H84

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H84</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H84&coll=lhasa">see text in Tibetan script</a></table>175b<br><font size=+1>


//rgya gar skad du/ AR+Ya pA ri kA bi ma la shrad d+hA pa ri pr-its+tsha nA ma mahA yA na sU tra/ bod skad du/ bu mo rnam dag dad pas zhus pa le'u bzhi bcu pa/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na| bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong gi dge 'dun chen po lnga brgya dang / byang chub sems dpa' sems dpa' chen po brgya stong dang thabs gcig tu bzhugs te/ thams cad kyang shes par bya ba rnams rab tu shes pa/ gzungs dang / thogs pa med pa'i spobs pa thob pa/ bzod pa phun sum tshogs pa/ bdud kyi dpung rab tu bcom pa/ de bzhin gshegs pa rnams kyis brnyes pa'i chos rnams rab tu thob pa sha stag la 'di lta ste/ byang chub sems dpa' 'jig rten 'dzin dang / byang chub sems </font><hr>176a<br><font size=+1>


@#/ /dpa' lam 'dzin dang / byang chub sems dpa' sa 'dzin dang / byang chub sems dpa' sa 'dzin chen po dang / byang chub sems dpa' mos blo gros dang| byang chub sems dpa' mos byed dang / byang chub sems dpa' gzugs mdzes bkod pa dang / byang chub sems dpa' rin po che'i tog dang / byang chub sems dpa' rin po che'i rgyal mtshan dang / byang chub sems dpa' rin chen sems pa dang / byang chub sems dpa' rin chen 'byung gnas dang / byang chub sems dpa' rin chen blo gros dang / byang chub sems dpa' rin chen yon tan dang / byang chub sems dpa' rin chen 'od dang / gzhan yang bskal pa bzang po'i byang chub sems dpa' byams pa la sogs pa gtso bor gyur pa dang thabs gcig go/ gzhan yang sems dpa' dpe zla med pa'i byang chub sems dpa' 'jam dpal la sogs pa gtso bor gyur pa drug cu po de dag dang yang thabs gcig go /gzhan yang skyes bu chen po byang chub sems dpa' bzang skyong la sogs pa gtso bor gyur pa drug cu dang yang thabs gcig go /gzhan yang dga' ldan gyi ris kyi lha'i bu nyi khri 'khor de nyid 'dus par gyur pa dag dang yang thabs gcig go /de'i tshe bcom ldan 'das bkod pa chen po'i mdzod ces bya ba'i seng ge'i gdan la 'khor brgya stong tshad med pa dag gis yongs su bskor nas bzhugs </font><hr>176b<br><font size=+1>


pas| nyi zla lta bu'i 'od zer gyis ni kun du snang bar mdzad/ brgya byin dang / tshangs pa'i rgyal po ltar gzi brjid kyis khyad par du 'phags/ ri'i rgyal po ri rab lta bur shin tu mtho zhing phal las ni mngon par 'phags par gyur/ sgron ma chen po lta bur 'od zer dag ni rab tu 'bar/ glang po che'i rgyal po ltar phan tshun du ni gzigs par mdzad/ seng ge'i sgra sgrogs pa ltar bsnyengs pa mi mnga' bar ni tshes ston par mdzad/ lha ma yin gyi rgyal po sgra gcan zin ltar 'khor mang po rnams ni zil gyis mnan/ mtshan dang dpe byad bzang po dag gis ni sku rab tu brgyan/ gzi byin dang mthu stobs dag ni rab tu 'bar bar gyur te/ sems can thams cad des pa'i don mchog la dgod cing khong du chud par mdzad pa'i phyir/ tshangs pa'i sgra dbyangs stong gsum gyi stong chen po'i 'jig rten gyi khams kun du bsgrags nas/ 'khor mang po'i dbus su chos ston par mdzad do/ /de nas rgyal po gsal rgyal gyi bu mo rnam dag dad pa zhes bya ba gzhon nu ma byad bzhin sdug cing mdzes la/ sems can rnams kyis mthong bar mos pa/ sngon dge ba'i rtsa ba bskyed pa/ theg pa chen po bsgoms pa zhig yod pa de bu mo gzhon nu ma lnga brgyas yongs su bskor te/ so so nas gser gyi phreng ba thogs nas grong khyer mnyan yod nas byung ste/ rgyal bu rgyal byed kyi tshal du phyin pa dang / bcom ldan 'das </font><hr>177a<br><font size=+1>


@#/ /kyi zhabs la spyi bos gtugs te phyag byas nas lan gsum bskor ba byas te/ bcom ldan 'das kyi spyan sngar phyogs gcig tu 'khod nas tshigs su bcad de mngon par bstod pa/ yun ring bsod nams rnam dag 'phrin las bsags/ /yon tan rgya mtsho mtha' yas yongs rdzogs shing / /mang po dad mos dga' bar mdzad pas nas/ de slad thub mchog khyed la bdag phyag 'tshal/ /gzi byin lam me ya mtshan rab ston cing / /rin chen 'byung gnas chos sgo ston par mdzad/ /sku yi 'od zer 'dom gang rtag gsal bas| blo chen gsal ba'i rdzing la bdag phyag 'tshal/ /yon tan ljon shing bsod nams bsags ma 'tshal/ mi mchog khyod la 'jig rten kun gyis bsngags/ /smon lam chen po tshul khrims yongs rdzogs pas/ /de slad mchod 'os gtso la bdag phyag 'tshal/ /chos mchog rab gnas rtag par zhi zhing dben/ /'jig rten kun la thugs snyoms bu gcig bzhin/ /mkhyen pa dag gis spyod rnams rab mkhyen pas/ /'dren mkhan bzhin du mnyam pa'i shul yang ston/ /rab brtan brtson 'grus ldan par mchis 'gyur na/ /byams dang thugs rjes sems can sman mdzad pas/ /byang chub sems dpa'i spyod pa gang lags pa/ /de bzhin gshegs pas bkas ni bshad du gsol/ /ji ltar rab brtan stobs ni </font><hr>177b<br><font size=+1>


thob gyur nas/ /'khor ba na gnas kyang bdun dpung pham bgyid lags/ /ji ltar mnyam pa'i chos ni thob 'gyur zhing / /ji ltar sems can yongs su smin bgyid lags/ /ji ltar bgyis na sa gzhi nam mkha' dang / /rlung dang me chu ji ltar bzhin du 'gyur/ /ji ltar yid ches thob nas chos gnas shing / /ri rab seng ge rgyal ba bzhin du 'gyur/ /ji ltar byams sdang sems ni yongs spangs nas/ /sems gtsang drang la g.yo sgyu ma mchis 'gyur/ /ji ltar sbyin dang tshul khrims bzod pa dang / /brtson 'grus bsam gtan rnam grol skye 'gyur zhing / /shes rab nyon mongs mun pa rab bcom zhing / /rtag par thabs chen la ni gnas pa dang / /ting 'dzin gzugs la thogs pa ma mchis shing / /tshad med bzhi dang mngon shes lnga la gnas/ /ji ltar sangs rgyas spyan sngar gnas gyur nas/ /rtag par brdzus te skye zhing tshe rabs dran/ /sbyangs pa'i brtsod pa ma mchis dgon gnas nas/ /sems ni rab btul nyon mongs zhi bgyid dang| |tshul khrims ldan zhing byang chub lam bsgoms dang / /bdud rtsi 'gog thob bdud dpung 'joms pa dang / /bde stsol chos kyi 'khor lo bskor 'gyur ba/ /de 'dra'i yang dag lam ni bkas bshad gsol/ /de nas bcom ldan 'das kyis bu mo rnam dag dad pa la bka' stsal pa/ bu mo/ byang chub sems dpa' gang stobs rnam pa brgyad dang ldan par gyur </font><hr>178a<br><font size=+1>


@#/ /na| 'khor ba na gnas kyang rab tu brtan pa'i dpa' bor 'gyur zhing yongs su ngal ba med par 'gyur ro/ /brgyad gang zhe na/ dang po ni/ sems kyi 'dun pa'i stobs te/ g.yo sgyu med pa'i phyir ro/ /gnyis pa ni/ mos pa'i stobs te/ sdig pa rnams sbyong bar byed pa'i phyir ro/ /gsum pa ni/ sbyor ba'i stobs te/ rtag tu dge ba bsgrub pa'i phyir ro/ /bzhi pa ni/ mngon par yid ches pa'i stobs te/ las kyi rnam par smin pa dag la shin tu mngon par yid ches pa'i phyir ro/ /lnga pa ni/ byang chub kyi sems kyi stobs te/ theg pa dma' ba rnams yongs su mi tshol ba'i phyir ro/ /drug pa ni/ byams pa chen po'i stobs te/ las kyis sems can la gnod par mi byed pa'i phyir ro// bdun pa ni/ snying rje chen po'i stobs te/ gnod pa rnams dang du len pa'i phyir ro/ /brgyad pa ni/ dge ba'i bshes gnyen gyi stobs te/ dus dus su sad par byed pa'i phyir ro// bu mo/ 'di ni stobs rnam pa brgyad ces bya ste/ byang chub sems dpa' gang stobs brgyad po 'di dag dang ldan par gyur na rab tu bstan pa'i dpa' bor 'gyur bas /'khor ba na gnas kyang mngon par zhen cing chags pa med par 'gyur ro/ /de nas bcom ldan 'das kyis yang tshigs su bcad de bka' stsal pa/ sems 'dun dpa' bo gang yin pa/ / </font><hr>178b<br><font size=+1>


g.yo sgyu dag ni spong byed cing / /rtag par drang po spyod pas na/ /yang dag byang chub gzhol bar 'gyur/ /mos pa'i stobs ni gang yin pa/ /nyes pa mang po spong byed cing / /dge ba 'ba' zhig spyod pas ni/ /yang dag brtson la gnas par 'gyur/ /sbyor ba phun sum tshogs gyur pa/ /rtag tu legs par rab brtan nas/ /brtson 'grus brtan par gyur pas na/ /sems can rnams ni bde bar byed/ /mngon par yid ches stobs dbang gis/ /las kyi rnam smin rig pas na/ /sangs rgyas ye shes yid ches shing / /'jig rten yongs su sdud par 'gyur/ /byang chub sems stobs gang yin des/ /theg pa dman pa spong byed cing / /sangs rgyas gdung ni mi gcod pas/ /chos nyid la ni gnas par 'gyur/ /byams chen stobs kyi dbang gis na/ /sems can snyoms par lta byed cing / /byams sdang dag ni med pas na/ /zhe sdang gnod pa bskyed mi 'gyur/ /snying rje chen po'i stobs kyis ni/ /sems can dang du len byed cing / /'khor ba dag la zhen med cing / /yongs su skyo zhing ngal ba med/ /dge ba'i bshes gnyen stobs kyis ni/ /rtag par phan tshun sad byed cing / /sems ni bying bar mi 'gyur bas/ /byang chub la ni gnas par 'gyur/ /dpa' bo gang yin de dag gis/ /stobs brgyad 'di dag thob gyur na/ /byang chub snying por 'dug nas ni/ /bdud dpung mang po </font><hr>179a<br><font size=+1>


@#/ /bcom par 'gyur/ /gzhan yang bu mo/ byang chub sems dpa' chos rnam pa brgyad dang ldan par gyur na mnyam pa nyid la rab tu gnas par 'gyur ro/ /brgyad gang zhe na/ dang po ni/ sems can thams cad mnyam par gyur pa ste/ rang bzhin gyis bdag med pa'i phyir ro/ /gnyis pa ni/ chos thams cad mnyam par gyur pa ste/ chos thams cad rab tu dben pa'i phyir ro/ /gsum pa ni/ zhing thams cad mnyam par gyur pa ste/ stong pa nyid kyi khams su 'jug par 'gyur ba'i phyir ro/ /bzhi pa ni/ shes pa thams cad mnyam par gyur pa ste/ /mnyam pa nyid stong ba'i phyir ro/ /lnga pa ni/ spyod pa thams cad mnyam par gyur pa ste/ rgyu dang rkyen la rang bzhin med pa'i phyir ro/ /drug pa ni/ theg pa thams cad mnyam par gyur pa ste/ 'dus ma byas su mtshungs pa'i phyir ro/ /bdun pa ni/ sems mnyam par gyur pa ste/ sems sgyu ma dang mtshungs pa'i phyir ro/ /brgyad pa ni/ bdud rnams mnyam par gyur pa ste/ nyon mongs pa'i thog ma mi dmigs pa'i phyir ro/ /'di ni chos rnam pa brgyad kyis mnyam pa nyid la rab tu gnas pa zhes bya'o/ /de nas bcom ldan 'das kyis yang tshigs su bcad de bka' stsal la/ /sems can rang bzhin bdag med pa na/ skad cig tsam yang dmigs mi 'gyur/ /mnyam pa nyid la gang gnas pa/ </font><hr>179b<br><font size=+1>


de lta bur ni blta bar bya/ /chos rnams thams cad mnyam pas na/ /rang bzhin rtag par stong zhing dben/ /yi ges tha dad phye bar zad/ /chos rnams rang bzhin bye brag med/ /phyogs bcu zhing rnams thams cad kun/ /mu mtha' dag ni mi dmigs pas/ /de yi rang bzhin nam mkha' 'dra/ /sangs rgyas zhing ni rtag tu mnyam/ /dus gsum de bzhin gshegs pa kun/ chos dbyings gnas par mnyam pas na/ /ye shes mtha' yas rnam par grol/ /sangs rgyas kun kyang de bzhin no/ /sems can rang bzhin rgyu rkyen rnams/ /thams cad kun kyang mnyam pa dang / /de yi spyod pa rab shes pas/ /ci rigs par ni go bar byed/ /sems can ji snyed tha dad pa/ /sgyu 'phrul lta bur rab tu rtogs/ /phyi nang gnyi ga len med pas/ /rang bzhin rtag tu rnam par dag /theg pa sna tshogs rab bshad kyang / /'dus ma byas su rab tu mnyam/ /'dren pas thabs ni rab mkhyen pas/ /rnam par phye ste theg gsum bshad/ /nyon mongs bdud la rab gnas kyang / /nyon mongs dngos po ci yang med/ /lha dang phung po 'chi bdag bdud/ /spyod yul thams cad stong pa yin/ gzhan yang bu mo/ byang chub sems dpa' chos brgyad dang ldan na byams sdang rnams yongs su spong bar byed do/ /brgyad gang zhe na/ byams pa dang ldan pa dang / snying rje dang ldan pa dang / rtag par phan 'dogs par byed pa dang / 'jig rten gyi chos la ma </font><hr>180a<br><font size=+1>


@#/ /chags pa dang / rang gi lus la chags pa med pa dang / rtag tu ting nge 'dzin gyi sems bsgom pa dang / lus dang srog yongs su gtong ba dang / nyon mongs pa rnams la so sor rtog pa ste/ chos brgyad po 'di dag ni mngon par bsgrub par nus na byams sdang yongs su spong bar 'gyur ro/ /de nas bcom ldan 'das kyis yang tshigs su bcad de bka' stsal pa/ byams sems go cha rab bgos nas/ /thams cad kun la snying brtse zhing / /mnyam pa'i sems la gang gnas pa/ /byams sdang sems la skye mi 'gyur/ /blo ldan phan 'dogs spyod pas nas/ /rtag par gzhan la bde ba gtong / /rnyed pa thob kyang rang mi mthong / /brnyas shing smad kyang khon 'dzin med/ /rlung brgyad kyis ni mi bskyed pas/ /byams sdang dag ni mi skye zhing / /bdag gam gal te gzhan yang rung / /byams sdang 'du shes yongs mi bskyed/ /'du shes dag ni rab spangs nas/ /spyod yul dag la zhen pa med/ /rtag par rang gi lus rtogs pas/ /lus srog dag la phabs pa med/ /mkhas rnams sdug bsngal bde ba yis/ /g.yos par mi 'gyur nam mkha' bzhin/ /nyon mongs legs par rtogs byed na/ /bdag dang bdag gi gnyi ga spong / /spyod 'dzin rtag par sa 'dra bas/ /byams sdang dag ni yong mi bskyed/ /gzhan yang bu mo/ byang chub sems dpa' chos rnam pa brgyad dang ldan na 'khor bas yongs su </font><hr>180b<br><font size=+1>


ngal bar mi 'gyur ro/ /brgyad gang zhe na/ dge ba'i rtsa ba yangs shing rgya che ba'i phyir dang / sems can la so sor rtog par byed pa'i phyir dang / rtag par de bzhin gshegs pa rnams mthong zhing mchod par byed pa'i phyir dang / sangs rgyas kyi zhing chod med pa rnams mthong ba'i phyir/ rtag par sangs rgyas kyi mkhyen pa yongs su gnyer ba'i phyir dang / 'khor ba rmi lam lta bur rab tu rtog pa'i phyir dang / chos khyad par can dag la zhugs pa'i phyir dang / sngon gyi mtha' dang phyi ma'i mtha' dang yang dag par mtha' la so sor rtog ba'i phyir ro/ /de nas bcom ldan 'das kyis yang tshigs su bcad de bka' stsal pa/ rnal 'byor lam ni gang bsgom pa/ /dge sbyong skyon phran dri ma med/ /bar snang zla ba rnam dag bzhin/ /sdug bsngal sems can sgrol bar byed/ yon tan rnams ni bsdu ba'i phyir/ /'khor bas yongs su ngal mi 'gyur/ /sems can rang bzhin rtogs byed cing / /rab brtan brtson 'grus spyod par byed/ /sangs rgyas zhing ni tshad med du/ /sangs rgyas rnams ni gus mchod pas/ /de phyir stobs bcu gang ldan pa/ /'khor bas yongs su ngal mi 'gyur/ /'jig rten dpag med tsha med du/ /bsam gyis mi khyab chos ston cing / /dkon mchog gsum gyi gdung mi gcod/ /chos rgyal nyid du mngon 'tshang rgya/ /tshul khrims dam par gang bsrung pa/ /'khor bas ngal bar mi 'gyur zhing / /'khor </font><hr>181a<br><font size=+1>


@#/ /ba'i rang bzhin gang yin pa/ /rmi lam sprin dang glog ltar shes/ /chos las gang zhig rnam grol ba/ /'khor bas yongs su ngal mi 'gyur/ /byang chub la ni rab gnas shing / /dga' ba'i sems kyis rtag tu bde/ /thabs kyi pha rol gang yin pa/ /'khor bas yongs su ngal mi 'gyur/ /rtag par dam chos sgrub pa yang / /bar snang zla bzhin 'phel bar 'gyur/ /sangs rgyas yon tan gang mos pa/ /'khor bas yongs su ngal mi 'gyur/ /'khor ba mu mtha' med gyur kyang / /rtag par yang dag mtha' la gnas/ /yud tsam shes rab rjes mthun pa/ /'khor ba dag gis ngal mi 'gyur/ /gzhan yang bu mo/ chos brgyad dang ldan na sems kyi khams mnyam par 'gyur ro/ /brgyad gang zhe na/ sems dang mtshungs par 'gyur ba'i phyir dang / sems chu dang mtshungs par 'gyur ba'i phyir dang / /sems me dang mtshungs par 'gyur ba'i phyir dang / sems rlung dang mtshungs par 'gyur ba'i phyir dang / sems nam mkha' dang mtshungs par 'gyur ba'i phyir dang / sems chos kyi dbyings dang mtshungs par 'gyur ba'i phyir dang / sems rnam par grol ba dang mtshungs par 'gyur ba'i phyir dang / sems mya ngan las 'das pa dang mtshungs par 'gyur ba'i phyir te/ 'di ni sems kyi khams mnyam pa nyid rnam pa brgyad ces bya'o/ /de nas bcom ldan 'das kyis yang </font><hr>181b<br><font size=+1>


tshigs su bcad de bka' stsal pa/ sems ni sa dang mtshungs pas na/ /thams cad khur du khyer bar byed/ /dge ba dang ni sdig pa'ang rung / /'phel ba med cing 'grib pa med/ /sems ni chu dang mtshungs pas na/ /dri ma mi gtsang 'khru byed cing / /'jig rten rnams ni gso ba dang / /nyon mongs gdung ba sel bar byed/ /sems ni me dang mtshungs pas na/ /nyon mongs dag ni sreg byed cing / /sgron ma chen po snang ba yin/ /gsal bar mi byed gang yang med/ /sems ni rlung dang mtshungs pas na/ /gnas pa med cing rten med par/ /tshul khrims thos pa dri yis ni/ /dus gsum kun du khyad par byed/ /sems ni nam mkha' mtshungs pas na/ /lta ba spong zhing rnam par dag /thams cad kun du 'jug byed kyang / /bdud kyi rjes su 'brang mi byed/ /sems ni chos dbyings mtshungs pas na/ /bde ba nyid du rab gnas shing / /'phel ba med cing 'grib med par/ /rtag par mnyam pa nyid la gnas/ /nyan thos dang ni rang rgyal gyi/ /rnam par grol ba thob gyur kyang / /'ching ba dag kyang yod min la/ /grol ba dag kyang yod pa min/ /'khor ba dag ni mya ngan 'das/ /'ong ba med cing 'gro ba med/ /rab dben nyer zhi gnas nas ni/ /dus gsum kun tu 'gro bar byed/ /gzhan yang bu mo/ chos rnam pa brgyad dang ldan pa'i byang chub sems dpa' ni byang chub kyi 'byung gnas su 'gyur ro/ / </font><hr>182a<br><font size=+1>


@#/ /brgyad gang zhe na/ dang po ni/ sbyin pa 'byung gnas su gyur pa yin te/ /ci bdog pa rnams yongs su gtong ba'i phyir ro/ /gnyis pa ni/ tshul khrims 'byung gnas su gyur pa yin te/ nyams pa med pa'i phyir ro/ /gsum pa ni/ bzod pa 'byung gnas su gyur pa yin te/ zhe sdang med pa'i phyir ro/ /bzhi pa ni/ brtson 'grus 'byung gnas su gyur pa yin te/ le lo med cing nur ba med pa'i phyir ro/ /lnga pa ni/ bsam gtan 'byung gnas su gyur pa yin te/ thabs la mkhas pa'i phyir ro/ /drug pa ni/ shes rab 'byung gnas su gyur pa yin te/ tshul khrims bsrung zhing mang du thos pa dang ldan pa'i phyir ro/ /bdun pa ni/ tshangs pa'i gnas pa 'byung gnas su gyur pa yin te/ rnam par grol bas nye bar zhi bar 'gyur ba'i phyir ro/ /brgyad pa ni/ mngon par shes pa 'byung gnas su gyur pa yin te/ rtag par mnyam par bzhag pa la rab tu gnas pa'i phyir ro/ /de nas bcom ldan 'das kyis yang tshigs su bcad de bka' stsal pa/ rtag par sbyin pa gang gtong pa/ /'dod chags gdung ba spong bas na/ /'bras bu rnam smin mi re bar/ / sangs rgyas byang chub bsngo bar byed/ /khrims ldan theg pa che ba'i phyir/ /bcad cing btubs kyang khong khro med/ /rtse gcig bde chen gnyer byed cing / /bag chags spangs na </font><hr>182b<br><font size=+1>


'gog mngon med/ /byang chub sems dpa' brtson 'grus can/ /bskal mang sems can ched du ni/ /sdug bsngal bzod cing 'jig rten rgyu/ /brtson 'grus stobs ni 'phel bar byed| |bsam gtan dag ni gang bsgom pa/ /spros pa rnams ni spong byed cing / /bsam gtan pha rol phyin gyur kyang / /bsam gtan rjes su yong mi skye/ /shes rab chen po mtshungs med pas| |mthar lta rnams ni spong byed cing / /'jig rten stong dben rig pas na/ /gti mug mun pa ma lus sel/ /nyer zhi tshangs gnas gang bsgom pa/ /ngan song rnams ni spangs pas na| |rtag par brgya byin tshangs par 'gyur/ /don gyi phan pa nan tan bsgom/ /mngon shes sangs rgyas zhing rgyu ba/ /sangs rgyas bsnyen bkur chos kyang nyan/ /rang bzhin mos pa rab shes pas| |chos bshad sems can zlos par byed/ /gzhan yang bu mo/ byang chub sems dpa' ni chos brgyad dang ldan pa'i phyir gzungs dang / thogs pa med pa'i spobs pa thob par 'gyur ro/ /brgyad gang zhe na/ chos la bla mar byed pa'i phyir dang / mkhan po dang / slob dpon la rim gro byed pa'i phyir dang / chos yongs su gnyer ba la skyo ba med pa'i phyir dang / ji skad thos pa bzhin du yang dag par bstan par byed pa'i phyir dang / chos la ser sna mi byed pa'i phyir dang / gzhan gyi nyes pa sgrogs par mi byed pa'i phyir dang / chos smra ba dag la/ mkhan </font><hr>183a<br><font size=+1>


@#/ /po bzhin du gus pas sri zhu byed pa'i phyir dang / gzhan gyi nyes pa mi mthong zhing nyes pa spangs par skul bar byed pa'i phyir te/ 'di ni byang chub sems dpa'i chos brgyad dang ldan na/ gzungs dang / thogs pa med pa'i spobs pa phun sum tshogs pa thob par 'gyur ba zhes bya'o/ /de nas bcom ldan 'das kyis yang tshigs su bcad de bka' stsal pa/ rtse gcig rtag tu chos gnyer ba/ mkhan po dge bshes rim gro byed/ /sdig pa'i grogs po spong bas na/ /mi zad gter 'dzin thob par 'gyur/ /mang thos yongs su skyo med par/ /rab brtson chos ni gnyer bar byed/ /ji skad thos bzhin ston byed pas/ /rnyed pa dag la re tshol med/ /spobs pa rnam dag gang thob pa/ /'khor mang dga' bar byed pas na/ /chos sbyin pa la rab mos shing / /ser sna phrag dog spong bar byed/ /chos spyod mngon par zhen med cing / /gzungs ni gang zhig thob 'gyur ba/ /khrims srung rang lus lta bas na| |gzhan gyi nyes skyon yong mi tshol/ /byams dang snying rje gnas gyur cing / /dus min tshig ni mi smra bas/ /thogs med spobs pa thob gyur nas/ /spro tshig pha rol phyin pa ston/ /chos ni legs par smra ba la/ /mkhan po bzhin du gus par byed/ /skyon 'chab nyes pa spong bskul bas/ /mi zad kun 'dzin rgya mtsho thob/ /gzhan yang bu mo/ byang chub sems dpa' </font><hr>183b<br><font size=+1>


ni chos rnam pa brgyad dang ldan pa'i phyir/ sangs rgyas rnams kyi spyan sngar pad+ma la brdzus te skye bar 'gyur ro/ /brgyad gang zhe na/ srog la bab par gyur kyang gzhan gyi nyes pa mi brjod pa dang / sems can rnams dkon mchog gsum la skyabs su 'gro bar bskul ba dang / thams cad byang chub kyi sems la 'god pa dang / tshangs par spyod pa la gos pa med pa dang / de bzhin gshegs pa'i sku gzugs dag byas nas pad+mo'i gdan la 'jog pa dang / sems can mya ngan byed pa dag gi mya ngan sel bar byed pa dang / khengs shing nga rgyal byed pa dag gi mdun du rtag par bdag nyid dman par byed pa dang / gzhan la 'tshe bar mi byed pa gang yin pa'o/ /de nas bcom ldan 'das kyis yang tshigs su bcad de bka' stsal pa/ gal te sdug bsngal gzir gyur kyang / / nam yang gzhan gyi skyon mi smra/ /rtag par dkon mchog gang bsngags pa/ /sangs rgyas spyan sngar brdzus te skye/ /byang chub sems ni bskyed pa dang / /thams cad mkhyen pa gnyer bskul nas| |rtag tu tshangs par gang spyod pa/ /sangs rgyas spyan sngar brdzus te skye/ /gser gyis sangs rgyas gzugs brgyan te/ /rin chen pad+ma'i gdan la bzhag /sems can mya ngan gang sel ba/ /sangs rgyas spyan sngar brdzus te skye/ /nga rgyal byed pa de dag la/ /slob ma bzhin du bdag dman zhing / /gzhan la gang zhig mi 'tshe ba/ /sangs rgyas spyan sngar brdzus te skye/ /gzhan </font><hr>184a<br><font size=+1>


@#/ /yang bu mo/ chos brgyad dang ldan par gyur na/ sbyangs pa'i yon tan phun sum tshogs par 'gyur zhing rtag par dgon pa na gnas pa la mos par 'gyur ro/ /brgyad gang zhe na/ 'dod pa chung ba dang / chog shes pa dang / dge ba'i chos yongs su rdzogs par 'gyur ba dang / dge bas bdag nyid gso bar byed pa dang / rtag par 'phags pa'i rigs yongs su 'dzin pa dang / 'khor ba'i nyes dmigs mthong bas sems la rtag par skyo ba dang / rtag par mi rtag pa dang / sdug bsngal ba dang / stong pa dang / bdag med par lta ba dang / dad pa shin du brtan zhing gzhan gyi dring la mi 'jog pa gang yin pa'o/ /de nas bcom ldan 'das kyis yang tshigs su bcad de bka' stsal pa/ 'dod pa chung zhing chog shes pas/ /chos dga' dge mang bdag nyid gso/ /rtag par 'phags rigs bsgrub la mos/ /'khor ba'i skyon mthong sems la skrag /sbyang pa dag la rtag mos par/ /bse ru gcig ltar grogs kyang med/ /'dus byas sdug bsngal bdag med ces/ /blo yis rab dang brtson 'grus gnas/ /chos mthong gzhan gyi rjes mi 'brang / /rtag par dben gnas sangs rgyas bsngags/ /sbyangs pas thag bsrings gdung ba med/ /rtsod smra nyes dmigs mang ba med/ /gnyen bshes yongs spangs bsngags pa brjod/ /des na </font><hr>184b<br><font size=+1>


dgon par gnas la mos/ /gzhan yang bu mo/ byang chub sems dpa' ni chos rnam pa brgyad dang ldan pa'i phyir bdud kyi dpung rab tu pham par byed do/ /brgyad gang zhe na/ ngo bo nyid stong pa nyid la zhugs pa dang / mtshan ma med pa la mngon par yid ches pa dang / smon pa med pa la mngon par yid ches pa dang / mngon par 'du bya ba med par rab tu shes pa dang / de la the tshom dang som nyi med pa dang / skye ba med par rab tu brjod pa dang / /ngo bo nyid med par rab tu rtogs pa dang / thabs mkhas pas chos thams cad la so sor rtog cing de bzhin nyid 'jig par mi byed pa gang yin pa'o/ /de nas bcom ldan 'das kyis yang tshigs su bcad de bka' stsal pa/ stong dang mtshan ma med dang smon med pa/ /rnam thar gsum thob bdud dpung rab tu 'joms/ /'dus byas dus min mtshan nyid gnyis su med/ /skyon med thob pas rnam par grol bar 'gyur/ /chos rnams skye med de ltar gang bzod pa/ /de dag bdud dpung rab tu pham par byed| |skye ba med dang 'gag med 'di dag dang / /phung po khams la bdag med sgyu ma 'dra/ /chos la ngo bo nyid med des rtogs shing / /de bzhin nyid ni mi 'jigs thabs mkhas pas/ /chos rnams bdud kyi las zhes gang 'byed pa/ /rnam rtog spangs nas bdud ni pham par byed/ /thabs dang shes rab gnyi ga rab spyod cing / /yod dang stong la gnas pa med par ni/ /de ltar chos </font><hr>185a<br><font size=+1>


@#/ /mchog gang zhig sgom byed pa/ thabs mkhas gzugs lus mdzes pa thob par 'gyur/ /gzhan yang bu mo/ byang chub sems dpa' ni chos rnam pa brgyad dang ldan pa'i phyir byang chub dang nam yang 'bral bar mi 'gyur ro/ /brgyad gang zhe na/ yang dag pa'i lta bas log par lta ba'i sems can yongs su smin par byed pa dang / yang dag pa'i dran pas log par sems pa'i sems can la snying brtse bar byed pa dang / yang dag pa'i ngag gis log par smra ba rnams la snying rje bar byed pa dang / yang dag pa'i las kyi mthas log pa'i las can rnams yongs su sdud pa dang / yang dag pa'i rtsol bas log par rtsol ba rnams yongs su bzlog pa dang / yang dag pa'i 'tsho bas log par 'tsho ba'i sems can rnams spong bar mi byed pa dang / yang dag pa'i rtog pas log par yid la byed pa spong bar byed pa dang / yang dag pa'i ting nge 'dzin gyis log pa'i ting nge 'dzin la gnas pa dag bslang nas gong du rtsol du gzhug pa gang yin pa'o/ /de nas bcom ldan 'das kyis yang tshigs su bcad de bka' stsal pa/ yang dag lta dang gang ldan pa| |log lta de dag smin par byed/ /rtag par yang dag dran bsgoms pas/ /log sems dag la brtse bar byed/ /rnam dag yang dag ngag gis ni/ /log smra rnams la brtse bar </font><hr>185b<br><font size=+1>


byed| |yang dag las mtha' gnas pa yis/ /log pa'i las can sdud par byed/ /rtag par yang dag rtsol bsgoms nas/ /log brtson dag ni spong bar byed/ /yang dag 'tsho bas rjes mthun pas/ /log 'tsho gang yin sdud par byed/ /blo ldan yang dag rtog pa yis/ /log par yid byed brtse bar sems/ /yang dag ting 'dzin rtag gnas nas/ /log pa'i ting 'dzin sdud par byed/ /bla med yang dag lam brgyad kyis/ /chu bo dag las bde bar sgrol/ /rgyun phyogs ded pa zlog byed pas/ /de ni byang chub lam chen yin/ /nyan thos dang ni rang rgyal rnams/ /rtswa yi gzings bzhin bdag nyid zlos/ /byang chub sems dpa' kun zlos pas/ /dper na gru chen 'dren mkhan 'dra/ /gzhan yang bu mo/ byang chub sems dpa' ni chos rnam pa brgyad dang ldan pa'i phyir bdud rtsi'i lam mngon sum du byed par 'gyur ro/ /brgyad gang zhe na/ rtsod pa med pa'i chos la gnas pa dang / thog pa'i sems legs par rab tu srung bar byed pa dang / rtag par de kho na nyid kyi don la lta bar byed pa dang / byang chub kyi sems rab tu gnas nas rjes su dran pa drug sgom par byad pa dang / nan tan brtson 'grus kyi pha rol tu phyin pa rnams sgom par byed pa dang / dge ba'i rtsa ba bsags nas sems can yongs su smin par byed pa dang / snying rje chen po la gnas nas yang dag pa'i chos yongs su </font><hr>186a<br><font size=+1>


@#/ /sdud par byed pa dang / mi skye ba'i chos la bzod pa thob pa nas phyir mi ldog pa la rab tu gnas pa gang yin pa'o/ /de nas bcom ldan 'das kyis yang tshigs su bcad de bka' stsal pa/ rtag par rtsod med spyod bsgrubs nas/ /dge sbyong tshe yi chos la gnas/ /zhe sdang nyes pa yongs spangs nas/ /dge ba'i rtsa ba gsog par byed/ /yang dag don ni rab lta bas/ /mi zad spobs rnams thob par byed/ /byang chub sems la rab gnas nas/ /rtag par dran med rjes su dran/ /pha rol phyin pa thams cad la/ /rab brtson bsgrubs pas log pa med/ /thabs mkhas stobs rnams thob pas na/ /des ni sems can sgrol bar byed/ /chos kyi mnga' bdag nor gyis ni/ /brtse sems thams cad kun sdud pas// myur du mi skye bzod thob nas/ /byang chub las ni ldog mi 'gyur/ /gal te de ltar spyod nus na/ /sangs rgyas chos ni thob mi dka'/ /ring por mi thogs bdud btul nas/ /byang chub mchog ni thob par 'gyur/ /de nas bu mo des chos de lta bu thos nas dga' mgu rangs par gyur pas bcom ldan 'das la 'di skad ces gsol to/ /bcom ldan 'das/ chos rnam pa du dang ldan par gyur na bud med kyi dngos po las ldog par 'gyur lags/ /bcom ldan 'das kyis bka' stsal pa/ bu mo/ chos brgyad dang ldan par gyur na bud med kyi dngos </font><hr>186b<br><font size=+1>


po las ldog par 'gyur ro/ /brgyad gang zhe na/ phrag dog mi byed pa dang / ser sna mi byed pa dang / g.yo sgyu med pa dang / khong khro ba med pa dang / bden par smra ba dang / ngag rtsub po mi smra ba dang / 'dod chags spangs pa dang / log par lta ba rnams spangs pa gang yin pa ste/ bu mo/ chos brgyad po 'di dag mngon par bsgrubs nas/ myur du bud med kyi dngos po las ldog par 'gyur ro/ /de nas bcom ldan 'das kyis yang tshigs su bcad de bka' stsal pa/ gzhan la phrag dog mi byed cing / /ser sna spangs nas chos mos dang / /g.yo sgyu dag ni mi spyod cing / /bud med lus la skyo ba dang / /byams sems zhe sdang rab spangs nas/ /rtag par bden tshig smra ba dang / /'dod bsal ngag rtsub spangs nas ni/ /yang dag lta la gnas par bya/ /gang gis bud med lus skyo nas/ /'di 'dra'i chos ni sgrub byed na/ /myur du bud med lus spangs nas/ /skyes pa'i lus bzang len par 'gyur/ /gzhan yang bu mo/ chos brgyad dang ldan par gyur na bud med kyi dngos po las ldog par 'gyur ro/ /brgyad gang zhe na/ sangs rgyas la bla mar byed cing chos la shin tu mos pa dang / tshul khrims dang / bzod pa dang / mang du thos pa dang ldan pa'i dge sbyong dang / bram ze dag la bsnyen bkur dang rim gro byed pa dang / skyes pa dang / bud med dang / khyim gyi dngos po dag la mngon par zhen </font><hr>187a<br><font size=+1>


@#/ /cing chags pa med pa dang / bslab pa'i dngos po yang dag par blangs pa rnams 'jig par mi byed pa dang / srog chags thams cad la log pa'i bsam pa mi skyed pa dang / lhag pa'i bsam pas bud med kyi dngos po la yongs su skyo bar 'gyur ba dang / byang chub kyi sems kyis skyes bu chen po'i chos la gnas pa dang / 'jig rten pa'i khyim gyi 'tsho tshis rnams la sgyu ma dang rmi lam lta bur lta ba gang yin pa'o/ /de nas bcom ldan 'das kyis yang tshigs su bcad de bka' stsal pa/ sangs rgyas rab gus chos la mos/ /tshul khrims mang thos bla mar byed/ /'dod chags sred sems mi skyed na/ /bud med dngos po myur du spong / /khrims srung ngo tsha khrel yod ldan/ /gzhan la mi bden bsam mi khyab/ /byang chub sems la rab gnas nas/ /theg pa gzhan la mos med na/ /des ni myur ba kho nar yang / /mi gtsang bud med dngos po spong / /bsam pa mchog gis sems skyo nas/ /thams cad sgyu ma lta bu dang / /chos rnams rang bzhin g.yo med dang / /rgyu rkyen rang bzhin stong dben zhes/ /nan tan yang dag chos bsgoms na/ /myur du skyes pa'i lus thob 'gyur/ /de nas bu mo rnam dag dad pa gser gyi phreng ba thogs pa de dag bcom ldan 'das la mngon par gtor ba dang / steng gi bar snang la gser yang </font><hr>187b<br><font size=+1>


dag pa'i gzhal med khang dang / khang pa brtsegs pa dag tu gyur nas/ gzhal med khang de dag gi nang du sprul pa'i de bzhin gshegs pa gser gyi gdan la bzhugs pa sha stag mngon par byung bar gyur to/ /de nas bu mo lnga brgya po de dag kyang so so nas lus kyi rgyan rnams bkrol nas bcom ldan 'das la mngon par gtor ba dang / steng gi bar snang la gser gyi gzhal med khang dang / rin po che'i gur dang / rin po che'i gdugs dang / bkod pa rnam pa sna tshogs su gyur to/ /de nas bu mo lnga brgya po de dag gis de lta bu'i cho 'phrul chen po mthong ba dang / skad mthun par tshigs su bcad de smras pa/ bcom ldan mi mchog khyad par 'phags pas nas/ /thugs rje sems can rnams la sman par mdzad/ /bdag cag deng ni byang chub sems bskyed nas/ /mos pa rjes mthun rab tu dul la gnas/ bcom ldan 'dren pa bde bar rab stsol ba/ /bdag cag mi mchog la ni mchod par bgyi/ /chos thos dbang gi sa rdul rnams rab spangs nas/ /bdag cag the tshom nem nur yong ma mchis/ /des na bud med nyon mongs mang spangs nas/ /nyon mongs gtan bcos bdud ni pham par bgyis/ /phyogs bcu'i sangs rgyas bye ba tshad med rnams/ /bdag cag dga' bas rtag tu mchod par 'tshal/ /sbyin dang tshul khrims brtson 'grus rab gnas nas/ /bzod </font><hr>188a<br><font size=+1>


@#/ /dang bsam gtan sems ni rab tu bgyi/ /thabs dang shes rab sems ni yongs bsdus nas/ /byang chub mchog lam gang lags mngon du bgyi/ / lha mi'i 'khor ni tshad med sman btags nas/ thams cad theg chen sems ni bskyed pas bskul/ /bdag cag seng ge'i sgra ni sgrogs par 'gyur/ /bdag cag lha mi'i ston pa bgyid par mchis/ /de nas bcom ldan 'das 'dzum pa mdzad do/ /sangs rgyas rnams kyi chos nyid ni nam 'dzum pa mdzad pa na 'od zer kha dog rnam pa sna tshogs 'di lta ste/ sngon po dang / ser po dang / dmar po dang / dkar po dang / leb rgan dang / dngul dang / shel gyi kha dog lta bu dag de bzhin gshegs pa'i zhal gyi sgo nas byung ste/ 'jig rten gyi khams tshad med/ dpag tu med pa dag nas tshangs pa'i 'jig rten gyi bar du khyab par snang bar byas nas de bzhin gshegs pa la lan gsum bskor ba byas nas/ de bzhin gshegs pa'i gtsug tu thim par gyur to/ /de nas tshe dang ldan pa kun dga' bo stan las langs te/ bcom ldan 'das la 'di skad ces gsol to/ /bcom ldan 'das/ rgyu rkyen gang gi slad du 'dzum pa 'di lta bu bstan par mdzad lags/ bcom ldan 'das kyis bka' stsal pa/ kun dga' bo/ khyod kyis bu mo rnam dag dad pa 'di </font><hr>188b<br><font size=+1>


mthong ngam/ kun dga' bos gsol pa/ mthong lags so/ /bcom ldan 'das kyis bka' stsal pa/ kun dga' bo/ bu mo rnam dag dad pa la sogs pa bu mo lnga brgya po 'di dag ni 'di nas tshe zad pa dang / bud med kyi lus spangs nas dga' ldan gyi lha'i ris su skyes te/ bcom ldan 'das byams pa dang / bskal pa bzang po'i de bzhin gshegs pa thams cad la bkur sti dang / rim gro dang / mchod pa byed par 'gyur bas/ bu mo rnam dag dad pas bskal pa bye ba khrag khrig brgyad khri bzhi stong 'das pa'i 'og tu 'jig rten gyi khams glog gi 'od ces bya bar mngon par rdzogs par 'tshang rgya bar 'gyur te/ de bzhin gshegs pa 'od zer gyi bkod pa zhes bya bar 'gyur ro/ /bskal pa bzang po'i ming ni rtag tu snang ba zhes bya'o/ /de bzhin gshegs pa'i sku tshe'i tshad ni dga' ldan gyi lha bzhin du tshe lo stong phrag bcu gnyis thub par 'gyur ro/ /'jig rten gyi khams de na yang byang chub sems dpa' sems dpa' chen po 'ba' zhig gi 'khor tshad med dpag tu med pa dag gis 'khor byed par 'gyur ro/ /bu mo lnga brgya po 'di dag kyang 'khor de dag gi nang na gtso bo mchog byed par 'gyur te/ ji ltar da ltar nga'i tshe/ byang chub sems dpa' 'jam dpal la sogs pa drug cu po 'di dag gtso bor gyur pa bzhin no/ /kun dga' bo/ bud med gang la la zhig gi chos </font><hr>189a<br><font size=+1>


@#/ /kyi rnam grangs 'di thos nas yongs su 'dzin par byed/ klog par byed/ kha ton du gdon par byed na bud med kyi lus 'di dag gtugs nas phyis yang len par mi 'gyur zhing / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /bcom ldan 'das kyis de skad ces bka' stsal nas| bu mo rnam dag dad pa la sogs pa bu mo lnga brgya po de dag dang / lha dang / mi dang / lha ma yin du bcas pa'i 'jig rten thams cad bcom ldan 'das kyis gsungs pa la rab tu dga' nas mngon par bstod to/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ bu mo rnam dag dad pas zhus pa'i le'u ste| 'dus pa bzhi bcu pa rdzogs so// //lo ts+tsha ba 'gos chos grub kyis rgya nag gi dpe las bsgyur cing zhus te/ gtan la phab pa// </font><hr>

</table>