H83

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H83</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H83&coll=lhasa">see text in Tibetan script</a></table>139b<br><font size=+1>


//rgya gar skad du/ AR+Ya b+ha dra bA la shreSh+nI pa ri pr-its+tshA nA ma mahA yA na sU tra/ bod skad du/ 'phags pa tshong dpon bzang skyong gis zhus </font><hr>140a<br><font size=+1>


@#/ /pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na| bcom ldan 'das rgyal po'i khab na 'od ma'i tshal bya ka lan da ka gnas pa na/ shA ri'i bu la sogs pa bya ba byas pa/ byed pa byas pa/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs so/ /de'i tshe dge slong de dag bcom ldan 'das kyi thad na lus snyom pa dang / gnyid kyis gnas pas lus nyon mongs pa med cing lus snyoms pa med par gnas so/ /yang de'i tshe bcom ldan 'das kyi zhal gyi mdangs me tog pad+ma'i tshal rgyas pa lta bur snang bar gyur to/ /de nas dge slong de dag 'di snyam du sems te/ bcom ldan 'das kyi zhal gyi mdangs pad+ma'i tshal rgyas pa lta bur snang bar gyur pa las na/ bcom ldan 'das 'di chos kyi tshul ji lta bu zhig ston par dgongs shig gu snyam mo/ /de nas de'i tshe tshong dpon bzang skyong zhes bya ba 'khor tshong pa drug khri dang bcom ldan 'das kyi thad du dong ngo / /de nas bzang skyong shin tu gzhon sha can la lus kyi mdog bzang zhing rgyas pa dang ldan pa bcom ldan 'das ga la ba der dong ste phyin nas/ bcom ldan 'das ting nge 'dzin du zhugs pa rab tu zhi ba dang dul ba'i yon tan gyi gter du gyur pa gser gyi shing ljon pa ltar gzi brjid 'bar </font><hr>140b<br><font size=+1>


bar mthong ngo / /de nas bzang skyong dad pa skyes te/ mnyam par bzhag pa'i yid kyis 'di snyam du sems te| kye ma thams cad mkhyen pa de bzhin gshegs pa dgra bcom pa yang dag par rdzogs pa'i sangs rgyas zhes 'jig rten du snyan pa dag grags pa 'di ni mi rdzun no snyam mo/ /de nas bzang skyong gis bcom ldan 'das kyi zhabs la gtugs nas/ de bzhin gshegs pa'i zhal du lta ba gtad de 'dug par gyur to/ /de nas bcom ldan 'das kyis bzang skyong la gzigs nas sku las 'od zer phyung ngo / /'od zer des kyang tshong dpon bzang skyong mi 'jigs pa skyes nas| bcom ldan 'das la lan gsum bskor ba byas te/ yang bcom ldan 'das kyi zhabs la gtugs nas bcom ldan 'das la 'di skad ces gsol to/ /bcom ldan 'das/ bdag la thugs brtse bar mdzad du gsol/ /bdag ni bcom ldan 'das la da gdod dad pa thob pa lags so/ /bcom ldan 'das/ de lta lags pas phyogs 'ga' la re ba/ chos 'tshal ba 'khor ba'i gnod pa rnams kyis yongs su nyon mongs pa/ rnam par rtog pa'i shas che ba ngo mtshar du gyur pa can bdag la bshad du gsol/ bcom ldan 'das/ bdag ni the tshom can lags/ bde bar gshegs pa/ bdag ni som nyi can lags na/ gang gis bdag rmongs par 'gyur zhing 'khor ba las nges par 'byung ba ma 'tshal to/ /bcom ldan 'das/ </font><hr>141a<br><font size=+1>


@#/ /ni| thams cad mkhyen pa lags te/ bde ba'i yo byad thams cad 'grub par mdzad pas/ yid bzhin gyi nor bu rin po che lta bu 'jig rten du de'u ma byung ste byung ngo / /bcom ldan 'das ni/ sems can thams cad la mnyes gshin pas na pha ma lta bu yang lags so/ /de skad ces gsol pa dang / bcom ldan 'das kyis tshong dpon bzang skyong la 'di skad ces bka' stsal to/ /bzang skyong / de'i phyir khyod ci dang ci 'dod pa dris shig dang / ngas dris pa de dang de'i lung bstan pas sems rangs par bya'o/ /de nas bzang skyong zhu bar 'dod pa phyogs gcig tu 'dug go /tshong dpon bzang skyong gzi brjid 'bar zhing gzugs bzang po phun sum tshogs pa phyogs gcig tu 'dug pa/ tshe dang ldan pa kun dga' bos mthong nas bcom ldan 'das la 'di skad ces gsol to/ /bcom ldan 'das/ bzang skyong 'di'i mdog bzang zhing rgyas pas rgyal po'i dpal yang zil gyis non te/ lhag par mdzes pa ni ngo mtshar lags so/ /de nas bcom ldan 'das kyi tshe dang ldan pa kun dga' bo la bka' stsal pa/ kun dga' bo/ bzang skyong 'di'i bde ba'i yo byad gang yin pa dang / dga' zhing rtse la dga' mgur spyod pa gang yin pa de ni tshong dpon gzhon nu zla ba 'byor pa ma gtogs par/ lha rnams kyi dbang po brgya byin la yang med do/ /'dzam bu'i </font><hr>141b<br><font size=+1>


gling na khyad par du 'phags pa rnams la yang med do/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ tshong dpon bzang skyong 'di'i nor du gyur pa gang lags/ bcom ldan 'das kyis bka' stsal pa/ kun dga' bo/ de'i phyir khyod kyis tshong dpon dge ba'i rtsa ba byas pa 'di'i 'byor pa dang longs spyod rgyas pa nyon cig /kun dga' bo/ nor dang gser phun sum tshogs pa'i tshong pa drug khri 'di'i phyi bzhin 'brang ngo / /mal khri tshon sna tshogs spel bas mdzes par byas pa smig thags can la stan nang tshangs can bting ba/ g.yas g.yon du sngas dmar po bzhag pa drug khri dang / bud med bgo ba dar dang / du ku la'i ras dang / men tri dang / mon dar dang / mas sbyangs pa'i gos dang / la tshig gu'i stod kor dang / dmar po dang / rnam pa sna tshogs kyi snam phran can gyi gos gyon pa/ 'dod chags pa'i rgyan gyis brgyan pa/ lag mthil reg na snyi zhing shin tu 'jam pa rnam pa sna tshogs su 'gyur ba/ rgod cing dga' ba dang / tshig 'chos shing sgeg la snyan pa'i gtam brjod pas bskyed pa'i dga' ba dang / mchog tu dga' bas rgod par byed pa/ khyim thab la bsnyen bkur byed pa'i tshul gyis lus la bstod par byed pa/ skyes pa gzhan la 'dod pa'i rgyud spangs pa/ mdzes </font><hr>142a<br><font size=+1>


@#/ /pas 'dud cing bla gos bzang po bgos pa/ gcig la gcig phrag dog gis 'thab pa dang rtse bas bzhin khro gnyer gtsigs shing 'khu bar 'gyur ba med pa/ rkang lag dang sor mo shin tu 'jam pa/ rkang lag gi tshigs kyi bar mtshams mi mngon pa/ rkang lag rgyas pa/ skra mnyam zhing bcos la g.yas su 'khyil zhing mdzes pa/ snying chags pa dang ldan zhing / shin tu snying nye ba snyan par grags pa'i rigs dang / rus las byung bas grags pa dang legs pa bskyed pa/ lus shin tu 'jam pa/ rigs mtho ba'i bud med rtse bar 'os pa'i khang pa dang / mal cha rgyas pa dang ldan pa drug khri dang / btso zangs drug khri gang ba'i 'bras chan bzang po/ tshod ma shin tu dri zhim pos sna tha dad par phye ba sA lu bzang po'i chan dang / chu yan lag brgyad dang ldan pa/ lha bu'i kha zas rnam pa sna tshogs dri zhim zhing yid du 'ong la dga' ba skyed par byed pa/ nyon ma mongs par grub cing bsod nams kyis byung la/ dri nga zhing mi gtsang ba dang lus kyi skyon du 'gyur ba med pa dag dang / khang pa brtsegs pa nor bu dang / mu tig dang / bai DUR+Ya dang / rin po che sna tshogs kyis spras pa/ rnam par phye la sdug cing mdzes par byas pa dang / ras sbyangs shing rlung gis bskyod </font><hr>142b<br><font size=+1>


pa'i bun long dang / me tog sil mas gtong ba dang / bsil ba'i chus reg na bde bas khyab pas bsil bar gyur pa/ 'khar rnga dang / pi wang rgyud gcig pa dang / pi wang dang / gling bu dang / rdza rnga chen po las byung ba'i sgra snyan pa'i dar dir dang / phug ron gyi skad yid du 'ong zhing chags su rung bas mdzes par byas pa/ me tog gi 'khri shing gis rtse mo 'khris pa la/ sbrang ma sgra snyan 'byin pa/ lha'i gnas dang / ri rab kyi phrag gi bar lta bu'i rlung skyabs dang ldan pa'i mar me 'bar ba'i gzi brjid dang / sman gyi sgron ma dngar ba drug khri dang / grong khyer bzhi mdo dang / sum mdo dang / ba gam dang / srang sdug gus mdzes par byas pa/ yul sna tshogs kyi skad dang / spyod pa dang / zong dang / tshong khang sna tshogs spel bas mdzes par byas pa/ tshong pa'i tshogs stong dag gis lang long du gyur pa/ nags dang / shing ljon pa sna tshogs brgya stong dag gis 'khrigs pa| ku mu ta'i me tog rgyas pa/ dri ma med pa spel bas mdzes par byas pa/ rta dang / glang po che dang / shing rta'i mchog gis bun long du gyur pa drug khri yod do/ /kun dga' bo/ grong khyer de dag gi nang na tshong dpon dang / tshong pa dang / yul gyi mi dang / ded dpon 'khod pa rnams kyang tshong dpon gzhon nu bzang skyong de'i bsngags pa brjod cing snyan par smra bar byed </font><hr>143a<br><font size=+1>


@#/ /de| nyin gcig bzhin du thal mo sbyar nas 'dud par byed do/ /yul ko sa la'i rgyal po gsal rgyal yang de'i dbang phyug dang / 'byor pa dang longs spyod rgyas pa mthong na bdag nyid la mi dbul po lta bur 'dzin to/ /kun dga' bo/ tshong dpon gzhon nu zla ba 'byor pa 'di ni btso zangs 'bum gyis g.yos byed pa dang ldan pa'i 'khor gyis bskor te/ kun dga' bo/ de'i bsnyen bkur byed pa yang bud med lnga stong yod do/ /kun dga' bo/ zla ba 'byor pa de la ni lha rnams kyi dbang po brgya byin gyi bde ba'i yo byad kyis kyang cha tsam du yang mi phod do/ /kun dga' bo/ tshong dpon gzhon nu zla ba 'byor pa de la ni tshong dpon bzang skyong gi gzugs bzang ba dang / kha dog rgyas pa dang / dbang phyug dang / bde pa'i yo byad kyis brgya'i char yang mi phod do/ /kun dga' bo/ 'on kyang bzang skyong la ni lha'i shing rta lha'i nor bu rin po che 'od 'bar ba nam mkha' skar mas spras pa dang 'dra ba/ lha'i gser tsher bas ngos spras pa/ rdo rje dang / spug dang / me shel sna tshogs kyis mdzes par byas pa/ rlung gi shugs ltar mgyogs shing nam mkha' lding gi shugs ltar 'gro ba de la zhon na/ rin po che'i gling du yang 'gro zhing bde ba dang ldan la/ rtsed mo nyams su myong nas phyir 'ong ba'i shing rta'i mchog yid 'phrog pa zhes bya ba yod do/ /de nas kun dga' bos bcom ldan </font><hr>143b<br><font size=+1>


'das kyi zhabs la gtugs nas/ bcom ldan 'das la 'di skad ces gsol to/ /bcom ldan 'das/ tshong dpon gzhon nu bzang skyong 'dis dge ba'i rtsa ba ji lta bu zhig bsags lags/ de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ 'dir dge ba'i rtsa ba sangs rgyas la bskyed pa dag gi rnam par smin pa ni 'di yin te/ kun dga' bo/ 'das pa'i dus na 'dir de bzhin gshegs pa dgra bcom pa yang dag par rdzogs pa'i sangs rgyas bde ba'i 'od ces bya ba byung ngo / /kun dga' bo| tshong dpon bzang skyong de ni de'i nyan thos gtsug phud bzang zhes bya bar gyur te/ bslab pa'i gzhi ma nyams shing tshul khrims ma 'chal par spyod pa/ chos smra ba thos pa'i mdzod 'dzin pa dang / 'dul ba 'dzin par gyur te/ des nyin gcig bzhin du sems can rnams la skad snyan cing yid du 'ong ba dang / zab cing brtan pa dang / gsang mtho zhing zur phyin pas chos bstan to| |gang gis chos de thos shing kun chub par byas pa de yang phyin chad log par ltung bar 'gro bar mi 'gyur ro/ /kun dga' bo/ de chos kyi sbyin pa des bskal pa dgu bcu rtsa gcig gi bar du lha dang mi rnams mgu bar byas so/ /kun dga' bo/ de'i shing rta'i gzhal med khang gang yin pa de yang bshad par bya ste/ kun dga' bo/ 'dis dge slong tshangs par spyod </font><hr>144a<br><font size=+1>


@#/ /cing tshul khrims dang ldan pa/ lus nyam chung ba zhig la dad pa'i sems kyis bsod snyoms byin nas lham zung gcig kyang byin te/ de'i bsod nams rnam par smin pa das \ DES?\ na lha'i shing rta'i mchog mngon par grub par gyur to/ /kun dga' bo/ de bzhin gshegs pa dgra bcom pa yang dag par rdzogs pa'i sangs rgyas 'od srung gis kyang 'di skad du ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa 'byung ba des khyod lung bstan par 'gyur ro zhes gsungs so/ /kun dga' bo/ tshong dpon bzang skyong 'di ni ngas 'dul ba'o/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ tshong dpon 'di ni nor dang / gser phun sum tshogs pa 'dod pa dang ldan pa'i yul rnams kyis kyang dregs par ma gyur pa ni ngo mtshar lags so/ /bcom ldan 'das kyis bka' stsal pa/ mkhas pa dag ni 'dod pa'i longs spyod rgyas pa'i khyad par dag gis dregs par mi 'gyur te/ kun dga' bo/ tshong dpon 'di ni dge ba'i chos can/ dge ba'i rtsa ba nyams su myong ba yin no/ /de nas bcom ldan 'das kyis bskul nas/ tshong dpon gzhon nu bzang skyong gis bdag nyid kyi skabs phye bar rtogs nas thal mo sbyar te/ bcom ldan 'das kyi zhabs la gtugs nas bcom ldan 'das </font><hr>144b<br><font size=+1>


la 'di skad ces gsol to/ /gal te bcom ldan 'das kyis bdag la skabs phye na/ bcom ldan 'das sems can thams cad la sman 'dogs shing thugs brtse ba can la bdag phyogs 'ga' zhig zhu bar 'tshal lo/ /bcom ldan 'das kyis bka' stsal pa/ bzang skyong / de'i phyir khyod kyi dri ba dang mthun pa'i dus la bab kyi/ bzang skyong / khyod ci dang ci 'dod pa dris shig dang / ngas khyod la bshad do/ /de skad ces bka' stsal nas bcom ldan 'das la bzang skyong gis 'di skad ces gsol to/ /bcom ldan 'das/ 'di ni sems can rnams rnam par shes pa ma 'tshal te/ za ma tog gi nang gi rin po che mi rig pa bzhin du thams cad kyis rnam par shes pa mi rtogs na/ /bcom ldan 'das/ rnam par shes pa de gang lags/ ji ltar na rnam par shes pa zhes bgyi/ bcom ldan 'das/ ji ltar na/ mi gum pa'i rkang lag dang mig nyams shing / 'gum pa'i dus kyi tshe dbang po rnams 'gag cing khams rnams dang mi ldan par gyur pa na/ rnam par shes pa 'di lus las ji ltar 'pho zhing mchi/ gzugs ni ji lta bu lags/ rang bzhin ni ji lta bu lags/ lus dang ni ji ltar 'bral bar 'gyur/ rnam par shes pa 'dis lus yongs su btang nas lus gzhan ji ltar len par gyur/ ji ltar na khams rnams yongs su btang zhing skye mched rnams bor nas/ 'di nas 'jig rten pha rol tu mchi bar 'gyur/ ji ltar na lus tha dad pa dag len par bgyid </font><hr>145a<br><font size=+1>


@#/ /bcom ldan 'das/ ji ltar na mi gum pa'i skye mched rnams rjes su 'brang bar 'gyur/ bcom ldan 'das/ 'jig rten 'dir dge ba'i rtsa ba bsags pa 'jig rten pha rol tu ji ltar myong bar 'gyur/ ji ltar na phung po 'di dag gis dge ba'i rtsa ba bsags la/ phyis phung po gzhan dag gis nyams su myong bar 'gyur/ ji ltar na rnam par shes pa 'di lus kyis rjes su 'brang bar 'gyur/ ji ltar na skye mched rnams lus kyi rjes su 'brang bar 'gyur/ de skad ces gsol nas bcom ldan 'das kyis bzang skyong la 'di skad ces bka' stsal to| |bzang skyong / legs so/ /legs so/ /de de bzhin te/ khyod kyis nga la bskul ba bzhin no/ /bzang skyong / de'i phyir rnam par shes pa'i 'ong ba dang / 'gro ba dang / 'pho ba dang / 'gag pa nyon cig /bzang skyong / dper na/ rlung gi khams gzugs can ma yin pa yin yang bstan du yod cing / gzung du yod pa dag las gzugs su snang ngo / /de la bstan du yod pa ni shing 'gul zhing g.yo ba dang / sgra skad 'ur 'ur po'i sgra 'byin pa dang / grang ba dang / dro ba'i reg pas tshor ba skyed pa yin yang / de la rkang lag dang / mig dang / gdong dmigs par mi 'gyur te/ sngo sangs dang / dkar ba zhes kha dog lhag par mi dmigs so/ /bzang skyong / de bzhin du rnam par shes pa'i khams 'di yang gzugs su mi dmigs shing / gzugs su snang </font><hr>145b<br><font size=+1>


bar mi 'gyur te/ khyod kyis rgyu'i bye brag dag gis rnam par shes pa'i khams rtogs par bya'o/ /de la rgyu gang zhe na/ sems pa dang / tshor ba dang / chos kyi khams so/ /de la ji ltar na rnam par shes pa'i khams 'di lus yongs su btang nas/ tshor ba dang / sems pa len ce na/ dper na rlung gi khams kyis me tog gi dri bsdus nas 'phos te 'gro ba de las lha'i me tog gi dri 'di ngad ldang ngo zhes shes mod kyi/ rlung gi khams kyang me tog gi dri mi 'dzin la/ rlung gi khams med par yang me tog rnams kyi dri mi dmigs so/ /dri de yang gzugs can ma yin la/ rlung gi khams de yang gzugs can ma yin/ sna'i dbang po de yang gzugs can ma yin no/ /bzang skyong / de bzhin du mi shi ba'i rnam par shes pa des tshor ba yongs su blangs shing sems pa kun du blangs te/ chos kyi khams yang dag par blangs nas 'jig rten pha rol tu 'gro ste/ pha ma phrad pa las rnam par shes pa skye bar 'gyur ro/ /rnam par shes pa skyes na tshor ba rnams dang / sems pa rnams 'du bar 'gyur te/ dper na/ me tog gi dbang gis snas tshor la/ sna'i dbang gis dri dmigs par 'gyur ba dang / gzhan yang lus kyi dbang gis rlung gi rang bzhin gyi reg pa dmigs par 'gyur la/ rlung gi dbang gis me tog gi dri 'byung bar 'gyur ba de bzhin du rnam par shes pa'i dbang gis tshor ba 'byung bar 'gyur la/ tshor ba'i dbang gis sems pa 'byung bar </font><hr>146a<br><font size=+1>


@#/ /'gyur ro/ /sems pa'i dbang gis gang gis dge ba'am mi dge ba shes pa'i chos kyi khams 'byung bar 'gyur te/ dper na/ ri mo mkhan rtsig pa dang / shing leb shin tu byi dor byas pa la ci 'dod pa bzhin du las byed de/ las la blo sbyangs pas ci 'dod pa bzhin du gzugs rnams mngon par 'grub par byed kyang / de'i rnam par shes pa de yang gzugs can ma yin la/ rnam par shes pa gzugs can ma yin pas kyang / gzugs sna tshogs mngon par 'grub par byed pa de bzhin du rnam par shes pa'i khams gzugs can ma yin pa 'dis/ gzugs kyi lus drug mngon par 'grub par byed de/ 'di lta ste/ mig gi rkyen gyis gzugs mthong la/ rnam par shes pa mig la brten pa gang yin pa de yang gzugs can ma yin no/ /rna ba'i rkyen gyis sgra ste/ de yang gzugs can ma yin no/ /sna'i rkyen gyis dri ste/ de yang gzugs can ma yin no/ /lce'i rkyen gyis ro ste/ de yang gzugs can ma yin no/ /lus kyi rkyen gyi reg bya ste/ de yang gzugs can ma yin no/ /chos kyi skye mched kyang gzugs can ma yin no/ /rab tu shes pa gang yin pa de yang gzugs can ma yin pa ste/ de bas na spyod yul rnams kyang gzugs can ma yin par blta bar bya'o/ /de bzhin du rnam par shes pa'i khams 'di yang gzugs can ma yin par blta bar </font><hr>146b<br><font size=+1>


bya'o| |ji ltar rnam par shes pa'i khams 'dis lus yongs su btang nas 'jig rten pha rol tu 'gro zhe na/ bzang skyong / 'dir 'chi ba'i dus kyi tshe las zad pas tshe 'gag pa na/ las kyi sgrib pas zin pa'i rnam par shes pa'i khams 'di 'pho bar 'gyur te/ dper na/ dgra bcom pa 'gog pa'i snyoms par zhugs pa'i rnam par shes pa'i khams de khong bar 'gag nas yongs su 'phyan pa de bzhin du/ rnam par shes pa'i khams 'di yang skye ba po shi ba'i lus yongs su btang zhing khams rnams bor nas dran pa stobs dang ldan par 'gyur te/ 'di ltar bdag ni mchod sbyin gyis byin zhes bya ba de nyid yin te/ lus kyi tshor ba dang / yid kyi tshor ba dang / tshor ba rnam pa gnyis kyis zin to snyam du rab tu shes te/ de 'chi ba'i dus kyi tshe ni lus kyi tshor ba dang ldan par 'gyur ro/ / shi nas ni yid kyi tshor ba dang ldan par 'gyur ro/ /gzhan yang rnam par shes pa zhes bya ba'i don ci zhe na/ sa bon gyis lus kyi myu gu mngon par 'grub par byed la/ sems pas shes pa dran pa thob par 'gyur te/ de bas na sa bon dang / shes pa la rnam par shes pa zhes bya'o/ /gzhan yang bde ba dang sdug bsngal gyi tshor bas shes pa de rtogs pas na de'i phyir rnam par shes pa zhes bya'o/ /gzhan yang de dge ba dang mi dge ba'i rig pa dang / dge ba dang mi dge ba'i spyod yul shes pas na/ de'i phyir rnam par shes pa zhes bya'o/ /sa bon gyis myu gu </font><hr>147a<br><font size=+1>


@#/ /bskyed pa bzhin du lus 'grub pas de'i phyir yang rnam par shes pa zhes bya'o/ /bzang skyong / gzhan yang ci ltar rnam par shes pa'i khams kyis lus yongs su btang nas 'pho zhing 'gro bar 'gyur zhes khyod kyis smras pa de ni/ dper na/ me long gi gzugs brnyan lta bu dang / 'jim pa la rgyas btab pa'i 'bur bzhin no/ /dper na/ nyi ma shar na rab rib dang mun pa med par 'gyur la/ nyi ma med par gyur na yang mun pa 'byung bar 'gyur mod kyi/ mun pa de'i gnas ther zug pa'am/ ther zug pa ma yin pa yang med la| mun pa de la yang gzugs dang / tshor ba mi snang ba de bzhin du/ rnam par shes pa'i khams 'di yang lus skyes nas/ mun pa bzhin du lus la gnas par 'gyur te/ mis kyang rnam par shes pa mi mthong la/ rnam par shes pa'i khams kyang lus 'di 'dzin par byed do/ /dper na/ bud med kyi mngal na bu gnas pa la ci bdag gi lto na 'dug pa 'di khye'u 'am/ bu mo'am/ sngo sangs sam/ dkar ram/ ser ram/ dbang po tshang ba'am/ dbang po ma tshang ba ma yin pa'am/ rkang lag mnyam pa yin par mi shes la/ lto'i mngal na gnas pa de yang kha zas ha cang tsha bas 'gul zhing rig la/ tshor bar 'gyur ba de bzhin du rnam par shes pa'i khams 'di yang 'gro ba dang / 'ong ba dang / brkyang ba dang / bskum pa dang / mig </font><hr>147b<br><font size=+1>


'dzum pa dang / 'byed pa dang / las thams cad yongs su spyad cing / rgod pa dang / gtam dang / bsam pa bskyed pa'i rang bzhin can lus la gnas pa'i rnam par shes pa la bdag gi lus la rnam par shes pa gnas pa 'di rang bzhin ji lta bu zhig snyam du sems can rnams kyis mi shes so/ /bzang skyong / gzhan yang rnam par shes pa'i khams 'di ni shin tu yongs su sbyang ba byas pa dang / dngos po thams cad la chub pa yin la/ dngos po rnams kyis kyang gos pa med do/ /bzang skyong / 'di na rnam par shes pa ni bsgos pa yin te/ dbang po drug po rnams dang / dbang po drug gi spyod yul rnams dang / khams bzhi po rnams dang / nye bar len pa'i phung po lnga po rnams dang / bzang skyong / 'di dag ni rnam par shes pa la bsgo bar bya ba yin par blta'o// dper na/ shing gi 'khrul 'khor phur bu gcig gis gzugs byas pa de bya ba thams cad byed de/ rgyug pa dang / mchong ba dang / gar byed pa dang / bya ba rnam pa sna tshogs dag la 'jug na| bzang skyong / 'di ji snyam du sems/ 'khrul 'khor de gang gi dbang gis 'jug par 'gyur/ bzang skyong gis gsol pa/ bcom ldan 'das/ bkas rmas pa de'i rgyus ni bdag gis ma 'tshal to/ /bcom ldan 'das kyis bka' stsal pa/ bzang skyong / 'khrul 'khor de ni las kyi dbang gis 'jug ste/ las de yang gzugs can ma yin zhing rnam par shes pa las mngon </font><hr>148a<br><font size=+1>


@#/ /par 'grub pa'o/ /de bzhin du lus kyi 'khrul 'khor 'di yang rnam par shes pa'i dbang gis 'byung ste/ rnam par shes pa'i khams 'di ni lus sna tshogs la 'jug pa yin no/ /rnam par shes pa'i khams 'di ni lus skyed par byed pa'i phyir byed pa po yang yin no/ /rnam par shes pa'i khams 'di ni lus kyi khams la brten pa'i phyir mi zad pa yang yin no/ /rnam par shes pa'i khams 'di ni sngon gyi lus kyi gnas rjes su dran pa'i phyir blo phun sum tshogs pa yang yin no/ /rnam par shes pa'i khams 'di ni nyi ma'i 'od zer dang 'dra bar blta bar bya ste/ dper na/ nyi ma'i 'od zer ni dri nga ba dag dang / mi gtsang ba dag dang / ro dag la yang 'bab ste/ 'on kyang de dag la dri des gos par mi 'gyur la/ nyi ma yang dri nga ba bor te yang mi 'gro'o/ /de bzhin du rnam par shes pa'i khams 'di yang phyi sa dang / snyag snyig za ba'i khyi dang / phag gi skye gnas dag tu yang skye ba yongs su 'dzin te/ 'on kyang rnam par shes pa'i khams la spyod pa ngan pa de dag gis gos pa med do/ /bzang skyong / gzhan yang rnam par shes pa'i khams 'di ni lus yongs su btang nas dge ba dang mi dge ba'i rjes su 'jug ste/ de yang ji lta zhe na/ rnam par shes pa'i khams gzugs can ma yin pa 'dis lus 'dir bor nas bsod nams dang / bsod nams ma yin pa yongs su 'dzin to/ / </font><hr>148b<br><font size=+1>


dper na/ rlung gi khams brag gi phrag nas byung nas/ shing tsam pa ka dang phrad de spos shin tu dri zhim po khyer nas/ yang dri nga ba dang / mi gtsang ba dang / ro'i dri yang khyer te 'gro la/ bzang skyong| de las gang ches shas che ba de'i dri dang ldan par 'gyur ro/ /ji ltar rlung gi khams de dri rnam pa gnyis khyer te 'gro yang / rlung gi khams de yang gzugs can ma yin la/ dri de gnyis kyang gzugs can ma yin pa de bzhin du rnam par shes pa'i khams 'di yang lus las 'phos te/ dge ba dang / mi dge ba khyer nas 'pho ste/ de ltar na de'i 'pho ba dmigs so/ /dper na/ rmi lam na mis dngos po thams cad shes kyang lus des mal na 'dug par mi shes pa de bzhin du/ bsod nams su nye bar 'gro ba'i sems can rnams rmi lam rmi ba bzhin du 'pho zhing 'gro yang rnam par shes pa'i khams 'di yang lkog ma'i mid pa rnams nas kyang mi 'byung / bu ga rnams nas kyang ma yin te/ de ni khong bu dang gsab rnams mi 'tshol lo/ /de nas bzang skyong gis bcom ldan 'das kyi zhabs la gtugs nas bcom ldan 'das la 'di skad ces gsol to/ /bcom ldan 'das/ ji ltar na bya gag gi sgo nga'am/ ngang pa'i sgo nga ma phrugs pa shun pa ma rdol par sgo nga'i nang nas bye'u phrug rnams 'chi 'pho bar 'gyur ba lags/ ji ltar na bu ga ma brtol bar rnam par shes pa 'pho bar 'gyur/ bcom ldan 'das kyis bka' stsal pa/ dper na/ </font><hr>149a<br><font size=+1>


@#/ /til 'bru tsam pa ka'i me tog gis bsgos nas legs par brdungs te btsir ba las til mar byung ba ni tsam pa ka'i til mar zhes bya'o/ /'di lta ste/ dper na| dri des kyang til 'bru ma brtol bzhin du dri zhim pos bsgos te 'phos te 'gro yang / dri des snum gyi ro myong bar yang mi 'gyur la/ 'bru'i rkyen dang me tog dang phrad pas til mar dri dang 'dris pa'i dngos por 'gyur te/ 'on kyang til gyi 'bru de la me tog gi dri de gseb nas 'gro ba ni med la/ de'i rkyen gyis dri de 'pho zhing 'gro ba de bzhin du rnam par shes pa'i khams 'di yang me tog gi dri bzhin du sgo nga'i shun pa ma brtol bar 'pho zhing 'gro ste/ de'i 'pho ba yang de bzhin du blta bar bya'o/ /gzhan yang de'i 'pho ba ni nyi ma dang / me shel dang / bsreg bya dang 'dra bar yang blta bar bya'o/ /gzhan yang sa bon 'pho ba dang 'dra ste/ sa phyogs gang du sa bon btab na/ sa'i khams dang / chu'i khams dang / me'i khams dang / rlung gi khams gcig pa kho na las sa bon de sa la brten cing sdong bu dang / lo ma sngon por 'grub pa/ me tog dkar po'am/ sngon po'am/ dmar por snang ba'am/ kha dog sna tshogs sam/ smin pa'i ro tha dad par 'grub par 'gyur ba de bzhin du rnam par shes pa'i khams chos kyi khams gcig pu 'di las srid par skye ba thams cad du lus sngo sangs sam/ dkar ba'am/ ser </font><hr>149b<br><font size=+1>


ba'am/ khra bo'am/ dmar po'am/ rang bzhin gyis mnyen por skye bar 'gyur ro/ /bzang skyong / gzhan yang 'chi ba'i dus kyi tshe rnam par shes pa'i khams 'di lus yongs su btang nas sa bon du 'gyur te/ bdag nyid rkang lag dang ldan par shes so/ /'on kyang de la yan lag dang nying lag ni med do/ /de yang sa'i khams yongs su btang nas chos kyi khams yongs su 'dzin te/ chos kyi khams de yang dran pa dang mtshungs par ldan no/ /dran pa de yang spyod yul gyi stobs dang ldan no/ /chos kyi khams dran pa dang mtshungs par ldan pa'i len pa'i rgyu ni rnam par shes pa yin te/ rnam par shes pa ma gtogs par yang chos kyi khams mi dmigs la/ chos kyi khams ma gtogs par yang rnam par shes pa'i khams med do/ /rlung gi khams ni rnam par shes pa de'i rjes su 'jug go /gzhan yang lha'i khams 'di lta ste/ dran pa'i khams dang / tshor ba'i khams dang / chos kyi khams dang / gzugs kyi khams gang yin pa rnams kyang rjes su 'jug go /de skad ces bka' stsal nas bcom ldan 'das la bzang skyong gis 'di skad ces gsol to/ /bcom ldan 'das/ ji ltar na rnam par shes pa de gzugs can lags/ bcom ldan 'das kyis bka' stsal pa/ bzang skyong / 'di la nang gi gzugs dang / phyi rol gyi gzugs yod de/ de la nang gi gzugs gang zhe na/ zin pa'i mig gang yin pa de ni phyi rol gyi gzugs so/ /mig gi rnam par </font><hr>150a<br><font size=+1>


@#/ /shes pa gang yin pa de ni nang gi gzugs so/ /rna ba gang yin pa de ni phyi rol gyi gzugs so/ /rna ba'i rnam par shes pa gang yin pa de ni nang gi gzugs so/ /sna gang yin pa de ni phyi rol gyi gzugs so/ /sna'i rnam par shes pa gang yin pa de ni nang gi gzugs so/ /lce gang yin pa de ni phyi rol gyi gzugs so/ /lce'i rnam par shes pa gang yin pa de ni nang gi gzugs so| |lus gang yin pa de ni phyi rol gyi gzugs so/ /lus kyi 'dus te reg pa las byung ba'i tshor ba gang yin pa de ni nang gi gzugs so/ /bzang skyong / 'di lta ste/ dper na/ mi dmus long zhig nub mo gnyid kyi dbang du gyur pa na/ lha'i gzugs rkang lag mnyam shing mchog tu yid du 'ong bdag mthong la/ des de dag mthong nas mchog tu dga' ba bskyed de/ gnyid log pa las sad pa dang gzugs de dag ma mthong la/ nam langs nas 'di skad du/ khyod nyon cig /mdang mtshan mo bdag gi rmi lam du bud med kyi gzugs mchog tu yid du 'ong ba dang / skyed mos tshal mi stong gis gang ba mthong ste/ der bdag gis mi lus shin tu gzhon sha can lag pa glang po che mchog gi sna ltar rid ba/ thal gong yangs shing rgyas la/ brang yangs shing mkhregs pa dag mthong ngo / /zhes smra zhing / mi de dag gi lus kyi rgyan mdzes pa gang yin pa de dag bzlas la/ de nas dmus long des mi de dag nyid kyi gzugs rnams ma mthong na/ bzang skyong / 'di ji snyam </font><hr>150b<br><font size=+1>


du sems/ mi dmus long des rmi lam du gzugs rnams ji ltar mthong / bzang skyong gis gsol pa/ bcom ldan 'das/ de'i slad du bdag la bka' stsal du gsol/ bcom ldan 'das kyis bka' stsal pa/ bzang skyong / de bas na nang gi mig shes pa dang ldan pas rmi lam du gzugs rnams mthong gi/ sha'i mig gis ma yin no/ /ji ltar mi gnyid kyis log pa'i rmi lam du yud tsam zhig dran par 'byung ba bzhin du shi ba'i dran pa yang de dang 'dra ste/ nang gi gzugs de yang de bzhin du blta bar bya'o/ /bzang skyong / gzhan yang mi shi ba'i rnam par shes pa'i khams de sa bon gyi khams bzhin du 'pho zhing 'gro ba ngas bshad par bya ste/ dper na/ sa bon gyi khams sa gzhi la btab na/ khams bzhi po dag sdud par byed pa de bzhin du rnam par shes pa'i khams 'di yang dran pa rab tu 'dzin cing tshor ba yongs su 'dzin to/ /dge ba dang / mi dge ba yang rjes su bzung nas/ lus yongs su btang ste 'pho zhing 'gro'o/ /bcom ldan 'das/ ji ltar na rnam par shes pa de dge ba dang mi dge ba yongs su 'dzin par 'gyur/ bzang skyong / dper na/ nor bu rin po che pad+ma rA ga ni 'od nag po'am/ dkar po 'dzin te/ 'od kyi rang bzhin ji lta ba bzhin du nor bu rin po che de la 'byung zhing / de'i rang bzhin nyid nor bu rin po che de la snang bar 'gyur te/ gnas gang dang gang du 'phos pa de dang der kha dog dag snang ba de bzhin du rnam par </font><hr>151a<br><font size=+1>


@#/ /shes pa 'di dge ba dang mi dge ba yongs su bzung nas 'pho zhing 'gro'o/ /de nas yang bcom ldan 'das la bzang skyong gis 'di skad ces gsol to/ /bcom ldan 'das| ji ltar na lus 'di la rnam par shes pa rtogs par 'gyur ba lags/ bcom ldan 'das kyis bka' stsal pa/ bzang skyong / rnam par shes pa 'di bsags pa'am spungs par yang mi dmigs so/ /de ci'i phyir zhe na/ rnam par shes pa'i khams 'di skye zhing 'gag pa'i phyir ro/ /bzang skyong / dper na/ sa bon las ni myu gu 'byung mod kyi sa bon rul pa las myu gu 'byung bar mi 'gyur la/ sa bon nyams pa las kyang myu gu 'byung bar mi 'gyur te/ myu gu yang 'grub par 'gyur na/ bzang skyong / 'di ji snyam du sems/ myu gu de'i sa bon sdong bu'am/ lo ma 'am/ sbubs gang na gnas/ sa bon ni shing gi rtse mo na yang mi gnas so/ /de bzhin du lus 'di la rnam par shes pa gang na yang mi gnas te/ mig mig la yang ma yin/ rna ba la yang ma yin/ sna'i dbang po la gnas pa yang ma yin no/ /sa bon gyis myu gu skye ba gang yin pa de ni sems pa chung ba yin no/ /mngal du skye ba de ni tshor ba chung ba yin no/ /dper na/ myu gu 'byung zhing dus tshigs dang ldan pa na me tog rnams 'grub ste/ me tog grub na 'bras bu 'grub pa yod pa de bzhin du rnam par shes pa'i khams 'dis lus 'grub par 'gyur ro/ /lus grub </font><hr>151b<br><font size=+1>


ba na yan lag dang nying lag gang la yang rnam par shes pa mi gnas la/ rnam par shes pa med na yang lus skye bar mi 'gyur ro/ /dper na/ shing yongs su smin pa las sa bon 'byung la/ yongs su ma smin pa las ma yin pa de bzhin du 'chi ba'i dus kyi tshe lus las rnam par shes pa 'di snang bar 'gyur te/ tshor ba dang mtshungs par ldan pa/ srid pas bsdams pa/ dran pas yongs su bzung ba/ dge ba la dmigs pa dang mtshungs par ldan pa/ mi dge ba la mi dmigs pa dang mtshungs par ldan pa/ rlung gi khams kyis yongs su zin pa/ shes pas mngon par brlan pa/ rkyen la mngon du phyogs pa'i rnam par shes pa ni pha ma phrad pa na skye bar 'gyur ro/ /dper na/ me long gi dkyil 'khor shin tu phyis pa la bzhin gyi gzugs brnyan snang yang / bzhin med par yang gzugs brnyan mi 'byung la/ me long med par yang gzugs brnyan mi 'byung ste/ ji ltar bzhin dang me long phrad pa las gzugs brnyan 'byung bar 'gyur zhing / gzugs brnyan de yang gzugs can ma yin la/ de la tshor ba dang rab tu shes pa yang med/ lus gang dang gang du bskyod pa de dang de nyid du gzugs brnyan 'pho zhing / ji lta bur lus smra ba dang / 'bod pa dang / 'gro ba dang / bskum pa dang / brkyang bar byed pa de bzhin du bzhin gyi gzugs brnyan yang 'gyur bar snang ngo / /bzang skyong / 'di ji snyam du sems/ gang gi dbang gis gzugs brnyan de dmigs par 'gyur/ </font><hr>152a<br><font size=+1>


@#/ /bzang skyong gis gsol pa/ mi'i dbang po'i gzugs brnyan gda' ste/ de yang me long gi rkyen gyis bzhin gyi gzugs brnyan gda' la/ bzhin gyi mdog ci 'dra ba dang / dbang po ma tshang ba dang / dbang po tshang ba de nyid kyi gzugs brnyan 'byung lags so/ /bzang skyong / ji ltar lus kyi dbang dang / me long gi dkyil 'khor gyi rkyen gyis gzugs brnyan 'grub par 'gyur ba de bzhin du/ rnam par shes pa'i dbang gis lus 'di tshor ba myong zhing / 'du shes dang / 'du byed rnams dang / yid la byed pa 'grub par byed do/ /de la me long gang yin pa de ni pha ma phrad pa lta bur blta'o/ /ji ltar lus mi snang na gzugs brnyan mi snang ste/ dper na/ me long gi dkyil 'khor la gzugs brnyan gyi rang bzhin yod pa spangs nas/ yang chu'i nang du gzugs brnyan 'byung bar byed pa de bzhin du rnam par shes pa'i khams 'di yang lus yongs su btang ste/ lus kyi rang bzhin 'phangs nas phung po gzhan thob par 'gyur ro/ /dper na/ sa bon gyi khams chung ngu zin kyang shing n+ya gro ta dang / u dum wa ra la sogs pa'i shing gi phung po chen po bskyed nas/ yang shing de yongs su btang ste/ shing gzhan 'dzin la sa bon gyi khams yongs su btang ba na/ dus bzlog par 'gyur bas shing de'i khams kyi bcud med par 'gyur ro/ /khams kyi bcud rnams med par gyur pas shing de yongs su rnyings shing yongs su skam par 'gyur ba de bzhin du/ rnam par shes pa'i khams phra zhing mi gsal ba 'dis kyang lus rnams </font><hr>152b<br><font size=+1>


bskyed nas/ yang yongs su btang ste/ lus gzhan dag sgrub par byed do/ /dper na/ nas dang / til dang / gro dang / mon sran gre'u dang / mon sran sde'u la sogs pa'i sa bon cung zad gang na yod pa der cung zad sems pa lta bur gnas par 'gyur ba de bzhin du/ rnam par shes pa'i khams 'di yang sems can gyi ris gang dang gang du 'pho ba de dang der sems pa yongs su bzung zhing / 'tsho ba chung ngu dang / bsod nams dang / bsod nams ma yin pa rjes su bzung nas/ 'jig rten 'di nas 'jig rten pha rol tu 'pho'o/ /dper na/ bung ba ro la sred pas yun ring du me tog la gnas te| longs spyod nas me tog yongs su btang ste me tog gzhan du 'pho la/ bung ba de yang me tog dri mi zhim pa longs spyad nas/ dri zhim par 'gro bar byed do/ /me tog gang dang gang la 'byar ba de dang de la chags shing ro yang myong bar byed pa de bzhin du rnam par shes pa'i khams 'dis kyang lha rnams kyi nang du lha'i lus blangs te dge ba'i rtsa ba shin tu longs spyad nas/ phyir yang sems can dmyal ba dang / dud 'gro dang / yi dwags kyi nang du lus blangs te/ des mi dge ba'i rtsa ba yongs su myong nas yang phung po lnga po gzhan dag len to/ /de la rnam par shes pa'i khams 'di ji ltar blta bar bya zhe na/ dper na/ gur gum gyi sa bon nam/ leb rgan rtsi'i sa bon rnams rang bzhin gyis dkar la de dag gi khong na myu gu yang mi snang / me tog kyang mi snang / kha dog kyang mi snang yang sa bon </font><hr>153a<br><font size=+1>


@#/ /de sa'i khams la btab na/ chu'i khams kyis yongs su brlan nas myu gu mngon par 'grub bar byed de/ myu gu mngon par grub nas me tog dmar po'am/ dkar po'am/ sngon po 'byung bar 'gyur te/ 'on kyang kha dog de yang sa bon gyi khong na mi gnas la/ sa bon med na yang kha dog dang myu gu 'byung bar mi 'gyur ba de bzhin du rnam par shes pa'i khams 'dis kyang lus yongs su btang nas/ mi'i sha tshugs can yin la/ sha snag gu'i dbang po 'byung ba'i skye mched dang ldan pa ma yin te/ de lha'i mig dang lha'i rna ba dang ldan zhing / sgra dang / dri dang / ro dang / chos kyi skye mched rab tu shes pa'i bdag nyid can du 'gyur la/ 'di snyam du gang bdag gis las byas pa de nyid ni bdag yin no snyam du yang shes so/ /lus de yang rnam par shes pa'i rkyen gyis bsdus pa yin te| dper na/ dar gyi srin bu rang gi lus las skud pa'i rgyud byung bas khyim byas la de nyid de'i nang du 'chi ba'i dus byed do/ /de bzhin du rnam par shes pa'i khams 'dis kyang lus bskyed nas dar gyi srin bu bzhin du bdag nyid yang lus yongs su btang nas med par 'gyur ro/ /dper na/ pad+ma chu'i nang nas skyes te/ lha'i dri dang kha dog mngon par 'grub kyang / pad+ma dkar po de la chu'i khams kyang mi dmigs la/ de'i nang du mi snang bar gyur nas/ gang du sa bon gnas pa der/ kha dog dang / dri dang / ro rnams gnas par 'gyur ro/ /de bzhin du rnam par shes pa'i khams 'di gang du 'pho </font><hr>153b<br><font size=+1>


zhing 'gro ba der dbang po dag gi spyod yul rnams 'pho bar 'gyur te/ tshor ba dang / sems pa dang / chos kyi khams rnams kyang der 'pho zhing 'gro bar 'gyur ro/ /dper na/ yid bzhin gyi nor bu rin po che gang du 'gro ba der longs spyod thams cad 'pho zhing 'gro bar 'gyur ro/ /dper na/ nyi ma dang 'brel ba'i 'od zer rnams nyi ma gang dang gang du 'gro ba de dang de nyid du 'od zer rnams kyang rjes su 'gro ba de bzhin du/ rnam par shes pa'i khams 'di dag gang du 'pho ba de dang de nyid du tshor ba dang / 'du shes dang / chos kyi khams rnams kyang 'pho zhing 'gro'o/ /gzhan yang rnam par shes pa'i khams 'dis lus yongs su btang nas/ dngos po thams cad kyi phrad pa yongs su bzung ste/ sha med pa dang / rus pa med pa'i lus 'grub par byed do/ /de'i lus len pa'i rgyu ni gzugs yin no/ /dbang po'i dngos po rnams ni tshor bas myong ngo / /dran pa ni lha'i lta bas mthong ste/ dge ba dang mi dge ba yongs su len to/ /dper na/ rgya shug dang / 'bra go dang / 
 mra dang / nyo ti dang| se'u dang / bil pa dang / ka pid ta la sogs pa'i 'bras bu rnams ni ro du mar 'grub ste/ tsha ba dang / kha ba dang / skyur ba dang / lan tshwa'i ro dang / bska ba la sogs pa'i ro re res rnam par smin par 'gyur te/ la la ni ro tsha bar 'gyur/ la la ni skyur/ la la ni mngar ro/ /'bras bu de dag med par gyur pa'i sa bon gang dang gang du 'pho ba der ro yang 'pho bar 'gyur ro/ /de bzhin du rnam par shes pa'i khams </font><hr>154a<br><font size=+1>


@#/ /'di gang dang gang du 'pho ba de dang der tshor ba 'pho bar 'gyur ro/ /bsod nams dang / bsod nams ma yin pa dang / dran pa yang 'pho bar 'gyur ro| |gzhan yang rnam par shes pa'i khams 'dis ni lus yongs su btang nas/ bdag gis lus 'di yongs su btang ngo snyam du rab tu shes so/ /de bas na 'di la rnam par shes pa'i khams zhes bya'o/ /dge ba'i las kyang rab tu shes so/ /mi dge ba'i las kyang rab tu shes so/ /las 'di dag ni bdag gi phyi bzhin 'brang ngo / /bdag kyang 'di dag gi phyi bzhin 'brang ngo snyam du de ltar rab tu shes te/ de bas na rnam par shes pa zhes bya'o/ /gzhan yang lus 'di bya ba thams cad rab tu shes te/ de bas na rnam par shes pa zhes bya'o| /dper na/ rlung gi khams grang bar yang 'gyur zhing / tsha bar yang 'gyur la/ dri zhim po yang ldang zhing / dri nga bar yang ldang ste/ spyod pa de dag thams cad ni rlung gi khams kyi rkyen las byung yang / rlung gi khams de yang gzugs can ma yin la len pa'i rgyus snang ste/ ji ltar rlung gi khams kyis shing g.yo ba dang / grang ba dang / tsha ba'i reg pa len pa'i rkyen byed pa las rlung gi khams shes par 'gyur ba de bzhin du rnam par shes pa'i khams 'di yang gzugs can ma yin te/ gzugs len pa'i rkyen dang / 'dod pa len pa'i rkyen </font><hr>154b<br><font size=+1>


dang| lta ba len pa'i rkyen dang / tshul khrims dang brtul zhugs mchog tu 'dzin pa len pa'i rkyen gyis tshor ba myong bar 'gyur ro/ /tshor ba'i rkyen gyis lus dang kha dog skye zhing 'grub par byed pas na rnam par shes pa zhes bya'o/ /de nas tshong dpon gzhon nu zla ba 'byor pa stan las langs te thal mo sbyar nas bcom ldan 'das la 'di skad ces gsol to/ /bcom ldan 'das/ gzugs ji ltar lta bar bgyi/ len pa ni ji lta bu lags/ las len pa ni ji ltar lta bar bgyi/ lta ba len pa ni ji lta bu lags/ tshul khrims dang brtul zhugs mchog tu 'dzin pa'i len pa ni ji ltar lta bar bgyi/ bcom ldan 'das kyis bka' stsal pa/ zla ba 'byor pa/ legs so/ /legs so/ mkhas pas ni mkhas pa'i mtshan nyid de ltar shes so/ /zla ba 'byor pa/ 'di na kha dog bzang po'am/ kha dog ngan pa yang rung ste/ de ni sha kham tshad dang / rtsa dang / rgyus pa dang / mgo bo dang / klad pa dang / rus pa dang / rkang pa dang / rgyu ma dang / gnye ma dang / mkhal ma dang / snying dang / lto dang / glo ba dang / phyi sa dang / gcin dang / lgang pa dang / pho ba dang / long ka dang / zhag dang / chu ser dang / rnag dang / khrag dang / mkhris pa dang / bad kan dang / ngar snabs dang| skra dang / kha spu dang / sen mo dang / spu dang / pags pas g.yogs pa shin tu gyur pa/ mi sdug pa dang / mi gtsang ba mang po la brten pa'o/ /gzugs gang ci yang rung ba de dag thams </font><hr>155a<br><font size=+1>


@#/ /cad ni 'byung ba chen po bzhi dang / 'byung ba chen po bzhi'i rgyur byas pa las mngon par 'grub ste/ de yang pha ma phrad pa'i rkyen gyis 'grub par 'gyur te| de bas na gzugs len pa'i rgyu zhes bshad do/ /zla ba 'byor pa/ lus kyi sra ba nyid gang yin pa de ni sa'i khams so/ /gsher ba nyid gang yin pa de ni chu'i khams so/ /dro ba nyid dang / yongs su smin bar byed pa gang yin pa de ni me'i khams so/ /g.yo ba nyid dang / bskum pa dang / brkyang pa nyid gang yin pa de ni rlung gi khams so/ /lus de'i rab tu shes pa dang / ro'i khams dang| dri'i khams dang / sgra'i khams dang / reg bya'i khams dang / dran pa gang yin pa de ni rnam par shes pa'i khams zhes bya'o/ /de nas bcom ldan 'das la tshong dpon gzhon nu zla ba 'byor pas 'di skad ces gsol to/ /bcom ldan 'das/ 'gum pa'i dus kyi tshe rnam par shes pa 'dis gzugs kyi khams ji ltar yongs su gtong bar 'gyur/ lus las rnam par shes pa ji ltar 'byung bar 'gyur/ lus yongs su btang nas 'di snyam du 'di ni bdag gi khog pa yin no snyam du ji ltar 'tshal bar 'gyur/ bcom ldan 'das kyis bka' stsal pa/ zla ba 'byor pa/ 'dir lus 'di gnas par gyur nas dus log par gyur bas/ khams rnams yongs su gtong bar gyur te/ dper na/ 'o ma dang chu bsres te lhan cig tu </font><hr>155b<br><font size=+1>


bzhag pa me dang phrad na/ 'o ma yang logs shig tu 'gyur zhing / chu yang logs shig tu 'gyur te/ 'o ma'i snum gyi khams gang yin pa de yang gzugs can ma yin no/ /zla ba 'byor pa/ de bzhin du mi shi ba'i khog pa yang logs shig tu 'gyur/ khams rnams kyang logs shin tu 'gyur/ rnam par shes pa yang logs shig tu yang 'gyur te/ rnam par shes pa de yang khams kyi rten yongs su blangs nas/ chos kyi khams yongs su len to/ /dran pa ni chos kyi khams dang 'brel bar 'gyur te/ dran pa chos kyi khams 'brel pa dang / dge ba dang mi dge ba blangs nas 'jig rten pha rol tu 'gro bar 'gyur ro/ /dper na/ dge ba chen po zhes bya'i sman mar de ni sman ro tsha ba dang / kha ba dang / skyur ba dang / lan tshwa'i ro dang / bska ba'i ro'i mthu dang / rnam par smin pa du ma blangs nas lus kyi nang du 'gro'o/ /dge ba'i sman mar gyi ro'i mthu dang / rnam par smin ba de nang du song bas/ lus la kha dog dang / dri dang / ro skyed par byed cing| de mar gyi khams yongs su btang nas/ lus la 'pho ba de bzhin du rnam par shes pa'i khams 'dis kyang lus yongs su btang nas/ dge ba dang mi dge ba yongs su blangs shing chos kyi khams yongs su blangs nas rnam par shes pa 'pho bar 'gyur te/ mar gyi khams gang yin pa de ni lus lta bu'o/ /sman rnams phrad pa gang yin pa de ni dbang po rnams phrad pa lta </font><hr>156a<br><font size=+1>


@#/ /bu'o/ /sman rnams kyi kha dog dang / dri dang / ro dang / reg bya gang yin pa de ni rnam par shes pa lta bu'o/ /'pho ba gang yin pa de ni shi 'phos pa'i rnam par shes pa 'pho ba lta bur blta bar bya'o/ /mi'i kha dog rgyas pa dang / mdog bzang zhing bde bar smin pa gang yin pa de ni dge ba lta bur bstan to/ /dge ba chen po'i sman mar des mdog ngan cing skya bor 'gyur ba gang yin pa de ni mi dge ba lta bur bstan to/ /dge ba chen po'i sman mar rin po che ji lta ba de bzhin du ni rnam par shes pa'i khams blta bar bya'o/ /ji ltar dge ba chen po'i sman mar gyis sman rnams kyi kha dog 'jug par byed cing / ro dang / dri 'jug par byed kyang / mar de la rkang lag dang mig med pa de bzhin du rnam par shes pa'i khams 'dis kyang yongs su btang zhing khams rnams bor nas/ chos kyi khams yongs su len cing / tshor ba yongs su len te/ dge ba dang mi dge ba yongs su len to/ /zla ba 'byor pa| mi shi 'phos pa des kyang lha'i dran pa 'thob par 'gyur te/ 'dod pa na spyod pa drug gi lha rnams mthong ngo / /sems can dmyal ba bcu drug kyang mthong ngo / /bdag nyid kyi lus rkang lag mnyam pa yang mthong ste/ de 'di snyam du 'di ni bdag gi khog pa yin no/ /snyam du yang shes so/ /de 'chi ba'i dus kyi tshe'i dran pas lha'i ltas khang pa brtsegs pa rnam par bkra </font><hr>156b<br><font size=+1>


zhing| shing gal pa dang / 'khri shing dang / ldum bu sna tshogs kyis kun nas bskor ba gser btso ma gsar pa'i mdog ltar spa ba/ spras pa/ rnam par dbye ba byas pa dag mthong ngo / /de ltas de mthong nas/ mchog tu dga' ba skyes te/ de dga' ba skyes pa des bde ba'i rnam par smin pa'i 'chi ba'i dus kyi chos dang ldan par 'gyur ro/ /de'i rnam par shes pa de ni rta la zhon pa dang 'dra bar lta ste/ dper na/ g.yul ngor chas pa na/ dmag mi'i nang na mi ci la ma reg par chas pa sga las bzung ste/ myur ba myur bar zhon par byed pa de bzhin du rnam par shes pa'i khams 'di yang dge ba la dmigs pa dang 'brel cing / dbugs rgyu ba rgod pas chos kyi khams yongs su blangs shing skye mched 'gags te/ lus bor nas lha'i gnas 'og min man chad tshangs pa'i bar du yongs su len par 'gyur ro// //bam po gnyis pa ste tha ma'o/ /de nas sman chen gyis/ bcom ldan 'das kyi zhabs la gtugs nas/ bcom ldan 'das la 'di skad ces gsol to/ /rnam par shes pa lus las 'pho ba de'i rang bzhin ji lta bu zhig lags/ bcom ldan 'das kyis bka' stsal pa/ sman chen/ da ltar khyod kyis nga la ji skad bskul ba de ni de bzhin te| legs so/ /legs so/ /dri ba 'di ni mchog tu zab bo/ /dri ba 'dri ni de bzhin gshegs pas bstan par bya ba yin te/ rnam par shes pa de ston pa ni de bzhin gshegs pa ma gtogs </font><hr>157a<br><font size=+1>


@#/ /par gzhan med do/ /de nas bcom ldan 'das la bzang skyong gis 'di skad ces gsol to/ /bcom ldan 'das/ rgyal po'i bu gzhon nu sman chen ni zab mo'i zhu ba zhu ba la mkhas pa lags te/ blo zhib cing mdzangs la mkhas pa lags so/ /bcom ldan 'das kyis bka' stsal pa/ bzang skyong / de bzhin te/ rgyal po'i bu gzhon nu sman chen 'di ni bcom ldan 'das rnam par gzigs la dge ba'i rtsa ba bskyed pa yin no/ /bzang skyong / rgyal po'i bu gzhon nu sman chen 'di ni tshe rabs lnga brgya'i bar du gzhan mu stegs can du gyur nas de 'di snyam du rtog ste/ rnam par shes pa'i khams 'di ci yin/ rnam par shes pa'i khams 'di su'i yin/ rnam par shes pa'i khams 'di ci lta bu zhig yin snyam mo/ /bzang skyong / 'on kyang rnam shes pa'i 'gro ba dang 'ong ba khong du ma chud de/ ngas 'di'i the tshom bsal bar bya'o/ /de nas tshong dpon bzang skyong gis sman chen la 'di skad ces smras so/ /sman chen/ legs so/ /legs so| |khyod ni shes rab rgya che zhing yangs la chos zab mo zhu ba la mkhas so/ /sman chen/ bcom ldan 'das ye shes la 'jug pa blo dag pa'i rtsa bar gyur pa la skul cig /zla ba 'byor pa| 'di ni byis pa ste yul la sred pas/ bcom ldan 'das de bzhin gshegs pa la lan 'ga' yang ma bskul/ bskul ba ma byas so/ /de bzhin gshegs pa 'byung ba ni </font><hr>157b<br><font size=+1>


rnyed par dka' la/ dam pa'i chos dang phrad pa yang shin tu rnyed par dka'i/ bcom ldan 'das kyi zab pa zab pa'i gnas rnams bcom ldan 'das la skul cig /de nas sman chen gyis bcom ldan 'das kyi zhal ston ka'i dus kyi me tog pad+ma'i tshal ltar rgyas pa mthong ngo / /mthong nas kyang sman chen dad pa skyes te/ bcom ldan 'das la 'di skad ces gsol to/ /bcom ldan 'das/ bdag ni chos 'tshal ba lags na bde bar gshegs pas bdag la bstan du gsol/ /bskal pa'i mthar ma thug par yongs su mya ngan las 'das par gshegs pa zhig tu gyur na/ de'i slad na sems can 'di dag gis las dge ba dang mi dge ba rnams kyi rnam par smin pa ma 'tshal te/ 'khor ba na yongs su 'khyam par 'gyur du mchi'o/ /bcom ldan 'das kyis bka' stsal pa/ sman chen/ ngas tshigs su bcad pa phyed kyi don gyi phyir yang brag gi rtse mo nas rang gi lus bor te/ dka' ba rnam pa brgya stong du ma nyams su myong ngo / /sman chen khyed ci dang ci 'dod pa dris shig dang / ngas khyod la lan gdab bo/ /de skad ces bka' stsal nas/ bcom ldan 'das la sman chen gyis 'di skad ces gsol to/ /bcom ldan 'das/ rnam par shes pa 'di'i rang bzhin ci lags/ bcom ldan 'das kyis bka' stsal pa/ sman chen/ sgyu ma mkhan gyi mi'i rang bzhin gang yin pa dang / mi'i grib ma chu'i nang du 'byung ba gsal ba ma yin </font><hr>158a<br><font size=+1>


@#/ /zhing| mi gsal ba'i rang bzhin gang yin pa dang / mig dang nam mkha'i rang bzhin gang yin pa dang / sred pa'i rang bzhin gang yin pa bzhin no/ /sman chen gyis gsol pa/ bcom ldan 'das/ sred pa'i rang bzhin ji lta bu lags/ bcom ldan 'das kyis bka' stsal pa/ snying du sdug pa'i mi mthong ba na mig gi dbang po 'pho ba dang| ji ltar mis me long la rang gi bzhin gyi gzugs brnyan mthong la/ me long gud du phyung na rang gi bzhin gyi gzugs brnyan mi mthong ba de bzhin du/ rnam par shes pa'i khams 'di 'pho na/ rang gi bsod nams dang bsod nams ma yin pa rnam par shes pa'i khams des mthong ngo / /dper na/ mi dmus long gis nyi ma 'char ba'am/ nyi ma gung na 'dug pa yang mi mthong la/ mtshan mo yang zla ba 'char ba dang / nub pa mi mthong ba de bzhin du rnam par shes pa'i khams 'di yang lus la mi snang ngo / /sman chen/ 'on kyang lus la sred pa dang / tshor ba dang / 'du shes dang / rab tu shes pa gang yin pa de ni rnam par shes pa'i khams yin te/ de yang lus 'di'i khams rnams dang / skye mched rnams dang / phung po rnams phrad par byed pa yin no/ /de la gzugs can gyi dngos po gang yin pa de ni 'di lta ste/ mig dang / rna ba dang / sna dang / ro dang / sgra rnams so/ /tshor ba dang / sdug bsngal dang / bde ba dang / </font><hr>158b<br><font size=+1>


yid rnams ni gzugs can ma yin pa'i dngos po ste/ de ni rnam par shes pa'i khams yin no/ /sman chen/ ji ltar mi'i lce'i thor tos ro kha ba dang / tsha ba dang / skyur ba dang / mngar ba dang / lan tshwa'i ro dang / bska ba tshor te/ de'i lce de yang gzugs can yin la/ ro'i dngos po yang gzugs can yin no/ /de bzhin du lus 'di la yang rus pa dang / rkang dang / sha dang / khrag ni gzugs can yin la/ tshor ba gang yin pa de ni gzugs can ma yin te/ gang gis rnam par smin pa dang / bsod nams dang bsod nams ma yin pa myong ba de ni rnam par shes pa'o/ /de nas bzang skyong gis bcom ldan 'das kyi zhabs la gtugs nas/ bcom ldan 'das la 'di skad ces gsol to/ /bcom ldan 'das/ bsod nams dang bsod nams ma lags pa myong ba de gang lags/ bcom ldan 'das kyis bka' stsal pa/ bzang skyong / de'i phyir nyon cig /bden pa ma mthong bar ni/ rnam par shes pa 'di mi mthong ste/ de ni lag mthil du skyu ru ra bzhag pa bzhin du mthong bar mi 'gyur ro/ /de ni mig la yang mi gnas te mig las kyang skye ba mthong bar yang mi 'gyur ro/ /bzang skyong / de bzhin gshegs pa gang+gA'i klung gi bye ma snyed dag gis rnam par shes pa'i khams 'di ci ltar gzigs pa de bzhin du/ ngas kyang gzugs can ma yin par thugs su chud de/ 'on kyang byis pa rnams kyis mi shes pa'i phyir/ rnam par shes pa'i </font><hr>159a<br><font size=+1>


@#/ /khams 'di dpes bstan to/ /bzang skyong / 'di ni rnam par shes pa'i khams 'dis bsod nams dang bsod nams ma yin pa ji lta ba bzhin du rig ste/ dper na/ mi la la skem byed dam/ brjed byed dam/ dri za'i gdon nam/ lha'i gdon gyis zin par gyur na/ bzang skyong / 'di ji snyam du sems/ ci mi de'i khong na 'dug pa'i skem byed dam/ dri za'am/ lha de snang ngam/ gsol pa/ bcom ldan 'das/ de ni ma lags so/ /mi de'i nang ngam/ slad rol na yang gdon mi gda' ste/ gdon de dag ni gzugs ma mchis pa lags so/ /bzang skyong / dper na/ lha'i gdon chen pos me tog shin tu dri zhim pa dang / spos dang / bdug pa dang / me tog phreng byin pa len pa de bzhin du rnam par shes pa'i khams bsod nams dang ldan pas kyang lus blangs nas/ rgyal srid kyi dbang phyug gam/ tshong dpon nyid dam/ lha nyid byed du 'jug ste/ de ltar na rnam par shes pa'i khams 'di ni bsod nams myong ba yin no/ /ji ltar lha'i gdon de lha'i me tog phreng ba byin pas rangs par 'gyur zhing mi de'i lus kyang tshim par 'gyur pa de bzhin du rnam par shes pa'i khams 'di yang rgyal srid kyi dbang phyug nyid la dga' bar 'gyur zhing / lus de yang tshim par 'gyur te/ de ltar na rnam par shes pa 'di ni bsod nams myong ba yin no/ /bzang skyong / </font><hr>159b<br><font size=+1>


dper na/ srul po'i gdon mi sdug cing gzugs mi snang ba mi'i lus la gnas te/ mi gtsang ba dang / rul pa dang / ljan ljin dang / gtor khung nas 'bab pa dang / gtor ma 'dod cing de yang gtor ma des dga' bar 'gyur la/ mi de yang gdon gyi dbang gis dri nga zhing mi gtsang ba las byung ba'i kha zas btsog pa dag la chags shing dga' bar 'gyur ba de bzhin du rnam par shes pa'i khams 'di yang bsod nams ma yin par nye bar 'gro ba'i las kyis skye gnas ngan par bskyed de dbul po'am/ yi dwags ngan pa'am/ ljan ljin za ba dag la chags shing dga' bar 'gyur te/ de ltar na rnam par shes pa'i khams 'di ni bsod nams ma yin pa myong ba yang yin no/ /dper na/ lha'i gdon chen po gzugs med pa de lha'i longs spyod len pa de bzhin du/ rnam par shes pa'i khams gzugs can ma yin pa 'di yang bsod nams gzugs can ma yin pas yongs su bzung nas lha'i lus rnams skyed par byed do| |dper na/ srul po'i gdon gzugs med pa mi la gnas shing phyi sa dang / ljan ljin za bar byed pa de bzhin du rnam par shes pa'i khams 'di yang bsod nams ma yin par nye bar 'gro ba'i las rnams kyis skye gnas ngan par skye bar 'gyur te/ de ltar na rnam par shes pa'i khams 'di ni bsod nams ma yin par nye bar 'gro bar yang lta'o/ /bzang skyong / de bas </font><hr>160a<br><font size=+1>


@#/ /na khyod kyis gdon gang yin pa de ni gzugs med pa'i phyir rnam par shes pa'i khams lta bur blta'o/ /gdon gyi longs spyod bzang po dang / ngan pa gang yin pa de dag ni dge ba dang / mi dge ba lta bur lta'o/ /mi gang yin pa de ni lus lta bur lta'o/ /de nas bcom ldan 'das la sman chen gyis 'di skad ces gsol to/ /bcom ldan 'das/ 'di ni len pa'i rgyu ji ltar lta bar bgyi/ bcom ldan 'das kyis bka' stsal pa/ 'di ni phan tshun gyi rkyen gyis 'dod pa len par byed de/ dper na/ gtsub stan las kyang brten/ gtsub shing las kyang brten/ de skyed pa mi'i rtsol ba las kyang brten te/ me 'grub par 'gyur ba de bzhin du lus 'di len pa'i rgyu skyes pa dang / bud med kyi rkyen gyis sgra dang / reg pa dang / ro dang / gzugs la sogs pa'i 'dod pa 'grub par 'gyur ro/ /dper na/ me tog las 'bras bu 'grub par 'gyur te/ 'on kyang me tog de la yang 'bras bu mi dmigs la| 'bras bur grub pa la yang me tog mi dmigs pa de bzhin du lus 'di las rnam par shes pa 'byung ste/ 'on kyang lus de la yang rnam par shes pa mi snang la/ rnam par shes pa ldog pas kyang / lus kyi rus pa dang / rkang dang / mer mer po dang / mi gtsang ba rnams rnam par 'jig par 'gyur ro/ /dper na/ sa bon de me tog gi kha dog dang / dri dang / </font><hr>160b<br><font size=+1>


ro 'debs pa de bzhin du rnam par shes pa'i khams 'dis kyang / lus yongs su btang nas dge ba dang / mi dge ba btab cing / tshor ba dang / 'du shes dang / yid la byed pa yang btab nas| 'jig rten pha rol du 'gro'o/ /dper na/ skyes pa dang / bud med gnyis kyi dbang po gnyis phrad nas/ dga' bas brlan te/ bud med la shin tu dam por 'khyud nas/ nyon mongs pa 'byin par byed de/ de gnyis kyi nyon mongs pa med par gyur nas yang bral bar 'gyur ro/ /de gnyis la 'dod pa dang ldan pa'i bde ba 'byung bar 'gyur te/ der nyon mongs pa phyung nas/ 'dod chags med par gyur te/ yang gcig la gcig 'dod chags dang bral bar 'gyur ba de bzhin du rnam par shes pa'i khams 'dis lus dang phrad pa rnyed nas/ dga' ba bskyed de chags pa 'phel bar byed do/ /dper na/ lus kyi rkyen gyis bud med kyi gzugs mthong na/ skyes pa'i 'dod chags bskyed la/ yang phrad pa las bral na/ phyir ldog par 'gyur ba de bzhin du rnam par shes pa'i khams 'dis lus yongs su blangs nas yang bor te gzhan du 'gyur ba med par 'gyur ro/ /'di la pha ma phrad pa dang / dri za nye bar gnas pa dang / las la dmigs pa'i dngos po las rnam par shes pas lus 'grub par byed de/ las de dag kyang gzugs can ma yin la/ skyes pa dang bud med kyi rkyen gyi ngo bo de yang gzugs can ma yin no/ /len pa'i </font><hr>161a<br><font size=+1>


@#/ /rkyen las 'dod pa 'byung ste/ de bas na 'dod pa'i len pa zhes bya'o/ /gzugs kyi 'dod pa len pas na/ de'i phyir yang 'dod pa'i len pa zhes bya'o/ /sman chen/ gzhan yang tshul khrims dang brtul zhugs mchog tu 'dzin pa'i len pa de gang zhe na/ 'di la tshul khrims ni srog gcod pa dang / ma byin par len pa dang / 'dod pa log par g.yem pa dang| brdzun du smra ba dang / 'bru'i chang dang / sbyar ba'i chang myos par byed pa bag med pa'i gnas spong ba'o/ /de'i mchog tu 'dzin pa ni/ rgyun du zhugs pa'i 'bras bu dang / lan gcig phyir 'ong ba'i 'bras bu'o/ /de'i len pa ni srid pa ste/ lha dang mir skye zhing skye ba yongs su 'dzin pa bskyed pa ste/ de ni zag pa dang bcas pa dang / zag pa med pa'i dge ba'i yongs su smin par byed do/ /phung po rnams kyi sa bon yang rlan par byed do/ /las dge ba dang mi dge ba rnams kyang sdud par byed do/ /rnam par shes pa yang sbyor bar byed do/ /nyon mongs pa blangs pa rnams kyang sreg par byed de/ de bas na 'di ni tshul khrims dang brtul zhugs mchog tu 'dzin pa'i len pa zhes bya'o/ /de skad ces bka' stsal nas/ bcom ldan 'das la sman chen gyis 'di skad ces gsol to/ /bcom ldan 'das/ rnam par shes pa 'dis ji ltar lha'i nang du lus yongs su len pa lags/ sems can dmyal ba rnams su ji ltar len pa </font><hr>161b<br><font size=+1>


lags/ bcom ldan 'das kyis bka' stsal pa/ sman chen/ de'i phyir nyon cig /'di la rnam par shes pa'i khams 'dis chos kyi khams yongs su blangs nas/ lha'i lta ba bskyed de/ de'i lta ba de yang sha'i mig la brten pa ma yin no/ /de'i lta bas mthong ba gang yin de ni len pa zhes bya ste/ de bas na lta ba'i len pa zhes bya'o/ /de'i lha'i lta ba bsod nams la dmigs pa dang mtshungs par ldan pa des/ 'dod pa na spyod pa'i lha rnams kyi nang du lha'i gnas mthong ste/ der lha rnams lha'i rtse bdag gis rtse ba mthong nas/ de der chags pa skye'o/ /'di snyam du yang sems te/ bdag ni der 'gro'o snyam mo/ /des der chags su rung zhing dran pa dang ldan pa'i srid pa rab tu shes so/ /dur khrod na 'dug pa'i khog pa de yang des mthong nas 'di snyam du sems te/ 'di ni bdag gi dge ba'i bshes gnyen yin te/ 'di la bdag lha rnams kyi nang du skye ba yongs su len pa'i bdag gi dge ba'i rtsa ba bsags so snyam mo/ /de skad ces bka' stsal nas/ bcom ldan 'das la sman chen gyis 'di skad ces gsol to/ /bcom ldan 'das/ rnam par shes pa khog pa de la chags na/ ci'i slad du mi gnas/ khog pa de nyid ci'i slad du mi brten/ bcom ldan 'das kyis bka' stsal pa/ sman chen/ dper na/ mi la la'i skra dang / kha spu bregs te/ skra dang kha spu de mthong nas/ mi de 'di snyam du sems te/ skra 'di dag ni dri zhim </font><hr>162a<br><font size=+1>


@#/ /zhing gnag pa yin gyi/ 'di dag ni phyir yang mgo la bskyed par bya'o snyam na/ sman chen/ 'di ji snyam du sems/ ci skra de dag phyir skye bar 'gyur ram/ gsol pa| bcom ldan 'das/ de ni ma lags so/ /bcom ldan 'das kyis bka' stsal pa/ sman chen/ de bzhin du rnam par shes pa'i khams 'dis khog pa bor nas phyir yang khog pa de nyid la gnas pa 'di ni gnas med do/ /de skad ces bka' stsal nas/ bcom ldan 'das la sman chen gyis yang 'di skad ces gsol to/ /rnam par shes pa'i khams cha phra zhing mi mngon pa 'dis glang po che'i lus bong chen po ji ltar bsgrub par bgyid cing / rdo rje ltar sra ba'i khog pa yang ji ltar rtol bar bgyid/ glang po che dgu stong gi stobs dang ldan pa'i mi dang / glang po che'i rgyal po yang ji ltar 'dzin par bgyid/ bcom ldan 'das kyis bka' stsal pa/ sman chen/ dper na/ rlung gi khams gzugs med cing bstan du med pa'i ri phrag na gnas pa de yang ri phrag de nas byung ste/ ri rab dang 'dra zhing mtshungs pa'i ri'i rtse mo snyil bar byed cing / 'gyes par byed na sman chen 'di ji snyam du sems/ rlung gi khams kyi rang bzhin ni ji lta bu/ ri de'i rang bzhin ji lta bu/ sman chen gyis gsol pa/ rlung gi khams ni snyi zhing lus ma mchis par lta bar bgyi'o/ /bcom ldan 'das kyis bka' stsal pa/ sman chen/ de de bzhin te/ </font><hr>162b<br><font size=+1>


ji ltar rlung gi khams snyi zhing lus med pa de bzhin du rnam par shes pa 'di yang zhan cing lus med mod kyi lus chen po dag dang / chung ngu dag skyed par byed de/ sbrang bu'i yang rnam par shes pa de nyid yin no/ /glang po che'i yang de nyid yin no/ /dper na/ mar me'i me lce chung yang ra ba'am/ khang pa'i nang gi mun pa chen po sel bar byed pa de bzhin du rnam par shes pa'i khams 'dis kyang lus len pa'i rgyu des na gzugs chung ngu dang / chen po rnams 'grub par byed do/ /de skad ces bka' stsal nas/ bcom ldan 'das la sman chen gyis 'di skad ces gsol to/ / bcom ldan 'das/ ci lags/ de gzugs can zhig lags sam/ 'on te gzugs ma mchis pa zhig lags/ rang bzhin ni ji lta bu lags/ rkyen ni ji lta bu dag las blta bar bgyi/ bcom ldan 'das kyis bka' stsal pa/ sman chen/ 'di la las rnams kyi spyod yul ni lha'i bde ba dag dang / 'byor pa dag dang / lha'i kha zas thob pa yin te/ dper na/ mi dbul po gnyis shig 'brog tu 'khyam pa las/ der gcig gis ni chu bsil ba rnyed la/ gcig ni skom ste shi na/ chu de la la zhig gis snyim pas bcus te/ mi de la byin pa yang med/ la la zhig gis mi cig shos de la bkag pa yang med kyi/ bsod nams kyi mthu 'ba' zhig gis gcig gis ni chu rnyed la/ gcig gis ni ma rnyed pa de bzhin du dge ba dang / mi dge ba'i chos de dag la blta bar bya'o/ /zla ba yar gyi </font><hr>163a<br><font size=+1>


@#/ /ngo dang / mar gyi ngo ji lta ba bzhin du dge ba dang / mi dge ba yang de bzhin du blta bar bya'o/ /dper na/ shing tog rlon pa yongs su smin pa na/ kha dog gzhan du 'gyur te/ kha dog de dag dang yongs su smin pa yang me'i khams kyi dbang gis 'gyur ro/ /de bzhin du lus 'di yang bsod nams kyi dbang gis tshong dpon gyi khyim nor dang gser dang dngul dag tu rgyan nye bar ston to/ /lha'i gnas dag tu lha'i rgyan dag nye bar ston te/ dbang phyug gi rgyan gang yin pa de ni bsod nams kyi dper bstan to/ /dper na/ sa bon sa la btab na/ shing gi rtse mor snang ba 'gyur la/ sa bon de yang sdong bu nas sdong bu'i rtse mor 'pho ba med cing / shing gi nang na yang sa bon de mi dmigs la/ mi la la zhig gis lag pa gnyis kyis sa bon de blangs te/ shing gi rtse mor bzhag par yang med cing / sa bon rtsa ba nas 'pho ba yang mi dmigs pa de bzhin du las dge ba dang / mi dge ba lus la gnas pa rnams kyang lus la mi snang ngo / /dper na/ sa bon las me tog 'grub pa na/ sa bon gyi nang na yang me tog mi snang zhing / me tog gi nang na yang 'bras bu mi dmigs la/ sa bon dang me tog kyang gnyis su dbyer med pa de bzhin du lus las kyang las 'byung / las las kyang lus 'byung mod kyi/ lus kyi nang na las mi snang / las kyi nang na yang lus mi snang ngo / / </font><hr>163b<br><font size=+1>


dper na/ me tog yongs su smin pa na 'bras bu dmigs pa de bzhin du/ lus smin na las rnams dmigs so/ /dper na/ gang na sa bon gnas pa der me tog 'byung bar snang ba de bzhin du/ lus 'di gang dang gang du skyes par gyur pa de dang der las dge ba dang / mi dge ba 'byung bar snang ste/ las de yang gzugs can ma yin la/ rnam par smin pa yang gzugs can ma yin no/ /dper na| mi'i lus las grib ma mi gsal zhing / gzugs can ma yin pa 'byung la/ mi de nyid kyi phyi bzhin 'brang ste/ grib ma de yang mi de'i lus dang 'brel pa ma yin la/ lus med par yang grib ma 'byung bar mi 'gyur ba de bzhin du/ lus 'di la dge ba dang / mi dge ba 'brel par 'dug ste/ lus gang dang gang du 'pho ba de dang der las rnams 'brang bar 'gyur te/ lus kyi dbang gis las rnams 'brang ba ma yin la/ lus med na yang las rnams skye bar mi 'gyur ro/ /dper na/ sman tsha ba dang / kha ba dang / bska ba la sogs pa'i bye brag gis lus la bkru sman btang na/ nad thams cad las thar bar 'gyur zhing / lha'i mdog rgyas pa yang lus la snang bar 'gyur te/ ji ltar sman tsha ba dang / kha ba rnams kyis lus kyi mdog gzhon shar 'dug pa dang / yid du 'ong ba sgrub par byed cing 'di snyam du mi 'dis ni/ sman zos gor ma chag go snyam du shes par 'gyur mod kyi/ sman de dag gi ro dang / smin pa de yang gzugs can ma yin la/ ro dang smin pa gzugs </font><hr>164a<br><font size=+1>


@#/ /can ma yin pa yang mi'i mdog rgyas pa las snang bar 'gyur ba de bzhin du/ dge ba'i las 'di yang gzugs can ma yin te/ de las lus 'grub nas/ kha zas dang / nye bar spyad pa dang / longs spyod dang / gos kyi bye brag gi dbang gis rkang lag mnyam zhing / mchog tu bde ba dang ldan te/ nor bu dang / gser dang / dngul 'byor par 'gyur ba de dag thams cad ni dge ba'i las kyi 'bras bu yin no/ /rigs dang longs spyod rgyas shing 'byor pa las nyams pa dang / nye bar spyad pa dang bral zhing gzhan la re ba dang / kha zas ngan pa za zhing mal stan ngan pa dang / gzugs ngan cing mi sdug pa'i lus can gang yin pa de dag ni mi dge ba'i las de'i 'bras bu yin no/ /dper na/ me long gi dbang gis bzhin gyi mdog sdug pa'am mi sdug pa snang la/ me long gi gzugs brnyan de yang gzugs can ma yin pa de bzhin du dge ba dang / mi dge ba'i las kyi dbang gis rnam par shes pa 'di lha rnams dang / mi rnams dang / sems can dmyal ba dang / dud 'gro dang / yi dwags kyi nang du skye bar 'gyur te/ sman chen/ las rnams ni de ltar blta bar bya'o/ /de ltar na las 'di dag ni rnam par shes pa'i rjes su 'brang ngo / /gsol pa/ bcom ldan 'das/ rnam par shes pa 'dis dbang po rnams ji ltar 'bebs/ lus chen po yang ji ltar yongs su 'dzin par bgyid/ bcom ldan 'das </font><hr>164b<br><font size=+1>


kyis bka' stsal pa/ sman chen/ 'di lta ste/ dper na/ rngon pa nags thibs po'i nang du song nas gzhu shin tu bkang ste/ dug mdas spos kyi glang po che bong tshod che ba la bsnun la/ dug de yang khrag dang phrad na yan lag dang / nying lag rnams su 'pho zhing 'gro ste/ dbang po'i spyod yul thams cad 'dor la/ gnad rnams su bsnun cing khrag gis kha dog bsgyur te/ yan lag dang / nying lag thams cad du 'pho zhing 'gro la/ phyir yang lus bor nas/ dug de lus phyir byung na/ sman chen/ 'di ji snyam du sems/ dug de dang glang po che'i khog pa de'i tshod ji tsam/ gsol pa/ ri rab dang / yungs 'bru bzhin lags so/ /bka' stsal pa/ dug de ji ltar 'pho ba de bzhin du rnam par shes pa'i khams 'di yang lus yongs su spong zhing dbang po rnams kyang 'dor la/ khams rnams kyang yongs su gtong ngo / /de ltar na rnam par shes pa 'di dbang po rnams 'dor bar byed do/ /sman chen/ gzhan yang khyod kyis bcom ldan 'das rnam par shes pa 'di ji ltar lus chen po yongs su 'dzin par bgyid ces zer ba ni/ ji ltar kho lag che zhing rags pa'i lus 'di la mi sems pa bzhin te/ dper na/ ri'i rgyal po ri rab kyi 'phang du dpag tshad brgyad khri bzhi stong yod la| de yang klu'i rgyal po dga' bo dang / nye dga' gnyis kyis sum khris su yongs su dkris te/ klu'i rgyal po de gnyis kyi dbugs phyi nang du rgyu bas rgya mtsho btung bar mi rung bar 'gyur zhing / </font><hr>165a<br><font size=+1>


@#/ /de gnyis kyi dbugs kyis ri rab kyang g.yo bar byed de/ de gnyis ji ltar dug che la spro ba che zhing yangs pa bzhin du nor rgyas kyi bu dang / 'jog po gnyis kyang de dang 'dra'o/ /sman chen/ 'di ji snyam du sems/ de dag gi rnam par shes pa yang gzhan la/ sbrang bu'i yang gzhan no snyam na de ltar lta bar mi bya ste/ sman chen/ 'di ltar rnam par shes pa de nyid sbrang bu'i yang yin la/ de nyid de dag gi yang yin no/ /dper na/ dug bad sa na b+ha dang / ha la ha la'i thigs pa chung ngu yang klu'i rgyal po dga' bo dang / nye dga' la sogs pa de dag gis zos na/ de dag kyang 'chi bar 'gyur ro/ /sman chen/ 'di ji snyam du sems/ dga' bo dang / nye dga' la sogs pa'i dug gang yin pa dang / bad sa na b+ha dang / ha la ha la'i dug gi thigs pa gang yin pa de'i nang na/ ches mang ba gang yin/ gsol pa/ bcom ldan 'das/ dga' bo dang / nye dga' gnyis kyi dug ches mang bar lta bar bgyi ste/ bad sa na b+ha dang / ha la ha la'i dug ni de lta ma lags so/ /bcom ldan 'das kyis bka' stsal pa/ sman chen/ de bzhin du lus chen po glang po che dgu stong gi stobs dang ldan pa de dag gi rnam par shes pa'i khams kyang chung zhing mi gsal la/ gzugs can ma yin pa blta bar bya'o/ /rnam par shes pa de yang las kyi rkyen gyis lus chen po mngon par 'grub par </font><hr>165b<br><font size=+1>


byed de/ dper na/ shing n+ya gro da'i sa bon chung ngu las/ shing gi rgyal po mtho zhing rgya che la/ yal ga dang / yal ga phre'u brgyad stong gis rgyas pa 'grub par 'gyur ro/ /sman chen/ 'di ji snyam du sems/ sa bon de'i tshad ni ji tsam/ shing de'i tshad ni ji tsam/ gsol pa/ bcom ldan 'das/ yungs 'bru'i nang dang / bar snang bzhin te/ khyad che lags so/ /bcom ldan 'das kyis bka' stsal pa/ sman chen/ de bzhin du sa bon de'i nang na yang shing mi snang la/ sa bon med na yang shing skye ba mi dmigs te/ ji ltar sa bon phra mo las shing chen po skye ba de bzhin du rnam par shes pa cha phra ba las gzugs chen po 'grub par 'gyur te/ lus la yang rnam par shes pa mi dmigs la/ rnam par shes pa med na yang lus skye ba mi dmigs so/ /de skad ces bka' stsal pa dang / bcom ldan 'das la sman chen gyis yang 'di skad ces gsol to/ /bcom ldan 'das/ rdo rje'i snying po lta bu'i rnam par shes pa des lus nyam chung ba rnams ji ltar mngon par 'grub par bgyid/ bcom ldan 'das kyis stsal pa/ sman chen/ dper na/ mi dbul po la la zhig gis yid bzhin gyi nor bu rin po che rnyed nas des yid bzhin gyi nor bu rin po che de blangs nas/ lha'i gnas dang / skyed mos tshal dang / skyed tshal dang / zhing dang / ra ba dang / sgo khang dang / shing gel pa dang / 'khri shing sna tshogs kyis 'khor ba dang / khang pa me </font><hr>166a<br><font size=+1>


@#/ /tog gis gtor ba dang / rdzas dang / yo byad dag sprul na/ sman chen/ de dag thams cad ni mi brtan zhing nyam chung la/ myur du 'gyes shing / 'jig pa'i chos can yin te/ yid bzhin gyi nor bu rin po che de mi de'i lag nas stor na/ de'i bde ba'i longs spyod de dag kyang med par 'gyur ro/ /ji ltar yid bzhin gyi nor bu rin po che de rdo rje stong gis kyang mi phyed la de'i yo byad de dag 'jig pa'i rang bzhin can yin pa de bzhin du rnam par shes pa'i khams ni rdo rje'i snying po'i rang bzhin lta bu yin la/ lus gang yin pa de ni snying po med do/ /gsol pa/ bcom ldan 'das/ rnam par shes pa'i khams zhan pa de ji ltar gzugs mkhrang zhing sra ba phye ste 'pho zhing mchi/ bcom ldan 'das kyis bka' stsal pa| sman chen/ dper na/ chu'i rgyun shin tu 'jam po ri'i gseb na 'dug pas ri de nyid brtol te 'byung na/ sman chen/ 'di ji snyam du sems/ de'i nang na ches sra ba gang yin/ gsol pa| bcom ldan 'das/ ri ni rang bzhin gyis mkhrang la rdo rje ltar brtan zhing sra pa lags la/ chab ni rang bzhin gyis 'jam zhing reg na bde ba lags so/ /bcom ldan 'das kyis bka' stsal pa/ de bzhin du rnam par shes pa rang bzhin gyis zhan pas lus chen po dag phye ste 'gro bar 'gyur ro/ /gsol ba/ bcom ldan 'das/ ji ltar sems can gyi ris na sems </font><hr>166b<br><font size=+1>


can shi 'phos te/ lha rnams kyi nang du skye ba len pa lags/ ji ltar sems can dmyal ba rnams su skye ba yongs su len pa lags/ /bcom ldan 'das kyis bka' stsal pa/ sman chen/ de'i phyir nyon cig /sems can de shi 'phos nas/ bsod nams su nye bar 'gro ba'i 'du byed kyis yongs su zin na/ lus yongs su btang nas rnam par shes pa des mi'i lta ba yongs su spangs te/ lha'i lta ba thob par 'gyur ro/ /de lha'i lta ba des 'dod pa na spyod pa drug gi lha rnams mthong ngo / /sems can dmyal ba chen po brgyad kyang mthong ngo / /lus de yang 'dor bar mthong ngo / /lha rdzas kyi lha'i gnas dang / dga' tshal dang / 'dres tshal dang / me tog gi rna rgyan dang / shing ku she sh+ya dang / ko ka na da dang / gzhal med khang dang / tshal stug po dang / lha'i bu mo rtse bas bskor ba yang mthong ngo / /rtag tu me tog rgyas shing rnam par bkra bar byas pa'i lha'i longs spyod sdug gus mdzes par byas pa dang / se mo do dang / gdub zlum dang / gdub leb dang / dpung rgyan spa zhing spras pas brgyan pa de dag kyang des mthong ngo / /lha gzhon nu dang / lha mo khri'i steng na 'dug cing yid rab tu dga' ba yang des mthong ngo / /de dag mthong nas kun du chags pa bskyed do| |de der kun tu chags pas dga' ba thob par 'gyur ro/ /dga' ba thob pas yid rab tu dga' bar 'gyur ro/ /de snying dga' bas de'i tshe lus kyi kha dog rgyas par 'gyur te/ 'di ltar </font><hr>167a<br><font size=+1>


@#/ /bzhin gyi mdog pad+ma lta bur snang bar 'gyur zhing lta ba phyin ci ma log par 'gyur ro/ /sna yang yo par mi 'gyur/ de kha yang gnam par mi 'gyur ro| |de bzhin du de'i mig ut+pa la sngon po'i 'dab ma 'dra bar snang bar 'gyur ro/ /de'i gnad rnams kyang chad par mi 'gyur/ de'i khrag kyang zag par mi 'gyur/ phyi sa yang 'byung bar mi 'gyur/ de spu zing zhes byed par mi 'gyur/ de'i sen mo rnams kyang nag por mi 'gyur/ lag pa yang ser por snang bar mi 'gyur/ rkang lag kyang g.yos par mi byed/ rkang lag 'khums bzhin du 'chi ba'i chos dang ldan par yang mi 'gyur ro/ /sman chen/ de 'chi ba'i dus kyi tshe lha'i ltas 'byung bar 'gyur te/ 'di ltar khang pa brtsegs pa ka ba brgya stong gis brgyan pa mthong ste/ lha'i dril bu g.yer kha'i dra ba sgra snyan pa 'byung ba dang ldan pa dang / lha'i me tog sna tshogs spel ba'i phreng ba shin tu zhim pa dag mthong ngo / /lha gzhon nu rgyan dang / gser gyi mchog dang / se mo do dang / gdu bu dang / dpung rgyan gyis mdzes par byas shing lus brgyan pa dag kyang mthong ngo / /des lha'i gzhon nu dag mthong nas mchog tu dga' ba skye'o/ /de yid dga' bas khog pa la ltas gnyis 'byung bar 'gyur te/ so me tog kun da dang / ku mu da ltar dkar bar snang ngo / /mig ha cang yang </font><hr>167b<br><font size=+1>


mi 'dzum/ ha cang yang mi 'byed do/ /sgra snyan pa dag kyang 'byung ngo / /de'i bzhin yang pad+ma lta bur snang bar 'gyur ro/ /shi ba'i khog pa yang ha cang tsha bar yang mi 'gyur/ ha cang grang bar yang mi 'gyur ro/ /de'i gnyen sdug pa rnams kyang smre sngags chen po 'don par mi byed do/ /de nyi ma 'char ba'i dus kyi tshe 'chi ba'i chos dang ldan par yang 'gyur ro/ /phyogs kyang mun par snang bar mi 'gyur ro/ /de 'chi ba'i dus kyi tshe phyogs shin tu dri zhim zhing shin tu yongs su dag pa tshor bar 'gyur ro/ /de'i mig kyang ser bar mi 'gyur/ de'i lta ba yang phyin ci log tu mi 'gyur/ de bzhin gshegs pa'i sku gzugs mthong na yid ches shing dad pa skye bar 'gyur/ gnyen sdug pa dag mthong na ga zhig nas phyir 'ongs pa'am/ ring mo zhig tu gud na 'dug 'dug pa bzhin du mgul nas 'khyud cing yid rab tu dga' ste/ 'di skad du srid par skyes pa thams cad kyi tshul ni 'di yin gyi/ da nga dang bral ba'i phyir gdung ba ma byed par thong zhig / ces des gnyen de dag yang dag par dbugs 'byin par byed do/ /sman chen/ gal te sems can bsod nams su nye bar 'gro bas 'chi ba'i dus kyi tshe sbyin pa la sred cing yud tsam re re la tshigs bcad dang / tshigs su bcad pa dang / gtam sna tshogs dang / gtan tshigs sna tshogs brjod cing smra la/ de'i tshe gnyid la yang sred par mi 'gyur zhing gnyid kyi dbang du yang mi </font><hr>168a<br><font size=+1>


@#/ /'gro la/ bde ba thams cad dang ldan pas tshe'i 'du byed 'dor bar 'gyur ro/ /de 'chi ba'i dus kyi tshe lha dang lha mo lhan cig tu khri gcig gi steng na 'dug la/ lha mo khri'i steng na 'dug pa de'i lag pa lha'i lag pa'i steng du bzhag cing / de'i lag pa gnyis las me tog dag byung ste/ lha mo des me tog byung ba dag mthong nas/ lha de la 'di skad du| lha gzhon nu skye ba'i dga' ba'i dus la bab kyi/ dgyes par mdzod cig /ces zer ro/ /des kyang me tog rnams lag pas mnye zhing phur bar byed do/ /des me tog de dag mnyes pas sems can de 'chi ba'i chos dang ldan par 'gyur ro/ /de'i rnam par shes pa des kyang / dbang po rnams bor zhing dbang po'i spyod yul rnams btang ste/ khams rnams yongs su btang nas/ khams kyi don yongs su blangs te/ mi gsal zhing gzugs can ma yin la/ rta zhon pa lta bu dang / nyi ma dang / me shel dang / bsreg bya lta bu dang / chu la zla ba'i gzugs brnyan lta bu dang / sbubs kyi nang gi rlung ltar dge ba la dmigs pa bsdus nas byung ste 'pho zhing 'gro'o/ /de yang de'i che me tog la brten nas/ pha ma khri gcig la 'dug cing phrad pas rnam par shes pa me tog de dag gi nang du 'dres par 'gyur ro/ /yang der bdud rtsi 'dod pa zhes bya ba'i rlung ldang ste/ rlung des rnam par shes pa de zhag bdun </font><hr>168b<br><font size=+1>


lon pa dang / lha gzhon nu rna cha gdub kor dri ma med cing 'gul ba dang ldan pa 'grub par 'gyur ro/ /de skad ces bka' stsal nas/ bcom ldan 'das la sman chen gyis 'di skad ces gsol to/ /bcom ldan 'das/ rnam par shes pa gzugs can ma lags pa'i rkyen gyi dbang gis gzugs rnams ji ltar mngon par 'grub par bgyid/ rkyen rnams la yang ji ltar gda' bar 'gyur/ bcom ldan 'das kyis bka' stsal pa/ sman chen/ dper na/ rlung gi khams gzugs med cing bstan du med pa'i rkyen gyi dbang gis lha'i gnas dang / ri dang nags tshal la sogs pa 'jig rten gyi khams rnams 'grub par byed pa de bzhin du rnam par shes pa 'di yang rkyen gyi dbang gis gzugs rnams 'grub par byed do/ /sman chen/ gzhan yang shing 'dzings pa gnyis phan tshun phrad de/ gcig la gcig drud cing gtsubs pa las me 'grub par 'gyur te/ me de yang shing gi nang na mi snang la/ shing med na yang me 'byung bar mi 'gyur te/ me de yang rkyen gyi dbang gis shing las 'grub par 'gyur gyi rkyen med par mi 'byung ngo / /gzugs kyi dbang gis kyang shing gi nang na me mi snang la/ shing ma gtogs pa yang me mi dmigs so/ /sman chen/ de bzhin du rnam par shes pa de yang pha ma'i dbang gis 'jug ste/ rnam par shes pa yang lus kyi nang na mi dmigs la/ lus med par rnam </font><hr>169a<br><font size=+1>


@#/ /par shes pa mi 'byung ngo / /sman chen/ dper na/ me ma byung bar gzugs dang / dro ba dang / kha dog gsal bar mi snang ngo / /sman chen/ de bzhin du lus ma grub par rnam par shes pa dang / tshor ba dang / 'du shes dang / 'du byed rnams mi snang ngo / /sman chen/ dper na/ nyi ma'i dkyil 'khor chen po gsal bar snang zhing / gzi brjid kyis lam mer 'dug kyang byis pa so so'i skye bo rnams kyis nyi ma'i gzugs gnag gam/ ser ram/ dkar ram/ dmar ser du mi mthong ngo / /sman chen/ de bzhin du rnam par shes pa ni lta ba dang / nyan pa dang / snom pa dang / ro myang ba dang / reg pa'i rnam pa dag gis rtogs par 'gyur gyi/ lus la rnam par shes pa gnag pa'am/ dkar ba'am/ gzugs su snang bar mi sa mi mthong ngo / /dper na/ nyi ma tsha ba dang / ser ba dang / 'gro ba dang / phyir yang 'char ba dag gi rtags las snang ba de bzhin du rnam par shes pa yang rtags dag gis blta bar bya'o/ /de skad ces bka' stsal nas bcom ldan 'das la sman chen gyis 'di skad ces gsol to/ /bcom ldan 'das/ rnam par shes pa'i rtags ji ltar blta bar bgyi/ bcom ldan 'das kyis bka' stsal pa/ 'du byed kyi rtags dang / tshor ba'i rtags dang / 'du shes kyi rtags dang / sems pa dang / mya ngan dang / gdung ba dang / yid </font><hr>169b<br><font size=+1>


mi bde ba ni rnam par shes pa'i rtags su blta'o/ /gzhan yang rnam par shes pa'i bag chags 'di ltar dge bar nye bar 'gro ba'i sems dang / mi dge bar nye bar 'gro ba'i sems las blta bar bya'o/ /de skad ces bka' stsal nas/ bcom ldan 'das la sman chen gyis 'di skad ces gsol to/ /bcom ldan 'das/ ji ltar rnam par shes pa lus las byung ste myur du skye ba yongs su len pa lags/ rnam par shes pa lus las byung nas ma skyes shing yongs su ma bzung ba des ji ltar lus gzhan la gnas par bgyid/ rnam par shes pa 'di ni ji ltar blta bar bgyi/ bcom ldan 'das kyi bka' stsal pa/ sman chen/ dper na/ mi la la lag pa ring zhing thur du brkyang la g.yul gyi go cha gyon te/ lha'i rta rlung gi shugs dang 'dra bar mgyogs pa la zhon nas g.yul du 'gro ste/ de g.yul ngo der song nas/ mdung dang / ral gri dang / mda' dag gis snying myos te/ g.yul ngor rta'i mchog de las sa la lhung la/ de yang lus kyis 'phong rtsal yongs su sbyangs pa zhig ste/ myur ba myur bar sa las rta'i rgyab tu 'gong par byed na/ ji ltar mi de lhung nas rta zhon pa dang / 'gong che bas ji ltar rta nye bar gnas pa la rta la 'gong ba na/ rta 'gro bzhin du 'gong pa chen pos 'gong bar byed pa de bzhin du rnam par shes pa la yang blta bar bya'o/ /ji ltar mi pha rol gyi dmag tshogs kyis 'jigs shing skrag </font><hr>170a<br><font size=+1>


@#/ /nas rta zhon te 'bros pa de bzhin du rnam par shes pa 'dis thog ma shi 'phos nas lha'i dmigs pas yongs su zin cing / lha dang lha mo khri steng na 'dug pa mthong nas shin tu myur bar skye ba yongs su len to/ /sman chen/ gzhan yang dang po shi 'phos nas da dung ma skyes pa'i rnam par shes pa'i rnam pa ji ltar blta bar bya zhes gang khyod kyis smras pa de ni/ dper na/ mi'i grib ma chu'i steng du bab pa gzugs su yang snang mod kyi/ de gzugs su gtogs par yang blta bar mi bya'o/ /sman chen/ dper na/ rkang lag mnyam pa dang ldan pa'i gzugs chu'i steng du bab pa de la ni dro ba'am/ grang ba'am/ lus ngal bar 'gyur ba med cing / lus de la ni sha'i dum bu yang med do/ /grib ma de la ni khams kyis blangs pa yang med do/ /mi'i gzugs brnyan chu'i nang du 'byung ba de las ni sdug bsngal ba'i sgra 'am/ bde ba'i sgra 'byung ba yang med do/ /de bzhin du rnam par shes pa dang po shi 'phos nas lus kyi khog pa bor te/ gzugs brnyan gyi rnam pa lta bur 'gyur ro/ /sman chen/ de ltar na rnam par shes pa bsod nams su nye bar 'gro ba ni lha rnams kyi nang du skye ba yongs su len par 'gyur ro/ /de skad ces bka' stsal nas bcom ldan 'das la sman chen gyis 'di skad ces gsol to/ /bcom ldan 'das/ rnam par shes pa sems </font><hr>170b<br><font size=+1>


can dmyal ba rnams su ji ltar skye ba yongs su len pa lags/ bcom ldan 'das kyis bka' stsal pa/ sman chen/ bsod nams ma yin par nye bar 'gro ba'i sems can ji ltar sems can dmyal ba rnams su skye ba yongs su len pa de nyon cig /sman chen/ 'di la sems can las mi dge bas yongs su zin pa de ni/ sems can gyi ris nas 'chi 'pho ste/ shi 'phos pa de 'di snyam du mi de ni nga nyid yin te/ sems can dmyal ba 'di nas shi 'phos so/ /'di gnyis ni bdag gi pha ma yin no snyam du dran pa skye'o/ /shi 'phos pa de'i lus de ni tha mal pa'i gzugs kyi rang bzhin gyi rnam pa dang ldan par 'gyur te/ yan lag skyes rnams kyang de dang 'dra ba nyid du snang ngo / /dang po shi 'phos pa de mya ngan gyis g.yengs nas sems can dmyal ba sna tshogs snang ba mthong ngo / /rnam par shes pa dang po shi 'phos pa de'i las sems can dmyal ba dang 'brel par 'gyur te/ phyogs kha gcig na ni sems can dmyal ba'i sa gzhi khrag gis gtor ba mthong nas de der chags pa bskyed par 'gyur ro/ /de chags par gyur nas sems can dmyal ba pa'i lus 'grub par 'gyur te/ de'i rnam par shes pa des las kyi rkyen gyi dbang gis chu'i rjen shul shin tu rul cing mchog tu dri mi zhim pa mnam pa'i nang du lus skye ba yongs su len te/ dper na/ mi gtsang ba dang / ljan ljin mnam po'i rkyen gyis srin bu </font><hr>171a<br><font size=+1>


@#/ /skye ba dang / dper na/ zho dang / sbrang rtsi dang / chang mnam por gyur pa'i phyir srog chags skye bar 'gyur ro/ /sman chen/ de bzhin du sems can rnams/ sems can dmyal ba 'byung bar 'gyur ro/ /de skad ces bka' stsal nas bzang skyong gis thal mo sbyar te/ bcom ldan 'das la 'di skad ces gsol to/ /bcom ldan 'das/ sems can dmyal ba pa'i sems can rnams kyi kha dog gi rnam pa ji lta bu lags/ lus kyi rnam pa ni ji lta bur 'grub par 'gyur/ bcom ldan 'das kyis bka' stsal pa/ bzang skyong / der khrag gi nang na skye ba gang yin pa de dag ni khrag gi mdog 'dra bar 'byung bar 'gyur ro/ /chu klung rgal du med pa dag gi nang du skye ba gang yin pa de dag ni sprin sngon po'i kha dog ltar 'gyur ro/ /ba tshwa can gyi chu klung gi nang du skye ba gang yin pa de dag ni sha gzi gur 'byung bar 'gyur ro/ /de dag gi lus ni rgyal po'i bu gzhon nu bde dgur rim gro byas pa ltar gzhon sha can du 'gyur ro/ /bzang skyong / de na de dag lus bong che bar 'gyur te/ mgo bo ma gtogs par khru brgyad par 'gyur ro/ /sen mo ring zhing kha spu yod la spun por 'gyur zhing rkang lag mi sdug par 'gyur te/ gal te 'dzam bu'i gling pa'i mi sems can dmyal ba pa'i mi la ltar 'gro na/ mthong ma thag tu </font><hr>171b<br><font size=+1>


'chi ba'i chos dang ldan par 'gyur ro/ /bzang skyong / gzhan yang sems can dmyal ba pa'i sems can rnams kha zas za mod kyi/ de dag la bde bar 'gyur ba cung zad kyang med do// de skad ces bka' stsal nas bcom ldan 'das la sman chen gyis 'di skad ces gsol to/ /bcom ldan 'das/ sems can de dag kha zas ci 'tshal/ bcom ldan 'das kyis bka' stsal pa/ sman chen/ sems can dmyal ba de na de dag yongs su 'khyam la/ shin tu rgyang ring ba nas zangs dang ra gan dmar por snang ba mthong bar 'gyur te/ de dag mthong nas kha zas kyi tshig rjod par byed de/ kha zas 'dod pa khyed tshur shog/ ces zer ro/ /de dag kun nas 'phungs te/ snyim pa bzed nas zangs dang ra gan bskol ba ga la ba der dong ste lhags nas| snyim pa bzed cing zangs dang ra gan bskol ba'i kha zas de dag 'dod pas kha gdangs te/ zangs dang ra gan za bar byed do/ /de dag zangs dang ra gan rab tu 'bar ba des/ su ru rur rab tu 'bar zhing khog pa 'bar bar 'gyur ro/ /sman chen/ de dag kha zas 'dra bas bslus nas sdug bsngal shin tu che ba myong bar 'gyur ro/ /sman chen/ sems can dmyal ba pa'i sems can de dag gi rnam par shes pa de rus pa'i lus dag la gnas par 'gyur zhing / rus pa'i tshogs dang 'bral bar mi 'gyur te/ sems can dmyal ba pa'i sems can de dag rnam </font><hr>172a<br><font size=+1>


@#/ /par shes pa dang mi 'bral ba'i phyir 'chi ba'i dus byed par mi 'gyur ro/ /de dag bru ba tsha bas gzir bzhin du de na kha zas kyi bya ba yang med do/ / de na lha'i skyed mos tshal shing ljon pa brgya phrag mang po me tog shin tu rgyas pa dag dang / gsing ma sngon po yangs pa'i sa phyogs dag kyang yod par mthong ngo / /de dag gis skyed mos tshal de dag mthong nas yid rab tu dga' ste/ 'di skad du grogs po dag/ skyed mos tshal 'di na reg na bde ba'i ser bu ldang ba yod kyi tshur shog /ces zer te de dag 'dus nas/ myur ba myur bar skyed mos tshal de'i nang du 'gro'o/ /de dag de'i nang du song nas yud tsam zhig bde ba'i 'du shes bskyed do/ /de dag gi shing de dag las byung ba'i me tog de dag dang / lo ma de dag ral grir 'gyur te/ ral gri de dag gis yan lag gcod cing gshegs par byed de/ de dag ral gris bcad nas nyams thag pa'i sgra chen po 'byin par byed cing phyogs phyogs su 'byer ro/ /de dag 'byer ba na yang rang gi las las byung ba'i gshin rje'i mi'i lag na sog le dang / tho ba thogs shing so dang bzhin bsgyur la/ skra 'bar zhing lus 'bar ba'i phreng bas g.yogs la/ mtshon cha gzas pa dag phyi bzhin du sgra 'byin cing 'di skad du/ khyed cag sdod cig da gar 'bros/ khyed rang gi las kyis </font><hr>172b<br><font size=+1>


bsgrubs pa'i tshal 'di nyams su myong bar gyis shig/ ces zer te/ sman chen/ de ltar na sems can dmyal ba pa'i sems can rnams skyo ba skye bar 'gyur ro/ /sman chen/ gzhan yang zhag bdun lon nas sems can dmyal ba pa'i sems can rnams kyis las nyams su myong bar 'gyur te/ bung ba me tog la 'pho ba bzhin du dngos po sna tshogs kyi rkyen gyi dbang gis rnam par shes pa sems can dmyal ba rnams su skye ba yongs su len to/ /de yang dang po shi 'phos nas dbang med par khrid de/ sdug bsngal zhing yid mi bde bar gyur nas mun pa mun nag chen por zhugs te/ mi rgod kyis khrid pa bzhin du 'di snyam du sems te/ kye hud/ da ni bdag 'dzam bu'i gling rnam par bkra pa bor te gnyen sdug pa yongs su spangs nas| sems can dmyal ba dag tu mngon du gnas par gyur cing 'dug ci gu/ da ni mtho ris kyi lam mi mthong ngo snyam mo/ /der yang dar gyi srin bu rgyud gcig gis dkris pa bzhin du shin tu myur bar skye ba yongs su len te/ de yang bdag nyid kyi mgul nas zhags pas btags par shes so/ /bzang skyong / de ltar na sems can dmyal bar sems can rnams su skye bar 'gyur zhing / de ltar na de dag la rgyu'i bye brag dag 'byung bar 'gyur ro/ /de nas bzang skyong spu zing zhes byed nas thal mo sbyar te/ bcom ldan 'das la skyabs su song ngo / /rgyal po'i </font><hr>173a<br><font size=+1>


@#/ /bu gzhon nu sman chen gyis kyang 'di skad du dam pa'i chos mnyan ba 'dis na bdag 'khor ba na 'khor ba'i tshe log par ltung ba'i chos can du ma gyur cig /bdag sems can dmyal ba rnams su skye ba yongs su len par ma gyur cig /ces smon lam btab bo/ /de nas bcom ldan 'das la bzang skyong gis 'di skad gsol to| |yang bcom ldan 'das la bdag zhu ba zhu'o/ /bcom ldan 'das kyis bka' stsal pa/ bzang skyong khyod ci dang ci 'dod pa dris shig/ bzang skyong gis gsol pa/ bcom ldan 'das/ bsags pa ni gang lags/ spungs pa ni gang lags/ phung po rnams ni gang lags/ 'pho ba ni gang lags/ bcom ldan 'das kyis bka' stsal pa/ bzang skyong / 'di la khams phrad pa'i phyir/ khams bzhi po dag gis lus 'grub par byed de/ shes rab dang / lta ba dang / yid dang / ma rig pa dang / khams dang / spyod yul dang / rnam par shes pa rnams ni bsags pa zhes bya'o/ /de la sbungs pa ni khams drug po nyid dang / skye mched kyi spyod yul drug dang / khams kyi rang bzhin gsum dang / skye mched len pa'i rgyu gnyis dang / skra dang / kha spu dang / sen mo dang / ba spu dang / pags pa dang / sha dang / rnag dang / mkhris pa dang / bad kan dang / snabs dang / tshil dang / chu ser dang / rkang </font><hr>173b<br><font size=+1>


lag dang / mig dang / yan lag dang / nying lag tshogs la spungs zhes bya'o/ /dper na/ 'bru spungs pa bzhin te/ nas dang / til dang / gro dang / mon sran sde'u mang po la spungs pa zhes bya ba de bzhin du lus kyi yan lag dang / nying lag tu gtogs pa tshogs pa la spungs pa zhes bya'o/ /khams drug po de dag gang zhe na/ de la sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams zhes bya'o/ /skye mched drug gang zhe na/ 'di la mig dang / rna ba dang / sna dang / lce dang / lus dang / yid ces bya'o/ /skye mched kyi spyod yul drug gang zhe na/ 'di la gzugs dang / sgra dang / dri dang / ro dang / reg bya dang / chos kyi skye mched ces bya ba ste/ de dag ni spyod yul drug yin no/ /de la khams kyi rang bzhin gsum gang zhe na/ 'di la 'dod chags dang / zhe sdang dang / gti mug ces bya ba'o/ /de la de dag nyid kyi kun nas ldang ba gsum gang zhe na/ rlung dang / mkhris pa dang| bad kan rnams so/ /de la skye mched len pa'i rgyu gnyis gang zhe na/ 'di la tshul khrims dang / dad pa dang / gtong ba dang / nor dang / brtson 'grus dang / ting nge 'dzin dang / dge ba dang / mi dge ba zhes bya'o/ /de la phung po zhes bya ba'i don gang zhe na/ 'di la tshor ba dang / 'du shes dang / 'du byed rnams dang / rnam par shes pa zhes bya ba ste/ bzhi po 'di dag ni </font><hr>174a<br><font size=+1>


@#/ /gzugs can ma yin pa'i phung po rnams so/ /de la tshor ba ni myong ba'o/ /'du shes ni shes pa'o/ /bde ba dang sdug bsngal ni 'du byed rnams so/ /blta ba dang| nyan pa dang / snom pa dang / ro myang ba dang / reg bya rnams rig pa ni rnam par shes pa ste/ dngos po thams cad kyi khongs su gtogs pas na lus la dbang ba'i dbang phyug dang / len pa dang mthun pa yin no/ /de la 'pho ba zhes bya ba ni tshul khrims shin tu yongs su dag pa dang / lus dang ngag gi las kyi 'bras bu thob pa'i 'chi ba'i dus byed pa gang yin pa de'i tshe rnam par shes pa des phung po rnams yongs su btang nas/ yang srid par mi skye zhing phyir mi ldog pas na shin tu bde bar 'pho zhing 'gro ste/ 'phos pa de'i phyir yang 'pho ba can ma yin pa de lta bu ni de'i 'pho bar 'gyur ba yin no/ /de nas bzang skyong dang / sman chen gyis bcom ldan 'das kyi zhabs la gtugs nas/ bcom ldan 'das la 'di skad ces gsol to/ / bcom ldan 'das thams cad mkhyen pas sems can rnams tshim par bgyid pa gang lags pa'i chos kyi tshogs 'di legs par gsungs so/ /bcom ldan 'das kyis bka' stsal pa/ bzang skyong / de bzhin gshegs pa'i ye shes 'di ni bcos pa ma yin te/ 'di'i rang bzhin ni thams cad mkhyen pa ma yin pas rig pa ma yin no/ /shes rab kyi snang ba </font><hr>174b<br><font size=+1>


'di ni dka' ba spyad pa brgya stong du mas bsgrubs pa ste/ 'di ni ngas ji skad bstan pa de kho na bzhin no/ /chos kyi nyi ma thams cad mkhyen pa nyid snang bar byed pa/ yon tan gyi grags pa rgyas par byed pa/ thams cad mkhyen pa'i ye shes rgya mtsho'i mdzod/ sems can rnams kyi rgyud 'dul bar byed pa/ 'dul ba ston pa 'di yul gang na gnas sam/ de ston par 'gyur ba der ni mi ma yin pa rnams srung bar byed de/ lha dang / lha ma yin dang / lto 'phye chen po rnams phyag bya ba'i phyir 'ong bar 'gyur ro/ /chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher rab tu ston pa gang yin pa de la ni mtshon gyi 'jigs pa byung bar mi 'gyur/ dug gi 'jigs pa byung bar mi 'gyur/ me'i 'jigs pa dang / rgyal po dang / chu dang / chom rkun gyi 'jigs pa 'byung bar mi 'gyur ro/ /dge slong dag/ khyed kyis deng phan chad ma dad pa rnams la bshad par mi bya'o| |klan ka tshol ba rnams la ma yin/ gcer bu pa rnams la ma yin/ gcer bu pa'i nyan thos rnams la ma yin/ gnas gzhan la zhugs pa la bshad par mi bya'o/ /ma dris par yang bshad par mi bya'o/ /de bas na gal te la 'khrul par gyur na/ de bzhin gshegs pa la la 'khrul pa byas par 'gyur ro/ /dge slong ngam/ khyim na gnas pa gang la las 'di </font><hr>175a<br><font size=+1>


@#/ /rtogs pa de ni phyag bya ba'i gnas su 'gyur te/ de bzhin gshegs pa la bya ba bzhin du gus pa bskyed par bya zhing / 'di ni mdzod 'dzin pa yin no| |snyam du bzung bar bya'o/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ chos kyi rnam grangs 'di gzung zhig/ chongs shig /lhogs shig/ shod cig /gzhan dag la yang rgya cher rab tu ston cig /kun dga' bos gsol pa/ bcom ldan 'das/ chos kyi rnam grangs 'di gzung bar 'tshal na| bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir khyod kyis chos kyi rnam grangs 'di rnam par shes pa 'pho ba zhes bya bar gzung zhig /bzang skyong gis zhus pa zhes bya bar yang gzung zhig /brtsam par bya zhing dbyung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde 'di gzhom par bya/ /gang zhig rab tu bag yod par/ /chos 'dul 'di la spyod gyur pa/ /skye ba'i 'khor ba rab spangs nas/ /sdug bsngal mtha' mar 'byin par 'gyur/ /bcom ldan 'das kyis de skad ces bka' stsal nas/ rgyal bu gzhon nu sman chen dang / tshong dpon </font><hr>175b<br><font size=+1>


bzang skyong dang / lha dang / mi dang / lha ma yin dang / nam mkha' lding dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs ba chen po'i chos kyi rnam grangs le'u stong phrag brgya pa las/ tshong dpon bzang skyong gis zhus pa'i le'u zhes bya ste/ sum cu rtsa dgu pa rdzogs so// //rgya gar gyi mkhan po dzi na mi tra dang / su ren+d+ra bo d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa// </font><hr>

</table>