H89

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H89</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H89&coll=lhasa">see text in Tibetan script</a></table>298a<br><font size=+1>


//rgya gar gyi mkhan po su ren+d+ra bo d+hi dang / zhu chen gyi lots+tsha ba ban de ye shes sdes bsgyur cing zhus te gtan la phab pa// //rgya gar skad du| |AR+Ya ak+Sha ya ma ti pa ri pr-i ts+tsha nA ma mahA yA na sU tra/ bod skad du/ 'phags pa blo gros mi zad pas zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' stong la 'di lta ste/ byang chub sems dpa' sems dpa' chen po ye shes tog dang / byang chub sems dpa' sems </font><hr>298b<br><font size=+1>


dpa' chen po chos kyi tog dang / byang chub sems dpa' sems dpa' chen po zla ba'i tog dang / byang chub sems dpa' sems dpa' chen po nyi ma'i tog dang / byang chub sems dpa' sems dpa' chen po mtha' yas tog dang / bzang skyong la sogs pa skyes bu dam pa bcu drug dang / byang chub sems dpa' sems dpa' chen po 'jam dpal la sogs pa sems dpa' dpe med pa bcu drug dang / byams pa la sogs pa bskal pa bzang po'i byang chub sems dpa' sems dpa' chen po thams cad dang thabs gcig tu bzhugs so/ /byang chub sems dpa' sems dpa' chen po blo gros mi zad pa yang byang chub sems dpa' bya ba phrag drug cus yongs su bskor cing mdun du bdar te 'khor de nyid du 'dus nas 'dug par gyur to/ / de nas byang chub sems dpa' sems dpa' chen po blo gros mi zad pa stan las langs te/ bla gros \ GOS?\ phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la rin po che sna tshogs kyi me tog gi gdugs dang / me tog gi phur mas mchod cing bcom ldan 'das la 'di skad ces gsol to/ /bcom ldan 'das/ byang chub kyi sems byang chub kyi sems zhes bgyi na/ bcom ldan 'das/ ji tsam gyis na byang chub sems dpa' byang chub kyi </font><hr>299a<br><font size=+1>


@#/ /sems dang ldan pa lags/ bcom ldan 'das/ byang chub kyi sems gang lags/ bcom ldan 'das/ byang chub la ni sems sam/ sems dpa' ma dmigs/ mi dmigs/ dmigs par mi 'gyur ro/ /byang chub las gud na yang byang chub kyi sems mi dmigs te/ byang chub ni brjod du ma mchis/ sems ni/ gzugs ma mchis/ bstan du ma mchis/ thog par ma mchis/ rnam par rig pa ma mchis shing sems dpa' yang mi dmigs na/ bcom ldan 'das/ ji ltar chos 'di dag gi don rtog par bgyi/ bcom ldan 'das kyis bka' stsal pa/ rigs kyi bu/ 'di la byang chub ni brda'am/ gdags pa'am/ tha snyad du mi dmigs shing / byang chub las gud na byang chub kyi sems kyang mi dmigs la/ byang chub ni brjod du med/ sems ni gzugs med/ bstan du med/ thogs pa med/ rnam par rig pa med de/ sems dpa' yang mi dmigs so/ / de ci'i phyir zhe na/ byang chub ni brjod du med pa ste/ byang chub ji lta bar sems kyang de bzhin no/ /sems ji lta bar byang chub kyang de bzhin no/ /byang chub dang sems ji lta bar sems dpa' rnams kyang de bzhin no/ /sems dpa' rnams ji lta bar 'das pa dang / ma 'ongs pa dang / da ltar byung ba'i chos thams cad kyang de bzhin no/ /rigs kyi bu/ de ltar na byang </font><hr>299b<br><font size=+1>


chub sems dpa' sems dpa' chen po byang chub sems dpa'i ming 'thob bo/ /chos thams cad kyi rjes su song ba'i sems de ni byang chub kyi sems zhes bya'o/ /byang chub ni 'das pa dang / ma 'ongs pa dang / da ltar byung ba ma yin te/ sems kyang de bzhin no/ /sems dpa' yang de bzhin no/ /chos thams cad mi dmigs pa'i phyir 'di la ci yang rnyed pa med de/ byang chub kyang med/ byang chub tu gdags pa yang med/ sems can yang med/ sems can du gdags pa yang med/ nyan thos kyang med/ nyan thos su gdags pa yang med/ rang sangs rgyas kyang med| rang sangs rgyas su gdags pa yang med/ byang chub sems dpa' yang med/ byang chub sems dpar gdags pa yang med/ sangs rgyas kyang med/ sangs rgyas su gdags pa yang med/ 'dus byas kyang med/ 'dus byas su gdags pa yang med/ 'dus ma byas kyang med/ 'dus ma byas su gdags pa yang ma dmigs/ mi dmigs/ dmigs par mi 'gyur mod kyi/ rigs kyi bu/ 'on kyang dper na/ ri rab kyi tshul du dge ba'i rtsa ba thams cad kyis yang dag par 'phags pa'i sems dang po skye ste/ de la rgyu ni sbyin pa'i pha rol tu phyin pa'o/ /sems bskyed pa gnyis pa ni chos thams cad kyi bya ba'i gnas kyi tshul gyis sa lta bur blta ste/ de la rgyu ni tshul khrims kyi pha rol tu phyin pa'o/ /sems bskyed pa gsum pa ni 'jigs pa med </font><hr>300a<br><font size=+1>


@#/ /pa dang / bag tsha ba med pa dang / skrag pa med pa'i tshul gyis ri dwags kyi rgyal po seng ge ral pa can gyi rtsal lta bur blta ste/ de la rgyu ni bzod pa'i pha rol tu phyin pa'o/ /sems bskyed pa bzhi pa ni phyir mi ldog pa'i tshul gyis sred med kyi bu'i mthu dang / stobs dang / shugs dang / brtson 'grus dang / brtul ba lta bur blta ste/ de la rgyu ni brtson 'grus kyi pha rol tu phyin pa'o/ /sems bskyed pa lnga pa ni bsod nams kyis chog mi shes pa'i tshul gyis dge ba sna tshogs kyis yang dag par 'phags pa lta bur blta ste/ de la rgyu ni bsam gtan gyi pha rol tu phyin pa'o/ /sems bskyed pa drug pa ni mun pa mun nag chen po sel ba'i tshul gyis nyi ma'i dkyil 'khor 'od gsal ba lta bur blta ste/ de la rgyu ni shes rab kyi pha rol tu phyin pa'o/ /sems bskyed pa bdun pa ni de da dpon mdzod chen po phyug pa ltar 'khor ba'i 'brog dgon pa las sgrol ba'i tshul gyis bsam pa thams cad yongs su rdzogs par byed pas legs par brgyan par blta ste/ de la rgyu ni thabs mkhas pa'i pha rol tu phyin pa'o/ /sems bskyed pa brgyad pa ni zla ba nya ba'i dkyil 'khor rnam par dag pa'i dpe'i tshul gyis sgrib pa thams cad rnam par dag pa yongs su rdzogs par blta ste/ de la rgyu ni smon lam gyi pha rol tu phyin pa'o/ /sems bskyed pa </font><hr>300b<br><font size=+1>


dgu pa ni sangs rgyas kyi zhing yongs su dag pa'i yon tan gyi rgyan bkod pa thams cad kyi dkyil 'khor gyi tshul gyis bsam pa yongs su rdzogs par byed par blta ste/ de la rgyu ni stobs kyi pha rol tu phyin pa'o/ /sems bskyed pa bcu pa ni yon tan dang / ye shes dang / chos thams cad la dbang bsgyur bar dbang bskur ba thob pas 'khor los bsgyur ba'i mtshan gyi dpe'i tshul gyis nam mkha' dang mtshungs par blta ste/ de la rgyu ni ye shes kyi pha rol tu phyin pa'o/ /rigs kyi bu/ byang chub sems dpa' rnams kyi sems bskyed pa ni bcu po 'di dag yin te/ 'di dag dang ldan pas byang chub sems dpa' zhes bya'o/ /don dam par ni 'di la byang chub kyang med/ byang chub sems dpa' yang med/ byang chub kyi sems kyang med do/ /rigs kyi bu/ de la byang chub sems dpa' rnams kyi sbyin pa'i pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ dad pa'i dbang po sngon du 'gro ba dang / bsam pa sngon du 'gro ba dang / lhag pa'i bsam pa sngon du 'gro ba dang / pha rol tu phyin pa sngon du 'gro ba dang / byams pa chen po sngon du 'gro ba dang / snying rje chen po sngon du 'gro ba dang / sems can gyi rten sngon du 'gro ba dang / bsdu ba'i dngos po sngon du 'gro ba dang / sangs rgyas kyi chos 'dod pa sngon du 'gro ba dang / thams cad mkhyen </font><hr>301a<br><font size=+1>


@#/ /pa'i ye shes 'dod pa sngon du 'gro ba ste/ rigs kyi bu/ byang chub sems dpa' rnams kyi sbyin pa'i pha rol tu phyin pa 'di'i sngon du 'gro ba'i chos rnam pa bcu'o/ / rigs kyi bu/ de la byang chub sems dpa' rnams kyi tshul khrims kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ lus kyi las yongs su dag pa sngon du 'gro ba dang / ngag gi las yongs su dag pa sngon du 'gro ba dang / yid kyi las yongs su dag pa sngon du 'gro ba dang / rnam par mi 'tshe ba sngon du 'gro ba dang / ngan song thams cad rnam par spong ba sngon du 'gro ba dang / mi khom pa brgyad rnam par spong ba sngon du 'gro ba dang / nyan thos dang / rang sangs rgyas kyi sa las bzla ba sngon du 'gro ba dang / sangs rgyas kyi yon tan la dgod pa sngon du 'gro ba dang / bsam pa yongs su rdzogs pa sngon du 'gro ba dang / smon lam yongs su rdzogs pa sngon du 'gro ba ste/ rigs kyi bu| byang chub sems dpa' rnams kyi tshul khrims kyi pha rol tu phyin pa 'di'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi bzod pa'i pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ rjes su chags pa spong ba sngon du 'gro ba dang / khong khro ba spong ba sngon du 'gro </font><hr>301b<br><font size=+1>


ba dang / lus la mi blta ba sngon du 'gro ba dang / srog la yid mi rton pa sngon du 'gro ba dang / mos pa sngon du 'gro ba dang / sems can yongs su smin par bya ba sngon du 'gro ba dang / byams pa'i stobs sngon du 'gro ba dang / zab mo'i chos la bzod pa sngon du 'gro ba dang / rgya chen po la mos pa sngon du 'gro ba dang / mi shes pa bsal ba sngon du 'gro ba ste/ rigs kyi bu/ byang chub sems dpa' rnams kyi bzod pa'i pha rol tu phyin pa 'di'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi brtson 'grus kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ sems can thams cad kyi bya ba ci yod snyam pa sngon du 'gro ba dang / dge ba'i lus dang ngag dang yid mngon par sgrub pa la rjes su yi rang ba sngon du 'gro ba dang / zhum pa med pa sngon du 'gro ba dang / phyir mi ldog pa'i sa bsdu ba thob par bya ba sngon du 'gro ba dang / yang dag pa'i rtsol ba sngon du 'gro ba dang / dran pa nye bar gzhag pa sngon du 'gro ba dang / nyon mongs pa'i dgra gdul ba sngon du 'gro ba dang / chos thams cad kyis dben pa sngon du 'gro ba dang / sems can yongs su smin par bya ba sngon du 'gro ba dang / thams cad mkhyen pa'i ye shes yang dag par sgrub pa sngon du 'gro ba ste/ rigs kyi bu/ byang chub sems dpa' rnams kyi brtson 'grus kyi pha </font><hr>302a<br><font size=+1>


@#/ /rol tu phyin pa 'di'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi bsam gtan gyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ dge ba'i chos la gnas pa sngon du 'gro ba dang / ting nge 'dzin sngon du 'gro ba dang / snyoms par 'jug pa sngon du 'gro ba dang / yang dag par rdzogs pa'i byang chub sngon du 'gro ba dang / bsam gtan dang rnam par thar pa sngon du 'gro ba dang / ting nge 'dzin gyi dbang po sngon du 'gro ba dang / ting nge 'dzin gyi stobs sngon du 'gro ba dang / sems can thams cad kyi nyon mongs pa spong ba sngon du 'gro ba dang / ting nge 'dzin gyi phung po yongs su rdzogs par byed pa sngon du 'gro ba dang / dam pa'i chos yongs su bsrung ba sngon du 'gro ba ste/ rigs kyi bu/ byang chub sems dpa' rnams kyi bsam gtan gyi pha rol tu phyin pa 'di'i sngon du 'gro ba'i chos rnam pa bcu'o// rigs kyi bu/ de la byang chub sems dpa' rnams kyi shes rab kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ phung po la mkhas pa sngon du 'gro ba dang / khams la mkhas pa sngon du 'gro ba dang / skye mched la mkhas pa sngon du 'gro ba dang / rten cing 'brel bar 'byung ba la mkhas pa sngon du 'gro ba dang / </font><hr>302b<br><font size=+1>


bden pa la mkhas pa sngon du 'gro ba dang / lta bar gyur pa thams cad bsal ba sngon du 'gro ba dang / shes rab kyi dbang po sngon du 'gro ba dang / mi skye ba'i chos la bzod pa sngon du 'gro ba dang / sangs rgyas kyi chos thams cad yongs su rdzogs par bya ba sngon du 'gro ba dang / sgrib pa med pa'i ye shes mthong ba sngon du 'gro ba ste/ rigs kyi bu/ byang chub sems dpa' rnams kyi shes rab kyi pha rol tu phyin pa 'di'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi thabs mkhas pa'i pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ sems can gyi bsam pa dang spyod pa la 'jug pa sngon du 'gro ba dang / sems can gyi rten sngon du 'gro ba dang / byams pa dang / snying rje sngon du 'gro ba dang / sems can yongs su smin par bya ba la mi skyo ba sngon du 'gro ba dang / sangs rgyas kyi chos thams cad la 'jug pa sngon du 'gro ba dang / khyad par gyi ye shes mthong ba khong du chud pa sngon du 'gro ba dang / pha rol tu phyin pa yongs su byang bar bya ba yongs su smin pa sngon du 'gro ba dang / dngos po ji lta ba bzhin du yongs su rtog pa sngon du 'gro ba dang / sems kyi stobs nye bar bsgrub pa sngon du 'gro ba dang / phyir mi ldog pa'i sa yongs su thob par byed pa sngon du 'gro ba ste/ rigs kyi bu/ byang chub sems </font><hr>303a<br><font size=+1>


@#/ /dpa' rnams kyi thabs mkhas pa'i pha rol tu phyin pa 'di'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi smon lam gyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ sems can thams cad sems kyi spyod pa thibs po nye bar rgyu ba shes pa sngon du 'gro ba dang / sems can thams cad kyi nyon mongs pa thibs po nye bar rgyu ba shes pa sngon du 'gro ba dang / sems can thams cad kyi dbang po thibs po nye bar rgyu ba shes pa sngon du 'gro ba dang / sems can thams cad kyi bsam pa dang mos pa thibs po nye bar rgyu ba shes pa sngon du 'gro ba dang / sems can thams cad kyi bsam pa dang / lhag pa'i bsam pa dang / mos pa thibs po nye bar rgyu ba shes pa sngon du 'gro ba dang / 'jig rten gyi khams tha dad pa dang / khams gsum thibs po nye bar rgyu ba shes pa sngon du 'gro ba dang / sems can thams cad kyi bsam pa dang bag la nyal ba thibs po nye bar rgyu ba shes pa sngon du 'gro ba dang / sems can thams cad kyi 'chi 'pho ba dang skye ba thibs po nye bar rgyu ba shes pa sngon du 'gro ba dang / sems can thams cad phung po gsum du rnam par bzhag pa thibs po nye bar rgyu ba shes pa sngon du 'gro ba dang / dbang po mi skyo ba'i sems can yongs su smin par </font><hr>303b<br><font size=+1>


bya ba shes pa sngon du 'gro ba ste/ rigs kyi bu/ byang chub sems dpa' rnams kyi smon lam gyi pha rol tu phyin pa 'di'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi stobs kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ chos thams cad gzod ma nas 'byung ba med pa sngon du 'gro ba dang| chos thams cad gzod ma nas mtshan nyid med pa sngon du 'gro ba dang / chos thams cad gzod ma nas skye ba med pa sngon du 'gro ba dang / chos thams cad gzod ma nas yod pa ma yin pa sngon du 'gro ba dang / chos thams cad gzod ma nas chags pa med pa sngon du 'gro ba dang / chos thams cad 'jug pa med pa sngon du 'gro ba dang / chos thams cad ldog pa med pa sngon du 'gro ba dang / chos thams cad dngos po med pa'i ngo bo nyid sngon du 'gro ba dang / chos thams cad kyi thog ma dang bar dang tha ma mnyam pa nyid sngon du 'gro ba dang / chos thams cad de bzhin nyid la 'jug pa rtog pa dang rnam par rtog pa med pa sngon du 'gro ba ste/ rigs kyi bu/ byang chub sems dpa' rnams kyi stobs kyi pha rol tu phyin pa 'di'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi ye shes kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ chos thams </font><hr>304a<br><font size=+1>


@#/ /cad rnam par dbye ba la shin tu rnam par brtags pa sngon du 'gro ba dang / dkar po'i chos shin tu yongs su rdzogs pa sngon du 'gro ba dang / byang chub kyi tshogs bsags pa dpag tu med pa sngon du 'gro ba dang / bsod nams dang ye shes kyi tshogs chen po yongs su bzung ba sngon du 'gro ba dang / snying rje chen po yangs pa khong du chud par bya ba sngon du 'gro ba dang / 'jig rten gyi khams rnam par dbye ba'i rim pa shes pa sngon du 'gro ba dang / sems can gyi khams dang nyon mongs pa'i spyod pa la 'jug pa sngon du 'gro ba dang / de bzhin gshegs pa'i spyod yul la 'jug cing rjes su 'gro ba shes pa yid la byed pa sngon du 'gro ba dang / stobs bcu dang / mi 'jigs pa dang / sangs rgyas kyi chos ma 'dres pa la lhag par dmigs shing kun shes par bya ba sngon du 'gro ba dang / rnam pa thams cad kyi mchog dang ldan pa thams cad mkhyen pa'i ye shes la dbang bskur ba'i sa thob pa sngon du 'gro ba ste/ rigs kyi bu/ byang chub sems dpa' rnams kyi ye shes kyi pha rol tu phyin pa 'di'i sngon du 'gro ba'i chos rnam pa bcu'o/ /de la pha rol tu phyin pa'i don gang zhe na/ spyod pa'i khyad par yongs su rdzogs par byed pa'i don ni pha rol tu phyin pa'i don no/ /ye shes zab cing rgya che ba yongs su rdzogs par byed pa'i </font><hr>304b<br><font size=+1>


don ni pha rol tu phyin pa'i don no/ /'dus byas dang 'dus ma byas la chags pa med pa'i don ni pha rol tu phyin pa'i don no/ /'khor ba'i nyes pa ji lta ba bzhin du rtogs pa'i don ni pha rol tu phyin pa'i don no/ /skye bo mi mkhas pa rnams khong du chud par byed pa'i don ni pha rol tu phyin pa'i don no/ /chos kyi mdzod zad mi shes pa yang dag par ston pa'i don ni pha rol tu phyin pa'i don no// sgrib pa med pa'i rnam par thar pa yongs su rdzogs par byed pa'i don ni pha rol tu phyin pa'i don no/ /sems can gyi khams rab tu shes par byed pa'i don ni pha rol tu phyin pa'i don no/ / sbyin pa mnyam pa nyid rjes su rtogs pa'i don ni pha rol tu phyin pa'i don no/ /tshul khrims mnyam pa nyid yongs su rdzogs par byed pa'i don ni pha rol tu phyin pa'i don no/ /bzod pa mnyam pa nyid yongs su rdzogs par byed pa'i don ni pha rol tu phyin pa'i don no/ /brtson 'grus mnyam pa nyid yongs su rdzogs par byed pa'i don ni pha rol tu phyin pa'i don no/ /bsam gtan mnyam pa nyid yongs su rdzogs par byed pa'i don ni pha rol tu phyin pa'i don no/ /shes rab kyi pha rol tu phyin pa la nges par mkhas pa yongs su rdzogs par byed pa'i don ni pha rol tu phyin pa'i don no/ /chos thams cad rab tu shes par byed pa'i don ni pha rol tu phyin pa'i don no/ /mi skye ba'i chos la bzod pa yongs su rdzogs par byed pa'i don ni pha rol tu phyin </font><hr>305a<br><font size=+1>


@#/ /pa'i don no/ /phyir mi ldog pa'i sa yang dag par thob par byed pa'i don ni pha rol tu phyin pa'i don no/ /sangs rgyas kyi zhing yongs su sbyangs pa'i don ni pha rol tu phyin pa'i don no/ /sems can thams cad yongs su smin par bya ba'i don ni pha rol tu phyin pa'i don no/ /byang chub kyi snying po la sangs rgyas kyi ye shes yongs su rdzogs par byed pa'i don ni pha rol tu phyin pa'i don no/ /bdud thams cad gdul bar bya ba'i don ni pha rol tu phyin pa'i don no/ /'khor ba dang mya ngan las 'das pa gnyis su med par ston cing sgrol ba'i don ni pha rol tu phyin pa'i don no/ /yon tan thams cad kyi pha rol tu 'gro ba'i don ni pha rol tu phyin pa'i don no/ /phas kyi rgol ba thams cad tshar bcad pa'i don ni pha rol tu phyin pa'i don no/ /stobs bcu dang / mi 'jigs pa dang / sangs rgyas kyi chos ma 'dres pa bco brgyad yongs su rdzogs par bya ba'i don ni pha rol tu phyin pa'i don no/ /sangs rgyas kyi chos thams cad yongs su rdzogs par bya ba'i don ni pha rol tu phyin pa'i don no/ /bla na med pa yang dag par rdzogs pa'i byang chub mngon par rdzogs par byang chub par byed pa'i don ni pha rol tu phyin pa'i don no/ / chos kyi 'khor lo rnam pa bcu gnyis su bskor ba'i don ni pha rol tu phyin pa'i don no/ /rigs kyi bu/ de la byang chub sems dpa' sems dpa' chen po'i byang chub sems dpa'i </font><hr>305b<br><font size=+1>


sa dang po'i snga ltas ni/ stong gsum gyi stong chen po'i 'jig rten gyi khams gter bye ba khrag khrig brgya stong gis yongs su gang ba mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa gnyis pa'i snga ltas ni gang stong gsum gyi stong chen po'i 'jig rten gyi khams lag mthil lta bur gyur pa la rin po che bye ba khrag khrig brgya stong du mas legs par brgyan pa mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa gsum pa'i snga ltas ni/ bdag nyid dpa' zhing lag cha dang go cha sra ba thogs nas phas kyi rgol ba thams cad gdul bar mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa bzhi pa'i snga ltas ni/ phyogs bzhi nas rlung gi dkyil 'khor bzhis thams cad dang ldan pa'i sa'i dkyil 'khor chen po la me tog sna tshogs kyis mngon du 'thor ba mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa lnga pa'i snga ltas ni/ rgyan thams cad kyis brgyan pa'i bud med kyis mgo la me tog tsam pa ka'i phreng ba 'dogs par mthong ngo / /rigs kyi bu/ de la byang chub sems dpa' sems dpa' chen po'i byang chub sems </font><hr>306a<br><font size=+1>


@#/ /dpa'i sa drug pa'i snga ltas ni/ rdzing them skas bzhi dang ldan pa gser gyi bye ma rdal ba rnyog pa med cing dang la yan lag brgyad dang ldan pa'i chus yongs su gang ba/ me tog ut+pa la dang / ku mu ta dang / pad+ma dkar pos brgyan pa'i chu mthong ste/ de la bdag nyid rtse dga' yongs su spyod pa mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa bdun pa'i snga ltas ni/ phyogs g.yas g.yon gnyis na sems can dmyal ba'i g.yang sa mthong ste/ de nas bdag nyid ma smas ma nyams par slar ldog pa mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa brgyad pa'i snga ltas ni/ phrag pa gnyis na ri dwags kyi rgyal po seng ge ral pa can cod pan thogs pa gcan zan phra mo thams cad skrag par byed cing 'dug pa mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa dgu pa'i snga ltas ni/ 'khor los bsgyur pa'i rgyal po mthong ste/ skye bo bye ba khrag khrig brgya stong phrag du mas yongs su bskor cing mdun gyis bltas la mgo'i steng na rin po che sna tshogs kyis spras pa'i gdugs dkar po 'dzin pa mthong ngo / /rigs kyi bu/ de la byang chub sems dpa' sems dpa' chen po'i byang chub </font><hr>306b<br><font size=+1>


sems dpa'i sa bcu pa'i snga ltas ni de bzhin gshegs pa'i sku mthong ste/ kha dog gser lta bu 'od 'dom gang ba tshangs pa bye ba khrag khrig brgya stong du mas yongs su bskor cing mdun gyis bltas nas chos ston pa mthong ste/ rigs kyi bu/ bcu po 'di dag ni byang chub sems dpa' sems dpa' chen po rnams kyi byang chub sems dpa'i sa bcu pa'i snga ltas yin no/ / rigs kyi bu/ de la byang chub sems dpa' sa dang po la gnas pa'i byang chub sems dpa' ni sbyin pa'i pha rol tu phyin pa gnon to/ /byang chub sems dpa' sa gnyis pa la ni tshul khrims kyi pha rol tu phyin pa gnon to/ /sa gsum pa la ni bzod pa'i pha rol tu phyin pa gnon to/ /sa bzhi pa la ni brtson 'grus kyi pha rol tu phyin pa gnon to/ /sa lnga pa la ni bsam gtan gyi pha rol tu phyin pa gnon to/ /sa drug pa la ni shes rab kyi pha rol tu phyin pa gnon to/ /sa bdun pa la ni thabs mkhas pa'i pha rol tu phyin pa gnon to/ /sa brgyad pa la ni smon lam gyi pha rol tu phyin pa gnon to/ /sa dgu pa la ni stobs kyi pha rol tu phyin pa gnon to/ /sa bcu pa la ni ye shes kyi pha rol tu phyin pa gnon to/ /rigs kyi bu/ de la byang chub sems dpa' sems dpa' chen po'i sems bskyed pa dang po ni rin po che yang dag par 'phags pa'i ting nge 'dzin gyis yongs su bzung ste skye'o/ /sems bskyed pa gnyis pa ni gnas pa med pa'i </font><hr>307a<br><font size=+1>


@#/ /ting nge 'dzin gyis yongs su bzung ste skye'o/ /sems bskyed pa gsum pa ni rab tu mi g.yo ba'i ting nge 'dzin gyis yongs su bzung ste skye'o/ /sems bskyed pa bzhi pa ni phyir mi ldog pa'i ting nge 'dzin gyis yongs su bzung ste skye'o/ /sems bskyed pa lnga pa ni rin po che'i me tog gi ting nge 'dzin gyis yongs su bzung ste skye'o/ /sems bskyed pa drug pa ni nyi ma'i 'od kyi gzi brjid kyi ting nge 'dzin gyis yongs su bzung ste skye'o/ /sems bskyed pa bdun pa ni don thams cad grub pa'i ting nge 'dzin gyis yongs su bzung ste skye'o/ /sems bskyed pa brgyad pa ni da ltar gyi sangs rgyas mngon sum du bzhugs pa'i ting nge 'dzin gyis yongs su bzung ste skye'o/ /sems bskyed pa dgu pa ni ye shes sgron ma'i ting nge 'dzin gyis yongs su bzung ste skye'o/ /sems bskyed pa bcu pa ni dpa' bar 'gro ba'i ting nge 'dzin gyis yongs su bzung nas skye ste/ rigs kyi bu/ 'di dag ni byang chub sems dpa' sems dpa' chen po rnams kyi sems bskyed pa bcu'o/ /rigs kyi bu/ de la byang chub sems dpa' sems dpa' chen po'i byang chub sems dpa'i sa dang po la khyad par gyi byin gyi rlabs zhes bya ba'i gzungs skye'o/ /sa gnyis pa la ni gzhan gyis mi thub pa zhes bya ba'i gzungs skye'o/ /sa gsum pa la ni rab tu gnas pa zhes bya ba'i gzungs skye'o/ /sa bzhi pa la </font><hr>307b<br><font size=+1>


ni gdul dka' ba zhes bya ba'i gzungs skye'o/ /sa lnga pa la ni yon tan sna tshogs zhes bya ba'i gzungs skye'o/ /sa drug pa la ni ye shes kyi dkyil 'khor sgron ma zhes bya ba'i gzungs skye'o// sa bdun pa la ni khyad par du 'phags pa zhes bya ba'i gzungs skye'o/ /sa brgyad pa la ni rnyog pa med pa'i rtog pa zhes bya ba'i gzungs skye'o/ /sa dgu pa la sgo mtha' yas pa'i rgyan zhes bya ba'i gzungs skye'o/ /sa bcu pa la zad mi shes pa'i za ma tog ces bya ba'i gzungs skye'o/ /de nas de'i tshe bcom ldan 'das la lha'i bu seng ge'i tog gi 'od zer snang ba thogs pa med pa zhes bya bas 'di skad ces gsol to/ /bcom ldan 'das/ kye ma 'di ltar chos kyi rnam grangs 'di'i nang du thams cad rdzogs shing / sangs rgyas kyi chos dang yon tan thams cad sgrub par gyur pa ni ngo mtshar to/ /bcom ldan 'das kyis bka' stsal pa/ lha'i bu/ de ni ji skad zer ba de bzhin te/ lha'i bu/ chos kyi rnam grangs 'di thos ma thag tu byang chub sems dpa' rnams bla na med pa yang dag par rdzogs par byang chub las phyir mi ldog par 'gyur ro/ /de ci'i phyir zhe na/ rigs kyi bu'am/ rigs kyi bu mo phyir mi ldog pa'i dge ba'i rtsa ba yongs su smin pa rnams kyi phyag rgya ni/ 'di lta ste/ chos kyi rnam grangs 'di thos pa yin te/ chos kyi rnam grangs 'di ni dge ba'i rtsa ba ma bskyed pa rnams kyi rna lam du grag par mi 'gyur ro/ / </font><hr>308a<br><font size=+1>


@#/ /rigs kyi bu/ chos kyi rnam grangs 'di thos pa tsam gyis rigs kyi bu'am rigs kyi bu mo dag lhag pa'i bsam pa yongs su dag cing sangs rgyas mthong ba dang mi 'bral bar 'gyur/ dam pa'i chos nyan pa dang mi 'bral bar 'gyur/ dge 'dun la bsnyen bkur byed pa dang mi 'bral bar 'gyur/ rgya mtsho'i phyag rgya mi zad pa mngon par bsgrub pa'i gzungs dang mi 'bral bar 'gyur/ sems can gyi bsam pa dang / spyod pa dang / sgra la 'jug pa'i gzungs dang mi 'bral bar 'gyur/ nyi ma'i tog snang ba'i gzungs dang mi 'bral bar 'gyur/ zla ba'i tog snang ba'i gzung dang mi 'bral bar 'gyur/ kun nas ldang ba thams cad rnam par gnon pa sgrub pa'i gzungs dang mi 'bral bar 'gyur/ rdo rje ltar sra zhing brtan pa'i ri rnam par 'joms pa'i gzungs dang mi 'bral bar 'gyur/ brjod du med pa'i don bstan pa la yang dag pa gzhol ba'i gzungs dang mi 'bral bar 'gyur/ tshig dang / spyod pa dang / sgra thams cad la 'jug pa'i gzungs dang mi 'bral bar 'gyur/ nam mkha'i dkyil dri ma med par sgrub pa'i phyag rgyas btab pa'i gzungs dang mi 'bral bar 'gyur/ sangs rgyas kyi sku mtha' yas pa yongs su rdzogs pa sgrub pa'i gzungs dang mi 'bral bar 'gyur/ lha'i bu/ gzungs 'di dag thob pas byang chub sems </font><hr>308b<br><font size=+1>


dpa' rnams phyogs bcu'i sangs rgyas kyi zhing rnams su sangs rgyas kyi sku mngon par sprul nas chos ston te/ chos nyid las kyang mi g.yo la/ 'gro ba yang med/ 'ong ba yang med do/ /sems can rnams yongs su smin par byed kyang sems can du dmigs pa yang med do/ /chos ston kyang yi ge mnyam pa nyid la g.yo ba med do/ /'chi 'pho dang skye ba ston kyang 'pho ba yang med/ skye ba yang med do/ /chos thams cad rnam par rtog pa med pa'i phyir 'du byed rnams gang du 'gro bar yang mi 'gyur/ gang nas 'ong bar yang mi 'gyur ro/ /chos kyi rnam grangs 'di bshad pa na byang chub sems dpa' sum stong gis mi skye ba'i chos la bzod pa thob par gyur to/ /sems can tshad med pa rnams kyis ni bla na med pa yang dag par rdzogs pa'i byang chub tu sems bskyed par gyur to/ /bcom ldan 'das kyis de skad ces bka' stsal nas/ byang chub sems dpa' sems dpa' chen po blo gros mi zad pa dang / byang chub sems dpa' de dag dang / dge slong de dag dang / lha'i bu seng ge'i tog gi 'od zer snang ba thogs pa med pa dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ blo gros mi zad </font><hr>309a<br><font size=+1>


@#/ /pas zhus pa'i le'u zhes bya ste/ 'dus pa bzhi bcu rtsa lnga pa rdzogs so// //rgya gar gyi mkhan po su ren+d+ra be \ BO?\d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa/ zhu chen gyi lo ts+tsha ba d+harma tA shI las skad gsar bcad kyis kyang zhus te gtan la phab pa// </font><hr>

</table>