing nas/ byang chub sems dpa' chos kyi 'od 'phro ba dang ldan pa'i rgyal po zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ nam mkha'i dbyings thams cad 'od kyi dkyil 'khor gser gyi kha dog lta bu'i sprin gyi kha dog kun tu khyab par bya ba dang / nam mkha'i dbyings thams cad rin po che kha dog mtha' yas pa'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad de bzhin gshegs pa'i mdzod spu'i kha dog gi 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad rin po che sna tshogs kyi kha dog lta bu'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad pad+mo'i snying po'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad nor bu'i rgyal po/ rin po che'i shing gi yal ga'i dkyil 'khor lta bu'i 'od </font><hr>Ca39b<br><font size=+1>


kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad de bzhin gshegs pa'i gtsug tor lta bu'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad 'dzam bu'i chu klung gi gser gyi kha dog lta bu'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad nyi ma'i kha dog lta bu'i 'od kyi dkyil 'khor gyi sprin gyis kun tu khyab par bya ba dang / nam mkha'i dbyings thams cad zla ba dang / skar ma'i tshogs kyi kha dog lta bu'i 'od kyi dkyil 'khor gyi sprin gyis kun tu khyab par byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas/ shar dang lho'i phyogs mtshams su brten te/ rin po che rdul dang bral zhing rnam par snang ba phun sum tshogs pa'i me tog gi khang pa brtsegs pa dang / seng ge'i khri rin po che seng ge rdo rje'i pad+mo'i snying po can dag mngon par sprul nas/ nor bu'i rgyal po rin po che'i 'od zer rab tu 'bar ba'i dra bas yongs su brgyan pa'i byang chub sems dpa'i lus su byin gyis brlabs nas skyil mo krung bcas te 'khod do/ /lho dang nub kyi phyogs mtshams kyi 'jig rten gyi khams rgya mtsho/ sangs rgyas kyi zhing brjod du med pa'i rdul shin </font><hr>Ca40a<br><font size=+1>


@#/ /tu phra ba snyed kyi pha rol gyi 'jig rten gyi khams rin po che'i nyi ma rab tu snang ba'i snying po zhes bya ba/ de bzhin gshegs pa chos kyi 'khor lo'i ye shes kun tu snang ba'i rgyal po'i sangs rgyas kyi zhing nas/ byang chub sems dpa' bdud kyi dkyil 'khor thams cad rnam par 'thor ba'i ye shes rgyal mtshan zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ ba spu'i bu ga thams cad nas me tog 'od 'phro ba'i sprin/ nam mkha'i dbyings ltar yangs pa rab tu dgye ba dang / ba spu'i bu ga thams cad nas rol mo 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas nor bu rin po che 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas rin po che'i gos 'od 'phro ba/ spos dang bdug spos sna tshogs kyis rnam par bdug pa'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas klus rnam par sprul pa'i glog 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas nor bu </font><hr>Ca40b<br><font size=+1>


rin po che rnam par snang ba 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas nor bu rin po che gser rab tu 'bar ba 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas rin po che'i rgyal po dpal gyi snying po 'bar ba 'od 'phro ba'i sprin nam mkha'i dbyings ltar yangs pa rab tu dgye ba dang / ba spu'i bu ga thams cad nas nor bu rin po che de bzhin gshegs pa'i dgongs pa rgya mtsho ltar dus gsum gyi rgyud rab tu snang ba'i tshul dang ldan pa 'od 'phro ba'i sprin nam mkha'i dbyings ltar yangs pa rab tu dgye ba byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas/ lho dang nub kyi phyogs mtshams su brtan te/ nor bu rin po che chen po 'od zer gyi dra ba phyogs kun tu mngon par gzhol ba'i thig les chos kyis dbyings thams cad du rab tu snang ba'i khang pa brtsegs pa dang / seng ge'i khri nor bu rin po che spos kyi sgron ma'i 'od 'phro ba'i pad+mo'i snying po can dag mngon par sprul nas| rin po che'i rgyal po dri ma med pa'i snying po'i dra bas yongs su brgyan pa dang / rin po che'i rgyal po sems can thams cad rab tu 'dzud pa'i dbyangs dang ldan pa'i cod </font><hr>Ca41a<br><font size=+1>


@#/ /pan bcings pa'i byang chub sems dpa'i lus su byin gyis brlabs nas skyil mo krung bcas te 'khod do/ /nub dang byang gi phyogs mtshams kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams rnam par snang mdzad kyi snying po zhes bya ba/ de bzhin gshegs pa dpal gyi ri bo kun nas rnam par snang ba'i rgyal po'i sangs rgyas kyi zhing nas/ byang chub sems dpa' rnam par snang ba'i smon lam ye shes dpal zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i de bzhin gshegs pa thams cad kyi sku gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du byung ba'i byang chub sems dpa' thams cad kyi lus kyi gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum </font><hr>Ca41b<br><font size=+1>


du gshegs pa'i de bzhin gshegs pa thams cad kyi 'khor gyi dkyil 'khor thams cad kyi lus kyi gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i sangs rgyas thams cad kyi sprul ba'i tshogs kyi gzugs brnyan mang po'i sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i de bzhin gshegs pa thams cad kyi sngon gyi sbyor ba'i gzugs brnyan mang po'i sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du byung ba'i nyan thos dang / rang sangs rgyas thams cad kyi lus kyi gzugs brnyan rab tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i de bzhin gshegs pa thams cad kyi snying po byang chub dang / byang chub kyi shing gi gzugs kyi gzugs brnyan gyi sprin kun du dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du gshegs pa'i sangs rgyas thams cad kyi rnam par 'phrul ba'i gzugs brnyan mang po'i sprin kun tu </font><hr>Ca42a<br><font size=+1>


@#/ /dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du byung ba'i 'jig rten gyi dbang po thams cad kyi lus kyi gzugs brnyan gyi sprin kun tu dgye ba dang / mtshan dang dpe byad bzang po thams cad dang / ba spu'i sgo thams cad dang / lus thams cad nas dus gsum du byung ba'i sangs rgyas kyi zhing yongs su dag pa thams cad kyi gzugs brnyan gyi sprin kun tu dgye bas skad cig skad cig tu nam mkha'i dbyings thams cad rgyas par 'gengs shing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas| nub dang byang gi phyogs mtshams su brtan te/ rin po che'i rgyal po phyogs kun nas rnam par snang ba'i snying po'i seng ge'i khri rin po che 'gro ba rnam par snang ba'i pad+mo'i snying po can dag mngon par sprul nas/ mu tig 'od thub pa med pa'i dra bas yongs su brgyan pa dang / rin po che 'od kun tu snang ba'i cod pan bcings pa'i byang chub sems dpa'i lus su byin gyis brlabs nas/ skyil mo krung bcas te 'khod do/ /'og gi phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha </font><hr>Ca42b<br><font size=+1>


rol gyi 'jig rten gyi khams/ de bzhin gshegs pa thams cad kyi 'od kyi dkyil 'khor rnam par snang ba zhes bya ba de bzhin gshegs pa ye shes nam mkha' lta bur chags pa med pa'i dpal gyi rgyal mtshan rgyal po'i sangs rgyas kyi zhing nas/ byang chub sems dpa' bsgribs pa thams cad rnam par 'thor ba'i ye shes kyis rnam par gnon pa zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ ba spu'i bu ga thams cad nas 'gro ba thams cad kyi skad dang / sgra dang / dbyangs dang / nges pa'i tshig mngon par bsgrubs pa rgya mtsho rab tu brjod pa dang / dus gsum gyi byang chub sems dpa' thams cad 'byung ba'i tshul rgya mtsho'i sprin gyi 'brug sgra rab tu bsgrags pa dang / byang chub sems dpa' thams cad kyi smon lam mngon par bsgrub pa'i tshul rgya mtsho'i dbyangs rab tu bsgrags pa dang / byang chub sems dpa' thams cad kyi pha rol tu phyin pa yongs su dag pa yongs su rdzogs par bya ba'i tshul rgya mtsho'i sprin gyis sgra rab tu bsgrags pa dang / byang chub sems dpa' thams cad kyi spyod pa'i dkyil 'khor zhing thams cad du rgyas par 'gengs pa'i tshul rgya mtsho'i dbyangs rab tu bsgrags pa dang / byang chub </font><hr>Ca43a<br><font size=+1>


@#/ /sems dpa' thams cad kyi yang dag par bsgrub pa dang / rnam par 'phrul pa'i tshul rgya mtsho'i dbyangs rab tu bsgrag pa dang / de bzhin gshegs pa thams cad byang chub pa'i snying por gshegs pa dang / bdud kyi dkrugs ma rnam par 'thor ba dang / byang chub pa'i snying por rnam par 'tshang rgya ba dang / rnam par 'phrul pa mdzad pa'i dbyangs rgya mtsho rab tu bsgrag pa dang / de bzhin gshegs pa thams cad kyi chos kyi 'khor lo bskor ba dang / mdo sde'i tshul dang / ming rgya mtsho'i dbyangs kyi sprin gyi 'brug sgra bsgrag pa dang / 'gro ba 'dul ba thams cad dus la bab pa'i 'khor los 'dul ba'i chos kyi tshul dang thabs kyi sgra rab tu bsgrag pa dang / ye shes thams cad khong du chud par bya ba'i phyir/ smon lam ji ltar btab pa dang / dge ba'i rtsa ba'i khyad par dang / dus dang / thabs dang / chos kyi tshul rgya mtsho'i dbyangs rab tu bsgrag pa byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas/ 'og gi phyogs su brtan te| de bzhin gshegs pa thams cad kyi gzhal med khang gzugs brnyan rab tu snang ba'i rin po che sna tshogs thams cad kyi mdzod kyi khang pa brtsegs pa dang / seng ge'i khri rin </font><hr>Ca43b<br><font size=+1>


po che thams cad kyi gzugs kyi pad+mo'i snying po yongs su bzung ba dag mngon par sprul nas/ rin po che'i snying po byang chub thams cad kyi gzugs brnyan rab tu snang ba'i rgyal mtshan gyi cod pan mgo la bcings pa'i byang chub sems dpa'i lus su byin gyis brlabs nas/ skyil mo krung bcas te 'khod do/ /steng gi phyogs kyi 'jig rten gyi khams rgya mtsho sangs rgyas kyi zhing brjod du med pa'i rdul shin tu phra ba snyed kyi pha rol gyi 'jig rten gyi khams sangs rgyas kyi rigs mi zad pa shin tu ston pa zhes bya ba/ de bzhin gshegs pa ye shes kyi dkyil 'khor kun tu snang ba'i dbyings kyi sangs rgyas kyi zhing nas/ byang chub sems dpa' chos kyi dbyings kyi smon lam gyi gzhi rab tu rtogs pa zhes bya ba/ byang chub sems dpa' 'jig rten gyi khams rgya mtsho brjod du med pa'i rdul shin tu phra ba snyed dang lhan cig tu bcom ldan 'das des gnang nas/ 'khor gyi dkyil 'khor rgya mtsho de nas 'phags te/ mtshan dang dpe byad bzang po thams cad dang / ba spu'i sgo thams cad dang / lus thams cad dang / yan lag dang nying lag thams cad dang / tshig gi lam thams cad dang / gos dang / smad g.yogs thams cad nas/ byang chub sems dpa'i 'khor thams cad dang / bcom ldan 'das rnam par snang mdzad dang / sngon gyi mtha'i mur thug pa'i de bzhin gshegs </font><hr>Ca44a<br><font size=+1>


@#/ /pa 'das pa thams cad dang / phyi ma'i mtha'i mur thug pa'i de bzhin gshegs pa lung bstan pa dang / lung ma bstan pa dang / ma byon pa thams cad dang / da ltar byung ba phyogs bcu'i sangs rgyas kyi zhing rab 'byams thams cad na bzhugs pa rnams kyi sngon sbyin pa'i pha rol tu phyin pa mdzad pa dang ldan pa'i sngon gyi sbyor ba rgya mtsho dang / len pa dang / sbyin pa'i dngos po thams cad kyi gzugs brnyan mtshan dang dpe byad bzang po dang / ba spu'i sgo dang / lus thams cad dang / yan lag dang / nying lag dang / tshig gi lam dang / gos dang / smad g.yogs thams cad la rab tu snang bar gyur par rnam par bstan pa dang / tshul khrims kyi pha rol tu phyin pa thams cad dang ldan pa'i sngon gyi sbyor ba rgya mtsho dag kyang rab tu snang bar yongs su bstan pa dang / bzod pa'i pha rol tu phyin pa dang ldan pa/ yan lag dang / nying lag thams cad 'thub pa rab tu bstan pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / byang chub sems dpa' thams cad kyi brtson 'grus dang / drag shul dang / rnam par gnon pa dang </font><hr>Ca44b<br><font size=+1>


ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / de bzhin gshegs pa thams cad kyi bsam gtan rgya mtsho yongs su tshol zhing rab tu bsgrub pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / de bzhin gshegs pa thams cad kyi chos kyi 'khor lo bskor ba'i tshul yongs su bsgrub cing chos yongs su tshol ba dang ldan pa dang / bdog pa thams cad yongs su gtong zhing / shin tu zhe non pa'i lus dang / ngo'i gzugs brnyan rnam par dmigs par bya bas sngon gyi sbyor ba rgya mtsho rab tu snang bar gyur pa yongs su bstan pa dang / de bzhin gshegs pa thams cad mthong zhing dga' ba dang / byang chub sems dpa' thams cad kyi lam la 'gro ba thams cad mngon par mos par byed pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / byang chub sems dpa' thams cad kyi smon lam rgya mtsho mngon par grub pa'i sgo yongs su dag pa'i rgyan dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / byang chub sems dpa' thams cad kyi stobs kyi pha rol tu phyin pa rab tu grub pa dang / rnam par mngon pa dang / </font><hr>Ca45a<br><font size=+1>


@#/ /rnam par dag par byas pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / chos kyi dbyings rgya chen po rnam par 'phrul pa thams cad kyi sprin gyis rgyas par bkang ste/ byang chub sems dpa' thams cad kyi ye shes kyi dkyil 'khor dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa byed cing / mi mjed kyi 'jig rten gyi khams gang na ba der lhags nas/ bcom ldan 'das gang na ba der dong ste/ 'khor dang bcas pas bcom ldan 'das la phyag 'tshal nas/ steng gi phyogs su brten te/ rdo rje dbang po sna tshogs thams cad kyi rgyan gyi snying po can gyi khang pa brtsegs pa dang / seng ge'i khri rdo rje dang / in+d+ra nI la'i pad+mo'i snying po can dag mngon par sprul nas nor bu'i rgyal po rin po che thams cad rab tu 'bar ba'i dra bas kun nas brgyan pa dang / rin po che'i rgyal po dus gsum gyi de bzhin gshegs pa'i mtshan dang dbyangs su sgrog pa'i phreng ba rab tu 'phyang ba dang / mgo la rin po che'i cod pan thogs pa'i byang chub sems dpa'i lus su byin gyis brlabs nas| skyil mo krung bcas te 'khod do// //ba ma po brgyad cu bdun pa/ byang chub sems dpa' de dag thams cad kyang 'khor dang bcas par/ byang chub </font><hr>Ca45b<br><font size=+1>


sems dpa' kun tu bzang po'i spyod pa dang / smon lam gyis byung ba/ de bzhin gshegs pa thams cad kyi zhabs kyi drung nas zhal du lta ba ye shes yongs su dag pa'i mig dang ldan pa/ de bzhin gshegs pa thams cad kyi chos kyi 'khor lo dang / mdo sde'i tshul gyis gsung rgya mtsho la rna ba yongs su gzhol ba/ byang chub sems dpa' thams cad kyi dbang rab tu thob par bya ba la pha rol tu phyin pa'i mchog thob pa/ de bzhin gshegs pa thams cad kyi drung du 'dong ba/ skad cig skad cig tu yongs su bstan par rnam par 'phrul pas byung ba/ 'jig rten gyi khams thams cad lus gcig gis rgyas par dgang ba'i yul dang ldan pa/ de bzhin gshegs pa thams cad kyi 'khor gyi dkyil 'khor du lus su mngon par 'byung zhing / rnam par snang ba rdul shin tu phra ba gcig la 'jig rten gyi khams thams cad khams gcig tu snang zhing khongs su chud par yang dag par ston pa'i yul dang ldan pa/ 'gro ba thams cad yongs su smin par bya ba dang / gdul ba'i dus la sdod par gzhol ba/ de bzhin gshegs pa thams cad kyi chos kyi 'khor lo'i sprin gyi 'brug sgra/ ba spu'i bu ga thams cad nas rab tu sgrog pa'i yul dang ldan pa/ sems can gyi khams thams cad sgyu ma lta bur yongs su shes pa rab tu thob pa/ de bzhin gshegs pa thams cad mig yor lta bur khong du chud pa/ </font><hr>Ca46a<br><font size=+1>


@#/ /srid pa'i rgyud du skye ba thams cad rmi lam lta bu shes par byung ba/ las dang rnam par smin pa thams cad gzugs brnyan lta bur shes pas rnam par dag pa/ ye shes mngon par grub pa thams cad smig rgyu lta bur mngon par shes pa/ 'jig rten gyi khams 'byams klas pa thams cad sprul pa lta bur khong du chud pa/ de bzhin gshegs pa'i stobs bcu dang / ye shes kyi snang ba rab tu thob pa/ mi 'jigs pa'i khyu mchog dang / seng ge'i nga ros rnam par gnon pa/ tha dad pa yang dag par shes pa/ mi zad pa'i rgya mtshor zhugs pa/ 'gro ba thams cad kyi skad rgya mtsho dang / chos kyi nges pa'i tshig gi ye shes rab tu thob pa/ chos kyi dbyings dang nam mkha' ltar chags pa med pa'i ye shes kyi spyod yul dang ldan pa/ chos thams cad la bsgribs pa med pa'i ye shes rab tu thob pa/ byang chub sems dpa' thams cad kyi mngon par shes pa ye shes kyi dkyil 'khor rnam par dag pa/ bdud kyi dkyil 'khor thams cad rnam par dkrug pa'i brtson 'grus dang ldan pa/ dus gsum thams cad shes pa'i stobs la rab tu gnas pa/ chos thams cad la ye shes bsgribs pa med pa rab tu thob pa/ gnas med pas nam mkha'i spyod yul dang ldan pa/ thams </font><hr>Ca46b<br><font size=+1>


cad mkhyen pa'i sa len pa med pa/ nam mkha' lta bu'i brtson 'grus dang ldan pa/ srid pa thams cad mi dmigs pa'i ye shes kyi spyod yul can/ chos kyi dbyings thams cad kyi tshul rgya mtsho la rab tu zhugs pa/ 'jig rten gyi khams thams cad tha mi dad pa'i ye shes kyi sgor zhugs pa/ 'jig rten gyi khams thams cad gcig nas gcig tu gzung ba'i rnam par 'phrul pas byung ba/ 'jig rten gyi khams kyi rgyud thams cad du skyes pa'i lus yongs su ston pa/ 'jig rten gyi khams thams cad kyi dbyibs phra ba dang / rgya che ba dang / yangs pa dang / dog pa sna tshogs rab tu tshogs pa/ shin tu phra zhing rgya chen po yang dag par gzud pa'i ye shes khong du chud pa/ dmigs pa rgya chen po shin tu phra bar shes pa dang ldan pa/ sangs rgyas thams cad dang sems kyi skad cig la 'grogs pa rab tu thob pa/ de bzhin gshegs pa thams cad kyi byin gyi rlabs kyi ye shes kyi lus dang ldan pa/ phyogs rgya mtsho thams cad du mgo rmongs pa med pa'i ye shes rab tu thob pa/ sems kyi skad cig gis phyogs rgya mtsho thams cad du rnam par 'phrul pas rgyas par 'gengs pa sha stag ste/ de bzhin gshegs pa'i byin gyi rlabs kyis de lta bu'i yon tan tshad med pa dang ldan pa'i byang chub sems dpa' sha stag gis dze ta'i tshal thams cad yongs su rgyas par gyur </font><hr>Ca47a<br><font size=+1>


@#/ /kyang| nyan thos chen po shA ri'i bu dang / mo'u dgal gyi bu dang / 'od srung chen po dang / nam gru dang / rab 'byor dang / 'gag med dang / mos pa dang / ka t+ya'i bu dang / byams gang gi bu la sogs pas dze ta'i tshal na 'khod bzhin du/ de bzhin gshegs pa'i rnam par 'phrul pa de dag ma mthong ngo / /sangs rgyas kyi bkod pa de dag dang / sangs rgyas kyi khyu mchog gi mthu dang / sangs rgyas kyi rnam par rol pa dang / sangs rgyas kyi cho 'phrul dang / sangs rgyas kyi mnga' chen po dang / sangs rgyas kyi spyod pa'i rnam par 'phrul ba dang / sangs rgyas kyi mthu dang / sangs rgyas kyi byin gyi rlabs dang / sangs rgyas kyi zhing yongs su dag pa yang ma mthong ngo / /byang chub sems dpa'i yul bsam gyis mi khyab pa de dag dang / byang chub sems dpa' kun nas 'ongs pa dang / byang chub sems dpa' kun nas 'dus pa dang / byang chub sems dpa' kun nas tshogs pa dang byang chub sems dpa' nye bar 'ongs pa dang / byang chub sems dpa' rnam par 'phrul pa dang / byang chub sems dpa'i cho 'phrul dang / byang chub sems dpa'i 'khor gyi dkyil 'khor dang / byang chub sems dpa'i phyogs su 'khod pa dang / byang chub sems dpa'i seng </font><hr>Ca47b<br><font size=+1>


ge'i khri bkod pa dang / byang chub sems dpa'i khang pa dang / byang chub sems dpa'i rnam par spyod pa dang / byang chub sems dpa'i ting 'dzin gyis rnam par rtse ba dang / byang chub sems dpa'i rnam par lta ba dang / byang chub sems dpa'i rnam par bsgyings pa dang / byang chub sems dpa'i rnam par gnon pa dang / byang chub sems dpa'i de bzhin gshegs pa mchod pa dang / byang chub sems dpa'i lung bstan pa dang / byang chub sems dpa'i yongs su smin par gyur pa dang / byang chub sems dpa'i sngon du 'dor ba dang / byang chub sems dpa'i chos kyi lus rnam par dag pa dang / byang chub sems dpa'i ye shes kyi lus yongs su rdzogs pa dang / byang chub sems dpa'i smon lam gyi lus rnam par dmigs pa dang / byang chub sems dpa'i gzugs kyi lus yongs su grub pa dang / byang chub sems dpa'i mtshan phun sum tshogs pa yongs su dag pa dang / byang chub sems dpa'i 'od kyi dkyil 'khor kha dog mtha' yas pa'i bkod pa dang / byang chub sems dpa'i 'od zer gyi dra ba rab tu 'gyed pa dang / byang chub sems dpa'i sprul pa'i sprin kun tu 'gyed pa dang / byang chub sems dpa'i phyogs kyi dra ba rgyas par 'gengs pa dang / byang chub sems dpa'i spyod pa'i dkyil 'khor rnam par sprul pa yang ma mthong ngo / /de ci'i phyir zhe na/ dge ba'i rtsa ba mi mtshungs ba'i phyir te/ de dag gis ni sngon </font><hr>Ca48a<br><font size=+1>


@#/ /sangs rgyas kyi rnam par 'phrul pa mthong ba'i rgyur 'gyur ba'i dge ba'i rtsa ba ma bsags so/ /de dag la ni sngon sangs rgyas bcom ldan 'das rnams kyis phyogs bcu'i 'jig rten gyi khams su gtogs pa'i sangs rgyas kyi zhing thams cad kyi yon tan dang / rgyan yongs su dag pa yang dag par bstan pa ma mdzad do/ /de dag la ni sangs rgyas bcom ldan 'das rnams kyis sangs rgyas kyi rnam par 'phrul pa yang dag brjod pa ma mdzad do/ /de dag gis ni sngon 'khor ba na 'khor ba'i tshe/ sems can rnams bla na med pa yang dag par rdzogs pa'i byang chub tu yang dag par bskul ba ma byas so/ /de dag gis ni gzhan gyi sems kyi rgyud la byang chub tu sems bskyed pa rab tu bzhag pa ma byas so/ /de dag gis ni de bzhin gshegs pa'i gdung rgyun mi 'chad pa'i phyir zhugs pa ma yin no/ /de dag gis ni sems can thams cad yongs su bsdu ba'i phyir brtson pa ma yin no/ /de dag gis ni byang chub sems dpa' rnam pha rol tu phyin pa la yang dag par bskul ba ma byas so/ /de dag gis ni sngon 'khor ba na 'khor ba'i tshe/ 'gro ba thams cad las khyad par du 'phags pa'i ye shes kyi sa la dmigs pa ma byas so/ /de dag gis ni thams cad mkhyen pa nyid du 'gyur ba'i dge ba'i rtsa ba nye bar bsags pa ma byas so/ /de dag gis ni de bzhin gshegs </font><hr>Ca48b<br><font size=+1>


pa'i 'jig rten las 'das pa'i dge ba'i rtsa ba yongs su ma bsgrubs so/ /de dag gis ni sangs rgyas kyi zhing yongs su dag pa thams cad du rnam par 'phrul pa'i mngon par shes pa khong du ma chud do/ /de dag gis ni byang chub sems dpa'i mig gi lam gyis rnam par dmigs par bya ba 'jig rten las 'das pa thun mong ma yin pa'i byang chub tu dmigs pa'i dge ba'i rtsa ba byang chub sems dpa'i smon lam chen po las byung ba khong du chud do/ /nyan thos dang / rang sangs rgyas kun gyis ni byang chub sems dpa' kun tu bzang po'i ye shes kyi mig gi lam gyis rnam par dmigs pa thun mong ma yin pa/ de bzhin gshegs pa'i byin gyi rlabs las byung ba'i sgyu ma'i rnam pa'i chos nyid kyis grub pa/ byang chub sems dpa'i 'du shes sna tshogs yongs su 'dzin pa byin gyis rlob pa/ byang chub sems dpa'i dga' ba'i shugs chen po rnam par 'phel bar byed pa khong du ma chud do/ /de bas na nyan thos chen po mchog gi zung dang / bzang po'i zung la sogs pa de dag gis de bzhin gshegs pa'i rnam par 'phrul ba de mi mthong ngo / /mi thos so/ /mi shes so/ /khong du mi chud do/ /mi rtogs so/ /mi rig go /yid mi ches so/ /mi sems so/ /rnam par mi lta'o/ /rtogs par mi lta'o/ /nges par mi lta'o/ /nye bar mi sems so/ /de ci'i phyir zhe na/ de ni sangs rgyas kyi spyod yul te/ nyan thos kyi spyod </font><hr>Ca49a<br><font size=+1>


@#/ /yul ma yin no/ /de bas na nyan thos chen po de dag dze ta'i tshal de nyid na 'khod kyang / sangs rgyas kyi rnam par 'phrul pa de dag mi mthong ste/ de dag la de dang mthun pa'i dge ba'i rtsa ba med do/ /de dag gis sangs rgyas kyi rnam par 'phrul pa de dag mthong du/ de lta bu'i ye shes kyi mig rnam par ma dag go /dmigs pa chung ngu la rgya chen po'i byin gyi rlabs kyis 'jug tu ting nge 'dzin de lta bu med do/ /de dag shes pa dang / lta ba'am/ khong du chud par bya ba'am/ rtogs par bya ba'am/ rgyas par dgang bar bya ba'am/ 'jug par bya ba'am/ rnam par blta ba'am/ nyams su myong bar bya ba'am/ gnan ba'am/ rnam par mnan pa'am/ gzhan gyis thos par bya ba'am/ bstan par bya ba'am/ smos par bya ba'am/ yang dag par bstan par bya ba'am/ bstab par bya ba'am/ sbyin par bya ba'am/ de la sems can rnams yongs su bskul bar bya ba'am/ sbyar bar bya ba'am/ rab tu dgod par bya ba'am/ sangs rgyas kyi rnam par 'phrul pa'i chos nyid la sems can dgod par bya bar yang de dag la de lta bu'i rnam par thar pa med do/ /de lta bu'i rdzu 'phrul med do/ /de lta bu khyu mchog gi mthu med do/ /de lta bu'i stobs med do/ /de lta bu'i dbang med do/ /de lta bu'i gnas med do/ /de lta bu'i 'du shes med do/ /de lta bu'i mig gi mthu </font><hr>Ca49b<br><font size=+1>


med do/ /de lta bu'i ye shes med do/ /de ci'i phyir zhe na/ de dag ni de ltar nyan thos kyi theg pas byung ba/ nyan thos kyi lam gyis yongs su grub pa/ nyan thos kyi spyod pa'i dkyil 'khor yongs su rdzogs pa/ nyan thos kyi 'bras bu la gnas pa/ bden pa snang ba shes pas nges par rtogs pa/ yang dag pa'i mtha' la gnas pa/ shin tu zhi ba'i mthar thug pa/ snying rje chen po'i bsam pa med pa/ 'jig rten thams cad la mi lta mi sdod pa/ rang gi don grub pa dag ste/ de dag ni dze ta'i tshal de nyid du kun nas 'dus te 'khod la/ bcom ldan 'das kyi spyan snga dang / g.yas g.yon dang / snam logs na bcom ldan 'das la mngon du lta bar gnas kyang / dze ta'i tshal der sangs rgyas kyi rnam par 'phrul pa de dag mthong bar ma gyur to/ /de ci'i phyir zhe na| thams cad mkhyen pa'i ye shes yang dag par ma bsgrubs pa dang / thams cad mkhyen pa'i ye shes yang dag par ma bsdus pa dang / thams cad mkhyen pa'i ye shes la yang dag par ma zhugs pa dang / thams cad mkhyen pa'i ye shes la smon lam yang dag par ma btab pa dang / thams cad mkhyen pa'i ye shes mngon par ma bsgrubs pa dang / thams cad mkhyen pa'i ye shes yongs su ma bsgoms pa dang / thams cad mkhyen pa'i ye shes ma sbyangs pa de dag gis ni/ de bzhin gshegs pa'i ting nge 'dzin gyi rnam par 'phrul pa de la 'jug </font><hr>Ca50a<br><font size=+1>


@#/ /cing rtogs par bya ba'am/ blta zhing khong du chud par bya bar mi nus so/ /de ci'i phyir zhe na/ de ni byang chub sems dpa' rigs dang ldan pa rnams kyi mig gi lam gyis blta ba yin gyi/ nyan thos kyi mig gis blta ba ma yin no/ /de bas na nyan thos chen po de dag dze ta'i tshal de nyid na 'khod kyang / de bzhin gshegs pa'i rnam par 'phrul pa dang / sangs rgyas kyi byin gyi rlabs dang / sangs rgyas kyi zhing yongs su dag pa dang / byang chub sems dpa' kun nas 'dus pa'ang mthong bar ma gyur to/ /de 'ang 'di lta ste/ dper na| gang+gA'i chu klung chen po'i ngogs pha rol tshu rol du yi dwags bkres pa dang / skom pas rab tu mnar ba/ gcer ba/ gos med pa/ lus kyi mdog dang / kha dog tshig cing 'chums pa dang / rlung dang nyi mas bskams pa/ bya rog mang pos gtse ba/ spyang ki dang / was mtho btsam pa brgya stong mang po kun nas 'dus kyang / gang+gA'i chu klung chen po mi mthong ste/ sgrib pa'i las kyis bsgribs pa'i phyir/ la las ni bskams te chu med par mthong ngo / /la las ni thal bas yongs su gang bar mthong ngo / /de bzhin du nyan thos chen po gnas brtan de dag dze ta'i tshal de nyid na 'khod kyang / thams cad mkhyen pa nyid dang mi mthun pa'i phyogs ma rig pa'i ling rtog gis mig kun nas khebs pa dang / thams cad mkhyen pa nyid </font><hr>Ca50b<br><font size=+1>


kyi sa'i dge ba'i rtsa ba'i mthus yongs su ma bzung ba'i phyir/ de bzhin gshegs pa'i rnam par 'phrul pa de dag ma mthong / ma shes so/ /'di lta ste/ dper na/ 'dun ma chen po 'dus pa'i skye bo mang po dbus su/ mi la la zhig gnyid kyis myos te log par gyur nas/ de gnyid kyis log pa'i rmi lam du gnas de nyid na/ lha'i grong rdal brgya byin gyi gnas blta na mdzes pa dang / ri rab kyi steng shing dang bcas pa/ bza' shing gi ra ba'i 'khor dang bcas pa/ lha'i bu mo bye ba khrag khrig brgya stong gis gang ba/ lha'i bu khrag khrig brgya phrag stong snyed gnas pa/ lha'i me tog sna tshogs kyis yongs su gang ba dang / yid bzhin gyi shing lha rdzas kyi gos dang / mu tig gi phreng ba dang / rin po che'i rgyan dang / se mo do sna tshogs mang po 'byin pa dang / lha rdzas kyi sil snyan rnam pa sna tshogs rlung gis yongs su bskyod cing / sgra dbyangs yid du 'ong la snyan pa 'byin pa'i sil snyan gyi shing mang po dang / dga' ba'i rtsed mo'i bkod pa/ rnam pa sna tshogs mthong bar gyur la| lha'i bu mo mang pos glu blangs pa dang / lha rdzas kyi rol mo byas pa'i sgra yid du 'ong zhing snyan pa thos par gyur te/ bdag nyid kyang de na 'dug pa snyam byed la/ lha rdzas kyi bkod pas klubs pa'i gnas de dag thams cad mthong bar gyur kyang / skye bo'i tshogs mang po de dag gis gnas de nyid na 'khod bzhin du mi mthong / mi shes/ khong du mi chud do/ /de ci'i phyir zhe na/ </font><hr>Ca51a<br><font size=+1>


@#/ /de ni skyes bu gnyid kyis log pa de nyid kyi rmi lam gyis blta ba yin gyi/ gnas de nyid na 'khod kyang skye bo mang po de dag gis blta ba ma yin no/ /de bzhin du byang chub sems dpa' de dag dang / 'jig rten gyi dbang po byang chub la mngon par mos pa de dag sangs rgyas kyi byin gyi rlabs rgya chen po dang / rang gi dge ba'i rtsa ba'i stobs ma nor bar shin tu bsags pa dang / thams cad mkhyen pa nyid du smon lam shin tu mngon par bsgrubs pa dang / de bzhin gshegs pa'i yon tan thams cad la shin tu zhugs pa dang / byang chub sems dpa'i lam bkod pa chen po dang ldan pa la shin tu gnas pa dang / thams cad mkhyen pa'i ye shes kyi chos nyid dang / yan lag rnam pa thams cad du shin tu rdzogs pa dang / byang chub sems dpa' kun tu bzang po'i spyod pa'i khyad par dang / smon lam yongs su rdzogs par bya ba rnam par dag pa dang / byang chub sems dpa'i sa thams cad kyi ye shes kyi dkyil 'khor yongs su non pa dang / byang chub sems dpa'i ting nge 'dzin gyis rnam par spyod pa thams cad la rnam par rtse ba dang / byang chub sems dpa'i ye shes kyi spyod yul thams cad la chags pa med par rnam par spyod pas bsam gyis mi khyab pa'i sangs rgyas kyi khyu mchog gi mthu phyung ba de dag dang / sangs rgyas kyi rnam par rol </font><hr>Ca51b<br><font size=+1>


pa de dag mthong zhing khong du chud la/ nyams su myong bar gyur kyang / nyan thos chen po mchog gi zung dang / bzang po'i zung la sogs pa de dag la byang chub sems dpa'i mig med pas mthong bar ma gyur/ shes par ma gyur to/ /'di lta ste/ dper na/ ri'i rgyal po kha ba can/ sman gyi 'byung gnas kyis gang ba la/ sngags dang / rig sngags dang / sman gyi tshul dang / blang ba'i rgyus shes shing / rig sngags grub pa'i skyes bu gnas pa/ sman gyi cho ga thams cad shes pa/ sman blang ba'i las byed kyang / ri bo'i dbang po de nyid la gnas pa'i phyugs dang / ba lang dang / ra lug 'tsho ba dang / rngon pa dang / de ma yin pa'i mi sman gyi tshul mi shes pa gzhan dag gis sman de dag gi cho ga dang / sman gyi ro dang / mthu dang / yon tan dang / byin dang / thabs dang / 'phrod pa mi shes so/ /de bzhin du byang chub sems dpa' de bzhin gshegs pa'i ye shes kyi yul la zhugs pa/ byang chub sems dpa'i rnam par 'phrul ba'i yul gyis byung ba/ de dag gis de bzhin gshegs pa'i ting nge 'dzin gyi rnam par 'phrul ba'i yul de dag mthong yang / nyan thos chen po mchog gi zung dang / bzang po'i zung la sogs pa rang gi dgos pas tshim par gyur pa/ gzhan gyi dgos pa yal bar gzhog pa/ btang snyoms can de dag dze ta'i tshal de nyid na gnas kyang / tshe 'di la bde bar spyod pas </font><hr>Ca52a<br><font size=+1>


@#/ /bde zhing dga' bar gnas pa las/ phar de bzhin gshegs pa'i ting nge 'dzin gyi rnam par 'phrul pa'i yul de dag khong du mi chud do/ /'di lta ste/ dper na/ sa chen po rin po che thams cad kyi 'byung gnas phun sum tshogs pa/ gter brgya stong du mas gang ba/ rin po che sna tshogs rnam pa tha dad pas yongs su gang ba 'di la'ang rin po che'i 'byung gnas dang / gter gyi rgyus la mkhas shing byang ba'i mi/ rin po che brtag pa'i gtsug lag gi blo shin tu byang ba/ gter gyi gtsug lag dang / rgyus dang / dan rtags gya nom par lobs pa/ bsod nams rgya chen po'i stobs kyis bstan pa dag /de las rin po che ci 'dong bar blangs shing bdag kyang yongs su tshim par byed/ pha dang ma la yang legs par rim gro byed/ bu pho smos kyang legs par gso bar byed cing / de ma yin pa'i sems can rga ba dang / na ba dang / dbul ba dang / nyam nyes pa dang / kha zas dang / gos kyis mi 'byor pa rnams la btud cing khyad par bgo bsha' byed pa/ nor gyi dga' ba sna tshogs nyams su myong bar byed kyang sems can rin po che'i 'byung gnas dang / gter gyi rgyus mi shes pa/ bsod nams ma byas pa/ rin po che la shes pa'i mig yongs su ma dag pa/ de dag de nyid na 'khod kyang rin po che'i 'byung gnas de dag </font><hr>Ca52b<br><font size=+1>


dang| rin po che'i gter de dag khong du mi chud mi shes pas/ rin po che yang blang du med do/ /rin po che'i don kyang byar med do/ /de bzhin du byang chub sems dpa' de bzhin gshegs pa'i yul bsam gyis mi khyab pa la ye shes kyi mig shin tu rnam par dag pa/ de bzhin gshegs pa'i ye shes kyi yul bsam gyis mi khyab pa la zhugs pa de dag dze ta'i tshal na 'khod cing| sangs rgyas kyi rnam par 'phrul pa de dag mthong la/ chos kyi tshul rgya mtsho la 'jug cing / ting nge 'dzin gyi phyag rgya yongs su sgrub ste/ de bzhin gshegs pa'i mchod pa dang / rim gro la brtson zhing / dam pa'i chos yongs su gzung ba la mngon par brtson te/ bsdu ba'i dngos po bzhis sems can de dag yongs su sdud kyang / nyan thos chen po de dag gis de bzhin gshegs pa'i rnam par 'phrul pa de dag dang / byang chub sems dpa'i tshogs chen po kun nas 'dus pa de lta bu yang ma mthong / ma shes so/ /'di lta ste/ dper na/ skyes bu la la zhig mig gnyis gos kyi bkab ste/ rin po che'i gling du phyin par gyur na/ des rin po che'i gling der phan tshun 'gro ba dang / 'greng ba dang / 'dug pa dang / nyal ba byas kyang rin po che'i 'byung gnas mi mthong ngo / /rin po che'i shing dang / gos kyi rin po che dang / spos kyi rin po che dang / rin po che thams cad kyang mi mthong la/ rin po che de dag gi spyod yul lam/ rin thang ngam/ yongs </font><hr>Ca53a<br><font size=+1>


@#/ /su spyad pa'i rgyus kyang mi shes pas/ de ni rin po che de dag len kyang mi len la/ rin po che'i don kyang nyams su myong bar mi byed do/ /gang gi mig la bsgribs pa med pa de dag gis ni de dag thams cad mthong zhing shes so/ /de bzhin du byang chub sems dpa' chos rin po che'i gling chen por phyin pa de dag gis/ bla na med pa'i de bzhin gshegs pa'i rin po che/ 'jig rten thams cad kyi rgyan du gyur pa mngon du gyur te/ dze ta'i tshal na bzhugs shing / sangs rgyas kyi rnam par 'phrul pa bsam gyis mi khyab pa yongs su ston pa mthong yang / nyan thos chen po de dag de bzhin gshegs pa'i zhabs kyi drung de nyid na gnas shing spyod kyang / de bzhin gshegs pa'i ting nge 'dzin gyi yul rnam par 'phrul ba'i cho 'phrul de dag ma mthong ngo / /byang chub sems dpa'i tshogs mang po de lta bu'i rin po che'i 'byung gnas chen po yang mthong par ma gyur to/ /de ci'i phyir zhe na/ de bzhin gshegs pa'i ting nge 'dzin gyi khyu mchog gi mthu phyung ba dang / cho 'phrul bsam gyis mi khyab pa de dag bltar thams cad mkhyen pa nyid dang mi mthun pa'i phyogs kyi ma rig pa'i gos kyis ye shes kyi mig bkab pa de dag la/ byang chub sems dpa'i ye shes kyi mig yongs su dag pa de lta bu med do/ /de dag gis chos kyi </font><hr>Ca53b<br><font size=+1>


dbyings gcig nas gcig tu brgyud pa la 'jug pa de lta bu khong du ma chud do/ /'di lta ste/ dper na/ mig yongs su dag pa rdul dang bral bas rab tu snang ba dang ldan pa zhes bya ba/ rab rib dang / mun pa thams cad dang mi 'grogs pa yod de/ de mi la la zhig gis thob par gyur na/ de rdul dang bral bas rab tu snang ba dang ldan pa'i mig yongs su dag pa dang ldan pas mtshan mo mun pa'i mun nag shin tu gnag par gyur pa'i nang na/ sems can bye ba khrag khrig brgya stong kun nas 'dus pa dang / cho ga dang / spyod lam rnam par sna tshogs dang ldan zhing / mun pa'i rab rib kyis mig yongs su 'khrugs par gyur pa'i mi'i khrod na 'dug cing / rnam par rgyu la phan tshun 'gro ba dang / 'greng ba dang / spyod lam rnam pa sna tshogs kyis spyod kyang| mi de dag gis skyes bu spyod lam sna tshogs kyis spyod pa de mi mthong / mi shes so/ /skyes bu des ni 'gro ba'i tshogs chen po/ spyod lam dang cho ga sna tshogs kyis rnam par spyod pa| phyogs tha dad du mngon par bltas pa/ dbyibs kyi rnam pa tha dad pa/ kha dog gi rnam pa tha dad pa/ dmigs pa'i tshul tha dad pa thams cad kyang mi mthong ba med do/ /de bzhin du de bzhin gshegs pa byang chub sems dpa'i tshogs kyi 'khor mnga' ba/ rnam par dag cing chags pa mi mnga' ba'i spyan dang ldan pas/ 'jig rten thams cad mkhyen cing gzigs te/ sangs rgyas kyi ting nge 'dzin </font><hr>Ca54a<br><font size=+1>


@#/ /gyi rnam par 'phrul pa dang / cho 'phrul chen po bstan pa mdzad kyang / nyan thos chen po de dag gis de bzhin gshegs pa'i ye shes dang / ting nge 'dzin gyis rnam par sprul pa'i cho 'phrul chen po de dag mthong bar ma gyur to/ /byang chub sems dpa' chen po'i tshogs chen po de lta bu yang mthong bar ma gyur te/ 'di lta ste/ dper na/ dge slong la la zhig skye bo mang po'i tshogs kyi dbus su sas khyab pa'i ting nge 'dzin la snyoms par zhugs sam/ chus khyab pa'am/ mes khyab pa'am/ rlung gis khyab pa'am/ sngon pos khyab pa'am/ ser pos khyab pa'am/ dmar pos khyab pa'am/ dkar pos khyab pa'am/ lhas khyab pa'am/ sems can sna tshogs kyi lus kyis khyab pa'am/ sgra dang dbyangs kun gyis khyab pa'am| dmigs pa thams cad kyis khyab pa'i ting nge 'dzin la snyoms par zhugs na/ 'gro ba mang po'i tshogs de dag gis chu'i phung po de mi mthong ngo / /me'i snang ba de yang mi mthong ngo / /sems can sna tshogs kyi lus kyis khyab pa dang / dmigs pa thams cad kyis khyab pa'i bar du yang mi mthong ste/ ting nge 'dzin de la snyoms par zhugs shing / rnam par spyod pa rnams ni ma gtogs so/ /de bzhin du de bzhin gshegs pas sangs rgyas kyi ting nge 'dzin gyis yul gyi rnam par sprul pa bsam gyis mi khyab pa de dag yongs su </font><hr>Ca54b<br><font size=+1>


bstan pa mdzad na/ nyan thos chen po de dag gis mthong zhing shes par ma gyur te/ byang chub sems dpa' de bzhin gshegs pa'i lam la zhugs pa de dag gis ni/ de bzhin gshegs pa'i yul de dag mthong ngo / /khong du chud do/ /'di lta ste/ dper na/ sku ba grub pa'i mi ni mig gnyis bskus ma thag tu/ skye bo mang po thams cad kyis lus mi mthong ngo / /des ni 'gro 'am| 'dug gam/ 'greng yang rung ste/ skye bo mang po thams cad mthong ngo / /de bzhin du de bzhin gshegs pa 'jig rten las 'das pa/ 'gro ba thams cad kyi yul las yongs su 'das pa/ thams cad mkhyen pa'i ye shes kyi yul du zhugs pa/ byang chub sems dpa'i ye shes kyi mig gis shes par bya ba des 'gro ba thams cad gzigs kyang / nyan thos chen po de dag gis de bzhin gshegs pa'i rnam par 'phrul pa de dag ma mthong ngo / /'di lta ste/ dper na/ mi'i tsher 'grogs pa'i lha rtag tu rjes su 'brang ba ni des mi de mthong yang / mis lha de mi mthong ngo / /de bzhin du de bzhin gshegs pa thams cad mkhyen pa'i ye shes kyi yul la zhugs pa/ byang chub sems dpa'i tshogs kun nas 'dus pa chen po'i dbus su| sangs rgyas kyi rnam par 'phrul pa chen po yongs su bstan pa mdzad kyang / nyan thos chen po de dag gis de bzhin gshegs pa'i rnam par 'phrul pa dang / cho 'phrul chen po dang / </font><hr>Ca55a<br><font size=+1>


@#/ /byang chub sems dpa'i 'khor gyi dkyil 'khor gyi rnam par 'phrul pa de dag kyang ma mthong / ma shes so/ /'di lta ste/ dper na/ dge slong sems thams cad la dbang gi dam pa'i pha rol tu phyin pa'i mchog thob pa/ 'du shes dang / tshor ba 'gog pa la snyoms par zhugs pa ni/ shes pa med la tshor ba med pas dbang po drug gis kyang bya ba gang yang nyams su mi myong ste/ mya ngan las 'das pa yang ma yin la/ 'jig rten gyi rnam par spyod pa thams cad gnas de na yod kyang / snyoms par zhugs pa de nyid kyi byin gyi rlabs dang mthus des mi shes/ mi mthong ngo / /de bzhin du nyan thos chen po de dag dze ta'i tshal de na yang rnam par spyod la/ de dag la dbang po drug kyang yod de/ de bzhin gshegs pa'i ting nge 'dzin dang / rnam par 'phrul pa dang / khyu mchog gi mthu phyung ba dang / cho 'phrul de dag mthong bar ma gyur/ khong du chud par ma gyur/ shes par ma gyur to/ /byang chub sems dpa'i cho 'phrul chen po de dag dang / byang chub sems dpa'i rnam par 'phrul pa de dag kyang khong du ma chud/ ma mthong / ma shes so/ /de ci'i phyir zhe na/ sangs rgyas kyi yul ni zab cing yangs la tshad med de/ blta bar dka' zhing rtogs par dka' ste/ khong du chud par dka' la 'jig rten thams cad las yongs su 'das pa'o/ /sangs rgyas kyi yul ni bsam gyis </font><hr>Ca55b<br><font size=+1>


mi khyab pa ste/ nyan thos dang / rang sangs rgyas thams cad kyis mi 'dus pa'o/ /de bas na nyan thos chen po de dag dze ta'i tshal de nyid na 'khod cing / bcom ldan 'das kyis zhabs kyi drung na spyod kyang / sangs rgyas kyi rnam par 'phrul pa de dag dang / byang chub sems dpa'i tshogs chen po de dag kyang ma mthong ngo / /dze ta'i tshal 'jig rten gyi khams grangs med pa/ bsam gyis mi khyab pa rnam par dag pa'i yon tan dang / bkod pa yongs su 'dus pa de yang ma mthong ma shes te/ de ni snod du ma gyur pa'i phyir ro/ /de nas byang chub sems dpa' rnam par snang mdzad kyi smon lam gyi gtsug gi 'od zer rab tu snang bas sangs rgyas kyi byin gyi rlabs kyis de'i tshe tshigs su bcad pa 'di dag smras so/ /ltos shig sems can dam pa yi| |sangs rgyas byang chub bsam mi khyab/ /rgyal bas sangs rgyas rnam 'phrul pa/ /dze ta'i rgyal mtshan 'di bstan to/ /rang byung rnams kyi byin gyi rlabs/ /bgrang du med par 'byung ba la/ /sangs rgyas chos tshul mi shes pa'i/ /'jig rten kun kyang mgo rmongs so/ /chos kyi rgyal po'i cho 'phrul dag /tshad med bsam gyis mi khyab cing / /shin tu zab pa 'byung ba ni/ /de la 'jig rten 'babs mi nus/ /rdzogs pa'i sangs rgyas kha dog mdog/ mtshan gyis shin tu rnam par klubs/ /yang dag sangs rgyas bskyed pa yi/ /chos rab de dag </font><hr>Ca56a<br><font size=+1>


@#/ /mtshan nyid med/ /rnam 'phrul mtha' dang dbus med pa/ /tshig gi lam gyis brjod dka' ba'i/ /rnam 'phrul shin tu zab pa dag /rgyal bas dze ta'i tshal du bstan/ /rgyal sras bdag nyid che ba'i rnams/ /zhing rnams bsam yas bye ba nas/ /rgyal ba'i zhal ltar mos dga' ste/ /kun nas 'dus pa'i tshogs la ltos/ / smon lam yongs su phun sum tshogs/ /spyod lam spyod pa chags med pa/ /de dag bsam pa shes par ni/ /'jig rten kun gyis mi nus so/ /de dag sems dang spyod yul dang / /spyod pa dag kyang nyan thos dang / /rang rgyal thams cad yongs kyis kyang / /rnam pa kun tu shes mi nus/ /rgyal sras shes rab chen po'i rnams/ /gzhan gyis thub dka' pham bya la/ /dpa' ba'i rgyal mtshan ma 'dres shing / /ye shes sa la gzhol gyur pa/ /ting 'dzin dpag tu tshad med la/ /grags chen mnyam par bzhag pa rnams| /chos dbyings thams cad rgyas bkang zhing / /rnam par 'phrul pa kun kyang ston/ /de nas byang chub sems dpa' thub par dka' ba'i brtson 'grus kyi shugs kyi rgyal pos sangs rgyas kyi byin gyi rlabs kyis/ phyogs bcur rnam par bltas nas de'i tshe tshigs su bcad pa 'di dag smras so/ /bsod nams snying po shes rab che/ /byang chub </font><hr>Ca56b<br><font size=+1>


spyod pa'i tshul rtogs shing / /'jig rten kun la bde byed pa'i/ /bde gshegs sku las skyes pa ltos/ /yid gzhungs blo gros mtha' yas shing / /shin tu mnyam gzhag sems ldan pa| |mtha' dang dbus med zab pa yi/ /ye shes rgya chen spyod yul can/ /rgyan rab mang pos mdzes byas pa'i/ /dze ta'i nags tshal rgya che ba/ /byang chub sems dpa' kun rgyas shing / / bde gshegs bzhugs pa'i gnas gyur par/ /gnas med mi gnas gyur pa rnams/ /phyogs rnams bcu nas kun 'dus te/ /pad+mo'i stan la 'khod pa dag /rgya mtsho mang la lta ba gyis// gnas med len pa med pa rnams/ /spros pa med cing mi rten la/ /rdul bral chags pa'i sems med pa/ /chos kyi dbyings la gzhol ba dang / /ye shes rgyal mtshan rab dpa' ba/ /rdo rje'i sems ni mi g.yo zhing / /grub pa med pa'i chos rnams la/ /mya ngan 'da' bar gang ston pa/ /phyogs bcu'i zhing mang bye ba rnams/ /grangs kyis mi chod kun nas 'dus/ /yang dag sangs rgyas drung du lhags/ /gnyis kyi 'du shes rnam par spangs/ /rang byung shAkya seng ge yi/ /rnam par 'phrul pa 'di dag mthong / /de yi byin rlabs dam pa yis/ /byang chub sems dpa' 'di dag lhags/ /sangs rgyas chos la 'byed pa med/ /chos dbyings gzhi la'ang de bzhin te/ /spyod pa tsam du yongs 'byed pa'i/ /pha rol phyin pa rgyal ba'i sras/ /chos kyi dbyings la dbyer </font><hr>Ca57a<br><font size=+1>


@#/ /med pa'i/ /mtha' la thug pa de dag gnas/ /tshig rnams yongs su zad med pas/ /chos la dbye ba'ang rab tu byed/ /de nas byang chub sems dpa' dpal kun nas 'phags pa'i gzi brjid rgyal pos sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /ltos shig sems can dam pa yi/ /ye shes dkyil 'khor shin tu yangs/ /dus dang dus min mkhyen mdzad cing / /sems can rnams la chos kyang ston/ /mu stegs ldan pa tshogs 'dus pa'i| |rgol ba thams cad rab tu 'joms/ /sems can bsam pa ji bzhin du/ /rnam par 'phrul pa yongs su ston/ /phyogs na mi bzhugs bde gshegs rnams/ /sangs rgyas yul gyi rjes mi bzhud/ /tshad med pa dang tshad yod las/ /thub pa chen po 'das pa min/ /nyi ma mkha' las 'gro ba ni/ /nyin bar 'grangs pa smos pa byed/ /de bzhin mkhyen pas mkhas ston pa/ /dus gsum chags pa med pas brjod/ /zla ba nye ba'i mtshan mo la/ /zla ba'i dkyil 'khor 'phags par snang / /de bzhin chos dkar yongs rdzogs pa'i/ /mgon po rnams kyang mthong ba yin/ /bar snang nam mkha'i dbyings 'di las/ /nyi ma'i dkyil 'khor rgyu ba ni/ /gar yang thogs pa med par 'gro/ /sangs rgyas rnam 'phrul de bzhin no/ / </font><hr>Ca57b<br><font size=+1>


ji ltar nam mkha' phyogs rnams kyi/ /zhing rnams kun la mi gnas pa/ /de bzhin 'jig rten sgron ma yi/ /sangs rgyas rnam 'phrul shes par bya/ /ji ltar sa ni 'jig rten na/ /lus can kun gyi gnas yin pas/ /'jig rten sgron ma'i 'jig rten na/ /chos kyi 'khor lo de ltar gnas/ /ji ltar rlung ni chags med par/ /mkha' la mgyogs par rab rgyu ba/ /de bzhin sangs rgyas chos nyid kyang / /'jig rten khams su rab tu rgyu/ /ji ltar chu yi phung po la/ /zhing rnams 'grangs pa kun gnas pa/ /de bzhin dus gsum sangs rgyas kyang / /ye shes tshogs la rab tu gnas/ /de nas byang chub sems dpa' dpal gyi snying po chags pa med pa'i rgyal pos sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /ji ltar rdo rje ri rab brag /zang yag shin tu mtho yod pa/ /de ltar 'jig rten kun skyob pa'i/ /sangs rgyas mngon par 'phags pas mtho/ /ji ltar rgya mtsho'i chu chen dag /tshad med rnyog pa med pa ltar/ /sangs rgyas mthong ba'ang de bzhin te/ /'jig rten kun gyi skom pa gcod/ /rgya mtsho'i chu las 'phags pa yi/ /ri bo ri rab ci 'dra bar/ /de bzhin 'jig rten sgron ma yang / /chos kyi mtsho las mngon par 'phags/ /rin chen kun gyi 'byung gnas kyis/ /rgya mtsho rgyas pa ji bzhin du/ /rang byung ye shes de bzhin te/ /mi zad skad cig </font><hr>Ca58a<br><font size=+1>


@#/ /rab tu mkhyen/ /mgon po'i ye shes shin tu zab/ /tshad med de bzhin bgrang du med/ /de bas sangs rgyas rnam 'phrul ba/ /bsam gyis mi khyab tshad med ston| |sgyu ma'i mtshan nyid ston pa yi/ /sgyu mkhan mkhas pa ci 'dra ba/ /de ltar sangs rgyas mkhyen dbang yang / /rnam par 'phrul ba rab tu ston/ /yid bzhin nor bu rnam dag pa| |bsam don rdzogs byed ji lta ba/ /de bzhin bsam pa dag pa la/ /rgyal ba smon lam rdzogs pa mdzad/ /'od snang gsal ba byed pa yi/ /rin chen rnam snang ji lta ba/ /de ltar thams cad mkhyen pa dag /'gro ba'i bsam pa gsal bar mdzad/ /ji ltar phyogs la mngon lta ba'i/ /rin chen zur brgyad rab gnas pa/ /de bzhin chags med sgron ma yang / /chos dbyings rab tu snang ba mdzad/ /chu dwangs rin chen 'od gsal ba/ /ji ltar dri med chu dwangs byed/ /de bzhin sangs rgyas mthong bas kyang / /'gro ba'i dbang po dag par 'gyur/ /de nas byang chub sems dpa' chos kyi dbyings su smon lam rab tu 'phrul ba'i zla ba'i rgyal pos/ /sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /phyogs 'di in+d+ra nI la yis/ /kha dog mdog gcig byas pa ltar/ /sangs rgyas mthong bas skye dgu rnams/ /de bzhin </font><hr>Ca58b<br><font size=+1>


byang chub mdog tu 'gyur/ /sangs rgyas rdul phran re re la/ /rnam par 'phrul ba sna tshogs rnams/ /tshad kyis gzhal du med pa ston/ /byang chub sems dpa' rnam dag mdzad/ /de ni rmad byung shin tu zab/ /mtha' yas bsgrub pa dga' ba ste/ /blo ldan ye shes yul de la/ /'jig rten rnams ni 'bab mi nus/ /byang chub sems dpa' bsgrub don du/ /bkod pa phun sum tshogs pa dang / /sangs rgyas tshul gyis rnam sbyangs pa'i/ /chos kyi dbyings la 'jug pa ston/ /sangs rgyas zhing rnams bsam yas pa/ /blo ldan bskor ba'i sangs rgyas kyis/ /kun nas gang bar gyur pa yang / /rgyal ba de la ston pa mdzad/ /chos kun mnga' sgyur ston pa ste/ /shAkya'i khyu mchog skyes par gyur/ /de yi cho 'phrul tshad med pa/ /'di dag rab tu byung ba yin| |brtan pa'i spyod pa sna tshogs rnams/ /tshad med rnam par gzigs gyur nas/ /rnam par 'phrul ba mtha' yas pa/ /tshad med gzi can ston pa mdzad/ /'jig rten mgon po rgyal sras rnams/ /chos kyi dbyings la slob pa mdzad/ /chos rnams thams cad yongs la yang / /chags med ye shes spyod yul 'gyur/ /skyes bu dbang po'i byin rlabs kyis/ /cho 'phrul brgya dang rab ldan zhing / /'jig rten thams cad rnam sbyong ba'i/ /chos kyi 'khor lo rab tu bskor/ /sems can gtso bo'i yul la yang / /ye shes dkyil 'khor yongs </font><hr>Ca59a<br><font size=+1>


@#/ /sbyangs shing / /shes rab chen po'i klu chen rnams/ /'jig rten thams cad 'grel bar 'gyur/ /de nas byang chub sems dpa' chos kyi don gyi blo gros gzi brjid rgyal pos/ bcom ldan 'das kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /drang srong dam pa'i mchog rnams kyi/ /dus gsum nyan thos gang byung ba/ /de dag kun gyis bde gshegs kyi/ /gshegs thabs 'jog 'deg mi shes so/ /dus gsum ma lus thams cad kyi/ /ma nor rang rgyal gang byung ba/ /de dag gis kyang mgon po yi/ /gshegs thabs 'jog 'deg mi rig go /ma rig mun pas bsgribs pa rnams/ /khyi ltar ltong la brgyus pa yi/ / sems can de 'dra kun gyis ni/ /mgon po mi shes smos mi dgos/ /rgyal ba tshad mas gzhal ba min/ /de ni shes par mi nus te/ /sangs rgyas chags med ye shes can/ /tshig gi lam las shin tu 'das/ /zla ba nya rgyas 'od mnga' ba/ /brtan pa mtshan gyis rnam par bris/ /de ni bskal pa dpag yas par/ /rnam 'phrul thog med spyod pa mdzad/ /tshul sgo re res sangs rgyas la/ /shin tu mnyam gzhag bsams byas kyang / /bskal pa bye ba bsam yas pa/ /brjod du med pa zad 'gyur gyi/ /rang byung rnams kyi yon tan las/ /phyogs </font><hr>Ca59b<br><font size=+1>


gcig cha yi mthar mi phyin/ /sangs rgyas de yi zhal bltas kyang / /sangs rgyas chos ni bsam mi khyab/ /gang zhig de la smon byed cing / /gang zhig yid kyis dga' mos pa/ /de dag kun kyang de 'dra ba'i/ /spyod yul blta dka' 'thob par 'gyur/ /bsod nams ye shes mtha' yas shing / /tshogs chen yangs pas rnam gnon la/ /dri med blo ldan sems gnas pa/ /de dag 'di yi tshul la 'jug /de dag smon lam rgya che bas/ /sems dang sdom pa rgya che ste/ /rgyal ba'i spyod yul thob gyur cing / /byang chub rgya chen gnon par 'gyur/ /de nas byang chub sems dpa' bdud kyi dkyil 'khor rnam par 'thor ba'i ye shes rgyal mtshan gyi rgyal pos/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so| |chags med ye shes sku mnga' bas/ /rang byung rnams ni sku med de/ /bsam yas ye shes yul mnga' bas/ /de dag bsam par mi nus so/ /'phrin las dkar po bsam yas pas/ /sangs rgyas sku rab bsgrub pa'i phyir/ /de la 'jig rten gsum mi 'go /mtshan dang dpe byad bzang pos mdzes/ /chos kyi dbyings kyis rnam sbyangs pas/ /'jig rten kun tu snang ba mdzad/ /sangs rgyas byang chub sgo yin te/ /ye shes kun gyi gnas chen no/ /chags pa thams cad rnam spangs pas/ /rdul med spros pa mi mnga' 'o/ /ye shes 'od zer rab </font><hr>Ca60a<br><font size=+1>


@#/ /'gyed pas/ /'jig rten kun tu nyi ma 'dra/ /khams gsum thams cad rnam sbyong bas/ /srid pa'i 'jigs pa rnam par gcod/ /byang chub sems dpa' sgrub pa mdzad/ /byang chub 'byung gnas de bzhin no/ /kha dog mtha' yas ston mdzad kyang / /kha dog kun la gnas pa med/ /sems can kun gyis bsam yas pa'i/ /kha dog tshad med yongs su ston/ /skad cig gcig la sangs rgyas kyis/ /byang chub bsam yas sbyangs pas na/ /de yi ye shes mthar phyin par/ /brtag par sus kyang mi nus so/ /ye shes brtan pa zad mi shes/ /rang bzhin rnam par 'gyur ba med/ /de la dus gsum rgyal ba kun/ /skad cig gcig gis rab tu brjod/ /rtag par las gzhan yongs btang ste| shes ldan byang chub don gnyer bas/ /sems la sems shes bya bar yang / /de la sems skye med par bsam/ /gang gis sangs rgyas bskyed pa yi/ /sangs rgyas chos rnams bsam mi khyab/ /de dag brjod pa'i yul ma yin/ /shin tu zab pas tshig lam spangs/ /de nas byang chub sems dpa' rnam par snang mdzad kyi smon lam dpal gyi rgyal mtshan gyis| sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /dran pa rmongs med dag pa rnams/ /chos 'dzin shin tu </font><hr>Ca60b<br><font size=+1>


nges rtags shing / /blo gros bsam gyis mi khyab la/ /byang chub rgya mtsho mi zad pa/ /de dag yid ni 'di la nges/ /de dag spyod pa'i spyod yul yin/ /de dag shes pa 'dir mi g.yo/ /de dag 'di la the tshom 'chad/ /de dag skyo bar mi 'gyur te/ /de dag yid kyang zhum mi 'gyur/ /sangs rgyas chos la rab gzhol bar/ /de dag sems kyang rab tu 'byung / /de dag dad pa rting tshugs shing / /yang dag 'phags pa rab tu skye/ /dmigs med gnas pa med pa yi/ /ye shes 'di la de dag dga'/ /bskal pa bye bar bsags pa yi/ /yongs su rdzogs pa dge ba'i chos/ /ye shes 'di 'dod mtshungs med pa/ /de dag thams cad yongs su bsngo/ /'khor ba'i nang na rnam rgyu yang / /'khor ba dag la gnas pa min/ /sangs rgyas chos rnams rab rtogs pas/ /sangs rgyas yul la rab tu rtse/ /sems can khams na ji snyed du/ /'jig rten phun sum tshogs rgyu ba/ /de dag thams cad brtan pas spangs/ /sangs rgyas phun sum tshogs la gnas/ /sangs rgyas rtag tu 'byung gyur kyang / /'jig rten don med rab tu gnas/ /chags med spyod pa de dag ni/ /rtag tu sems can don la gnas/ /de dag spyod pa mtshungs med de| |lus can kun gyis bsam mi khyab/ /'jig rten bde ba kun sems pas/ /de dag sdug bsngal rnam par bzlog /'jig rten kun la snying brtse zhing / /byang chub ye shes rnam </font><hr>Ca61a<br><font size=+1>


@#/ /dag pas/ /de dag 'jig rten snang bar gyur/ /'jig rten thams cad rab tu 'grel/ /de nas byang chub sems dpa' sgrib pa thams cad rnam par 'thor ba'i rgyal pos/ sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /bskal pa bye ba phrag brgyar yang / /sangs rgyas sgra ni rab dkon na/ /the tshom thams cad gcod pa yi/ /dam pa mthong ba ci zhig smos/ /chos kun thugs su chud rtogs pa/ /'jig rten gsum po'i bsod nams stegs/ /sems can thams cad rnam sbyong ba'i/ /'jig rten sgron ma mthong gis dga'/ /sems can gtso bo ma smad pa'i/ /gzugs kyi sku ni mthong gyur na/ /bskal pa bye ba khrag khrig tu/ /ngoms shing tshim pa skyer mi btub/ /mi yi dbang po'i sku gzugs la/ /rgyal ba'i sras rnams blta blta zhing / /rang gi dge ba chags med pa/ /gzhan don brtson pa byang chub bsngo/ /thub pa chen po'i gzugs kyi sku/ /de las tha dad yang dag shes/ /chags med ye shes 'byung 'gyur bas/ /de ni sangs rgyas byang chub sgo/ /sems can bsam yas tshad med pa/ /snang bas mdzad de theg chen la/ /btsud nas thub pa chen po'i mchog /byang chub dam par lung yang ston/ /bsod nams chen po'i rang bzhin zhing / /ye shes dkyil 'khor shar cing </font><hr>Ca61b<br><font size=+1>


'byung / /'jig rten tshad mad \ MED?\ kun tu snang / /bsod nams phung po rnam 'phel mdzad/ /sdug bsngal dra ba rab tu gcod/ /ye shes phung po rnam par sbyong / /gang gis rgyal ba bsnyen bkur pa| |de dag ngan song 'jigs pa med/ /rkang gnyis dam pa mthong gyur na/ /shin tu yangs pa'i sems skye ste/ /'od snang gsal ba'i shes rab mthu/ /grangs med pa yang skye bar 'gyur/ / sangs rgyas skyes bu'i mchog mthong zhing / /byang chub dam par nges par 'gyur/ /de bzhin gshegs par 'gyur bya zhes/ /de dag kun kyang nges par sems/ /de nas byang chub sems dpa' chos kyi dbyings kyi smon lam gyi gzhi rab tu rtogs pas/ sangs rgyas kyi byin gyi rlabs kyis de'i tshe tshigs su bcad pa 'di dag smras so/ /yon tan mtha' yas phun ldan pa/ /shAkya'i khyu mchog thub mthong nas/ /yongs su bsngo ba byed pa'i sems/ /theg pa che la rnam par 'dag /sems can kun gyi don gyi phyir/ /thugs rje mnga' ba brtan pa'i rnams/ /chos kyi 'khor lo bskor mdzad pa/ /de bzhin gshegs pa 'byung bar 'gyur/ /bskal pa khrag khrig phrag brgyar yang / /sems can don la brtson mdzad pa'i/ /sangs rgyas rnams la lus can rnams/ / kun gyis lan glan cis kyang nus/ /ngan song gsum po mi bzad par/ /bskal pa bye bar btsos bla yi/ /chags pa thams cad zlog mdzad pa'i/ /ston pa mi mthong ma yin no/ /sems can </font><hr>Ca62a<br><font size=+1>


@#/ /kun gyi rgyud rnams na/ /sdug bsngal phung po ci yod pa/ /ma lus nyams su bzod nus kyi/ /sangs rgyas mi mthong ma yin no/ /'jig rten 'di dag thams cad na/ /tha dad ngan song rgyud yod pa/ /de dag yun ring gnas bla yi/ /sangs rgyas mi thos ma yin no/ /sems can dmyal ba re rer yang / /bskal pa tshad med gnas bla yi/ /mtha' yas rgyal bas brnyes pa yi/ /byang chub mchog las ring gnas min/ /ci zhig phyir ni ngan song du/ /yun ring gnas par 'dod ce na/ /rgyal ba'i dbang po mthong ba ni/ /ye shes 'phel ba'i rgyur 'gyur phyir/ /rgyal ba 'jig rten mchog mthong na/ /sdug bsngal thams cad 'chad par 'gyur/ /rdzogs pa'i sangs rgyas spyod yul gyi/ /ye shes khong du chud pa 'byung / /sangs rgyas mi yi mchog mthong zhing / /sgrib pa thams cad zad par 'gyur/ /byang chub gang gis 'thob pa yi/ /bsod nams tshad med 'phel bar 'gyur/ /sangs rgyas mthong bas sems can rnams/ /the tshom yid gnyis chad par 'gyur/ /'jig rten 'das dang 'jig rten gyi/ /bsam pa'ang yongs su rdzogs par 'gyur/ /de nas byang chub sems dpa' sems dpa' chen po kun tu bzang pos byang chub sems dpa'i tshogs thams cad la rnam par bltas te/ de bzhin gshegs pa'i ting nge 'dzin seng ge rnam par bsgyings </font><hr>Ca62b<br><font size=+1>


pa 'di nyid de bas kyang rnam par dbye ba dang / rgya cher brjod pa dang / gsal bar bya ba dang / rab tu brjod pa dang / yang dag par bstan pa dang / shin tu snang bar bya ba dang / rab tu gsal bar bya ba dang / man ngag bstan pa'i phyir chos kyi dbyings kyi tshul nam mkha'i dbyings dang mnyam pas dus gsum mnyam pa nyid dang / chos kyi dbyings mnyam pa nyid dang / sems can gyi khams mnyam pa nyid dang / 'jig rten thams cad mnyam pa nyid dang / las kyi rgyud thams cad mnyam pa nyid dang / sems can gyi bsam pa mnyam pa nyid dang / sems can gyi mos pa mnyam pa nyid dang / chos kyi snang ba mnyam pa nyid dang / sems can yongs su smin par bya ba'i dus mnyam pa nyid dang / 'gro ba thams cad kyi dbang po mnyam pa nyid kyis de bzhin gshegs pa'i ting nge 'dzin seng ge rnam par bsgyings pa 'di nyid/ byang chub sems dpa' de dag la bstan pa'i tshul bcus yang dag par rab tu ston te/ bcu gang zhe na/ 'di lta ste| chos kyi dbyings thams cad du gtogs pa'i sangs rgyas kyi zhing gi rdul shin tu phra ba rnams la/ sangs rgyas gcig nas gcig tu brgyud pa bstan pa dang / 'di lta ste/ nam mkha'i dbyings kyis klas pa'i sangs rgyas kyi zhing thams cad du phyi ma'i mtha'i mur thug pa'i bskal par de bzhin gshegs pa'i yon tan rjes su brjod pa bstan pa dang / 'di lta ste </font><hr>Ca63a<br><font size=+1>


@#/ /sangs rgyas kyi zhing thams cad du de bzhin gshegs pa yongs su skye ba dang / mtha' dang dbus med pa'i mngon par rdzogs pa'i byang chub kyi sgo rgya mtsho yongs su brjod cing bstan pa dang / 'di lta ste/ nam mkha'i dbyings kyis klas pa'i sangs rgyas kyi zhing gi de bzhin gshegs pa'i 'khor gyi dkyil 'khor gyi byang chub sems dpa'i dge 'dun snying po byang chub la mngon du gyur pa'i gnas bstan pa dang / 'di lta ste/ dus gsum gyi sangs rgyas kyi sku dang 'dra bar sprul pa/ ba spu'i sgo thams cad nas sems skad cig la rab tu dgye zhing chos kyi dbyings rgyas par dgang ba bstan pa dang / 'di lta ste/ phyogs rgya mtsho thams cad du sangs rgyas kyi zhing rgya mtsho gzhi mnyam par byin gyis brlab cing / lus gcig gis rgyas par dgang ba bstan pa dang / 'di lta ste/ dmigs pa'i gzhi thams cad la sangs rgyas kyis rnam par sprul pa dus gsum thams cad yang dag par gzhol bar 'gyur ba'i byin gyi rlabs yang dag par bstan pa dang / 'di lta ste/ zhing thams cad kyi rdul shin tu phra ba rnams la/ dus gsum gyi zhing gcig nas gcig tu brgyud pa'i sangs rgyas kyi rnam par 'phrul pa dang / bskal pa rgya mtsho yongs su bshad cing bstan pa dang / 'di lta ste/ dus gsum gyi sangs rgyas kyi smon lam rgya mtsho thams cad ba spu'i sgo thams cad nas </font><hr>Ca63b<br><font size=+1>


rab tu brjod pa phyi ma'i mthar byin gyis brlabs pas/ byang chub sems dpa' yang dag par 'byung ba bstan pa dang / 'di lta ste/ chos kyi dbyings dang mnyam pa'i seng ge'i khri dang / byang chub sems dpa'i 'khor gyi dkyil 'khor dang / byang chub sems dpa'i snying po'i rgyan tha mi dad pa dang / chos kyi 'khor lo rnam pa tha dad pa rab tu bskor pa phyi ma'i mthar byin gyis brlab pa bstan pa'o/ /kye rgyal ba'i sras/ de ltar seng ge rnam par bsgyings pa'i ting nge 'dzin 'di la bstan pa bcu po 'di dag la sogs pa shin tu bstan pa/ sangs rgyas rgyas kyi zhing brjod du med pa'i rdul shin tu phra ba snyed de/ kye rgyal ba'i sras dag /de ni de bzhin gshegs pa'i ye shes kyi spyod yul lo/ /de nas byang chub sems dpa' kun tu bzang pos/ de bzhin gshegs pa'i ting nge 'dzin chen po seng ge rnam par bsgyings pa 'di nyid kyi don gyi phyogs bstan pa'i phyir/ sangs rgyas kyi byin gyi rlabs kyis de bzhin gshegs pa'i zhal du blta zhing / 'khor gyi dkyil 'khor rgya mtsho thams cad la rnam par bltas nas/ sangs rgyas kyi yul bsam gyis mi khyab pa dang / de bzhin gshegs pa'i ting nge 'dzin gyi rnam par 'phrul pa mtha' dad dbus med pa la rnam par bltas te/ 'jig rten gyi khams bsam gyis mi khyab par yang dag par gzhol pa la rnam par bltas nas/ ye shes </font><hr>Ca64a<br><font size=+1>


@#/ /bsam gyis mi khyab pa'i sgyu ma'i chos nyid la rnam par bltas te/ dus gsum gyi sangs rgyas mnyam pa nyid bsam gyis mi khyab pa la rnam par bltas nas mtha' dang dbus med pa'i ngag gi lam dang / nges pa'i tshig dang / chos kyi tshul thams cad la rnam par bltas te/ de'i tshe tshig su bcad pa 'di dag smras so/ /pa spu gcig la rgya mtsho rgyal ba'i zhing / /zhing kun shin tu phra ba'i rdul dang mnyam/ /de ni sangs rgyas byang chub sems dpa'i 'khor/ /kun gyis yongs bskor sangs rgyas gdan la bzhugs/ /spu gcig rtse la zhing mang rgya mtsho'i rnams/ /snying po byang chub pad+mo'i gdan gnas pas/ /chos dbyings rgya chen yongs su rgyas bkang zhing / /shing drung dam pa kun na mgon po snang / /zhing rnams kun gyi rdul phran rab mang snyed/ /rgyal ba spu rtse gcig la yongs bzhugs pa/ /byang chub sems dpa'i 'khor gyis yongs su bskor/ /kun kyang bzang po'i spyod pa ston pa mdzad/ /zhing mchog gcig na rgyal ba bzhugs gyur kyang / /byang chub sems dpa'i sprin mang mi zad pa/ /de dag phyogs bcu ma lus thams cad nas/ / rab 'byams zhing kun bkang zhing kun kyang 'ong / /zhing rnams bye ba'i rdul phran mnyam pa yi/ /byang chub sems dpa' yon tan rgya mtsho 'od/ /phyogs bcu'i chos dbyings rgyas </font><hr>Ca64b<br><font size=+1>


par kun bkang zhing / /ston pa de la kun kyang 'khor nas ldang / /zhing rnams kun tu gzugs brnyan rab tu ston/ /chos kyi rgyal po rgyal ba'i ye shes mtsho/ /de dag kun kyang bzang po'i spyod la gnas/ /sangs rgyas kun gyi 'khor du nye bar 'dong / /rab 'byams zhing rnams kun na 'khod spyod cing / /byang chub sems dpa'i dga' ba rab gnas te/ chos kyi sprin mnyan dpa' bo de dag ni/ /zhing gcig tu'ang bskal pa bye bar spyod/ /byang chub sems dpa'i spyad pa spyod pa byed/ /chos kyi gangs chen mtsho spyod rnam par snang / /smon lam rgya mtsho kun la rab tu 'jug /de dag sangs rgyas sa yi spyod yul gnas/ /rgyal ba'i chos rnams gzhan dang gzhan byung ba'i/ /de dag kun tu bzang po'i spyod pa shes/ /sangs rgyas yon tan legs pa rgya mtsho dang / /rnam par 'phrul pa rgya chen yangs la 'jug /bde gshegs chos dbyings kun tu rgyas bkang zhing / /zhing rnams kun gyi rdul phran ji snyed pa'i/ /sku yi sprin rnams rtag tu 'gyed mdzad cing / /chos kyi char gyis byang chub rab la dgod// //bam po brgyad cu rtsa brgyad pa/ de nas bcom ldan 'das kyis byang chub sems dpa' de dag sangs rgyas kyi ting nge 'dzin seng ge rnam par bsgyings pa 'di nyid la/ de bas kyang brnan te dgod par mdzad pa'i don du/ smin mtshams kyi mdzod spu'i nang nas/ chos kyi dbyings sgo kun nas rnam par dmigs </font><hr>Ca65a<br><font size=+1>


@#/ /pas dus gsum snang ba zhes bya ba'i 'od zer chen po/ 'od zer gyi 'khor sangs rgyas kyi zhing brngod \ BRJOD?\ du med pa'i rdul shin tu phra ba snyed dang ldan pa bkye ste/ phyogs bcu'i 'jig rten gyi khams rgya mtsho thams cad kyi sangs rgyas kyi zhing 'byams klas pa thams cad snang bar mdzad do/ /de nas byang chub sems dpa' dze ta'i tshal du tshogs pa de dag gis/ chos kyi dbyings thams cad du gtogs pa'i sangs rgyas kyi zhing / nam mkha'i dbyings kyi mthas klas pa thams cad dang / sangs rgyas kyi zhing thams cad kyi rdul shin tu phra ba'i khongs su chud pa'i sangs rgyas kyi zhing thams cad kyi rdul shin tu phra ba dag la/ sangs rgyas kyi zhing gi ming du bya ba kha dog sna tshogs dang / rnam pa sna tshogs su rnam pa dag pa dang / gzhi sna tshogs dang / dbyibs sna tshogs dang ldan pa'i sangs rgyas kyi zhing dag na/ byang chub sems dpa' snying po byang chub tu phyin te seng ge'i khri la 'dug pa/ 'jig rten gyi dbang po thams cad kyis shin tu mchod pa/ byang chub sems dpa'i tshogs kyis kun nas bskor ba/ bla na med pa yang dag par rdzogs pa'i byang chub tu mngon par 'tshang rgya bar mthong ste/ la la na ni sangs rgyas kyi zhing brjod du med pa tsam du shin tu yangs pa'i 'khor gyi dkyil 'khor na/ chos kyi dbyings rgyas par khyab pa'i dbyangs kyi dkyil 'khor </font><hr>Ca65b<br><font size=+1>


gyis chos kyi 'khor lo bskor ba mthong ngo / /la la na ni lha'i gnas na 'dug /la la na ni klu'i gnas na 'dug /la la na ni gnod sbyin gyi gnas na 'dug /la la na ni lha ma yin gyi gnas na 'dug /la la na ni nam mkha' lding gi gnas na 'dug /la la na ni mi'am ci'i gnas na 'dug /la la na ni lto 'phye chen po'i gnas na 'dug /la la na ni mi'i dbang po'i gnas na 'dug/ la la na ni mi'i 'jig rten gyi grong dang / grong khyer dang / grong rdal dang / ljongs dang / khams dang / rgyal po'i pho brang 'khor dag na rnam par 'phrul pa sna tshogs dang / spyod lam sna tshogs dang| lus sna tshogs dang / ting nge 'dzin gyi sgo rnam par dmigs pa sna tshogs dang / ting nge 'dzin gyi mngon par shes pa sna tshogs dang / rigs dang rgyud sna tshogs su byung ba dang / kha dog rnam par dmigs pa sna tshogs dang / 'od kyi dkyil 'khor sna tshogs dang / 'od zer gyi dra ba dgye ba sna tshogs dang / dbyangs kyi dkyil 'khor sna tshogs dang / gtam gyi skyes bu'i gzhi sna tshogs dang / bstan pa'i gzhi sna tshogs dang / tshig dang / nges pa'i tshig sna tshogs kyis 'khor gyi dkyil 'khor sna tshogs na chos ston pa mthong bar gyur to/ /byang chub sems dpa' ji snyed kyis 'jig rten gyi khams chos kyi dbyings kyis klas pa/ nam mkha'i mthas gtugs pa/ phyogs bcu na rnam par gnas pa/ phyogs kyi rgyud mtha' yas pas 'dus pa/ </font><hr>Ca66a<br><font size=+1>


@#/ /phyogs rgya mtsho thams cad du gtogs pa/ chos sna tshogs kyi sgo dang ldan pa/ phyogs kyi ming du bya ba sna tshogs su gtogs pa/ phyogs sna tshogs kun tu gzhol ba| phyogs cha rnam pa tha dad par gtogs pa/ phyogs sna tshogs kyi rjes su song ba/ phyogs rgya mtsho sna tshogs su gtogs pa/ 'di lta ste/ shar phyogs dang / lho phyogs dang / nub phyogs dang / byang phyogs dang / byang dang shar gyi phyogs mtshams dang / shar dang lho'i phyogs mtshams dang / lho dang nub kyi phyogs mtshams dang / nub dang byang gi phyogs mtshams dang / 'og dang / steng gi phyogs kyi zhing gi lhun gyi phyogs dang / sems can gyi lus kyi phyogs dang / sems can gyi ming du bya ba'i phyogs/ sngon gyi mtha'i mur thug pa'i phyogs dang / phyogs bcu da ltar byung ba'i phyogs dang / nam mkha'i khong thams cad du skra'i rtse mo shin tu phra ba dgod pas dmigs pa'i phyogs dang / zhing thams cad kyi rdul shin tu phra ba gcig nas gcig tu brgyud pa'i phyogs la 'jug pa khong du chud par bya ba'i phyogs dang / las kyi 'du byed sna tshogs kyis yongs su grub pa'i phyogs dang / skra'i rtse mo gcig la mtha' dang dbus med pa'i nam mkha'i dbyings kyi ming du bya bar gtogs pa'i phyogs kyi khong du chud pa'i dus gsum gyi dbyings mnyam pa nyid du gzhol bas/ kun </font><hr>Ca66b<br><font size=+1>


tu gtogs pa'i 'gro ba thams cad tha mi dad pas sems can thams cad kyi 'du shes kyi rnam pa la mnyam pa'i sgra dbyangs su gyur pa'i 'gro ba thams cad kyi sems la gzugs brnyan rab tu snang bar gyur pa'i de bzhin gshegs pa'i sangs rgyas kyi ting nge 'dzin rnam par 'phrul pa/ sems can thams cad kyi lus la mngon par blta pa dmigs par bya bas/ 'khor gyi dkyil 'khor thams cad du 'gro ba'i tshul dang ldan pa/ bskal pa thams cad la ye shes tha mi dad pa/ zhing thams cad la kun tu snyoms pas/ sems can gyi bsam pa ji lta ba bzhin du gzugs mngon sum du bstan pa/ rnam par dmigs pa dang / de bzhin gshegs pa'i rnam par 'phrul pa sangs rgyas kyi chos thams cad yang dag par bstan pas sems can thams cad 'dul ba rgyun mi 'chad pa mthong bar gyur pa/ de dag thams cad ni/ sngon bcom ldan 'das rnam par snang mdzad kyis dge ba'i spyod pa bskal pa mnyam pa dang / bsdu ba'i dngos po bzhis yongs su bsdus pa mthong ba dang / mnyam pa dang / rjes su dran pa dang / bsnyen bkur bas yongs su smin par byas pa dag go /sngon bla na med pa yang dag par rdzogs pa'i byang chub tu sems bskyed du btsud pa dag go /de bzhin gshegs pa de dang de dag gi drung du gshegs pa'i tshe/ dge ba'i rtsa bas yongs su bsdus pa dag ste/ de ltar dge ba'i rtsa ba bskal ba mnyam </font><hr>Ca67a<br><font size=+1>


@#/ /pas thams cad mkhyen pa nyid du yongs su smin par 'gyur ba'i thabs kyis yongs su shin tu bzung ba'i phyir/ bcom ldan 'das rnam par snang mdzad kyi ting nge 'dzin gyi rnam par 'phrul pa chos kyi dbyings ltar yangs shing / nam mkha'i dbyings kyi mthas gtugs par gyur pa dag kyang mthong zhing khong du chud par gyur pa yin te/ la la ni chos kyi sku la 'jug go /la la ni gzugs kyi sku la 'jug go /la la ni sngon gyi byang chub sems dpa'i yongs su bsgrub pa la 'jug go /la la ni pha rol tu phyin pa yongs su rdzogs pa la 'jug go /la la ni spyod pa'i dkyil 'khor yongs su dag pa'i rgyan la 'jug go /la la ni byang chub sems dpa'i sa'i rnam par 'phrul pa la 'jug go /la la ni mngon par byang chub pa'i rnam par 'phrul pa la 'jug go /la la ni sangs rgyas rnam par spyod pa'i ting nge 'dzin tha mi dad pa rnam par 'phrul pa la 'jug go /la la ni de bzhin gshegs pa'i stobs dang mi bsnyengs pa la 'jug go /la la ni sangs rgyas kyi tha dad pa yang dag par mkhyen pa rgya mtsho la 'jug go /de dag la sogs pa sangs rgyas kyi rnam par 'phrul pa rgya mtsho/ sangs rgyas kyi zhing brjod du med pa phrag bcu'i rdul shin tu phra ba snyed la 'jug ste/ mos pa sna tshogs dang / lam sna tshogs dang / sgo sna tshogs dang / </font><hr>Ca67b<br><font size=+1>


'jug pa sna tshogs dang / 'bab pa sna tshogs dang / tshul sna tshogs dang / rjes su 'brang ba sna tshogs dang / phyogs sna tshogs dang / snod sna tshogs dang / yul sna tshogs dang / 'jig rten sna tshogs dang / khong du chud pa sna tshogs dang / tshogs sna tshogs dang / rnam par 'phrul pa sna tshogs dang / thabs sna tshogs dang / ting nge 'dzin sna tshogs kyis sangs rgyas kyi rnam par 'phrul pa rgya mtsho de dag la 'jug go /ting nge 'dzin sna tshogs kyis 'jug pa 'di lta ste/ byang chub sems dpa'i ting nge 'dzin chos kyi dbyings kun nas brgyan pa dang / byang chub sems dpa'i ting nge 'dzin dus gsum thams cad la thogs pa med par yul snang bar byed pa dang / byang chub sems dpa'i ting nge 'dzin chos kyi dbyings kyi gzhi tha mi dad pa'i ye shes snang ba dang / byang chub sems dpa'i ting nge 'dzin de bzhin gshegs pa'i yul gyi dbyings la 'jug pa dang / byang chub sems dpa'i ting nge 'dzin nam mkha'i dbyings su snang ba dang / byang chub sems dpa'i ting nge 'dzin de bzhin gshegs pa'i stobs bcu 'thob pas rnam par 'byed pa dang / byang chub sems dpa'i ting nge 'dzin sangs rgyas kyi bsnyengs pa mi mnga' ba'i rgyan gyis rnam par gnon cing rnam par bsgyings pa dang / byang chub sems dpa'i ting nge 'dzin chos kyi dbyings kyi tshul thams cad kyi klong gi snying po dang / byang chub sems dpa' </font><hr>Ca68a<br><font size=+1>


@#/ /ting nge 'dzin chos kyi dbyings thams cad du thogs pa med par sgra sgrogs pas rgyas par 'gengs pa'i zla ba dang / byang chub sems dpa'i ting nge 'dzin chos kyi dbyings mnyam pa nyid kyis brgyan pa'i 'od kyis byang chub sems dpa'i de dag bcom ldan 'das rnam par snang mdzad kyi sangs rgyas kyi rnam par 'phrul pa rgya mtsho de dag la rab tu 'jug go/ byang chub sems dpa'i ting nge 'dzin chos kyi rgyal po'i thabs chags pa med pa'i rgyal mtshan dang / byang chub sems dpa'i ting nge 'dzin dmigs pa thams cad la sangs rgyas rgya mtsho rnam par lta ba dang / byang chub sems dpa'i ting nge 'dzin 'jig rten gyi rgyud thams cad du tha mi dad pa'i lus snang ba'i rgyal mtshan dang / byang chub sems dpa'i ting nge 'dzin de bzhin gshegs pa'i sku tha dad pa'i yul la 'dug pa dang / byang chub sems dpa'i ting nge 'dzin 'jig rten thams cad kyi rgyud kyis rjes su 'jug pa snying rje'i snying po can dang / byang chub sems dpa'i ting nge 'dzin chos thams cad kyi gnas la rten pa'i byin gyi rlabs dang / byang chub sems dpa'i ting 'dzin shin tu zhi la rab tu zhi bas kun tu snang ba'i dkyil 'khor dang / byang chub sems dpa'i ting nge 'dzin sprul pa bzang po dmigs su med pas kun tu 'phrul pa'i gzugs brnyan dang / byang chub sems dpa'i ting nge 'dzin zhing </font><hr>Ca68b<br><font size=+1>


thams cad yongs su 'du ba'i byin gyi rlabs dang / byang chub sems dpa'i ting 'dzin zhing thams cad du mngon par 'tshang rgya ba'i rnam pa mngon par bsgrub pa dang / byang chub sems dpa'i ting nge 'dzin 'gro ba thams cad du dbang po kha dog gis rnam par spyod pa dang / byang chub sems dpa'i ting nge 'dzin 'gro ba thams cad du khyad par du 'phags pa'i dkyil 'khor chags pa med pas rnam par spyod pa dang / byang chub sems dpa'i ting nge 'dzin de bzhin gshegs pa thams cad skyed pa las byung ba'i byin gyi rlabs dang / byang chub sems dpa'i ting nge 'dzin yon tan rgya mtsho thams cad la nan tan gyis 'jug pa dang / /byang chub sems dpa'i ting nge 'dzin dmigs pa ma lus pa thams cad du rnam par 'phrul pa mngon par bsgrub pas phyi ma'i mthar byin gyis rlob pa dang / byang chub sems dpa'i ting nge 'dzin de bzhin gshegs pa thams cad kyi sngon gyi sbyor ba rgya mtsho la 'jug pa dang / byang chub sems dpa'i ting nge 'dzin phyi ma'i mthar de bzhin gshegs pa thams cad kyi rigs yang dag par 'dzin pa'i byin gyi rlabs dang / byang chub sems dpa'i ting nge 'dzin phyogs bcu'i zhing rgya mtsho da ltar byung ba thams cad yongs su dag par mos pa'i byin gyi rlabs dang / byang chub sems dpa'i ting nge 'dzin sems kyi skad cig gcig la sangs rgyas thams cad </font><hr>Ca69a<br><font size=+1>


@#/ /dang rnam par spyod cing 'grogs pa dang / byang chub sems dpa'i ting nge 'dzin dmigs pa thams cad la chags pa med pa'i mthar 'jug pa dang / byang chub sems dpa'i ting nge 'dzin 'jig rten gyi khams thams cad sangs rgyas kyi zhing gcig tu byin gyis rlob pa dang / byang chub sems dpa'i ting nge 'dzin sangs rgyas thams cad kyi skur 'phrul pa mngon par bsgrub pa dang / byang chub sems dpa'i ting nge 'dzin dbang po rgya mtsho rdo rje'i dbang po lta bu thams cad khong du chud pa dang / byang chub sems dpa'i ting nge 'dzin de bzhin gshegs pa thams cad sku gcig pa'i snying bo'i byin gyi rlabs dang / byang chub sems dpa'i ting nge 'dzin sems kyi skad cig gcig gi cha la chos kyi dbyings kyi tshul thams cad khong du chud pas khom par gnas pa dang / byang chub sems dpa'i ting nge 'dzin chos kyi dbyings thams cad du zhing 'byams klas pa bsgrub pa yongs su ston pa'i byin gyi rlabs dang / byang chub sems dpa'i ting nge 'dzin spyi'u tshugs gzhi la rnam par spyod pa'i byin gyi rlabs dang / byang chub sems dpa'i ting nge 'dzin sangs rgyas kyi zhing thams cad kyi sems can gyi lus tha mi dad par byin gyis rlob pa dang / byang chub sems dpa'i ting nge 'dzin ye shes kyi klong thams cad la mngon sum du yang dag par </font><hr>Ca69b<br><font size=+1>


gzhol ba dang / byang chub sems dpa'i ting nge 'dzin chos thams cad kyi rang bzhin dang mtshan nyid yongs su shes pas rab tu 'byed pa dang / byang chub sems dpa'i ting nge 'dzin dus gsum sems kyi skad cig la tha mi dad pa'i dkyil 'khor dang / byang chub sems dpa'i ting nge 'dzin sems kyi skad cig thams cad chos kyi dbyings kyi tshul gyi rang bzhin dam pa dang / byang chub sems dpa'i ting nge 'dzin de bzhin gshegs pa thams cad kyi rigs kyi rjes su 'brang ba'i ye shes kyis rnam par gnon pa'i seng ge dang / byang chub sems dpa'i ting nge 'dzin dmigs pa thams cad chos kyi dbyings su shes pa'i mig gi dkyil 'khor dang / byang chub sems dpa'i ting nge 'dzin stobs bcu'i rtsal gyis rnam par gnon pas yang dag par rtsom pa dang / byang chub sems dpa'i ting nge 'dzin dmigs pa thams cad kun nas mthong ba'i mig gi dkyil 'khor dang / byang chub sems dpa'i ting nge 'dzin kha dog thams cad kyi dkyil 'khor gyis 'gro ba shin tu mdzes pa mngon par bsgrub pa dang / byang chub sems dpa'i ting nge 'dzin klong mi g.yo ba'i snying po dang / byang chub sems dpa'i ting nge 'dzin chos gcig la chos thams cad yongs su 'du bar ston pa dang / byang chub sems dpa'i ting nge 'dzin chos gcig gi tshig gi lam la nges pa'i ngag gi tshig </font><hr>Ca70a<br><font size=+1>


@#/ /tu 'byed pas byang chub sems dpa' de dag /bcom ldan 'das rnam par snang mdzad kyis sangs rgyas kyi rdzu 'phrul gyis rnam par 'phrul pa rgya mtsho de dag la rab tu 'jug go /byang chub sems dpa'i ting nge 'dzin sangs rgyas thams cad kyi rgyal mtshan gyi byin gyi rlabs kyis chos ston pa dang / byang chub sems dpa'i ting nge 'dzin dus gsum gyi mu la mthar thug pa med pa dang / byang chub sems dpa'i ting nge 'dzin bskal pa thams cad khong du chud pas tha mi dad pa'i ye shes dang / byang chub sems dpa'i ting nge 'dzin tshul shin tu phra bas stobs bcu khong du chud pa dang / byang chub sems dpa'i ting nge 'dzin mi 'phrogs pa'i byang chub sems dpa'i spyod pa bskal pa thams cad du mngon par bsgrub pa dang / byang chub sems dpa'i ting nge 'dzin phyogs thams cad kun du shugs kyis mngon du 'char ba'i sprin dang / byang chub sems dpa'i ting nge 'dzin mngon par 'tshang rgya ba'i rnam par 'phrul pa rnam par bsgrub pa dang / byang chub sems dpa'i ting nge 'dzin tshor ba thams cad kyis reg pa med pas bde ba'i rgyal mtshan dang| byang chub sems dpa'i ting nge 'dzin rgyan thams cad du nam mkha'i rgyan mngon par bsgrub pa dang / byang chub sems dpa'i ting nge 'dzin skad cig skad cig la 'gro ba snyed </font><hr>Ca70b<br><font size=+1>


kyi sprul pa'i gzugs brnyan gyi sprin mngon par bsgrub pa dang / byang chub sems dpa'i ting nge 'dzin de bzhin gshegs pa zla ba'i 'od nam mkha' ltar rdul dang bral ba dang / byang chub sems dpa'i ting nge 'dzin de bzhin gshegs pa thams cad nam mkha' ltar byin gyis rlob pa dang / byang chub sems dpa'i ting nge 'dzin chos thams cad la dbang po'i rgyan rab tu snang ba dang / byang chub sems dpa'i ting nge 'dzin chos thams cad kyi don rnam par 'byed pa'i sgron ma dang / byang chub sems dpa'i ting nge 'dzin stobs bcu'i dkyil 'khor snang ba dang / byang chub sems dpa'i ting nge 'dzin dus gsum gyi sangs rgyas dpal gyi rgyal mtshan dang / byang chub sems dpa'i ting nge 'dzin sangs rgyas thams cad gcig tu 'dres pa'i snying po dang / byang chub sems dpa'i ting nge 'dzin skad cig skad cig la brtsams pa thams cad mthar phyin par byed pa dang / byang chub sems dpa'i ting nge 'dzin bsod nams mi zad pa'i snying po dang / byang chub sems dpa'i ting nge 'dzin sangs rgyas mtha' yas pa mthong ba'i yul rab tu snang ba dang / byang chub sems dpa'i ting nge 'dzin chos thams cad la rdo rje'i seng ge ltar rab tu gnas pa dang / byang chub sems dpa'i ting nge 'dzin de bzhin gshegs pa thams cad kyi sprul pa yongs su bstan pas/ kun tu rnam par </font><hr>Ca71a<br><font size=+1>


@#/ /dmigs pa mngon par bsgrub pa dang / byang chub sems dpa'i ting nge 'dzin de bzhin gshegs pa thams cad kyis mnan pa'i nyi ma gnon pa dang / byang chub sems dpa'i ting nge 'dzin dus gsum gcig tu spyod pa dang / byang chub sems dpa'i ting nge 'dzin chos thams cad rang bzhin gyis rab tu zhi bar sgra dbyangs kun tu sgrog pa dang / byang chub sems dpa'i ting nge 'dzin sangs rgyas thams cad mthong ba'i sa mtshams 'dzin pa dang / byang chub sems dpa'i ting nge 'dzin chos kyi dbyings ma lus pa thams cad kyi gnas kyi pad+mo'i tshal rab tu rgyas pa dang / byang chub sems dpa'i ting nge 'dzin gnas med pa'i chos kyi nam mkha' la rnam par lta ba dang / byang chub sems dpa'i ting nge 'dzin phyogs gcig tu phyogs bcu rgya mtsho yongs su sdud pa'i klong dang / byang chub sems dpa'i ting nge 'dzin chos kyi dbyings kyi gzhi thams cad kyi sgor 'jug pa dang / byang chub sems dpa'i ting nge 'dzin chos rgya mtsho thams cad dang ldan pa dang / byang chub sems dpa'i ting nge 'dzin sems can thams cad la 'od rab tu 'gyed pas rab tu zhi ba'i lus su 'gyur ba dang / byang chub sems dpa'i ting nge 'dzin sems kyi skad cig gcig la mngon par shes pa dang / smon lam thams cad mngon </font><hr>Ca71b<br><font size=+1>


par bsgrub pa dang / byang chub sems dpa'i ting nge 'dzin rtag par thams cad du kun nas mngon par rdzogs par 'tshang rgya ba'i byin gyi rlabs dang / byang chub sems dpa'i ting nge 'dzin chos kyi dbyings thams cad rgyan gcig tu khong du chud par 'jug pa dang / byang chub sems dpa'i ting nge 'dzin sangs rgyas thams cad dran pa'i rang bzhin gyi rab tu snang ba dang / byang chub sems dpa'i ting nge 'dzin 'gro ba thams cad du khyad par chen po dang ldan pa'i ye shes mngon par shes pa dang / byang chub sems dpa'i ting nge 'dzin sems kyi skad cig gcig gis chos kyi dbyings kyi tshul mtha' yas pa rang gi lus kyis rgyas par 'gengs pa dang / byang chub sems dpa'i ting nge 'dzin chos kyi dbyings tshul gcig gis/ chos thams cad tshul gcig par rnam par dgod pa'i 'od dang / byang chub sems dpa'i ting nge 'dzin sangs rgyas kyi chos kyi dkyil 'khor gyi 'khor lo gzi brjid kyi byin gyi rlabs dang / byang chub sems dpa'i ting nge 'dzin sems can gyi khams mig 'phrul lta bu yongs su bsdu ba'i smon lam dang / spyod pa byin gyis rlob pa dang / byang chub sems dpa'i ting nge 'dzin chos kyi dbyings kyi gzhi thams cad tha mi dad pa dang / byang chub sems dpa'i ting nge 'dzin pad+mo'i byin rnam par 'phrul pas kun tu rnam par gnon pa dang / byang chub sems dpa'i </font><hr>Ca72a<br><font size=+1>


@#/ /ting nge 'dzin sems can thams cad kyi lus kyi rgyud khong du chud pas mngon par shes pa dang / byang chub sems dpa'i ting nge 'dzin lus sems can thams cad la mngon du byin gyis rlob pa dang / byang chub sems dpa'i ting nge 'dzin sems can thams cad kyi dbyangs kyi yan lag rgya mtshor 'gro ba thams cad kyi skad yongs su 'byed pa'i tshul mngon par shes pa dang / byang chub sems dpa'i ting nge 'dzin 'gro ba'i gzhi tha dad pa thams cad khong du chud pas mngon par shes pa dang / byang chub sems dpa'i ting nge 'dzin snying rje chen po'i mdzod tha mi dad pa'i snying po dang / byang chub sems dpa'i ting nge 'dzin sangs rgyas thams cad de bzhin nyid du rtogs pa'i mtha' la 'jug pa dang / byang chub sems dpa'i ting nge 'dzin de bzhin gshegs pa thams cad kyi rnam par thar pa'i pho brang la rnam par lta bas seng+ge rnam par bsgyings pa dang / de dag la sogs pa byang chub sems dpa'i ting nge 'dzin gyi lam la 'jug pa sangs rgyas kyi zhing brjod du med pa'i rdul shin tu phra ba snyed kyis/ byang chub sems dpa' de dag de bzhin gshegs pa rnam par snang mdzad kyi sangs rgyas kyi rnam par 'phrul pa rgya mtsho de dag la rab tu 'jug go /sems kyi skad cig re re la chos kyi dbyings thams cad du rgyas par 'gengs par 'jug </font><hr>Ca72b<br><font size=+1>


pa'i tshul gyis sngon skal pa mnyam par spyad pa yang rjes su dran no/ /de ltar byang chub sems dpa' de dag dze ta'i tshal du phyin cing / bcom ldan 'das kyi spyan snga na 'khod pa/ seng ge'i khri rin po che sna tshogs kyi pad+mo'i snying po can/ 'jig rten gyi khams sangs rgyas kyi zhing bcu'i rdul shin tu phra ba snyed dang mnyam par yangs pa la 'khod pa/ ye shes dang mngon par shes pa chen po'i rnam par 'phrul pas byung ba/ ye shes dang mngon par shes pa rno ba dang ldan pa'i sa rjes su thob pa/ ye shes kyi kun tu rnam par spyod pa/ shes rab kyi 'byung gnas kyi rigs su byung ba/ thams cad mkhyen pa'i ye shes la mngon du gyur pa/ ye shes kyi mig rab rib med pa dang ldan pa/ sems can gyi kha lo sgyur ba'i rang bzhin thob pa/ sangs rgyas thams cad dang mnyam pa nyid kyi rjes su song ba/ rtag tu rnam par rtog pa med par chos la spyod pa/ chos kyi dmigs pa thams cad rab tu rtogs pa/ chos thams cad rang bzhin gyis zhi bar dmigs pa| 'jig rten thams cad shin tu zhi bas gnas tha dad pa med pa la rab tu gzhol ba/ 'jig rten tha dad pa thams cad du rab tu zhugs pa/ gnas med par zhing thams cad du 'dong ba/ chos kyi gnas thams cad la bstan pa med par chos thams cad bla gab med pa'i gzhal med khang du byin pa/ 'gro ba thams cad yongs su smin par bya ba dang gdul ba la zhugs pa/ sems </font><hr>Ca73a<br><font size=+1>


@#/ /can thams cad la bde ba'i lam ston pa/ ye shes dang rnam par thar pa shin tu 'phags pa'i gnas kyi spyod yul can/ 'dod chags dang bral ba'i mthar phyin pa'i ye shes kyi lus dang ldan pa/ srid pa'i rgya mtsho thams cad las gyan \ GYEN?\ du 'phags pa/ 'gro ba thams cad la yang dag pa'i mtha' rnam par ston pa/ chos rgya mtsho'i shes rab snang ba'i dkyil 'khor can/ ting nge 'dzin gangs chen mtsho dang ldan pa'i dbyings la shin tu mnyam par bzhag cing snying rje chen po rab tu sems pa/ chos kyi tshul sgyu ma'i rnam pa lta bu rab tu rtogs pa/ 'jig rten gyi khams thams cad la rmi lam lta bur zhugs pa/ de bzhin gshegs pa mthong ba thams cad mig yor lta bur khong du chud pa/ sgra skad dang / dbyangs thams cad sgra brnyan lta bur rnam par rig pa/ chos thams cad mngon par sgrub pa'i ye shes sprul pa lta bur rab tu rtogs pa/ khyad par du 'phags pa'i smon lam shin tu bsags pa/ ye shes kyi dkyil 'khor kun nas rnam par dag pa'i mkhas pa dang ldan pa/ sems shin tu zhi zhing rab tu zhi ba dang ldan pa/ gzugs kyi rgyud thams cad kyi ye shes kyi yul dang ldan pa/ ting nge 'dzin gyi stobs kyis dogs pa med pa kun nas rab tu gnon pa/ chos kyi dbyings kyi gnas kyi mthar phyin pa'i mig dang ldan </font><hr>Ca73b<br><font size=+1>


pa| chos thams cad la dmigs pa med par rnam par spyod pa rab tu thob pa/ shes rab rgya mtsho mtha' yas pa la rnam par spyod pa/ ye shes kyi pha rol tu phyin pa'i pha rol tu son pa/ shes rab kyi pha rol tu phyin pa'i stobs dang shugs thob pa/ rdzu 'phrul gyi pha rol tu phyin pas 'gro ba thams cad kyi pha rol tu phyin pa/ ting nge 'dzin gyi pha rol tu phyin pa dbang du gyur pa/ de bzhin gshegs pa thams cad kyi don mkhas pa la phyin ci log med pa'i ye shes dang ldan pa/ chos kyi mdzod dbye ba'i cho ga la mkhas pa/ nges pa'i tshig shes pa la mngon par mkhas pa/ spobs pa'i stobs dang / chos kyi sprin zad mi shes pa dang ldan pa/ mi 'jigs pas khyu mchog dang / seng ge'i nga ro 'byin pa/ gnas med pa'i chos kyi dga' ba la dga' bas mos pa/ chos thams cad la rab rib med pa'i mig gis blta ba/ 'jig rten thams cad kyi 'byung ba dang / 'jig pa shes pa'i zla bar gyur pa/ shes rab kyi dkyil 'khor gyis bden pa'i tshul thams cad la rnam par spyod pa'i 'od zer can/ ye shes kyi rdo rje bsod nams kyi khor yug tu gyur pa/ dper bya ba thams cad las shin tu 'das pa/ chos thams cad la dbang po dang / ye shes kyi myu gu rab tu skyes pa/ dpa' bo'i rgyal mtshan dang ldan pa/ bdud thams cad kyi rgyal mtshan rab tu snyol ba la dpa' ba/ ye shes mtha' yas pa'i dkyil </font><hr>Ca74a<br><font size=+1>


@#/ /'khor gyi gzi brjid can/ 'gro ba thams cad las mngon par 'phags pa'i lus dang ldan pa/ chos thams cad la shes rab sgrib pa med pa/ zad pa dang mi zad pa'i mtha'i ye shes kyis rnam par sangs rgyas pa/ yang dag pa'i mtha' kun gyi mthar phyin pa la gnas pa/ mtshan ma med pa la rnam par lta ba'i ye shes kyi mig mngon sum can byang chub sems dpa'i spyod pa thams cad mngon par bsgrub pa'i rgyu la mkhas pa/ mi gnyis pa'i ye shes kyi spyod yul dang ldan pa/ 'jig rten gyi rgyud thams cad la rnam par lta ba/ sangs rgyas kyi zhing gi rgyud gnas med pa thams cad du gzugs brnyan snang bar gyur pa/ chos thams cad la mun pa dang rnam par bral ba/ ye shes kyi dkyil 'khor mun pa med pa la rab tu zhugs pa/ phyogs kun tu chos kyi snang ba rab tu bkye ba/ 'gro ba thams cad kyi bsod nams kyi zhing mchog tu gyur pa/ thos pa dang / mthong ba dang| smon lam don yod pa'i zla ba/ bsod nams kyi ri rab 'jig rten thams cad las mngon par 'phags pa/ phas kyi rgol ba'i tshogs thams cad tshar gcod pa la shin tu dpa' ba/ sangs rgyas kyi zhing thams cad du sgra skad dang / dbyangs kyi nga ro 'byin pa/ sangs rgyas thams cad kyi sku mthong bas mi ngoms pa/ sangs rgyas kyi sku'i gzugs brnyan </font><hr>Ca74b<br><font size=+1>


gyi dbang bsgyur ba dang ldan pa/ 'gro ba 'dul ba dang mthun pa'i lus su byin gyis rlob pa/ zhing 'byams klas pa thams cad du lus gcig gis rgyas par 'gengs pa/ mngon par 'du bya ba med pa'i rdzu 'phrul gyi dkyil 'khor yongs su dag pa thogs pa med par 'gro ba'i ye shes chen po'i theg pa'i gru dang ldan pa/ ye shes kyi dkyil 'khor gyis chos kyi dbyings thams cad du lus rab tu snang ba/ ye shes kyi nyi ma 'gro ba thams cad du shar ba/ 'gro ba thams cad bsam pa ji lta ba bzhin du dga' ba'i kha dog dang ldan pa/ 'gro ba thams cad kyi bsam pa dang dbang po rab tu rtogs pa'i ye shes can/ chos thams cad bsgribs pa med pa'i yul du khong du chud pa/ chos thams cad kyi rang bzhin skye ba med pa rnam par rig pa/ phra ba dang yangs pa phan tshun du yongs su bsdu ba la dbang bsgyur ba sangs rgyas kyi sa zab mo'i tshul nges par rtogs pa/ don zab mo'i tshig dang / yi ge'i tha snyad la mkhas pa/ tshig dang / yi ge dang / don mi zad pa rab tu brjod pa/ mdo sde rgya mtsho thams cad tshig gcig tu chud par rab tu ston pa/ gzungs dang ye shes kyi lus rgya chen po byin gyis rlob pa/ bskal pa mtha' yas par yongs su 'dzin pa'i gzungs dang ldan pa'i byin gyi rlabs can/ sems kyi skad cig gcig gis bskal pa brjod du med par gnas pa rab tu rtogs pa'i ye shes can/ </font><hr>Ca75a<br><font size=+1>


@#/ /sems kyi skad cig gcig gis dus gsum shes pa/ 'jig rten thams cad mngon par shes pa/ chos kyi gzungs kyi sangs rgyas kyi chos rgya mtsho mtha' yas pa dran zhing spobs pa/ 'gro ba thams cad kyis shes par 'gyur ba'i thabs kyis chos kyi 'khor lo bskor ba las phyir mi ldog pa/ sangs rgyas kyi yul la ye shes snang ba rab tu thob pa/ gya nom par snang ba'i ting nge 'dzin la rtag tu mnyam par bzhag pa/ chags pa med pa'i mtha'i chos thams cad rab tu dbye ba'i ye shes la mngon par mkhas pa/ chos thams cad las khyad par du 'phags pa'i rnam par 'phrul ba'i yul la ye shes kyis rnam par rtse ba/ dmigs pa thams cad la rgyan bzang por byin gyis rlob pa/ chos kyi dbyings phyogs med pa la phyogs kyi rjes su 'brang bas rab tu zhugs pa/ phyogs thams cad rnam par dbye bas chos kyi dbyings las yang dag par gzhol ba shin tu phra ba ste/ yangs pa'i rdul shin tu phra ba la byang chub tu rnam par 'tshang rgya ba rang bzhin kha dog thams cad yongs su ston pa/ phyogs gcig la yang dag par gzhol ba de lta bu'i yon tan dang ye shes mtha' yas pas yang dag par bskyed de/ bsod nams dang ye shes kyi snying po dang ldan par gyur pa/ sangs rgyas thams cad kyis bstod pa/ bsngags pa/ bkur </font><hr>Ca75b<br><font size=+1>


ba| tshig dang / yi ge mi zad pas yon tan dang legs pa brjod du yod pa'i byang chub sems dpa' dze ta'i tshal du 'dus te 'khod pa/ de bzhin gshegs pa'i yon tan rgya mtsho la 'jug pa/ de bzhin gshegs pa'i 'od zer gyis rab tu snang bar gyur pa de dag gi lus thams cad dang / khang pa brtsegs pa de dag dang / byang chub sems dpa'i longs spyod de dag dang / byang chub sems dpa'i stan de dag dang / dze ta'i tshal thams cad nas kyang / dga' ba chen po'i shugs rab tu thob pa'i chos nyid dang / byang chub sems dpa'i chos snang ba bsam gyis mi khyab pa rab tu thob pas/ dga' ba'i shugs las byung ba'i rnam par 'phrul pa chen po'i rgyan mngon par 'thon nas/ chos kyi dbyings thams cad rgyas par khyab par gyur to/ / 'di lta ste/ sems kyi skad cig re re la 'od zer gyi dra ba'i sprin shin tu yangs pa/ 'gro ba thams cad yongs su tshim par byed pa mngon par 'thon te/ phyogs bcu rgyas par khyab par gyur to/ /rin po che sna tshogs kyi dril bu'i sprin mngon par 'thon te/ dus gsum gyi de bzhin gshegs pa thams cad kyi yon tan dang / legs pa rab tu brjod pa'i sprin gyi nga ro rjes su bsgrags pas phyogs bcu rgyas par khyab par gyur to/ /dmigs pa thams cad las 'gro ba thams cad kyi rol mo'i sprin mngon par 'thon te/ sems can thams cad kyi las dang </font><hr>Ca76a<br><font size=+1>


@#/ /rnam par smin pa/ rol mo'i sgra snyan par blang bas rjes su sgrog cing / phyogs bcu rgyas par khyab par gyur to/ /byang chub sems dpa' thams cad kyi smon lam dang / byang chub sems dpa'i spyod pa sna tshogs yang dag par ston pa'i tshul gyi sprin mang po mngon par 'thon nas/ byang chub sems dpa' thams cad kyi smon lam gyi sgra dbyangs rab tu sgrog pas phyogs bcu rgyas par khyab par gyur to/ /de bzhin gshegs pa thams cad kyi sprul pa dang / rnam par 'phrul pa'i sprin mang po mngon par 'thon nas/ de bzhin gshegs pa thams cad kyi gsung gi dbyangs rjes su brjod cing / phyogs bcu rgyas par khyab par gyur to/ /byang chub sems dpa'i lus mtshan dang dpe byad bzang pos rnam par brgyan pa'i sprin mang po mngon par 'thon nas/ zhing thams cad du byung ba'i sangs rgyas skye ba gcig nas skye ba gcig tu brgyud pa rab tu brjod cing / phyogs bcu rgyas par khyab par gyur to/ /dus gsum gyi de bzhin gshegs pa thams cad dang mnyam pa'i snying po byang chub kyi sprin mang po mngon par 'thon nas/ de bzhin gshegs pa thams cad mngon par byang chub pa'i rgyan byung ba yongs su ston cing / phyogs bcu sangs rgyas par khyab par gyur to/ /dmigs pa thams cad las klu'i dbang po'i lus kyi sprin mang po mngon par 'thon </font><hr>Ca76b<br><font size=+1>


nas| spos sna tshogs kyi char rab tu 'bebs shing / phyogs bcu rgyas par khyab par gyur to/ /'gro ba thams cad kyi dbang po'i lus dang 'dra ba'i sprin mang po mngon par 'thon nas/ byang chub sems dpa' kun tu bzang po'i spyod pa yongs su brjod pa byed cing / phyogs bcu rgyas par khyab par gyur to/ /zhing yongs su dag pa rin po che thams cad kyi rang bzhin yongs kyi gzugs brnyan gyi sprin mang po mngon par 'thon nas/ de bzhin gshegs pa thams cad kyi chos kyi 'khor lo bskor ba mngon par ston cing / phyogs bcu rgyas par khyab par gyur to| |de dag la sogs pa byang chub sems dpa' de dag gi byin gyi rlabs dang / chos kyi snang ba rgya mtsho bsam gyis mi khyab pa rab tu thob pa'i chos nyid kyi rgyan chen po rnam par sprul pa'i sprin| sangs rgyas kyi zhing brjod du med pa'i rdul shin tu phra ba snyed byung bar gyur to/ /de nas byang chub sems dpa' 'jam dpal gyis sangs rgyas kyi byin gyis rlabs kyis rnam par 'phrul pa de dag yongs su ston pa byed cing / phyogs bcur rnam par bltas nas de'i tshe tshigs su bcad pa 'di dag smras so/ /dze ta'i tshal du sangs rgyas byin gyi rlabs/ /mtha' yas rgya chen yongs su byung la ltos/ /dmigs pa kun las lus kyi sprin chen rnams/ /mngon par 'thon cing phyogs rnams kun tu khyab/ /bde gshegs sras po rnams kyi sna tshogs rgyan/ /kha dog mtha' </font><hr>Ca77a<br><font size=+1>


@#/ /yas rgya chen rnam dag pa/ /stan dang dmigs pa yongs su bcas pa la/ /de dag thams cad gzugs brnyan byung ba snang / /rgyan rnams sna tshogs rin chen 'od 'phro'i sprin/ /bde gshegs sras po rnams kyi spu rtse las/ /sangs rgyas gsung rnams rab tu sgrog byed cing / /zhing rnams kun gyi dbyings su khyab par 'phro/ /tshangs pa'i dbang po'i gzugs 'dra lus rnams dang / /spyod lam rab tu zhi ba dag pa'i gzugs/ /zhing gi me tog kun las mngon 'thon te/ /bsam gtan yan lag brjod cing kun tu 'dong / / kun tu bzang po 'dra ba'i rgyal ba'i sras/ /mtshan rab dpe byad bzang pos brgyan pa'i lus/ /grangs med bsam yas bde gshegs pa spu las/ /sprul pa de 'dra thogs pa med par 'byung / /bde gshegs sras po dus gsum byung ba rnams/ /yon tan rgya mtsho'i legs pa brjod pa dag /rgya mtsho che mnyam rgyan sprin de dag kun/ /dze ta'i tshal na gnas shing rab tu brjod/ /phyogs rnams kun gyi sems can yongs kyi las/ /rgya mtsho chen po sna tshogs ma lus par/ /dze ta'i tshal gyi shing gi gzugs rnams kyi/ /gseb nas byung bar gyur pa kun tu grags/ /dus gsum 'byung ba'i rgyal ba thams cad kyi/ /zhing rnams kun gyi ma lus rnam 'phrul pa/ /zhing rnams rgya mtsho'i rdul snyed de dag kyang / /so so </font><hr>Ca77b<br><font size=+1>


dmigs kyi dmigs par gyur pa snang / /sangs rgyas phyogs kyi zhing rnams rgya mtsho'i sprin/ /spu rtse re rer sna tshogs rnams phye ba'i/ /sangs rgyas gnas rnams skad cig re rer snang / / de dag la yang sangs rgyas sprin mang bzhugs/ /'gro dang mnyam par phyogs rnams kun bkang zhing / /sems can thabs kyis yongs su smin par byed/ /de dag 'od las spos kyi 'od 'phro dang / /me tog phal chen rgya mtsho sprin kyang 'byung / /mkha' ltar tshad med rin chen gzhal med khang / /ma lus rgyan rab kun gyis rnam mdzes pa/ /de dag thams cad phyogs rnams kun khyab byed/ /zhing dang snying po byang chub de bzhin no/ /dus gsum byung ba'i rgyal ba'i sras rnams kyis/ /kun tu bzang po'i spyod pa'i rnam tshul du/ /zhing rnams rgya mtsho rnam par dag byas pa'i/ /rgyan rab sna tshogs 'gro ltar tshad med pa/ /phyogs rnams dus gsum kun tu gang byung rnams/ /bskal pa rgya mtsho chen por rnam sbyangs pa/ /de dag kun kyang dze ta'i nags tshal gyi/ /bar snang mkha' la gzugs brnyan tshul du snang / /de nas byang chub sems dpa' sangs rgyas kyi ting nge 'dzin gyis rgyud shin tu snang bar byas pa de dag las| |byang chub sems dpa' re res kyang / snying rje chen po'i sgo sangs rgyas kyi zhing brjod du med pa'i rdul shin tu phra ba snyed du zhugs par gyur nas/ de dag de bas kyang 'gro ba thams </font><hr>Ca78a<br><font size=+1>


@#/ /cad la phan pa dang / yongs su bsdu ba'i don du zhugs par gyur te/ de ltar mnyam par bzhag pa de dag gi ba spu'i sgo re re nas kyang 'od zer sangs rgyas kyi zhing brjod du med pa'i rdul shin tu phra ba snyed mngon par 'thon par gyur te/ 'od zer de dag gi sgo re re nas kyang / byang chub sems dpa'i 'phrul pa'i sprin/ 'jig rten gyi dbang po thams cad dang 'dra ba'i lus dang / 'gro ba thams cad la mngon par blta ba'i lus dang / sems can thams cad yongs su smin par bya ba dang / 'phrod pa'i las dang ldan pa mngon par 'thon te/ mngon par 'thon nas kyang / phyogs thams cad kyi chos kyi dbyings rgyas par bkang nas/ sems can thams cad yang dag par bskul zhing yongs su smin par bya ba dang / gdul bar byed do/ /lha'i gnas nas shi 'phos pa yongs su bstan pa'i sgo dang / 'jig rten gyi khams thams cad du skye ba yongs su bstan pa'i sgo dang / byang chub sems dpa'i spyod pa'i dkyil 'khor yongs su bstan pa'i sgo dang / rmi lam yongs su bstan pa'i sgo dang / sangs rgyas kyi zhing brjod du med pa'i rdul shin tu phra ba snyed kyis sems can yongs su bskul ba byed do/ /byang chub sems dpa' thams cad kyi smon lam gyis 'byung ba'i sgo dang / 'jig rten gyi khams yongs su bskyod pa'i sgo dang / sbyin </font><hr>Ca78b<br><font size=+1>


pa'i pha rol tu phyin pa'i spyod pa yongs su bstan pa'i sgo dang / de bzhin gshegs pa thams cad kyi yon tan la nan tan du bya ba dang rab tu bsgrub pa'i sgo dang / yan lag dang nying lag gcod pa'i bzod pa'i pha rol tu phyin pa yongs su bstan pa'i sgo dang / byang chub sems dpa'i rnam par 'phrul pa chen pos brtson 'grus kyi pha rol tu phyin pa yongs su bstan pa'i sgo dang / byang chub sems dpa'i bsam gtan dang / rnam par thar pa dang / ting nge 'dzin dang / snyoms par 'jug pa thams cad dang / sangs rgyas kyi ye shes kyi lam gyi dkyil 'khor snang ba rab tu brjod pa'i sgo dang / sangs rgyas kyi chos thams cad yongs su btsal ba'i phyir chos kyi tshig dang / yi ge re re'i phyir lus grangs med pa yongs su gtong ba yongs su bstan pa'i sgo dang / de bzhin gshegs pa thams cad kyi drung du 'gro zhing chos thams cad yongs su dri ba'i sgo dang / dus la ji ltar 'bab pa dang bsam pa ji lta ba bzhin du 'gro ba'i drung du 'gro zhing thams cad mkhyen pa nyid du yongs su smin par 'gyur ba thob par bya ba'i tshul rgya mtsho snang ba'i rnam par dmigs par bya ba'i sgo dang / byang chub sems dpa'i bsod nams dang / ye shes kyi tshogs thams cad bdud dang phas kyi rgol bas mi tshugs pa'i stobs kyi rgyal mtshan yongs su bstan pa'i sgo dang / bzo thams cad shes shing </font><hr>Ca79a<br><font size=+1>


@#/ /mkhas pa dang ldan pa'i ye shes kyis yongs su bstan pa'i sgo dang / 'gro ba thams cad las khyad par du 'phags par shes shing / mkhas pa dang ldan pa'i ye shes kyis yongs su bstan pa'i sgo dang / sems can thams cad kyi bsam pa'i khyad par shes shing / mkhas pa dang ldan pa'i ye shes kyis yongs su bstan pa'i sgo dang / sems can thams cad kyi dbang po la 'jug pa'i thabs kyis nyon mongs pa dang bag chags sna tshogs yang dag par gzhom pa la shes shing / mkhas pa dang ldan pa'i ye shes kyis yongs su bstan pa'i sgo dang / de dag la sogs pa'i sems can yongs su smin par bya ba dang / gdul ba'i thabs dang / bsdu ba'i sgo sangs rgyas kyi zhing brjod du med pa'i rdul shin tu phra ba snyed kyis byang chub sems dpa' de dag sems can thams cad kyi gnas su phyin par snang ste/ la la ni lha'i gnas su phyin par snang ngo / /la la ni klu'i gnas su phyin par snang ngo / /la la ni gnod sbyin gyi gnas su phyin par snang ngo / /la la ni dri za'i gnas su phyin par snang ngo / /la la ni lha ma yin gyi gnas su phyin par snang ngo / /la la ni nam mkha' lding gi gnas su phyin par snang ngo / /la la ni mi'am ci'i gnas su phyin par snang ngo / /la la ni lto phye chen po'i gnas su phyin par snang ngo / / </font><hr>Ca79b<br><font size=+1>


la la ni tshangs pa'i dbang po'i gnas su phyin par snang ngo / /la la ni mi'i gnas su phyin par snang ngo / /la la ni gshin rje'i gnas su phyin par snang ngo / /la la ni yi dwags kyi gnas thams cad du phyin par snang ngo / /la la ni sems can dmyal ba'i 'jig rten thams cad du phyin par snang ngo / /la la ni yi dwags kyi skye gnas kyi rgyud thams cad du phyin par snang ste/ mthong bas 'dul ba'i sems can dang / thos pas 'dul ba dang / rjes su dran pas 'dul ba dang / dbyangs kyi dkyil 'khor gyi 'dul ba dang / ming gi chu klung gi sgras 'dul ba dang / 'od kyi dkyil 'khor gyis 'dul ba dang / 'od zer gyi dra ba rab tu dgye bas 'dul ba dang / sems can rnams kyi bsam pa'i tshul ji lta ba bzhin du yongs su smin par bya ba dang / gdul ba'i phyir snying rje chen po tha mi dad pa dang / smon lam tha mi dad pa dang / ye shes tha mi dad pa dang / sems can yongs su bsdu ba tha mi dad pa'i tshul du/ byang chub sems dpa' de dag dze ta'i tshal nas rnam par 'phrul ba'i rgyan pa sna tshogs kyis/ 'jig rten gyi khams 'byams klas pa thams cad dang / sems can gyi khams 'byams klas pa thams cad rgyas par 'gengs pa byed par snang yang / de bzhin gshegs pa'i zhabs kyi drung nas mi g.yo ste/ la la ni rang gi gnas dang / khang pa brtsegs pa dang / stan dang / 'khor du bcas pas phyogs </font><hr>Ca80a<br><font size=+1>


@#/ /bcu rgyas par byed par snang yang / de bzhin gshegs pa'i zhabs kyi drung nas mi g.yo'o/ /la la ni sprul pa'i sprin rab tu 'gyed par snang / la la ni sems can yongs su smin par bya ba'i don du gcig pu gnyis su med par 'gro bar snang yang / de bzhin gshegs pa'i 'khor gyi dkyil 'khor nas mi g.yo'o/ /la la ni dge sbyong gi gzugs/ la la ni tshangs pa'i gzugs/ la la ni brtul zhugs can thams cad kyi cha byad dang / cho ga dang / chu zheng gi gzugs/ la la ni sman pa'i gzugs/ la la ni tshong pa'i gzugs/ la la ni snyan pas 'tsho ba'i gzugs/ la la ni gar mkhan gyi gzugs/ la la ni lha khyer ba'i gzugs/ la la ni bzo thams cad dang ldan pa'i gzugs su grong dang / grong khyer dang / grong rdal dang / ljongs dang / khams dang / rgyal po'i pho brang 'khor du phyin par snang ste/ dus kyi dbang gis dus kyi rjes su 'brang zhing / ming dang / gzugs dang / lus mngon par bsgrub pa tha dad pa dang / lus kyi kha dog dang / dbyibs tshul dang 'dra ba dang / dbyangs rnam pa tha dad pa dang / skad rnam pa tha dad pa dang / spyod lam rnam pa tha dad pa dang / gnas rnam pa tha dad pas byang chub sems dpa'i spyod pa dang / 'gro ba thams cad mig 'phrul lta bur shes pa dang / bzo'i 'khor thams cad rab tu brjod </font><hr>Ca80b<br><font size=+1>


pa dang / 'gro ba thams cad kyi shes pa brjod pas snang ba'i sgron ma dang / bde ba thams cad kyi byin gyi rlabs kyis brgyan pa dang / las thams cad snang bar byed pa'i 'od dang ldan pa dang / phyogs thams cad theg pa la gnas pas rab tu sbyong ba dang / byang chub sems dpa'i spyod pa chos thams cad kyi dkyil 'khor rab tu snang ba la spyod cing / sems can yongs su smin par bya ba dang / gdul ba'i don du grong dang / grong khyer dang / grong rdal dang / ljongs dang / khams dang / rgyal po'i gnas dag tu phyin par snang ngo / /de nas 'jam dpal gzhon nur gyur pa gnas pa med pa'i khang pa brtsegs pa na 'dug 'dug pa las/ bskal pa mthun pa'i byang chub sems dpa' de dag dang / rtag tu phyi bzhin 'brang ba'i lag na rdo rje dag dang / 'jig rten thams cad kyi nyams blta ba la brtson zhing / sangs rgyas thams cad bsnyen bkur bar smon pa'i sems dang ldan pa'i lus kyi rigs su gtogs pa'i lha dag dang / sngon gyi smon lam gyis rjes su 'brang ba'i rkang gis 'gro ba'i rigs su gtogs pa'i lha dag dang / chos mnyan pa la mngon par mos pa'i sa'i lha dag dang / snying rje chen po la brtson pa'i lu ma dang / mtsho dang / mtshe'u dang / rdzing bu dang / khron pa dang / chu klung gi lha dag dang / shes rab kyi 'od snang bas rab tu gsal ba'i me'i lha dag dang / rin po che'i cod pan thogs pa'i rlung gi lha dag </font><hr>Ca81a<br><font size=+1>


@#/ /dang / chos kyi phyogs snang bar khong du chud pa'i phyogs kyi lha dag dang / ma rig pa'i mun pa bsal ba la brtson pa'i mtshan mo'i lha dag dang / de bzhin gshegs pa'i nyi ma mngon par bsgrub pa la brtson pa'i nyi ma'i lha dag dang / chos kyi dbyings thams cad kyi nam mkha' brgyan pa la brtson pa'i nam mkha'i lha dag dang / 'gro ba thams cad srid pa'i rgya mtsho las bsgral bar brtson pa'i gangs chen mtsho'i lha dag dang / thams cad mkhyen pa nyid du tshogs yang dag par bsags pa la brtson zhing / dge ba'i rtsa ba'i sgo mngon par 'phags pa'i sems dang ldan pa'i ri'i lha dag dang / 'gro ba thams cad kyi lus brgyan par brtson zhing sangs rgyas thams cad kyi kha dog dang / byin gyi rlabs la smon cing brtson pa'i chu klung gi lha dag dang / 'gro ba thams cad kyi sems kyi grong rdal yongs su bskyang bar brtson pa'i grong gi lha dag dang / thams cad mkhyen pa'i chos kyi grong khyer du smon cing mos pa'i klu'i dbang po dag dang / sems can thams cad yongs su bsrung ba la zhugs pa'i gnod sbyin gyi dbang po dag dang / sems can thams cad kyi dga' ba'i shugs rnam par 'phel bar bya ba la brtson pa'i dri za'i dbang po dag dang / yi dwags kyi rgyud thams cad rnam par bzlog pa la brtson pa'i grul bum gyi dbang po dag </font><hr>Ca81b<br><font size=+1>


dang / sems can thams cad srid pa'i rgya mtsho nas gdon pa'i smon lam gyis zhugs pa'i nam mkha' lding gi dbang po dag dang / 'jig rten thams cad las 'phags pa'i de bzhin gshegs pa'i sku dang / stobs yongs su bsgrub par smon lam yongs su bskyed pa'i lha ma yin gyi dbang po dag dang / de bzhin gshegs pa mthong bas dga' bar gyur cing / lus rab tu 'dud pa'i lto 'phye chen po'i dbang po dag dang / 'khor ba las skyo ba'i yid dang ldan zhing ngor lta ba'i lha'i dbang po dag dang / rim gro chen po rab tu byed cing lus rab tu 'dud pa'i tshangs pa'i dbang po dag dang / lhan cig tu de dag gis rim gro chen pos mngon par bstod de mchod cing / de lta bu'i byang chub sems dpa'i rnam par gnon pa'i rgyan phun sum tshogs pa dang ldan par rang rang gi gnas nas byung ste/ bcom ldan 'das la g.yas phyogs su bskor ba lan brgya phrag du ma zhig tu byas nas/ mchod pa rnam pa du mas mchod de/ bcom ldan 'das kyi spyan snga nas phyir byung nas/ lho phyogs logs su yul rgyu zhing song ngo // //bam po brgyad cu rtsa dgu pa/ de nas sangs rgyas kyi byin gyi rlabs kyis/ tshe dang ldan pa shA radwa ti'i bus/ 'jam dpal gzhon nur gyur pa byang chub sems dpa'i rnam par 'phrul ba'i rgyan phun sum tshogs pa de 'dra bas dze ta'i tshal nas byung ste/ lho phyogs logs </font><hr>Ca82a<br><font size=+1>


@#/ /su 'gro ba mthong nas de 'di snyam du gyur te/ bdag kyang 'jam dpal gzhon nur gyur ba dang lhan cig tu yul rgyu zhing 'gro'o snyam nas/ de dge slong drug cu tsam gyis bskor cing mdun du byas te/ rang gi gnas nas byung nas/ bcom ldan 'das gang na ba der song ste/ bcom ldan 'das kyi zhabs gnyis la spyi bos phyag 'tshal nas bcom ldan 'das la zhus te/ bcom ldan 'das kyis gnang ba dang / bcom ldan 'das la lan gsum bskor ba byas nas/ bcom ldan 'das kyi spyan snga nas phyir byung ste/ 'jam dpal gzhon nur gyur pa gang na ba der/ dge slong lhan cig tu spyod pa rab tu byung nas ring po ma lon pa gsar du zhugs pa sha stag ste/ 'di ltar dge slong rgya mtsho'i blo dang / legs par byin pa chen po dang / bsod nams kyi 'od dang / bu chen po dang / kun khyab sbyin pa dang / rnam dag spyod pa dang / lha'i dpal dang / dbang po'i blo gros dang / tshangs pa'i dam pa dang / dge slong zhi ba'i blo gros dang / de dag la sogs pa'i dge slong drug cu tsam kun kyang / sngon gyi rgyal ba la bya ba byas pa/ dge ba'i rtsa ba skyed pa/ mos pa zab mor gyur pa| dad pa'i mig yongs su dag pa/ sems rgya chen pos yongs su spyod pa/ sangs rgyas kyi chos rnam par blta ba la mthu yod pa/ chos kyi ngo bo nyid dang rang bzhin nges par rtogs </font><hr>Ca82b<br><font size=+1>


pa'i sems dang ldan pa/ gzhan la phan par gyur pa'i blo can de bzhin gshegs pa'i yon tan la mngon par mos pa/ 'jam dpal gzhon nur gyur pa'i chos bstan pas 'dul ba sha stag dang 'grogs shing mdun du byas te/ sngon du bdar nas/ 'jam dpal gzhon nur gyur pa gang na ba der dong ngo / /de nas tshe dang ldan pa shA ri'i bus/ de ltar lam du zhugs te 'dong ba'i tshe/ dge slong de dag kun la bltas nas/ dge slong rgya mtsho'i blo la smras pa/ rgya mtsho'i blo/ byang chub sems dpa' 'jam dpal gyi lus mtshan dang dpe byad bzang pos rnam par brgyan cing yongs su dag pa/ lha dang mir bcas par bsam gyis mi khyab pa dang / 'od kyi dkyil 'khor yongs su dag cing sems can tshad med pa'i dga' ba yongs su skyed pa dang / 'od zer gyi dra ba'i rgyan sems can dpag tu med pa'i sdug bsngal rab tu zhi bar byed pa dang / 'khor phun sum tshogs pa sngon gyi dge ba'i rtsa ba yongs su bzung ba dang / lam gyi rgyan mgron lam mig mangs ris su gnas pa dang / lam rnam par gnon pa'i rgyan phyogs kyi dkyil 'khor thams cad la mngon par lta bar gnas pa dang / bsod nams phun sum tshogs pa'i rgyan g.yas g.yon nas gter chen po mngon par 'thon pa dang / sngon gyi sangs rgyas la rim gro byas pa'i dge ba'i rtsa ba dang rgyu mthun pas shing gi gseb thams cad nas </font><hr>Ca83a<br><font size=+1>


@#/ /rgyan mang po 'byung ba dang / 'jig rten gyi dbang po thams cad la mchod pa'i sprin gyi char mngon par 'bebs shing btud de phyag 'tshal ba dang / phyogs bcu nas de bzhin gshegs pa thams cad kyis 'od zer gyi dra ba'i dkyil 'khor mang po bkye ba sangs rgyas kyi chos thams cad rab tu sgrog cing spyi bor 'char ba la ltos shig ces/ de dag la sogs pa tshe dang ldan pa shA ri'i bus 'jam dpal gzhon nur gyur pa lam du zhugs pa'i yon tan gyi rgyan tshad med pa dag dge slong de dag la yongs su bstan to/ / brjod do/ /bshad do/ /smos so/ /bkrol lo/ /rab tu brjod do/ /rnam par phye'o/ /gsal bar byas so/ /de ltar gnas brtan shA ri'i bus 'jam dpal gzhon nur gyur pa'i yon tan ji tsam du brjod pa de tsam du dge slong de dag gi sems rnam par dag par gyur to/ /rab tu dang bar gyur to/ /dga' ba'i shugs rnam par 'phel bar gyur to/ /mos pa skyes par gyur to/ /de dag gi sems kyi rgyud las su rung bar gyur to/ /dbang po rab tu dang bar gyur to/ /yid bde ba rnam par 'phel bar gyur to/ /yid mi bde ba rab tu byang bar gyur to| |sems kyi skyon dang bral bar gyur to/ /sgrib pa thams cad phyir ldog par gyur to/ /sangs rgyas blta ba la mngon par mos par gyur to/ /sangs rgyas kyi chos la sems </font><hr>Ca83b<br><font size=+1>


rab tu gzhol bar gyur to/ /byang chub sems dpa'i dbang po yongs su dag par gyur to/ /byang chub sems dpa'i dad pa'i shugs skyes par gyur to/ /snying rje chen po 'byung bar gyur to| |pha rol tu phyin pa'i dkyil 'khor gnon par gyur to/ /snying rje chen po yongs su skyes par gyur to/ /phyogs bcu'i sangs rgyas rgya mtsho yongs su snang bar gyur to/ /de ltar de dag thams cad mkhyen pa nyid du mos pa'i shugs thob par gyur nas 'di skad 'dzer to/ /mkhan po/ bdag cag kyang skyes bu dam pa de'i drung du phyin par mdzad du gsol zhes nas/ de nas tshe dang ldan pa shA ri'i bu dge slong de dag dang 'grogs te/ 'jam dpal gzhon nur gyur pa gang na ba der song nas 'di skad ces smras so/ /'jam dpal/ dge slong 'di dag ni khyod la blta bar 'dod pa dag go /de nas 'jam dpal gzhon nur gyur pas dge slong de dag dang / 'khor gyi dkyil 'khor gyi sa'i phyogs de tsam dang bcas pa glang po'i lta stangs kyi sa gzi dang ldan par khyab par bltas pa dang / de'i rjes la dge slong de dag gis 'jam dpal gzhon nur gyur pa'i rkang pa gnyis la spyi bos phyag 'tshal nas/ thal mo sbyar te 'di skad ces smras so/ /skyes bu dam pa khyod mthong ba dang / khyod la phyag 'tshal ba'i dge ba'i rtsa ba 'di dang / bdag cag gi dge ba'i rtsa ba gzhan khyod kyis mkhyen pa dang / mkhan pos thugs su chud pa </font><hr>Ca84a<br><font size=+1>


@#/ /dang / gang yang bcom ldan 'das de bzhin gshegs pa shAkya thub pas mngon du gzigs pa'i dge ba'i rtsa ba des khyod ci 'dra bar de 'dra bar gyur te/ rnam pa 'di 'dra ba'i lus thob par shog cig /rnam pa 'di 'dra ba'i dbyangs dang / rnam pa 'di 'dra ba'i mtshan dang / 'di lta bu'i rnam par 'phrul pa dag kyang khyod ji lta ba bzhin thob par shog cig ces/ dge slong de dag gis de skad du smras pa dang / 'jam dpal gzhon nur gyur pas/ dge slong de dag la 'di skad ces smras so/ /dge slong dag /yongs su mi skyo ba'i sems bskyed pa bcu dang ldan pa'i rigs kyi bu'am/ rigs kyi bu mo theg pa chen po la zhugs pa ni/ byang chub sems dpa'i sa lta smos kyang ci smos kyi/ de bzhin gshegs pa'i sa yang gnon par 'gyur ro/ /bcu gang zhe na/ 'di lta ste/ de bzhin gshegs pa thams cad blta ba dang / bsnyen bkur ba dang / mchod pa dang / rim gro bya ba la yongs su mi skyo ba'i sems bskyed pa dang / dge ba'i rtsa ba thams cad bsags pa las phyir mi ldog cing / yongs su mi skyo ba'i sems bskyed pa dang / chos thams cad btsal ba la yongs su mi skyo ba'i sems bskyed pa dang / byang chub sems dpa'i pha rol tu phyin pa thams cad sbyor ba la yongs su mi skyo ba'i sems bskyed pa dang / byang chub sems dpa'i ting nge 'dzin thams cad </font><hr>Ca84b<br><font size=+1>


yongs su bsgrub pa la yongs su mi skyo ba'i sems bskyed pa dang / dus gcig nas gcig tu brgyud pa thams cad du 'jug pa la yongs su mi skyo ba'i sems bskyed pa dang / phyogs bcu'i sangs rgyas kyi zhing rgya mtsho rgyas par dgang zhing yongs su dag par bya ba la yongs su mi skyo ba'i sems bskyed pa dang / sems can gyi khams thams cad yongs su smin par bya ba dang / gdul ba la yongs su mi skyo ba'i sems bskyed pa dang / zhing dang bskal pa thams cad du byang chub sems dpa'i spyod pa mngon par bsgrub pa la yongs su mi skyo ba'i sems bskyed pa dang / sangs rgyas kyi zhing thams cad kyi rdul shin tu phra ba snyed kyi pha rol tu phyin pa sbyar bas/ sems can gcig yongs su smin par bya ba'i tshul du sems can thams cad yongs su smin par bya bas/ de bzhin gshegs pa'i stobs gcig yongs su bsgrub pa la yongs su mi skyo ba'i sems bskyed pa'o/ /dge slong dag /yongs su mi skyo ba'i sems bskyed pa bcu po 'di dag dang ldan pa'i rigs kyi bu'am/ rigs kyi bu mo dad pa dang ldan pa ni/ dge ba'i rtsa ba thams cad la yongs su 'grub par 'gyur ro/ /'khor ba'i rgyud thams cad las phyir ldog par 'gyur ro/ /'jig rten gyi rgyud thams cad las gyen du 'phags par 'gyur ro/ /nyan thos dang / rang sangs rgyas kyi sa thams cad las yongs su 'da' bar 'gyur ro/ /de bzhin </font><hr>Ca85a<br><font size=+1>


@#/ /gshegs pa thams cad kyi rigs dang rgyud du 'byung bar 'gyur ro/ /byang chub sems dpa' thams cad kyi smon lam la yang dag par 'grub par 'gyur ro/ /de bzhin gshegs pa thams cad kyi yon tan gyi nan tan la rnam par dag par 'gyur ro/ /byang chub sems dpa'i spyod pa thams cad la yongs su dag par 'gyur ro/ / de bzhin gshegs pa thams cad kyi stobs la yang dag par 'byung bar 'gyur ro/ /bdud dang phas kyi rgol ba thams cad rab tu 'dul bar 'gyur ro/ /byang chub sems dpa'i sa yongs su gnon par 'gyur ro/ /de bzhin gshegs pa'i sa dang shin tu nye bar 'gyur ro/ /de nas dge slong de dag gis chos kyi tshul 'di thos nas/ sangs rgyas thams cad rnam par mthong ba la chags pa med pa'i mig gi yul zhes bya ba'i ting nge 'dzin thob par gyur to/ /de'i mthus phyogs bcu mtha' yas mu med pa'i 'jig rten gyi khams na bzhugs pa'i de bzhin gshegs pa'i 'khor gyi dkyil 'khor mthong bar gyur to/ /'jig rten gyi khams de dag gi 'gro ba'i rgyud du skyes pa'i sems can de dag kyang ma lus par mthong bar gyur to/ /'jig rten gyi khams de dag gi sems can rnams kyang ma lus par mthong bar gyur to/ /'jig rten gyi khams de dag kyang rnam par phye ba sna tshogs </font><hr>Ca85b<br><font size=+1>


su mthong bar gyur to/ /'jig rten gyi khams de dag na rdul shin tu phra ba ji snyed yod pa de dag kyang bgrang ba'i tshul gyis rab tu shes par gyur to/ /sems can de dag gi rin po che'i gnas dang longs spyod de dag kyang mthong bar gyur to/ /de bzhin gshegs pa de dag gi dbyangs kyi yan lag rgya mtsho yang thos par gyur to/ /chos bstan pa de dag kyang tshig dang / yi ge dang / nges pa'i tshig dang / skad dang / ming dang / brdas yongs su shes par gyur to/ /sems can de dag gi sems dang / dbang po dang / bsam pa la yang rnam par lta bar gyur to/ /sngon gyi mtha' dang / phyi ma'i mtha'i tshe rabs bcu yang rjes su dran par gyur to/ /de bzhin gshegs pa de dag gi chos kyi 'khor lo bcu'i nges pa'i tshig mngon par bsgrub pa la yang rab tu zhugs par gyur to/ /rdzu 'phrul gyis rnam par 'phrul pa mngon par bsgrub pa bcu la yang rab tu zhugs par gyur to/ /bstan pa'i tshul mngon par bsgrub pa bcu la yang rab tu zhugs par gyur to| |rjes su bstan pa'i tshig mngon par bsgrub pa bcu la yang rab tu zhugs par gyur to/ /de bzhin gshegs pa de dag gi tha dad pa yang dag par mkhyen pa'i tshul mngon par bsgrub pa bcu la yang rab tu zhugs par gyur to/ /ting nge 'dzin de thob ma thag tu byang chub kyi sems kyi yan lag stong phrag bcu yang yongs su rdzogs par gyur to/ /ting nge 'dzin stong phrag bcu </font><hr>Ca86a<br><font size=+1>


@#/ /yang yongs su non par gyur to/ /pha rol tu phyin pa'i yan lag stong phrag bcu yang rnam par dag par gyur te/ snang ba chen po rab tu thob cing shes rab chen po'i dkyil 'khor gyis snang bar gyur pa de dag gis/ byang chub sems dpa'i mngon par shes pa bcu rab tu thob par gyur to/ /de ltar mngon par shes pa'i myu gu gzhon zhing shin tu phra ba thob ste/ byang chub tu sems skyes pa brtan pa la gnas pa de dag 'jam dpal gzhon nur gyur pas/ byang chub sems dpa' kun tu bzang po'i spyod pa la yang dag par bskul nas rab tu bkod do/ /de ltar byang chub sems dpa' kun tu bzang po'i spyod pa la rab tu gnas pa de dag smon lam chen po rgya mtsho la zhugs shing mngon par bsgrub par gyur to/ / de ltar smon lam chen po rgya mtshos mngon par bsgrubs pa'i sems rnam par dag pas lus yongs su dag pa rab tu thob par gyur to/ /lus rnam par dag pas lus yang ba rab tu thob par gyur to/ /de ltar lus rnam par dag pa dang / lus yang bas mngon par shes pa'i sgo de dag shin tu yangs par byed pas mi nyams shing / rjes su 'brang ba'i mngon par shes pa rab tu thob par gyur to/ /mngon par shes pa de dag thob pas/ 'jam dpal gzhon nur gyur pa'i rkang pa'i drung nas kyang mi g.yo la/ sangs rgyas kyi chos thams cad yongs </font><hr>Ca86b<br><font size=+1>


su bsgrub pa'i phyir phyogs bcur yang de bzhin gshegs pa thams cad kyi sku'i 'phrin las kyi sprin mngon par bsgrub par gyur to/ /de nas 'jam dpal gzhon nur gyur pas/ dge slong de dag bla na med pa yang dag par rdzogs pa'i byang chub tu bkod nas/ mthar gyis yul rgyu zhing lho phyogs logs skyid pa'i 'byung gnas zhes bya ba'i grong rdal chen po gang na ba der logs su song ste phyin nas/ grong rdal chen po skyid pa'i 'byung gnas kyi shar phyogs logs na nags tshal chen po sA la sna tshogs kyi rgyal mtshan gyi rgyan ces bya ba sngon gyi sangs rgyas bzhugs bzhugs pa'i mchod rten/ sems can smin par mdzad pa'i don du de bzhin gshegs pas byin gyis brlabs pa/ zhing mtha' yas par ming gi sgra rjes su grags pa/ sngon chad bcom ldan 'das byang chub sems dpa'i spyod pa mdzad pa'i tshe/ yongs su btang bar dga' ba du ma yongs su btang ste/ sa'i phyogs de na lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa rnams rtag tu rgyun mi 'chad par mchod pa la brtson pa'i gnas yod pa der/ 'khor dang bcas te phyin nas/ der 'jam dpal gzhon nur gyur pas mdo sde chos kyi dbyings kyi tshul rab tu snang ba zhes bya ba mdo sde bye ba khrag khrig brgya stong phrag bcu 'byung ba bstan to/ / </font><hr>Ca87a<br><font size=+1>


@#/ /de bstan pa'i tshe/ rgya mtsho chen po nas klu bye ba khrag khrig brgya stong du ma nye bar lhags te/ de dag gis chos kyi tshul de thos nas/ klu'i rgyud la rnam par smod cing de bzhin gshegs pa'i yon tan la mos par gyur nas klu'i rgyud rnam par bzlog ste/ lha dang mir skya ba yongs su 'dzin par gyur nas/ der klu stong phrag bcu bla na med par rdzogs pa'i byang chub las phyir mi ldog par gyur to/ /chos de bstan pa'i tshe/ sems can gyi khams mtha' dang dbus med pa theg pa gsum gyis dus gzhan dang gzhan du rnam par dul bar gyur to/ /de nas skyid pa'i 'byung gnas kyi mi rnams kyis/ 'jam dpal gzhon nur gyur pa'i skyid pa'i 'byung gnas kyi grong rdal du phyin te/ sA la sna tshogs kyi rgyan gyi gzhi 'di nyid na rnam par spyod do zhes thos nas/ dge bsnyen tshong dpon shes rab chen po la sogs pa dge bsnyen pha dang / dge bsnyen ma dang / khye'u dang / bu mo mang po dag so so nas 'khor lnga brgya lnga brgya dang bcas te/ skyid pa'i 'byung gnas kyi grong rdal nas byung nas/ 'jam dpal gzhon nur gyur pa gang na ba dar dong ngo / /de la dge bsnyen shes rab chen po ni/ dge bsnyen bzang pos byin dang / lhas byin dang / bsod nams 'od dang / grags pa'i lha dang / grags pas byin dang / zla ba'i dpal dang / zla ba dga' </font><hr>Ca87b<br><font size=+1>


bo dang / blo gros bzang po dang / blo gros chen po dang / sgra gcan bzang po dang / dge bsnyen bzang po'i dpal dang / de dag la sogs pa dge bsnyen lnga brgyas ba skor cing mdun du byas te| 'jam dpal gzhon nur gyur pa gang na ba der dong nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba byas nas phyogs gcig tu 'khod do/ /de la dge bsnyen ma shes rab chen mo ni/ dge bsnyen ma 'od bzang mo dang / lus bzang mo dang / dge ba yod pa dang / dge ba'i dpal dang / zla ba'i 'od dang / dpal gyi 'od dang / dpal bzang mo dang / dge bsnyen ma mig bzang mo dang / de dag la sogs pa dge bsnyen ma lnga brgyas bskor cing mdun du byas te/ 'jam dpal gzhon nur gyur pa gang na ba der dong nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba byas nas phyogs gcig tu 'khod do/ /de la tshong dpon gyi bu nor bzang ni tshong dpon gyi bu brtul zhugs bzang po dang / tshul khrims bzang po dang / ngang tshul bzang po dang / rnam par gnon pa bzang po dang / bsam pa bzang po dang / blo gros bzang po dang / blo bzang po dang / mig bzang po dang / lag pa bzang po dang / tshong dpon gyi bu 'od </font><hr>Ca88a<br><font size=+1>


@#/ /bzang po dang / de dag la sogs pa tshong dpon gyi bu lnga brgyas bskor cing mdun du byas te/ 'jam dpal gzhon nur gyur pa gang na ba der dong nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba byas nas phyogs gcig tu 'khod do/ /de la khyim bdag shes rab chen po'i bu mo dge ba bzang mo ni/ bu mo bzang mo dang / yid du 'ong ba'i bzhin dang / brtan pa'i blo gros dang / dpal bzang mo dang / tshangs pas byin pa dang / dpal gyi 'od dang / bu mo 'od bzang mo la sogs pa bu mo lnga brgyas bskor cing mdun du byas te/ 'jam dpal gzhon nur gyur pa gang na ba der dong nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la lan gsum du bskor ba byas nas phyogs gcig tu 'khod do/ /de nas 'jam dpal gzhon nur gyur pas skyid pa'i 'byung gnas kyi grong rdal nas skyes pa dang / bud med dang / khye'u dang / bu mo de dag 'dus te 'khod par shes nas/ bsam pa ji lta ba bzhin du bstan pa'i byin gyis zil gyis gnan te/ byams pa chen po'i byin gyis sim par byas nas/ snying rje chen po'i byin gyis chos bstan pa mngon par bsgrubs te/ ye shes kyi byin gyis sems dang bsam pa </font><hr>Ca88b<br><font size=+1>


rnam par phye nas tha dad pa yang dag par shes pa chen pos chos bstan par dga' ste/ tshong dpon gyi bu nor bzang la bltas so/ /tshong dpon gyi bu nor bzang zhes bya ba/ ci'i phyir nor bzang zhes bya zhe na/ tshong dpon gyi bu nor bzang zhes bya ba/ thog ma ma'i mngal du zhugs ma thag tu khyim de'i 'khor kun nas rnam par phye ba'i rin po che sna bdun gyi sdong po 'thon par gyur to/ /rin po che'i sdong po de dag gi 'og na rin po che'i gter bdun yod de/ gser dang / dngul dang / bai DUR+Ya dang / shel dang / mu tig dmar po dang / asma gar b+ha dang / mu sa ra gal pa dang / rin po che de bdun gyi rin po che'i sdong po de dag kyang gter de dag nas skyes te/ sa'i gzhi brtol nas mngon par 'thon par gyur to/ /de yan lag dang nying lag thams cad yongs su rdzogs te/ zla ba bcu lon nas btsas pa dang / de'i tshe gter chen po bdun po de dag kyang chu zheng dang / rngams su khru bdun tsam du sa'i steng nas mngon par 'phags te snang bar byung nas rnam par snang zhing mdzes par gyur to/ /khyim der rin po che sna tshogs kyi snod lnga brgya yang byung bar gyur te/ 'di ltar mar gyi snod dang / til mar gyi snod dang / sbrang rtsi'i snod dang| mar gsar gyi snod dang / gzhan dag kyang so so nas yo byad sna tshogs thams cad kyis yongs su gang ba dag ste/ 'di ltar rdo rje'i snod spos sna tshogs kyis yongs su gang ba dang / </font><hr>Ca89a<br><font size=+1>


@#/ /spos kyi snod gos sna tshogs kyis yongs su gang ba dang / man shel gyi snod kha zas dang spyan gzigs sna tshogs ro mchog tu zhim pas yongs su gang ba dang| nor bu'i snod rin po che sna tshogs kyis yongs su gang ba dang / gser gyi snod dngul sil mas yongs su gang ba dang / dngul gyi snod gser phyes yongs su gang ba dang / phra men gyi snod nor bu rin po che bai DUR+Yas yongs su gang ba dang / shel gyi snod mu sa ra gal pas yongs su gang ba dang / mu sar gal pa'i snod rin po che shel gyis yongs su gang ba dang / asma gar b+ha'i snod mu tig dmar pos yongs su gang ba dang / mu tig dmar po'i snod asma gar b+has yongs su gang ba dang / nor bu rin po skar ma'i rgyal mtshan gyi snod nor bu rin po che chu 'dang gis yongs su gang ba dang / nor bu rin po che chu 'dang gi snod nor bu rin po che skar ma'i rgyal mtshan gyis yongs su gang ba dang / de dag la sogs pa rin po che'i snod lnga brgya 'thon par gyur to/ /tshong dpon gyi bu nor bzang de btsas ma thag tu khyim dang / bang ba dang / mdzod thams cad du nor dang / 'bru dang / dbyig dang / gser dang / rin po che sna tshogs kyi char mngon par bab par gyur to/ /de la bram ze'i bltas pa dang / pha dang / ma dang / gnyen gyi tshogs kyis 'di btsas ma thag tu nor mang po phun sum tshogs </font><hr>Ca89b<br><font size=+1>


pa byung bar gyur pas na/ nor bzang / nor bzang zhes de ltar ming du btags te/ tshong dpon gyi bu nor bu bzang de ni/ sngon gyi rgyal ba la bya ba byas pa'o/ /dge ba'i rtsa ba bskyed pa'o/ / mos pa rgya chen po dang ldan pa'o/ /dge ba'i bshes gnyen gyi rjes su 'brang ba'i bsam pa can no/ /lus dang ngag dang yid kyi spyod pa kha na ma tho ba med pa'o/ /byang chub sems dpa'i lam yongs su sbyang ba la rab tu brtson pa'o/ /thams cad mkhyen pa la mngon par mos pa'o/ /sangs rgyas kyi chos kyi snod du gyur pa'o/ /bsam pa'i nam mkha' yongs su dag pa'o// byang chub kyi sems chags pa med pa yongs su rdzogs pa'o/ de nas 'jam dpal gzhon nur gyur pas/ tshong dpon gyi bu nor bzang la bltas te/ dga' ba'i gtam byas nas/ de la 'di lta ste/ sangs rgyas kyi chos thams cad las kyang brtsams/ sangs rgyas kyi chos thams cad yang dag par bsdu zhing thob par bya ba las kyang brtsams/ sangs rgyas thams cad gcig nas gcig tu brgyud pa las kyang brtsams/ sangs rgyas gcig nas gcig tu brgyud pa thams cad shes par bya ba las kyang brtsams/ sangs rgyas thams cad kyi 'khor gyi dkyil 'khor rnam par dag pa las kyang brtsams/ sangs rgyas thams cad kyi chos kyi 'khor lo dang sprul pa'i rgyan las kyang brtsams/ sangs rgyas thams cad kyi gzugs kyi sku'i mtshan </font><hr>Ca90a<br><font size=+1>


@#/ /dang dpe byad bzang po rnam par dag pa las kyang brtsams/ sangs rgyas thams cad kyi chos kyi sku yongs su grub pa las kyang brtsams/ sangs rgyas thams cad kyi gsung rnam par phye ba las kyang brtsams/ sangs rgyas thams cad kyi 'od kyi dkyil 'khor gyi rgyan rnam par dag pa las kyang brtsams/ sangs rgyas thams cad kyi mnyam pa nyid las kyang brtsams te/ chos kyang bstan par gyur to/ /de nas 'jam dpal gzhon nur gyur pas tshong dpon gyi bu nor bzang dang / skye bo'i tshogs chen po de dag chos dang mthun ba'i gtam gyis bstan te/ yang dag par bskul nas spro ba bskyed de dga' bar byas nas/ bla na med pa yang dag par rdzogs pa'i byang chub tu sems bskyed du btsud de/ sngon gyi dge ba'i rtsa ba yongs su dran par byas nas/ skyid pa'i 'byung gnas kyi grong rdal de'i sems can rnams kyi bsam pa ji lta ba bzhin du chos bstan pas byin gyis brlabs te/ bde bar byas nas de nas song ngo / /de nas tshong dpon gyi bu nor bzang gis/ 'jam dpal gzhon nur gyur pa las/ rnam pa de lta bu'i sangs rgyas kyi yon tan dang / che ba nyid thos nas bla na med pa yang dag par rdzogs pa'i byang chub tu mos shing brtson pas phyi bzhin du 'brang ste/ 'jam dpal gzhon nur gyur pa la tshigs su bcad de mngon par bstod do/ /blo gros chen po </font><hr>Ca90b<br><font size=+1>


mtha' yas spyod yul can/ /khyod kyi mthus ni sems can sman slad du/ /bdag kyang byang chub mchog tu zhugs par gyur/ /de la nges pa gang mchis bdag la gson/ /dga' ba'i chus bkang 'obs kyis kun nas bskor/ /nga rgyal dregs pa'i ra ba mtho bar brtsegs/ /sems can lam rgyud sgo rnams btsud cing gdangs/ /de 'dra'i khyim ni srid gsum ming ldan che/ /de ni gti mug ma rig gzings pas khebs/ /'dod chags zhe sdang me lces rab tu gdungs/ /rtag par bdud kyi dbang po'i dbang du gyur/ /de la byis pa ma rig rten kyang 'cha'/ /sred pa'i sgrog dang zhags pas shin tu glags/ /g.yo dang sgyu yi skyon gyis mtho brtsams shing / /the tshom yid gnyis dag gis mig mdongs pa/ /log pa phyin phyogs lam la rab tu zhugs/ /phrag dog ser sna'i thag pas btags shing bcings/ /yi dwags byol song sems dmyal mi khom rgyu/ /rga shi na dang skye bas rab tu mnar/ /mgo rmongs lam rgyun 'bar lo kun tu 'khor/ / de la khyod ni thugs rje rnam dag pa'i/ /dkyil 'khor ye shes 'od zer snang ba mdzad/ /nyon mongs rgya mtsho skam par shar te 'phags/ /nyi ma 'dra bas bdag la snang ba mdzod/ /byams pa bsgoms pas dkyil 'khor rdzogs shing nya/ /bsod nams zla 'od bde ba'i zer 'gyed pa/ /sems can kun gyi gnas su shar gyur gyi/ /zla ba nya ba lta bus bdag snang mdzod/ /dkar </font><hr>Ca91a<br><font size=+1>


@#/ /mthus thams cad yongs bsags bskor mnga' zhing / /chos dbyings mkha' la chags pa mi mnga' ba/ /chos kyi 'khor lo rin chen sngon 'dren pas/ /rgyal por gyur pas bdag la bstan du gsol/ /byang chub theg pa'i smon lam mthu mnga' ste/ /bsod nams ye shes shin tu yangs bsags shing / /sems can kun la phan pa'i don bzhugs pa'i/ /ded dpon chen pos bdag kyang bskyang du gsol/ /bzod pa brtan zhing sra ba'i go mnabs te/ /ye shes spyan mnga' thugs rje'i phyag ring bas/ /bdud kyi dmag dpung tshogs rnams mngon 'gyur bar/ /dpa' ba chen pos bdag gi sel yang mdzod/ /chos kyi ri rab spo la brtan bzhugs shing / /ting 'dzin mchog gi lha mos kun nas bskor// nyon mongs sgra gcan lha min 'dul mdzad pa/ /brgya byin gyur pas bdag kyang gzigs su gsol/ /byis pa'i gnas gyur khams gsum khang pa na/ /nyon mongs las rnams rnam par bsal ba mkhyen/ /rgyu yi sa dang lam rgyud 'khor rmongs par/ /me mar 'dra bas bdag kyang shul bstan gsol/ /ngan 'gro'i lam rnams rnam par zlog mdzad cing / /bde bar 'gro ba'i lam rnams rnam sbyong ba/ /'jig rten kun gyi lam gyi rgyud las 'das/ /bdag la'ang thar pa'i sgo ni bstan du gsol/ /rtag dang bdag dang bde bar 'du shes </font><hr>Ca91b<br><font size=+1>


ldan| |log 'dzin sgo re'i skyabs kyis bcad gyur gyi/ /bden pa'i ye shes spyan rno mchog mnga' bas/ /thar sgo bdag la'ang myur du dbye bar gsol/ /yang dag log pa'i lam la mkhas gyur cing / /lam gyi rgyus dang tshul la bsnyengs mi mnga'/ /lam rnams kun gyis 'dul ba thugs chud pa/ /bdag la byang chub shul ni bstan du gsol/ /yang dag lta ba'i sa yi thang la bzhugs/ /sangs rgyas kun gyi yon tan chab kyis bskrun/ /sangs rgyas chos legs me tog char 'bebs pa/ /byang chub shul ni bdag la bstan du gsol/ /rgyal ba gang 'das ma byon gang rnams dang / /da ltar byung ba'i rgyal ba snang mdzad pa/ /sems can gtso bo legs par gshegs pa'i phyogs/ /de yang lam ston mdzad pas bdag bstan gsol las kyi 'khrul 'khor tshul la mi bsnyengs pa/ /chos theg shing rta'i 'khrul 'khor mkhyen gyur cing / /ye shes theg pa'i tshul la rnam nges pa/ /byang chub theg pa bdag la bshad du gsol/ /mos shing smon pa'i 'khor lo'i mu khyud can/ /bzod pa rdo rje snying rje srog shing brten/ /dad pa'i gnya' shing rin chen legs spras pa'i/ /byang chub theg la bdag kyang bskyon du gsol/ /gzungs rnams kun gyis rnam dag dkyil 'khor can/ /byams pa brtsegs pa'i dga' bas rab brgyan pa/ /tha dad yang dag shes pa'i dril phreng can/ /theg mchog </font><hr>Ca92a<br><font size=+1>


@#/ /bzang pos bdag la bstan du gsol/ /tshangs pa'i spyod pa'i lam gyis mngon par brgyan/ /ting 'dzin bud med khrag khrig kun nas rgyu/ /chos kyi rnga yi dbyangs chen rab bsgrags pa/ /theg pa'i dam pa bdag la bstab tu gsol/ /bsdu ba bzhi yi mi zad mdzod ldan pa/ /ye shes rin chen yon tan phreng gis brgyan/ /khrel yod dul ba'i 'phreng bas mchog bsdams pa'i/ /theg pa'i dam pa bdag la bstan du gsol/ /sbyin pa'i 'od zer dkyil 'khor bzang po can/ /tshul khrims tsan dan snying rje'i byug ldan zhing / /bzod pa'i gzer gyis mtshams rnams dam sbyar ba'i/ /theg pa'i mchog la myur du bdag gzhag gsol/ /sems can thams cad 'dul las mi ldog pa/ / bsam gtan ting 'dzin kha khyer mthor sgron cing / /shes rab thabs gnyis 'byor mthun 'gro rgyu ba'i/ /chos kyi theg pa mchog la bdag gzhag gsol/ /smon lam 'khor los lam gyi 'khor sbyong ba/ /chos kyi gzugs dam mthu brtan che ldan zhing / /ye shes 'khrul 'khor legs sbyangs legs byas pa'i/ /chos kyi theg pa de la bdag bskyon gsol/ /kun tu bzang po'i spyod pas rab sbyangs shing / /sems can lta bas rgyu la thogs med pa/ /kun tu bzang po'i spyod pas gnon gyur pa'i/ /ye shes theg pas bdag la </font><hr>Ca92b<br><font size=+1>


bsdud du gsol/ /de ni brtan pas rdo rje bzhin gnas pa/ /ye shes sgyu mas legs sbyangs legs byas shing / /sgrib dang chags pa thams cad gcod pa yi/ /bzang po'i theg la bdag kyang bskyon par gsol/ /'gro mnyam dri med shin tu yangs gyur pa/ /sems can thams cad skyob pas bde sgrub cing / /chos dbyings shin tu rgya chen rnam snang ba'i/ /byang chub theg la bdag kyang bskyon du gsol/ /sdug bsngal phung po rab byung gcod byed pa/ /nyon mongs las kyi rdul mang sbyong sel cing / /bdud dang phas kyi rgol ba kun 'joms pa'i/ /chos kyi theg la bdag kyang bskyon du gsol/ /phyogs rnams kun tu ye shes rab snang ba/ /chos dbyings nam mkha' rnam par klubs byed cing / /sems can kun gyi bsam pa rdzogs byed pa'i/ / chos kyi theg la bdag kyang bskyon du gsol/ /rnam dag mkha' ltar tshad med mi zad pa/ /sred dang ma rig lta ba'i skyon med cing / /sems can kun la phan par rab gnas pa'i/ /chos kyi theg la bdag kyang bskyon du gsol/ /rlung chen langs pa'i shugs kyi shugs ldan pas/ /smon lam mthu yis 'jig rten kun 'dzin cing / /zhi ba'i gnas rab kun sar skyel byed pa'i| |chos kyi theg la bdag kyang bskyon du gsol/ /sa chen bzhi yi stobs kyi stobs ldan pa/ /snying rje'i mthu dang shugs kyis khur khyer zhing / /ye shes lo tog 'gro ba nyer 'tsho </font><hr>Ca93a<br><font size=+1>


@#/ /ba'i| |theg pa'i mchog la bdag kyang bskyon du gsol/ /nyi ma lta bur 'gro ba nyer 'tsho zhing / /bsdu ba rab yangs 'khor gyi dkyil 'khor can/ /gzungs kyi stobs mchog dag pa'i 'od bzang ba'i/ /ye shes nyi ma bdag la bstan du gsol/ /bskal pa mang po du mar rab bslabs pa/ /rgyu yi tshul dang sa kun mkhas gyur pa/ /gang gis 'dus byas grong khyer gzhom 'gyur ba'i/ /shes brtan rdo rje 'phags pas bdag la stsal du gsol/ /sangs rgyas legs kun bslab pa phun sum gyis/ /ye shes rgya mtsho yangs pa gang zhig la/ /tshad med rgya mtsho'i blo mang bslab gyur pa/ /de legs ci 'dra 'phags pas bka' stsal gsol/ /gang na yang dag spyan mnga' khyod bzhugs shing / /ye shes rgyal po'i cod pan legs brgyan te/ /chos kyi dbu thod dam pas dbu bcings pa'i/ /chos kyi rgyal po'i pho brang bdag kyang ston/ /de nas 'jam dpal gzhon nur gyur pas/ glang po'i lta stangs kyis bltas te/ /tshong dpon gyi bu nor bzang la 'di skad ces smras so/ /rigs kyi bu/ de ltar khyod kyis bla na med pa yang dag par rdzogs pa'i byang chub tu sems bskyed de/ dge ba'i bshes gnyen gyi rjes su 'brang zhing / byang chub sems dpa'i lam yongs su rdzogs par bya bar 'dod de/ byang chub sems dpa'i spyod pa yongs su dri bar bsam pa </font><hr>Ca93b<br><font size=+1>


legs so/ /legs so/ /rigs kyi bu/ 'di lta ste/ dge ba'i bshes gnyen rnams la bsnyen cing bsten pa dang / rim gror bya ba 'di ni thams cad mkhyen pa nyid yongs su grub par 'gyur ba'i gzhi yin te/ 'di ni mthun pa'i rgyu yin gyi/ rigs kyi bu/ de bas na khyod kyis dge ba'i bshes gnyen bsnyen bkur bas yongs su ma skyo bar gyis shig /nor bzang gis smras pa/ 'phags pa/ ji ltar byang chub sems dpas byang chub sems dpa'i spyod pa la bslab par bgyi/ ji ltar nan tan du bgyi/ ji ltar byang chub sems dpas byang chub sems dpa'i spyod pa brtsam par bgyi/ ji ltar byang chub sems dpas byang chub sems dpa'i spyod pa la spyad par bgyi/ ji ltar byang chub sems dpas byang chub sems dpa'i spyod pa yongs su rdzogs par bgyi/ ji ltar byang chub sems dpas byang chub sems dpa'i spyod pa yongs su sbyang bar bgyi/ ji ltar byang chub sems dpas byang chub sems dpa'i spyod pa la 'jug par bgyi/ ji ltar byang chub sems dpas byang chub sems dpa'i spyod pa mngon par bsgrub par bgyi/ ji ltar byang chub sems dpas byang chub sems dpa'i spyod pa'i rjes su 'brang bar bgyi/ ji ltar byang chub sems dpas byang chub sems dpa'i spyod pa la lhag par dmigs par bgyi/ ji ltar byang chub sems dpas byang chub sems dpa'i spyod pa rgyas </font><hr>Ca94a<br><font size=+1>


@#/ /par bgyi/ ji ltar byang chub sems dpas kun tu bzang po'i spyod pa'i dkyil 'khor yongs su rdzogs par 'gyur ba rgya cher bstan du gsol/ de nas 'jam dpal gzhon nur gyur pas/ tshong dpon gyi bu nor bzang la tshigs su bcad de smras pa/ dge ba'i bsod nams gangs chen mtsho/ /de ltar khyod ni nga yi drung du nyer phyin te| |snying rje'i snying brtse rgya chen gyi/ /yid ldan byang chub dam pa tshol bar legs/ /'gro ba thams cad dgrol don du/ /spyod pa mtshungs med don du smon lam rab 'debs shing / / 'gro ba kun gyi skyabs 'gyur ba/ /byang chub sems dpa'i spyod pa'i tshul 'di yin/ /byang chub sems dpa'i brtan pa rnams/ /'khor ba'i nang na skyo med yid kyis spyod byed pa/ / de dag kun tu bzang po yi/ /spyod pa thub med chags med 'thob par 'gyur/ /bsod nams 'od can bsod nams dpal/ /de ltar khyod ni kun tu bzang po'i spyod pa la/ /'gro la phan phyir smon byed pa/ /bsod nams rgya mtsho dge zhing dag pa'i mtshan/ /mtha' dang dbus med tshad med pa'i/ /phyogs bcu'i 'jig rten sangs rgyas kun kyang mthong bar 'gyur/ /dran pa'i mthu dang stobs kyis kyang / /de dag chos kyi sprin kyang yongs su 'dzin par 'gyur/ /de ltar khyod kyis phyogs bcu yi/ /sangs rgyas zhing rnams kun tu rgyal </font><hr>Ca94b<br><font size=+1>


ba mthong nas kyang / /byang chub spyod pa'i don gyi phyir/ /de dag kun la smon lam rgya mtsho dag byed 'gyur/ /'jig rten gtso la slob byed cing / /gang rnams sangs rgyas sa la gnas ni bcas byas shing / /'di tshul rgya mtshor zhugs gyur pa/ /de dag kun kyang thams cad gzigs par 'gyur/ /khyod ni 'byams klas zhing kun du/ /bskal mang zhing rdul snyed du kun tu bzang po yi| |spyod pa'i dam pa spyod byas shing / /byang chub dam pa zhi ba 'thob par 'gyur/ /zhing rnams mtha' dang dbus med pa/ /ma lus kun tu bskal pa rgya mtshor spyad par gyis/ /kun tu bzang po'i spyod mchog phyir/ /smon lam rgya chen yongs su rdzogs par byos/ /khyod kyi smon lam thos gyur nas/ /sems can khrag khrig dga' ba yongs su skyes gyur cing / /kun tu bzang po'i ye shes kyis/ /byang chub mchog tu smon pa byed la ltos/ /de nas 'jam dpal gzhon nur gyur pas/ tshigs su bcad pa de dag smras nas/ tshong dpon gyi bu nor bu bzang po la 'di skad ces bsgo'o/ /rigs kyi bu/ de ltar khyod bla na med pa yang dag par rdzogs pa'i byang chub tu sems bskyed cing / byang chub sems dpa'i spyod pa yongs su btsal bar sems dpa' legs so/ /legs so/ /rigs kyi bu/ 'di ltar bla na med pa yang dag par rdzogs pa'i byang chub tu sems bskyed pa de lta bu'i sems can yang rab tu dkon te/ de bas kyang gang gis bla na </font><hr>Ca95a<br><font size=+1>


@#/ /med pa yang dag par rdzogs pa'i byang chub tu sems bskyed nas/ byang chub sems dpa'i spyod pa yongs su tshol ba de lta bu'i sems can ni ches dkon no| |rigs kyi bu/ de bas na byang chub sems dpas thams cad mkhyen pa'i ye shes thob par bya ba'i phyir/ yang dag pa'i dge ba'i bshes gnyen las gdon mi za bar rtogs pa thob par gyis shig /dge ba'i bshes gnyen yongs su btsal ba la yongs su skyo ba'i yid med par gyis shig /dge ba'i bshes gnyen blta ba la ngoms pa med par gyis shig |dge ba'i bshes gnyen gyis bstan pa la mthun par 'dzin par gyis shig /dge ba'i bshes gnyen gyis thabs mkhas pa'i spyod pa la khong khro ba med par gyis shig/ rigs kyi bu/ lho phyogs kyi rgyud 'di nyid na/ yul mi mo gya nom mchog ces bya ba yod de/ de na mgul legs pa zhes bya ba'i ri zhig yod pa de la/ dge slong sprin gyi dpal zhes bya ba 'dug gi /de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dang / ji ltar byang chub sems dpas/ byang chub sems dpa'i spyod pa brtsam par bya ba dang / ji ltar byang chub sems dpa'i spyod pa la spyad par bya ba dang / ji ltar byang chub sems dpa'i spyod pa yongs su rdzogs </font><hr>Ca95b<br><font size=+1>


par bya ba dang / ji ltar yongs su dag par bya ba dang / ji ltar 'jug par bya ba dang / ji ltar mngon par bsgrub par bya ba dang / ji ltar rjes su 'brang bar bya ba dang / ji ltar lhag par dmigs par bya ba dang / ji ltar rgyas par bya ba dang / ji ltar byang chub sems dpa' kun tu bzang po'i spyod pa'i dkyil 'khor yongs su rdzogs par 'gyur ba dris shig dang / dge ba'i bshes gnyen de khyed la kun tu bzang po'i spyod pa'i dkyil 'khor ston to/ /de nas tshong dpon gyi bu nor bzang dga' rangs te/ mgu zhing nyams bde la/ tshim zhing yid bde ba skyes nas/ 'jam dpal gzhon nur gyur pa'i rkang pa gnyis la spyi bos phyag 'tshal te/ 'jam dpal gzhon nur gyur pa la/ lan brgya stong du mar g.yas phyogs su bskor ba byas nas/ lan brgya brgya stong du mar phyir bltas te/ dge ba'i bshes gnyen yid du 'ong ba'i sems dang ldan pas dge ba'i bshes gnyen mi mthong ba mi bzod de/ gdong mchi mas gang bar du zhing| 'jam dpal gzhon nur gyur pa'i drung nas song ngo / /de nas tshong dpon gyi bu nor bzang mthar gyis yul mi mo gya nom mchog ces bya ba der song ste/ phyin nas yul mi mo gya nom mchog nas rnam par rgyus te/ sngon gyi dge ba'i rtsa bas byung zhing las rgya chen byin gyis brlabs pa'i longs spyod yid du 'ong ba la yongs su spyod cing / ri mgul legs pa gang na ba der phyin </font><hr>Ca96a<br><font size=+1>


@#/ /nas/ mgul legs pa'i ri la 'dzegs te/ dge slong sprin gyi dpal tshol tshol zhing shar phyogs logs su byung ngo / /de bzhin du lho dang / nub dang / byang dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams su'ang byung ste/ bla 'og tu'ang lta zhing dge slong sprin gyi dpal tshol tshol ba las/ des zhag bdun lon pa dang / dge slong sprin gyi dpal ri rtse zhig gi sman ljongs na 'chag cing 'dug pa mthong nas/ dge slong sprin gyi dpal gang na ba der song ste/ dge slong sprin gyi dpal gyi rkang pa gnyis la spyi bos phyag 'tshal nas/ dge slong sprin gyi dpal la g.yas phyogs su bskor ba byas te/ mdun du 'dug nas thal mo sbyar te/ 'di skad ces smras so/ /'phags pa thugs su chud par mdzad du gsol/ /bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dang / ji ltar byang chub sems dpa'i spyod pa brtsam pa dang / ji ltar byang chub sems dpa'i spyod pa la spyad par bgyi ba dang / ji ltar byang chub sems dpa'i spyod pa yongs su spyod pa rdzogs par bgyi ba dang / ji ltar yongs su dag par bgyi ba dang / ji </font><hr>Ca96b<br><font size=+1>


ltar 'jug par bgyi ba dang / ji ltar rjes su 'brang bar bgyi ba dang / ji ltar mngon par bsgrub par bgyi ba dang / ji ltar lhag par dmigs par bgyi ba dang / ji ltar rgyas par bgyi ba dang| ji ltar byang chub sems dpas kun tu bzang po'i spyod pa'i dkyil 'khor yongs su rdzogs par 'gyur ba ma 'tshal te/ 'phags pa khyod ni/ byang chub sems dpa' rnams la gdams ngag dang / rjes su ston pa mdzad ces thos na/ 'phags pa ji ltar byang chub sems dpa' bla na med pa yang dag par rdzogs pa'i byang chub tu 'byung bar 'gyur ba bdag la bstan du gsol/ de skad ces smras pa dang / dge slong sprin gyi dpal gyis/ tshong dpon gyi bu nor bzang la 'di skad ces smras so/ /rigs kyi bu/ de ltar khyod kyis bla na med pa yang dag par rdzogs pa'i byang chub tu sems bskyed cing / byang chub sems dpa'i spyod pa yongs su dri ba legs so/ /legs so/ /rigs kyi bu/ 'di lta ste/ byang chub sems dpa'i spyod pa yongs su btsal ba dang / byang chub sems dpa'i spyod yul yongs su btsal ba dang / byang chub sems dpa'i 'byung ba rnam par dag pa yongs su btsal ba dang / byang chub sems dpa'i lam rnam par dag pa yongs su btsal ba dang / byang chub sems dpa'i spyod pa rgya chen po rnam par dag pa yongs su btsal ba dang / byang chub sems dpa'i mngon par shes pa bsgrub pa rnam par dag </font><hr>Ca97a<br><font size=+1>


@#/ /pa yongs su btsal ba dang / byang chub sems dpa'i rnam par thar pa yongs su bstan pa dang / byang chub sems dpa'i snang ba'i snying rje'i rgyud yongs su bstan pa dang / byang chub sems dpa'i 'gro ba'i bsam pa ji lta ba bzhin du rjes su 'brang ba dang / byang chub sems dpas 'khor ba dang / mya ngan las 'das pa'i sgo yongs su bstan pa dang / byang chub sems dpa' rnams kyi 'dus byas dang / 'dus ma byas kyi skyon dang / 'jigs pas mi gos pa'i rgyud yongs su btsal ba 'di ni dka'o/ /shin tu dka'o/ /rigs kyi bu/ kho bo ni mos pa'i stobs kyi dbang gis/ mig gi blo gros dang / dad pa'i mig rnam par dag pas/ kun tu mngon par blta ba'i ye shes kyi 'od snang ba phyin phyogs med pa dang / yul kun la thogs pa med cing bsgribs pa thams cad dang bral ba'i lhag mthong la mkhas pa dang / mig gi yul kun nas yongs su dag pa'i lus rnam par dag pa dang / phyogs kyi rgyud 'byams klas pa thams cad du mngon par 'dud pa'i lus kyis 'dud pa la mkhas pa dang / sangs rgyas thams cad kyi chos kyi sprin yongs su 'dzin pa'i gzungs kyi stobs kyis/ phyogs kyi rgyud thams cad kun nas mngon du gzigs pa'i de bzhin gshegs pa rnams mthong ste/ 'di ltar shar phyogs kyi de bzhin gshegs pa gcig kyang mthong ngo / /sangs rgyas gnyis dang / </font><hr>Ca97b<br><font size=+1>


bcu dang / sangs rgyas brgya dang / sangs rgyas stong dang / sangs rgyas brgya phrag stong dang / sangs rgyas bye ba dang / sangs rgyas bye ba brgya dang / sangs rgyas bye ba stong dang / sangs rgyas bye ba brgya phrag stong dang / sangs rgyas bye ba khrag khrig brgya phrag stong nas/ de bzhin gshegs pa tshad med pa/ dpag tu med pa/ grangs med pa/ bsam gyis mi khyab pa/ mtshungs pa med pa/ kun tu mtha' yas pa/ sa mtshams med pa/ gzhal du med pa/ brjod du med pa'i yang brjod du med pa dag kyang mthong ngo / /de bzhin gshegs pa 'dzam bu'i gling gi rdul shin tu phra ba snyed kyang mthong ngo / /de bzhin gshegs pa gling bzhi pa'i 'jig rten gyi khams rdul shin tu phra ba snyed dang / stong dang / stong gnyis pa dang / stong gsum gyi stong chen po'i 'jig rten gyi khams na sangs rgyas kyi zhing gi rdul shin tu phra ba snyed kyang mthong ngo / /de bzhin gshegs pa sangs rgyas kyi zhing bcu'i rdul shin tu phra ba snyed kyang mthong ngo / /de bzhin gshegs pa sangs rgyas kyi zhing brgya'i rdul shin tu phra ba snyed dang / sangs rgyas kyi zhing stong gi rdul shin tu phra ba snyed dang / sangs rgyas kyi zhing brgya phrag stong gi rdul shin tu phra ba snyed dang / sangs rgyas kyi zhing bye ba'i rdul shin tu phra ba snyed dang / sangs rgyas kyi zhing bye ba phrag brgya'i rdul shin tu phra ba snyed dang / sangs rgyas kyi zhing bye ba phrag stong gi rdul shin tu </font><hr>Ca98a<br><font size=+1>


@#/ /phra ba snyed dang / sangs rgyas kyi zhing bye ba brgya phrag stong gi rdul shin tu phra ba snyed dang / sangs rgyas kyi zhing bye ba khrag khrig brgya phrag stong gi rdul shin tu phra ba snyed nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed dag kyang mthong ste/ shar phyogs logs su ji lta ba de bzhin du/ lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang / bla'i phyogs kyi de bzhin gshegs pa gcig kyang mthong ba nas/ de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed dag kyang mthong ba'i bar du ste/ phyogs re rer rnam par bltas kyang de bzhin gshegs pa kha dog sna tshogs mnga' ba dang / dbyibs sna tshogs mnga' ba dang / rnam par 'phrul pa sna tshogs mnga' ba dang / khyu mchog gi mthu dang / rnam par rol pa sna tshogs mnga' ba dang / 'khor gyi dkyil 'khor gyi rgyan rnam pa sna tshogs mnga' ba dang / 'od zer gyi dra ba snang ba kha dog du ma can dang / kha dog mtha' yas pa rab tu 'gyed pa dang / sangs rgyas kyi zhing rnam par dag pa dang / pho brang dang rgyan sna tshogs mnga' ba </font><hr>Ca98b<br><font size=+1>


dang| sku tshe'i tshad rnam par dag pa sna tshogs mnga' ba dang / 'gro ba'i bsam pa ji lta ba bzhin du rnam par dmigs par mdzad pa dang / mngon par 'tshang rgya ba rnam par dag pa'i sgos rnam par 'phrul pa rnam pa sna tshogs mnga' ba dang / sangs rgyas kyi khyu mchog dang / seng ge'i nga ro rnam par sgrog pa mang po mthong ngo / /de ltar rigs kyi bu/ kho bos ni sgo kun nas dmigs pa thams cad rnam par rig pa la yang dag par gzhol ba'i sangs rgyas rjes su dran pa 'di thob par zad na/ byang chub sems dpa' ye shes kyi dkyil 'khor rnam par dag pa gang gis de bzhin gshegs pa thams cad kyi dkyil 'khor dang / sangs rgyas kyi zhing dang / pho brang rnam par dag pa'i rgyan mngon par mthong bas/ sangs rgyas rjes su dran pa'i sgo nas kun nas snang ba'i dkyil 'khor rab tu thob pa dang / bsam pa ji lta ba bzhin du rnam par dmigs par/ de bzhin gshegs pa mthong ba rnam par dag pas| sangs rgyas rjes su dran pa'i sgo 'gro ba thams cad du sgro btags pa rab tu thob pa dang / gang gis de bzhin gshegs pa'i stobs bcu tshad med pa'i rjes su 'brang bas/ sangs rgyas rjes su dran pa'i sgo stobs kyis sgro btags pa rab tu thob pa dang / gang gis chos mnyan pa'i rnam pas de bzhin gshegs pa thams cad kyi sgo'i sprin la blta bas/ sangs </font><hr>Ca99a<br><font size=+1>


@#/ /rgyas rjes su dran pa'i sgo chos kyis sgro btags pa rab tu thob pa dang / gang gis phyogs rgya mtsho thams cad kyi sangs rgyas mtsho tha mi dad pa la 'jug pas| sangs rgyas rjes su dran pa'i sgo phyogs rnam par snang ba'i snying po rab tu thob pa dang / gang gis de bzhin gshegs pa'i rnam par 'phrul pa dang / khyu mchog gi mthu phyung ba la rab tu phra bar dmigs shing 'jug pas/ sangs rgyas rjes su dran pa'i sgo phyogs thams cad du 'jug pa rab tu thob pa dang / bskal pa thams cad du de bzhin gshegs pa mthong zhing rnam par dmigs pa dang mi 'bral bas/ sangs rgyas rjes su dran pa'i sgo bskal par sgro btags pa rab tu thob pa dang / gang gis dus thams cad du de bzhin gshegs pa mthong zhing 'grogs pa dang mi 'bral bas/ sangs rgyas rjes su dran pa'i sgo dus su sgro btags pa rab tu thob pa dang / gang gis sangs rgyas kyi zhing thams cad nas mngon par 'phags shing / zil gyis mi non pa'i sangs rgyas kyi sku yongs su mthong zhing rnam par rig pas sangs rgyas rjes su dran pa'i sgo zhing du sgro btags pa rab tu thob pa dang / gang gis dus gsum gyi de bzhin gshegs pa'i dkyil 'khor rang gi sems dang bsam par yang dag par gzhol bas/ sangs rgyas rjes su dran pa'i sgo dus gsum </font><hr>Ca99b<br><font size=+1>


du sgro btags pa rab tu thob pa dang / gang gis dmigs pa thams cad la de bzhin gshegs pa gcig nas gcig tu brgyud pa yang dag par tshogs pa mthong zhing dmigs pas/ sangs rgyas rjes su dran pa'i sgo dmigs par sgro btags pa rab tu thob pa dang / gang gis skad cig gcig la 'jig rten gyi khams thams cad du de bzhin gshegs pa thams cad yongs su mya ngan las 'da' ba rnam par dmigs pas sangs rgyas rjes su dran pa'i sgo zhi bas sgro btags pa rab tu thob pa dang / gang gis nyin gcig tu gnas thams cad du de bzhin gshegs pa thams cad gshegs par rnam par dmigs pas/ sangs rgyas rjes su dran pa'i sgo 'bral bas sgro btags pa rab tu thob pa dang / gang gis de bzhin gshegs pa re re skyil mo krung du bzhugs pas kyang / chos kyi dbyings thams cad du rgyas par khyab ba'i sangs rgyas kyi sku rnam par dmigs pas/ sangs rgyas rjes su dran pa'i sgo shin tu yangs pas sgro btags pa rab tu thob pa dang / gang gis skra'i rtse mo gcig la sangs rgyas brjod du med pa byung ba mnyes par bya ba la 'jug pas/ sangs rgyas rjes su dran pa'i sgo shin tu phra bas sgro btags pa rab tu thob pa dang / skad cig gcig la 'jig rten gyi khams thams cad du mngon par 'tshang rgya zhing rnam par 'phrul pa ston pa rnam par dmigs pas/ gang gis sangs rgyas rjes su dran pa'i sgo </font><hr>Ca100a<br><font size=+1>


@#/ /rgyan du sgro btags pa rab tu thob pa dang / sangs rgyas byung ba thams cad kyi chos kyi 'khor lo dang / rnam par 'phrul pa dang / ye shes snang ba rab tu thob pas/ gang gis sangs rgyas rjes su dran pa'i sgo bgos par sgro btags pa rab tu thob pa dang / rang gis sems dang bsam pa la bltas nas/ de bzhin gshegs pa thams cad rab tu snang ba thob pas/ sangs rgyas rjes su dran pa'i sgo sems kyis sgro btags pa rab tu thob pa dang / 'gro ba thams cad kyi las rnam pa ji lta bur bsags pa'i gzugs brnyan yongs su ston pas gang gis sangs rgyas rjes su dran pa'i sgo las kyis sgro btags pa rab tu thob pa dang / chos kyi dbyings ma lus pa thams cad pad+mo'i tshal gyis rgyas par sangs rgyas rnam par 'phrul pa rgya chen po ston pa/ phyogs kun tu mngon sum du dmigs pas gang gis sangs rgyas rjes su dran pa'i sgo rnam par 'phrul pas sgro btags pa rab tu thob pa dang / de bzhin gshegs pa'i sku gzugs brnyan gyi sprin dbyangs sgrog pas chos kyi dbyings dang nam mkha' kun nas snang ba/ gang gis sangs rgyas rjes su dran pa'i sgo nam mkha' sgro btags pa rab tu thob pa de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid </font><hr>Ca100b<br><font size=+1>


na| phyogs kyi ljongs rgya mtsho'i sgo zhes bya ba yod pa de na/ dge slong rgya mtsho'i sprin ces bya ba 'dug gi de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig dang / rigs kyi bu/ dge ba'i bshes gnyen de khyod la/ dge ba'i rtsa ba'i tshogs dang / rgyu yongs su ston par 'gyur ro| |tshogs kyis rgya chen po yang khong du chud par byed do/ /dge ba'i rtsa ba'i stobs dang / shugs rgya chen po yang yongs su skyed par byed do/ /byang chub kyi sems kyi tshogs dang / rgyu rgya chen po yang yongs su brjod par 'gyur ro/ /theg pa chen po rab tu 'thob pa dang / snang bar 'gyur ba'i rgyu rgya chen po yang skyed par byed do/ /pha rol tu phyin pa'i tshogs kyi stobs rgya chen po yang rab tu ston par byed do/ /spyod pa rgya mtsho la 'jug pa'i tshul rgya chen po yang rab tu brjod par 'gyur ro/ /smon lam gyi dkyil 'khor rgya chen po yang yongs su sbyong bar 'gyur ro/ /sgo kun nas 'byung ba'i rgyan rgya chen po yang rnam par sbyong bar 'gyur ro/ /snying rje chen po'i stobs rgya chen po yang yongs su 'phel bar byed do/ /de nas tshong dpon gyi bu nor bzang gis dge slong sprin gyi dpal gyi rkang pa gnyis la spyi bos phyag 'tshal nas/ dge slong sprin gyi dpal la lan brgya stong du mar g.yas phyogs su bskor ba byas te/ lan </font><hr>Ca101a<br><font size=+1>


@#/ /brgya stong du mar phyir bltas nas/ dge slong sprin gyi dpal gyi drung nas song ngo // //bam po dgu bcu tham pa/ de nas tshong dpon gyi bu nor bzang dge ba'i bshes gnyen gyi gdams ngag de rjes su bsam pa dang / ye shes snang ba de rjes su dran par bya ba dang / byang chub sems dpa'i rnam par thar pa de rnam par dpyad pa dang / byang chub sems dpa'i ting nge 'dzin gyi tshul de rjes su sbyang ba dang / byang chub sems dpa' rgya mtsho'i tshul de blta ba dang / sangs rgyas kyi dkyil 'khor de la mngon par mos par bya ba dang / sangs rgyas kyi blta ba'i phyogs de la mngon par spro bar bya ba dang / sangs rgyas rgya mtsho de la rjes su bsam pa dang / sangs rgyas gcig nas gcig tu brgyud pa de rjes su dran par bya ba dang / sangs rgyas kyi tshul rtogs par bya ba de khong du chud par bya ba dang / sangs rgyas kyi nam mkha' de la rjes su blta bar bya ba byed cing mthar gyis phyogs kyi ljongs rgya mtsho'i sgo gang na ba dang / dge slong rgya mtsho'i sprin gang na ba der phyin nas/ dge slong rgya mtsho'i sprin gyi rkang pa gnyis la spyi bos phyag 'tshal te/ dge slong rgya mtsho'i sprin la lan brgya stong du mar g.yas phyogs su bskor ba byas nas/ dge slong rgya mtsho'i sprin gyi mdun du 'dug ste/ tham mo sbyar </font><hr>Ca101b<br><font size=+1>


nas 'di skad ces smras so/ /'phags pa/ bdag ni bla na med pa yang dag par rdzogs pa'i byang chub tu mngon par zhugs te/ bla na med pa'i ye shes rgya mtsho la 'jug par 'tshal na/ ji ltar byang chub sems dpa' rnams 'jig rten gyi rgyud las phyir ldog cing / de bzhin gshegs pa'i rigs su 'grub par 'gyur ba dang / 'khor ba'i rgya mtsho las brgal zhing / thams cad mkhyen pa'i rgya mtshor 'jug par 'gyur ba dang / byis pa so so'i skye bo'i sa las gyen du 'phags par 'gyur zhing / de bzhin gshegs pa'i rigs su 'grub par 'gyur ba dang / 'khor ba'i rgyud las ldog par 'gyur zhing / byang chub sems dpa'i spyod pa'i rgyud du 'jug par 'gyur ba dang / 'khor ba'i rgya mtsho'i rgyud kyi 'khor lo las phyir ldog cing / byang chub sems dpa'i spyod pa dang / smon lam gyi 'khor lor 'jug par 'gyur ba dang / bdud kyi dkyil 'khor thams cad rab tu 'joms shing / sangs rgyas kyi dkyil 'khor 'byung ba thams cad rab tu ston pa dang / srid pa'i rgya mtsho yongs su skems shin snying rje chen po'i mtsho rnam par 'phel bar byed pa dang / mi khom pa dang / ngan song dang / ngan 'gro dang / log par ltung ba thams cad kyi sgo gcod cing mtho ris dang mya ngan las 'das pa'i </font><hr>Ca102a<br><font size=+1>


@#/ /sgo 'byed pa dang / khams gsum gyi grong khyer gyi sgo rnam par gcod cing / thams cad mkhyen pa nyid kyi pho brang gi sgo rnam par 'byed pa dang / yo byad thams cad kyi sred pa rnam par spong zhing 'gro ba thams cad bsdu ba'i smon lam yongs su bskyed par 'gyur ba ma 'tshal to/ /de skad ces smras pa dang / dge slong rgya mtsho'i sprin gyis| tshong dpon gyi bu nor bzang la 'di skad ces smras so/ /rigs kyi bu/ khyod kyis de ltar bla na med pa yang dag par rdzogs pa'i byang chub tu sems bskyed pa legs so/ /legs so| |rigs kyi bu/ dge ba'i rtsa ba ma bskyed pa'i sems can rnams ni/ byang chub tu sems kyang mi skye'o/ /dge ba'i rtsa ba sgo kun tu snang ba rab tu thob dang / thabs kyi snying po dang ldan pa'i lam gyi ting nge 'dzin gyi ye shes snang bas rab tu snang bar 'gyur ba dang / bsod nams rgya mtsho'i tshogs rgya chen po bsags pa dang / dkar po'i tshogs thams cad kyi rgyun mi 'chad pa dang / dge ba'i bshes gnyen thams cad bkur bas yongs su skyo ba med pa dang / lus dang srog la phangs par mi rtsi ba dang / dngos por 'dzin pa thams cad dang bral ba dang / mthon dman med pa'i sa ltar sems mnyam pa dang / rang bzhin gyis snying rje che zhing byams par sems pa dang ldan pa dang / srid pa'i </font><hr>Ca102b<br><font size=+1>


lam gyi rgyud thams cad du gnas par 'dug pa dang / de bzhin gshegs pa'i yul la mngon par mos pa'i sems can rnams byang chub tu sems skye ste/ 'di ltar sems can thams cad yongs su bskyab pa'i phyir snying rje chen po'i sems dang / 'gro ba thams cad la snyoms par nan tan du bya ba'i phyir byams pa chen po'i sems dang / 'gro ba thams cad kyi sdug bsngal kyi phung po zhi bar bya ba'i phyir bde ba'i sems dang / mi dge ba'i chos thams cad las rnam par bzlog pa'i phyir phan pa'i sems dang / 'jigs pa thams cad las yongs su bsrung ba'i phyir snying brtse ba'i sems dang / sgrib pa thams cad rnam par bzlog pa'i phyir chags pa med pa'i sems dang / chos kyi dbyings thams cad rgyas par dgang ba'i phyir rgya chen po'i sems dang / nam mkha'i dbyings kun tu gzhol zhing kun tu 'gro bar bya ba'i phyir mtha' yas pa'i sems dang / de bzhin gshegs pa thams cad mthong zhing rnam par dmigs par bya ba'i phyir dri ma med pa'i sems dang / dus gsum gyi dmigs pa ma lus par ye shes kyis rgyas par dgang ba'i phyir rnam par dag pa'i sems dang / thams cad mkhyen pa'i ye shes rgya mtsho la 'jug par bya ba'i phyir ye shes kyi sems kyang skye bar 'gyur ro/ /rigs kyi bu/ kho bos ni phyogs kyi ljongs rgya mtsho'i </font><hr>Ca103a<br><font size=+1>


@#/ /sgo 'dir lo bcu gnyis su rgya mtsho chen po 'di la dmigs te/ mngon du byas nas 'di ltar rgya mtsho rgya che zhing tshad med pa rjes su bsam pa dang / dri ma med cing dang ba dang / zab cing gting dpag dka' ba dang / bags kyis gzhol zhing legs par gnas pa dang / rin po che'i 'byung gnas du mas rnam par brgyan pa dang / chu'i phung po tshad med pa dang / kha dog rnam pa tha dad pa mang zhing bsam gyis mi khyab pa dang / 'byung po mtha' yas pa'i gnas su gyur pa dang / srog chags mang po sna tshogs kyi rten du gyur pa dang / sprin chen po'i char yongs su 'dzin pa dang / gang zhing 'bri bar 'gyur ba med pa la rjes su sems pa byed cing gnas gnas te/ rigs kyi bu/ de la kho bos 'di snyam du bsams so/ /'jig rten gyi khams 'di na rgya mtsho chen po 'di bas kyang 'phags par rgya che la 'di bas kyang yangs shing / 'di bas kyang tshad med la 'di bas kyang ngo mtshar dang ldan pa la la zhig yod dam snyam ste/ de de ltar kho bos tshul bzhin du bsam pa yid la byed pa la brtson par gnas pa'i tshe/ rgya mtsho chen po'i 'og gi gzhi las pad+ma chen po nor bu rin po che in+d+ra nI la thub pa med cing rdo rje lta bur sra ba'i chu ba can/ nor bu rin po che bai DUR+Ya dam pa'i rgyan dang ldan pa/ 'dzam bu chu klung gi gser ltar dri ma med pa'i lo ma </font><hr>Ca103b<br><font size=+1>


rgya chen po can/ dus dang mthun pa'i tsan dan gyi snying po'i rgyan gyis brgyan pa/ rin po che asma gar b+ha'i ze ba can/ rgya mtsho tsam du yangs shing rgya che ba/ lha ma yin gyi dbang po brgya stong phrag bcus sdong po'i lhun nas bzung ba/ rin po che sna tshogs brgya phrag stong gi dra bas kun nas yog pa/ klu'i dbang po brgya stong phrag bcus spos chu'i char mngon par phab pa/ nam mkha' lding gi dbang po brgya stong phrag bcus dar dang rin po che'i lda ldi dang / sen mo do mang po mchus gzung zhing rab tu dbyangs pa/ mi'am ci'i dbang po brgya stong phrag bcus phan pa'i sems kyis kun nas blta ba/ lto 'phye chen po'i dbang po brgya stong phrag bcus 'khor nas mngon par 'dud pa/ srin po'i dbang po brgya stong phrag bcus lus btud cing mngon par mchod pa/ dri za'i dbang po brgya stong phrag bcus rol mo dang glu sna tshogs snyan pas bstod cing mchod pa/ lha'i dbang po brgya stong phrag bcus lha rdzas kyi me tog dang / spos dang / phreng ba dang / bdug spos dang / byug pa dang / phye ma dang / gos dang / gdugs dang / rgyal mtshan dang / lha'i ba dan gyi sprin gyi char mngon par phab pa/ tshangs pa'i dbang po brgya stong phrag bcus spyi bos gtugs te phyag 'tshal zhing mchod pa/ gnas gtsang ma'i ris kyi lha brgya stong phrag bcus thal mo sbyar cing phyag bya ba/ mi'i dbang po 'khor los bsgyur ba brgya </font><hr>Ca104a<br><font size=+1>


@#/ /stong phrag bcus rin po che sna bdun gyis bsu zhing mngon par mchod pa/ rgya mtsho'i lha brgya stong phrag bcus mngon par 'thon cing phyag bya ba/ nor bu rin po che skar ma'i ngad brgya stong phrag bcu'i 'od zer gyi rgyan gyis rab tu snang bar byas pa/ nor bu rin po che bsod nams kyis dag pa brgya stong phrag bcus mkhos su phebs par 'phel bas rab tu brgyan pa/ nor bu rin po che rnam par snang ba brgya stong phrag bcus snying po rab tu gsal bar byas pa/ nor bu rin po che dpal gyi snying po brgya stong phrag bcus dpal chen po shin tu 'bar bar gyur pa/ nor bu rin po che mdzod sna tshogs brgya stong phrag bcus mtha' yas par snang bar byas pa/ nor bu rin po che 'dzam bu'i chu klung brgya stong phrag bcus yongs su ston par gnas pas rab tu brgyan pa/ nor bu rin po che rdo rje'i seng ge brgya stong phrag bcus thub pa med par brgyan pa/ nor bu rin po che nyi ma'i snying po brgya stong phrag bcus rgya cher gsal ba bsgrubs pa/ nor bu rin po che 'bar ba brgya stong phrag bcus kha dog sna tshogs su brgyan pa/ nor bu rin po che yid bzhin gyi rgyal po brgya stong phrag bcus mi zad pa'i rgyan dang / 'od 'bar bar byas pa byung ste/ pad+mo chen po de ni/ de bzhin gshegs pa'i 'jig rten las 'das </font><hr>Ca104b<br><font size=+1>


ba'i dge ba'i rtsa ba las byung ba'o/ /byang chub sems dpa'i bsam pas yongs su brtan pa'o/ /phyogs thams cad du mngon par dmigs su yod pa'o/ /sgyu ma'i rnam pa'i chos kyis byung ba'o/ /rjen pa'i dri ma med pa'i las kyis byung ba'o/ /nyon mongs pa med pa'i chos kyi tshul gyis brgyan pa'o/ /rmi lam lta bu'i chos nyid kyis yongs su byung ba'o/ /mngon par 'du bya ba med pa'i chos kyi tshul gyis rgyas btab pa'o/ /chags pa med pa'i chos kyi tshul dang ldan pa'o/ /phyogs kyi khams kun tu chos kyi dbyings rgyas par 'gengs pa'o/ / sangs rgyas kyi yul brjod pa dang mthun pa ste/ de'i rnam pa dang / yon tan dang / dbyibs dang / kha dog dang / rgyan gyi mthar phyin par ni/ bskal pa brgya stong grangs med par yang khong du chud par mi nus te/ pad+mo chen po de yang de bzhin gshegs pa'i sku skyil mo krung du bzhugs pas khyab cing / yongs su rgyas par mthong ngo / /de bzhin gshegs pa sku de yang 'di nas bzung ba nas/ srid pa'i rtse mo'i bar gyi mthas klas par mthong ngo / /de bzhin gshegs pa de'i gdan gyi rgyan bsam gyis mi khyab pa'ang mthong ngo / /'khor gyi dkyil 'khor gyi rgyan bsam gyis mi khyab pa dang / 'od kyi dkyil 'khor gyi rgyan bsam gyis mi khyab pa dang / mtshan phun sum tshogs pa bsam gyis mi khyab pa dang / dpe byad bzang </font><hr>Ca105a<br><font size=+1>


@#/ /bzang po sna tshogs bsam gyis mi khyab pa dang / sangs rgyas kyi khyu mchog gi mthu dang / sangs rgyas kyi rnam par 'phrul ba bsam gyis mi khyab pa dang / de bzhin gshegs pa'i sku mdog rnam par dag pa bsam gyis mi khyab pa dang / spyi gtsug ltar mi mthong ba bsam gyis mi khyab pa dang / ljags yangs pa bsam gyis mi khyab pa yang mthong ngo / /sangs rgyas kyi gsung gi rgyan bsam gyis mi khyab pa dang / dbyangs kyi dkyil 'khor bsam gyis mi khyab pa yang thos so/ /stobs tshad med pa bsam gyis mi khyab pa dang / mi bsnyems pa'i rgyan rnam par dag pa bsam gyis mi khyab pa dang / tha dad pa yang dag par mkhyen pa'i stobs mngon par bsgrub pa bsam gyis mi khyab pa yang rjes su shes so/ /sngon byang chub sems dpa'i spyod pa yang dag par bsgrub pa bsam gyis mi khyab pa yang rjes su dran no/ /mngon par rdzogs par byang chub pa'i rnam par 'phrul pa bsam gyis mi khyab pa yang mthong ngo / /chos kyi sprin gyi 'brug sgra mngon par bsgrags pa bsam gyis mi khyab pa dang / yongs su bstan pa rnam par dmigs pa'i gnas dang / rgyan bsam gyis mi khyab pa yang thos so/ /g.yas g.yon gyi sku'i rnam par tshad med pa bsam gyis mi khyab pa dang / sems can gyi don dang / dgos pa bsam gyis mi khyab pa </font><hr>Ca105b<br><font size=+1>


yongs su grub par gyur pa yang mthong ngo / /de bzhin gshegs pa des kyang phyag g.yas pa brkyang zhing / kho bo'i mgo la byugs nas/ chos kyi rnam grangs kun nas mig ces bya ba/ de bzhin gshegs pa thams cad kyi yul byang chub sems dpa'i spyod pa rab tu brjod pa/ chos kyi dbyings kyi gzhi dang / rnam pa tha dad pa thams cad rab tu snang ba/ chos thams cad kyi dkyil 'khor la yang dag par gzhol zhing snang bar byed pa/ zhing gi dkyil 'khor dang / rnam pa thams cad rnam par dag pas yongs su snang ba/ phas kyi rgol ba'i dkyil 'khor thams cad rnam par 'thor ba/ bdud kyi dkrugs ma'i dkyil 'khor thams cad rab tu 'joms pa/ sems can gyi khams thams cad shin tu tshim par byed pa/ sems can thams cad kyi sems kyi thibs po rab tu snang bar byed pa/ sems can thams cad kyi bsam pa ji lta ba bzhin du rnam par dmigs pa/ sems can thams cad kyi dbang po'i 'khor lo'i rgyud dang mthu snang bar byed pa yang dag par bstan te/ kho bos kyang kun nas mig gi chos kyi rnam grangs de blangs so/ /bzung ngo / /spel to/ /bsams so/ /de ltar bzung ba de la yang bri na ni snag tsha rgya mtsho chen po'i chu'i phung po tsam dang / smyu gu'i phung po ri rab ri'i rgyal po tsam zad par gyur kyang chos kyi rnam grangs de las le'u re re dang / sgo re re dang / chos kyi tshul re re dang / chos kyi tshig </font><hr>Ca106a<br><font size=+1>


@#/ /rnam par phye ba re re las kyang zad pa'am/ 'grib pa'am/ 'byang ba'am/ mthar thug pa'am/ mtha' zad par 'gyur ba dmigs par mi rung ngo / / rigs kyi bu/ de ltar bdag gis lo bcu gnyis tshang bar chos kyi rnam grangs kun nas mig ces bya ba 'di la nyi ma gcig cing yang thos pa 'dzin pa'i gzungs kyi 'od snang bas le'u grangs med pa zhig khong du chud do/ /zhi ba'i sgo'i gzungs kyi 'od snang bas le'u grangs med pa zhig la zhugs so/ /glong mtha' yas pa'i gzungs kyi 'od snang bas le'u grangs med pa zhig la yang dag par 'jug go /sa la rnam par dpyod cing rjes su rtogs par byed pa'i gzungs kyi 'od snang bas le'u grangs med pa zhig rnam par bsgom ste rnam par dbye ba byas so| |gzi brjid dang ldan pa'i gzungs kyi 'od snang bas le'u grangs med pa zhig yongs su blangs so/ /pad+mo'i rgyan gyi gzungs kyi 'od snang bas le'u grangs med pa zhig mngon par bsgrubs so/ /dbyangs kyi tshul gyi gzungs kyi snang bas le'u grangs med pa zhig yang dag par bshad do/ /nam mkha'i snying po'i gzungs kyi 'od snang bas le'u grangs med pa zhig rab tu phye'o/ /skar ma brtsegs pa'i gzungs kyi 'od snang bas le'u grangs med pa zhig shin tu rgyas par byas so/ /rgya mtsho'i snying po'i gzungs kyi 'od </font><hr>Ca106b<br><font size=+1>


snang bas le'u grangs med pa zhig yongs su bkod do/ /kho bo'i drung du shar phyogs logs nas/ lha dang lha'i dbang po'am/ klu dang klu'i dbang po'am/ gnod sbyin dang gnod sbyin gyi dbang po'am/ dri za dang dri za'i dbang po'am/ lha ma yin dang lha ma yin gyi dbang po'am/ nam mkha' lding dang nam mkha' lding gi dbang po'am/ mi'am ci dang mi'am ci'i dbang po'am/ lto 'phye chen po dang lto 'phye chen po'i dbang po'am/ mi dang mi'i dbang po'am/ tshangs pa'am tshangs pa'i dbang po'am/ sems can gang su 'ongs kyang rung ste/ de dag thams cad de bzhin gshegs pa dang / byang chub sems dpa'i spyod pa snang ba'i chos kyi rnam grangs kun nas mig ces bya ba 'di nyid la rab tu bkod cing btsud do/ /de dag kun kyang kun nas mig gi chos kyi rnam grangs 'di nyid la mos par byas so/ /rtog tu btsud do/ /yongs su bstan to/ /yang dag par brjod do/ /yongs su gsal bar byas so/ /rnam par phye'o| |rgyas par byas so/ /mngon par bstan to/ /rnam par bkrol lo/ /rab tu phye'o/ /shin tu snang bar byas so/ /de ltar shar phyogs la ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang / bla'i </font><hr>Ca107a<br><font size=+1>


@#/ /phyogs nas sems can gang su 'ongs kyang rung ste/ kun la yang snga ma bzhin no/ /rigs kyi bu/ de ltar kho bos ni chos kyi rnam grangs gcig cig shes par zad na/ byang chub sems dpa' smon lam yongs su dag pa dang ldan pas/ byang chub sems dpa'i spyod pa rgya mtsho thams cad la zhugs pa dang / bskal pa thams cad du gnas pa rgyun mi gcad pa'i phyir smon lam rgya mtsho thams cad la zhugs pa dang / bsam pa ji lta ba bzhin du rjes su 'brang bar bya ba'i phyir sems can rgya mtsho thams cad la zhugs pa dang / stobs bcu'i ye shes chags pa med pa'i snang ba yongs su bskyed pa'i phyir 'gro ba thams cad kyi sems rgya mtsho la zhugs pa dang / yongs su smin par bya ba dang gdul ba'i dus las mi 'da' bar bya ba'i phyir sems can thams cad kyi dbang po rgya mtsho la zhugs pa dang / zhing thams cad rnam par dag par bya ba'i smon lam mngon par bsgrubs pas zhing rgya mtsho thams cad la zhugs pa dang / de bzhin gshegs pa la mchod cing rim gro byed pa'i stobs kyis sangs rgyas rgya mtsho thams cad la zhugs pa dang / ye shes rnam par rig pas chos rgya mtsho thams cad la zhugs pa dang / nan tan dang ldan pas yon tan rgya mtsho thams cad la zhugs pa dang / brjod pa thams cad du chos kyi 'khor lo bskor </font><hr>Ca107b<br><font size=+1>


ba mngon par bsgrub pa'i phyir 'gro ba'i skad rgya mtsho thams cad la zhugs pa rnams kyi spyod pa shes pa'am/ yon tan brjod par nus re skan/ song / rigs kyi bu/ 'di nas dpag tshad drug cu 'das pa'i lho phyogs kyi gnas 'di nyid na/ lang+ka'i gnas rgya mtsho'i dogs zhes bya ba yod de/ de na dge slong shin tu brtan pa zhes bya ba 'dug gi /de'i gan du song la ji ltar byang chub sems dpa' byang chub sems dpa'i spyod pa yongs su sbyang bar bya ba dris shig /de nas tshong dpon gyi bu nor bzang gis/ dge slong rgya mtsho'i sprin gyi rkang pa gnyis la spyi bos phyag 'tshal te/ dge slong rgya mtsho'i sprin la lan brgya stong du mar g.yas phyogs su bskor ba byas nas yang dang yang bltas te/ dge slong rgya mtsho'i sprin gyi drung nas song ngo / /de nas tshong dpon gyi bu nor bzang dge ba'i bshes gnyen gyi gdams ngag de dang / kun nas mig gi chos kyi rnam grangs de yang rjes su dran par byed cing / de bzhin gshegs pa'i rnam par 'phrul pa de yang rjes su bsam pa dang / chos kyi tshig dang yi ge'i sprin de dag kyang yongs su gzung ba dang / chos kyi sgo rgya mtsho'i tshul de dag la'ang 'jug par bya ba dang / chos kyi tshul de la'ang rjes su rnam par blta ba dang / chos kyi le'u dang / glong gi tshul de dag la 'jug par bya ba dang / chos kyi nam mkha' de la </font><hr>Ca108a<br><font size=+1>


@#/ /yang dag par gzhol bar bya ba dang / chos kyi dkyil 'khor de yang rjes su sbyar bar bya ba dang / chos rin po che'i gling de yang rjes su sems shing mthar gyis lang+ka'i gnas rgya mtsho'i ngogs zhes bya ba gang na ba der phyin nas/ dge slong shin tu brtan pa mthong bar dga' zhing shar phyogs su bltas so/ /de bzhin du lho phyogs dang| nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang| bla dang / 'og tu yang dge slong shin tu brtan pa mthong bar dga' ste kun tu bltas pa dang / des dge slong shin tu brtan pa nam mkha'i dbyings la lha brgya stong grangs med pas yongs su bskor cing phan tshun du 'chag pa mthong ngo / /nam mkha'i dbyings de yang lha'i dbang po rnams kyis/ dge slong shin tu brtan pa la mchod pa'i las su bya ba'i phyir lha rdzas kyi me tog sil ma'i sprin gyis yog pa dang / lha rdzas kyi rol mo'i sprin gyi sgra dang / dar gyi ba dan grangs med pa'i rgyan gyis brgyan par mthong ngo / /klu'i dbang po rnams kyis nam mkha' de la/ a ka ru nag po'i spos mngon par 'thul ba'i sprin shin tu mtho ba las 'brug sgra bsam gyis mi khyab pa 'byung bar byas pa mthong ngo / /mi'am </font><hr>Ca108b<br><font size=+1>


ci'i dbang po rnams kyis nam mkha'i de la lha rdzas kyi ngag snyan pa'i rgyud kyis bstod pa'i rol mo brdung ba dang / dkrol ba dang / glur blang ba'i dbyangs thams cad sbyar cing blangs ba thos par gyur to/ /lto 'phye chen po'i dbang po rnams kyis nam mkha' de la gos shin tu phra zhing mdog bzang pa'i sprin bsam gyis mi khyab pa dag yid dga' bas bkye ste/ dge slong shin tu brtan pa la dad cing mos pa'i gzugs su phyung ba mthong ngo / /lha ma yin gyi dbang po rnams kyis kyang nam mkha' de la/ nor bu rin po che'i sprin bsam gyis mi khyab pa byin gyis brlabs te/ yon tan bsam gyis mi khyab pa'i rgyan snang ba dang ldan par byas pa mthong ngo / /nam mkha' lding gi dbang po mang po yang mi'i gzugs dang / kha dog dang / dbyibs su 'khod cing / nam mkha' lding gi dbang po'i bu mos kun nas bskor te gsod pa med la dga' zhing thal mo sbyar te gnas pa bsam gyis mi khyab pa mthong ngo / /gnod sbyin gyi dbang po brgya stong 'khor dang bcas pa bsam gyis mi khyab pa dag kyang nam mkha' de la shin tu mi sdug pa'i gzugs su/ dge slong shin tu brtan pa la byams pa'i mthu dang ldan par 'khor ba mthong ngo / /srin po'i dbang po brgya stong 'khor dang bcas pa bsam gyis mi khyab pa dag kyang / nam mkha' de la dge slong shin tu brtan pa yongs su srung ba byed cing </font><hr>Ca109a<br><font size=+1>


@#/ /kun tu rgyu ba mthong ngo / /tshangs pa'i dbang po brgya stong bsam gyis mi khyab pa dag kyang nam mkha' de la thal mo sbyar cing dga' ba dang yid du 'ong ba'i tshig gi rgyud kyis bstod pa rab tu brjod pa mthong ngo / /gnas gtsang ma'i lha brgya stong bsam gyis mi khyab pa dag kyang nam mkha' de la dge slong shin tu brtan pa la mchod pa'i las su bya ba'i phyir/ thal mo sbyar cing gzhal med khang na gnas pa mthong ngo / /de nas tshong dpon gyi bu nor bzang gis dge slong shin tu brtan pa de ltar nam mkha'i dbyings la 'chag cing 'dug pa mthong nas dga' rangs te mgu zhing nyams bde la tshim zhing yid bde ba skyes nas/ dge slong shin tu brtan pa la thal mo sbyar te/ phyag 'tshal nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed nas/ ji ltar byang chub sems dpas sangs rgyas kyi chos btsal bar bgyi ba dang / ji ltar byang chub sems dpas sangs rgyas kyi chos yongs su bsgrub par bgyi ba dang / ji ltar byang chub sems dpas sangs rgyas kyi chos yongs su bsdu bar bgyi ba dang / ji ltar byang chub sems dpas sangs rgyas kyi chos bstan par bgyi ba dang / ji ltar byang chub sems dpas sangs rgyas kyi chos bsgom par bgyi ba dang / </font><hr>Ca109b<br><font size=+1>


ji ltar byang chub sems dpas sangs rgyas kyi chos kyi rjes su 'brang bar bgyi ba dang / ji ltar byang chub sems dpas sangs rgyas kyi chos yongs su brtul bar bgyi ba dang / ji ltar byang chub sems dpas sangs rgyas kyi chos yongs su bsgom par bgyi ba dang / ji ltar byang chub sems dpas sangs rgyas kyi chos rnam par dag par bgyi ba dang / ji ltar byang chub sems dpas sangs rgyas kyi chos yongs su sbyang bar bgyi ba dang / ji ltar byang chub sems dpas sangs rgyas kyi chos khong du chud par bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na/ 'phags pa/ ji ltar byang chub sems dpas sangs rgyas kyi chos la nan tan du bgyi/ ji ltar nan tan du bgyis na yang dag pa ji lta ba bzhin dang / skol bar mi 'gyur ba'i slad du sangs rgyas mthong ba dang mi 'bral ba dang / byang chub sems dpa' thams cad kyi dge ba'i rtsa ba dang tshul gcig tu 'gyur ba'i slad du byang chub sems dpa' mthong ba dang mi 'bral ba dang / ye shes rtogs par 'gyur ba'i slad du sangs rgyas kyi chos dang mi 'bral ba dang / byang chub sems dpa' thams cad kyi don yongs su thob par bgyi ba'i slad du byang chub sems dpa'i smon lam thams cad dang mi 'bral ba </font><hr>Ca110a<br><font size=+1>


@#/ /dang| bskal pa thams cad du gnas pas yongs su mi skyo bar bgyi ba'i slad du byang chub sems dpa'i spyod pa dang mi 'bral ba dang / 'jig rten gyi khams thams cad yongs su dag par bgyi ba'i slad du sangs rgyas kyi zhing thams cad rgyas par dgang ba dang mi 'bral ba dang / de bzhin gshegs pa thams cad kyi rnam par 'phrul pa thams cad rnam par dmigs par bgyi ba'i slad du sangs rgyas kyi rnam par 'phrul pa mthong ba dang mi 'bral ba dang / byang chub sems dpa'i spyod pa sprul pa lta bus srid pa'i rgyud thams cad du skye zhing shi 'pho ba'i skye mched rang gi lus kyis nyams su myong bar bgyi ba'i slad du 'dus byas kyi gnas dang mi 'bral ba dang / de bzhin gshegs pa thams cad kyi chos kyi sprin yongs su gzung ba'i slad du chos mnyan pa dang mi 'bral ba dang / dus gsum gyi ye shes khong du chud cing rjes su 'brang bar bgyi ba'i slad du ye shes snang ba dang mi 'bral bar 'gyur ba de bdag la bstan du gsol/ de skad ces smras pa dang / dge slong shin tu brtan pas/ tshong dpon gyi bu nor bzang la 'di skad ces smras so/ /de ltar khyod kyis bla na med pa yang dag par rdzogs pa'i byang chub tu sems bskyed de/ sangs rgyas kyi chos dang / thams cad mkhyen pa'i chos </font><hr>Ca110b<br><font size=+1>


dang| rang byung gi chos 'dri ba legs so/ /legs so/ /rigs kyi bu/ kho bos ni byang chub sems dpa'i rnam par thar pa thogs pa med pa'i sgo thob pa ste/ rigs kyi bu/ byang chub sems dpa'i rnam par thar pa thogs pa med pa'i sgo de kho bos blangs te/ yongs su bzung nas rjes su 'brang zhing rnam par dbye ba dang / rnam par dpyad pa dang / rnam par brtag pa dang| snang bar bya ba dang / rab tu snang bar byas pas thogs pa med pa'i mtha' zhes bya ba'i ye shes snang ba thob bo/ /de thob pas kho bos ni sems can thams cad kyi sems dang / spyod pa khong du chud par bya ba la thogs pa med do/ /sems can thams cad kyi skye ba dang / 'chi 'pho yongs su shes par bya ba la thogs pa med do/ /sngon gyi gnas rjes su dran par bya pa'i sgor 'jug pa la thogs pa med do/ /phyi ma'i mtha'i bskal par 'gro ba thams cad dang 'grogs par bya ba la thogs pa med do/ /da ltar byung ba'i dus gyi 'gro ba thams cad rnam par rig par bya ba la thogs pa med do/ /sems can thams cad kyi sgra skad dang / kun rdzob yongs su shes par bya ba la thogs pa med do/ /sems can thams cad kyi the tshom gcad par bya ba la thogs pa med do/ /sems can thams cad kyi dbang po tha dad par khong du chud par bya ba la thogs pa med do/ /sems can thams cad yongs su smin par bya ba dang / </font><hr>Ca111a<br><font size=+1>


@#/ /gdul ba'i dus su 'gro bar bya ba la thogs pa med do/ /nyin mtshan dang / skad cig dang / yud tsam dang / thang cig dang / dus kyi ming du bya ba khong du chud par bya ba la thogs pa med do/ /dus gsum rgya mtsho'i rgyud du 'jug par bya ba la thogs pa med do/ /phyogs bcu'i sangs rgyas kyi zhing rang gi lus kyis rgyas par 'gengs par bya ba la thogs pa med do/ /de ni de ltar dngos po med pa la gnas shing mngon par 'du bya ba med pa'i rdzu 'phrul thob pa'i phyir te/ rigs kyi bu/ dngos po med pa la gnas shing / mngon par 'du bya ba med pa'i rdzu 'phrul de'i byin gyis kho bo nam mkha'i dbyings 'di las phan tshun du 'gro zhing 'dug pa dang / bsnyes pa dang / spyod lam sna tshogs su spyod do/ /mi snang bar byed do/ /snang bar 'byung ngo / /du ba 'thul bar byed do/ /me lce 'bar bar byed do/ /gcig tu byas shing mang por bsgyur ro/ /mang por byas shing gcig tu bsgyur ro/ /snang ba dang mi snang ba'ang nyams su myong bar byed do/ /rtsig pa la'ang thag thogs med pa dang / ra ba la'ang thag thogs med par 'gro ste/ dper na/ nam mkha' la bya ba bzhin no/ /nam mkha' la'ang skyil mo krung gis 'gro ste/ dper na/ 'dab chags bya bzhin no/ /sa la yang byi'u zul dang steng du 'byung ba byed de/ dper na/ chu la bya ba bzhin no/ /chu la yang 'bying ba med par 'gro ste/ dper na sa la </font><hr>Ca111b<br><font size=+1>


bya ba bzhan \ BZHIN?\ no/ /du ba 'thul ba dang / me lce 'bar bar byed de/ dper na/ me'i phung po chen po bzhin no/ /sa yang yongs su g.yos par byed do/ /nyi ma dang zla ba 'di gnyis de ltar rdzu 'phrul che zhing de ltar mthu che la/ de ltar gzi brjid che yang lag pas kun nas yongs su nyug go /tshangs pa'i 'jig rten gyi bar dag tu'ang lus kyis dbang bsgyur ro/ /'jig rten spos kyi dud pa na bun du chags pa'i sprin gyis kun nas khebs par byas shing rab tu 'bar bar byed do/ /rin po che thams cad kyi 'od zer gyi sprin gyi dra bas 'jig rten kun nas khebs par byas shing / 'gro ba thams cad dang 'dra ba'i sprul pa'i sprin rab tu 'gyed do/ /kha dog mtha' yas pa'i 'od kyi dra ba'i sprin rab tu bkye zhing / phyogs kun tu'ang 'gro ste/ 'di ltar shar phyogs su'ang 'gro'o/ /lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang| 'og dang / bla'i phyogs su'ang 'gro'o/ /sems kyi skad cig re re yang shar phyogs logs su 'jig rten gyi khams gcig kyang 'da'o/ /'jig rten gyi khams gnyis dang / bcu yang 'da'o| /'jig rten gyi khams brgya dang / 'jig rten gyi khams stong dang / 'jig rten gyi khams brgya phrag stong dang / 'jig rten gyi khams bye ba dang / 'jig rten gyi khams bye ba phrag brgya </font><hr>Ca112a<br><font size=+1>


@#/ /dang| 'jig rten gyi khams bye ba phrag stong dang / 'jig rten gyi khams bye ba brgya phrag stong dang / 'jig rten gyi khams bye ba khrag khrig brgya phrag stong dang / 'jig rten gyi khams tshad med pa dang / 'jig rten gyi khams dpag tu med pa dang / 'jig rten gyi khams grangs med pa dang / 'jig rten gyi khams bsam gyis mi khyab pa dang / 'jig rten gyi khams mtshungs pa med pa dang / 'jig rten gyi khams gzhal du med pa dang / 'jig rten gyi khams kun tu mtha' yas pa dang / 'jig rten gyi khams mu med pa dang / 'jig rten gyi khams sa mtshams med pa dang / 'jig rten gyi khams brjod du med pa'i yang brjod du med pa dag kyang 'da' bar byed de/ 'jig rten gyi khams de dag na/ sangs rgyas bcom ldan 'das ji snyed cig bzhugs shing 'tsho gzhes la/ 'jig rten gyi khams rgya mtsho de dang de dag dang / 'jig rten gyi khams 'byams klas pa de dang de dag dang / 'jig rten gyi khams kyi phyogs de dang de dag dang / 'jig rten gyi khams kyi rgyud de dang de dag dang / 'jig rten gyi khams yongs su 'du ba de dang de dag dang / 'jig rten gyi khams 'byung ba de dang de dag dang / 'jig rten gyi khams su bya ba de dang de dag dang / 'jig rten gyi khams kyi sgo de dang de dag dang / 'jig rten gyi khams kyi bskal par bya ba de dang de dag dang / 'jig rten gyi khams su 'jug pa de dang de dag dang / </font><hr>Ca112b<br><font size=+1>


'jig rten gyi khams kyi snying po byang chub rnam par bkod pa de dang de dag dang / 'jig rten gyi khams kyi 'khor gyi dkyil 'khor de dang de dag dang / sangs rgyas bcom ldan 'das ji snyed cig chos ston pa'i de bzhin gshegs pa de dag las/ de bzhin gshegs pa re re zhing yang sangs rgyas kyi zhing mtha' yas pa'i rdul shin tu phra ba snyed kyi lus sna tshogs dang / lus re re zhing yang sangs rgyas kyi zhing mtha' yas pa'i rdul shin tu phra ba snyed kyi mchod pa'i sprin gyi char 'bebs shing spyan sngar 'gro'o/ /de dag tu phyin nas kyang me tog thams cad dang / spos thams cad dang / phreng ba thams cad dang / phye ma thams cad dang / byug pa thams cad dang / na bza' thams cad dang / rgyal mtshan thams cad dang / lha'i ba dan thams cad dang / bla re thams cad dang / dra ba thams cad dang / gzugs thams cad kyi mchod pa rgyun ma chad par byed do/ /sangs rgyas bcom ldan 'das de dag gis gang ji snyed du gsungs pa dang / bstan pa dang / brjod pa dang / yang dag par bshad pa dang / yang dag par smos pa dang / yongs su brjod pa dang / man ngag tu gsungs pa dang / shin tu bstan pa dang / rab tu brjod pa de dag thams cad kyang shes shing 'dzin to/ /sangs rgyas bcom ldan 'das de dag gi sangs rgyas kyi zhing yongs su dag pa ji snyed pa de dag thams cad kyang rjes su dran no/ /shar phyogs su ji lta </font><hr>Ca113a<br><font size=+1>


@#/ /ba de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang| nub byang gi phyogs mtshams dang / 'og dang steng gi phyogs su yang 'jig rten gyi khams gcig kyang 'da'o/ /'jig rten gyi khams gnyis dang / bcu yang 'da'o/ /'jig rten gyi khams brgya nas 'jig rten gyi khams sangs rgyas kyi zhing brjod du med pa'i rdul shin tu phra ba snyed dag kyang 'da'o/ /'jig rten gyi khams de dag na/ sangs rgyas bcom ldan 'das ji snyed cig bzhugs shing 'tsho skyong la/ 'jig rten gyi khams mtsho de dang de dag dang / 'jig rten gyi khams rnam par dag pa de dang de dag nas/ 'jig rten gyi khams kyi 'khor gyi dkyil 'khor de dang de dag na chos ston pa de dag kun kyang mthong ngo| |de bzhin gshegs pa de dag la'ang me tog thams cad nas/ gzugs thams cad kyi bar gyis mchod pa byed do/ / sangs rgyas bcom ldan 'das de dag gis gang ji snyed du gsungs pa nas/ rab tu brjod pa'i bar de dag thams cad kyang yongs su shes shing 'dzin to/ /sangs rgyas bcom ldan 'das de dag gi sangs rgyas kyi zhing yongs su dag pa gang ji snyed pa de dag thams cad kyang rjes su dran no/ /sems can gang gis kho bo mthong bar gyur pa dag/ gang dang 'grogs par gyur pa de dag kun kyang / bla na med pa </font><hr>Ca113b<br><font size=+1>


yang dag par rdzogs pa'i byang chub tu nges par 'gyur ro/ /sems can phra mo'am/ rags pa'am/ ngan pa'am/ bzang ba'am/ bde ba'am/ mi bde ba gang ji snyed cig kho bos mthong bar gyur pa de dag kun la yang yongs su smin par bya ba dang / 'dul ba'i dus las mi 'da' bar bya ba'i phyir/ khong ta de dag gi lus kyi tshad dang mnyam par lus byin gyis rlob bo/ /sems can ji snyed cig kho bo'i drung du 'ongs pa de dag thams cad kyang / byang chub sems dpa'i rnam par thar pa kun tu 'gro ba 'di dang / byang chub sems dpa'i rnam par thar pa rnam par gnon pa don yod pa la rab tu gzhog go/ rigs kyi bu/ kho bos ni byang chub sems dpa'i rnam par thar pa thogs pa med pa'i sgo kun tu 'gro ba/ de bzhin gshegs pa'i mchod pa dang / rim gro rab tu sbyor ba/ sems can thams cad yongs su smin par bya ba dang mthun pa 'di shes par zad na kho bos byang chub sems dpa' snying rje chen po'i ngang tshul can/ theg pa chen po'i ngang tshul can/ byang chub sems dpa'i lam dang mi 'bral ba'i ngang tshul can/ thogs pa med pa'i ngang tshul can/ byang chub sems dpa'i bsam pa'i snying po chud mi gson pa'i ngang tshul can/ byang chub kyi sems yongs su mi gtong ba'i ngang tshul can| sangs rgyas kyi chos la lhag par dmigs pa'i ngang tshul can/ thams cad mkhyen pa yid la bya ba dang mi 'bral ba'i ngang tshul can/ nam mkha' dang mnyam pa'i ngang tshul can/ </font><hr>Ca114a<br><font size=+1>


@#/ /'jig rten thams cad la mi gnas pa'i ngang tshul can/ chud mi gson pa'i ngang tshul can/ mnyam pa'i ngang tshul can/ ma god pa'i ngang tshul can/ glags med pa'i ngang tshul can/ ma 'dres pa'i ngang tshul can/ rnyog pa med pa'i ngang tshul can/ 'gyod pa med pa'i ngang tshul can/ rnam par dag pa'i ngang tshul can| byang chub sems dpa' rdul dang bral ba de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid na/ dra byi la'i grong rdal rdo rje'i grong khyer ces bya ba yod de/ de na dra byi la sprin ces bya ba 'dug gi de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan tu bya ba dris shig /de nas tshong dpon gyi bu nor bzang gis dge slong shin tu brtan pa'i rkang pa gnyis la spyi bos phyag 'tshal nas/ lan brgya stong du mar g.yas phyogs su bskor ba byas te/ yang dang yang du bltas nas/ dge slong shin tu brtan pa'i drung nas song ngo / /de nas tshong dpon gyi bu nor bzang chos kyi dad pa'i shugs dang byin gyis non pa sangs rgyas yid la bya ba'i 'du shes dang ldan pa/ dkon mchog gsum gyi gdung mi gcad pa la rab tu brtson pa/ dus </font><hr>Ca114b<br><font size=+1>


gsum snang bas sems snang bar gyur pa smon lam chen po yid la byed pa dang ldan pa/ sems can gyi khams thams cad yongs su bskyab pa'i thabs la zhugs pa/ 'dus byas kyi dga' ba thams cad la mi gnas pa'i sems dang ldan pa/ chos thams cad kyi rang bzhin nges par rtogs par bya ba la brtson pa/ 'jig rten gyi khams thams cad yongs su sbyang ba'i smon lam las mi g.yo ba/ sangs rgyas thams cad kyi 'khor gyi dkyil 'khor na gnas pa med par gnas pa/ chos kyi snang ba rjes su dran par bya ba dang / dge ba'i gshegs gnyen rjes su dran par bya ba dang / 'dod chags dang bral ba'i rigs yongs su rjod par byed cing / mthar gyis dra byi la'i grong rdal rdo rje'i grong khyer du phyin nas/ dra byi la sprin yongs su tshol tshol ba las/ grong khyer gyi khams shig na chos bstan pa'i don du/ seng ge'i khri la 'dug cing / srog chags stong phrag bcu tsam zhig la/ chos kyi rnam grangs yi ge'i 'khor lo'i rgyud kyi rgyan ces bya ba yongs su ston cing 'dug pa mthong ngo / /de nas tshong dpon gyi bu nor bzang gis/ dra byi la sprin gyi rkang pa gnyis la spyi bos phyag 'tshal te/ dra byi la sprin la lan brgya stong du mar g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so/ /'phags pa/ bdag gis bla na med pa yang dag </font><hr>Ca115a<br><font size=+1>


@#/ /par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan bgyi ba dang / ji ltar byang chub sems dpa'i byang chub kyi sems srid pa'i lam rgyud thams cad du chab mi 'tshal ba dang / ji ltar yongs su skyo ba ma mchis shing / bsam pa brtan par 'gyur ba dang / ji ltar thub pa ma mchis shing / lhag pa'i bsam pa yongs su dag par 'gyur ba dang / ji ltar yongs su skyo ba ma mchis shing / snying rje chen po'i stobs yang dag par skye bar 'gyur ba dang / ji ltar sgo kun nas rnam par dag cing gzungs kyi stobs gnon par 'gyur ba dang / ji ltar ma rig pa'i rab rib dang sgrib pa rnam par 'thor zhing / shes rab kyi 'od chos thams cad la rab rib ma mchis pa'i snang ba skye bar 'gyur ba dang / ji ltar don dang / chos dang / nges pa'i tshig dang / spobs pa la mkhas pa'i dbyangs kyi dkyil 'khor yongs su rdzogs shing / tha dad pa yang dag par shes pa'i stobs gnon par 'gyur ba dang / ji ltar sangs rgyas thams cad kyi 'khor lo tha mi dad pa yang dag par 'dzin cing dran pa'i stobs yongs su gnon par 'gyur ba dang / ji ltar chos thams cad kyi phyogs rig pa'i </font><hr>Ca115b<br><font size=+1>


snang ba rjes su rtogs shing rig pa'i stobs rnam par dag par 'gyur ba dang / ji ltar byang chub sems dpa'i ting nge 'dzin gyi stobs chos thams cad kyi don rnam par gdon mi za bar rab tu dbye ba la brtson pas 'grub par 'gyur ba ma 'tshal to/ /de nas dra byi la sprin gyis byang chub sems dpa' la rim gror bya ba'i phyir seng ge'i khri de las langs te/ babs nas/ tshong dpon gyi bu nor bzang la lus thams cad kyis phyag byas nas/ tshong dpon gyi bu nor bzang la gser gyi me tog gi phung pos mngon par gtor to/ /nor bu rin po che rin thang med pa mang po dang / tsan dan gyi phye ma dam pas kyang mngon par gtor to/ /gos tshon sna tshogs rnam pa tha dad pas kha dog bsgyur ba/ brgya stong phrag du mas kyang mngon par bkab bo/ spos kyi me tog kha dog rnam pa tha dad cing yid du 'ong la blta na sdug pa mang pos kyang mngon par gtor nas/ mchod pa rnam pa sna tshogs gzhan dag gis kyang mchod pa dang / rim gro dang / bkur sti dang / bsti stang cher byas te/ tshong dpon gyi bu nor bzang la 'di skad ces smras so/ /rigs kyi bu khyod kyis de ltar bla na med pa yang dag par rdzogs pa'i byang chub tu sems bskyed pa legs so/ /legs so/ /rigs kyi bu/ gang gis bla na med pa yang dag par rdzogs pa'i byang chub tu sems </font><hr>Ca116a<br><font size=+1>


@#/ /bskyed pa de ni/ sangs rgyas thams cad kyi gdung mi gcad pa'i phyir zhugs pa yin/ 'dod chags dang bral ba'i rigs yang dag pa ji lta ba bzhin du rnam par rigs par bya ba la brtson pa yin/ zhing gi rgyud thams cad yongs su dag par bya ba la zhugs pa yin/ sems can gyi rigs thams cad yongs su smin par bya ba dang / gdul ba la sta gon du gnas pa yin/ chos kyi rigs thams cad yang dag par ji lta ba bzhin du brtag pa la brtson pa yin/ las kyi rigs thams cad dang mi 'gal bar gnas pa yin/ byang chub sems dpa'i spyod pa'i rigs thams cad yongs su rdzogs par bya ba la rab tu brtson pa yin/ smon lam gyi rigs thams cad rgyun mi gcad pa'i phyir yang dag par zhugs pa yin/ dus gsum gyi rgyud thams cad ye shes kyis khong du chud par bya ba la zhugs pa yin/ mos pa'i rigs shin tu brtan par bya ba'i phyir brtson pa yin/ de ni de bzhin gshegs pa mang po thams cad kyis byin gyis brlabs pa yin/ sangs rgyas thams cad kyis yang dag par dgongs pa yin/ byang chub sems dpa' thams cad dang mnyam pa nyid du gyur pa yin /'phags pa thams cad kyis rjes su dgyes par bya ba yin/ tshangs pa'i dbang </font><hr>Ca116b<br><font size=+1>


po thams cad kyis mngon par dga' bar byas pa yin/ lha'i dbang po thams cad kyis yang dag par mchod pa yin/ gnod sbyin gyi dbang po thams cad kyis yongs su bsrung ba yin/ srin po'i dbang po thams cad kyis rim gror byas pa yin/ klu'i dbang po thams cad kyis bsu ba yin/ mi'am ci'i dbang po thams cad kyis mngon par bstod pa yin/ 'jig rten gyi dbang po thams cad kyis yang dag par bsngags pa yin/ des ni sems can gyi khams thams cad kyang ngan song gi lam rgyud gsum po yongs su bcad pa dang / mi khom pa dang / ngan 'gro'i lam thams cad bzlog pa dang / dbul ba'i lam thams cad las yang dag par bzla ba dang / lha dang mi'i phun sum tshogs pa thob par bya ba dang / dge ba'i bshes gnyen mthong ba dang mi 'bral ba dang / sangs rgyas kyi chos rgya chen po mnyan pa dang 'bral bar mi 'gyur ba dang / byang chub kyi sems kyi yan lag yongs su dag par bya ba dang / byang chub kyi sems kyi 'byung ba'i rgyu yongs su bsgrub pa dang / byang chub sems dpa'i lam snang ba thob par bya ba dang / byang chub sems dpa'i ye shes khong du chud par bya ba dang / byang chub sems dpa'i sa la gnas par bya bas dbugs phyin par bya ba yin/ rigs kyi bu de la bdag 'di snyam du sems te/ byang chub sems dpa' rnams </font><hr>Ca117a<br><font size=+1>


@#/ /ni dka' ba byed pa ste/ 'byung bar dka' zhing mthong bar dka' ba'o/ /byang chub sems dpa' rnams ni sems can rnams la bag dro bar byed pas pha dang ma lta bu'o/ /byang chub sems dpa' rnams ni lha dang bcas pa'i 'jig rten gyi rgyan du gyur pa'o/ /byang chub sems dpa' rnams ni sdug bsngal gyis mnar ba rnams la skyabs su gyur pa'o/ /byang chub sems dpa' rnams ni 'gro ba thams cad yongs su bsrung ba'i phyir gnas su gyur pa'o/ /byang chub sems dpa' ni 'jigs pa sna tshogs kyis gtses pa rnams la dpung gnyen du gyur pa'o/ /byang chub sems dpa' rnams ni 'gro ba thams cad ngan song gsum du ltung ba las yongs su rton pa'i phyir rlung gi 'khor lo lta bu'o/ /byang chub sems dpa' rnams ni sems can thams cad kyi dge ba'i rtsa ba rnam par 'phel bar byed pas lta bu'o/ /byang chub sems dpa' rnams ni bsod nams rin po che'i mdzod mi zad pa'i gtos dang ldan pas rgya mtsho lta bu'o/ /byang chub sems dpa' rnams ni ye shes kyi 'od kyis snang bar byed pa'i phyir nyi ma lta bu'o/ /byang chub sems dpa' rnams ni dge ba'i rtsa ba shin tu mtho bas ri rab lta bu'o/ /byang chub sems dpa' rnams ni snying po byang chub tu ye shes kyi zla ba 'char </font><hr>Ca117b<br><font size=+1>


bar 'gyur ba'i phyir zla ba lta bu'o/ /byang chub sems dpa' rnams ni bdud kyi sde thams cad rab tu 'joms pas dpa' bor gyur pa'o/ /byang chub sems dpa' rnams ni rang byung gi chos kyi grong khyer du phyin par byed pas rtul phod pa lta bu'o/ /byang chub sems dpa' rnams ni sems can thams cad kyi bdag la bya mas ba'i rlan yongs su skem pas me lta bu'o| |byang chub sems dpa' rnams ni chos sprin rgya chen po'i char mngon par 'bebs pas sprin lta bu'o/ /byang chub sems dpa' rnams ni sems can gyi dbang po dad pa la sogs pa'i myu gu rnam par 'phel bar byed pas char pa lta bu'o/ /byang chub sems dpa' rnams ni chos rgya mtsho'i 'gram yongs su ston pas mnyan pa lta bu'o/ /byang chub sems dpa' rnams ni sems can thams cad 'khor ba'i rgya mtsho las yang dag par sgrol ba'i phyir zab pa lta bu'o/ /byang chub sems dpa' ni sems can thams cad kyis mngon par bgrod par bya ba'i phyir mu stegs lta bu'o/ /de ltar dra byi la sprin gyis tshong dpon gyi bu nor bzang gi mdun du 'dug ste/ tshig gi rgyud de dag gis byang chub sems dpa' rnams la yongs su bsngags pa byas nas/ tshong dpon gyi bu nor bzang la legs so/ /zhes bsngags so/ /de ltar des byang chub sems dpa' yang dag par dga' bar bya ba'i phyir tshig brjod pa'i </font><hr>Ca118a<br><font size=+1>


@#/ /tshe| kho'i sgo nas 'od 'phro ba'i phung po rnam pa 'di lta bu byung ste/ 'od 'phro ba'i phung po des stong gsum gyi stong chen po'i 'jig rten gyi khams rgyas par gang bar gyur nas/ lha dang / lha rdzu 'phrul chen po'am/ klu dang / klu rdzu 'phrul chen po'am/ gnod sbyin dang / gnod sbyin rdzu 'phrul chen po'am/ dri za dang / dri za rdzu 'phrul chen po'am/ lha ma yin dang / lha ma yin rdzu 'phrul chen po'am/ nam mkha' lding dang / nam mkha' lding rdzu 'phrul chen po'am/ mi'am ci dang / mi 'am ci rdzu 'phrul chen po'am/ lto 'phye chen po dang / lto 'phye chen po rdzu 'phrul chen po'am/ mi dang / mi rdzu 'phrul chen po'am/ mi ma yin pa dang / mi ma yin pa rdzu 'phrul chen po'am/ tshangs pa pa dang / tshangs pa rdzu 'phrul chen po'am/ sems can gang sus mthong yang rung ste/ snang ba des yongs su snang bar byas pa de dag /dra byi la sprin gyi drung du 'ongs so/ /de nas de ltar dra byi la sprin gyis bsam pa byin gyis brlabs shing thal mo sbyar te gnas pa/ lus dang sems sim par gyur pa/ dga' ba rgya chen po skyes pa/ sri zhu chen po la gnas pa/ nga rgyal gyi rgyal mtshan bcom pa/ g.yo sgyu dang bral ba/ dbang po rnam par dang bar gyur pa de dag la/ dra byi la sprin gyis chos kyi rnam grangs yi ge'i 'khor lo'i rgyud kyi rgyan ces bya ba </font><hr>Ca118b<br><font size=+1>


de nyid rgya cher yang dag par bstan te/ khong du chud pa dang / rtogs pa dang / shes pa dang / rig par byas so/ /de thos nas kyang de dag thams cad bla na med pa yang dag par rdzogs pa'i byang chub las phyir mi ldog par gyur to/ /de nas de'i phyir chos kyi stan la 'dug nas tshong dpon gyi bu nor bzang la 'di skad ces smras so/ /rigs kyi bu/ kho bo ni dbyangs dang ldan pa'i gzungs thob pa ste/ de'i mthus kho bo stong gsum gyi stong chen po'i 'jig rten gyi khams 'di'i lha rnams kyi lha'i skad kyang shes so/ /de bzhin du klu dang / gnod sbyin dang| dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / tshangs pa rnams kyi tshangs pa'i skad kyang shes so/ /lha rnams kyi lha'i skad sna tshogs kyang shes so/ /de bzhin du klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / tshangs pa rnams kyi tshangs pa'i skad sna tshogs kyang shes so/ /lha rnams kyi lha'i skad gcig pa yang shes so/ /de bzhin du klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa dang / tshangs pa rnams kyi tshangs pa'i skad gcig pa yang shes so/ /lha rnams </font><hr>Ca119a<br><font size=+1>


@#/ /kyi lha'i skad tha dad pa yang shes so/ /de bzhin du klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / tshangs pa rnams kyi tshangs pa'i skad tha dad pa yang shes so/ /byol song gi skye gnas su skyes pa'i sems can rnams kyi brda dang| skad dang / ming tha dad pa yang shes so/ /sems can dmyal ba pa'i sems can rnams kyi skad dang ming rnams kyang shes so/ /gshin rje'i 'jig rten pa'i sems can rnams kyi skad dang ming rnams kyang shes so/ /'phags pa'i skad dang ming rnams kyang shes so/ /'phags pa ma yin pa'i skad dang ming rnams kyang shes so/ /byang chub sems dpa' rnams kyi tshig dang / brda dang / nges pa'i ngag sems can gyi bsam pa bzhin du 'byung ba yang shes so/ /sems kyi skad cig re re la yang dus gsum du gshegs pa'i de bzhin gshegs pa rnams kyi dbyangs kyi yan lag dang / gsung rgya mtsho sems can thams cad kyi ming dang / gtam gyi sgra dang / tshig tu ldan pa yang rtogs shing khong du chud do/ /ji ltar stong gsum gyi stong chen po'i 'jig rten gyi khams 'di'i sems can rnams kyi brda dang / nges pa'i tshig dang / skad dang / ming rgya mtsho la </font><hr>Ca119b<br><font size=+1>


'jug cing shes pa de bzhin du shar phyogs kyi 'jig rten gyi khams bye ba khrag khrig brgya stong tshad med pa/ grangs med pa/ bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ gzhal du med pa/ brjod du med pa'i yang brjod du med pa dang / de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang / steng gi phyogs kyi 'jig rten gyi khams bye ba khrag khrig brgya stong tshad med pa nas/ brjod du med pa'i yang brjod du med pa'i bar gyi sems can rnams kyi brda dang / nges pa'i tshig dang / skad dang / ming rgya mtsho thams cad la yang 'jug cing shes te/ 'di ltar lha rnams kyi lha'i skad kyang shes so/ /tshangs pa rnams kyi tshangs pa'i skad kyi bar du'ang shes so/ /rigs kyi bu/ kho bos ni byang chub sems dpa' rnams kyi gzungs snang ba dbyangs dang ldan pa 'di shes par zad na/ kho bos byang chub sems dpa' 'gro ba sna tshogs kyi brda'i rnam pa rgya mtsho la zhugs pa de dag dang / 'gro ba sna tshogs kyi skad dang ming rgya mtsho la zhugs pa de dag dang / 'gro ba sna tshogs kyi ming shin tu bstan pa rgya mtsho la zhugs pa de dag dang / 'gro ba sna tshogs </font><hr>Ca120a<br><font size=+1>


@#/ /kyi brjod pa rab tu bkod pa dang / rnam par spyod pa rgya mtsho la zhugs pa de dag dang / tshig thams cad kyi mtshams sbyar ba rgya mtsho la zhugs pa de dag dang / tshig lhur blangs te bstan pa rgya mtsho la zhugs pa de dag dang / dus gsum gyi dmigs pa thams cad dmigs pa gcig tu rnam par spyod pa rgya mtsho gangs chen mtsho la zhugs pa de dag dang / tshig gis brtsegs te bstan pa rgya mtsho la zhugs pa de dag dang / tshig gnyis nas brtsegs te bstan pa rgya mtsho la zhugs pa de dag dang / tshig rab tu phye ste bstan pa rgya mtsho la zhugs pa de dag dang / chos thams cad rab tu dbye bas 'dul ba'i tshul bstan pa rgya mtsho la zhugs pa de dag dang / 'gro ba thams cad kyi skad rgya mtsho la zhugs pa de dag dang / dbyangs kyi dkyil 'khor rnam par dag pa'i rgyan thams cad la zhugs pa de dag dang / yi ge'i 'khor lo'i mthar phyin par bya bas rab tu dbye ba las byung ba de dag gi spyod pa shes pa'am/ yon tan brjod par nus re skan/ song / rigs kyi bu lho phyogs kyi rgyud 'di nyid na yul nags tshal na gnas pa zhes bya ba yod de/ de na tshong dpon btang brjod ces bya ba 'dug gi /de'i gan du song la/ ji ltar byang chub sems dpas byang chub sems dpa'i spyod pa la brtson </font><hr>Ca120b<br><font size=+1>


par bya ba dang / ji ltar 'byung bar bya ba dang / ji ltar sems nges par gzhag par bya ba dris shig /de nas tshong dpon gyi bu nor bzang gis/ dra byi la sprin gyi rkang pa gnyis la spyi bos phyag 'tshal te/ chos kyi rim gro byas nas/ dad pa'i mtshan nyid rtsa ba tshugs pa la rab tu brtag pa dang / dge ba'i bshes gnyen las 'ongs pa'i thams cad mkhyen pa nyid la yang dag par lta zhing gdong mchi mas gang bar ngus te/ dra byi la sprin la lan brgya stong du mar g.yas phyogs su bskor ba byas nas/ yang dang yang du bltas te phyag 'tshal zhing dra byi la sprin gyi drung nas song ngo // //bam po dgu bcu rtsa gcig pa/ de nas tshong dpon gyi bu nor bzang byang chub sems dpa'i gzungs snang ba dbyangs dang ldan pa'i rgyan de nyid la rjes su bsam pa dang / byang chub sems dpa'i skad kyi tshul rgya mtsho de nyid la 'jug par bya ba dang / byang chub sems dpa'i tshul phra mo la 'jug pa de nyid rjes su dran par bya ba dang / byang chub sems dpa'i sems rnam par byang bas rnam par dag pa de nyid kyi rjes su 'brang bar bya ba dang / byang chub sems dpa' dge ba'i rtsa ba'i bag chags bsdu zhing bsgrub pa mngon par bsgrub pa dang / byang chub sems dpa'i yongs su smin par bya ba'i sgo de nyid rnam par sbyang ba dang / </font><hr>Ca121a<br><font size=+1>


@#/ /byang chub sems dpa' rnams kyi sems can bsdu ba'i ye shes de nyid shin tu byang bar bya ba dang / byang chub sems dpa'i bsam pa'i stobs rnam par dag par bya ba de nyid brtan par bya ba dang / byang chub sems dpa'i lhag pa'i bsam pa'i stobs de nyid nye bar brtan par bya ba dang / byang chub sems dpa'i mos pa'i rgyud de yang yongs su sbyang ba dang / byang chub sems dpa'i sems de nyid gdon mi za bar dge bar bsam pa dang / byang chub sems dpa'i yi dam chen po de nyid mthar phyin par byed cing / tshong dpon gyi bu nor bzang yi dam la brtan zhing smon lam gyi sems kyis yongs su skyo ba med pa'i rgyud kyi rgyan dang ldan pa phyir mi ldog pas rnam par gnon pa'i brtson 'grus can/ yid kyis brtul ba las mi zlog pa/ dad pa mi 'phrogs pa'i stobs dang ldan pa/ rdo rje'i mthu bo ches mi phyed pa'i sems dang ldan pa/ dge ba'i bshes gnyen thams cad kyi gdams ngag mthun par len pa/ shes rab kha ma bab pa'i yul dang ldan pa/ sgo kun nas rnam par dag pa la mngon du gyur pa/ ye shes rnam par dag pa'i spyod yul thogs pa med pa/ kun tu lta ba'i ye shes kyi tshul snang ba dang ldan pa/ sa'i gzungs kun nas snang ba rab tu thob pa/ chos kyi dbyings kyi gzhi'i bye brag la mngon sum du </font><hr>Ca121b<br><font size=+1>


gyur pa'i sems dang ldan pa/ gzhi kun la rten pa'i rgyan rnam par dag pa'i rang bzhin rnam par dmigs pa gnas pa med pa dang / bdag gi med pa dang / gnyis su med pa'i spyod yul la rab tu brtson pa/ 'du shes thams cad las 'da' bar byed pa'i ye shes kyi sgo rnam par dag pa/ chos kyi phyogs dang gzhi tha dad pa'i phyogs la so sor rtog pa med pa/ 'jig rten gyi gzhi dang phyogs kyi bye brag las phyir mi ldog pa/ chos kyi gzhi dang phyogs kyi bye brag las phyir mi ldog pa/ sangs rgyas kyi phyogs dang gzhi tha dad pa mthong ba dang / rnam par rig par bya ba la gzhol ba/ dus kyi phyogs dang gzhi'i bye brag khong du chud pa'i ye shes can/ chos kyi 'khor lo yid du 'ong bas yang dag par bsgrubs pa'i blo dang ldan pa/ ye shes kun nas snang ba'i ting nge 'dzin gyi rnam pa snang bas sems gsal bar byas pa/ yid kyi lus yul kun dang ldan pa'i sa la zhugs pa/ de bzhin gshegs pa'i ye shes snang bas rgyud shin tu snang bar byas pa/ thams cad mkhyen pa nyid du dad pa'i dba' rlabs kyi shugs kyis rab tu slob pa/ sangs rgyas kyi chos la mos pa'i shugs dang 'bral ba med pa/ de bzhin gshegs pa'i byin gyi rlabs kyis byin du brlabs pa/ sangs rgyas thams cad rang gi sems kyi rgyud du khong du chud pa'i </font><hr>Ca122a<br><font size=+1>


@#/ /'od kyis snang bar gyur pa/ 'jig rten gyi khams kyi dra ba thams cad rang gi lus kyis rgyas par dgang ba'i smon lam dang / chos kyi dbyings thams cad rang gi lus su yang dag par bsdu ba dang mngon par bsgrubs pa la brtson pa de/ mthar gyis song song ste/ lo bcu gnyis kyis yul nags tshal na gnas par phyin nas/ des tshong dpon btang brjod de btsal btsal te mthong ngo / /mthong nas kyang lus thams cad kyis phab ste/ phyag 'tshal nas mdun du 'dug ste/ thal mo sbyar nas 'di skad ces smras so/ /'phags pa/ bdag de ring dge ba'i bshes gnyen dang mjal bar gyur pa ni/ bdag gis 'thob par bgyi ba legs par thob bo/ /de ci'i slad du zhe na/ dge ba'i bshes gnyen rnams ni mthong bar dka' ba'o/ /'byung bar dka' ba'o/ /mjal bar dka' ba'o/ /bgrod par dka' ba'o/ /bsnyen bkur bgyi bar dka' ba'o/ /mnyes par bgyi ba dka' ba'o/ /'grogs par dka' ba'o/ /rim gror bgyi ba dka' ba'o/ /dge ba'i bshes gnyen rnams ni rjes su 'brang bar dka' ba lags na/ de lta bu'i dge ba'i bshes gnyen dang 'grogs pa de ring bdag gis thob par gyur to/ /'phags pa/ bdag gis 'di lta ste/ sangs rgyas thams cad la bsnyen bkur ba dang / sangs rgyas </font><hr>Ca122b<br><font size=+1>


thams cad la rim gror bgyi ba dang / sangs rgyas thams cad kyi zhal blta ba dang / sangs rgyas thams cad rnam par dmigs par bgyi ba dang / sangs rgyas thams cad dang mnyam pa nyid thob par bgyi ba dang / sangs rgyas thams cad kyi smon lam khong du chud par bgyi ba dang / sangs rgyas thams cad kyi smon lam yongs su rdzogs par bgyi ba dang / sangs rgyas thams cad kyis yang dag par bsgrub pa'i ye shes snang bar bgyi ba dang / sangs rgyas thams cad rang gi lus su mngon par bsgrub pa dang / sangs rgyas thams cad kyis yang dag par bsgrubs pa rang gi spyod par mngon par bsgrub par bgyi ba dang / sangs rgyas thams cad kyi rnam par 'phrul ba mngon sum du rtogs par bgyi ba dang / sangs rgyas thams cad kyi stobs dang mi bsnyengs pa yongs su dag par bgyi ba dang / sangs rgyas thams cad kyi chos bstan pa mnyan pas mi ngoms par bgyi ba dang / sangs rgyas thams cad kyi chos brtan pa mnyan cing blang bar bgyi ba dang / sangs rgyas thams cad kyi chos bstan pa yang dag par gzung bar bgyi ba dang / sangs rgyas thams cad kyi chos bstan pa rnam par dbye bar bgyi ba dang / sangs rgyas thams cad kyi chos bstan pa yongs su gzung ba dang / byang chub sems dpa' thams cad dang tshul gcig tu 'gyur bar bgyi ba dang / byang chub sems dpa' thams cad dang </font><hr>Ca123a<br><font size=+1>


@#/ /skal pa mnyam par bgyi ba dang / byang chub sems dpa' thams cad kyi spyod pa yongs su dag par bgyi ba dang / byang chub sems dpa' thams cad kyi pha rol tu phyin pa yongs su rdzogs par bgyi ba dang / byang chub sems dpa' thams cad kyi smon lam mngon par bsgrub pa rnam par dag par bgyi ba dang / byang chub sems dpa' thams cad kyi sangs rgyas kyi byin gyi rlabs kyi mdzod rab tu thob par bgyi ba dang / byang chub sems dpa' thams cad kyi chos kyi gter dang mdzod mi zad pa'i ye shes snang ba thob par bgyi ba dang / byang chub sems dpa' thams cad kyi ting 'dzin gyi gter dang mdzod khong du chud par bgyi ba dang / byang chub sems dpa' thams cad kyi mdzod tshad med pa mngon par bsgrub pa dang / byang chub sems dpa' thams cad kyi snying rje chen po'i gter dang mdzod sems can 'dul ba'i mthar phyin par bgyi ba dang / byang chub sems dpa' thams cad kyi rnam par 'phrul ba'i gter dang mdzod rnam par dmigs par bgyi ba dang / byang chub sems dpa' thams cad kyi dbang gi gter dang mdzod rang gi sems kyi dbang du bgyi ba dang / byang chub sems dpa' thams cad kyi rnam par dag pa'i gter dang mdzod rnam pa thams cad du brgyan par bgyi ba'i slad du/ bla na med pa yang </font><hr>Ca123b<br><font size=+1>


dag par rdzogs pa'i byang chub tu sems bskyed nas/ 'phags pa/ de lta bu'i sems kyis bdag 'dir mchis so/ /bsam pa de lta bu dang / yid la smon pa de lta bu dang / mngon par dga' ba de lta bu dang / sems pa de lta bu dang / gdon mi 'tshal bar bsgrub par bsam pa de lta bu dang / spyod yul mngon du bgyi ba de lta bu dang / tshul khong du chud par bgyi ba la mos pa de lta bu dang / rnam par dag pa la gzhol ba de lta bu dang / rnam par dpyod pa'i bsam pa de lta bu dang / rab tu gzhol ba'i sems de lta bu dang / dge ba'i sbyor ba de lta bu dang / mngon du gyur pa'i dbang po de lta bus bdag 'dir mchis te/ 'phags pa ni/ byang chub sems dpa' rnams la gdams ngag dang rjes su ston pa mdzad cing / tshul ni nye bar ston pa mdzad/ rtogs par bgyi ba ni snang bar mdzad/ lam ni bstan par mdzad/ mu stegs la ni 'jog par mdzad/ chos kyi sgo ni rnam par 'byed pa mdzad/ the tshom ni yongs su gcod par mdzad/ nem nur ni sel bar mdzad/ yid gnyis kyi zug rngu ni 'byin par mdzad/ dogs pa'i dri ma ni sbyong bar mdzad/ sems kyi thibs po ni snang bar mdzad| sems kyi dri ma ni yongs su sel bar mdzad/ sems kyi rgyud ni rab tu dang bar mdzad/ sems kyi g.yo sgyu ni yongs su sel bar mdzad/ sems kyi gdung ba ni yongs su </font><hr>Ca124a<br><font size=+1>


@#/ /sim par mdzad/ 'khor ba las ni sems rnam par bzlog par mdzad/ mi dge ba'i las ni phyir bzlog par mdzad/ sems can dmyal ba las ni ldog par mdzad/ gnas dang ni dbral bar mdzad/ mngon par zhen pa las ni gyen du bskyod pa mdzad/ chags pa thams cad las ni yongs su 'grel ba mdzad/ thams cad mkhyen pa nyid du ni bsgrub pa mdzad/ chos kyi grong khyer du 'jug par bgyi ba'i slad du ni mngon du gyur par mdzad/ snying rje chen po la ni rab tu bsgrub pa mdzad/ byams pa chen po la ni rab tu gzhog pa mdzad/ byang chub sems dpa'i spyod pa la ni rab tu sbyor ba mdzad/ ting nge 'dzin gyi sgo bsgom pa la ni 'dzud pa mdzad/ rtogs par 'gyur ba'i sgo la ni gnas par mdzad/ rang bzhin nges par rtogs pa la ni gzhog par mdzad/ stobs dang ldan pas ni khyab par mdzad/ 'gro ba thams cad mnyam pa nyid du ni sems rnam par dbye ba mdzad do zhes thos na/ 'phags pa/ ji ltar byang chub sems dpas byang chub sems dpa'i spyod pa la brtson par bgyi/ ji ltar sbyar bar bgyi/ ji ltar brtson par bgyis na byang chub sems dpa'i spyod pa'i dkyil 'khor rnam par dag par 'gyur ba bdag la bstan du gsol/ de nas tshong dpon btang brjod kyis de'i tshe byang </font><hr>Ca124b<br><font size=+1>


chub sems dpa'i ting nge 'dzin gyi sgo sangs rgyas kyi zhing thams cad yang dag par 'du ba zhes bya ba gzungs kyi sgo klong mtha' yas pa sngon du 'gro ba la sngon gyi dge ba'i rtsa ba'i shugs dang / de bzhin gshegs pa'i byin gyi rlabs dang / 'jam dpal gzhon nur gyur pas yang dag par bsams shing / ye shes snang ba nye bar bsgrubs pas snyoms par zhugs so/ /tshong dpon btang brjod de ltar snyoms par zhugs ma thag tu gzugs kyi lus yongs su dag pa rnam pa 'di lta bur gnas par gyur te/ lus yongs su dag pa de'i mthus phyogs bcu'i sangs rgyas bcom ldan 'das/ sangs rgyas kyi zhing bcu'i rdul shin tu phra ba snyed sangs rgyas kyi zhing yongs su dag pa dang bcas/ 'khor gyi dkyil 'khor dang bcas/ 'od rnam par dag pa dang bcas/ sngon spyod pa la zhugs pa dang bcas/ sangs rgyas kyi rnam par 'phrul pa dang bcas/ smon lam gyi tshogs dang bcas/ spyod pa dang 'byung ba'i rgyan rnam par dag pa dang bcas/ mngon par rdzogs par 'tshang rgya ba yongs su ston pa dang bcas/ chos kyi 'khor lo shin tu ston pa dang bcas/ sems can yongs su smin par mdzad pa dang bcas/ chos kyi mu'i mthar thug pa dang bcas par kun kyang lus kyi khong du chud cing 'dus par snang ste/ de dag kyang phan tshun ma 'dres pa dang / phan tshun mchod pa dang / phan tshun shin tu rnam par </font><hr>Ca125a<br><font size=+1>


@#/ /phye ba dang / phan tshun shin tu rnam par gnas pa dang / tshul sna tshogs su bzhugs pa dang / yang dag pa ji lta ba bzhin du rnam par dmigs pa dang / sangs rgyas kyi zhing rgyan sna tshogs can mnga' ba dang / byang chub sems dpa'i 'khor gyi dkyil 'khor sna tshogs kyi rgyan dang ldan pa dang / sangs rgyas kyi rnam par 'phrul pa sna tshogs su yongs su ston par snang ngo / /theg pa sna tshogs rnam par dgod pa mdzad pa dang / smon lam gyi sgo sna tshogs yongs su brjod pa dang / 'jig rten gyi khams la la na ni dga' ldan gyi pho brang du skyes shing / sangs rgyas kyi 'phrin las thams cad mdzad par snang ngo / /la la na ni dga' ldan gyi pho brang nas 'pho ba dang / la la na ni yum gyi sku na bzhugs shing rnam par 'phrul pa sna tshogs yongs su ston pa dang / la la na ni skye ba dang / la la na ni byis pa'i rtsed mo ston pa mdzad pa dang / la la na ni btsun mo'i 'khor gyi nang na bzhugs pa dang / la la na ni mngon par 'byung ba dang / la la na ni snying po byang chub tu gshegs te rnam par 'phrul ba'i rgyan chen pos bdud kyi sde pham par mdzad pa dang / la la na ni lha dang / klu dang / gnod sbyin dang / dri zas yongs su bskor cing tshangs pa'i dbang pos chos kyi 'khor lo bskor bar gsol ba gdab pa dang / la la na ni </font><hr>Ca125b<br><font size=+1>


chos kyi 'khor lo bskor ba mdzad pa dang / la la na ni sems can thams cad kyi gnas na bzhugs pa dang / la la na ni yongs su mya ngan las 'da' bar snang ngo / /'jig rten gyi khams la la na ni de bzhin gshegs pa mya ngan las 'das pa rnams kyi ring bsrel rnam par 'god par snang ngo / /sangs rgyas kyi zhing la la na ni lha dang mi rnams de bzhin gshegs pa'i mchod rten la rgyan gyis klubs pa byed par snang ste/ sangs rgyas bcom ldan 'das de dag gis sems can gyi ris rnam pa tha dad pa dang / sems can gyi 'jig rten gyi rnam pa tha dad pa dang / sems can gyi lam rnam pa tha dad pa dang / sems can gyi skye gnas rnam pa tha dad pa dang / sems can gyi tshogs rnam pa tha dad pa dang / sems can gyi dge ba'i rtsa ba'i rgyud rnam pa tha dad pa dang / sems can gyi lam gyi rgyud rnam pa tha dad pa dang / sems can gyi bsam pa'i rgyud rnam pa tha dad pa dang / sems can gyi mos pa'i rgyud rnam pa tha dad pa dang / sems can gyi dbang po'i rgyud rnam pa tha dad pa dang / dus kyi rgyud rnam pa tha dad pa dang / sems can gyi las kyi bye brag rnam pa tha dad pa dang / sems can gyi las mi mthun pa rnam pa tha dad pa dang / sems can gyi 'jig rten rnam par dbye ba rnam pa tha dad pa dang / sems can gyi tshul lam dang / spyod pa rnam pa </font><hr>Ca126a<br><font size=+1>


@#/ /tha dad pa la rnam par spyod pa dang / sems can rgya mtsho bsam pa dang / sbyor ba'i rnam pa tha dad pa dang / dbang po mi mthun pa sna tshogs rnam par dag pa dang / nyon mongs pa dang / bag chags sna tshogs bag la nyal bar gyur pa'i sems can 'byams klas pa rnams la/ sangs rgyas kyi rnam par 'phrul pa rnam pa sna tshogs yongs su bstan pa dang / yul sna tshogs kyi nges pa'i tshig dang / dbyangs kyi yan lag dang / gsung rnam pa sna tshogs su bsgrub pa dang / mdo sde sna tshogs kyi tshul rab tu brjod pa dang / gzungs kyi sgo rnam pa tha dad pa'i rgyud dang / tha dad pa yang dag par mkhyen pa'i tshul gyi gzhung sna tshogs dang / 'phags pa'i bden pa'i ming rgya mtsho'i rgyud rnam pa sna tshogs dang / sangs rgyas kyi khyu mchog dang / seng ge'i nga ro rab tu bsgrags pa dang / sems can gyi dge ba'i rtsa ba sna tshogs bstan pa'i cho 'phrul yongs su bstan pa dang / dran pa'i sgo sna tshogs can shin tu bstan pa'i rnam par 'phrul pa dang / byang chub sems dpa' lung bstan pa'i seng ge'i nga ro sna tshogs dang / de bzhin gshegs pa'i chos kyi 'khor lo'i mthu phyung ba rnam pa sna tshogs kyis 'khor gyi dkyil 'khor mtha' dang / dbus med pa mtha' yas par rnam pa tha dad pa phan tshun mchod pa dang / rnam par </font><hr>Ca126b<br><font size=+1>


dag pa'i 'khor gyi dkyil 'khor sna tshogs yangs pa dang / 'khor gyi dkyil 'khor shin tu phra bar 'dus pa dang / dpag tshad gcig gi tshad tsam dang / dpag tshad bcu'i tshad tsam dang / dpag tshad brgya'i tshad tsam nas/ 'khor gyi dkyil 'khor 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi tshad tsam du sangs rgyas bcom ldan 'das de dag gis/ de bzhin gshegs pa'i gsungs dbyangs kyi yan lag dang / sgra skad thams cad kyi rjes su 'gro bas chos ji snyed du bstan pa de dag thams cad kyang tshong dpon gyi bu nor bzang gis thos so/ /blangs so/ /yang dag par bzung ngo / /bsams so/ /sangs rgyas kyi sa rnam par 'phrul pa de dag kyang mthong ngo / /byang chub sems dpa'i ting nge 'dzin gyi khyu mchog gi mthu phyung ba de dag kyang mthong ngo / /de nas tshong dpon btang brjod dran zhing shes bzhin du ting nge 'dzin de las langs nas/ tshong dpon gyi bu nor bzang la 'di skad ces smras so/ /rigs kyi bu/ kho bo ni de bzhin gshegs pa'i rnam par thar pa/ thogs pa med pa'i rgyan ces bya ba yongs su blangs shing 'dzin pa ste/ rigs kyi bu/ de ltar kho bo de bzhin gshegs pa'i rnam par thar pa thogs pa med pa'i rgyan de la rtog cing dpyod pa'i tshe/ shar phyogs kyi 'jig rten </font><hr>Ca127a<br><font size=+1>


@#/ /gyi khams 'dzam bu chu klung gi mdog dang ldan pa na/ de bzhin gshegs pa dgra bcom pa yang dag par rdzogs pa'i sangs rgyas skar ma'i dbang phyug rgyal po zhes bya ba/ byang chub sems dpa' rnam par snang ba'i snying po la sogs pa byang chub sems dpa'i 'khor gyi dkyil 'khor thams cad dang thabs gcig tu bzhugs pa'ang mig lam du snang ngo / /lho phyogs kyi 'jig rten gyi khams stobs thams cad kyi shugs dang ldan pa na/ de bzhin gshegs pa dgra bcom pa yang dag par rdzogs pa'i sangs rgyas spos kun tu rnam par yangs pa zhes bya ba/ byang chub sems dpa' bsam pa'i rgyal po la sogs pa byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /nub phyogs kyi 'jig rten gyi khams spos thams cad kyi 'od dang ldan pa na/ de bzhin gshegs pa dgra bcom pa yang dag par rdzogs pa'i sangs rgyas ri rab mar me'i rgyal po zhes bya ba/ byang chub sems dpa' chags pa med pa'i sems la sogs pa byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /byang phyogs kyi 'jig rten gyi khams ngur smrig rgyal mtshan na/ de bzhin gshegs pa </font><hr>Ca127b<br><font size=+1>


dgra bcom pa yang dag par rdzogs pa'i sangs rgyas rdo rje rab tu 'dul ba zhes bya ba/ byang chub sems dpa' rdo rje'i gom pas rnam par gnon pa la sogs pa byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /byang shar gyi phyogs mtshams kyi 'jig rten gyi khams rin po che thams cad rab tu 'bar ba na/ de bzhin gshegs pa dgra bcom pa yang dag par rdzogs pa'i sangs rgyas mi dmigs pa'i spyan rnam par dmigs pa zhes bya ba/ byang chub sems dpa' dmigs pa med par shin tu sprul pa la sogs pa byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /shar lho'i phyogs mtshams kyi 'jig rten gyi khams spos kyi 'od zer rab tu snang ba na/ de bzhin gshegs pa dgra bcom pa yang dag par rdzogs pa'i sangs rgyas spos kyi mar me zhes bya ba/ byang chub sems dpa' chos kyi dbyings kyi gzhi tha dad pa'i dpal gyi rgyal po la sogs pa byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /lho nub kyi phyogs mtshams kyi 'jig rten gyi khams nyi ma'i 'od zer ltar snang ba na/ de bzhin gshegs pa dgra bcom pa yang dag par rdzogs pa'i sangs rgyas sgo kun </font><hr>Ca128a<br><font size=+1>


@#/ /nas ye shes rnam par snang ba'i dbyangs zhes bya ba/ byang chub sems dpa' me tog gi 'od kun nas 'phro bar gtsug phud rab tu 'phyang ba la sogs pa byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /nub byang gi phyogs mtshams kyi 'jig rten gyi khams spos kyi rgyan yid du 'ong ba dge ba'i snying po na/ de bzhin gshegs pa dgra bcom pa yang dag par rdzogs pa'i sangs rgyas yon tan rgya mtsho tshad med pa'i 'od ces bya ba/ byang chub sems dpa' lus kyi 'od zer thogs pa med pa'i gzi brjid rgyal po blo gros la sogs pa byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /'og gi phyogs kyi 'jig rten gyi khams rin po che'i seng ge snang zhing 'phar ba na/ de bzhin gshegs pa dgra bcom pa yang dag par rdzogs pa'i sangs rgyas 'od zer chos kyi dbyings su snang ba zhes bya ba/ byang chub sems dpa' chos kyi dbyings 'od 'phro zhing rnam par snang bar byung ba'i blo gros la sogs pa byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /steng gi phyogs kyi 'jig rten gyi khams mtshan gyi 'od </font><hr>Ca128b<br><font size=+1>


rnam par snang ba na/ de bzhin gshegs pa dgra bcom pa yang dag par rdzogs pa'i sangs rgyas yon tan grags pa thogs pa med pa'i rnam par thar pa'i 'od kyi rgyal po zhes bya ba/ byang chub sems dpa' stobs dang brtson 'grus thogs pa med pa'i blo gros la sogs pa byang chub sems dpa'i 'khor gyi dkyil 'khor thams cad dang thabs gcig tu bzhugs pa yang mig lam du snang ngo / /rigs kyi bu/ de ltar de bzhin gshegs pa 'di dag la sogs pa phyogs bcu'i de bzhin gshegs pa dgra bcom pa yang dag par rdzogs pa'i sangs rgyas sangs rgyas kyi zhing bcu'i rdul shin tu phra ba snyed mthong yang de bzhin gshegs pa de dag kyang 'dir mi byon/ kho bo yang der 'gro ba med de/ nam 'dod pa de na/ bde ba yod pa'i 'jig rten gyi khams na de bzhin gshegs pa 'od snang mtha' yas bzhugs pa yang mthong ngo / /tsan dan yod pa'i 'jig rten gyi khams na/ de bzhin gshegs pa 'od snang rdo rje bzhugs pa yang mthong ngo / /spos dri yod pa'i 'jig rten gyi khams na/ de bzhin gshegs pa 'od snang rin chen bzhugs pa yang mthong ngo / /pad+mo yod pa'i 'jig rten gyi khams na| de bzhin gshegs pa 'od snang rin chen pad+mo bzhugs pa yang mthong ngo / /gser yod pa'i 'jig rten gyi khams na/ de bzhin gshegs pa 'od snang zhi ba bzhugs pa yang </font><hr>Ca129a<br><font size=+1>


@#/ /mthong ngo / /mngon par dga' ba'i 'jig rten gyi khams na/ de bzhin gshegs pa mi sgul ba bzhugs pa yang mthong ngo / /shin tu brtan pa'i 'jig rten gyi khams na/ de bzhin gshegs pa seng ge bzhugs pa yang mthong ngo / /me long gi dkyil 'khor ltar snang ba'i 'jig rten gyi khams na/ de bzhin gshegs pa blo gros zla ba bzhugs pa yang mthong ngo / /rin chen dpal gyi dad pas brgyan pa'i 'jig rten gyi khams na/ de bzhin gshegs pa rnam par snang mdzad bzhugs pa yang mthong ngo / /rigs kyi bu/ de ltar kho bos ni phyogs gang dang gang na/ 'jig rten gyi khams gang dang gang gi de bzhin gshegs pa gang dang gang mthong bar 'dod pa'i de bzhin gshegs pa de dang de dag kyang mthong ngo / /dus gang dang gang du dmigs pa gang dang gang la sngon gyi spyod pa gang dang gang gis de bzhin gshegs pa mthong bar 'dod pa dang / rnam par 'phrul pa gang dang gang gi don dang / sems can 'dul ba gang dang gang gi don du de bzhin gshegs pa gang dang gang mthong bar 'dod pa'i de bzhin gshegs pa de dang de dag kyang mthong ste/ de bzhin gshegs pa de dag kyang 'dir gshegs pa ma yin/ bdag kyang der phyin pa ma yin no/ /rigs kyi bu/ de ltar </font><hr>Ca129b<br><font size=+1>


kho bos de bzhin gshegs pa rnams ga las kyang byon pa med par shes la/ rang gi lus kyang gar yang 'gro ba med par shes pa dang / de bzhin gshegs pa rnams rnam par dmigs pa yang rmi lam lta bur shes la/ rang gi sems rnam par dmigs pa yang rmi lam dang 'dra bar rgyu bar shes pa dang / de bzhin gshegs pa rnams rnam par dmigs pa yang gzugs brnyan lta bur shes la/ rang gi sems rnam par dmigs pa yang chu'i snod gsal ba lta bur shes pa dang / de bzhin gshegs pa rnams rnam par dmigs pa yang sgyu mas byas pa'i gzugs brnyan lta bur shes la/ rang gi sems rnam par dmigs pa yang sgyu ma lta bur shes pa dang / de bzhin gshegs pa'i gsung yang sgra brnyan ri'i brag ca lta bur brjod par shes la/ rang gi sems rnam par dmigs pa yang sgra brnyan lta bur shes pas/ byang chub sems dpa' rnams kyi sangs rgyas kyi chos thams cad ni/ rang gi sems kyi byin gyi rlabs las 'byung ngo zhes bya bar rjes su rtogs shing khong du chud do/ /sangs rgyas kyi zhing yongs su dag pa thams cad kyang rang gi sems kyi byin gyi rlabs so/ /byang chub sems dpa'i spyod pa yang rang gi sems kyi byin gyi rlabs so/ /sems can thams cad yongs su smin par bya ba dang / gdul ba yang rang gi sems kyi </font><hr>Ca130a<br><font size=+1>


@#/ /byin gyi rlabs so/ /byang chub sems dpa'i smon lam mngon par bsgrubs pa yang rang gi sems kyi byin gyi rlabs so/ /thams cad mkhyen pa nyid kyi grong khyer du phyin par bya ba yang rang gi sems kyi byin gyi rlabs so/ /rnam par thar pa bsam gyis mi khyab pas rnam par rtse ba yang rang gi sems kyi byin gyi rlabs so/ / sangs rgyas kyi byang chub tu mngon par rdzogs par 'tshang rgya ba yang rang gi sems kyi byin gyi rlabs so/ /chos kyi dbyings kun nas 'dus par khyu mchog gi mthu 'byung zhing / rnam par 'phrul pa yang rang gi sems kyi byin gyi rlabs so/ /bskal pa thams cad shin tu phra bar bsdu ba'i ye shes kyang rang gi sems kyi byin gyi rlabs so/ /zhes bya bar khong du chud cing rjes su rtogs so/ /rigs kyi bu/ de la kho bo 'di snyam du sems te/ dge ba'i rtsa ba thams cad kyis ni rang gi sems nyid nye bar brtan par bya'o// chos kyi sprin gyis ni rang gi sems nyid yongs su brlan par bya'o/ /sgrib pa'i chos rnams las ni rang gi sems nyid yongs su sbyang bar bya'o/ /brtson 'grus kyis ni rang gi sems nyid brtan par bya'o/ /bzod pas ni rang gi sems nyid mnyam par bya'o/ /ye shes khong du chud par bya ba la ni rang gi sems nyid gzhol bar bya'o/ /shes rab kyis </font><hr>Ca130b<br><font size=+1>


ni rang gi sems nyid yongs su sbyang bar bya'o/ /dbang rnams la ni rang gi sems nyid mngon par bsgrub par bya'o/ /sangs rgyas dang mnyam pa nyid la ni rang gi sems nyid rgyas par bya'o/ /de bzhin gshegs pa'i stobs bcus ni rang gi sems nyid snang bar bya'o snyam mo/ /rigs kyi bu/ kho bo ni de bzhin gshegs pa'i rnam par thar pa thogs pa med pa'i rgyan 'di shes te/ blangs shing yongs su 'dzin par zad na/ kho bos byang chub sems dpa'i chags pa med pa'i sems dang ldan pa/ chags pa med pa rnam par spyod pa'i spyod yul dang ldan pa/ da ltar byung ba'i sangs rgyas thams cad mngon sum du bzhugs pa'i ting nge 'dzin rab tu thob pa/ mya ngan las 'da' ba med pa'i mtha' la gnas pa'i rdzogs pa'i byang chub kyi sgo'i ting nge 'dzin rab tu thob pa/ dus gsum mnyam pa nyid du gyur pa/ gzhi kun nas phyed pa'i ting nge 'dzin gyi spyod yul gyi tshul shes pa/ sangs rgyas kyi zhing thams cad du lus rnam par bkram pa/ sangs rgyas kyi yul tha mi dad pa la rnam par spyod pa/ phyogs thams cad du mngon par phyogs pa'i spyod yul dang ldan pa/ phyin phyogs med pa'i ye shes kyi dkyil 'khor gyis rnam par lta ba de dag gi lus la 'jig rten gyi khams thams cad 'jig cing 'du bar snang yang / de dag la bdag dang 'jig rten gyi khams su gnyis kyi 'du shes </font><hr>Ca131a<br><font size=+1>


@#/ /med pa de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid kyi 'dzam bu'i gling gi mgo 'gebs pas rgyas par 'gengs pa zhes bya ba yod de/ de na dge slong rgya mtsho'i rgyal mtshan zhes bya ba 'dug gi /de'i gan du song la/ ji ltar byang chub sems dpas byang chub sems dpa' spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis tshong dpon btang brjod kyi rkang pa gnyis la spyi bos phyag 'tshal te/ tshong dpon btang brjod la lan brgya stong du mar g.yas phyogs su bskor ba byas nas/ yang dang yang bltas te/ tshong dpon btang brjod kyi yon tan grangs med pa la snyan par brjod de brtag pa dang / mos par bya ba dang / mi btang bar bya ba sems shing du ste/ smre sngags bton nas/ dge ba'i bshes gnyen sdug par sems shing dge ba'i bshes gnyen gyi rjes su 'brang ba dang / dge ba'i bshes gnyen la bsnyen bkur bar mos pa dang / dge ba'i bshes gnyen gyis bsgo ba dang mi 'gal bar byed pa dang / thams cad mkhyen pa nyid dge ba'i bshes gnyen la rag lus par rjes su lta ba dang / dge ba'i bshes gnyen </font><hr>Ca131b<br><font size=+1>


la rjes su bsam pa dang / dge ba'i bshes gnyen la g.yo sgyu med par spyod pa dang / dge ba'i bshes gnyen gyi sems kyi dbang du 'gro bar bya ba dang ldan pas dge ba'i bshes gnyen rnams gnod pa thams cad yongs su spong bar byed pas ma tsam du sems/ dge ba'i rtsa ba thams cad yongs su bskyed pas pha tsam du sems shing / tshong dpon btang brjod kyi drung nas song ngo / /de nas tshong dpon gyi bu nor bzang / tshong dpon btang brjod kyis bstan pa de la rjes su sems shing / tshong dpon btang brjod kyi gdams ngag la nan tan du bya ba dang / byang chub sems dpa'i rnam par thar pa bsam gyis mi khyab pa'i rjes su 'brang bar bya ba dang / byang chub sems dpa'i ye shes snang ba bsam gyis mi khyab pa rjes su dran par bya ba dang / chos kyi dbyings la 'jug cing 'bab pa bsam gyis mi khyab pa khong du chud par bya ba dang / byang chub sems dpa' rnams kyi yongs su 'du bar bya ba'i tshul bsam gyis mi khyab pa la 'jug par bya ba dang / de bzhin gshegs pa'i rnam par 'phrul pa bsam gyis mi khyab pa rjes su blta bar bya ba dang / sangs rgyas kyi zhing yongs su bsdu ba bsam gyis mi khyab pa la mos par bya ba dang / sangs rgyas kyi byin gyi rlabs kyi rgyan rjes su sbyang ba dang / byang chub sems dpa'i ting nge 'dzin dang / rnam par thar pa'i rnam par </font><hr>Ca132a<br><font size=+1>


@#/ /dgod pa dang / khyu mchog gi mthu phyung ba bsam gyis mi khyab pa la yongs su brtag pa dang / 'jig rten gyi khams tha dad pa la bsgribs pa med pa bsam gyis mi khyab pa la 'jug pa dang / byang chub sems dpa'i las la bsam pa shin tu brtan pa de la nan tan du bya ba dang / byang chub sems dpa'i las dang smon lam gyi rgyud bsam gyis mi khyab pa de'i rjes su spyod cing / mthar gyis 'dzam bu gling gi mgo 'gebs pas rgyas par 'gengs pa zhes bya ba gang na ba der phyin nas/ dge slong rgya mtsho'i rgyal mtshan tshol tshol ba las/ 'chag pa'i gnas shig gi 'chag sa'i mthar 'dug ste/ ting nge 'dzin la snyoms par bzhag nas/ dbugs phyi nang du rgyu ba med cing mi g.yo la/ byed pa med cing lus drang por bsrang ste/ dran pa mngon du byas nas/ ting nge 'dzin gyi rnam par 'phrul pa bsam gyis mi khyab pas rnam par 'phrul zhing / g.yas g.yon dang / steng logs su lus mtha' yas la/ tshad med cing bsam gyis mi khyab pa/ spyi gtsug bltar mi mthong ba/ kha dog du ma'i lus dang ldan pa sems kyi skad cig re re la kha dog rnam pa tha dad pa tshad med pa yongs su ston pa de/ de de ltar mnyam par bzhag cing zab la zhi ba ste/ g.yo ba med cing dmigs pa med la/ dga' bas lus </font><hr>Ca132b<br><font size=+1>


mtho bar gyur pa de'i ba spu'i sgo thams cad nas/ byang chub sems dpa'i rnam par thar pas rnam par 'phrul pa bsam gyis mi khyab pa rab tu 'gyed par byed cing 'dug pa mthong ngo / / rnam par thar pas rnam par 'phrul pa de'i mthus/ sems kyi skad cig re re la sems can thams cad yongs su smin par bya ba dang / de bzhin gshegs pa thams cad kyi mchod pa sbyang ba dang / sangs rgyas kyi zhing thams cad yongs su dag par bya ba dang / sems can thams cad kyi sdug bsngal gyi phung po rnam par bzlog pa dang / ngan song gi lam thams cad yongs su bcad pa dang / sems can thams cad kyi bde ba'i lam gyi sgo dbye ba dang / sems can thams cad kyi nyon mongs pa'i gdung ba rab tu zhi bar bya ba dang / sems can thams cad kyi mi shes pa'i sgrib pa rnam par gtor ba dang / sems can thams cad mkhyen pa nyid la dgod pa'i phyir/ rnam par 'phrul pa'i bye brag rnam pa sna tshogs mtha' yas pas chos kyi dbyings thams cad rgyas par 'gengs shing / de'i rkang pa'i mthil gnyis nas/ tshong dpon gyi tshogs bkur sti dang / rim gro sna tshogs byed pa/ 'jig rten gyi khams thams cad du gtogs pa'i tshong dpon dang 'dra ba'i gzugs dang ldan pa/ lhag pa'i yul la spyod pa/ rgyan sna tshogs kyis lus shin tu klubs pa/ thor tshugs dang / gtsug gi rin po che dang / cod pan sna tshogs </font><hr>Ca133a<br><font size=+1>


@#/ /thogs pa/ sangs rgyas kyi zhing grangs med pa'i rdul shin tu phra ba snyed/ byis pa bye ba 'phyes pa'i 'khor dang ldan par 'byung ba mthong ngo / /bram ze dang| khyim bdag mang po bza' btung rnam pa mang po dang / ro'i yan lag sna tshogs su sbyar ba thams cad dang / rgyan thams cad dang / gos thams cad dang / me tog thams cad dang / phreng ba thams cad dang / spos thams cad dang / byug pa thams cad dang / 'dod pa'i yo byad thams cad dang / rin po che thams cad dang / gnas thams cad dang| snod rnam pa sna tshogs thams cad dang / yo byad rnam pa sna tshogs thams cad kyis sems can dbul po rnams yongs su sdud cing / 'gro ba sdug bsngal ba rnams dbugs dbyung ba dang / sems can gyi sems tshim par bya ba dang / sems can gyi bsam pa rnam par dag par bya ba dang / sems can rnams byang chub tu yongs su smin par byed cing / phyogs bcu bkang ste 'dong ba mthong ngo / /pus mo'i lha nga gnyis nas rgyal rigs mkhas pa'i gzugs dang / bram ze mkhas pa'i gzugs dang / 'jig rten na mkhas pa'i gzugs dang / bzo sna tshogs la mkhas pa'i gzugs dang / mi'i 'gro ba'i rgyud na mkhas pa'i gzugs dang / 'jig rten pa dang / 'jig rten </font><hr>Ca133b<br><font size=+1>


las 'das pa'i las kyi tshul dang / rgyus la gsal zhing mkhas pa'i gzugs dang / 'jig rten gyi slob dpon du bya bar mkhas pa'i gzugs cha byad rnam pa du ma dang ldan pa/ dbyibs dang rgyan rnam pa du ma dang ldan pa/ yid du 'ong ba'i tshig mang po brjod pas yi mi bde ba'i sems can rab tu dga' bar byed cing / chos kyi nor gyis dbul ba'i sems can rnams la phan gdags pa dang / sdug bsngal ba'i sems can rnams bde bar bya ba dang / log par lhung ba'i sems can rnams mngon par gdon pa dang / theg pa'i gru la nyam nyes su gyur pa'i sems can rnams dbugs dbyung ba dang / 'jigs pa'i sems can rnams yongs su bskyab pa dang / dge ba'i rtsa ba'i sgra kun tu grag par bya ba dang / sdig pa las bzlog pa'i sgra yongs su bsgrags pa dang / dge ba'i chos yang dag par blangs pa la sems can gzud pa dang / don spyad pa la sems can dgod pa dang / dga' ba'i shugs yongs su bskyed pa dang / snyan par smra ba'i bsdu ba'i dngos po yongs su brjod pa dang / 'jig rten la don mthun par bsgrub pa ston par byed cing / phyogs bcu rgyas par bkang ste 'dong ba mthong ngo / /lte ba'i dkyil 'khor nas drang srong mang po 'gro ba thams cad kyi lus dbyibs su 'khod pa/ pags pa dang / shun pa'i gos gyon pa/ ril ba thogs </font><hr>Ca134a<br><font size=+1>


@#/ /pa| gzugs dang / cha byad dang / dbyibs sna tshogs can/ spyod lam rab tu zhi ba dag byung nas/ steng gi bar snang las sangs rgyas kyi yon tan rjod par byed cing / chos kyi sgra yongs su bsgrag pa dang / sangs rgyas kyi sgra brjod pa dang / byang chub sems dpa'i dge 'dun yongs su bstan pa dang / tshangs pa'i spyod pa yongs su brjod pa dang / dbang po dben pa la sems can dgod pa dang / rang bzhin med pa'i don rab tu brtag pa dang / ye shes kyi don la 'jig rten rab tu dgod pa dang / 'jig rten gyi gtsug lag gi rnam pa yongs su brjod pa dang / thams cad mkhyen pa'i ye shes kyis 'byung ba'i lam gyi tshul rab tu bstan pa dang / mthar gyis bya ba'i las la sems can rab tu dgod pa byed cing / phyogs bcu bkang ste 'dong ba mthong ngo / /rtsib logs gnyis nas klu'i bu mo 'jig rten rgyu ba thams cad kyi grangs dang mnyam pa/ lus kyi dbyibs bsam gyi mi khyab pa du ma dang ldan pa byung ste/ klu'i rnam par 'phrul pa bsam gyis mi khyab pa yongs su bstan pa dang / spos kyi sprin gyi rgyan bsam gyis mi khyab pa nam mkha'i dbyings la byin gyis brlab pa dang / me tog gi sprin gyi rgyan bsam gyis mi khyab pas nam mkha'i dbyings thams cad brgyan pa dang / phreng ba'i sprin </font><hr>Ca134b<br><font size=+1>


bsam gyis mi khyab pa'i rgyan gyis nam mkha'i dbyings thams cad rnam par klubs pa dang / rin po che'i gdugs kyi sprin bsam gyis mi khyab pa'i rgyan gyis chos kyi dbyings thams cad yongs su khebs par bya ba dang / rin po che'i rgyal mtshan gyi sprin bsam gyis mi khyab pa'i rgyan dang / rin po che'i lha'i ba dan gyi sprin bsam gyis mi khyab pa'i rgyan dang / rin po che'i phyang phrul sna tshogs kyi sprin dang / char bsam gyis mi khyab pa'i rgyan dang / nor bu rin po che dam pa'i sprin gyi char 'bab pa bsam gyis mi khyab pa'i rgyan dang / rin po che'i se mo do sna tshogs dang / me tog gi sprin gyi char bsam gyis mi khyab pa'i rgyan dang / rin po che'i khri la skyil mo krung du 'khod pa'i byang chub sems dpa' sangs rgyas kyi chos kyi sprin gyi char bsam gyis mi khyab pa 'bebs pa'i rgyan dang / lha rdzas kyi rin po che'i rgyan sna tshogs dang ldan pa'i lha'i bu mo mang po chos kyi glu snyan pa'i sgra dbyangs kyi sprin gyi char 'bebs pa bsam gyis mi khyab pa dang / rin po che'i pad+mo ze ba mtho ba/ mu tig gi dra bas brgyan pa/ rin po che'i rgyal po thams cad kyi 'bru'i sprin gyi char rnam par 'thor ba bsam gyis mi khyab pa'i rgyan dang / rin po che'i cod pan gyi sprin nor bu rin po che thams cad kyis rab tu brgyan pa/ 'od zer gyi sprin mtha' yas pa'i char 'bebs pa bsam gyis mi khyab pa'i rgyan dang / lha'i </font><hr>Ca135a<br><font size=+1>


@#/ /lus kyi sprin gyi me tog dang / phreng ba dang / gdugs dang / rgyal mtshan dang / lha'i ba dan bsam gyis mi khyab pa'i rgyan dang / lha'i bu mo mang po'i lus kyi sprin thal mo sbyar te/ gser gyi me tog snyim pas 'thor ba/ de bzhin gshegs pa la yon tan dang legs pa thams cad du bstod pa'i sprin gyi 'brug sgra 'byin cing char 'bebs pa bsam gyis mi khyab pa'i rgyan/ nam mkha'i dbyings la byin gyis rlob cing / spos kyi phung po'i sprin rin po che thams cad kyi kha dog tu 'dug pa dang / bdug spos kyi na bun dang / sprin shin tu rgya che bas de bzhin gshegs pa thams cad kyi 'khor gyi dkyil 'khor mngon par khebs par bya ba dang / 'jig rten gyi khams 'byams klas pa thams cad rab tu brgyan pa dang / sems can thams cad rab tu dga' bar bya ba dang / sangs rgyas thams cad mchod pas skad cig skad cig tu chos kyi dbyings thams cad rgyas par 'gengs pa tshong dpon gyi bu nor bzang gis mthong ngo / /mthongs ka'i dpal gyi be'u nas lha ma yin gyi dbang po sangs rgyas kyi zhing grangs med pa'i rdul shin tu phra ba snyed byung ste/ lha ma yin gyi sgyus rnam par 'phrul pa bsam gyis mi khyab pa rab tu ston cing / chu 'dzin chen po yongs su bskyab pa dang / 'jig rten gyi khams brgya stong rab tu bskyod </font><hr>Ca135b<br><font size=+1>


pa dang / ri'i rgyal po chen po thams cad 'thab par bya ba dang / lha'i gnas thams cad yongs su bskyod pa dang / bdud kyi dkyil 'khor thams cad zil gyis mnan pa dang / bdud kyi sde thams cad rab tu gdul ba dang / nga rgyal dang / rlom pa dang / dregs pa thams cad rab tu gzhom pa dang / gnod par sems pa'i sems bzlog cing dga' bar bya ba dang / mtho 'tsham pa'i sems phyir bzlog par bya ba dang / sems can rnams kyi mi dge ba'i chos rab tu zhi bar bya ba dang / nyon mongs pa'i ri rnam par gtor bar bya ba dang / nyon mongs pa'i 'thab mo shin tu zhi bar bya ba dang / lha ma yin gyi sgyus rnam par 'phrul pa dang / rnam par rtse ba sna tshogs kyis sems can rnams skyo bar bya ba dang / sdig pa las gyen du bskyod pa dang / 'khor pas 'jigs par bya ba dang / srid pa'i lam gyi rgyud thams cad nas gyen du bskyod de/ gnas med pa la rab tu gnas par bya ba dang / byang chub kyi sems la sems can rnams rab tu dgod pa dang / byang chub sems dpa' rnams kyi byang chub sems dpa'i spyod pa rnam par dag par bya ba dang / byang chub sems dpa' rnams pha rol tu phyin pa la rab tu dgod par bya ba dang / byang chub sems dpa'i sa la rab tu gzud pa dang / byang chub sems dpa' rnams kyi sangs rgyas kyi chos kyi </font><hr>Ca136a<br><font size=+1>


@#/ /tshul snang ba yongs su bskyed pa dang / chos kyi tshul rnam par dgod pa sna tshogs kyis sems kyi skad cig re re zhing chos kyi dbyings rgyas par 'gengs par byed pa/ tshong dpon gyi bu nor bzang gis mthong ngo / /rgyab kyi gzhung nas nyan thos dang / rang sangs rgyas mang po sangs rgyas kyi zhing grangs med pa'i rdul shin tu phra ba snyed byung nas/ nyan thos dang / rang sangs rgyas kyis 'dul ba'i sems can bdag tu mngon par zhen pa rnams la bdag med pa dang / sems can med pa yongs su rjod par byed cing / rtag par mngon par zhen pa rnams la 'du byed thams cad mi rtag par yongs su bstan pa dang / 'dod chags kyi spyod pa can rnams la mi sdug pa dang / zhe sdang gi spyod pa can rnams la byams pa dang / gti mug gi spyod pa can rnams la rkyen las 'byung ba'i rten cing 'brel par 'byung ba brjod pa dang / cha mnyam pa'i spyod pa can rnams la ye shes kyi yul dang ldan pa'i chos kyi tshul mngon par bstan pa dang / yul la mngon par dga' ba rnams la gnas med pa rab tu brjod pa dang / zhi ba la gnas su sems pa rnams la smon lam gyi khyad par gyis spro ba bskyed pa dang / phyogs kyi rgyud dang sgo thams cad du chos kyi tshul rgya mtsho'i rgyud dang sgo thams cad sems can thams cad kyi don du </font><hr>Ca136b<br><font size=+1>


rjod par byed cing chos kyi dbyings rgyas par 'gengs pa/ tshong dpon gyi bu nor bzang gis mthong ngo / /phrag pa'i lhun gnyis las gnod sbyin dang / srin po'i dbang po'i dbyibs sna tshogs dang ldan zhing / lus mi sdug pa dang / kha dog dang chu zheng sna tshogs can/ spyod lam gyi rnam pa sna tshogs dang ldan pa/ bzhon pa sna tshogs la zhon pa/ 'khor sna tshogs kyis yongs su bskor ba sems can gyi khams yongs su bskyang ba la brtson pa/ 'od sna tshogs kyis snang bar bya ba la brtson pa/ dbyangs sna tshogs rab tu sgrog pa/ sangs rgyas kyi zhing grangs med pa'i rdul shin tu phra ba snyed byung nas thabs mngon par bsgrub pa sna tshogs ma 'dres pas/ phyogs dang phyogs mtshams kun gyi nam mkha' rgyas par 'gengs shing / dge ba'i spyod pa thams cad yongs su bsrung ba dang / 'phags pa'i dkyil 'khor thams cad yongs su bsrung ba dang / byang chub sems dpa' thams cad yongs su gzung ba dang / lag na rdo rje'i las kyis yang dag par song ba dang / yang dag par zhugs pa thams cad yongs su bsrung ba dang / sangs rgyas thams cad la mchod pa dang / rim gro bya ba dang / sems can log par lhung ba rnams kyi ngan song gi lam gyi rgyud thams cad rnam par bzlog pa dang / 'jig rten thams cad kyi nad dang / gnod pa dang / 'jigs pa </font><hr>Ca137a<br><font size=+1>


@#/ /thams cad zhi bar bya ba'i don du brtson pa/ sems can gyi don bya bas 'jig rten yongs su bskyang ba la brtson pa rnams bsod nams dang ye shes kyi 'khor lo yongs su rdzogs par bya ba dang / chos kyi 'khor lo'i rjes su 'brang bar bya ba dang / phas kyi rgol ba'i 'khor tshar gcod par byed cing / chos kyi dbyings thams cad rgyas par 'gengs par byed pa/ tshong dpon gyi bu nor bzang gis mthong ngo / /mdun gyi lto nas mi'am ci'i dbang po/ sangs rgyas kyi zhing grangs med pa'i rdul shin tu phra ba snyed/ mi'am ci'i dbang po'i bu mo'i 'khor brgya stong grangs med pa can dang / dri za'i dbang po sangs rgyas kyi zhing grangs med pa'i rdul shin tu phra ba snyed dri za'i dbang po'i bu mo'i 'khor brgya stong grangs med pa can dag byung nas lha'i rol mo brgya stong grangs med pa'i sgra snyan pa dang / glu'i dbyangs kyis chos kyi rang bzhin dang ldan pa'i sangs rgyas kyi bstod pa rjod pa byed cing / byang chub kyi sems yongs su bsngags pa dang / byang chub sems dpa'i spyod pa yongs su brjod pa dang / mngon par rdzogs par 'tshang rgya ba'i sgo thams cad la mngon par bstod pa dang / chos kyi 'khor lo'i sgo thams cad du 'jug pa dang / rnam par 'phrul pa'i sgo thams cad la mngon par spro bar bya ba dang / </font><hr>Ca137b<br><font size=+1>


yongs su mya ngan las 'da' ba'i sgo thams cad yongs su brjod pa dang / sangs rgyas kyi bstan pa'i sgo thams cad yongs su gzung ba dang / sems can gyi sgo thams cad rab tu dga' bar bya ba dang / sangs rgyas kyi zhing gi sgo thams cad yongs su dag par bya ba dang / chos kyi sgo thams cad mngon par bstan par bya ba dang / sgrib pa'i sgo thams cad rnam par bzlog par bya ba dang / dge ba'i rtsa ba'i sgo thams cad yongs su skyed pa byed cing chos kyi dbyings rgyas par 'gengs pa/ tshong dpon gyi bu nor bzang gis mthong ngo / /kha'i sgo nas 'khor los bsgyur ba'i rgyal po/ rin po che bdun dang ldan zhing / stobs kyi yan lag bzhi'i tshogs kyi 'khor dang ldan pa byung nas/ sbyin pa chen po'i 'od zer gyi rgyan rab tu 'gyed cing rin po che'i 'byung gnas thams cad yongs su gtang ba dang / nor bu rin po che'i tshogs thams cad spyin pa dang / dbul po rnams nor dang ldan par bya ba dang / srog gcod pa las 'jig rten rnam par bzlog pa dang / byams pa'i sems la sems can rab tu dgod pa dang / ma byin par len pa dang rab tu dbral ba dang / rgyan gyis shin tu brgyan pa'i bu mo bye ba khrag khrig brgya stong yongs su gtang ba dang / 'dod pas log par g.yem pa las rnam par bzlog pa dang / tshangs pa'i spyod pa la rab tu dgod pa dang / brdzun du smra </font><hr>Ca138a<br><font size=+1>


@#/ /ba las rnam par bzlog pa dang / bslu ba med pa la gzhol bar rab tu dgod pa dang / phra ma'i tshig las rnam par bzlog pa dang / gzhan 'dum par brtson pa'i tshig rab tu brjod pa dang / zhe gcod pa'i tshig las 'jig rten rnam par bzlog pa dang / 'jam zhing yid du 'ong ba'i tshig rab tu brjod pa dang / gnod pa'i chos dang ldan pa'i byung rgyal du smra ba las sems can rnam par bzlog pa dang / don zab mo'i tshig rab tu dbye ba gdon mi za ba las yang dag par dgod pa dang / ngag gi nyes pa thams cad las 'jig rten rnam par bzlog pa dang / snying rje dang ldan pa'i tshig rab tu brjod par bya ba dang / 'jig rten gyi snying gi dri ma yongs su sel cing / 'dod pa chung ba dang / chog shes pa la brtson par sems can rab tu dgod pa dang / chags sems las 'jig rten rnam par bzlog pa dang / gzhan gyi sems kyi rgyud dga' bar byed pa la rab tu dgod pa dang / lta ba'i dra ba thams cad las 'jig rten rab tu gdon pa dang / yid gnyis kyi ra ba thams cad rnam par gtor ba dang / the tshom gyi spo thams cad rab tu gzhom pa dang / nem nur dang som nyi'i rab rib yongs su bsal ba dang / chos rnam par dbye ba 'jig rten du rab tu dbye ba dang / rkyen las byung ba rab tu brjod pa dang / </font><hr>Ca138b<br><font size=+1>


rang bzhin gyis bden pa'i tshul la sems can rab tu dgod pa dang / sgrib pa thams cad rnam par bzlog pa dang / sgrib pa med pa'i tshul la gzud pa dang / sangs rgyas kyi don gyi tshul sna tshogs brjod pa byed cing / phyogs bcu'i chos kyi dbyings rgyas par 'gengs pa tshong dpon gyi bu nor bzang gis mthong ngo / /mig gnyis nas nyi ma'i dkyil 'khor brgya stong / sangs rgyas kyi zhing grangs med pa'i rdul shin tu phra ba snyed byung ste sems can dmyal ba chen po thams cad yongs su snang bar byed cing / 'jig rten gyi mun pa chen po sel ba dang / sems can rnams kyi gti mug gi rab rib sel ba dang / grang ba'i sems can dmyal ba na 'khod pa'i sems can rnams kyi grang ba'i sdug bsngal rab tu zhi bar byed pa dang / sa'i rang bzhin gyi zhing rnams su 'od kha dog dkar bo can rab tu 'gyed pa dang / gser gyi rang bzhin gyi zhing rnams su 'od bai DUR+Ya'i kha dog can rab tu 'gyed pa dang / bai DUR+Ya'i rang bzhin gyi zhing rnams su 'od dngul gyi kha dog can rab tu 'gyed pa dang / dngul gyi rang bzhin gyi zhing rnams su 'od gser gyi kha dog can rab tu 'gyed pa dang / gser gyi rang bzhin gyi zhing rnams su 'od shel gyi kha dog can rab tu 'gyed pa dang / gser gyi rang bzhin gyi zhing rnams su 'od mu tig dmar po'i kha dog can rab tu 'gyed pa dang / asma gar b+ha'i rang bzhin gyi </font><hr>Ca139a<br><font size=+1>


@#/ /zhing rnams su 'od gser gyi kha dog can rab tu 'gyed pa dang / gser gyi rang bzhin gyi zhing rnams su 'od asma gar b+ha'i kha dog can rab tu 'gyed pa dang / in+d+ra nI la'i rang bzhin gyi zhing rnams su 'od rin po che'i rgyal po nyi ma'i snying po'i kha dog can rab tu 'gyed pa dang / rin po che'i rgyal po nyi ma'i snying po'i rang bzhin gyi zhing rnams su 'od rin po che'i in+d+ra nI la'i kha dog can rab tu 'gyed pa dang / mu tig dmar po'i rang bzhin gyi zhing rnams su 'od rin po che'i rgyal po zla ba'i 'od zer gyi dra ba dang / dkyil 'khor gyi snying po'i kha dog can rab tu 'gyed pa dang / rin po che'i rgyal po zla ba'i 'od zer gyi dra ba dang / dkyil 'khor gyi snying po'i rang bzhin gyi zhing rnams su 'od mu tig dmar po kha dog can rab tu 'gyed pa dang / rin po che gcig gi rang bzhin gyi zhing rnams su 'od rin po che sna tshogs kyi kha dog can rab tu 'gyed pa dang / rin po che sna tshogs kyi rang bzhin gyi zhing rnams su 'od rin po che gcig gi kha dog can rab tu 'gyed pa dang / de bzhin du byang chub sems dpa'i 'khor gyi dkyil 'khor thams cad du sems can gyi don tshad med pa la brtson zhing chos kyi dbyings rgyas par 'gengs pa tshong dpon gyi bu nor bzang gis mthong ngo / /smin mtshams kyi mdzod spu nas zla ba mang po sangs rgyas kyi zhing </font><hr>Ca139b<br><font size=+1>


grangs med pa'i rdul shin tu phra ba snyed byung nas/ lha'i dbang po thams cad zil gyis gnon cing / 'jig rten thams cad kyi 'dod pa'i dga' ba rnam par bzlog pa dang / sangs rgyas blta bar dga' ba la rjes su bsngags par byed cing / sems can tshad med pa gdul ba la brtson par phyogs bcu'i chos kyi dbyings rgyas par 'gengs pa mthong ngo / /dpral ba nas tshangs pa chen po spyod lam rab tu zhi ba/ sangs rgyas kyi zhing grangs med pa'i rdul shin tu phra ba snyed byung nas tshangs pa'i dbyangs su brjod de sangs rgyas thams cad la gsol ba gdab pa dang| byang chub sems dpa' thams cad rab tu dga' bar bya ba byed cing sems can gyi don tshad med pa la brtson par phyogs bcu'i chos kyi dbyings rgyas par 'gengs pa tshong dpon gyi bu nor bzang gis mthong ngo / /mgo nas byang chub sems dpa' sangs rgyas kyi zhing grangs med pa'i rdul shin tu phra ba snyed byung nas/ kha dog dang dbyings sna tshogs kyis brgyan pa'i lus yongs su ston cing / dpe byad bzang pos rnam par bris pa'i lus rab tu bstan pa dang / 'od kyi dkyil 'khor gyi sprin mtha' dang dbus med pa rab tu dgye ba dang / ba spu'i bu ga thams cad nas sangs rgyas thams cad kyi sngon gyi byang chub sems dpa'i spyod pa nas bzung ste/ gtong ba dang / len pa dang / dngos po yongs su gtong ba'i rnam pa'i sprin </font><hr>Ca140a<br><font size=+1>


@#/ /mang po rab tu dgye ba dang / pha rol tu phyin pa sna tshogs dang ldan pa'i sngon gyi spyor ba rgya mtsho yongs su bstan pa dang / sbyin pa'i spyod pa 'jig rten du yongs su brjod pa dang / ser sna'i dri ma rnam par bzlog pa dang / chags pa thams cad spang ba la sems can rab tu dgod pa dang / 'jig rten rin po che sna tshogs thams cad kyi rgyan gyis brgyan par byin gyis brlab pa dang / sbyin pa'i pha rol tu phyin pa la sems can rab tu dgod pa dang / mtshan thams cad kyi yon tan yang dag par brjod pa dang / sangs rgyas kyi mtshan 'byung ba'i rgyu ston pa byed pa mthong ngo / /yang byang chub sems dpa' sangs rgyas kyi zhing grangs med pa'i rdul shin tu phra ba snyed byung nas/ tshul khrims kyi pha rol tu phyin pa yongs su brjod cing / ba spu'i bu ga thams cad nas sangs rgyas thams cad kyi tshul khrims kyi pha rol tu phyin pa dang ldan pa'i sngon gyi sbyor ba rgya mtsho yongs su bstan pa dang / sems can thams cad lam gyi rgyud dang yul las phyir phyogs par byas te/ de bzhin gshegs pa'i yul la mngon du phyogs par bya ba dang / 'jig rten gyi 'dod pa la rnam par smad pa dang / 'jig rten gyi phyin ci log gi ling tog rnam par bsal ba dang / log pa'i rnam par rtog pa rab tu zhi bar </font><hr>Ca140b<br><font size=+1>


byas nas/ byang chub sems dpa'i tshul khrims la yang dag par dgod pa dang / snying rje chen po'i tshul khrims yongs su brjod cing / de bzhin gshegs pa'i tshul khrims rab tu thob par bya ba'i phyir/ sangs rgyas kyi lam nan tan du bya ba'i tshul khrims la sems can rab tu dgod pa dang / srid pa'i lam gyi rgyud rmi lam lta bur sems can rnams la rab tu brjod cing| rmi lam gyi tshul dang mnyam par yongs su gzhol bar bya ba'i phyir/ yul yongs su 'dzin pa dang / nyon mongs pa la dbang bsgyur ba sems can rnams rab tu dgod pa byed pa mthong ngo / /yang byang chub sems dpa' sangs rgyas kyi zhing grangs med pa'i rdul shin tu phra ba snyed byung nas/ 'jig rten rnams la mdog gser gyi kha dog lta bur mngon par ston cing| khro ba med pa dang / 'khrug pa med pa dang / shar gnyer ba med pa dang / zhe sdang ba med pa dang / chud gson pa med pa dang / khong khro ba med pa'i sems la sems can rab tu dgod pa dang / byol song gi skye gnas kyi lam gyi rgyud thams cad yongs su gcad pa'i phyir/ ba spu'i sgo thams cad nas bzod pa'i pha rol tu phyin pa dang ldan pa'i de bzhin gshegs pa'i sngon gyi sbyor ba'i srid rab tu 'gyed cing / bzod pa'i stobs la sems can rab tu dgod pa dang / chos la dbang bsgyur ba la sems can rab tu snang bar byed </font><hr>Ca141a<br><font size=+1>


@#/ /pa mthong ngo / /yang byang chub sems dpa' sangs rgyas kyi zhing grangs med pa'i rdul shin tu phra ba snyed byung ste/ byang chub sems dpa'i brtson 'grus kyi stobs mtha' yas pa shin tu ston cing / thams cad mkhyen pa nyid du brtsams pa las phyir mi ldog pa'i stobs kyis thos pa rgya mtsho yongs su btsal bas mi skyo bar bya bar yongs su brjod pa dang / de bzhin gshegs pa thams cad mchod cing rim gro bya ba la sems can rab tu gzud pa/ sdug bsngal gyi phung po thams cad rnam par bzlog pa'i brtson 'grus chen po la sems can rab tu dgod pa dang / brtson 'grus kyi pha rol tu phyin pa dang ldan pa'i sngon gyi sbyor ba mang po'i sprin lus thams cad las rab tu 'gyed cing / byang chub sems dpa'i brtson 'grus kyi pha rol tu phyin pa'i spyod pa yongs su bstan pa dang / sems can rnams kyi le lo'i ri rnam par gtor ba dang / brtson 'grus kyi pha rol tu phyin pa la sems can rab tu dgod pa dang / las la dbang bsgyur ba la 'jig rten rab tu gzud pa dang / rgyun ma 'chad par brtson par byed pa mthong ngo / /yang byang chub sems dpa' sangs rgyas kyi zhing grangs med pa'i rdul shin tu phra ba snyed byung nas byang chub sems dpa' rnams kyi rjes su dran pa'i lam la </font><hr>Ca141b<br><font size=+1>


sems can thams cad rab tu dgod cing / sgrib pa dang / bar du gcod pa dang / rab rib thams cad rnam par bsal ba dang / rlom pa dang bag med pa thams cad las sems can rnam par bzlog pa dang / bag yod pa'i chos la rab tu dgod pa dang / khengs pa 'gying ba dang / nga rgyal gyi rgyal mtshan rab tu snyol ba dang / sangs rgyas kyi bsam gtan gyi yan lag rgya mtsho brjod pa dang / 'jig rten rnams la bsam gtan gyi pha rol tu phyin pa yongs su bsngags pa dang / ba spu'i bu ga thams cad nas bsam gtan gyi pha rol tu phyin pa dang ldan pa'i sngon gyi tshul mang po'i sprin rab tu dgye ba dang / sems can la dbang bsgyur ba la sems can rab tu dgod pa byed cing / skad cig re re la chos kyi dbyings rgyas par 'gengs pa mthong ngo / /yang byang chub sems dpa' sangs rgyas kyi zhing grangs med pa'i rdul shin tu phra ba snyed byung ste/ ba spu'i bu ga thams cad nas sangs rgyas kyi chos yongs su tshol ba dang ldan pa'i sngon gyi sbyor ba mang po'i sprin rab tu dgye ba dang / dbyangs kyi yan lag rgya mtsho'i skad thams cad kyis shes rab kyi pha rol tu phyin pa'i sprin gyi 'brug sgra sgrog pa dang / yang dag par lta ba'i glog rab tu 'gyed pa dang / chos kyi rang bzhin gyi sgra dbyangs rab tu bsgrag pa dang / sems can rnams kyi bdag tu lta ba'i ri'i lhun rab tu gzhig pa dang / lta ba </font><hr>Ca142a<br><font size=+1>


@#/ /thams cad kyi zug rngu dbyung ba dang / the tshom dang yid gnyis dang nem nur gyi rab rib rnam par bsal ba dang / ye shes kyi dbang yang dag par bsngags pa byed cing sems kyi skad cig re re la chos kyi dbyings rgyas par 'gengs pa mthong ngo / /yang byang chub sems dpa' sangs rgyas kyi zhing grangs med pa'i rdul shin tu phra ba snyed byung nas/ sangs rgyas thams cad kyi thabs mkhas pa'i tshul gyi dkyil 'khor rab tu rjod par byed cing / ba spu'i bu ga thams cad nas thabs mkhas pa dang ldan pa'i sngon gyi sbyor ba mang po'i sprin rab tu dgye ba dang / 'jig rten rnams la thabs mkhas pa'i spyod pa rab tu brjod pa dang / theg pa chen po'i 'byung ba mngon par bstan pa dang / sangs rgyas thams cad kyi dkyil 'khor yang dag par bsngags pa dang / 'khor ba dang / mya ngan las 'das pa tha mi dad pa'i byang chub sems dpa'i spyod pa yongs su bstan pa dang / byang chub sems dpa' rnams kyi thabs mkhas pa'i pha rol tu phyin pa la sems can rab tu dgod pa dang / 'jig rten rnams la byang chub sems dpa'i dbang gi dkyil 'khor rab tu bstan pa byed cing / sems bskyed pa re re la chos kyi dbyings rgyas par 'gengs pa mthong ngo / yang byang chub sems dpa' sangs rgyas kyi zhing grangs </font><hr>Ca142b<br><font size=+1>


med pa'i rdul shin tu phra ba snyed byung ste/ ba spu'i bu ga thams cad nas de bzhin gshegs pa thams cad kyi mtshan rgya mtsho'i sprin gyi 'brug sgra sgrog cing / ba spu'i bu ga thams cad nas byang chub sems dpa' thams cad kyi smon lam gyi pha rol tu phyin pa yongs su dag pa dang ldan pa'i sngon gyi sbyor ba mang po'i sprin rab tu dgye ba dang / smon lam gyi pha rol tu phyin pa yang dag par bsngags pa dang / byang chub sems dpa'i dbang thams cad la sems can rab tu dgod pa dang / smon lam chen po'i shing rta'i 'khor lo phyi ma'i mtha'i mur thug par 'dril ba/ chos thams cad kyi rjes su 'brang ba/ nyon mongs pa thams cad rnam par bzlog pa/ mi shes pa'i ri rnam par 'thor ba 'jig rten du rab tu rjod pa byed cing smon lam sna tshogs kyi rnam par 'phrul bas/ sems kyi skad cig re re la chos kyi dbyings rgyas par 'gengs pa mthong ngo / /yang byang chub sems dpa'i sangs rgyas kyi zhing grangs med pa'i rdul shin tu phra ba snyed byung ste/ byang chub sems dpa'i stobs rab tu snang bar bya ba dang / byang chub sems dpa'i stobs yongs su bsgrub pa'i sgra rab tu dbyung ba dang / ba spu bu ga thams cad nas stobs kyi pha rol tu phyin pa sgrub cing 'byin pa'i sngon gyi sbyor ba mang po'i sprin rab tu dgye ba dang / bdud dang phas kyi rgol ba thams cad kyis mi thub pa'i stobs yongs stobs yongs su bstan </font><hr>Ca143a<br><font size=+1>


@#/ /pa dang / khor yug dang rdo rje'i ri thams cad lus kyi steng du rdib kyang mi nyams pa'i stobs rab tu brjod pa dang / bskal pas 'tshig pa thams cad kyi me rgya mtsho'i nang na gnas kyang lus la gnod pa med pa'i stobs yongs su bstan pa dang / 'jig rten gyi khams 'byams klas pa thams cad lag pa'i mthil gyis nam mkha'i dbyings su ston pa'i stobs yongs su ston pa byed cing / sems kyi skad cig re re la chos kyi dbyings 'gengs pa rgyun mi gcod pa mthong ngo / /yang byang chub sems dpa' sangs rgyas kyi zhing brjod du med pa'i rdul shin tu phra ba snyed byung nas sems can rnams la ye shes kyi dkyil 'khor ston cing / ba spu'i bu ga thams cad nas ye shes kyi pha rol tu phyin pa yongs su dag pa dang ldan pa'i sngon gyi sbyor ba mang po'i sprin rab tu 'gyed pa dang / 'jig rten rnams la sangs rgyas thams cad kyi yon tan dang ye shes mngon par shes pa dang ldan pa'i ye shes kyi sa rab tu brjod pa dang / sangs rgyas thams cad kyi mtshan mngon par shes pa dang ldan pa'i ye shes kyis mngon par bstan pa dang / smon lam thams cad mngon par bsgrub pa'i ye shes mngon par shes pa dang ldan pa'i ye shes kyis yongs su brjod pa dang / sems can </font><hr>Ca143b<br><font size=+1>


thams cad yongs su bsdu ba'i smon lam mngon par bsgrub pa'i ye shes mngon par shes pa dang ldan pa'i ye shes kyis shin tu yangs par bya ba dang / sems can thams cad bdag med pa'i rang bzhin la gzud pa mngon par shes pa dang ldan pa'i ye shes kyis rnam par bstan pa dang / sems can thams cad kyi sems rgya mtsho rnam par blta ba mngon par shes pa dang ldan pa'i ye shes kyis rab tu brjod pa dang / sems can thams cad kyi dbang po rnam par dbye ba'i ye shes mngon par shes pa dang ldan pa'i ye shes kyi sa rab tu dbye ba dang / sems can thams cad kyi bsam pa dang / mos pa rnam par blta ba'i ye shes mngon par shes pa dang ldan pa'i ye shes kyis yang dag par brjod pa dang| sems can thams cad kyi las rgya mtsho la 'jug pa'i ye shes mngon par shes pa dang ldan pa'i ye shes kyi sa rnam par dgrol ba dang / sems can thams cad kyi smon lam rgya mtsho la 'jug pa'i ye shes mngon par shes pa dang ldan pa'i ye shes kyi sa yongs su ston pa byed cing sems kyi skad cig re re la chos kyi dbyings rgyas par 'gengs pa tshong dpon gyi bu nor bzang gis mthong ngo / /spyi bo'i gtsug tor gyi gseb nas/ de bzhin gshegs pa'i sku sangs rgyas kyi zhing grangs med pa'i rdul shin tu phra </font><hr>Ca144a<br><font size=+1>


@#/ /ba snyed mtshan dam pa dang / dpe byad bzang po rnam par dag pas brgyan pa/ 'dzam bu chu klung gi gser gyi ri bo shin tu 'bar ba ltar snang ba/ 'od kyi dkyil 'khor phyogs bcur spa zhing tshad med par 'bar ba dang / chos kyi dbyings tshul gyis rgyas par 'gengs pa'i dbyangs mnga' ba/ sangs rgyas kyi rnam par 'phrul pa mtha' dang dbus med pa yongs su ston pa 'gro ba thams cad la tha mi dad par chos kyi sprin gyi char mngon par 'bebs pa ste/ 'di ltar snying po byang chub mchog tu phyin pa'i byang chub sems dpa' rnams la chos kyi dbyings kyi gzhi'i bye brag mngon sum du shes pa'i sprin ces bya ba'i chos kyi sprin gyi char mngon par dbab pa dang / byang chub sems dpa' dbang bskur ba thob pa rnams la gzhi kun tu rten pa'i sprin ces bya ba'i chos kyi sprin gyi char mngon par dbab pa dang / byang chub sems dpa' chos chen po'i rgyal tshab tu dbang bskur ba rnams la sgo kun nas 'jug pa zhes bya ba'i chos kyi sprin gyi char mngon par dbab pa dang / byang chub sems dpa' gzhon nur gyur pa rnams la kun nas brgyan pa zhes bya ba'i chos kyi char mngon par dbab pa dang / byang chub sems dpa' phyir mi ldog pa rnams la snying rje chen po'i tshogs shin tu brtan pa zhes bya ba'i chos kyi sprin gyi char </font><hr>Ca144b<br><font size=+1>


mngon par dbab pa dang / byang chub sems dpa' lhag pa'i bsam bdag pa rnams la chos thams cad kyi rang bzhin gyi bye brag shes pa'i rdo rje zhes bya ba'i chos kyi sprin gyi char mngon par dbab pa dang / byang chub sems dpa' sngon gyi sbyor ba dang ldan pa rnams la 'gro ba yongs su sdud pas kun nas brgyan pa zhes bya ba'i chos kyi sprin gyi char mngon par dbab pa dang / byang chub sems dpa' cher skyes pa rnams la dus gsum gyi de bzhin gshegs pa'i dkyil 'khor mngon sum du dmigs pa'i sprin ces bya ba'i chos kyi sprin gyi char mngon par dbab pa dang / byang chub sems dpa' rnal 'byor la spyod pa rnams la chos thams cad kyi rang bzhin dang / gzhi rab tu sgrog pa zhes bya ba'i chos kyi sprin gyi char mngon par dbab pa dang / byang chub sems dpa' las dang po pa rnams la snying rje chen po'i tshul dang / thabs kyi snying po'i sprin kun tu 'byung ba zhes bya ba'i chos kyi sprin gyi char mngon par dbab pa dang / byang chub sems dpa' sems dang po bskyed pa rnams la dga' bar bya ba'i mdzod shin tu bsags pa'i snying po zhes bya ba'i chos kyi sprin gyi char mngon par dbab pa dang / byang chub sems dpa' yangs pa la mos pa rnams la rnam par thar pa la rnam par thar pa mi zad pa dang / de bzhin gshegs pa'i smon lam gyis </font><hr>Ca145a<br><font size=+1>


@#/ /dga' bar byed pa'i mdzod ces bya ba'i chos kyi sprin gyi char mngon par dbab pa dang / gzugs la spyod pa'i sems can rnams la gzhi kun tu mi zad pa'i mdzod ces bya ba'i chos kyi sprin gyi char mngon par dbab pa dang / tshangs pa'i ris kyi lha rnams la tshul rgya mtsho tshad med pa'i 'brug sgra'i dbyangs zhes bya ba'i chos kyi sprin gyi char mngon par dbab pa dang / dbang sgyur gyi lha rnams la stobs 'byung ba'i chos kyi yo byad mi zad pa'i mdzod ces bya ba'i chos kyi sprin gyi char mngon par dbab pa dang / bdud kyi ris kyi lha rnams la thams cad mkhyen pa nyid kyi tshogs rgyal mtshan sna tshogs can yang dag par bsgrub pa'i dbyangs zhes bya ba'i chos kyi sprin gyi char mngon par dbab pa dang / 'phrul dga'i lha rnams la ye shes rin po che sna tshogs la brtson pa zhes bya ba'i chos kyi sprin gyi char mngon par dbab pa dang / dga' ldan gyi lha rnams la byang chub sems dpa'i smon lam rin po che sna tshogs kyi rgyal mtshan zhes bya ba'i chos kyi sprin gyi char mngon par dbab pa dang / mtshe ma'i lha rnams la de bzhin gshegs pa thams cad rjes su dran pa'i mdzod ces bya ba'i chos kyi sprin gyi char mngon par dbab pa dang / lha'i dbang po brgya byin gyi gnas su de </font><hr>Ca145b<br><font size=+1>


bzhin gshegs pa mthong bas dga' ba'i shugs 'byung ba zhes bya ba'i chos kyi sprin gyi char mngon par dbab pa dang / gnod sbyin gyi dbang po'i gnas su chos kyi dbyings kyi nam mkha' la de bzhin gshegs pa'i gnas rnam par 'phrul pas rgyas par 'gengs pa zhes bya ba'i chos kyi sprin gyi char mngon par dbab pa dang / dri za'i dbang po'i gnas su de bzhin gshegs pa thams cad kyi chos yang dag par bgro ba zhes bya ba'i chos kyi sprin gyi char mngon par dbab pa dang / lha ma yin gyi gnas su ye shes kyi tshul rdo rje'i dkyil 'khor ces bya ba'i chos kyi sprin gyi char mngon par dbab pa dang / nam mkha' lding gi dbang po'i gnas su de bzhin gshegs pa thams cad 'byung ba'i thabs kyi sprin ces bya ba'i chos kyi sprin gyi char mngon par dbab pa dang / mi'am ci'i dbang po'i gnas su chos kyi sprin yang dag par 'gro ba thams cad kyi dbyangs zhes bya ba'i chos kyi sprin gyi char mngon par dbab pa dang / klu'i dbang po'i gnas su byang chub sems dpa'i rnam par 'phrul ba sgrog cing srid pa'i lam gyi rgyud las skyo ba skyed pa zhes bya ba'i chos kyi sprin gyi char mngon par dbab pa dang / lto 'phye chen po'i dbang po'i gnas su dga' ba rgya mtsho rnam par 'phel bar byed pa'i shugs zhes bya ba'i chos kyi </font><hr>Ca146a<br><font size=+1>


@#/ /sprin gyi char mngon par dbab pa dang / mi'i gnas su 'gro ba thams cad las khyad par du 'phags pa'i ye shes rnam par 'byed pa zhes bya ba'i chos kyi sprin gyi char mngon par dbab pa dang / sems can dmyal ba'i 'jig rten du 'khor ba'i sdug bsngal thams cad rab tu zhi ba'i dbyangs dang / 'phags pa'i lam gyi tshig gi rgyud kyis brgyan pa zhes bya ba'i chos kyi sprin gyi char mngon par dbab pa dang / byol song gi skye gnas su las kyi lam kha na ma tho ba med pa la nan tan du bya ba'i dbyangs dang / de bzhin gshegs pa rjes su dran pa'i sprin gyi dkyil 'khor gyi lhun ces bya ba'i chos kyi sprin gyi char mngon par dbab pa dang / gshin rje'i 'jig rten du de bzhin gshegs pa thams cad kyi pha rol tu phyin pa bsgrags pas/ sems can thams cad kyi gtong ba'i sems 'byung ba zhes bya ba'i chos kyi sprin gyi char mngon par dbab pa dang / sems can log par lhung ba rnams la sdug bsngal thams cad zhi ba rab tu 'thob pas dbugs dbyung ba'i dbyangs kyi nga ro zhes bya ba'i chos kyi sprin gyi char mngon par dbab pa mdzad cing / chos kyi dbyings rgyas par 'gengs pa tshong dpon gyi bu nor bzang gis mthong ngo / /ba spu'i bu </font><hr>Ca146b<br><font size=+1>


ga thams cad las ba spu'i sgo re re nas kyang 'od zer gyi dra ba dang / dkyil 'khor gyi kha dog dang / gzugs kyi glong dang rgyan grangs med pa can/ dgos pa sna tshogs grangs med pa la sta gon du gnas pa/ sangs rgyas kyi zhing grangs med pa'i rdul shin tu phra ba snyed byung nas phyogs bcu'i chos kyi dbyings rgyas par 'gengs pa mthong ste/ 'di ltar ba spu'i sgo'i 'od zer gyi dra ba dang / dkyil 'khor la la las ni/ sbyin pa'i spyod pa skyon med pas bdog pa thams cad yongs su gtong bar rnam par 'phrul ba mthong ngo / /ba spu'i sgo'i dra ba dang / dkyil 'khor la la las ni/ dus gsum gyi byang chub sems dpa' thams cad kyi tshul khrims dang / brtul zhugs dang / yid dam dang / tshul gyi dkyil 'khor du rnam par 'phrul pa mthong ngo| |ba spu'i sgo'i 'od zer gyi dra ba dang / dkyil 'khor la la las ni/ byang chub sems dpa' thams cad bzod pa'i spyod pa'i rnam pa dus gsum du byung ba'i byang chub sems dpa' rnams rkang lag dang / yan lag gi dam pa gcad kyang / nyams su bzod pa byed pa'i rnam par 'phrul ba dang / khu tshur dang dbyig pas bsnun te/ mtshon gyis lus la btab kyang| nyams su bzod par byed pa'i rnam par 'phrul pa dang / lus thams cad gshegs sam snying dang mig phyung yang / nyams su bzod pa byed pa'i rnam par 'phrul pa mthong </font><hr>Ca147a<br><font size=+1>


@#/ /ngo| |byang chub sems dpa' dus gsum du byung ba/ rnam par brtags pa'i lus dang ldan pa gzhan dag gis thams cad mkhyen pa'i chos nyid yongs su btsal ba'i ched du lus dang sems la gnod pa thams cad dang / yan lag dang / nying lag gcad pa thams cad kyang snying rje chen pos dbang du byas pa'i phyir nyams su bzod par byas pa dang / bag la zha bar byas pa dang / gtang snyoms su bzhag pa'i byang chub sems dpa'i bzod pa'i spyod pa rnam par 'phrul ba'i gzugs brnyan gyi gzugs de lta bu dag kyang mthong ngo / /ba spu'i sgo'i 'od zer gyi dra ba dang / dkyil 'khor la la las ni/ byang chub sems dpa' thams cad kyi brtson 'grus kyi spyod pa rnam pa tha dad pa rnam par phye ba'i gzugs dang / byang chub sems dpa' 'das pa dang / ma 'ongs pa dang / da ltar byung ba'i brtson 'grus kyi rnam par 'phrul ba 'jig rten yongs su bskyod pa dang / rgya mtsho yongs su skem pa dang / sems can yongs su skyo bar bya ba dang / mu stegs can thams cad yongs su tshar gcad pa dang / bdud thams cad spa bkong ba dang / chos kyi phyogs snang bar bya ba'i byang chub sems dpa'i mthu chen po rnam par 'phrul ba mthong ngo / /pa spu'i sgo'i 'od zer gyi dra ba dang / </font><hr>Ca147b<br><font size=+1>


dkyil 'khor la la las ni/ byang chub sems dpa' thams cad kyi spyod pa rnam par rgyu ba'i rnam grangs ji snyed pa dang / lus nye bar len pa ji snyed pa dang / rigs su skye ba yongs su gzung ba ji snyed pa dang / gzugs kyi lus yongs su grub pa ji snyed pa dang / dge ba'i bshes gnyen gyis rjes su bstan pa yongs su gzung ba ji snyed pa dang / dge ba'i bshes gnyen gyi man ngag la nan tan du bya ba'i gnas ji snyed pa dang / de bzhin gshegs pa'i bsam gtan gyi yan lag yongs su bsgrub pa dang mthun pa'i gtsug lag khang dang / gnas dang| gzhal med khang dang / yul dang / ri'i sul ji snyed pa dang / bsam gtan gyi yan lag de dag sus yongs su bsgrub pa'i drang srong gi lus ji snyed pa dang / rgyal po'i thabs ji snyed pa dang / 'byung ba la mngon par mos pa ji snyed pa dang / brtul zhugs dang / yi dam dang / tshul dang / spyod lam ji snyed pa de dag thams cad kyang tshong dpon gyi bu nor bzang gis mthong ngo / /ba spu'i sgo'i 'od zer gyi dra ba dang / dkyil 'khor la la las ni/ shes rab kyi pha rol tu phyin pa'i spyod pa la rnam par spyod cing / chos thams cad yongs su tshol ba dang ldan pa'i lus yongs su bzung ba mthong ste/ lus gang gis chos kyi tshig gcig gi don du yang bdog pa thams cad yongs su btang ste/ sems can thams </font><hr>Ca148a<br><font size=+1>


@#/ /cad las yongs su btsal ba dang / rim gro dang / bkur sti thams cad kyis dge ba'i bshes gnyen thams cad las yongs su btsal ba dang| dad pa dang / sri zhus lus rab tu btud de/ de bzhin gshegs pa rnams las yongs su btsal ba dang / chos kyi tshig gcig la ji lta ba de bzhin du shes rab kyi pha rol tu phyin pa dang ldan pa'i chos kyi tshig thams cad la'ang de bzhin te/ 'gro ba thams cad du gzugs brnyan byung ba'i lus thams cad kyis yongs su btsal ba de dag thams cad kyang tshong dpon gyi bu nor bzang gis/ ba spu'i sgo gcig gi 'od zer gyi dra ba dang / dkyil 'khor las mthong ngo / /ba spu'i sgo'i 'od zer gyi dra ba dang / dkyil 'khor la la las ni/ byang chub sems dpa' thams cad kyi sems can yongs su smin par bya ba'i thabs 'gro ba'i rgyud rgya mtsho thams cad du 'byams klas pa sems can thams cad yongs su bsdu ba'i sbyor ba mthong ngo / /sems can re re la yang lus dang spyod pa'i tshul gyi sgo sngon gyi lus nye bar blangs pa/ thabs mkhas pa'i spyod pa la brtson pa/ sems can thams cad kyi lus dang 'dra bas yongs su sdud pa yang ba spu'i sgo'i 'od zer gyi dra ba'i dkyil 'khor gcig las mthong ngo / /ba </font><hr>Ca148b<br><font size=+1>


spu'i sgo'i 'od zer gyi dra ba'i dkyil 'khor la la las ni/ sngon gyi bcom ldan 'das kyis bskal pa thams cad du smon lam mngon par bsgrubs pa'i spyod pa dang / sems can thams cad yongs su smin par bya ba'i smon lam mngon par bsgrubs pa'i spyod pa dang / zhing thams cad yongs su dag par bya ba'i smon lam mngon par bsgrub pa mdzad pa ji snyed pa dang / smon lam thams cad mngon par bsgrubs pa'i dkyil 'khor ji snyed cig de bzhin gshegs pa de dang de dag gi zhabs kyi drung du 'khor ba'i skyon thams cad las 'khor ba'i skyon so so re re'i gnyen por mngon par bsgrubs pa mdzad pa de dag thams cad kyang / tshong dpon gyi bu nor bzang gis/ ba spu'i sgo'i 'od zer gyi dra ba'i dkyil 'khor gcig las mthong ngo / /ba spu'i sgo'i 'od zer gyi dra ba'i dkyil 'khor la la las ni/ stobs kyi pha rol tu phyin pa'i spyod pa thams cad dang ldan pa'i sngon gyi sbyor ba rgya mtsho mthong ngo / /ba spu'i sgo'i 'od zer gyi dra ba'i dkyil 'khor la la las ni/ ye shes kyi spyod pa rnam par rgyu ba thams cad dang ldan pa mi shes pa'i gnyid kyis log pa'i sems can sad par byed pa'i rang bzhin dang ldan pa'i sngon gyi sbyor ba rgya mtsho mthong bar gyur to/ /de nas tshong dpon gyi bu nor bzang dge slong rgya </font><hr>Ca149a<br><font size=+1>


@#/ /mtsho'i rgyal mtshan de ltar mnyam par bzhag pa la sems shing rtog pa dang / ting nge 'dzin gyi rnam par thar pa'i dkyil 'khor de rjes su dran par bya ba dang / byang chub sems dpa'i ting nge 'dzin gyi khyu mchog gi mthu phyung ba de la rjes su rnam par bsam pa dang / sems can gyi don gyi tshul rgya mtsho de la 'jug par bya ba dang / mngon par 'du bya ba'i sgo rgyud kun la mngon du gnas pa'i rgyan de'i rjes su 'brang zhing khong du chud par bya ba dang / chos kyi dbyings kyi rgyan rnam par dag pa'i ye shes kyi sgo de la 'jug par bya ba dang / sangs rgyas kyi byin gyi rlabs yang dag par mnod pa'i ye shes de la rab tu brtag pa dang / byang chub sems dpa'i dbang gi stobs de yongs su bskyed pa dang / byang chub sems dpa'i smon lam gyi stobs de brtan par bya ba dang / byang chub sems dpa'i spyod pa'i stobs de shin tu rgyas par bya ba byed cing / dge slong rgya mtsho'i rgyal mtshan gyi mdun du nyin zhag gcig kyang lon no/ /nyin zhag gnyis dang / bdun yang lon no/ /zla ba phyed dang / zla ba gcig dang / zla ba gnyis dang / zla ba drug gi bar dang / nyin zhag kyang drug tu dge slong rgya mtsho'i rgyal mtshan gyi mdun du lon te/ de ltar zla ba drug dang / nyin zhag drug 'das nas/ dge slong rgya mtsho'i rgyal mtshan ting nge 'dzin de las </font><hr>Ca149b<br><font size=+1>


langs so/ /de nas nor bzang gis smras pa/ 'phags pa/ ting nge 'dzin 'di de ltar zab la/ de ltar rgya che zhing / de ltar tshad ma mchis pa'i yul dang ldan pa dang / de ltar bsam gyis mi khyab pa'i rgyan dang ldan pa dang / de ltar snang ba mtshungs pa ma mchis pa dang / de ltar grangs ma mchis pa'i rgyan dang ldan pa dang / de ltar mi 'phrog pa'i spyod yul dang ldan pa dang| de ltar ma 'dres pa'i yul dang ldan pa dang / de ltar phyogs kun tu rnam par snang ba dang / ting nge 'dzin 'di de ltar sems can gyi don tshad ma mchis pa rab tu sgrub par gyur pa ni ngo mtshar te/ de nas sems can thams cad kyi sdug bsngal gyi phung po tshad ma mchis pa rnam par zhi bar bgyi ba la sta gon du gnas pa ste/ 'di ltar dbul ba'i sdug bsngal zhi bar bgyi ba la sta gon du gnas so/ /sems can dmyal ba'i lam gyi rgyud rgyun gcad pa dang / byol song gi skye gnas kyi lam gyi rgyud las yongs su bskyab pa dang / mi khom pa'i lam gyi rgyud kyi sgo thams cad gcad pa dang / mtho ris kyi lam gyi rgyud du phyin par bgyi ba dang / lha dang mi'i dga' ba dang bde ba 'byung bar bgyi ba dang / bsam gtan gyi yul gyi dga' ba nyams su myong bar bgyi ba dang / 'dus byas la spyod pa'i bde ba yongs su 'phel bar bgyi ba dang / khams gsum pa las 'byung ba'i sgo yongs su bstan </font><hr>Ca150a<br><font size=+1>


@#/ /pa la sta gon du gnas pa'o/ /byang chub kyi sems yang dag par skye ba'i rgyu yongs su brjod pa la sta gon du gnas pa'o/ /bsod nams dang ye shes kyi tshogs yang dag par skye ba'i rgyu rnam par 'phel bar bgyi ba dang / snying rje chen po'i shugs rgya chen po rnam par 'phel bar bgyi ba dang / smon lam chen po'i stobs yongs su bskyed par bgyi ba dang / byang chub sems dpa'i lam snang ba rab tu 'thob par bgyi ba dang / pha rol tu phyin pa chen po'i theg pa rnam par dgod pa dang / theg pa chen po'i khyad par la 'jug pa mngon par bsgrub pa dang / kun tu bzang po'i spyod pa shes shing snang bar bgyi ba dang / byang chub sems dpa'i sa shes shing snang ba thob par bgyi ba dang / byang chub sems dpa' thams cad kyi smon lam dang / spyod pa dang / 'byung ba'i rgyan rnam par dag pa yongs su bsgrub pa dang / thams cad mkhyen pa'i sa gnan pa la thogs pa ma mchis par bgyi ba sta gon du gnas pa'o/ /'phags pa/ ting 'dzin de'i ming ci zhes bgyi/ smras pa/ rigs kyi bu/ shes rab kyi pha rol tu phyin pa kun nas lta ba'i btang snyoms yongs su thob pa zhes bya ba yod de/ ting 'dzin 'di ni de'i snang ba ste/ sgo kun nas rnam par dag pa'i rgyan ces bya ba'o/ /rigs </font><hr>Ca150b<br><font size=+1>


kyi bu/ shes rab kyi pha rol tu phyin pa kun nas lta ba'i btang snyoms rab tu thob pa'i snang ba las skyes pa'i ting nge 'dzin sgo kun nas rnam par dag pa'i rgyan ces bya ba 'di shin tu bsgoms na/ sgo kun nas rnam par dag pa'i rgyan la sogs pa ting nge 'dzin brgya stong grangs med pa phrag bcu tshang ba yongs su 'grub par 'gyur ro/ /smras pa/ 'phags pa/ ting nge 'dzin 'di'i yul der bas sam ma bas/ smras pa/ rigs kyi bu/ ting nge 'dzin 'di la snyoms par zhugs pa la ni 'jig rten gyi khams rnam par dmigs pa la thogs pa med do/ / 'jig rten gyi khams su 'jug par bya ba la thogs pa med do/ /'jig rten gyi khams rnam par gnon pa la thogs pa med do/ /'jig rten gyi khams yongs su brgyan pa la thogs pa med do/ /'jig rten gyi khams yongs su sbyang ba la thogs pa med do/ /'jig rten gyi khams yongs su dag par bya ba la thogs pa med do/ /sangs rgyas blta zhing rnam par dmigs par bya ba la thogs pa med do/ /sangs rgyas kyi bdag nyid che ba brtag pa la thogs pa med do/ /sangs rgyas kyi rnam par 'phrul pa yongs su shes par bya ba la thogs pa med do/ /sangs rgyas kyi stobs la 'jug cing khong du chud par bya ba la thogs pa med do/ /sangs rgyas kyi yon tan rgya mtshor 'jug pa la thogs pa med do/ /sangs </font><hr>Ca151a<br><font size=+1>


@#/ /rgyas kyi chos kyi sprin gyi char yongs su gzung ba la thogs pa med do/ /sangs rgyas kyi chos kyi 'khor lo 'khor ma 'dres pa shes shing khong du chud par bya ba la thogs pa med do/ /sangs rgyas kyi 'khor gyi dkyil 'khor gyi rgya mtsho la 'jug cing khong du chud par bya ba la thogs pa med do/ /phyogs bcur 'jug cing rjes su bgrang bar bya ba la thogs pa med do/ /sangs rgyas kyi chos bstan pa rjes su brtag par bya ba la thogs pa med do/ /sangs rgyas kyi phyogs rjes su brtag par bya ba la thogs pa med do/ /snying rje chen po'i phyogs rnam par mi spang pa la thogs pa med do/ /byams pas phyogs rgyas par dgang ba la thogs pa med do/ /sangs rgyas blta ba'i phyogs la 'jug pas mi ngoms par bya ba la thogs pa med do/ /sems can rgya mtsho thams cad du 'jug cing khong du chud par bya ba la thogs pa med do| |sems can gyi dbang po rgya mtsho thams cad shes shing khong du chud par bya ba la thogs pa med do/ /sems can gyi dbang po thams cad shes par bya ba la thogs pa med do/ /rigs kyi bu /kho bos ni shes rab kyi pha rol tu phyin pa la rnam par spyod pa 'di shes su zad na/ byang chub sems dpa' shes rab kyi pha rol tu phyin pa la </font><hr>Ca151b<br><font size=+1>


rnam par spyod pa rgya mtsho la zhugs pa/ chos kyi dbyings kyi yul la blo gros rnam par dag pa/ chos thams cad la rig pa rjes su 'brang ba'i ye shes can/ blo shin tu yangs pas tshad med pa'i yul rgyas par 'gengs pa/ gzungs chen po'i snang ba la dbang bsgyur ba/ ting nge 'dzin gyi dkyil 'khor snang ba thams cad shin tu dag pa mngon par shes pas rnam par 'phrul pa dang / khyu mchog gi mthu 'byin pa la shin tu 'byung ba/ tha dad pa yang dag par shes pa mi zad pa'i rgya mtsho la zhugs pa/ ngag snyan pa sa'i snying po dang ldan pa brjod pa/ 'gro ba thams cad kyi rten du gyur pa rnams kyi spyod pa shes pa'am/ yon tan brjod pa'am/ spyod yul bstan pa'am/ yul rab tu brjod pa'am/ smon lam chen po'i stobs yang dag par bsngags pa'am/ 'byung ba'i sgo yongs su snang bar bya ba'am/ yang dag par bsgrub pa mngon par brjod pa'am/ lam yongs su bstan pa'am/ ting nge 'dzin gyi rgyun gyi rjes su 'brang bar bya ba'am/ sems kyi yul shes par bya ba'am/ ye shes mnyam pa nyid khong du chud par bya bar nus re skan| song / rigs kyi bu/ lho phyogs kyi rgyud 'di nyid na/ phyogs kyi gnas rgya mtsho rnam par rlob pa zhes bya ba yod de/ de na bza' shing gi ra ba kun nas rnam par brgyan </font><hr>Ca152a<br><font size=+1>


@#/ /pa zhes bya ba zhig /grong khyer 'od chen po zhes bya ba'i shar phyogs logs na yod de/ de na shes las skyes pa'i rgyal po 'od bzang gi chung ma/ dge bsnyen ma yid bzhin zhes bya ba yod kyi/ de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang dga' rangs te/ mgu zhing nyams bde la/ tshim zhing yid bde ba skyes nas/ dge slong rgya mtsho'i rgyal mtshan las snying po yongs su blangs te/ chos kyis nye bar 'tsho bar byas pa/ ting nge 'dzin gyi yul la zhugs pa/ snang ba thob pa ye shes snang bar gyur pa/ ting nge 'dzin gyi snang ba rab tu thob pa/ mos pa rnam par dag pa khong du chud pa/ sems can chos kyi tshul gyi snang ba'i rjes su song ba/ rnam par dag pa'i sgos snang ba dang ldan par gyur pa/ phyogs su ye shes kyi snang ba rab tu 'dal ba des/ dge slong rgya mtsho'i rgyal mtshan gyi rkang pa gnyis la spyi bos phyag 'tshal te/ lan brgya stong du mar g.yas phyogs su bskor ba byas nas/ dge slong rgya mtsho'i rgyal mtshan la btud de phyag 'tshal nas/ yang dang </font><hr>Ca152b<br><font size=+1>


yang lta zhing / yang dang yang mngon par blta ba dang / phyag bya ba dang / rab tu gdud pa dang / gus bar bya ba dang / rim gror bya ba dang / yid la bya ba dang / bsam pa dang / bsgom pa dang / yongs su bsgom pa dang / legs par brjod pa dang / ngo mtshar du bya ba dang / yon tan mngon du bya ba dang / rjes su bsngags pa dang / rjes su 'brang bar bya ba dang / rjes su dran par bya ba dang / brtan par bya ba dang / mi btang ba dang / yid la bsam pa dang / rjes su 'brang bar bya ba dang / smon lam gyi rjes su 'jug par bya ba dang / mthong bar dga' ba dang / dbyangs kyi mtshan ma gzung ba dang / gzungs kyi rjes su bsam pa dang / ming yongs su gzung ba'i rjes su song ba'i sems dang ldan par bya ba dang / kha dog dang dbyibs rjes su dran par bya ba dang / ye shes kyi yul rjes su bsam pa dang / ting nge 'dzin gyi yul la rjes su 'jug par bya ba dang / smon lam gyi yul la rjes su 'brang bar bya ba dang / spyod yul gyi yul rnam par dpyad par bya ba dang / ye shes kyi snang ba yongs su gzung ba byed cing dge slong rgya mtsho'i rgyal mtshan gyi drung nas song ngo // //bam po dgu bcu gnyis pa/ de nas tshong dpon gyi bu nor bzang dge ba'i ba shes gnyen gyi yon tan gyis ni mgu/ dge ba'i bshes </font><hr>Ca153a<br><font size=+1>


@#/ /gnyen gyis ni yang dag par bsngags te btang / dge ba'i bshes gnyen mthong ba'i byin gyis ni byin du brlabs/ dge ba'i bshes gnyen gyi gdams ngag la ni nan tan du byed/ dge ba'i bshes gnyen yid du 'ong ba ni rjes su sems/ dge ba'i bshes gnyen la ni sangs rgyas kyi chos kyi 'byung gnas tsam du lta/ dge ba'i bshes gnyen ni sangs rgyas kyi chos ston pa yin par yang dag par lta/ dge ba'i bshes gnyen ni thams cad mkhyen pa nyid kyi chos rjes su lta/ dge ba'i bshes gnyen ni sangs rgyas nam mkha' blta ba la mig tsam du lta zhing mthar gyis phyogs kyi gnas/ rgya mtsho rnam par rlob pa'i bza' shing gi rab kun nas rnam par brgyan pa gang na ba der phyin nas/ des mthong mthong ba/ bza' shing gi ra ba kun nas rnam par brgyan pa rin po che thams cad kyi ra bas kun nas bskor ba/ rin po che'i shing gi phreng ba spel legs pas yongs su brgyan pa/ rin po che thams cad kyi shing gi phreng ba'i me tog srad bu yid du 'ong ba'i sprin rab tu 'phrul bas gzhi rgyas pa/ rin po che thams cad kyi shing gis yang dag par brgyan pa/ shing thams cad kyi me tog shin tu rgyas pa sna tshogs kyis yongs su </font><hr>Ca153b<br><font size=+1>


gang ba/ spos sna tshogs kyi shing gi phreng ba las phyogs kun tu spos kyi ngad zhim pa/ rin po che'i phreng ba'i shing sna tshogs kyi lhun las/ rin po che sna tshogs kyi phreng ba 'phyang ba rab tu 'byung zhing char ltar mngon par 'bab pa/ rin po che'i rgyal po thams cad kyi shing dang / nor bu rin po che sna tshogs kyis mdzes shing spa la rgya cher brgyan pa'i gzhi can/ yid bzhin gyi gos kyi shing thams cad las kha dog sna tshogs kyi gos 'byung bas gam yo khebs shing mdzes par brgyan pa/ sil snyan gyi shing thams cad las| lha rdzas las kyang 'phags pa'i sil snyan rlung gis bskyod cing sgra 'byin pa'i dbyangs snyan pa 'byung ba/ sa'i gzhi mthon dman med par gnas pa/ rgyan gyi shing sna tshogs kyi gseb nas rgyan sna tshogs rnam pa tha dad par rgyun du 'byung zhing 'phyang bas rab tu brgyan pa'i rgyan dang ldan pa mthong ste/ bza' shing gi ra ba chen po kun nas rnam par brgyan pa de'i nang na khang pa bye ba brgya stong phrag bcu kun kyang / nor bu rin po che dam pa sna tshogs kyi ba gam gyis rnam par brgyan pa dang / khang pa brtsegs pa brgya stong phrag bcu 'dzam bu chu klung gi gser las brtsegs pa'i bde dang ldan pa dang / gzhal med khang brgya stong phrag bcug gdung rin po che rnam par snang </font><hr>Ca154a<br><font size=+1>


@#/ /pa las bres pa dang / rdzing bu brgya stong phrag bcu rin po che thams cad las gzhi blangs te/ rin po che sna tshogs kyi pha gus mu khyud byas pa/ rin po che thams cad kyi them skas btags pa/ rin po che sna tshogs kyi stegs bus bskor ba/ lha rdzas kyi tsan dan gyi dri dang ldan pa'i chus gang ba/ gser gyi bye mas kun tu gram pa| gzhi nor bu rin po che chu 'dang kun tu bkram pa/ phyogs bzhi nas them skas rnam par bres pa/ yan lag brgyad dang ldan pa'i chus gang ba dang / ngang dur dang / rma bya dang / khu byug dang / khrung khrung dang / ka la ping+ka dang / ku na la'i sgra skad snyan pa'i dbyangs dang ldan pa/ rin po che'i ta la'i phreng bas kun nas brgyan pa/ gser gyi dril bu'i dra bas kun nas yog pa/ rlung gis bskyod pa'i sgra yid du 'ong ba 'byung ba/ steng nas rin po che'i bla re chen po bres pa/ rin po che sna tshogs kyi shing gi ra bas yongs su bskor ba| rin po che'i dra bas brgyan pa'i gdugs dang / rgyal mtshan legs par bsgreng ba/ lu ma brgya stong phrag bcu dus dang mthun pa'i tsan dan gyi 'dam gyis mtha' 'khor ba/ rin po che sna tshogs kyi kha dog tu 'dug pa'i pad+mos yongs su khyab pa/ rin po che'i pad+mo'i 'od chen pos snang bar gyur pa'i chu dri ma med pa dang ldan pa yod pa </font><hr>Ca154b<br><font size=+1>


ste| bza' shing gi ra ba de'i dbus na gzhal med khang chen po rgyal mtshan sna tshogs zhes bya ba sa'i gzhi rin po che rgya mtsho'i snying po las blangs pa/ nor bu rin po che'i ka ba bkye ba/ 'dzam bu chu klung gi gser gyi lhun mngon par 'phags pa nor bu rin po che 'gro bar rnam par snang ba'i spang leb bkye bas brgyan pa/ gzhi nor bu rin po che 'bar ba grangs med pa'i ra bas bres pa/ rin po che'i rgyal po mi pham pa'i spos kyi dris gam yo kun nas bdugs pa/ rin po che'i rgyal po sgra snyan pa 'byin pa'i dri'i ngad kun tu ldang ba| rin po che'i rgyal po dri rnam par gsal bar byed pas/ dbang po rno ba'i bag chags rnam par bsgrubs pa dang ldan zhing gzhal med khang chen po rgyal mtshan sna tshogs der stan grangs med cing tshad med pa bting bar gyur pa 'di lta ste/ pad+mo'i snying po can dang / nor bu rin po che phyogs snang bar byed pa'i pad+mo'i snying po can dang / nor bu rin po che rnam par snang ba'i pad+mo'i snying po can dang / nor bu rin po che 'gro ba yid du 'ong ba'i pad+mo'i snying po can dang / nor bu rin po che mdzod sna tshogs kyi pad+mo'i snying po can dang / nor bu rin po che seng ge'i shing thags pad+mo'i snying po can dang / nor bu rin po che dri ma med pa'i pad+mo'i snying po can dang / nor bu rin po ches brgyan pa'i pad+mo'i snying po can </font><hr>Ca155a<br><font size=+1>


@#/ /dang| nor bu rin po che sgo kun nas brgyan pa'i pad+mo'i snying po can dang / nor bu rin po che 'od kyi rgyan gyi pad+mo'i snying po can dang / nor bu rin po che rgya mtsho'i gnas rnam par dag pa'i rin po ches rnam par brgyan pa'i 'od zer kun tu 'byung ba'i pad+mo'i snying po can dang / nor bu rin po che rdo rje'i seng ges gnon pa'i pad+mo'i snying po can dag bshams shing bting ba ste/ gzhal med khang chen po rgyal mtshan sna tshogs de'i ba gam mang po yang rin po che bsam gyis mi khyab pa las byas pa/ rin po che sna tshogs kyis rnam par brgyan pa/ kha dog bsam gyis mi khyab par mdzes shing gzugs yod du 'ong ba dag go /bza' shing gi ra ba kun nas brgyan pa de steng nas bla re chen po brgya stong phrag bcus kun nas khebs pa ste/ 'di ltar gos kyi bla re dang / 'khri shing gi bla re dang / me tog gi bla re dang / phreng ba'i bla re dang / spos kyi bla re dang / nor bu rin po che'i bla re dang / gser gyi bla re dang / rgyan gyi bla re dang / rin po che rdo rje snang ba'i bla re dang / glang po'i shugs dang ldan pas sprul pa'i lha mo'i bla re dang / nor bu rin po che brgya byin mngon par dga' ba'i bla re dang / de dag la sogs pa bla re brgya stong phrag bcus kun nas khebs par byas pa'o// </font><hr>Ca155b<br><font size=+1>


rin po che'i dra ba brgya stong phrag bcus kun nas yog pa ste/ 'di ltar rin po che dam pa'i dril bu'i dra ba dang / rin po che'i gdugs kyi dra ba dang / rin po che'i 'bru'i dra ba dang| mu tig rgya mtsho'i snying po'i dra ba dang / nor bu rin po che bai DUR+Ya sngon po'i dra ba dang / seng ge'i 'khri shing gi dra ba dang / nor bu rin po che chu shel gyi dra ba dang / spos kyi gzugs kyi dra ba dang / rin po che'i cod pan dang / rin po che'i phreng ba'i dra ba dang / de dag la sogs pa rin po che'i dra ba brgya stong phrag bcus kun nas yog pa/ snang ba chen po brgya stong phrag bcus kyang kun nas yog pa ste/ 'di ltar nor bu rin po che skar ma'i 'od zer gyi snang ba dang / nor bu rin po che nyi ma'i snying po'i snang ba dang / nor bu rin po che zla ba'i rgyal mtshan gyi snang ba dang / nor bu rin po che spos kyi dud pa 'od 'phro ba'i snang ba dang / nor bu rin po che dpal gyi snying po'i snang ba dang / nor bu rin po che pad+mo'i snying po'i snang ba dang / nor bu rin po che skar ma'i rgyal mtshan gyi snang ba dang / nor bu rin po che sgron ma chen po'i snang ba dang / nor bu rin po che phyogs kun tu rnam par snang ba'i snang ba dang / nor bu rin po che spos kyi sprin chen po'i snang ba dang / glog gi phreng ba 'byung ba'i snang ba dang / de dag la sogs pa nor bu rin po che'i snang </font><hr>Ca156a<br><font size=+1>


@#/ /ba chen po brgya stong phrag bcus rtag tu snang bar byas pa'o/ /bza' shing gi ra ba de ni rgyan chen po'i sprin brgya stong phrag bcu'i char 'bab pa'i rgyan dang ldan pa ste/ dus dang mthun pa'i tsan dan gyi sprin brgya stong phrag bcu'i 'brug sgra rab tu 'byung ba lha rdzas las 'das pa'i phreng ba dang lda ldi'i sprin chen po kun tu mched pas rab tu brgyan pa/ lha rdzas las 'das pa'i gos tshon sna tshogs dang ldan pa'i sprin brgya stong phrag bcu'i sprin mngon par 'bab pa/ lha rdzas las 'das pa'i rgyan gyi sprin brgya stong phrag bcus rnam par klubs pa/ lha'i bu brgya stong phrag bcu mthong bar dga' ste/ 'og tu lta zhing rab tu 'dud pa'i phyag char bzhin du 'bab pa/ lha mi'i sprin brgya stong phrag bcu sngon gyi spyod pa'i skal ba mnyam pos rang rang gi lus 'bul ba'i char mngon par 'bab pa/ byang chub sems dpa'i sprin brgya stong phrag bcus chos mnyan pas sgom zhing 'ong ba'i char mngon par 'bab pa ste/ de na dge bsnyen ma yid bzhin gser gyi snying po'i khri chen po la 'dug cing mu tig rgya mtsho'i snying po'i dra bas brgyan pa'i cod pan thogs pa/ lag pa la lha rdzas las 'das pa'i gser gyi dpung rgyan dang / gdu bu thogs pa/ lag pa nor bu rin po che dpal gyi rang bzhin </font><hr>Ca156b<br><font size=+1>


gyi 'od zer gyis rnam par mdzes par gyur pa/ rna cha rin po che mthon thing dri ma med pa rab tu 'phyang ba/ mgo nor bu rin po che'i dra bas mdzes par brgyan pa/ nor bu rin po che seng ge'i gdong gi rna ba'i gong rgyan thogs pa/ nor bu rin po che yid bzhin gyi rgyal po'i mgul 'khor thogs pa/ lus rin po che thams cad kyi dra bas yog cing 'od rab tu 'bar ba| srog chags bye ba khrag khrig gis lus rab tu btud de/ phyag bya ba zhig 'dug ste/ dge bsnyen ma yid bzhin de'i drung du shar phyogs nas tshangs pa chen po'am/ tshangs lha nye phan nam/ tshangs pa'i ris su gtogs pa'am/ dbang byed dam/ gzhan 'phrul dbang byed kyi ris su gtogs pa'am/ rab 'phrul dga'am/ 'phrul dga'i ris su gtogs pa'am/ rab dga' ldan nam/ dga' ldan gyi ris su gtogs pa'am/ rab mtshe ma'am/ mtshe ma'i ris su gtogs pa'am/ lha'i dbang po'am/ sum cu rtsa gsum gyi ris su gtogs pa'am/ gnod sbyin gyi dbang po'am/ gnod sbyin nam/ dri za'i dbang po'am/ dri za'am/ grul bum gyi dbang po'am/ grul bum mam| klu'i dbang po'am/ klu'am/ lha ma yin gyi dbang po'am/ lha ma yin nam/ nam mkha' lding gi dbang po'am/ nam mkha' lding ngam/ mi'am ci'i dbang po'am/ </font><hr>Ca157a<br><font size=+1>


@#/ /mi'am ci'am/ lto 'phye chen po'i dbang po'am/ lto 'phye chen po'am/ gshin rje'am/ gshin rje'i bu mo'am/ yi dwags rdzu 'phrul chen po'am/ yi dwags sam/ mi'i dbang po'am/ mi yang rung ste/ sems can tshad med grangs med pa dag 'ong ba dang / de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs nas kyang tshangs pa chen po'am/ tshangs lha nye phan nam/ tshangs pa'i ris su gtogs pa'am/ dbang byed dam/ dbang byed kyi ris su gtogs pa nas/ mi'i dbang po'am/ mi'i bar gyi sems can mang po 'ong ba de dag nad sna tshogs shig gis btab pas/ nyon mongs pa sna tshogs kyis kun nas 'khor tam/ lta ba'i rnam pa sna tshogs la mngon par zhen tam/ las kyi sgrib pas bsgribs pa zhig yod na'ang / de dag gis dge bsnyen ma yid bzhin de mthong ma thag tu nad thams cad kyang rab tu zhi bar gyur| sems kyi nyon mongs pa'i dri ma dang yang bral bar gyur/ lta ba'i gsal shing yang phyin par gyur/ sgrib pa'i ri thams cad kyang rnam par shigs par gyur/ </font><hr>Ca157b<br><font size=+1>


rnam par dag pa'i dkyil 'khor bsgribs pa med pa yang khong du chud par gyur te/ rnam par dag pa'i dkyil 'khor de yod pas ni dge ba'i rtsa ba thams cad kyang rab tu byang bar 'gyur/ dbang po'i myu gu thams cad kyang rnam par 'phel bar 'gyur/ thams cad mkhyen pa'i ye shes kyi tshul rgya mtsho la'ang yang dag par gzhol bar gyur/ gzungs kyi sgo rgya mtsho thams cad la'ang 'jug par gyur/ ting nge 'dzin gyi sgo dang tshul rgya mtsho thams cad kyang mngon sum du gyur/ smon lam gyi sgo thams cad kyang yang dag par skye bar gyur/ spyod pa'i sgo thams cad kyang rab tu 'byung bar gyur/ yon tan mngon par bsgrub pa'i sgo thams cad kyang rnam par dag par gyur/ sems rgya chen po yang mngon par shes pa thams cad dang ldan pa'i tshul du 'byung bar gyur/ lus thogs pa med pas kyang thams cad du rjes su 'gro bar gyur to/ /de nas tshong dpon gyi bu nor bzang bza' shing gi ra ba kun nas rnam par brgyan pa'i nang du phyin te bltas na/ dge bsnyen ma yid bzhin khri bzang po la 'dug pa mthong nas de dge bsnyen ma yid bzhin gang na ba der stong ste phyin nas/ dge bsnyen ma yid bzhin gyi rkang pa gnyis la spyi bos phyag 'tshal te/ dge bsnyen ma yid bzhin la lan brgya stong du mar g.yas phyogs su bskor </font><hr>Ca158a<br><font size=+1>


@#/ /ba byas nas/ 'di skad ces smras so/ /'phags ma/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas/ byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni/ byang chub sems dpa' rnams la gdams ngag dang rjes su bstan pa mdzad do zhes thos na/ 'phags ma/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ des smras pa/ rigs kyi bu/ kho mo ni byang chub sems dpa'i rnam par thar pa mya ngan med pa/ bde ba'i rgyal mtshan thob pa ste/ rigs kyi bu/ kho mo ni de'i mthus mthong na don yod pa'o/ /mnyan na don yod pa'o/ /rim gror byas pa don yod pa'o/ /gnas gcig na 'grogs pa don yod pa'o/ /rjes su dran par byas pa don yod pa'o/ /rigs kyi bu/ kho mo ni sems can dge ba'i rtsa ba ma bskyed pa/ dge ba'i bshes gnyen gyis yongs su ma zin pa/ yang dag par rdzogs pa'i sangs rgyas kyis ma dgongs pa rnams kyis mthong zhing rnam par dmigs par mig lam du 'ong bar mi 'gyur te/ rigs kyi bu/ kho mo </font><hr>Ca158b<br><font size=+1>


mthong btsam gyis ni/ sems can rnams kyang bla na med pa yang dag par rdzogs pa'i byang chub las phyir mi ldog par 'gyur ro/ /gzhan yang rigs kyi bu/ kho mo'i drung du shar phyogs nas de bzhin gshegs pa dag byon cing / gdan rin po che'i khri la bzhugs nas chos ston to/ /shar phyogs nas ji lta ba bzhin du phyogs bcu nas kyang de bzhin te/ rigs kyi bu/ de lta bas na kho mo ni de bzhin gshegs pa mthong ba dang mi 'bral ba'o/ /chos mnyan pa dang mi 'bral ba'o/ /byang chub sems dpa' dang 'grogs pa dang mi 'bral ba'o/ /rigs kyi bu/ kho mo dang spyod pa'i skal pa mnyam pa'i srog chags bye ba khrag khrig brgya stong phrag brgyad cu rtsa bzhi po bza' shing gi ra ba kun nas rnam par brgyan pa 'di na gnas pa de dag thams cad kyang / bla na med pa yang dag par rdzogs pa'i byang chub las phyir mi ldog pa sha stag go /rigs kyi bu/ sems can gzhan gang 'di na gnas pa de dag kyang / bla na med pa yang dag par rdzogs pa'i byang chub las mi ldog pa phyir mi ldog pa'i dge 'dun du gtogs pa sha stag ste/ kho mo dang spyod pa'i skal pa mnyam pa dag go /smras pa/ 'phags ma khyod kyis bla na med pa yang dag par rdzogs pa'i byang chub tu yun ji srid cig nas thugs bskyed/ smras pa/ rigs kyi bu/ kho mos ni/ sngon </font><hr>Ca159a<br><font size=+1>


@#/ /gyi gnas rjes su dran te/ de bzhin gshegs pa dgra bcom pa yang dag par rdzogs pa'i sangs rgyas mar me mdzad ces bya ba byung ba de bzhin gshegs pa de'i drung na/ kho mos tshangs pa'i spyod pa spyad do/ /de bzhin gshegs pa de kho mos mchod do/ /de bzhin gshegs pa de las chos bstan pa kho mos yongs su bzung ngo / /de'i snga rol du de bzhin gshegs pa dri ma med ba zhes bya ba byung ste/ de'i bstan pa la'ang kho mo rab tu byung ngo / /chos kyi 'khor lo yang kho mos bzung ngo| |de'i snga rol du de bzhin gshegs pa dpal zhes bya ba byung ste/ de yang kho mos bsnyen bkur to/ /de'i snga rol du de bzhin gshegs pa ri rab dpal zhes bya ba byung ngo / /de'i snga rol du de bzhin gshegs pa pad mo'i snying po zhes bya ba byung ngo / /de'i snga rol du de bzhin gshegs pa rnam par snang mdzad ces bya ba byung ngo / /de'i snga rol du de bzhin gshegs pa kun tu gzigs pa zhes bya ba byung ngo / /de'i snga rol du de bzhin gshegs pa tshangs pa dag pa zhes bya ba byung ngo / /de'i snga rol du de bzhin gshegs pa rdo rje'i gtsug ces bya ba byung ngo / /de'i snga rol du de bzhin gshegs pa chu bo'i lha zhes bya ba byung ste/ rigs kyi bu/ gzhung de ltar tshe gcig nas gcig tu brgyud pa </font><hr>Ca159b<br><font size=+1>


dang| bskal pa gcig nas gcig tu brgyud pa'i sangs rgyas gcig nas gcig tu brgyud pa de bzhin gshegs pa'i mtshams 'dab chags su bsams te dran par byas na| gang kho mos rim gror byas te bsnyen bkur ba dang / mchod pa dang / bsti stang du byas pa dang / gang gi spyan sngar kho mos chos thos par gyur pa dang / gang gi bstan pa la kho mos tshangs pa'i spyod pa spyad pa'i de bzhin gshegs pa chu klung gang+gA sum cu rtsa drug gi bye ma snyed rjes su dran te/ rigs kyi bu/ de phan chad du kho mos de bzhin gshegs pa ji snyed cig bsnyen bkur ba ni de bzhin gshegs pa rnams kyis mkhyen to/ /rigs kyi bu/ sems dang po bskyed ma thag tu chos kyi dbyings rgyas par 'gengs pas/ byang chub sems dpa' rnams ni tshad med pa'o/ /rigs kyi bu/ snying rje chen po'i khongs su 'gro pa thams cad chud pas byang chub sems dpa' rnams ni tshad med pa'o/ /rigs kyi bu/ smon lam chen pos phyogs bcu'i chos kyi dbyings kyi gzhi zad zad du 'gro bas byang chub sems dpa' rnams ni tshad med pa'o/ /rigs kyi bu/ byams pa chen pos 'gro ba thams cad rgyas par 'gengs pa'i phyir/ byang chub sems dpa' rnams ni tshad med pa'o/ /rigs kyi bu/ byang chub sems dpa'i spyod pas zhing thams cad du bskal pa </font><hr>Ca160a<br><font size=+1>


@#/ /thams cad yongs su sdud pas byang chub sems dpa' rnams ni tshad med pa'o/ /rigs kyi bu/ ting nge 'dzin gyi stobs kyis byang chub sems dpa'i lam las phyir mi ldog pas byang chub sems dpa' rnams ni tshad med pa'o/ /rigs kyi bu/ gzungs kyi stobs kyis 'gro ba thams cad yongs su 'dzin pa'i gzungs kyi tshul khong du chud par byed pas/ byang chub sems dpa' rnams ni tshad med pa'o/ /rigs kyi bu/ ye shes snang ba'i stobs kyis dus gsum gyi ye shes kyi tshul khong du chud par byed cing / yang dag par 'dzin pas byang chub sems dpa' rnams ni tshad med pa'o/ /rigs kyi bu/ mngon par shes pa'i stobs kyis zhing thams cad du sems can rnams kyi bsam pa dang| mos pa ji lta ba bzhin du 'od kyi dra ba'i 'khor lo mngon par bsgrub pas byang chub sems dpa' rnams ni tshad med pa'o/ /rigs kyi bu/ tha dad pa yang dag par shes pa'i stobs kyis tshig gcig brjod kyang / 'gro ba thams cad shin tu tshim par byed pas byang chub sems dpa' rnams ni tshad med pa'o/ /rigs kyi bu/ lus rnam par dag pas sangs rgyas kyi zhing thams cad rang gi lus kyis rgyas par 'gengs pas byang chub sems dpa' rnams ni tshad med pa'o/ /nor bzang gis smras pa/ 'phags ma khyod ji </font><hr>Ca160b<br><font size=+1>


srid cig na/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /smras pa/ rigs kyi bu/ 'di lta ste/ sems can gcig la dmigs shing gdul bar bya ba dang / smin par bya ba'i phyir byang chub sems dpa' rnams kyi sems byang chub tu skye ba ma yin te/ sems can brgya'i phyir ma yin/ sems can stong gi phyir ma yin/ sems can brgya phrag stong gi phyir ma yin/ sems can bye ba'i phyir ma yin/ sems can bye ba brgya'i phyir ma yin/ sems can bye ba stong gi phyir ma yin| sems can bye ba brgya phrag stong gi phyir ma yin te/ sems can bye ba khrag khrig brgya phrag stong gi don du byang chub sems dpa' rnams kyi sems byang chub tu skye ba ma yin/ sems can thams cad kyi phyir ma yin/ sems can khrag khrig gi phyir ma yin/ sems can gang+gA'i phyir ma yin/ sems can ban bun gyi phyir ma yin/ sems can phyar phyur gyi phyir ma yin/ sems can byang bying gi phyir ma yin/ sems can nyer 'jal gyi phyir ma yin/ sems can phyal phyol gyi phyir ma yin/ sems can yal yol gyi phyir ma yin/ sems can ljad ljod kyi phyir ma yin/ sems can phyod zim gyi phyir ma yin/ sems can phyad phyod kyi phyir ma yin/ sems can ldam ldem gyi phyir ma </font><hr>Ca161a<br><font size=+1>


@#/ /yin| sems can ya gangs kyi phyir ma yin/ sems can cho ma'i phyir ma yin/ sems can khram khrim gyi phyir ma yin/ sems can nab nub kyi phyir ma yin/ sems can brgyud yas kyi phyir ma yin/ sems can btang yas kyi phyir ma yin/ sems can bkra yar gyi phyir ma yin/ sems can gsal yas kyi phyir ma yin/ sems can gzhal brtag gi phyir ma yin/ sems can mtshungs med kyi phyir ma yin/ sems can lam lum gyi phyir ma yin/ sems can rab rib kyi phyir ma yin/ sems can thab thib kyi phyir ma yin/ sems can 'grigs yol gyi phyir ma yin/ sems can them 'phyo'i phyir ma yin/ sems can bsam phyod kyi phyir ma yin/ sems can 'dra mnyam gyi phyir ma yin/ sems can brang breng gi phyir ma yin/ sems can bgrod yas kyi phyir ma yin/ sems can rgyas 'dal gyi phyir ma yin/ sems can bsngo yas kyi phyir ma yin/ sems can zang yag gi phyir ma yin/ sems can 'phro ba bkye'i phyir ma yin/ sems can rtse 'phyo'i phyir ma yin/ sems can yong then gyi phyir ma yin/ sems can brug g.yos kyi phyir ma yin/ sems can sang yal gyi phyir ma yin/ sems can thing yug gi phyir ma yin/ sems can </font><hr>Ca161b<br><font size=+1>


snang yal gyi phyir ma yin/ sems can nan pa'i phyir ma yin/ sems can yid 'phyo'i phyir ma yin/ sems can nab neb kyi phyir ma yin/ sems can khrig thams kyi phyir ma yin/ sems can yal yol gyi phyir ma yin/ sems can bgrang yas kyi phyir ma yin/ sems can thug yal gyi phyir ma yin/ sems can yad yud kyi phyir ma yin/ sems can phyo ldog gi phyir ma yin/ sems can brda yas kyi phyir ma yin/ sems can lhub be'i phyir ma yin/ sems can thag thug gi phyir ma yin/ sems can khrig ga'i phyir ma yin/ sems can rig yas kyi phyir ma yin/ sems can snyad med kyi phyir ma yin/ sems can mchog phreng gi phyir ma yin/ sems can nyag 'bru'i phyir ma yin| sems can spu 'phyes kyi phyir ma yin/ sems can 'bru 'brel gyi phyir ma yin/ sems can brjod 'os kyi phyir ma yin/ sems can lhod yas kyi phyir ma yin/ sems can brjod phul gyi phyir ma yin/ sems can zhi snyed kyi phyir ma yin/ sems can ngag thim gyi phyir ma yin/ sems can 'phyo 'gyur gyi phyir ma yin/ sems can nyar nyer gyi phyir ma yin/ sems can phyag phyig gi phyir ma yin/ sems can zal zul gyi phyir ma yin/ sems can sal sul gyi phyir ma yin/ sems can g.yo ldeg gi </font><hr>Ca162a<br><font size=+1>


@#/ /phyir ma yin/ sems can phan phun gyi phyir ma yin/ sems can brnang ya'i phyir ma yin/ sems can rem 'drol gyi phyir ma yin/ sems can rdzi ngad kyi phyir ma yin/ sems can rdzi rdul gyi phyir ma yin/ sems can phun yol gyi phyir ma yin/ sems can 'ol 'ol gyi phyir ma yin/ sems can ngad ngad kyi phyir ma yin/ sems can bgrang brtsi'i phyir ma yin/ sems can zab bgrang gi phyir ma yin/ sems can dga' rgyang gi phyir ma yin/ sems can grangs mtha'i phyir ma yin/ sems can phyod yal gyi phyir ma yin/ sems can 'ol phyod kyi phyir ma yin/ sems can gdab yas kyi phyir ma yin/ sems can gcal yas kyi phyir ma yin/ sems can bgrang yas kyi phyir ma yin/ sems can byi ma 'phyo'i phyir ma yin/ sems can yam me'i phyir ma yin/ sems can bsnyal yas kyi phyir ma yin/ sems can ldab ldeb kyi phyir ma yin/ sems can 'ban chad kyi phyir ma yin/ sems can phan phung gi phyir ma yin/ sems can mtha' rdul gyi phyir ma yin/ sems can rgyud lding gi phyir ma yin/ sems can yun 'gyangs kyi phyir ma yin/ sems can mkha' yal gyi phyir ma yin/ </font><hr>Ca162b<br><font size=+1>


sems can bun lob kyi phyir ma yin/ sems can lam lom gyi phyir ma yin/ sems can bsnyad yas kyi phyir ma yin/ sems can lang ling gi phyir ma yin/ sems can ljab ljib kyi phyir ma yin/ sems can mi brtsal gyi phyir ma yin/ sems can 'byams yas kyi phyir ma yin/ sems can nga 'grang gi phyir ma yin/ sems can smos yas kyi phyir ma yin/ sems can bkra chal gyi phyir ma yin/ sems can lo rgyas kyi phyir ma yin/ sems can 'bum rdib kyi phyir ma yin/ sems can le lo'i phyir ma yin| sems can phyam phyam gyi phyir ma yin/ sems can bgrang 'phyos kyi phyir ma yin/ sems can bgrang 'phyos la bsgres pa'i phyir ma yin/ sems can dpag yas kyi phyir ma yin/ sems can dpag yas la bsgres pa'i phyir ma yin/ sems can yal 'phyong gi phyir ma yin/ sems can yal 'phyong la bsgres pa'i phyir ma yin/ sems can mu yal gyi phyir ma yin/ sems can mu yal la bsgres pa'i phyir ma yin/ sems can bgrang yol gyi phyir ma yin/ sems can bgrang yol la bsgres pa'i phyir ma yin/ sems can mi 'jal gyi phyir ma yin/ sems can mi 'jal la bsgres pa'i phyir ma yin/ sems can bsam phyod kyi phyir ma yin/ sems can bsam phyod la bsgres pa'i phyir ma yin/ </font><hr>Ca163a<br><font size=+1>


@#/ /sems can mtha' 'byams kyi phyir ma yin/ sems can mtha' 'byams la bsgres pa'i phyir ma yin/ sems can dpag thag gi phyir ma yin/ sems can dpag thag la bsgres pa'i phyir ma yin/ sems can brjod du med pa'i phyir ma yin/ sems can brjod du med pa la bsgres pa'i phyir ma yin/ sems can brjod du med pa'i yang brjod du med pa'i phyir ma yin/ sems can brjod du med pa'i yang brjod du med pa la bsgres pa'i phyir ma yin/ sems can 'jig rten gyi khams gcig tu gtogs pa rnams kyi phyir ma yin pa nas/ brjod du med pa'i yang brjod du med pa'i 'jig rten gyi khams su gtogs pa'i sems can rnams kyi phyir ma yin/ gling bzhi pa'i 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i sems can rnams kyi phyir ma yin/ stong gi 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i sems can rnams kyi phyir ma yin/ stong gnyis kyi 'jig rten gyi khams kyi rdul shin tu phra ba snyed kyi 'jig rten gyi khams su gtogs pa'i sems can rnams kyi phyir ma yin/ stong gsum gyi stong chen po'i 'jig rten gyi khams kyi rdul shin tu phra ba snyed </font><hr>Ca163b<br><font size=+1>


kyi 'jig rten gyi khams su gtogs pa'i sems can rnams kyi phyir ma yin pa nas/ stong gsum gyi stong chen po'i 'jig rten gyi khams brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can rnams kyi don du 'di lta ste/ yongs su smin par bya ba dang / gdul ba'i phyir byang chub sems dpa' rnams kyi sems byang chub tu skye ba ma yin gyi/ 'di lta ste/ 'jig rten gyi khams ma lus pa lhag ma med pa mtha' dag thams cad du gtogs pa'i sems can rnams kyi don du yongs su smin par bya ba dang / gdul ba'i phyir byang chub sems dpa' rnams kyi sems byang chub tu skye'o/ /'di lta ste/ sangs rgyas gcig bsnyen bkur ba dang / mnyes par bya ba dang / mchod cing rim gror bya ba'i phyir byang chub sems dpa' rnams kyi sems byang chub tu skye ba ma yin pa dang / sangs rgyas bcu bsnyen bkur zhing mnyes par bya ba dang / mchod cing rim gror bya ba'i phyir ma yin pa nas| brjod du med pa'i yang brjod du med pa'i 'jig rten gyi khams kyi rdul shin tu phra ba snyed kyi sangs rgyas bsnyen bkur zhing mnyes par bya ba dang / mchod cing rim gror bya ba'i phyir byang chub sems dpa' rnams kyi sems byang </font><hr>Ca164a<br><font size=+1>


@#/ /chub tu skye ba ma yin/ 'jig rten gyi khams gcig tu gtogs pa'i sangs rgyas kyi rgyud bsnyen bkur zhing mnyes par bya ba dang / mchod cing rim gror bya ba'i phyir ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i de bzhin gshegs pa'i rgyud bsnyen bkur zhing mnyes par bya ba dang / mchod cing rim gror bya ba'i phyir byang chub sems dpa' rnams kyi sems byang chub tu skye ba ma yin no/ /sangs rgyas kyi zhing gcig yongs su dag par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ 'jig rten gyi khams brjod du med pa'i yang brjod du med pa'i rdul shin tu phra ba snyed kyi sangs rgyas kyi zhing yongs su dag par bya ba'i phyir/ byang chub sems dpa' rnams kyi sems byang chub tu skye ba ma yin/ de bzhin gshegs pa gcig gi bstan pa yongs su gzung ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi de bzhin gshegs pa'i bstan pa yongs </font><hr>Ca164b<br><font size=+1>


su gzung ba'i phyir/ byang chub sems dpa' rnams kyi sems byang chub tu skye ba ma yin/ sangs rgyas gcig rab tu zhugs pa'i smon lam rnam pa tha dad pa la 'jug pa'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sangs rgyas rab tu zhugs pa'i smon lam rnam pa tha dad pa la 'jug par bya ba'i phyir/ byang chub sems dpa' rnams kyi sems byang chub tu skye ba ma yin no/ /de bzhin gshegs pa gcig gi sangs rgyas kyi zhing gi rgyan la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas /sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi de bzhin gshegs pa'i sangs rgyas kyi zhing gi rgyan la 'jug par bya ba'i phyir/ byang chub sems dpa' rnams kyi sems byang chub tu skye ba ma yin/ sangs rgyas gcig gi 'khor gyi dkyil 'khor rnam par phye ba la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi/ 'khor gyi dkyil </font><hr>Ca165a<br><font size=+1>


@#/ /'khor rnam par phye ba la 'jug par bya ba'i phyir/ byang chub sems dpa' rnams kyi sems byang chub tu skye ba ma yin/ de bzhin gshegs pa gcig gi chos kyi 'khor lo yongs su gzung ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi de bzhin gshegs pa'i chos kyi 'khor lo yongs su gzung ba'i phyir/ byang chub sems dpa' rnams kyi sems byang chub tu skye ba ma yin/ sems can gyi sems rgya mtsho gcig khong du chud par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sems can gyi sems rgya mtsho khong du chud par bya ba'i phyir/ byang chub sems dpa' rnams kyi sems byang chub tu skye ba ma yin/ sems can gcig gi dbang po'i 'khor lo yongs su shes par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sems can gyi dbang </font><hr>Ca165b<br><font size=+1>


po'i 'khor lo yongs su shes par bya ba'i phyir/ byang chub sems dpa' rnams kyi sems byang chub tu skye ba ma yin/ sems can gcig gi dbang po rgya mtsho khong du chud par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi sems can gyi dbang po rgya mtsho khong du chud par bya ba'i phyir/ byang chub sems dpa' rnams kyi sems byang chub tu skye ba ma yin/ 'jig rten gyi khams gcig gi bskal pa gcig nas gcig tu brgyud pa la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams kyi bskal pa gcig nas gcig tu brgyud pa la 'jug par bya ba'i phyir/ byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sems can thams cad kyi spyod pa'i bag chags kyi mtshams sbyor ba la 'jug bar bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu </font><hr>Ca166a<br><font size=+1>


@#/ /phra ba snyed kyi 'jig rten gyi khams su gtogs pa'i sems can thams cad kyi spyod pa'i bag chags kyi mtshams sbyor ba la 'jug par bya ba'i phyir/ byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sems can thams cad kyi nyon mongs pa rgya mtsho thams cad la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can thams cad kyi nyon mongs pa rgya mtsho thams cad la 'jug par bya ba'i phyir| byang chub sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sems can thams cad kyi las rgya mtsho thams cad la 'jug par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can thams cad kyi las rgya mtsho thams cad la 'jug par bya ba'i phyir/ byang chub </font><hr>Ca166b<br><font size=+1>


sems dpa' rnams kyi sems byang chub tu skye ba ma yin/ 'jig rten gyi khams gcig tu gtogs pa'i sems can thams cad kyi spyod pa rgya mtsho thams cad khong du chud par bya ba'i phyir/ byang chub sems dpa' rnams kyi sems byang chub tu skye ba ma yin pa nas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams su gtogs pa'i sems can thams cad kyi spyod pa rgya mtsho thams cad khong du chud par bya ba'i phyir/ byang chub sems dpa' rnams kyi sems byang chub tu skye ba ma yin gyi/ sems can gyi khams ma lus pa/ lhag ma med pa mtha' dag thams cad yongs su smin par bya ba dang / gdul ba'i phyir byang chub sems dpa' rnams kyi sems byang chub tu skye'o/ /sangs rgyas ma lus pa thams cad bsnyen bkur zhing mnyes par bya ba dang / mchod cing rim gror bya ba'i phyir byang chub sems dpa' rnams kyi sems byang chub tu skye'o/ /'jig rten gyi khams ma lus pa thams cad du gtogs pa'i sangs rgyas kyi rgyud bsnyen bkur zhing mnyes par bya ba dang / mchod cing rim gror bya ba'i phyir byang chub sems dpa' rnams smon lam la mngon par mos pa yin/ sangs rgyas kyi zhing ma lus pa thams cad yongs su dag par bya ba'i phyir/ byang chub sems </font><hr>Ca167a<br><font size=+1>


@#/ /dpa' rnams kyi bsam pa brtan par 'gyur ba yin/ sangs rgyas kyi bstan pa ma lus pa thams cad yongs su gzung ba'i phyir /byang chub sems dpa' rnams kyi sbyor ba 'byung ba yin/ de bzhin gshegs pa rab tu zhugs pa'i smon lam rnam pa tha dad pa ma lus pa thams cad kyi rjes su 'brang bar bya ba'i phyir/ byang chub sems dpa' rnams kyi sems kyi shugs drag po skye ba yin/ de bzhin gshegs pa'i sangs rgyas kyi zhing gi yon tan gyi rgyan ma lus pa thams cad la 'jug par bya ba'i phyir/ byang chub sems dpa' rnams kyi yi dam brtan pa skye ba yin/ de bzhin gshegs pa thams cad kyi 'khor gyi dkyil 'khor rgya mtsho ma lus pa thams cad la 'jug par bya ba'i phyir/ byang chub sems dpa' rnams kyi mngon par mos pa 'byung ba yin/ 'gro ba'i sems rgya mtsho ma lus pa thams cad la 'jug par bya ba'i phyir/ byang chub sems dpa' rnams kyi smon lam yongs su skye ba yin/ sems can gyi dbang po'i 'khor lo ma lus pa thams cad yongs su shes par bya ba'i phyir/ byang chub sems dpa' rnams kyi mngon par 'dod pa skye ba yin/ sems can gyi dbang po rgya mtsho ma lus pa thams cad khong du chud par bya ba'i phyir/ byang chub sems dpa' </font><hr>Ca167b<br><font size=+1>


rnams kyi spro ba skye ba yin/ 'jig rten gyi khams ma lus pa thams cad kyi bskal pa gcig nas gcig tu brgyud pa la 'jug par bya ba'i phyir/ byang chub sems dpa' rnams kyi mos pa skye ba yin/ sems can ma lus pa thams cad kyi nyon mongs pa'i bag chags kyi mtshams sbyor ba yongs su gcad pa'i phyir/ byang chub sems dpa' rnams kyi brtson 'grus yongs su skye ba yin/ sems can ma lus pa thams cad kyi las dang nyon mongs pa'i rgya mtsho bskam pa'i phyir/ byang chub sems dpa' rnams kyi ye shes chen po'i nyi ma 'char ba yin/ sems can ma lus pa thams cad kyi spyod pa yongs su shes par bya ba'i phyir/ byang chub sems dpa' rnams kyi shes rab kyi snang ba 'byung ba yin/ sems can ma lus pa thams cad kyi sdug bsngal gyi me'i phung po rab tu zhi bar bya ba'i phyir/ byang chub sems dpa' rnams kyi snying rje'i sprin chen po kun nas 'du ba yin/ rigs kyi bu/ mdor na de dag la sogs pa byang chub sems dpa'i spyod pa'i tshul dang / sgo grangs med pa brgya stong phrag bcu dag /byang chub sems dpa' rnams kyis yongs su bsgrub par bya'o/ /rigs kyi bu/ gzhan yang 'di lta ste/ byang chub sems dpa' rnams kyi spyod pa ni ye shes khong du chud par </font><hr>Ca168a<br><font size=+1>


@#/ /bya ba'i phyir/ chos thams cad la yang dag par gzhol ba'o/ /byang chub sems dpa' rnams kyi spyod pa ni yongs su dag par bya ba'i phyir| zhing thams cad la yang dag par gzhol ba'o/ /rigs kyi bu/ de lta bas na kho mos ni bdag gi smon lam nam mkha'i dbyings rnam par dag pa'i mtha' gang du thug pa de'i mthas klas par shog cig /bdag gi smon lam 'jig rten gyi khams rnam par dag pa'i mtha' gang du thug pa de'i mthas klas par shog cig /bdag gi smon lam ma sems can thams cad kyi nyon mongs pa dang / bag chags kyi mtshams sbyor ba dang / bdag la nyal ba'i mtha' gang du thug pa de'i mthas klas par shog cig ces de ltar smon lam btab bo/ smras pa/ 'phags ma/ rnam par thar pa 'di'i ming ci zhes bgyi/ smras pa/ rigs kyi bu/ rnam par thar pa 'di ni nyon mongs pa med pa/ bde ba'i rgyal mtshan zhes bya ba ste/ rigs kyi bu/ kho mos kyang byang chub sems dpa'i rnam par thar pa de gcig pu shes par zad na| byang chub sems dpa'i sangs rgyas kyi chos thams cad yang dag par 'dzin pa'i phyir sems rgya mtsho dang ldan pa/ lhag pa'i bsam pa brtan pa'i phyir ri </font><hr>Ca168b<br><font size=+1>


rab dang 'dra ba/ sems can thams cad kyi nyon mongs pa'i nad rab tu sos par byed pa'i phyir sman gyi rgyal po mthong na legs pa lta bu/ sems can thams cad kyi ma rig pa'i mun pa sel ba'i phyir nyi mar gyur pa /sems can thams cad kyi bsam pa'i gnas su gyur pas ba lta bu'i sems dang ldan pa/ 'gro ba thams cad kyi don byed pa'i phyir rlung du gyur pa/ sems can thams cad la ye shes kyi snang ba 'byin pa'i phyir mar mer gyur pa/ zhi ba'i sgras sangs rgyas kyi chos kyi char yang dag pa ji lta ba bzhin du 'debs pa'i phyir sprin du gyur pa/ bsod nams kyi 'od zer gyi dra ba rab tu 'gyed pa'i phyir zla ba lta bu/ 'gro ba thams cad yongs su bsrung ba la zhugs pa'i phyir brgya phyin lta bu de dag gi spyod pa shes pa'am/ yon tan brjod pa'am/ byang chub sems dpa'i bslab pa bsam gyis mi khyab pa smos pa'am/ byang chub sems dpa'i smon lam gyi rnam pa mtha' dang dbus med pa yongs su bstan par nus re skan/ song / rigs kyi bu /lho phyogs kyi rgyud 'di nyid kyi rgya mtsho rnam par rlob pa 'di na/ yul chu ba gtsang ma zhes bya ba yod de/ de na drang srong 'jigs mchog dbyangs zhes bya ba 'dug gi /de'i gan du song la dris shig dang / des rigs kyi bu khyod la byang chub sems dpa'i spyod pa ston par 'gyur ro/ /de nas tshong dpon </font><hr>Ca169a<br><font size=+1>


@#/ /gyi bu nor bzang gis/ dge bsnyen ma yid bzhin gyi rkang pa gnyis la spyi bos phyag 'tshal te/ dge bsnyen ma yid bzhin la lan brgya stong du mar g.yas phyogs su bskor ba byas nas yang dang yang bltas te/ phyag 'tshal nas ngo mchi mas gang bar ngus te/ byang chub mchog tu dkon pa rjes su sems shing / dge ba'i bshes gnyen rim gro bya ba dkon par rjes su bsdam pa dang / skyes bu dam pa dang 'phrad pa dkon pa rjes su bsam pa dang / byang chub sems dpa'i dbang po thob par bya ba rjes su bsam pa dang / byang chub sems dpa'i bsam pa yongs su dag pa dkon par rjes su bsam pa dang / skal ba mnyam pa'i dge ba'i bshes gnyen dang 'phrad pa dkon par rjes su bsam pa dang / byang chub tu yang dag pa ji lta ba bzhin du mngon par mos shing sems nges par gzhog pa dkon par rjes su bsdam pa dang / mi mnyam pa med pa'i chos kyi tshul rjes su bstan pa'i sbyor ba dkon par rjes su bsdam pa dang / sems dri ma med cing mi 'phrogs pa'i sbyor ba yang dag par bsgrub pa dka' bar rjes su bsam pa dang / thams cad mkhyen pa nyid du shugs drag po rnam par skyed pa'i chos kyi snang ba dkon par rjes su bsam </font><hr>Ca169b<br><font size=+1>


pa byed cing / dge bsnyen ma yid bzhin gyi drung nas song ngo / /de nas tshong dpon gyi bu nor bzang / byang chub sems dpa'i gdams ngag gi rjes su song ba'i sems dang ldan pa/ byang chub sems dpa'i spyod pa yongs su dag par bya ba'i rjes su song ba'i sems dang ldan pa/ byang chub sems dpa'i bsod nams kyi stobs rnam par 'phel bar bya ba'i sems dang ldan pa/ sangs rgyas blta ba'i shugs drag po rab tu snang bar byas pa'i sems dang ldan pa| chos kyi gter 'thob par bya la shugs drag po skyes pa'i sems dang ldan pa/ smon lam chen po mngon par bsgrub pa'i shugs drag po rab tu 'phel ba'i sems dang ldan pa/ chos thams cad kyi phyogs la mngon du lta ba'i sems dang ldan pa| chos kyi rang bzhin gyi 'od kyis snang bar byas pa'i sems dang ldan pa/ sgrib pa thams cad rnam par 'thor ba'i sems dang ldan pa/ chos kyi dbyings la mun pa med par rnam par lta ba'i sems dang ldan pa/ rdo rje rin po che mthu bo ches mi choms pa ltar dri ma med pa'i sems dang ldan pa/ bdud thams cad kyi dpung gis brgal bar dka' zhing thub par dka' ba'i sems dang ldan pa de/ mthar gyis yul chu ba gtsang ma ga la ba der phyin nas/ drang srong 'jigs mchog dbyangs tshol tshol ba las/ de'i tshe drang </font><hr>Ca170a<br><font size=+1>


@#/ /song 'jigs mchog dbyangs/ dge ba sbyang ba'i gnas shing dang / shing phran sna tshogs grangs med pa'i nags tshal mdangs dga' ba/ lo mas rgyas pa'i shing gis kun nas 'grigs pa/ rtag tu me tog rgyas pa dang ldan pa'i shing sna tshogs can/ rtag tu shing tog mang po dang ldan pa'i shing tog gi shing dang ldan pa/ nor bu rin po che sna tshogs kyi shing drung / nor bu rin po che'i spang leb kyis rtag tu gshibs pa dang ldan pa/ tsan dan dam pa'i shing kun nas rnam par bres pa/ a ga ru yid du 'ong ba'i shing las spos kyi dri rtag tu 'byung bas rab tu brgyan pa/ phyogs bzhi nas shing pa ta la rnam par mdzes par skyes pas yongs su brgyan pa/ n+ya gro da'i shing dbyibs yid du 'ong ba dang ldan pa/ 'dzam bu'i shing las rtag tu shing thog smin pa 'brul ba/ me tog gi tshal pad+mo dang / ut+pa la gsar du skyes pas rab tu brgyan pa zhig na 'dug 'dug ste/ tshong dpon gyi bu nor bzang gis/ drang srong 'jigs mchog dbyangs/ drang srong stong phrag bcus bskor cing| tsan dan gyi yal gshin tu 'brel ba'i bya skyibs shig na/ thor tshugs kyi cod pan can/ pags pa dang / rtswa'i gos gyon pa/ shing shun gyi smad g.yogs </font><hr>Ca170b<br><font size=+1>


can| rtswa'i stan la 'dug pa mthong ngo / /mthong nas kyang drang srong 'jigs mchog dbyangs ga la ba der stong ste/ phyin nas yang dag pa'i dge ba'i bshes gnyen dang phrad pa'i bsam pas/ dge ba'i bshes gnyen ni yang dag pa'i lam ston pas/ thams cad mkhyen pa nyid 'byung ba'i sgo yin par yang dag par lta/ thams cad mkhyen pa'i sa la gzhog pas/ thams cad mkhyen pa nyid ni dge ba'i bshes gnyen gyi gdams ngag la rag lus par yang dag par lta/ stobs bcu'i ye shes rin po che'i gling du skyel bas/ thams cad mkhyen pa nyid ni dge ba'i bshes gnyen gyi mnyan pa la rag lus par yang dag par lta/ stobs bcu'i ye shes snang ba yang dag par bskyed pas/ thams cad mkhyen pa nyid ni dge ba'i bshes gnyen gyi sgron mas snang bar bya ba yin par yang dag par lta/ nyam nyes med par thams cad mkhyen pa nyid kyi grong du phyin par byed pas/ thams cad mkhyen pa nyid kyi lam ni dge ba'i bshes gnyen yin par yang dag par lta/ mnyam pa dang mi mnyam pa yongs su ston pas/ thams cad mkhyen pa nyid kyi mar me ni dge ba'i bshes gnyen yin par yang dag par lta/ g.yang sa'i 'jigs pa thams cad med par byed </font><hr>Ca171a<br><font size=+1>


@#/ /pas| thams cad mkhyen pa nyid kyi stegs ni dge ba'i bshes gnyen yin par yang dag par lta/ byams pa chen po'i stobs kyis sim pa yongs su skyed pa'i phyir/ thams cad mkhyen pa nyid kyi gdugs ni dge ba'i bshes gnyen yin par yang dag par lta/ snying rje chen po yongs su bskyed pas/ thams cad mkhyen pa nyid kyi shugs drag po ni dge ba'i bshes gnyen yin par yang dag par lta zhing / chos kyi rang bzhin gyi tshul rab tu snang bar byed pas/ thams cad mkhyen pa nyid gsal bar mthong ba ni/ dge ba'i bshes gnyen la rag las par mthong nas/ lus thams cad kyis phab ste/ phyag byas nas langs te/ drang srong 'jigs mchog dbyangs la lan brgya stong du mar bskor ba byas nas mdun du 'dug ste/ thal mo sbyar nas/ yid du 'ong ba'i tshul gyis yid du 'ong ba'i tshig brjod de/ 'di skad ces smras so| |'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do/ / </font><hr>Ca171b<br><font size=+1>


zhes thos na/ 'phags pa/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol de nas drang srong 'jigs mchog dbyangs kyis/ bram ze'i byis pa stong phrag bcu po de dag la bltas te/ 'di skad ces smras so/ /byis pa dag /rigs kyi bu 'dis bla na med pa yang dag par rdzogs pa'i byang chub tu sems bskyed de/ sems can thams cad 'jigs pa med pa la mgron du gnyer to/ /rigs kyi bu/ 'di ni sems can thams cad la phan pa dang / bde ba'i don du sta gon du gnas pa ste/ ye shes rgya mtsho mngon du gyur pa'o/ /de bzhin gshegs pa thams cad chos kyi sprin gyi char btung bar 'dod pa'o/ / chos kyi tshul rgya mtsho thams cad la 'jug par 'dod pa'o/ /ye shes kyi snang ba chen po la gnas par 'dod pa'o/ /snying rje chen po'i sprin bsdu bar 'dod pa'o/ /chos kyi char chen po mngon par dbab par 'dod pa'o/ /ye shes chen po'i zla ba 'jig rten du shar bar byas te/ nyon mongs pa'i gdung ba thams cad rab tu gzhil bar 'dod pa'o/ /sems can thams cad kyi dge ba'i rtsa ba rnam par spel bar 'dod pa'o/ /de nas bram ze'i byis pa stong phrag bcu po de dag gis/ me tog dri zhim la yid du 'ong zhing / kha dog sna tshogs </font><hr>Ca172a<br><font size=+1>


@#/ /dang ldan pa mang pos/ tshong dpon gyi bu nor bzang la gtor to/ /mngon par gtor to/ /rab tu gtor to/ /mngon par phyag 'tshal te/ rab tu btud de phyag 'tshal nas/ g.yas phyogs su bskor ba byas te/ tshig 'di skad du brjod do/ /'di ni sems can thams cad yongs su skyob par 'gyur ro/ /sems can dmyal ba'i sdug bsngal thams cad rab tu zhi bar bgyid par 'gyur ro/ /byol song gi skye gnas kyi lam gyi rgyud thams cad rnam par gcod par 'gyur ro/ /gshin rje'i 'jig rten gyi lam gyi rgyud thams cad rnam par bzlog par 'gyur ro/ /mi khom pa'i sgo thams cad gcod par 'gyur ro/ /sred pa'i rgya mtsho yongs su skem par 'gyur ro/ /sred pa'i 'ching ba gcod par 'gyur ro/ /sdug bsngal gyi phung po rnam par bzlog par 'gyur ro/ /ma rig pa'i mun pa sel bar 'gyur ro/ /bsod nams kyi khor yug gis 'jig rten yongs su bskor bar 'gyur ro/ /ye shes rin po che'i 'byung gnas yongs su ston par 'gyur ro/ /ye shes kyi nyi ma 'char bar bgyid par 'gyur ro/ /chos kyi mig rnam par sbyong bar 'gyur ro/ /'jig rten rnams la mnyam pa dang / mi mnyam pa yang dag par ston par 'gyur ro/ /de nas drang srong 'jigs mchog dbyangs kyis/ byis pa de dag la 'di skad </font><hr>Ca172b<br><font size=+1>


ces smras so/ /byis pa dag /gang gis bla na med pa yang dag par rdzogs pa'i byang chub tu sems bskyed pa de ni /byang chub sems dpa'i spyad pa spyod pa'i tshe/ sems can thams cad kyi bde ba rab tu bskyed de/ rim gyis thams cad mkhyen pa nyid kyang 'thob par 'gyur ro/ /byis pa dag /rigs kyi bu 'dis ni/ bla na med pa yang dag par rdzogs pa'i byang chub tu sems bskyed pa ste/ de bas na 'di ni/ sangs rgyas kyi yon tan thams cad kyis yongs su sbyong bar 'gyur ro/ /de nas drang srong 'jigs mchog dbyangs kyis/ tshong dpon gyi bu nor bzang la 'di skad ces smras so/ /rigs kyi bu/ kho bo ni byang chub sems dpa'i rnam par thar pa gzhan gyis mi thub pa'i rgyal mtshan thob pa'o/ /nor bzang gis smras pa/ byang chub sems dpa'i rnam par thar pa gzhan gyis mi thub pa 'di'i yul ji lta bu zhig mchis/ de nas drang srong 'jigs mchog dbyangs kyis lag pa g.yas pa brkyang ste/ tshong dpon gyi bu nor bzang gi mgo la byugs nas/ lag pa g.yas pas bzung ngo / /tshong dpon gyi bu nor bzang la drang srong 'jigs mchog dbyangs kyis lag pa g.yas pas bzung ma thag tu de'i mod la/ tshong dpon gyi bu nor bzang gis phyogs bcur sangs rgyas kyi zhing brgya stong phrag bcu'i rdul shin tu phra ba snyed kyi sangs rgyas kyi zhing mthong bar gyur te/ </font><hr>Ca173a<br><font size=+1>


@#/ /de dag gi de bzhin gshegs pa sangs rgyas kyi zhing brgya stong phrag bcu'i rdul shin tu phra ba snyed kyi zhabs kyi drung na/ bdag nyid 'dug pa shes par gyur to| |sangs rgyas kyi zhing de dag kyang / rnam pa grangs med par rnam par dag pa'i rgyan dang ldan par mthong ngo / /de dag na'ang de bzhin gshegs pa'i 'khor gyi dkyil 'khor rgya mtsho kha dog sna tshogs can/ rgyan rnam pa tha dad pa dang ldan pa dag 'khod par mthong ngo / /'khor gyi dkyil 'khor rgya mtsho de dag na'ang de bzhin gshegs pa'i sku mtshan dang dpe byad bzang po 'bar bas brgyan pa dag bzhugs pa mthong ngo / /de dag las kyang tshig dang yi ge gcig las kyang / phyir phyogs pa med par chos bstan pa nyan to/ /de bzhin gshegs pa'i chos kyi 'khor lo de dag kyang phan tshun ma 'dres par yang dag par 'dzin to/ /chos kyi sprin gyi char sems can gyi bsam pa sna tshogs la rab ba pa de dag kyang yang dag par 'dzin to/ /de bzhin gshegs pa de dag gi sngon gyi smon lam/ mos pa sna tshogs kyi stobs kyis rnam par sbyangs pa rgya mtsho la yang zhugs so| |sangs rgyas kyi yang dag par bsdu ba smon lam sna tshogs rgya mtshos rnam par dag pa rgya mtsho de dag la'ang zhugs so/ /sangs rgyas kyi sku mdog sems can gyi bsam pa ji lta ba </font><hr>Ca173b<br><font size=+1>


bzhin du tshim par 'gyur bar rnam par dmigs pa de dag kyang mthong ngo / /sangs rgyas kyi 'od zer gyi dra ba 'dod chags dang bral ba sna tshogs kyis rnam par dag pa'i rgyan gyi dkyil 'khor de dag kyang mthong ngo / /sangs rgyas kyi stobs de dag la'ang ye shes snang ba bsgribs pa med pa dang ldan pas zhugs so/ /de ltar byang chub sems dpa'i rnam par thar pa gzhan gyis mi thub pa'i rgyal mtshan gyi ye shes kyi 'od kyis snang bar gyur pa/ ting nge 'dzin gyi rnam par snang mdzad kyi snying po snang ba rab tu thob pa/ ting nge 'dzin ye shes mi zad pa'i rnam par thar pa dang ldan pa/ gzungs kyi sgo snang ba/ phyogs kun gyi dra ba rab tu thob pa/ gzungs kyi sgo rdo rje'i snying pos sems rab tu gsal bar byas pa/ ting nge 'dzin gyi ye shes brtsegs pa rnam par phye ba'i yul la rnam par phye ba rab tu thob pa/ shes rab kyi pha rol tu phyin pa la rnam par spyod pa/ gzhi kun nas rnam par brgyan pa'i snying po yul du gyur pa/ ting nge 'dzin gyi snang ba sangs rgyas nam mkha'i snying po'i dkyil 'khor la rab tu zhugs pa/ ting nge 'dzin sangs rgyas thams cad kyi chos kyi 'khor lo'i mu khyud kyis sems rab tu snang bar byas pa/ ting nge 'dzin gyi snang ba dus gsum gyi ye shes rin po che mi zad pa'i dkyil 'khor la rab tu brtson pa des/ de bzhin gshegs pa la </font><hr>Ca174a<br><font size=+1>


@#/ /la'i zhabs kyi drung du ni nyin zhag gcig lon par shes so/ /la lar ni nyin zhag bdun lon pa snyam/ la lar ni zla ba phyed lon pa snyam/ la lar ni zla ba gcig lon pa snyam/ la lar ni lo gcig lon pa snyam/ la lar ni lo brgya lon pa snyam/ la lar ni lo stong lon pa snyam/ la lar ni lo brgya phrag stong lon pa snyam/ la lar ni lo bye ba lon pa snyam/ la lar ni lo bye ba brgya lon pa snyam/ la lar ni lo byed ba stong lon pa snyam/ la lar ni lo bye ba brgya phrag stong lon pa snyam/ la lar ni lo bye ba khrag khrig lon pa snyam/ la lar ni bskal pa phyed lon pa snyam/ la lar ni bskal pa gcig lon pa snyam/ la lar ni bskal pa brgya lon pa snyam| la lar ni bskal pa stong lon pa snyam/ la lar ni bskal pa brgya phrag stong lon pa snyam/ la lar ni bskal pa bye ba lon pa snyam/ la lar ni bskal pa bye ba phrag brgya lon pa snyam/ la lar ni bskal pa bye ba phrag stong lon pa snyam/ la lar ni bskal pa bye ba brgya phrag stong lon pa snyam/ la lar ni bskal pa bye ba phrag khrig brgya phrag stong lon pa snyam byed pa nas/ de bzhin gshegs pa la la'i zhabs kyi drung du ni/ bskal pa brjod du med pa'i yang brjod du med pa snyed lon par gyur </font><hr>Ca174b<br><font size=+1>


pa snyam byed pa nas/ de bzhin gshegs pa la la'i zhabs kyi drung du ni/ bskal pa 'dzam bu'i gling gi rdul shin tu phra ba snyed lon pa snyam byed pa nas/ bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed lon pa snyam byed par gyur to/ /de nas drang srong 'jigs mchog dbyangs kyis/ tshong dpon gyi bu nor bzang btang ba dang / des yang bdag drang srong 'jigs mchog dbyangs kyi mdun na 'dug par shes par gyur to/ /de la drang srong 'jigs mchog dbyangs kyis smras pa/ rigs kyi bu/ dran mod/ smras pa/ 'phags pa/ dge ba'i bshes gnyen gyi byin gyi rlabs kyis dran no/ /smras pa/ rigs kyi bu kho bos ni/ byang chub sems dpa'i rnam par thar pa gzhan gyis mi thub pa'i rgyal mtshan 'di shes par zad na/ byang chub sems dpa' 'gro ba thams cad las khyad par du 'phags pa'i ye shes mngon par shes pa dang ldan pa'i ting nge 'dzin thob pa/ dus thams cad du 'khor lo bskor ba/ sangs rgyas kyi mtshan dang ye shes mngon par sgrub pa la mkhas pa/ de bzhin gshegs pa byung ba'i nyi ma la rnam par dmigs pa'i rgyan rab tu 'god pa/ dus gsum gyi yul skad cig gcig gis ye shes su yang dag par sdud pa/ 'jig rten gyi khams thams cad du lus shin tu rnam par bkram pa/ chos kyi dbyings </font><hr>Ca175a<br><font size=+1>


@#/ /thams cad la/ ye shes snang ba'i rang bzhin dang ldan pa sems can thams cad kyi bsam pa ji lta ba bzhin du mngon sum du mngon par langs pa/ sems can gyi bsam pa ji lta ba bzhin du spyod pas rnam par dpyod pa dang mthun pa'i tshul dang ldan pa 'dod pa bzhin du kun tu snang zhing dri ma med la/ 'od dang ldan pa'i ye shes kyi dkyil 'khor rnam par dag pa de dag gi spyod pa shes pa'am/ yon tan brjod pa'am/ smon lam gyi khyad par smos pa'am/ zhing gi mngon par 'du bya ba shes pa'am/ ye shes kyi yul la 'jug par bya ba'am/ ting nge 'dzin gyi spyod yul gyi rjes 'brang bar bya ba'am/ rdzu 'phrul dang rnam par 'phrul pa la 'jug par bya ba'am/ rnam par thar pa'i khyu mchog gi mthu phyung ba dang / rnam par rtse ba'i rjes su 'brang bar bya ba'am/ lus rnam par phye ba'i mtshan ma gzung bar bya ba'am/ dbyangs kyi dkyil 'khor rnam par dag pa brjod pa'am/ ye shes kyi snang ba rab tu bstan par nus re skan/ song / rigs kyi bu/ lho phyogs kyi rgyud 'di nyid na yul yongs su tshol ba zhes bya ba yod de/ de na bram ze rgyal ba'i drod kyi skye mched ces bya ba 'dug gi /de'i gan du song la/ ji ltar byang chub sems dpas byang chub sems dpa'i spyod pa </font><hr>Ca175b<br><font size=+1>


la bslab par bya ba dang / ji ltar nan tan du bya ba dris shing / /de nas tshong dpon gyi bu nor bzang dga' rangs te/ mgu zhing nyams bde la tshim zhing yid bde ba skyes nas/ drang srong 'jigs mchog dbyangs kyi rkang pa gnyis la spyi bos phyag 'tshal te/ drang srong 'jigs mchog dbyangs la/ lan brgya stong du mar g.yas phyogs su bskor ba byas nas/ yang dang yang bltas te/ drang srong 'jigs mchog dbyangs kyi drung nas song ngo // //bam po dgu bcu rtsa gsum pa/ de nas tshong dpon gyi bu nor bzang / byang chub sems dpa'i rnam par thar pa gzhan gyis mi thub pa'i rgyal mtshan gyi ye shes kyis snang bar byas pa/ sangs rgyas kyi yul gyi rnam par 'phrul pa bsam gyis mi khyab pa la mngon sum du rnam par spyod pa/ byang chub sems dpa'i rnam par thar pa bsam gyis mi khyab pa'i mngon sum gyi ye shes kyis mngon par shes pa/ byang chub sems dpa'i ting nge 'dzin bsam gyis mi khyab pa'i ye shes kyis sems snang bar gyur pa/ dus thams cad du yang dag par 'jug pa'i ting nge 'dzin ye shes snang ba rab tu thob pa/ 'du shes kyi rnam pa thams cad la yang dag par 'jug pa'i ting nge 'dzin gyi yul gyis snang bar gyur pa/ 'gro ba thams cad las khyad par du 'phags pa dang ldan pa'i ye shes </font><hr>Ca176a<br><font size=+1>


@#/ /snang ba thob pa thams cad kyi rjes su song ba'i spyod yul la rnam par spyod pa mngon du gyur pa/ gnyis su rnam par rtog pa med pas mnyam pa nyid du bstan pa'i ye shes lhur len pa/ dmigs pa thams cad la rab tu 'dal ba'i ye shes snang ba dang ldan pa/ mnyam pa thams cad la mngon du gyur pa'i bzod pa rnam par dag pa la mos pa'i mdzod la mkhas pa/ rang bzhin gyi chos la bzod pa khong du chud pa'i ye shes mngon par shes pa dang ldan pa/ byang chub sems dpa'i spyod pa'i rang bzhin bsgom pa dang mi 'bral ba'i sems dang ldan pa/ thams cad mkhyen pa nyid kyi shugs drag po las phyir mi ldog pa'i sems dang ldan pa/ stobs bcu'i ye shes snang ba'i 'od rab tu thob pa/ chos kyi dbyings brjod pa la mngon par mos pas ngoms pa med pa'i sems dang ldan pa/ thams cad mkhyen pa nyid la rnam par spyod pa'i spyod yul la 'jug pa khong du chud pa'i sems dang ldan pa/ byang chub sems dpa'i spyod pa'i rgyan mtha' yas pa mngon par bsgrub pa'i sems dang ldan pa/ byang chub sems dpa'i smon lam gyi dkyil 'khor mtha' yas pa rnam par spyad pa'i sems dang ldan pa/ 'jig rten gyi khams kyi dra ba mi zad pa khong du chud pa'i ye shes mtha' dang dbus med pa mngon </font><hr>Ca176b<br><font size=+1>


du gyur pa'i sems dang ldan pa/ sems can rgya mtsho mtha' yas pa yongs su smin par bya ba dang gdul bar bya ba la zhum pa med pa'i sems dang ldan pa des/ byang chub sems dpa'i spyod pa'i yul mtha' yas pa la yang dag par blta ba dang / 'jig rten gyi khams kyi rgyud rnam pa tha dad pa mtha' yas pa la yang dag par blta ba dang / 'jig rten gyi khams rnam par phye ba sna tshogs mtha' yas pa la yang dag par blta ba dang / 'jig rten gyi khams mtha' yas pa dmigs pa phra ba dang / yangs pa'i khongs su chud par bya ba la yang dag par blta ba dang / 'jig rten gyi khams kyi gzhi mtha' yas pa'i ming gi dra ba sna tshogs yang dag par blta ba dang / 'jig rten gyi khams su rnam par spyad pa rnam par gdags pa mtha' yas pa'i kun rdzob rnam pa tha dad pa la yang dag par blta ba dang / sems can gyi mos pa sna tshogs mtha' yas pa la yang dag par blta ba dang / sems can rnam par phye ba'i rnam pa tha dad pa mtha' yas pa la yang dag par blta ba dang / sems can mtha' yas pa yongs su smin par bya ba dang / gdul ba khong du chud par bya ba la yang dag par blta ba dang / sems can dang / phyogs dang / dus mtha' yas pa'i ming gi rnam pa sna tshogs la yang dag par blta ba dang / dge ba'i bshes gnyen mngon du bya ba byed cing / mthar </font><hr>Ca177a<br><font size=+1>


@#/ /gyis yul tshol ba dang ldan pa gang na ba dang / bram ze rgyal ba'i drod kyi skye mched ga la ba der phyin to/ /de'i tshe bram ze rgyal ba'i drod kyi skye mched thams cad mkhyen pa nyid bsgrub pa'i gzhir byas shing dka' thub drag po la spyod de/ de'i phyogs bzhi nas me'i phung po ri rab tsam du che ba bus pa dang / ri shin tu mtho ba'i g.yang sa'i lam gyi rgyud spu gri'i sos gshibs pas 'khod par snang ngo / /de nas tshong dpon gyi bu nor bzang gis/ bram ze rgyal ba'i drod kyi mched kyi rkang pa gnyis la spyi bos phyag 'tshal te| mdun du 'dug nas thal mo sbyar te/ 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la spyad pa dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ 'phags pa/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ des smras pa/ rigs kyi bu/ song la spu gri'i so dang ra ba'i ri 'di la 'dzegs te/ me'i 'obs 'dir mchongs shig dang / des khyod </font><hr>Ca177b<br><font size=+1>


kyi byang chub sems dpa'i spyod pa yongs su dag par 'gyur ro zhes nas/ tshong dpon gyi bu nor bzang 'di snyam du sems par gyur te/ mi khom pa brgyad las rnam par ldog pa yang shin tu dkon/ mir 'gyur te/ khom pa phun sum tshogs shing rnam par dag pa yang shin tu dkon/ sangs rgyas 'byung ba yang shin tu dkon/ dbang po nyams su med pa yang shin tu dkon/ sangs rgyas kyi chos thos pa yang shin tu dkon/ skyes bu dam pa dang phrad pa yang shin tu dkon/ yang dag pa'i dge ba'i bshes gnyen yang shin tu dkon/ yang dag pa'i tshul rjes su bstan pas legs par sdud pa yang shin tu dkon/ yang dag par 'tsho bar bya ba yang shin tu dkon/ mi'i 'jig rten na chos dang gnyen ba'i chos la nan tan byed pa yang shin tu dkon na/ de skad zer zhing bdag gi dge ba'i bar chad la zhugs la/ de ltar bdag gi srog gcad par brtson pa 'di bdud dam zhig ma yin nam/ bdud kyis byin gyis brlabs pa'am/ bdud kyi ris su gtogs pa'am/ dge ba'i bshes gnyen ltar brdzus pa'am/ byang chub sems dpa' la mi gcags pa byed pa zhig ma yin grang / bdag gi thams cad mkhyen pa nyid la gegs byed par 'dod pa zhig ma yin grang / bdag lam gol ba ngan par gzhug par 'dod pa zhig ma yin grang / bdag </font><hr>Ca178a<br><font size=+1>


@#/ /gis sangs rgyas kyi chos khong du chud par bya ba'i chos kyi sgo la gegs byed pa zhig ma yin grang snyam nas/ de de ltar sems shing yid la byed pa'i tshe/ tshangs pa stong phrag bcu steng gi bar snang la gnas te/ 'di skad ces 'dzer to/ /rigs kyi bu/ de lta bu'i sems mi brtan par ma byed cig /rigs kyi bu/ 'phags pa 'di ni/ ting nge 'dzin rdo rje 'od 'phro ba'i snang ba rab tu thob pa ste/ brtson 'grus ldog pa med pa'o/ /brtsams pa chen po mthar dbyung ba la zhugs pa'o/ /'gro ba thams cad kyi sred pa'i rlan bskam pa la mngon par brtson pa'o/ /lta ba'i rnam pa dang / dra ba thams cad gtub pa la brtson pa'o/ /nyon mongs pa'i lcag lcig thams cad zad par bsreg pa la sta gon du gnas pa'o/ /mi khom mi shes pa'i bas mtha'i dgon pa thams cad snang bar bya ba la brtson pa'o/ /sems can thams cad kyi rga shi'i g.yang sa dang / 'jigs pa rnam par bzlog pa la yi dam brtan pa'o/ /dus gsum gyi mun pa bsal pa la mngon par brtson pa'o/ /chos thams cad kyi 'od zer dgye ba la zhugs pa'o/ / rigs kyi bu/ 'phags pa 'di dka' thub lngas yongs su gdung ba mdzad pa'i tshe/ tshangs pa ji snyed cig mkhan po dang / dbang sgyur ba dang / 'jig rten thams cad </font><hr>Ca178b<br><font size=+1>


kyi gtso bor rang rang rlom zhing / sems pa blta ba'i rnam pa sna tshogs la mngon par zhen pa de dag thams cad/ 'phags pa 'di dka' thub dang / brtul zhugs kyi thugs dam gyi mthus/ rang rang gi gnas na bag dga' ba med cing / de dag bsam gtan gyi ro dga' ba myong ba med pas/ 'phags pa 'di'i drung du 'dong ngo / /de dag phyin pa dang / 'phags pa 'di'i rdzu 'phrul gyi byin dang / drag shul kyi dka' thub dang / brtul zhugs kyi sa zil gyis mnan te/ lta ba'i rnam pa thams cad rnam par bzlog pa dang / nga rgyal dang| rlom sems thams cad rab tu spang ba'i phyir chos ston to/ /'gro ba thams cad la byams pa chen po dang / snying rje chen pos khyab par bya ba dang / byang chub kyi bsam pa brtan par bya ba dang / byang chub tu sems bskyed pa shin tu yangs par bya ba dang / sangs rgyas thams cad yang dag par blta ba la mngon par brtson par bya ba dang / sangs rgyas kyi gsung gi dkyil 'khor thob par bya ba yongs su rdzogs par bya ba dang / thams cad du grag pa'i sangs rgyas kyi dbyangs la thogs pa med cing / bsgribs pa med par bya ba'i phyir chos ston to/ /bdud stong phrag bcu yang steng gi bar snang la 'khod nas/ lha rdzas kyi nor bu rin po ches mngon par gtor te/ 'di skad ces 'dzer to/ /rigs kyi bu/ 'phags pa 'di </font><hr>Ca179a<br><font size=+1>


@#/ /dka' thub lngas yongs su gdung ba mdzad pa'i tshe/ 'od 'phro ba'i phung po 'di las snang ba chen po byung zhing / kho bo cag gi khyim dang / lus dang / rgyan gyi longs spyod thams cad zil gyis gnon to/ /de'i phyir kho bo cag kyang so so'i gnas gnas na bag dga' ba med pas 'khor dang bcas te/ 'phags pa 'di'i drung du 'dong ngo / /kho bo cag 'di'i drung du phyin nas kyang / 'phags pa 'di ni kho bo cag la ci nas kyang / rang rang gi sems sor chud nas byang chub tu sems bskyed de/ bla na med pa yang dag par rdzogs pa'i byang chub las phyir mi ldog par 'gyur ba/ de lta de ltar chos ston to/ /dbang sgyur gyi lha'i rgyal po stong phrag bcus kyang / lha rdzas kyi me tog gis mngon par gtor te/ 'di skad ces 'dzer to/ /rigs kyi bu/ 'phags pa 'di dka' thub lngas yongs su gdung ba byed pa'i tshe/ kho bo cag kyang rang rang gi gnas na dga' ba med de/ de ltar bdag cag kyang rang rang gi skye bo'i 'khor dang bcas te/ 'di'i drung du 'dong ngo / /bdag cag drung du phyin pa dang / 'di ni bdag cag la rang rang gi sems la dbang bsgyur ba thob par bya ba'i phyir chos ston to/ /nyon mongs pa thams cad la dbang bsgyur ba thob par bya ba dang / bsam pa ji lta ba bzhin du skye ba la dbang </font><hr>Ca179b<br><font size=+1>


bsgyur ba thob par bya ba dang / las kyi sgrib pa thams cad rnam par dag pa'i dbang rab tu thob par bya ba dang / snyoms par 'jug pa thams cad la dbang bsgyur ba thob par bya ba dang / yo byad la dbang ba'i rgyan yongs su dag par bya ba dang / bsam pa ji lta ba bzhin du tshe la dbang bsgyur ba thob par bya ba'i phyir chos ston to/ /rab 'phrul dga'i lha'i rgyal po stong phrag bcu yang / steng gi bar snang la 'khod de/ lha rdzas kyi glu yang dag par sbyar ba'i nga ro snyan pa'i dbyangs bsgrags te/ mchod pa byas nas 'di skad ces 'dzer to/ /rigs kyi bu/ 'phags pa 'di dka' thub lngas yongs su gdung ba mdzad pa'i tshe/ me'i phung po 'di las de dang 'dra ba'i 'od byung zhing kho bo cag gi gzhal med khang 'di dag rnam par dag ste/ gsal ba dang / 'od shin tu dang bar 'gyur ro/ /rgyan 'di dag dang / lha'i bu mo 'di dag kyang / rnam par dag cing gsal la 'od shin tu dang bar 'gyur ro/ /de bas na bdag cag kyang lha'i bu dang / lha mo'i tshogs kyi 'khor dang bcas par/ 'dod pa la dga' bar tshor ba med de/ 'dod pa'i bde ba la mngon par dga' ba med pas/ lus dang sems sim par gyur nas/ 'phags pa 'di'i drung du 'dod pa yin te/ 'phags pa 'di ni/ bdag cag de ltar phyin pa rnams la sems rnam par </font><hr>Ca180a<br><font size=+1>


@#/ /dag par bya ba'i phyir chos ston to/ /sems kyi 'od dang bar bya ba dang / sems shin tu dag par bya ba dang / sems las su rung bar bya ba dang / sems kyi dga' ba yongs su bskyed pa dang / stobs bcu'i ye shes 'thob pa rnam par dag par bya ba dang / chos kyi shugs chen po rnam par 'phel bar bya ba dang / sangs rgyas kyi sku tshad med pa mngon par bsgrub pa'i phyir lus rnam par dag par bya ba dang / de bzhin gshegs pa'i gsung thob par bya ba'i phyir ngag rnam par dag par bya ba dang / thams cad mkhyen pa nyid rab tu thob par bya bar sems rnam par dag par bya ba'i phyir chos ston to/ /rab dga' ldan gyi lha'i rgyal po stong phrag bcu'i lha'i bu dang / lha'i bu mo'i tshogs kyi 'khor dang bcas pa dag kyang / steng gi bar snang la 'khod nas/ spos sna tshogs kyi phye ma'i sprin gyi char mngon par phab pas mchod pa byas te/ phyag 'tshal nas 'di skad ces 'dzer to/ /rigs kyi bu/ 'phags pa 'di dka' thub lngas yongs su gdung ba mdzad pa'i tshe/ bdag cag kyang rang rang gi gnas na dga' ba med de/ de ltar dga' ba med pas 'di'i drung du 'dong ste/ bdag cag phyin pa rnams la/ 'phags pa 'di ni yul thams cad la ltos pa med par bya ba'i phyir chos ston to/ /chog shes </font><hr>Ca180b<br><font size=+1>


pa'i sems su bya ba dang / dge ba'i rtsa ba yang dag par bskyod pa dang / byang chub tu sems bskyed pa rab tu thob par bya ba nas/ sangs rgyas kyi chos thams cad yongs su rdzogs par bya ba'i phyir chos ston to/ /rab mtshe ma'i lha'i rgyal po stong phrag bcu lha'i bu dang / lha'i bu mo'i tshogs kyi 'khor dang bcas pa dag gis kyang lha rdzas kyi me tog man da ra ba'i char mngon par phab ste/ 'di skad ces 'dzer to/ /rigs kyi bu/ 'phags pa 'di dka' thub lngas yongs su gdung ba mdzad pa'i tshe/ bdag cag kyang lha rdzas kyi glu snyan pa la dga' ba med de/ de ltar dga' ba med pas 'phags pa 'di'i drung du 'dong ste/ bdag cag phyin nas kyang / 'phags pa 'di ni 'dod pa'i dga' ba thams cad rnam par bzlog par bya ba nas/ sangs rgyas kyi chos thams cad rab tu thob par bya ba'i phyir chos ston to/ /lha'i dbang po brgya byin stong phrag bcu so so nas nye ba'i dbang po sum cu rtsa gnyis dang| lha'i bu dang / lha'i bu mo'i tshogs kyi 'khor dang bcas pas/ lha rdzas kyi gos dang / rin po che'i rgyan dang / me tog gi sprin gyi char mngon par phab ste/ 'di skad ces 'dzer to/ /rigs kyi bu/ 'phags pa 'di dka' thub lngas yongs su gdung ba mdzad pa'i tshe/ bdag cag kyang brgya byin gyi khang pa dang / bza' shing gi ra ba dang / rtse ba'i </font><hr>Ca181a<br><font size=+1>


@#/ /nags tshal dang / lha rdzas kyi rol mo brdung zhing dkrol ba dang / gam yo na glu len pa'i longs spyod la dga' ba med/ de ltar bdag cag dga' ba med pas 'di'i drung du 'dong ngo / /bdag cag der phyin nas kyang / 'phags pa 'di ni kho bo cag la 'dod pa'i dga' ba thams cad yongs su spang pa'i phyir chos ston to/ /'di dag thams cad ni rtag pa ma yin te/ mi brtan zhing 'jig par 'gyur ba'i chos can no zhes bya ba'i tshig brjod do/ /dregs pa dang / bag med pa thams cad yongs su gcad pa dang / bla na med pa'i byang chub tu spro ba bskyed pa'i phyir chos ston to/ /rigs kyi bu/ gzhan yang 'dis bltas pa tsam gyis ri rab kyi rtse mo thams cad kyang g.yo bar 'gyur te/ des bdag cag gshigs pas sems skyo bar gyur nas thams cad mkhyen pa'i sems brtan pas/ thams cad mkhyen pa'i ye shes su smon lam mngon par sgrub bo/ /klu'i rgyal po shugs ldan dang / dga' bo dang / bsnyen dga' bo la sogs pa klu brgya stong phrag bcu dag kyang steng gi bar snang la gnas shing| dus dang mthun pa'i lha rdzas kyi tsan dan gyi sprin dang / klu'i bu mos blangs pa'i nga ro snyan pa'i dbyangs dang / lha rdzas kyi spos chu'i rgyun rab tu 'bab pa'i char </font><hr>Ca181b<br><font size=+1>


mngon par phab ste/ 'di skad ces 'dzer to/ /rigs kyi bu/ 'phags pa 'di dka' thub lngas yongs su gdung ba mdzad pa'i tshe/ me'i phung po chen po 'di las 'od chen po 'byung ste| des klu'i gnas thams cad snang bar byas nas/ bye ma'i char dang / nam mkha' lding gi 'jigs pa yongs su sel to/ /khro ba 'byung ba yang zhi bar byas te/ lus sim par byas nas yid shin tu mos par byed do/ /de ltar sems shin tu mos par gyur nas/ 'phags pa 'di ni bdag cag la chos ston te/ /'di ltar klu'i lam gyi rgyud ngan pa rnam par smad pa dang / sgrib pa'i las thams cad rab tu spang ba'i phyir nyes pa 'chags su btsud cing / bla na med pa yang dag par rdzogs pa'i byang chub tu sems bskyed du btsud de/ thams cad mkhyen pa nyid la rab tu 'god do/ /gnod sbyin gyi dbang po stong phrag bcu yang nam mkha'i dbyings la 'khod de/ mchod pa rnam pa sna tshogs kyis bram ze rgyal ba'i drod kyi skye mched dang / tshong dpon gyi bu nor bzang la mchod pa byas nas/ 'di skad ces 'dzer to/ rigs kyi bu/ 'phags pa 'di dka' thub lngas yongs su gdung ba mdzad pa'i pa'i tshe/ kho bo cag gi 'khor kun kyang mi rnams la byams pa'i sems skye bar gyur te/ gnod sbyin dang / srin po dang / grul bum thams cad kyang byams pa'i sems dang ldan </font><hr>Ca182a<br><font size=+1>


@#/ /par gyur to/ /de dag byams pa'i sems dang ldan zhing 'tsho ba med pa la zhugs pa rnams kho bo cag gi drung du 'ong ngo / kho bo cag kyang de ltar byams pa'i dbang gis zil gyis non pas/ rang rang gi gnas de dang / de dag na dga' ba med de/ de ltar bdag cag kyang rang rang gi skye bo'i 'khor dang bcas te/ 'phags pa 'di'i drung du 'dong ngo / /bdag cag de ltar 'ongs pa rnams la/ 'phags pa 'di'i sku las byung ba'i 'od kyis lus thams cad snang bar byas shing bde bas khyab par mdzad de/ de ltar bdag cag lus dang sems bde bar gyur nas/ 'phags pa 'di ni ci nas kyang bdag cag la gnod sbyin dang / srin po dang / grul bum dang / lus srul po mang po byang chub tu sems skye bar 'gyur ba de ltar chos ston to/ /dri za'i dbang po stong phrag bcu dag kyang steng gi bar snang la 'khod nas/ 'di skad ces 'dzer to/ /rigs kyi bu/ kho bo cag kyang rang rang gi gnas na 'khod pa'i tshe/ 'phags pa 'di dka' thub lngas yongs su gdung bar mdzad pa'i tshe/ me'i phung po 'di las 'od byung ste/ bdag cag gi gnas snang bar gyur to/ /de ltar bdag cag 'od des phog ste/ bde ba bsam gyis mi khyab pa dang ldan par gyur pas/ 'phags pa 'di'i drung du 'dong ste/ bdag </font><hr>Ca182b<br><font size=+1>


cag drung du phyin nas kyang 'phags pa 'di ni/ bdag cag ci nas kyang bla na med pa yang dag par rdzogs pa'i byang chub las phyir mi ldog par 'gyur ba de ltar chos ston to/ /lha ma yin gyi dbang po stong phrag bcu dag kyang rgya mtsho'i nang nas mngon par 'thon te/ nam mkha' la pus mo g.yas pa'i lha nga btsugs te/ thal mo sbyar nas phyag 'tshal zhing 'di skad ces 'dzer to/ /rigs kyi bu/ 'phags pa 'di dka' thub lngas yongs su gdung ba mdzad pa'i tshe/ kho bo cag gi lha ma yin gyi 'jig rten rgya mtsho dang rir bcas pa'i sa chen po'i dkyil 'khor rab tu g.yo bar gyur te/ bdag cag kun gyi nga rgyal dang / rlom sems dang / dregs pa thams cad brtul zhugs dang dka' thub kyi zil gyis non te/ 'phags pa 'di'i drung du 'dong ngo / /der phyin nas kyang 'phags pa 'di ni/ bdag cag la g.yo sgyu thams cad rab tu spang ba dang / chos zab mo'i bzod pa dang / mi g.yo ba'i chos nyid la rab tu dgod pa dang / stobs bcu'i ye shes yongs su grub par bya ba'i phyir chos ston to/ /nam mkha' lding gi dbang po shugs chen po 'dzin pa la sogs pa nam mkha' lding gi dbang po stong phrag bcus kyang / bram ze'i bu shin tu sdug gu'i gzugs su mngon par sprul te/ /'di skad ces 'dzer to/ /rigs kyi bu/ 'phags pa 'di dka' thub lngas yongs </font><hr>Ca183a<br><font size=+1>


@#/ /su gdung ba mdzad pa'i tshe/ me'i phung po 'di dag las 'od chen po byung ste/ bdag cag gis gnas snang bar byas nas yongs su g.yo bar byed do/ / des bdag cag kyang 'jigs shing skrag ste/ skyo ba'i yid dang ldan par gyur nas 'phags pa 'di'i drung du 'dong ngo / 'phags pa 'di yang bdag cag la chos ston cing / byams pa chen po la yang dag par sbyor bar mdzad do/ /snying rje chen po la yang dag par dgod pa mdzad do/ /'khor ba'i rgya mtshor 'jug pa la yang yang dag par sbyor ba mdzad do/ /'dod pa'i 'dam du bying ba'i sems can mngon par gdon par bya ba la yang yongs su sbyor ba mdzad do/ /lhag pa'i bsam pa'i sgo rnam par dag par bya ba la yang rab tu sbyor ba mdzad do/ /shes rab dang thabs shin tu gsal ba la yang yang dag par sbyor ba mdzad do/ /rnam pa ji lta bur yongs su smin par bya ba'i sems can rnams gdul bar bya ba la yang rab tu sbyor ba mdzad do/ /mi'am ci'i dbang po stong phrag bcu yang steng gi bar snang la 'khod do/ /'di skad ces 'dzer to/ /rigs kyi bu/ 'phags pa 'di dka' thub lngas yongs su gdung ba mdzad pa'i tshe/ kho bo cag gi gnas na 'khod pa'i shing ta la'i phreng ba las dril bu'i dra ba rin po che'i srad bus lda ldir brgyus </font><hr>Ca183b<br><font size=+1>


pa'i sil snyan dang / rol mo'i yo byad dang / rin po che'i rgyan dang / khyim gyi longs spyod thams cad las sangs rgyas kyi sgra 'byung ngo / /chos kyi sgra dang / phyir mi ldog pa'i byang chub sems dpa'i dge 'dun gyi sgra dang / byang chub tu yang dag par zhugs pa'i smon lam gyi sgra 'byung ngo / /'jig rten gyi khams kyi grangs su bya ba che ge mo zhig na ni/ byang chub sems dpa' ming 'di zhes bya ba zhig byang chub tu smon lam 'debs so/ /'jig rten gyi khams kyi grangs su bya ba che ge mo zhig na ni/ byang chub sems dpa' ming 'di zhes bya ba zhig dka' ba yongs su gtong ba byed do/ /'jig rten gyi khams kyi grangs su bya ba che ge mo zhig na ni/ byang chub sems dpa' ming 'di zhes bya ba zhig /thams cad mkhyen pa nyid kyi ye shes kyi dkyil 'khor yongs su sbyong ba byed do/ /'jig rten gyi khams kyi grangs su bya ba che ge mo zhig na ni/ byang chub sems dpa' ming 'di zhes bya ba zhig snying po byang chub tu 'gro'o/ / 'jig rten gyi khams kyi grangs su bya ba che ge mo zhig na ni/ byang chub sems dpa' ming 'di zhes bya ba zhig dpung dang bzhon par bcas pa'i bdud rab tu pham par byas te/ bla na med pa yang dag par rdzogs pa'i byang chub tu mngon par 'tshang rgya'o/ /'jig rten gyi khams kyi grangs su bya ba che ge mo zhig na ni/ de bzhin gshegs pa mtshan 'di zhes </font><hr>Ca184a<br><font size=+1>


@#/ /bya ba zhig chos kyi 'khor lo bskor ba mdzad do/ /'jig rten gyi khams kyi grangs su bya ba che ge mo zhig na ni/ de bzhin gshegs pa mtshan ni che ge mo zhig sangs rgyas kyi 'phrin las ma lus par mdzad nas/ phung po ma lus pa'i dbyings su yongs su mya ngan las 'da' ba mdzad do zhes bya ba'i sgra 'byin te/ rigs kyi bu| 'dzam bu'i gling gi rtswa dang / shing dang / yal ga dang / lo ma dang / 'dab ma thams cad rdul shin tu phra ba'i char blags pa'i mur thug par ni rung yang srid kyi/ de bzhin gshegs pa de dag gi mtshan dang / byang chub sems dpa' rnams kyi smon lam dang / byang chub sems dpa'i spyod pa la 'jug pa'i khyad par gang kho bo cag gi gnas na yod pa'i shing ta la'i phreng ba las rol mo'i yo byad dang / rin po che'i rgyan dang / khyim gyi longs spyod rlung gis bskyod pa'i sgra 'byung zhing / nga ro 'byin pa dang / rna lam du grag pa'i mtha' ni thug par mi rung ngo / /de ltar bdag cag kyang sangs rgyas dang / chos dang / dge 'dun dang / byang chub sems dpa' rab tu 'jug pa'i smon lam dang| spyod pa dang / mtshan gyi chu klung gi sgras dga' ba chen po'i shugs drag pos nyams bde ba skyes te/ 'phags pa 'di'i drung du 'dod do/ /de ltar bdag cag phyin par </font><hr>Ca184b<br><font size=+1>


gyur nas kyang / 'phags pa 'di ni bdag cag la ci nas kyang kho bo cag gi 'khor gyi sems can du ma zhig /bla na med pa yang dag par rdzogs pa'i byang chub las phyir mi ldog par 'gyur ba de lta bur chos ston pa mdzad do/ /'dod pa la spyod pa'i lha'i bu stong phrag dpag tu med pa/ kha dog shin tu mdzes pa dag kyang nam mkha' la 'khod cing / yid kyis sprul pa'i mchod pa byas nas 'di skad ces 'dzer to/ /'phags pa 'di dka' thub lngas yongs su gdung ba mdzad pa'i tshe/ me'i phung po 'di dag las rnam pa 'di lta bu'i 'od 'byung ste/ 'od des mar na mnar med pa yan chad du sems can dmyal ba rnams snang bar byas nas/ sems can dmyal ba pa'i sems can thams cad kyi sdug bsngal rtse zil bar byas te/ 'od de nyid kyis 'phags pa 'di bdag cag gi mig lam du snang bar bstan pas/ de'i phyir kho bo cag kyang 'phags pa 'di la sems mos par gyur nas 'dod pa la spyod pa'i lha'i ris nyams su bde bar skyes so/ /de ltar bdag cag kyang 'phags pa 'di'i mdzad pa la drin du gzo zhing mthong bas mi ngoms pas/ 'dod pa'i dga' ba thams cad yongs su spangs te/ 'phags pa 'di'i drung du 'dong ngo / /der bdag cag phyin nas kyang / 'phags pa 'di ni ci nas kyang sems can tshad med pa rnams </font><hr>Ca185a<br><font size=+1>


@#/ /byang chub tu smon lam 'debs par 'gyur ba de ltar chos ston pa mdzad do/ /de nas tshong dpon gyi bu nor bzang gis chos kyi tshul rnam pa 'di lta bu thos nas dga' rangs te/ mgu zhing nyams bde la/ tshim zhing yid bde ba skyes te/ bram ze rgyal ba'i drod kyi skye mched la yang dag pa'i dge ba'i bshes gnyen du 'du shes bskyed| bram ze rgyal ba'i drod kyi skye mched kyi rkang pa gnyis la spyi bos phyag 'tshal te/ 'di skad ces smras so/ /'phags pa/ de ltar bdag gis dge ba'i bshes gnyen gyi bka' dang 'gal bar bgyis pa'i nongs pa la nongs par bshags so/ /de nas bram ze rgyal ba'i drod kyi skye mched kyis/ tshong dpon gyi bu nor bzang la tshigs su bcad pa 'di dag smras so/ /byang chub sems dpa' gang zhig rjes su bstan dang mthun byed cing / /dran pa nye bar bzhag ste bla ma'i ngag gcog mi byed na/ /de'i phyir de yi don rnams thams cad mthun par 'grub par 'gyur/ /mthun pa'i sangs rgyas ye shes byang chub drung du 'tshang yang rgya/ /de nas tshong dpon gyi bu nor bzang gis/ ri g.yang sa'i lam spu gri'i so gshibs pa la 'dzegs te/ me'i phung po chen po der mchongs so/ /de de ltar mchongs pa'i tshe/ byang chub sems dpa'i ting nge 'dzin shin </font><hr>Ca185b<br><font size=+1>


tu brtan pa zhes bya ba thob par gyur to/ /me des reg nas kyang byang chub sems dpa'i ting nge 'dzin rab tu zhi ba'i bde ba mngon par shes pa zhes bya ba thob par gyur nas/ des 'di skad ces smras so/ /'phags pa/ me'i phung po la de ltar reg na bde ba dang / ri'i lam spu gris gtams pa 'di yang de ltar reg na bde ba de ni ngo mtshar che'o/ /des smras pa/ rigs kyi bu/ kho bo ni byang chub sems dpa'i rnam par thar pa dkyil 'khor yongs su mi zad pa thob pa ste/ rigs kyi bu/ kho bos ni/ byang chub sems dpa'i rnam par thar pa dkyil 'khor yongs su mi zad pa 'di shes par zad na/ kho bos byang chub sems dpa' me'i phung po lta bu/ 'gro ba thams cad kyi nyon mongs pa dang / lta ba'i rnam pa thams cad yongs su zad par bya ba'i smon lam can/ ru mtshon phyir mi ldog pa dang ldan pa/ sems la thub pa med cing / sems dma' ba med pa dang ldan pa/ yid zhum pa med pa can rdo rje'i snying po dang ldan pa'i mthu bo che lta bu/ brtsams pa chen po mthar phyin par bya ba la sgyid lug pa med pa/ sbyor ba lhod pa med pa rlung gi dkyil 'khor lta bu/ 'gro ba thams cad kyi don du brtson pa/ brtson 'grus phyir mi ldog pa dang ldan pa/ phyir mi ldog pa'i go cha bgos pa de dag gi spyod pa shes pa'am/ yon tan brjod par nus re skan </font><hr>Ca186a<br><font size=+1>


@#/ /song| rigs kyi bu/ lho phyogs kyi rgyud 'di nyid na/ grong khyer seng ge rnam par bsgyings pa zhes bya ba yod de/ de na rgyal po seng ge'i dpal gyi bu mo byams ma zhes bya ba/ bu mo lnga brgya'i 'khor dang bcas pa 'dug gi /de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzang gis/ bram ze rgyal ba'i drod kyi skye mched kyi rkang pa gnyis la spyi bos phyag 'tshal te/ bram ze rgyal ba'i drod kyi skye mched la lan brgya stong du mar g.yas phyogs su bskor ba byas nas/ yang dang yang bltas te/ bram ze rgyal ba'i drod kyi skye mched kyi drung nas song ngo / /de nas tshong dpon gyi bu nor bzang / dge ba'i bshes gnyen la rim gro bsam gyis mi khyab pa la zhugs pa mos pa rgya chen pos rnam par dag pa/ theg pa chen po la mngon du phyogs pa/ sangs rgyas kyi ye shes la mngon par mos pa/ sangs rgyas kyi chos la yang dag par zhugs pa/ dge ba'i bshes gnyen gyi rjes su 'brang bar spro ba/ chos kyi rim gro la rnam par spyod pa/ chags pa med pa'i ye shes la mngon du gyur pa/ yang dag pa'i mtha' shin tu rtogs pa/ ye shes kyi mtha' la mi gnas pa'i yul </font><hr>Ca186b<br><font size=+1>


dang ldan pa/ dus gsum skad cig gi cha shas la khong du chud par byed pa/ nam mkha'i mtha' gnyis su med pa mngon du gyur pa/ mi gnyis pa'i mtha' rnam par gdon mi za ba thob pa| chos kyi dbyings kyi mtha' la rnam par mi rtog par gnas pa/ bsgribs pa med pa'i mthas gdul ba khong du chud par bya ba la zhugs pa/ chos kyi mtha' dang mi 'gal bar bya ba la gzhol ba/ de bzhin gshegs pa'i mtha' la mtha' med par khong du chud pa/ sangs rgyas thams cad kyi mtha' la rnam par mi rtog par gnas pa/ sems can thams cad kyi 'du shes kyi dra ba rnam par gtor ba'i ye shes la gzhol ba/ zhing la mngon par chags pa thams cad dang bral ba/ sangs rgyas kyi 'khor gyi dkyil 'khor thams cad la chags pa med pa'i sems dang ldan pa/ sangs rgyas kyi zhing thams cad yongs su dag par bya ba la gnas pa med par spyod pa/ sems can thams cad la bdag med pa dang / sems can med pa'i 'du shes dang ldan pa/ sgra thams cad tshig gi lam lta bur khong du chud pa/ gzugs thams cad gzugs kyi gzugs brnyan dang mnyam par rnam par rig par bya ba la gzhol ba de mthar gyis seng ge rnam par bsgyings pa'i grong khyer gang na ba der phyin te/ bu mo byams ma tshol zhing yongs su rmed rmed pa las/ rgyal po seng ge'i dpal gyi bu mo byams </font><hr>Ca187a<br><font size=+1>


@#/ /ma| 'khor bu mo lnga brgya dang ldan pa de khang pa rnam par snang ba'i snying po zhes bya ba'i nang na/ khri tsan dan sprul gyi snying po'i rkang pa can/ gser gyi lcags bod kyi dra bas legs par blas pa/ lha rdzas kyi stan bting ba la 'dug cing chos ston to zhes thos nas/ seng ge rnam par bsgyings pa'i grong khyer du song ste/ rgyal po seng ge'i dpal gyi gnas gang na ba der phyin nas/ rgyal po'i phyi sgo'i sgo khang na/ bu mo byams ma mthong bar dga' ba'i phyir sdod cing 'dug 'dug pa dang / des der srog chags brgya phrag du ma dang / srog chags stong phrag du ma dang / srog chags brgya stong phrag du ma 'dong ba mthong nas/ khyed gang nas 'ong / da gang du 'dong zhes dris pa dang / de dag na re/ ded ni bu mo byams ma'i drung du chos mnyan pa'i phyir 'dong ngo zhes nas/ des bsams pa/ 'dir ni su 'gro yang dag pa med pa lta zhig snyam ste/ de yang nang du phyin to/ /de ltar phyin te bltas na| khang pa rnam par snang ba'i snying po can de yang / gzhi shel du 'dug pa'i sa las blangs te/ bai DUR+Ya'i ka ba bkye ba/ rtsig pa rdo rje las byas pa/ 'dzam bu chu klung gi lhun dang ldan pa'i ba gam brgya phrag stong gis brgyan pa nor bu rin po che grangs med pas rnam par bris pa/ rin po che stong gi snying po'i me long gi dkyil 'khor gyis shin tu spa bar </font><hr>Ca187b<br><font size=+1>


byas pa/ nor bu rin po che 'gro ba'i yid du 'ong bas rnam par brgyan pa/ rin po che'i shing rta grangs med pas yongs su bskor ba/ gser gyi dril bu brgya stong shin tu 'khrol ba'i sgra snyan pa bsam gyis mi khyab pa'i rgyan dang ldan par 'dug par mthong ngo / /bu mo byams ma de yang mig dkar nag 'byes pa/ skra mthon mthing du 'dug pa/ mdog gser gyi kha dog ltar 'dug pa mthong nas/ des de'i rkang pa gnyis la spyi bos phyag 'tshal te/ lan brgya stong du mar g.yas phyogs su bskor ba byas nas thal mo sbyar te/ mdun du 'dug nas 'di skad ces smras so/ /'phags ma/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni/ byang chub sems dpa' rnams la gdams ngag dang rjes su bstan pa mdzad do zhes bdag gis thos pa| 'phags ma/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa/ rigs kyi bu| kho mo'i gnas kyi rgyan la ltos shig ces nas/ des kun tu yul te bltas pa dang / rtsig pa re re dang / ka ba re re dang / me long gi dkyil 'khor re re dang / rnam pa'i bye brag re </font><hr>Ca188a<br><font size=+1>


@#/ /re dang / dbyibs re re dang / nor bu rin po che re re dang / gser gyi dril bu re re dang / rin po che'i shing re re dang / ba sbu'i bu ga re re dang / rin po che'i sen mo do re re dag las kyang / chos kyi dbyings thams cad na bzhugs pa'i de bzhin gshegs pa/ thog ma thugs bskyed pa dang bcas pa/ spyod pa dang smon lam gyi yul dang bcas pa/ 'byung ba'i rgyan dang bcas pa/ mngon par 'tshang rgya ba'i rnam par 'phrul pa dang bcas pa/ chos kyi 'khor lo bskor ba dang bcas pa/ yongs su mya ngan las 'da' ba ston pa dang bcas par gzugs brnyan gyi tshul du mthong bar gyur to/ /dmigs pa de dag re re las/ ji lta ba de bzhin du dmigs pa thams cad las kyang mthong bar gyur to/ /'di lta ste/ dper na/ chus yongs su gang ba'i mtsho dang zhing rnyog pa med pa la rnam par gsal ba la ni/ nam mkha' nyi zla dang / skar ma'i tshogs kyis brgyan pa gzugs brnyan gyi tshul du yongs su snang ngo| |de bzhin du khang pa rnam par snang ba'i snying po 'di dmigs pa re re las kyang / chos kyi dbyings kun na bzhugs pa'i de bzhin gshegs pa thams cad gzugs brnyan gyi tshul du yongs su snang bar gyur te/ de ni bu mo byams ma'i sngon gyi dge ba'i rtsa ba'i rgyu'i phyir te/ des de ltar rnam par bltas nas/ sangs rgyas mthong ba'i rgyan gyi mtshan ma </font><hr>Ca188b<br><font size=+1>


de yongs su bzung ste thal mo sbyar nas/ bu mo byams ma'i gdong du bltas pa dang / des smras pa/ rigs kyi bu/ kho mo ni shes rab kyi pha rol tu phyin pa'i sgo'i rgyud kun nas rnam par brgyan pa zhes bya ba thob pa ste/ shes rab kyi pha rol tu phyin pa'i sgo'i rgyud 'di ni/ kho mos de bzhin gshegs pa chu klung gang+gA sum cu rtsa drug gi bye ma snyed las yongs su btsal ba ste| de bzhin gshegs pa de dag gis kyang / shes rab kyi pha rol tu phyin pa'i sgo'i rgyud kun nas rnam par brgyan pa 'di/ sgo sna tshogs kyi khong du chud par bya bas rtogs par mdzad de| gcig gis gang du gsungs pa de yang gnyis kyis ma gsungs so/ /smras pa/ 'phags ma/ shes rab kyi pha rol tu phyin pa'i sgo'i rgyud kun nas rnam par brgyan pa 'di'i yul ji lta bu zhig mchis/ smras pa/ rigs kyi bu/ shes rab kyi pha rol tu phyin pa'i sgo'i rgyud kun nas rnam par brgyan pa 'di la/ kho mo mngon du byed cing / sems pa dang / rjes su 'brang bar bya ba dang / rnam par dpyod pa dang / rjes su sems pa dang / dran par bya ba dang / yongs su gzung ba dang / rnam par brtags pa dang / mngon par bsgrub pa dang / yang dag par brgyan par bya ba dang / rab tu rnam par dbye ba byed pa'i tshe/ gzungs kun nas sgo zhes bya ba yongs su skye ste/ gzungs kyi dkyil 'khor der ni chos kyi sgo brgya stong grangs </font><hr>Ca189a<br><font size=+1>


@#/ /med pa phrag bcu yongs su 'du'o/ /khong du chud do/ /mngon du 'gyur ro/ /mngon par 'du'o/ /khongs na 'khod do/ /'di lta ste/ sangs rgyas kyi zhing gi sgo dang / sangs rgyas kyi sgo dang / chos kyi sgo dang / sems can gyi sgo dang / 'das pa'i sgo dang / ma 'ongs pa'i sgo dang / da ltar byung ba'i sgo dang / gnas pa'i mtha' sgo dang| bsod nams kyi sgo dang / bsod nams kyi tshogs kyi sgo dang / ye shes kyi sgo dang / ye shes kyi tshogs kyi sgo dang / smon lam gyi sgo dang / smon lam gyi rnam pa'i sgo dang| spyod pa'i sgo dang / spyod pa rnam par dag pa'i sgo dang / spyod pa yongs su 'byung ba'i sgo dang / spyod pa yongs su rdzogs par bya ba'i sgo dang / las kyi sgo dang / las dang mi 'gal pa'i sgo dang / las kyi rgyun gyi sgo dang / lam mngon par 'du bya ba'i sgo dang / mi mnyam pa'i las yongs su spang pa'i sgo dang / yang dag pa'i las la nan tan du bya ba'i sgo dang / las la dbang bsgyur ba'i sgo dang / legs par spyad pa'i sgo dang / legs par spyad pa yang dag par blang ba'i sgo dang / ting nge 'dzin gyi sgo dang / ting nge 'dzin khong du chud par bya ba'i sgo dang / ting nge 'dzin la rnam par spyad pa'i sgo dang / ting nge 'dzin spyod yul gyi sgo dang / ting nge 'dzin las ldang ba'i sgo dang / mngon par shes pa'i sgo dang / sems rgya </font><hr>Ca189b<br><font size=+1>


mtsho'i sgo dang / sems kyi rnam grangs kyi sgo dang / sems kyi rgyud yongs su dag par bya ba'i sgo dang / sems kyi thibs po snang bar bya ba'i sgo dang / sems kyi mtsho dang bar bya ba'i sgo dang| sems 'byung ba'i sgo dang / sems rnam par rgyu ba'i sgo dang / sems can kun nas nyon mongs pa rgyu ba'i sgo dang / nyon mongs pa'i bag chags kyi sgo dang / nyon mongs pa'i sbyor ba'i sgo dang| mos pa'i sgo dang / sems can gyi spyod pa'i sgo dang / sems can gyi spyod pa rnam pa tha dad pa'i sgo dang / 'jig rten 'byung ba'i sgo dang / sems can gyi bsam pa'i sgo dang / sems can gyi 'du shes kyi rnam pa'i sgo dang / phyogs kyi sgo dang / chos kyi phyogs kyi sgo dang / snying rje chen po'i sgo dang / byams pa chen po'i sgo dang / zhi ba'i sgo dang / ngag gi lam gyi sgo dang / tshul gyi sgo dang / khong du chud par bya ba'i sgo dang / rnam par phye ba'i sgo dang / yang dag par 'du ba'i sgo dang / chags pa med pa'i mtha'i sgo dang / kun gyi sgo dang / sangs rgyas kyi chos kyi sgo dang / byang chub sems dpa'i chos kyi sgo dang / nyan thos kyi chos kyi sgo dang / rang sangs rgyas kyi chos kyi sgo dang / 'jig rten gyi chos kyi sgo dang / 'jig rten 'byung ba'i chos kyi sgo dang / 'jig rten 'jig pa'i chos kyi sgo dang / 'jig rten kun nas gnas pa'i sgo dang / 'jig rten gyi khams rnam par dag pa'i sgo dang / 'jig rten gyi khams kun nas nyon mongs pa'i </font><hr>Ca190a<br><font size=+1>


@#/ /sgo dang / 'jig rten gyi khams kun nas nyon mongs pa rnam par dag pa'i sgo dang / 'jig rten gyi khams rnam par dag pa la kun nas nyon mongs pa'i sgo dang| 'jig rten gyi khams gcig tu kun nas nyon mongs pa'i sgo dang / 'jig rten gyi khams gcig tu rnam par dag pa'i sgo dang / 'jig rten gyi khams gzhi mnyam pa nyid du khong du chud par bya ba'i sgo dang / 'jig rten gyi khams snrel zhi'i sgo dang / 'jig rten gyi khams spyi'u tshugs su rgyu ba'i sgo dang / mig 'phrul du 'jug pa'i sgo dang / 'jig rten gyi khams kyi rgyud kyi sgo dang / gnas kyi 'du shes kyi rnam par gyur pa'i sgo dang / phra ba rgya chen por khong du chud par bya ba'i sgo dang / rgya chen po phra bar khong du chud par bya ba'i sgo dang / sangs rgyas mthong bar bya ba'i sgo dang / sangs rgyas kyi sku rnam pa tha dad pa'i sgo dang / sangs rgyas kyi 'od zer gyi dra ba rnam pa tha dad pa'i sgo dang / sangs rgyas kyi gsung gi dkyil 'khor rnam par phye ba'i sgo dang / sangs rgyas kyi chos kyi 'khor lo mngon par bsgrub pa'i sgo dang / sangs rgyas kyi chos kyi 'khor lo tha dad pa'i sgo dang / sangs rgyas kyi chos kyi 'khor lo'i nges pa'i tshig gi sgo dang / sangs rgyas kyi chos kyi 'khor lo 'khor ba kun tu 'khor ba'i sgo dang / sangs rgyas kyi 'phrin las kyi sgo dang / sangs rgyas kyi 'khor gyi dkyil 'khor </font><hr>Ca190b<br><font size=+1>


gyi sgo dang / sangs rgyas kyi 'khor gyi dkyil 'khor rnam par phye ba'i sgo dang / sangs rgyas kyi 'khor gyi dkyil 'khor rgya mtshor 'jug pa'i sgo dang / sangs rgyas kyi stobs snang ba'i sgo dang / sangs rgyas kyi ting nge 'dzin gyi sgo dang / sangs rgyas kyi ting nge 'dzin gyis rnam par 'phrul pa'i sgo dang / sangs rgyas kyi rnam par spyod pa'i sgo dang / sangs rgyas kyi byin gyi rlabs kyi sgo dang / sangs rgyas kyi sprul pa'i sgo dang / sangs rgyas kyi sems can pha rol gyi sems thugs su chud pa'i sgo dang / sangs rgyas kyi rdzu 'phrul rnam par 'phrul pa'i sgo dang / dga' ldan gyi pho brang na bzhugs pa'i sgo nas/ yongs su mya ngan las 'da' ba bstan pa'i bar gyi sgo dang / sems can gyi don tshad med pa mdzad pa'i sgo dang / chos zab mo'i tshul gyi sgo dang / chos sna tshogs kyi tshul gyi sgo dang / byang chub kyi sems kyi chos kyi rnam pa'i sgo dang / byang chub kyi sems 'byung ba'i rnam pa'i chos kyi sgo dang / byang chub kyi sems kyi tshogs kyi rnam pa'i sgo dang / smon lam gyi rnam pa'i sgo dang / spyod pa'i rnam pa'i sgo dang / mngon par shes pa'i rnam pa'i sgo dang / 'byung ba'i rnam pa'i sgo dang / gzungs rnam par dag pa'i rnam pa'i sgo dang / ye shes kyi dkyil 'khor rnam par dag pa'i rnam pa'i sgo dang / shes rab yongs su dag pa'i rnam pa'i sgo dang / byang chub tshad med pa'i rnam pa'i sgo dang / dran pa rnam par dag pa'i rnam pa'i sgo dag ste/ rigs </font><hr>Ca191a<br><font size=+1>


@#/ /kyi bu/ de ltar kho mos shes rab kyi pha rol tu phyin pa'i sgo'i rgyud dran pas kun nas rnam par brgyan pa 'di shes par zad na/ kho mos byang chub sems dpa' nam mkha'i dbyings dang mnyam pa/ blo gros chos kyi dbyings ltar yangs pa/ rgyud bsod nams kyi tshogs kyis brtan pa/ 'jig rten las 'das pa'i lam du zhugs pa/ 'jig rten gyi chos yongs su mi rgyu ba/ ye shes snang ba'i mig rab rib med pa rab tu thob pa/ chos kyi dbyings thams cad mun pa med par khong du chud pa/ blo nam mkha' ltar tshad med pa dang ldan pa/ dmigs pa thams cad kyi rjes su song ba'i mig can/ chags pa med pa'i sa snang ba'i snying po dang ldan pa/ chos thams cad kyi don rab tu dbye ba la mkhas pa zil gyis gnon la/ 'jig rten kun gyis zil gyis mi non pa/ 'jig rten gyi spyod pa'i tshul la rnam par spyod pa/ 'jig rten gyi lam gyi rgyud thams cad na kha na ma tho med pa/ 'jig rten gyi don byed pa la brtson pa/ 'gro ba thams cad kyi rten du gyur pa/ 'gro ba thams cad kyi ngag gi tshul dang rnam pa la mkhas pa/ 'gro ba thams cad du gnas pa'i bsam pa dang ldan pa/ bsam pa ji lta ba bzhin du rnam par dmigs pa ston pa/ dus kyi 'khor lo thams cad la dbang bsgyur ba de dag gi spyod pa shes pa'am/ yon tan </font><hr>Ca191b<br><font size=+1>


brjod par nus re skan/ song / rigs kyi bu/ lho phyogs kyi rgyud 'di nyid na/ yul mig gsum pa zhes bya ba yod de/ de na dge slong blta na sdug pa zhes bya ba 'dug gi/ de'i gan du song la| ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dri sa shig /de nas tshong dpon gyi bu nor bzang gis/ bu mo byams ma'i rkang pa gnyis la spyi bos phyag 'tshal te/ bu mo byams ma la lan brgya stong du mar g.yas phyogs su bskor ba byas nas/ yang dang yang bltas te/ bu mo byams ma'i drung nas song ngo // de nas tshong dpon gyi bu nor bzang byang chub sems dpa'i ye shes kyi rnam par spyod pa zab mo rjes su bsam pa dang / chos kyi dbyings kyi gzhi zab mo khong du chud par bya ba rjes su bsam pa dang / sems can gyi ye shes shin tu phra zhing zab pa rjes su bsam pa dang / 'jig rten gyi 'du shes kyi rnam pa zab mo rjes su bsam pa dang / mngon par 'du bya ba med pa'i dbyings zab mo rjes su bsam pa dang / sems kyi rgyud kyi dbyings zab mo rjes su bsam pa dang / rten cing 'brel par 'byung ba'i dbyings zab mo rjes su bsam pa dang / rang bzhin gyis bden pa'i dbyings zab mo rjes su bsam pa dang / 'gro ba thams cad kyi rnam par spyod pa bden pa'i dbyings zab mo rjes su bsam pa dang / chos kyi dbyings brgyan pa'i rgyan gyi </font><hr>Ca192a<br><font size=+1>


@#/ /dbyings zab mo rjes su bsam pa dang / lus kyi 'khrul 'khor shugs kyis 'khor ba'i dbyings zab mo rjes su bsam pa dang / las kyis sna tshogs su gyur pa'i dbyings zab mo rjes su bsam pa byed cing / mthar gyis yul mig gsum pa gang na ba der phyin te/ yul gyi 'khor dang / grong khyer gyi 'khor dang / tshong 'dus kyi 'khor dang / grong rdal gyi 'khor dang / yul gru'i 'khor dang / lhas kyi 'khor dang / drang srong dge ba spyod pa'i gnas kyi 'khor dang / yul dang / phyogs kyi 'khor dang / chu'i rgyud kyi 'khor dang / ri'i sal sul gyi 'khor dang / nags tshal chen po'i 'khor dag tu dge slong blta na sdug pa yongs su tshol tshol ba las/ des dge slong blta na sdug pa nags tshal stug po zhig na gzhon zhing dar la bab pa/ gzugs mdzes shing sdug la blta na yid du 'ong ba/ skra mthon mthing g.yas phyogs su 'khyil ba dang ldan pa/ mgo gdugs ltar 'dug pa| gtsug tor gyi spyi bo can dpral ba yangs pa/ mig dkar nag 'phyes shing ril la/ rdzi ma ba'i rdzi ma ltar 'dug pa/ sna'i dbyibs legs shing bzang la ran par mdzes pa dang ldan pa/ mchu mtshal ltar mdog bzang zhing shin tu legs pa dang ldan pa/ so mnyam zhing thags bzang la shin tu dkar ba bzhi bcu tshang ba dang ldan pa/ 'gram pa'i lha </font><hr>Ca192b<br><font size=+1>


nga seng ge ltar 'dug pa/ mkhur ba shas gang zhing rgyas pa/ smin tshugs gzhu ltar 'dug cing ring la shin tu mdzes pa/ mdzod spu'i zla ba'i kha dog ltar 'dug pa'i thig le can/ rna shal ring zhing lhod par 'phyang ba/ zla ba nya ba ltar bzhin mdangs dang ldan zhing shin tu bzang ba/ mgul zlum zhing dung ltar mdzes pa/ snying ga dpal gyi be'us brgyan pa/ ro stod seng ge'i stod ltar 'dug pa/ thal gong shin tu rgyas pa/ dpung mgo'i lhun legs shing zlum pa/ lag pa ring ba dra bar 'brel ba'i sor mo can/ rkang lag 'khor los brgyan pa/ rkang lag 'jam zhing gzhon la shas rgyas pa/ bdun shin tu mtho ba/ rkang pa rdo rje ltar 'dug pa/ lus che zhing drang ba/ brla zlum pa/ pho mtshan gsang ba'i sbubs na 'dug pa/ byin pa ri dwags e na ya'i byin pa ltar 'dug pa/ sor mo ring ba/ rkang pa'i rting pa yangs pa/ 'od 'dom gang ba dang ldan pa/ mdog gser gyi kha dog ltar 'dug pa/ ba spu re re nas g.yas phyogs su gyen du 'khyil ba/ shing n+ya gro da'i rgyal po ltar chu zheng gab pa/ lus mtshan dang / dpe byad bzang pos shin tu brgyan pa/ mig mi 'gebs shing mi rgod pa/ dran pa nye bar gnas pa| ri'i rgyal po kha ba can ltar rtswa dang / nags tshal dang / sman dang / shing phran sna tshogs kyis brgyan pa/ blo shin tu yangs pa/ ye shes kyi spyod yul dang / yul la thub pa med </font><hr>Ca193a<br><font size=+1>


@#/ /pa| dbyangs kyi dkyil 'khor gyi rgyan sprin gyi sgra lta bu dang ldan pa/ g.yo ba dang / rlom sems dang / g.yeng ba dang / spros pa thams cad dang bral ba'i sems dang ldan pa/ ye shes kyi spyod yul ma 'dres pa/ sangs rgyas kyi yul rgya chen po'i snang ba thob pa/ sems can thams cad yongs su smin par bya ba dang / gdul ba'i bsam pa rgyun mi 'chad pa/ snying rje chen po'i dkyil 'khor shin tu yangs pa skyes pa/ de bzhin gshegs pa thams cad kyi chos kyi tshul yongs su gzung ba dang / sems can thams cad kyi ye shes snang ba yang dag par bskyed pa'i phyir/ de bzhin gshegs pa'i tshul rjes su dran zhing / 'gro ba thams cad kyi don du 'chag pa la zhugs te/ drag dal med cing pad ral med la/ shin tu mdzes par 'chag pa/ gnas gtsang ma'i lha'i gos dang ldan pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten gyi mgon po dang / mi dang / mi ma yin pas bskor cing 'dug pa mthong ngo / /dge slong blta na mdzes pa de 'chag pa'i tshe/ phyogs mngon du gyur pa'i phyogs kyi lha rnams phyogs kyi dkyil 'khor yongs su sgrub par byed do/ /rkang gis 'gro ba'i lha rnams rin po che'i pad mos gom pa </font><hr>Ca193b<br><font size=+1>


'dor ba'i tshe/ yongs su blang ba byed do/ /me'i lha snang ba'i dkyil 'khor zad mi shes pa rnams kyang mun pa dang / rab rib rnam par sel to/ /'dzam bu rgyal mtshan gyi nags tshal gyi lha rnams kyang me tog mang po char mngon par 'bebs so/ /sa'i lha mi g.yo ba'i snying po can rnams kyang rin po che'i 'byung gnas mang po ston to/ /nam mkha'i lha kun nas snang ba'i dpal dang ldan pa rnams kyang nam mkha'i dbyings yongs su brgyan pa byed do/ /rgya mtsho'i lha dpal kun nas 'byung ba rnams kyang rin po che dam pa mang pos mngon par 'thor to/ /ri rab gyi lha dri ma med pa'i snying po can rnams kyang thal mo sbyar cing phyag 'tshal lo/ /rlung gi lha thogs pa med pa'i stobs can rnams kyang spos dang / bdug spos dang / me tog 'thor ba'i rlung rab tu 'gyed do/ /mtshan mo'i lha gnas par byed pa lus shin tu brgyan pa rnams kyang lus shin tu btud cing phyag 'tshal lo/ /nyin mo'i lha rtag tu sad par byed pa'i dkyil 'khor can rnams kyang nor bu rin po che phyogs snang bar byed pa'i rgyal mtshan thogs shing / snang ba bskyed pa'i phyir nam mkha'i dbyings la 'khod do/ /de nas tshong dpon gyi bu nor bzang / dge slong blta na sdug pa gang na ba der phyin nas/ dge slong blta na sdug pa'i rkang pa'i bol gnyis la/ spyi bos gtugs te phyag 'tshal nas/ dge slong blta na sdug pa'i rkang pa'i bol gnyis la </font><hr>Ca194a<br><font size=+1>


@#/ /bzhin sbyar te/ legs par phyis nas mdun du 'dug ste/ thal mo sbyar nas 'di skad ces smras so/ /'phags pa/ bdag ni bla na med pa yang dag par rdzogs pa'i byang chub tu yang dag par zhugs nas/ byang chub sems dpa'i spyod pa yongs su tshol ba zhig lags te/ 'phags pa ni byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na/ 'phags pa/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ des smras pa/ rigs kyi bu/ kho bo ni tshes btab na dar la bab pa/ rab tu byung bas btab na gsar du zhugs pa ste/ rigs kyi bu/ kho bos ni tshe de 'dra ba gcig gis/ de bzhin gshegs pa chu klung gang+gA sum cu rtsa brgyad kyi bye ma snyed kyi drung du tshangs pa'i spyod pa spyad de/ bdag gis de bzhin gshegs pa la la'i zham ring du nyin zhag gcig tu tshangs pa'i spyod pa spyad do/ /la lar ni nyin zhag bdun du/ la lar ni zla ba phyed du/ la lar ni zla ba gcig tu/ la lar ni lo gcig tu/ la lar ni lo brgyar/ la lar ni lo stong du/ la lar ni lo brgya phrag stong du/ la lar ni lo bye bar/ la lar ni lo bye ba khrag khrig tu/ la lar ni lo brjod du med pa'i yang brjod </font><hr>Ca194b<br><font size=+1>


du med par/ la lar ni bskal pa bar mar/ la lar ni bskal pa phyed du/ la lar ni bskal par bdag gis de bzhin gshegs pa la la'i zham ring du ni/ bskal pa brjod du med pa'i yang brjod du med par tshangs pa'i spyod pa spyad de/ bskal pa bgrang ba'i tshul 'di nyid kyis de bzhin gshegs pa thams cad las chos bstan pa thos te/ gdams ngag dang / rjes su bstan pa yang dag par blangs so/ /smon lam gyi rgyan yongs su sbyangs so/ /yang dag par bsgrub pa'i yul la zhugs so/ /spyod pa'i dkyil 'khor yongs su sbyangs so/ /pha rol tu phyin pa rgya mtsho yongs su rdzogs par byas so/ /mngon par rdzogs par 'tshang rgya ba'i rnam par 'phrul pa yongs su shes par byas so/ /de dag gis chos kyi 'khor lo 'khor ba phan tshun ma 'dres pa dag kyang yongs su gzung ngo / /de dag gi stobs mnyam pa nyid kyang khong du chud par byas so/ /de dag gi bstan pa yang dam pa'i chos zad pa'i mthar thug gi bar du yongs su bzung ngo / /kho bos de bzhin gshegs pa de dag thams cad kyi sngon gyi smon lam rnams kyang / smon lam gyi dkyil 'khor gyi ting nge 'dzin mngon par bsgrub pa'i stobs kyis/ rang gi sangs rgyas kyi zhing yongs su dag par bya ba'i phyir mngon par bsgrubs so/ /kho bos de bzhin gshegs pa de dag thams cad kyi sngon gyi byang chub sems dpa'i spyod pa rnams kyang / </font><hr>Ca195a<br><font size=+1>


@#/ /spyod pa thams cad la 'jug pa'i ting nge 'dzin thob pa'i rang gi spyod pa yongs su dag par bya ba'i phyir mngon par bsgrubs so/ /kho bos de bzhin gshegs pa de dag thams cad kyi pha rol tu phyin pa rnam par dag pa'ang / kun tu bzang po'i spyod pas 'byung ba'i stobs kyis mngon par bsgrubs so/ /gzhan yang rigs kyi bu/ kho bo 'chag sa 'di na 'chags pa'i tshe/ phyogs kyi rgyud kyi sgo thams cad kyang shin tu rnam par lta ba'i ye shes kyi sgos mngon du 'gyur ro/ /'jig rten gyi khams kyi rgyud kyi sgo thams cad kyang / smon lam chen po mngon par bsgrubs pa'i stobs kyis sems bskyed pa gcig la 'jig rten gyi khams brjod du med pa'i yang brjod du med pa 'da' zhing / yongs su dag par bya ba'i phyir rnam par 'grub par 'gyur ro/ /sems kyi skad cig gcig la sems can gyi spyod pa'i tshul gyi sgo brjod du med pa'i yang brjod du med pa dag kyang / byang chub sems dpa' kun tu bzang po'i spyod pa dang / smon lam mngon par bsgrubs pa'i stobs kyis stobs bcu'i ye shes yongs su rdzogs par bya ba'i phyir mngon sum du 'gyur ro| |sems bskyed pa gcig la sangs rgyas brjod du med pa'i yang brjod du med pa mthong ba rnam par dag pa dag kyang snga phyi'i de bzhin gshegs pa rnams la mchod pa'i smon </font><hr>Ca195b<br><font size=+1>


lam mngon par bsgrubs pa'i stobs kyis de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed la mchod pa dang / bsnyen bkur ba dang| rim gro bya ba'i phyir mngon du 'gyur ro/ /sems bskyed pa gcig la de bzhin gshegs pa brjod du med pa'i yang brjod du med pa'i chos kyi sprin gyi char rnams kyang / chos kyi 'khor lo yongs su 'dzin pa'i gzungs dang / smon lam mngon par bsgrubs pa'i stobs kyis chos kyi tshul grangs med pa rnam par 'tshang rgya zhing khong du chud par bya ba'i phyir bsam pa la mngon par 'bab bo/ /sems bskyed pa gcig la byang chub sems dpa'i spyod pa rgya mtsho brjod du med pa'i yang brjod du med pa dag kyang / byang chub sems dpa'i spyod pa mig 'phrul lta bu yongs su rdzogs par bya ba'i smon lam mngon par bsgrubs pa'i stobs kyi spyod pa'i dkyil 'khor thams cad yongs su dag par bya ba'i phyir mngon du 'gyur ro| |sems bskyed pa gcig la ting nge 'dzin rgya mtsho brjod du med pa'i yang brjod du med pa dag kyang / ting nge 'dzin gyi sgo gcig tu/ ting nge 'dzin gyi sgo thams cad yang dag par 'du bar bya ba'i smon lam mngon par bsgrubs pa'i stobs kyis ting nge 'dzin gyi dkyil 'khor thams cad yongs su dag par bya ba'i phyir mngon du 'gyur ro/ /sems bskyed pa gcig la </font><hr>Ca196a<br><font size=+1>


@#/ /dbang po rgya mtsho brjod du med pa'i yang brjod du med pa dag kyang / dran pa'i mthar phyin pa'i dbang po thob par bya ba'i smon lam mngon par bsgrubs pa'i stobs kyi dbang po'i 'khor lo dang / dus kyi 'khor lo thams cad kyi rjes su 'brang bar bya ba'i phyir mngon du 'gyur ro/ /sems bskyed pa gcig la dus kyi 'khor lo brjod du med pa'i yang brjod du med pa dag kyang / sems can zad mi shes pa zad par bya ba'i smon lam mngon par bsgrubs pa'i stobs kyis dus thams cad du chos kyi 'khor lo rab tu bskor ba'i phyir mngon du 'gyur ro/ /sems bskyed pa gcig la dus rgya mtsho brjod du med pa'i yang brjod du med pa thams cad kyang / dus gcig tu rnam par dgod pa'i tshul khong du chud pa'i ye shes snang ba'i smon lam mngon par bsgrubs pa'i stobs kyis/ 'jig rten gyi khams thams cad kyi dus gsum rnam par dgod pa'i phyir mngon sum du 'gyur te/ rigs kyi bu/ kho bos ni/ byang chub sems dpa'i rnam par thar pa shin tu zhi bar mi 'gyur ba'i sgron ma zhes bya ba 'di shes par zad na/ kho bos byang chub sems dpa' bsam pa rdo rje lta bu dang ldan pa/ de bzhin gshegs pa thams cad kyi rigs su rigs dang ldan par byung ba/ srog gi dbang po la rgyun chad pa med pa/ ye shes kyi sgron ma zhi </font><hr>Ca196b<br><font size=+1>


bar 'gyur ba med pa/ mi shigs mi phyed pa'i lus dang ldan pa/ sgyu ma'i rnam pa lta bu'i gzugs shin tu grub pa rgyu'i chos mnyam pa'i yan lag dang nying lag tu ldan pa'i lus can| 'gro ba rnams kyi bsam pa ji lta ba bzhin du/ rnam par dmigs par byed pa'i lus dang ldan pa/ 'gro ba thams cad dang 'dra ba'i gzugs dang / lus dang / kha dog dang dbyibs dang / chu zheng yongs su ston pa/ me mdag dang / me lce dang / dug dang / mtshon gyis mi tshugs pa'i lus dang ldan pa/ rdo rje ltar sra zhing khor yug ltar thub pa med pa'i lus can| bdud dang phas kyi rgol ba thams cad kyi stobs kyi stobs med par byed pa/ 'dzam bu chu klung gi gser gyi ri bo dang 'dra bar 'gro ba kun las mngon par 'phags pa'i lus dang ldan pa/ 'gro ba thams cad du rnam par dmigs pa'i gzhi dang ldan pa/ sgo thams cad du rnam par dmigs shing thos par 'gyur ba/ 'gro ba thams cad kyis ngor blta ba/ chos thams cad kyi sprin gyi 'byung gnas su gyur pa/ phyogs kun du rnam par snang ba/ sgrib pa'i ri thams cad rnam par gtor bas blta na mdzes pa/ mi dge ba'i rtsa ba thams cad shin tu 'joms pas shin tu dpa' bar snang ba/ dge ba'i rtsa ba rgya chen po'i rgyu mthun pa las byung bas blta na dga' ba/ 'byung bar shin tu dka' zhing dkon pas me tog u dum </font><hr>Ca197a<br><font size=+1>


@#/ /wA ra lta bu de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid na/ yul dge sbyong gi dkyil 'khor zhes bya ba na/ grong khyer sgo bzang po zhes bya ba yod de/ de na khye'u dbang po'i dbang phyug ces bya ba 'dug gi/ de'i gan du song la/ ji ltar byang chub sems dpas byang chub sems dpa'i spyad pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang / byang chub sems dpa'i rnam par gnon pa dang / nan tan rnam par dag par bya ba la brtson pa/ byang chub sems dpa'i stobs snang bas sems shin tu snang bar gyur pa/ byang chub sems dpa'i brtan pa/ gzhan gyis mi thub cing / brgal thag chad pa'i snying dang ldan pa/ byang chub sems dpa'i smon lam gyi go cha bzang pos sems zhum pa med pa/ byang chub sems dpa'i bsam pa brtan pas kun tu gnas shing / yongs su 'phel bar 'gyur ba la brtson pa/ byang chub sems dpa'i spyod pa'i sprin gyi char yongs su 'dzin pa'i bsam pa dang ldan pa/ byang chub sems dpa'i chos kyi sprin gyi char yongs su mi ngoms pa'i rgyud dang ldan pa/ byang chub sems dpa' yon tan thams cad la 'jug pa'i smon lam mngon du gyur pa/ 'gro ba thams </font><hr>Ca197b<br><font size=+1>


cad kyi kha lo sgyur bas yongs su sdud par bdag nyid yongs su gtong bar 'dod pa/ 'gro ba thams cad 'khor ba'i bas mtha'i dgon pa pa chen po las bzla bar 'dod pa/ dge ba'i gshes gnyen blta ba dang / mnyan pa dang / bsnyen bkur bas yongs su mi ngoms pa/ chos kyi rim gro tshad med pa bskyed pa dang ldan pa des/ dge slong blta na sdug pa'i rkang pa gnyis la spyi bos phyag 'tshal te/ dge slong blta na sdug pa la lan brgya stong du mar g.yas phyogs su bskor ba byas nas/ yang dang yang bltas te/ dge slong blta na sdug pa'i drung nas song ngo // //bam po dgu bcu rtsa bzhi pa/ de nas tshong dpon gyi bu nor bzang dge slong blta na sdug pa de'i gdams ngag rjes su zlos shing / spel ba dang / bstud pa dang / rab tu dbye ba dang / bshad pa dang / so sor rnam par sgom pa dang / brjod pa dang / yang dag par bstan pa dang / rjes su bsam pa dang / mngon par 'jug pa bya ba dang| bkur ba dang / khong du chud par bya ba dang / yang dag par gzhol bar bya ba dang / yang dang yang bzlas pa dang / shin tu rtogs par bya ba dang / rab tu bstan pa dang / snang bar bya ba dang / rjes su rnam par lta bar byed cing / lha dang / klu dang / gnod sbyin dang / dri za'i 'khor dang bcas pa de mthar gyis yul dge sbyong gi dkyil 'khor gyi grong </font><hr>Ca198a<br><font size=+1>


@#/ /khyer sgo bzang po gang na ba der phyin te/ khye'u dbang po'i dbang phyug yongs su tshol tshol ba las/ de'i steng gi bar snang las/ lha dang / klu dang / gnod sbyin dang / dri za rnams kyis bos pa/ rigs kyi bu/ khye'u'i dbang po'i dbang phyug ni chu klung gi chu 'dus dang nye ba zhig na/ byis pa stong phrag bcu tsam gyis bskor te/ bye ma la rtse bas rtse zhing 'dug go /zhes nas tshong dpon gyi bu nor bzang grong khyer sgo bzang po dang nye ba'i chu klung gi chu 'dus gang na ba der song ste/ phyin pa dang / des khye'u dbang po'i dbang phyug byis pa stong phrag bcu tsam gyis bskor cing / bye ma la rtse bas rtse ba mthong ngo / /mthong nas kyang khye'u dbang po'i dbang phyug ga na ba der song ste/ khye'u dbang po'i dbang phyug gi rkang pa gnyis la spyi bos phyag 'tshal nas/ khye'u dbang po'i dbang phyug la lan brgya stong du mar g.yas phyogs su bskor ba byas nas/ khye'u dbang po'i dbang phyug gi mdun du 'dug ste thal mo sbyar nas/ 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan </font><hr>Ca198b<br><font size=+1>


pa mdzad do zhes bdag gis thos na/ 'phags pa/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa/ rigs kyi bu/ kho bo ni 'jam dpal gzhon nur gyur pas/ yi ge dang / grangs dang / brda dang / rtsis kyi tshul bslabs te/ bzo thams cad mngon par shes pa dang ldan pa zhes bya ba'i ye shes kyi sgor bcug go /de ltar rigs kyi bu/ kho bos ni 'jig rten na yi ge dang / ming gi rnam pa dang / grangs dang / rtsis dang / brda dang / shol thabs shes par bya ba dang / bzo sna tshogs shes par bya ba dang / khams kyi cho ga dang / dug gso ba'i thabs dang / skem pa dang / brjed byed dang / 'byung po'i gdon gyis btab pa gso ba dang / grong dang / grong khyer dang / tshong 'dus dang / bza' shing gi ra ba dang / dka' thub kyi nags tshal dang / gnas rnam par dgod pa shes par bya ba dang / ra ba dang / khang pa dang / skar khung dang / khang pa brtsegs pa'i tshad shes par bya ba dang / 'khrul 'khor dang / shing rta sbyar ba'i tshul sna tshogs shes par bya ba dang / dge mi dge dang / 'jigs mi 'jigs kyi ltas dang / mtshan ma shes par bya ba dang / rmos dang / tshong dang / rnam par spyad par sbyar ba'i cho ga shes par bya ba dang / sems can gyi yan lag dang / nying lag gi </font><hr>Ca199a<br><font size=+1>


@#/ /mtshan gyi rgyud dang / rgyus dang / rnam par spyad pa shes par bya ba dang / bde 'gro dang / ngan song gi las kyi lam rnam par dag par bya ba'i tshul shes par bya ba dang / dge ba dang mi dge ba'i chos dang / tshogs mchod pa shes par bya ba dang / bde 'gro dang / ngan song gi tshogs shes par bya ba dang / nyan thos dang / rang sangs rgyas kyi theg pa'i tshogs shes par bya ba dang / de bzhin gshegs pa'i sa'i tshogs shes par bya ba dang / rgyu dang / byed pa dang / sbyor ba'i rgyud shes par bya ba ji snyed pa de dag thams cad shes te/ de dag la sems can yongs su gzung bar byed do/ /rab tu dgod par byed do/ /yongs su gzhog par byed do/ /slob tu 'dzud do/ /sbyong du 'dzud do/ /brtan par byed do/ /lhur len par byed do/ /rdzogs par byed do/ /yongs su sgrub par byed do/ /yongs su spyod par byed do/ /gsal bar bstan par byed do/ /rnam par 'phel bar byed do/ / mtshan mar byed do/ /mthar phyin par byed do/ /rnam par sbyong bar byed do/ /dri ma med par byed do/ /shin tu dag par byed do/ /'od gsal zhing dang bar byed do/ /shin tu yangs par byed do/ /de ltar rigs kyi bu/ kho bos byang chub sems dpa' rnams kyi rtsis kyi tshul shes pa de gang zhe na/ brgya stong phrag brgya na bye ba'o/ /bye ba bye ba na khod khod do/ /khod </font><hr>Ca199b<br><font size=+1>


khod khod khod na tha da dgu'o/ /thad dgu thad dgu na khrig khrig go /khrig khrig khrig khrig na thams thams so/ /thams thams thams thams na myad myid do/ /myad myid myad myid na gang ya'o/ /gang ya gang ya na ban bun no/ /ban bun ban bun na phyar phyur ro/ /phyar phyur phyar phyur na lcag lcig go /lcag lcig lcag lcig na byang bying ngo / /byang bying byang bying na chem chem mo/ /chem chem chem chem na phyal phyol lo/ /phyal phyol phyal phyol na khyud khyud do/ /khyud khyud khyud khyud na zar zer ro/ /zar zer zar zer na khrib khrib bo/ /khrib khrib khrib khrib na ya gangs so/ /ya gangs ya gangs na cho ma'o/ /cho ma cho ma na khram khrim mo/ /khram khrim khram khrim na nab nub bo/ /nab nub nab nub na sang sang ngo / /sang sang sang sang na brgyud yas so/ /brgyud yas brgyud yas na btang yas so/ /btang yas btang yas na bkra yar ro/ /bkra yar bkra yar na gsa' yas so/ /gsa' yas gsa' yas na mtshungs med do/ / mtshungs med mtshungs med na lam lum mo/ /lam lum lam lum na yal yol lo/ /yal yol yal yol na khral khrul lo/ /khral khrul khral khrul na thud thud do/ /thud thud thud thud na bsam phyod do/ /bsam phyod bsam phyod na brang breng ngo / /brang breng brang breng na bgrod yas so/ /bgrod yas bgrod yas na bsngo yas so/ /bsngo yas bsngo yas na zang yag go/ </font><hr>Ca200a<br><font size=+1>


@#/ /zang yag zang yag na 'phro bkye'o/ /'phro bkye 'phro bkye na rtse 'phyo'o/ /rtse 'phyo rtse 'phyo na yong tan no/ /yong tan yong tan na brug g.yos so/ /brug g.yos brug g.yos na sang yal lo/ /sang yal sang yal na 'thing yug go /'thing yug 'thing yug na yid 'phyo'o/ /yid 'phyo yid 'phyo na nab neb bo/ /nab neb nab neb na khrig thams so| |khrig thams khrig thams na yal yal lo/ /yal yal yal yal na bgrad yas so/ /bgrang yas bgrang yas na thug yal lo/ /thug yal thug yal na shang shang ngo / /shang shang shang shang na yag yag go /yag yag yag yag na tham thim mo/ /tham thim tham thim na rlom bsnyal lo/ /rlom bsnyal rlom bsnyal na gzhal 'phyos so/ /gzhal 'phyos gzhal 'phyos na gzhal yal lo/ /gzhal yal gzhal yal na gzhal med do/ /gzhal med gzhal med na gzhal 'khor to/ /gzhal 'khor gzhal 'khor na gzhal thim mo// gzhal thim gzhal thim na gar gzhal lo/ /gar gzhal gar gzhal na gzhal sangs so/ /gzhal sangs gzhal sangs na gzhal thag go /gzhal thag gzhal thag na gzhal phul lo/ /gzhal phul gzhal phul na gzhal zhi'o/ /gzhal zhi gzhal zhi na 'phyo 'gyur ro/ /'phyo 'gyur 'phyo 'gyur na nyar nyer ro/ /nyar nyer nyar nyer na phyag phyig go /phyag </font><hr>Ca200b<br><font size=+1>


phyig phyag phyig na zal zul lo/ /zal zul zal zul na sal sal lo/ /sal sal sal sal na g.yo ldeg go /g.yo ldeg g.yo ldeg na phan phun no/ /phan phun phan phun na brnang ya'o/ / brnang ya brnang ya na rem 'drol lo/ /rem 'drol rem 'drol na rdzi ngad do/ /rdzi ngad rdzi ngad na rdzi rdul lo/ /rdzi rdul rdzi rdul na phun yol lo/ /phun yol phun yol na ngad ngad do/ /ngad ngad ngad ngad na bgrang brtsi'o/ /bgrang brtsi bgrang brtsi na zab bgrang ngo / /zab bgrang zab bgrang na dga' rkyang ngo / /dga' rkyang dga' rkyang na gzhung 'dal lo/ /gzhung 'dal gzhung 'dal na khrug phyad do/ /khrug phyad khrug phyad na 'ol phyod do/ /'ol phyod 'ol phyod na gdab yas so/ /gdab yas gdab yas na gcal yas so/ /gcal yas gcal yas na bgrang yas so| |bgrang yas bgrang yas na byim 'phyo'o/ /byim 'phyo byim 'phyon ya me'o/ /ya me ya me na bsnyal yas so/ /bsnyal yas bsnyal yas na ldab ldeb bo/ /ldab ldeb ldab ldeb na 'ban chad do/ /'ban chad 'ban chad na phang phung ngo / /phang phung phang phung na khye'u tsang ngo / /khye'u tsang khye'u tsang na zhung zung ngo / /zhung zung zhung zung na mchog yal lo/ /mchog yal mchog yal na mtha' rdul lo/ /mtha' rdul mtha' rdul na yun 'gyangs so/ /yun 'gyangs yun 'gyangs na bun lob bo/ /bun lob bun lob na lam lom mo/ /lam lom lam lom </font><hr>Ca201a<br><font size=+1>


@#/ /na bsnyad yas so/ /bsnyad yas bsnyad yas na lang ling ngo / /lang ling lang ling na ljab ljib bo/ /ljab ljib ljab ljib na mi brtsal to/ /mi brtsal mi brtsal na 'byams yas so/ /'byams yas 'byams yas na nga 'grang ngo / /nga 'grang nga 'grang na smos yal lo/ /smos yal smos yal na bkra chal lo/ /bkra chal bkra chal na lo rgyas so/ /lo rgyas lo rgyas na 'bum rdib bo/ /'bum rdib 'bum rdib na gam gum mo/ /gam gum gam gum na la lo'o/ /la lo la lo na bgrang 'phyos so/ /bgrang 'phyos bgrang 'phyos na bgrang 'phyos la bsgres pa'o/ /'grang 'phyos la bsgres pa bgrang 'phyos la bsgres pa na/ dpag yas so/ /dpag yas dpag yas na dpag yas la bsgres pa'o/ / dpag yas la bsgres pa dpag yas la bsgres pa na/ yal phyod do/ /yal phyod yal phyod na yal phyod la bsgres pa'o/ /yal phyod la bsgres pa yal phyod la bsgres pa na/ mu yal lo| |mu yal mu yal na/ mu yal la bsgres pa'o/ /mu yal la bsgres pa mu yal la bsgres pa na/ bgrang yol lo/ /bgrang yol bgrang yol na/ bgrang yol la bsgres pa'o/ /bgrang yol la 'gres pa bgrang yol la bsgres na/ mi 'jal to/ /mi 'jal mi 'jal na/ mi 'jal la bsgres pa'o/ /mi 'jal la bsgres pa mi 'jal la bsgres na/ bsam phyod do/ / </font><hr>Ca201b<br><font size=+1>


bsam phyod bsam phyod na/ bsam phyod la bsgres pa'o/ /bsam phyod la bsgres pa bsam phyod la bsgres na/ mtha' 'byams so/ /mtha' 'byams mtha' 'byams na/ dpag thag go| dpag thag dpag thag na/ dpag thag la bsgres pa'o/ /dpag thag la bsgres pa dpag thag la bsgres na/ brjod du med pa'o/ /brjod du med pa brjod du med pa na/ brjod du med pa la bsgres pa'o/ /brjod du med pa la bsgres pa brjod du med pa la bsgres na/ brjod du med pa'i yang brjod du med pa la bsgres pa shin tu bstan pa'o/ /de'i mdun na bye ma'i phung po chen po dpag tshad du ma'i tshad dang ldan pa zhig 'dug 'dug pa las 'di la bye ma'i 'bru 'di snyed cig yod do/ /zhes bya ba nas/ bye ma'i 'bru brjod du med pa'i yang brjod du med pa la bsgres pa 'di snyed cig yod do/ /zhes rab tu phye nas bgrang brtsis te grangs su bcad do/ /des bye ma'i phung po de rtsis kyi brdar bstan pas shin tu bstan nas 'di skad ces smras so// rigs kyi bu/ byang chub sems dpa' rnams kyi bgrang ba'i tshul 'di ni/ 'jig rten gyi khams gcig nas gcig tu brgyud pa kun na'ang yod do/ /byang chub sems dpa' rnams ni bgrang ba'i tshul 'dis/ shar phyogs kyi 'jig rten gyi khams 'byams klas pa dag kyang bgrang zhing brtsi'o/ /de bzhin du lho phyogs dang / nub phyogs dang / byang phyogs dang / byang </font><hr>Ca202a<br><font size=+1>


@#/ /shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang / steng gi phyogs su'ang byang chub sems dpa' rnams bgrang ba'i tshul 'dis/ 'jig rten gyi khams 'byams klas pa dag kyang bgrang zhing brtsi'o/ /rigs kyi bu/ byang chub sems dpa' rnams kyi bgrang ba'i tshul 'di ni/ phyogs bcu'i 'jig rten gyi khams kyi ming du bya ba/ gcig nas gcig tu brgyud pa bstan du yod pa thams cad na'ang yod do/ /byang chub sems dpa' rnams ni bgrang ba'i tshul 'dis phyogs bcu'i 'jig rten gyi khams kyi ming gcig nas gcig tu brgyud pa bgrang zhing brtsi'o/ /ji ltar 'jig rten gyi khams kyi ming gcig nas gcig tu brgyud pa bstan du yod pa de bzhin du/ phyogs bcu'i bskal pa'i ming gcig nas gcig tu brgyud pa bstan du yod pa dang / sangs rgyas kyi mtshan gcig nas gcig tu brgyud pa bstan du yod pa dang / chos kyi ming gcig nas gcig tu brgyud pa bstan du yod pa dang / sems can gyi ming gcig nas gcig tu brgyud pa bstan du yod pa dang| las kyi ming gcig nas gcig tu brgyud pa bstan du yod pa kun la'ang 'jug ste/ byang chub sems dpa' rnams kyi bgrang ba'i tshul 'di nyid ni/ phyogs bcu na ming </font><hr>Ca202b<br><font size=+1>


du bya ba gcig nas gcig tu brgyud pa bstan du rung ba ji snyed pa thams cad la'ang 'jug ste/ byang chub sems dpa' rnams ni bgrang ba'i tshul 'dis/ phyogs bcu na ming gcig nas gcig tu brgyud pa ji snyed yod pa thams cad kyang bgrang zhing brtsi'o/ /de ltar rigs kyi bu/ kho bo pa ni/ byang chub sems dpa'i ye shes snang ba chos thams cad shes par bya ba'i bzo mngon par shes pa dang ldan pa 'di shes par zad na/ kho bos byang chub sems dpa' 'gro ba thams cad kyi grangs la zhugs pa/ chos kyi tshul thams cad kyi grangs la zhugs pa/ dus gsum gyi grangs la zhugs pa/ sems can thams cad kyi grangs la zhugs pa/ chos kyi phung po thams cad kyi grangs la zhugs pa/ sangs rgyas dang / byang chub sems dpa' thams cad kyi grangs la zhugs pa/ chos thams cad kyi ming gi 'khor lo dbang bsgyur ba de dag gi spyod pa shes pa'am/ yon tan brjod pa'am/ spyod yul smos pa'am/ yul brjod pa'am/ stobs bsngags pa'am/ bsam pa bstan pa'am/ tshogs yongs su brjod pa'am/ smon lam bshad par bya ba'am/ spyod pa yongs su bstan pa'am/ pha rol tu phyin pa yongs su dag pa mngon par brjod pa'am/ yang dag par bsgrub pa yongs su dag pa'am/ yang dag par bstan pa'am/ ting nge 'dzin gyi khyad par smos pa'am/ ye </font><hr>Ca203a<br><font size=+1>


@#/ /shes snang ba khod du chud par nus re skan/ song / rigs kyi bu/ lho phyogs kyi rgyud 'di nyid na/ grong khyer rgya mtsho brtan pa zhes bya ba yod de/ de na dge bsnyen ma phul du byung ba zhes bya ba 'dug gi/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang dge ba'i bshes gnyen gyi tshig thos nas spu g.yos te/ dga' ba chen po'i shugs skyes nas/ rab tu dga' ba'i yid dang ldan par gyur pa/ ngo mtshar gyi bsam pa rin po che rab tu dkon pa thob pa/ 'gro ba mang po la phan pa'i sems dang / bsam pas byung ba/ sangs rgyas skyes pa gcig nas gcig tu brgyud par 'gro ba la dbang bsgyur ba/ chos kyi dkyil 'khor rnam par dag pa'i blo gros la rten pa/ thams cad du rjes su song ba'i rigs rnam par phye bas 'byung ba bstan pa la brtson pa/ dus gsum gyi dbyings su ma 'dres pa'i sangs rgyas gyi yul dang ldan pa/ bsod nams mi zad pa'i rgya mtsho las byung ba'i sems dang ldan pa/ ye shes kyi snang ba chen po la dbang bsgyur ba khams gsum gyi khyim du sdud pa'i sgo shin tu gcod pa des/ khye'u dbang po'i dbang phyug gi rkang pa gnyis la spyi bos phyag 'tshal nas/ khye'u </font><hr>Ca203b<br><font size=+1>


dbang po'i dbang phyug la lan brgya stong du mar g.yas phyogs su bskor ba byas nas/ yang dang yang bltas te/ khye'u dbang po'i dbang phyug gi drung nas song ngo / /de nas tshong dpon gyi bu nor bzang / dge ba'i bshes gnyen gyi gdams ngag gi sprin gyi char yongs su 'dzin pa byed cing / gangs chen mtsho ltar sprin chen po'i char gyis ngoms mi shes pa/ dge ba'i bshes gnyen gyi nyi ma'i ye shes kyi 'od zer gyis/ dge ba yongs su smin par byas pa'i sa gzhi las dbang po'i myu gu 'thon cing skyes pa/ dge ba'i bshes gnyen gyi zla ba nya zhing rgyas pa'i gdams ngag gi 'od zer kyi dra bas/ lus dang sems shin tu tshim par byas pa/ dpyid kyi nyi ma'i 'od kyis gdungs pa'i ri dwags kyi tshogs gsal zhing bsil ba'i gangs chu la 'thung bar 'dod pa ltar dge ba'i bshes gnyen gyi gdams ngag gi chu la 'thung bar 'dod pa/ bung ba mang po 'khor zhing lding bas rgyas par gyur pa'i pad mo dang ldan pa'i pad mo'i mtsho ltar dge ba'i bshes gnyen gyi gdams ngag gis/ sems kyi me tog puN+Da ri ka kha bye ba/ rin po che sna tshogs kyis yongs su rgyas pa'i rin po che'i gling ltar dge ba'i bshes gnyen gyi gdams ngag rin po che 'phel ba'i snang bas sems shin tu snang bar byas pa/ 'dzam bu'i shing chen po me tog dang 'bras bu'i tshogs chen po dang ldan pa ltar </font><hr>Ca204a<br><font size=+1>


@#/ /dge ba'i bshes gnyen gyi gdams ngag /bsod nams dang ye shes kyi tshogs su gyur pa phun sum tshogs pa dang ldan pa/ klu'i dbang po chen po rtsed mo dam pas rtse ba las byung ba'i nam mkha'i sprin chen po ltar dge ba'i bshes gnyen gyi gdams ngag thos pa'i tshogs su gyur pa'i rnang shin tu che ba/ sum cu rtsa gsum pa'i 'jig rten gyis brgyan pa'i sna tshogs kyi spo ltar dge ba'i bshes gnyen gyi gdams ngag las byung ba'i chos dri ma med pa sna tshogs brtsegs pa'i spor gyur pa /sum cu rtsa gsum pa'i tshogs kyi 'khor gyis bskor ba'i brgya byin/ lha ma yin gyi dbang po'i tshogs rab tu 'joms pa ltar dge ba'i bshes gnyen gyi gdams ngag las byung ba'i yon tan dri ma med pa'i tshogs kyis yongs su bskor cing zil gyis mi non la/ gzhan la zil gyis gnon pa de/ mthar gyis grong khyer rgya mtsho brtan pa gang na ba der phyin te/ dge bsnyen ma phul du byung ba yongs su tshol tshol ba las/ de la skye bo mang pos bstan te/ rigs kyi bu/ dge bsnyen ma phul du byung ba de/ grong khyer gyi dbus kyi rang gi khyim na 'dug go zhes nas/ tshong dpon gyi bu nor bzang dge bsnyen ma phul du byung ba'i gnas gang ba der song ste/ thal mo sbyar nas sgo khang na sdod sdod pa dang / </font><hr>Ca204b<br><font size=+1>


des dge bsnyen ma phul du byung ba'i khyim de shin tu rgya che la yangs shing rin po che'i ra bas yongs su bskor ba/ phyogs bzhi nas sgo shin tu mdzes pa rnam par phye ba/ rin po che tshad med grangs med pa'i rgyan gyis brgyan pa/ bsod nams kyi rnam par smin pas mngon par grub pa mthong nas/ de khyim der song ste kun tu bltas na/ dge bsnyen ma phul du byung ba/ na chung shin tu gzhon la/ thog ma dar la bab pa/ gzugs mngon zhing mdzes la blta na sdug pa/ kha dog dam pa pri ya pa shin tu rgyas pa dang ldan pa/ skra phye mar bzhag pa/ lus la rgyan med pa/ gos dang / smad g.yogs dkar po bgos pa/ rin po che'i khri la 'dug pa mthong ste/ sangs rgyas dang / byang chub sems dpa' ma gtogs par de'i lus sam/ sems kyi dbang ngam/ gzi brjid dam/ kha dog gis zil gyis mngon pa'i sems can ni khyim de na gang yang med de/ lha'am mi'ang rung ste/ sems can gang gis dge bsnyen ma phul du byung ba mthong bar gyur pa de dag thams cad kyis kyang / dge bsnyen ma phul du byung ba la ston pa'i 'du shes su bsam pa zhig /rin po che'i khri la 'dug pa mthong ngo / /gzhan yang khyim de na/ stan lha rdzas dang / mi'i rdzas las shin tu 'phags pa/ byang chub sems dpa'i las kyi rnam par smin pas yongs su grub pa bye ba stong phrag bcu bting ba dang / </font><hr>Ca205a<br><font size=+1>


@#/ /mdun du phru ba gcig cig bzhag pa las kha zas dang / skom gyi bag gam/ gos dang / rgyan gyi longs spyod kyi bag gzhan ci'ang mi snang ngo / / bud med stong phrag bcu tsam zhig mdun na 'dug par mthong na'ang / de dag thams cad kyang lha'i bu mo'i kha dog dang ldan pa/ lha'i bu mo'i gzugs dang ldan pa/ lha'i bu mo'i tshul dang ldan pa/ lha'i bu mo'i spyod pa dang ldan pa/ lha'i bu mo'i longs spyod dang ldan pa/ lha'i bu mo'i tshul du shis pa dang ldan pa/ lha rdzas kyi gos yid bzhin du gyon pa/ lha rdzas kyi lhab lhub kyis shin tu klubs pa/ lha'i bu mo'i skad lta bu'i dbyangs snyan pa dang ldan pa/ lha'i bu mo'i chu zheng mdzes pa dang ldan pa sha stag ste/ de'i 'khor gyi bud med kyang / nges ci bsgo ba bzhin du byed cing mdun na 'khod do/ /rim gro byed do/ /bkur sti byed do/ /gdong du lta'o/ /ci bsgo ba nyan cing gnas so/ /rje sar 'khod do/ /yongs su lta'o/ /rnam par lta'o| |'dud do/ /rab tu 'dud do/ /phyag 'tshal lo/ /de dag gi lus las spos kyi ngad ldang pas ni/ grong khyer de'i 'khor thams cad du dri zhim pos khyab par 'dug ste/ sems can gang gis dri de tshor bar 'gyur ba de dag thams cad kyang gnod sems med pa'i sems dang / shar gnyer med pa'i sems dang / 'tshe ba med pa'i sems dang / phrag dog </font><hr>Ca205b<br><font size=+1>


dang| 'jungs pa dang bral ba'i sems dang / sgyu dang g.yo med pa'i sems dang / chags pa dang / khong khro ba med pa'i sems dang / zhum ba dang / gzengs mtho ba med pa'i sems dang| byams pa'i sems dang / phan pa'i sems dang / sdom pa la gnas pa'i sems dang / gzhan gyis yongs su bzung ba la re ba med pa'i sems su gyur te/ gang gis de dag gi skad thos pa de dag thams cad kyang dga' ba dang / mos pa dang / dul ba'i sems dang ldan par 'gyur ro/ /gang gis de dag mthong bar gyur pa de dag kyang 'dod chags dang bral ba tsam du rang rang gis shes par 'gyur ro/ /de ltar mthong nas/ tshong dpon gyi bu nor bzang gis/ dge bsnyen ma phul du byung ba'i rkang pa gnyis la spyi bos phyag 'tshal te| dge bsnyen ma phul du byung ba la lan brgya stong du mar g.yas phyogs su bskor ba byas nas/ mdun du 'dug ste thal mo sbyar nas 'di skad ces smras so/ /'phags ma/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni/ byang chub sems dpa' rnams la gdams ngag dang rjes su bstan pa mdzad do/ /zhes bdag gis thos na/ 'phags ma/ ji ltar </font><hr>Ca206a<br><font size=+1>


@#/ /byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa/ rigs kyi bu/ kho mo ni/ byang chub sems dpa'i rnam par thar pa bsod nams kyi mdzod mi zad pa'i rgyan ces bya ba thob ste/ rigs kyi bu/ kho mo ni phru ba gcig po 'di las mos pa sna tshogs can rnams/ kha zas ci la dga' ba bzhin du tshod ma sna tshogs dang / ro sna tshogs dang / kha dog sna tshogs dang / dri sna tshogs kyis tshim par byed de/ rigs kyi bu| de ltar kho mo ni phru ba gcig po 'di las ci la dga' ba'i kha zas kyis sems can brgya'ang yongs su tshim par byed do/ /sems can stong dang / sems can brgya phrag stong dang / sems can bye ba dang / sems can bye ba phrag brgya dang / sems can bye ba phrag stong dang / sems can bye ba brgya phrag stong dang / sems can bye ba khrag khrig brgya phrag stong nas/ sems can brjod du med pa'i yang brjod du med pa/ mos pa sna tshogs can rnams kyang / ci la dga' ba'i kha zas kyis yongs su tshim par byed do/ /yongs su stob par byed do/ /yongs su dga' bar byed do/ /yongs su mgu bar byed do/ /yongs su spro bar byed do/ /shin tu tshim par byed do/ /yid bde bar byed do/ /'on kyang phru ba </font><hr>Ca206b<br><font size=+1>


'di las 'god par 'gyur ba med de/ 'grib pa med do/ /dma' bar mi 'gyur ro/ /zad par mi 'gyur ro/ /'bri bar mi 'gyur ro/ /sa mtshams yod par mi 'gyur ro/ /mthar thug par mi 'gyur ro/ /mur thug par mi 'gyur ro/ /rigs kyi bu/ gzhung de dang 'dra bar sems can 'dzam bu'i gling gi rdul shin tu phra ba snyed dang / de bzhin du gling bzhi pa'i 'jig rten gyi khams gyi rdul shin tu phra ba snyed dang / stong gi 'jig rten gyi khams kyi rdul shin tu phra ba snyed dang / stong gnyis kyi 'jig rten gyi khams kyi rdul shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas/ sems can mos pa sna tshogs can/ sangs rgyas kyi zhing brjod du med pa'i yang brjod du med pa'i rdul shin tu phra ba snyed cig 'ongs kyang ci la dga' ba'i kha zas tshod ma sna tshogs dang / ro sna tshogs dang / kha dog sna tshogs dang / dri sna tshogs kyis yongs su tshim par byed do/ /yongs su dga' bar byed do/ /nyams bde bar byed do/ /shin tu tshim par byed do/ /yid shin tu bde bar byed do/ /'on kyang phru ba 'di las 'god par 'gyur ba med de/ 'grib pa med do| |dma' bar mi 'gyur ro/ /zad par mi 'gyur ro/ /sa mtshams yod par mi 'gyur ro/ /mthar thug par mi 'gyur ro/ /mur thug par mi 'gyur ro/ /rigs kyi bu/ gal te phyogs </font><hr>Ca207a<br><font size=+1>


@#/ /bcu'i 'jig rten gyi khams thams cad du gtogs pa'i sems can mos pa sna tshogs can dang / bsam pa sna tshogs can thams cad 'ong bar gyur na yang / de dag thams cad ci la dga' ba'i kha zas kyis yongs su tshim par byed pa nas yid bde bar bya ba'i bar du byed do/ /kha zas sna tshogs kyis ji lta ba de bzhin du btung pa rnam pa sna tshogs dang / ro rnam pa sna tshogs dang / stan sna tshogs dang / mal cha sna tshogs dang / bzhon pa sna tshogs dang / gos sna tshogs dang / me tog sna tshogs dang / phreng ba sna tshogs dang / spos sna tshogs dang / bdug spos sna tshogs dang / byug pa sna tshogs dang / phye ma sna tshogs dang / rin po che sna tshogs dang / rgyan sna tshogs dang / rin po che'i shing rta sna tshogs dang / gdugs sna tshogs dang / rgyal mtshan sna tshogs dang / lha'i ba dan sna tshogs dang / yo byad kyi yul rnam pa sna tshogs kyis yongs su tshim par byed pa nas/ yid dga' bar 'gyur ba'i bar du byed do/ /rigs kyi bu/ gzhan yang shar phyogs kyi 'jig rten gyi khams gcig na nyan thos dang / rang sangs rgyas sku'i tha ma 'dzin pa gang ji snyed gcig bzhugs pa de dag thams cad kyang / kho mo'i kha zas las gsol cing / nyan thos dang / rang sangs rgyas kyi byang chub kyi 'bras bu </font><hr>Ca207b<br><font size=+1>


brnyes par mdzad do/ /shar phyogs kyi 'jig rten gyi khams gcig na ji lta ba de bzhin du 'jig rten gyi khams brgya dang / 'jig rten gyi khams stong dang / 'jig rten gyi khams brgya phrag stong dang / 'jig rten gyi khams bye ba dang / 'jig rten gyi khams bye ba phrag brgya dang / 'jig rten gyi khams bye ba phrag stong dang / 'jig rten gyi khams bye ba brgya phrag stong dang / 'jig rten gyi khams bye ba khrag khrig brgya phrag stong dang / 'jig rten khams 'dzam bu'i gling gi rdul shin tu phra ba snyed dang / gling bzhi pa'i 'jig rten gyi khams kyi rdul shin tu phra ba snyed dang / stong gi 'jig rten gyi khams kyi rdul shin tu phra ba snyed dang / stong gnyis kyi 'jig rten gyi khams kyi rdul shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas/ de bzhin du shar phyogs kyi sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams na/ nyan thos dang / rang sangs rgyas sku'i tha ma 'dzin pa ji snyed cig bzhugs pa de dag thams cad kyang / kho mo'i kha zas las gsol cing / nyan thos dang| rang sangs rgyas kyi 'bras bu brnyes par mdzad do/ /shar phyogs na bzhugs pa ji lta ba de bzhin du lho phyogs dang / nub phyogs dang / byang phyogs dang / byang shar gyi phyogs </font><hr>Ca208a<br><font size=+1>


@#/ /mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang / steng gi phyogs na ji snyed cig bzhugs pa de dag thams cad kyang de bzhin no/ /rigs kyi bu/ shar phyogs kyi 'jig rten gyi khams gcig tu sku tshe gcig gis thogs pa'i byang chub sems dpa' ji snyed cig bzhugs pa de dag thams cad kyang / kho mo'i kha zas las gsol cing / snying po byang chub tu bzhugs nas/ bdud sde dang bcas pa pham par mdzad de/ bla na med pa yang dag par rdzogs pa'i byang chub tu mngon par 'tshang rgya'o/ /shar phyogs kyi 'jig rten gyi khams gcig na bzhugs pa ji lta ba de bzhin du/ 'jig rten gyi khams brgya dang / 'jig rten gyi khams stong dang / 'jig rten gyi khams brgya phrag stong dang / 'jig rten gyi khams bye ba dang / 'jig rten gyi khams bye ba brgya dang / 'jig rten gyi khams bye ba stong dang / 'jig rten gyi khams bye ba brgya phrag stong dang / 'jig rten gyi khams bye ba khrag khrig brgya phrag stong dang / 'jig rten gyi khams 'dzam bu'i gling gi rdul shin tu phra ba snyed dang / gling bzhi pa'i 'jig rten gyi khams kyi rdul shin tu phra ba snyed dang / stong gi 'jig rten gyi khams kyi rdul shin tu phra pa snyed dang / stong gnyis kyi 'jig rten gyi khams kyi rdul shin tu phra ba </font><hr>Ca208b<br><font size=+1>


snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas/ shar phyogs kyi sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi 'jig rten gyi khams na/ byang chub sems dpa' sku tshe gcig gis thogs pa ji snyed cig bzhugs pa de dag thams cad kyang / kho mo'i kha zas las gsol cing snying po byang chub la bzhugs nas/ bdud sde dang bcas pa pham par mdzad de/ bla na med pa yang dag par rdzogs pa'i byang chub tu mngon par 'tshang rgya'o/ /shar phyogs na bzhugs pa ji lta ba de bzhin du/ lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og gi phyogs dang / steng gi phyogs kyi 'jig rten gyi khams gcig na/ byang chub sems dpa' sku tshe gcig gis thogs pa ji snyed cig bzhugs pa de dag thams cad kyang / kho mo'i kha zas las gsol cing snying po byang chub tu bzhugs te/ bdud sde dang bcas pa rab tu pham par mdzad nas/ bla na med pa yang dag par rdzogs pa'i byang chub tu mngon par 'tshang rgya'o/ /shar phyogs kyi 'jig rten gyi khams gcig na bzhugs pa ji lta ba de bzhin du/ 'jig rten gyi khams brgya dang / 'jig rten gyi khams stong </font><hr>Ca209a<br><font size=+1>


@#/ /dang| 'jig rten gyi khams brgya phrag stong dang / 'jig rten gyi khams bye ba dang / 'jig rten gyi khams bye ba brgya dang / 'jig rten gyi khams bye ba stong dang| 'jig rten gyi khams bye ba brgya phrag stong dang / 'jig rten gyi khams bye ba khrag khrig brgya phrag stong dang / 'jig rten gyi khams 'dzam bu'i gling gi rdul shin tu phra ba snyed dang / gling bzhi pa'i 'jig rten gyi khams kyi rdul shin tu phra ba snyed dang / stong gi 'jig rten gyi khams kyi rdul shin tu phra ba snyed dang / stong gnyis kyi 'jig rten gyi khams kyi rdul shin tu phra ba snyed dang / stong gsum gyi stong chen po'i 'jig rten gyi khams kyi rdul shin tu phra ba snyed nas/ rigs kyi bu/ steng gi phyogs kyi 'jig rten gyi khams sangs rgyas kyi zhing brjod du med pa'i yang brjod du med pa'i rdul shin tu phra ba snyed na/ byang chub sems dpa' sku tshe gcig gis thogs pa ji snyed cig bzhugs pa de dag thams cad kyang / kho mo'i kha zas las gsol cing snying po byang chub tu bzhugs nas/ bdud sde dang bcas pa pham par mdzad de/ bla na med pa yang dag par rdzogs pa'i byang chub tu mngon par 'tshang rgya'o/ / rigs kyi bu khyod kyis kho mo'i 'khor bud med stong phrag bcu po 'di dag mthong ngam/ smras pa/ 'phags ma/ bdag gis mthong ngo / /smras pa/ rigs kyi bu/ bud med 'di </font><hr>Ca209b<br><font size=+1>


dag la sogs pa brgya stong grangs med pa phrag bcu kho mo dang skal pa mnyam par spyod pa/ smon lam gcig pa/ dge ba'i rtsa ba gcig pa/ 'byung ba'i rgyan gcig pa/ mos pa'i lam rnam par dag pa gcig pa/ kho mo dang skal pa mnyam par dran pa rnam par dag pa/ skal pa mnyam par blo rnam par dag pa/ skal pa mnyam par blo tshad med par gyur pa/ skal pa mnyam par dbang po rab tu thob pa/ skal pa mnyam par sems kyis rgyas par 'gengs pa/ skal pa mnyam par spyod yul gyi yul dang ldan pa/ skal pa mnyam par chos kyi tshul la zhugs pa/ skal pa mnyam par don nges par rtogs pa/ skal pa mnyam par chos kyi don ston pa/ skal pa mnyam par gzugs rnam par dag pa/ skal pa mnyam par stobs tshad med pa/ skal pa mnyam par brtan pa gzhan gyis mi thub pa/ skal pa mnyam par chos kyi sgra sgrogs pa/ skal pa mnyam par dbyangs rnam par dag pa/ tshad med pa'i yon tan brjod du yod pas rnam par spyod pa thams cad la skal pa mnyam par yon tan rnam par dag pa/ las kyi rnam par smin pa la kha na ma tho ba med cing / rnam par dag pas bskal pa mnyam par las kyi rnam par smin pa rnam par dag pa/ 'gro ba thams cad yongs su skyob pa/ skal pa mnyam par byams pa chen pos rgyas par 'gengs pa/ 'gro ba thams cad yongs su smin par byed </font><hr>Ca210a<br><font size=+1>


@#/ /pas mi skyo ba'i phyir/ skal pa mnyam par snying rje chen pos rgyas par 'gengs pa/ bsam pa ji lta ba bzhin du sems can thams cad tshim par byed pa'i lus yongs su ston pas skal pa mnyam par lus kyi las rnam par dag pa/ chos kyi dbyings kyi nges pa'i tshig tha snyad la skal pa mnyam par ngag gi las rnam par dag pa/ sangs rgyas thams cad kyi 'khor gyi dkyil 'khor du skal pa mnyam par 'dod pa/ sangs rgyas la mchod cing rim gror bya ba'i phyir sangs rgyas kyi zhing thams cad du skal pa mnyam par rgyu ba/ chos thams cad kyi tshul khong du chud par bya ba la skal pa mnyam par mngon sum du gyur pa'i ye shes dang ldan pa/ byang chub sems dpa'i sa thams cad thob par bya ba la skal pa mnyam par spyod pa rnam par dag pa sha stag cig kyang yod de/ rigs kyi bu/ bud med stong phrag bcu po 'di dag kyang skad cig gcig tu 'di lta ste/ byang chub sems dpa' sku tshe gcig gis thogs pa rnams la zhal zas yongs su dbul ba'i phyir/ phyogs bcu rgyas par 'dong ngo / /phru ba 'di nyid nas kha zas blangs shing srid pa tha ma pa dang| nyan thos dang / rang sangs rgyas kyi theg pa pa rnams la bsod snyoms dbul ba'i phyir phyogs bcur rgyas par 'dong ngo / /phru ba 'di nyid nas kha zas blangs shing phyogs </font><hr>Ca210b<br><font size=+1>


bcu rgyas par bkang ste/ yi dwags kyi tshogs thams cad kha zas kyis yongs su tshim par byed do/ /rigs kyi bu/ de ltar kho mo ni phru ba 'di nyid nas lha rnams ni lha'i kha zas kyis yongs su tshim par byed do/ /klu rnams ni klu'i kha zas kyis/ gnod sbyin rnams ni gnod sbyin gyi kha zas kyis/ dri za rnams ni dri za'i kha zas kyis/ lha ma yin rnams ni lha ma yin gyi kha zas kyis| nam mkha' lding rnams ni nam mkha' lding gi kha zas kyis/ mi'am ci rnams ni mi'am ci'i kha zas kyis/ lto 'phye chen po rnams ni lto 'phye chen po'i kha zas kyis/ mi rnams ni mi'i kha zas kyis/ mi ma yin pa rnams ni mi ma yin pa'i kha zas kyis yongs su tshim par byed do/ /rigs kyi bu/ yud tsam zhig sdod dang / de'u re mngon du 'gyur ro/ / dge bsnyen ma phul du byung ba des tshig de brjod ma thag tu de'i mod la 'di lta ste/ dge bsnyen ma phul du byung bas sngon gyi smon lam gyis pos pas/ sems can grangs med pa zhig shar phyogs kyi sgo nas nang du 'ongs par gyur to/ /de bzhin du 'di lta ste/ dge bsnyen ma phul du byung ba'i sngon gyi smon lam gyis bos pas/ sems can grangs med pa zhig lho phyogs dang / nub phyogs dang / byang phyogs kyi sgo nas nang du 'ongs par gyur te/ de ltar 'ongs pa de dag dge bsnyen ma phul du byung bas/ stan de dag la bkod de/ so so nas ci dga' ba'i kha </font><hr>Ca211a<br><font size=+1>


@#/ /zas tshod ma sna tshogs dang / ro sna tshogs dang / kha dog sna tshogs dang / dri sna tshogs dang ldan pas yongs su tshim par byas so/ /yongs su bstabs par byas so// yongs su dga' bar byas so/ /yongs su mgu bar byas so/ /yongs su spro bar byas so/ /shin tu tshim par byas so/ /yid bde bar byas so/ /kha zas sna tshogs kyis ji lta ba de bzhin du btung ba rnam pa sna tshogs dang / ro rnam pa sna tshogs dang / stan sna tshogs dang / mal cha sna tshogs dang / bzhon pa sna tshogs dang / gos sna tshogs dang / me tog sna tshogs dang / phreng ba sna tshogs dang / spos sna tshogs dang / bdug spos sna tshogs dang / byug pa sna tshogs dang / phye ma sna tshogs dang / rin po cha \ CHE?\ sna tshogs dang / rgyan sna tshogs dang / rin po che'i shing rta sna tshogs dang / gdugs sna tshogs dang / rgyal mtshan sna tshogs dang / lha'i ba dan sna tshogs dang / yo byad kyi yul rnam pa sna tshogs kyis yongs su tshim par byas pa nas/ yid dga' bar 'gyur ba'i bar du byas so/ /lha rnams ni lha'i kha zas kyis yongs su tshim par byas so/ /klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa rnams kyang / mi ma yin pa'i kha zas kyis yongs su tshim par byas pa nas/ yid bde bar 'gyur ba'i bar du byas so/ /'on </font><hr>Ca211b<br><font size=+1>


kyang phru ba de las god par gyur pa med/ 'grib pa med/ dmas pa med/ zad par gyur pa med/ sa mtshams su gyur pa med/ mthar thug pa med/ mur thug pa med do/ /de nas dge bsnyen ma phul du byung ba des/ tshong dpon gyi bu nor bzang la 'di skad ces smras so/ /rigs kyi bu/ kho mos ni/ byang chub sems dpa'i rnam par thar pa bsod nams kyi mdzod mi zad pa'i rgyan ces bya ba 'di shes par zad na/ byang chub sems dpa' bsod nams chen po'i rgya mtsho mi zad pas/ mi zad pa'i bsod nams dang ldan pa/ bsod nams kyi tshogs rgya chen po shin tu bsags pas nam mkha' lta bur gyur pa/ 'gro ba thams cad kyi smon lam yongs su rdzogs par byed pas/ nor bu rin po che yid bzhin gyi rgyal po lta bu/ 'gro ba thams cad kyi dge ba'i rtsa ba yongs su bsrung bas/ bsod nams chen po'i khor yug dang ldan pa/ 'gro ba thams cad du rin po che snyim pa nas char ltar 'thor bas/ bsod nams chen po'i sprin du gyur pa chos kyi grong khyer gyi sgo 'byed pas/ bsod nams chen po'i mdzod la mngon sum du lta ba/ 'gro ba thams cad kyi phongs pa'i mun pa sel bas/ bsod nams chen po'i sgron mar gyur pa de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid na/ grong khyer 'byung ba chen po zhes bya ba yod de/ de na khyim bdag mkhas </font><hr>Ca212a<br><font size=+1>


@#/ /ba zhes bya ba 'dug gi/ de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang dge bsnyen ma phul du byung ba'i rkang pa gnyis la spyi bos phyag 'tshal te/ dge bsnyen ma phul du byung ba la lan brgya stong du mar g.yas phyogs su bskor ba byas nas/ yang dang yang bltas te/ dge bsnyen ma phul du byung ba'i drung nas blta bas mi ngoms bzhin du song ngo / /de nas tshong dpon gyi bu nor bzang / bsod nams kyi mdzod mi zad pa'i rgyan gyi rnam par thar pa'i snang ba rab tu thob pa de/ bsod nams rgya mtsho de la ni rjes su sems/ bsod nams kyi nam mkha' de la ni kun tu lta/ bsod nams kyi phung po de ni yongs su 'dzin/ bsod nams kyi ri bo de la ni mngon par 'dzeg /bsod nams kyi tshogs de ni yang dag par sdud/ bsod nams kyi chu bo de la ni yongs su 'bog /bsod nams kyi mu stegs de la ni rab tu 'bab/ bsod nams kyi dkyil 'khor de ni yongs su sbyong / bsod nams kyi gter de la ni yang dag pa blta/ bsod nams kyi tshul de la ni rjes su dran par byed/ bsod nams kyi chos de ni yongs su 'dzin/ bsod nams kyi rgyud de ni yongs su sbyong ba byed cing / mthar </font><hr>Ca212b<br><font size=+1>


gyis grong khyer 'byung ba chen po gang na ba der phyin nas/ dge ba'i bshes gnyen 'dod cing / dge ba'i bshes gnyen blta bas bsgos pa'i sems kyi rgyud dang / dge ba'i bshes gnyen gyis byin gyis brlabs pa'i bsam pa dang / dge ba'i bshes gnyen la thogs pa med pa'i sbyor ba dang / dge ba'i bshes gnyen la rim gro bya bas skyo ba med pa'i brtson 'grus dang / dge ba'i bshes gnyen la rag lus pa'i dge ba'i rtsa ba thams cad dang / dge ba'i bshes gnyen gyis nges par gyur pa'i bsod nams kyi tshogs thams cad dang / dge ba'i bshes gnyen gyis rnam par spel ba'i thabs mkhas pa'i spyod pa dang / gzhan gyi dring mi 'jog par dge ba'i bshes gnyen la rim gro bya ba la mkhas pa dang / rnam par 'phel ba'i dge ba'i rtsa ba thams cad dang / rnam par dag par 'gyur ba'i byang chub sems dpa'i lhag pa'i bsam pa dang / yang dag par 'phel ba'i byang chub sems dpa'i dbang po dang / yongs su smin par 'gyur ba'i dge ba'i rtsa ba thams cad dang / yang dag par 'phel ba'i smon lam chen po mngon par bsgrub pa dang / shin tu yangs par 'gyur ba'i snying rje chen pos bdag nyid thams cad mkhyen pa nyid du nye bar gyur par yang dag par mthong nas/ sangs rgyas thams cad las byang chub sems dpa' kun tu bzang po'i spyod pas/ chos kyi snang ba yang dag pa </font><hr>Ca213a<br><font size=+1>


@#/ /blang ba dang / de bzhin gshegs pa'i stobs bcu snang ba rnam par 'phel bar byed cing / khyim bdag mkhas pa yongs su tshol tshol ba las/ grong khyer gyi dbus lam gyi bzhi mdo zhig na/ rin po che sna bdun gyi stegs bu zhig la/ rin po che grangs med pa las byas pa'i khri/ nor bu rin po che'i rkang pa rdo rje dang / in+d+ra nI la sna tshogs kyis spras pa bkye ba/ gser gyi lcag pod kyi dra bas legs par blas pa/ nor bu rin po che dri ma me pa'i snying po can rin po che lnga brgya tsam gyis gzugs legs par brgyan pa/ lha rdzas kyi stan sna tshogs bting ba/ gam yo na sa lha rdzas kyi gos kyi rgyal mtshan dang / ba dan mang po bsgreng ba/ rin po che du ma'i dra bas kun nas yog pa/ rin po che'i bla re chen po bres pa/ bla nas gser dang / rin po che'i me tog gi lda ldi mang po bkye ba zhig la 'dug cing / 'dzam bu chu klung gi gser gyi gdugs yu ba dri ma med pa bai DU R+Ya las byas ba ni drung na bsgreng zhing bzung / rin po che'i g.yag rnga dri ma med pa'i rdul yab ngang pa'i rgyal po lta bus ni legs par g.yab/ spos kyi rim gro yo byad sna tshogs kyis ni bdugs shing bsangs/ rol mo brdung ba dang / dkrol ba lha rdzas kyi dbyangs las 'das par sgra 'byin pa lnga brgya tsam ni g.yas g.yon nas brdungs shing dkrol/ grong khyer 'byung ba </font><hr>Ca213b<br><font size=+1>


chen po na 'khod pa'i sems can rnams shin tu dga' bar bya ba'i don du/ lha rdzas kyi me tog gi sprin gyi char ni kun nas 'bab par gyur/ g.yog srog chags stong phrag bcu tsam sngon dge ba'i rtsa ba skal pa mnyam par spyod spyod pa/ ngag nyan cing ci dga' bar byed pa/ lha rdzas las 'das pa'i rgyan gyis shin tu brgyan pa/ byang chub sems dpa'i bsam pa yongs su grub pa/ lha dang mi'i gzugs las shin tu 'das pa sha stag gis kun nas bskor cing 'dug pa mthong nas/ tshong dpon gyi bu nor bzang / khyim bdag mkhas pa gang na ba der song ste phyin nas/ khyim bdag mkhas pa'i rkang pa gnyis la spyi bos phyag 'tshal te/ khyim bdag mkhas pa la lan brgya stong du mar g.yas phyogs su bskor ba byas nas mdun du 'dug ste| thal mo sbyar nas 'di skad ces smras so/ /'phags pa/ bdag ni 'di lta ste/ sems can thams cad kyi sdug bsngal zhi bar bgyi ba dang / sems can thams cad shin tu bde ba la dgod pa dang / sems can thams cad 'khor ba'i rgya mtsho nas mngon par gdon pa dang / sems can thams cad chos rin po che'i gling du yang dag par bskyal ba dang / sems can thams cad kyi sred pa'i rlan shin tu bskam pa dang / sems can thams cad kyi snying rje'i rlan yang dag par bskyed pa dang / sems can thams cad kyi 'dod pa'i dga' ba dang / </font><hr>Ca214a<br><font size=+1>


@#/ /sred pa rnam par bzlog pa dang / sems can thams cad sangs rgyas kyi ye shes la mos shing bsgrub par bgyi ba dang / sems can thams cad 'khor ba'i dgon pa las yang dag par bzla ba dang / sems can thams cad sangs rgyas kyi yon tan dang / chos la dga' zhing mos pa yang dag par bskyed pa dang / sems can thams cad khams gsum gyi grong brdal nas gdon pa dang / sems can thams cad thams cad mkhyen pa'i pho brang du gzung par sems can thams cad kyi don du bla na med pa yang dag par rdzogs pa'i byang chub tu zhugs kyis kyang / ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang rjes su bstan pa mdzad do zhes bdag gis thos na/ 'phags pa/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar bslabs na byang chub sems dpa' rnams sems can thams cad kyi rten du 'gyur ba bdag la bshad du gsol/ /de skad ces smras pa dang / khyim bdag mkhas pas/ tshong dpon gyi bu nor bu bzang la 'di skad ces smras so/ /rigs kyi bu/ de ltar khyod kyis bla na med pa yang dag par </font><hr>Ca214b<br><font size=+1>


rdzogs pa'i byang chub tu sems bskyed pa legs so/ /legs so/ /rigs kyi bu/ sems can gang bla na med pa yang dag par rdzogs pa'i byang chub tu sems bskyed cing byang chub sems dpa'i spyod pa yongs su tshol ba dang / dge ba'i bshes gnyen blta bas mi ngoms pa dang / dge ba'i bshes gnyen gyi drung du 'gro bas mi skyo ba dang / dge ba'i bshes gnyen la rim gro bya bas sgyid lug pa med pa dang / dge ba'i bshes gnyen btsal bas yid mi bde ba mi skyed pa dang / dge ba'i bshes gnyen btsal ba las phyir mi ldog pa dang / dge ba'i bshes gnyen la mos shing dad pa'i yid las rnam par mi ldog pa dang / dge ba'i bshes gnyen gyi ngor blta ba las phyir mi zlog pa dang / dge ba'i bshes gnyen gyi gdams ngag gi tshul la zhum pa med pa dang / dge ba'i bshes gnyen la rim gro dang / bsnyen bkur bya bas mi skyo ba de lta bu ni shin tu dkon no/ /rigs kyi bu/ khyod kyis kho bo'i 'khor 'di dag mthong ngam/ smras pa/ 'phags pa/ mthong ngo / /smras pa/ rigs kyi bu/ 'di dag kun kyang kho bos bla na med pa yang dag par rdzogs pa'i byang chub tu sems bskyed bdag ste/ 'di dag ni kho bos de bzhin gshegs pa'i rigs su bskyed pa'o/ /'di dag ni kho bos pha rol tu phyin pas bstud de/ gsos pa'o/ /'di dag ni kho bos chos dkar po thams cad kyis bskyed pa'o/ /'di dag </font><hr>Ca215a<br><font size=+1>


@#/ /ni kho bos de bzhin gshegs pa'i stobs bcu la rnam par bskyed pa'o/ /'di dag ni kho bos 'jig rten gyi rigs las gyen du bskyod pa'o/ /'di dag ni kho bos de bzhin gshegs pa'i rigs la bkod pa'o/ /'di dag ni kho bos 'jig rten gyi lam gyi 'khor lo las bzlog pa'o/ /'di dag ni kho bos chos kyi 'khor lo bskor ba la btsud pa'o/ /'di dag ni kho bos ngan song gsum gyi rgyud du ltung ba las yongs su bzung ba'o/ /'di dag ni kho bos chos nyid khong du chud par bya ba la bkod pa ste/ rigs kyi bu/ de ltar na byang chub sems dpa' rnams sems can thams cad kyi skyabs su gyur pa yin no/ /rigs kyi bu/ kho bo ni yid kyi mdzod nas byung ba'i bsod nams mang po thob pa ste/ de'i mthus kho bo ni zas 'dod pa rnams la zas kyi sbyin pa byed do/ /btung ba 'dod pa rnams la btung ba dang / ro dam pa 'dod pa rnams la ro'i dam pa dang / bza' ba 'dod pa rnams la bza' ba dang / bca' ba 'dod pa rnams la bca' ba dang / bldag pa 'dod pa rnams la bldag pa dang / mur pa 'dod pa rnams la mur ba dang / gos 'dod pa rnams la gos dang / me tog 'dod pa rnams la me tog dang / phreng ba 'dod pa rnams la phreng ba dang / spos 'dod pa rnams la spos dang / bdug pa 'dod pa rnams la </font><hr>Ca215b<br><font size=+1>


bdug pa dang / byug pa 'dod pa rnams la byug pa dang / phye ma 'dod pa rnams la phye ma dang / rgyan dang lhab lhub 'dod pa rnams la rgyan dang lhab lhub dang / rin po che 'dod pa rnams la rin po che dang / gser 'dod pa rnams la gser dang / dngul 'dod pa rnams la dngul dang / mu tig 'dod pa rnams la mu tig dang / rten 'dod pa rnams la rten dang / stan 'dod pa rnams la stan dang / mal cha 'dod pa rnams la mal cha dang / na ba'i gsos sman dang / yo byad 'dod pa rnams la na ba'i gsos sman dang yo byad dang / bzhon pa 'dod pa rnams la bzhon pa dang / dga' ba 'dod pa rnams la dga' ba dang / glang po dang / rta dang / shing rta dang / ba lang dang / bong bu dang / ma he dang / ra lug 'dod pa rnams la glang po dang / rta dang / shing rta dang / ba lang dang / bong bu dang / ma he dang / ra lug dang / rgyal mtshan dang / gdugs dang / ba dan 'dod pa rnams la/ rgyal mtshan dang / gdugs dang / ba dan dang / bran pho dang / bran mo 'dod pa rnams la bran pho dang / bran mo dang / 'khor gyi byis pa 'dod pa rnams la 'khor gyi byis pa dang / bud med 'dod pa rnams la bud med dang| bu mo gzhon nu 'dod pa rnams la bu mo gzhon nu dang / cod pan dang / gtsug gi rin po che 'dod pa rnams la cod pan dang / gtsug gi rin po che dang / thor pag dang bcas </font><hr>Ca216a<br><font size=+1>


@#/ /pa'i gtsug gi rin po che 'dod pa rnams la thor pag dang bcas pa'i gtsug gi rin po che dang / skra mthon mthing dri ma med pa'i dkyil 'khor 'dod pa rnams la/ skra mthon mthing dri ma med pa'i dkyil 'khor gyi sbyin pa byed pa nas/ yo byad sna tshogs thams cad 'dod pa rnams la yang yo byad sna tshogs thams cad kyi sbyin pa byed do/ /rigs kyi bu/ yud tsam zhig sdod dang / de'u re mngon sum du mthong bar 'gyur ro/ /de skad du khyim bdag mkhas pas tshig de brjod ma thag tu de'i mod la/ sems can grangs med pa zhig khyim bdag mkhas pa'i sngon gyi smon lam gyis bos pas/ phyogs tha dad pa dang / yul tha dad pa dang / gnas tha dad pa dang / grong khyer tha dad pa dang / grong rdal tha dad pa dang / tshong 'dus tha dad pa dang / ljongs tha dad pa dang / 'khor gyi grong tha dad pa dang / khyim tha dad pa dang / sems can gyi rgyud tha dad pa dang / sems can gyi rigs tha dad pa dang / sems can rnam pa mi mthun pa tha dad pa dang / lam gyi rgyud tha dad pa dang / gnas kyi rnam pa dang / ming du bya ba tha dad pa dang / sems can skye mched rnam par dag pa sna tshogs dang ldan pa kha zas sna tshogs don du gnyer ba/ kha zas sna tshogs 'dod pa/ bsam pa tha dad pa bza' ba dang btung ba gtsang ba 'dod pa dang / </font><hr>Ca216b<br><font size=+1>


sha 'dod pa dang / kha zas rnam pa tha dad pa sna tshogs don du gnyer ba/ lam gyi rgyud rnam pa sna tshogs kyi khyad par du skyes pa'i skye mched la gnas pa 'di lta ste/ mi'i nang nas 'bras chan dang / sran chan dang / 'khur ba dang / skyo ma dang / nya dang / sha la sogs pa/ kham gyis bza' ba'i kha zas sna tshogs don du gnyer ba dang / mi'i nang nas ji lta ba bzhin du 'gro ba'i rgyud thams cad rnam par spyod pa dag las kyang / kha zas dang btung ba sna tshogs don du gnyer ba dag de ltar byang chub sems dpa'i mthu dang / byang chub sems dpa'i sbyin pa thogs pa med par gtong ba'i rnga'i sgra dang / byang chub sems dpa'i sngon gyi smon lam gyis bos pas kun kyang 'ongs par gyur te/ 'ongs nas kyang khyim bdag mkhas pa la slong mo 'debs so/ /gdong du lta'o/ /sdod do/ /gsol ba 'debs so/ /de nas khyim bdag mkhas pas/ slong ba de dag kun nas 'dus par shes nas yud tsam du bsams te/ nam mkha' la bltas pa dang / nam mkha'i dbyings nas kha zas dang / btung ba rnam pa sna tshogs/ ro sna tshogs dang ldan pa/ kha dog sna tshogs dang ldan pa/ dri sna tshogs dang ldan pa mang po 'thon te/ lag mthil du 'ongs par gyur to/ /des de dag yongs su blangs shing de ltar kun nas 'dus pa'i slong mo pa mos pa sna tshogs dang ldan pa de dag ci 'dod </font><hr>Ca217a<br><font size=+1>


@#/ /pa'i zas dang / btung ba'i rnam pa dang / yo byad kyi khyad par thams cad kyis yongs su tshim par byas so/ /ci 'dod pa yongs su byin no/ /rab tu dga' bar byas so/ /shin tu tshim par byas so/ /dga' ba shin tu skye bar byas so/ /nyams shin tu bde bar byas so/ /yid rab tu dga' bar byas so/ /de ltar de dag shin tu tshim par byas nas/ des kyang mchog ste/ de'i 'og tu chos bstan pa 'di lta ste/ ye shes kyi tshogs rgya chen po bsags pa'i rgyu yongs su brjod de/ chos bstan to/ /phongs pa thams cad 'byung mi srid pa'i rgyu yongs su brjod pa dang / skyid pa chen po yongs su 'grub pa'i rgyu yongs su brjod pa dang / chos kyi ye shes kyi tshul 'thob pa 'byung ba'i rgyu yongs su brjod pa dang / bsod nams kyi tshogs rgya chen po bsags pa'i rgyu yongs su brjod pa dang / dga' ba bza' ba'i zas rab tu 'thob pa 'byung ba'i rgyu yongs su brjod pa dang / mtshan dang / dpe byad bzang pos shin tu brgyan pa'i lus 'thob pa 'byung ba'i rgyu yongs su brjod pa dang / thub pa med pa'i stobs rnam par dag pa 'thob pa 'byung ba'i rgyu yongs su brjod pa dang / bla na med pa'i kha zas yongs su shis pa 'thob pa 'byung ba'i rgyu yongs su brjod pa dang / bdud kyi dpung thams cad rab tu 'joms pa'i bsod nams kyi stobs </font><hr>Ca217b<br><font size=+1>


mi zad pa rab tu 'thob pa 'byung ba'i rgyu'ang yongs su brjod pa byas te chos ston to/ /de kha zas don du gnyer cing 'ongs pa rnams la nam mkha'i dbyings nas kha zas rnam pa sna tshogs blangs shing tshim par byas te/ de dag la tshe dang / mdog dang / stobs dang / bde ba dang / spobs pa phun sum tshogs pa thob par bya ba'i phyir chos bstan to/ /des btung ba don du gnyer cing 'ongs pa rnams la/ btung ba mang po zhim pa kha na ma tho ba med pa/ yid shin tu dga' ba byed pa de dag gis tshim par byas nas/ de dag la 'khor bas skom zhing 'khor ba la dga' ba las rnam par bzlog pa dang / sangs rgyas kyi chos la dga' zhing sangs rgyas kyi chos la mos pa yongs su bskyed pa'i phyir chos bstan to/ /des ro'i mchog don du gnyer zhing 'ongs pa rnams la ro'i mchog sna tshogs mngar ba dang / skyur ba dang / lan tsha dang / tsha ba dang / kha ba dang / bska ba rnam pa tha dad pas yongs su tshim par byas te/ de'i 'og tu skyes bu chen po'i mtshan ro bro ba'i mchog thob par bya ba'i phyir chos bstan to/ /des bzhon pa don du gnyer zhing / phyogs kyi rgyud sna tshogs nas 'ongs pa rnams la bzhon pa sna tshogs kyi sbyin pas yongs su bstud de/ de dag theg pa chen po la gnas par bya ba'i phyir chos bstan to/ /des gos don du gnyer cing phyogs sna tshogs nas 'ongs pa kun nas </font><hr>Ca218a<br><font size=+1>


@#/ /'dus par shes nas yud tsam du bsams te/ nam mkha'i dbyings la bltas pa dang / nam mkha'i dbyings las gos sna tshogs dang / sngon po dang / ser po dang / dmar po dang / dkar po dang / leb rgan dang / shel gyi kha dog tu 'dug pa/ kha dog sna tshogs can/ kha dog du mar rnam par dag pa dag 'thon cing / lag pa'i mthil du 'ongs pas/ des de dag gi slong mo pa de dag la yongs su bstud nas/ de bzhin gshegs pa'i ngo tsha shes pa dang / khrel yod pa bla na med pa dang / mdog gser gyi kha dog lta bu thob par 'gyur ba rnam par dag par bya ba'i phyir chos bstan to/ /de bzhin du yo byad sna tshogs thams cad kyis/ ji ltar 'ongs pa'i slong mo pa rnams la bstud byas nas/ ci rigs su chos bstan to/ /de ltar khyim bdag mkhas pas byang chub sems dpa'i rnam par thar pa bsam gyis mi khyab pa'i yul bstan pa byas nas/ tshong dpon gyi bu nor bzang la 'di skad ces smras so/ /rigs kyi bu/ kho bos ni yid kyi mdzod nas byung ba'i bsod nams kyi rnam par thar pa 'di shes par zad na/ kho bos byang chub sems dpa' yo byad la dbang thob pa/ rin po che'i lag pa thob par gyur pa/ 'jig rten gyi khams ma lus pa thams cad lag pas yongs su khebs par byas </font><hr>Ca218b<br><font size=+1>


shing| sangs rgyas kyi mchod pa sna tshogs bsgrub pa'i phyir/ de bzhin gshegs pa thams cad kyi 'khor gyi dkyil 'khor du rin po che'i kha dog sna tshogs kyi sprin gyi char rab tu 'bebs pa/ de bzhin du rgyan kha dog sna tshogs kyi sprin dang / cod pan kha dog sna tshogs kyi sprin dang / khang pa brtsegs pa kha dog sna tshogs kyi sprin dang / na bza' kha dog sna tshogs kyi sprin dang / lha rdzas kyi rol mo brdung ba dang / dkrol ba dang / glu yid du 'ong ba'i dbyangs snyan pa sna tshogs kyi sprin dang / ma tog kha dog sna tshogs kyi sprin dang / spos kha dog sna tshogs kyi sprin dang / bdug spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan kha dog sna tshogs dang / rnam pa thams cad du sangs rgyas thams cad mchod pa'i sprin gyi char dang / de bzhin gshegs pa'i 'khor gyi dkyil 'khor thams cad dang / sems can thams cad kyi gnas su sangs rgyas thams cad mchod cing bsnyen bkur ba dang / sems can thams cad yongs su smin par bya ba dang / gdul bar bya ba'i phyir yo byad thams cad kyi sprin gyi char 'bebs pa de dag gi spyod pa shes pa'am/ yon tan brjod pa'am/ rnam par 'phrul pa bstan par nus re skan/ song / rigs kyi bu/ lho phyogs kyi rgyud 'di nyid na/ </font><hr>Ca219a<br><font size=+1>


@#/ /grong khyer seng ge'i gzugs zhes bya ba yod de/ de na chos kyi tshong dpon rin chen gtsug phud ces bya ba 'dug gi/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shing / de nas tshong dpon gyi bu nor bzang dga' rangs te/ mgu zhing nyams bde la tshim zhing yid bde ba skyes nas/ khyim bdag mkhas pa la chos kyi rim gros slob ma'i tshul bstan te/ de'i byin gyi rlabs kyis sangs rgyas kyi chos thams cad thob par 'gyur bar yongs su blta zhing / thams cad mkhyen pa nyid kyang de la rag lus par blta ba dang / dge ba'i bshes gnyen dben par sems rgyun mi 'chad par bstan pa dang / dge ba'i bshes gnyen gyi bka' shin tu nyan pa'i sems dang ldan par bstan pa dang / dge ba'i bshes gnyen gyi dbang du 'gyur ba'i rjes su 'brang bar bya ba dang / dge ba'i bshes gnyen gyi gdams ngag dang tshig mnyan par bya ba dang / dge ba'i bshes gnyen las byung ba'i dang pa'i dbang po la bsam pa byed cing / dge ba'i bshes gnyen gyis btams te btang bas/ dge ba'i bshes gnyen bsten cing bkur ba dang / rjes su 'brang bar bya ba'i sems </font><hr>Ca219b<br><font size=+1>


kyis khyim bdag mkhas pa'i rkang pa gnyis la spyi bos phyag 'tshal te/ khyim bdag mkhas pa la lan brgya stong du mar g.yas phyogs su bskor ba byas nas/ yang dang yang bltas te/ khyim bdag mkhas pa'i drung nas song ngo / /de nas tshong dpon gyi bu nor bzang / bsod nams kyi chu bo de la ni yid ches par sems/ bsod nams kyi zhing de la ni yang dag par blta/ bsod nams kyi ri bo de ni yongs su sbyong / bsod nams kyi mu stegs de la ni yang dag par 'dzeg /bsod nams kyi mdzod de ni rnam par 'byed/ bsod nams kyi gter de la ni shin tu blta/ bsod nams kyi dkyil 'khor de ni yongs su spyod/ bsod nams kyi phung po de ni yang dag par len/ bsod nams kyi stobs de ni yongs su bskyed/ bsod nams kyi shugs de ni rnam par 'phel bar byed cing / mthar gyis grong khyer seng ge'i gzugs gang na ba der phyin te/ chos kyi tshong dpon rin chen gtsug phud yongs su tshol tshol ba las| tshong 'dus kyi srang zhing na 'dug pa mthong nas/ des de'i rkang pa gnyis la spyi bos phyag 'tshal te/ g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod </font><hr>Ca220a<br><font size=+1>


@#/ /pa la bslab par bgyi ba dang / ji ltar nan tan du bgyi ba ma 'tshal na/ 'phags pa/ lam gang gis bdag thams cad mkhyen pa nyid du 'byung bar 'gyur ba de lta bu'i byang chub sems dpa'i lam gyi man ngag legs par mi stsal tam/ de nas chos kyi tshong don rin chen gtsug phud kyis/ tshong dpon gyi bu nor bzang gi lag nas bzung ste/ rang gi khyim gang na ba der khrid de/ khyim de bstan nas 'di skad ces smras so/ /rigs kyi bu/ kho bo'i khyim la ltos shig ces nas/ des bltas na khyim de dag cing 'od gsal la/ 'dzam bu chu klung gi gser las byas pa ste/ yangs shing mtho la dngul gyis ra bas bskor ba/ shel gyi rtsig pas shin tu legs par brtsigs te mdzes par byas pa/ bai DUR+Ya'i phung po brgya phrag stong gis rab tu brgyan pa/ mu sa ra gal pa'i ka ba bkye ba/ mu tig dmar po las byas pa'i seng ge'i khri shin tu bshams pa/ nor bu rin po che rang bzhin snang ba'i seng ge'i rgyal mtshan bsgreng ba/ nor bu rin po che rnam par snang ba'i bla re bres pa/ gser gyi dra ba yid bzhin gyi nor bus brgyan pas kun nas yog pa/ nor bu rin po che sna tshogs grangs med pas rab tu brgyan pa/ asma gar b+ha las brtsigs pa'i rdzing bu chu bsil pas gang ba dang </font><hr>Ca220b<br><font size=+1>


ldan pa/ rin po che thams cad kyi shing gis bskor ba/ rgya che zhing yangs pa/ rim pa bcur brtsegs pa/ shin tu mtho ba/ sgo brgyad dang ldan par 'dug pa mthong nas/ des khyim de'i nang du phyin te/ kun tu bltas na/ rim khang tha ma'i nang na/ bza' ba dang / btung ba'i rnam pa yongs su gtong ba mthong ngo / /rim khang gnyis pa'i nang na/ gos kyi rnam pa thams cad yongs su gtong ba mthong ngo / /rim khang gsum pa'i nang na/ rin po che thams cad kyi rgyan dang lhab lhub yongs su gtong ba mthong ngo / /rim khang bzhi pa'i nang na/ btsun mo'i 'khor dga' ba'i yo byad du bya ba/ bud med rin po che sa chen po'i steng na bzang du bya ba yongs su gtong ba mthong ngo / /rim khang lnga pa'i nang na/ sa lnga pa la gnas pa'i byang chub sems dpa'i chos yang dag par 'gro ba'i dga' ba la mos pa/ 'jig rten la phan pa dang / bde ba'i sems kyi spyod pa dang ldan pa/ gtsug lag thams cad mngon par sgrub pa/ gzungs kyi tshul dang / ting nge 'dzin gyi phyag rgya dang / ting nge 'dzin las rnam par ldang ba dang / ting nge 'dzin la rnam par spyad pa dang / ye shes kyi snang ba mngon par sgrub pa 'dus shing 'khod par mthong ngo / /rim khang drug pa'i nang na/ byang chub sems dpa' shes rab kyi pha rol tu phyin pa la rnam par spyod pa rab tu </font><hr>Ca221a<br><font size=+1>


@#/ /thob pa/ shes rab shin tu zab pa/ rab tu zhi ba'i chos thams cad mngon par shes pa/ ting nge 'dzin dang / gzungs kyi sgo dang / snying po mang pos sgo kun nas 'byung ba/ bsgribs pa med pa'i spyod yul can mi gnyis pa la yang dag par spyod pa/ chos yang dag par 'gro ba la rnam par 'phrul ba/ shes rab kyi pha rol tu phyin pa'i rgyud kyi rjes su 'brang zhing rnam par dbye ba dang / rab tu gsal bar byed pa/ shes rab kyi pha rol tu phyin pa'i sgo mang po yang dag par 'gro ba byed pa rnams kun nas 'dus shing 'khod pa mthong ste/ 'di ltar shes rab kyi pha rol tu phyin pa'i sgo zhi ba'i snying po zhes bya ba dang / shes rab kyi pha rol tu phyin pa'i sgo 'gro ba thams cad du ye shes rnam par phye ba zhes bya ba dang / shes rab kyi pha rol tu phyin pa'i sgo mi g.yo ba'i gling zhes bya ba dang / shes rab kyi pha rol tu phyin pa'i sgo rdul dang bral ba'i 'od ces bya ba dang / shes rab kyi pha rol tu phyin pa'i sgo thub par dka' ba zhes bya ba dang / shes rab kyi pha rol tu phyin pa'i sgo 'gro ba thams cad mos par byed cing / rjes su 'brang ba'i dkyil 'khor zhes bya ba dang / shes rab kyi pha rol tu phyin pa'i sgo phyi bzhin 'brang ba'i tshul gyi dkyil 'khor zhes bya ba dang / shes rab kyi pha rol tu phyin pa'i sgo rgya mtsho'i </font><hr>Ca221b<br><font size=+1>


snying po zhes bya ba dang / shes rab kyi pha rol tu phyin pa'i sgo kun tu lta ba'i btang snyoms thob pa zhes bya ba dang / shes rab kyi pha rol tu phyin pa'i sgo mi zad pa'i mdzod dang ldan pa zhes bya ba dang / shes rab kyi pha rol tu phyin pa'i sgo chos thams cad kyi tshul rgya mtsho zhes bya ba dang / shes rab kyi pha rol tu phyin pa'i sgo 'gro ba rgya mtsho'i rjes su song ba zhes bya ba dang / shes rab kyi pha rol tu phyin pa'i sgo thogs pa med pa'i spobs pa zhes bya ba dang / shes rab kyi pha rol tu phyin pa'i sgo chos kyi sprin la dmigs pas rim pas mi dmigs pa'i gnas zhes bya ba dang / de ltar shes rab kyi pha rol tu phyin pa'i sgo de dag la sogs pa/ shes rab kyi pha rol tu phyin pa grangs med pa brgya stong phrag bcu tshang bar yang dag par bgro ba byed cing / rgyan brjod du med pa shin tu rnam par phye ba'i 'khor gyi dkyil 'khor na 'khod pa mthong bar gyur te/ /rim khang bdun pa'i nang na/ byang chub sems dpa' sgra brnyan lta bu'i bzod pa rab tu thob pa/ thabs dang ye shes rnam par gdon mi za ba la shin tu byung ba/ de bzhin gshegs pa thams cad kyi chos kyi sprin yang dag par 'dzin pa sha stag 'dus shing 'khod par mthong ngo / /rim khang brgyad pa'i nang na/ byang chub sems dpa' ma nyams par 'gro ba'i mngon par shes pa rab tu thob pa/ 'jig rten gyi </font><hr>Ca222a<br><font size=+1>


@#/ /khams thams cad du rnam par rgyu ba/ 'khor gyi dkyil 'khor thams cad du gzugs brnyan rab tu 'byung ba/ chos kyi dbyings thams cad du lus shin tu rnam par phye ba/ de bzhin gshegs pa thams cad kyi zhabs kyi drung nas gud du mi 'phags pa'i yul dang ldan pa/ sangs rgyas thams cad kyi sku la yang dag par gzhol ba/ de bzhin gshegs pa thams cad kyi 'khor gyi dkyil 'khor du sngon du brjod pa'i gtam gyi skyes bur gyur pa sha stag kun nas 'dus shing 'khod pa mthong ngo / /rim khang dgu pa'i nang na/ byang chub sems dpa' tshe gcig gis thogs pa sha stag 'dus shing 'khod pa mthong ngo / /rim khang bcu pa'i nang na/ de bzhin gshegs pa thams cad thog ma byang chub tu thugs bskyed pa dang / spyod pa dang / 'byung ba dang / smon lam rgya mtsho dang / sangs rgyas kyi rnam par 'phrul ba'i yul dang / sangs rgyas kyi zhing dang / 'khor gyi dkyil 'khor thams cad dang bcas pa dang / chos kyi 'khor lo rab tu sgrog pa dang bcas pa dang / sems can 'dul ba mdzad pa'i byin gyi rlabs dang bcas par mthong ngo / /mthong nas kyang chos kyi tshong dpon rin chen gtsug phud la 'di skad ces smras so/ /'phags pa/ khyod la 'di lta bu'i phun sum tshogs pa mnga' na/ </font><hr>Ca222b<br><font size=+1>


phun sum tshogs pa'i rnam pa de/ ji lta bu zhig tu sbyang ba mdzad mdzad/ dge ba'i rtsa ba ni su zhig la yongs su bskrun bskrun/ des smras pa/ rigs kyi bu/ kho bos dran te/ 'das pa'i dus kyi bskal pa sangs rgyas kyi zhing gi rdul shin tu phra ba snyed 'das pa'i yang pha rol gcig na/ 'jig rten gyi khams 'khor lo sna tshogs zhes bya bar/ de bzhin gshegs pa chos kyi dbyings 'od zer mtha' yas pas yongs su brgyan pa'i chos kyi rgyal po zhes bya ba mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das 'jig rten du byung ste/ de bzhin gshegs pa de ye shes rnam par snang ba la sogs pa/ nyan thos bye ba phrag brgya dang / ye shes nyi ma'i gzi brjid la sogs pa/ byang chub sems dpa' bye ba brgya phrag stong dang thabs gcig tu rgyal po chos kyi dbang phyug rgyal pos spyan drangs nas/ bza' shing gi ra ba chen po rin chen rgyal mtshan gyis mdzes pa zhes bya bar gshegs te/ de bzhin gshegs pa de grong khyer du gshegs nas/ tshong 'dus kyi srang nas bzhud pa'i tshe/ kho bos de bzhin gshegs pa de dang / byang chub sems dpa' dang / nyan thos kyi dge 'dun dang bcas pa la mchod pa bya ba'i phyir sil </font><hr>Ca223a<br><font size=+1>


@#/ /snyan dang / rol mo'i sgra zhig kyang phyung / spos kyi ri lu gcig gcig kyang bsregs te/ bdug spos kyis bsangs so/ /spos kyi ri lu gcig po de de ltar bsregs pas/ zhag bdun du 'dzam bu'i gling thams cad kyang spos kyi na bun gyi sprin kha dog sna tshogs dang ldan pa/ sems can thams cad kyi lus dang 'dra bas yongs su khebs par gyur to/ /spos kyi na bun gyi sprin de dag las kyang sgra 'di skad du brjod de/ de bzhin gshegs pa ni bsam gyis mi khyab pa ste/ dus gsum du dri ma med pa'i ye shes kyi phung po dang ldan pa'o/ /thams cad mkhyen pa ste/ sgrib pa thams cad mi mnga' ba'o/ /nyon mongs pa'i bag chags thams cad yongs su byang ba ste/ de bzhin gshegs pa la yon phul ba thams cad kyang / thams cad mkhyen pa'i don chen po tshad med pa bsgrub par 'gyur ro/ /thams cad mkhyen pa nyid du yang dag par gzhol bar 'gyur ro zhes de skad du kho bo'i dge ba'i rtsa ba yongs su smin par bya ba dang / sems can thams cad dge ba'i rtsa ba la shugs yang dag par bskyed pa'i phyir/ spos kyi na bun gyi sprin de las| sangs rgyas kyi byin gyi rlabs kyis sgra'i rnam pa de lta bu byung ngo / /rigs kyi bu/ de ltar de bzhin gshegs pa'i byin gyi rlabs kyis bstan pa'i cho 'phrul gyi dge ba'i rtsa ba </font><hr>Ca223b<br><font size=+1>


de yang / kho bos gnas gsum du yongs su bsngos te/ gsum gang zhe na/ 'di ltar phongs pa thams cad shin tu rgyun gcad pa dang / dam pa'i chos mnyan pa dang mi 'bral ba dang / dge ba'i bshes gnyen sangs rgyas dang byang chub sems dpa' thams cad mthong ba yongs su rdzogs par 'gyur par bya ba'i phyir yongs su bsngos so/ /rigs kyi bu/ kho bos ni byang chub sems dpa'i rnam par thar pa/ smon lam gyi dkyil 'khor thogs pa med pa'i rgyan ces bya ba 'di shes par zad na/ kho bos byang chub sems dpa'i yon tan rin po che tshad med pa'i 'byung gnas su gyur pa/ sangs rgyas kyi sku rgya mtsho dang tha mi dad pa la zhugs pa/ tha mi dad pa'i chos kyi sprin gyi char yang dag par 'dzin pa/ tha mi dad pa'i yon tan rgya mtsho la zhugs pa/ kun tu bzang po'i spyod pa'i dra ba rnam par rgyas par gyur pa/ ting nge 'dzin tha mi dad pa'i yul la zhugs pa/ byang chub sems dpa' thams cad tha mi dad pas dge ba'i rtsa ba rgyun gcig tu gyur pa/ de bzhin gshegs pa thams cad dang tha mi dad cing rnam par mi rtog par spyod pa/ dus gsum tha mi dad pas mnyam pa nyid la zhugs pa/ bskal pa thams cad tha mi dad par yongs su gnas pas mi skyo ba/ kun tu lta ba tha mi dad pa'i yul gyi sa la gnas pa de dag gi spyod pa shes pa'am/ yon tan brjod </font><hr>Ca224a<br><font size=+1>


@#/ /par nus re skan/ song / rigs kyi bu/ lho phyogs kyi rgyud 'di nyid na yul sba'i rtsa ba zhes bya ba yod de/ de'i grong khyer kun nas sgo zhes bya ba na/ tshong dpon spos 'tshong kun tu lta ba zhes bya ba 'dug gi/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang| ji ltar nan tan du bya ba dris shig /de nas tshong dpon gyi bu nor bzang gis chos kyi tshong dpon rin chen gtsug phud kyi rkang pa gnyis la spyi bos phyag 'tshal te/ chos kyi tshong dpon rin chen gtsug phud la lan brgya stong du mar g.yas phyogs su bskor ba byas nas yang dang yang bltas te/ chos kyi tshong dpon rin chen gtsug phud kyi drung nas song ngo // //bam po dgu bcu lnga pa/ de nas tshong dpon gyi bu nor bzang sangs rgyas mtha' yas pa mthong ba la zhugs pa/ byang chub sems dpa' mtha' yas pa dang 'grogs pa rab tu thob pa/ byang chub sems dpa'i lam mtha' yas pa'i tshul gyis snang bar gyur pa/ chos kyi tshul mtha' yas pas mngon par brlan pas shin tu rtogs pa'i sems dang ldan pa/ byang chub sems dpa'i mos pa mtha' yas pa'i lam gyi rnam par dag pa/ byang chub sems dpa'i dbang po </font><hr>Ca224b<br><font size=+1>


mtha' yas pa'i snang ba rab tu thob pa/ byang chub sems dpa'i bsam pa mtha' yas pa'i stobs la gnas pa/ byang chub sems dpa'i spyod pa mtha' yas pa'i rjes su song ba'i sems dang ldan pa/ byang chub sems dpa'i smon lam mtha' yas pa'i stobs yongs su skyes pa/ byang chub sems dpa' gzhan gyis thub pa med pa mtha' yas pa'i rgyal mtshan can/ byang chub sems dpa'i ye shes snang ba mtha' yas pa'i rgyud dang ldan pa/ byang chub sems dpa'i chos mtha' yas pa'i snang ba rab tu thob pa de/ mthar gyis yul sba'i rtsa ba gang na ba der phyin nas/ grong khyer kun nas sgo yongs su tshol zhing phyogs dang / phyogs mtshams dang / yul phyogs nyen kor kun dang / sgang dang / gshong dang| mnyam pa dang / mi mnyam pa thams cad du yongs su skyo ba med pa'i bsam pa dang / 'jigs pa med pa'i sems dang / ldog pa med pa'i brtson 'grus dang / thub pa med pa'i sems kyis dge ba'i bshes gnyen gyi gdams ngag ma brjed pa dang / rtag tu dge ba'i bshes gnyen gyi spyod pa ma nor bas sems rab tu bsgos pa dang / sgo kun nas rnam par dmigs pa'i dbang po dang ldan pa dang / bag med pa thams cad dang bral ba dang / mig dang rna ba g.yeng ba med par kun tu tshol tshol nas/ yul sba'i rtsa </font><hr>Ca225a<br><font size=+1>


@#/ /pa'i dbus shig na/ grong khyer kun nas sgo tshong 'dus kyi rdul stong phrag bcu'i gnas su gyur pa de/ shin tu bzang po grub pa/ ra ba brtan pas bskor ba/ shin tu mtho ba/ bzhi mdo brgyad kyis brgyan pa 'dug par mthong ste/ de'i nang na spos 'tshong kun tu lta ba yang / spos 'tshong gi khyams shig na 'dug pa mthong nas/ spos 'tshong kun tu lta ba gang na ba der phyin te/ spos 'tshong kun tu lta ba'i rkang pa gnyis la spyi bos phyag 'tshal nas mdun du 'dug ste/ thal mo sbyar nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal to/ /smras pa/ rigs kyi bu/ de ltar khyod kyis bla na med pa yang dag par rdzogs pa'i byang chub tu sems bskyed pa legs so/ /legs so/ /rigs kyi bu/ kho bos ni sems can thams cad kyi nad shes te/ rlung las gyur pa dang / mkhris pa las gyur pa dang / bad kan las gyur pa dang / cha mnyam par 'khrugs pa dang / gzhan gyis gnod par byas pa dang / mi ma yin pa las gyur pa dang / </font><hr>Ca225b<br><font size=+1>


dug 'thungs pa dang / sngags dang / mtshon dang / ro langs pa'i sbyor ba sna tshogs dang / me las gyur pa dang / chus bskyod pa las gyur pa dang / dngangs pa dang / 'jigs pa sna tshogs las gyur pa thams cad kyang shes so/ /nad de dag thams cad zhi bar bya ba'ang shes te/ 'di ltar snum par bya ba'ang rab tu shes so/ /skyug par bya ba dang / bkru ba dang / brta ba dang / gtar ba dang / sna'i cho ga dang / nyar dang / dugs dang / lums dang / byug pa dang / dug gso ba dang / 'byung po'i gdon med par bya ba dang / bcud dang / khrus dang / bzhag pa dang / bskyed pa dang / kha dog sbyang ba dang / nyam bstod pa'ang rab tu shes te/ rigs kyi bu/ phyogs bcu nas sems can gang ji snyed cig kho bo'i drung du 'ong ba de dag thams cad kyi nad thams cad kyang rab tu zhi bar byed de/ nad sos nas kyang legs par bkru ba dang / lus la byug pas byugs pa byas nas ci tshul gyi rgyan gyis yan lag shin tu brgyan te/ ci rigs pa'i gos lus la bskon nas/ kha zas bro ba'i mchog dang ldan pa sna tshogs kyis yongs su tshim par byas te| nor dpag tu med pas kyang phun sum tshogs par byed do/ /de'i 'og tu yang de dag la mi gtsang ba bstan cing 'dod chags spang ba'i phyir chos ston to/ /byams pa </font><hr>Ca226a<br><font size=+1>


@#/ /chen po yongs su bsngags shing zhe sdang spang ba'i phyir chos ston to/ /chos rnam par dbye ba'i bye brag bstan cing gti mug spang ba'i phyir chos ston to/ /khyad par khong du chud pa'i tshul gyi sgo yang dag par bstan cing cha mnyam pa'i spyod pa dang / nyon mongs pa spang ba'i phyir chos ston to/ /sangs rgyas kyi yon tan gyi chos dang ldan pa'i gtam thams cad yongs su brjod cing / byang chub kyi sems 'byung ba'i rgyu yongs su ston to/ /'khor ba'i sdug bsngal tshad gzung du med pa yongs su bstan cing / snying rje chen po 'byung ba'i rgyu yongs su ston to/ /bsod nams dang ye shes kyi tshogs rgya chen po bsags pa yang dag par bsngags shing / yon tan tshad med pa 'thob pa dang 'byung ba'i rgyu yongs su ston to/ /sems can thams cad yongs su smin par bya ba dang / gdul bar bya ba yongs su bstan cing / theg pa chen po'i smon lam 'byung ba'i rgyu yongs su ston to/ /sangs rgyas kyi zhing thams cad dang / bskal pa thams cad du gnas par bya ba'i spyod pa'i dra ba shin tu rgyas par bshad cing / byang chub sems dpa' kun tu bzang po'i spyod pa 'thob pa dang 'byung ba'i rgyu yongs su ston to/ /sbyin pa'i pha rol tu phyin pa yongs su bsngags </font><hr>Ca226b<br><font size=+1>


shing mtshan dang / dpe byad bzang pos brgyan pa'i sangs rgyas kyi sku 'thob pa dang / 'byung ba'i rgyu yongs su ston to/ /tshul khrims kyi pha rol tu phyin pa yongs su brjod cing / de bzhin gshegs pa'i sku yongs su dag pa thams cad du 'gro ba thob pa dang 'byung ba'i rgyu yongs su ston to/ /bzod pa'i pha rol tu phyin pa yongs su brjod cing / de bzhin gshegs pa'i sku gzugs dang / sku mdog rnam par dag pa bsam gyis mi khyab pa'i rgyu yongs su ston to/ /brtson 'grus kyi pha rol tu phyin pa yongs su brjod cing / de bzhin gshegs pa'i sku thub par dka' ba yongs su ston to/ /bsam gtan gyi pha rol tu phyin pa yongs su brjod cing / de bzhin gshegs pa'i sku zil gyis ma non pa rnam par dag pa yongs su ston to/ /shes rab kyi pha rol tu phyin pa yongs su brjod cing / chos kyi sku yongs su ston to/ /thabs mkhas pa'i pha rol tu phyin pa yongs su brjod cing / 'gro ba thams cad la mngon du gyur pa'i sku gtsang zhing rnam par dag pa yongs su ston to/ /smon lam gyi pha rol tu phyin pa yongs su brjod cing / bskal pa thams cad kyi dus su 'gro ba thams cad kyi sems dang 'grogs pa'i sku rnam par dag pa yongs su ston to/ /stobs kyi pha rol tu phyin pa </font><hr>Ca227a<br><font size=+1>


@#/ /yongs su brjod cing / sangs rgyas kyi zhing thams cad du mngon par 'byung ba'i sku rnam par dag pa yongs su ston to/ /ye shes kyi pha rol tu phyin pa yongs su brjod cing / 'gro ba thams cad kyi bsam pa ji lta ba bzhin du tshim par mdzad pa'i sku rnam par dag pa yongs su ston to/ /mi dge ba'i chos thams cad las rnam par ldog pa yongs su brjod cing / blta na phul du bzang ba'i sku rnam par dag pa yongs su ston to/ /de ltar de dag chos kyi sbyin pas yongs su bsdus te/ nor dang rin po che mtha' yas pa'i tshogs kyis nye bar brtan pa byas shing so sor 'gyed do/ /yang rigs kyi bu/ kho bo ni spos dang / bdug spos dang / bsgo ba dang / bsku ba sbyor shes te/ 'di ltar spos kyi rgyal po gzhal du med pa la sogs pa dang / spos kyi rgyal po sin+d+hu wa ra la sogs pa dang / spos kyi rgyal po mi pham pa la sogs pa dang / spos kyi rgyal po rnam par gsal byed la sogs pa dang / spos kyi rgyal po nyi ma yod pa la sogs pa dang / spos kyi rgyal po dus dang mthun pa la sogs pa dang / spos kyi rgyal po sprul gyi snying po'i tsan dan la sogs pa dang / spos kyi rgyal po sprin gyi a ga ru la sogs pa dang / spos kyi rgyal po dbang po mi 'khrugs pa la sogs pa spos </font><hr>Ca227b<br><font size=+1>


sbyar ba thams cad kyang rab tu shes so/ /yang rigs kyi bu/ kho bos ni sems can thams cad yongs su tshim par byed pa dang / sgo thams cad nas sangs rgyas blta zhing mchod pa dang / bsnyen bkur ba'i spos kyi gzugs shes te/ rigs kyi bu/ sems can thams cad yongs su tshim par byed pa dang / sgo thams cad nas sangs rgyas blta zhing mchod pa dang / bsnyen bkur ba'i spos kyi gzugs 'dis kho bo'i bsam pa thams cad kyang yongs su rdzogs par 'gyur te/ de'i mthus kho bo sems can thams cad yongs su skyob pa'i rgyan gyi sprin byin gyis rlob pa byed do/ 'di ltar spos kyi khang pa brtsegs pa'i sprin gyi rgyan nas/ rnam pa thams cad du de bzhin gshegs pa mchod cing rim gror bya ba'i rgyan gyi sprin gyi bar du byin gyis rlob pa byed do/ /rigs kyi bu/ kho bo ni nam de bzhin gshegs pa la mchod par bya bar 'dod par gyur pa de'i tshe/ kho bos sems can thams cad yongs su tshim par byed pa dang / sgo thams cad nas sangs rgyas blta zhing mchod pa dang bsnyen bkur ba'i spos kyi gzugs 'di las spos kyi mdzod kyi khang pa brtsegs pa'i sprin tshad gzung du med pa bton cing / phyogs bcu'i chos kyi dbyings thams cad na bzhugs pa'i de bzhin gshegs pa'i chos kyi dkyil 'khor gyi chos kyi dbyings </font><hr>Ca228a<br><font size=+1>


@#/ /thams cad du spos thams cad kyi mdzod kyi khang pa brtsegs pa'i sprin gyi rgyan byin gyis rlob pa byed do/ /chos kyi dbyings thams cad du sangs rgyas kyi zhing thams cad yongs su sbyong ba'i sprin gyi rgyan dang / spos kyi khang pa'i sprin gyi rgyan dang / spos kyi ra ba'i sprin gyi rgyan dang / spos kyi ba gam gyi sprin gyi rgyan dang| spos kyi rta babs kyi sprin gyi rgyan dang / spos kyi skar khung gi sprin gyi rgyan dang / spos kyi pu shu'i sprin gyi rgyan dang / spos kyi zla gam gyi sprin gyi rgyan dang / spos kyi gdugs kyi sprin gyi rgyan dang / spos kyi rgyal mtshan bsgreng ba'i sprin gyi rgyan dang / spos kyi lha'i ba dan gyi sprin gyi rgyan dang / spos kyi bla re'i sprin gyi rgyan dang / spos kyi gzugs kyi dra ba'i sprin gyi rgyan dang / spos kyi 'od kyi sprin gyi rgyan dang / spos kyi snang ba dri ma med pa'i sprin gyi rgyan dang / spos thams cad kyi sprin gyi char rab tu 'bab pa'i rgyan byin gyis rlob ste| rigs kyi bu/ kho bos ni sems can thams cad yongs su tshim par byed pa dang / sgo thams cad nas sangs rgyas blta zhing mchod pa dang / bsnyen bkur ba'i spos kyi gzugs kyi chos kyi sgo 'di shes par zad na/ kho bos byang chub sems dpa' sman gyi rgyal po lta bur gyur pa blta na don yod pa/ 'grogs na don yod pa/ rjes su dran na </font><hr>Ca228b<br><font size=+1>


don yod pa/ brtul zhugs rjes su byas na don yod pa/ ming thos na don yod pa/ mthong ba tsam gyis sems can thams cad kyi nyon mongs pa zhi bar 'gyur ba/ mthong ba tsam gyis sems can rnams ngan song gi rgyud las ldog par 'gyur ba/ mthong ba tsam gyis sems can thams cad sangs rgyas kyi chos la skabs bye ba thob par 'gyur ba/ mthong ba tsam gyis sems can rnams kyi sdug bsngal gyi phung po thams cad zhi bar 'gyur ba/ mthong ba tsam gyis sems can rnams 'jigs pa dang / 'khor ba'i lam gyi rgyud thams cad kyi 'jigs pa dang bral bar 'gyur ba/ mthong ba tsam gyis sems can rnams thams cad mkhyen pa'i phyogs la rten par 'gyur ba'i phyir mi 'jigs pa thob par 'gyur ba mthong ba tsam gyis sems can rnams rga shi'i grog po dang / g.yang sar mi ltung ba/ mthong ba tsam gyis sems can rnams chos kyi dbyings mnyam pa nyid la gnas pas mya ngan las 'das pa'i bde ba 'thob par 'gyur ba de dag gi spyod pa shes pa'am yon tan brjod pa nus re skan/ song / rigs kyi bu/ lho phyogs kyi rgyud 'di nyid na/ grong khyer ta la'i rgyal mtshan zhes bya ba yod de/ de na rgyal po me zhes bya ba 'dug gi /de'i gan du song la/ ji ltar byang chub sems dpa' byang chub sems dpa'i spyod pa la bslab </font><hr>Ca229a<br><font size=+1>


@#/ /par bya ba dang / ji ltar nan tan du bya ba dris shig /de nas tshong dpon gyi bu nor bzang / tshong dpon spos 'tshong kun tu lta ba'i rkang pa gnyis la spyi bos phyag 'tshal te/ tshong dpon spos 'tshong kun tu lta ba la lan brgya stong du mar g.yas phyogs su bskor ba byas nas/ yang dang yang bltas te/ tshong dpon spos 'tshong kun tu lta ba'i drung nas song ngo / /de nas tshong dpon gyi bu nor bzang dge ba'i bshes gnyen gcig nas gcig tu brgyud pa de dag rjes su dran par byed cing / dge ba'i bshes gnyen gyi gdams ngag gi sgo de dag rjes su dran par bya ba dang / bdag ni dge ba'i bshes gnyen gyis yongs su bzung ngo zhes rang gi sems yongs su tshim par bya ba dang / bdag ni dge ba'i bshes gnyen gyis yongs su bsrungs pas/ bla na med pa yang dag par rdzogs pa'i byang chub las phyir ldog par mi 'gyur ro snyam du rnam par sems shing sems dga' ba ni rab tu thob/ sems dang ba dang / sems rab tu dga' ba dang / sems rangs pa dang / sems mgu ba dang / sems mos pa dang / sems kyi shugs dang / sems rnam par zhi ba dang / sems rgya chen po dang / sems rgyan dang / sems la thogs pa med pa dang / sems la sgrib pa med pa dang / sems rnam par phye ba dang / sems yang dag par </font><hr>Ca229b<br><font size=+1>


gzhol ba dang / sems kyi dbang dang / sems dbang bsgyur ba dang / sems kyi chos khong du chud pa dang / sems kyis zhing rgyas par dgang ba dang / sems sangs rgyas mthong bas brgyan pa dang / sems stobs bcu'i yid la bya ba dang mi 'bral ba'ang thob nas/ de mthar gyis ljongs nas ljongs dang / grong nas grong dang / yul nas yul du tshol zhing / grong khyer ta la'i rgyal mtshan gang na ba der phyin te/ rgyal po me gang na bzhugs zhes dris na/ de la 'gro ba gzhan dag gis 'di skad du bstan te/ rigs kyi bu/ 'di re/ rgyal po me ni/ rgyal po'i don bsgrub pa'i phyir seng ge'i gdan la bzhugs shing rgyal po'i 'phrin las mdzad do/ /khams rab tu skyong ngo / /chad pas gcad par 'os pa ni chad pas gcod do/ /bya dgas \ DGAS?\ bsdu bar 'os pa ni/ bya dgas \ DGAS?\ sdud do/ /g.yon yod pa rnams la ni gyod rmod do/ /rtsod pa rnams kyi zhal che ni yongs su gcod do/ /dma' ba rnams ni dbugs 'byin to/ /dregs pa rnams ni/ 'dul ba mdzad do/ /srog gcod pa las ni rnam par zlog go /ma byin par len pa dang ni rnam par 'byed pa mdzad do/ /gzhan gyis yongs su bzung ba la mngon par zhen pa ni rnam par zhi bar mdzad do/ /brdzun du smra ba las ni phyir zlog pa mdzad de/ /phra ma'i tshig dang ni rnam par dbral bar mdzad do/ /zhe gcod pa'i ngag ni rgyun gcod pa mdzad do/ /tshig kyal ba las ni yongs </font><hr>Ca230a<br><font size=+1>


@#/ /su glon no/ /chags sems dang ni mi 'dre bar mdzad do/ /gnod sems dang ni rgyang sring ngo / /log par lta ba ni 'dre ba med par mdzad do/ /de nas tshong dpon gyi bu nor bzang rgyal po me gang na ba der phyin na/ des mthong ba/ rgyal po me de ni rin po che'i seng ge'i khri chen po rdo rje mthu bo che'i nor bu sna tshogs kyis spras pa/ rin po che 'od gsal ba rnam pa sna tshogs grangs med pa las byas pa'i rkang pa bkye ba/ rin po che gcig ma yin pas legs par spras shing brgyan pas yid du 'ong ba'i lhun dang ldan pa/ gser gyi lcag/ bod kyi dra bas legs par blas shing chub par btags pa/ nor bu rin po che du ma'i sgron mas shin tu snang bar byas pa/ nor bu rin po che dbang gi rgyal po las byas pa'i pad+mo'i snying po can lha rdzas kyi rin po che'i stan rim pa du mar bting ba/ gam yo nas lha rdzas kyi spos sna tshogs kyi bdug spos kyis shin tu bdug pa/ rin po che'i rgyal mtshan bsgreng ba brgya stong gis mdzes par byas pa/ rin po che'i ba dan brgya phrag rnam par bres pas brgyan pa/ rin po che'i me tog gi chun po sna tshogs kyi lda ldi rab tu bkye bas shin tu mdzes par byas pa/ steng nas lha rdzas kyi rin po che'i bla re sna tshogs bres pa zhig la 'dug cing / de ni gzhon zhing dar la bab pa gzugs mdzes shing blta na yid du 'ong ba/ skra mthon mthing g.yas </font><hr>Ca230b<br><font size=+1>


phyogs su 'khyil ba dang ldan pa/ mgo gdugs ltar 'dug pa/ gtsug tor gyi spyi bo can/ dpral ba yangs pa/ mig dkar nag 'byes shing ring la/ rdzi ma ba'i rdzi ma ltar 'dug pa/ sna'i dbyibs legs shing bzang la/ ran par mdzes pa dang ldan pa/ mchu mtshal ltar mdog bzang zhing shin tu legs pa dang ldan pa/ so mnyam zhing thags bzang la shin tu dkar ba bzhi bcu tshang ba dang ldan pa/ 'gram pa'i lha nga seng ge'i 'gram pa ltar 'dug pa/ mkhur ba shas rgyas pa/ smin tshugs gzhu ltar 'dug cing ring la shin tu mdzes pa/ mdzod spu zla ba'i kha dog ltar 'dug pa'i thig le can/ rna shal ring zhing lhod par 'phyang ba/ zla ba nya ba ltar bzhin mdangs dang ldan zhing bzang pa/ mgul zlum zhing dung ltar mdzes pa| snying ga dpal gyi be'us brgyan pa/ ro stod seng ge'i stod ltar 'dug pa/ thal gong shin tu rgyas pa/ dpung mgo'i lhun legs shing zlum pa/ lag pa ring ba/ dra bar 'brel ba'i sor mo can/ rkang lag 'khor los brgyan pa/ rkang lag 'jam zhing gzhon la shas rgyas pa/ bdun shin tu mtho ba/ rked pa rdo rje ltar 'dug pa/ lus che zhing drang ba/ bral zlum pa/ pho mtshan gsang ba'i sbubs na 'dug pa/ byin pa ri dwags e na ya'i byin pa ltar 'dug pa/ sor mo ring ba/ rkang pa'i rting pa yangs pa/ 'od 'dom gang ba dang ldan pa/ mdog gser gyi kha dog ltar 'dug pa/ </font><hr>Ca231a<br><font size=+1>


@#/ /ba spu re re nas g.yas phyogs gyen du 'khyil ba/ shing n+ya gro ha'i \ TA'I?\ rgyal po ltar chu zheng gab pa/ lus mtshan dang dpe byad bzang pos shin tu brgyan pa/ mgo la nor bu rin po che yid bzhin gyi cod pan thogs pa/ 'dzam bu chu klung gi gser las byas pa'i dpral ba'i rgyan zla gam gyis mdzes par brgyan pa/ rna ba las rin po che in+d+ra nI la'i rna cha dri ma med pa 'phyang ba/ nor bu rin po che rin thang med pa'i se mo do'i 'od kyis snang bar byas pas/ dri ma med pa'i ro stod rgyas pa dang ldan pa/ lha rdzas kyi nor bu dam pa'i dpung rgyan dang / gdu bus lag pa mdzes par brgyan pa zhig ste/ rin po che'i gdugs chen po rin po che'i bai DUR+Ya dri ma med pa'i yu ba can/ rin po che shar bu brgya phrag bcus rnam par phye ba/ 'dzam bu chu klung gi gser gyi bla gab can/ nor bu rin po che sgra snang ba rnam par dag pa'i snying po can/ rin po che'i dril bu'i phreng ba las sgra snyan cing yid du 'ong ba 'byung ba/ nor bu rin po che'i 'od phyogs kun tu 'phro ba can drung nas bzung zhing bsgreng ba/ rgyal po'i gzi brjid dang dbang chen po la gnas pa/ srid la gzhan gyi 'khor gyis gco ba med pa| dgra'i 'jigs pa dang bral pa'i dbang phyug dang ldan par 'dug pa mthong ngo / /de'i 'khor kun nas kyang blon po stong phrag bcu tshogs shing rgyal po'i dgos pa sgrub pa la brtson/ </font><hr>Ca231b<br><font size=+1>


pa mthong ngo / /de'i mdun na chad pas gcod pa'i mi sems can dmyal ba'i srung ma lta bu/ gshin rje'i g.yog 'khor lta bu/ 'jigs 'jigs lta'i gos gyon pa/ gtum zhing mi bzad la 'jigs pa chen po bskyed pa/ mig dmar ba/ so gtsigs pa/ gdong gi gnyer ma gsum khro gnyer du bsdus pa/ ral gri dang / sta re dang / lcags kyi changs mdung dang / mda' dang / ber ga dang / mdung la sogs pa'i mtshon cha dang / lag cha thogs pa/ lus dang bzhin gyi dbyibs mi sdug cing 'jigs su rung ba/ sprin nag po ltar 'dug pa/ mi snyan cing brlang la sdang ba'i sgra drag po 'byin pa/ gzi blta bar dka' ba 'jigs pa chen po bskyed pa/ srog chags brgya phrag stong gi snying 'gems par byed pa de lta bu dag chad pas gcad par 'os pa'i sems can chad pas gcod pa la brtson pa mthong ngo / /de na srog chags rku ba/ gzhan gyi nor la 'phrog pa/ sems can gyi longs spyod chud gson pa/ lam sgugs shing 'phrog pa/ grong dang / grong khyer dang / grong rdal dang / lhas la mes gtong ba/ grong du chom po byed pa/ khyim phugs 'debs pa/ sdig sdig ltar byed pa/ dug ldud pa/ bkrugs ma byed pa/ thong mi byed pa/ byi bo byed pa/ log par zhugs pa/ gnod par sems pa/ 'dod chen che ba/ sdig pa sna tshogs kyi las mi bzad pa byed pa </font><hr>Ca232a<br><font size=+1>


@#/ /brgya stong mang po bcing ba dam po lngas bcings shing / rgyal po me'i drung du khrid pa dag kyang mthong ngo / /de dag la'ang rgyal po mes ci rigs par chad pas gcad par gyur pa mthong ngo / /des de na rgyal po mes bsgo zhing / la la ni rkang lag bcad/ la la ni rna ba dang sna bcad/ la ni mig phyung / la la ni yan lag dang nying lag dang mgo bcad/ la la ni lus thams cad mes btang / la la ni ba tsha'i chu khol mas lus la gtor cing / pags pa brnyil ba la sogs pa de lta bu'i chad pa sna tshogs du ma mi bzad pa/ drag pa/ brlang ba/ yid du mi 'ong ba/ srog 'phrog pa dag kyang byed par mthong ngo / /gsad pa'i sa de na yang / gsang ba'i rkang lag dang / rna ba dang| mig dang / sna dang / mgo dang / yan lag dang / nying lag gi phung po ri tsam du spungs pa mthong ngo / /khrag gi mtsho dpag tshad gsum tsam du zabs su zab la chu zheng du dpag tshad du ma yod pa yang mthong ngo / /de na shi ba'i keng rus yan lag dang / nying lag dang / mgo dang bral ba brgya stong du ma la/ spyang ki dang / wa dang / khyi dang / bya rog dang / bya rgod dang / khra dang / bya ku ra ra mang pos gang ste/ 'drad cing 'thog pa mthong ngo / /de la'ang la la ni kha dog gyur te/ sngon por gyur pa tsam/ la la ni rangs pa tsam/ la </font><hr>Ca232b<br><font size=+1>


la ni bam pa tsam/ la la ni 'bu zhugs pa tsam du gyur to/ shin tu skyi g.ya' zhing 'jigs 'jigs ltar 'dug pa mthong ngo / /gsad pa de dag gsod pa'i tshe/ mi sdug pa cho dgur byas pas na/ 'jigs 'jigs skad dang / snying rje rje skad du sgra 'byin cing / cho nges 'debs pa'i sgra chen po thos nas kyi g.ya' zhing mi dga' ba chen po bskyed pa/ sems can dmyal ba chen po ris gzhom pa'i sgra lta bu yang thos so/ /des de ltar kha btags te brdungs pa dang / shin tu 'jigs pa'i drag shul mthong nas 'di snyam du gyur to/ /bdag ni sems can thams cad la phan pa dang bde ba'i phyir/ bla na med pa yang dag par rdzogs pa'i byang chub tu mngon par zhugs te/ byang chub sems dpa'i spyod pa yongs su tshol zhing 'bad de/ dge ba'i bshes gnyen rnams la dge ba ni ci zhig bgyi/ mi dge ba ni gang zhig spang zhes 'dri 'dri na/ rgyal po me 'di la ni dge ba'i chos kyang med de/ kha na ma tho ba chen po'i las la spyod pa/ yid kyi yongs su rtog pa shin tu gtum pa dang ldan pa/ sems can pha rol gyi srog gcad pa la zhugs pa/ sems can pha rol shin tu mnar ba la brtson pa/ tshe phyi ma la lta ba med pa| ngan song gi g.yang sa'i gad kha na 'dug pa zhig na/ 'di las ci byang chub sems dpa'i spyod pa yang thob par 'gyur ram snyam ste/ de de ltar sems shing yid la byed de/ sems </font><hr>Ca233a<br><font size=+1>


@#/ /can thams cad yongs su bskyab pa la mngon par brtson pa/ snying rje rgya chen po skyes pa'i sems dang ldan pa de la/ steng gi nam mkha'i dbyings las lha mang pos bos pa/ rigs kyi bu/ drang srong rgyal ba'i drod kyi skye mched kyi dge ba'i bshes gnyen gyi gdams ngag tu bya ba mi dran nam/ des gyen du nam mkha'i dbyings la bltas nas dran no zhes brjod do/ /lha rnams kyis smras pa/ rigs kyi bu khyod dge ba'i bshes gnyen gyi gdams ngag la de ltar the tshom ma skyed cig /rigs kyi bu/ dge ba'i bshes gnyen rnams ni yang dag pa ma nor bar ston gyi/ log pa ma yin no/ /rigs kyi bu/ byang chub sems dpa' rnams kyi thabs mkhas pas spyod pa'i ye shes ni bsam gyis mi khyab bo/ /sems can yongs su sdud pa'i ye shes bsam gyis mi khyab bo/ /sems can la phan 'dogs pa'i ye shes bsam gyis mi khyab bo/ /sems can tshar gcod pa'i ye shes bsam gyis mi khyab bo/ /sems can gzengs bstod pa'i ye shes bsam gyis mi khyab bo/ /sems can yongs su spyod pa'i ye shes bsam gyis mi khyab bo/ /sems can yongs su skyong ba'i ye shes bsam gyis mi khyab bo/ /sems can 'dzud pa'i ye shes bsam gyis mi khyab bo/ /sems can yongs su smin </font><hr>Ca233b<br><font size=+1>


par byed pa'i ye shes bsam gyis mi khyab bo/ /sems can 'dul ba'i ye shes bsam gyis mi khyab bo/ /song / rigs kyi bu/ de la byang chub sems dpa'i spyod pa dris shig ces nas/ tshong dpon gyi bu nor bzang gis lha'i ngag mnyan te/ rgyal po me gang na ba der song ste phyin nas/ rgyal po me'i rkang pa gnyis la spyi bos phyag 'tshal te/ rgyal po me la lan brgya stong du mar g.yas phyogs su bskor ba byas nas/ mdun du 'dug ste thal mo sbyar nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ 'phags pa/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bka' stsal du gsol/ /de nas rgyal po mes rgyal po'i bya ba byas te/ seng ge'i khri las langs nas/ tshong dpon gyi bu nor bzang gi lag pa g.yas pa nas bzung ste/ rgyal po'i pho brang ta la'i rgyal mtshan du khrid do/ /de mthar gyis rang gi gnas su phyin nas/ tshong </font><hr>Ca234a<br><font size=+1>


@#/ /dpon gyi bu nor bzang btsun mo'i 'khor gyi nang du khrid de/ khri la bzhag nas 'di skad ces smras so/ /rigs kyi bu/ nga'i khyim dang longs spyod la ltos zhes nas/ des bltas na/ khyim de rgya che zhing yangs la/ rin po che bdun gyi ra bas yongs su bskor ba/ nor bu rin po che sna tshogs kyi khang pas shin tu mdzes par byas pa/ rin po che'i khang pa brtsegs pa brgya stong du mas rab tu brgyan pa/ nor bu rin po che bsam gyis mi khyab pa'i 'od shin tu 'bar bas gzi brjid rab tu 'bar byas pa/ nor bu rin po che sna tshogs kyis rnam pa tha dad par rnam par phye zhing bris pas rnam par mdzes par byas pa/ mu tig dmar po'i ka ba bkye ba/ nang du seng ge'i khri mu sa ra ga ba las byas pa/ rin po che brgya stong du mas rnam pa sna tshogs su brgyan pa shin tu bshams pa/ nor bu rin po che sgra snang ba'i seng ge'i rgyal mtshan shin tu bsgreng ba/ steng nas nor bu rin po che rnam par snang ba'i bla re bres pa/ yid bzhin gyi nor bu rin po che sna tshogs kyi dra bas kun nas yog pa/ nor bu rin po che sna tshogs grangs med pas rab tu brgyan pa'i ba gam gyi rgyan dang ldan pa/ asma gar+b+ha las byas pa'i rdzing chu bsil bas gang ba dang ldan pa/ rin po che sna tshogs kyi shing gis 'khor bar 'dug par mthong ngo / / </font><hr>Ca234b<br><font size=+1>


de'i 'khor bud med bzang zhing mdzes la blta na sdug pa/ kha dog rgyas pa bzang ba'i phul du bya ba dang ldan pa/ sgyu rtsal thams cad kyi tshul la mkhas pa/ sngon du ldang ba/ phyi nas nyal ba/ byams pa'i sems dang ldan pa/ ci bsgo ba bzhin du byed cing ngag nyan pa bye ba phrag bcu yang 'khod par mthong ngo / /de nas rgyal po mes/ tshong dpon gyi bu nor bzang la 'di skad ces smras so/ /rigs kyi bu/ ji snyam du sems/ cig sdig pa byed pa rnams la las kyi rnam par smin pa mngon par grub pa 'di lta bu yod dam/ lus phun sum tshogs pa 'di lta bu yod dam/ 'khor phun sum tshogs pa 'di lta bu yod dam/ skyid pa chen po phun sum tshogs pa 'di lta bu yod dam/ dbang phyug dang dbang chen po thob pa phun sum tshogs pa 'di lta bu yod dam/ smras pa/ 'phags pa/ de lta bu ni ma mchis so/ /des smras pa/ rigs kyi bu/ nga ni byang chub sems dpa'i rnam par thar pa sgyu ma'i rnam pa thob pa ste/ rigs kyi bu/ nga'i yul na gnas pa'i sems can 'di dag kyang / phal cher srog gcod pa byed pa/ ma byin par len pa/ 'dod pas log par g.yem pa/ brdzun du smra ba/ phra ma can/ tshig brlang por smra ba/ byung rgyal du brjod pa/ chags sems dang ldan pa/ gnod sems can/ log par lta ba/ sdig pa'i las </font><hr>Ca235a<br><font size=+1>


@#/ /byed pa/ khro zhing gtum pa/ bab rgyal can mi dge ba'i las kyi bya ba sna tshogs dang ldan pa dag ste/ de dag ni rnam pa gzhan gyis sdig pa'i spyod pa las bzlog pa dang / dgag pa dang bstan par mi nus te/ de ltar/ rigs kyi bu/ nga ni sems can 'di dag gdul ba dang / yongs su smin par bya ba dang / shin tu dul bar bya ba dang / phan pa la dgod par bya ba'i phyir snying rje chen po mdun du byas te/ gsod pa'i gshed ma sprul pa rnams bsad pa'i mir sprul pa rnams la gsod du gzud pa dang / chad pas gcod pa'i mi sprul pa rnams/ mi dge ba'i las kyi lam la spyod par sprul pa'i mi rnams la chad pa sna tshogs kyis gcod du gzud pa dang / rkang lag dang / sna dang / rna ba dang / yan lag dang / nying lag dang / mgo bcad pa las byung ba'i sdug bsngal mi bzad pa nyams su tshor bar gyur pa lta bu dag kyang yongs su ston pa byed de/ de mthong nas nga'i khams na gnas pa'i sems can de dag nyes pa gtong zhing skyo ba'i shugs thob par 'gyur ro/ /'jigs pa skye zhing bag tsha ba skye bar 'gyur ro| |de dag sdig pa'i las byed pa rnams gtong zhing bag byed par 'gyur ro/ /rigs kyi bu/ de ltar nga ni sems can 'di dag thabs des/ nyes pa gtong zhing / 'jigs </font><hr>Ca235b<br><font size=+1>


pa'i sems dang ldan pa dang / skyo ba'i yid dang ldan par shes nas/ mi dge ba bcu'i las kyi lam las bzlog ste/ dge ba bcu'i las kyi lam dang ldan par byas nas/ dga' zhing bde ba'i mthar phyin pa sdug bsngal thams cad rgyun chad pa'i thams cad mkhyen pa nyid kyi bde ba la dgod pa byed kyi/ rigs kyi bu/ nga ni lus dang ngag gam/ yid kyis kyang sems can su la'ang co mi 'dri/ mtho mi 'tsham mo/ /rigs kyi bu/ nga ni phyi ma'i mtha'i mnar med pa'i sdug bsngal gyis bgrings shes pa ste/ byol song gi skye gnas glen pa'i khams su gtogs pa las kyang / chung ngu na rtswa'i rtse mos blta ba'i srog chags phra'u 'ga' la yang sems bskyed pa gcig tsam du yang sdug bsngal bar bya bar mi dga' na/ zhing du gyur cing dge ba'i las kyi lam bskyed par nus pa'i mi lta zhig la ci smos/ rigs kyi bu/ nga ni rmi lam na yang mi dge ba'i chos yongs su rgyu ba mi skyed na/ ched du bsams te lta smos re skan/ rigs kyi bu/ de ltar ngas ni byang chub sems dpa'i rnam par thar pa sgyu ma'i rnam pa 'di shes par zad na/ ngas byang chub sems dpa'i mi skye ba'i chos kyi bzod pa thob pa/ srid pa dang lam gyi rgyud thams cad sgyu ma'i rnam par khong du chud pa/ sprul pa lta bu'i byang chub sems dpa'i spyod pas byung ba gzugs brnyan lta bu'i </font><hr>Ca236a<br><font size=+1>


@#/ /'jig rten thams cad rnam par rig pa/ rmi lam lta bu'i chos nyid khong du chud pa/ thogs pa med pa'i sgo'i chos kyi dbyings kyi tshul la rjes su zhugs pa/ mig 'phrul lta bu'i spyod pa'i dra ba rtogs par gyur pa/ ye shes bsgribs pa med pa'i spyod yul gyi yul dang ldan pa/ kun tu yang dag par gzhol ba'i ting nge 'dzin gyi lam gyis byung ba/ glong kun tu 'khyil pa'i rgyud kyi gzugs la dbang bsgyur ba/ sangs rgyas kyi spyod yul gyi yul khong du chud pa rnams kyi spyod yul shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid na/ grong khyer 'od bzang po zhes bya ba yod de/ de na rgyal po 'od chen po zhes bya ba 'dug gi /de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis/ rgyal po me'i rkang pa gnyis la spyi bos phyag 'tshal nas/ rgyal po me la lan brgya stong du mar g.yas phyogs su bskor ba byas te/ yang dang yang bltas nas/ rgyal po me'i drung nas song ngo / /de nas tshong dpon gyi bu nor bzang ye shes sgyu ma de rjes su dran par byed cing / byang chub sems dpa'i rnam par </font><hr>Ca236b<br><font size=+1>


thar pa sgyu ma'i rnam pa de la bsam pa dang / chos nyid sgyu ma'i rnam pa de la rab tu brtag pa dang / las kyi sgyu ma mnyam pa de khong du chud par bya ba dang / chos kyi sgyu ma mnyam pa de la rjes su bsam pa dang / chos kyis yongs su smin par bya ba'i sprul pa mnyam pa de khong du chud par bya ba dang / ye shes las byung ba'i snang ba bsam gyis mi khyab pa de'i rjes su 'brang bar bya ba dang / smon lam gyi sgyu ma'i rnam pa mtha' yas pa mngon par bsgrub pa de mngon par bsgrub par bya ba dang / spyod pa sprul pa'i chos nyid chags pa med pa de rnam par sbyang bar bya ba dang / dus gsum sgyu ma'i rnam pa'i mtshan nyid de yang rnam par dbye bar byed cing / mthar gyis yul nas yul du dri ba dang / kun du btsal ba dang / rjes su rnam par blta ba byed cing / phyogs dang / phyogs mtshams dang / lam dang / sman ljongs dang / thang dang / thag thug dang / khal kol dang / ri dang / ri sul dang / grong dang| grong khyer dang / grong rdal dang / ljongs dang / khams dang / rgyal po'i gnas thams cad du yongs su skyo ba med pa'i sems dang / lus la dub pa med par tshol tshol te| grong khyer chen po 'od bzang po'i nyen kor zhig tu phyin nas/ rgyal po 'od chen po gang na bzhugs zhes dris na/ de la 'gro ba mang pos bstan pa/ rigs kyi bu/ 'de re/ 'di </font><hr>Ca237a<br><font size=+1>


@#/ /ni grong khyer 'od bzang po zhes bya ba yin te/ 'di na rgyal po 'od chen po bzhugs so zhes nas/ de nas tshong dpon gyi bu nor bzang / grong khyer chen po 'od bzang po gang na ba der phyin nas/ grong khyer chen po 'od bzang po mthong ngo / /mthong nas kyang dga' rangs te/ mgu zhing nyams bde la tshim zhing yid bde ba skyes nas/ 'di snyam du bsams so/ /'di na bdag gi dge ba'i bshes gnyen bzhugs pa blta ste/ de ring ni dge ba'i bshes gnyen de yang mthong bar 'gyur ro/ /de las byang chub sems dpa'i spyod pa yang thos par 'gyur ro/ /byang chub sems dpa'i 'byung ba'i sgo dang / byang chub sems dpa'i chos nyid bsam gyis mi khyab pa dang / byang chub sems dpa'i yon tan bsam gyis mi khyab pa dang / byang chub sems dpa'i spyod yul bsam gyis mi khyab pa dang / byang chub sems dpa'i khyu mchog gi mthu phyung ba bsam gyis mi khyab pa dang / byang chub sems dpa'i ting nge 'dzin la rnam par spyod pa bsam gyis mi khyab pa dang / byang chub sems dpa'i rnam par thar pas rnam par rol pa bsam gyis mi khyab pa dang / byang chub sems dpa'i brtsams pa chen po mthar dbyung ba rnam par dag pa bsam gyis mi khyab pa 'di thos par 'gyur ro zhes de ltar bsam pa yid la byed cing / grong khyer chen po </font><hr>Ca237b<br><font size=+1>


'od bzang po gang na ba der song ste phyin nas/ grong khyer chen po 'od bzang po de la bstas na/ gser dang / dngul dang / bai DUR+Ya dang / shel dang / mu tig dmar po dang / asma gar b+ha dang / mus ra gal pa dang / rin po che 'di bdun gyis shin tu bzang zhing blta na mdzes pa/ rin po che'i 'obs zabs su zab pa/ chus gang ba/ gzhi gser gyi gram pas gang ba/ lha rdzas kyi ut+pa la dang / pad+mo dang / ku mu da dang / pun da ri kas kun nas yog pa/ dus dang mthun pa'i tsan dan gyi 'dam dang / lu mas 'khor ba bdun gyis kun nas yongs su bskor ba/ rin po che sna bdun gyi ta la'i phreng ba'i rim pa bdun gyis kun nas yongs su bskor ba/ rdo rje rin po che'i ra ba bdun gyis kun nas yongs su bskor ba 'di lta ste/ seng ge yid du 'ong ba'i rdo rje'i ra ba dang / rdo rje gzhan gyis thub pa med pa'i ra ba dang / 'bug pa'i ngang tshul gyi rdo rje'i ra ba dang / thub par dka' ba'i ngang tshul gyi rdo rje'i ra ba dang / rdo rje brtan pa chags pa med pa'i ra ba dang / rdo rje'i 'od zer dra ba'i snying po'i ra ba dang / rdul dang bral ba'i kha dog gi rgyan gyi rdo rje'i ra bas yongs su bskor ba ste/ rdo rje rin po che'i ra ba de dag thams cad kyang nor bu rin po che grangs med pas yongs su spras pa/ 'dzam bu chu klung gi gser gyi lan kan dang / ba so mdzes par </font><hr>Ca238a<br><font size=+1>


@#/ /bkye ba/ dngul rin po che'i ba so'i phreng ba mdzes pas brgyan pa/ rin po che bai DUR+Ya'i ba so'i phreng ba mdzes pas brgyan pa/ rin po che shel gyi ba so'i phreng ba mdzes pas brgyan pa/ rin po che'i byi ru'i ba so'i phreng ba mdzes pas brgyan pa/ mu tig dmar po'i ba so'i phreng ba mdzes pas brgyan pa/ mu tig rin po che'i rgya mtsho'i snying po'i ba so'i phreng ba mdzes pas brgyan pa ste/ grong khyer chen po de'i sgo chen po brgyad kyi bar bar na'ang dpag tshad bcu bcu yod do/ /sgo de dag kyang rin po che sna bdun las sna tshogs mdzes par byas pa ste/ blta na yid du 'ong ba'o/ /grong khyer chen po de ni de ltar rgya che zhing yangs la/ yan lag rnam pa brgyad du rnam par phye ba/ bai DUR+Ya sngon po'i sa la gnas pa ste/ grong khyer chen po de'i nang na yang srang chen po bye ba phrag bcu yod de/ srang re re'i glo gnyis nas kyang khyim chen po brgya phrag stong stong mkhos legs par 'grigs pa ste/ kun kyang rin po che sna tshogs las byas pa dag go /rin po che'i rgyan sna tshogs kyis rab tu brgyan pa dag go /rin po che'i gdugs dang / rgyal mtshan bsgreng ba dang / ba dan che phra dang ldan pa dag go /yo byad thams cad phun sum tshogs pa dag go /sems can khrag khrig du ma gnas pa dag go /grong khyer chen po de </font><hr>Ca238b<br><font size=+1>


yang nor bu rin po che kha dog grangs med pa'i khang pas mdzes par byas pa ste/ 'dzam bu chu klung gi gser gyi khang pa brtsegs pa la rin po che bai DUR+Ya'i dra bas kun nas khebs pa/ bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /dngul gyi khang pa brtsegs pa la mu tig dmar po'i dra bas kun nas khebs pa/ bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /bai DUR+Ya'i khang pa brtsegs pa la rin po che mdzod sna tshogs kyi dra bas kun nas khebs pa/ bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /shel gyi khang pa brtsegs pa la rin po che'i rgyal po snying po yangs pa'i dra bas kun nas khebs pa/ bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /nor bu rin po che 'gro ba'i yid du 'ong ba'i khang pa brtsegs pa la rin po che'i nyi ma'i snying po'i dra bas kun nas khebs pa/ bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /rin po che in+d+ra nI la'i khang pa brtsegs pa la rin po che dpal gyi 'od zer gyi dra bas kun nas khebs pa/ bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /rin po che'i rgyal po 'gro ba rgya mtsho'i khang pa </font><hr>Ca239a<br><font size=+1>


@#/ /brtsegs pa la rin po che'i rgyal po skar ma'i 'od zer gyi dra bas kun nas khebs pa/ bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /rin po che rdo rje'i khang pa brtsegs pa la rin po che'i rgyal po gzhan gyis mi thub pa'i dra bas kun nas khebs pa/ bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /dus dang mthun pa'i tsan dan gyi khang pa brtsegs pa la lha rdzas kyi me tog mnad ra ba'i dra bas kun nas khebs pa/ bsam gyis mi khyab pa rin po che'i rgyan gyis brgyan pa grangs med pa dang ldan pa'o/ /spos kyi rgyal po mtshungs pa med pa'i khang pa brtsegs pa la lha rdzas kyi me tog sna tshogs kyi dra bas kun nas khebs pa/ bsam gyis mi khyab pa'i rin po che'i rgyan gyis brgyan pa grangs med pa dang ldan pa'o/ /rin po che'i khang pa brtsegs pa de dag re re zhing yang / rin po che'i lan kan du mas brgyan pa/ rin po che'i stegs bu rim pa bdun gyis bskor ba/ rin po che ta la'i phreng ba rim pa bdun gyis bskor bar dkrigs pa'o/ /rin po che'i lan kan de dag dang / rin po che'i ta la de dag thams cad du'ang / phan tshun rin po che'i srad bus sbrel ba'o/ /rin po </font><hr>Ca239b<br><font size=+1>


che'i srad bu de dag thams cad kyang gser gyi dril gyi phreng bas brgyan pa'o/ /gser gyi dril gyi phreng ba de dag thams cad kyang rin po che'i chun po'i lda ldi sna tshogs kyi rnam par bres shing sbrel ba'o/ /rin po che'i chun po'i lda ldi de dag thams cad las kyang / rin po che'i dril bu g.yer ka'i dra ba mngon par dpyangs pa de dag ste/ de ltar grong khyer chen po de thams cad ni/ nor bu rin po che'i dra ba grangs med pas kun nas khebs pa'o/ /rin po che'i dril bu g.yer ka'i dra ba grangs med pas kun nas khebs pa'o/ /lha rdzas kyi spos kyi dra ba grangs med pas kun nas khebs pa'o/ /lha rdzas kyi me tog sna tshogs kyi dra ba grangs med pas kun nas khebs pa'o/ /rin po che'i 'bru'i dra ba grangs med pas kun nas khebs pa'o/ /rdo rje'i bla re grangs med pas kun nas khebs pa'o/ /rin po che'i bla re grangs med pas kun nas khebs pa'o/ /rin po che'i gdugs kyi bla re grangs med pas kun nas khebs pa'o/ /rin po che'i khang pa brtsegs pa'i bla re grangs med pa'i kun nas khebs pa'o/ /gos rin po che'i bla re grangs med pas kun nas khebs pa'o/ /me tog gi phreng ba'i bla re grangs med pas kun nas khebs pa'o/ /rin po che'i gdugs dang / rgyal mtshan sna tshogs btsugs shing bsgreng ba ste/ grong khyer chen po 'od bzang po de'i dbus su/ rgyal po 'od chen po bzhugs </font><hr>Ca240a<br><font size=+1>


@#/ /pa'i pho brang brtsegs pa 'khor kun tu dpag tshad bzhi yod pa ste/ rin po che sna bdun las byas pa'o/ /rin po che sna tshogs kyi stegs bu rim pa bdun gyis yongs su bskor ba'o/ /rin po che'i dril bu yid du 'ong ba'i sgra snyan par 'khrol ba'i dra ba rim pa bdun gyi sgra kun nas 'byung ba'o/ /rin po che sna bdun gyi ta la'i phreng ba rim pa bdun gyis kun nas bskor ba'o/ /rin po che sna tshogs kyi khang pa brtsegs pa'i rgyan brgya stong bsam gyis mi khyab pa dang ldan pa'o/ /rdzing rin po che sna tshogs du ma las byas pa gser gyi gram pa kun du bkram pa yan lag brgyad dang ldan pa'i chus yongs su gang ba/ lha rdzas kyi ut+pa la dang / pad+mo dang / ku mu da dang / me tog pun da ri kas chu'i steng kun du yog pa/ rin po che'i me tog dang / 'bras bu'i shing sna tshogs kyis rab tu brgyan pa/ phyogs bzhi nas rin po che'i pha gus brtsigs pa'i them skas rnam par bkye ba can gyis shin tu mdzes par byas pa dang ldan pa/ lha rdzas kyi sgra snyan cing yid du 'ong ba 'byin pa'i bya bran sna tshogs kyi sgra shin tu 'byung ba yod pa/ lha'i dbang po'i pho brang dang 'gran pa ste| de'i dbus na rin po che 'gro ba la snang ba'i khang pa brtsegs pa shin tu bzang la mdzes shing yid du 'ong ba/ rin po che grangs med pa'i rgyan bsam gyis mi khyab pas gya nom par </font><hr>Ca240b<br><font size=+1>


brgyan pa yod de/ de'i nang na rgyal po 'od chen po'i dam pa'i chos gces pa'i dbyig tu bya ba bzhugs so/ /de nas tshong dpon gyi bu nor bzang rin po che'i 'obs de dag la ni/ chags pa'i sems med/ rin po che'i ra ba de dag la ni/ ngo mtshar du 'dzin pa'i yid med/ rin po che ta la phreng ba de dag la ni 'dod cing chags pa med/ rin po che'i dril gyi dra ba'i sgra la ni ro myong bar byed pa med/ lha rdzas kyi rol mo'i sgra dang / glu bro snyan pa'i dbyangs la ni chags pa'i sems med/ rin po che rnam pa tha dad pa'i gzhal med khang dang / khang pa brtsegs pa sna tshogs kyi longs spyod ni yid la bya ba med par shin tu dga' bar gyur pa'i skyes pa dang / bud med kyi tshogs kyi chos kyi dga' ba'i mos pas shin tu dga' zhing / gzugs dang / sgra dang / dri dang / ro dang / reg la dga' bas dben pa'i sems dang ldan pa/ chos nges par brtag pa la shin tu mos pa/ sems can gang dang phrad kyang dge ba'i bshes gnyen rtag tu 'dri zhing mthar gyis grong khyer gyi lam gyi sum mdo'i drung zhig tu phyin nas kun du bltas na/ grong khyer gyi lam gyi sum mdo'i dbus kyi mchod rten gyi khang pa nas ha cang yang mi ring ba zhig na/ rgya chen po dang ldan pa khri rin po che bai DUR+Ya sngon po'i rkang pa bkye ba bai DUR+Ya dkar po'i seng ges blangs pa/ 'dzam bu chu klung gi gser gyi lcag pod kyis dra ba legs par </font><hr>Ca241a<br><font size=+1>


@#/ /btags pa/ lha rdzas las kyang 'das pa'i rin po che'i stan sna tshogs bting ba/ rin po che'i 'bru grangs med pas rnam par brgyan pa/ nor bu rin po che'i rgyan bsam gyis mi khyab pa'i dra ba kun nas khebs pa/ 'dzam bu chu klung gi gser gyi snam bu la lha rdzas rin po che sna tshogs kyi gur shin tu spa bar dgye ba'i gnam yol bres pa/ nor bu rin po che yid bzhin gyi rgyal po'i pad+mo'i snying po dang ldan pa/ de lta bu'i chos kyi khri chen po la rgyal po 'od chen po mi chen po'i mtshan sum cu rtsa gnyis kyis lus shin tu brgyan pa/ dpe byad bzang po sna tshogs brgyad cu tham pas lus shin tu mdzes pa/ gser gyi ri bo ltar rin po che sna tshogs rnam par bkod pas rnam par mdzes pa/ nyi ma'i dkyil 'khor ltar gzi brjid rab tu 'bar ba/ zla ba nya zhing rgyas pa'i dkyil 'khor ltar blta na bzang ba/ tshangs pa ltar tshangs pa'i 'khor gyi nang na rnam par mdzes pa/ rgya mtsho ltar zab pa'i chos dang yon tan mtha' yas pa'i rin po che'i tshogs dang ldan pa/ sprin chen po ltar chos kyi rang bzhin gyi 'brug sgra sgrog pa/ nam mkha' ltar chos kyi tshul gyi skar ma'i tshogs kyis brgyan pa/ ri rab ltar kha dog bzhi po'i sems can rgya mtsho'i sems la gzugs brnyan rab tu snang ba/ rin po che'i gling </font><hr>Ca241b<br><font size=+1>


ltar gzhi ye shes sna tshogs rin po ches yongs su gang ba de skyil mo krung du 'dug pa mthong ngo / /de'i mdun na yang gser dang / nor bu dang / mu tig dang / bai DUR+Ya dang / dung dang / man shel dang / byi ru dang / sa le sbram dang / dngul rin po che'i phung po dang / lha rdzas kyi gos kha dog sna tshogs kyi phung po dang / lha rdzas kyi rin po che'i rgyan sna tshogs kyi phung po dang / kha zas dang / spyan gzigs sna tshogs kyi phung po dang / zhim po'i mchog khyad par du 'phags pa rnam pa sna tshogs kyi phung po dgod pa dang / dngar ba'i thabs sna tshogs kyi yul du bkod pa mthong ngo / /lha rdzas kyi shing rta rin po che bye ba brgya stong du ma dang / lha rdzas kyi sil snyan bye ba brgya stong du ma dang / lha rdzas kyi spos kyi rnam pa bye ba brgya stong du ma dang / nad kyi rkyen sman dang / yo byad kyi phung po du ma dang / yo byad kyi khyad par thams cad kyi phung po spyad du rung zhing kha na ma tho ba med pa mang po sems can rnams ci dga' bar spyod du gzud pa'i phyir bshams te bkod pa dang / ba bzhon gser gyi ru mig can stong phrag du ma 'o ma bres 'jal ba mang po yang sems can phongs pa rnams yongs su bsdu ba'i phyir bkod pa mthong ngo / /bu mo rin po che bye ba khrag khrig brgya stong bzhin bzang ba shin tu mdzes pa blta na sdug pa/ rgyan thams cad kyis rnam par klubs pa/ lha rdzas kyi gos rin po che </font><hr>Ca242a<br><font size=+1>


@#/ /gyon pa/ lha rdzas kyi tsan dan sprul gyi snying pos lus byug pa/ sgyu rtsal drug cu rtsa bzhi'i tshul shes pa/ 'dod pa'i spyod pa dang / cho ga thams cad la mkhas pa dag kyang bsags shing bkod par mthong ngo / /de'i mdun na ji lta ba de bzhin du/ sems can rnams yongs su bsdu ba dang / sems can rnams yongs su gzung ba dang / sems can rnams dga' ba bskyed pa dang / sems can rnams spro ba bskyed pa dang / sems can rnams kyi yid dang bar bya ba dang / sems can rnams kyi sems shin tu bde bar bya ba dang / sems can rnams kyi nyon mongs pa rnam par zhi bar bya ba dang / sems can rnams chos kyi rang bzhin gyi don la yongs su dgod pa dang / sems can rnams thams cad mkhyen pa nyid du don mnyam par bya ba dang / sems can rnams gzhan la 'khu ba rnam par bzlog par bya ba dang / lus dang ngag gis ngan du spyod pa thams cad rnam par bzlog pa dang / sems can rnams kyi lta ba'i zug rngu yang dag par dbyung ba dang / sems can rnams kyi lam yongs su sbyang ba'i phyir/ srang dang / lam gyi bzhi mdo dang / lam gyi sum mdo dang / sgo dang / khyams dag na'ang de bzhin te/ srang re re'i ngos g.yas g.yon nas kyang / stegs bu bye ba nyi shu tsam la yo byad </font><hr>Ca242b<br><font size=+1>


thams cad yongs su spungs te bkod pa mthong ngo / /de nas tshong dpon gyi bu nor bzang gis/ rgyal po 'od chen po la lus thams cad kyis phab nas phyag byas te/ rgyal po 'od chen po la lan brgya stong du mar g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ 'phags pa/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bka' stsal du gsol/ smras pa/ rigs kyi bu/ nga ni byang chub sems dpa'i spyod pa byams pa chen po'i rgyal mtshan yongs su dag pa dang / yongs su rdzogs par byed pa ste/ rigs kyi bu/ ngas byang chub sems dpa'i spyod pa byams pa chen po'i rgyal mtshan 'di yang sangs rgyas brgya phrag du ma dang / sangs rgyas stong phrag du ma dang / sangs rgyas brgya stong phrag du ma dang / sangs rgyas bye ba khrag khrig brgya stong du ma nas/ </font><hr>Ca243a<br><font size=+1>


@#/ /brjod du med pa'i yang brjod du med pa'i bar gyi sangs rgyas bcom ldan 'das rnams la yongs su dris so/ /yongs su zhus so/ /rnam par sbyangs so| |yongs su sbyangs so/ /rnam par bkod do/ /rnam par bltas so/ /rnam par spyod do/ /rjes su btsal to/ /yongs su brtags so/ /rnam par bris so/ /rgya cher byas so| |rigs kyi bu/ de ltar nga ni byang chub sems dpa'i spyod pa byams pa chen po'i rgyal mtshan 'di la gnas shing / chos dang mthun par khams skyong zhing ston to/ /chos dang mthun par 'jig rten la phan par byed do/ /chos dang mthun par 'jig rten na rjes su spyod do/ /chos dang mthun par sems can bcos par byed do/ /chos dang mthun par sems can rnams la nan tan byed do/ /chos kyi dkyil 'khor la sems can rnams yongs su 'dzud do/ /chos kyi tshul sems can rnams la nye bar bsgrub bo/ /chos dang mthun par sems can rnams la yongs su bsgo ba byed do/ /chos kyi nan tan la sems can rnams yongs su sbyor ro/ /chos kyi rang bzhin nges par rtogs pa la sems can rnams rab tu 'god do/ /byams pa'i sems dang / byams pa chen po'i dbang dang / byams pa'i stobs dang / phan pa'i sems dang / bde ba'i sems dang / snying </font><hr>Ca243b<br><font size=+1>


rje'i sems dang / phan 'dogs pa'i sems dang / yongs su bsrung ba'i sems dang / sems can yongs su 'dzin pa mi gtong ba'i sems dang / sdug bsngal thams cad rnam par bzlog pa'i smon lam rgyun mi gcod pa'i sems dang / bde ba'i mthar phyin pa la rab tu 'god par yang dag par spyod pa rgyun mi gcod pa la sems can rnams rab tu 'god do/ /bag yangs kyi bde ba yang dag par bskyed nas/ sems can de dag gi lus kyang shin tu bde bar byed do/ /de dag gi 'khor ba'i bde ba la zhen pa'i sems kyi rgyud kyang rnam par bzlog pa byed do/ /de dag gi sems kyi rgyun kyang chos kyi dga' ba dang / mos pa la yongs su gzhol bar byed do/ /nyon mongs pa'i dri ma thams cad las rnam par sbyong bar byed do/ /mi dge ba'i chos thams cad las yongs su sbyang bar byed do/ /'khor ba'i rgyun las rnam par bzlog pa byed do/ /chos kyi dbyings kyi tshul rgya mtsho la yongs su gzud pa byed do/ /de dag gi srid pa'i lam gyi rgyud du skye ba thams cad rgyun gcad pa'i phyir sems kyi ma rig pa yongs su bsreg pa byed do/ /thams cad mkhyen pa nyid kyi 'bras bu thob par bya ba'i phyir de dag gi sems kyi myu gu yongs su bskyed do/ /mi 'phrogs pa'i dad pa'i stobs yang dag par bskyed pa'i phyir de dag gi sems </font><hr>Ca244a<br><font size=+1>


@#/ /kyi rgya mtsho yang rab tu dang bar byed do/ /rigs kyi bu/ de ltar nga ni byang chub sems dpa'i spyod pa byams pa chen po'i rgyal mtshan la gnas te| chos dang mthun par 'jig rten skyong zhing ston te/ rigs kyi bu/ nga'i khams na gnas pa'i sems can rnams ni ngas 'jigs shing dngang ba'am/ bag tsha zhing skyi g.ya' ba med de/ rigs kyi bu/ sems can gang phongs shing yo byad sna tshogs kyis brel ba/ bza' ba 'dod pa'am/ btung ba 'dod pa'am/ gos 'dod pa nas/ yo byad sna tshogs thams cad gang 'dod kyang rung ste/ de dag thams cad nga'i drung du 'ong ngo / /de dag la'ang ngas snga nas bsham bsham pa'i mdzod sgo phye zhing ci 'dod pa khyer cig ces bstabs te/ gang gi don du khyed sdig pa'i las la spyod par gyur cing / srog gcod pa'am/ ma byin par len pa'am/ 'dod pas log par g.yem pa'am/ brdzun du smra ba'am/ phra ma'am/ ngag rtsub po'am/ tshig kyal ba'am/ chags sems sam/ gnod sems sam/ log par lta ba'am/ de ma yin pa'i lta ba'i rnam pa sna tshogs la mngon par zhen par gyur pa de thams cad kyang grong khyer chen po 'od bzang po 'di'i sgo dang / srang dang / khyams dang / lam gyi sum mdo dang / </font><hr>Ca244b<br><font size=+1>


bzhi mdo kun du spungs te/ snga nas byin pa yin gyi/ su ci 'dod pa kun kyang khyer cig ces bstabs shing byin no/ /rigs kyi bu/ grong khyer 'od bzang po 'di na sems can ji snyed gcig gnas pa de dag thams cad ni byang chub sems dpa' ste/ theg pa chen po la zhugs pa'o/ /de bas na grong khyer chen po 'od bzang ngo / /'di yang de dag la bsam pa rnam pa ji lta bur dag pa'i tshul bzhin du snang ste/ la la la ni dog par snang ngo / /la la la ni yangs par snang ngo / /la la la ni gzhi sa la gnas par snang ngo / /la la la ni gzhi rin po che bai DUR+Ya las blangs par snang ngo / /la la la ni sa'i ra bas bskor bar snang ngo / /la la la ni rin po che rdo rje gzhan gyis mi thub pa'i rgyal mtshan gyi ra bas bskor bar snang ngo / /la la la ni gseg ma dang / gyo mos gang zhing thag thug dang / grog po dang / g.yang sa mang po can du snang ngo / /la la la ni nor bu rin po che dam pa grangs med pas gzhi brgyan cing yongs su bkram pa dang / lag mthil bzhin du gzhi mnyam par snang ngo / /la la la ni sa las byas par snang ngo / /la la la ni rin po che grangs med pa'i khang pa dang| gzhal med khang dang / khang bzhag dang / khang pa brtsegs pa dang / khang steng dang / ba gam dang / skar khung gi shar bu dang / zla gam rin po che seng ge'i dra bas brgyan </font><hr>Ca245a<br><font size=+1>


@#/ /par snang ngo / /grong khyer gyi phyi rol na gnas pa'i sems can sngon ngas byang chub sems dpa'i spyad pa spyod pa'i tshe/ bsdu ba'i dngos po bzhis yongs su bsdus pa/ bsam pa dag pa/ dge ba'i rtsa ba bskyed pa/ sangs rgyas mang po la bsnyen bkur ba/ thams cad mkhyen pa nyid la mngon par mos pa/ thams cad mkhyen pa nyid du rab tu gzhol ba de dag la yang rin po che las byas par snang ngo / /de ma yin pa gzhan dag la ni sa las byas par snang ste/ rigs kyi bu/ nga'i khams na gnas pa'i sems can yul dang / phyogs dang / grong khyer dang / grong rdal dang / ljongs dang / khams dang / rgyal po'i pho brang dag na/ rnyog pa lnga dang ldan pa'i 'jig rten gyi dus kyi rang bzhin gyis dkrugs te/ mi dge ba bcu'i las kyi lam zhig byed par 'dod par gyur na yang / de'i tshe nga de dag la phan par bya ba'i sems kyis/ byang chub sems dpa'i ting nge 'dzin 'jig rten gyi dbang po'i glong zhes bya ba/ byams pa chen po sngon du 'gro ba la snyoms par 'jug ste/ rigs kyi bu| de ltar nga ting nge 'dzin de la snyoms par zhugs pa dang / de nyid kyi mod la sems can de dag gi 'jigs pa de dag dang / mi bde ba de dag dang / shar gnyer ba de </font><hr>Ca245b<br><font size=+1>


dag dang / 'thab mo dang / rtsod pa de dag dang / sems kyi 'khrug pa de dag dang / 'tshe ba'i sems de dag kyang byang chub sems dpa'i ting nge 'dzin 'jig rten gyi dbang po'i glong byams pa chen po sngon du 'gro ba de'i chos nyid thob pas rab tu zhi bar gyur to/ /nye bar zhi bar gyur to/ /rnam par ldog par gyur to/ /'gag par gyur to/ /rigs kyi bu/ yud tsam zhig sdod dang / de'u re mngon sum du 'gyur ro/ /de nas rgyal po 'od chen pos de'i tshe/ byang chub sems dpa'i ting nge 'dzin byams pa chen po sngon du 'gro ba 'jig rten gyi dbang po'i glong la mnyam par bzhag go /de ltar rgyal po 'od chen pos/ byang chub sems dpa'i ting nge 'dzin byams pa chen po sngon du 'gro ba 'jig rten gyi dbang po'i glong la mnyam par bzhag ma thag tu/ de'i mod la grong khyer chen po 'od bzang po'i yul dang phyogs su bcas pa/ grong khyer dang / grong rdal dang / ljongs dang / khams dang / rgyal po'i pho brang gi 'khor dang bcas par rnam pa drug tu g.yos so/ /de g.yos pa'i tshe rin po che'i ra ba de dag dang / rin po che'i khang pa dang / rin po che'i snying po dang / rin po che'i khyim dang| rin po che'i gnas dang / rin po che'i gzhal med khang dang / rin po che'i khang pa brtsegs pa dang / rin po che'i ba gam dang / rin po che'i pu shu dang / rin po che'i skar khung dang / </font><hr>Ca246a<br><font size=+1>


@#/ /rin po che'i stegs bu dang / rin po che'i rta babs dang / rin po che'i zla gam dang / rin po che'i seng ge'i dra ba dang / rin po che'i lan kan dang / rin po che'i 'bru dang / rin po che'i bla re dang / rin po che'i srad bus brgyus pa'i dril bu g.yer ka'i dra ba dang / rin po che'i dril bu dang / rin po che'i rgyal mtshan dang / rin po che'i ba dan dang / rin po che'i ta la de dag kyang rab tu g.yos te sgra 'byin to/ /rab tu 'khrol lo/ /de dag de ltar sgra 'byin cing / yid du 'ong la snyan pa dang / mnyan na dga' ba'i dbyangs brjod cing / rgyal po 'od chen po gang na ba der 'dud de phyag 'tshal lo/ /grong khyer chen po 'od bzang po'i nang na/ sems can ji snyed cig gnas pa de dag thams cad kyang dga' ba dang / rangs pa'i sems kyis yongs su rgyas nas/ rgyal po 'od chen po gang na ba de logs su mngon du bltas te/ lus thams cad kyis phab cing phyag 'tshal lo/ /de'i khams kyi grong dang / grong khyer dang / ljongs dang / yul dang / khams dang / rgyal po'i pho brang 'khor na gnas pa de dag thams cad kyang lus dang sems bde bar gyur te/ dga' zhing rangs pa skyes nas/ rgyal po 'od chen po gang na ba de logs su phyag 'tshal lo/ /byol song gi skye gnas su gtogs pa'i sems can de </font><hr>Ca246b<br><font size=+1>


dag thams cad kyang / gcig la gcig byams pa'i sems dang / phan pa'i sems su ldan par gyur nas/ rgyal po 'od chen po gang na ba de logs su blta zhing mngon par 'dud do/ /ri dang sgang mthon po'i sa'i phyogs thams cad kyang / rgyal po 'od chen po gang na ba der mngon par 'dud do/ /me tog gi shing dang / 'bras bu'i shing dang / lo ma'i shing dang / sa bon gyi tshogs dang / 'byung po'i tshogs dang / lo tog dang / ldum bu dang / rtswa dang / gel pa dang / sman dang / nags tshal thams cad kyang / rgyal po 'od chen po gang na ba de logs su lta zhing mngon par 'dud par gyur to/ /de'i khams na mtsho dang / mtshe'u dang / lu ma dang / lteng ka dang / 'bab chu dang / chu klung dang / rdzing dang / khron pa ji snyed pa de dag thams cad kyang / rgyal po 'od chen po gang na ba de logs su mngon par gzhol zhing rlabs kyi sgra 'byin par gyur to/ /klu'i rgyal po stong phrag bcu yang a ga ru nag po'i bdug spos kyi dud pa na bun du 'grigs pa'i spos kyi sprin las glog sna tshogs 'gyu ba'i 'od kyis snang bar byed cing / 'brug sgra sgrog pa dang / spos chu'i char gyi rgyun shin tu phra ba mngon par 'bebs par gyur to/ /brgya byin dang / rab mtshe ma dang / rab dga' ldan dang / rab 'phrul dga' dang / dbang sgyur gyi lha'i rgyal po la sogs pa/ </font><hr>Ca247a<br><font size=+1>


@#/ /lha'i bu stong phrag bcus kyang steng gi bar snang la 'khod do/ /nam mkha'i dbyings thams cad lha rdzas kyi rol mo'i sil snyan gyi sprin bye ba khrag khrig brgya stong gi sgra phyung bas/ dbyangs snyan pa rgya cher bsgrags pa'i rgyan gyis brgyan pa dang / lha'i bu mo grangs med pa/ lha'i glu snyan pa len pa'i sprin gyi sgra bsgrags pa'i dbyangs snyan cing yid du 'ong ba'i rgyan gyis brgyan pa dang / lha rdzas kyi rin po che'i me tog sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi spos kyi sprin kha dog sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi rin po che'i phreng ba sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi phye ma kha dog sna tshogs kyi sprin grangs med pa'i char rab tu 'bab pa'i rgyan gyis brgyan pa dang| lha rdzas kyi rin po che'i lhab lhub sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi gos sna tshogs dri ma med cing 'jam pa/ kha dog rnam pa tha dad pa'i sprin grangs med pa'i char rab tu 'bab pa'i rgyan gyis brgyan pa dang / lha rdzas kyi rin po che'i gdugs rnam par phye ba sna tshogs kyi sprin grangs </font><hr>Ca247b<br><font size=+1>


med pa'i char rab tu 'bab pa'i rgyan gyis brgyan pa dang / lha rdzas kyi rin po che'i seng ge yid du 'ong ba'i rgyal mtshan gyi sprin grangs med pa'i char rab tu 'bab pa'i rgyan gyis brgyan pa dang| lha rdzas kyi rin po che 'bab ba'i lce shin tu 'phro ba'i rin po che'i ba dan gyi sprin grangs med pa'i char rab tu 'bab pa'i rgyan gyis brgyan par rgyal po 'od chen po la mchod pa bya ba'i phyir byin gyis brlabs so/ /glang po'i rgyal po chen po shugs 'dzin gyis kyang / glang po'i dbang po'i khyu mchog gi mthu phyung ba dang / rnam par 'phrul ba'i mthus nam mkha'i dbyings thams cad lha rdzas kyi rin po che sna tshogs kyi pad+mo'i sprin grangs med pas kun nas yog par byin gyis brlabs so/ /lha rdzas kyi nor bu rin po che'i se mo do grangs med pa rab tu 'phyang ba dang / lha rdzas kyi rin po che'i snam bu'i lda ldi dang / chun po grangs med pa rab tu 'phyang ba dang / lha rdzas kyi rin po che sna tshogs kyi phreng ba'i rgyud grangs med pa mngon par 'phyang ba'i rgyan gyis brgyan pa dang / lha rdzas kyi rin po che sna tshogs kyi lhab lhub dang / phreng ba grangs med pa mngon par 'phyang ba'i rgyan gyis brgyan pa dang / lha rdzas kyi rin po che sna tshogs kyi me tog gi lda ldi grangs med pa mngon par bres pa'i rgyan gyis brgyan pa dang / lha rdzas kyi spos kyi rgyal po kha dog sna tshogs phyogs thams cad du dri zhim pos rgyas par 'gengs pa'i sprin </font><hr>Ca248a<br><font size=+1>


@#/ /grangs med pas kun nas khengs pa'i rgyan gyis brgyan pa dang / lha rdzas kyi rin po che'i gos kha dog sna tshogs kyi sprin grangs med pa'i char rab tu 'bab pa'i rgyan gyis brgyan pa dang / lha rdzas kyi bdug spos kyi dud pa na bun du 'khrigs pa'i sprin grangs med pa'i char rab tu 'bab pa'i rgyan gyis brgyan pa dang / lha rdzas kyi phye ma kha dog sna tshogs kyi sprin grangs med pa'i char phra mo rab tu 'bab pa'i rgyan gyis brgyan pa dang / lha'i bu mo'i tshogs lha rdzas kyi rol mo byed pa dang / glu snyan pa'i dbyangs yid du 'ong bar len cing / bstod pa'i sprin gyis kun nas yog pa'i char mngon par 'bebs pa'i rgyan gyis brgyan par nam mkha'i dbyings byin gyis brlabs so/ /srin po'i dbang po brgya stong grangs med pa rgya mtsho la gnas pa dang / gling bzhi pa'i 'jig rten gyi khams kyi rten gyi sa'i gzhi la gnas pa/ kha zas su sha dang khrag 'thung zhing za la/ chu la spyod pa dang / ri dwags dang / phyugs dang / bya dang / ba lang dang / rta dang / glang po dang / bong bu dang / skyes pa dang / bud med kyi tshogs kyi mdangs 'phrog pa/ zhe sdang ba'i yid kyi rnam par rtog pa dang ldan pa/ rtag tu 'gro ba la 'tshe zhing / mtho 'tsham pa la zhugs pa rnams kyang / byams pa dang phan pa'i sems dam pa dang ldan zhing / bzhin </font><hr>Ca248b<br><font size=+1>


gyi mdog shin tu dang ba dang / 'gro ba thams cad la mi 'tshe zhing / mtho 'tsham pa med pa la zhugs te/ 'jig rten pha rol la blta bar gyur nas/ thal mo sbyar cing shin tu dga' ba'i sems kyis rgyal po 'od chen po gang na ba de logs su btud nas phyag 'tshal bar gyur te/ lus dang sems kyi bde ba rgya chen po mtshungs pa med pa yang myong bar gyur to/ / gnod sbyin dang / grul bum dang / sha za dang / 'byung po'i dbang po brgya stong du ma yang byams pa dang / phan pa'i sems dam pa dang ldan zhing / bzhin gyi mdog shin tu dang ba dang| 'gro ba thams cad la mi 'tshe zhing / mtho 'tsham pa med pa la zhugs te/ 'jig rten pha rol la blta bar gyur nas/ thal mo sbyar cing shin tu dga' ba'i sems kyis/ rgyal po 'od chen po gang na ba der 'dud cing phyag 'tshal bar gyur te/ lus dang sems kyi bde ba rgya chen po mtshungs pa med pa yang myong bar gyur to/ /de ltar gling bzhi pa'i 'jig rten gyi khams thams cad kyi sems can kun gyi 'jigs pa dang / gnod pa dang / mi bde ba dang / shar gnyer ba dang / 'thab mo dang / rtsod pa dang / sems kyi 'khrug pa dang / 'tshe ba'i sems thams cad rab tu zhi bar gyur to/ /rnam par zhi bar gyur to/ /rnam par log par gyur to/ /'gag par gyur to/ /phyir log par gyur to/ /gling bzhi pa'i 'jig rten </font><hr>Ca249a<br><font size=+1>


@#/ /gyi khams 'dir ji lta ba de bzhin du/ stong gsum gyi stong chen po'i 'jig rten gyi khams thams cad nas/ phyogs bcur 'jig rten gyi khams bye ba khrag khrig brgya stong phrag bcu'i bar gyi sems can kun gyi 'jigs pa dang / gnod pa dang / mi bde ba dang / shar gnyer ba dang / 'thab mo dang / rtsod pa dang / sems kyi 'khrug pa dang / 'tshe ba'i sems thams cad kyang / byang chub sems dpa'i ting nge 'dzin byams pa chen po sngon du 'gro ba 'jig rten gyi dbang po'i glong gi chos nyid thob pa'i phyir rab tu zhi bar gyur to/ /rnam par zhi bar gyur to/ /rnam par log par gyur to/ /'gag par gyur to/ /phyir log par gyur to/ /de nas rgyal po 'od chen po ting nge 'dzin de las langs te/ tshong dpon gyi bu nor bzang la 'di skad ces smras so/ /rigs kyi bu/ ngas byang chub sems dpa'i spyod pa'i ye shes snang ba'i sgo byams pa chen po'i rgyal mtshan 'di shes par zad na/ ngas byang chub sems dpa' 'jig rten gyi khams thams cad bde ba'i bsam pas rgyas par 'gengs pa/ byams pa chen po'i gdugs tshad med pa dang ldan pa/ 'khor mi phyed pa dang ldan pas/ 'gro ba thams cad 'khor du gyur pa/ dbang po rab dang 'bring dang tha ma'i sbyor bas 'gro ba thams cad yongs su bskyab pa la </font><hr>Ca249b<br><font size=+1>


zhugs pa/ 'gro ba thams cad yongs su gzung ba la zhugs pas/ byams pa'i sems lta bu dang ldan pa/ bsod nams dang ye shes kyi 'od zer 'gro ba thams cad du 'byung bas zla ba nya zhing rgyas pa lta bur gyur pa/ shes bya thams cad ye shes kyi 'od kyis snang bar byed pa'i phyir nyi ma'i dkyil 'khor lta bur gyur pa/ sems can thams cad kyi sems kyi mun pa thibs po rab tu sel bas sgron ma chen po lta bur gyur pa/ sems can thams cad kyi sems kyi rgya mtsho'i g.yo sgyu'i rnyog pa dang bar byed pas nor bu rin po che chu 'dang dang 'dra ba| 'gro ba thams cad kyi bsam pa dang / smon lam yongs su rdzogs par byed pa nor bu rin po che yid bzhin gyi rgyal po dang 'dra ba/ 'gro ba thams cad ting nge 'dzin dang / snyoms par 'jug pa'i khang pa dang / thams cad mkhyen pa nyid kyi pho brang chen por gzhog pas/ rlung dmar chen po dang 'dra ba de dag gi spyod pa shes pa'am/ yon tan brjod pa'am/ bsod nams kyi ri bo gzhal ba'am/ yon tan gyi skar ma'i tshogs kyis brgyan pa'i nam mkha' la blta ba'am/ smon lam chen po'i rlung gi dkyil 'khor las mtshams gcad pa'am/ chos mnyam pa nyid kyi stobs la tshad gzung ba'am/ theg pa chen po'i rgyan gyis bsngags pa yongs su brjod pa'am/ kun tu bzang po'i spyod pa'i tshul gyi khyad par brjod </font><hr>Ca250a<br><font size=+1>


@#/ /pa'am/ byang chub sems dpa'i ting nge 'dzin chen po bsgom pa'i sgo dbye ba'am/ snying rje chen po'i sprin yongs su smos par nus re skan/ song / rigs kyi bu/ lho phyogs kyi rgyud 'di nyid na rgyal po'i gnas brtan pa zhes bya ba yod de/ de na dge bsnyen ma mi g.yo ba zhes bya ba 'dug gi/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis/ rgyal po 'od chen po'i rkang pa gnyis la spyi bos phyag byas nas/ rgyal po 'od chen po la lan brgya stong du mar g.yas phyogs su bskor ba byas te/ yang dang yang bltas nas/ rgyal po 'od chen po'i drung nas song ngo // //bam po dgu bcu drug pa/ de nas tshong dpon gyi bu nor bzang / grong khyer chen po 'od bzang po nas byung ste/ yud tsam du lam gyi mgo btsal nas/ rgyal po 'od chen po'i gdams ngag de la rjes su bsam pa byed cing / byang chub sems dpa'i spyod pa'i tshul byams pa chen po'i rgyal mtshan de rjes su dran par bya ba dang / ting nge 'dzin gyi sgo 'jig rten gyi dbang po'i glong gi snang ba chen po de yongs su bsgom pa dang / byang chub sems dpa'i lus rnam par dag pa </font><hr>Ca250b<br><font size=+1>


bsam gyis mi khyab pas brgyan pa'i seng ge'i khri'i rgyan rnam par phye ba rnam pa sna tshogs de dag mngon par bsgrub pa dang / byang chub sems dpa'i smon lam dang / bsod nams kyi dbang dang / stobs bsam gyis mi khyab pa de dag rjes su spel ba dang / byang chub sems dpa'i sems can yongs su smin par bya ba'i ye shes kyi tshul bsam gyis mi khyab pa de shin tu bstan par bya ba dang / byang chub sems dpa'i longs spyod kyi bdag nyid che ba thun mong du gyur pa bsam gyis mi khyab pa de la rjes su bsam pa dang / byang chub sems dpa'i gnas rnam pa tha dad pa bsam gyis mi khyab pa de dag kyang mtshan mar bya ba dang / byang chub sems dpa' rnams kyi sems can yongs su smin par bya ba rnam par dag pa bsam gyis mi khyab pa de rjes su dran par bya ba dang / byang chub sems dpa'i 'khor phun sum tshogs shing yongs su dag pa de la brtag pa dang / byang chub sems dpa' sems can gyi don bsam pa snang ba'i tshul bsam gyis mi khyab pa de la yid ches par byed byed pas/ sems dga' zhing mos pa'i shugs dang / sems kyi nyams bde ba dang / sems shin tu tshim pa dang / sems khong nas dga' ba dang / sems rnyog pa med pa dang / sems 'od dad pa dang / sems brtan pa dang / sems rgya che ba dang / sems mi </font><hr>Ca251a<br><font size=+1>


@#/ /zad pa thob ste/ de de ltar dge ba'i bshes gnyen rjes su dran zhing yid la byed pa la brtson pas gdong mchi mas gang nas rjes su sems pa/ kyi hud| dge ba'i bshes gnyen mthong ba 'di ni/ yon tan rin po che thams cad kyi 'byung gnas su gyur pa'o/ /byang chub sems dpa'i spyod pa thams cad yongs su dag pa dang / yongs su rdzogs par 'gyur ba'i rgyur gyur pa'o/ /byang chub sems dpa'i dran pa thams cad rnam par dag par byed pa'o/ /byang chub sems dpa'i gzungs kyi dkyil 'khor thams cad yongs su sbyong ba'o/ /byang chub sems dpa'i ting 'dzin gyi snang ba thams cad yongs su bskyed pa'o/ /sangs rgyas thams cad mthong bar 'gyur ba yongs su bsgrub pa'o/ /sangs rgyas kyi chos thams cad kyi sprin gyi char rab tu 'bebs pa'o/ /byang chub sems dpa'i smon lam gyi tshul thams cad brjod pa'o/ / shes rab dang / ye shes kyi snang ba bsam gyis mi khyab pa yang dag par bskyed pa'o/ /byang chub sems dpa'i dbang po brtan pa'i myu gu skyed par byed pa'o/ /dge ba'i bshes gnyen rnams ni bdag ngan song gi g.yang sa thams cad nas skyob pa'o/ /dge ba'i bshes gnyen rnams ni bdag chos mnyam pa nyid kyi tshul khong du chud par bya ba </font><hr>Ca251b<br><font size=+1>


la gzhog pa'o/ /dge ba'i bshes gnyen rnams ni bdag la lam bde ba dang / mi bde ba ston pa'o/ /dge ba'i bshes gnyen rnams ni bdag la theg pa chen po yongs su ston pa'o// dge ba'i bshes gnyen rnams ni bdag la byang chub sems dpa' kun tu bzang po'i spyod pa'i gdams ngag gis 'doms pa'o/ /dge ba'i bshes gnyen rnams ni bdag la thams cad mkhyen pa nyid kyi grong khyer gyi lam ston pa'o/ /dge ba'i bshes gnyen rnams kyi bdag thams cad mkhyen pa'i gnas su phyin par skyel ba'o/ /dge ba'i bshes gnyen rnams ni bdag chos kyi dbyings kyi tshul rgya mtsho la 'jug par byed pa'o/ /dge ba'i bshes gnyen rnams ni bdag la dus gsum gyi shes bya rgya mtsho'i tshul rab tu ston pa'o| |dge ba'i bshes gnyen rnams ni bdag la 'phags pa'i tshogs kyi dkyil 'khor thams cad rab tu ston pa'o/ /dge ba'i bshes gnyen rnams ni bdag gi dkar po'i chos thams cad rnam par 'phel bar byed pa'o/ /zhes de de ltar ngu zhing smre sngags 'don pa'i tshe/ nam mkha'i dbyings la 'khod pa'i lha'i tshogs dang / rtag tu phyi bzhin 'brang zhing yang dag par bskul ba dang / sangs rgyas kyi pho nya ltar gyur pa'i byang chub sems dpa' rnams 'di skad 'dzer to/ /rigs kyi bu/ dge ba'i bshes gnyen gyi gdams </font><hr>Ca252a<br><font size=+1>


@#/ /ngag la zhugs pa'i byang chub sems dpas ni/ sangs rgyas bcom ldan 'das rnams kyang thugs shin tu dgyes par 'gyur ba yin/ dge ba'i bshes gnyen gyi tshig dang mi 'gal bar gnas pa'i byang chub sems dpas ni/ thams cad mkhyen pa nyid du'ang shin tu bsnyen pa yin/ dge ba'i bshes gnyen gyi tshig la the tshom mi za ba'i byang chub sems dpa' la ni dge ba'i bshes gnyen rnams kyang nye bar bsnyen pa yin/ dge ba'i bshes gnyen yid la bya ba dang mi 'bral ba'i byang chub sems dpa' la ni don thams cad kyang mngon du 'gyur ba yin gyi/ rigs kyi bu/ rgyal po'i pho brang brtan par dge bsnyen ma mi g.yo ba gang na ba der song zhig dang / de las byang chub sems dpa'i spyod pa thos par 'gyur ro/ /de nas tshong dpon gyi bu nor bzang ting nge 'dzin gyi ye shes snang ba las langs nas/ mthar gyis rgyal po'i pho brang brtan par dge bsnyen ma mi g.yo ba gang na ba der song nas/ dge bsnyen ma mi g.yo ba yongs su tshol zhing rmed rmed pa las/ de la 'gro ba mang pos bstan pa/ rigs kyi bu/ dge bsnyen ma mi g.yo ba de ni| rang gi khyim na pha ma dang 'phrogs shing gzhon nur gyur pa ste/ rang gi gnyen bshes kyi tshogs kyis yongs su bskor cing / skye bo'i tshogs chen po la chos ston to/ /de nas </font><hr>Ca252b<br><font size=+1>


tshong dpon gyi bu nor bzang dga' ba chen po dang mos shing spro bas yongs su rgyas pa'i sems dang ldan pa de dge bsnyen ma mi g.yo ba'i khyim gang na ba der song ste phyin nas/ dge bsnyen ma mi g.yo ba'i khyim gyi sgo na sdod pa'i tshe/ des khyim de thams cad 'od lus dang sems shin tu bde bar byed pa/ gser gyi kha dog tu 'dug pa zhig gis khyab cing gsal bar gyur nas/ 'od des tshong dpon gyi bu nor bzang la phog par gyur ma thag tu tshor ba thams cad la dbang bsgyur ba'i ting nge 'dzin gyi sgo mang po dang / zhi ba'i gnas kyi ting nge 'dzin gyi sgo mang po dang / 'gro ba thams cad dang bral ba'i ting nge 'dzin gyi sgo mang po dang / kun du lta ba'i btang snyoms dang ldan pa'i ting nge 'dzin gyi sgo mang po dang / de bzhin gshegs pa'i mdzod kyi ting nge 'dzin gyi sgo mang po la sogs pa ting nge 'dzin gyi sgo lnga brgya tsam la zhugs par gyur te yongs su skyes so/ /de dag kyang shin tu phra zhing gzhon pa ste/ 'di ltar dper na/ thog ma mngal du zhugs pa'i rnam par shes pa lta bu ste/ ting nge 'dzin de dag kyang shin tu phra zhing gzhon par skyes par gyur to/ /des dri zhim po zhig tshor na yang / de ni lha la yang med/ lha'i bu mo la yang med/ klu la yang med/ klu'i bu mo la yang med/ gnod sbyin la yang med/ gnod sbyin gyi bu mo la yang med/ dri za la yang med/ dri za'i </font><hr>Ca253a<br><font size=+1>


@#/ /bu mo la yang med/ lha ma yin la yang med/ lha ma yin gyi bu mo la yang med/ nam mkha' lding la yang med/ nam mkha' lding gi bu mo la yang med| mi 'am ci la yang med/ mi 'am ci'i bu mo la yang med/ lto 'phye chen po la yang med/ lto 'phye chen po'i bu mo la yang med/ mi la yang med/ mi'i bu mo la yang med cing mi srid pa de lta bu'i dri zhim po tshor bar gyur to/ /bud med de'i gzugs dang mnyam pa yang phyogs bcu'i 'jig rten na med na lhag pa lta ga las 'ong / kha dog dang mdog de lta bu yang de bzhin gshegs pa'i sku mdog dang / kha dog dang / byang chub sems dpa' dbang bskur ba'i kha dog dang / mdog ma gtogs par de'i kha dog dang| mdog tu mnyam pa phyogs bcu'i 'jig rten na med na lhag pa lta ga las 'ong / lus kyi chu zheng dang / dbyibs de lta bu'ang de bzhin gshegs pa'i sku'i khrun chu zheng dang / dbyibs dang / byang chub sems dpa' dbang bskur ba thob pa'i lus kyi chu zheng dang / dbyibs ma gtogs par de'i lus kyi chu zheng dang / dbyibs su mnyam pa phyogs bcu'i 'jig rten na med na lhag pa lta ga las 'ong / 'od kyi rgyan de lta bu yang de bzhin gshegs pa'i 'od kyi rgyan dang / byang chub sems dpa' dbang bskur ba </font><hr>Ca253b<br><font size=+1>


thob pa'i 'od kyi rgyan ma gtogs par de'i 'od kyi rgyan dang mnyam pa phyogs bcu'i 'jig rten na med na lhag pa lta ga las 'ong / de'i kha'i drod kyi dri zhim po dang mnyam pa'i dri de lta bu yang phyogs bcu'i 'jig rten gyi lha'i gnas sam/ klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i gnas na med na lhag pa lta ga las 'ong / khyim gyi rgyan dang longs spyod de lta bu yang de bzhin gshegs pa'i longs spyod dang / byang chub sems dpa' dbang bskur ba thob pa'i longs spyod ma gtogs par/ de'i khyim gyi rgyan dang longs spyod dang mnyam pa yang phyogs bcu'i 'jig rten na med na lhag pa lta ga las 'ong / g.yog 'khor phun sum tshogs pa de lta bu yang de bzhin gshegs pa'i 'khor phun sum tshogs pa dang / byang chub sems dpa'i 'khor phun sum tshogs pa ma gtogs par de'i g.yog 'khor phun sum tshogs pa dang mnyam pa yang phyogs bcu'i 'jig rten na med na lhag pa lta ga las 'ong ste/ dge bsnyen ma mi g.yo ba de la 'dod chags dang ldan pa'i sems kyis blta bar nus pa'i sems can de lta bu yang phyogs bcu'i 'jig rten gyi sems can gyi ris na med do/ /dge bsnyen ma mi g.yo ba de mthong ma thag tu nyon mongs pa zhi </font><hr>Ca254a<br><font size=+1>


@#/ /bar mi 'gyur ba de lta bu'i sems can yang phyogs bcu'i 'jig rten gyi sems can gyi ris na med de/ 'di lta ste/ dper na/ tshangs pa chen po stong phrag bcu la dbang bsgyur ba la ni/ 'dod pa la spyod pa'i nyon mongs pa rnams mi rgyu'o/ /de bzhin du dge bsnyen ma mi g.yo ba yang mthong ma thag tu sems can rnams kyi nyon mongs pa mi rgyu'o/ /dge bsnyen ma mi g.yo ba de la blta bas ngoms par 'gyur ba'i sems can de lta bu yang / shes rab kyis ngoms pa ma gtogs par phyogs bcu'i 'jig rten gyi khams kyi sems can gyi ris na med do/ /de nas tshong dpon gyi bu nor bzang gis/ dge bsnyen ma mi g.yo ba'i lus kyi byin bsam gyis mi khyab pa dang / gzugs dang| kha dog dang / dbyibs dang / chu zheng bsam gyis mi khyab pa dang / sa'i gzhi dang / grong khyer dang / rin po che thams cad la thogs pa med pa'i 'od zer gyi dra ba'i rgyan bsam gyis mi khyab pa dang / sems can gyi don bsam gyis mi khyab pa sgrub pa mthong ste/ ba spu'i bu ga thams cad nas byung ba'i dri zhim po tshor nas/ 'khor rgya mtsho phun sum tshogs pa mtha' yas pa mthong ste/ khyim dang / gzhal med khang gi rgyan phun sum tshogs pa mi 'phrogs pa mthong nas/ yon tan rgya mtsho tshad med pa </font><hr>Ca254b<br><font size=+1>


khong du chud de/ dge bsnyen ma mi g.yo ba la tshigs su bcad pa 'dis bstod do/ /khyod kyis rtag tu tshul khrims dri med yongs bsrungs te/ /bzod pa shin tu yangs pa'ang yongs su bsgoms mdzad cing / /brtson 'grus brtan pa rdo rje lta bu bsgrubs pas na/ /ri bo'i rgyal po lta bur 'gro bar 'phags shing 'bar/ /de nas tshong dpon gyi bu nor bzang gis/ dge bsnyen ma mi g.yo ba la tshigs su gcad pa des mngon par bstod de/ 'di skad ces smras so/ /'phags ma/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni/ byang chub sems dpa' rnams la gdams ngag dang / rjes su bstan pa mdzad do zhes bdag gis thos nas/ 'phags ma/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ de nas dge bsnyen ma mi g.yo bas/ byang chub sems dpa'i ngag 'jam zhing yid du 'ong la nyams su bde bas/ tshong dpon gyi bu nor bzang la dga' bar 'gyur ba'i tshig tu brjod nas/ 'di skad ces smras so/ /rigs kyi bu/ de ltar khyod kyis bla na med pa yang dag par </font><hr>Ca255a<br><font size=+1>


@#/ /rdzogs pa'i byang chub tu sems bskyed pa legs so/ /legs so/ /rigs kyi bu/ kho mo ni byang chub sems dpa'i rnam par thar pa thub par dka' ba'i ye shes kyi snying po thob pa ste/ byang chub sems dpa'i spyod pa'i sgo yi dam brtan pa la slob pa/ chos thams cad mnyam pa nyid kyi sa'i gzungs kyi sgo thob pa'o/ /kho mo ni spobs pa'i ye shes snang ba chos kyi gzhi thams cad snang bar brjod pa thob pa'o/ /kho mo ni chos thams cad yongs su btsal bas mi skyo ba'i rgyan gyi ting 'dzin gyi sgo thob pa'o/ /smras pa/ 'phags ma/ byang chub sems dpa'i rnam par thar pa thub par dka' ba'i ye shes kyi snying po de'i yul ni ji lta bu zhig mchis/ yi dam la brtan pa'i byang chub sems dpa'i spyod pa'i sgo dang / chos thams cad mnyam pa nyid kyi sa'i gzungs kyi sgo dang / chos kyi gzhi thams cad snang bar brjod pa'i spobs pa snang ba'i sgo dang / chos yongs su btsal bas mi skyo ba'i rgyan gyi ting nge 'dzin gyi sgo'i yul ni ji lta bu zhig mchis/ smras pa/ rigs kyi bu/ gnas 'di ni yid ches par dka'o/ smras pa/ 'phags ma/ bstan du gsol/ sangs rgyas kyi byin dang / dge ba'i bshes gnyen gyis yongs su bzung na yid ches par mchi grang / rtogs pa dang / 'tshal </font><hr>Ca255b<br><font size=+1>


pa dang / rnam par rtogs pa dang / rjes su rtogs pa dang / rig pa dang / dmigs su phebs pa dang / goms pa dang / mi 'gal ba dang / rnam par mi rtog pa dang / sgro 'dogs pa ma mchis pa dang / mnyam par bgyid par yang mchi grang / de nas dge bsnyen ma mi g.yo bas/ tshong dpon gyi bu nor bzang la 'di skad ces smras so/ /rigs kyi bu/ sngon 'das pa'i dus shig na dri ma med pa'i 'od kyi bskal pa la de bzhin gshegs pa phyag rab tu brkyang pa zhes bya ba 'jig rten du byung ste/ kho mo yang de'i tshe rgyal po glog gis byin pa'i bu gcig ma zhig tu gyur nas/ de'i tshe nub mo mi nyal tsam zhig na rgyal po'i sgo yang bcad/ pha dang ma yang nyal/ skyes pa dang bud med dag kyang gnyid kyis log /rol mo brdung ba dang dkrol ba'i sgra yang zhi/ lhan cig spyod pa'i bud med lnga brgya tsam dag kyang nyal bar gyur pa zhig na/ kho mo mal gyi steng na 'dug cing / nam mkha'i dbyings la rgyu ba'i skar ma'i tshogs kyi phreng ba rnam par 'khod pa la lta lta ba las/ steng gi bar snang la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phyag rab tu brkyang pa ri'i rgyal po ri rab ltar lha dang / klu dang / gnod sbyin dang / dri za dang / lha ma yin dang / nam mkha' lding dang / </font><hr>Ca256a<br><font size=+1>


@#/ /mi 'am ci dang / lto 'phye chen po'i 'khor mang pos bskor ba/ byang chub sems dpa'i tshogs grangs med pas yongs su bskor ba/ phyogs thams cad du 'od zer gyi dra ba thogs pa med pas rgyas par khyab pa'i sku bzhugs pa mthong ngo / /de bzhin gshegs pa de'i sku'i ba spu'i bu ga thams cad nas kyang dri zhim po rnam pa 'di lta bu byung ste/ des kho mo'i lus dang sems shin tu bde bar gyur/ yid shin tu dga' bar gyur te/ mal gyi steng nas langs nas/ sor mo bcu'i thal mo sbyar te sa la babs nas| bcom ldan 'das de bzhin gshegs pa phyag rab tu brkyang pa de la phyag 'tshal te/ de'i spyi gtsug la bltas na yang mtha' thug par ma rung / g.yas g.yon gyi tshad kyang zin par ma rung / mtshan dang dpe byad phun sum tshogs pa la bsams na yang ngoms par ma rung ste/ de'i tshe kho mo 'di snyam du bsams so/ /las ji lta bu zhig byas na| lus phun sum tshogs pa 'di lta bu ni 'thob par 'gyur/ mtshan dang dpe byad bzang po phun sum tshogs pa ni skye bar 'gyur/ 'od kyi rgyan phun sum tshogs pa ni 'byung bar 'gyur/ 'khor phun sum tshogs pa ni 'grub par 'gyur/ yid kyi rang bzhin gyi gnas dang longs spyod phun sum tshogs pa ni 'byung bar 'gyur/ bsod nams phun sum </font><hr>Ca256b<br><font size=+1>


tshogs pa ni skye bar 'gyur/ ye shes phun sum tshogs pa ni rnam par dag par 'gyur/ ting nge 'dzin gyi rnam par 'phrul pa bsam gyis mi khyab pa phun sum tshogs pa ni yang dag par 'grub par 'gyur/ gzungs phun sum tshogs pa ni yongs su rdzogs par 'gyur/ spobs pa phun sum tshogs pa ni dbang du 'gyur snyam pa dang / rigs kyi bu/ de nas bcom ldan 'das de bzhin gshegs pa phyag rab tu brkyang pa des/ kho mo'i bsam pa thugs su chud nas 'di skad ces bka' stsal to/ /bu mo khyod kyis nyon mongs pa thams cad gzhom pa'i phyir thub pa med pa'i sems skyed cig /mngon par zhen pa thams cad bsal ba'i phyir pham pa med pa'i sems skyed cig /chos zab mo'i tshul khong du chud par bya ba'i phyir zhum pa med pa'i sems skyed cig /sems can bsam pa mi bzad pa dang ldan pa'i rgya mtsho'i klong du ltung bas mi sgul ba'i sems skyed cig /srid pa'i lam gyi rgyud thams cad du skye ba'i skye mched du mgo rmongs pa med pa'i sems skyed cig /sangs rgyas thams cad blta bar mos pa rgyun mi gcad pa'i phyir ngoms mi shes pa'i sems skyed cig/ sangs rgyas thams cad kyi chos kyi sprin yongs su gzung ba'i phyir chog mi shes pa'i sems skyed cig /sangs rgyas thams cad kyi chos kyi tshul snang ba rtogs par bya ba'i phyir </font><hr>Ca257a<br><font size=+1>


@#/ /nges par rtogs pa'i sems skyed cig /de bzhin gshegs pa thams cad kyi chos kyi 'khor lo gzung ba'i phyir yang dag par gzung ba'i sems skyed cig /de bzhin gshegs pa'i zhal nas byung ba shes par bya ba lta la ci smos kyi chung ngu na brdar byas pa tsam la yang 'khrul pa med pa'i sems skyed cig /bu mo khyod kyis sems can rnams kyi bsam pa ji lta ba bzhin du chos rin po che rnam par dbye ba'i phyir rnam par dbye ba'i sems skyed cig ces byung ste/ de ltar rigs kyi bu/ kho mos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phyag rab tu brkyang pa las/ chos kyi tshul gyi gdams ngag gi sgo rnam pa de lta bu dag thos nas/ thams cad mkhyen pa'i ye shes la ni mngon par mos par gyur/ stobs bcu'i rang bzhin la ni mngon par smon par gyur/ sangs rgyas kyi gsung la ni mngon par dad par gyur/ sangs rgyas kyi 'od kyi rgyan ni yongs su sbyang bar dga'/ sangs rgyas kyi sku phun sum tshogs pa ni yongs su bsgrub par dga'/ sangs rgyas kyi mtshan dang dpe byad bzang po rnam par dag pa la ni mngon par mos par gyur/ sangs rgyas kyi 'khor gyi dkyil 'khor phun sum tshogs pa la ni mngon par smon par gyur/ sangs rgyas kyi zhing rnam </font><hr>Ca257b<br><font size=+1>


par dag pa la ni mngon par dad par gyur/ sangs rgyas kyi spyod lam phun sum tshogs pa la ni mngon par mos par gyur/ sangs rgyas kyi sku tshe'i tshad phun sum tshogs pa la ni mngon par dga' nas/ rdo rje ltar ri dang mtshon cha thams cad kyi mthus thub par dka' ba'i sems nyon mongs pa thams cad dang / nyan thos dang / rang sangs rgyas thams cad kyis mi phyed mi tshugs pa bskyed de/ rigs kyi bu/ de nas nye bar bzung ba tshun chad du sems bskyed pa de'i mthus/ bskal pa 'dzam bu'i gling gi rdul shin tu phra ba snyed cig tu yid kyi dgu las kyang 'dod pa la spyad par mi dran na/ gnyis kyis gnyis 'du ba lta ci smos/ rigs kyi bu/ de nas nye bar bzung ba tshun chad du rang gi gnyen bshes la'ang khong khro bo'i sems gcig ma bskyed na/ de ma yin pa'i sems can ma nyes pa gzhan lta la ci smos/ de nas nye bar bzung ba tshun chad du bdag tu lta ba dang ldan pa'i sems bskyed pa gcig tsam yang bskyed par mi dran na/ de ma yin pa'i yo byad gzhan la bdag gir byas te mngon par chags pa lta ci smos/ shi 'pho dang / mngal na gnas pa'i tshe 'ang sems rmongs pa'am/ 'du shes sna tshogs sam/ lung du ma bstan pa'i sems kyang byung du mi dran na/ legs par bsam shing gnas pa lta ci smos/ bskal pa de snyed cig tu </font><hr>Ca258a<br><font size=+1>


@#/ /sangs rgyas gcig kyang chung ngu na rmi lam du mthong ba'i rnam par dmigs par yang rjes su mi dran na/ byang chub sems dpa'i mig bcus mthong bar gyur pa lta ci smos/ de nas nye bar bzung ba tshun chad du de bzhin gshegs pa thams cad kyi chos kyi sprin yang dag par 'dzin kyang chung ngu na ming du bya ba'i rnam pa tsam gyi chos kyi tshig dang / yi ge gcig kyang brjod par mi dran na/ de bzhin gshegs pa'i zhal gyi mdzod nas byung ba lta ci smos/ de nas nye bar bzung ba tshun chad du chos kyi rgya mtsho de snyed cig 'thung 'thung yang chung ngu na 'jig rten pa'i chos rnams la tshig 'ga' yang ma bsam ma brtags par mi dran no/ /de nas nye bar bzung ba tshun chad du de snyed cig gis chos kyi tshul rgya mtsho las kyang chung ngu na 'jig rten pa'i bzo'i rgyus dang tshul yang rung ste/ chos kyi tshul gyi sgo gang la yang kho mos ting nge 'dzin mngon par ma bsgrubs pa de lta bu med do/ /de nas nye bar bzung ba tshun chad du de bzhin gshegs pa de snyed kyi chos kyi 'khor lo bzung yang / ji ltar yongs su bzung ba las/ sems can 'dul ba'i dbang du bya ba ma gtogs par chung ngu na rjes su brgyud pa'i rgyus tsam gyi tshig dang / yi ge 'ga' yang por bar mi dran no/ /de nas nye bar bzung ba tshun chad du sangs rgyas rgya mtsho </font><hr>Ca258b<br><font size=+1>


de snyed cig mthong yang / chung ngu na sprul pa'i sangs rgyas kyi smon lam gyi rgyud kyang rung ste/ smon lam 'ga' yang kho mos sems can rgya mtsho thams cad rnam par dag par bya ba'i phyir mngon par ma bsgrubs pa med do/ /de nas nye bar bzung ba tshun chad du/ sangs rgyas rgya mtsho de snyed cig gi sngon gyi byang chub sems dpa'i spyod pa rgya mtsho las byang chub sems dpa'i spyod pa 'ga' tsam yang / kho mos bdag gi spyod pa yongs su dag par bya ba'i phyir mngon par ma bsgrubs pa de lta bu mi dran no/ /de nas nye bar bzung ba tshun chad du/ sems can gang kho mos bla na med pa yang dag par rdzogs pa'i byang chub tu ma bskul pa de lta bu gcig kyang mig lam du 'ongs par mi dran no/ /de nas nye bar bzung ba tshun chad du/ nyan thos dang / rang sangs rgyas yid la bya ba dang ldan pa'i sems bskyed pa gcig kyang mngon par bsgrubs su mi dran no/ /rigs kyi bu/ de nas nye bar bzung ba tshun chad du/ bskal pa 'dzam bu'i gling gi rdul shin tu phra ba snyed cig lon yang / tshig dang yi ge 'ga' la yang the tshom bskyed pa'am/ gnyis kyi 'du shes sam/ rnam par rtog pa'i 'du shes sam/ sna tshogs kyi 'du shes sam| rab kyi 'du shes sam/ bzang ngan gyi 'du shes sam/ sdug mi sdug gi 'du shes bskyed du mi dran no/ /rigs kyi bu/ kho mo ni de phyin chad du sangs rgyas byung ba dang ma bral </font><hr>Ca259a<br><font size=+1>


@#/ /lo| |sangs rgyas bcom ldan 'das rnams dang ma bral lo/ /byang chub sems dpa' rnams dang ma bral lo/ /yang dag pa'i dge ba'i bshes gnyen rnams dang ma bral lo/ /sangs rgyas kyi smon lam thos pa dang ma bral lo/ /byang chub sems dpa'i spyod pa thos pa dang ma bral lo/ /byang chub sems dpa'i pha rol tu phyin pa'i tshul thos pa dang ma bral lo/ /byang chub sems dpa'i sa'i ye shes snang ba'i tshul thos pa dang ma bral lo/ /byang chub sems dpa'i gzungs dang / ting nge 'dzin mi bzad pa'i mdzod dang gter thos pa thob pa dang ma bral lo/ /mtha' dang dbus med pa'i 'jig rten gyi khams kyi dra ba la 'jug cing / khong du chud par bya ba'i tshul thos pa dang ma bral lo/ /mtha' dang dbus med pa'i sems can gyi khams 'byung ba'i rgyu thos pa thob pa dang ma bral lo/ /'gro ba thams cad kyi nyon mongs pa'i dra ba'i dkyil 'khor yongs su zad par bya ba'i ye shes snang ba dang ma bral lo/ /sems can thams cad kyi dge ba'i rtsa ba 'byung ba'i rgyu'i ye shes thob pa dang ma bral lo/ /sems can thams cad kyi bsam pa ji lta ba bzhin du lus yongs su ston pa dang ma bral lo/ /sems can thams cad shes par byed pa'i dbyangs kyi dkyil 'khor rnam par dag pa </font><hr>Ca259b<br><font size=+1>


dang ma bral lo/ /rigs kyi bu/ kho mos byang chub sems dpa'i rnam par thar pa'i sgo thub par dka' ba'i ye shes kyi snying po 'di dang / chos thams cad yongs su btsal bas mi skyo ba'i rgyan gyi ting nge 'dzin gyi sgo 'di la snyoms par zhugs te/ byang chub sems dpa'i spyod pa'i sgo yi dam la brtan pa 'di rnam par phye ba dang / gzungs kyi sgo chos thams cad mnyam pa nyid kyis 'di dang / slobs pa'i ye shes snang ba'i sgo chos kyi gzhi thams cad snang bar brjod pa 'di rnam par phye ba dang / cho 'phrul bsam gyis mi khyab pa yod na/ rigs kyi bu khyod mngon sum du blta bar 'dod dam/ smras pa/ 'phags ma/ 'tshal lo/ /de nas dge bsnyen ma mi g.yo ba de na de ltar 'dug bzhin du/ byang chub sems dpa'i rnam par thar pa'i sgo thub par dka' ba'i ye shes kyi snying po la sogs pa dang / ting nge 'dzin gyi sgo thams cad yongs su btsal bas mi skyo ba'i rgyan la sogs pa dang / ting nge 'dzin gyi sgo don yod pa'i dkyil 'khor gyi rgyan la sogs pa dang / ting nge 'dzin gyi sgo stobs bcu'i ye shes kyi dkyil 'khor mngon du 'gyur ba la sogs pa dang / ting nge 'dzin gyi sgo sangs rgyas kyi rigs mi zad pa'i mdzod la sogs pa ting nge 'dzin gyi sgo brgya stong phrag bcu la rnam par blta ba dang / rnam par spyad pa dang / rjes su 'jug pa dang / nges par rtogs par byas so/ /de ltar dge </font><hr>Ca260a<br><font size=+1>


@#/ /bsnyen ma mi g.yo ba snyoms par zhugs ma thag tu/ tshong dpon gyi bu nor bzang gis/ phyogs bcur 'jig rten gyi khams sangs rgyas kyi zhing brjod du med pa phrag bcu'i rdul shin tu phra ba snyed rnam pa drug tu g.yos pa dang / bai DUR+Ya yongs su dag pa'i rgyu las gyur par gnas par mthong ngo / /'jig rten gyi khams re re'i gling bzhi pa bye ba phrag brgya brgya na/ de bzhin gshegs pa bye ba phrag brgya brgya bzhugs par mthong ste/ la la ni dga' ldan gyi gnas na bzhugs pa nas/ la la ni yongs su mya ngan las 'da' ba mdzad pa'i bar du'ang mthong ngo / /de'ang 'jig rten gyi khams bai DUR+Ya'i rang bzhin de dag yongs su dag cing sgrib pa med pa'i phyir te/ de bzhin gshegs pa de dag so so nas 'od zer dang / 'od kyi dkyil 'khor chos kyi dbyings thams cad du rgyas par khyab par mda' ba dang / de bzhin gshegs pa de dag so so'i 'khor gyi dkyil 'khor shin tu rnam par phye ba rgya mtsho yang mthong bar gyur to/ /de bzhin gshegs pa de dag re re'i gsung gi dkyil 'khor chos kyi 'khor lo thams cad brjod pa/ sems can thams cad kyi rna lam du rnam par grag pa'ang thos par gyur to/ /de nas dge bsnyen ma mi g.yo ba ting nge 'dzin de las langs nas/ tshong dpon gyi bu nor bzang la 'di skad ces smras so/ / </font><hr>Ca260b<br><font size=+1>


rigs kyi bu khyod kyis mthong ngam/ thos sam/ shes sam/ smras pa/ 'phags ma/ mthong ngo / /thos so/ /rig go /rigs kyi bu/ kho mo ni de ltar byang chub sems dpa'i spyod pa yi dam brtan pa la slob cing / chos thams cad yongs su btsal bas mi skyo ba'i rgyan gyi ting nge 'dzin la mnyam par bzhag ste/ byang chub sems dpa'i rnam par thar pa'i sgo thub par dka' ba'i ye shes kyi snying po la gnas nas/ chos thams cad mnyam pa nyid kyi sa'i gzungs khong du chud pa dang / spobs pa'i ye shes snang ba chos kyi gzhi thams cad snang bar brjod pa la mkhas pa'i legs par bshad pas/ sems can thams cad yongs su tshim par byed par zad na/ kho mos byang chub sems dpa' yon tan tshad med pa bsam gyis mi khyab pa dang ldan pa nam mkha'i dbyings la 'dab chags khyu mchog 'khod pa ltar gnas med par spyod pa/ nam mkha' lding gi dbang po chen po ltar yongs su smin pa'i byang chub sems dpa' gdon pa'i phyir/ sems can thams cad kyi rgya mtsho la 'jug pa/ tshong pa ltar stobs bcu'i ye shes rin po che mngon par 'dod cing / thams cad mkhyen pa nyid kyi rin po che'i gling du rgyu ba/ mthu dang ldan pa'i nya pa ltar yid du 'ong ba'i chos kyi dkyil 'khor gyi rgya dang ldan pa'i lag pas sred pa'i chu las byung ba'i sems can yongs su smin par mngon par gdon </font><hr>Ca261a<br><font size=+1>


@#/ /pa'i phyir chos kyi rgya mtsho la rnam par rgyu ba/ lha'i dbang po ltar nyon mongs pa'i lha ma yin gyi g.yul chen po gdul ba bzlog pa'i phyir khams gsum gyi gnas yongs su bkang zhing rnam par rgyu ba/ nyi ma'i dkyil 'khor ltar sems can gyi sred pa'i chu dang nyon mongs pa'i 'dam shin tu bskam pa'i phyir chos kyi dbyings kyi nam mkha'i dbyings la yang dag par 'phags pa/ zla ba nya zhing rgyas pa ltar 'dul ba'i yid kyi me tog ku mu da rnam par kha dbye ba'i phyir ye shes kyi nam mkha' la mngon par shar ba| sa'i gzhi ltar 'gro ba thams cad kyi dge ba'i dbang po'i myu gu bskyed cing rnam par spel ba'i phyir/ byams mi byams dang / mthon dman med par 'jig rten na mnyam par gnas pa/ rlung dmar ltar sems can thams cad kyi nyon mongs pa dang / lta ba'i shing dang / shing phran gyi nags tshal dang / kun dga' rtsa ba nas gdon pa'i phyir chags pa med par phyogs thams cad du rnam par rgyu ba/ 'khor los bsgyur ba ltar bsdu ba'i dngos po'i yo byad dang rkyen gyis 'gro ba thams cad yongs su bsdu ba'i phyir/ 'jig rten na rnam par spyod pa de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid kyi yul dga' 'dzin tshad med pa na/ grong </font><hr>Ca261b<br><font size=+1>


khyer dga' ba 'dzin pa zhes bya ba yod de/ de na kun du rgyu thams cad du 'gro ba zhes bya ba 'dug gi /de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis/ dge bsnyen ma mi g.yo ba'i rkang pa gnyis la spyi bos phyag 'tshal te/ dge bsnyen ma mi g.yo ba la lan brgya stong du mar g.yas phyogs su bskor ba byas nas yang dang yang bltas te/ dge bsnyen ma mi g.yo ba'i drung nas song ngo / /de nas tshong dpon gyi bu nor bzang / dge bsnyen ma mi g.yo ba mngon du byas te/ dge bsnyen ma mi g.yo ba'i gdams ngag rjes su dran par byed cing / dge bsnyen ma mi g.yo bas bstan pa dang / yang dag par bstan pa dang / bsgrags pa dang / bshad pa dang / brjod pa dang / yang dag par brjod pa dang / bzhag pa dang / rnam par phye ba dang / smos pa dang / rgya cher bstan pa de dag thams cad la gdon mi za bar yid ches shing / rjes su 'brang bar bya ba dang / rjes su bsam pa dang / khong du chud par bya ba dang / bsgom pa dang / yongs su bsgom pa dang / gzhan du mi 'gyur ba dang / rtogs par bya ba dang / snang bar bya ba dang / mnyam par bya ba byed cing mthar gyis gnas nas gnas dang / yul nas yul </font><hr>Ca262a<br><font size=+1>


@#/ /du brgyu ste/ rgyu zhing song song nas yul dga' 'dzin tshad med pa gang na ba der phyin nas/ grong khyer dga' ba 'dzin pa rmed cing tshol tshol te/ nyi ma nub tu cha ba zhig na/ grong khyer dga' ba 'dzin par phyin nas/ grong khyer dga' ba 'dzin pa'i nang du song ste/ grong khyer gyi lam gyi bzhi mdo'i dbus shig tu phyin nas/ srang gi sgo nas srang gi sgo dang / lam gyi bzhi mdo nas/ lam gyi bzhi mdo dang / grong phrag nas/ grong phrag tu kun du rgyu thams cad du 'gro ba tshol zhing rmed rmed pa dang / mtshan mo mi nyal tsam zhig na/ grong khyer dga' ba 'dzin pa'i byang phyogs logs na ri shin tu mod pa zhes bya ba zhig yod pa de'i rtse mo rtswa dang / gel ba dang / sman sna tshogs dga' dga' ltar skyes pas brgyan pa/ 'od chen po dang ldan pa nyi ma shar ba lta bur gnas pa mthong ngo / /des snang ba de mthong nas/ dga' ba'i shugs chen po skyes te/ 'di snyam du bsams so// bdag gis dge ba'i bshes gnyen ri'i rtse mo 'di la gdon mi za bar mthong bar 'gyur ba lta zhig snyam nas/ grong khyer de nas byung ste/ ri shin tu mod pa gang na ba der phyin pa dang / ri shin tu mod pa de la 'dzegs nas/ ri'i rtse mo snang ba chen po can gang na ba der phyin pa dang / rgyang yang ring po zhig nas/ kun tu rgyu thams cad du 'gro ba tshangs pa chen </font><hr>Ca262b<br><font size=+1>


po las kyang lhag pa'i kha dog dang ldan pa dpal gyis shin tu 'bar ba zhig /tshangs pa stong phrag bcus kun nas bskor te/ 'chags na 'chag cing 'dug pa mthong nas de'i dung du phyin te/ rkang pa gnyis la spyi bos phyag 'tshal nas/ de la lan brgya stong du mar g.yas phyogs su bskor ba byas te/ mdun du 'dug nas thal mo sbyar te 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do/ / zhes bdag gis thos na/ 'phags pa/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ smras pa/ rigs kyi bu/ de ltar khyod bla na med pa yang dag par rdzogs pa'i byang chub tu zhugs pa legs so/ /legs so/ /rigs kyi bu/ kho bo ni thams cad du 'gro ba ste/ thams cad kyi rjes su song ba'i byang chub sems dpa'i spyod pa la gnas pa'o/ /sgo thams cad du rnam par spyod pas snang ba'i ting 'dzin gyi sgo dang / dngos po med pa </font><hr>Ca263a<br><font size=+1>


@#/ /la gnas pas/ mngon par 'du bya ba med pa'i rdzu 'phrul dang / chos kyi dbyings kun gyi gzhir thug par thal ba'i shes rab kyi pha rol tu phyin pa'i ye shes snang ba'i sgo dang ldan pa'o/ /rigs kyi bu/ de ltar kho bo ni sems can gyi snod kyi 'jig rten gyi rgyud thams cad dang / sems can gyi lam gyi rgyud thams cad dang / sems can gyi shi 'pho'i sgo thams cad dang / sems can gyi skye ba'i sgo thams cad dang / srid pa'i lam gyi rgyud tha dad pa thams cad dang / skye ba'i skye mched sna tshogs kyi 'jig rten gyi gnas rnam pa tha dad pa dag gi sems can kha dog dang / dbyibs dang / chu zheng rnam pa sna tshogs dang ldan pa/ skye ba kun du 'brel pa rnam pa sna tshogs dang ldan pa/ sbyor ba sna tshogs dang ldan pa/ mos pa sna tshogs/ can 'di lta ste/ lha'i lam gyi rgyud du gtogs pa dang / klu'i lam gyi rgyud du gtogs pa dang / gnod sbyin gyi lam gyi rgyud du gtogs pa dang / dri za'i lam gyi rgyud du gtogs pa dang / lha ma yin gyi lam gyi rgyud du gtogs pa dang / nam mkha' lding gi lam gyi rgyud du gtogs pa dang / mi'am ci'i lam gyi rgyud du gtogs pa dang / lto 'phye chen po'i lam gyi rgyud du gtogs pa dang / sems can dmyal ba'i lam gyi rgyud du gtogs pa dang / byol song gi skye gnas kyi lam gyi rgyud du gtogs pa dang / gshin rje'i 'jig rten gyi lam gyi rgyud du gtogs pa dang / </font><hr>Ca263b<br><font size=+1>


mi'i lam gyi rgyud du gtogs pa dang / mi ma yin pa'i lam gyi rgyud du gtogs pa dang / lta ba'i rnam pa sna tshogs la gnas pa dang / nyan thos kyi theg pa la mos pa dang / rang sangs rgyas kyi theg pa la mos pa dang / theg pa chen po la mos pa'i sems can rnams kyi don thabs sna tshogs dang / ye shes kyi tshul dang / sbyor ba sna tshogs kyis byed de/ 'di ltar sems can la la la ni bzo'i rgyud tha dad pa thams cad dang ldan pa'i gzugs snang bas 'jig rten gyi bzo sna tshogs bslabs shing don byed do/ /sems can la la la ni 'di lta ste/ thams cad mkhyen pa'i ye shes bstabs pa'i phyir/ bsdu ba'i dngos po bzhis yongs su bsdu ba'i thabs kyi don byed do/ /sems can la la la ni 'di lta ste/ thams cad mkhyen pa nyid du 'gyur ba'i ye shes kyi sgo snang ba yongs su bskyed pas/ pha rol tu phyin pa yang dag par brjod cing don byed do/ /sems can la la la ni 'di lta ste/ byang chub kyi sa bon chud mi za bar brtan zhing yongs su bskyed pas byang chub sems dpa'i sems yongs su brjod cing don byed do/ /sems can la la la ni 'di lta ste/ sangs rgyas kyi zhing thams cad yongs su dag par bya ba dang / sems can thams cad yongs su smin par bya ba'i smon lam yongs su bskyed pa'i phyir/ byang chub sems dpa'i spyod pa rnam pa thams cad du yang dag par brjod pas don byed do/ /sems can la la la </font><hr>Ca264a<br><font size=+1>


@#/ /ni 'di lta ste/ ngan du spyad pa'i rnam par smin pa dang mthun pa'i rgyus sems can dmyal ba'i lam gyi rgyud kyi sdug bsngal gyi tshor ba myong bar 'gyur ba yongs su bstan pas/ skyo ba yongs su bskyed cing don byed do/ /sems can la la la ni 'di lta ste/ de bzhin gshegs pa la bskyed pa'i yon tan thams cad ni gdon mi za bar thams cad mkhyen pa nyid kyi 'bras bu'i mthar thug par 'gyur bar brjod pas dga' ba chen po bskyed cing don byed do/ /sems can la la la ni 'di lta ste/ sangs rgyas kyi yon tan dang / sku la mngon par mos pas thams cad mkhyen pa nyid du smon lam 'debs par bya ba'i phyir/ de bzhin gshegs pa thams cad kyi yon tan dang bsngags pa yang dag par brjod pas don byed do/ /sems can la la la ni 'di lta ste/ mi zlog cing lhun gyis grub pa dang / rgyun chad pa med par sangs rgyas kyi 'phrin las nan tan du mdzad pa'i mthu dang ldan pa'i sangs rgyas kyi sku 'thob par mos pa bskyed pa'i phyir/ sangs rgyas kyi bdag nyid che ba brjod pas don byed do/ /sems can la la la ni 'di lta ste/ tshur zil gyis gnon la/ phar zil gyis mi non pa'i sangs rgyas kyi sku phun sum tshogs pa 'thob par mos pa bskyed pa'i phyir sangs rgyas kyi mnga' chen po yongs su brjod cing don byed do/ /rigs kyi bu/ </font><hr>Ca264b<br><font size=+1>


gzhan yang kho mo ni grong khyer dga' ba 'dzin pa 'di yi bzhi mdo'i phongs thams cad dang / srang thams cad dang / lam gyi sum mdo thams cad dang / grong mtshams thams cad dang khyim thams cad dang / mthun par 'dus pa'i rdal thams cad dang / grong thams cad dang / grong gi rgyud thams cad du rnam pa ji ltar tshogs shing 'dus pa'i bud med dang / skyes pa dang / khye'u dang / bu mo rnams kyi bsam pa ji lta ba dang / sbyor ba ji lta ba dang / mthu ji lta ba dang / rnam par spyod pa ji lta ba bzhin du de dag dang mthun pa'i lus kyi chu zheng dang dbyibs mngon par bsgrubs shing chos ston kyang / sems can de dag gis de sum bstan pa dang / de ga las 'ongs pa mi shes te/ gzhan du na thos nas ma nor bar nan tan du byed pa ni med pa'ang ma yin no/ /gzhan yang / rigs kyi bu/ 'dzam bu'i gling 'di na zhags pa 'thub pa lta ba rnam pa sna tshogs la mngon par zhen pa dgu bcu rtsa drug 'khod pa de dag thams cad kyi nang du yang / sems can lta ba'i rnam pa sna tshogs la chags pa rnams yongs su smin par bya ba'i phyir thams cad dang mthun par gnas te/ rigs kyi bu/ ji ltar kho bo grong khyer dga' ba 'dzin pa 'di na/ sems can gyi don byed cing 'dug pa de bzhin du/ 'dzam bu'i gling gi grong dang / grong khyer dang / ljongs dang / yul dang / khams dang / rgyal ba'i pho brang 'khor thams cad </font><hr>Ca265a<br><font size=+1>


@#/ /na yang sems can gyi don byed do/ /'dzam bu'i gling na ji lta ba de bzhin du gling bzhi pa'i 'jig rten gyi khams thams cad dang / de bzhin du stong dang / stong gnyis pa dang / stong gsum gyi stong chen po'i 'jig rten gyi khams dang / de bzhin du phyogs bcu'i 'jig rten gyi khams sems can gyi rten du bya ba thams cad dang / sems can gyi gnas su bya ba thams cad dang / sems can gyi gzhir bya ba thams cad dang / sems can gyi khams su bya ba'i ming du gtogs pa thams cad dang / sems can yongs su rgyu ba thams cad dang / sems can yongs su 'du ba thams cad dang / sems can rgya mtsho na gnas pa thams cad dang / sems can gyi rgyud gnas pa thams cad dang / sems can gyi phyogs su bya ba thams cad dang / sems can gyi phyogs mtshams su bya ba thams cad dang / sems can spyod pa'i gnas thams cad du'ang thabs sna tshogs dang / tshul sna tshogs dang / sgo sna tshogs dang / rigs pa sna tshogs dang / phrad pa sna tshogs dang / thabs kyi tshul sna tshogs dang / bya ba sna tshogs kyis sems can rnams kyi don byed do/ /gzugs dang kha dog sna tshogs yongs su bstan cing mos par bya ba dang / tshig gi lam sna tshogs brjod pas kyang sems can rnams kyi don byed do/ /rigs kyi bu </font><hr>Ca265b<br><font size=+1>


kho bos ni/ byang chub sems dpa'i spyod pa thams cad du 'gro ba thams cad kyi rjes su song ba 'di shes par zad na/ kho bos byang chub sems dpa' 'gro ba thams cad dang mnyam pa'i lus dang ldan pa/ bdag dang sems can gyi lus su tha mi dad pa'i ting nge 'dzin thob pa/ 'phrul pa'i 'khor lo rgya chen pos srid pa'i lam gyi rgyud thams cad du khyab pa/ 'jig rten gyi skye ba thams cad rang gi lus la rjes su spyod la/ 'gro ba thams cad kyis blta na dga' zhing yid du 'ong ba'i sprul pa'i 'khor lo la brtson pa/ 'gro ba thams cad kyi rigs dang / rgyud dang / cher skye ba rab tu ston pa/ bskal pa thams cad du gnas pa la thogs pa med pa'i smon lam gyi 'khor lo dang ldan pa/ mig 'phrul lta bu'i spyod pa rnam par phye ba'i snang ba rab tu thob pa| 'gro ba thams cad kyi don byed kyang gos pa med par gnas pa la brtson pa/ dus gsum gyi 'gro ba'i dbyings mnyam pa nyid khong du chud pa/ ye shes kyi dbyings bdag med pa dang ldan pas snang bar byas pa'i snying rje chen po mtha' yas pa'i snying po dang ldan pa/ 'gro ba thams cad kyi dge ba'i rtsa ba yongs su bskyed pa la mngon par brtson pa de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid na/ yul khams chen po zhes bya ba yod de/ de na spos 'tshong gi tshong dpon </font><hr>Ca266a<br><font size=+1>


@#/ /longs spyod ut+pa la zhes bya ba 'dug gi/ /de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis/ kun tu rgyu thams cad du 'gro ba'i rkang pa gnyis la spyi bos phyag 'tshal te/ kun tu rgyu thams cad du 'gro ba la lan brgya stong du mar g.yas phyogs su bskor ba byas nas/ yang dang yang bltas te/ kun tu rgyu thams cad du 'gro ba'i drung nas song ngo / /de nas tshong dpon gyi bu nor bzang lus dang srog la mi lta/ srid pa'i longs spyod dang / yongs su zin pa dang / nye bar blangs pa mngon par chags pa'i gnas thams cad la ni mi sems/ sems can gyi yul gyi dga' ba thams cad la ni mi lta/ gzugs dang / sgra dang / dri dang / ro dang / reg bya thams cad la ni mi lta/ g.yog 'khor dang / longs spyod dang / nye bar spyad pa thams cad la ni mi lta ste/ rgyal srid dang / dbang phyug gi dbang gi bde ba thams cad la ni mi lta la/ sangs rgyas kyi zhing bla na med par yongs su dag pa mngon par bsgrubs pas/ sems can thams cad yongs su smin par bya ba dang / gdul ba dang / yongs su dag par bya ba la blta ba/ mchod pa dang / bsnyen bkur ba dang / rim gror bya bas mi ngoms </font><hr>Ca266b<br><font size=+1>


pas de bzhin gshegs pa thams cad la blta ba dang / rang bzhin med pa yongs su shes pa'i ye shes khong du chud par bya ba'i phyir chos thams cad la blta ba/ yon tan rgya mtsho thams cad kyi don du nan tan bya ba las nyams pa med par bya ba'i phyir/ byang chub sems dpa'i yon tan thams cad la blta ba dang / bskal ba thams cad du byang chub sems dpa'i spyod pa la yang dag par gnas par bya ba'i phyir/ byang chub sems dpa' thams cad kyi smon lam chen po la lta ba/ de bzhin gshegs pa'i 'khor gyi dkyil 'khor rgya mtsho thams cad du 'jug par bya ba la lta ba/ ting nge 'dzin gyi sgo re rer/ byang chub sems dpa'i ting nge 'dzin grangs med pa thams cad gzud pa la rnam par 'phrul par bya ba'i phyir/ byang chub sems dpa'i ting nge 'dzin gyi sgo thams cad la lta ba/ de bzhin gshegs pa thams cad kyi chos kyi 'khor lo yang dag par bzung bas/ mi ngoms par bya pa'i phyir chos kyi ye shes snang ba'i 'khor lo thams cad la lta ba de/ sangs rgyas dang byang chub sems dpa'i yon tan 'di dag dang / gzhan dag kyang dge ba'i bshes gnyen las byung ba ste/ dge ba'i bshes gnyen ni/ de dag thams cad kyi 'byung gnas su gyur pa yin par yang dag par lta zhing / mthar gyis yul khams chen po gang na ba der phyin </font><hr>Ca267a<br><font size=+1>


@#/ /nas| spos 'tshong gi tshong dpon longs spyod ut+pa la yongs su rmed cing tshol tshol ba las mthong nas/ spos 'tshong gi tshong dpon longs spyod ut+pa la gang na bder phyin te/ drung du song nas spos 'tshong gi tshong dpon spyod ut+pa la'i rkang pa gnyis la spyi bos phyag 'tshal te/ spos 'tshong gi tshong dpon longs spyod ut+pa la la lan brgya stong du mar g.yas phyogs su bskor ba byas nas/ spos 'tshong gi tshong dpon longs spyod ut+pa la'i mdun du 'dug ste thal mo sbyar nas/ 'di skad ces smras so/ / 'phags pa/ bdag sangs rgyas thams cad dang mnyam pa'i ye shes 'tshal te/ sangs rgyas thams cad kyi sngon gyi smon lam gyi dkyil 'khor yongs su rdzogs par bgyi bar yang dga'| sangs rgyas thams cad kyi chos kyi sku yongs su grub par bgyi bar yang dga'/ sangs rgyas thams cad kyi ye shes kyi sku yongs su 'tshal bar bgyi bar yang dga'/ byang chub sems dpa'i spyod pa'i dkyil 'khor thams cad yongs su dag par bgyi bar yang dga'/ byang chub sems dpa'i ting nge 'dzin gyi dkyil 'khor thams cad snang bar bgyi bar yang dga'/ byang chub sems dpa'i gzungs kyi dkyil 'khor thams cad yongs su brten par yang dga'/ sgrib pa'i dkyil 'khor thams cad rnam par </font><hr>Ca267b<br><font size=+1>


gtor bar yang dga'/ zhing gi dkyil 'khor thams cad du rnam par rgyu bar yang 'tshal nas/ bla na med pa yang dag par rdzogs pa'i byang chub tu yang dag par zhugs na/ ji ltar byang chub sems pas byang chub sems dpa'i spyod pa la bslab par bgyi ba dang / ji ltar nan tan du bgyi ba dang / ji ltar nan tan du bgyis na/ byang chub sems dpa' thams cad mkhyen pa nyid du 'byung bar 'gyur ba ma 'tshal to/ /smras pa/ rigs kyi bu/ de ltar khyod kyis bla na med pa yang dag par rdzogs pa'i byang chub sems bskyed pa legs so/ / legs so/ /rigs kyi bu/ kho bo ni spos thams cad shes te/ spos sbyar ba thams cad dang / bdug spos thams cad dang / bdug spos sbyar ba thams cad dang / byug pa thams cad dang / byug pa sbyar ba thams cad dang / phye ma thams cad dang / phye ma sbyar ba thams cad dang / spos dang byug pa dang / phye ma'i rnam pa thams cad kyang shes te/ lha'i spos kyang shes so/ /klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i spos kyang shes so/ /nad gso ba'i spos dang / yid mi bde ba bsal ba'i spos dang / 'jig rten gyi dga' ba yongs su bskyed pa'i spos dang / nyon mongs pa 'bar bar bya ba'i spos dang / </font><hr>Ca268a<br><font size=+1>


@#/ /nyon mongs pa zhi bar bya ba'i spos dang / 'dus byas kyi dga' ba dang bde ba sna tshogs yongs su bskyed pa'i spos dang / 'dus byas thams cad las skyo ba yongs su bskyed pa'i spos dang / bag bya ba'i gnas thams cad yongs su sel ba'i spos dang / sangs rgyas yid la bya ba'i rgyud yang dag par 'byung ba'i spos dang / chos kyi tshul khong du chud par bya ba'i spos dang / 'phags pas spyad pa'i spos dang / byang chub sems dpa'i spos rnam pa tha dad pa dang / byang chub sems dpa'i sa thams cad rnam par dgod pa'i spos kyang shes te/ kho bos spos de dag thams cad rnam pa ji lta bu'ang rab tu shes so/ /'byung ba dang / skye ba dang / 'grub pa dang / yongs su rdzogs pa dang / yongs su dag pa dang / yongs su spangs pa dang / rab tu sbyar ba dang / yongs su spyad pa dang / yul dang / mthu dang / las dang / rgyu yang rab tu shes so/ /rigs kyi bu/ mi'i 'jig rten na spos glang po'i snying po zhes bya ba/ klu yongs su 'khrug par byed pa yod de/ de'i ri lu til gyi 'bru tsam gyis kyang / yul khams chen po thams cad spos kyi sprin gyi dra ba shin tu stug pas kun nas khebs par gyur te/ zhag bdun du spos chu'i rgyun shin tu phra ba'i char mngon par 'bab bo/ /de'i tshe sems can su'i lus sam/ gos la spos chu'i </font><hr>Ca268b<br><font size=+1>


rgyun de dag gis bab par gyur pa de dag thams cad kyang / me tog gser gyi kha dog tu 'dug pas rnam par brgyan pa'i gos dang / lus su 'gyur ro/ /khang pa dang / gzhal med khang dang / khang pa brtsegs pa gang du bab par gyur pa de dag thams cad kyang / me tog gser gyi kha dog lta bus rnam par brgyan par gnas so/ /sems can khyim gyi nang na gnas par gang gis/ spos kyi sprin gyi dra ba de la rlung gis mngad \?\ pa'i dri tshor bar gyur pa de dag thams cad kyang / zhag bdun du dga' ba dang / mos pa chen pos yongs su rgyas par 'gyur te/ lus dang sems la bde ba dang / dga' ba sna tshogs kyang rab tu myong bar 'gyur ro/ /de dag gi lus la yang khams 'khrugs pa las gyur pa'am/ gzhan gyis gnod par byas pa las gyur pa'i nad kyang 'byung bar 'gyur ba med do/ /sems kyi sdug bsngal dang / mi bde ba yang mi 'byung ngo / /'jigs pa'am/ dngang ba'am/ bag tsha ba'am/ yid 'khrugs pa'am/ gnod sems kyang mi rgyu ste/ de dag thams cad zhag bdun du dga' ba dang bde ba skyes te/ gcig la gcig byams pa'i sems su 'gyur ro| |rigs kyi bu/ kho bo ni de dag de ltar dga' ba dang / nyams bde ba skyes pa rnams la bsam pa dag par bya ba'i phyir/ ci nas kyang bla na med pa yang dag par rdzogs pa'i </font><hr>Ca269a<br><font size=+1>


@#/ /byang chub tu nges par 'gyur ba de ltar chos ston to/ /gzhan yang rigs kyi bu/ rim la ya las 'byung ba'i tsan dan sa steng dam pa zhes bya ba yod de| de lus la bskus na me'i 'obs su mchongs kyang tshig pa med do/ /rigs kyi bu/ rgya mtsho'i mtha' nas 'byung ba'i spos gzhan gyis thub pa med pa zhes bya ba yod de/ des rnga'am/ dung la bskus na/ de'i sgras gzhan gyi 'khor thams cad pham par 'gyur ro/ /rigs kyi bu/ mtsho ma dros pa'i ngogs nas 'byung ba'i a ga ru nag po pad+mo'i snying po zhes bya ba yod de/ de'i ri lu til gyi 'bru tsam gcig gi dris kyang / 'dzam bu'i gling thams cad rgyas par gang bar 'gyur te/ sems can gang gis spos kyi dri de tshor ba de dag thams cad kyang sdig pa la smod cing / sdom pa'i sems rab tu 'thob par 'gyur ro/ /rigs kyi bu/ ri'i rgyal po kha ba can las 'byung ba'i spos kyi rnam pa 'od dang ldan pa zhes bya ba yod de/ de'i dri tshor na sems can de dag 'dod chags dang bral ba'i sems su 'gyur te/ kho bo ni de dag la ci nas kyang rdul dang bral ba'i dkyil 'khor ces bya ba'i ting nge 'dzin thob par 'gyur ba de ltar chos ston to/ /rigs kyi bu/ srin po'i 'jig rten nas 'byung ba'i spos kyi rnam pa rgya mtsho'i snying po zhes bya ba yod de/ de ni 'khor los bsgyur </font><hr>Ca269b<br><font size=+1>


ba'i longs spyod kyi don du 'byung ste/ des bdugs ma thag tu 'khor los bsgyur ba'i rgyal po'i dpung gi tshogs yan lag bzhi pa yang nam mkha'i dbyings la gnas so/ /rigs kyi bu| lha'i 'khor chos bzang po nas 'byung ba'i spos kyi rnam pa rnam par 'byed pa zhes bya ba yod de/ des bdugs ma thag tu lha rnams sangs rgyas kyi dri zhim po dran par 'gyur ro| |rigs kyi bu/ lha'i rgyal po rab mtshe ma'i gnas na spos kyi rnam pa dag pa'i mdzod ces bya ba yod de/ des bdugs ma thag tu mtshe ma'i lha'i bu thams cad lha'i rgyal po rab mtshe ma'i drung du 'dong ngo / /de dag der phyin nas kyang lha'i rgyal po rab mtshe mas chos kyi gtam bya'o/ /rigs kyi bu/ dga' ldan gyi gnas na spos kyi rnam pa sin du ba ra zhes bya ba yod de/ de'i spos kyi dud pa byang chub sems dpa' tshe gcig gis thogs pa chos kyi stan la 'dug pa'i mdun du phyung na/ spos kyi sprin chen pos chos kyi dbyings thams cad rgyas par gang zhing de bzhin gshegs pa'i 'khor gyi dkyil 'khor thams cad du rgyan rnam pa sna tshogs dang ldan pa'i chos kyi sprin chen po'i char rab tu bab bo/ /rigs kyi bu| lha'i rgyal po rab 'phrul dga'i gnas na/ spos kyi rnam pa yid 'phrog pa zhes bya ba yod de/ des lha'i rgyal po rab 'phrul dga'i gnas su bdugs na/ zhag bdun </font><hr>Ca270a<br><font size=+1>


@#/ /du chos kyi sprin gyi char bsam gyis mi khyab pa 'bab par 'gyur ro/ /rigs kyi bu/ kho bos ni spos sbyar ba de shes su zad na/ kho bos byang chub sems dpa' skyon gyi dri ma med pa 'dod pa'i 'jig rten thams cad nas gyen du 'phags pa/ nyon mongs pa'i bdud kyi zhags pa dang bral ba/ srid pa'i lam gyi rgyud thams cad las shin tu 'das pa/ ye shes sgyu ma'i rnam pa dang / gzugs kyis rnam par spyod pa/ 'jig rten thams cad kyis gos pa med pa/ chags pa med pa'i ngang tshul can/ sgrib pa med pa'i ye shes kyi dkyil 'khor rnam par dag pa/ thogs pa med pa'i ye shes kyi spyod yul dang / yul du ldan pa/ kun gyi gzhi'i gnas thams cad la mi gnas par srid pa'i kun gzhi dang / gnas thams cad du rgyu ba rnams kyi spyod pa shes pa'am/ yon tan brjod pa'am/ tshul khrims kyi spyod pa rnam par dag pa'i sgo yongs su smos pa'am kha na ma tho ba med pa'i spyod pa'am/ gnod par spyod pa med pa'i lus dang / ngag dang / yid kyi rgyud bstan par nus re skan/ song / rigs kyi bu/ lho phyogs kyi rgyud 'di nyid na| grong khyer khang pa brtsegs pa zhes bya ba yod de/ de na mnyan pa dpa' bo zhes bya ba 'dug gi /de'i drung du song la/ ji ltar byang chub sems dpas byang chub sems </font><hr>Ca270b<br><font size=+1>


dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis/ spos 'tshong gi tshong dpon longs spyod ut+pa la'i rkang pa gnyis la spyi bos phyag 'tshal nas/ spos 'tshong gi tshong dpon longs spyod ut+pa la la lan brgya stong du mar g.yas phyogs su bskor ba byas nas/ yang dang yang bltas te/ spos 'tshong gi tshong dpon longs spyod ut+pa la'i drung nas song ngo / /de nas tshong dpon gyi bu nor bzang grong khyer khang pa brtsegs par 'gro ba'i lam du 'jug pa'i tshe/ lam gyi gyen thur dang / lam mnyam pa dang / lam gyi thag thug dang / lam rdul yod pa dang / lam rdul med pa dang / lam bde ba dang / lam mi bde ba dang / lam dog pa dang / lam gegs med pa dang| lam 'khyug pa dang / lam 'khyug pa med pa la rnam par spyod de/ bltas nas 'dri snyam du bsams so/ /'di ltar bdag dge ba'i bshes gnyen de'i drung du 'gro ba 'di ni/ byang chub sems dpa'i lam gyi nan tan gyi rgyur 'gyur ro/ /pha rol tu phyin pa'i lam gyi nan tan gyi rgyur 'gyur ro/ /sems can la phan gdags pa'i lam gyi nan tan gyi rgyur 'gyur ro/ /sems can thams cad byams sdang dang / mthon dman du gyur pa'i g.yang sa las rnam par bzlog pa dang / sems can thams cad mi mnyam pa'i nan </font><hr>Ca271a<br><font size=+1>


@#/ /tan las bsgyur ba dang / sems can thams cad kyi nyon mongs pa'i rdul rab tu zhi bar bya ba dang / sems can thams cad kyi mi dge ba'i lta ba sna tshogs kyi sdong dum dang / tsher ma dang / gyo mo dang / gseg ma bsal ba dang / chos kyi dbyings bsgribs pa med pa la gzhol bar bya ba dang / thams cad mkhyen pa'i pho brang du thogs pa med par bskyal ba'i rgyur 'gyur ro/ /de ci'i phyir zhe na/ dge ba'i bshes gnyen ni/ dge ba'i chos thams cad kyi 'byung gnas so/ /dge ba'i bshes gnyen la ni/ thams cad mkhyen pa nyid kyi rag lus so zhes/ de de ltar sems shing yid la byed pas spyod pa thub par dka' ba de mthar gyis grong khyer khang pa brtsegs pa der phyin nas/ mnyan pa dpa' bo yongs su rmed cing tshol tshol ba las/ grong khyer chen po zhig gi sgo rgya mtsho chen po'i ngogs na mnyan pa dpa' bo de tshong pa brgya phrag stong tsam dang / srog chags brgya stong du ma gtam sna tshogs nyan par 'dong pa sha stag gis kun nas bskor cing / rgya mtsho'i gtam yongs su brjod pas/ sangs rgyas kyi yon tan rgya mtsho sems can rnams la ston cing 'dug pa mthong ngo / /mthong nas kyang mnyan pa dpa' bo gang na ba der song ste phyin nas/ mnyan pa dpa' bo'i rkang pa gnyis la spyi bos phyag 'tshal te/ </font><hr>Ca271b<br><font size=+1>


mnyan pa dpa' bo la lan brgya stong du mar g.yas phyogs su bskor ba byas nas/ mnyan pa dpa' bo'i mdun du 'dug ste/ thal mo sbyar nas 'di skad ces smras so/ /'phags pa| bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na/ 'phags pa| ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bka' stsal du gsol/ smras pa/ rigs kyi bu khyod kyis de ltar bla na med pa yang dag par rdzogs pa'i byang chub tu sems bskyed de/ ye shes chen po 'thob pa 'byung ba'i rgyu 'dri ba dang / 'khor ba'i sdug bsngal sna tshogs kyi rgyud 'byung ba'i rgyu dang / thams cad mkhyen pa nyid kyi gling gi gnas su 'gro ba 'byung ba'i rgyu dang / dbyer med pa'i theg pa chen po 'byung ba'i rgyu dang / nyan thos dang / rang sangs rgyas kyi sar ltung bas 'jigs pa dang bral bar 'gyur ba'i lam gyi nan tan 'byung ba'i rgyu dang / zhi ba'i ting nge 'dzin gyi sgo dang rgyud sna tshogs khong du chud par bya ba'i ye shes kyi </font><hr>Ca272a<br><font size=+1>


@#/ /lam 'byung ba'i rgyu dang / byang chub sems dpa'i spyod pa thams cad du 'gro bas rnam par spyod pa'i smon lam gyis shing rta'i 'khor lo thogs pa med pa'i lam 'byung ba dang / rnam par dag par 'gyur ba'i rgyu dang / byang chub sems dpa'i spyod pa'i gzi brjid kyi dba' rlabs kyis rnam par brgyan pa thams cad kyi rang bzhin dang / tshul gyi lam 'byung ba dang / rnam par dag par 'gyur ba'i rgyu dang / chos kyi phyogs dang / sgo thams cad kyi phyi ma'i mtha'i lam 'byung ba dang / rnam par dag par 'gyur ba'i rgyu dang / thams cad mkhyen pa'i rgya mtshor 'jug pa'i lam 'byung ba dang / rnam par dag par 'gyur ba'i rgyu 'di 'dri ba legs so/ /legs so/ /rigs kyi bu| kho bo ni rgya mtsho'i ngogs kyi grong khyer khang pa brtsegs pa 'di na/ byang chub sems dpa'i spyod pa snying rje chen po'i rgyal mtshan yongs su sbyong zhing gnas te/ rigs kyi bu| kho bo ni 'dzam bu'i gling gi sems can phongs pa rnams mthong nas/ de dag gi don du dka' ba spyod de/ de dag gi bsam pa yongs su rdzogs par bya'o/ /'jig rten gyi zang zing gis yongs su bsdu bar bya'o/ /chos kyi longs spyod kyis de dag yongs su tshim par bya'o/ /de dag la bsod nams kyi tshogs kyi lam man ngag tu bstan par bya'o/ / </font><hr>Ca272b<br><font size=+1>


ye shes kyi tshogs rnam par spel bar bya'o/ /dge ba'i rtsa ba'i stobs yongs su spel bar bya'o/ /byang chub kyi sems bskyed par bya'o/ /byang chub kyi bsam pa rnam par dag par bya'o/ / snying rje chen po'i stobs nye bar brtan par bya'o/ /'khor ba'i sdug bsngal rnam par zhi bar bya'o/ /'khor ba'i spyod pas yongs su mi skyo ba'i stobs shin tu brtan par bya'o/ /sems can rgya mtsho bsdu ba la 'di dag sbyar bar bya'o/ /yon tan rgya mtsho'i nan tan gyi sgo la dgod par bya'o/ /'di dag la chos rgya mtsho'i ye shes snang ba nye bar bsgrub par bya'o/ /sangs rgyas rgya mtsho thams cad kyang 'di dag gis mngon par mthong bar bya'o/ /thams cad mkhyen pa nyid kyi rgya mtsho la yang 'di dag gzud par bya'o zhes de lta bu'i bsam pa dang / yid la byed pa la brtson par kho bos rgya mtsho'i ngogs kyi grong khyer khang pa brtsegs pa 'di na gnas so/ /rigs kyi bu/ kho bo ni de ltar 'gro ba la phan pa dang / bde bar brtson pas rgya mtsho chen po'i rin po che'i gling thams cad kyang shes so/ /rin po che'i 'byung gnas thams cad dang / rin po che'i rigs thams cad dang / rin po che'i gtos thams cad kyang rab tu shes so/ /klu'i gnas thams cad dang / klu 'khrug pa thams cad dang / gnod sbyin gyi gnas thams cad dang / gnod sbyin 'khrug pa thams cad dang / srin po'i gnas </font><hr>Ca273a<br><font size=+1>


@#/ /thams cad dang / srin po'i 'jigs pa thams cad rab tu zhi bar bya ba dang / 'byung po thams cad dang / 'byung po'i bar chad rnam par zhi bar bya ba yang rab tu shes te/ klong yod pa thams cad dang / klong thams cad bkol ba dang / dba' rlabs chen po yongs su spangs pa dang / chu'i kha dog rnam pa tha dad pa'ang rab tu shes so/ /nyi zla dang / gza' skar gyi tshogs yongs su 'khor ba dang / nyin zhag dang / skad cig dang / yud tsam dang / thang cig kyang rab tu shes so/ /phan tshun du 'gro ba'i shol 'dums dang / bde mi bde dang / gru'i 'khrul 'khor brtan par bya ba dang / gru bzur ba dang / gru phul ba dang / rlung brdo ba dang / rlung bskyed pa dang / gru bsgyur zhing bzlog pa dang / gru rtod pa dang / gru gtang ba'ang rab tu shes so/ /rigs kyi bu/ de ltar kho bo ni shes pa de lta bu dang ldan pas/ rtag tu sems can gyi don dang| dgos pa byed do/ tshong pa'i tshogs gru brtan pos lam bde zhing nye zhor mi 'gyur la/ mi 'jigs pa nas chos kyi gtam gyis dga' ba dang / spro ba bskyed cing bsam pa ji lta ba bzhin du rin po che'i gling du phyin par byas nas/ de dag rin po che thams cad kyis chog ste phun sum tshogs par 'gyur ba dang / phyir yang 'dzam </font><hr>Ca273b<br><font size=+1>


bu'i gling du 'gyed 'gyed kyang / rigs kyi bu/ kho bo'i gru ni nam yang bub pa'am/ nye zhor gyur ma myong ste/ sems can gang gis kho bo mthong bar gyur pa dang / sems can gang gis kho bo'i chos bstan pa thos pa de dag kyang 'khor ba'i rgya mtsho thams cad du nye zhor 'gyur ba'i 'jigs pa dang bral bar 'gyur ro/ /thams cad mkhyen pa nyid kyi rgya mtshor 'jug pa'i ye shes kyang mngon sum du 'gyur ro/ /srid pa rgya mtsho bskam pa'i don du'ang rab tu 'jug par 'gyur te/ dus gsum rgya mtsho'i ye shes snang ba'ang rab tu 'thob bo/ /sems can thams cad kyi sdug bsngal rgya mtsho zad par bya ba'i phyir yang mngon par mos par 'gyur ro/ /sems can thams cad kyi sems rgya mtsho'i rnyog pa dang bar bya ba'i phyir yang rab tu brtson par 'gyur ro/ /zhing rgya mtsho thams cad rnam par dag par bya ba'i phyir brtson 'grus rtsom par 'gyur ro/ /phyogs rgya mtsho thams cad rgyas par dgang ba las kyang phyir mi ldog par 'gyur ro/ /'gro ba thams cad kyi dbang po rgya mtsho tha dad pa'ang khong du chud par 'gyur ro/ /sems can thams cad kyi spyod pa rgya mtsho'i rjes su'ang 'brang bar 'gyur ro/ /'gro ba'i bsam pa rgya mtsho ji lta ba bzhin du'ang gzugs brnyan 'byung bar 'gyur ro/ /rigs kyi bu/ kho bo ni byang chub sems dpa'i rnam </font><hr>Ca274a<br><font size=+1>


@#/ /par thar pa mthong ba dang / thos pa dang / 'grogs pa dang / rjes su dran pa'i chu klung gi dbyangs zhes bya ba thob par zad na/ kho bos byang chub sems dpa' 'khor ba'i rgya mtsho thams cad du rnam par spyod pa/ nyon mongs pa'i rgya mtsho thams cad kyis gos pa med pa/ lta ba'i rnam pa'i rgya mtsho thams cad kyi chags pa'i chu srin gyi 'jigs pa dang bral ba/ chos rgya mtsho thams cad kyi rang bzhin dang gzhi las rnam par rgyu ba/ 'gro ba rgya mtsho thams cad bsdu ba'i dngos pos yongs su sdud pa'i rgya mtsho dang ldan pa/ thams cad mkhyen pa nyid kyi rgya mtsho dang 'grogs pa/ sems can gyi mngon par chags pa'i rgya mtsho thams cad rab tu bsrub pa/ dus rgya mtsho thams cad dang tha mi dad par rnam par spyod pa/ 'gro ba rgya mtsho thams cad yongs su smin par bya ba'i dmigs shes pa/ 'gro ba rgya mtsho thams cad kyi 'dul ba'i dbres las mi 'da' ba de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid na grong khyer dga' ba'i phreng ba zhes bya ba yod de/ de na tshong dpon rgyal pa dam pa zhes bya ba 'dug gi/ de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji </font><hr>Ca274b<br><font size=+1>


ltar nan tan du bya ba dris shig /de nas tshong dpon gyi bu nor bzang gis/ mnyan pa dpa' bo'i rkang pa gnyis la spyi bos phyag byas nas/ mnyan pa dpa' bo la lan brgya stong du mas g.yas phyogs su bskor ba byas te/ yang dang yang blta sa nas/ gdong mchi mas bkang ste ngu zhing dge ba'i bshes gnyen blta bas ma ngoms bzhin du mnyan pa dpa' bo'i drung nas song ngo // //bam po dgu bcu bdun pa/ de nas tshong dpon gyi bu nor bzang / byams pa chen pos sems can gyi khams tshad med pa rgyas par dgang ba'i sems dang ldan pa/ snying rje chen po'i rlan gyis mngon par brlan pa'i rgyud can/ bsod nams dang / ye shes kyi tshogs rgya chen po'i rgyan shin tu bsags pa/ nyon mongs pa'i rdul dang / mun pa dang / dri ma dang / 'dam thams cad dang bral ba/ chos mnyam pa nyid khong du chud pas thams cad mkhyen pa nyid kyi lam gyen thur med pa la zhugs pa/ dge ba'i chos tshad med pa la 'jug pa'i sgor zhugs pa/ mi dge ba thams cad kyis mi shigs pa'i brtson 'grus brtan pa'i mthu sngon du 'dor ba dang ldan pa/ byang chub sems dpa'i ting nge 'dzin bsam gyis mi khyab pa rab tu byang ba/ rgya chen po'i bde ba rab tu thob pa/ shes rab kyi nyi ma'i 'od zer snang bas ma rig pa'i mun pa ma lus bar bsal </font><hr>Ca275a<br><font size=+1>


@#/ /ba| thabs kyi ser bu bde zhing bsil bas blags pa'i ye shes kyi me tog gis rgyas ba/ smon lam chen po'i rgya mtshor 'byung ba'i ye shes kyi tshul dang mthun pa/ chos kyi dbyings thams cad du thogs pa med par rgyas par 'gengs pa'i ye shes dang ldan pa/ thams cad mkhyen pa nyid kyi pho brang du thogs pa med par 'gro ba la mngon du gyur pa/ byang chub sems dpa'i lam la mngon par mos pa de/ grong khyer dga' ba'i phreng ba gang na ba der phyin te/ tshong dpon rgyal ba dam pa yongs su rmed cing tshol tshol ba la/ grong khyer dga' ba'i phreng ba'i shar phyogs logs kyi 'dab gcig na/ shing a sho ka'i nags tshal rgyal mtshan sna tshogs zhes bya ba 'dug pa de'i nang na/ khyim bdag stong phrag du ma zhig gis bskor te/ grong khyer gyi bya ba sna tshogs yongs su bgro zhing de las brten te/ bdag tu bya ba thams cad yang dag par gzhom pa dang / yongs su 'dzin pa thams cad yongs su gtang ba dang / dngos por 'dzin pa thams cad rab tu spang ba dang / mngon par zhen pa thams cad shin tu gzhig pa dang / srid pa'i 'ching ba thams cad gcad par bya ba dang / lta ba'i rnam pa thams cad kyi sgo glegs gcag pa dang / the tshom dang / yid gnyis dang / nem nur gyi rab rib thams cad rnam par bsal ba dang / </font><hr>Ca275b<br><font size=+1>


g.yo sgyu'i rnyog pa shin tu gdang ba dang / phrag dog dang ser sna'i dri ma yongs su sbyang ba dang / sems kyi mtsho shin tu gsal bar bya ba dang / sems rnyog pa med pa la sems can rab tu dgod pa dang / dad pa rnyog pa med pa'i stobs bskyed de/ sangs rgyas blta bar mos pa bskyed pa dang / byang chub sems dpa'i stobs bsngags shing sangs rgyas kyi chos yang dag par blangs pa dang / byang chub sems dpa'i spyod pa smos te/ byang chub sems dpa'i ting nge 'dzin gyi stobs yongs su bskyed pa dang / byang chub sems dpa'i shes rab kyi stobs yang dag par ston cing / byang chub sems dpa'i dran pa'i stobs rnam par dag pa'i mthar phyin par bya ba'i phyir/ chos kyi gtam byed cing 'di lta ste/ byang chub tu sems bskyed pa la mngon par mos par bya ba'i phyir chos ston cing 'dug pa mthong ngo / /de nas tshong dpon gyi bu nor bzang gis gtam de'i rjes chad chad du bsdad nas/ tshong dpon rgyal ba dam pa'i rkang pa gnyis la spyi bos phyag 'tshal te/ ring mo zhig tu btud nas/ chos la shin tu gus pa'i bsam pas tshig 'di skad du brjod do/ /'phags pa/ bdag ni nor bzang nor bzang zhes bgyi ba ste/ byang chub sems dpa'i spyod pa yongs su tshol na/ ci nas kyang bdag byang chub sems dpa'i spyod pa la slob par 'gyur ba dang / bslabs </font><hr>Ca276a<br><font size=+1>


@#/ /nas kyang ci nas sems can thams cad yongs su smin par bgyi ba dang / gdul ba'i don la mngon du mos par 'gyur ba dang / sangs rgyas thams cad kyi zhal blta ba las mi 'phang ba dang / sangs rgyas thams cad kyi chos thos par 'gyur ba dang / sangs rgyas thams cad kyi chos kyi sprin gyi char yongs su gzung ba dang| sangs rgyas thams cad kyi chos kyi tshul la nan tan du bgyi ba dang / 'jig rten gyi khams thams cad du byang chub sems dpa'i spyod pa spyad pa dang / bskal pa thams cad du gnas kyang byang chub sems dpa'i spyod pas yongs su mi skyo ba dang / de bzhin gshegs pa thams cad kyi rnam par 'phrul pa yongs su 'tshal bar 'gyur ba dang / sangs rgyas thams cad kyi byin gyi rlabs yang dag par mnod pa dang / de bzhin gshegs pa thams cad kyi stobs rnams la snang ba thob par 'gyur ba de ltar 'phags pas bdag la bshad du gsol/ de nas tshong dpon rgyal ba dam pas/ tshong dpon gyi bu nor bzang la 'di skad ces smras so/ /rigs kyi bu/ de ltar khyod kyis bla na med pa yang dag par rdzogs pa'i byang chub tu sems bskyed pa legs so/ /legs so/ /rigs kyi bu/ kho bo ni 'di lta ste/ dngos po med pa la gnas pas mngon par 'du bya ba med pa'i rdzu </font><hr>Ca276b<br><font size=+1>


'phrul thob pa'i mthus/ byang chub sems dpa'i spyod pa'i sgo thams cad du 'gro ba yongs su spyong ste/ da ltar kho bo byang chub sems dpa'i spyod pa yongs su dag pa'i sgo thams cad du 'gro ba 'di la gnas shing / stong gsum gyi stong chen po'i 'jig rten gyi khams thams cad kyi sum cu rtsa gsum gyi lha'i 'jig rten thams cad dang / mtshe ma'i lha'i gnas thams cad dang / dga' ldan gyi lha'i 'jig rten thams cad dang / 'phrul dga'i lha'i 'jig rten thams cad dang / gzhan 'phrul dbang byed kyi lha'i 'jig rten thams cad dang / bdud kyi gnas thams cad dang / 'dod pa'i khams kyi lha'i ris su gtogs pa thams cad dang / lha'i gnas thams cad dang / klu'i 'jig rten thams cad dang / klu'i gnas thams cad dang / gnod sbyin gyi 'jig rten thams cad dang / gnod sbyin gyi gnas thams cad dang / srin po'i 'jig rten thams cad dang / srin po'i gnas thams cad dang / grul bum gyi 'jig rten thams cad dang / grul bum gyi gnas thams cad dang / yi dwags kyi 'jig rten thams cad dang / yi dwags kyi gnas thams cad dang / dri za'i 'jig rten thams cad dang / dri za'i gnas thams cad dang / lha ma yin gyi 'jig rten thams cad dang / lha ma yin gyi gnas thams cad dang / nam mkha' lding gi 'jig </font><hr>Ca277a<br><font size=+1>


@#/ /rten thams cad dang / nam mkha' lding gi gnas thams cad dang / mi 'am ci'i 'jig rten thams cad dang / mi 'am ci'i gnas thams cad dang / lto 'phye chen po'i 'jig rten thams cad dang / lto 'phye chen po'i gnas thams cad dang / mi'i 'jig rten thams cad dang / mi'i gnas thams cad dang / grong dang / grong khyer dang / grong rdal dang / ljongs dang / khams dang / rgyal po'i pho brang 'khor dang / 'dod pa'i khams su gtogs pa'i sems can gyi rgyud thams cad du chos ni ston to/ /chos ma yin pa ni bzlog go /rtsod pa ni zhi bar byed do/ /'thab pa ni rnam par bzlog go /'khrug pa ni nye bar zhi bar byed do/ /g.yul du lhags pa ni rnam par bzlog go /shags 'gyed pa ni zhi bar byed do/ /mdud par 'dzin pa ni rab tu sel to/ /bcings pa thams cad ni yongs su gcod do/ /brtson ra thams cad ni mngon par 'dral lo/ /'jigs pa ni rnam par bzlog go /mi dge ba'i las kyi 'du byed ni rgyun gcod do/ /srog gcod pa las ni sems can rnam par bzlog go /ma byin par len pa dang / 'dod pas log par g.yem pa dang / brdzun du smra ba dang / phra ma dang / zhe gcod pa dang / tshig kyal pa dang / chags sems dang / gnod sems </font><hr>Ca277b<br><font size=+1>


dang| log par lta ba las ni sems can rnam par bzlog go /mi bya ba thams cad ni byed du mi 'jug go /dge ba'i chos bya ba thams cad ni byed du 'jug go /sems can thams cad ni bzo thams cad la slob tu 'dzud de/ 'jig rten rnams rab tu dga' bar bya ba dang / sems can yongs su smin par bya ba dang / zhags pa 'thub pa thams cad la gong ma'i ye shes khyad par du 'phags pa brjod pa'i phyir rjes su 'brang bar bya ba dang / lta ba'i rnam pa thams cad rnam par bzlog pa dang / sangs rgyas kyi chos thams cad brjod cing bstan pa'i phyir/ 'jig rten la phan par 'gyur ba'i gtsug lag thams cad kyang ston to/ /rnam par 'god do/ /rab tu gsal bar byed do/ /brjod do/ /de bzhin du tshangs pa'i 'jig rten gyi bar du gzugs kyi khams kyi lha thams cad zil gyis mnan te chos ston to/ /stong gsum gyi stong chen po'i 'jig rten gyi khams 'dir ji lta ba de bzhin du phyogs bcur yang 'jig rten gyi khams sangs rgyas kyi zhing bye ba khrag khrig brgya stong brjod du med pa'i yang brjod du med pa'i rdul shin tu phra ba snyed dag tu chos ston te/ sangs rgyas kyi chos kyang ston to/ /byang chub sems dpa'i chos dang / nyan thos kyi chos dang / rang sangs rgyas kyi chos kyang ston to/ /sems can dmyal ba yang ston to/ /sems </font><hr>Ca278a<br><font size=+1>


@#/ /can dmyal bar 'gro ba'i lam dang / sems can dmyal ba'i sems can gyi mi bde ba'ang ston to/ /byol song gi skye gnas kyang ston to/ /byol song gi skye gnas kyi lam gyi rgyud tha dad pa dang / byol song gi skye gnas kyi lam du 'gro ba'i lam dang / byol song gi skye gnas su skyes pa'i sdug bsngal yang ston to/ /gshin rje'i 'jig rten yang ston to/ /gshin rje'i 'jig rten du 'gro ba'i lam dang / gshin rje'i 'jig rten gyi sdug bsngal yang ston to/ /mtho ris kyi 'jig rten yang ston to/ /mtho ris kyi 'jig rten du 'gro ba'i lam dang mtho ris kyi 'jig rten gyi dga' ba spyod pa dang / longs spyod kyang ston to/ /mi'i 'jig rten yang ston to/ /mi'i 'jig rten gyi lam kyi rgyud du 'gro ba'i lam dang / mi'i 'jig rten gyi bde ba dang| sdug bsngal nyams su myong ba sna tshogs kyang ston to/ de ltar rigs kyi bu/ kho bo ni 'jig rten gyi chos kyang ston to/ /'jig rten kun 'byung ba dang / 'jig rten nub par 'gyur ba dang / 'jig rten gyi kha na ma tho ba dang / 'jig rten nas 'byung ba yang ston to/ /de yang 'di ltar byang chub sems dpa'i lam yang dag par bstan pa dang / 'khor ba'i skyon rnam par bzlog pa dang / thams cad mkhyen pa nyid kyi yon tan yang dag par brjod pa dang / srid pa'i lam gyi rgyud du mgo 'khor ba dang / sdug bsngal du gyur pa </font><hr>Ca278b<br><font size=+1>


yang dag par bstan pa dang / sgrib pa med pa'i chos nyid brjod pa dang / 'jig rten rgyu ba'i bya ba yongs su bstan pa dang / 'jig rten 'byung ba dang / ldog pa'i bde ba dang / sdug bsngal thams cad smos pa dang / 'gro ba thams cad gnas kyi ming du bya ba rnam par bsgom pa dang / de bzhin gshegs pa'i chos gnas pa med pa mngon par bstan pa dang / las dang nyon mongs pa'i 'khor lo thams cad rnam par bzlog pa dang / de bzhin gshegs pa'i chos kyi 'khor lo 'khor ba shin tu brjod pa'i phyir chos ston to/ /rigs kyi bu/ kho bo ni byang chub sems dpa'i spyod pa rnam par dag pa'i sgo thams cad du 'gro ba/ dngos po med pa la gnas pas mngon par 'du bya ba med pa'i rdzu 'phrul gyi mthus brgyan pa 'di shes par zad na/ kho bos byang chub sems dpa' thams cad mngon par shes pa/ zhing gi dbyings thams cad du sgyu ma lta bu'i ye shes kyi lus kyis rgyas par 'gengs pa/ kun du lta ba'i ye shes kyis rab tu thob pa /tshig gi lam dang / sgra thams cad rnam par dmigs pa la shin tu gzhol ba'i rna ba dang ldan pa/ dus gsum rgyas par 'gengs pa'i chos kyi sgo snang ba la dbang rab tu thob pa/ chos thams cad la yang dag par gzhol ba'i ye shes la dbang bsgyur ba'i skyes bu dpa' bo sems can tshad med bsam gyis mi khyab pa'i bsam pa ji lta ba bzhin du rnam par dmigs par bya ba lam </font><hr>Ca279a<br><font size=+1>


@#/ /'dres pa'i dbyangs kyi dkyil 'khor dang ldan pa'i lce yangs shing srab la yid du 'ong ba dang ldan pa/ bsam pa tha dad pa'i sems can rgya mtsho'i yid du 'ong ba'i kha dog dang dbyibs su ldan pa'i byang chub sems dpa' thams cad dang mnyam pa'i lus sgyu ma lta bu dang ldan pa/ de bzhin gshegs pa thams cad dang mi gnyis pa'i spyod lam gyi bsam gyis mi khyab pa'i lus la gzhol ba/ dus gsum thams cad du rjes su 'brang ba'i ye shes kyi lus dang ldan pa/ nam mkha'i dbyings ltar tshad med pa'i spyod yul dpag tu med pa'i yul dang ldan pa de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid kyi yul shu ma phyi ma'i mtha' na grong khyer ka ling+ka'i nags tshal zhes bya ba yod de/ de na dge slong ma seng ge rnam par bsgyings pa zhes bya ba 'dug gi /de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis/ tshong dpon rgyal ba dam pa'i rkang pa gnyis la spyi bos phyag 'tshal te/ tshong dpon rgyal ba dam pa la lan brgya stong du mar g.yas phyogs su bskor ba byas nas yang dang yang bltas te/ tshong dpon rgyal ba dam </font><hr>Ca279b<br><font size=+1>


pa'i drung nas song ngo / /de nas tshong dpon gyi bu nor bzang mthar gyis yul shu ma phyi ma'i mtha'i grong khyer ka ling+ka'i nags tshal gang na ba der song ste phyin nas/ dge slong ma seng ge rnam par bsgyings pa yongs su tshol zhing sems can kun la rmed pa'i tshe/ gang nas gang du song ba de dang der/ rogs pa brgya phrag du ma dang / bu mo brgya phrag du ma zhig srang dang / lam gyi bzhi mdo dang| lam gyi sum mdo dag nas tshogs te rjes su 'brang ngo / /skyes pa brgya phrag du ma dang / bud med brgya phrag du ma zhig gis kyang / rigs kyi bu/ 'de re/ dge slong ma seng ge rnam par bsgyings pa ni/ grong khyer ka ling+ka'i nags tshal 'di nyid kyi bza' shing gi ra ba chen po rgyal ba'i 'od kyis byin pa nyi ma'i mdog na/ sems can tshad med pa'i don du chos ston cing 'dug go zhes bstan to/ /de nas tshong dpon gyi bu nor bzang / bza' shing gi ra ba nyi ma'i mdog der phyin nas kun tu btsal te bltas na/ bza' shing gi ra ba de na/ shing zla ba shar ba zhes bya ba/ khang pa brtsegs pa'i dbyibs ltar 'dug pa/ 'od sna tshogs kyi kha dog can/ 'od kyi mdog dang ldan pa/ 'khor kun du dpag tshad kyi khyon tsam du 'od kyis rgyas par 'gengs pa mang po dang / lo ma'i shing yongs su 'gebs pa zhes bya ba/ gdugs kyi rnam pa dang / dbyibs su 'dug pa'i 'dab mas kun nas khebs pa/ bai DUR+Ya sngon po'i kha dog ltar </font><hr>Ca280a<br><font size=+1>


@#/ /'dug pa'i sprin gyi mdog dang ldan pa mang po dang / me tog gi shing me tog gi mdzod ces bya ba/ ri'i rgyal po kha ba can ltar mdangs dga' ba'i dbyibs sna tshogs dang ldan pa/ kha dog sna tshogs kyi me tog mi zad pa'i char rab tu 'bebs pa/ sum cu rtsa gsum gyi lha'i pho brang gi rgyan gyis kun nas 'du ba dang / sus kyang mi shigs pa lta bu mang po dang / shing tog gi shing rtag tu smin pa'i ro dpe med pa'i 'bras bu'i tshogs zhes bya ba/ gser gyi ri bo'i lhun ltar 'dug pa/ rtag tu shing tog phun sum tshogs par gnas pa mang po dang / rin po che'i rgyal po'i shing rnam par snang ba'i mdzod ces bya ba/ rin po che'i rgyal po dpe med pa'i dbyibs ltar 'dug pa/ lha rdzas kyi rin po che'i phreng ba dang / se mo do dang / rgyan rin po che yid bzhin gyi rgyal po'i mdzod nas byung ba ltar phun sum tshogs pa dang ldan pa/ rin po che kha dog grangs med pa'i 'byung gnas su gyur pa mang po dang / gos kyi shing dga' bar byed pa zhes bya ba/ lha rdzas kyi gos rin po che kha dog sna tshogs kyi tshogs rab tu 'gyed cing 'phyang bas shin tu brgyan pa mang po dang / rol mo'i shing dga' ba bskyed pa zhes bya ba/ lha rdzas las kyang lhag pa'i rol mo yid du 'ong ba'i sgra snyan pa 'byin pa mang po dang / spos kyi shing </font><hr>Ca280b<br><font size=+1>


kun tu zhim pas brgyan pa zhes bya ba/ phyogs thams cad du thogs pa med par rnam pa thams cad du yid du 'ong ba'i spos kyi ngad 'byung ba mang po dag kyang yod par mthong / mtshe'u dang / lu ma dang / lteng ka dang / rdzing bu rin po che bdun gyi pha gus mtha' brtsigs pa/ phyogs bzhi nas rin po che'i them skas btsugs pa/ rin po che sna tshogs kyi khri 'phang dus dang mthun pa'i tsan dan gyi dri zhim pos bskus pas kun nas bskor ba/ gzhi rin po che'i rgyal po bai DUR+Ya sngon po las legs par blangs pa/ 'dzam bu chu klung gi gser gyi bye ma bdal ba/ yan lag brgyad dang ldan pa'i chu lha rdzas kyi dri yid du 'ong ba can gyis yongs su gang ba/ rin po che'i pad+mo dang / ut+pa la dang / ku mud dang / me tog pun da ri ka kha dog sna tshogs lha rdzas kyi bsung dang ldan pas chu kun nas yog pa/ bya bran sna tshogs kyi khyu lha rdzas las kyang 'das pa'i gzugs yid du 'ong ba dang ldan pa /sgra snyan pa 'byin cing brjod pas gang ba/ lha rdzas kyi rin po che sna tshogs kyi shing gi phreng ba legs par bkye bas yongs su bskor cing brgyan pa dang ldan pa/ shing sna tshogs de dag gi drung thams cad du'ang / rin po che'i seng ge'i khri sna tshogs yid du 'ong ba'i gzugs dang ldan pa/ rin po che sna tshogs kyi rgyan bsam gyis mi khyab pa du mas brgyan pa/ lha rdzas kyi stan rin po </font><hr>Ca281a<br><font size=+1>


@#/ /che sna tshogs 'brel bar bting ba/ lha rdzas kyi spos dang / bdug spos kyi rnam pa thams cad kyis bdugs pa/ lha rdzas las kyang 'das pa'i dar rin po che mngon par dpyangs pa/ rin po che sna tshogs kyi bla re bkye ba/ rin po che sna tshogs dang / 'dzam bu chu klung gi gser gyi dra ba sna tshogs kun nas bres pa/ rin po che'i dril gyi dra ba yid du 'ong zhing snyan pa'i sgra 'byin pa mang pos brgyan pa/ 'khor du lha rdzas kyi rin po che'i stan brgya stong phrag du ma bting zhing bshams pa mthong ngo / /rin po che'i shing drung la lar ni seng ge'i khri rin po che'i pad+mo snying po can bshams pa mthong ngo / /la lar ni seng ge'i khri nor bu rin po che spos kyi rgyal po'i pad+mos snying po byas pa bshams pa mthong ngo / /la lar ni seng ge'i khri rin po che'i rgyal po klu'i rgyan gyi pad+mos snying po byas pa bshams pa mthong ngo / /la lar ni seng ge'i khri nor bu rin po che'i rgyal po seng ge'i bya la'i pad+mos snying po byas pa bshams pa mthong ngo / /la lar ni seng ge'i khri rin po che'i rgyal po rnam par snang ba'i pad+mos snying po byas pa bshams pa mthong ngo / /la lar ni seng ge'i khri rin po che'i rgyal po phyogs rnam par snang ba'i pad+mos snying po byas pa bshams pa mthong ngo / /la lar ni seng ge'i khri rin po che'i rgyal po dbang po'i rdo rje'i pad+mos snying po byas pa bshams pa mthong ngo / /la lar ni seng ge'i khri </font><hr>Ca281b<br><font size=+1>


rin po che'i rgyal po 'gro ba'i yid du 'ong ba'i pad+mos snying po byas pa bshams pa mthong ngo / /rin po che'i shing drung la lar ni seng ge'i khri rin po che'i rgyal po mdog dkar po'i pad+mos snying po byas pa bshams pa mthong ngo / /bza' shing gi ra ba de'i gzhi thams cad kyang rin po che sna tshogs kyis yongs su gang zhing / rgya mtsho chen po ltar rin po che'i gling gis yongs su gang ba mthong ngo| |bai DUR+Ya sngon po'i dam pas spras te/ rin po che thams cad kyis brgyan pa'i sa'i phyogs ka tsa lin da ltar reg na bde zhing 'jam yang / gom pa bor zhing bteg pa'i tshe/ mtho dman med pa rdo rje rin po che'i mchog gi pad+mo dri yid du 'ong bar zhim zhing reg na bde ba'i sil ma kun tu bkram pa/ ngang ngur dang / rma bya dang / khrung khrung dang / kun la dang / ka la ping+ka dang / ko ki la dang / dzi ban dzi ba ka sgra snyan cing yid du 'ong ba'i nga ro 'byin pa mang pos gang ba/ lha rdzas kyi rin po che'i tsan dan gyi shing mang po'i nags tshal shin tu legs par 'grigs pas mdzes par brgyan pa/ rin po che sna tshogs kyi pad+mo'i sprin gyi char dang / rin po che'i me tog sna tshogs mi zad pa'i char rgyun du 'bab pa/ 'bres pa'i nags tshal las kyang khyad par du 'phags pa/ rin po che sna tshogs kyi khang bu brtsegs ma rgyan par bkod pa'i nang nas/ spos kyi rgyal po'i bdug spos rin thang med pa rtag tu 'thul zhing zhim pa/ lha'i 'dun sa chos bzang po'i rgyan las kyang </font><hr>Ca282a<br><font size=+1>


@#/ /lhag pas brgyan pa/ lha rdzas las kyang 'das pa'i rin po che'i dra ba sna tshogs kyis kun tu bres pa/ mu tig rin po che'i me tog gi phreng ba dang / lda ldi kun nas bres pas rab tu brgyan pa/ rin po che'i dril bu rnam pa sna tshogs su rnam par bkye ba'i gser gyi dra ba 'bar bas kun nas dkrigs pa/ rol mo'i shing dang / rin po che'i ta la las dril bu'i dra ba rlung gis legs par bskyod pas yid du 'ong ba'i sgra snyan pa'i dbyangs 'byung ba dang ldan pa/ dbang sgyur gyi lha'i rgyal po'i lha mo dpe tshul shin tu bzang ba rnams kyis/ glu snyan pa'i sgra rab tu yid du 'ong ba blang ba/ lha rdzas kyi yid bzhin gyi gos kha dog sna tshogs kyi sprin gyi char rab tu 'bab pas rnam par mdzes pa/ rgya mtsho chen po ltar kha dog dang / mdog sna tshogs su ldan pas blta na gtang mi bra ba/ khang pa brtsegs pa'i rin po che'i rgyan dang ldan pa brgya stong grangs med pas rab tu brgyan pa/ sum cu rtsa gsum gyi lha'i pho brang ltar blta na bzang ba/ rin po che sna tshogs rnam par phye bas rnam pa thams cad du brgyan pa'i gdugs shin tu legs pa rnam par bsgreng zhing bkram pas kun nas blta na mdzes pa/ dbang po chen po'i 'jig rten ltar shin tu mdzes pa'i de'u sna tshogs kyis brgyan pa/ yid du 'ong ba'i 'od snang ba chen po rtag par 'byung ba/ tshangs pa chen po'i gzhal med khang ltar nor bu rin po che'i rgyal po </font><hr>Ca282b<br><font size=+1>


'gro ba'i yid du 'ong ba'i 'od kyis 'bar ba ste/ bza' shing gi ra ba chen po nyi ma'i mdog ces bya ba de/ dge slong ma seng ge rnam par bsgyings pa'i rdzu 'phrul gyi mthu stobs dang / byin gyi rlabs che zhing bsam gyis mi khyab pas/ 'jig rten gyi khams grangs med pa'i gnas su gyur pa'i nam mkha'i dbyings ltar yangs shing tshad med de/ rgya chen po dang ldan par mthong ngo / /de nas tshong dpon gyi bu nor bzang gis/ de ltar yon tan tshad med pa bsam gyis mi khyab pa tshogs pa'i bza' shing gi ra ba'i rgyan byang chub sems dpa'i las kyi rnam par smin pas yongs su grub pa/ 'jig rten las 'das pa'i dge ba'i rtsa ba rgya chen po las skyes pa/ sangs rgyas la mchod cing / rim gror byas pa'i rgyu mthun pa bsam gyis mi khyab pa las byung ba/ 'jig rten gyi khams thams cad na yod pa'i dge ba'i rtsa ba ma lus pas mi 'phrogs pa/ chos kyi rang bzhin sgyu ma'i rnam pa lta bus grub pa/ dge ba'i bsod nams dri ma med pa rgya chen pos grub cing byung ba/ dge slong ma seng ge rnam par bsgyings pa'i sngon gyi spyod pa bzang po legs par byas pa dang / rgyu mthun pa'i stobs dang shugs kyis byung ba/ nyan thos dang / rang sangs rgyas thams cad dang thun mong ma yin pa/ mu stegs can dang| phas kyi rgol ba thams cad kyis mi 'phrogs pa/ bdud kyi lam yongs su rgyu ba thams cad kyis mi tshugs pa/ byis pa so so'i skye bo thams cad kyis bltar med par mthong ste </font><hr>Ca283a<br><font size=+1>


@#/ /shing sna tshogs de dag gi drung gi seng ge'i khri chen po de dag la'ang / dge slong ma seng ge rnam par bsgyings pa lus shin tu mdzes pa/ spyod lam zhi ba/ dbang po zhi ba| yid zhi ba/ shin tu dben pa/ dbang po thul ba/ glang po ltar shin tu dul ba/ mtsho ltar dwangs shing gsal la rnyog pa med pa'i sems dang ldan pa/ rin po che'i rgyal po yid bzhin gyi nor bu ltar 'dod pa thams cad sgrub pa/ pad+mo la chus mi chags pa ltar 'jig rten gyi chos kyis ma gos pa/ seng ge ltar 'jigs pa dang / skyi g.ya'i ba med pa/ mi 'jigs pa rnam par dag pas ri'i dbang po chen po ltar mi sgul ba/ tshul khrims rnam par dag pas yid du 'ong ba'i spos kyi rgyal po ltar 'gro ba'i sems tshim par byed pa/ kha ba'i tsan dan ltar nyon mongs pa'i gdung ba rab tu zhi bar byed pa/ sman gyi rgyal po blta na bzang ba ltar 'gro ba thams cad kyi sdug bsngal rnam par zhi bar byed pa/ chu'i lha'i zhags pa ltar blta na don yod pa/ de bzhin gshegs pa'i 'od ltar lus dang sems kyi bag yangs bde ba bskyed pa/ tshangs pa chen po ltar 'dod chags dang / zhe sdang dang / gti mug gi kun nas ldang ba dang bral ba/ rin po che'i rgyal po nor bu chu 'dang ltar nyon mongs pas rnyog pa can du gyur pa'i sems can gyi sems rab tu dwangs par byed pa/ zhing gshin pa ltar dge </font><hr>Ca283b<br><font size=+1>


ba'i rtsa ba rnam par 'phel bar byed pa 'dug par mthong ngo / /'khor gyi stan de dag la'ang 'khor sna tshogs 'khod par mthong ste/ 'khor gyi stan la la la ni lha'i bu dbang po chen po la sogs pa gtsang ma'i gnas kyi ris su gtogs pa'i lha'i bu rnams 'khod cing / dge slong ma seng ge rnam par bsgyings pas/ chos kyi sgo rnam par thar pa mi zad pa yang dag par 'byed pa zhes bya ba yang dag par bstan pa mthong ngo / /'khor gyi stan la la la ni tshangs pa yid du 'ong ba la sogs pa tshangs pa'i ris su gtogs pa'i lha'i bu rnams 'khod cing / dge slong ma seng ge rnam par bsgyings pas/ dbyangs kyi dkyil 'khor rnam par dag pa gzhi kun nas 'byed pa zhes bya ba yang dag par bstan pa mthong ngo / /'khor gyi stan la la la ni lha'i rgyal po dbang sgyur la sogs pa gzhan 'phrul dbang byed kyi lha'i bu/ lha'i bu mo'i 'khor dang bcas pa dag 'khod cing / dge slong ma seng ge rnam par bsgyings pas/ chos kyi sgo byang chub sems dpa'i bsam pa rnam par dag pa'i dbang gis rnam par brgyan pa zhes bya ba yang dag par bstan pa mthong ngo / /'khor gyi stan la la la ni lha'i rgyal po rab 'phrul dga' la sogs pa 'phrul dga'i lha'i bu/ lha'i bu mo'i 'khor dang bcas pa rnams 'khod cing / dge slong ma seng ge rnam par bsgyings pas/ chos kyi sgo chos thams cad dge bas rnam par brgyan pa zhes bya ba yang dag </font><hr>Ca284a<br><font size=+1>


@#/ /par bstan pa mthong ngo / /'khor gyi stan la la la ni lha'i rgyal po rab dga' ldan la sogs pa dga' ldan gyi ris su gtogs pa'i lha'i bu/ lha'i bu mo'i 'khor dang bcas pa rnams 'khod cing / dge slong ma seng+ge rnam par bsgyings pas/ chos kyi sgo rang gi sems kyi mdzod kyi klong zhes bya ba yang dag par bstan pa mthong ngo / /'khor gyi stan la la la ni lha'i rgyal po rab mtshe ma la sogs pa lha'i bu/ lha'i bu mo'i 'khor dang bcas pa rnams 'khod cing / dge slong ma seng+ge rnam par bsgyings pas/ chos kyi sgo rgyan mtha' yas pa zhes bya ba yang dag par bstan pa mthong ngo / /'khor gyi stan la la la ni lha'i rgyal po brgya byin la sogs pa sum cu rtsa gsum gyi ris su gtogs pa'i lha'i bu/ lha'i bu mo'i 'khor dang bcas pa rnams 'khod cing / dge slong ma seng+ge rnam par bsgyings bas/ chos kyi sgo skyo ba'i sgo zhes bya ba yang dag par bstan pa mthong ngo / /'khor gyi stan la la la ni klu'i rgyal po gangs chen mtsho la sogs pa klu'i rgyal po 'od brgya pa dang / dga' bo dang / bsnyen dga' bo dang / yid du 'ong ba dang / shugs ldan dang / ma dros pa la sogs pa klu'i bu mo'i 'khor dang bcas pa/ klu'i byis pa'i 'khor dang bcas pa rnams 'khod cing / dge slong ma seng+ge rnam par bsgyings pas/ chos kyi sgo sangs rgyas kyi rdzu 'phrul dang yul gyi 'od kyi rgyan ces bya ba yang dag par bstan pa mthong ngo / /'khor gyi stan la la la ni </font><hr>Ca284b<br><font size=+1>


rgyal po chen po ngal bso po la sogs pa gnod sbyin gyi dbang po/ gnod sbyin gyi bu mo dang / gnod sbyin gyi byis pa'i 'khor dang bcas pa rnams 'khod cing / dge slong ma seng+ge rnam par bsgyings pas/ chos kyi sgo 'gro ba thams cad yongs su skyob pa'i mdzod ces bya ba yang dag par bstan pa mthong ngo / /'khor gyi stan la la la ni dri za'i rgyal po gnas srung po la sogs pa dri za mang po dri za'i bu mo dang| dri za'i byis pa'i 'khor dang bcas pa rnams 'khod cing / dge slong ma seng+ge rnam par bsgyings pas/ chos kyi sgo dga' ba mi zad pa'i char rab tu 'bab pa zhes bya ba yang dag par bstan pa mthong ngo / /'khor gyi stan la la la ni lha ma yin gyi dbang po sgra gcan na la sogs pa lha ma yin gyi bu mo dang / lha ma yin gyi byis pa'i 'khor dang bcas pa rnams 'khod cing / dge slong ma seng+ge rnam par bsgyings pas/ chos kyi sgo chos kyi dbyings shes pa'i tshul gyi shugs kyis brgyan pa zhes bya ba yang dag par bstan pa mthong ngo / /'khor gyi stan la la la ni nam mkha' lding gi dbang po shugs 'dzin chen po la sogs pa nam mkha' lding gi dbang po/ nam mkha' lding gi bu mo dang / nam mkha' lding gi byis pa'i 'khor dang bcas pa rnams 'khod cing / dge slong ma seng+ge rnam par bsgyings pas/ chos kyi sgo srid pa'i rgya mtshos 'jigs pa'i yul zhes bya ba yang dag par bstan pa mthong ngo / /'khor gyi stan la la la ni mi 'am ci'i rgyal po sdong po la </font><hr>Ca285a<br><font size=+1>


@#/ /sogs pa mi 'am ci'i dbang po/ mi 'am ci'i bu mo dang / mi 'am ci'i byis pa'i 'khor dang bcas pa rnams 'khod cing / dge slong ma seng+ge rnam par bsgyings pas| chos kyi sgo sangs rgyas kyi spyod pa snang ba zhes bya ba yang dag par bstan pa mthong ngo / /'khor gyi stan la la la ni lto 'phye chen po'i dbang po khro gnyer gdong la sogs pa lto 'phye chen po'i bu mo dang / lto 'phye chen po'i byis pa'i 'khor dang bcas pa rnams 'khod cing / dge slong ma seng+ge rnam par bsgyings pas/ chos kyi sgo sangs rgyas la dga' ba skye zhes bya ba yang dag par bstan pa mthong ngo / /'khor gyi stan la la la ni skyes pa dang / bud med dang / khye'u dang / bu mo brgya stong mang po 'khod cing / dge slong ma seng+ge rnam par bsgyings pas/ chos kyi sgo khyad par du 'gro ba zhes bya ba yang dag par bstan pa mthong ngo / /'khor gyi stan la la la ni srin po'i dbang po rtag tu mdangs 'phrog sdong po'i rgyal po la sogs pa srin po'i dbang po/ srin po'i bu mo dang / sprin po'i byis pa'i 'khor dang bcas pa rnams 'khod cing / dge slong ma seng+ge rnam par bsgyings pas/ chos kyi sgo snying rje 'byung ba zhes bya ba yang dag par bstan pa mthong ngo / /'khor gyi stan la la la ni sems can nyan thos kyi theg pa la mos pa rnams 'khod cing / dge slong ma seng+ge rnam par bsgyings pas/ chos kyi sgo ye shes khyad </font><hr>Ca285b<br><font size=+1>


par du 'phags pa'i mthu zhes bya ba yang dag par bstan pa mthong ngo / /'khor gyi stan la la la ni sems can rang sangs rgyas kyi theg pa la mos pa rnams 'khod cing / dge slong ma seng+ge rnam par bsgyings pas/ chos kyi sgo sangs rgyas kyi yon tan rgya chen po'i 'od ces bya ba yang dag par bstan pa mthong ngo / /'khor gyi bstan la la la ni sems can theg pa chen po la mos pa rnams 'khod cing / dge slong ma seng+ge rnam par bsgyings pas/ ting nge 'dzin gyi ye shes snang ba'i sgo kun du sgo zhes bya ba yang dag par bstan pa mthong ngo / /'khor gyi stan la la la ni byang chub sems dpa' thog mar sems bskyed pa rnams 'khod cing / dge slong ma seng+ge rnam par bsgyings pas/ ting nge 'dzin gyi sgo sangs rgyas thams cad kyi smon lam gyi phung po zhes bya ba yang dag par bstan pa mthong ngo / /'khor gyi stan la la la ni sbyang chub sems dpa' sa gnyis pa la gnas pa rnams 'khod cing / dge slong ma seng+ge rnam par bsgyings pas/ ting nge 'dzin gyi sgo rdul dang bral ba'i dkyil 'khor ces bya ba yang dag par bstan pa mthong ngo / /'khor gyi bstan la la la ni byang chub sems dpa' sa gsum pa la gnas pa rnams 'khod cing| dge slong ma seng+ge rnam par bsgyings pas/ ting nge 'dzin gyi sgo rab tu zhi ba'i rgyan ces bya ba yang dag par bstan pa mthong ngo / /'khor gyi stan la la la ni byang chub sems dpa' sa </font><hr>Ca286a<br><font size=+1>


@#/ /bzhi pa la gnas pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo thams cad mkhyen pa'i shugs kyi yul 'byung ba zhes bya ba yang dag par bstan pa mthong ngo / /'khor gyi stan la la la ni byang chub sems dpa' sa lnga pa la gnas pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo sems kyi rgyud me tog gi snying po zhes bya bas yang dag par bstan pa mthong ngo / /'khor gyi stan la la la ni byang chub sems dpa' sa drug pa la gnas pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo rnam par snang ba'i snying po zhes bya ba yang dag par bstan pa mthong ngo / /'khor gyi stan la la la ni byang chub sems dpa' sa bdun pa la gnas pa rnams 'khod cing / dge slong ma seng+ge rnam par bsgyings pas/ ting nge 'dzin gyi sogs kun nas brgyan pa zhes bya ba yang dag par bstan pa mthong ngo / /'khor gyi stan la la la ni byang chub sems dpa' sa brgyad pa la gnas pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo chos kyi dbyings su lus shin tu rnam par phye ba'i yul zhes bya ba yang dag par bstan pa mthong ngo / /'khor gyi stan la la la ni byang chub sems dpa' sa dgu pa la gnas pa rnams 'khod cing / dge slong ma seng ge rnam par bsgyings </font><hr>Ca286b<br><font size=+1>


pas| chos kyi sgo mi dmigs pa'i stobs kyis gnas kyi sa bstan pa zhes bya ba yang dag par bstan pa mthong ngo / /'khor gyi stan la la la ni byang chub sems dpa' sa bcu pa la gnas pa rnams 'khod cing / dge slong ma seng ge rnam par bsgyings pas/ ting nge 'dzin gyi sgo sgrib pa med pa'i dkyil 'khor ces bya ba yang dag par bstan pa mthong ngo / /'khor gyi stan la la la ni lag na rdo rje'i 'khor gyi dkyil 'khor 'khod cing / dge slong ma seng ge rnam par bsgyings pas/ chos kyi sgo ye shes rdo rje mthu bo che'i rgyan ces bya ba yang dag par bstan pa mthong ngo / /de ltar skye ba'i skye mched rnam pa tha dad pa thams cad kyi sems can du gdags pa dang / sems can gyi lam gyi rgyud ji snyed pa de dag gi sems can yongs su smin pa rnam par 'dul ba/ snod du gyur pa ji snyed cig bza' shing gi ra ba der 'ongs shing / 'khor gyi stan la so sor 'khod pa/ bsam pa tha dad pa/ mos pa mi mtshungs pa/ bsam pa shin tu gzhol bar gyur pa/ dad pa'i ro rdam \ RNGAM?\ chen po dang ldan pa rnams la/ dge slong ma seng ge rnam par bsgyings pas/ ci nas kyang thams cad bla na med pa yang dag par rdzogs pa'i byang chub tu nges par 'gyur ba de lta de ltar chos bstan pa mthong ngo / /de ci'i phyir zhe na/ de ni dge slong ma seng ge rnam par bsgyings pa des/ kun du lta ba'i btang snyoms dang ldan pa la sogs pa dang / sangs rgyas kyi chos thams </font><hr>Ca287a<br><font size=+1>


@#/ /cad shin tu bstan pa la sogs pa dang / chos kyi dbyings kyi gzhi tha dad pa la sogs pa dang / sgrib pa'i dkyil 'khor thams cad rnam par 'thor ba la sogs pa dang / 'gro ba thams cad kyi dge ba'i sems yang dag par 'byung ba la sogs pa dang / khyad par yod pa'i rgyan la sogs pa dang / chags pa med pa'i tshul gyi snying po la sogs pa dang / chos kyi dbyings kyi dkyil 'khor la sogs pa dang / sems kyi mdzod la sogs pa dang / kun du mos pa mngon par sgrub pa'i snying po la sogs pa shes rab kyi pha rol tu phyin pa'i sgo brgya stong grangs med pa non pa'i phyir te/ bza' shing gi ra ba nyi ma'i mdog der/ byang chub sems dpa' ma/ sems can gzhan ji snyed cig /dge slong ma seng ge rnam par bsgyings pa la blta ba dang / chos mnyan pa'i phyir 'ong ba de dag thams cad kyang / sngon dge slong ma seng ge rnam par bsgyings pas/ dge ba'i chos yang dag par blangs pa la shin tu bkod pa nas| bla na med pa yang dag par rdzogs pa'i byang chub las phyir mi ldog pa'i bar du byas pa sha stag go/ de nas tshong dpon gyi bu nor bzang gis/ dge slong ma seng ge rnam par bsgyings ba'i bza' shing gi ra ba phun sum tshogs pa dang / nags tshal phun sum tshogs pa dang / gtsug lag khang phun sum tshogs pa dang / 'chag sa phun sum tshogs pa dang / longs </font><hr>Ca287b<br><font size=+1>


spyod phun sum tshogs pa dang / mal cha phun sum tshogs pa dang / 'khor gyi dkyil 'khor phun sum tshogs pa dang / dbang chen po phun sum tshogs pa dang / rdzu 'phrul dang / rnam par 'phrul pa phun sum tshogs pa dang / dbyangs kyi rgyan phun sum tshogs pa rnam pa de lta bu mthong ste/ chos kyi tshul bsam gyis mi khyab pa'ang thos nas/ chos kyi sprin gyi char chen pos sems mngon par brlan pa de'i yid la/ dge slong ma seng ge rnam par bsgyings pas/ bsam pa rnam par dag pa phun sum tshogs par byas kyi/ da ni g.yas phyogs su bskor ba lan brgya stong du ma zhig tu bya'o snyam pa dang / de'i mod la dge slong ma seng ge rnam par bsgyings pas/ bza' shing gi ra ba dang 'khor gyi dkyil 'khor du bcas pa de dag thams cad kyang snang ba chen pos khyab par byas so| |de ltar g.yas phyogs su bskor ba bya'o snyam du bsams nas/ skor ba byed pa'i tshe/ 'khor thams cad na'ang dge slong ma seng ge rnam par bsgyings pa 'dug pa mthong nas/ mdun du 'dug ste thal mo sbyar nas 'di skad ces smras so/ /'phags ma/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni/ byang chub sems dpa' rnams la gdams ngag dang / rjes su bstan pa mdzad do zhes bdag gis thos na </font><hr>Ca288a<br><font size=+1>


@#/ /'phags ma/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ des smras pa/ rigs kyi bu/ kho mo ni byang chub sems dpa'i rnam par thar pa rlom sems thams cad yongs su bcom pa zhes bya ba thob pa'o/ /smras pa/ 'phags ma/ byang chub sems dpa'i rnam par thar pa rlom sems thams cad yongs su bcom pa de'i yul ji lta bu zhig mchis/ smras pa/ rigs kyi bu/ de ni ye shes snang ba ste/ dus gsum du byung ba'i rgyan sems skad cig gi cha shas la rnam par dmigs pa'i rang bzhin no/ /smras pa/ 'phags ma/ ye shes snang ba de'i yul yang ji lta bu zhig mchis/ smras pa/ rigs kyi bu/ kho mo ye shes snang ba 'di la sgrub pa dang yongs su sgrub pa'i tshe/ chos thams cad rab tu 'thad pa zhes bya ba'i ting nge 'dzin skyes te/ ting nge 'dzin de thob ma thag tu yid kyi rang bzhin gyi lus kyis phyogs bcu thams cad kyi 'jig rten gyi khams thams cad du/ byang chub sems dpa' sku tshe gcig gis thogs pa/ dga' ldan gyi pho brang na bzhugs pa thams cad re re la yang lus sangs rgyas kyi zhing brjod du med pa'i rdul shin tu phra ba snyed kyis mchod pa rnam pa tha dad pa/ sangs rgyas kyi zhing brjod du med pa'i rdul shin tu phra ba snyed kyis mchod pa sbyar ba'i phyir 'gro ste/ 'di ltar lha'i lus dang / klu dang / gnod sbyin dang / dri za dang / lha ma </font><hr>Ca288b<br><font size=+1>


yin dang / nam mkha' lding dang / mi 'am ci dang / lho 'phye chen po dang / mi dang / mi ma yin pa'i dbang po lus me tog gi sprin yongs su 'dzin pa dang / sbos kyi sprin yongs su 'dzin pa dang / bdug spos kyi sprin yongs su 'dzin pa dang / phreng ba'i sprin yongs su 'dzin pa dang / byug pa'i sprin yongs su 'dzin pa dang / phye ma'i sprin yongs su 'dzin pa dang / na bza'i sprin yongs su 'dzin pa dang / gdugs kyi sprin yongs su 'dzin pa dang / rgyal mtshan gyi sprin yongs su 'dzin pa dang / ba dan gyi sprin yongs su 'dzin pa dang / rin po che'i lhab lhub kyi sprin yongs su 'dzin pa dang / rin po che'i dra ba'i rgyan gyi sprin yongs su 'dzin pa dang / rin po che'i gnam yol gyi rgyan gyi sprin yongs su 'dzin pa dang / rin po che'i rgyan rnam par phye ba'i sprin yongs su 'dzin pa dang / rin po che'i sgron ma'i rgyan gyi sprin yongs su 'dzin pa dang / rin po che'i gdan gyi sprin yongs su 'dzin pa mang pos mchod pa sbyar ba'i phyir 'gro'o/ /dga' ldan gyi gnas na bzhugs pa'i byang chub sems dpa' sku tshe gcig gis thogs pa rnams la/ mchod pa bya ba'i phyir ji ltar 'gro ba de bzhin du yum gyi skur gshegs pa dang / bltam pa dang / btsun mo'i 'khor gyi nang na bzhugs pa dang / mngon par 'byung ba dang / snying po byang chub tu gshegs pa dang / bla na med pa yang dag par rdzogs pa'i byang chub tu mngon par sangs rgyas shing / snying po byang chub la bzhugs pa dang / chos </font><hr>Ca289a<br><font size=+1>


@#/ /kyi 'khor lo rab tu skor ba'i de bzhin gshegs pa thams cad dang / de bzhin du lha'i gnas na bzhugs pa dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i gnas na bzhugs pa dang / 'gro ba thams cad kyi sems dang / bsam pa yongs su tshim par mdzad nas/ yongs su mya ngan las 'da' ba'i bar de dag thams cad la'ang / yid kyi rang bzhin gyi lus rnam pa de lta bu dag gis rnam pa de lta bu'i mchod pa byed cing / de bzhin gshegs pa thams cad kyi drung du 'gro'o/ /sems can gang gis kho mo sangs rgyas mchod pa dang / rim gro byed pa'i las 'di shes par gyur pa de dag thams cad kyang / bla na med pa yang dag par rdzogs pa'i byang chub tu nges par 'gyur ro/ /sems can gang kho mo'i drung du 'ong ba de dag thams cad la yang / kho mo ni/ shes rab kyi pha rol tu phyin pa'i gdams ngag dang / rjes su bstan pa 'di nyid ston te/ rigs kyi bu/ kho mo ye shes kyi mig gis sems can thams cad la blta'ang sems can gyi 'du shes kyang mi skyed la| rlom sems kyang mi byed do/ /'gro ba thams cad kyi skad rgya mtsho yang nyan te/ tshig gi lam thams cad la mngon par zhen pa med pas rlom sems su byed pa med do/ /de bzhin gshegs </font><hr>Ca289b<br><font size=+1>


pa thams cad kyang mthong ste/ chos kyi lus yongs su shes pas rlom sems su byed pa'ang med de/ /de bzhin gshegs pa thams cad kyi 'khor lo yongs su 'dzin kyang / chos kyi rang bzhin khong du chud pas rlom sems su byed pa med do/ /sems kyi skad cig re re la chos kyi dbyings thams cad rgyas par 'gengs kyang chos nyid sgyu ma'i rang bzhin khong du chud pas rlom sems su byed pa med do/ /rigs kyi bu/ kho mos ni byang chub sems dpa'i rnam par thar pa rlom sems thams cad yongs su bcom pa 'di shes par zad na/ kho mos byang chub sems dpa' chos kyi dbyings mtha' dang dbus med pa la zhugs pa/ chos thams cad la rlom sems med par gnas kyang skyil mo krung gcig gis chos kyi dbyings thams cad rgyas par 'gengs pa/ sangs rgyas kyi zhing thams cad rang gi lus su 'dus par ston kyang / skad cig gcig gis de bzhin gshegs pa thams cad kyi drung du 'dong ba/ lus la sangs rgyas kyi rdzu 'phrul thams cad 'byung zhing rgyu ba/ sangs rgyas kyi zhing brjod du med pa'i yang brjod du med pa ba spu'i nyag ma gcig gis spams shing mngon par 'phen pa/ rang gi ba spu'i bu gar 'jig rten gyi khams brjod du med pa'i yang brjod du med pa'i 'du ba dang / 'jig pa'i bskal pa yongs su ston pa/ skad cig gcig la bskal pa brjod du med pa'i yang brjod du med par gnas pa mnyan pa nyid kyis yang dag par 'dzud pa/ skad cig gcig gis brjod du med pa'i yang brjod du med pa'i bskal par 'khod pa de dag gi spyod pa shes pa'am/ </font><hr>Ca290a<br><font size=+1>


@#/ /yon tan brjod par nus re skan/ song / rigs kyi bu/ lho phyogs kyi rgyud 'di nyid kyi yul bgrod dka' ba na/ grong khyer rin po che'i rgyan zhes bya ba yod de/ de na bcom pa ma lha'i bshes gnyen ma zhes bya ba 'dug gi /de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis/ dge slong ma seng ge rnam par bsgyings pa'i rkang pa gnyis la spyi bos phyag 'tshal te/ dge slong ma seng ge rnam par bsgyings pa la lan brgya stong du mar g.yas phyogs su bskor ba byas nas/ yang dang yang du bltas te/ dge slong ma seng ge rnam par bsgyings pa'i drung nas song ngo / /de nas tshong dpon gyi bu nor bzang / shes rab kyi snang ba chen po des sems snang bar gyur pa de/ thams cad mkhyen pa'i ye shes snang ba de la ni sems/ chos nyid kyi rang bzhin gyi stobs snang ba de la ni yang dag par rjes su lta/ sems can thams cad kyi skad rnam par dmigs pa'i mdzod kyi gzungs kyi tshul de ni brtan par byed/ de bzhin gshegs pa thams cad kyi chos kyi 'khor lo yang dag par 'dzin pa'i gzungs kyi tshul de ni shin tu rgya che bar byed/ snying rje chen po 'gro ba thams cad kyi skyabs su gyur pa'i stobs de ni nye bar ston/ chos thams cad kyi tshul snang ba'i sgo nas yang dag par 'byung ba'i thams cad mkhyen pa nyid kyi shugs de la ni </font><hr>Ca290b<br><font size=+1>


rab tu rtog/ chos kyi dbyings rgya chen po'i dkyil 'khor rgyas par 'gengs pa'i smon lam yongs su dag pa de'i rjes su ni 'brang / chos thams cad kyi phyogs snang bar byed pa'i ye shes kyi 'od de ni shin tu gsal bar byed/ chos thams cad kyi phyogs bcu'i 'jig rten gyi khams rnam par phye ba rgyas par 'gengs pa'i mngon par shes pa'i stobs de ni mngon par sgrub/ byang chub sems dpa'i lam dang dran pa thams cad nye bar blangs pas brtsams pa mthar dbyung ba'i smon lam de ni yongs su rdzogs par byed cing / mthar gyis yul bgrod dka' ba'i grong khyer rin po che'i rgyan gang na ba der phyin te/ bcom pa ma lha'i bshes gnyen ma yongs su tshol tshol ba dang / de la bcom pa ma lha'i bshes gnyen gyi yon tan mngon par mi shes la/ ye shes kyi spyod yul gyi tshul la mi mkhas pa'i mi ji snyed pa de dag 'di snyam du sems te/ mi 'di de ltar zhi zhing dul ba'i dbang po dang ldan la/ de ltar shes bzhin dang ldan te/ de ltar 'khrul pa med cing / de ltar yid 'khrug pa med la/ de ltar gnya' shing gang tsam du lta ste/ de ltar gnod pas mi tshugs shing / de ltar mtshan mar mi 'dzin la gzugs kyi rnam pa thams cad la g.yeng ba med ba'i mig dang ldan te/ yid la brel ba med cing / bsam pa zab la mngon par mdzes te/ rgya mtsho ltar 'dug cing sems mi nyams mi 'khrug pa de la/ bcom pa ma lha'i bshes gnyen mas ko ci zhig bya/ 'di lta bu dag ni 'dod chags la dga' ba med de/ sems phyin ci </font><hr>Ca291a<br><font size=+1>


@#/ /log dang ldan yang mi srid do/ /'di lta bu dag ni sdug cing gtsang ba'i 'du shes yongs su rgyu ba med de/ 'di lta bu dag ni 'dod pas 'khol kyang mi srid do/ /'di lta bu dag ni bud med kyi dpang du 'gyur ba med de/ 'di lta bu dag ni bdud kyi spyod yul la spyod kyang mi srid do/ /'di lta bu dag ni bdud kyi yul la chags pa med de/ 'di lta bu dag ni 'dod pa'i 'dam du bying yang mi srid do/ /'di lta bu dag ni bdud kyi zhags pas bcings par 'gyur ba med de/ mi dgos pa byed kyang mi srid do snyam mo/ /gang yang bcom pa ma lha'i bshes gnyen ma'i yon tan gyi khyad par mngon par shes shing / ye shes kyi spyod yul mngon du gyur pa de dag ni 'di skad ces 'dzer te/ rigs kyi bu/ de ltar khyod bcom pa ma lha'i bshes gnyen ma la yongs su dri bar sems pa ni/ khyod kyang thob par bya ba legs par thob pa ste/ legs so/ /legs so/ /khyod ni nges par sangs rgyas su smon pa'o/ /khyod ni bdag nges par sems can thams cad kyi gnas su bsgyur bar 'dod pa'o/ /khyod ni nges par sems can thams cad kyi 'dod chags kyi zug rngu dbyung bar 'dod pa'o/ /khyod ni nges par sdug cing gtsang ba'i 'du shes rnam par gtor bar 'dod pa'o/ /rigs kyi bu/ 'de re/ bcom pa ma lha'i bshes gnyen ma ni grong khyer gyi lam gyi sum mdo'i byang phyogs logs shig na rang gi khyim na 'dug go /de nas tshong dpon gyi bu nor bzang gis tshig 'di thos nas/ dga' rangs te mgu zhing nyams bde la </font><hr>Ca291b<br><font size=+1>


tshim zhing / yid bde ba skyes nas bcom pa ma lha'i bshes gnyen ma'i khyim gang na ba der phyin nas/ de'i khyim che zhing yangs la rin po che'i rab rim pa bcus bskor ba/ rin po che'i ta la'i phreng ba rim pa bcus kun nas bskor ba/ 'obs spos chus gang ba/ lha rdzas kyi rin po che'i pad+mo dang / ut+pa la dang / ku mud dang / me tog pun da ri kas chu yongs su khebs pa/ yan lag brgyad dang ldan pa'i chus yongs su gang ba/ gzhi gser gyi bye ma 'dal ba/ spos yid du 'ong ba dang 'dres pa'i chu dri zhim pos gang ba/ rin po che sil ma mang pos shin tu brgyan pa/ rim pa bcus kun nas bskor ba/ rin po che thams cad las byas pa'i khang pa dang / gzhal med khang dang / khang pa brtsegs pas rnam par dkrigs shing / ba gam dang / rta babs dang / skar khung gi shar bu dang / zla gam dang / seng ge'i shing thags dang / snang ba'i rgyal mtshan la sogs pa/ rin po che sna tshogs kyi 'od kyis 'bar ba/ rin po che rnam pa sna tshogs grangs med pa'i 'byung gnas kyis brgyan pa/ rin po che'i dgar bai DUR+Ya sa spras pa'i g.yi dang ldan pa/ lha rdzas kyi spos zhim po thams cad kyis 'khor thams cad nas bdugs shing bsangs pa/ a ga ru nag po mchog gi bdug spos kyis dri zhim par bdugs pa| spos kyi byugs pas 'khor kun nas byugs pa/ rin po che sna tshogs kyi lan kan gyis rtsig ngos kun du bres pa/ steng 'dzam bu chu klung gi gser gyi dra ba rin po che sna tshogs kyis rab tu spras pas </font><hr>Ca292a<br><font size=+1>


@#/ /kun nas bkab pa/ gser gyi dril gyi dra ba brgya stong rlung gis bskyod cing 'khrol ba'i sgra yid du 'ong zhing snyan pa 'byung ba/ rin po che thams cad kyi me tog gi sprin sil ma kun tu bkram pas rin po che'i me tog gi rgyan dang ldan pa/ rin po che sna tshogs thams cad kyi rgyal mtshan bsgreng bas sgo shin tu brgyan pa/ nor bu rin po che sna tshogs kyi 'od kyi dra ba snang ba mu med par brjod du yod pa/ rin po che byu ru'i sdong po dang / rdo rje dang / man shel la sogs pa'i gter brgya stong kun gyis shes pa phun sum tshogs pas mdzod mi zad pa dang ldan pa/ bza' shing gi ra ba chen po bcus brgyan pa mthong ste/ de na bcom pa ma lha'i bshes gnyen ma/ gzugs mdzes shing bzang la blta na sdug pa/ gya nom pa'i kha dog dam pa rgyas pa dang ldan pa/ gser gyi kha dog ltar 'dug pa'i mdog can/ skra mthon mthing du 'dug pa/ lus kyi yan lag dang / nying lag tshul dang 'dra bar rnam par grub pa/ 'dod pa'i khams kyi lha dang / mi thams cad las 'phags pa'i kha dog dang / gzugs dang / dbyibs mdzes pa dang ldan pa/ tshangs pa las kyang 'das pa'i dbyangs kyi yan lag dang ldan pa/ sems can thams cad kyi sgra skad kyi tshul la mkhas pa/ rgyan thams cad dang ldan zhing yid du 'ong ba'i dbyangs can/ rnam par thar pa yi ge'i 'khor lo'i rgyan la mkhas pa dang ldan pa/ </font><hr>Ca292b<br><font size=+1>


bzo dang gtsug lag thams cad la mkhas par byung ba/ chos kyi ye shes sgyu ma la mkhas par bslabs pa/ byang chub sems dpa'i thabs dang tshul rnam pa thams cad du thob pa/ rin po che'i lhab lhub sna tshogs kyis rnam par brgyan pa'i lus yid du 'ong ba dang ldan pa/ rin po che thams cad las byas pa'i dra ba 'od shin tu gsal bas lus rab tu brgyan pa/ lha rdzas kyi nor bu rin po che'i rgyan dang / lhab lhub grangs med pas rab tu brgyan pas lus shin tu 'bar ba/ nor bu rin po che dam pa yid bzhin gyi rgyal po'i cod pan thogs pa/ rin bo che bai DUR+Ya'i phreng ba mdo zungs rdo rje rin po che sna tshogs dang / nor bu rin po che seng ge mdzes pa sna tshogs bkye ba mgul na thogs pa/ dge ba'i rtsa ba spyad pa la bskal pa mthun pa dang / smon lam gcig pa'i 'khor mang po gzhan gyis mi phyed cing yid du 'ong ba dang ldan pa/ bsod nams dang / ye shes kyi tshogs chen po'i gter mi zad pa'i mdzod dang ldan pa 'dug pa mthong ste/ des khyim de dag thams cad dang / rin po che'i gnas dang / gzhal med khang gi rgyan de dag thams cad kyang rang gi lus las byung ba'i 'od dga' bar byed pa/ lus bde ba dang sim pa skyed pa/ sems khong nas dga' bar byed pas gsal zhing snang bar byas pa mthong ngo / /de nas tshong dpon gyi bu nor bzang gis/ bcom pa ma lha'i bshes gnyen ma'i rkang pa gnyis la spyi bos phyag 'tshal te </font><hr>Ca293a<br><font size=+1>


@#/ /mdun du 'dug nas thal mo sbyar te 'di skad ces smras so/ /'phags ma/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni/ byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags mas bdag la bstan du gsol/ des smras pa/ rigs kyi bu/ kho mos ni/ byang chub sems dpa'i rnam par thar pa 'dod chags dang bral ba'i mthar phyin pa zhes bya ba thob ste// rigs kyi bu/ de ltar kho mo ni lha rnams la lha mo'i gzugs dang / /ba dog dang / dbyibs dang / chu zheng las kyang lhag par kha dog gsal ba dang / rnam par dag pas ci la mos pa bzhin du snang par byed do/ /de bzhin du klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa rnams la yang bud med kyi gzugs dang / kha dog dang / dbyibs dang / chu zheng lhag par 'od gsal zhing rnam par dag pas ci la mos pa bzhin du snang bar byed do/ /sems can gang 'dod </font><hr>Ca293b<br><font size=+1>


chags kyis kun nas 'khor ba'i sems dang ldan pa dag kho mo'i drung du 'ongs na yang / de dag thams cad la kho mo ni 'dod chags dang bral bar 'gyur ba'i phyir chos ston te/ de dag gis chos de thos nas kyang 'dod chags dang bral ba thob par 'gyur ro/ /byang chub sems dpa'i ting nge 'dzin chags pa med pa zhes bya ba yang rab tu 'thob bo/ /la la ni kho mo mthong ma thag tu 'dod chags dang bral bar 'gyur te/ byang chub sems dpa'i ting nge 'dzin dga' ba dang ldan pa zhes bya ba yang rab tu 'thob bo/ /la la ni gtam byas pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin chags pa med pa'i dbyangs zhes bya ba yang rab tu 'thob bo/ /la la ni lag nas bzung ba tsam gyis 'dod chags dang bral ba thob bar 'gyur te/ byang chub sems dpa'i ting nge 'dzin sangs rgyas kyi zhing thams cad du rjes su 'gro zhing gnas pa zhes bya ba yang rab tu 'thob bo/ /la la ni gcig tu 'grogs pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin bral bas snang ba zhes bya ba yang rab tu 'thob bo/ /la la ni bltas pa tsam gyis/ 'dod chags dang bral ba thob par 'gyur te/ byang chub sems dpa'i ting nge 'dzin rab tu zhi ba'i rnam par brgyan ces bya ba yang rab tu 'thob bo/ /la la ni glal ba tsam gyis 'dod chags dang bral </font><hr>Ca294a<br><font size=+1>


@#/ /ba thob par 'gyur te/ byang chub sems dpa'i ting nge 'dzin phas kyi rgol ba rnam par 'thor ba zhes bya ba yang rab tu 'thob bo/ /la la ni mig btsums pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin sangs rgyas kyi yul snang ba zhes bya ba yang rab tu 'thob bo/ /la la ni pang du khyud pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin 'gro ba thams cad yongs su sdud cing mi gtong ba'i snying po zhes bya ba yang rab tu 'thob bo/ /la la ni 'o byas pa tsam gyis 'dod chags dang bral ba thob par 'gyur te/ byang chub sems dpa'i ting nge 'dzin 'gro ba thams cad bsod nams kyi mdzod la reg par byed pa zhes bya ba yang rab tu 'thob bo/ /de ltar kho mo ni sems can gang ji snyed cig kho mo'i drung du 'ong ba de dag thams cad kyang / byang chub sems dpa'i rnam par thar pa 'dod chags dang bral ba'i mthar phyin pa/ thams cad mkhyen pa'i sa chags pa med pa la mngon du gyur pa 'di nyid la rab tu 'god do/ /smras pa/ 'phags ma khyod de lta bu'i phun sum tshogs pa dang ldan pa de/ khyod kyis dge ba'i rtsa ba ni gang du bskyed/ 'phrin las ni ji lta bu zhig bzhugs/ smras pa/ rigs kyi bu/ kho mos dran na 'das pa'i dus shig na/ de bzhin gshegs pa dgra </font><hr>Ca294b<br><font size=+1>


bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med par skyes bu 'dul ba'i kha lo sgyur ba/ lha dang mi'i ston pa sangs rgyas bcom ldan 'das shin tu mtho bar gshegs pa zhes bya ba 'jig rten du byung ste/ de bzhin gshegs pa shin tu mtho bar gshegs pa de/ sems can rnams la thugs brtse ba'i sku don du/ rgyal po'i gnas sgo bzang po zhes bya bar gshegs nas/ sgo'i them pa la zhabs kyis non pa'i tshe/ grong khyer de thams cad kyang rab tu g.yos nas/ yangs shing rgya che la/ rin po che du ma las byas par yongs su grub par gyur te/ steng gi bar snang yang rin po che mang po'i 'od kyis rnam par brgyan pa dang / rin po che'i me tog sna tshogs kyis yongs su gang ba dang / lha rdzas kyi rol mo sna tshogs kyi sgra rab tu 'byung ba dang / lha'i lus kyi sprin tshad med par rgya che bas khebs par gyur to/ /rigs kyi bu/ kho mo yang de'i tshe/ tshong dpon gyi chung ma zhig tu gyur te/ blo gros bzang mo zhes bya'o/ /de nas kho mo cho 'phrul gyis yang dag par bskul nas/ khyim thab dang lhan cig tu dong dong ste/ de bzhin gshegs pa grong bar gyi srang du gshegs pa la dad pa rgya chen po skyes te/ kho mos rin po che'i dril bu gcig cig phul lo/ /de'i tshe 'jam dpal gzhon nur gyur pa </font><hr>Ca295a<br><font size=+1>


@#/ /yang / bcom ldan 'das de bzhin gshegs pa shin tu mtho bar gshegs pa'i zham 'bring na 'dug ste/ des kho mo bla na med pa yang dag par rdzogs pa'i byang chub tu sems bskyed do/ /rigs kyi bu/ kho mos byang chub sems dpa'i rnam par thar pa 'dod chags dang bral ba'i mthar phyin pa 'di shes par zad na/ kho mos byang chub sems dpa'i thabs dang / ye shes mtha' yas pa la gnas pa/ bsod nams rgya che zhing yangs pa'i mdzod dang ldan pa/ ye shes kyi yul la thub pa med pa de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid na/ grong khyer dge ba'i pha rol tu phyin pa zhes bya ba yod de/ de na khyim bdag nan khugs zhes bya ba/ de bzhin gshegs pa'i mchod rten tsan dan gyi khri 'phang can la mchod pa byed pa zhig 'dug gi /de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzang gis/ bcom pa ma lha'i bshes gnyen ma'i rkang pa gnyis la spyi bos phyag 'tshal te/ bcom pa ma lha'i bshes gnyen ma la lan brgya stong du mar g.yas phyogs su bskor ba byas nas/ yang dang yang bltas te/ bcom pa ma lha'i bshes gnyen </font><hr>Ca295b<br><font size=+1>


ma'i drung nas song ngo / /de nas tshong dpon gyi bu nor bzang gis/ grong khyer dge ba'i pha rol tu phyin par khyim bdag nan khugs kyi khyim gang na ba der phyin nas/ khyim bdag nan khugs kyi rkang pa gnyis la spyi bos phyag 'tshal te/ mdun du 'dug nas thal mo sbyar te 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na ji ltar byang chub sems dpas/ byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol/ /des smras pa/ rigs kyi bu/ kho bo ni byang chub sems dpa'i rnam par thar pa yongs su mi zad pa thob pa ste/ rigs kyi bu/ kho bo'i sems kyi rgyud las ni 'jig rten gyi khams thams cad nas kyang / sems can 'dul ba'i dbang du mdzad pa ma gtogs par/ 'jig rten gyi khams thams cad nas kyang shin tu mya ngan las 'da' ba'i tshul du de bzhin gshegs pa yongs su mya ngan las 'das pa med do/ /yongs su mya ngan las 'da' ba med do/ /yongs su mya ngan las 'da' bar 'gyur ba </font><hr>Ca296a<br><font size=+1>


@#/ /med do| |rigs kyi bu/ de ltar kho bo ni de bzhin gshegs pa'i mchod rten tsan dan gyi khri 'phang gi sgo 'byed pa ste/ kho bo mchod rten gyi sgo 'byed 'byed pas/ byang chub sems dpa'i ting nge 'dzin/ sangs rgyas kyi rigs mi zad pa'i rgyan ces bya ba thob bo/ /rigs kyi bu/ kho bo ni ting nge 'dzin 'di nyid la sems kyi skad cig skad cig tu mnyam par gzhog ste/ sems kyi skad cig thams cad la'ang khyad par gyi rnam pa du ma rab tu 'thob bo/ /smras pa/ 'phags pa/ ting nge 'dzin de'i yul ji lta bu zhig mchis/ smras pa/ rigs kyi bu| kho bo ni ting nge 'dzin 'di la snyoms par zhugs pa'i tshe/ 'jig rten gyi khams kyi rgyud 'di sangs rgyas gcig nas gcig tu brgyud pa/ bsod skyabs la sogs pa de bzhin gshegs pa thams cad dang / gser thub dang / log par dad sel dang / thams cad mnga' ba dang / gtsug tor can dang / rnam par gzigs dang / rgyal dang / rdzogs mdzad dang / grags mchog dang / pad+mo'i bla la sogs pa/ de bzhin gshegs pa thams cad kyang / sangs rgyas mthong ba'i mtshams 'brel bas/ sangs rgyas gcig nas gcig tu brgyud pa rgyun mi 'chad pa'i tshul gyis mngon sum du mthong ste/ sems kyi skad cig gcig la sangs rgyas brgya'ang mthong ngo / /de'i 'og ma'i sems kyis sangs rgyas stong yang mthong ngo / /de'i 'og ma'i sems kyis sangs </font><hr>Ca296b<br><font size=+1>


rgyas brgya phrag stong yang mthong ngo / /de bzhin du sangs rgyas bye ba dang / sangs rgyas bye ba phrag brgya dang / sangs rgyas bye ba phrag stong dang / sangs rgyas bye ba brgya phrag stong dang / sangs rgyas bye ba khrag khrig dang / sangs rgyas bye ba dung phyur dang / sangs rgyas bye ba thams cad dang / sangs rgyas bye ba khrag khrig dang / de'i 'og ma'i sems kyis sangs rgyas 'byung ba gcig nas gcig tu brgyud pa/ brjod du med pa'i yang brjod du med pa dag kyang mthong ngo / /de'i 'og ma'i sems kyis de bzhin gshegs pa 'dzam bu'i gling gi rdul shin tu phra ba snyed kyang mthong ngo / /de'i 'og ma'i sems kyis de bzhin gshegs pa sangs rgyas kyi zhing brjod du med pa'i yang brjod du med pa'i bar gyi rdul shin tu phra ba snyed kyang mthong ste/ de bzhin gshegs pa de dag gis thugs dang po bskyed pa'i tshogs gcig nas gcig tu brgyud pa la'ang 'jug go /thugs dang po bskyed pas thob pa'i rnam par 'phrul pa la'ang 'jug go /smon lam rnam pa tha dad pa mngon par bsgrub pa rnam par dag pa la'ang 'jug go /spyod pa rnam par dag pa la'ang 'jug go /pha rol tu phyin pa yongs su rdzogs par mdzad pa la'ang 'jug go /byang chub sems dpa'i sa thams cad yongs su bsgrub pa la'ang 'jug go /bzod pa brnyes pa rnam par dag pa la'ang 'jug go /bdud kyi dkrugs ma rnam par 'thor ba'i khyu mchog gi mthu </font><hr>Ca297a<br><font size=+1>


@#/ /phyung ba la'ang 'jug go /mngon par rdzogs par 'chang \ TSANG?\ rgya ba'i rnam par 'phrul ba'i rgyan la'ang 'jug go /sangs rgyas kyi zhing rnam par dag par mdzad pa rnam pa tha dad pa la'ang 'jug go /sems can yongs su smin par mdzad pa rnam pa tha dad pa la'ang 'jug go /'khor kun nas 'dus pa rnam pa tha dad pa la'ang 'jug go /'od kyi dkyil 'khor rnam pa tha dad pa la'ang 'jug go /chos kyi 'khor lo bskor ba'i khyu mchog gis mthu phyung ba la'ang 'jug go /sangs rgyas kyi rdzu 'phrul dang / rnam par 'phrul pa dang / cho 'phrul la'ang 'jug go /de bzhin gshegs pa de dag gis chos bstan pa'ang shin tu rnam par gsal ba dang / ma 'dres par dran te yang dag par 'dzin to/ /dran pas yongs su bcangs so/ /rig pas rab tu shes par byed do/ /blo gros kyis shin tu rnam par 'byed do/ /blos rtogs par byed do/ /shes rab kyis snang bar byed do/ /ma byon pa'i sangs rgyas gcig nas gcig tu brgyud pa byams pa la sogs pa dag kyang mthong zhing shes te/ sems kyi skad cig gcig la sangs rgyas brgya'ang mthong ngo / /de'i 'og ma'i sems kyis sangs rgyas stong yang mthong ba nas/ de'i 'og ma'i sems kyis de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed </font><hr>Ca297b<br><font size=+1>


dag kyang mthong ste/ de bzhin gshegs pa de dag gis thugs dang po bskyed pa'i tshogs gcig nas gcig tu brgyud pa la'ang 'jug go /de bzhin gshegs pa de dag gis chos bstan pa yang shin tu gsal ba dang / ma 'dres pa rjes su dran te/ yang dag par 'dzin to/ /dran pas yongs su bcangs so/ /rig pas rab tu shes par byed do/ /blo gros kyis rnam par 'byed do/ / blos rtogs par byed do/ /shes rab kyis snang bar byed do/ /ji ltar 'jig rten gyi khams kyi rgyud 'di/ sngon gyi mtha' dang / phyi ma'i mthar gtogs pa'i sangs rgyas gcig nas gcig tu brgyud pa mthong zhing shes pa de bzhin du phyogs bcu'i 'jig rten gyi khams kyi rgyud 'das pa dang / ma 'ongs pa sangs rgyas kyi zhing brjod du med pa'i yang brjod du med pa snyed kyi de bzhin gshegs pa gcig nas gcig tu brgyud pa/ thams cad kyang shes shing mthong ngo / /de bzhin gshegs pa de dag gi thugs dang po bskyed pa'i tshogs gcig nas gcig tu brgyud pa la'ang 'jug go /sangs rgyas gcig nas gcig tu brgyud pa de la'ang rgyun mi 'chad pa dang / mi zad pa dang / dad pas shes par bya ba dang / byang chub sems dpa'i brtson 'grus dang / zhe non pas khong du chud par bya ba dang / byang chub sems dpa'i brtson 'grus kyi shugs rnam par 'phel bar byed pa dang / 'jig rten thams cad dang / nyan thos </font><hr>Ca298a<br><font size=+1>


@#/ /dang / rang sangs rgyas thams cad dang / de'i yul la ma zhugs pa'i byang chub sems dpa' thams cad kyis mi 'phrogs par shes shing khong du chud par byed do/ /rnam par snang mdzad la sogs pa da ltar byung ba'i de bzhin gshegs pa phyogs bcu'i 'jig rten gyi khams na bzhugs pa/ gcig nas gcig tu brgyud pa thams cad kyang mthong zhing shes te/ sems kyi skad cig gcig la sangs rgyas brgya'ang mthong zhing shes so/ /de'i 'og ma'i sems kyis sangs rgyas stong yang mthong ba nas/ de'i 'og ma'i sems kyis/ de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi bar du'ang mthong ste/ nam de bzhin gshegs pa gang zhig gi zhal blta bar dga' ba de'i tshe'ang de bzhin du mthong ste/ sangs rgyas bcom ldan 'das de dag gis bstan pa dang / bstan pa mdzad pa dang / bstan par 'gyur ba de dag thams cad kyang thos so/ /thos nas kyang 'dzin to/ /dran pas yongs su bcangs so/ /rigs pas rab tu shes par byed do/ /blo gros kyis rnam par 'byed do/ /blos rtogs par byed de/ /shes rab kyis snang bar byed do/ /rigs kyi bu/ kho bos ni byang chub sems dpa'i rnam par thar pa yongs </font><hr>Ca298b<br><font size=+1>


su mya ngan las mi 'da' ba'i mthar phyin pa 'di shes par zad na/ kho bos byang chub sems dpa' dus gsum skad cig gcig tu shes pa rab tu thob pa/ skad cig gi cha shas la ting nge 'dzin rnam par phye ba la spyod pa/ de bzhin gshegs pa'i nyi ma las byung ba/ rtog pa dang rnam par rtog pa thams cad mnyam pa nyid du khong du chud pa/ sangs rgyas thams cad dang mnyam pa'i ting nge 'dzin rjes su rtogs pa/ bdag dang / sems can dang / sangs rgyas mi gnyis par spyod pa/ rang bzhin gyis 'od gsal ba'i chos kyi rgyan gyi dkyil 'khor dang ldan pa/ ye shes kyi 'khrul 'khor gyis 'jig rten gyi dra ba 'gengs pa/ de bzhin gshegs pa rgya mtsho thams cad dang mi 'gal bar rnam par spyod pa/ chos kyi dbyings thams cad du rnam par rtogs par byed pa'i ye shes kyi yul dang ldan pa/ de bzhin gshegs pa thams cad kyis chos bstan pa rnam par rig par byed pa'i ye shes kyi yul can de dag gi spyod pa shes pa'am/ yon tan brjod par nus re skan/ song / rigs kyi bu/ lho phyogs kyi rgyud 'di nyid na/ ri gru 'dzin ces bya ba yod de/ de na byang chub sems dpa' spyan ras gzigs kyi dbang po zhes bya ba 'dug gi/ de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig ces nas/ de'i tshe tshigs </font><hr>Ca299a<br><font size=+1>


@#/ /su bcad pa 'di gnyis smras so/ /song shig nor bzang dpal gyi chu rgyal dbus zhig na/ /mkhas pa rnams kyi ri rgyal gru 'dzin mdzes pa yod/ /rin chen rgyus byas shing dang nags tshal me tog mang / /bza' shing ra ba rdzing dang chu bran 'bab par ldan/ /ri mchog de la brtan pa spyan ras gzigs kyi dbang / /'gro ba rnams la phan pa'i don du rnam par spyod/ /de gan song dang nor bzang khyod la mgon po yis/ /yon tan rgya chen tshul la 'jug pa ston par byed/ /de nas tshong dpon gyi bu nor bzang gis/ khyim bdag nan khugs kyi rkang pa gnyis la spyi bos phyag 'tshal nas/ khyim bdag nan khugs la lan brgya stong du mas g.yas phyogs su bskor ba byas te/ yang dang yang bltas nas| khyim bdag nan khugs kyi drung nas song ngo // //bam po dgu bcu rtsa brgyad pa/ de nas tshong dpon gyi bu nor bzang / khyim bdag nan khugs kyi gdams ngag rjes su sems shing / byang chub sems dpa'i mos pa'i mdzod de ni shes par byed/ byang chub sems dpa'i rjes su dran pa'i stobs de ni rjes su dran par byed/ sangs rgyas kyi tshul gcig nas gcig tu brgyud pa'i stobs ni yang dag par 'dzin/ sangs rgyas gcig nas gcig tu brgyud pa'i mtshams ni khong du chud par byed/ rnas </font><hr>Ca299b<br><font size=+1>


thos pa'i sangs rgyas kyi mtshan de dag gi ni rjes su 'brang / sangs rgyas kyi chos bstan pa'i tshul de dag ni mthun par byed/ sangs rgyas kyi yang dag par bsgrub pa'i rgyan de ni khong du chud par byed/ sangs rgyas mngon par rdzogs par 'tshang rgya ba'i khyu mchog gi mthu phyung ba de la ni yid ches par byed/ de bzhin gshegs pa'i 'phrin las bsam gyis mi khyab pa de ni mngon du byed cing / mthar gyis ri gru 'dzin gang na ba der song nas/ ri gru 'dzin gyi steng du phyin te/ byang chub sems dpa' spyan ras gzigs kyi dbang po yongs su rmed cing tshol tshol ba las/ nub phyogs logs kyi ri'i sman ljongs mtsho dang / mtshe'u dang / 'bab chus mdzes par gyur pa/ bai DUR+Ya sngon po'i dkyil 'khor ltar sngo zhing 'jam la gzhon pa'i spang nags tshal chen po'i mthongs na 'dug pa zhig na/ rin po che rdo rje'i rdo stegs shig la skyil mo krung bcas te 'dug cing / rin po che sna tshogs kyi rdo stegs la 'khod pa'i byang chub sems dpa'i tshogs dpag tu med pas kun nas bskor cing chos ston te/ chos kyi rnam grangs 'gro ba thams cad yongs su sdud pa'i yul byams pa chen po dang / snying rje chen po'i sgo gsal bar ston pa zhes bya ba yang dag par ston cing 'dug pa mthong ngo / /mthong nas kyang dga' rangs te/ mgu zhing nyams bde la tshim </font><hr>Ca300a<br><font size=+1>


@#/ /zhing yid bde ba skyes nas dga' bas rgyas shing mi 'dzum pa'i mig gis thal mo sbyar nas/ dge ba'i bshes gnyen la dad pa'i shugs dang ldan pas/ sems mi 'khrugs pa/ dge ba'i bshes gnyen mthong na sangs rgyas thams cad mthong bar 'dzin pa dge ba'i bshes gnyen las byung ba'i chos kyi sprin thams cad yang dag par gzung ba'i 'du shes dang ldan pa/ yon tan dang / nan tan thams cad dge ba'i bshes gnyen la rag lus pa'i 'du shes can/ dge ba'i bshes gnyen dang phrad pa shin tu dga' bar sems pa/ dge ba'i bshes gnyen las stobs bcu'i ye shes rin po che 'byung zhing 'thob par 'gyur pa'i 'du shes dang ldan pa/ dge ba'i bshes gnyen las ye shes snang ba mi zad pa 'byung ba'i 'du shes can/ dge ba'i bshes gnyen gyi rten gyis bsod nams kyi rgyud rnam par 'phel bar 'gyur ba'i 'du shes dang ldan pa/ dge ba'i bshes gnyen ni thams cad mkhyen pa nyid kyi sgo yang dag par ston pa'i 'du shes dang ldan pa/ dge ba'i bshes gnyen ni ye shes kyi rgya mtsho chen po la 'jug pa yongs su ston par 'du shes pa/ dge ba'i bshes gnyen ni thams cad mkhyen pa nyid kyi tshogs yang dag par 'dus pa yongs su bskyed pa'i 'du </font><hr>Ca300b<br><font size=+1>


shes dang ldan pa de/ byang chub sems dpa' spyan ras gzigs kyi dbang po gang na ba der phyin te/ /de nas byang chub sems dpa' spyan ras gzigs kyi dbang pos/ tshong dpon gyi bu nor bzang ring zhig nas tshur 'ong ba mthong nas smras pa/ tshur shog/ dpe med pa'i theg pa chen po yangs shing / bsam gyis mi khyab pa la zhugs pa/ skye ba las byung ba'i sdug bsngal sna tshogs kyis gtses shing skyabs med par gyur pa'i 'gro ba thams cad yongs su bskyabs pa'i bsam pa dang ldan pa/ sangs rgyas kyis chos thams cad mngon sum du gyur pa/ 'jig rten thams cad las 'das te/ dpe med tshad med pa la mngon par mos pa/ snying rje chen pos byin gyis brlabs pas 'gro ba thams cad yongs su bskyabs pa'i blo gros can/ blta na kun tu bzang po'i spyod pa la mngon du bltas pa/ smon lam chen po'i dkyil 'khor yongs su sbyangs pa'i sems dang ldan pa/ sangs rgyas thams cad kyi chos kyi sprin yongs su gzung bar mos pa/ dge ba'i rtsa ba bsags pas ngoms mi shes pa'i bsam pa dang ldan pa/ dge ba'i bshes gnyen gyi gdams ngag la yang dag par zhugs pa/ 'jam dpal gyi ye shes rgya mtsho las byung ba'i yon tan gyi 'byung gnas sangs rgyas kyi byin gyi rlabs thob par bya ba la mngon du bltas pa/ ting nge 'dzin gyi snang ba dang shugs rab tu thob </font><hr>Ca301a<br><font size=+1>


@#/ /pa| sangs rgyas thams cad kyi chos kyi sprin gyi char yang dag par gzung ba la mngon par mos pa'i sems dang ldan pa/ sangs rgyas mthong bas dga' ba dang / mos pa'i shugs kyis yid rab tu bde bar gyur pa/ legs par spyod pa tshad med cing bsam gyis mi khyab pa'i shugs kyis mngon par brlan pa'i sems dang ldan pa/ yon tan la nan tan du bya ba'i shugs kyis rnam par dag pa'i bsod nams dang ye shes kyi mdzod bdag la mngon du gyur pa/ thams cad mkhyen pa'i ye shes mthong ba'i lam gyi shugs gzhan la yongs su bstan pa'i bsam pa can/ snying rje chen po'i shugs ma nyams pa'i rtsa ba dang ldan pa/ de bzhin gshegs pa'i ye shes snang ba'i shugs yang dag par gzung ba'i blo gros can khyod 'ongs pa legs so/ /de nas tshong dpon gyi bu nor bzang / byang chub sems dpa' spyan ras gzigs kyi dbang po gang na ba der song nas/ byang chub sems dpa' spyan ras gzigs kyi dbang po'i rkang pa gnyis la spyi bos phyag 'tshal te/ byang chub sems dpa' spyan ras gzigs la lan brgya stong du mar g.yas phyogs su bskor ba byas nas mdun du 'dug ste/ thal mo sbyar nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed </font><hr>Ca301b<br><font size=+1>


na| ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol/ de nas byang chub sems dpa' spyan ras gzigs kyi dbang pos/ mdog 'dzam bu chu klung gi gser gyi kha dog tu 'dug pa/ 'od kyi dra ba rnam pa sna tshogs tshad med pa 'phro ba'i rgyan gyi sprin rab tu 'gyed pa'i lag pa g.yas pa brkyang ste/ mtshan dang dpe byad bzang po las byung ba'i 'od zer sna tshogs dri ma med pa/ lus dang sems kyi bde ba tshad med pa rab tu skyed pa'i tshogs kyis shin tu rgyas pa'i lag pa/ tshong dpon gyi bu nor bzang gi spyi bo la bzhag ste 'di skad ces smras so// rigs kyi bu/ de ltar khyod kyis bla na med pa yang dag par rdzogs pa'i byang chub tu sems bskyed pa legs so/ /legs so/ /rigs kyi bu/ nga ni byang chub sems dpa'i spyod pa'i sgo snying rje chen po'i sgo thogs pa med pa zhes bya ba shes te/ rigs kyi bu/ nga ni byang chub sems dpa'i spyod pa'i sgo snying rje chen po'i sgo thogs pa med pa de ni/ 'gro ba thams cad </font><hr>Ca302a<br><font size=+1>


@#/ /la dbye ba med par sems can yongs su smin par bya ba dang gdul ba la zhugs pa/ sgo kun nas thos shing rnam par rig par 'gyur bas/ sems can yongs su bsdu ba dang gdul ba la nye bar gnas pa ste/ rigs kyi bu/ de ltar byang chub sems dpa'i spyod pa'i sgo snying rje chen po'i sgo thogs pa med pa la gnas pas/ de bzhin gshegs pa thams cad kyi zhabs kyi drung nas kyang mi g.yo la/ sems can thams cad kyi dgos pa la'ang sta gon du gnas te/ sbyin pas kyang sems can yongs su sdud do/ /ngag snyan pa dang / don bya ba dang / don mthun pas kyang sems can yongs su sdud do/ /gzugs kyi lus rnam par bstan pas kyang sems can yongs su smin par byed do/ /kha dog dang / dbyibs dang / gzugs bsam gyis mi khyab pa bstan te/ rnam par dmigs par bya ba dang / 'od zer gyi dra ba dgye bas kyang / sems can rab tu sim par byed cing yongs su smin par byed do/ /bsam pa ji lta ba bzhin du dbyangs brjod pa dang / ci la dga' ba'i spyod lam yongs su bstan pa dang / mos pa sna tshogs dang tshul mthun par chos bstan pa dang / rdzu 'phrul dang / rnam 'phrul ba rnam pa sna tshogs dang / dge ba'i chos bsags par bag mi byed pa'i sems can gyi sems yongs su bskul </font><hr>Ca302b<br><font size=+1>


ba dang / bsam pa dang mthun par sprul pa sna tshogs tshad med pa yongs su bstan pa dang / rigs sna tshogs su skyes pa'i sems can rnam dang skal pa mthun pa'i gzugs yongs su bstan pa dang / gnas gcig tu 'grogs pas kyang / sems can yongs su bsdus shing yongs su smin par byed do/ /rigs kyi bu/ de ltar ngas byang chub sems dpa'i spyod pa'i sgo snying rje chen po'i sgo thogs pa med pa 'di yongs su sbyangs pas/ 'gro ba thams cad rab tu rten pa'i smon lam bskyed de/ 'di ltar sems can thams cad kyi g.yang sa'i 'jigs pa dang / sems can thams cad kyi rgyud kyi 'jigs pa zhi bar bya ba dang / sems can thams cad kyi mgo rmongs pa'i 'jigs pa rnam par bzlog pa dang / sems can thams cad kyis bcings pa'i 'jigs pa yongs su gcad pa dang / sems can thams cad kyi srog la bab par mi bde ba'i 'jigs pa rnam par bzlog pa dang / sems can thams cad kyi yo byad kyis phongs pa'i 'jigs pa bsal ba dang / sems can thams cad kyi 'tsho ba med pa'i 'jigs pa zhi bar bya ba dang / sems can thams cad kyi grags pa med pa'i 'jigs pa las yongs su bzla ba dang / sems can thams cad kyi 'khor ba'i 'jigs pa rab tu zhi bar bya ba dang / sems can thams cad kyi 'khor du bag tsha ba'i 'jigs pa med pa </font><hr>Ca303a<br><font size=+1>


@#/ /bya ba dang / /sems can thams cad 'chi ba'i 'jigs pa las rnam par bzla ba dang / sems can thams cad kyi ngan song gi 'jigs pa rnam par bzlog pa dang / sems can thams cad kyi lam mun pas nyam nga ba phyir mi ldog pa'i snang bas gsal bar bya ba dang / sems can thams cad kyi skal ba mi mnyam pa dang 'grogs pa'i 'jigs pa shin tu bsal ba dang / sems can thams cad kyi sdug pa dang bral ba'i 'jigs pa dgag par bya ba dang / sems can thams cad kyi mi sdug pa dang 'grogs pa'i 'jigs pa med par bya ba dang / sems can thams cad lus la mi bde ba'i 'jigs pa dang bral bar bya ba dang / sems can thams cad sems la mi bde ba'i 'jigs pa las dgrol ba dang / sems can thams cad sdug bsngal ba dang / yid mi bde ba dang / 'khrug pa las yongs su bzla ba'i phyir/ 'gro ba thams cad rab tu rten pa'i smon lam mngon par bsgrub pa 'di byas so/ /sems can thams cad kyi 'jigs pa rnam par zhi bar bya ba'i phyir yang 'jig rten du rjes su dran pa'i sgo byin gyis brlabs so/ / sems can thams cad 'jigs pa dang bral bar bya ba'i phyir/ rang gi ming gi 'khor lo'ang 'jig rten du rnam par dmigs par byas so/ /dus ji lta ba bzhin du 'gro </font><hr>Ca303b<br><font size=+1>


bas rnam par dmigs par bya ba'i phyir/ 'gro ba thams cad rnam pa'i bye brag mtha' yas pa dang mnyam par nga'i lus kyang byin gyis brlabs so/ /rigs kyi bu/ de ltar nga ni thabs 'dis sems can thams cad 'jigs pa las yongs su bkrol zhing sangs rgyas kyi chos thams cad thob par bya ba'i phyir/ bla na med pa yang dag par rdzogs pa'i byang chub tu sems bskyed cing phyir mi ldog par byed do/ /rigs kyi bu/ ngas byang chub sems dpa'i spyod pa'i sgo snying rje chen po'i sgo thogs pa med pa 'di thob par zad na/ ngas byang chub sems dpa' kun tu bzang po rnams sangs rgyas thams cad kyi smon lam gyi dkyil 'khor la rnam par dag pa/ byang chub sems dpa' kun tu bzang po'i spyod pa khong du chud par rtogs pa/ dge ba'i chos mngon par 'du bya ba rgyun mi gcod pa'i rgyud dang ldan pa/ byang chub sems dpa'i ting nge 'dzin thams cad kyi rgyud la rtag tu mnyam par gzhag pa/ bskal pa thams cad du gnas shing spyod pa las phyir mi ldog pa'i rgyud dang ldan pa/ dus gsum thams cad kyi tshul rjes su rtogs pa'i rgyud dang ldan pa/ 'jig rten gyi khams thams cad kyi klong yongs su 'khyil ba'i rgyud la mkhas pa/ sems can thams cad kyi mi dge ba'i sems rnam par zhi bar byed pa'i rgyud dang ldan pa/ sems can thams cad kyi dge ba'i sems </font><hr>Ca304a<br><font size=+1>


@#/ /yongs su 'phel ba'i rgyud dang ldan pa/ sems can thams cad 'khor ba'i rgyun las phyir ldog par byed pa'i rgyud dang ldan pa de dag gi spyod pa shes pa'am/ yon tan brjod par nus re skan/ de la 'di skad ces bya'o/ /g.yas phyogs bskor ba byas te gus par bkur bstod nas/ /nor bzang shin tu dul ba lho phyogs rgyud du song / /spyan ras gzigs dbang drang srong snying rje rnam spyod pa/ /rin chen ri yi sul na gnas par des kyang mthong / /rin chen sna tshogs rdo rje'i ri yi sman ljongs na/ /pad+mo'i snying po'i seng ge'i khri la brtan pa 'dug/ lha dang lha min klu dang srin po mi'am ci/ /rgyal ba'i sras kyis bskor cing de la chos kyang ston/ /mthong nas nor bzang dga' ba tshad med skyes par gyur/ /bsnyen te yon tan rgya mtsho'i rkang la phyag 'tshal nas/ /ci nas bzang po'i spyod pa bdag gis thob 'gyur bar/ /'phags pas thugs rje bskyed de gdams shing bslab par gsol/ / bsod nams brgya bas brgyan pa'i dri med lag brkyang ste/ /'od sprin dra ba rgya chen bzang po rab bton nas/ /nor bzang spyi bor bzhag ste sems can rnam dag pa/ /spyan ras gzigs kyi dbang po mkhas pas tshig 'di smras/ /sangs rgyas sras po da ni rnam thar gcig sgo shes/ /ye shes snying po rgyal ba kun gyi thugs rjes sdug /'gro ba thams cad </font><hr>Ca304b<br><font size=+1>


bskyab cing yongs su bsdu phyir byung / /kun tu bdag nyid rang la byams pa bzhin du rgyu/ /'gro ba mang po thams cad sdug bsngal kun las skyob/ /gang rnams dam du bcings shing dgra lag phyin pa dang / /lus la gzer cing de bzhin btson rar btsud pa yang / /nga yi ming thos bcings shing bzung ba thar bar 'gyur/ /rgyal po dag la nyes pa'i g.yon byas gsad spangs pa/ / de tshe de dag nga yi ming yang dran 'gyur na/ /mda' 'phangs de yi lus la phog par mi 'gyur te/ /mtshon rnon btab kyang de dag mi 'dzug rgal bar 'gyur/ /dbang po'i 'khor du phyin dang gang rnams rtsod gyur pa/ /dgra rnams kun las rgyal 'gyur grags pa thob par 'gyur/ /grags dang grogs dang rigs dang nor rnams 'phel bar 'gyur/ /nga yi ming dran de dag thub pa med par 'gyur/ /gang gis nga yi ming ni rjes su dran byas pa/ /de dag rkun pos 'jigs dogs dgras 'jigs nags phyin te/ /seng ge dom gzig gcan zan g.yag rgod sbrul gang yang / /dgra rnams kun las rgyal zhing 'jigs pa med par 'gyur/ /gang rnams la las nga yi ming zhig dran byas na/ /sdang ba'i sems kyis rin chen ltongs su bor gyur tam/ /sol ma dag lce med rab tu 'bar bar bor gyur kyang / /me rnams pad+mos gang ba'i chu yi gter du 'gyur/ /nga yi ming ni skad 'ga' yud tsam rjes dran na/ /rgya mtsho'i </font><hr>Ca305a<br><font size=+1>


@#/ /chur bor de yi nang du 'chir mi 'gyur/ /chu bos mi khyer me yi dbus su 'tshig mi 'gyur/ /don med kun tu mi 'gyur don rnams 'grub par 'gyur/ /shing sgrog dbyig chings lcags sgrog de bzhin ltung rnams dang / /brnyas shing khyad bsad de bzhin bring cing bslus pa dang / /spyos shing bsdigs te gshe dang sma phab rnam pa las/ / nga yi ming tsam dran par byas na thar pa thob/ /gang rnams shar gnyer sna tshogs glags lta ji snyed dang / /gang rnams rtag tu zhe sdang mi snyan brjod pa'i rnams/ /nga yi ming thos dran byas snyan par brjod par 'gyur/ /mthong ba tsam gyis mod la byams pa'i sems kyang skye/ /nga yi ming tsam la la gang gis dran byas na/ /gnod pa'i don du ro langs sngags dang byad byed pa'i/ /dgra rnams rtag tu de yi zil gyis non par 'gyur/ /ma lus dug gis de yi lus la mi tshugs so/ /la la gang gis nga yi ming tsam dran byas na/ /klu dbang srin tshogs mkha' lding sha za thams cad dang / /grul bum srul po 'tshe byed gtum pa'i sems ldan dang / /mdangs 'phrog 'jigs byed rmi lam 'ong ba'ang zhi bar 'gyur/ / nga yi ming ni skad cig yud tsam dran byas kyang / /pha dang ma dang gnyen gshes mdza' ba kun dang yang / /'bral bar mi 'gyur sdang dang 'grogs par de bzhin min/ /nor </font><hr>Ca305b<br><font size=+1>


zad mi 'gyur phongs pa'i dngos su mi 'gyur ro/ /nga yi ming gi rjes su la la dran byed na/ /'di nas shi 'phos mnar med sems dmyal mi 'gro ste/ /byol song skye gnas yi dwags mi khom gnas su min/ /sems can dag pa lha dang mi yi gnas su skye/ /nga yi ming ni la la gang gis dran byas na/ /dmus long zhar ba 'on pa zha bor mi 'gyur te/ /theng po long bar mi 'gyur gsal smra blta sdug 'gyur/ /bskal ba bye ba mang por dbang po kun ldan 'gyur/ /la la gang gis nga yi ming ni rjes dran na/ /sems can dag pa 'di nas shi 'phos phyogs bcu yi/ /'jig rten khams su sangs rgyas mngon sum skye bar 'gyur/ /sangs rgyas mthong 'gyur de dag chos kyang thos par 'gyur/ /'di dang de bzhin gzhan dag thabs mang ji snyed kyis/ /'gro ba sems can nga 'dul gzhal dang zad mi nus/ /sangs rgyas sras po ngas ni rnam thar gcig bsgom ste/ /yon tan can gyi yon tan thams cad ngas mi shes/ /de'i tshe byang chub sems dpa' gzhan du mi 'gro ba zhes bya ba/ shar phyogs nas nam mkha'i dbyings las 'ongs te mi mjed kyi 'jig rten gyi khams kyi khor yug gi rtse mor 'dug go/ byang chub sems dpa' gzhan du mi 'gro bas/ mi mjed kyi 'jig rten gyi khams khor yug gi rtse mo la rkang pa gnyis por ma thag tu/ mi mjed kyi 'jig rten gyi khams 'di rnam </font><hr>Ca306a<br><font size=+1>


@#/ /ba drug tu g.yos te/ rin po che du ma'i rang bzhin du kun nas gnas par gyur to/ /byang chub sems dpa' gzhan du mi 'gro ba des/ nyi ma dang / zla ba'i 'od thams cad zil gyis non pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten gyi mgon po dang / me dang / rin po che dang / glog dang / skar ma'i 'od kyang zil gyis non pa de lta bu'i 'od lus bkye ste/ sems can dmyal ba chen po dag kyang snang bar byas/ byol song gi skye gnas dang / gshin rje'i 'jig rten gyi lam gyi rgyud thibs po thams cad kyang snang bar byas te/ ngan song gi sdug bsngal thams cad kyang de ma thag tu zhi'o/ /sems can thams cad kyi nyon mongs pa'ang nyams su mi gnod par gyur to/ /mya ngan gyi zug rngu dang / sdug bsngal sna tshogs kyang rtse zil bar gyur to/ /sangs rgyas kyi zhing sa thams cad du'ang rin po che'i sprin gyi char phab ste/ me tog dang / spos dang / bdug pa dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan gyi rgyan thams cad dang ldan pa'i mchod pa sna tshogs kyi sprin gyi char yang mngon par phab ste/ bcom ldan 'das gang na ba der song ngo / /de'i lus </font><hr>Ca306b<br><font size=+1>


de'i gzugs brnyan ni/ sems can thams cad kyi gnas su snang ba ste/ bsam pa ji lta ba bzhin du sim par byed pa la mngon par gzhol bas/ ri gru 'dzin de la byang chub sems dpa' spyan ras gzigs kyi dbang po'i drung du'ang phyin par snang ngo / /de nas byang chub sems dpa' spyan ras gzigs kyi dbang pos/ tshong dpon gyi bu nor bzang la 'di skad ces smras so/ /rigs kyi bu khyod kyis byang chub sems dpa' gzhan du mi 'gro ba/ 'khor gyi dkyil 'khor 'dir phyin pa mthong ngam/ smras pa/ 'phags pa/ mthong ngo / /smras pa/ rigs kyi bu/ byang chub sems dpa' gzhan du mi 'gro ba'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzang gis/ byang chub sems dpa' spyan ras gzigs kyi dbang po'i rkang pa gnyis la spyi bos phyag 'tshal te/ byang chub sems dpa' spyan ras gzigs kyi dbang po la lan brgya stong du mar g.yas phyogs su bskor ba byas nas/ byang chub sems dpa' spyan ras gzigs kyi dbang po'i drung nas song ngo / /de nas tshong dpon gyi bu nor bzang / byang chub sems dpa' spyan ras gzigs kyi dbang po'i ye shes kyi gting ma rnyed pa'i sems kyis/ spyan ras gzigs kyi dbang po bltas pas kyang ma ngoms bzhin du bsgo ba dang mi </font><hr>Ca307a<br><font size=+1>


@#/ /'gal bar byang chub sems dpa' gzhan du mi 'gro ba gang na ba der song ste/ byang chub sems dpa' gzhan du mi 'gro ba'i rkang pa gnyis la spyi bos phyag 'tshal nas/ mdun du 'dug ste thal mo sbyar nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na| ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol/ des smras pa/ rigs kyi bu/ nga ni byang chub sems dpa'i rnam par thar pa'i sgo kun tu 'gro ba thob pa'o/ / smras pa/ 'phags pa khyod kyis de bzhin gshegs pa gang gi zhabs kyi drung nas/ byang chub sems dpa'i rnam par thar pa sgo kun tu 'gro ba zhes bgyi ba 'di brnyes/ / 'jig rten gyi khams de ni 'di nas ji srid cig na mchis/ 'jig rten gyi khams de nas bzhud nas ni ji srid cig lags/ smras pa/ rigs kyi bu/ gnas 'di ni/ lha </font><hr>Ca307b<br><font size=+1>


dang mi dang lha ma yin du bcas pa'i 'jig rten dang / dge sbyong dang bram zer bcas pa'i skye dgus kyang shes par dka' ste/ de ni byang chub sems dpa'i mthu dang / byang chub sems dpa'i brtson 'grus mi ldog pa dang / byang chub sems dpa'i spyod pa mi 'phrog pa'i yul te/ de ni rigs kyi bu/ dge ba'i bshes gnyen gyis yongs su ma zin pa/ sangs rgyas kyis ma dgongs pa/ dge ba'i rtsa ba ma bsags pa/ bsam pa yongs su ma dag pa/ byang chub sems dpa'i dbang po ma thob pa/ shes rab kyi mig dang mi ldan pa rnams kyis thos pa'am/ yongs su gzung ba'am/ yid ches pa'am/ khong du chud par bya bar mi nus so/ /smras pa/ sangs rgyas kyi mthu dang dge ba'i bshes gnyen gyi gzungs kyis dad pa dang mos par bgyi na 'phags pas bdag la bka' mi stsal tam/ des smras pa/ rigs kyi bu/ nga ni shar phyogs kyi 'jig rten gyi khams dpal gyi snying po dang ldan pa/ de bzhin gshegs pa dpal kun nas yang dag par 'byung ba'i sangs rgyas kyi zhing nas 'ongs te/ de bzhin gshegs pa dpal kun nas yang dag par 'byung ba'i zhabs kyi drung nas/ ngas byang chub sems dpa'i rnam par thar bsgo kun tu 'gro ba 'di thob bo/ /rigs kyi bu/ 'jig rten gyi khams dpal gyi snying po dang ldan pa de nas nga song nas ni/ </font><hr>Ca308a<br><font size=+1>


@#/ /bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed cig 'das te/ sems bskyed pa re re zhing yang gom pa sangs rgyas kyi zhing brjod du med pa'i rdul shin tu phra ba snyed cig por ro/ /gom pa re res kyang sangs rgyas kyi zhing brjod du med pa'i rdul shin tu phra ba snyed kyi sangs rgyas kyi zhing 'das te/ sangs rgyas kyi zhing de dag thams cad kyang / de bzhin gshegs pa dang ldan par shes te/ sangs rgyas bcom ldan 'das de dag thams cad la'ang de bzhin gshegs pa'i mchod pa bla na med pa/ yid kyi rang bzhin chos nyid mngon par 'du bya ba med pa'i rgyas btab pa/ de bzhin gshegs pas gnang ba/ byang chub sems dpa'i dga' ba yongs su bskyed pas mthong ba byas so/ /'jig rten gyi khams de dag na/ sems can gyi khams rgya mtsho ji snyed pa de dag thams cad kyang mthong ste/ de dag thams cad kyi sems rgya mtsho'ang khong du chud do/ /de dag thams cad kyi dbang po'i 'khor lo yang yongs su shes shing bsam pa dang mos pa ji lta bzhin du gzugs kyi lus yongs su bstan to/ /chos kyi dbyings rab tu bsgrags so/ /'od kyi dkyil 'khor yongs su bkye'o/ /yo byad sna tshogs phun sum tshogs pas kyang nye bar sdud do/ /rang gi lus kyang de dag la byin gyis brlabs </font><hr>Ca308b<br><font size=+1>


te| de ni yongs su smin par bya ba dang / gdul ba'i sbyor ba rgyun mi 'chad pa'i phyir ro/ /shar phyogs nas ji ltar 'ongs pa de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang / steng gi phyogs nas kyang de bzhin te/ rigs kyi bu/ ngas ni byang chub sems dpa'i rnam par thar pa sgo kun tu 'gro ba zhes bya ba 'di shes par zad na/ ngas byang chub sems dpa' phyogs kun tu mngon par gzhol ba tha mi dad pa'i ye shes kyi yul dang ldan pa/ chos kyi dbyings thams cad du lus rnam par bkod pa/ sems can thams cad kyi bsam pa dang / mos pa ji lta ba bzhin du mthun par spyod pa/ zhing thams cad lus kyis rgyas par 'gengs pa/ chos thams cad kyi rgyud kyi rjes su song ba/ dus gsum gyi rgyud mnyam pa nyid du gyur pa/ chos kyi phyogs kyi rgyud dang mnyam pa nyid du gyur pa'i lus dang ldan pa/ 'gro ba'i rgyud thams cad du rnam par snang ba/ de bzhin gshegs pa'i rgyud thams cad la rnam par rtog pa med pa/ chags pa med pa'i rgyud thams cad khong du chud pa/ gnas med pa'i rgyud la rab tu gnas pa de dag gi spyod pa shes pa'am/ yon tan brjod par yang nus re skan/ song / rigs kyi bu/ </font><hr>Ca309a<br><font size=+1>


@#/ /lho phyogs kyi rgyud 'di nyid na grong khyer sgo dang ldan pa zhes bya ba yod de/ de na lha lha chen po zhes bya ba 'dug gi /de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis/ byang chub sems dpa' gzhan du mi 'gro ba'i rkang pa gnyis la spyi bos phyag 'tshal te/ byang chub sems dpa' gzhan du mi 'gro ba la lan brgya stong du mar g.yas su bskor ba byas nas yang dang yang bltas te/ byang chub sems dpa' gzhan du mi 'gro ba'i drung nas song ngo / /de nas tshong dpon gyi bu nor bzang byang chub sems dpa'i spyod pa rgya chen po'i rjes su song ba'i sems dang ldan pa/ byang chub sems dpa' gzhan du mi 'gro ba'i ye shes kyi spyod yul 'dod pa'i ngang tshul can/ mngon par shes pa chen po/ mngon par bsgrubs pa'i yul la yon tan gyi khyad par du lta ba/ brtson 'grus brtan pa'i go cha rab tu dga' ba'i khyad par thob pa/ bsam gyis mi khyab pa'i rnam par thar pas rnam par rtse ba'i rjes su song ba'i bsam pa dang ldan pa de/ byang chub sems dpa'i yon tan gyi sa la ni nan tan du byed/ ting nge 'dzin gyi sa la ni rnam par dpyod/ gzungs kyi sa la ni rab tu gnas par byed/ smon lam gyi sa la ni </font><hr>Ca309b<br><font size=+1>


'jug par byed/ tha dad pa yang dag par shes pa'i sa la rjes su slob/ stobs kyis ni yongs su sgrub cing mthar gyis grong khyer sgo dang ldan pa gang na ba der song ste/ lha lha chen po kun tu dris pa dang / de la 'gro ba mang pos bstan pa/ rigs kyi bu/ 'de re/ lha lha chen po grong khyer gyi lam gyi bzhi mdo na/ bdag nyid shin tu che bas sems can rnams la chos ston cing 'dug go| de nas tshong dpon gyi bu nor bzang lha lha chen po gang na ba der song ste/ lha lha chen po'i rkang pa gnyis la spyi bos phyag 'tshal te/ mdun du 'dug ste thal mo sbyar nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bshad du gsol/ de nas lha lha chen pos lag pa bzhi phyogs bzhir brkyang ste/ rgya mtsho chen po bzhi las shin tu myur ba'i shugs kyis chu blangs te/ bdag gi gdong bkrus nas/ tshong dpon gyi bu nor bzang la gser </font><hr>Ca310a<br><font size=+1>


@#/ /gyi me tog gis gtor te 'di skad ces smras so/ /rigs kyi bu/ byang chub sems dpa' rnams ni mthong bar shin tu dka' ste/ thos par yang rab tu dka'o/ / skyes bu mchog gi me tog pun da ri ka ni 'jig rten gyi phul du bya ba yin par ngos tshar rmad du byung ba yin te/ 'jig rten gyi gnas su gyur pa'o/ /'gro ba'i rten du gyur pa'o/ /sems can rnams la snang ba chen po 'byin pa'o/ /lam rmongs pa rnams la lam bde ba ston pa'o/ /chos kyi tshul du gzud pa la mgon du gyur pa'o/ /thams cad mkhyen pa'i grong khyer du phyin par bya ba la ded dpon chen po gyur pa ste/ de la kho bo 'di snyam du sems so/ /byang chub sems dpa' sems dpa' chen po rnams kyi ming ni sems dri ma med pa rnams la rang gi lus kyi gzugs brnyan ston cing / lus rnam par dag pa rnams la mngon par snang ba dang / ngag gi nyes pa spangs pa rnams dbyangs kyi snang ba yongs su gdon par byed pa dang / bsam pa dag pa rnams la dus thams cad du mngon sum du gyur par gnas pas lta ba ngan pa 'joms pa yin par bsams so/ /rigs kyi bu/ kho bo ni byang chub sems dpa'i rnam par thar pa sprin gyi dra ba thob pa'o/ /smras pa/ 'phags pa/ byang chub sems dpa'i rnam par thar pa sprin gyi dra ba de'i yul ji lta bu zhig mchis/ de nas lha lha chen </font><hr>Ca310b<br><font size=+1>


pos tshong dpon gyi bu nor bzang gi mdun du ri chen po tsam gyi gser gyi phung po dang / dngul gyi phung po dang / baiDUR+Ya'i phung po dang / shel gyi phung po dang / mus ra gal pa'i phung po dang / asmra gar b+ha'i phung po dang / nor bu rin po che ngang gis snang ba'i phung po dang / nor bu rin po che dri ma med pa snying po'i phung po dang / nor bu rin po che rnam par snang ba'i phung po dang / nor bu rin po che phyogs kun tu mngon pa'i phung po dang / gtsug gi nor bu rin po che dang / cod pan gyi phung po dang / nor bu rin po che sna tshogs kyi se mo do'i phung po dang / dpung rgyan gyi phung po dang / rna cha'i rgyan gyi phung po dang / gdu bu'i phung po dang / ska rags kyi phung po dang / rkang gdub kyi phung po dang / mu tig dmar po'i dra ba'i phung po dang / nor bu rin po che sna tshogs kyi phung po dang / yan lag dang nying lag thams cad kyi rgyan gyi phung po dang / nor bu rin po che yid bzhin gyi rgyal po'i phung po dang / me tog thams cad dang / spos thams cad dang / bdug pa thams cad dang / phreng ba thams cad dang / byug pa thams cad dang / phye ma thams cad dang / gos thams cad dang / gdugs thams cad dang / rgyal mtshan thams cad dang / lha'i ba dan thams cad dang / rol mo brdung ba thams cad dang / rol mo dkrol ba thams cad dang / 'dod pa'i yul thams cad dang / bu mo bye ba brgya stong grangs med pa dag kyang nye bar bstan nas/ tshong dpon </font><hr>Ca311a<br><font size=+1>


@#/ /gyi bu nor bzang la 'di skad ces smras so/ /rigs kyi bu/ 'di dag las khyer la sbyin pa mang po ni byin cig/ bsod nams mang po ni gyis shig/ de bzhin gshegs pa rnams la ni mchod cig/ sems can mang po ni sbyin pas bsdu ba'i dngos pos yongs su bsdus te/ gtong ba'i pha rol tu phyin pa la khod cig/ 'jig rten na sbyin pa la slobs shig/ gtang bar dka' ba yongs su gtang ba ni ston cig /rigs kyi bu khyod la kho bos ji ltar yo byad kyi rnam pas bstud pa 'di bzhin du sbyin pa'i bsam pa dang ma bral ba'i sems can tshad med pa dag gis bsam pa'i rgyud kyang gtong bas yongs su bsgo ba byed do/ /sangs rgyas dang / chos dang / dge 'dun dang / byang chub sems dpa' dang / dge ba'i bshes gnyen rnams la'ang dge ba'i rtsa ba bskyed cing / bla na med pa yang dag par rdzogs pa'i byang chub tu yang dag par bskul ba byed do/ /rigs kyi bu/ gzhan yang kho bo ni sems can 'dod pa'i dga' bas myos pa/ yul gyi longs spyod la yongs su chags pa rnams la yul de dag ni mi sdug par byin gyis rlob bo/ /khro bas non pa dang / nga rgyal can dang / rgyags shing dregs pa dang / rlom pa tshar gcod pas 'dul ba rnams la ni gtum zhing srin po ltar mi sdug la/ 'jigs pa'i lus sha za zhing khrag 'thung ba'i tshul dang ldan </font><hr>Ca311b<br><font size=+1>


bar bstan te/ rlom pa dang snyems pas 'khrug pa de dag thams cad zhi bar byed do/ /le lo can brtson 'grus bor ba'i sems can rnams la ni me dang / chu dang / rgyal po dang / rkun po dang / gnod pa'i 'jigs pa yongs su bstan cing skyo bar byas te/ brtson 'grus rtsom pa la 'god par byed do/ /de ltar thabs de dang de dag gis pha rol tu phyin pa thams cad kyi phyogs dang mi mthun pa rab tu gzhom pa dang / pha rol tu phyin pa thams cad kyi tshogs bsags pa dang / sgrib pa'i ri'i g.yang sa'i lam thams cad las yang dag par bzla ba dang / sgrib pa med pa'i chos la gzud pa'i phyir mi dge ba thams cad las rnam par bzlog ste/ dge ba thams cad phun sum tshogs pa la yang dag par 'god pa byed do/ /rigs kyi bu/ kho bos ni/ byang chub sems dpa'i rnam par thar pa sprin gyi dra ba 'di shes par zad na/ kho bos byang chub sems dpa' dbang po ltar nyon mongs pa'i lha ma yin rab tu 'joms pa/ chu ltar 'gro ba thams cad kyi sdug bsngal gyi me'i phung po zhi bar byed pa/ me'i phung po ltar 'gro ba thams cad gyi srid pa'i chu skems pa/ rlung ltar 'dzin pa'i mngon par chags pa thams cad kyi ri rnam par 'thor ba/ rdo rje ltar bdag gis 'du shes sra ba'i brag rab tu rnyil ba de dag gi spyod pa shes pa'am/ yon tan brjod par nus re skan/ song / rigs kyi bu/ 'dzam </font><hr>Ca312a<br><font size=+1>


@#/ /bu'i gling 'di nyid kyi yul ma ga d+ha'i snying po byang chub na/ sa'i lha mo brtan ma zhes bya ba 'dug gi /de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis/ lha lha chen po'i rkang pa gnyis la spyi bos phyag 'tshal te/ lha lha chen po la lan brgya stong du mar g.yas phyogs su bskor ba byas nas yang dang yang du bltas te/ lha lha chen po'i drung nas song ngo / /de nas tshong dpon gyi bu nor bzang / mthar gyis yul ma ga d+ha'i snying po byang chub tu sa'i lha mo brtan ma gang na ba der song ba dang / de 'gro ba'i tshe sa'i lha mo brgya stong phrag bcu gcig la gcig 'di skad ces 'dzer to/ /sems can thams cad kyi rten du 'gyur ba zhig ni 'di nas tshur 'ong ngo / /de bzhin gshegs pa'i snying po can/ sems can thams cad kyi ma rig pa'i sgo nga'i sbubs 'dral bar 'gyur ba zhig ni 'di nas tshur 'ong ngo / /chos kyi rgyal po'i rigs su byung ba/ chags pa med cing dri ma med pa'i chos kyi rgyal po'i go 'phang dam pa 'thob par 'gyur ba zhig ni 'di nas tshur 'ong ngo / /ye shes kyi mthu bo che rdo rje'i mtshon cha can dpa' bo phas kyi rgol ba'i 'khor thams cad rab tu 'dul ba zhig 'di nas </font><hr>Ca312b<br><font size=+1>


tshur 'ong ngo zhes nas/ de'i mod la lha mo brtan ma la sogs pa sa'i lha mo brgya stong phrag bcus sa chen po rab tu bskyod de/ 'brug sgra zab mo lta bu'i sgra chen po grag par byas nas/ stong gsum gyi stong chen po'i 'jig rten gyi khams 'od chen pos snang bar byas te/ lus rin po che'i rgyan dang lhab lhub thams cad kyis shin tu brgyan nas/ glog gi phreng ba'i tshogs nam mkha'i dbyings las 'gyu zhing snang ba lta bu sha stag tu byas te/ shing thams cad kyi myu gu ni skye bar byed/ me tog gi shing thams cad ni kha 'bu bar byed/ chu klung gi rgyun thams cad ni 'bab par byed/ mtsho dang / mtshe'u dang / lu ma thams cad ni rgyas par byed/ spos chu'i char pa ni rab tu 'bab par byed/ me tog gi sprin rab tu 'thor ba'i rlung chen po ni ldang bar byed/ sil snyan bye ba khrag khrig brgya stong ni rab tu sgra sgrog par byed/ lha rdzas kyi gzhal med khang dang / rgyan gyi tshogs mang po ni rab tu 'khrol bar bed/ ba lang dang / khyu mchog dang / glang po dang / stag dang / ri dwags kyi dbang po ni rab tu sgra 'byin par byed/ lha dang / lha ma yin dang / klu dang / 'byung po'i dbang po rnams ni 'brug sgra 'byin par byed/ ri'i dbang po chen po rnams ni phan tshun thug par byed/ gter gyi tshogs bye ba brgya stong ni mngon du 'byung bar byed cing / sa'i 'og nas 'thon to/ /de nas sa'i lha mo brtan mas/ tshong dpon </font><hr>Ca313a<br><font size=+1>


@#/ /gyi bu nor bzang la 'di skad ces smras so/ /rigs kyi bu khyod 'dir 'ongs pa legs so/ /sa'i phyogs 'di ni sngon khyod kyi gnas su gyur te/ kho mo'i mngon sum du dge ba'i rtsa ba bskyed pa yin na/ de'i rnam par smin pa'i phyogs 'ga' tsam blta bar 'dod dam/ de nas tshong dpon gyi bu nor bzang gis/ sa'i lha mo brtan ma'i rkang pa gnyis la spyi bos phyag 'tshal te/ sa'i lha mo brtan ma la lan brgya stong du mar g.yas phyogs su bskor ba byas nas/ sa'i lha mo brtan ma'i mdun du 'dug ste/ thal mo sbyar nas 'di skad ces smras so/ / 'phags ma/ 'tshal lo/ /de nas sa'i lha mo brtan mas rkang pa'i mthil gyis sa chen po la brdabs te/ rin po che'i gter bye ba brgya stong grangs med pas rab tu brgyan pa bstan nas 'di skad ces smras so/ /rigs kyi bu/ rin po che'i gter bye ba khrag khrig brgya stong 'di dag kyang / khyod kyi rjes su 'brang ba'o/ /khyod kyi sngon du 'gro ba'o/ /khyod kyis ci dgar spyad pa'o/ /khyod kyi bsod nams kyi rnam par smin pa las byung ba'o/ /khyod kyi bsod nams kyi stobs kyis bsrungs pa'o/ /'di las long ste/ khyod kyis ci dgos pa de dag gyis shig/ rigs kyi bu/ gzhan yang kho mo ni byang chub sems dpa'i rnam par thar pa ye shes thub par dka' ba'i snying po can thob pa ste/ de ltar kho mo ni byang chub sems dpa'i rnam par </font><hr>Ca313b<br><font size=+1>


thar pa 'di dang ldan pas/ de bzhin gshegs pa mar me mdzad tshun chad du byang chub sems dpa'i rjes su 'brang zhing / rtag tu srung ba la zhugs pa ste/ de tshun chad du/ rigs kyi bu/ kho mo ni byang chub sems dpa'i sems kyi spyod pa la rnam par spyod do/ /ye shes kyi yul la 'jug go/ smon lam gyi dkyil 'khor khong du chud par byed do/ /byang chub sems dpa'i spyod pa rnam par dag pa rjes su rtogs par byed do/ /ting nge 'dzin thams cad kyi tshul gyi rjes su 'brang ngo / /byang chub sems dpa'i mngon par shes pa thams cad dang / sems rgya chen pos rgyas par 'gengs so| |byang chub sems dpa' thams cad kyi stobs kyis dbang bsgyur ba dang / zhing gi dra ba thams cad rgyas par dgang ba dang / de bzhin gshegs pa thams cad kyis lung bstan pa yang dag par mnod pa dang / dus thams cad du mngon par 'tshang rgya ba yang dag par bstan pa dang / chos kyi 'khor lo bskor ba'i tshul thams cad dang / mdo sde yang dag par brjod pa'i chos kyi sprin gyi tshul thams cad dang / chos snang ba chen pos snang bar bya ba'i tshul dang / sems can thams cad yongs su smin par bya ba'i tshul dang / sangs rgyas kyi rnam par 'phrul pa thams cad yang dag par bstan pa'i tshul yang rjes su rtogs par byed do/ /yang dag par 'dzin to/ /yang dag par nod do/ /rigs kyi bu/ byang chub sems dpa'i rnam par thar pa ye shes thub </font><hr>Ca314a<br><font size=+1>


@#/ /par dka' ba'i snying po can 'di yang bskal pa ri rab kyi rdul shin tu phra ba snyed kyi pha rol de'i yang pha rol gcig tu/ 'jig rten gyi khams zla ba'i rgyal mtshan zhes bya bar bskal pa snang bas rnam par brgyan pa la/ de bzhin gshegs pa spyan bzang po las thob ste/ rigs kyi bu/ de ltar kho mo byang chub sems dpa'i rnam par thar pa ye shes thub par dka' ba'i snying po can 'di la yongs su dpyod dpyod/ rnam par dpyod dpyod/ shin tu dpyod dpyod/ yang dag par 'phel bar byed de/ shin tu rgyas par byed byed pas/ bskal pa bzang po la thug gi bar du de bzhin gshegs pa mthong ba dang ma bral lo/ /de srid kyi bar gyis kho mos de bzhin gshegs pa dgra bcom pa yang dag par rdzogs pa'i sangs rgyas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed cig bsnyen bkur to/ /de bzhin gshegs pa de dag thams cad snying po byang chub tu gshegs pa'i rnam par 'phrul pa yang mthong ste/ kho mo ni de bzhin gshegs pa de dag thams cad kyi dge ba'i rtsa ba mngon sum du mthong ba'o/ /rigs kyi bu/ kho mos byang chub sems dpa'i rnam par thar pa ye shes thub par dka' ba'i snying po can 'di shes par zad na/ kho mos byang chub sems dpa' de bzhin gshegs pa thams cad kyi zham ring du 'brang ba/ </font><hr>Ca314b<br><font size=+1>


sangs rgyas thams cad kyi gsung gi rjes su 'brang ba/ de bzhin gshegs pa'i ye shes 'jug par dka' ba la rab tu zhugs pa/ sems kyi skad cig gis chos kyi dbyings thams cad rgyas par 'gengs pa'i shugs dang ldan pa/ de bzhin gshegs pa dang mnyam pa nyid du gyur pa'i lus dang ldan pa/ sangs rgyas thams cad kyi dgongs pa dri ma med pa'i snying por gyur pa/ sangs rgyas byung ba thams cad du rtag tu mngon par bsgrubs pa/ sangs rgyas kyi 'phrin las tha mi dad pa'i pho nyar gyur pa/ de dag gi spyod pa shes pa'am/ yon tan brjod par nus re skan/ song / rigs kyi bu/ 'dzam bu'i gling 'di nyid kyi yul ma ga d+ha zhes bya ba na/ grong khyer ser skya'i gnas zhes bya ba yod de/ de na mtshan mo'i lha mo dpyid dang ldan pa zhes bya ba 'dug gi /de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzang gis/ sa'i lha mo brtan ma'i rkang pa gnyis la spyi bos phyag 'tshal te/ sa'i lha mo brtan ma la lan brgya stong du mar g.yas phyogs su bskor ba byas nas/ yang dang yang bltas te/ sa'i lha mo brtan ma'i drung nas song ngo / /de nas tshong dpon gyi bu nor bzang / sa'i lha mo brtan ma'i gdams ngag rjes su dran par byed cing / byang chub sems dpa'i rnam par thar pa ye shes thub par dka' </font><hr>Ca315a<br><font size=+1>


@#/ /ba'i snying po can de rjes su dran par bya ba dang / byang chub sems dpa'i ting nge 'dzin bsgom pa de rab tu goms par bya ba dang / byang chub sems dpa'i chos kyi tshul de'i rjes su bsam pa dang / byang chub sems dpa'i rnam par thar pas rnam par rtse ba de la rnam par dpyad pa dang / byang chub sems dpa'i rnam par thar pa'i ye shes shin tu phra ba de la rnam par blta ba dang / byang chub sems dpa'i rnam par thar pa'i ye shes rgya mtsho de la 'jug par bya ba dang / byang chub sems dpa'i rnam par thar pa'i ye shes tha dad pa de la yid ches par bya ba dang / byang chub sems dpa'i rnam par thar pa'i ye shes shin tu sbyangs pa de rjes su rtogs par bya ba dang / byang chub sems dpa'i rnam par thar pa'i ye shes rgya mtsho de la 'bab par bya ba byed cing / grong khyer chen po ser skya'i gnas gang na ba der phyin te/ grong khyer chen po ser skya'i gnas la g.yas phyogs su bskor nas/ shar phyogs logs kyi grong khyer gyi sgo nas song ste/ nyi ma nub nas ring po ma lon pa zhig tu grong khyer gyi lam gyi sum mdo'i dbus shig na/ byang chub sems dpa'i gdams ngag mthun par len pa de/ mtshan mo'i lha mo dpyid dang ldan pa mthong bar 'dod cing / dge ba'i bshes gnyen yod na sangs rgyas kyi ye shes 'thob par 'gyur bar nges pa'i blo </font><hr>Ca315b<br><font size=+1>


gros dang ldan pa/ ye shes kyi mig kun tu lta ba'i yul gyi rang bzhin gyi byin gyi rlabs dang ldan pa/ phyogs thams cad du mngon par gzhol zhing / dge ba'i bshes gnyen blta ba'i sems kyis mos pa dang / ye shes chen po'i snying por gyur pa'i 'du shes kyi sems dang ldan pa/ dmigs pa thams cad la rab tu zhugs pa'i ye shes kyi mig dang ldan pa/ chos kyi dbyings kyi tshul thams cad du ye shes rgya mtsho 'byams klas pas rgyas par 'gengs pa dang ldan pa'i ting nge 'dzin gyi mig gis/ phyogs thams cad du shes bya'i rgya mtsho la rnam par blta ba/ ye shes chen po'i mig 'thob par bya ba la rab tu gzhol zhing bsam pa rtse gcig tu bzhag nas 'dug 'dug pa dang / mtshan mo'i lha mo dpyid dang ldan pa de/ grong khyer chen po ser skya'i gnas kyi steng gi nam mkha'i dbyings la/ nor bu rin po che sna tshogs dpe med pa'i khang pa brtsegs pa zhig na/ rin po che'i seng ge'i khri chen po spos zhim po thams cad kyi pad+mo'i snying po can zhig la/ lus kyi mdog gser gyi kha dog tu 'dug pa/ skra 'jam zhing mang la mthon mthing du 'dug pa/ mig dkar nag 'byes pa/ gzugs bzang ba shin tu mdzes pa/ blta na sdug pa/ lus rgyan dang lhab lhub thams cad kyis klubs shing brgyan pa/ kha dog bsgyur ba'i gos bgos pa/ tshangs pa'i gtsug tor gyi cod pan zla ba'i dkyil 'khor </font><hr>Ca316a<br><font size=+1>


@#/ /gyis brgyan pa thogs pa/ lus la rgyu skar dang / gza' dang / skar chen dang / skar ma'i tshogs thams cad kyi gzugs brnyan snang bar gyur pa 'dug par mthong ngo| |des sems can gyi khams yangs par mi khom pa dang / ngan song dang / ngan 'gro dang / log par ltung ba nas/ sems can ji snyed cig yongs su dgrol ba de dag thams cad kyang / de'i ba spu'i sbubs su chud par mthong ngo / /ji snyed cig mtho ris kyi 'jig rten du bkod pa dang / ji snyed cig nyan thos dang / rang sangs rgyas kyi byang chub dang / thams cad mkhyen pa nyid du yongs su smin par bya ba de dag thams cad kyang de'i ba spu'i sbubs su chud par mthong ngo / /lus mngon par bsgrub pa dang / gzugs mngon par bsgrub pa dang / kha dog mngon par bsgrub pa'i thabs sna tshogs kyis ji snyed cig yongs su smin par byas pa de dag kyang de'i ba spu'i sbubs su chud par mthong ngo / /nga ro mngon par bsgrub pa dang / dbyangs kyi yan lag mngon par bsgrub pa dang / skad kyi tshul sna tshogs yongs su sbyar ba ji snyed cig gis yongs su smin par byas pa de dag kyang / de'i ba spu'i sgo nas rjes su brjod pa thos so/ dus mngon par bsgrub pa dang / bsam pa dang mos pa ji lta ba bzhin du sems can gyi rjes su 'brang bar bya ba dang / byang chub sems dpa'i spyod pa dang / byang chub sems dpa'i rnam par </font><hr>Ca316b<br><font size=+1>


gnon pa dang / byang chub sems dpa'i ting 'dzin gyis rnam par 'phrul ba'i sgo dang / byang chub sems dpa'i khyu mchog gi mthu phyung ba dang / byang chub sems dpa'i rnam par spyod pa dang / byang chub sems dpa'i yongs su lta ba dang / byang chub sems dpa'i rnam par lta ba dang / byang chub sems dpa'i rnam par 'phrul pa dang / byang chub sems dpa'i skyes bu seng ge chen po'i rnam par bsgyings pa dang / byang chub sems dpa'i rnam par thar pas rnam par rtse ba ji snyed cig gis/ des sems can yongs su smin par byas pa de dag kyang / de'i ba spu'i sbubs su chud par mthong ngo| |des thabs sna tshogs dang ldan pa'i chos kyi tshul rgya mtsho de dag mthong zhing thos nas dga' rangs te/ mgu zhing nyams bde la/ tshim zhing yid bde ba skyes nas/ mtshan mo'i lha mo dpyid dang ldan pa de la lus thams cad kyis phab nas phyag 'tshal te/ langs nas mtshan mo'i lha mo dpyid dang ldan pa la lan brgya stong du mar g.yas phyogs su bskor ba byas nas/ mtshan mo'i lha mo dpyid dang ldan pa'i mdun du 'dug ste/ thal mo sbyar nas 'di skad ces smras so/ /lha mo/ bdag gis bla na med pa yang dag par rdzogs pa'i byang chub tu sems bskyed de/ de ltar bdag gis dge ba'i bshes gnyen gyi byin gyi rlabs kyis/ sangs rgyas kyi yon tan thams cad 'byung bar yang dag par mthong bas dge ba'i bshes gnyen gyi </font><hr>Ca317a<br><font size=+1>


@#/ /phyag tu bdag nyid por ba lags na/ lha mo shul gang la brten na/ byang chub sems dpa'i stobs bcu'i sar 'byung bar 'gyur ba'i thams cad mkhyen pa'i shul bdag la bshad du gsol/ de skad ces smras pa dang / mtshan mo'i lha mo dpyid dang ldan pas/ tshong dpon gyi bu nor bzang la 'di skad ces smras so/ /rigs kyi bu/ da ltar khyod dge ba'i bshes gnyen gyi byin gyis non te/ dge ba'i bshes gnyen gyi tshig mnyan par 'dod pa dang / dge ba'i bshes gnyen gyi gdams ngag la nan tan du byed pa legs so/ /legs so| |rigs kyi bu/ khyod ni de ltar dge ba'i bshes gnyen gyi gdams ngag la nan tan du byed pas/ gdon mi za bar bla na med pa yang dag par rdzogs pa'i byang chub tu nye bar 'gyur ro/ /rigs kyi bu/ kho mo ni byang chub sems dpa'i rnam par thar pa sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo thob pa ste| bsam pa mi mnyam pa dang ldan pa'i sems can rnams la byams pa'i sems dang ldan pa'o/ /mi dge ba'i las kyi lam la zhugs pa rnams la snying rje'i sems dang ldan pa'o/ /dge ba'i las kyi lam la zhugs pa rnams la dga' ba'i sems dang ldan pa'o/ /sems mnyam pa dang mi mnyam par ldan pa'i sems can rnams la mi gnyis </font><hr>Ca317b<br><font size=+1>


pa'i sems dang ldan pa'o/ /kun nas nyon mongs pa rnams la rnam par sbyang ba'i sems dang ldan pa'o/ /nyam nga bar gyur pa rnams la yang dag par zhugs pa'i sems dang ldan pa'o/ / dma' ba la mos pa rnams la yangs pa la mos pa yongs su bskyed pa'i sems dang ldan pa'o/ /dbang po zhum pa rnams la brtson 'grus chen po'i shugs rnam par spel ba'i sems dang ldan pa'o/ /'khor ba la mngon par mos pa rnams la 'khor ba'i rgyud kyi 'khor lo las rnam par bzlog pa'i sems dang ldan pa'o/ /nyan thos dang / rang sangs rgyas kyi theg pa la mngon par mos pa'i sems can rnams la/ thams cad mkhyen pa nyid kyi lam la dgod pa'i sems dang ldan pa'o/ /rigs kyi bu/ de ltar kho mo de lta bu'i sems dang yid la bya bar ldan la/ byang chub sems dpa'i rnam par thar pa sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di dang yang ldan pas/ sems can gang ji snyed cig mun nag smag tu gyur pa'i nam la/ mi ni nyal bar gyur/ 'byung po'i tshogs ni rgyu bar gyur/ rkun chom mang pos ni rgyas par gyur/ sems can mi srun pa'i tshul can ni phyogs su rgyu bar gyur/ sprin stug po nag pos kun nas khebs par gyur/ dud pa dang / rdul gyi tshogs kyis ni kun nas 'grigs par gyur/ rdzi char mi bzad pas ni </font><hr>Ca318a<br><font size=+1>


@#/ /rab tu gtags par gyur/ zla skar gyi tshogs ni mi snang bar gyur/ mig gis bya ba'i mthu ni med par gyur pa'i mun pa la/ sems can gang ji snyed cig rgya mtsho la spyod dam/ thang la spyod dam/ ri la spyod dam/ nags tshal gzhan na spyod dam/ yul gzhan na spyod dam/ grong gzhan na spyod dam/ phyogs gzhan na spyod dam/ phyogs mtshams gzhan na spyod dam/ lam gzhan na spyod kyang rung ste/ rgya mtsho la spyod spyod pa las gru bub par gyur pa'am/ thang la spyod spyod pa las nyam nyes pa'am/ ri la spyod spyod pa las g.yang sa chen por lhung bar gyur pa'am/ 'brog dgon pa la spyod spyod pa las kha zas kyis phongs par gyur pa'am/ nags tshal thibs por sba'i zang zing la thogs pa'am/ tshul ma yin pa'i nyam nyes shig tu gyur tam/ yul gzhan na spyod spyod pa las chom pos bcom pa'am/ grong gzhan na spyod spyod pa las mi srung pa'i tshul can gyis gtses pa'am| phyogs gzhan na spyod spyod pa las 'brog rmis pa'am/ phyogs mtshams gzhan na spyod spyod pa las mgo rmongs pa'am/ lam gzhan na spyod spyod pa las nye zhor gyur kyang rung ste/ rigs kyi bu/ kho mo ni sems can de dag la/ thabs sna tshogs kyi sgo nas skyabs su gyur par byed pa ste/ 'di ltar rgya mtsho chen po la spyod pa rnams kyi rlung </font><hr>Ca318b<br><font size=+1>


sprin nag po gtor ba dang / chu'i rnyog pa dang ba dang / rlung mi bzad pa'i dkyil 'khor bzlog pa dang / rlabs kyi shugs chen po zhi bar bya ba dang / klong gi 'jigs pa las thar par bya ba dang / phyogs bstan pa dang / chu'i lam legs par dmigs pa dang / 'gram bstan pa dang / rin po che'i gling du phyin par bya ba'i phyir lam yongs su ston te/ yongs su sbud pa'i gzugs dang| ded dpon gyi gzugs dang / rta'i rgyal po rngog chen gyi gzugs dang / glang po'i rgyal po'i gzugs dang / rus sbal gyi rgyal po'i gzugs dang / lha ma yin gyi rgyal po'i gzugs dang| nam mkha' lding gi rgyal po'i gzugs dang / mi'am ci'i rgyal po'i gzugs dang / lto 'phye chen po'i rgyal po'i gzugs dang / rgya mtsho'i lha'i gzugs dang / mnyan pa'i gzugs kyis skyabs su gyur par byed do/ /dge ba'i rtsa ba de yang 'di ltar/ sems can thams cad sdug bsngal gyi phung po thams cad las yongs su bzlog pa'i phyir skyabs su gyur par shog cig ces yongs su bsngo'o/ /thang la spyod pa'i sems can mun pa chen po shin tu gnag pa'i nam la/ sa gzhi 'od ma dang / tsher ma dang / gseg ma dang / gyo mos gang ba/ sbrul gdug pa gtum po shin tu mang ba/ thag thug dang mi bde ba'i lam can/ rdul dang phyag dar shin tu 'thul ba/ rdzi char drag pos gtags pa/ tsha ba dang / grang </font><hr>Ca319a<br><font size=+1>


@#/ /ba'i sdug bsngal yod pa/ sbrul dang gcan zan gyis bag tsha ba yod pa/ thong \ THOD?\ mi dang chom po rgyu bar gyur pa zhig la/ mgo 'khor bar gyur ba'i sems can rnams la nyi ma'i gzugs dang / zla ba'i gzugs dang / skya rengs 'char ba'i gzugs dang / skar mda' chen po'i gzugs dang / glog gi phreng ba 'byung ba'i gzugs dang / rin po che'i 'od kyi gzugs dang / gza'i 'khor gyi gzugs dang / rgyu skar dang / skar ma'i tshogs kyi gzhal med khang gi 'od kyi gzugs dang / lha'i gzugs dang / byang chub sems dpa'i gzugs kyis skyabs su gyur par byed do/ /sems dge ba'i rtsa ba 'dis/ nyon mongs pa'i mun pa thams cad rnam par bsal ba'i phyir/ sems can thams cad kyi skyabs su shog cig par bskyed do/ /ri'i g.yang sa la spyod cing 'chi bas 'jigs skrag pa rnams kyi srog dbyung ba dang / grags pa 'dod pa'i dbang du gyur pa dang / snyan pa dang / sgra'i rgyal mtshan 'dod pa dang / longs spyod tshol ba dang / 'dod pa'i zil gyis non pa dang / yo byad yongs su btsal ba la brtson pa dang / 'jig rten gyi phun sum tshogs pa 'dod cing brtson pa dang / bu dang chung ma gtong mi phod pas thogs par gyur pa dang / lta ba'i thibs por 'khyams pa dang / sdug bsngal ba dang / 'jigs pa sna tshogs kyis </font><hr>Ca319b<br><font size=+1>


gtses pa rnams la yang / thabs sna tshogs kyi sgo nas skyabs su gyur par byed de/ 'di ltar ri'i phug dang / bya skyibs mngon par bsgrub pa dang / shing tog dang / rtsa ba bzar rung ba mngon par bsgrub pa dang / chu'i lam dang / chu mig mngon par bsgrub pa dang / tsha ba dang / grang ba'i gnyen po mngon par bsgrub pa dang / yang dag pa'i lam bstan pa dang / ka la ping+ka'i sgra skad bsgrag pa dang / rma bya'i rgyal po skad 'byin pa'i dbyangs dang / sman 'bar bas snang ba'i gzugs dang / ri'i lha'i 'od kyi gzugs dang / ri'i phug dang / sul dang / ltongs su rlag ste sdug bsngal sna tshogs kyis gtses pa'i sems can rnams kyi mun pa'i rab rib rnam par bsal ba dang / sa'i gzhi mnyam par mngon par bsgrub pas skyabs su gyur par byed de/ sems kyang ji ltar bdag gis sems can ri la spyod pa 'di dag yongs su bskyabs pa de bzhin du/ 'khor ba'i ri'i lam rgyud g.yang sa la gnas shing / rga shi'i gdon gyis zin pa de dag gi skyabs su yang bdag 'gyur bar shog cig par bskyed do/ /nags tshal thibs po'i dra bas thogs pa'i sems can mtshan mo mun pa'i mun nag gis chod de/ shing dang shing phran 'dzings pa'i gseb shin tu nyam nga ba dang / chu dang / rtswa dang / sdong po dang / 'khri shing gis lam chod pa dang / shing dang / shing phran sna tshogs kyi nags tshal </font><hr>Ca320a<br><font size=+1>


@#/ /thibs po'i nang du phyin te/ stag gi sgra thos pas skrag pa'i snying can/ don ma grub pas sems 'khrugs par gyur pa dang / 'jigs pa dang / 'tshe ba dang / mi dga' ba sna tshogs kyis nyams mi bde ba/ nags tshal stug po nas 'byung ba'i phyogs mi shes pa rnams la/ kho mo ni bde bar 'gro ba'i lam yongs su ston par byed do/ /sems kyang 'di ltar dge ba'i rtsa ba 'dis/ sems can lta ba thibs po sna tshogs la gnas pa/ sred pa'i dra bas 'khris par gyur pa/ 'khor ba'i sdug bsngal sna tshogs kyis gtses pa rnams sdug bsngal thams cad las yongs su 'grel par shog cig par bskyed do/ /'brog dgon pa la spyod pa'i sems can mun pa'i nang na 'thoms pa rnams kyang thabs kyi sgo sna tshogs kyis bde ba yongs su bskyed cing lam bstan te/ de dag 'jigs pa med pa dang / bde ba la rab tu bkod nas /sems kyang dge ba'i rtsa ba 'dis/ sems can 'khor ba'i 'phrog dgon pa na 'thoms pa/ ngan song thams cad kyi lam du zhugs pa rnams/ sdug bsngal thams cad las yongs su bkrol te/ shin tu phun sum tshogs pas bde ba'i thams cad mkhyen pa'i lam la rab tu dgod par bya bar shog cig par bskyed do/ /rigs kyi bu/ yul dang ljongs la chags pa'i sems can mngon par chags pa'i rgyu las byung ba'i sdug </font><hr>Ca320b<br><font size=+1>


bsngal nyams su myong bar gyur pa rnams la yang kho mo ni skyo bar bya ba'i thabs sna tshogs kyis yul la mngon par chags pa de las gyen du bskyod pa byed de/ sems kyang 'di ltar dge ba'i rtsa pa 'dis sems can thams cad phung po la mngon par chags pa las gyen du bskyod de/ gnas med pa'i thams cad mkhyen pa'i ye shes la dgod par bya bar shog cig par bskyed do/ / rigs kyi bu/ kho mo ni grong na spyod pa'i sems can khyim dang / gnas kyi 'ching pas glags pa rnams/ mtshan mo mun pa shin tu gnag pas chod pa'i nang na/ khyim gyi don sna tshogs nyams su gnod pas sdug bsngal bar gyur pa rnams kyang skyo bar 'gyur ba'i sgo sna tshogs kyis skyo bar byas te/ chags pa med pa'i sems yongs su bskyed nas/ chos kyi sbyin pas yongs su bzung ste/ tshim par byas nas rten pa med pa'i chos la bkod de/ sems kyang 'di ltar dge ba'i rtsa ba 'dis/ sems can skye mched drug gi grong la gnas pa rnams 'khor ba'i lam gyi rgyud kyi spyod yul las gyen du bskyod de/ thams cad mkhyen pa'i ye shes kyi spyod yul la dgod par bya bar shog cig par bskyed do/ /rigs kyi bu/ gang yang mtshan mo mun pa shin tu gnag pa'i nang na/ shar phyogs la sogs pa'i phyogs dang / phyogs mtshams re rer phyogs bslad par gyur pa/ sa'i phyogs mnyam pa la mi mnyam </font><hr>Ca321a<br><font size=+1>


@#/ /pa'i g.yang sar 'du shes pa dang / sgang bu la gshong du 'du shes par gyur te/ phyogs kyi lam dang / sa tshod la mgo 'khor bar gyur pa de dag la'ang / kho mo ni thabs sna tshogs kyis snang bar byas te/ phyir 'byung ba rnams la ni sgo yongs su ston to/ /rgal bar 'dod pa rnams la ni mu stegs yongs su ston to/ /brkyal bar 'dod pa rnams la ni gru yongs su ston to/ /khyim du 'gro bar 'dod pa rnams la ni khyim yongs su ston to/ /rnam par blta bar 'dod pa rnams la ni phyogs yongs su ston to/ /sa'i gzhi mtho ba dang / dma' ba yongs su ston to/ /sa'i gzhi phyogs mnyam pa dang / mi mnyam pa dang / gzugs kyi rnam pa sna tshogs kyang yongs su ston to/ /lam gyis dub pa rnams la grong dang / grong khyer dang / ljongs dang / khams dang / rgyal po'i pho brang 'khor kyang yongs su ston to/ /tsha ba dang / skom pas mnar ba rnams la yang mtsho dang / mtshe'u dang / lu ma dang / rdzing dang / rdzing bu dang / chu klung dang / nags tshal dang / bza' shing gi ra ba dang / kun dga' yid du 'ong ba yongs su ston to/ /sdug pa dang bral zhing phrad par 'dod pa rnams la| pha dang / ma dang / bu dang / chung ma dang / mdza' bo dang / blon po dang / gnyen bshes dang / yid du 'ong ba'i gzugs kyi rnam pa sna tshogs yongs su ston te/ sems </font><hr>Ca321b<br><font size=+1>


kyang ji ltar bdag gis sems can mtshan mo mun pa mun gnag gis chod pa/ mig rab rib kyis nyams pa/ phyogs bslad pa/ lam 'khor ba rnams la/ gzugs kyi rnam pa sna tshogs rnam par dmigs par bya ba'i phyir snang ba bskyed de/ 'od byas pa de bzhin du/ bdag gis yun ring po nas 'khor ba'i mun ba na gnas pa'i sems can yang dag pa nyid kyi phyogs la bslad pa/ ma rig pa'i mun par 'thoms pa/ ye shes kyi mig mi shes pa'i ling tog gis chod pa/ 'du shes dang / sems dang / lta bas phyin ci log tu gyur pa/ mi rtag pa la rtag par 'du shes pa/ sdug bsngal ba la bde bar 'du shes pa/ bdag med pa la bdag tu 'du shes pa/ mi sdug pa la sdug par 'du shes pa/ bdag dang / sems can dang / srog dang / gso ba dang / gang zag tu 'dzin pa dam po la gnas pa/ phung po dang / khams dang / skye mched la gnas pa/ rgyu dang 'bras bu la mgo 'khor ba/ mi dge ba'i las kyi lam gyi phyogs su zhugs pa/ srog gcod pa/ ma byin par len pa/ 'dod pas log par g.yem pa/ brdzun du smra ba/ phra ma zer ba/ ngag rtsub po 'byin pa/ tshig kyal pa smra ba/ chags sems dang ldan pa/ gnod sems kyi sems dang ldan pa/ log par lta ba can/ phar mi shes pa/ mar mi shes pa/ dge sbyong dang bram zer mi shes pa/ dbang po </font><hr>Ca322a<br><font size=+1>


@#/ /mi shes pa/ skyes bu dam pa mi shes pa/ chos ma yin pa la chags shing zhen pa/ mi tshul pa'i 'dod pas zil gyis non pa/ log pa'i chos kyis yongs su 'khris pa/ de bzhin gshegs pa la skur pa 'debs pa/ chos kyi 'khor lo nub par bya ba la zhugs pa/ bdud kyi rgyal mtshan 'dzin pa/ byang chub sems dpa' la gnod par byed pa/ theg pa chen po la zhe sdang ba/ byang chub kyi sems la mos pa spong bar byed pa/ byang chub sems dpa' la mi snyan du brjod pa/ snod ma bskams par snying ring ba/ gnod pa ma byas par dgrar len pa/ 'phags pa la skur pa 'debs pa/ skyes bu dam pa ma yin pas spyod pa'i chos kyi spyod yul can/ mchod rten dang dge 'dun gyi dngos po la 'khu ba/ pha ma la log par sems pa/ mtshams med pa'i las byed pa/ g.yang sa chen po la mngon par bltas pa'i sems can rnams kyi ma rig pa'i mun pa/ shes rab kyi snang ba chen pos bsal te/ bla na med pa yang dag par rdzogs pa'i byang chub tu yang dag par bskul nas/ theg pa chen po kun tu bzang pos stobs bcu'i ye shes kyi sa'i lam yongs su ston par gyur cig /de bzhin gshegs pa'i sa dang / de bzhin gshegs pa'i yul dang / thams cad mkhyen pa'i ye shes kyi tshul rgya mtsho dang / sangs rgyas </font><hr>Ca322b<br><font size=+1>


gyi ye shes kyi spyod yul dang / sangs rgyas kyi yul dang / stobs bcu yongs su grub pa dang / sangs rgyas kyi gzungs kyi stobs dang / sangs rgyas thams cad kyi sku mchog tu gyur pa yongs su ston par shog cig/ yongs su bstan nas kyang / sangs rgyas thams cad kyi mnyam pa nyid kyi gnas la rab tu dgod par shog cig par bskyed do/ /rigs kyi bu/ kho mo ni sems can yun ring po nas na zhing nad kyis yongs su skyo ba/ lus nyam chung ba dang / rgas pa/ rga ba'i zil gyis non pa dang / mgon med pa dang / phongs shing dbul pa dang / log par ltung ba dang / yul gzhan du phyin pa dang / phyogs log par zhugs pa dang / btson ra na 'dug pa dang / chad pas bcad pa dang / nyes pa byung ste rgyal pos gsad par bkri ba rnams kyang srog dang bral gyi 'jigs pa las yongs su bskyab pa'i phyir gnas so/ /rigs kyi bu/ de ltar kho mo ni sems can nad pa rnams kyi nad thams cad ni thabs thams cad kyis gso bar nan tan du byed do/ /rgas pa dang / rga ba'i zil gyis non pa rnams la ni/ bsnyen bkur ba dang / rim gro dang / yo byad kyis mi phongs par yongs su sdud par byed do/ /mgon med ba'i sems can rnams la mgon byed do/ /phongs shing dbul ba rnams ni nor dang gser gyi phung pos yongs su sdud do/ /log par ltung ba rnams ni don mthun pas yongs su sdud </font><hr>Ca323a<br><font size=+1>


@#/ /do| |yul gzhan du phyin pa rnams ni rang gi yul du phyin par byed do/ /phyogs log par zhugs pa rnams ni phyogs ma nor bar 'dzud do| |btson ra na 'dug pa rnams ni btson ra nas thar bar byed do/ /chad pas bcad pa ni chad pa'i sdug bsngal las grol bar byed do/ /nyes pa byung ste rgyal pos gsad par bkri ba rnams ni srog gi dbugs phyin pa thob par byed de/ sems kyang bdag ji ltar sems can 'di dag 'jigs pa dang / gnod pa sna tshogs las yongs su skyob cing mgon byed pa de bzhin du/ bdag gis 'di rnams bla na med pa'i chos kyi yongs su bsdu bas yongs su bsdus te/ nyon mongs pa thams cad las yongs su dgrol bar bya'o/ /skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa las yang dag par bzla bar bya'o/ /ngan song dang / log par ltung ba'i 'jigs pa thams cad las yongs su dgrol bar bya'o/ /dge ba'i bshes gnyen gyi gzugs la rab tu dgod par bya'o/ /chos rin po che sbyin pa'i yongs su bsdu bas yongs su bsdu bar bya'o/ /kha na mtho ba med pa'i las la rab tu dgod par bya'o/ /de bzhin gshegs pa'i sku rnam par dag pa yang dag par bskul bar bya'o/ / </font><hr>Ca323b<br><font size=+1>


rga shi yongs su med pa'i dbyings shin tu rtogs pa las rab tu dgod bar bya bar bskyed do/ /rigs kyi bu/ kho mo ni sems can log pa'i lam la zhugs pa/ lta ba'i rnam pa thibs po sna tshogs la mngon par zhen pa/ log par lta ba'i spyod yul can/ lus dang ngag dang yid kyi las nya ma nga bar 'gyur ba la yongs su spyod pa/ brtul zhugs dang dka' thub sna tshogs la gnas pa/ yang dag par rdzogs pa'i sangs rgyas ma yin yang / yang dag par rdzogs pa'i sangs rgyas su 'du shes pa/ lus gdung ba dang / yongs su gdung ba la rab tu brtson pa/ mtsho dang / mtshe'u dang / lu ma dang / rdzing bu dang / chu klung dang / ri'i gzar dang / phyogs dang / phyogs mtshams la 'dud cing phyag 'tshal ba la mos pa/ sdig pa'i grogs po'i dbang du gyur pa rnams la yang / thabs sna tshogs kyis mgon du gyur par byed de/ da dag sdig pa'i lta ba'i rnam pa dang / ngan song thams cad kyi g.yang sar ltung ba'i lam las rnam par bzlog go/ 'jig rten pa'i yang dag par lta ba la rab tu bkod cing / lha dang mi'i phun sum tshogs pa la yang yongs su 'god do/ /sems kyang ji ltar bdag gis sems can 'di dag nyam nga ba'i nan tan dang sdug bsngal las yongs su 'grol ba de bzhin du/ bdag gis sems can thams cad kyang 'phags pa 'jig rten las 'das pa'i pha rol </font><hr>Ca324a<br><font size=+1>


@#/ /tu phyin pa'i lam la bkod de/ thams cad mkhyen pa nyid las phyir mi ldog par byas la/ kun tu bzang po'i smom \ SMON?\lam chen pos/ thams cad mkhyen pa nyid la dgod par bya'o/ /sems can gyi khams thams cad ma dul gyi bar du/ byang chub sems dpa'i sa las kyang mi g.yo bar bya bar bskyed do/ /de nas mtshan mo'i lha mo dpyid dang ldan pas/ de'i tshe byang chub sems dpa'i rnam par thar pa'i phyogs sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di brnan te/ bstan par bya ba'i phyir/ sangs rgyas kyi byin gyi rlabs kyis phyogs bcur rnam par bltas te/ tshong dpon gyi bu nor bzang la/ tshigs su bcad pa 'di dag smras so/ /gti mug ma rig mun nag bsal don du/ /sems can phan phyir kho mo chos ston te/ /dus la bsdad cing 'gro ba bde bar byas/ /'di ni rnam thar tshul mchog zhi ba yin| |kho mos byams yangs shin tu sbyang ba byas/ /bskal ba mtha' yas sngon chad shin tu bsgoms/ /des ni 'jig rten rgyas bkang snang bar byed/ /nor bzang brtan pas tshul 'di shes par gyis/ /kho mo'i snying rje rgya mtsho tshad med de/ /'di las dus gsum rgyal ba 'jig rten 'byung / /de ni 'gro ba'i sdug bsngal zhi bar byed/ /nor bzang brtan </font><hr>Ca324b<br><font size=+1>


pas tshul 'di shes par gyis/ /'jig rten bde ba mngon par bsgrub pa dang / /ma byas 'phags pa'i bden pa mngon bsgrub cing / /des ni kho mo dga' mgur rangs par byed/ /rgyal sras khyod kyis tshul 'di shes par gyis/ /sangs rgyas stobs rnams yongs su sbyong byed cing / /nyan thos ye shes rnam thar 'bras bu dang / /'dus byas skyon las rtag tu phyir phyogs kyi/ /rgyal sras khyod kyis tshul 'di shes par gyis/ /kho mo'i mig ni rgya che yongs su dag/ des ni phyogs bcu'i zhing rnams mang po mthong / /zhing dbyings de dag kun gyi rang byung rnams/ /byang chub shing dbang drung na bzhugs pa mthong / /sangs rgyas sku ni mtshan gyis yongs brgyan cing / /'od bzang rnam pa sna tshogs kun 'gyed de/ /ba sbu kun nas 'od zer mang 'gyed pa'i/ /sangs rgyas 'khor dang bcas pa kho mos mthong / /zhing dbyings de dag kun gyi sems can rnams/ /shi 'pho skye ba'i sgor yang kun mthong ste/ /byis pa de dag 'gro rgyud rgya mtsho na/ /'khor zhing rang rang las kyang myong bar byed/ /kho mo'i rna ba rgya mtsho rnam dag ste/ /der ni sgra rnams ma lus yongs su 'du/ /'gro ba kun gyi sgra skrad \ SKAD?\ rgya mtsho dag/ kun kyang thos nas dran pas yongs su 'dzin/ /dbyangs kyi yan lag sgra skad thams cad kyis/ /dpe zla med pa'i gsung ni rab brgyan te/ /des ni rgyal ba 'khor lo rab tu bskor/ /de dag kho mos thos shing dran </font><hr>Ca325a<br><font size=+1>


@#/ /pas 'dzin/ /kho mo'i sna'i mthu yongs su rnam dag ste/ /chos tshul rgya mtsho dag la thogs pa med/ /rnam thar gnas rnams kun tu rab 'jug pa'i/ /tshul ni rgyal sras khyod kyis shes par gyis/ /kho mo'i lce ni rgya che rab tu yangs/ /srab cing mdog dmar rin chen 'od du dag/ sems can bsam pa ji bzhin des shes byed/ /rgyal sras khyod kyis tshul 'di shes par gyis/ /kho mo'i chos lus shin tu rnam dag ste/ /dus gsum kun tu 'od gsal rab tu gnas/ /gzugs lus sems can bsam pa ji bzhin te/ / de dag kun gyi dad pa'i dbang du mthong / /kho mo'i sems ni chags med zag pa med/ /sgra dbyangs sprin gyi nga ro ji bzhin te/ /de yi khongs su mi mchog kun chud kyang / /de la kho mo rnam par rtog pa med/ /zhing gi dbyings kyi sems can bsam mi khyab/ /de dag sems kyi rgya mtsho kho mos shes/ /de dag dbang po bsam pa rab shes kyang / /de la kho mo rnam par rtog pa med/ /kho mo'i rdzu 'phrul rab yangs shin tu grub/ /des ni bsam yas zhing yang rab tu bskyod/ /lus kyi 'od dang mthu yang de bzhin te/ /des ni sems can gdul dka' shin tu 'dul/ /kho mo'i bsod nams rnam yangs yongs su dag /kun tu rgyan byed zad pa med pa'i mdzod/ /des ni rgyal ba rnams la mchod pa byed/ / </font><hr>Ca325b<br><font size=+1>


'gro ba thams cad nye bar 'tsho ba'ang yin/ /kho mo'i shes rab rnam yangs shin tu dag/ des ni chos mang rgya mtsho rab tu shes/ /'gro ba kun gyi the tshom yongs su gcod/ /rgyal sras khyod kyis tshul 'di shes par gyis/ /dus gsum kun la kho bo zhugs gyur pas/ /sangs rgyas rgya mtsho kun kyang mthong zhing shes/ /de dag smon lam la yang rab tu zhugs/ /tshul 'di dpag yas rab tu rdzogs pa yin/ /rdul mang kun la zhing rnams rgya mtsho mthong / /de dag dus gsum 'jug pa'ang de bzhin te/ /de dag kun gyi sangs rgyas rgya mtsho mthong / /'di ni kun tu gnas ba'i chu la byis/ /rnam par snang mdzad byang chub sangs rgyas te/ /phyogs rnams kun gyi zhing rnams yongs bkang zhing / /rdul sbubs kun gyi byang chub shing drung na/ /zhi ba'i chos rnams gsung du sgrog pa ltos/ /de nas tshong dpon gyi bu nor bzang gis/ /mtshan mo'i lha mo dpyid dang ldan pa la 'di skad ces smras so/ /lha mo khyod bla na med pa yang dag par rdzogs pa'i byang chub tu zhugs nas ji srid cig lags/ de ltar khyod tshul 'di lta bus/ sems can gyi don bgyi ba la sta gon du zhugs pa'i rnam par thar pa de ni khyod kyis brnyes nas ji srid cig lags/ de skad ces smras pa dang / mtshan mo'i lha mo dpyid dang ldan pas/ tshong dpon gyi bu nor bzang la 'di skad ces smras so/ /rigs kyi bu/ sngon 'das pa'i dus ri rab kyi rdul shin tu phra </font><hr>Ca326a<br><font size=+1>


@#/ /ba snyed kyi bskal pa'i yang pha rol gcig tu bskal pa rab tu zhi ba'i 'od ces bya ba/ sangs rgyas bye ba phrag lnga brgya skyes pa byung ste/ de'i 'jig rten gyi khams ni rin chen dpal 'byung ba zhes bya bar gyur to/ /'jig rten gyi khams de'i gling bzhi pa 'bring po rin chen zla ba sgron ma'i 'od ces bya ba de na/ rgyal po'i gnas pad+mo'i 'od ces bya ba yod de/ rgyal po'i gnas der/ rgyal po chos rab mu stegs zhes bya ba chos dang mthun pa'i rgyal po 'khor los bsgyur ba/ gling bzhi la dbang ba/ rin po che bdun dang ldan pa byung ste/ des sa chen po de yang ri dang rgya mtshor bcas pa'i mthas gtugs par chos kyis rgyas par byas nas/ bde bar gnas par byas so/ /rgyal po chos rab mu stegs de'i btsun mo chos kyi blo gros zla ba zhes bya ba byung ste/ de srod la 'dod pas myos shing dga' bar rtse rtse bas dub nas nam gyi gung la btsun mo'i 'khor gyi gnas su phyin te nyal lo// de nas rgyal po'i gnas pad+mo'i 'od de'i shar phyogs kyi nags tshal chen po zhi ba'i dpal 'byung ba zhes bya bar rin po che'i rgyan thams cad kyi 'od dang ldan pa'i lhun can/ sangs rgyas thams cad kyi rnam par 'phrul pas byung ba'i byang chub kyi shing chen po'i drung du de bzhin gshegs pa chos thams cad rab tu sgrog pa'i rgyal po zhes bya ba/ bla na med pa </font><hr>Ca326b<br><font size=+1>


yang dag par rdzogs pa'i byang chub tu mngon par sangs rgyas nas/ de'i mthus 'jig rten gyi khams rin po che dpal 'byung ba thams cad ni 'od chen po kha dog du ma can gyis rgyas shing gang bar gyur to/ /rgyal po'i gnas pad+mo'i 'od ces bya ba de na/ mtshan mo'i lha mo zla ba shin tu rnam par dag pa'i 'od ces bya ba 'dug 'dug ste/ de rgyal po'i btsun mo chos kyi blo gros zla ba'i gan du song nas| rgyan dkrol ba'i sgras sad par byas te/ 'di skad ces smras so/ /'di ltar rgyal po'i btsun mo/ shes par gyis shig/ nags tshal chen po zhi ba'i dpal 'byung bar de bzhin gshegs pa| chos thams cad rab tu sgrog pa'i rgyal po zhes bya ba/ bla na med pa yang dag par rdzogs pa'i byang chub tu mngon par sangs rgyas so/ /de nas des rgyal po'i btsun mo de'i mdun du/ sangs rgyas kyi yon tan bsngags pa dang / sangs rgyas kyi rnam par 'phrul pa dang / byang chub sems dpa' kun tu bzang po'i spyod pa dang / smon lam rgya cher bshad do/ /rigs kyi bu/ rgyal po'i btsun mo de yang / de bzhin gshegs pa'i 'od kyis snang bar gyur te/ bsam pa thag pas bla na med pa yang dag par rdzogs pa'i byang chub tu yang dag par zhugs nas/ des de bzhin gshegs pa de dang / byang chub sems dpa' dang / nyan thos kyi dge 'dun du bcas pa la mchod pa dang / rim gro cher byas so/ /rigs kyi bu/ de la ji snyam du sems/ de'i tshe de'i dus kyi </font><hr>Ca327a<br><font size=+1>


@#/ /rgyal po'i btsun mo chos kyi blo gros zla ba zhes bya ba de/ gzhan zhig yin pa tsam du sems na ni de ltar mi blta ste/ kho mo ni de'i tshe de'i dus na/ rgyal po'i btsun mo chos kyi blo gros zla ba zhes bya bar gyur to/ /rigs kyi bu/ kho mo ni mos pa'i sems bskyed pa de dang / de bzhin gshegs pa la bskyed pa'i dge ba'i rtsa ba des/ bskal pa ri rab kyi rdul shin tu phra ba snyed tshun chad du nam yang ngan song ngan 'gro log par ltung bar ma skyes te/ sems can dmyal bar ma yin no/ /byol song gi skye gnas su ma yin no/ /yi dwags su ma yin no/ /nam yang rigs dma' bar ma skyes so/ /nam yang dbang po dang mi ldan par ma gyur to/ /nam yang sdug bsngal bar ma gyur te/ de ltar kho mos rtag par lha'i nang du lha'i bdag nyid che ba nyid thob| mi'i nang du ni/ mi'i bdag nyid che ba nyid thob ste/ 'di ltar sangs rgyas dang / byang chub sems dpa'i dge ba'i bshes gnyen dang yang ma bral lo/ /dus ngan par yang ma skyes so| |rigs kyi bu/ de ltar kho mos sangs rgyas gcig nas gcig tu dge ba'i rtsa ba bskyed de/ bskal pa ri rab kyi rdul shin tu phra ba snyed cig tu lam bde zhing mnyam pa nas nye zho med par phyin kyang / de tsam gyis kho mo'i byang chub sems dpa'i dbang po yongs su grub par ma gyur te/ ri rab kyi rdul shin tu phra ba snyed kyi bskal pa de dag ni 'das/ bskal pa bzang po 'di'i </font><hr>Ca327b<br><font size=+1>


snga rol gyi ni bskal pa chen po stong phrag bcu'i thog ma la bab pa de'i tshe/ 'jig rten gyi khams gzi brjid rdul gyi dri ma med pa zhes bya bar/ bskal pa mya ngan med cing rdul dang bral ba zhes bya ba byung ste/ rigs kyi bu/ 'jig rten gyi khams gzi brjid rdul gyi dri ma med pa'i dpal de ni/ kun nas nyon mongs pa rnam par dag par gyur te/ der sangs rgyas lnga brgya byung ngo / /sangs rgyas lnga brgya po de dag gi thog ma la de bzhin gshegs pa mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med par skyes bu 'dul ba'i kha lo sgyur ba| lha dang mi'i ston pa/ sangs rgyas bcom ldan 'das ri rab rgyal mtshan spyan yangs shing zhi ba'i dpal zhes bya ba 'jig rten du byung ste/ de'i tshe kho mo yang tshong dpon snyan pa rnam par grags pa'i bu mo shes rab snang ba'i dpal zhes bya ba gzugs mdzes shing bzang la/ blta na sdug pa/ kha dog shin tu mdzes shing rgyas pa dang ldan pa zhig tu gyur te/ mtshan mo'i lha mo zla ba shin tu rnam par dag pa'i 'od ces bya ba de yang smon lam gyi dbang gis/ gling bzhi pa'i 'jig rten gyi khams rdul dang bral ba'i rgyal po'i gnas rgyal mtshan sna tshogs su| mtshan mo'i lha mo mig rnam par dag pa zhes bya bar gyur te/ des kho mo mtshan mo mi nyal tsam zhig na/ pha ma nyal bar gyur pa dang / khyim de'ang yongs su bskyod de/ 'od chen po </font><hr>Ca328a<br><font size=+1>


@#/ /snang bar byas nas rang gi gzugs bstan te/ sangs rgyas kyi yon tan bsngags pa brjod nas/ de bzhin gshegs pa thog ma mngon par sangs rgyas nas zhag bdun lon te/ snying po byang chub la bzhugs pa de bstan to/ /de nas kho mo pha ma dang / gnyen bshes kyi tshogs chen po dang 'grogs te/ mtshan mo'i lha mo shin tu rnam par dag pa'i zla ba'i 'od sngon du bdar nas/ de bzhin gshegs pa de'i spyan sngar phyin to/ /de nas kho mos de bzhin gshegs pa de la mchod pa rgya chen po byas te/ de bzhin gshegs pa de'i zhal mthong ma thag tu/ ting nge 'dzin 'gro ba 'dul zhing sangs rgyas mthong bar byed pa zhes bya ba dang / ting nge 'dzin dus gsum gyi dbyings ye shes kyi snang ba'i dkyil 'khor ces bya ba'ang thob par gyur to/ /de thob pas kyang kho mos bskal pa ri rab kyi rdul shin tu phra ba snyed po de dag kyang rjes su dran par gyur to/ /kho mo'i byang chub kyi sems de yang mngon du gyur te/ de ltar kho mos de bzhin gshegs pa de las chos bstan pa thos te/ byang chub sems dpa'i rnam par thar pa sems can thams cad kyi mun pa rnam par sel ba'i chos kyi snang bas 'gro ba rnam par 'dul ba'i sgo 'di yang thob par gyur to/ /de thob pas kyang 'jig rten gyi khams sangs rgyas kyi zhing bcu'i rdul shin tu phra </font><hr>Ca328b<br><font size=+1>


ba snyed lus kyis rgyas par 'gengs te/ 'jig rten gyi khams de dag tu de bzhin gshegs pa ji snyed cig bzhugs pa de dag thams cad kyang kho mo'i mig lam du snang zhing / bdag nyid kyang de dag thams cad kyi zhabs kyi drung na 'dug par shes so/ /'jig rten kyi khams de dag tu sems can ji snyed cig skyes pa de dag thams cad kyang / kho mo'i mig lam du snang ste/ de dag gi sgra skrad \ SKAD?\ rnam pa tha dad pa'i brda yang rab tu shes so/ /sems dang / bsam pa dang / dbang po dang / mos pa yang rab tu shes so/ /sngon gyi mtha'i dge ba'i bshes gnyen rnams kyi drung du yongs su smin par gyur pa'ang rab tu shes so/ /de dag la bsam pa ji lta ba bzhin du tshim par 'gyur ba'i lus kyang yongs su ston to/ /kho mo'i rnam par thar pa de yang sems kyi skad cig re re la rnam par 'phel te/ rnam par thar pa'i sems de'i 'og ma'i sems kyis/ sangs rgyas kyi zhing 'jig rten gyi khams brgya'i rdul shin tu phra ba snyed lus kyis rgyas par 'gengs so/ / de'i 'og ma'i sems kyis sangs rgyas kyi zhing 'jig rten gyi khams stong gi rdul shin tu phra ba snyed lus kyis rgyas par 'gengs so/ /de'i 'og ma'i sems kyis sangs rgyas kyi zhing 'jig rten gyi khams brgya phrag stong gi rdul shin tu phra ba snyed lus kyis rgyas par 'gengs so/ /de bzhin du sems kyi skad cig re re zhing / sangs rgyas kyi zhing 'jig rten gyi khams brjod du med pa'i yang brjod </font><hr>Ca329a<br><font size=+1>


@#/ /du med pa'i rdul shin tu phra ba snyed kyi bar dag kyang lus kyis rgyas par 'gengs so/ /sangs rgyas kyi zhing de dag na/ de bzhin gshegs pa ji snyed cig bzhugs pa de dag thams cad kyang kho mo'i mig lam du snang ste/ bdag nyid kyang de dag gi zhabs kyi drung na 'dug par shes so/ /sangs rgyas bcom ldan 'das de dag gis chos bstan pa de dag thams cad kyang len to| |'dzin to/ /yongs su 'dzin to/ /nye bar 'dzin to/ /de bzhin gshegs pa de dag gi sngon gyi tshul rgya mtsho dang / smon lam rgya mtsho la yang 'jug go/ de bzhin gshegs pa de dag gi sangs rgyas kyi zhing yongs su dag pa de dag thams cad kyang rang gi sangs rgyas kyi zhing yongs su dag par bya ba'i phyir mngon par sgrub bo/ /sems can ji snyed cig 'jig rten gyi khams rgya mtsho de dag tu skyes par gyur ba de dag thams cad kyang kho mo'i mig lam du snang ste/ sems can de dag gi bsam pa dang / dbang po dang / mos pa'i bye brag ji snyed pa de snyed kyi bre brag tu de dag yongs su smin par bya ba dang / gdul ba'i phyir lus byin gyis rlob ste/ de ltar kho mo'i rnam par thar pa de ni sems kyi skad cig re re la yang / chos kyi dbyings 'byams klas pa rgyas par 'gengs pa'i tshul gyis rnam par 'phel lo/ /rigs kyi bu/ kho mos byang chub sems dpa'i rnam par thar pa sems can thams cad kyi mun pa rnam par sel ba'i chos kyi </font><hr>Ca329b<br><font size=+1>


snang bas/ 'gro ba rnam par 'dul ba'i sgo 'di shes par zad na/ kho mos byang chub sems dpa' mtha' dang dbus med pa'i byang chub sems dpa' kun tu bzang po'i spyod pa dang / smon lam gyis byung ba/ chos kyi dbyings rgya mtsho'i tshul 'byams klas pa 'dal ba la 'jug par dbang bsgyur ba/ byang chub sems dpas yang dag par bsgrub pa'i ting nge 'dzin ye shes rdo rje'i dpal gyis rnam par rtse ba dang / 'jig rten gyi khams thams cad du de bzhin gshegs pa'i rigs thams cad yang dag par gzung ba la smon lam chen pos byung ba/ 'jig rten gyi khams 'byams klas pa thams cad sems kyi skad cig gcig gis yongs su dag par bya ba'i bsod nams kyi rgya mtsho chen po yongs su grub pa/ sems kyi skad cig re re la sems can gyi khams thams cad yongs su smin par bya ba dang / gdul ba'i ye shes dbang bsgyur ba/ 'jig rten gyi khams thams cad du sems can thams cad kyi sgrib pa'i mun pa thams cad rnam par sel ba'i ye shes kyi nyi ma'i mig dang ldan pa/ sems can gyi khams thams cad la theg pa chen po rnam par dmigs par bya ba'i mthu dang ldan pa/ 'gro ba thams cad kyi the tshom dang / nem nur dang / yid gnyis kyi rab rib rnam par sel ba'i blo gros kyi zla ba dang ldan pa/ srid pa'i rgya mtsho thams cad la mngon par chags pa las gyen du bskyod pa'i sgra dbyangs kyi dkyil 'khor rnam par </font><hr>Ca330a<br><font size=+1>


@#/ /dag pa| chos kyi dbyings thams cad kyi rdul gyi cha shas la rnam par 'phrul pa yongs su ston pa la dbang bsgyur ba/ dus gsum gyi dbyings kyi dkyil 'khor la ye shes dbyer med pa de dag gi spyod pa shes pa'am/ yon tan brjod pa'am/ spyod yul la 'jug pa'am/ rnam par thar pas rnam par rtse ba yongs su bstan par nus re skan/ song / rigs kyi bu/ yul ma ga d+ha 'di nyid kyi snying po byang chub la kho mo bla na med pa yang dag par rdzogs pa'i byang chub tu sems bskyed bskyed pa/ yang dang yang bskul bskul ba'i mtshan mo'i lha mo kun tu zab pa'i dpal dri ma med pa'i 'od ces bya ba 'dug gi/ de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang| ji ltar nan tan du bya ba dris shig/ de nas tshong dpon gyi bu nor bzang gis/ mtshan mo'i lha mo dpyid dang ldan pa la/ tshigs su bcad pa 'di dag gis mngon par bstod do/ / khyod sku shin tu rnam par dag pa mthong / /mtshan gyis rnam brgyan ri bo ji bzhin du/ /'jig rten kun las mngon 'phags 'jig rten du/ /phun sum tshogs sku 'jam dpal bzhin du mdzes/ /khyod kyi chos sku shin tu rnam dag ste/ /dus gsum kun tu mnyam zhing rnam mi rtog/ der ni 'jig rten ma lus kun 'dus te/ /'byung zhing rnam par 'jig kyang chags mi </font><hr>Ca330b<br><font size=+1>


mnga'| |lam rgyud 'byams klas thams cad kun tu yang / /khyod kyi sku ni gzugs brnyan rnam par phye/ /skar chen zla skar rgyu skar tshogs bzhin du/ /spu rtse kun la'ang khyod ni bdag gis mthong // khyod kyi thugs yangs shin tu rnam dag ste/ /phyogs rnams kun gyi nam mkha'i dbyings su rgyas/ /der ni mi mchog kun kyang yongs su 'du/ /khyod la ye shes mi rtog dam pa mnga'/ /zhing gi rdul snyed rnam pa sna tshogs sprin/ /khyod kyi spu rtse kun nas mngon 'thon pa/ /rgyal mang sna tshogs char pa mngon 'bebs shing / /phyogs bcu'i sangs rgyas zhabs drung rgyas par 'gengs/ / 'gro ba kun snyed lus rnams mtha' yas pa/ /khyod kyi spu rtse kun nas mngon 'thon cing / /phyogs bcu'i 'jig rten rgyas par yongs bkang nas/ /sna tshogs thabs kyis sems can rnam par spyod/ /spu rtse kun la bsam yas zhing gi rnams/ /sna tshogs rgyan ldan rnam pa tha dad mthong / /lam rgyud sems can khyod kyis rnam sbyangs pa/ /ji snyed de dag bsam bzhin kun kyang byung / /gang zhig khyod kyi mtshan thos dga' gyur pa/ /de dag thob bya legs thob legs par 'tsho/ /sems can gang gis khyod kyi sku mthong ba/ /byang chub lam la mngon du bltas par 'gyur/ /de ltar thos nas rab tu sems dga' la/ /mthong ba tsam gyis nyon mongs zhi mdzad pas/ /bskal pa bsam yas ngan song gnas kyang rung / /khyod kyi zhal blta'i don du mos </font><hr>Ca331a<br><font size=+1>


@#/ /par bgyi/ /zhing rnams stong gi rdul snyed lus byas te/ /de snyed bskal pa brgyud de khyod 'dra ba'i/ /spu gcig khyod kyi yon tan legs brjod kyang / /legs pa'i mthar phyin nam du'ang mi 'gyur ro/ /de nas tshong dpon gyi bu nor bzang gis/ mtshan mo'i lha mo dpyid dang ldan pa la tshigs su bcad pa de dag gis mngon par bstod nas/ mtshan mo'i lha mo dpyid dang ldan pa'i rkang pa gnyis la spyi bos phyag 'tshal te/ mtshan mo'i lha mo dpyid dang ldan pa la/ lan brgya stong du mar g.yas phyogs su bskor ba byas nas yang dang yang bltas te/ dge ba'i bshes gnyen la bsnyen bkur bya bas ma ngoms bzhin du/ mtshan mo'i lha mo dpyid dang ldan pa'i drung nas song ngo // //bam po dgu bcu rtsa dgu pa/ de nas tshong dpon gyi bu nor bzang / mtshan mo'i lha mo dpyid dang ldan pa/ thog ma byang chub tu zhugs pa'i byang chub kyi sems kyi dkyil 'khor yongs su dag pa ni khong du chud par byed/ byang chub sems dpa'i snying po yang dag par byung ba la ni rjes su dpyod/ byang chub sems dpa'i smon lam rgya mtsho la ni yongs su 'jug/ byang chub sems dpa'i pha rol tu phyin pa'i lam ni yongs su sbyong / byang chub sems dpa'i sa'i dkyil 'khor ni yongs su gnon/ byang chub sems dpa'i spyod pa'i dkyil 'khor ni rgya cher byed/ byang chub sems dpa'i 'byung ba rgya mtsho ni rjes su </font><hr>Ca331b<br><font size=+1>


'brang / thams cad mkhyen pa'i snang ba chen po rgya mtsho la ni rnam par blta/ 'gro ba thams cad yongs su bskyab pa la gzhol ba'i byang chub sems dpa'i snying rje chen po'i sprin ni rgya cher byed/ mtshan mo'i lha mo dpyid dang ldan pa'i byang chub sems dpa' kun tu bzang po'i spyod pa dang / smon lam gyi dkyil 'khor ni/ zhing thams cad du phyi ma'i mthar byin gyis brlabs pas mngon par bsgrub cing / mtshan mo'i lha mo kun tu zab pa'i dpal dri ma med pa'i 'od gang na ba der song ste/ mtshan mo'i lha mo kun tu zab pa'i dpal dri ma med pa'i 'od kyi rkang pa gnyis la spyi bos phyag 'tshal te/ mtshan mo'i lha mo kun tu zab pa'i dpal dri ma med pa'i 'od la/ lan brgya stong du mar g.yas phyogs su bskor ba byas nas/ mtshan mo'i lha mo kun tu zab pa'i dpal dri ma med pa'i 'od kyi mdun du 'dug ste/ thal mo sbyar nas 'di skad ces smras so/ /'phags ma/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i sa la spyod pa dang / ji ltar 'byung ba dang / ji ltar nan tan du bgyid pa ma 'tshal to/ /smras pa/ rigs kyi bu/ de ltar khyod bla na med pa yang dag par rdzogs pa'i byang chub tu sems bskyed cing / byang chub sems dpa'i sa la spyod pa dang / 'byung ba dang / yongs su 'grub pa 'dri ba legs so/ /legs so/ /rigs kyi bu/ chos bcu </font><hr>Ca332a<br><font size=+1>


@#/ /dang ldan pa'i byang chub sems dpa' rnams/ byang chub sems dpa'i spyod pa la yongs su grub pa yin te/ bcu gang zhe na/ 'di lta ste/ de bzhin gshegs pa thams cad mngon du gyur par mthong ba'i ting nge 'dzin thob pa rnam par dag pa dang / sangs rgyas thams cad kyi sku mtshan sna tshogs dang ldan pa rnam par blta ba'i mig rnam par dag pa dang / de bzhin gshegs pa'i kha dog rgya mtsho mtha' dang dbus med pa rnam par dmigs par bya ba la 'jug pa dang / sangs rgyas kyi chos snang ba'i dkyil 'khor rgya mtsho tshad med pa la chos kyi dbyings thams cad kyi tshad kyis 'jug pa dang / de bzhin gshegs pa thams cad kyi ba spu'i sgo nas 'od zer rgya mtsho sems can thams cad dang mnyam pa dang / sems can sna tshogs kyi don du bkye ba la 'jug pa dang / ba spu'i bu ga re re nas 'od 'phro ba rin po che thams cad kyi kha dog tu 'dug pa rgya mtsho ston pa dang / sems kyi skad cig re re la sangs rgyas kyi sprul pa rgya mtshos chos kyi dbyings thams cad rgyas par bkang zhing / sems can 'dul ba'i byin gyi rlabs la 'jug pa dang / de bzhin gshegs pa'i gsung sems can thams cad kyi dbyangs kyi yan lag dang ldan pas dus gsum du byung ba'i chos kyi 'khor lo'i sgra sgrogs pas/ mdo sde thams cad kyi sprin gyi 'brug </font><hr>Ca332b<br><font size=+1>


sgra 'byin pa'i dkyil 'khor la 'jug pa dang / sangs rgyas gyi mtshan rgya mtsho mtha' dang dbus med pa la 'jug pa dang / sangs rgyas kyi rnam par 'phrul ba bsam gyis mi khyab pa yongs su bstan pas sems can 'dul ba la 'jug pa ste/ rigs kyi bu/ chos bcu po 'di dag dang ldan pa'i byang chub sems dpa' rnams/ byang chub sems dpa'i spyod pa la yongs su grub pa yin no/ /rigs kyi bu/ kho mo ni byang chub sems dpa'i rnam par thar pa bsam gtan zhi ba'i bde bas kun tu rnam par gnon pa thob pa ste/ rigs kyi bu/ kho mo ni de'i mthus dus gsum du gshegs pa'i de bzhin gshegs pa thams cad kyang mthong ste/ de bzhin gshegs pa de dag gi sangs rgyas kyi zhing yongs su dag pa la'ang 'jug go /'khor gyi dkyil 'khor rgya mtsho dang / ting nge 'dzin mtha' dang dbus med pa'i rnam par 'phrul pa rgya mtsho dang / sngon gyi tshul rgya mtsho dang / mtshan rgya mtsho la'ang 'jug go/ de bzhin gshegs pa de dag gi chos kyi 'khor lo rab tu 'khor ba rnam pa tha dad pa la'ang 'jug go/ de bzhin gshegs pa'i sku tshe tshad sna tshogs dang / dbyangs kyi yan lag rnam pa tha dad pa dang / de bzhin gshegs pa de dag gi chos kyi dbyings mtha' dang dbus med pa'i sku la'ang 'jug ste/ de bzhin gshegs pa de dag la dngos por mngon par </font><hr>Ca333a<br><font size=+1>


@#/ /zhen pa yang med do/ /de ci'i phyir zhe na/ 'jig rten gyi khams thams cad du bzhud pa 'gags pa'i phyir/ de bzhin gshegs pa de dag ni bzhud pa med pa'o| |rang bzhin gyis byung ba med pas na de bzhin gshegs pa de dag ni byon pa med pa'o/ /mi skye ba'i chos nyid dang mnyam pa'i sku mnga' ba'i phyir/ de bzhin gshegs pa de dag ni ma skyes pa'o/ /mi skye ba'i mtshan nyid dang ldan pa'i phyir/ de bzhin gshegs pa de dag ni ma 'gags pa'o/ /sgyu ma'i rnam pa lta bur mthong zhing rnam par dmigs pa'i phyir/ de bzhin gshegs pa de dag ni bden pa ma yin pa'o/ /'gro ba thams cad kyi don du byung ba'i phyir/ de bzhin gshegs pa de dag ni brdzun pa ma yin pa'o/ /shi 'pho dang skye ba las rnam par 'das pa'i phyir/ de bzhin gshegs pa de dag ni 'pho ba med pa'o/ /chos kyi rang bzhin gyis 'jigs pa med pa'i chos nyid yin pa'i phyir/ de bzhin gshegs pa de dag ni 'jig pa med pa'o/ /ngag gi lam thams cad las yongs su 'das pa'i phyir/ de bzhin gshegs pa de dag thams cad ni mtshan nyid gcig pa'o/ /chos kyi mtshan nyid kyi rang bzhin gyi mthar thug pas/ de bzhin gshegs pa de dag ni mtshan nyid mi mnga' ba'o/ /rigs kyi bu/ kho mo ni de ltar de bzhin gshegs pa thams cad khong </font><hr>Ca333b<br><font size=+1>


du chud par byed cing / byang chub sems dpa'i rnam par thar pa bsam gtan zhi ba'i bde bas kun tu rnam par gnon pa 'di/ de bzhin gshegs pa'i bsam gtan gyi dkyil 'khor snang bas shin tu rgya che bar byed do/ /shin tu yangs par byed do/ /khong du chud par byed do/ /rtogs par byed do/ /mnyam par byed do/ /mngon par bsgrub bo/ /gzhi snyoms par byed do/ /rab tu 'jug go/ rnam par 'phel bar byed do/ /nges par sems so/ /nye bar rtog go/ dran par byed do/ /spyod yul du byed do/ /brtan par byed do/ /snang bar byed do/ /rab tu brjod do/ /rnam par spyod do/ /rnam par 'byed do/ /tshogs su byed do/ /yid ches par byed do/ /yongs su rtog pa thams cad rgyu ba med pa'i snying rje chen po de la gnas te/ sems can thams cad yongs su bskyab pa la yang dag par spyad par sems rtse gcig tu bya ba'i phyir bsam gtan dang po bsgom mo/ /yid kyi las thams cad nye bar zhi bar bya ba dang / ye shes kyi stobs dang mthus sems can thams cad yongs su bsdu ba la dga' ba'i bde ba la sems rtse gcig tu bya ba'i phyir/ bsam gtan gnyis pa bsgom mo/ /'khor bar log par zhugs pa la btang snyoms su byas te/ sems can thams cad kyi rang bzhin nges par rtogs par bya ba'i phyir/ bsam gtan gsum pa bsgom mo/ /sems can thams cad kyi nyon mongs pa dang / sdug bsngal rab tu zhi bar bya ba'i </font><hr>Ca334a<br><font size=+1>


@#/ /phyir| bsam gtan bzhi pa bsgom mo// thams cad mkhyen pa nyid kyi smon lam gyi dkyil 'khor shin tu yangs par bya ba dang / ting nge 'dzin rgya mtsho thams cad mngon par bsgrub pa la mkhas par bya ba dang / byang chub sems dpa'i rnam par thar pa rgya mtsho thams cad kyi tshul la 'jug par bya ba dang / byang chub sems dpa'i rnam par rtse ba'i ye shes thams cad mngon par shes par bya ba dang / byang chub sems dpa'i spyod pas rnam par 'phrul ba thams cad mngon par bsgrub par bya ba'i phyir/ sgo kun nas chos kyi dbyings la 'jug pa'i ye shes kyi tshul yongs su spyod zhing / byang chub sems dpa'i rnam par thar pa bsam gtan zhi ba'i bde bas kun tu rnam par gnon pa 'di bsgom mo/ /rigs kyi bu/ de ltar kho mo rnam par thar pa 'di sgom zhing thabs sna tshogs kyi sems can yongs su smin par byed de/ 'di ltar nub mo zhi bar gyur pa'i tshe/ dga' ba la mos par gyur pa'i sems can rnams kyi mi sdug pa'i 'du shes bskyed do/ /mi dga' ba'i 'du shes dang / yongs su skyo ba'i 'du shes dang / gegs su 'gyur ba'i 'du shes dang / 'ching ba'i 'du shes dang / srin mo'i 'du shes dang / mi rtag pa'i 'du shes dang / sdug bsngal ba'i 'du shes dang / bdag med pa'i 'du shes dang / rje med pa'i 'du shes dang / gzhan la rag las pa'i 'du shes dang / rga </font><hr>Ca334b<br><font size=+1>


shi'i 'du shes dang / 'dod pa'i yul dang / longs spyod thams cad la dga' ba med pa'i 'du shes bskyed de/ sems can de dag kyang sems de la yongs su bsgoms pas/ 'dod pa'i dga' ba thams cad la mngon par dga' ba med pas chos la mos pa'i dga' ba la 'jug cing khyim nas khyim med par rab tu 'byung ngo / /de dag dgon pa la gnas pa'i tshe 'di chos dang mthun pa'i dad pa yongs su bskyed do/ /sgra chen po 'jigs pa mi snyan pa'i sgra skad thams cad kyang zhi bar byed do/ /mtshan mo zhi bar gyur pa las sangs rgyas kyi chos zab mo yang yang dag par ston to/ /spang ba dang mthun pa'i rkyen kyang nye bar ston to/ /khyim gyi sgo'ang rnam par 'byed do/ /lam yang yongs su ston to/ /snang bas kyang mngon par byed do/ /mun pas chod pa'ang rnam par sel to/ /'jigs pa'ang med par byed do/ /rab tu byung ba la yang yang dag par bsngags par byed do/ /sangs rgyas kyi legs pa'ang brjod do/ /chos kyi legs pa dang / dge 'dun gyi legs pa dang / dge ba'i bshes gnyen gyi legs pa'ang brjod do/ /dge ba'i bshes gnyen gyi drung du 'gro ba la'ang bsngags pa byed do/ /rigs kyi bu/ kho mo rnam par thar pa 'di la sgom zhing / sems can rnams kyi chos ma yin pa'i 'dod chags kyi zhen pa rnams kyi chos ma yin pa'i 'dod chags kyi yongs su rtog pa rnams kyang med par byed do/ /tshul ma yin pa'i 'dod pas non pa rnams dang / log par yongs su </font><hr>Ca335a<br><font size=+1>


@#/ /rtog pa'i spyod yul can rnams kyi yongs su rtog pa de dag dang / yid la bya ba de dag kyang med par byed do/ /sdig to mi dge ba'i chos ma skyes pa rnams mi skye ba dang / sdig to'i yongs su rtog pa skyes par gyur pa rnams kyang med par 'gyur ba'i rkyen nye bar bsgrub bo/ /dge ba'i yongs su rtog pa'i pha rol tu phyin pa dang ldan pa dang / spyod pa dang ldan pa dang / thams cad mkhyen pa'i ye shes su 'byung ba'i smon lam mngon par bsgrub pa dang ldan pa dang / byams pa'i tshul dang ldan pa dang / sems can rnams la snying rje chen pos rgyas par 'gengs pa dang ldan pa dang / lha dang mi'i bde ba'i rnam pa sna tshogs yongs su bskyed pa dang ldan pa'i yongs su rtogs pa bskyed pa dang / skyes nas kyang tshul sna tshogs kyi rkyen nye bar sgrub pa byed pa nas/ thams cad mkhyen pa nyid dang mthun pa'i rkyen kyang nye bar sgrub pa byed de/ rigs kyi bu/ kho mos byang chub sems dpa'i rnam par thar pa bsam gtan zhi ba'i bde bas kun tu rnam par gnon pa 'di shes par zad na/ kho mos byang chub sems dpa'i kun tu bzang po'i spyod pa dang / smon lam gyis byung ba'i byang chub sems dpa' rnams mtha' yas pa'i chos kyi dbyings kyi ye shes rab tu thob pa/ dge ba'i rtsa ba thams cad kyis rnam par spel ba'i sems dang ldan pa/ de bzhin gshegs pa thams cad </font><hr>Ca335b<br><font size=+1>


kyi ye shes kyi mthus sems kyi snang ba rab tu thob pa/ de bzhin gshegs pa thams cad kyi yul la gnas pa'i sems dang ldan pa/ gnas thams cad du sgrib pa med pa'i sems dang ldan pa| thams cad mkhyen pa nyid kyi smon lam yongs su rdzogs pa'i sems dang ldan pa/ zhing rgya mtsho thams cad du zhugs pa'i sems dang ldan pa/ sangs rgyas rgya mtsho thams cad mthong bar bya ba la zhugs pa'i sems dang ldan pa/ de bzhin gshegs pa thams cad kyi chos kyi sprin gyi char yang dag par gzung ba'i sems dang ldan pa/ sems can thams cad kyi ma rig pa'i mun pa rnam par sel ba/ 'khor ba'i bde ba la dga' zhing sred pa zad cing mthar phyin par 'gyur ba'i lam gyis thams cad mkhyen pa nyid du snang ba skyed pa'i sems dang ldan pa de dag gi spyod pa shes pa'am/ yon tan brjod par nus de skan/ song / rigs kyi bu/ 'di nyid nang dang yang rgyang mi ring ste/ rnam par snang mdzad kyi snying po byang chub kyi g.yas rol gcig nas mtshan mo'i lha mo rab tu dga' ba'i mig 'gro bar rnam par snang ba zhes bya ba 'dug go/ de'i gan du song la/ ji ltar byang chub sems dpas byang chub sems dpa'i lam la brtson par bya ba dris shig| de nas mtshan mo'i lha mo kun tu zab pa'i dpal dri ma med pa'i 'od kyis/ de'i tshe byang chub sems dpa'i rnam par thar pa bsam gtan zhi ba'i bde bas kun tu rnam </font><hr>Ca336a<br><font size=+1>


@#/ /par gnon pa 'di nyid brnan te bstan par bya ba'i phyir/ tshong dpon gyi bu nor bzang la tshigs su bcad de smras pa/ dus rnams kun tu byung ba'i bde gshegs rnams| |mngon du bya bar mos pa'i sems ldan pa/ /de dag mig yangs rnam par dag par 'gyur/ /des ni sangs rgyas rgya mtsho mthong bar 'ong / /rgyal ba'i sku gsal dri ma med la ltos/ / mtshan gyis yongs su brgyan pas shin tu mdzes/ /rgyal ba'i rnam par 'phrul pa chos dbyings rnams/ /skad cig re res rgyas 'gengs de la'ang ltos/ /byang chub shing drung sangs rgyas gdan rab la/ /bde gshegs rnam par snang mdzad mngon sangs rgyas/ /chos dbyings yangs pa rgyas pa khyab mdzad cing / /'gro ba'i bsam pa ji bzhin 'khor lo bskor/ / rgyal bas chos nyid lus med rab zhi ba/ /gnyis med rang bzhin med pa thugs chud nas/ /gzugs sku bzang po mtshan gyis brgyan pa yis/ /'gro ba ma lus bkang zhing ston pa mdzad/ /sangs rgyas sku ni rgya che bsam mi khyab/ /chos kyi dbyings kun yongs su rgyas bkang zhing / /de ni kun tu mnyam par snang ba ste/ /rgyal ba thams cad kun tu ston pa mdzad// zhing rnams kun gyi rdul rab phra ba snyed/ /'od kyi dkyil 'khor mnga' ba'i sangs rgyas sku/ /kha dog bzang po gzhan dang gzhan snang bas/ /chos dbyings rgyas par skad </font><hr>Ca336b<br><font size=+1>


cig re res 'gengs/ /rgyal ba'i ba spu'i sgo nas 'od zer sprin/ /rgya che bsam yas mi zad mngon 'byung ba/ /de dag 'gro ba ma lus 'gengs byed cing / /srog chags rnams kyi nyon mongs gdung ba sel/ /sangs rgyas sprul pa rgya mtsho mi zad pa/ /rgyal ba'i spu yi 'khor nas yongs bton cing / /chos dbyings yangs pa rgyas par kun bkang ste/ /srog chags rnams kyi sdug bsngal ngan song sel/ /sangs rgyas gsung snyan rab tu sgrog mdzad pa/ /dbyangs kyi yan lag rgya mtsho sgra 'od can/ /chos char chen po rab tu 'bebs pa mdzad/ /srog chags byang chub bsam pa yongs su skyed/ /bskal pa rgya mtshor spyad pa spyod pa'i tshe/ /'dis ni sngon chad yongs su gzung mdzad pa/ /de dag kun gyis rgyal ba rnam snang mdzad/ /zhing rnams kun tu gzugs brnyan mtshan nyid mthong / /de bzhin gshegs pa 'jig rten kun tu byung / /sems can re re kun la'ang mngon par bzhugs/ /mos pa'i tshul bzhin spyod yul gzhan dang gzhan/ /de dag kho mos kun tu shes mi nus/ /rgyal sras dam pa thams cad ma lus par/ /bde bar gshegs pa'i spu gcig rtse las 'byung / /rnam par de la gang rnams bsam yas pa/ /de dag thams cad kho mos shes mi nus/ /kho mo'i 'dab na gnas pa'i lha mo 'di/ /'jig rten mgon la mngon 'gyur rab tu dga'/ /ming du snang ba </font><hr>Ca337a<br><font size=+1>


@#/ /'od 'phro mig ces bya/ /de la byang chub spyod pa ci 'dra dris/ /de nas tshong dpon gyi bu nor bzang gis/ mtshan mo'i lha mo kun tu zab pa'i dpal dri ma med pa'i 'od kyi rkang pa gnyis la spyi bos phyag 'tshal te/ mtshan mo'i lha mo kun tu zab pa'i dpal dri ma med pa'i 'od la/ lan brgya stong du mar g.yas phyogs su bskor ba byas nas/ /yang dang yang bltas te mtshan mo'i lha mo kun tu zab pa'i dpal dri ma med pa'i 'od kyi drung nas song ngo / /de nas tshong dpon gyi bu nor bzang dge ba'i bshes gnyen gyi gdams ngag gi byin gyis brlabs pa/ dge pa'i bshes gnyen gyi tshig la nan tan du bya ba'i sems yang dag par skyes pa/ dge ba'i bshes gnyen gyi sman pa la nad pa lta bu'i 'du shes kyis yongs su spyad pa'i sems dang ldan pa/ dge ba'i bshes gnyen mthong ba yid la byed pa ma 'khrugs pa'i sems dang ldan pa/ dge ba'i bshes gnyen blta ba la sgrib pa'i ri thams cad rnam par gtor ba'i glags rnyed pa'i sems dang ldan pa/ dge ba'i bshes gnyen mthong ba la sems can gyi khams thams cad yongs su bskyab pa'i snying rje chen po'i tshul rgya mtsho la 'jug pa thob pa'i sems dang ldan pa/ dge ba'i bshes gnyen mthong ba la chos kyi dbyings kyi tshul rgya mtsho'i ye shes </font><hr>Ca337b<br><font size=+1>


snang ba rab tu thob pa'i sems dang ldan pa de/ mtshan mo'i lha mo rab tu dga' ba'i mig 'gro bar rnam par snang ba gang na ba der song ngo / /de nas mtshan mo'i lha mo rab tu dga' ba'i mig 'gro bar rnam par snang bas/ tshong dpon gyi bu nor bzang / de bas kyang dge ba'i bshes gnyen gyi drung du 'gro ba/ dge ba'i rtsa ba'i tshogs las byung bas yongs su smin par bya ba'i phyir/ dge ba'i bshes gnyen gyi drung du 'gro ba tshogs chen po las byung bar byin gyis brlabs so/ /dge ba'i bshes gnyen gyi drung du 'gro ba rnam par gnon pa chen por byin gyis brlabs so|| dge ba'i bshes gnyen gyi drung du 'gro ba brtson 'grus kyi las 'jug par dka' bar byin gyis brlabs so/ /dge ba'i bshes gnyen gyi drung du 'gro ba bsdad cing shin tu legs par byin gyis brlabs so/ /dge ba'i bshes gnyen gyi drung du 'gro ba phyogs mtha' dang dbus med pa la 'jug par byin gyis brlabs so/ /dge ba'i bshes gnyen gyi drung du 'gro ba yun ring por gnas pas byung bar byin gyis brlabs so/ /dge ba'i bshes gnyen gyi drung du 'gro ba don mtha' yas pa yongs su rdzogs pa'i rnam par dmigs pa 'byung bar byin gyis brlabs so/ /dge ba'i bshes gnyen gyi drung du 'gro ba lam gyi rgyan mtha' dang dbus med pa'i tshogs kyis yongs su gnon par byin gyis brlabs so/ /dge ba'i </font><hr>Ca338a<br><font size=+1>


@#/ /bshes gnyen gyi drung du 'gro ba sgo kun nas rnam par gnon bas byung bar byin gyis brlabs so/ /dge ba'i bshes gnyen gyi drung du 'gro ba g.yo ba med par 'ong pas rnam par gnon par byin gyis brlabs so/ /de nas tshong dpon gyi bu nor bzang / thams cad mkhyen pa nyid kyi tshogs kyi brtson 'grus la rab tu brtson pas/ dge ba'i bshes gnyen gyi drung du 'gro ba dang / smon lam chen po rgya mtsho mngon par bsgrub pa'i rnam par gnon pas dge ba'i bshes gnyen gyi drung du 'gro ba dang / sems can gcig gi don du phyi ma'i mtha'i bskal pa'i mur thug par sdug bsngal nyams su blangs pa'i zhe non pas/ dge ba'i bshes gnyen gyi drung du 'gro ba dang / rdul shin tu phra ba gcig la chos kyi dbyings thams cad du sgra sgrog cing / yun ring por gnas pa'i rnam par gnon pa dang / brtson 'grus chen po'i go bgos pas/ dge ba'i bshes gnyen gyi drung du 'gro ba dang / phyogs rgya mtsho 'byams klas pa thams cad du shugs kyis 'gro bas dge ba'i bshes gnyen gyi drung du 'gro ba dang / ba spu'i sbubs gcig tu phyi ma'i mtha'i bskal par byang chub sems dpa'i spyad pa spyod pa la gnas pas/ dge ba'i bshes gnyen gyi drung du 'gro ba dang / byang chub sems dpa'i spyod pa la gnas nas kyang / sems kyi skad </font><hr>Ca338b<br><font size=+1>


cig re re la thams cad mkhyen pa'i ye shes 'gengs pa la gnas par bya bas/ dge ba'i bshes gnyen gyi drung du 'gro ba dang / dus gsum du gshegs pa'i de bzhin gshegs pa'i rnam par 'phrul pa'i rgyan dang / lam yongs su gnon par zhe non pas/ dge ba'i bshes gnyen gyi drung du 'gro ba dang / chos kyi dbyings kyi tshul gyi rgyun du zhugs pa'i lam yongs su gnas pas/ dge ba'i bshes gnyen gyi drung du 'gro ba dang / chos kyi dbyings kyi tshul thams cad la dmigs pa las ma g.yos par chos kyi dbyings kun tu rgyas par 'gengs pas/ dge ba'i bshes gnyen gyi drung du 'gro bas/ mtshan mo'i lha mo rab tu dga' ba'i mig 'gro bar rnam par snang ba gang nas ba der phyin pa dang / des mtshan mo'i lha mo rab tu dga' ba'i mig 'gro bar rnam par snang ba/ bcom ldan 'das kyi 'khor gyi dkyil 'khor la/ seng+ge'i khri me tog gi snying po can la 'dug cing / byang chub sems dpa'i ting nge 'dzin kun tu bzang po'i dga' ba yangs shing dri ma med pa'i shugs kyi rgyal mtshan la mnyam par bzhag pa mthong ngo / /de'i ba spu'i bu ga thams cad nas/ sbyin pa la sogs pa'i pha rol tu phyin pa'i spyod pa mngon par ston pa'i sprin sems can thams cad mngon par dga' ba/ sems can thams cad kyi yid du 'ong ba /sems can thams cad kyis blta na nyams </font><hr>Ca339a<br><font size=+1>


@#/ /su bde ba/ sems can thams cad kyis blta na sdug pa/ rnam pa sna tshogs 'byung ba'ang mthong ste/ 'di ltar sems can thams cad la phan gdags shing rtsod pa med par bya ba dang / dngos po thams cad la phangs par rtsi ba med par bya ba dang / sems can thams cad la sbyor ba mtshungs pas yongs su gtang bar bya ba dang / sems can thams cad la mnyam pa'i sems su bya ba dang / sems can thams cad la brnyas pa med par yongs su gtang ba dang / nang dang phyi'i dngos po thams cad yongs su gtang ba dang / dka' ba chen po yongs su gtang bar bstan pa dang / 'jig rten thams cad du sems can gyi bsam pa ji bzhin gyi sbyin pa'i spyod pa yongs su bstan par bya ba'i phyir/ sems can thams cad kyi bsam pa ji lta ba bzhin du rnam par dmigs pa dang mthun pa'i sgras/ sbyin pa'i spyod pa yongs su ston pa'i sprin dang / dus gsum du byung ba'i byang chub sems dpa' rnams gtang bar dka' ba yongs su gtong ba'i sprul pa bsam gyis mi khyab pa'i sprin 'thon nas/ phyogs bcu'i 'jig rten gyi khams 'byams klas par gtogs pa'i sems can thams cad kyis rnam par dmigs par gyur pa mthong ngo / /'di lta ste/ byang chub sems dpa'i khyu mchog gi mthu phyung ba dang / rnam par 'phrul pa bsam gyis mi khyab pa thob </font><hr>Ca339b<br><font size=+1>


pas /ba spu'i bu ga thams cad nas sems can thams cad dang mnyam pa'i skye ba sna tshogs su sprul pa'i lus kyi sprin mngon par 'thon te/ 'jig rten gyi khams thams cad du gtogs pa'i sems can thams cad la rgyas par khyab par byas nas/ mngon sum du brtul zhugs thams cad kyi yi dam las mi g.yo bar yongs su ston pa dang / sems can gyi khams dang mnyam pa'i dka' thub dang / brtul zhugs kyi dkyil 'khor sna tshogs rab tu ston pa dang / 'jig rten thams cad du gnas pa med pa dang / yul thams cad la ltos pa med pa dang / 'khor ba thams cad du gnas pa las phyir phyogs pa dang / lha dang mi'i phun sum tshogs pa rgud pa'i sgor gzhol ba yongs su ston pa dang / mi sdug pa'i dkyil 'khor rab tu ston pa dang / 'jig rten gyi sdug pa'i 'du shes kyi phyin ci log rnam par bzlog pa dang / mi rtag pa dang g.yo ba dang 'jig pa dang / 'gyur ba'i chos nyid yongs su ston pa dang / 'du byed thams cad kyi chos nyid sdug bsngal zhing / bdag med pa yongs su ston pa dang / de bzhin gshegs pa'i yul la gnas pa dang mi 'bral bar mos par byed pa dang / de bzhin gshegs pa'i tshul khrims shin tu dag par bya ba'i phyir/ sems can thams cad la yang dag par bskul ba dang / sems can thams cad kyi bsam pa ji lta ba bzhin gyi sgras/ tshul khrims kyi spyod pa yongs </font><hr>Ca340a<br><font size=+1>


@#/ /su ston pa dang / sems can thams cad yongs su tshim par byed pa'i tshul khrims kyi dri zhim po yongs su ston par byed cing / sems can thams cad yongs su smin par byed pa mthong ngo / /ba spu'i sgo thams cad nas sems can thams cad dang mnyam pa'i lus kha dog sna tshogs su sprul pa'i sprin 'thon te/ yan lag dang nying lag thams cad kyang nyams su bzod pa sems can thams cad la yongs su ston pa/ sems can thams cad kyis lus la gnod par mtho ba tsams \?\kyang nyams su bzod par byed pa dang / sems can thams cad kyis tshul dang mi 'dra ba'i tshig gis spyo ba dang / brgyad pa dang / smad pa dang / bskyung ba dang / brdeg pa dang / bsdigs pa nyams su bzod par byed pa yongs su ston pa dang| sems can thams cad kyis mi sgul ba yongs su ston pa dang / rim gror byas pa dang / rim gror ma byas pa thams cad kyis mtho ba dang / dma' bar mi 'gyur ba yongs su ston pa dang / sems can thams cad la nga rgyal med pa yongs su ston pa dang / chos thams cad kyi rang bzhin la bzod pa mi zad pas/ ye shes mi zad pa yongs su ston pa dang / sems can thams cad kyi nyon mongs pa thams cad yongs su spang ba'i phyir/ bzod pa'i spyod pa yongs su ston pa dang / sems can thams cad kyi lus dbyibs mi sdug cing kha dog mi </font><hr>Ca340b<br><font size=+1>


mdzes pa'i gzugs rnam par zlog par byed pa dang / sems can thams cad la de bzhin gshegs pa'i sku mdog rnam par dag pa bla na med pa yongs su ston cing / sems can yongs su smin par byed pa mthong ngo / /ba spu'i sgo thams cad nas sems can thams cad dang mnyam pa'i skye ba sna tshogs kya \ KYI?\ lus kha dog dang / dbyibs dang / chu zheng sna tshogs su sprul pa'i sprin 'thon te| sems can rnams kyi bsam pa ji lta ba bzhin du rgyas par khyab par byas nas/ thams cad mkhyen pa nyid kyi tshogs chen po la/ brtson 'grus kyis sngon du 'dor ba yang dag par ston pa dang / bdud kyi dkrugs ma thams cad rnam par 'thor ba'i brtson 'grus dang / byang chub tu brtsams pa mi 'khrugs mi zlog pa'i brtson 'grus dang / sems can thams cad 'khor ba'i rgya mtsho las rab tu bsgral ba'i brtson 'grus dang / mi khom pa dang / ngan song dang / ngan 'gro dang / log par ltung ba'i lam thams cad rnam pa bzlog pa'i brtson 'grus dang / mi shes pa'i ri rnam par gtor ba'i brtson 'grus dang / de bzhin gshegs pa thams cad mchod cing bsnyen bkur bya bas yongs su mi skyo ba'i brtson 'grus dang / sangs rgyas thams cad kyi chos kyi 'khor lo yang dag par blang ba dang / yongs su gzung ba'i brtson 'grus dang / sgrib pa thams cad kyi ri rab tu gzhom zhing rnam par gtor </font><hr>Ca341a<br><font size=+1>


@#/ /ba'i brtson 'grus dang / sems can thams cad yongs su smin par bya ba dang / gdul bas mi skyo ba'i brtson 'grus dang / sangs rgyas kyi zhing / thams cad yongs su dag par bya ba'i brtson 'grus dang / de bzhin gshegs pa'i brtson 'grus rnam par dag pa bla na med pa yongs su ston cing / sems can yongs su smin par byed pa mthong ngo / /ba spu'i sgo thams cad nas/ lus sna tshogs kha dog dang / dbyibs rnam pa tha dad par sprul pa'i sprin 'thon te/ thabs sna tshogs kyis sems can rnams kyi dga' ba yongs su skyed pa dang / yid mi bde ba rnam par zlog pa dang / 'dod pa'i dga' ba thams cad rnam par smod pa dang / ngo tsha shes pa'i chos nyid 'jig rten du sgrog pa dang / dbang po bsdams pa la sems can rnams rab tu dgod pa dang / tshangs pa'i spyod pa bla na med pa yang dag par bsngags pa byed pa dang / 'dod pa'i 'jig rten bdud kyi yul 'jigs pa dang bcas par yongs su ston pa dang / 'dod pa'i dga' ba dang bral ba rnams la 'jig rten gyi 'dod pa dang dga' ba'i yul thams cad yongs su ston pa dang / chos la mos shing dga' ba la sems can rab tu dgod pa dang / mthar gyis bsam gtan dang / ting nge 'dzin dang / snyoms par 'jug pa'i sgo mngon par sgrub pa dang / sems can thams </font><hr>Ca341b<br><font size=+1>


cad kyi nyon mongs pa thams cad rnam par bsal ba la nges par rtogs pa'i sems yongs su brjod pa dang / byang chub sems dpa'i ting nge 'dzin rgya mtsho'i rnam par 'phrul pa thams cad yongs su sten \ STON?\ pa dang / byang chub sems dpa'i mngon par shes pa dang / rnam par 'phrul pa dang / khyu mchog gi mthu phyung ba yongs su ston par byed cing / sems can thams cad kyi dga' ba yongs su bskyed pa dang / spro ba 'phel bar bya ba dang / nyams bde ba yongs su bskyed pa dang / yid mi bde ba bzlog pa dang / sems skyon med pa yongs su bsgrub pa dang / sems las su rung bar bya ba dang / bsam pa rnam par sbyang ba dang / dbang po gsal bar bya ba dang / lus kyi bde ba yongs su skyed pa dang / chos la dga' ba'i shugs rnam par 'phel bar bya ba byed cing sems can rnams yongs su smin par byed pa mthong ngo / /ba spu'i sgo thams cad nas skye ba thams cad dang 'dra ba'i lus kyi sprin sna tshogs 'thon te/ zhing thams cad kyi khongs su chud pa'i sems can thams cad kyi yid bzhin du bstan pa'i phyir/ dge ba'i bshes gnyen gyi gan du 'gro bas skyo ba med pa yongs su ston pa dang / slob dpon dang / bla ma dang / dge ba'i bshes gnyen la rim gro bya ba dang / bsnyen bkur bas skyo ba med pa yongs su ston pa dang / de bzhin gshegs pa thams cad kyi chos kyi 'khor lo 'khor ba yang dag par blang zhing yongs su bzung </font><hr>Ca342a<br><font size=+1>


@#/ /bas skyo ba med pa'i brtson 'grus yongs su ston pa dang / sangs rgyas mtsho thams cad khong du chud par bya ba'i tshul yang dag par brjod pa dang / chos kyi sgo rgya mtsho thams cad rnam par 'byed pa dang / chos thams cad kyi mtshan nyid dang / rang bzhin dang / tshul mngon par brjod pa dang / chos thams cad ting nge 'dzin gyi sgor yongs su ston pa dang / sems can thams cad kyi dri ba dang / the tshom rgya mtsho rnam par sel bas shes rab kyi yul yongs su ston pa dang / sems can thams cad kyi lta ba'i ri shin tu 'joms pa'i shes rab rdo rje yongs su ston pa dang / sems kyi skad cig gcig dang ldan pas sems can thams cad kyi ma rig pa'i mun pa rnam par sel ba'i shes rab kyi nyi ma'i dkyil 'khor 'char ba yongs su ston pa byed cing / sems can thams cad kyi dga' ba yongs su skye bar bya bas sems can yongs su smin par byed pa mthong ngo / /ba spu'i sgo thams cad nas kha dog dang dbyibs bsam gyis mi khyab pa'i lus mang po 'gro ba thams cad dang mnyam pa'i sprul pa'i sprin 'thon te/ bsam pa dang mos pa ji lta ba bzhin du sems can thams cad la mngon du gnas shing sgra skad sna tshogs kyis yongs su sbyang ba bstan pas/ 'jig rten pa'i bsod nams dang / bsod nams ma yin pa mngon par ston pa dang / </font><hr>Ca342b<br><font size=+1>


'jig rten pa'i bya ba thams cad rab tu rgyu ba dang / khams gsum pa 'byung ba thams cad yongs su bstan pa dang / khams gsum pa thams cad las 'byung ba'i phyogs yang dag par brjod pa dang / lta ba'i mya ngan mi bzad pa thams cad las 'byung ba'i phyogs yang dag par bstan pas/ thams cad mkhyen pa nyid kyi lam gyi khyad par yongs su brjod pa dang / nyan thos dang / rang sangs rgyas kyi sa'i lam las yongs su bzla ba yang dag par ston pa dang / rim gror byas pa dang / rim gror ma byas pa la byams sdang gis gos pa med pa yongs su ston pa dang / 'khor ba dang / mya ngan las 'das pa'i sgol \?\ mi gnas pa yang dag par ston pa dang / dga' ldan gyi gnas la sogs pa gcig nas gcig tu rgyu ba rgyun mi 'chad pa yongs su ston pa dang / snying po byang chub tu song zhing mngon par rdzogs par 'tshang rgya bar rgyun mi 'chad pa yongs su ston pa byed cing / thams cad mkhyen pa nyid du sems can yongs su smin pa byed pa mthong ngo| |ba spu'i sgo thams cad kyi ba spu'i sgo re re nas kyang / sangs rgyas kyi zhing thams cad kyi rdul shin tu phra ba snyed kyi lus sprul pa'i sprin 'thon te/ sems can gyi 'jig rten thams cad la mngon sum du gnas shing byang chub sems dpa' kun tu bzang po'i spyod pa dang smon lam yongs su brjod pa dang / chos kyi dbyings thams cad rnam par dag pa'i mthar thug pa'i </font><hr>Ca343a<br><font size=+1>


@#/ /smon lam gyi khyad par yongs su brjod pa dang / sems kyi skad cig re re la 'jig rten gyi khams rgya mtsho thams cad yongs su dag par bya ba yongs su brjod pa dang / de bzhin gshegs pa thams cad la mchod cing rim gror bya ba rgyun mi 'chad pa yongs su brjod pa dang / sems kyi skad cig re re la chos kyi tshul rgya mtsho thams cad la 'jug pa rgyun mi 'chad pa yongs su ston pa dang / 'jig rten gyi khams rgya mtsho thams cad du rdul shin tu phra ba snyed kyi chos kyi dbyings kyi tshul rgya mtsho la 'jug pa rgyun mi 'chad pa yongs su ston pa dang / zhing thams cad du phyi ma'i mtha'i bskal pa'i mur thug par gnas shing / thams cad mkhyen pa nyid kyi lam rnam par dag par bya bar yongs su brjod pa rgyun mi 'chad pa yang dag par ston pa dang / sems kyi skad cig re re la/ de bzhin gshegs pa'i stobs la 'jug pa rgyun mi 'chad pa yang dag par brjod pa dang / dus gsum gyi tshul rgya mtsho thams cad la 'jug pa rgyun mi 'chad pa yongs su ston pa dang / zhing thams cad du rdzu 'phrul gyis rnam par 'phrul pa yongs su bstan pa rgyun mi 'chad pa yang dag par ston pa byed cing / byang chub sems dpa'i smon lam dang spyod pa yongs su bstan pas sems can thams cad thams cad mkhyen pa nyid la rab tu 'god pa mthong ngo / / </font><hr>Ca343b<br><font size=+1>


ba spu'i sgo thams cad kyi ba spu'i sgo re re nas kyis 'gro ba thams cad kyi sems dang mnyam pa'i lus kyi sprul pa'i sprin mang po 'thon te/ sems can thams cad la mngon par gnas shing| thams cad mkhyen pa nyid kyi tshogs kyi stobs mu med pa yongs su ston pa dang / thams cad mkhyen pa'i sems kyi stobs mi zad pa dang / mi 'jigs pa dang / chud mi za ba'i chos can yongs su ston pa dang / byang chub sems dpa'i spyod pa thams cad yongs su bsgrub pa'i stobs phyir mi ldog cing phyir mi ldog la/ thug pa med pa dang / rgyun med pa dang / bla na med pa yongs su ston pa dang / byang chub sems dpa' rnams kyi stobs 'khor ba'i nyes pa thams cad kyis mi gos pa yongs su ston pa dang / byang chub sems dpa' rnams kyi stobs bdud kyi dkyil 'khor thams cad rnam par 'thor ba dang / byang chub sems dpa' rnams kyi stobs nyon mongs pa thams cad kyi dri mas nye bar nyon mongs pa med pa yongs su ston pa dang / byang chub sems dpa' rnams kyi stobs las kyi sgrib pa thams cad kyi ri rnam par 'thor ba yongs su ston pa dang / byang chub sems dpa' rnams kyi snying rje chen po'i stobs bskal ba thams cad du gnas kyang byang chub sems dpa'i spyod pas skyo ba med pa yongs su ston pa dang / byang chub sems dpa' rnams kyi stobs sangs rgyas </font><hr>Ca344a<br><font size=+1>


@#/ /kyi zhing thams cad yongs su bskyod cing bskul bas/ sems can thams cad rab tu dga' bar byed pa yongs su ston pa dang / byang chub sems dpa' rnams kyi stobs bdud dang / phas kyi rgol ba'i tshogs thams cad rab tu 'joms pa yongs su ston pa dang / chos kyi 'khor lo bskor ba'i ye shes kyi stobs chen po 'jig rten du rab tu brjod pa byed cing / sems can thams cad thams cad mkhyen pa nyid du yongs su smin par byed pa mthong ngo / /ba spu'i sgo thams cad kyi ba spu'i sgo re re nas kyang lus kyi sprul pa rgya mtsho kha dog mtha' yas pa/ 'gro ba thams cad kyi sems dang mnyam pa'i sprin/ phyogs bcu mtha' yas pa'i sems can gyi khams su rgyas par 'gengs pa 'thon te/ sems can rnams kyi bsam pa dang / mos pa ji lta ba bzhin du byang chub sems dpa'i spyod pa dang / ye shes kyi rnam par gnon pa yongs su ston pa dang / sems can gyi khams rgya mtsho thams cad la 'jug pa'i ye shes yongs su ston pa dang / sems can thams cad kyi sems rgya mtsho la 'jug pa'i ye shes yongs su ston pa dang / sems can thams cad kyi dbang po rgya mtsho yongs su shes pa'i ye shes yongs su ston pa dang / sems can thams cad kyi spyod pa rgya mtsho la 'jug pa'i ye shes yongs su ston pa </font><hr>Ca344b<br><font size=+1>


dang| sems can thams cad yongs su smin par bya ba dang / gdul ba'i dus las mi 'da' ba'i ye shes yongs su ston pa dang / chos kyi dbyings thams cad du grags par sgrog pa'i ye shes yongs su ston pa dang / sems kyi skad cig re re la chos kyi dbyings thams cad du ye shes kyi tshul rgya mtshos rgyas par 'gengs pa'i ye shes yongs su ston pa dang / 'jig rten gyi khams rgya mtsho thams cad 'du ba dang / 'jig pa'i ye shes yongs su ston pa dang / 'jig rten gyi khams thams cad kyi gzhi dang / dbyibs dang / rgyan rnam par dgod pa'i ye shes yongs su ston pa dang / de bzhin gshegs pa thams cad kyi mchod pa rnam par sprul te/ spyan sngar phyin nas mchod cing rim gro byed pa dang / chos kyi 'khor lo'i sprin yang dag par 'dzin pa'i ye shes yongs su ston pa byed cing / de ltar ye shes kyi pha rol tu phyin pa'i spyod pa yongs su ston pas sems can rnams kyi dga' ba skyed pa dang / sems rab tu dang bar byed pa dang / rab tu dga' ba skyed pa dang / mos pa 'phel bar byed pa dang / yid mi bde ba rnam par zlog pa dang / sems rnam par sbyong ba dang / sems skyon med pa skye bar byed pa dang / dbang po gsal bar byed pa dang / mos pa'i stobs yongs su skyed pa dang / thams cad mkhyen pa nyid las phyir mi ldog par byed pa mthong ngo / /pha rol tu phyin pa'i spyod pa yongs su bstan pas 'jig rten du ji ltar sems </font><hr>Ca345a<br><font size=+1>


@#/ /can yongs su smin par gyur pa mthong ba de bzhin du/ byang chub sems dpa'i chos thams cad rab tu sgrog pa'i tshul gyis mtshan mo'i lha mo rab tu dga' ba'i mig 'gro bar rnam par snang ba'i thog ma sems bskyed pa'i tshogs dang / dge ba'i bshes gnyen bsnyen bkur ba'i thabs dang / de bzhin gshegs pa'i zhabs kyi drung du phyin cing mchod pa dang rim gro byas pa'i tshul dang / dge ba'i chos spyad pa'i thabs ji snyed pa dang / sbyin pa'i pha rol tu phyin pa'i spyod pas gtang bar dka' ba yongs su btang ba dang / tshul khrims kyi pha rol tu phyin pa yongs su sbyangs pa'i thabs dang / rgyal srid kyi dbang phyug chen po dang / 'khor mang po dang longs spyod kyi dbang chen po yongs su btang ste/ mngon par byung ba'i thabs ji snyed pa dang / 'jig rten gyi dka' ba'i spyod pa brtul zhugs dang / dka' thub chen po'i dkyil 'khor la bzod pa mngon par bsgrubs pa ji snyed cig yod pa dang / byang chub sems dpa'i brtul zhugs yang dag par blangs pa'i sbyor ba la mi g.yo bar bya ba ji snyed cig yod pa dang / byang chub sems dpa'i yi dam brtan pa'i chos rgya mtsho sems can gyi khams thams cad kyi nyes byas dang / ngan du smra ba dang / nyes par spyod pa thams cad bag la zha bar byed pa'i sbyor ba dang / lus dang sems kyi gnod pa nyams su </font><hr>Ca345b<br><font size=+1>


bzod par byed pa'i sbyor ba ji snyed cig yod pa dang / chos thams cad 'jig pa med pa'i chos nyid la bzod pa dang / chos thams cad la yid ches pa'i bzod pa dang / chos thams cad kyi rang bzhin nges par rtogs pa'i bzod pa ji snyed cig yod pa dang / thams cad mkhyen pa nyid du rtsom zhing sbyor ba'i brtson 'grus ji snyed cig yod pa dang / sangs rgyas kyi chos thams cad yongs su sgrub pa'i brtson 'grus ji snyed cig yod pa dang / brtson 'grus kyi pha rol tu phyin pa'i spyod pa ji snyed pa thams cad dang / bsam gtan gyi pha rol tu phyin pa'i tshogs dang / bsam gtan gyi pha rol tu phyin pa la brtson par bya ba dang / bsam gtan gyi pha rol tu phyin pa bsgrub pa rnam par dag pa'i spyod pa ji snyed cig yod pa dang / byang chub sems dpa'i ting nge 'dzin rab tu thob pas rnam par 'phrul pa ji snyed cig yod pa dang / ting nge 'dzin gyi sgo rgya mtsho la 'jug pa ji snyed cig yod pa dang / bsam gtan gyi pha rol tu phyin pa'i spyod pa ji snyed pa thams cad dang / shes rab kyi pha rol tu phyin pa'i tshogs ji snyed cig yod pa dang / byang chub sems dpa'i shes rab chen po'i nyi ma'i dkyil 'khor rnam par spyad pa'i tshul ji snyed cig yod pa dang / shes rab chen po'i sprin yongs su 'du ba'i tshul ji snyed cig yod pa dang / shes rab kyi gter chen po'i tshogs ji snyed cig yod pa dang / shes rab kyi rgya mtsho chen po la rnam par dpyad pa'i tshul dang / </font><hr>Ca346a<br><font size=+1>


@#/ /sbyor ba ji snyed pa thams cad dang / thabs chen po la mkhas pa'i tshul gyi sbyor ba ji snyed cig yod pa dang / thabs chen po la mkhas pa yongs su dag par bya ba dang ldan pa'i sngon gyi sbyor ba ji snyed pa thams cad dang / byang chub sems dpa'i smon lam gyi pha rol tu phyin pa'i lus ji snyed cig yod pa dang / smon lam chen po'i pha rol phyin pa yongs su grub pa ji snyed cig yod pa dang / smon lam chen po'i pha rol tu phyin pa'i spyod pa ji snyed cig yod pa dang / smon lam chen po'i pha rol tu phyin pa dang ldan pa'i sngon gyi sbyor ba ji snyed pa thams cad dang / stobs kyi pha rol tu phyin pa thob par bya ba'i tshogs chen po ji snyed cig yod pa dang / stobs kyi pha rol tu phyin pa'i rkyen du gyur pa ji snyed cig yod pa dang| stobs kyi pha rol tu phyin pa'i tshul rgya mtsho chen po ji snyed cig yod pa dang / stobs kyi pha rol tu phyin pa shin tu bstan pa ji snyed cig yod pa dang / stobs kyi pha rol tu phyin pa dang ldan pa'i sngon gyi sbyor ba ji snyed pa thams cad dang / ye shes kyi pha rol tu phyin pa'i sbyor ba ji snyed cig yod pa dang / ye shes kyi pha rol tu phyin pa rnam par dag pa'i tshul ji snyed cig yod pa dang / ye shes kyi pha rol tu phyin pa'i phyogs ji snyed cig yod pa dang / ye shes kyi pha rol tu phyin pa'i rjes su 'brang bar bya ba ji snyed cig yod pa dang / ye shes kyi </font><hr>Ca346b<br><font size=+1>


pha rol tu phyin pa 'byams klas pa ji snyed cig yod pa dang / ye shes kyi pha rol tu phyin pa'i tshul la yang dag par gzhol bar bya ba ji snyed cig yod pa dang / ye shes kyi pha rol tu phyin pa'i tshul rnam par dmigs par bya ba ji snyed cig yod pa dang / ye shes kyi pha rol tu phyin pa 'byams klas pa'i rjes su 'brang bar bya ba ji snyed cig yod pa dang / ye shes kyi pha rol tu phyin pas rgyas par 'gengs pa ji snyed cig yod pa dang / ye shes kyi pha rol tu phyin pa rgya chen po ji snyed cig yod pa dang / ye shes kyi pha rol tu phyin pa'i lhun ji snyed cig yod pa dang / ye shes kyi pha rol tu phyin pa yongs su grub par bya ba dang ldan pa'i sngon gyi sbyor ba ji snyed pa thams cad dang / ye shes kyi pha rol tu phyin pa'i spyod pa'i rnam par rab tu phye ba la 'jug pa 'byung bar yongs su bsgrub pa ji snyed cig yod pa dang / ye shes kyi pha rol tu phyin pa la yang dag par gzhol bar bya ba'i tshul dang ldan pa'i chos rnams dang / chos yongs su bsdu ba dang / chos kyi ye shes kyi rjes su 'brang ba dang / las kyi ye shes kyi rjes su 'brang ba dang / zhing gi ye shes kyi rjes su 'brang ba dang / bskal pa'i ye shes kyi rjes su 'brang ba dang / dus kyi ye shes kyi rjes su 'brang ba dang / sangs rgyas 'byung ba'i ye shes kyi rjes su 'brang ba dang / sangs rgyas kyi ye shes kyi rjes su 'brang ba dang / byang chub sems dpa'i ye shes kyi rjes su 'brang ba dang / byang chub </font><hr>Ca347a<br><font size=+1>


@#/ /sems dpa'i sems yongs su 'byung ba'i ye shes kyi rjes su 'brang ba dang / byang chub sems dpa'i rnam par dgod pa'i ye shes kyi rjes su 'brang ba dang / byang chub sems dpa'i 'byung ba'i ye shes kyi rjes su 'brang ba dang / byang chub sems dpa'i rab tu 'jug pa'i ye shes kyi rjes su 'brang ba dang / byang chub sems dpa'i smon lam gyi ye shes kyi rjes su 'brang ba dang / byang chub sems dpa'i chos kyi 'khor lo'i ye shes kyi rjes su 'brang ba dang / byang chub sems dpa'i chos rnam par 'byed pa'i ye shes kyi rjes su 'brang ba dang / byang chub sems dpa'i chos rgya mtsho'i tshul gyi ye shes kyi rjes su 'brang ba dang / byang chub sems dpa'i chos gangs chen mtsho'i ye shes kyi rjes su 'brang ba dang / byang chub sems dpa'i chos kyi rgyud kyi ye shes kyi rjes su 'brang ba dang / byang chub sems dpa'i chos kyi gter gyi ye shes kyi rjes su 'brang ba dang / byang chub sems dpa'i chos kyi lugs kyi ye shes kyi rjes su 'brang ba ji snyed cig yod pa dang / mtshan mo'i lha mo rab tu dga' ba'i mig 'gro bar rnam par snang ba'i ye shes kyi pha rol tu phyin pa dang ldan pa'i byang chub sems dpa'i spyod pa mtha' dang dbus med pa'i dmigs pa can de dag thams cad de'i ba spu'i sgo thams cad kyi ba spu'i sgo re re nas mngon par 'thon te/ sems can gyi lus kyi sprin kha dog sna tshogs can du mngon par mched cing </font><hr>Ca347b<br><font size=+1>


sems can yongs su smin par byed pa mthong ngo / /'di lta ste/ 'og min dang / shin tu mthong ba dang / gya nom snang ba dang / ma dros pa dang / mi che ba'i gtsang ma'i gnas kyi lha lta bu'i lus kyi sprin du mngon par 'thon cing sems can yongs su smin par byed pa mthong ngo / /de bzhin du 'bras bu che ba dang / bsod nams 'phel ba dang / sprin dang bral ba'i lha lta bu'i lus kyi sprin du mngon par 'thon cing sems can yongs su smin par byed pa mthong ngo / /dge rgyas dang / tshad med dge ba dang / dge ba chung ba'i lha lta bu'i lus kyi sprin du mngon par 'thon cing sems can yongs su smin par byed pa mthong ngo / /kun snang dang ba dang / tshad med snang ba dang / snang ba chung ngu'i lha lta bu'i lus kyi sprin du mngon par 'thon cing sems can yongs su smin par byed pa mthong ngo / / tshangs chen dang / tshangs lha nye phan dang / tshangs pa kun ris kyi lha lta bu'i lus kyi sprin du mngon par 'thon cing / sems can yongs su smin par byed pa mthong ngo / /dbang sgyur gyi lha'i rgyal po/ lha mo'i tshogs dang / lha'i bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo / /lha'i rgyal po rab 'phrul dga'/ lha mo'i tshogs dang / lha'i bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo / /rab dga' ldan gyi lha'i rgyal po/ lha mo'i tshogs dang / </font><hr>Ca348a<br><font size=+1>


@#/ /lha'i bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo / /rab mtshe ma'i lha'i rgyal po/ lha mo'i tshogs dang / lha'i bu dang bcas pa lta bu'i lus kyi sprin du mngon par 'thon cing sems can yongs su smin par byed pa mthong ngo / /lha'i rgyal po brgya byin/ lha mo'i tshogs dang / lha'i bu dang bcas pa lta bu'i lus kyi sprin du mngon par 'thon cing / sems can yongs su smin par byed pa mthong ngo / /dri za'i rgyal po gnas srung po dang / dri za'i bu dang / dri za'i bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / /grul bum gyi rgyal po 'phags skyes po dang / grul bum gyi bu dang / grul bum gyi bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / /klu'i rgyal po mig mi bzang dang / klu'i bu dang / klu'i bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / /gnod sbyin gyi rgyal po chen po ngal bso po dang / gnod sbyin gyi bu dang / gnod sbyin gyi bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / /mi'am ci'i rgyal po sdong po dang / mi 'am ci'i bu dang / mi'am ci'i bu mo lta bu'i lus kyi sprin du mngon par 'thon cing sems can </font><hr>Ca348b<br><font size=+1>


yongs su smin par byed pa mthong ngo / /lto 'phye chen po'i dbang po blo gros bzang po dang / lto 'phye chen po'i bu dang / lto 'phye chen po'i bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / /nam mkha' lding gi dbang po shugs drag stobs chen dang / nam mkha' lding gi bu dang / nam mkha' lding gi bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / /lha ma yin gyi dbang po sgra gcan dang / lha ma yin gyi bu dang / lha ma yin gyi bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / /chos kyi rgyal po gshin rje dang / gshin rje'i bu dang / gshin rje'i bu mo lta bu'i lus kyi sprin du mngon par 'thon cing sems can yongs su smin par byed pa mthong ngo / /mi'i dbang po dang / skyes pa dang / bud med dang / khye'u dang / bu mo thams cad lta bu'i lus kyi sprin du mngon par 'thon cing sems can yongs su smin par byed pa mthong ngo // de bzhin du 'gro ba'i rgyud thams cad du gtogs pa'i sems can thams cad lta bu'i lus kyi sprin du mngon par 'thon cing sems can yongs su smin par byed pa mthong ngo / /nyan thos dang / rang sangs rgyas dang / drang srong thams cad lta bu'i lus kyi sprin du mngon par 'thon cing sems can yongs su smin par byed pa mthong ngo / /rlung dang / chu dang / me'i phung po'i lha lta bu'i </font><hr>Ca349a<br><font size=+1>


@#/ /lus kyi sprin du mngon par 'thon cing sems can yongs su smin par byed pa mthong ngo / /rgya mtsho dang / chu klung dang / ri dang / nags tshal dang / lo tog dang / sman dang / shing dang / sa'i lha lta bu'i lus kyi sprin du mngon par 'thon cing sems can yongs su smin par byed pa mthong ngo / /bza' shing gi ra ba dang / grong khyer dang / snying po byang chub dang / nyin bar dang / mtshan mo dang / nam mkha' dang / phyogs dang / rkang gis 'gro dang / lus kyi ris su gtogs pa'i lha lta bu'i lus kyi sprin du mngon par 'thon cing sems can yongs su smin par byed pa mthong ba nas/ de bzhin du lag na rdo rje lta bu'i lus kyi sprin du mngon par 'thon cing phyogs bcu rgyas par bkang ste/ chos kyi dbyings kyi tshul 'byams klas pa thams cad du sems can thams cad la mngon par gnas shing sems can yongs su smin par byed pa'i bar du mthong ste/ mtshan mo'i lha mo rab tu dga' ba'i mig 'gro bar rnam par snang ba'i sems thog ma bskyed pa'i tshogs la sogs pa/ sngon gyi tshe rabs la yongs su bsgrubs pa'i dge ba'i sems gcig nas gcig tu brgyud de rgyun ma chad pa'i tshul ji snyed pa dang / byang chub tu sems bskyed pa'i bsngags pa gcig nas gcig tu brgyud cing 'dab chags pa dang / shi 'pho dang / skye ba yongs su bzung ba gcig nas gcig tu brgyud cing 'dab </font><hr>Ca349b<br><font size=+1>


chags pa dang / lus yongs su bzung ba gcig nas gcig tu brgyud cing 'dab chags pa dang / ming gi 'khor lo gcig nas gcig tu brgyud cing 'dab chags pa dang / dge ba'i bshes gnyen gyi gan du 'gro ba gcig nas gcig tu brgyud cing 'dab chags pa dang / sangs rgyas byung ste bsnyen bkur ba gcig nas gcig tu brgyud cing 'dab chags pa dang / chos kyi tshig dang| yi ge blangs pa gcig nas gcig tu brgyud cing 'dab chags pa dang / byang chub sems dpa'i lam gyi nan tan gyi sems gcig nas gcig tu brgyud cing 'dab chags pa dang| ting nge 'dzin rab tu thob pa gcig nas gcig tu brgyud cing 'dab chags pa dang / ting 'dzin thob pas sangs rgyas mthong ba gcig nas gcig tu brgyud cing 'dab chags pa dang / zhing mthong ba'i mig gis rgyas par bkang ba gcig nas gcig tu brgyud cing 'dab chags pa dang / bskal pa gcig nas gcig tu brgyud pa'i ye shes kyi 'khor lo 'dab chags pa dang / chos kyi dbyings khong du chud pa'i ye shes gcig nas gcig tu brgyud cing 'dab chags pa dang / sems can gyi khams la rnam par lta ba gcig nas gcig tu brgyud cing 'dab chags pa dang / chos kyi dbyings kyi tshul rgya mtshor gtogs pa'i sems can pha rol gyi shi 'pho dang skye ba shes pa gcig nas gcig tu brgyud cing 'dab chags pa dang / lha'i rna ba </font><hr>Ca350a<br><font size=+1>


@#/ /yongs su dag pa rtogs par byed pa'i shes pa gcig nas gcig tu brgyud cing 'dab chags pa dang / sems can gyi khams thams cad kyi sems la rnam par lta zhing dbyings la 'jugs pa'i sgo gcig nas gcig tu brgyud cing 'dab chags pa dang / thog ma lha'i mig la zhugs pa'i sgo gcig nas gcig tu brgyud cing 'dab chags pa dang / thog ma lha'i rna ba rnam par dmigs pa gcig nas gcig tu brgyud cing 'dab chags pa dang / thog ma sems can pha rol gyi sems shes pa gcig nas gcig tu brgyud cing 'dab chags pa dang / thog ma bdag dang sems can pha rol gyi sngon gyi gnas rjes su dran pa shes pa gcig nas gcig tu brgyud cing 'dab chags pa dang / thog ma dngos po med pa la rab tu gnas te/ mngon par 'du bya ba med pa'i rdzu 'phrul thob pa'i rkyen gcig nas gcig tu brgyud cing 'dab chags pa dang / rdzu 'phrul chen po'i rnam par gnon pas phyogs rgyas par 'gengs pa gcig nas gcig tu brgyud cing 'dab chags pa dang / byang chub sems dpa'i rnam par thar pa thob pa gcig nas gcig tu brgyud cing 'dab chags pa dang / byang chub sems dpa'i rnam par thar pa rgya mtsho tshul bsam gyis mi khyab pa la 'jug pa gcig nas gcig tu brgyud cing 'dab chags pa dang / byang chub sems dpa'i ting nge 'dzin </font><hr>Ca350b<br><font size=+1>


gyi rnam par 'phrul pa gcig nas gcig tu brgyud cing 'dab chags pa dang / byang chub sems dpa'i rnam par gnon pa gcig nas gcig tu brgyud cing 'dab chags pa dang / byang chub sems dpa'i yongs su gnon pa gcig nas gcig tu brgyud cing 'dab chags pa dang / byang chub sems dpa'i ming du bya ba gcig nas gcig tu brgyud cing 'dab chags pa dang / byang chub sems dpa'i lam la 'jug pa gcig nas gcig tu brgyud cing 'dab chags pa nas/ mtshan mo'i lha mo rab tu dga' ba'i mig 'gro bar rnam par snang ba'i byang chub sems dpa'i ye shes shin tu phra ba gcig nas gcig tu brgyud cing 'dab chags pa ji snyed pa de dag thams cad de'i ba spu'i sgo thams cad nas sprul pa'i lus kyi sprin du mngon par 'thon te/ sems can rnams la chos 'chad pa dang / yang dag par ston pa dang / gsal bar byed pa dang / yongs su ston pa dang / rjes su brjod pa dang / rab tu 'byed pa dang / shin tu rgya cher byed pa dang / 'grang ba dang / nges par ston pa dang / rnam par rig par byed pa dang / nye bar bsgrub pa mthong ste/ la la la ni rlung gi dkyil 'khor shin tu 'khrugs pa'i sgra skad kyis chos ston pa mthong ngo / /la la la ni chu'i phung po rab tu rlob pa'i sgra skad kyis/ la la la ni me'i me lce shin tu rlob pa'i sgra skad kyis/ la la la ni rgya </font><hr>Ca351a<br><font size=+1>


@#/ /mtsho'i 'brug gi sgra skad kyis/ la la la ni sa yongs su g.yos pa'i sgra skad kyis/ la la la ni ri chen po phan tshun thug cing 'thab pa'i sgra skad kyis/ la la la ni lha'i grong khyer g.yos pa'i nga ro snyan pa'i sgra skad kyis/ la la la ni lha'i gzhal med khang thug cing 'khrol ba'i sgra skad kyis chos ston pa mthong ngo / /la la la ni lha'i dbang po'i skad kyis/ la la la ni klu'i dbang po'i skad kyis/ la la la ni gnod sbyin gyi dbang po'i skad kyis/ la la la ni dri za'i dbang po'i skad kyis/ la la la ni lha ma yin gyi dbang po'i skad kyis/ la la la ni nam mkha' lding gi dbang po'i skad kyis/ la la la ni mi'am ci'i dbang po'i skad kyis/ la la la ni lto 'phye chen po'i dbang po'i skad kyis/ la la la ni mi'i dbang po'i skad kyis/ la la la ni tshangs pa'i dbang po'i skad kyis/ la la la ni lha mo'i glu dbyangs kyis/ la la la ni lha rdzas kyi rol mo legs par blangs pa'i dbyangs kyis| la la la ni nor bu rin po che'i sgra dbyangs kyis/ la la la ni sems can gyi ris thams cad kyi skad sna tshogs kyis/ mtshan mo'i lha mo rab tu dga' ba'i mig 'gro bar rnam par snang ba'i rnam par thar pa'i yul/ sems can rnams la rab tu brjod pa mthong ngo / /de bzhin du byang chub sems dpa'i lus kyi sprin gyis byang chub sems dpa'i sgra skad </font><hr>Ca351b<br><font size=+1>


sna tshogs dang / de bzhin gshegs pa'i sprul pa'i sku'i sprin gyis de bzhin gshegs pa gsung rnam pa tha dad pa'i dbyangs kyi yan lag gi tshul gyis/ mtshan mo'i lha mo rab tu dga' ba'i mig 'gro bar rnam par snang ba'i rnam par thar pa'i yul/ thog ma sems bskyed pa dang bcas pa yongs su byung ste/ grub cing yang dag par 'dus pa dang bcas/ rnam par thar ba'i rnam par rtse ba dang bcas pa/ sems can thams cad la rnam par dmigs par byed pa mthong ngo / /de'i sprul pa'i gzugs kyi sprin re res kyang / sems kyi skad cig re re la phyogs bcu'i 'jig rten gyi khams kyi sangs rgyas kyi zhing brjod du med pa'i yang brjod du med pa rnam par sbyong ba mthong ngo / /sems can rgya mtsho mtha' yas pa dag kyang ngan song gi sdug bsngal thams cad las rnam par 'grel ba mthong ngo / /sems can gyi khams mtha' dang dbus med pa dag kyang mi'i phun sum tshogs pa la rab tu 'god pa mthong ngo / /sems can rgya mtsho mtha' dang dbus med pa dag kyang 'khor ba rgya mtsho las gyen du bskyod pa mthong ngo / /sems can rgya mtsho mtha' dang dbus med pa dag kyang nyan thos dang / rang sangs rgyas kyi sa la rab tu 'god pa mthong ngo / /sems kyi skad cig re re la sems can rgya mtsho mtha' dang dbus med pa dag kyang stobs bcu'i ye shes kyi sar 'dzud pa tshong dpon gyi bu </font><hr>Ca352a<br><font size=+1>


@#/ /nor bu bzang gis mthong ngo / /thos so/ /rnam par dpyad do/ /zhugs so/ /khong du chud do/ /nges par rtogs so/ /rjes su shes so/ /rjes su 'brangs so| |rjes su zhugs so/ /mnyam pa nyid du byin gyis brlabs te/ de ni mtshan mo'i lha mo rab tu dga' ba'i mig 'gro bar rnam par snang ba'i byang chub sems dpa'i rnam par thar pa kun tu bzang po'i dga' ba shin tu yangs pa'i rgyal mtshan bsam gyis mi khyab pa'i rnam par 'phrul pa dang / khyu mchog gi mthu phyung ba'i byin dang / sngon bskal pa mnyam par spyad pa dang / de bzhin gshegs pa'i byin gyi rlabs kyis byin du brlabs pa dang / dge ba'i rtsa ba rnam par smin pa bsam gyis mi khyab pa dang / byang chub sems dpa'i spyod pa kun tu bzang po'i snod du gyur pa'i phyir ro/ /de nas tshong dpon gyi bu nor bzang byang chub sems dpa'i dga' ba'i shugs drag po gangs chen mtsho snang ba chen po rab tu thob pa/ phyogs bcu'i de bzhin gshegs pa thams cad kyis byin gyis brlabs pa des/ mtshan mo'i lha mo rab tu dga' ba'i mig 'gro bar rnam par snang ba'i mdun du 'dug ste thal mo sbyar nas/ mtshan mo'i lha mo rab tu dga' ba'i mig 'gro bar rnam par snang ba la tshul dang 'dra ba'i tshigs su bcad pa 'di dag gis mngon par bstod </font><hr>Ca352b<br><font size=+1>


do| |rgyal ba'i chos rnams shin tu zab/ /de la khyod kyis bskal pa tshad med bslabs/ /bsam pa ji bzhin gzugs rnams kyis/ /'gro ba kun kyang 'jig rten rim pas bstan// bdag med mgon med log pa yi/ /'du shes rtag tu 'khrul pa mkhyen gyur nas/ /rdzu 'phrul rnam pa du ma yis/ /lus dang dbang phyug ston mdzad 'gro ba 'dul/ /shin tu rims bral rab tu zhi/ /chos sku gnyis med rnam par dag pa mnga'/ /'gro ba ma lus gnyis gnas pa/ /sprul pa'i sprin sgra 'brug gis rnam par 'dul/ /phung po khams dang skye mched la/ /khyod ni nam yang mi gnas mi rten te/ /yan lag kun rgyas gzugs mchog dang / /dbang phyug yongs su bsgrags pas 'gro ba 'dul/ /phyi dang nang las rnam par grol/ /gnyis las byung ba'i mtsho las 'phags gyur kyang / 'khor ba'i rgya mtsho mtha' yas pa'i/ /gzugs brnyan 'gro ba'i rgyud du rab tu ston/ /khyod la g.yo ba mi mnga' ste/ /nam yang rlom sems g.yo ba'i spros mi mnga'/ /'jig rten spros mos byis pa rnams/ /chos kyi rang bzhin bstan cing 'dul ba mdzad/ /ting 'dzin rgya mtsho kun spyod pas/ /bskal pa mang por rtse gcig thub bzhugs kyang // phyogs bcu'i bde gshegs mchod don du/ /spu rnams rtse las sprul pa'i sprin kyang 'gyed/ /sangs rgyas stobs la 'jug pa'i tshul/ /skad cig re rer mtha' yas thugs su chud/ /sems </font><hr>Ca353a<br><font size=+1>


@#/ /can bsdu ba'i sbyor ba rnams/ /so so'i rkyen bzhin go bar bgyi bas bstan/ /khyod kyis srid pa'i rgya mtsho dag /las kyi rnam bris sna tshogs gzugs gzigs shing / /chos kyi sgrib pa med pa'i lam bstan te/ /sems can kun kyang rnam par sbyong ba mdzad/ /khyod sku mtshan bris rnam dag kyang / /kun tu bzang po'i spyod pa dam pa yis| |sems can bsam pa'i dbang tshul du/ /khyod ni lha mo'i sku gzugs ston/ /de nas tshong dpon gyi bu nor bzang gis/ mtshan mo'i lha mo rab tu dga' ba'i mig 'gro bar rnam par snang ba la tshul dang 'dra ba'i tshigs su bcad pa de dag gis mngon par bstod de 'di skad ces smras so/ /lha mo khyod bla na med pa yang dag par rdzogs pa'i byang chub tu zhugs nas ji srid cig lags/ lha mo khyod kyis byang chub sems dpa'i rnam par thar pa kun tu bzang po'i dga' ba shin tu yangs shing dri ma med pa'i shugs kyi rgyal mtshan 'di thob nas ni| ji srid cig lags/ de nas mtshan mo'i lha mo rab tu dga' ba'i mig 'gro bar rnam par snang bas/ tshong dpon gyi bu nor bzang la tshigs su bcad de smras pa/ dran pa bskal pa mang 'das pa/ /zhing gi rdul snyed de yi snga rol na/ /zhing ni rin chen mdog bde byung / /de yi bskal pa zhi ba'i dbyangs zhes bya/ /gling bzhi bye ba khrag khrig ste/ /brgya stong phrag </font><hr>Ca353b<br><font size=+1>


bcu rnams kyis yongs su gang / /tshad med rin chen ri bo 'dra/ /gling bzhi'i bar ma bzang po rnam par bkram/ /rgyal po'i pho brang bye ba brgya/ /stong phrag bcu rnams yongs su tshang ba ste/ / rgyal po'i pho brang mdangs dga' ba/ /dbus na gnas pa spos kyi rgyal mtshan 'od/ /der ni phyogs kyi dbang po sa yi bdag /'khor los bsgyur ba mngon par gzugs bzang byung / / mtshan rab sum cu gnyis dang ldan/ /de yi lus kyang dpe byad bzang pos brgyan/ /pad+mo'i sbubs nas rdzus te byung / /gser gyi mdog bzang 'od 'byung lus dang ldan/ /'dzam bu'i rgyal mtshan thams cad du/ /mkha' las 'gro zhing 'od kyis de 'gengs so/ /de yi bu ni stong tshang ste/ /kun kyang yan lag dam pa'i gzugs dang ldan/ /blon po mkhas shing gsal ba dang / /mdzangs shing yid gzhungs bye ba shin tu mang / /btsun mo bye ba phrag bcu tshang / /lha mo ji bzhin dga' ba'i tshul la mkhas/ /de dag phan sems bde sems kyis/ /rgyal po de la nye ba'i yid du gnas/ /rgyal po de ni sa chen de/ /ri dang khor yug kun gyi mthas klas pa'i/ /gling bzhi phun sum tshogs pa dag /kun kyang chos kyi stobs kyis gnas par byed| |kho mo 'khor los bsgyur ba yi/ /btsun mo tshangs pa'i sgra skad rin chen lus/ /gser gyi mdog 'chang dri med 'od/ /dpag tshad stong du 'od kyis rgyas par 'gengs/ /nyi </font><hr>Ca354a<br><font size=+1>


@#/ /ma nub par gyur nas kyang / /rgyal po sras dang 'khor bcas gzims gyur nas/ /rol mo'i dbyangs kyang zhir gyur te/ /kho mo mal na bde bar nyal nyal na// nam gyi phyed tsam gung zhig la/ /sangs rgyas dpal gyi rgya mtsho byung bar gyur/ /de tshe rgyal bas rnam 'phrul ba/ /phyogs bcu rgyas par bkang ste bstan pa mdzad/ /rgyal ba'i 'od zer rgya mtsho des/ /zhing gi rdul snyed 'jig rten khyab par gyur/ /rnam 'phrul sku rnams sna tshogs kyis/ /phyogs bcu thams cad ma lus rgyas par bkang / /sa rnams ri dang bcas par g.yos/ /rgyal ba byung zhes sgra yang yongs su brjod/ /lha dang lha min mi dang klu/ /kun kyang rgyal ba byung bas rab tu dga'/ /sangs rgyas ba spu'i sgo kun nas/ /sprul pa'i rgya mtsho mang po mngon par byung / /des ni phyogs bcu rgyas bkang nas/ /'jig rten bsam pa bzhin du chos kyang bstan/ /rnam 'phrul mtha' yas de dag kyang / /rgyal bas thams cad bdag gi rmi lam bstan/ /zab mo'i 'brug sgra thos gyur nas/ /khong du chud pas kho mo dga' yid gyur/ /mtshan mo'i lha mo stong snyed kyang / /kho mo'i steng gi bar snang mkhar gnas shing / /rgyal ba'i legs pa brjod byas nas/ /kho mo sad par smra zhing brjod/ /lha yi blo gros btsun mo longs/ /khyod kyi rgyal po'i khams su rgyal ba skyes/ / </font><hr>Ca354b<br><font size=+1>


bskal pa rgya mtsho brgya dag tu/ /de 'dra'i phun sum tshogs pa rnam dag dkon/ /kho mo dgar gyur sad par gyur/ /'od gsal dri med rnam dag mthong / /'od bzang de ni ga las blta blta na| |byang chub shing rgyal drung gi rgyal ba mthong / /mtshan nyid sum cu gnyis kyis brgyan/ /ba spu kun nas 'od zer rgya mtsho bkye/ /ri rab ji bzhin mngon par 'phags/ /rgyal ba g.yas g.yos kun tu'ang de bzhin no/ /mthong nas kho mo rab dga' ste/ /de 'drar 'gyur bar sems kyang yongs su bskyed/ /sangs rgyas rnam 'phrul yang mthong nas/ /kho mos smon lam shin tu rgya chen btab/ /kho mos rgyal po bzhes su gsol/ /de yi 'khor dang bud med tshogs kyang bslang / /sangs rgyas 'od yangs mthong gyur nas/ /kun kyang bde ba'i lus su gyur/ /rgyal po de dang lhan cig tu/ /bzhon pa bye ba srog chags khrag khrig gis/ /yongs su bskor te dpung bcas pa/ /rgyal ba'i spyan sngar kun kyang dong / /lo grangs stong phrag nyi shur yang / /kho mos rgyal ba de la mchod bkur byas/ /rin chen bdun yang yon du phul/ /rgya mtsho yongs dang bcas pa'i sa yang gsol/ /mdo sde rgya mtsho yon tan sprin/ /smon lam mtsho las yongs su byung ba'i rgyan/ /kun kyang de bzhin gshegs las byung / /bsam pa ji bzhin 'gro bar de bzhin bstan/ /mtshan mo'i lha mo ji snyed cig /de tshe snying brtser kho mo phan bstan pa/ /de 'drar gyur </font><hr>Ca355a<br><font size=+1>


@#/ /te myos gsal zhes/ /kho mo mos pa yongs su skyes par gyur/ /kho mo'i smon lam de 'dra'i sems/ /thog ma byang chub mchog tu skyes par gyur/ /'khor ba'i rgya mtsho gnas pa'i tshe/ /srid pa'i rgya mtshos de ni zhig ma gyur/ /sangs rgyas bye ba khrag khrig la/ /kho mos dad pa bskyed de mchod pa byas/ /'khor ba'i lha dang mi dbus su/ /yul gyi dga' dang bde la mngon par smon/ /rgyal ba'i dang po dpal gyi mtsho/ /de yi 'og ma yon tan sgron ma ste/ /rgyal ba gsum pa rin chen dpal/ /sangs rgyas bzhi pa nam mkha'i shes rab bo| |rgyal ba lnga pa me tog mchog /rgyal ba drug pa chags med zla ba'i blo/ /rgyal ba bdun pa 'od rgyal chos kyi zla/ /brgyad pa ye shes dkyil 'khor snang ba'o/ /rin chen 'od 'phro ri sgron te/ /rgyal ba dgu pa de tshe byung bar gyur/ /bcu pa dus gsum 'od dbyangs te/ /de dag kho mos dad pas mchod/ /bcu po de la sogs pa dag /mi yi dbang po dam pa kun mchod de/ /tshul gyi rgya mtsho 'dir zhugs pa'i/ /mig ni de srid yun gyis thob ma gyur/ /de 'og zhing gi mtshams sbyor ba/ /rin chen thams cad 'od ces bya ba byung / /bskal pa lha yi dpal zhes bya/ /sangs rgyas lnga brgya de la byung bar gyur/ /thog ma zla ba'i dkyil 'khor byung / /gnyis pa nyi ma'i sgron ma mngon par skyes/ /snang ba'i rgyal mtshan sangs rgyas </font><hr>Ca355b<br><font size=+1>


gsum| |de yi 'og tu rin chen ri bo'o/ /me tog 'od 'phro rgya mtsho sgron/ /me yi dpal dang lha yi dpal gyi mchog /snang ba'i rgyal po 'od kyi dpal/ /bcu pa ye shes kun snang rgyal po'o| |bcu po de la sogs pa dag /mi yi dbang po de dag kho mo yis/ /phung po'i gnas la dad dga' zhing / /gnas med chos la gnas kyi blos mchod do/ /de 'og de yi mtshams sbyor ba| |'jig rten khams bzang byung bar gyur pa ni/ /pad+mo'i sgron ma sprin gyi dpal/ /de tshe bskal pa tshangs pa'i 'od ces bya/ /de la rgyal ba tshad med de/ /de dag 'khor dang bcas pa kho mos mchod| |rgyal ba de dag thams cad las/ /rim gro chen pos kho mos chos kyang thos/ /rgyal ba'i dang po rin chen ri/ /de yi 'og ma yon tan rgya mtsho ste/ /rgyal ba chos dbyings dbyangs kyi dpal| |chos rab rgya mtsho sgrog pa bzhi pa'o/ /chos kyi rgyal mtshan gzungs kyi 'od/ /chos stobs 'od dang nam mkha'i blo gros te/ /chos 'od ri bo spo mthon dang / /de dag tha ma'i mtshan ni sprin dpal lo/ /bcu po de la sogs pa dag /mi yi dam pa de dag kun mchod de/ /rgyal ba'i rgya mtsho 'dir zhugs pa'i/ /chos nyid de ni dag ma gyur/ /de yi 'og tu de bzhin gshegs/ /nyi ma'i sgron ma dpal gyi dpal zhes bya/ /zhing ni sangs rgyas yod pa ste/ /de la bskal pa zla ba'i dpal byung ngo / /de la stobs bcu byung ba ni/ /bye ba brgyad cu yongs su </font><hr>Ca356a<br><font size=+1>


@#/ /tshang ba ste/ /de dag kun la'ang mchod pa'i sgo/ /rgya che mtha' yas yid 'ong du ma byas/ /thog mar byung ba dri za'i rgyal/ /de yi 'og tu sangs rgyas shing rgyal te| |rgyal ba gsum pa yon tan ri/ /de yi 'og tu rin chen spyan gshegs so/ /rnam par snang mdzad 'od kyi rgyan/ /chos kyi rgya mtsho sangs rgyas gzi brjid dpal/ /'jig rten dbang po 'od bzang dpal/ /kun gyi tha ma chos 'od rgyal po'o/ /bcu po de la sogs pa dag /bde gshegs de dag thams cad mchod byas kyang / /chos kyi rgya mtshor 'jug pa yi| |ye shes kho mos thob par ma gyur to/ /de yi 'og tu zhing dag pa/ /rdo rje'i rang bzhin mi phyed gzi brjid brtan/ /kun tu 'od sprin ming ldan byung / /rgyan gcig kun nas mdzes par gnas pa'o/ /de la sems can dag pa mang / /nyon mongs dri mas nyon mongs shin tu nyung / /bskal pa rab zhi blo gros 'od/ /sangs rgyas stong rnams byung bas rnam par brgyan// rgyal ba'i dang po rdo rje gtsug /gnyis pa chags med stobs mnga'i mtshan ldan pa/ /rgyal ba chos dbyings gzugs brnyan dang / /phyogs rnams kun tu sgron ma gsal ba'i bdag/ rgyal ba lnga pa thugs rje'i 'od/ /rgyal ba drug pa brtul zhugs rgya mtsho'o/ /bde gshegs bzod 'khor sgron ma dang / /brgyad pa chos kyi dkyil 'khor snang ba ste/ /snang ba rgya mtshos </font><hr>Ca356b<br><font size=+1>


brgyan pa dang / /de dag tha ma zhi ba'i rgyal po'o/ /bcu po de la sogs pa dag /mi yi dam pa de kun kho mos mchod/ /chos nyid nam mkha' mnyam pa 'di/ /rang bzhin yongs su kun nas dag pa ste/ /de la gnas shing zhing gi rnams/ /'byams klas kun tu spyod spyad ma dag go /de yi 'og tu mdangs dga' ba'i/ /zhing gi spos sgron sprin gyi dpal zhes bya/ /kun nas nyon mongs yongs su dag /de yi bskal pa legs par byung zhes bya/ /rgyal ba bye ba de tshe byung / /de dag kun gyis de tshe bskal pa brgyan/ /mgon po de dag chos gsung ba/ /kho mos dran pa'i stobs kyis yongs su bzung / /rgyal ba'i dang po grags yangs te/ /chos kyi rgya mtsho shugs drag dpal gyi rgyal/ /chos dbang rgyal po yon tan sprin/ /chos kyi dpal dang lha yi cod pan no/ /ye shes 'od 'phro gzi brjid dpal/ /rkang gnyis dam pa bdun pa de yin no/ /rgyal ba brgyad pa nam mkha'i dbyings/ /dgu pa kun tu 'byung ba'i sgron ma ste/ /de dag tha ma'i sangs rgyas ni/ /mdzod spu'i dpal gyi 'od kyi blo gros te/ /rgyal ba mi mchog de dag la/ /mchod pa byas kyang chags med de ma sbyangs/ /de yi 'og ma rgyan rab can/ /rin chen sna tshogs kun tu gnas pa ste/ /'jig rten rnam par phye ba'i mtha'/ /rin chen rgyal mtshan blo gros mchog /de tshe'i bskal pa snying po tshogs/ /de la sangs rgyas brgya phrag lnga byung ste/ /rnam thar chags med 'di 'dod cing / /rang byung </font><hr>Ca357a<br><font size=+1>


@#/ /de dag thams cad kho mos mchod/ /thog ma'i mtshan ni yon tan 'khor/ /zhi ba'i dbyangs dang rgya mtsho phun sum tshogs/ /nyi ma'i gzi brjid dpal gyi bdag/ mtshan gyi sprin sgra dbyangs zhes bya ba dang / /chos dbang rgyal po yon tan bdag /bsod nams ri rab zhi ba 'od kyi rgyal/ /bcu po de la sogs pa dag /rgyal ba de dag kun kyang kho mos mchod| |rgyal ba'i lam ni der sbyangs te/ /de la rgyal ba kun kyang yang dag gzhol/ /'on kyang da dung rgyal ba yi/ /tshul 'dir 'jug pa'i bzod pa ma thob bo/ /de 'og yid 'ong 'od ldan pa| |yongs su dag pa'i 'jig rten khams byung ste/ /zhing dbyangs phreng ba'i blo gros can/ /sems can nyon mongs nyung ba'i gnas yin no/ /bskal pa bde zhing mngon dga' ste/ /de la sangs rgyas bye ba brgyad cu byung / /mi mchog de kun kho mos mchod/ /rgyal ba mchog gi lam yang rnam par sbyangs/ /rgyal ba'i dang po me tog brtsegs/ /rgya mtsho'i snying po yang dag 'byung ba'i mchog /lha dbang gtsug phud rin chen gtso/ /gser gyi ri bo rin chen brtsegs pa dang / /chos kyi rgyal mtshan nor gyi dpal/ /de dag kun gyi tha ma ye shes blo/ /bcu po de la sogs pa dang / /lha dang mi gtso de dag kho mos mchod/ /de 'og mtshams sbyor zhing 'byung ba/ /sprul pa bzang po'i rgyal mtshan sgron ma ste/ /bskal pa stong gi dpal </font><hr>Ca357b<br><font size=+1>


zhes bya| |de la sangs rgyas bye ba khrag khrig drug /zhi ba'i rgyal mtshan zhi gnas dpal/ /zhi ba'i sgron ma sprin gyi rgyal po'i dpal/ /snang ba'i 'od kyi rgyal po dang / /rnam par sprin mched nyi ma'i gzi brjid dang / /chos kyi sgron ma dpal gyi ri/ /'od 'phro'i dpal dang lha yi snying po'i dpal/ /de dag tha mar byung ba ni/ /seng+ge'i sgra sgrog mkhas pa sgron ma'o/ /bcu po de la sogs pa dag/ bde gshegs zla ba de dag kho mos mchod/ /'on kyang tshul mtsho 'dir 'jug pa'i/ /bzod pa kho mos thob par ma gyur to/ /de 'og mtshams sbyor zhing byung ba/ /kun tu snang ba'i dpal zhes bya ba ste| |bskal pa gnas med rnam par brgyan/ /de la sangs rgyas bye ba sum cu drug /dang po yon tan kun tu sprin/ /de yi 'og ma sangs rgyas nam mkha'i thugs/ /sangs rgyas legs byung rnam brgyan dang / /rgya mtsho'i chos kyi sprin sgra sgrog pa'i dbyangs/ /rgyal ba chos dbyings gsung dbyangs dang / /sprul pa'i sprin sgra snyan pa'i dpal mnga' dang / /sangs rgyas phyogs kun gzi brjid dang / /chos kyi rgya mtsho yongs byung sgra dbyangs dang / /yon tan rgya mtsho dpal gyi sgron/ /rgyal ba'i nyi ma dgu pa byung bar gyur/ /de dag kun gyi tha ma ste/ /rin chen dpal sgron yon tan dpal mchod do/ /rin chen dpal sgron yon tan dpal/ /rkang gnyis dam pa byung bar gyur pa'i tshe/ /kho mo lha mo zla bzhin te/ /mi yi dam pa byung tshe mchod pa byas/ /rgyal ba des </font><hr>Ca358a<br><font size=+1>


@#/ /ni kho mo la/ /mdo sde smon lam rgya mtsho 'byung ba'i rgyan/ /gnas med rgyan kyang rab tu bshad/ /thos nas kho mos dran pa'i stobs kyis bzung / /kho mos mig yangs der thob ste/ /ting 'dzin zhi dang gzungs kyi stobs kyang thob/ /skad cig re rer zhing brgyud pa'i/ /rgyal ba rgya mtsho mang po'ang kho mos mthong / /byams tshul kun tu snang ba'i sprin/ /byang chub sems rab mkha' dang mnyam pa ste/ /snying rje'i snying pos brgyan pa yang / /sangs rgyas stobs kyi tshad du yangs par skyes/ /'gro ba phyin ci log gyur te/ /rtag dang bde dang gtsang dang bdag zhen pa/ /gti mug ldongs gyur ma rig bsgribs/ /nyon mongs 'khrugs shing log par 'du shes pa/ /lta ba'i rnam par stug la spyod/ /lam gyi 'gro rgyud nyam ngar sred dbang gyur/ /rnam pa sna tshogs bye brag tu/ /las kyis rnam par bris pas kun byung ba/ /'gro rgyud kun gyi shi 'pho'i sgor/ /skye bar 'gyur bas kun tu skyer gyur cing / /skye dang rga shi gnod pa rnams/ /lus dang sems kyi nyams su myong gyur pa/ /mthong nas de dag phan bde'i phyir/ /zhing rnams 'byams klas thams cad kyi/ /stobs bcu gang las byung ba yi/ / bla na med pa'i sems kyang kho mos bskyed/ /de las smon lam sprin byung ba/ /'gro ba kun la bde bar gzhol ba'i mchog /tshogs rnams dbyung ba mtha' yas dang / /lam tshul </font><hr>Ca358b<br><font size=+1>


rgya mtsho rtogs pa'ang de nas byung / /'jug pa'i sprin yangs thob gyur pa/ /lam rgyud kun tu sgo gsal shugs ldan te/ /pha rol phyin gyi sprin yangs pa'ang / /chos dbyings 'byams klas kun tu rnam par 'byed/ /sa gnon shugs drag yangs ldan dang / /dus gsum rgya mtsho'i tshul gyi sa rnams la/ /chags pa med par spyod par gyur/ /skad cig gcig gis rgyal ba kun drung 'gro/ gzhan yang rgyal sras kho mos ni/ /spyod pa kun tu bzang po yongs su gnon/ /chos dbyings bye brag bcu rnams kyi/ /rgya mtsho'i tshul yang kho mos rtogs par 'jug /rigs kyi bu de la ji snyam du sems/ de'i tshe de'i dus na/ rgyal po 'khor los bsgyur ba sangs rgyas kyi rigs kyi rgyun mi gcod pa la zhugs pa mi'i bdag po zhes bya ba byung ba de/ gzhan zhig yin pa snyam du sems na ni/ rigs kyi bu/ de ltar mi blta ste/ 'jam dpal gzhon nur gyur pa ni/ de'i tshe de'i dus na/ rgyal po mi'i bdag po zhes bya ba 'khor los bsgyur ba/ sangs rgyas kyi rigs rgyun mi gcod pa la zhugs pa'o/ /kho mo sad par byed pa'i mtshan mo'i lha mo de ni/ byang chub sems dpa' kun tu bzang pos sprul pa'o/ /rigs kyi bu/ de la ji snyam du sems/ de'i tshe de'i dus na/ 'khor los bsgyur ba'i btsun mo bud med rin po che bzang po'i blo gros ma zhes bya ba byung ba de/ gzhan zhig yin pa snyam du sems na ni/ de ltar mi blta ste/ kho mo </font><hr>Ca359a<br><font size=+1>


@#/ /ni de'i tshe de'i dus na/ 'khor los bsgyur ba'i btsun mo bud med rin po che bzang po'i blo gros ma zhes bya bar gyur te/ kho mo mtshan mo'i lha mo des sad par byas nas/ sangs rgyas blta ba la yang dag par bskul to/ /rigs kyi bu/ kho mos ni/ bla na med pa yang dag par rdzogs pa'i byang chub tu sems de srid cig nas bskyed de/ de ltar kho mo sems bskyed pa de'i mthus/ bskal pa sangs rgyas kyi zhing gi rdul shin tu phra ba snyed du nam yang ngan song log par ltung bar ma skyes te/ rtag tu rgyun mi 'chad par lha dang mi'i 'gro ba'i rgyud la rten cing / thams cad du'ang de bzhin gshegs pa blta ba dang ldan par gyur to/ /tha mar kho mos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi sgron ma yon tan rgyal mtshan mthong ba tsam gyis byang chub sems dpa'i rnam par thar pa kun tu bzang po'i dga' ba shin tu yangs shing dri ma med pa'i shugs kyi rgyal mtshan zhes bya ba 'di thob ste/ de thob pas kho mo sems can yongs su smin par bya ba dang / gdul ba'i don du rnam pa 'di lta bus sta gon du gnas pa yin no/ /rigs kyi bu/ kho mos byang chub sems dpa'i rnam par thar pa kun tu bzang po'i dga' ba rgya chen po'i shugs kyi rgyal mtshan 'di shes par zad na/ kho mos byang </font><hr>Ca359b<br><font size=+1>


chub sems dpa' de bzhin gshegs pa thams cad kyi zhabs kyi drung na 'khod cing / sems kyi skad cig re re la thams cad mkhyen pa nyid du 'jug pa'i shugs drag po rgya mtsho chen po rab tu thob pa/ 'jug pa'i sgo thams cad la sems kyi skad cig re re zhing smon lam chen po rgya mtshos 'jug pa rab tu thob pa/ sems kyi skad cig re re zhing smon lam rgya mtsho thams cad kyi tshul la phyi ma'i mtha'i bskal par spyad pa'i dkyil 'khor mngon par bsgrub pa la mkhas pa/ spyod pa re re la yang lus sangs rgyas kyi zhing thams cad kyi rdul shin tu phra ba snyed mngon par bsgrub pa la mkhas pa/ lus re res kyang chos kyi dbyings kyi tshul rgya mtsho thams cad rgyas par 'gengs pa la mkhas pa/ chos kyi dbyings kyi tshul rgya mtsho re re la'ang sangs rgyas kyi zhing thams cad du sems can rnams kyi bsam pa ji lta ba bzhin du lus rnam par dmigs pa'i spyod pa yongs su ston pa la mkhas pa/ zhing thams cad du'ang zhing gi rdul shin tu phra ba thams cad la de bzhin gshegs pa rgya mtsho mtha' dang dbus med pa la 'jug par mkhas pa/ de bzhin gshegs pa re re zhing yang chos kyi dbyings kyis klas par rgyas par 'gengs pa'i de bzhin gshegs pa'i rnam par 'phrul pa la 'jug par mkhas pa/ de bzhin gshegs pa re re'i sngon gyi mtha'i bskal pa la byang chub </font><hr>Ca360a<br><font size=+1>


@#/ /sems dpa'i spyod pa'i tshogs yongs su bsgrub pa yang dag par bsdus pa la 'jug par mkhas pa/ de bzhin gshegs pa re re'i chos kyi 'khor lo shin tu yangs pa yang dag par blang ba dang / yongs su gzung ba la mkhas pa/ dus gsum thams cad kyi de bzhin gshegs pa'i rnam par 'phrul pa'i tshul rgya mtsho la 'jug par mkhas pa de dag gi spyod pa shes pa'am/ yon tan brjod par nus re skan/ song / rigs kyi bu/ de bzhin gshegs pa'i 'khor gyi dkyil 'khor 'di nyid na/ kho mo dang rgyang mi ring ba zhig na mtshan mo'i lha mo sems can kun tu skyong ba'i gzi brjid dpal zhes bya ba 'dug gi /de'i gan du song la/ ji ltar byang chub sems dpas byang chub sems dpa'i spyod pa'i dkyil 'khor la 'jug par bya ba dang / ji ltar yongs su sbyang bar bya ba dris shig /de nas tshong dpon gyi bu nor bzang gis/ mtshan mo'i lha mo rab tu dga' ba'i mig 'gro bar rnam par snang ba'i rkang pa gnyis la spyi bos phyag 'tshal te/ mtshan mo'i lha mo rab tu dga' ba'i mig 'gro bar rnam par snang ba la/ lan brgya stong du mar g.yas phyogs su bskor ba byas nas yang dang yang bltas te/ mtshan mo'i lha mo rab tu dga' ba'i mig 'gro bar rnam par snang ba'i drung nas song ngo // //bam po brgya tham </font><hr>Ca360b<br><font size=+1>


pa| de nas tshong dpon gyi bu nor bzang / mtshan mo'i lha mo rab tu dga' ba'i mig 'gro bar rnam par snang ba'i byang chub sems dpa'i rnam par thar pa kun tu bzang po'i dga' ba shin tu yangs shing / dri ma med pa'i shugs kyi rgyal mtshan de la mos par bya ba dang / khong du chud par bya ba dang / rtogs par bya ba dang / shes par bya ba dang / yid ches par bya ba dang / rab tu gzhol bar bya ba dang / rgyas par dgang bar bya ba dang / rjes su shes par bya ba dang / rjes su dran par bya ba dang / rjes su gzhol bar bya ba dang / sgom pa byed cing / dge ba'i bshes gnyen gyi gdams ngag la nan tan du bya ba dang / gdams ngag rjes su bstan pa la bar chad med par bya ba'i phyir/ mtshan mo'i lha mo rab tu dga' ba'i mig 'gro bar rnam par snang bas 'gro khar gdams pa rjes su dran pa byed cing / dge ba'i bshes gnyen blta ba'i rjes su sems pa'i dbang po'i dkyil 'khor dang / dge ba'i bshes gnyen mthong ba thob par bya ba la yang dag par spyod pa phyogs kun tu mngon par bltas pa dang / dge ba'i bshes gnyen btsal bar yid la bya ba dang / nga rgyal thams cad dang bral ba dang / dge ba'i bshes gnyen bsnyen bkur ba'i mthu tshogs chen po yongs su bsgrub par zhe non pa dang / dge ba'i bshes gnyen dang rgyud kyi tshul gcig tu gyur pa'i dge ba'i rtsa bas dge ba'i bshes gnyen gyi thabs </font><hr>Ca361a<br><font size=+1>


@#/ /mkhas pa'i spyod pa thams cad la bsam pa mi phyed pas zhugs pa/ dge ba'i bshes gnyen la brten pa yongs su 'phel bar bya ba la brtson 'grus kyi shugs chen po rgya mtsho yongs su skyes pa/ bskal pa thams cad du dge ba'i bshes gnyen mnyam pa nyid khong du chud pas gnas par bya ba'i smon lam dang ldan pa de/ mtshan mo'i lha mo sems can kun tu skyong ba'i gzi brjid dpal gyi drung du song ngo / /de de ltar 'gro ba'i tshe/ mtshan mo'i lha mo sems can kun tu skyong ba'i gzi brjid dpal gyis| byang chub sems dpa'i rnam par thar pa 'jig rten thams cad mngon du gyur pas/ 'gro ba rnam par 'dul ba ston pa'i khyu mchog gi mthu phyung ba yongs su bstan pa'i phyir| mtshan dang dpe byad bzang pos yongs su grub pa'i lus bstan te/ mdzod spu nas 'od zer ye shes kyi 'od kun tu snang ba dri ma med pa'i mdangs kyi rgyal mtshan zhes bya ba 'od zer gyi mtha' dang dbus med pa dang ldan par bkye'o/ /des 'jig rten thams cad snang bar byas nas tshong dpon gyi bu nor bzang gi spyi bor 'dus te/ lus thams cad du khyab par gyur to/ /tshong dpon gyi bu nor bzang la 'od zer des reg par gyur ma thag tu de nyid kyi mod la ting nge 'dzin shin tu rdul dang bral ba zhes bya ba'i dkyil </font><hr>Ca361b<br><font size=+1>


'khor thob par gyur to/ /de thob pas mtshan mo'i lha mo rab tu dga' ba'i mig 'gor bar rnam par snang ba dang / mtshan mo'i lha mo sems can kun tu skyong ba'i gzi brjid kyi dpal gnyis kyi bar gyi lam na sa'i dkyil 'khor yod pa de la me'i rdul shin tu phra ba'am/ chu'i rdul shin tu phra ba'am/ sa'i rdul shin tu phra ba'am/ rdo rje'i rdul shin tu phra ba'am/ nor bu rin po che'i rgyal po dam pa sna tshogs kyi rdul shin tu phra ba'am/ me tog dang / spos dang / phye ma'i rdul shin tu phra ba'am/ rgyan thams kyi rdul shin tu phra ba'am/ dmigs pa thams cad kyi rdul shin tu phra ba ji snyed cig yod pa'i rdul shin tu phra ba de dag thams cad la rdul phra mo re re zhing yang 'jig rten gyi khams sangs rgyas kyi zhing gi rdul shin tu phra ba snyed chu'i phung po dang bcas/ me'i phung po dang bcas/ rlung gi phung po dang bcas/ sa'i phung po dang bcas/ 'jig rten gyi khams kyi mtshams dang bcas/ gzhi dang bcas/ rten dang bcas pa dbyibs sna tshogs can/ sa'i gzhi rnam pa tha dad pa sna tshogs dang ldan pa/ ri'i 'khor sna tshogs can/ chu klung dang / mtsho sna tshogs kyis brgyan pa/ rgya mtsho sna tshogs kyis kun nas 'khor ba/ lha rdzas kyis khyim sna tshogs kyi rgyan dang ldan pa/ /shing sna tshogs kyis yongs su gang ba/ nam mkha'i dbyings kyi rgyan sna tshogs can/ lha'i grong khyer gyi khyim gyi </font><hr>Ca362a<br><font size=+1>


@#/ /rgyan dang bcas pa/ klu'i grong khyer gyi khyim gyi rgyan dang bcas pa/ gnod sbyin gyi grong khyer gyi khyim gyi rgyan dang bcas pa/ dri za'i grong khyer gyi khyim gyi rgyan dang bcas pa/ lha ma yin gyi grong khyer gyi khyim gyi rgyan dang bcas pa/ nam mkha' lding gi grong khyer gyi khyim gyi brgyan dang bcas pa/ mi'am ci'i grong khyer gyi khyim gyi rgyan dang bcas pa/ lto 'phye chen po'i grong khyer gyi khyim gyi rgyan dang bcas pa/ mi'i grong khyer gyi khyim gyi rgyan dang bcas pa/ phyogs dang phyogs mtshams thams cad na rnam par gnas pa'i sems can thams cad kyi grong khyer gyi khyim gyi gnas dang / sems can dmyal ba'i 'jig rten gyi yul dang / byol song gi skye gnas kyi 'jig rten gyi yul dang / gshin rje'i 'jig rten gyi yul dang / mi dang mi ma yin pa'i lam gyi rgyud kyi shi 'pho dang skye ba'i yul dang bcas pa/ skye ba sna tshogs kyis ma 'dres pa'i rgyud mtha' yas pa'i bye brag la yongs su gzhol ba rnams 'du zhing 'jig par gyur pa mthong ngo / /'jig rten gyi khams de dag kyang rnam pa sna tshogs su mthong ste/ 'jig rten gyi khams la la ni kun nas nyon mongs par mthong ngo / /la la ni yongs su dag par mthong ngo / /la la ni shin tu kun nas nyon mongs par mthong ngo / /la la ni lam gyi rgyud </font><hr>Ca362b<br><font size=+1>


yongs su dag pa mthong ngo / /la la ni kun nas nyon mongs pa la yongs su dag par mthong ngo / /la la ni rnam par dag pa la kun nas nyon mongs par mthong ngo / /la la ni shin tu yongs su dag par mthong ngo / /la la ni gzhi mnyam par mthong ngo / /la la ni spyi'u tshugs su gnas par mthong ngo / /la la ni snrel zhir 'dug par mthong ngo / /'jig rten gyi khams de dag gi sems can gyi lam gyi rgyud dang / sems can gyi skye gnas thams cad na/ mtshan mo'i lha mo sems can kun tu skyong ba'i gzi brjid dpal/ sems can so so nas 'dul ba'i rkyen bzhin du 'jig rten thams cad la ma 'dres par yongs su bstan pa'i phyir/ sems can thams cad la mngon du gyur par gnas par mthong ngo / /sems can tshe'i tshad rnam pa ji lta bu dang ldan pa dang / mos pa'i spyod yul rnam pa sna tshogs can dang / lus rnam pa ji lta bu dang ldan pa dang / ngag rnam par phye ba dang / nges pa'i tshig gi 'du byed kyi tha snyad rnam pa ji lta bu dang ldan pa dang / sbyor ba'i rnam pa ji lta bu dang ldan pa dang / dbang gi rnam pa ji lta bu dang ldan pa rnams yongs su smin par bya ba dang / gdul ba'i don du sems can thams cad la ma 'dres par mngon sum du gnas par mthong ngo / /de yang 'di lta ste/ sems can dmyal ba'i lam gyi rgyud du gtogs pa'i </font><hr>Ca363a<br><font size=+1>


@#/ /sems can rnams kyi sems can dmyal ba'i sdug bsngal dang / 'jigs pa rnam par bzlog pa dang / byol song gi skye gnas sna tshogs su skyes pa'i sems can rnams kyi gcig la gcig za ba'i 'jigs pa rnam par bzlog pa dang / gshin rje'i 'jig rten gyi lam gyi rgyud du gtogs pa'i sems can rnams kyi bkres pa dang / skom pa la sogs pa'i sdug bsngal gyi 'jigs pa rnam par bzlog pa dang / klu'i 'jig rten gyi lam gyi rgyud du gtogs pa'i sems can rnams kyi klu'i sdug bsngal dang / 'jigs pa thams cad rnam par bzlog pa dang / 'dod pa'i khams su gtogs pa'i sems can thams cad kyi 'dod pa'i khams kyi sdug bsngal dang / 'jigs pa rnam par bzlog pa dang / mi'i 'jig rten gyi lam gyi rgyud du gtogs pa'i sems can rnams kyi mtshan mo mun pa mun nag gis chod pa'i mun pa'i 'jigs pa thams cad rnam par bzlog pa dang / mi snyan pa dang / bsngags pa ma yin pa dang / grags pa ma yin pa'i sgra dang / tshigs su bcad pa la mngon par zhen pa'i sems can rnams kyi grags pa ma yin pa dang / bsngags pa ma yin pa'i 'jigs pa rnam par bzlog pa dang / 'khor gyi 'jigs par lhung ba'i sems can rnams kyi 'khor du bag tsha ba'i 'jigs pa rnam par bzlog pa dang / 'chi bas 'jigs shing dngangs </font><hr>Ca363b<br><font size=+1>


pa'i sems can rnams kyi 'chi ba'i 'jigs pa rnam par bzlog pa dang / ngan song gi g.yang sas 'jigs shing dngangs pa'i sems can rnams kyi ngan song gi g.yang sas 'jigs pa rnam par bzlog pa dang / 'tsho ba med pas 'jigs shing skrag pa'i sems can rnams kyi 'tsho ba med pa'i 'jigs pa rnam par bzlog pa dang / dge ba'i rtsa ba chud zos kyis 'jigs shing / bag tsha ba'i sems can rnams kyi dge ba'i rtsa ba chud zos kyis 'jigs pa rnam par bzlog pa dang / byang chub kyi sems nyams kyis 'jigs shing bag tsha ba'i sems can rnams kyi byang chub kyi sems nyams kyis 'jigs pa rnam par bzlog pa dang / sdig to'i grogs po dang phrad kyis 'jigs shing bag tsha ba'i sems can rnams kyi sdig to'i grogs po dang phrad pa'i 'jigs pa rnam par bzlog pa dang / dge ba'i bshes gnyen dang bral gyis dogs shing / bag tsha ba'i sems can rnams kyi dge ba'i bshes gnyen dang bral ba'i 'jigs pa rnam par bzlog pa dang / nyan thos dang / rang sangs rgyas kyi sar lhung gis 'jigs shing bag tsha ba'i sems can rnams kyi nyan thos dang / rang sangs rgyas kyi sar lhung ba'i 'jigs pa rnam par bzlog pa dang / 'khor ba'i gnas sna tshogs kyi sdug bsngal gyis 'jigs shing skrag pa rnams kyi 'khor ba'i gnas sna tshogs kyi sdug bsngal gyi </font><hr>Ca364a<br><font size=+1>


@#/ /'jigs pa rnam par bzlog pa dang / sems can skal pa mi mnyam pa dang phrad kyis 'jigs shing bag tsha ba rnams kyi sems can skal pa mi mnyam pa dang phrad pa'i 'jigs pa rnam par bzlog pa dang / dus mi bzad par skyes kyis 'jigs shing bag tsha ba rnams kyi dus mi bzad par skye ba'i 'jigs pa rnam par bzlog pa dang / rigs ngan par skyes kyis 'jigs shing bag tsha ba rnams kyi rigs ngan par skye ba'i 'jigs pa rnam par bzlog pa dang / sdig to'i las byas kyis 'jigs shing bag tsha ba rnams kyi sdig to'i las byed pa'i 'jigs pa rnam par bzlog pa dang / las dang nyon mongs pa'i sgrib pas 'jigs shing dngangs pa rnams kyis las dang / nyon mongs pa'i sgrib pa'i 'jigs pa rnam par bzlog pa dang / 'du shes kyi rnam pa sna tshogs kyi gnas dang / 'ching bas 'jigs shing dngangs pa rnams kyi 'du shes kyi rnam pa sna tshogs kyi gnas dang / 'ching ba'i 'jigs pa rnam par bzlog pa dang / sems can thams cad la so sor mngon du gyur par gnas par mthong ngo / /'di lta ste/ sgo nga las skyes pa'i sems can dang / mngal nas skyes pa dang / drod gsher las skyes pa dang / rdzus te skyes pa dang / gzugs yod pa dang / gzugs med pa dang / 'du shes yod pa dang / 'du shes </font><hr>Ca364b<br><font size=+1>


med pa dang / 'du shes yod pa'ang ma yin/ 'du shes med pa'ang ma yin pa'i sems can thams cad yongs su bskyabs pa'i smon lam gyi stobs mngon par sgrub pa dang / byang chub sems dpa'i ting nge 'dzin gyi shugs drag po dang / rnam par gnon pa shin tu yangs pa'i stobs dang / byang chub sems dpa'i mngon par shes pa chen po stobs dang / mthu dang / byang chub sems dpa' kun tu bzang po'i spyod pa dang / smon lam mngon par bsgrubs pa'i stobs kyis snying rje chen po'i tshul rgya mtsho'i shugs drag po shin tu skyes pa'i phyir| 'gro ba thams cad du thogs pa med pa'i byams pa chen pos rgyas par dgang ba dang / sems can thams cad kyi bde ba yongs su bsgrubs pa dang / dga' ba'i shugs rnam par 'phel bar bya ba dang / sems can thams cad yongs su bsdu ba'i ye shes rab tu bsgrub pa'i phyir/ byang chub sems dpa'i rnam par thar pa rgya chen po'i rnam par 'phrul pa dang / khyu mchog gi mthu phyung ba dang ldan pas zhing thams cad yongs su dag par bya ba la mngon du gyur pa gnas par mthong ngo / /chos cad kyi rgyus shes par bya ba la mngon du gyur pa dang / sangs rgyas thams cad mchod cing rim gror bya ba la mngon du gyur pa dang / de bzhin gshegs pa thams cad kyi bstan pa yongs su gzung ba la mngon du gyur pa dang / dge </font><hr>Ca365a<br><font size=+1>


@#/ /ba'i rtsa ba thams cad bsags pa la mngon du gyur pa dang / byang chub sems dpa'i spyod pa thams cad rnam par 'phel bar bya ba la mngon du gyur pa dang / sems can thams cad kyi sems la sgrib pa med par mngon du gyur par gnas pa dang / sems can thams cad kyi dbang po yongs su smin par bya ba la mngon du gyur par gnas pa dang / sems can thams cad kyi mos pa rgya mtsho rnam par sbyang ba la mngon du gyur pa dang / sems can thams cad kyi sgrib pa'i chos rnam par bzlog pa la mngon du gyur pa dang / sems can thams cad kyi mi shes pa'i mun pa rnam par bsal ba la mngon du gyur cing / thams cad mkhyen pa'i ye shes snang ba yongs su bskyed pa'i don du gnas pa mthong ngo / /de nas tshong dpon gyi bu nor bzang gis/ mtshan mo'i lha mo sems can kun tu skyong ba'i gzi brjid dpal gyi byang chub sems dpa'i rnam par thar pa'i khyu mchog gi mthu phyung ba dang / rnam par 'phrul pa 'jig rten thams cad la mngon par gnas shing / 'gro ba rnam par 'dul ba ston pa bsam gyis mi khyab pa de lta bu mthong nas rab tu dga' ba skyes te/ spro ba chen po'i shugs drag po rgya mtsho rab tu thob nas/ mtshan mo'i lha mo sems can kun tu skyong ba'i gzi brjid dpal la lus thams cad kyis </font><hr>Ca365b<br><font size=+1>


phab ste| phyag byas nas ngor gyen du bltas so/ /de nas mtshan mo'i lha mo sems can kun skyong ba'i gzi brjid dpal gyis byang chub sems dpa'i gzugs dang / mtshan rnam par dag pa de mi snang bar byas te/ mtshan mo'i lha mo'i gzugs su byas nas/ rnam par 'phrul pa thams cad 'byin cing 'dug par gnas so/ /de nas tshong dpon gyi bu nor bzang gis/ mtshan mo'i lha mo sems can kun tu skyong ba'i gzi brjid dpal gyi mdun du 'dug ste thal mo sbyar nas/ de'i tshe tshigs su bcad pa 'di dag smras so/ /khyod kyi sku yangs mtshan rab rgyan gyis brgyan/ /shin tu bzang zhing mdzes pa bdag gis mthong / /nam mkha' skar ma'i tshogs kyis brgyan pa bzhin/ /dpe byad bzang pos rnam par bris pa mthong / /'od kyi 'khor can sku bzang dam pa'i mchog /mtha' yas zhing gi rdul khams mang po snyed/ /kha dog sna tshogs rnam pa'i dpe tshul du/ /phyogs rnams kun gyi dbyings su khyab par gang / /'od zer dra ba mang po 'gro sems mnyam/ /khyod ni ba spu'i sgo nas 'gyed pa mdzad/ /'od zer sgo la pad+mo yid 'ong gnas/ /khyod kyi sprul pa 'gro ba'i sdug bsngal sel/ /spos kyi na bun sprin du chags pa'i 'gyed/ /'gro ba'i gzugs su gnas te kun nas mdzes/ /me tog sgo rnams kun nas dgye mdzad pas/ /chos dbyings bzhugs pa'i rgyal ba kun tu khyab/ /khyod </font><hr>Ca366a<br><font size=+1>


@#/ /kyi phrag pa'i lhun yangs 'phags pa ni/ /rin chen 'od 'phro ri bo ri rab 'dra/ /dri med de ni 'gro ba kun tu gsal/ /gti mug mun nag rnam par bzlog pa mdzad| |khyod kyi dri med zhal mdog bzang po las/ /na bun sprin dang nyi ma yangs pa 'byung / /khyod kyi nyi ma'i 'khor 'dra 'od bzang ba/ /rnam par snang mdzad spyod yul yangs pa 'byin/ /khyod kyi spyan nas zla skar 'od 'byung ba/ /rtag tu dri med sprin ltar mang ba ste/ /de dag phyogs bcur bkang zhing 'gro ba rnams/ /rab tu snang byed 'jig rten rab rib sel// khyod kyi mtshan las 'gro ba'i lus mnyam pa'i/ /sprul pa rgya mtsho phyogs su khyab par 'phro/ /de dag chos dbyings yangs pa rgyas 'gengs shing / /sems can tshad med tshogs rnams yongs su 'dul/ /khyod kyi sku ni 'byams klas phyogs su snang / /'gro ba kun la mngon gyur dga' ba bskyed/ /rgyal po me dang rkun po chus bskyed pa'i/ /'jigs pa thams cad rnam sel zhi bar mdzad/ /gang tshe khyod kyi spyan sngar bdag btang nas/ /yon tan rnam par sems shing nyer phyin pa/ /de tshe 'od zer dri med 'khor bzang po/ /khyod kyi zhal gyi smin mtshams gseb nas 'thon/ /phyogs rnams rgya mtsho brgya mang snang mdzad nas/ /'jig rten snang ba rgya che yongs bskyed de/ /rnam 'phrul rnam pa mang po rnams bstan </font><hr>Ca366b<br><font size=+1>


nas| |de tshe bdag gi lus kyi gseb tu zhi/ /gang tshe 'od kyi 'khor gyis bdag reg pa/ /de tshe bde ba rmad byung yangs pa myong / /gzungs dang ting 'dzin brgya mang yongs su non/ / phyogs bcu'i rgyal ba dpag yas mthong bar gyur/ /gom pa rnam por gyen du bteg pa la'ang / /rdul phran grangs snyed tshul ni bdag gis rig /rdul phran shin tu phra ba gcig la yang / /zhing gi rdul snyed zhing rnams mthong bar gyur/ /rdul la gnas kyang rnam pa tha dgu ste/ /zhing mang brgya ni shin tu nyon yang mongs/ /de yi 'gro ba sdug bsngal nyams su myong / / cho nger ngu zhing smre sngags yongs su 'don/ /zhing mang la la kun nas nyon mongs dag /de na sdug bsngal mang zhing bde ba chung / /rgyal ba thugs rje can yang der skye ste/ /rgyal ba'i nyan thos rang rgyal de bzhin no/ /zhing tshul la la yongs dag nyon mongs te/ /byang chub sems dpa'i gnas bzang mang pos brgyan/ /skyes pa bud med yongs brgyan blta na sdug /skyon med rgyal ba'i gdung yang rgyun mi 'chad/ /zhing rnams rgya mtsho yangs shing dri med pa/ /rdul la gnas shing mnyam pa'i gzhi dang ldan/ /de dag bskal pa brgya mang sngon gyi tshe/ / rnam par snang mdzad spyod mdzad yongs su sbyangs/ /zhing rnams 'byams klas kun na rgyal ba dag /shing dbang dam pa'i drung du gshegs pa ston/ /rnam par 'phrul zhing byang chub </font><hr>Ca367a<br><font size=+1>


@#/ /'tshang yang rgya/ /chos kyi 'khor lo bskor cing 'dul ba ston/ /rnam par snang mdzad spyod yul yangs pa la/ /khyod kyang kun tu rjes su bzhud par mthong // mchod pa stong phrag tshad med khrag khrig gis/ /rgyal ba kun la mngon par mchod mdzad mthong / /de nas tshong dpon gyi bu nor bzang gis tshigs su bcad pa de dag smras nas/ mtshan mo'i lha mo sems can kun tu skyong ba'i gzi brjid dpal la 'di skad ces smras so/ /lha mo/ byang chub sems dpa'i rnam par thar pa de/ de lta bur zab pa ni ngo mtshar chen/ rnam par thar pa de'i ming ni ci zhes bgyi/ de khyod kyis brnyes nas yun ni ji srid cig lags/ byang chub sems dpas ji ltar nan tan du bgyis na rnam par thar pa de yongs su dag par 'gyur/ smras pa/ rigs kyi bu/ gnas 'di ni lha dang bcas pa'i 'jigs rten dang / nyan thos dang / rang sangs rgyas su bcas pas yid ches par dka' ba ste| de ci'i phyir zhe na/ 'di ni byang chub sems dpa' kun tu bzang po'i spyod pa dang / smon lam khong du chud pa rnams kyi spyod yul te/ 'di ni byang chub sems dpa' snying rje chen po lhur len pa/ 'gro ba thams cad yongs su bskyab pa la zhugs pa/ mi khom pa dang / ngan song dang / ngan 'gro'i lam thams cad rnam par bzlog pa la zhugs pa/ </font><hr>Ca367b<br><font size=+1>


sangs rgyas kyi zhing khams thams cad sangs rgyas kyi zhing yongs su dag pa bla na med par bya ba la zhugs pa/ sangs rgyas kyi zhing thams cad na bzhugs pa'i de bzhin gshegs pa'i rigs rgyun mi gcod pa la zhugs pa/ sangs rgyas thams cad kyi bstan pa yongs su bzung ba la zhugs pa/ bskal pa thams cad du byang chub sems dpa'i spyod pa la gnas pas gnas par bya ba'i smon lam chen po rgya mtsho la zhugs pa/ chos rgya mtsho thams cad la bsgribs pa med pa'i ye shes snang ba rnam par sbyang ba la zhugs pa/ skad cig re re zhing dus gsum gyi tshul rgya mtsho thams cad du ye shes snang bas rnam par gnas pa rab tu thob pa rnams kyi yul te/ 'on kyang de bzhin gshegs pa'i byin gyi rlabs kyis bstan par bya'o/ /rigs kyi bu/ sngon 'das pa'i dus bskal pa sangs rgyas kyi zhing gi rdul shin tu phra ba snyed cig gi pha rol tu/ 'jig rten gyi khams rnam par snang mdzad gzi brjid dpal zhes bya bar/ bskal pa rdul dang bral ba'i dkyil 'khor ces bya ba byung ste/ bskal pa de la sangs rgyas ri rab kyi rdul shin tu phra ba snyed byung bar gyur to/ /'jig rten gyi khams rnam par snang mdzad gzi brjid dpal zhes bya ba de ni/ rin po che thams cad kyi sprin gyi rgyan gyis brgyan pa ste/ rdo rje las byas pa'i gzhal med khang dang / gnas </font><hr>Ca368a<br><font size=+1>


@#/ /kyis yongs su mdzes par byas pa'o/ /'jig rten gyi khams de'i gzhi ni rin po che'i rgyal po dri ma med pa'i 'od kyi rgya mtsho las blangs pa ste/ lhun dang lus ni nor bu rin po che spos thams cad kyi rgyal po las gyur pa'o/ /de ni dbyibs kun tu zlum pa ste/ rnam par dag cing kun nas nyon mongs pa/ lhab lhub thams cad kyi sprin gyi bla res kun nas khyab pa/ rin po che'i khor yug rgyan thams cad dang ldan pa rim pa stong gis yongs su bskor ba/ gling bzhi pa bye ba khrag khrig brgya stong gis shin tu rgyas par brgyan pa ste/ de la gling bzhi pa la la ni kun nas nyon mongs pa ste/ sems can kun nas nyon mongs pa'i las dang ldan pa rnams kyi gnas so/ /la la ni kun nas nyon mongs shing rnam par dag pa ste/ sems can las 'dren ma dang ldan pa rnams kyi gnas so/ /la la ni rnam par dag cing kun nas nyon mongs pa ste/ sems can yongs su dag cing kun nas nyon mongs pa/ dge ba'i rtsa ba sbyangs pa/ kha na ma tho ba nyung ba rnams kyi gnas so/ /la la ni shin tu yongs su dag pa ste/ byang chub sems dpa' dag pa rnams kyi gnas so/ /'jig rten gyi khams rnam par snang mdzad gzi brjid dpal zhes bya ba de'i shar phyogs logs kyi khor yug gi mtshams na/ gling bzhi pa </font><hr>Ca368b<br><font size=+1>


rin po che me tog sgron ma'i rgyal mtshan zhes bya ba rnam par dag cing kun nas nyon mongs pa/ ma rmos/ ma skyes pa'i 'bras la yongs su spyod pa sngon gyi las kyi rnam par smin pas mngon par grub pa'i khang pa brtsegs pa'i gnas dang / gzhal med khang la yongs su spyod pa/ 'khor kun nas yid bzhin gyi shing gis 'khor ba/ spos kyi shing sna tshogs kyi lhun las spos kyi sprin rgyun mi 'chad par 'byung ba/ phreng ba sna tshogs kyi shing las phreng ba'i sprin rgyun mi 'chad par 'byung ba/ me tog sna tshogs kyi shing las me tog kha dog dang dri bsam gyis mi khyab pa'i sprin gyi char rgyun mi 'chad par 'bab pa/ phye ma kha dog sna tshogs kyi shing gi lhun las spos rin po che'i rgyal po thams cad kyi phye ma'i char rgyun mi 'chad par 'bab pa/ rin po che'i shing sna tshogs las rin po che'i 'bru mang po 'brul ba'i kha dog snang bas shin tu snang bar byas pa/ lha rdzas kyi rol mo sna tshogs kyi shing las sil snyan sna tshogs kyi sprin rlung gis bskyod cing / nam mkha'i dbyings las sgra dbyangs snyan pa 'byung ba/ nyin mtshan gyi bde ba nyi ma dang / zla bas 'byung ba/ nor bu rin po che kun tu snang bas gzhi byas pa'i sa rab tu mnyam par gyur pa ste/ gling bzhi pa der rgyal po'i pho brang bye ba khrag khrig brgya stong byung bar </font><hr>Ca369a<br><font size=+1>


@#/ /gyur te| rgyal po'i pho brang de dag re re zhing yang chu klung stong gis yongs su bskor ba'o/ /chu klung de dag thams cad kyang lha rdzas kyi me tog sil mas gang ba'o| |lha rdzas kyi rol mo dang / glu'i sgra skad snyan cing yid du 'ong ba 'byin pa'o/ /chu 'gram rin po che'i shing yid du 'ong bas rnam par brgyan pa'o/ /rin po che sna tshogs kyis shin tu brgyan pa'i gru phan tshun du rgyu ba'o/ /bde ba sna tshogs ci dga' bar yongs su spyad du yod pa'o/ /chu klung gi mtshams kyi gzhi re re dag na yang grong khyer bye ba khrag khrig brgya stong phrag bcu kun nas gnas pa ste/ grong khyer de dag re re zhing yang grong rdal bye ba khrag khrig brgya phrag stong gi 'khor gyis yongs su bskor ba'o/ /grong dang grong khyer dang grong rdal de dag thams cad kyang lha rdzas kyi bza' shing gi ra ba dang / gzhal med khang dang / khang pa bye ba khrag khrig brgya phrag stong gi 'khor gyis yongs su bskor ba'o| |gling bzhi pa de'i 'dzam bu'i gling gi dbus na/ rgyal po'i pho brang dbu ma rin po che'i me tog sgron ma zhes bya ba yod par gyur te/ de ni skyid cing longs spyod phun sum tshogs pa dang ldan la/ rtag tu lo legs shing bde ba'i rnam pa thams cad dang ldan pa'o/ /lha dang mi mang pos yongs su gang ba'o/ /sems can dge ba bcu'i las kyi lam dang </font><hr>Ca369b<br><font size=+1>


ldan pa rnams kyi gnas su gyur pa ste/ rgyal po'i pho brang rin po che'i me tog sgron ma zhes bya ba de na/ rgyal po rnam par snang ba rin chen pad+mo dpal gyi gtsug phud snying po zhes bya ba 'khor los bsgyur ba gling bzhi la dbang ba/ pad+mo'i snying po la rdzus te byung ba/ mi chen po'i mtshan sum cu rtsa gnyis kyis lus shin tu brgyan pa/ chos dang ldan pa/ chos kyi rgyal po rin po che bdun dang ldan pa gnas par gyur to/ /de'i bu dpa' zhing rtul phod la yan lag dam pa'i gzugs dang ldan pa/ gzhan gyi 'khor rab tu 'joms pa/ rnam pa thams cad yongs su tshang ba'i yan lag dam pa dang ldan pa stong tshang bar byung ngo / /de'i btsun mo'i 'khor gyi bud med kyang bye ba khrag khrig brgya stong phrag bcu yod par gyur te/ de dag kun kyang 'khor los bsgyur ba'i skal ba dang mnyam pa'i dge ba'i rtsa ba las byung ba mthun par spyod pa/ rin po che'i rgyan rang 'khrungs su byung ba/ dge ba'i sems dang ldan pa/ lha'i bu mo dang khyad par med par 'dra ba'i gzugs can/ dzam+bu chu klung gi gser gyi kha dog lta bu'i mdog dang ldan pa'i lus can/ lus kyi ba spu las lha rdzas kyi spos sna tshogs 'byung ba/ lus las lha rdzas kyi 'od dri zhim po dri ma med pa rab tu 'gyed pa sha stag go /de'i blon po bye ba phrag bcu byung ste/ blon po rin po che la sogs pa dag go /'khor los bsgyur ba'i rgyal po rnam </font><hr>Ca370a<br><font size=+1>


@#/ /par snang ba rin chen pad+mo dpal gyi gtsug phud snying po de'i btsun mo dam pa/ bud med rin po che dpal gyi bzhin yongs su rgyas pa zhes bya ba/ gzugs mdzes shing sdug pa/ blta na yid du 'ong ba/ kha dog bzang po shin tu rgyas pa'i dam pa dang ldan pa/ skra mthon mthing du 'dug pa/ mig dkar nag 'byes pa/ mdog gser gyi kha dog tu 'dug pa/ tshangs pa'i dbyangs dang ldan pa/ lus las 'od rtag tu 'byung ba/ 'khor kun tu dpag tshad stong gi tshad du 'od kha dog du ma dang ldan pa| lha rdzas kyi dri zhim po can 'gyed pa byung ngo / /rgyal po'i btsun mo dpal gyi bzhin yongs su rgyas pa zhes bya ba de las/ bu mo pad+mo bzang mo mig yid du 'ong ba'i dpal gyi zla ba zhes bya ba/ yan lag thams cad tshang ba/ gzugs mdzes shing sdug pa/ blta na yid du 'ong ba/ 'jig rten thams cad kyis blta na mi ngoms pa byung bar gyur te/ rigs kyi bu/ 'di lta ste/ dper na/ 'khor los bsgyur ba'i rgyal po la blta na su yang ngoms par mi 'gyur ba de bzhin du/ 'khor los bsgyur ba'i bu mo pad+mo bzang mo mig yid du 'ong ba'i dpal de la blta bas kyang / su yang ngoms par mi 'gyur te/ shes rab kyis yongs su ngoms par 'gyur ba ni ma gtogs so/ /de'i tshe de'i dus na </font><hr>Ca370b<br><font size=+1>


sems can rnams kyang tshe dpag tu med par gyur te/ tshe la gcig tu nges pa med pas bar ma dor 'chi ba ni yod do/ /de'i dus na sems can rnams kyi dbyibs sna tshogs dang / kha dog sna tshogs dang / dbyangs sna tshogs dang / ming sna tshogs dang / rigs sna tshogs dang / tshe'i tshad sna tshogs dang / chu zheng rnam pa tha dad pa dang / mos pa dang / stobs dang / brtson 'grus dang / mthu rnam pa tha dad pa dang / yid du 'ong ba dang / yid du mi 'ong ba rnam pa tha dad pa dang / yangs pa dang / dma' ba la mos pa sna tshogs kyang yod par gyur te/ de la sems can ji snyed cig kha dog bzang ba dang / yangs pa la mos pa dang / yan lag tshang ba dang / blta na sdug cing yid du 'ong bar gyur pa de dag ni 'di skad ces 'dzer to/ /kye/ mi dag /nga ni khyed pas kha dog ches bzang ngo zhes zer ro/ /de bzhin du sems can ji snyed cig lus kyi dbyibs legs pa dang ldan par gyur pa de dag kyang / sems can lus kyi dbyibs mi sdug par gyur pa rnams la rlom zhing khyad du gsod do/ /de dag de ltar gcig la gcig khyad du gsod pa las byung ba'i mi dge ba'i rtsa bas tshe'i tshad las kyang yongs su bri bar gyur to/ /kha dog dang stobs dang bde ba las kyang yongs su bri bar gyur to/ /rgyal po'i pho brang rin po che'i me tog sgron ma de'i </font><hr>Ca371a<br><font size=+1>


@#/ /byang phyogs logs na/ snying po byang chub kyi shing kun du grag pa'i chos kyi sprin sgra'i rgyal mtshan zhes bya ba/ de bzhin gshegs pa thams cad kyi snying po byang chub kyi rgyan skad cig re re la yongs su ston pa/ rtsa ba rin po che'i rgyal po rdo rje ltar sra zhing mi 'jig pa/ nor bu rin po che thams cad las grub pas/ lhun shin tu yangs shing rgyas pa/ sdong po dang / yal ga dang / lo ma dang / 'dab ma dang / me tog dang / 'bras bu rin po che thams cad kyi rgyu las grub pa/ kun tu cha mnyam par rnam par bkod cing kun tu khyab pa'i yal ga dang ldan pa/ rgyan kun tu rgyas par 'gengs shing mi zad pa dang ldan pa/ rin po che sna tshogs kyi 'od 'phro ba dang / 'od zer kun tu snang bar 'gyed pa/ de bzhin gshegs pa thams cad kyi yul gyi rnam par 'phrul ba'i dbyangs rjes su sgrog pa yod de/ snying po byang chub de'i mdun rol na/ spos chu'i mtsho rin po che'i me tog dang / glog dang / chos kyi 'brug sgra'i sprin gyi dbyangs zhes bya ba yod de/ de ni rin po che'i shing bye ba khrag khrig brgya stong phrag bcus kun nas bskor ba ste/ rin po che'i shing de dag thams cad kyang byang chub kyi shing gi dbyibs su 'khod pa sha stag go /spos chu'i mtsho chen po rin po che'i me tog dang / glog dang / </font><hr>Ca371b<br><font size=+1>


chos kyi 'brug sgra'i sprin gyi dbyangs zhes bya ba de'i 'gram thams cad kyang / nor bu rin po che thams cad bkram zhing rnam par bkod pa ste/ rin po che thams cad kyi phreng ba sna tshogs su dkrigs pa'o/ /rin po che rnam par dag pa las byas pa'i khang pa sna tshogs kyi rgyan gyis yongs su brgyan pa'o/ /rgyan rnam par dag pa sna tshogs kyi rgyan gyis shin tu brgyan pa'o/ /snying po byang chub de'i 'khor thams cad kyang nor bu rin po che'i khang pa brtsegs pa chen po rgyan bsam gyis mi khyab pa dang ldan pa/ pad+mo'i snying po can sha stag gis yongs su 'khor ba ste/ spos chu'i mtsho chen po rin po che'i me tog dang / glog dang / chos kyi 'brug sgra'i sprin gyi dbyangs zhes bya ba de'i dbus nas/ pad+mo'i rgyal po chen po lo ma'i mtshams nas dus gsum gyi de bzhin gshegs pa thams cad kyi yul rnam par ston pa'i 'od zer gyi sprin gyi rgyan ces bya ba byung bar 'gyur te/ pad+mo chen po de la de bzhin gshegs pa ri rab kyi rdul shin tu phra ba snyed de dag gi nang nas bskal pa'i thog ma pa/ de bzhin gshegs pa ye shes rin po che'i 'od kun tu 'phro ba'i dpal yon tan dpal gyi rgyal po zhes bya ba byung bar gyur te/ de ni bskal pa de la thams cad kyi thog mar bla na med pa yang dag par rdzogs pa'i byang chub tu mngon par rdzogs par </font><hr>Ca372a<br><font size=+1>


@#/ /sangs rgyas te/ des lo stong phrag du ma zhig tu chos bstan pas sems can yongs su smin par mdzad nas/ lo stong phrag bcur 'od zer snang ba'i rnam par 'phrul pas yongs su smin par mdzad do/ /de bzhin gshegs pa de lo stong phrag bcu na 'byung bar 'gyur ro zhes bya ba'i tshe/ pad+mo'i rgyal po chen po lo ma'i mtshams nas dus gsum gyi de bzhin gshegs pa thams cad kyi yul rnam par ston pa'i 'od zer gyi sprin gyi rgyan ces bya ba de las/ sems can thams cad rdul dang 'byed pa'i sgron ma zhes bya ba'i 'od zer byung bar gyur te/ 'od des phog pa'i sems can rnams kyis kyang lo stong phrag bcu na de bzhin gshegs pa 'byung bar 'gyur ro zhes bya bar shes so/ /lo stong phrag dgu na de bzhin gshegs pa de 'byung bar 'gyur ro zhes bya ba'i tshe/ byang chub kyi shing de las rdul dang bral ba'i dpal gyi snying po zhes bya ba'i 'od zer byung ste/ 'od zer des phog pa'i sems can de dag gis kyang gzugs thams cad shin tu phra ba mthong bar gyur to/ /lo stong phrag brgyad na de bzhin gshegs pa 'byung ngo zhes bya ba'i tshe/ byang chub kyi shing chen po de nyid las 'od zer sems can thams cad kyi las rnam par smin pa'i dbyangs zhes bya ba </font><hr>Ca372b<br><font size=+1>


byung ste| des phog pa'i sems can de dag thams cad kyis kyang rang rang gi las rgya mtsho khong du chud par gyur te/ las dran pa'i ye shes kyang thob par gyur to/ /lo stong phrag bdun na de bzhin gshegs pa de 'byung bar 'gyur ro zhes bya ba'i tshe/ byang chub kyi shing de nyid las 'od zer dge ba'i rtsa ba thams cad yang dag par 'byung ba'i dbyangs zhes bya ba byung ste| 'od zer des sems can de dag la phog nas/ dbang po nyams pa med cing yongs su tshang bar gyur to/ /lo stong phrag drug na de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de nyid las 'od zer sangs rgyas kyi yul bsam gyis mi khyab pa'i dbyangs zhes bya ba byung ste/ des sems can de dag la phog nas bsam pa rgya chen pos rnam par 'phrul par gyur to/ /lo stong phrag lnga na de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de nyid las 'od zer sangs rgyas kyi zhing thams cad yongs su dag par sgra 'byin pa'i gzugs brnyan rnam par dmigs pa zhes bya ba byung ste/ des sems can de dag la phog nas/ sangs rgyas kyi zhing rnam pa thams cad du yongs su dag par mthong bar gyur to/ /lo stong phrag bzhin de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen </font><hr>Ca373a<br><font size=+1>


@#/ /po de nyid las 'od zer de bzhin gshegs pa thams cad kyi yul tha mi dad pa'i sgron ma zhes bya ba byung ste/ des sems can de dag la phog nas de bzhin gshegs pa de'i rnam par 'phrul pa thams cad du song ba la zhugs par gyur to/ /lo stong phrag gsum na de bzhin gshegs pa de 'byung bar 'gyur ro zhes bya ba'i tshe| byang chub kyi shing chen po de las 'od zer 'gro ba thams cad la mngon du gyur pa'i sgron ma zhes bya ba byung ste/ des sems can de dag la phog nas de bzhin gshegs pa de yang mngon du mos pas mthong bar gyur to/ /lo stong phrag gnyis na de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de las 'od zer dus gsum gyi ye shes kyi glog gi sgron ma zhes bya ba de bzhin gshegs pa thams cad kyi sngon gyi tshul rab tu sgrog pa byung ste/ des sems can de dag la reg nas de bzhin gshegs pa de'i sngon gyi tshul rgya mtsho la rtog cing 'jug par gyur to/ /lo stong na de bzhin gshegs pa de 'byung bar 'gyur ro zhes bya ba'i tshe/ byang chub kyi shing chen po de las 'od zer ye shes rab ri ba med pa de bzhin gshegs pa'i sgron ma zhes bya ba byung ste/ des sems can de dag la phog nas/ de bzhin gshegs pa thams </font><hr>Ca373b<br><font size=+1>


cad kyi rnam par 'phrul pa dang / zhing thams cad dang / sems can thams cad mthong bar 'gyur ba'i mig kun tu lta ba thob par gyur to/ /de bzhin gshegs pa de lo brgya na 'byung bar 'gyur ro zhes bya ba'i tshe/ byang chub kyi shing chen po de nyid las 'od zer 'gro ba thams cad kyis sangs rgyas mthong ba rnam par smin pa'i dge ba'i rtsa ba las byung ba zhes bya ba byung ste/ des sems can de dag la phog nas/ de bzhin gshegs pa skye ba'i 'du shes thob par gyur to/ /de bzhin gshegs pa de zhag bdun na skye bar 'gyur ro zhes bya ba'i tshe/ byang chub kyi shing chen po de nyid las 'od zer sems can thams cad rab tu dga' ba dang / spro ba dang / mos pa yongs su 'byung ba'i dbyangs zhes bya ba byung ste/ des sems can de dag la phog nas/ sangs rgyas mthong bar 'gyur ba'i dga' ba'i shugs chen po skyes par gyur to/ /rigs kyi bu/ de ltar 'od zer gyis yongs su smin par bya ba'i tshul tshad med pa rnam pa de lta bus/ lo stong du sems can rnams yongs su smin par mdzad nas zhag bdun pa la thug pa dang / 'jig rten gyi khams de thams cad yongs su bskyod pa'i tshul tshad med pas yongs su bskyod nas shin tu dag par byin gyis brlabs so/ /phyogs bcu'i de bzhin gshegs pa thams cad kyi sangs rgyas kyi zhing yongs su dag pa ji snyed pa </font><hr>Ca374a<br><font size=+1>


@#/ /rgyan bsam gyis mi khyab pa rnam pa sna tshogs dang ldan pa de dag thams cad kyang / sangs rgyas kyi zhing der sems kyi skad cig re re la yongs su bstan par gyur to/ /de nas zhag bdun pa tha ma la bab pa dang / 'jig rten gyi khams de na sems can sangs rgyas mthong bar 'gyur bar yongs su smin pa de dag thams cad snying po byang chub tu mngon par gzhol bar gyur to/ /de nas 'jig rten gyi khams de'i khor yug thams cad dang / ri rab thams cad dang / ri thams cad dang / chu klung thams cad dang / rgya mtsho thams cad dang / shing thams cad dang / sa'i gzhi thams cad dang / grong khyer thams cad dang / ra ba thams cad dang / gnas thams cad dang / gzhal med khang thams cad dang / gos dang / rgyan dang / longs spyod thams cad dang / rol mo'i shing thams cad dang / rol mo brdung ba'i dbyangs thams cad dang / sprul pa'i rgyan thams cad kyi dmigs pa re re las kyang de bzhin gshegs pa thams cad kyi yul dang / mthu'i sgra rab tu sgrog pa'i spros dang / bdug spos thams cad kyi sprin mngon par 'thon te/ rin po che 'od 'phro ba'i sprin dang / spos dang / bdug spos thams cad kyi 'od 'phro dam pa dang / spos rin po che thams cad kyi gzugs kyi sprin dang / gos rin po che dang / rgyan rin po che thams cad </font><hr>Ca374b<br><font size=+1>


kyi sprin dang / rin po che'i me tog sna tshogs kyi ri rab kyi sprin dang / phye ma sna tshogs kyi sprin mang po de bzhin gshegs pa thams cad kyi 'od zer gyi sprin rnam par ston pa/ de bzhin gshegs pa thams cad kyi 'od kyi dkyil 'khor gyi sprin rab tu 'gyed pa/ rol mo brdung ba dang dkrol ba thams cad kyi sprin yongs su 'khrol zhing brdung ba/ de bzhin gshegs pa thams cad kyi smon lam gyi sgra skad kyi sprin rab tu 'byin pa/ de bzhin gshegs pa thams cad kyi dbyangs kyi yan lag dang / gsung rgya mtsho'i sprin rab tu sgrog pa/ de bzhin gshegs pa thams cad kyi mtshan dang / dpe byad bzang po'i gzugs brnyan sna tshogs kyi sprin rab tu ston pa byed cing / de bzhin gshegs pa 'byung ba'i ltas sngon du byung ba bsam gyis mi khyab pa yongs su bstan te/ rin po che'i rgyal po'i pad+mo chen po lo ma'i mtshams nas/ dus gsum gyi de bzhin gshegs pa thams cad kyi yul rnam par ston pa'i 'od zer gyi rgyan de'i pad+mo'i 'khor rin po che'i rgyal po las byas pa chen po sha stag tu byas te 'khod do/ /rin po che'i rgyal po'i pad+mo chen po'i 'khor gyi rin po che'i pad+mo chen po de dag gi ze ba dang / snying po la seng+ge'i khri rin po che'i pad+mo chen po'i snying po can/ sangs rgyas kyi zhing bcu'i rdul shin tu phra ba snyed dag byung bar gyur te/ rin po che'i </font><hr>Ca375a<br><font size=+1>


@#/ /snying po can gyi khri de dag la'ang byang chub sems dpa' sangs rgyas kyi zhing bcu'i rdul shin tu phra ba snyed skyil mo krung bcas te 'khod par gyur to/ / bcom ldan 'das ye shes rin po che'i 'od kun tu 'phro ba'i dpal yon tan dpal gyi rgyal po de bzhin gshegs pa de/ bla na med pa yang dag par rdzogs pa'i byang chub tu mngon par sangs rgyas ma thag tu de'i mod la phyogs bcu'i 'jig rten gyi khams su de bzhin gshegs pa mang po dag kyang bla na med pa yang dag par rdzogs pa'i byang chub tu mngon par sangs rgyas te/ sems can rnams kyi bsam pa ji lta ba bzhin du mngon sum du chos kyi 'khor lo bskor bar gyur to/ /des kyang 'jig rten gyi khams de dag gi sems can tshad med pa rnams ngan song dang log par ltung ba thams cad las rnam par bzlog go /sems can tshad med pa ni mtho ris su skye ba la rab tu bkod do/ /sems can tshad med pa ni nyan thos kyi sa la rab tu bkod do/ /sems can tshad med pa ni rang sangs rgyas kyi byang chub tu yongs su smin par byas so/ /sems can tshad med pa ni shugs drag po 'od kyis 'byung ba'i byang chub tu yongs su smin par byas so/ /sems can tshad med pa ni brtson 'grus dri ma med pa'i rgyal mtshan gyi byang chub tu yongs su smin par </font><hr>Ca375b<br><font size=+1>


byas so/ /sems can tshad med pa ni chos rab tu bsgom pa'i gnas su 'byung ba'i byang chub la rab tu bkod do/ /sems can tshad med pa ni dbang po yongs su dag pa rab tu bsgom pas 'byung ba'i byang chub tu yongs su smin par byas so/ /sems can tshad med pa ni stobs mnyam pa nyid la yang dag par spyod pa khong du chud pas 'byung ba'i byang chub tu yongs su smin par byas so/ /sems can tshad med pa ni chos grong khyer mngon du 'gyur ba'i yul gyi theg pa skye bas 'byung ba'i byang chub la rab tu bkod do/ /sems can tshad med pa ni thams cad du rjes su song ba'i rdzu 'phrul tha mi dad pa'i tshul gyi theg pas 'byung ba'i byang chub la rab tu bkod do/ /sems can tshad med pa ni spyod pa'i sbyor ba la yang dag par gzhol ba'i tshul gyis 'byung ba'i byang chub la rab tu bkod do/ /sems can tshad med pa ni ting nge 'dzin gyis 'jug pa'i tshul gyis 'byung ba'i byang chub la rab tu bkod do| |sems can tshad med pa ni dmigs pa'i yul thams cad yongs su dag pa'i dkyil 'khor gyi tshul gyi 'byung ba'i byang chub la rab tu bkod do/ /sems can tshad med pa ni byang chub sems dpa'i byang chub tu sems bskyed do/ /sems can tshad med pa ni byang chub sems dpa'i lam la rab tu bkod do/ /sems can tshad med pa ni pha rol tu </font><hr>Ca376a<br><font size=+1>


@#/ /phyin pa'i lam rnam par dag pa la rab tu bkod do/ /sems can tshad med pa ni byang chub sems dpa'i sa dang po la rab tu bkod do/ /sems can tshad med pa ni byang chub sems dpa'i sa gnyis pa dang / gsum pa dang / bzhi pa dang / lnga pa dang / drug pa dang / bdun pa dang / brgyad pa dang / dgu pa la rab tu bkod do/ /sems can tshad med pa ni byang chub sems dpa'i sa bcu pa la rab tu bkod do/ /sems can tshad med pa ni byang chub sems dpa'i spyod pa smon lam gyi khyad par can la btsud do/ /sems can tshad med pa ni byang chub sems dpa' kun tu bzang po'i spyod pa dang / smon lam rnam par dag pa la rab tu bkod do/ /de ltar de bzhin gshegs pa des sangs rgyas kyi khyu mchog gi mthu phyung ba dang / rnam par 'phrul pa bsam gyis mi khyab pas chos kyi 'khor lo bskor bas/ sems kyi skad cig re re la sems can gyi khams mtha' dang dbus med pa rnam par dul bar gyur to/ /'jig rten gyi khams de'i sems can thams cad kyis kyang de bzhin gshegs pa de'i sku sna tshogs dang / thabs mkhas pa sna tshogs kyis bsgrubs pa'i chos bstan pa yongs su shes par gyur to/ /rgyal po'i pho brang rin po che'i me tog sgron ma'i sems can du gzugs dang / kha dog dang / yul dang / longs spyod kyis rgyags shing dregs te/ </font><hr>Ca376b<br><font size=+1>


gcig la gcig khyad du gsod pa de rnams gdul ba'i don du/ byang chub sems dpa' kun tu bzang pos kha dog dang gzugs mchog tu byon par mngon par sprul te/ rgyal po'i pho brang der phyin to/ /de'i 'od shin tu yangs pas rgyal po'i gnas de dag thams cad yongs su snang bar gyur te/ rgyal po'i gnas de'i 'od dang / 'khor los bsgyur ba'i rgyal po rnam par snang ba'i rin chen pad+mo dpal gyi gtsug phud snying po'i lus las byung ba'i 'od dang / bud med rin po che'i 'od dang / rin po che'i shing gi 'od dang / nor bu rin po che chen po'i 'od dang / nyi zla dang / gza' skar dang / rgyu skar gyi 'od dang / dzam+bu'i gling na 'od ji snyed cig yod pa de dag thams cad kyang mi snang bar gyur te/ dper na/ nyi ma shar te mun pa dang ba dang / zla ba dang / gza' skar dang / rgyu skar gyi 'od kyang mi snang la/ me dang nor bu'i 'od kyang mi snang ngo / /de bzhin du byang chub sems dpa' kun tu bzang po'i zil gyis non nas/ dzam+bu'i gling de na 'od yod pa thams cad kyang mi snang bar gyur to/ /'di lta ste/ dper na| dzam+bu chu klung gi gser gyi sa le sbram gyi drung du snag tsha'i gzugs bzhag na mdzes par mi rung / lhag ger mi rung / lham mer mi rung / lhang nger mi rung ngo / /de bzhin du byang chub sems dpa' kun tu bzang po'i mdun du sems can de dag gi gzugs kyi lus kyang mdzes par mi rung / lhag ger mi rung / lha ma mer mi rung / lhang nger mi rung ngo / /de nas de dag 'di snyam du </font><hr>Ca377a<br><font size=+1>


@#/ /gyur te| de lta su zhig /de ltar de'i drung du bdag cag gi lus sam/ 'od dam/ kha dog gam /gzi brjid kyis kyang mdzes par mi rung / lhag ger mi rung / lham mer mi rung / lhang nger mi rung ba de lta lha'am/ tshangs pa'am/ ci zhig /de'i mtshan ma ni gzung bar mi nus so snyam mo/ /de nas byang chub sems dpa' kun tu bzang pos/ rgyal po'i gnas rin po che'i me tog sgron ma'i dbus 'khor los bsgyur ba'i rgyal po rnam par snang ba rin po chen pad+mo dpal gyi gtsug phud snying po'i gzhal med khang gi steng gi bar snang la 'dug ste/ 'khor los bsgyur ba'i rgyal po rnam par snang ba rin chen pad+mo dpal gyi gtsug phud snying po la 'di skad ces smras so/ /rgyal po chen po/ shes par gyis shig /de bzhin gshegs pa dgra bcom pa yang dag par rdzogs pa'i sangs rgyas 'jig rten du byung ste/ khyod kyi khams 'di nyid kyi snying po byang chub chos kun tu snang ba'i chos kyi sprin gyi sgra dbyangs rgyal mtshan 'di nyid na rnam par spyod do zhes pa dang / rgyal po'i bu mo ye shes kyi 'od kun tu 'phro ba/ pad+mo bzang mo mig yid du 'ong ba'i dpal gyi zla bas byang chub sems dpa' kun tu bzang po'i gzugs kyi lus dang / 'od dang / rnam par 'phrul pa dang / rgyan mthong ste/ dbyangs thos nas/ dga' ba dang mos pa'i shugs chen po skyes te/ de'i tshe sems 'di </font><hr>Ca377b<br><font size=+1>


snyam du bskyed do/ /bdag gis dge ba'i rtsa ba gang ci bsags pa des/ bdag kyang lus 'di 'dra ba thob par shog cig /rgyan 'di 'dra ba dang / mtshan 'di 'dra ba dang / spyod lam 'di 'dra ba dang / rdzu 'phrul 'di 'dra bar shog cig /ji ltar 'dis mtshan mo mun nag gi nang na sems can rnams la snang ba chen po bskyed de/ sangs rgyas skye ba yongs su brjod pa de bzhin du/ bdag gis kyang sems can rnams kyi mi shes pa'i mun pa bsal te/ ye shes chen po'i snang ba bskyed par bya'o/ /gang dang gang du skyes pa thams cad du'ang / dge ba'i bshes gnyen 'di dang mi 'bral bar shog cig /de nas/ rigs kyi bu/ 'khor los bsgyur ba'i rgyal po rnam par snang ba rin chen pad+mo dpal gyi gtsug phud snying po yan lag bzhi'i dpung gi tshogs dang lhan cig /rin po che bdun dang lhan cig /bud med kyi tshogs kyi 'khor dang lhan cig /bu dang / blon po dang / ljongs kyi mi dang lhan cig tu rgyal bo'i rdzu 'phrul chen po dang / rgyal po'i mthu chen pos/ rgyal po'i gnas rin po che'i me tog sgron ma de nas 'phags te/ gyen du nam mkha' la dpag tshad gcig tsam du mngon par 'phags nas/ dzam+bu'i gling thams cad dang / gling bzhi pa'i 'jig rten gyi khams thams cad snang ba chen pos rgyas par bkang ste/ sems can thams cad sangs rgyas blta ba la yongs su bskul </font><hr>Ca378a<br><font size=+1>


@#/ /ba'i don du/ rin po che'i ri thams cad la gzugs brnyan mngon par bstan cing / gling bzhi pa'i 'jig rten gyi khams su gtogs pa'i sems can rnams la mngon sum du gnas te/ sangs rgyas blta ba de tshigs su bcad de glu'i dbyangs kyis bsngags pa/ lus can thams cad skyabs mdzad pa'i/ /sangs rgyas 'jig rten byung bar gyur/ /'jig rten gtso bo de blta bar/ /kun kyang longs te 'dong bar gyis/ /lus can kun la phan don du/ /chos rab ston pa gang mdzad pa'i/ /de bzhin gshegs pa 'byung ba ni| |bskal pa bye ba'i brgya lam na'o/ /'jig rten phyin cir log gyur cing / /mi shes sgrib pas bsgribs gyur te/ /'khor ba'i sdug bsngal myong ba rnams/ /gzigs shing thugs rje che bskyed nas/ /sdug bsngal thams cad gzhil don du/ /sems can yongs su smin bya'i phyir/ /bskal pa bye ba grangs med du/ /byang chub spyod pa spyad pa mdzad/ / bskal pa mtha' yas mu med par/ /sangs rgyas byang chub mchog don du/ /zhabs dang phyag kyang yongs su btang / /spyan dang snyan dang dbu yang btang / /mthong zhing bsnyen bkur byas pa dang / /thos pa don yod 'gyur ba yin/ /'jig rten mgon po 'jig rten du/ /'byung ba bskal pa bye bar dkon/ /de ni byang chub gdan la bzhugs/ /gsung ba'i </font><hr>Ca378b<br><font size=+1>


dam pa bltar yang yod/ /bdud rnams sde dang bcas btul te/ /byang chub mchog tu rnam sangs rgyas/ /'od zer dkyil 'khor mtha' yas pa/ /sangs rgyas sku las mngon bkye zhing / /'gro ba tshim par mdzad pa yi/ /kha dog sna tshogs 'di la ltos/ /'od zer sprin mang grangs med pa/ /sangs rgyas sku las 'thon pa rnams/ /de ni sems can snang gyur na/ /bde ba dpe med thob par 'gyur| /brtson 'grus chen po rab rtsom ste/ /rang dang rang gi bsam pa yis/ /mgon po de la mchod pa gyis/ /tshur shog de yi gan du 'dong / /de nas rgyal po rnam par snang ba rin chen pad+mo dpal gyi gtsug phud snying pos/ tshigs su bcad pa de dag gis bdag gi khams na gnas pa'i sems can thams cad yongs su bskul te/ mchod pa'i sprin sna tshogs brgya stong phrag bcu 'khor los bsgyur ba'i dge ba'i rtsa bas yongs su grub pa'i char pa/ snying po byang chub kun nas snang ba'i chos kyi sprin gyi dbyangs kyi rgyal mtshan gyi 'khor kun tu mngon par 'bebs shing / rin po che'i gdugs kyi sprin gyis nam mkha' kun nas yog par bya ba dang / me tog thams cad kyi bla re'i sprin gyis nam mkha' bla nas khebs par bya ba dang / na bza' sna tshogs kyi sprin gyis nam mkha' kun nas yog cing brgyan par bya ba dang / rin po che sna tshogs kyi dril bu'i dra ba'i sprin gyis nam mkha'i dbyings brgyan par bya ba dang / spos sna tshogs rgya mtshos dri zhim </font><hr>Ca379a<br><font size=+1>


@#/ /par byas pa'i spos kyi 'od zer gyi sprin gyi rgyan nam mkha'i dbyings la byin gyis brlab par bya ba dang / rin po che thams cad kyi khri la rin po che'i gdan 'phel bar gting ba'i sprin gyi rgyan nam mkha'i dbyings la byin gyis brlab pa dang / rin po che thams cad kyi rgyal mtshan gyi sprin mngon par bsgreng ba'i rgyan nam mkha'i dbyings la byin gyis brlab pa dang / khang pa dang / gzhal med khang thams cad kyi sprin gyis kun nas yog pa'i rgyan nam mkha'i dbyings la byin gyis brlab pa dang / me tog sna tshogs kyi sprin gyis kun nas yog pa'i rgyan nam mkha'i dbyings la byin gyis brlab pa dang / mchod pa'i rgyan thams cad kyi sprin gyi char rab tu 'bab pa'i rgyan nam mkha'i dbyings la byin gyis brlab pa byed cing / bcom ldan 'das de bzhin gshegs pa ye shes rin po che'i 'od kun tu 'phro ba'i dpal yon tan dpal gyi rgyal po gang na ba der dong ste phyin nas/ bcom ldan 'das de bzhin gshegs pa ye shes rin po che'i 'od kun tu 'phro ba'i dpal yon tan dpal gyi rgyal bo'i zhabs gnyis la spyi bos phyag 'tshal te/ bcom ldan 'das la lan brgya stong du mar g.yas phyogs su bskor ba byas nas/ bcom ldan 'das kyi spyan sngar/ stan nor bu rin po che chen po phyogs kun tu rnam par snang ba'i pad+mo'i snying po can la 'dug go /de nas 'khor </font><hr>Ca379b<br><font size=+1>


los bsgyur ba'i bu mo ye shes rin po che'i 'od kun tu 'phro ba'i pad+mo bzang mo mig yid du 'ong ba'i dpal gyi zla bas/ rang gi rgyan rnams lus las bkrol te/ bcom ldan 'das de bzhin gshegs pa ye shes kyi 'od kun tu 'phro ba'i dpal yon tan dpal gyi rgyal po la gtor to/ /mngon par gtor to/ /de nas rgyan de dag/ bcom ldan 'das de'i dbu'i gtsug gi steng gi bar snang la/ nor bu rin po che'i rgyan gyi gdugs chen po nor bu rin po che sna tshogs kyi dra bas yongs su bskor ba/ klu'i dbang po'i lus kyis bzung ba/ rgyan thams cad kyi lus kyi dbyibs shin tu legs par kun nas bskor ba/ rgyan gyi gdugs kyi dkyil 'khor bcus yongs su bskor ba/ shin tu dag pa/ khang pa brtsegs pa'i dbyibs sna tshogs kyis brgyan pa/ rin po che thams cad kyi lhab lhub kyi sprin gyis kun nas yog pa/ nor bu rin po che'i rgyal po thams cad kyi shing gi rgyan gyis kun nas khebs pa/ nor bu rin po che'i rgyal po spos thams cad kyi rgya mtshos yongs su brgyan bar 'dug par gyur te/ de'i dbus na byang chub kyi shing chen po chos kyi dbyings las byung ba'i rin po che thams cad kyi yal ga dang lhun du ldan pa zhes bya ba/ rgyan brjod na mtha' dang dbus med pa/ skad cig re re zhing rgyan sna tshogs yongs su ston pa yod par mthong bar gyur to/ /de'i drung na de bzhin gshegs pa rnam par snang mdzad ces bya ba/ byang chub sems </font><hr>Ca380a<br><font size=+1>


@#/ /dpa' sangs rgyas kyi zhing brjod du med pa'i rdul shin tu phra ba snyed kun kyang / byang chub sems dpa' kun tu bzang po'i spyod pa dang / smon lam gyis byung ba/ byang chub sems dpa'i rgyan sna tshogs tha mi dad cing bsam gyis mi khyab pa la rnam par spyod pa sha stag gis bskor cing mdun du byas pa dang / 'jig rten gyi dbang po thams cad kyang de la mngon du gyur par mthong ngo / /bcom ldan 'das rnam par snang mdzad de'i sangs rgyas kyi rnam par 'phrul pa mtha' dang dbus med pa yang mthong bar gyur to/ /sngon gyi byang chub sems dpa'i spyod pa bskal pa gcig nas gcig tu brgyud pa la'ang zhugs par gyur to/ /'jig rten gyi khams de'i 'du ba dang / 'jig pa'i bskal pa la yang zhugs par gyur to/ /'jig rten gyi khams der 'das pa'i sangs rgyas kyi rgyud gcig nas gcig tu brgyud pa la yang zhugs par gyur to/ /'jig rten gyi khams de na byang chub sems dpa' kun tu bzang po/ de bzhin gshegs pa thams cad kyi zhabs kyi drung na sangs rgyas mchod pa la brtson par gnas pa yang mthong ngo / /sems can thams cad yongs su smin par bya ba dang / gdul bar bya ba la mngon du gyur par yang mthong ngo / /byang chub sems dpa' thams cad kyang byang chub sems dpa' kun tu bzang po'i lus la gzugs brnyan du gyur par 'khod cing / bdag nyid kyang de'i rjes su 'brang bar mthong ngo / /de bzhin gshegs </font><hr>Ca380b<br><font size=+1>


pa thams cad kyi zhabs kyi drung dang / byang chub sems dpa' thams cad kyi drung dang / sems can thams cad kyi gnas dang / 'jig rten gyi khams de dang de dag thams cad na'ang / byang chub sems dpa' kun tu bzang po'i gzugs brnyan kun tu byung ste/ 'jig rten gyi khams de dag re re na'ang / sangs rgyas kyi zhing rdul shin tu phra ba snyed kyi 'jig rten gyi khams mtshams kyi rgyan dang bcas pa dang / gzhi dang bcas pa dang / dbyibs dang bcas pa dang / lhun dang bcas pa dang / rgyan sna tshogs yongs su dag pa dang bcas pa/ rgyan sna tshogs kyi sprin gyis kun nas khebs pa rnam par bkod pa dang / ming dang grangs rnam pa sna tshogs dang ldan pa dang / de bzhin gshegs pa'i rgyud sna tshogs las brjod pa/ dus gsum gyi tshul sna tshogs su gtogs pa/ phyogs 'byams klas pa sna tshogs su 'du ba/ chos kyi dbyings 'byams klas pa sna tshogs kyi khongs su gtogs pa/ chos kyi dbyings kyi gzhi sna tshogs su 'dus pa/ nam mkha'i dbyings sna tshogs la rnam par gnas pa| snying po byang chub sna tshogs kyis brgyan pa/ de bzhin gshegs pa'i rnam par 'phrul pa sna tshogs kyis byung ba/ sangs rgyas kyi seng+ge'i gdan sna tshogs kyis brgyan pa/ de bzhin gshegs pa'i 'khor gyi dkyil 'khor rgya mtsho sna tshogs dang ldan pa/ de bzhin gshegs pa'i 'khor gyi dkyil 'khor gyi rgyud sna tshogs can/ de bzhin gshegs pa'i thabs mkhas pa sna tshogs yongs su brjod pa/ </font><hr>Ca381a<br><font size=+1>


@#/ /dang ldan pa/ de bzhin gshegs pa'i chos kyi 'khor lo 'khor ba'i tshul sna tshogs can/ de bzhin gshegs pa'i dbyangs kyi yan lag dang gsung gi nga ro sna tshogs rab tu 'byung ba/ skad sna tshogs rgya mtsho shin tu bstan pa dang ldan pa/ mdo sde'i sprin sna tshogs rjes su sgrog pa can dag kyang mthong bar gyur to/ /mthong nas de bas kyang dga' ba dang mos pa'i shugs chen po thob par gyur te/ de de ltar dga' ba'i shugs chen po skyes par gyur pa la/ bcom ldan 'das ye shes rin po che'i 'od kun tu 'phro ba'i dpal yon tan dpal gyi rgyal po de bzhin gshegs pa des/ de bzhin gshegs pa thams cad kyi chos kyi 'khor lo rab tu bsgrags pa zhes bya ba'i mdo sde/ 'khor gyi mdo sde sangs rgyas kyi zhing bcu'i rdul shin tu phra ba snyed dang bcas pa yang dag par bstan te/ des mdo sde de thos par gyur nas/ ting nge 'dzin gyi sgo stong phrag bcu shin tu phra zhing reg na bde ba thob par gyur te/ de ni/ dper na/ ma'i mngal du rnam par shes pa zhugs par gyur ma thag pa lta bu dang / 'di lta ste/ dper na/ sems can rnams kyi las mngon par bsgrubs pa lta bu dang / 'di lta ste/ dper na/ zhing bzang po dam pa'i sa bon btab nas ring po ma lon yang myu gu skye ba'i rgyur gyur pa lta bu ste/ de bzhin du ting nge 'dzin de dag kyang 'jam zhing yid du 'ong ba ste/ 'di ltar de bzhin </font><hr>Ca381b<br><font size=+1>


gshegs pa thams cad mngon du rnam par dmigs pa zhes bya ba'i ting nge 'dzin dang / zhing 'byams klas pa thams cad du snang ba rjes su song ba zhes bya ba'i ting nge 'dzin dang / dus gsum gyi tshul thams cad la 'jug pa khong du chud pa zhes bya ba'i ting nge 'dzin dang / de bzhin gshegs pa thams cad kyi chos kyi 'khor lo sgrog pa zhes bya ba'i ting nge 'dzin dang / sangs rgyas thams cad kyi smon lam rgya mtsho rnam par dmigs pa zhes bya ba'i ting nge 'dzin dang / 'khor ba thams cad kyi sdug bsngal gyis gzir ba'i sems can 'byung ba'i nga ro rab tu bsgrags pas rnam par dmigs par byed pa zhes bya ba'i ting nge 'dzin dang / sems can thams cad kyi mun nag rnam par sel ba'i smon lam gyi rgyan ces bya ba'i ting nge 'dzin dang / sems can thams cad sdug bsngal dang dbral ba'i smon lam gyis rnam par dmigs pa zhes bya ba'i ting nge 'dzin dang / sems can thams cad kyi bde ba 'grub pa yongs su 'byin pa zhes bya ba'i ting nge 'dzin dang / sems can thams cad yongs su smin par bya ba dang / gdul bas mi skyo ba'i snying po zhes bya ba'i ting nge 'dzin dang / byang chub sems dpa' thams cad kyi lam la 'jug pa'i rgyal mtshan zhes bya ba'i ting nge 'dzin dang / byang chub sems dpa'i sa thams cad yongs su gnon par sgrub pa'i rgyan ces bya ba'i ting nge 'dzin dang / de dag la sogs pa ting nge 'dzin gyi sgo stong </font><hr>Ca382a<br><font size=+1>


@#/ /phrag bcu rnams des thob par gyur to/ /de phra ba la mnyam par bzhag pa'i sems dang / mi g.yo ba'i sems dang / rab tu dga' ba'i sems dang / dbugs phyin pa'i sems dang / dpag tu med pa'i sems dang / dge ba'i bshes gnyen gyi rjes su 'brang ba'i sems dang / thams cad mkhyen pa nyid shin tu zab pa la dmigs pa'i sems dang / byams pa'i rjes su 'gro ba'i tshul rgya mtsho la zhugs pa'i sems dang / mngon par zhen pa thams cad las gyen du 'phags pa'i sems dang / 'jig rten gyi yul thams cad la mi gnas pa'i sems dang / de bzhin gshegs pa'i yul la 'jug pa'i sems dang / sangs rgyas thams cad kyi gzugs dang / kha dog rgya mtshos snang bar gyur pa'i sems dang / 'khrug pa med pa'i sems dang / g.yo ba med pa'i sems dang / khong khro ba med pa'i sems dang / mthon dman med pa'i sems dang / mi skyo ba'i sems dang / mi zlog pa'i sems dang / zhum pa med pa'i sems dang / chos thams cad kyi rang bzhin nges par rtogs pa'i sems dang / chos thams cad kyi tshul rgya mtsho'i rjes su song ba'i sems dang / chos thams cad rab tu 'byed pa'i tshul gyi rjes su song ba'i sems dang / sems can rgya mtsho thams cad la 'jug pa'i sems dang / 'gro ba thams cad yongs su bskyab pa'i sems dang / sangs rgyas rgya </font><hr>Ca382b<br><font size=+1>


mtsho mang po'i snang ba yongs su skyes pa'i sems dang / de bzhin gshegs pa thams cad kyi smon lam rgya mtsho la 'jug pa'i sems dang / sgrib pa thams cad kyi ri rnam par 'thor ba'i sems dang / bsod nams kyi tshogs rgya chen po yang dag par sgrub pa'i sems dang / de bzhin gshegs pa'i stobs bcu la spobs pa mngon sum du gyur pa'i sems dang / byang chub sems dpa'i yul thams cad la snang ba thob pa'i sems dang / byang chub sems dpa'i tshogs thams cad 'phel bar byed pa'i sems dang / phyogs rgya mtsho thams cad rgyas par 'gengs pa'i sems dang ldan pas/ kun tu bzang po'i smon lam chen po la lhag par dmigs par bya bas/ smon lam rgya mtsho sangs rgyas kyi zhing bcu'i rdul shin tu phra ba snyed kyis/ de bzhin gshegs pa thams cad kyi sngon gyi smon lam rang gi sangs rgyas kyi zhing yongs su dag par bya ba'i don du mngon par bsgrub ste/ 'di ltar sems can gyi khams thams cad yongs su smin par bya ba dang / gdul bar bya ba dang / chos kyi dbyings 'byams klas pa yongs su shes par bya ba dang / chos kyi dbyings kyi tshul rgya mtsho la 'jug par bya ba dang / sangs rgyas kyi zhing thams cad du phyi ma'i bskal par byang chub sems dpa'i spyod pa spyad par bya ba dang / byang chub sems dpa'i spyod pa'i dkyil 'khor thams cad la phyi ma'i mtha'i bskal par gnas par bya ba dang / </font><hr>Ca383a<br><font size=+1>


@#/ /de bzhin gshegs pa thams cad kyi drung du 'gro bar bya ba dang / dge ba'i bshes gnyen thams cad bsnyen bkur ba dang / de bzhin gshegs pa thams cad la mchod cing rim gror bya ba yongs su rdzogs par bya ba dang / sems kyi skad cig re re la thams cad mkhyen pa'i ye shes rnam par bsgrub pa dang / rnam par 'tshang rgya bar bya bas byang chub sems dpa'i spyod pa rgyun mi gcod par bya ba'i phyir/ de dag la sogs pa smon lam mngon par bsgrub pa'i sgo rgya mtsho sangs rgyas kyi zhing bcu'i rdul shin tu phra ba snyed kyis/ byang chub sems dpa' kun tu bzang po'i spyod pa la smon lam mngon par sgrub par gyur to/ /de'i byang chub sems dpa' kun tu bzang po'i spyod pa dang / smon lam mngon par bsgrub pa'i phyir/ bcom ldan 'das de bzhin gshegs pa ye shes rin po che'i 'od kun tu 'phro ba'i dpal yon tan dpal gyi rgyal pos/ sngon gyi dge ba'i rtsa ba yongs su bskul ba mdzad do/ /rab tu bstan pa mdzad do/ /yongs su bstan pa mdzad do/ /rnam par dbye ba mdzad do/ /rnam par dgrol bar mdzad do/ /yang dag par bstan par mdzad do/ /chud za bar mi 'gyur bar bya ba'i phyir rab tu brtan par mdzad do/ /rgya chen por khyab par bya ba'i phyir shin tu yangs par mdzad do/ /thams cad mkhyen pa nyid lhur len par bya ba'i phyir rab tu gnas par mdzad do/ /de ni 'di lta ste/ </font><hr>Ca383b<br><font size=+1>


thog ma sems bskyed pa nas nye bar bzung ba phyin chad/ de bzhin gshegs pa'i sngon gyi smon lam rgya mtsho grangs med pa rab tu thob par bya ba'i phyir ro/ /rigs kyi bu/ sngon 'das pa'i dus/ de'i yang pha rol gyi bskal pa bcu pa la/ 'jig rten gyi khams rin chen nyi ma'i 'khor lo rnam par snang ba'i 'od ces bya bar/ de bzhin gshegs pa zla ba'i rgyal mtshan dpal gyi gsung rab la/ bu mo ye shes kyi 'od kun tu 'phro ba pad+mo bzang mo mig yid du 'ong ba'i dpal gyi zla ba des/ byang chub sems dpa' kun tu bzang pos yongs su bskul te/ de bzhin gshegs pa'i sku gzugs pad+mo la bzhugs pa zhig bcos so/ /bcos nas kyang ri mo bris so/ /ri mo bris nas kyang rin po ches shin tu brgyan to/ /dge ba'i bshes gnyen byang chub sems dpa' kun tu bzang po la brten te/ bla na med pa yang dag par rdzogs pa'i byang chub tu'ang sems bskyed do/ /de dge ba'i rtsa ba des log par mi ltung ba'i chos can du gyur te/ rtag tu lha'i dbang po'i rigs dang / mi'i dbang po'i rigs su skyes par gyur to/ /thams cad du yang gzugs mdzes shing sdug la blta na yid du 'ong ba dang / kha dog bzang po shin tu rgyas pa dam pa dang ldan par gyur te/ rtag tu de bzhin gshegs pa mthong ba dang / byang chub sems dpa' kun tu bzang po dang yang bral bar ma gyur to/ /dge ba'i bshes gnyen de nyid kyis tshe rabs de dang / de dag </font><hr>Ca384a<br><font size=+1>


@#/ /tu yongs su smin par byas so/ /dran par byas so/ /nga yang des byang chub sems dpa' kun tu bzang po yongs su bsnyen bkur te/ yid byung bar ma byas so| |rigs kyi bu/ de la ji snyam du sems/ de'i tshe de'i du sa na 'khor los bsgyur ba'i rgyal po rnam par snang ba rin chen pad+mo dpal gyi gtsug phud snying po zhes bya ba byung ba de gzhan zhig yin pa snyam du sems na ni/ rigs kyi bu khyod kyis de ltar mi blta ste/ byang chub sems dpa' byams pa ni/ de'i tshe de'i dus na/ 'khor los bsgyur ba'i rgyal po rnam par snang ba rin chen pad+mo dpal gyi gtsug phud snying po zhes bya bar gyur to/ /rigs kyi bu/ de'i tshe de'i dus na/ rgyal po'i btsun mo dpal gyi gzhir yongs su rgyas pa zhes bya ba byung ba de/ gzhan zhig yin pa snyam du sems na yang de ltar mi blta ste/ mtshan mo'i lha mo kho mo'i drung na 'dug pa sgra rgya mtsho rab tu zhi ba dang ldan pa 'di yin no/ /rigs kyi bu/ de la ji snyam du sems/ de'i tshe de'i dus na/ rgyal po'i bu mo ye shes kyi 'od kun tu 'phro ba pad+mo bzang mo mig yid du 'ong ba'i dpal gyi zla ba zhes bya ba byung ba de/ gzhan zhig yin pa snyam du sems na ni de ltar mi blta ste/ kho mo ni de'i tshe de'i dus na/ rgyal po'i bu mo ye shes kyi 'od kun tu 'phro ba pad+mo bzang mo mig yid du 'ong ba'i dpal gyi zla ba zhes bya bar gyur to/ /kho mo bu mo gzhon nur </font><hr>Ca384b<br><font size=+1>


gyur te/ de bzhin gshegs pa dbang po'i rgyal mtshan dpal gyi gsung rab la/ de bzhin gshegs pa'i sku pad+mo la bzhugs pa bcos pa de ni/ kho mo'i bla na med pa yang dag par rdzogs pa'i byang chub kyi rgyur gyur to/ /de'i tshe byang chub sems dpa' kun tu bzang pos kho mo bla na med pa yang dag par rdzogs pa'i byang chub tu yongs su bskul ba de ni kho mos byang chub tu sems dang po bskyed pa yin no/ /kho mos bcom ldan 'das de bzhin gshegs pa ye shes rin po che'i 'od kun tu 'phro ba'i dpal gyi yon tan dpal gyi rgyal po'i drung du phyin te/ rgyan gyis gtor nas/ de bzhin gshegs pa'i rnam par 'phrul pa dang / cho 'phrul mthong bar gyur te/ kho mos bcom ldan 'das de'i drung nas chos thos par gyur pa de'i tshe/ kho mos byang chub sems dpa'i rnam par thar pa 'jig rten thams cad mngon du gyur pas 'gro ba rnam par 'dul ba ston pa 'di thob bo/ /de bzhin gshegs pa ri rab kyi rdul shin tu phra ba snyed de dag thams cad kyang bsnyen bkur te/ yo byad dang mchod cing rim gror bya ba thams cad kyis kyang bkur stir byas so/ /de bzhin gshegs pa de dag gi chos bstan pa de dag thams cad kyang kho mos thos te/ de bzhin gshegs pa de dag gi gdams ngag dang / rjes su bstan pa la'ang zhugs par gyur to/ /de bzhin gshegs pa de dag la kho mos rim gro cher byas te/ rim </font><hr>Ca385a<br><font size=+1>


@#/ /gro de'i rnam pas sems kyi skad cig gcig la de bzhin gshegs pa de dag thams cad dang / byang chub sems dpa'i 'khor gyi dkyil 'khor de dag dang / sangs rgyas kyi zhing de dag thams cad kyang mthong ste/ 'jig rten gyi khams rnam par snang ba'i khams de ni 'das par gyur/ bskal pa rdul dang bral ba'i dkyil 'khor de ni mthar phyin par gyur nas/ de'i rjes la 'jig rten gyi khams ni/ rin chen 'khor lo sna tshogs kyis klubs shing brgyan pa zhes bya/ bskal pa ni 'od chen po zhes bya ba zhig byung ste/ de la sangs rgyas lnga brgya byung bar gyur to/ /de dag thams cad kyang kho mos bsnyen bkur te/ bskal pa 'od chen po la de bzhin gshegs pa thugs rje chen po sprin gyi rgyal mtshan zhes bya ba bskal pa'i dang po la byung ste/ de mngon par 'byung ba'i tshe/ kho mo mtshan mo'i lha mor gyur pas mchod pa byas so/ /de'i 'og tu de bzhin gshegs pa rdo rje mthu bo che'i dpal zhes bya ba byung ste/ de la kho mos 'khor lo bsgyur bar gyur pas mchod pa byas so/ /de bzhin gshegs pa des kho mo la mdo sde sangs rgyas thams cad skye zhing 'byung ba zhes bya ba/ mdo sde sangs rgyas kyi zhing bcu'i rdul shin tu phra ba snyed kyi 'khor dang bcas pa yang dag par bstan te/ de yang kho mos thos nas yongs su bzung ngo / /de'i 'og tu de bzhin gshegs pa me'i 'od 'phro ri'i dpal gyis </font><hr>Ca385b<br><font size=+1>


rnam par brgyan pa zhes bya ba byung ste/ de la kho mo tshong dpon gyi bu mor gyur pas mchod pa byas so/ /de bzhin gshegs pa des kho mo la mdo sde/ dus gsum snang ba'i snying po zhes bya ba/ mdo sde dzam+bu'i gling gi rdul shin tu phra ba snyed kyi 'khor dang bcas pa yang dag par bstan te/ de yang kho mos thos nas yongs su bzung ngo / /de'i 'og tu de bzhin gshegs pa chos rgya mtsho thams cad kyis mngon par 'phags pa'i shugs kyi rgyal po zhes bya ba byung ste/ de la kho mo lha'i rgyal por gyur bas mchod pa byas so/ /de bzhin gshegs pa des kho mo la mdo sde chos kyi dbyings kyi gzhi thams cad shes pa'i bye brag ces bya ba mdo sde lnga brgya'i 'khor dang bcas pa yang dag par bstan te/ de'ang kho mos thos nas yongs su bzung ngo / /de'i 'og tu de bzhin gshegs pa chos zab mo'i dpal rgya mtshos yang dag par 'byung ba'i 'od ces bya ba byung ste/ de la kho mo klu'i dbang po'i bu mor gyur pas/ nor bu rin po che yid bzhin gyi rgyal po'i sprin gyi char mngon par phab ste/ mchod pa byas so/ /de bzhin gshegs pa des kho mo la mdo sde dga' ba rgya mtsho rnam par 'phel ba shugs zhes bya ba/ mdo sde bye ba brgya stong phrag bcu'i 'khor dang bcas pa yang dag par bstan te/ de'ang kho mos thos nas yongs su bzung ngo / /de'i 'og tu de bzhin gshegs pa rin chen ri bo'i spo'i 'od zer sgron ma zhes bya ba byung ste/ de la kho mo rgya mtsho'i </font><hr>Ca386a<br><font size=+1>


@#/ /lha mor gyur pas/ rin po che'i pad+mo'i sprin gyi char gyis nye bar bsnyen te mchod pa byas so/ /de bzhin gshegs pa des kho mo la mdo sde chos kyi dbyings rgya mtsho'i tshul zhes bya ba mdo sde sangs rgyas kyi zhing rdul shin tu phra ba snyed kyi 'khor dang bcas pa yang dag par bstan te/ de'ang kho mos thos nas yongs su blangs so/ /dran pas yang dag par bzung ngo / /de'i 'og tu de bzhin gshegs pa yon tan rgya mtsho snang ba'i dkyil 'khor gyi dpal zhes bya ba byung ste/ de la kho mo drang srong mngon par shes pa lnga dang ldan par gyur pa/ drang srong stong phrag drug cus kun nas bskor bas/ rdzu 'phrul chen po'i rnam par 'phrul pas nye bar bsnyen te/ spos kyi me tog ri bo tsam gyi sprin gyi char mngon par phab nas mchod pa byas so/ /de bzhin gshegs pa kho mo la mdo sde chos gnas med pa'i sgron ma zhes bya ba mdo sde stong phrag drug cu'i 'khor dang bcas pa yang dag par bstan te/ de'ang kho mos thos nas yongs su bzung ngo / /de'i 'og tu de bzhin gshegs pa rnam par snang mdzad dpal gyi snying po zhes bya ba byung ste/ kho mo yang mnyam pa nyid kyi don 'byung ba zhes bya ba'i sa'i lha mo zhig tu gyur nas kho mo sa'i lha mo'i 'khor grangs med pa dang bcas pas/ rin po che'i shing thams cad kyi lhun las/ rin po che'i me tog gi sprin gyi char mngon par phab ste/ rin po che'i phreng </font><hr>Ca386b<br><font size=+1>


ba'i sprin gyi char yang rab tu phab nas/ de bzhin gshegs pa de la mchod pa bya ba'i phyir spyan sngar phyin to/ /de bzhin gshegs pa des/ kho mo la mdo sde de bzhin gshegs pa thams cad yang dag par 'byung ba'i gnas kyi snying po zhes bya ba/ mdo sde grangs med pa'i 'khor dang bcas pa yang dag par bstan te/ de'ang kho mos thos nas bzung ste/ chud zos par ma byas so// rigs kyi bu/ de bzhin gshegs pa lnga brgya po de dag thams cad kyi tha mar/ de bzhin gshegs pa chos kyi dbyings nam mkha' mdzod spus yongs su rgyas pa'i rtse mo dpal gyi sgron ma zhes bya ba 'jig rten du byung ste/ de'i tshe kho mo yang gar mkhan gyi bu mo bzhin mngon par mdzes pa'i dpal zhes bya ba zhig tu gyur te/ de bzhin gshegs pa de grong khyer du gshegs nas/ gar mkhan gyi tshogs kyis rol mo byas pa'i tshe/ kho mos sangs rgyas kyi byin gyis steng gi nam mkha'i dbyings las tshigs su bcad pa stong gis/ de bzhin gshegs pa de la mngon par bstod de spyan sngar phyin to/ /de bzhin gshegs pa des mdzod spu nas 'od zer chos dbyings rnam par snang ba'i rgyan ces bya ba bkye ste/ kho mo'i lus thams cad kyang snang bar mdzad do| |'od zer des kho mo la phog ma thag tu/ rnam par thar pa chos kyi dbyings kyi tshul yongs su 'khyil ba'i snying po zhes bya ba thob par gyur cing / rigs kyi bu/ de ltar de bzhin gshegs </font><hr>Ca387a<br><font size=+1>


@#/ /pa de dag la sogs pa/ bskal pa 'od chen po la 'jig rten gyi khams rin chen 'khor lo sna tshogs kyis klubs shing brgyan par sangs rgyas lnga brgya byung bar gyur pa de dag thams cad kyang mnyes par byas te/ de bzhin gshegs pa de dag la kho mos mchod pa yang byas so/ /de bzhin gshegs pa de dag gis kho mo la chos bstan pa de dag thams cad kyang dran te/ chos kyi tshul de dag las yi ge 'ga'am/ tshig 'ga' yang brjed par ma gyur to/ /de bzhin gshegs pa de dag re re'i drung du 'gro ba'i tshe yang / sangs rgyas kyi chos yongs su brjod par bya bas sems can tshad med pa'i don byas so/ /de bzhin gshegs pa de dag re re la'ang kho mos chos kyi dbyings kyi rang bzhin rgya mtsho dus gsum gyi ye shes kyi snying po/ chos kyi dbyings shin tu yangs pa zhes bya ba'i thams cad mkhyen pa'i glog mngon par snang ba/ kun tu bzang po'i spyod pa thams cad la gnas par yang dag par gzhol ba thob par gyur te/ rigs kyi bu/ kho mo la ni da ltar yang sems kyi skad cig re re la de bzhin gshegs pa mtha' dang dbus med pa yongs su snang ste/ de bzhin gshegs pa de dag kho mos mthong bar gyur pas thams cad mkhyen pa'i glog mngon par snang ba sngan chad ma thob pa/ sngan chad ma </font><hr>Ca387b<br><font size=+1>


mthong ba dag kyang kho mo'i sems kyi rgyud la gnas par gyur te/ 'on kyang byang chub sems dpa' kun tu bzang po'i spyod pa las g.yo ba med do/ /de ci'i phyir zhe na/ thams cad mkhyen pa'i glog mngon par snang ba thob pa 'di ni mtha' dang dbus med par bstan pa'o/ /de nas mtshan mo'i lha mo sems can kun tu skyong ba'i gzi brjid dpal gyis/ de'i tshe byang chub sems dpa'i rnam par thar pa 'jig rten thams cad mngon du gyur pas 'gro ba rnam par 'dul ba zhes bya ba 'di brnan te bstan pa dang / rnam par dbye bar bya ba'i phyir/ sangs rgyas kyi byin gyi rlabs kyis tshong dpon gyi bu nor bzang la tshigs su bcad de smras pa/ zab mo blta dka' khong du chud dka' ste/ /dus gsum dbyings kun tha dad tshul ldan la/ /chos 'od dkyil 'khor kun tu 'od 'byung ba'i/ /kho mo'i tshig 'di nor bzang mnyan par gyis/ /sangs rgyas yon tan 'dod pas byang chub tu/ /kho mos thog ma ji ltar sems bskyed dang // ji ltar kho mos rnam thar 'di thob pa/ /de dag rnam par phye ba'i tshul 'di nyon/ /'di nas sangs rgyas zhing gi rdul snyed kyi/ /bskal pa gcig nas gcig brgyud pha rol tu/ /'jig rten khams yangs dri ma'i skyon med pa/ /rnam snang rgyal mtshan sgron ma'i dpal byung ste/ /bskal pa rdul dang bral ba'i dkyil 'khor byung / /de la sangs rgyas rigs ni rgyun ma chad/ /de tshe ri </font><hr>Ca388a<br><font size=+1>


@#/ /rab rdul phran rab snyed kyi/ /stobs bcu skyon med mang po byung bar gyur/ /de la bde gshegs thog mar rin chen 'od/ /kun tu 'phro dpal yon tan dpal rgyal byung / /rgyal ba chos kyi rgyal mtshan ri rab dpal/ /yon tan seng+ge'i dbang po rgyal ba bzhi/ /rgyal ba bzhi pa'i rgyal po skye bcil dang / /grags pa'i ri bo yon tan ri rab dpal// rgyal ba nyi ma zla zhal bcom ldan 'das/ /bcu po 'di dag tshul 'di thog ma'o/ /rgyal ba nam mkha'i gzhi dang kun nas 'od/ /phyogs su yongs byung dran pa rgya mtsho'i sgo/ /rgyal ba mngon 'phags 'od mnga' ri rab dpal/ /bde gshegs chos kyi 'od 'phro ri bo dpal/ /thugs rje che mnga' dgu pa pad+mos 'phags/ /sangs rgyas bcu pa chos dbyings me tog ste| /sangs rgyas rgya mtsho yongs su brjod pa las/ /tshul 'di bcu pa gnyis pa 'di yin no/ /'od dpal rgyal po ye shes blo gros dang / /sna tshogs don dbang dpal gyi blo gros lha| |rgyal ba shugs kyi rgyal blo ye shes dpal/ /snang ba'i rgyal po 'od kyi rgyal mtshan dpal/ /rgyal ba rnam par gnon pa'i lha stabs dang / /de bzhin chos dbyings pad+mo bcu pa ste| |rgya chen yongs su bstan las tshul 'di ni/ /tshul 'dir bcu pa gsum pa bstan pa'o/ /rin chen 'od 'phro ri dpal bcom ldan 'das/ /de yi 'og ma yon tan rgya mtsho dpal// </font><hr>Ca388b<br><font size=+1>


chos kyi 'od dang pad+mo snying po dpal/ /'gro ba'i zla ba spyan tshul bde bar gshegs/ /spos kyi 'od dang rin chen ri rab dpal/ /rgyal ba dri za lus 'od rgyal po dang / /rin chen snying po rgyal dpal gzi brjid ldan/ /rgyal ba bcu pa zhi ba'i gzugs rtsi stabs/ /de yi 'og ma rgyal ba rgya chen blo/ /rin chen 'od dang nam mkha'i sprin gyi dpal/ /rgyal ba dam pa'i mtshan gyi dpal gyur dang / /brtul zhugs dkyil 'khor rang gi lus kyi 'od/ /mthu chen brtul zhugs ri rab dpal mnga' dang / /rgyal ba yon tan khor yug dpal gyi rgyal/ /bcom ldan mi pham brtul zhugs rgyal mtshan dang / /shing gi ri bo rgyal ba de dag bcu/ /rgyal ba sA la'i rgyal po dpal gyi mchog /'jig rten dbang po'i lus ni snang ba'i 'od/ /mngon par 'phags 'od dpal gyi bcom ldan 'das/ /rdo rje 'od dang sa yi gzi brjid dpal/ /rgyal ba zab chos 'od kyi rgyal po dpal/ /chos kyi rgya mtsho dbyangs kyi blo gros dang / /ri rab rgyal mtshan dpal dang blo gros snang / /rgyal ba bcu pa rin chen rgyal po dpal/ /tshangs pa'i 'od dang rgyal ba nam mkha'i dbyings/ /de bzhin chos kyi dbyings ni gzugs brnyan dpal/ /snang ba'i dkyil 'khor 'od kyi bcom ldan 'das/ /tha dad phyogs mkhyen ye shes blo gros dang / /nam mkha'i sgron ma mngon par dga' ba'i dpal/ /rnam par snang mdzad 'od </font><hr>Ca389a<br><font size=+1>


@#/ /dpal bde bar gshegs/ /bsod nams rab tu snang dpal zhi ba'i dpal/ /bcu pa snying rje chen po sprin gyi dpal/ /de bzhin nyi 'od stobs snang blo gros/ dang / /rgyal ba 'gro ba thams cad mngon gzugs dang / /de tshe rgyal ba mngon 'phags 'od mnga' 'byung / /de yi 'og ma zhi ba'i sku yi 'od/ /chos 'phags bde gshegs de bzhin byung bar gyur/ /de yi 'og ma rlung gi drag shul dpal/ /dpa' ba'i rgyal mtshan rin chen lus kyi dpal/ /dus gsum snang ba'i 'od ni bcu pa'o/ /smon lam rgya mtsho rab tu snang dpal dang / /gnyis pa dgongs pa rdo rje ri bo dpal/ /rgyal ba gsum pa seng+ge ri rab dpal/ /dran pa'i rgyal mtshan rgyal po chos dpal blo/ /shes rab sgron ma 'od kyi rgyal mtshan dpal/ /de yi 'og ma rgyal ba rgya chen blo/ /rgyal ba chos dbyings tshul gyi ye shes stabs/ /chos kyi rgya mtsho blo gros ye shes dpal/ /chos 'dzin pa dang rin chen sbyin dpal dang / /rgyal ba yon tan khor yug dpal gyi sprin/ /bzod pa'i sgron ma dpal dang gzi brjid ldan/ /shugs 'ong zhi gnas dbyangs kyi rgyal ba dang / /zhi ba'i rgyal mtshan 'gro ba'i sgron ma dpal/ /sangs rgyas smon lam chen po shugs kyi dpal/ /bcom ldan gzhan gyis mi thub rgyal mtshan stobs/ /rgyal ba ye shes 'od 'phro rgya mtsho dpal/ /rgyal ba chos </font><hr>Ca389b<br><font size=+1>


dbang blo gros chags pa med/ /'gro skad rgya mtsho dbyangs kyi blo gros dang / /thams cad dbyangs kyi yan lag sgra skad dpal/ /dbang sgyur mchod sbyin grags pa'i mchod sdong blo/ /phyogs yul 'gro ba mngon sum bcom ldan 'das/ /sems can bsam par mnyam pa sku yi dpal/ /gzhan yang sangs rgyas gnas dang bcas pa'i dpal/ /rgyal ba rang bzhin lus dpal bzang po dang / /der ni rgyal ba de la sogs pa byung / /de dag byung nas 'gro ba'i sgron ma mdzad/ /bskal pa ri rab shin tu phra rdul snyed/ /bdag gis rgyal ba rgya mtsho de dag mchod/ /bskal pa sangs rgyas zhing gi rdul snyed po/ /de dag tu ni rgyal ba gang byung ba/ /bde gshegs de dag thams cad bdag gis mchod/ /rnam par thar ba'i tshul ni 'di la zhugs/ /rnam par thar pa'i tshul 'di sgom byed cing / /bskal pa mtha' yas bdag gis sngon spyad kyi/ /khyod kyis thos nas nan tan myur gyis shig /tshul 'di ring po mi thogs thob par 'gyur/ /rigs kyi bu/ kho mos byang chub sems dpa'i rnam par thar pa 'jig rten thams cad mngon du gyur pas 'gro ba rnam par 'dul ba ston pa 'di shes par zad na/ /kho mos byang chub sems dpa' mtha' dang dbus med pa'i byang chub sems dpa'i spyod pa rgya mtsho la mos pa sna tshogs kyis yang dag par gnas pa/ bsam pa sna tshogs kyi lus dang </font><hr>Ca390a<br><font size=+1>


@#/ /ldan pa/ dbang po rgya mtsho sna tshogs yongs su grub pa/ byang chub sems dpa'i spyod pa dang / smon lam sna tshogs shin tu rtogs pa de dag gi spyod pa shes pa'am/ yon tan brjod par nus re skan/ song / rigs kyi bu/ snying po byang chub 'di nyid na/ kho mo dang rgyang mi ring ba zhig na mtshan mo'i lha mo sgra rgya mtsho rab tu zhi ba dang ldan pa zhes bya ba/ pad+mo'i khri rin po che'i rgyal po snang ba'i rgyal mtshan gyis rab tu brgyan pa zhig la 'dug cing / mtshan mo'i lha mo grangs med pa brgya stong phrag bcu'i 'khor gyis bskor ba 'dug gi /de'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis/ mtshan mo'i lha mo sems can kun tu skyong ba'i gzi brjid dpal gyi rkang pa gnyis la spyi bos phyag 'tshal te/ mtshan mo'i lha mo sems can kun tu skyong ba'i gzi brjid dpal la/ lan brgya stong du mar g.yas phyogs su bskor ba byas nas/ yang dang yang bltas te/ mtshan mo'i lha mo sems can kun tu skyong ba'i gzi brjid dpal gyi drung nas song ngo // // </font><hr>Cha1b<br><font size=+1>


@##/ /shin tu rgyas pa chen po'i mdo/ sangs rgyas phal po che las/ sdong pos brgyan pa'i le'u ste/ bam po brgya gcig pa/ de nas tshong dpon gyi bu nor bzang mtshan mo'i lha mo sems can kun tu skyong ba'i gzi brjid dpal gyi byang chub sems dpa'i rnam par thar pa'i 'jig rten thams cad mngon du gyur pas 'gro ba rnam par 'dul </font><hr>Cha2a<br><font size=+1>


@##/ /ba de la yongs su bsgom zhing khong du chud par bya ba dang / yid ches par bya ba dang / 'jug par bya ba dang / shin tu rgyas par bya ba dang / yongs su khyab par bya ba dang / rab tu mchod par bya ba dang / dbang du bya ba dang / snang bar bya ba dang / yang dag par gzhol bar bya ba byed cing / mtshan mo'i lha mo sgra rgya mtsho rab tu zhi ba dang ldan pa gang na ba der phyin te mtshan mo'i lha mo sgra rgya mtsho rab tu zhi ba dang ldan pa'i rkang pa gnyis la spyi bos phyag 'tshal te mtshan mo'i lha mo sgra rgya mtsho rab tu zhi ba dang ldan pa la lan brgya stong </font><hr>Cha2b<br><font size=+1>


du mar g.yas phyogs su bskor ba byas nas mtshan mo'i lha mo sgra rgya mtsho rab tu zhi ba dang ldan pa'i mdun du 'dug ste thal mo sbyar nas 'di skad ces smras so/ /'phags ma lha mo/ bdag ni/ bla na med pa yang dag par rdzogs pa'i byang chub du yang dag par zhugs pa ste/ bdag ni/ dge ba'i bshes gnyen gyi rten gyis byang chub sems dpa'i spyod pa la slob cing byang chub sems dpa'i spyod pa la zhugs te byang chub sems dpa'i spyod pa la nan tan du bgyi ba dang / byang chub sems dpa'i spyod pa la rab tu gnas pas thams cad mkhyen pa nyid du 'byung bar 'tshal na/ 'phags ma lha mo/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bshad du gsol/ de nas mtshan </font><hr>Cha3a<br><font size=+1>


@##/ /mo'i lha mo sgra rgya mtsho rab tu zhi ba dang ldan pas tshong dpon gyi bu nor bzang la 'di skad ces smras so/ / rigs kyi bu/ de ltar khyod dge ba'i bshes gnyen gyi rten gyis byang chub sems dpa'i spyod pa yongs su tshol ba legs so/ / legs so/ /rigs kyi bu/ kho mo ni/ byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa thob pa'o/ /nor bzang gis smras pa/ 'phags ma/ khyod ni/ 'phrin las ci mdzad/ yul gang dang ldan/ sbyor ba gang dang ldan/ ci la rnam par dpyod/ byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa de'i yul ni/ ji lta bu zhig mchis/ des smras pa/ rigs kyi bu/ kho mo ni/ </font><hr>Cha3b<br><font size=+1>


sems dang bsam pa rgya mtsho yongs su dag pa'i mnyam pa nyid du zhugs pa ste/ 'jig rten gyi rdul dang dri ma thams cad rnam par bsal ba'i mi phyed pas brgyan pa'i bsam pa la zhugs pa'o/ /brtsams pa las mi ldog /mi ldog pa'i sems dang ldan pa'o/ /rin po che'i ri bo ltar yon tan gyis brgyan pa'i sems mi sgul ba dang ldan pa'o/ /mi gnas mi rten pa'i sems dang ldan pa'o/ /'gro ba thams cad yongs su bskyab pa la mngon par phyogs pa'i sems can dang ldan pa'o/ /sangs rgyas rgya mtsho thams cad mthong bas mi ngoms pa'i sems dang ldan pa'o/ /byang chub sems dpa' thams cad kyi stobs kyi bsam pa rnam par dag pa'i sems dang ldan pa'o/ /dran pa'i rgya mtsho ye shes kyi snang ba chen pos brgyan pa la yang dag par gnas pa'i sems dang ldan pa'o/ /sems can thams cad mya ngan gyi dgon pa las yang dag par bzla ba la zhugs pa'o/ /sems can thams cad sdug bsngal dang / yid mi bde ba las rnam par zlog pa la mngon par brtson pa'o/ /sems can thams cad kyi yid du mi 'ong ba'i gzugs dang / sgra dang / dri dang / ro dang / reg yongs su rgyu ba rnam par zlog pa la zhugs pa'o/ /sems can thams cad kyi sdug pa dang mi sdug pa dang bral </font><hr>Cha4a<br><font size=+1>


@#/ /zhing phrad pa'i sdug bsngal rab tu zhi bar bya ba la zhugs pa'o/ /sems can thams cad kyi yul gyi rkyen las byung bas mgo rmongs pa'i sdug bsngal rnam par zlog pa la rab tu brtson pa'o/ /log par ltung ba'i sems can thams cad kyi rten du gyur pa'o/ /sems can thams cad 'khor ba'i gnas kyi sdug bsngal las 'byung ba yang dag par ston pa la mngon par brtson pa'o/ /sems can thams cad kyi rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnam par zlog pa la zhugs pa'o/ /sems can thams cad la de bzhin gshegs pa'i bde ba bla na med pa yongs su sgrub par zhugs pa ste/ grong dang / grong khyer dang / ljongs dang / yul dang / khams dang / rgyal po'i gnas na 'khod pa'i sems can thams cad bde bar rim gror bya bas nyams dga' bar 'gyur zhing / de dag la chos dang mthun par bsrung ba dang / bskyab pa dang / rim gro bya ba yang legs par byed de/ de dag rim pas thams cad mkhyen pa nyid du yongs su smin par byed do/ /'di lta ste/ khang khyim dang / gzhal med khang na gnas pa'i sems can rnams kyi mngon par chags pa med pa yongs su skyed do/ /yid </font><hr>Cha4b<br><font size=+1>


mi bde ba de dang de dag kyang rnam par sel to/ /mngon par zhen pa thams cad rgyun gcad pa dang / chos thams cad kyi rang bzhin yongs su shes par bya ba'i phyir chos ston to| |pha ma dang / phu nu dang / sring mo dang / gnyen bshes dang / 'grogs pa'i sems can yun ring po nas bshes shing mdza' bar gyur pa dag las sangs rgyas dang byang chub sems dpa' dang 'phrad par bya ba'i phyir chos ston to/ /bu smad dang 'grogs pa'i sems can rnams la 'khor ba'i sred pa thams cad rab tu spang ba dang / sems can thams cad la mnyam pa nyid kyi sems su bya ba dang / snying rje chen po rab tu thob par bya ba'i phyir chos ston to/ /tshong 'dus kyi dbus na 'khod pa'i sems can rnams la 'phags pa'i dge 'dun dang / de bzhin gshegs pa mthong bar bya ba la yang dag par gzhol bar bya ba'i phyir chos ston to/ /longs spyod kyi dregs pas myos pa'i sems can rnams la bzod pa'i pha rol tu phyin pa yongs su rdzogs par bya ba'i phyir chos ston to/ /glu dang / gar dang / rol mo la mngon par dga' ba'i sems can rnams la chos kyi dga' ba la mos par bya ba'i phyir chos ston to/ /yul gyi dga' ba la chags pa'i sems can rnams la de bzhin gshegs pa'i yul la yang dag par gzhol </font><hr>Cha5a<br><font size=+1>


@#/ /bar bya ba'i phyir chos ston to/ /khro bas yongs su non pa'i sems can rnams la bzod pa'i pha rol tu phyin pa la rab tu dgod par bya ba'i phyir chos ston to| |sems can le lo can rnams la brtson 'grus kyi pha rol tu phyin pa yongs su dag par bya ba'i phyir chos ston to/ /sems rnam par myos pa'i sems can rnams la de bzhin gshegs pa'i bsam gtan gyi pha rol tu phyin pa rab tu thob par bya ba'i phyir chos ston to/ /lta ba'i rnam pa thibs por zhugs pa'i sems can ma rig pa'i mun nag tu 'thom pa rnams la lta ba'i rnam pa thibs po dang / ma rig pa'i mun pa rnam par bsal ba'i phyir chos ston to/ /shes rab 'chal ba can gyi sems can rnams la shes rab kyi pha rol tu phyin pa rab tu thob par bya ba'i phyir chos ston to/ /khams gsum pa la mngon par zhen pa'i sems can rnams la 'khor ba las 'byung bar bya ba'i phyir chos ston to/ /dman pa la mos pa'i sems can rnams la de bzhin gshegs pa'i byang chub tu smon lam yongs su rdzogs par bya ba'i phyir chos ston to/ / bdag la phan par brtson pa'i sems can rnams la sems can thams cad la phan par bya ba'i smon lam yongs su rdzogs par 'gyur bar bya ba'i phyir chos ston to/ / </font><hr>Cha5b<br><font size=+1>


bsam pa nyam chung ba'i sems can rnams la byang chub sems dpa'i stobs kyi pha rol tu phyin pa rnam par dag par bya ba'i phyir chos ston to/ /ma rig pa'i mun pas sems blong ba'i sems can rnams la byang chub sems dpa'i ye shes kyi pha rol tu phyin pa rnam par dag par bya ba'i phyir chos ston to/ /gzugs mi sdug pa dang ldan pa'i sems can rnams la de bzhin gshegs pa'i gzugs kyi sku rnam par dag par bya ba'i phyir chos ston to/ /lus kyi dbyibs mi mdzes pa dang ldan pa'i sems can rnams la chos kyi sku bla na med pa rnam par dag par bya ba'i phyir chos ston to/ /kha dog mi sdug pa dang ldan pa'i sems can rnams la de bzhin gshegs pa'i sku mdog gser gyi kha dog lta bu dang / shin tu 'jam zhing ka tsa lind ka ltar reg na bde ba'i lus rnam par dag par bya ba'i phyir chos ston to/ /sdug bsngal ba'i sems can rnams la de bzhin gshegs pa'i bde ba dam pa rab tu thob par bya ba'i phyir chos ston to/ /bde ba'i sems can rnams la thams cad mkhyen pa nyid kyi bde ba rab tu thob par bya ba'i phyir chos ston to/ /nad pa na ba'i sems can rnams la byang chub sems dpa'i lus gzugs brnyan lta bu yongs su grub par bya ba'i phyir chos ston to/ /dga' ba sna tshogs la brtson pa'i sems can </font><hr>Cha6a<br><font size=+1>


@#/ /rnams la byang chub sems dpa'i spyod pa'i dga' ba rab tu thob par bya ba'i phyir chos ston to/ /phongs pa'i sems can rnams la byang chub sems dpa'i chos kyi gter dang mdzod rab tu thob par bya ba'i phyir chos ston to/ /bza' shing gi ra ba na gnas pa'i sems can rnams la sangs rgyas kyi chos yongs su btsal ba la mngon par brtson pa'i rgyu thob par bya ba'i phyir chos ston to/ /lam du zhugs pa'i sems can rnams la thams cad mkhyen pa'i lam du 'jug par bya ba'i phyir chos ston to/ /grong na gnas pa'i sems can rnams la khams gsum pa thams cad las 'byung bar bya ba'i phyir chos ston to/ /yul gyi 'dabs na gnas pa'i sems can rnams la nyan thos dang rnag byang chub kyi lam las yang dag par 'da' bar bya ba dang / de bzhin gshegs pa'i sa la rab tu dgod par bya ba'i phyir chos ston to/ /grong rdal na 'khod pa'i sems can rnams la chos kyi rgyal po'i pho brang du gnas par 'gyur ba'i phyir chos ston to/ /phyogs mtshams na 'khod pa'i sems can rnams la dus gsum mnyam pa nyid kyi ye shes rab tu thob par bya ba'i phyir chos ston to/ /phyogs na gnas pa'i sems can rnams la chos thams cad kyi ye shes mngon par shes </font><hr>Cha6b<br><font size=+1>


par bya ba'i phyir chos ston to/ /'dod chags la gcig tu dga' ba'i sems can rnams la mi sdug pa'i sgos 'khor ba'i sred pa rnam par bzlog pa'i phyir chos ston to/ /zhe sdang la spyod pa'i sems can rnams la byams pa chen po'i tshul rgya mtsho la 'jug par bya ba'i phyir chos ston to/ /gti mug la spyod pa'i sems can rnams la chos thams cad kyi sgo rgya mtsho rab tu 'byed pa'i ye shes mngon par shes par bya ba'i phyir chos ston to/ /cha mnyam pa la spyod pa'i sems can rnams la theg pa thams cad kyi smon lam gyi tshul rgya mtshos khyad par du 'gro bar bya ba'i phyir chos ston to/ /'khor ba'i yul gyi dga' ba'i bsam pa can gyi sems can rnams la 'khor ba'i yul dga' ba rnam par bzlog pa'i phyir chos ston to/ /'khor ba'i sdug bsngal thams cad kyis gtses pa'i sems can rnams la 'khor ba'i sdug bsngal thams cad kyis nye bar nyon mongs pa med par bya ba'i phyir chos ston to/ /de bzhin gshegs pas 'dul ba'i sems can rnams la mi skye ba'i gnas yang dag par bstan pa'i phyir chos ston to/ /phung po la gnas pa'i bsam pa can gyi sems can rnams la gzhi med pa'i chos kyi spyod yul la rnam par spyod par bya ba'i phyir chos ston to/ /bsam pa zhum pa'i sems can rnams la lam gyi </font><hr>Cha7a<br><font size=+1>


@#/ /rgyan gyi khyad par yang dag par bstan par bya ba'i phyir chos ston to/ /mtho ba'i nga rgyal can gyi sems can rnams la chos thams cad mnyam pa nyid kyi bzod pa yang dag par bstan pa'i phyir chos ston to/ /g.yo sgyu'i yul gyi bsam pa dang ldan pa'i sems can rnams la byang chub sems dpa'i bsam pa yongs su dag par bya ba'i phyir chos ston to/ /de ltar rigs kyi bu/ kho mo ni/ sems can thams cad chos kyi sbyin pas yongs su bsdus shing ngan song gi lam gyi rgyud sdug bsngal ba thams cad nas rnam par bzlog pa dang / lha dang mi'i phun sum tshogs pa dang / bde ba yongs su bstan pa dang / khams gsum pa las gyen du bskyed pa dang / thams cad mkhyen pa nyid la rab tu dgod pa dang / thabs sna tshogs kyis yongs su smin par byed byed pas dga' ba chen po'i shugs rgya mtsho snang ba rab tu thob pas dga' zhing spro la yid bde bar gyur pa'o/ /gzhan yang rigs kyi bu/ kho mo ni/ phyogs dang phyogs mtshams kyi byang chub sems dpa'i 'khor gyi dkyil 'khor rgya mtsho la rnam par lta zhing smon lam rgya mtsho la spyod pa'i byang chub sems dpa' lus sna tshogs rnam par dag pa 'od kyi dkyil 'khor sna tshogs kyi rgyan dang ldan pa/ 'od zer dang 'od kyi </font><hr>Cha7b<br><font size=+1>


dkyil 'khor kha dog mtha' yas pa rab tu 'gyed pa/ thams cad mkhyen pa nyid kyi tshul rgya mtsho sna tshogs la zhugs pa'i ye shes snang ba can/ ting nge 'dzin rgya mtsho sna tshogs la zhugs pa| rnam par 'phrul pa sna tshogs kyi yul dang ldan pa/ dbyangs kyi yan lag dang / skad rgya mtsho sna tshogs kyi dbyangs dang ldan pa/ rgyan sna tshogs kyis rnam par klubs pa'i lus can/ de bzhin gshegs pa'i tshul sna tshogs la zhugs pa/ zhing rgya mtsho 'byams klas pa sna tshogs su zhugs pa'i lus dang ldan pa/ sangs rgyas rgya mtsho sna tshogs la zhugs pa/ tha dad pa yang dag par shes pa rgya mtsho sna tshogs la zhugs pa/ de bzhin gshegs pa'i rnam par thar pa dang / ye shes kyi yul sna tshogs kyis snang bar gyur pa/ ye shes rgya mtsho sna tshogs kyi snang ba rab tu thob pa/ ting nge 'dzin rgya mtsho sna tshogs kyi tshul la rnam par spyod pa/ chos sna tshogs kyi rnam par thar pa'i gzhal med khang rnam par rtse ba'i yul dang ldan pa/ thams cad mkhyen pa nyid kyi sgo sna tshogs le mngon du gnas pa/ chos kyi dbyings sna tshogs kyi nam mkha'i rgyan dang ldan pa/ rgyan sna tshogs kyi sprin gyis nam mkha' rgyas par 'gengs pa/ 'khor gyi dkyil 'khor rgya mtsho sna tshogs la rnam par lta ba/ 'jig rten gyi khams sna tshogs nas 'dus pa/ sangs rgyas kyi zhing sna tshogs 'byams </font><hr>Cha8a<br><font size=+1>


@#/ /klas par rjes su 'dong ngo / /phyogs rgya mtsho sna tshogs nas yongs su 'dus pa/ de bzhin gshegs pa tha dad pas bkye ba/ de bzhin gshegs pa tha dad pa'i zhabs kyi drung nas lhags pa/ byang chub sems dpa'i tshogs sna tshogs kyi 'khor dang ldan pa/ rgyan sna tshogs kyi sprin gyi char rab tu 'bebs pa/ de bzhin gshegs pa'i tshul sna tshogs la zhugs pa/ de bzhin gshegs pa'i chos rgya mtsho sna tshogs la rnam pa spyod pa/ ye shes sna tshogs rgya mtsho la zhugs pa/ rgyan gyi snying po sna tshogs can gyi stan la 'khod pa rnams kyi dga' ba sna tshogs kyi shugs rgya mtsho yongs su bskyed de/ de dag dga' ba sna tshogs kyi shugs rgya mtsho yongs su skyes nas de bzhin gshegs pa'i 'khor gyi dkyil 'khor rgya mtshor 'dong ste/ de dag de bzhin gshegs pa'i stobs tshad med pa rjes su sems pas kyang dga' ba'i shugs chen po rgya mtsho yongs su 'byung bar 'gyur ro/ /rigs kyi bu/ gzhan yang kho mo ni/ bcom ldan 'das rnam par snang mdzad kyi gzugs kyi sku yongs su dag pa mtshan gyis rab tu brgyan pa bsam gyis mi khyab pa mthong nas dga' ba chen po dang / mos shing nyams bde ba rab tu 'thob ste/ sems kyi skad cig re re </font><hr>Cha8b<br><font size=+1>


la'ang 'od kyi dkyil 'khor chos kyi dbyings ltar yangs pa/ kha dog rgya mtsho mtha' dang dbus med par snang ba la lta zhing / sems kyi skad cig re re la dga' ba chen po'i shugs rgya mtsho rab tu 'thob bo/ /rigs kyi bu/ gzhan yang bcom ldan 'das rnam par snang mdzad kyi sku'i ba spu'i sgo re re nas kyang 'od zer chen po sangs rgya kyi zhing mtha' dang dbus med pa'i rdul shin tu phra ba snyed byung ste/ 'od zer re re zhing yang 'od zer rgya mtsho sangs rgyas kyi zhing mtha' yas pa'i rdul shin tu phra ba snyed kyi 'khor dang ldan pas chos kyi dbyings thams cad rgyas par 'gengs pa dang / sems can thams cad kyi sdug bsngal rab tu zhi bar mdzad pa mthong zhing sems kyi skad cig re re la dga' ba chen po'i shugs rgya mtsho rab tu 'thob bo/ /rigs kyi bu/ gzhan yang bcom ldan 'das rnam par snang mdzad kyi dbu dang / sku phrag pa gnyis kyi lhun las sems kyi skad cig re re la rin po che thams cad kyi 'od 'phro ba'i ri'i sprin/ sangs rgyas kyi zhing thams cad kyi rdul shin tu phra ba snyed 'byung zhing chos kyi dbyings rgya mtsho thams cad rgyas par 'gengs pa mthong nas dga' ba chen po'i shugs rgya mtsho shin tu yangs pa rab tu 'thob bo/ /rigs kyi bu/ gzhan yang bcom ldan 'das rnam par snang mdzad </font><hr>Cha9a<br><font size=+1>


@#/ /kyi sku'i ba spu'i sgo re re nas sems kyis skad cig re re la kha dog dri zhim po dang / 'od zer sna tshogs can gyi sprin/ sangs rgyas kyi zhing thams cad kyi rdul shin tu phra ba snyed 'byung zhing sangs rgyas kyi zhing thams cad rgyas par 'gengs pa mthong nas dga' ba chen po'i shugs rgya mtsho shin tu yangs pa rab tu 'thob bo/ / rigs kyi bu/ gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la mtshan re re nas de bzhin gshegs pa'i sku gzugs mtshan gyis rab tu brgyan pa'i sprin/ sangs rgyas kyi zhing thams cad kyi rdul shin tu phra ba snyed byung ste 'jig rten gyi khams rgya mtsho thams cad rgyas par 'gengs pa mthong nas dga' ba chen po'i shugs rgya mtsho shin tu yangs pa rab tu thob bo/ /rigs kyi bu/ gzhan yang bcom ldan 'das rnam pa snang mdzad kyi sku'i dpe byad bzang po re re las sems kyi skad cig re re la de bzhin gshegs pa'i sprul pa'i sku dpe byad bzang po brgyad cus shin tu 'bar ba'i sprin/ sangs rgyas kyi zhing thams cad kyi rdul shin tu phra ba snyed byung ste sangs rgyas kyi zhing thams cad rgyas par 'gengs shing / de bzhin gshegs pa thams cad kyi chos kyi 'khor lo'i dbyangs su sgrog pa'i 'brug </font><hr>Cha9b<br><font size=+1>


sgra 'byin pa mthong nas dga' ba chen po'i shugs rgya mtsho shin tu yangs pa rab tu 'thob bo/ /rigs kyi bu/ gzhan yang bcom ldan 'das rnam par snang mdzad kyi sku la rnam par bltas nas/ sems kyi skad cig re re la ba spu'i sgo thams cad nas sangs rgyas rnam par 'phrul pa'i sku dang po byang chub tu thugs bskyed pa dang bcas/ pha rol tu phyin pa'i lam rnam par dag pa'i rgyan dang bcas/ byang chub sems dpa'i sa yongs su gnon pa'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed 'byung ba mthong nas dga' ba chen po'i shugs rgya mtsho shin tu yangs pa rab tu 'thob bo/ /rigs kyi bu/ gzhan yang bcom ldan 'das rnam par snang mdzad kyi sku las sems kyi skad cig re re la lha'i dbang po'i lus kyi sprin/ lha'i dbang po'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed byung zhing 'jig rten gyi khams thams cad rgyas par bkang ste lha'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas dga' ba chen po'i shugs rgya mtsho shin tu yangs pa rab tu 'thob bo/ /rigs kyi bu/ gzhan yang bcom ldan 'das rnam par snang mdzad kyi sku </font><hr>Cha10a<br><font size=+1>


@#/ /las sems kyi skad cig re re la klu'i dbang po'i lus kyi sprin/ klu'i dbang po'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed byung zhing 'jig rten gyi khams thams cad rgyas par bkang ste klu'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas dga' ba chen po'i shugs rgya mtsho shin tu yangs pa rab tu 'thob bo/ /rigs kyi bu/ gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo thams cad nas gnod sbyin gyi dbang po'i lus kyi sprin/ gnod sbyin gyi dbang po'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste gnod sbyin gyi lus yongs su bstan pas 'dul ba'i sems can rnams la mngon du gnas shing chos ston pa mthong nas dga' ba chen po'i shugs rgya mtsho shin tu yangs pa rab tu 'thob bo/ /rigs kyi bu/ gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo thams cad nas dri za'i dbang po'i lus kyi sprin/ dri za'i </font><hr>Cha10b<br><font size=+1>


dbang po'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste dri za'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas dga' ba chen po'i shugs rgya mtsho shin tu yangs pa rab tu 'thob bo// rigs kyi bu/ gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo re re nas lha ma yin gyi dbang po'i lus kyi sprin| lha ma yin gyi dbang po'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed byung zhing 'jig rten gyi khams thams cad rgyas par bkang ste lha ma yin gyi dbang po'i lus yongs su bstan pas 'dul ba'i sems can rnams la mngon par gnas shing chos ston pa mthong nas dga' ba chen po'i shugs rgya mtsho shin tu yangs pa rab tu 'thob bo/ /rigs kyi bu/ gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo re re nas nam mkha' lding gi dbang po'i lus kyi sprin/ nam mkha' lding gi dbang po'i rnam pa 'phrul ba dang bcas pa sangs rgyas kyi zhing brjod du med pa'i rdul shin </font><hr>Cha11a<br><font size=+1>


@#/ /tu phra ba snyed byung zhing 'jig rten gyi khams thams cad rgyas par bkang ste nam mkha' lding gi dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas dga' ba chen po'i shugs rgya mtsho shin tu yangs pa rab tu 'thob bo/ /gzhan yang rigs kyi bu/ bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo re re nas mi 'am ci'i dbang po'i lus kyi sprin/ mi 'am ci'i dbang po'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste mi 'am ci'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas dga' ba chen po'i shugs rgya mtsho shin tu yangs pa rab tu 'thob bo| |rigs kyi bu/ gzhan yang bcom ldan 'das rnam par snang mdzad kyi sku la rnam par bltas na/ sems kyi skad cig re re la ba spu'i sgo re re nas lto 'phye chen po'i lus kyi sprin/ lto 'phye chen po'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par </font><hr>Cha11b<br><font size=+1>


bkang ste lto 'phye chen po'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas dga' ba chen po'i shugs rgya mtsho shin tu yangs pa rab tu 'thob bo/ /rigs kyi bu/ gzhan yang bcom ldan 'das rnam par snang mdzad kyi sku la rnam pa bltas na/ sems kyi skad cig re re la ba spu'i sgo re re nas mi'i dbang po'i lus kyi sprin/ mi'i dbang po'i rnam par 'phrul pa dang bcas pa sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste mi'i dbang po'i lus yongs su bstan pas 'dul ba'i sems can rnams la mngon du gnas shing chos ston pa mthong nas dga' ba chen po'i shugs rgya mtsho shin tu yangs pa rab tu 'thob bo/ /rigs kyi bu/ gzhan yang bcom ldan 'das rnam pa snang mdzad kyi sku la rnam par bltas na/ sems kyi skad cig re re la ba spu'i sgo re re nas tshangs pa'i dbang po'i lus kyi sprin/ tshangs pa'i dbang po'i rnam par 'phrul pa'i yul dang bcas pa sangs rgyas kyi zhing brjod du med pa'i rdul shin tu phra ba snyed byung zhing chos kyi dbyings thams cad rgyas par bkang ste tshangs pa'i dbang po'i lus yongs su bstan pas 'dul ba'i sems can rnams la mngon du </font><hr>Cha12a<br><font size=+1>


@#/ /gnas shing tshangs pa'i sgra skad dang / dbyangs kyis chos ston pa mthong nas sems kyi skad cig re re la thams cad mkhyen pa nyid dang ldan pa'i dga' ba chen po'i shugs rgya mtsho chos kyi dbyings ltar rgya che zhing shin tu yangs pa rab tu 'thob ste/ sngon thob par gyur pa 'thob par 'gyur ba ma yin no/ /sngon khong du chud pa khong du chud par 'gyur ba ma yin no/ /sngon zhugs pa la 'jug par 'gyur ba ma yin no/ /sngon khyab par gyur pa khyab par 'gyur ba ma yin no/ /sngon mthong ba mthong bar 'gyur ba ma yin no/ /sngon thos pa thos par 'gyur ba ma yin no/ /de ci'i phyir zhe na/ chos kyi rang bzhin gyi mtshan nyid yongs su shes pa ltar na/ chos thams cad mtshan nyid gcig pa'ang ci rob ma yin te/ dus gsum gyi tshul 'jug pa'i sgor zhugs na/ chos thams cad kyang mtha' dang dbus med par bstan du yod pa ste/ 'di ni/ rigs kyi bu| byang chub sems dpa'i rnam par thar pa'i tshul dga' ba yangs pa'i shugs 'byung bas sems kyi skad cig rnam par brgyan pa'i tshul rgya mtsho'i snang ba ste/ rigs kyi bu| rnam par thar pa 'di ni/ chos kyi dbyings kyi tshul rgya mtsho la 'jug pa'i phyir mtha' dang dbus med pa'o/ /rnam par thar pa 'di ni/ thams cad mkhyen pa nyid du sems </font><hr>Cha12b<br><font size=+1>


bskyed pa dang tha mi dad pas zad mi shes pa'o/ /rnam par thar pa 'di ni/ byang chub sems dpa'i ye shes kyi mig gis rnam par shes par bya ba yin pas mu med pa'o/ /rnam par thar pa 'di ni/ chos kyi dbyings tha mi dad pa'i tshul gyis gtan du rgyas par 'gengs pas gting med ba'o/ /rnam par thar pa 'di ni/ dmigs pa gcig tu rnam par 'phrul pa thams cad yongs su 'du bar byed pas sgo thams cad dang ldan pa'i/ /rnam par thar pa 'di ni/ chos thams cad kyi lus dang mi gnyis par spyod pas don yod pa'o| |rnam par thar pa 'di ni/ sgyu ma lta bur yongs su spyod pas ma skyes pa'o/ /rnam par thar pa 'di ni/ thams cad mkhyen pa nyid kyi smon lam gyi gzugs brnyan du byung bas gzugs brnyan lta bu'o/ /rnam par thar pa 'di ni/ byang chub sems dpa'i spyod pas shin tu sprul pa'i phyir sprul pa lta bu'o/ /rnam par thar pa 'di ni/ 'gro ba thams cad kyi rten du gyur pas sa chen po lta bu'o/ /rnam par thar pa 'di ni/ 'gro ba thams cad snying rje chen pos mngon par rlan par byed pas chu'i phung po lta bu'o/ /rnam par thar pa 'di ni| sems can thams cad kyi sred pa'i rlan yongs su skem pas me'i phung po lta bu'o/ /rnam pa thar pa 'di ni/ sems can thams cad thams cad mkhyen pa nyid du </font><hr>Cha13a<br><font size=+1>


@#/ /rab tu ston pa'i phyir rlung gi phung po lta bu'o/ /rnam par thar pa 'di ni/ 'gro ba thams cad kyi yon tan gyi rgyan gyi gzhi yin pas rgya mtsho lta bu'o// rnam par thar pa 'di ni/ chos thams cad kyi ye shes rin po che rgya mtsho las mngon par 'phags pas ri rab ri'i rgyal po lta bu'o/ /rnam par thar pa 'di ni/ chos thams cad kyi rnam par thar pa'i gzhal med khang rnam par skyod pa'i phyir rnam par skyod pa'i rlung gi dkyil 'khor lta bu'o/ /rnam par thar pa 'di ni/ dus gsum du byung ba'i de bzhin gshegs pa'i rnam par 'phrul pa thams cad kyi go 'byed pas nam mkha' lta bu'o/ /rnam par thar pa 'di ni/ sems can thams cad la chos kyi sprin gyi char mngon du 'bebs pas sprin chen po lta bu'o/ /rnam par thar pa 'di ni/ sems can thams cad kyi mi shes pa'i mun nag rnam par sel pas nyi ma lta bu'o| |rnam par thar pa 'di ni/ bsod nams dang ye shes kyi rgya mtsho chen pos shin tu sgrub pa'i phyir zla ba lta bu'o/ /rnam par thar pa 'di ni/ thams cad du song ba'i phyir de bzhin nyid lta bu'o/ /rnam par thar pa 'di ni/ las kyi chos kyis shin tu sprul pa'i phyir rang gi grib ma lta bu'o/ /rnam par thar pa 'di ni/ sems can gyi </font><hr>Cha13b<br><font size=+1>


mos pa ji lta ba bzhin du chos kyi sgra rab tu sgrog pas brag ca lta bu'o/ /rnam par thar pa 'di ni/ bsam pa ji lta ba bzhin du sems can thams cad kyis rnam par dmigs par byed pa'i phyir gzugs brnyan lta bu'o/ /rnam par thar pa 'di ni/ sangs rgyas thams cad kyi rnam par 'phrul pa'i me tog shin tu rgyas pa'i phyir shing gi rgyal po lta bu'o/ /rnam par thar pa 'di ni/ mi shigs pa'i chos can yin pas rdo rje lta bu'o/ /rnam par thar pa 'di ni/ rnam par 'phrul pa mtha' dang dbus med pa rgya mtsho mngon par sgrub pas nor bu yid bzhin rin po che'i rgyal po lta bu'o/ /rnam par thar pa 'di ni/ dus gsum gyi de bzhin gshegs pa thams cad kyi rnam par 'phrul pa rnam par dmigs par bya ba la sgrib pa med pas rin po che'i rgyal po dri ma med pa'i snying po lta bu'o/ /rnam par thar pa 'di ni/ sangs rgyas thams cad kyi chos kyi 'khor lo mnyam pa nyid du sgrog pas nor bu rin po che dga' ba'i rgyal mtshan lta bu ste/ rigs kyi bu/ byang chub sems dpa'i rnam par thar pa dga' ba yangs pa'i shugs shin tu yangs pa 'byung bas sems kyi skad cig rnam par brgyan pa 'di ni/ dpe tshad med pa rnam par dgod pa'i rjes su 'brang bas bstan par bya'o/ /de nas tshong dpon gyi bu nor bzang gis mtshan mo'i lha mo sgra rgya mtsho rab tu zhi pa dang ldan </font><hr>Cha14a<br><font size=+1>


@#/ /pa la 'di skad ces smras so/ /'phags ma lha mo/ ji ltar nan tan du bgyis na/ byang chub sems dpas de lta bu'i rnam par thar pa de yongs su 'grub par 'gyur/ smras pa/ rigs kyi bu/ bcu po 'di dag ni/ byang chub sems dpa' rnams kyi tshogs chen po chos yangs pa dang ldan pa/ rnam par rgya chen po/ gsal ba chen po/ snang ba chen po/ 'od chen po/ byin chen po/ rnam par dbye ba chen po/ 'byung ba chen po/ phun sum tshogs pa chen po ste/ de dag la nan tan du byed pa'i byang chub sems dpa' rnams kyi rnam par thar pa 'di lta bu phun sum tshogs par 'gyur ba dag go/ bcu gang zhe na/ 'di lta ste/ byang chub sems dpa'i sbyin pa sems can rgya mtsho thams cad kyi bsam pa ji lta ba bzhin du yongs su tshim par byed pa la zhugs pa ni/ rgya chen po'i chos so/ /byang chub sems dpa'i tshul khrims de bzhin gshegs pa'i yon tan rgya mtsho la 'jug pa'i nan tan la zhugs pa ni/ rgya chen po'i chos so/ /byang chub sems dpa'i bzod pa chos thams cad kyi rang bzhin nges par rtogs par bya ba la zhugs pa ni/ rgya chen po'i chos so/ /byang chub sems dpa'i brtson 'grus thams cad mkhyen pa nyid du yang dag par brtsams </font><hr>Cha14b<br><font size=+1>


pa las phyir mi ldog pa la zhugs pa ni/ rgya chen po'i chos so/ /byang chub sems dpa'i bsam gtan sems can thams cad kyi nyon mongs pa'i gdung ba rab tu zhi bar bya ba la zhugs pa ni/ rgya chen po'i chos so/ /byang chub sems dpa'i shes rab chos rgya mtsho thams cad yongs su shes par bya ba la zhugs pa ni /rgya chen po'i chos so// byang chub sems dpa'i thabs sems can rgya mtsho thams cad yongs su smin par bya ba dang gdul ba la zhugs pa ni/ rgya chen po'i chos so/ /byang chub sems dpa'i smon lam phyi ma'i mtha'i mur thug pa'i bskal par sangs rgyas kyi zhing thams cad du byang chub sems dpa'i spyod pa spyad pa'i phyir zhing rgya mtsho thams cad la zhugs pa ni/ rgya chen po'i chos so/ /byang chub sems dpa'i stobs sangs rgyas kyi zhing thams cad du skad cig re re la mngon par rdzogs par 'tshang rgya bar yongs su bstan pa rgyun mi gcad pa'i phyir chos kyi dbyings kyi tshul rgya mtsho thams cad la zhugs pa ni/ rgya chen po'i chos so/ /byang chub sems dpa'i ye shes dus gsum gyi chos thams cad la sgrib pa med pa'i ye shes thob par bya ba'i phyir de bzhin gshegs pa'i stobs la zhugs pa ni/ rgya chen po'i chos so/ /rigs kyi bu/ bcu po de dag ni/ byang </font><hr>Cha15a<br><font size=+1>


@#/ /chub sems dpa' rnams kyi rgya chen po'i chos tshogs chen po dang ldan pa rnams te/ de dag la gnas pa'i byang chub sems dpa' rnams kyis rnam par thar pa de lta bu phun sum tshogs par 'gyur ro/ /rnam par dag par 'gyur ro/ /yongs su 'byung bar 'gyur ro/ /yang dag par 'phel bar 'gyur ro| |kun nas 'byung bar 'gyur ro/ /rab tu skye bar 'gyur ro/ /yongs su 'grub par 'gyur ro/ /shin tu brtan par 'gyur ro/ /rnam par yangs par 'gyur ro/ / yongs su rdzogs par 'gyur ro/ /yongs su gnas par 'gyur ro/ /nor bzang gis smras pa/ 'phags ma lha mo/ khyod yun ring po ji srid cig nas bla na med pa yang dag par rdzogs pa'i byang chub tu zhugs/ des smras pa/ rigs kyi bu/ 'jig rten gyi khams rgya mtsho gzhi me tog gi snying po'i rgyan gyis brgyan pa 'di'i shar phyogs logs su 'jig rten gyi khams rgya mtsho stong phrag bcu 'das pa'i pha rol na 'jig rten gyi khams rgya mtsho rin po che thams cad kyis dri ma med pa'i 'od du rnam par brgyan pa zhes bya ba yod do/ /de'i dbus na 'jig rten gyi khams kyi rgyud de bzhin gshegs pa thams cad kyi 'od dang / smon lam gyi dbyangs zhes bya ba yod </font><hr>Cha15b<br><font size=+1>


do| |de'i dbus na 'jig rten gyi khams rin po che thams cad kyi sprin sna tshogs dang ldan pa/ 'jig rten gyi 'og gi mtshams nas rin po che thams cad kyi phreng ba'i dra ba rgya mtshos brtan pa/ rin po che'i rgyal po spos kyi rdo rje thams cad kyi rgyan gyi lhun dang ldan pa/ khang pa brtsegs pa rgya'i dbyibs su 'dug pa/ rnam par dag cing kun nas nyon mongs pa| lha rdzas kyi gzhal med khang dang gnas kyi sprin gyis kun tu gang ba/ gser ltar dri ma med pa'i 'od kyi rgyan ces bya ba yod pa der bskal pa kun tu snang ba'i rgyal mtshan zhes bya ba byung ste/ 'jig rten gyi khams de na snying po byang chub rin po che thams cad kyi snying po 'od sna tshogs can zhes bya ba yod de/ der bcom ldan 'das de bzhin gshegs pa phyir mi ldog pa'i chos kyi dbyings kyi dbyangs zhes bya ba/ bla na med pa yang dag par rdzogs pa'i byang chub tu mngon par sangs rgyas te/ de'i tshe de'i dus na kho mo yang snying po byang chub kyi lha mo bsod nams sgron ma phun sum tshogs pa kun nas dpal gyi 'od ces bya ba zhig tu gyur te/ byang chub kyi shing de la 'dug 'dug nas der kho mos de bzhin gshegs pa de mngon par 'tshang rgya ba'i rnam par 'phrul pa mthong nas bla na med pa yang dag par rdzogs pa'i byang chub tu sems bskyed do/ /de </font><hr>Cha16a<br><font size=+1>


@#/ /bzhin gshegs pa de mthong nas kyang kho mos de bzhin gshegs pa'i yon tan rgya mtsho'i 'od ces bya ba'i ting nge 'dzin thob bo/ /de'i 'og tu 'jig rten gyi khams de nyid kyi rgyal po'i gnas kun nas yongs su rgyas pa'i dpal gyi snying po zhes bya bar snying po byang chub de nyid du de bzhin gshegs pa chos kyi sdong po ri bo gzi brjid ces bya ba mngon par sangs rgyas so/ /kho mos ni/ de nas shi 'phos te snying po byang chub de nyid du ye shes phun sum tshogs pa'i bsod nams 'od ces bya ba'i mtshan mo'i lha mo zhig tu gyur cing 'dug 'dug ste/ kho mos der bcom ldan 'das de bzhin gshegs pa chos kyi sdong po ri bo gzi brjid des chos kyi 'khor lo bskor ba'i rnam par 'phrul pa mthong nas 'gro ba thams cad du yongs su ston pa'i mnyam pa nyid kyi 'od kyi yul zhes bya ba'i ting nge 'dzin thob bo/ /de'i 'og tu kho mos snying po byang chub de nyid du de bzhin gshegs pa chos kyi rgya mtsho thams cad kyi gsung gi rgyal po zhes bya ba bsnyen bkur te/ de bzhin gshegs pa de mthong ma thag tu chos thams cad kyi yang dag par 'phel bar byed pa'i gnas zhes bya ba'i ting nge 'dzin thob bo/ /de'i 'og tu kho mos snying po byang chub de nyid du de bzhin gshegs pa rin po che'i 'od zer sgron ma'i </font><hr>Cha16b<br><font size=+1>


rgyal mtshan rgyal po zhes bya ba bsnyen bkur te/ de bzhin gshegs pa de mthong ma thag tu kho mos sangs rgyas rgya mtsho rab tu snang ba zhes bya ba'i ting nge 'dzin thob bo/ / de'i 'og tu kho mos snying po byang chub de nyid du de bzhin gshegs pa chos kyi sprin sgra'i rgyal po zhes bya ba bsnyen bkur te/ de bzhin gshegs pa de mthong ma thag tu kho mos chos rgya mtsho thams cad kyi sgron ma zhes bya ba'i ting nge 'dzin thob bo/ /de'i 'og tu kho mo lha'i bu mo zhig tu gyur te snying po byang chub de nyid du de bzhin gshegs pa ye shes skar mda' snang ba'i rgyal po zhes bya ba bsnyen bkur te/ de bzhin gshegs pa de mthong ma thag tu kho mos sems can thams cad kyi sdug bsngal rab tu zhi par byed pa'i sgron ma snang ba zhes bya ba'i ting nge 'dzin thob bo/ /de'i 'og tu kho mos snying po byang chub de nyid du de bzhin gshegs pa chos rnam par 'phrul pa'i shugs kyi rgyal mtshan dpal zhes bya ba bsnyen bkur te/ de bzhin gshegs pa de mthong ma thag tu kho mos dus gsum gyi de bzhin gshegs pa thams cad yang dag par 'jug pa'i snying po'i snang ba zhes bya ba'i ting nge 'dzin thob bo/ /de'i 'og tu kho mos snying po byang chub de nyid du de bzhin gshegs pa chos kyi sgron ma ye shes kyi rnam par gnon pa </font><hr>Cha17a<br><font size=+1>


@#/ /zhes bya ba bsnyen bkur te/ de bzhin gshegs pa de mthong ma thag tu 'jig rten gyi khams thams cad du ye shes thogs pa med pa'i 'khor lo snang ba'i gzi brjid ces bya ba'i ting nge 'dzin thob bo/ /de'i 'og tu kho mos snying po byang chub de nyid du de bzhin gshegs pa ye shes kyi stobs kyi ri bo gzi brjid ces bya ba bsnyen bkur te/ de bzhin gshegs pa de mthong ma thag tu kho mos dus gsum gyi sems can gyi spyod pa dang / dbang po rab tu snang ba zhes bya ba'i ting nge 'dzin thob bo| |rigs kyi bu/ de ltar kho mos 'jig rten gyi khams gser ltar dri ma med pa'i 'od der bskal pa kun tu snang ba'i rgyal mtshan la de bzhin gshegs pa sangs rgyas kyi zhing bcu'i rdul shin tu phra ba snyed cig bsnyen bkur te/ la la ni/ lha'i dbang por gyur te bsnyen bkur to/ /la la ni/ klu'i dbang por gyur te bsnyen bkur to| |la la ni/ gnod sbyin gyi dbang por gyur pas/ la la ni/ dri za'i dbang por gyur pas/ la la ni/ lha ma yin gyi dbang por gyur pas/ la la ni/ nam mkha' lding gi dbang por gyur pas/ la la ni/ mi 'am ci'i dbang por gyur pas/ la la ni/ lto 'phye chen po'i dbang por gyur pas/ la la ni/ mi'i dbang por gyur pas/ </font><hr>Cha17b<br><font size=+1>


la la ni/ tshangs pa'i dbang por gyur pas/ la la ni/ lhar gyur pas/ la la ni/ mir gyur pas/ la la ni/ bud med du gyur pas/ la la ni/ skyes par gyur pas/ la la ni/ khye'ur gyur pas/ la la ni/ bu mor gyur pas bsnyen bkur te/ de bzhin gshegs pa de dag thams cad kyang kho mos mched pa'i yo byad ci bdog pas mchod do/ /de bzhin gshegs pa de dag thams cad kyang rim gror byas so/ /de bzhin gshegs pa de dag thams cad kyi chos bstan pa yang thos so/ /de nas kho mo shi 'phos nas 'jig rten gyi khams de nyid du bskal pa sangs rgyas kyi zhing gi rdul shin tu phra ba snyed cig tu byang chub sems dpa'i spyod pa spyad do/ /de nas shi 'phos nas 'jig rten gyi khams rgya mtsho gzhi dang snying po me tog gi rgyan gyis brgyan pa 'di'i 'jig rten gyi khams mi mjed du skyes te/ kho mos bcom ldan 'das de bzhin gshegs pa log par dad sel bsnyen bkur to/ /de bzhin gshegs pa de mthong ma thag tu kho mos mun pa'i rdul thams cad dang bral bas rab tu snang ba zhes bya ba'i ting nge 'dzin thob bo/ /de'i 'og tu kho mos de bzhin gshegs pa gser thub bsnyen bkur to/ /de bzhin gshegs pa de mthong ma thag tu kho mos zhing rgya mtsho thams cad snang ba rjes su 'phro bar bya bas </font><hr>Cha18a<br><font size=+1>


@#/ /rgyas par 'gengs pa zhes bya ba'i ting nge 'dzin thob bo/ /de'i 'og tu kho mos de bzhin gshegs pa bsod skyabs bsnyen bkur te/ de bzhin gshegs pa de mthong ma thag tu kho mos sems can thams cad kyi skad rgya mtsho 'brug sgra sgrog pa'i sgra dbyangs zhes bya ba'i ting nge 'dzin thob bo/ /de'i 'og tu kho mos bcom ldan 'das de bzhin gshegs pa rnam par snang mdzad 'di bsnyen bkur te/ de snying po byang chub la de bzhin gshegs pa mngon par rdzogs par sangs rgyas pa'i rnam par 'phrul pa'i sgo rgya mtsho sems kyi skad cig re re la yongs su ston pa mdzad pa mthong nas kho mos byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'di thob bo/ /de thob ma thag tu chos kyi dbyings kyi tshul rgya mtsho sangs rgyas kyi zhing brjod du med pa'i yang brjod du med pa phrag bcu'i rdul shin tu phra ba snyed la zhugs par gyur to/ /chos kyi dbyings kyi tshul rgya mtsho de dag thams cad du gtogs pa'i sangs rgyas kyi zhing ji snyed pa de dag la rdul shin tu phra ba ji snyed yod pa de dag thams cad kyi rdul shin tu phra ba re re la yang sangs rgyas kyi zhing brjod du med pa'i yang brjod du med pa'i rdul shin tu phra </font><hr>Cha18b<br><font size=+1>


ba snyed kyi sangs rgyas kyi zhing la zhugs te mthong bar gyur to/ /sangs rgyas kyi zhing de dag thams cad las sangs rgyas kyi zhing re re na yang bcom ldan 'das rnam par snang mdzad snying po byang chub tu gshegs te sems kyi skad cig re re la mngon par rdzogs par sangs rgyas pa'i rnam par 'phrul pa yongs su ston par mdzad cing / mngon par rdzogs par 'tshang rgya ba'i rnam par 'phrul pa re res kyang chos kyi dbyings kyi tshul rgya mtsho rgyas par 'gengs pa mdzad pa mthong ngo / /de bzhin gshegs pa de dag thams cad las de bzhin gshegs pa re re'i zhabs kyi drung na yang bdag mngon du 'dug par shes par gyur to/ /'jig rten gyi khams de dag tu de bzhin gshegs pa snying po byang chub la bzhugs pa de dag gis chos bstan pa de dag thams cad kyang thos par gyur to/ /de bzhin gshegs pa de dag thams cad kyi ba spu'i sgo thams cad nas sprul pa rgya mtsho byung ste chos kyi sprin rgya mtsho rab tu sgrog pa dang / rnam par 'phrul pa sna tshogs yongs su ston pa mdzad cing / chos kyi dbyings kyi phyogs rgya mtsho thams cad du gtogs pa'i zhing rgya mtsho thams cad dang / 'jig rten gyi khams kyi rgyud thams cad dang / 'jig rten gyi khams 'byams klas pa thams cad kyi sems can 'byams klas pa thams cad </font><hr>Cha19a<br><font size=+1>


@#/ /'gro ba'i rgyud sna tshogs su skyes pa dag gi nang na sems can gyi bsam pa'i dbang du 'du shes kyi rnam pa sna tshogs kyis chos kyi 'khor lo bskor ba de dag thams cad kyang yongs su 'dzin to/ /khong du chud par byed do/ /nges par rtogs par byed do/ /don dang / tshig dang / yi ge 'dzin pa'i shugs kyis rnam par gnon pa'i gzungs kyi mthus yongs su 'dzin to/ /chos kyi dkyil 'khor thams cad rnam par dag pa'i snying po khong du chud pa'i shes rab kyis yongs su sbyong ngo / / chos rgya mtsho thams cad rnam par 'byed pa la mkhas pa'i rigs pas khong du chud par byed do/ /dus gsum ltar rnam par yangs pa'i blos rgyas par 'gengs so/ /de bzhin gshegs pa dang mnyam pa nyid kyi rjes su 'gro ba'i shes rab kyis mnyam par byed cing chos kyi tshul thams cad mngon par sgrub bo/ /tshul thams cad la mdo sde'i sprin mngon par sgrub bo/ /mdo sde'i sprin thams cad las chos rgya mtsho yongs su gzhog par byed do/ /chos rgya mtsho thams cad la chos kyi rgyud thams cad yang dag par gzhol bar byed do/ /chos kyi rgyud thams cad la chos kyi sprin yongs su shes par byed do/ /chos kyi sprin thams cad la chos kyi rlabs yongs su skyed do/ /chos kyi rlabs </font><hr>Cha19b<br><font size=+1>


thams cad la chos kyi dga' ba'i shugs rgya mtsho rab tu thob par byed do/ /chos kyi dga' ba'i shugs rgya mtsho thams cad las rab tu thob par bya ba'i shugs mngon par sgrub bo| |sa'i shugs thams cad la ting nge 'dzin rgya mtsho'i shugs mngon par sgrub bo/ /ting nge 'dzin rgya mtsho'i sprin thams cad la sangs rgyas mthong ba rgya mtsho rab tu thob par byed do/ /sangs rgyas mthong ba rgya mtsho thams cad la snang ba rgya mtsho rab tu thob par byed do/ /snang ba rgya mtsho thams cad la dus gsum gyi ye shes kyi dkyil 'khor gyis yongs su gzhog par byed do/ /phyogs rgya mtsho mtha' dang dbus med pa rgyas par dgang ba'i tshul dang / de bzhin gshegs pa'i sngon gyi mtha'i spyod pa rgya mtsho tshad med pa la 'jug pa'i tshul dang / de bzhin gshegs pa'i sngon gyi sbyor ba rgya mtsho tshad med pa'i ye shes snang ba'i tshul dang / de bzhin gshegs pa'i dka' ba tshad med pa yongs su btang ba'i ye shes snang ba rab tu thob par bya ba'i tshul dang / de bzhin gshegs pa'i tshul khrims kyi dkyil 'khor tshad med pa yongs su dag pa snang bar bya ba'i tshul dang / de bzhin gshegs pa'i bzod pa'i sa tshad med pa yongs su sbyang ba'i tshul dang / de bzhin gshegs pa'i brtson 'grus chen po'i shugs tshad med pa rnam par 'phel bar </font><hr>Cha20a<br><font size=+1>


@#/ /bya ba'i mthu'i ye shes snang ba rab tu thob par bya ba'i tshul dang / de bzhin gshegs pa'i bsam gtan gyi dkyil 'khor dang / bsam gtan gyi yan lag rgya mtsho tshad med pa yongs su dag par bya ba'i sbyor bas snang ba rab tu thob par bya ba'i tshul dang / de bzhin gshegs pa'i shes rab kyi pha rol tu phyin pa'i tshul rgya mtsho tshad med pa yongs su dag par bya ba dang / rnam par dmigs pa snang bar bya ba'i tshul dang / de bzhin gshegs pa'i thabs mkhas pa'i pha rol tu phyin pa'i tshul rgya mtsho tshad med pa la 'jug par bya ba'i tshul dang / de bzhin gshegs pa'i smon lam gyi pha rol tu phyin pa'i tshul rgya mtsho tshad med pa la 'jug par bya ba'i tshul dang / de bzhin gshegs pa'i bsod nams dang / ye shes kyi stobs kyi pha rol tu phyin pa tshad med pa la gnas par bya ba dang / yongs su 'phel bar bya ba'i ye shes rab tu thob par bya ba'i tshul dang / de bzhin gshegs pa'i ye shes kyi pha rol tu phyin pa'i tshul rgya mtsho tshad med pa la rnam par spyad pa rab tu thob par bya ba'i ye shes yongs su sgrub pa'i tshul dang / de bzhin gshegs pa'i sngon gyi byang chub sems dpa'i sa yongs su gnon pa mdzad pa'i ye shes snang ba rab tu thob par bya ba'i </font><hr>Cha20b<br><font size=+1>


tshul dang / de bzhin gshegs pa'i sa yongs su gnon pa'i mtshams kyi rnam par 'phrul ba tshad med pas bskal pa rgya mtshor gnas par bya ba'i tshul dang / de bzhin gshegs pa'i sngon gyi byang chub sems dpa'i sa'i dkyil 'khor tshad med pa yongs su gnon pa'i tshul dang / de bzhin gshegs pa'i sngon gyi byang chub sems dpa'i sa tshad med pa la gnas par bya ba'i tshul dang / de bzhin gshegs pa'i sngon gyi byang chub sems dpa'i sa tshad med pa yongs su dag par bya ba'i tshul dang / de bzhin gshegs pa'i sa tshad med pa ye shes rgya mtshos rnam par dpyad pa'i tshul dang / de bzhin gshegs pa'i sa'i ye shes snang ba tshad med pa rab tu thob par bya ba'i tshul dang / de bzhin gshegs pa byang chub sems dpar gyur pas sngon gyi sangs rgyas ma lus par gzigs pa dang / rjes su 'brang ba mdzad pa tshad med pa rnam par dmigs par bya ba'i tshul dang / de bzhin gshegs pa byang chub sems dpar gyur pas sngon gyi sangs rgyas rgya mtsho ma lus par gzigs shing bskal pa rgya mtshor bzhugs bzhugs pa tshad med pa'i tshul dang / de bzhin gshegs pa sngon byang chub sems dpar gyur pas zhing rgya mtsho ma lus pa rgyas par dgang ba'i sku mngon par sgrub pa tshad med pa'i ye shes snang ba rab </font><hr>Cha21a<br><font size=+1>


@#/ /tu thob par bya ba'i tshul dang de bzhin gshegs pa'i sngon gyi byang chub sems dpa'i spyod pa tshad med pas chos kyi dbyings ma lus pa rgyas par dga' ba'i tshul dang / de bzhin gshegs pa'i sngon gyi byang chub sems dpa'i spyod pa thabs sna tshogs kyi sgo dang ldan pas sems can thams cad yongs su smin par mdzad pa dang / rnam par gdul bar mdzad pa tshad med pa yongs su bstan pa'i tshul dang / de bzhin gshegs pa'i 'od phyogs rgya mtsho ma lus pa thams cad du rab tu 'phro ba tshad med pas rgyas par dgang bar bya ba'i tshul dang / de bzhin gshegs pa sems can thams cad la mngon du gyur pa rnam par 'phrul pa tshad med pa yongs su bstan pa'i tshul dang / de bzhin gshegs pa'i ye shes kyi sa tshad med pa yongs su gnon pa'i ye shes snang ba rab tu thob par bya ba'i tshul dang / de bzhin gshegs pa'i mngon par rdzogs par byang chub pa'i rnam par 'phrul pa tshad med pa'i ye shes snang ba rab tu thob par bya ba'i tshul dang / de bzhin gshegs pa'i chos kyi 'khor lo rab tu 'khor ba dang / chos kyi sprin tshad med pa thams cad ma lus par yang dag par blangs shing yongs su bzung ba'i tshul dang / de bzhin gshegs pa'i mtshan rgya </font><hr>Cha21b<br><font size=+1>


mtsho tshad med pa rnam par dmigs pa'i ye shes snang ba rab tu thob par bya ba'i tshul dang / de bzhin gshegs pa'i sku rgya mtsho'i rgyud tshad med pa rnam par dmigs pa'i snang ba rab tu thob par bya ba'i tshul dang / de bzhin gshegs pa'i yul shin tu yangs pa'i ye shes snang ba rab tu thob par bya ba'i tshul gyis de bzhin gshegs pa de dag gi thog ma thugs bskyed pa nas dam pa'i chos nub par ma gyur pa'i bar de dag thams cad la'ang 'jug cing khong du chud par byed do/ /de skad du khyod kyis byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'di thob nas ji srid cig lon zhes zer ba ni/ de ltar kho mos bskal pa sangs rgyas kyi zhing gnyis kyi rdul shin tu phra ba snyed kyi pha rol gyi 'jig rten gyi khams gser ltar dri ma med pa'i 'od du byang chub kyi shing gi lha mo bsod nams sgron ma phun sum tshogs pa kun nas dpal gyi 'od ces bya bar gyur te/ de bzhin gshegs pa phyir mi ldog pa'i chos kyi dbyings kyis chos bstan pa thos nas bla na med pa yang dag par rdzogs pa'i byang chub tu sems bskyed de/ bskal pa sangs rgyas kyi zhing gnyis kyi rdul shin tu phra ba snyed po de dag tu byang chub sems dpa'i </font><hr>Cha22a<br><font size=+1>


@#/ /spyod pa spyad nas mi mjed kyi 'jig rten gyi khams 'dir skyes te/ log par dad sel la sogs pa tha ma shAkya thub pa'i bar gyi de bzhin gshegs pa bskal pa bzang po pa dag kyang bsnyen bkur te/ ma byon pa'i sangs rgyas rnams kyang bsnyen bkur ro/ /'jig rten gyi khams 'dir ji lta ba de bzhin du 'jig rten gyi khams thams cad du'ang sangs rgyas kyi rgyud ma byon pa rnams yongs su bsnyen cing bkur ro/ /mchod do/ /rigs kyi bu/ da dung du'ang 'jig rten gyi khams gser ltar dri ma med pa'i 'od de yang yod la/ sangs rgyas kyi rigs kyang rgyun ma chad kyi/ de bas na/ rigs kyi bu/ tshul 'di la byang chub sems dpa'i rnam par gnon pa chen pos brtson par gyis shig /de nas mtshan mo'i lha mo sgra rgya mtsho rab tu zhi ba dang ldan pas de'i tshe byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'di nyid brnan te bstan par bya ba'i phyir tshong dpon gyi bu nor bzang la tshigs su bcad de smras pa| rnam thar dge 'di ji ltar thob gyur pa/ /kho mo'i tshig 'di nor bzang khyod nyon cig /thos nas dga' ba'i stobs kyang yongs bskyed de/ /rnam thar tshul 'di la </font><hr>Cha22b<br><font size=+1>


ni 'jug par gyis/ /bdag gi sems dang bsam pa yongs sbyong zhing / /mos pa'i shugs yangs yongs su bskyed byas te/ /thams cad mkhyen pa'i ye shes grong 'dun pas| |bskal pa rgya mtsho mang por sngon spyad do/ /bde gshegs dus gsum byung ba thos nas kyang / /de dag kun la mos pa yangs bskyed do/ /bskal pa brgya phrag mang por sgo kun tu/ /de dag 'khor dang bcas par kho mos bkur/ /sngon gyi bde gshegs kho mos mthong gyur nas/ /'gro la phan phyir yun ring mchod byas te/ /spro ba'i stobs ni rnam yangs yongs bskyed nas/ /bdag gis gdung ba med pa'i chos kyang thos/ /rnam par thar pa 'di la 'jug pa na/ /pha dang ma dang bla ma'i skye bo la/ /de tshe bdag gis phan bdes bsti stang byas/ /bsnyen bkur sri zhur gnas pa kun kyang byas/ /rgas pa nad pa nor med mi rnams dang / /dbang po ma tshang sdug bsngal mgon med pa/ /mang po bdag gis byams sems bde bkod nas/ /tshe rabs brgyar yang nor phyug mgon yod byas/ /rgyal po me dang rkun chom rkyen gyur dang / /seng+ge glang po pha rol dgras 'jigs dang / srid pa'i rgya mtsho'i 'jigs dngos sna tshogs las/ /sngon tshe spyod pa'i dus na bdag gis bskyabs/ /rtag tu srid gsum nyon mongs gdungs gyur te/ /las kyis rab gdungs </font><hr>Cha23a<br><font size=+1>


@#/ /de bzhin mi dge bas/ /'khor ba'i ri gzar g.yang du lhung ba yi/ /skye bo 'gro ba'i rgyud du bdag gis bskyabs/ /sdug bsngal ngan song g.yang sas 'jigs pa dag /rtag tu mi bde shin tu mi bzad dang / /skye rga na zhing 'chi ba'i 'jigs mang kun/ /bdag gis 'jig rten spyod tshe zhi bar byas/ /'khor ba'i sdug bsngal zhi bar bya ba dang / /sems can kun gyi bde ba yongs bskyed cing / /sangs rgyas bde ba dam pa bskyed pa ni/ /bskal pa phyi mar kho mo'i smon lam mo| |rigs kyi bu/ kho mos byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa 'di shes par zad na| kho mos byang chub sems dpa' chos kyi dbyings kyi tshul rgya mtsho thams cad la zhugs pa/ phyi nang gi sdug bsngal ma lus pa las rnam par grol ba/ bskal pa'i ming du bya ba thams cad shes par gyur pa/ 'jig rten gyi khams rgya mtsho thams cad 'byung ba dang / 'jig pa'i rgyus la mkhas pa de dag gi spyod pa shes pa'am/ yon tan brjod par nus re skan/ song rigs kyi bu/ snying po byang chub 'di nyid na bcom ldan 'das rnam par snang mdzad kyi 'khor gyi dkyil 'khor na mtshan mo'i </font><hr>Cha23b<br><font size=+1>


lha mo grong khyer thams cad srung ba 'byung ba'i gzi brjid dpal zhes bya ba 'dug gi /de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis mtshan mo'i lha mo sgra rgya mtsho rab tu zhi ba dang ldan pa la tshul dang 'dra pa'i tshigs su bcad pa 'di dag smras so/ /dge ba'i bshes kyis ma nor mthun bstan pas/ /lha mo khyod kyi drung du nye bar mchis/ /mtha' dang dbus mi mnga' ba'i sku tshul du| |khyod ni gdan la bzhugs pa bdag gis mthong / /kha dog dbyibs dang mtshan ma'i spyod yul ba/ /srid la gnas dang dngos por 'du shes dang / /'du shes dma' dang log par lta ba yis/ /khyod kyi spyod yul 'tshal bar mi nus so/ /khyod kyi sku gzugs blta na mtha' yas pas/ /khyod kyi sku gzugs mdog gi mtshan min/ /bskal pa mtha' yas dag tu yongs brtags kyang / /lha dang 'jig rten bcas pas shes mi nus/ /lha mo khyod ni phung po'i gnas las 'phags/ /skye mched rnams la'ang de bzhin mi gnas te/ /'jig rten rnam par 'das pas the tshom bral/ /'jig rten dag tu rnam par 'phrul ba mdzad/ /g.yo ba mi mnga' skyon bral chags pa med/ /khyod kyis ye shes spyan </font><hr>Cha24a<br><font size=+1>


@#/ /ni rnam sbyangs pas/ /rdul gyi go la thams cad rdul tshad du/ /sangs rgyas rnam par 'phrul pa mang po gzigs/ /khyod kyi sku ni chos sku'i snying po can| |khyod kyi thugs kyang ye shes chags pa med/ /khyod ni kun tu 'od kyis snang mdzad pas/ /'jig rten skye bo rnams la mtha' yas snang / /sems las mtha' yas las rnams yongs su 'byung / /'jig rten thams cad las kyis rnam par bris/ /'gro ba sems kyi dngos su mkhyen gyur pas/ /rang gi sku yang 'gro ba snyed du bstan| |'jig rten du ni rmi lam 'drar mkhyen nas/ /sangs rgyas kun kyang gzugs brnyan lta bu dang / /ma lus chos rnams sgra brnyan 'drar mkhyen pas/ /chags pa mi mnga' 'gro ba kun tu spyod/ /dus gsum gnas pa'i 'gro ba thams cad la/ /skad cig re rer rang gi sku ston kyang / /khyod kyi thugs la gnyis su mi rgyu ste/ /phyogs rnams kun tu chos kyang rab tu bstan/ /rdul la 'gro ba rgya mtsho mtha' yas dang / /de bzhin sems can mtsho chen dpag yas dang / /mtha' dbus med pa'i bde gshegs gang chen mtsho/ /kun kyang khyod kyi rnam thar dam pa'i yul/ /de nas tshong dpon gyi bu nor bzang gis mtshan mo'i lha mo sgra rgya mtsho rab tu zhi ba dang ldan pa la </font><hr>Cha24b<br><font size=+1>


tshul dang 'dra ba'i tshigs su bcad pa de dag gis mngon par bstod de lan brgya stong du mar g.yas phyogs su bskor ba byas nas yang dang yang bltas te mtshan mo'i lha mo sgra rgya mtsho rab tu zhi ba dang ldan pa'i drung nas song ngo / /shin tu rgyas pa chen po'i mdo/ sangs rgyas phal po che zhes bya ba las/ sdong pos brgyan pa'i le'u ste// ! //bam po brgya gnyis pa/ de nas tshong dpon gyi bu nor bzang byang chub sems dpa'i rnam par thar pa dga' ba yangs pa'i shugs 'byung bas sems kyi skad cig rnam par brgyan pa de ni| sgom pa dang / rjes su sgom pa dang / yang dag par sgom pa dang / mtshan mo'i lha mo sgra rgya mtsho rab tu zhi ba dang ldan pa'i gdams ngag rjes su bstan pa la ni/ rjes su 'brang bar bya ba dang / rjes su dran par bya ba dang / khong du chud par byed/ tshig dang yi ge re re la ni/ tshul du ma dang bsam pa tshad med pas chos nyid kyi tshul shes pa rjes su dran par byed cing / dren pas rjes su 'brang bar bya ba dang / blo gros kyis rnam par dbye ba dang / rigs pas khong du chud par bya ba dang / blos shin tu yangs par bya ba dang / lus kyis reg par byas te rnam par spyad pa dang / rjes su 'jug pa byed cing / mthar gyis mtshan mo'i lha mo grong khyer thams cad srung ba 'byung ba'i gzi brjid dpal gang </font><hr>Cha25a<br><font size=+1>


@#/ /na ba der phyin pa dang / mtshan mo'i lha mo grong khyer thams cad srung ba 'byung ba'i gzi brjid dpal pad+mo'i khri chen po nor bu rin po che'i rgyal po grong khyer dang / gnas thams cad rab tu snang bar byed pa'i snying po can la phyogs thams cad dang / 'gro ba thams cad la mngon du gyur pa'i lus dang / 'gro ba thams cad kyi gzugs dang mnyam pa'i lus dang / sems can thams cad la mngon du gyur pa'i lus dang / 'gro ba thams cad kyis ma gos pa'i lus dang / 'gro ba thams cad dang rang bzhin mnyam pa'i lus dang / 'gro ba thams cad las mngon par 'phags pa'i lus dang / 'gro ba thams cad yongs su smin par bya ba dang / gdul ba la mthun pa'i lus dang / 'gro ba thams cad du sgra rab tu sgrog pa'i lus dang / 'gro ba thams cad du 'pho ba med pa'i lus dang / sgrib pa thams cad shin tu bcom pa'i lus dang / de bzhin nyid kyi rang bzhin gyi lus dang / 'gro ba thams cad gdul ba mthar phyin par byed pa'i lus su 'dug cing / mtshan mo'i lha mo brjod du med pa'i 'khor gyis bskor te 'dug pa mthong nas dga' rangs te mgu zhing nyams bde la tshim zhing yid bde ba skyes nas mtshan mo'i lha mo grong khyer thams cad srung ba </font><hr>Cha25b<br><font size=+1>


'byung ba'i rkang pa gnyis la spyi bos phyag 'tshal te mtshan mo'i lha mo grong khyer thams cad srung ba 'byung ba'i gzi brjid dpal la lan brgya stong du mar g.yas phyogs su bskor ba byas nas mtshan mo'i lha mo grong khyer thams cad srung ba 'byung ba'i gzi brjid dpal gyi mdun du 'dug ste thal mo sbyar nas 'di skad ces smras so/ /lha mo/ / bdag bla na med pa yang dag par rdzogs pa'i byang chub tu yang dag par zhugs na/ lha mo/ /ji ltar byang chub sems dpas byang chub sems dpa'i spyod pa la rjes su bslab na sems can la sman par 'gyur ba lags/ ji ltar na/ sems can bla na med pa yongs su bsdu bas yongs su sdud par 'gyur/ ji ltar na/ byang chub sems dpa' de bzhin gshegs pas gnang ba'i byang chub sems dpa'i las la brtson pa lags/ ji ltar brtson par bgyis na/ byang chub sems dpa' chos kyi rgyal por nye bar 'gyur ba bdag la bshad du gsol/ de skad ces smras pa dang / mtshan mo'i lha mo grong khyer thams cad srung ba 'byung ba'i gzi brjid dpal gyis tshong dpon gyi bu nor bzang la 'di skad ces smras so/ /rigs kyi bu/ khyod de ltar 'gro ba thams cad yongs su smin par bya ba dang / rnam par gdul ba'i mthar phyin par bya ba dang / de bzhin gshegs </font><hr>Cha26a<br><font size=+1>


@#/ /pa thams cad kyi rigs yang dag par bzung ba'i sbyor ba mthar phyin par bya ba dang / phyogs 'byams klas pa thams cad rgyas par dgang ba'i ye shes rab tu sbyar ba dang / chos kyi dbyings kyi tshul rgya mtsho thams cad la 'jug pa mngon du 'gyur ba dang / shes bya nam mkha'i dbyings dang mnyam pa mtha' yas pa rgyas par dgang ba dang / de bzhin gshegs pa thams cad kyi chos kyi 'khor lo rab tu blang zhing yongs su gzung ba'i phyir 'gro ba rgya mtsho thams cad kyi bsam pa ji lta ba bzhin du chos kyi sprin gyi char mngon par dbab pa'i spyod pa'i tshul yongs su 'dri ba legs \?\ so/ /legs so/ /rigs kyi bu/ kho mo ni/ byang chub sems dpa'i rnam par thar pa sgra yid du 'ong ba dang / rnam par 'grul ba zab mo la 'jug pa thob pa ste/ de ltar kho mo rnam par thar pa de dang ldan pas chos smra ba chen po'i go 'phang thogs pa med pa la dmigs pa'i sbyor ba dang ldan pa/ de bzhin gshegs pa thams cad kyi chos kyi mdzod yongs su btang ba'i smon lam dang ldan pa/ snying rje chen po dang ldan pa/ byams pa chen po'i stobs rab tu thob pa/ sems can thams cad byang chub kyi sems la dgod pa'i phyir sems can thams cad kyi don bya ba la zhugs </font><hr>Cha26b<br><font size=+1>


pa| byang chub kyi sems kyi dge ba'i rtsa ba dang / tshogs rab tu bsags pa rgyun mi gcad pa'i phyir 'gro ba thams cad kha lo sgyur ba'i sa la yang dag par gnas pa/ sems can thams cad thams cad mkhyen pa nyid kyi lam la rab tu dgod pa'i phyir 'jig rten gyi chos kyi sprin thams cad las chos kyi nyi ma yongs su dbyung ba'i sbyor ba dang ldan pa dge ba'i rtsa ba tshad med pa bskyed pas 'jig rten thams cad snang bar bya ba'i phyir 'gro ba thams cad la mnyam pa'i sems su 'jug pa rgyun mi 'chad pa/ 'gro ba thams cad kyi dge ba'i rtsa ba mngon par 'du bya ba yongs su sgrub pa'i sbyor ba shes par bya ba'i phyir sems rnam par dag pa'i sbyor ba dang ldan pa/ dge ba'i las kyi lam thams cad mthun par sgrub pas sems can thams cad kyi ded dpon du zhugs pa/ mi dge ba'i las kyi lam thams cad rab tu spangs pa/ sems can thams cad dge ba'i chos la rab tu dgod pa'i sbyor ba dang ldan pa/ sems can thams cad la lam bde ba yongs su ston pa'i sbyor ba dang ldan pa/ sems can thams cad kyi theg pa'i rgyan gyi thog mar 'dren pa la zhugs pa/ dge ba'i chos kyi spyod pa thams cad la sems can thams cad rab tu dgod pa'i sbyor ba dang ldan pa/ dge ba'i bshes gnyen thams cad la mi </font><hr>Cha27a<br><font size=+1>


@#/ /phyed par bsnyen bkur dang rim gro byed pa la zhugs pa/ sems can thams cad de bzhin gshegs pa'i bstan pa la rab tu dgod pa'i sbyor ba dang ldan pa/ chos kyi sbyin pa'i sngon 'den cing chos dkar po thams cad yang dag par brtsams pa'i sbyor ba dang ldan pa/ thams cad mkhyen pa nyid kyi sems bskyed pas mngon par byung bas bsam pa brten zhing mi shigs pa/ rdo rje mthu bo che ltar brtan zhing sra bas sangs rgyas kyi stobs la dmigs pa'i sems rgya chen po'i dkyil 'khor dang ldan par dge ba'i bshes gnyen la brten cing rnam par spyod de/ kho mo ni/ nyon mongs pa dang / las kyi sgrib pa thams cad kyi ri rnam par gtor ba'i sems dang ldan pa'o/ /thams cad mkhyen pa nyid kyi tshogs yang dag par rtsom pa'o/ /dkar po'i chos thams cad yang dag par sgrub pa'i sbyor ba dang ldan pa'o/ /thams cad mkhyen pa nyid mtha' dang dbus med pa la mngon par 'dun cing dmigs pa'i sems kyi sbyor ba la brtson pa'o/ /rigs kyi bu/ de ltar kho mo chos snang ba'i sgo sems can thams cad la yongs su ston pa rnam pa de lta bu yongs su sbyong zhing dge pa'i rtsa ba bsags pa'i tshogs la sta gon du gnas pas rnam pa bcus chos kyi </font><hr>Cha27b<br><font size=+1>


dbyings la rnam par lta zhing khong du chud pa dang / rjes su gzhal bar byed do/ /bcu gang zhe na/ 'di lta ste/ ye shes snang ba shin tu yangs pa thob pas chos kyi dbyings ni/ tshad med pa khong du chung par byed do/ /de bzhin gshegs pa thams cad kyi rnam par 'phrul ba rnam par dmigs par bya ba'i phyir chos kyi dbyings ni/ mtha' dang dbus med par khong du chud par byed do/ /sangs rgyas kyi zhing thams cad yongs su gnan pa dang / de bzhin gshegs pa mchod cing rim gror bya ba'i phyir chos kyi dbyings ni/ mu med par khong du chud par byed do/ /'jig rten gyi khams rgya mtsho thams cad du byang chub sems dpa'i spyod pa yongs su bstan pa'i phyir chos kyi dbyings ni/ sa mtshams med par khong du chud par byed do/ /de bzhin gshegs pa'i ye shes kyi dkyil 'khor tha mi dad pa la 'jug par bya ba'i phyir chos kyi dbyings ni/ ris tshad med par khong du chud par byed do/ / bsam pa ji lta ba bzhin du sems can thams cad kyis rnam par dmigs pa'i de bzhin gshegs pa'i gsung gi dkyil 'khor la 'jug par bya ba'i phyir chos kyi dbyings ni/ rgyud kyi tshul gcig tu gyur par khong du chud par byed do/ /'gro ba thams cad rnam par gdul ba'i mthar phyin pas de bzhin gshegs pa'i sngon gyi smon lam gyi mtha </font><hr>Cha28a<br><font size=+1>


@#/ /thug pa la 'jug par bya ba'i phyir chos kyi dbyings ni/ rang bzhin gyis rgya che bar khong du chud par byed do/ /byang chub sems dpa' kun tu bzang po'i spyod pa 'byams klas pa la 'jug par bya ba'i phyir chos kyi dbyings ni/ 'gro ba thams cad la mnyam pa nyid du gyur par khong du chud par byed do/ /kun tu bzang po'i spyod pa'i rnam par 'phrul pa'i rgyan la 'jug par bya ba'i phyir chos kyi dbyings ni/ rgyan gcig tu gyur par khong du chud par byed do/ /dge ba thams cad kyis chos kyi dbyings rgyas par dgang zhing rnam par dag par bya ba chud mi za ba'i chos can du bya ba'i phyir chos kyi dbyings ni/ thug pa med par khong du chud par byed do/ /rigs kyi bu/ de ltar kho mo rnam pa bcu po de dag gis dge ba'i rtsa ba dang / tshogs thams cad yongs su bsags pa dang / sangs rgyas kyi bdag nyid che ba nyid la 'jug par bya ba dang / sangs rgyas kyi yul bsam gyis mi khyab pa rjes su rtogs par bya ba'i phyir chos kyi dbyings thams cad la rnam par blta'o/ /khong du chud pa dang / rjes su gzhol bar byed do| |rigs kyi bu/ gzhan yang kho mo de ltar de bzhin gshegs pa'i bdag nyid che ba nyid kyi rjes su 'brang ba'i yid la bya ba dang ldan pas gzungs kyi dkyil 'khor </font><hr>Cha28b<br><font size=+1>


gyi rgyud stong phrag bcus sems can rnams la chos ston te/ bcu gang zhe na/ 'di ltar chos rgya mtsho thams cad yang dag par 'du ba zhes bya ba'i gzungs kyi dkyil 'khor dang / chos thams cad byin gyis rlob pa'i gzungs kyi dkyil 'khor dang / chos kyi sprin thams cad yongs su 'dzin pa'i gzungs kyi dkyil 'khor dang / de bzhin gshegs pa thams cad kyi dgongs pa sgron ma'i gzungs kyi dkyil 'khor dang / sems can thams cad kyi las rgya mtsho rab tu snang bar byed pa'i snying po'i gzungs kyi dkyil 'khor dang / theg pa'i tshul rgya mtsho dri ma med pa thams cad la yang dag par gzhol ba'i gzungs kyi dkyil 'khor dang / sangs rgyas rgya mtsho thams cad kyi sgron ma'i snying po'i gzungs kyi dkyil 'khor dang / de bzhin gshegs pa thams cad kyi mtshan gyi 'khor lo'i glong rab tu sgrog pa'i gzungs kyi dkyil 'khor dang / dus gsum gyi sangs rgyas kyi sngon gyi smon lam rgya mtsho bstan pa la yang dag par gzhol ba'i gzungs kyi dkyil 'khor dang / chos thams cad la mngon par 'khyil ba'i shugs drag po'i gzungs kyi dkyil 'khor dang / thams cad mkhyen pa nyid kyi shugs rab tu 'byung ba zhes bya ba'i gzungs kyi dkyil 'khor dang / rigs kyi bu/ gzungs kyi dkyil 'khor bcu po de dag la sogs pa </font><hr>Cha29a<br><font size=+1>


@#/ /gzungs kyi dkyil 'khor gyi rgyud stong phrag bcus sems can rnams la chos ston to/ /rigs kyi bu/ gzhan yang kho mo ni/ thos pa'i shes rab kyis sems can rnams la chos ston to/ /bsam pa'i shes rab dang / bsgoms pa'i shes rab kyis sems can rnams la chos ston te/ srid pa'i rgyud gcig las kyang brtsams shing sems can rnams la chos ston to/ /srid pa'i rgyud rgya mtsho thams cad las kyang brtsams shing sems can rnams la chos ston to/ /de bzhin gshegs pa gcig gi mtshan gyi 'khor lo rgya mtsho las kyang brtsams shing chos ston to/ /de bzhin gshegs pa thams cad kyi mtshan gyi 'khor lo rgya mtsho las kyang brtsams shing chos ston to| |'jig rten gyi khams rgya mtsho gcig las kyang brtsams shing chos ston to/ /'jig rten gyi khams rgya mtsho thams cad las kyang brtsams shing chos ston to/ /sangs rgyas gcig gis lung bstan pa las kyang brtsams shing chos ston to/ /de bzhin gshegs pa thams cad kyis lung bstan pa rgya mtsho las kyang brtsams shing chos ston to| |de bzhin gshegs pa gcig gi 'khor gyi dkyil 'khor rgya mtsho las kyang brtsams shing chos ston to/ /de bzhin gshegs pa thams cad kyi 'khor gyi dkyil </font><hr>Cha29b<br><font size=+1>


'khor rgya mtsho las kyang brtsams shing chos ston to/ /de bzhin gshegs pa gcig gi chos kyi 'khor lo las kyang brtsams shing chos ston to/ /de bzhin gshegs pa thams cad kyi chos kyi 'khor lo rgya mtsho las kyang brtsams shing chos ston to/ /mdo sde gcig las kyang brtsams shing chos ston to/ /de bzhin gshegs pa thams cad kyi chos kyi 'khor lo la yang dag par gzhol ba'i mdo sde las kyang brtsams shing chos ston to/ /de bzhin gshegs pa gcig gi 'khor gyi dkyil 'khor kun nas 'dus pa las kyang brtsams shing chos ston to/ /de bzhin gshegs pa thams cad kyi 'khor gyi dkyil 'khor kun nas 'dus pa rgya mtsho las kyang brtsams shing chos ston to/ /thams cad mkhyen pa nyid kyi sems gcig las kyang brtsams shing chos ston to/ /byang chub kyi sems kyi yan lag rgya mtsho thams cad las kyang brtsams shing chos ston to/ /theg pa gcig las kyang brtsams shing chos ston to/ /theg pa thams cad kyi 'byung ba rgya mtsho las kyang brtsams shing chos ston to/ /rigs kyi bu/ de ltar kho mos bstan pa'i tshul mngon par sgrub pa brjod du med pas sems can rnams la chos ston te/ rigs kyi bu/ de ltar kho mo chos kyi dbyings kyi tshul tha mi dad pa'i de bzhin gshegs pa rgya mtsho la </font><hr>Cha30a<br><font size=+1>


@#/ /'jug cing sems can thams cad la chos ston pas bla na med pa'i yongs su bsdu ba byed cing / byang chub sems dpa' kun tu bzang po'i spyod pa la phyi ma'i mtha'i mur thug pa'i bskal pa rgya mtshor gnas par bya bas byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa 'di la sems kyi skad cig re re zhing rnam par 'phel ba'i rnam par thar pa'i yul sgom pa'i tshul gyis yongs su sgom ste/ rnam par thar pa'i yul sgom pa'i tshul re res kyang sems kyi skad cig re re la chos kyi dbyings thams cad du rgyas par 'gengs so/ /nor bzang gis smras pa/ lha mo/ byang chub sems dpa'i rnam par thar pa de de ltar zab pa ngo mtshar chen/ 'phags ma/ khyod kyis byang chub sems dpa'i rnam par thar pa 'di brnyes nas ji srid cig lags/ smras pa/ rigs kyi bu/ sngon 'das pa'i dus bskal ba 'jig rten gyi rgyud kyi rdul shin tu phra ba snyed 'das pa'i pha rol cig tu 'jig rten gyi khams chos kyi 'od 'phro ba'i grong khyer dpal gyi sprin ces bya ba rin po che'i spos thams cad dang ldan pa/ gling bzhi pa'i 'jig rten gyi khams rdul shin tu phra ba snyed kyi sprin la blangs pa/ de bzhin gshegs pa thams cad kyi sngon gyi </font><hr>Cha30b<br><font size=+1>


smon lam dbyangs su sgrog pa'i pad+mos mtshams rnam par brgyan pa/ lhun sems can thams cad kyi las rgya mtshos byung ba'i nor bu rin po che'i rgyal po rgya mtsho las grub pa/ pad+mo chen po'i dbyibs su 'dug pa/ rnam par dag cing kun nas nyon mongs pa/ me tog gi khor yug ri rab kyi rdul shin tu phra ba snyed kyis kun nas bskor ba/ spos kyi rin po che ri rab kyi rdul shin tu phra ba snyed kyi rgyan ri rab ltar mngon par 'phags pa dang ldan pa/ gling bzhi pa chen po ri rab kyi rdul shin tu phra ba snyed kyi rgyan dang ldan pa/ gling bzhi pa re re zhing yang grong rdal bye ba khrag khrig brgya stong brjod du med pa'i yang brjod du med pa dang ldan pa byung ngo / /rigs kyi bu/ 'jig rten gyi khams de'i bskal pa mdog dri ma med pa'i 'od ces bya ba byung ste/ bskal pa de la de bzhin gshegs pa ri rab kyi rdul shin tu phra ba snyed byung ngo / /'jig rten gyi khams chos kyi 'od 'phro ba'i grong khyer dpal gyi sprin gyi gling bzhi pa dbu ma rgyal mtshan sna tshogs zhes bya ba byung ste/ de'i dbus na rgyal po'i gnas rin chan me tog kun tu snang ba zhes bya ba yod par gyur te/ rgyal po'i gnas de dang ha cang yang mi ring ba zhig na snying po byang chub chos kyi rgyal po'i pho brang rab tu snang ba zhes bya ba yod de/ snying po byang chub de la de bzhin gshegs pa ri rab kyi </font><hr>Cha31a<br><font size=+1>


@#/ /rdul shin tu phra ba snyed po de dag gi bskal pa'i dang po la de bzhin gshegs pa chos rgya mtsho thams cad kyi dbyangs 'od kyi rgyal po zhes bya ba byung ste/ de'i tshe 'khor los bsgyur ba'i rgyal po nyi ma ltar bzhin mdog dri ma med pa zhes bya ba byung nas des bcom ldan 'das de bzhin gshegs pa chos rgya mtsho thams cad kyi dbyangs 'od kyi rgyal po las mdo sde chos thams cad kyi glong rgya mtsho zhes bya ba yongs su bzung ste/ bzung nas kyang chos kyi 'khor lo rjes su bskor to/ /yongs su mya ngan las 'das nas kyang rab tu byung ste bstan pa yongs su bzung ngo / /bstan pa nub tu cha ste/ bstan pa yang stong du gyes/ chos bstan pa shin tu bstan pa'i tshul ni/ brgya phrag bcur gyur/ rnyog pa'i bskal pa bar ma ni/ nye bar gnas par gyur pa'i che sems can las dang nyon mongs pa'i sgrib pas bsgribs pa/ 'thab mo dang / rtsod pa dang / dkrugs ma la zhugs par gyur pa dang / dge slong sangs rgyas kyi bstan pa'i yon tan don du mi gnyer cing yul gyi dga' ba lhur len par gyur pa/ rgyal po dang rkun po'i gtam la zhugs pa/ bud med dang / yul dang / rgya mtsho'i gtam la mos pa/ 'jig rten rgyang pan pa'i tshig la zhugs pa rnams yongs su skyo ba bskyed pa'i phyir </font><hr>Cha31b<br><font size=+1>


kye ma'o| |bskal pa du mar yongs su bsgrubs pa'i chos kyi sgron ma chen po ni/ nub par gyur ma khad do/ /zhes chos dang ldan pa'i 'o dod bos te yongs su skyo bar 'gyur ba'i gtam byas nas de steng gi nam mkha'i dbyings su ta la bdun tsam du mngon par 'phags nas 'od 'phro ba kha dog mtha' yas pa'i sprin rab tu bkye ste/ 'od zer gyi dra ba'i rgyan chen po kha dog sna tshogs dang ldan pa bkye nas 'od kha dog du ma dang ldan pas 'jig rten gyi nyon mongs pa'i gdung ba zhi bar byas te sems can mtha' dang dbus med pa dag kyang byang chub la rab tu bkod do/ /de bzhin gshegs pa'i bstan pa de yang phyir gsal bar byas te lo stong phrag drug cur gnas par gyur to/ /de'i tshe 'khor los bsgyur ba'i rgyal po nyi ma ltar bzhin mdog dri ma med pa de nyid kyi bu mo dge slong ma chos kyi 'khor los sprul pa'i 'od ces bya ba dge slong ma brgya phrag stong gi 'khor dang ldan pa byung ste/ des yongs su skyo bar 'gyur ba'i sgra de thos nas cho 'phrul chen po de mthong ste/ 'khor dang bcas pas byang chub tu sems bskyed nas dge slong ma brgya phrag stong po de dag kyang bla na med pa yang dag par rdzogs pa'i byang chub las phyir mi ldog par byas te/ de bzhin gshegs pa mngon du 'gyur ba la yang dag par gzhol ba zhes bya ba'i ting nge 'dzin kyang rab tu </font><hr>Cha32a<br><font size=+1>


@#/ /thob par gyur te/ /de bzhin gshegs pa thams cad kyi chos kyi 'khor los sprul pa'i 'od ces bya ba'i gzungs kyang rab tu thob bo/ /chos rgya mtsho'i tshul thams cad la 'jug pa zhes bya ba'i shes rab kyi pha rol tu phyin pa yang rab tu thob par gyur to/ /dge slong mchos kyi 'khor los sprul pa'i 'od kyis kyang de bzhin gshegs pa thams cad kyi bstan pa las byung ba'i 'od kyi sgron ma zhes bya ba'i ting nge 'dzin dang / byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa 'di yang shin tu phra zhing 'jam pa'i tshul du rab tu thob par gyur te/ de thob pas de la de bzhin gshegs pa chos rgya mtsho thams cad kyi dbyangs 'od kyi rgyal po'i rnam par 'phrul pa de dag thams cad kyang mngon du gyur to/ /rigs kyi bu/ de la ji snyam du sems/ de'i tshe de'i dus na 'khor los bsgyur ba'i rgyal po nyi ma ltar bzhin mdog dri ma med pa zhes bya ba de bzhin gshegs pa chos rgya mtsho thams cad kyi dbyangs 'od kyi rgyal po'i bstan pa la rab tu byung ste chos kyi 'khor lo rjes su bskor ba dang / yongs su mya ngan las 'das nas kyang bstan pa nub tu cha ba'i che dang dus na bstan pa yongs su 'dzin cing chos kyi sgron ma chen po 'bar </font><hr>Cha32b<br><font size=+1>


bar byed pa de gzhan zhig yin pa snyam du sems na ni/ rigs kyi bu/ khyod kyis de lta mi blta ste/ byang chub sems dpa' kun tu bzang po ni/ de'i tshe de'i dus na 'khor los bsgyur ba'i rgyal po nyi ma ltar bzhin mdog dri ma med pa zhes bya bar gyur to/ /rigs kyi bu/ de la ji snyam du sems/ de'i tshe de'i dus na 'khor los bsgyur ba'i rgyal po nyi ma ltar bzhin mdog dri ma med pa'i bu mo dge slong ma chos kyi 'khor lo sprul pa'i 'od ces bya ba/ dge slong ma brgya phrag stong gi 'khor dang ldan pa byung ba de gzhan zhig yin pa snyam du sems na ni| de ltar mi blta ste/ kho mo ni/ de'i tshe de'i dus na/ dge slong ma chos kyi 'khor los sprul pa'i 'od ces bya bar gyur te/ de ltar kho mos de bzhin gshegs pa chos rgya mtsho thams cad kyi dbyangs 'od kyi rgyal po'i bstan pa'ang yongs su bzung ngo / /dge slong ma brgya phrag stong po de dag kyang bla na med pa yang dag par rdzogs pa'i byang chub las phyir mi ldog par byas te/ de bzhin gshegs pa mngon du gyur pa la yang dag par gzhol ba'i ting nge 'dzin la'ang rab tu bkod do/ /de bzhin gshegs pa thams cad kyi 'khor los sprul pa'i 'od kyi gzungs dang / chos rgya mtsho'i tshul thams cad la 'jug pa'i shes rab kyi pha rol tu phyin pa la'ang rab tu bkod do/ /de bzhin gshegs pa de'i 'og tu </font><hr>Cha33a<br><font size=+1>


@#/ /kho mos de bzhin gshegs pa chos dri ma med pa'i ri bo ye shes kyi rtse mo'i 'od cas bya ba bsnyen bkur to/ /de'i 'og tu de bzhin gshegs pa chos kyi dkyil 'khor gyi 'od rab tu snang ba'i gtsug phud ces bya ba bsnyen bkur to/ /de'i 'og tu de bzhin gshegs pa chos kyi nyi ma dpal gyi sprin ces bya ba bsnyen bkur to| |de'i 'og tu de bzhin gshegs pa chos rgya mtsho shin tu bstan pa'i dbyangs zhes bya ba bsnyen bkur to/ /de'i 'og tu de bzhin gshegs pa chos kyi nyi ma'i dkyil 'khor ye shes kyi sgron ma zhes bya ba bsnyen bkur to/ /de'i 'og tu de bzhin gshegs pa chos kyi me tog dpal gyi rgyal mtshan gyi sprin ces bya ba bsnyen bkur to/ /de'i 'og tu de bzhin gshegs pa chos kyi 'od 'phro ri bo dpal gyi rgyal po zhes bya ba bsnyen bkur to/ /de'i 'og tu de bzhin gshegs pa chos kyi tshul zab mo dpal gyi zla ba zhes bya ba bsnyen bkur to/ /de'i 'og tu de bzhin gshegs pa chos kyi ye shes yang dag par byung ba kun tu snang ba'i snying po zhes bya ba bsnyen bkur to/ /de'i 'og tu de bzhin gshegs pa ye shes 'byung gnas gtsug phud ces bya ba bsnyen bkur to/ /de'i 'og tu de bzhin gshegs pa ri'i dbang po dpal gyi snying po'i rgyal po zhes bya </font><hr>Cha33b<br><font size=+1>


ba bsnyen bkur to/ /de'i 'og tu de bzhin gshegs pa sgo kun nas mkhyen pa'i ri bzang po zhes bya ba bsnyen bkur to/ /de'i 'og tu de bzhin gshegs pa chos thams cad kyi brtson 'grus drag po'i rgyal mtshan zhes bya ba bsnyen bkur to/ /de'i 'og tu de bzhin gshegs pa chos rin po che'i me tog dpal gyi sprin ces bya ba bsnyen bkur to/ /de'i 'og tu de bzhin gshegs pa 'od zab mo zhi ba brtsegs pa zhes bya ba bsnyen bkur to/ /de'i 'og tu de bzhin gshegs pa 'od zer gyi tshul rab tu snang ba'i 'od kyi zla ba zhes bya ba bsnyen bkur to/ /de'i 'og tu de bzhin gshegs pa ye shes 'od 'phro dpal gyi rgyal mtshan zhes bya ba bsnyen bkur to/ /de'i 'og tu de bzhin gshegs pa ye shes kun tu bzang po'i dkyil 'khor ces bya ba bsnyen bkur to/ /de'i 'og tu de bzhin gshegs pa spyi'u tshugs kyi phyogs ye shes kyi snang bar mdzad pa'i rgyal po zhes bya ba bsnyen bkur to/ / de'i 'og tu de bzhin gshegs pa 'od zer gyi me tog kun tu rgyas pa'i sgron ma zhes bya ba bsnyen bkur to/ /de'i 'og tu de bzhin gshegs pa ye shes seng+ge'i dpal gyi rgyal mtshan rgyal po zhes bya ba bsnyen bkur to/ /de'i 'og tu de bzhin gshegs pa 'od nyi ma kun tu snang ba'i rgyal po zhes bya ba bsnyen bkur to/ /de'i 'og tu de bzhin gshegs pa </font><hr>Cha34a<br><font size=+1>


@#/ /mtshan rin po ches rnam par brgyan pa'i ri bo zhes bya ba bsnyen bkur to/ /de'i 'og tu de bzhin gshegs pa nyi ma rnam par gnon pas kun tu snang ba zhes bya ba bsnyen bkur to/ /de'i 'og tu de bzhin gshegs pa chos kyi dra ba rnam par sangs rgyas pa'i dpal gyi zla ba zhes bya ba bsnyen bkur to/ /de'i 'og tu de bzhin gshegs pa chos kyi pad+mo rab tu rgyas pa'i dpal gyi sprin ces bya ba bsnyen bkur to/ /de'i 'og tu de bzhin gshegs pa mtshan gyi nyi ma'i 'khor lo kun tu snang ba zhes bya ba bsnyen bkur to/ /de'i 'og tu de bzhin gshegs pa mi bsnyengs pa'i rdo rje seng+ge mthu bo che zhes bya ba bsnyen bkur to/ /de'i 'og tu de bzhin gshegs pa ye shes rgyal mtshan kun tu dpa' ba zhes bya ba bsnyen bkur to/ /de'i 'og tu de bzhin gshegs pa sku chos kyi pad+mo'i me tog shin tu rgyas pa zhes bya ba bsnyen bkur to/ / de'i 'og tu de bzhin gshegs pa yon tan me tog dpal gyi rgyal mtshan zhes bya ba bsnyen bkur to/ /de'i 'og tu de bzhin gshegs pa chos kyi dbyig ri bo snang ba'i phung po zhes bya ba bsnyen bkur to/ /de'i 'og tu de bzhin gshegs pa ye shes spos 'od 'phro sprin ces bya ba bsnyen bkur to/ /de'i 'og tu de bzhin gshegs pa sgo kun nas </font><hr>Cha34b<br><font size=+1>


chos ston pa'i ri bo'i 'od ces bya ba bsnyen bkur to/ /de'i 'og tu de bzhin gshegs pa snying po byang chub rnam par sangs rgyas pa'i dpal gyi zla ba zhes bya ba bsnyen bkur to/ /de'i 'og tu de bzhin gshegs pa chos kyi sgron ma rab tu 'bar ba'i dpal gyi zla ba zhes bya ba bsnyen bkur to/ /de'i 'og tu de bzhin gshegs pa gzugs brnyan kun tu snang ba'i gtsug phud ces bya ba bsnyen bkur to/ /de'i 'og tu de bzhin gshegs pa chos kyi sprin gyi rgyal mtshan sgron ma zhes bya ba bsnyen bkur to/ /de'i 'og tu de bzhin gshegs pa rdo rje ltar brtan pa'i rgyal mtshan rgya mtsho'i sprin ces bya ba bsnyen bkur to/ /de'i 'og tu de bzhin gshegs pa grags pa'i ri bo dpal gyi sprin ces bya ba bsnyen bkur to| |de'i 'og tu de bzhin gshegs pa tsan+dan dpal gyi zla ba zhes bya ba bsnyen bkur to/ /de'i 'og tu de bzhin gshegs pa dpal gyi me tog kun nas rgyas pa'i gzi brjid snang ba zhes bya ba bsnyen bkur to/ /de'i 'og tu de bzhin gshegs pa sems can thams cad du snang ba'i rgyal po zhes bya ba bsnyen bkur to/ /de'i 'og tu de bzhin gshegs pa yon tan pad+mo dpal gyi snying po zhes bya ba bsnyen bkur to/ /de'i 'og tu de bzhin gshegs pa spos kyi 'od 'phro ba rab tu snang ba'i rgyal po zhes bya ba bsnyen bkur to/ /de'i 'og </font><hr>Cha35a<br><font size=+1>


@#/ /tu de bzhin gshegs pa rgyu pad+mo zhes bya ba bsnyen bkur to/ /de'i 'og tu de bzhin gshegs pa mtshan gyi ri bo rnam par snang ba zhes bya ba bsnyen bkur to/ /de'i 'og tu de bzhin gshegs pa snyan pa kun tu rnam par grags pa'i rgyal mtshan zhes bya ba bsnyen bkur to/ /de'i 'og tu de bzhin gshegs pa ye shes kun tu snang ba'i ri bo zhes bya ba bsnyen bkur to/ /de'i 'og tu de bzhin gshegs pa chos kyi grong khyer rab tu snang ba'i dpal zhes bya ba bsnyen bkur to/ /de'i 'og tu de bzhin gshegs pa shing gi ri bo gzi brjid ces bya ba bsnyen bkur to/ /de'i 'og tu de bzhin gshegs pa dpal kun tu rnam par snang ba'i dpal zhes bya ba bsnyen bkur to/ /de'i 'og tu de bzhin gshegs pa chos rgya mtsho'i nga ro rab tu sgrog pa'i 'od ces bya ba bsnyen bkur to/ /de'i 'og tu de bzhin gshegs pa chos thams cad kyi gnas bsgrub pa yongs su sgrub pa'i gzi brjid ces bya ba bsnyen bkur to/ /de'i 'og tu de bzhin gshegs pa ye shes kun tu snang ba'i dam pa zhes bya ba bsnyen bkur to/ /de'i 'og tu de bzhin gshegs pa mtshan dam pa'i dpal zhes bya ba bsnyen bkur to/ /de'i 'og tu de bzhin gshegs pa chos kyi stobs kyis dpa' ba'i </font><hr>Cha35b<br><font size=+1>


rgyal mtshan zhes bya ba bsnyen bkur to/ /de'i 'og tu de bzhin gshegs pa chos kyi 'khor lo 'od kyi dbyangs zhes bya ba bsnyen bkur to/ /de'i 'og tu de bzhin gshegs pa 'od zer yon tan bya ba \?\ dpan ye shes dang shes rab kyi 'od ces bya ba bsnyen bkur to/ /de'i 'og tu de bzhin gshegs pa chos kyi 'khor lo zla bas 'phags pa'i dpal zhes bya ba bsnyen bkur to/ /de'i 'og tu de bzhin gshegs pa chos kyi pad+mo rnam par snang bas rnam par sangs rgyas pa'i dpal zhes bya ba bsnyen bkur to/ /de'i 'og tu de bzhin gshegs pa rin chen pad+mo snang ba'i snying po zhes bya ba bsnyen bkur to/ /de'i 'og tu de bzhin gshegs pa rin chen dpal gyi rtse mo'i sprin rab tu snang ba zhes bya ba bsnyen bkur to/ /de'i 'og tu de bzhin gshegs pa ye shes kyi me tog kun nas rnam par dag pa zhes bya ba bsnyen bkur to/ /de'i 'og tu de bzhin gshegs pa 'od zer dpal gyi ri po'i snying po zhes bya ba bsnyen bkur to/ /de'i 'og tu de bzhin gshegs pa 'od zer dkyil 'khor spo'i rgyal po zhes bya ba bsnyen bkur to/ /de'i 'og tu de bzhin gshegs pa bsod nams sna tshogs kyi sprin ces bya ba bsnyen bkur to/ /de'i 'og tu de bzhin gshegs pa chos kyi ri bo rgyal mtshan gyi sprin zhes bya ba bsnyen bkur to/ /de'i 'og tu de </font><hr>Cha36a<br><font size=+1>


@#/ /bzhin gshegs pa yon tan ri bo'i gzi brjid ces bya ba bsnyen bkur to/ /de'i 'og tu de bzhin gshegs pa chos kyi nyi ma'i sprin rab tu snang ba zhes bya ba bsnyen bkur to/ /de'i 'og tu de bzhin gshegs pa chos kyi sprin snyan pa rnam par grags pa zhes bya ba bsnyen bkur to/ /de'i 'og tu de bzhin gshegs pa chos kyi dkyil 'khor na bun sprin ces bya ba bsnyen bkur to/ /de'i 'og tu de bzhin gshegs pa byang chub rnam par sangs rgyas pa'i ye shes gzi brjid ces bya ba bsnyen bkur to/ / de'i 'og tu de bzhin gshegs pa chos kyi dkyil 'khor rnam par sangs rgyas pa'i dpal gyi zla ba zhes bya ba bsnyen bkur to/ /de'i 'og tu de bzhin gshegs pa gser rin po che'i ri bo gzi brjid bzang po zhes bya ba bsnyen bkur to/ /de'i 'og tu de bzhin gshegs pa dpal gyi ri bo gzi brjid bzang po zhes bya ba bsnyen bkur to/ /de'i 'og tu de bzhin gshegs pa shes rab kyi sgra kun nas 'byung ba'i sprin cas bya ba bsnyen bkur to/ /de'i 'og tu de bzhin gshegs pa chos kyi stobs kyi dpal brtsegs pa zhes bya ba bsnyen bkur to/ /de'i 'og tu de bzhin gshegs pa spos 'od 'bro ba'i sprin phun sum tshogs pa'i rgyal po zhes bya ba bsnyen bkur to/ /de'i 'og tu de bzhin gshegs </font><hr>Cha36b<br><font size=+1>


pa gser rin po che'i ri'i dbyangs zhes bya ba bsnyen bkur to/ /de'i 'og tu de bzhin gshegs pa gtsug tor gyi mdzod chos thams cad kyi dkyil 'khor gyi sprin ces bya ba bsnyen bkur to/ /de'i 'og tu de bzhin gshegs pa chos kyi 'khor lo rab tu 'bar ba'i gzi brjid rgyal po zhes bya ba bsnyen bkur to/ /de'i 'og tu de bzhin gshegs pa rtse mo mngon par 'phags pa'i gzi brjid ces bya ba bsnyen bkur to/ /de'i 'og tu de bzhin gshegs pa brtson 'grus kyi sgron ma kun tu snang ba'i sprin ces bya ba bsnyen bkur to/ /de'i 'og tu de bzhin gshegs pa ting nge 'dzin gyi phyag rgya shin tu yangs pa'i cod pan shes rab kyi 'od ces bya ba bsnyen bkur to/ /de'i 'og tu de bzhin gshegs pa rin po che yid du 'ong ba'i dpal gyi rgyal po zhes bya ba bsnyen bkur to/ /de'i 'og tu de bzhin gshegs pa chos kyi sgron ma rin chen bla re'i dbyangs zhes bya ba bsnyen bkur to/ / de'i 'og tu de bzhin gshegs pa chos kyi nam mkha' la seng+ge'i 'od shin tu mdzes pa zhes bya ba bsnyen bkur to/ /de'i 'og tu de bzhin gshegs pa mtshan gyis rnam par brgyan pa'i rgyal mtshan zla ba zhes bya ba bsnyen bkur to/ /de'i 'og tu de bzhin gshegs pa 'od zer gyi ri bo rnam par snang ba'i sprin ces bya ba bsnyen bkur to/ /de'i 'og tu de bzhin </font><hr>Cha37a<br><font size=+1>


@#/ /gshegs pa chos kyi nam mkha' sgrib pa med pa'i 'od ces bya ba bsnyen bkur to/ /de'i 'og tu de bzhin gshegs pa mtshan yid du 'ong ba'i me tog gi yan lag shin tu rgyas pa zhes bya ba bsnyen bkur to/ /de'i 'og tu de bzhin gshegs pa 'jig rten gyi dbang po dam pa'i 'od kyi dbyangs zhes bya ba bsnyen bkur to/ /de'i 'og tu de bzhin gshegs pa chos thams cad ting nge 'dzin gyi 'od kyi dbyangs zhes bya ba bsnyen bkur to/ /de'i 'og tu de bzhin gshegs pa chos kyi sgo'i dbyangs mang po'i mdzod ces bya ba bsnyen bkur to/ /de'i 'og tu de bzhin gshegs pa chos 'bar ba'i 'od 'phro rgya mtsho'i dbyangs zhes bya ba bsnyen bkur to/ / de'i 'og tu de bzhin gshegs pa dus gsum gyi mtshan rab tu snang ba'i gzi brjid ces bya ba bsnyen bkur to/ /de'i 'og tu de bzhin gshegs pa chos kyi dkyil 'khor dpal gyi ri bo snang ba'i 'od ces bya ba bsnyen bkur to/ /de'i 'og tu de bzhin gshegs pa chos kyi dbyings kyi seng+ge'i 'od ces bya ba bsnyen bkur to/ /de'i 'og tu de bzhin gshegs pa rnam par snang mdzad dpal gyi ri rab ces bya ba bsnyen bkur to/ /de'i 'og tu de bzhin gshegs pa ting nge 'dzin rgya mtsho thams cad snang bar </font><hr>Cha37b<br><font size=+1>


mdzad pa'i seng+ge zhes bya ba bsnyen bkur to/ /de'i 'og tu de bzhin gshegs pa ye shes kyi 'od kun tu snang ba zhes bya ba bsnyen bkur to/ /de'i 'og tu de bzhin gshegs pa shes rab kyi 'od kun tu gsal ba chos kyi grong khyer rab tu snang ba zhes bya ba bsnyen bkur to/ /de ltar rigs kyi bu / sangs rgyas brgya po 'di dag la sogs pa bskal pa mdog dri ma med pa'i 'od ces bya ba la de bzhin gshegs pa ri rab kyi rdul shin tu phra ba snyed cig byung ste/ rigs kyi bu/ de bzhin gshegs pa ri rab kyi rdul shin tu phra ba snyed po de dag thams cad kyi tha mar de bzhin gshegs pa chos kyi dbyings kyi grong khyer ye shes kyi 'od kyis rab tu snang ba'i rgyal po zhes bya ba byung bar gyur te/ de ltar rigs kyi bu| kho mos de bzhin gshegs pa ri rab kyi rdul shin tu phra ba snyed po de dag las chos kyi rgya mtsho thams cad kyi dbyings kyi 'od kyi rgyal po zhes bya ba la sogs pa tha ma chos kyi dbyings kyi grong khyer ye shes kyis rab tu snang ba'i bar de dag thams cad kho mos mchod do/ /de bzhin gshegs pa de dag thams cad la kho mos rim gror byas so// thams cad kyi chos bstan pa yang thos so/ /de bzhin gshegs pa de dag thams cad kyi bstan pa la yang kho mo rab tu byung ngo / /de bzhin gshegs pa de dag thams cad kyi </font><hr>Cha38a<br><font size=+1>


@#/ /bstan pa yang kho mos yongs su bzung ngo / /byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa 'di yang de bzhin gshegs pa de dag thams cad las thob pa'i tshul rnam pa sna tshogs kyis rab tu thob bo/ de bzhin gshegs pa de dag thams cad kyi zhabs kyi drung du'ang kho mos sems can rgya mtsho mtha' dang dbus med pa yongs su smin par byas so/ /de tshun chad du bskal pa sangs rgyas kyi zhing gi rdul shin tu phra ba snyed la de bzhin gshegs pa ji snyed cig byung bar gyur pa de dag thams cad ni/ kho mos chos kyi nan tan gyis mchod pa byas te/ rigs kyi bu/ de phyin chad du kho mos sems can 'khor ba'i mun pa na 'khod cing mi shes pa'i gnyid kyis log pa rnams kyi mel tshe byas so/ /de dag gi sems kyi grong khyer yang yongs su bsrungs so/ /de dag khams gsum gyi grong khyer nas gyen du bskyod cing thams cad mkhyen pa nyid kyi grong rdal du'ang rab tu bkod do/ /rigs kyi bu/ kho mos byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa 'jig rten gyi tshig kyal ba rnam par zlog pa/ gnyis su smra ba med pa la rab tu 'god pa/ bden pa la rab </font><hr>Cha38b<br><font size=+1>


tu gzhog pa'i mthar phyin pa 'di shes par zad na/ kho mos byang chub sems dpa' dag gi lam gyi rang bzhin thams cad thogs pa med par shes pa/ sems kyi skad cig re re la chos thams cad mngon par 'tshang rgya bar dbang bsgyur ba/ sems can thams cad kyi sgra skad dang tshig rgya mtsho la zhugs pa/ skad rgya mtsho thams cad mngon par 'du bya ba la mkhas pa/ chos thams cad kyi grangs dang / ming rgya mtsho'i tshul dang chog la mkhas pa/ chos thams cad la yang dag par gzhol ba'i gzungs rgya mtsho la dbang bsgyur ba/ sems can thams cad kyi bsam pa ji lta ba bzhin du chos kyi sprin mngon par sgrub pa la mkhas pa/ sems can thams cad yongs su smin par bya ba dang gdul bar spyod pa'i mthar phyin par byed pa de dag gi spyod pa shes pa'am/ yon tan brjod pa'am/ sems can thams cad yongs su sdud pa'i nan tan shes par bya ba'am/ byang chub sems dpa'i lam bla na med par brtsams pa'i sbyor ba'am/ byang chub sems dpa'i ye shes shin tu phra ba khong du chud pa'am/ byang chub sems dpa'i chos kyi gter dang / mdzod rnam par 'byed pa'i khyu mchog gi mthu'am/ byang chub sems dpa'i chos kyi gtam la seng+ge'i khri yongs su gnan par bya ba shes par nus re ska na/ de ci'i phyir zhe na/ </font><hr>Cha39a<br><font size=+1>


@#/ /skyes bu dam pa de dag ni/ chos thams cad kyi sa'i dkyil 'khor gyi gzungs yongs su gnon pa sha stag go /song rigs kyi bu/ bcom ldan 'das rnam par snang mdzad kyi zhabs kyi drung 'di nyid du mtshan mo'i lha mo shing thams cad kyi me tog rgyas pas bde bar gnas pa zhes bya ba 'dug ste/ kho mo dang rgyang mi ring ba zhig na 'dug gi /de'i gan du song la ji ltar byang chub sems dpa' rnams thams cad mkhyen pa nyid du slob pa dang / ji ltar nan tan du byed cing / sems can thams cad thams cad mkhyen pa nyid du 'god par byed pa dris shig /de nas mtshan mo'i lha mo grong khyer thams cad srung ba 'byung ba'i gzi brjid dpal gyis de'i tshe byang chub sems dpa'i rnam par thar pa sgra yid du 'ong ba dang / rnam par 'phrul ba zab mo la 'jug pa 'di nyid brnan te bstan pa'i phyir tshong dpon gyi bu nor bzang la tshigs su bcad de smras pa/ rnam thar gang gis dus gsum rgyal ba ma lus dang / /chos dbyings kun tu 'byams klas mtha' dang dbus med pa/ /shes byed mtshan nyid kun gyi gzhir thug rtogs pa yi/ /rgyal sras rnams kyi rnam thar zab cing blta bar dka'/ /tshogs las byung ba'i rnam thar tshul ni mtha' yas te/ /chos nyid thob pas tshad med bsam du med pa yin/ /yongs su 'phel zhing </font><hr>Cha39b<br><font size=+1>


kun tu chags med shugs drag par/ /dus gsum byams pa'i tshul gyi lam la 'jug par gyis/ /'di ltar sangs rgyas zhing rgyud rdul phran rab snyed kyi/ /bskal pa 'das pa'i snga rol sngon gyi zhing byung ba/ /'jig rten khams ni chos 'od sprin gyi grong khyer dpal/ /bskal pa byung ba dri med mdog tu 'od chen no/ /bskal pa de gcig rgyal ba'i gdung ni rgyud ma chad/ /sangs rgyas ri rab rdul phran rab snyed byung bar gyur/ /bde gshegs chos kyi rgya mtsho 'od dbyangs rgyal po ni/ /thog mar byung ste de dag bskal pa dang po pa| |rgyal ba chos sprin grong khyer 'od snang rgyal po ni/ /bde gshegs de dag kun gyi tha mar 'jig rten byung / /de dag kun gyi spyan sngar phyin te kho mos mchod/ /de dag kun las chos kyang dga' ba chen pos thos/ /kho mos thog mar mthong ba gser mdog 'od mnga' ba/ /rgya mtsho'i chos 'od sgrog pa'i gsung gi rgyal po ste/ /mtshan rab sum cu gnyis kyis yongs brgyan ri bo 'dra/ /mthong nas bdag ni bde gshegs 'gyur snyam blo gros gyur/ /de bzhin gshegs pa de ni kho mos mthong mod la/ /thams cad mkhyen nyid 'byams klas 'byung ba'i rgyu rkyen gyis/ /mkha' dbyings rnam yangs de bzhin nyid kyi rang bzhin can/ /rgyal ba'i sems kyi dang po stobs ldan rab tu skyes/ /snying rje bdud rtsi rgya mtsho che las </font><hr>Cha40a<br><font size=+1>


@#/ /byung ba des/ /dus gsum gshegs pa'i bde bar gshegs pa thams cad kun/ /rgyal sras rgya mtshos bskor ba ma lus thams cad dang / /sems can rgya mtshor bcas pa'i rgya mtsho'i zhing yang rgyas/ /lus kyis zhing rnams thams cad ma lus khyab bya dang / /'gro ba kun gyi bsam pa bzhin du lus bstan phyir/ /zhing rnams ma lus bskyod cing snang bar bya ba dang / /'gro ba smin bya'i don du bdag gis sems kyang bskyed/ /rgyal ba gnyis pa'i spyan sngar kho mo phyin nas kyang / /zhing rnams rgya mtsho bcu bzhugs rgyal ba'i dbang po mthong / /rgyal ba tha ma mthong nas zhing gi rgya mtsho rnams/ /rgya mtsho'i zhing gi rdul phran rab snyed bzhugs pa mthong / /de yi tshu rol bskal pa zhing rgyud rdul snyed du/ /rgyal ba 'gro ba'i sgron ma ji snyed skyes gyur pa/ /de dag thams cad spyan sngar kho mo phyin gyur te/ /rnam thar rgya mtsho'i tshul 'di sbyong tshe mchod pa byas// de nas tshong dpon gyi bu nor bzang byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa thob pa/ ting nge 'dzin gyi sgo rgya mtsho mtha' dang dbus med pa la zhugs pa/ gzungs kyi sgo rgya mtsho rgya chen po las byung ba'i sems dang ldan pa/ byang chub sems dpa'i mngon par shes pa'i snang ba chen po </font><hr>Cha40b<br><font size=+1>


rab tu thob pa/ tha dad pa yang dag par shes pa chen po rgya mtsho la zhugs pa/ dga' ba'i shugs rgya mtsho shin tu yangs pa rnam par 'phel ba'i sems dang ldan pa nges mtshan mo'i lha mo grong khyer thams cad srung ba 'byung ba'i gzi brjid dpal la tshul dang mthun pa'i tshigs su bcad pa 'di dag gis mngon par bstod do/ /khyod kyi shes rab chos yangs rgya mtsho kun la spyod/ /srid pa'i rgya mtsho mtha' dbus med par khyod kyis spyad/ /ye shes lus mchog snying po tshe ring snyun bral ba/ /lha mo khyod ni 'khor 'dir byon cing rnam par mdzes| |chos kyi rang bzhin nam mkha' lta bur thugs chud de/ /dus gsum kun gyi tshul yang chags med thugs chud mdzad/ /thugs kyi skad cig gcig la tshad med bsam yas pa'i/ /dmigs pa thams cad rtog pa mi mngar 'jal ba mdzad/ /ye shes spyan mnga' chos nyid sems can med gzigs kyang / /sems can rgya mtsho mtha' yas thugs rjes gzigs pa mdzad/ /thugs kyi rnam thar shin tu yangs la 'jug mdzad cing / /sems can tshad med 'dul zhing yongs su smin par mdzad/ /khyod ni chos kyi dkyil 'khor rnam dpyad tshul mkhyen te/ /chos kyi rang bzhin shes bya'i tshul la rnam sangs rgyas/ /'phags lam dri ma med pa thams cad yongs bsgoms te/ /'gro ba ma lus rnam par sbyong zhing </font><hr>Cha41a<br><font size=+1>


@#/ /yongs su 'byung / /thams cad mkhyen pa'i ye shes dri med rtogs mdzad pas/ /khyod ni sems can rgya mtsho'i mchog las mngon par skyes/ /khyod ni chos dbyings khong chud sems can kun khyab par/ /chos rab bstan cing 'jig rten 'jigs pa zhi bar mdzad/ /khyod ni rnam par snang mdzad smon lam lam tshul gyis/ /yang dag bzhud cing chags med blo yangs dri med ldan/ /thams cad bgod pa'i rgyal ba'i stobs ni thugs chud cing / /zhing rnams kun gyi rgyal ba rnam par 'phrul pa gzigs/ / khyod kyi thugs ni mkha' 'dra thub par dka' ba ste/ /nyon mongs kun gyi dri mas ma gos snga nas dag /der ni dus gsum byung ba'i zhing rnams thams cad dang / /sangs rgyas sras dang bcas pa sems can kun bcas 'dus/ /skad cig gcig gis nyin mtshan yud du zla ba dang / /skad cig yud tsam lo dang 'du 'jig bskal pa dang / /bskal pa rgya mtsho ming grangs rgya mtshor bcas pa dang / /'gro ba rnams kyi 'du shes rgya mtsho'ang thugs su chud/ /phyogs rnams kun gyi sems can skye 'chi ji snyed dang / /gzugs yod pa dang gzugs med 'du shes yod med kyi/ /rnam spyod bden pa'i tshul ni thugs su chud mdzad cing / /de dag lam bstan byang chub mchog tu 'god pa mdzad/ /rnam par </font><hr>Cha41b<br><font size=+1>


snang mdzad smon lam dra ba'i rigs las byung / /bde gshegs kun gyi sku gcig tshul las yang dag 'khrungs/ /khyod ni chos sku yongs dag thugs la chags mi mnga'/ / 'jig rten kun tu sku gzugs yid bzhin ston pa mdzad/ /de nas tshong dpon gyi bu nor bzang gis mtshan mo'i lha mo grong khyer thams cad srung ba 'byung ba'i gzi brjid dpal la tshul dang 'dra ba'i tshigs su bcad pa de dag gis mngon par bstod de/ mtshan mo'i lha mo grong khyer thams cad srung ba 'byung ba'i gzi brjid dpal gyi rkang pa gnyis la spyi bos phyag 'tshal nas mtshan mo'i lha mo grong khyer thams cad srung ba 'byung ba'i gzi brjid dpal la lan brgya stong du mar g.yas phyogs su bskor ba byas te yang dang yang bltas nas mtshan mo'i lha mo grong khyer thams cad srung ba 'byung ba'i gzi brjid dpal gyi drung nas song ngo / /shin tu rgyas pa chen po'i mdo/ sangs rgyas phal po che zhes bya ba las| sdong pos brgyan pa'i le'u ste/ bam po brgya gsum pa/ de nas tshong dpon gyi bu nor bzang byang chub sems dpa'i rnam par thar pa sgra yid du 'ong ba dang / rnam par 'phrul pa zab mo la 'jug pa de/ de bas kyang rgya cher sgom pa dang / yid ches par bya ba dang / shin tu rgyas par byed cing / mtshan mo'i lha mo shing thams cad kyi me tog rgyas </font><hr>Cha42a<br><font size=+1>


@#/ /pas bde bar gnas pa gang na ba der phyin nas mtshan mo'i lha mo shing thams cad kyi me tog rgyas pas bde bar gnas pa spos rin po che thams cad kyi shing gi yal ga'i khang pa brtsegs pa zhig na seng+ge'i khri rin po che'i shing gi myu gu'i snying po can zhig la 'dug ste/ mtshan mo'i lha mo stong phrag bcus kun nas bskor cing 'dug pa mthong ngo / /de nas tshong dpon gyi bu nor bzang gis mtshan mo'i lha mo shing thams cad kyi me tog rgyas pas bde bar gnas pa'i rkang pa gnyis la spyi bos phyag 'tshal te mdun du 'dug nas thal mo sbyar te 'di skad ces smras so/ /lha mo/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpa' rnams byang chub sems dpa'i spyad pa spyod pa dang / ji ltar slob pa dang / ji ltar spyod ji ltar slob cing thams cad mkhyen pa nyid du 'byung ba bdag la bshad du gsol/ de skad ces smras pa dang / mtshan mo'i lha mo shing thams cad kyi me tog rgyas pas bde bar gnas pas tshong dpon gyi bu nor bzang la 'di skad ces smras so/ /rigs kyi bu/ kho mo'i mthus ni/ mi mjed kyi 'jig rten gyi khams na nyi ma nub tu cha ba'i tshe pad+mo shin tu rgyas pa rnams kyang rnam par 'dzum par 'gyur ro// </font><hr>Cha42b<br><font size=+1>


skyes pa dang bud med bza' shing gi ra ba na gnas shing dga' bar rtse ba la brtson pa dag kyang khyim du 'dong pa'i blo skyed do/ /lam dang srang na rgyu ba'i sems can rnams kyang zhag gi gnas sems shing tshol te/ 'gro ba'i gnas thams cad du mngon par gzhol bar 'gyur ro/ /nags tshal dang / gseb dang / phug la brten pa'i sems can rnams kyang nags tshal dang / gseb dang / phug tu 'dong ngo / /shing la gnas pa'i sems can rnams kyang shing gi gnas la brten par mngon par gzhol lo/ /khung na gnas pa'i sems can rnams kyang khung du 'dong ngo / /grong dang / grong khyer dang / ljongs dang / yul la gnas pa'i sems can rnams kyang grong dang / grong khyer dang / ljongs dang / yul du 'dong ngo // chu na gnas pa'i sems can rnams kyang chur 'dong ngo / /phyogs gzhan gyi yul du phyin pa'i sems can rnams kyang nub mo bde zhing dga' bar gnas pa'i don du rang rang gi yul gyi phyogs kyi bsam pa skyed do/ /rigs kyi bu/ gzhan yang kho mo ni/ skyes pa dang / bud med gzhon nu dar la bab pa/ dar ba'i nyams drod kyis myos pa dang / glu dang / gar dang / rol mo'i dga' bas myos pa dang / 'dod pa'i yon tan la dga' zhing brtson pa rnams la skye ba dang / rga shi dang / gti mug gi mun pa chen pos 'jigs pa'i gnyen por dag </font><hr>Cha43a<br><font size=+1>


@#/ /ba'i rtsa ba yongs su bskyed pa'i phyir brtson 'grus kyi legs pa'i bsngags pa byed do/ /sems can ser sna dang ldan pa rnams ni/ sbyin pa la rab tu sbyor ro/ /sems can tshul khrims ngan pa can rnams ni/ tshul khrims la rab tu 'god do/ /ngan sems dang ldan pa'i sems can rnams la ni/ byams pa'i legs pa rjod par byed do/ /sems 'khrugs pa'i sems can rnams ni/ bzod pa la rab tu 'god do/ /le lo can gyi sems can rnams ni/ byang chub sems dpa'i brtson 'grus brtsam pa la rab tu 'god do/ /sems rnam par myos pa'i sems can rnams ni/ bsam gtan la rab tu 'god do/ /shes rab 'chal ba can gyi sems can rnams ni/ shes rab kyi pha rol tu phyin pa la yongs su sbyor ro/ /theg pa dma' ba la mos pa'i sems can rnams ni/ theg pa chen po la rab tu 'god do/ / khams gsum la mngon par zhen pa'i sems can rnams ni/ byang chub sems dpa'i smon lam gyi pha rol tu phyin pa srid pa'i lam gyi rgyud mthar phyin pa'i dkyil 'khor la spyod pa la rab tu 'god do/ /dmigs pa'i dbang du gyur pa'i sems can las dang nyon mongs pas rab tu mnar ba/ bsod nams dang ye shes kyi stobs med pa rnams </font><hr>Cha43b<br><font size=+1>


ni| byang chub sems dpa'i stobs kyi pha rol tu phyin pa la rab tu 'god do/ /mi shes pa'i mun nag gis khebs pa'i sems can bdag tu bya ba dang / bdag gir bya bas ma rig pa'i mun nag tu 'thom pa rnams ni/ byang chub sems dpa'i ye shes kyi pha rol tu phyin pa la rab tu 'god do/ /rigs kyi bu/ gzhan yang kho mo ni/ byang chub sems dpa'i rnam par thar pa dga' ba'i 'od spro ba yangs pa yang dag par 'byung ba thob pa'o/ /nor bzang gis smras pa/ lha mo/ byang chub sems dpa'i rnam par thar pa dga' ba'i 'od spro ba yangs pa yang dag par 'byung ba de'i yul ji lta bu zhig mchis/ smras pa/ rigs kyi bu/ rnam par thar pa de ni/ de bzhin gshegs pa'i bsod nams kyis sems can yongs su sdud pa'i ye shes dang thabs snang ba dang ldan pa ste/ de ci'i phyir zhe na/ rigs kyi bu/ sems can rnams kyi bde ba nyams su myong ba ji snyed cig yod pa de dag thams cad ni/ de bzhin gshegs pa'i bsod nams kyi mthus byung ba'o/ /de bzhin gshegs pa'i gdams ngag gi tshul gyis byung ba'o/ /de bzhin gshegs pa'i gsung la nan tan du byas pas byung ba'o/ /de bzhin gshegs pa'i rjes su bslab pas byung ba'o/ /de bzhin gshegs pa'i byin gyi rlabs kyis byung ba'o/ /de bzhin </font><hr>Cha44a<br><font size=+1>


@#/ /gshegs pas bstan pa'i lam la nan tan du byas pas byung ba'o/ /de bzhin gshegs pa dang tshul 'dra ba'i dge ba'i rtsa ba bskyed pas byung ba'o/ /de bzhin gshegs pas chos bstan pa'i mthun pa'i rgyus byung ba'o/ /de bzhin gshegs pa'i ye shes kyi nyi ma snang bas byung ba'o/ /rigs kyi bu/ de bzhin gshegs pa'i rigs kyi chos dkar po'i dkyil 'khor gyi snang bas ni/ sems can rnams kyi bde ba yongs su 'byung ste/ de ci'i phyir zhe na/ 'di ltar rigs kyi bu/ kho mos byang chub sems dpa'i rnam par thar pa dga' ba'i 'od spro ba yangs pa yang dag par 'byung ba 'di la 'jug pa'i tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad kyi sngon gyi byang chub sems dpa'i spyod pa rgya mtsho rjes su dran par byed cing / 'jug pa dang khong du chud par byed pa'i tshe 'di ltar bcom ldan 'das sngon byang chub sems dpa'i sa la bzhugs pas sems can bdag tu bya ba dang / bdag gir bya ba la mngon par zhen pa/ ma rig pa'i mun pas 'thom pa/ lta ba thibs po'i lta bas dgon par 'khyams pa/ sred pa'i dbang du gyur pa/ 'dod chags kyi bcings pas glags pa/ zhe sdang gis khong khro </font><hr>Cha44b<br><font size=+1>


ba'i sems dang ldan pa/ gti mug gis sems kyi rgyud 'khrugs par gyur pa/ phrag dog dang ser sna kun nas 'khor ba/ nyon mongs pas rab tu dkrugs pa'i sems dang ldan pa| 'khor ba'i sdug bsngal chen po nyams su myong bar gyur pa/ 'khor ba na phongs pa'i sdug bsngal gyis rab tu gzir ba/ sangs rgyas blta ba las phyir phyogs par gyur pa thams cad gzigs nas thugs rje chen po'i thugs skyes par gyur to/ /sems can thams cad kyi don du 'gro ba thams cad la yo byad dang rin po ches yongs su bsdu zhing yongs su sdud pa'i thugs dang / sems can thams cad kyi 'khor ba'i yo byad yongs su sgrub pa'i thugs dang / dngos po thams cad la chags pa mi mnga' ba'i thugs dang / yul thams cad la ye rngam pa mi mnga' ba'i thugs dang / dga' ba thams cad la chags pa mi mnga' ba'i thugs dang / longs spyod thams cad la yongs su ma zhen pa'i thugs dang / sbyin pa thams cad la rnam par smin pa la re ba med pa'i thugs dang / 'jig rten gyi phun sum tshogs pa thams cad la bzhed pa mi mnga' ba'i thugs dang / rgyu dang rkyen la ma rmongs pa'i thugs dang / legs par btsal ba'i chos la yang dag pa ji lta ba bzhin du mkhyen pa'i thugs dang / sems can thams cad kyi </font><hr>Cha45a<br><font size=+1>


@#/ /don la gzhol bar bya ba mngon par sgrub pa'i thugs yang dag par skyes par gyur to/ /de de ltar chos thams cad kyi rang bzhin la yang dag par zhugs pa'i thugs dang ldan pa/ sems can gyi khams thams cad du byams pa chen pos snyoms par zhugs pa/ 'gro ba thams cad thugs rje chen po'i sprin gyis rgyas par dgang ba'i sbyor ba mnga' ba/ sems can gyi 'jig rten thams cad kun nas khebs pa'i chos kyi gdugs chen po'i dkyil 'khor mnga' ba/ sems can thams cad kyi nyon mongs pa'i ri rnam par 'joms pa'i ye shes rdo rje'i mtshon cha mnga' ba/ 'gro ba thams cad kyi bde ba yongs su sgrub pas dgyes pa'i shugs rnam par 'phel ba'i thugs mnga' ba/ sems can thams cad la bde ba phul du phyin par mngon par sgrub pa'i smon lam gyi thugs mnga' ba/ bsam pa dang smon pa ji lta ba bzhin du sems can thams cad la nor gyi char rab tu dbab pa'i thugs mnga' ba/ sems can thams cad yongs su mi gtong zhing snyoms par sbyor ba'i thugs mnga' ba/ 'phags pa'i nor gyis sems can thams cad tshim par mdzad pa'i thugs mnga' ba/ stobs bcu'i ye shes rin po che phul du dri ma med pa thob par mdzad pa'i thugs mnga' ba/ byang </font><hr>Cha45b<br><font size=+1>


chub sems dpa'i mngon par shes pa chen po'i stobs dang shugs rab tu brnyes pa de/ byang chub sems dpa'i rnam par 'phrul pa sna tshogs kyi sprin chen pos sems can gyi khams chos kyi dbyings kyis klas pa/ nam mkha'i mthas gtugs pa thams cad rgyas par bkang ste sems can thams cad la mngon par gyur par bzhugs shing sbyin pa'i dmigs pa thams cad kyi sprin gyi char chen po rnam pa thams cad du dbab pa dang / rin po che'i rgyan thams cad kyi sprin chen po'i char mngon par 'bebs pa mdzad de/ 'di ltar sems can thams cad so so'i tshul dang ji ltar mthun pas longs spyod par bya ba'i phyir dngos po rnam pa tha dad pa mtha' yas pa dang / yo byad rnam pa tha dad pa tshad med pa la spyad par bya ba dang / sbyin pa rnam pa sna tshogs thams cad kyis yongs su bsdu ba'i tshul dang / dngos po yongs su gtang ba rnam pa du ma la yongs su spyad pa dang / yo byad kyi rnam pa dang / rgyan gyi 'du byed brjod du med pa dang / sbyin pa'i tshogs rnam pa sna tshogs mtshan nyid sna tshogs dang ldan pa/ sems can rnams bsam pa ji lta ba bzhin du yongs su tshim par bya ba'i sbyin pa'i tshul mtha' yas pa thugs su chud pas sems can gyi bsam pa ji lta ba bzhin du yongs su tshim par bya ba/ mngon par bsgrubs pa'i dngos po </font><hr>Cha46a<br><font size=+1>


@#/ /thams cad gtang ba dang / yongs su gtang ba dang / sbyin pa bya ba dang / 'gro ba thams cad kyi 'du byed kyi sdug bsngal rgyun mi 'chad pa las yongs su bskyab pa'i tshul du bya ba rnams sems can thams cad la lan la re ba mi mnga' ba dang / 'gro ba thams cad la mnyam pa nyid du 'byung ba'i thugs mnga' bas 'gro ba thams cad kyi sems rin po che yongs su sbyong ba mdzad cing / sangs rgyas thams cad kyi dge ba'i rtsa ba rgya mtsho gcig tu gyur pa las byung ba'i yongs su bsdu ba'i tshul 'gro ba thams cad kyi bsam pa ji lta ba bzhin du yo byad kyi char dbab pa/ 'gro ba thams cad la thams cad mkhyen pa'i bsod nams rgya mtsho'i shugs rnam par 'phel bar mdzad pas thugs kyi skad cig re re la sems can ma lus pa thams cad yongs su smin par bya ba dang / gdul ba gcig nas gcig tu brgyud pa rnam par dag par bya ba'i phyir mngon par sgrub pa mdzad pa dang / thugs kyi skad cig re re zhing gcig nas gcig tu brgyud pa ma lus pa thams cad sangs rgyas kyi zhing nye bar nyon mongs pa med cing bla na med pa'i rgyan rnam par dag pas rnam par klubs shing rab tu brgyan pa yongs su rdzogs par bya ba dang / thugs kyi skad cig re re la chos kyi </font><hr>Cha46b<br><font size=+1>


tshul rgya mtsho ma lus pa thams cad rgyas par dgang bar rnam par dag par bya ba dang / thugs kyi skad cig re re la nam mkha'i dbyings kyi gtos ma lus pa thams cad rgyas par dgang ba'i ye shes kyi tshul yongs su rdzogs par bya ba dang / thugs kyi skad cig re re la sems can dang dus ma lus pa thams cad la 'jug pa'i ye shes kyi tshul rnam par dag par bya ba dang / thugs kyi skad cig re re la 'gro ba ma lus pa thams cad rnam par 'dul ba'i ye shes kyi tshul snang ba rab tu thob par bya ba dang / thugs kyi skad cig re re la dus ma lus pa thams cad du chos kyi 'khor lo bskor ba las phyir mi ldog par bya ba dang / thugs kyi skad cig re re la thams cad mkhyen pa'i ye shes kyi byin gyi rlabs la mkhas pa ma lus par yongs su bstan pas 'gro ba thams cad la phan thogs par bya ba dang / thugs kyi skad cig re re la 'jig rten gyi khams ma lus pa'i grangs su bya ba'i rgyud dang ldan pa/ 'jig rten gyi khams rgya mtsho thams cad mngon par bstan pa/ 'jig rten gyi khams rgya mtsho thams cad yongs su 'du ba/ 'jig rten gyi khams 'byams klas pa sna tshogs brjod du yod pa/ 'jig rten gyi khams kyi rgyud rnam par gnas pa sna tshogs kyis mtshams rnam par 'dul ba/ gzhi sna tshogs dang / lhun du mar brjod du </font><hr>Cha47a<br><font size=+1>


@#/ /yod pa/ rnam par phye ba sna tshogs kyi bskal pa rnam pa tha dad pa bstan du yod pa/ kun nas nyon mongs shing rnam par dag pa dang / rnam par dag cing kun nas nyon mongs pa dang / gcig tu yongs su dag pa dang / gcig tu kun nas nyon mongs pa dang / che ba dang / yangs pa dang / tshad med pa dang / dog pa dang / phra ba dang / rgya che ba dang / gzhi mnyam pa dang snrel zhi dang / spyi'u tshugs dang / phyogs dang phyogs mtshams su mngon par bltas pa dang / phyogs rgya mtsho sna tshogs su yongs su gzhol ba/ sgo sna tshogs nas bstan cing sgo mtha' yas pa'i dbyibs rnam pa sna tshogs su 'dug pa'i rnam par phye ba sna tshogs dang ldan pa'i 'jig rten gyi khams rgya mtsho thams cad du byang chub sems dpa'i spyod pa spyod de/ byang chub sems dpa'i skyon med pa yongs su mnan nas byang chub sems dpa'i spyod pa dang / rnam par 'phrul pas rgyas par dgang bar bya ba dang / thugs kyi skad cig re re la dus gsum gyi sangs rgyas kyi 'phrin las ma lus pa thams cad sems can pha rol gyi sems dang bsam pas rnam par dmigs par bya ba'i phyir 'gro ba thams cad la thams cad mkhyen pa'i bsod nams rgya mtsho'i shugs rnam par 'phel bar mdzad de/ mngon par sgrub </font><hr>Cha47b<br><font size=+1>


pa mdzad par gyur pas mngon par shes so/ /rjes su dran no/ /rigs kyi bu/ de ltar bcom ldan 'das de bzhin gshegs pa rnam par snang mdzad sngon byang chub sems dpa'i spyod pa mdzad pa'i tshe 'jig rten gnas pa bsod nams dang ye shes kyi tshogs dang bral ba/ sems can byas pa drin du mi gzo bas yongs su gang ba/ mi shes pa'i mun pas chod pa| bdag tu bya ba dang / bdag gir bya ba la mngon par zhen pa/ ma rig pa'i mun pa rab rib kyis bsgribs pa/ tshul bzhin ma yin par rnam par rtog pa la zhugs pa| lta ba thibs po bas dgon par mgo brlags pa/ rgyu dang 'bras bu la mgo rmongs pa/ nyon mongs pa dang las kyi dbang du gyur pa/ 'khor ba'i mya ngam chen po'i sdug bsngal gyi sa'i 'og tu lhung ba/ phongs pa'i sdug bsngal sna tshogs nyams su myong bar gyur pa rnams la thugs rje chen po bskyed de/ pha rol tu phyin pa sbyang ba'i sprin chen po mngon par bsgrubs te dge ba'i rtsa ba la brten par gnas pa/ yongs su bsngags pa dang sems can thams cad kyi 'khor ba'i phongs pa'i sdug bsngal rnam par bzlog pa dang / bsod nams dang ye shes kyi tshogs chen po la mngon par mos par bya ba dang / rgyu'i dkyil 'khor gyi phyogs mngon par bstan pa dang / las dang chos su mi 'gal </font><hr>Cha48a<br><font size=+1>


@#/ /ba'i phyogs rab tu brjod pa dang / sangs rgyas kyi chos kyi dkyil 'khor yongs su bsdu ba'i phyogs snang bar bya ba dang / sems can thams cad kyi mos pa'i phyogs rab tu brjod par bya ba dang / sems can thams cad kyi zhing yongs su sgrub pa'i phyogs legs par bstan pa dang / de bzhin gshegs pa thams cad kyi rigs mi gcad pa'i phyogs kyi rjes su 'brang bar bya ba dang / sangs rgyas thams cad kyi bstan pa'i phyogs yongs su gzung ba dang / mi dge ba'i chos thams cad kyi phyogs rnam par bzlog pa dang / thams cad mkhyen pa nyid kyi tshogs kyi phyogs yongs su brjod pa mdzad de/ pha rol tu phyin pa'i sprin chen pos sems can gyi khams thams cad rgyas par bkang ste mngon par bsgrubs nas bsam pa ji lta ba bzhin du sems can tshim par 'gyur bar chos kyis shin tu bsdu ba la sems can rab tu dgod par mdzad do/ /thams cad mkhyen pa nyid kyi tshogs la yang dag par bskul to/ /byang chub sems dpa'i pha rol tu phyin pa chen po la rab tu btsud do/ /'phags pa'i nor thams cad rab tu thob par bya bas nye bar bstan to/ /thams cad mkhyen pa nyid du 'dun pa'i shugs kyis sems can rnams dge ba'i rtsa ba rgya mtsho rnam par </font><hr>Cha48b<br><font size=+1>


'phags par mdzad do/ /de bzhin gshegs pa rnam par 'phrul pa'i sgor yang de dag rab tu btsud de/ phung po shin tu zhi ba'i bde bas yongs su bsdu ba bsdus te/ de bzhin gshegs pa'i bdag nyid che ba la mngon du mos par byas nas byang chub sems dpas yongs su bzung ba'i ye shes la rab tu bkod do/ /nor bzang gis smras pa/ 'phags ma khyod bla na med pa yang dag par rdzogs pa'i byang chub tu yang dag par zhugs nas ji srid cig lags/ smras pa/ rigs kyi bu/ gnas 'di ni/ yid ches par dka' ba ste/ shes par dka' ba'o/ /mos par dka' ba'o/ /'jug par dka' ba'o/ /brjod par dka' ba'o/ /khong du chud par dka' ba ste/ lha dang bcas pa'i 'jig rten dang / nyan thos dang rang sangs rgyas thams cad kyis kyang khong du chud par mi nus so/ /gzhan du na de bzhin gshegs pa'i byin gyi rlabs dang / dge ba'i bshes gnyen gyis yongs su bzung ba ma gtogs te/ gnas 'di ni/ sems can 'khor ba'i bde ba thams cad la mngon par 'dod pa med pa/ de bzhin gshegs pa'i bde ba la lhag par dmigs pa/ sems can thams cad kyi sdug bsngal dang yid mi bde ba rab tu zhi bar bya ba la zhugs pa/ de bzhin gshegs pa'i yon tan rgya mtsho la 'jug pa'i nan tan la mngon par mos pa/ </font><hr>Cha49a<br><font size=+1>


@#/ /chos thams cad kyi rang bzhin nges par rtogs pa/ nam mkha'i spyod yul dang ldan pa/ mos pa yangs pa'i lam gyis rnam par dag pa/ 'khor ba'i rgyun las phyir phyogs pa/ de bzhin gshegs pa thams cad kyi ye shes rgya mtsho la mngon par mos pa/ chos kyi grong khyer du 'gro bar gcig tu chad pa/ de bzhin gshegs pa'i yul yongs su gnon pa'i brtson 'grus can/ sangs rgyas kyi sa'i rgyud rnam par gnon pa/ thams cad mkhyen pa'i stobs yongs su rdzogs par bya ba la mngon par mos pa/ stobs bcu rab tu thob par bya ba'i mthar thug pa rnams kyis bsod nams dang / ye shes kyi tshogs yangs pas nye bar bsten pa'i sems dang / bsam pa rnam par dag pa dang ma zhum pa/ nyon mongs pa med pa dang ma yo ba dang / ma nyams pa dang / ma 'chums pa dang / mun pa med pa'i sems dang / ye shes kyi snang ba kun tu snang bas snang bar gyur pa'i sems dang / sems can thams cad la phan pa dang bde bar bya bar shin tu 'dun pa'i sems dang / bdud kyi 'khor dang nyon mongs pa thams cad kyis mi thub pa'i sems dang / thams cad mkhyen pa nyid kyi ye shes thob par bya bar skabs phye ba'i sems kyis kyang khong du </font><hr>Cha49b<br><font size=+1>


chud pa dang / 'jug pa dang / yid ches par bya ba dang / gzung ba dang / rjes su 'brang bar bya ba'am/ shes par bya ba mi nus so/ /de ci'i phyir zhe na/ rigs kyi bu/ gnas 'di ni/ de bzhin gshegs pa'i ye shes kyi yul te/ byang chub sems dpa' thams cad kyis yongs su ma non na/ sems can gzhan thams cad kyis lta ci zhig smos/ 'on kyang sems can cang shes rnams kyi bsam pa phun sum tshogs pa rnam par dag par bya ba dang / dge ba'i rtsa ba la spyod pa'i sems can rnams kyi lhag pa'i bsam pa dbang du 'gyur bar bya ba dang / khyod kyis bsam pa thag pa nas yongs su dris pa'i lung bstan pa'i chos nyid rab tu 'byung ba thob par bya ba'i phyir de bzhin gshegs pa'i byin gyis bstan to/ /de nas mtshan mo'i lha mo shing thams cad kyi me tog rgyas pas bde bar gnas pas de'i tshe don de nyid brnan te bstan pa'i phyir dus gsum du byung ba'i de bzhin gshegs pa'i yul la rnam par bltas te tshigs su bcad pa 'di dag smras so/ /sangs rgyas sras po khyod kyis gang dris pa/ /de ni bsam yas zab mo sangs rgyas yul/ /bsam yas zhing gi rdul phran rab snyed kyi/ /bskal pa mang pos de kun brjod mi nus/ /sems can 'dod pa'i sems ldan sdang ba dang / /de bzhin </font><hr>Cha50a<br><font size=+1>


@#/ /gti mug mun pas bsgribs pa dang / /'chab dang dregs pas bsam pa nyams gyur pas/ /rgyal ba'i chos nyid zhi ba shes mi nus/ /phrag dog 'jungs pa'i dbang gi rjes 'brang dang / /g.yo sgyus bsam pa rnyog par gyur pa dang / /nyon mongs las kyi sgrib pas bsgribs pa yis/ /sangs rgyas yul 'di shes par mi nus so/ /phung po khams dang skye mched gnas pa dang / /'jig tshogs mang la gnas par gyur pa dang / /lta sems 'du shes phyin ci log gyur pas/ /zhi ba'i sa 'di shes par mi nus so/ /rgyal ba'i yul ni shes dka' zhi ba ste/ /rang bzhin dri med rnam par rtog pa med/ /srid par brten cing 'khor la chags pa yis/ / chos 'di yang dag shes par mi nus so/ /sangs rgyas rigs su rigs ldan gang skyes pa/ /de bzhin gshegs pa kun gyis byin brlabs shing / /chos kyi rgyal po'i gdung rabs yongs 'dzin pa/ /drang srong de dag yul ni 'di yin no/ /dkar chos rgya mtshos mi ngoms sems ldan zhing / /gang rnams dge ba'i bshes kyis yongs bzung ste/ /thub pa'i stobs la dmigs pa'i sems sprin can/ /de dag 'di thos bzod pa thob par 'gyur/ /gang rnams bsam pa dri med rnams rtog med/ /bar snang </font><hr>Cha50b<br><font size=+1>


mkha' bzhin phyogs dang phyogs mtshams su/ /mun pa rnam bsal blo gros sgron ma'i sprin/ /dri med de dag spyod yul 'di yin no/ /snying rje'i bsam pas 'gro ba rgya mtsho rnams/ / dus gsum byung ba gang rnams rgyas byed cing / /sems can ma lus rjes 'brang byams pa can/ /de dag rgyal ba'i tshul 'dir 'jug par 'gyur/ /gang rnams 'dzin med dga' ba'i sems ldan zhing / /rtag par bdog pa thams cad sbyin brtson la/ /sems can kun la mnyam par zhugs gyur pa/ /chags med de dag spyod yul sa 'di yin/ /nyon mongs med sems bskyod med spyod ldan zhing / /gang rnams 'gyod pa rnams bsal la sems ldan te/ /sangs rgyas gdams ngag nan tan byed ldan pa/ /dri med de dag spyod yul 'di yin no| |gang rnams mi sgul sems ldan mi bskyod sems/ /chos kyi rang bzhin rtogs pa'i sems ldan zhing / /las kyi rgya mtshor mi 'gal sems ldan pa/ /mi bzad de dag rnam thar 'di yin no/ /gang rnams mi skyo'i sems dang mi ldog sems/ /brtson 'grus mthu dang rtsal du ldan pa rnams/ /thams cad mkhyen tshogs brtson 'grus mtha' yas pa/ /brtul zhugs bzang ldan de dag yul 'di yin/ /zhi ba'i sems ldan mnyam par bzhag pa gang / /shin tu zhir gyur rim dang bral ba rnams/ /kun </font><hr>Cha51a<br><font size=+1>


@#/ /mkhyen bsam gtan yan lag mchor spyod pa/ /rab tu zhi ba de dag tshul 'di yin/ /gang rnams chags pa kun las sems grol zhing / / chos kyi rang bzhin khong du chud sems can/ /rgyal ba'i chos dbyings rtogs par khong chud pa/ /shes rab sgron ma de dag tshul 'di yin/ /sems can rang bzhin rtogs sems ldan gyur cing / /gang rnams srid pa'i mtsho la chags med sems/ /sems can sems la gzugs brnyan zla 'char ba/ /lam mkhan de dag rnam thar 'di yin no| |dus gsum byung ba'i rgyal ba rgya mtsho rnams/ /smon lam gang chen mtsho rgyud skyes pa yi/ /zhing rnams kun tu phyi ma'i mthar spyod pa/ /kun tu bzang po de dag tshul 'di yin/ /gang rnams chos dbyings tshul rnams rgya mtsho yis/ /'gro ba rgya mtsho 'du dang 'jig pa yi/ /bskal par bcas pa khong du chud pa rnams/ /rtog med de dag rnam thar 'di yin no/ /zhing rnams kun gyi rdul phran thams cad la/ /sangs rgyas grangs med shing rgyal drung bzhugs shing / /byang chub 'tshang rgya 'gro 'dul mthong ba yi/ /chags med dmigs can de dag tshul 'di yin/ /khyod ni bskal pa rgya mtsho rgya chen du/ /dge ba'i bshes gnyen mang po bsnyen bkur te/ /chos </font><hr>Cha51b<br><font size=+1>


'dod chos tshol mi skyo 'dir phyin pas/ /thos nas de ni yongs su gzung bar nus/ /khyod kyi bsam pa yongs su sbyang ba'i phyir/ /bde gshegs byin rlabs bsam gyis mi khyab pas/ /rnam par snang mdzad tshad med yul 'di yang / /kho mo'i tshig las chags pa med par 'byung / /rigs kyi bu/ sngon byung ba'i dus bskal pa 'jig rten gyi khams kyi rdul shin tu phra ba snyed kyi pha rol de'i yang pha snga zhig tu 'jig rten gyi khams rgya mtsho gser rin po che'i ri spos rnam par snang ba zhes bya ba byung ste/ rigs kyi bu/ 'jig rten gyi khams rgya mtsho gser rin po che'i ri spos rnam par snang ba der de bzhin gshegs pa ye shes ri bo'i 'od chos kyi dbyings su snang ba'i gzi brjid rgyal po zhes bya ba byung ste/ de bzhin gshegs pa ye shes kyi ri bo'i 'od chos kyi dbyings su snang ba'i gzi brjid rgyal po de/ sngon byang chub sems dpa'i spyod pa mdzad pa'i tshe 'jig rten gyi khams rgya mtsho gser rin po che'i ri spos rnam par snang ba zhes bya ba/ 'jig rten gyi khams rgya mtsho'i sa dang ri rdul shin tu phra ba snyed kyi 'jig rten gyi khams 'byams klas pa bstan du yod pa dang ldan pa/ 'jig rten gyi khams kyi rgyud re re zhing yang bskal pa'i grangs shin tu bstan pa 'jig rten gyi khams kyi rdul shin tu phra ba snyed dang </font><hr>Cha52a<br><font size=+1>


@#/ /ldan pa| bskal pa re re zhing yang bskal pa bar ma shin tu bstan pa du ma dang ldan pa/ bskal pa bar ma re re zhing yang 'jig rten gyi khams rnam pa tha dad du bya ba bstan pa du ma dang ldan pa/ de bzhin gshegs pa 'byung ba dang / rdzu 'phrul sna tshogs bstan du yod pa/ de bzhin gshegs pa byung ba re re zhing yang mdo sde yang dag par bstan pa 'jig rten gyi khams kyi rdul shin tu phra ba snyed brjod du yod pa/ mdo sde re re la yang byang chub sems dpa'i lung bstan pa 'jig rten gyi khams brjod du med pa'i rdul shin tu phra ba snyed bstan du yod pa/ sems can 'dul ba mtha' dang dbus med pa shin tu bstan pa tha dad pa'i tshul gyis bsgrubs pa/ sangs rgyas kyi rnam par 'phrul pa dang / cho 'phrul sna tshogs kyis rnam par 'dul ba dang ldan pa yongs su sbyangs te/ rigs kyi bu/ 'jig rten gyi khams rgya mtsho gser rin po che'i ri spos rnam par snang ba der 'jig rten gyi khams bar ma'i rgyud phyogs kun tu mngon par bltas pa'i sgo rgyal mtshan gyis rnam par brgyan pa zhes bya ba byung ste| rigs kyi bu/ 'jig rten gyi khams bar ma'i rgyud phyogs kun tu sgo mngon par bltas pa rgyal mtshan gyis rnam par brgyan pa der 'jig rten gyi khams rin </font><hr>Cha52b<br><font size=+1>


po che thams cad kyi mdog kun tu snang ba'i dpal yon bya ba 'jig rten gyi khams kyi gzhi dang / mtshams kyi rgyan rin po che'i rgyal po de bzhin gshegs pa thams cad kyi snying po byang chub rab tu snang ba las byas pa/ rin po che sna tshogs kyi me tog rgya mtsho la gnas pa/ lhun rin po che'i rgyal po de bzhin gshegs pa thams cad kyi sprul pa'i gzugs brnyan rab tu ston pa las bsgrubs pa/ lha'i grong khyer gyi dbyibs su 'dug pa/ rnam par dag cing kun nas nyon mongs pa byang bar gyur te/ 'jig rten gyi khams der gling bzhi pa'i 'jig rten gyi khams ri rab kyi rdul shin tu phra ba snyed byung bar gyur to/ /gling bzhi pa'i ri rab kyi rdul shin tu phra ba snyed po de dag gi gling bzhi pa dbu ma rin po che sna tshogs kyi rtse mo'i rgyal mtshan zhes bya ba byung ste/ gling bzhi pa'i 'jig rten gyi khams rin po che sna tshogs kyi rtse mo'i rgyal mtshan der gling mchu zhang du dpag tshad brgya phrag stong yod pa bzhi byung nas gling re re la yang grong khyer chen po stong phrag re re byung ngo / /gling bzhi pa de'i gling gi dbus su rgyal po'i gnas rin po che'i gnas rin po che'i sa las rnam par brgyan pa sprin gyi sgron ma zhes bya ba grong khyer stong phrag bcu'i 'khor dang ldan par byung ngo / /de'i tshe 'dzam bu'i gling de'i mi rnams kyang tshe'i tshad lo </font><hr>Cha53a<br><font size=+1>


@#/ /stong phrag bcu thub par gyur to/ /rgyal po'i gnas rin po che'i sa las rnam par brgyan pa sprin gyi sgron ma der 'khor los bsgyur ba'i rgyal po chos thams cad kyi nga ro'i gdugs kyi dkyil 'khor rab tu sgrog pa zhes bya ba byung ste/ 'khor los bsgyur ba'i rgyal po chos thams cad kyi nga ro'i gdugs kyi dkyil 'khor rab tu sgrog pa de'i blon po ni/ lnga brgya byung ngo / /btsun mo ni/ stong phrag drug byung ngo / /sras ni/ kun kyang dpa' ba/ rtul phod pa/ yan lag dam pa'i gzugs dang ldan pa| blta na sdug pa/ gzi brjid che ba/ stobs che ba brgya phrag bdun byung ngo / /rgyal po chos thams cad kyi nga ro'i gdugs kyi dkyil 'khor rab tu sgrog pa de'i tshe la dzam+bu'i gling thams cad kyang gdugs gcig gis bskyangs par gyur te pha rol gyi 'khor dang dgra thams cad kyang shin tu chom par gyur to/ /de'i tshe 'jig rten gyi khams der bskal pa bar ma ni/ zad du cha/ rnyog pa lnga 'jig rten du byung / dge ba bcu'i las kyi lam ni/ nub par gyur nas sems can mi dge ba bcu'i lam la spyod pa phal cher ngan song du yang 'dong bar gyur to/ /de dag mi dge ba bcu'i las kyi lam yongs su 'dzin pa'i rgyus tshe thung ba dang / longs spyod chung ba dang / gzugs </font><hr>Cha53b<br><font size=+1>


ma legs pa dang / kha dog mi sdug pa dang / lus ma legs pa dang / bde ba'i rnam pa nyung ba dang / sdug bsngal nyams su myong ba'i rnam pa mang ba dang / phan tshun slu zhing 'drid pa'i rang bzhin can dang / phan tshun dbye ba la zhugs pa dang / zhe gcod pa'i tshig la spyod pa dang / 'chal ba'i tshig tu smra ba dang / 'dod pa mi bzad pas zil gyis non pa dang / zhe sdang ba'i yid kyi rtog pa dang ldan pa/ lta ba'i thibs po sna tshogs kyi mya ngan du 'khyams par gyur nas de dag chos ma yin pa'i 'dod chags la zhen cing 'dod pa mi bzad pas zil gyis non la/ log pa'i chos kyis kun nas 'khor bas sa la shing rtsi dang / lo zas skye bar 'gyur ba'i char yang dus su mi 'bab par 'gyur te/ sems can de dag kyang rtswa dang / gel ba dang / sman dang / nags tshal dang / bza' shing gi ra ba dang / sdong po dag kyang bskams par gyur nas nad sna tshogs kyis thebs shing phyogs dang phyogs mtshams su skyabs med pas phan tshun khod mi myong zhing g.yen spyo bar gyur te/ de dag kun kyang gcig tu 'dus nas rgyal ba'i gnas rin po che'i sa las rnam par brgyan pa sprin gyi sgron ma gang na ba der dong ste kun tu bskor nas la la ni/ lag pa gyen tu bsgreng / la la ni/ thal mo sbyor/ la la ni/ lus shin tu 'dar/ </font><hr>Cha54a<br><font size=+1>


@#/ /la la ni/ gyed/ la la ni/ bub/ la la ni/ lus thams cad kyis phab cing phyag 'tshal/ la la ni/ pus mo sa la 'dzugs/ la la ni/ lag pa nam mkha'i dbyings su g.yo ba/ la la ni/ gos med cing sgren mor 'khod/ la la ni/ kha mig mi sdug par gyur cing rgyal po chos thams cad kyi nga ro'i gdugs kyi dkyil 'khor rab tu sgrog pa la mngon du bltas shing / snying rje rje skad du 'o dod chen po 'bod de/ lha chen po/ bdag cag ni/ nyam thag go /bkres pa dang skom pa'i sdug bsngal gyis rab tu gzir to/ /'jigs pa sna tshogs kyis g.yen spyo'o/ /bdag cag la skyabs su yang ma mchis so/ /bdag cag la mgon dang dpung gnyen ma mchis so/ / sdug bsngal gyi shing thags kyis 'khor to/ /srog chad la thug go /'chi bar gyur ma khad do/ /zhes te/ smre sngags sna tshogs su bla zhing dbyangs kyi rnam pa sna tshogs dang / tshig sna tshogs kyis kha gdong mi sdug par gyur par 'du shes dang / tshig sna tshogs kyi tha snyad dang / cho 'brang dang / skad kyi gdangs don sna tshogs rjod pa'i tshig dang / ngag gis 'o dod bos so/ /rgyal po'i gnas de'i skyes pa dang / bud med dang / khye'u dang / bu mo bkres pa dang / skom pas mnar ba/ lus la rgyan med pa/ sgren </font><hr>Cha54b<br><font size=+1>


mo gos med pa/ kha dog mi sdug pa/ lus gas shing rtsub pa/ sdug bsngal zhing yid mi bde la mi dga' ba de dag thams cad kyang bde ba ni/ mngon par 'dod/ sdug bsngal gyi 'jigs pas ni/ brla khyer nas rgyal po shes pa'i skyes bu chen po chos thams cad kyi nga ro'i gdugs kyi dkyil 'khor rab tu sgrog pa de la bde ba thams cad thob par bya ba'i 'du shes dang / sdug bsngal thams cad dang mi 'grogs par bya ba'i 'du shes dang / 'tsho ba'i bsam pa dang ldan zhing gter thob par bya ba'i 'du shes dang / mu stegs mthong bar bya ba'i 'du shes dang / lam chen po la nan tan du bya ba'i 'du shes dang / gru chen po'i 'du shes dang / ye shes kyi gling chen po'i 'du shes dang / don chen po rab tu thob par bya ba'i 'du shes dang / mtho ris kyi dga' ba dang / bde ba thams cad rab tu thob par bya ba'i 'du shes kyis mgon dang skyabs tshol bar gyur to/ /rgyal po chos thams cad kyi nga ro'i gdugs kyi dkyil 'khor rab tu sgrog pas 'khor kun nas slong ba mang po snying rje rje skad du 'bod pa'i 'o dod chen po de thos nas de snying rje chen po'i sgo brgya stong grangs med pa phrag bcu la zhugs par gyur to/ /de snying rje chen po'i tshul yid la bab pa'i sems su gyur nas yud tsam zhig rtse gcig tu bsam ste snying rje chen po dang ldan pa'i tshig </font><hr>Cha55a<br><font size=+1>


@#/ /bcu brjod do/ /bcu gang zhe na/ kyi hud kye sems can 'di dag ni/ 'khor ba'i g.yang sa chen por lhung yang skyabs med pa lta na/ bdag nam zhig 'khor ba'i g.yang sa chen por lhung ba'i sems can rnams de bzhin gshegs pa'i sa la 'god pas gnas su 'gyur/ kyi hud kyi sems can 'di dag ni/ nyon mongs pa'i gnod pas gtses shing skyabs med pa lta na/ nam zhig bdag sems can nyon mongs pa sna tshogs kyi 'jigs pa dang gnod pas gtses te skyabs med pa rnams kha na ma tho ba med pa'i las kyi mtha' la 'god pas skyabs su 'gyur/ kyi hud kye sems can 'di dag ni/ 'jig rten na rga shi'i 'jigs pas tshar chod cing mgon med pa lta na/ nam zhig bdag sems can mgon med pa rnams kyi 'khor ba'i 'jigs pa thams cad rnam par sel bas mgon du 'gyur/ kyi hud kye sems can 'di dag ni/ 'jig rten gyi 'jigs pa sna tshogs kyis gtses te rten med pa lta na/ nam zhig bdag sems can 'jig rten gyi 'jigs pa sna tshogs kyis gtses pa rnams shin tu bde zhing skyon med pa'i thams cad mkhyen pa'i lam la dgod pas rten du 'gyur/ kyi hud kye sems can 'di dag ni/ ma rig pa'i mun par 'thom ste the tshom dang / yid gnyis kyi rab </font><hr>Cha55b<br><font size=+1>


rib kyis bsgribs pa lta na/ nam zhig bdag sems can thams cad kyi ma rig pa'i mun pa rnam par sel bas sgron mar 'gyur/ kyi hud kye sems can 'di dag ni/ snang ba dang bral ba lta na/ nam zhig bdag ye shes kyi sgo rab rib med pa yongs su ston pas ye shes chen po'i snang ba 'byin par 'gyur/ kyi hud kye sems can 'di dag ni/ phrag dog dang / 'jungs ba dang / g.yo dang / sgyu'i rnyog pas bsam pa rnyog pa can du gyur te ye shes kyi mdog gsal ba med pa lta na/ nam zhig bdag sems can thams cad shin tu dag pa la rab tu gsal bar byed par 'gyur/ kyi hud kye sems can 'di dag ni/ 'khor ba rgya mtsho'i yul gyi rgyud du zhugs shing 'dren pa med pa lta na/ nam zhig bdag sems can chos thams cad chos rgya mtsho'i tshul la 'dzud par gyur cing 'dren par 'ong / kyi hud kye sems can 'di dag ni/ ma dul zhing rnam par 'dren pa med pa lta na/ nam zhig bdag sems can thams cad rnam pa thams cad du yongs su smin par bya ba dang / rnam par gdul ba la de bzhin gshegs pa'i byin gyi rlabs kyis dus las mi 'da' zhing rnam par 'dren par 'ong / kyi hud kye sems can 'di dag ni/ dmus long du gyur te yongs su 'dren pa med pa lta na/ nam zhig bdag sems can thams cad sgrib pa med pa'i thams </font><hr>Cha56a<br><font size=+1>


@#/ /cad mkhyen pa'i ye shes kyi tshul la 'dzud cing yongs su 'dren par 'gyur/ de skad du des snying rje chen po dang ldan pa'i tshig rnam pa bcu brjod nas rgyal po'i gnas der dril chen po brdungs te gtong ba chen po'i rnga bo che'ang yongs su brdungs nas su ci 'dod pa de la de sbyin gyi/ 'gro ba thams cad kyang yongs su tshim par bya'o| |zhes sgra brjod nas des 'dzam bu'i gling thams cad kyi rgyal po'i gnas thams cad dang / grong dang / grong khyer dang / ljongs dang / yul dang / grong rdal thams cad du yo byad thams cad kyi mdzod phye ste/ lam gyi mdo dang / lam gyi sum mdo dang / srang thams cad du'ang yo byad sna tshogs kyi rnam pa mang po bkod de/ 'gro ba thams cad nye bar 'tsho bar bstabs so/ /mdzod dang bang ba thams cad kyang phye ste/ rin po che'i gter chen po dang / tshogs kyang yongs su bstan to/ /rin po che rnam pa sna tshogs kyi phung po du ma yang spungs so/ /zas dang / skom dang / gos dang / bzhen pa dang / me tog dang / phreng ba dang / bdug pa dang / byug pa dang / phye ma dang / gos rin po che kha dog sna tshogs kyi mdzod phye nas khang pa dang / gzhal med khang dang / khyim mang po mal cha dang / stan dang / gos kyis yongs su brgyan te nor dang dbyig thams cad </font><hr>Cha56b<br><font size=+1>


phun sum tshogs par byas nas nor bu rin po che'i rgyal po snang ba'i gzi brjid rnam par bkod pas mun pa rnam par sel ba bshams nas des sems can de dag ci 'dod pa'i bsam pa thams cad yongs su rdzogs par bya ba'i phyir khyim de dag re rer yang rang gi lus dang 'dra ba'i sprul pa'i lus mngon par sprul te kun tu bkod do/ /sems can thams cad kyi nad thams cad gso ba'i phyir sman pa dang / sman dang / rim gro pa dang / 'tsho ba'i yo byad sna tshogs kyi rkyen phun sum tshogs pa yongs su bshams so/ /rin po che sna tshogs kyi snod rnam pa tha dad pa yo byad sna tshogs kyis ci rigs su bkang pa dag kyang nye bar bkod de/ 'di ltar rin po che rdo rje'i snod ni/ spos kyi nor bu rin po che sna tshogs kyis yongs su bkang / spos kyi nor bu rin po che sna tshogs kyi snod ni/ gos kha dog dam pa sna tshogs kyis yongs su bkang ngo / /shing rta mang po dbyibs dang mdog sna tshogs su 'dug pa/ rin po che sna tshogs kyis rab tu brgyan pa/ rta dang glang po dang ba lang cang shes la bcas pa/ rin po che'i shing rta sna tshogs rgyal po'i rkyen du rung ba/ rin po che thams cad kyi rgyan gyi longs spyod dang ldan pa/ stan sna tshogs bting ba/ rin po che sna tshogs kyis rnam par brgyan pa/ bla re sna tshogs bres pa/ rin po che'i dril bu'i dra ba bres pa/ gdugs dang / rgyal </font><hr>Cha57a<br><font size=+1>


@#/ /mtshan dang / ba dan bsgreng bas brgyan pa dag gis kyang yul gyi phyogs gang bar bkod do/ /grong dang / grong khyer dang / ljongs dang / yul thams cad sbyin par yang 'o dod kyis bsgo'o/ /bza' shing gi ra ba dang / kun dga'i ra ba dang / dka' thub kyi nags tshal sna tshogs yongs su gtang ba dang / khyim dang / chung ma dang| bu dang / bu mo thams cad yongs su gtang ba dang / rin po che rin thang med pa thams cad yongs su gtang ba dang / rang gi snying dang / rkang dang / rgyu ma dang / mkhal ma dang| tshil dang / sha dang / khrag dang / pags pa dang / rkang lag dang / rna ba dang / mig dang / sna dang / so dang / mchu dang / mgo yongs su gtang ba nas phyi nang gi dngos po thams cad rnam pa thams cad du yongs su gtang bar yang 'o dod kyis bsgo'o/ /des yo byad de lta bu yongs su gtang ba'i rnam pa mang po bshams te bsags nas rgyal po'i gnas rin po che'i sa las rnam par brgyan pa'i sprin gyi sgron ma de'i shar phyogs logs na grong khyer rin chen rtse mo'i gzi brjid ces bya ba'i mdun rol nas gzhi mnyam pa'i phyogs yangs pa mchu zheng du rgya che zhing mnyam pa/ mthon dman med pa/ rnam par dag cing gzhi mnyam pa/ ngam grog dang / g.yang sa dang / sdong dum </font><hr>Cha57b<br><font size=+1>


dang| tsher ma dang / gseg ma dang / gyo mo thams cad med pa/ rin po che thams cad kyi khams las grub pa/ gzhi rin po che thams cad las byas shing rin po che'i rgyal po thams cad bkram pa| nor bu rin po che'i rgyan rnam pa du mas brgyan pa/ rin po che'i me tog sna tshogs kyis gang ba/ phye ma sna tshogs dri shin tu zhim pa'i rdul ldang ba/ bdug spos sna tshogs kyis bdugs pa/ rin po che'i sgron ma dpal gyi gzi brjid can rab tu 'bar ba/ spos dang bdug spos thams cad kyi na bun dang / sprin gyis nam mkha' kun tu khebs pa'i rgyan dang ldan pa| rin po che sna tshogs kyi shing gi phreng ba legs par bkye bas mdzes par brgyan pa/ khang pa dang / gzhal med khang dang / khang pa brtsegs pa sna tshogs kyis yongs su brgyan pa/ gdugs dang / rgyal mtshan dang / ba dan bsgreng ba/ rin po che'i snam bu lding ba/ rnam par snang ba/ rin po che sna tshogs kyi me tog gi dra bas kun nas khebs pa/ rin po che spos thams cad kyi rgyal po'i dra ba'i gdugs kyi dkyil 'khor can/ gser gyi dra ba las rin po che'i dril bu 'khrol ba dang ldan pa/ bla re rin po che sna tshogs kyis rnam par mdzes par byas pas khebs par bres pa/ spos kyi rgyal po sna tshogs kyi phye ma rnam par bkram pa/ rin po che sna tshogs kyi me tog sil mas dga' dga' ltar gang ba/ </font><hr>Cha58a<br><font size=+1>


@#/ /rol mo brdung ba dang dkrol ba bye ba khrag khrig brgya stong gi sgra skad yid du 'ong ba 'byung ba/ rin po che thams cad kyi rgyan sna tshogs rnam par dag pas rnam par brgyan pa/ byang chub sems dpa'i las rnam par smin pas mngon par grub pa zhig yod pa de'i dbus su seng+ge'i khri chen po rin po che sna bcu las grub pa'i sa'i gzhi sna tshogs la gnas pas rin po che'i khri 'phang sna tshogs bcu'i 'khor gyis rnam par mdzes par byas pa/ rin po che'i shing yal ga can bcus stegs bu'i mtshams rnam par klubs pa'i rgyan mdzes pa dang ldan pa/ rdo rje'i 'khor lo'i sa'i gzhi mi shigs pa la rkang pa rab tu brten pa/ rin po che thams cad kyi gzugs dang mdog yongs su 'dzin pa'i stan gyi 'khor lo can/ rin po che du ma las byas pa'i bog re'i rgyan brgya phrag du mas brgyan pa/ rin po che sna tshogs kyi tshom bu rnam pa tha dad pa'i rgyan gyis shin tu brgyan pa/ rin po che'i rgyal mtshan kun nas rnam par phye ste 'phel ba bsgreng ba/ rin po che sna tshogs kyi ba dan dbyangs pa/ rnam pa tha dad pa'i rgyan dang ldan pa/ rin po che'i dril bu'i dra bas brgyan pa'i lha rdzas kyi rin po che sna tshogs dang / gser gyi dra ba sna tshogs rnam par bres pa/ rin po che sna tshogs kyi me tog gi dra ba dang / rin po che'i rgyal </font><hr>Cha58b<br><font size=+1>


po chen po'i dra ba dang / gos rin po che sna tshogs dang / rin po che'i dra ba ci rigs su kun nas bkab cing mdzes par byas pa'i rgyan dang ldan pa/ spos rin po che rnam pa tha dad pa'i tshogs las snyim pas bcus shing sprin mngon par gtor ba/ rin po che'i rgyal po kha dog dang dri bsam gyis mi khyab pa las byung ba'i dbyibs yid du 'ong ba sna tshogs dang / spos thams cad kyi na bun dang sprin 'byung ba/ gam yo nas lha rdzas kyi spos dang bdug spos sna tshogs kyis rab tu bdugs pa/ lha rdzas las kyang 'das pa'i stan reg na bde ba kha dog bzang po du ma can legs par bting ba/ lha rdzas kyi rol mo dang glu snyan pa yid du 'ong pa brgya stong du ma'i sgra kun nas 'byung ba/ rin po che sna tshogs kyi them skas kyi phreng ba gdan gyis rnam par klubs pas rab tu brgyan pa'i rgyan dang ldan pa/ rin po che'i 'bru'i gzugs rin po che sna tshogs kyis spras pa/ rnam par 'phrul pa sna tshogs kyis rnam par snang bar byed pa'i 'od dang ldan pa mngon par grub ste/ de la rgyal po chos thams cad kyi nga ro'i gdugs kyi dkyil 'khor rab tu sgrog pa gzugs bzang pa/ shin tu mdzes pa/ blta na sdug pa| kha dog bzang po dam pa rgyas pa dang ldan pa/ mi chen po'i mtshan rnam par dag pa rab tu thob pa/ rin po che rnam par snang ba'i cod pan can/ rdo rje mthu bo che ltar mkhregs </font><hr>Cha59a<br><font size=+1>


@#/ /shing mi shigs pa'i lus dang ldan pa/ rtsib ma'i mtshams thags bzang zhing brtan par 'brel ba/ yan lag dang nying lag thams cad yongs su bzang ba/ kun nas bzang ba/ kun nas mdzes pa/ kun nas sdug pa/ rnam pa'i mchog thams cad dang ldan pa/ chos kyi rgyal po chen po'i rigs su byung ba/ yo byad thams cad la dbang rab tu thob pa/ chos kyi dbang shin tu rnam par dag pas rang gi sems la dbang bsgyur ba/ tshig gi dkyil 'khor kha ma bab pa/ mi 'khrugs pa'i ye shes dang ldan pa/ chos kyi sbyor ba ma nor ba shin tu brtan par byas pa/ yon tan dang legs pa mtha' yas par brjod du yod pa de 'dug par gyur to/ /rgyal po chos thams cad kyi nga ro'i gdugs kyi dkyil 'khor rab tu sgrog pa de seng+ge'i khri chen po la 'dug pa dang steng gi spyi bo'i thad ka'i bar snang la gdugs kyi dkyil 'khor chen po rin po che sna tshogs rnam par 'brel ba'i yu ba can/ nor bu rin po che dam pa'i mdzod kyi snying po dang ldan pa/ rin po che sna tshogs kyi shar bu brgya stong legs par bres pa/ rin po che du ma'i 'od 'phro ba dpal gyi gzi brjid rab tu 'bar bas rnam par brgyan pa/ 'dzam bu chu klung gi gser 'od 'tsher zhing gsal la rnam par dag pas bla nas </font><hr>Cha59b<br><font size=+1>


bkab pa/ rin po che sna tshogs spa bar spel bas spras pa'i gser gyi dra bas nang shun gyi rgyan byas pa/ mu tig sna tshogs kyi se mo do mngon par dpyangs pa/ rin po che sna tshogs kyi dra bas kun nas bkab pa/ rin po che'i dril bu'i dra ba las gser rin po che'i dril chen rin po che'i chun po'i lda ldi la brgyus pa mngon par dpyangs pa/ nor bu rin po che dam pa'i phreng ba kun nas mngon par dpyangs pa'i rgyan dang ldan pa/ lha rdzas kyi sgra yid du 'ong ba'i gdangs grags par 'byung ba/ sems can thams cad dag pa'i las kyi lam la skul ba'i dril gyi sgra rnam par grags pa byung bar gyur te/ rgyal po chos thams cad kyi nga ro'i gdugs kyi dkyil 'khor rab tu sgrog pa de/ rin po che'i rdul yab kyis mngon par g.yab cing lha'i dbang po brgya byin bas kyang lhag par gzi brjid rab tu 'bar bas shin tu mdzes so/ /de seng+ge'i khri de la 'dug ma thag tu 'gro ba mang po de dag thams cad mngon du gyur te thal mo sbyar nas rgyal po de la phyag 'tshal lo/ /de nas rgyal po chos thams cad kyi nga ro'i gdugs kyi dkyil 'khor rab tu sgrog pa de'i drung du slong ba'i srog chags bye ba khrag khrig brgya stong sna tshogs dngos po sna tshogs yongs su len pa/ yo byad sna tshogs la mos pa/ rigs sna tshogs dang ldan pa/ 'gro ba'i rgyun sna tshogs su gtogs pa/ 'dod </font><hr>Cha60a<br><font size=+1>


@#/ /pa sna tshogs kyi sems dang ldan pa/ smon pa dang bsam pa sna tshogs can/ phyogs sna tshogs nas 'dus pa/ yul gyi spyod pa sna tshogs la gnas pa| longs spyod sna tshogs la mngon par smon pa'i sems dang ldan pa/ bsam pa dang yongs su rtog pa sna tshogs can/ mi'i ris sna tshogs su gtogs pa/ rigs kyi skye gnas sna tshogs su skyes pa/ yul sna tshogs nas 'ongs pa/ sgra skad dang tshig gi 'du byed sna tshogs dang ldan pa/ dbyings kyi dkyil 'khor sna tshogs 'byin pa/ dngos po sna tshogs kyi don du gsol ba 'debs pa/ tshig dang ngag sna tshogs brjod pa/ bsod nams kyi ri rab chen po de 'ba' zhig gi gdong du lta ba/ 'di 'ba' zhig shes pa'i skyes bu chen po yin zhes nges par sems ba/ bsod nams chen pos brtan pa'o/ /skyes bu chen po'i zla ba'o/ /gtong ba chen po'i bsam pa dang ldan pa'o/ /zhes bya bar 'dun pa'i sems kyis rtog pa/ byang chub sems dpa'i smon lam gyi sems kyis 'dug pa/ byang chub sems dpa'i smon lam gyi sems kyis sprul pa'i slong mo pa'i tshogs chen po de mthong nas slong mo ba de dag la sems dga' ba dang / sems mos pa dang / sems spro ba dang / dge ba'i bshes gnyen mthong ba'i 'du shes su </font><hr>Cha60b<br><font size=+1>


gyur to| |snying rje chen po'i shugs drag po shin tu yangs pa yang byung bar gyur to/ /phyi ma'i mtha'i bskal par slong mo ba thams cad yongs su tshim par bya ba las phyir mi ldog pa'i brtson 'grus kyi shugs drag po yang skyes par gyur to/ /'gro ba thams cad du snyoms pa'i sbyor bas yongs su gtang ba'i sems kyis rgyas par dgang ba'i sprin kyang mngon par byung bar gyur te/ rgyal po chos thams cad kyi nga ro'i gdugs kyi dkyil 'khor rab tu sgrog pa des slong mo ba de dag mthong ba'i mod la de'i rgyus ches dga' bar gyur gyi| bskal pas mtshams med pa'i mthas klas par stong gsum gyi 'khor los bsgyur ba'i rgyal po thob pas ni/ ma yin no/ /bskal pa bye ba khrag khrig brgya stong mang po'i mthas klas par brgya byin gyi dbang la gnas pas ni/ ma yin no/ /bskal pa bye ba khrag khrig brgya stong mang po'i mthas klas par rab mtshe ma'i lha'i rgyal po'i dbang la gnas ba thob pas ni/ ma yin no/ /bskal pa bye ba khrag khrig brgya stong mang po'i mthas klas par rab dga' ldan gyi lha'i rgyal po'i dbang la gnas pas ni/ ma yin no// bskal pa tshad med pa'i mthas klas par rab 'phrul dga'i lha'i rgyal po'i dbang phyug gi dbang la gnas pa thob pas ni/ ma yin no/ /bskal pa bsam gyis mi khyab pa'i </font><hr>Cha61a<br><font size=+1>


@#/ /mthas klas par dbang sgyur gyi lha'i rgyal po'i dbang rab tu thob ste lha'i bu mo bzhin bzang mo yid du 'ong bas bsnyen bkur bas ni/ ma yin no/ /bskal pa brjod du med pa'i mthas klas par tshangs pa'i gnas kyi bde bas tshangs pa'i thabs la gnas pa thob pas ni/ ma yin no/ /bskal pa mtha' yas pa'i mthas klas par gya nom snang ba'i lha'i bde ba thob pas ni/ ma yin no/ /bskal pa dpag tu med cing mi zad par dge rgyas kyi lha'i bde ba thob pas ni/ ma yin no/ /bskal pa mu med pa'i mthas klas par gnas gtsang ma'i lha'i rnam par thar pa zhi ba'i bde ba la rnam par spyod pa thob pas ni/ ma yin no/ /rigs kyi bu/ 'di lta ste/ dper na/ skyes bu sred pa la spyod pa pha ma dang / phu nu dang / bu sring dang / mdza' bo dang / blon po dang / gnyen bshes dang / bu dang / bu mo dang / chung ma dang / yun ring mo zhig tu bral la/ 'brog dgon par 'khyams te/ de dag mthong bar 'dod 'dod pa las de dag dang phrad na/ de dag mthong bas mi ngoms shing dga' ba dang / chags pa chen po skye bar 'gyur ro/ / rigs kyi bu/ de bzhin du rgyal po chos thams cad kyi nga ro'i gdugs kyi dkyil 'khor rab tu sgrog pas slong mo ba de dag mthong par gyur pa'i mod la dga' ba'i shugs </font><hr>Cha61b<br><font size=+1>


chen po skyes so/ /sems kyi dga' ba'i ro ba de ba dang ldan par gyur to/ /sems spro ba'i shugs rab tu byung ngo / /rab tu dga' ba chen po'i shugs yongs su skyes so/ /sangs rgyas kyi byang chub tu dad pa dang mos pa'i shugs kyi stobs rgya chen po 'phel to/ /thams cad mkhyen pa nyid du rtsa ba brtan pa'i dad pa rnam par 'phel to/ /sangs rgyas thams cad kyi chos la lhag pa'i bsam pa rnam par dag pa'i stobs mngon par 'phel to/ /byang chub sems dpa'i dbang po las su rung ba yongs su byung ngo / sems dga' bas rgyas pas mos pa'i shugs chen po skyes par gyur to/ /sems spro ba'i shugs yangs pas dge ba'i bshes gnyen la dbang po dang bsam pa shin tu gus par gyur to/ /de ci'i phyir zhe na/ rgyal po chos thams cad kyi nga ro'i gdugs kyi dkyil 'khor rab tu sgrog pa thams cad mkhyen pa nyid du dmigs pa la brtson pa/ thams cad mkhyen pa nyid la rab tu gzhol ba/ thams cad mkhyen pa nyid kyi lam dang sgo la mngon du bltas pa/ 'gro ba thams cad shin tu tshim par bya ba'i yid la bya ba la brtson pa/ sangs rgyas thams cad kyi yon tan rgya mtsho la 'jug pa'i nan tan la 'dun pa/ bdud dang las dang nyon mongs pa'i sgrib pa thams cad kyi ri rnam par 'thor ba la brtson pa/ de bzhin gshegs pa thams cad kyi gdams ngag mthun par blang ba la </font><hr>Cha62a<br><font size=+1>


@#/ /sta gon du gnas pa/ dge ba'i rtsa ba rgya mtsho sgra kun nas yongs su bsdu ba la brtson pa'i snying po can/ mngon par zhen pa thams cad las gyen du 'phags pa'i rgyud dang ldan pa/ 'jig rten gyi yul thams cad la mngon par zhen pa med pa/ chos kyi rang bzhin nam mkha'i spyod yul can des slong mo pa de dag la bu gcig pa'i 'du shes bskyed pa'i phyir ro/ /pha dang ma'i 'du shes dang / sbyin pa'i gnas kyi 'du shes dang / dge ba'i bshes gnyen gyi 'du shes dang / dkon pa'i 'du shes dang / dka' ba byed pa'i 'du shes dang / mang po byas pa'i 'du shes dang / phan 'dogs pa dam pa'i 'du shes dang / byang chub kyi lam nye bar ston pa'i 'du shes dang / mkhan po'i 'du shes dang / ston pa'i 'du shes bskyed pa'i phyir te/ de ltar des slong mo pha de dag don ci la 'ongs pa dang / don ci la phyin pa dang / dus ci tsam na 'dus pa dang / yul gang dang gang na gnas pa dang / dngos po ci dang ci slong ba dang / rnam pa gang 'dod pa dang / bsam pa ci 'dra ba dang / ci dang ci la smon pa dang / ci dang ci 'dod pa dang / dngos po gang dang gang tshol ba de dag thams cad tshul bzhin du mi dga' ba med pa'i byams pa chen po'i dkyil 'khor dang / slong mo pa'i 'gro ba las phyin </font><hr>Cha62b<br><font size=+1>


phyogs su ma bltas pa'i gtong ba chen po'i 'od zer dang / sems can thams cad la snyoms par sbyor ba'i gtong ba'i sgos yongs su tshim par byas so/ /des zas 'dod pa la ni| zas byin no/ /skom 'dod pa la ni/ skom byin no/ /gos 'dod pa la ni/ gos byin no/ /me tog 'dod pa la ni/ me tog byin no/ /de bzhin du spos dang / bdug spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / rin po che dang / rgyan dang / stan dang / mal dang / khyim dang / gzhal med khang dang / gtsug lag khang dang / bza' shing gi ra ba dang / kun dga'i ra ba dang / dka' thub kyi nags tshal dang / rta dang / glang po dang / shing rta dang / rkang thang dang / dgal ba dang / khyogs dang / bzhon pa dang / gser dang / dbyig dang / nor bu dang / mu tig dang / dung dang / man shel dang / byi ru dang / sa le sbram dang / dngul dag kyang byin par gyur to/ /rang gi khyim dang / gzhal med khang dang / btsun mo'i 'khor dang / g.yog 'khor dang / rgyal po'i mdzod thams cad kyang phye ste bgos nas rab tu btang bar gyur to/ /su ci 'dod pa de dag de khyer cig ces nas yul 'dod pa dag kyang yul byin no/ /grong 'dod pa dag kyang grong byin no/ /grong khyer 'dod pa dag kyang gron </font><hr>Cha63a<br><font size=+1>


@#/ /khyer byin to/ /sems can thams cad la snyoms par zhugs pa des slong mo pa de dag thams cad la ci bdog pa yongs su btang ste/ dngos po thams cad yongs su btang bas mngon par bstod do/ /shin tu rgyas pa chen po'i mdo/ sangs rgyas phal po che zhes bya ba las/ sdong pos brgyan pa'i le'u ste/ bam po brgya bzhi pa/ de'i tshe tshong dpon gyi bu mo rin cen 'od ces bya ba bu mo drug cu'i 'khor dang ldan pa/ gzugs bzang zhing mdzes la blta na sdug pa/ kha dog bzang po'i dam pa rgyas pa dang ldan pa/ mdog gser gyi kha dog lta bu dang ldan pa/ skra mthon mthing du 'dug pa/ mig dkar nag 'byes pa/ dri zhim po yid du 'ong ba dang ldan pa| tshangs pa'i dbyangs dang ldan pa/ gos bzang ba/ rgyan gyis legs par brgyan pa/ dran pa dang / blo gros dang / rig pa dang / khrel yod pa dang / dga' ba dang / ngo tsha shes pa dang / spyod pa dang / cha lugs phun sum tshogs pa/ bla ma la sri zhu dang ldan pa/ shes bzhin gyi dam pas spyod pa/ byed rgu zab pa/ chos blang ba dang / gzung ba dang / khong du chud par bya ba la yid gzhungs pa dang ldan pa/ sngon dge ba'i rtsa ba legs par byas pa/ chos kyis mngon par brlan pa'i sems kyi rgyud rab tu </font><hr>Cha63b<br><font size=+1>


dang ba| dge ba'i bsam pa rnam par dag pa/ mos pa yangs pa/ nam mkha'i spyod yul can/ gzhan la phan par dga' ba'i sems dang ldan pa/ sangs rgyas blta ba'i phyogs la rnam par bltas pa/ thams cad mkhyen pa'i ye shes la mngon par 'dun pa zhig mchod sbyin gyi rab chen po der 'ongs te tshong dpon gyi bu mo rin cen 'od ces bya ba de rgyal po chos thams cad kyi nga ro'i gdugs kyi dkyil 'khor rab tu sgrog pa'i seng+ge'i khri chen po'i g.yas rol ha cang mi ring ba zhig na 'dug 'dug ste/ rgyal po de la phyag 'tshal nas phar ci la'ang len pa med do/ /de phyogs gcig na 'dug cing sems 'di ltar bskyed par gyur te/ bdag gis dge ba'i bshes gnyen 'di lta bu mthong zhing 'grogs su yod pa ni/ bdag gis thob par bya ba legs par thob bo/ /snyam ste/ des rgyal po chos thams cad kyi nga ro'i gdugs kyi dkyil 'khor rab tu sgrog pa de la dge ba'i bshes gnyen gyi 'du shes dang / ston pa'i 'du shes dang / snying brtse bar byed pa'i 'du shes dang / phan 'dogs pa'i 'du shes dang / sangs rgyas kyi 'du shes bskyed de g.yo sgyu med pa'i sems kyis dga' ba dang / mos pa dang / spro ba'i shugs rab tu yangs pa thob pas rang gi rgyan rnams lus las bkrol te/ rgyal po chos thams </font><hr>Cha64a<br><font size=+1>


@#/ /cad kyi nga ro'i gdugs kyi dkyil 'khor rab tu sgrog pa gang na ba der mngon par bltas te gtor ba dang / de dag de'i seng+ge'i khri'i 'og /khri'i 'phang gi sa'i steng du bkram par 'gyur to/ /de rgyan de dag de ltar gtor nas smon lam btab pa/ ji ltar rgyal po chos thams cad kyi nga ro'i gdugs kyi dkyil 'khor rab tu sgrog pa 'di sems can mgon med cing mun pa'i nang na 'thom pa rnams kyi mgon skyabs su gyur pa de ltar bdag kyang ma 'ongs pa'i dus na 'gyur bar shog cig /'di chos gang shes pa de dag kyang bdag gis kyang shes par shog cig /'di theg pa gang gis 'byung ba des bdag kyang 'byung bar shog cig /'di lam gang na zhugs pa de nas bdag kyang 'jug par shog cig /ji ltar 'di gzugs blta na btang mi bral zad mi shes pa'i longs spyod dang ldan te/ g.yog 'khor mtha' yas la gzhan gyis mi thub cing thub par dka' ste thub pa med pa de bzhin bdag kyang shog cig /'di gang dang gang du skye bar 'gyur ba de dang der bdag kyang skye bar 'gyur bar shog cig /snyam pa dang / de de ltar sems shing yid la byed pa la brtson pa rgyal po chos thams cad kyi nga ro'i gdugs kyi dkyil 'khor rab tu sgrog pas shes nas de la </font><hr>Cha64b<br><font size=+1>


bltas te 'di skad ces smras so/ /bu mo/ khyod la ci dgos pa khyer cig /bu mo/ nga ni/ bdog pa thams cad yongs su gtong ba ste/ sems can thams cad yongs su tshim par bya ba la zhugs pa'o/ /de skad ces byas pa dang / de'i yid la'ang bdag ni/ rgyal po chos thams cad kyi nga ro'i gdugs kyi dkyil 'khor rab tu sgrog pas thugs su chud par gyur to| |snyam nas de bas kyang mos par gyur to/ /de de ltar yod pa'i sems su gyur te dge ba'i rtsa ba yangs shing rgya che ba'i shugs yongs su skyes nas rgyal po chos thams cad kyi nga ro'i gdugs kyi dkyil 'khor rab tu sgrog pa la de'i tshe tshigs su bcad pa 'di dag smras so/ /sngon chad sa las rnam brgyan sprin 'di ni/ /rgyal po seng+ge khyod 'khrungs ma gyur tshe/ /mdangs dgar ma gyur gzi brjid ma mchis te/ /yi dwags 'jigs pa'i gnas dang ci mi 'dra/ /mi rnams kun kyang srog gcod mos par gyur/ /ma byin len la tshul dang sbyor ma mchis/ /brdzun du smra zhing brlang ba'i tshig kyang brjod/ /phra ma kyal ba'i tshig kyang rab tu smra/ /gzhan gyi nor la chags pa'i sems dang ldan/ / gang zag gzhan la kun kyang ngan du sems/ /lta ba'i rnam gnas sdig to'i spyod yul can/ /log pa'i sbyor bas ngan pa'i 'gro bar ltung / /chos ngan chos la spyod pa'i mi yi </font><hr>Cha65a<br><font size=+1>


@#/ /rnams| |ma rig gti mug mun pas bsgribs pa dag /lta ba log zhugs phyin ci log mthong bas/ /dgung lo mang por dgung char bab ma gyur// dgung char ma bab sa bon chab 'tshal te/ /lo tog mi 'khrungs zhugs shing 'khrungs ma gyur/ /mtsho dang lu ma chu bran rgyud kyang bskams/ /nags tshal rtsi shing kun kyang de bzhin te/ /rnam dag spyan khyod 'khrungs par ma gyur bas/ /chab klung kun kyang ma lus bskams par gyur/ /bza' shing ra ba kun kyang ri dgon 'dra/ /rus pa dkar pos dogs bltams par gyur/ /gang tshe khyod la slong ba mang 'dus te/ /slong ba thams cad yongs su tshim mdzad pas/ /phyogs bzhi kun nas sprin chen 'dus par gyur| |thang dang gshong rnams kun kyang ngoms par bgyis/ /slan chad rkun chom g.yon can chad par gyur/ /dgum pa ma mchis su yang gzung ma mchis/ /mgon med gang yang 'gum par mi 'gyur te/ /khyod ni 'gro ba mngon med kun gyi skyabs/ /srog gcod pa la mngon par mos pa'i mi/ /gzhan rnams bkum zhing de yi khrag 'tshal la| |gcig la gcig gi sha 'tshal gyur ba dag /khyod kyi sbyin pa chen pos byams sems gyur/ /brgya stong grangs su bgrang bar gyur pa las/ /de tshe 'ga' zhig rad pa </font><hr>Cha65b<br><font size=+1>


'tshal gyur gyi/ /gzhan ni rtswa dang lo ma rad pa 'tshal/ /de tshe kun kyang yi dwags bkres mnar bzhin/ /'gro ba mgon med mgon du khyod 'khrungs nas/ /sa bon ma btab ma rmos 'bras kyang byung / /dpag bsam shing las mdzod rnams rnam par thon/ /skyes pa bud med mkhas pa gda' bar gyur/ /zla ba zla phyed don du sngon chad ni/ /lam nor gnas pa gsog cing sri zhu ra bgyid/ /deng sang rad pa rab 'tshal rgyan mang ldan/ /dga' ba'i gnas na rtse ba'i lha yang 'dra/ /sngon chad log pa rnams la mi bzad zhugs/ /chos ngan 'dod chags mi rnams zhen cing chags/ /na chung gzhon nu gzhan gyis bsrungs pa rnams/ /nan gyis 'phrog rlom chab 'tshal ma rung bgyis/ /lha mo bzang mo'i kha dog gzugs ldan pa| |gos bzang rgyan ldan deng sang mthong 'gyur te/ /gzhan gyi bud med spos dri gda' mchis kyang / /dga' ldan ji bzhin mchis brang rgyan gyis 'tshal/ /sho be brlang pa phra ma rkyal ba rnams/ /sngon chad g.yo sgyu'i dbang gis ngag tu brjod/ /deng yang tshig gi nongs pa bzhi spangs shing / /lta ba ngan spangs chos la kun kyang spyod/ /tshangs dbyangs ka la ping+ka'i sgra byung ba'i/ /khyod kyi gsung mchog 'di yi cha shas la'ang / /rol mo'i sgra dbyangs shin tu snyan pa dang / /lha rdzas glu dbyangs 'di dag nyer mi 'gyur/ /khyod kyi spyi </font><hr>Cha66a<br><font size=+1>


@#/ /gtsug dbu steng gdugs lding ba/ /rin chen brgyus bgyis gser gyi dra bas bkab/ /dpal gyi snying mdzod yu ba bai DUR+Ya/ /kun nas rin chen mchog gi dril gyis 'khor/ /dril las byung ba'i sgras kyang ma lus pa'i/ /'jig rten sgra dbyangs ma lus zil mnan cing / /sangs rgyas gsung gi yan lag 'dra bar 'khrol/ dam pa'i chos kyi sgra dbyangs zhi ba sgrog /de thos sems can nyon mongs zhi bar bgyid/ /ma lus phyogs kyi zhing rnams brgyud pa yi/ /bskal pa rgya mtsho'i bde gshegs rgya mtsho dang / /blo ldan rgya mtsho'i mtshan gyi 'khor lo rnams/ /sngon mtha'i zhing rnams gcig nas gcig brgyud du/ /gang mtshan gang dang gang lags rim bzhin dang / /ma lus phyogs su dam chos 'khor lo yang / /khyod kyi byin gyis dril rnams rab tu sgrog /khyod kyi dril sgra thogs pa ma mchis par/ /tshangs dbang lha dbang 'gro ba'i bdag po rnams/ /rang rang las kyi tshul ni kun rjod cing / /'dzam bu'i rgyal mtshan khyab par kun tu sgrog /dril gyi sgra las lha dang mi rnams kyis/ /rang rang las kyi tshul rgyud thos gyur nas/ /sdig to rnam spangs dge ba spyod par gyur/ /sangs rgyas byang chub mchog la kun kyang gnas/ /khyod kyi yab ni mi bdag skar ma'i 'od/ /de yi </font><hr>Cha66b<br><font size=+1>


btsun mo pad+mo khyod kyi yum/ /rnyog pa lnga rnams shin tu rgyas gyur du/ /chos 'grib rgyal srid des ni bzhes par gyur/ /de yi bza' shing ra ba yangs byung ba/ /me tog rgyas brgyan rin chen sgron ma ste/ /shing mang brgyas bskor rdzing bu lnga brgya yis/ /de ni shin tu brgyan pa byung bar gyur/ /de dag so so re re'i dogs su yang / /ka ba stong ldan gzhal med khang bzang byung / /stegs bu bzang po sna tshogs stong gis brgyan/ /zla gam dra bas kun nas mdzes par bgyis/ /chos ngan stobs ni rab tu 'phel gyur bas/ /dgung lo mang por dgung char bab ma gyur/ /rdzing bu kun gyi chab dang zhugs shing rnams/ /de tshe lo ma mdog dang bcas te bskams/ /dgung bdun na ni khyod bltams 'gyur ba'i tshe| |de tshe ngo mtshar rmad byung ltas byung ste/ /de dag mthong nas sems can nges rtogs par/ /bdag cag skyob pa nges par 'byung zhes mchi/ /dgung gi gung la bab nas rnam drug tu| |khams kyi dogs yongs su g.yos par gyur/ /ma smad shin tu bzang ba'i rdzing de yi/ /dbus su gdugs dang mnyam pa'i 'od cig byung / /chab bzang yan lag brgyad ldan rgyas par gyur/ /rdzing bu lnga brgya kun kyang de bzhin te/ /zhugs shing kun kyang lo ma 'khrungs par gyur/ /me tog 'bras bu kha dog mdog dang ldan/ /rdzing bu de rnams </font><hr>Cha67a<br><font size=+1>


@#/ /chab kyis bltams gyur pas/ /nags tshal ma lus de dag ngoms par bgyis/ /chab chen de las byung ba'i rgyud 'phros pas/ /'dzam bu'i rgyal mtshan chab kyis bltams par gyur/ /zhugs shing sman dang lo tog ldum bu yang / /'khrungs gyur zhugs shing me tog 'bras bu rgyas/ /dog sa'i steng na mchis rgu'i sa bon rnams/ /kun kyang chab kyis brlan pas rnam par 'khrungs/ /chab kyis bangs gyur dog sa'i phyogs rnams kyang / /de tshe thams cad rab tu mnyam par gyur/ /sgang gshong dog sa'i phyogs rnams ji snyed pa/ /de dag kun kyang de tshe mnyam par gyur/ /g.yang sa grog po mi bde'i phyogs kyi rnams/ /de tshe yud kyis kun kyang mnyam par gyur| |tsher ma gseg ma la sogs ma mchis gyur/ /rin chen bzang po'i 'byung gnas yongs su thon/ /skyes pa bud med tshogs rnams dga' bar gyur/ /skom pas gdungs pa kun kyang chab la 'tshal/ /kye ma de ring bde na su mthu zhes/ /snyan par brjod pa de skad chad du brjod/ /ngog sa'i mnga' bdag skar 'od sras dang bcas/ /sras mo blon po'i tshogs bcas de yi tshe/ /skye bo bye ba stong gis yongs bskor te/ /bza' shing ra bar dgyes par gshegs pa mdzad/ /mdangs dga' rdzing chen yongs su </font><hr>Cha67b<br><font size=+1>


ma smad pa/ /spos chus bltams pa dbus na mchis gyur ba'i/ /de yi dbus su chos stegs bzang po yi/ /pho brang steng gshegs btsun mo bcas pas bzhugs/ /dgung bdun lon par gyur nas de yi chab/ /dgung gi gung la gyen du lud par gyur/ /ri dang gzhal med khang gi phreng bcas pa'i/ /dog sa'ang de'i tshe yongs su g.yos par gyur// yongs su ma smad de yi dbus nas kyang / /pad+mo chen po lo ma stong ldan 'khrungs/ /gdugs stong mdor gsal sprin gyi dra ba can/ /ri rab rtse mo man chad 'od kyis 'gengs// chu ba rdo rje nang rim dri bda' ste/ /rin chen dbang po'i lo ma rnam dag yangs/ /'dzam bu chu klung gser bzang snying po can/ /ze ba spos rab 'bar ba phun sum tshogs/ /mgon po khyod ni de yi snying po las/ /skyil mo krung bcas sku ni byung bar gyur/ /mtshan gyis rnam brgyan yan lag shin tu mdzes/ /lha mang brgyas kyang mngon par mchod pa bgyis// rgyal po pho brang steng nas shod gshegs te/ /phyag gnyis brkyangs te legs par khyod blangs nas/ /btsun mo'i mgo la bzhag ste 'di skad gsungs/ /khyod kyi bu 'di yin gyi dgar gyis shig /'jig rten mgon khyod de ltar bltams gyur tshe/ /bye ba'i gter rnams rab tu thon par gyur/ /zhugs shing kun kyang mngon par kha 'bus te// </font><hr>Cha68a<br><font size=+1>


@#/ /steng gi mkha' las rol mo'i sgra yang byung / /'dzam bu rgyal mtshan sems can thams cad kyang / /khyod la mngon lta 'dud cing phyag kyang 'tshal/ / thal mo sbyar cing kye ma mgon med pa'i/ /mgon zhig byung zhes dga' ba'i tshig kyang brjod/ /khyod kyi sku las 'od zer mang 'byung bas/ /dog sa kun tu rab tu snang bar gyur| |'gro ba'i mun pa kun kyang rnam bsal nas/ /nad mang ma lus rab tu zhi bar gyur/ /gnod sbyin grul bum sha za mang po'i tshogs/ /rnam par 'tshe ba de dag bsal bar gyur/ /shin tu gdug pas sems can 'gums pa yi/ /sbrul gdug kun kyang de tshe yong mi rgyu/ /thob med sman pa mi snyan sdug bsngal dang / /nad rlangs nad mang gnod par 'tshe ba dag /mdor bsdus kun kyang zhi zhing ma mchis gyur/ /'jig rten kun tu rab dga' byung bar gyur/ /phan tshun ma dang 'dra ba'i 'du shes kyis| |khong nas byams pa de tshe 'gro kun gyur/ /shar gnyer sems bral 'tshe ba ma mchis te/ /thams cad mkhyen lam nan tan ldan par gyur/ /ngan song rgyud rnams rnam par rab tu bzlog /mtho ris lam chen kun kyang btod par gyur/ /thams cad mkhyen pa'i lam yang shin tu bstan/ /de ltar khyod kyis 'gro don yangs pa mdzad/ / </font><hr>Cha68b<br><font size=+1>


rgya mtsho che 'dra yongs su gtong mdzad pa/ /khyod mthong bdag ni thob pa dam pa thob/ /yun ring 'khyams pa'i 'gro ba mgon bral du/ /khyod ni rmad du byung ba'i mgon zhig gshegs de nas tshong dpon gyi bu mo rin chen 'od kyis rgyal po chos thams cad kyi nga ro'i gdugs kyi dkyil 'khor rab tu sgrog pa la tshigs su bcad pa de dag gis mngon par bstod de snyan par bkur nas rab tu bsngags te lan brgya phrag stong du g.yas phyogs su bskor ba byas te phyag 'tshal nas phyogs gcig tu gus pa'i tshul gyis 'dug go /de nas rgyal po chos thams cad kyi nga ro'i gdugs kyi dkyil 'khor rab tu sgrog pas tshong dpon gyi bu mo rin chen 'od la bltas te 'di skad ces smras so/ /bu mo/ de ltar khyod sems can pha rol gyi yon tan gyi khyad par shes pa'i mngon par shes pa la zhugs pa legs so/ /legs so/ /bu mo/ 'jig rten thams cad na'ang sems can gang sems can pha rol gyi yon tan la mos pa de lta bu ni/ dkon te/ bu mo/ sems can mun pas bsgribs pa/ phan gdags pa la drin du mi gzo ba/ blo phyin ci log la zhugs pa/ sems 'khrugs par gyur pa/ rgyud 'dzings par gyur pa/ mun pa'i sems dang ldan pa/ bsam pa ngang gis log pa/ nan tan dang mi ldan pa/ sems </font><hr>Cha69a<br><font size=+1>


@#/ /can pha rol gyi yon tan gyi khyad par mngon par mi shes pa rnams kyis ni/ byang chub sems dpa'i yon tan la 'jug par bya ba'am/ de bzhin gshegs pa'i yon tan la brtag par bya ba'am/ yon tan thams cad shes pa'i khyad par mngon par shes pa thob par bya bar mi nus so/ /bu mo/ de ltar khyod sems can chen po mngon par shes pas byang chub sems dpa'i yon tan gyi rnam pa de lta bu la 'jug pa ni/ gdon mi za bar byang chub tu yang dag par zhugs pa'o/ /de ltar nga'i khams su khyod lta bu ye shes de 'dra ba dang ldan pa skyes pa ni/ dzam+bu'i gling du ngas sems can yongs su bsdus pa'i mthu don yod do/ /de nas rgyal po chos thams cad kyi nga ro'i gdugs kyi dkyil 'khor rab tu sgrog pas nor bu rin po che chen po rin thang med pa dang / nor bu rin po che skar ma'i 'od sna tshogs dang / gos rin po che rin thang med pa bdag gis lag bdar te blangs nas tshong dpon gyi bu mo rin chen 'od la byin no/ /de'i 'khor gyi bu mo thams cad kyang gos rin po che sna tshogs kyis khyad par byin nas 'di skad ces smras so/ /bu mo/ gos rin po che 'di khyer la bdag gis yongs su spyad pa gyis shig /de nas tshong dpon gyi bu mo </font><hr>Cha69b<br><font size=+1>


rin chen 'od 'khor dang bcas pas pus mo gnyis sa la phab ste gos rin po che dag lag pa gnyis kyis blangs nas spyi bo la blangs te phyir byung nas rin po che de dag bgos so// de'i 'khor gyi bu mo thams cad kyis kyang so so nas rang rang gi gos rin po che de dag bgos nas des gos rin po che de dag bgos pa'i 'og tu rgyal po chos thams cad kyi nga ro'i gdugs kyi dkyil 'khor rab tu sgrog pa la bdag gi 'khor bu mo de dag dang bcas pas g.yas phyogs su bskor ba byas so/ /de dag thams cad kyi gos rin po che de dag la rgyu skar dang / skar ma thams cad kyi gzugs brnyan snang bar gyur te/ de dag mthong nas 'gro ba'i tshogs mang po 'di skad ces 'dzer te/ bu mo/ khyod kyi 'khor bu mo 'di dag ni/ mtshan mo'i lha mo skar ma'i tshogs kyis brgyan pa ltar shin tu mdzes pa ste/ khyod de dag gis bskor bas gya nom par mdzes so/ /de nas mtshan mo'i lha mo shing thams cad kyi me tog rgyas pas bde bar gnas pas tshong dpon gyi bu nor bzang la 'di skad ces smras so/ /rigs kyi bu/ de la ji snyam du sems/ de'i tshe de'i dus na rgyal po chos thams cad kyi nga ro'i gdugs kyi dkyil 'khor rab tu sgrog pa zhes bya ba byung ba de gzhan zhig yin pa snyam du sems na ni/ de ltar mi blta ste/ bcom ldan </font><hr>Cha70a<br><font size=+1>


@#/ /'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad 'di ni/ de'i tshe rgyal po chos thams cad kyi nga ro'i gdugs kyi dkyil 'khor rab tu sgrog pa zhes bya bar gyur to/ /rigs kyi bu/ de'i tshe de'i dus na rgyal po skar ma'i 'od kyi btsun ma pad+mo'i 'od ces bya ba/ rgyal po chos thams cad kyi nga ro'i gdugs kyi dkyil 'khor rab tu sgrog pa'i yum du gyur pa de gzhan zhig yin pa snyam du sems na yang de ltar mi blta ste/ lha mo sgyu ma 'di ni/ de'i tshe rgyal po'i btsun mo pad+mo'i 'od ces bya bar gyur te/ rdzus te byung ba'i gzhon nu thu par len len pa'o/ /yang rigs kyi bu/ khyod de'i tshe de'i dus na rgyal po skar ma'i 'od ces bya ba| rgyal po chos thams cad kyi nga ro'i gdugs kyi dkyil 'khor rab tu sgrog pa'i yab tu gyur pa byung ba de gzhan zhig yin pa snyam du sems na'ang de ltar mi blta ste/ rgyal po zas gtsang ma ni/ de'i tshe de'i dus na rgyal po skar ma'i 'od ces bya bar gyur to/ /yang rigs kyi bu/ khyod de'i tshe de'i dus na tshong dpon gyi bu mo rin chen 'od ces bya ba byung ba de gzhan zhig yin pa snyam du sems na'ang de ltar mi blta ste/ kho mo ni/ de'i tshe de'i dus na tshong dpon gyi bu mo rin chen 'od ces bya bar gyur to/ /yang rigs </font><hr>Cha70b<br><font size=+1>


kyi bu| khyod de'i dus na sems can dzam+bu'i gling der skyes shing rgyal po chos thams cad kyi nga ro'i gdugs kyi dkyil 'khor rab tu sgrog pas bsdu ba'i dngos po bzhis yongs su bsdus pa de dag gzhan dag cig yin pa snyam du sems na ni/ de ltar mi blta ste/ bcom ldan 'das kyi 'khor gyi dkyil 'khor 'di nyid du 'dus te bla na med pa yang dag par rdzogs pa'i byang chub las phyir mi ldog pa'i byang chub sems dpa'i sa la bkod de/ la la ni/ sa dang po la bkod/ la la ni/ sa gnyis pa la/ la la ni/ sa gsum pa/ la la ni/ sa bzhi pa/ la la ni/ sa lnga pa/ la la ni/ sa drug pa/ la la ni/ sa bdun pa/ la la ni/ sa brgyad pa/ la la ni/ sa dgu pa/ la la ni/ byang chub sems dpa'i sa bcu pa la bkod par gyur pa'i byang chub sems dpa' smon lam sna tshogs rnam pa tha dad pa dang / thams cad mkhyen pa nyid du 'jug pa sna tshogs dang / tshogs sna tshogs dang / yang dag par sgrub pa sna tshogs dang / spyod pa sna tshogs dang / 'byung ba sna tshogs dang / lam gyi rgyan rnam par dag pa sna tshogs dang / rnam par 'phrul ba dang / khyu mchog gi mthu phyung ba sna tshogs dang / lam gyi rgyan rnam pa sna tshogs kyis yongs su byung ste rnam par thar pa la rnam par spyod pa sna tshogs kyis 'khor gyi dkyil 'khor 'di </font><hr>Cha71a<br><font size=+1>


@#/ /ni| chos kyi gzhal med khang sna tshogs na rnam par spyod pas 'khod cing rnam par spyod pa 'di dag yin no/ /de nas mtshan mo'i lha mo shing thams cad kyi me tog rgyas pas bde bar gnas pas de'i tshe byang chub sems dpa'i rnam par thar pa dga' ba'i 'od spro ba yangs pa yang dag par 'byung ba 'di nyid brnan te bstan pa'i phyir tshong dpon gyi bu nor bzang la tshigs su bcad de smras pa/ rgyal ba'i sras po kho mo'i mig yangs te/ /phyogs kun zhing mang rgya mtsho sna tshogs kyi/ /sems can rgya chen gang chen mtsho yi rnams/ /'khor bar gyur tshe kun la rnam par lta/ /'byams klas zhing rnams kun na bzhugs pa yi/ /rgyal ba byang chub shing gi drung bzhugs pa| |rdul med kun kyang phyogs bcu rgyas bkang ste/ /chos sgrog rtag par 'gro 'dul mthong bar byed/ /kho mo'i rna ba rgya mtsho yongs su dag /sgra rnams ma lus thams cad des thos te/ bde bar gshegs pas chos gsungs ma lus par/ /thams cad dga' bas yang dang yang du thos/ /kho mo'i ye shes gnyis med chags pa med/ /sems can gzhan gyi sems kyi yul la 'jug /'gro ba'i sems kyi rgya mtsho yangs pa rnams/ /ma lus kun la mtshan nyid dngos kyis 'jug /sngon gyi mtha' dran ting nge 'dzin </font><hr>Cha71b<br><font size=+1>


stobs kyis/ /bskal pa rgya mtsho tshad med kho mos shes/ /tshe rabs rgyud mang gang chen mtsho dag kyang / /pha rol dag dang bdag gi'ang de bzhin shes/ /rgya mtsho'i zhing gcig rdul phran rab snyed kyi/ /bskal pa skad cig gcig gis ma lus shes/ /sems can 'gro rgyud dag na 'khor ba dang / /sangs rgyas rnam 'phrul tshogs bcas de bzhin no| |de dag thog ma'i smon lam ci 'dra dang / /yang dag sgrub tshul 'jug tshul rnam yangs dang / /spyod la brten pas tshogs rnams yongs sgrub pa/ /'jig rten mkhyen pa rnams kyang kho mos dran/ /mnyam med tshad med tshogs gyur yon tan mtsho mnga' ba'i/ /dbang bskur sar byon ji snyed de dag dang / /byang chub 'tshang rgya'i tshul ni rnam yangs la/ /sems kyi skad cig gcig gis kho mo 'jug /thabs kyi rnam pa gang dang gang dag gis/ /bde gshegs 'khor lo dam pa 'gror bskor dang / /mya ngan 'das pa yon tan tshad med dang / /chos rnams gnas pa'i dus kyang kho mos shes/ /dri med theg pa rgya mtsho'i tshul rnams dang / /sems can rnams 'dul rnam yangs ji snyed dang / /'gro bar de dag gis ni gang bstan pa/ /so so kun la sna tshogs tshul gyis 'jug /dga' ba'i gter dang mos pa'i dbyig gi rnams/ /kun tu snang ba rnam thar </font><hr>Cha72a<br><font size=+1>


@#/ /tshul 'di yin/ /kho mos bskal pa brgya mang rgya cher bsgoms/ /de tshul de la khyod kyang myur 'jug gyis/ /rigs kyi bu/ kho mos byang chub sems dpa'i rnam par thar pa dga' ba'i 'od spro ba yangs pa yang dag par 'byung ba 'di shes par zad na/ kho mos byang chub sems dpa' de bzhin gshegs pa thams cad kyi zhabs kyi drung du thams cad mkhyen pa nyid la 'jug pa'i smon lam rgya mtsho la zhugs pa/ de bzhin gshegs pa thams cad kyi sngon gyi smon lam rgya mtsho mngon par sgrub pa'i smon lam yongs su rdzogs pa'i byang chub sems dpa'i sa gcig non pas byang chub sems dpa'i sa rgya mtsho thams cad yongs su gnon pa'i stabs la mkhas pa/ byang chub sems dpa'i spyod pa rgya mtsho thams cad spyod pa re rer yang dag par 'du ba'i smon lam dang spyod pa yongs su dag pa/ byang chub sems dpa'i rnam par thar pa re re la byang chub sems dpa'i rnam par thar pa rgya mtsho thams cad yongs su 'du bar rnam par spyad pa la dbang bsgyur ba de dag gi spyod pa shes pa'am/ yon tan brjod par nus re skan/ song rigs kyi bu/ snying po byang chub 'di nyid na mtshan mo'i lha mo 'gro ba thams cad srung ba'i smon lam la brtson pa'i 'od ces </font><hr>Cha72b<br><font size=+1>


bya ba zhig /bcom ldan 'das kyi spyan sngar phyin cing 'dug gi /de'i gan du song la ji ltar byang chub sems dpas bla na med pa yang dag par rdzogs pa'i byang chub tu sems can yongs su smin par bya ba dang / ji ltar sangs rgyas kyi zhing thams cad yongs su sbyang bar bya ba dang / ji ltar de bzhin gshegs pa thams cad shin tu mnyes par bya bas bsnyen bkur zhing rim gror bya ba dang / ji ltar byang chub sems dpas sangs rgyas kyi chos thams cad la brtson par bya ba dris shig /de nas tshong dpon gyi bu nor bzang gis mtshan mo'i lha mo shing thams cad kyi me tog rgyas pas bde bar gnas pa'i rkang pa gnyis la spyi bos phyag 'tshal te mtshan mo'i lha mo shing thams cad kyi me tog rgyas pas bde bar gnas pa la lan brgya stong du mar g.yas phyogs su bskor ba byas nas yang dang yang du bltas te mtshan mo'i lha mo shing thams cad kyi me tog rgyas pas bde bar gnas pa'i drung nas song ngo / /de nas tshong dpon gyi bu nor bzang mtshan mo'i lha mo 'gro ba thams cad srung ba'i smon lam la brtson pa'i 'od gang na ba der song song nas mtshan mo'i lha mo 'gro ba thams cad srung ba'i smon lam la brtson pa'i 'od 'khor gyi dkyil 'khor de nyid na chos kyi dbyings kyi tshul rab </font><hr>Cha73a<br><font size=+1>


@#/ /tu snang ba'i rin po che'i dra bas kun nas yog pa'i lus dang ldan pa/ nyi zla dang / gza' skar dang / rgyu skar thams cad kyi gzugs brnyan yongs su ston pa'i lus dang ldan pa/ bsam pa ji lta ba bzhin du sems can gyis rnam par dmigs par ston pa'i lus dang ldan pa/ sems can thams cad kyi lus kyi dbyibs dang 'dra bar rang gi lus rnam par dmigs par byed pa'i lus dang ldan pa/ kha dog rgya mtsho yangs pa mtha' dang dbus med pa rnam par dmigs par ston pa'i lus dang ldan pa/ spyod lam thams cad la rnam par spyod pa'i tshul yongs su ston pa'i lus dang ldan pa/ sgo kun tu mngon par bltas par rnam par dmigs par byed pa'i lus dang ldan pa/ chos kyi sprin gyi 'brug sgra kun tu sgrog cing rnam par 'phrul pa sna tshogs kyis phyogs thams cad rgyas par bkang ste 'gro ba thams cad la mngon du gnas pa'i lus dang ldan pa/ dus thams cad du 'gro ba thams cad kyi don la mngon du bltas par nam mkha'i dbyings kyis glo ba'i lus dang ldan pa/ de bzhin gshegs pa thams cad kyi zhabs la 'dud cing phyag 'tshal ba'i lus dang ldan pa/ sems can thams cad kyi dge ba'i rtsa ba </font><hr>Cha73b<br><font size=+1>


bsags pa la gces shing sngon du 'gro ba'i lus dang ldan pa/ de bzhin gshegs pa thams cad las mngon du chos kyi sprin yang dag par len cing yongs su 'dzin pa'i smon lam grub cing yongs su rdzogs par bya ba'i sems las phyir phyogs su ma gyur cing dran pas yongs su 'dzin pa'i lus dang ldan pa/ mtha' dang dbus med pa'i 'od kyis phyogs dang phyogs mtshams thams cad rgyas par 'gengs pa'i lus dang ldan pa/ 'gro ba thams cad kyi mun pa rnam par sel ba'i chos kyi sgron ma'i 'od kun tu 'gyed cing snang ba yongs su ston pa'i lus dang ldan pa/ chos sgyu ma'i rnam pa lta bu'i ye shes kyi lus dri ma med pa rab tu ston pa'i lus dang ldan pa/ chos kyi lus mun pa dang rdul du bral ba rab tu ston pa'i lus dang ldan pa/ chos nyid sgyu ma lta bu las byung ba'i lus dang ldan pa/ chos nyid rab tu rtogs pas mun pa med pa'i sems dang ldan pa/ ye shes kyi snang ba sgo kun tu gsal ba rab tu thob pa shin tu nad med cing gdung ba med pa'i yid kyi lus dang ldan pa/ chos kyi sku mi shigs shing brtan pa dang ldan pa'i dbyings las byung ba/ de bzhin gshegs pa'i byin gyi rlabs gnas med pa'i rang bzhin kun nas nyon mongs pa med pa'i dang / dri ma med pa'i chos nyid kyi lus </font><hr>Cha74a<br><font size=+1>


@#/ /rnam par dag pa'i lus dang ldan pa de rin po che'i rgyal po 'gro ba thams cad kyi gnas rab tu snang ba'i snying po can gyi bstan la 'dug pa mthong ngo / /des de mthong nas spyi bos btud de mthong bar bya ba'i tshul sangs rgyas kyi zhing gi rdul shin tu phra ba snyed rjes su dran par byas nas sa'i gzhi las btud de rgyang bcad pa zhig tu mngon par btud do/ /de nas tshong dpon gyi bu nor bzang sa'i gzhi de las langs te thal mo sbyar nas mtshan mo'i lha mo 'gro ba thams cad srung ba'i smon lam la brtson pa'i 'od de'i lus la bltas pa dang / 'du shes rnam par dag pa bcu thob par gyur te/ de dag thob pas dge ba'i bshes gnyen thams cad dang skal pa mnyam pa rab tu thob par gyur to/ /bcu gang zhe na/ 'di lta ste/ thams cad mkhyen pa nyid du brtsams pa'i brtson 'grus la dmigs pa thams cad du gnas par bya ba'i phyir dge ba'i bshes gnyen rnams la rang gi sems kyi 'du shes rab tu thob par gyur to/ /dge ba'i bshes gnyen bsnyen bkur zhing dge ba'i rtsa ba yangs pa yongs su sgrub pa grub par bya ba'i phyir rang gi las kyi rnam par smin pa rnam par dag pa'i rang bzhin gyi 'du shes rab tu thob bo/ /smon lam thams </font><hr>Cha74b<br><font size=+1>


cad kyis brgyan pa'i spyod pa la yang dag par gnas par bya ba'i phyir byang chub sems dpa'i spyod pa'i rgyan gyi 'du shes rab tu thob bo/ /dge ba'i bshes gnyen thams cad kyi gdams ngag gi lam la nan tan du bya ba'i phyir sangs rgyas kyi chos thams cad rab tu sgrub pa'i 'du shes rab tu thob bo/ /sangs rgyas thams cad kyi yul du gyur pa'i chos bla na med pa la rnam par spyod pa'i snang ba yongs su mthong bar bya ba'i phyir nyams su myong ba ba skyed pa'i 'du shes rab tu thob bo/ /kun tu bzang po'i spyod pas 'byung ba'i smon lam dang / spyod pa rnam par dag par bya ba'i phyir 'byung ba gcig gi 'du shes rab tu thob par gyur to/ /dge ba'i chos yongs su bsags pa thams cad rnam par 'phel bar bya ba'i phyir thams cad mkhyen pa'i bsod nams rgya mtsho'i 'byung gnas kyi 'du shes rab tu thob bo/ /sangs rgyas kyi byang chub tu thams cad mkhyen pa'i ye shes la brtson 'grus kyi shugs yongs su 'phel bar bya ba'i phyir dge ba'i chos yongs su ma rdzogs pa yongs su rdzogs par byed pa dang / yang dag par 'phel bar byed pa dang / yongs su skyong ba'i 'du shes rab tu thob par gyur to/ /sems can thams cad kyi bsam pa thams cad yongs su rdzogs par bya ba'i phyir </font><hr>Cha75a<br><font size=+1>


@#/ /dge ba'i rtsa ba thams cad yongs su rdzogs pa'i 'du shes rab tu thob par gyur to/ /byang chub sems dpa' thams cad kyi chos la dbang bsgyur bar rab tu gnas par bya ba'i phyir dge ba'i bshes gnyen rnams la don thams cad yongs su sgrub pa'i 'du shes rab tu thob ste/ 'du shes rnam par dag pa bcu po de dag rab tu thob par gyur to/ /de dag thob pas mtshan mo'i lha mo 'gro ba thams cad srung ba'i smon lam la brtson pa'i 'od snang ba las byang chub sems dpa' dang skal pa mthun pa sangs rgyas kyi zhing gi rdul shin tu phra ba snyed thob par gyur te/ 'di ltar phyogs bcu'i de bzhin gshegs pa thams cad kyi dus gsum rjes su dran pa'i tshul la dran pa'i skal ba mnyam pa dang / chos rgya mtsho'i tshul thams cad tha ma dad par khong du chud par bya ba la blo gros kyi skal pa mnyam pa dang / de bzhin gshegs pa thams cad kyi chos kyi 'khor lo'i dkyil 'khor rigs pas rjes su shes par bya ba'i bye brag dang / tshul tha dad par mkhas pa la rig pa'i skal pa mnyam pa dang / blo nam mkha' dang mnyam pas dus gsum thams cad kyi tshul rgya mtsho snang ba rab tu thob par bya ba'i phyir blo'i skal pa mnyam pa dang / </font><hr>Cha75b<br><font size=+1>


byang chub sems dpa' thams cad kyi dbang po rgya mtsho shes pa'i snang ba rab tu thob par bya ba'i phyir dbang po rnam par dag pa'i skal pa mnyam pa dang / rnam pa thams cad du sems can yongs su bsdu ba'i rgyan gyis rnam par brgyan pa'i byang chub sems dpa'i lam gyi yon tan la nan tan du bya ba'i rgyan gyis lam khong du chud par bya ba'i phyir sems rnam par dag pa'i skal pa mnyam pa dang / de bzhin gshegs pa'i ye shes kyi spyod yul snang ba rab tu thob par bya ba'i phyir spyod yul gyi skal pa mnyam pa dang / thams cad mkhyen pa'i tshul rgya mtsho la 'jug pa'i lam snang ba rnam pa thams cad rab tu thob par bya ba'i phyir tshul gyi rjes su 'brang ba'i skal pa mnyam pa dang / chos thams cad kyi rang bzhin shes shing khong du chud pa rab tu thob par bya ba'i phyir don khong du chud pa'i skal pa mnyam pa dang / chos kyi tshul rgya mtsho thams cad la chos la rnam par spyod pa'i skal pa mnyam pa dang / sgrib pa thams cad kyi ri rnam par gtor ba'i phyir mi 'jigs pa'i skal pa mnyam pa dang / bsam pa ji lta ba bzhin du 'gro ba rnams la rnam pa tha dad par yongs su bstan pa'i mtshan dang dpe byad bzang pos rnam par bris pa'i lus rnam par dag pa rab tu thob par bya ba'i phyir gzugs kyi lus rnam par dag pa'i skal pa </font><hr>Cha76a<br><font size=+1>


@#/ /mnyam pa dang / byang chub sems dpa'i stobs yongs su rdzogs pas thams cad mkhyen pa nyid du dmigs pa rnam par 'phel bar bya ba'i phyir stobs kyi skal pa mnyam pa dang / sems dang bsam pa'i nam mkha' yongs su dag par bya ba'i phyir mi 'jigs pa'i skal pa mnyam pa dang / bskal pa thams cad du byang chub sems dpa'i spyod pa la gnas pas mi skyo ba rab tu thob par bya ba'i phyir btson 'grus kyi skal pa mnyam pa dang / chos thams cad la sgrib pa med pa'i ye shes snang ba rab tu thob par bya ba'i phyir spobs pa'i skal pa mnyam pa dang / 'gro ba thams cad las mngon par 'phags pa'i lus yongs su dag par bya ba'i phyir zil gyis mi non pa'i skal pa mnyam pa dang / 'khor gyi dkyil 'khor thams cad mngon par dga' bar bya ba'i tshigs yongs su dag par bya ba'i phyir ma zhum mi dma' ba'i skal pa mnyam pa dang / chos kyi tshul rgya mtsho thams cad kyi sgra rab tu bsgrag pa'i phyir dbyangs kyi skal pa mnyam pa dang / 'gro ba thams cad kyi tshig rnam par dmigs pa'i tha snyad dang / tshul rgya mtsho la dbyangs kyi yan lag rnam par dag pa'i skal pa mnyam pa dang / de bzhin gshegs </font><hr>Cha76b<br><font size=+1>


pa'i gdams ngag gi yon tan khong du chud pa rnam par dag par bya ba la yon tan rnam par dag pa'i skal pa mnyam pa dang / kha na ma tho ba med pa'i las rnam par smin pa yongs su dag par bya ba'i phyir chos dang las kyi rgyud du mi 'gal ba'i skal pa mnyam pa dang / sangs rgyas byung ba thams cad kyi chos kyi 'khor lo rab tu bskor ba'i phyir mchod sbyin gyi chos bzang po la rab tu gnas pa'i skal pa mnyam pa dang / de bzhin gshegs pa thams cad kyi yul dang ye shes la yang dag par gnas par bya ba'i phyir tshangs pa'i spyod pa rnams par dag pa'i skal pa mnyam pa dang / byams pa'i tshul sna tshogs kyis skad cig re re la sems can rgya mtsho thams cad du rgyas par dgang bar bya ba'i phyir byams pa chen po'i skal pa mnyam pa dang / sems can gyi khams thams cad yongs su skyob pa'i chos kyi sprin gyi char mngon par dbab pa'i phyir snying rje chen po'i tshul rgya mtsho la 'jug pa'i skal pa mnyam pa dang / sems can thams cad yongs su smin par byed pa'i thabs kyi rgyud du skal pa mnyam par bya ba'i phyir lus kyi las kyi skal pa mnyam pa dang / chos thams cad brjod cing smos pa la ngag gi las rnam par dag pa'i skal pa mnyam pa dang / sems can thams cad kyi sems la </font><hr>Cha77a<br><font size=+1>


@#/ /thams cad mkhyen pa nyid du dmigs pa nye bar bsgrub pa'i phyir yid kyi las kyi skal pa mnyam pa dang / sangs rgyas kyi zhing thams cad la rgyan rnam pa sna tshogs thams cad kyis rab tu brgyan pa'i skal pa mnyam pa dang / sangs rgyas 'byung brgya mtsho thams cad du de bzhin gshegs pa thams cad kyi spyan sngar 'gro ba'i skal pa mnyam pa dang / de bzhin gshegs pa thams cad la chos kyi 'khor lo bskor bar gsol ba gdab pa'i skal pa mnyam pa dang / de bzhin gshegs pa thams cad la dus ma lus par mchod pa thams cad kyis rim gro bya ba'i phyir mchod pas rim gror bya ba'i skal pa mnyam pa dang / sems can gyi khams thams cad du sems can yongs su smin par bya ba dang gdul ba'i skal pa mnyam pa dang / chos kyi tshul thams cad la snang ba rab tu thob pa'i skal pa mnyam pa dang / ting nge 'dzin gyi tshul rgya mtsho thams cad la ting nge 'dzin rab tu thob pa'i skal pa mnyam pa dang / sangs rgyas kyi zhing rgya mtsho thams cad du byang chub sems dpa'i spyod pa dang rnam par 'phrul pas rgyas par dgang ba'i phyir kun tu rgyas par dgang ba'i skal pa mnyam pa dang / byang chub sems dpa' </font><hr>Cha77b<br><font size=+1>


thams cad kyi rnam par 'phrul pa'i tshul rgya mtsho la byang chub sems dpa'i rnam par spyod pa'i skal pa mnyam pa dang / byang chub sems dpa'i spyod pa la gnas pa la 'khor gyi skal pa mnyam pa dang / 'jig rten gyi khams thams cad shin tu phra bar 'jug pa la 'jug pa'i skal pa mnyam pa dang / sangs rgyas kyi zhing shin tu yangs pa thams cad du sems rnam par phye ba'i skal pa mnyam pa dang / sangs rgyas kyi zhing rgya mtsho thams cad la 'jug pa rnam pa tha dad pa khong du chud par bya ba la khong du chud pa rnam pa tha dad pa'i skal pa mnyam pa dang / sangs rgyas kyi zhing thams cad rnam par phye ba ye shes mtha' yas pas rnam par dmigs par bya ba la tshul 'byams klas pas kun tu rgyas par dgang ba'i skal pa mnyam pa dang / sangs rgyas kyi zhing thams cad du mngon par 'byung ba'i skal pa mnyam pa dang / phyogs thams cad rgyas par dgang bar yang dag par gzhol ba thogs pa med cing phyir mi ldog par bya ba'i phyir mi ldog pa'i skal pa mnyam pa dang / sangs rgyas thams cad kyi snying po byang chub tu rnam par 'tshang rgya ba'i ye shes kyi dkyil 'khor snang ba rab tu thob par bya ba'i phyir mun pa rnam par sel ba'i skal pa mnyam pa dang / sangs rgyas </font><hr>Cha78a<br><font size=+1>


@#/ /thams cad kyi 'khor gyi dkyil 'khor rgya mtshor rjes su phyin pa'i skal pa mnyam pa dang / sangs rgyas kyi zhing brjod du med pa'i de bzhin gshegs pa mchod cing rim gro bya ba'i sbyor ba la sangs rgyas kyi zhing thams cad lus kyi dra bas rgyas par dgang ba'i skal pa mnyam pa dang / chos kyi tshul rgya mtsho rjes su rgyu ba de dang de dag la ye shes mngon sum gyi skal pa mnyam pa dang / rjes su mthun pa'i chos kyi tshul thams cad mngon du bya ba'i sbyor ba la nan tan gyi skal pa mnyam pa dang / chos kyi mos pa shin tu shas che ba'i brtsams pa rnam par dag par bya ba'i phyir btsal ba'i skal pa mnyam pa dang / lus dang ngag dang yid kyi las kyis sangs rgyas kyi yon tan gyi rgyan yongs su sgrub pa la rnam par dag pa'i skal pa mnyam pa dang / nyam nga ba'i rtog pa med pa'i sems kyi dkyil 'khor gyis chos thams cad kyi ye shes kyi dkyil 'khor yongs su dag par bya ba'i phyir yid kyi skal pa mnyam pa dang / dge ba'i rtsa ba thams cad kyi tshogs yang dag par brtsams pa mthar phyin par bya ba'i sbyor ba la brtson 'grus brtsams pa'i skal pa mnyam pa dang / byang chub sems dpa'i spyod pa thams cad yongs </font><hr>Cha78b<br><font size=+1>


su rdzogs par bya ba la spyod pa'i rgyan gyi skal pa mnyam pa dang / chos thams cad kyi mtshan ma khong du chud par bya ba la chags pa med par rnam par spyad pa'i skal pa mnyam pa dang / chos la rnam par spyod pa'i ye shes kyis rnam par 'phrul pa de dang de dag tu thabs mkhas pa'i tshul gyi skal pa mnyam pa dang / bsam pa ji lta ba bzhin du sems can rnams la yul bstan pas yang dag par bskul ba'i phyir skye mched rnam par dag pa'i skal pa mnyam pa dang / chos thams cad sgom pa dang / rnam par sgom pa rab tu thob par bya ba'i phyir byang chub sems dpa'i ting nge 'dzin gyi sgo rab tu thob par bya ba'i skal pa mnyam pa dang / de bzhin gshegs pa thams cad kyi byin gyi rlabs kyi skal pa mnyam pa dang / sangs rgyas dang / byang chub sems dpa' thams cad kyis rab tu thob par bya ba las yongs su gnan pa'i skal pa mnyam pa dang / byang chub sems dpa'i rnam par dgod pa thams cad la rab tu gnas pa'i skal pa mnyam pa dang / sangs rgyas thams cad kyis lung bstan pa la yongs su bstan pa'i skal pa mnyam pa dang / skad cig gcig gi ting nge 'dzin rgya mtsho'i tshul thams cad la ting nge 'dzin gyi skal pa mnyam pa dang / sangs rgyas kyi </font><hr>Cha79a<br><font size=+1>


@#/ /'phrin las mtshan nyid sna tshogs la ting nge 'dzin rnam par dgod pa'i skal pa mnyam pa dang / rjes su dran pa'i dmigs pa'i tshul rgya mtsho thams cad la rjes su dran pa'i skal pa mnyam pa dang / byang chub sems dpa'i bya ba la phyi ma'i mtha'i bskal pa'i mur thug par zhe non pa la byang chub sems dpas spyad pa'i skal pa mnyam pa dang / sangs rgyas kyi ye shes tshad med pa la mos shing dga' ba'i shugs rgya mtsho rnam par 'phel bar bya ba'i phyir mos pa'i skal pa mnyam pa dang / sgrib pa'i ri thams cad la rnam par zlog pa'i skal pa mnyam pa dang / sangs rgyas kyi ye shes kyi tshogs mtha' yas pa yongs su bsgrub pa'i phyir phyir mi zlog pa'i ye shes kyi skal pa mnyam pa dang / sems can thams cad yongs su sbyin par bya ba dang / gdul ba'i dus su skye ba'i skal pa dang mnyam pa dang / thams cad mkhyen pa nyid kyi tshul gyi sgo la rnam par spyod pa'i skal pa mnyam pa dang / chos kyi dbyings kyi tshul gyis khyu mchog gi mthu phyung ba'i yul la rab tu 'jug par bya ba'i phyir yul gyi skal pa mnyam pa dang / gzhi thams cad yongs su chom pa'i sems su bya ba'i phyir gzhi med pa'i skal pa mnyam pa dang / </font><hr>Cha79b<br><font size=+1>


chos mnyam pa nyid kyi ye shes la 'jug par bya ba'i phyir chos bstan pa'i skal pa mnyam pa dang / sangs rgyas thams cad kyi byin gyi rlabs rang gi lus kyis yang dag par gnon pa'i phyir brtson pa'i skal pa mnyam pa dang / 'jig rten thams cad kyis khong du chud par bya ba'i phyir nan tan gyi tshul la mngon par shes pa'i skal pa mnyam pa dang / phyogs thams cad kyi zhing rgya mtshor 'jug par bya ba la mngon par 'du bya ba med pa'i rdzu 'phrul rab tu thob pa'i skal pa mnyam pa dang / gzungs rgya mtsho thams cad kyi snang ba rab tu thob par bya ba la gzungs kyi sa'i skal pa mnyam pa dang / mdo sde'i chos kyi rnam grangs thams cad la sangs rgyas thams cad kyi chos kyi 'khor lo'i dgongs pa khong du chud par bya ba'i skal pa mnyam pa dang / nam mkha'i dbyings lta bu'i chos kyi tshul thams cad khong du chud par bya ba'i phyir chos zab mo la 'jug pa'i skal pa mnyam pa dang / 'jig rten gyi khams 'byams klas pa thams cad du snang bar bya ba'i skal pa mnyam pa dang / bsam pa ji lta ba bzhin du 'gro bas rnam par dmigs par bstan pa la mngon par gsal ba'i skal pa mnyam pa dang / zhing gi byin gyi rlabs dang / rnam par 'phrul pa sems can yongs su </font><hr>Cha80a<br><font size=+1>


@#/ /bstan pa'i phyir rab tu bskyod pa'i skal pa mnyam pa dang / mthong ba dang / thos pa dang / rjes su dran pas sems can gdul ba'i phyir don yod par spyad pa'i skal pa mnyam pa dang / smon lam rgya mtsho'i tshul thams cad yongs su rdzogs pas stobs bcu'i ye shes rjes su 'tshang rgya bar bya ba'i phyir 'byung ba'i skal pa mnyam pa yang rab tu thob par gyur to/ /de ltar tshong dpon gyi bu nor bzang shin tu dga' ba'i sems su gyur te/ mtshan mo'i lha mo 'gro ba thams cad srung ba'i smon lam la brtson pa'i 'od la bltas pas 'du shes rnam par dag pa de dag thob par gyur te/ 'di dag la sogs pa mtshan mo'i lha mo 'gro ba thams cad srung ba'i smon lam la brtson pa'i 'od las skal pa mnyam pa'i tshul sangs rgyas kyi zhing gi rdul shin tu phra ba snyed kyang thob par gyur to/ /de nas tshong dpon gyi bu nor bzang mtshan mo'i lha mo 'gro ba thams cad srung ba'i smon lam la brtson pa'i 'od la blta ba'i tshul sangs rgyas kyi zhing rdul shin tu phra ba snyed la zhugs pa| dge ba'i bshes gnyen gyi 'du shes rnam par dag pa mtha' dang dbus med pa rab tu thob pa/ skal pa mnyam pa'i tshul sangs rgyas kyi zhing gi rdul shin tu </font><hr>Cha80b<br><font size=+1>


phra ba snyed la zhugs pas bla gos phrag pa gcig tu gzar te mtshan mo'i lha mo 'gro ba thams cad srung ba'i smon lam la brtson pa'i 'od gang na ba der thal mo sbyar te btud nas de'i tshe tshigs su bcad pa 'di dag smras so/ /de ni bdag gi sems la bdag dgongs te/ /byang chub mos pa mi ldog shin tu brtan/ /khyod kyi thugs la'ang bdag ni de bzhin du/ /bdag gi bzhin du de ring brtan par skyes/ /sdig to ma lus rnam par byang bar gyur/ /dge ba'i rnam smin mi nya ma rab tu thob/ /bdag gis blta na mdzes pa khyod mthong bas/ /chos dkar mi bas bdag gis yongs su bsags/ /bdag gi sems ni yon tan chu bos brgyan/ /sems can phan brtson rnam pa tha dad pas/ /brgyan 'gyur des ni phyi mtha'i bskal par yang / /zhing rnams kun tu spyod pa spyad par bgyi/ /'phags mas bdag la thugs brtse mdzad slad du| |chos rnams thams cad grub pa khyod kyis bstan/ /bdag la sman slad rjes su gzung dgongs te/ /chos kyi gdams ngag dam pa stsal du gsol/ /ngan 'gror ltung ba'i lam ni rnam par bzlog /mtho ris shul gtsang dam pa yongs su bstan/ /bde gshegs ma lus bzhud cing rjes bzhud pa'i/ /thams cad mkhyen pa'i shul </font><hr>Cha81a<br><font size=+1>


@#/ /kyang khyod kyis bstan/ /dpe med rmad du byung mang khyod la bdag /'byung ba'i 'du shes dam pa nye bar skyes/ /nam mkha' lta bur dri med tshad med pa'i/ /thams cad mkhyen nyid chos sgo rnam par dag /kun mkhyen tshad med 'byung gnas bzang po yi/ /'du shes de ring tshad med khyod la skyes/ /bsod nams rgya mtsho mkha' ltar tshad med pa'i/ /sems las byung ba skad cig re rer 'byung / /'phags ma pha rol phyin pas bdag bkur gsol/ /bsam yas bsod nams kyis kyang rnam spel gsol/ /yon tan dge ba thams cad yongs 'phel nas/ /thams cad mkhyen pa'i go 'phang myur thob mdzod/ /dge ba'i bshes gnyen rnams la rtag par bdag /thams cad mkhyen lam rab rdzogs 'du shes te/ /de yi slad du bdag gi chos dkar rnams/ /myur du rdzogs par 'gyur zhes tshim par gyur| |de slad 'di las don kun rab tu 'byung / /dge ba'i yon tan ldan pa grub par gyur/ /brjod pa mtha' yas thams cad mkhyen pa'i lam/ /'di ni yongs su bsgrubs shing 'gro la brjod/ /yon tan tshad med khyod ni slob dpon gyur/ /thams cad mkhyen gyi chos la bdag 'dren pa/ /bskal pa bye ba khrag khrig grangs med </font><hr>Cha81b<br><font size=+1>


pas| |'phags ma khyod la bdag gis lan mi lon/ /de nas tshong dpon gyi bu nor bzang gis tshigs su bcad pa de dag smras nas mtshan mo'i lha mo 'gro ba thams cad srung ba'i smon lam la brtson pa'i 'od la 'di skad ces smras so/ /lha mo/ khyod kyis bdag la byang chub sems dpa'i rnam par thar pa'i lus bsam gyis mi khyab pa 'di ni| bstan ni/ lha mo/ rnam par thar pa 'di'i ming ni/ ci zhes bgyi/ lha mo/ khyod ni/ ci srid cig nas bla na med pa yang dag par rdzogs pa'i byang chub tu zhugs/ ci srid cig na ni/ khyod bla na med pa yang dag par rdzogs pa'i byang chub tu mngon par 'tshang rgya bar 'gyur/ de skad ces smras pa dang / mtshan mo'i lha mo 'gro ba thams cad srung ba'i smon lam la brtson pa'i 'od kyis tshong dpon gyi bu nor bzang la 'di skad ces smras so/ /rigs kyi bu/ rnam par thar pa 'di ni/ sems can thams cad yongs su smin par bya ba la yang dag par skul ba'i dge ba'i rtsa ba yongs su 'byung ba zhes bya ba ste/ rigs kyi bu/ kho mo rnam par thar pa 'di dang ldan pas chos thams cad kyi rang bzhin mnyam pa nyid khong du chud do/ /chos thams cad kyi ngo bo nyid la zhugs nas gnas med pa'i chos la brten te 'jig rten thams cad las 'phags par </font><hr>Cha82a<br><font size=+1>


@#/ /gyur to| |chos rnams kyi gzugs shin tu rnam par phye ba la zhugs te mi 'dra ba med pa'i kha dog dang / sna tshogs med pa'i kha dog dang / rnam pa tha dad pa med pa'i kha dog dang / mi rtog pa'i kha dog dang / mi sngo ba'i kha dog dang / mi ser ba'i kha dog dang / mi dmar ba'i kha dog dang / mi dkar ba'i kha dog dang / mi mthun pa med pa dang / sna tshogs med pa dang / rnam pa tha dad pa med pa dang / rtog pa med pa dang / mi sngo ba dang / mi ser ba dang / mi dmar ba dang / mi dkar ba'i kha dog gi chos nyid la zhugs nas kha dog rnam par phye ba du ma'i gzugs kyi lus sna tshogs kyi kha dog can/ kha dog du ma dang / kha dog tshad med pa dang / kha dog rnam par dag pa dang / rgyan thams cad 'byin pa'i kha dog dang / kun tu snang ba'i kha dog dang / 'gro ba thams cad dang 'dra ba'i kha dog dang / 'jig rten thams cad la mngon du gyur cing lhag pa'i kha dog dang / gzugs brnyan kun tu snang ba'i kha dog dang / mi mthun pa med pa'i kha dog dang / mtshan dang dpe byad bzang pos rnam par sbyangs pa'i kha dog dang / kha na ma tho ba med par spyod pa'i 'od dang ldan pa'i kha dog dang / stobs chen pos rnam par gnon pa yongs su ston pa'i kha dog dang / </font><hr>Cha82b<br><font size=+1>


zab mo thob par dka' ba'i kha dog dang / 'jig rten thams cad kyis mi thub pa'i kha dog dang / 'gro ba thams cad kyi tshig gis mi zad pa'i kha dog dang / skad cig re re la sna tshogs su 'gyur ba'i kha dog dang / kha dog gi sprin sna tshogs yongs su ston pa'i kha dog dang / gzugs dang dbyibs sna tshogs kyi kha dog dang / rnam par 'phrul pa tshad med pa ston pa'i kha dog dang / shin tu yid du 'ong zhing rnam par snang ba'i kha dog dang / bzang po dang mdzes pa thams cad 'bel ba'i kha dog dang / sems can thams cad yongs su smin par bya ba dang mthun pa'i kha dog dang / bsam pa ji lta ba bzhin du 'dul ba la mngon du 'gyur ba'i dge ba'i kha dog dang / thogs pa med par kun tu snang ba'i kha dog dang / dang zhing rnyog pa med la rnam par gsal te 'od dang ba'i kha dog dang / mi shigs pa'i lus kyis bsgrubs pas mdzes par gyur pa'i kha dog dang / chos kyi tshul bsam gyis mi khyab pa rab tu ston pa'i kha dog dang / zil gyis ma non la zil gyis gnon pas thams cad zil du rlag par byed pa'i kha dog dang / mun pa dang rab rib med pa'i kha dog dang / mun pa thams cad rnam par sel ba'i kha dog dang / dkar po thams cad shin tu bsgrubs pa'i kha dog dang / bdag nyid che </font><hr>Cha83a<br><font size=+1>


@#/ /ba'i yon tan rgya mtsho'i kha dog dang / sngon bla ma la rim gror byas pas shin tu bsgrubs pa'i kha dog dang / lhag pa'i bsam pa nam mkha' yongs su dag par byed pa'i kha dog dang / mchog dam pa phul du byung bar shin tu yangs pa'i kha dog dang / mi 'phrog mi zad pa'i yon tan rgya mtsho rab tu ston pa'i kha dog dang / 'jig rten thams cad la mi gnas shing ma 'dres pa'i kha dog dang / thogs pa med par phyogs thams cad rgyas par 'gengs pa'i kha dog dang / sems kyi skad cig 'byams klas pa la zhing rgya mtsho brjod du med par kha dog sna tshogs rnam pa du ma yongs su ston pa'i kha dog dang / sems can thams cad kyi dga' ba'i shugs chen po rnam par 'phel bar byed pa'i kha dog dang / sems can rgya mtsho thams cad yongs su sdud pa'i kha dog dang / ba spu'i sgo thams cad na sangs rgyas kyi yon tan rgya mtsho ma lus pa'i sprin gyi sgra sgrog pa'i kha dog dang / sems can thams cad kyi bsam pa dang mos pa rgya mtsho rnam par sbyong ba'i kha dog dang / chos thams cad kyi don rnam par gdon mi za ba yongs su ston pa'i kha dog dang / 'od zer gyi dra ba'i dkyil 'khor kha dog sna tshogs su snang ba'i kha dog dang / nam mkha' ltar </font><hr>Cha83b<br><font size=+1>


dri ma med par snang ba'i kha dog dang / rin po che'i rgyal po rnam par dag pa ltar rdul gyi dri ma med pa'i 'od la gnas pa'i kha dog dang / chos nyid dri ma med pa'i 'od kyi kha dog dang / kha dog dpag tu med pa'i tshul rgya mtsho rnam pa tha dad pa yongs su ston pa'i kha dog dang / phyogs kun tu snang bar byed pa'i kha dog dang / dus la gang du bab par 'gro ba yongs su ston pa ma 'dres pa'i kha dog dang / zhi ba dang dul ba'i phyogs las byung ba'i kha dog dang / nyon mongs pa thams cad rab tu zhi bar byed pa'i kha dog dang / 'gro ba bsod nams kyi zhing thams cad la rab tu ston pa'i kha dog dang / 'jigs pa thams cad rab tu sel ba'i kha dog dang / don yod par 'gro ba rgyas par 'gengs pa'i kha dog dang / ye shes kyi rnam par gnon pa chen po rab tu brjod pa'i kha dog dang / chags pa med pa'i lus kyis kun tu rgyas par 'gengs pa'i kha dog dang / lus dam pa'i sprin gyi dbyangs kyis 'gro ba kun tu ston par byed pa'i kha dog dang / byams pa'i rgya mtsho chen po yongs su sdud pa'i kha dog dang / bsod nams kyi ri rab chen po yongs su sgrub pa'i kha dog dang / 'gro ba thams cad du mi gnas kyang 'jig rten gyi rgyud thams cad du gzugs brnyan 'byung ba'i kha dog dang / ye shes </font><hr>Cha84a<br><font size=+1>


@#/ /kyi stobs chen po rnam par sbyong ba'i kha dog dang / 'jig rten thams cad kyi rjes su dran pa dang 'grogs pa'i kha dog dang / rin po che thams cad lta bu'i kha dog dang / rnam par snang ba'i snying po ltar yongs su ston pa'i kha dog dang / 'gro ba thams cad kyi mos pa'i tshul dang mthun pa'i kha dog dang / thams cad mkhyen pa nyid kyi rnam pa la mngon du gyur pa'i kha dog dang / mig 'dzum gyis rgyas pas 'gro ba mos par byed pa'i kha dog dang / rin po che'i rgyan dam pa'i 'od kyi kha dog dang / 'gro ba thams cad du thogs pa med pa la phyir phyogs pa med pa'i kha dog dang / nges pa med cing mngon par zhen pa med pa'i kha dog dang / byin gyi rlabs kyis rnam par 'phrul pa'i khyu mchog gi mthu 'byin pa yongs su ston pa'i kha dog dang / rdzu 'phrul thams cad kyis rnam par 'phrul ba'i khyu mchog gi mthu phyung ba yongs su ston pa'i kha dog dang / de bzhin gshegs pa'i dge ba'i rtsa ba snang bar byed pa'i kha dog dang / chos kyi dbyings kha na ma tho ba med pa'i tshul rgya mtsho la rab tu zhugs pa'i kha dog dang / sangs rgyas thams cad kyi 'khor gyi dkyil 'khor du phyin pa'i gzugs brnyan 'byung ba'i kha dog dang / kha dog sna tshogs rab tu sgrub </font><hr>Cha84b<br><font size=+1>


pa'i kha dog dang / legs par spyad pa dang / rgyu mthun pa bzang pos byung ba'i kha dog dang / 'dul ba ji lta ba bzhin du nye bar sgrub pa'i kha dog dang / 'jig rten thams cad kyis blta na mi ngoms pa'i kha dog dang / 'od dang ba rnam pa sna tshogs kyi 'od du snang ba'i kha dog dang / dus gsum gyi kha dog rgya mtsho thams cad yongs su ston pa'i kha dog dang / 'od zer kha dog thams cad dang ldan pa rgya mtsho rab tu 'gyed pa'i kha dog dang / 'od kyi dkyil 'khor rgya mtsho kha dog brjod du med pa sna tshogs rnam pa tha dad pa yongs su ston pa'i kha dog dang / spos thams cad kyi 'od 'phro ba kun las 'das pa'i kha dog dang / ba spu'i sgo re re nas sangs rgyas kyi zhing brjod du med pa'i rdul shin tu phra ba snyed kyi nyi ma'i dkyil 'khor gyi sprin yongs su ston pa'i kha dog dang / zla ba'i dkyil 'khor gyi gzugs dri ma med cing yangs pa'i sprin gyi byin gyi rlabs kyi kha dog dang / me tog yid du 'ong ba'i ri rab kyi sprin mtha' yas pa rab tu 'gyed pa'i kha dog dang / phreng ba sna tshogs mngon par sgrub pa'i shing gi sprin phreng ba/ thams cad kyi char rab tu 'bebs pa'i kha dog dang / rin po che thams cad kyi pad+mo'i sprin yongs su ston pa'i kha dog dang / spos dang bdug spos thams cad kyi na bun </font><hr>Cha85a<br><font size=+1>


@#/ /gyi gzugs kyi sprin gyis chos kyi dbyings thams cad rgyas par 'grengs pa'i kha dog tu sems kyi skad cig re re la phye ma'i mdzod kyi sprin thams cad byin gyis brlabs shing phyogs bcur chos kyi dbyings kyi tshul rgya mtsho thams cad rgyas par bkang nas mthong bas 'dul ba'i sems can rnams dang / thos pas 'dul ba dang / rjes su dran pas 'dul ba dang / chos kyi 'khor lo sprul pa mngon par sgrub pas 'dul ba dang / yongs su smin par 'gyur ba'i dus la bab pas 'dul bar 'gyur ba dang / gzugs kyi lus yongs su bstan pas 'dul ba dang / bsnyen bkur bya bas 'dul ba dang / khong du chud par bya bas 'dul ba dang / rnam par 'phrul ba dang / chos 'phrul sna tshogs yongs su bstan pas 'dul ba dang / rnam par 'phrul pa dang / chos 'phrul bsam gyis mi khyab pa rnam par dmigs pa yongs su bstan pas 'dul ba'i sems can rnams kyi bsam pa'i dbang dang / dus kyi dbang dang / mi dge ba'i las las rnam par bzlog pa'i dbang dang / dge ba'i las yongs su sgrub pa la so sor dgod pa'i dbang dang / sngon smon lam chen po mngon par bsgrubs pa'i dbang dang / thams </font><hr>Cha85b<br><font size=+1>


cad mkhyen pa nyid kyi shugs kyi dbang dang / byang chub sems dpa'i rnam par thar pa rgya chen po'i rnam par 'phrul pa rab tu thob pa'i chos kyi dbang dang / 'gro ba thams cad yongs su bskyab pa shin tu sgrub pa'i snying rje chen po'i stobs yongs su 'byung ba'i dbang dang / byams pa chen po'i rgya mtsho rnam par dag pa yongs su skyed pa'i bsam pa'i dbang gis de bzhin gshegs pa'i byin gyi rlabs yang dag par blang ba'i phyir rab tu 'jug go /rigs kyi bu/ de ltar kho mos byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par bskul ba la rab tu gnas te/ rnam par dbye ba med pa'i chos la zhugs nas mtha' dang dbus med pa'i lus kyi kha dog dang dbyibs yongs su bstan te/ spyod pa'i lus re re las mtha' dang dbus med pa'i kha dog rgya mtsho 'jig rten du rnam par dmigs par byas te spyod pa'i kha dog re re las mtha' dang dbus med pa'i 'od zer gyi spring yongs su bkye zhing / 'od zer re re las kyang sangs rgyas kyi zhing gi gzugs brnyan mtha' dang dbus med pa yongs su bstan nas sangs rgyas kyi zhing re rer yang de bzhin gshegs pa 'byung ba mtha' dang </font><hr>Cha86a<br><font size=+1>


@#/ /dbus med pa yongs su bstan te/ de bzhin gshegs pa re re zhing yang sangs rgyas kyi rnam par 'phrul pa mtha' dang dbus med pa yongs su ston pa byed cing / sngon gyi dge ba'i rtsa ba yang dag par skul ba byed do/ /dge ba'i rtsa ba ma bskyed pa rnams kyang yongs su skyed do/ /bskyed pa rnams kyang yangs par byed do/ /dge ba'i rtsa ba yangs par byas pa rnams ni/ rnam par 'phel bar byed de/ kho mo ni/ sems kyi skad cig re re la yang sems can gyi khams mtha' dang dbus med pa bla na med pa yang dag par rdzogs pa'i byang chub las phyir mi ldog pa'i sa la rab tu dgod par byed do/ /shin tu rgyas par chen po'i mdo| sangs rgyas pa po che zhes bya ba las/ sdong pos brgyan pa'i le'u ste/ ! bam po brgya lnga pa/ rigs kyi bu/ gzhan yang khyod kyis 'di skad du smras te/ khyod bla na med pa yang dag par rdzogs pa'i byang chub tu zhugs nas ni/ ji srid cig lon/ bskal pa brgya phrag ji snyed cig nas ni/ byang chub kyi spyod pa la spyod ces zer ba de'i don kyang sangs rgyas kyi byin gyi rlabs kyis bstan par bya'o/ /rigs kyi bu/ byang chub sems dpa' rnams kyi ye shes kyi dkyil 'khor ni/ rtog </font><hr>Cha86b<br><font size=+1>


pa dang rnam par rtog pa'i yul dang ldan pa ste/ de la 'khor ba ring ba'am/ 'khor ba thung bar rnam par dgod cing brjod par bya ba med do/ /bskal pa kun nas nyon mongs pa'am/ bskal pa rnam par dag pa'am/ bskal pa chung ba'am/ bskal pa che ba'am/ bskal pa mang ba'am/ bskal pa tha dad pa'am/ bskal pa rnam pa sna tshogs su bya ba'am/ bskal pa rnam pa tha dad par bya bar yang rnam par dgod pa dang / brjod par bya ba med do/ /de ci'i phyir zhe na/ rigs kyi bu/ byang chub sems dpa' rnams kyi ye shes kyi dkyil 'khor ni/ rang bzhin gyi ngo bo nyid kyis yongs su dag pa ste/ 'du shes kyi dra ba thams cad dang bral bar sgrib pa'i ri thams cad las yang dag par 'das pa'i bsam pa la yongs su 'char te/ de'ang sems can thams cad yongs su smin par bya ba'i dus su 'dul ba ji lta ba bzhin du snang bar byed do/ /rigs kyi bu/ 'di lta ste/ nyi ma'i dkyil 'khor la nyin mtshan gyi grangs su bya ba med de mi srid kyang nyi ma'i dkyil 'khor nub na ni/ nub mor snang ngo / /nyi ma'i dkyil 'khor shar na ni/ nyin par du snang zhing brjod pa yod do/ /rigs kyi bu| de bzhin du byang chub sems dpa'i ye shes kyi dkyil </font><hr>Cha87a<br><font size=+1>


@#/ /'khor rnam par rtog pa med pa la rtog pa dang / yongs su rtog pa thams cad med de/ 'khor ba na gnas pa'i 'du shes kyi rnam pa thams cad dang dus su bya ba thams cad kyang med mod kyi/ 'on kyang byang chub sems dpa'i bsam pa las byung ba'i ye shes kyi dkyil 'khor rnam par rtog pa med pa ni/ sems can thams cad yongs su smin par bya ba'i dus kyi dbang gis bskal par gnas pa dang / 'khor ba'i 'du shes kyi rnam par bgrang ba'i grangs su bgrang ba yin te/ ye shes kyi dkyil 'khor rnam par rtog pa med pa la sngon gyi mtha' dang / phyi ma'i bskal par gnas pa'i 'du shes kyi rnam par bgrang ba yod do/ /rigs kyi bu/ 'di lta ste| dper na/ nyi ma'i dkyil 'khor ni/ nam mkha'i dbyings la 'dug kyang rin po che'i ri thams cad dang / rin po che'i shing thams cad dang / rin po che'i snod thams cad dang / rin po che'i 'byung gnas thams cad dang / rgya mtsho thams cad dang / mtsho dang mtshe'u thams cad dang / chu dang ba'i snod thams cad dang / 'gro ba thams cad kyi sems la gzugs brnyan rnam par dmigs pa snang ste/ sems can thams cad la mngon du gyur bar snang ngo / /rin po che thams cad kyi rdul shin </font><hr>Cha87b<br><font size=+1>


tu phra ba rnams la nyi ma'i dkyil 'khor gyi gzugs brnyan byung bar snang yang nyi ma'i dkyil 'khor de ni/ rin po che'i ri rnams la yang gnas pa med do/ /rin po che'i shing nas rin po che'i rdul shin tu phra ba rnams kyi bar du'ang zhugs pa med/ rin po che'i 'bru rnams kyi khongs su chud pa'ang ma yin/ rin po che'i 'byung gnas rnams kyi rjes su song ba'ang ma yin/ rgya mtsho rnams kyi nang du song ba'ang ma yin/ chu'i snod thams cad kyi nang du zhugs pa'ang ma yin mod kyi/ thams cad kyi khongs na 'dug par yang snang ngo / /rigs kyi bu/ de bzhin du byang chub sems dpa' sems dpa' chen po yang 'khor ba'i rgya mtsho las ni/ gyen du 'phags/ de bzhin gshegs pa'i chos kyi dbyings kyi nam mkha' la ni/ mngon par byung / chos kyi rang bzhin nam mkha'i rgyud la ni/ rgyu zhing spyod/ zhi ba'i nam mkha'i dbyings la ni/ gnas par gyur mod kyi/ srid pa'i lam gyi rgyud dang / skye gnas thams cad du'ang sems can thams cad yongs su smin par bya ba dang gdul ba'i don du sems can thams cad dang 'dra ba'i lus su skye bar snang ste/ 'khor ba'i nyes pas gos par mi 'gyur ro/ /skyed dang shi 'pho ba'i sdug bsngal gyis nye bar gdung ba med do/ /rtog pa dang rnam </font><hr>Cha88a<br><font size=+1>


@#/ /par rtog pa dag dang 'grogs pa med do/ /bskal pa la'ang ring ba'i 'du shes sam thung ba'i 'du shes su 'gyur ba med do/ /de ci'i phyir zhe na| de ni/ byang chub sems dpa' phyin ci log las shin tu 'das pa dang / 'du shes dang / sems dang / lta ba'i phyin ci log las yongs su 'das pa dang / rmi lam lta bu'i 'jig rten thams cad yang dag pa ji lta ba bzhin du ye shes kyis khong du chud pa dang / sgyu ma lta bu'i 'jig rten thams cad rab tu rtogs pa dang / sems can med pa'i ye shes kyi dbyings rab tu thob pa dang / yang dag pa ji lta ba bzhin du chos rab tu mthong bas snying rje'i dkyil 'khor shin tu yangs pa dang / smon lam chen po'i stobs kyis sems can thams cad yongs su smin par bya ba dang / gdul ba'i don du sems can thams cad la mngon du gyur par snang ngo / / rigs kyi bu/ 'di lta ste/ dper na/ chu klung chen po la sogs pa la gru ni/ rtag tu rgyun mi 'chad par sems can yongs su bsgral ba la brtson pa ste/ nam ma zhig gi bar du rgyun gcod pa med kyang de la pha rol gyi ngogs la mngon par chags pa med/ tshu rol gyi ngogs la'ang chags pa med/ chu'i dbus na'ang gnas </font><hr>Cha88b<br><font size=+1>


pa med do/ /rigs kyi bu/ de bzhin du byang chub sems dpa' yang pha rol tu phyin pa chen po'i gru'i mthus 'khor ba'i chu klung gi rgyud las sems can thams cad yongs su bsgral ba la zhugs pa yin te/ de la tshu rol gyi mus 'jigs pa med do/ pha rol gyi mur bde bar 'gyur ba'i 'du shes med do/ /'on kyang rtag tu rgyun mi 'chad pa'i byang chub sems dpa'i spyod pa la bskal pa dpag tu med pa thams cad du gnas par bya bar zhe non pas sems can thams cad yongs su bsgral bar bya ba la zhugs pa yin te/ bskal pa'i rnam pa tha dad pa la mngon par zhen pa med do/ /bskal pa 'da' bar bya ba la ring ba'i 'du shes su gyur cing byang chub sems dpa'i spyad pa la spyod pa ma yin no/ /rigs kyi bu/ 'di lta ste/ dper na/ chos kyi dbyings ltar yangs pa'i nam mkha'i dbyings nam mkha'i gzhi'i dkyil 'khor na 'jig rten gyi khams thams cad 'du 'am/ 'jig gam/ 'das par gyur kyang rnam par rtog pa med cing rang bzhin gyis rnam par dag pa la kun nas nyon mongs pa med de/ 'khrug pa med cing bsgribs pa med la phyi ma'i mtha'i dus su zhing thams cad 'dzin kyang yongs su skyo ba med do/ /rigs kyi bu/ de bzhin du byang chub sems dpa'i bsam pa ye shes </font><hr>Cha89a<br><font size=+1>


@#/ /nam mkha'i dkyil 'khor kyang smon lam chen po'i rlung gi dkyil 'khor gyis kun nas bskor cing ngan song gi g.yang sa thams cad las sems can yongs su 'dzin kyang yongs su skyo ba med do/ /bde ba'i lam la 'god pa byed kyang yongs su sgyid lug pa med do/ /thams cad mkhyen pa'i lam la 'god kyang zhum par byed pa med do/ /nyon mongs pa thams cad kyis kyang 'khrug pa med do/ /'khor ba'i nyes pa thams cad kyis kyang yongs su gdung ba med do/ / rigs kyi bu/ 'di lta ste/ dper na/ sgyu ma'i rnam pa las grub pa'i mi yan lag dang nying lag shin tu tshang ba la lus la gnas pa'i chos bcu med de/ bcu gang zhe na| 'di lta ste/ dbugs nang du rgyu ba'am/ dbugs phyir rgyu ba'am/ grang ba'am/ dro ba'am/ bkres pa'am/ skom pa'am/ dga' ba'am/ mi dga' ba'am/ skye ba dang / rga ba dang / na ba dang / 'chi ba'am/ gnod par 'gyur ba med do/ /rigs kyi bu/ de bzhin du byang chub sems dpa' ye shes kyi sgyu ma'i rnam pa las byung ba'i gzugs dang ldan pa/ chos kyi dbyings tha mi dad pa'i lus dang ldan pa/ srid pa'i lam gyi rgyud thams cad du sems can yongs su smin par byed pa'i don du </font><hr>Cha89b<br><font size=+1>


skyes te bskal pa thams cad du gnas pa la'ang chos bcu med de/ bcu gang zhe na/ 'di ltar 'khor ba la mngon par dga' ba'am/ 'khor ba srid pa'i lam gyi rgyud du skye bas skyo bar 'gyur ba'am/ yul gyi dga' ba la 'dun pa'am/ khong khro ba'i sems sam/ longs spyad par 'dod pa'am/ nyon mongs pa thams cad kyis yongs su gdung ba'am/ sdug bsngal gyi tshor ba nyams su myong ba'am/ lam nyam nga bar skye bas 'jigs pa'am/ srid par mngon par 'dun pa'am/ mngon par chags pa med do/ /'on kyang rigs kyi bu/ sangs rgyas kyi byin gyi rlabs kyis ma 'ongs pa'i byang chub sems dpa' rnams kyi byang chub sems dpa'i smon lam rgya chen po'i stobs rnam par 'phel bar bya ba'i phyir bstan par bya'o/ /rigs kyi bu/ sngon 'das pa'i dus bskal pa 'jig rten gyi khams rgya mtsho'i rdul shin tu phra ba snyed kyi pha rol de'i yang pha snga 'das par gyur pa de'i tshe de'i dus na 'jig rten gyi khams rin po che'i 'od ces bya ba zhig byung ste/ rigs kyi bu/ 'jig rten gyi khams rin po che'i 'od de la bskal pa ni/ 'od bzang po zhes bya ba byung ngo / /bskal pa 'od bzang po zhes bya ba de la ni/ sangs rgyas stong phrag bcu byung bar gyur te/ rigs kyi bu/ </font><hr>Cha90a<br><font size=+1>


@#/ /sangs rgyas stong phrag bcu po de dag las bskal pa'i dang po la de bzhin gshegs pa dgra bcom pa yang dag par rdzogs pa'i sangs rgyas chos kyi 'khor lo'i sgra nam mkha'i sprin gyi sgron ma rgyal po zhes bya ba mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi'i ston pa sangs rgyas bcom ldan 'das 'jig rten du byung ste/ de thams cad kyi thog ma la bla na med pa yang dag par rdzogs pa'i byang chub tu mngon par sangs rgyas so/ /rigs kyi bu/ de bzhin gshegs pa de gling bzhi pa'i dbus na rgyal po'i gnas dga' bas brgyan pa zhes bya ba yod pa dang tshad du'ang rgyang mi ring ba zhig tu byung ste/ rgyal po'i gnas dga' bas brgyan pa de'i shar phyogs logs na nags tshal 'od bzang po zhes bya ba zhig yod de/ nags tshal 'od bzang po der snying po byang chub rin po che'i me tog gi sprin ces bya ba byung ngo / /snying po byang chub rin po che'i sprin ces bya ba der gdan seng+ge'i khri rin po che rnam par snang ba'i snying po can byung ste/ de la bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po bla </font><hr>Cha90b<br><font size=+1>


na med pa yang dag par rdzogs pa'i byang chub tu mngon par sangs rgyas so/ /de'i tshe mi'i tshe'i tshad lo stong phrag bcu thub pa las 'jig rten du sems can srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / phra ma zer ba dang / zhe gcod pa'i tshig smra ba dang / tshig kyal ba zer ba dang / chags sems dang ldan pa dang / gnod sems yod pa dang / log par lta ba can byung ste/ de ltar mi dge ba'i las kyi lam bcu rnam par rgyas par gyur nas rab tu brtan par gyur te/ bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po des 'jig rten gyi dbang po sngon gyi rgyal ba la bya ba byas pa rnams dang / 'dzam bu'i gling gi mi rnams kyi dge ba'i rtsa ba yongs su smin par bya ba'i phyir snying po byang chub mchog tu gshegs te byang chub sems dpa' rnams la chos bstan to/ /de'i tshe rgyal po'i gnas dga' bas brgyan pa de na rgyal po rgyal ba'i 'od ces bya ba 'dug 'dug ste/ des mi ma byin par len pa/ rku ba/ sdig to byed pa/ srog gcod pa/ 'dod pas log par g.yem pa/ rdzun zer ba/ phra ma smra ba/ zhe gcod pa'i tshig dang ldan pa/ tshig kyal pa smra ba/ chags sems </font><hr>Cha91a<br><font size=+1>


@#/ /can/ gnod sems yod pa/ log par lta ba/ chos ma yin pa'i 'dod chags la zhen pa/ 'dod pa mi bzad pas mngon par non pa/ log pa'i chos kyi kun nas 'khor ba/ sdig to byed byed pa/ khro gtum byed byed pa/ bsod nams ma byas pa/ 'jigs pas bag tsha ba med pa/ mar mi shes pa/ phar mi shes pa/ dge sbyong du bya ba med pa/ bram zer bya ba med pa/ tshul mi shes pa/ g.yo dang ldan pa brgya stong du ma rab tu gdul bar bya ba'i phyir btson rar btsud par gyur to| |rgyal po rgyal ba'i 'od de la bu gzugs bzang ba/ shin tu mdzes pa/ blta na sdug pa/ kha dog bzang po dam pa rgyas pa dang ldan pa/ mi chen po'i mtshan nyi shu rtsa brgyad dang ldan pa rnam par rgyal ba zhes bya ba zhig yod pa de khang pa glu snyan pa'i dbyangs zhes bya ba'i steng du phyin te bud med kyi 'khor mang pos yongs su bskor cing 'dug 'dug pa las btson ra na 'khod pa'i sems can mtshon cha sna tshogs kyis dmad du glags pa de dag gi sgra 'jigs 'jigs skad du 'bod pa thos par gyur to/ /thos nas mi dga' zhing shin tu nyams mi bde ba'i sems su gyur te/ snying rje chen po skyes nas khang steng de nas shod du babs te/ btson ra der </font><hr>Cha91b<br><font size=+1>


phyin nas btson ra dam po na 'khod pa'i sems can shing sgrog dang / lcags sgrog dang / khong sgril dang / ltung dang mdo rtod kyis sgrog shing brtod de gcig gi lus dang gcig tu sbrel nas mun pa mun nag tu btsud de dud pa'i rab rib kyis 'grigs shing rlung nad nyams su mi bde bas nyam thag par gyur pa/ dbugs shin tu mi bde bar rgyu ba/ bkres pa dang skom pas mnar ba/ sgren mo gos med pa/ lus thams cad phyag dar dang rdul gyi nang na 'gre ba/ lus rang gi skras yog pa/ brla sgril gyis dam du bcings pa/ nyon mongs pa sna tshogs kyis mtho brtsams pa/ sdug bsngal gyi tshor bas zil gyis mnan cing sdug bsngal nyams su myong bar gyur te/ mi bzad pa sna tshogs kyi smre sngags bla zhing 'o dod 'bod pa de dag mthong nas snying rje chen po skyes te/ snying rje'i bsam pa rgya chen po byung nas gzhan la phan par bya ba'i sems skyes te btson ra thibs po na 'khod pa'i sems can rnams btson ra nas thar par bya'o/ /zhes dbugs bton nas des sems can de dag la mi 'jigs pa byin te rgyal po rgyal ba'i 'od gang na ba der song ste 'di skad ces gsol to/ /lha'i zhal snga nas mkhyen pa mdzad du gsol/ btson ra mi bde ba na mchis pa'i sems can rnams </font><hr>Cha92a<br><font size=+1>


@#/ /la glo ba rje nas bdag gis mi 'jigs pa stsal na/ de dag dgye bar ci gnang zhes nas de nas rgyal po rgyal ba'i 'od kyis blon po lnga brgya po bsags nas khyed ji snyam du sems zhes smras pa dang / de dag gis smras pa/ btson 'di rnams ni/ rgyal po'i phyag mdzod rku ba/ rgyal po'i sku la dar ba/ btsun mo'i 'khor du zhugs pa las bzung ba sha stag ste/ de dag ni/ mi 'gum du'ang mi rung / de dag gi chad pa ni/ 'gum pas 'bra bar bas ste/ ma lags na'ang btson rar gum na/ chad pa 'bra lags grang / de dag gi mgon su bgyid pa de'ang rgyal po'i zhal sngar glo ba ring ngo / /de nas rgyal po'i bu rnam par rgyal ba'i snying rje chen pos mi bzod ches nas blon po de dag la smras pa/ khyed kyis ji skad du smra ba de ltar yang rung ste/ ngas khong ta 'di dag gi don du sdug bsngal nyams su blang ba thams cad kyang bzod par bya na/ de dag la khyed kyis ci bya ba de nga la gyis te nyes pa can de dag khye zhig /ngas de rnams btson ra nas dgrol ba'i don du mi bde ba thams cad nyams su blang ste lus dang / srog yongs su dor bar bya'o/ /de ci'i phyir zhe na/ gal te ngas sems can 'di rnams tsam zhig kyang btson ra nas </font><hr>Cha92b<br><font size=+1>


dgrol bar ma nus na/ khams gsum pa'i btson ra na 'khod pa'i sems can sred pa'i zhags pas glags pa/ ma rig pa'i thibs po na 'khod pa/ gti mug gi mun par btsud pa/ phongs pa'i sdug bsngal gyis mnar ba/ ngan song gi rgyud zabs su ring zhing 'byung bar dka' bar chud pa/ dbyibs mi sdug la mdog mi sdug pa dang ldan pa/ dbang po'i sbyor ba thams cad dang bral ba/ nor ba'i yid dang ldan pa/ 'byung ba mi mthong ba/ snang ba med pa/ khams gsum pa la mngon par zhen pa/ bsod nams dang ye shes kyi tshogs med pa/ ye shes kyi skye mched dang skol ba/ nyon mongs pa sna tshogs kyis sems dri ma can du gyur pa/ sdug bsngal gyi shing thags kyis 'khor ba/ bdud kyi dbang du gyur pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pas mnar ba rnams kyang ji ltar khrol bar bya zhes nas rgyal po gzhon nu rnam par rgyal bas btson ra na 'khod pa'i sems can de dag bdag nyid yongs su gtang ba dang / rnam pa thams cad du yongs su gtang bas g.yog 'khor thams cad dang / nor gyi phung po thams cad kyis blus te btson ra de dag nas yongs su bkye nas sems can de dag gi sdug bsngal </font><hr>Cha93a<br><font size=+1>


@#/ /nyams su blangs te phyir ldog pa med par gyur to/ /de nas blon po lnga brgya po de dag gis lag pa gyen du bsgreng ste 'o dod bos nas rgyal po rgyal ba'i 'od kyi gan du dong ste 'di skad ces smras so/ /rgyal po'i zhal snga nas mkhyen par mdzad du gsol/ gzhon nu rnam par rgyal ba'i mchid thabs su bgyis pas rgyal po'i chab srid kyang stor bar 'gyur/ bdag cag rnams kyang srog la 'bab par the tshom 'tshal te/ lha'i zhal snga nas rgyal po gzhon nu rnam par rgyal ba la bka' nan ma mdzad na ni/ ring po'ang mi thogs par lha'i zhal sngar sku la dar bar 'gyur ro/ /zhes pa dang / de nas rgyal po rgyal ba'i 'od shin tu khros nas rgyal po'i bu rnam par rgyal ba dang / g.yon dang ldan pa'i mi de dag tu bcas te gsad par byas so/ /de nas de'i ma skyed skyed pas thos nas mi dga' ste/ bud med kyi 'khor stong dang bcas te skra ni/ bshig /lus kyi rgyan ni/ bor/ rang gi bzhin ni/ dral/ brang ni/ rdung / mgo ni/ phyag dar gyis gang bar snying rje rje skad kyi nga ror du zhing rgyal po'i drung du phyin nas 'khor dang bcas pas rkang pa gnyis la phyag byas te 'di skad du gsol ba btab bo/ /lha'i zhal snga nas thugs ci dgongs/ rgyal po gzhon nu rnam par rgyal </font><hr>Cha93b<br><font size=+1>


ba gtang du gsol/ rgyal po gzhon nu rnam par rgyal ba'i srog stsal du gsol zhes nas de nas rgyal pos rgyal po gzhon nu rnam par rgyal ba mdun du bzhag ste 'di skad ces smras so/ /gzhon nu/ g.yon dang ldan pa'i mi 'di rnams thong / de ste mi gtong zhing de rnams kyi le lan du shi bar gyur ta re zhes pa dang / des zhum pa med pa'i sems ma 'khums pa/ thams cad mkhyen pa nyid du dmigs par brtson pa/ gzhan la phan par gzhol ba/ snying rje chen po sngon du 'gro bas 'chi bar khas blangs pa dang / de'i mas rgyal po rgyal ba'i 'od la zla ba phyed cig tu phrad par gsol ba btab pa/ dgung zla phyed cig tu gzhon nu 'di sbyin pa stsol du ci gnang / de slan chad ni| su ci dgyes pa de'ang mdzad par gsol zhes pa dang / de de ltar gyis shig /ces rgyal pos gnang ngo / /de nas rgyal po'i gnas dga' bas brgyan pa de'i byang phyogs logs shig na sngon mchod sbyin gyi gnas su bya ba'i bza' shing gi ra ba chen po nyi ma'i 'od ces bya ba der gzhon nu de song nas su ci 'dod pa de la de byin te/ des gtan pa med pa'i mchod sbyin byas nas zla ba phyed du sbyin pa rnam pa sna tshogs byin no/ /zas 'dod pa la ni/ zas byin/ skom 'dod pa la ni/ skom byin/ bzhon pa dang / </font><hr>Cha94a<br><font size=+1>


@#/ /gos dang / me tog dang / byug pa dang / phye ma dang / chos gos dang / gdugs dang / rgyal mtshan dang / ba dan dang / rin po che'i rgyan dang / yo byad thams cad dang / lhab lhub thams cad dang / yo byad kyi rnam pa thams cad kyang de dag 'dod pa la yongs su btang ste/ de nas nyi ma tha ma la bab par gyur pa dang 'gro ba mang po'i tshogs kun nas 'dus te/ rgyal po'i blon po dang / bud med kyi tshogs dang / tshong dpon dang / khyim bdag dang / ljongs dang yul gyi mi dang zhags pa thub pa thams cad kyang kun nas 'dus/ bcom ldan 'das chos kyi 'khor lo'i sgra nam mkha'i sprin gyi sgron ma rgyal po de bzhin gshegs pa de yang sems can yongs su smin par bya ba dang / gdul ba'i dus thugs su chud nas mchod sbyin gyi gnas der gshegs te lha'i dbang po'i tshogs kyis ni/ yongs su bskor| klu'i dbang pos ni/ yang dag par mchod/ gnod sbyin gyi dbang pos ni/ lus mngon par btud/ dri za'i dbang pos ni/ mngon par bstod/ lha ma yin gyi dbang pos ni/ lus shin tu btud/ nam mkha' lding gi dbang po gtsug gi rin po ches rnam par brgyan pas ni/ sems dang ba'i mchod pa'i rnam pas rab tu </font><hr>Cha94b<br><font size=+1>


bkang / mi'am ci'i dbang po rnams kyis ni/ dga' bas yongs su mchod de bstod pa'i glu dbyangs kyis yongs su bskul/ lto 'phye chen po'i dbang po rnams kyis ni/ kun nas bskor cing zhal du blta ba de 'gro ba'i tshogs chen po de dang / rgyal po gzhon nu rnam bar rgyal bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos kyi 'khor lo'i sgra nam mkha'i sprin gyi sgron ma rgyal po shin tu mdzes pa/ blta na sdug pa/ dbang po zhi ba/ thugs zhi ba| shin tu dben par dbang po las rgyal ba/ glang po ltar shin tu dul ba/ mtsho ltar rab tu dwangs shing gsal la rnyog pa med pa/ sangs rgyas kyi rnam par 'phrul pa dang| cho 'phrul chen po dang / sangs rgyas kyi khyu mchog gi mthu phyung ba chen pos ni/ rnam par mdzes/ sangs rgyas kyi bdag nyid che bas ni/ rab tu 'bar/ sangs rgyas kyi mtshan dang / dpe byad bzang po'i rgyan gyis ni/ sku mdzes par brgyan/ 'jig rten thams cad ni/ sangs rgyas kyi 'od kyi dkyil 'khor snang bas rgyas par 'gengs shing sangs rgyas kyi 'od zer gyis rab tu snang bar mdzad/ sku'i ba spu'i bu ga thams cad nas ni/ spos rin po che'i ngad 'phro ba'i 'khor lo rab tu 'gyed/ </font><hr>Cha95a<br><font size=+1>


@#/ /sangs rgyas kyi zhing rab tu bskyod pa'i tshul du ni/ 'jig rten gyi khams thams cad yongs su skyob pa mdzad cing rgyan thams cad kyi sprin gyi char rab tu 'bebs pa'i sangs rgyas kyi rnam par gnon pa dang / sems can thams cad kyi nyon mongs pa spong ba'i sangs rgyas kyi spyod lam dang / sems can thams cad kyi dga' ba'i shugs rnam par 'phel bar mdzad pa'i sangs rgyas kyi zhal blta ba'i byin gyis pha zad cig nas tshur gshegs pa mthong nas de bzhin gshegs pa la sems mngon par mos par gyur to/ /de nas rgyal po gzhon nu rnam par rgyal ba dang / 'gro ba'i tshogs chen po de dag gis bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po de pha zad du bsu nas mos pa'i sems kyis lus thams cad kyis phab ste phyag 'tshal nas zhabs gnyis la spyi bos gtugs te mchod pa rnam pa sna tshogs kyis yang dag par mchod nas tshig 'di skad du brjod do/ /bcom ldan 'das tshur gshegs su gsol/ bde bar gshegs pa tshur gshegs su gsol/ de bzhin gshegs pas bdag cag dgongs so/ /bde bar gshegs pas bdag cag yongs </font><hr>Cha95b<br><font size=+1>


su bzung ngo / /de nas rgyal po gzhon nu rnam par rgyal bas bcom ldan 'das la gdan dam pas bstabs te 'di skad ces gsol to/ /bcom ldan 'das gdan bting ba 'di la bzhugs su gsol zhes nas bcom ldan 'das der gshegs pa dang / gdan de yang gtsang sbra lhur len pa'i lus kyi ris su gtogs pa'i lha rnams kyis sangs rgyas kyi byin gyis rin po che spos kyi rgyal po'i pad+mo'i snying po can du byin gyis brlabs nas gdan de la bcom ldan 'das chos kyi 'khor lo'i sgra nam mkha'i sprin gyi sgron ma rgyal po de bzhin gshegs pa bzhugs so/ /'khor gyi stan de dag la byang chub sems dpa' rnams 'khod de/ de'i zhal mthong ma thag tu 'khor de'i sems can thams cad kyang sgrib pa thams cad dang bral te/ nad thams cad kyang zhi bar gyur nas 'phags pa'i chos kyi snod du gyur to/ /de nas bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal pos sems can de dag snod du gyur par thugs su chud nas bstan pa rim pas bka' stsal te/ 'di ltar rgyu'i dkyil 'khor rab tu snang ba zhes bya ba'i mdo sde yang dag par bstan nas zhal gyi sgo nas 'gro ba thams cad kyi skad rgya mtsho dang / des pa'i tshig dang </font><hr>Cha96a<br><font size=+1>


@#/ /ngag gi dbyangs su brjod pa'i gsung dbyangs kyi yan lag stong dang ldan pa/ chos kyi yan lag thams cad dang ldan pa rab tu bsgrags pa dang| de'i mod la 'khor de nas srog chags bye ba phrag brgyad cu ni/ rdul dang bral te dri ma med par gyur nas chos la chos kyi mig skyes par gyur to/ /srog chags bye ba mang zhig gis ni/ mi slob pa'i sa thob par gyur to/ /srog chags stong phrag bcu ni/ theg pa chen po la rnam par dul bar gyur te/ 'di ltar byang chub sems dpa'i spyod pa kun tu bzang po dang / smon lam chen po yongs su rdzogs pa'i tshul la zhugs par gyur to/ /de ltar bcom ldan 'das des sangs rgyas kyi rnam par 'phrul pa chen pos chos kyi 'khor lo rab tu bskor ba'i tshe phyogs bcu'i sems can sangs rgyas kyi zhing brgya phrag stong gi rdul shin tu phra ba snyed theg pa chen po la rnam par dul bar gyur to/ /phyogs bcu'i 'jig rten sangs rgyas kyi zhing 'byams klas pa sna tshogs su gtogs pa dag gi sems can mtha' dang dbus med pa dag gis kyang ngan song gi lam rnam par bzlog par gyur to/ /sems can grangs las 'das pa zhig ni/ mtho ris su skye ba'i lam la rab tu bkod par gyur </font><hr>Cha96b<br><font size=+1>


to| |rgyal po gzhon nu rnam par rgyal bas kyang byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba 'di thob par gyur to/ /rigs kyi bu/ de la de'i tshe de'i dus na rgyal po gzhon nu rnam par rgyal ba zhes bya ba byung ste/ rang gi lus dang srog yongs su btang nas nor gyi tshogs dang / 'khor thams cad dang / mi'i 'jig rten na 'tsho ba'i bde ba yongs su spangs nas btson ra na 'khod pa'i sems can de dag thar par byas pa/ mchod sbyin chen po gtan pa med pa'i mchod sbyin byed byed pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos kyi 'khor lo'i sgra nam mkha'i sprin gyi sgron ma rgyal po de la bsnyen bkur byed byed pa/ de bzhin gshegs pa de'i zhal mthong ba'i mod la bla na med pa yang dag par rdzogs pa'i byang chub tu sems bskyed de/ byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba yang thob par gyur pa de gzhan zhig yin pa snyam du sems na ni/ rigs kyi bu/ khyod kyis de ltar mi blta </font><hr>Cha97a<br><font size=+1>


@#/ /ste kho mo ni/ de'i tshe de'i dus na rgyal po gzhon nu rnam par rgyal ba zhes bya bar gyur to/ /de ltar kho mo rgyal po gzhon nu rnam par rgyal ba zhes bya par gyur te/ snying rje chen pos rab tu mi dga' zhing 'gro ba thams cad la phan par zhugs te/ khams gsum la mi gnas pa dang / rnam par smin pa'i lan la re ba med pa dang / grags pa dang / snyan pa dang / ming smos pa la mngon par dga' ba med pa dang / bdag la bstod pa med pa dang / gzhan la smod pa med pa dang / dngos po thams cad la mngon par zhen pa med pa dang / sred pa'i 'du shes las gyen du 'phags pa dang / khams gsum pa la mngon par dga' ba med pa dang / 'jig rten gyi yul gyi bde ba las phyir phyogs pa dang / de bzhin gshegs pa'i yul la mngon du gyur pa dang / byang chub sems dpa'i bsam pa rnam par dag pa dang / lhag pa'i bsam pa rdo rje yongs su grub pa dang / 'gro ba thams cad la byams pa chen pos nan tan du byed pa dang / 'gro ba thams cad la snying brtse bas sdug bsngal rnam par zhi bar bya ba la brtson pa dang / de bzhin gshegs pa'i stobs la bsam pa thag pa nas lhag par dmigs pa dang / byang chub sems dpa'i </font><hr>Cha97b<br><font size=+1>


lam yongs su sbyang ba dang / theg pa chen po'i rgyan gyis 'byung ba'i lam rab tu brgyan par bya ba dang / thams cad mkhyen pa nyid kyi sgo mngon par blta bar bya ba'i tshul gyis de dag de lta bur dka' ba dag kyang byas par gyur to/ /rigs kyi bu/ kho mos ni/ byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba 'di yun de srid du ring ba zhig nas thob par gyur to/ /rigs kyi bu/ de la ji snyam du sems/ de'i tshe de'i dus ni rgyal po rgyal ba'i 'od la log par gsol ba 'debs shing kho mo gsad pa'i phyir gros su gsol ba'i blon po lnga brgya po de rnams gzhan dag cig yin pa snyam du sems na ni/ de ltar mi blta ste/ lhas byin gyis bcom ldan 'das dgrongs pa'i phyir skyes bu lnga brgya bkye ba de dag yin te/ de dag kyang bcom ldan 'das kyis ma 'ongs pa'i dus bskal pa ri rab kyi rdul shin tu phra ba snyed na bskal pa 'od bzang po zhes bya ba zhig la sangs rgyas lnga brgya sangs rgyas kyi zhing gi yon tan dang rgyan sna tshogs dang ldan pa/ rigs dang rgyud sna tshogs su skyes pa/ pha dang ma sna tshogs su smos pa/ skye ba'i rnam par 'phrul ba sna tshogs yongs su ston pa/ mngon </font><hr>Cha98a<br><font size=+1>


@#/ /par 'byung ba'i rnam par 'phrul pa sna tshogs dang ldan pa/ byang chub kyi shing gi 'od sna tshogs yongs su ston pa/ snying po byang chub sna tshogs su nye bar 'dong ba'i sgo sna tshogs dang ldan pa/ bdud pham pa sna tshogs yongs su ston pa/ mngon par 'tshang rgya ba'i rnam par 'phrul pa sna tshogs yongs su ston pa/ chos kyi 'khor lo rab tu bskor ba'i tshul dang / ming dang / nges pa'i tshig sna tshogs dang ldan pa/ mdo sde'i tshul shin tu bstan pa sna tshogs dang ldan pa/ tshig gi lam dang skad sna tshogs rab tu ston pa/ 'khor gyi dkyil 'khor gyi rgyan sna tshogs dang ldan pa/ 'od kyi dkyil 'khor gyi mthu dang rgyan sna tshogs rab tu 'gyed pa/ tshe'i tshad sna tshogs dang ldan pa/ bstan pa'i byin gyi rlabs sna tshogs dang ldan pa/ bstan pa rnam par dmigs pa sna tshogs dang ldan pa| ming sna tshogs dang ldan pa/ snying rje chen po'i lus su gyur pa sha stag tu 'gyur te/ de dag gi bskal pa'i dang po la de bzhin gshegs pa thugs rje chen po mnga' ba zhes bya ba 'jig rten gyi khams rin chen 'od du bla na med pa yang dag par rdzogs pa'i byang chub tu mngon par 'tshang rgya'o/ /de'i rjes la 'jig rten gyi </font><hr>Cha98b<br><font size=+1>


khams de nyid du de bzhin gshegs pa gnyis pa 'gro ba thams cad la phan pa'i smon lam zla ba zhes bya ba 'byung ngo / /de bzhin gshegs pa gsum pa thugs rje chen po'i seng+ge zhes bya ba 'byung ngo / /de bzhin gshegs pa bzhi pa 'jig rten thams cad la phan pa mdzad pa zhes bya ba 'byung ba nas thams cad kyi tha mar de bzhin gshegs pa sman pa'i rgyal po zhes bya ba 'byung bar 'gyur ro/ /zhes bla na med pa yang dag par rdzogs pa'i byang chub tu lung bstan to/ /rigs kyi bu/ de la ji snyam du sems/ de'i tshe de'i dus na g.yon dang ldan pa'i mi'i rgyal po la snying ring bar gyur te/ kho mos gsod ma mi'i lag tu phyin pa las rang gi lus dang srog yongs su btang ste btson ra de dag nas bkye ba de rnams gzhan dag cig yin pa snyam du sems na ni/ de ltar mi blta ste/ de bzhin gshegs pa log par dad sel la sogs pa bskal pa bzang po pa'i de bzhin gshegs pa rnams dang / de ma yin pa'i byang chub sems dpa' grangs med pa brgya stong phrag bcu dag ste/ bcom ldan 'das de bzhin gshegs pa stobs mtha' yas grags par brjod pa'i dpal yang dag par 'byung ba'i blo gros mthong bar gyur ma thag tu bla na med pa yang dag par rdzogs pa'i byang chub tu </font><hr>Cha99a<br><font size=+1>


@#/ /sems bskyed nas da ltar phyogs bcu na byang chub sems dpa'i spyad pa spyod cing byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par bskul ba 'di yang sgom zhing shin tu rgyas par byed pa dag go /rigs kyi bu/ de la ji snyam du sems/ de'i tshe de'i dus na rgyal po rgyal ba'i 'od ces bya ba byung ba de gzhan zhig yin pa snyam du sems na ni/ de ltar mi blta ste/ smra ba chen po bden pa can ni| de'i tshe de'i dus na rgyal po rgyal ba'i 'od ces bya bar gyur to/ /rigs kyi bu/ de la ji snyam du sems/ de'i dus na rgyal po'i 'khor du gyur pa btsun mo'i 'khor dang / btsun mo'i gnas kyi sgo ba'am/ 'khor na gnas pa'am/ rjes su 'brang ba de dag kyang gzhan dag cig yin pa snyam du sems na ni/ de ltar mi blta ste| zhags pa thub pa stong phrag drug cu po smra ba chen po bden pa can gyi smra ba'i rgyal mtshan yongs su gzung ba'i don du bcom ldan 'das la rgol du 'gro ba'i tshe bcom ldan 'das kyi sbyan sngar blags nas kun kyang zhing sna tshogs kyi rgyan dang / bskal pa sna tshogs dang / ming sna tshogs kyi de bzhin gshegs par 'jig rten </font><hr>Cha99b<br><font size=+1>


du 'byung bar 'gyur ro/ /zhes bcom ldan 'das kyis bla na med pa yang dag par rdzogs pa'i byang chub tu lung bstan pa dag go /rigs kyi bu/ rgyal po gzhon nu rnam par rgyal ba de pha dang mas gnang nas sems can brtson ra ba de dag yongs su bkrol ba'i 'og tu srid shin tu bde ba dang / nor dang / dbyig rin po che phun sum tshogs ba dag kyang por/ bu dang chung ma dag kyang spangs nas bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po'i zham 'bring du rab tu byung ngo / /rab tu byung nas kyang lo stong phrag lngar tshangs par spyod pa spyad de/ de'i bar skabs su ting nge 'dzin gyi sgo stong phrag bcu yongs su bsgrubs so/ /gzungs kyi sgo stong phrag bcu'ang rab tu thob bo/ /mngon par shes pa'i tshul stong phrag bcu la'ang rab tu zhugs so/ /byang chub sems dpa'i gter stong phrag bcu'ang rab tu thob bo| |thams cad mkhyen pa'i shugs stong phrag bcu'ang yongs su skyes so/ /bzod pa'i sgo stong phrag bcu'ang yongs su sbyangs so/ /sems nges par gzhag pa stong phrag bcu'ang mngon par bsgrubs so/ /byang chub sems dpa'i stobs kyi lus stong phrag bcu'ang yongs su spel to/ /byang chub sems dpa'i ye shes kyi sgo stong phrag bcur yang </font><hr>Cha100a<br><font size=+1>


@#/ /rab tu zhugs so/ /shes rab kyi pha rol tu phyin pa'i tshul stong phrag bcu yang yongs su skyes so/ /sangs rgyas blta ba'i phyogs kyi sgo stong phrag bcu yang mngon du gyur to/ /byang chub sems dpa'i smon lam stong phrag bcu'ang mngon par bsgrubs so/ /de de lta bu'i chos dang ldan pas sems kyi skad cig re re la phyogs bcur sangs rgyas kyi zhing stong phrag bcu yongs su gnon to/ /'jig rten gyi khams re re zhing yang sems kyi skad cig re re la sangs rgyas stong phrag bcu sngon gyi mtha' dang phyi ma'i mthar rjes su dran no/ /de bzhin gshegs pa de dag gi sangs rgyas kyi sprul pa rgya mtsho stong phrag bcu phyogs bcur gshegs pa de dag kyang mthong zhing shes so/ /sems kyi skad cig re re la yang sangs rgyas kyi zhing stong phrag bcur gtogs pa'i sems can 'gro ba'i rgyud sna tshogs su skyes pa shi 'pho zhing skye bar gyur pa mtho ba dang / dma' ba dang / bde 'gro'i lam du phyin pa dang / ngan song gi lam du phyin pa dang / kha dog sdug pa dang / kha dog mi sdug pa las ci bzhin du skyes par gyur pa thams cad kyang mthong bar gyur to/ /sems can de dag gi shi 'pho dang skye ba yang khong du chud cing mthong ste/ sems kyi rgyud dang / </font><hr>Cha100b<br><font size=+1>


sems kyi spyod pa dang / sems kyi 'dab 'brel ba dang / bsam pa sna tshogs dang / dbang po rgya mtsho dang / sbyor ba 'byams klas pa dang / las mthar thug pa dang / yongs su smin par bya ba dang / rnam par gdul ba'i dus kyang khong du chud cing mthong ngo / /rigs kyi bu/ rgyal po gzhon nu de de nas shi 'phos nas kyang 'dzam bu'i gling de nyid du rgyal po'i gnas dga' ba dang ldan par rgyal po de nyid kyi rigs su skyes nas 'khor los bsgyur ba'i rgyal srid thob par gyur to/ /de 'khor los bsgyur ba'i rgyal por gyur pas bcom ldan 'das de bzhin gshegs pa chos kyi 'khor lo'i sgra nam mkha'i sprin gyi sgron ma rgyal po yongs su mya ngan las 'das pa'i 'og tu de bzhin gshegs pa chos kyi nam mkha' la dpal shin tu 'phags pa'i rgyal po bsnyen bkur to/ /de'i 'og tu snying po byang chub de nyid du brgya byin du gyur te/ de bzhin gshegs pa lha dbang snying po zhes bya ba bsnyen bkur to/ /de'i 'og tu 'jig rten gyi khams de nyid du rab mtshe ma'i lha'i rgyal por gyur te/ de bzhin gshegs pa sa'i dpal ri bo'i gzi brjid ces bya ba bsnyen bkur to/ /de'i 'og tu 'jig rten gyi khams de nyid du rab dga' ldan gyi lha'i rgyal por gyur te/ de bzhin gshegs pa chos kyi </font><hr>Cha101a<br><font size=+1>


@#/ /'khor lo'i 'od rab tu bsgrags pa'i rgyal po zhes bya ba bsnyen bkur to/ /de'i 'og tu 'jig rten gyi khams de nyid du rab 'phrul dga'i lha'i rgyal por gyur te/ de bzhin gshegs pa nam mkha' mdzes pa'i rgyal po zhes bya ba bsnyen bkur to/ /de'i 'og tu 'jig rten gyi khams de nyid du dbang bsgyur gyi lha'i rgyal por gyur te/ de bzhin gshegs pa stobs la thug pa med pa'i dpal zhes bya ba bsnyen bkur to/ /de'i 'og tu 'jig rten gyi khams de nyid du lha ma yin gyi dbang por gyur te/ de bzhin gshegs pa chos thams cad kyi 'brug sgra bsgrags pa'i rgyal po zhes bya ba bsnyen bkur to/ /de'i 'og tu 'jig rten gyi khams de nyid du tshangs pa'i dbang por gyur te/ de bzhin gshegs pa chos kyi 'khor lo sprul pa kun tu snang ba'i dbyangs zhes bya ba bsnyen bkur to/ /rigs kyi bu/ 'jig rten gyi khams rin chen 'od de nyid du bskal ba 'od bzang po de nyid la de bzhin gshegs pa de dag la sogs pa sangs rgyas stong phrag bcu byung ste/ de bzhin gshegs pa de dag thams cad kyang rgyal po gzhon nu rnam par rgyal bas bsnyen bkur to/ /rigs kyi bu/ bskal pa 'od bzang po de'i 'og tu bskal pa 'od zer bzang po zhes bya ba </font><hr>Cha101b<br><font size=+1>


byung ste| bskal pa 'od zer bzang po de la yang sangs rgyas stong phrag bcu byung ngo / /kho mo yang bskal pa de la rgyal po blo gros chen po zhes bya ba zhig tu gyur te/ de'i tshe kho mo rgyal por gyur pas de bzhin gshegs pa mtshan gyi dpal ri bo zhes bya ba bsnyen bkur to/ /de'i 'og tu bskal pa de nyid la khyim bdag cig tu gyur te/ de bzhin gshegs pa phung po yongs su grub pa zhes bya ba bsnyen bkur to/ /de'i 'og tu bskal pa de nyid la blon po zhig tu gyur te/ de bzhin gshegs pa dri ma med pa'i sras zhes bya ba bsnyen bkur to/ /de'i 'og tu bskal pa de nyid la lha ma yin gyi dbang po zhig tu gyur te/ de bzhin gshegs pa shugs mnga' ba zhes bya ba bsnyen bkur to/ /de'i 'og tu bskal pa de nyid la shing gi lha mo zhig tu gyur te/ de bzhin gshegs pa mtshan nyid ri rab ces bya ba bsnyen bkur to/ /de'i 'og tu bskal pa de gnyis la ded dpon cig tu gyur te /de bzhin gshegs pa phyag dri ma med pa zhes bya ba bsnyen bkur to/ /de'i 'og tu bskal pa de nyid la grong khyer gyi lha mo zhig tu gyur te/ de bzhin gshegs pa seng+ge rnam par gnon pas bzhud pa zhes bya ba bsnyen bkur to/ /de'i 'og tu bskal pa de nyid la ngal bso bo zhig tu gyur te/ de bzhin gshegs pa lha dbang gtsug phud ces bya ba bsnyen bkur </font><hr>Cha102a<br><font size=+1>


@#/ /to| |de'i 'og tu bskal pa de nyid la dri za'i rgyal po zhig tu gyur te/ de bzhin gshegs pa grags pa chos kyis 'phags pa zhes bya ba bsnyen bkur to/ /de'i 'og tu bskal pa de nyid la grul bum gyi dbang po zhig tu gyur te/ de bzhin gshegs pa snang ba'i cod pa na zhes bya ba bsnyen bkur to/ /rigs kyi bu de ltar kho mos de bzhin gshegs pa bcu po de dag la sogs pa bskal pa 'od zer bzang po de la skye ba'i rigs sna tshogs su skyes nas de bzhin gshegs pa bye ba phrag drug cu bsnyen bkur te/ kho mos de bzhin gshegs pa de dag thams cad la mchod pa byas so/ /de bzhin gshegs pa re re'i sbyan sngar 'gro ba'i tshe yang sems can gyi khams mtha' dang dbus med pa/ bla na med pa yang dag par rdzogs pa'i byang chub tu yongs su smin par byas so/ /de bzhin gshegs pa re re'i sbyan sngar 'gro ba'i tshe yang ting nge 'dzin gyi sgo sna tshogs rab tu thob par gyur to/ /gzungs kyi sgo sna tshogs dang / mngon par sgrub pa'i tshul sna tshogs dang / tha dad pa yang dag par shes pa mngon par sgrub pa'i tshul sna tshogs dang / thams cad mkhyen pa nyid kyi tshul rjes su rtogs par bya ba sna tshogs dang / chos snang ba'i </font><hr>Cha102b<br><font size=+1>


sgo thob par bya ba'i tshul sna tshogs dang / ye shes kyi tshul khong du chud par dpyad pa rnams pa sna tshogs dang / phyogs rgya mtsho la 'jug pa'i snang ba sna tshogs dang / zhing rgya mtsho sna tshogs la 'jug cing khong du chud par bya ba'i snang ba sna tshogs dang / de bzhin gshegs pa rgya mtsho mthong bar bya ba rnam par dmigs pa'i snang ba sna tshogs kyang rab tu thob pa/ /yongs su non to/ /rnam par dag go /yongs su rdzogs so/ /yongs su gnas par gyur to/ /skyes so/ /byung ngo / /rnam par 'phel to/ /yongs su 'phel to/ /rab tu byung ngo // rnam par byung ngo / /bskal pa 'od zer bzang po de la de bzhin gshegs pa rnams ji ltar rim gror byas pa de bzhin du bskal pa 'jig rten gyi khams rgya mtsho thams cad kyi rdul shin tu phra ba snyed du de bzhin gshegs pa ji snyed cig byung bar gyur pa dang / de bzhin gshegs pa ji snyed cig 'jig rten gyi khams gzhan nas de dag tu byon te chos bstan par gyur pa'i de bzhin gshegs pa de dag thams cad las kyang kho mos chos bstan pa thos te/ thos nas kyang yongs su bzung ngo / /de bzhin gshegs pa de dag thams cad kyang kho mos bsnyen bkur to/ /rim gror byas so/ /sangs rgyas bcom ldan 'das de dag gi bstan pa yang kho mos yongs su bzung ngo / /de bzhin gshegs pa de dag thams cad </font><hr>Cha103a<br><font size=+1>


@#/ /las kyang kho mos byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba 'di thob par bya ba'i tshul sna tshogs dang / rnam par thar pa'i tshul gyi sgo sna tshogs kyis thob par gyur to/ /de nas mtshan mo'i lha mo 'gro ba thams cad srung ba'i smon lam la brtson pa'i 'od kyis de'i tshe rnam par thar pa'i tshul 'di nyid yongs su brjod pa dang / yongs su bstan pa'i phyir tshong dpon gyi bu nor bzang la tshigs su bcad de smras pa/ bsam gyis mi khyab rnam thar dam pa 'di/ /grags pa khyod kyis bdag la gang dris pa/ /bde bar gshegs pa'i byin gyis de bstan gyi/ /ma lus yang dag ji bzhin bdag la nyon/ /bskal pa bsam yas yangs pa mtha' yas pa/ /rgya mtsho'i zhing gi rdul dang grangs mnyam pa/ /de kun 'das pa'i snga rol mdangs dga' ba'i/ /'jig rten khams shig byung ba rin chen 'od/ /de tshe bskal pa bzang po'i 'od kyang byung / /de la rgyal ba dpag tu med pa skyes/ thub pa'i dbang po de dag kho mo yis/ /rnam thar 'di la sgom zhing bsnyen bkur to/ /rgyal po'i gnas rab yangs shing bzang byung ba/ /de yi ming ni dga' bas </font><hr>Cha103b<br><font size=+1>


brgyan pa ste/ /de tshe sems can rnam par ma dag sems/ /mi bzang ngan du spyod pa der byung gyur/ /der ni rgyal po rgyal ba'i 'od byung ste/ /sems can de dag chos kyis bskyang ba byas/ / de yi bu ni rnam par rgyal ba ste/ /mdzes shing mtshan gyis yan lag brgyan pa po/ /g.yon ldan stong phrag mang po de dag kyang / /de tshe rgyal pos gsad par byas mthong nas/ / bzhon nu snying brtse mi dga' kun nas 'khor/ /myur du dgye bar rgyal po de la gsol/ /rgyal pos thos nas de tshe blon po rnams/ /ma lus kun bsdus de la bka' stsal nas/ / kun gyis de la phyag byas phyir gsol pa/ /de ni rgyal po khyod dgrongs thabs cig lags/ /rgyal po de ltar log par thugs bcug nas/ /sras de gsad par de tshe byas gyur kyang / /bdag srog phangs par ma brtsis ngo zum med/ /rgyal po'i sras kyis gsad par byas ma btang / /gsad par byas pa de yi mas thos nas/ /rgyal po de la 'khor bcas gsol ba 'debs/ /dgung zla phyed cig sbyin pa ma lus par/ /'jig rten stsol du gzhon nu gtang bar gnong / /rgyal po des kyang de ltar gnang gyur nas/ /des ni ci 'dod sbyin pa yongs su btang / /zla ba phyed du nyin mtshan sbyin byas nas/ /nyi ma'i tha mar tshogs par gyur pa yi/ /zhags pa thub pa gang rnams ci 'dod pa/ /de la de </font><hr>Cha104a<br><font size=+1>


@#/ /byin 'chi bar sta gon gnas/ /rgyal po'i gnas der 'gro ba mang po dag /cho der du zhing kun kyang 'dus par gyur/ /byang chub shing drung bde gshegs de yi tshe/ /dam chos dbyangs mchog sgron ma'i rgyal zhugs pas/ /'gro ba'i dbang po smin par thugs chud nas/ /mchod sbyin ra bar thugs rje chen pos byon| |de bzhin gshegs pa'i rnam 'phrul rnam phye bas/ /de yi 'khor du bde gshegs byon gyur nas/ /chos kyi sgron ma'i sprin gyi sgra sgrog pa'i/ /mdo sde rgyal po bde bar gshegs pas bshad/ /'gro ba mtha' dang dbus med rnam btul nas/ /de tshe byang chub mchog tu lung yang bstan/ /rgyal ba'i sras po rnam par rgyal ba yang / /shin tu dga' bas byang chub mchog tu zhugs/ /bde gshegs bsnyen bkur mchod pa rnam yangs pas/ /de la mchod byas dga' bar smras pa ni/ /'gro ba rnam 'dul skyabs su bdag 'gyur bgyi/ /mgon dang gnas dang dpung du'ang de bzhin zhes/ /rgyal ba de yi zham ring thar par zhugs/ /yang dag byang chub lam ni yongs tshol zhing / /chos kyi rang bzhin rab tu brtag bya bas/ /der gnas bskal pa brgya phrag mang du spyad/ /sdug bsngal rgya mtshor lhung zhing ldongs gyur pa'i/ /'gro </font><hr>Cha104b<br><font size=+1>


ba mgon med kun la snying brtse bas/ /yang dag byang chub lam la yongs bsgoms nas/ /de tshe de yis rnam thar 'di thob bo/ /bskal pa de la bde gshegs gang byung ba/ / de dag kun la'ang dga' bas bsnyen bkur nas/ /de dag kun la mchod pa chen po byas/ /chos kyi 'khor lo yongs su bzung bar gyur/ /de yi 'og tu bskal pa rgya mtsho rnams| |zhing mang rgya mtsho'i rdul snyed kun la yang / /rgyal ba ji snyed skyes par gyur pa dag /rab tu mchod cing de dag bsnyen bkur byas/ /rnam par rgyal zhes bya ba kho mo yin/ /nyam nga btson rar gnas pa'i btson mthong nas/ /de dag dgrol phyir lus kyang yongs su btang / /rnam thar 'di yang de tshe thob par gyur/ /zhing rnams rgya mtsho'i rdul phran rab bgrangs pa'i/ /bskal pa rgya mtsho mang po bsgoms par byas/ /tshul mang mtha' dang dbus med mnyam med pas/ /skad cig re re dag tu rnam par spel| |thub pa'i bdag po ji snyed mthong gyur pa/ /de dag spyan sngar sngon chad 'di thob ste/ /sgo tshul rnam pa gzhan dang gzhan dag gis/ /de dag gis ni rnam thar 'di yang bstan/ /de dag rnam thar ma nor bsam yas la/ /bskal pa bye ba mang por kho mos bslab/ /de la rgyal bas bkod cing grol gyur pa/ /de dag dam chos sprin </font><hr>Cha105a<br><font size=+1>


@#/ /las gcig car 'thung / /phyogs bcu kun gyi zhing rnams thams cad du/ /thogs pa med par lus kyis rgyas par 'gengs/ /skad cig re rer zhing rgyud bsam yas pa'i/ /dus gsum rgyud rnams kun la'ang rab tu 'jug /dus gsum rgyal ba rgya mtsho ma lus pa/ /re re kun la'ang mngon du rab tu lta/ /de dag lus kyi gzugs brnyan rgyal ba la/ /sprin du gyur pa rnams kyang spyan sngar 'grim/ /phyogs rnams kun tu nye bar phyin 'dong zhing / /rgyal ba'i spyan sngar 'dong bas shin tu mdzes/ /rgyan rnams ma lus mngon par char 'bebs shing / /rgyal ba rnams la de dag mchod pa byed/ /sangs rgyas rgya mtsho che la rnam yangs pa'i/ /zhu ba mtha' yas kun kyang zhu ba byed/ /rgyal ba'i chos sprin mngon par char 'bab pa/ /kun kyang ma lus yongs su 'dzin pa byed/ /phyogs bcu ma lus kun tu de dag 'dong / rgyal ba'i dkyil 'khor kun gyi spyan sngar 'bab/ /gzugs mang rnam pa sna tshogs bstan gnas shing / /rnam 'phrul sna tshogs nye bar ston par byed/ /kha dog mtha' yas rang gi lus gzugs kyis/ /phyogs rnams thams cad rnam pa stong du 'gengs/ /de dag lus gcig las kyang gzugs kyi rnams/ /mtha' dang dbus med </font><hr>Cha105b<br><font size=+1>


rnam par ston par byed/ /ba spu re re'i sgo nas grangs med pa'i/ /'od zer mang po rgya mtsho de dag 'gyed/ /skye rgu'i nyon mongs me yi gdung pa dag/ sna tshogs thabs kyis rab tu zhi bar byed/ /'di la gnas pa lus sprul sprin mang ba/ /ba spu re re'i sgo nas 'gyed byed cing / /ngo mtshar rmad kyis phyogs kun rgyas bkang nas/ /chos chu'i char gyis sems can rnam par 'dul/ /tshul 'jug 'di ni bsam gyis mi khyab gzugs/ /rgyal sras kun gyi gnas su gyur pa ste/ /de la gnas shing phyi mtha'i bskal par yang / /zhing rnams kun tu spyad pa rab tu spyod/ /bsam pa ji bzhin chos rnams ston byed cing / /de dag lta ba'i dra ba rnam par zlog /mtho ris mya ngan 'das la sems can 'god/ /thams cad mkhyen pa'i sa yang rnam par ston/ /'jig rten skye gnas thams cad ma lus par/ /kha dog mtha' yas lus mang bsam yas pa| |bsam pa bzhin du chos rnams rjod byed de/ /de dag sems can kun gyi gzugs brnyan gzugs/ /'di dang gzhan dag tshad las 'das pa yi/ /yon tan rgya mtsho zhing mang rgya mtsho yi/ /rdul phran rab snyed bsam gyis mi khyab pa/ /rnam thar zhi ba 'di ldan thob par gyur/ /rigs kyi bu/ kho mos byang chub sems dpa'i rnam </font><hr>Cha106a<br><font size=+1>


@#/ /par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba 'di shes par zad na/ kho mos byang chub sems dpa' 'jig rten thams cad kyi lam gyi rgyud las 'das pa/ 'jig rten gyi skye gnas thams cad du gzugs brnyan rab tu 'byung ba/ 'jig rten gyi shes pa thams cad las yang dag par 'das pa/ shes bya'i sgrib pa thams cad kyi ri rnam par 'thor ba la brtson pa/ chos thams cad kyi rang bzhin dang mtshan nyid rab tu rtogs pa/ nyon mongs pa'i sgrib pa dang / mun pa thams cad rnam par sel ba la brtson pa/ chos thams cad rab tu dpyad pas mngon par sgrub pa la mkhas pa/ bdag med pa'i chos mngon du gyur pa/ sems can thams cad yongs su smin par bya ba dang / gdul ba rgyun mi gcod pa / chos kyi dbyings kyi tshul gnyis su med par rab tu rtogs pa dag gi lam gyi tshul rgya mtsho thams cad kyi rjes su 'brang ba'i blo dang ldan pa de dag gi spyod pa shes pa'am/ yon tan rgya mtsho la 'jug pa'am/ ye shes kyis rnam par gnon pa yongs su shes par bya ba'am/ sems kyi gnas khong du chud par bya ba'am/ ting nge 'dzin la </font><hr>Cha106b<br><font size=+1>


dbang sgyur ba rtogs par bya ba'am/ rnam par thar pas rnam par 'phrul pa yongs su shes par bya bar nus re skan/ song rigs kyi bu/ 'dzam bu'i gling 'di nyid kyi lum+bi ni'i nags tshal na lum+bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal zhes bya ba 'dug gi /de'i gan du song la ji ltar na/ byang chub sems dpa' de bzhin gshegs pa'i rigs su byung ba yin pa dang / ji ltar na/ 'jig rten rnams la snang ba byed par 'gyur ba dang / ji ltar na/ phyi ma'i mtha'i bskal pa'i mur thug par byang chub sems dpa'i spyod pa spyad pas mi skyo bar 'gyur ba dris shig /de nas tshong dpon gyi bu nor bzang gis mtshan mo'i lha mo 'gro ba thams cad srung ba'i smon lam la brtson pa'i 'od kyi rkang pa gnyis la spyi bos phyag 'tshal te mtshan mo'i lha mo 'gro ba thams cad srung ba'i smon lam la brtson pa'i 'od la lan brgya stong du mar g.yas phyogs su bskor ba byas nas thal mo sbyar te phyir lta zhing mtshan mo'i lha mo 'gro ba thams cad srung ba'i smon lam la brtson pa'i 'od kyi drung nas song ngo / /shin tu rgyas pa chen po'i mdo/ /sangs rgyas phal po che zhes bya ba las/ sdong pos brgyan pa'i le'u ste/ bam po brgya drug pa/ de nas tshong </font><hr>Cha107a<br><font size=+1>


@#/ /dpon gyi bu nor bzang mtshan mo'i lha mo 'gro ba thams cad srung ba'i smon lam la brtson pa'i 'od kyi gdams ngag de rjes su dran par byed cing / byang chub sems dpa'i rnam par thar pa sems can thams cad yongs su smin par bya bas bsam pa ji lta ba bzhin du dge ba'i rtsa ba la yang dag par skul ba de la yongs su sgom pa dang / khong du chud par bya ba dang / rgya cher byed cing mthar gyis lum+bi ni'i nags tshal gang na ba der phyin te lum+bi ni'i nags tshal la g.yas phyogs su bskor ba byas nas lum+bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal yongs su tshol tshol ba las/ lum+bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal lum+bi ni'i nags tshal na rin po che'i shing gi yal ga thams cad kyi dkyil 'khor gyi khyim brtsegs pa zhig na seng+ge'i khri rin po che'i pad+mo'i snying po can zhig la 'dug cing nags tshal gyi lha mo khrag khrig brgya stong phrag nyi shu'i 'khor gyis kun nas bskor te mdun du byas nas chos ston te/ byang chub sems dpa' thams cad kyi skye ba rgya mtsho shin tu bstan pa zhes bya ba'i mdo sde yongs su ston cing / de bzhin gshegs pa'i rigs </font><hr>Cha107b<br><font size=+1>


kyi rgyud du rigs dang ldan par skyes pa'i byang chub sems dpa' rnams kyi yon tan rgya mtsho'i shugs rnam par 'phel bar byed cing 'dug pa mthong nas lum+bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gang na ba der song ste phyin nas lum+bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyi rkang pa gnyis la spyi bos phyag 'tshal nas mdun du 'dug ste thal mo sbyar nas 'di skad ces smras so/ /'phags ma/ bdag gis bla na med pa yang dag par rdzogs pa'i byang chub tu sems bskyed na/ ji ltar na/ byang chub sems dpa' rnams de bzhin gshegs pa'i rigs su byung ba lags pa'ang ma 'tshal/ ji ltar na/ byang chub sems dpa' rnams spyod pa la spyod cing sems can rnams la snang ba 'byin par 'gyur ba'ang ma 'tshal to/ /de skad ces smras pa dang / lum+bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyis tshong dpon gyi bu nor bzang la 'di skad ces smras so/ /rigs kyi bu/ bcu po 'di dag ni/ byang chub sems dpa' rnams kyi skye ba ste/ de dag dang ldan na/ byang chub sems dpa' rnams de bzhin gshegs pa'i rigs su skyes pa yin no/ /de dag las </font><hr>Cha108a<br><font size=+1>


@#/ /byung na| byang chub sems dpa' rnams sems kyi skad cig re re la'ang byang chub sems dpa'i dge ba'i rtsa bas rnam par 'phel bar 'gyur te/ thogs pa med pa dang / zhum pa med pa dang / phyir ldog pa med pa dang / rgyun gcod pa med pa dang / yongs su skyo ba med pa dang / sgyid lug par 'gyur ba med pa dang / nyams par 'gyur ba med pa dang / nyams dma' bar 'gyur ba med pa dang / yongs su yi chad par 'gyur ba med pa dang / chud za bar 'gyur ba med pa dang / thams cad mkhyen pa nyid kyi phyogs kyi rjes su 'brang bar 'gyur ba dang / chos kyi dbyings kyi tshul la yongs su gzhol bar 'gyur ba dang / sangs rgyas kyi byang chub tu yongs su smin pa thob par 'gyur ba dang / byang chub sems dpa' sems bskyed pa shin tu yangs par 'gyur ba dang / pha rol tu phyin pa thams cad kyis rnam par 'phel bar 'gyur ba dang / 'jig rten gyi lam rgyud thams cad las rnam par ldog par 'gyur ba dang / de bzhin gshegs pa'i sar yongs su grub par 'gyur ba dang / ye shes kyis mngon par shes pa shin tu byang bar 'gyur ba dang / sangs rgyas kyi chos mngon du 'gyur pa dang / thams cad mkhyen pa'i yul gyi don dang ldan par 'gyur ba'o/ /bcu gang zhe na/ 'di lta ste/ sangs rgyas thams cad la bsnyen bkur ba'i </font><hr>Cha108b<br><font size=+1>


smon lam gyi sbyor ba'i snying po zhes bya ba ni/ byang chub sems dpa'i skye ba dang po'o/ /byang chub kyi sems kyi yan lag yongs su grub par 'gyur ba 'byung ba'i snying po zhes bya ba ni/ byang chub sems dpa'i skye ba gnyis pa'o/ /chos kyi tshul la nges par rtogs par gzhag pa'i sbyor ba'i tshul mngon du gyur pa 'byung ba'i snying po zhes bya ba ni/ byang chub sems dpa'i skye ba gsum pa'o| |dus gsum snang bar bya ba'i lhag pa'i bsam pa rnam par dag pa'i snying po zhes bya ba ni/ byang chub sems dpa'i skye ba bzhi pa'o/ /kun nas snang ba'i 'od kyi snying po zhes bya ba ni/ byang chub sems dpa'i skye ba lnga pa'o/ /de bzhin gshegs pa'i rigs kyi rgyud du 'byung ba'i snying po zhes bya ba ni/ byang chub sems dpa'i skye ba drug pa'o/ /de bzhin gshegs pa thams cad kyi stobs kyi 'od snang ba'i rgyan gyi snying po zhes bya ba ni/ byang chub sems dpa'i skye ba bdun pa'o/ /ye shes kyi sgo kun nas rnam par spyad pas yongs su 'grub pa 'byung ba'i snying po zhes bya ba ni| byang chub sems dpa'i skye ba brgyad pa'o/ /chos kyi dbyings sprul pas brgyan pa bye ba'i snying po zhes bya ba ni/ byang chub sems dpa'i skye ba dgu pa'o/ /de bzhin gshegs pa'i sa yongs su gnon pa'i shugs drag po'i snying po zhes bya ba ni/ byang chub sems dpa'i skye ba bcu pa'o/ /rigs kyi bu/ de la byang chub sems dpa'i skye ba dang po sangs rgyas thams cad la bsnyen </font><hr>Cha109a<br><font size=+1>


@#/ /bkur ba'i smon lam gyi sbyor ba'i snying po zhes bya ba gang zhe na/ rigs kyi bu/ 'di la byang chub sems dpa' thog mar sangs rgyas mchod cing rim gror bya ba la 'jug ste/ de sangs rgyas bcom ldan 'das rnams la rim gro dang / bkur sti dang / bsti stang dang / mchod pa byed cing bsnyen bkur byed de dgyes par byed la thugs byung bar mi byed pas de bzhin gshegs pa'i zhal blta bas mi doms pa/ sangs rgyas la rim gro bya bar brtson pa/ sangs rgyas la dga' ba'i shugs kyis rnam par spel ba'i shugs dang ldan pa| de bzhin gshegs pa mthong bas mos pa'i shugs drag po yongs su skyes pa de phyir mi ldog pa'i dad pas bsod nams yongs su sdud pa'i tshe de bzhin gshegs pa thams cad la mchod pa'i tshogs yongs su bsdu ba la brtson zhing sbyor ba rgyun mi gcod pa yin te/ rigs kyi bu/ de ni/ byang chub sems dpa' rnams kyi skye ba dang po sangs rgyas thams cad la bsnyen bkur ba'i smon lam gyi sbyor ba'i snying po zhes bya ba ste/ thams cad mkhyen pa nyid kyi tshogs dge ba'i rtsa ba yongs su 'grub par yang dag par sdud par 'gyur ba'o/ /rigs kyi bu/ de la byang chub sems dpa'i skye ba gnyis pa byang chub kyi yan lag yongs su grub par 'gyur ba 'byung ba'i snying po zhes bya ba gang zhe na/ rigs kyi bu/ 'di la byang chub sems dpa' bla na med pa yang dag par </font><hr>Cha109b<br><font size=+1>


rdzogs pa'i byang chub tu sems bskyed de/ 'di ltar sems can thams cad yongs su bskyab pa'i phyir snying rje chen po'i sems dang / shin tu dgyes par bya ba'i phyir sangs rgyas thams cad bsnyen bkur ba'i sems dang / dngos po thams cad la phangs par mi brtsi ba'i phyir sangs rgyas kyi chos thams cad yongs su btsal ba'i sems dang / thams cad mkhyen pa nyid mngon du 'gyur bar bya ba'i phyir bshams pa chen po'i sems dang / 'gro ba thams cad yongs su bsdu ba'i sbyor bas rgyas par dgang ba'i phyir byams pa chen po'i sems dang / thams cad mkhyen pa nyid kyi go cha bstan par bya ba'i phyir 'gro ba thams cad yongs su mi gtong ba'i sems dang / yang dag pa ji lta ba bzhin du shes pa'i snang ba rab tu thob par bya ba'i phyir g.yo dang sgyu med pa'i sems dang / byang chub sems dpa'i lam lan nan tan du bya ba'i phyir kha 'og tu lus khrus pa'i sems dang / de bzhin gshegs pa thams cad kyi smon lam dang mi 'gal bar bya ba'i phyir sangs rgyas thams cad la sku bslu ba med pa'i sems dang / phyi ma'i mtha'i mur thug par sems can thams cad yongs su smin par bya ba dang gdul ba rgyun mi gcad pa'i phyir thams cad mkhyen pa nyid du smon lam chen po 'debs pa'i sems dang / de dag la sogs pa byang chub sems kyi yan lag gi tshogs sangs rgyas kyi zhing gi rdul shin tu phra ba snyed kyis yongs su rdzogs pa'i byang chub </font><hr>Cha110a<br><font size=+1>


@#/ /sems dpa' ni/ de bzhin gshegs pa'i rigs su skyes pa yin te/ rigs kyi bu/ de ni/ byang chub sems dpa'i skye ba gnyis pa byang chub kyi sems kyi yan lag yongs su grub par 'gyur ba 'byung ba'i snying po zhes bya ba'o/ /rigs kyi bu/ de la byang chub sems dpa' rnams kyi byang chub sems dpa'i skye ba gsum pa chos kyi tshul la nges par gzhag pa'i sbyor ba'i tshul mngon du gyur pa 'byung ba'i snying po zhes bya ba gang zhe na/ rigs kyi bu/ 'di la byang chub sems dpa' chos thams cad kyi tshul rgya mtsho yod do cog nges par rtogs pas mngon du bya ba'i sems dang ldan pa/ thams cad mkhyen pa'i lam gyi rnam pa yongs su rdzogs par bya bas mngon du bya bar gcig tu sems pa'i sems dang ldan pa| kha na ma tho ba med pa'i las la yang dag par spyad par sems pa'i sems dang ldan pa/ byang chub sems dpa'i ting nge 'dzin gyi tshul rgya mtsho thams cad yongs su dag par bya bas mngon du bya ba'i sems dang ldan pa/ byang chub sems dpa'i yon tan thams cad la nan tan du bya bas yongs su grub par bya ba'i sems dang ldan pa/ byang chub sems dpa'i lam gyi rgyan thams cad mngon par sgrub pa'i sems dang ldan pa/ thams cad mkhyen pa nyid du dmigs pa'i tshogs rgya chen po yongs su sgrub pa bskal pa'i me 'bar bas kyang rgyun mi gcad par </font><hr>Cha110b<br><font size=+1>


brtson par bya ba'i sems dang ldan pa/ 'gro ba thams cad yongs su smin par bya ba dang / gdul ba la rab tu zhugs pa/ byang chub sems dpa'i spyod pa kun tu bzang po mngon par sgrub pa'i sems dang ldan pa/ yongs su spyad pa'i tshul thams cad la rab tu zhugs pa ni/ byang chub sems dpa'i yon tan yongs su rdzogs par bya ba la dngos po thams cad rnam par sgom pas dngos po med pa'i tshul la zhugs pa'i sems dang ldan pa yin te/ rigs kyi bu/ 'di ni/ byang chub sems dpa'i skye ba gsum pa chos kyi tshul la nges par rtogs pas gzhag pa'i sbyor ba'i tshul mngon du gyur pa 'byung ba'i snying po zhes bya ba'o/ /rigs kyi bu/ de la byang chub sems dpa'i skye ba bzhi pa dus gsum snang bar bya ba'i lhag pa'i bsam pa rnam par dag pa'i snying po zhes bya ba gang zhe na/ rigs kyi bu/ 'di la byang chub sems dpa' lhag pa'i bsam pa'i dbyings las gya nom par yongs su dag pa yin/ sangs rgyas kyi byang chub la snang ba rab tu thob pa yin/ byang chub sems dpa'i tshul rgya mtsho la rab tu zhugs pa yin/ bsam pa brtan pa rdo rje'i khams lta bus yongs su zin pa'i sems dang ldan pas shin tu brtan pa yin/ srid pa'i lam gyi rgyud du skye ba las phyin phyogs su phyogs pa yin/ de bzhin gshegs pa thams cad kyi rnam par 'phrul pa yongs su grub par bya ba la mngon du gyur pa yin/ byang </font><hr>Cha111a<br><font size=+1>


@#/ /chub sems dpa'i dbang po rnam par spel ba la khyad par du 'bogs pa rab tu thob pa yin/ lhag pa'i bsam pa shin tu 'od gsal bar bya ba'i phyir/ sems shin tu dge ba yin/ smon lam brtan zhing rgya che ba rnam par 'phel bar bya ba la mi g.yo ba yin/ sgrib pa thams cad kyi ri rnam par gtor ba'i phyir de bzhin gshegs pa thams cad kyis yang dag par dgongs pa yin/ 'gro ba thams cad nye bar 'tsho bas mgon du gyur pa yin te/ rigs kyi bu/ 'di ni/ byang chub sems dpa' rnams kyi byang chub sems dpa'i skye ba bzhi pa dus gsum snang bar bya ba'i lhag pa'i bsam pa rnam par dag pa'i snying po zhes bya ba'o/ /rigs kyi bu/ de la byang chub sems dpa' rnams kyi byang chub sems dpa'i skye ba lnga pa kun nas snang ba'i 'od kyi snying po zhes bya ba gang zhe na/ rigs kyi bu/ 'di la byang chub sems dpa' 'gro ba thams cad yongs su smin par bya ba dang / gdul ba la rab tu zhugs pas sbyor ba phun sum tshogs pa yin/ sbyin pa lhug par gtong bas dngos po'i 'du shes thams cad las gyen du 'phags pa yin/ tshul khrims mtha' yas pas mtha' las rgal bar rnam par dag pa yin/ sangs rgyas kyi chos thams cad la bzod pa'i snang ba rab tu thob pas de bzhin gshegs pa'i yul la gnas pa'i bzod pa </font><hr>Cha111b<br><font size=+1>


dang ldan pa yin/ thams cad mkhyen pa nyid du yangs par 'byung ba la zhugs pas brtson 'grus chen po dang ldan pa yin/ sgo kun tu lta ba'i ting nge 'dzin gyi dkyil 'khor rnam par dag pas bsam gtan la rab tu brtson pa yin/ chos snang ba thams cad rab tu thob pas shes rab kyi mthu'i 'od dang ldan pa yin/ sangs rgyas blta ba rgya mtsho rnam par dmigs par bya ba la zhugs pas thogs pa med pa'i mig dang ldan pa yin/ 'jig rten thams cad yongs su tshim par byed pas chos thams cad kyi de kho na nyid la dbang sgyur bas smos pa yin/ chos kyi tshul yang dag pa ji lta ba bzhin du thob par bya ba la rab tu brtson pa yin te/ rigs kyi bu/ 'di ni/ byang chub sems dpa'i rnams kyi byang chub sems dpa'i skye ba lnga pa kun nas snang ba'i 'od kyi snying po zhes bya ba'o/ /rigs kyi bu/ de la byang chub sems dpa' rnams kyi byang chub sems dpa'i skye ba drug pa de bzhin gshegs pa'i rigs kyi rgyud du 'byung ba'i snying po zhes bya ba gang zhe na/ rigs kyi bu/ 'di la byang chub sems dpa' de bzhin gshegs pa'i rigs su byung ba yin/ de bzhin gshegs pa'i rgyud du skyes pa yin/ tshul gyi sgo thams cad la shin tu grub pa yin/ 'das pa dang / ma byon pa dang / da ltar byung ba'i de bzhin gshegs pa rnams kyi smon lam chen po la rnam par dag pa yin/ de bzhin gshegs pa thams </font><hr>Cha112a<br><font size=+1>


@#/ /cad kyi dge ba'i rtsa ba la rang bzhin gcig pa'i dge ba'i rtsa bar gyur pa yin/ sangs rgyas thams cad dang lus gcig tu gyur pa yin/ chos dkar pos 'jig rten gzhan du 'gro ba yin/ sangs rgyas kyi byin gyi rlabs yongs su bstan pa'i ting nge 'dzin la bdag nyid che ba'i chos kyis rnam par spyod pa yin/ dus la ji ltar 'bab pa bzhin du sems can rnam par dag par bya ba'i chos la zhugs pa yin/ sangs rgyas kyi chos yongs su dris pa la spobs pa rgyun mi 'chad pa yin te/ rigs kyi bu/ 'di ni/ byang chub sems dpa' rnams kyi byang chub sems dpa'i skye ba drug pa de bzhin gshegs pa'i rigs kyi rgyud du 'byung ba'i snying po zhes bya ba'o/ /rigs kyi bu/ de la byang chub sems dpa' rnams kyi byang chub sems dpa'i skye ba bdun pa de bzhin gshegs pa thams cad kyi stobs kyi 'od snang ba'i rgyan gyi snying po zhes bya ba gang zhe na/ rigs kyi bu/ 'di la byang chub sems dpa' sangs rgyas kyi stobs la 'jug pa'i snang bas sangs rgyas kyi zhing du 'gro ba las phyir mi ldog go /byang chub sems dpa'i yon tan rgya mtsho las phyir mi 'gyur ro/ /chos thams cad sgyu ma'i rnam pa ltar yang dag pa ji lta ba bzhin du shes par bya ba la gnas pas yongs su yi chad par mi 'gyur ro/ /'jig rten thams cad rmi lam lta bur rab tu rtogs </font><hr>Cha112b<br><font size=+1>


par byed do/ /gzugs su rnam par dmigs pa'i gnas thams cad gzugs brnyan lta bur mngon par sgrub bo/ /mngon par shes pas rnam par 'phrul pa sprul pa lta bu la dbang rab tu thob par byed do/ /srid pa thams cad du skye ba grib ma lta bur gdod rab tu ston to/ /de bzhin gshegs pa thams cad kyi chos kyi 'khor lo sgra brnyan lta bur rab tu shes so/ /thabs kyi tshul don sna tshogs dang ldan pa la rab tu brtson pas chos kyi dbyings kyi tshul rab tu bstan pa la pha rol tu phyin pa'i dam pa thob pa yin te/ rigs kyi bu/ 'di ni/ byang chub sems dpa' rnams kyi byang chub sems dpa'i skye ba bdun pa de bzhin gshegs pa thams cad kyi stobs kyi 'od snang ba'i rgyan gyi snying po zhes bya'o/ /rigs kyi bu/ de la byang chub sems dpa' rnams kyi byang chub sems dpa'i skye ba brgyad pa ye shes kyi sgo kun nas rnam par dpyad pas yongs su 'grub par 'byung ba'i snying po zhes bya ba gang zhe na/ rigs kyi bu/ 'di la byang chub sems dpa' gzhon nur gyur cing byang chub sems dpa'i rnam par dgod pa la rnam par gnas pa yin te/ de la gnas nas thams cad mkhyen pa nyid ye shes kyi tshul la rnam par dpyod do/ /ye shes kyi tshul gyi sgo re re la yang byang chub sems dpa'i spyod yul tshad med par yongs su ston pas bskal pa tshad med par zad par 'gyur ro/ /byang chub sems dpa'i </font><hr>Cha113a<br><font size=+1>


@#/ /ting nge 'dzin thams cad la'ang pha rol tu phyin pa'i dam pas dbang du 'gyur te/ sems kyi skad cig re re zhing sems kyi skad cig thams cad la yang phyogs bcu'i sangs rgyas kyi zhing brjod du med pa dag na bzhugs pa'i de bzhin gshegs pa rnams kyi zhabs kyi drung du skyes te/ dmigs pa tha mi dad pas tha mi dad pa'i ting nge 'dzin la snyoms par 'jug go /tha mi dad pa'i chos rnams la tha dad pa'i ye shes kyi dbang yongs su ston to/ /dmigs pa brjod du med pa dag kyang bsgribs pa med pa'i dbyings yongs su non par byed do| |dmigs pa chung dus kyang mtha' yas pas brtan pa'i sa la yongs su 'jug go /chos nyid tshad med pa yang chung ba'am/ che bar khong du chud par byed do/ /'jig rten thams cad kyang rnam par dmigs pa dang / mnyam par rab tu rtogs par byed do/ /chos kyi dmigs pa thams cad dang / rnam par shes pa'i rgyud thams cad kyang sgom pas khong du chud par byed do| rigs kyi bu/ 'di ni/ byang chub sems dpa' rnams kyi byang chub sems dpa'i skye ba brgyad pa ye shes kyi sgo kun nas rnam par dpyad pas yongs su 'grub pa 'byung ba'i snying po zhes bya ba'o/ /rigs kyi bu/ de la byang chub sems dpa' rnams kyi byang chub sems dpa'i skye ba dgu pa chos kyi dbyings sprul pas brgyan par byed pa'i snying po zhes bya ba </font><hr>Cha113b<br><font size=+1>


gang zhe na/ rigs kyi bu/ 'di la byang chub sems dpa' sems kyi skad cig thams cad la rgyan sna tshogs dang / rgyan du mar ldan pa'i sangs rgyas kyi zhing byin gyis rlob ste/ sprul pa thams cad la mi 'jigs pa'i pha rol tu phyin pa'i dam pa thob pa yin/ sangs rgyas kyi sprul pa thams cad la shin tu mkhas par gyur pa yin/ chos kyi sprul pa la mi 'jigs pa rnam par dag pa yin/ chos kyi dbyings dam pa chags pa med pa'i spyod yul dang ldan pa yin/ bsam pa ji bzhin du sems can gyi lus rnam par dmigs par bya ba'i byin gyi rlabs la mkhas pa yin/ sems can gdul ba mkhas pa bsam gyis mi khyab pa dang ldan pa yin/ spyod pa sna tshogs kyis mngon par 'tshang rgya ba yongs su ston pa yin/ thams cad mkhyen pa nyid kyi lam sgrib pa med pa mngon par sgrub pa la mkhas pa yin/ de'i rgyud kyi chos kyi 'khor lo bskor ba la mkhas pa yongs su ston pa yin/ sems can mtha' dang dbus med pa gdul ba'i thabs mngon par sgrub pa la mkhas pa yin/ rnam par snang mdzad kyi ye shes dbyig tu bya ba'i mdzod dang ldan pas sems can gdul ba'i dus la bab na rtag tu sta gon du gnas pa yin te/ rigs kyi bu/ 'di ni/ byang chub sems dpa' rnams kyi byang chub sems dpa'i skye ba dgu pa chos kyi sprul pas brgyan par byed pa'i snying po zhes bya </font><hr>Cha114a<br><font size=+1>


@#/ /ba'o| |rigs kyi bu/ de la byang chub sems dpa' rnams kyi byang chub sems dpa'i skye ba bcu pa de bzhin gshegs pa'i sa yongs su gnon pa'i shugs drag po'i snying po zhes bya ba gang zhe na/ 'di la byang chub sems dpa' dus gsum gyi de bzhin gshegs pa thams cad dang rang bzhin gcig pa'i yul la dbang bskur ba yin te/ 'jig rten gyi khams thams cad 'dab chags pa'i yul la rab tu 'jug pa yin/ sems can thams cad kyi sngon gyi mtha' dang / phyi ma'i mtha'i shi 'pho ba dang / skye ba'i sems rgyun chags par 'byung ba'ang rab tu shes so/ /byang chub sems dpa' thams cad kyi ye shes 'dab chags pa'i yul yang rab tu shes so/ /'das pa dang / ma byon pa dang / da ltar byung ba'i sangs rgyas thams cad kyi mngon par rdzogs par 'tshang rgya ba 'dab chags pa yang rab tu shes so/ /chos thams cad kyi rgyud 'dab chags pa la mkhas par bya ba yang rab tu shes so| |bskal pa 'jig pa dang 'du ba thams cad kyi sngon gyi mtha' dang / phyi ma'i mtha' dang / da ltar byung ba rnams kyang ming dang bcas/ sa tshigs dang bcas par 'dab chags par rab tu shes so/ /sems can tshul ji lta bur yongs su smin par byas pa dang / dus la gang du 'bab pa rnams la mngon par rdzogs par 'tshang rgya ba'i rgyan dang / rnam par 'tshang rgya bas </font><hr>Cha114b<br><font size=+1>


gdul bar bya ba yongs su bstan pa'i phyin gyi rlabs kyi ye shes kyang mngon par sgrub bo/ /sangs rgyas byung ba thams cad mngon par 'tshang rgya ba'i drung du nye bar 'gro zhing chos kyi 'khor lo bskor ba la mkhas pa'i tshul 'dab chags pa yang sems can gyi khams mtha' dang dbus med pa gdul ba'i thabs mngon par sgrub pa la mkhas pas yongs su ston te/ rigs kyi bu/ 'di ni| byang chub sems dpa' rnams kyi byang chub sems dpa'i skye ba bcu pa de bzhin gshegs pa'i sa yongs su gnon pa'i shugs drag po'i snying po zhes bya ba'o/ /rigs kyi bu/ de dag ni| byang chub sems dpa' rnams kyi byang chub sems dpa'i skye ba bcu rnams te/ de dag gis byang chub sems dpa' rnams skye bar 'gyur ba'o/ /'byung bar 'gyur ba'o/ /yang dag par sgrub bar byed pa'o/ /yang dag par 'phel bar byed pa'o/ /rab tu rdzogs par byed pa'o/ /yongs su grub par byed pa'o/ /zhing ma lus pa thams cad khong du chud par bya ba'i phyir rgyan gcig gi lhab lhub la rgyan dang lhab lhub kyi rgyud rnam pa sna tshogs byin gyis rlob pa'o/ /sems can gyi khams gdul ba rgyun mi gcad pa'i phyir phyi ma'i mtha'i bskal pa'i mur thug par byin gyis rlabs kyis rgyun chad pa med par byed pa'o/ /chos rgya mtsho thams cad kyi dmigs pa sna tshogs dang / shin tu bstan pa gcig nas gcig tu brgyud pa sna tshogs du ma </font><hr>Cha115a<br><font size=+1>


@#/ /rnam pa tha dad pa dang / chos mtha' yas pa gcig nas gcig tu brgyud pa'i rgyun mngon par 'tshang rgya bar byed pa'o/ /sangs rgyas kyi khyu mchog gi mthu phyung ba bsam gyis mi khyab pa chos kyi dbyings kyis klas pa/ nam mkha'i dbyings kyi mtha' gtugs pa yongs su ston pa'o/ /sems can tshad med pa spyod pa rgya mtsho sna tshogs dang ldan pa yongs su smin par bya ba dang / gdul bas yongs su 'dus pa rnams la chos kyi 'khor lo bskor ba yongs su ston pa'o/ /sems can gyi khams thams cad sangs rgyas 'byung ba dang mi 'bral bar byin gyis rlob pa'o/ /chos thams cad kyi sprin dbyangs kyi yan lag rgya mtsho brjod du med pas rnam par dag pa dmigs pa thams cad las rab tu 'byung ba rnam par dmigs par byed pa'o/ /tshad med par rnam par spyad pa la sgrib pa med par rtogs pas khong du chud pa rnams chos yid du 'ong ba'i rgyan thams cad dang ldan pa'i byang chub sems dpa'i dkyil 'khor bsam pa dang / mos pa gang dang ldan pa'i tshul bzhin du sems can rnams la yongs su ston pa'o/ /sangs rgyas kyi sa tshad med pa'i rjes su song ba rnams 'jig rten thams cad yongs su bsgrub pa'i don du chos kyi mdzod mtha' dang dbus med pa rab tu ston pa'o/ /de nas lum+bi ni'i nags tshal kyi lha mo gzi brjid kyi dkyil 'khor bzang </font><hr>Cha115b<br><font size=+1>


pos dga' ba'i dpal gyis de'i tshe byang chub sems dpa'i chos kyi don 'di nyid gsal bar brjod pa'i phyir sangs rgyas kyi byin gyi rlabs kyis phyogs bcur rnam par bltas te tshong dpon gyi bu nor bzang la tshigs su bcad de smras pa/ lhag pa'i bsam pa dri med rnyog pa med pa yis/ /gang rnams rgyal ba blta bas nam yang mi ngoms shing / /rgyal ba kun gyi phyi ma'i mtha' yi rgyan sprin la/ /smon pa'i mkhas pa de dag skye ba'i thog ma gnas/ /dus gsum byung ba'i 'jig rten ma lus kun bkang ste/ /zhing dang sems can de bzhin chos dang sangs rgyas rnams/ / sems can dgrol phyir smon lam 'debs pas brgyan pa'i sems/ /de ni bsam gyis mi khyab rnams kyi skye ba gnyis/ /gang rnams chos kyi sprin 'thung nam yang mi ngoms shing / /ngoms par rtogs pa'i yid kyis dus gsum chags med lus/ /mkha' dbyings dri med mnyam med sems kyi lus ldan pa/ /mtshungs pa med pa de ni de dag skye ba gsum/ /lhag pa'i bsam pa ri rab brdo rje mtshungs brtan pas/ /thams cad mkhyen tshul rgya mtshor rnam par 'jug byed cing / /gang rnams snying rje chen po'i gang chen mtshor 'jug pa/ /de ni skyes bu khyu mchog rnams kyi skye ba bzhi/ /gang rnams byams pas phyogs bcu rgyas par yongs bkang zhing / /pha rol phyin pa dri med rgya mtsho mngon bsgrubs te/ /chos kyi 'od 'gyed 'gro ba yongs su smin byed pa/ /de ni skyes </font><hr>Cha116a<br><font size=+1>


@#/ /bu chen po de dag skye ba lnga/ /chos kyi rang bzhin rab tu rtogs pas chags med sems/ /dus gsum dpe zla med pa'i sangs rgyas rigs byung zhing / /gang rnams chos dbyings rgya mtsho'i tshul la 'jug byed pa/ /de ni mkhas pa de dag skye ba yangs pa drug /gang rnams chos lus yongs su chags pa med pa'i sems/ /zhing rnams ma lus rang gi lus kyis dgang byas shing / /sangs rgyas stobs rnams ma lus khong du chud rtogs pa/ /de ni mkhas pa rnams kyi skye ba bsam yas bdun/ /gang rnams ye shes rgya mtsho'i tshul la dbang ldan zhing / /thams cad mkhyen pa'i sgo tshul rnam par dpyod byed la/ /ting nge 'dzin kun tshul gang chen mtsho la yongs 'jug pa/ /de ni de bzhin nyid rten rnams kyi skye ba brgyad/ gang rnams zhing kun 'byams klas yongs su sbyong byed cing / /sems can thams cad yongs smin byed 'dul rab brtson la/ /sangs rgyas rnam par 'phrul pa'i rgyan rnams rnam ston pa| |de ni grangs pa chen po rnams kyi skye ba dgu/ /gang rnams rgyal ba'i stobs rnams ji bzhin rab zhugs te/ /thams cad mkhyen pa'i shugs drag yangs pa rnam spel cing / / gang rnams chos dbyings gzhi tshul tha dad chags med pa/ /de ni rgyal sras rnams kyi skye ba bcu yin no/ /rigs kyi bu/ skye ba bcu po de dag gis byang chub sems dpa' rnams de </font><hr>Cha116b<br><font size=+1>


bzhin gshegs pa'i rigs su skye'o/ /de ltar na/ 'jig rten thams cad la snang ba byed pa yin no/ /rigs kyi bu/ kho mo ni/ byang chub sems dpa'i rnam par thar pa bskal pa tshad med par dmigs pa thams cad du byang chub sems dpa'i skye bas rnam par 'phrul ba yongs su ston pa thob pa'o/ /smras pa/ 'phags ma/ byang chub sems dpa'i rnam par thar pa bskal pa tshad med par dmigs pa thams cad du byang chub sems dpa'i skye bas rnam par 'phrul ba yongs su ston pa 'di'i yul ji lta bu zhig mchis/ smras pa/ rigs kyi bu/ kho mo ni/ byang chub sems dpa' thams cad kyi skye ba yongs su lta zhing nye bar 'gro ba'i smon lam yongs su grub pa ste/ rigs kyi bu/ de ltar kho mo ni/ bcom ldan 'das rnam par snang mdzad kyi skye ba rgya mtsho shin tu yangs pa la 'jug cing khong du chud pa ste/ 'di ltar stong gsum gyi stong chen po'i 'jig rten gyi khams 'di'i byang chub sems dpa'i skye ba khong du chud par byed cing / gling bzhi pa skal pa dang ldan pa'i dzam+bu'i gling 'di'i lum+bi ni'i nags tshal du byang chub sems dpa' 'byung ba yongs su blta ba'i don du sngon gyi smon lam gyis skyes te/ da ltar kho mo 'di ni| byang chub sems dpa' 'byung ba'i rjes su dran pa sgom zhing rnam par spyod do/ /de ltar kho mo 'di na gnas gnas te/ de phan chad lo brgya na bcom ldan 'das dga' ldan gyi pho brang </font><hr>Cha117a<br><font size=+1>


@#/ /nas 'pho bar 'gyur ro/ /zhes bya ba'i tshe lum+bi ni'i nags tshal 'dir sngon gyi ltas bcu byung bar gyur te/ bcu gang zhe na/ 'di ltar lum+bi ni'i nags tshal 'di thams cad mthon dman med la ngam grog dang ga yang sa med cing mnyam par gnas par gyur pa 'di ni/ sngon gyi ltas dang po byung ba'o/ /yang lum+bi ni'i nags tshal 'di thams cad gseg ma dang gyo mo med la/ sdong dum dang tsher ma dang bral te sa'i gzhi rdo rje las grub par gyur nas rin po che mang pos yongs su gang bar gnas par gyur pa 'di ni/ sngon gyi ltas gnyis pa byung ba'o/ /yang lum+bi ni'i nags tshal 'di thams cad rin po che thams cad kyi shing dang / sA la dang / ta la'i phreng bas rnam par 'khrigs pas yongs su brgyan par kun nas gnas par gyur pa 'di ni/ sngon gyi ltas gsum pa byung ba'o/ /yang lum+bi ni'i nags tshal 'di thams cad lha rdzas las kyang 'das pa'i spos kyi myu gu kun nas thon pa dang / phye ma thams cad kyi mdzod kun nas thon pa dang / rgyal mtshan thams cad kyi sprin dang na bun yongs su byung ba dang / spos kyi rin po che'i gzugs kyi shing drung kun nas 'khor te rgyan yongs su sbyangs par kun nas gnas par gyur pa 'di ni/ sngon gyi ltas bzhi pa byung ba'o/ /yang lum+bi ni'i nags tshal 'di thams cad lha rdzas kyi me </font><hr>Cha117b<br><font size=+1>


tog dang / phreng ba dang / lhab lhub sna tshogs kyi mdzod rnam pa thams cad yongs su rgyas pa dang ldan par kun nas gnas par gyur pa 'di ni/ sngon gyi ltas lnga pa byung ba'o/ /yang lum+bi ni'i nags tshal 'di thams cad kyi shing thams cad la nor bu rin po che dam pa'i mdzod mngon par grub par gyur pa 'di ni/ sngon gyi ltas drug pa byung ba'o/ /yang lum+bi ni'i nags tshal 'di thams cad kyi pad+mo'i tshal thams cad du chu las skyes pa'i me tog thams cad kyang kha 'bus te sa'i gzhi las thon nas chu las mngon par 'phags par gnas pa 'di ni/ sngon gyi ltas bdun pa byung ba'o// yang 'jig rten gyi khams 'di'i 'dod pa la spyod pa dang / gzugs la spyod pa'i lha'i bu rnams dang / klu dang / gnod sbyin dang / dri za dang / lha ma yin dang / mi'am ci dang / lto 'phye chen po dang / 'jig rten gyi dbang po'am/ 'gro ba'i dbang po ji snyed cig yod pa de dag thams cad kyang lum+bi ni'i nags tshal 'di na thal mo sbyar cing 'khod par gyur te/ 'di ni/ sngon gyi ltas brgyad pa byung ba'o/ /yang 'dzam bu'i gling gi 'jig rten gyi khams 'di'i lha'i bu mo'am/ klu'i bu mo'am/ gnod sbyin dang / dri za dang / lha ma yin dang / nam mkha'i lding dang / mi'am ci dang / lto 'phye chen po'i bu mo ji snyed cig yod pa de dag thams cad kyang rab tu dga' ba'i yid kyis mchod pa'i rnam pa thams cad lag na thogs shing blag sha'i yal ga la mngon du </font><hr>Cha118a<br><font size=+1>


@#/ /lta ste 'dud cing phyag 'tshal bar 'khod par gyur pa 'di ni/ sngon gyi ltas dgu pa byung ba'o/ /yang phyogs bcu'i de bzhin gshegs pa thams cad kyi sku lte ba'i dkyil dag nas byang chub sems dpa'i skye bas rnam par 'phrul ba'i sgron ma zhes bya ba'i 'od zer mang po thon te/ lum+bi ni'i nags tshal 'di thams cad snang bar byas nas gnas par gyur te/ 'od zer gyi sgo'i dkyil 'khor de dag thams cad la'ang de bzhin gshegs pa de dag thams cad kyi skye bas rnam par 'phrul ba gzugs brnyan du gyur par snang ba dang / thog ma bltams pa'i rnam par 'phrul ba dang bcas par byang chub sems dpa'i yon tan thams cad kyang sangs rgyas kyi gsung gi dbyangs dang ldan par 'od zer gyi sgo'i dkyil 'khor de dag las sgrar thon cing grags par gyur pa 'di ni/ sngon gyi ltas bcu pa byung ba'o/ /byang chub sems dpa' skye ba'i dus la bab pa'i tshe sngon gyi ltas bcu po de dag byung bar gyur te/ de byung bas 'jig rten gyi dbang po thams cad kyis kyang byang chub sems dpa' 'byung bar 'gyur ro/ /zhes bya bar shes so/ /rigs kyi bu / de ltar kho mo sngon gyi ltas bcu po 'di dag mthong bas kyang dga' ba'i shugs bsam gyis mi khyab pa rab tu thob bo/ /rigs kyi bu/ gzhan yang lha mo sgyu ma grong khyer chen po ser skya'i </font><hr>Cha118b<br><font size=+1>


gnas nas byung ba'i tshe lum+bi ni'i nags tshal 'dir sngon gyi ltas snang ba chen po bcu byung bar gyur to/ /de dag byung bas sems can tshad med pa rnams thams cad mkhyen pa'i chos kyi snang bas dga' ba'i shugs rnam par 'phel bar gyur to/ /bcu gang zhe na/ 'di lta ste/ sa'i steng na gnas pa'i rin po che'i khang pa brtsegs pa thams cad du snang ba rab tu byung ngo / /rin po che'i pad+mo kha ma bye ba kha bye bar gyur pa'i 'dab ma thams cad las snang ba rab tu byung ste bltams pa legs par bltams so/ /zhes bya ba'i sgra snyan pa yang de dag bas byung bar gyur to/ /phyogs bcu'i byang chub sems dpa' rnams kyis thog ma sems bskyed pa'i snang ba ji snyed cig yod pa de dag kyang lum+bi ni'i nags tshal 'dir snang bar byas te mngon par shar to/ /phyogs bcu'i byang chub sems dpa' rnams byang chub sems dpa'i sa thams cad yongs su gnon pa'i snang ba'i rnam par 'phrul ba ji snyed cig yod pa de dag kyang lum+bi ni'i nags tshal 'dir byung ngo / / phyogs bcu'i byang chub sems dpa' rnams pha rol tu phyin pa thams cad yongs su sgrub cing ye shes khong du chud pa'i snang ba'i 'od ji snyed cig yod pa de dag kyang lum+bi ni'i nags tshal 'dir byung bar gyur to/ /phyogs bcu'i byang chub sems dpa' rnams smon lam thams cad la dbang sgyur ba'i ye shes snang ba'i 'od ji snyed cig yod pa de dag kyang lum+bi ni'i nags tshal </font><hr>Cha119a<br><font size=+1>


@#/ /'dir byung bar gyur to/ /phyogs bcu'i byang chub sems dpa' rnams smon lam rgya chen po mngon par sgrub pa'i ye shes snang ba'i 'od ji snyed cig yod pa de dag kyang lum+bi ni'i nags tshal 'dir byung bar gyur to/ /phyogs bcu'i byang chub sems dpa' rnams sems can yongs su smin par bya ba dang / gdul bar byed pa'i ye shes snang ba'i 'od ji snyed cig yod pa de dag kyang lum+bi ni'i nags tshal 'dir byung bar gyur to/ /phyogs bcu'i byang chub sems dpa' thams cad kyis chos kyi dbyings kyi tshul gyi ye shes khong du chud pa'i snang ba ji snyed cig yod pa de dag kyang lum+bi ni'i nags tshal 'dir byung bar gyur to/ /phyogs bcu'i byang chub sems dpa' thams cad sangs rgyas thams cad kyi rnam par 'phrul ba dang / skye ba dang / mngon par byung ba dang / byang chub tu rnam par 'tshang rgya ba dang / ye shes thugs su chud par mdzad pa'i snang ba'i 'od ji snyed cig yod pa de dag kyang lum+bi ni'i nags tshal 'dir byung bar gyur to/ /sngon gyi ltas snang ba chen po bcu po de dag rab tu byung bar gyur te/ de dag gis sems can mtha' dang dbus med pa'i sems dang bsam pa'i mun pa thibs po thams cad kyang rab tu snang bar byas so/ /rigs kyi bu/ de la lha mo sgyur ma shing blag sha'i gnas su phyin pa'i tshe 'jig rten gyi dbang po 'dus pa thams cad dang / </font><hr>Cha119b<br><font size=+1>


'dod pa'i khams kyi lha'i bu lha'i bu'i tshogs dang / lha'i bu mo'i 'khor dang bcas te 'dus pa thams cad dang / gzugs la spyod pa'i lha'i bu dri nga ba med pa thams cad dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i 'khor dang bcas te tshogs pa/ byang chub sems dpa' la mchod par brtson pa thams cad kyi lus dang / mchod pa'i tshogs thams cad kyang lha mo sgyu ma'i gzi brjid dang / dpal dang / kha dog dang / gzugs kyis rab tu snang bar byas so/ /stong gsum gyi stong chen po'i 'jig rten gyi khams 'di na 'od gang ji snyed cig yod pa de dag thams cad kyang zil du brlags par gyur te zil gyis mnan to/ /lha mo sgyu ma'i ba spu'i sgo thams cad nas byung ba'i 'od dang snang ba dag ni/ 'od gzhan gyis nyams par gyur pa med/ bsgribs par gyur pa med/ chod par gyur pa med/ thogs par gyur pa med de/ phyogs thams cad rgyas par bkang nas sems can dmyal ba'i sdug bsngal thams cad dang / byol song gi skye gnas kyi sdug bsngal thams cad dang / gshin rje'i 'jig rten gyi sdug bsngal thams cad dang / srid pa'i lam gyi rgyud du gtogs pa'i sems can thams cad kyi sdug bsngal thams cad dang / nyon mongs pa thams cad rab tu zhi bar byas te lhag ge/ lham me/ </font><hr>Cha120a<br><font size=+1>


@#/ /lhang nger gnas par gyur to/ /rigs kyi bu/ 'di ni/ byang chub sems dpa' skye ba'i rnam par 'phrul pa lum+bi ni'i nags tshal du byung ba dang po'o/ /rigs kyi bu| gzhan yang gang gi tshe lha mo sgyu ma'i lus su stong gsum gyi stong chen po'i 'jig rten gyi khams 'di chud cing gzugs brnyan byung bar snang bar gyur pa de'i stong gsum gyi stong chen po'i 'jig rten gyi khams kyi gling bzhi pa'i 'jig rten gyi khams bye ba phrag brgya'i 'dzam bu'i gling thams cad kyi rgyal po'i gnas ming sna tshogs dang ldan pa sha stag dang / nags tshal gyi mid sna tshogs dang ldan pa sha stag dang / shing drung rnam pa tha dad pa sha stag tu'ang lha mo sgyu ma phyin cing 'jig rten gyi dbang po thams cad kyis yongs su bskor te byang chub sems dpa'i skye ba la stag gon du sdod cing / byang chub sems dpa'i yum gyi ye shes kyi rnam par 'phrul ba bsam gyis mi khyab pas rnam pa 'di bzhin du snang bar gyur te/ rigs kyi bu/ 'di ni/ byang chub sems dpa' skye ba'i rnam par 'phrul pa lum+bi ni'i nags chel du byung ba gnyis pa'o/ /rigs kyi bu/ gzhan yang lha mo sgyu ma'i ba spu'i bu ga thams cad kyi ba spu'i sgo re re la yang sngon byang chub sems dpa'i spyod pa mdzad pa'i tshe bcom ldan 'das kyis de bzhin gshegs pa ji snyed cig </font><hr>Cha120b<br><font size=+1>


bsnyen bkur te/ rim gror mdzad pa dang / bsti stang dang / bkur stir mdzad de mchod pa de dag thams cad kyang yongs su snang bar gyur to/ /de bzhin gshegs pa de dag gis chos ji snyed cig bstan pa de dag thams cad kyang ba spu'i bu ga de dag nas sangs rgyas kyi gsung gi yan lag dang ldan par ma lus par grags par gyur te/ dper na/ chu'i phor bu chung ngu'am/ gser gyi rdul phra mo'am/ me long gi dkyil 'khor shin tu gsal ba'am/ chu shin tu dang ba la nam mkha'i dkyil 'khor nyi zla dang gza' skar gyi tshogs kyis rab tu brgyan pa dang / sprin gyi tshogs 'brug sgra zab mo 'byin pa can yang gzugs brnyan du gyur par snang ngo / /rigs kyi bu/ de bzhin du lha mo sgyu ma'i ba sbu'i sgo'i dkyil 'khor thams cad la'ang sngon gyi de bzhin gshegs pa'i rnam par 'phrul pa rnams kyang yongs su snang / chos bstan pa'i sgra thams cad kyang yongs su grags par gyur te/ rigs kyi bu/ 'di ni/ byang chub sems dpa' skye ba'i rnam par 'phrul pa lum+bi ni'i nags tshal du byung ba gsum pa'o/ /rigs kyi bu/ gzhan yang lha mo sgyu ma'i lus thams cad dang / ba spu'i sgo'i dkyil 'khor thams cad las ba spu'i sgo re ra nas kyang zhing ji snyed cig dang / 'jig rten gyi khams rgya mtsho ji snyed cig dang / 'jig rten gyi khams 'byams klas pa ji snyed cig dang / 'jig rten gyi khams kyi rgyud ji snyed </font><hr>Cha121a<br><font size=+1>


@#/ /cig dang / 'jig rten gyi khams kyi ming du bya ba ji snyed cig tu bcom ldan 'das kyis sngon byang chub sems dpa'i spyod pa mdzad de/ zhing gi gzhi ji lta bu zhig dang ldan par gyur pa dang / dbyibs ni/ ci 'dra ba dang / rgyan ni/ ji lta bu zhig dang ldan par gyur pa dang / lhun ni/ ji lta bu zhig dang ldan par gyur pa dang / ri'i rgyan ni / ji lta bu dag cig yod par gyur pa dang / grong dang / grong khyer dang / yul dang / grong rdal gyi rgyan ni/ ji lta bu dag cig gnas gnas pa dang / bza' shing gi ra ba dang / mtsho dang / lu ma dang / rgya mtsho'i rgyan ni/ ji lta bu zhig dang ldan par gyur pa dang / nam mkha' dang / sprin gyi rgyan ni/ ji lta bu zhig dang ldan par gyur pa dang / sems can gyi gnas ni/ ji lta bu zhig yod par gyur pa dang / theg pa bstan pa ni/ gang dang ldan par gyur pa dang / bskal pa'i mid dang grangs ni/ ji snyed cig ces bya bar gyur ba dang / sangs rgyas skye ba ni| ji snyed cig byung bar gyur pa dang / rnam par dag pa ni/ gang du 'du bar gyur pa dang / sems can gyi tshe'i tshad ni/ ji tsam zhig dang ldan par gyur pa dang / 'jig rten gyi skye gnas ni/ gang du skyes par gyur pa dang / sems can ni/ ji lta bu zhig dang 'grogs 'grogs pa dang / dge ba'i bshes gnyen ni/ ji lta bu zhig la brten brten pa dang / </font><hr>Cha121b<br><font size=+1>


dge ba'i chos ni/ ji lta bu zhig la brtson par spyod spyod pa dang / chos kyi nan tan ni/ ji lta bu zhig la brtson par byas te/ byang chub sems dpa'i spyod pa spyod spyod pa'i sangs rgyas kyi zhing de dag thams cad kyang yongs su snang bar gyur/ bcom ldan 'das kyis phyir mi ldog pa'i gnas brnyes nas sngon sku ni/ ji snyed cig rnam par spyod pa ji lta bu zhig /cha byad ni/ ji lta bu zhig /longs spyod ni/ ci dang ldan/ bde ba dang sdug bsngal ni/ ji lta bu zhig sku nyams su bzhes/ sku tshe'i rgyud ni/ ji lta bu zhig dang ldan par gyur te/ sngon byang chub sems dpa'i spyod pa spyad par gyur pa de dag thams cad kyang ba spu'i sgo thams cad nas yongs su snang bar gyur to/ /sangs rgyas kyi zhing de dag thams cad kyi skye gnas de dag tu lha mo sgyu ma byang chub sems dpa'i yum du gyur pa dang / byang chub sems dpa'i sku de dag thams cad kyang lha mo sgyu ma'i ba spu'i sgo thams cad du rnam par 'phrul pa'i gzugs brnyan byung bar gyur te| rigs kyi bu/ 'di ni/ byang chub sems dpa'i skye ba'i rnam par 'phrul pa lum+bi ni'i nags tshal du byung ba bzhi pa'o/ /rigs kyi bu/ gzhan yang bcom ldan 'das kyi sngon sku ni/ ji snyed cig gis byang chub sems dpa'i spyod pa spyad pa dang / kha dog ni/ ji lta bu zhig/ dbyibs ni/ ci 'dra ba zhig /cha byad ni/ ji lta bu zhig /da rod ni/ ji lta bu zhig </font><hr>Cha122a<br><font size=+1>


@#/ /longs spyod ni/ ci dang ldan/ bde ba dang sdug bsngal ni/ ji lta bu zhig sku nyams su bzhes/ sku tshe'i rgyud ni/ ji lta bu zhig dang ldan par gyur pa de dag thams cad kyang lha mo sgyu ma'i lus kyi ba spu'i sgo thams cad la gzugs brnyan du snang bar gyur te/ rigs kyi bu/ 'di ni/ byang chub sems dpa' skye ba'i rnam par 'phrul pa lum+bi ni'i nags tshal du byung ba lnga pa'o/ /rigs kyi bu/ gzhan yang bcom ldan 'das sngon byang chub sems dpa'i spyod pa mdzad pa'i tshe gtang bar dka' ba yongs su btang ste/ zhabs dang phyag yongs su btang ba'am/ snyan dang shangs yongs su btang ba'am/ ljags dang tshems yongs su btang ba'am/ spyan dang / dbu yongs su btang ba'am/ sha dang khrag yongs su btang ba'am/ rus pa dang rkang yongs su btang ba'am/ mkhal ma dang thugs yongs su btang ba'am/ pags pa dang phri yongs su btang ba'am/ phyi nang gi dngos po yongs su btang ba'am/ sras po dang / sras mo dang / btsun mo yongs su btang ba'am/ sku yongs su btang ba'am/ longs spyod rin po che yongs su btang ba'am/ grong dang / grong khyer dang / ljongs dang / yul dang / khams dang / rgyal po'i gnas yongs su btang ba'am/ nor dang / 'bru dang / mdzod dang / bang ba yongs su btang ba'am/ nor </font><hr>Cha122b<br><font size=+1>


bu dang / mu tig dang / be DUR+Ya dang / dung dang / man shel dang / byi ru dang / gser dang / dngul yongs su btang ba'am/ rin po che'i rgyan sna tshogs yongs su btang ba'am/ ma la cha yongs su btang ba'am/ khang pa dang gzhal med yongs su btang ba'am/ yo byad yongs su btang ba de ltar gtong ba'i byang chub sems dpa'i sku gzugs dang / rnam pa ji lta bur yongs su btang bar gyur pa dang / len pa de dag kyang rnam pa ji lta bus len par gyur pa dang / sbyin pa'i dngos po rnam pa ji lta bu dag yongs su btang bar gyur pa dang / yul gyi phyogs gang dag tu yongs su btang bar gyur pa dang / de'i ste byang chub sems dpa'i 'khor du gyur pa de dag thams cad kyang lha mo sgyu ma'i ba sbu'i sgo thams cad las gzugs brnyan du snang bar gyur to/ /slong mo ba'i sgra de dag kyang grags par gyur te/ rigs kyi bu/ 'di ni/ byang chub sems dpa' skye ba'i rnam par 'phrul ba lum+bi ni'i nags tshal du byung ba drug pa'o/ /rigs kyi bu/ gzhan yang sngon gyi mtha'i rgyud du byung ba'i de bzhin gshegs pa rnams yum gyi sku nas bltams par gyur pa'i tshe sangs rgyas kyi zhing gi rgyan dang lhab lhub ji snyed cig byung bar gyur pa dang / sems can gyi rgyan rnam par phye ba dang / bza' shing gi rgyan rnam par phye ba dang / me tog dang / bdug ba dang / spos dang / phreng ba dang / byug pa dang / phye ma dang / na bza' dang </font><hr>Cha123a<br><font size=+1>


@#/ /gdugs dang / rgyal mtshan dang / ba dan gyi rgyan rnam par phye ba dang / rin po che'i rgyal po thams cad rnam par 'phrul pa'i rgyan rnam par phye ba dang / rol mo dang / glu dang / bstod pa dang / sil snyan gyi sgra ji snyed cig byung bar gyur pa de dag thams cad kyang lha mo sgyu ma lum+bi ni'i nags tshal du phyin pa'i tshe lum+bi ni'i nags tshal 'dir yongs su byung bar gyur to/ /mngon par skyes so/ /'gro bas rnam par dmigs su yod par byung bar gyur te/ rigs kyi bu/ 'di ni/ byang chub sems dpa' skye ba'i rnam par 'phrul ba lum+bi ni'i nags tshal du byung ba bdun pa'o/ /rigs kyi bu/ gzhan yang byang chub sems dpa'i longs spyod lha'i dbang po thams cad kyi gnas kyi rgyan gyi longs spyod las yongs su 'das pa dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi'i dbang po thams cad kyi gnas kyi rgyan gyi longs spyod las 'das pa 'di lta ste/ rin po che'i rgyal po thams cad kyi khang pa brtsegs pa'i longs spyod dam/ rin po che'i rgyal po'i gzhal med khang gi longs spyod dam/ rin po che'i rgyal po'i dra ba'i longs spyod dam/ rin po che'i rgyal po'i 'bru'i longs spyod dam/ rin po che'i rgyal po'i gzugs kyi longs spyod dam/ rin po che'i </font><hr>Cha123b<br><font size=+1>


rgyan thams cad kyi longs spyod dam/ spos kyi rgyal po thams cad kyi longs spyod dam/ dmigs pa thams cad bzang zhing mthun pa'i longs spyod kyang rung ste/ de dag thams cad lha mo sgyu ma'i rum nas ma 'dres par thon te lum+bi ni'i nags tshal 'di yongs su brgyan cing kun nas gnas par gyur te/ rigs kyi bu/ 'di ni/ byang chub sems dpa' skye ba rnam par 'phrul pa lum+bi ni'i nags tshal du byung ba brgyan pa'o/ /rigs kyi bu/ gzhan yang lha mo sgyu ma'i lus las byang chub sems dpa' sangs rgyas kyi zhing brjod du med pa bye ba khrag khrig brgya phrag stong gi rdul shin tu phra ba snyed bcom ldan 'das rnam par snang mdzad dang / sku gzugs dang / sku mdog dang / dbyibs 'dra ba/ mtshan dang / dpe byad bzang po'i rgyan gyis 'dra bar brgyan pa/ 'od 'dra ba dang / 'od zer 'dra ba rab tu 'gyed pa/ tshul dang 'gros stabs 'dra ba/ rtsal dang mthu 'dra ba/ rnam par snang ba'i rnam par 'phrul pa mthun pa/ 'khor 'dra ba| rgyan mtshungs pa mang po yang bcom ldan 'das rnam par snang mdzad kyi legs pa rgya mtsho yongs su brjod cing thon par gyur te/ rigs kyi bu/ 'di ni/ byang chub sems dpa' skye ba'i rnam par 'phrul ba lum+bi ni'i nags tshal du byung ba dgu pa'o/ /rigs kyi bu/ gzhan yang byang chub sems dpa' bltams par gyur pa'i dus la bab pa dang / lha mo sgyu ma'i mdun </font><hr>Cha124a<br><font size=+1>


@#/ /du 'og gi rdo rje'i gzhi las sa chen po mngon par brtol te/ rin po che'i rgyal po'i pad+mo chen po rin po che thams cad kyi rgyan gyi dam pa zhes bya ba/ chu ba rin po che'i rgyal po gzhan gyis mi thub pa'i rdo rje chen po las grub pa/ rin po che'i rgyal po 'gro ba rgya mtsho'i nang rim dang ldan pa/ ze ba'i rtse mo rin po che'i rgyal po thams cad kyis brgyan pa/ 'dab ma'i phreng ba sangs rgyas kyi zhing bcu'i rdul shin tu phra ba snyed kyis brgyan cing shin tu rnam par phye ba/ lo ma'i dkyil 'khor rin po che'i rgyal po sna tshogs kyis byas pa| snying po mdzes pa rin po che yid bzhin gyis rnam par dag pa dang ldan pa/ ze ba'i phreng ba rnam par phye ba dang / rin po che thams cad kyi kha dog tshad med pa dang ldan pa/ rin po che'i rgyal po grangs med pa'i dra ba'i rgyan dang ldan pas yongs su yog pa/ rin po che'i rgyal po rdo rje mthu bo ches mi shigs pas lhun kun nas bkab pa/ lha'i ris thams cad kyis kun nas bskor ba/ klu'i dbang po thams cad kyis spos chu'i sprin gyi char mngon par dbab pa/ gnod sbyin gyi dbang po thams cad kyis kun nas bskor cing lha rdzas kyi me tog snyim pa nas gtor ba/ dri za'i dbang po thams cad kyis sngon gyi sangs rgyas la rim gror byas pa'i klu'i dbyangs snyan cing yid du 'ong ba'i da ro dang sbyar te bstod pa'i sprin </font><hr>Cha124b<br><font size=+1>


gyis mngon par bstod pa/ lha ma yin gyi dbang po thams cad kyis nga rgyal dang / rlom pa dang / dregs pa thams cad btang zhing shin tu btud de phyag bya ba/ nam mkha' lding gi dbang po thams cad kyis rin po che'i snam bu kun tu spyangs te nam mkha' kun nas brgyan par bya ba/ mi'am ci'i dbang po thams cad kyis byang chub sems dpa'i yon tan yongs su brjod cing rol mo dang / glu'i dbyangs la brtson pa dang / nyams su rab tu bde bas kun nas blta ba/ lto 'phye chen po'i dbang po thams cad kyis shin tu dga' ba dang mos pa skyes pas yongs su blta zhing sgra snyan pa byung ste rgyan gyi sprin thams cad kyi char mngon par dbab pa byung bar gyur te/ rigs kyi bu/ 'di ni/ byang chub sems dpa' skye ba'i rnam par 'phrul ba lum+bi ni'i nags tshal du byung ba bcu pa'o/ /rigs kyi bu/ byang chub sems dpa' skye ba'i rnam par 'phrul pa bcu po de dag lum+bi ni'i nags tshal du byung bar gyur nas de'i rjes la byang chub sems dpa' 'od tshad med bsam gyis mi khyab pa mnga' ba/ blta na btang mi bra ba zhig lha mo sgyu ma'i rum nas bltams te nam mkha'i dbyings rum nas nyi ma'i dkyil 'khor shar ba lta| sprin gyi tshogs rum nas glog gi phreng ba 'gyur ba lta/ ri chen po'i spo rum nas nyi ma shar kha'i sprin go lta/ mun pa stug rum nas sgron ma chen po byung ba lta ste/ mngon par </font><hr>Cha125a<br><font size=+1>


@#/ /bltams par gyur to/ /de ltar byang chub sems dpa' lha mo sgyu ma'i lus las gzugs brnyan ltar bstan pa'i chos nyid dang / rmi lam ltar bstan pa'i chos nyid dang / sgyu ma'i rnam pa'i gzugs rnam par dmigs pa ltar bstan pa'i chos nyid dang / 'gro ba dang 'ong ba med pa'i chos nyid dang / skye ba dang 'gag pa med pa'i 'od rnam par dmigs pa yongs su bstan pa'i chos nyid kyis mngon par 'byung ba yongs su bstan to/ /rigs kyi bu/ de ltar kho mo ni/ lum+bi ni'i nags tshal 'di na gnas shing / bcom ldan 'das rnam par snang mdzad kyi sku tshe'i rnam par 'phrul pa rgya mtsho la lta zhing khong du chud par byed de/ rigs kyi bu/ kho mo gling bzhi bskal pa dang ldan pa 'di na bcom ldan 'das rnam par snang mdzad kyi sku tshe'i rnam par 'phrul ba la lta zhing khong du chud par bya bar gnas pa de bzhin du stong gsum gyi stong chen po'i 'jig rten gyi khams thams cad kyi gling bzhi pa thams cad kyi 'dzam bu'i gling bye ba phrag brgya thams cad na'ang bcom ldan 'das rnam par snang mdzad kyi sku tshe'i rnam par 'phrul ba bye ba phrag brgya la lta zhing khong du chud par byed do/ /stong gsum gyi stong chen po'i 'jig rten gyi khams thams cad du 'dus pa'i rdul shin tu phra ba'i khongs su chud pa'i sangs rgyas kyi zhing thams </font><hr>Cha125b<br><font size=+1>


cad rdul shin tu phra ba la 'jug pa'i ye shes kyis khong du chud pa dag tu yang sems kyi skad cig re re la sems kyis khong du chud par bya ba re res bcom ldan 'das rnam par snang mdzad kyi sku tshe'i rnam par 'phrul ba sangs rgyas kyi zhing gi rdul shin tu phra ba snyed la lta zhing khong du chud par byed do/ /de'i 'og ma'i sems kyis sangs rgyas kyi zhing rdul shin tu phra ba rnams kyi khong du chud pa'i sangs rgyas kyi zhing de dag las sangs rgyas kyi zhing re rer yang de dang mnyam pa'i byang chub sems dpa' skye ba'i rnam par 'phrul pa la lta zhing khong du chud par byed de/ tshul de lta bus sangs rgyas kyi zhing thams cad kyi rdul shin tu phra ba'i khongs su chud pa'i sangs rgyas kyi zhing re re dag tu yang byang chub sems dpa' skye ba'i rnam par 'phrul pa thams cad la lta zhing khong du chud par byed kyang rdul shin tu phra ba thams cad kyi rdul re re la zhing gcig nas gcig tu brgyud pa'i mtha' rnyed par mi rung ngo / /zhing thams cad kyi zhing re rer byang chub sems dpa' skye ba gcig nas gcig tu brgyud pa'i yang mu rnyed par mi rung ngo / /ji ltar kho mo 'jig rten gyi khams 'di'i byang chub sems dpa'i skye ba rnam par 'phrul pa thams cad la lta zhing khong du chud par byed pa de bzhin du phyogs bcu'i 'jig rten gyi khams mtha' dang dbus med pa dang / rdul shin tu phra ba thams cad la'ang </font><hr>Cha126a<br><font size=+1>


@#/ /sems kyi skad cig re re'i sems kyis khong du chud par bya ba re re la byin gyi rlabs rgyun mi 'chad pa'i tshul gyis byang chub sems dpa' skye ba'i rnam par 'phrul ba thams cad la lta zhing khong du chud par byed do/ /de skad ces smras pa dang / tshong dpon gyi bu nor bzang gis lum+bi ni'i nags tshal gyis lha mo gzi brjid kyi dkyil 'khor bzang pos dga' ba'i dpal la 'di skad ces smras so/ /'phags ma/ khyod kyis byang chub sems dpa'i rnam par thar pa bskal pa tshad med par dmigs pa thams cad du byang chub sems dpa'i skye ba rnam par 'phrul ba yongs su ston pa 'di rnyed nas yun ji srid cig lags/ smras pa/ rigs kyi bu/ sngon 'das pa'i dus bskal pa sangs rgyas kyi zhing bye ba'i rdul shin tu phra ba snyed 'das pa'i pha rol de'i yang pha snga zhig tu 'jig rten gyi khams kun nas rin po che zhes bya bar bskal ba mnyam par bzhag pa zhes bya ba sangs rgyas bye ba khrag khrig brgyad cu byung ba la de bzhin gshegs pa dgra bcom pa yang dag par rdzogs pa'i sangs rgyas dbang phyug gi yon tan gzhan gyis mi thub pa'i rgyal mtshan zhes bya ba/ mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams </font><hr>Cha126b<br><font size=+1>


kyi ston pa sangs rgyas bcom ldan 'das 'jig rtan du byung ngo / /rigs kyi bu/ 'jig rten gyi khams kun nas rin po che zhes bya ba der gling bzhi pa dbu ma rgyan sna tshogs kyi 'od ces bya ba byung ste/ gling bzhi pa de'i 'dzam bu'i gling gi dbus su rgyal po'i gnas ri rab rnam par dag pa'i rgyan gyi rgyal mtshan zhes bya ba byung ste/ rgyal po'i gnas der rgyal po rin po che 'od 'phro ba'i mig gi 'od ces bya ba byung ngo / /rgyal po rin po che 'od 'phro ba'i mig gi 'od de la btsun mo rab tu dga' ba'i 'od la dbang sgyur ba zhes bya ba mnga'o/ /rigs kyi bu/ dper na/ gling bzhi pa skal pa dang ldan pa 'di'i 'dzam bu'i gling du lha mo sgyu ma bcom ldan 'das rnam par snang mdzad kyi yum du gyur pa de bzhin du de'i tshe de'i dus na gling bzhi pa rgyan sna tshogs kyi 'od kyi 'dzam bu gling du yang rab tu dga' ba'i 'od la dbang sgyur ba zhes bya ba yang bcom ldan 'das de bzhin gshegs pa dbang phyug gi yon tan gzhan gyis mi thub pa'i rgyal mtshan gyi yum du gyur te/ sangs rgyas bye ba khrag khrig phrag brgyad cu bskal pa'i dang po la byung ste/ thog mar byung ba'i bcom ldan 'das de bzhin gshegs pa dbang phyug gi yon tan gzhan gyis mi thub pa'i rgyal mtshan gyi yum du gyur te/ rigs kyi bu/ lha mo rab tu dga' ba'i 'od la dbang sgyur ba de byang chub sems dpa' skye ba'i dus </font><hr>Cha127a<br><font size=+1>


@#/ /la bab pa dang / bud med khrag khrig brgya stong phrag nyi shu dang lhan cig tu bza' shing gi ra ba chen po 'od kyi dkyil 'khor gser gyi me tog ces bya ba der phyin te/ dbang phyug gi yon tan gzhan gyis mi thub pa'i rgyal mtshan gzhon nu de yang byang chub sems dpa' skye ba'i rnam par 'phrul ba bsam gyis mi khyab pas der bltams so/ /de'i tshe bza' shing gi ra ba chen po 'od kyi dkyil 'khor gser gyi me tog ces bya ba de'i dbus su pho brang brtsegs pa rin po che sna tshogs bzang po las brtsegs pa zhes bya ba byung ste/ pho brang brtsegs pa de'i nang du shing 'dod pa thams cad 'byin pa'i yal ga la 'ju ste lha mo rab tu dga' ba'i 'od la dbang sgyur ba las/ bcom ldan 'das de bzhin gshegs pa dbang phyug gi yon tan gzhan gyis mi thub pa'i rgyal mtshan bltams so/ /de'i tshe bcom ldan 'das de bltams khar ma ma dri ma med pa skyed pa'i 'od ces bya ba sta gon du gnas gnas te/ byang chub sems dpa' de bltams par gyur ma thag tu 'jig rten gyi dbang po rnams kyis spos dri shin tu zhim pa'i spos chu'i bum pa me tog dri zhim zhing yid du 'ong ba sna tshogs mngon par 'thor bas sku bsil te/ de la tshul dang mthun pa'i mchod pa bsam gyis mi khyab la grangs med pa </font><hr>Cha127b<br><font size=+1>


mchog tu bya bas mchod nas ma ma dri ma med pa skyed pa'i 'od kyi bar du bzhag go /ma ma des byang chub sems dpa' pang du blangs ma thag tu de'i mod la ma ma de dga' ba dang / mos ba'i shugs chen po thob par gyur nas byang chub sems dpa'i ting nge 'dzin yul kun tu lta ba zhes bya ba thob par gyur to/ /de thob par gyur ma thag tu des phyogs bcu'i 'jig rten gyi khams na bzhugs pa'i de bzhin gshegs pa tshad med pa de dag thams cad kyang mthong bar gyur to/ /byang chub sems dpa'i rnam par thar pa bskal pa tshad med pa dmigs pa thams cad du byang chub sems dpa'i skye bas rnam par 'phrul pa yongs su ston pa 'di la 'ang shin tu phra ba'i tshul gyis zhugs par gyur te/ de ni/ dper na/ ma'i mngal du zhugs ma thag pa'i rnam par shes pa lta bu'o/ /rnam par thar pa de thos par gyur pas kyang des de bzhin gshegs pa thams cad skye ba'i rnam par 'brul pa yang dag par lta ba'i smon lam chen po yang mngon par bsgrubs so/ /rigs kyi bu/ de la ji snyam du sems/ de'i tshe de'i dus na byang chub sems dpa'i ma ma dri ma med pa skyed pa'i 'od ces bya ba byung bar gyur pa de gzhan zhig yin pa snyam du sems na ni/ khyod kyis de ltar mi blta ste/ kho mo ni/ de'i tshe de'i dus na byang chub sems dpa'i ma ma dri ma med pa skyed pa'i 'od ces bya bar gyur to/ /rigs kyi bu/ de la ji snyam du sems </font><hr>Cha128a<br><font size=+1>


@#/ /de'i tshe de'i dus na bud med khrag khrig brgya stong phrag nyi shu byung bar gyur pa de dag gzhan dag cig yin pa snyam du sems na yang de ltar mi lta ste/ lha mo khrag khrig brgya stong phrag nyi shu po lum+bi ni'i nags tshal na gnas pa kho mo'i 'khor du gyur pa 'di dag yin no/ /rigs kyi bu/ de la ji snyam du sems/ de'i tshe de'i dus na dbang phyug gi yon tan gzhan gyis mi thub pa'i rgyal mtshan gzhon nu'i yum rab tu dga' ba'i 'od la dbang sgyur ba zhes bya ba byung ba de gzhan zhig yin pa snyam du sems na'ang de ltar mi blta ste/ lha mo sgyu ma 'di ni/ de'i tshe de'i dus na rab tu dga' ba'i 'od la dbang sgyur ba zhes bya ba'i lha mor gyur to/ /rigs kyi bu/ de la ji snyam du sems/ de'i tshe de'i dus na rgyal po rin po che 'od 'phro ba'i mig gi 'od ces bya ba byung ba de gzhan zhig yin pa snyam na'ang de ltar mi blta ste/ rgyal po zas gtsang ma 'di ni/ de'i dus na rgyal po rin po che 'od 'phro ba'i mig gi 'od ces bya bar gyur to/ /rigs kyi bu/ de ltar kho mo ni/ de phyin chad du bcom ldan 'das rnam par snang mdzad kyi byang chub sems dpa'i skye ba'i rnam par 'phrul pa rgya mtsho la lta zhing khong du chud par byed pa dang / sems can rnam par 'dul ba'i khyu mchog gi mthus rnam par 'phrul ba rgya mtsho la lta zhing khong du chud par byed pa dang / </font><hr>Cha128b<br><font size=+1>


skad cig thams cad du bral bar ma gyur to/ /rigs kyi bu/ kho mo mi mjed kyi 'jig rten gyi khams 'di na bcom ldan 'das rnam par snang mdzad kyi smon lam rgya mtsho 'byams klas pa las byung ba'i de bzhin gshegs pa rnams kyi sangs rgyas kyi zhing rgya mtsho rdul shin tu phra ba thams cad na yod pa la sems kyi skad cig thams cad du rdul shin tu phra ba thams cad la yongs su 'dul ba'i ye shes kyi mig gis lta zhing khong du chud par byed de/ sangs rgyas kyi zhing de dag tu de bzhin gshegs pa byung brgya mtsho dag kyang lta zhing khong du chud par byed la| de bzhin gshegs pa de dag gi byang chub sems dpa' skye ba'i rnam par 'phrul pa rgya mtsho chen po dag la lta zhing khong du chud par byed pa de bzhin du phyogs bcu'i de bzhin gshegs pa thams cad kyi byang chub sems dpa' skye ba'i rnam par 'phrul brgya mtsho dang / sems can rnam par 'dul ba'i khyu mchog gi mthu phyung bas rnam par 'phrul ba rgya mtsho thams cad la'ang sems kyi skad cig thams cad du lta zhing khong du chud par byed do/ /ji ltar stong gsum gyi stong chen po'i 'jig rten gyi khams 'dir rdul shin tu phra ba 'byams klas pa thams cad gcig nas gcig tu brgyud pa la 'jug pas byang chub sems dpa' skye ba ma nor par mngon du gyur te/ sangs rgyas kyi yon tan la zhugs par gyur pa de bzhin du phyogs bcu'i </font><hr>Cha129a<br><font size=+1>


@#/ /'jig rten gyi khams sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed kyi rdul shin tu phra ba 'byams klas pa thams cad kyi khongs su chud pa'i zhing rgya mtsho thams cad la'ang sangs rgyas 'jug ste/ de dag tu'ang sangs rgyas rgya mtsho shin tu yangs pa la 'jug go /sangs rgyas bcom ldan 'das de dag byang chub sems dpar gyur pa'i byang chub sems dpa' 'byung ba'i rnam par 'phrul pa rnams kyang mngon du gyur par blta'o/ /de bzhin gshegs par gyur nas mchod par byed do/ /de bzhin gshegs pa de dag las kyang chos bstan pa nyan to/ /chos la yang gnyer ba'i chos kyis nan tan byed do/ /de nas lum+bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyis de'i tshe byang chub sems dpa'i rnam par thar pa bskal pa tshad med par dmigs pa thams cad du byang chub sems dpa'i skye bas rnam par 'phrul pa yongs su ston pa 'di gsal bar bstan pa'i phyir sangs rgyas kyi byin gyi rlabs kyis phyogs bcur rnam par bltas te tshigs su bcad pa 'di dag smras so/ /rim gro bskyed cing nga la gang 'dri ba \?\/ /de dag bdag las rgyal ba'i sras nyon cig /rgyal ba'i spyod yul blta dga' zhi ba ste/ /rgyu dang rkyen gyis </font><hr>Cha129b<br><font size=+1>


tshul gyis rnam par bstan/ /zhing rnams bye ba'i rdul phran rab snyed kyi/ /sngon gyi bskal pa bsam gyis mi khyab dran/ /bskal pa'i ming ni snga phyi mnyam zhes bya/ /de la rgyal ba bye ba brgyad cu byung / /bskal pa'i dang por de bzhin gshegs byung ba/ /dbang phyug yon tan mi thub rgyal mtshan no/ /nags tshal dam pa gser mdog me tog tu/ /mgon po de 'khrungs bdag gis mthong bar gyur/ /ming du dri med skyed pa'i 'od ces bya/ /de yi ma ma mkhas par bdag gyur te/ /bltams ma thag tu gser mdog dam pa'i 'od/ /'jig rten dbang pos bdag gis pang du bzhag /gang zag dam pa pang du bzhag tshe yang / /de yi spyi gtsug blta bar mi nus te/ /bsam yas de la g.yas dang g.yon du yang / /bltas shing mtha' rnyed mthong bar ma gyur to/ /mtshan rab bzang pos de ni yongs su brgyan/ /dri med de sku blta na rab sdug ste/ /rin chen gzugs 'dra bdag gis mthong gyur nas/ /dga' ba'i shugs drag mtshungs med rnam par 'phel/ /de yi yon tan dpag yas sems sems nas/ /kho mo'i bsod nams rgya mtsho dpag med 'phel/ /de yi rnam 'phrul rgya mtsho mthong gyur nas/ /rgya chen byang chub sems kyang skyes par gyur/ /rgyal ba'i legs pa rgya mtsho dga' smon nas/ /smon lam rgya mtsho bdag gis rab tu bskyed/ /'byams klas zhing </font><hr>Cha130a<br><font size=+1>


@#/ /rnams thams cad rnam par sbyangs/ /dan song lam rnam kun kyang rnam par bzlog /zhing rnams 'byams klas kun gyi bde gshegs rnams/ /ma byon bsam gyis mi khyab mchod pa dang / /sems can sdug bsngal rnam par dgrol ba'i phyir/ /smon lam rgya mtsho kho mos btab par gyur/ /mgon po de las bdag gis chos thos nas/ /rnam thar dam pa'i dkyil 'khor 'di yang thob/ /bskal pa zhing rnams bye ba'i rdul snyed du/ /spyad pa spyad de de yang rnam par sbyangs/ /de la mgon po ji snyed byung gyur pa| |de dag ma lus bdag gis kun kyang mchod/ /rnam thar rgya mtsho 'di ni sbyong byed cing / /de dag bstan pa kho mos yongs su bzung / /zhing rnams bye ba'i rdul phran rab snyed kyi/ / stobs bcu mnga' ba ji snyed 'das byung ba/ /de dag chos kyi 'khor lo kho mos bzung / /rnam thar dkyil 'khor 'di yang rab tu bsgoms/ /sangs rgyas zhing gi rdul phran ji snyed pa| |rdul rtse 'byams klas kun la rnam par mthong / /rdul phran re re la yang rgya mtsho'i zhing / /sngon chad rgyal bas sbyangs pa rab tu mthong / /zhing rnams 'byams klas de dag kun tu yang / /mgon po thugs rgyud gcig la bsam yas pa'i/ /rlam 'phrul yangs pa yongs su ston mdzad cing / /nags tshal mchog tu 'khrungs gyur bdag gis mthong / / </font><hr>Cha130b<br><font size=+1>


rgyal ba la la zhing rnams la la na/ /byang chub 'dam par 'tshang rgya thugs dgongs shing / /dga' ldan 'jig rten gnas na bzhugs pa yang / /zhing rnams bye ba bsam gyis mi khyab po/ /zhing rnams rgya mtsho'i dbyings su rnam 'phrul ba/ /shin tu yangs pa skye pa'ang bdag gis mthong / /na chung dam pa'i tshogs kyi dbus bzhugs shing / /mgon po chos rnams ston pa'ang de bzhin mthong / /zhing rnams bye ba'i rdul phyan rang snyed kyis/ /dpa' bo sems kyi skad cig re re la/ /mngon par byung zhing shing rgyal drung gshegs dang / sangs rgyas spyod yul yangs pa ston pa mthong / /zhing gcig rdul la bsam gyis mi khyab bar/ /yul rnams gzhan dang gzhan dag ston mdzad pas/ /'gro rgyud sems can sdug bsngal 'grol mdzad cing / /mi gtso rnam par 'tshang rgya bdag gis mthong / /rdul phran re re'i rtse la mi zad pa'i/ /rang byung 'khor lo rab tu bskor mdzad cing / /dbyangs rnams rgya mtsho mi zad sgrog mdzad pas/ /chos sprin rgya chen char 'bebs mdzad pa mthong / /'gro pa kun la rnam pa du mar yang / /skad cig re rer mya ngan 'das ston pa/ /zhing rnams bye ba'i rdul phran rab snyed kyi/ /sangs rgyas zhing gcig rdul la bdag gis mthong / /rdul gcig bltas kyang zhing rnams rgya mtsho dang / /rgyal ba 'byung ba ji snyed kun kyang mthong / /tshe rabs kun tu lus mang khrag khrig gis /de dag mchod </font><hr>Cha131a<br><font size=+1>


@#/ /pa'i don du nye bar phyin/ /zhing tshul rgya mtsho bsam gyis mi khyab pa'i/ /'gro rgyud mi bzad ji snyed yod pa yi/ /'gro ba kun la mngon du kho mo ni/ /chos sprin yangs pa'i char yang rab tu 'bebs/ /rgyal sras kho mos bsam gyis mi khyab pa'i/ /rnam thar dkyil 'khor dam pa 'di shes kyi/ /bskal pa bye ba khrag khrig bsam yas su/ /thams cad bstan par kho mos nus re skan/ /rigs kyi bu/ kho mos byang chub sems dpa' rnam par thar pa bskal pa tshad med par dmigs pa thams cad du byang chub sems dpa'i skye bas rnam par 'phrul ba yongs su ston pa 'di shes par zad na/ kho mo byang chub sems dpa' sems kyi skad cig re re la bskal pa thams cad du zhugs pa'i mngal nas yongs su byung ba'i sems dang ldan pa/ chos kyi tshul thams cad nges par rtogs pa'i skye ba rab tu ston pa/ de bzhin gshegs pa thams cad mchod pa'i smon lam gyis bsam pa yongs su skyed pa| sangs rgyas kyi chos thams cad mngon par rdzogs par 'tshang rgya bar bya ba la rab tu gzhol ba/ sems can thams cad kyi rigs dang / rgyud kyi lam yongs su bstan pa la gzugs brnyan lta bur gyur pa/ de bzhin gshegs pa thams cad kyi zhabs kyi drung du pad+mo'i nang nas skye ba/ 'gro ba thams cad yongs su smin par bya ba'i dus la mkhas pa/ </font><hr>Cha131b<br><font size=+1>


sems can thams cad gdul ba la mngon par mos shing cher skye bas rnam par 'phrul pa yongs su ston pa/ zhing 'byams klas pa thams cad du rnam par 'phrul ba'i sprin yongs su ston pa/ 'gro ba thams cad kyi rgyud du skye ba dang / rigs su gzugs brnyan byung bar gyur pa de dag gi spyod pa shes pa'am/ yon tan brjod par nus re skan/ song rigs kyi bu/ grong khyer chen po ser skya'i gnas 'di na shAkya'i bu mo go pa zhes bya ba 'dug gi /de'i gan du song la ji ltar byang chub sems dpa' sems can yongs su smin par bya ba'i phyir 'khor ba'i 'khor bar bya ba dris shig /de nas tshong dpon gyi bu nor bzang gis lum+bi ni'i nags tshal gyis lha mo gzi brjid kyi dkyil 'khor bzang pos dga' ba'i dpal gyi rkang pa gnyis la spyi bos phyag 'tshal te lum+bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal la lan brgya stong du mar g.yas phyogs su bskor ba byas nas yang dang yang bltas te lum+bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyi drung nas song ngo / /shin tu rgyas pa chen po'i mdo/ sangs rgyas phal bo che zhes bya ba las/ sdong pos brgyan po'i le'u ste/ bam po brgya bdun pa/ de nas tshong dpon gyi bu nor bzang lum+bi ni'i nags tshal gyi lha mo gzi brjid kyi dkyil 'khor bzang pos dga' ba'i dpal gyi drung nas </font><hr>Cha132a<br><font size=+1>


@#/ /song ste grong khyer chen po ser skya'i gnas gang na ba der phyin nas byang chub sems dpa'i rnam par thar pa bskal pa tshad med par dmigs pa thams cad du byang chub sems dpa'i skye bas rnam par 'phrul pa yongs su ston pa de nyid sgom pa dang / khong du chud par bya ba dang / rgya cher bya ba dang / nan tan du bya ba dang / shin tu sbyangs pa dang / yongs su bsam pa dang / rnam par dbye ba byed cing / byang chub sems dpa' yang dag par 'gro ba'i khang pa chos kyi dbyings rab tu snang ba'i 'od gang na ba der song ngo| /der 'gro ba'i tshe byang chub sems dpa' yongs su 'gro ba'i khang pa'i lha mo mya ngan med pa'i dpal zhes bya ba khyim gyi lha mo stong phrag bcu dang bcas pas bsu nas tshong dpon gyi bu nor bzang la 'di skad ces smras so/ /skyes bu chen po shes rab dang ye shes chen pos rnam par gnon pa/ byang chub sems dpa'i rnam par thar pa bsam gyis mi khyab pa sgom pa la lhag par dmigs pa'i smon lam gyi sems dang ldan pa/ chos yangs pa'i gzhal med khang gi spyod yul la spyod pa/ chos kyi grong khyer du mngon par gzhol ba/ byang chub sems dpa'i thabs kyi tshul mtha' yas pas sems can gdul ba la 'jug pa rgyun mi gcod pa/ de bzhin gshegs pa'i yon tan rgya mtsho snang ba </font><hr>Cha132b<br><font size=+1>


rab tu thob pa/ 'gro ba thams cad rnam par gdul ba la rab tu snang ba'i spobs pa dang ye shes mngon du gyur pa/ sems can thams cad kyi spyod pa shes pa'i lus kyis 'gro zhing rjes su 'brang bar bya ba'i spyod pa la mngon du gyur pa'i sems dang ldan pa/ 'gro ba thams cad kyi sems kyi dga' ba rgya mtsho'i shugs rnam par 'phel bar bya ba'i smon lam dang ldan pa/ de bzhin gshegs pa thams cad kyi chos khong du chud par bya ba'i lam du zhugs pa khyod byon pa legs so/ /mig phyir glan pa med pas spyod pa dang spyod lam zab cing rnam par dag pa'i spyod yul can khyod la bltas na/ khyod ni/ ring po mi thogs par de bzhin gshegs pa'i sku dang / gsung dang / thugs kyi rgyan rnam par dag pa bla na med pa rab tu thob ste mtshan dang dpe byad bzang pos rab tu brgyan pa'i lus dang / stobs bcu'i ye shes snang bas brgyan pa'i sems kyis 'jig rten du rnam par spyod par 'gyur ro/ /khyod kyi brtson 'grus dang / rnam par gnon pa la bltas na/ khyod ni/ ring po mi thogs par dus gsum gyi de bzhin gshegs pa mngon du gyur par mthong ba dang ldan zhing de bzhin gshegs pa thams cad kyi chos kyi sprin yongs su 'dzin pa dang / byang chub sems dpa'i bsam gtan dang / rnam par thar pa dang / ting nge 'dzin dang / snyoms par 'jug pa'i chos zhi ba dang ldan pa'i gzhal med khang gi dga' ba myong ba dang / sangs </font><hr>Cha133a<br><font size=+1>


@#/ /rgyas kyi rnam par thar pa zab mor chud par 'gyur ro/ /de yang de ltar khyod dge ba'i bshes gnyen gyi drung du 'gro ba dang / blta ba dang / bsnyen bkur ba dang / gdams ngag ma nor bar blang ba dang / de'i yon tan la nan tan du bya ba'i tshul la brtson par byed pas yongs su mi skyo/ phyir mi ldog /sgyid lug par mi 'gyur te/ khyod la bgegs sam| bar du gcod pa'am/ sgrib pa gang gis kyang mi tshugs te/ bdud dam bdud kyi ris su gtogs pa'i lha rnams kyang mdun na gnas pa med pa de'i phyir khyod ni/ ring po mi thogs par sems can thams cad dga' bar byed par 'gyur ro/ /de skad ces smras pa dang / tshong dpon gyi bu nor bzang gis byang chub sems dpa' yongs su 'gro ba'i khang pa'i lha mo mya ngan med pa'i dpal la 'di skad ces smras so/ /lha mo/ khyod kyis ji skad du smras pa de ltar 'gyur ro/ /lha mo/ kho bo ni/ sems can thams cad kyi nyon mongs pa'i gdung ba rnam par zhi bas dga' bar 'gyur ro/ /sems can thams cad kyi las nyam nga ba'i rnam par smin pa phyir log pa dang / sems can thams cad kyi bde ba 'grub pa dang / sems can thams cad kha na ma tho ba med pa'i las la nan tan du byed pas dga' ba dam pa nyams su myong bar 'gyur ro/ /nam sems can de dag las dang nyon mongs pa rnam pa sna tshogs </font><hr>Cha133b<br><font size=+1>


mi bde ba'i sbyor bas sems rnam par 'khrugs shing ngan song du ltung bar gyur pa'am/ bde ba'i rgyud na gnas kyang lus dang sems kyi sdug bsngal dang / yid mi bde ba sna tshogs nyams su myong bar gyur cing mi dga' bar gnas pa de'i tshe byang chub sems dpa' rnams kyang shin tu ying mi bde bar 'gyur ro/ /lha mo/ 'di lta ste/ dper na/ mi shin tu ngang gis byams pa zhig la bu gcig pa sdug cing yid du 'ong ba zhig bdog par gyur la/ de'i yan lag dang nying lag bcad pa zhig mthong na/ shin tu ngang gis byams pa'i phyir rab tu yid mi bde zhing mi dga' bar 'gyur ro| |lha mo/ de bzhin du byang chub sems dpa' byang chub sems dpa'i spyad pa spyod pa'i tshe yang sems can rnams las dang nyon mongs pa'i dbang gis ngan song gsum gyi rgyud du ltung ba zhig mthong na/ rab tu mi dga' la shin tu nyams mi bde bar 'gyur ro/ /gang gi tshe sems can rnams lus dang / ngag dang / yid kyis legs par spyad pa yang dag par len pa'i rgyus lus zhig nas bde ba'i rgyus mtho ris kyi 'jig rten du skye bar gyur tam/ lha dang mi'i lam gyi rgyud du lus dang sems kyi bde ba nyams su myong ba zhig tu gyur na/ de'i tshe byang chub sems dpa' shin tu bde ba dang ldan zhing nyams bde ba dang / yid dga' ba dang / rab tu spro ba dang / dga' ba'i yid nyams su bde ba dang ldan par 'gyur ro/ /lha mo/ byang chub </font><hr>Cha134a<br><font size=+1>


@#/ /sems dpa' rnams ni/ bdag gi don gyi phyir thams cad mkhyen pa nyid du smon cing don du gnyer ba ma yin te/ 'khor ba'i dga' ba dang / bde ba sna tshogs nyams su myong bar bya ba'i phyir ma yin/ 'dod pa'i khams su gtogs pa'i dga' ba rnam pa tha dad pa sna tshogs don du gnyer bas ma yin/ 'du shes dang / sems dang / lta ba phyin ci log tu gyur pa'i dbang gis ma yin/ kun tu sbyor ba dang / 'ching ba dang / bag la nyal ba dang / kun nas 'khor ba'i dbang du gyur pas ma yin/ srid pa dang / lta ba'i dbang du gyur pas ma yin/ sems can sna tshogs dang 'du zhing 'dzi ba'i dga' ba'i 'du shes kyi sems rnam par 'phel bas ma yin/ bsam gtan gyi dga' ba dang / bde ba myong ba la yongs su chags pas ma yin/ sgrib pa sna tshogs kyis bsgribs shing 'khor ba'i rgyud na 'dre ldog pa ma yin gyi/ lha mo/ byang chub sems dpa' rnams ni/ sems can 'khor ba'i rgya mtsho na 'khod cing sdug bsngal dpag tu med pas shin tu mnar ba rnams la snying rje chen po bskyed cing 'gro ba thams cad yongs su bsdu ba'i smon lam chen po mngon par sgrub ste/ de dag ni/ snying rje chen pos smon lam mngon par sgrub pa'i shugs kyis sems can yongs su smin par bya ba dang / gdul ba la </font><hr>Cha134b<br><font size=+1>


brtson zhing / 'khor ba na byang chub sems dpa'i spyad pa spyod par snang ngo / /de dag ni/ sems can thams cad kyi sgrib pa thams cad rnam par bzlog pa'i don du thams cad mkhyen pa'i ye shes sgrib pa med pa yongs su tshol zhing / de bzhin gshegs pa thams cad mchod pa dang / bsnyen bkur ba'i smon lam mngon par sgrub bo/ /de dag de bzhin gshegs pa mchod cing rim gror bya ba'i smon lam gyi dbang gis byang chub sems dpa'i spyod pas yongs su skyo ba med de/ de dag byang chub sems dpa'i spyad pa la spyod pa'i tshe kun nas nyon mongs pa'i zhing mthong na/ sangs rgyas kyi zhing thams cad yongs su dag par bya ba'i smon lam mngon par sgrub bo/ /kun nas nyon mongs pa'i zhing yongs su sbyong zhing sems can thams cad kyi skye mched sna tshogs mthong bar gyur pa'i tshe chos kyi sku tha dad pa med cing bla na med pa yongs su dag par bya ba'i phyir smon lam mngon par sgrub bo/ /sems can rnams kyi lus dang / ngag dang / sems kun nas nyon mongs pa dang ldan pa mthong na/ sems can thams cad kyi lus dang / ngag dang / sems kyi rgyan yongs su dag par bya ba'i phyir smon lam mngon par sgrub bo/ /sems can skye mched ma tshang ba dang / sems yongs su ma dag pa mthong na/ sems can thams cad kyi sems dang / spyod pa yongs su sbyong zhing / byang chub sems dpa'i spyad pa la spyod pas yongs </font><hr>Cha135a<br><font size=+1>


@#/ /su skyo ba med do/ /lha mo/ de ltar byang chub sems dpa' rnams ni/ yongs su skyo ba med pa'i sems kyis byang chub sems dpa'i spyod pa mtha' dang dbus med pa la spyod do/ /de ltar spyod pa ni/ lha dang mi'i phun sum tshogs pa yongs su skyed pas lha dang bcas pa'i 'jig rten gyi rgyan du gyur pa yin/ byang chub tu sems bskyed pa la rab tu 'god pa'i phyir pha dang mar gyur pa yin/ byang chub sems dpa'i lam du 'dzud pas ma ma lta bur gyur pa yin/ ngan song gi g.yang sa'i 'jigs pa las srung ba'i phyir lhan cig skyes pa'i lha rtag tu phyi bzhin 'brang blta bur gyur pa yin/ 'khor ba'i rgya mtsho las sgrol ba'i phyir mnyan pa chen po lta bur gyur pa yin/ bdud dang nyon mongs pa'i 'jigs pa thams cad rnam par zlog pa'i phyir skyabs su gyur pa yin/ shin tu bsil ba'i rang bzhin nye bar stob pas gnas su gyur pa yin/ sangs rgyas rgya mtsho thams cad du 'jug par byed pas mu stegs su gyur pa yin/ chos rin po che'i gling du skyel bas mgon byed par gyur pa yin/ sangs rgyas kyi yon tan thams cad kyi me tog gis sems yongs su rgyas par byed pas me tog tu gyur pa yin/ bsod nams dang ye shes kyi 'od yangs pa rab tu 'gyed pas rgyan du gyur pa yin/ kun nas mdzes pas dga' ba dang bde ba dam pa yin/ kha na ma tho ba </font><hr>Cha135b<br><font size=+1>


med pa'i las la nan tan du byed pas phrad na legs pa yin/ yan lag dam pa rnam pa thams cad du yongs su tshang ba'i lus dang ldan pas kun tu bzang ba yin/ blta na mi mthun pa med pas btang mi bra ba'i gzugs dang ldan pa yin/ ye shes kyi 'od zer rab tu 'gyed pa'i phyir 'od byed pa yin/ chos kyi sgron ma 'dzin pa'i phyir snang ba byed pa yin/ byang chub kyi bsam pa yongs su dag par byed pa'i phyir gsal bar byed pa yin/ bdud kyi las rnam par zlog pa'i phyir dmag dpon du gyur pa yin/ shes rab kyi 'od zer gyi dra ba rab tu snang ba 'gyed pa'i phyir nyi mar gyur pa yin/ chos kyi nam mkha' la blo'i zla ba 'char bar byed pas zla bar gyur pa yin/ 'gro ba thams cad du chos kyi sprin chen po'i char 'bebs pas sprin du gyur pa yin te| lha mo/ de ltar nan tan du byed pa'i byang chub sems dpa' rnams ni/ sems can thams cad kyi yid du 'ong ba yin no/ /de nas byang chub sems dpa' yongs su 'gro ba'i khang pa'i lha mo mya ngan med pa'i dpal khyim gyi lha mo stong phrag bcu dang bcas pas tshong dpon gyi bu nor bzang la lha rdzas las kyang 'das pa'i me tog dang / phreng ba dang / bdug spos dang / phye ma dang / byug pa dang / phye ma rin po che'i rgyan gyi char yid kyi rang bzhin mngon par phab ste kun nas bskor cing rjes su 'brangs nas byang chub sems dpa'i khang par 'gro ba'i tshe tshigs su bcad </font><hr>Cha136a<br><font size=+1>


@#/ /pa 'di dag gis mngon par bstod do/ /byang chub rdzogs par thugs bskyed cing / /sems can kun la thugs brtse bas/ /rgyal ba ye shes nyi ma rnams/ / bar 'ga' zhig na 'jig rten 'byung / /bskal pa bye ba mang pos kyang / /khyod kyi zhal mthong shin tu dka'/ /'jig rten ma rig ldongs pa la/ /khyod kyi ye shes nyi chen yin/ / mi shes rab rib sgrib pa yi/ /'jig rten phyin ci log gzigs nas/ /thugs rje chen po rab bskyed de/ /khyod ni rang byung nyid du zhugs/ /khyod ni dgongs pa rnam dag pas/ / sangs rgyas byang chub don du brtson/ /dge bshes bsnyen bkur bstan mdzad cing / /lus srog phangs par mdzad mi mnga'/ /khyod ni 'jig rten brten mi mnga'/ /'du 'dzi mi mnga' gnas mi mnga'/ /'dren pa ma mchis mi brten pas/ /dgongs pa thogs med nam mkha' bzhin/ /byang chub sems dpa'i spyod mdzad cing / /bsod nams dkyil 'khor 'od bzang bas/ /ye shes sgron ma rab 'gyed pas/ /'jig rten tshad med kun tu 'char/ /'jig rten nas kyang 'phags mi mdzad/ /'jig rten chos kyis yongs mi 'go /chags pa med par 'jig rten spyod/ /mkha' la ser bu ji bzhin no/ /bskal pa'i me 'bar me bzhin du/ /rtag tu 'bar bas rab tu brtson/ /me lta bu yi brtson 'grus kyis/ /byang chub spyad pa </font><hr>Cha136b<br><font size=+1>


spyod pa mdzad/ /seng+ge bzhin du shin tu dpa'/ /brtson 'grus rnam par gnon pa brtan/ /ye shes rnam par gnon dang ldan/ /gzhan gyis thub pa med par spyod/ /chos dbyings rgya mtsho 'di dag ni| |rgya mtsho'i tshul rnams ji snyed pa/ /der yang dge bshes bsnyen bkur pas/ /dpa' bo khyod ni 'jug par 'gyur/ /de nas byang chub sems dpa' yongs su 'gro ba'i khang pa'i lha mo mya ngan med pa'i dpal gyis tshong dpon gyi bu nor bzang la tshigs su bcad pa de dag gis mngon par bstod de/ de 'gro ba'i phyi bzhin chos 'dod pa'i don du 'brang bar gyur to/ /de nas tshong dpon gyi bu nor bzang byang chub sems dpa' yang dag par 'gro ba'i khang pa chos kyi dbyings rab tu snang ba'i 'od du phyin te/ nang du song nas shAkya'i bu mo go pa mthong bar 'dod de kun tu bltas na/ shAkya'i bu mo go pa byang chub sems dpa' yang dag par 'gro ba'i khang pa chos kyi dbyings rab tu snang ba'i 'od kyi dbus na stan rin po che byang chub sems dpa' thams cad kyi gnas snang bar byed pa/ gzugs brnyan gyi pad+mo'i snying po can zhig la bud med rgyal po'i rigs su byung ba/ sngon byang chub sems dpa'i spyod pa la dge ba'i rtsa ba'i skal ba mnyam pa/ sngon sbyin pa'i yongs su bsdu bas shin tu bsdus pa/ tshig snyan cing 'jam par smra ba'i ngang tshul dang ldan pa/ thams cad mkhyen pa nyid du don mngon du bya bas shin tu bsdus pa/ sangs rgyas dang byang chub sems dpa'i yang dag </font><hr>Cha137a<br><font size=+1>


@#/ /par sgrub pa la don mthun pas shin tu bzung ba/ snying rje chen po sngon du 'gro bas bu dang bu mo yongs su gzung ba'i tshul bcangs pa/ byams pa chen po dang ldan pa'i rang gi khyim thab kyi rjes su 'brang ba yongs su dag par byas pa/ sngon byang chub sems dpa'i thabs mkhas pa bsam gyis mi khyab pas yongs su smin par byas pa/ stong phrag brgyad cu rtsa bzhi'i 'khor gyis kun nas bskor cing 'dug pa mthong ngo / /bud med stong phrag brgyad cu rtsa bzhi po de dag kyang bla na med pa yang dag par rdzogs pa'i byang chub las phyir mi ldog pa| byang chub sems dpa'i pha rol tu phyin pa tshul la shin tu zhugs pa/ byang chub sems dpa'i bslab pa la gzhan gyi dring mi 'jog pa/ chags pa thams cad dang bral ba'i sems dang ldan pa/ 'khor ba'i dga' ba thams cad kyis skyo ba'i yid dang ldan pa/ chos kyi dbyings kyi tshul chags pa med pas yongs su dag pa/ thams cad mkhyen pa nyid mngon du bya ba'i sems kyi shugs dang ldan pa/ sgrib pa dang bar du gcod pa'i dra ba dang bral ba/ chags pa'i lam thams cad las shin tu 'das pa/ chos kyi sku la legs par sprul bas rnam par spyod pa| 'jig rten thams cad yongs su smin par bya ba dang / gdul ba la mngon par phyogs pa/ bsod nams rgya mtsho dri ma med pas yongs su byung ba'i sems dang ldan pa/ byang chub </font><hr>Cha137b<br><font size=+1>


sems dpa' kun tu bzang po'i spyod pa dang smin lam gyis shin tu byung ba/ byang chub sems dpa'i stobs kyi shugs yangs pas ye shes kyi nyi ma'i dkyil 'khor gyis sems rab tu snang ba yang dag par bskyed pa sha stag go /de nas tshong dpon gyi bu nor bzang shAkya'i bu mo go pa gang na ba der phyin nas shAkya'i bu mo go ba'i rkang pa gnyis la spyi bos phyag 'tshal te langs nas mdun du 'dug ste thal mo sbyar nas 'di skad ces smras so/ /'phags ma/ bdag gis bla na med pa yang dag par rdzogs pa'i byang chub sems bskyed na/ ji ltar na/ byang chub sems dpa' rnams 'khor ba na yongs su 'khor yang 'khor ba'i skyon gyis mi gos pa dang / chos thams cad mnyam pa nyid kyi rang bzhin yang khong du chud la nyan thos dang rang sangs rgyas kyi sa la'ang mi gnas pa dang / sangs rgyas kyi chos snang ba'ang rab tu thob la byang chub sems dpa'i spyod pa yang rgyun mi gcod pa dang / byang chub sems dpa'i sa la'ang rab tu gnas la de bzhin gshegs pa'i yul yang yongs su ston pa dang / 'jig rten gyi lam gyi rgyud thams cad las kyang yongs su 'das la 'jig rten gyi lam gyi rgyud thams cad du yang nye bar spyod pa dang / chos kyi lus yongs su grub pa dang ldan yang gzugs kyi lus kha dog mtha' yas pa'ang mngon par sgrub pa dang / mtshan ma med pa'i chos kyi sku la yang rab tu gzhol la 'gro ba thams cad kyi kha </font><hr>Cha138a<br><font size=+1>


@#/ /dog dang dbyibs kyi lus kyang yongs su ston pa dang / chos thams cad brjod du ma mchis par yang rab tu rtogs la dag gi lam dang / nges pa'i tshig thams cad brjod pas kyang sems can rnams la chos ston pa dang / sems can thams cad sems can med par yang rab tu shes la sems can gyi khams gdul ba'i tshul las kyang phyir mi ldog pa dang / chos thams cad ma skyes pa dang ma 'gag par yang khong du chud la de bzhin gshegs pa thams cad la mchod cing rim gror bya ba'i sbyor ba las kyang phyir mi ldog pa dang / chos thams cad la las dang rnam par smin pa ma mchis par yang rtogs la dge ba'i las mngon par 'du bya ba'i sbyor ba las kyang phyir mi ldog pa ma 'tshal to/ /de skad ces smras pa dang / shAkya'i bu mo go bas tshong dpon gyi bu nor bzang la 'di skad ces smras so/ /rigs kyi bu/ de ltar khyod byang chub sems dpa'i spyod pa'i chos nyid rnam pa de lta bu dri bar sems pa lags so/ / legs so/ /dri ba brjod pa de dag kyang kun tu bzang po'i smon lam dang spyod pa la mngon du gyur pa'i tshig go /rigs kyi bu/ de bas na/ legs par nyon la shin tu yid la zungs shig dang / sangs rgyas kyi byin gyis bstan par bya'o/ /rigs kyi bu/ chos bcu dang ldan pa'i byang chub sems dpa' rnams ni/ byang chub sems dpa'i spyod pa rnam pa 'di lta bu mig 'phrul </font><hr>Cha138b<br><font size=+1>


gyi gzhi'i dpe dang 'dra ba/ ye shes kyi 'od kun tu 'byung ba yongs su rdzogs par byed do/ /bcu gang zhe na/ 'di lta ste/ dge ba'i bshes gnyen rlabs po che la brten pa dang / mos pa rgya chem po rab tu thob pa dang / dge ba'i bsam pa rlabs po che rnam par dag pa dang / bsod nams dang ye shes rgya mtsho yangs pas rab tu brtan pa'i sems dang / sangs rgyas skye ba 'byung pa'i chos bstan pa chen po thos pa rab tu thob pa dang / dus gsum gyi de bzhin gshegs pa la mos pa'i sems kyis gnas pa dang / byang chub sems dpa'i spyod pa'i dkyil 'khor thams cad mnyam pa nyid du khong du chud pa dang / de bzhin gshegs pa thams cad kyi byin gyi rlabs rab tu thob pa dang / rang bzhin gyis snying rje chen po'i lhag pa'i bsam pa rnam par dag pa dang / 'khor ba'i 'khor lo thams cad rab tu gcad pa'i sems kyi stobs shugs drag po dang ldan pa rab tu thob pa ste/ rigs kyi bu/ chos bcu po de dag dang ldan pa'i byang chub sems dpa' rnams byang chub sems dpa'i spyod pa rnam pa 'di lta bu mig 'phrul gyi gzhi'i dpe dang 'dra ba/ 'od kun tu 'byung ba yongs su rdzogs par byed do/ /rigs kyi bu/ de brtson 'grus phyir mi ldog pa dang ldan pa'i byang chub sems dpa' rnams ni/ chos de dag thob par gyur nas kyang mi zad pa'i tshul du mngon par sgrub cing /sgom pa dang / shin tu rgya che bar bya </font><hr>Cha139a<br><font size=+1>


@#/ /ba'i phyir dge ba'i bshes gnyen bsnyen bkur cing rnam pa bcus mngon par dga' bar byed do/ /bcu gang zhe na/ 'di lta ste/ lus dang srog la phangs par mi rtsi ba dang / 'khor ba'i yo byad don du mi gnyer ba dang / chos thams cad kyi rang bzhin mnyam pa nyid du khong du chud pa dang / thams cad mkhyen pa'i smon lam las phyir mi ldog pa dang / chos kyi dbyings kyi tshul thams cad la rnam par lta ba dang / srid pa'i rgya mtsho thams cad las gyen du 'phags pa'i yid dang / gnas med pa'i chos kyi nam mkha' la mi gnas mi rten pa dang / byang chub sems dpa' thams cad kyi smon lam la bsgribs pa med pa dang / zhing rgya mtsho thams cad du rab tu 'dal ba dang / byang chub sems dpa'i ye shes kyi dkyil 'khor bsgribs pa med pa shin tu sbyangs pa ste/ rigs kyi bu/ chos bcu po de dag dang ldan pa'i byang chub sems dpa' rnams dge ba'i bshes gnyen bsnyen bkur cing mngon par dga' bar byed do/ /de nas shAkya'i bu mo go bas don de nyid yongs su bstan pa'i phyir sangs rgyas kyi byin gyis phyogs bcur bltas te de'i tshe tshigs su bcad pa 'di dag smras so/ /rlabs chen dri med blo ldan gzhan gyi don zhugs shing / /dge bshes dam pa bsnyen brtson g.yo dang sgyu med pa/ /ston pa'i 'du shes thob cing skyo med brtson 'grus can/ /de dag spyod pa 'jig rten mig 'phrul 'dra 'di yin/ /gang rnams </font><hr>Cha139b<br><font size=+1>


mos pa rlabs chen mkha' dang 'dra ldan zhing / /de yi khongs su dus gsum 'jig rten chud pa dang / /zhing dang sems can chos dang sangs rgyas de bzhin pa/ /ye shes 'od byed de dag spyod pa 'di yin no/ /gang rnams bsam pa mkha' 'dra mtha' dang dbus med la/ /kun nas nyon mongs dri mas mgos rab dag cing / /de bzhin gshegs pa kun gyi yon tan 'byung gyur pa/ / de dag spyod pa mig 'phrul gzhi yi rnam pa 'dra/ /kun mkhyen ye shes rnam yangs tshad med bsam yas dag /yon tan rgya mtshos yid bsal ldan pa nyer brten pa/ /de dag bsod nams rgya mtsho'i lus ngag snying po ste/ /'jig rten spyod kyang 'jig rten dri mas gos mi 'gyur/ /rgyal ba'i gsung gi yan lag sgra skad tshul kun gyis/ /chos kyi 'brug sgra nyan kyang gang rnams mi ngoms shing / /chos tshul rjes su snyegs pa'i shes rab 'od kyi sgron/ /de dag 'gro bar 'od gsal byed pa'i spyod 'di yin/ /gang rnams phyogs bcu'i de bzhin gshegs pa tshad med pa/ /gzhan dang gzhan dag sems kyi skad cig kun sems shing / /bde gshegs rgya mtsho thams cad lta zhing shes byed pa/ /sangs rgyas sems ldan de dag spyod yul 'di yin no/ /rgyal ba rnams kyi rnam par yangs pa'i 'khor mthong zhing / /de dag ting nge 'dzin tshul rgya mtsho mang bo dang / /smon lam rgya mtsho mtha' dang dbus med tshul 'jug pa/ /mig 'phrul lta bu de dag spyod pa 'di yin </font><hr>Cha140a<br><font size=+1>


@#/ /no| |phyogs bcu'i rgyal ba ma lus kun gyis byin brlabs te/ /phyi mtha'i bskal par spyod byed kun tu bzang po'i rnams/ /zhing rnams 'byams klas kun tu gzugs brnyan byung gyur pa/ /chos 'od byed pa de dag spyod pa 'di yin no/ /gang rnams ye shes nyi ma snying rje'i dkyil 'khor can/ /'gro ba nyams nyes mthong zhing chos kyi 'od snang bas/ /'gro ba'i mun pa bsal cing brtan pa 'char 'byung ba/ /nyi ma lta bus de dag spyod pa 'di yin no/ /skye rgu srid pa'i rgyud na 'dre ldog mthong gyur nas/ /yid gsal 'khor ba'i rgyud rnams phyir zlog rab gnas shing / /chos kyi 'khor lo kun nas yongs su sgrub byed pa/ /spyod pa kun bzang dam pa'i blo can rab tu spyod/ /tshul 'di bslab pa de dag mtha' dang dbus med pa'i/ /lus rnams bsam pa ji bzhin 'gro bar nyer bstan te/ /gzugs brnyan mig yor 'dra ba'i rang lus tshad med pas/ /srid pa'i rgya mtsho dag na 'gro mang yongs smin byed/ /byams tshul shin tu yangs pas 'gro mang rgyas bkang ste/ /mos pa sna tshogs 'gro la rnam par spyod bstan nas/ /'gro bar bsam pa ji bzhin chos kyi char 'bebs shing / /brtan pa byang chub don du sems can khrag khrig 'dul/ /de nas shAkya'i bu mo go pas tshigs su bcad pa de dag smras nas tshong dpon gyi bu nor bzang la 'di skad ces smras </font><hr>Cha140b<br><font size=+1>


so| |rigs kyi bu/ kho mos ni/ byang chub sems dpa'i rnam par thar pa byang chub sems dpa'i ting nge 'dzin rgya mtsho'i tshul thams cad la rnam par lta ba'i yul thob pa'o/ /nor bzang gis smras pa| 'phags ma/ byang chub sems dpa'i rnam par thar pa byang chub sems dpa'i ting nge 'dzin rgya mtsho'i tshul la rnam par lta ba'i yul de'i yul ji lta bu zhig mchis/ smras pa/ rigs kyi bu| kho mo byang chub sems dpa'i rnam par thar pa 'di la snyoms par zhugs na/ 'jig rten gyi khams 'di'i bskal pa sangs rgyas kyi zhing brjod du med pa'i rdul shin tu phra ba rnyed mthong zhing khong du chud do/ /bskal pa de dag gi sems can lam gyi rgyud thams cad du gtogs pa ji snyed cig yod pa de dag kyang rab tu shes so/ /sems can de dag gi shi 'pho dang / skye ba'i sgo ji snyed cig yod pa de bzhin du rab tu shes so/ /mngon par 'grub pa'i sgo ji snyed cig yod pa dang / las mngon par 'du byed pa yongs su sgrub pa ji snyed cig yod pa dang / las rnam par smin pa sna tshogs ji snyed cig yod pa de dag kyang rab tu shes so/ /de dag gi las yongs su blangs pa dge ba yang rab tu shes so/ /mi dge ba dang / 'byung ba dang / mi 'byung ba dang / nges pa dang / ma nges pa dang / log par nges pa dang / bag la nyal ba dang bcas pa dang / bag la nyal ba med pa dang / dge ba'i rtsa ba phun sum tshogs pa dang / dge ba'i rtsa ba rgud par gyur pa dang / dge ba'i rtsa </font><hr>Cha141a<br><font size=+1>


@#/ /ba yongs su zin pa dang / mi dge ba'i rtsa ba yongs su zin pa dang / dge ba dang mi dge ba yongs su zin pa dang / de dag gi dge ba'i chos yongs su 'dus pa dang / sdig to'i chos yongs su 'dus pa'i las yongs su blangs pa yang rab tu shes so/ /bskal pa sangs rgyas kyi zhing brjod du med pa'i rdul shin tu phra ba snyed po de dag la sangs rgyas bcom ldan 'das ji snyed cig byung ba de dag gi mtshan rgya mtsho yang shes shing khong du chud do/ /sangs rgyas bcom ldan 'das de dag gis thugs dang po bskyed pa rgya mtsho yang rab tu shes so| |thams cad mkhyen pa nyid du zhugs pa'i tshul rgya mtsho yang rab tu shes so/ /smon lam rgya mtsho thams cad mngon par bsgrubs pa yang rab tu shes so/ /sngon gyi sangs rgyas byung ba rnams kyi drung du gshegs pa rgya mtsho yang rab tu shes so/ /sngon gyi sangs rgyas la mchod cing rim gror mdzad pa'i sbyor ba rgya mtsho yang rab tu shes so/ /sngon byang chub sems dpa'i spyod pa yongs su rdzogs par mdzad pa rgya mtsho yang rab tu shes so/ /'byung ba'i rgyan rgya mtsho yang rab tu shes so/ /sangs rgyas bcom ldan 'das de dag gis sems can yongs su smin par mdzad pa dang gdul ba rgya mtsho yang rab tu shes so/ /mngon par 'tshang rgya ba mdzad pa rgya mtsho yang rab tu shes so/ /chos kyi 'khor lo bskor ba'i khyu mchog gi mthu dang rnam par 'phrul </font><hr>Cha141b<br><font size=+1>


pa yang rab tu shes so/ /sangs rgyas kyi rnam par 'phrul pa rgya mtsho thams cad kyang rab tu shes so/ /sangs rgyas bcom ldan 'das de dag gi 'khor gyi dkyil 'khor rnam par phye ba dag kyang rab tu shes so/ /'khor gyi dkyil 'khor de dag na nyan thos ji snyed cig 'khod pa de dag gi 'byung ba'i tshul yang rab tu shes so/ /sngon kyi dge ba'i rtsa ba yang rab tu shes so| |lam bsgoms pa sna tshogs kyang rab tu shes so/ /ye shes thob par bya ba phun sum tshogs shing rnam par dag pa'i bye brag kyang rab tu shes so/ /de bzhin gshegs pa de dag gis sems can ji snyed cig rang sangs rgyas kyi byang chub la bkod pa de dag kyang rab tu shes so/ /rang sangs rgyas de dag gi sngon gyi dge ba'i rtsa ba ji snyed cig yod pa de dag kyang rab tu shes so| |rang sangs rgyas de dag gis rang sangs rgyas kyi byang chub khong du chung ba ji snyed cig yod pa de dag kyang rab tu shes so/ /rang sangs rgyas de dag gi zhi ba'i rnam par spyod pa la rnam par rtse ba'i rnam par thar ba'i sgo ji snyed cig yod pa de dag kyang rab tu shes so/ /rang sangs rgyas de dag gi rdzu 'phrul gyi rnam par 'phrul ba ji snyed cig yod pa de dag kyang rab tu shes so/ /rang sangs rgyas de dag gis sems can ji snyed cig yongs su smin par byas pa de dag kyang rab tu shes so/ /rang sangs rgyas de dag gis chos bstan pa ji snyed cig brjod pa de dag kyang rab tu shes so/ / </font><hr>Cha142a<br><font size=+1>


@#/ /rang sangs rgyas de dag ting nge 'dzin mtha' yas pa la rnam par spyod cing rnam par thar pa rnam pa sna tshogs kyis rnam par rtse ba ji snyed cig yod pa de dag kyang rab tu shes so/ /sangs rgyas bcom ldan 'das de dag gi yongs su mya ngan las 'da' ba ji snyed pa de dag kyang rab tu shes so/ /sangs rgyas bcom ldan 'das de dag gi byang chub sems dpa'i 'khor gyi dkyil 'khor rgya mtsho ji snyed pa de dag kyang rab tu shes so/ /byang chub sems dpa' de dag gis thog ma dge ba'i rtsa ba bskyed bdag kyang rab tu shes so| |thog ma sems pa skyed pa'i smon lam dag kyang rab tu shes so/ /smon lam rnam par dag pa tha dad pa dag kyang rab tu shes so/ /byang chub sems dpa'i spyod pas 'byung ba'i rgyan thams cad mngon par sgrub pa rnam pa tha dad pa yang rab tu shes so/ /pha rol tu phyin pa'i lam gyi yan lag gi tshogs rnam par dag par bya ba rnam pa tha dad pa yang rab tu shes so/ /byang chub sems dpa'i lam la nan tan du bya ba'i rgyan rnam pa tha dad pa yang rab tu shes so/ /byang chub sems dpa'i sa yongs su gnon pa'i tshogs rnam pa tha dad pa yang rab tu shes so/ /byang chub sems dpa'i sa yongs su gnon pa'i shugs drag po rnam pa tha dad pa yang rab tu shes so/ /byang chub sems dpa'i sa la bzem pa'i mthu dang ldan pa'i </font><hr>Cha142b<br><font size=+1>


ting nge 'dzin gyi dkyil 'khor rnam pa tha dad pa yang rab tu shes so/ /byang chub sems dpa'i sa la yongs su gnon pas rnam par rtse ba dag kyang rab tu shes so/ /byang chub sems dpa'i sa yongs su gnon pa'i rnam par spyod pa dag kyang rab tu shes so/ /byang chub sems dpa'i sa la rab tu gnas pa dag kyang rab tu shes so/ /byang chub sems dpa'i sa sgom pa'i rgyud dag kyang rab tu shes so/ /byang chub sems dpa'i sa yongs su sbyangs pa'i tshul dag kyang rab tu shes so/ /byang chub sems dpa'i sa la yang dag par gnas par bya ba dag kyang rab tu shes so/ /byang chub sems dpa'i sa'i mtshan ma dag kyang rab tu shes so/ /byang chub sems dpa'i sa'i dbang dag kyang rab tu shes so/ /byang chub sems dpa'i sa nas sar 'phar pa'i ye shes dag kyang rab tu shes so/ /byang chub sems dpa'i sa yongs su bsdu ba'i ye shes dag kyang rab tu shes so/ /byang chub sems dpa'i sa yongs su smin par bya ba'i ye shes dag kyang rab tu shes so/ /byang chub sems dpa' rnam par dgod pa la yang dag par gnas par bya ba yang rab tu shes so/ /byang chub sems dpa'i spyod pa'i dkyil 'khor gyi rgya yang rab tu shes so/ /byang chub sems dpa'i spyod pa la rnam par rtse ba dag kyang rab tu shes so/ /byang chub sems dpa'i ting nge 'dzin rgya mtsho dag kyang rab tu shes so/ /byang chub sems </font><hr>Cha143a<br><font size=+1>


@#/ /dpa'i rnam par thar pa'i chul rgya mtsho dag kyang rab tu shes so/ /byang chub sems dpa' de dag sems kyi skad cig re re la ting nge 'dzin rgya mtsho sna tshogs thob par byed pa dag kyang rab tu shes so/ /thams cad mkhyen pa nyid kyi snang ba'i tshul thob par byed pa dag kyang rab tu shes so/ /thams cad mkhyen pa nyid kyi glog gi snang ba'i sprin dag kyang rab tu shes so/ /byang chub sems dpa'i bzod pa thob pa'i tshul dag kyang rab tu shes so/ /thams cad mkhyen pa nyid du 'jug pa'i ye shes kyi rnam par gnon pa dag kyang rab tu shes so| |byang chub sems dpa' rnams zhing rgya mtshor rjes su bgrod par byed pa dag kyang rab tu shes so/ /chos rgya mtsho'i tshul la 'jug pa dag kyang rab tu shes so/ /sems can rgya mtsho'i mtshan nyid tha dad pa dag kyang rab tu shes so/ /byang chub sems dpa'i dam par spyod pa'i tshul thams cad kyi rnam par 'phrul pa dag kyang rab tu shes so/ /smon lam gyi tshul sna tshogs rgya mtsho dag kyang rab tu shes so/ /rdzu 'phrul gyi rnam par 'phrul pa sna tshogs rgya mtsho rnam pa tha dad pa dag kyang rab tu shes so/ /rigs kyi bu/ kho mo ji ltar mi mjed kyi 'jig rten gyi khams 'di'i 'das pa dang da ltar byung ba'i bskal pa sna tshogs rgya mtsho la zhugs te khong du chud pa de bzhin du phyi ma'i mtha' gcig nas gcig tu brgyud de rgyun mi 'chad </font><hr>Cha143b<br><font size=+1>


pa'i ma 'ongs pa'i bskal pa rgya mtsho dag kyang rab tu shes so/ /mi mjed kyi 'jig rten gyi khams kyi bskal pa rgya mtsho ji ltar shes pa de bzhin du mi mjed kyi 'jig rten gyi khams su gtogs pa'i 'jig rten gyi khams gcig nas gcig tu brgyud pa thams cad kyi bskal pa rgya mtsho dag kyang rab tu shes so/ /mi mjed kyi 'jig rten gyi khams su gtogs pa'i 'jig rten gyi khams gcig nas gcig tu brgyud pa thams cad kyi bskal pa rgya mtsho ji ltar shes pa de bzhin du mi mjed kyi 'jig rten gyi khams kyi rdul shin tu phra ba'i khongs su chud pa'i 'jig rten gyi khams gcig nas gcig tu brgyud pa thams cad kyi bskal pa rgya mtsho dag kyang rab tu shes so/ /mi mjed kyi 'jig rten gyi khams kyi rdul shin tu phra ba'i khongs su chud pa'i 'jig rten gyi khams gcig nas gcig tu brgyud pa thams cad kyi bskal pa rgya mtsho rnams ji ltar shes pa de bzhin du mi mjed kyi 'jig rten gyi khams phyogs bcur 'dab chags su gnas pa'i 'jig rten gyi khams thams cad kyi bskal pa rgya mtsho dag kyang rab tu shes so/ /mi mjed kyi 'jig rten gyi khams phyogs bcur 'dab chags su gnas pa'i 'jig rten gyi khams thams cad kyi bskal pa rgya mtsho rnams ji ltar shes pa de bzhin du mi mjed kyi 'jig rten gyi khams phyogs bcur 'dab chags su gnas pa gcig nas gcig tu brgyud pa dag na gnas pa'i 'jig rten gyi khams thams cad kyi </font><hr>Cha144a<br><font size=+1>


@#/ /bskal pa rgya mtsho dag kyang rab tu shes so/ /mi mjed kyi 'jig rten gyi khams phyogs bcur 'dab chags su gcig nas gcig tu brgyud pa dag na gnas pa'i 'jig rten gyi khams thams cad kyi bskal pa rgya mtsho rnams ji ltar shes pa de bzhin du phyogs bcu kun tu 'od rnam par snang ba'i 'jig rten gyi khams kyi rgyud du gtogs pa'i 'jig rten gyi khams thams cad kyi bskal pa rgya mtsho dag kyang rab tu shes so/ /phyogs bcu kun tu 'od rnam par snang ba'i 'jig rten gyi khams kyi rgyud du gtogs pa'i 'jig rten gyi khams thams cad kyi bskal pa rgya mtsho ji ltar shes pa de bzhin du/ phyogs bcu kun tu 'od rnam par snang ba'i 'jig rten gyi khams kyi rgyud phyogs bcur 'dab chags su gcig nas gcig tu brgyud pa dag la gnas pa'i 'jig rten gyi khams kyi rgyud gcig nas gcig tu brgyud pa rnams kyi bskal pa rgya mtsho dag kyang rab tu shes so/ /phyogs bcu kun tu 'od rnam par snang ba'i 'jig rten gyi khams kyi rgyud phyogs bcur 'dab chags su gcig nas gcig tu brgyud pa dag la gnas pa'i 'jig rten gyi khams thams cad kyi bskal ba rgya mtsho rnams rab tu shes pa de bzhin du gzhi dang snying po me tog gi rgyan gyis brgyan pa'i 'jig rten gyi khams rgya mtsho 'dir gtogs pa'i 'jig rten gyi khams 'byams klas pa rnams kyi bskal pa rgya mtsho </font><hr>Cha144b<br><font size=+1>


dag kyang rab tu shes so/ /de bzhin du 'jig rten gyi khams tshul du bya ba rnams dang / 'jig rten gyi khams kyi 'khor lo rnams dang / 'jig rten gyi khams kyi dkyil 'khor rnams dang / 'jig rten gyi khams kyi bye brag rnams dang / 'jig rten gyi khams kyi chu klung rnams dang / 'jig rten gyi khams kyi klong rnams dang / 'jig rten gyi khams yongs su 'khyil pa dang / 'jig rten gyi khams ri rab dang / 'jig rten gyi khams yongs su 'byung ba dang / 'jig rten gyi khams pad+mo dang / 'jig rten gyi khams sdong po dang / 'jig rten gyi khams rta babs dang / 'jig rten gyi khams ming du bya ba rnams kyi bskal pa rgya mtsho dag kyang rab tu shes so/ /'jig rten gyi khams rgya mtsho gzhi dang snying po me tog gi rgyan gyis brgyan pa 'di ji ltar shes par gyur pa de bzhin du phyogs bcu mtha' yas mu med pa'i 'jig rten gyi khams rgya mtsho chos kyi dbyings kyis klas pa/ nam mkha'i mthas gtugs pa dag gi bcom ldan 'das rnam par snang mdzad kyi sngon gyi smon lam rgya mtsho dag kyang rab tu shes so/ /rjes su dran no/ /sngon gyi sbyor ba rgya mtsho dag la'ang shes shing khong du chud do/ /sngon yongs su bsgrubs pa'i tshul rgya mtsho dag la yang shes shing khong du chud do/ /bskal pa mtha' dang dbus med par byang chub sems dpa'i spyod pa la yang dag par bzhugs pa mdzad pa dag kyang shes shing khong du chud do/ /zhing yongs su dag par mdzad pa'i tshul dag kyang shes </font><hr>Cha145a<br><font size=+1>


@#/ /shing khong du chud do/ /sems can yongs su smin par mdzad pa'i thabs kyi tshul dag kyang shes shing khong du chud do/ /sngon gyi de bzhin gshegs pa rnams la bsnyen bkur mdzad cing gshegs pa'i rnam par 'phrul ba dag kyang shes shing khong du chud do/ /sngon gyi de bzhin gshegs pa la mchod cing rim gror mdzad pa'i sbyor ba'i tshul dag kyang shes shing khong du chud do/ /sngon gyi de bzhin gshegs pa dag gis chos bstan pa yongs su bzung ba'i tshul dag kyang shes shing khong du chud do/ /sngon gyi byang chub sems dpa'i ting nge 'dzin rab tu brnyes pa'i tshul dag kyang shes shing khong du chud do/ /yo byad la dbang sgyur ba rab tu brnyes pa'i tshul dag kyang shes shing khong du chud do/ /sngon gyi de bzhin gshegs pa'i yon tan rgya mtsho la nan tan du mdzad pa'i tshul dag kyang shes shing khong du chud do/ /sbyin pa'i pha rol tu phyin pa'i tshul rgya mtsho dag kyang shes shing khong du chud do/ / byang chub sems dpa'i tshul khrims dang brtul zhugs kyi dkyil 'khor yongs su dag pa mngon par sgrub pa mdzad pa'i tshul dag kyang shes shing khong du chud do/ /byang chub sems dpa'i bzod pa brnyes pa'i tshul dag kyang shes shing khong du chud do/ /byang chub sems dpa'i brtson 'grus kyi shugs drag po rgya mtsho dag kyang shes shing khong du chud do/ /bsam gtan gyi </font><hr>Cha145b<br><font size=+1>


yan lag thams cad yongs su rdzogs par mdzad pa'i tshul rgya mtsho dag kyang shes shing khong du chud do/ /shes rab kyi dkyil 'khor yongs su dag par mdzad pa'i tshul rgya mtsho dag kyang shes shing khong du chud do/ /'jig rten gyi khams kyi skye gnas thams cad du sku'i gzugs brnyan yongs su bstan pa mdzad pa'i thabs kyi tshul dag kyang shes shing khong du chud do/ /kun tu bzang po'i spyod pa dang smon lam gyi dkyil 'khor yongs su dag par mdzad pa'i tshul dag kyang shes shing khong du chud do/ /zhing rgya mtsho thams cad yongs su rgyas par mdzad pa dag kyang shes shing khong du chud do/ /sangs rgyas kyi zhing thams cad yongs su dag par mdzad pa'i tshul rgya mtsho dag kyang shes shing khong du chud do/ /de bzhin gshegs pa thams cad las ye shes snang bar gyur pa rgya mtsho dag kyang shes shing khong du chud do/ /sangs rgyas kyi zhing thams cad kyi byang chub yongs su gnas pa mdzad pa'i rnam par 'phrul pa rgya mtsho dag kyang shes shing khong du chud do/ /de bzhin gshegs pa'i ye shes snang ba rab tu brnyes pa'i tshul dag kyang shes shing khong du chud do/ /thams cad mkhyen pa nyid du zhugs te thugs su chud pa'i tshul rgya mtsho dag kyang shes shing khong du chud do/ /mngon par rdzogs par 'tshang rgya ba'i rnam par 'phrul pa rgya mtsho dag kyang shes shing khong du chud do/ /chos kyi 'khor lo bskor ba'i khyu mchog gi mthu dang rnam par rol </font><hr>Cha146a<br><font size=+1>


@#/ /pa'i tshul rgya mtsho dag kyang shes shing khong du chud do/ /'khor gyi dkyil 'khor rgya mtsho dag kyang shes shing khong du chud do/ /'khor gyi dkyil 'khor de dag gi byang chub sems dpa' thams cad kyi sngon gyi dge ba'i rtsa ba rgya mtsho dag kyang shes shing khong du chud do/ /thog ma'i smon lam gyi tshul rgya mtsho dag kyang shes shing khong du chud do/ /sems can yongs su smin par byed pa dang 'dul ba'i thabs kyi tshul rgya mtsho dag kyang shes shing khong du chud do/ /bcom ldan 'das kyis sngon byang chub sems dpa'i spyod pa mdzad pa'i tshe sems can rgya mtsho yongs su smin par mdzad pa de dag kyang shes shing khong du chud do/ /sems can de dag gi sems kyi skad cig re re'i dge ba'i rtsa ba rnam par 'phrul pa'i thabs kyi tshul rgya mtsho dag kyang shes shing khong du chud do/ /ting nge 'dzin rab tu thob pa'i tshul rgya mtsho dag kyang shes shing khong du chud do/ /gzungs kyi sgo rab tu thob pa'i tshul rgya mtsho dag kyang shes shing khong du chud do/ /spobs pa'i ye shes kyi dkyil 'khor rnam par dag pa'i tshul rgya mtsho dag kyang shes shing khong du chud do/ /byang chub sems dpa'i sa thams cad yongs su gnon pa'i rnam par 'phrul pa'i tshul rgya mtsho dag kyang shes shing khong du chud do/ /spyod pa'i dra ba mngon par sgrub pa'i tshul rgya mtsho dag kyang shes shing khong du chud do/ /mthar gyis yongs su sgrub pa'i phyogs la 'jug pa'i ye shes kyi </font><hr>Cha146b<br><font size=+1>


tshul rgya mtsho dag kyang shes shing khong du chud do/ /de dag gi dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa'i rnam par 'phrul pa rgya mtsho dag kyang shes shing khong du chud do/ /ji ltar bcom ldan 'das rnam par snang mdzad kyi sangs rgyas dang byang chub sems dpa'i spyod pa rgya mtsho chos kyi dbyings thams cad du byung ba shes shing khong du chud do/ /mngon par sgrub pa de bzhin du de bzhin gshegs pa thams cad kyi sangs rgyas dang byang chub sems dpa'i spyod pa rgya mtsho dang / ye shes kyi sgyu ma'i dra ba mtha' yas pa la 'jug pa chos kyi dbyings mtha' yas pa rgyas par 'gengs pa/ sgo mtha' yas pa nas shin tu bstan par bya ba/ phyi ma'i mtha' bskal par gnas pa la 'jug pas bstan par bya ba/ phyogs bcu'i 'jig rten gyi khams rgya mtsho chos kyi dbyings kyis klas pa/ nam mkha'i mthas gtugs par byung ba thams cad kyang ma 'dres par shes shing khong du chud do/ /mngon par sgrub bo/ /de ci'i phyir zhe na/ rigs kyi bu/ byang chub sems dpa'i rnam par thar pa byang chub sems dpa'i ting nge 'dzin gyi tshul rgya mtsho thams cad la rnam par lta ba'i yul gyi yul ni| de lta bu ste/ de'i phyir de la snyoms par zhugs na/ sems can thams cad kyi sems dang spyod pa'i tshul rab tu shes so/ /sems can thams cad kyi dge ba'i tshogs </font><hr>Cha147a<br><font size=+1>


@#/ /kyang rab tu shes so/ /sems can thams cad kyi kun nas nyon mongs pa dang / rnam par byang ba'i ye shes kyi tshul rnams kyang rab tu shes so/ /sems can thams cad kyi las sna tshogs kyang rab tu shes so/ /nyan thos thams cad kyi ting nge 'dzin gyi sgo rnams kyang rab tu shes so/ /nyan thos thams cad kyi ting nge 'dzin gyi sa yang rab tu shes so/ /rang sangs rgyas thams cad kyi rnam par thar pa zhi bas rnam par 'phrul pa yang shes shing khong du chud do/ /byang chub sems dpa' thams cad kyi ting nge 'dzin rgya mtsho'i tshul dag kyang rab tu shes so/ /byang chub sems dpa' thams cad kyi rnam par thar pa rgya mtsho la 'jug pa yang rab tu shes so/ /de bzhin gshegs pa thams cad kyi rnam par thar pa'i tshul rgya mtsho la 'jug pa yang rab tu shes so/ /de nas tshong dpon gyi bu nor bzang gis shAkya'i bu mo go pa la 'di skad ces smras so/ /'phags ma/ khyod kyis byang chub sems dpa'i rnam par thar pa byang chub sems dpa'i ting nge 'dzin gyi chul rgya mtsho thams cad la rnam par lta ba'i yul 'di brnyes nas ji srid cig lags/ smras pa/ rigs kyi bu/ sngon 'das pa'i dus sangs rgyas kyi zhing brgya'i rdul shin tu phra ba snyed kyi bskal pa 'das pa'i pha rol gcig tu 'jig rten gyi khams mi 'jigs pa byed pa zhes bya ba byung ste/ 'jig rten gyi </font><hr>Cha147b<br><font size=+1>


khams de'i bskal pa 'gro ba'i mchog ces bya bar gyur to/ /'jig rten gyi khams de'i dbus su gling bzhi pa bde ba yod pa zhes bya ba byung ste/ gling bzhi pa de'i 'dzam bu'i gling gi dbus su rgyal po'i gnas sdong po ri bo'i dpal zhes bya ba grong rdal stong phrag brgyad cu rtsa bzhi'i phul du bya ba byung ste/ rgyal po'i gnas sdong po ri bo'i dpal de dang / grong rdal stong phrag brgyad cu rtsa bzhi po de dag kyang so so nas sa'i gzhi bai DUR+Ya sngon po las grub pa la gnas rin po che bdun las byas pa'i ra bas kun nas bskor ba/ 'obs spos chus yongs su gang ba/ gzhi gser gyi bye ma bdal ba| ut+pal dang / pad+mo dang / ku mu da dang / me tog puN+Da rI ka shing rta'i 'khor lo tsam kha dog dang 'od kyi dra ba sna tshogs shing dri zhim pas kun nas khyab pa bdun gyis yongs su bskor ba/ rin po che las byas pa'i stegs bu'i khri 'phang bdun las ta la'i phreng ba rim pa bdun gyis kun nas dkrigs pa/ rin po che sna bdun gyi shing gi nags tshal gyi phreng ba dkrigs pas kun nas bskor ba/ steng nas gser gyi dra ba bres pa rin po che sna tshogs kyis rnam par phye ba'i mig mang ris mdzes par rnam par bres pas sa'i gzhi shin tu spa bar gyur pa/ dngos grub can gyi tshogs rnam par rgyu ba/ bya btsun pa'i khyus sgra skad yid du 'ong ba'i dbyangs snyan pa phyung ba/ bza' shing gi rab bye ba brgya phrag stong gis mdzes par byas pa/ shin tu skyid cing phun sum </font><hr>Cha148a<br><font size=+1>


@#/ /tshogs par gnas pa/ skyes pa dang bud med brgya stong rab tu dga' bas gang ba/ ser bu bde zhing yid du 'ong bas bskyod de me tog gi char mang po rgyun mi 'chad par rab tu 'brul ba/ sa'i bdag po dam pa brgya phrag stong gi gnas su gyur pa dag ste/ grong rdal chen po de dag gi rin po che'i shing thams cad dang / gser gyi dra ba'i rgyan la sogs pa rlung gis bskyod de rol mo mang po'i sgra dang / snyan pa'i sgra skad byung ba dag las yid du 'ong ba'i tshig 'di skad byung ngo / /gsol cig /mnobs shig /chos la spyod cig /byang chub tu sems skyed cig /phyir mi ldog pa'i sa la mnga' thob mdzod cig /khyed rnams bde bar gyur cig /ces zer ro/ /rgyal po'i gnas sdong po ri bo'i dpal der khams kyi rgyal po nor gyi bdag po zhes bya ba byung ste/ de la btsun mo'i 'khor bud med stong phrag brgyad cu rtsa bzhi yod do/ /blon po brgya phrag lnga yod par gyur te/ rgyal po nor gyi bdag po de la bu lnga brgya yod pa de thams cad kyang dpa' ba/ rtul phod pa/ yan lag dam pa'i gzugs dang ldan pa/ gzhan gyi sde rab tu 'joms pa/ shin tu mdzes pa/ blta na sdug pa/ kha dog bzang po'i mchog shin tu rgyas pa dang ldan pa sha stag go /rgyal po nor gyi bdag po de'i btsun mo dam pa ni/ pad+mo'i dpal dam pa 'byung ba zhes bya ba ste/ bud med stong phrag </font><hr>Cha148b<br><font size=+1>


brgyad cu rtsa bzhi po de dag gi nang nas gtso mor bya ba'o/ /de'i bu gzi brjid kyi dbang po zhes bya ba gzugs bzang ba/ shin tu mdzes pa/ blta na sdug pa/ mi chen po'i mtshan sum cu rtsa gnyis kyis rab tu brgyan pa'i lus dang ldan pa zhig yod par gyur te/ de la mi chen po'i mtshan sum cu rtsa gnyis po 'di dag yod par gyur to/ /de'ang 'di ltar rgyal bu gzhon nu gzi brjid kyi bdag po de rkang pa'i mthil shin tu gnas pa dang ldan te/ sa chen po la rkang pa'i mthil 'dor na mnyam par 'dor la/ 'deg na mnyam par 'deg ste/ gzhog na rkang pa'i mthil kun gyis sa chen po la mnyam par reg go /de'i rkang pa'i mthil gnyis la 'khor lo rtsibs stong dang ldan pa/ lte ba dang bcas pa/ mu khyud dang bcas pa/ rnam pa thams cad du shin tu tshang ba/ shin tu mdzes pa/ blta na sdug pa dag kyang byung bar gyur to/ /de'i rkang pa'i bol gnyis kyang shin tu rgyas par gyur to/ /rkang pa'i steng gi mdog shin tu gsal la shin tu mdzes te/ me tog dam pa bas kyang lhag par mdog bzang zhing gsal bar gyur to/ /de'i rkang lag gi sor mo dra bar 'brel bar gyur te shin tu mdzes pas rnam par bye ba| bu ga med pas zag pa med pa ni/ dper na/ ngang pa'i rgyal po gnas srung lta bur gyur to/ /de rkang pa'i rting pa yangs pa/ shin tu dag la shin tu gsal ba/ rin po che thams </font><hr>Cha149a<br><font size=+1>


@#/ /cad kyi 'od rab tu 'gyed par grub pa dang ldan par gyur to/ /de'i sor mo rnams kyang ring zhing zlum la tshigs bar mnyam zhing yangs pa dang ldan par gyur te/ de dag mnyam par sa la 'jog go /mnyam par sa las 'deg go /de'i rkang pa dang lag pa'i mthil yang ka tsa lind bas kyang lhag par reg na bde bar gyur te/ des skyes pa'am/ bud med dam/ khye'u dang bu mo gang la reg kyang rung ste/ de dag thams cad bde ba dang / yid dga' ba'i dam pas tshim zhing yid shin tu bde bar 'gyur ro/ /de'i byin pa ri dwags e na ya'i byin pa ltar 'dug par gyur te/ rim gyis gzhol ba dang / shin tu mdzes pa dang / legs par grub par gyur pas/ ri dwags kyi rgyal po e na ye ltar de la sus kyang bsnyegs pa'am sleb par mi nus te/ 'gro bas ngal zhing dub par mi 'gyur ro/ /rgyal bu gzhon nu gzi brjid kyi dbang po de bdun shin tu mtho ba dang yang ldan par gyur te/ de'i rkang pa gnyis la shin tu mtho ba zlum la shin tu legs pa dang / shin tu rgyas pa dang / tshigs mi snang ba dang / shin tu yid du 'ong ba dang / blta na sdug pa gnyis grub par gyur to| |lag pa la gnyis/ thal gong gi lhun la gnyis/ ltag pa la gcig ste/ de ltar bdun no/ /de'i mtshan gsang ba'i sbubs na 'dug pa grub par gyur te/ de'i gsang </font><hr>Cha149b<br><font size=+1>


pa'i gnas sbubs na 'dug pa shin tu mi mngon la nang du nub cing kun nas yog par 'dug pa ste/ dper na/ glang po cang shes sam/ rta cang shes ltar 'dug pas de gos ma gyon par 'dug kyang bud med dam/ skyes pa'am/ khye'u'am/ bu mo'am/ rgan pa'am/ dar la bab pa'am/ bla ma'am/ bla mar bya ba rnams kyis kyang mi mthong ste/ gzhan du na bdag longs par spyod pa'am/ ched du bstan par bya ste/ 'dod pas spyad pa ni/ ma gtogs so/ /rgyal bu gzhon nu gzi brjid kyi bdag po de ro stong seng+ge ltar 'dug pa dang ldan par gyur te/ lus rim pas rgyas la ro stod shin tu yangs shing rdzogs pas/ ri dwags kyi rgyal po bas kyang mdzes par dbyibs shin tu legs pa'i ro stod dang ldan par gyur to/ /de'i thal gong rgyas shing lus shin tu rgyas pa/ lus rnam par phye ba/ lus kyi cha thams cad rkyen du 'bab par mnyam pa/ lus la dma' ba med pa/ lus la mtho ba med pa/ lus la zhum pa med pa/ lus la dgu pa med pa| lus rin po che'i gtan pa shin tu phyis pa bas kyang lhag par gsal bar gyur to/ /de dpung mgo shin tu zlum zhing sha rgyas la shin tu mdzes par gang ba dang ldan par gyur to/ /des mi chen po'i mtshan lag pa shin tu ring ba thob par gyur pa/ des lus ma btud de lus drang por 'dug kyang pus mo'i lha nga gnyis la nyug cing reg go /des mi chen po'i mtshan </font><hr>Cha150a<br><font size=+1>


@#/ /lus che zhing drang ba'ang thob par gyur te/ rnam pa thams cad du mchog tu gyur pa dang ldan la/ lus tshul dang 'dra bar mnyam pa dang / lus rab tu mnyen pa dang / lus shen tu lci ba dang / lus rab tu gsal ba dang / lus shin tu sim par byed pa dang ldan par gyur te/ des mi chen po'i mtshan mgul dung lta bu yang thob par gyur te/ mi dma'i mgul dang / de'i mgul gyi 'khor thams cad dang / bzhin gyi 'khor thams cad na rtsa ji snyed cig yod pa de dag thams cad kyang shin tu mnyam par gyur te/ kun kyang rab tu tshang bar gyur to/ /mi chen po'i mtshan seng+ge'i 'gram pa lta bu yang thob par gyur te/ za 'gram shin tu mkhregs pa dang / bzhin gyi dkyil 'khor shin tu rgyas pa dang / bzhin gyi dkyil 'khor shin tu legs shing yongs su dag pa dang / kha'i sgo shin tu yangs pa dang ldan par gyur to/ /mi chen po'i mtshan so mnyam pa bzhi bcu dang yang ldan par gyur te/ so ma tshang ba med pa la zas shig za na yang lan gcig bldad pas chung du na 'bras can gyi 'bru 'ga' yang ma zhig par za ba med do/ /so thags bzang zhing mnyam pa rab tu thob ste/ mtshams chu sgo med pa dang / shin tu mnyam pa dang / rkyen rkyen du shin tu mdzes pa ste/ de kha zas shig za na yang 'go ba dang / 'chags pa dang / zhen pa dang / ljan ljin du 'gyur </font><hr>Cha150b<br><font size=+1>


ba'am| thogs par 'gyur ba'am/ gseb 'gang bar 'gyur ba med do/ /mi chen po'i mtshan so mnyam pa rab tu thob par gyur te/ so mnyam zhing rnga rngo med pa dang / so lhag med pa dang / so zhum pa med pa dang / so gyes pa med pa dang / so thog drung mnyam pa dang / so rngo ba med par gyur to/ /gzhon nu de'i mche ba shin tu dkar bar gyur te/ mche ba skyon med pa/ mche ba shin tu gsal ba/ mche ba shin tu dag pa/ mche ba shin tu brtan par gyur to/ /mi chen po'i mtshan lce shin tu yangs pa yang rab tu thob par gyur te/ de'i lce ni/ shin tu yangs la srab cing mnyen te/ shin tu 'jam pa dang / las su rung ba dang / yid du 'ong ba dang / bsgyur na bde ba dang / gdong gi dkyil 'khor kun 'gebs pa dang / bden zhing phan par 'gyur ba'i don dang / yi ge dang / ngag dang / nges pa'i tshig thogs pa med par rjod par gyur to/ /gzhon nu de tshangs pa'i dbyangs dang ldan par gyur te/ dbyangs yid du 'ong ba dang / rol mo'i sgra dang / klu'i nga ro dang / sil snyan gyi dbyangs dang / sgra skad dang / brjod cing smra ba'i tshig gi las yid du 'ong ba brjod pas/ ngag gi lam mngon par dga' ba bskyed pa/ 'jig rten thams cad mngon par 'dun par 'gyur bar tshangs pa las kyang lhag pa'i dbyangs kyis ngag rjod de/ 'khor gyi dkyil 'khor las kyang gud du mi 'da' bar thams cad kyi yid dang mthun par byed pa dang </font><hr>Cha151a<br><font size=+1>


@#/ /ldan par gyur to/ /gzhon nu de ni/ mig dkar nag 'byes par gyur te/ mig shin tu dang ba dang / mig yongs su dag pa dang / mig la 'od chags pa dang / mig rnam par gsal ba dang / mig mngon par mdzes pa dang / mig blta na sdug pa dang / mig yid du 'ong ba dang / mig 'dzum pa dang ldan par gyur to/ /gzhon nu de ni/ rdzi ma ba'i rdzi ma lta bu dang ldan par gyur to/ /mig gi skye mched rin po che pad+ma rA ga ltar shin tu dag pa/ mig gi sprin mnyam pa/ mig gi sprin mtshungs pa/ mig gi sprin legs pa/ mig gi sprin yangs pa/ mig gi sprin rdzogs pa/ mig gi sprin shin tu brtan par gyur to/ /de'i smin mtshams su mdzod spu skyes par gyur te/ 'jam pa/ las su rung ba/ shin tu mnyen pa| shing bal ltar reg na bde ba/ dang ba/ gsal ba/ 'od yod pa/ chab rom lta bu kha ba'i kha dog ltar 'dug pa/ 'od zer dkar po'i dkyil 'khor gyi 'od rab tu snang ba dang ldan par gyur to| |de'i spyi bo la gtsug tor mngon par grub par gyur te shin tu legs pa/ kun nas zlum pa/ dbus su bab pa/ skra'i rgyan du gyur pa/ rin po che'i pad+mo 'dab ma bye ba brgya phrag stong dang ldan pa ltar snang ba/ kun nas cha mnyam par gnas pa/ rin thang gdab tu tshad med pas gces pa'i gtsug tu gyur pa dang ldan par gyur to/ /gzhon nu de pags pa shin tu </font><hr>Cha151b<br><font size=+1>


'jam pa dang ldan par gyur te/ de'i lus la rdul tam/ dri ma'am/ rdul tam/ ser ka'am/ gnyer ma'am/ lhod pa'am/ 'khums pa'am/ 'phyang ba'am/ slod bag tu gnas pa med par gyur to/ /gzhon nu de ni/ mdog gser gyi kha dog lta bu dang ldan par gyur te/ 'dzam bu chu klung gi gser gyi mdog lta bu dang ldan zhing 'od kun tu 'dom gang ba dang / gser ltar gcig tu 'bar ba'i 'od kyi dkyil 'khor gyis mdzes par brgyan pa dang / ba spu'i bu ga thams cad nas dri zhim po'i 'od zer 'byung bas lus kyi rgyan rab rib med cing 'od gsal ba dang ldan par gyur to/ /gzhon nu de ni/ ba spu re re'i byung ba dang ldan par gyur te/ ba spu'i bu ga re re nas ba spu re re skyes par gyur pa/ bai DUR+Ya sngon po'i kha dog lta bu/ g.yas phyogs su 'khyil ba/ legs par skyes pa/ mthang la zhi bar 'dug pa/ shin tu legs par gnas pa dang ldan par gyur to/ /gzhon nu de'i spu yan lag gyen du 'khyil bar gyur te/ phyir mi ldog pa'i spu dang / mi ldog pa'i spu dang / ma 'dres pa'i spu dang ldan par gyur to/ /gzhon nu de mi chen po'i mtshan skra mthon mthing du 'dug pa thob par gyur te/ de'i skra nor bu rin po che rnam par snang ba'i mdog ltar mthon mthing du 'dug pa/ 'jam pa/ snum pa/ legs par 'khyil ba/ g.yas phyogs su 'khyil </font><hr>Cha152a<br><font size=+1>


@#/ /ba| drung shin tu ran pa/ zad zed med pa/ 'jam 'jam ltar 'dug pa/ mi 'dzings pa/ dbyibs mnyam zhing mthun par gnas pa dang ldan par gyur to/ /rgyal bu gzhon nu de shing gro d+ha ltar mchu zheng gab pa'i mi chen po'i mtshan rab tu thob par gyur te/ kun nas rkyen du ran pa dang / kun tu bzang ba dang / kun tu mdzes pa dang ldan par gyur te/ de ni/ mdun nas bltas na'ang ngoms mi shes shing / blta na yid du 'ong ba/ rgyab dang / g.yas g.yon dang / 'gro ba dang / 'dug pa dang / 'greng ba dang / nyal ba dang / smra ba dang / mi smra bar 'dug pa la bltas na'ang ngoms mi shes shing yid du 'ong la blta na sdug par gyur te/ rigs kyi bu/ rgyal bu gzhon nu gzi brjid kyi bdag po de mi chen po'i mtshan sum cu rtsa gnyis po de dag gis yongs su brgyan pa'i lus dang ldan par gyur te/ sems can thams cad kyis blta na yid du mi 'ong ba'i bag med pa/ blta na bsam pa thams cad yongs su rdzogs par byed pa/ blta na sems can thams cad kyi dga' ba yongs su 'byung ba de lta bu zhig skyes par gyur te/ rigs kyi bu/ de nas lan gcig cig rgyal bu gzhon nu gzi brjid kyi bdag po de yab kyis gnang nas rgyal po'i gnas sdong po ri bo'i dpal gyi bza' shing gi ra ba spos kyi myu gu'i rtse mo las 'od kyi sprin 'byung ba zhes bya ba der sa bzang po blta ba'i </font><hr>Cha152b<br><font size=+1>


phyir bu mo stong phrag nyi shu dang lhan cig tu bsod nams kyi gzi brjid dang dpal gyi bskal ba bzang po'i rnam par 'phrul pa'i rgyan gyis byung nas skyes pa dang bud med kyi tshogs kyis kun nas dga' bar bya zhing / dzam+bu chu klung gi gser gyi shing rta rdo rje rin po che'i 'khor lo chen po bzhi dang ldan pa/ rdo rje mthu bo che'i srog shing sra ba/ tsan+dan dam pa las bsgrubs pa'i yu ba bzang po dang ldan pa/ rin po che'i rgyal po spos sna tshogs kyi shing thags rnam par bkye ba/ rin po che thams cad kyi me tog sna tshogs kyis rab tu mdzes par byas pa/ rin po che thams cad kyi dra bas kun nas yog pa'i rgyan dang ldan pa/ seng+ge'i khri rin po che dam pa'i dra ba'i rgyan gyi snying po can dbus su bshams pa/ bu mo lnga brgyas rin po che'i srad bu'i lnga ldi nas yongs su bzung ba/ nam mkha' la chags pa med pa'i rlung ltar mgyogs pa'i rta cang shes stong dang bcas pa la zhon nas gdugs chen po rim gyis gzhol zhing blta na sdug pa/ steng g.yogs rin po che'i rgyal po bai DUR+Ya dkar po las byas pa/ 'od dri ma med pa tshad med pa 'byung ba/ rin po che bsam gyis mi khyab pa rmad du byung ba sna tshogs thams cad kyis spa bar spras te rnam pa thams cad du mdzes par brgyan pa/ yub rin po che'i rgyal po bai DUR+Ya sngon po las bsgrengs pas ni/ bskyabs/ srog chags brgya stong mang pos ni/ yongs </font><hr>Cha153a<br><font size=+1>


@#/ /su bskor/ rol mo brgya stong mang po lha rdzas kyi dbyangs yid du 'ong ba snyan pa dang ldan pa dag ni/ rab tu blangs/ me tog gi char chen po ni/ mngon par 'bab/ lha rdzas kyi spos dri zhim pa'i bdug spos kyi snod bye ba khrag khrig brgya stong gis ni/ rab tu bdug cing 'gro bar gyur to/ /de de ltar 'gro ba'i tshe lam yang rgyud brgyad dang ldan par gyur te/ mthon dman med pa dang / gseg ma dang gyo mo med pa dang / gser dngul dang rin po che'i rgyal po sna tshogs kyi khams kyis sa'i gzhi rab tu bsgrubs pa dang / gser gyi phye ma bkram pa dang / rin po che sna tshogs kyi me tog sil mas chal bar gang ba dang / g.yas g.yon nas rin po che'i shing gi phreng bas dkrigs pa dang / rin po che sna tshogs kyi kha ran bkye ba dang / steng nas rin po che'i dra ba bres pa dang / rin po che'i gnam yol sna tshogs kyis bkab pa dang / rin po che'i rgyal mtshan dang / ba dan dang / snam bu brgya stong rab tu brgyan pa du ma bsgrengs shing dpyangs pas mdzes par brgyan pa dang / g.yas g.yon nas rin po che'i stegs bu'i phreng ba rnam par bkod pas rnam par brgyan pa ste/ rin po che stegs bu la la la ni/ slong mo pa'i tshogs la yongs su bstab pa'i don du rin po che'i snod sna tshogs rin po che sna tshogs kyis yongs su bkang ba </font><hr>Cha153b<br><font size=+1>


bkod| stegs bu la la la ni/ rgyan 'dod pa'i slong mo pa rnams brgyan pa'i don du rin po che thams cad kyi rgyan gyi rnam pa yongs su bkod/ stegs bu la la la ni/ sems can thams cad kyi bsam pa yongs su rdzogs par bya ba'i phyir yid bzhin gyi nor bu rin po che bkod/ stegs bu la la la ni/ su ci 'dod pa de dag la de sbyin pa'i don du kha zas dang / btung ba dang / bro ba sna tshogs kyis yongs su bkang ba'i snod mang po bkod/ stegs bu la la la ni/ rnam pa thams cad du mchog tu zhim pa'i ro dang / kha dag dang / dri dang / bro ba dang / reg bya yid du 'ong ba dang ldan pa'i lha rdzas kyi kha zas kyi rnam pa bkod/ stegs bu la la la ni/ ro bro ba sna tshogs dang ldan pa'i lha rdzas kyi shing thog sna tshogs thams cad spungs/ stegs bu la la la ni/ gos 'dod pa rnams yid bzhin du spyod du gzud pa'i phyir lha rdzas kyi gos rin po che kha dog sna tshogs dang ldan pa/ mdog bzang po rnam pa sna tshogs dag dang / ri mo sna tshogs shin tu spa bar rnam par phye ba/ shin tu btsun pa la 'os pa/ shin tu phra ba/ rab tu 'jam pa/ thags su ma btags pa bye ba brgya phrag stong snyed yongs su bkod par gyur to/ /stegs bu la la la ni/ byug pa 'dod pa'i sems can rnams bsam pa ji lta ba bzhin du yongs su spyod du gzud pa'i phyir lha rdzas kyi spos kyi rnam pa kha dog dang / dri rnam pa sna tshogs thams cad dang ldan pa dag </font><hr>Cha154a<br><font size=+1>


@#/ /bkod par gyur to/ /stegs bu la la la ni/ sems can rnams bsam pa ji lta ba bzhin du yongs su spyod du gzud pa'i phyir yo byad thams cad kyi phung po dag bkod par gyur to/ /stegs bu la la la ni/ na chung gzugs bzang ba/ rab tu mdzes pa/ shin tu sdug pa/ cha lug sdug gu sna tshogs dang ldan pa/ yid du 'ong ba'i gos sna tshogs dang ldan pa/ yid du 'ong ba'i gos sna tshogs gyon pa rgyan thams cad kyis mdzes par brgyan pa/ byug pa sna tshogs kyis tshul sdug gur brgyan cing mdzes par byas pa'i lus dang ldan pa/ bud med kyi bzo dang / sgyu dang / shes nyen gyi tshul la mkhas pa dag bkod par gyur to/ /de'i tshe rgyal po'i gnas sdong po ri bo'i dpal de nyid na sbrul tshong ma'i dam pa rgyal po'i longs spyod du 'os pa/ blta na mdzes pa zhes bya ba zhig yod pa de'i bu mo dga' ba'i 'od kyi dpal shin tu sbyangs pa zhes bya ba gzugs bzang ba/ shin tu mdzes pa/ blta na sdug pa/ ha cang yang mi ring / ha cang yang mi thung / ha cang yang mi sbom/ ha cang yang mi phra/ ha cang yang mi dkar/ ha cang yang mi sngo ba/ skra mthon mthing du 'dug pa/ mig dkar nag 'byes pa/ bzhin yid du 'ong pa/ tshangs pa'i dbyangs dang ldan pa/ 'jam zhing snyan par smra ba/ shes rab dang ldan pa/ shes nyen gyi tshul thams cad la mkhas pa/ </font><hr>Cha154b<br><font size=+1>


gtsug lag thams cad la shes pa/ brtson pa/ le lo med pa/ rim gro yod pa/ mos pa dang ldan pa/ byams pa'i sems bdog pa/ khong khro ba mi mnga' ba/ blta na mi ngoms shing yid du 'ong ba/ 'dod chags dang / zhe sdang dang / gti mug chung ba/ ngo tsha shes shing khrel yod pa/ drang zhing mnyen pa/ g.yo dang sgyu med pa zhig yod de/ de ma dang lhan cig tu bu mo du ma zhig gis bskor te rin po che'i shing rta la zhon nas rgyal po'i gnas sdong po ri bo'i dpal nas byung ste rgyal pos bka' stsal nas rgyal bu gzhon nu gzi brjid kyi bdag po'i mdun nas phar rgyal bu gzhon nu de la glu len cing 'dong 'dong ba las/ rgyal bu gzhon nu gzi brjid kyi bdag po mthong nas 'dod chags kyi sems shin tu mi bzad pa zhig g.yos te/ rgyal bu gzhon nu gzi brjid kyi bdag po shin tu yid du 'ong ches nas rjes su 'brang zhing sems la rang dbang med pas/ blta na sdug pa la 'di skad ces smras so/ /ma 'di ltar mkhyen par mdzod cig /gal te bdag rgyal bu gzhon nu gzi brjid kyi bdag po la ma btang na ni/ 'gum pa'am/ srog la 'bab pa'i sdug bsngal gcig tu 'gyur ro/ /des smras pa/ bu mo/ de lta bu'i sems ma skyed cig/ gzhon nu 'di ni/ 'khor los bsgyur ba'i mtshan dang ldan pa ste/ de'i yab nor gyi bdag po mi bzhugs par 'gyur na/ 'khor los bsgyur ba'i rgyal srid la gnas par </font><hr>Cha155a<br><font size=+1>


@#/ /'gyur ba'i gnas yod de/ de 'khor los bsgyur ba'i rgyal por 'gyur bas de'i bud med rin po che nam mkha' la 'gro ba 'byung bar 'gyur la/ bu mo bdag cag kyang sbrul tshong ma dag cig ste/ 'jig rten thams cad dga' bar byed pa yin gyi/ yu bus sems can 'ga' zhig la nam 'tsho'i bar du bsnyen bkur mi byar mi rung ba'ang med de/ yu bu ni| rgyal po nor gyi bdag po'i bkas rgyal bu gzhon nu gzi brjid kyi bdag po'i rim gror 'dong 'dong bar zad kyi/ de lta bu'i sems brtan par ma byed cig /gnas de ni/ thob par yang shin tu dka'o/ /de'i tshe de bzhin gshegs pa dgra bcom pa yang dag par rdzogs pa'i sangs rgyas sku nyi ma dam pa zhes bya ba mkhyen pa dang zhabs su ldan pa/ bde bar gshegs pa| 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das 'jig rten du byung ste/ de'i snying po byang chub chos kyi sprin shin tu sdug pa'i 'od ces bya ba yang bza' shing gi ra ba spos kyi myu gu'i rtse mo las 'od kyi sprin 'byung ba zhes bya ba de'i nang du byung ste/ der bcom ldan 'das de bzhin gshegs pa sku nyi ma dam pa thog ma mngon par rdzogs par sangs rgyas nas zhag bdun lon pa de bu mo shing rta la zhon bzhin du yur zhing 'chog 'chog pa'i rmi lam du mthong </font><hr>Cha155b<br><font size=+1>


nas sad par gyur pa dang sngon gnyen bshes su gyur pa'i lha mo zhig gis bstan pa/ bu mo/ de bzhin gshegs pa sku nyi ma dam pa de snying po byang chub chos kyi sprin shin tu sdug pa'i 'od ces bya ba rnam par spyod cing thog ma mngon par rdzogs par sangs rgyas nas zhag bdun lon te byang chub sems dpa'i tshogs kyis yongs su bskor cing / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / tshangs pa dang / gya nom snang ba dang / 'og min gyi lha'i tshogs kyis mdun du byas shing bzhugs te/ der sa'i lha mo thams cad kyang kun nas 'dus/ chu'i lha mo dang / me'i lha mo dang / rlung gi lha mo dang / rgya mtsho'i lha mo dang / chu'i klung gi lha mo dang / ri'i lha mo dang / mtshan mo'i lha mo dang / skya rengs 'char ba'i lha mo dang / nags tshal gyi lha mo dang / shing gi lha mo dang / sman gyi lha mo dang / lo tog gi lha mo dang / grong khyer gyi lha mo dang / rkang gis 'gro ba'i lha mo dang / snying po byang chub kyi lha mo dang / lus kyi 'od zer gyi lha mo dang / sems can gyi ris kyi lha mo dang / nam mkha'i lha mo dang / phyogs thams cad kyi lha mo dag kyang bcom ldan 'das sku nyi ma dam pa'i zhal blta ba'i phyir kun nas 'dus so/ /zhes nas de ltar des de bzhin gshegs pa mthong ba dang de bzhin gshegs pa'i yon tan thos pas bag tsha med pa thob par gyur te skabs su bab nas </font><hr>Cha156a<br><font size=+1>


@#/ /rgyal bu gzhon nu gzi brjid kyi bdag po'i mdun du de'i tshe tshigs su bcad pa 'di dag smras so/ /gzugs kyi mchog gis 'jig rten khyad par 'phags/ yon tan rnams kyis thams cad phyogs su grags/ /shes rab stobs kyi bdag dang 'dra ma mchis/ /sgyu rtsal dga' ba sgyu ma'i tshul kun 'tshal/ /srog chags mang po stong 'phrag du ma yis/ /'dod chags dbang gis bdag la rab bltas kyang / /gzhon nu bdag ni 'jig rten gang la yang / /glo ba chags par gyur pa gcig ma mchis/ /sems can gang la'ang zhen par gyur pa'am/ /gang la'ang khong khror bdag gi sems ma gyur/ /gang la'ang dgra mi bgyid de zhe mi sdang / /bdag ni sems can sman par dga' ba lags/ / sku gzhon sku mchog yon tan rab mnga' khyod/ /gang tshe bdag gis gsal bar mthong gyur pa/ /de tshe dbang po kun kyang nyams su bde/ /rgya che yangs par shin tu dga' bar gyur/ / khyod kyi dbu bzang lcang lor 'khyil ba 'am/ /rin chen rnam snang mdog tu mthon mthing gsal/ /zhal gyi smin sdug 'phral ba shangs su mdzes/ /khyod kyi zhal sngar lus 'di bdag 'bul lo/ /mtshan gyi rab 'chang gzi brjid che mnga' ba/ /sku gzugs gser gyi ri bo bzang po 'dra/ /khyod kyi spyan sngar bdag lta mi mdzes te/ /zil du rlog pas snag tsha'i </font><hr>Cha156b<br><font size=+1>


gzugs kyang 'dra/ /spyan gsal ring la dkar nag 'byes pas mdzes/ /shin tu zhal rgyas seng+ge'i za 'gram can/ /khyod kyi gsung ni thogs pa ma mchis na/ /gsung mchog mnga' bas bdag ni gzung du gsol/ /khyod kyi zhal na ljags yangs mnga' ba ni/ /mdog dmar yangs pa rin chen mchog gi 'od/ /tshangs dbyangs yan lag mchog gi gsung mnga' bas/ /gsung zhing 'gro ba rab tu dga' ba mdzad/ /khyod kyi zhal na thags bzang tshems mnga' ba/ /dung ltar dri med shin tu rnam par gsal/ /'dzum zhing bzhad pa rnam par ston mdzad kyang / /skyes bu dpa' khyod 'gro ba dga' bar mdzad/ /khyod kyi sku la mtshan rab mdzes pa rnams/ /sum cu rtsa gnyis dag cing 'od kyang gsal/ /sku gzugs bzang po yongs su des brgyan pas/ /mi yi dbang po 'khor los bsgyur ba byon| |shin tu rgyas pa chen po'i mdo/ /sangs rgyas phal po che zhes bya ba las/ sdong pos brgyan pa'i le'u ste/ bam po brgya brgyad pa/ de nas rgyal bu gzhon nu gzi brjid kyi bdag pos bu mo dga' ba'i 'od kyi dpal shin tu sbyangs pa la 'di skad ces smras so/ /bu mo/ /khyod su'i/ khyod la yongs su srung ba ni/ gang zhig yod/ bu mo/ /nga la ni/ gzhan gyis yongs su bzung ba'i bud med bdag gir byar mi rung ngo / /zhes nas de'i tshe tshigs su bcad pa 'di dag kyang smras so/ /blta sdug gzugs kyi yon tan legs ldan pa/ /mtshan bzang bsod nams rnam </font><hr>Cha157a<br><font size=+1>


@#/ /par dag pa'i lus/ /khyod la dri ba'i don 'di nga la smros/ /lus mchog khyod ni su yis yongs su bzung / /khyod la pha dang ma ni yod dam med/ /khyim thab med dam khyod ni su zhig dbang / /gzugs mdzes khyod la sems can gzhan nam gcig /bdag gi yin par 'du shes byed med dam/ /khyod kyi yid ni gsod la mi dga' grang / gzhan las ma byin 'phrog par mi byed dam/ /'dod pas log par g.yem la mi dga' grang / /rdzun du brjod smrar yid ni mi smros sam/ /khyod kyi blo gros mdza' dbyen mi 'jug gam/ / tshig brlang gzhan la gnod par mi smra grang / /gzhan gyi nor la chags par sems med dam/ /'gro ba rnams la gnod par mi sems grang / /lta ba'i 'brog dgon lam du ma zhugs grang / /las kyi rgyud la ye rngam sems med dam/ /g.yo mdog sgyu yi dbang du mi 'gro 'am/ /mi 'thad 'jig rten gnod par mi byed grang / /pha ma gnyen dang mdza' bshes bla ma la| |sri zhu rim gro bya ba'i tshul 'chang ngam/ /phongs par gyur pa yongs su bsdu don du/ /khyod kyi yid la sbyin pa'i sems yod dam/ /chos dang mthun par dus su 'doms byed cing / /lus dang sems yid yongs su dag byed la/ /yang dag las su rung ba skyed byed pa'i/ /dge bshes rnams la dga' ba'i sems yod dam/ /sangs rgyas rnams la rim gror </font><hr>Cha157b<br><font size=+1>


byed ldan nam/ /sangs rgyas sras la dga' mchog yod dam med/ /gang las bde gshegs sras rnams skyer 'gyur ba'i/ /chos kyi dam pa de ni shes mi shes/ /chos yid mchog la gnas par khyod byed grang / /chos min spyad pa'i blo gros med grang ngo / /legs pa mtha' yas yon tan rgya mtsho la/ /gus pa'i sri zhu dga' sems mchog yod dam/ /skye bo mgon med phongs par gyur pa yi/ /'bren pa rnams la byams pa'i yid yod dam/ /ngan song 'gro ba'i lam la zhugs pa yi/ /shin tu nyam thag snying rjes sems grang ngo / /gzhan gyi phun sum tshogs pa mthong gyur na/ /khyod ni dga' ba mchog dang ldan 'gyur ram/ /skye bo nyon mongs rnams kyis 'khol gyur la/ /shes rab mthu bskyed btang snyoms byed mi byed/ /mi shes gnyid log skye bo mang mthong na/ /byang chub dam par smon lam 'debs byed grang / /bskal pa mtha' yas spyad pa spyod pa na/ /smon lam dam pas skyo bar mi 'gyur grang / /de nas bu mo dga' ba'i 'od kyi dpal shin tu sbyangs pa'i ma sbrul tshod ma'i gtso mo blta na sdug pas/ rgyal bu gzhon nu gzi brjid kyi bdag po la 'di skad ces smras so/ /gzhon nu/ bdag gi bu mo 'di ni/ rdzus te byung ba pad+mo'i nang nas skyes pa ste/ sngon chad khyim gyi nang nas phyi rol tu ma byung ngo / /zhes nas de'i tshe tshigs su bcad pa 'di dag kyang smras so/ /bu mo 'di la khyod kyis gang </font><hr>Cha158a<br><font size=+1>


@#/ /smras pa| |de ni bdag gis rim pas khyod la brjod/ /ji ltar bu mo 'di skyes bskyed bskyed pa/ /bdag gis khyod la gsol gyi gsan du gsol/ /gang tshe dgung sangs khyod ni bltams gyur pa/ /de tshe bdag gi bu mo 'di skyes te/ /rdzus te dri med pad+mo'i sbubs nas byung / /yan lag kun tshang mig yangs 'di yang skyes/ /dus kyi nang na sos ka dus mchog la/ /sman dang lo tog myu gu thon pa'i tshe/ /sA la'i ra ba bza' shing rab mchog tu/ /bdag ni rtse dga' de khrod mchi mchi ste/ /sna tshogs yal ga'i lo ma rgyas gyur cing / /zhugs shing me tog sdug rgyas sprin gyi mdog /bya bran sna tshogs sgra snyan zhugs shing nang / /nags khrod mya ngan ma mchis dgar mchis mchis/ /rgyan dang ldan zhing shin tu yid 'ong la/ /rin chen rat+na sna tshogs 'tshal ba rnams/ /rol mo glu la shin tu bslab pa yi/ /bu mo brgya phrag brgyad dang bdag kyang ldan/ /spos mchog ldan pa'i puN+Da rI ka dang / / rdzing 'gram me tog sil mas gtams pa yis/ /sa phyogs de na bud med mang po dang / /bdag cag de na dga' bar mchis mchis na/ /chab dbus de nas rin chen pad+mo'i mchog/ 'dab ma stong dang ldan pa byung bar gyur/ /lo ma rin chen yu ba bai DUR+Ya/ /snying po 'dzam bu chu klung gser las bgyis/ /spos mchog rin chen dam pa'i ze ba can/ /'od chen dzam+bu'i </font><hr>Cha158b<br><font size=+1>


rgyal mtshan kun tu 'phro/ /de tshe dgung la gdugs shig shar tam zhes/ /skye bo kun kyang yid gnyis 'tshal bar gyur/ /dgung sangs rgyur nas pad+mo chen po de/ /gdugs kyi 'od kyis rab tu rgyas bgyis nas/ /snang ba de dang sgra snyan rab kyang bkye/ /'di 'byung de ni sngon gyi ltas su byung / /bud med rin chen 'di 'dra 'jig rten du/ /tshul khrims dam pa rnam par dag pas byung / /sug las bgyis pa chab 'tshal mi 'gyur bas/ /'di ni sngon chad legs par spyad pa'i 'bras/ /skra ni mthon mthing mig yangs ut+pa la/ /tshangs pa'i dbyangs ldan kha dog rnam dag ldan/ /phreng ba rgyan mchog cha lugs dbyibs su shis/ /dpal ltar dri med pad+mo'i mchog las skyes/ /lus ni rnam dag yan lag rkyen du mnyam/ /lus kyi dbyibs legs yan lag yongs su tshang / /gser gyi gzugs la nor bus phyis pa 'dra/ /phyogs kun 'od kyis rnam par gda' bar gsal/ /lus las tsan+dan rgyal po'i spos kyi dri/ /phyogs su rgyas par 'di yi lus las 'byung / /sgra snyan lha rdzas yid du 'ong brjod tshe/ /kha nas ut+pa la yi ngad kyang ldan/ /'di ni gang tshe 'dzum zhing dgod pa'i tshe/ /rol mo'i sgra snyan de tshe 'byung bar 'gyur/ / bud med rin chen 'jig rten 'dir byung ste/ /tha ma la kun gyi dbang du 'gyur ma lags/ /khyod ma gtogs par mi yi 'jig rten na/ /'di yi bdag po gzhan ni gcig ma mchis/ /mtshan </font><hr>Cha159a<br><font size=+1>


@#/ /rab brgyan pa'i sku gzugs mdzes mnga' ba/ /khyod kyi zhal sngar bu mo 'di bzhes gsol/ /'di ni ha cang mi ring mi thung ste/ /ha cang mi spo ma ha cang phra ma lags| |lto ni gzhu 'dra nu ma shas kyang rgyas/ /yan lag skyon bral 'di ni khyod la 'os/ /grangs dang yi ge shes bgyi tshul rnams dang / /lag brda'i tshul dang gtsug lag tshul la mkhas/ /'jig rten kun na bzo rnams ji snyed pa/ /ma lus de la 'di ni pha rol phyin/ /mda' gzhu'i tshul la'ang rnam pa brgyas su mkhas/ /'phong gi cho ga rnam pa rangs par rtogs| |dgra yid bzho zhing dbab pa kun la yang / /'di ni mchog tu pha rol phyin par gyur/ /lus rnams kun nas rin chen rnam dag pa'i/ /'od mchog 'khor gyis shin tu mdzes pa ste/ /sngon gyi legs pas shin tu sdug par brgyan/ /'di ni khyod kyi phyag rjed khyod la 'os/ /mi yi 'jig rten gnas rnams ji snyed pa/ /de dag gso ba'i tshul gyi cho ga 'tshal| |de dag ma lus thams cad zhir bgyi na'ang / /ma nor sman gyi cho gas gso la mkhas/ /dzam+bu'i rgyal mtshan skad rnams thams cad dang / /skye bo'i nges tshig ma lus bye brag dang / /'jig rten tha snyad brjod pa'i mtshams sbyar ba/ /sna tshogs kun la'ang 'di ni pha rol phyin/ /dbyangs kyi yan lag mngon par sgrub pa'i tshul/ /de dag bye brag tshul la'ang </font><hr>Cha159b<br><font size=+1>


rab tu zhugs/ /'jig rten glu gar rnam pa ji snyed pa/ /ma lus de rnams kun gyi tshul yang 'tshal/ /rol mo sil snyan dag gi thabs rnams dang / /bzhad gad rol mo'i tshul la rnam par mkhas| |chags dang ma chags mi rnams mngon 'tshal kyang / /khong khro chags par 'gyur ba ma mchis so/ /'jig rten bud med sgra rnams ji snyed pa/ /khyad par nang du de la ma lus 'tshal| |bud med skye bo'i skyon du bgyi ba rnams/ /grangs med de dag 'di la gcig ma mchis/ /thil gyis blta dang zur gyis blta ba dang / /yan lag bstabs dang yan lag rnams bstan dang / /shes nyen kun la mkhas pa'i mthar phyin te/ /khyod kyi dgongs pa yongs su rdzogs par bgyid/ /'di ni phrag dog ser sna ma mchis te/ /'dod pa zhe dug mi ldang sdig mi bgyid/ /bzod cing drang la mnyen zhing des pa ste/ /mi khro mi brlang shin tu mkhas pa lags/ /ldang ba'i ngang tshul yid du'ong ba'i ngag /rtag tu bla ma'i thugs dang sbyor ba ste/ /sku nyams gar bde lta zhing sri zhu che/ /khyod kyi spyod mthun rjes su snyegs tshul dang mthun/ /rgyas shing gtugs dang nad dang ldan pa dang / /phongs pa shin tu sdug bsngal gyur pa dang / /mig dang bral zhing mgon skyabs ma mchis la/ /'di ni snying brtse rtag tu skyed pa lags/ /'di ni rtag tu gzhan don sems la brtson/ /bdag la sman pa sems par bgyid ma mchis/ /'jig </font><hr>Cha160a<br><font size=+1>


@#/ /rten kun la sman par dga' ba ste/ /rlabs chen sems kyi yon tan kun gyis brgyan/ /mchis sam nyal lam mchi 'am 'greng yang rung / /smra'am mi smra 'dzum zhing dgod kyang rung / /rtag tu bag mchis dran pa shes bzhin te/ /'di ni 'jig rten kun gyis rtag tu bsngags/ /bsod nams ldan pas kun tu rnam par snang / /'gro ba kun kyang rtag tu dga' ba ste/ /'di la lta bas 'jig rten ngoms mi 'gyur/ /'di ni gang la'ang chags par 'gyur ma mchis/ /dge ba shes rnams la sri zhu 'di che ste/ /de dag mthong bar rtag par rab tu dga'/ /rjes su ci 'byung lta zhing skyon med tshul/ /sems bdag brtan pa ri rab ri dang 'dra/ /'di ni bsod nams mchog gis rtag tu brgyan/ /mi mdza' dgrar len 'di la yong ma mchis/ /'di yi shes 'dra bud med gcig ma mchis/ /rgyal sras khyod la 'di ni tshul dang mthun/ /de nas rgyal bu gzi brjid kyi bdag po bza' shing gi ra ba spos kyi myu gu'i rtse mo las 'od kyi sprin 'byung bar phyin te/ bu mo dga' ba'i 'od kyi dpal shin tu sbyangs pa'i ma sprul tshong ma'i gtso mo blta na sdug ba'i mdun du bu mo dga' ba'i 'od kyi dpal shin tu sbyangs pa la 'di skad ces smras so/ /bu mo/ nga ni/ bla na med pa yang dag par rdzogs pa'i byang </font><hr>Cha160b<br><font size=+1>


chub tu zhugs pa yin te/ de bas na/ ngas thams cad mkhyen pa'i tshogs ni/ tshad med pa zhig bsag par bya dgos/ bskal ba mtha' dang dbus med pa zhig tu byang chub sems dpa'i spyod pa spyad de pha rol tu phyin pa thams cad ni/ yongs su rdzogs par bya dgos/ phyi ma'i mtha'i bskal ba'i mur thug par ni/ de bzhin gshegs pa rnams la mchod par bya dgos te/ sangs rgyas thams cad kyi bstan pa ni/ yongs su gzung bar bya/ sangs rgyas kyi zhing thams cad ni/ yongs su sbyang bar bya/ de bzhin gshegs pa thams cad kyi rigs ni| mi gcad par bya/ sems can gyi rgyud thams cad ni/ yongs su smin par bya/ sems can thams cad kyi 'khor ba'i sdug bsngal ni/ rnam par bzlog par bya/ mtha' las rgal bar bde ba la ni/ sems can rab tu dgod par bya/ sems can thams cad kyi ye shes kyi mig ni/ yongs su dag par bya/ byang chub sems dpa' thams cad kyis bsgrub pa la ni| brtson par bya/ byang chub sems dpa' thams cad kyi mnyam pa nyid la ni/ gnas par bya/ byang chub sems dpa' thams cad kyis ni/ yongs su bsgrub par bya/ sems can gyi khams thams cad ni/ yongs su sbyang bar bya/ sems can thams cad kyi phongs pa yongs su gcad pa'i phyir bdag gi nor thams cad ni/ gtang bar bya/ phyi ma'i mtha'i mur </font><hr>Cha161a<br><font size=+1>


@#/ /thug pa'i bskal par spyin pa'i pha rol tu phyin pa la spyod pa'i tshe kha zas dang btung ba'i spyin pas ni/ sems can yongs su tshim par bya/ yo byad kyi dngos po thams cad yongs su btang bas ni/ slong ba'i tshogs thams cad yongs su tshim par bya dgos te/ de ltar bdog pa thams cad yongs su gtong ba la nan tan nyams su len pa'i tshe phyi nang gi dngos po gang ci yang rung ste/ yongs su mi gtang ba de lta bu med pas de ltar ngas bu dang / bu mo dang / chung ma yang sbyin par bya dgos/ /mig dang / mgo dang / rkang lag dang / yan lag dang / nying lag thams cad kyang yongs su gtang dgos na/ de'i tshe khyod gzhan la byin na/ /nga'i sbyin pa'i bgegs su 'gyur ro/ /bu yid du 'ong ba yongs su btang na/ yid mi dga' bar 'gyur ro/ /lus dang sems kyi sdug bsngal yang mang po zhig nyams su myong bar 'gyur ro/ /nga la bdog pa thams cad yongs su btang bar byas na/ ser sna'i sems su 'gyur ro/ /nga'i yan lag dang / nying lag gtubs shing slong mo ba rnams la gtong ba'i tshe yid mi dga' bar yang 'gyur ro/ /nam zhig na ngas khyod bor te/ de bzhin gshegs pa'i bstan pa la rab tu 'byung bar 'gyur ba de lta bu'i dus kyang yod de/ de'i tshe'ang khyod yid mi dga' bar 'gyur ro/ /zhes nas rgyal bu gzi brjid bdag pos de'i tshe bu mo </font><hr>Cha161b<br><font size=+1>


dga' ba'i 'od kyi dpal shin tu sbyangs pa la tshigs su bcad de smras pa/ ngas ni 'gro kun snying rje rab bskyed de/ /yun ring mchog nas byang chub rab zhugs pas/ /yang dag byang chub tshogs chen rgya mtsho rnams/ /tshad med thams cad yongs su rdzogs bya dgos/ /bskal pa rgya mtsho mtha' dang dbus med par/ /mkha' ltar tshad med smon lam rnam sbyang zhing / /de bzhin gshegs pa bzhugs pa'i sa yi rnams/ /bskal pa mtha' yas yongs su sbyang yang dgos/ /rgyal ba dus gsum 'byung ba thams cad kyi/ /pha rol phyin pa'i lam la ngas bslab ste// ye shes bla na med pa'i tshul chen gyis/ /byang chub lam mchog rnam par sbyang yang dgos/ /phyogs rnams kun gyi zhing rnams thams cad kyang / /kun nas nyon mongs rnam par sbyang bar bya/ / 'jig rten kun gyi mi khom thams cad dang / /ngan song kun kyang rnam par bzlog dgos so/ /nyon mongs bsgribs shing gti mug mun 'thoms pa'i/ /sems can kun kyang ma lus rnam sbyang dgos/ /sna tshogs thabs kyis yongs su sbyangs byas te/ /thams cad mkhyen lam tshul la dgod kyang dgos/ /chags med sa rnams kun kyang ngas sbyangs te/ /bskal ba rgya mtshor rgyal ba mchod par bya/ /'gro ba ma lus kun la byams bskyed de/ /'jig rten dag tu ma lus sbyin gtang dgos/ /slong ba kun nas 'dus shing 'ongs mthong nas/ /thams </font><hr>Cha162a<br><font size=+1>


@#/ /cad gtang bar rtag tu brtson gyur na/ /de'i tshe khyod ni nga sems mi mthun te/ /zhum zhing dma' la 'jungs par mi 'gyur ram/ /nga yi mgo 'dod 'ongs par ngas mthong ste/ /byang chub sems dpa'i spyad pa spyod gyur na/ /de tshe khyod ni sdug bsngal gdungs 'gyur gyi/ /'di 'dra'i don thos rab tu brtan par gyis/ /nga yi rkang lag gtubs pa mthong gyur na/ /khyod ni mi dga' de tshe slong ba la/ /bud med ngang gis tshig drag mi bzod smra/ /don 'di thos shing sems la yongs su soms/ /phangs pa'i dngos dang de bzhin bu rnams dang / /khyod kyang slong ba'i tshogs la sbyin dgos kyi/ /don 'di thos te mi dga' med na lta/ /khyod dga' thams cad de bzhin bya la rag /de skad ces smras pa dang / bu mo dga' ba'i 'od kyi dpal shin tu sbyangs pas rgyal bu gzi brjid kyi bdag po la 'di skad ces smras so/ /gzhon nu ji skad gsung ba de ltar bgyi'o/ /bdag ni/ khyod ci dgyes pa dang / ci bzhed par longs spyod pa dang / gang du dgyes par mchi ba dang / thams cad du yang slad nam las pas rjes su 'brang ba dang / rtag tu zham ring sleb pa dang / don thams cad la brtson pa dang / thugs dang mthun par spyad pa dang / med par nyams su blang ba dang / mi mthun pa ma mchis par nan tan du bgyi ba'i tshul la spyad par bgyi'o/ /zhes nas bu mo dga' ba'i </font><hr>Cha162b<br><font size=+1>


'od kyi dpal shin tu sbyangs pas rgyal po'i sras gzi brjid kyi bdag po la tshigs su bcad de smras pa/ bdag gi lus 'di sems can dmyal ba yi/ /zhugs kyis yongs gdungs zhu bar gyur kyang rung / /khyod spyod skal ba mnyam pa'i phyag rjed du/ /tshe rabs rgya mtshor bdag gis spro bar bgyi/ /tshe rabs mtha' yas skyes pa re re zhing / /bdag gi lus ni shin tu gtubs gshags kyang / /brtan dam sems kyis rab tu spro bar bgyi/ /ngang dge khyod kyis bdag gis khyim thab mdzod/ /khor yug ri yis bskal ba mtha' yas su/ /bdag gi mgo ni yongs su btags gyur kyang / /sems la mi bde ma mchis dad par bgyi/ /khyod kyis rtag par bdag gi khyim thab mdzod/ /khyod kyis tshe rabs grangs med thams cad du/ /bdag la thugs brtan thugs kyis mnga' mdzad de/ /yan lag sha gtubs gzhan la stsal ba mdzod/ /khyod kyi chos la bdag kyang brtan gzhag gsol/ /bdag gi lus ni slad na ma las par/ /skyes bu lha yi sras po khyod la dbul/ /bskal pa rgya mtshor spyod pa mdzad pa'i tshe/ /skye bo slong ba rnams la dgyes par stsol/ /sems can kun la thugs rje mtha' yas pa/ /bskyed de sems can rgya mtsho bsdu slad du/ /byang chub dam pa mchog tu khyod zhugs pas/ /de slad bdag kyang thugs rjes bzung ba mdzod/ /longs spyod don dang nor gyi don ma lags/ /'dod spyod dga' ba </font><hr>Cha163a<br><font size=+1>


@#/ /bskyed pa'i don slad du/ /sems can mchog khyod khyor 'tshal ma lags kyi/ /khyod dang spyod pa mthun par spyad slad du'o/ /spyan gsal mdzes shing byams pa'i thugs mnga' ba/ /khyod ni 'jig rten gzigs pa ci tshul lags/ /thugs rje che yi 'dod chags thugs mi mnga'/ /de las thub dbang 'gyur ba gdon mi 'tshal| |khyod kyi zhabs kyis bcags pa'i sa rnams kyang / /dri med rin chen 'od du gnas pa las/ /khams gsum kun tu 'khor los bsgyur bar yang / /mtshan rab yongs kyis brgyan byon gdon mi 'tshal/ /bdag gis g.yar lam mthong ba dgung zhig la/ /chos bzang sprin 'od byang chub snying po yi/ /shing dbang drung na de bzhin gshegs pa bzhugs/ /sangs rgyas sras mang du mas mdun du bdar/ /rgyal ba'i dbang po sku mchog nyi ma de/ /dzam+bu chu klung rin chen 'tsher ba 'dra/ /g.yar lam mthong bar phyag gis bdag mgo byugs/ /de nas sad nas glo ba rab tu dga'/ /dga' ba'i 'od ces bgyi ba rnam dag lus/ /sngon chad gnyen bshes gyur pa'i lha mo yis/ /bdag la bstan pa bde gshegs de nyid ni/ /snying po yang dag byang chub yongs la zhugs/ /sngon yang gzhon nu gzi brjid khyod blta zhes/ /bdag gi sems bskyed de ltar bsam par gyur/ /mdang sum </font><hr>Cha163b<br><font size=+1>


dgung la lha mo dge ba yis/ /gzhon nu de ni mthong bar 'gyur zhes bstan/ /bdag gis bde gshegs g.yar lam rmis pas mthong / /yongs su dag pa'i sems can khyod kyang mthong / /yid bzhin bsam 'grub khyod dang bdag bcas pas/ /de ring rgyal ba de la mchod par bgyi/ /de nas rgyal po'i bu gzi brjid kyi bdag pos de bzhin gshegs pa sku nyi ma dam pa'i mtshan thos te/ sangs rgyas blta ba'i skabs byung nas dga' ba dang mos pa'i shugs chen po skyes te bu mo dga' ba'i 'od kyi dpal shin tu sbyangs pa la nor bu rin po che lnga brgyas mngon par gtor nas gtsug gi rin po che dpal gyi 'od 'bar ba zhes bya ba'ang de la byin no/ /me'i mdog ltar 'dug pa'i nor bu rin po che dam pas brgyan pa'i gos rin po ches kyang de bkab bo/ /de de ltar rim gro byas kyang dga' bar gyur pa'am/ nyams bde bar gyur pa lta bu'ang med la/ dga' ba dang mos par ma gyur gyi/ gzhan du na thal mo sbyar cing mig mi 'gebs par gzhon nu gzi brjid bdag gi gdong la lta zhing gnas par gyur to/ /de nas sprul tshong ma'i gtso mo blta na sdug pas rgyal bu gzhon nu gzi brjid kyi bdag po la tshigs su bcad de smras pa/ bu mo 'di ni khyod gsal bgyi snyam nas/ /yun ring snga nas bdag gis bsam bsam ste/ /gzugs mdzes de yang de ring khyod la phul/ /bsod nams legs brgyan </font><hr>Cha164a<br><font size=+1>


@#/ /yon tan rab dang ldan/ /tshul khrims blo dang yon tan gzhan gyis kyang / /bu mo dam pa 'di dang 'dra ba ni/ /mi yi 'jig rten gang na'ang ma mchis te/ /'jig rten kun gyi bud med nang na mchog /pad+mo'i sbubs nas skyes pas rigs smos su/ /skyon gyi dri mas ma gos 'thad ma lags/ /ma lus skyon gyis ma gos sems dang ldan/ /rtag par khyod kyi spyod tshul mthun par 'gyur/ /reg na bde la kun nas 'phags pas na/ /'di yi lus ni shin tu 'jam pa ste/ /bro 'tshal nad pa gang la reg gyur kyang / /de yi mod la bro dang bral bar 'gyur/ /'di yi lus las spos kyi ngad 'byung ba/ /spos mchog gzhan rnams mngon par zil gyis gnon/ /de yi dri zhim tshor na rnam dag pa'i/ /tshul khrims gnas par mi rnams kun kyang 'gyur/ /'di yi lus ni gser gyi mdog 'dra ste/ /pad+mo'i mchog ltar rnam par rab tu gsal/ /khros pas bltas na byams pa'i sems ldan par/ / sems can ma lus kun kyang rab tu 'gyur/ /'di yi tshig snyan yid du 'ong ba ste/ /nyams su bde bas 'gro ba nyan par dga'/ /thos na de rgyus skyon gyi mun pa dang / /mi dge'i sug las bgyid par mos mi 'gyur/ /'di ni bsam bdag yid la dri med de/ /'di la kun tu g.yo dang sgyu ma mchis/ /ci smra de dag yid la'ang de bzhin te/ /tshig dbyangs des ni 'gro </font><hr>Cha164b<br><font size=+1>


ba tshim par bgyid/ /sgyu yis sems can 'drid par mi bgyid de/ /nor gyi don du 'gro ba yongs mi slu/ /yid bsdams khrel gyis 'dzem dang ldan pa ste/ /rgan nam gzhon la'ang rtag tu sri zhu spyod| |rigs rgyud gzugs kyis dregs pa ma mchis te/ /'di ni 'khor gyis dregs pa'ang yongs ma mchis/ /nga rgyal rlom sems yongs dang bral ba ste/ /'gro ba rnams la rtag tu gus par 'dud/ /de nas rgyal po'i bu gzi brjid kyi bdag po bu mo dga' ba'i 'od kyi dpal shin tu sbyangs pa 'khor dang bcas pa dang / bu mo stong phrag nyi shu dang / 'khor thams cad dang bcas par bza' shing gi ra ba spos kyi myu gu'i rtse mo nas 'od kyi sprin 'byung ba de nas byung ste snying po byang chub chos kyis 'phags pa'i 'od gang na ba der bcom ldan 'das de bzhin gshegs pa sku nyi ma dam pa gang na ba der bcom ldan 'das de bzhin gshegs pa sku nyi ma dam pa'i zhal blta ba dang / de la phyag 'tshal ba dang / mchod pa dang / bsnyen bkur ba'i phyir dong ste/ de rta babs sa'i bar du bzhon pas song nas babs te rkang pas bcom ldan 'das de bzhin gshegs pa sku nyi ma dam pa'i drung du song ngo / /de nas rgyal po gzhon nu gzi brjid kyi bdag pos rgyang ring po nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rab tu bzang ba/ blta na sdug pa/ dbang po zhi ba/ thugs </font><hr>Cha165a<br><font size=+1>


@#/ /zhi ba| dbang po bsdams pa/ glang po ltar shin tu dul ba/ mtsho ltar dwangs shing rnyog pa med la rnam par gsal ba mthong ngo / /de ltar mthong nas de'i sems mngon par mos par gyur to/ /de ltar sems mngon par mos par gyur nas sangs rgyas mthong ba'i dga' ba dang / mos pa'i shugs chen po rnam par spel te dga' ba dang / mos pa dang / spro ba chen pos yongs su rgyas pa'i sems kyis bcom ldan 'das de la lan brgya stong du mar g.yas phyogs su bskor ba byas nas bu mo dga' ba'i 'od kyi dpal shin tu sbyangs pa la sogs pa 'khor thams cad dang bcas pas bcom ldan 'das de'i zhabs la spyi bos phyag 'tshal te rin po che dam pa'i pad+mo stong phrag lnga brgyas bcom ldan 'das de la mngon par gtor te/ bcom ldan 'das de'i gtsug lag khang lnga brgya nor bu rin po che'i rgyal po spos sna tshogs las byas pa/ rin po che'i rgyal po sna tshogs kyis rab tu brgyan pa lnga brgya brtsigs so/ /gtsug lag khang re re zhing yang nor bu rin po che'i rgyal po stong phrag lnga brgyas rab tu brgyan to/ /de nas bcom ldan de bzhin de bzhin gshegs pa sku nyi ma dam pas gzhon nu gzi brjid kyi bdag po'i bsam pa thugs su chud nas mdo sde sgo kun tu lta ba'i sgron ma zhes bya ba yang dag par bstan to/ /des </font><hr>Cha165b<br><font size=+1>


de thos nas chos thams cad kyi tshul la ting nge 'dzin gyi sgo rgya mtsho phrag bcu thob par gyur te/ 'di ltar de bzhin gshegs pa thams cad kyi smon lam rgya mtsho yang dag par 'byung ba zhes bya ba'i ting nge 'dzin gyi sgo rab tu thob bo/ /dus gsum snang ba'i snying po zhes bya ba'i ting nge 'dzin gyi sgo rab tu thob bo/ /sangs rgyas thams cad kyi dkyil 'khor mngon du gyur par 'byung ba zhes bya ba'i ting nge 'dzin gyi sgo rab tu thob bo/ /sems can 'byams klas pa thams cad rab tu snang bar bya ba la 'jug pa zhes bya ba'i ting nge 'dzin gyi sgo rab tu thob bo/ / 'jig rten thams cad du 'byung ba'i ye shes kyi snang ba la zhugs pa zhes bya ba'i ting nge 'dzin gyi sgo rab tu thob bo/ /sems can thams cad kyi dbang po rgya mtsho la 'jug pa snang ba'i sgron ma zhes bya ba'i ting nge 'dzin gyi sgo rab tu thob bo/ /'gro ba thams cad yongs su skyob pa'i ye shes kyi sprin ces bya ba'i ting nge 'dzin gyi sgo rab tu thob bo/ /'gro ba thams cad yongs su smin par bya ba dang / gdul ba la mngon du gyur pa'i sgron ma zhes bya ba'i ting nge 'dzin gyi sgo rab tu thob bo/ /de bzhin gshegs pa thams cad kyi chos kyi 'khor lo'i sgra rnams dmigs par byed pa zhes bya ba'i ting nge 'dzin gyi sgo rab tu thob bo/ /kun tu bzang po'i spyod pa'i dkyil 'khor yongs su dag par byed pa'i smon lam gyi sprin ces bya </font><hr>Cha166a<br><font size=+1>


@#/ /ba'i ting nge 'dzin gyi sgo rab tu thob ste/ ting nge 'dzin gyi sgo bcu po 'di dag la sogs pa chos kyi tshul thams cad la ting nge 'dzin gyi sgo rgya mtsho phrag bcu rab tu thob par gyur to/ /bu mo dga' ba'i 'od kyi dpal shin tu sbyangs pas kyang ye shes thub par dka' ba rgya mtsho'i snying po zhes bya ba'i sems nges par gzhag pa rab tu thob par gyur te/ bla na med pa yang dag par rdzogs pa'i byang chub las kyang phyir mi ldog par gyur to/ /de nas rgyal po'i bu gzi brjid kyi bdag pos bcom ldan 'das de bzhin gshegs pa sku nyi ma dam pa'i zhabs gnyis la spyi bos phyag 'tshal te/ bcom ldan 'das la lan brgya stong du mar g.yas phyogs su bskor ba byas nas bu mo dga' ba'i 'od kyi dpal shin tu sbyangs pa dang / 'khor thams cad dang bcas te bcom ldan 'das de'i spyan snga nas dong ngo / /de nas rgyal po'i gnas sdong po ri bo'i dpal gang na ba dang / rgyal po yab nor gyi bdag po gang na ba der dong ste drung du phyin nas rgyal po yab nor gyi bdag po'i rkang pa gnyis la spyi bos phyag 'tshal te don 'di brjod do/ /lha'i zhal snga nas mkhyen par mdzad du gsol/ /de bzhin gshegs pa dgra bcom pa yang dag par rdzogs pa'i sangs rgyas sku nyi ma dam pa zhes bgyi ba/ mkhyen pa dang zhabs su ldan pa/ bde bar gshegs </font><hr>Cha166b<br><font size=+1>


pa| 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das 'jig rten du byung ste/ khyod kyi khams 'di de nyid kyi snying po byang chub chos kyi sprin shin tu stug po'i 'od na rnam par spyod de/ mngon par rdzogs par sangs rgyas nas ring po ma lags so/ /de nas rgyal po nor gyi bdag pos gzhon nu gzi brjid kyi bdag po la 'di skad ces smras so/ /gzhon nu khyod la don 'di lha'am/ mi'am/ su zhig gis sbran/ des smras pa/ bdag la bu mo dga' ba'i 'od kyi dpal shin tu sbyangs pas sbran to| |de nas rgyal po nor gyi bdag pos sangs rgyas byung bar thos nas sangs rgyas skye ba la ni/ gter rab tu thob pa tsam du sems/ sangs rgyas rin po che dang phrad par ni/ dga' bar sems/ de bzhin gshegs pa mthong bas ni/ ngan song gi g.yang sa'i 'jigs pa thams cad kyang rnam par ldog par sems/ nyon mongs pa'i nad chen po rab tu zhi bar bya ba la ni/ sman pa'i rgyal po chen po dang phrad pa tsam du sems/ 'khor ba'i sdug bsngal thams cad las ni/ yongs su 'grel ba yin par sems/ shin tu bde zhing ldan pa la ni| rab tu gzhog par sems/ rab rib med pa'i ye shes kyi snang ba ni/ yang dag par ston par sems/ ma rig pa'i mun pa bsal ba la ni/ sgron ma chen po byung ba tsam </font><hr>Cha167a<br><font size=+1>


@#/ /du sems/ 'jig rten mgon med pa las ni/ chos kyi tshul gyi mgon dang phrad par sems/ 'jig rten 'dren pa med pa las ni/ thams cad mkhyen pa nyid kyi theg pas 'dren pa skyes par sems shing / sangs rgyas byung bar thos pas mos pa dang / spro ba chen po skyes nas rgyal rigs dang / bram ze dang / ljongs kyi mi dang / yul mi dang / blon po dang / zham ring ba dang / gzhon nu dang / rgyal phran dang / khams kyi bdag po dang / 'khor thams cad kyang kun nas bsdus nas sangs rgyas byung bar sgra snyan pa sgrog pa'i gzhon nu gzi brjid kyi bdag po la rgyal po'i srid de yang chos kyi dga' bar byin no/ /de ltar gzhon nu de rgyal srid la dbang bskur nas srog chags stong phrag bcu dang lhan cig tu bcom ldan 'das de bzhin gshegs pa sku nyi ma dam pa gang na ba der song ste spyan sngar phyin nas bcom ldan 'das de'i zhabs gnyis la spyi bos phyag 'tshal te/ bcom ldan 'das de la lan brgya stong du mar g.yas phyogs su bskor ba byas nas bcom ldan 'das de'i spyan sngar rang gi 'khor dang bcas te 'khod do/ /de nas bcom ldan 'das de bzhin gshegs pa sku nyi ma dam pas rgyal po nor gyi bdag po dang / 'khor gyi dkyil 'khor thams cad la gzigs nas de'i tshe mdzod spu nas 'od zer 'gro ba thams cad kyi sems kyi sgron ma zhes </font><hr>Cha167b<br><font size=+1>


bya ba rab tu bkye'o/ /de phyogs bcu'i 'jig rten gyi khams snang bar byas te/ 'jig rten gyi dbang po thams cad mngon sum du bkod nas sangs rgyas kyi rnam par 'phrul ba bsam gyis mi khyab pa yongs su bstan to/ /sangs rgyas kyis 'dul ba'i sems can rnams kyi bsam pa dang / lhag pa'i bsam pa rnam par sbyangs nas de'i tshe sangs rgyas kyi byin gyi rlabs bsam gyis mi khyab pa'i mthus sangs rgyas kyi sku 'jig rten thams cad las mngon par 'phags pa dang / sangs rgyas kyi gsung dbyangs kyi yan lag rgya mtsho thams cad dang ldan pas gzungs kyi sgo chos thams cad la rab rib med pa'i don gyi sgron ma zhes bya ba gzungs kyi sgo sangs rgyas kyi zhing gi rdul shin tu phra ba snyed dang bcas par yang dag par bstan to/ /de nas rgyal po nor gyi bdag pos gzungs kyi sgo de thos nas chos thams cad la chos kyi snang ba chen po skyes par gyur to/ /'khor de'i byang chub sems dpa' 'dzam bu'i gling gi rdul shin tu phra ba snyed kyis kyang chos thams cad la rab rib med pa'i don gyi sgron ma'i gzungs rab tu thob par gyur to/ /khrag khrig drug cus ni/ nye bar len pa med par zag pa las sems rnam par grol lo| |srog chags stong phrag bcus ni/ chos rnams la chos kyi mig rdul dang bral zhing dri ma med pa rnam par dag par gyur to/ /sems can grangs med pa zhig gis ni/ sngon </font><hr>Cha168a<br><font size=+1>


@#/ /bla na med pa yang dag par rdzogs pa'i byang chub tu sems bskyed pa yongs su bskyed do/ /phyogs bcur yang sangs rgyas kyi rnam par 'phrul pa bsam gyis mi khyab pa yongs su bstan pa des sems can gyi khams mtha' dang dbus med pa theg pa gsum gyis dul bar gyur to/ /de nas rgyal po nor gyi bdag po chos kyi snang ba rab tu thob pa de'i yid la 'di snyam ste/ khyim na gnas pas ni/ rnam pa 'di lta bu'i chos kyang khong du chud par mi nus la/ ye shes rnam pa 'di lta bu yang sgrub par mi nus kyi/ bdag ni/ bcom ldan 'das kyi zham ring du rab tu 'byung ngo / /snyam nas rgyal po nor gyi bdag pos bcom ldan 'das de la 'di skad ces gsol to/ /bcom ldan 'das/ bdag bcom ldan 'das kyi zham ring du rab tu byung zhing bsnyen par rdzogs pa'i dge slong gi tshul la mchis par ci gnang zhes nas bcom ldan 'das des bka' stsal pa/ rgyal po chen po/ de'i dus la bab par shes na rung ngo / /de nas rgyal po nor gyi bdag po srog chags stong phrag bcu dang lhan cig tu de bzhin gshegs pa sku nyi ma dam pa'i zham ring du rab tu byung ngo / /de ltar rab tu byung nas ring po ma lon par gzungs kyi sgo chos thams cad la rab rib med pa'i don gyi sgron ma zhes bya ba 'khor dang bcas par yongs su bsgrubs so/ / </font><hr>Cha168b<br><font size=+1>


bsgoms so/ /shin tu bsgoms so/ /de snyed kyi ting nge 'dzin kyi sgo yang rab tu thob par gyur to/ /byang chub sems dpa'i mngon par shes pa bcu yang rab tu thob bo/ /tha dad pa yang dag par shes pa'i tshul rgya mtsho la'ang yang dag par zhugs par gyur to/ /phyogs bcu'i de bzhin gshegs pa'i drung du 'gro bar thogs pa med pa'i spyod yul zhes bya ba'i lus yongs su dag pa yang rab tu thob ste/ de nas bcom ldan 'das de'i chos kyi 'khor lo yang dag par blangs so/ /yongs su bzung ngo / /gtam gyi skyes bu yang byas so/ /chos smra ba chen po yang byas so/ /bstan pa yongs su bzung ba yang byas so/ /mngon par shes pa thob pa'i stobs kyis kyang 'jig rten gyi khams thams cad rgyas par bkang ste bsam pa ji lta ba bzhin du sems can rnams la lus yongs su bstan nas sangs rgyas byung ba de rab tu brjod pa dang / sngon gyi de bzhin gshegs pas yongs su bsgrubs pa'i chos nyid mngon par brjod pa dang / sngon gyi sbyor ba phun sum tshogs pa de dag yongs su brjod pa dang / sangs rgyas kyi rnam par 'phrul pa'i mthu de dag yongs su brjod par bya bas bstan pa yongs su bzung pa byas so/ /rgyal po'i sras gzi brjid kyi bdag pos kyang de'i nyin par zla ba nya ste rgyas pa'i tshe rin po che bdun rab tu thob par gyur te/ de khang pa'i steng na bud med kyi tshogs </font><hr>Cha169a<br><font size=+1>


@#/ /kyis bskor cing 'dug ba'i mdun du 'khor lo rin po che chen po shugs la thogs pa med pa zhes bya brtsibs stong phrag brgya dang ldan pa/ rin po che thams cad kyis brgyan pa/ lha rdzas kyi dzam+bu chu klung gi gser las grub pa/ 'od kun tu 'byung ba/ rnam pa'i mchog thams cad dang ldan pa byung bar gyur to/ /glang po rin po che sna chen po rdo rje rin po che'i ri'i gzi brjid ces bya ba byung bar gyur to/ /rta rin po che ri sngo rlung gi shugs zhes bya ba byung bar gyur to/ /nor bu rin po che chen po nyi ma'i snying po 'od sprin rgyal po zhes bya ba byung bar gyur to/ /bu mo dga' ba'i 'od kyi dpal shin tu sbyangs pa de yang bud med rin po cher byung bar gyur to/ /khyim bdag rin po che nor gyi phung po mang po zhes bya bya ba byung bar gyur to/ /blon po rin po che mig dri ma med pa zhes bya ba yang byung bar gyur te/ de ltar bdun no/ /de de ltar rin po che bdun dang ldan pa'i rgyal po 'khor los bsgyur ba/ gling bzhi la dbang ba/ chos dang ldan pa/ chos kyi rgyal po rnam par rgyal ba dang ldan pa/ yul gyi mthu dang brtson 'grus su ldan par gyur to/ /de la bu dpa' ba rtul phod cing yan lag dam pa'i gzugs dang ldan pa/ pha rol gyi sde rab tu 'joms pa stong yod par gyur te/ des sa chen po 'di skyon med pa dang / dgra med pa dang / gnod pa med pa dang / 'tshe ba </font><hr>Cha169b<br><font size=+1>


med pa dang / skyid pa dang / phun sum tshogs pa dang / bde ba dang / lo legs pa dang / mdangs dga' ba dang / skye bo dang mi mang pos yongs su gang ba yang ri dang rgya mtsho'i mthas klas par chos kyis mngon par rgyal te gnas par byas so/ /des 'dzam bu'i gling de'i rgyal po'i gnas stong phrag brgyad cu rtsa bzhi dag tu yang rgyal po'i gnas re rer gtsug lag khang lnga brgya lnga brgya byed du btsud de/ thams cad kyang rnam pa'i mchog thams cad dang ldan pa sha stag go /longs spyod dang yo byad kyi rnam pa thams cad phun sum tshogs pa sha stag go /bza' shing gi ra ba dang / khang pa dang / 'chags dang / dus thams cad du bde bar spyad pa'i nags tshal gyi phreng bas rnam par brgyan pa sha stag go /gtsug lag khang re re zhing yang de bzhin gshegs pa'i mchod rten brtsigs pa ni/ lhun gyi rgya shin tu che bar byas pa ste/ nang rin po che rnam pa mang pos brgyan pa/ rin po che'i rgyal po sna tshogs kyis rnam par spras pa sha stag ste/ rgyal po'i gnas de thams cad du'ang bcom ldan 'das de bzhin gshegs pa sku nyi ma dam pa 'khor dang bcas pa grong khyer du gshegs par bya ba'i phyir spyan drangs so/ /rgyal po'i gnas de dag kun tu yang de bzhin gshegs pa de la de bzhin gshegs pa'i mchod pa rnam pa thams cad du bsam gyis mi khyab pas mchod de/ sangs rgyas grong khyer du gshegs pa'i cho </font><hr>Cha170a<br><font size=+1>


@#/ /'phrul dang / rnam par 'phrul pas sems can tshad med pa'i dge ba'i rtsa ba yongs su bskyed pa'i phyir gshegs su gsol to/ /der yang sems can ma dad pa'i sems dang ldan pa rnams ni/ dad pa thob par gyur to/ /dad pa dang ldan pa'i sems can rnams ni/ sangs rgyas mthong bas dga' ba'i shugs rnam par 'phel bar gyur to/ /dga' ba'i shugs rnam par 'phel ba'i sems can rnams ni/ byang chub kyi bsam pa rnam par dag pa thob par gyur to/ /byang chub kyi bsam pa rnam par dag pa'i sems can rnams ni/ snying rje chen po'i sems bskyed par gyur to/ /sems can la phan par zhugs pa'i sems can rnams ni/ sangs rgyas kyi chos thams cad yongs su btsal ba la brtson par gyur to/ /sangs rgyas kyi chos kyi tshul gyi rnam pa la mkhas pa'i sems can rnams ni/ chos thams cad kyi rang bzhin nges par khong du chud par bya ba'i phyir sems mngon par gzhol bar gyur to/ /chos mnyam pa nyid la zhugs pa'i sems can rnams ni/ dus gsum mnyam pa nyid la 'jug pa'i phyir sems mngon par gzhol bar gyur to/ /dus gsum gyi ye shes snang ba thob pa'i sems can rnams ni/ sangs rgyas gcig nas gcig tu brgyud pa rnam par dmigs par bya ba'i don du ye shes </font><hr>Cha170b<br><font size=+1>


snang ba la zhugs par gyur to/ /de bzhin gshegs pa sna tshogs rnam par dmigs par bya ba la zhugs pa'i sems can rnams ni/ 'gro ba thams cad yongs su bsdu ba'i don du sems mngon par gzhol bar gyur to/ /'gro ba thams cad yongs su bsdu ba la brtson pa'i sems can rnams ni/ byang chub sems dpa'i lam rnam par dag par bya ba'i phyir smon lam bskyed par gyur to/ /lam gyi mnyam pa nyid la zhugs pa'i sems can rnams ni/ de bzhin gshegs pa thams cad kyi chos kyi 'khor lo mngon par bsgrub pa'i phyir ye shes snang ba bskyed par gyur to/ /chos rgya mtsho rnam par dbye ba la mngon par mos pa'i sems can rnams ni/ zhing gi dra ba thams cad rang gi lus kyis rgyas par dgang ba'i don du sems mngon par gzhol bar gyur to/ /zhing mnyam pa nyid la zhugs pa'i sems can rnams ni/ sems can thams cad kyi dbang po rgya mtsho yongs su shes par bya ba'i phyir smon lam 'debs par gyur to| |'gro ba thams cad kyi dbang po dang mos pa ji lta ba bzhin du rnam par dpyad pa la brtson pa'i sems can rnams ni/ thams cad mkhyen pa nyid khong du chud par bya ba'i phyir bsam pa rnam par dag par gyur to/ /sems can rnam pa de lta bu dag gi don rnam pa de lta bu de dag 'grub par 'gyur ba mthong nas rgyal po gzi brjid kyi bdag pos sangs rgyas kyi rnam par 'phrul </font><hr>Cha171a<br><font size=+1>


@#/ /pa dang / chos 'phrul bsam gyis mi khyab pa bstan pas sems can de dag yongs su smin par bya ba dang / gdul ba'i don du rgyal po'i gnas de dag thams cad du de bzhin gshegs pa sku nyi ma dam pa gshegs su gsol to/ /rigs kyi bu/ de la ji snyam du sems/ de'i tshe de'i dus na rgyal po'i bu gzhi brjid kyi bdag po zhes bya bar gyur pa de gzhan zhig yin pa snyam du sems na ni/ khyod kyis de ltar mi blta ste/ bcom ldan 'das de bzhin gshegs pa shAkya thub pa 'di ni/ de'i tshe de'i dus na rgyal po'i bu gzi brjid kyi bdag po zhes bya ba 'khor los bsgyur ba'i rgyal srid la dbang ba/ de bzhin gshegs pa sku nyi ma dam pa la bsnyen bkur byed byed pa de yin no/ /rigs kyi bu| de la ji snyam du sems/ de'i tshe de'i dus na rgyal po nor gyi bdag po gzhon nu gzi brjid kyi bdag po'i yab tu gyur pa de gzhan zhig yin pa snyam du sems na ni/ de ltar mi blta ste| de bzhin gshegs pa rin po che'i me tog gi 'od ces bya ba ni/ de'i tshe de'i dus na rgyal po nor gyi bdag po zhes bya bar gyur pa ste/ da ltar shar phyogs su 'jig rten gyi khams rgya mtsho'i rdul shin tu phra ba snyed kyi 'jig rten gyi khams rgya mtsho'i pha rol gyi 'jig rten gyi khams rgya mtsho chos kyi dbyings nam mkha'i gzugs brnyan gyi sprin ces bya </font><hr>Cha171b<br><font size=+1>


ba na 'jig rten gyi khams kyi rgyud dbu ma dus gsum rab tu snang ba'i rin po che'i rgyal po yongs su 'byung ba'i dbyings zhes bya ba'i 'jig rten gyi khams sangs rgyas kyi 'od kyi dkyil 'khor dpal gyi sgron ma zhes bya ba na snying po byang chub thams cad la dbang ba'i lus rab tu snang ba zhes bya bar bla na med pa yang dag par rdzogs pa'i byang chub tu mngon par sangs rgyas te| sangs rgyas kyi zhing brjod du med pa'i rdul shin tu phra ba snyed kyi byang chub sems dpa'i 'khor gyis bskor cing chos ston to/ /bcom ldan 'das de bzhin gshegs pa rin po che'i 'od ces bya ba des sngon byang chub sems dpa'i spyod pa mdzad pa'i tshe 'jig rten gyi khams rgya mtsho chos kyi dbyings nam mkha'i gzugs brnyan du snang ba'i sprin yongs su dag par mdzad de/ 'jig rten gyi khams rgya mtsho der de bzhin gshegs pa ji snyed cig byung bar gyur pa dang / 'byung ba dang / 'byung bar 'gyur ba de dag thams cad kyang bcom ldan 'das de bzhin gshegs pa rin po che'i me tog gi 'od des sngon byang chub sems dpa'i spyod pa mdzad pa'i tshe bla na med pa yang dag par rdzogs pa'i byang chub tu smin phar mdzad pa sha stag go /rigs kyi bu/ de la ji snyam du sems/ de'i tshe de'i dus na rgyal po'i btsun mo pad+mo dpal gyi snying po 'byung ba zhes bya ba byung ste/ gzhon nu gzi brjid kyi </font><hr>Cha172a<br><font size=+1>


@#/ /bdag po'i yum du gyur pa/ bud med stong phrag brgyad cu rtsa bzhi'i gtso mor gyur pa de gzhan zhig yin pa snyam du sems na ni/ de ltar mi blta ste/ rigs kyi bu| bcom ldan 'das kyi yum lha mo sgyu ma byang chub sems dpa' skyed skyed pa/ rnam par thar pa kun tu snang zhing sgrib pa med pa la rab tu gnas pa/ sngon de bzhin gshegs pas yongs su bsgrubs pa mngon du gyur pa/ byang chub sems dpa'i skye ba thams cad yongs su bstan pa'i tshul la mkhas pa 'di ni/ de'i tshe de'i dus na rgyal po nor gyi bdag po'i btsun mo dam pa pad+mo dpal gyi snying po 'byung ba zhes bya bar gyur to/ /rigs kyi bu/ de la ji snyam du sems/ de'i tshe de'i dus na sbrul tshong ma'i gtso mo blta na sdug pa zhes bya ba byung ba de gzhan zhig yin pa snyam du sems na ni/ de ltar mi blta ste/ shAkya lag na 'khar ba'i chung ma kho mo'i ma mig mdzes zhes bya ba 'di ni/ de'i tshe de'i dus na sbrul tshong ma'i gtso mo blta na sdug pa zhes bya bar gyur to/ /rigs kyi bu/ de la ji snyam du sems/ de'i tshe de'i dus na bu mo dga' ba'i 'od shin tu sbyangs pa zhes bya bar gyur pa de gzhan zhig yin pa snyam du sems na ni/ de ltar mi blta ste/ kho mo ni/ de'i tshe de'i dus na sbrul tshong ma'i bu mo dga' ba'i 'od kyi dpal shin tu sbyangs pa zhes bya bar gyur to/ /rigs kyi bu/ de la </font><hr>Cha172b<br><font size=+1>


ji snyam du sems/ de'i tshe de'i dus na rgyal pa gzi brjid kyi bdag po'i 'khor du gyur pa de rnams gzhan zhig yin pa snyam du sems na ni/ rigs kyi bu/ de ni/ de ltar mi blta ste| bcom ldan 'das kyis byang chub sems dpa' kun tu bzang po'i spyod pa dang / smon lam yongs su rdzogs par bya ba la dgod dgod pa'i byang chub sems dpa'i 'khor gyi dkyil 'khor 'di nyid na 'khod cing / 'jig rten gyi khams thams cad du gzugs brnyan rab tu byung ba'i lus dang / byang chub sems dpa'i ting nge 'dzin thams cad la rnam par spyod pa las ma nyams pa'i sems dang / de bzhin gshegs pa thams cad kyi zhal mngon du mthong bar rnam par dmigs pa'i mig dang / de bzhin gshegs pa thams cad kyi gsung gi yan lag gi sprin nam mkha' dang mnyam pa'i 'khor lo rab tu bsgrags pa'i dbyangs rnam par dmigs pa'i rna ba dang / chos thams cad la rnam par spyad par dbang sgyur ba'i dbugs phyi nang du rgyu ba dang / sangs rgyas kyi zhing thams cad du rjes su grags pa'i ming gi sgra dang / de bzhin gshegs pa thams cad kyi 'khor gyi dkyil 'khor du nye bar 'gro ba rgyun mi gcod pa'i byang chub sems dpa'i lus dang / sems can thams cad la bsam pa ji lta ba bzhin du mngon par ston pa'i lus yongs su smin par bya ba dang / gdul </font><hr>Cha173a<br><font size=+1>


@#/ /ba la rjes su mthun pa mngon par bsgrubs pa dang / byang chub sems dpa' kun tu bzang po'i spyod pa dang / smon lam yongs su rdzogs par bya ba dang / yang dag par sgrub pa phyogs kyi dra ba ma lus pa thams cad du 'dal te/ ma 'ongs pa'i bskal pa thams cad du rgyun mi 'chad pa dang ldan pa sha stag bcom ldan 'das kyi 'khor gyi dkyil 'khor na 'khod pa 'di dag yin no/ /rigs kyi bu/ de bzhin gshegs pa sku nyi ma dam pa de ni/ 'khor los bsgyur ba gzi brjid kyi bdag po dang / kho mos nam bzhugs kyi bar du na bza' dang / bshos dang / gzims cha dang / snyun gyi rkyen sman dang / yo byad kyis bsnyen bkur to/ /rigs kyi bu/ de bzhin gshegs pa sku nyi ma dam pa yongs su mya ngan las 'das pa'i 'og tu 'jig rten gyi khams de nyid du de bzhin gshegs pa sku shin tu dang ba zhes bya ba 'jig rten du byung ste| de yang kho mo cag gis bsnyen bkur to/ /rim gror byas so/ /bsti stang du byas so/ /phu dud du byas so/ /mchod do/ /de'i 'og tu de bzhin gshegs pa sku thams cad la ye shes kyi gzugs brnyan gyi zla ba snang ba zhes bya ba 'jig rten du byung ste/ de yang kho mo cag gis lha'i dbang por gyur te bsnyen bkur to/ /de'i 'og tu de bzhin gshegs </font><hr>Cha173b<br><font size=+1>


pa 'dzam bu chu klung gi gzi brjid kyi rgyal po zhes bya ba bsnyen bkur to/ /de'i 'og tu de bzhin gshegs pa sku mtshan gyis rnam par brgyan pa zhes bya ba bsnyen bkur to/ /de'i 'og tu de bzhin gshegs pa 'od zer sna tshogs 'bar ba'i zla ba zhes bya ba bsnyen bkur to/ /de'i 'og tu de bzhin gshegs pa shin tu rnam par gzigs pa'i ye shes dpal zhes bya ba bsnyen bkur to/ /de'i 'og tu de bzhin gshegs pa ye shes chen po'i 'od zer shin tu yangs pa'i rgyal po zhes bya ba bsnyen bkur to/ /de'i 'og tu de bzhin gshegs pa rdo rje mthu bo che'i brtson 'grus zhes bya ba bsnyen bkur to/ /de'i 'og tu de bzhin gshegs pa ye shes gzhan gyis mi thub pa'i mthu zhes bya ba bsnyen bkur to/ / de'i 'og tu de bzhin gshegs pa kun tu rnam par gzigs pa'i ye shes zhes bya ba bsnyen bkur to/ /de'i 'og tu de bzhin gshegs pa ye shes dri ma med pa phun sum tshogs pa'i sprin zhes bya ba bsnyen bkur to/ /de'i 'og tu de bzhin gshegs pa seng+ge rnam par bsgyings pa'i 'od ces bya ba bsnyen bkur to/ /de'i 'og tu de bzhin gshegs pa 'od zer 'bar ba'i gtsug phud ces bya ba bsnyen bkur to/ /de'i 'og tu de bzhin gshegs pa yon tan 'od zer rgyal mtshan zhes bya ba bsnyen bkur to/ /de'i 'og tu de bzhin gshegs pa ye shes </font><hr>Cha174a<br><font size=+1>


@#/ /nyi ma'i gzi brjid ces bya ba bsnyen bkur to/ /de'i 'og tu de bzhin gshegs pa sku rin po che'i pad+mo shin tu rgyas pa zhes bya ba bsnyen bkur to/ /de'i 'og tu de bzhin gshegs pa bsod nams sgron ma'i rgyal mtshan zhes bya ba bsnyen bkur to/ /de'i 'og tu de bzhin gshegs pa ye shes 'od zer gyi sprin gyi 'od ces bya ba bsnyen bkur to/ /de'i 'og tu de bzhin gshegs pa kun tu rnam par snang ba'i zla ba zhes bya ba bsnyen bkur to/ /de'i 'og tu de bzhin gshegs pa rgyan dang gdugs kyi dbyangs kyi rgyal po zhes bya ba bsnyen bkur to/ /de'i 'og tu de bzhin gshegs pa ye shes snang bas rnam par gnon pa'i seng+ge zhes bya ba bsnyen bkur to/ /de'i 'og tu de bzhin gshegs pa chos kyi dbyings kyi yul gyi blo gros zla ba zhes bya ba bsnyen bkur to/ /de'i 'og tu de bzhin gshegs pa sems can nam mkha'i sems snang ba'i gzugs zhes bya ba bsnyen bkur to| |de'i 'og tu de bzhin gshegs pa rab tu zhi ba'i spos kyi gtsug bzang po zhes bya ba bsnyen bkur to/ /de'i 'og tu de bzhin gshegs pa zhi ba'i dbyangs kun tu bsgrags pa zhes bya ba bsnyen bkur to/ /de'i 'og tu de bzhin gshegs pa ye shes rab tu brtan pa'i 'od zer gyi dra ba'i gzugs kyi phung po zhes bya ba bsnyen bkur to/ /de'i 'og tu </font><hr>Cha174b<br><font size=+1>


de bzhin gshegs pa bdud rtsi'i ri bo'i gzi brjid ces bya ba bsnyen bkur to/ /de'i 'og tu de bzhin gshegs pa chos rgya mtsho'i 'brug sgra sgrog pa'i dbyangs zhes bya ba bsnyen bkur to/ /de'i 'og tu de bzhin gshegs pa sangs rgyas nam mkha' snang ba'i gtsug phud ces bya ba bsnyen bkur to/ /de'i 'og tu de bzhin gshegs pa 'od zer zla ba mdzod spu'i sprin ces bya ba bsnyen bkur to/ /de'i 'og tu de bzhin gshegs pa ye shes kyi zhal shin tu rgyas pa zhes bya ba bsnyen bkur te/ /de'i 'og tu de bzhin gshegs pa ye shes shin tu rnam par dag pa'i me tog snang ba zhes bya ba bsnyen bkur to/ /de'i 'og tu de bzhin gshegs pa rin chen 'od 'phro'i ri bo dpal gyi gzi brjid kyi rgyal po zhes bya ba bsnyen bkur to/ /de'i 'og tu de bzhin gshegs pa yon tan rgya chen po gzi brjid kyi 'od ces bya ba bsnyen bkur to/ /de'i 'og tu de bzhin gshegs pa ting nge 'dzin gyi ri rab mngon par 'phags pa'i ye shes zhes bya ba bsnyen bkur to/ /de'i 'og tu de bzhin gshegs pa rin chen zla ba'i rgyal mtshan zhes bya ba bsnyen bkur to/ /de'i 'og tu de bzhin gshegs pa sku 'od 'phro ba'i dkyil 'khor zhes bya ba bsnyen bkur to/ /de'i 'og tu de bzhin gshegs pa rin chen mchog gi 'od kyi gzi brjid ces bya ba bsnyen bkur to/ /de'i </font><hr>Cha175a<br><font size=+1>


@#/ /'og tu de bzhin gshegs pa ye shes kyi spyod pa kun tu thogs pa med pa zhes bya ba bsnyen bkur to/ /de'i 'og tu de bzhin gshegs pa 'od 'phro rgya mtsho'i sgo'i sgron ma zhes bya ba bsnyen bkur to/ /de'i 'og tu de bzhin gshegs pa rin chen zla ba'i rgyal mtshan zhes bya ba bsnyen bkur to/ /de'i 'og tu de bzhin gshegs pa chos kyi gzhal med khang gi dbyangs kyi rgyal po zhes bya ba bsnyen bkur to/ /de'i 'og tu de bzhin gshegs pa yon tan mi mtshungs grags pa'i rgyal mtshan zhes bya ba bsnyen bkur to/ / de'i 'og tu de bzhin gshegs pa phyag rab tu brkyang ba zhes bya ba bsnyen bkur to/ /de'i 'og tu de bzhin gshegs pa sngon gyi smon lam gyis 'phrul pa'i zla ba zhes bya ba bsnyen bkur to/ /de'i 'og tu de bzhin gshegs pa nam mkha'i ye shes don gyi sgron ma zhes bya ba bsnyen bkur to/ /de'i 'og tu de bzhin gshegs pa chos kyis 'phags pa'i nam mkha'i dbang phyug ces bya ba bsnyen bkur to/ /de'i 'og tu de bzhin gshegs pa rnam par snang mdzad dpal gyi snying po rgyal po zhes bya ba bsnyen bkur to/ /de'i 'og tu de bzhin gshegs pa chos mthu bo che'i dpal zhes bya ba bsnyen bkur to/ /de'i 'og tu de bzhin gshegs pa ye shes dpal zhes bya ba bsnyen bkur to/ /de'i 'og tu de bzhin gshegs pa </font><hr>Cha175b<br><font size=+1>


chos rgya mtsho'i pad+mo zhes bya ba bsnyen bkur to/ /rigs kyi bu/ de ltar de bzhin gshegs pa de dag la sogs pa 'jig rten gyi khams der sangs rgyas bye ba khrag khrig brgya stong phrag drug cu byung ste/ de dag thams cad kho mo cag gis na bza' dang / bshos dang / gzims cha dang / snyun gyi rkyen sman dang / yo byad kyis bsnyen bkur to/ /rim gror byas so/ /bsti stang du byas so/ /phu dud du byas so/ /mchod do/ /rigs kyi bu/ sangs rgyas bye ba khrag khrig brgya stong phrag drug cu po de dag thams cad kyi tha mar de bzhin gshegs pa dgra bcom pa yang dag par rdzogs pa'i sangs rgyas chos rgya chen po la mos pa yang dag par 'byung ba'i gzi brjid ces bya ba byung ste/ bcom ldan 'das de grong khyer du gshegs pa la kho mo rgyal po'i chung mar gyur te khyim thab dang bcas pas de bzhin gshegs pa'i mchod pa'i sgo rnam pa thams cad du bshams pas mchod pa byas nas bcom ldan 'das de las chos kyi rnam grangs de bzhin gshegs pa thams cad skye ba 'byung ba'i sgron ma zhes bya ba thos so/ /de thos nas kho mos ye shes kyi mig rab tu thob ste byang chub sems dpa'i rnam par thar pa byang chub sems dpa'i ting nge 'dzin gyi tshul rgya mtsho thams cad la rnam par lta ba'i yul 'di yang rab tu thob par gyur to/ /rigs kyi bu/ de ltar kho mo rnam par thar pa 'di la sgom zhing / byang chub sems dpa' dang lhan </font><hr>Cha176a<br><font size=+1>


@#/ /cig tu byang chub sems dpa'i spyod pa spyod cing bskal pa sangs rgyas kyi zhing brgya phrag stong gi rdul shin tu phra ba snyed cig tu rgyu rgyu ste/ sangs rgyas kyi zhing de snyed kyi rdul shin tu phra ba snyed kyi bskal pa de dag la de bzhin gshegs pa mtha' dang dbus med pa zhig bsnyen bkur nas bskal pa la la la ni/ de bzhin gshegs pa bskal par bzhugs pa gcig kyang bsnyen bkur to/ /bskal pa la la ni/ de bzhin gshegs pa gnyis kyang bsnyen bkur to/ /bskal pa la la la ni/ de bzhin gshegs pa brjod du med pa'i bar dag kyang bsnyen bkur to/ /bskal pa la la la ni/ de bzhin gshegs pa sangs rgyas kyi zhing gi rdul shin tu phra ba snyed kyang bsnyen bkur to/ /de srid du kho mos byang chub sems dpa'i sku yang tshad ni/ ji tsam zhig /dbyibs ni/ ji lta bu zhig /sku mdog ni/ ji 'dra ba zhig yin pa khong du ma chud do/ /sku'i 'phrin las kyang khong du mchud do/ /gsung gi 'phrin las dang / thugs kyi 'phrin las kyang khong du mchud do/ ye shes kyi gzigs pa dang / ye shes kyi spyod yul dang / ye shes kyi ting nge 'dzin gyi yul yang khong du mchud do/ /rigs kyi bu/ byang chub sems dpa' ji snyed cig gis byang chub sems dpa' byang chub sems dpa'i spyod pa mdzad pa mthong nas byang chub sems dpa' la dga' ba'i sems bskyed de brda sna </font><hr>Cha176b<br><font size=+1>


tshogs dang / bsnyen pa sna tshogs kyis mos pa bskyed par gyur pa de dag thams cad kyang byang chub sems dpa'i 'jig rten dang / 'jig rten las 'das pa'i thabs sna tshogs kyis yongs su bzung ste/ byang chub sems dpa'i 'khor du gyur to/ /de dag kyang byang chub sems dpa' byang chub sems dpa'i spyod pa mdzad pa'i tshe 'khor du 'grogs 'grogs pas bla na med pa yang dag par rdzogs pa'i byang chub las phyir mi ldog par gyur to/ /rigs kyi bu/ de ltar kho mos de bzhin gshegs pa chos rgya chen po la mos pa yang dag par 'byung ba'i gzi brjid kyi zhal mthong ma thag tu byang chub sems dpa'i rnam par thar pa byang chub sems dpa'i ting nge 'dzin gyi tshul rgya mtsho la rnam par lta ba'i yul 'di thob nas rnam par thar pa 'di sgom zhing / byang chub sems dpa' dang / bskal pa sangs rgyas kyi zhing brgya phrag stong gi rdul shin tu phra ba snyed cig tu 'grogs 'grogs te/ bskal pa sangs rgyas kyi zhing brgya'i rdul shin tu phra ba snyed po de dag la de bzhin gshegs pa ji snyed cig byung bar gyur pa de dag thams cad kyang kho mos bsnyen bkur to/ /mchod do/ /rim gror byas so/ /de bzhin gshegs pa de dag thams cad las kyang kho mos chos bstan pa thob ste yongs su blangs so/ /yang dag par bzung ngo / /sangs rgyas bcom ldan 'das de dag thams cad las kyang kho mos rnam par thar pa 'di tshul sna tshogs dang / </font><hr>Cha177a<br><font size=+1>


@#/ /mdo sde'i tshul gyi gsung sna tshogs dang / rnam par thar pa'i rang bzhin sna tshogs dang / rnam par thar pa'i sgo sna tshogs dang / rnam par thar pa'i rgyud sna tshogs dang / dus la 'jug pa sna tshogs dang / zhing rgya mtsho la 'jug pa sna tshogs dang / sangs rgyas blta ba rgya mtsho rnam par dmigs par bya ba sna tshogs dang / de bzhin gshegs pa'i 'khor gyi dkyil 'khor du 'jug pa sna tshogs dang / byang chub sems dpa'i smon lam rgya mtsho'i tshul gyi lam sna tshogs dang / byang chub sems dpa'i spyod pa mngon par sgrub pa sna tshogs dang / byang chub sems dpa'i rnam par thar pa 'byams klas pa sna tshogs kyis thob par gyur kyang byang chub sems dpa'i rnam par thar pa kun tu bzang po'i tshul ni/ khong du mchud do/ /de ci'i phyir zhe na/ byang chub sems dpa' kun tu bzang po rnams kyi rnam par thar pa'i tshul ni/ nam mkha'i dbyings kyis klas par tshad med do/ /sems can gyi ming du bya ba thams cad kyi dbyings ltar tshad med do/ /dus gsum gyi rgyud rgya mtsho'i dbyings ltar tshad med do/ /phyogs rgya mtsho'i dbyings ltar tshad med do/ /chos kyi dbyings kyi tshul rgya mtsho'i dbyings ltar tshad med do/ /rigs kyi bu/ byang chub sems dpa' kun tu bzang po rnams kyi rnam par thar pa'i tshul gyi lus ni/ de bzhin gshegs pa'i yul dang mnyam </font><hr>Cha177b<br><font size=+1>


pa'o| |de ltar rigs kyi bu/ kho mos bskal pa sangs rgyas kyi zhing gi rdul shin tu phra ba snyed cig tu byang chub sems dpa'i sku la lta lta yang blta bas ma ngoms te/ rigs kyi bu/ 'di lta ste| dper na/ gcig tu 'dod chags la spyod pa'i skyes pa dang bud med phan tshun nas 'phrad par dus byas pa gnyis la ni/ sems kyi rgyud tshul bzhin ma yin pa yid la byed pa las byung ba gtsang ba'i 'du shes pa dang / rnam par rtog pas mos pa las byung ba tshad med pa zhig skye'o/ /rigs kyi bu/ de bzhin du kho mo byang chub sems dpa'i sku la lta na/ ba spu'i sgo re re nas kyang 'jig rten gyi khams kyi rgyud 'byams klas pa mtha' dang dbus med pa/ tshad med par shin tu bstan pa/ gzhi sna tshogs dang ldan pa/ mtshams kyi rgyan sna tshogs dang ldan pa| dbyibs sna tshogs dang ldan pa/ ri'i rgyan sna tshogs kyis brgyan pa/ sa'i gzhi'i rgyan sna tshogs bstan du yod pa/ sprin sna tshogs dang ldan pa'i nam mkha' kun nas khyab pa'i rgyan dang ldan pa/ tshul dang / ming dang / grangs sna tshogs su brjod pa/ sangs rgyas 'byung ba dang / de bzhin gshegs pa'i rgyud sna tshogs 'byung ba/ snying po byang chub kyi rgyan sna tshogs kyis brgyan pa/ de bzhin gshegs pa chos kyi 'khor lo bskor ba'i rnam par 'phrul pa sna tshogs dang ldan pa/ de bzhin gshegs pa'i 'khor gyi dkyil 'khor gyi rgyan </font><hr>Cha178a<br><font size=+1>


@#/ /sna tshogs dang ldan pa/ mdo sde'i tshul sna tshogs shin tu bstan pa'i sgra 'byung ba/ theg pa'i tshul sna tshogs mngon par sgrub pa 'byung ba dang ldan pa / yongs su dag pa'i 'od dang / snang ba sna tshogs kyis rab tu snang pa/ mtshan ma sngon chad ma mthong ba dag sems kyi skad cig re re zhing mig lam du snang ngo / /ba spu'i sgo re re nas kyang sangs rgyas rgya mtsho mtha' dang dbus med pa'i snying po byang chub kyi rgyan sna tshogs mnga' ba/ chos kyi 'khor lo bskor ba'i rnam par 'phrul pa sna tshogs dang ldan pa/ mdo sde'i tshul sna tshogs sgrog pa'i rnam par 'phrul pa dang ldan pa dag kyang rgyun mi 'chad pa'i tshul du sems kyi skad cig re re la mig lam du snang ngo / /ba spu'i sgo re re nas kyang sems can rgya mtsho mtha' dang dbus med pa khyim dang / kun dga'i ra ba dang / ri dang / gzhal med khang dang / chu klung dang / rgya mtsho la gnas pa gzugs dang / lus sna tshogs can/ longs spyod kyi yul sna tshogs dang ldan pa/ spyod pa dang / spyod yul dang / sbyor ba sna tshogs dang ldan pa/ dbang po sna tshogs su grub pa'i tshul dang ldan pa dag kyang sems kyi skad cig re re la mig lam du snang ngo / /ba spu'i sgo re re nas kyang dus gsum rgya mtsho la 'jug pa'i tshul mtha' dang dbus med pa zhig mig lam du snang ngo / /byang chub sems dpa'i smon lam rgya mtsho </font><hr>Cha178b<br><font size=+1>


mtha' dang dbus med pa zhig ni/ rnam par dag par 'gyur ro/ /byang chub sems dpa'i spyod pa rnam pa tha dad pa rgya mtsho mtha' dang dbus med pa dag kyang yongs su snang ngo / /byang chub sems dpa'i pha rol tu phyin pa'i tshul rgya mtsho yongs su dag pa mtha' dang dbus med pa dag kyang yongs su snang ngo / /byang chub sems dpa'i sngon gyi sbyor ba rgya mtsho mtha' dang dbus med pa dag kyang yongs su snang ngo / /sangs rgyas kyi zhing yongs su dag par bya ba'i tshul rgya mtsho mtha' dang dbus med pa dag kyang yongs su snang ngo / /byang chub sems dpa'i byams pa chen po'i tshul rgya mtsho mtha' dang dbus med pa dag kyang yongs su snang ngo / /sems can thams cad yongs su smin par bya ba dang / gdul ba'i mthu dang / thabs rgya mtsho dag la'ang 'jug cing khong du chud do/ /byang chub sems dpa'i snying rje chen po'i sprin gyi tshul rgya mtsho mtha' dang dbus med pa dag kyang yongs su 'grub bo/ /byang chub sems dpa'i dga' ba'i shugs chen po rgya mtsho mtha' dang dbus med pa dag kyang rnam par 'phel te/ sems kyi skad cig re re la yang sems can thams cad yongs su bsdu ba'i tshul rgya mtsho mtha' dang dbus med pa dag kyang rab tu 'grub bo/ /rigs kyi bu/ de ltar kho mo bskal pa sangs rgyas kyi zhing brgya'i rdul shin tu phra ba snyed dag tu byang chub sems dpa'i ba spu'i sgo re re zhing sems kyi skad cig re re </font><hr>Cha179a<br><font size=+1>


@#/ /la chos kyi tshul rgya mtsho mtha' dang dbus med pa la zhugs te/ khong du chud par byas kyang mthar thug par ma gyur te sngon khong du chud pa la bzlas te khong du chud par byas pa'ang med do/ /sngon thob pa las bzlas te thob par byas pa'ang med do/ /rigs kyi bu/ de ltar don thams cad grub pa btsun mo'i 'khor gyi nang na bzhugs shing / bud med kyi tshogs kyis yongs su bskor bar bzhugs pa'i tshe'ang kho mo ni/ ba spu'i sgo re re nas kyang dus gsum gyi tshul rgya mtsho mtha' dang dbus med pa la chos kyi dbyings la 'jug pa'i tshul rgya mtsho khong du chud par bya bas yongs su 'jug go /rigs kyi bu/ kho mos byang chub sems dpa'i rnam par thar pa byang chub sems dpa'i ting nge 'dzin gyi tshul rgya mtsho thams cad la rnam par lta ba'i yul 'di shes te mnyam par gzhog par zad na/ kho mos byang chub sems dpa' thabs kyi tshul rgya mtsho mtha' dang dbus med pa la zhugs pa/ sems can thams cad dang mnyam zhing 'dra ba'i dbyibs su gnas pa'i lus rnam par dmigs pa yongs su ston pa/ 'gro ba thams cad kyi bsam pa dang mthun par spyod pa yongs su ston pa/ ba spu'i sgo thams cad nas kha dog mtha' yas pa'i sprul pa'i sprin rab tu 'gyed pa/ lus med pa'i chos nyid kyi ngo bo nyid kyi rang bzhin shin tu rnam par dag pa/ nam mkha'i </font><hr>Cha179b<br><font size=+1>


mtshan nyid du 'gro ba'i rang bzhin khong du chud pas rnam par rtog pa med pa/ thams cad du rjes su song ba'i blo rnam par gdon mi za bas de bzhin gshegs pa dang mnyam par rnam par 'phrul pa la brtson pa/ rnam par thar pa'i yul mtha' dang dbus med pas rnam par 'phrul pa la zhugs pa/ chos kyi dbyings shin tu rgya chen por sems bskyed pas 'jug pa la rnam par spyod cing dbang sgyur ba/ chos kyi gnas sgo thams cad dang ldan pa'i rnam par thar pa rgya mtsho la rnam par rtse ba de dag gi spyod pa shes pa'am/ yon tan gyi gter ma lus par bstan par nus re skan/ song rigs kyi bu/ bcom ldan 'das rnam par snang mdzad kyi zhabs kyi drung 'di nyid na khri rin po che sna tshogs kyi rgyan dang ldan pa/ nor bu rin po che'i rgyal po pad+mo'i snying po can la byang chub sems dpa'i yum lha mo sgyu ma zhes bya ba 'dug gi /de'i gan du song la/ ji ltar byang chub sems dpa'i spyad pa spyod pa'i byang chub sems dpa' rnams 'jig rten gyi chos kyi dri ma thams cad kyis mi gos pa yin pa dang / de bzhin gshegs pa mchod pa'i nan tan la rgyun mi 'chad pa yin pa dang / byang chub sems dpa'i las kyi mtha' thams cad las phyir mi ldog pa yin pa dang / byang chub sems dpa'i rnam par thar pa la 'jug pa la sgrib pa thams cad dang bral bar 'gyur ba yin pa dang / byang chub sems dpa'i rnam par spyod </font><hr>Cha180a<br><font size=+1>


@#/ /pa thams cad la gzhan gyi dring mi 'jog pa yin pa dang / de bzhin gshegs pa thams cad dang mngon du gyur par gnas pa yin pa dang / sems can thams cad yongs su bsdu ba'i nan tan las phyir mi ldog pa yin pa dang / phyi ma'i mtha'i mur thug pa'i bskal par byang chub sems dpa'i spyod pa thams cad la gnas par bya ba las phyir mi ldog pa yin pa dang / theg pa chen po'i smon lam las phyir mi ldog pa yin pa dang / 'gro ba thams cad kyi dge ba'i rtsa ba yongs su gzung ba dang / rnam par spel ba la sgyid lug par mi 'gyur pa yin pa dris shig /de nas shAkya'i bu mo go pas rnam par thar pa'i sgo'i tshul 'di nyid yongs su bstan pa'i phyir sangs rgyas kyi byin gyi rlabs kyis de'i tshe tshigs su bcad pa 'di dag smras so/ /yang dag byang chub spyod la brtson pa yi/ /sems can dam pa sems can sus mthong ba/ /mos pa'i sems can khong khro ldan yang rung / /de yi bsdu bas kun kyang yongs su 'du| |zhing brgya'i rdul phran rab tu phra snyed kyi/ /bskal pa mang po kho mos 'di nas dran/ /de yi pha rol bskal pa rnam brgyan la/ /'jig rten khams rab ri bo'i 'od byung ngo / /de la thub pa stong phrag bgrangs pa ni/ /bye ba khrag khrig sum cu drug byung ste/ /de kun tha mar thub dbang byung ba ni/ /'gro ba'i sgron ma chos kyi rgyal mtshan no/ /de tshe rgyal po dpal gyi gzi brjid byung // </font><hr>Cha180b<br><font size=+1>


thub dbang de ni mya ngan yongs 'das nas/ /dgra yi 'khor bcom 'dzam bu'i rgyal mtshan 'dir/ /bka' la thogs med mnga' bdag dam par gyur/ /de la bu ni brgya phrag lnga yod do/ /kun kyang dpa' zhing rtul bod gzugs dang ldan/ /yan lag kun rdzogs rnam par dag pa'i lus/ /gong na med pa'i dpal gyis rab tu brgyan/ /rgyal po sras bcas bde gshegs 'dun par gyur| |rgyal ba'i mchod pa rgya chen rab kyang byas/ /de ni rtag tu dam chos yongs bzung ba'i/ /chos la mngon brtson rab tu brtan par gyur/ /rgyal po de sras 'od zer bzang po ni/ /sems can rnam dag gzhon nu 'khrungs gyur pa/ /shin tu blta mdzes yid 'ong gzugs ldan te/ /yan lag mtshan rab sum cu rtsa gnyis brgyan/ /rgyal srid yongs su spangs nas mi yi 'khor/ /bye ba lngas bskor de tshe rab tu byung / /rab tu byung nas brtson 'grus brtan ldan te/ /rgyal po'i chos kyang yongs su bzung bar gyur/ /pho brang dam pa sdong po ldan pa ni/ /grong mchog bye ba stong gis kun nas bskor/ /nags tshal yal ga sna tshogs der byung ba/ /rab tu sgra zhi bla na med pa'i dpal/ /de ni 'od bzang brtul zhugs rab ldan pa/ /'jigs med shes rab spobs dang ldan pa bzhugs/ /des ni sems can nyon mongs sbyangs pa'i phyir/ /rgyal ba'i chos kyang yongs su bstan pa mdzad/ /shes rab ldan pa de ni bsod snyoms la/ /spyod lam mdzes </font><hr>Cha181a<br><font size=+1>


@#/ /shing cha byad zhi ba dang / /mi g.yeng spyan gyis dgongs pa mkhyen bzhin du/ /tshul zab bstan par bzhud pas grong du byon/ /grong mchog dga' ba'i rgyal mtshan zhes bya bar/ /tshong dpon legs pa'i snyan grags der byung ste/ /kho mo de yi bu mo yid 'ong gyur/ /gzugs mdzes ldan te nyi ma'i 'od ces bya/ /khyim gyi dam pa de yi sgo gnas su/ /'od zer bzang po 'khor bcas kho mos mthong / /yan lag mtshan brgyan shin tu mdzes pa ste/ /de la kho mo mos pa mchog cig skyes/ /de ni kho mo'i khyim gyi sgor byon nas/ /nor bu de yi lhung bzed nang du gsol/ /rgyan rnams kun kyang bkrol te mos sems kyis/ /shin tu 'dun par de la bdag gis phul/ /bde gshegs sras po 'od zer bzang dpal la/ /'dod chags sems kyis mchod pa rnams bsgrubs pas/ /bskal pa'i dam pa nyis brgya lnga bcur yang / /ngan song gang du'ang song bar ma gyur to/ /lha yi yul du lha rigs ldan par skyes/ /mi yi yul du rgyal po'i sras mor gyur/ /kha dog mtha' yas sku yi mdog mnga' bas/ /kun tu kho mo mngon par zhal yang bstan/ bskal pa nyis brgya la bcu 'das gyur nas/ /sbrul tshong gtso mo blta na sdug pa ste/ /mi 'jigs byed pa'i bu mor skyes par gyur/ /de tshe </font><hr>Cha181b<br><font size=+1>


shin tu sbyangs zhes bya ba yin/ /rgyal bu gzi brjid 'od kyis bdag mthong nas/ /kho mos de la dga' bas mchod pa byas/ /bdag nyid de la yongs su dbul byas nas/ /kho mo de yi dbang gyur chung mar gyur/ /drang srong chen po sku mchog nyi ma la'ang / /bdag cag bsdongs te legs par mchod pa byas/ /mos pas sangs rgyas de yi zhal bltas nas/ /bdag gis byang chub mchog tu sems kyang bskyed/ /rgyal ba bye ba drug cu tshang ba yang / /bskal pa de la kho mos rim gro byas/ /rgyal ba de dag tha ma'i dus kyi tshe/ /sangs rgyas mos pa'i gzi brjid byung bar gyur/ /der ni kho mo'i chos mig rnam par dag /chos kyi rang bzhin bdag gis khong du chud/ /tshul min rnam rtog rab tu zhi bar gyur/ /de tshe tshun chad kho mos snang ba thob / rgyal sras rnams kyi ting nge 'dzin gyi yang / /de phyi tshun chad rnam par mthong bar gyur/ /sems kyi skad cig gcig gis rgya mtsho'i zhing / /bsam las rnam 'das phyogs su kho mo 'jug / phyogs rnams kun gyi sna tshogs rnam dag pa'i/ /zhing rnams tshad med rmang byung kho mos mthong / /mthong yang de dag la ni chags pa med/ /nyon mongs bcas la'ang khong khro sdang ba'ang med/ /zhing rnams de dag ma lus thams cad kyi/ /snying po byang chub sangs rgyas ma lus mthong / /de dag 'od kyi rgya mtsho tshad med pa'ang / /sems kyi skad cig gcig gis </font><hr>Cha182a<br><font size=+1>


@#/ /rnam par lta/ /de dag 'khor gyi dkyil 'khor rgya mtsho yang / /sems gcig thogs pa med pas khong du chud/ /rnam par thar pa tshad med thams cad dang / /de dag ting 'dzin ma lus de bzhin gshegs/ /de dag spyod pa yangs pa'ang khong du chud/ /sa tshul ma lus kun kyang kho mos shes/ /smon lam grangs med rgya mtsho chen po yang / /skad cig re res mtha' yas khong du chud/ /bskal pa mtha' yas spyad pa spyod byed cing / /skyes bu dam pa'i sku la lta lta ste/ /de yi ba spu re re rnam 'phrul pa'ang / /nam yang mur phyin bdag gis ma nus so/ /de yi ba spu gcig gi rtse la yang / /zhing mang rgya mtsho grangs las 'das pa mthong / /rlung gi phung po chu bo chen po dang / /sa yi lhun rnams me yis yongs gang mthong / /gzhi rnam sna tshogs rnam phye'i gzugs ldan zhing / /dbyibs tshul sna tshogs khong du chud bya ba| |dbyibs dang lus kyi rnam pa sna tshogs shing / /lus dang rnam pa mtha' yas gzugs ldan pa'i/ /brjod yas khams rnams zhing rnams rgya mtsho dag / tshad med rnams su tha dad gsal bar mthong / /chos kyi gsung gis 'gro ba gdul don du/ /brtson pa'i rgyal ba de nyid bzhugs pa mthong / /bskal par spyod pa </font><hr>Cha182b<br><font size=+1>


yangs pa spyod pa'i tshe/ /sku yi 'phrin las kho mos de ma shes/ /gsung dang thugs min de gnyis 'phrin las min/ /rdzu 'phrul rnam 'phrul tha dad tshul ma shes/ /de nas tshong dpon gyi bu nor bzang gis shAkya'i bu mo go pa'i rkang pa gnyis la spyi bos phyag 'tshal te shAkya'i bu mo go pa la lan brgya stong du mar g.yas phyogs su bskor ba byas nas yang bltas te shAkya'i bu mo go pa'i drung nas song ngo // //shin tu rgyas pa chen po'i mdo/ sangs rgyas phal po che zhes bya ba las/ sdong pos brgyan pa'i le'u ste/ /bam po brgya dgu pa/ de nas tshong dpon gyi bu nor bzang lha mo sgyu ma'i gan du 'gro bar mngon du bltas nas sangs rgyas kyi spyod yul gyi rgyud kyi ye shes la zhugs pa des 'di snyam du bsam mo/ /bdag gis dge ba'i bshes gnyen 'jig rten thams cad las gyen du 'phags pa'i skye mched drug dang ldan pa/ gnas med pa la rab tu gnas pa/ chags pa thams cad las yang dag par 'das pa'i lus dang ldan pa/ chags pa med par 'gro ba'i lam du zhugs pa / chos kyi lus shin tu rnam par dag pa/ lus kyi lam sgyu mas legs par sprul pa'i lus dang ldan pa/ ye shes sgyu ma'i rnam par 'jig rten na rnam par spyod pa/ smon lam sgyu ma'i </font><hr>Cha183a<br><font size=+1>


@#/ /gzugs dang lus su ldan pa/ sangs rgyas kyi byin gyi rlabs yid kyi rang bzhin gyi lus dang ldan pa/ ma skyes ma 'gag pa'i lus dang ldan pa| 'ong ba med pa'i lus dang ldan pa/ bden pa med pa dang rdzun pa med pa'i lus dang ldan pa/ ma 'phos ma zhig pa'i lus dang ldan pa/ ma byung mi 'jig pa'i lus dang ldan pa/ mtshan nyid med par mtshan nyid gcig pa'i lus dang ldan pa/ gnyis la chags pa dang bral ba'i lus dang ldan pa/ kun gzhi med pa la gnas pa'i lus dang ldan pa/ mi zad cing nyams pa med pa'i lus dang ldan pa/ gzugs brnyan ltar rnam par rtog pa med pa'i lus dang ldan pa/ rmi lam dang mnyam par rnam par rgyu ba'i lus dang ldan pa/ me long gi dkyil 'khor ltar 'pho ba med pa'i lus dang ldan pa/ phyogs med pa ltar rab tu zhi ba khong du chud pa'i lus dang ldan pa/ /phyogs kun tu rgyas par 'gengs pa'i lus dang ldan pa/ dus gsum du tha mi dad pa'i lus dang ldan pa/ lus med pa'i sems kyi lus rnam par mi rtog pa'i lus dang ldan pa/ 'jig rten thams cad kyi mig gi lam las yongs su 'das pa'i lus dang ldan pa/ kun tu bzang po'i mig </font><hr>Cha183b<br><font size=+1>


gi rgyud kyis rnam par shes par bya bas 'dul ba'i lus dang ldan pa/ chags pa med pa nam mkha'i spyod yul dang ldan pa rnams mthong bar bya ba'am/ bsnyen bkur bar bya ba'am/ mngon sum du 'phrad par bya ba'am/ 'grogs par bya ba'am/ mtshan ma gzung bar bya ba'am/ dbyangs kyi dkyil 'khor rnam par rig par bya ba'am/ tshig gi rgyud yongs su shes par bya ba'am/ gdams ngag yongs su gzung bar bya bar thabs ji lta bu zhig tu nus par 'gyur snyam nas de ltar sems shing yid la byed pa la brtson par gnas pa'i tshe grong khyer gyi lha mo rin chen mig ces bya ba/ nam mkha'i lha mo'i tshogs kyis yongs su bskor ba zhig gis bdag gi lus rgyan sna tshogs kyis yongs su brgyan pa/ bdag gi lus rgyan gyis rnam par klubs par nam mkha' la 'dug par nye bar bstan nas lha rdzas kyi me tog rnam pa dang / kha dog du ma can snyim pa nas mngon par gtor te tshong dpon gyi bu nor bzang la 'di skad ces smras so/ /rigs kyi bu| khyod kyis 'khor ba'i yid la dga' bar mi gnas pas sems kyi grong khyer yongs su srung ba la brtson par gyis shig /rigs kyi bu/ khyod kyis de </font><hr>Cha184a<br><font size=+1>


@#/ /bzhin gshegs pa'i stobs bcu la dmigs pas sems kyi grong khyer brgyan pa la brtson par gyis shig /rigs kyi bu /khyod kyis phrag dog dang / ser sna dang / g.yo dang bral bas sems kyi grong khyer yongs su sbyangs pa la brtson par gyis shig /rigs kyi bu/ khyod kyis chos thams cad kyi rang bzhin nges par rtogs par bya bas sems kyi grong khyer gyi yongs su gdung ba rab tu zhi bar bya ba la brtson par gyis shig /rigs kyi bu/ khyod kyis thams cad mkhyen pa nyid kyi tshogs la brtson 'grus chen po'i shugs rnam par spel bas sems kyi grong khyer rnam par spel ba la brtson par gyis shig /rigs kyi bu/ khyod kyis ting nge 'dzin dang / snyoms par 'jug pa dang / bsam gtan dang / rnam par thar pa dang / chos kyi gzhal med khang yangs pa'i rnam par spyod pa la dbang sgyur bas sems kyi grong khyer dang / gnas kyi mdzod brgyan pa dang / srung ba la brtson par gyis shig /rigs kyi bu| khyod kyis de bzhin gshegs pa thams cad kyi 'khor gyi dkyil 'khor yang dag par sgrub pa'i sa thams cad kyi shes rab kyi pha rol tu phyin pa rab tu </font><hr>Cha184b<br><font size=+1>


thob par 'tshal bas sems kyi grong khyer snang bar bya ba la brtson par gyis shig /rigs kyi bu/ khyod kyis de bzhin gshegs pa thams cad yang dag par byung ba'i thabs kyi lam gyis rang gi sems kyi grong khyer du gzhol bar bya bas sems kyi grong khyer nye bar brtan pa la brtson par gyis shig /rigs kyi bu/ khyod kyis byang chub sems dpa' kun tu bzang po'i spyod pa dang / smon lam mngon par sgrub pa'i sems rnam par dag pas sems kyi grong khyer gyi ra ba brtan pa mngon par sgrub par gyis shig /rigs kyi bu/ khyod kyis nyon mongs pa dang / bdud kyi ris kyi sdig to'i grogs po dang / bdud kyi 'khor gyis mi chom par bya bas sems kyi grong khyer rgal dka' ba dang / bshig par dka' ba mngon par sgrub pa la brtson par gyis shig /rigs kyi bu/ khyod kyis sems can thams cad de bzhin gshegs pa'i ye shes snang bas khong du chud par bya ba'i phyir sems kyi grong khyer snang bar bya ba la brtson par gyis shig /rigs kyi bu/ khyod kyis de bzhin gshegs pa thams cad kyi chos kyi sprin gyi char yongs su bzung bas sems kyi grong khyer mngon par brlan pa la brtson par gyis shig /rigs kyi bu/ khyod </font><hr>Cha185a<br><font size=+1>


@#/ /kyis de bzhin gshegs pa thams cad kyi bsod nams rgya mtsho rang gi sems kyis yang dag par blangs pas sems kyi grong khyer brtan pa la brtson par gyis shig /rigs kyi bu/ khyod kyis byams pa chen pos 'gro ba thams cad rgyas par dgang bas sems kyi grong khyer rab tu rgyas par bya ba la brtson par gyis shig /rigs kyi bu/ khyod kyis mi dge ba'i chos kyi gnyen po chos kyi gdugs yangs par sgrub pas sems kyi grong khyer yongs su dag pa la brtson par gyis shig /rigs kyi bu/ khyod kyis snying rje chen po shin tu yangs pas 'gro ba thams cad kyi don du sems g.yo par bya bas sems kyi grong khyer rab tu bskyob pa la brtson par gyis shig /rigs kyi bu/ khyod kyis phyi nang gi dngos po 'gro ba thams cad la yongs su bstan pa'i phyir sems kyi grong khyer gyi sgo dbye ba la brtson par gyis shig /rigs kyi bu/ khyod kyis 'khor ba'i yul thams cad la dga' ba las phyin phyogs su blta bas sems kyi grong khyer rnam par dag par bya ba la brtson par gyis shig /rigs kyi bu/ khyod kyis mi dge ba'i chos kyi rgyud thams cad mi srid par bya </font><hr>Cha185b<br><font size=+1>


bas sems kyi grong khyer gyi srog rab tu mkhrang ba mngon par sgrub pa la brtson par gyis shig /rigs kyi bu/ khyod kyis thams cad mkhyen pa nyid kyi tshogs yang dag par sgrub pa'i brtson 'grus las phyir mi ldog par bya bas sems kyi grong khyer brtan par bya ba la brtson par gyis shig /rigs kyi bu/ khyod kyis dus gsum gyi de bzhin gshegs pa'i dkyil 'khor thams cad dran pa shin tu snang bar byas pas sems kyi grong khyer rab tu gsal bar bya ba la brtson par gyis shig / rigs kyi bu/ khyod kyis de bzhin gshegs pa thams cad kyi chos kyi 'khor lo'i mdo sde sna tshogs kyi chos kyi sgo rab tu dbye ba'i ye shes la mngon par mkhas par bya bas sems kyi grong khyer rnam par dbye ba'i tshul la mkhas par gyis shig /rigs kyi bu/ khyod kyis 'gro ba thams cad mngon sum du gnas pa'i thams cad mkhyen pa'i sgo dang / lam gyi tshul yongs su brtan pa'i phyir sems kyi grong khyer dmigs par bya ba la brtson par gyis shig /rigs kyi bu/ khyod kyis dus gsum gyi de bzhin gshegs pa thams cad kyi smon lam rgya mtsho rang gi smon lam du mngon par sgrub pa rnam par dag par bya ba'i phyir sems kyi grong </font><hr>Cha186a<br><font size=+1>


@#/ /khyer byin gyis brlab pa'i tshul la mkhas par gyis shig /rigs kyi bu/ khyod kyis chos kyi dbyings thams cad du bsod nams dang / ye shes kyi tshogs rgya chen po rnam par spel bas sems kyi grong khyer gyi tshogs kyi mthu rnam par 'phel bar bya ba'i thabs la mkhas par gyis shig /rigs kyi bu/ khyod kyis sems can thams cad kyi sems dang / bsam pa dang / dbang po dang / mos pa dang / kun nas nyon mongs pa dang / rnam par byang ba shes par bya bas sems kyi grong khyer nas 'od kun tu dgye ba'i thabs la mkhas par gyis shig /rigs kyi bu/ khyod kyis chos kyi dbyings kyi tshul thams cad yang dag par bsdu bas sems kyi grong khyer du dbang sgyur ba'i tshul la mkhas par gyis shig /rigs kyi bu/ khyod kyis de bzhin gshegs pa thams cad dran zhing snang bar bya bas sems kyi grong khyer 'od gsal bar bya ba la brtson par gyis shig /rigs kyi bu/ khyod kyis lus med pa'i chos kyi tshul thams cad khong du chud par bya bas sems kyi grong khyer gyi rang bzhin yongs su shes par bya ba la brtson par gyis shig /rigs kyi bu/ khyod kyis thams cad mkhyen pa'i chos kyi grong khyer du 'gro bar bya bas sems kyi grong khyer sgyu ma lta </font><hr>Cha186b<br><font size=+1>


bur brtag pa la brtson par gyis shig /rigs kyi bu/ khyod kyis de ltar sems kyi grong khyer yongs su sbyangs pa la brtson pa'i byang chub sems dpa'i dge ba'i rtsa ba thams cad yongs su sgrub pa thob par nus so/ /de ci'i phyir zhe na/ de ltar sems kyi grong khyar yongs su dag pa'i byang chub sems dpa' de'i mdun na ni/ sangs rgyas mthong bar bya ba la sgrib pa'am/ chos mnyan par bya ba la sgrib pa'am/ de bzhin gshegs pa mchod cing rim gror bya ba la sgrib pa'am/ sems can yongs su bsdu ba'i sbyor ba la sgrib pa dang / sangs rgyas kyi zhing yongs su dag par bya ba la sgrib pa yang rung ste/ sgrib pa thams cad mi gnas so/ /rigs kyi bu/ sgrib pa thams cad dang bral ba'i sems dang / lhag pa'i bsam par dge ba'i bshes gnyen yongs su btsal ba la mngon par brtson pa'i byang chub sems dpas ni/ las gron chung dus dge ba'i bshes gnyen mthong bar 'gyur te/ rigs kyi bu| dge ba'i bshes gnyen la rag las pa yang byang chub sems dpa' rnams kyi thams cad mkhyen pa nyid do/ /de nas lus kyi ris su gtogs pa'i lha mo chos kyi pad+mo dpal gyi dkyil 'khor ces bya ba dang / ngo tsha shes pa'i dpal gyi dog pa'i 'od ces bya ba gnyis shig lha mo'i tshogs tshad med pas yongs su bskor nas lha mo sgyu ma'i legs pa rjod </font><hr>Cha187a<br><font size=+1>


@#/ /cing snying po byang chub nas thon te tshong dpon gyi bu nor bzang gi mdun gyi nam mkha' la 'khod nas rang rang gi rin po che'i rna cha las 'od zer gyi dra ba rin po che'i kha dog tu 'dug pa du ma dang / spos dang / bdug pa dri ma med pa 'od 'phro ba'i kha dog tu 'dug pa du ma dang / sems dang / bsam pa mos par byed pa'i kha dog dang| sems kyi dga' ba'i shugs rnam par 'phel bar byed pa'i kha dog dang / lus kyi gdung ba sim par byed pa'i kha dog dang / lus rnam par dag pa yongs su ston pa'i kha dog dang / lus kyi mthu thogs pa med par 'byung ba'i yul dang ldan pa'i 'od zer gyi dra ba mang po bkye bas/ zhing rgya chen po snang bar byas nas tshong dpon gyi bu nor bzang la de bzhin gshegs pa thams cad kyi sku thams cad du khyab pa thams cad la mngon du gyur pa yongs su bstan nas 'jig rten thams cad la g.yas phyogs su bskar ba byas te tshong dpon gyi bu nor bzang gi spyi bo'i gtsug tu shar nas spyi bo'i gtsug man chad ba spu'i bu ga thams cad du zhugs te lus kun tu khyab par gyur to| |de ltar lha mo de dag gi 'od zer gyis tshong dpon gyi bu nor bzang la phog ma thag tu de'i mod la mun pa thams cad dang mi gnas pa'i mig rdul dang bral ba'i 'od </font><hr>Cha187b<br><font size=+1>


snang ba zhes bya ba thob par gyur to/ /sems can gyi rang bzhin khong du chud par byed pa'i mig rab rib dang bral ba'i 'od snang ba zhes bya ba thob par gyur to/ /sems can gyi rang bzhin khong du chud par byed pa'i mig rab rib dang bral ba zhes bya ba thob par gyur to/ /chos thams cad kyi rang bzhin gyi dkyil 'khor la rnam par lta ba'i mig rdul dang bral bas dbang bsgyur ba zhes bya ba thob par gyur to/ /zhing thams cad la rnam par lta ba'i mig rnam par dag pa la dbang bsgyur ba zhes bya ba thob par gyur to/ /de bzhin gshegs pa thams cad kyi chos kyi sku la rnam par lta ba'i mig rnam par snang ba zhes bya ba thob par gyur to/ /de bzhin gshegs pa'i gzugs kyi sku yongs su grub pa rnam par phye ba bsam gyis mi khyab pa la rnam par lta ba'i mig rnam par dag pa'i blo gros zhes bya ba thob par gyur to/ /zhing rgya mtsho 'byams klas pa thams cad kyi 'jig rten gyi khams 'byung ba dang / 'jig pa rnam par phye ba la rnam par lta ba'i mig chags pa med pa'i 'od ces bya ba thob par gyur to/ /de bzhin gshegs pa thams cad kyi chos kyi 'khor lo'i mdo sde'i tshul mngon par sgrub pa'i phyogs la rnam par lta ba'i mig kun tu snang ba zhes bya ba thob par gyur to/ /sangs rgyas kyi rnam par 'phrul pa dang / sems can 'dul ba'i byin </font><hr>Cha188a<br><font size=+1>


@#/ /gyi rlabs la rnam par lta ba'i mig kun nas yul du 'gyur ba zhes bya ba thob par gyur to/ /sangs rgyas kyi zhing thams cad du byung ba'i sangs rgyas skyes pa la rnam par lta ba'i mig kun tu lta ba zhes bya ba thob par gyur to/ /de nas byang chub sems dpa' yang dag par 'gro ba'i khang pa'i sgo srung srin po'i dbang po srin po stong phrag bcu'i gtso bo mig bzang zhes bya ba chang mar bcas/ bu dang bcas/ rang gi gnyen bshes dang 'khor du bcas pas tshong dpon gyi bu nor bzang la me tog kha dog sna tshogs yid du 'ong bas mngon par gtor te 'di skad ces smras so/ /rigs kyi bu/ chos bcu dang ldan pa'i byang chub sems dpas ni/ dge ba'i bshes gnyen thams cad dang nye bar bsnyen pa yin te/ bcu gang zhe na/ 'di ltar bsam pa yongs su dag pa g.yo dang sgyu med pa dang / 'gro ba thams cad yongs su sdud pa la tha mi dad pa'i snying rje chen po dang / sems can thams cad la sems can med pa'i rang bzhin nges par rtsogs pa'i rab tu rtog pa dang / lhag pa'i bsam pa'i stobs thams cad mkhyen par 'gro ba las phyir mi ldog pa dang / de bzhin gshegs pa'i dkyil 'khor la mngon par 'dun pa'i mos pa'i stobs dang / chos thams </font><hr>Cha188b<br><font size=+1>


cad kyi rang bzhin dri ma med pas rnam par dag pa'i mig dang / sems can gyi dkyil 'khor thams cad la tha mi dad pa'i byams pa chen po dang / sgrib pa thams cad rnam par 'thor ba'i ye shes kyi snang ba dang / 'khor ba'i sdug bsngal thams cad kyi gnyen po gdugs su gyur pa'i chos kyi sprin chen po dang / chos kyi dbyings kyi rgyud thams cad la rab tu zhugs shing dge ba'i bshes gnyen gyi rjes su 'brang ba mngon du gyur pa'i ye shes kyi mig ste/ rigs kyi bu/ chos bcu po de dag dang ldan pa'i byang chub sems dpa' ni/ dge ba'i bshes gnyen thams cad dang nye bar bsnyen pa yin no/ /ting nge 'dzin la nges par gzhag pa'i sgo bcus rnam par lta ba'i byang chub sems dpa' ni/ dge ba'i bshes gnyen thams cad dang mngon du gyur pa 'thob pa yin te/ bcu gang zhe na/ ting nge 'dzin la nges par gzhag pa'i sgo chos thams cad nam mkha' ltar rdul dang bral bar rnam par dpyod pa'i dkyil 'khor dang / ting nge 'dzin la nges par gzhag pa'i sgo phyogs rgya mtsho thams cad mngon du gyur pa'i mig dang / ting nge 'dzin la nges par gzhag pa'i sgo dmigs pa thams cad la rnam par mi rtog rnam par mi dpyod pa dang / ting nge 'dzin la nges par gzhag pa'i sgo phyogs thams cad du de bzhin gshegs pa'i </font><hr>Cha189a<br><font size=+1>


@#/ /sprin yongs su 'byung ba dang / ting nge 'dzin la nges par gzhag pa'i sgo thams cad mkhyen pa'i ye shes dang / bsod nams rgya mtsho gsog pa'i snying po dang / ting nge 'dzin la nges par gzhag pa'i sgo sems bskyed pa thams cad la dge ba'i bshes gnyen 'byung ba dang 'bral ba med cing nye bar gyur pa dang / ting nge 'dzin la nges par gzhag pa'i sgo de bzhin gshegs pa thams cad kyi yon tan dge ba'i bshes gnyen gyi khar las pas yongs su 'grub pa dang / ting nge 'dzin la nges par gzhag pa'i sgo dge ba'i bshes gnyen thams cad dang yongs su mi 'bral ba dang / ting nge 'dzin la nges par gzhag pa'i sgo dge ba'i bshes gnyen thams cad mnyam pa nyid kyis rtag par kun tu nye bar 'gro ba'i sbyor ba dang / ting nge 'dzin la nges par gzhag pa'i sgo dge ba'i bshes gnyen gyi thabs kyi spyod pa thams cad kyis dub pa med pa'i sbyor ba ste/ rigs kyi bu/ ting nge 'dzin la nges par gzhag pa'i sgo bcu po de dag dang ldan pa'i byang chub sems dpa' ni/ dge ba'i bshes gnyen thams cad dang mngon du gyur pa 'thob pa yin te/ ting nge 'dzin gyi rnam par thar ba de bzhin gshegs pa thams cad kyi chos kyi 'khor lo dge ba'i bshes gnyen gyi kha nas grags pa zhes bya ba yang </font><hr>Cha189b<br><font size=+1>


'thob pas/ de la zhugs pa'i byang chub sems dpa' ni/ sangs rgyas thams cad tha mi dad cing mnyam pa nyid du gyur pa yang rab tu 'thob bo/ /dge ba'i bshes gnyen tha mi dad cing thams cad du khyab pa 'di rab tu thob par 'gyur ro/ /srin po'i dbang po mig bzang gis de skad ces smras pa dang / tshong dpon gyi bu nor bzang gis nam mkha'i dbyings la bltas te 'di skad ces smras so/ /'phags pa/ bdag la thugs brtse bar mdzad de/ dge ba'i bshes gnyen bsten pas sman yon btags pa ma nongs so/ /da dung yang dge ba'i bshes gnyen blta ba'i slad du ji ltar brtson par bgyi ba dang / phyogs gang logs su mchi bar bgyi ba dang / gnas gang zhig tu yongs su btsal ba dang / dmigs pa gang zhig bsam par bgyi ba'i thabs kyi sgo ma nor bar bstan du gsol/ smras pa/ rigs kyi bu/ de bas na/ phyogs kun tu rab tu 'dud pa'i lus dang / dmigs pa thams cad du dge ba'i bshes gnyen dran pa dang 'brel ba'i bsam pa dang / kun tu 'gro ba'i ting nge 'dzin gyi rjes su 'brang ba dang / sems kyi shugs rmi lam lta bu dang / yid kyi lus gzugs brnyan lta bus rnam par rgyu ste 'gro bas dge ba'i bshes gnyen gyi gan du song zhig /de nas tshong dpon gyi bu nor bzang gis srin po'i dbang po mig </font><hr>Cha190a<br><font size=+1>


@#/ /bzang gis ji skad du gtam pa de ltar nan tan du byas pa dang / mdun gyi sa'i nang nas pad+mo chen po rdo rje rin po che thams cad las grub pa'i chu ba can| nang rim rin po che'i rgyal po 'gro ba rgya mtsho sna tshogs las byas pa/ rin po che'i rgyal po thams cad las 'dab ma'i phreng ba grub pa/ rin po che'i rgyal po rnam par snang ba'i snying po can/ spos kyi rin po che'i rgyal po rin po che thams cad gyi mdog gi ze ba dang ldan pa/ rin po che'i dra ba grangs med pas kun nas yog pa byung ba mthong ngo / /rin po che'i rgyal po'i pad+mo chen po de'i snying po la'ang khang pa brtsegs pa chos kyi phyogs su yang dag par gzhol ba'i snying po zhes bya ba/ shin tu spa la blta na sdug pa| sa'i gzhi rnam par snang ba'i dbyibs dang ldan pa/ rin po che rgyal po thams cad las byas pa'i ka ba stong tshang bas mdzes par brgyan pa/ rgyan thams cad du rin po che thams cad bkram pa/ 'dzam bu chu klung gi gser dri ma med pa'i lha rdzas kyi gzhi bting ba/ mu tig gi phreng ba sna tshogs kyi dra ba grangs med pa kun nas bres pa| rin po che'i rgyal po sna tshogs rab tu spa bar spel bas brgyan pa/ dzam+bu chu klung gi nor bu rin po ches kun nas rnam par phye ba/ rin po che'i khri 'phang grangs </font><hr>Cha190b<br><font size=+1>


med pas kun nas bskor ba/ phyogs thams cad nas rin po che rgyal po'i them skas mdzes par bkye ba gnas par mthong ngo / /khang pa brtsegs pa de'i dbus na yang khri nor bu rin po che yid bzhin gyi pad+mo'i snying po can/ nor bu rin po che'i gzugs 'jig rten gyi dbang po'i dbyibs lta bu'i rten gyis bzung ba/ nor bu rin po che'i 'bru thams cad kyi kha dog tu 'dug pa/ dbang po'i rgyal mtshan rab tu snang ba'i dbyibs su 'dug pa/ rdo rje rin po che'i 'khor lo'i sa la brten pa/ rin po che'i rgyal po sna tshogs kyi phreng bas brgyan pa| rin po che'i khri 'phang du ma las blangs pa/ rin po che'i rgyal po snang ba'i rgyal mtshan gyis rab tu spras pa/ rin po che sna tshogs kyi rgyan gyis shin tu brgyan pa/ rin po che'i rgyal po'i stan lha rdzas las 'das pa legs par bting ba/ gos rin po che kha dog mtha' yas pa sna tshogs kyis gzhi thams cad du bkram pa/ rin po che'i gos thams cad kyi gnam yol bres pas nam mkha' rab tu brgyan pa/ rin po che thams cad kyi dra ba kun tu bres pa/ phyogs kun nas rin po che'i rgyal mtshan dkrigs pa'i sgra 'byung ba| rin po che thams cad kyi snam bu'i rgyal mtshan phur lab tu lding ba/ spos rin po che thams cad kyi rgyal mtshan rnam par bres pas kun nas brgyan pa/ me tog thams </font><hr>Cha191a<br><font size=+1>


@#/ /cad kyi rgyal mtshan las me tog gi klong sna tshogs char du mngon par 'brul ba/ rin po che'i dril bu'i rgyal mtshan 'khrol ba'i sgra yid bde ba'i dbyangs snyan par grags pa/ khang pa'i kha thams cad nas rin po che sna tshogs kyi phreng ba rab tu dpyangs pa/ rin po che'i gzugs sna tshogs kyi kha nas spos chu kha dog du ma dang ldan pa'i char 'bab pa/ nor bu rin po che'i rgyal po rnam par snang ba las glang po dam pa'i gzugs su byas pa'i kha nas pad+mo'i dra ba 'byung ba dang ldan pa/ rdo rje sna tshogs kyi seng+ge'i kha nas spos kyi sprin kha dog mtha' yas pa rab tu 'byung ba/ rin po che'i rgyal po rnam par snang ba tshangs pa'i gzugs su 'dug pa'i kha nas byams pa chen po'i tshul tshangs pa'i dbyangs kyi nga ror sgrog pa dang ldan pa/ rin po che sna tshogs shin tu mdzes pa'i gzugs kyi kha nas dkar po'i phyogs kyi legs pa rab tu rjod pa'i nga ro 'byung ba/ dus gsum gyi sangs rgyas kyi mtshan gser gyi dril gyi phreng ba las sgra snyan pa'i dbyangs su 'byung ba dang ldan pa/ nor bu rin po che dam pa'i dril gyi phreng ba las sangs rgyas thams cad kyi chos kyi 'khor lo'i sgra yid du 'ong ba 'byung ba dang / rdo rje'i dril sna tshogs las byang chub sems dpa'i smon lam thams </font><hr>Cha191b<br><font size=+1>


cad kyi sgra rab tu 'byung ba/ rin po che'i rgyal po zla ba'i rgyal mtshan gyi phreng bas sangs rgyas thams cad kyi gzugs brnyan rab tu 'byung ba'i dbyings sna tshogs tu sgrog pa/ nor bu rin po che'i rgyal po snying po dag pa'i phreng bas dus gsum du gshegs pa'i de bzhin gshegs pa thams cad kyi sku tshe gcig nas gcig tu brgyud pa'i gzugs brnyan rnam par dmigs par bya ba/ rin po che'i rgyal po nyi ma'i snying po'i phreng bas nam mkha'i dbyings kyi mthas klas pa'i phyogs bcu'i sangs rgyas kyi zhing sna tshogs kyi dbyings su 'od zer yongs su bstan pa/ rin po che'i rgyal po snang ba'i rgyal mtshan gyi phreng bas de bzhin gshegs pa thams cad kyi 'od kyi dkyil 'khor snang ba rab tu dbye ba/ nor bu rin po che'i rgyal po snang ba'i phreng bas sprul pa'i sprin 'gro ba thams cad kyi dbang po lta bu/ de bzhin gshegs pa la mchod cing rim gro byed pa'i 'od rab tu dgye ba/ rin po che'i rgyal po yid bzhin gyi phreng bas byang chub sems dpa' kun tu bzang po'i rnam par 'phrul bas skad cig re re la chos kyi dbyings su rgyas par dgang ba/ rin po che'i rgyal po ri bo'i rgyal mtshan gyi phreng bas lha'i dbang po thams cad kyi khyim gyi lha mo'i dbyangs snyan pa rab tu sgrog pa dang ldan zhing / khri de dmigs pa thams cad </font><hr>Cha192a<br><font size=+1>


@#/ /du de bzhin gshegs pa la bstod pa'i sprin 'gyed pas yon tan dang / legs pa bsam gyis mi khyab pa brjod du yod pa dang / rin po che'i rgyan grangs med pa'i 'khor gyi stan gyis bskor bar mthong ngo / /khri de la lha mo sgyu ma 'jig rten gsum las yang dag par 'das pa'i gzugs 'jig rten thams cad la mngon par gnas pa dang / srid pa'i rgyud thams cad las gyen du 'phags pa'i gzugs 'gro ba thams cad kyis rnam par dmigs su yod pa dang / 'jig rten thams cad kyis ma gos pa'i gzugs bsod nams yangs pas byung ba dang / 'gro ba thams cad dang mnyam zhing 'dra ba'i gzugs sems can thams cad la bzhin mngon par ston pa dang / 'gro ba thams cad yongs su smin par bya ba dang / gdul bar mthun pa'i gzugs sems can thams cad dang mngon sum du 'dal ba dang / dus thams cad 'gro ba nam mkha' la rnam par dmigs pa tha mi dad pa'i gzugs 'gro ba thams cad kyi mthas klas par dmigs su yod par byin gyis rlob pa dang / 'gro ba med pa'i gzugs 'jig rten gyi lam gyi rgyud thams cad 'gag pa dang / 'ong ba med pa'i gzugs 'gro ba thams cad du ma byung ba dang / ma skyes pa'i gzugs </font><hr>Cha192b<br><font size=+1>


mi skye bar mnyam pa'i chos la brtson pa dang / ma 'gag pa'i gzugs 'jig rten gyi rnam par spyod pa thams cad la gzhol ba dang / yang dag par dmigs pa'i gzugs bden pa med pa dang / 'jig rten gyis rnam par dmigs pa'i gzugs rdzun pa med pa dang / 'pho ba med pa'i gzugs shi 'pho ba dang skye ba las 'das pa dang / mi 'jig pa'i gzugs chos kyi dbyings kyi rang bzhin gyis 'jig pa med pa dang / mtshan nyid med pa'i gzugs dus gsum tshig gi lam du gzhol ba dang / mtshan nyid gcig pa'i gzugs mtshan nyid med pas byung ba dang / gzugs brnyan lta bu'i gzugs 'gro ba thams cad kyi sems dang / bsam pa ji lta ba bzhin du dmigs pa dang / sgyu ma lta bu'i gzugs ye shes sgyu mas yongs su grub pa dang / smig rgyu lta bu'i gzugs 'gro ba'i 'du shes bzhin du byin gyis rlob pa la gzhol ba dang / grib ma lta bu'i gzugs sngon gyi smon lam gyis 'gro ba thams cad kyi rjes su 'brang ba dang / rmi lam lta bu'i gzugs bsam pa ji lta ba bzhin du 'gro bas dmigs pa la ma 'dres pa dang / chos kyi dbyings thams cad du gzhol ba'i gzugs nam mkha'i dbyings ltar rang bzhin yongs su dag pa dang / snying rje chen pos byung ba'i gzugs sems can gyi rgyud thams cad yongs su </font><hr>Cha193a<br><font size=+1>


@#/ /bskyang ba la brtson pa dang / chags pa med pa'i sgos byung ba'i gzugs skad cig re res chos kyi dbyings rgyas par 'gengs pa dang / mtha' dang dbus med pa'i gzugs rnyog pa med par 'gro ba thams cad la brten pa dang / tshad med pa'i gzugs tshig gi lam thams cad las yang dag par 'das pa dang / mi gnas pa'i gzugs 'gro ba thams cad gdul ba'i byin gyi rlabs kyis grub pa dang / byin gyis ma brlabs pa'i gzugs byin gyi rlabs kyis 'gro ba'i don la brtson pa dang / ma byung ba'i gzugs smon lam sgyu mas yongs su grub pa dang / zil gyis mi non pa'i gzugs 'jig rten thams cad las mngon par 'phags pa dang / yang dag pa ma yin pa'i gzugs zhi gnas kyi snang bas rnam par dmigs pa dang / mi 'byung ba'i gzugs 'gro ba'i las ji lta ba bzhin du rjes su 'brang ba dang / rin po che yid bzhin gyi rgyal po ltar bsam pa ji lta ba bzhin du sems can thams cad kyi bsam pa yongs su rdzogs par bya ba'i smon lam yongs su grub pa dang / rnam par mi rtog pa'i gzugs 'gro ba thams cad kyi yongs su rtog pa bzhin du nye bar gnas pa dang / mi rtog pas rtog pa med pa'i gzugs 'gro ba thams cad kyi rnam par dmigs </font><hr>Cha193b<br><font size=+1>


pa dang / thogs pa med pa'i gzugs 'khor ba las bzlog pa la rab tu brtson pa dang / rnam par dag pa'i gzugs de bzhin nyid dang mnyam par rnam par mi rtog pa dang / rnam pa de lta bu'i gzugs gzugs med par gzugs su snang ba dang / tshor ba med pa'i gzugs kyis 'jig rten gyi sdug bsngal gyi tshor ba rab tu zhi bar bya ba la brtson pa dang / 'du shes kyi rnam pa thams cad las gyen du 'phags pa'i gzugs sems can thams cad kyi 'du shes kyi rnam pas rnam par dmigs pa dang / mngon par 'du bya ba med pa'i chos nyid kyis byung ba'i gzugs chos sgyu ma'i rnam pas grub pa dang / rnam par shes pa'i yul las yongs su 'das pa'i gzugs byang chub sems dpa'i smon lam gyi ye shes las byung ba dang / rang bzhin med pa'i gzugs 'gro ba thams cad kyi tshig gi lam la gzhol ba dang / gdung ba yongs su bsal ba'i gzugs chos kyi sku bsil ba dam pa dang ldan pas lha mo sgyu ma bsam pa ji lta ba bzhin du 'gro ba'i gzugs kyi lus yongs su ston pa dang / sems can gyi bsam pa'i dbang du 'gro ba thams cad dang mnyam zhing 'dra ba'i gzugs kyi lus 'gro ba thams cad kyi gzugs kyi lus las 'phags pa ston cing 'dug pa mthong ngo / /de la sems can la las ni/ lha mo sgyu </font><hr>Cha194a<br><font size=+1>


@#/ /ma de bdud kyi bu mo'i gzugs su 'dug la/ bdud kyi bu mo'i gzugs pas kyang lhag par mthong ngo / /la las ni/ dbang sgyur gyi lha'i bu mo'i gzugs pas kyang lhag par mthong ngo / /la las ni/ rab 'phrul dga'i lha'i bu mo'i gzugs pas kyang lhag par mthong ngo / /la las ni/ rab dga' ldan gyi lha'i bu mo'i gzugs pas kyang lhag par mthong ngo / /la las ni/ rab mtsho ma'i lha'i bu mo'i gzugs pas kyang lhag par mthong ngo / /la las ni/ sum cu rtsa gsum gyi lha'i bu mo'i gzugs pas kyang lhag par mthong ngo / /la las ni/ rgyal po chen po bzhi'i ris kyi lha'i bu mo'i gzugs pas kyang lhag par mthong ngo / /la las ni/ grul bum gyi bu mo'i gzugs pas kyang lhag par mthong ngo / /la las ni/ lto 'phye chen po'i dbang po'i bu mo'i gzugs pas kyang lhag par mthong ngo / /sems can la las ni/ lha mo sgyu ma de mi'i dbang po'i bu mo'i gzugs pas kyang lhag par mthong ngo / /de nas tshong dpon gyi bu nor bzang 'gro ba thams cad kyi gzugs kyi 'du shes dang bral yang sems can pha rol gyi bsam pa la 'jug pa des sems can thams cad kyi bsam pa'i rnam pa la lha mo sgyu ma 'gro ba thams cad nye bar 'tsho ba'i bsod nams dang </font><hr>Cha194b<br><font size=+1>


ldan pa/ thams cad mkhyen pa nyid kyi bsod nams kyis bsgrubs pa'i lus dang ldan pa/ sbyin pa'i pha rol tu phyin pa'i sbyor ba tha mi dad pa dang ldan pa/ 'gro ba thams cad la mnyam pa nyid kyis zhugs pa/ snying rje chen po'i lus su sems can thams cad yongs su sdud pa/ de bzhin gshegs pa'i yon tan thams cad nan tan du byas pas byung ba/ bzod pa thams cad kyi tshul rgya mtsho la zhugs pa/ thams cad mkhyen pa nyid kyi brtson 'grus kyi shugs kyis sems rnam par spel ba/ chos kyi dkyil 'khor thams cad yongs su dag par bya ba la phyir mi ldog pa'i brtson 'grus dang ldan pa/ chos thams cad kyi rang bzhin nges par rtogs pas byung ba/ bsam gtan gyi yan lag dang tshul thams cad las yongs su grub pa'i sems dang ldan pa/ bsam gtan gyi yan lag tha mi dad pa'i yul yongs su 'dzin pa'i de bzhin gshegs pa'i bsam gtan gyi dkyil 'khor snang ba rab tu thob pa/ sems can thams cad kyi nyon mongs pa rgya mtsho bskam pa la shin tu gdon mi za bar byas pa'i nges par rtogs pa sna tshogs la gnas pa| de bzhin gshegs pa thams cad kyi chos kyi 'khor lo rnam par dbye ba'i tshul la mkhas pa/ chos thams cad kyi tshul rgya mtsho rnam par dpyad pa'i shes rab dang ldan pa/ </font><hr>Cha195a<br><font size=+1>


@#/ /de bzhin gshegs pa thams cad mthong bas ma ngoms pa/ dus gsum gyi de bzhin gshegs pa gcig nas gcig tu brgyud pa la rnam par lta ba'i rgyun mi gcod pa/ sangs rgyas thams cad lta ba'i sgo la mngon du gyur pa/ de bzhin gshegs pa thams cad kyis yongs su bsgrubs pa'i lam yongs su dag par bya ba| rnam pa tha dad pa'i tshul la mkhas pa/ de bzhin gshegs pa thams cad kyi spyod yul nam mkha' dang mnyam pa/ sems can thams cad yongs su bsdu ba'i thabs kyi tshul la mkhas pa/ 'gro ba mtha' dang dbus med pa bsam pa ji lta ba bzhin du yongs su smin par bya ba dang gdul ba'i snang ba rab tu thob pa/ sangs rgyas thams cad kyi sku rnam par dag pa rnam pa tha dad pa la zhugs pa/ zhing rgya mtsho thams cad yongs su dag par bya ba'i smon lam dang ldan pa/ sems can gyi khams thams cad rnam par gdul ba'i byin gyi rlabs mthar thug par bya ba'i smon lam yongs su dag pa/ de bzhin gshegs pa'i yul thams cad mchod pas rgyas par dgang ba'i sems dang ldan pa/ byang chub sems dpa'i rnam par 'phrul pa thams cad la brtson pas byung ba/ chos kyi sku bla na med pa yongs su dag pa dang ldan pa/ gzugs kyi lus </font><hr>Cha195b<br><font size=+1>


mtha' yas pa yongs su ston pa/ bdud kyi dpung thams cad rab tu 'joms pa/ dge ba'i rtsa ba shin tu rgya chen po'i stobs dang ldan pa/ chos kyi stobs rab tu sgyes pa'i blo can/ sangs rgyas kyi stobs snang ba rab tu thob pa/ byang chub sems dpa'i dbang thams cad kyi stobs yongs su rdzogs pa/ thams cad mkhyen pa nyid kyi shugs kyi stobs yongs su skyes pa/ de bzhin gshegs pa'i ye shes glog gi shes rab snang bar byas pa/ sems can mtha' dang dbus med pa'i sems rgya mtsho rnam par dpyad pa la mkhas pa| 'gro ba shin tu mang ba'i bsam pa la zhugs pa/ sems can pha rol gyi dbang po rnam pa tha dad pa shes par bya ba'i tshul la mkhas pa/ sems can mtha' yas pa'i mos pa rnam pa tha dad pa'i rgyus la mkhas par khong du chud pa/ phyogs bcu'i zhing rgya mtsho tshad med pa lus kyis rgyas par 'gengs pa/ 'jig rten gyi khams rnam pa tha dad pa thams cad shes par bya ba'i tshul dang rnam pa la mkhas pa/ zhing tha dad pa'i tshul thams cad shes par bya ba'i tshul la mkhas pa'i rjes su song ba/ ye shes kyis lta ba phyogs rgya mtsho thams cad du rab tu 'dal ba/ dus rgya mtsho thams cad du khyab pa'i blo dang ldan pa/ sangs rgyas rgya mtsho thams cad la mngon sum du 'dud pa'i lus can/ chos kyi </font><hr>Cha196a<br><font size=+1>


@#/ /sprin rgya mtsho'i char thams cad yang dag par gzung ba la mngon du gyur pa'i sems dang ldan pa/ de bzhin gshegs pa thams cad kyi yon tan rab tu rdzogs par bya ba'i nan tan gyis 'byung ba la rab tu brtson pa/ byang chub sems dpa'i tshogs thams cad yongs su sgrub pa la rab tu zhugs pa'i blo dang ldan pa/ byang chub sems dpa' thams cad kyi rab tu 'jug pa la rnam par dpyod pa'i mthu yod pa/ byang chub kyi sems kyi yan lag thams cad yongs su grub pa/ byang chub sems dpa' thams cad yongs su bskyang ba la rab tu brtson pa/ sangs rgyas thams cad kyi legs pa'i sprin kun tu snang ba rab tu ston pa/ byang chub sems dpa' dang / rgyal ba thams cad skyed pa'i smon lam gyis byung ba dang / de dag la sogs pa mthong ba'i tshul 'dzam bu'i gling gi rdul shin tu phra ba snyed kyi lha mo sgyu ma tshong dpon gyi bu nor bzang gis mthong bar gyur to/ /des de mthong nas lha mo sgyu ma ji snyed yod pa de snyed du bdag gi lus byin gyis brlabs nas phyogs thams cad la mngon du bltas pa'i lha mo sgyu ma la thams cad du khyab pa'i lus kyis phyag byas so/ /des de ltar phyag byas ma thag tu ting nge 'dzin gyi sgo mtha' dang dbus med pa thob par </font><hr>Cha196b<br><font size=+1>


gyur te/ des ting nge 'dzin gyi sgo de dag la rnam par bltas nas mtshan mar bya ba dang / bsgom pa dang / lhur blang ba dang / rjes su dran par bya ba dang / rgyas par dgang ba dang / rab tu rgya cher bya ba dang / blta ba dang / rnam par spel ba dang / mngon par bsgrub pa dang / rgyas gdab par byas te ting nge 'dzin gyi sgo de dag las langs nas lha mo sgyu ma 'khor dang bcas/ gnas dang bcas/ stan dang bcas pa la g.yas phyogs su bskor ba byas te mdun du 'dug nas thal mo sbyar te 'di skad ces smras so/ /'phags ma/ bdag ni/ 'jam dpal gzhon nur gyur pas bla na med pa yang dag par rdzogs pa'i byang chub tu sems bskyed de/ dge ba'i bshes gnyen bsnyen bkur ba la yongs su bskul ba bgyis pa ste/ de ltar bdag dge ba'i bshes gnyen nas dge ba'i bshes gnyen du bsnyen bkur bgyid cing / mthar gyis khyod kyi zhabs kyi drung 'di'i bar du mchis pa lags na/ 'phags ma/ ji ltar byang chub sems dpas byang chub sems dpa'i spyod pa la bslab na/ rnam pa thams cad mkhyen pa nyid du 'grub pa lags/ des smras pa/ rigs kyi bu/ kho mo ni/ byang chub sems dpa'i rnam par thar pa smon lam chen po'i ye shes sgyu ma'i rnam pas rnam par brgyan pa thob pa ste/ rigs kyi bu/ kho mo </font><hr>Cha197a<br><font size=+1>


@#/ /rnam par thar pa de dang ldan pas 'jig rten gyi khams rgya mtsho 'di'i 'jig rten gyi khams thams cad kyi 'dzam bu'i gling thams cad na bcom ldan 'das rnam par snang mdzad kyi byang chub sems dpa'i srid pa'i tha ma la skye ba'i rnam par 'phrul pa ji snyed cig yod pa'i byang chub sems dpa' srid pa'i tha ma pa de dag thams cad so so'i mar gyur pa ste/ byang chub sems dpa' de dag thams cad kyang kho mo'i lto na gnas pa/ kho mo'i lto g.yas pa nas 'byung ngo / /rigs kyi bu/ skal pa dang ldan pa'i gling bzhi pa 'di nyid kyi grong khyer chen po ser skya'i gnas su yang rgyal po zas gtsang ma'i btsun mo'i rigs dang ldan pa'i tshul gyis byang chub sems dpa' don grub byang chub sems dpa' skye ba'i rnam par 'phrul pa rgya chen po bsam gyis mi khyab pas bskyed do/ /rigs kyi bu/ de ltar kho mo rgyal po zas gtsang ma'i pho brang na 'dug 'dug pa las/ byang chub sems dpa' dga' ldan gyi pho brang nas 'pho ba'i dus la bab pa dang / ba spu'i sgo thams cad kyi ba spu'i sgo re re nas kyang 'od zer de bzhin gshegs pa thams cad kyi yum gyi yon tan gyi dkyil 'khor las byung ba'i snang ba zhes bya ba mang po byang chub sems dpa' thams cad kyi yum gyi yon tan gyi </font><hr>Cha197b<br><font size=+1>


rgyan sangs rgyas kyi zhing brjod du med pa'i rdul shin tu phra ba snyed thon nas 'jig rten gyi khams thams cad snang bar byas te kho mo'i lus la shar nas spyi bo man chad ba spu'i bu ga thams cad du 'phros par gyur to/ /rigs kyi bu/ de ltar byang chub sems dpa'i 'od zer ming gcig la byang chub sems dpa'i yum gyi rnam par 'phrul pa dang rgyan dang rnam par thar pa sna tshogs rab tu 'gyed pa de dag kho mo'i lus su dong ma thag tu de'i mod la kho mo'i lus su byang chub sems dpa'i 'od zer gyi sgo'i dkyil 'khor gyis rnam par dmigs par byas te byang chub sems dpa'i skye ba'i rnam par 'phrul pa'i tshul dang / rgyan thams cad yongs su snang bar gyur to/ /khyim dang 'khor la yang de bzhin du snang bar gyur to/ /rigs kyi bu/ de ltar byang chub sems dpa'i 'od zer de dag kho mo'i lus su dong ma thag tu de'i mod la byang chub sems dpa'i 'od zer gyi sgo'i dkyil 'khor de dag gis byang chub sems dpa' gang dag gi skye ba'i tshul dang / rnam par 'phrul pa rnam par dmigs par byas pa de dag thams cad kyang kho mos mthong bar gyur te/ de dag thams cad kyang snying po byang chub du gshegs nas seng+ge'i gdan la bzhugs shing / byang chub sems dpa'i 'khor gyi dkyil 'khor gyis bskor te </font><hr>Cha198a<br><font size=+1>


@#/ /'jig rten gyi dbang po rnams kyis bskor cing chos kyi 'khor lo bskor ba mang po mthong ngo / /de bzhin gshegs pa de dag gis sngon byang chub sems dpa'i spyod pa mdzad pa'i tshe de bzhin gshegs pa ji snyed cing bsnyen bkur ba de dag thams cad kyang kho mos dang po thugs bskyed pa dang / skye ba'i rnam par 'phrul pa dang bcas mngon par rdzogs par byang chub pa dang / chos kyi 'khor lo bskor ba dang / mya ngan las 'das pa'i rnam par 'phrul pa dang bcas/ sangs rgyas kyi zhing yongs su dag pa'i rgyan dang bcas par mthong ngo / /de bzhin gshegs pa de dag gi sprul pa'i dkyil 'khor sems kyi skad cig re re la chos kyi dbyings thams cad rgyas par 'gengs pa de dag thams cad kyang kho mos mthong bar gyur to/ /rigs kyi bu/ de ltar kho mo'i lus su byang chub sems dpa'i 'od zer de dag dong ma thag tu kho mo'i lus kyang 'gro ba thams cad las mngon par 'phags par gyur te/ rum nam mkha'i dbyings ltar yangs par gyur kyang mi'i lus las lhag par yang mi snang ngo / /phyogs bcu na byang chub sems dpa'i mngal gyi gnas dang / khang khyim dang / rgyan ji snyed cig yod pa de dag thams cad kyang kho mo'i lus kyi khongs su chud pa dang / kho mo'i lus su shod </font><hr>Cha198b<br><font size=+1>


bar gyur par snang bar gyur to/ /rigs kyi bu/ de ltar kho mo'i lus su byang chub sems dpa'i mngal gyi gnas dang / khang khyim dang / rgyan dang / longs spyod byung bar gyur pa dang / de'i mod la byang chub sems dpa' sangs rgyas kyi zhing bcu'i rdul shin tu phra ba snyed kyi byang chub sems dpa' smon lam gcig pa/ skal pa mnyam par spyod spyod pa/ dge ba'i rtsa ba gcig pa/ rgyan gcig pa/ rnam par thar pa gcig la rnam par spyod pa/ ye shes kyi sa gcig la gnas pa/ rnam par 'phrul pa gcig gis byung ba/ smon lam gcig gis grub pa/ spyod pa gcig gis byung ba/ chos kyi lus yongs su dag pa/ gzugs kyi lus mtha' dang dbus med pa'i byin gyi rlabs dang ldan pa/ byang chub sems dpa' kun tu bzang po'i spyod pa dang / smon lam dang / rnam par 'phrul pas byung ba dag dang / rin po che klu'i dbang po'i snying po'i khang pa brtsegs pa na 'khod cing klu'i rgyal po gang chen mtsho la sogs pa klu'i dbang po stong phrag brgyad cu dang / 'jig rten gyi dbang po thams cad kyis kyang mngon par mchod cing byang chub sems dpa'i rnam par 'phrul pa/ dga' ldan gyi pho brang thams cad nas shi 'pho yongs su ston pas dga' ldan gyi gnas re re nas kyang 'jig rten gyi khams thams cad du 'dal ba'i gling bzhi par skye ba </font><hr>Cha199a<br><font size=+1>


@#/ /len pa yongs su ston pa/ sems can yongs su smin par bya ba'i thabs kyi tshul bsam gyis mi khyab pa la mkhas pa'i rjes su song ba dang / sems can bag med pa thams cad yongs su skul zhing mngon par zhen pa thams cad las gyen du bskyod pa dang / 'od zer gyi dra ba chen po rab tu dgye bas 'jig rten gyi mun pa thams cad rnam par sel ba dang / ngan song thams cad kyi sdug bsngal zhi bar byed pa dang / sems can dmyal ba'i lam gyi rgyud thams cad nas rnam par zlog pa dang / sems can thams cad kyi sngon gyi las yongs su skul ba dang / sems can gyi khams thams cad yongs su skyob pa dang / sems can thams cad la lus mngon par ston pas dga' ldan gyi pho brang nas 'phos te 'khor dang bcas par kho mo'i lus su zhugs nas de dag thams cad kyang kho mo'i khong na gom pa stong gsum gyi stong chen po'i 'jig rten gyi khams tsam du yangs pa nas 'jig rten gyi khams sangs rgyas kyi zhing brjod du med pa'i rdul shin tu phra ba snyed du yangs pa'i 'gros kyis rgyu zhing spyod do/ /phyogs bcu'i 'jig rten gyi khams 'byams klas pa thams cad kyi de bzhin gshegs pa'i zhabs kyi drung gi byang chub sems dpa'i 'khor gyi dkyil 'khor brjod du med pa dag </font><hr>Cha199b<br><font size=+1>


kyang sems kyi skad cig re re la byang chub sems dpa'i mngal gyi gnas dang / rnam par 'phrul ba blta ba'i phyir kho mo'i khong du 'dong ngo / /rgyal po chen po bzhi dang / brgya byin dang / rab mtshe ma dang / rab dga' ldan dang / rab 'phrul dga' dang / dbang sgyur gyi lha'i dbang po rnams dang / tshangs pa rnams kyang mngal gyi gnas na bzhugs pa'i byang chub sems dpa' la blta ba dang / phyag bya ba dang / bsnyen bkur ba dang / chos nyan pa'i gtam nyams su myong bar bya ba'i phyir nye bar 'dong yang kho mo'i rum 'dis de snyed kyi 'khor gyi dkyil 'khor zhig yongs su bzung yang yangs par gyur pa yang med/ mi'i lus tha mal pa las kho mo'i lus khyad par can du gyur pa yang med mod kyi/ 'khor gyi dkyil 'khor de snyed kyang yongs su bzung ngo / /lha dang mi de dag thams cad kyis kyang byang chub sems dpa'i longs spyod sna tshogs dang / rgyan yongs su dag pa yang mthong bar gyur to/ /de ci'i phyir zhe na/ de ni/ byang chub sems dpa'i rnam par thar pa smon lam chen po'i ye shes sgyu ma'i rnam pa 'di nyid shin tu bsgoms pa'i phyir ro/ /rigs kyi bu/ ji ltar kho mo skal pa dang ldan pa'i gling bzhi pa 'di'i 'dzam bu'i gling na byang chub sems dpa' khong na yongs su 'dzin pa de bzhin du/ stong gsum gyi stong chen po'i 'jig rten gyi khams kyi gling </font><hr>Cha200a<br><font size=+1>


@#/ /bzhi pa thams cad kyi 'dzam bu'i gling dag na'ang rnam par 'phrul pa'i rgyan gyi tshul 'di nyid kyis yongs su 'dzin par byed de/ byang chub sems dpa'i rnam par thar pa smon lam chen po'i ye shes sgyu ma'i rnam pa 'di nyid shin tu bsgoms pa'i phyir kho mo'i lus 'di gnyis su gyur pa'ang med/ mi gnyis pa'ang med/ gcig la gnas pa'ang med/ mang po la gnas pa'i med do/ /rigs kyi bu/ ji ltar kho mo bcom ldan 'das rnam par snang mdzad 'di'i yum du gyur pa de bzhin du/ sngon gyi de bzhin gshegs pa mtha' dang dbus med pa dag gi yang yum du gyur to/ /la la zhig tu byang chub sems dpa' pad+mo'i spubs nas rdzus te skye ba zhig tu gyur na yang pad+mo'i tshal gyi lha mor gyur cing / kho mos byang chub sems dpa' len te/ 'jig rten rnams kyis kyang kho mo ni/ byang chub sems dpa'i yum yin par shes so/ /la la zhig tu thu bar skye bar gyur na yang de dag tu yang kho mos thu bar blangs te byang chub sems dpa'i yum du gyur to/ /la la zhig tu sangs rgyas kyi zhing du de bzhin 'byung bar gyur na'ang de dag tu'ang kho mo snying po byang chub kyi lha mor gnas gnas so/ /rigs kyi bu/ thabs kyi sgo ji snyed cig gis byang chub sems dpa' srid pa'i tha ma pa 'jig rten du </font><hr>Cha200b<br><font size=+1>


'byung ba yongs su ston pa de snyed kyi thabs kyi sgos kho mo byang chub sems dpa'i yum du gyur te/ rigs kyi bu/ kho mo 'jig rten gyi khams 'di na bcom ldan 'das rnam par snang mdzad kyi byang chub sems dpa'i skye ba'i rnam par 'phrul pa yongs su bstan pa dag tu yum du gyur pa de bzhin du/ bcom ldan 'das de bzhin gshegs pa log par dad sel dang / gser thub dang / bsod skyabs kyi yum du 'ang gyur to/ /de bzhin du ma byon pa'i de bzhin gshegs pa bskal pa bzang po pa rnams kyi'ang yum du 'gyur te/ 'di ltar byang chub sems dpa' byams pa dga' ldan gyi gnas na bzhugs shing shi 'pho yongs su ston pa'i dus la bab pa dang / 'od zer byang chub sems dpa' thams cad skye bar 'byung zhing / mngal na bzhugs pa'i rnam par 'phrul pa yongs su ston pa'i 'od bkye nas chos kyi dbyings thams cad kyi tshul dang / gzhi rab tu snang bar byas te chos kyi dbyings kyi tshul dang / gzhi ji snyed cig tu byang chub sems dpa' byams pas mi'i 'jig rten gyi mi'i dbang po'i rigs su cher skye ba yongs su bstan pas sems can gdul bar bya ba ji snyed cig yod pa de dag thams cad du'ang kho mo byang chub sems dpa'i yum du 'gyur ro/ /byang chub sems dpa'i yum du ji ltar 'gyur ba de bzhin du/ byams </font><hr>Cha201a<br><font size=+1>


@#/ /pa'i 'og tu bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba seng+ge dang / de bzhin du rab tu snang ba dang / dpal dang / spyan bzang po dang / me tog dang / me tog dpal dang / rgyas pa dang / rgyal dang / thugs bzang po dang / rdo rje dang / rdul dang bral ba dang / zla ba sgron ma 'dzin pa dang / grags pa dang / rdo rje dag pa dang / don gcig tu ston pa dang / mi dkar yan lag dang / pha rol tu phyin pa dang / rin po che 'od 'phro ba'i ri bo dang / sgron ma chen po 'dzin pa dang / pad+mo dam pa dang / sgra rnam par grags pa dang / yon tan dpag tu med pa mnga' ba dang / mar me'i dpal dang / yan lag rnam par brgyan pa dang / legs par bzhud pa dang / byams pa'i dpal dang / sprul pa bzang po dang / gnas dang bral ba dang / gzi brjid 'bar ba dang / gsung mtha' yas pa dang / len pa med pa'i mu khyud dang / yid gnyis rnam par sel ba dang / yongs su dag pa dang / 'od shin tu yangs pa dang / grags pa dag pas byung ba dang / sprin gyi dpal dang / gtsug phud rnam par mdzes pa dang / shing gi rgyal po dang / rin po che'i dkyil 'khor rin po che thams cad kyis rnam par brgyan pa'i kha dog dang / blo gros rgya mtsho dang / rin po che bzang po dang / stobs </font><hr>Cha201b<br><font size=+1>


la thub pa med pa dang / dgongs pa yongs su rdzogs pa dang / dbang phyug chen po dang / dbang po'i dpal dang / me'i dpal dang / mchog gi dpal dang / tsan+dan gyi sprin dang / mi dkar ring ba'i spyan dang / blo gros dam pa dang / blo gros rnam par bsgoms pa dang / sgrub pa'i rgyal po dang / sbyong ba'i rgyal po dang / rdo rje'i blo gros dang / rnam par brgyan pa dang / phun sum tshogs pa dang / ze ba dga' ba dang / dbang phyug lha dang / gtsug tor dpal dang / ye shes rdo rje'i ri bo dang / dpal gyi snying po dang / gser gyi dra bas sku rnam par brgyan pa dang / shin tu rnam par phye ba dang / dbang phyug lha dang / dbang chen lha dang / mi dmigs pa'i dpal dang / rnam par dag pas dgyes pa dang / 'od 'phro mnga' ba dang / chu'i dpal dang / rnam dag blo gros dang / theg pa dam pa dang / ma nyams pa'i yon tan 'byung ba dang / dgra las dben pa dang / gsung sgrog pa dang / dbang du gyur pa'i yon tan gzi brjid dang / rnam par snang mdzad dpal dang / dri zhim po'i longs spyod dang / dri zhim po rnam par phye ba dang / yan lag rnam par phye ba dang / sa ga bzang ba dang / zhal nas spos thams cad 'od du 'phro ba dang / rdo rje rin po ches rnam par brgyan pa dang / rab tu bzhad pa'i spyan dang / 'dod chags rdul bcom dang / </font><hr>Cha202a<br><font size=+1>


@#/ /sku mchog tu 'khrungs pa dang / lha'i dbyig dang / rlabs chen lha dang / 'gog par gzhol ba dang / thugs rnam par sangs rgyas pa dang / rdul rnam par bsal ba dang / 'od 'phro ba mnga' chen dang / nye bar zhi ba mnga' ba dang / sa ga'i lha dang / rdo rje ri bo dang / ye shes 'od 'phro 'bar ba'i sku dang / bde bar mdzad pa dang / bsgrun pa'i stag dang / dge ba yongs su rdzogs pa dang / grags pa yid du 'ong bas bzang ba dang / mthus rnam par gnon pa dang / don dam pa rnam par gnon pa dang / zhi ba'i 'od zer dang / gcig tu 'phags pa dang / dbyangs zab mo dang / sa'i bdag po dang / dpag tu med pa dang / dbyangs kyi dpal dang / rnam par grags pa dang / longs spyod mthun pa dang / longs spyod tshogs pa dang / sman pa'i dam pa dang / yon tan zla ba dang / bzhad pa'i gzi brjid dang / yon tan bsags pa dang / zla ba 'phags pa dang / nyi ma'i lha dang / 'jigs par grags pa dang / 'od zer gyi zhal dang / sA la'i dbang po'i lhun dang / grags pa dang / sman gyi rgyal po dang / rin chen mchog dang / blo gros rdo rje dang / dkar po'i dpal dang / gzhi shin tu sbyangs pa dang / rin chen rgyal po dang / grags pa chen po dang / shugs drag 'dzin pa dang / mi </font><hr>Cha202b<br><font size=+1>


dpog 'od dang / 'od 'phro chen pos bzhugs pa dang / don yod pa'i chos la mnga' ba dang / brtson 'grus ma nyams pa dang / dag pa'i lha dang / 'od brtan pa dang / kun gyi bshes gnyen dang / rnam par grol ba'i dbyangs dang / rnam par bsgrags pa'i rgyal po dang / tshig gcod pa dang / tsam+pa ka dri ma med pa'i 'od dang / kha na mi tho ba mi mnga' ba dang / zla ba rnam par 'phags pa dang / sgron ma 'dzin pa dang / sku rnam par mdzes pa dang / brjod du med par 'phags pa dang / 'gro ba'i bshes gnyen dang / 'od zer mang po dang / dbyangs kyi yan lag dpa' bo dang / chu lha'i spyan dang / mos pa'i blo gros mnga' ba'i gzi brjid dang / me tog kun da'i dpal dang / mchod pa'i zla ba dang / blo mi mnga' ba dang / chags pa mi mnga' ba dang / mi dmigs pa'i blo gros dang / phung po bsags pa dang / ngan song rab tu 'joms pa dang / me tog dam pa dang / seng+ge rnam par sgrog pa dang / don mi dma' ba dang / bsgribs pa med par gzigs pa dang / pha rol gyi tshogs 'joms pa dang / rlung gi mu khyud dang / snying po mi g.yo ba dang / snying po bzang po dang / gzhan gyis mi thub pa'i ri bo dang / mi gnas ye shes dang / mtha' yas bzhugs pa dang / g.yul du brtan pa dang / spyod pas grub pa dang / bla mas bon pa dang / mchog tu dga' ba dang / </font><hr>Cha203a<br><font size=+1>


@#/ /rjes su 'dzin pa'i zla ba dang / lhun mi g.yo ba dang / thugs drag po dang / thugs brtse ba'i blo gros dang / shin tu mtho 'dzin dang / 'od zer mu khyud dang / mtshan dpe med pa dang / gzi brjid ma nyams pa dang / thams cad kha dog dang / mtshan ma med pa'i shes rab dang / mi g.yo ba'i lha dang / bsam gyis mi khyab pa'i dpal dang / rnam par thar pa'i zla ba dang / bla na med pa'i rgyal po dang / zla ba'i phung po dang / mchod pa'i tshangs pa dang / spyan mi 'gyur ba dang / byams pa'i rigs dang / 'phrin las 'phags pa dang / gnyer ba'i chos kyi blo gros dang / bla na med pa'i dpal dang / tshangs pa'i lha dang / yon tan bsam gyis mi khyab pa'i 'od dang / bla na med pa'i chos kyi spyod yul dang / mtha' yas bzang po dang / tshul dang 'dra ba'i gsung dang / byang chub sems dpa' shin tu mtho ba'i lha dag ste/ rigs kyi bu/ de ltar stong gsum gyi stong chen po'i 'jig rten gyi khams 'di'i ma byon pa'i de bzhin gshegs pa byams pa la sogs te/ smos pa 'di dag la sogs pa bskal pa bzang po pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyi yum du'ang kho mo nyid 'gyur ro/ /'jig rten gyi khams 'dir ji lta ba de bzhin </font><hr>Cha203b<br><font size=+1>


du/ phyogs bcu'i 'jig rten gyi khams tshad med pa'i chos kyi dbyings kyi tshul mtha' dang dbus med pa la zhugs te/ ji ltar de bzhin gshegs pa byams pa'i yum du yon tan gyi khyad par brjod du med par 'gyur ba de bzhin du/ yon tan gyi khyad par brjod du med pa'i yang brjod du med pa'i de bzhin gshegs pa seng+ge nas de bzhin gshegs pa snang ba'i bar gyi yum du 'gyur ro/ /ji ltar de bzhin gshegs pa bskal pa bzang po pa rnams kyi yum du 'gyur ba de bzhin du/ 'jig rten gyi khams rgya mtsho gzhi dang snying po me tog gi rgyan gyis brgyan pa 'di thams cad kyi 'jig rten gyi khams kyi rgyud thams cad dang / 'jig rten gyi khams 'byams klas thams cad kyi 'jig rten gyi khams thams cad na 'dzam bu'i gling yod pa thams cad du phyi ma'i mtha'i mur thug pa'i bskal par byang chub sems dpa' kun tu bzang po'i spyad pa spyod cing / bskal pa thams cad du sems can thams cad yongs su smin par bya ba dang / gdul bar byin gyis brlabs te/ ma byon pa'i de bzhin gshegs pa byang chub sems dpar gyur pa thams cad kyi yum du'ang 'gyur ro/ /de skad ces smras pa dang / tshong dpon gyi bu nor bzang gis lha mo sgyu ma la 'di skad ces smras so/ /'phags ma/ khyod kyis byang chub </font><hr>Cha204a<br><font size=+1>


@#/ /sems dpa'i rnam par thar pa smon lam chen po'i ye shes sgyu ma'i rnam pas rnam par brgyan pa 'di brnyes nas ji snyed cig lags/ smras pa/ rigs kyi bu/ sngon 'das pa'i dus bskal pa bsam gyis mi khyab pa sems kyi yul las 'das par rigs dang ldan pa'i byang chub sems dpa'i mig gi lam gyis rnam par dmigs pa/ rnam par shes pas bgrang ba las yongs su 'das pa'i pha rol cig tu bskal pa dge ba'i 'od ces bya ba zhig byung ste/ bskal pa dge ba'i 'od de la 'jig rten gyi khams ri bo shin tu mtho ba'i dpal zhes bya ba rnam par dag la kun nas nyon mongs pa/ rin po che du ma las grub pa/ khor yug dang bcas pa/ ri rab dang rgya mtshor bcas pa/ 'gro ba lnga'i rgyud dang bcas pa sna tshogs blta na mdzes pa zhig byung ste/ 'jig rten gyi khams ri bo shin tu mtho ba'i dpal der gling bzhi pa bye ba brgya phrag bcu byung ste/ gling bzhi pa bye ba brgya phrag bcu po de dag gi dbus na gling bzhi pa dbu ma seng+ge rgyal mtshan dam pa'i gzi brjid ces bya ba zhig yod par gyur te/ gling bzhi pa der rgyal po'i gnas bye ba brgya phrag brgyad cu byung bar gyur to/ /rgyal po'i gnas bye ba brgya phrag brgyad </font><hr>Cha204b<br><font size=+1>


cu po de dag gi dbus su rgyal po'i gnas dbu ma rgyal mtshan gyi dam pa dang ldan pa zhes bya ba byung ste/ der 'khor los bsgyur ba'i rgyal po gzi brjid chen po'i mthu zhes bya ba byung ngo / /rgyal po'i gnas rgyal mtshan gyi dam pa dang ldan pa der snying po byang chub yal ga sna tshogs kyi 'od ces bya ba zhig byung ste/ de na snying po byang chub kyi lha mo mig gi dpal zhes bya ba 'dug 'dug go /snying po byang chub yal ga sna tshogs kyi 'od de la byang chub sems dpa' rgyal mtshan dri ma med pa zhes bya ba zhig thams cad mkhyen pa nyid kyi chos khong du chud par bya ba'i phyir 'dug pa las/ de'i thams cad mkhyen pa nyid kyi chos khong du chud par bya ba la bar chad bya ba'i phyir bdud kha dog bzang po'i 'od ces bya ba bdud kyi sde chen po'i 'khor dang ldan pa zhig lus mi snang bar ma byas par drung du phyin par gyur ro/ /'khor los bsgyur ba gzi brjid chen po'i mthu de yang byang chub sems dpa'i dbang thob pa'i rdzu 'phrul chen po'i rnam par 'phrul pas byung ba zhig ste/ des bdud kyi sde de bas kyang 'phags la ches mang ba'i dpung gi tshogs chen po mngon par sprul te bdud kyi sde pham par bya ba'i phyir snying po byang chub de'i 'khor kun nas yongs su bskor ba dang / des bdud kyi </font><hr>Cha205a<br><font size=+1>


@#/ /sde chen po de yang rnam par gtor bar gyur to/ /bcom ldan 'das de bzhin gshegs pa rgyal mtshan dri ma med pa des kyang bla na med pa yang dag par rdzogs pa'i byang chub tu mngon par rdzogs par sangs rgyas so/ /de nas snying po byang chub kyi lha mo mig gi dpal gyis 'khor los bsgyur ba'i rgyal po gzi brjid chen po'i mthu la bu'i 'du shes bskyed nas de bzhin gshegs pa de'i zhabs gnyis la phyag 'tshal nas smon lam btab pa/ bcom ldan 'das/ bdag gang dang gang du skyes pa de dang der 'khor los bsgyur ba gzi brjid chen po'i mthu 'di bdag gi bur gyur cig /nam 'di bla na med pa yang dag par rdzogs pa'i byang chub tu mngon par 'tshang rgya bar 'gyur ba de'i tshe 'ang bdag nyid de'i mar gyur cig /ces nas des smon lam de skad du btab ste/ snying po byang chub yal ga sna tshogs kyi 'od de nyid la gnas shing bskal pa 'od bzang po 'di nyid la de bzhin gshegs pa khrag khrig phrag bcu bsnyen bkur to/ /rigs kyi bu /de la ji snyam du sems/ de'i tshe de'i dus na snying po byang chub kyi lha mo mig gi dpal zhes bya bar gyur pa de gzhan zhig yin pa snyam du sems na ni/ rigs kyi </font><hr>Cha205b<br><font size=+1>


bu khyod kyis de ltar mi blta ste/ kho mo ni/ de'i tshe de'i dus na snying po byang chub kyi lha mo mig gi dpal zhes bya bar gyur to/ /rigs kyi bu/ de la ji snyam du sems/ de'i tshe de'i dus na 'khor los bsgyur ba'i gzi brjid chen po'i mthu zhes bya ba/ byang chub sems dpa'i dbang thob pa/ rdzu 'phrul chen po'i rnam par 'phrul pas byung ba/ bdud kyi sde chen po rnam par mthor bar byed pa de gzhan zhig yin pa snyam du sems na ni/ de ltar mi blta ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad 'di ni/ de'i tshe de'i dus na 'khor los bsgyur ba'i rgyal po gzi brjid chen po'i mthu zhes bya bar gyur to/ /rigs kyi bu| de ltar kho mo de nas nye bar bzung nas gang dang gang du skyes pa de dag thams cad du'ang 'di ni/ kho mo'i bur gyur te/ sangs rgyas kyi zhing thams cad du byang chub sems dpa'i spyad pa spyod cing / 'gro ba'i rgyud kyi sgo thams cad dang / skye gnas kyi sgo thams cad dang / dge ba'i rtsa ba'i sgo thams cad dang / byang chub sems dpa'i spyod pa'i rgyud kyi tshul thams cad dang / skyes pa'i rabs kyi tshul thams cad dang / lha'i dbang po'i tshe thams cad dang / 'jig rten gyi dbang po'i 'gro ba'i rgyud thams </font><hr>Cha206a<br><font size=+1>


@#/ /cad dang / dbang phyug gis thams cad dang / 'gro ba'i rgyud du snang ba thams cad gang dang gang du sems can yongs su smin par bya ba'i don du skyes par gyur pa de dag thams cad du yang kho mo nyid 'di'i yum du gyur te/ srid pa thams cad du 'ang kho mo nyid dang bral ba med par yum du gyur to/ /byang chub sems dpa'i skye ba'i sgo thams cad du skad cig skad cig cing byang chub sems dpa'i skye ba'i rnam par 'phrul pa bstan par gyur to/ /de dag thams cad du yang kho mo nyid 'di'i yum du gyur to/ /'das pa'i de bzhin gshegs pa mtha' dang dbus med pa tshad med pa dag gi yum du'ang kho mo gyur to/ /phyogs bcu'i de bzhin gshegs pa da ltar byung ba mtha' dang dbus med pa tshad med pa dag gi yum du'ang kho mo gyur te/ de bzhin gshegs pa ji snyed cig gi srid pa tha ma la kho mo byang chub sems dpa'i yum du gyur pa'i de bzhin gshegs pa de dag thams cad kyi sku lte ba'i dkyil 'khor nas 'od zer mang po byung zhing / kho mo'i lus dang sems rab tu snang bar mdzad do/ /rigs kyi bu/ kho mos byang chub sems dpa'i rnam par thar pa smon lam chen po ye shes sgyu ma'i rnam pas rnam par brgyan pa 'di shes par zad </font><hr>Cha206b<br><font size=+1>


na| kho mos byang chub sems dpa'i snying rje chen po'i snying po dang ldan pa/ thams cad mkhyen pa nyid du yongs su smin par bya ba dang / gdul bas mi ngoms pa'i lta can/ de bzhin gshegs pa thams cad kyi rnam par 'phrul ba ba spu'i rtse mo las 'byung bar ston pa la dbang sgyur ba de dag gi spyod pa shes pa'am/ yon tan brjod par nus re skan/ song rigs kyi bu/ sum cu rtsa gsum gyi dbang po'i gnas de nyid na lha'i bu dran pa dang ldan pa'i bu mo lha dbang 'od ces bya ba 'dug gi /de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzang gis lha mo sgyu ma'i rkang pa gnyis la spyi bos phyag 'tshal te lan brgya stong du mar g.yas phyogs su bskor ba byas nas yang dang yang bltas te/ lha mo sgyu ma'i drung nas song ngo / /shin tu rgyas pa chen po'i mdo/ sangs rgyas phal po che zhes bya ba las/ sdong pos brgyan pa'i le'u ste/ ! bam po brgya bcu pa/ de nas tshong dpon gyi bu nor bzang sum cu rtsa gsum gyi dbang ba'i gnas gang na ba dang / lha'i bu dran pa dang ldan pa'i bu mo lha dbang 'od gang na ba der song ste phyin nas lha'i bu mo lha dbang 'od kyi rkang pa gnyis la spyi bos phyag 'tshal </font><hr>Cha207a<br><font size=+1>


@#/ /te| lha'i bu mo lha dbang 'od la lan brgya stong du mar g.yas phyogs su bskor ba byas nas lha'i bu mo lha dbang 'od kyi mdun du 'dug ste thal mo sbyar nas 'di skad ces smras so/ /'phags ma lha mo/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni/ byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na/ 'phags ma lha mo/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bstan du gsol/ de skad ces smras pa dang / lha'i bu mo lha dbang 'od kyis tshong dpon gyi bu nor bzang la 'di skad ces smras so/ / rigs kyi bu/ kho mo ni/ byang chub sems dpa'i rnam par thar pa dran pa thogs pa med pa/ rnam par dag pas brgyan pa zhes bya ba thob pa ste/ rigs kyi bu/ kho mos mngon par dran pa bskal pa ut+pa la zhes bya ba zhig byung ba la kho mos de bzhin gshegs pa chu klung gang+gA'i bye ma snyed cig bsnyen bkur te/ de dag mngon par </font><hr>Cha207b<br><font size=+1>


ma byung ba'i tshe yang yongs su srung ba byas so/ /mchod pa byas so/ /longs spyod pa'i don du bza' shing gi ra ba gsol to/ /sangs rgyas bcom ldan 'das de dag byang chub sems dpar gyur te/ yum gyi sku na bzhugs pa dang / bltams pa dang / gshegs stabs mdun du bzhud pa dang / seng+ge'i nga ro chen po sgrog pa dang / gzhon nu'i sa la bzhugs pa dang / btsun mo'i 'khor gyi nang na bzhugs pa dang / mngon par byung ba dang / byang chub tu mngon par rdzogs par 'tshang rgya ba dang / chos kyi 'khor lo bskor ba dang / sangs rgyas kyi rnam par 'phrul pa thams cad yongs su ston pa mdzad pa'i tshe sems can yongs su smin pa dang / rnam par gdul bar mdzad pa de dag thams cad kyang thugs dang po bskyed pa nas nye bar bzung ba tshun chad dam pa'i chos mthar thug par zad kyi bar du kho mos shes so/ /dran no/ /rjes su dran no/ /bzung ngo / /yongs su bzung ngo / /nye bar bzung ngo / /rjes su 'brang bar byed do/ /bskal pa sa bzang po zhes bya ba zhig byung ba de la kho mos de bzhin gshegs pa chu klung gang+gA bcu'i bye ma snyed cig bsnyen bkur to/ /bskal pa grags pa bzang po zhes bya ba zhig byung ba de la kho mos de bzhin gshegs pa sangs rgyas kyi zhing gi rdul shin tu phra ba snyed cig bsnyen bkur </font><hr>Cha208a<br><font size=+1>


@#/ /to| |bskal pa dmigs su med pa zhes bya ba zhig byung ba de la kho mos sangs rgyas bye ba khrag khrig brgya stong phrag brgyad cu rtsa bzhi bsnyen bkur to| |bskal pa 'od bzang po zhes bya ba zhig byung ba de la kho mos de bzhin gshegs pa dzam+bu'i gling gi rdul shin tu phra ba snyed cig bsnyen bkur to/ /bskal pa 'od gzhal du med pa zhes bya ba zhig byung ba de la kho mos de bzhin gshegs pa chu klung gang+gA nyi shu'i bye ma snyad cig bsnyen bkur to/ /bskal pa dpal shin tu 'bar ba zhes bya ba zhig byung ba de la kho mos de bzhin gshegs pa chu klung gang+gA'i bye ma snyed cig bsnyen bkur to/ /bskal pa snying rje bzang po zhes bya ba zhig byung ba de la kho mos de bzhin gshegs pa chu klung gang+gA brgyad cu'i bye ma snyed cig bsnyen bkur to/ /bskal pa rgyal bar gyur pa zhes bya ba zhig byung ba de la kho mos de bzhin gshegs pa chu klung gang+gA drug cu'i bye ma snyed cig bsnyen bkur to/ /bskal pa zla ba bzang po zhes bya ba zhig byung ba de la kho mos de bzhin gshegs pa chu klung gang+gA bdun cu'i bye ma snyed cig bsnyen bkur to/ /rigs kyi bu/ de ltar tshul bzhin du kho mos rtag tu rgyun ma chad par de bzhin gshegs pa dgra bcom pa yang dag par rdzogs pa'i </font><hr>Cha208b<br><font size=+1>


sangs rgyas rnams dang bral bar ma gyur pa ni/ bskal pa chu klung gang+gA'i bye ma snyed cig dran te/ kho mos de bzhin gshegs pa de dag thams cad las byang chub sems dpa'i rnam par thar pa dran pa thogs pa med la rnam par dag pas brgyan pa 'di thos so/ /thos nas kyang yongs su bzung ngo / /ji skad du gsungs pa bzhin du khong du chud do// rnam par thar pa 'di nyid la kho mo rtag tu rgyun ma chad par rjes su zhugs par gnas gnas te/ de bzhin gshegs pa de dag gis byang chub sems dpa'i sa nye bar bzung ba nas dam pa'i chos gnas pa zad pa'i mthar thug gi bar gyi sangs rgyas kyi rnam par 'phrul pa ji snyed pa de dag thams cad kyang byang chub sems dpa'i rnam par thar pa dran pa thogs pa med la rnam par dag pas brgyan pa 'dis dran no/ /rjes su dran no/ /bzung ngo / /yongs su bzung ngo / /nye bar bzung ngo / /rjes su 'brang bar byed do/ /rigs kyi bu| kho mos byang chub sems dpa'i rnam par thar pa 'di shes par zad na/ kho mos byang chub sems dpa' mun pa'i mun nag dang bral ba/ 'khor ba'i nam nangs pa/ sgrib pa dang bral ba/ gnyid med pa la mos shing dga' ba/ snyom pa dang le lo rnam par spangs pa/ lus kyi 'du byed shin tu byang ba/ rtag par chos thams cad kyi rang bzhin </font><hr>Cha209a<br><font size=+1>


@#/ /khong du chud pas shin tu dag pa/ stobs bcu rnam par dag pa khong du chud pa de dag gi spyod pa shes pa'am/ yon tan brjod par nus re skan/ song rigs kyi bu/ grong khyer chen po ser skya'i gnas na byis pa'i slob dpon kun gyi bshes gnyen zhes bya ba 'dug gi/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang dga' rangs te mgu zhing nyams bde la tshim zhing yid bde ba skyes nas dge ba'i rtsa ba bsam gyis mi khyab pa'i shugs drag po rnam par 'phel bas/ lha'i bu mo lha dbang 'od kyi rkang pa gnyis la spyi bos phyag 'tshal te/ lha'i bu mo lha dbang 'od la lan brgya stong du mar g.yas phyogs su bskor ba byas nas yang dang yang bltas te lha'i bu mo lha dbang 'od kyi drung nas song ngo / / de nas tshong dpon gyi bu nor bzang sum cu rtsa gsum gyi dbang po'i gnas nas babs te mthar gyis grong khyer chen po ser skya'i gnas su byis pa'i slob dpon kun gyi bshes gnyen gang na ba der song ste phyin nas byis pa'i slob dpon kun gyi bshes gnyen gyi rkang pa gnyis la spyi bos phyag 'tshal te/ byis pa'i slob dpon kun gyi </font><hr>Cha209b<br><font size=+1>


bshes gnyen la lan brgya stong du mar g.yas phyogs su bskor ba byas nas byis pa'i slob dpon kun gyi bshes gnyen gyi mdun du 'dug ste/ thal mo sbyar nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do/ / zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bka' stsal du gsol/ de skad ces smras pa dang / byis pa'i slob dpon kun gyi bshes gnyen gyis tshong dpon gyi bu nor bzang la 'di skad ces smras so/ /rigs kyi bu/ tshong dpon gyi bu bzo mngon par shes pa zhes bya ba 'di ni/ byang chub sems dpa' las yi ge'i shes pa slob slob pa yin gyi/ 'di'i gan du song ste dris dang / 'di ni/ khyod la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba ston par 'gyur ro/ /zhes nas tshong dpon gyi bu </font><hr>Cha210a<br><font size=+1>


@#/ /nor bzang tshong dpon gyi bu bzo mngon par shes pa gang na ba der song ste/ tshong dpon gyi bu bzo mngon par shes pa'i rkang pa gnyis la spyi bos phyag 'tshal nas tshong dpon gyi bu bzo mngon par shes pa'i mdun du 'dug ste/ thal mo sbyar nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bka' stsal du gsol/ des smras pa rigs kyi bu/ kho bo ni/ byang chub sems dpa'i rnam par thar pa bzo mngon par shes pa dang ldan pa thob pa ste/ rigs kyi bu/ de ltar kho bo yi ge'i ma mo slob pa'i tshe yi ge a brjod pa dang byang chub sems dpa'i mthus shes rab kyi pha rol tu phyin pa'i sgo yul tha mi dad pa zhes bya ba khong du chud do/ /ra zhes bya ba brjod pa </font><hr>Cha210b<br><font size=+1>


dang shes rab kyi pha rol tu phyin pa'i sgo gzhi'i bye brag mtha' yas pa zhes bya ba khong du chud do/ /pa zhes bya ba brjod pa dang shes rab kyi pha rol tu phyin pa'i sgo chos kyi gzhi yang dag par 'dres pa zhes bya ba khong du chud do/ /tsa zhes bya ba brjod pa dang shes rab kyi pha rol tu phyin pa'i sgo 'khor lo rnam par phye ba kun nas gcod pa zhes bya ba khong du chud do| |na zhes bya ba brjod pa dang shes rab kyi pha rol tu phyin pa'i sgo gnas med pas gzhi thug pa med pa zhes bya ba khong du chud do/ /la zhes bya ba brjod pa dang shes rab kyi pha rol tu phyin pa'i sgo ming dang bral te gnas med pas dri ma med pa zhes bya ba khong du chud do/ /da zhes bya ba brjod pa dang shes rab kyi pha rol tu phyin pa'i sgo sbyor ba phyir ldog pa zhes bya ba khong du chud do/ /ba zhes bya ba brjod pa dang shes rab kyi pha rol tu phyin pa'i sgo rdo rje'i dkyil 'khor ces bya ba khong du chud do/ /Da zhes bya ba brjod pa dang shes rab kyi pha rol tu phyin pa'i sgo kun tu 'khor lo zhes bya ba khong du chud do/ /Sha zhes bya ba brjod pa dang shes rab kyi pha rol tu phyin pa'i sgo rgya mtsho'i snying po zhes bya ba khong du chud do/ /ba zhes bya ba brjod pa dang shes rab kyi pha rol tu phyin pa'i sgo kun nas rnam par 'phel bar rnam par sgrub pa zhes bya ba khong du chud do/ /ta zhes </font><hr>Cha211a<br><font size=+1>


@#/ /bya ba brjod pa dang shes rab kyi pha rol tu phyin pa'i sgo skar ma'i dkyil 'khor ces bya ba khong du chud do/ /ya zhes bya ba brjod pa dang shes rab kyis rol tu phyin pa'i sgo phung po tha mi dad pa zhes bya ba khong du chud do/ /Sh+Ta zhes bya ba brjod pa dang shes rab kyi pha rol tu phyin pa'i sgo gdung ba kun nas zhi bar byed pa'i 'od ces bya ba khong du chud do/ /ka zhes bya ba brjod pa dang shes rab kyi pha rol tu phyin pa'i sgo sprin tha mi dad pa zhes bya ba khong du chud do/ /sa zhes bya ba brjod pa dang shes rab kyi pha rol tu phyin pa'i sgo char mngon par 'bab pas khyab pa zhes bya ba khong du chud do/ /ma zhes bya ba brjod pa dang shes rab kyi pha rol tu phyin pa'i sgo shugs chen pos brgyan pa'i rtse mo zhes bya ba khong du chud do/ /ga zhes bya ba brjod pa dang shes rab kyi pha rol tu phyin pa'i sgo kun nas rnam par bsgrubs pa zhes bya ba khong du chud do| |tha zhes bya ba brjod pa dang shes rab kyi pha rol tu phyin pa'i sgo de bzhin nyid tha mi dad pa'i snying po zhes bya ba khong du chud do/ /dza zhes bya ba brjod pa dang shes rab kyi pha rol tu phyin pa'i sgo 'gro ba'i 'khor ba rnam par dag pa la 'jug pa zhes bya ba khong du chud do/ /swa zhes bya ba brjod pa dang shes rab kyi pha rol tu phyin pa'i sgo sangs </font><hr>Cha211b<br><font size=+1>


rgyas thams cad dran pas brgyan pa zhes bya ba khong du chud do/ /d+ha zhes bya ba brjod pa dang shes rab kyi pha rol tu phyin pa'i sgo chos kyi dkyil 'khor rnam par dpyod pa rnam par 'byed pa zhes bya ba khong du chud do/ /sha zhes bya ba brjod pa dang shes rab kyi pha rol tu phyin pa'i sgo sangs rgyas thams cad kyi gdams ngag gi 'khor lo snang ba zhes bya ba khong du chud do/ /kha zhes bya ba brjod pa dang shes rab kyi pha rol tu phyin pa'i sgo mngon par 'du bya ba'i rgyu dang / sa'i ye shes kyi snying po zhes bya ba khong du chud do/ /k+Sha zhes bya ba brjod pa dang shes rab kyi pha rol tu phyin pa'i sgo las zhi ba rgya mtsho'i mdzod rnam par 'byed pa zhes bya ba khong du chud do/ /sta zhes bya ba brjod pa dang shes rab kyi pha rol tu phyin pa'i sgo nyon mongs pa thams cad rnam par 'thor bas rnam par dag pa'i snying po zhes bya ba khong du chud do/ /nya zhes bya ba brjod pa dang shes rab kyi pha rol tu phyin pa'i sgo 'jig rten 'byung ba rnam par dmigs pa zhes bya ba khong du chud do/ /pha zhes bya ba brjod pa dang shes rab kyi pha rol tu phyin pa'i sgo 'khor ba dang mi mthun pa'i 'khor lo'i ye shes dkyil 'khor ces bya ba khong du chud do/ /b+ha zhes bya ba brjod pa dang shes rab kyi pha rol tu phyin pa'i sgo gnas kyi dkyil 'khor thams cad rnam par dmigs </font><hr>Cha212a<br><font size=+1>


@#/ /par brgyan pa zhes bya ba khong du chud do/ /tsha zhes bya ba brjod pa dang shes rab kyi pha rol tu phyin pa'i sgo bsags pa dam pa'i thabs kyi spyod pa'i gdugs kyi dkyil 'khor tha dad pa zhes bya ba khong du chud do/ /sma zhes bya ba brjod pa dang shes rab kyi pha rol tu phyin pa'i sgo sangs rgyas thams cad blta ba'i phyogs la mngon du gyur pa zhes bya ba khong du chud do/ /hwa zhes bya ba brjod pa dang shes rab kyi pha rol tu phyin pa'i sgo sems can thams cad kyi mdog la rnam par lta ba'i stobs shin tu skyes ba rgya mtsho'i snying po zhes bya ba khong du chud do/ /yas zhes bya ba brjod pa dang shes rab kyi pha rol tu phyin pa'i sgo yon tan rgya mtsho thams cad nan tan rtogs par 'jug pa zhes bya ba khong du chud do/ /g+ha zhes bya ba brjod pa dang shes rab kyi pha rol tu phyin pa'i sgo chos thams cad kyi sprin yongs su 'dzin pa'i rgya mtsho brtan pa zhes bya ba khong du chud do/ /Ta zhes bya ba brjod pa dang shes rab kyi pha rol tu phyin pa'i sgo sangs rgyas thams cad smon lam gyi phyogs su mngon par 'gro ba zhes bya ba khong du chud do/ /Na zhes bya ba brjod pa dang shes rab kyi pha rol tu phyin pa'i sgo yi ge 'khor lo mi zad pa'i mtha' rnam par 'byed pa zhes bya ba khong du chud do/ /spa zhes </font><hr>Cha212b<br><font size=+1>


bya ba brjod pa dang shes rab kyi pha rol tu phyin pa'i sgo sems can thams cad yongs su smin par bya ba'i mthar phyin pa'i dkyil 'khor ces bya ba khong du chud do/ /ska zhes bya ba brjod pa dang shes rab kyi pha rol tu phyin pa'i sgo sa'i snying po tha dad pa yang dag par shes pa thogs pa med pa'i snang bas 'khor lo rgyas par 'gengs pa zhes bya ba khong du chud do| |yam zhes bya ba brjod pa dang shes rab kyi pha rol tu phyin pa'i sgo sangs rgyas thams cad kyi chos shin tu bstan pa'i yul zhes bya ba khong du chud do/ /sh+tsa zhes bya ba brjod pa dang shes rab kyi pha rol tu phyin pa'i sgo sems can gyi nam mkha' las chos kyi sprin gyi 'brug sgra byung bas rgyas par 'gengs pa zhes bya ba khong du chud do/ /Tha zhes bya ba brjod pa dang shes rab kyi pha rol tu phyin pa'i sgo sems can gyi don bdag med pa'i dgos pa mthar phyin par zin pa'i sgron ma zhes bya ba khong du chud do/ /d+ha zhes bya ba brjod pa dang shes rab kyi pha rol tu phyin pa'i sgo chos kyi 'khor lo tha mi dad pa'i snying po zhes bya ba khong du chud do/ /rigs kyi bu/ kho bo de ltar yi ge'i ma mo slob pa'i tshe shes rab kyi pha rol tu phyin pa'i sgo de dag la sogs pa shes rab kyi pha rol tu phyin pa'i sgo tshad med grangs med pa zhig khong du chud do/ /rigs kyi bu/ de </font><hr>Cha213a<br><font size=+1>


@#/ /ltar kho bo ni/ byang chub sems dpa'i rnam par thar pa bzo mngon par shes pa dang ldan pa 'di thob pa ste/ rigs kyi bu/ kho bos de shes par zad na| kho bos byang chub sems dpa' 'jig rten dang 'jig rten las 'das pa'i bzo gnas thams cad kyi pha rol tu phyin pa'i mchog thob pa/ bzo'i gnas thams cad la 'jug pa dang / yi ge dang / grangs dang / rtsis dang / shod thabs thams cad khong du chud par bya ba dang / sngags dang / sman thams cad kyi tshul la mkhas pa rab tu thob par bya ba dang / 'byung po dang / gza' dang / skar ma dang / brjed byed dang / byang stems dang / ro langs kyi gnod pa thams cad gso ba dang / sems can gyi khams gso bar bya ba'i sman dang thabs kyi rgyus dang / khams kyi thabs yongs su bsdu ba'i cho ga dang / gser dang / nor bu dang / mu tig dang / bai DUR+Ya dang / dung dang / man shel dang / byi ru dang / mu tig dmar po dang / mu sa ra gar+b+ha dang / ke sa ra dang / dpal gyi snying po dang / rin po che thams cad 'byung zhing skye ba dang / rigs dang / 'byung khungs dang / rin thang gi rgyus shes par bya ba dang / bza' shing gi ra ba dang / dka' thub kyi nags tshal dang / grong dang / grong khyer dang / ljongs dang / khams dang / </font><hr>Cha213b<br><font size=+1>


rgyal ba'i gnas mngon par sgrub pa dang / ri dwags dang / 'khor lo dang / mtshan ma blta ba dang / sems can gyi mtshan gyi ltas dang / sa g.yo ba dang / phyogs tshig pa dang / skar mda' ltung ba dang / dge mi dge dang / mu ge dang / lo legs pa la sogs pa 'jig rten gyi thabs lag thams cad kyi rgyus khong du chud par bya ba dang / 'jig rten las 'das pa'i chos rnam par phye ba thams cad brjod cing bstan pa dang / khong du chud par bya ba dang / yang dag pa nyid rjes su rig par bya ba'i rgyus la sgrib pa'am/ the tshom mam/ yid gnyis sam/ nem nur ram/ tsham tshom mam/ mgo rmongs pa'am/ 'khor ba'am/ mi bde ba'am/ sgyid lug pa'am/ mi shes pa'am/ khong du mi chud pa med pa de dag gi spyod pa shes pa'am/ yon tan brjod par nus re skan/ song rigs kyi bu/ yul ma ga d+ha 'di nyid kyi ljongs dag pa zhes bya ba'i grong khyer 'tsho ba zhes bya ba na dge bsnyen ma bzang mo'i mchog ces bya ba 'dug gi /de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig / de nas tshong dpon gyi bu nor bzang gis tshong dpon gyi bu bzo mngon par shes pa'i rkang pa gnyis la spyi bos phyag 'tshal te/ tshong dpon gyi bu bzo mngon par shes pa </font><hr>Cha214a<br><font size=+1>


@#/ /la lan brgya stong du mar g.yas phyogs su bskor ba byas nas yang dang yang bltas te tshong dpon gyi bu bzo mngon par shes pa'i drung nas song ngo / /de nas tshong dpon gyi bu nor bzang ljongs dag pa'i grong khyer 'tsho ba gang na ba dang / dge bsnyen ma bzang mo'i mchog gang na ba der song ste phyin nas dge bsnyen ma bzang mo'i mchog gi rkang pa gnyis la spyi bos phyag 'tshal nas dge bsnyen ma bzang mo'i mchog la lan brgya stong du mar g.yas phyogs su bskor ba byas te dge bsnyen ma bzang mo'i mchog gi mdun du 'dug nas thal mo sbyar te 'di skad ces smras so/ /'phags ma/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags ma ni| byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na/ ji ltar byang chub sems dpas byang chub dpa'i spyod pa la bslab par bgyi ba dang / ji ltar nan tan du bgyi ba 'phags mas bdag la bstan du gsol/ des smras pa/ rigs kyi bu/ kho mo ni/ chos kyi rnam </font><hr>Cha214b<br><font size=+1>


grangs gnas med pa'i dkyil 'khor ces bya ba shes shing ston pa ste/ kho mos thogs pa med pa zhes bya ba'i ting nge 'dzin kyang thob bo/ /ting nge 'dzin de ni/ chos gang la yang thogs pa med de/ de la gnas na/ thams cad mkhyen pa nyid du mig thogs pa med pa 'jug go/ thams cad mkhyen pa nyid du rna ba thogs pa med pa dang / thams cad mkhyen pa nyid du sna tshogs pa med pa dang / thams cad mkhyen pa nyid du lce thogs pa med pa dang / thams cad mkhyen pa nyid du lus thogs pa med pa dang / thams cad mkhyen pa nyid du yid thogs pa med pa yang rab tu 'jug go/ thams cad mkhyen pa nyid kyi rlabs thogs pa med pa dang / thams cad mkhyen pa nyid du snang ba thogs pa med pa dang / thams cad mkhyen pa nyid du shugs thogs pa med pa 'gro ba rab tu snang ba'i dkyil 'khor dag kyang rab tu 'jug go /rigs kyi bu/ kho mo ni/ chos kyi rnam grangs gnas med pa'i dkyil 'khor 'di shes shing khong du chud par zad na/ kho mos byang chub sems dpa'i spyod pa chags pa med pa ril gyis shes par nus re skan/ song rigs kyi bu| lho phyogs kyi rgyud na khrong khyer rgyas pa'i 'gram zhes bya ba yod do/ de na gsar tshong gces pa gtong ba zhes bya ba 'dug gi /de'i gan du song la ji ltar byang chub sems </font><hr>Cha215a<br><font size=+1>


@#/ /dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzang gis dge bsnyen ma bzang mo'i mchog gi rkang pa gnyis la spyi bos phyag 'tshal te/ dge bsnyen ma bzang mo'i mchog la lan brgya stong du mar g.yas phyogs su bskor ba byas nas yang dang yang bltas te dge bsnyen ma bzang mo'i mchog gi drung nas song ngo / /de nas tshong dpon gyi bu nor bzang mthar gyis lho phyogs kyi rgyud du song ste/ grong khyer rgyas pa'i 'gram du gser tshong gces pa gtong ba gang na ba der phyin te/ gser tshong gces pa gtong ba'i rkang pa gnyis la spyi bos phyag 'tshal te mdun du 'dug nas thal mo spyar te 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyad pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji </font><hr>Cha215b<br><font size=+1>


ltar nan tan du bgyi ba 'phags pas bdag la bka' stsal du gsol/ des smras pa/ rigs kyi bu/ kho bo ni/ byang chub sems dpa'i rnam par thar pa dran pa thogs pa med la rnam par dag pas rnam par brgyan pa zhes bya ba shes te/ kho bo ni/ phyogs bcu'i de bzhin gshegs pa rnams kyi zhabs kyi drung du chos yongs su tshol ba rgyun mi gcod pa'o/ /rigs kyi bu/ kho bos byang chub sems dpa'i rnam par thar pa dran pa thogs pa med la rnam par dag pas rnam par brgyan pa 'di shes par zad na/ kho bos byang chub sems dpa' bag tsha ba med par seng+ge'i nga ro sgrog pa/ bsod nams dang ye shes chen po la gnas pa de dag gi spyod pa shes pa'am/ yon tan brjod par nus re skan| song rigs kyi bu/ rgyas pa'i 'gram gyi grong khyer 'di nyid na khyim bdag zla ba bzang po zhes bya ba/ rtag tu khyim snang bar gyur pa dang ldan pa zhig 'dug gi/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzang gis gser tshong gces pa gtong gi rkang pa gnyis la spyi bos phyag 'tshal te/ gser tshong gces pa gtong ba la lan brgya stong du mar g.yas phyogs su bskor ba </font><hr>Cha216a<br><font size=+1>


@#/ /byas nas yang dang yang bltas te gser tshong gces pa gtong ba'i drung nas song ngo / /de nas tshong dpon gyi bu nor bzang khyim bdag zla ba bzang po gang na ba der song ste/ khyim bdag zla ba bzang po'i rkang pa gnyis la spyi bos phyag 'tshal nas mdun du 'dug ste thal mo sbyar nas 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bstan du gsol/ smras pa/ rigs kyi bu/ kho bos ni/ rnam par thar pa ye shes dri ma med pa'i 'od ces bya ba thob ste/ rigs kyi bu/ kho bos byang chub sems dpa'i rnam par thar pa ye shes dri ma med pa'i 'od 'di shes par zad na/ kho bos byang chub sems dpa' rnam par thar pa tshad med pa thob pa rnams kyi spyod pa shes pa'am/ yon tan brjod par nus re skan/ </font><hr>Cha216b<br><font size=+1>


song rigs kyi bu/ lho phyogs kyi rgyud 'di nyid na grong khyer ri dwags gnas zhes bya ba yod de/ de na khyim bdag mi pham sde zhes bya ba 'dug gi/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzang gis khyim bdag zla ba bzang po'i rkang pa gnyis la spyi bos phyag 'tshal te khyim bdag zla ba bzang po la lan brgya stong du mar g.yas phyogs su bskor ba byas nas yang dang yang bltas te khyim bdag zla ba bzang po'i drung nas song ngo / /de nas tshong dpon gyi bu nor bzang mthar gyis grong khyer ri dwags kyi gnas gang na ba der song ste/ khyim bdag mi pham sde gang na ba der phyin nas khyim bdag mi pham sde'i rkang pa gnyis la spyi bos phyag 'tshal te mdun du 'dug nas thal mo sbyar te 'di skad ces smras so/ /'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na/ ji </font><hr>Cha217a<br><font size=+1>


@#/ /ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba bdag la bka' stsal du gsol| smras pa/ rigs kyi bu/ kho bos ni/ byang chub sems dpa'i rnam par thar pa mi zad pa'i mtshan nyid ces bya ba thob ste/ de thob pas ni/ sangs rgyas mi zad pa mthong ba'i gter rab tu thob par 'gyur ro/ /song rigs kyi bu/ lho phyogs kyi rgyud 'di nyid kyi chos kyi yul gru na bram ze zhi 'dzin mchog ces bya ba 'dug gi /de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig /de nas tshong dpon gyi bu nor bzang gis khyim bdag mi pham sde'i rkang pa gnyis la spyi bos phyag 'tshal te/ khyim bdag mi pham sde la lan brgya stong du mar g.yas phyogs su bskor ba byas nas yang dang yang bltas te khyim bdag mi pham sde'i drung nas song ngo / /de nas tshong dpon gyi bu nor bzang mthar gyis chos kyi yul grur song nas bram ze zhi 'dzin mchog gang na ba der phyin te/ bram ze zhi 'dzin mchog gi rkang pa gnyis la spyi bos phyag 'tshal te mdun du 'dug nas thal mo sbyar te 'di skad ces smras so/ / </font><hr>Cha217b<br><font size=+1>


'phags pa/ bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa ni/ byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na| ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pas bdag la bka' stsal du gsol/ des smras pa/ rigs kyi bu/ kho bo ni/ bden pa'i byin gyi rlabs kyis spyod pa ste/ bden pa'i tshig gang gis dus gsum du byang chub sems dpa' gang yang bla na med pa yang dag par rdzogs pa'i byang chub las phyir mi ldog /ldog par mi 'gyur zhe na/ bden pa'i tshig gi byin gyi rlabs des bdag gi dgos pa 'di dang 'di zhig grub par shog cig /ces byas na yang des kho bo'i bsam pa thams cad de bzhin du 'grub bo/ /rigs kyi bu/ kho bo ni/ bden pa'i byin gyi rlabs de lta bus dgos pa thams cad sgrub ste| rigs kyi bu/ kho bos bden pa'i byin gyi rlabs 'di shes par zad na/ kho bos byang chub sems dpa' bden pa'i rjes su 'brang ba'i tshig rab tu thob pa rnams kyi </font><hr>Cha218a<br><font size=+1>


@#/ /spyod pa shes pa'am/ yon tan brjod par nus re skan/ song rigs kyi bu/ lho phyogs kyi rgyud 'di nyid na grong khyer yid bzang po'i sgo zhes bya ba yod de| de na khye'u dpal 'byung ba zhes bya ba dang / bu mo dpal gyi blo gros ma zhes bya ba gnyis shig 'khod kyi/ de'i gan du song la ji ltar byang chub sems dpas byang chub sems dpa'i spyod pa la bslab par bya ba dang / ji ltar nan tan du bya ba dris shig/ de nas tshong dpon gyi bu nor bzang gis chos kyi rim gro cher bskyed de bram ze zhi 'dzin mchog gi rkang pa gnyis la spyi bos phyag byas nas bram ze zhi 'dzin mchog la lan brgya stong du mar g.yas phyogs su bskor ba byas te yang dang yang bltas nas bram ze gzhi 'dzin mchog gi drung nas song ngo / /de nas tshong dpon gyi bu nor bzang mthar gyis grong khyer yid bzang po'i sgor song ste/ khye'u dpal 'byung ba dang / bu mo dpal gyi blo gros ma gang na ba der song nas de gnyis kyi rkang pa la spyi bos phyag 'tshal te mdun du 'dug nas thal mo sbyar te 'di skad ces smras so/ /'phags pa| bdag gis bla na med pa yang dag par rdzogs pa'i byang chub tu sems bskyed na/ ji ltar byang chub sems dpas byang chub sems dpa'i spyod pa la bslab par </font><hr>Cha218b<br><font size=+1>


bgyi ba dang / ji ltar nan tan du bgyi ba ma 'tshal te/ 'phags pa dag ni/ byang chub sems dpa' rnams la gdams ngag dang / rjes su bstan pa mdzad do/ /zhes bdag gis thos na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba 'phags pa dag gis bdag la bka' stsal du gsol/ de nas khye'u dpal 'byung ba dang / bu mo dpal gyi blo gros mas tshong dpon gyi bu nor bzang la 'di skad ces smras so/ /rigs kyi bu/ bdag cag gnyis kyis ni/ byang chub sems dpa'i rnam par thar pa sgyu ma'i rnam pa zhes bya ba thob ste/ mngon du byas so/ /rigs kyi bu/ de ltar kho bo cag rnam par thar pa 'di dang ldan pas 'jig rten thams cad sgyu ma'i rnam par rgyu rkyen sgyu ma las byung bar mthong ngo / /las dang nyon mongs pa sgyu mar shes pas sems can thams cad kyang sgyu ma'i rnam par shes so/ /ma rig pa dang / srid pa dang / sred pa'i rgyu las byung bas 'gro ba thams cad kyang sgyu ma'i rnam par mthong ngo / /phan tshun gyi rkyen gyi rgyu las byung bas chos thams cad kyang sgyu ma'i rnam par mthong ngo / /phyin ci log gi rgyu las byung bas khams gsum thams cad kyang sgyu ma'i rnam par mthong ngo / /yang dag pa ma yin pa'i rtog pa'i rgyus bskyed pas sems </font><hr>Cha219a<br><font size=+1>


@#/ /can thams cad kyi 'chi 'pho dang / 'byung ba dang / skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang 'khrug pa rnams kyang sgyu ma'i rnam par mthong ngo / /'du shes dang / sems dang / lta ba phyin ci log gi rgyu las dngos po med pa'i 'du shes kyis rmongs te byung bas zhing thams cad kyang sgyu ma'i rnam par mthong ngo / /ye shes kyi spong ba'i rgyu la brtags te bskyed pas nyan thos dang / rang sangs rgyas thams cad kyang sgyu ma'i rnam par mthong ngo / /sgyu mar mngon par bsgrubs pa las grub ste/ sprul pa'i spyod pa dang / 'dul ba sgyu ma'i rang bzhin pas byang chub sems dpa'i spyod pa dang / smon lam gyis yongs su smin par bya ba dang / gdul ba gcig nas gcig tu brgyud pa yang sgyu ma'i rnam pa lta bur shes so/ /smon lam dang / ye shes sgyu mas mngon par bsgrubs te| yul bsam gyis mi khyab pa bsgyu ma'i rang bzhin yin pas sangs rgyas dang / byang chub sems dpa' thams cad kyi dkyil 'khor kyang sgyu mar mthong ngo / /rigs kyi bu| bdag cag gnyis kyis ni/ byang chub sems dpa'i rnam par thar pa sgyu ma'i rang bzhin 'di shes par zad na/ kho bo cag gis byang chub sems dpa' las sgyu </font><hr>Cha219b<br><font size=+1>


ma mtha' yas pas rnam par sgrub pa'i dra ba khong du chud pa rnams kyi spyod pa shes pa'am/ yon tan brjod par nus re skan/ de nas khye'u dpal 'byung pa dang / bu mo dpal gyi blo gros mas tshong dpon gyi bu nor bzang dge ba'i rtsa ba'i shugs drag po bsam gyis mi khyab pas mngon par brlan nas rang gi rnam par thar pa'i yul bstan te 'di skad ces smras so| |song rigs kyi bu/ lho phyogs kyi rgyud 'di nyid kyi phyogs kyi sgo'i gnas rgya mtsho'i 'gram zhes bya ba de na bza' shing gi ra ba rgya chen po zhes bya ba yod de de'i nang na khang pa brtsegs pa chen po rnam par snang mdzad kyi rgyan gyis brgyan pa'i snying po zhes bya ba/ byang chub sems dpa'i dge ba'i rtsa ba rnam par smin pa las mngon par grub pa/ byang chub sems dpa'i sems dang yid la bya ba las byung ba/ byang chub sems dpa'i smon lam las mngon par skyes pa/ byang chub sems dpa'i dbang las byung ba| byang chub sems dpa'i mngon par shes pa'i ye shes kyi stobs kyis sprul pa/ byang chub sems dpa'i thabs mkhas pa las byung ba/ byang chub sems dpa'i bsod nams dang ye shes kyi stobs kyis rdzogs pa/ byang chub sems dpa'i snying rje chen pos sems can rnam par gdul ba'i don du bstan pa/ byang chub sems </font><hr>Cha220a<br><font size=+1>


@#/ /dpa'i byin gyi rlabs rnam par phye bas bsgru bas pa/ byang chub sems dpa'i rnam par thar pa bsam gyis mi khyab pa'i gnas la 'jug pa'i rgyan gyis brgyan pa yod de/ de na byang chub sems dpa' sems dpa' chen po byams pa zhes bya ba/ skye ba'i sa la gnas pa'i mi rnams rjes su gzung ba dang / pha dang / ma dang / gnyen du gyur pa rnams yongs su smin par bya ba dang / der skyes pa'i byang chub sems dpa' skal pa mnyam pa rnams kyi theg pa chen po rab tu bstan par bya ba dang / de ma yin pa'i sems can gzhan rnams kyang gar 'os pa'i sar dge ba'i rtsa bas yongs su smin par bya ba dang / rang gi rnam par thar pa'i tshul la 'jug par bya ba yongs su bstan pa dang / byang chub sems dpa'i skye ba la dbang sgyur ba thams cad kyi rjes su song ba rab tu brjod pa dang / sems can thams cad kyi skye ba yongs su bstan pa la mngon par gzhol bar bya bas sems can yongs su smin par bya ba mi gtang ba dang / 'gro ba thams cad yongs su gzung ba mi smad pas byang chub sems dpa'i snying rje chen po'i stobs bstan par bya ba dang / byang chub sems dpa'i gnas gzhi rten thams cad las gyen du 'phags pa khong du chud par bya </font><hr>Cha220b<br><font size=+1>


ba dang / gnas med pa la gzhol bar srid par skye ba thams cad na gnas pa yongs su bstan pa'i don du 'dug gi/ de'i gan du song la ji ltar byang chub sems dpas byang chub sems dpa'i spyod pa yongs su dri ba dang / ji ltar byang chub sems dpa'i lam yongs su dag par bya ba dang / ji ltar byang chub sems dpas byang chub sems dpa'i bslab pa la nan tan du bya ba dang / ji ltar byang chub sems dpas byang chub kyi sems yongs su sbyang bar bya ba dang / ji ltar byang chub sems dpas byang chub sems dpa'i smon lam mngon par bsgrub par bya ba dang / ji ltar byang chub sems dpas byang chub sems dpa'i tshogs yongs su gsog par bya ba dang / ji ltar byang chub sems dpas byang chub sems dpa'i sa yongs su gnon par bya ba dang / ji ltar byang chub sems dpas byang chub sems dpa'i pha rol tu phyin pa yongs su rdzogs par bya ba dang / ji ltar byang chub sems dpas byang chub sems dpa'i bzod pa la 'jug par bya ba dang / ji ltar byang chub sems dpas byang chub sems dpa'i nan tan gyi yon tan la gnas par bya ba dang / ji ltar byang chub sems dpas dge ba'i bshes gnyen bsnyen bkur bar bya ba dris shig/ de ci'i phyir zhe na/ rigs kyi bu/ byang chub sems dpa' byams pa </font><hr>Cha221a<br><font size=+1>


@#/ /zhes bya ba de ni/ byang chub sems dpa'i spyod pa thams cad la zhugs pa'o/ /de ni/ sems can thams cad kyi sems dang / bsam pa rtogs par khong du chud pa'o/ /de ni/ sems can thams cad kyi spyod pa'i rjes su zhugs pa'o/ /de ni/ sems can thams cad yongs su smin par bya ba dang / gdul ba la mngon du gyur pa'o/ /des ni/ pha rol tu phyin pa thams cad yongs su rdzogs par byas pa'o/ /de ni/ byang chub sems dpa'i sa thams cad la rab tu gnas pa'o/ /des ni/ byang chub sems dpa'i bzod pa thams cad rab tu thob pa'o/ /de ni/ byang chub sems dpa'i skyon med par zhugs pa'o/ /des ni/ lung bstan pa thams cad yang dag par blangs pa'o/ /de ni/ byang chub sems dpa'i rnam par thar pa thams cad la rnam par rtse ba'o/ /des ni/ sangs rgyas kyi byin gyi rlabs thams cad yongs su blangs pa'o/ /de ni/ de bzhin gshegs pa thams cad kyis thams cad mkhyen pa'i ye shes kyi yul la dbang bskur bas mngon par dbang bskur ba'o/ /rigs kyi bu| dge ba'i bshes gnyen de khyod la dge ba'i rtsa ba thams cad kyis ni/ mngon par brlan par byed do/ /byang chub tu sems bskyed pa ni/ rnam par 'phel </font><hr>Cha221b<br><font size=+1>


bar byed do/ /lhag pa'i bsam pa'i dbyings ni/ rab tu ston par byed do/ /dge ba'i rtsa ba thams cad ni/ shin tu byang bar byed do/ /byang chub sems dpa'i dbang po'i shugs ni| yang dag par 'phel bar byed do/ /chos kyi phyogs bsgribs pa med pa ni/ yongs su ston par byed do/ /gzhi kun tu zug pa'i sa khong du chud par bya ba ni/ rtogs par byed de| |byang chub sems dpa' thams cad kyi smon lam gyi sar 'byung ba'i sgo la ni/ gzhog par byed do/ /byang chub sems dpa' thams cad kyi spyod pa dang / smon lam gyi yon tan yongs su 'grub pa ni/ yang dag par brjod par 'gyur ro/ /byang chub sems dpa' kun tu bzang po'i spyod pa thos par bya ba skye ba'i sgo ni/ yongs su ston par 'gyur gyi| rigs kyi bu/ khyod dag ba'i rtsa ba gcig la chags par ma byed cig/ chos kyi sgo'i 'od snang ba gcig la gzhol bar ma byed cig/ spyod pa gcig yongs su rdzogs pas chog par ma sems shig/ smon lam gcig pu mngon par sgrub pa lhur ma len cig/ lung bstan pa gcig gi mthar thug pas rgyun gcad par ma byed cig /bzod pa gsum la 'jug pas chog par bya ba'i 'du shes su ma byed cig/ pha rol tu phyin pa drug yongs su rdzogs par bya ba rgyun ma gcod cig/ sa bcu thob pas mthar thug </font><hr>Cha222a<br><font size=+1>


@#/ /par ma byed cig /sangs rgyas kyi zhing tshad yod pa yongs su gzung ba dang / yongs su dag par bya ba ma smon cig /dge ba'i bshes gnyen tshad yod pa dga' bar bya ba dang / bsnyen bkur bas ngoms par ma byed cig /de ci'i phyir zhe na/ rigs kyi bu/ byang chub sems dpas ni/ dge ba'i rtsa ba tshad med pa yongs su bsdu bar bya dgos so/ /byang chub sems dpa'i tshogs tshad med pa shin tu bsgrub dgos so/ /byang chub sems dpa'i sems kyi rgyu tshad med pa yongs su gsag dgos so/ /yongs su bsngo ba'i tshul tshad med pa bslab par bya ba dgos so/ /sems can gyi khams tshad med pa yongs su smin par bya dgos so/ /sems can gyi bsam pa'i khams tshad med pa la 'jug par bya dgos so/ /sems can gyi dbang po tshad med pa yongs su shes par bya dgos so/ /sems can gyi mos pa tshad med pa'i rjes su 'brang bar bya dgos so/ /sems can gyi spyod pa tshad med pa khong du chud par bya dgos so/ /sems can tshad med pa gdul bar bya dgos so/ /nyon mongs pa dang bag la nyal ba tshad med pa yang dag par gzhom dgos so/ /las kyi sgrib pa tshad med pa yongs su sbyang dgos so/ /lta ba'i rnam pa tshad med pa rnam par bzlog </font><hr>Cha222b<br><font size=+1>


dgos so/ /sems can gyi kun nas nyon mongs pa tshad med pa gsal bar bya dgos so/ /sems rnam par dag pa tshad med pa bskyed par bya dgos so/ /sdug bsngal gyi zug rdu tshad med pa yang dag par dbyung dgos so/ /sred pa'i rgya mtsho tshad med pa yongs su bskam par bya dgos so/ /ma rig pa'i mun pa tshad med pa rnam par bsal dgos so// nga rgyal gyi ri tshad med pa rab tu bsnyil dgos so/ /'khor ba'i bcings pa tshad med pa shin tu gtub dgos so/ /srid pa'i chu bo tshad med pa brgal dgos so/ /tshe'i rgya mtsho tshad med pa bskam dgos so/ /sems can 'dod pa'i 'dam du thogs pa tshad med pa yongs su dgrol dgos so/ /sems can khams gsum gyi khyim du thogs pa tshad med pa gdon par bya dgos so/ /sems can tshad med pa 'phags pa'i lam la dgod dgos so/ /'dod chags dang / zhe sdang dang / gti mug gi spyod pa tshad med pa rab tu zhi bar bya dgos so/ /bdud kyi zhags pa tshad med pa las yang dag par 'das par bya dgos so/ /bdud kyi las tshad med pa rnam par bzlog dgos so/ /byang chub sems dpa'i lhag pa'i bsam pa'i khams tshad med pa yongs su sbyang dgos so/ /byang chub sems dpa'i sbyor ba tshad med pa rnam par 'phel bar bya dgos so/ / </font><hr>Cha223a<br><font size=+1>


@#/ /byang chub sems dpa'i dbang po tshad med pa yongs su bskyed dgos so/ /byang chub sems dpa'i mos pa tshad med pa yongs su sbyang dgos so/ / byang chub sems dpa'i mnyam pa nyid tshad med pa la 'jug par bya dgos so/ /byang chub sems dpa'i spyod pa'i khyad par tshad med pa'i rjes su 'brang bar bya dgos so| |byang chub sems dpa'i yon tan tshad med pa yongs su dag par bya dgos so/ /byang chub sems dpas bya ba'i spyod pa tshad med pa yongs su rdzogs par bya dgos so/ /'jig rten gyi spyod pa tshad med pa'i rjes su 'brang bar bya dgos so/ /'jig rten gyi rjes su 'brang ba tshad med pa yongs su bstan dgos so/ /dad pa'i stobs tshad med pa yongs su bskyed dgos so/ /brtson 'grus kyi stobs tshad med pa nye bar brtan dgos so/ /dran pa'i stobs tshad med pa yongs su dag par bya dgos so/ /ting nge 'dzin gyi stobs tshad med pa yongs su rdzogs par bya dgos so/ /shes rab kyi stobs tshad med pa bskyed par bya dgos so/ /mos pa'i stobs tshad med pa brtan par bya dgos so/ /bsod nams kyi stobs tshad med pa yang dag par bsgrul dgos so/ /ye shes kyi stobs tshad med pa rnam par spel dgos so/ / </font><hr>Cha223b<br><font size=+1>


byang chub sems dpa'i stobs tshad med pa yang dag par bsgrub dgos so/ /sangs rgyas kyi stobs tshad med pa yongs su rdzogs par bya dgos so/ /chos kyi sgo tshad med pa rab tu dbye dgos so/ /chos kyi phyogs tshad med pa la 'jug par bya dgos so/ /chos kyi sgo tshad med pa yongs su sbyang dgos so/ /chos kyi snang ba tshad med pa yang dag par bskyed dgos so/ /chos kyi gsal ba tshad med pa rab tu dgos so/ /dbang po'i rgyud tshad med pa snang bar bya dgos so/ /nyon mongs pa'i nad tshad med pa yongs su shes par bya dgos so/ /chos kyi sman tshad med pa yang dag par bsdu dgos so/ /nyon mongs pa'i nad kyis btab pa'i sems can gyi khams tshad med pa gso dgos so// bdud rtsi'i tshogs tshad med pa yang dag par bsdu bar bya dgos so/ /sangs rgyas kyi zhing yang tshad med pa 'da' bar bya dgos so/ /de bzhin gshegs pa tshad med pa mchod dgos so/ /byang chub sems dpa'i 'khor gyi dkyil 'khor tshad med par 'jug par bya dgos so/ /de bzhin gshegs pa'i bstan pa tshad med pa yongs su gzung dgos so/ /sems can gyi gnod pa tshad med pa bzod par bya dgos so/ /mi khom pa dang / ngan song gi lam tshad med pa yongs su gcad dgos so/ /sems </font><hr>Cha224a<br><font size=+1>


@#/ /can gyi bde ba tshad med pa nye bar bsgrub dgos so/ /sems can bsdu ba tshad med pa bya dgos so/ /gzungs kyi sgo tshad med pa yongs su sbyang dgos so/ /smon lam gyi sgo tshad med pa mngon par bsgrub pa dgos so/ /byams pa chen po dang / snying rje chen po'i stobs tshad med pa yongs su bsgom dgos so/ / chos yongs su btsal ba la brtson par bya ba tshad med pa brgyun mi gcad par bya dgos so/ /nges par rtogs pa'i stobs tshad med pa'i rjes su 'jug dgos so/ /mngon par shes pa mngon du sgrub pa tshad med pa bskyed dgos so/ /rig pa dang / ye shes kyi snang ba tshad med pa rnam par dag par bya dgos so/ /sems can gyi rgyud tshad med pa'i rjes su 'gro bar bya dgos so/ /srid par skye ba tshad med pa yongs su gzung dgos so/ /lus rnam par phyi ba tshad med pa yongs su bstan dgos so/ / skad rnam par phye ba tshad med pa yongs su shes par bya dgos so/ /sems can gyi sems rnam pa tha dad pa tshad med pa khong du chud par bya dgos so/ /byang chub sems dpa'i spyod yul rgya chen po'i rjes su 'jug par bya dgos so/ /byang chub sems dpa'i gnas shin tu yangs par rjes su spyad dgos so/ /byang chub </font><hr>Cha224b<br><font size=+1>


sems dpa'i rnam par spyod pa zab mo la rnam par blta dgos so/ /byang chub sems dpa'i yul rtogs par dka' ba khong du chud par bya dgos so/ /byang chub sems dpa'i lam bgrod par dka' ba bgrod par bya dgos so/ /byang chub sems dpa'i shugs sgrub par dka' ba yongs su gzung dgos so/ /byang chub sems dpa'i skyon med par 'jug par dka' ba la 'jug par bya dgos so/ /byang chub sems dpa'i spyod pa rnam pa sna tshogs khong du chud par bya dgos so/ /byang chub sems dpa'i rnam par 'phrul pa thams cad du khyab pa kun tu bstan dgos so/ /byang chub sems dpa'i chos kyi sprin yongs su gzung dgos so/ /byang chub sems dpa'i spyod pa'i dra ba mtha' dang dbus med pa rab tu rgyas par bya dgos so/ /byang chub sems dpas pha rol tu phyin pa thams cad yongs su rdzogs par bya dgos so/ /byang chub sems dpas lung bstan pa tshad med pa yang dag par mnod dgos so/ /byang chub sems dpas bzod pa'i sgo dpag tu med pa la 'jug par bya dgos so/ /byang chub sems dpas sa grangs med pa yongs su sbyang dgos so/ /byang chub sems dpas chos kyi sgo dpag tu med pa yongs su dag par bya dgos so/ /byang chub sems dpas sangs rgyas kyi zhing </font><hr>Cha225a<br><font size=+1>


@#/ /brjod du med pa yongs su sbyang dgos so/ /byang chub sems dpas bskal pa mtha' yas par go cha bgo dgos so/ /byang chub sems dpas de bzhin gshegs pa dpag tu med pa mchod par bya dgos so/ /byang chub sems dpas smon lam mngon par sgrub pa bsam gyis mi khyab pa mngon par bsgrub dgos so| |rigs kyi bu/ mdor na/ sems can thams cad yongs su smin par byed pas byang chub sems dpa' rnams kyi spyod pa ni/ sems can thams cad dang mnyam par bstan to/ /bskal pa thams cad du gnas pas bskal pa thams cad mnyam par bstan to/ /thams cad du skye ba yongs su bstan pas skye ba thams cad dang mnyam par bstan to/ /dus gsum gyi ye shes khong du chud par bya ba'i phyir dus thams cad dang mnyam par bstan to/ /chos thams cad la nan tan du byed pas chos thams cad dang mnyam par bstan to/ /zhing thams cad yongs su dag par byed pas zhing thams cad dang mnyam par bstan to/ /smon lam thams cad yongs su rdzogs par byed pas smon lam thams cad dang mnyam par bstan to/ /sangs rgyas thams cad mchod pa mngon par sgrub pas sangs rgyas thams cad dang mnyam par bstan to// </font><hr>Cha225b<br><font size=+1>


byang chub sems dpa' thams cad kyi smon lam dang gcig tu 'gyur ba'i phyir byang chub sems dpa' thams cad dang mnyam par bstan to/ /dge ba'i bshes gnyen thams cad la bsnyen bkur byed pa'i phyir byang chub sems dpa' rnams kyi spyod pa ni/ dge ba'i bshes gnyen thams cad dang mnyam par bstan to/ /rigs kyi bu/ de bas na/ khyod kyis dge ba'i bshes gnyen yongs su btsal pa la skyo bar mi bya'o/ /dge ba'i bshes gnyen mthong bas ngoms pa bskyed par mi bya'o/ /dge ba'i bshes gnyen la yongs su dri bas chog shes par mi bya'o/ /dge ba'i bshes gnyen dang 'grogs pa las bsam pa phyir ldog par mi bya'o/ /dge ba'i bshes gnyen la phu dud dang / rim gro sbyor ba rgyun gcad par mi bya'o/ /dge ba'i bshes gnyen gyi gdams ngag dang / rjes su bstan pa log par gzung bar mi bya'o/ /dge ba'i bshes gnyen gyi yon tan thob par 'gyur ba la the tshom mi bskyed do/ /dge ba'i bshes gnyen gyis 'byung ba'i sgo bstan pa la yid gnyis su mi bya'o/ /dge ba'i bshes gnyen gyi thabs kyi bsam pa dang / 'jig rten gyi rjes su 'brang bar bya ba'i rgyud la zhe sdang bskyed par mi bya'o/ /dge ba'i bshes gnyen la mos pa rnam par bskyed pas lus dang / </font><hr>Cha226a<br><font size=+1>


@#/ /sems rnam par ldog par mi bya'o/ /de ci'i phyir zhe na/ rigs kyi bu/ byang chub sems dpa' rnams kyi byang chub sems dpa'i spyod pa thams cad thos pa ni/ dge ba'i bshes gnyen la rag las pa'o/ /byang chub sems dpa'i yon tan yongs su rdzogs par bya ba thams cad ni/ dge ba'i bshes gnyen las byung ba'o| |byang chub sems dpa'i smon lam gyi rgyun thams cad ni/ dge ba'i bshes gnyen las byung ba'o/ /byang chub sems dpa'i dge ba'i rtsa ba thams cad ni/ dge ba'i bshes gnyen gyis bskyed pa'o/ /byang chub sems dpa'i tshogs thams cad ni/ dge ba'i bshes gnyen gyis bsgrubs pa'o/ /byang chub sems dpa'i chos kyi sgo snang ba thams cad ni/ dge ba'i bshes gnyen las byung ba'o/ /byang chub sems dpa'i 'byung ba'i sgo rnam par dag pa thams cad ni/ dge ba'i bshes gnyen las byung ba'o/ /byang chub sems dpa'i bslab pa la nan tan du bya ba thams cad ni/ dge ba'i bshes gnyen la rag las pa'o/ /byang chub sems dpa'i yon tan gyi chos thams cad ni/ dge ba'i bshes gnyen la gnas pa'o/ /byang chub sems dpa'i lhag pa'i bsam pa yongs su dag pa thams cad ni/ dge ba'i </font><hr>Cha226b<br><font size=+1>


bshes gnyen rtsa bar gyur pa'o/ /byang chub sems dpa'i sems bskyed pa brtan pa thams cad ni/ dge ba'i bshes gnyen las skyes pa'o/ /byang chub sems dpa' gzungs dang / spobs pa'i sgo snang ba thams cad du khrid pa ni/ dge ba'i bshes gnyen no/ /byang chub sems dpa'i rnam par dag pa'i sgo'i mdzod thams cad ni/ dge ba'i bshes gnyen gyis yongs su bzung ba'o/ /byang chub sems dpa'i ye shes snang ba thams cad ni/ dge ba'i bshes gnyen gyis yang dag par bskyed pa'o/ /byang chub sems dpa'i smon lam khyad par can thams cad ni/ dge ba'i bshes gnyen gyi lag na 'dug pa'o/ /byang chub sems dpa'i smon lam gyi tshul rgyud gcig tu gyur pa thams cad ni/ dge ba'i bshes gnyen la brten pa'o/ /byang chub sems dpa'i yang dag par sgrub pa khyad par can mnyam pa thams cad ni/ dge ba'i bshes gnyen gyi rgyud las byung ba'o/ /byang chub sems dpa'i gsang ba'i gnas thams cad ni/ dge ba'i bshes gnyen gyi mdzod na 'dug pa'o/ /byang chub sems dpa'i chos thams cad ni| dge ba'i bshes gnyen gyi 'byung gnas nas byung ba'o/ /byang chub sems dpa'i dbang po'i shugs kyi myu gu thams cad ni/ dge ba'i bshes gnyen gyis rnam par </font><hr>Cha227a<br><font size=+1>


@#/ /spel pa'o/ /byang chub sems dpa'i ye shes rgya mtsho thams cad ni/ dge ba'i bshes gnyen gyis yang dag par spel ba'o/ /byang chub sems dpa'i gter gyi mdzod thams cad ni/ dge ba'i bshes gnyen gyis yongs su bskyangs pa'o/ /byang chub sems dpa'i bsod nams bsags pa thams cad ni/ dge ba'i bshes gnyen gyis bsrungs pa'o/ /byang chub sems dpa'i tshe rnam par dag pa thams cad ni/ dge ba'i bshes gnyen gyis bskyed pa'o/ /byang chub sems dpa'i chos mnyan pa'i sprin thams cad ni/ dge ba'i bshes gnyen gyi kha nas byung ba'o/ /byang chub sems dpa'i 'byung ba'i lam la 'jug pa thams cad ni/ dge ba'i bshes gnyen gyi khong na yod pa'o/ /sangs rgyas thams cad kyi byang chub ni/ dge ba'i bshes gnyen la rim gror byas pas thob pa'o/ /byang chub sems dpa'i spyod pa thams cad ni/ dge ba'i bshes gnyen gyis yongs su bzung ba'o/ /byang chub sems dpa'i yon tan brjod pa thams cad ni/ dge ba'i bshes gnyen gyis bstan pa'o| |byang chub sems dpa'i chos kyi phyogs kyi rjes su 'brang ba thams cad ni/ dge ba'i bshes gnyen gyis yongs su bstan pa'o/ /byang chub sems dpa'i </font><hr>Cha227b<br><font size=+1>


sems dang lhag pa'i bsam pa'i bdag nyid che ba ni/ dge ba'i bshes gnyen gyis yang dag par brjod pa'o/ /byang chub sems dpa' rnams kyi byams pa chen po'i stobs ni| dge ba'i bshes gnyen las byung ba'o/ /byang chub sems dpa'i rnams kyi snying rje chen po'i stobs ni/ dge ba'i bshes gnyen gyis bskyed pa'o/ /byang chub sems dpa'i dbang thams cad ni/ dge ba'i bshes gnyen gyis yongs su bzung ba'o/ /byang chub sems dpa' rnams kyi yan lag thams cad ni/ dge ba'i bshes gnyen gyis bskyed pa'o/ /byang chub sems dpa'i phan pa nye bar sgrub pa thams cad ni/ dge ba'i bshes gnyen las byung ba'o/ /rigs kyi bu/ dge ba'i bshes gnyen gyis yang dag par zin pa'i byang chub sems dpa' rnams ni/ ngan song du mi ltung ngo / /dge ba'i bshes gnyen gyis yongs su bzung ba'i byang chub sems dpa' rnams ni/ theg pa chen po las mi ldog go /dge ba'i bshes gnyen gyis yongs su bsam pa'i byang chub sems dpa' rnams ni/ byang chub sems dpa'i bslab pa dang 'gal bar mi byed do/ /dge ba'i bshes gnyen gyis shin tu bsrungs pa'i byang chub sems dpa' rnams ni/ sdig pa'i grogs pa'i lag tu mi 'dong ngo / /dge ba'i bshes </font><hr>Cha228a<br><font size=+1>


@#/ /gnyen gyis yongs su bskyangs pa'i byang chub sems dpa' rnams ni/ byang chub sems dpa'i chos las nyams par mi 'gyur ro/ /dge ba'i bshes gnyen gyis yang dag par zin pa'i byang chub sems dpa' rnams ni/ so so skye bo'i sa las yongs su 'da'o/ /dge ba'i bshes gnyen gyis yongs su bsrungs pa'i byang chub sems dpa' rnams ni/ nyan thos dang / rang sangs rgyas kyi skyon med par mi 'jug go /dge ba'i bshes gnyen gyis bskyangs pa'i byang chub sems dpa' rnams ni/ 'jig rten las mngon par 'phags pa yin no/ /dge ba'i bshes gnyen gyis yang dag par bskyed pa'i byang chub sems dpa' rnams ni/ 'jig rten gyi chos kyis mi gos pa yin no/ /dge ba'i bshes gnyen bsnyen bkur ba'i byang chub sems dpa' rnams ni/ spyod pa thams cad la mi 'khrul bar spyod pa yin no| |dge ba'i bshes gnyen gyis bsgrubs pa'i byang chub sems dpa' rnams ni/ brtsams pa thams cad las phyir mi ldog go /dge ba'i bshes gnyen gyis yongs su bzung ba'i byang chub sems dpa' rnams ni/ las dang / nyon mongs pas thub par dka' ba yin no/ /dge ba'i bshes gnyen gyi stobs kyis </font><hr>Cha228b<br><font size=+1>


bstan pa'i byang chub sems dpa' rnams ni/ bdud thams cad kyis mi thub pa yin no/ /dge ba'i bshes gnyen gyi rten la gnas pa'i byang chub sems dpa' rnams ni/ byang chub kyi yan lag thams cad kyis rnam par 'phel lo/ /de ci'i phyir zhe na/ rigs kyi bu/ dge ba'i bshes gnyen ni/ sgrib par gyur pa'i chos thams cad las rnam par sbyang ba'o/ /dge ba'i bshes gnyen ni/ sdig to las rnam par bzlog pa'o/ /dge ba'i bshes gnyen ni/ mi bya ba rnams khong du chud par byed pa'o/ /bag med pa'i gnas las yang dag par zlog pa'o/ /ma rig pa'i mun pa rnam par sel ba'o/ /lta ba'i 'ching ba thub pa'o/ /'khor ba'i grong khyer nas 'don pa'o/ /'jig rten gyi gnas 'dor bar byed pa'o/ /bdud kyi zhags pa las thar par byed pa'o/ /sdug bsngal gyi zug rngu 'byin pa'o/ /mi shes pa thibs po las thar par byed pa'o/ /lta ba'i mya ngan las yongs su zlog pa'o/ /srid pa'i chu bo las sgrol ba'o/ /'dod pa'i 'dam nas 'byin pa'o/ /lam mi bde ba nas rnam par zlog pa'o/ /byang chub sems dpa'i lam yang dag par ston pa'o/ /byang chub sems dpa'i yi dam la gzhog pa'o/ /nan tan la rab tu 'god pa'o/ /thams cad mkhyen pa nyid du 'gro ba'i phyogs rab tu ston </font><hr>Cha229a<br><font size=+1>


@#/ /pa'o| |shes rab kyi mig rnam par sbyong ba'o/ /byang chub sems dpa' rnam par 'phel bar byed pa'o/ /snying rje chen po yang dag par skyed pa'o// spyod pa yongs su ston pa'o/ /pha rol tu phyin pa'i gdams ngag rab tu ston pa'o/ /sa la rab tu 'god pa'o/ /bzod pa rnam par 'byed pa'o/ /dge ba'i rtsa ba thams cad yongs su 'grub par byed pa'o/ /tshogs thams cad skyed par byed pa'o/ /byang chub sems dpa'i yon tan thams cad stob pa'o/ /sangs rgyas thams cad kyi zhabs kyi drung du phyin par byed pa'o/ /yon tan thams cad yongs su ston pa'o/ /don thams cad yang dag par len du 'jug pa'o/ /nan tan la gzengs bstod pa'o/ /'byung ba'i sgo ston pa'o/ /lam gol ba las yongs su srung ba'o/ /chos snang ba'i sgo snang bar byed pa'o/ /chos kyi sgo mngon par rlan par byed pa'o/ /chos thos par bya ba'i sprin gyi char rab tu 'bebs pa'o/ /nyon mongs pa thams cad zhi bar byed pa'o/ /lta ba'i rnam pa thams cad las zlog pa'o/ /sangs rgyas kyi chos thams cad la gnas par byed pa'o/ /'di ltar yang rigs kyi bu/ dge ba'i bshes gnyen ni/ sangs rgyas kyi rigs su skyed bas ma lta bu'o/ /dge ba'i bshes gnyen ni/ </font><hr>Cha229b<br><font size=+1>


phan pa rgya chen po sgrub pas pha lta bu'o/ /dge ba'i bshes gnyen ni/ sdig pa thams cad las srung bas ma ma lta bu'o/ /dge ba'i bshes gnyen ni/ byang chub sems dpa'i bslab pa khong du chud par byed pas slob dpon lta bu'o/ /dge ba'i bshes gnyen ni/ pha rol tu phyin pa'i lam du 'dzud pas lam mkhan lta bu'o/ /dge ba'i bshes gnyen ni/ nyon mongs pa'i nad las thar par byed pas sman pa lta bu'o/ /dge ba'i bshes gnyen ni/ ye shes kyi sman rnam par 'phel bar byed pas gangs kyi ri lta bu'o/ / dge ba'i bshes gnyen ni/ 'jigs pa thams cad las srung bas dpa' bo lta bu'o/ /dge ba'i bshes gnyen ni/ 'khor ba'i chu bo chen po las sgrol bas mnyan pa lta bu'o| |dge ba'i bshes gnyen ni/ thams cad mkhyen pa'i ye shes rin po che'i gling du phyin par byed pas skye ba 'dzin pa lta bu'o/ /rigs kyi bu/ de lta bas na/ de ltar yid la bya ba rgyun ma chad pas khyod kyi dge ba'i bshes gnyen bsnyen par gyis shig /khur thams cad bkur bas yongs su mi skyo ba'i phyir sa lta bu'i sems dad/ mi phyed pa'i phyir rdo rje lta bu'i sems dang / sdug bsngal thams cad kyis mi sgul ba'i phyir khor yug lta bu'i sems dang / ci dga' bar bka' nyan pas bran lta </font><hr>Cha230a<br><font size=+1>


@#/ /bu'i sems dang / ngag thams cad mi gcog pas slob ma lta bu'i sems dang / las thams cad nyams su blang ba la mi smad pas 'jig rten gyi bran lta bu'i sems dang / nyon mongs pa thams cad kyis mi skyo ba'i phyir ma ma lta bu'i sems dang / bya'o cog la mthun par gzung bas g.yog lta bu'i sems dang / nga rgyal dang / mtho ba'i nga rgyal spangs pas phyag dar ba lta bu'i sems dang / dus dang / dus ma yin par mtho dman du 'gyur bas zla ba nya lta bu'i sems dang / mi srun pa thams cad rnam par spangs pas rta cang shes lta bu'i sems dang / khur lci ba bkur bas theg pa lta bu'i sems dang / dul ba dang / cang shes kyi bsam pas glang po lta bu'i sems dang / mi sgul mi bskyod pas ri lta bu'i sems dang / mi khro bas khyi lta bu'i sems dang / nga rgyal dang dus med pas gdol ba lta bu'i sems dang / dregs pa thams cad med pas khyu mchog ra bcad pa lta bu'i sems dang / rlom sems med pas mtshan bu lta bu'i sems dang / 'gro zhing 'ong bas mi skyo bas gru lta bu'i sems dang / dge ba'i bshes gnyen gyi ngag gi mthar phyin par byed pas zam pa lta bu'i sems dang / dge ba'i bshes gnyen gyi ngor lta bas bu mdzangs </font><hr>Cha230b<br><font size=+1>


ba lta bu'i sems dang / chos kyi rgyal po'i bka' las mi 'gal bar bya bas rgyal po gzhon nu lta bu'i sems kyis dge ba'i bshes gnyen la bsnyen par bya'o/ /rigs kyi bu| khyod kyis bdag la nad par 'du shes bskyed do/ /dge ba'i bshes gnyen la ni/ sman pa'i 'du shes dang / gdams ngag la ni/ sman gyi 'du shes dang / nan tan nyams su blang ba la ni/ nad 'tsho ba'i 'du shes bskyed par bya'o/ /rigs kyi bu/ khyod kyis bdag la ni/ 'gron po'i 'du shes bskyed pa'o/ /dge ba'i bshes gnyen la ni/ lam mtshon pa'i 'du shes dang / gdams ngag la ni/ lam gyi 'du shes dang / nan tan la ni/ phyogs bde bar 'gro ba'i 'du shes bskyed par bya'o/ /rigs kyi bu/ khyod kyis bdag la ni/ pha rol tu 'gro ba'i 'du shes bskyed par bya'o/ /dge ba'i bshes gnyen la ni/ mnyan pa'i 'du shes dang / rjes su bstan pa la ni/ mu stegs kyi 'du shes dang / nan tan la ni/ gru'i 'du shes bskyed par bya'o/ /rigs kyi bu/ khyod kyis bdag la ni/ zhing pa'i 'du shes bskyed par bya'o/ /dge ba'i bshes gnyen la ni/ klu'i dbang po'i 'du shes dang / gdams ngag la ni/ char pa'i 'du shes dang / nan tan la ni/ lo tog 'grub pa'i 'du shes bskyed par bya'o/ /rigs kyi bu/ khyod kyis </font><hr>Cha231a<br><font size=+1>


@#/ /bdag la ni/ dbul po'i 'du shes bskyed par bya'o/ /dge ba'i bshes gnyen la ni/ ngal bso ba'i 'du shes dang / gdams ngag la ni/ nor dang / don gyi 'du shes dang / nan tan la ni/ dbul ba sel ba'i 'du shes bskyed par bya'o/ /rigs kyi bu/ khyod kyis bdag la ni/ slob ma'i 'du shes bskyed par bya'o| |dge ba'i bshes gnyen la ni/ slob dpon gyi 'du shes dang / gdams ngag la ni/ bzo'i 'du shes dang / nan tan la ni/ bzo khong du chud pa'i 'du shes bskyed par bya'o/ /rigs kyi bu/ khyod kyis bdag la ni/ 'jigs pa'i 'du shes bskyed par bya'o/ /dge ba'i bshes gnyen la ni/ dpa' bo'i 'du shes dang / gdams ngag la ni/ mtshon cha'i 'du shes dang / nan tan la ni/ dgra sel ba'i 'du shes bskyed par bya'o/ /rigs kyi bu/ khyod kyis bdag la ni/ tshong pa'i 'du shes bskyed par bya'o/ /dge ba'i bshes gnyen la ni/ skya ba 'dzin pa'i 'du shes dang / gdams ngag la ni/ rin po che'i 'du shes dang / nan tan la ni/ rin po che'i sdud pa'i 'du shes bskyed par bya'o/ /rigs kyi bu/ khyod kyis bdag la ni/ bu dam pa'i 'du shes bskyed par byed pa'o/ /dge ba'i bshes gnyen la ni/ pha ma'i </font><hr>Cha231b<br><font size=+1>


'du shes dang / rjes su bstan pa la ni/ rigs kyi tshul gyi 'du shes dang / nan tan la ni/ tshul ma nyams pa'i 'du shes bskyed par bya'o/ /rigs kyi bu/ khyod kyis bdag la ni| rgyal po gzhon nu'i 'du shes bskyed par bya'o/ /dge ba'i bshes gnyen la ni chos kyi rgyal po dang / blon po dam pa'i 'du shes dang / gdams ngag la ni/ rgyal po'i khrims kyi 'du shes dang / nan tan la ni/ ye shes kyi rgyal po'i cod pan dang / rgyan dang / chos kyi thabs mgo la bcing ba dang / chos kyi rgyal po'i grong khyer la rnam par lta ba'i 'du shes bskyed par bya ste/ rigs kyi bu/ khyod kyis de lta bu'i 'du shes yid la bya ba yongs su bsgoms te dge ba'i bshes gnyen rnams la nye bar bsnyen par gyis shig/ de ci'i phyir zhe na/ rigs kyi bu/ de ltar dge ba'i bshes gnyen la lhag pa'i bsam pa yongs su dag pa'i byang chub sems dpa' rnams ni/ dge ba'i bshes gnyen gyi ngag thams cad nyams su len pa'i tshe gangs kyi ri la brten pa'i rtswa dang / gel pa dang / sman dang / nags tshal lta bu dge ba'i rtsa ba thams cad kyis rnam par 'phel lo/ /rgya mtsho chen po chu'i snod du gyur pa ltar chos thams cad kyi snod du 'gyur ro/ /gang chen mtsho chen po rin po che mang po'i 'byung gnas su gyur pa ltar </font><hr>Cha232a<br><font size=+1>


@#/ /yon tan thams cad kyi 'byung gnas su 'gyur ro/ /me'i drod kyis gser yongs su 'byang ba ltar byang chub kyi sems yongs su byang bar 'gyur ro/ / rgya mtsho chen po las 'phags pa'i ri rab ltar 'jig rten las mngon par 'phags par 'gyur ro/ /pad+mo la chus mi chags pa ltar 'jig rten gyi chos kyis mi gos par 'gyur ro/ /rgya mtsho chen po ro rul pa dang mi 'grogs pa ltar spyod pa ngan pa thams cad dang mi 'grogs so/ /yud du yar gyi zla ba ltar chos dkar pos rnam par 'phel bar 'gyur ro/ /dzam+bu'i gling snang bar byed pa'i nyi ma ltar chos kyi dbyings su snang bar 'gyur ro/ /pha ma dang 'grogs pa'i bu ltar byang chub sems dpa'i smon lam gyi lus thams cad yang dag par skye bar 'gyur ro/ /de ltar mdor na/ rigs kyi bu/ dge ba'i bshes gnyen gyi gdams ngag la zhugs pa'i byang chub sems dpa' rnams ni/ yon tan bye ba khrag khrig brgya stong brjod du med pa phrag bcu ni/ rab tu 'dzin par 'gyur ro/ /de'i lhag pa'i bsam pa bye ba khrag khrig brgya stong phrag bcu ni/ rab tu 'phel bar 'gyur ro/ /byin gyi rlabs bye ba khrag khrig brgya stong phrag bcu ni/ rnam par sbyong bar 'gyur ro/ /sgrib pa'i chos bye ba khrag khrig </font><hr>Cha232b<br><font size=+1>


brgya stong phrag bcu ni/ yongs su spyod par 'gyur ro/ /sgrib pa'i chos grangs med pa brgya stong phrag bcu ni/ yongs su dag par 'gyur ro/ /bdud grangs med pa brgya stong phrag bcu las ni/ yang dag par 'dam par 'gyur ro/ /chos kyi sgo grangs med pa brgya stong phrag bcu la ni/ rab tu 'jug par 'gyur ro/ /tshogs rnam par dag pa'i sgo grangs med pa bye ba khrag khrig brgya stong phrag bcu ni/ yongs su rdzogs par 'gyur ro/ /spyod pa grangs med pa brgya stong phrag bcu ni/ kun nas dag par 'gyur ro/ /smon lam chen po grangs med pa brgya stong phrag bcu ni/ mngon par grub par 'gyur ro/ /rigs kyi bu/ de ltar mdor na/ byang chub sems dpa'i spyod pa thams cad dang / byang chub sems dpa'i pha rol tu phyin pa thams cad dang / byang chub sems dpa'i sa thams cad dang / byang chub sems dpa'i bzod pa la 'jug pa thams cad dang / byang chub sems dpa'i ting nge 'dzin gyi sgo thams cad dang / byang chub sems dpa'i mngon par shes pa'i ye shes kyi rnam par 'phrul pa thams cad dang / byang chub sems dpa'i gzungs dang spobs pa'i snang ba thams cad dang / byang chub sems dpa'i bsngo ba'i ye shes dang / mngon par shes pa tshad med pa thams cad dang / byang chub sems dpa'i smon lam mngon par </font><hr>Cha233a<br><font size=+1>


@#/ /sgrub pa thams cad dang / sangs rgyas kyi chos thams cad rab tu thob cing yongs su grub pa rnams ni/ dge ba'i bshes gnyen la rag las pa dang / go |dge ba'i bshes gnyen rtsa bar gyur pa dag go /dge ba'i bshes gnyen las byung ba dag go /dge ba'i bshes gnyen skye gnas su gyur pa dag go /dge ba'i bshes gnyen skye mched du gyur pa dag go /dge ba'i bshes gnyen las yongs su skyes pa dag go /dge ba'i bshes gnyen gyis yongs su spel ba dag go /dge ba'i bshes gnyen la rab tu brten pa dag go /dge ba'i bshes gnyen rgyur gyur pa'o/ /dge ba'i bshes gnyen las rab tu skyes pa dag go /de nas tshong dpon gyi bu nor bzang gis rnam pa de lta bu'i dge ba'i bshes gnyen gyi yon tan dang / bsngags pa rjes su bstan pa dang / byang chub sems dpa'i spyod pa tshad med pa dang / sangs rgyas kyi chos rgya chen po thos nas dga' rangs te mgu zhing nyams bde la tshim zhing yid bde ba skyes nas khye'u dpal 'byung dang / bu mo dpal gyi blo gros ma gnyis kyi rkang pa la spyi bos phyag 'tshal te khye'u dpal 'byung ba dang / bu mo dpal gyi blo gros ma gnyis la lan brgya stong du mar g.yas phyogs su bskor ba byas nas khye'u </font><hr>Cha233b<br><font size=+1>


dpal 'byung ba dang / bu mo dpal gyi blo gros ma'i drung nas song ngo // //shin tu rgyas pa chen po'i mdo/ sangs rgyas phal po che zhes bya ba las/ sdong pos brgyan pa'i le'u ste| |bam po brgya bcu gcig pa/ de nas tshong dpon gyi bu nor bzang dge ba'i bshes gnyen gyi gdams ngag gis sems mngon par brlan pa de/ byang chub sems dpa'i spyod pa rjes su bstan pa de ni/ rjes su rnam par sems/ sngon gyi mtha'i lus mang po yang dag pa'i spyod pa nyams su ma blangs par chud zos pa la bsam pas ni/ lus kyi stobs rab tu brtan par byed/ sngon gyi mtha'i mur thug pa'i lus dang / sems yongs su dag kyang don med par 'khor ba'i sems kyi rgyud du gyur pa la bsam pas ni| sems dang yid la bya ba rab tu sbyong / sngon gyi mtha'i mur thug pa'i las yang dag pa ma yin pas 'jig rten gyi don du g.yen spyo ste mi gces par sha thang pa la bsam pas ni/ da ltar byung ba'i don shin tu gces pa la legs par sgrub pa rnam par sems/ sngon gyi mtha'i mur thug pa'i yongs su rtog pa yang dag pa ma yin par rnam par brtags pa las byung ba/ phyin ci log gis yid la bya ba'i kun nas glags pa la bsam pas ni/ byang chub sems dpa'i spyod pa thams cad yang dag pa'i rtog </font><hr>Cha234a<br><font size=+1>


@#/ /pas mngon par 'du bya ba'i stobs yang dag par skyed/ 'das pa'i lus kyis bdag gi don gyi sbyor pa la rtsom rtsom pa'i yul la yongs su bsam pas ni/ sems can thams cad kyi sbyor ba las khyad par du 'phags par lhag pa'i bsam pas ni/ stobs rab tu brtan par byed/ sngon 'dod pa yongs su tshol tshol ba'i spyod pa ro med pa la yongs su bsam pas ni/ sangs rgyas kyi chos thams cad 'thob pa'i sbyor bas dbugs phyin pa chen po 'thob pa'i dbang po'i shugs drag po rnam par 'phel bar byed/ 'das pa'i dus kyi lhag pa'i bsam pa phyin ci log dang ldan pa'i sbyor ba la yongs su bsam pas ni/ da ltar byung ba'i dus su phyin ci log med pa dang ldan pa'i yang dag pa'i lta ba dang / byang chub sems dpa'i smon lam la yi dam bca' bas sems kyi rgyud yongs su rgyas par byed/ sngon gyi mtha'i brtson 'grus brtsams pa mi cha la don ma yin pa dang / yongs su ma grub pa'i brtson 'grus nyams su blangs pa la yongs su bsam pas ni/ da ltar byung ba'i dus su sangs rgyas kyi chos yongs su bsdu ba la sta gon du gnas pa'i brtson 'grus chen po rtsom pa'i rnam par gnon pas lus dang sems kyi gzengs mtho ba yang dag par skyed/ sngon gyi </font><hr>Cha234b<br><font size=+1>


mtha'i mur thug pa'i 'gro ba lnga'i rgyud kyi ngan song du bdag dang gzhan bor ba la brtag pas lus 'tsho ba med pa yongs su bzung ba la yang dag par bsam pas ni/ sangs rgyas kyi chos thams cad yongs su sgrub pa dang / 'gro ba thams cad nye bar 'tsho ba dang / dge ba'i bshes gnyen thams cad bsnyen bkur bar nus pa'i lus yongs su bzung bas dga' ba dang / mos pa'i shugs drag po rgya chen po rnam par 'phel bar byed/ da ltar byung ba'i tsher mngon par grub kyang dga' ba dang / na ba dang / 'chi ba dang / mya ngan gyi 'byung gnas su gyur te/ 'du ba dang 'bral ba'i gter du gyur pa'i lus kyang phyi ma'i mtha'i bskal pa'i mur thug par byang chub sems dpa'i spyod pa spyad pa la brtson pa dang / sems can yongs su smin par bya ba dang / sangs rgyas kyi chos yongs su bsdu ba la brtson pa dang / de bzhin gshegs pa'i zhal lta zhing zhing thams cad du rgyu ba dang / chos smra ba thams cad la rim gror bya ba dang / de bzhin gshegs pa thams cad kyi bstan pa yongs su bzung ba la brtson pa dang / chos thams cad yongs su btsal ba'i grogs su gyur pa dang / dge ba'i bshes gnyen thams cad mthong bar bya ba dang / sangs rgyas kyi chos thams cad yang dag par bsdu ba la brtson pa'i byang chub sems </font><hr>Cha235a<br><font size=+1>


@#/ /dpa'i smon lam dang / ye shes kyi lus kyi rgyu dang rkyen du gyur pa la bltas shing / dge ba'i rtsa ba'i dbang po dang / shugs bsam gyis mi khyab pa rnam par 'phel bar byed cing de lta bu'i sems dang / de lta bu'i yid la bya ba dang / tshul bzhin de lta bu la rab tu brtson pa dang / byang chub sems dpa' thams cad kyi mos pas yang dag par bsgrubs pa'i dad pa dang / byang chub sems dpa' thams cad kyi bsam pas yongs su bsgrubs pa'i nye bar sems pa dang / byang chub sems dpa' thams cad kyi lhag pa'i bsam pas sgro btags pa'i rim gro dang / byang chub sems dpa' thams cad kyi dbang po dang bar sgro btags pa'i phu dud dang / byang chub sems dpa' thams cad kyi ston pa la mos pas yang dag par bsgrubs pa'i dbang po dang ba'i shugs dang / byang chub sems dpa' thams cad la rim gros byung ba'i sems kyi mos pa dang / byang chub sems dpa' thams cad kyi dad pa las yongs su byung ba'i dge ba'i rtsa ba'i tshogs dang / byang chub sems dpa'i mngon par 'du bya ba thams cad las yongs su grub pa'i mchod pa rnam pa tha dad pa dang / byang chub sems dpa' thams cad dang mnyam pa'i lus kyi thal mo sbyar ba dang / </font><hr>Cha235b<br><font size=+1>


'gro ba'i lus thams cad du yongs su byung ba'i mig rnam pa sna tshogs kyis blta ba dang / 'gro bar ming btags pa thams cad du sgro btags pa'i byang chub sems dpa' thams cad kyi chos mnyam pa nyid rnams dang / byang chub sems dpa' thams cad kyi smon lam gyis sprul pa las byung bar sgro btags pa'i lus kyis 'dud cing phyag bya ba tshad med pa dang / byang chub sems dpa' thams cad kyi dbyangs kyi yan lag rnam par dag pa las byung ba'i legs pa brjod pa'i rgyan mngon par sgrub pa dang / sngon gyi mtha' dang / da ltar byung ba'i dus su byung ba'i sems can gyi gnas kyi gnas thams cad yongs su rgyas pa'i de bzhin gshegs pa'i pho brang mngon du byas pa'i 'du shes kyi rnam pa dang / de bzhin gshegs pa dang / byang chub sems dpa'i rnam par 'phrul pas mngon par rdzogs par 'tshang rgya ba thams cad du khyab pa dang / skra'i rtse mo gcig las kyang lhag pa med par byang chub sems dpa' thams cad kyis rgyas par 'gengs pa'i rjes su song ba dang / byang chub sems dpa' thams cad kyi mig gi lam rnam par dag par sgro btags pa'i mngon par shes pa snang bas rnam par dmigs pa dang / phyogs kyi dra ba tha dad pa thams cad kyi rjes su song ba'i yid kyi skye mched dang / </font><hr>Cha236a<br><font size=+1>


@#/ /chos kyi dbyings kyi gzhi tha dad pa rgyas par 'gengs pa'i smon la ma mngon par sgrub pa'i stobs dang / chos thams cad la 'jug pa'i sgo nam mkha'i dbyings kyis klas te mthas gtugs par thams cad du khyab la/ dus gsum du tha mi dad cing rgyun mi 'chad pa dang / dad pa dang / mos pa la 'jug pa'i stobs dge ba'i bshes gnyen gyi gdams ngag snang ba'i phyogs la zhugs pas yul rgya mtsho'i 'gram gang na ba der phyin te/ de ltar tshong dpon gyi bu nor bzang rim gro dang phu dud dang / mchod pa dang / bstod pa dang / phyag bya ba dang / blta ba'i byin gyi rlabs dang / smon lam dang / 'du shes kyi rjes su song ba de lta bu'i yid dang ldan pa dang / ye shes kyi spyod yul tshad med pa'i sa de lta bu la zhugs pa'i ye shes kyi mig gis khang pa brtsegs pa chen po rnam par snang mdzad kyi rgyan gyis brgyan pa'i snying po'i sgo nas lus thams cad kyis phab ste phyag byas so/ /des rnam pa de lta bu'i mngon par sgrub pa'i tshul yud tsam du rnam par dpyad de mos pa dang / dad pa las byung ba'i lhag pa'i bsam pa dang / smon lam gyis mngon par bsgrubs pa'i mthus de bzhin gshegs pa thams cad kyi zhabs kyi drung du bdag nyid rgyun mi </font><hr>Cha236b<br><font size=+1>


'chad par byin gyis brlabs so/ /de bzhin du byang chub sems dpa' thams cad dang mngon sum du gnas pa dang / dge ba'i bshes gnyen gyis gnas thams cad dang / de bzhin gshegs pa'i mchod rten thams cad dang / de bzhin gshegs pa'i sku gzugs thams cad dang / sangs rgyas dang byang chub sems dpa'i pho brang thams cad dang / chos rin po che'i gnas thams cad dang / nyan thos dang / rang sangs rgyas thams cad kyi gnas dang / mchod rten thams cad mngon sum du gnas pa nas 'phags pa'i tshogs dang / sbyin pa'i gnas dang / bla ma dang / pha ma thams cad kyi bar gyi 'gro ba'i tshogs thams cad dang / mngon sum du gnas pa rgyun mi 'chad par ye shes kyi lus tha mi dad pa'i tshul la 'jug pa thams cad kyi rjes su song ba dang / 'du shes kyi byin gyi rlabs dang / ye shes yid la bya bas byin gyis brlabs so/ /khang pa brtsegs pa chen po rnam par snang mdzad kyi rgyan gyis brgyan pa'i snying po'i sgo nas ji lta ba de bzhin du gong du brjod pa'i dmigs pa thams cad la yang chos kyi dbyings thams cad rgyas par 'gengs pas 'dud cing phyag bya bar byin gyis brlab so/ /de bzhin du phyi ma'i mtha'i mur thug par rgyun 'chad pa med par byin gyis brlabs te/ </font><hr>Cha237a<br><font size=+1>


@#/ /nam mkha'i dbyings tshad med pa dang mnyam pa nyid dang / chos kyi dbyings sgrib pa med pa dang mnyam pa nyid dang / yang dag pa'i mtha' thams cad kyi rjes su song ba dang mnyam pa nyid dang / de bzhin nyid rnam par mi rtog pa dang mnyam pa nyid dang / grib ma lta bu'i ye shes dang 'du shes kyis rgyas par dgang ba mnyam pa nyid dang / rmi lam lta bu'i rnam par dpyod pa dang mnyam pa nyid dang / gzugs brnyan lta bur 'jig rten dang 'gro ba thams cad rnam par dmigs pa'i mnyam pa nyid dang / rgyu dang rkyen las byung bas sgra brnyan lta bu'i mnyam pa nyid dang / 'byung ba dang 'jig pa mi skye ba dang mnyam pa'i mnyam pa nyid dang / rkyen dang rten pa'i rgyud dngos pa med pa'i rang bzhin dang mnyam pa'i mnyam pa nyid kyis las ji lta ba bzhin du yongs su byung ba'i rnam par smin pa la ni/ mos par byed/ rgyu ji lta ba bzhin du yongs su byung ba'i 'bras bu la ni/ mos par byed/ bsags pa ji lta ba bzhin du yongs su byung ba'i bya ba thams cad la ni/ mos par byed/ dad pa las yongs su byung ba'i de bzhin gshegs pa 'byung ba thams cad la ni/ mos par byed/ mos pa ji lta ba bzhin du yongs su byung ba'i sangs rgyas mchod pa'i sprul pa </font><hr>Cha237b<br><font size=+1>


thams cad la ni/ mos par byed/ rim gro las byung ba'i de bzhin gshegs pa'i sprul pa thams cad la ni/ mos par byed/ dge ba'i rtsa ba'i tshogs las yongs su 'byung ba'i sangs rgyas thams cad kyi chos nyid la ni/ mos par byed/ shes rab dang thabs las yongs su byung ba'i rgyan yid kyi rang bzhin du sgrub pa thams cad la ni/ mos par byed/ smon lam las yongs su byung ba'i sangs rgyas kyi chos thams cad la ni/ mos par byed/ bsngo ba las yongs su byung ba'i byang chub sems dpa'i spyod pa thams cad dang / chos kyi dbyings thams cad mkhyen pa'i yul du gyur pa rnam par sgrub pas rgyas par dgang pa'i rgyan la ni/ mos par byed cing / yongs su bsngo ba'i ye shes tshad med pa'i 'du shes dang bral ba dang / skye ba med pa'i ye shes rtog pa'i 'du shes med pa dang / yang dag pa'i spyod pa la 'jug cing / rgyu nye bar gsog pa'i ye shes rgyu dang bya ba'i lta ba med pa dang / phyin ci log med pa'i ye shes phyin ci log gi lta ba dang bral ba dang / gzhan gyi dring mi 'jog pa'i ye shes dbang phyug tu lta ba med pa dang / rten pa la 'jug pa'i ye shes bdag dang phyi rol gyi 'du shes kyi lta ba dang bral ba dang / chos kyi dbyings mtha' dang dbus med pa la 'jug pa'i ye shes mthar 'dzin pa'i </font><hr>Cha238a<br><font size=+1>


@#/ /lta ba dang bral ba dang / gzugs brnyan lta bur mngon par grub pa'i ye shes 'pho ba'i lta ba med pa dang / mi skye mi 'gag pa'i ye shes skye ba dang 'jig pa'i lta ba dang bral ba dang / stong pa nyid kyis mi skye ba'i ye shes lta ba'i rnam pa thams cad dang bral ba dang / smon lam mngon par sgrub pa'i ye shes kyi stobs dbang phyug med pa'i chos nyid rab tu rtogs pa dang / mtshan ma med pa'i mtha'i sgo dang ldan pa'i ye shes mtshan ma thams cad dang bral bas sa bon las myu gu chud mi za ba'i chos nyid dang / rgya las rgya'i gzugs brnyan 'byung ba'i chos nyid dang / gzugs las gzugs brnyan 'byung ba'i chos nyid dang / sgra brnyan dang sgrar mnyam pa rnam par dmigs pa'i chos nyid dang / rnam par dpyod pa dang rmi lam du mnyam par rnam par dmigs pa'i chos nyid dang / sems gzugs med pas 'jig rten yongs su bskyed pa'i chos nyid dang / rkyen dang rgyu ji ltar bsags pa bzhin du 'bras bu 'byung ba'i chos nyid dang / las ji ltar bsags pa dang mnyam par rnam par sbyin pa 'byung ba'i chos nyid dang / thabs mkhas pas rnam par bsgrubs pa'i chos nyid dang / chos dang chos ma yin pa mnyam pa nyid kyis mngon par brlan pa'i chos nyid </font><hr>Cha238b<br><font size=+1>


dang / ye shes kyi rjes su 'jug pa de lta bus mngon par bsgrubs pa'i 'du shes dang yid la bya bas/ tshong dpon gyi bu nor bzang gis khang pa brtsegs pa rnam par snang mdzad kyi rgyan gyis brgyan pa'i snying po'i sgo nas rnam pa de lta bur btud de phyag 'tshal nas yun ring mo zhig lon pa dang / dge ba'i rtsa ba'i shugs bsam gyis mi khyab pas mngon par brlan pa'i sems dang ldan pa/ lus dang sems shin tu sim par gyur pa de khang pa brtsegs pa'i gnas nas langs te yud tsam zhig tu khang pa brtsegs pa chen po rnam par snang mdzad kyi rgyan gyis brgyan pa'i snying po de la mig mi 'gengs pas bltas nas thal mo sbyar te lan brgya stong du mar g.yas phyogs su bskor ba byas nas de lta bu'i 'du shes dang yid la bya bas bskul ba'i sems dang ldan pas tshig tu brjod pa/ 'di ni/ stong pa nyid dang / mtshan ma med pa dang / smon pa med pa'i gnas la rnam par spyod pa rnams kyi gnas so/ /'di ni/ chos thams cad la rnam par mi rtog pa'i gnas la rnam par spyod pa rnams kyi gnas so/ /chos kyi dbyings tha mi dad pa'i gnas la rnam par spyod pa/ sems can gyi khams mi dmigs pa'i gnas la rnam par spyod pa/ chos thams cad gnas med pa'i gnas la rnam par spyod pa/ 'jig rten </font><hr>Cha239a<br><font size=+1>


@#/ /thams cad gnas med pa'i gnas la rnam par spyod pa/ 'gro ba thams cad kyi gnas gnas med pa'i gnas la rnam par spyod pa/ gnas thams cad rnam par bsgoms pa'i gnas la rnam par spyod pa/ brten pa thams cad la mi rten pa'i gnas la rnam par spyod pa/ lus thams cad la mi rten pa'i gnas la rnam par spyod pa/ 'du shes kyi rnam pa thams cad bsal ba'i gnas la rnam par spyod pa rnams kyi gnas so/ /'di ni/ chos thams cad rang bzhin med pa'i gnas la rnam par spyod pa rnams kyi gnas so/ /rtog pa dang / rnam par rtog pa dang / yongs su rtog pa thams cad du rnam par mi rtog pa'i gnas la rnam par spyod pa| 'du shes dang / sems dang / yid thams cad kyis rnam par dben pa'i gnas la spyod pa/ lam thams cad blang ba med pa dang / dor ba med pa'i gnas la rnam par spyod pa| shes rab kyi pha rol tu phyin pa zab mo la 'jug pa'i gnas la rnam par spyod pa/ sgo kun nas chos kyi dbyings rgyas par 'gengs pa'i thabs kyi gnas la rnam par spyod pa/ nyon mongs pa thams cad zhi zhing nye bar zhi ba'i gnas la rnam par spyod pa/ lta ba dang / sred pa dang / nga rgyal thams cad spangs pa'i shes rab shas che </font><hr>Cha239b<br><font size=+1>


ba'i gnas la rnam par spyod pa/ bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa dang / rigs pa skyed pa thams cad la rnam par rol pa'i gnas la rnam par spyod pa/ byang chub sems dpa' thams cad kyi ting nge 'dzin gyi spyod yul sgom pa'i gnas la rnam par spyod pa rnams kyi gnas so/ /'di ni/ sangs rgyas thams cad kyi zhabs kyi drung na nye bar gnas pa'i gnas la rnam par spyod pa rnams kyi gnas so/ /'di ni/ gang de dag bskal pa gcig la bskal pa thams cad dang / bskal pa thams cad la bskal pa gcig tu 'jug pa'i gnas la rnam par spyod pa/ gang de dag zhing gcig dang zhing thams cad du zhing thams cad dang zhing gcig tu tha mi dad pa'i gnas la rnam par spyod pa/ gang de dag chos gcig dang chos thams cad du chos thams cad dang chos gcig tu mi 'gal ba'i gnas la rnam par spyod pa/ gang de dag sems can gcig dang sems can thams cad du sems can thams cad dang sems can gcig tu tha mi dad pa'i gnas la rnam par spyod pa/ gang de dag sangs rgyas gcig dang sangs rgyas thams cad du sangs rgyas thams cad dang sangs rgyas gcig tu mi gnas la rnam par spyod pa/ </font><hr>Cha240a<br><font size=+1>


@#/ /gang de dag dus thams cad la skad cig gcig gis 'jug pa'i gnas la rnam par spyod pa/ gang de dag sems bskyed pa gcig gis zhing thams cad du 'gro ba'i gnas la rnam par spyod pa/ gang de dag sems can thams cad kyi gnas su gzugs brnyan snang ba'i gnas la rnam par spyod pa/ gang de dag 'jig rten thams cad la phan pa dang bde ba'i sems kyi gnas la rnam par spyod pa/ gang de dag thob par bya ba thams cad rang la rag las pa'i gnas la rnam par spyod pa de dag gi gnas so/ /'di ni/ gang de dag 'jig rten gyi gnas thams cad las gyen du 'phags kyang sems can thams cad yongs su smin par bya ba'i phyir 'gro ba thams cad kyi gnas na snang ba dang / gang de dag zhing thams cad la mi gnas kyang de bzhin gshegs pa thams cad la mchod pa bya ba'i phyir zhing thams cad du rjes su spyod pa dang / gang de dag sangs rgyas kyi zhing thams cad kyi rgyan yongs su gzung ba'i phyir zhing thams cad du rjes su spyod kyang gnas nas g.yo ba med pa dang / gang de dag de bzhin gshegs pa thams cad kyi zhabs kyi drung na 'dug kyang sangs rgyas kyi 'du shes su mngon par zhen pa dang bral ba dang / </font><hr>Cha240b<br><font size=+1>


gang de dag dge ba'i bshes gnyen thams cad la brten pa'i gnas la rnam par spyod kyang 'gro ba thams cad na de'i ye shes la mnyam zhing 'dra ba med pa dang / gang de dag bdud kyi gnas thams cad na spyod kyang 'dod pa'i yon tan gyi dga' ba dang bral ba dang / gang de dag 'du shes kyi rnam pa'i gnas thams cad la rnam par spyod kyang 'du shes kyi rnam pa thams cad rnam par bsal ba'i yid dang ldan pa dang / gang de dag 'gro ba thams cad du khyab pa'i lus dang ldan yang bdag dang sems can du gnyis su bya bar mi spyod pa dang / gang de dag 'jig rten gyi khams thams cad kyi khong du chud pa'i lus dang ldan yang chos kyi dbyings tha dad du bya ba'i gnas la rnam par mi spyod pa dang / gang de dag ma 'ongs pa'i bskal pa thams cad du gnas par bya ba'i smon lam dang ldan yang bskal pa ring pa dang thung ba'i 'du shes kyi rnam pas rnam par mi spyod pa dang / gang de dag skra'i rtse mo gcig nas mi g.yo yang 'jig rten gyi khams thams cad du snang ba de lta bur sgrub dka' ba'i chos kyi phyogs la 'jug par rnam par spyod pa de dag gi gnas so/ /'di ni/ zab mo'i gnas la rnam par spyod pa/ mi gnyis pa'i gnas la rnam par spyod pa/ mtshan nyid med pa'i gnas la </font><hr>Cha241a<br><font size=+1>


@#/ /rnam par spyod pa/ gnyen po med pa'i gnas la rnam par spyod pa/ mi dmigs pa'i gnas la rnam par spyod pa/ spros pa med pa'i gnas la rnam par spyod pa/ byams pa chen po dang snying rje chen po'i gnas la rnam par spyod pa/ nyan thos dang rang sangs rgyas thams cad kyis chud par dka' ba'i gnas la rnam par spyod pa/ bdud kyi yul thams cad las yang dag par 'das pa'i gnas la rnam par spyod pa/ 'jig rten gyi yul thams cad kyis ma gos pa'i gnas la rnam par spyod pa/ byang chub sems dpa' thams cad kyi gnas kyi pha rol tu phyin pa'i gnas la rnam par spyod pa/ sangs rgyas thams cad kyi gnas dang mthun pa'i gnas la rnam par spyod pa rnams kyi gnas so/ /gang de mtshan ma thams cad dang bral ba'i gnas la rnam par spyod kyang nyan thos kyi skyon med par mi 'jug pa dang / gang de dag chos thams cad skye ba med pa'i gnas la rnam par spyod kyang mi skye ba'i chos nyid du mi ltung ba dang / gang de dag mi sdug pa'i gnas la rnam par spyod kyang 'dod chags dang bral ba'i chos nyid mngon du mi byed do/ 'dod chags kyi chos dang yang lhan cig mi gnas pa dang / gang de dag byams pa'i gnas la </font><hr>Cha241b<br><font size=+1>


rnam par spyod kyang zhe sdang gi dri ma'i rjes su stong ba'i sems med pa dang / gang de dag rten cing 'brel pa'i gnas la rnam par spyod kyang chos thams cad la shin tu rmongs pa med pa dang / gang de dag bsam gtan bzhi'i gnas la rnam par spyod kyang bsam gtan gyi dbang gis mi skye ba dang / gang de dag tshad med pa bzhi'i gnas la rnam par spyod kyang sems can yongs su smin par bya ba'i don du gzugs kyi khams kyi lam gyi rgyud du mi 'dong ba dang / gang de dag gzugs med pa'i snyoms par 'jug pa bzhi'i gnas la rnam par spyod kyang snying rje chen pos yongs su zin pas gzugs med pa'i khams kyi lam gyi rgyud du mi 'dong ba dang / gang de dag zhi gnas dang lhag mthong gi gnas la rnam par spyod kyang sems can yongs su smin par bya ba'i phyir bdag gis rig pa'i rnam par grol ba mngon du mi byed pa dang / gang de dag btang snyoms chen po'i gnas la rnam par spyod kyang sems can gyi khams yongs su mi gtong ba dang / gang de dag stong pa nyid kyi gnas la rnam par spyod kyang lta ba'i rnam pa la mi gnas pa dang / gang de dag mtshan ma med pa'i spyod yul dang ldan yang mtshan ma la spyod pa'i sems can rnam par gdul ba la brtson pa dang / gang de </font><hr>Cha242a<br><font size=+1>


@#/ /dag smon lam thams cad dang bral ba yin yang byang chub sems dpa'i spyod pa'i smon lam gyi rgyun mi 'chad pa dang / gang de dag las dang nyon mongs pa thams cad la dbang bsgyur yang sems can yongs su smin par bya ba'i don du las dang nyon mongs pa'i rjes su 'brang bar snang ba dang / gang de dag shi 'pho dang skye ba yongs su shes kyang tshe'i shi 'pho dang skye ba yongs su ston pa dang / gang de dag 'gro ba thams cad las rnam par log kyang sems can gdul ba'i dbang gis 'gro ba thams cad du 'dong ba dang / gang de dag byams pa la rnam par spyod kyang gang la yang chags par rnam par spyod pa med pa dang / gang de dag snying rje la rnam par spyod kyang gang la yang chags par lta bas rnam par spyod pa ma yin pa dang / gang de dag dga' ba la rnam par spyod kyang sems can sdug bsngal ba la rnam par lta bas rtag tu mi dga' ba dang / gang de dag btang snyoms la rnam par spyod kyang gzhan gyi don la rtag tu 'bad pa dang / gang de dag mthar gyis gnas pa'i snyoms par 'jug pa dgu la rnam par spyod kyang 'dod pa'i khams su skye ba la mi smod pa dang / gang de dag skye ba thams cad la mi gnas par rnam par spyod kyang yang dag pa'i mtha' mngon du bya ba </font><hr>Cha242b<br><font size=+1>


la rnam par mi spyod pa dang / gang de dag rnam par thar pa gsum la rnam par spyod kyang nyan thos kyi rnam par thar pa thob par bya ba la rnam par mi spyod pa dang / gang de dag 'phags pa'i bden pa bzhi rnam par blta ba la rnam par spyod kyang 'bras bu mngon du bya ba'i phyir rnam par mi spyod pa dang / gang de dag rten cing 'brel bar 'byung ba zab mo brtag pa la rnam par spyod kyang shin tu 'gog par ltung ba la rnam par mi spyod pa dang / gang de dag 'phags pa'i lam gyi yan lag brgyad sgom pa la rnam par spyod kyang shin tu 'byung ba la rnam par mi spyod pa dang / gang de dag so so'i skye bo'i sa las shin tu 'das par rnam par spyod kyang nyan thos dang / rang sangs rgyas kyi sar ltung ba la rnam par mi spyod pa dang / gang de dag nye bar len pa'i phung po lnga yongs su shes pa la rnam par spyod kyang phung po shin tu 'gog par ltung ba la rnam par mi spyod pa dang / gang de dag bdud kyi lam bzhi las shin tu 'das par rnam par spyod kyang bdud du rtog pa la rnam par mi spyod pa dang / gang de dag skye mched drug las shin tu 'das par rnam par spyod kyang shin tu mngon par grub pa la rnam par mi spyod pa dang / gang de dag de bzhin nyid la rnam par spyod kyang yang dag pa'i mthar ltung ba la rnam par mi spyod pa dang / gang de dag theg pa thams cad kyi 'byung ba yongs su </font><hr>Cha243a<br><font size=+1>


@#/ /ston pa la rnam par spyod kyang theg pa chen po las nyams pa la rnam par mi spyod pa de dag de lta bur yon tan gyi gnas thams cad la rnam par spyod pa rnams kyi gnas so/ /de nas tshong dpon gyi bu nor bzang gis de'i tshe tshigs su bcad pa 'di dag smras so/ /'di la thugs rje chen po brnyes pas rnam dag pa/ /byams pa shes gnyen dpal chen 'jig rten phan brtson pa/ /dbang bskur sa gnas rgyal ba'i sras kyi thu bo ste/ /sangs rgyas yul la rjes su dgongs shing rnam par spyod/ /rgyal ba'i sras po grags pa chen po mnga' ba rnams/ /ye shes chen po'i spyod yul rnam thar bzhugs pa dag/ gang rnams chos dbyings kun tu thogs med rnam rgyu ba/ /dpe zla med pa de dag gnas ni 'di 'dra yin/ /dul sbyin tshul khrims bzod pa brtson 'grus stobs kyis 'phags/ /bsam gtan mngon shes stobs kyi mthar phyin shes rtogs pas| |shes rab thabs dang smon lam stobs la gnas pa rnams/ /theg chen pha rol phyin pa rnams kyi gnas 'di yin/ /'di ni chags med blo gros bsam pa rgya chen te// nam mkha'i spyod yul ldan pa mi gnas mi rten pa/ /dus gsum thams cad rgyas 'gengs bsgribs pa med pa rnams/ /srid kun dngos po rnam par bsgoms pa rnams </font><hr>Cha243b<br><font size=+1>


kyi gnas/ /gang rnams chos kun mi skye'i tshul la zhugs pa rnams/ /chos kyi rang bzhin nam mkha'i dngos nyid rtogs mdzad la/ /ci la'ang gnas pa mi mdzad nam mkha'i bya bzhin te| |mkhyen pas bsnyengs pa mi mnga' de dag gnas 'di yin/ /gang rnams 'dod chags zhe sdang gti mug rang bzhin dngos/ /rtog pa'i rgyus bskyed phyin ci log las byung mkhyen nas| |'dod chags bral ba'ang rnam par rtog par mi mdzad pa/ /zhi dang nye bar zhi ldan de dag gnas 'di yin/ /gang rnams rnam par thar dang bden tshul 'phags lam dang // phung po de bzhin khams dang skye mched rten pa'i dngos/ /yongs su rtogs mdzad mkhas pa zhi bar mi ltung ba/ /shes rab thabs la mkhas pa de dag gnas 'di yin/ /gang rnams sgrib pa med pa'i ye shes phyogs bzhugs shing / /rgyal ba'i zhing la yongs rtog rnam rtog kun zhi la/ /chos rnams dngos po'i rang bzhin med par rtogs mdzad pa/ /zhi bar gzhol ba de dag gnas ni 'di 'dra'o/ /gang rnams chags med spyod pas chos dbyings 'di dag tu/ /dngos dang bral bar rnam spyod mkha' yi rlung 'dra ba/ /dngos po kun dang bral zhing dngos med rnam spyod pa/ /mi gnas blo mnga' de dag gnas ni 'di yang 'dra/ /gang rnams ngan song rgyud du 'gro ba song gyur te/ /sdug bsngal nad pa mi bde nyams su myong </font><hr>Cha244a<br><font size=+1>


@#/ /gzigs shing / /byams pa'i 'od kyis ngan song thams cad zhi mdzad pa/ /byams dang thugs rje'i thugs mnga' de dag gnas 'di yin/ /nyam nga'i 'khor na gnas shing 'phags lam gol gyur te/ /'gron po dmus long dmigs dang bral bar gyur 'dra ba'i/ /'jig rten gzigs shing bar lam rab la 'god mdzad pa/ /'gron po'i bsel rab 'dra ba de dag gnas 'di yin/ /gang rnams skye dang mya ngan rga shi dbang gyur pa'i/ /'gro ba bdud kyi zhags pas yongs su bcings gzigs shing / /rnam par bkrol nas mi 'jigs phyogs bder 'don mdzad pa/ /dpa' bo de dag thub par dka' ba'i gnas 'di yin/ /nyon mongs nad pa'i 'gro mang gang gis gzigs gyur cing| |ye shes bdud rtsi sman chen yongs su bsdu mdzad nas/ /thugs rje chen po bskyed cing yongs su 'grol mdzad pa/ /sman pa'i rgyal po chen po 'dra ba'i gnas 'di yin| |gang gis 'gro mang sdug bsngal mgon med gyur pa rnams/ /nyon mongs gtos su lhung ste tsham gyi mtshor lhung ba/ /gzigs shing dge ba'i chos kyi gru chen yongs sbyar te/ /sgrol mdzad mnyan pa'i bu 'dra de dag gnas 'di yin/ /gang gis nyon mongs rgya mtsho spyod pa'i 'gro gzigs shing / /thams cad mkhyen thugs rin chen </font><hr>Cha244b<br><font size=+1>


dgongs dag sems can mchog /srid pa'i rgya mtshor gshegs shing mngon par 'dren mdzad pa/ /mnyan pa'i bu ltar spyod pa de dag gnas 'di yin/ /smon lam gnas na bzhugs shing thugs rje byams spyan gyis/ /gang rnams sems can gnas su rnam par gzigs mdzad cing / /srid pa'i rgya mtsho gnas pa'i 'gro mang mngon 'don pa/ /mkha' lding gzhon 'dra de dag gnas ni 'di 'dra'o/ /gang rnams chos dbyings mkha' la nyi zla 'dra tshul du/ /sems can gnas su 'od kyis khyab par rnam spyod pa/ /smon lam dkyil 'khor ye shes dri med bzang po'i 'od/ /'jig rten snang bar mdzad pa de dag gnas 'di yin/ /gang rnams sems can gcig ni yongs su smin bya'i phyir/ /phyi mtha'i bskal pa bye ba zad du brtan gnas la/ /sems can gcig la ji bzhin de bzhin 'gro ba kun/ /'jig rten mgon du gyur pa de dag gnas 'di yin/ /gang rnams 'byams klas zhing gcig mtha' yi bskal par yang / /'gro don brtson 'grus skyo med spyod pa rnam spyod pa/ /zhing gcig ji bzhin de bzhin phyogs rnams kun tu ste/ /bsam pa rdo rje bzhin brtan de dag gnas 'di yin/ /gang rnams phyogs bcu'i bde gshegs rnams kyi chos sprin la/ /stan gcig gnas bzhin rmongs pa med pa 'thung byed </font><hr>Cha245a<br><font size=+1>


@#/ /kyang / /phyi mtha'i bskal pa khrag khrig bgrangs par mi ngoms sems/ /blo chen rgya mtsho lta bu'i gnas ni 'di 'dra'o/ /gang rnams zhing mang rgya mtsho brjod du med 'dod zhing / /mgon po'i 'khor rnams rgya mtshor yongs su 'jug byed la/ /rgyal ba'i mchod pa sna tshogs rgya mtsho rab byed pa/ /chags med spyod yul mnga' ba de dag gnas 'di yin/ /brtan pa grangs rnams smon lam rgya mtshor 'jug byed cing / /spyod pa rgya mtsho mtha' dang dbus med zhugs gyur te/ /'gro la phan phyir bskal pa rgya mtsho mang spyod pa/ /yon tan 'byung gnas de dag gnas ni 'di 'dra'o/ /gang rnams skra rtsa gcig tu zhing rnams thams cad dang / /sangs rgyas thams cad bskal pa mtha' dang dbus med pa/ /'dzud cing de yi tshul la 'jug kyang rmongs med pa/ /chags pa med pa'i mig can rnams kyi gnas 'di yin/ /gang rnams sems kyi skad cig gcig la rgya mtsho yi/ /bskal pa 'dzud byed zhing dang sangs rgyas 'gro ba rnams/ /de bzhin 'dzud byed bsgribs med ye shes dran gnas pa| |yon tan mthar phyin de dag gnas ni 'di 'dra'o/ /gang rnams zhing mang thams cad rdul du bgrangs byas shing / /chu ba ma lus thams cad thigs pas tshad bzung </font><hr>Cha245b<br><font size=+1>


ste| |de snyed grangs su smon lam mngon par sgrub byed pa/ /chags med bgrang ba de dag gnas ni 'di 'dra 'o/ /smon lam gzungs dang ting 'dzin sgo la 'jug bya ba/ /bsam gtan rnam thar smon lam sgo rnams de bzhin te/ /bskal pa mtha' yas mngon par sgrub cing rnam spyod pa/ /bde gshegs sras po dgongs ldan de dag 'dir 'dong ngo / /'di na gnas pa rgyal sras rnam pa sna tshogs te/ /tshig dang don ldan gtsug lag mang po mngon par sgrub/ /'gro la bder 'gyur bzo yi gnas su bya ba dag /rjes su bsam shing dam pa'i gnas na rnam par spyod/ /'di na gnas pa mngon shes thabs dang ye shes kyis/ /phyogs bcu'i sems can 'gro rgyud sna tshogs ji snyed pa/ /kun tu skye zhing 'chi ba'i khyad par rnam par ston/ /rnam thar sgyu ma'i tshul gnas chags med spyod dang ldan/ /'di na gnas pa thog mar sems bskyed nyer bzung zhing / /chos bzang mthar thug chos kyi spyod pa yongs su ston/ /sprul pa'i sprin gyis chos dbyings yongs su rgyas bkang zhing / /de bzhin rnam 'phrul brgya mang kun kyang nye bar ston/ /gang rnams sems kyi cha gcig byang chub rnam sangs rgyas/ /ye shes blo gros mtha' dang dbus med la 'jug pa/ /thos te rnam par bsam na 'jig rten rmongs su rung / /thub par dka' </font><hr>Cha246a<br><font size=+1>


@#/ /ba de dag gnas ni 'di 'dra'o/ /'di ni chags med blo gros rnams/ /chos dbyings bsgribs pa med pa rnam par spyod byed pa/ /dmigs pa med pa'i spyod yul can/ /dri med bsam pa'i blo gros gnas yin no/ /gang rnams chags pa med spyod cing / /zhing rnams kun tu gnas pa med par rnam spyod pa/ /mi gnyis shes la spyod pa yi/ /mnyam pa med pa de dag gnas 'di yin/ /gang rnams nam mkha'i rang bzhin dang / /mnyam pa'i chos rnams gnas med zhi ba rtogs gyur te/ / gang rnams mkha' yul rnam spyod pa/ /rdul dang bral ba de dag gnas 'di yin/ /'di ni snying rje'i sems ldan pa/ /gnas shing 'gro ba sdug bsngal gzir ba mthong gyur nas/ /'jig rten phan par bsam brtson te/ /snying rje chen po brnyes pa rnam par spyod/ /'di nas mi snang med gsal bar/ /sems can kun gyi gnas su thogs pa med par snang / /nyi ma zla ba'i dkyil 'khor bzhin/ /'khor ba'i zhags pa kun las rnam par grol/ /rgyal sras de dag 'di na gnas/ /rgyal ba rnams kyi zhabs drung thams cad kun na yang / /zhing rnams kun tu rab tu snang / /mtha' yas bskal pa rnams kyang zad par mdzad/ /'di nas 'gro ba'i lus mnyam dang / /rgyal </font><hr>Cha246b<br><font size=+1>


sras kun gyi lus dang grangs mang mnyam pa yi/ /sprul pa'i sprin gyis phyogs kyi rnams/ /ma lus thams cad rgyas par 'gengs par mdzad/ /'di na bzhugs pa'i dpa' bo rnams/ /rgyal ba'i spyod yul thams cad yongs su 'jal byed cing / /bskal pa bye bar rnam spyod kyang / /yongs su ngoms par 'gyur ba'i dus med do/ /'di ni ting 'dzin bye ba rnams/ /brjod du med pa skad cig re rer rtogs byas shing / /ting nge 'dzin gyi tshul bzhin du/ /sangs rgyas yul rnams rnam par ston pa mdzad/ /'dir ni skad cig brjod med pa'i/ /bskal pa zhing rnams sangs rgyas mtshan la rab zhugs te/ /shin tu yangs pa'i blo ldan pa/ /bskal pa dpag tu med pa'i mthar yang 'byin/ /'di na gnas shing tshad med pa'i/ /bskal par sems rgyud gcig gis rab tu 'jig pa byed/ /yongs rtog 'du shes med bral yang / /'gro ba'i 'du shes dbang du ston pa byed| |de dag ting 'dzin 'di gnas su/ /zhugs kyang dus gsum thams cad gsal bar mngon du mthong / /skad gcig yud la gnas brten cing / /rnam thar gnas la rnam par spyod pa mdzad/ /de dag rnam spyod gnas 'di na/ /ma g.yos lus kyis skyil mo krung du 'khod bzhin du/ /zhing rnams thams cad kun tu yang / /thams </font><hr>Cha247a<br><font size=+1>


@#/ /cad khyab par gcig car yongs su snang / /khyu mchog de dag 'di na gnas/ /bde gshegs rnams las chos kyi rgya mtsho yang dag 'thung / / ye shes rgya mtshor rab tu zhugs/ /mi zad yon tan rnams kyi pha rol phyin/ /'di na zhing rnams kun grangs dang / /bskal pa'i grangs dang de bzhin chos kyi grangs rnams dang / /rgyal ba kun gyi mtshan gyi grangs/ /sgrib med sems pa rnam par dgongs pa mdzad/ /rgyal sras de dag 'di na gnas/ /dus gsum zhing mang bgrangs pa thams cad ma lus par/ /de dag skad cig gcig gis kyang / /yongs su 'byung dang 'jig pa rnam par 'byed/ /rgyal sras de dag 'di na gnas/ / rgyal ba'i spyod pa smon lam 'gro ba'i dbang po rnams/ /gnas na rnam par spyod byed kyang / /rgyal sras blo la thogs pa med pas mthong / /rdul phran gcig la gang yod pa'i/ /'khor rnams rgya mtsho zhing mang sems can de bzhin du/ /bskal pa rdul phran kun mnyam pa/ /sgrib pa med par mthong ba rnams kyis mthong / /rdul phran kun rtser de bzhin du/ /'khor dang zhing dang bskal pa thams cad ma lus par/ /kun kyang gzugs brnyan thabs tshul du/ /shin tu </font><hr>Cha247b<br><font size=+1>


rnam phye yongs su mthong ba yin/ /'di nas de dag chos rnams kyi/ /rang bzhin zhing rnams kun dang dus dang bskal pa dang / /yang dag sangs rgyas de bzhin te/ /rang bzhin dngos bral 'byung ba'i tshul gyis mkhyen/ /'di nas sems can mnyam nyid dang / /chos rnams mnyam pa nyid dang sangs rgyas mnyam nyid dang / /zhing dang smon lam mnyam pa nyid| |dus gsum mnyam pa nyid la'ang de bzhin 'jug /sems can khrag khrig rnam par 'dul/ /sangs rgyas khrag khrig rnams kyang de bzhin gzhan mchod byed/ / gzhan rnams chos la rnam par rtog /'on kyang brtan pa gnas mchog 'di na 'khod/ /bskal pa khrag khrig mang pos kyang / /de dag smon lam ye shes yul blo'i rnam pa dag /bdag gis brjod par mi nus te/ /mtha' yas blo mnga' rnams kyi shin tu yang / /de dag smad pa mi mnga' ba/ /bsgribs med spyod yul rab la shin tu dgyes pa yi/ /pho brang 'di la thal sbyar te/ /bdag kyang lus btud gus par phyag 'tshal lo/ /rgyal po'i sras kyi thu bo ste/ /bsgribs med spyod pa mnga' ba 'phags pa byams pa de/ /rnam dag blo mnga' dpe med la/ /de yi rjes su bsam ste phyag 'tshal lo/ /de nas tshong dpon gyi bu nor bzang gis khang pa brtsegs pa chen po </font><hr>Cha248a<br><font size=+1>


@#/ /rnam par snang mdzad kyi rgyan gyis brgyan pa'i byang chub sems dpa' rnams la de dag dang / byang chub sems dpa'i bstod pa gzhan tshad med pa dag gis kyang mngon par bstod de/ shin tu btud nas phyag 'tshal te rab tu gus par bltas nas rim gror byas te mngon tu byas nas mchod de khang pa brtsegs pa chen po rnam par snang mdzad kyi rgyan gyis brgyan pa'i snying po'i sgo na byang chub sems dpa' sems dpa' chen po byams pa la blta bar ni/ mos/ byang chub sems dpa' sems dpa' chen po byams pa dang phrad par ni/ dga' zhing sdod sdod pa las/ des byang chub sems dpa' byams pa khang pa brtsegs pa de'i phyi rol gyi phyogs gzhan zhig nas srog chags brgya stong du ma'i 'khor dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i dbang po du mas mdun du byas te g.yas g.yon nas brgya byin dang / tshangs pa dang / 'jig rten gyi mgon po rnams kyis phyag bya zhing / yul de na gnas pa gnyen bshes su 'ong ba'i bram ze brgya stong mang pos bskor cing mdun du byas te/ khang pa brtsegs pa rnam par snang mdzad kyi rgyan gyis brgyan pa'i </font><hr>Cha248b<br><font size=+1>


snying po logs su 'ongs pa mthong nas dga' rangs te mgu zhing nyams bde la/ tshim zhing yid bde ba skyes nas byang chub sems dpa' byams pa gang na ba de logs su mngon du bltas te thag ring po nas byang chub sems dpa' byams pa la lus thams cad kyis phab ste phyag byas so/ /de nas byang chub sems dpa' byams pas tshong dpon gyi bu nor bzang la bltas te 'khor kun la lag pa g.yas pas bstan nas yang dag pa'i yon tan gyis bsngags te tshigs su bcad pa 'di dag smras so/ /ltos shig bsam pa yongs su dag pa 'di/ /nor bzang nor rnams rab tu brtan pa'i bu/ /byang chub spyod pa dam pa yongs tshol zhing / /mkhas pa nga yi drung du nye bar 'ongs/ /legs par 'ongs sam snying rje byams byung khyod/ /byams pa'i dkyil 'khor yangs par legs 'ongs sam/ /legs par 'ongs sam blta na rab zhi ba/ /spyad pa spyod tshe dub par ma gyur tam// rnam dag bsam ldan tshur shog 'ongs pa legs/ /skyo med yid ldan tshur shog 'ongs pa legs/ /dbang po ma zhum tshur shog 'ongs pa legs/ /mkhas pa spyod tshe dub pa med grang ngo / /chos rnams thams cad rnam dbye'i don byung ba/ /'gro ba thams cad rnam 'dul rab brtson pa/ /bshes gnyen thams cad bsnyen bkur rab </font><hr>Cha249a<br><font size=+1>


@#/ /zhugs pa/ /brtul zhugs mi g.yo brtan pa khyed 'ongs legs/ /dge ba'i lam gyis 'ongs pa bder 'ongs sam/ /yon tan lam la gnas pa bder 'ongs sam/ /rgyal ba'i lam du zhugs pa bder 'ongs sam/ /lam rnams gang du'ang ngal bar ma gyur tam/ /yon tan rang bzhin tshur shog bder 'ongs sam/ /dge bas mngon brlan tshur shog bder 'ongs sam/ /mtha' yas spyod yul legs par bder 'ongs sam/ /'gro ba kun na khyod mthong shin tu dkon/ /thob dang ma thob mnyam pa'i yid ldan pa/ /smad dang sdug bsngal ma grags rnam par spangs/ /'jig rten chos la ut+pal pad+mo bzhin/ /yid la 'khrul med legs par bder 'ongs sam/ /g.yo dang sgyu bral bsam pa dge ldan pa/ /nga rgyal dregs med snod kyi dam pa po/ /khro dang 'tshig med khengs shing 'gying pa med/ /blta na sdug pa khyod mthong legs pa yin/ /tshur shog phyogs kun spyod yul mngon gyur pa/ /tshur shog rgyal ba'i mdzod rnams sgrub byed pa/ /tshur shog rgyal ba'i mdzod rnams 'phel byed pa/ /yid la dub med legs par khyod 'ongs sam/ /tshur shog dus gsum yul ldan 'ongs pa legs/ /chos kyi dbyings la mos pa'i dkyil 'khor </font><hr>Cha249b<br><font size=+1>


ldan| |sangs rgyas kun gyi yon tan snying por byung / /mkhas pa legs par 'ongs sam mi ngal lam/ /tshur shog 'jam dpal ye shes pad+mo'i mchog /tshur shog sprin dpal char pas rnam spel ba/ /rgyal ba kun gyi sras kyis btang ba tshur/ /khyod la bsgribs pa med pa'i phyogs kyang bstan/ /ltos shig smon lam dra ba ci 'dra ba/ /chos dbyings rgyas 'gengs bsam gyis mi khyab ste/ /byang chub sems dpa'i spyod pa lam bsgrubs pa/ /rgya che yang byed nor bzang 'dir 'ongs so/ /bde bar gshegs pa'i spyod yul tshol byed cing / /rdul dang bral ba'i spyod pa 'gro ba'i phyir/ /smon lam rlabs chen yongs su 'dri byed cing / /skyo ba'i yid med 'di ni 'dir 'ongs so/ /'das pa'i mgon pos gang la bslabs mdzad de/ /de bzhin ma byon rnams kyang slob 'gyur la/ /bde gshegs bzhugs pa'i spyad par bya ba rnams/ /yongs su dri phyir 'di ni 'dir 'ongs so/ /'di ni bdag gi dge bshes chos smra ba/ /chos kun nan tan yongs su ston byed pa/ /byang chub sems dpa'i spyod lam yongs ston pa/ /yin zhes sems gcig bsam nas 'dir 'ongs so/ /byang chub sems dpa' bdag gi blo skye ba/ /sangs rgyas sras po byang chub skyed byed pa/ /'di dag bdag bshes sangs rgyas bsngags pa zhes/ /de ltar dge ba'i sems kyis 'dir 'ongs so/ / </font><hr>Cha250a<br><font size=+1>


@#/ /'di dag skyed pas bdag gi ma lta bu/ /yon tan 'o ma ldud pas ma ma 'dra/ /byang chub yan lag yongs su skyong ba yin/ /dge bshes 'di dag gnod pa rnam par zlog /rga shi thar byed sman pa lta bu ste/ /bdud rtsi'i char 'bebs brgya byin lha dbang 'dra/ /zla ba lta bur dkar po'i phyogs kyis rgyas/ /zhi ba'i phyogs ston nyi ma gsal ba 'dra| |dgra dang grogs la ri bo 'dra ba ste/ /rgya mtsho bzhin du mi 'khrug sems dang ldan/ /yongs su skyong dang mnyan pa 'dra ba zhes/ /de 'dra'i sems kyis nor bzang 'dir 'ongs so/ /'jigs med skyob pas dpa' bo lta bu ste/ /ded dpon mgon dang skyabs su gyur pa yin/ /'di dag bdag la bde stob mig yin zhes/ /de 'dra'i sems kyis dge bshes bsnyen bkur byed/ /chos kyi phyogs rnams rtag tu ston pa ste/ /sangs rgyas yon tan ye shes ston pa yin/ /ngan song ngan 'gro thams cad sbyong bar byed/ /dge bshes 'di dag bdag la dge ba ston/ /'di dag rgyal ba'i mdzod kun stob pa yin/ /'di dag rgyal ba kun gyi mdzod srung ste/ /'di dag rgyal ba kun gyi gsang 'dzin ces/ /de ltar mkhas pa 'di ni dge bshes bsnyen/ /ye shes phun ldan 'di las rnam par dag /gzugs dang longs spyod tshe rigs </font><hr>Cha250b<br><font size=+1>


phun sum tshogs/ /'di las phun sum tshogs kun dkon pa min/ /bsam pa de 'dras 'di ni 'dir 'ongs so/ /bsam pa rlabs chen 'di la kun kyang ltos/ /mkhas pa'i dge bshes rnams la 'di sten cing / /mkhas pa 'di blo ci 'dra skyed pa ltos/ /khyod kyis rtag tu de ltar bslab par bya/ /'di ni sngon gyi bsod nams dge ba'i rgyus/ /byang chub zhugs te 'jam dpal mthong gyur nas/ /de yi gdams ngag rjes su mthun spyod cing / /skyo ba med par rgyu ba 'di la ltos/ /'dis ni dga' ba de thams cad kun spangs te/ /lha rdzas lta bu'i khyim yang yongs su spangs/ /pha ma ma ma skyid pa rgya chen kun/ /yongs su spangs shing bran ltar bshes gnyen sten/ /mkhas pa 'dis ni bsam pa rnam sbyangs te/ /bdag gis mi lus yongs su spangs byas nas/ /sangs rgyas kun gyi pho brang 'gro bar 'gyur/ /de phyir 'bras bu de 'dra'ang thob par 'gyur/ /'di ni rga dang nad kyis yongs mnar ba'i/ /srog chags sdug bsngal brgya yis gces pa rnams/ /skye shi mya ngan 'jigs pas gdungs mthong nas/ /de dag don du snying rje'i sems kyis spyod/ /'gro rgyud lnga yi 'khor lo'i dkyil 'khor du/ /sdug bsngal 'khrul 'khor btsir ba'i 'gro mthong nas/ /sdug bsngal 'khrul 'khor 'khor lo 'joms pa yi/ /ye shes rdo rje sra ba 'di tshol lo/ /'dod chags zhe sdang </font><hr>Cha251a<br><font size=+1>


@#/ /rtswa sdong tsher ma can/ /lta chags rtswa mang yongs su 'dzings pa yi/ /sems can zhing ni yongs su sbyong ba'i phyir/ /shes rab gshol brtan bzang po 'di tshol lo/ /gti mug ma rig thibs po'i bsam pa can/ /'gro ba shes rab mig stor dmigs med pa/ /de la phyogs bde ston pa'i mthu yod pa/ /'gro ba'i ded dpon bzang por 'di 'gyur ro/ /bzod pa'i go bgos rnam thar bzhon pa zhon/ /ye shes ral gris mya ngan dgra 'joms pas/ /mi 'jigs stob pa'i dpa' bor gyur pa 'di| |'gro ba rnams kyi lam ston 'gyur ba yin/ /'di ni chos kyi gru rab sbyor ba ste/ /ye shes rgya mtsho'i lam la slob pa'o/ /zhi ba rin chen mchog gi gling skyel ba| |'di ni khams gsum mtsho yi skya ba 'dzin/ /ye shes 'od zer smon lam dkyil 'khor can/ /sems can kun gyi gnas su snang byed pa'i/ /chos dbyings mkha' la 'od chen rab ldan par/ /'di ni khams gsum nyi mar 'char bar 'gyur/ /byams pa'i dga' ldan ting 'dzin dang bsil ba'i/ /sems can kun la snyoms sems 'od bzang la/ /dkar po'i chos kyi dkyil 'khor yongs rgyas pa'i/ /sangs rgyas zla ba 'di ni 'char bar 'gyur/ /bsam pa'i gzhi rten brtan la rab gnas pa/ /byang chub </font><hr>Cha251b<br><font size=+1>


spyod pas rim gyis 'phags pa ste/ /chos kun rin chen 'byung gnas ldan pa yi/ /ye shes rgya mtsho'i mchog tu 'di 'gyur ro/ /byang chub sems kyi klu yi dbang gis byung / /chos kyi dbyings kyi mkha' la mngon par 'phags/ /dkar po'i 'bras bu'i lo tog 'phel byed pa'i/ /'di ni 'gro bar chos sprin char 'bebs 'gyur/ /dag pa'i snying po dri gsum mun sel ba| |byams pa'i snum yod dran pa'i snod brtan pa/ /dri med byang chub sems bskyed 'od bzang ba'i/ /chos kyi mar me 'di ni 'bar byed 'gyur/ /byang chub sems ni mar mer snying rje sko/ /byams pa rdos pa mi g.yo bsam pa mkhregs/ /byang chub yan lag mthar gyis byung ba yi/ /sangs rgyas sras su 'di ni yang dag skye/ /bsod nams snying po mngon par 'phel bar byed/ /ye shes snying po yongs su sbyong bar 'gyur/ /'di ni shes pa'i snying po 'char bar byed/ /smon lam ji bzhin snying po yang dag byung / /snying rje byams pas sprul pa 'di 'dra ba/ /sems can dgrol blo phan pa'i bsam ldan pa/ /rnam dag yid can 'di ni ci 'dra ba/ /de 'dra'i 'gro ba lha dang mir bcas dkon/ /'di 'dra'i bsam pa rab tu rtsa brtan la| |'di 'dra'i sbyor ba brtan pas rnam 'phel cing / /srid gsum yog par byed pa 'di 'dra ba'i/ /ye shes shing chen 'bras bu 'byung ba dkon/ /'di ni yon tan kun sgrub don du </font><hr>Cha252a<br><font size=+1>


@#/ /gnyer| |chos rnams thams cad yongs su dri bar mos/ /the tshom thams cad rnam par bsal don du/ /le lo med par bshes gnyen thams cad sten/ /'di ni bdud kyi dkrug ma nyon mongs 'joms/ /'di ni lta ba'i dri ma srid pa sel/ /'di ni 'gro ba thams cad dgrol la brtson/ /mkhas pa 'di ni rtag tu khyad par tshol/ /yon tan lam la ma nor 'di gnas pas/ /'di ni ngan song thams cad sbyong bar 'gyur/ /mtho ris lam yang nye bar ston par 'gyur/ /thar pa'i lam du 'gro ba 'dzud par 'gyur/ /'di ni 'gro rgyud kun gyi sdug bsngal sel/ /'di ni 'gro rgyud kun gyi bde ba stob/ /'di ni srid pa kun gyi zhags pa thub/ /srid pa'i 'gro rgyud thams cad sel bar 'gyur/ /lta ba dog pa rnam par 'byed par 'gyur/ /sred pa'i 'khri shing dra ba gcod par 'gyur/ /chags pa'i 'dod chags nye bar sbyong bar 'gyur/ /srid gsum lam yang yongs su ston par 'gyur/ /'di ni 'jig rten mgon dang skyabs yin te/ /'di ni 'gro ba kun la 'od byed pa'o/ /rnam pa kun tu srid pa sel la mkhas/ /sa gsum kun gyi 'dren par 'di 'gyur ro/ /nyon mongs gnyid log 'gro ba sad par byed/ /'dod pa'i 'dam las mkhas pa 'di sgrol te/ /'du shes chags las yongs su 'di yang 'grol/ / </font><hr>Cha252b<br><font size=+1>


bcings pa kun las thar bar byed par 'gyur/ /chos dbyings gzhi yi bye brag snang bar byed/ /'jig rten khams kyi bye brag sbyong bar 'gyur/ /chos kun gzhi yi bye brag pha rol phyin/ nor bzang khyod ni dga' ba skyed par 'gyur/ /mkhas pa khyod kyi sbyor ba'i tshul dag dang / /dag cing khyod la smad pa med tshul dang / /khyod kyi bsam pa'i yon tan ldan tshul las/ /bsam pa thams cad yongs su rdzogs par 'gyur/ /khyod kyis bdag nyid dge bar byas tshul gyis/ /ring por mi thogs sangs rgyas kun mthong 'gyur/ /ring por mi thogs zhing rnams kun 'gror 'gyur/ /chos kun ring por mi thogs shes par 'gyur/ /zhing rnams rgya mtsho rnam par sbyong bar 'gyur/ /sems can rgya mtsho rnam par 'grol bar 'gyur/ /spyod pa rgya mtsho yongs su rdzogs par 'gyur/ /khyod kyi nan tan rgya mtsho de 'dra'o/ /khyod kyi mos pa'i dkyil 'khor tshul las na/ /khyod ni yon tan rnams kyi snod du 'gyur/ /khyod ni dge ba yang dag 'byung gnas 'gyur/ /khyod ni rgyal ba'i sras dang mnyam par 'gyur/ /khyod kyi smon lam dkyil 'khor tshul las na/ /khyod kyis bdud kyi dkyil 'khor pham par byas/ /khyod kyis las kyi dkyil 'khor rnam par sbyangs/ /nyon mongs dkyil 'khor khyod kyis dag par byas/ /ye shes rgyud ni rnam par sbyong bar 'gyur/ /chos </font><hr>Cha253a<br><font size=+1>


@#/ /kyi rgyud ni rab tu brjod par 'gyur/ /las dang nyon mongs sdug bsngal 'khrul 'khor rgyud/ /ring por mi thogs rnam par zlog par 'gyur/ /'jig rten 'khor lo srid pa'i 'khor lor brten/ /shu ba'i lam rgyud lnga yi 'khor lor rmongs/ /'gro kun sdug bsngal 'khor lo gcod pa yi/ /chos kyi 'khor lo dam pa bskor bar 'gyur sangs rgyas rigs ni rjes su 'dzin par 'gyur/ /chos kyi rigs ni yongs su sbyong bar 'gyur/ /dge 'dun rigs ni yongs su sdud par 'gyur/ /rin chen 'byung ba'i 'byung gnas khyod 'gyur ro/ /sred pa'i dra ba rnam par zlog par 'gyur/ /lta ba'i dra ba thibs po de bzhin te/ /'gro ba'i sdug bsngal dra ba 'grol bar 'gyur/ /smon lam dra ba de ni khyod kyis sbyangs/ /sems can khams ni yongs su smin byed 'gyur/ /'jig rten khams ni yongs su sbyong bar 'gyur/ /ye shes khams ni shin tu dag byed 'gyur// khyod kyi bsam pa'i khams ni de 'dra'o/ /nor bzang dga' ba 'phel bar byed pa khyod/ /sems can kun la phan bde dga' byed 'gyur/ /byang chub sems dpa'i rigs rgyud dga' byed cing / /sangs rgyas thams cad smon lam dga' byed 'gyur/ /sems can kun gyi 'gro ba'i gnas ston pa/ /zhing rnams thams cad gzugs brnyan </font><hr>Cha253b<br><font size=+1>


snang ston pa/ /chos rnams thams cad snang ba rab ston pa'i/ /blta na bzang ba'i rgyal bar khyod 'gyur ro/ /chos dbyings snang bar byed pa'i 'od ldan pa/ /sems can khams rnams bde byed 'od ldan pa/ /ngan song thams cad zhi byed 'od ldan pa'i/ /srid gsum sdug bsngal zhi bar byed par 'gyur/ /mtho ris lam ni nye bar ston par 'gyur/ / sangs rgyas lam ni 'gro la 'byed par 'gyur/ /thar pa'i lam du 'gro ba khrid par 'gyur/ /de 'dra'i lam ni khyod kyis rnam par sbyangs/ /log pa'i lam ni rnam par zlog par 'gyur| |skye bo 'phags pa'i lam la 'dul bar 'gyur/ /brtan pa'i blo gros le lo med pa khyod/ /mi g.yeng byang chub lam ni de ltar tshol/ /srid pa'i rgya mtshor gnas pa'i lus can rnams/ /sdug bsngal mthar phyin bya bar khyod brtson pa/ /'gro ba srid pa'i mtsho las sgrol bar 'gyur/ /khyod kyi yon tan mtsho chen de 'dra'o/ /ye shes nyi ma mchog gi 'od zer mtshos/ /lus can nyon mongs rgya mtsho yongs bskams shing / /de dag nan tan mtsho la bkod byas nas/ /ye shes rgya mtshor rab tu 'god par 'gyur| |blo gros rgya mtsho rnam par 'phel bar 'gyur/ /spyod pa rgya mtsho rnam par sbyong bar 'gyur/ /sangs rgyas kun gyi smon lam rgya mtsho la/ /ring por mi thogs yongs </font><hr>Cha254a<br><font size=+1>


@#/ /su 'jug par 'gyur/ /mkhas pa khyod ni blo gros rgya mtsho'i mthus/ /zhing rnams rgya mtsho mang por phyin par 'gyur/ /'khor rnams rgya mtsho mang po mthong bar 'gyur/ /chos mang rgya mtsho yongs su 'thung bar 'gyur/ /sangs rgyas sprin mang khrag khrig mthong bar 'gyur/ /mchod sprin shin tu rgya chen byed par 'gyur| |chos kyi sprin mang khrag khrig thos par 'gyur/ /khyod ni smon lam de 'dra'i sprin kyang byed/ /sems can thams cad gnas mang rgyas 'gengs 'gyur/ /zhing rnams kun gyi gnas su 'gro bar 'gyur/ /sangs rgyas kun gyi gnas su phyin par 'gyur/ /khyod ni de 'dra'i phyogs su zhugs pa yin/ /khyod ni ting 'dzin gnas su 'jug par 'gyur/ /khyod kyis rnam thar gnas rnams thob par 'gyur/ /khyod ni mngon shes gnas la spyod par 'gyur/ /chos kyi dbyings kyi gnas la rab tu gnas| |nyi zla'i gzugs rnams rab tu snang ba ltar/ /sems can kun gyi gnas su 'char bar 'gyur/ /rgyal ba rnams kyi spyan sngar mngon 'byung 'gyur/ /khyod kyi 'byung ba'i lam chen de 'dra'o/ /'jig rten kun la mi gnas spyod yul dang / /nam mkha'i spyod yul bzang por khyod spyod 'gyur/ /khyod kyi spyod yul rab tu </font><hr>Cha254b<br><font size=+1>


zhi bar 'gyur/ /khyod kyi mngon shes spyod yul de 'dra'o/ /mig 'phrul dra ba'i bye brag gzhi mkhas khyod/ /zhing gi dra ba'i bye brag ji snyed gzhi/ /ser po mkha' la chags pa med pa ltar| |ring por mi thogs rgyas par 'gengs par 'gyur/ /chos dbyings 'byams klas khong du chud par 'gyur/ /'byams klas 'jig rten khams su 'gro bar 'gyur/ / dus gsum gshegs pa'i sangs rgyas 'byams klas kun/ /mthong bar 'gyur gyi nor bzang dga' bar gyis/ /khyod kyis de 'dra'i rnam thar de lta bu/ /mthong la mthong zhing da dung mthong bar 'gyur/ /de bas mkhas pa skyo bar ma byed cig /dga' yangs zang zing med pa nyams su longs/ /nor bzang khyod ni yon tan snod bzang ste/ /khyod ni rgyal ba rnams kyi gdams ngag mthun/ /khyod kyis tshul 'di yongs su gzung bar gnas/ /de bas rnam par 'phrul pa 'di dag mthong / /sangs rgyas sras po gnas med spyod yul can/ /gang rnams mthong bar bskal pa khrag khrig tu/ /shin tu dka' na legs brjod mi smos pa/ /de dag spyod legs spyod tshe khyod kyis mthong / /de ltar 'jam dpal mngon du mthong gyur te/ /de 'dra'i yon tan snod du gyur byas pa/ /khyod kyi thos pa rgya che bsam mi khyab/ /mi yi srid par khyod ni legs par 'ongs/ /ngan song </font><hr>Cha255a<br><font size=+1>


@#/ /lam rnams thams cad rnam par zlog/ mi khom ngan 'gro thams cad rnam par sbyangs/ /sdug bsngal chos rnams khyod kyis thams cad bor/ mi dga' thams cad yongs su spang bar gyis/ /byis pa'i sa ni khyod kyis rnam par bzlog /byang chub sems dpa'i yon tan sa la gnas/ /ye shes sa yi dam pa yongs bskang zhing / /sangs rgyas sa rab ring por mi thogs 'thob/ /byang chub sems dpa'i spyod pa rgya mtsho snyed/ /sangs rgyas ye shes nam mkha'i mdzod dang mtshungs/ /de yi tshad kyi smon lam gang chen mtsho/ /khyod kyis btsal zin shin tu dga' bar gyis/ /de ltar dbang po yongs su mi skyo la/ /bsam pa brtan zhing sbyor ba nges pa rnams| |gang dag 'di 'dra'i bshes gnyen sten byed pa/ /de dag ring por mi thogs mgon por 'gyur/ /khyod kyi byang chub spyod pa sna tshogs kyis/ /sems can mang po dul bar 'gyur mthong zhing / /chos kun sgo yi byang chub spyod pa la/ /nam yang yid gnyis byed par ma gyur cig / de ltar phun sum tshogs pa 'di 'dra 'di/ /sangs rgyas sras pos de ring 'dir mthong ba/ /don chos yon tan dad pa phun sum tshogs/ /khyod kyi bsod nams phun ldan bsam mi khyab/ /de ltar </font><hr>Cha255b<br><font size=+1>


rgyal sras rnams kyis rgyun 'brel bar/ /rang rang so so'i smon lam bstan byas te/ /khyod kyis de dag ma lus mthun rtogs pa/ /khyod kyis thob pa chen po ci 'dra ltos/ /byang chub sems dpa'i spyod pa'i snod gyur pa/ /de 'dra srid pa brgyar yang dkon pas na/ /de phyir rgyal sras de dag rgyun 'brel ba/ /khyod la rnam thar tshul rnams yongs su ston/ / bskal pa khrag khrig bye bar 'gro ba gang / /bde gshegs sras dang lhan cig 'grogs gyur ba/ /de dag de rnams spyod yul mi shes te/ /de dag yon tan snod du bdag ma byas| |khyod kyis 'di 'dra'i tshul 'di thos par gyur/ /byang chub sems dpa' chen po'i rnam 'phrul pa/ /'gro ba kun na dkon pa khyod kyis mthong / /de ltar nor bzang dga' ba'i yid du gyis/ /khyod la sangs rgyas thams cad dgongs pa mdzad/ /byang chub sems dpa' khyod gzung phyir yang gnas/ /khyod kyang de dag rjes su bstan la gnas/ /legs so nor bzang khyod kyi 'tsho ba dge /byang chub sems dpa'i rigs kyi chos la gnas/ /khyod ni rgyal sras yon tan rnams la slob/ /bde bar gshegs rigs rnam par 'phel byed 'gyur/ /nor bzang dga' ba rgya chen nyams su longs/ /sangs rgyas mnyam med thams cad khyod kyi pha/ /byang chub sems dpa' thams cad khyod dang spun/ /byang chub </font><hr>Cha256a<br><font size=+1>


@#/ /yan lag thams cad khyod gyi gnyen/ /khyod ni bde gshegs thugs las skyes pa'i sras/ /chos kyi rgyal po'i rigs kyi rgyud 'dzin pa/ /byang chub sems dpa'i rigs rgyud 'phel bar byed/ /ring por mi thogs chos rgyal 'thob 'gyur gyi/ /nor bzang dbang po tshim zhing dga' bar gyis/ /sangs rgyas kun gyi dbang bskur dam pa yang / /ring por mi thogs rmad byung thob par 'gyur/ /rgyal ba'i sras dang mtshungs shing mnyam par 'gyur/ /khyod kyi spyod pa'i tshul mthun de 'dra'o/ /mi gang ci 'dra'i sa bon 'debs byed pa/ /de ni de 'dra'i 'bras bu 'thob par 'gyur/ /dga' ba rgya chen bsam yas nyams su longs/ /ngas ni de ring khyod kyi dbugs kyang dbyung / /tshe gcig khyod kyis gang rnams thog gyur pa/ /byang chub sems dpa' khrag khrig bsam yas pa/ /bskal pa khrag khrig byang chub spyod spyod pa/ /de dag gis kyang phun sum 'di ma rnyed/ /'di rnams thams cad mos pa'i 'bras bu ste/ /brtson 'grus bsam pa dag ni de bzhin no/ /gang zhig spyod pa 'di 'drar dga' ba yang / /nor bzang spyod pa gang yin de la spyod/ /spyod pa thams cad smon lam byung ba yin/ /chos rnams thams cad mos las yongs su gyur/ /nor bzang de </font><hr>Cha256b<br><font size=+1>


ltar khyod kyis yongs su bsgrubs/ /rtag tu khyad par spyod pa btsal bar gyis/ /klu yi bsam pa ji snyed byung gyur pa/ /de snyed char pa yongs su 'bab par 'gyur/ /smon lam ye shes spyod yul ji snyed pa/ /de snyed byang chub spyod pa rgyas par 'gyur/ /nor bzang bzang po'i spyod ces bya ba 'di/ /tshul 'di khyod la bstan pa 'di yin gyi/ /de shes gyis la dge bshes rang bzhin gyis/ /bsnyen bkur byed tshe 'jigs par ma byed cig /lus rnams bye ba sngon chad khyod kyis kyang / /'dod pa'i don du don med zad byas soms/ /da ni byang chub yongs su tshol gyur na/ /brtul zhugs bzang po brtul bas zhig ko 'dod/ /khyod kyis bskal pa bye ba 'das byas te/ /'du byas sdug bsngal thams cad nyams su myong / /gang+gA'i bye snyed sangs rgyas mnyes ma byas/ /'di 'dra'i tshul yang thos par ma gyur to/ /de las da ni khom par mir yang skyes| |sangs rgyas byung mthong dge bshes 'di 'dra ste/ /byang chub mchog gi spyod pa'ang thos par gyur/ /rnam dag sems su de ko cir mi 'gyur/ /bde bar gshegs pa yang du 'byung bar 'gyur/ /dge bshes de bzhin chos mnyan thos par 'gyur/ /gal te bsam pa yongs su ma sbyangs na/ /tshul 'di phyin chad thos </font><hr>Cha257a<br><font size=+1>


@#/ /par dka' ba yin/ /de bas dad dang mos dang bsam pa rnams/ /yongs su skyed la bla ma phu dud kyis/ /the tshom lta ba yongs su skyo spongs la/ / yang dang yang du 'di 'dra'i tshul nyon cig /gang gis spyod la 'jug pa 'di 'dra 'di/ /thos nas de 'dra'i smon lam mngon bsgrubs pa/ /de dag ni \?\ yi srid par legs par 'ongs/ /gang gis de 'dra'i mos pa sbyangs pa ni/ /de la dge bshes thams cad mi dkon no/ /de ni rgyal ba rnams kyi sras dang spun/ /de la phyin chad byang chub the tshom med/ /gang zhig 'di 'dra'i tshul 'dir zhugs gyur ba/ /des ni log par ltung ba thams cad spangs/ /des ni sdug bsngal chos rnams thams cad bsal/ /des ni yon tan thams cad bsdu bar byas/ /lus ni bor nas ring por mi thogs su/ /yongs su dag pa'i sangs rgyas zhing du 'gro /byang chub sems dpa'i gnas su 'jug par 'gyur/ /phyogs bcu'i de bzhin gshegs pa mthong bar 'gyur/ /nor bzang khyod kyi sngon gyi rgyu sdug pas/ /da ltar byung la mos pa nges pa yis| |khyad par don gnyer dge bshes bsten byas pas/ /chu las ut+pa la bzhin de phyir 'phel/ /dge bshes thams cad phu dud bsam pa dang / /sangs rgyas </font><hr>Cha257b<br><font size=+1>


thams cad dgyes bya'i bsam pa dang / /chos kun yongs su dri ba'i bsam pa can/ /brtul zhugs bzang po ldan pa dal gyis longs/ /chos kyi nan tan kun la rab gnas pa/ / lam rnams rjes su kun tshol rab gnas pa/ /sangs rgyas sras kyi smon lam rab gnas pa/ /yon tan chos rnams kun gyi snod khyod longs/ /mos pa phun sum tshogs pa ci 'dra bas| |khyod kyis nga la phyag 'di byas pa ni/ /sangs rgyas thams cad 'khor du mngon sum du/ /ring por mi thogs yongs su 'byung bar 'gyur/ /skyo ba'i yid med nor bzang legs pa yin/ /sangs rgyas kun gyi smon lam sems ldan pa/ /brtul zhugs brtan khyod ring por mi thogs par/ /sangs rgyas kun gyi yon tan mthar phyin 'gyur/ /ye shes spyod yul rnam thar mthar phyin pa'i/ /'jam dpal gan du nor bzang khyod song ste/ /bzang po'i spyod pa dam pa mchog dris shig /de tshul khyod 'jug de ni byed par 'gyur/ /de ltar byams pa chags med spyod yul gyis/ /nor bzang yang dag legs pas 'phags mthong nas/ /'khor rnams kun la mngon par bstan byas te/ /de yi yon tan legs mdzod 'di brjod do/ /'di 'dra'i rjes su bstan pa dam pa dang / /gdams ngag de 'dra nor bzang thos gyur nas/ /dga' ba'i shugs kyis dbang po mngon brlan pas/ /mchi ma'i rgyud </font><hr>Cha258a<br><font size=+1>


@#/ /mang rab tu des kyang blags/ /dga' ba'i nyams chen nyams su myong bar 'gyur/ /dbang po tshim nas shugs kyis dbugs kyang phyung / /nor bzang langs te thal mo rab sbyar nas/ /byams pa de la bskor ba rab tu byas/ /de yi lag tu 'jam dpal sems dbang gis/ /me tog phreng ba rin chen mdzes pa dag/ byang chub sems dpa'i smon pas mngon thon pa/ /yid du 'ong ba mang po byung bar gyur/ /nor bzang de tshe rab tu dga' gyur nas/ /dga' bar de dag khyams pa de la gtor/ /de tshe de yi mgo la kun nas byugs/ / byams pas tshigs su bcad pa 'di dag smras/ /rgyal ba'i sras po nor bzang legs so legs/ /de ltar khyod ni yongs su mi skyo bas/ /nga dang 'jam dpal ci 'dra ci bzhin du| |yon tan snod du khyod ni myur te 'gyur/ /thos nas nor bzang dga' ba'i tshig brjod pa/ /'di 'dra'i dge bshes bdag dang phrad pa ni/ /srid pa brgya phrag bgrangs par shin tu dkon/ /bdag gis de ring 'dir phyin shin tu legs/ /yon tan kun gyi pha rol phyin gyur pa/ /'jam dpal khyod kyi byin rlabs bzang po yis/ /bdag gis bshes gnyen 'di dag dkon pa rnyed/ /khyod dang bdag tu myur du 'grogs par 'gyur// //shin tu rgyas pa chen po'i mdo/ sangs rgyas phal po che zhes </font><hr>Cha258b<br><font size=+1>


bya ba las/ sdong pos brgyan pa'i le'u ste/ bam po brgya bcu gnyis pa/ de nas tshong dpon gyi bu nor bzang gis byang chub sems dpa' sems dpa' chen po byams pa'i mdud du 'dug ste thal mo sbyar nas 'di skad ces smras so/ /'phags pa/ bdag bla na med pa yang dag par rdzogs pa'i byang chub tu yang dag par zhugs na/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba ma 'tshal te/ 'phags pa byams pa ni/ de bzhin gshegs pa thams cad kyi sku tshe gcig gis thogs par bla na med pa yang dag par rdzogs pa'i byang chub tu lung bstan pa ste/ gang bla na med pa yang dag par rdzogs pa'i byang chub tu sku tshe gcig gis thogs pa de ni/ byang chub sems dpa'i rnam par dgod pa thams cad las yang dag par 'das pa lags/ des ni/ byang chub sems dpa'i sa thams cad rab tu brnyes pa lags/ de ni/ byang chub sems dpa'i skyon med pa rab tu zhugs pa lags/ des ni/ pha rol tu phyin pa thams cad yongs su rdzogs pa lags/ de ni/ bzod pa'i sgo thams cad du zhugs pa lags/ des ni/ byang chub sems dpa'i sa thams cad rab tu brnyes pa lags/ de ni/ byang chub sems dpa'i rnam par thar pa'i sgo thams cad la rnam par </font><hr>Cha259a<br><font size=+1>


@#/ /rol pa lags/ des ni/ ting nge 'dzin thams cad yongs su sgrub pa lags/ de ni/ byang chub sems dpa'i rgyud thams cad rtogs par thugs su chud pa lags| de ni/ gzungs dang spobs pa snang ba'i tshul thams cad rab tu brnyes pa lags/ de ni/ byang chub sems dpa'i dbang thams cad la mnga' thob pa lags/ des ni| byang chub sems dpa'i tshogs thams cad shin tu bsags pa lags/ de ni/ shes rab dang thabs mkhas pa'i tshul la rnam par rol pa lags/ des ni/ mngon par shes pa chen po dang / rig pa dang / ye shes snang ba'i tshul bskyed pa lags/ de ni/ bslab pa thams cad la byung ba lags/ des ni/ byang chub sems dpa'i spyod pa yongs su sbyangs pa lags/ des ni/ smon lam gyis 'byung ba'i sgo thams cad mngon par bsgrubs pa lags/ des ni/ de bzhin gshegs pa thams cad kyi lung bstan pa rab tu blangs pa lags/ de ni/ theg pa thams cad kyis 'byung ba'i sgo la mkhas pa lags/ des ni/ de bzhin gshegs pa thams cad kyi byin gyi rlabs yang dag par blangs pa lags/ des ni/ sangs rgyas thams cad kyi byang chub yongs su bzung ba lags/ des ni/ de bzhin gshegs pa thams cad kyi chos kyi mdzod bzung ba </font><hr>Cha259b<br><font size=+1>


lags| des ni/ de bzhin gshegs pa thams cad kyi gsang ba'i mdzod 'dzin pa lags/ de ni/ byang chub sems dpa' thams cad kyi gsang ba'i dkyil 'khor thams cad kyi spyi bor phyin pa lags/ de ni/ nyon mongs pa'i dpung thams cad rnam par dkrug pa la shin tu dpa' ba lags/ de ni/ 'khor ba'i 'brog dgon par lus pa rnams kyi lam ston pa lags/ de ni/ nyon mongs pa'i nad kyis thebs pa rnams kyi sman par gyur pa lags/ de ni/ sems can thams cad kyi phul du phyin pa lags/ de ni/ 'jig rten gyi dbang po thams cad kyi dbang po lags/ de ni/ 'phags pa'i gang zag thams cad kyi thu bo lags/ de ni/ nyan thos dang rang sangs rgyas thams cad kyi gtso bo lags| de ni/ 'khor ba'i rgya mtsho la rgyu ba rnams kyi skya ba 'dzin pa lags/ des ni/ sems can gdul ba'i thabs kyi rgya mtsho chen po bshal ba lags/ de ni/ 'gro ba yongs su smin pa rnams kyi dbang po rnam par gzigs pa lags/ de ni/ sems can thams cad yongs su bsdu ba la brtson pa lags/ de ni/ byang chub sems dpa' thams cad yongs su bskyang ba la brtson pa lags/ de ni/ byang chub sems dpa'i bya ba thams cad la yang dag par 'gro bar brtson pa lags/ de ni/ de bzhin gshegs pa thams </font><hr>Cha260a<br><font size=+1>


@#/ /cad kyi zhabs kyi drung na gnas pa lags/ de ni/ 'khor gyi dkyil 'khor thams cad du mngon par 'phags pa lags/ de ni/ 'gro ba thams cad kyi gnas su gzugs brnyan snang ba lags/ de ni/ 'jig rten gyi chos thams cad kyis ma gos pa lags/ de ni/ bdud kyi yul thams cad las yang dag par 'das pa lags/ de ni/ sangs rgyas kyi yul thams cad kyi rjes su bzhud pa lags/ de ni/ byang chub sems dpa'i yul thams cad la sgrib pa med pa brnyes pa lags/ de ni/ de bzhin gshegs pa thams cad la mchod par brtson pa lags/ de ni/ sangs rgyas kyi chos thams cad la rgyud kyi tshul gcig tu gyur pa lags/ de ni/ dbang bskur ba'i thabs thob pa lags/ de ni/ chos kyi rgyal srid chen po la gnas par 'gyur ba lags/ de ni/ thams cad mkhyen pa'i ye shes kyi yul la dbang bskur ba lags/ de ni| sangs rgyas kyi chos thams cad rab tu byung ba lags/ de ni/ thams cad mkhyen pa'i ye shes la dbang bsgyur ba'i mthar phyin pa lags na/ 'phags pa/ ji ltar byang chub sems dpas byang chub sems dpa'i spyod pa la bslab par bgyi ba dang / ji ltar nan tan du bgyi ba dang / ji ltar byang chub sems dpas nan tan du </font><hr>Cha260b<br><font size=+1>


bgyis na/ sangs rgyas kyi chos thams cad 'thob par 'gyur ba dang / sems can gyi khams ji ltar gnyer ba'i tshul bzhin du rim gror bgyid par 'gyur ba dang / yi dam ji ltar bcas pa'i tshul bzhin du mthar phyin par 'gyur ba dang / byang chub sems dpa'i spyod pa chen po brtsams pa grub par 'gyur ba dang / lha dang bcas pa'i 'jig rten dbugs 'byin par 'gyur ba dang / bdag dang / sems can dang / sangs rgyas dang / chos dang / dge 'dun slu bar mi 'gyur ba dang / sangs rgyas kyi rigs rgyun mi gcod pa dang / byang chub sems dpa'i rigs stong par mi 'byin pa dang / de bzhin gshegs pa'i tshul yongs su 'dzin par 'gyur ba bdag la bka' stsal du gsol/ de nas byang chub sems dpa' byams pas 'khor gyi dkyil 'khor de thams cad la bltas te tshong dpon gyi bu nor bzang la nye bar bstan nas 'di skad ces smras so/ /rigs kyi bu dag /tshong dpon gyi bu 'di 'di ltar nga la byang chub sems dpa'i spyod pa dang / yon tan yongs su sgrub pa 'dri ba la ltos/ bzod pa can dag/ tshong dpon gyi bu 'di ni/ brtson 'grus brtsams pa 'di lta bu dang / don du gnyer ba 'di lta bu dang / mos pa'i yi dam 'di lta bu dang / lhag pa'i bsam pa brtan pa 'di lta bu dang </font><hr>Cha261a<br><font size=+1>


@#/ /brtson 'grus mi ldog pa 'di lta bu dang / sangs rgyas kyi chos kyis mi ngoms pa 'di lta bu dang / khyad par yongs su btsal ba 'di lta bu dang / mgo'i thod la me 'bar ba lta bur spyod pa 'di lta bu dang / dge ba'i bshes gnyen mthong bar 'dod pa 'di lta bu dang / dge ba'i bshes gnyen bsnyen bkur bas skyo ba med pa 'di lta bus dge ba'i bshes gnyen thams cad yongs su tshol zhing yongs su dri ba dang / bsnyen bkur ba byed cing / 'jam dpal gzhon nur gyur pas btang nas grong khyer dpal gyi 'byung gnas nye bar bzung ba nas lho phyogs kyi rgyud thams cad du rgyus te dge ba'i bshes gnyen brgya rtsa bcu la yongs su dri ba byed cing / tha ma nga'i drung 'di'i bar du skyo ba thams cad dang bral ba'i lhag pa'i bsam pas phyin te/ rigs kyi bu dag /rnam pa 'di lta bur theg pa chen po la yang dag par zhugs pa| yi dam chen po la yang dag par gnas pa/ bsam pa chen po la rab tu rtul ba'i yid dang ldan pa/ snying rje chen po'i go bgos pa'i ngad dang ldan pa/ byams pa chen pos sems can thams cad yongs su bskyab pa'i blo gros can/ brtson 'grus chen po'i pha rol tu phyin pa la rab tu brtson pa/ sems can gyi lam grogs mang </font><hr>Cha261b<br><font size=+1>


pos yongs su bskyang ba la mngon par brtson pa/ 'khor ba'i rgya mtsho chen po las sems can bsgral ba la zhugs pa/ thams cad mkhyen pa nyid kyi lam chen po la zhugs pa| chos kyi gru chen po yang dag par bsham pa la brtson pa/ chos chen po dang bsod nams rin po che yongs su bsdu ba la rab tu rtul ba/ chos kyi mchod sbyin chen po'i tshogs bsags pa la brtson pa rnams kyi ming thos pa'am/ gzugs kyi lus mthong ba'am/ gzugs kyi lus mthong ba'am/ spyod yul du 'grogs pa'am/ spyod pa dang skal ba mnyam pa ni/ shin tu dkon no/ /de ci'i phyir zhe na/ rigs kyi bu/ skyes bu dam pa 'di ni/ 'gro ba thams cad yongs su bskyab pa'i don du byung ba ste/ sems can thams cad sdug bsngal las yongs su thar par byed pa dang / ngan song thams cad yang dag par bsal ba dang / mi khom pa'i lam thams cad rnam par bzlog pa dang / lam nyam nga ba thams cad yongs su spang ba dang / mi shes pa'i mun pa nag po thams cad rnam par bsal ba dang / 'khor ba'i 'brog dgon pa thams cad las yang dag par bzla ba dang / 'gro ba'i rgyud kyi 'khor lo thams cad rnam par bzlog pa dang / bdud kyi yul thams cad las yang dag par bzla ba dang / gnas kyi rten thams cad las gyen du bskyod pa dang / rten gyi </font><hr>Cha262a<br><font size=+1>


@#/ /gzhi thams cad las bskul ba dang / 'gro ba'i rgyud thams cad du mi gnas par bya ba dang / 'dod pa'i 'dam nas yang dag par gdon pa dang / dga' ba'i 'dod chags spang ba dang / lta ba'i bcings pa gtub pa dang / 'jig tshogs la mngon par zhen pa rnam par bzlog pa dang / 'du shes kyi zhags pa yang dag pa gcad pa dang / phyin ci log gi lam nas rnam par bzlog pa dang / nga rgyal gyi rgyal mtshan bsnyal ba dang / bag la nyal ba'i zug rdu yang dag par dbyung ba dang / sgrib pa'i sgo glegs gzhom pa dang / sgrib pa'i ri rnam par gtor ba dang / srid pa'i dra ba nas gdon pa dang / ma rig pa'i kun tu sbyor ba las dbye ba dang / sred pa'i chu bo las bsgral ba dang / g.yo dang sgyu spang ba dang / sems kyi rnyog pa dang ba dang / the tshom dang / yid gnyis dang / nem nur bsal ba dang / mi shes pa'i chu po chen po las bsgral ba dang / 'khor ba'i skyon thams cad rnam par smad pa'i phyir rab tu zhugs pa'o/ /rigs kyi bu/ skyes bu dam pa 'di ni/ sems can rnams chu bo bzhi las yongs su bsgral ba'i phyir chos kyi gru chen po yang dag par bsham par 'dod pa'o/ /lta ba'i 'dam du bying ba rnams kyi chos kyi rkang stegs chen po dgod par 'dod </font><hr>Cha262b<br><font size=+1>


pa'o| |gti mug gi mun par 'thoms pa rnams la ye shes kyi snang ba dbyung bar 'dod pa'o/ /'khor ba'i mya ngan du 'khyams pa rnams la 'phags pa'i lam bstan par 'dod pa'o| |nyon mongs pa'i nad chen pos gzir ba rnams la chos kyi sman sbyin par 'dod pa'o/ /skye ba dang / rga ba dang / 'chi bas gtses pa rnams la 'chi ba med pa'i dbyings sbyin par 'dod pa'o/ /me gsum rab tu 'bar ba rnams la zhi gnas kyi chus rab tu zhi bar bya bar 'dod pa'o/ /mya ngan dang / smre sngags 'don pa dang / yid mi bde ba dang / 'khrug pas gdungs pa rnams la dbugs phyin pa chen po sbyin par 'dod pa'o/ /srid pa'i btson ras 'khor ba rnams la ye shes kyi mtshon cha sbyin par 'dod pa'o/ /lta ba'i bcings pas glags pa rnams la shes rab kyi mtshon chas bstud par 'dod pa'o/ /khams gsum gyi grong khyer gyis 'khor ba rnams la thar pa'i sgo bstan par 'dod pa'o/ /phyogs mi bde bar mngon par gzhol ba rnams la bde ba'i phyogs bstan par 'dod pa'o/ /nyon mongs pa'i chom pos gtses pa rnams la dbugs phyin pa chen po sbyin par 'dod pa'o| |ngan song gi g.yang sas 'jigs shing skrag pa rnams la 'ju sa'i lag pa brkyang bar 'dod pa'o/ /phung po'i gshed mas gtses pa rnams la mya ngan las 'das pa'i </font><hr>Cha263a<br><font size=+1>


@#/ /grong khyer bstan par 'dod pa'o/ /khams kyi sprul gyis kun nas 'khor ba rnams la 'phags pa'i lam gyis 'byung ba bstan par 'dod pa'o/ /skye mched kyi grong stong pa na gnas pa rnams shes rab kyi snang bas gdon par 'dod pa'o/ /mu stegs ngan pa la zhugs pa'i sems can rnams yang dag pa'i mu stegs su gzud par 'dod pa'o| |bshes gnyen ma yin pa'i lag tu lhung ba rnams la yang dag pa'i dge ba'i bshes gnyen bstan par 'dod pa'o/ /byis pa'i chos kyi spyod yul la mngon par mos pa rnams 'phags pa'i chos la rab tu dgod par 'dod pa'o/ /'khor ba'i khyim la mngon par dga' ba rnams gyen du bskyod de thams cad mkhyen pa'i pho brang du gzud par 'dod pa'o| |rigs kyi bu dag /de ltar skyes bu dam pa 'di ni/ sems can yongs su skyob pa'i blo gros de lta bus byang chub tu sems bskyed pa rnam par dag par bya ba yongs su btsal ba la rgyun mi 'chad pa'o/ /theg pa chen po yongs su bsgrub pa'i phyir yongs su skyo ba med pa'o/ /chos kyi sprin thams cad la 'thung bas mi ngoms pa'o/ /tshogs thams cad yongs su rdzogs par bya ba'i phyir rtag tu brtson pa'i/ /chos kyi sgo thams cad yongs su sbyang ba'i phyir mi gtong ba la brtson pa'o/ /byang chub sems dpa'i spyod pa </font><hr>Cha263b<br><font size=+1>


thams cad spyad pa'i phyir brtson 'grus mi gtong ba'o/ /smon lam thams cad mngon par bsgrub pa'i phyir mi ldog pa'i sbyor ba dang ldan pa'o/ /dge ba'i bshes gnyen thams cad mthong bar bya bas mi ngoms pa'o/ /dge ba'i bshes gnyen thams cad bsnyen bkur bas lus la dub par 'gyur ba med pa'o/ /dge ba'i bshes gnyen thams cad kyi gdams ngag dang / rjes su bstan pa la mthun par 'dzin pa ste/ rigs kyi bu dag /sems can gyi 'jig rten na sems can gang bla na med pa yang dag par rdzogs pa'i byang chub tu smon lam 'debs pa de lta bu'i sems can dkon no/ /de bas kyang gang bla na med pa yang dag par rdzogs pa'i byang chub tu yang dag par zhugs te brtson 'grus brtsam pa'i tshul 'di lta bus sangs rgyas kyi chos yongs su sdud pa dang / mos pa drag po 'di lta bus byang chub sems dpa'i lam yongs su tshol ba dang / don du gnyer ba 'di lta bus byang chub sems dpa'i spyod pa yongs su dag par byed pa dang / nyon mongs pa 'di lta bus dge ba'i bshes gnyen bsnyen bkur byed pa dang / mgo'i thod la me 'bar ba ltar spyod pa 'di lta bus dge ba'i bshes gnyen gyi ngag dang 'gal bar mi byed pa dang / lhag pa'i bsam pa brtan </font><hr>Cha264a<br><font size=+1>


@#/ /pas nan tan du byed pa 'di lta bus dge ba'i bshes gnyen gyi gdams ngag la nan tan du byed pa dang / mthun par len pa 'di lta bus byang chub kyi yan lag yongs su sgrub pa dang / khe dang / bkur sti dang rnyed pa don du mi gnyer ba 'di lta bus byang chub sems dpa'i bsam pa'i khams dang 'gal bar mi byed pa dang / khyim dang| longs spyod dang / 'dod pa'i dga' ba dang / bde ba dang / pha ma dang / gnyen bshes dang / dngos po thams cad la ltos pa med par yongs su btang ba 'di lta bus byang chub sems dpa'i grogs yongs su tshol ba dang / lus dang / srog la phangs par mi rtsi ba 'di lta bus thams cad mkhyen pa nyid la mngon par mos par byed pa de lta bu'i sems can ni/ chos dkon no/ /rigs kyi bu dag /'dis ji ltar cher skyes pa 'di gcig la ji snyed cig thob pa dang / khong du chud pa de ni/ byang chub sems dpa' de ma yin pa gzhan gyis bskal pa bye ba khrag khrig brgya phrag stong gis kyang byang chub sems dpa'i spyod pa dang / smon lam yongs su rdzogs par bya ba thob pa dang / khong du chud pa'am/ sangs rgyas kyi byang chub tu nye bar 'gyur ba'am/ sangs rgyas kyi zhing yongs su dag par bya ba'am/ sems can yongs su smin par bya ba dang / gdul ba'am/ </font><hr>Cha264b<br><font size=+1>


chos kyi dbyings kyi ye shes la 'jug pa'am/ pha rol tu phyin pa yang dag par bsgrub pa'am/ spyod pa'i dra ba rgya cher bya ba'am/ smon lam mngon par bsgrub pa yongs su rdzogs par bya ba'am/ bdud kyi las las yang dag par 'da' bar bya ba'am/ dge ba'i bshes gnyen bsnyen bkur ba'am/ byang chub sems dpa'i spyod pa thams cad mngon par bsgrub par bya ba dang / yongs su dag par bya ba'am/ byang chub sems dpa' kun tu bzang po'i spyod pa mngon par sgrub pa'i stobs yongs su rdzogs par bya ba la yang dag par 'byung ba med do/ /de nas byang chub sems dpa' sems dpa' chen po byams pas tshong dpon gyi bu nor bzang gi yon tan dang / legs pa yang dag par yongs su brjod pa byas nas de la brten te srog chags brgya phrag stong gi byang chub kyi yan lag gi bsam pa brtan par byas nas tshong dpon gyi bu nor bzang la 'di skad ces smras so/ /rigs kyi bu/ de ltar khyod kyi 'jig rten thams cad la phan pa dang / bde ba'i phyir sems can gyi khams thams cad yongs su bskyab pa'i don du sangs rgyas kyi chos thams cad rab tu thob par bya ba'i phyir bla na med pa yang dag par rdzogs pa'i byang chub tu sems bskyed pa legs so legs so/ /rigs kyi bu/ khyod kyis bla na med pa yang dag par rdzogs pa'i byang chub tu de ltar sems bskyed </font><hr>Cha265a<br><font size=+1>


@#/ /pa ni| khyod kyis thob par bya ba legs par thob bo/ /khyod kyis mi'i lus legs par thob bo/ /'tsho ba'i 'jig rten du khyod legs par 'tshos so/ /khyod kyis sangs rgyas byung ba dgyes par byas so/ /khyod kyis dge ba'i bshes gnyen 'jam dpal legs par mthong ngo / /khyod kyis bsam pa'i rgyud snod bzang por gyur to/ /khyod ni/ dge ba'i rtsa bas mngon par brlan to/ /khyod ni/ dkar po'i chos kyis legs par brtan no/ /khyod kyis mos pa rlabs chen po dang / dge ba'i bsam pa legs par shin tu sbyangs so/ /khyod ni| sangs rgyas thams cad kyis legs par dgongs so/ /rigs kyi bu/ khyod ni/ dge ba'i bshes gnyen gyis legs par bzung ngo / /de ci'i phyir zhe na/ rigs kyi bu/ byang chub kyi sems ni| sangs rgyas kyi chos thams cad kyi sa bon lta bu'o/ /'gro ba thams cad kyi chos dkar po rnam par 'phel bar byed pas zhing lta bu'o/ /'jig rten thams cad rab tu rten pas sa lta bu'o| |nyon mongs pa'i dri ma thams cad dag par byed pas chu lta bu'o/ /'jig rten thams cad la rten pa med pas rlung lta bu'o/ /lta ba'i nye bar len pa'i rtsa ba thams cad rab tu sreg pas me lta bu'o/ /sems can thams cad kyi gnas snang bar byed pas nyi ma lta bu'o/ /chos dkar po'i dkyil 'khor yongs su rgyas par byed pas zla ba lta bu'o/ /chos </font><hr>Cha265b<br><font size=+1>


kyi snang ba byed pas sgron ma lta bu'o/ /mnyam pa dang mi mnyam pa yongs su mthong bar byed pas mig lta bu'o/ /thams cad mkhyen pa nyid kyi grong khyer du phyin par byed pas lam lta bu'o| |mu stegs ngan pa rnam par spong bas mu stegs lta bu'o/ /byang chub sems dpa' thams cad mngon par gnas pas bzhon pa lta bu'o/ /byang chub sems dpa'i spyod pa thams cad kyi sgor 'jug par byed pas sgo lta bu'o/ /ting nge 'dzin gyi khang pa na gnas par byed pas gzhal med khang lta bu'o/ /chos kyi dga' ba dang mos pa nyams su myong bar byed pas bza' shing gi ra ba lta bu'o/ /'gro ba thams cad yongs su skyob pas gnas lta bu'o/ /'jig rten thams cad la phan pa skyed pas rten lta bu'o/ /byang chub sems dpa'i spyad pa thams cad spyod par byed pas gzhi lta bu'o/ /byang chub sems dpa' thams cad yongs su srung bas pha lta bu'o/ /byang chub sems dpa' chen po thams cad kyi ma lta bu'o/ /thams cad las yongs su skyong bas ma ma lta bu'o/ /slob pa dang mi slob pa dang rang sangs rgyas thams cad kyi sems zil gyis gnon pas rgyal po lta bu'o/ /smon lam thams cad kyis khyad par du 'phags pas dbang po lta bu'o/ /yon tan thams cad yang dag par 'du bas rgya mtsho chen po lta bu'o/ /sems can thams cad la sems mnyam pas ri chen po lta bu'o/ /'jig rten thams cad rten pas </font><hr>Cha266a<br><font size=+1>


@#/ /khor yug lta bu'o/ /ye shes kyi sman rnam par 'phel bar byed pas gangs kyi ri lta bu'o/ /yon tan gyi spos thams cad kyi gnas su gyur bas spos kyi ngad ldang ba lta bu'o/ /yon tan rgya che bas nam mkha' lta bu'o/ /'jig rten gyi chos thams cad kyis mi gos pas pad+ma lta bu'o/ /sems dul zhing cang shes pas glang po lta bu'o/ / rgod pa thams cad dang bral bas rta cang shes lta bu'o/ /theg pa chen po yongs su skyong ba'i sngon du 'gro bas kha lo sgyur ba lta bu'o/ /nyon mongs pa'i nad sos par byed pas sman lta bu'o| |mi dge ba'i chos thams cad zad par byed pas sa'i 'og lta bu'o/ /chos thams cad nges par khong du chud par byed pas rdo rje lta bu'o/ /yon tan gyi dri zhim par byed pas spos kyi snod lta bu'o/ /'jig rten thams cad kyi blta na mngon par dga' bas me tog dam pa lta bu'o/ /'dod chags kyi gdung ba bsil bar byed pas kha ba'i tsan+dan lta bu'o/ /chos kyi dbyings thams cad rgyas par 'gengs pas a ga ru nag po lta bu'o/ /nyon mongs pa'i nad thams cad 'joms pas sman gyi rgyal po blta na sdug pa lta bu'o/ /bag la nyal ba'i zug rngu thams cad yang dag par 'byin pas 'bral bar byed pa'i sman lta bu'o/ /dbang po thams cad la dbang sgyur bas dbang po lta bu'o/ /dbul ba thams cad yongs su sel bas </font><hr>Cha266b<br><font size=+1>


ngal ba so po lta bu'o/ /yon tan thams cad kyi rgyan gyis brgyan par byed pas dpal lta bu'o/ /byang chub sems dpa' thams cad mdzes par byed pas lhab lhub lta bu'o/ /nyes byas thams cad sreg pas bskal pa 'tshig pa'i me lta bu'o/ /sangs rgyas kyi chos thams cad rnam par 'phel bar byed pas rtsa ba ma grugs pa'i sman gyi rgyal po chen po lta bu'o/ /nyon mongs pa'i dug thams cad rnam par sel bas klu'i rin po che lta bu'o/ /rnyog pa thams cad sel bas nor bu rin po che chu 'dang lta bu'o/ /don thams cad yongs su grub pas yid bzhin rin po che'i rgyal po lta bu'o/ /bsam pa thams cad yongs su rdzogs par byed pas bum pa bzang po lta bu'o/ /yon tan thams cad kyi rgyan gyi char mngon par 'bebs pas 'dod sbyin gyi shing lta bu'o| |'khor ba'i skyon thams cad dang ma 'dres pas gos dang ris can lta bu'o/ /rang bzhin gyis 'od gsal bas shing bal gyi rgyud lta bu'o/ /sems can gyi bsam pa'i zhing rnam par spyod pas gshol bu lta bu'o/ /'jig tshogs kyi go cha brtol bas mde'u thung lta bu'o/ /sdug bsngal gyi 'ben nges par 'bigs pas mda' lta bu'o/ /nyon mongs pa'i dgra las rnam par rgyal bar byed pas mdung lta bu'o/ /tshul bzhin ma yin pa yid la byed pa 'gebs pas go cha lta bu'o/ /nyon mongs pa'i klad pa 'gems pas ral gri lta bu'o/ /nga rgyal dang dregs </font><hr>Cha267a<br><font size=+1>


@#/ /pa dang rlom pa'i go cha 'dral bas ral gri'i so lta bu'o/ /bag la nyal gyi go cha gshog pas mda' ste'u kha lta bu'o/ /nga rgyal gyi rgyal mtshan snyol bas dpa' bo'i ru mtshon lta bu'o/ /mi shes pa'i shing sgyel bar byed pas lag cha lta bu'o/ /sdug bsngal gyi shing rab tu gcod pas sta re lta bu'o/ /gnod pa thams cad las yongs su skyob pas mtshon cha lta bu'o/ /pha rol tu phyin pa'i lus yongs su srung bas lag pa lta bu'o/ /yon tan thams cad la so sor 'god pas rkang pa lta bu'o/ /ma rig pa'i dri'i ling tog yongs su sel bas mig mkhan lta bu'o/ /'jig tshogs kyi zug rngu yang dag par 'byin pas skam pa lta bu'o/ /bag la nyal gyi tsher ma 'byin pas tsher zungs lta bu'o/ /'khor ba'i bcing pa las yongs su 'grel bas mdza' bo lta bu'o/ /gnod pa thams cad sel bas nor bu lta bu'o/ /byang chub sems dpa'i spyod pa thams cad kyis 'byung ba'i lam mngon par shes par byed pas gtsug lag lta bu'o/ /bsod nams mi zad pas gter lta bu'o/ /ye shes mi zad pas chu mig lta bu'o/ /chos thams cad kyi gdong gi gzugs brnyan ston pas me long gi dkyil 'khor lta bu'o/ /'go ba med pas me tog puN+Da rI ka lta bu'o/ /pha rol tu phyin pa dang bsdu ba'i dngos po rgyun du 'bab pas chu klung chen po lta bu'o/ / </font><hr>Cha267b<br><font size=+1>


chos kyi sprin gyi char mngon par 'bebs pas klu'i rgyal po chen po lta bu'o/ /byang chub sems dpa' thams cad kyi snying rje chen po yongs su 'dzin pas 'tsho ba'i dbang po lta bu'o/ / 'chi ba med pa'i dbyings su phyin par byed pas bdud rtsi lta bu'o/ /'dul ba'i sems can thams cad yongs su sdud cing 'dren pas kun nas 'khor ba'i snying lta bu'o/ /'khor ba'i chu la rgyu ba mngon par 'don pas mchil ba lta bu'o/ /yon tan thams cad kyi dri zhim po 'dzin pas spos kyi snod lta bu'o/ /shin tu nad med par byed pas dug sman lta bu'o/ /'dod pas dga' ba'i dug med par byed pas dug gi gnyen po lta bu'o/ /tshul bzhin ma yin pa'i dug thams cad 'byang bar byed pas sngags dang gzungs lta bu'o/ /sgrib pa dang bar chad kyi rtswa thams cad rnam par 'thor bas rlung gi dkyil 'khor lta bu'o/ /byang chub kyi phyogs kyi chos rin po che thams cad kyi 'byung gnas su gyur pas rin po che'i gling lta bu'o/ /chos dkar po thams cad 'byung bas rigs lta bu'o/ /yon tan gyi chos thams cad skye ba'i sgor gyur pas 'byung gnas lta bu'o/ /byang chub sems dpa'i tshong pa thams cad kyis spyod pas tshong dus lta bu'o| |las dang nyon mongs pa'i sgrib pa dang dri ma thams cad yongs su sbyong bas chu'i khams lta bu'o/ /thams cad mkhyen pa nyid kyi tshogs yongs su rdzogs par byed pas sbrang </font><hr>Cha268a<br><font size=+1>


@#/ /rtsi'i gnas lta bu'o/ /byang chub sems dpa' thams cad mkhyen pa'i pho brang du phyin par byed pas lam lta bu'o/ /chos dkar po thams cad yongs su 'dzin pas snod lta bu'o/ /nyon mongs pa'i rdul thams cad mi snang bar byed pas char pa lta bu'o/ /byang chub sems dpa'i rnam par dgod pa thams cad ston pas gnas lta bu'o/ /nyan thos kyi rnam par grol ba dang mi 'dra bas rdo ba khab len lta bu'o/ /rang bzhin gyis dri ma med pas bai DUR+Ya lta bu'o/ /nyan thos dang rang sangs rgyas thams cad dang / 'jig rten gyi shes pa thams cad zil du brlag pa dang zil gyis non par byed pas in+d+ra nI la lta bu'o/ /nyon mongs pa'i gnyid kyis log pa'i sems can sad par byed pas mtho ris kyi rnga lta bu'o| |rnyog pa med pas chu dwangs pa lta bu'o/ /'dus byas dang 'dus ma byas la spyod pa'i dge ba'i rtsa ba'i tshogs zil du rlag par byed pas dzam+bu chu klung gi gser gyi rgyan lta bu'o| |'jig rten gsum las mngon par 'phags pas ri'i rgyal po chen po lta bu'o/ /skyabs tshol ba yongs su mi gtong bas skyabs lta bu'o/ /don ma yin pa 'joms pas don lta bu'o/ /snying dga' bar byed pas dbyig lta bu'o/ /'gro ba thams cad yongs su tshim par byed pas mchod sbyin gyi yo byad lta bu'o/ /'gro ba thams cad kyi sems kyi gtso </font><hr>Cha268b<br><font size=+1>


bo dang thu bor gyur pas na/ rgan pa lta bu'o/ /sangs rgyas kyi chos thams cad 'dzin pas gleng gzhi lta bu'o/ /byang chub sems dpa'i spyod pa dang smon lam thams cad sdud pas mdo lta bu'o| |'jig rten thams cad skyong bas rdzi'u lta bu'o/ /sdig to thams cad rnam par zlog pas srung ma lta bu'o/ /nyon mongs pa'i lha ma yin 'dren pas dbang po'i mig 'phrul lta bu'o// 'dul ba 'dren pas chu'i zhags pa lta bu'o/ /bag chags dang bag la nyal ba dang nyon mongs pa thams cad gzhob tu rlog pas dbang po'i me lta bu'o/ /lha dang mi dang lha ma yin du bcas pa'i 'jig rten rnams la mchod rten lta bu'o/ /rigs kyi bu/ de ltar byang chub kyi sems ni/ yon tan de dag dang / yon tan gyi khyad par gzhan dag kyang tshad med pa dang ldan pa ste/ rigs kyi bu/ mdor na/ sangs rgyas kyi chos thams cad dang / sangs rgyas kyi yon tan ji snyed pa de snyed du byang chub kyi sems la yon tan dang legs pa yod par blta'o/ / de ci'i phyir zhe na/ 'di las ni/ byang chub sems dpa' thams cad kyi spyod pa'i dkyil 'khor rab tu 'byung ba ste/ 'das pa dang / ma byon pa dang / da ltar byung ba'i sangs rgyas thams cad kyang 'di las 'byung ngo / /rigs kyi bu/ de bas na/ gang gis bla na med pa yang dag par rdzogs pa'i byang chub tu sems bskyed pa de ni/ thams cad mkhyen pa nyid kyi sems dang / </font><hr>Cha269a<br><font size=+1>


@#/ /lhag pa'i bsam pas shin tu bzung bas yon tan tshang med pa phun sum tshogs pa yin no/ /rigs kyi bu/ 'di lta ste/ dper na/ 'jigs pa med pa zhes bya ba'i rtsi yod de/ de 'chang na/ 'jigs pa lnga mi 'byung ste/ 'di ltar mes mi 'tshig go /dug gis mi tshugs so/ /mtshon gyis mi chod do/ /chus mi 'khyer ro/ /du bas mi 'chi'o/ /rigs kyi bu/ de bzhin du thams cad mkhyen pa'i sems kyi rtsi 'chang ba'i byang chub sems dpa' yang 'dod chags kyi mes mi 'tshig go /yul gyi dug gis mi tshugs so/ /nyon mongs pa'i mtshon gyis mi chod do/ /srid pa'i chus mi 'khyer ro/ /yongs su rtog pa'i du bas mi 'chi'o/ /rigs kyi bu/ 'di lta ste/ dper na/ rnam par mi gtong ba zhes bya ba'i rtsi yod de/ de 'chang na/ gzhan gyis gnod par bya ba'i 'jigs pa thams cad mi 'byung ngo / /de bzhin du byang chub sems dpa' byang chub kyi sems kyi ye shes kyi rtsi 'chang ba'ang 'khor ba'i gnod pa'i 'jigs pa thams cad mi 'byung ngo / /rigs kyi bu/ 'di lta ste/ dper na/ mchu zhes bya ba'i rtsi yod de/ de 'chang na/ dri tshor ba tsam gyis sprul thams cad 'byer ro/ /de bzhin du byang chub sems dpa' byang chub kyi sems kyi rtsi 'chang ba'i yon tan gyi dri tsam gyis kyang nyon mongs pa'i sbrul thams </font><hr>Cha269b<br><font size=+1>


cad 'byer bar 'gyur ro/ /rigs kyi bu/ 'di lta ste/ dper na/ skyes bu gzhan gyis mi thub pa'i rtsi 'chang na ni/ dgra'i dkyil 'khor thams cad kyis mi tshugs so/ /de bzhin du byang chub sems dpa' thams cad mkhyen pa nyid kyi sems gzhan gyis mi thub pa'i rtsi 'chang ba yang bdud dang phyir rgol ba thams cad kyis thub par dka'o/ /rigs kyi bu/ 'di lta ste| dper na/ rnam par sel ba zhes bya ba'i rtsi yod de/ de bcangs na/ zug rdu thams cad 'byin par 'gyur ro/ /de bzhin du byang chub sems dpa' byang chub kyi sems rnam par sel ba 'chang ba ni/ 'dod chags dang / zhe sdang dang / gti mug gi zug rngu thams cad mi 'byung ngo / /rigs kyi bu/ 'di lta ste/ dper na/ rtsi'i rgyal po chen po blta na sdug pa zhes bya ba yod de/ de bcangs na/ nad thams cad sel bar 'gyur ro/ /de bzhin du byang chub sems dpa' byang chub kyi sems rtsi'i rgyal po chen po blta na sdug pa 'chang ba yang nyon mongs pa dang / mi shes pa'i nad thams cad rab tu sel bar 'gyur ro/ /rigs kyi bu/ 'di lta ste/ dper na/ rtsi'i shing chen po sbyor ba zhes bya ba yod de/ de'i shun pas rma la reg ma thag tu rma thams cad 'tsho bar 'gyur ro/ /gang nas bshus pa de'i shun phrags kyang phyir skye'o/ /de bzhin du byang chub kyi sems kyi sa bon las skyes pa'i shing thams cad mkhyen </font><hr>Cha270a<br><font size=+1>


@#/ /pa nyid du sbyor ba yang mthong ma thag tu rigs kyi bu dad pa rnams kyi las dang nyon mongs pa'i rma yongs su 'tsho bar 'gyur ro/ /thams cad mkhyen pa nyid kyi shing de la yang 'jig rten thams cad kyis rma dbyung ba'am/ nyams par mi 'gyur ro/ /rigs kyi bu/ 'di lta ste/ dper na/ rtsi chen po'i rnam par tsa ba ma grugs pa zhes bya ba yod de| de'i mthus 'dzam bu'i gling gi shing thams cad kyang yan lag thams cad rnam par 'phel lo/ /de bzhin du byang chub kyi sems rtsa ba ma grugs pa'i rtsi chen po'i mthus kyang slob pa dang / mi slob pa dang / rang sangs rgyas dang / byang chub sems dpa' thams cad kyi dge ba'i rtsa ba'i chos kyi shing rnams rnam par 'phel lo/ /'di lta ste/ dper na| dga' ba 'thob pa zhes bya ba'i rtsi yod de/ de su'i lus la thogs pa'i lus dang / sems nad med par 'gyur ro/ /de bzhin du thams cad mkhyen pa nyid kyi sems dga' ba 'thob par byed pa'i rtsi yang byang chub sems dpa' thams cad kyi lus dang / sems nad med pa yongs su skyed do/ /rigs kyi bu/ 'di lta ste/ dper na/ dran pa 'thob pa zhes bya ba'i rtsi yod de/ de bcangs na/ sems kyi dran pa rnam par dag par 'gyur ro/ /de bzhin du thams cad mkhyen pa nyid du sems bskyed pa dran pa thob par byed pa'i </font><hr>Cha270b<br><font size=+1>


yang byang chub sems dpa' rnams kyi sangs rgyas kyi chos thams cad la sgrib pa med pa'i dran pa rnam par dag par byed do/ /rigs kyi bu/ 'di lta ste/ dper na/ pad+ma chen po zhes bya ba'i rtsi yod de/ de zos pa tsam gyis tshe'i tshad bskal par 'gyur ro/ /de bzhin du byang chub kyi sems pad+mo chen po'i rtsi zos pa'i byang chub sems dpa' yang bskal pa grangs med pa'i tshe la dbang pa'i pha rol tu phyin pa thob par 'gyur ro/ /rigs kyi bu/ 'di lta ste/ dper na/ mi snang ba zhes bya ba'i rtsi yod de/ de bcangs na/ mi dang mi ma yin pa thams cad kyis mi mthong ngo / /de bzhin du byang chub kyi sems kyi rtsi mi snang bar 'gyur bar bcangs te 'dres pas rnam par spyod pa'i byang chub sems dpa' yang bdud kyi yul thams cad du mi snang ngo / /rigs kyi bu/ 'di lta ste/ dper na/ rgya mtsho chen po'i nang na nor bu rin po che'i rgyal po chen po rin po che thams cad yongs su sdud pa zhes bya ba yod de/ de 'jig rten gyi khams gzhan du ma 'phos na/ rgya mtsho chen po la bsal pa tshig pa'i me thams cad kyis kyang ta la tsam yang skam par nus pa'i gnas med skabs med do/ /de bzhin du byang chub sems dpa' thams cad mkhyen pa nyid du sems bskyed pa nor bu rin po che thams cad yongs su sdud pa'i nor bu rin po che'i rgyal po chen po bsam pa dang sems kyi rgyud la </font><hr>Cha271a<br><font size=+1>


@#/ /yod pa rnams kyi dge ba'i rtsa ba thams cad mkhyen pa nyid du bsngos pa 'ga' zhig rnam par chud za bar 'gyur ba de lta bu'i gnas med skabs med de/ de ni/ mi srid de/ thams cad mkhyen pa nyid du sems bskyed pa yongs su btang ba zhig tu gyur na ni/ dge ba'i rtsa ba thams cad kyang skam par 'gyur ro/ /rigs kyi bu/ 'di lta ste / dper na/ nor bu rin po che chen po 'od thams cad yongs su 'dus pa zhes bya ba yod de/ de mgul du btags na/ nor bu rin po che'i rgyan thams cad kyang zil gyis non par 'gyur ro/ /de bzhin du byang chub kyi sems 'od thams cad yongs su 'dus pa'i rin po che chen po bsam pa'i rgyan du thogs pa'i byang chub sems dpa' yang nyan thos dang / rang sangs rgyas su sems bskyed pa'i rin po che'i rgyan thams cad zil gyis gnon to/ /rigs kyi bu/ 'di lta ste/ dper na/ nor bu rin po che chen po chu 'dang zhes bya ba yod de| de chur bcug na/ 'dam dang rnyog pa thams cad rab tu dang bar byed do/ /de bzhin du byang chub kyi sems chu 'dang gi nor bu rin po che yang nyon mongs pa'i 'dam dang / rnyog pa thams cad rab tu dang bar byed do/ /rigs kyi bu/ 'di lta ste/ dper na/ nor bu rin po che chen po chu dang 'grogs pa zhes bya ba thogs pa'i nya pa ni/ chur mi 'chi'o/ / </font><hr>Cha271b<br><font size=+1>


de bzhin du thams cad mkhyen pa nyid kyi sems chu dang 'grogs pa'i nor bu rin po che chen po thogs pa'i byang chub sems dpa' yang 'khor ba'i rgya mtsho thams cad du mi 'chi'o/ / rigs kyi bu/ 'di lta ste/ dper na/ nor bu rin po che klu'i nor bu'i go cha zhes bya ba yod de/ de lag na 'dug na/ nya pa la sogs pa chu las 'tsho ba rnams klu'i gnas thams cad du dong yang klu'i sbrul thams cad kyis mi tshugs so/ /de bzhin du thams cad mkhyen pa nyid du sems bskyed pa'i ye shes klu'i nor bu'i go cha 'chang ba'i byang chub sems dpa' yang 'dod pa'i gnas kyi khams thams cad du 'gro yang nyams par mi 'gyur ro/ /rigs kyi bu/ 'di lta ste/ dper na/ nor bu rin po che brgya byin mngon par chags pa thogs pa'i lha'i rgyal po brgya byin ni/ lha'i tshogs thams cad zil gyis gnon to/ /de bzhin du thams cad mkhyen pa nyid kyi sems brgya byin mngon par chags pa'i nor bu rin po che'i rgyal po chen po smon lam gyi cod pan mgo la thogs pa'i byang chub sems dpa' yang khams gsum pa thams cad zil gyis gnon to/ /rigs kyi bu/ 'di lta ste/ dper na/ nor bu rin po che chen po yid bzhin gyi rgyal po thogs pa'i mi ni/ 'phongs pa thams cad kyis mi 'jigs so/ /de bzhin du thams cad mkhyen pa nyid du sems bskyed pa yid </font><hr>Cha272a<br><font size=+1>


@#/ /bzhin gyi rgyal po'i nor bu rin po che chen po thogs pa'i byang chub sems dpa' yang yo byad dang 'tsho ba'i bag tsha ba thams cad kyis mi 'jigs so/ / rigs kyi bu/ 'di lta ste/ dper na/ nor bu rin po che nyi mas mdzes pa ni/ nyi ma la bstan na/ me 'byung ngo / /de bzhin du thams cad mkhyen pa nyid du sems bskyed pa nyi mas mdzes pa'i nor bu rin po che yang shes rab kyi 'od zer gyis phog na/ ye shes kyi me 'byin to/ /rigs kyi bu/ 'di lta ste/ dper na/ nor bu rin po che zla bas mdzes pa zhes bya ba la zla ba'i 'od kyis phog na/ chu'i rgyun 'byin to/ /de bzhin du byang chub tu sems bskyed pa zla bas mdzes pa'i rin po che chen po yang dge ba'i rtsa ba yongs su bsngos pa'i zla ba'i 'od kyis phog na/ dge ba'i rtsa ba thams cad kyi smon lam gyi chu'i rgyun 'byin to/ /rigs kyi bu/ 'di lta ste/ dper na/ nor bu rin po che yid bzhin gyi rgyal po'i cod pan thogs pa'i klu'i rgyal po chen po rnams la gzhan gyis gnod par bya ba'i 'jigs pa med do/ /de bzhin du byang chub kyi sems snying rje chen po'i nor bu rin po che yid bzhin gyi rgyal po thogs pa'i byang chub sems dpa' rnams la'ang ngan song dang / ngan 'gros gnod par bya ba'i 'jigs pa med do/ /rigs kyi bu/ 'di lta ste/ </font><hr>Cha272b<br><font size=+1>


dper na/ nor bu rin po che chen po 'gro ba'i rgyan dam pa zhes bya ba ni/ sems can thams cad kyi bsam pa yongs su rdzogs par bya bas nam yang byang bar mi 'gyur ro/ /de bzhin du byang chub tu sems bskyed pa 'gro ba thams cad kyi rgyan gyi dam pa'i nor bu rin po che chen po yang sems can thams cad kyi bsam pa dang / byang chub sems dpa'i smon lam yongs su rdzogs par bya bas nam yang byang bar mi 'gyur ro/ /rigs kyi bu/ 'di lta ste/ dper na/ rgyal po 'khor los bsgyur ba'i nor bu rin po che chen po ni/ mun pa thams cad yongs su sel cing 'gro ste/ khyim gyi nang na gnas na yang rab tu snang bar byed do/ /de bzhin du thams cad mkhyen pa nyid du sems bskyed pa 'khor los bsgyur ba'i nor bu rin po che chen po yang ma rig pa'i mun pa thams cad sel cing 'gro ba'i rgyud thams cad du 'gro ste/ 'dod pa'i khams na gnas na yang ye shes kyi snang ba chen po rab tu 'gyed do/ /rigs kyi bu| 'di lta ste/ dper na/ gang ci yang rung ste/ nor bu rin po che chen po in+d+ra nI la'i 'od kyis phog pa de dag thams cad ni/ nor bu rin po che chen po in+d+ra nI la'i kha dog tu 'gyur ro/ /de bzhin du thams cad mkhyen pa nyid du sems bskyed pa'i nor bu rin po che chen po in+d+ra nI la'ang chos gang dang gang la rnam par spyad pa dang / yongs su btang </font><hr>Cha273a<br><font size=+1>


@#/ /ba dang / dge ba'i rtsa ba gang ci yang rung ste/ thams cad mkhyen pa nyid du sems bskyed pas yongs su bsngos pa de dag thams cad kyang thams cad mkhyen pa nyid kyi nor bu rin po che chen po'i kha dog tu 'gyur ro/ /rigs kyi bu/ 'di lta ste/ dper na/ nor bu rin po che bai DUR+Ya ni/ lo brgya phrag stong du mi gtsang ba'i nang zhig na 'dug kyang dri mi zhim pa thams cad dang lhan cig mi gnas te/ de'i rang bzhin 'od gsal ba ni/ de bzhin du gsal zhing shin tu dri ma med do/ /de bzhin du thams cad mkhyen pa nyid du sems bskyed pa'i nor bu rin po che bai DUR+Ya yang bskal pa brgya phrag stong zhig tu 'dod pa'i khams thams cad du gnas kyang 'dod pa'i khams kyi skyon thams cad kyis kun nas nyon mongs par mi 'gyur te/ chos kyi dbyings kyi rang bzhin 'od gsal ba ni/ de bzhin du shin tu dag par gnas so/ /rigs kyi bu/ 'di lta ste/ dper na/ nor bu rin po che chen po dri ma med pas rnam par dag pa'i 'od ces bya ba ni/ rin po che'i 'byung gnas thams cad zil gyis gnon to/ /de bzhin du thams cad mkhyen pa nyid du sems bskyed pa'i nor bu rin po che chen po dri ma med pas rnam par dag pa'i 'od kyang so so'i skye bo dang / slob pa dang / mi slob pa dang / rang sangs </font><hr>Cha273b<br><font size=+1>


rgyas thams cad kyi yon tan rin po che'i 'byung gnas zil gyis gnon to/ /rigs kyi bu/ 'di lta ste/ dper na/ rin po che chen po me 'byung ba zhes bya ba ni/ gcig pu gnas kyang mun pa thams cad rnam par sel to/ /de bzhin du thams cad mkhyen pa nyid du sems bskyed pa'i nor bu rin po che me 'byung ba lhag mthong dang ldan pa gcig pu yang tshul bzhin yid la bya bas mi shes pa'i mun pa thams cad rnam par sel to/ /rigs kyi bu/ 'di lta ste/ dper na/ rgya mtsho chen po nas grus blangs pa'i nor bu rin po che rin thang med pa tshong pa'i lag tu 'ongs pa ni/ grong khyer du phyin na/ nor bu mching bu brgya phrag stong yang kha dog dang / rin thang gi zil gyis gnon to/ /de bzhin du 'khor ba'i rgya mtsho chen po na gnas kyang thams cad mkhyen pa nyid du sems bskyed pa'i nor bu rin po che chen po rin thang med pa smon lam gyi grur bcug pa ni/ byang chub sems dpa' sems dang po bskyed pa'i lhag pa'i bsam pa'i rgyud la 'dug ste/ thams cad mkhyen pa'i grong khyer du ma phyin kyang rnam par grol ba'i grong khyer du phyin na/ nyan thos dang / rang sangs rgyas nor bu mching bu lta bu thams cad zil gyis gnon to/ /rigs kyi bu/ 'di lta ste/ dper na/ nor bu rin po che chen po dbang gi rgyal po zhes bya ba yod de/ de ni/ 'dzam bu'i gling </font><hr>Cha274a<br><font size=+1>


@#/ /na gnas kyang dpag tshad stong phrag bzhi bcu na gnas pa'i nyi zla'i dkyil 'khor gyi khyim gzhal med khang gi gzugs brnyan gyi rgyan yongs su ston to| |de bzhin du yon tan thams cad kyis yongs su sbyangs pa'i thams cad mkhyen pa nyid du sems bskyed pa'i nor bu rin po che chen po dbang gi rgyal po yang 'khor ba'i gnas na 'dug bzhin du chos kyi dbyings kyi nam mkha'i spyod yul las rgyu ba'i de bzhin gshegs pa'i ye shes chen po'i nyi zla dang / sangs rgyas kyi yul gyi dkyil 'khor thams cad kyang gzugs brnyan gyi rgyan yongs su ston to/ /rigs kyi bu/ 'di lta ste/ dper na/ ji srid du nyi zla'i dkyil 'khor gyis snang bar byed pa de srid du nor dang / 'bru dang / rin po che'i rnam pa dang / gser dang / dngul dang / me tog dang / spos dang / phreng ba dang / gos dang / longs spyod gang ji snyed pa de dag thams cad kyis nor bu rin po che chen po dbang gi rgyal po'i rin du mi chog go /de bzhin du ji srid du dus gsum la thams cad mkhyen pa'i ye shes chos kyi dbyings kyi yul snang bar mdzad pa de srid du lha dang / mi dang / nyan thos dang / rang sangs rgyas thams cad kyi dge ba'i rtsa ba zag pa yod pa'am/ zag pa med pa gang ji snyed pa de dag </font><hr>Cha274b<br><font size=+1>


thams cad kyis kyang byang chub tu sems bskyed pa'i nor bu rin po che chen po dbang gi rgyal po'i rin du mi chog go /rigs kyi bu/ 'di lta ste/ dper na/ nor bu rin po che chen po rgya mtsho'i rgyan gyi dam pa zhes bya ba yod de/ de ni/ rgya mtsho'i rgyan thams cad yongs su ston to/ /de bzhin du byang chub du sems bskyed pa'i nor bu rin po che chen po rgya mtsho'i rgyan gyi dam pa yang thams cad mkhyen pa'i ye shes kyi yul rgya mtsho'i rgyan thams cad yongs su ston to/ /rigs kyi bu/ 'di lta ste/ dper na/ nor bu rin po che chen po yid bzhin gyi rgyal po ma gtogs par lha rdzas kyi 'dzam bu chu klung gi gser las lhag par 'phags pa gang yang med do/ /de bzhin du thams cad mkhyen pa'i ye shes nor bu rin po che chen po yid bzhin gyi rgyal po ma gtogs par byang chub tu sems bskyed pa'i lha rdzas kyi 'dzam bu chu klung gi gser las lhag par khyad par du 'phags pa gang yang med do/ /rigs kyi bu/ 'di lta ste/ dper na/ klu'i tshogs grub par 'gyur ba'i sprul 'dul ba ni/ klu dang sprul thams cad la dbang sgyur ro/ /de bzhin du thams cad mkhyen pa nyid du sems bskyed pa'i nan tan gyi klu'i dkyil 'khor grub pa'i byang chub sems dpa' sprul 'dul ba yang nyon mongs pa'i klu dang sprul thams cad la dbang sgyur ro/ /rigs kyi bu/ 'di lta ste/ </font><hr>Cha275a<br><font size=+1>


@#/ /dper na/ dpa' bo lag cha dang ldan pa ni/ dgra'i 'khor gyis tshugs par dka'o/ /de bzhin du thams cad mkhyen pa nyid du sems bskyed pa'i lag cha dang ldan pa'i byang chub sems dpa' thams cad kyang nyon mongs pa'i dgra'i dkyil 'khor thams cad kyis thub par dka'o/ /rigs kyi bu/ 'di lta ste/ dper na/ lha rdzas kyi tsan+dan sprul gyi snying po'i phye ma srang gcig gis ni/ stong gsum gyi 'jig rten gyi khams dri zhim pos rgyas par 'gengs te/ de zho gcig tsam la yang stong gsum gyi stong chen po'i 'jig rten gyi khams rin po ches yongs su gang bas rin du mi chog go /de bzhin du thams cad mkhyen pa nyid du sems bskyed pa lha rdzas kyi tsan+dan sprul gyi snying po lhag pa'i bsam pa gcig la gnas pa'i khams kyang chos kyi dbyings thams cad yon tan gyi dri zhim pos rgyas par 'gengs te/ slob pa dang / mi slob pa dang / rang sangs rgyas thams cad kyi sems kyi sems kyang zil gyis gnon to/ /rigs kyi bu/ 'di lta ste/ dper na/ tsan+dan rin po che chen po kha ba'i tsan+dan zhes bya ba ni/ gdung ba thams cad rab tu zhi bar byed de/ lus thams cad kyang rab tu bsil bar byed do/ /de bzhin du thams cad mkhyen pa nyid du sems bskyed pa'i kha ba'i tsan+dan rin po che yang nyon mongs pa'i kun tu </font><hr>Cha275b<br><font size=+1>


rtog pa dang / 'dod chags dang / zhe sdang dang / gti mug gi gdung ba thams cad kyang rab tu sel to/ /ye shes kyi lus kyang rab tu sim par byed do/ /rigs kyi bu/ 'di lta ste/ dper na| ri'i rgyal po ri rab kyi drung du ji snyed cig nye bar 'ongs pa de dag thams cad kyang gser gyi kha dog tu kha dog gcig tu 'gyur ro/ /de bzhin du gang su'ang rung ste/ thams cad mkhyen pa nyid du sems bskyed pa dang ldan pa'i byang chub sems dpa'i drung du nye bar 'ongs pa de dag thams cad kyang thams cad mkhyen pa nyid kyi kha dog tu kha dog gcig par 'gyur ro| |rigs kyi bu/ 'di lta ste/ dper na/ shing sus kyang mi tshugs pa dang kun nas 'du ba'i shun phrags kyi dri zhim po 'byung ba de lta bu ni/ '+dzam+bu'i gling gi me tog par shi ka dang / me tog dzA ti dang / me tog su ma na la sogs pa me tog gi rnam pa thams cad la'ang med do/ /de bzhin du byang chub sems dpa' thams cad mkhyen pa nyid du sems bskyed ba'i sa bon las byung ba'i smon lam gyi shing gi yon tan dang / ye shes kyi shun phrags kyi dri zhim po'i ngad 'byung ba de lta bu ni/ dge ba'i rtsa ba dma' ba dang ldan pa thams cad dang / nyan thos dang / rang sangs rgyas kyi me tog par shi ka dang / me tog dzA ti dang / me tog su ma na'i tshul khrims pa dang / ting nge 'dzin dang / shes rab dang / rnam par </font><hr>Cha276a<br><font size=+1>


@#/ /grol ba dang / rnam par grol ba'i ye shes mthong ba zag pa med pa dang ldan pa thams cad la'ang med do/ /rigs kyi bu/ 'di lta ste/ dper na/ shing sus kyang mi thub pa dang / kun nas 'du ba kha 'bus par gyur na/ me tog stong phrag mang po'i 'byung gnas su gyur par shes par bya'o/ /de bzhin du thams cad mkhyen pa nyid du sems bskyed pa'i shing kun nas 'du ba dge ba'i rtsa bas kha 'bus par gyur na/ lha dang mi grangs med pa'i byang chub kyi me tog zag pa dang bcas pa dang / zag pa med pa'i skye gnas su 'gyur bar shes par bya'o/ /rigs kyi bu/ 'di lta ste/ dper na/ shing kun nas 'du ba'i me tog gis nyi ma gcig tu bsgos pa'i gos sam/ til mar las dri zhim pa'i ngad 'byung ba de lta bu yang me tog tsam pa ka dang / me tog su ma nas nyi ma brgya phrag stong du bsgos pa'i gos sam/ til mar las kyang mi 'byung ngo / /de bzhin du thams cad mkhyen pa nyid kyi sems kyi rgyud tshe gcig tu yongs su bsgos ba'i byang chub sems dpa'i yon tan dang / ye shes kyi dri zhim po'i ngad phyogs bcu'i sangs rgyas kyi zhabs kyi drung du ldang ba de lta bu ni/ bskal pa brgya phrag stong du bsgos pa'i nyen thos dang / rang sangs rgyas thams cad kyi sems las kyang zag pa med pa'i dge ba'i rtsa </font><hr>Cha276b<br><font size=+1>


ba dang chos kyi ye shes kyi dri zhim po mi 'byung ngo / /rigs kyi bu/ 'di lta ste/ dper na/ shing gi rigs na li ke re zhes bya ba rgya mtsho gnod pa dang bral ba nas skye ba yod do/ /de'i rtsa ba yan chad me tog gi bar du yang dus thams cad du nam yang sems can rnams kyi nye bar 'tsho bar mi 'gyur ba med do/ /de bzhin du snying rje chen po dang / smon lam gyi rtsa ba yang dag par skyes pa'i byang chub sems dpa' yang thog ma thams cad mkhyen pa nyid du sems bskyed pa nas nye bar bzung ba phyin chad dam pa'i chos gnas pa'i mthar thug gi bar du nam yang lha dang bcas pa'i 'jig rten gyi nye bar 'tsho bar mi 'gyur ba med do/ /rigs kyi bu/ 'di lta ste/ dper na/ dngul chu'i rigs gser du snang ba zhes bya ba yod do/ /de ni| srang gcig gis kyang lcags srang stong gser du sgyur ro/ /dngul chu srang gcig po de ni/ lcags srang stong po des zad par bya ba'am/ lcags su bsgyur bar mi nus so/ /de bzhin du thams cad mkhyen pa nyid du sems bskyed pa'i ro'i khams dge ba'i rtsa ba yongs su bsngos pa'i ye shes kyis bzung ba ni/ las dang nyon mongs pa'i sgrib pa'i lcags thams cad zad par byas te/ chos thams cad thams cad mkhyen pa nyid kyi kha dog tu byed kyang thams cad mkhyen pa nyid du sems bskyed pa'i ro'i khams gcig po de </font><hr>Cha277a<br><font size=+1>


@#/ /ni| las dang nyon mongs pa'i lcags thams cad kyis kyang kun nas nyon mongs par bya ba'am/ zad par mi nus so/ /rigs kyi bu/ 'di lta ste/ dper na| me ni/ ji tsam du chung du zin kyang rkyen ji tsam dang phrad pa de tsam gyi me lce yongs su skyed do/ /de bzhin du thams cad mkhyen pa nyid du sems bskyed pa'i me ji tsam du chung du zin kyang dmigs pa rgya chen po'i tshogs kyi rkyen ji tsam dang phrad pa de tsam du ye shes kyi 'od 'phro ba rab tu dgye bas rnam par 'phel bar byed do/ /rigs kyi bu/ 'di lta ste/ dper na/ me mar gcig las me mar bye ba brgya phrag stong zhig bus kyang me mar de ni/ de snyed byung bas mi zad de/ mthar thug pa med do/ /de bzhin du thams cad mkhyen pa nyid du sems bskyed pa'i me mar gcig las 'das pa dang / ma byon pa dang / da ltar byung ba'i de bzhin gshegs pa thams cad kyi thams cad mkhyen pa nyid du thugs bskyed pa'i me mar mang po 'bar yang thams cad mkhyen pa nyid du sems bskyed pa'i me mar gcig po de ni/ de snyed kyi thams cad mkhyen pa nyid du sems bskyed pa'i me mar byung bas mi zad de/ mthar thug pa med do/ /rigs kyi bu/ 'di lta ste/ dper na/ me mar gcig cig khyim mam khang bu ji lta bur bcug kyang rung ste/ </font><hr>Cha277b<br><font size=+1>


bcug ma thag tu lo stong du bsags bsags pa'i mun pa yang rnam par sel cing snang bar byed do/ /de bzhin du thams cad mkhyen pa'i sems bskyed pa gcig kyang sems can gyi bsam pa'i khyim thibs po ma rig pa'i mun pa dang ldan pa ci lta bu yang rung ste/ de'i rgyud du phyin na/ de phyin ma thag tu bskal pa brgya stong brjod du med par bsags pa'i las dang nyon mongs pa'i sgrib pa dang / mun pa thams cad rnam par sel cing ye shes kyi snang ba yongs su skyed do/ /rigs kyi bu/ 'di lta ste/ dper na/ me mar ni/ snying po ji tsam pa de'i rkyen tsam du snang bar byed de/ mar gyi tshogs ji srid du gnas pa de srid du 'bar ro/ /de bzhin du thams cad mkhyen pa nyid du sems bskyed pa'i me mar yang byang chub sems dpa'i smon lam gyi snying po'i khyad par ci 'dra ba de lta bur chos kyi dbyings yongs su snang bar byed de/ snying rje chen pos spyod pa'i me mar gyi tshogs ji srid du gnas pa de srid du sems can gdul ba dang / zhing yongs su dag par bya ba dang / sangs rgyas kyi sku don sgrub pa la yongs su 'bar bar gnas so/ /shin tu rgyas pa chen po'i mdo/ sangs rgyas phal po che zhes bya ba las/ sdong pos brgyan pa'i le'u ste/ bam po brgya bcu gsum pa/ rigs kyi bu/ 'di lta ste/ dper na/ lha rdzas kyi 'dzam bu chu klung gi gser gyi rgyan lha'i </font><hr>Cha278a<br><font size=+1>


@#/ /rgyal po dbang sgyur ba'i mgo la thogs pa ni/ 'dod pa na spyod pa'i lha'i bu thams cad kyis mi 'phrog go /de bzhin du thams cad mkhyen pa nyid du sems bskyed pa lha rdzas kyi 'dzam bu chu klung gi gser gyi rgyan nan tan dang / yon tan la rab tu gnas pa byang chub sems dpa' phyir mi ldog pa rnams kyi smon lam chen po'i mgo la thogs pa ni/ byis pa tha dad pa'i skye bo dang / slob pa dang / mi slob pa dang / rang sangs rgyas thams cad kyis mi 'phrog go /rigs kyi bu/ 'di lta ste/ dper na / ri dwags kyi rgyal po seng+ge'i nga ros ni/ seng+ge'i phru gu skyes nas ring po ma lon pa'ang nyams su bde zhing rta'i ri dwags thams cad ni/ kun tu 'byer bar 'gyur ro/ /de bzhin du de bzhin gshegs pa skyes bu'i seng+ge chen po'i thams cad mkhyen pa nyid kyi nga ro byang chub kyi sems yongs su brjod pa phyung bas ni/ las dang po pa'i byang chub sems dpa' seng+ge'i phru gu rnams sangs rgyas kyi chos kyis nyams su bde zhing rta'i dmigs pa la gnas pa'i sems can thams cad ni/ kun tu 'byer ro/ /rigs kyi bu/ 'di lta ste| dper na/ seng+ge'i rgyus pa las rgyud du byas pa'i pi wang gi sgras ni/ pi wang thams cad kyi rgyud yongs su 'chad do/ /de bzhin du de bzhin gshegs pa seng+ge'i pha rol </font><hr>Cha278b<br><font size=+1>


tu phyin pa'i sku mnga' ba'i byang chub tu sems bskyed pa'i rgyus pa'i yon tan brjod pa'i sgras 'dod pa'i rgyud kyi dga' ba'i pi wang thams cad kyi rgyud yongs su 'chad par 'gyur ro/ / nyan thos dang / rang sangs rgyas kyi spyod pa dang / yon tan gyi gtam thams cad kyang yongs su 'gag par 'gyur ro/ /rigs kyi bu/ 'di lta ste/ dper na/ rgya mtsho chen po pa dang / ma he dang / ra'i 'o mas yongs su gang ba'i nang du seng+ge'i 'o ma thigs gcig blugs pas/ 'o ma de dag thams cad 'gyes par 'gyur te/ 'dur mi btub bo/ /de bzhin du bskal pa brgya phrag stong du bsags pa'i nyon mongs pa kun gyi 'o ma'i rgya mtshor yang de bzhin gshegs pa skyes bu'i seng+ge chen po'i thams cad mkhyen pa nyid du sems bskyed pa'i 'o ma thigs pa gcig blugs pas thams cad ma lus par zad par 'gyur te/ nyan thos dang rang sangs rgyas thams cad kyi rnam par thar pa rnams kyang mi gnas mi 'du'o| |rigs kyi bu/ 'di lta ste/ dper na/ bya ka la phing+ka'i phru gu sgo nga'i sbubs nas ma byung ba la nga ro'i mthu'i khyad par yod pa de lta bu ni/ gangs kyi ri la gnas pa'i bya'i tshogs mthu dang shugs thams cad yongs su rdzogs pa thams cad la yang med do/ /de bzhin du byang chub sems dpa' ka la ping+ka'i phru gu las dang po pa 'khor ba'i sgo </font><hr>Cha279a<br><font size=+1>


@#/ /nga'i sbubs na 'dug pa la snying rje chen po dang / byang chub kyi sems kyi nga ro'i mthu'i khyad par yod pa de lta bu ni/ nyan thos dang / rang sangs rgyas thams cad la med do/ /rigs kyi bu/ 'di lta ste/ dper na/ nam mkha' lding chen po'i phru gu skyes nas ring po ma lon pa la gshog pa'i rlung gi stobs dang / mthu bdog pa dang / mig yongs su dag pa'i yon tan yod pa de lta bu ni/ de ma yin pa'i bya lus tshad du phyin pa gzhan thams cad la'ang med do/ /de bzhin du de bzhin gshegs pa nam mkha' lding chen po'i rigs dang / rgyud du byung ba'i byang chub sems dpa' nam mkha' lding chen po'i phru gu sems dang po bskyed pa la thams cad mkhyen pa nyid du sems bskyed pa'i gshog pa'i rlung gi stobs dang / shugs bdog pa dang / snying rje chen po dang / lhag pa'i bsam pa'i mig yongs su dag pa'i yon tan yod pa'i nyan thos dang / rang sangs rgyas bskal pa brgya stong tshang bas byung ba thams cad la med do/ /rigs kyi bu/ 'di lta ste/ dper na/ skyes bu chen po'i lag nas spyad pa'i mde'u thung gis ni/ go cha ji tsam du sra yang brtol to/ /de bzhin du byang chub sems dpa' brtson 'grus brtan po dang ldan pa'i lag nas spyad pa'i thams </font><hr>Cha279b<br><font size=+1>


cad mkhyen pa nyid du sems bskyed pa'i mde'u thung gis kyang lta ba dang / bag la nyal ba'i go cha thams cad mi brtol ba med do/ /rigs kyi bu/ 'di lta ste/ dper na/ mthu bo che chen po khros te rngam pa'i 'phral ba la thor bu ji srid du gnas pa de srid du 'dzam bu'i gling gi mi thams cad kyis kyang mi thub bo/ /de bzhin du byang chub sems dpa' mthu bo che chen po snying rje chen pos rngam pa'i lhag pa'i bsam pa'i gdong la thams cad mkhyen pa nyid du sems bskyed pa'i thor bu ji srid du gnas pa de srid du 'jig rten gyi khams thams cad du gtogs pa'i bdud thams cad dang / bdud kyi las thams cad kyis kyang mi thub bo/ /rigs kyi bu/ 'di lta ste/ dper na/ 'phong gi slob dpon gyi mchan bu ma byang ba 'phong gi thabs la ma goms pa la 'phong gi gnas dang / thabs kyi mthu dang / khyad par bdog pa de lta bu ni/ thams cad la byang yang 'phong mi shes pa rnams la med do/ / de bzhin du byang chub sems dpa' cad shes las dang po pa thams cad mkhyen pa nyid la ma goms pa la smon lam gyi ye shes dang mos pas spyod pa'i mthu'i khyad par ci bdog pa de lta bu ni/ byang chub tu sems ma bskyed pa'i sems can thams cad dang / slob pa dang / mi slob pa dang / rang sangs rgyas thams cad la med do/ /rigs kyi bu/ 'di lta </font><hr>Cha280a<br><font size=+1>


@#/ /ste| dper na/ 'phong slob pa'i 'phong gi rgyus thams cad la ni/ dang por rkang pa'i stangs la goms par bya ba sngon du 'gro'o/ /de bzhin du byang chub sems dpa' thams cad mkhyen pa nyid kyi sa la slob pas sangs rgyas kyi chos thams cad khong du chud par bya ba la yang dang por thams cad mkhyen pa nyid du sems bskyed pa'i lhag pa'i bsam pa la yang dag par gnas pa sngon du 'gro'o/ /rigs kyi bu/ 'di lta ste/ dper na/ sgyu ma'i mkhan po sgyu ma'i rnam pa dang / yul thams cad yongs su ston pa'i bya ba thams cad ni/ dang por sngags kyi dngos grub mngon par sgrub pa yid la byas na/ 'grub par 'gyur ro/ /de bzhin du byang chub sems dpa'i yul dang / rnam par 'phrul pa thams cad yongs su ston pa'i sangs rgyas dang / byang chub sems dpa'i yul thams cad la yang dang po sems bskyed pa'i smon lam mngon par sgrub pa ni/ yongs su grub pa yin no/ /rigs kyi bu/ 'di lta ste/ dper na/ sgyu ma'i sngags dang / rig sngags thams cad ni/ gzugs med la bstan du med pa yin yang sems bskyed pas sgyu ma'i sprul pa dang / gzugs kyi rnam pa thams cad yongs su ston to/ /de bzhin du thams cad mkhyen pa nyid du sems bskyed pa yang gzugs med la </font><hr>Cha280b<br><font size=+1>


bstan du med de/ chos kyi dbyings thams cad sems bskyed pa la dbang bsgyur ba tsam gyis chos kyi dbyings thams cad yon tan gyi rgyan rnam par phye ba thams cad kyis rnam par sgrub bo/ /rigs kyi bu/ 'di lta ste/ dper na/ byi la'i mig gis bltas pa tsam gyis byi ba thams cad kun tu 'byer ro/ /de bzhin du byang chub sems dpa'i thams cad mkhyen pa nyid du sems bskyed pa'i lhag pa'i bsam pa'i sbyor ba tsam gyis las dang / nyon mongs pa thams cad 'byor bar 'gyur ro/ /rigs kyi bu/ 'di lta ste/ dper na / 'dzam bu chu klung gi gser gyi rgyan btags na/ rgyan thams cad zil gyis gnon to/ /de bzhin du byang chub sems dpa' byang chub kyi sems 'dzam bu chu klung gi gser gyi rgyan thogs pa yang nyan thos dang / rang sangs rgyas thams cad kyi yon tan gyi rgyan zil gyis gnon to/ /zil tu rlags par byed do/ /rigs kyi bu/ 'di lta ste/ dper na/ rdo ba khab long gi rgyal po khams ji tsam du chung yang lcags sgrog sra ba thams cad zhig par byed do/ /de bzhin du sems thag pa nas bskyed pa'i thams cad mkhyen pa nyid du sems bskyed pa'i khams ji tsam du chung yang lta ba'i rnam pa dang / ma rig pa dang / sred pa'i sgrog thams cad zhig par byed do/ /rigs kyi bu/ 'di lta ste/ dper na/ rdo ba khab </font><hr>Cha281a<br><font size=+1>


@#/ /long gi khams ni/ gang dang gang du bzhag pa de dang der lcags phal ba thams cad 'gyes shing mi gnas la mi 'du'o/ /de bzhin du thams cad mkhyen pa nyid du sems bskyed pa'i khams kyang las sam/ nyon mongs pa'am/ nyan thos dang / rang sangs rgyas kyi rnam par grol ba gang dang gang du byung ba de dang de dag gi las dang / nyon mongs pa thams cad dang / nyan thos dang / rang sangs rgyas kyi rnam par thar pa thams cad kyang 'byer zhing mi 'khong mi 'du'o/ /rigs kyi bu/ 'di lta ste| dper na/ chu srin gyi tshal gyi zegs ma gcig zos pa'i nya ba ni/ chu'i srog chags thams cad kyi 'jigs pa dang bral ba yin te/ chu srin gyis sos btab kyang lus la mi tshugs so/ /de bzhin du lhag pa'i bsam pas byang chub kyi sems kyi cha gcig zos pa'i byang chub sems dpa' yang 'khor ba'i las dang / nyon mongs pa'i 'jigs pa dang bral ba yin te/ nyan thos dang / rang sangs rgyas thams cad kyis mngon par khong du chud par bya ba'i nang na 'dug kyang yang dag pa'i mtha' mngon du bya ba'i lam gol bar ltung bas gnod par mi 'gyur ro/ /rigs kyi bu/ 'di lta ste/ dper na/ bdud rtsi'i chu 'thungs pa'i skyes bu ni/ gzhan gyis </font><hr>Cha281b<br><font size=+1>


gnod par bya ba thams cad kyis mi 'chi'o/ /de bzhin du byang chub sems dpa' thams cad mkhyen pa nyid du sems bskyed pa'i bdud rtsi'i chu 'thungs pa yang nyan thos dang / rang sangs rgyas thams cad kyi sar mi 'chi'o/ /byang chub sems dpa'i snying rje chen po'i smon lam las kyang rgyun 'chad par mi 'gyur ro/ /rigs kyi bu/ 'di lta ste/ dper na/ bsku ba grub pa'i skyes bu ni/ mi'i gnas thams cad rnam par spyod kyang mi kun gyis mi mthong ngo / /de bzhin du byang chub sems dpa' byang chub tu sems bskyed pa'i shes rab dang / smon lam gyis nye bar brtan pa bdud kyi yul thams cad la rnam par spyod kyang bdud thams cad kyis mi mthong ngo / /rigs kyi bu/ 'di lta ste/ dper na rgyal po chen po la brtan pa'i skyes bu ni/ skye bo ma rabs thams cad kyis mi 'jigs so/ /de bzhin du byang chub sems dpa' thams cad mkhyen pa nyid du sems bskyed pa chos kyi rgyal po chen po la brten pa yang sgrib pa dang / bar chad dang / ngan song thams cad kyis mi 'jigs so/ /rigs kyi bu/ 'di lta ste/ dper na/ sa phug gi khyim na gnas na/ sa'i gseb thams cad rlan gyis yangs su gang bas me'i 'jigs pa med do/ /de bzhin du byang chub sems dpa' sems kyi rgyud byang chub sems kyi dge ba'i rtsa bas </font><hr>Cha282a<br><font size=+1>


@#/ /mngon par brlan pa la'ang nyan thos dang / rang sangs rgyas kyi rnam par grol ba'i ye shes kyi mes 'jigs pa med do/ /rigs kyi bu/ 'di lta ste/ dper na/ dpa' bo la brten pa'i mi ni/ dgra thams cad kyis mi 'jigs so/ /de bzhin du byang chub sems dpa' thams cad mkhyen pa nyid du sems bskyed pa'i dpa' bo la brtan pa yang spyod pa ngan pa'i dgra thams cad kyis mi 'jigs so/ /rigs kyi bu/ 'di lta ste/ dper na/ lha'i dbang po brgya byin rdo rje'i lag cha thogs pa ni/ lha ma yin gyi tshogs thams cad rab tu 'joms so/ /de bzhin du byang chub sems dpa' thams cad mkhyen pa nyid du sems bskyed pa brtan pa'i lhag pa'i bsam pa rdo rje'i lag cha thogs pa yang bdud dang phas kyi rgol ba'i lha ma yin gyi tshogs thams cad rab tu 'joms so/ /rigs kyi bu/ 'di lta ste/ dper na/ rtsi ro'i bcud 'thungs pa'i skyes bu ni/ tshe shin tu ring par gnas so| |nyam chung bar mi 'gyur ro/ /rga bar mi 'gyur ro/ /de bzhin du byang chub sems dpa' thams cad mkhyen pa nyid du sems bskyed pa'i ro'i bcud kyi tshogs 'thungs pa yang bskal pa grangs med par 'khor ba na 'khor yang yongs su skyo ba med la 'khor ba'i skyon gyis mi gos so/ /rigs kyi bu/ 'di lta ste/ dper na/ sman gyi ro sbyar ro </font><hr>Cha282b<br><font size=+1>


cog thams cad du chu ni/ sngon du 'gro ba ste/ gang la yang skyon du mi 'gyur ro/ /de bzhin du byang chub sems dpa'i spyod pa dang / smon lam gyi tshogs sbyar ba thams cad du thams cad mkhyen pa nyid du sems bskyed pa ni/ sngon du 'gro ba ste/ gang la yang skyon du mi 'gyur ro/ /rigs kyi bu/ 'di lta ste/ dper na/ mi'i don du bya ba thams cad la ni| srog gi dbang po sngon du 'gro'o/ /de bzhin du byang chub sems dpas sangs rgyas kyi chos thams cad yang dag par blang ba la'ang byang chub kyi sems sngon du 'gro'o/ / rigs kyi bu/ 'di lta ste/ dper na/ skyes bu srog gi dbang po dang bral ba ni/ las thams cad la mthu med pas pha ma dang / gnyen bshes kyi tshogs kyis kyang nye bar 'tsho bar byar med do/ /de bzhin du byang chub sems dpa' thams cad mkhyen pa nyid du sems bskyed pa dang bral ba yang sangs rgyas kyi ye shes thob par bya ba la mthu med pas/ sems can thams cad kyis kyang thams cad mkhyen pa nyid kyi yon tan gyis nye bar 'tsho bar byar med do/ /rigs kyi bu/ 'di lta ste/ dper na/ rgya mtsho chen po ni/ dug thams cad kyis gdug par mi nus so/ /de bzhin du thams cad mkhyen pa nyid du sems skyed pa'i rgya mtsho chen po yang las dang / nyon mongs pa dang / nyan thos dang rang sangs rgyas su </font><hr>Cha283a<br><font size=+1>


@#/ /sems bskyed pa'i dug thams cad kyis gdug bar mi nus so/ /rigs kyi bu/ 'di lta ste/ dper na/ nyi ma'i dkyil 'khor ni skar ma thams cad kyi 'od kyis thub par mi nus so/ /de bzhin du thams cad mkhyen pa nyid du sems bskyed pa'i nyi ma'i dkyil 'khor yang nyan thos dang / rang sangs rgyas kyi skar ma thams cad kyi yon tan zag pa med pa'i 'od kyis mi thub bo/ /rigs kyi bu/ 'di lta ste/ dper na/ rgyal po'i bu skyes nas yun ring du ma lon pa yang blon po'i mchog tu bya ba nas rgan pa thams cad rigs su rigs dang ldan par skyes pa dang / dbang gis zil gyis gnon to/ /de bzhin du byang chub sems dpa' byang chub tu sems bskyed nas ring po ma lon pa / chos kyi rgyal po de bzhin gshegs pa'i rigs su skyes pa'i las dang po pa yang yun ring po nas tshangs par spyod spyod pa'i nyan thos nas rgan pa thams cad byang chub kyi sems kyi snying rje chen po'i dbang gis zil gyis gnon to/ /rigs kyi bu/ 'di lta ste/ dper na/ blon po ji tsam du rgan pas kyang rgyal bu gzhon nu ji tsam du chung ba la'ang phyag bya dgos so/ /rgyal po'i bus kyang blon po rgan po la rim gro mi bya ba ma yin no/ /de bzhin du nyan thos dang / rang sangs rgyas ji tsam du rgan la/ ji tsam du tshangs pa'i spyod </font><hr>Cha283b<br><font size=+1>


pa ring du spyod spyod pa rnams kyis kyang byang chub sems dpa' las dang po pa la 'dud bar bya'o/ /byang chub sems dpas kyang nyan thos dang / rang sangs rgyas rnams la rim gro med par bya ba ma yin no/ /rigs kyi bu/ 'di lta ste/ dper na/ rgyal po'i bu thams cad kyis mi dgos par bya ba zhig na'ang rgyal po'i mtshan dang ldan na/ rigs kyi btsun pas rgyal po'i blon po dam par bya ba thams cad dang yang mi mnyam mo/ /de bzhin du byang chub sems dpa' las dang po las dang nyon mongs pa'i nye bar len pa thams cad kyis non pa yang thams cad mkhyen pa nyid du sems bskyed pa'i mtshan dang ldan na/ sangs rgyas kyi rigs kyi btsun zhing che bas nyan thos dang / rang sangs rgyas mchog tu phyin pa thams cad dang yang mi mnyam mo/ /rigs kyi bu/ 'di lta ste/ dper na/ nor bu rin po che yongs su dag pa ni mig la rab rib kyi skyon yod na/ yongs su ma dag par snang ngo / /de bzhin du thams cad mkhyen pa nyid du sems bskyed pa rin po che rang bzhin gyis yongs su dag pa yang sems can dang pha'i mig mi shes pa'i rab rib kyi skyon dang ldan pa rnams la yongs su ma dag par snang ngo / /rigs kyi bu/ 'di lta ste/ dper na/ rtsi'i gzungs sngags dang rtsi thams cad bsdus te byas pa ni reg gam/ mthong ngam/ 'grogs na </font><hr>Cha284a<br><font size=+1>


@#/ /yang sems can gyi nad rab tu zhi bar byed do/ /de bzhin du byang chub kyi sems kyi smon lam dang / ye shes kyi lus dge ba'i rtsa ba'i tshogs dang / shes rab dang / thabs kyi sngags dang / rtsi thams cad las bsgrubs pa byang chub kyi sems dang ldan pa ni/ thos sam/ mthong ngam/ 'grogs sam/ rjes su dran pa'i tshul gyis kyang sems can gyi nyon mongs pa'i nad rab tu zhi bar byed do/ /rigs kyi bu/ 'di lta ste/ dper na/ gos dang ba'i mtshan nyid can ni/ 'dam gyi nyes pa thams cad kyis mi gos so/ /de bzhin du byang chub kyi sems kyi gos dang ba'i mtshan nyid can ni/ 'khor ba'i nyon mongs pa'i 'dam gyi skyon thams cad kyis kun nas nyon mongs par mi 'gyur ro/ /rigs kyi bu/ 'di lta ste/ dper na/ shing gi gzugs mgo gzer gyis btab pa ni/ yongs su 'gyes par mi 'gyur te/ bya ba thams cad kyang byed do/ /de bzhin du thams cad mkhyen pa nyid du smon pa'i ye shes kyi lus kyi spyi bo byang chub tu sems bskyed pa'i smon lam gyi gzer gyis btab pa yang byang chub sems dpa'i bya ba thams cad la mthu yod de/ thams cad mkhyen pa nyid kyi smon lam gyi ye shes las lus su grub pa yin pas yongs su 'gyes par mi </font><hr>Cha284b<br><font size=+1>


'gyur ro/ /rigs kyi bu/ 'di lta ste/ dper na/ gzer dang mi ldan pa'i 'khrul 'khor ni/ shing gi yan lag de nyid yin yang dgos pa bya ba'i mthu med do/ /de bzhin du byang chub sems dpa' thams cad mkhyen pa nyid du sems bskyed pa'i lhag pa'i bsam pa dang mi ldan na/ byang chub kyi yan lag gi tshogs de nyid yin yang sangs rgyas kyi chos sgrub pa la mthu med do/ /rigs kyi bu/ 'di lta ste/ dper na/ 'khor los bsgyur ba'i rgyal po la rin po che a ga ru nag po glang po'i snying po zhes bya ba yod pa des bcugs ma thag tu rgyal po 'khor los bsgyur ba'i yan lag bzhi pa'i dpung gi tshogs thams cad kyang nam mkha' la gnas par 'gyur ro/ /de bzhin du thams cad mkhyen pa nyid du sems bskyed pa a ga rus bdugs pa'i byang chub sems dpa'i dge ba'i rtsa ba thams cad kyang khams gsum pa thams cad las rnam par 'das te/ de bzhin gshegs pa'i ye shes nam mkha'i spyod yul 'dus ma byas pa thams cad kyi mthar thug par 'gyur ro/ /rigs kyi bu/ 'di lta ste/ dper na/ rdo rje ni/ rin po che ma rabs kyi 'byung khungs nas mi 'byung gi /rdo rje'i 'byung khungs sam/ gser gyi 'byung khungs nas 'byung ngo / /de bzhin du thams cad mkhyen pa nyid du sems bskyed pa rdo rje lta bu'ang </font><hr>Cha285a<br><font size=+1>


@#/ /sems can gyi bsam pa'i dge ba'i rtsa ba ma rabs kyi rin po che'i 'byung gnas nas mi skye ste/ gzhan du na sems can yongs su skyob pa'i snying rje chen po'i rdo rje'i 'byung khungs sam/ thams cad mkhyen pa'i ye shes la lhag par dmigs pa'i gser gyi 'byung khungs chen po nas 'byung ngo / /rigs kyi bu/ 'di lta ste| dper na/ shing gi rigs rtsa ba med pa zhes bya ba yod de/ de'i rtsa ba mthar thug pa mi dmigs mod kyi/ shing rnams la yal ga dang / lo ma dang / 'dab ma dang / me tog shin tu rgyas pa dra ba lta bur gyur pa snang ngo / /de bzhin du thams cad mkhyen pa nyid du sems bskyed pa'i dge ba'i rtsa ba'i mthar thug pa'ang mi dmigs mod kyi/ 'jig rten gyi skye gnas thams cad du'ang thams cad mkhyen pa nyid kyi bsod nams dang / ye shes dang / mngon par shes pa'i me tog shin tu rgyas pa smon lam chen po'i dra bar gyur pa'ang yongs su snang ngo / /rigs kyi bu/ 'di lta ste/ dper na/ rdo rje ni/ snod ngan pa'i gzhi la 'dug na mdzes par mi snang ngo / /snod ma rdol ba ma gtogs par snod rdol ba dang bu ga can gyis gzung bar mi nus so/ /de bzhin du thams cad mkhyen pa nyid du sems bskyed pa'i rdo rje chen po yang sems can mos pa zhan pa'i snod dang / </font><hr>Cha285b<br><font size=+1>


ser sna can nam/ tshul khrims ngan pa can nam/ gnod sems can nam/ le lo can nam/ dran pa 'khrugs pa'am/ shes rab 'chal ba can rnams la mi mdzes te/ byang chub sems dpa'i lhag pa'i bsam pa rin po che'i snod ma gtogs par sems can lhag pa'i bsam pa log pa la zhugs pa blo mi brtan pa'i snod kyis kyang gzung bar mi nus so| |rigs kyi bu/ 'di lta ste/ dper na/ rdo rje ni/ rin po che thams cad 'bigs so/ /de bzhin du/ thams cad mkhyen pa nyid du sems bskyed pa'i rdo rje yang sangs rgyas kyi chos rin po cha thams cad 'bigs par khong du chud par byed do/ /rigs kyi bu/ 'di lta ste/ dper na/ rdo rje ni/ brag thams cad shigs par 'dzems so/ /de bzhin du thams cad mkhyen pa nyid du sems bskyed pa'i rdo rje yang lta ba'i rnam pa thams cad kyi brag shigs par 'joms so/ /rigs kyi bu/ 'di lta ste/ dper na/ rdo rje rin po che ni/ chag kyang thams cad las khyad par du 'phags pa'i gser gyi rgyan zil gyis gnon to/ /de bzhin du thams cad mkhyen pa nyid du sems bskyed pa'i rdo rje rin po che bsam pa log par zhugs pas chag par gyur kyang nyan thos dang / rang sangs rgyas thams cad kyi yon tan gyi gser gyi rgyan zil gyis gnon to/ /rigs kyi bu/ 'di lta ste/ dper na/ rdo rje rin po che ni/ </font><hr>Cha286a<br><font size=+1>


@#/ /chag kyang phongs pa thams cad rnam par sel to/ /de bzhin du thams cad mkhyen pa nyid du sems bskyed pa'i rdo rje rin po che nan tan med pas chag par gyur kyang 'khor ba'i phongs pa thams cad rnam par sel to/ /rigs kyi bu/ 'di lta ste/ dper na/ rdo rje'i khams ni/ ji tsam zhig tu chung yang nor bu dang rdo thams cad gcog pa'i mtshan nyid do/ /de bzhin du dmigs pa ji tsam du chung ba la zhugs kyang thams cad mkhyen pa nyid du sems bskyed pa'i rdo rje'i khams ni/ mi shes pa thams cad 'jig par byed pa'i mtshan nyid do/ /rigs kyi bu/ 'di lta ste/ dper na/ rdo rje rin po che ni/ skye bo ma rabs kyi lag tu phyin par mi 'gyur ro/ /de bzhin du thams cad mkhyen pa nyid du sems bskyed pa'i rdo rje rin po che yang ma rabs kyi bsam pa dang ldan pa dge ba'i rtsa ba ngan don can gyi lha dang mi'i lag tu phyin par mi 'gyur ro| |rigs kyi bu/ 'di lta ste/ dper na/ rin po che yongs su brtag pa la mi mkhas pa'i skyes bu ni/ rdo rje rin po che'i yon tan nyams su myong bar mi 'gyur ro/ /de bzhin du shes rab 'chal ba'i ngang tshul dang ldan pa'i skyes bu gang zag kyang byang chub kyi sems rdo rje rin po che chen po'i yon tan la mi mkhas pas kyang de'i yon tan gyi khyad par </font><hr>Cha286b<br><font size=+1>


nyams su myong bar mi 'gyur ro/ /rigs kyi bu/ 'di lta ste/ dper na/ rdo rje ni/ zhu bar mi nus so/ /de bzhin du thams cad mkhyen pa nyid kyi rgyur gyur pa'i byang chub tu sems bskyed pa'i rdo rje yang zhu bar mi nus so/ /rigs kyi bu/ 'di lta ste/ dper na/ rdo rje'i lag cha chen po ni/ gzhan du na mthu bo che chen po'i stobs ltar khyad par du 'phags pa'i mthu stobs kyi shugs drag po ma gtogs par stobs po che chen pos kyang gzung bar mi nus so/ /de bzhin du thams cad mkhyen pa nyid du sems bskyed pa'i rdo rje'i lag cha chen po yang gzhan du na byang chub sems dpa' chen po thams cad mkhyen pa nyid kyi rgyu'i stobs kyi brtan pa dge ba'i rtsa ba chad med pa'i mthu bo che chen po'i stobs ltar khyad par du 'phags pa stobs kyi shugs chen po rab tu thob pa ma gtogs par nyan thos dang / rang sangs rgyas stobs po che thams cad kyis kyang yongs su gzung bar mi nus so/ /rigs kyi bu| 'di lta ste/ dper na/ mtshon cha thams cad kyis mi tshugs pa gang du yang rdo rjes mi tshugs pa med de/ kha mi 'bab bo/ /de bzhin du sems can yongs su smin par bya ba dang / gdul ba'am/ dus gsum gyi bskal par spyad pa'i sdug bsngal dang 'grogs par bya ba gang du nyan thos dang / rang sangs rgyas kyi smon lam dang / ye shes kyi mtshon </font><hr>Cha287a<br><font size=+1>


@#/ /chas rdugs pa/ thams cad mkhyen pa nyid du sems bskyed pa'i rdo rje'i mtshon cha chen po thogs pa'i byang chub sems dpa' yongs su skyo ba'i yid med pas ni/ mi bzod pa med de/ kha mi 'bab bo/ /rigs kyi bu/ 'di lta ste/ dper na/ rdo rje ni/ gzhan du na rdo rje nyid las gyur pa'i gzhi ma gtogs par sa'i phyogs gang gis kyang gzung bar mi nus so/ /de bzhin du byang chub sems dpa'i 'byung ba'i smon lam gyi tshogs kyi rdo rje ni/ gzhan du na lhag pa'i bsam pas byang chub tu sems bskyed pa'i rdo rje brtan pa'i sa'i gzhi ma gtogs par nyan thos dang / rang sangs rgyas thams cad kyis gzung bar mi nus so/ /rigs kyi bu/ 'di lta ste/ dper na/ rgya mtsho chen po'i snod rdo rje'i gzhi sra zhing gseb med pas/ chu gsang du 'dzag par mi 'gyur ro/ /de bzhin du byang chub sems dpa'i dge ba'i rtsa ba byang chub kyi sems kyi rdo rje gseb med pa yongs su bsngos pa'i gzhi can la gnas pa yang srid par skyes pa thams cad kyis zad par mi 'gyur ro/ /rigs kyi bu/ 'di lta ste/ dper na/ rdo rje'i gzhi la brtan pa'i sa chen po ni/ 'jig par mi 'gyur ro/ /dma' bar mi 'gyur ro/ /de bzhin du byang chub tu sems bskyed pa'i rdo rje sra ba'i gzhi la brtan pa'i byang chub sems </font><hr>Cha287b<br><font size=+1>


dpa'i smon lam rnams kyang khams gsum thams cad du 'jig par mi 'gyur ro/ /dma' bar mi 'gyur ro/ /rigs kyi bu/ 'di lta ste/ dper na/ rdo rje ni/ chus bangs pa'am rul bar mi 'gyur ro/ /de bzhin du byang chub tu sems bskyed pa'i rdo rje yang las dang / nyon mongs pa thams cad kyi chur bskal par gnas kyang rul bar ma 'gyur/ bangs par mi 'gyur ro/ /rigs kyi bu/ 'di lta ste/ dper na/ rdo rje ni/ me thams cad kyi drod kyis kyang tshig par mi 'gyur/ yongs su gdung bar yang mi 'gyur ro/ /de bzhin du thams cad mkhyen pa nyid du sems bskyed pa'i rdo rje yang 'khor ba thams cad kyi sdug bsngal gyi me'i drod thams cad kyis mi tshig go /nyon mongs pa thams cad kyi me'i gdung bas gdungs par mi 'gyur ro/ /rigs kyi bu/ 'di lta ste/ dper na/ de bzhin gshegs pa dgra bcom pa yang dag par rdzogs pa'i sangs rgyas snying po byang chub la bzhugs shing bdud rgol du gzhug pa mdzad pa dang / thams cad mkhyen pa nyid du mngon par rdzogs par 'tshang rgya ba rnams kyi gdan ni/ gzhan du na stong gsum gyi stong chen po'i 'jig rten gyi khams kyi rdo rje'i lte ba'i sa'i gzhi ma gtogs par sa'i phyogs gzhan gyis gzung bar mi nus so/ /de bzhin du byang chub sems dpa' bla na med pa yang dag </font><hr>Cha288a<br><font size=+1>


@#/ /par rdzogs pa'i byang chub tu smon lam 'debs pa dang / spyad pa spyod pa dang / pha rol tu phyin pa yongs su rdzogs par byed pa dang / bzod pa la 'jug pa dang / sa thob par byed pa dang / dge ba'i rtsa ba yongs su rdzogs par byed pa dang / lung bstan pa yongs su nod pa dang / byang chub sems dpa'i lam gyi tshogs thams cad nye bar ston pa dang / de bzhin gshegs pa thams cad la mchod pa byed pa dang / chos kyi sprin chen po yongs su 'dzin pa rnams kyi dge ba'i rtsa ba'i stobs dang / shugs dang / drag shul de dag kyang gzhan du na thams cad mkhyen pa nyid du sems bskyed pa smon lam thams cad kyi ye shes rdo rje sra ba'i lte ba can ma gtogs par sems gzhan gyis yongs su gzung bar mi nus so/ /rigs kyi bu/ de ltar thams cad mkhyen pa nyid du sems bskyed pa ni/ yon tan de dag dang / gzhan tshad med pa nas yon tan gyi khyad par brjod du med pa'i yang brjod du med pa dang ldan pa ste/ sems can gang gis bla na med pa yang dag par rdzogs pa'i byang chub tu sems bskyed pa de dag kyang yon tan gyi chos de lta bu dang ldan par gyur to/ /ldan par 'gyur ro/ /de bas na/ rigs kyi bu/ de ltar khyod bla na med pa yang dag par rdzogs pa'i byang chub tu sems bskyed de/ </font><hr>Cha288b<br><font size=+1>


yon tan 'di dag rab tu thob par bya ba'i phyir byang chub sems dpa'i spyod pa yongs su tshol ba ni/ khyod kyis thob par bya ba legs par thob bo/ /rigs kyi bu/ khyod na re/ ji ltar byang chub sems dpa'i spyod pa la spyad par bya/ ji ltar nan tan du bya zhes zer ba ni/ rigs kyi bu/ khang pa brtsegs pa chen po rnam par snang mdzad kyi rgyan gyis brgyan pa'i snying po 'di nyid kyi nang du song ste ltos shig dang / der khyod kyis ji ltar byang chub sems dpas byang chub sems dpa'i spyod pa la bslab par bya ba dang / bslab nas kyang yon tan ji lta bu yongs su 'grub par 'gyur ba shes par 'gyur ro/ /de nas tshong dpon gyi bu nor bzang gis byang chub sems dpa' byams pa la g.yas phyogs su bskor ba byas te 'di skad ces smras so| |'phags pa/ pho brang brtsegs pa'i chab sgo dbyer gsol nang du mchi'o/ /de nas byang chub sems dpa' byams pas khang pa brtsegs pa rnam par snang mdzad kyi rgyan gyis brgyan pa'i snying po'i sgo drung du phyin te/ lag pa g.yas pas se gol gtogs te sgra byung ba dang / de'i sgo de'ang rang bye bar gyur pa dang / des smras pa/ rigs kyi bu/ da khang pa brtsegs pa 'dir song zhig /de nas tshong dpon gyi bu nor bzang ngo mtshar chen po thob par gyur te/ khang pa brtsegs pa de'i nang du phyin pa dang / phyin ma thag tu sgo de yang rang </font><hr>Cha289a<br><font size=+1>


@#/ /chad par gyur to/ /des mthong ba khang pa brtsegs pa de shin tu rgya che zhing yangs la/ rgyar dpag tshad brgya stong mang po dang ldan pa/ nam mkha'i dbyings kyi tshad kyis gzhal ba/ 'khor thams cad du nam mkha'i dbyings ltar yangs pa/ gdugs dang / rgyal mtshan dang / ba dan gyi rgyan grangs med pas brgyan pa/ rin po che grangs med pa'i rgyan gyis brgyan pa/ mu tig gi phreng ba grangs med pa rab tu dbyangs pa'i rgyan gyis brgyan pa/ rin po che'i phreng ba grangs med pa rab tu dpyangs pa'i rgyan gyis brgyan pa/ mu tig dmar po'i phreng ba grangs med pa rab tu dpyangs pa'i rgyan gyis brgyan pa/ seng+ge'i mu tig gi phreng ba grangs med pa rab tu dpyangs pa'i rgyan gyis brgyan pa/ seng+ge'i rgyal mtshan grangs med pa'i rgyan gyis brgyan pa/ zla ba dang zla gam grangs med pa'i rgyan gyis brgyan pa/ dar gyi lnga ldi sna tshogs grangs med pa rab tu dpyangs pa'i rgyan gyis brgyan pa/ dar gyi ba dan sna tshogs grangs med pa'i rgyan gyis brgyan pa/ rin po che mang po grangs med pa'i 'od kyi rgyan gyis brgyan pa/ gser gyi dra ba grangs med pa'i rgyan gyis brgyan pa/ rin po che'i snam bu grangs med pa'i rgyan gyis brgyan pa/ gser gyi lcags bod rin po ches spras pa grangs med pa'i rgyan gyis brgyan pa/ </font><hr>Cha289b<br><font size=+1>


dril bu sgra snyan pa'i byung ba grangs med pa'i rgyan gyis brgyan pa/ rin po che'i dril bu g.yer kha'i dra ba bskyod na yid du 'ong ba'i sgra 'byung ba grangs med pa'i rgyan gyis brgyan pa/ lha rdzas kyi me tog mang po'i char mngon par 'bab pa grangs med pa'i rgyan gyis brgyan pa/ lha rdzas kyi phreng ba'i lnga ldi mngon par dpyangs pa grangs med pa'i rgyan gyis brgyan pa/ gam yo nas smos kyi snod nas bdug spos 'thul ba'i yo byad grangs med pa'i rgyan gyis brgyan pa/ gser gyi phye ma'i char rab tu 'bab pa grangs med pa'i rgyan gyi brgyan pa/ pu shu'i dra ba grangs med pa'i rgyan gyis brgyan pa/ skar khung grangs med pa'i rgyan gyis brgyan pa/ rta babs grangs med pa'i rgyan gyis brgyan pa/ ba gam grangs med pa'i rgyan gyis brgyan pa| me long gi dkyil 'khor grangs med pa'i rgyan gyis brgyan pa/ rin po che'i pha gu grangs med pa gtams pa'i rgyan gyis brgyan pa/ rin po che'i rtsig pa grangs med pa'i rgyan gyis brgyan pa/ rin po che'i ka ba grangs med pa'i rgyan gyis brgyan pa/ rin po che'i gos kyi sprin grangs med pa'i rgyan gyis brgyan pa/ rin po che'i shing grangs med pa'i rgyan gyis brgyan pa| rin po che'i khri 'phang grangs med pa'i rgyan gyis brgyan pa/ rin po che'i lam grangs med pa'i rgyan gyis brgyan pa/ rin po che grangs med pa'i ba dan gyi rgyan gyis brgyan pa/ </font><hr>Cha290a<br><font size=+1>


@#/ /sa'i gzhi rgyan sna tshogs grangs med pa'i rgyan gyis brgyan pa/ rin po che grangs med pa las brtsegs pa'i khang pa'i rgyan gyis brgyan pa/ rin po che'i khri grangs med pa'i rgyan gyis brgyan pa/ rin po che'i bu mo grangs med pa'i rgyan gyis brgyan pa/ rin po che'i snam bu grangs med pa bting ba'i 'chag sa'i rgyan gyis brgyan pa| 'dzam bu chu klung gi gser gyi chu shing gi ka ba shin tu rnam par phye ba grangs med pa'i rgyan gyis brgyan pa/ rin po che thams cad kyi gzugs grangs med pa'i rgyan gyis brgyan pa/ byang chub sems dpa'i lus grangs med pa'i rgyan gyis brgyan pa/ bya'i tshogs sna tshogs yid du 'ong ba'i sgra 'byin pa grangs med pa'i rgyan gyis brgyan pa/ rin po che'i pad+mo grangs med pa'i rgyan gyis brgyan pa/ rin po che'i srog shing 'dzin pa grangs med pa'i rgyan gyis brgyan pa/ rdzing bu grangs med pa'i rgyan gyis brgyan pa/ me tog puN+Da rI ka grangs med pa'i rgyan gyis brgyan pa/ rin po che'i them skas grangs med pa'i rgyan gyis brgyan pa/ rin po che'i stegs bu rnam par bkod pa grangs med pa'i rgyan gyis brgyan pa| rin po che sna tshogs grangs med pas spras pa'i rgyan gyis brgyan pa/ nor bu rin po che chen po'i 'od grangs med pa rab tu 'gyed pa'i rgyan gyis brgyan pa/ rin po </font><hr>Cha290b<br><font size=+1>


che thams cad rnam par phye ba grangs med pa'i rgyan gyis brgyan pa/ yon tan dang legs pa phun sum tshogs pa grangs med pa'i rgyan gyis brgyan pa 'dug par mthong ste/ khang pa brtsegs pa de'i nang na yang khang pa brtsegs pa gzhan brgya stong 'di lta bu'i rgyan dang / /lhab lhub kyis brgyan pa/ rin po che'i gdugs dang / rgyal mtshan dang / lha'i bdag grangs med pa'i rgyan gyis brgyan pa nas yon tan dang legs pa phun sum tshogs pa grangs med pa'i bar gyi rgyan gyis brgyan pas gang bar mthong ngo / /khang pa brtsegs pa de dag thams cad kyang de ltar rgya che zhing yangs pa/ de ltar tshad med de nam mkha'i mdzod du gyur pa kun nas shin tu spa bar 'khod par mthong ngo / /des khang pa brtsegs pa rnam par phye ba de dag thams cad kyang dmigs pa gcig la phan tshun ma 'dres pa dang / phan tshun ma 'dzings pa dang / phan tshun sa la gsal bor 'dug par gzugs brnyan gyi tshul du de la snang bar gyur te/ dmigs pa gcig la ji lta ba de bzhin du dmigs pa ma lus pa de dag thams cad la'ang snang bar mthong ngo / /de nas tshong dpon gyi bu nor bzang gis khang pa brtsegs pa chen po rnam par snang mdzad kyi rgyan gyis brgyan pa'i snying po'i yul dang / rnam par 'phrul pa bsam gyis mi khyab pa rnam pa de lta bu dag mthong nas dga' ba'i thugs dpag tu med pa rnam par </font><hr>Cha291a<br><font size=+1>


@#/ /'phel ba'i spro ba dang / mos pa chen pos lus dang sems mngon par brlan pa dang / 'du shes kyi rnam pa thams cad rnam par bsal pa'i yid dang / sgrib pa thams cad rnam par zlog pa'i sems dang / rmongs pa thams cad dang rnam par bral ba dang / 'khrul pa med pa'i phyogs la rab tu gzhol ba dang / thams cad la thogs pa med pa'i dran pas rnam par dmigs pa'i rna ba dang ldan pa dang / yid la bya ba'i rnam par 'khrug pa thams cad dang bral ba dang / rnam par thar pa sgrib pa med pa'i tshul gyi rjes su 'brang ba'i blo dang / dmigs pa thams cad la sgrib pa med par mig rab tu 'gro bar gyur nas phyogs kyi rgyud thams cad la mngon du bltas pa'i lus kyis phyag bya bar mngon par sgrub pa'i stobs thams cad du khyab pa dang ldan pa'i lus thams cad kyis phab ste phyag byas so/ /de ltar tshong dpon gyi bu nor bzang gis phyag byas ma thag tu byang chub sems dpa' byams pa'i byin gyi rlabs kyi mthus khang pa brtsegs pa de dag thams cad kyi nang du bdag nyid phyin par shes par gyur to| |khang pa brtsegs pa de dag thams cad du'ang rnam par 'phrul ba bsam gyis mi khyab pa'i yul can rnam pa sna tshogs rnam pa tha dad pa mang po yang mthong bar gyur to/ </font><hr>Cha291b<br><font size=+1>


khang pa brtsegs pa la lar ni/ byang chub sems dpa' byams pas thog ma rigs ni/ gang du skyes te/ ming ci zhes bya bar gyur pa zhig gis dge ba'i rtsa ba gang dang / yongs su bskul ba gang dang / dge ba'i bshes gnyen gang gis yang dag par bskul ba dang / tshe'i tshad ni/ ji tsam zhig tu/ bskal pa'i ming ni/ ci zhes bya bar/ de bzhin gshegs pa ni/ gang la/ rgyan ni/ ji lta bu zhig dang ldan pa'i zhing du/ 'khor ni/ ji lta bu zhig tu/ smon lam gyi khyad par ni/ ji lta bu zhig mngon par bsgrubs te bla na med pa yang dag par rdzogs pa'i byang chub tu smon lam gyi sems bskyed pa de dag thams cad kyang mthong bar gyur to/ /shes par gyur to/ /khong du chud par gyur to/ /de'i tshe sems can de dag dang / de bzhin gshegs pa de'i sku tshe'i tshad dang / tshe'i tshad ji srid gcig tu gyur pa de tsam gyi dus su de bzhin gshegs pa de'i zhabs kyi drung na bdag nyid 'dug par yang shes par gyur te/ bya ba de dag thams cad kyang mthong bar gyur to/ /khang pa brtsegs pa la lar ni/ byang chub sems dpa' byams pas thog ma gang du byams pa'i ting nge 'dzin thob par gyur pa dang / dus gang nas bzung ste de'i ming byams pa zhes bya bar gyur pa de dag mthong bar gyur to/ /la lar ni/ gang du spyod pa spyad pa </font><hr>Cha292a<br><font size=+1>


@#/ /dang / la lar ni/ gang du pha rol tu phyin pa yongs su rdzogs par byas pa dang / la lar ni/ gang du bzod pa la zhugs pa dang / la lar ni/ gang du sa non pa dang / la lar ni/ gang du sangs rgyas kyi zhing gi rgyan yongs su bzung ba dang / la lar ni/ gang du de bzhin gshegs pa'i bstan pa yongs su bzung ba dang / la lar ni/ gang du mi skye ba'i chos la bzod pa thob par gyur pa dang / la lar ni/ gang du bla na med pa yang dag par rdzogs pa'i byang chub tu lung bstan pa dang / rnam pa ni/ ji lta bu zhig tu lung bstan pa dang / lung ni/ sus bstan pa dang / yun ni/ ji srid gcig gis lung bstan pa de dag thams cad kyang mthong bar gyur to/ /khang pa brtsegs pa la lar ni/ byang chub sems dpa' byams pa 'khor los bsgyur ba'i rgyal por gyur te sems can rnams dge ba bcu'i las kyi lam la rab tu 'god pa mthong bar gyur to/ /la lar ni/ 'jig rten gyi mgon por gyur te/ 'jig rten gyi phan pa dang / bde ba thams cad kyis sems can rnams la nye bar sdud pa dang / la lar ni| brgya byin du gyur te/ 'dod par yon tan gyi dga' ba las sems can rnams rnam par zlog pa dang / la lar ni/ tshangs par gyur te bsam gtan dang / </font><hr>Cha292b<br><font size=+1>


tshad med pa'i dga' ba sems can rnams la yongs su rjod pa dang / la lar ni/ lha'i dbang po rab mtsho mar gyur te tshad med pa'i yon tan sems can rnams la yongs su rjod pa dang / la lar ni/ lha'i dbang po rab dga' ldan du gyur te/ byang chub sems dpa' tshe gcig gis thogs pa'i yon tan rjod pa dang / la lar ni/ lha'i rgyal po rab 'phrul dga' bar gyur te/ lha'i 'khor du byang chub sems dpa' thams cad kyi sprul pa'i rgyan yongs su ston pa dang / la lar ni/ lha'i rgyal po dbang sgyur du gyur te/ lha rnams la chos thams cad la dbang sgyur ba yang dag par ston pa dang / la lar ni/ bdud du gyur te lha rnams la phun sum tshogs pa thams cad mi rtag par ston pa dang / la lar ni/ lha ma yin gyi dbang po'i gnas su skyes te lha ma yin gyi 'khor na nga rgyal dang / dregs pa dang / rlom pa thams cad rab tu spang ba dang / ye shes kyi rgya mtsho chen por 'jug par bya ba dang / chos kyi ye shes kyi rgyu thob par bya ba'i phyir chos ston pa mthong ngo / /khang pa brtsegs pa la lar ni/ gshin rje'i 'jig rten mthong bar gyur te/ de na byang chub sems dpa' byams pa 'od kyis sems can dmyal ba thams cad snang bar byed cing / sems can dmyal bar skyes pa'i sems can rnams kyi </font><hr>Cha293a<br><font size=+1>


@#/ /sems can dmyal ba'i sdug bsngal thams cad rab tu zhi bar byed pa mthong ngo / /khang pa brtsegs pa la lar ni/ yi dwags kyi gnas mthong bar gyur te| de na byang chub sems dpa' byams pa sems can yi dwags kyi gnas su skyes pa rnams la kha zas dang / btung ba mang po nye bar sgrub cing bkres pa dang / skom pa rab tu zhi bar byed pa mthong ngo / /khang pa brtsegs pa la lar ni/ byol song gi skye gnas na skye ba'i skye mched rnam pa tha dad pa sna tshogs kyis byol song gi skye gnas su gtogs pa'i sems can mang po 'dul ba mthong ngo / /khang pa brtsegs pa la lar ni/ rgyal po chen po'i khams su gtogs pa'i lha'i 'khor na 'jig rten gyi mgon po rnams la chos ston pa mthong ngo / /la lar ni/ lha'i dbang po brgya byin gyi 'khor na/ la lar ni/ lha'i rgyal po rab mtshe ma'i 'khor na/ la lar ni/ lha'i rgyal po rab dga' ldan gyi 'khor na/ la lar ni/ lha'i rgyal po rab 'phrul dga'i 'khor na/ la lar ni/ lha'i rgyal po dbang sgyur gyi 'khor na/ la lar ni/ bdud kyi 'khor na/ khang pa brtsegs pa la lar ni/ tshangs pa'i dbang po'i 'khor na byang chub sems dpa' byams pa chos ston pa mthong ngo / /la lar ni/ klu dang lto 'phye chen po'i 'khor </font><hr>Cha293b<br><font size=+1>


na| la lar ni/ gnod sbyin dang srin po'i 'khor na/ la lar ni/ dri za dang mi 'am ci'i 'khor na/ la lar ni/ lha ma yin dang gsod 'phrog gi dbang po'i 'khor na/ la lar ni/ nam mkha' lding gi dbang po chen po'i 'khor na/ la lar ni/ mi'i 'khor na/ khang pa brtsegs pa la lar ni/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i 'khor na byang chub sems dpa' byams pa chos ston pa mthong ngo // la lar ni/ nyan thos kyi 'khor na/ la lar ni/ rang sangs rgyas kyi 'khor na/ la lar ni/ byang chub sems dpa'i 'khor na/ khang pa brtsegs pa la lar ni/ byang chub sems dpa' sems thog ma bskyed pa las dang po pa rnams la byang chub sems dpa' byams pa chos ston pa mthong ngo / /la lar ni/ spyod pa la zhugs pa rnams la/ la lar ni/ bzod pa thob cing phyir mi ldog pa rnams la/ la lar ni/ tshe gcig gis thogs shing dbang bskur pa rnams la/ khang pa brtsegs pa la lar ni/ byang chub sems dpa' sa dang po la gnas pa rnams la sa'i khyad par yongs su brjod pa mthong ngo / /la lar ni/ sa bcu la gnas pa'i bar gyi byang chub sems dpa' rnams </font><hr>Cha294a<br><font size=+1>


@#/ /dang lhan cig tu byang chub sems dpa' byams pa sa thams cad kyi khyad par yang dag par bgro ba byed pa mthong ngo / /la lar ni/ pha rol tu phyin pa thams cad yongs su rdzogs par bya ba dang / la lar ni/ bslab pa thams cad la mngon du 'jug par bya ba kun tu mtha' yas pa dang / la lar ni/ ting nge 'dzin gyi sgo la 'jug pa rgya chen po dang / la lar ni/ rnam par thar pa'i tshul zab mo dang / la lar ni/ bsam gtan dang / ting nge 'dzin dang / snyoms par 'jug pa dang / mngon par shes pa zhi ba'i yul gyis rgyas par dgang ba dang / la lar ni/ byang chub sems dpa'i spyod pa dang / 'dul ba dang / thabs kyi sgo la 'jug pa dang / la lar ni/ smon lam mngon par sgrub pa rgya che ba dang / khang pa brtsegs pa la lar ni/ byang chub sems dpa' byams pa skal pa mthun par spyod pa'i byang chub sems dpa' rnams dang 'grogs shing 'jig rten la phan par bya ba'i don du bzo'i gnas sna tshogs dang / gtsug lag gi khyad par sems can thams cad la phan pa dang / bde bar 'gyur ba dang / 'byor pa rnams yang dag par bgro ba mthong ngo / /la lar ni/ byang chub sems dpa' tshe gcig gis thogs pa rnams dang 'grogs shing / </font><hr>Cha294b<br><font size=+1>


sangs rgyas thams cad kyi ye shes la dbang bskur ba'i sgo yang dag par bgro ba mthong ngo / /khang pa brtsegs ba la lar ni/ byang chub sems dpa' byams pa 'chag pa byed cing lo brgya stong du mar mi gtong ba la brtson pa mthong ngo / /la lar ni/ lung 'bog pa dang / kha ton bya ba la brtson par/ la lar ni/ chos kyi sgo rab tu brtag pa la brtson par| la lar ni/ dam pa'i chos bgro ba la brtson pa/ la lar ni/ dam pa'i chos bri ba la brtson par/ la lar ni/ byams pa la mnyam par bzhag par/ la lar ni/ bsam gtan dang tshad med pa thams cad la mnyam par bzhag par/ la lar ni/ rgyas pa'i skye mched dang / rnam par thar pa thams cad la mnyam par bzhag pa dang / khang pa brtsegs pa la lar ni/ byang chub sems dpa' byams pa byang chub sems dpa'i mngon par shes pa sgrub pa'i thabs kyi ting nge 'dzin la mnyam par bzhag pa mthong ngo / / khang pa brtsegs pa la lar ni/ byang chub sems dpa'i ting nge 'dzin sprul pa yod pa la mnyam par bzhag pa'i byang chub sems dpa' mang po mthong ste/ de dag gi lus thams cad dang / ba spu'i sgo thams cad nas sprul pa thams cad kyi sprin mang po 'byung ba mthong ngo / /la lar ni/ lus dang ba spu'i sgo thams cad nas ni/ lha'i ris kyi sprin </font><hr>Cha295a<br><font size=+1>


@#/ /mang po 'byung ba mthong ngo / /la la'i lus dang ba spu'i sgo thams cad nas ni/ klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten gyi mgon po dang / 'khor los bsgyur ba'i sprin mang po 'byung ba dang / la la'i lus dang ba spu'i sgo thams cad nas ni/ khams kyi rgyal po'i sprin mang po 'byung ba dang / la la'i lus dang ba spu'i sgo thams cad nas ni/ rgyal bu gzhon nu'i sprin mang po 'byung ba dang / la la'i lus dang ba spu'i sgo thams cad nas ni/ tshong dpon dang / blon po dang / khyim bdag gi sprin mang po dang / la la'i lus dang ba spu'i sgo thams cad nas ni/ nyan thos dang / rang sangs rgyas dang / byang chub sems dpa'i sprin mang po dang / la la'i lus dang ba spu'i sgo thams cad nas ni/ de bzhin gshegs pa'i sku'i sprin mang po dang / la la'i lus dang ba spu'i sgo thams cad nas ni/ sems can thams cad du sprul pa'i sprin tshad med pa 'byung ba mthong ngo / /la la'i lus dang ba spu'i sgo thams cad nas ni/ chos kyi sgo rnam pa sna tshogs 'byung ba thos par gyur te/ 'di ltar byang chub sems dpa'i yon tan bsngags pa'i sgo dang / </font><hr>Cha295b<br><font size=+1>


sbyin pa'i pha rol tu phyin pa'i sgo dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / smon lam dang / stobs dang / ye shes kyi pha rol tu phyin pa'i sgo dang / bsdu ba'i dngos po dang / bsam gtan dang / tshad med pa dang / ting nge 'dzin dang / snyoms par 'jug pa dang / mngon par shes pa dang / rig pa dang / gzungs dang / spobs pa dang / bden pa dang / tha dad pa yang dag par shes pa dang / zhi gnas dang / lhag mthong dang / rnam par thar pa'i sgo dang / rten cing 'brel par 'byung ba dang / rten pa dang / chos kyi mdo dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / nyan thos kyi theg pa'i gtam dang / rang sangs rgyas kyi theg pa'i gtam dang / theg pa chen po'i gtam dang / sa dang / bzod pa dang / spyod pa dang / smon lam gyi sgo dang / de bzhin du chos thams cad kyi sgor 'jug pa'i sgra mang po 'byung ba thos so/ /khang pa brtsegs pa la lar ni/ de bzhin gshegs pa'i 'khor gyi dkyil 'khor du kun nas 'dus par mthong ste/ de bzhin gshegs pa de dag gi rnam pa tha dad pa rnam </font><hr>Cha296a<br><font size=+1>


@#/ /pa sna tshogs skye ba dang / rigs rnam pa tha dad pa dang / sku rnam par phye ba tshad med pa rnam pa tha dad pa dang / sku tshe rnam pa tha dad pa dang / zhing rnam pa tha dad pa dang / bskal pa rnam pa tha dad pa dang / chos bstan pa rnam pa tha dad pa dang / 'byung ba'i sgo rnam pa tha dad pa dang / dam pa'i chos gnas pa rnam pa tha dad pa nas 'khor gyi dkyil 'khor rnam pa thams cad du rnam pa tha dad pa dag kyang ma lus par mthong bar gyur to/ /khang pa brtsegs pa chen po rnam par snang mdzad kyi rgyan gyis brgyan pa'i snying po de'i dbus su khang pa brtsegs pa gcig cig gzhan pas che la yangs shing khang pa brtsegs pa gzhan thams cad kyi rgyan ma lus pa thams cad pas kyang ches lhag par 'phags pa'i rgyan gyis yang dag par brgyan pa zhig 'dug par mthong ste/ khang pa brtsegs pa de'i nang na stong gsum gyi stong chen po'i 'jig rten gyi khams 'dug pa mthong ngo / /stong gsum gyi stong chen po'i 'jig rten gyi khams de na yang gling bzhi pa bye ba phrag brgya dang / 'dzam bu'i gling bye ba phrag brgya dang / dga' ldan gyi gnas bye ba phrag brgya 'khod par mthong ngo / /'dzam bu'i gling de dag thams cad na'ang byang chub sems dpa' </font><hr>Cha296b<br><font size=+1>


byams pa pad+mo'i nang nas skye ba dang / brgya byin dang / tshangs pas yongs su blangs pa dang / gom pa bdun du 'gro ba dang / phyogs bcur rnam par bltas pa dang / seng+ge'i nga ro chen po sgrog pa dang / gzhon nu'i sa thams cad yongs su ston pa dang / btsun mo'i 'khor gyi nang na gnas pa dang / bza' shing gi ra bar 'gro ba dang / thams cad mkhyen pa nyid la mngon du phyogs te mngon par byung nas rab tu 'byung ba dang / dka' ba'i spyod pa yongs su ston pa dang / zas za ba dang / snying po byang chub tu 'gro ba dang| bdud rgol du 'jug pa dang / byang chub tu rnam par 'tshang rgya ba dang / byang chub kyi shing la mig mi 'gebs pas lta ba dang / changs pa chen pos gsol ba gdab pa dang / mngon par rdzogs par sangs rgyas te chos kyi 'khor lo bskor ba'i yul sna tshogs yongs su bstan pa rnam pa tha dad pa dang / tshul dang ming rnam pa sna tshogs bstan pa rnam pa tha dad pa dang / tshe'i tshad sna tshogs rnam pa tha dad pa dang / 'khor gyi dkyil 'khor gyi rgyan sna tshogs rnam pa tha dad pa dang / sangs rgyas kyi zhing rnam par dag pa'i tshul bstan pa rnam pa sna tshogs rnam pa tha dad pa dang / spyod pa dang / smon lam brjod pa sna tshogs rnam pa tha dad pa dang / chos bstan cing rnam </font><hr>Cha297a<br><font size=+1>


@#/ /par dgod pa dang / sems can yongs su smin par bya ba'i thabs sna tshogs rnam pa tha dad pa dang / ring bsrel bgo ba dang / bstan pa gnas pa'i byin gyi rlabs yongs su bstan pa sna tshogs rnam pa tha dad pas chos kyi 'khor lo bskor zhing / lha'i gnas su 'gro ba mthong ste/ de dag thams cad na yang tshong dpon gyi bu nor bzang nyid rkang pa'i drung na 'dug par rang gis shes par gyur to/ /de 'khor gyi dkyil 'khor thams cad dang / bya ba thams cad yongs su bstan pa dang / tshe'i tshad rnam pa tha dad pa thams cad la dran pa ma nyams pa'i byin gyi rlabs kyis 'du shes kyi rnam pa thams cad khong du chud pa'i ye shes kyi sa la gnas pas khang pa brtsegs pa de dag gi dril dang / dril bu g.yer kha'i dra ba dang / rol mo dang / glu la sogs pa'i dmigs pa ji snyed cig yod pa de dag thams cad las chos kyi sprin gyi 'brug sgra bsam gyis mi khyab pa 'byung ba thos par gyur te/ la la las ni/ byang chub kyi sems rnam pa tha dad pa dang / la la las ni/ pha rol tu phyin pa'i spyod pa dang / smon lam rnam pa tha dad pa dang / la la las ni/ sa tshad med pa rnam pa tha dad pa dang / la la las ni/ mngon par shes pa bsam gyis mi khyab pa'i rnam par </font><hr>Cha297b<br><font size=+1>


'phrul pa rnam pa tha dad pa dang / la la las ni/ de bzhin gshegs pa'i mchod pa sna tshogs rnam pa tha dad pa dang / la la las ni/ sangs rgyas kyi zhing gi rgyan rnam pa tha dad pa dang / la la las ni/ de bzhin gshegs pa'i chos kyi sprin tshad med pa rnam pa tha dad pa dang / de bzhin du chos thams cad kyi sgra gong du ji skad du brjod pa thams cad thos par gyur to/ /la la las ni/ thams cad mkhyen pa nyid du 'jug pa'i sgra thos te/ 'jig rten gyi khams che ge mo zhig ces bya bar byang chub sems dpa' ming dang che ge mo zhig gis chos kyi sgo ni/ che ge mo zhig ces bya ba thos/ dge ba'i bshes gnyen ni/ che ge mo zhig gis yang dag par bskul/ de bzhin gshegs pa ni/ che ge mo zhig gi zhabs kyi drung du/ bskal pa'i ming ni/ 'di zhes bya bar/ sangs rgyas kyi zhing ni/ 'di lta bu zhig tu/ 'khor gyi dkyil 'khor ni/ 'di lta bu zhig na 'dug 'dug ste/ dge ba'i rtsa ba ni/ 'di lta bu zhig bskyed nas de bzhin gshegs pa'i yon tan ni/ 'di lta bu dag cig thos te/ lhag pa'i bsam pa ni/ 'di lta bu dang / smon lam gyi rnam pa ni| 'di 'dra ba zhig gis byang chub tu sems bskyed nas des bskal pa ni/ 'di snyed cig tu byang chub sems dpa'i spyod pa spyad de/ bskal pa 'di snyed cig gis bla na </font><hr>Cha298a<br><font size=+1>


@#/ /med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /mtshan ni/ 'di zhes bya/ sku tshe'i tshad ni/ 'di tsam zhig ste| sangs rgyas kyi zhing gi yon tan dang / rgyan phun sum tshogs pa 'di 'dra ba dang / smon lam gyi khyad par 'di lta bu zhig dang / sems can rnam par gdul pa 'di 'dra ba zhig dang / nyan thos dang rang sangs rgyas kyi 'khor kun nas 'dus pa 'di 'dra ba zhig go /de yongs su mya ngan las 'das nas kyang bskal pa 'di snyed cig tu dam pa'i chos gnas par 'gyur ro/ /sems can gyi don ni/ 'di tsam zhig tu 'gyur ro/ /zhes bya ba'i sgra thos so/ /la la las ni/ 'jig rten gyi khams che ge mo zhig na byang chub sems dpa' ming dang / che ge mo zhig sbyin pa'i pha rol tu phyin pa la spyod na/ gtang bar dka' ba 'di lta bu'i yongs su gtong ba brgya ni/ byed do| |byang chub sems dpa' che ge mo zhig ni/ tshul khrims srung ngo / /bzod pa sgom mo/ /brtson 'grus rtsom mo/ /bsam gtan la snyoms par 'jug go /shes rab kyis rnam par dbye ba la brtson no/ /byang chub sems dpa' che ge mo zhig ni/ dam pa'i chos yongs su btsal ba'i don du rgyal po'i srid yongs su gtong </font><hr>Cha298b<br><font size=+1>


bar byed do/ /rin po che yongs su gtong ba dang / bu yongs su gtong ba dang / chung ma yongs su gtong ba dang / rkang lag dang / mig dang / mgo yongs su gtong bar byed do| |mer mchong bar byed do/ /byang chub sems dpa' ming dang / che ge mo zhig gis ni/ de bzhin gshegs pa'i bstan pa bzung ste chos smra ba byed do/ /chos kyi sbyin pa gtong ngo / /chos kyi mchod sbyin byed do/ /chos kyi rgyal mtshan sgreng ngo / /chos kyi rnga rdung ngo / /chos kyi dung 'bud do/ /chos kyi char 'bebs so/ /de bzhin gshegs pa'i bstan pa 'dzin to/ /de bzhin gshegs pa'i mchod rten brgyan pa byed do/ /de bzhin gshegs pa'i sku gzugs brgyan pa byed do/ /sems can la bde ba'i yo byad kyis sdud do/ /dam pa'i chos kyi mdzod srung ngo / /zhes bya ba'i sgra thos so/ /la la las ni/ 'jig rten gyi khams che ge mo zhig ces bya ba na de bzhin gshegs pa mtshan che ge mo zhig dbang bskur ba ming dang che ge mo zhig gis 'khor 'di lta bu zhig na sangs rgyas kyi zhing 'di lta bu zhig dang / bskal pa 'di lta bu zhig la sku tshe'i tshad 'di tsam zhig dang / chos bstan pa 'di lta bu dang / sems can 'dul ba 'di 'dra ba dang / 'di lta bu'i smon lam gyis mngon par 'tshang rgya bas da ltar bzhugs </font><hr>Cha299a<br><font size=+1>


@#/ /shing 'tsho skyong ngo / /zhes bya ba dang / de bzhin du dril dang / dril bu dang / g.yer kha'i dra ba dang / rol mo la sogs pa'i dmigs pa thams cad las chos kyi sgo rnam pa tha dad pa tshad med pa'i sgra thos par gyur te/ sgra de dag thams cad thos pas/ tshong dpon gyi bu nor bzang dga' ba'i shugs rgya chen pos mngon par brlan pa'i sems kyis chos kyi sgo de dag thos nas la lar ni/ gzungs kyi sgo mang po thob par gyur to/ /la lar ni/ spobs pa'i sgo mang po thob par gyur to/ /la lar ni/ bzod pa'i sgo mang po thob par gyur to/ /la lar ni/ spyod pa'i sgo mang po thob par gyur to/ /la lar ni/ smon lam gyi sgo mang po thob par gyur to/ /la lar ni/ pha rol tu phyin pa'i sgo mang po thob par gyur to/ /la lar ni/ mngon par shes pa'i sgo mang po thob par gyur to/ /la lar ni/ rig pa dang ye shes snang ba'i sgo mang po thob par gyur to/ /la lar ni/ rnam par thar pa'i sgo mang po thob par gyur to/ /la lar ni/ ting nge 'dzin gyi sgor 'jug pa mang po thob par gyur to/ /shin tu rgyas pa chen po'i mdo/ sangs rgyas phal po che zhes bya ba las/ sdong pos brgyan pa'i le'u ste/ !\?\ bam po brgya bcu bzhi pa/ me long </font><hr>Cha299b<br><font size=+1>


gi dkyil 'khor de dag las kyang gzugs brnyan gyi rgyan rnam par dmigs pa tshad med pa mthong bar gyur te/ la lar ni/ de bzhin gshegs pa'i 'khor gyi dkyil 'khor gyi gzugs brnyan rnam par dmigs pa mthong ngo / /la lar ni/ byang chub sems dpa'i 'khor gyi dkyil 'khor gyi gzugs brnyan rnam par dmigs pa dang / la lar ni/ nyan thos kyi 'khor gyi dkyil 'khor gyi gzugs brnyan rnam par dmigs pa dang / la lar ni/ rang sangs rgyas kyi 'khor gyi dkyil 'khor gyi gzugs brnyan rnam par dmigs pa dang / la lar ni/ de bzhin gshegs pa'i 'khor gyi dkyil 'khor gyi gzugs brnyan rnam par dmigs pa dang / la lar ni| kun nas nyon mongs pa'i zhing gi gzugs brnyan rnam par dmigs pa dang / la lar ni/ rnam par dag pa'i zhing gi gzugs brnyan rnam par dmigs pa dang / la lar ni/ kun nas nyon mongs shing rnam par dag pa'i zhing gi gzugs brnyan rnam par dmigs pa dang / la lar ni/ rnam par dag cing kun nas nyon mongs pa'i zhing gi gzugs brnyan rnam par dmigs pa dang / la lar ni/ sangs rgyas dang bcas pa'i 'jig rten gyi khams kyi gzugs brnyan rnam par dmigs pa dang / la </font><hr>Cha300a<br><font size=+1>


@#/ /lar ni/ sangs rgyas mi bzhugs pa'i 'jig rten gyi khams kyi gzugs brnyan rnam par dmigs pa dang / la lar ni/ chung ba'i 'jig rten gyi khams kyi gzugs brnyan rnam par dmigs pa dang / la lar ni/ che ba'i 'jig rten gyi khams kyi gzugs brnyan rnam par dmigs pa dang / la lar ni/ phra ba'i 'jig rten gyi khams kyi gzugs brnyan rnam par dmigs pa dang / la lar ni/ rgya che ba'i 'jig rten gyi khams kyi gzugs brnyan rnam par dmigs pa dang / la lar ni/ mig 'phrul gyis 'jug pa'i 'jig rten gyi khams kyi gzugs brnyan gyi rnam par dmigs pa dang / la lar ni/ snrel zhi'i 'jig rten gyi khams kyi gzugs brnyan rnam par dmigs pa dang / la lar ni/ spyi'u tshugs kyi 'jig rten gyi khams kyi gzugs brnyan rnam par dmigs pa dang / la lar ni| sa'i gzhi mnyam par 'dug pa'i 'jig rten gyi khams kyi gzugs brnyan rnam par dmigs pa dang / la lar ni/ sems can dmyal ba dang / byol song dang / yi dwags kyi gnas kyi 'jig rten gyi khams kyi gzugs brnyan rnam par dmigs pa dang / la lar ni/ lha dang mis gang ba'i 'jig rten gyi khams </font><hr>Cha300b<br><font size=+1>


kyi gzugs brnyan rnam par dmigs pa mthong bar gyur to/ /'chags de dag dang / gnas de dag dang / stan de dag la byang chub sems dpa' grangs med pa dgos pa sna tshogs la brtson pa dag kyang mthong bar gyur te/ la lar ni/ 'chag pa dang / la lar ni/ bsam gtan byed pa dang / la lar ni/ lta ba dang / la lar ni/ sems can rnams la snying rje chen pos rgyas par 'gengs pa dang / la lar ni/ gtsug lag gi tshul sna tshogs 'jig rten gyi don du 'gyur ba sgrub pa dang / la lar ni/ lung nod pa dang / la lar ni/ kha ton byed pa dang / la lar ni/ yi ge 'bri ba dang / la lar ni/ dri ba yongs su 'dri ba dang / la lar ni/ phung po gsum pa'i bshags pa dang / yongs su bsngo ba la brtson pa dang / la lar ni/ smon lam mngon par sgrub par byed par mthong ngo / /ka ba de dag las kyang rin po che'i rgyal po thams cad kyi 'od kyi dra ba mang po 'byung ba mthong ste/ la la las ni/ kha dog sngon po dang / la la las ni/ kha dog ser po dang / la la las ni/ kha dog dmar po dang / la la las ni/ kha dog dkar po dang / la la las ni/ shel gyi kha dog dang / la la las ni/ gser gyi kha dog dang / la la las ni/ in+d+ra nI la'i kha dog dang / la la las ni/ </font><hr>Cha301a<br><font size=+1>


@#/ /'ja'i kha dog dang / la la las ni/ 'dzam bu chu klung gi gser gyi kha dog dang / la la las ni/ 'od thams cad du sna tshogs pa'i kha dog lus dang sems kyi bde ba skyed pa/ blta na mchog tu mdzes pa mthong bar gyur to/ /'dzam bu chu klung gi gser gyi chu shing gi ka ba de dag dang / rin po che thams cad kyi gzugs de dag kyang lag nas me tog gi sprin mngon par sbyong bar mthong ste/ lag nas phreng ba'i lda ldi dang / lag nas gos dang / lag nas gdugs dang / rgyal mtshan dang / ba dan dang / lag nas spos dang / gdug spos dang / byug pa dang / lag nas nor bu rin po che'i dra ba dang / lag nas rin po che sna tshogs dang / gser gyi lcags pod sna tshogs dang / lag nas mu tig sna tshogs kyi se mo do dang / lag nas rin po che sna tshogs kyi se mo do mngon par sbyong ba dang / lag nas rgyan thams cad thogs par mthong ngo / /la lar ni/ gtsug gi rin po che dang / cod pan gyis 'dud cing mig mi 'gebs par lta ba dang / thal mo sbyor zhing phyag 'tshal bar mthong ngo / /mu tig gi phreng ba de dag las kyang spos sna tshogs kyis dri zhim por byas pa'i chu yan lag brgyad dang ldan pa'i char gyi rgyun phra mo </font><hr>Cha301b<br><font size=+1>


'bab par mthong ngo / /rin po che bai DUR+Ya'i phreng ba'i dra ba de dag las kyang mar \?\ me'i phreng ba rab tu 'bar ba mang po mthong bar gyur to/ /rin po che'i gdugs de dag kyang rgyan dang / lhab lhub thams cad kyis mdzes par brgyan te/ rin po che'i dril dang / dril bu g.yer kha'i dra ba dang / dar gyi lda ldi dang / chun po dang / rin po che'i shar bu dang / nor bu rin po che sna tshogs kyi sgo ngas yongs su brgyan pa'i snying po dang ldan par mthong ngo / /rdzing de dag nas kyang rin po che'i me tog pad+mo dang / ut+pa la dang / ku mu da dang / puN+Da ri ka grangs med pa mngon par thon par mthong ste/ la la ni/ mtho gang 'khor ba tsam/ la la ni/ 'dom gang 'khor ba tsam/ la la ni/ shing rta'i 'khor lo tsam ste| de dag la yang gzugs sna tshogs kyi rgyan mang po 'khod par mthong ste/ 'di ltar bud med kyi gzugs dang / skyes pa'i gzugs dang / khye'u'i gzugs dang / bu mo'i gzugs dang / brgya byin gyi gzugs dang / tshangs pa'i gzugs dang / 'jig rten gyi mgon po'i gzugs dang / lha dang / klu dang / gnod sbyin dang / dri ba dang / lha ma yin dang / nam mkha' lding dang / mi 'am ci dang / lto 'phye chen po'i gzugs dang / nyan thos dang / rang sangs rgyas dang / byang chub sems dpa'i </font><hr>Cha302a<br><font size=+1>


@#/ /gzugs dang / 'gro ba thams cad kyi gzugs kyi dbyibs su 'dug pa'i lus kha dog sna tshogs rnam pa du ma dang ldan pa mang po thal mo sbyar te lus 'dud cing phyag 'tshal bar 'khod pa mthong ngo / /de bzhin gshegs pa'i sku gzugs mi chen po'i mtshan sum cu rtsa gnyis kyis brgyan pa skyil mo krung du bcas te bzhugs pa dag kyang mthong ngo / /sa chen po'i gzhi bai DUR+Ya las grub pa mig mang ris su 'dug pa'i mig mang ris re re nas kyang gzugs brnyan rnam par dmigs pa bsam gyis mi khyab pa mang po mthong bar gyur te/ khang pa brtsegs pa la la las ni/ zhing gi gzugs brnyan rnam par dmigs pa/ la la las ni/ byang chub sems dpa'i gzugs brnyan rnam par dmigs pa/ la la las ni/ sangs rgyas kyi gzugs brnyan rnam par dmigs par mthong bar gyur te/ khang pa brtsegs pa de dag gi rgyan dang / lhab lhub ji snyed pa de dag thams cad kyang mig mang ris re re la gzugs brnyan du snang bar mthong ngo / /rin po che'i shing rin po che'i me tog dang 'bras bu'i mdzod sna tshogs dang ldan pa de dag thams cad las kyang lus phyed tsam byung ba'i gzugs dbyibs sna tshogs dang / kha dog sna tshogs </font><hr>Cha302b<br><font size=+1>


su 'dug pa mang po thon par mthong ste/ la la las ni/ sangs rgyas kyi sku phyed tsam byung ba dang / la la las ni/ byang chub sems dpa'i lus phyed tsam byung ba dang / la la las ni/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i lus phyed tsam byung ba dang / la la las ni/ brgya byin dang / tshangs pa dang / 'jig rten gyi mgon po'i lus phyed tsam byung ba dang / la la las ni/ 'khor los bsgyur ba dang / mi'i dbang po'i lus phyed tsam byung ba dang / la la las ni/ rgyal bu gzhon nu dang / tshong dpon dang / khyim bdag dang / blon po dang / skyes pa dang / bud med dang / khye'u dang / bu mo dang / dge slong dang / dge slong ma dang / dge bsnyen dang / dge bsnyen ma'i lus phyed tsam byung ba mthong ste/ la la'i lag nas ni/ me tog gi phreng ba sbyong ba dang / la la'i lag nas ni/ rin po che'i phreng ba mngon par sbyong ba dang / la la'i lag nas ni/ rgyan thams cad mngon par thogs pa dang / la la ni/ lus 'dud cing thal mo sbyar te mig mi 'gebs par lta zhing phyag 'tshal ba dang / la la ni/ mngon par bstod pa dang / la la ni/ mnyam par bzhag pa dang / la la ni/ gser gyi kha </font><hr>Cha303a<br><font size=+1>


@#/ /dog tu 'dug pa dang / la la ni/ dngul gyi kha dog tu 'dug pa dang / la la ni/ byi ru'i kha dog tu 'dug pa dang / la la ni/ rin po che bai DUR+Ya sngon po'i kha dog tu 'dug pa dang / la la ni/ rin po che in+d+ra nI la'i kha dog tu 'dug pa dang / la la ni/ nor bu rin po che rnam par snang ba'i kha dog tu 'dug pa dang / la la ni/ rin po che thams cad kyi kha dog tu 'dug pa dang / la la ni/ me tog tsam pa ka'i kha dog tu 'dug pa dang / la la ni/ 'od kyi lus dang / la la ni/ mtshan gyis rnam par bris pa'i lus su mthong bar gyur to/ /zla gam de dag las kyang nyi zla dang / gza' skar gyi gzugs brnyan grangs med pa mang po thon te phyogs bcur snang bar byed pa mthong bar gyur to/ /khang pa dang / gzhal med khang dang / khang pa brtsegs pa'i rtsig ngos de dag thams cad kyang rin po che thams cad kyis mig mang ris sna tshogs su bris par mthong ste/ rin po che'i mig mang ris de dag thams cad las kyang byang chub sems dpa' byams pas byang chub sems dpa'i spyod pa rim pas ji ltar spyad pa'i byang chub sems dpa'i spyod pa thams cad rim par mthong bar gyur to/ /mig mang ris la la las ni/ byang chub </font><hr>Cha303b<br><font size=+1>


sems dpa' byams pas mgo byin pa mthong ngo / /la la las ni/ mig byin pa dang / la la las ni/ lag pa byin pa dang / la la las ni/ gtsug gi rin po che byin pa dang / la la las ni/ thor pag dang bcas pa'i gtsug gi rin po che byin pa dang / la la las ni/ so byin pa dang / la la las ni/ lce byin pa dang / la la las ni/ rna ba byin pa dang / la la las ni/ sna byin pa dang / la la las ni/ snying byin pa dang / la la las ni/ sha dang rkang byin pa dang / la la las ni/ khrag byin pa dang / la la las ni/ pags pa dang phri byin pa dang / la la las ni/ sen mo sha dang bcas par byin pa dang / la la las ni/ dra bar 'brel pa dang bcas pa'i sor mo byin pa dang / la la las ni/ bu dang / bu mo dang / chung ma byin pa dang / la la las ni/ rin po che'i phung po byin pa dang / la la las ni/ grong dang / grong khyer dang / ljongs dang / yul dang / khams dang / rgyal po'i gnas byin pa dang / la la las ni/ 'dzam bu'i gling byin pa dang / la la las ni/ gling bzhi byin pa dang / la la las ni/ rgyal srid kyi dbang phyug byin pa dang / la la las ni/ rgyal po'i khri byin pa dang / la la las ni/ bran pho mo byin pa dang / la la </font><hr>Cha304a<br><font size=+1>


@#/ /las ni| btsun mo'i 'khor byin pa dang / la la las ni/ bza' shing gi ra ba dang / dka' thub kyi nags tshal byin pa dang / la la las ni/ gdugs dang / rgyal mtshan dang / ba dan byin pa dang / la la las ni/ me tog dang / phreng ba dang / byug pa byin pa dang / la la las ni/ nad kyi rtsi byin pa dang / la la las ni/ kha zas dang / skom gyi rnam pa mang po byin pa dang / la la las ni/ yo byad thams cad byin pa dang / la la las ni/ gnas thams cad byin pa dang / la la las ni/ gzhal ba'i snod rin po ches bkang ba byin pa dang / la la las ni/ rin po che'i shing rta byin pa dang / la la las ni/ btson ra na 'khod pa thar par byed pa dang / la la las ni/ gsad par chad pa las thar par byed pa dang / la la las ni/ byis pa gso ba byed pa dang / la la las ni| lam stor ba la lam ston pa dang / la la las ni/ mnyan par gyur te chu klung gi rgyud la gru 'dor ba dang / la la las ni/ rta'i rgyal po stobs kyis sgrol bar gyur te/ rgya mtsho chen po'i srin po'i gling du phyin par gyur pa'i sems can yongs su skyob pa dang / la la las ni/ drang srong chen por gyur te </font><hr>Cha304b<br><font size=+1>


bstan pa mngon par sgrub pa dang / la la las ni/ 'khor los bsgyur bar gyur te/ sems can dge ba bcu'i las kyi lam la 'god pa dang / la la las ni/ sman par gyur te na ba'i gsos byed pa dang / la la las ni/ pha ma la phu dud byed pa dang / la la las ni/ dge ba'i bshes gnyen la rim gro byed pa dang / la la las ni/ nyan thos kyi kha dog dang / gzugs kyis sems can 'dul ba la brtson pa dang / la la las ni/ rang sangs rgyas kyi kha dog dang / gzugs kyis sems can 'dul ba la brtson pa dang / la la las ni/ byang chub sems dpa'i kha dog dang / gzugs kyis sems can 'dul ba la brtson pa dang / la la las ni/ sangs rgyas kyi sku mdog dang| sku gzugs kyis sems can 'dul ba la brtson pa dang / la la las ni/ skyes pa'i rabs kyi khyad par thams cad kyis skye ba yongs su bstan te sems can yongs su smin par byed pa dang / la la las ni/ chos smra ba'i gzugs kyis de bzhin gshegs pa'i bstan pa la zhugs te lung 'bog pa dang / kha ton bya ba dang / tshul bzhin du dpyad par bya ba la brtson pa dang / de bzhin gshegs pa'i mchod rten la rgyan gyis brgyan par byed pa dang / de bzhin gshegs pa'i sku gzugs byed du 'jug pa dang / </font><hr>Cha305a<br><font size=+1>


@#/ /sangs rgyas mchod pa la sems can yongs su bskul ba dang / spos dang byug pa gsol zhing 'bru mar dri zhim pos byug pa dang / dril bu dang me tog gi phreng ba gsol pa la sogs pa dang / sangs rgyas kyi mchod pa rnam pa thams cad la brtson pa dang / dge ba bcu'i las kyi lam la sems can rab tu 'god pa dang / bslab pa'i gnas lnga dang / gso sbyong gi yan lag brgyad dang / sangs rgyas dang / chos dang / dge 'dun la skyabs btsal ba dang / rab tu 'byung ba dang / chos mnyan pa dang / lung mnod pa dang / kha ton bya ba dang / tshul bzhin yid la bya ba la sems can 'god par byed pa dang / chos kyi gtam bya ba'i phyir seng+ge'i stan la 'dug cing sangs rgyas kyi byang chub rnam par 'grel ba dang / de ltar byang chub sems dpa' byams pas bskal pa bye ba khrag khrig brgya stong grangs med par pha rol tu phyin pa drug la spyad pa de dag thams cad tshong dpon gyi bu nor bzang gis mig mang ris de dag las rnam pa gzhan dang gzhan mthong bar gyur to/ /des khang pa brtsegs pa la la las ni/ byang chub sems dpa' byams pas dge ba'i bshes gnyen ji snyed cig bsnyen bkur ba de dag thams cad kyi rnam par 'phrul pa'i rgyan thams cad kyang mthong bar </font><hr>Cha305b<br><font size=+1>


gyur te/ dge ba'i bshes gnyen de dag thams cad kyi drung du bdag nyid phyin cing / tshur shog nor bzang legs par 'ongs sam/ mi ngal lam/ 'di re byang chub sems dpa'i rgyan dang / yul rnam par sprul pa bsam gyis mi khyab pa 'di dag la ltos shig /ces bsgo zhing gtam byed par shes par gyur te/ de ltar tshong dpon gyi bu nor bzang gis khang pa brtsegs pa de dag re re dang / dmigs pa de dag re re las kyang bsam gyis mi khyab pa'i rgyan dang / yul rnam par sprul pa 'di dag dang / gzhan dag kyang grangs med pa mang po mthong bar gyur te/ dran pa'i mthu nyams pa med pa dang / mig yongs su dag pa phyogs kun rnam par lta ba dang / lhag mthong la lta ba'i ye shes sgrib pa med pa dang / byang chub sems dpa'i ye shes dang / byin gyi rlabs kyi dbang rab tu thob pas byang chub sems dpa'i 'du shes kyi rnam pa la zhugs pa'i ye shes kyi sa la gnas te mtha' yas pa'i rgyan dang / yul rnam par sprul pa de dag thams cad mthong bar gyur to/ /'di lta ste/ dper na/ skyes bu gnyid kyis log pa'i rmi lam du gzugs kyi dmigs pa'i khyad par sna tshogs mang po zhig mthong bar gyur te/ 'di ltar khyim dang gzhal med khang mdangs dga' ba'am/ grong dang / grong khyer dang / ljongs dang / yul mdangs </font><hr>Cha306a<br><font size=+1>


@#/ /dga' ba'am/ bza' shing gi ra ba dang / kun dga'i ra ba dang / dka' thub kyi nags tshal mdangs dga' ba'am/ shing dang / chu klung dang / rdzing dang / ri mdangs dga' ba'am/ gos dang / kha zas dang / btung ba'i longs spyod nyams su bde ba'am/ glu dang / sil snyan dang / rol mo'i sgra snyan pa sna tshogs kyis rtse ba nyams su dga' ba zhig mthong ngam/ pha ma dang / gnyen bshes dang / bdag nyid 'grogs par shes par gyur pa'am/ rgya mtsho chen po dang / ri'i rgyal po ri rab dang / lha'i gnas thams cad dam/ 'dzam bu'i gling dag na bdag dpag tshad brgya phrag du mar gnas par shes par gyur la/ khyim mam/ gnas de'ang shin tu yangs shing yon tan dang / rgyan thams cad kyis yongs su brgyan par mthong ste/ nyin par zhig yin par shes kyang nam de yang ring ba dang / thung bar bye brag mi 'byed la/ rmi lam yin pa tsam du'ang mi shes so/ /bdag nyid kyang bde ba'i yo byad thams cad dang ldan zhing / lus kyi 'du byed zo bdog bde la snyom pa dang / gnyid med de mi dga' ba thams cad yongs su bsal bas dga' ba dang / bde ba rgya chen po nyams su myong ste/ yun kyang ring mo zhig lon pa snyam nas nyin gcig gam/ nyin bdun nam/ zla ba </font><hr>Cha306b<br><font size=+1>


phyed dam/ zla ba gcig gam/ lo gcig gam/ lo brgya'am/ de bas kyang ring ba zhig lon pa tsam du shes par gyur nas sad na/ de thams cad kyang rjes su dran no/ /de bzhin du tshong dpon gyi bu nor bzang gis kyang byang chub sems dpa'i byin gyi rlabs dang / khams gsum pa thams cad rmi lam lta bur yang dag par gzhol ba'i ye shes kyis chung ba'i 'du shes 'gags pa'i sems dang ldan par gyur te/ byang chub sems dpa'i 'du shes kyi rnam pa yangs shing rgya che ba dang / sgrib pa med pa la gnas shing / byang chub sems dpa'i rgyan gyi yul khong du chud la byang chub sems dpa'i tshul la 'jug pa bsam gyis mi khyab pa'i rjes su 'brangs pa'i blo dang ldan pas/ rgyan rnam par sprul pa de dag thams cad kyang mthong bar gyur to/ /shes par gyur to/ /nyams su myong bar gyur to/ /rnam par dpyad par gyur to/ /mtshan mar byas par gyur to/ /dmigs kyis rtogs par gyur to/ /bdag nyid kyang de dag na 'dug par shes par gyur to/ /'di lta ste/ dper na/ mi nad pa sems kyi rgyud tha ma byung bar gyur te/ de ma thag tu skye ba'i sems nye bar gags nas las kyi srid pa mngon du gyur na/ las ji lta bur byas shing bsags pa'i rnam par smin pas las mi dge ba'i rkyen gyis ni/ sems can dmyal ba dang / byol </font><hr>Cha307a<br><font size=+1>


@#/ /song gi skye gnas dang / yi dwags kyi yul lam/ gshin rje'i mi lag cha gnyems pa thogs pa gshe zhing khro ba dag kyang mthong bar gyur/ sems can dmyal ba pa'i dud mo dang / 'o dod kyi sgra yang thos par gyur la ba tshwa'i chu de dag mthong ste/ spu gri'i so gshibs pa'i ri de dag dang / lcags kyi shal ma li'i sdong po de dag dang / ral gri'i so'i nags tshal de dag kyang mthong bar gyur tam/ sems can dmyal ba de dag kyang kun nas 'bar zhing yongs su 'bar ba dang / rab tu 'bar ba dang / lcags kyi bum pa gcig tu 'bar ba dag kyang mthong bar gyur la/ gnod pa de dag thams cad kyis kyang gnod par bya zhing / tshor ba de dag kyang nyams su myong ba tsam du shes par gyur te/ sems can dmyal ba de dag kyang me'i gdung bas sdug bsngal ba zhig tu mthong ngam/ bdag gis myong bar gyur tam/ las dge ba'i tshogs kyis lha'i khang pa dang / gnas shig mthong bar gyur tam/ lha'i 'khor dang / lha mo'i tshogs dang / rgyan rnam par phye ba thams cad kyang mthong bar gyur te/ bza' shing gi ra ba dang / dka' thub kyi nags tshal dang / chu klung dang / rdzing dang / rin po che'i ri dang / yid bzhin gyi shing dang / longs spyod mang po </font><hr>Cha307b<br><font size=+1>


mthong ngam nyams su myong bar gyur te/ tshe'i yun kyang de dang mnyam par shes par gyur na/ de ni/ 'di nas kyang 'phos pa med/ der yang skyes pa med de/ mi snang bar ma gyur bzhin du/ las kyi yul bsam gyis mi khyab pas bya ba'i rnam pa de lta bu dag shes shing mthong la nyams su myong bar rung ngo / /de bzhin du tshong dpon gyi bu nor bzang gis byang chub sems dpa'i las kyi yul bsam gyis mi khyab pa'i phyir rgyan rnam par sprul pa de dag thams cad kyang mthong bar gyur to/ /'di lta ste/ dper na/ skyes bu 'byung po'i gdon gyis non pa ni/ gzugs kyi rnam pa sna tshogs mang po mthong ste/ ci dris pa de dag gi lung yang ston to/ /de bzhin du tshong dpon gyi bu nor bzang gis byang chub sems dpa'i ye shes dang / byin gyi rlabs kyi mthus rgyan de dag thams cad mthong bar gyur to/ /'di lta ste/ dper na/ klu'i khang par byin pa'i skyes bus ni/ klu'i 'du shes kyi rnam pa la zhugs pas/ nyi ma gcig gam/ nyi ma bdun nam/ zla ba phyed dam/ zla ba gcig gam/ lo gcig gam/ lo brgyar yang 'du shes kyi rnam pas shes te/ klu'i 'du shes kyi rnam pa dang bral nas mi'i 'du shes kyi rnam par na yud tsam las ma lon par mthong ngo / /de bzhin du tshong dpon gyi bu nor bzang byang chub sems dpa'i 'du shes </font><hr>Cha308a<br><font size=+1>


@#/ /kyi rnam pas ma btang ba'i blo dang ldan pas kyang byang chub sems dpa' byams pa'i byin gyi rlabs kyis yud tsam gcig po de yang bskal pa bye ba khrag khrig brgya stong mang por shes par gyur to/ /'di lta ste/ dper na/ tshangs pa chen po'i gzhal med khang 'gro ba thams cad na rgyan gyi dam pa phul zhes bya ba yod de| de'i nang du stong gsum gyi stong chen po'i 'jig rten gyi khams thams cad kyang gzugs brnyan gyi tshul du dmigs pa thams cad dang ma 'dres par gsal bar snang ngo / /de bzhin du tshong dpon gyi bu nor bzang gis kyang rgyan de dag thams cad dmigs pa thams cad du phan tshun ma 'dres pa dang / phan tshun ma 'dzings par gzugs rab tu byung ba mthong ngo / /'di lta ste/ dper na/ rgyal ba'i skye mched kyi snyoms par 'jug pa la rnam par spyod pa'i dge slong ni/ gcig pu gnyis su med pa'i khang bu'am/ 'chag sa'am/ 'dug pa'i gnas na 'dug gam/ bskyed gang rung ste/ 'jig rten thams cad rgyas pa'i skye mched gang la snyoms par zhugs pa'i yul bzhin du bsam gtan pa'i yul bsam gyis mi khyab par mthong zhing nyams su myong ngo / /de bzhin du tshong dpon gyi bu nor bzang gis kyang yul gang la </font><hr>Cha308b<br><font size=+1>


zhugs pa'i tshul bzhin du/ rgyan de dag thams cad mthong zhing shes te nyams su myong bar gyur to/ /'di lta ste/ dper na/ dri za'i grong khyer rnams kyi rgyan dang / lhab lhub thams cad nam mkha'i dbyings la byung ba ni/ yongs su snang yang ci la yang sgrib par mi 'gyur ro/ /'di lta ste/ dper na/ gnod sbyin gyi gzhal med khang mi'i khang pa na 'dug pa'am/ mi'i khang pa gnod sbyin gyi khang pa'i khongs na 'dug pa ni/ phan tshun tha mi dad de/ las kyi yul rnam pa ji ltar dag pa'i tshul bzhin du snang ngo / /'di lta ste/ dper na/ rgya mtsho chen po la stong gsum gyi stong chen po'i 'jig rten gyi khams thams cad kyang rgya'i gzugs brnyan ltar snang ngo / /'di lta ste/ dper na/ sgyu ma'i mkhan po ni| sngags dang / rig sngags dang / rtsi'i mthu dang / byin gyi rlabs kyis gzugs kyi rnam pa thams cad dang / bya ba thams cad kyang yongs su ston to/ /de bzhin du tshong dpon gyi bu nor bzang gis kyang byang chub sems dpa' byams pa'i byin gyi rlabs ye shes sgyu ma bsam gyis mi khyab pa la zhugs pas byang chub sems dpa'i dbang dang / byin gyi rlabs kyi ye shes chos thams cad shes pa'i sgyu ma'i stobs kyis mngon par bsgrubs pa'i mthus rgyan gyi yul rnam par sprul pa de dag mthong bar </font><hr>Cha309a<br><font size=+1>


@#/ /gyur to/ /de nas byang chub sems dpa' byams pas khang pa brtsegs pa de'i nang du song ste byin gyi rlabs de dag brtul nas tshong dpon gyi bu nor bzang la se gol gyi sgra byas te 'di skad ces smras so/ /rigs kyi bu/ 'di ni/ chos rnams kyi chos nyid yin gyi/ longs/ rigs kyi bu/ chos thams cad ni/ rnam par bsgrubs na/ nye bar 'grub pa'i mtshan nyid de/ byang chub sems dpa'i ye shes kyi byin gyis brlabs pa'i rang bzhin de lta bu ste/ yongs su ma grub pa'o/ /sgyu ma dang / rmi lam dang / gzugs brnyan lta bu'o/ /de nas tshong dpon gyi bu nor bzang se gol gyi sgra des ting nge 'dzin de las langs par gyur pa dang / de la byang chub sems dpa' byams pas smras pa/ rigs kyi bu/ khyod kyis byang chub sems dpa'i byin gyi rlabs rnam par 'phrul ba mthong mod/ khyod kyis byang chub sems dpa'i tshogs kyi mthu dang / rgyu mthun pa mthong mod/ khyod kyis byang chub sems dpa'i smon lam gyi ye shes kyis rnam par bsgrubs pa mthong mod/ khyod kyis byang chub sems dpa'i gnas mdangs dga' ba mthong mod/ khyod kyis byang chub sems dpa'i spyod pa yongs su bsdu ba mthong mod/ khyod kyis byang chub sems dpa'i 'byung ba'i sgra </font><hr>Cha309b<br><font size=+1>


thos mod/ khyod kyis sangs rgyas kyi zhing gi yon tan dang / rgyan tshad med pa mthong mod/ khyod kyis de bzhin gshegs pa'i smon lam rnam pa tha dad pa'i khyad par mthong mod| khyod kyis byang chub sems dpa'i rnam par thar pa bsam gyis mi khyab pa'i rjes su 'brang ba byas mod/ khyod kyis byang chub sems dpa'i ting nge 'dzin gyi dga' ba dang bde ba myong mod/ nor bzang gis smras pa/ 'phags pa/ dge ba'i bshes gnyen gyi byin gyi rlabs dang / dge ba'i bshes gnyen gyis dgongs pa dang / dge ba'i bshes gnyen gyi mthus mthong ngo / /'phags pa/ rnam par thar pa 'di'i ming ci zhes bgyi/ smras pa/ rigs kyi bu/ rnam par thar pa 'di ni/ dus gsum gyi dmigs pa thams cad la shes pa rab tu zhugs pa'i dran pa nyams pa med pas brgyan pa'i snying po zhes bya ba ste/ rigs kyi bu/ rnam par thar pa 'di lta bu brjod du med pa'i yang brjod du med pa dag ni| tshe gcig gis thogs pa'i byang chub sems dpas thob bo/ /nor bzang gis smras pa/ 'phags pa/ rgyan de dag gang du mchis/ smras pa/ gang nas 'ongs pa der don \?\ nor bzang gis smras pa/ gang nas mchis/ smras pa/ byang chub sems dpa'i ye shes kyi byin gyi rlabs mngon par bsgrubs pa las 'ongs so/ /de ni/ byin gyi rlabs de </font><hr>Cha310a<br><font size=+1>


@#/ /nyid la gnas shing gang du yang song ba med la 'phos pa med do/ /phung por gyur pa med do/ /tshogs su gyur pa med do/ /brtsegs par gnas pa med do/ / dngos por gnas pa med do/ /yul na gnas pa ma yin no/ /phyogs na gnas pa ma yin no/ /rigs kyi bu/ 'di lta ste/ dper na/ klu rnams kyi sprin gyi dra ba ni lus la yang mi gnas/ sems la yang mi gnas/ nang na yang mi gnas mod kyi/ klu'i sems kyi dbang dang / klu'i dbang bsam gyis mi khyab pas char gyi rgyun tshad med pa bkye ba ni med pa ma yin te snang ngo / /rigs kyi bu/ de bzhin du rgyan de dag kyang nang na gnas pa yang ma yin/ phyi rol na gnas pa yang ma yin te/ byang chub sems dpa'i byin gyi rlabs kyi dbang dang / khyod kyi snod bzang ba'i phyir mi snang ba'ang ma yin no/ /rigs kyi bu/ 'di lta ste/ dper na/ sgyu ma'i mkhan pos ni yul thams cad yongs su bstan kyang gang nas kyang 'ongs pa med/ bshig kyang gang du yang 'gro ba med de/ 'pho ba med mod kyi sngags dang rtsi'i mthus yongs su mi snang ba ma yin no/ /rigs kyi bu/ de bzhin du rgyan de dag kyang gang du yang song ba med/ gang nas kyang 'ong ba med la/ gang du yang phung por gyur ba med mod kyi/ byang chub sems dpa'i ye shes sgyu </font><hr>Cha310b<br><font size=+1>


ma bsam gyis mi khyab pa la shin tu bslab pa dang / sngon gyi smon lam gyi byin gyi rlabs dang / ye shes kyi dbang gis yongs su mi snang ba ma yin no/ /nor bzang gis smras pa/ 'phags pa/ shul ji srid cig nas gshegs/ smras pa/ rigs kyi bu/ byang chub sems dpa' rnams 'gro ba ni 'ong ba med par 'gro'o/ /g.yo ba dang gnas pa med par 'gro'o| |gnas dang rten med par 'gro'o/ /shi 'pho dang skye ba med par 'gro'o/ /gnas pa dang 'pho ba med par 'gro'o/ /g.yo ba dang ldang ba med par 'gro'o/ /ltos pa dang gnas med par 'gro'o/ /las dang rnam par smin pa med par 'gro'o/ /mi skye ba dang mi 'gag par 'gro'o/ /rtag pa med pa dang chad pa med par 'gro'o/ /gzhan yang rigs kyi bu| byang chub sems dpa' rnams kyi 'gro ba ni 'dul ba'i sems can la lta bas snying rje chen po'o/ /byang chub sems dpa' rnams kyi 'gro ba ni sdug bsngal ba'i sems can yongs su skyob pas byams pa'o/ /byang chub sems dpa' rnams kyi 'gro ba ni gang du dga' bar skye bas tshul khrims so/ /byang chub sems dpa' rnams kyi 'gro ba ni sngon gyi byin gyis rlabs kyis smon lam mo/ /byang chub sems dpa' rnams kyi 'gro ba ni thams cad de bzhin yongs su ston pas mngon par shes pa'o/ /byang chub sems </font><hr>Cha311a<br><font size=+1>


@#/ /dpa' rnams kyi 'gro ba ni/ de bzhin gshegs pa thams cad kyi zhabs kyi drung nas g.yo ba med pas mngon par 'du bya ba med pa'o/ /byang chub sems dpa' rnams kyi 'gro ba ni/ lus dang sems yongs su mi gtong bas len pa dang 'dor ba med pa'o/ /byang chub sems dpa' rnams kyi 'gro ba ni/ sems can thams cad kyi rjes su 'brang bas shes rab dang thabs so/ /byang chub sems dpa' rnams kyi 'gro ba ni/ mig yor dang / gzugs brnyan dang / sprul pa lta bu yin pas sprul pa yongs su ston pa'o/ /rigs kyi bu/ gzhan yang khyod lam ji srid cig nas 'ongs zhes khyod kyis smras pa ni/ rigs kyi bu/ nga ni/ tshe'i sa yul phreng ba stobs kyi grong rdal khang khyim can zhes bya ba de na tshong dpon sa skyong zhes bya ba zhig yod de/ de sangs rgyas kyi chos la bzhag nas tshe'i sa'i mi rnams la snod kyi tshul bzhin du chos bstan pa byas te/ pha ma dang / bram ze dang / khyim bdag gnyen bshes su 'ong ba rnams theg pa chen po la yang dag par bskul nas 'dir 'ongs so/ /nor bzang gis smras pa/ 'phags pa| byang chub sems dpa' rnams kyi tshe'i sa gang lags/ smras pa/ rigs kyi bu/ bcu po 'di dag ni/ byang chub sems dpa' rnams kyi tshe'i sa ste/ bcu gang zhe na/ </font><hr>Cha311b<br><font size=+1>


'di lta ste/ byang chub kyi sems ni/ byang chub sems dpa'i rigs su skyes pas byang chub sems dpa' rnams kyi tshe'i sa'o/ /lhag pa'i bsam pa ni/ dge ba'i bshes gnyen gyi rigs su skyes pas byang chub sems dpa' rnams kyi tshe'i sa'o/ /sa la gnas pa ni/ pha rol tu phyin pa'i rigs su skyes pas byang chub sems dpa' rnams kyi tshe'i sa'o/ /smon lam mngon par sgrub pa ni/ spyod pa'i rigs su skyes pas byang chub sems dpa' rnams kyi tshe'i sa'o/ /snying rje chen po ni/ bsdu ba'i dngos po thams cad kyi rigs su skyes pas byang chub sems dpa' rnams kyi tshe'i sa'o/ /yang dag pa ji lta ba bzhin du chos rtogs par bya ba ni/ shes rab kyi pha rol tu phyin pa'i rigs su skyes pas byang chub sems dpa' rnams kyi tshe'i sa'o/ /theg pa chen po ni/ thabs mkhas pa'i rigs su skyes pas byang chub sems dpa' rnams kyi tshe'i sa'o/ /sems can yongs su smin par bya ba ni/ mngon par rdzogs par 'tshang rgya ba'i rigs su skyes pas byang chub sems dpa' rnams kyi tshe'i sa'o/ /thabs dang shes rab gnyis ni/ mi skye ba'i chos kyi bzod pa'i rigs su skyes pas byang chub sems dpa' rnams kyi tshe'i sa'o/ /rigs kyi bu/ chos thams cad kyi nan tan ni/ 'das pa dang / ma byon pa dang / </font><hr>Cha312a<br><font size=+1>


@#/ /da ltar byung ba'i de bzhin gshegs pa thams cad kyi rigs su skyes pas byang chub sems dpa' rnams kyi tshe'i sa te/ /rigs kyi bu/ bcu po de dag ni/ byang chub sems dpa' rnams kyi tshe'i sa'o/ /rigs kyi bu/ thabs mkhas pa ni/ byang chub sems dpa' rnams kyi pha'o/ /shes rab kyi pha rol tu phyin pa ni| ma'o/ /sbyin pa'i pha rol tu phyin pa ni/ 'o ma'o/ /tshul khrims kyi pha rol tu phyin pa ni/ ma ma'o/ /bzod pa'i pha rol tu phyin pa ni/ lhab lhub dang rgyan to/ / brtson 'grus kyi pha rol tu phyin pa ni/ skyed pa'o/ /bsam gtan gyi pha rol tu phyin pa ni/ spyod pa rnam par dag par byed pa'o/ /dge ba'i bshes gnyen rnams ni/ bslab pa la spyod du 'jug pa'o/ /byang chub kyi yan lag thams cad ni/ grogs po'o/ /dge ba'i rtsa ba'i chos thams cad ni/ gnyen bshes so/ /byang chub sems dpa' thams cad ni/ phu nu bo'o/ /byang chub kyi sems ni/ rigs so/ /nan tan ni/ rigs kyi chos so/ /sa'i gnas ni/ rigs kyi gnas so/ /bzod pa thob pa ni/ rigs su rigs dang ldan par skyes pa'o/ /smon lam mngon par sgrub pa ni/ rigs kyi gzhung thob pa'o/ /spyod pa rnam par dag pa ni/ rigs kyi chos kyi rjes snyegs pa'o/ /theg </font><hr>Cha312b<br><font size=+1>


pa chen po la yang dag par skul ba ni/ rigs kyi rgyun mi gcod pa'o/ /dbang bskur nas tshe gcig gis thogs pa ni/ chos kyi rgyal po'i sras kyi thu bo'o/ /de bzhin gshegs pa nyid du yang dag par sgrub pa ni/ rigs kyi bu rgyud yongs su dag pa ste/ rigs kyi bu/ de ltar na/ byang chub sems dpa' byis pa tha dad pa'i skye bo'i sa las shin tu 'das pa yin/ byang chub sems dpa'i skyon med par zhugs pa yin/ de bzhin gshegs pa'i rigs su yang dag par byung ba yin no/ /de bzhin gshegs pa'i rgyud la rab tu gnas pa yin/ dkon mchog gsum gyi rigs rgyun mi gcad pa la zhugs pa yin/ byang chub sems dpa'i rigs yongs su bsdu ba la mngon par brtson pa yin| rigs dang rus kyis yongs su dag pa yin/ gnad kyi rgyud kyis smad du med pa yin/ lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang / bram zer bcas pa'i skye rgu'i nang na rigs la smos pa'i skyon thams cad kyi kha na ma tho ba med pa yin te/ sangs rgyas kyi rigs dam par skyes la| smon lam chen po'i lus dang ldan pas rigs kyis btsun pa yin/ rigs kyi bu/ rgyud kyi rigs de lta bu dang ldan pa'i byang chub sems dpa' rnams ni/ chos thams </font><hr>Cha313a<br><font size=+1>


@#/ /cad gzugs brnyan lta bur yongs su shes pas 'jig rten gyi skye gnas thams cad du smad pa med pa yin te/ srid pa'i skye gnas thams cad sprul pa lta bur yongs su shes pas srid pa'i lam gyi rgyud du skye zhing gnas pa thams cad kyis kun nas nyon mongs par mi 'gyur ro/ /chos thams cad bdag med par khong du chud pas sems can thams cad yongs su smin par bya ba dang / gdul bas yongs su mi skyo'o/ /byams pa chen po dang / snying rje chen po'i lus dang ldan pa'i phyir sems can thams cad la phan gdags pas ngal bar mi 'gyur ro/ /'khor ba thams cad rmi lam lta bur yongs su rtogs pas bskal pa thams cad du gnas pas sgyid lug par mi 'gyur ro/ /phung po thams cad sgyu ma lta bur yongs su shes pas skye ba dang / 'chi 'pho dang / 'chi ba yongs su bstan pa thams cad kyis dub par mi 'gyur ro| |khams dang / skye mched chos kyi dbyings kyi rang bzhin tu rab tu rtogs pas yul thams cad kyis rma mi 'byung ngo / /'du shes kyi rnam pa thams cad smig rgyu lta bur shin tu bsgoms pas 'khor ba'i dga' ba thams cad kyis mos par mi 'gyur ro/ /sgyu ma lta bu'i chos thams cad la rnam par rtse bas bdud kyi yul </font><hr>Cha313b<br><font size=+1>


thams cad kyis mi gos so/ /chos kyi lus su byung bas nyon mongs pa thams cad du smos su med do/ /skye ba la dbang rab tu thob pas 'gro ba'i rgyud thams cad rtogs par khong du chud pa yin no/ /rigs kyi bu/ de ltar nga ni/ 'jig rten gyi khams thams cad kyi skye gnas kyi khongs su chud pa'i lus dang / 'gro ba thams cad kyi gzugs dang mnyam pa'i kha dog gi khyad par dang / sems can thams cad dang mnyam pa'i nges pa'i tshig gi bye brag dang / 'gro ba thams cad dang mnyam pa'i ming rnam pa tha dad pa dang / sems can thams cad kyi mos pa dang mnyam pa'i spyod lam dang / 'gro ba rnam par gdul ba thams cad dang mnyam pa'i 'jig rten gyi rjes su 'brang ba dang / sems can rnam par dag par bya ba thams cad dang mnyam pa'i tshe dang / rigs su skye ba yongs su bstan pa dang / byis pa'i spyod pa thams cad dang mnyam pa'i bya ba la 'jug pa'i sgo dang / sems can gyi 'du shes kyi rnam pa thams cad dang / mnyam pa'i yongs su shes par bya ba la 'jug pa dang / byang chub sems dpa'i smon lam gyi sprul pa thams cad dang mnyam pa'i lus yongs su bstan cing brjod pas/ chos kyi dbyings thams cad rgyas par bkang ste/ sngon skal pa mnyam par spyod spyod pa'i sems </font><hr>Cha314a<br><font size=+1>


@#/ /can byang chub kyi sems stor bar gyur pa rnams yongs su smin par bya ba dang / 'dzam bu'i gling du skyes pa'i tshe yongs su bstan pa dang / lho phyogs kyi rgyud 'di'i yul phreng ba stobs kyi grong rdal khang khyim dang ldan pa zhes bya ba 'di'i bram ze'i rigs su skyes pa rnams dang / pha ma dang gnyen bshes su 'ong ba rnams rnam par gdul ba dang / bram ze'i rigs dang rgyud kyi khyad par gyis rigs kyi nga rgyal can du gyur pa 'di dag nga rgyal med par byas te/ de bzhin gshegs pa'i rigs su bskyed pa'i don du 'dir skyes so/ /rigs kyi bu/ de ltar nga lho phyogs kyi rgyud 'di na thabs rnam pa 'di lta bus sems can bsam pa'i tshul ji lta bu dang ldan pa dang / rnam pa ji lta bus 'dul ba rnams yongs su smin par bya ba dang / gdul ba byed cing / khang pa brtsegs pa chen po rnam par snang mdzad kyi rgyan gyis brgyan pa'i snying po 'di na 'dug go /'di nas shi 'phos nas kyang bsam pa'i tshul ji lta ba bzhin du sems can rnams kyi rjes su 'brang bar bya ba dang / dga' ldan gyi ris su gtogs pa'i lha'i bu skal pa mnyam par spyod spyod pa rnams yongs su smin par bya ba dang / 'dod pa'i khams nas yongs su 'das pa thams cad la'ang byang chub sems dpa'i bsod </font><hr>Cha314b<br><font size=+1>


nams dang / ye shes dang / sprul pa'i rgyan yongs su bstan pa dang / 'dod pa'i dga' ba'i sred pa las rnam par bzlog pa dang / 'du byed thams cad mi rtag pa nyid du bstan pa dang / lhar skyes pa thams cad kyang mthar rgud par 'gyur ba yongs su bstan pa dang / ye shes chen po'i chos kyi sgo 'chi 'pho'i rnam pa zhes bya ba tshe gcig gis thogs pa'i byang chub sems dpa' rnams dang yang dag par bgro bar bya ba dang / lhan cig yongs su smin par gyur pa rnams der skye bar yongs su bsdu bar bya ba dang / de bzhin gshegs pa shAkya thub pas bkye ba'i pad+mo rnams kyang kha dbye ba'i phyir dga' ldan gyi gnas su skye ba yongs su ston te/ dus la bab la bsam pa yongs su rdzogs nas ni/ thams cad mkhyen pa nyid kyang thob par byed kyi/ ngas byang chub mthong nas kyang rigs kyi bu khyod dang / 'jam dpal gzhon nur gyur par bcas pas da dung yang mthong bar 'gyur ro/ /song rigs kyi bu/ da dung yang 'jam dpal gzhon nur gyur pa'i gan du song la/ ji ltar byang chub sems dpas byang chub sems dpa'i spyod pa la bslab par bya ba dang / ji ltar kun tu bzang po'i spyod pa'i dkyil 'khor la 'jug par bya ba dang / ji ltar mngon par bsgrub pa dang / ji ltar smon par bya ba dang / ji ltar rgyas par bya </font><hr>Cha315a<br><font size=+1>


@#/ /ba dang / ji ltar rjes su 'brang bar bya ba dang / ji ltar yongs su sbyang bar bya ba dang / ji ltar khong du chud par bya ba dang / ji ltar yongs su rdzogs par bya ba dris shig dang / dge ba'i bshes gnyen des khyod la ston par 'gyur ro/ /de ci'i phyir zhe na/ 'jam dpal gzhon nur gyur pas spyod pa mngon par sgrub pa de lta bu'i smon lam gyi khyad par ni/ byang chub sems dpa' bye ba khrag khrig brgya phrag stong la yang med do/ /'jam dpal gzhon nur gyur pa'i smon lam mngon par sgrub pa ni/ tshad med do/ /'jam dpal gzhon nur gyur pa'i byang chub sems dpa'i yon tan gyi khyad par thams cad mngon par sgrub pa ni/ tshad med do/ /'jam dpal gzhon nur gyur pa ni/ sangs rgyas bye ba khrag khrig brgya phrag stong gi yum lta bu'o/ /'jam dpal gzhon nur gyur pa ni/ byang chub sems dpa' bye ba khrag khrig brgya phrag stong la gdams ngag ston pa'o/ /'jam dpal gzhon nur gyur pa ni/ sems can gyi khams thams cad yongs su smin par bya ba dang / gdul ba la rab tu brtson pa'o/ /'jam dpal gzhon nur gyur pa ni/ phyogs bcu'i 'jig rten gyi khams su ming gi 'khor los rnam par rgyas par gyur pa'o/ /'jam dpal gzhon nur </font><hr>Cha315b<br><font size=+1>


gyur pa ni/ de bzhin gshegs pa'i 'khor gyi dkyil 'khor thams cad du gtam gyi skyes bur gyur pa'o/ /'jam dpal gzhon nur gyur pa ni/ de bzhin gshegs pa thams cad kyis bsngags shing bstod pa'o/ /'jam dpal gzhon nur gyur pa ni/ chos thams cad yang dag pa ji lta ba bzhin du mthong ba ste/ chos zab mo'i ye shes la rnam par spyod pa'o/ /'jam dpal gzhon nur gyur pa ni/ rnam par thar pa thams cad kyi tshul thams cad la ring du song ba'i spyod yul dang ldan pa ste/ byang chub sems dpa'i spyod pa kun tu bzang po la zhugs pa'o/ /rigs kyi bu/ dge ba'i bshes gnyen de ni/ khyod de bzhin gshegs pa'i rigs su skyed pa'o/ /dge ba'i rtsa ba thams cad yongs su 'phel bar byed pa'o/ /byang chub sems dpa'i tshogs mang po rab tu sgrub pa'o/ /yang dag pa'i dge ba'i bshes gnyen ston pa'o/ /yon tan thams cad la yang dag par skul ba'o/ / smon lam chen po'i dra ba thams cad du 'jug pa'o/ /smon lam mngon par sgrub pa thams cad la rab tu gzhog pa'o/ /byang chub sems dpa' thams cad kyi gsang ba thos par byed pa'o/ /byang chub sems dpa'i bsam gyis mi khyab pa thams cad yang dag par ston pa'o/ /sngon gyi tshe'i gnas su skal pa mthun par spyod pa'o/ /rigs kyi bu/ de </font><hr>Cha316a<br><font size=+1>


@#/ /bas na| khyod da ltar yang 'jam dpal gyi rkang pa'i drung na 'dug gi /yon tan gyi gdams ngag thams cad thob par bya ba dang / yongs su skyo ba ma skyed cig /yongs su sgyid lug par ma byed cig /de ci'i phyir zhe na/ nor bzang / khyod kyis dge ba'i bshes gnyen ji snyed cig mthong ba dang / spyod pa'i sgo ji snyed cig thos pa dang / rnam par thar pa'i tshul ji snyed cig la zhugs pa dang / smon lam gyi khyad par ji snyed cig khong du chud pa de dag thams cad kyang 'jam dpal gzhon nur gyur pa'i mthu dang / byin gyi rlabs su blta ste/ 'jam dpal gzhon nur gyur pa ni/ thams cad la'ang pha rol tu phyin pa'i mchog thob pa'o/ /de nas tshong dpon gyi bu nor bzang gis byang chub sems dpa' sems dpa' chen po byams pa'i rkang pa gnyis la spyi bos phyag 'tshal te lan brgya stong du mar g.yas phyogs su bskor ba byas nas yang dang yang bltas te byang chub sems dpa' byams pa'i drung nas song ngo / /de nas tshong dpon gyi bu nor bzang grong khyer brgya rtsa bcu kun tu rgyus te phyogs kyi gnas yid bde ba mngon du gyur pa zhes bya ba zhig na 'jam dpal gzhon nur gyur pa la sems shing rnam par lta bas 'jam dpal gzhon nur gyur pa mthong bar mos shing smon </font><hr>Cha316b<br><font size=+1>


la phrad par dga' bas sdod cing 'dug 'dug pa dang / de nas 'jam dpal gzhon nur gyur pas dpag tshad brgya rtsa bcu bzhi'i pha rol nas lag pa brkyang ste tshong dpon gyi bu nor bzang grong khyer yid bde ba mngon du gyur pa na 'dug pa'i spyi bor bzhag ste 'di skad ces smras so/ /rigs kyi bu/ legs so/ /legs so/ /dad pa'i dbang po dang mi ldan pa/ sems skyo ba can/ bsam pa zhum pa can/ sbyor ba bor ba/ brtson 'grus ldog pa/ yon tan cung zad kyis dga' bar rtsi ba/ dge ba'i rtsa ba gcig la zhen par gnas pa/ spyod pa dang / smon lam mngon par sgrub pa la mi mkhas pa/ dge ba'i bshes gnyen gyis yongs su ma bzung ba/ sangs rgyas kyis ma dgongs pa rnams kyis ni/ chos nyid 'di lta bu yongs su shes par bya ba dang / tshul 'di lta bu dang / spyod yul 'di lta bu dang / gnas 'di lta bu yongs su shes par bya ba dang / rnam par shes par bya ba'am/ khong du chud par bya ba'am/ 'jug par bya ba'am/ yid ches par bya ba'am/ brtag par bya ba'am/ rtog par bya ba'am/ thob par bya bar mi nus so/ /zhes te/ des de la chos kyi gtam gyis yang dag par bstan pa dang / yang dag par bskul ba dang / gzengs bstod pa dang / dga' bar byas te chos kyi sgo grangs med pa dang ldan par byas nas ye shes </font><hr>Cha317a<br><font size=+1>


@#/ /mtha' yas pa'i snang ba chen po thob par byas te byang chub sems dpa'i gzungs dang / spobs pa dang / ting nge 'dzin dang / mngon par shes pa dang / ye shes mtha' yas pa'i byin gyis byin du brlabs par byas te kun tu bzang po'i spyod pa'i dkyil 'khor la bzhag nas bdag gi yul la'ang rab tu bzhag ste/ tshong dpon gyi bu nor bzang gi drung nas song ngo / /shin tu rgyas pa chen po'i mdo/ sangs rgyas phal po che zhes bya ba las/ sdong pos brgyan pa'i le'u ste/ bzhi bcu rtsa lnga pa'o// ||shin tu rgyas pa chen po'i mdo/ /sangs rgyas phal po che zhes bya ba las/ sdong pos brgyan pa'i le'u ste/ bam po brgya bco lnga pa ste/ tha ma/ de nas tshong dpon gyi bu nor bzang dge ba'i bshes gnyen stong gsum gyi stong chen po'i 'jig rten gyi khams kyi rdul shin tu phra ba snyed bsnyen bkur ba/ thams cad mkhyen pa nyid du tshogs bsags pa'i sems dang ldan pa/ dge ba'i bshes gnyen thams cad kyi gdams ngag dang / rjes su bstan pa la mthun par 'dzin pas zhugs pa/ dge ba'i bshes gnyen thams cad kyi drung du bsam pa mnyam pas 'gro ba/ dge ba'i bshes gnyen thams cad dga' bar bya bas yid mi dbyung ba'i blo dang ldan pa/ dge ba'i bshes </font><hr>Cha317b<br><font size=+1>


gnyen thams cad kyi gdams ngag dang / rjes su bstan pa'i tshul rgya mtsho'i rjes su song ba/ snying rje chen po'i bsam pa rgya mtsho las yang dag par byung ba'i snying po dang ldan pa| byams pa chen po'i tshul gyi sprin gyis 'gro ba thams cad rnam par snang bar byed pa/ dga' ba chen po'i shugs rnam par 'phel ba'i lus dang ldan pa/ byang chub sems dpa'i rnam par thar pa rgya chen po la rab tu zhi bar rnam par spyod pa/ sgo thams cad nas lhag par 'phro ba'i gtong ba'i mig dang ldan pa/ de bzhin gshegs pa thams cad kyi yon tan rgya mtsho'i nan tan rab tu rdzogs pa/ de bzhin gshegs pa thams cad kyi mos pa'i lam du zhugs pa/ thams cad mkhyen pa nyid kyi tshogs la brtson 'grus kyi shugs rnam par 'phel bas byang chub sems dpa' thams cad kyi sems dang / bsam pas shin tu sbyangs pa'i blo dang ldan pa/ dus gsum gyi de bzhin gshegs pa thams cad gcig nas gcig tu brgyud pa la zhugs pa/ sangs rgyas thams cad kyi chos kyi tshul rgya mtsho khong du chud pa/ de bzhin gshegs pa thams cad kyi 'khor lo'i rgya mtsho'i rjes su song ba/ 'jig rten gyi skye gnas thams cad du gzugs brnyan yongs su ston pa'i spyod yul dang ldan pa/ byang chub sems dpa' thams cad kyi </font><hr>Cha318a<br><font size=+1>


@#/ /smon lam gyi tshul rgya mtsho la zhugs pa/ bskal pa thams cad du byang chub sems dpa'i spyod pa la rab tu zhugs pa/ thams cad mkhyen pa nyid kyi yul snang ba rab tu thob pa/ byang chub sems dpa'i dbang po thams cad rnam par 'phel ba/ thams cad mkhyen pa'i lam snang ba rab tu thob pa/ phyogs thams cad du sgrib pa med pa'i snang ba rab tu thob pa/ chos kyi dbyings thams cad kyi tshul la rab tu zhugs pa'i blo dang ldan pa/ zhing gi tshul thams cad la snang ba rab tu grub pa/ sems can 'byams klas pa thams cad kyi don bya ba la rgyud dang mi mthun pa med par rjes su song ba/ sgrib pa'i g.yang sa'i ri thams cad rnam par 'thor ba/ sgrib pa med pa'i chos kyi rjes su song ba/ byang chub sems dpa'i rnam par thar pa sa'i gzhi kun tu gnas pa'i chos kyi dbyings kyi snying po can la rab tu zhi bar rnam par dpyod pa/ de bzhin gshegs pa thams cad kyi spyod yul rjes su tshol ba/ de bzhin gshegs pa thams cad kyis byin gyis brlabs pa de byang chub sems dpa' kun tu bzang po'i spyod yul la rnam par dpyod cing 'dug par gyur te/ byang chub sems dpa' sems dpa' chen po kun tu bzang po'i ming thos pa dang / byang chub sems dpa'i spyod pa thos </font><hr>Cha318b<br><font size=+1>


pa dang / smon lam gyi khyad par thos pa dang / tshogs yongs su sgrub pa la 'jug pa dang / gnas pa'i khyad par thos pa dang / mngon par sgrub pa dang / 'byung ba'i lam gyi khyad par thos pa dang / kun tu bzang po'i sa'i tshul gyi rgyud thos pa dang / sa'i tshogs thos pa dang / sa thob par byed pa'i shugs thos pa dang / sa yongs su gnon pa thos pa dang / sa la gnas pa thos pa dang / sa sngon du 'dor bas gnon pa thos pa dang / sa'i spyod yul thos pa dang / sa'i byin gyi rlabs thos pa dang / sa la yang dag par gnas pa thos nas byang chub sems dpa' kun tu bzang po mthong bar dga' zhing skom ste nam mkha'i dbyings ltar shin tu yangs pa'i sems mngon par zhen pa thams cad las gyen du 'phags pa dang / zhing gi 'du shes shin tu bsgoms pa dang / chags pa thams cad las yang dag par 'das pa'i sems chos thams cad la sgrib pa med pa'i spyod yul can dang / thogs pa med pa'i sems phyogs rgya mtsho thams cad rgyas par 'gengs pa dang / sgrib pa med pa'i sems thams cad mkhyen pa nyid yul yongs su gnon pa dang / shin tu rnam par dag pa'i sems snying po byang chub kyi rgyan lhag mthong gis yongs su dag pa dang / shin tu rnam par phye ba'i sems sangs rgyas thams cad kyi chos rgya mtsho la zhugs </font><hr>Cha319a<br><font size=+1>


@#/ /pa dang / shin tu yangs pa'i sems sems can gyi khams thams cad yongs su smin par bya ba dang / gdul ba rgyas par 'gengs pa dang / shin tu che ba'i sems sangs rgyas kyi zhing thams cad yongs su dag par byed pa dang / tshad med pa'i sems sangs rgyas thams cad kyi 'khor gyi dkyil 'khor du gzugs brnyan rab tu 'byung ba dang / bskal pa thams cad du gnas pas mi zad cing mthar thug pa med pa'i sems/ de bzhin gshegs pa thams cad kyi stobs dang / mi bsnyengs pa dang / sangs rgyas kyi chos kyi ma 'dres pa'i mthar thug pas snying po byang chub rdo rje dam pa'i snying po can de la pad+mo'i stan rin po che thams cad kyi lhun can zhig la de bzhin gshegs pa'i gdan seng+ge'i khri la mngon par bltas te 'dug go /de nas tshong dpon gyi bu nor bzang de lta bu'i bsam pa dang / yid la bya ba la brtson par gnas pa'i sngon gyi dge ba'i rtsa ba'i rlan dang / de bzhin gshegs pa thams cad kyi byin gyi rlabs dang / byang chub sems dpa' kun tu bzang po dang / sngon gyi dge ba'i rtsa ba'i skal pa mthun pas byang chub sems dpa' kun tu bzang po mthong bar 'gyur bar sngon gyi ltas bcu byung ngo / /bcu gang zhe na/ 'di lta ste/ sangs rgyas </font><hr>Cha319b<br><font size=+1>


kyi zhing thams cad de bzhin gshegs pa thams cad kyi snying po byang chub kyi rgyan rnam par dag pas rnam par dag par gyur to/ /sangs rgyas kyi zhing thams cad mi khom pa dang / ngan song dang / ngan 'gro'i lam thams cad rnam par bsal bas rnam par dag par gyur to/ /sangs rgyas kyi zhing thams cad pad+mo'i tshal gyi rgyan ltar sangs rgyas kyi zhing rnam par dag pas rnam par dag par gyur to/ /sangs rgyas kyi zhing thams cad sems can thams cad kyi lus dang / sems dga' zhing sim par byed pas rnam par dag par gyur to/ /sangs rgyas kyi zhing thams cad rin po che thams cad kyi rang bzhin du kun tu gnas pas rnam par dag par gyur to/ /sangs rgyas kyi zhing thams cad sems can gyi khams kun mtshan dang dpe byad bzang pos rab tu brgyan par kun nas gnas pas rnam par dag par gyur to/ /sangs rgyas kyi zhing thams cad rgyan dang lhab lhub kyi sprin gyis kun tu khebs par kun tu gnas pas rnam par dag par gyur to/ /sangs rgyas kyi zhing thams cad sems can gyi khams thams cad phan tshun byams pa'i sems dang / phan pa'i sems dang / gnod sems med pa'i sems dang ldan par kun nas gnas pas rnam par dag par gyur to/ /sangs rgyas kyi zhing thams cad snying po byang chub kyi rgyan gyis </font><hr>Cha320a<br><font size=+1>


@#/ /brgyan par kun nas gnas pas rnam par dag par gyur to/ /sangs rgyas kyi zhing thams cad sems can thams cad sangs rgyas rjes su dran pa yid la bya ba la brtson par kun nas gnas pas rnam par dag par gyur te/ byang chub sems dpa' sems dpa' chen po kun tu bzang po mthong bar 'gyur ba'i sngon gyi ltas bcu po de dag byung bar gyur to/ /gzhan yang byang chub sems dpa' sems dpa' chen po mthong bar 'gyur ba'i sngon gyi ltas snang ba chen po bcu byung bar gyur te/ bcu gang zhe na| 'di lta ste/ 'jig rten gyi khams thams cad kyi rdul shin tu phra ba rnams las shin tu phra ba re re zhing yang de bzhin gshegs pa thams cad kyi 'od zer gyi dra ba mang po rnam par snang bar gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang sangs rgyas thams cad kyi 'od kyi dkyil 'khor mang po thon te/ kha dog gcig pa dang / kha dog sna tshogs dang / kha dog brgya stong du mar chos kyi dbyings thams cad rgyas par 'gengs par gyur to// 'jig rten gyi khams thams cad kyi rdul shin tu phra ba rnams las rdul shin tu phra ba re re las kyang rin po che thams cad kyi sprin de bzhin gshegs pa thams cad kyi </font><hr>Cha320b<br><font size=+1>


gzugs brnyan rnam par dmigs par byed pa mang po thon te chos kyi dbyings thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang de bzhin gshegs pa thams cad kyi 'od 'phro ba'i 'khor lo dang / dkyil 'khor gyi sprin mang po thon te chos kyi dbyings thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang spos dang / me tog dang / phreng ba dang / byug pa dang / bdug pa'i sprin mang po thon te byang chub sems dpa' kun tu bzang po'i yon tan gyi chos rgya mtsho'i sprin thams cad kyi 'brug sgra rab tu sgrog cing / phyogs bcu'i chos kyi dbyings thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang nyi ma dang / zla ba dang / skar ma'i sprin mang po thon te byang chub sems dpa' kun tu bzang po'i 'od rab tu 'gyed cing / chos kyi dbyings thams cad rgyas par 'gengs par gyur to/ / 'jig rten gyi khams thams cad kyi rdul shin tu phra ba rnams las rdul shin tu phra ba re re las kyang lus thams cad kyi dbyibs ltar 'dug pa'i mar me'i sprin mang po thon nas </font><hr>Cha321a<br><font size=+1>


@#/ /sangs rgyas kyi 'od zer ltar rab tu snang bar byed cing / chos kyi dbyings thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang nor bu rin po che'i gzugs de bzhin gshegs pa thams cad kyi skur snang ba'i sprin mang po thon nas phyogs bcu'i 'jig rten gyi khams thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang 'od zer gyi gzugs de bzhin gshegs pa thams cad kyi sku'i dbyibs su snang ba'i sprin mang po thon te sangs rgyas thams cad kyi byin gyi rlabs dang / smon lam gyi sprin gyi char mngon par 'bebs shing / chos kyi dbyings thams cad rgyas par 'gengs par gyur to/ /'jig rten gyi khams thams cad kyi rdul shin tu phra ba rnams las rdul shin tu phra ba re re las kyang byang chub sems dpa'i lus kyi gzugs brnyan gzugs kyi rnam pa thams cad kyi kha dog tu snang ba'i sprin rgya mtsho sems can thams cad gdon pa'i sbyor ba dang ldan pa/ sems can thams cad kyi chos kyi bsam pa yongs su rdzogs par sgrub pa mang po thon te chos kyi dbyings thams cad rgyas par </font><hr>Cha321b<br><font size=+1>


'gengs par gyur to/ /byang chub sems dpa' kun tu bzang po mthong bar 'gyur ba'i sngon gyi ltas snang ba chen po bcu po de dag byung bar gyur to/ /de nas tshong dpon gyi bu nor bzang gis sngon gyi ltas su snang ba bcu po de dag mthong nas byang chub sems dpa' kun tu bzang po mthong bar 'gyur ba'i skabs ni/ bye/ rang gi dge ba'i rtsa bas ni/ brtan/ de bzhin gshegs pa thams cad kyi byin gyis ni/ brlabs/ sangs rgyas thams cad kyi chos kyi snang ba ni/ yang dag par skyes/ byang chub sems dpa' kun tu bzang po'i spyod pa la ni/ mngon du gyur/ byang chub sems dpa' kun tu bzang po ni smon lam gyi byin gyis ni/ byin du brlabs/ de bzhin gshegs pa thams cad kyi spyod yul la ni/ mngon par mos/ byang chub sems dpa'i spyod yul rlabs po che la shin tu nges pa'i stobs dang shugs ni/ rab tu thob/ byang chub sems dpa' kun tu bzang po mthong na/ thams cad mkhyen pa nyid thob pa dang 'dra bar ni/ sems/ byang chub sems dpa' kun tu bzang po mthong bar bya ba la dbang po ni/ mngon du gyur/ byang chub sems dpa' kun tu bzang po mthong bar bya ba la brtson 'grus kyi shugs chen po ni/ thob/ byang chub sems dpa' kun tu bzang po yongs su btsal ba la brtson 'grus phyir mi ldog </font><hr>Cha322a<br><font size=+1>


@#/ /pa'i sbyor ba dang ni/ ldan/ phyogs thams cad du mngon du gyur pa'i dbang po'i 'khor lo dang / kun tu lta bas yul yongs su gnod pa'i byang chub sems dpa'i lus dang / sangs rgyas ma lus pa'i zhabs kyi drung na byang chub sems dpa' kun tu bzang po 'dug pa'i rjes su 'brang ba'i sems de bzhin gshegs pa thams cad dmigs par bya ba la yang dag par btang ba dang / byang chub sems dpa' kun tu bzang po'i dmigs pa yongs su btsal ba dang mi 'bral ba'i bsam pa dang / byang chub sems dpa' kun tu bzang po mthong bar bya ba'i 'du shes kyi rnam pa'i snying po dang ldan pa'i ye shes kyi mig byang chub sems dpa' kun tu bzang po'i lam la zhugs pa dang / nam mkha'i dbyings ltar yangs pa'i bsam pa dang / snying rje chen po'i rdo rje thogs pa'i lhag pa'i bsam pa dang / byang chub sems dpa' kun tu bzang po'i rjes su 'brang bar smon pa| phyi ma'i mtha'i bskal pa'i mur thug par byin gyis brlabs pa dang / yongs su gnon pa'i rtsal rnam par dag pa dang / byang chub sems dpa' kun tu bzang po'i spyod pa mnyam pa nyid kyi rjes su song ba dang / byang chub sems dpa' kun tu bzang po'i sa la gnas pa'i ye shes la rnam par spyod pa/ de bzhin gshegs pa thams cad kyi yul </font><hr>Cha322b<br><font size=+1>


la yang dag par gnas pa dang ni ldan pa des byang chub sems dpa' kun tu bzang po de bzhin gshegs pa thams cad nas mnyam pa nyid rjes su thob pa/ dus gsum mnyam pa nyid kyi rjes su song ba/ bsam gyis mi khyab pa'i yul dang ldan pa/ mi 'phrog pa'i spyod yul can/ mu med pa'i ye shes kyi yul dang ldan pa/ byang chub sems dpa' thams cad kyis rnam par blta ba/ 'jig rten thams cad kyis zil gyis mi non pa/ 'khor gyi dkyil 'khor thams cad kyi rjes su 'brang na mngon par 'phags pa'i lus dang ldan pa de/ bcom ldan 'das de bzhin gshegs pa rnam par snang mdzad kyi spyan snga na byang chub sems dpa'i 'khor gyi dkyil 'khor rgya mtsho na ni/ 'dug /byang chub sems dpa'i tshogs kyis ni/ yongs su bskor/ byang chub sems dpa'i dge 'dun na/ mdun du byas shing / seng+ge'i khri rin po che'i pad+mo chen po'i snying po can zhig la 'dug pa mthong ste/ des de'i ba spu'i bu ga thams cad kyi ba spu'i sgo re re nas kyang 'jig rten gyi khams thams cad kyi rdul shin tu phra ba snyed kyi 'od zer gyi sprin mang po thon nas 'jig rten gyi khams chos kyi dbyings kyis klas pa/ nam mkha'i mthas gtugs pa thams cad rab tu snang bar byas nas sems can rnams kyi sdug bsngal rab tu zhi bar byed pa mthong ngo / /des de'i lus </font><hr>Cha323a<br><font size=+1>


@#/ /pad+mo chen po'i snying po can la 'dug cing rnam par rtse ba 'di nyid yongs su ston par mthong ba de bzhin du phyogs bcu kun gyi sangs rgyas kyi zhing thams cad kyi rdul shin tu phra ba dag la rdul shin tu phra ba re re'i sangs rgyas kyi 'khor gyi dkyil 'khor chos kyi dbyings ltar rgya che ba dag na byang chub sems dpa' kun tu bzang po de bzhin gshegs pa thams cad kyi zhabs kyi drung na seng+ge'i khri rin po che'i pad+mo chen po'i snying po can la 'dug cing rnam par rtse ba 'di nyid yongs su ston pa mthong ngo / /de'i lus re re las kyang dus gsum du byung ba'i dmigs pa thams cad gzugs brnyan gyi tshul du rnam par dmigs par mngon par bstan pa mthong ngo / /zhing thams cad dang / sems can thams cad dang / sangs rgyas byung ba thams cad dang / byang chub sems dpa'i 'khor gyi dkyil 'khor thams cad gzugs brnyan gyi tshul du rnam par dmigs par mngon du bstan pa mthong ngo / /sems can thams cad kyi sgra dang / sangs rgyas thams cad kyi dbyangs dang / de bzhin gshegs pa thams cad kyi chos kyi 'khor lo dang / gdams ngag yongs su bstan pa'i cho 'phrul thams cad dang / byang chub sems dpa'i yang dag par bsdu ba thams cad dang / sangs rgyas thams cad kyi rnam par rol </font><hr>Cha323b<br><font size=+1>


pa dag kyang thos par gyur to/ /des de ltar byang chub sems dpa' kun tu bzang po'i rnam par rtse ba de lta bu dag mthong ste/ thos nas ye shes kyi pha rol tu phyin pa la rnams pa bcu thob par gyur to/ /bcu gang zhe na/ 'di lta ste/ sems kyi skad cig gcig la sangs rgyas kyi zhing thams cad lus kyis rgyas par dgang ba'i ye shes kyi pha rol tu phyin pa la rnam par spyod pa thob par gyur to/ /de bzhin gshegs pa thams cad kyi zhabs kyi drung du 'gro ba la tha mi dad pa'i ye shes kyi pha rol tu phyin pa la rnam par spyod pa thob par gyur to| |de bzhin gshegs pa thams cad mchod cing rim gror bya ba'i ye shes kyi pha rol tu phyin pa la rnam par spyod pa thob par gyur to/ /de bzhin gshegs pa thams cad las de bzhin gshegs pa re re las kyang sangs rgyas kyi chos thams cad yongs su zhus pa rab tu blang pa'i ye shes kyi pha rol tu phyin pa la rnam par spyod pa thob par gyur to| |de bzhin gshegs pa thams cad kyi chos kyi 'khor lo nges par rtogs par bya ba'i ye shes kyi pha rol tu phyin pa la rnam par spyod pa thob par gyur to/ /sangs brgya kyi rnam par 'phrul pa bsam gyis mi khyab pa'i ye shes kyi pha rol tu phyin pa la rnam par spyod pa thob par gyur to/ /tha dad pa yang dag par ye shes zad mi shes </font><hr>Cha324a<br><font size=+1>


@#/ /'khor dag tu rin po che'i char chen po mngon par 'bab par byed pa mthong ngo / /ba spu'i bu ga thams cad las ba spu'i sgo re re nas kyang gzugs kyi khams kyi lha'i ris kyi sprin sangs rgyas kyi zhing thams cad kyi rdul shin tu phra ba snyed mngon par thon nas byang chub sems dpa' la yang dag par bsngags pa byed cing sangs rgyas kyi zhing thams cad rgyas par 'gengs pa mthong ngo / /ba spu'i bu ga thams cad las ba spu'i sgo re re nas kyang tshangs pa'i rgyud du gtogs pa'i lha'i ris thams cad sprul pa'i sprin mang po mngon par thon te mngon par sangs rgyas pa'i de bzhin gshegs pa rnams la chos kyi 'khor lo bskor bar gsol ba 'debs par mthong ngo / /ba spu'i bu ga thams cad kyi ba spu'i sgo re re nas kyang 'dod pa'i khams thams cad du gtogs pa'i lha'i dbang po'i lus kyi sprin mang po mngon par thon te de bzhin gshegs pa thams cad kyi chos kyi 'khor lo mang po yang dag par 'dzin par mthong ngo / /ba spu'i bu ga thams cad kyi ba spu'i sgo re re nas kyang sems kyi skad cig re re la sangs rgyas kyi zhing gi sprin dus gsum du gtogs pa'i sangs rgyas kyi zhing thams cad dang 'dra ba/ sangs rgyas kyi zhing thams cad kyi rdul shin tu phra ba snyed mngon par thon nas chos kyi dbyings nam mkha'i </font><hr>Cha324b<br><font size=+1>


mthas klas pa thams cad rgyas par bkang ste sems can gnas med pa dang / skyabs med pa dang / rten med pa rnams kyi gnas dang / skyabs dang / rten du gyur pa mthong ngo / /ba spu'i bu ga thams cad kyi ba spu'i sgo re re nas kyang sems kyi skad cig re re las sangs rgyas kyi zhing yongs su dag pa sangs rgyas byung ba dang / byang chub sems dpa'i 'khor gyi dkyil 'khor thams cad kyis yongs su gang ba'i sprin sangs rgyas kyi zhing thams cad kyi rdul shin tu phra ba snyed mngon par thon nas chos kyi dbyings nam mkha'i mthas klas pa thams cad rgyas par bkang ste sems can mos pa rlabs po che rnams yongs su dag par sgrub pa mthong ngo / /ba spu'i bu ga thams cad las ba spu'i sgo re re nas kyang sems kyi skad cig re re la sangs rgyas kyi zhing rnam par dag pa la kun nas nyon mongs pa/ sangs rgyas kyi zhing thams cad kyi rdul shin tu phra ba snyed kyi sprin mang po mngon par thon nas chos kyi dbyings nam mkha'i dbyings kyi mthas klas pa thams cad rgyas par bkang ste kun nas nyon mongs pa'i sems can rnams rnam par dag par sgrub pa mthong ngo / /ba spu'i bu ga re re'i ba spu'i sgo thams cad las sems kyi skad cig re re la sangs rgyas kyi zhing kun nas nyon mongs pa rnam par dag pa/ sangs rgyas kyi zhing thams cad kyi rdul shin tu phra ba </font><hr>Cha325a<br><font size=+1>


@#/ /snyed kyi sprin mang po mngon par thon nas chos kyi dbyings nam mkha'i dbyings kyis klas pa thams cad rgyas par bkang ste sems can gcig tu kun nas nyon mongs pa rnams rnam par dag pa sgrub pa mthong ngo / /ba spu'i bu ga thams cad las ba spu'i sgo re re las kyang sems can thams cad kyi lus kyi sprin sangs rgyas kyi zhing thams cad kyi rdul shin tu phra ba snyed mngon par thon te sems can gyi khams nam mkha'i dbyings kyis klas pa thams cad rgyas par bkang nas sems can thams cad kyi spyod pa'i rjes su 'brang bar byed cing / bla na med pa yang dag par rdzogs pa'i byang chub tu sems can thams cad yongs su smin par byed pa mthong ngo / /ba spu'i bu ga thams cad las ba spu'i sgo re re nas kyang sems kyi skad cig re re la byang chub sems dpa'i lus kyi sprin 'jig rten gyi khams thams cad kyi rdul shin tu phra ba snyed mngon par thon nas chos kyi dbyings nam mkha'i dbyings kyis klas pa thams cad rgyas par bkang ste sems can thams cad kyi dge ba'i rtsa ba rnam par 'phel bar bya ba'i phyir sangs rgyas thams cad kyi mtshan mang po rjod par byed par mthong ngo / /ba spu'i bu ga thams cad las ba spu'i sgo re re nas kyang byang chub sems dpa'i lus kyi sprin </font><hr>Cha325b<br><font size=+1>


sangs rgyas kyi zhing thams cad kyi rdul shin tu phra ba snyed mngon par thon te chos kyi dbyings nam mkha'i dbyings kyis klas pa thams cad rgyas par bkang nas sangs rgyas kyi zhing 'byams klas pa thams cad du byang chub sems dpa' thams cad kyi sems dang po bskyed pa nas nye bar bzung ba'i dge ba'i rtsa ba thams cad mngon par sgrub pa nye bar sgrub pa mthong ngo / /ba spu'i bu ga thams cad las ba spu'i sgo re re nas kyang byang chub sems dpa'i sprin sangs rgyas kyi zhing thams cad kyi rdul shin tu phra ba snyed mngon par thon te sangs rgyas kyi zhing thams cad du byang chub sems dpa' kun tu bzang po'i spyod pa rnam par dag par bya ba'i phyir byang chub sems dpa'i smon lam rgya mtsho thams cad mngon par rjod pa mthong ngo / /ba spu'i bu ga thams cad las ba spu'i sgo re re nas kyang sems can thams cad kyi bsam pa yongs su rdzogs par bya ba'i don du byang chub sems dpa' kun tu bzang po'i spyod pa'i sprin thams cad mkhyen pa nyid du yang dag par 'byung ba/ dga' ba'i shugs rnam par 'phel bar byed pa sangs rgyas kyi zhing thams cad kyi rdul shin tu phra ba snyed kyi char mngon par thon nas mngon par 'bab pa mthong ngo / /des de'i ba spu'i bu ga thams cad las ba spu'i sgo re re nas kyang mngon par rdzogs par </font><hr>Cha326a<br><font size=+1>


@#/ /'tshang rgya ba'i sprin sangs rgyas kyi zhing thams cad du mngon par rdzogs par 'tshang rgya bar ston pa/ thams cad mkhyen pa nyid du yang dag par 'byung ba'i chos kyi sprin chen po rnam par 'phel bar byed pa sangs rgyas kyi zhing thams cad kyi rdul shin tu phra ba snyed mngon par thon par mthong ngo / /de nas tshong dpon gyi bu nor bzang gis byang chub sems dpa' kun tu bzang po'i rdzu 'phrul gyi yul de lta bu mthong nas dga' rangs te/ mgu zhing nyams bde la tshim zhing yid bde ba skyes nas de bas kyang shas cher byang chub sems dpa' kun tu bzang po'i lus la sems sems pa dang / byang chub sems dpa' kun tu bzang po'i yan lag re re dang / yan lag rnam par phye ba re re dang / lus kyi cha re re dang / lus kyi cha rnam par phye ba re re dang / yan lag gi phyogs re re dang / yan lag gi phyogs rnam par phye ba re re dang / lus re re dang / lus rnam par phye ba re re dang / ba spu'i bu ga re re dang / ba spu'i bu ga rnam par phye ba re re nas stong gsum gyi stong chen po'i 'jig rten gyi khams 'di rlung gi phung po dang bcas/ chu'i phung po dang bcas/ sa'i phung po dang bcas/ me'i phung po dang bcas/ rgya mtsho dang bcas/ gling dang bcas/ chu klung dang bcas/ rin po che'i </font><hr>Cha326b<br><font size=+1>


ri dang bcas/ ri rab dang bcas/ khor yug dang bcas/ grong dang / grong khyer dang / ljongs dang / yul dang / khams dang / rgyal po'i gnas dang bcas/ nags tshal dang bcas khang khyim dang bcas/ skye bo'i tshogs dang bcas/ sems can dmyal ba'i 'jig rten dang bcas/ byol song gi skye gnas dang bcas/ gshin rje'i 'jig rten dang bcas/ lha ma yin gyi 'jig rten dang bcas/ klu'i 'jig rten dang bcas/ nam mkha' lding gi 'jig rten dang bcas/ mi'i 'jig rten dang bcas/ lha'i 'jig rten dang bcas/ tshangs pa'i 'jig rten dang bcas/ 'dod pa'i khams kyi yul dang bcas/ gzugs kyi khams kyi yul dang bcas/ gzugs med pa'i khams kyi yul dang bcas/ gzhi dang bcas| rten dang bcas/ dbyibs dang bcas/ sprin dang bcas/ glog dang bcas/ skar ma dang bcas/ nyin zhag dang bcas/ zla ba phyed dang bcas/ zla ba gcig dang bcas/ dus dang bcas/ lo dang bcas/ bskal pa bar ma dang bcas/ bskal pa dang bcas par gzugs brnyan gyi tshul du mthong ngo / /'jig rten gyi khams 'di la ji lta ba de bzhin du shar phyogs kyi 'jig rten gyi khams kyang mthong bar gyur to/ /shar phyogs la ji lta ba de bzhin du lho phyogs dang / nub phyogs dang / byang phyogs dang / byang </font><hr>Cha327a<br><font size=+1>


@#/ /shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang steng gi phyogs thams cad kyi 'jig rten gyi khams thams cad kyang sangs rgyas byung ba dang bcas/ byang chub sems dpa'i 'khor gyi dkyil 'khor dang bcas par gzugs brnyan gyi tshul du mthong bar gyur to/ /des mi mjed kyi 'jig rten gyi khams 'di'i sngon gyi mtha'i mur thug pa'i 'jig rten gyi khams gcig nas gcig tu brgyud pa ji snyed pa de dag thams cad kyang byang chub sems dpa' kun tu bzang po'i mi chen po'i mtshan re re las sangs rgyas byung ba dang bcas/ byang chub sems dpa'i 'khor gyi dkyil 'khor thams cad dang bcas/ sems can dang bcas/ khang khyim dang bcas/ nyin zhag dang bcas/ bskal pa dang bcas par mthong bar gyur to/ /de bzhin du phyi ma'i mtha'i mur thug pa'i sangs rgyas kyi zhing 'byams klas pa thams cad kyang mthong bar gyur to/ /ji ltar 'jig rten gyi khams 'di'i sngon gyi mtha' dang / phyi ma'i mtha'i mur thug pa'i 'jig rten gyi khams gcig nas gcig tu brgyud pa thams cad mthong bar gyur pa de bzhin du phyogs bcu'i 'jig rten gyi khams thams cad kyi </font><hr>Cha327b<br><font size=+1>


sngon gyi mtha' dang / phyi ma'i mtha'i mur thug pa'i 'jig rten gyi khams gcig nas gcig tu brgyud pa thams cad kyang byang chub sems dpa' kun tu bzang po'i lus dang / mi chen po'i mtshan re re dang / ba spu'i bu ga re re nas shin tu rnam par phye ba dang / phan tshun ma 'dres par mthong bar gyur to/ /byang chub sems dpa' kun tu bzang po yang ji ltar bcom ldan 'das de bzhin gshegs pa rnam par snang mdzad kyi spyan snga nas seng+ge'i khri rin po che'i pad+mo chen po'i snying po can la 'dug cing rnam par rtse ba 'di lta bu yongs su ston par mthong ba de bzhin du shar phyogs na'ang bcom ldan 'das de bzhin gshegs pa bzang po'i dpal gyi 'jig rten gyi khams pad+mo'i dpal na rnam par rtse ba 'di nyid yongs su ston cing 'dug par mthong ngo / /shar phyogs na ji lta ba de bzhin du phyogs dang phyogs mtshams kun tu 'jig rten gyi khams thams cad kyi de bzhin gshegs pa thams cad kyi zhabs kyi drung na byang chub sems dpa' kun tu bzang po seng+ge'i khri rin po che'i pad+mo chen po'i snying po can la 'dug cing rnam par rtse ba 'di nyid yongs su ston pa mthong ngo / /ji ltar phyogs bcu'i 'jig rten gyi khams thams cad kyi de bzhin gshegs pa thams cad kyi zhabs kyi drung na seng+ge'i khri rin po che'i </font><hr>Cha328a<br><font size=+1>


@#/ /las 'od kyi dkyil 'khor sangs rgyas kyi zhing thams cad kyi rdul shin tu phra ba snyed kyi sprin mang po kha dog sna tshogs can mang po thon te/ byang chub sems dpa' thams cad kyi dga' ba dang / mos pa'i shugs rgya chen po rnam par 'phel bar byed pa mthong ngo / /spyi po dang phrag pa'i lhun gnyis dang / ba spu'i sgo thams cad nas kyang spos 'od 'phro ba'i sprin gyi char kha dog sna tshogs su 'dug pa mang po mngon par thon nas de bzhin gshegs pa thams cad kyi 'khor gyi dkyil 'khor rgyas par bkang ste mngon par 'bab pa mthong ngo / /ba spu'i bu ga thams cad las ba spu'i sgo re re nas kyang me tog thams cad kyi sprin gyi char sangs rgyas kyi zhing thams cad kyi rdul shin tu phra ba snyed mang po mngon par thon nas de bzhin gshegs pa thams cad kyi 'khor gyi dkyil 'khor rgyas par bkang ste mngon par 'bab pa mthong ngo / /ba spu'i bu ga thams cad las ba spu'i sgo re re las kyang spos sna tshogs kyi shing gi sprin mang po sangs rgyas kyi zhing thams cad kyi rdul shin tu phra ba snyed mngon par thon nas chos kyi dbyings nam mkha'i dbyings kyi mthas klas pa thams cad rgyas par bkang nas spos kyi shing gi sprin gyi rgyan gyis brgyan par byas te spos dang / phye ma dang / bdug pa'i mdzod zad mi </font><hr>Cha328b<br><font size=+1>


zhes pa'i char rab tu 'gyed cing / de bzhin gshegs pa thams cad kyi 'khor gyi dkyil 'khor rgyas par bkang ste mngon par 'bab par byed pa mthong ngo / /ba spu'i sgo thams cad las ba spu'i sgo re re nas kyang gos sna tshogs kyi sprin mang po mngon par thon te/ chos kyi dbyings nam mkha'i dbyings kyi mthas klas pa thams cad kun nas yog par byas nas brgyan par mthong ngo / /ba spu'i bu ga thams cad las ba spu'i sgo re re nas kyang dar sna tshogs kyi lda ldi'i sprin dang / phreng ba sna tshogs kyi sprin dang / mu tig sna tshogs kyi sprin dang / nor bu rin po che yid bzhin gyi sprin gyi char sangs rgyas kyi zhing thams cad kyi rdul shin tu phra ba snyed mngon par thon nas de bzhin gshegs pa thams cad kyi 'khor gyi dkyil 'khor rgyas par bkang ste mngon par 'bab pa mthong ngo / /ba spu'i bu ga thams cad las ba spu'i sgo'i re re nas kyang sems can thams cad kyi bsam pa yongs su rdzogs par bsgrub pa'i phyir rin po che'i shing gi sprin sangs rgyas kyi zhing thams cad kyi rdul shin tu phra ba snyed mngon par thon te chos kyi dbyings nam mkha'i mthas klas pa thams cad rgyas par bkang nas rin po che'i shing las rin po che'i mdzod rnam par 'phro ba'i rgyan gyis brgyan par byas te/ de bzhin gshegs pa thams cad kyi 'khor gyi dkyil </font><hr>Cha329a<br><font size=+1>


@#/ /pas phyi ma'i mur thug pa'i bskal par byin gyis brlabs te chos kyi tshig gcig shin tu bstan pa'i ye shes kyi pha rol tu phyin pa la rnam par spyod pa thob par gyur to/ /chos rgya mtsho thams cad mngon sum du rab tu shes pa'i ye shes kyi pha rol tu phyin pa la rnam par spyod pa thob par gyur to/ /chos kyi dbyings kyi tshul rgya mtsho thams cad kyi ye shes kyi pha rol tu phyin pa la rnam par spyod pa thob par gyur to/ /sems can thams cad kyi 'du shes kyi rnam pa yongs su sgrub pa'i ye shes kyi pha rol tu phyin pa la rnam par spyod pa thob par gyur to/ /skad cig gcig la byang chub sems dpa' kun tu bzang po'i spyod pa mngon sum du rab tu shes pa'i ye shes kyi pha rol tu phyin pa la rnam par spyod pa thob par gyur te/ de ltar ye shes kyi pha rol tu phyin pa la rnam par spyod pa dang ldan pa'i tshong dpon gyi bu nor bzang gi spyi bor byang chub sems dpa' kun tu bzang pos lag pa g.yas pa brkyang ste bzhag par gyur to/ /de ltar tshong dpon gyi bu nor bzang gi spyi bo la byang chub sems dpa' kun tu bzang pos lag pa bzhag ma thag tu de'i mod la des ting nge 'dzin gyi sgo sangs rgyas kyi zhing thams cad kyi rdul shin tu phra ba snyed la zhugs par gyur te/ ting nge </font><hr>Cha329b<br><font size=+1>


'dzin re res kyang 'jig rten gyi khams rgya mtsho sangs rgyas kyi zhing gi rdul shin tu phra ba snyed sngon chad ma mthong ba dag la'ang zhugs par gyur to/ /de'i thams cad mkhyen pa nyid kyi tshogs sangs rgyas kyi zhing rdul shin tu phra ba snyed kyang tshogs su gyur to/ /de'i thams cad mkhyen pa nyid kyi chos kyi tshogs sangs rgyas kyi zhing thams cad kyi rdul shin tu phra ba byung bar gyur to/ /thams cad mkhyen pa nyid la rab tu gnas par bya ba chen po sangs rgyas kyi zhing thams cad kyi rdul shin tu phra ba snyed kyis mngon par 'phags par gyur to/ / smon lam rgya mtsho sangs rgyas kyi zhing thams cad kyi rdul shin tu phra ba snyed la'ang zhugs par gyur to/ /thams cad mkhyen pa nyid du 'byung ba'i lam sangs rgyas kyi zhing thams cad kyi rdul shin tu phra ba snyed kyis kyang rab tu byung bar gyur to/ /byang chub sems dpa'i spyod pa sangs rgyas kyi zhing thams cad kyi rdul shin tu phra ba snyed la'ang rab tu zhugs par gyur to| |thams cad mkhyen pa nyid kyi shugs drag po sangs rgyas kyi zhing thams cad kyi rdul shin tu phra ba snyed kyis kyang rnam par 'phel ba 'gyur to/ /sangs rgyas thams cad kyi ye shes snang ba sangs rgyas kyi zhing thams cad kyi rdul shin tu phra ba snyed kyis kyang rab tu snang bar gyur to/ /ji ltar mi mjed kyi 'jig rten gyi khams 'dir byang chub </font><hr>Cha330a<br><font size=+1>


@#/ /sems dpa' kun tu bzang po bcom ldan 'das de bzhin gshegs pa rnam par snang mdzad kyi spyan sngar 'dug pas lag pa g.yas pa brkyang ste tshong dpon gyi bu nor bzang gi spyi bor bzhag pa de bzhin du 'jig rten gyi khams thams cad kyi de bzhin gshegs pa'i zhabs kyi drung na 'dug pa'i byang chub sems dpa' kun tu bzang pos kyang lag pa g.yas pa brkyang zhing / tshong dpon gyi bu nor bzang gi spyi bo la bzhag par gyur to/ /de bzhin du phyogs dang / phyogs mtshams thams cad kun gyi 'jig rten gyi khams kyi rdul shin tu phra ba'i khongs su chud pa'i 'jig rten gyi khams dag gi de bzhin gshegs pa thams cad kyi zhabs kyi drung na 'dug pa'i byang chub sems dpa' kun tu bzang pos kyang lag pa g.yas pa brkyang zhing tshong dpon gyi bu nor bzang gi spyi bo la bzhag par gyur to/ /bcom ldan 'das rnam par snang mdzad kyi zhabs kyi drung na 'dug pa'i byang chub sems dpa' kun tu bzang po'i lag pas reg ste tshong dpon gyi bu nor bzang gis chos kyi sgo mang po la zhugs par gyur pa de bzhin du kun tu bzang po'i lus thams cad las 'phos pa'i lag pa'i sprin mang pos reg pas tshong dpon gyi bu nor bzang gis kyang chos kyi sgo mang po la tshul sna tshogs kyis </font><hr>Cha330b<br><font size=+1>


zhugs par gyur to/ /de nas byang chub sems dpa' sems dpa' chen po kun tu bzang pos tshong dpon gyi bu nor bzang la 'di skad ces smras so/ /rigs kyi bu/ khyod kyis nga'i rnam par 'phrul pa mthong mod/ /smras pa/ 'phags pa/ mthong ni mthong na/ de tsam du bsam gyis mi khyab pa'i rnam par thar pa de ni/ de bzhin gshegs pas mkhyen na mkhyen grang ngo / /des smras pa/ rigs kyi bu/ ngas ni/ thams cad mkhyen pa nyid kyi sems mngon par 'dod cing / bskal pa sangs rgyas kyi zhing brjod du med pa'i rdul shin tu phra ba snyed cig tu rnam par spyad de/ bskal pa chen po de dag re re la yang byang chub kyi sems yongs su sbyong bar byed cing / ngas de bzhin gshegs pa sangs rgyas kyi zhing brjod du med pa'i yang brjod du med pa'i rdul shin tu phra ba snyed cig bsnyen bkur to/ /bskal pa chen po de dag re re la yang thams cad mkhyen pa nyid kyi bsod nams yongs su sdud par byed cing / mchod sbyin chen po gtong ba thams cad dang sbyar ba/ 'jig rten thams cad du rnam par grags pa/ sems can thams cad la bstabs pa dag kyang mchod sbyin du byas so/ /bskal pa chen po de dag re re la yang thams cad mkhyen pa nyid kyi chos la mngon par smon cing gtong ba dang / gtong ba chen po dang / shin tu gtong ba sangs rgyas kyi zhing brjod du med pa'i yang </font><hr>Cha331a<br><font size=+1>


@#/ /brjod du med pa'i rdul shin tu phra ba snyed cig byas so/ /bskal pa chen po de dag re re la yang lus dang / srog phangs par bya ba med par sangs rgyas kyi chos gces par bya bas lus brjod du med pa'i yang brjod du med pa zhig yongs su btang ngo / /rgyal po'i srid chen po yang yongs su btang ngo / /grong dang / grong khyer dang / ljongs dang / yul dang / khams dang / rgyal po'i gnas dag kyang yongs su btang ngo / /sdug cing yid du 'ong la btang mi bra ba'i 'khor gyi tshogs dag kyang yongs su btang ngo / /bu dang / bu mo dang / chung ma de dag kyang yongs su btang ngo / /rang gi lus dang sha dag kyang yongs su btang ngo / /bdag gi lus las khrag dag kyang slong ba rnams la yongs su btang ngo / /rus pa dang / rkang dag kyang yongs su btang ngo / /yang lag dang nying lag dag kyang yongs su btang ngo / /sna dang rna ba dag kyang yongs su btang ngo / /mig dag kyang yongs su btang ngo / /rang gi kha nas lce'i dbang po dag kyang yongs su btang ngo / /bskal pa de dag re re la yang 'jig rten thams cad las mngon par 'phags shing bla na med par 'gyur pa'i thams cad mkhyen pa nyid kyi dbu la mngon par smon cing / rang gi mgo sangs rgyas kyi zhing brjod du med pa'i yang brjod du med pa'i rdul shin tu phra ba snyed cig yongs su btang ngo / /bskal pa chen po re re </font><hr>Cha331b<br><font size=+1>


la ji lta ba de bzhin du bskal pa chen po rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed las bskal pa rgya mtsho re re la yang de bzhin gshegs pa sangs rgyas kyi zhing rgya mtsho brjod du med pa'i yang brjod du med pa'i rdul shin tu phra ba snyed cig la dbang po dam par gyur te rim gro byas so/ /bkur sti byas so/ /phu dud du byas so/ / mchod pa byas so/ /na bza' dang / bshos dang / gzims cha dang / snyun gyi rkyen sman dang / yo byad dag kyang dbul ba byas so/ /de bzhin gshegs pa de dag gi bstan pa la yang rab tu byung ste sangs rgyas kyi gdams ngag thams cad la yang rab tu zhugs so/ /de dag gi bstan pa yang yongs su bzung ngo / /rigs kyi bu/ de snyed kyi bskal pa rgya mtshor yang de bzhin gshegs pa'i bstan pa la sems bskyed pa 'ga' tsam gyis kyang mi mthun pa'i sems bskyed du mi dran no/ /de snyed kyi bskal pa rgya mtshor sems bskyed pa 'ga' tsam gyis kyang khong khro ba dang ldan pa'i sems bskyed pa'am/ bdag tu 'dzin pa'i sems sam/ bdag yongs su bskyang zhing yongs su gzung ba'i sems sam/ bdag dang gzhan du dbye ba'i sems sam| byang chub kyi lam dang 'bral bar bya ba'i sems sam/ 'khor ba na gnas pas yongs su skyo ba'i sems sam/ zhum pa'i sems sam/ sgrib pas mgo rmongs pa'i sems </font><hr>Cha332a<br><font size=+1>


@#/ /bskyed du mi dran te/ gzhan du na thams cad mkhyen pa nyid kyi tshogs gsag pa'i phyir byang chub kyi sems ye shes gzhan gyis mi thub cing brgal bar dka' ba'i snying po dang ldan pa bskyed do/ /rigs kyi bu/ 'di lta ste/ nga'i sngon gyi sbyor ba phun sum tshogs pa/ sangs rgyas kyi zhing yongs su dag par byas pa'i sbyor ba dag dang / des snying rje chen po'i sems rab tu thob ste/ sems can yongs su bskyab pa dang / yongs su smin par bya ba dang / yongs su sbyang bar byas pa'i sbyor ba dag dang / sangs rgyas mchod cing bsnyen bkur ba'i sbyor ba dag dang / dam pa'i chos yongs su btsal ba'i don du bla ma la rim gro byas pa'i sbyor ba dag dang / dam pa'i chos yongs su gzung ba'i don du lus yongs su btang ba'i sbyor ba dag dang / dam pa'i chos yongs su bsrung ba'i don du rang gi srog yongs su btang ba'i sbyor ba de dag ni/ bstan par bya na bskal pa rgya mtsho thams cad zad par 'gyur ro/ /rigs kyi bu/ ngas ni/ chos rgya mtsho de snyed cig las kyang tshig dang / yi ge 'ga' tsam yang sems can thams cad yongs su bskyab pa la brtson pa dang / rang gi sems kyi rgyud nges par shes par bya ba la brtson pa dang / pha rol gyi chos mngon du thos par bya ba la brtson pa dang / 'jig rten pa'i ye shes snang ba thams </font><hr>Cha332b<br><font size=+1>


cad rab tu brjod pa la brtson pa dang / 'jig rten las 'das pa'i ye shes thams cad rab tu brjod pa la brtson pa dang / sems can thams cad kyi 'khor ba'i bde ba yongs su bskyed pa la brtson pa dang / de bzhin gshegs pa thams cad kyi yon tan yang dag par bsngags pa la brtson pas 'khor los bsgyur ba'i rgyal srid yongs su btang bas ma nyos pa'am/ bdog pa thams cad yongs su btang bas ma nyos pa gang med de/ de ltar nga nyid kyi sngon gyi sbyor ba phun sum tshogs pa bstan par bya na/ bskal pa rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed zad par 'gyur ro/ /rigs kyi bu/ de ltar ngas rnam pa de lta bu'i tshogs kyi stobs dang / dge ba'i rtsa ba'i rgyu bsags pa'i stobs dang / mos pa rgya chen po'i stobs dang / yon tan la nan tan du bya ba'i stobs dang / chos thams cad yang dag pa ji lta ba bzhin du khong du chud par bya ba'i stobs dang / shes rab kyi mig gi stobs dang / de bzhin gshegs pa'i byin gyi rlabs kyi stobs dang / smon lam chen po'i stobs dang / snying rje chen po'i stobs dang / shin tu sbyangs pa'i mngon par shes pa'i stobs dang / dge ba'i bshes gnyen gyis yongs su bzung ba'i stobs kyis chos kyi lus yongs su dag pa dus gsum du tha mi dad pa thob par gyur to/ /bla na med </font><hr>Cha333a<br><font size=+1>


@#/ /pa'i gzugs kyi lus 'jig rten thams cad las mngon par 'phags pa/ 'gro ba thams cad kyi bsam la ji lta ba bzhin du rnam par dmigs pa/ thams cad du rjes su song ba/ sangs rgyas kyi zhing thams cad du rab tu gzhol ba/ thams cad du rab tu gnas pa/ rnam par 'phrul pa thams cad rnam pa thams cad du ston pa/ 'gro ba thams cad kyi yid du 'ong ba yang yongs su sbyangs so/ /rigs kyi bu/ ngas lus thob pa phun sum tshogs pa/ bskal pa rgya mtsho mtha' yas pas yongs su grub pa/ bskal pa bye ba khrag khrig brgya stong mang pos 'byung bar dka' ba 'di la ltos/ rigs kyi bu/ nga ni dge ba'i rtsa ba ma bskyed pa'i sems can rnams kyi rna lam du yang mi 'ong na/ mthong bar lta ci zhig smos| rigs kyi bu/ sems can gang dag nga'i ming thos pa tsam gyis bla na med pa yang dag par rdzogs pa'i byang chub las phyir mi ldog par 'gyur ba yod do/ /mthong ba tsam dang / skyal ba tsam dang / reg pa tsam dang / rjes su 'brang ba tsam dang / rmi lam du mthong ba tsam dang / rmi lam du ming thos pa tsam gyis kyang bla na med pa yang dag par rdzogs pa'i byang chub las phyir mi ldog par 'gyur ba yod de/ sems can la las ni nga nyin zhag gcig tu dran par byas na/ yongs su smin par 'gyur ro/ /la las ni zhag bdun dang / la las ni zla ba </font><hr>Cha333b<br><font size=+1>


phyed dang / la las ni zla ba gcig dang / la las ni lo gcig dang / la las ni lo brgya dang / la las ni bskal pa gcig dang / la las ni bskal pa brgya nas/ la las ni bskal pa sangs rgyas kyi zhing brjod du med pa'i yang brjod du med pa'i rdul shin tu phra ba snyed du nga rjes su dran par byas na/ yongs su smin par 'gyur ro/ /la las ni tshe gcig tu nga rjes su dran par byas na/ yongs su smin par 'gyur ro/ la las ni tshe'i rgyud sangs rgyas kyi zhing brjod du med pa'i yang brjod du med pa'i rdul shin tu phra ba snyad kyis yongs su smin par 'gyur ro/ /sems can la las ni nga'i 'od mthong bas yongs su smin par 'gyur ro/ /la las ni 'od zer bkye ba mthong bas/ la la ni zhing bskyod pas/ la la ni gzugs kyi lus bstan pas/ la la ni dga' bar byas pas yongs su smin par 'gyur te/ rigs kyi bu/ de ltar thabs kyi tshul sangs rgyas kyi zhing gi rdul shin tu phra ba snyed kyis sems can rnams bla na med pa yang dag par rdzogs pa'i byang chub las phyir mi ldog par 'gyur ro/ /rigs kyi bu/ sems can gang gis nga'i sangs rgyas kyi zhing yongs su dag pa thos pa de dag ni sangs rgyas kyi zhing yongs su dag par skye'o/ /gang gis nga'i lus yongs su dag pa mthong bar gyur pa de dag ni nga'i lus lta bur skye bar 'gyur gyi/ </font><hr>Cha334a<br><font size=+1>


@#/ /rigs kyi bu/ nga'i lus rnam par dag pa 'di la ltos shig /de nas tshong dpon gyi bu nor bzang gis byang chub sems dpa' kun tu bzang po'i lus la bsam pa dang / ba spu'i bu ga re re la yang sangs rgyas kyi zhing rgya mtsho brjod du med pa'i yang brjod du med pa sangs rgyas skye bas yongs su gang bar mthong ngo / /zhing rgya mtsho re re na yang de bzhin gshegs pa byang chub sems dpa'i 'khor rgya mtsho kun nas bskor ba mang po bzhugs par mthong ngo / /zhing rgya mtsho de dag thams cad kyang gzhi sna tshogs dang / dbyibs sna tshogs dang / rgyan sna tshogs dang / khor yug sna tshogs dang / sprin sna tshogs dang / nam mkha' sna tshogs kyis kun nas khebs pa dang / sangs rgyas 'byung ba sna tshogs dang / chos kyi 'khor lo sna tshogs kyi dbyangs dang ldan par mthong ngo / /ba spu'i bu ga re re la ji lta ba bzhin du ba spu'i bu ga ma lus pa thams cad dang / mtshan thams cad dang / dpe byad bzang po thams cad dang / yan lag dang nying lag thams cad la yang de bzhin te/ zhing rgya mtsho re re nas kyang sangs rgyas kyi sku sprul pa'i sprin sangs rgyas kyi zhing thams cad kyi rdul shin tu phra ba snyed byung nas phyogs bcur 'jig rten gyi khams thams cad rgyas par bkang ste bla na med pa yang dag par rdzogs pa'i byang </font><hr>Cha334b<br><font size=+1>


chub tu sems can yongs su smin par mdzad pa mthong ngo / /de nas tshong dpon gyi bu nor bzang byang chub sems dpa' kun tu bzang po'i gdams ngag dang / rjes su bstan pas rjes su bstan nas byang chub sems dpa' kun tu bzang po'i lus kyi khongs su gtogs pa'i 'jig rten gyi khams thams cad du zhugs te sems can yongs su smin par byed par gyur to| |de ltar tshong dpon gyi bu nor bzang gis dge ba'i bshes gnyen sangs rgyas kyi zhing gi rdul shin tu phra ba snyed cig gi drung du phyin te mthong ba dang / bsnyen bkur bas ye shes kyi snang ba dang / dge ba'i rtsa ba bsags pa de dag gis byang chub sems dpa' kun tu bzang po mthong ste dge ba'i rtsa ba bsags par gyur pa de'i brgya'i char yang nye bar mi 'gro'o/ /stong gi char yang ma yin/ brgya stong gi char yang ma yin/ bye ba brgya stong gi char yang ma yin/ grangs dang / cha dang / bgrang ba dang / dper dang / rgyur bya ba tsam du yang mi phod do/ /des dang po sems bskyed pa nas nye bar bzung nas byang chub sems dpa' kun tu bzang po mthong ba'i bar der sangs rgyas kyi zhing rgya mtsho gcig nas gcig tu brgyud pa ji snyed cig la zhugs par gyur pa de dag pas/ sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi bar du byang chub </font><hr>Cha335a<br><font size=+1>


@#/ /sems dpa' kun tu bzang po'i ba spu'i bu ga re rer sangs rgyas kyi zhing rgya mtsho gcig nas gcig tu brgyud pa mang po la sems kyi skad cig gcig gis zhugs par gyur te/ ba spu'i bu ga re rer ji lta ba bzhin du ba spu'i bu ga ma lus pa thams cad la yang sems kyi skad cig re re la 'jig rten gyi khams brjod du med pa'i yang brjod du med pa'i rdul shin tu phra ba snyed rnam par gnon pa/ phyi ma'i mtha'i mur thug pa'i bskal par byin gyis brlabs pa/ 'jig rten gyi khams rgyas par 'gengs pas zhugs kyang zhing rgya mtsho gcig nas gcig tu brgyud pa'i mthar phyin par ma gyur te/ zhing rgya mtsho'i lhun dang / zhing rgya mtsho'i bye brag dang / zhing rgya mtsho yongs su bsdu ba dang / zhing rgya mtsho yongs su 'grub pa dang / zhing rgya mtsho 'jig pa dang / zhing rgya mtsho rnam par phye ba dang / sangs rgyas byung ba rgya mtsho gcig nas gcig tu brgyud pa dang / sangs rgyas byung ba rgya mtsho'i sku dang / sangs rgyas byung ba rgya mtsho yongs su bsdu ba dang / sangs rgyas byung ba rgya mtsho yongs su 'byung ba dang / sangs rgyas byung ba rgya mtsho 'jig pa dang / byang chub sems dpa'i 'khor gyi dkyil 'khor rgya mtsho dang / byang chub sems dpa'i 'khor gyi dkyil 'khor rgya mtsho gcig nas </font><hr>Cha335b<br><font size=+1>


gcig tu brgyud pa dang / byang chub sems dpa'i 'khor gyi dkyil 'khor rgya mtsho'i lus dang / byang chub sems dpa'i 'khor gyi dkyil 'khor rgya mtsho'i bye brag dang / byang chub sems dpa'i 'khor gyi dkyil 'khor rgya mtsho yongs su bsdu ba dang / byang chub sems dpa'i 'khor gyi dkyil 'khor rgya mtsho yongs su 'byung ba dang / byang chub sems dpa'i 'khor gyi dkyil 'khor rgya mtsho 'jig pa dang / sems can gyi khams la 'jug pa dang / sems kyi skad cig re res sems can gyi dbang po shes pa la 'jug pa dang / sems can gyi dbang po shes pa khong du chud par bya ba dang / sems can yongs su smin par bya zhing gdul ba dang / byang chub sems dpa'i rnam par 'phrul pa zab mo la rnam par gnas pa dang / byang chub sems dpa'i sa yongs su gnon pa rgya mtsho'i mthar yang phyin par ma gyur te/ de zhing la lar ni/ bskal par rnam par spyad par gyur to/ /zhing la lar ni/ bskal pa sangs rgyas kyi zhing brjod du med pa'i yang brjod du med pa'i bar du spyad par gyur te/ zhing de dag nas kyang g.yos pa med do/ /sems kyi skad cig re re la yang zhing rgya mtsho mtha' dang dbus med pa la 'jug cing / sems can rnams kyang bla na med pa yang dag par rdzogs </font><hr>Cha336a<br><font size=+1>


@#/ /pa'i byang chub tu yongs su smin par byed par gyur te/ des de ltar mthar gyis byang chub sems dpa' kun tu bzang po'i spyod pa dang / smon lam rgya mtsho mnyam pa nyid kyi bar du'ang mthong bar gyur to/ /de bzhin gshegs pa thams cad dang mnyam pa nyid dang / zhing thams cad lus kyis rgyas par dgang ba mnyam pa nyid dang / spyod pa yongs su rdzogs pas rgyas par dgang ba mnyam pa nyid dang / mngon par rdzogs par 'tshang rgya ba'i rnam par 'phrul pa yongs su bstan pas rgyas par dgang ba mnyam pa nyid dang / chos kyi 'khor lo bskor ba mnyam pa nyid dang / tha dad pa yang dag par shes pa rnam par dag pa mnyam pa nyid dang / dbyangs brjod pa mnyam pa nyid dang / dbyangs kyi yan lag rgya mtsho thams cad kyi spyor ba mnyam pa nyid dang / stobs dang / mi 'jigs pa mnyam pa nyid dang / sangs rgyas kyi rnam par spyod pa mnyam pa nyid dang / byams pa chen po dang / snying rje chen po mnyam pa nyid dang / byang chub sems dpa'i rnam par thar pa bsam gyis mi khyab pa'i rnam par 'phrul pa mnyam pa nyid kyang rjes su thob par gyur to/ /de nas byang chub sems dpa' sems dpa' chen po kun tu bzang pos bskal pa dang / bskal </font><hr>Cha336b<br><font size=+1>


pa 'byams klas pa dang / 'jig rten gyi khams gcig nas gcig tu brgyud pa sangs rgyas kyi zhing brjod du med pa'i rdul shin tu phra ba snyed po de dag brnan te mngon par brjod pa'i phyir tshigs su bcad pa'i dbyangs kyis smon lam btab pa/ ! \?\ ji snyed su dag phyogs bcu'i 'jig rten na/ /dus gsum gshegs pa mi yi seng+ge kun/ / bdag gis ma lus de dag thams cad la/ /lus dang ngag yid dang bas phyag bgyi'o/ /bzang po spyod pa'i smon lam stobs dag gis/ /rgyal ba thams cad yid kyis mngon sum du| |zhing gi rdul snyed lus rab btud pa yis/ /rgyal ba kun la rab tu phyag 'tshal lo/ /rdul gcig steng na rdul snyed sangs rgyas rnams/ /sangs rgyas sras kyi dbus na bzhugs pa dag /de ltar chos kyi dbyings rnams ma lus par/ /thams cad rgyal ba bdag gis gang bar mos/ /de dag bsngags pa mi zad rgya mtsho rnams/ / dbyangs kyi yan lag rgya mtsho'i sgra kun gyis/ /rgyal ba kun gyi yon tan rab brjod cing / /bde bar gshegs pa thams cad bdag gis bstod/ /me tog dam pa phreng ba dam pa dang / /sil snyan rnams dang byug pa bdug mchog dang / /mar me'i mchog dang bdug spos dam pa yis/ /rgyal ba de dag la ni mchod par bgyi/ /na bza' </font><hr>Cha337a<br><font size=+1>


@#/ /dam pa rnams dang dri mchog dang / /phye ma'i phur ma ri rab mnyam pa dang / /khyad par can gyi rgyan mchog thams cad kyis/ /rgyal ba de dag la ni mchod par bgyi/ /mchod pa gang rnams bla med rgya che ba/ /de dag rgyal ba thams cad la yang mos/ /bzang po spyod la dad pa'i stobs dag gis/ /rgyal ba kun la phyag 'tshal mchod par bgyi/ /'dod chags zhe sdang gti mug dbang gis na/ /lus dang ngag dang de bzhin yid kyis kyang / /sdig pa bdag gis bgyis pa ci mchis pa/ /de dag thams cad bdag gis so sor bshags/ /phyogs bcu'i rgyal ba kun dang sangs rgyas sras/ /rang rgyal rnams dang slob dang mi slob dang / /'gro ba rnams kyi bsod nams gang la yang / /de dag kun gyi rjes su bdag yi rang / /gang rnams phyogs bcu'i 'jig rten sgron ma dag /byang chub rim par sangs rgyas ma chags brnyes| |mgon po de dag bdag gis thams cad la/ /'khor lo bla na med pa bskor bar bskul/ /mya ngan 'da' ston gang bzhed de dag la/ /'gro ba kun la phan zhing bde ba'i phyir/ /bskal pa zhing gi rdul snyed bzhugs par yang / /bdag gis thal mo rab sbyar gsol bar bgyi/ /phyag 'tshal ba dang mchod cing bshags pa </font><hr>Cha337b<br><font size=+1>


dang / /rjes su yi rang bskul zhing gsol ba yi/ /dge ba cung zad bdag gis ci bsags pa/ /thams cad bdag gi byang chub phyir bsngo 'o/ /'das pa'i sangs rgyas rnams dang phyogs bcu yi/ /'jig rten dag na gang bzhugs mchod par gyur/ /gang yang ma byon de dag rab myur bar/ /bsam rdzogs byang chub rim par sangs rgyas spyon/ /phyogs bcu ga la'i zhing rnams ji snyed pa/ /de dag rgya cher yongs su dag par gyur/ /byang chub shing dbang drung gshegs rgyal ba dang / /sangs rgyas sras kyis rab tu gang bar shog /phyogs bcu'i sems can gang rnams ji snyed pa/ /de dag rtag tu nad med bde bar gyur/ /'gro ba kun gyi chos kyi don rnams ni/ /mthun par gyur cing re ba'ang 'grub par shog /byang chub spyod pa dag ni bdag spyod cing / /'gro ba kun tu skye ba dran par gyur/ /tshe rabs kun tu 'chi 'pho skye ba na/ /rtag tu bdag ni rab tu 'byung bar shog /rgyal ba kun gyi rjes su slob gyur te/ /bzang po spyod pa yongs su rdzogs byed cing / /tshul khrims spyod pa dri med yongs dag par/ /rtag tu ma nyams skyon med spyod par shog /lha yi skad dang klu dang gnod sbyin skad/ /grul bum dag dang mi yi skad rnams dang / /'gro ba kun gyi sgra rnams ji tsam par/ /thams cad skad du </font><hr>Cha338a<br><font size=+1>


@#/ /bdag gis chos bstan to/ /des shing pha rol phyin la rab brtson te/ /byang chub sems ni nam yang brjed ma gyur/ /sdig pa gang rnams sgrib par 'gyur ba dag /de dag ma lus yongs su byang bar shog /las dang nyon mongs bdud kyi las rnams las/ /grol zhing 'jig rten 'gro ba rnams su yang / /ji ltar pad+mo rgyus mi chags pa bzhin/ /nyi zla nam mkhar thogs pa med ltar spyad/ /zhing gi khyon dang phyogs rnams ji tsam par/ /ngan song sdug bsngal rab tu zhi bar byed| |bde ba dag la 'gro ba kun 'god cing / /'gro ba thams cad la ni phan par spyad/ /byang chub spyod pa yongs su rdzogs byed cing / /sems can dag gi spyod dang mthun par 'jug /bzang po spyod pa dag ni rab ston cing / /ma 'ongs bskal pa kun tu spyod par gyur/ /bdag gi spyod dang mtshungs par gang spyod pa/ /de dag dang ni rtag tu 'grogs par shog /lus dang ngag rnams dang ni sems kyis kyang / /spyod pa dag dang smon lam gcig tu spyad/ /bdag la phan par 'dod pa'i grogs po dag /bzang po spyod pa rab tu ston pa rnams/ /de dag dang yang rtag tu phrad par shog /de dag bdag gis nam yang yid mi dbyung / /sangs rgyas sras kyis bskor ba'i mgon po </font><hr>Cha338b<br><font size=+1>


rnams| |mngon sum rtag tu bdag gis rgyal ba blta/ /ma 'ongs bskal pa kun tu mi skyo bar/ /de dag la yang mchod pa rgya cher bgyi/ /rgyal ba rnams kyi dam pa'i chos 'dzin cing / /byang chub spyod pa kun tu snang bar byed/ /bzang po spyod pa rnam par spyod pa yang / /ma 'ongs bskal pa kun tu spyad par bgyi/ /srid pa thams cad du yang 'khor ba na/ /bsod nams ye shes dag ni mi zad rnyed/ /thabs dang shes rab ting 'dzin rnam thar dang / /yon tan kun gyi mi zad mdzod du gyur/ /rdul gcig steng na rdul snyed zhing rnams te/ /zhing der bsam gyis mi khyab sangs rgyas rnams/ /sangs rgyas sras kyi dbus na bzhugs pa la/ /byang chub spyad pa spyod cing blta bar bgyi/ /de ltar ma lus thams cad phyogs su yang / /skra tsam khyon la dus gsum tshad snyed kyi/ /sangs rgyas rgya mtsho zhing rnams rgya mtsho dang / /bskal pa rgya mtshor spyod cing rab tu 'jug /gsung gcig yan lag rgya mtsho'i sgra skad kyi/ /rgyal ba kun dbyangs yan lag rnam dag pa/ /'gro ba kun gyi bsam pa ji bzhin dbyangs/ /sangs rgyas gsung la rtag tu 'jug par bgyi/ /dus gsum gshegs pa'i rgyal ba thams cad dag /'khor lo tshul rnams rab tu bskor ba yi/ /de dag gi yang gsung dbyangs mi zad la/ /blo yi stobs kyis bdag kyang rab tu 'jug /ma 'ongs </font><hr>Cha339a<br><font size=+1>


@#/ /bskal pa thams cad 'jug par yang / /skad cig gcig gis bdag kyang 'jug par bgyi/ /gang yang bskal pa dus gsum tshad de dag /skad cig cha shas kyis ni zhugs par spyad/ /dus gsum gshegs pa mi yi seng+ge dag /de dag skad cig gcig la bdag gis blta/ /rtag tu de dag gi ni spyod yul la/ /sgyu mar gyur pa'i rnam thar stobs kyis 'jug /gang yang dus gsum dag gi zhing bkod pa/ /de dag rdul gcig steng du mngon par sgrub/ /de ltar ma lus phyogs rnams thams cad du/ /rgyal ba rnams kyi zhing gi rgyan la 'jug /gang yang ma byon 'jig rten sgron ma rnams/ /de dag rim par 'tshang rgya 'khor lo bskor/ /mya ngan 'das pa rab tu zhi mtha' ston/ /mgon po kun gyi drung du bdag mchi'o/ /kun tu myur ba'i rdzu 'phrul stobs rnams dang / /kun nas sgo yi theg pa'i stobs dag dang / /kun tu yon tan spyod pa'i stobs rnams dang / /kun tu khyab pa byams pa dag gi stobs/ /kun tu dge ba'i bsod nams stobs rnams dang / /chags pa med par gyur pa'i ye shes stobs/ / shes rab thabs dang ting 'dzin stobs dag gis/ /byang chub stobs rnams yang dag sgrub par byed/ /las kyi stobs rnams yongs su dag byed cing / /nyon mongs stobs </font><hr>Cha339b<br><font size=+1>


rnams kun tu 'joms par byed/ /bdud kyi stobs rnams stobs med rab byed cing / /bzang po spyod pa'i stobs ni rdzogs par bgyi/ /zhing rnams rgya mtsho rnam par dag byed cing / /sems can rgya mtsho dag ni rnam par sgrol/ /chos rnams rgya mtsho rab tu mthong byed cing / /ye shes rgya mtsho rab tu rtogs par byed/ /spyod pa rgya mtsho rnam par dag byed cing / /smon lam rgya mtsho rab tu rdzogs par byed/ /sangs rgyas rgya mtsho rab tu mchod byed cing / /bskal pa rgya mtshor mi skyo spyad par bgyi/ /gang yang dus gsum gshegs pa'i rgyal ba yi/ /byang chub spyod pa'i smon lam bye brag rnams/ /bzang po spyod pas byang chub sangs rgyas nas/ /de kun bdag gis ma lus rdzogs par bgyi/ /rgyal ba kun gyi sras kyi thu bo pa/ /gang gi ming ni kun tu bzang zhes bya| |mkhas pa de dang mtshungs par spyad pa'i phyir/ /dge ba 'di dag thams cad rab tu bsngo/ /lus dang ngag dang yid kyang rnam dag cing / /spyod pa rnam dag zhing rnams yongs dag dang / /bsngo ba bzang po mkhas pa ci 'dra ba/ /de 'drar bdag kyang de dang mtshungs par shog /kun nas dge ba bzang po spyad pa'i phyir/ /'jam dpal gyi ni smon lam spyad par bgyi/ / ma 'ongs bskal pa kun tu mi skyo bar/ /de yi bya ba ma lus rdzogs par bgyi/ /spyod pa dag ni tshad yod ma gyur cig /yon tan rnams kyang tshad gzung med par shog /spyod pa tshad med </font><hr>Cha340a<br><font size=+1>


@#/ /pa la gnas nas kyang / /de dag 'phrul pa thams cad 'tshal bar bgyi/ /nam mkha'i mthar thug gyur pa ji tsam par/ /sems can ma lus mtha' yang de bzhin te| |ji tsam las dang nyon mongs mthar gyur pa/ /bdag gi smon lam mtha' yang de tsam mo/ /gang yang phyogs bcu'i zhing rnams mtha' yas pa/ /rin chen brgyan te rgyal ba rnams la phul| |lha dang mi yi bde ba mchog rnams kyang / /zhing gi rdul snyed bskal par phul ba bas/ /gang gis bsngo ba'i rgyal po 'di thos nas/ /byang chub mchog gi rjes su rab mos shing / /lan gcig tsam yang dad pa bskyed pa ni/ /bsod nams dam pa'i mchog tu 'di 'gyur ro/ /gang gis bzang spyod smon lam 'di btab pa/ /des ni ngan song thams cad spong bar 'gyur/ /des ni grogs po ngan pa'ang spangs pa yin/ /snang ba mtha' yas de yang des myur mthong / /de dag rnyed pa rab rnyed bde bar 'tsho/ /mi tsho 'dir yang de dag legs par 'ongs| |kun tu bzang po de yang ci 'dra bar/ /de dag ring por mi thogs de bzhin 'gyur/ /mtshams med lnga po dag gi sdig pa rnams/ /gang gis mi shes dbang gis byas pa dag / de yis bzang po'i spyod pa 'di brjod na/ /myur du ma lus yongs su byang bar 'gyur/ /ye shes dang ni gzugs dang mtshan rnams dang / /rigs dang kha dog rnams dang ldan par </font><hr>Cha340b<br><font size=+1>


'gyur| |bdud dang mu stegs mang pos de mi thub/ /'jig rten gsum po kun na'ang mchod par 'gyur/ /byang chub shing dbang drung du de myur 'gro /song nas sems can phan phyir de 'dug ste| |byang chub sangs rgyas 'khor lo rab tu bskor/ /bdud rnams sde dang bcas pa thams cad btul/ /gang yang bzang po spyod pa'i smon lam 'di/ /'chang ba dang ni ston tam klog na yang / /de yi rnam par smin pa sangs rgyas mkhyen/ /byang chub mchog la som nyi ma byed cig /'jam dpal ji ltar mkhyen cing dpa' ba dang / /kun tu bzang po de yang de bzhin te/ /de dag gi ni rjes su bdag slob cing / /dge ba 'di dag thams cad rab tu bsngo/ /dus gsum gshegs pa'i rgyal ba thams cad kyis/ /bsngo ba gang la mchog tu bsngags pa des/ /bdag gi dge ba'i rtsa ba 'di kun kyang / /bzang po spyod phyir rab tu bsngo bar bgyi/ /bdag ni 'chi ba'i dus byed gyur pa na/ /sgrib pa thams cad bdag ni phyir bsal te/ /mngon sum snang ba mtha' yas de mthong nas/ bde ba can gyi zhing der rab tu 'gro /der song nas ni smon lam 'di dag kyang / /thams cad ma lus mngon du gyur par shog /de dag ma lus bdag gis yongs su bkang / /'jig rten ji srid sems can phan par bgyi/ /rgyal ba'i dkyil 'khor bzang zhing dga' ba der/ /pad+mo dam pa shin tu mdzes las skyes/ /snang ba mtha' yas rgyal bas mngon sum du/ /lung bstan pa </font><hr>Cha341a<br><font size=+1>


@#/ /yang bdag gis der thob shog /der ni bdag gis lung bstan rab thob nas/ /sprul pa mang po bye ba phrag brgya yis/ /blo yi stobs kyis phyogs bcu rnams su yang / /sems can rnams la phan pa mang po bgyi/ /gang gis bzang po spyod pa ston pa yis/ /dge ba cung zad bdag gis ci bsags pa/ /des ni 'gro ba'i smon lam dge ba rnams| |skad cig gcig gis thams cad 'byor par shog /gang yang bzang po spyod pa bsngos pa yis/ /bsod nams mtha' yas dam pa thob pa des/ /'gro ba sdug bsngal chu bor bying ba rnams/ /'od dpag med pa'i gnas rab 'gro bar shog /shin tu rgyas pa chen po'i mdo/ sangs rgyas phal po che zhes bya ba las/ byang chub sems dpa'i sde snod kyi nang nas sdong pos brgyan pa zhes bya ba chos kyi rnam grangs chen po las nor bzang gis dge ba'i bshes gnyen bsnyen bkur ba'i spyod pa phyogs gcig pa ste/ ji snyed pa rdzogs so|| //lots+tsha ba bai ro tsan rak+Shi tas zhu chen bgyis te gtan la phab pa'o// // </font><hr>

</table>