H93

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H93</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H93&coll=lhasa">see text in Tibetan script</a></table>454a<br><font size=+1>


//rgya gar skad du/ AR+Ya r-i Shi byA sa pa ri pr-its+tsha nA ma mahA yA na sU tra/ bod skad du/ 'phags pa drang srong rgyas pas zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das gang+gA'i klung gi 'gram brgal bar bya ba ma yin pa/ khu byug dang / ne tso dang / bung ba dang / ngang pa'i rgyal po dang / bya'i tshogs du ma sgra snyan pa 'byin pa/ shing klag sha dang / n+ya gro da dang / tsan+dan dang / mya ngan 'tshang dang / sa la ka'i yal gas bskyabs pa/ rtag tu me tog dri zhim po sil ma bkram pa de na dge slong gi dge 'dun chen po </font><hr>454b<br><font size=+1>


thams cad kyang bya ba byas pa/ byed pa byas pa/ zag pa zad pa/ rdul zad pa/ chos las mi bzlog pa/ bsam gtan dang / kha ton la gnas pa/ 'chags dang khri'i steng na 'dug na/ dang pa'i rgyal po ltar sa'i phyogs der mdzes par byed pa sha stag la/ kha cig ni nang du yang dag 'jog la gnas pa/ kha cig ni shing drung na gnas pa/ de bzhin gshegs pa'i bka' kun bgro bar byed pa/ cha byad dul zhing brtan pa/ spyod lam rab tu zhi ba/ 'dod pa la 'dod pa dang / gnod sems dang / snyom pa dang / gnyid dang / le lo dang bral ba sha stag dang thabs gcig tu bzhugs te/ de nas bcom ldan 'das kyis dge slong rnams la bka' stsal pa/ dge slong dag/ sbyin pa byin cig /bya ba gang yin pa gyis shig / tshul khrims kyi sdom pas bsdams shing dbang po sbas la yid zhi bar gnas par gyis shig /de nas bcom ldan 'das/ dge slong rab tu mang po la 'di lta ste/ tshe dang ldan pa kun dga' bo dang / 'od srung chen po dang / shA ri'i bu dang / ba ku la dang / nam gru dang / tshe dang ldan pa kun shes ko'u di n+ya dang / de dag la sogs pa nyan thos chen po sha stag dang thabs gcig ste/ yang dag par dga' ba dang / yang dag par mgu bar gyur pa'i gtam mdzad do/ /de'i tshe nub phyogs logs na nyi ma'i dkyil 'khor ltar snang ba zhig tshe dang </font><hr>455a<br><font size=+1>


@#/ /ldan pa kun dga' bos mthong ngo / /mthong nas kyang bcom ldan 'das la 'di skad ces gsol to/ /bcom ldan 'das/ nub phyogs logs na 'bar zhing snang ba zhugs kyi 'od zer lta bur gda' ba 'di ci lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ 'di ni dri gnag ma'i bu drang srong 'jig rten pa'i mngon par shes pa lnga dang ldan pa/ drang srong rnams kyi mchog drang srong rgyas pa zhes bya ste/ drang srong dka' thub drag po la gnas pa bsnyen par gnas pa brgya stong gis dub pa/ lus kyi mdzes pa med pa lnga brgya tsam phyi bzhin du 'breng ba la drang srong dkar min gzhon nu dang / me lha dang / rnam par bde srung gi bu dang / ri dwags mo'i bu dang / sgra byed kyi bu dang / phur bu rna dang / me'i bu dang / rnam par rko ba'i bu dang / bsnyen par dka' dang / de dag la sogs pas yongs su bskor nas rjes su 'chag pa'o/ /de nas de'i bar skabs su rgyas pas bcom ldan 'das dge slong gi tshogs kyis yongs su bskor cing dbang po zhi ba/ thugs zhi ba/ bsam gtan gyi dben pa la dgyes pa/ shing ljon pa stug po'i nang na bzhugs pa mthong ngo / /mthong nas kyang rgyas pa 'di snyam du sems te/ kye ma'o/ /ma la ngo mtshar te 'di bcom ldan 'das </font><hr>455b<br><font size=+1>


thams cad mkhyen pa phyin ci ma log pa gsung ba zhes 'jig rten du grags pa ni gnas yin no/ /ji ltar 'di kha dog rgyas pa mchog dang ldan zhing rmad du byung ba'i gzugs rgya chen po phun sum tshogs pa las na 'di gdon mi za bar de bzhin gshegs par 'gyur ro/ /'di ltar bcom ldan 'das gzugs rgya chen po 'di lta bu dang ldan pas 'khor los bsgyur ba'i dbang phyug gi bdag po dug dang bcas pa bzhin du spangs te/ bud med rin po che sa 'tsho ma la sogs pa bud med drug stong yang spangs nas/ dka' thub kyi nags tshal gyi nang du gshegs te bzhugs pa 'di ni/ kye ma'o/ /'di ni 'jig rten na ngo mtshar rmad du byung ba'o snyam du sems so/ /de nas drang srong mi sbyin gyi bus kyang rgyang ring po nas bcom ldan 'das mthong ngo / /mthong nas kyang tshim zhing mgu la yi rangs shing rab tu dga' ste dga' ba dang yid bde ba skyes nas/ tshul dang 'dra ba'i tshigs su bcad pa 'di dag gis bcom ldan 'das la mngon par bstod do/ / shing ljon dag gi khrod 'dug cing / /btso ma'i gser ltar ser bar snang / /gzugs ni shin tu 'bar bas na/ /skye bo kun gyi dga' ba bskyed/ /baiDUR+Ya ni dri med brag /stug nang ri rab rtse gcig 'phags/ /ston gyi nyi ma rab lhan ltar/ /dpal gzugs 'bar ba 'di su zhig /de nas drang srong chen po de dag thams cad dga' ste/ mig phye thal mo sbyar nas bcom ldan 'das ga la </font><hr>456a<br><font size=+1>


@#/ /ba der dong ngo / /de nas bcom ldan 'das kyis dge slong rnams la bka' stsal pa/ dge slong dag /'dzam bu gling pa'i drang srong me'i phung po ltar 'bar ba ral pa'i cod pan can rgas pa/ rab tu rkem pa/ zas mi za zhing bsnyen par gnas pa/ shing shun dang g.yang gzhi gyon pa/ thal bas byugs pa/ thang dang brag khrod na gnas pa/ bkres bkres ltar 'dug pa/ rlung 'gam pa/ zla ba phyed bsnyen gnas byas pa/ yan lag skem pa/ gcer pu pa shing shun gyon pa/ ag tshom dang / sen mo dang / spu ring ba/ bung ba'i kha dog lta bu/ dka' thub kyi nor can/ bzlas brjod dang / sbyin sreg dang / bsrung ba dang / bkra shis pa byas pa/ sa dang / bla gab med pa dang / shing drung na gnas pa/ rkang pa gyen du bsgreng ba/ tsog tsog por 'dug pa/ chu'i nang du 'jug pa/ me mdag 'bar ba/ sreg me rab tu 'bar ba dang / nyi mas lus shin tu gdungs pa/ dka' thub drag pos yongs su bskor ba/ bab bab tu gnas pa/ rigs tsam gyis yongs su dga' ba/ bla na med pa'i ye shes dang bral ba de dag la ltos/ dge slong dag /drang srong chen po 'di dag ni/ 'khor ba las 'byung ba mi shes pa dag ste/ 'di dag ni 'dod pa dang rgyags pas myos pa/ yang srid par skye ba yongs su 'dzin pa/ lta ba'i rgyu ba yongs su ma dag pa sha stag go /de nas dge slong de dag </font><hr>456b<br><font size=+1>


bcom ldan 'das la sems thag pa nas skyabs su dong nas 'di skad ces gsol to/ /bcom ldan 'das/ bdag cag ni tshangs par spyod pa'i tshogs bsgrub pa ste/ de'i slad du bdag cag srid par skye ba mi 'dzin to/ /de nas drang srong chen po rgyas pas drang srong chen po de dag gi sems dang mi 'jigs pa dman zhing lta ba dman bar khad kyis khad kyis brtags nas gus pa skyes te| zhe sa dang bcas par drang srong gi tshogs kyis yongs su bskor nas ral pa mang po brdzes te mchod phyir thogs thogs pa/ sngo sangs po/ mig gnyis ser ba/ skra rtsub cing drugs pa| lag pa na dbyug gu gsum thogs pa/ gzugs rab tu mi sdug pa dang ldan pa/ nam mkha'i ngos la 'gro ba/ gtam sna tshogs kyi gtan tshigs dang ldan pa de bcom ldan 'das ga la ba der song ste phyin nas/ bcom ldan 'das la 'di skad ces gsol to/ /'khor 'di ni kun nas rmongs pa ste/ 'di ni gnas lags na bdag 'dir mchis par bcom ldan 'das kyis mkhyen par mdzad du gsol/ bcom ldan 'das kyis bka' stsal pa/ drang srong chen po/ srid par skye ba thams cad kyang ngas shes te/ dngos po de yang rig go /de nas tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das/ drang srong gi tshogs kyis yongs su bskor ba/ gsal ba/ zur phyin pa/ zhi pa pa/ </font><hr>457a<br><font size=+1>


@#/ /mkhas pa/ blo dang / shes pa dang / mi 'jigs pa dang / ral pa'i zur bu'i cod pan can 'di su lags/ bcom ldan 'das kyis bka' stsal pa/ kun dga' bo/ 'di ni drang srong chen po rgyas pa zhes bya ste/ rig byed rnams byed pa/ nus can bu'i bstan bcos kyis 'tsho ba/ yi ge sna tshogs sdud pa'o/ /de nas dgra bcom pa de dag thams cad kyis rgyas pa mthong nas bcom ldan 'das la 'di skad ces gsol to/ /bcom ldan 'das/ 'di ni 'khor ba'i sdug bsngal las yongs su ma grol ba lags na/ dka' thub drag pos yongs su nyon mongs pa rnyed pa 'dis ci zhig thob/ dgra bcom pa de dag yang 'di snyam du sems te/ rgyas pa 'dis bcom ldan 'das la gtam gang bdag med pa'i gtam mam/ sbyin pa dang / tshul khrims dang / rab tu ldan pa'i gtam mam/ ci'i rgyu dang rkyen gyis gtam zhig zhu snyam mo/ /de nas drang srong chen po rgyas pas bcom ldan 'das la 'di skad ces gsol to/ /bcom ldan 'das/ 'byung ba dang / da ltar drang srong chen po tshogs pa 'di ni shin tu rnyed pa dka' ba lags so/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig </font><hr>457b<br><font size=+1>


zhu'o/ /de skad ces gsol pa dang / bcom ldan 'das kyis drang srong chen po rgyas pa la 'di skad ces bka' stsal to/ /drang srong chen po khyod ci dang ci 'dod pa dris shig dang / dris pa de dang de/ de lta de ltar lung bstan par bya'o/ /de nas bcom ldan 'das la drang srong chen po rgyas pas 'di skad ces gsol to/ /bcom ldan 'das/ ji ltar sbyin pa sbyin par bgyi/ sbyin pa ma lags pa'i don gang lags/ sbyin pa zhes bgyi ba'i don gang lags/ sbyin bdag ji ltar rab tu 'tshal bar bgyi/ ji ltar na gtong ba por 'gyur/ ji ltar na sbyin bdag lags la/ gtong ba po ma lags/ ji ltar na sbyin bdag sbyin pa'i mthar 'gro ba zhes bgyi/ spungs par gnas pa'am/ brtsegs par gnas pa'am ji ltar lta bar bgyi/ ji ltar na sbyin bdag len pa la mi gnas par sbyin pa sbyin pa lags/ sbyin pa'i rnam par smin pa ji ltar lta bar bgyi/ ji ltar na bcom ldan 'das mya ngan las 'das pa'i mchod rten la mchod pa lags/ bsod nams de'i rnam par smin par ji ltar lta bar bgyi/ bcom ldan 'das khyod yongs su mya ngan las 'das nas yongs su 'dzin par 'gyur ba gang lags/ de nas bcom ldan 'das kyis drang srong chen po rgyas pa la 'di skad ces bka' stsal to/ /drang srong chen po/ sems dang po bskyed pa'i gtam khyod kyis dris pa 'di ni </font><hr>458a<br><font size=+1>


@#/ /rtsing ngo / /de nas gnas brtan shA radwa ti'i bu smin ma ring ba/ gnyer ma can/ mgo skya bos lag pa g.yas pas smin ma gzar nas/ mig lpags bteg ste bltas nas 'di skad ces smras so/ /drang srong chen po rgyas pa 'di 'jig rten na grags pa yin na gtan tshigs kyi rigs pa mi shes pa'i byis pa rogs rgod lta bur mkhas pa'i blo med de/ rgyu dang rkyen gyi gtam spangs shing / bdag med pa'i gtam por la lha yul pa'i rgyu'i gtam btang ste/ ci'i phyir sbyin pa'i gtam nyid zhus par gyur/ de nas tshe dang ldan pa kun dga' bos bcom ldan 'das kyi zhabs gnyis la phyag 'tshal te/ bcom ldan 'das la 'di skad ces gsol to/ /bcom ldan 'das/ bdag gis drang srong chen po 'di la sbyin pa'i 'bras bu'i sbyin pa'i bka' mchid bgyi'o/ /bcom ldan 'das kyis bka' stsal pa/ kun dga' bo/ de bzhin gshegs pa la dris la/ nyan thos kyis bshad pa ni de bzhin gshegs pa rnams kyi tshul ma yin te/ mi dgos kyi/ kun dga' bo/ de skad ma zer cig /'di ni gnas ma yin no| |de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ bdag gis drang srong chen po rgyas pa ci dang ci 'tshal </font><hr>458b<br><font size=+1>


pa dris pa'i lan gdab par bgyi'o/ /bcom ldan 'das kyis bka' stsal pa/ shA radwa ti'i bu khyed kyang 'di skad mi 'tsham par ma zer/ nga'i mdun na nyan thos kyis the tshom bcad pa 'di ni mi rigs te/ nga la sems can gyi sems ma rangs par 'gyur ro/ /sems ma rangs nas 'di skad du gang gi phyir rgyas pas dris na/ nyan thos 'chad du bcug pa las na/ de bzhin gshegs pa ni thams cad mkhyen pa ma yin du nges so/ /yang na ni sangs rgyas la ngar 'dzin pa yod do/ /zhes zer bar 'gyur te/ sems can dmyal bar 'gro bar 'gyur ro/ /de nas dge slong de dag bcom ldan 'das la dga' ba skyes nas 'di skad ces gsol to/ /bcom ldan 'das/ drang srong chen po rgyas pa'i the tshom bsal ba'i slad du bshad du gsol/ de nas bcom ldan 'das kyis drang srong chen po rgyas pa la 'di skad ces bka' stsal to/ /drang srong chen po/ sbyin pa'i rnam par smin pa dang / sbyin pa'i bya ba dang / sbyin pa'i rnam par dbye ba dang / sbyin pa zhes bya ba'i don gang yin pa dang / sbyin pa bdag gis yongs su spyad na ji ltar sbyin pa spyod pa dang / de dag la byin na bsod nams kyi rnam par smin pa ji ltar rab tu 'phel ba de nyon cig /gang gi phyir sbyin pa zhes bya ba dang / sbyin pa zhes bya ba'i don gang yin zhes bya ba ni/ drang srong chen po/ 'di la gtong ba pos sbyin pa'i dngos po yongs su btang </font><hr>459a<br><font size=+1>


@#/ /ste| dad pa bskyed nas gzhan byed du bcug ste/ yul gzhan du song nas byed du bcug pa des kyang nor rnams rnam par gtong bar byed na/ nor gang gi yin pa de ni sbyin bdag yin no/ /byed du bcug pas sbyin pa ni gtong ba po yin gyi/ sbyin bdag ma yin no/ /gang rang gi dngos po bdag nyid kyis sbyin pa de ni gtong ba po yang yin la/ sbyin bdag kyang yin no/ /drang srong chen po/ rnam pa sum cu rtsa gnyis kyis sbyin pa yongs su ma dag par blta'o/ /rnam pa sum cu rtsa gnyis gang zhe na/ 'di lta ste/ drang srong chen po/ 'di la gtong ba po phyin ci log tu lta bar gyur cing ma dad pa dang / ma dad pa mang la/ des sbyin pa byin na de'i sbyin pa de yongs su ma dag pa yin no/ /drang srong chen po/ gzhan yang phan btags pa'i lan du phan 'dogs par bya ba'i phyir sbyin pa byin na de yongs su ma dag pa yin no/ /des sman pa dang 'dod pa'i rgyu'i phyir gang 'di lta bu'i sems kyis me la sbyin pa sbyin no zhe'am/ me lce la sbyin pa sbyin no zhe'am/ chu la sbyin pa sbyin no zhe'am/ des bdag yongs su shes par bya ba'i phyir rgyal po la sbyin pa byin na sbyin pa de yongs su ma dag pa yin no/ /gang mi 'jigs pa'i phyir chom pa la sogs pa la sbyin pa byin te/ thun mong ma yin pa lnga byin na sbyin pa yongs su ma dag pa yin no/ /dug sbyin pa dang / mtshon cha </font><hr>459b<br><font size=+1>


sbyin pa dang / srog chags bsad de sha sbyin pa dang / bag med pa rnams la chang sbyin pa dang / 'di dag ni bdag gir 'gyur te/ bdag gi rim gro dang / mchod par 'gyur ro snyam nas sems can bsdu ba dang / 'thob pa'i phyir bsdu ba'i sbyin pa dang / gang brjod pa dang / sgra dang / tshigs su bcad pa'i phyir sbyin pa sbyin pa dang / gang gar dang / glu dang / bzhad gad dang / rtsed mo dang / gtam dang / dga' bar bya ba'i phyir rol mo mkhan rnams la sbyin pa sbyin na/ sbyin pa de yongs su ma dag pa yin no/ /gang gza'i mtshan ma'i phyir skar mkhan la sbyin pa gtong bar byed pa dang / gang gzhan gyi nor mdza' bo la sbyin pa dang / gang gi khyim mam zhing la gzhan gyi 'bru'i phung po'am/ nas dang gro'i phung po la ri dwags dang / bya za ba la de de la dga' ba dang mgu ba bskyed na de yang sbyin pa yongs su ma dag pa yin no/ /gang bzo'i phyir sbyin pa sbyin pa dang / gang yang lus mi bde bas 'jigs pa'i phyir sman pa la sbyin pa dang / gang yang slong ba rnams la spyos brgyad de tshig pa za bar byas nas sbyin pa byin na de yang yongs su ma dag pa yin no/ /gang yang sbyin pa byin pa 'di'i rnam par smin pa yod dam med ces the tshom za na de yang yongs su ma dag pa yin no/ /gang sbyin pa byin nas gdung ba dang 'gyod pas gdungs na de yang yongs su ma dag pa yin no/ /gang yang sbyin </font><hr>460a<br><font size=+1>


@#/ /pa byin nas gang bdag las khyer ba thams cad kyis tshe phyi ma la slar sbyin par 'gyur ro snyam du 'di lta bu'i sems bskyed na de yang yongs su ma dag pa yin no/ /gang bsod nams kyi rnam par smin pa 'di ni bdag nyid kyis spyad kyi/ sems can gzhan gang la yang ma gyur cig snyam du de ltar sems bskyed na de yang yongs su ma dag pa yin no/ /gang lang tshol bab pas sbyin pa byin pa dang / phyis dar phyid pa dang / rga ba'i gnas dang / na bas gzir ba dang / 'chi ba'i dus kyi tshe dang / gnad du phog pa'i sdug bsngal ba dang / snad pa dang 'chi ba'i mya ngan du gyur pa na sangs rgyas pa la dga' ba dang / dad pa med par rtsa lag rnams kyis byed du bcug ste/ sbyin gnas rnams la sbyin pa byin na de yang yongs su ma dag pa yin no/ /gang yul gzhan na gnas na yang yul dang / gnas ga ge mo zhes bya ba na bdag sbyin bdag tu grags par 'gyur ro// snyam du grags pa'i rgyur sbyin pa byin na de yang yongs su ma dag pa yin no/ /gang yang kha zas gtong mi phod pa la 'jig rten pa mi dga' bar mthong nas sbyin phod pa'i nyes pa ni 'jig rten gyis bzod do snyam ste sbyin pa byin na de yang yongs su ma dag pa yin no/ /gang yang bud med snying du sdug ste chung mar blang bar bya ba'i don du bud med kyi gzhi las </font><hr>460b<br><font size=+1>


mdza' bshes dang / gnyen 'dab dang 'brel ba'i phyogs la nor bu dang / gser dang / dngul dang / rdo rje dang / bai DUR+Ya dang / dar dang / byi ru dang / du ku la'i ras la sogs pas mgu bar byed na de yang yongs su ma dag pa yin no/ /gang yang 'di ltar bdag la nor ni mang du yod la/ bdag la bu med de/ bdag gis gang rigs pa la gtang bar bya'o snyam ste sbyin pa byin na de yang yongs su ma dag pa yin no/ /gang yang tshe 'dir byin pas 'jig rten pha rol tu rnyed par 'gyur ro snyam pa'i sems kyis sbyin pa byin na de yang yongs su ma dag pa yin no/ /gang me tog dang / 'bras bu dang / zang zing 'dod pas dbul ba dang / bkren pa dang / sdug phongs pa gos dengs shing dri ma can rnams bkol te bor la/ phyug pa rgya chen po thob pa dag la sbyin pa byin na de yang sbyin pa yongs su ma dag pa yin te/ drang srong chen po/ rnam pa sum cu rtsa gnyis po 'di dag ni sbyin pa byin yang yongs su ma dag pa yin par lta'o/ /drang srong chen po/ de dag gi rnam par smin pa ni tshwa sgo can gyi zhing la sa bon ngan pa btab pa'i myu gu skyes pa bzhin du lta ste/ sbyin pa de'i rnam par smin pa ni med pa ma yin mod kyi /'on kyang zhing dang / sa bon gyis nyes pas me tog dang 'bras bur mi 'gyur ro/ /drang srong chen po/ 'di lta ste/ dper na/ skyes bu la la zhig gang 'dod pa'i sa bon khyer te/ </font><hr>461a<br><font size=+1>


@#/ /ma rmos ma bsal ba'i zhing la btab na de'i sa bon sa la gnas pa de la char pa bab nas bangs na gdon mi za bar myu gu skye nus par 'gyur te/ 'on kyang me tog dang 'bras bur mi 'gyur ro/ /drang srong chen po/ de bzhin du sbyin pa de'i rnam par dbye ba de yang bsam pa dang sbyor ba kun nas nyon mongs pa can du gyur pas 'bras bu rnam par smin pa grung por mi 'gyur ro/ /de nas drang srong chen po rgyas pas thal mo sbyar te/ bcom ldan 'das la 'di skad ces gsol to/ /bcom ldan 'das kyis thams cad mkhyen pa dang mthun pa'i rnam par smin pa skye dgu rnams la phan pa dang bde bar bgyid pa ni bstan lags so/ /bcom ldan 'das/ ji ltar tshul khrims 'chal ba dang / tshul khrims dang ldan pa la stsal na sbyin pa'i rnam par smin pa chab mi 'tshal ba lags/ bcom ldan 'das kyis bka' stsal pa/ drang srong chen po khyod sbyin pa'i rnam par smin pa la 'jug pa nyon cig /drang srong chen po/ dad pas gang cung zad ci byin pa de dag thams cad ni sbyin pa zhes bya'o/ /drang srong chen po/ gang yang 'jig rten pha rol gyis 'jigs pas snod la mi rtog par ma bslangs par yang tshul khrims dang ldan pa'am/ ngan pa'i tshul khrims 'chal ba la dad pa bskyed nas mig phye ste/ sems can thams cad la mnyam pa'i sems </font><hr>461b<br><font size=+1>


kyis sbyin pa byin na drang srong chen po de ni sbyin bdag yin no/ /drang srong chen po/ gzhan yang sbyin pa lnga yongs su rdzogs par bya'o/ /lnga gang zhe na/ mgron po dang / nad pa dang / nad g.yog dang / chos smra ba dang / yul gzhan du 'gro ba la dus su sbyin pa ste/ lnga po de dag go /gzhan yang lnga ste/ chos sbyin pa dang / zang zing sbyin pa dang / gnas sbyin pa dang / mar me sbyin pa dang / spos dang phreng ba sbyin pa'o/ /drang srong chen po rgyas pas gsol pa/ bcom ldan 'das/ sbyin pa yongs su dag pa gang lags/ bcom ldan 'das kyis bka' stsal pa/ gang dad pa bskyed de/ sems can thams cad la dmigs shing byams pa dang ldan pa'i sems kyis gus par byas te/ dul bas sbyin pa byin pa de thams cad ni yongs su dag pa yin no/ /thar par bsngos te sbyin pa byin pa ni yongs su dag pa zhes bya'o/ /gzhan yang sbyin pa bla na med par lta ba lnga ste/ lnga gang zhe na/ de bzhin gshegs pa la sbyin pa byin pa ni bla na med pa yin no/ /dge 'dun la sbyin pa byin pa ni bla na med pa yin no/ /chos smra ba la sbyin pa byin pa ni bla na med pa yin no/ /nad pa la sbyin pa byin pa ni bla na med pa yin no/ /pha ma la sbyin pa byin pa ni bla na med pa yin no/ /gzhan yang sbyin pa chen por 'gyur ba ni rgyal po rgyal srid kyi dbang phyug las nyams pa la sbyin pa byin na sbyin pa </font><hr>462a<br><font size=+1>


@#/ /chen po yin no/ /rgyal pos mnar ba dang / mgon med pa dang / nad pa la sbyin pa byin na sbyin pa chen po yin no/ /rgyal pos spangs nas gzhan na yang nyam nga zhing srog chad la khad pa 'chi la thug pa las gsos na sbyin pa chen po yin no/ /na ba la sman byin na sbyin pa chen po yin no/ /tshul khrims phun sum tshogs pa'i 'phags pa'i dge 'dun la dus su sbyin pa byin na 'bras bu chen po yin no/ /ting nge 'dzin la snyoms par zhugs pa dang / shes rab phun sum tshogs pa dang / rnam par grol ba phun sum tshogs pa dang / rnam par grol ba'i ye shes mthong ba phun sum tshogs pa la sbyin pa byin pa ni sbyin pa chen po yin no/ /dud 'gro'i skye gnas su song ba bya rog dang / 'ug pa dang / ri dwags la sogs pa la mi 'jigs pa byin na sbyin pa chen po yin no/ /gang la gang dgos pa dang / mi bdog pa de'i bsam pa yongs su rdzogs par byed pa ni sbyin pa chen po yin te/ drang srong chen po/ de ltar na sbyin pa byin pa yongs su dag pa dang / sbyin pa chen po yin no/ /sbyin pa yongs su dag pa 'di dag 'dod pas de ltar sbyin pa yongs su dag par bsgom par bya'o/ /sems can gang dag gzhan dag gis da ltar bskul nas dad pa dang / dang ba bskyed de/ sbyin pa yongs su dag pa </font><hr>462b<br><font size=+1>


'di la rjes su yi rang bar 'gyur ba de dag mtshungs par bsod nams skyed pa po dang / sbyin bdag tu 'gyur te/ de ltar na gang rjes su yid rang ba dang / gang bskul ba de dag thams cad bsod nams skyed pa por mtshungs par 'gyur ro/ /drang srong chen po/ gang sangs rgyas bcom ldan 'das yongs su mya ngan las 'das pa na bsod nams kyi rnam par smin pa ji ltar 'gyur/ ji ltar sbyin pa'i bsod nams zad par 'gyur zhes khyod kyis smras pa/ drang srong chen po/ de'i phyir legs par rab tu nyon la yid la gzung zhig dang / ngas bshad do/ /drang srong chen po/ gang la la zhig bcom ldan 'das yongs su mya ngan las 'das pa dang / da ltar bzhugs pa la mchod pa byed pa de'i rnam par smin pa ni mtshungs mnyam zhing 'dra'o zhes nga 'chad do/ /de ci'i phyir zhe na/ de bzhin gshegs pa rnams ni gzugs chos kyi skus rab tu phye ba yin gyi/ chos gzugs kyi skus rab tu phye ba ma yin pa'i phyir ro/ /gang la la zhig nga 'dug pa'am/ nga yongs su mya ngan las 'das pa la mchod na sems mtshungs pa'i phyir 'di gnyis la bsod nams kyi khyad par cung zad kyang med do/ /drang srong chen po/ 'di lta ste/ dper na/ 'khor los sgyur ba'i rgyal pos ris su gtogs pa rnams la bsgo ba/ nga'i gang gis kyang deng phyin chad srog gcod pa dang / </font><hr>463a<br><font size=+1>


@#/ /ma byin par len pa dang / 'dod pa log par g.yem pa dang / rdzun gyi tshig 'byin pa dang / phra ma dang / ngag rtsub po dang / tshig kyal pa 'byin par mi bya'o/ / brnab sems dang / gnod sems dang / log par lta ba'i sems bskyed par mi bya'o zhes bsgo la/ de la mi la las rgyal pos bsgo ba de thos nas bsgo ba rnams rjes su bsrungs na| rgyal po de'i lus la mchod pa byed pa ma yin mod kyi/ rgyal po ngas bsgo ba bzhin du de dag gis kyang byas so snyam ste dga' bar 'gyur ro/ /de dag rgyal po des bstan cing bsgo ba rab tu bsrung zhing srog gcod pa la sogs pa kun bsrung ba de'i las kyi rnam par smin pas mtho ris kyi 'jig rten du skye ba yongs su 'dzin par 'gyur ro/ /gang dag rgyal po des bstan cing bsgo ba mi bsrung zhing / mi dge ba'i las la sbyor ba de dag mi dge ba'i las byed pas tshe 'di la rgyal po de las sdug bsngal rjes su 'thob par 'gyur/ de 'di nas shi ba'i dus byas nas kyang log par ltung bar 'gro bar 'gyur ro/ /drang srong chen po/ de bzhin du gang dag gis nga la gzugs kyi skur mthong la bslab pa rnams rjes su mi bsrung ba de dag gis ci 'thob par 'gyur zhe na/ de dag gis log par lta ba bskyed nas lhas byin bzhin du sems can dmyal bar 'gro bar 'gyur ro/ / </font><hr>463b<br><font size=+1>


gang dag nga yongs su mya ngan las 'das pa na bslab pa rnams bsrung ba dang / mchod pa yang byed par 'gyur ba de dag ni ngas mchog dam par shes so/ /drang srong chen po/ de ltar nga mchog tu phyin te sems can thams cad las khyad par du 'phags shing / thams cad mkhyen pa'i ye shes thob pas ma nges pa'i sems can rnams la ming bsgrags pas kyang bslab pa phun sum tshogs par bya'o/ /drang srong chen po/ gang la la zhig nga yongs su mya ngan las 'das te/ 'das pa'i 'og tu mchod pa byed pa de nga 'dug pa la mchod pa bzhin du 'gyur ro/ /drang srong chen po/ sems can de dag bsod nams lhag par bya ba gang byed pa thams cad ni bsod nams chen po'i 'phen pa byang chub tu 'gyur bar byas pa yin no/ /drang srong chen po/ 'di lta ste/ dper na/ chu ngogs kyi 'dam bu stug po'i nang du me btang na char pa'i rgyun 'bab pa'i chus de zhi bar 'gyur ro/ /drang srong chen po/ de bzhin du sbyin bdag sbyin pa'i bsod nams kyi tshogs chen po sdud par 'gyur ro/ /sbyin pa'i tshogs de yang sbyin pa po nyid kyi rgyud la dad pa'i char pa bab na sbyin pa po nyid kyi rgyud la gsog par 'gyur mod kyi/ sbyin pa byin pa de yang phung por gnas pa'am/ spungs par gnas pa'am/ phyogs na gnas pa mi 'gyur ro// </font><hr>464a<br><font size=+1>


@#/ /gang yang 'di ltar sbyin pa byin pa de'i byin pa de ni sbyin pa po de la grib ma bzhin du rjes su 'brang par 'gyur te/ de nas sbyin pa po des bsod nams kyi rnam par smin pa de mthong yang bsod nams de khong du mi chud do/ /drang srong chen po/ 'di lta ste/ dper na/ rgun rlon dang / bu ram shing ma btsir ba de la khu ba mi dmigs kyi/ btsir nas dmigs te rgun 'bru dang / bu ram shing de'i khu ba de yang phung por gnas pa'am/ spungs par gnas pa'am/ phyogs na gnas par mi snang ngo / /khu ba de ni rgun 'bru re re dang / bu ram shing gi dum bu re re'i nang du 'dus pa yang ma yin no/ /drang srong chen po/ de bzhin du sbyin pa byin pa de yang sbyin pa po'i lag pa'i rtse mo dang / snying dang / brang la rnam par mi gnas te/ sbyin pa de rnam par smin pa mi 'byin pa yang ma yin la/ sbyin bdag 'dor ba yang ma yin no/ /ji ltar rgun 'bru dang / bu ram shing bor na khu ba de dmigs par mi 'gyur ba de bzhin du sbyin bdag med na sbyin pa'i rnam par smin par mi 'gyur te/ tshe'i 'du byed ma btang bar yang sbyin pa'i rnam par smin pa snang ba ma yin no/ /drang srong chen po/ 'di lta ste/ dper na/ shing n+ya gro d+ha'i sa bon kha ma bus par shin tu snang bar mi 'gyur ro/ /de bzhin du sbyin pa 'phel ba las 'bras bu grung por 'gyur ro/ /drang </font><hr>464b<br><font size=+1>


srong chen po/ 'di lta ste/ dper na/ tshong pa la la zhig rdzas kyi tshogs nyung ngu zhig khyer te/ yul gzhan gyi grong khyer du song nas/ tshong 'dus khyad par can du rang gi rdzas nor chen po rgyas par bsgyur te/ de'i nor de nyung ngu las mang por gyur pa dang / sbrang rtsi'i sbrang mas me tog ma rungs par byas pa ltar sbyin bdag gi rnam par smin pa yang rgya cher gsog par 'gyur ro/ /dper na/ sprin ni ma 'ongs pa'i char pa'i chu rab tu 'dzin to/ /de bzhin du sbyin bdag kyang rnam par smin pa 'phen par byed de/ drang srong chen po/ de ltar sbyin bdag bsod nams 'phen par byed cing sbyin pa sbyin no/ /de'i 'bras bu la yang spyod do/ /de bas na len pas sbyin par shes par byed do/ /drang srong chen po/ bsod nams zhes bya ba ni 'jig rten pha rol tu rdzogs par byed pa'am mthu rtsal thob pas bsrung ba ste/ de bas na bsod nams zhes bya'o/ /'jig rten pha rol nas gcig nas gcig tu lus dang longs spyod skyed par byed pas de'i phyir 'jig rten pha rol gyi zhes bya'o/ /de nas bcom ldan 'das la drang srong chen po rgyas pas 'di skad ces gsol to/ /bcom ldan 'das kyis bdag gi sbyin pa'i rnam par smin pa ni bka' stsal to/ /bcom ldan 'das/ rnam par shes pa lus su ji ltar 'jug /rnam par shes pa 'di ji ltar na lus la chags pa bskyed/ </font><hr>465a<br><font size=+1>


@#/ /bcom ldan 'das kyis bka' stsal pa/ drang srong chen po/ 'di lta ste/ dper na/ rgyal po grong khyer gyi dbus na 'dug na pha rol gyi dmag tshogs kyis 'jigs pas thog ma nyid du 'obs rko zhing rdzas dang / sman dang / 'phong gi slob dpon dang / skyes bu dpa' bo sdud par byed cing / rgyal mtshan bsgrengs nas gzhon nu rnams la smra'o/ /glang po che dang / ba glang mo chang gis ra ro bar byed do/ /rigs dang nags na gnas pa thams cad dang / zhang blon la sogs pa thams cad sdud do/ / dmag mi rnams kyang nor gyis bsdus nas/ 'di skad du thams cad kyang 'thab 'dod par gyis te so so'i lag cha thogs la ral gri phyung ste/ nyin mtshan ma nyal bar 'dug cig ces bsgos nas/ pha rol gyi dmag rta dang / glang po che dang / mir 'dres pa 'ongs pa dang / 'di ltar rgyal po des bdag gi dmag dbugs 'byin cing / pha rol gyi dpung rang gi bsod nams zad pa dang / mthu rtsal zad pa dang / mtshon gyis rmas pa dang / pham par ma gyur gyi bar du 'khor la glags mi rnyed par srung bar byed do/ /drang srong chen po| de bzhin du rnam par shes pa'i rgyal po lus kyi grong khyer du song nas/ skye mched kyi grong khyer la mi rtag pa'i ngo bor gnas par mthong nas de'i tshe dad pa'i 'obs rko bar byed/ </font><hr>465b<br><font size=+1>


brtson 'grus la gnas te 'dug /bzod pa'i go cha gyon/ brtsam pa chen po rtsom/ chos kyi glang po che rgyags par byed/ ye shes kyi rta yang zhon zhing rgyug ste/ skye mched kyi grong khyer la 'di skad ces bag yod par ci bya ba dus su gyis shig /pha rol gyi dmag tshogs kyi dpung thub par dka' ba mi rtag pa'i dmag dpag tu med pa 'ong gi /de myur du sbyin pa'i go cha gyon cig /ye shes kyi mtshon cha thogs shig /ngo tsha shes pa dang / khrel yod pa'i sgyogs sbyor cig /tshul khrims dang / ting nge 'dzin dang / gtong ba'i srung ma zhog cig ces bskul lo/ /de dag kyang pha rol gyi dmag nye bar gnas pa de dang phan tshun mi mthun pas 'bros so/ /de dag dang mi mthun pas skye mched kyi grong khyer de zhi gnas rnam par shes pa'i rgyal po de lus kyi grong khyer bor te/ de yul la phyogs nas 'bros so/ /rnam par shes pa bros nas lus dang dbang po'i tshogs khams kyi sbrul gyis gang bas skye mched drug zhig nas bdag po med pa/ yid brtan du mi rung ba'i lus kyi grong khyer 'jig par 'gyur ro/ /drang srong chen po/ de bzhin du rnam par shes pa'i rgyal pos lus kyi grong khyer bor nas lus gzhan yongs su 'dzin par byed de/ de ltar na rnam par shes pa ni rgyal po ltar blta'o/ /de nas bcom ldan 'das la drang srong chen po rgyas pas 'di skad ces gsol to/ /bcom ldan </font><hr>466a<br><font size=+1>


@#/ /'das/ rnam par shes pa bsod nams su nye bar mchi ba'am/ bsod nams ma lags pa nye bar mchi ba'am/ mi g.yo bar nye bar mchi ba'i lus ji ltar rab tu 'tshal/ rnam par shes pa 'di nyid kyis bdag gi lus 'di yongs su btang ngam/ ma btang snyam du ji ltar rab tu 'tshal/ bcom ldan 'das kyis bka' stsal pa/ drang srong chen po/ 'di lta ste/ dper na/ skyes bu rgya mtsho chen po rgal bar 'dod pas/ gzings chen po'i steng du 'dug nas chu'i nang du zhugs pa dang / rgya mtsho chen po'i chu rlabs rgyud mar 'byung bas dkrugs pa mthon dman can/ kum+b+hi ra ma rungs pa dang / 'dzin khri dang / chu srin byis pa gsod dang / sbrul yod pa'i chu de'i tshu rol gyi 'gram nas rlung gis phul nas 'bang mi dgos shing / gnod pa med la bde bar gnas te/ pha rol gyi 'gram du phyin par gyur to/ /chu bo'i klung rab tu 'jigs pa de las thar bas gzings de la dga' ba bskyed nas/ gzings 'dis bdag mtsho chen po 'di las brgal to snyam bsams nas/ gzings de la lan gsum bskor ba byas te/ gzings de la rab tu mchod pa byas so/ /drang srong chen po/ de bzhin du gang bsod nams byas pa'i sems can 'di nas shi 'phos pa de'i </font><hr>466b<br><font size=+1>


rnam par shes pa de 'di snyam du sems te/ lus 'dis bdag bde 'gro lha dang mir skye ba yongs su bzung ba dang ldan pas bdag don yod pa mi'i lus thob par 'gyur te/ lus 'dis bdag ngan song du 'gro ba'i rgya mtsho las brgal te/ 'dis lhar skye ba'i gnas yongs su bzung ngo zhes 'di ltar lus de la dga' ba bskyed nas/ bdag gis 'di la mchod pa legs par bya'o snyam mo/ /phyis lus de gzings bzhin du bor nas 'jig rten pha rol tu 'gro'o/ /gang rang gi lus kyis bsod nams ma byas pa de'i rnam par shes pa de ni ji ltar skyes bu gzings rul bas mtsho chen po de'i nang du 'bying zhing zhig ste ma rungs par gyur nas/ skyes bu de yang nyam thag ste gzings zhig pa des 'jigs bzhin du 'gram du phyin nas kyang / seng ge dang / stag yod pa'i 'jigs sar phyin par gyur nas de la 'di skad ces zer ro/ /gzings rul pas nyon mongs kyi steng du log par sod nas mtsho chen po'i chu rlabs kyis dkrugs pa/ sbrul gyis klongs par zhugs so zhes gzings de la de skad smra'o/ /de bzhin du rnam par shes pa'i 'di bsod nams ma yin pa byas pa'i lus la brten nas ngan song gi sar song nas lus de la 'di skad zer ro/ /sdig pa'i lus 'dis ci zhig rnyed na sdig pa can gyi lus mngon par grub nas bdag khur lta bus </font><hr>467a<br><font size=+1>


@#/ /non par gyur/ bdag lus rul pa 'di'i rgyus ngan song du mngon par phyogs shing zhugs te mchil bas nya zin pa bzhin no snyam mo/ /de ltar rnam par shes pa de legs par byas pa'i bsod nams kyis gzings bzang po bzhin du 'khor ba las rgal bar byed do/ /bsod nams ma yin pas ni log par ltung par byed do/ /de ltar na rnam par shes pas bsod nams su nye bar 'gro ba dang / bsod nams ma yin par nye bar 'gro ba'i lus rnam pa 'di gnyis rab tu shes so/ /yang rnam par shes pas lus 'di yongs su btang nas gzhan lus gnyis par 'gro zhing nye bar 'gro'o/ /de mngal na gnas pa'i tshe zhag bdun gyi bar du rnam par shes pas bdag 'di nas shi 'phos nas 'dir 'ongs so/ / las 'di byas so/ /bdag gis las 'di byas so zhes de dran nas/ de legs par byas pa'i las kyis dga' bzhin du 'gro'o/ /de rum na gnas pa na de'i ma la mtshan ma gsum 'byung ngo / /gsum gang zhe na/ bzhin 'dzum zhing / de'i bzhin rnyi rnyi po ma yin pa dang / bzhin lha'i kha dog lta bur 'gyur zhing / rkang pa g.yas pa la rab tu gnon la/ dku g.yas pa la lan du mar nyug pa dang / de gos dkar po dang rab tu mdzes pa ste/ bsod nams su nye bar 'gro ba'i rnam par shes pa ma'i mngal na gnas pa'i tshe/ ma'i gzugs de lta bur blta'o// </font><hr>467b<br><font size=+1>


drang srong chen po/ gang bsod nams ma yin pa'i rnam par shes pa bskyed par gyur pa de zhag bdun gyi bar du bdag de nas shi 'phos nas 'dir skyes so/ /sdig pa'i las ni 'di byas so zhes de lta bu dran par 'gyur ro/ /de de lta bu dran nas yid mi bde ba skye'o/ /yid mi bde ba skyes pa de'i ma la ltas mang du 'byung bar lta ste/ lus dri mi zhim par 'gyur ba dang / lus rid par 'gyur ba dang / lus la sems pas khyab par 'gyur ba dang / yang dang yang du bzhin khro gnyer sdud par 'gyur ba dang / gang tshun chad sems can de mngal du skyes par gyur pa de tshun chad khyim der nyon mongs pa dang / gnod pa dang / nad mang por 'gyur ro/ /sems can de btsas pa'i tshe yang na ni ma 'chi ba'i dus byed pa dang ldan par 'gyur ro/ /yang na ni bdag nyid mngal na gnas pa'i tshe ma rungs par 'gyur te/ drang srong chen po/ de lta bu ni bsod nams ma yin pas nye bar 'gro ba'i sems can du blta'o/ /de nas bcom ldan 'das la drang srong chen po rgyas pas 'di skad ces gsol to/ /bcom ldan 'das/ 'di la rnam par shes pa de thog ma mngal du skyes pa'i tshe ci dran/ ci rnam par shes par 'gyur/ bcom ldan 'das kyis bka' stsal pa/ drang srong chen po/ 'di la rnam par shes pa thog ma skyes pa'i tshe 'di lta bu dran par 'gyur te/ kun dga' ra ba dang / skyed mos tshal dang / nags tshal dang / rdzing dang / lu ma dang / gser gyi </font><hr>468a<br><font size=+1>


@#/ /gzhal med khang mthong zhing / 'dzam bu'i gling 'dir skye bo mdza' ba 'du bas gang ba dang / mchog tu yid du 'ong ba'i bsod nams byed pa'i sems can gyis gang bar mthong ngo / /lha'i shes pa'i snang bas tshe rabs brgya stong du ma rjes su dran no/ /rjes su dran zhing rjes su dran nas kyang dga' ba bskyed de/ 'di ni skye ba lnga brgyar bdag gi mar gyur to zhes de ltar rab tu shes te/ de ltar rjes su dran nas ma de la chags par mi byed cing / 'dod chags dang bral ba bskyed de/ kye ma'o/ /'di ltar yang skye ba dang 'byung ba ni sdug bsngal te 'khor bas ni chog go/ yongs su 'dzin pa 'dis kyang chog go snyam mo/ /de skad ces bka' stsal pa dang / drang srong chen po rgyas pas bcom ldan 'das la 'di skad ces gsol to/ /bcom ldan 'das/ sems can de ni mi chags na 'khor ba las 'byung bar 'gyur ram/ bcom ldan 'das kyis bka' stsal pa/ drang srong chen po/ thams cad de lta bu ni ma yin te/ rnam par shes pa de ni gzugs med pa/ bstan du med pa/ snang ba med pa'o/ /gang rnam par shes pa'i khams chags pa med par gyur pa/ 'khor bar mi skye ba de lta bu'i gnas med do/ /bsod nams su nye bar 'gro ba dang / mi g.yo bar 'gro ba dang / mya ngan las 'das par nye bar 'gro ba thams cad de ltar 'gyur ro/ /drang srong chen po/ de dag ni 'di ltar lta ste/ rnam par shes pa </font><hr>468b<br><font size=+1>


gang de ltar sems pa de ni rnam par shes pa'i shas che bar lta ste/ lus kyi shas che bas ni mi nus so/ /rnam par shes pa ni tshor bar byed pa/ rnam par shes pa ni sems par byed pa ste/ de'i phyir rnam par shes pa zhes bya'o/ /drang srong chen po khyod kyis rnam par shes pa de de ltar khong du chud par bya'o/ /de nas de'i tshe bcom ldan 'das kyis tshigs su bcad pa 'di dag bka' stsal to/ /dgra rnams thams cad shin tu bsrung / /nyon mongs gsog par byed pa po/ /shes dang mi shes shes pa po/ /shes rab dang ni gti mug ldan/ /lta dang nga rgyal ma rig dang / / rnam par shes pa kun la yod/ /rnam par shes pa med par ni/ /gang yang 'byung bar mi 'gyur ro/ /rnam par shes pa med par ni/ /de dag 'du bar mi 'gyur te/ /cig car gyur na 'du bar 'gyur// gcig min 'khor lo shing rta bzhin/ /skyes bu mnyam du 'du ba ni/ /nyid dang gzhan dang gnyis kas min/ /gcig gis ma yin gzhan gyis min/ /glang gnyis ji lta bzhin du'o/ /shing rta sna bsgyur gnyis dang ni/ /'khor lo gnyis su ldan pa dang / /theg pa dag gis bcings byas pa/ /shing rta zhes ni yongs su grags/ /de ltar lus kyi shing rta yang / /khams kyi 'du 'phrod rnams las 'byung / /de las dbang po ldan 'gyur te/ /rnam par shes pas rab tu bstan/ /gnad dang mtshams su sbyor ba dang / /de ltar rtsa dang 'jing chu dang / /skra dang rus pa so dang mgo /sen </font><hr>469a<br><font size=+1>


@#/ /mo pags pas mdog byas dang / /rgyu ma glo ba mkhal ma dang / /snying dang 'tsher pa tshil bu dag/ thams cad mnyam du 'dus pa las/ /lus ni shin tu gnas pa yin// de la khams ni lus can te/ /sems las dngos po kun 'byung bas/ /de phyir rnam par shes kyir 'dod/ /de ni 'khor los bsgyur bar 'dod/ /drang srong chen po/ gzhan yang rnam par shes pa 'di ni phra ba/ gzugs med pa/ bstan du med pa/ mi mngon pa ste/ 'di ni kha dog dang / dbyibs dang / gzugs kyi dbang po ma yin no/ /dbang po rags pa bor ba'i phyi na rnam par shes par lta ba gzhan med de/ mi'i snying 'phar ba dang / 'jigs pa gang las byung ba dang / rnam par rtog pa dang / rnam par dpyod pa gang yin pa de thams cad ni rnam par shes pa'i shas che ba yin gyi/ lus kyi shas che ba ma yin no/ /de nas bcom ldan 'das la drang srong chen po rgyas pas 'di skad ces gsol to/ /bcom ldan 'das/ sems can rnams kyi sngon gyi rang bzhin ji ltar blta bar bgyi/ sems can dmyal bar nye bar mchi ba dang / yi dwags su nye bar mchi ba dang / dud 'gro'i skye gnas su nye bar mchi ba'i rang bzhin ji ltar blta bar bgyi/ ji ltar lhar nye bar mchi ba dang / ji ltar mir nye bar mchi ba dang / dge ba'i rtsa ba rnams dang / mi dge ba'i rtsa ba rnams gang lags par blta bar bgyi/ dge ba'i rtsa ba </font><hr>469b<br><font size=+1>


gang dag gis lha dang / mir skye bar 'gyur/ mi dge ba'i rtsa ba gang dag gis sems can dmyal ba dang / dud 'gro dang / yi dwags su skye bar 'gyur ba 'di dag bcom ldan 'das kyis lung bstan du gsol/ bcom ldan 'das kyis bka' stsal pa/ drang srong chen po khyod sems can rnams kyi rang bzhin dang / dge ba'i rtsa ba rnams dang / 'chi 'pho dang / skye ba nyon cig /yang thams cad mkhyen pa'i yul 'di ni mngon par shes pa lnga'i yul ma yin no/ /'di ni lha rnams dang / tshangs pa la sogs pa 'og min la thug pa rnams kyi ma yin te/ 'di ni nyan thos rnams kyi skabs kyang ma yin na sems can gzhan rnams kyi lta gal yin/ drang srong chen po/ gang dri ma gsum spangs pa'i chos nyid dang po thob pa/ nga'i bstan pa la rgyun du zhugs pa'i rnam par shes pa'i yul ni 'di yin te/ de lha dang / drang srong thams cad kyis ni ma yin no/ /de skad ces bka' stsal pa dang / drang srong chen po rgyas pas bcom ldan 'das la 'di skad ces gsol to| |bcom ldan 'das/ bdag ni rgas 'khogs gtugs pas da 'bras bu rnams la btsal ba'i rngo mi thogs so/ /bdag da khur chen po bskur ba'i rngo mi thogs so/ /bdag da bcom ldan 'das dang / chos dang / tha ba thams cad spangs pa'i 'phags pa'i dge 'dun la skyabs su mchi'o/ /bdag deng slan char slob ma dang bcas/ g.yog dang bcas te gsum la skyabs su mchi'o/ / </font><hr>470a<br><font size=+1>


@#/ /bcom ldan 'das/ lha'i 'jig rten nas shi 'phos nas 'gro ba gang du 'gyur ba de bshad du gsol/ /bcom ldan 'das kyis bka' stsal pa/ drang srong chen po/ de'i phyir legs par rab tu nyon la yid la gzung zhig dang / lha'i 'jig rten du skye ba'i rang bzhin gang yin pa dang / ltas gang yin pa ngas bshad do/ /drang srong chen po/ 'di la me tog dang / spos dang / phreng ba sbyin pa dang / bsten pa dang / bsgoms pa dang / mang du byas pa dad pa dang ldan pa'i skyes bu ni 'chi ba'i dus byas na phreng thogs kyi lha'i nang du skye'o/ /drang srong chen po/ de 'chi ba'i dus kyi tshe de lus dri rab tu zhim pa'i spos kyis bsgos pa'i me tog bzhin du snang ngo / /drang srong chen po/ de la me tog gi char mang po rab tu bab nas 'chi ba'i dus byed par 'gyur ro/ /de'i lus la me tog kha dog sna tshogs rab tu 'thob par 'gyur/ de'i rtsa lag snying du sdug pa gang yin pa de dag kyang me tog thogs shing mya ngan byed par 'gyur/ de'i bzhin gyi mdog snum par 'gyur/ de'i mig ha cang btsums pa yang ma yin/ ha cang phye ba yang ma yin par 'gyur/ rkang lag legs par brkyang nas 'chi ba'i dus byed par 'gyur te/ de 'chi ba'i dus kyi tshe 'di lta bu'i rtags 'di dag 'byung ngo / /'di lta bu'i ltas kyang mthong bar 'gyur te/ khang pa brtsegs pa me tog sna tshogs rab tu dpyangs pa/ me tog tha dad pas mdzes par byas </font><hr>470b<br><font size=+1>


pa bud med brgya stong gis bskor ba mthong nas rtsa lag rnams la 'di skad ces smra ste/ bdag gi rmi lam na khang pa brtsegs pa lha'i me tog rnam pa sna tshogs dang / me tog gi lda ldi dpyangs pa/ lha'i me tog bkram pa/ bud med brgya stong gis bskor ba de lta bu mthong ngo zhes bdag gis rtsa lag de dag la smras nas/ de dag gis kyang phreng thogs kyi lha'i nang du skye bar rig go /de 'chi ba'i dus byas nas phreng thogs kyi lha'i nang du skye ba na pha dang ma 'dus par mthong nas skye ba yongs su 'dzin to/ /phreng ba thogs pa de dag kyang gnyis kyi dbang po gnyis sprod par 'gyur te/ 'di lta ste/ dper na/ 'dzam bu gling pa'i mi bzhin no/ /de la de dag gi rnam par shes pa phan tshun 'dres shing dga' ba tsam gyis non pas 'jug par 'gyur gyi/ de dag khu ba 'byung ba ni ma yin no/ /drang srong chen po/ lha de dag ni lha mos mngal na zhag bdun du 'dzin to/ /zhag bdun 'das pa nas dku g.yas pa nas 'byung ngo / /drang srong chen po/ de de'i mngal nas byung nas lha'i me tog dri rab tu zhim pa mchog tu yid du 'ong ba sna tshogs pa brgyus pa'i phreng ba/ brang las 'byung bar 'gyur ro/ /drang srong chen po/ de'i phreng ba'i dri rab tu zhim pa'i ngad rlung gis ba das nas phyogs kun tu dpag tshad tsam du 'gro'o/ /phreng ba de la kha dog bdun yod pa 'di lta ste/ dkar po dang / dmar po dang / ser po dang / sngon po dang / bai DUR+Ya dang / rma dang / pad+ma rA ga las lhag pa ste/ blta na sdug pa sna tshogs kyi phreng ba de dag de ma shi bar </font><hr>471a<br><font size=+1>


@#/ /du ma rnyis par thogs par 'gyur te/ de'i phyir phreng thogs zhes bya'o/ /drang srong chen po/ phreng thogs kyi lha de dag gi gnas de na/ shing ljon pa ha cang yang mi ring ba/ ha cang yang mi thung ba/ 'bras bu sna tshogs ha cang yang mi skyur/ ha cang yang mi mngar la/ bdud rtsi dang 'dra ba'i ro bro ba mang po bzang po lha'i ro bro ba yan lag brgyad dang ldan pa dag yod do/ /drang srong chen po/ shing de dag gi 'bras bu de dag gi tshad ni shing tog bil pa tsam mo/ /de dag gi nang nas lha rnams gang dang gang za bar 'dod pa'i zas de dang de dag la nye bar gnas te/ lha de dag ni 'bras bu za bar lta'i/ kham gyis za ba'i zas can ma yin no/ /drang srong chen po/ lha de dag gi phyogs ni rab tu rno ba'i tsher ma'i bag med pa/ me tog gis mdzes par byas pa/ ne'u gsing gis khebs pa/ gser dang dngul gyi phreng ba sna tshogs kyis mdzes par byas pa/ yid tsam ser ba lta bur snang ba'o/ /drang srong chen po/ gnas de na phreng ba thogs pa'i lha de dag lha'i bu mo mchog tu 'bar ba'i gos dang rgyan can/ skar khung dang / kha khyer dang / pu shu'i ngos la rgyu ba/ bde ba dang yid bde ba mchog dang ldan pa dag dang gnas so/ /de na de dag gi tshe'i tshad ni lo nyis stong thub bo/ /de nas tshe zad pa'i ltas 'byung ba ni shing gang gi drung na 'dug 'dug pa'i shing de lo ma rnyis pa dang / yal ga 'phyang ba dang / me tog dang dri yang med par 'gyur te/ sems can </font><hr>471b<br><font size=+1>


de yang shing drung de na mi dga' ba rnyed par 'gyur/ de'i phreng ba sngon ma rnyis pa de yang rnyis par 'gyur/ lha'i 'jig rten gyi rlung bsil zhing bde bar ldang ba de yang dro bar ldang bar 'gyur ba ste/ de'i gnas de dag mthong nas lha'i bu mo de dag nga ro gcig tu snying rje rje skad du smre sngags 'don te/ sems can de yang mtho ris kyi grong khyer lha'i shing dang / me tog dang / 'bras bus mdzes par byas pa dang / lha'i bu mo'i tshogs dang 'dre ba yongs su btang nas bsod nams zad bar 'gyur ba 'di ni mtho ris kyi nyes pa'o/ /drang srong chen po/ de nas lha'i bu mo de dag gis de'i mtha' bskor nas nyam thag pa chen po'i sgrar dus te/ kyi hud/ mi rtag pa 'di ni snying rje med pa'o/ /'di ltar snying la dga' ba skyes shing 'khod 'khod pa las mi 'dod bzhin du dbang med par mtho ris nas lhung ngam/ e ma'o/ /lha gzhon nu da myur du mi'i 'jig rten du skye bar gyur cig /ces mya ngan byed pa na rims drag pos btab nas de rims drag pos non te/ de'i lus gcig tu 'bar bar 'gyur ro/ /lus 'bar bas gnas de nas 'chi 'pho bar 'gyur te/ de'i 'bar ba de khar zhi bar 'gyur ro/ /de nas shi 'phos nas pha dang ma 'dus pa mthong bas skye ba yongs su 'dzin to/ /drang srong chen po/ phreng thogs su nye bar 'gro ba'i lha'i bu de 'di ltar skye bar lta ste/ ma'i mngal na gnas ba'i tshe ltas 'byung ba ni mngal na gnas pa na me tog dang / spos dang / phreng ba 'dod </font><hr>472a<br><font size=+1>


@#/ /pa dang / 'bras bu sna tshogs pa 'dod pa dang / nags tshal sna tshogs stug po nyams dga' bar 'dod par 'gyur/ bde ba thams cad dang ldan par 'gyur/ lus la na ba med par mngal na 'dzin par 'gyur/ rmi lam na bsod nams sna tshogs kyi tshong 'dus me tog gi phreng ba dpyangs pa'i grong khyer mthong ste/ 'di dag ni de'i mas ltas mthong ngo| |drang srong chen po/ gzhan yang lha gzhon nu de btsas nas phreng ba thogs pa'i lha las shi 'phos pas shin tu dga' ba chen po skye'o/ /gos dkar po la dga' bar 'gyur/ mdzes pa dang ldan par 'gyur/ shes pa dang ldan par 'gyur/ 'dod pa la rab tu chags shing 'gro ba dang / rgyu ba 'char bag can dang / dus ston dang / ltad mo dang / phra ba'i gos la mngon par dga' bar 'gyur/ kun dga' ra ba la dga' ba dang / pha rol 'byor pa mthong na 'dod pa ste/ drang srong chen po/ 'di dag ni phreng thogs kyi lha las mir skye ba'i snga ltas su blta ba dag go// // bam po gnyis pa ste tha ma'o/ /drang srong chen po/ gzhan yang rgyal chen bzhi'i ris kyi lhar skye ba'i ltas dang / 'chi 'pho ba'i ltas su blta ba ni/ drang srong chen po/ 'di la dman pa dang / mgon med pa la zas bzang po dang / na ba'i gsos sman dang / kun 'thung ba'i chu grang mo dang / chu mig dang / mtshe'u dang / lteng ka dang / lu ma dang / rdzing bu dang / khron chu byin nas dad pa dang / </font><hr>472b<br><font size=+1>


yid rab tu dga' zhing 'chi ba'i dus kyi tshe/ nyon mongs pa'i 'bar ba med pa'i lus su gyur/ de'i lus ring par mi 'gyur/ mdog ngan par mi 'gyur/ rdul dang dri ma chags par mi 'gyur/ de'i lus la nyams pa'i tshor ba mi 'byung / skad dman pa dang / rtsa lag dang bral zhing gdung ba dang ldan par mi 'gyur/ de bkres pa dang skom pas nyen par mi 'gyur/ de'i lus bskum pa dang smyang ba la sogs pas sdug bsngal bar mi 'gyur/ bshang gci 'byung bar mi 'gyur/ yul las yongs su nyams pas sgyid lug par mi 'gyur/ de'i dbang po zhum par mi 'gyur ba ste/ de lta bu na mtho ris kyi bde ba dang ldan zhing 'chi ba'i dus byed par 'gyur ro/ /de'i lus yongs su btang nas rnam par shes pa da rab tu dga' bar rgyal chen bzhi'i ris kyi lha'i nang du skyed mos tshal dang / nags tshal stug po'i nang du gnas par 'gyur ro/ /de 'chi gar lha'i ris mthong nas bzhin me tog pad+ma lta bur 'gyur/ de'i kha nas dri zhim po 'byung bar 'gyur/ de la me tog sna tshogs dri dang ldan pa'i rlung rjes su mthun pa dang ldang bar 'gyur/ de shi nas kyang rgyal chen bzhi'i ris kyi lha'i nang du pha ma 'dus nas skyed mos tshal na rtse zhing 'dod ba myong bas rgyags dregs nas lag pa g.yas pas lha mo'i lte ba la reg par mthong nas de'i rkyen gyis rnam par shes pa lha mo de'i phang par skye ba yongs su 'dzin to/ /de zhag bdun 'das nas dri ma med pa'i rna </font><hr>473a<br><font size=+1>


@#/ /cha mgul ba'i mgo dang ldan pa'i gzhon nur mngon par 'grub ste/ rgod pa dang / gar byed pa dang / glu len pa dang / 'dod pa'i longs spyod bskyed nus so/ /drang srong chen po/ de la rgyal chen bzhi'i ris kyi sa phyogs ni dngul dang ldong ros rnam par bkra ba sna tshogs kyis spras shing mdzes par byas pa/ lha mo brgya stong gis legs par brgyan pa/ lha'i gnas mtho ba rang bzhin gyis mdzes pa/ reg na bde ba'i rlung ldang ba'o/ /drang srong chen po/ rgyal chen bzhi'i ris kyi lha de dag gi skyed mos tshal dpag tshad brgyad khri bzhi stong gru bzhi lham pa/ nor bu'i sgron mas snang bar byas pa/ shing gi yal ga dang rtse mo la dpag bsam gyi shing gi ras bcos bu dang / rgya dar la'i lda ldi dpyangs pa/ nags tshal gyi bar 'jam zhing yid du 'ong ba/ khyim gyi bar na rtag tu pi wang dang / gling bu dang / rdza rnga dang / 'khar rnga'i sgra 'byung ba'o/ /drang srong chen po/ lha'i gnas na gnas pa de dag zas kham gyi zas can de/ dri rab tu zhim pa'i dri dang / kha dog dang / ro dang / reg pa dang / yon tan phun sum tshogs par rig par bya'o/ /de dag re re la yang gser gzhong gnyis gnyis yod de/ de na kha zas gang 'dod pa de ni de'i phun sum tshogs pa gzhong pa de las 'grub par 'gyur ro/ /lha'i me tog gi khu ba ro dang ldan pa mngon par 'grub ste/ de ni </font><hr>473b<br><font size=+1>


me tog gi chang zhes bya'o/ /drang srong chen po/ chang de ni dri rab tu zhim pa mchog tu bde ba/ bsil la dris kyang ra ro ba mngon par 'grub na 'thungs pas lta ci smos te/ de na lha gzhon nur ro bar 'gyur ro/ /drang srong chen po/ rgyal chen bzhi'i ris kyi lha de dag gi gzhal med khang ni mdzes byed ces bya ste/ rtag tu me tog rgyas pa'i 'khri shing gis mdzes par byas pa/ gser dang / dngul dang / rdo rje 'bar ba'i ka ba brgya stong gis phyogs phyogs shin tu brtan pa/ lha'i mal cha dang / gdang ba bting bas phyogs shin tu rnam par phye ba/ lha mo bzor byas pa sna tshogs kyis brgyan pa'i khyad par dang ldan pa/ steg cing 'jo ba'i rjes su chags pa/ lha'i gos 'bar zhing rnam par mdzes pas spud spud pa/ ka la ping+ka dang / bung ba'i tshogs kyi sgra lta bu dang ldan pa/ gzugs rab tu che zhing shin tu gzhon sha chags pa/ glu dang / gar dang / sil snyan dang / 'jam zhing rtse bas rgyags pa'i shas che la rab tu sgeg pa sha stag gis bskor cing gang ba ste/ gnas de'i ka ba ni gser chu dang / dngul chus rnam pa bris pa/ dar gyi rgyal mtshan dpyangs pa/ rgyal mtshan dang / ba dan bsgreng ba'o/ /gzhal med khang de dag ni 'di lta ste/ yul 'khor srung dang / 'phags skyes po dang / mig mi bzang dang / lus ngan po dang / rgyal po chen po bzhi pa de dag lha'i 'dod pa dang / bde ba dang / rtse ba myong zhing rab tu dga' ste/ dga' ba dang bde ba dang ldan la/ glu </font><hr>474a<br><font size=+1>


@#/ /dang / gar dang / sil snyan dang / lha'i kha zas za bas dbang po tshim zhing bde ba thams cad dang ldan par gnas so/ /drang srong chen po/ rgyal chen bzhi'i ris kyi lha'i ris de na lha gzhon nu de dag lag pa ring zhing sha rgyas pa glang po rgyags pa'i tshul du 'gro ba/ skyes bu stong gi stobs dang rtsal yod pa/ lha'i lus shin tu 'jam pa sha stag go /de dag gi dri chang gi shas che bas dpag tshad khor yug chang drir phyogs par byed do/ /lha de dag gi tshe'i tshad ni lo bzhi stong thub ste/ bar ma dor 'chi ba'i dus mi byed do/ /de dag thams cad bde ba dang / yid bde ba dang / dga' bar gnas so/ /lha'i ris de na skal ba bzang po can gser dri ma med pa'i 'od kyis brgyan pa dag nags kyi phreng bas mdzes par brgyan pa/ dga' ba bskyed pa la sogs pa'i skyed mos tshal bzang po dri nga ba med pa rnams na snying dga' ba dang ldan par gnas so/ /de dag de na gnas pa na me tog gi sil ma bkram zhing nor bu gser gyis mdzes par byas pa/ shin tu rnam par phye ba/ gru bzhi pa/ nor bu'i them skas kyis brgyan pa/ lha'i bu mo brgya stong glu snyan pa len pa/ nor bu'i snod rnams bdag nyid sgra 'byin pa'i rjes su chags pa na de dag gnas gnas pa las de dag bsod nams zad pas tshe zad par 'gyur ba'i ltas gnyis 'byung ste/ de thog mar grib ma mi snang bar 'gyur zhing me tog las dri mi 'byung ba dang / lha'i bu mo </font><hr>474b<br><font size=+1>


dang kun smra ba'i sgra snyan pa mi thos pa'o/ /yang lha gzhon nu de lha yul pa'i lha'i gnas rnams su 'du zhing mi 'gro ste/ lha'i gnas lha'i bu mo brgya stong gis gang ba yal ga'i rtse mo la do shal dang / se mo do dang / me tog gi phreng ba dpyangs pa/ nags tshal gyi bar gyi bya khu byug rgyags pa'i sgra 'byin pa de dag lha'i bu mo'i tshogs ngu zhing gos dri ma can gyon nas sa'i steng na 'dre ldog cing snying rje rje ltar lta ste/ sa'i steng de na 'dre ldog pas me tog gi bla res brgyan pa'i sa phyogs dag na yang dga' ba mi rnyed de/ de dag gi lus la rngul 'byung zhing de dag mig mi 'dzum pa las mig 'dzum par 'gyur te/ nya chu'i gnas nas phyung nas nyi ma'i 'od zer gyis gdungs pa bzhin du phan tshun du 'dre ldog cing gcig bu sa la gnas par mthong nas/ lha'i bu mo de dag gis bskor te/ snying rje rje ltar lta zhing skad mthun par ngu ste/ 'di skad ces/ kyi hud re sdug/ kyi hud re sdug /kyi hud gzhon nu'i mchog de phyogs gang du song / lus che la rgyan sna tshogs kyis brgyan pa| 'gram pa che la mdzes pa/ brang shin tu rgyas pa/ skyed mos tshal sna tshogs kyi bar na rgyu ba des bdag cag bor zhing lha yul pa'i lha'i gnas yid du 'ong ba yang bor te/ da gar 'gro zhes 'dzer to/ /de nas lha'i bu mo de dag gis tshigs su bcad pa 'di dag smras so/ /rnam pa sna tshogs legs par bkod/ /lha yi nags kyis shin tu brgyan/ /zas dang dus ston gang gyur pa/ /rgyal po </font><hr>475a<br><font size=+1>


@#/ /chen pos gnas byas pa/ /ka ba bzhi dang rab ldan pa/ /bsod nams kyi ni tshong 'dus mchog /lha yi bud med gang bas dga'/ /me tog 'byor pa yid 'phrog pa/ /bor nas mi rtag 'di yis ni/ /sdug pa dag ni zin te song / /de ltar lha'i bu mo de dag gis bskor te mchi ma zag /skad 'gags shing thag ring po nyid nas lag pa g.yas pa brkyang ste/ me tog gtor nas 'di skad ces/ kye ma'o/ /sdug pa/ legs par byed pa'i 'jig rten mi'i 'jig rten du song ste/ dad pa'i gshol gyis bsod nams kyi zhing rmod par gyur cig ces 'dzer to| |de ltar sems pas kun tu khyab pa'i lus yongs su btang bar bdag gis rig nas de rims drag po mi bzad pas btab bo/ /rims drag po des de'i lus bshig nas de'i lus mar gyi thigs pa rdo tshan la thim pa bzhin no/ /de'i lus yongs su rnyis nas 'drud pa zhes bya ba'i rlung gis rab tu 'das te/ rlung des de'i lus stong du gtor nas phye ma zhib mo bzhin du nam mkha'i dkyil nas lhung ngo / /de ltar lhung nas mi'i srid par skye ba yongs su len to/ /pha ma 'dus pa mthong nas rab tu dga' ba'i yid kyis ma'i mngal du skye'o/ /de thog mar skye zhing ma'i mngal du gnas pa na mtshan ma 'byung ba ni de'i ma de kha zas la rab tu dga' bar 'gyur/ gos dmar po 'tsher ma la mngon par dga' bar 'gyur/ skye bo sna tshogs phal </font><hr>475b<br><font size=+1>


po che la blta 'dod cing rtsa lag dang mdza' ba tsam du 'du shes bskyed par 'gyur/ de de'i mngal du zhugs nas mngal la tshor ba skye bar mi 'gyur/ kha chu zag pa dang / chu ser 'gyur par mi 'gyur/ de'i lus na bar mi 'gyur/ de de'i mngal na lag pa dang / rkang pa dang / mgo shin tu yongs su rdzogs par grub nas de btsas pa dang / gzi brjid dang ldan zhing mthong na rab tu dga' bar 'gyur/ rgyal chen bzhi'i ris kyi lha'i gtam thos na dga' ba skye bar 'gyur/ sbyin pa la dga' ba dang / chang la sred pa dang / shin tu dri zhim pa'i cha byad 'dzin cing skyed mos tshal la dga' bar 'gyur/ bud med la dbang po mang po mngon par rab tu chags par 'gyur/ yang dang yang zas 'dod par 'gyur/ glu dang / gar dang / sil snyan gyi rjes su 'jug par 'gyur/ mdog snum zhing sngo sangs por 'gyur/ mig lha'i bai DUR+Ya sngon po ltar 'gyur ro/ /drang srong chen po/ 'di dag ni lus dang sems kyi rgyud kyi bag chags kyis bsgos pas rgyal chen bzhi'i ris nas shi 'phos pa'i ltas su blta'o/ /drang srong chen po/ gang la srog gcod pa spangs nas dad cing dad pas sbyin pa sbyin zhing / ma byin par mi len pa dang / bza' ba dang / bca' ba dang / ldag pa dang / gzhib pa dang / yo byad kyi khyad par spangs nas/ nor bu dang / gser dang / dngul dang / rdo rje dang / bai DUR+Ya la sogs pa rdzas thams </font><hr>476a<br><font size=+1>


@#/ /cad rab tu sbyin pa la bsten pa dang / bsgom pa dang / mang du byas nas dad pa dang / rab tu dga' ba'i yid kyi me tog gi lda ldi 'bul ba dang / mchod rten la mngon par phyag 'tshal ba la sogs pa'i rnam par smin pas tshe yongs su zad pa'i dus na lus la nyon mongs pa chung bar 'gyur/ snum pa'i dri ma dang / dri nga ba rnam par spangs nas rang gi dge ba'i rtsa ba rjes su dran zhing 'chi ba'i dus kyi tshe rab tu dad pa'i ltas mthong bar gyur to/ /'di ni de'i ltas yin te/ bzhin gser gyi kha dog lta bur 'gyur/ de'i sna yon por mi 'gyur/ de'i snying 'phar bar mi 'gyur/ mid pa nas sgra ngar ngar po 'byung bar mi 'gyur/ de'i lus la dbugs rgod par mi 'gyur/ de'i lus gdung bar mi 'gyur/ dbang po 'gyur ba ma yin yan lag dang nying lag kun tu chad par mi 'gyur/ gshis kyi mtshams 'jig par mi 'gyur/ mal gyi steng nas 'dre zhing ldog pa byed par mi 'gyur/ dman pa'i tshig lta bu smra bar mi 'gyur/ rims nad kyis 'chi ba'i dus byed par mi 'gyur/ pha rol pos dug byin pas gnod par mi 'gyur/ me tog dang 'bras bu la brkam pa'i phyir shing la 'dzegs nas lhung bas 'chi ba'i dus byed par mi 'gyur/ yid du mi 'ong ba'i kha zas zos te kha zas ma zhu bas 'chi ba'i dus byed par mi 'gyur/ gal te mi'i phung po yongs su btang nas kyang lha'i nang gi rnam par shes pas sum cu </font><hr>476b<br><font size=+1>


rtsa gsum ris kyi lha rnams mthong ste/ khang pa brtsegs pa nor bu dang / gser dang / bai DUR+Ya dang / dngul stong gis rnam par brgyan cing / shin tu rnam par phye bas spras pa/ gser gyi nya dang / chu srin gyi rgyal mtshan dang / rta babs dang / ba dan gyis mdzes par byas pa/ rol mo'i sgra dbyangs dang / sil snyan sna tshogs kyi sgra snyan pa 'byung ba dang / gnas sna tshogs kyis bskor ba/ shing 'dab chags pas brgyan pa'i nags tshal gyi nang na 'dug pa/ tsan+dan sbrul gyi snying po'i chus chag chag btab pas 'dam du gyur pa/ lha'i nor bu'i sgron ma'i phreng bas brgyan cing mdzes par byas pa/ bud med 'bar ba sna tshogs rnam par mdzes par byas pa/ dpung rgyan dang / gdu bu dang / sor gdub dang / se mo do dang / do shal sna tshogs kyis brgyan cing / mjes par byas pa'i sum cu rtsa gsum ris kyi lha rnams mthong ngo / /drang srong chen po/ sum cu rtsa gsum gyi lha'i ris de na/ lha'i bu de dag mchog gi skyed mos tshal du song ste/ rtse dga' la dga' mgur spyod cing 'dod pas rgyags myos nas de dag skyed mos tshal dang / nags tshal gyi bar du 'gro zhing dga' ba bskyed do/ /sems can de'i rnam par shes pa de bsod nams su nye bar 'gro ba yin pas/ sems can des lha dang lha mo khri gcig gi steng na 'dug pa mthong nas rab tu dga' ba'i yid kyis myur ba myur bar nor bu skud pa la brgyus pa 'phyugs pa </font><hr>477a<br><font size=+1>


@#/ /bzhin du song ste skye'o/ /sems can de 'jug pa'i tshe lha mo de'i lag mthil gnyis nas me tog 'byung ngo / /sems can des me tog de mthong nas 'jug ste/ lha mo de lha la dga' ba dang bde ba'i yid kyis lta zhing / lag pa gnyis kyis me tog de mnyes nas de'i lag pa phrad pa'i rkyen gyis lha'i nang du skye bar 'gyur ro/ /de skyes pa'i tshe lha mo de lha la lta zhing gzhon nu skyes kyi/ khyod dga' ba skyed cig /ces zer te/ pha ma de gnyis yid dga'o/ /gzhon nu de zhag bdun 'das nas rna cha sna tshogs mgul ba 'phyang bar mngon par 'grub bo| |de zhag bdun 'das nas 'di lta bu dran par 'gyur te/ bdag che ge mo zhig nas 'dir 'ongs te/ 'di gnyis ni bdag gi pha ma yin no/ /bdag gis dge ba'i las ni 'di byas so snyam du de ltar sems shing nye bar rtog pa na dga' ba chen po skye'o/ /de dga' bas myos nas rgyags pas 'dod pa la sred par 'gyur/ rgyang ring po nyid nas lha'i gnas yangs pa nye bar gnas pa de des mthong nas de la mngon par dga' ba'i sems skye bar 'gyur ro/ /de lha'i 'gros kyi tshul gyis glang po che rgyags pa'i 'gros ltar 'gro ba brang che ba lag pa ring zhing rab tu 'phyang ba/ ro stod seng ge 'dra ba/ lte ba zab pa/ rked pa gzhu'i chang zung ltar phra ba/ sgal tshigs rim bzhin du 'dug pa/ brla chu shing gi sdong bu ltar mkhregs pa/ </font><hr>477b<br><font size=+1>


lha'i sma ra'i ag tshom dang s+phu \ SPU?\ thung ba/ dri nga ba med pa'i lha'i dri yongs su bzung ba/ lus lhab lhub kyis spud pa/ lha'i gos 'bar ba bgos pa/ yid gcig tu brtags kyang lus mdzes pa sta \ STE?\/ de lha'i gnas de na lha'i bu mo kha cig gis ni kun nas bskor cing gnas/ kha cig ni rtse dga' la dga' mgur spyod cing 'di skad ces 'dzer to/ /jo co lha'i gnas 'dir snyun mi mnga' zhing legs par byon tam/ khyod bdag cag gi mgon du gyur cig /bdag cag lang tsho la bab pa/ gzugs phun sum tshogs pa/ nu ma gser gyi bum pa ltar 'bur ba/ mchu pad+ma 'dra ba/ gzugs sprin gyi nang nas glog 'byung ba 'dra ba dag dang / gzhal med khang chen po dang / shing yongs 'du sa brtol myu gu dang yal ga chags pa mdzes par byas pa/ bud med drug khri lang long du gyur pa 'di dag la jo co dgyes par mdzod cig ces 'dzer to/ /lha'i gnas pi wang dang / gling bu dang / rdza rnga dang / cang te'u dang / glu dbyangs 'byung ba de dag na lha'i gding bas mdzes par byas pa'i seng+ge'i khri mthong ngo / /des de mthong nas rgyal bu dar mang pos bcings te spyi bo nas dbang bskur ba bzhin du de seng ge'i khri la 'dzegs nas 'dug go /de de na gnas pa na rtag tu yid du 'ong ba'i sgra 'byung ngo / /lha'i rol mo'i sgra 'byung ngo / /phyogs kun nas kyang 'di lta bu'i sgra grag ste/ 'di ni bsod nams su nye bar 'gro ba'i sems can te/ 'dzam bu'i </font><hr>478a<br><font size=+1>


@#/ /gling nas shi 'phos nas bsod nams kyis yongs su bzung bas lha'i gnas 'dir skyes kyi/ bdag cag de'i gan du 'dong ngo / /nye bar gnas nas dga' mgur spyad par bya'o/ /rol mo'i dbyangs sgra dang / gar gyis rtse bar bya'o zhes sgrogs so/ /de bud med drug khri dang dga' mgur spyod de/ de dag thams cad kyang lag na me tog thogs pa/ shin tu dri zhim pas dri zhim pa'i cha byad can/ du gu la'i ras kyi bla gos bgos pa/ rgyan dam pa dang / rkang gdub sgra snyan pa/ bzhin pad+ma lta bu la zla gam lta bus mdzes par byas pa dag sbrang rtsi dang / sbrang chang mngar ba dang / me tog gi chang gis rgyags shing myos pas 'khyud nas 'dug ste/ de dag thams cad 'di skad ces bdag cag thams cad jo co 'di'i g.yog dang bsnyen bkur bya'o/ /khyod 'di na bsod nams kyi stobs kyis bsgrubs pa'i mtho ris kyi 'jig rten gyi dri zhim zhing / bde ba'i lha'i 'dod pa'i longs spyod shis pa 'di la kun tu spyod ces 'dzer to/ /drang srong chen po/ lha'i bu de dang / lha'i bu mo de dag lhan cig tu dga' tshal dang / 'dris tshal dang / ar mo ni ga lta bu'i rdo leb dang / rnam par mnyam 'phrul dang / rab 'bab dang / seng seng po dang / me tog gi 'phral thabs dang / shing yongs 'du sa brtol la sogs pa'i skyed mos tshal dam pa mchog tu bde zhing bsil ba/ gnod pa'i rlung med pa/ </font><hr>478b<br><font size=+1>


lha'i bya nam mkha' la 'gro zhes bya ba'i sgra snyan pas mdzes par byas pa/ lha'i me tog dang / 'bras bu dang / spos kyis kun tu gang ba/ be DUR+Ya dang / nor bu dang / spug dang / rdo'i snying po rnam pa sna tshogs kyi sgron ma can/ bung ba dang / khu byug rgyags pa dang / bya sgra snyan pa 'byin pa/ rma bya dang / 'dab gshog rtse mo gser can yod pa/ nor bu dang rin po che'i thig les rnam par bkra zhing bkra shis pa yod pa/ sna mtho zhing ring ba/ bai DUR+Ya'i mchu las sgra skad snyan pa sna tshogs mthun par sgrogs pa/ me tog bkram pa rnam par phye bas brgyan pa'i phyogs rnams na lha'i bu de dag 'dod pas ngoms pas rgyun du longs spyod par 'gyur te gnas so/ /sum cu rtsa gsum pa'i lha'i gnas de na rdzing bu gru bzhi pa/ zab pa/ chu dang ba ha cang grang ba'ang ma yin/ ha cang dro ba'ang ma yin/ yid du 'ong ba chu dri ma med pa/ pad+ma 'dab ma brgya pa kha bye ba yod pa/ ngogs shing gis mdzes par byas pa/ me tog bkram pas chu yid du 'ong ba'i rdzing bu de dag na lha'i bu de dag lha'i bu mo brgya stong gis bskor nas chu la rtse ba rjes su myong zhing bde bar gnas so/ /drang srong chen po/ de dag na de dag gi skyed mos tshal dang / nags tshal gyi gam yo na rnam pa sna tshogs kyi thig les rnam par bkra ba'i snod mngon par 'grub ste/ lha'i bu de dag snod de dag 'dod pa na me tog kun da dang / ku mu ta dang / kha ba lta bu dang / dngul gyi kha dog lta bu'i kha zas mngon par 'grub bo/ /drang srong </font><hr>479a<br><font size=+1>


@#/ /chen po/ rin po che'i snod gcig la za ba na gang gis kha cig gi kham blangs pa ni rin po che'i kha dog lta bur gyur/ kha cig gi kham blangs pa ni kha dog ser po dang / sngon po dang / dkar por 'gyur te kha dog gcig tu 'dra bar kha dog rgyas pa mchog dang ldan pa gcig pa de dag gi rin po che'i snod de dag las kha zas kyi khyad par so so tha dad pa 'byung ste/ de ni de dag gi sbyin pa nye ba'i nyon mongs pa can gyi rnam par smin par lta ste/ gang gis sngar sbyin pa byin la phyis 'gyod par gyur pa'i las de'i rnam par smin pa de'i kha zas kha dog ngan par 'grub bo/ /gang gis sngar sbyin pa byin la phyis byams pa dang ldan pa'i sems kyis snying rje bskyed de/ dga' ba bskyed par 'gyur ba'i las de'i rnam par smin pa de'i zas kyi bye brag kha dog bzang po rin po che lta bur snang ba 'grub ste/ drang srong chen po khyod kyis de ltar las kyis 'bras bu rnam par smin par shes par bya'o/ /drang srong chen po/ gzhan yang sum cu rtsa gsum gnas kyi lha'i ris de na shi ri sha ka zhes bya ba'i skyed mos tshal yal ga dang / me tog dang / 'bras bu sna tshogs kyis rab tu brgyan pa/ shing brgya stong sna tshogs sdug pa stug po'i mthong na shel ltar dri ma med pa'i rdo leb shin tu byi dor byas pa phun sum tshogs pa zhi zhing rab tu zhi ba'i thub pa 'dod chags dang bral bas bsten pa yod de/ de na 'dod pa'i </font><hr>479b<br><font size=+1>


longs spyod can gyi lha'i bu dang lha'i bu mo'i tshogs mi gnas so/ /drang srong chen po/ skyed mos tshal dam pa shi ri sha ka de na me tog dang 'bras bu'i shing ljon pa mang po las rtag tu lha'i gtam brjod pa'i sgra 'byung ngo / /drang srong chen po/ de na nyan thos dge 'dun 'dus pa'i gnas brtan ba lang bdag bram ze'i rigs su skyes pa bsam gtan la gnas pa/ snying rje dang / dga' ba dang / btang snyoms la gnas pa/ byams pa'i ting nge 'dzin la snyoms par zhugs te 'dug go /drang srong chen po/ de zhag bdun gyi bar du dbugs phyi nang du mi rgyu'o/ /drang srong chen po/ de byams pa'i ting nge 'dzin la snyoms par zhugs pa'i tshe 'dod na rlung mi ldang ngo / /drang srong chen po/ sreg pa'i bskal pa'i tshe sa me lce gcig tu gyur pa na yang de'i lus yungs 'bru tsam yang tshig par mi 'gyur ro/ /de'i tshigs kyis ri'i rgyal po ri rab kyang phigs so/ /klu'i rgyal po dga' bo dang nye dga' bo stobs che ba cher 'dug pa'i shugs can rdzu 'phrul che ba dbugs kyis kyang ri'i rgyal po ri rab 'jig pa/ rgya mtsho chen po bzhi yang skem par byed pa/ gtum zhing cher gdug pa'i shugs can klu'i rgyal po de gnyis kyang dge slong ba lang bdag de'i ting 'dzin gyis mthus gdug pa med par 'gyur ro/ /drang srong chen po/ gnas brtan ba lang bdag skyed mos tshal shi ri sha ka na gnas shing bsam gtan la gnas par lha gzhon nu de dag dang / lha'i bu mo de dag gis mthong </font><hr>480a<br><font size=+1>


@#/ /nas gus pa dang bcas/ ri mo dang bcas pas gnas brtan de la dga' ba dang / dad pa skyes nas lha'i me tog man da ra ba dang / man da ra ba chen po dang / many+dzu sha ka dang / many+dzu sha ka chen po dang / ut+pa la dang / ku mu ta dang / dri mchog dang / pad+ma dkar pos gtor nas thal mo sbyar ba byas te/ phyag 'tshal nas sum cu rtsa gsum ris kyi lha'i bu de dag thams cad kyis gnas brtan ba lang bdag la yongs su bskor te/ mchod pa chen po byas nas mdun gyis bltas te gnas nas/ lha'i zas bdud rtsi'i ro dang ldan pas tshim par byed cing ci bder byed do/ /gnas brtan ba lang bdag de lha'i bu de dag la chos ston pa ni 'di lta ste/ mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde dang / 'dul ba'i sde dang / mdo sde lung gi phyogs yang dag par rab tu ston te/ de dag dga' ba dang / dad pa bskyed do/ de lha'i skyed mos tshal de na bsam gtan la gnas te/ thams cad bde ba dang ldan par skyed mos tshal shi ri sha ka na rten cing gnas so/ /drang srong chen po/ gzhan yang </font><hr>480b<br><font size=+1>


sum cu rtsa gsum lha'i ris de na lha'i mdun sa chos bzang zhes bya ba yod do/ /de'i ka ba brgyad khri bzhi stong gser dang / dngul dang / rdo rje dang / spug dang / rdo'i snying po las byas pa/ tsan dan mchog shing gi snying po la sogs pa dril bu g.yer ka sgra snyan pa'i dra bas khebs par byas pa/ sa phyogs gser gyi bye ma brdal ba'o/ /lha'i mdun sa chos bzang lha'i ras rab tu sbyangs pa/ rgyal mtshan dang / gdugs dang / ba dan bsgreng ba dang / lha'i rol mo khong hu dang / pi wang dang / gling bu dang / rdza rnga dang / rnga pa Ta ha dang / lcags kyi sil khrol dang / dung dang / pi wang rgyud gsum pa rab tu sgrogs pa ga zha dang / sil khrol dang / ca co'i sgra snyan pa 'byin pa dang ldan pa/ me tog dang / 'bras bu dang / yal ga dang / khu byug gnas shing phan tshun nas sgra 'byin pa de na lha dang lha mo de dag dga' ba dang bde ba skye ba'i bzhin gyis gnas so/ /drang srong chen po/ lha'i 'dun sa chos bzang de'i sa'i ngos nor bu rin po ches rab tu spras pa/ ljang khus byugs pas mdog snum zhing be DUR+Ya ltar dri ma med de/ me long gi ngos lta bur byas pa/ rab tu 'jam pa na spos kyi phye ma dang / me tog rnam pa sna tshogs 'thor ba/ rlung dang / nyi ma dang / sha sbrang dang / sbrang bu dang / sbrul gyi nyes pa yongs su spangs pa/ ngang gis gnyid dang / snyoms pa dang / le lo rnam par spangs pa/ mthongs khung dang / </font><hr>481a<br><font size=+1>


@#/ /skar khung zla gam lta bu'i dra ba'i bu gnas reg na bde ba'i rlung gtong ba/ rta babs dang / yang thog dang / yang thog chung ngu nas bde ba'i rlung gtong ba/ rin po che'i phreng ba bres pa'i sgras rtag tu mdzes par byas pa/ dri rab tu zhim pa 'byung ba'i spos dang / me tog gi sil ma 'thor ba yid du 'ong ba/ bzhin zla ba dang / nyi ma dang / me long gi dkyil 'khor lta bu/ lha'i khyad par gyis gzugs rab tu brgyan pa'i lha'i bu mo dag gnas te/ drang srong chen po/ lha'i 'dun sa chos bzang de na lha'i bu mo rol mo'i dbyangs sgra sgrogs so/ /lha'i 'dun sa chos bzang de ni gru bzhi lham pa/ shin tu rnam par phye ba/ ngos yangs pa/ shing ljon pa dang / skyed mos tshal dang / nags dang / nags tshal gzhan rnam pa sna tshogs kyis mdzes par byas pa/ rgyar khor yug tu dpag tshad brgya yod pa/ gser dang dngul bkram pa/ me tog sil ma bkram pa/ glu dbyangs kyi sgra 'byung ba/ pad+ma dang / shing yongs 'du sa rtol gyis mdzes par byas pa'o/ /lha'i 'dun sa chos bzang de ni yo byad kyi khyad par thams cad gser dang / dngul dang / bai DUR+Ya dang / spug dang / rdo'i snying po las byas pa/ rin po che'i phung po yongs su bzung ba/ gser gyi snying pos kun tu khyab pa/ ri rnam pa ngu mas nye bar bskor cing sna tshogs rnam par </font><hr>481b<br><font size=+1>


bkra bas mdzes par byas pa/ ngos skyed mos tshal brgya stong gis mdzes par byas pa ste/ sum cu rtsa gsum gyi lha mya ngan dang nad kyi rnam pa'i nyes pa las grol ba dag skyed mos tshal mchog tu dga' 'dun myong nas/ lha'i 'dun sa chos bzang der 'dus te rtse ba rjes su myong ngo / /drang srong chen po/ sum cu rtsa gsum gyi lha'i ris de na blta na sdug ces bya ba'i gzhal med khang zla ba dang / nyi ma dang / me long gi ngos ltar dri ma med pa/ dri rab tu zhim pa'i spos dang / me tog gis mdzes par byas pa/ phreng ba dang / byug pas bres pas mdzes par byas pa/ bud med brgya stong gis mdzes par byas pa/ 'jo zhing sgeg pa/ mig zur gyis blta zhing khro gnyer gyi rim pa g.yo ba'i cha byad can 'khod pa/ ngos me tog rnam pa sna tshogs phal po ches mdzes par byas pa/ nor bu'i skyang nul byas pa/ dril bu g.yer ka'i dra bas bres pas mdzes par byas pa/ rta dang / glang po che dang / shing rta'i rmig pa reg na gser gyi rdul ldang ba dang / cod pan chags shing 'byor pas mdzes par byas pa yod do/ /drang srong chen po/ blta na sdug ces bya ba'i gzhal med khang de la ka ba drug khri yod de/ ka zhu lha'i gser dang / dngul dang / bai DUR+Ya las byas pa sna tshogs kyi 'phras rnam par spras pa/ shing ta ma la'i lo ma dang / a ka ru dang / bdug pa'i phreng ba dri rab tu zhim par byas pa'i khyad par can no/ /gzhal </font><hr>482a<br><font size=+1>


@#/ /med khang de na lha'i dbang po brgya byin gnas te/ lha'i bud med brgya stong gis bskor ba gser dang / rdo rje'i myu gus lus mdzes par byas pa/ lha'i 'dod pa la rtse ba rjes su myong ba/ glang po che dgu khri'i stobs dang ldan pa/ lag pa glang po che'i sna lta bu mdog gser dri ma med pa ltar ser ba/ lus grims pa/ ro stod seng ge 'dra ba/ rna cha dri ma med pa 'gul pas lus snang bar byas pa/ gos mchog tu phra la ring zhing nar ba/ dbang po'i brda sprod pa 'don cing bstan bcos shes shing mkhas pa/ lha'i bu brgya stong du ma rjes su 'brang zhing lha'i gser gyi gzhal med khang gi gnas na rgyu ba/ gser gyi skud pa dang / se mo do dang / do shal gyis brang brgyan cing mdzes par byas pa/ ha cang tsho ba'ang ma yin/ ha cang ring pa yang ma yin pa rkang pa shin tu gnas pa/ bdud rtsi'i ro dang ldan pa'i kha zas za ba/ mkhur tshos bud med brgya stong gis zur gyis blta ba dang ldan pa/ glang po che sa srung gi bu rgyags pa'i rna ba'i rlung gis sgra phyung ba ste/ drang srong chen po/ lha'i dbang po'i rgyal po de'i lus la rus pa med do/ /de'i lus la nad thams cad med de/ dri rab tu zhim pa dang ldan la/ gdangs shin tu snyan cing 'jam pa'i dbyangs dang ldan no/ /lha'i rgyal po de'i lus kyi dris phog na spos kyi glang po che rab tu rgyags shing bdo ba yang rgyags pa yongs su 'bri bar 'gyur ro/ /drang </font><hr>482b<br><font size=+1>


srong chen po/ lha'i dbang po de'i lus kyi tshad ni de bzhin gshegs pa'i sku'i tshad tsam mo/ /de'i gzugs che ba gser gyi mdog lta bu de mthong nas/ 'phags pa nyan thos rnams kyang de'i gan du 'dong ste/ lha'i dbang po'i gzugs phun sum tshogs pa de bzhin gshegs pa dang 'dra'o zhes brjod do/ /de nas drang srong chen po rgyas pas lha'i dbang po'i lus kyi tshad thos nas ngo mtshar du gyur pa dang / bcom ldan 'das kyis bka' stsal pa/ drang srong chen po/ dbang po chen po'i lus chung du mi rtag pa'i lus rjes su 'breng ba/ gar mkhan gyi cha byad lta bur shin tu spras pa| glegs shing gi las dang / shing gi las dang / 'khrul 'khor gyi las lta bur byas pa/ me tog gi las lta bur yud tsam zhig mdzes pa/ me long gi nang gi gzugs brnyan lta bu la khyod ci'i phyir ngo mtshar du byed/ drang srong chen po khyod dge slong ma 'gags pa'i lus pha dang ma las skyes pa'i tshigs tshigs mtshams mtshams re re la yang dbang po chen po 'dun par 'gyur ba la ltos/ drang srong chen po/ gzhan yang dge slong ma 'gags pa'i lus la rdzu 'phrul gyi sgyu ma la da ltos/ de nas dge slong ma 'gags pa bcom ldan 'das kyi bskul bar shes nas ting nge 'dzin la snyoms par zhugs pa dang / ting nge 'dzin de'i mthus dge slong ma 'gags pa lha'i gser 'bar ba dang / byi ru'i sdong po'i kha dog mchog dang ldan pa/ gtsug </font><hr>483a<br><font size=+1>


@#/ /gi nor bu dang cod pan 'phyang ba'i gtsug phud dang ldan la/ mkhur ba rgyas shing mdangs snum pa'i mdog can/ mig lha'i at+pa \ AUTPA?\ la sngon po 'dra la nor bu dang spug dang rdo'i snying po dang ldan pa'i klu'i rgyal po lta bur kun tu snang ste/ de'i gzugs chen por mngon par grub pa'i lha'i dri dang gzugs kyis 'khor thams cad snang bar byas pas ngo mtshar dang dga' bar gyur te/ dri rab tu zhim pa'i dri dang ldan par gyur to/ de'i cho 'phrul de drang srong chen po rgyas pas mthong nas snying 'phar zhing stan las langs te thal mo sbyar nas/ rab tu ngo mtshar du gyur par sgra cher kye a la la legs so/ /gang gi phyir bdag de bzhin gshegs pa dang phrad cing 'dus la/ thams cad mkhyen pa'i sgo nas 'di lta bu sngon ma mthong ba'i cho 'phrul mthong ba mi nyid thob pa bdag don mchis so/ /bcom ldan 'das kyis drang srong chen po rgyas pa la 'di skad ces bka' stsal to/ / drang srong chen po/ 'di ji snyam du sems/ dbang po chen po'i lus dang / gang 'di dge slong ma 'gags pa'i lus gser 'bar ba dang / nor bu mchog las grub pa 'di gnyis gang bzang / de skad ces bka' stsal pa dang / drang srong chen po rgyas pas 'di skad ces gsol to/ /bcom ldan 'das/ gang 'di dge slong ma 'gags pa'i lus de la </font><hr>483b<br><font size=+1>


dbang po chen po'i lus kyis brgya'i char yang nye bar mi mchi/ stong gi cha'am/ brgya stong gi cha'am/ grangs sam/ char ram/ bgrang bar ram/ dper yang mi bzod do/ /drang srong chen po/ bsod nams las grub pa'i lus la dge ba'i rtsa ba bsngos pa'i khyad par ni de ltar lta'o/ /drang srong chen po/ sum cu rtsa gsum gyi lha'i ris de na brgya byin gyi chung ma dam pa bde sogs zhes bya ba lha'i bu mo brgya stong gis yongs su bskor cing dga' tshal na 'dug ste/ lus spos dang / phreng ba dang / me tog gis brgyan cing 'bar ba/ lha'i me tog pad+ma dang / ut+pa la dri rab tu zhim pa'i dri dang ldan pa /mchu gser dang / bim pa 'dra ba/ mchog tu 'bar ba'i cha byad 'dzin pa/ gos mchog tu phra la 'tsher ba/ skyed mos tshal dang / nags na rgyu ba/ lha'i rgyan dang / rkang gdub dang / gdub bu dang / gdu bu sgril dang / do shal dang / se mo dos lus dud pa/ dpral ba dang mkhur ba che la shin tu rnam par phye ba/ nor bu dang gser shin tu rnam par phye ba'i ska rags kyis bcing pa/ 'jo zhing sgeg pa'i rjes su chags pa/ mig ring zhing che la 'jam pa/ lag pa'i nang ri mo ring pos khyab pa/ lte ba zab pa/ khro ba dang / ser sna dang / phrag dog dang / 'thab pa dang / rtsod pa'i nyes pa spangs pa/ bzhin khro gnyer gyi rim pa g.yo ba dang bral ba/ mngal 'dzin pa'i skyon rnam par spangs pa'i lus dang ldan pa'o/ lha'i bu mo bde sogs zhes bya ba de shin tu 'dod pa la chags </font><hr>484a<br><font size=+1>


@#/ /pa las byung ba'i sgeg pa/ ri rab la yod pa'i gzhal med khang dang / shing gel pa dang / 'khri shing gi bla res khebs par byas pa las byung ba'i 'dod pa skyes pas byung ba/ me tog 'thor ba dang bcas pa'i rlung ldang ba/ ha cang ring ba'ang ma yin/ ha cang thung ba'ang ma yin pa/ dku ha cang sbom pa'ang ma yin/ ha cang phra ba'ang ma yin pa/ lus ha cang sbom pa'ang ma yin/ ha cang phra ba'ang ma yin pa/ bzhin mdangs can/ gtsang zhing mdzes pa/ pad+ma 'dod pa/ dri rab tu zhim pa'i dri'i ngad rlung gis bdas pa rmad du byung bas mdzes par byas pa'o/ /drang srong chen po/ de ltar sum cu rtsa gsum gyi ris kyi lha de dag ni nad med pa/ rims nad med pa/ skyed mos tshal dang / nags tshal dang / gzhal med khang gi gnas kyi nang na gnas shing rgyu ba'o/ /de dag gi tshe ni lha'i lo stong thub bo/ /de dag lha'i gnas de na gnas pa las/ bsod nams zad nas tshe zad par 'gyur ba'i tshe shi 'pho ba'i ltas sngon ma byung ba lnga 'byung ste/ rdzing bu shel ltar gsal ba reg na bde ba'i rlung ldang ba/ rdzing bu'i 'gram 'khri shing gi bla re dang / shing gel pa phun sum tshogs pa dang ldan par zhugs pa na 'bru mar gyis gtor ba lta bu 'byung ngo / /des 'bru mar gyis gtor ba de mthong nas snying dngangs skrag ste/ rdzing bu de nas byung nas nags stug por rgyug cing bros so/ /de rings par 'gro ba lha'i bu mo </font><hr>484b<br><font size=+1>


de dag gis mthong nas phyi bzhin du 'brangs pa dang / de nags stug po de'i nang na shing drung zhig na gnas shing 'dug go /de nas lha'i bu mo de dag snying rje rje skad du ga chad par du zhing 'di skad ces/ jo bo bdag cag bor te gcig pu shing drung 'di na ci dga' zhes 'dzer to/ /de ngu zhing dman pa'i sgras slar 'di skad ces smras so/ /bdag 'di na sngon ma byung ba 'bru mar gyis gtor ba lta bu lus la byung ngo zhes de skad ces smras pa dang / mchan khung gnyis nas rdul byung nas/ de dag gis rdul byung ba mthong ba dang lha'i bu mo de dag ring du dong ste yongs su spangs so| |des yongs su spangs par shes nas mya ngan gyis reg go/ de mya ngan gyis reg pas dbugs drag tu rgyu'o/ /dbugs rgyu ba'i rgyus lus la gdung ba skyes so/ /de lus dang sems gdungs pas me tog gi thod sngon rnyis mi srid pa'ang rnyis/ phreng ba'ang yongs su rnyis/ sngon rnyings mi srid pa'i gos kyang rnyings/ lha'i gding ba bting ba'i mal cha la yang dga' ba mi rnyed do/ /de nas lha'i bu mo de dag gis 'chi 'pho ba'i ltas kyis nyen par shes nas de'i dri de mi bzod de ring du spangs nas snying rje rje skad ga chad par bdag la dbang med par du'o/ / 'bral ba'i sdug bsngal gyis nyen nas rab tu ngu zhing / kyi hud lus mchog shin tu 'jam pa lha'i skyed mos tshal dang / nags tshal na rgyu ba/ sum cu rtsa gsum gyi gling na ngur pa dang </font><hr>485a<br><font size=+1>


@#/ /'dra ba/ lha'i 'dun sa chos bzang na ngang pa'i rgyal po dang 'dra ba/ dga' tshal na bya ka ran da ka lta bu/ rdzing bu na spos kyi glang po che 'dra ba/ shing yongs 'du sa brtol dang / skyed mos tshal na bung ba lta bu/ 'dres pa'i tshal na me tog rna rgyan lta bu bdag cag bor te da gar song / gang na gnas zhes 'dzer cing bdag la dbang med par du'o/ /de bdag la dbang med par rims nad kyis btab ste/ rims nad des lus dang sems dkrugs nas mgron po mgron pa mang po dang bral te 'brog 'chol ba dang mtshungs/ lam grogs gru zhig pa dang 'dra/ rgyal po yid bzhin gyi nor bu stor ba dang mtshungs/ ri zhig pa dang 'dra bar mi rtag pa'i rlung gis gtor nas lus sa'i steng na 'dre ldog ste/ nam mkha' lding gi mchus klu gzhon nu zin pa dang 'dra bar 'dar bzhin du myur ba myur bar thal mo sbyar ba nas/ lha'i bu mo de dag la gsol ba btab pa/ tshur shog la lag pa'i thal mos nga'i lus la reg par gyis shig ces snying 'dar la gdungs bzhin du smre sngags 'don cing gsol ba btab pa dang / lha'i bu mo de dag gis bltas nas mi nye bar spangs te yan lag la reg pa lta ga la byed kyi/ me tog can gyi yal ga thogs te 'chi 'pho bar 'gyur ba'i lha'i bu de'i snying gar bzhag nas 'di skad ces 'dzer </font><hr>485b<br><font size=+1>


to| |tho ris kyi bsod nams yongs su nyams te da myur du 'dzam bu'i gling du skye bar 'gyur ro zhes de skad smras pa dang / lha'i bu de bdag lus kyis yongs su btang bar shes nas/ kyi hud/ kyi hud/ ces sgra cher snying rje rje skad du ngu zhing / kye ma'o mtho ris lha'i gnas 'di lha'i yo byad dang / rkyen dang / skyed mos tshal mchog na rtse ba rjes su myong zhing / lha'i bu mo 'di dag la bdag gis sdug par bsam pa las/ da bdag 'chi ba'i dus la phyogs shing zhugs pa'i tshe de dag nye bar mi gnas shing / 'di skad ces khyod 'dzam bu'i gling du skye bar 'gyur ro zhes 'dzer to snyam nas/ yang dang yang du bdag gi gnas la lta zhing sa la 'gyel nas snying rje rje skad du smre sngags 'don te/ kyi hud/ dga' tshal dang / 'dres tshal dang / ar mo nig ltar 'jam pa'i rdo leb dang / kyi hud/ lha'i 'dun sa chos bzang dang / shing yongs 'du dang / rnam par mdzes dang / dga' tshal dang / skyed mos tshal dang / rdzing bu dang / gzhal med khang dam pa sgo mang po 'di dag dang / lha yul pa'i lha'i gnas 'di dag bor te/ da ni mtho ris kyi g.yang sa nas gdon mi za bar lhung ngo zhes skrag pa skyes nas/ de rang gi gnas la lta zhing / kyi hud/ bdag gi mdza' bo byams pa rnams nga 'chir nye na ci'i phyir mi smra/ 'di ltar nga ni de 'khor ba'i 'brog dgon </font><hr>486a<br><font size=+1>


@#/ /pa dgongs mal ring por chas kyi tshur shog /nga la 'khyud/ phyis ngas kyang khyod mi mthong / khyod kyis kyang nga mi mthong ngo / /kyi hud/ mtho ris 'di nas bsod nams kyi 'bras bu zad pas/ 'pho bar 'gyur pa'i tshe bdag la mun pa lta bur snang ngo / /ci mtho ris 'di stong ngam/ 'di na yang rol mo dang / sil snyan kyang mi len nam/ de dag gis sgra yang mi grag go /las kyi nyes pas bdag ni 'dir nyams par gyur to zhes de skad smras nas yang smre sngags 'don to/ /kyi hud/ mtho ris lha dang / dri zas mdzes par byas pa na/ gang mig stong pa'i lha'i 'khor du 'gro ba dang / phyis yang de mthong bar 'gyur ba ni bsod nams che'o/ /kun nas skyes pa'i me tog nga'i klad pa la 'dug pa ci'i phyir rnyings zhes lha'i bu des smras pa dang / lha'i pu de sems dman pa dri ma med pa'i rna cha'i gdu bu 'gul ba thogs pa/ de dag thams cad me tog khyer te/ lha'i dbang po brgya byin lha'i bu brgya stong gis yongs su bskor cing lha mo bde sogs dang / lha mo dag phyi bzhin 'brang ba/ mi sbyin gyi bu dang / smig rgyu dang / sna tshogs rgyan dang| gtsug phud lnga pa dang / tum pu ru la sogs pa'i lha dang / dri za rnams lha'i glu dbyangs len cing 'dong ba dag gis ltas lnga po des nyam thag par gyur pa </font><hr>486b<br><font size=+1>


mthong nas/ snying rje bskyed de nga ro gcig tu/ kyi hud/ mi rtag pa 'di ni rab tu drag cing mi bzod do zhes tshig smra'o/ /lha'i dbang po brgya byin gyis kyang lha'i bu de la bltas nas tshangs pa'i dbyangs kyis 'di skad ces smras so/ /chog go /lha'i bu/ bdag cag thams cad kyi 'gro ba'ang 'di 'dra'i/ sred par ma byed/ ngan 'gror ma gnas shig /lha'i bu de dag gis dbyangs gcig tu smras pa/ grogs po/ dge ba byed pa'i 'jig rten mi'i 'jig rten du song zhig ces byas pa dang / lha'i bu des bdag ni nges par 'chi yang dag snyam du bsams te/ thal mo sbyar nas lha mang po de dag la 'di skad ces gsol ba btab bo/ /bdag ni 'chi 'pho ba'i dus la nye bar gnas kyi/ lha'i bu thams cad bdag la bzod par mdzod cig/ de'i tshe shugs ring du phyung nas ltas gnyis 'byung ste/ mig pad+ma'i lo ma lta bur 'gyur ba dang / rgyan thams cad mi snang bar 'gyur ba'o/ /de nas lha'i bu de dag gis rgyan mi snang bar gyur ba mthong nas me tog man da ra ba dang / pad+ma la sogs pas mngon par gtor/ pi wang dang / gling bu dang / sil snyan gyi sgra yang byas nas/ rgyan de dag kyang lhas bsdus par mthong nas/ 'dzam bu'i gling la dga' ba bskyed de/ de mchi ma zag cing ga chad par ngu ste/ 'chi ba'i dus kyi chos rnams sbyor ro/ / </font><hr>487a<br><font size=+1>


@#/ /lha'i bsod nams dang / tshe yongs su zad nas rlung drag po langs so/ /rlung dri rab tu zhim pa dang ldan pa des de'i lus la phog nas gtor te/ lha'i bu de gnas de nas 'chi 'pho bar 'gyur ro/ /gnas de nas 'pho ba na lus kyi gnas mi shes so/ /de gnas de nas shi 'phos nas mir skye ba yongs su len to/ /mir skyes te ma'i mngal du gnas pa'i tshe ma la mtshan mar blta ba ni/ de nyid glu dang / gar dang / rtse ba dang / rgod pa la dga' ba'i dbang por 'gyur me tog dang / 'bras bu dang / dgon pa la dga' bar 'gyur/ kha dog sna tshogs 'tsher ba'i gos 'chang bar 'gyur/ lha'i kha zas shin tu bzang po la sred par 'gyur| de ma'i mngal na gnas pa'i tshe ma 'dod pa'i 'dod chags kyis kun nas bskor bar mi 'gyur/ de dri rab tu zhim pa'i cha lugs la dga' bar 'gyur/ gnyid log na yang rmi lam na lha'i don bskul ba mthong bar 'gyur ro/ /drang srong chen po/ de mngal na gnas pa na phyin ci ma log pa'i rmi lam mthong ngo / /btsas pa'i dus na yang 'dod chags dang / zhe sdang dang / gti mug rnam par spangs nas btsas te/ de gzugs bzang ba/ blta na sdug pa/ mdzes pa/ rkang pa shin </font><hr>487b<br><font size=+1>


tu gnas pa/ shis pa'i yan lag dang / nying lag 'brel ba/ lag pa dang / rkang pa ring la sbom pa/ ro stod seng ge'i lta bu/ so thags bzang ba/ shin tu 'jam pa'i lus so/ /de gcig tu 'dod pa'i 'dod chags la chags par 'gyur/ 'dod chags mi bzad pa/ gos phra ba la dga' ba/ skyed mos tshal la dga' ba/ lha'i dri dang / rol mo la dga' bar 'gyur/ de gser dang / nor thams cad 'byor ba'i rigs chen por skye ste/ sbyin pa dang / dul ba dang / yang dag par sdom pa la dga' bar 'gyur| gal te 'dod pa la shin tu chags nas sbyin pa dang / tshul khrims la mi dga' bar gyur na/ de phyir gcig nas gcig tu dbul po'i rigs su skye bar 'gyur te/ ser sna can dang / tshul khrims 'chal pa rnams la bstod pa dang / ha cang sngo ba yang ma yin pa dang / ha cang dkar ba'ang ma yin pa dang / skye bo thams cad dang / gzhan gyi chung ma la chags shing / bdag gi chung ma la mi lta ba dang / rtsa lag gi skye bo la dga' bar 'gyur ro/ /drang srong chen po/ 'di ni sum cu rtsa gsum lha'i ris nas 'chi 'pho ba'i ltas 'byung ba'o/ /bcom ldan 'das kyis de skad ces bka' stsal nas/ drang srong chen po rgyas pa dang / drang srong chen po de dag dang / lha dang / </font><hr>488a<br><font size=+1>


@#/ /mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ drang srong rgyas pas zhus pa'i le'u zhes bya ste/ 'dus pa bzhi bcu rtsa dgu pa rdzogs so// //rgya gar gyi mkhan po dza ni mi tra dang / da na shI la dang / zhu chen gyi lots+tsha ba ban de ye shes sdes bsgyur cing zhus te skad sar bcad kyis kyang bcos nas gtan la phab pa// // </font><hr>

</table>