H80

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H80</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H80&coll=lhasa">see text in Tibetan script</a></table>1b<br><font size=+1>


@##/ /rgya gar skad du/ AR+Ya su s+thi ta ma ti de ba put+t+ra pa ri pr-i ts+tshA nA ma ma hA yA na sU tra/ bod skad du/ 'phags pa lha'i bu blo gros rab gnas kyis zhus pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom </font><hr>2a<br><font size=+1>


@##/ /ldan 'das rgyal po'i khab na bya rgod kyi phung po'i ri la/ dge slong drug khri nyis stong gi dge slong gi dge 'dun chen po mngon par shes pa mngon par shes pa dgra bcom pa sha stag dang / 'jam dpal dang / seng ge'i tog la sogs pa byang chub sems dpa' bzhi khri nyis stong la/ byang chub sems dpa' sems dpa' chen po byams pa dang / spyan ras gzigs dbang phyug dang / mthu chen thob dang / spobs pa brtsegs dang / gzungs kyi dbang phyug rgyal po dang / lhun po brtsegs dang / lhun po'i rgyal </font><hr>2b<br><font size=+1>


mtshan dang / rab tu mi sgul dang / don rab sems dang / legs par bsam pa sems dang / sems dpa' ba dang / sems kyi blo gros dang / sems bzang po dang / nor bu brtsegs dang / ri 'joms rgyal po dang / lag na rin po che dang / sems dpa' rin po che dang / lag na rin chen phyag rgya dang / rtag tu lag bteg dang / rtag tu lag brkyang dang / rtag tu brtson dang / sems can sgrol dang / brtson 'grus mos pa dang / ji skad smras pa de bzhin byed pa la gnas pa dang / smon lam 'phags pa dang / lag na sgron ma dang / sems mnyam pa dang / ngan song spong dang / mya ngan gyi mun pa thams cad 'joms pa dang| brtson pa mi gtong dang / nyi ma'i snying po dang / rdo rjes rnam par gnon dang / mtha' yas rnam par gnon dang / </font><hr>3a<br><font size=+1>


@##/ /dpag med rnam par gnon dang / mi g.yo gnas kyis rnam par gnon dang / nam mkha' mdzod dang / blo gros dam pa dang / khyad par blo gros dang / blo gros 'phel dang / 'gro grub dang / sa 'dzin dang / zla 'od dang / zla ba'i tog dang| 'od kyi tog dang / 'od dpal dang / snang ba thob pas rnam par gnon dang / seng ge ltar rnam par gnon pas mngon par bsgrags pa'i sgra dang / spobs pa thogs med dang / spobs pa bzhad pa dang / spobs pa dpa' ba dang / rnam par gnon pa dang / nyi zla'i 'od zer mog mog por byed pa'i 'od dang / dmigs med dang / blo gros dpe med dang / rtag tu bzhad dges dbang po dang / nor bu dang / sgrib pa thams cad rnam par sel ba dang / bud med rnam bsgyur go cha dang / </font><hr>3b<br><font size=+1>


rab tu snang ba dang / rnam par snang byed dang / mes byin dang / tshogs can rab mchog rgyal po dang / byang chub sems dpa' sems dpa' chen po sgra skad zab mo dang / de dag la sogs pa byang chub sems dpa' sems dpa' chen po bzhi khri nyis stong dang thabs gcig tu bzhugs so/ /rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / de dag dang gzhan yang lha'i bu drug khri tsam dang yang thabs gcig go/ lha'i bu blo gros rab gnas dang / lha'i bu mtshams bzang dang / lha'i bu dbang phyug chen po dang / lha'i bu blo gros bzang po dang / de dag la sogs pa thams cad kyang byang chub sems dpa'i theg pa la yang dag par zhugs pa'i lha'i bu bdun khri sum stong dang yang thabs gcig go /lha ma yin gyi dbang po sgra gcan dang / lha ma yin gyi dbang po lhun po dang / de dag la sogs pa thams cad kyang byang chub sems dpa'i theg pa la yang dag par zhugs pa'i lha ma yin gyi dbang po nyi khri dang yang thabs gcig go /klu'i rgyal po ma dros pa dang / klu'i rgyal po zla ba dang / klu'i rgyal po 'jog po dang / de dag la sogs pa thams cad kyang byang chub sems dpa'i theg pa la yang dag par zhugs pa'i klu'i rgyal po drug khri dang yang thabs gcig go /de dag dang / gzhan yang </font><hr>4a<br><font size=+1>


@#/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po 'bum phrag du ma dang / dge slong dang / dge slong ma dang / dge bsnyen dang / dge bsnyen ma dag dang thabs gcig ste/ de nas bcom ldan 'das 'khor 'bum phrag du mas yongs su bskor cing mdun gyis bltas te chos ston to/ /de'i tshe na 'jam dpal gzhon nur gyur pa rang gi gnas khang na 'dug pa/ gcig pu dben par gyur cing / nang du yang dag 'jog la zhugs pa/ nyon mongs pa med pa/ sems med cing sems dang bral ba zhes bya ba'i ting 'dzin la snyoms par zhugs so/ /de nas 'jam dpal gzhon nur gyur pa dran zhing shes bzhin du ting nge 'dzin de las langs so/ /'jam dpal gzhon nur gyur pa langs ma thag tu phyogs bcu'i sangs rgyas kyi zhing dpag tu med pa dag rnam pa drug tu rab tu g.yos so/ /de nas 'jam dpal gzhon nur gyur pa ting nge 'dzin de las langs nas 'du shes kyi rnam par rtog pa yid la byed pa 'di lta bu 'di skyes te/ de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba ni brgya la brgya lam na ste/ 'di lta ste/ dper </font><hr>4b<br><font size=+1>


na| u dum wa ra'i me tog brgya la brgya lam na 'jig rten du 'byung ba de bzhin du gang dag skye ba'i sdug bsngal zad par bya ba'i phyir zhi ba gsal ba/ brtag tu med pa/ rtog ge dang bral ba/ zab pa shes par dka' ba'i chos ston pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang brgya la brgya lam na 'jig rten du 'byung ngo / /sangs rgyas 'byung ba med pa na ni chos mnyan pa yang med do/ /chos mnyan pa med na ni sems can rnams kyi sdug bsngal zad pa yang med pas bdag de bzhin gshegs pa dgra bcom pa yang dag par rdzogs pa'i sangs rgyas kyi spyan sngar song ste/ zhu ba zhus pa ji lta bus sems can rnams kyi dge ba'i rtsa ba yongs su bsgrub par 'gyur ba dang / byang chub sems dpa'i theg pa pa'i gang zag rnams sangs rgyas kyi chos bsam gyis mi khyab pa dag la nem nur med cing the tshom med par 'gyur ba dang / sangs rgyas kyi byang chub yongs su rdzogs par 'gyur ba dang / 'jig rten gyi khams mi mjed 'di'i sems can 'di dag ni 'dod chags che ba/ zhe sdang che ba/ gti mug che ba/ dkar po'i chos dang bral ba/ mi dge ba'i chos dang ldan pa/ glen pa/ blun pa| mi gus pa/ sangs rgyas dang bral ba/ chos dang bral ba/ dge 'dun dang bral ba sha stag yin pas/ ci nas kyang sems can 'di dag gis chos thos nas shes rab kyi mig </font><hr>5a<br><font size=+1>


@#/ /rnam par dag par 'gyur ba de lta bu'i zhu ba zhu'o snyam mo/ /de nas yang 'jam dpal gzhon nur gyur pa 'di snyam du sems te/ bdag gi phyogs bcu'i byang chub sems dpa' gang dag de bzhin gshegs pa la chos nyan par 'gyur ba dang / gang dag zab mo'i bzod pa 'di la lus kyis mngon du byed par 'gyur ba 'bum phrag mang po dag kyang bsdu bar bya'o snyam mo/ /de nas de'i tshe 'jam dpal gzhon nur gyur pa kun du snang ba dri ma med pa bkod pa zhes bya ba'i ting nge 'dzin la snyoms par bzhugs so/ /'jam dpal gzhon nur gyur pa kun du snang ba dri ma med pa bkod pa'i ting nge 'dzin la snyoms par zhugs ma thag tu/ de nas de'i mod la shar phyogs dang / phyogs bcu'i sangs rgyas kyi zhing gang+gA'i klung gi bye ma snyed dag mnyen pa/ 'jam pa/ rnam par dag pa/ 'od gsal ba/ dri ma med pa/ yongs su dag pa'i 'od chen po'i snang ba chen pos khyab par gyur to/ /'od de dang snang ba des/ phyogs bcu'i 'jig rten na/ 'jig rten gyi bar gyi mun pa mun nag dang / ri'i rtse mo dang / shing ljon pa dang / ri dang / khor yug dang / btang bzung dang / btang bzung chen po dang / gangs dang / ri rab dang / lhun po chen po gang dag yod pa de dag thams cad snang ba chen pos gsal bar gyur to/ /de nas phyogs bcu'i 'jig </font><hr>5b<br><font size=+1>


rtan \ RTEN?\ na sangs rgyas bcom ldan 'das gang+gA'i klung gi bye ma snyed gang dag bzhugs te/ 'tsho zhing gzhes pa de dag la rang rang gi bsnyen bkur bdag gis zhus pa/ bcom ldan 'das/ sngon ma thos/ ma mthong ba'i 'od 'di lta bu yid du mchi ba/ 'di ltar 'od gsal ba'i snang ba chen po 'di lta bu 'jig rten du 'byung ba 'di/ bcom ldan 'das/ rgyu ni gang lags/ rkyen ni gang lags/ bcom ldan 'das/ 'od 'dis bdag cag sems dang ba dang / lus sim pa chen po dang ldan zhing / sems can rnams kyi 'dod chags dang / zhe sdang dang / gti mug dag kyang kun du mi 'byung lags na/ bcom ldan 'das/ gang gis 'od 'di lta bu bkye ba 'di su'i mthu lags/ 'di su'i byin gyis rlabs lags/ de skad ces gsol pa dang / sangs rgyas bcom ldan 'das de dag bsnyen bkur ba de dag la cang mi gsung bar gyur to/ /sangs rgyas kyi mthus phyogs bcu'i 'jig rten na lha'i sgra dang / klu'i sgra dang / gnod sbyin gyi sgra dang / lha ma yin gyi sgra dang / nam mkha' lding gi sgra dang / dri za'i sgra dang / mi'am ci'i sgra dang / lto 'phye chen po'i sgra dang / mi'i sgra dang / mi ma yin pa'i sgra dang / bya'i sgra dang| ri dwags kyi sgra gang dag yod pa de dag thams cad kyang mi grag par gyur to/ /rlung gi sgra dang / chu'i phung po'i sgra dang / rgya mtsho chen po'i shugs kyi sgra dang / rol mo'i sgra dang / </font><hr>6a<br><font size=+1>


@#/ /klu'i dbyangs kyi sgra gang dag yod pa de dag thams cad kyang mi grag par gyur te/ 'ga' yang sgra mi 'byin cing thams cad zhi ba dang / rab tu zhi bar gyur to| |yang sangs rgyas bcom ldan 'das de dag la bsnyen bkur ba de dag gis lan gnyis lan gsum du 'di skad ces gsol to/ /skye bo mang po la sman pa dang / skye bo mang po la bde ba dang / lha dang mi rnams kyi skye bo phal po che'i don dang / sman pa dang bde ba'i slad du bcom ldan 'das kyis gang gis 'od 'di lta bu bkye zhing / des sangs rgyas kyi zhing thams cad snang bar gyur pa 'di su'i mthu lags pa bshad du gsol/ de nas phyogs bcu'i sangs rgyas kyi zhing gang+gA'i klung gi bye ma snyed dag gi sangs rgyas bcom ldan 'das de dag thams cad kyis gsung gi sgra dbyangs gcig tu bsdus nas/ gsung gi 'phrin las brjod de/ de bzhin gshegs pa gcig ci lta ba bzhin du gzhan yang de bzhin du gsung zhing / de dag gis gsung gi 'phrin las sgra dbyangs gcig tu bsdus pa de lta bu des bsnyen bkur ba de dag la bka' stsal to/ /sangs rgyas bcom ldan 'das de dag gi gsung brjod pa des/ sangs rgyas kyi zhing thams cad kun du gang bar gyur te/ lha dang mir bcas pa'i sil snyan 'bum phrag mang po dag </font><hr>6b<br><font size=+1>


kyang sgra mngon par 'byin cing / rol mo'i sgra dag kyang ma dkrol bar sgra grag par gyur to/ /rol mo'i sgra de dag las mi rtag pa dang / sdug bsngal ba dang / bdag med pa dang ldan pa'i sgra 'byung zhing / stong pa nyid kyi sgra dang / mtshan ma med pa'i sgra dang / smon pa med pa'i sgra dang / 'dod chags dang bral ba'i sgra dang / rnam par grol ba'i sgra dang / chos kyi dbyings kyi sgra dang / de bzhin nyid kyi sgra dang / yang dag pa'i mtha'i sgra dang / sbyin pa'i sgra dang / tshul khrims kyi sgra dang / bzod pa'i sgra dang / brtson 'grus kyi sgra dang / bsam gtan gyi sgra dang / shes rab kyi sgra dang / nges pa'i sgra dang / phan pa'i dngos po'i sgra dang / byams pa dang / snying rje dang / dga' ba dang / btang snyoms kyi sgra dag dang / de lta bu dang mthun pa'i chos kyi sgo 'bum phrag du ma dag gi sgra byung bar gyur to/ /sgra byung ba de dag gis sems can bye ba khrag khrig 'bum phrag dpag tu med pa/ grangs med pa dag bla na med pa yang dag par rdzogs pa'i byang chub dang / nyan thos nyid dang / rang sangs rgyas nyid dang / brgya byin nyid dang / tshangs pa nyid dang / 'khor los bsgyur ba'i rgyal srid yongs su 'grub pa las phyir mi ldog par gyur to/ /de nas sangs rgyas bcom ldan 'das de dag gis bsnyen bkur ba de dag la 'di skad ces bka' stsal to/ /rigs kyi bu dag/ 'di lta bu'i gtam dris pas khyed la </font><hr>7a<br><font size=+1>


@#/ /ci zhig bya'i thong zhig/ 'od 'di ni ji tsam du bsam gyis mi khyab pa'i dge ba'i rtsa ba dang / ji tsam du bsam gyis mi khyab pa'i sbyin pa'i tshogs dang / tshul khrims dang / bzod pa dang / brtson 'grus dang / bsam gtan dang / shes rab kyi tshogs kyis yongs su sbyang ba byas pa yin te/ 'di ni nyan thos dang / rang sangs rgyas thams cad kyis ma yin no/ /gal te de bzhin gshegs pas 'od 'di'i bsngags pa brjod par gyur na/ lha dang bcas pa'i 'jig rten thams cad 'di la rmongs par 'gyur ro| |'od 'di ni byams pa dang / snying rje dang / dga' ba dang / gtang snyoms thams cad kyis yongs su bsgos pas yongs su tshim par byed pa ste/ 'od 'di'i bsngags pa brjod par gyur na/ bskal pa'am/ bskal pa las lhag par yang bsngags pa brjod pa'i mthar phyin par sla ba ma yin no/ /rigs kyi bu dag/ de lta mod kyi/ 'on kyang legs par nyon la rab tu yid la gzung zhig dang / khyed la bshad par bya'o/ /sangs rgyas bcom ldan 'das de dag la bsnyen bkur ba de dag gis lan gnyis lan gsum du 'di skad ces gsol to/ /skye bo mang po la sman pa dang / skye bo mang po la bde ba dang / byang chub sems dpa' rnams kyi dge ba'i rtsa ba yongs su 'grub par bgyi ba'i slad du/ bcom ldan 'das </font><hr>7b<br><font size=+1>


kyis bshad du gsol/ de skad ces gsol pa dang / sangs rgyas bcom ldan 'das de dag gis rang rang gi bsnyen bkur ba de dag la 'di skad ces bka' stsal to/ /rigs kyi bu dag / 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das bzhugs te/ 'tsho zhing gzhes pa de snyigs ma lnga dang ldan pa'i 'jig rten gnas par 'dod chags dang / zhe sdang dang / gti mug gis gzir ba'i sems can mi gus pa/ dbang po rtul ba/ ngo tsha shes pa dang / khrel yod pa dang bral ba/ nyon mongs pa can gyi las la spyod pa de lta bu'i sems can rnams kyi sangs rgyas kyi zhing du bla na med pa yang dag par rdzogs pa'i byang chub mngon par rdzogs par sangs rgyas te chos ston to/ /rigs kyi bu dag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i sangs rgyas kyi zhing 'jig rten gyi khams mi mjed de na/ byang chub sems dpa' 'jam dpal gzhon nur gyur pa zhes bya ba mthu che ba/ shes rab che ba/ brtson 'grus che ba/ byang chub sems dpa' rnams yang </font><hr>8a<br><font size=+1>


@#/ /dag par ston par byed pa/ byang chub sems dpa' rnams yang dag par 'dzin du bcug pa/ byang chub sems dpa' rnams yang dag par gzengs bstod pa/ byang chub sems dpa' rnams yang dag par rab tu dga' bar byed pa/ byang chub sems dpa' rnams kyi pha'i go 'byed pa/ byang chub sems dpa' rnams kyi ma'i go 'byed pa/ chos thams cad kyi gzhi rab tu 'byed pa'i shes pa la mkhas pa/ chags pa med pa'i shes rab kyi pha rol tu phyin pa thob pa/ thogs pa med pa'i spobs pa dang ldan pa/ gzungs thob pa/ byang chub sems dpa'i yon tan bsam gyis mi khyab pa dang ldan pa zhig 'dug pa de/ 'di lta ste/ sems can rnams kyi dge ba'i rtsa ba yongs su 'grub par bya ba dang / byang chub sems dpa'i theg pa pa'i gang zag rnams kyi chos bsam gyis mi khyab pa yongs su rdzogs par bya ba'i phyir/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la chos kyi zhu ba zhu bar 'gyur te/ rigs kyi bu dag/ byang chub sems dpa' 'jam dpal gzhon nur gyur pa des/ byang chub sems dpa' gang dag chos bstan pa de nyan cing 'du bar 'gyur ba'i byang chub sems dpa' dpag tu med pa dag phyogs bcu nas bsdu ba'i phyir/ 'od 'di bkye ste/ rigs kyi bu dag/ snang ba chen po 'jig rten du </font><hr>8b<br><font size=+1>


byung ba 'di'i rgyu ni de yin/ rkyen ni de yin no/ /de skad ces bka' stsal pa dang / sangs rgyas bcom ldan 'das de dag la bsnyen bkur ba de dag gis 'di skad ces gsol to/ /bcom ldan 'das/ byang chub sems dpa' 'jam dpal gzhon nur gyur pa de ting nge 'dzin gang la gnas nas 'od 'di lta bu 'gyed lags/ bka' stsal pa/ ting nge 'dzin kun du snang ba dri med bkod pa ste/ byang chub sems dpa' 'jam dpal gzhon nur gyur pa de ting nge 'dzin de la gnas nas 'od 'di lta bu 'gyed do/ /gsol pa/ bcom ldan 'das/ sangs rgyas bcom ldan 'das rnams ni 'di ltar gsal ba/ 'di ltar rnam par dag pa/ 'di ltar lus dang sems dga' ba dang / mchog tu dga' bar bgyid pa'i 'od 'di lta bu 'gyed par mi mdzad lags so/ /bka' stsal pa/ rigs kyi bu dag/ byang chub sems dpa' bsdu ba dang / byang chub sems dpa' bskul ba'i chos kyi rnam grangs rtag tu rgyun mi 'chad pa'i phyir ro/ /de nas phyogs bcu'i sangs rgyas kyi zhing dpag tu med grangs med bsam gyis mi khyab pa gang+gA'i klung gi bye ma snyed dag na/ sangs rgyas kyi zhing re re nas kyang byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa dag /sangs rgyas bcom ldan 'das de dag ga la ba der song ste/ lhags nas sangs rgyas bcom ldan 'das </font><hr>9a<br><font size=+1>


@#/ /de dag gi zhabs la mgo bos phyag 'tshal te/ sangs rgyas bcom ldan 'das de dag la 'di skad ces gsol to/ /bcom ldan 'das/ sngon ma mthong / ma thos pa yon tan du ma dang ldan pa'i 'od 'di lta bu dang / snang ba 'di lta bu dang / 'bar ba 'di dag ga las mchis/ su'i 'od lags/ de skad ces gsol pa dang / sangs rgyas bcom ldan 'das de dag gis byang chub sems dpa' de dag la 'di skad ces bka' stsal to/ /rigs kyi bu dag/ 'jig rten gyi khams mi mjed ces bya ba yod de/ de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te/ 'tsho zhing gzhes la chos kyang ston to/ /de na byang chub sems dpa' 'jam dpal gzhon nur gyur pa zhes bya ba zhig 'dug pa des 'di lta ste/ phyogs bcu'i byang chub sems dpa' rnams bsdu ba'i phyir 'od 'bar ba 'di lta bu 'di bkye'o/ /de skad ces bka' stsal pa dang / sangs rgyas bcom ldan 'das de dag la byang chub sems dpa' de dag gis 'di skad ces gsol to/ /bcom ldan 'das/ bdag cag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / zhu ba dang </font><hr>9b<br><font size=+1>


zhu blag bgyi ba dang / byang chub sems dpa' 'jam dpal gzhon nur gyur pa de dang / de las gzhan pa'i byang chub sems dpa' dag kyang blta ba'i slad du 'jig rten gyi khams mi mjed der mchi'o/ /bka' stsal pa/ rigs kyi bu dag/ de'i dus la bab par shes na dengs shig/ de nas de'i mod la phyogs bcu'i byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa dag skad cig thang cig yud tsam de nyid la/ 'di lta ste/ dper na/ mi stobs po che'i lag pa bskum pa las brkyang ba'am/ brkyang pa las bskum pa tsam la rang rang gi sangs rgyas kyi zhing dag nas mi snang bar gyur nas 'jig rten gyi khams mi mjed 'dir lhags par gyur to/ /de nas byang chub sems dpa' la la dag ni me tog gi char dag mngon par rab tu 'bebs shing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der lhags so| |la la dag ni phye ma dang / byug pa dang / me tog phreng dang / spos kyi char dag dang / me tog ut+pa la dang / pad+ma dang / ku mu ta dang / pad+ma dkar po dang / tsam pa ka dang / a ti mug ta ka dang / skya snar dang / d+ha nu ska ri dang / sna ma'i me tog dang / bA ra shi ka dang / bA ra shi ka chen po dang / mnad ra ba dang / mnad ra ba chen po dang / pa ru sha ka dang / pa ru sha ka chen </font><hr>10a<br><font size=+1>


@#/ /po dang / zla mdog dang / zla mdog chen po dang / zla mdog rab mdzes la sogs pa me tog gi rigs rnam pa sna tshogs kyi char dag dang / spos kyi char dag dang / phreng ba'i char dag dang / phye ma'i char dag mngon par rab tu 'bebs shing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der lhags so/ /byang chub sems dpa' la la dag ni sil snyan 'bum phrag du ma dag rab tu gsil zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der lhags so/ /byang chub sems dpa' la la dag ni de bzhin gshegs pa la bstod pa'i sgra dbyangs re res kyang stong gsum gyi stong chen po'i 'jig rten gyi khams rnams su sgra skad kyis go bar 'byed cing lhags te/ de lta bu'i bkod pa rnam pa sna tshogs dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der lhags so/ /byang chub sems dpa' de dag 'jig rten gyi khams mi mjed 'dir lhags ma thag tu de nas de'i mod la 'di lta ste/ byang chub sems dpa' de dag gis mthus stong gsum gyi stong chen po'i 'jig rten gyi khams 'di na sems can dmyal ba dang / </font><hr>10b<br><font size=+1>


dud 'gro'i skye gnas dang / gshin rje'i 'jig rten gyi sems can gang ji snyed yod pa de dag thams cad nye bar zhi bar gyur to/ /sems can gang la yang 'dod chags kyis gnod pa med/ zhe sdang gis ma yin/ gti mug gis ma yin/ nga rgyal gyis ma yin/ phrag dog gis ma yin/ ser snas ma yin/ 'chab pas ma yin/ khro bas ma yin/ yongs su gdungs pas ma yin te/ sems can thams cad byams pa'i sems dang / mchog tu dga' ba'i sems dang ldan par gyur to/ /de nas byang chub sems dpa' dkrigs phrag bye ba khrag khrig 'bum phrag dpag tu med grangs med bsam gyis mi khyab pa de dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ste lhags nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs la mgo bos phyag 'tshal te/ bcom ldan 'das la lan gsum bskor ba byas nas steng gi bar snang la lus mi snang bar byas te/ lus thams cad rnam par 'jig pa zhes bya ba'i ting nge 'dzin la snyoms par zhugs nas/ rang rang gi smon lam las byung ba'i pad+ma kha dog sna tshogs 'dab ma 'bum phrag du ma dang ldan pa'i pad+ma'i snying po dag la skyil mo krung bcas te 'dug par gyur to/ /de nas gnas </font><hr>11a<br><font size=+1>


@#/ /brtan 'od srung chen pos chos kyi cho 'phrul chen po ngo mtshar rmad du byung ba de dang / me tog gi char dang / spos kyi char dang / phye ma'i char de dag dang / sil snyan 'bum phrag mang po sgra 'byin pa de dag dang / snang ba chen po de yang mthong / gling chen po bzhi pa'i 'jig rten gyi khams 'di me tog dag gis pus mo nub tsam du khebs par gyur pa yang mthong / 'khor phal po che lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa dang / dge slong dang / dge slong ma dang / dge bsnyen dang / dge bsnyen ma de dag thams cad kyi lus gser gyi kha dog lta bur snang ba dag kyang mthong ngo / /de nas gnas brtan 'od srung chen po stan las langs te/ chos gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la tshigs su bcad pa 'di dag gis mngon par bstod do/ /rab dga' bde ba stsol ba shin tu dri ma med pa'i zhal/ /mi yi dam pa stobs bcu yon tan brgya dag nges bsags pa/ /bsam yas gzhal du ma mchis yid gnyis mun pa sel ba po/ /sa bla lha yul rnam par rgyu ba khyod dang mtshungs ma mchis/ /bskal pa khrag </font><hr>11b<br><font size=+1>


khrig brgyar sbyin dang dul ba legs par spyad/ /bde gshegs khyod kyi tshul khrims mtshungs pa ma mchis gnas ma mchis/ /bzod stobs shin tu stobs dang ldan pa stobs bcu'i stobs ldan pa/ /yon tan mnga' ba 'dzum mdzad bdag gi the tshom bsal du gsol/ /sems can sdug bsngal gzigs nas bskal pa brgya dag rnam spyad kyang / /skyo zhing spong ba mi mnga' dgyes pa gzhal du ma mchis brnyes/ /sras dang sras mo btsun mo rgyal srid spyan dang sna tshogs btang / /sbyin dgyes thams cad gtong ba bdag gi the tshom bsal du gsol// khyod kyis sngon chad chibs dang glang po shing rta dpung chung stsal/ /gtong la dgyes pas dbu dang na bza' khrag khrig brgya yang btang / /thub pas zhal zas gtsang nan de bzhin pho brang dkor yang stsal/ /sbyin dang gtong la rtag tu dgyes pa bde gshegs khyed la zhu/ /stong pa'i chos rnams nges par bsten zhing thugs la legs dgongs pas/ /rdul bral sku lus gtubs kyang sdug bsngal 'khrugs pa mi mnga' zhing / /gsungs zhes zhus na bzod pa gsung ba'i stobs la brtson pa yi/ /yon tan mnga' ba rdul dang bral ba khyod la zhu bar 'tshal/ / 'dod chags zhe sdang dag gis rab dkrugs rmongs shing kun dkris la/ /bdag tu 'du shes brtson pa'i sems can sdug bsngal gzigs nas ni/ /thugs rje bskyed nas bskal pa brgya </font><hr>12a<br><font size=+1>


@#/ /dag srid pa 'dir spyad pa/ /dpa' bo lam rab ston par mdzad pa bdag gi skyabs gyur cig/ bde gshegs legs pa mdzad pa khyod ni 'gro la thogs mi mnga'/ /spyad pa legs par spyad pas rdzu 'phrul zhabs dang ye shes brnyes/ /bdag dang sems can rnam par bshig cing stong pa'i chos la brtson/ /shin tu dri ma ma mchis bsam bsgom bdag gi the tshom khum/ /khyod kyis sngon ni sbyin dang tshul khrims bzod pa brtson 'grus dang / /bsam gtan shes rab snying rje byams pa mtshungs pa ma mchis bsten/ /khyod kyis yon tan bsam gyis mi khyab chu 'dzin rgya mtsho bzhin/ /'byung gnas bzang po shin tu gnas pa bdag gi skyabs gyur cig /rdul bral khyod kyi sku lus dum bu dum bur bcad cing ni| |srang la bcal ba mdzad cing dam dum lhag grol ma lus par/ /sku kun ril gyis btang ste phug ron phrug gu gcig ma btang / /rdul bral 'od mdzad thugs rje mnga' ba the tshom gcad du gsol/ /lha tshogs gnas pa'i ri bo g.yos shing dgung ni rdib gyur la/ /lha ma yin gyi tshogs kyi gnas mal rgya mtsho bas gyur cig /mkha' la gnas shing rgyu ba'i dgung zla dog sar lhung gyur kyang / /rgyal ba grags pa mdzad pa khyod ni log pa'i tshig mi gsung / /de nas gnas brtan 'od srung chen pos bcom ldan 'das la tshigs su bcad pa de dag gis </font><hr>12b<br><font size=+1>


mngon par bstod nas/ bcom ldan 'das la 'di skad ces gsol to/ /bcom ldan 'das/ snang ba chen po 'jig rten du byung zhing ngo mtshar rmad du byung ba'i mtshan ma rgya chen po 'di lta bu gda' ba 'di'i rgyu ni gang lags/ rkyen ni gang lags/ de skad ces gsol pa dang / bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung / 'di lta bu'i gtam dris pas khyod la ci zhig bya'i thong zhig /'di ni nyan thos dang rang sangs rgyas thams cad kyi sa ma yin no/ /gal te de bzhin gshegs pas gnas 'di bstan par gyur na lha dang bcas pa'i 'jig rten 'di la rmongs shing bslad par 'gyur ro/ /gsol pa/ bcom ldan 'das/ de bzhin gshegs pas skye bo mang po la sman pa dang / skye bo mang po la bde ba'i slad du bshad du gsol/ de skad ces gsol pa dang / bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung / de'i phyir legs par rab tu nyon la yid la gzung zhig dang / bshad par bya'o/ / gnas brtan 'od srung chen pos bcom ldan 'das la legs so zhes bcom ldan 'das kyis ltar mnyan pa dang / bcom ldan 'das kyis 'di skad ces bka' stsal to/ /'od srung / 'di na 'jam dpal gzhon nur gyur pa kun du snang pa dri med bkod pa zhes bya ba'i ting nge 'dzin la snyoms par zhugs te/ de'i mthus phyogs bcu'i sangs rgyas kyi zhing gang+gA'i klung bye ba'i bye ma snyed dag </font><hr>13a<br><font size=+1>


@#/ /'od kyis snang bar byas nas/ 'od des phyogs bcu'i byang chub sems dpa' dkrigs phrag bye ba khrag khrig 'bum phrag dpag tu med grangs med/ bsam gyis mi khyab pa yang dag par bskul te/ 'jig rten gyi khams mi mjed 'dir lhags nas/ de dag gis da gzod nga'i rkang pa la mgo bos phyag byas te/ nga la lan gsum bskor ba byas nas/ steng gi bar snang la ta la srid tsam na pad+ma dgal 'khod do/ /de nas bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das/ byang chub sems dpa' de dag gi mthus| me tog gi char 'di lta bu 'di dag rab tu bab cing spos kyi char dag dang / phye ma'i char 'di dag kyang rab tu bab la/ sil snyan 'bum phrag mang po dag kyang ma dkrol bar sgra 'byin lags sam| bcom ldan 'das kyis bka' stsal pa/ 'od srung / de de bzhin te/ byang chub sems dpa' de dag gi mthus me tog gi char 'di lta bu 'di dag rab tu bab cing spos kyi char dag dang| phye ma'i char 'di dag kyang rab tu bab la/ sil snyan 'bum phrag mang po dag kyang ma dkrol bar sgra 'byin no/ /gsol pa/ bcom ldan 'das/ 'di na byang chub sems dpa' 'ga' yang mi gda'o/ /bcom ldan 'das kyis bka' stsal pa/ 'od srung / de dag ni nyan thos rnams dang / rang sangs rgyas dag gis blta bar mi nus so/ /de ci'i phyir zhe na/ </font><hr>13b<br><font size=+1>


'od srung / 'di ltar nyan thos dang / rang sangs rgyas rnams ni byang chub sems dpa' rnams snying rje chen po gang dang / byams pa chen po gang dang / phan par 'dod pa gang dang / spyod pa gang la gnas pa dang / byang chub sems dpa' rnams sbyin pa dang / tshul khrims dang / bzod pa dang / brtson 'grus dang / bsam gtan dang / shes rab gang la gnas pa de la mi gnas shing byang chub sems dpa' gang la spyod pa'i lhag pa'i bsam pa de la yang mi spyod pa'i phyir ro/ /'od srung / byang chub sems dpa' de dag ni lus thams cad rnam par 'jig pa zhes bya ba'i ting nge 'dzin la snyoms par zhugs pas de dag ni nyan thos rnams dang / rang sangs rgyas dag gis blta bar mi nus te/ de bzhin gshegs pa rnams kyis gzigs pa kho nar zad do| |'od srung / rigs kyi bu de dag ni 'di ltar sa la gnas pa'i byang chub sems dpa' rnams dang / theg pa la gsar du zhugs pa'i byang chub sems dpa' rnams kyis kyang re zhig mi mthong na/ nyan thos dang / rang sangs rgyas rnams kyis mthong bar 'gyur ba lta ci smos te/ de ni gnas med do/ /de skad ces bka' stsal pa dang / bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das/ byang chub sems dpa' chos du dag dang / spyod pa ci 'dra ba dang / dge ba'i rtsa ba ji lta bu dag dang ldan na byang chub </font><hr>14a<br><font size=+1>


@#/ /sems dpa'i ting nge 'dzin lus thams cad rnam par 'jig pa thob par 'gyur lags/ bcom ldan 'das kyis bka' stsal pa/ 'od srung / byang chub sems dpa' chos bcu dang ldan na/ byang chub sems dpa'i ting nge 'dzin lus thams cad rnam par 'jig pa thob par 'gyur te/ bcu gang zhe na/ lhag pa'i bsam pa la yang dag par 'jug pa dang / sems can thams cad yongs su mi gtong ba dang / snying rje chen po yongs su rdzogs par byed pa dang / mtshan ma thams cad rnam par 'jig pa dang / sangs rgyas kyi chos thams cad la lhag par dmigs shing de la rlom sems med pa dang / nyan thos dang rang sangs rgyas kyi sa la lhag par dmigs pa med cing de las ye shes yongs su tshol ba dang / lus dang srog kyang yongs su gtong na dngos po gzhan dag lta ci smos te/ bdog pa thams cad yongs su gtong ba dang / tshogs dpag tu med pa yongs su 'dzin cing / tshogs des rlom sems med pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dpag tu med pa yongs su rdzogs par byed cing pha rol tu phyin pa de dag la rtog pa med pa dang / bdag gis sems can thams cad sangs rgyas kyis chos rnams la bkod nas/ phyis byang chub kyi shing drung du 'gro bar </font><hr>14b<br><font size=+1>


bya'o snyam yang sems can rnams dang byang chub mi dmigs pa ste/ 'od srung / byang chub sems dpa' chos bcu po de dag dang ldan na/ byang chub sems dpa'i ting nge 'dzin lus thams cad rnam par 'jig pa thob par 'gyur ro/ /de skad ces bka' stsal pa dang / bcom ldan 'das la gnas brtan 'od srung chen pos 'di skad ces gsol to/ /bcom ldan 'das/ ji tsam du bcom ldan 'das de bzhin gshegs pa nyan thos kyi theg pa dang / rang sangs rgyas kyi theg pa pas nam yang sems 'ga' yang ma bskyed pa'i legs par gsungs pa gsung ba ni/ bcom ldan 'das/ ngo mtshar lags te/ bdag gis sems can thams cad dgra bcom pa nyid kyi chos rnams la yang dgod par bgyi na/ sangs rgyas kyi chos rnams la lta smos kyang ci 'tshal lags/ bcom ldan 'das kyis bka' stsal pa/ 'od srung / de lta bas na nyan thos dang / rang sangs rgyas rnams kyi ni lus thams cad rnam par 'jig pa'i ting nge 'dzin la snyoms par 'jug par mi nus te| ting nge 'dzin de'i ming yang mi shes na snyoms par 'jug par 'gyur ba lta ci smos te de ni gnas med do/ /de skad ces bka' stsal pa dang / bcom ldan 'das la gnas brtan 'od srung chen pos 'di skad ces gsol to/ /bcom ldan 'das/ bdag gis byang chub sems dpa' de dag blta bar bgyi'o/ /de ci'i slad du zhe na/ bcom ldan 'das/ skyes bu dam pa de </font><hr>15a<br><font size=+1>


@#/ /lta bu de dag mthong bar dka' ba'i slad du'o/ /bcom ldan 'das kyis bka' stsal pa/ 'od srung / 'jam dpal gzhon nur gyur pa 'ongs kyi bar du khyod re zhig sdod cig dang / de nas byang chub sems dpa' de dag ting nge 'dzin de las ldang zhing de'i 'og tu mthong bar 'gyur ro/ /'od srung / de lta mod kyi khyod nyid ting nge 'dzin rnams kyi gnas thob pa yin gyi/ byang chub sems dpa' de dag spyod lam ji lta bus gnas par rtogs shig /de nas gnas brtan 'od srung chen pos bcom ldan 'das kyi ltar mnyan nas/ byang chub sems dpa' de dag spyod lam ji lta bus gnas pa blta ba'i phyir de'i tshe sangs rgyas kyi mthu dang / rang gi stobs bskyed pas ting nge 'dzin nyi khri la snyoms par zhugs shing rnam par langs kyang de dag ma mthong ste/ byang chub sems dpa' de dag gi 'ong ba dang 'gro ba yang ma shes/ de dag gi gnas dang rab tu gnas pa yang ma shes/ ci byed pa dang / ci ston pa dag kyang thams cad kyis thams cad du ma shes/ ma mthong ngo / /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das/ 'di ltar bdag ting nge 'dzin nyi khri la snyoms par zhugs kyang byang chub sems dpa' de dag ma mthong ba ni/ bcom ldan 'das/ ngo mtshar lags so/ /bde bar gshegs pa/ shin tu ngo mtshar </font><hr>15b<br><font size=+1>


lags so/ /bcom ldan 'das/ byang chub sems dpa' de dag da dung thams cad mkhyen pa nyid ma thob par de ltar zhi ba'i ting nge 'dzin bsgrubs pas kyang de lta lags na/ byang chub sems dpa' gang dag thams cad mkhyen pa'i ye shes thob pa dag lta smos kyang ci 'tshal te/ bcom ldan 'das/ rigs kyi bu dang / rigs kyi bu mo su zhig bla na med pa yang dag par rdzogs pa'i byang chub tu sems bskyed par mi bgyid/ bcom ldan 'das/ gal te byang chub sems dpa' lus thams cad rnam par 'jig pa'i ting nge 'dzin 'di nyid kyi slad du go cha 'tshal bar bgyid pa de ni| go cha legs par 'tshal ba lags pas ting nge 'dzin 'di ni slad kyis kyang yongs su gtang bar mi bgyi'o/ /bcom ldan 'das kyis bka' stsal pa/ 'od srung / de bzhin no/ /ji skad smras pa de bzhin te/ 'di ni nyan thos dang rang sangs rgyas thams cad kyi sa yang ma yin na/ sems can gzhan dag gi lta smos kyang ci dgos/ de nas gnas brtan shA ri'i bu 'di snyam du sems te/ bdag ni de bzhin gshegs pas shes rab can rnams kyi mchog tu bstan pa yin gyi/ byang chub sems dpa' de dag spyod lam ci lta bus gnas pa bdag gis brtag par bya'o snyam mo/ /de nas gnas brtan shA ri'i bu byang chub sems dpa' de dag blta ba'i phyir/ ting nge 'dzin sum khri la snyoms par zhugs shing / rnam par langs kyang de dag gi </font><hr>16a<br><font size=+1>


@#/ /mtshan ma yang shes par ma nus so/ /de nas gnas brtan rab 'byor 'di snyam du sems te/ bdag gis byang chub sems dpa' 'di dag blta bar bya'o snyam mo/ /de nas gnas brtan rab 'byor byang chub sems dpa' de dag blta ba'i phyir sangs rgyas kyi mthu dang / rang gi stobs bskyed pas/ ting nge 'dzin bzhi khri la snyoms par zhugs shing rnam par langs kyang de dag gi 'ong ba dang / 'gro ba yang ma shes/ 'greng ba yang ma mthong / 'chag pa yang ma mthong / 'dug pa yang ma mthong / nyal ba yang ma mthong ste/ de dag blta bar ma nus so/ /de nas gnas brtan rab 'byor gyis bcom ldan 'das kyi zhabs gnyis la gtugs nas/ bcom ldan 'das la 'di skad ces gsol to/ /bcom ldan 'das/ bdag ni de bzhin gshegs pas nyon mongs pa ma mchis par gnas pa rnams kyis mchog tu bstan te/ bdag zhi ba'i ting nge 'dzin rnams thob pa lags pas/ bcom ldan 'das/ bdag gal te gling chen po bzhi pa'i 'jig rten gyi khams 'di rnga bo che'i sbubs gcig tu gyur cing / gling chen po bzhi pa'i 'jig rten gyi khams gcig shos kyang rnga bo che'i sbubs gcig tu gyur la/ der mi la la zhig skyes nas der ri rab tsam gyi rnga shing thogs te/ bdag ting nge 'dzin la snyoms par zhugs ma thag tu mdun du mchis nas/ sug las gzhan mi bgyid par bskal pa'i bar du rgyun mi 'chad </font><hr>16b<br><font size=+1>


par rnga bo che de gnyis brdungs par gyur kyang / bcom ldan 'das/ bdag nyon mongs pa ma mchis par gnas pa'i slad du de ltar bsgrubs te zhi ba'i ting nge 'dzin rnams thob pa la re zhig bskal pa 'das par gnas pa'i rnga bo che de gnyis kyi sgra de dag bdag gi rna ba'i rnam par rig pa tsam du yang grags par mi 'gyur na/ des ting nge 'dzin de las bslangs pa lta smos kyang ci 'tshal te/ de ni gnas ma mchis lags na/ bcom ldan 'das nyon mongs pa ma mchis par gnas pa de lta bu dang ldan zhing ye shes de lta bu dang ldan pas/ byang chub sems dpa' de dag blta ba'i slad du ting nge 'dzin bzhi khri la snyoms par zhugs shing rnam par langs kyang de dag ma mthong ste/ de dag gi gnas kyang mi 'tshal lags so/ /bcom ldan 'das/ gal te byang chub sems dpa' rnams kyi ye shes de lta bu yongs su tshol ba na/ sems can re re'i slad du bskal pa gang+gA'i klung gi bye ma snyed du sems can dmyal ba chen por bsreg par gyur kyang spro bar bgyi zhing / bcom ldan 'das /byang chub sems dpa' rnams kyi ye shes bsam gyis mi khyab pa de lta bu yongs su gtang bar mi bgyi'o/ /bcom ldan 'das/ gal te bdag len pa ma mchis par zag pa rnams las sems rnam par grol bar ma gyur na ni/ bdag slad ma'i mtha'i mur thug par 'khor bar spyod cing / de lta bu'i theg pa chen po yang yongs su spong bar mi bgyid do/ /de nas bcom ldan 'das </font><hr>17a<br><font size=+1>


@#/ /kyis gnas brtan rab 'byor la legs so zhes bya ba byin te/ rab 'byor khyod kyis lhag pa'i bsam pa de lta bus tshig de skad smras pa legs so/ /legs so| |rab 'byor/ khyod gal te phung po 'di dag nyid kyis yongs su mya ngan las 'da' bar ma gyur du zin na/ khyod dge ba'i rtsa ba 'dis/ 'khor los bsgyur ba'i rgyal srid gang+gA'i klung gi bye ma snyed byed du 'jug cing / bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro/ /rab 'byor/ stong gsum gyi stong chen po'i 'jig rten gyi khams kyi sems can ji snyed pa de dag mang ba yin nam/ gsol pa/ bcom ldan 'das/ mang lags so/ /bde bar gshegs pa/ mang lags so/ /bka' stsal pa/ rab 'byor/ nan gyis dper byas te/ gal te sems can de dag thams cad dge slong rab 'byor dang / shA ri'i bu dang / 'od srung chen po ci 'dra ba de lta bu'i shes pa dang ldan par gyur la| rab 'byor/ nyan thos chen po de lta bu de dag gis byang chub sems dpa' de dag blta ba'i phyir/ bskal pa bye ba khrag khrig 'bum phrag du mar brtags kyang mthong bar mi nus so/ /de ci'i phyir zhe na/ rab 'byor/ nyan thos dang / rang sangs rgyas rnams ni byang chub sems dpa' rnams chos gang dag la spyod pa de dag la mi spyod pa'i phyir te/ </font><hr>17b<br><font size=+1>


rab 'byor/ de ni nyan thos dang / rang sangs rgyas thams cad kyi gnas ma yin no/ /bstan pa 'di bshad pa na/ lha dang mi'i skye dgu rnams las srog chags brgyad khri bzhi stong bla na med pa yang dag par rdzogs pa'i byang chub tu sems skyes so/ /de nas 'jam dpal gzhon nur gyur pa gnas 'di nyid na 'dug pa 'di snyam du sems te/ byang chub sems dpa' bye ba khrag khrig 'bum phrag mang po 'di dag 'dus kyi/ bdag gis lha 'bum phrag mang po dag kyang bsdu bar bya'o snyam mo/ /de nas 'jam dpal gzhon nur gyur pas de'i tshe/ ji lta bu'i rdzu 'phrul mngon par 'du bya ba mngon par 'du byas na 'di lta bur 'gyur ba'i rdzu 'phrul mngon par 'du bya ba 'dus byas pas/ pad+ma shing rta'i 'phang lo tsam/ 'dab ma ni gser/ sdong bu ni dngul/ snying po ni rin po che dpal gyi snying po/ ze ba ni be DUR+Ya las byas pa bye ba khrag khrig 'bum phrag brgyad cu rtsa bzhi mngon par sprul cing / pad+ma de dag la byang chub sems dpa'i lus gser gyi kha dog lta bu/ skyes bu chen po'i mtshan sum cu rtsa gnyis dang ldan pa/ dpal dang ldan pa/ kha dog dang ldan pa/ gzi brjid dang ldan pa/ 'od gsal ba dag pa pad+ma'i snying po dag gi dbus na skyil mo krung gis 'dug pa'i lus gzugs dag kyang mngon par sprul to/ /de nas pad+ma de dag rgyal chen bzhi'i lha'i ris nas bzung ste/ sum </font><hr>18a<br><font size=+1>


@#/ /cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs 'khor dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang| 'bras bu che dang / mi che ba dang / mi gdung ba dang / gya nom snang ba dang / shin tu mthong ba dang / 'og min gyi lha'i ris kyi bar dang / de bzhin du stong gsum gyi stong chen po'i 'jig rten gyi khams 'di'i rgyal chen bzhi'i lha'i ris ther 'bum nas/ 'og min gyi lha'i ris kyi bar 'dod pa na spyod pa dang / gzugs na spyod pa'i lha rnams kyi gnas ji snyed pa thams cad du 'dong zhing sgra sgrogs par byed/ dbyangs rjod par byed/ yang dag par skul bar byed de/ byang chub sems dpa'i lus gzugs de dag stong gsum gyi stong chen po'i 'jig rten gyi khams 'di na rnam par rgyu ba'i tshe/ tshigs su bcad pa 'di dag smras so/ /sangs rgyas nyi ma'i rtsa lag rnams/ /'jig rten du ni lan 'ga' 'byung / /u dum wa ra'i me tog ltar/ /sangs rgyas de bzhin shin tu dkon/ /shAkya seng ge mi yi mchog /de ni 'jig rten 'dir byung ste/ /sdug bsngal thams cad zad byed pa'i/ /chos ni yang dag </font><hr>18b<br><font size=+1>


de stan mdzad/ /lha yi 'dod pa yi dga' la/ /ji snyed yun ring spyad byas na/ /gang du tshor ba myong gyur pa'i/ /ngan song rnams su 'gro bar 'gyur/ /ji srid 'dod pa rnams bsten pa/ /sred pa phyir zhing rab tu 'phel/ /khams gsum 'khor ba'i srog chags la/ /bde ba yod pa ma yin no/ /sangs rgyas 'byung ba rab dkon dang / /khom pa dam pa rnyed nas ni/ /gang dag bdag med mi rtogs pa/ /de dag sdug bsngal zad mi 'gyur/ /sangs rgyas blta pa'i phyir deng la/ /chos kyi dam pa mnyan par gyis/ /'jig rten 'dren pa 'das 'og tu/ /phyis dus 'gyod par ma byed cig| mi rnams gang dag rtag myos shing / /'jigs chen bdud kyi zhags pa yi/ /bag med spyod par byed rnams la/ /thar pa yod par ga la 'gyur/ /da ni 'di skad smra bar bya/ /bsod nams byas pa'i sems can gang / /sum cu rtsa gnyis mtshan mnga' ba'i/ /rdzogs sangs rgyas dang myur phrad byos/ /gang dag byams pa bsam yas pa'i/ /'jig rten mgon rnams ma gtogs par/ /sems can rnams kyi skyabs gzhan med/ /dpung gnyen gzhan yang yod ma yin/ /skyob pa shAkya seng ge yis/ /tshad med bsam gyis mi khyab pa'i/ /bskal pa bye bar spyad mdzad nas/ /ye shes dam pa brnyes nas ni/ /gang la sems can mi dmigs shing / /srog dang gang zag yod min pa'i/ /chos mchog zhi ba zab mo dang / /mthong bar </font><hr>19a<br><font size=+1>


@#/ /dka' ba rab tu ston/ /rtag pa dang ni de bzhin du/ /chad pa'ang rab tu spangs gyur cing / /mtshan ma thams cad spangs pa'i chos/ /srog chags rnams la ston par mdzad/ /gang la 'jig rten mi gnas pa'i/ /stong nyid mtshan ma med pa dang / /smon pa byed pa ma yin pa'i/ /yang dag mtha' ni rab tu ston/ /rtags med mtshan ma yod min zhing / /skye med 'byung ba med pa dang / /'ong ba med cing 'gro med pa'i/ /chos ni mkhas pa ston par mdzad/ /zag med 'byung ba yod min zhing / /rang bzhin gyis ni dngos med dang| |bltar med mtshan ma yod min pa/ /ston dang rlom pa'i sems mi mnga'/ /sems can gang yang skye med cing / /'ga' yang 'chi ba yod ma yin/ /mya ngan 'das pa'ang gang yang med/ /sems can 'byung ba'ang yod ma yin/ /skad kyis chos rnams bstan byas kyang / /skad la brten pa yod min zhing / /yi ge rnams dang bral ba'i chos/ /mi yi 'dren pa ston par mdzad/ /gang la rlung ni mi gnas shing / /chu dang me yang mi dmigs la/ /sar yang rtog pa med pa'i chos/ /spyan dang ldan pa ston par mdzad/ /gzugs dang tshor ba 'du shes dang / /'du byed rnams dang rnam shes ni/ /stong zhing phung po lnga po dag /dngos po med pa ston par mdzad/ /mig dang rna ba sna dang ni/ /lce dang lus dang de bzhin </font><hr>19b<br><font size=+1>


yid| |rang bzhin stong par ston mdzad kyang / /stong pa de yang dmigs su med/ /gzugs dang sgra dang dri rnams dang / /ro dang reg bya yid 'ong ba/ /de dag rnam par rtog pas bskyed/ /rtog pa'ang rang bzhin stong pa yin/ /de ltar sangs rgyas skyob pa ni/ /srog chags rnams la chos ston gyi/ /gang dag sdug bsngal thar 'dod pa/ /de dag rnams 'dren drung du shog /de nas byang chub sems dpa'i sprul pa de dag gis stong gsum gyi stong chen po'i 'jig rten gyi khams 'dir tshigs su bcad pa de dag gis chos bstan pas/ 'dod pa na spyod pa dang / gzugs na spyod pa'i lha'i bu rnams las lha bye ba phrag dgu bcu rtsa drug ni chos rnams la chos kyi mig rdul med cing dri ma dang bral ba rnam par dag go /lha'i bu khri nyis stong gis ni 'dod chags dang bral brjas \ BA RJES?\ su thob bo/ /lha'i bu sa ya phrag gsum dang nyis 'bum ni byang chub tu sems skyes so/ /byang chub sems dpa'i theg pa la yang dag par zhugs pa'i lha'i bu khris ni mi skye ba'i chos la bzod pa thob par gyur to/ /de'i tshe byang chub sems dpa'i lus gzugs de dag gis/ lha'i bu gang dag yang dag par bskul ba de dag las/ lha'i bu 'bum phrag dpag tu med grangs med pa dag skad cig thang cig yud tsam cig gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ste/ lhags </font><hr>20a<br><font size=+1>


@#/ /nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ phyogs gcig tu 'khod de/ lha'i me tog ut+pa la dang / ku mu ta dang / pad+ma dkar po dang / mnad ra ba dang / mnad ra ba chen po dang / phye ma dang / spos dang / byug pa dag gis de bzhin gshegs pa la mngon par gtor to/ /steng gi bar snang la yang lha'i glu dbyangs mang po dag rab tu len par gyur to/ /de'i tshe na gling chen po bzhi pa'i 'jig rten gyi khams 'dir gang du lha'i bu gzi brjid che ba| gzi brjid che ba dag gis khyab par ma gyur pa'i sa phyogs tha na 'khar ba gzugs pa'i gtod tsam yang med pa de snyed kyi lha'i bu dag 'dus par gyur cing / gling chen po bzhi ba'i 'jig rten gyi khams 'di yang me tog dag gis pus mo nub tsam du khebs par gyur to/ /de nas lha'i bu blo gros rab gnas dang / lha'i bu mtshams bzang dang / lha'i bu dri med dang / lha'i bu ngo tsha shes pa'i nor can zhes bya ba lha bye ba phrag dgu bcu rtsa drug po thams cad kyang byang chub sems dpa'i theg pa la yang dag par zhugs pa sha stag gis yongs su bskor cing mdun du bdar nas/ 'jam dpal gzhon nur gyur pa'i gnas ga la ba der dong ste lhags nas/ 'jam dpal gzhon nur gyur pa'i gnas kyi phyi rol nas </font><hr>20b<br><font size=+1>


lan bdun bskor ba byas te/ me tog mnad ra ba'i char dag mngon par rab tu phab bo/ me tog mnad ra ba'i char de dag gis/ 'jam dpal gzhon nur gyur pa'i gnas su me tog gi phung po 'phang du dpag tshad bcu pa kun nas gnas par gyur to/ /de nas 'jam dpal gzhon nur gyur pas byin gyis brlabs so/ /ci lta bu byin gyis brlabs na/ 'di lta bur 'gyur ba'i byin gyi rlabs kyis byin gyis brlabs pas/ stong gsum gyis stong chen po'i 'jig rten gyi khams 'di'i steng gi bar snang la me tog gi dra ba kun nas bkram par gyur to/ /me tog gi 'od des stong gsum gyi stong chen po'i 'jig rten gyi khams 'di kun tu khyab par gyur to/ /de nas 'jam dpal gzhon nur gyur pa rang gi gnas nas byung ste smon lam las byung ba'i stan la 'dug go |de nas lha'i bu blo gros rab gnas kyis 'jam dpal gzhon nur gyur pa'i rkang pa gnyis la gtugs so/ /lha'i bu de dag thams cad kyis kyang 'jam dpal gzhon nur gyur pa'i rkang pa gnyis la gtugs so// //bam po gnyis pa/ de nas 'jam dpal gzhon nur gyur pa 'di snyam du sems te/ bcom ldan 'das kyi spyan sngar bdag su dang lhan cig tu dri ba bstan pa bshad par bya/ bsam gyis mi khyab pa'i gzhi rnams dang / shes par dka' ba'i gzhi rnams dang / gnas pa med pa'i gzhi rnams dang / spros pa </font><hr>21a<br><font size=+1>


@#/ /med pa'i gzhi rnams dang / spros pa dang bral ba'i gzhi rnams dang / brjod du med pa'i gzhi rnams dang / brtan du med pa'i gzhi rnams dang / zab mo'i gzhi rnams dang / bden pa'i gzhi rnams dang / chags pa med pa'i gzhi rnams dang / mi phyed pa'i gzhi rnams dang / stong pa nyid kyi gzhi rnams dang / mtshan ma med pa'i gzhi rnams dang / smon pa med pa'i gzhi rnams dang / de bzhin nyid bstan pa'i gzhi rnams dang / yang dag pa'i mtha'i gzhi rnams dang / chos kyi dbyings kyi gzhi rnams dang / mtshungs pa med pa'i gzhi rnams dang / blang ba med pa'i gzhi rnams dang / dor ba med pa'i gzhi rnams dang / sangs rgyas kyi gzhi rnams dang / chos kyi gzhi rnams dang / dge 'dun gyi gzhi rnams dang / ye shes yongs su rdzogs pa 'thob pa'i gzhi rnams dang / khams gsum pa mnyam pa nyid kyi gzhi rnams dang / chos thams cad mi dmigs pa'i gzhi rnams dang / chos thams cad skye ba med par bstan pa'i gzhi rnams dang / seng ge'i gzhi rnams dang / dpa' bo'i gzhi rnams dang / gzhi med pa'i gzhi de dag bstan pa na snod du gyur pa ni su yod snyam mo/ /de nas yang 'jam dpal gzhon nur gyur pa 'di snyam du sems te/ lha'i bu blo gros rab gnas 'di ni sngon gyi rgyal ba la bya ba lhag par </font><hr>21b<br><font size=+1>


byas pa/ zab mo la bzod pa thogs pa med pa'i spobs pa dang ldan pa yin gyi/ bcom ldan 'das kyi spyan sngar bdag 'di dang lhan cig tu dri ba bstan pa bshad par bya'o snyam mo/ /de nas 'jam dpal gzhon nur gyur pas lha'i bu blo gros rab gnas la 'di skad ces smras so/ /lha'i bu/ khyod ni zab mo la bzod pa thogs pa med pa'i spobs pa dang ldan pa yin na/ bcom ldan 'das kyi spyan sngar kho bo dang lhan cig tu dri ba bstan pa bshad par nus sam/ de skad ces smras pa dang / lha'i bu blo gros rab gnas kyis 'jam dpal gzhon nur gyur pa la 'di skad ces smras so/ /'jam dpal/ gal te khyod gsung bar mi mdzad/ brjod par mi mdzad/ 'don par yang mi mdzad/ yi ge yang mi brjod/ sgra yang mi gsan pa lta na/ bdag gis de bzhin bstan par bgyi'o/ /'jam dpal gyis smras pa/ lha'i bu/ gal te khyod nyan par mi byed/ 'dzin par mi byed/ 'chang bar mi byed/ kun chub par mi byed/ sems par mi byed/ rig par mi byed/ rnam par rig par mi byed/ len par mi byed/ gtong bar mi byed cing / thos nas kyang gzhan dag la ston par mi byed pa lta na/ kho bos kyang de bzhin du bstan par bya'o/ /de ci'i phyir zhe na/ lha'i bu/ sangs rgyas kyi byang chub ni yi ge med pa/ sems med pa/ sems dang bral ba ste/ gang gis ming brjod cing / ming de yang g.yo ba med pa'i phyir ro/ /lha'i bus </font><hr>22a<br><font size=+1>


@#/ /smras pa/ 'jam dpal/ lha'i bu 'di dag ni/ khyod las chos bstan pa nyan par 'tshal gyi/ sa phyogs 'di nyid du khyod kyis lha'i bu 'di dag la chos kyi bka' mchid gsungs shig/ 'jam dpal gyis smras pa/ lha'i bu/ kho bo ni nyan par 'dod pa rnams la chos ston par mi byed de/ 'dzin par 'dod pa rnams la yang ma yin no/ /de ci'i phyir zhe na/ lha'i bu/ bdag tu 'dzin na nyan 'dod par 'gyur la/ sems can du 'dzin pa dang / srog tu 'dzin pa dang / gang zag tu 'dzin na nyan 'dod par 'gyur ba'i phyir ro/ / lha'i bu/ gang la ngar 'dzin pa dang / nga yir 'dzin pa yod pa de ni 'di snyam du 'di ni ston par byed pa'o/ /bdag ni nyan pa'o/ /'di ni bshad par bya'o snyam du sems pas/ de ni chags pa gsum gyis chags pa yin te/ gsum gang zhe na/ bdag tu dmigs pa dang / sems can du dmigs pa dang / chos su dmigs pa'o/ /lha'i bu/ gang la ngar 'dzin pa dang / nga yir 'dzin pa med pa de ni 'khor gsum yongs su dag pas chos ston par byed de/ rnam par rtog par mi byed/ sems par mi byed/ rlom sems su mi byed do/ /de la 'khor gsum yongs su dag pa gang zhe na/ bdag tu dmigs pa med cing rnam par rtog par mi byed/ rlom sems su mi byed/ sems par mi byed pa de dang / chos smra bar dmigs pa med cing </font><hr>22b<br><font size=+1>


rnam par rtog par mi byed/ rlom sems su mi byed/ sems par mi byed pa dang / chos su dmigs pa med cing rnam par rtog par mi byed/ rlom sems su mi byed/ sems par mi byed pa ste/ lha'i bu/ gang dag de ltar nyan pa de dag ni mnyam par nyan pa yin te/ mi mnyam pa ma yin no/ /lha'i bu blo gros rab gnas kyis smras pa/ 'jam dpal/ ci nas kyang mi ldog pa nyid kyi slad du bstan pa bshad pa legs so// legs so/ /'jam dpal gyis smras pa/ lha'i bu/ ci rung rnam par ma rtog cig/ byang chub sems dpa' gang ldog pa de ni byang chub mngon par rdzogs par 'tshang rgya ste/ byang chub kyang dmigs su med do/ /lha'i bus smras pa/ 'jam dpal/ gang las ldog/ 'jam dpal gyis smras pa/ lha'i bu/ 'dod chags las grol go/ zhe sdang las ldog go/ gti mug las ldog go/ sred pa las ldog go/ ma rig pa las ldog go/ 'khor bar skye ba'i yan lag bcu gnyis kyi bar las ldog go/ rgyu las ldog lo/ lta ba las ldog go/ ming las ldog go /gzugs las ldog go /'dod pa'i khams las ldog go/ gzugs kyi khams las ldog go/ gzugs med pa'i khams las ldog go /nyan thos kyi spyod pa las ldog go /rang sangs rgyas kyi spyod pa las ldog go/ /rtog pa las ldog go/ 'dzin pa las ldog go /mtshan ma las ldog go /dngos por 'dzin pa las ldog go /chad </font><hr>23a<br><font size=+1>


@#/ /par lta ba las ldog go /rtag par lta ba las ldog go/ blang ba las ldog go /dor ba las ldog go /bdag tu 'du shes pa las ldog go/ sems can du 'du shes pa las ldog go /srog tu 'du shes pa las ldog go /gang zag tu 'du shes pa las ldog go/ yid la byed pa dag las ldog go/ chags pa dag las ldog go/ phyin ci log dag las ldog go/ 'jigs tshogs las ldog go /'jig tshogs la lta ba las ldog go/ 'jig tshogs kyi rtsa ba las byung ba'i lta ba'i rnam pa drug cu rtsa gnyis las ldog go /sgrib pa dag las ldog go /phung po lngar 'dzin pa las ldog go/ phyi dang nang gi skye mched thams cad las ldog go /khams rnams las ldog go /sangs rgyas su 'du shes pa las ldog go /chos su 'du shes pa las ldog go /dge 'dun du 'du shes pa las ldog go /bdag sangs rgyas su 'gyur ro/ /bdag chos ston par 'gyur ro/ /bdag sems can grol bar byed par 'gyur ro/ / bdag bdud 'dul bar 'gyur ro/ /bdag ye shes thob par 'gyur ro snyam pa'i 'du shes de dag las ldog go /de bzhin gshegs pa'i stobs bcu la rtog par mi byed do/ /sangs rgyas kyi chos ma 'dres pa bco brgyad la rtog par mi byed do/ /dbang po rnams dang / stobs rnams dang / mi 'jigs pa rnams la rtog par mi byed do/ /mtshan ma rnams la rtog par mi </font><hr>23b<br><font size=+1>


byed do/ /sangs rgyas kyi zhing bkod pa rnams la rtog par mi byed do/ /nyan thos kyi dge 'dun phun sum tshogs pa la rtog par mi byed cing rtog pa thams cad las ldog ste/ lha'i bu/ de ltar byang chub sems dpa' gang de las ldog pa de ni mi ldog pa yin no/ /lha'i bus smras pa/ 'jam dpal/ gang las mi ldog go/ 'jam dpal gyis smras pa/ lha'i bu/ sangs rgyas kyi ye shes las mi ldog go/ stong pa nyid las mi ldog go/ mtshan ma med pa las mi ldog go/ smon pa med pa las mi ldog go /de bzhin nyid las mi ldog go /chos kyi dbyings las mi ldog go| yang dag pa'i mtha' las mi ldog go/ mnyam pa nyid las mi ldog go /lha'i bus smras pa/ 'jam dpal/ de skad ces byang chub sems dpa' gang rtog pa dang / rnam par rtog pa dang| yongs su rtog pa'i chos de dag las ldog pa des na ldog pa zhes bya'o zhes gsungs pa de/ ci gang dag las ldog pa'i chos de dag mchis pa zhig gam/ 'on te ma mchis pa zhig gam/ 'on te mchis pa dang ma mchis pa zhig gam/ 'on te mchis pa yang ma lags/ ma mchis pa yang ma lags pa zhig lags/ 'jam dpal gyis smras pa/ lha'i bu/ gang dag las ldog pa'i chos de dag ni yod pa yang ma yin/ med pa yang ma yin/ yod pa dang med pa yang ma yin/ yod pa yang ma yin med pa yang ma yin pa yang ma yin no/ /lha'i bus </font><hr>24a<br><font size=+1>


@#/ /smras pa/ 'jam dpal/ 'o na gang las ldog/ 'jam dpal gyis smras pa/ lha'i bu/ yang dag pa ma yin par 'dzin pa dang / legs pa ma yin par 'dzin pa dang / log par 'dzin pa gang yin pa de 'dzin par mi byed/ yongs su gtong bar mi byed/ mtshan mar mi byed pa de'i phyir ldog pa zhes byas te/ de ni yod par yang bstan par mi bya/ med par yang bstan par mi bya'o/ /de ci'i phyir zhe na/ gal te yod pa dang med pa las ldog par gyur na/ de ni skyon du gyur pa'i phyir ro/ /de ci'i phyir zhe na/ gal te yod pa las ldog par gyur na rtag par 'gyur la/ med pa las ldog par gyur na chad par 'gyur ba'i phyir ro/ /de bzhin gshegs pa ni rtag pa dang chad pa'i phyir chos ston par mi mdzad de/ sangs rgyas bcom ldan 'das rnams kyi chos bstan pa ni rtag pa'i phyir yang ma yin/ chad pa'i phyir yang ma yin no/ /lha'i bu/ de bzhin nyid gang yin pa de ni sngon ma byung bar gyur pa'o/ /zhes 'du shes kyis yod pa ma yin par yongs su shes par zad kyi/ de la ni chad pa yang med/ rtag pa yang med de/ lha'i bu/ de ltar na byang chub sems dpa' ldog pa yin no/ /bstan pa 'di bshad pa na lha'i bu khris mi skye ba'i chos la bzod pa thob par gyur to/ /de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ /'jam </font><hr>24b<br><font size=+1>


dpal/ de bzhin gshegs pa la blta ba dang / phyag bgyi ba dang / bsnyen bkur bgyi ba dang / zhu ba dang zhu blag bgyi ba'i slad du de bzhin gshegs pa'i spyan sngar bzhud kyi gshegs so| |'jam dpal gyis smras pa/ lha'i bu rnam par rtog pa la ma spyod cig/ de bzhin gshegs pa de ni kho bos blangs zin to/ /lha'i bus smras pa/ 'jam dpal/ de bzhin gshegs pa de gang na bzhugs/ 'jam dpal gyis smras pa/ lha'i bu/ de ni kho bo'i mdun na bzhugs so/ /lha'i bus smras pa/ 'jam dpal/ de mi gda'o/ /'jam dpal gyis smras pa/ lha'i bu| gal te khyod kyis thams cad mthong na/ des de bzhin gshegs pa mthong bar mi 'gyur ro/ /lha'i bus smras pa/ 'jam dpal/ ci slad du de skad ces de bzhin gshegs pa de ni kho bos blangs zin te/ de ni kho bo'i mdun na bzhugs so zhes gsung / 'jam dpal gyis smras pa/ lha'i bu/ 'di ji snyam du sems/ kho bo'i mdun zhes bya ba ci zhig yin snyam/ lha'i bus smras pa/ 'jam dpal/ nam mkha'i khams lags so/ /'jam dpal gyis smras pa/ lha'i bu/ de bzhin gshegs pa de yang 'di lta ste/ nam mkha'i khams yin no// de ci'i phyir zhe na/ chos thams cad nam mkha' dang mnyam pa'i phyir nam mkha' ji lta bu yin pa/ de bzhin gshegs pa yang de lta bu yin pas/ nam mkha' dang de bzhin gshegs </font><hr>25a<br><font size=+1>


@#/ /pa de ni gnyis su med de gnyis su byar med pa'i phyir ro/ /lha'i bu/ de lta bas na khyod de bzhin gshegs pa blta bar 'dod na/ mtha' 'di khong du chud par bya zhing cung zad kyang rnam par brtag par mi bya'o/ /de nas 'jam dpal gzhon nur gyur pas/ de'i tshe khang pa brtsegs pa gru bzhi lham pa/ ka pa bzhi pa cha mnyam pa/ shin tu 'byes pa/ mdzes pa/ blta na sdug pa sum khri nyis stong mngon par sprul to/ /khang pa brtsegs pa de dag tu rin po che'i khri stan lha'i dpag bsam shing las byung ba'i gos kyis bshams pa dag kyang sprul cing / khri stan re re la yang byang chub sems dpa'i lus gzugs skyes bu chen po'i mtshan sum cu rtsa gnyis dang ldan pa dag sprul to/ /de nas 'jam dpal gzhon nur gyur pas| ci lta bu'i byin gyi rlabs nas/ 'di lta bur 'gyur ba'i byin gyis brlabs pas/ stong gsum gyi stong chen po'i 'jig rten gyi khams 'di ni rnam par spyod pa'i pad+ma gang dag yin pa de dag dang / khang pa brtsegs pa de dag de bzhin gshegs pa ga la ba der dong ste lhags nas/ bcom ldan 'das dge slong gi dge 'dun dang bcas pa la lan gsum bskor ba byas te/ steng gi bar snang la bcom ldan 'das kyi 'khor gyi dkyil 'khor la snang bar byed cing / phyogs bzhi kun nas 'khor bar 'khod do/ /de nas pad+ma de dag la </font><hr>25b<br><font size=+1>


'khod pa'i byang chub sems dpa' sprul pa gang dag yin pa de dag dang / khang pa brtsegs pa dag na 'khod pa'i byang chub sems dpa' gang dag yin pa de dag thams cad kyis bcom ldan 'das la sgra dbyangs mthun par tshigs su bcad pa 'di dag gis mngon par bstod do/ /gang+gA'i bye snyed bsam gyis mi khyab pa'i/ /sangs rgyas bye ba phrag mang khyod kyis mchod/ /byang chub mchog gi spyod pa btsal mdzad pas/ /de slad mi mchog khyod ni mdzes pa lags/ /thub pa mtshan gyis yongs su spras gyur pa/ /sku mchog srid pa gsum na lhang nge ste/ /'dren pa gang la ming dang srog dang ni/ /gang zag ma mchis chos ni 'gro la ston/ /rnam par 'dren pas sbyin dang tshul khrims spyad/ /bzod dang brtson 'grus de bzhin bsam gtan bsten/ /khyod kyis shes rab srid gsum thogs mi mnga'/ /ye shes mthar byon khyod la phyag 'tshal lo/ /gang zhig chos rje lha dang mis mchod pa'i/ /'jig rten 'dren pa la ni 'dun 'gyur zhing / /stong pa nyid la mos par bgyid pa yi| |mi de 'jig rten dag gi 'dren par 'gyur/ /gang dag sngon byung de bzhin gshegs pa dang / /gang dag phyogs rnams bzhugs pa'i 'dren pa dag /de dag gis ni mtshan med stong pa'i chos/ /rang bzhin mtshan nyid ma mchis rtag tu bsgoms/ /'di la rang bzhin sems can gang yang ni/ /skye dang 'chi ba dmigs su ma mchis shing / /'ong ba ma mchis 'gro </font><hr>26a<br><font size=+1>


@#/ /ba ma mchis te/ /chos rnams thams cad nam mkha' ji bzhin no/ /ci ltar mi yis sgyu ma bstan gyur pa/ /snang yang de bzhin nyid du ma mchis ltar/ /de bzhin chos rnams sgyu ma 'dra ba dang / /rmi lam lta bur bde bar gshegs pas bstan/ /gang zag la las gang+gA'i bye snyed kyi/ /'jig rten khams rnams 'dir ni sbyin byas dang / / 'dus byas stong par bzod pa gang lags pa/ /bzod pa de ni sbyin las khyad par 'phags/ /byang chub 'dod pa'i byang chub sems dpa' yis/ /bskal pa bye ba gang+gA'i bye snyed du/ / me tog spos dang de bzhin zas skom dag/ phul nas mi mchog sangs rgyas mchod pa bas/ /gang gis gang la ming dang srog dang ni/ /gang zag ma mchis de 'dra'i chos 'di dag / thos nas de la 'od gsal bzod thob pa/ /de yis mi rnams dam pa mchod pa lags/ /gang la ming dang gang zag 'du shes mchis/ /bskal pa bye ba mang por zas skom dang / / shing rta dpung chung khri stan sbyin bgyid kyang / /des ni 'gro ba grol bar mi thob bo/ /mi mchog gang dag mya ngan 'das pa dang / /de dag gis kyang sems can ma bkrol ba/ /mkhas rnams rang bzhin 'od gsal stong pa yi/ /chos rnams de ltar mkhyen pas rnam par grol/ /sangs rgyas 'byung dang yul du gnas pa dang / /de bzhin bstan la dad pa thob pa dka'// </font><hr>26b<br><font size=+1>


mi yi srid pa'ang rnyed par dka' bas na/ /rgyal ba rnams kyi bstan la legs brtson gyis/ /mi khom brgyad po thams cad rnam spangs shing / /khom pa phun sum rnyed dka' thob 'gyur la/ /bde gshegs bstan la dad pa rnyed gyur pa'i/ /mkhas pa rnams kyis rig pa'i rnal 'byor spyod/ /sgra la 'chel zhing 'dug par ma byed par/ /chos thos gyur nas rtag tu nan tan gyis/ /khyed kyis rtag tu dgon pa'i gnas brten la/ /des ni mi rnams dam par 'gyur bar byos/ /chos smra'i dge bshes gang yin bsten gyis la/ /sdig pa'i grogs la lan 'ga'ang ma bsten cig /sems can kun la sems ni mnyam gyis la/ /sems can de la nam yang ma rloms shig /tshul khrims ldan dang mang du thos gyis la/ /rtag tu phyag dar khrod dang bsod snyoms spyod/ /g.yel ba med par shing drung bsten gyis la/ /bskus te bor ba mchog la ma smod cig /'dus byas 'di dag thams cad 'dus byas min/ /mtshan nyid gcig cing smig rgyu 'dra ba yi/ /dam pa'i don gyi mu gcig shes gyis la/ /myur du gzhal yas byang chub reg par gyis/ /phung po lnga rnams sgyu ma bzhin du ltos/ /nang gi skye mched drug dang phyi yi drug /de dag grong stong 'dra bar gsungs pas na/ /de la nam yang bsten par ma byed cig /'dod chags zhe sdang rang bzhin stong pa nyid/ /gti mug nga rgyal yongs su rtog pas bskyed/ /rtog pa de </font><hr>27a<br><font size=+1>


@#/ /yang ma byung 'byung med par/ /de ltar shes na 'dren pa rnams su 'gyur/ /de nas sprul pa de dag gis tshigs su bcad pa de dag smras pa na/ 'khor de las srog chags nyi khri nyis stong bla na med pa yang dag par rdzogs pa'i byang chub tu sems skyes so/ /dge slong lnga brgya ni len pa med par zag pa rnams las sems rnam par grol lo/ /dge slong sum brgya ni chos rnams la chos kyi mig rdul med cing dri ma dang bral ba rnam par dag go /dge slong ma sum stong yang chos rnams la chos kyi mig rdul med cing dri ma dang bral ba rnam par dag go/ dge bsnyen bdun stong dang / dge bsnyen ma stong dang / lha'i bu nyi khri bdun stong yang chos rnams la chos kyi mig rdul med cing dri ma dang bral ba rnam par dag go / byang chub sems dpa' sum brgyas ni mi skye ba'i chos la bzod pa thob bo/ /stong gsum gyi stong chen po'i 'jig rten gyi khams 'di yang rnam pa drug tu rab tu g.yos te/ g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul/ ldeg/ rab tu ldeg /kun tu rab tu ldeg go /de nas bcom ldan 'das la gnas brtan shA ri'i bus 'di skad ces gsol to/ /bcom ldan 'das/ gang gis stong gsum gyi stong chen po'i 'jig rten gyi khams 'di rnam pa drug tu rab tu g.yos pa dang / byang </font><hr>27b<br><font size=+1>


chub sems dpa'i lus gzugs pad ma dag dang / khang pa brtsegs pa 'di dag na mchis pa 'di rnams chos zab mo 'di lta bu ston par bgyid pa dang / 'khor 'di yang snang ba chen pos khyab par gyur pa dang / lha'i bu bye ba phrag 'di snyed 'dus pa dang / byang chub sems dpa' bye ba phrag mang po 'dus pa 'di dag su'i mthu lags/ de skad ces gsol pa dang / bcom ldan 'das kyis gnas brtan shA ri'i bu la 'di skad ces bka' stsal to/ /shA ri'i bu/ 'di ni 'jam dpal gzhon nur gyur pa'i mthu yin te/ des bkod pa 'di lta bu 'di dag kun du snang ngo / /de ci'i phyir zhe na/ shA ri'i bu/ 'di ltar deng de bzhin gshegs pa la 'jam dpal gzhon nur gyur pa lha'i bu blo gros rab gnas dang lhan cig tu sangs rgyas kyi chos bsam gyis mi khyab pa yongs su bsgrub pa'i phyir/ bdud kyi dkyil 'khor thams cad rnam par 'jig par byed pa zhes bya ba'i chos kyi rnam grangs zhu zhing zhu blag byed par 'gyur pa'i phyir ro/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ 'jam dpal gzhon nur gyur pa de 'khor 'dus pa 'di na mi gda'o/ /bcom ldan 'das kyis bka' stsal pa/ shA ri'i bu khyod re zhig sdod cig dang / 'jam dpal gzhon nur gyur pa de/ de'u re bdud kyi dkyil 'khor </font><hr>28a<br><font size=+1>


@#/ /thams cad dang / bdud kyi gnas thams cad dang / bdud thams cad zil gyis gnon cing / bkod pa chen pos de bzhin gshegs pa ga la ba der 'ong bar 'gyur ro/ /de nas 'jam dpal gzhon nur gyur pa bdud kyi dkyil 'khor thams cad rnam par 'jig par byed pa zhes bya ba'i ting nge 'dzin la snyoms par zhugs so// 'jam dpal gzhon nur gyur pa bdud kyi dkyil 'khor thams cad rnam par 'jig par byed pa'i ting nge 'dzin la snyoms par zhugs ma thag tu/ de nas de'i mod la stong gsum gyi stong chen po'i 'jig rten gyi khams 'di na bdud kyi gnas bye ba brgya phrag ji snyed pa de dag thams cad mog mog por gyur to/ /bdud sdig can de dag kyang rang rang gi lus rgas shing gtugs la 'khogs par gyur nas/ lag pa 'khar ba la brten cing 'gro bar gyur to/ /de dag gis lha'i bu mo rnams kyang rgas shing gtugs la 'khogs par gyur pa dang / rang rang gi gzhal med khang dag kyang rnyings shing rab tu 'jig la/ mun pa mun nag tu gyur pa mthong ngo / /de nas bdud sdig can de dag skrag cing dngangs la yi chad cing sgyid lug ste/ spu'i khung bu zing zhes byed par gyur nas 'di snyam du rnam par rtog ste/ gang gis bdag cag bdud kyi gnas rnams 'di lta bu'i gnas skabs </font><hr>28b<br><font size=+1>


su gyur pa 'di'i rgyu ni gang yin/ rkyen ni gang yin/ bdag cag 'di nas 'chi 'pho zhing med pa'am/ gcig tu mi 'gyur grang snyam mo/ /bdud de dag gis rnam par rtog pa de lta bu de skyes ma thag tu/ de nas 'jam dpal gzhon nur gyur pas lha'i bu sprul pa ther 'bum sprul te/ bdud de dag gi mdun du bkod do/ /de nas lha'i bu sprul pa de dag gis bdud sdig can de dag la 'di skad ces smras so/ /grogs po dag/ 'di ni byang chub sems dpa' phyir mi ldog pa 'jam dpal gzhon nur gyur pa zhes bya ba de da ltar bdud kyi dkyil 'khor thams cad rnam par 'jig par byed pa zhes bya ba'i ting nge 'dzin la snyoms par zhugs pa de'i mthu yin te/ khyed la 'tshe ba gang yang 'byung bar mi 'gyur gyi/ ma skrag cig /lha'i bu/ sprul pa de dag gis tshig de skad ces smras ma thag tu de nas bdud sdig can de dag gis sgra de yang thos/ 'jam dpal gzhon nur gyur pa'i ming yang thos nas yang rgya cher dngangs shing skrag ste/ bdud kyi gnas de dag thams cad kyang rab tu g.yos so/ /de nas bdud sdig can de dag gis lha'i bu sprul pa de dag la 'di skad ces smras so/ /grogs po dag /yongs su skyobs shig /de nas lha'i bu sprul pa de dag gis bdud sdig can de dag la 'di skad ces smras so/ /grogs po dag /yongs su ma 'jigs shig /khyed cag deng la bcom ldan 'das de bzhin gshegs pa dgra </font><hr>29a<br><font size=+1>


@#/ /bcom pa yang dag par rdzogs pa'i sangs rgyas shAkya thub pa ga la ba der song zhig dang / de bzhin gshegs pa thugs rje dang ldan pa de ni sems can 'jigs par gyur pa rnams la mi 'jigs pa stsol bar mdzad do/ /de nas lha'i bu sprul pa de dag gis tshig de skad ces smras nas de nyid du mi snang bar gyur to/ /de nas bdud sdig can 'khor bdud sdig can 'bum phrag ther 'bum du ma dang bcas pa de dag thams cad rgas shing gtugs la 'khogs shing lag pa 'khar ba la brten bzhin du 'dong zhing skad cig thang cig yud tsam cig la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der song ste lhags nas/ bcom ldan 'das la thams cad kyis sgra skad mthun par 'di skad ces gsol to/ /bcom ldan 'das/ bdag cag mi sdug pa'i rnam pa 'di dag las yongs su bskyab tu gsol/ bde bar gshegs pa bdag cag bskyab tu gsol/ bcom ldan 'das/ sangs rgyas bye ba phrag 'bum gyi mtshan yongs su bsgrags pa ni mi mngon lags kyi/ 'jam dpal gzhon nur gyur pa gcig pu'i ming ni de lta ma lags so/ /de ci'i slad du zhe na/ 'jam dpal gzhon nur gyur pa'i ming thos na bdag cag 'jigs shing dngangs la skrag par gyur te/ 'chi </font><hr>29b<br><font size=+1>


'pho ba snyam du 'chal cing ma mchis par 'gyur ba snyam du 'tshal ba'i slad du'o/ /de nas bcom ldan 'das kyis bdud sdig can de dag la 'di skad ces bka' stsal to/ /bdud sdig can dag /de de bzhin no/ /ji skad smras pa de bzhin te/ ji ltar 'jam dpal gzhon nur gyur pas yongs su smin pa dang / rnam par dbye ba med par sems can rnams kyi don byas pa dang / byed par 'gyur ba de ltar sangs rgyas bye ba phrag 'bum gyis kyang sems can rnams kyi don ma mdzad/ mi mdzad pas/ de'i phyir ji ltar 'jam dpal gzhon nur gyur pa gcig pu'i ming yongs su bsgrags pa de ltar/ sangs rgyas bye ba phrag 'bum gyi mtshan yongs su bsgrags pas ni khyed cag sdug bsngal zhing rnam par 'jigs par mi 'gyur ro/ /de nas bcom ldan 'das la bdud sdig can de dag gis 'di skad ces gsol to/ /bcom ldan 'das/ bdag cag 'di lta bu'i lus 'khogs pa 'dis nyam thag cing ngo tsha lags pas/ bcom ldan 'das/ sngon bdag cag gi kha dog rgyas par gyur pa gang lags pa de lta bu 'tshal lags so/ /bcom ldan 'das kyis bka' stsal pa/ khyed cag 'jam dpal gzhon nur gyur pa ma 'ongs kyi bar du re zhig 'di nyid du sdod cig dang / des khyed cag mi sdug pa'i rnam pa 'di las yongs su thar par byed par 'gyur ro/ /de nas 'jam dpal gzhon nur gyur pa ting nge 'dzin de las langs te </font><hr>30a<br><font size=+1>


@#/ /stan las langs nas/ byang chub sems dpa' 'bum phrag du mas kyang yongs su bskor cing mdun du bdar/ lha'i bu 'bum phrag du ma dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po 'bum phrag du ma sil snyan 'bum phrag mang po dag rab tu gsil zhing / me tog ut+pa la dang / pad+ma dang / ku mu ta dang / pad+ma dkar po'i char dag rab tu 'bebs pa sha stag gis yongs su bskor cing mdun du bdar te/ bkod pa chen po dang / rnam par rtse ba chen pos bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'dug go /de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod bdud kyi dkyil 'khor thams cad rnam par 'jig par byed pa zhes bya ba'i ting nge 'dzin la snyoms par 'jug gam/ 'jam dpal gyis gsol pa/ bcom ldan 'das/ snyoms par 'jug lags so/ /bcom ldan 'das kyis bka' stsal pa/ 'jam dpal khyod kyis ting nge 'dzin bsgrubs pa de de bzhin gshegs pa gang las thos/ khyod kyis ting nge 'dzin de bsgrubs nas ni ji srid cig lon/ 'jam </font><hr>30b<br><font size=+1>


dpal gyis gsol pa/ bcom ldan 'das/ gang gi tshe bdag gis ting nge 'dzin bsgrubs pa de thos shing / bdag gis ting nge 'dzin de bsgrubs pa de'i tshe na/ bcom ldan 'das kyis byang chub tu thugs bskyed par yang ma gyur lags so/ /bcom ldan 'das kyis bka' stsal pa/ 'jam dpal khyod kyis gang la ting nge 'dzin bsgrubs pa de thos pa'i de bzhin gshegs pa de'i mtshan ci/ 'jam dpal gyis gsol pa/ bcom ldan 'das/ sngon byung ba 'das pa'i dus bskal pa bsam gyis mi khyab pa'i yang ches bsam gyis mi khyab pa/ grangs ma mchis pa'i yang ches grangs ma mchis pa 'das pa de'i tshe/ de'i dus na/ de bzhin gshegs pa me tog mnad ra ba'i dri zhes bgyi ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das byung ste/ de ting nge 'dzin bsgrubs pa de gsung bar gyur nas/ de bzhin gshegs pa de las bdag gis bdud kyi dkyil 'khor thams cad rnam par 'jig par bgyid pa'i ting nge 'dzin bsgrub pa de thos lags so/ /bcom ldan 'das kyis bka' stsal pa| 'jam dpal/ bsgrubs pa de dag gang yin/ 'jam dpal gyis gsol pa/ bcom ldan 'das/ byang chub sems dpa' rnam pa nyi shu dang ldan na bdud kyi dkyil 'khor thams cad </font><hr>31a<br><font size=+1>


@#/ /rnam par 'jig par bgyid pa'i ting nge 'dzin de thob ste/ nyi shu gang zhen/ bcom ldan 'das/ 'di la byang chub sems dpa' 'dod chags rnam par 'jig cing 'dod chags kyi sems rnam par 'jig par bgyid pa dang / zhe sdang rnam par 'jig cing zhe sdang gi sems rnam par 'jig par bgyid pa dang / gti mug rnam par 'jig cing gti mug gi sems rnam par 'jig par bgyid pa dang / phrag dog rnam par 'jig cing phrag dog gi sems rnam par 'jig par bgyid pa dang / nga rgyal rnam par 'jig cing nga rgyal gyi sems rnam par 'jig par bgyid pa dang / 'chab pa rnam par 'jig cing 'chab pa'i sems rnam par 'jig par bgyid pa dang / khro ba rnam par 'jig cing khro ba'i sems rnam par 'jig par bgyid pa dang / yongs su gdung ba rnam par 'jig cing yongs su gdung ba'i sems rnam par 'jig par bgyid pa dang / 'du shes rnam par 'jig cing 'du shes kyi sems rnam par 'jig par bgyid pa dang / lta ba rnam par 'jig cing lta ba'i sems rnam par 'jig par bgyid pa dang / rtog pa rnam par 'jig cing rtog pa'i sems rnam par 'jig par bgyid pa dang / len pa rnam par 'jig cing len pa'i sems rnam par 'jig par bgyid pa dang / 'dzin pa rnam par 'jig cing 'dzin pa'i sems rnam par 'jig </font><hr>31b<br><font size=+1>


par bgyid pa dang / mtshan ma rnam par 'jig cing mtshan ma'i sems rnam par 'jig par bgyid pa dang / srid pa rnam par 'jig cing srid pa'i sems rnam par 'jig par bgyid pa dang / rtag pa rnam par 'jig cing rtag pa'i sems rnam par 'jig par bgyid pa dang / chad pa rnam par 'jig cing chad pa'i sems rnam par 'jig par bgyid pa dang / phung po rnam par 'jig cing phung po'i sems rnam par 'jig par bgyid pa dang / khams rnam par 'jig cing khams kyi sems rnam par 'jig par bgyid pa dang / skye mched rnam par 'jig cing skye mched kyi sems rnam par 'jig par bgyid pa dang / khams gsum pa rnam par 'jig cing khams gsum pa la dmigs pa'i sems rnam par 'jig par bgyid pa ste/ bcom ldan 'das/ byang chub sems dpa' rnam pa nyi shu po de dag dang ldan na ting nge 'dzin de thob bo/ /bcom ldan 'das/ gzhan yang byang chub sems dpa' chos bzhi dang ldan na ting nge 'dzin de thob ste/ bzhi gang zhe na/ lhag pa'i bsam pa la yang dag par 'jug pa dang / g.yo ma mchis pa dang / zab pa dang / bdog pa thams cad yongs su gtong ba ste/ bcom ldan 'das/ byang chub sems dpa' chos bzhi po de dag dang ldan na ting nge 'dzin de 'thob bo/ /bcom ldan 'das/ gzhan yang byang chub sems dpa' chos bzhi dang ldan na ting nge 'dzin de thob ste/ bzhi gang zhe na/ slu ba ma mchis pa </font><hr>32a<br><font size=+1>


@#/ /dang / bden pa'i tshig gis dam 'cha' ba dang / 'du shes kyi dbang gi spyod yul ma lags pa dang / chos thams cad mi 'dzin pa ste/ bcom ldan 'das/ byang chub sems dpa' chos bzhi po de dag dang ldan na ting nge 'dzin de 'thob bo/ /bcom ldan 'das/ gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ dge ba'i bshes gnyen la bsten pa dang / sdig pa'i grogs po spong ba dang / sbyangs pa dang / tshul khrims dang / yo byad bsnyungs pa dang ldan pa dang / 'du 'dzi ma mchis par spyod pa ste/ bcom ldan 'das/ byang chub sems dpa' chos bzhi po de dag dang ldan na ting nge 'dzin de 'thob bo/ /bcom ldan 'das/ gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ tshul khrims ma nyams pa dang / tshul khrims ma ral pa dang / tshul khrims mi brten pa dang / tshul khrims nag nog ma mchis pa ste| bcom ldan 'das/ byang chub sems dpa' chos bzhi po de dag dang ldan na ting nge 'dzin de 'thob bo/ /bcom ldan 'das/ gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ nyan thos kyi sems yongs su spong ba dang / rang sangs rgyas kyi sems la lhag par mi dmigs pa dang / bzod pa la gnas </font><hr>32b<br><font size=+1>


pa dang / sems can la rlom sems ma mchis pa ste/ bcom ldan 'das/ byang chub sems dpa' chos bzhi po de dag dang ldan na ting nge 'dzin de 'thob bo/ /bcom ldan 'das/ gzhan yang byang chub sems dpa' chos bzhi dang ldan na ting nge 'dzin de 'thob ste/ bzhi gang zhe na/ stong pa nyid kyi chos bsgom zhing gang zag la rlom sems ma mchis pa dang / mtshan ma ma mchis pa bsgom zhing mtshan ma yongs su spong pa dang / smon pa ma mchis pa bsgom zhing smon pa'i sems yongs su spong ba dang / chog 'tshal cing dngos po thams cad yongs su gtong ba dang bzhi ste/ bcom ldan 'das/ byang chub sems dpa' rnam pa de dag dang / chos de dag dang ldan na/ bdud kyi dkyil 'khor thams cad rnam par 'jig par bgyid pa'i ting nge 'dzin de 'thob bo/ /bcom ldan 'das/ de ltar de bzhin gshegs pa me tog mnad ra'i dris ting nge 'dzin bsgrub pa de rab tu bstan te/ bcom ldan 'das/ bdag gis de bzhin gshegs pa de las ting nge 'dzin bsgrub pa de thos shing / bcom ldan 'das/ de bzhin gshegs pa me tog mnad ra'i dri de'i 'og tu/ de bzhin gshegs pa dgra bcom pa yang dag par rdzogs pa'i sangs rgyas nor bu dang / rin po che dang / glog dang / nyi zla thams cad zil gyis gnon pa'i 'od ces bgyi ba byung bar gyur te/ bcom ldan 'das/ bdag gis de bzhin gshegs pa de'i spyan sngar ting nge 'dzin de </font><hr>33a<br><font size=+1>


@#/ /bsgrubs so/ /bstan pa 'di bshad pa na 'khor de las byang chub sems dpa' khri ni ting nge 'dzin de bsgrubs so/ /de nas bcom ldan 'das la gnas brtan shA ri'i bus 'di skad ces gsol to/ /bcom ldan 'das/ 'jam dpal gzhon nur gyur pas ci tsam du ting nge 'dzin de legs par bsgrubs shing ting nge 'dzin de legs par bsgrubs pas bdud sdig can 'di dag mi sdug pa'i rnam pa 'di lta bur bgyid pa de ni ngo mtshar lags so/ /de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to| |shA ri'i bu/ 'di ji snyam du sems/ stong gsum gyis stong chen po'i 'jig rten gyis khams 'di 'ba' zhig gis bdud sdig can 'di dag 'di ltar mi sdug pa'i rnam par byas so snyam na| shA ri'i bu/ khyod kyis de ltar mi blta'o/ /de ci'i phyir zhe na/ shA ri'i bu/ 'di lta ste/ 'jam dpal gzhon nur gyur pa'i byin gyis brlabs kyis/ phyogs bcu kun gyis sangs rgyas kyi zhing gang+gA'i klung gi bye ma snyed dag na bdud sdig can gang dag 'khod pa de dag thams cad kyang 'di lta bu'i gnas skabs su gyur pa'i phyir ro/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal khyod kyis byin gyis brlabs 'di thong la/ ci nas kyang bdud sdig can 'di dag sngon gyi kha dog rgyas pa dang ldan par </font><hr>33b<br><font size=+1>


'gyur bar gyis shig /de nas 'jam dpal gzhon nur gyur pas byin gyis brlabs de btang ngo / /byin gyis brlabs de btang ma thag tu de nas bdud sdig can de dag sngon gyi kha dog rgyas pa dang ldan par gyur to/ /de nas 'jam dpal gzhon nur gyur pas bdud sdig can de dag dang / bdud kyi 'khor de dag la smras pa/ sdig can dag /gang la mig dang / gang la mig gi 'du shes dang| gang la mig tu lhag par 'dzin pa dang / gang la mig gi mtshan ma dang / gang la mig tu lhag par dmigs pa dang / gang la mig tu mngon par chags pa dang / gang la mig gi rlom sems dang / gang la mig bdag gir 'dzin pa dang / gang la mig gi rten dang / gang la mig la mngon par zhen pa dang / gang la mig gi spros pa dang / gang la mig nga yi ba nyid dang| gang la mig kun du bsrung ba dang / gang la mig bsgom pa dang / gang la mig skrang ba dang / gang la mig dor ba dang / gang la mig tu rtog pa dang / gang la mig tu sems pa dang / gang la mig yongs su 'grub pa dang / gang la mig 'gog pa dang / gang la mig skye ba dang / gang la mig tu 'dzin pa dang / gang la mig 'ong ba yod pa de la ni khyed bdud kyi las bar chad byed pa'i yul yod do/ /sdig can dag/ de bzhin du gang la rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg bya dang / chos </font><hr>34a<br><font size=+1>


@#/ /dang| gang la chos kyi 'du shes dang / gang la chos su lhag par 'dzin pa dang / gang la chos kyi mtshan ma dang / gang la chos su lhag par dmigs pa dang / gang la chos su mngon par chags pa dang / gang la chos kyi rlom sems dang / gang la chos bdag gir 'dzin pa dang / gang la chos kyi rten dang / gang la chos la mngon par zhen pa dang / gang la chos kyi spros pa dang / gang la chos nga yi ba nyid dang / gang la chos kun du bsrung ba dang / gang la chos bsgom pa dang / gang la chos blang ba dang / gang la chos dor ba dang / gang la chos su rtog pa dang / gang la chos su sems pa dang / gang la chos yongs su 'grub pa dang / gang la chos 'gog pa dang / gang la chos skye ba dang / gang la chos su 'dzin pa dang / gang la chos 'ong ba yod pa de la ni khyed bdud kyi las bar chad byed pa'i yul yod do/ /sdig can dag/ gang la mig med pa dang / gang la mig gi 'du shes med pa dang / gang la mig tu lhag par 'dzin pa med pa dang / gang la mig gi mtshan ma med pa dang / gang la mig tu lhag par dmigs pa med pa dang / gang la mig tu mngon par chags pa med pa dang| gang la mig gi rlom sems med pa dang / gang la mig bdag gir 'dzin pa med pa dang / gang la mig gi rten med pa dang / gang la mig la mngon par zhen pa med pa dang / </font><hr>34b<br><font size=+1>


gang la mig gi spros pa med pa dang / gang la mig nga yi ba nyid med pa dang / gang la mig kun du bsrung ba med pa dang / gang la mig bsgom pa med pa dang / gang la mig blang ba med pa dang / gang la mig dor ba med pa dang / gang la mig tu rtog pa med pa dang / gang la mig tu sems pa med pa dang / gang la mig yongs su 'grub pa med pa dang / gang la mig 'gog pa med pa dang / gang la mig skye ba med pa dang / gang la mig tu 'dzin pa med pa dang / gang la mig 'ong ba med pa de la ni khyed kyi gnas med do/ /yul med do/ /bdag po med do/ /stobs med do/ /dbang phyug med do/ /mthus bzung ba med do/ /sdig can dag /de bzhin du gang la rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg bya dang / chos med pa dang / gang la chos kyi 'du shes med pa dang / gang la chos su lhag par 'dzin pa med pa dang / gang la chos kyi mtshan ma med pa dang / gang la chos su lhag par dmigs pa med pa dang / gang la chos su mngon par chags pa med pa dang / gang la chos kyi rlom sems med pa dang / gang la chos su bdag gir 'dzin pa med pa dang / gang la chos kyi rten med pa dang / gang la chos la mngon par zhen pa med pa dang / gang la chos kyi spros pa med pa dang / gang la chos nga yi ba nyid med pa dang / gang la chos kun du bsrung ba med pa dang / </font><hr>35a<br><font size=+1>


@#/ /gang la chos bsgom pa med pa dang / gang la chos blang ba med pa dang / gang la chos dor ba med pa dang / gang la chos su rtog pa med pa dang / gang la chos su sems pa med pa dang / gang la chos su yongs su 'grub pa med pa dang / gang la chos 'gog pa med pa dang / gang la chos skye ba med pa dang / gang la chos su 'dzin pa med pa dang / gang la chos 'ong ba med pa de la ni khyed kyi gnas med do/ /yul med do/ /bdag po med do/ /stobs med do/ /dbang phyug med do/ /mthus gzung ba med do/ /de nas 'jam dpal gzhon nur gyur pas de lta de ltar chos bstan pa des/ bdud kyi 'khor de las bdud khri bla na med pa yang dag par rdzogs pa'i byang chub tu sems skyes so/ /bdud kyi dkyil 'khor de las bdud brgyad khri bzhi stong ni chos rnams la chos kyi mig rdul med cing dri ma dang bral ba rnam par dag go /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das/ 'jam dpal gzhon nur gyur pa 'di mchis lags kyi/ bcom ldan 'das/ bdag cag gis byang chub sems dpa' de dag blta bar bgyi'o/ / de ci'i slad du zhe na/ bcom ldan 'das/ skyes bu dam pa de lta bu de dag mthong bar dka' ba'i slad du'o/ /de nas bcom ldan 'das kyis 'jam dpal gzhon nur gyur pa la bka' </font><hr>35b<br><font size=+1>


stsal pa/ 'jam dpal/ 'khor 'di phyogs bcu nas 'dus pa'i byang chub sems dpa' de dag blta bar 'dod kyi khyod kyis ston cig/ de nas 'jam dpal gzhon nur gyur pas byang chub sems dpa' chos dang / chos 'phags dang / chos kyi blo gros dang / nyi ma dang / bdud kyi mtshon cha dang / 'jam dbyangs dang / sdig pa zhi ba dang / zhi ba srung dang / rnam rgyal srung dang / chos rgyal rnam bsgrags dang / de dag dang / byang chub sems dpa' gzhan dag la smras pa/ rigs kyi bu dag/ khyed cag gi rang rang gi sangs rgyas kyi zhing dag na byang chub sems dpa' de dag gi lus ci 'dra ba de lta bur khyed cag rang rang gi lus ston cig /'jam dpal gzhon nur gyur pas tshig de skad ces smras ma thag tu de nas de'i mod la byang chub sems dpa' de dag ting nge 'dzin de las langs te/ langs nas kyang rang rang gi lus dag bstan to/ /de na byang chub sems dpa' kha cig gi lus ni ri rab tsam mo/ /kha cig gi lus ni dpag tshad brgyad khri tsam mo/ /kha cig gi ni dpag tshad bdun khri dang / drug khri dang / lnga khri dang / bzhi khri dang / sum khri dang / nyis khri dang / khri tsam mo/ /kha cig gi lus ni dpag tshad lnga stong tsam dang / bzhi stong dang / sum stong dang| nyis stong dang / stong tsam mo/ /kha cig gi lus ni dpag tshad lnga brgya dang / bzhi brgya dang / sum brgya dang / nyis brgya dang / brgya tsam mo/ /kha cig gi lus ni dpag tshad lnga bcu </font><hr>36a<br><font size=+1>


@#/ /dang / bzhi bcu dang / sum cu dang / nyi shu dang / bcu tsam mo/ /kha cig gi lus ni dpag tshad lnga dang / bzhi dang / gsum dang / gnyis dang / gcig tsam mo| |byang chub sems dpa' kha cig gi lus ni 'jig rten gyi khams mi mjed 'di'i sems can rnams kyi lus ji tsam par khru phyed dang bzhi tsam pa ste/ de dag gi lus de lta bu dag kun du snang ngo / /de'i tshe na stong gsum gyi stong chen po'i 'jig rten gyi khams 'dir gang du byang chub sems dpa' gzi brjid che ba gzi brjid che ba sha stag gis khyab par ma gyur pa'i sa phyogs ni tha na 'khar ba gzugs pa'i gtos tsam yang med de/ byang chub sems dpa' de dag gi 'od kyis kyang phyogs bcu'i sangs rgyas kyi zhing bye ba phrag 'bum dag snang bar gyur to| |de nas 'jam dpal gzhon nur gyur pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /de skad ces gsol pa </font><hr>36b<br><font size=+1>


dang| bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod ci dang ci 'dod pa de bzhin gshegs pa la zhus shig dang / ngas zhus pa de dang de nyid kyi lan gdab pas khyod kyi sems rangs par bya'o/ /de skad ces bka' stsal pa dang / 'jam dpal gzhon nur gyur pa dang / thams cad dang ldan pa'i 'khor des bcom ldan 'das kyi ltar mnyan nas bcom ldan 'das la 'di skad ces gsol to/ /bcom ldan 'das/ byang chub sems dpa' byang chub sems dpa' zhes bgyi na/ bcom ldan 'das ci'i slad du byang chub sems dpa' zhes bgyi/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ chos thams cad rtog pa'i phyir byang chub sems dpa' zhes bya'o/ /'jam dpal/ gang dag rtogs pa'i phyir byang chub sems dpa' byang chub sems dpa' zhes bya ba'i chos thams cad po de dag gang zhe na/ 'jam dpal/ 'di la byang chub sems dpas mig rtogs par byed do/ /rna ba rtogs par byed do/ /sna rtogs par byed do/ /lce rtogs par byed do/ /lus rtogs par byed do/ /yid rtogs par byed do/ /'jam dpal/ ji ltar byang chub sems dpas mig rtogs par byed/ ji ltar rna ba dang / sna dang / lce dang / lus dang / yid rtogs par byed ce na/ </font><hr>37a<br><font size=+1>


@#/ /'jam dpal/ 'di la byang chub sems dpas mig rang bzhin gyis stong zhes bya bar rtogs par byed kyang rtogs so snyam du rnam par mi rtog go /rna ba dang / sna dang / lce dang / lus dang / yid rang bzhin gyis stong zhes bya bar rtogs par byed kyang rtogs so snyam du rnam par mi rtog go /gzugs rnams dang / sgra rnams dang / dri rnams dang| ro rnams dang / reg bya rnams dang / chos rnams rang bzhin gyis stong zhes bya bar rtogs par byed kyang rtogs so snyam du rnam par mi rtog go /'jam dpal/ gzhan yang byang chub sems dpa' nye bar len pa'i phung po lnga po dag rtogs par byed do/ /ji ltar rtogs par byed ce na/ stong pa nyid dag tu rtogs par byed do/ /mtshan ma med pa dag tu rtogs par byed do/ /smon pa med pa dag tu rtogs par byed do/ /'dod chags dang bral ba dag tu rtogs par byed do/ /zhi ba dag tu rtogs par byed do/ /dben pa dag tu rtogs par byed do/ / dngos po med pa dag tu rtogs par byed do/ /g.yo ba med pa dag tu rtogs par byed do/ /skye ba med pa dag tu rtogs par byed do/ /'ong ba med pa dag tu rtogs par byed do/ /'gro ba med pa dag tu rtogs par byed do/ /ngo bo nyid med pa dag tu rtogs par byed do/ /bdag po med pa dag tu rtogs par byed do/ /rnam par rig pa med pa dag tu rtogs par byed do/ /shes </font><hr>37b<br><font size=+1>


pa med pa dag tu rtogs par byed do/ /mthong ba med pa dag tu rtogs par byed do/ /ma skyes pa dag tu rtogs par byed do/ /spros pa med pa dag tu rtogs par byed do/ /bdag gi med pa dag tu rtogs par byed do/ /rtog pas kun nas bslang ba dag tu rtogs par byed do/ /rnam par rtog pas kun nas kun nas bslang ba dag tu rtogs par byed do/ /rten cing 'brel par 'byung ba dag tu rtogs par byed do/ /sgyu ma lta bu dag tu rtogs par byed do/ /rmi lam lta bu dag tu rtogs par byed do/ /mig yor lta bu dag tu rtogs par byed do/ /brag ca lta bu dag tu rtogs par byed do/ /chu shing gi snying po lta bu dag tu rtogs par byed do/ /ring du mi gnas pa dag dang / snying po med pa dag dang / gsog dag dang / gsob dag tu rtogs par byed do/ /'jam dpal/ gzhan yang byang chub sems dpa' 'dod chags rtogs par byed do/ /zhe sdang rtogs par byed do/ /gti mug rtogs par byed do/ /ci ltar rtogs par byed ce na/ 'dod chags dang / zhe sdang dang / gti mug dag ni yongs su rtogs pas kun nas bslang ba yin par rtogs par byed de/ yongs su rtog pa de dag kyang stong pa dag dang / med pa dag dang / dngos po med pa dag dang / spros pa med pa dag dang / rnam par rig pa med pa dag tu rtogs par byed do/ /'jam dpal/ gzhan yang byang chub sems dpa' </font><hr>38a<br><font size=+1>


@#/ /'dod pa'i khams rtogs par byed do/ /gzugs kyi khams dang / gzugs med pa'i khams rtogs par byed do/ /ji ltar rtogs par byed ce na/ bdag med pa dang / stong pa dang / dben pa'i rnam par rtogs par byed do/ /'jam dpal/ gzhan yang byang chub sems dpa' sems can gyi spyod pa rtogs par byed do/ /ji ltar rtogs par byed ce na/ sems can 'di dag ni 'dod chags spyad pa'o/ /'di dag ni zhe sdang spyad pa'o/ /'di dag ni gti mug spyad pa'o/ /'di dag ni cha mnyam pa spyad pa'o zhes bya bar rtogs nas/ spyod pa la mkhas par rtogs par byed de/ gang gi shes pa'i rnam par rig pa bstan pa gang yin pa de yang rtogs par byed cing / rtogs nas kyang ji lta ji ltar de dag rnam par grol ba de lta de ltar chos ston to/ /'jam dpal/ gzhan yang byang chub sems dpa' sems can thams cad rtogs par byed do/ /ji ltar rtogs par byed ce na/ sems can thams cad ni ming tsam ste/ ming de yang g.yo ba med pa dang / sems can 'di dag thams cad ni sems can gcig pa ste/ sems can de yang sems can med pa dang / de ltar yang rnam par mi rtog pa ste/ de'i phyir byang chub sems dpa' zhes bya'o/ /gang gi tshe byang chub sems dpas chos thams cad rtogs par byed pa de'i tshe byang chub rtogs par byed pa yin no/ /de </font><hr>38b<br><font size=+1>


la 'di skad ces bya ste/ mig dang rna ba de dag ni/ /rang bzhin stong par rtogs byed kyang / /rtogs snyam rtog par mi byed pa/ /byang chub sems dpa' zhes kyang bya/ /sna dang lce yang rang bzhin gyis// dngos po med par rtogs byed kyang / /rtogs snyam rtog par mi byed pa/ /byang chub sems dpa' zhes kyang bya/ /shes rab can gyis lus dang ni/ /yid ni stong par rtogs byed cing / /rtogs nas yang dag ston byed pa/ /byang chub sems dpa' zhes kyang bya/ /gzugs dang sgra dang dri dag dang / /ro dang reg bya yid 'ong rnams/ /thams cad stong par rtogs byed pa/ /byang chub sems dpa' zhes kyang bya/ /gzugs dang tshor ba rtogs byed cing / /'du shes kyang ni de bzhin te/ /'du byed rnams dang rnam shes ni/ /sgyu ma lta bur rtogs par byed/ /lnga phung rmi lam lta bu dang / / mtshan nyid med par mtshan gcig par/ /rtogs kyang rtogs snyam mi rtog pa/ /byang chub sems dpa' zhes kyang bya/ /nang ni 'byung ba ma yin te/ /spros pa med cing 'dus ma byas/ /de dag ming gis bstan pa ste/ /ming de dngos po yod ma yin/ /'dod chags zhe sdang kun rtog gis/ /kun nas bslang bar rtogs par byed/ /rtog pa de yang byung min te/ /gtan du dngos po med pa yin| |gti mug rnam par rtog las byung / /rnam par rtog pa rgyu las skye/ /rgyu yang lta bas bskyed pa ste/ /lta ba de yang dmigs su med/ /khams gsum thams cad stong pa ste/ /de ni </font><hr>39a<br><font size=+1>


@#/ /med par rtogs par byed/ /'di na 'pho ba 'ga' yang med/ /byang chub sems dpa' zhes kyang bya/ /'dod khams grub pa ma yin te/ /rnam par rtog pas kun nas bslangs/ /gzugs dang gzugs med de bzhin te/ /de dag thams cad yod ma yin/ /'dod chags spyod dang zhe sdang spyod/ /de bzhin gti mug spyod pa dang / /sems can spyod pa gang yin pa/ /thams cad mkhas pas rtogs par byed/ /sems can thams cad sems can gcig /sems can de yang yod min par/ /shes rab can gyis de rtogs kyang // sems can de la rlom sems med/ /chos rnams kun gyi 'byung ba ni/ /phyin ci log las skye ba ste/ /gang dag phyin ci log rtog pa/ /de ni log pa'i mtshan nyid do/ /shes pa kun la mkhas pa ni/ /gang gi sgra la'ang chags pa med/ /chags pa med par rtogs gyur pa/ /byang chub sems dpa' zhes kyang bya/ /rang gi sha rnams gtong byed kyang / /de la gnas pa yod min zhing / /ji bzhin rjes su rtogs gyur pa/ /byang chub sems dpa' zhes kyang bya/ /tshul khrims pha rol phyin gyur kyang / /tshul khrims la ni rlom sems med/ / sangs rgyas tshul don gang yin pa/ /skye med 'byung ba med pa yin/ /byams pas sems can khyab byed kyang / /sems can dmigs su yod ma yin/ /sems can don ni rjes </font><hr>39b<br><font size=+1>


rtogs pa/ /de ni ming gis bstan pa yin/ /'dus byas kun la rnam sems pa'i/ /brtson 'grus rtsom la gnas gyur cing / /'jig rten stong par rig nas ni/ /byang chub dam pa rtogs par byed/ /de ni bsam gtan sgom byed kyang / /de la brten pa yod min zhing / /gnas med dmigs pa yod min pa/ /de ltar mkhas pa sgom par byed/ /bag chags lta ba'i nyon mongs rnams/ /shes rab mtshon gyis gcod byed kyang / /chos kyi dbyings la dbye ba dang / /bcad pa'i rlom sems yod ma yin// //bam po gsum pa/ de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ byang chub sems dpa' sems dang po bskyed pa dang ldan pa/ sems dang po bskyed pa dang ldan pa zhes bgyi na/ bcom ldan 'das/ ji tsam gyis na byang chub sems dpa' sems dang po bskyed pa dang ldan pa zhes bgyi/ bcom ldan 'das kyis bka' stsal pa| 'jam dpal/ byang chub sems dpa' gang gis khams gsum pa thams cad las 'du shes dang / yid la byed pa bskyed pa de ni/ sems dang po bskyed pa dang ldan pa zhes bya'o| |'jam dpal gyis gsol pa/ bcom ldan 'das kyis bka' stsal pa'i don bdag gis 'tshal ba ltar na/ byang chub sems dpa' gang gis 'dod chags bskyed pa dang / zhe </font><hr>40a<br><font size=+1>


@#/ /sdang bskyed pa dang / gti mug bskyed pa de ni sems dang po bskyed pa dang ldan pa zhes bgyi'o/ /de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ /'jam dpal/ gal te 'dod chags dang / zhe sdang dang / gti mug dag bskyed pa/ byang chub sems dpa'i sems dang po bskyed pa lags na/ de ltar na byis pa so so'i skye bo rnams kyang sems dang po bskyed pa dang ldan pa lags par 'gyur ro/ /de ci'i slad du zhe na/ 'jam dpal/ 'di ltar de dag ni 'dod chags dang zhe sdang dang gti mug dag bskyed par bgyid pa'i slad du'o/ /'jam dpal gyis smras pa/ lha'i bu/ byis pa so so'i skye bo rnams kyi ni 'dod chags dang / zhe sdang dang / gti mug dag bskyed par mi nus so/ / de ci'i phyir zhe na/ lha'i bu/ 'dod chags dang / zhe sdang dang / gti mug dag ni sangs rgyas rnams dang / rang sangs rgyas rnams dang / nyan thos rnams dang / byang chub sems dpa' phyir mi ldog pa rnams kyis bskyed pa'i phyir ro/ /lha'i bus smras pa/ 'jam dpal/ 'khor 'dis khyod kyis ldem po'i ngag mi rtogs shing ma 'tshal na/ the tshom 'tshal bar 'gyur gyi/ rnam par phye ste bstan du gsol/ 'jam dpal gyis smras pa/ lha'i bu/ 'di ji snyam du sems/ 'dab chags bya steng gi bar snang la rgyu ba de 'phur te song ngam/ 'on te 'dug snyam/ </font><hr>40b<br><font size=+1>


lha'i bus smras pa/ 'jam dpal/ 'phur te mchis so/ /'jam dpal gyis smras pa/ lha'i bu/ kho bo ni de las bsams nas 'di skad ces/ gang dag 'dod chags dang / zhe sdang dang / gti mug dag skyed par byed pa de dag ni sangs rgyas rnams dang / rang sangs rgyas rnams dang / nyan thos rnams dang / byang chub sems dpa'i phyir mi ldog pa zhes bya'o zhes ston te/ lha'i bu/ gang la rten med pa de ni skye ba yin no/ /gang la lhag par chags pa med pa de ni skye ba yin no/ /gang la mngon par zhen pa med pa de ni skye ba yin no/ /lha'i bu/ gang la rten med pa dang / lhag par chags pa med pa dang / mngon par zhen pa med pa de ni skye ba yin te/ skye ba zhes bya ba de ni gzhi med pa yin no/ /skye ba zhes bya ba de ni brtag tu med pa'i gzhi yin no/ /skye ba zhes bya ba de ni 'byung ba med pa'i gzhi yin no/ /skye ba zhes bya ba de ni ngo bo nyid med pa'i gzhi yin no/ /skye ba zhes bya ba de ni dngos po med pa'i gzhi yin no/ /skye ba zhes bya ba de ni 'ong ba med pa'i gzhi yin no| |skye ba zhes bya ba de ni 'gro ba med pa'i gzhi yin no/ /skye ba zhes bya ba de ni skye ba med pa'i gzhi yin no/ /skye ba zhes bya ba de ni dmigs pa med pa'i gzhi yin no/ /skye ba zhes bya ba de ni rnam par rig pa med pa'i gzhi yin no/ /skye ba zhes bya ba de ni rdul med pa'i gzhi yin no/ /skye ba zhes bya ba de ni rlom sems med pa'i gzhi yin no/ /skye ba zhes bya ba de ni spyod pa </font><hr>41a<br><font size=+1>


@#/ /med pa'i gzhi yin no/ /skye ba zhes bya ba da \ DE?\ ni brjod du med pa'i gzhi yin no/ /skye ba zhes bya ba de ni mi phyed pa'i gzhi yin no/ /skye ba zhes bya ba de ni yi ge med pa'i gzhi yin no/ /skye ba zhes bya ba de ni gzung ba med pa'i gzhi yin no/ /skye ba zhes bya ba de ni gnas med pa'i gzhi yin no/ /skye ba zhes bya ba de ni blang ba med pa'i gzhi yin no| |gzhi las 'das pa zhes bya ba de ni dor ba med pa'i gzhi yin no/ /skye ba zhes bya ba de ni phyir mi ldog pa'i gzhi yin te/ lha'i bu/ chos de la rlom sems su mi byed/ mngon par zhen par mi byed/ sems par mi byed/ shes par mi byed/ lta bar mi byed/ nyan par mi byed/ rnam par shes par mi byed/ len par mi byed/ gtong bar mi byed/ skyed par mi byed/ 'gog par mi byed pa gang yin pa de ni byang chub sems dpa'i sems dang po bskyed pa yin no/ /lha'i bu/ de lta bas na byang chub sems dpas tshul de dang / chos kyi dbyings de dang / mnyam pa nyid de dang / mtha' de dang / thabs la mkhas pa des 'dod chags bskyed par bya'o/ /zhe sdang dang / gti mug bskyed par bya'o/ /mig gi rten bskyed par bya'o/ /yid kyi rten gyi bar du bskyed par bya'o/ /gzugs la lhag par chags par bskyed par bya'o/ /rnam par shes pa la lhag par chags pa'i bar du bskyed par bya'o// </font><hr>41b<br><font size=+1>


ming bskyed par bya'o/ /gzugs bskyed par bya'o/ /rgyu bskyed par bya'o/ /lta ba'i rnam pa thams cad bskyed par bya'o/ /ma rig pa bskyed par bya'o/ /srid pa'i sred pa bskyed par bya'o/ / rten cing 'brel par 'byung ba'i yan lag bcu gnyis la 'jug pa'i bar du bskyed par bya'o/ /'dod pa'i yon tan lnga bskyed par bya'o/ /khams gsum pa la mngon par zhen pa bskyed par bya'o/ /ngar 'dzin pa dang / nga yir 'dzin pa bskyed par bya'o/ /'jig tshogs bskyed par bya'o/ /'jig tshogs la lta ba bskyed par bya'o/ /lta ba'i rnam pa drug cu rtsa gnyis bskyed par bya'o/ /sangs rgyas su 'du shes pa dang / chos su 'du shes pa dang / dge 'dun du 'du shes pa bskyed par bya'o/ /bdag tu 'du shes pa dang / gzhan du 'du shes pa bskyed par bya'o/ /sar 'du shes pa bskyed par bya'o/ /chur 'du shes pa dang / mer 'du shes pa dang / rlung du 'du shes pa dang / nam mkhar 'du shes pa dang / rnam par shes par 'du shes pa bskyed par bya'o/ /phyin ci log bzhi bskyed par bya'o/ /sgrib pa lnga dang / rnam par shes pa gnas pa gzhi dang / log pa nyid brgyad dang / mi dge ba bcu'i las kyi lam rnams bskyed par bya'o/ /lha'i bu/ mdor na byang chub sems dpa' rtog pa thams cad dang / yongs su rtog pa thams cad dang / rnam par rtog pa thams cad dang / mtshan </font><hr>42a<br><font size=+1>


@#/ /ma thams cad dang / spros pa thams cad dang / 'dod pa thams cad dang / 'dzin pa thams cad dang / mngon par zhen pa thams cad dang / 'du shes thams cad dang / rlom sems thams cad dang / chags pa thams cad bskyed par bya ste/ lha'i bu/ rnam grangs des na khyod kyis 'di ltar chos de la mngon par zhen pa med pa dang / lhag par chags pa med pa gang yin pa de ni skye ba zhes bya ba yin par rig par bya'o/ /de nas bcom ldan 'das kyis 'jam dpal gzhon nur gyur ba la legs so zhes bya ba byin te/ 'jam dpal/ gang gi phyir khyod kyis 'di lta ste/ sangs rgyas bcom ldan 'das gang+gA'i klung gi bye ma snyed la bsnyen bkur byas pa'i phyir/ byang chub sems dpa' rnams kyi sems dang po bskyed pa 'di bstan pa legs so/ /legs so/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ de ltar 'jam dpal gzhon nur gyur pas/ byang chub sems dpa'i sems dang po skye ba 'di bstan pa'i sems skye ba 'di ni mi skye ba'i chos la bzod pa thob pa dang mtshungs so/ /bcom ldan 'das kyis bka' stsal pa/ shA ri'i bu/ de de bzhin no/ /ji skad smras pa de bzhin te/ shA ri'i bu/ gang gi tshe de bzhin gshegs pa mar me mdzad kyis nga la bram ze'i khye'u khyod ma 'ongs pa'i </font><hr>42b<br><font size=+1>


dus na bskal pa grangs med pa dag gis de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro/ /zhes lung bstan pa de'i tshe na/ shA ri'i bu/ nga sems bskyed pa 'di dang bral bar ma gyur te/ shA ri'i bu/ de na ngas mi skye ba'i chos la bzod pa thob pa gang yin pa dang / byang chub sems dpa'i sems dang po bskyed pa de ni 'jam dpal gzhon nur gyur pas ji skad bstan pa 'di yin no/ /'jam dpal gyis gsol pa/ bcom ldan 'das kyis bka' stsal pa'i don bdag gis 'tshal ltar na/ byang chub sems dpa'i sems skye ba thams cad ni sems dang po skye ba lags so/ /de ci'i slad du zhe na/ bcom ldan 'das/ 'di ltar sems skye ba thams cad ni skye ba ma mchis pa lags la/ skye ba ma mchis pa gang lags pa de ni byang chub sems dpa'i sems dang po skye ba lags pa'i slad du'o/ /bstan pa 'di bshad pa na byang chub sems dpa' nyi khri sum stong gis mi skye ba'i chos la bzod pa thob bo/ /dge slong lnga brgya ni len pa med pa'i zag pa rnams las sems rnam par grol lo/ /lha'i bu/ dung phyur phrag drug ni chos rnams la chos kyi mig rdul med cing dri ma dang bral ba rnam par dag go /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das/ de ltar 'jam dpal gzhon nur gyur </font><hr>43a<br><font size=+1>


@#/ /pas chos bstan pas sems can 'di snyed kyi don bgyis pa ni 'jam dpal gzhon nur gyur pa dka' ba bgyid pa lags so/ /'jam dpal gyis smras pa| btsun pa 'od srung chen po/ kho bo ni dka' ba byed pa ma yin no/ /de ci'i phyir zhe na/ btsun pa 'od srung chen po/ chos thams cad byed pa med pa/ ma byas pa/ bya ba med pa yin pas| kho bo chos 'ga' yang mi byed/ 'jig par mi byed pa'i phyir ro/ /kho bo ni sems can 'ga' yang grol bar mi byed/ 'ching bar mi byed do/ /de ci'i phyir zhe na/ sems can med pa'i phyir ro/ /btsun pa 'od srung chen po/ gzhan yang de skad ces dka' ba byed pa yin no zhes zer ba ni/ btsun pa 'od srung chen po/ kho bo ni dka' ba byed pa ma yin te/ de bzhin gshegs pa yang ma yin/ dgra bcom pa rnams kyang ma yin/ rang sangs rgyas rnams kyang ma yin no/ /btsun pa 'od srung chen po/ gang dag byis pa so so'i skye bo rnams dka' ba byed pa yin no zhes yang dag par smra ba brjod par gyur na/ de dag ni yang dag par smra ba brjod pa yin no/ /de ci'i phyir zhe na/ btsun pa 'od srung chen po/ 'di ltar sangs rgyas thams cad kyis ma brnyes/ mi rnyed/ rnyed par mi 'gyur ba gang yin pa dang / nyan thos thams cad dang / rang sangs rgyas thams cad kyis ma brnyes/ mi rnyed/ rnyed </font><hr>43b<br><font size=+1>


par mi 'gyur ba gang yin pa de byis pa so so'i skye bo rnams kyis rnyed pa'i phyir ro/ /'od srung chen pos smras pa/ 'jam dpal/ sangs rgyas thams cad kyis ci zhig ma brnyes/ 'jam dpal gyis smras pa/ btsun pa 'od srung chen po/ bdag ma brnyes so/ /sems can ma brnyes so/ /srog ma brnyes so/ /gang zag ma brnyes so/ /rtag pa ma brnyes so/ /chad pa ma brnyes so// phung po rnams ma brnyes so/ /khams rnams ma brnyes so/ /skye mched rnams ma brnyes so/ /ming ma brnyes so/ /gzugs ma brnyes so/ /'dod pa'i khams ma brnyes so/ /gzugs kyi khams ma brnyes so/ /gzugs med pa'i khams ma brnyes so/ /rtog pa dang yongs su rtog pa dang / rnam par rtog pa dang / rgyu dang skye ba rnams ma brnyes so/ /phyin ci log rnams ma brnyes so// 'dod chags dang / zhe sdang dang / gti mug dag ma brnyes so/ /'jig rten 'di dang / 'jig rten pha rol ma brnyes so/ /ngar 'dzin pa dang / nga yir 'dzin pa dag ma brnyes te/ btsun pa 'od srung chen po/ mdor na chos thams cad ma brnyes/ ma bshig/ ma bkrol/ ma bzung / ma btang / ma sbyar/ ma phye'o/ /btsun pa 'od srung chen po/ rnam grangs des na khyod kyis 'di ltar sangs rgyas thams cad kyis ma brnyes pa gang yin pa de ni byis pa so so'i skye bo thos pa dang mi ldan pa rnams kyis rnyed par rig par bya ste/ de'i phyir de dag ni dka' ba byed pa </font><hr>44a<br><font size=+1>


@#/ /yin no/ /sangs rgyas rnams kyis ma mdzad pa gang yin pa dang / nyan thos rnams dang / rang sangs rgyas rnams kyis ma byas pa gang yin pa de yang byis pa so so'i skye bo rnams byed do/ /'od srung chen pos smras pa/ 'jam dpal/ ci zhig byed/ 'jam dpal gyis smras pa/ btsun pa 'od srung chen po/ rtag pa byed do/ /chad pa byed do/ /kun du sbyor ba byed do/ /mngon par gnas pa byed do/ /rlom sems byed do/ /sems pa byed do/ /skye ba byed do/ /'jig pa byed do/ /len pa byed do/ /'dor ba byed do/ /'phro ba byed do/ /rtog pa byed do/ /rjes su chags pa byed do/ /khong khro ba byed do/ /khengs pa byed do/ /'dud pa byed de/ btsun pa 'od srung chen po/ sangs rgyas bcom ldan 'das rnams kyis ma mdzad/ mi mdzad/ mdzad par mi 'gyur ba'i chos gang dag yin pa de dag byis pa so so'i skye bo rnams byed pas na/ de'i phyir de dag ni dka' ba byed pa yin no/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ mi skye ba'i bzod pa mi skye ba'i bzod pa zhes bgyi na/ bcom ldan 'das/ byang chub sems dpa'i mi skye ba'i chos la bzod pa zhes bgyi ba de ni gang lags/ mi skye ba'i chos la bzod pa thob pa'i byang chub sems dpa' ni ci zhig 'thob/ bcom ldan 'das kyis bka' stsal pa/ 'jam dpal/ </font><hr>44b<br><font size=+1>


'thob pa ci yang med pa'i phyir mi skye ba'i chos la bzod pa thob pa zhes bya'o/ /de ci'i phyir zhe na/ bzod pa de ni thob pa med pa ste/ thob pa med pa/ thob pa dang bral ba/ ma thob pa/ ma bshig pa yin pa'i phyir ro/ /'jam dpal/ mi skye ba'i chos la bzod pa zhes bya ba de ni chos thams cad skye ba med pa zhes bya ba bzod pa dang / chos thams cad 'ong ba med pa zhes bya ba bzod pa dang / chos thams cad 'gro ba med pa zhes bya ba bzod pa dang / chos thams cad mnyam pa med pa zhes bya ba bzod pa dang / chos thams cad bdag po med pa zhes bya ba bzod pa dang / chos thams cad blang ba med pa zhes bya ba bzod pa dang / chos thams cad dor ba med pa zhes bya ba bzod pa dang / chos thams cad dngos po med pa zhes bya ba bzod pa dang / chos thams cad ngo bo nyid med pa zhes bya ba bzod pa dang / chos thams cad 'dra ba med pa zhes bya ba bzod pa dang / chos thams cad rdul med cing nam mkha' dang mtshungs pa zhes bya ba bzod pa dang / chos thams cad dbyer med cing gcad du med pa zhes bya ba bzod pa dang / chos thams cad kun nas nyon mongs pa med pa zhes bya ba bzod pa dang / chos thams cad rnam par byang ba med pa zhes bya ba bzod pa dang / chos thams cad stong pa dang / mtshan ma med pa dang / smon pa med pa zhes bya ba bzod pa dang / chos thams cad 'dod chags dang bral ba dang / zhe sdang dang bral ba dang / gti mug dang bral ba zhes bya ba </font><hr>45a<br><font size=+1>


@#/ /bzod pa dang / chos thams cad de bzhin nyid dang / chos kyi dbyings dang / yang dag pa'i mtha' la gnas ba zhes bya ba bzod pa dang / chos thams cad ma brtags pa dang / rnam par ma brtags pa dang / ma rlom pa dang / ma spros pa dang / ma bsams pa dang / ma byas pa dang / stobs med pa dang / nyam chung ba dang / gsog dang / gsob dang| sgyu ma lta bu dang / rmi lam lta bu dang / brag ca lta bu dang / mig yor lta bu dang / smig rgyu lta bu dang / chu shing gi snying po lta bu dang / chu bur lta bu dang / dbu ba rdos pa lta bu zhes bya ba bzod cing / de dag ni chos rnams kyang ma yin/ chos ma yin pa rnams kyang ma yin/ ming gis brjod pa kho na yin zhing / ming de yang g.yo ba med pa/ rang bzhin gyis dben pa yin no/ /zhes bya ba de ltar bzod par byed/ mos par byed/ yid ches par byed/ 'jug par byed/ rtogs par byed cing / nem nur mi byed/ the tshom mi za la/ mi skrag mi dngangs dngang bar mi 'gyur bar lus kyis reg par byas nas bsgrubs te gnas shing / lus kyang mi dmigs/ gnas pa yang mi dmigs pa de ni/ 'jam dpal/ 'di lta ste/ mtshan ma thams cad rab tu mi rgyu ba'i phyir/ byang chub sems dpa' mi skye ba'i chos la bzod pa zhes bya'o/ /'jam dpal gyis gsol pa/ bcom ldan 'das/ bzod pa bzod pa zhes bgyi </font><hr>45b<br><font size=+1>


ba ni| chos gang chos gang gis kyang smras par bgyir ma mchis pa de ni bzod pa zhes bgyi'o/ /de nas lha'i bu blo gros rab gnas kyis 'jam dpal gzhon nur gyur pa la 'di skad ces smras/ so| |'jam dpal/ chos gang zhig chos gang gis smras par bgyid/ 'jam dpal gyis smras pa/ lha'i bu/ mig ni gzugs yid du 'ong ba dang / yid du mi 'ong ba dag gis smras bar byed do/ / rna ba ni sgra dag gis so/ /sna ni dri dag gis so/ /lce ni ro dag gis so/ /lus ni reg bya dag gis so/ /lha'i bu/ yid ni chos yid du 'ong ba dang / yid du mi 'ong ba dag gis smras par byed do/ / lha'i bu/ byang chub sems dpa' ni mig gis gzugs mthong yang mtshan mar 'dzin par mi byed/ mngon rtags su 'dzin par mi byed/ rtog par mi byed/ rnam par rtog par mi byed/ rjes su chags par mi byed/ khong khro bar mi byed de/ gzugs rang bzhin gyis stong par shes par byed cing / rlom sems su mi byed/ smras par mi byed do/ /de bzhin du rna bas sgra thos pa dang| snas dri mnam pa dang / lces ro myong ba dang / lus kyis reg bya reg pa dang / yid kyis chos shes kyang mtshan mar 'dzin par mi byed/ mngon rtags su 'dzin par mi byed/ rtog par mi byed/ rnam par rtog par mi byed/ rjes su chags par mi byed/ khong khro bar mi byed de/ chos rang bzhin gyis stong par shes par byed cing / rlom sems su mi byed/ smras par mi </font><hr>46a<br><font size=+1>


@#/ /byed do/ /lha'i bu/ de ltar skye mched drug po dag la chags par mi byed/ smras bar mi byed de/ smras par mi byed pa gang yin pa de ni bzod pa zhes bya'o/ / lha'i bu/ bzod pa de lta bu thob pa'i byang chub sems dpa' ni chos rnams la skye ba'am/ mi skye bar mi rtog go /chos rnams la zag pa dang bcas pa'am/ zag pa med pa'am/ kha na ma tho ba dang bcas pa'am/ kha na ma tho ba med pa'am/ 'dus byas sam/ 'dus ma byas su mi rtog ste/ gang gi tshe mi rtog pa de'i tshe/ mi skye ba'i chos la bzod pa zhes bya'o/ /bstan pa 'di bshad pa na/ srog chags drug khri nyis stong bla na med pa yang dag par rdzogs pa'i byang chub tu sems skyes so/ /byang chub sems dpa' khri nyis stong gis ni mi skye ba'i chos la bzod pa thob par gyur to/ /de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ /'jam dpal/ sa nas sar 'phar ba zhes bgyi na/ ji ltar byang chub sems dpa' sa nas sar 'phar bar bgyid/ 'jam dpal gyis smras pa/ lha'i bu/ sa nas sar 'phar bar byed pa gang yin pa de la dris shig/ lha'i bus smras pa/ 'jam dpal/ byang chub sems dpa' sa nas sar 'phar zhing / sa bcu pa'i bar du gnon par mi bgyid dam/ 'jam dpal gyis smras pa/ lha'i bu khyod bcom ldan 'das kyis chos thams cad sgyu </font><hr>46b<br><font size=+1>


ma lta bu'o zhes gsungs pa la ma mos sam/ lha'i bus smras pa/ 'jam dpal/ mos so/ /'jam dpal gyis smras pa/ lha'i bu/ ci sgyu ma dang sprul pas nas sar 'phar zhing / sa bcu pa'i bar du gnon tam/ lha'i bus smras pa/ 'jam dpal/ de ni ma lags so/ /'jam dpal gyis smras pa/ lha'i bu/ gang gi tshe sgyu ma dang sbrul pa sa nas sar 'phar bar gyur pa de'i tshe/ kho bo yang sa nas sar 'phar bar 'gyur ro/ /de ci'i phyir zhe na/ bcom ldan 'das kyis chos thams cad sgyu ma lta bu zhes gsungs pa'i phyir ro/ /lha'i bu/ de lta mod kyi sa nas sar 'phar ba bstan pa ni 'phar ba med par bstan par bya'i/ 'phar bar ni ma yin no/ /de ci'i phyir zhe na/ chos thams cad 'phar ba med pas/ chos rnams ni chos rnams su mi 'phar ba'i phyir te/ gzugs ni tshor bar mi 'pho/ tshor ba yang gzugs su mi 'pho/ gzugs ni 'du shes su mi 'pho/ 'du shes kyang gzugs su mi 'pho/ gzugs ni 'du byed rnams su mi 'pho/ 'du byed rnams kyang gzugs su mi 'pho/ gzugs ni rnam par shes par mi 'pho/ rnam par shes pa yang gzugs su mi 'pho/ tshor ba ni 'du shes su mi 'pho/ 'du shes kyang tshor bar mi 'pho/ tshor ba ni 'du byed rnams su mi 'pho/ 'du byed rnams kyang tshor bar mi 'pho/ tshor ba ni rnam par shes par mi 'pho/ rnam par shes pa yang tshor bar mi 'pho/ 'du shes ni 'du byed rnams su mi 'pho/ </font><hr>47a<br><font size=+1>


@#/ /'du byed rnams kyang 'du shes su mi 'pho/ 'du shes ni rnam par shes par mi 'pho/ rnam par shes pa yang 'du shes su mi 'pho/ 'du byed rnams ni rnam par shes par mi 'pho/ rnam par shes pa yang 'du byed rnams su mi 'pho/ mig ni rna bar mi 'pho/ rna ba yang mig tu mi 'pho/ mig ni snar mi 'pho/ sna yang mig tu mi 'pho/ mig ni lcer mi 'pho/ lce yang mig tu mi 'pho/ mig ni lus su mi 'pho/ lus kyang mig tu mi 'pho/ mig ni yid du mi 'pho/ yid kyang mig tu mi 'pho/ rna ba ni snar mi 'pho/ sna yang rna bar mi 'pho/ rna ba ni lcer mi 'pho| lce yang rna bar mi 'pho/ rna ba ni lus su mi 'pho/ lus kyang rna bar mi 'pho/ rna ba ni yid du mi 'pho/ yid kyang rna bar mi 'pho/ sna ni lcer mi 'pho/ lce yang snar mi 'pho/ sna ni lus su mi 'pho/ lus kyang snar mi 'pho/ sna ni yid du mi 'pho/ yid kyang snar mi 'pho/ lce ni lus su mi 'pho/ lus kyang lcer mi 'pho/ lce ni yid du mi 'pho/ yid kyang lcer mi 'pho/ lus ni yid du mi 'pho/ yid kyang lus su mi 'pho zhing / chos de dag gi spyod yul tha dad pa/ yul tha dad pa/ blun pa/ bem po sems pa med pa/ g.yo ba med pa/ byed pa med pa/ rtswa dang / rtsig pa lta bur snang ba/ sgyu ma lta bur rnam par rig pa med pa/ mtshan nyid med par mtshan nyid gcig pa ste/ de dag ni 'pho bar mi byed/ 'ong bar mi byed/ 'gro bar mi byed pa'i </font><hr>47b<br><font size=+1>


phyir ro/ /lha'i bu/ byang chub sems dpa' gang de ltar shes par byed pa de ni chos gang la yang 'pho bar mi byed cing / sar yang rnam par rtog par mi byed/ sar 'phar bar yang mi mthong / sa yongs su spong bar yang mi byed de/ 'pho ba med pa dang / 'jig pa med pa'i phyir/ byang chub las ldog par yang mi 'gyur ro/ /de ci'i phyir zhe na/ chos thams cad gzod ma nas rnam par dag pa'i phyir/ phung po dang / khams dang / skye mched kyi ngo bo nyid gang yin pa de ni 'pho ba med cing 'jig pa med pa'i phyir te/ lha'i bu/ de ni byang chub sems dpa' rnams kyi sa nas sar 'phar ba yin no/ /lha'i bu/ 'di lta ste/ dper na/ sgyu ma mkhan zhig gis sa bcu'i khang pa brtsegs pa zhig mngon par sprul nas/ der sgyu ma'i mi zhig zhugs par gyur na/ lha'i bu/ 'di ji snyam du sems/ der zhugs pa 'ga' yang yod snyam mam/ lha'i bus smras pa/ 'jam dpal/ de ni ma mchis so/ /'jam dpal gyis smras pa/ lha'i bu/ byang chub sems dpa'i sa bcur 'phar ba yang de bzhin du blta bar bya'o/ /de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ /'jam dpal/ la la zhig rab tu 'byung ba'i slad du khyod kyi thad du mchis na /rab tu 'byung ba de la khyod ji skad gsung zhing / de rab tu ni ji ltar 'byin/ de bsnyen par rdzogs par ni ji ltar mdzad/ tshul khrims kyi phung po la ni ji </font><hr>48a<br><font size=+1>


@#/ /ltar sbyor/ bslab pa'i lung ni ji skad 'bogs par mdzad/ 'jam dpal gyis smras pa/ lha'i bu/ la la zhig rab tu 'byung ba'i phyir/ kho bo'i thad du 'ongs na| de la kho bo 'di skad ces rigs kyi bu gal te khyod rab tu 'byung ba'i sems bskyed par mi byed pa de lta na/ kho bos khyod rab tu dbyung ngo zhes smra'o/ /de ci'i phyir zhe na/ lha'i bu/ gang rab tu 'byung ba de ni 'dod pa'i khams su gnas pa'am/ gzugs kyi khams su gnas pa'am/ gzugs med pa'i khams su gnas pa'am/ 'dod pa'i yon tan lnga la gnas pa yin la| gnas dgu la spyod pa'i rigs kyi bu ni chos mngon sum du byed pa'i phyir te/ lha'i bu/ dgu gang zhe na/ gang ci la yang mi gnas pa de ni sems nye bar dmigs par mi byed pa dang / sems nye bar dmigs par mi byed pa de ni rab tu 'byung bar mi 'dod pa dang / gang rab tu 'byung bar mi 'dod pa de ni rab tu 'byung ba'i sems bskyed par mi byed pa dang / gang rab tu 'byung ba'i sems bskyed par mi byed pa de ni mi skye ba dang / gang mi skye ba de ni sdug bsngal zad pa dang / gang sdug bsngal zad pa de ni gtan zad pa dang / gang gtan zad pa de ni mi zad pa dang / gang mi zad pa de ni zad par mi 'gyur ba dang / gang zad par mi 'gyur ba de ni nam mkha' yin pa ste/ lha'i bu/ kho bo ni rigs kyi bu de la de skad smra'o/ /lha'i bu/ gzhan </font><hr>48b<br><font size=+1>


yang la la zhig rab tu 'byung ba'i phyir kho bo'i thad du 'ongs na/ de la kho bo 'di skad ces rigs kyi bu khyod rab tu 'byung ba'i sems ma bskyed cig/ de ci'i phyir zhe na/ 'di ltar sems de ni skye ba med pa'i phyir te/ de rnam par ma dkrugs shig/ rigs kyi bu/ gal te khyod skra 'breg pa mi byed pa de lta na khyod legs par rab tu byung ba yin no zhes smra'o/ /lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu/ de bzhin gshegs pa ni gcad du med pa dang / dbyer med pa'i phyir chos ston par mdzad do/ /lha'i bus smras pa/ 'jam dpal/ ci zhig gcod par mi bgyid cing / ci zhig 'byed par mi bgyid/ 'jam dpal gyis smras pa/ lha'i bu/ gzugs ni gcod par mi byed cing 'byed par mi byed do/ /tshor ba dang / 'du shes dang / 'du byed rnams dang / rnam par shes pa ni gcod par mi byed cing 'byed par mi byed do/ /lha'i bu/ gang 'di snyam du bdag gis skra breg go snyam du sems pa de ni/ ngar 'dzin pa dang nga yir 'dzin pa la gnas pa yin pas/ ngar 'dzin pa dang / nga yir 'dzin pa la spyod pa dag gis ni mnyam pa nyid mi mthong zhing / bdag tu dmigs pa yod na skrar dmigs par 'gyur la/ skrar dmigs pa yod na sems can du dmigs par 'gyur zhing / sems can du dmigs pa yod na 'breg pa'i 'du shes 'byung bar 'gyur ro/ /lha'i bu/ gang la </font><hr>49a<br><font size=+1>


@#/ /bdag tu dmigs pa med pa de la gzhan du dmigs pa med do/ /gang la gzhan du dmigs pa med pa de la ngar 'dzin pa med do/ /gang la ngar 'dzin pa med pa des nga yir 'dzin pa spangs so/ /gang gis nga yir 'dzin pa spangs pa de rnam par mi rtog go/ gang rnam par mi rtog pa de mi 'gyur ro/ /gang mi 'gyur ba de ni spros pa med do// spros pa med pa de mi len/ mi 'dor/ mi byed/ 'jig par mi byed/ mi gcod/ mi 'byed/ mi sbyor/ mi 'bral/ mi nur/ mi spong zhing / 'bri bar mi byed/ gang bar mi byed/ sdud par mi byed/ 'phro bar mi byed/ rlom sems su mi byed/ smra bar mi byed/ rjod par mi byed/ rab tu rjod par mi byed de/ de ni yang dag pa la gnas pa yin no/ /lha'i bus smras pa| 'jam dpal/ yang dag pa zhes bgyi ba ci lags/ 'jam dpal gyis smras pa/ lha'i bu/ gang yang dag pa zhes bya ba ni nam mkha' ste/ nam mkha' ni 'grib pa'am / 'phel ba'am/ 'byung ba'am/ 'jig par mi 'gyur bas/ de'i phyir nam mkha' de ni yang dag pa'o/ /yang dag pa ni stong pa nyid do/ /yang dag pa ni de bzhin nyid do/ /yang dag pa ni chos kyi dbyings so/ /yang dag pa ni yang dag pa'i mtha'o/ /yang dag pa gang yin pa de ni/ ma byung ba'o/ /de ci'i phyir zhe na/ de ni ma byung zhing 'byung bar mi </font><hr>49b<br><font size=+1>


'gyur bas/ de'i phyir de ni ma byung ba yin no/ /lha'i bu/ gzhan yang la la zhig rab tu 'byung ba'i phyir kho bo'i thad du 'ongs na/ de la kho bos 'di skad ces rigs kyi bu gal te khyod ngur smrig 'dzin par mi byed cing gyon par mi byed pa de lta na khyod rab tu dbyung ngo zhes smra'o/ /lha'i bus smras pa/ 'jam dpal khyod ci las dgongs te/ de skad ston/ 'jam dpal gyis smras pa/ lha'i bu| de bzhin gshegs pa ni 'dzin pa med pa'i phyir chos ston par mdzad kyi/ 'dzin pa'i phyir ni ma yin no/ /lha'i bus smras pa/ 'jam dpal/ ci zhig mi 'dzin/ 'jam dpal gyis smras pa| lha'i bu/ gzugs rtag ces bya ba'am mi rtag ces bya bar mi 'dzin to/ /tshor ba dang / 'du shes dang / 'du byed rnams dang / rnam par shes pa rtag ces bya ba'am mi rtag ces bya bar mi 'dzin to/ /mig mi 'dzin to/ /gzugs mi 'dzin to/ /rna ba mi 'dzin to/ /sgra mi 'dzin to/ /sna mi 'dzin to/ /dri mi 'dzin to/ /lce mi 'dzin to/ /ro mi 'dzin to/ /lus mi 'dzin to/ /reg bya mi 'dzin to/ /yid mi 'dzin to/ /chos mi 'dzin to/ /'dod chags mi 'dzin to/ /zhe sdang mi 'dzin to/ /gti mug mi 'dzin to/ /phyin ci log mi 'dzin te/ lha'i bu/ mdor na chos thams cad mi 'dzin/ mi gtong / mi spong / mi 'dor ro/ /lha'i bu/ gang ngur smrig dag la 'dzin pa'i 'du shes dang ldan pa de ni lta ba'i rnam pa can yin par kho bo smra ste/ lha'i bu/ ngur smrig </font><hr>50a<br><font size=+1>


@#/ /'dzin pas ni rnam par dag pa'am/ rnam par grol bar mi 'gyur ro/ /de ci'i phyir zhe na/ lha'i bu/ sangs rgyas bcom ldan 'das rnams kyi byang chub ni snyigs ma med pa yin pa'i phyir ro/ /lha'i bus smras pa/ 'jam dpal/ snyigs ma zhes bgyi pa ci lags/ 'jam dpal gyis smras pa/ lha'i bu/ 'dod chags ni snyigs ma'o/ /zhe sdang ni snyigs ma'o/ /gti mug ni snyigs ma'o/ /rgyu ni snyigs ma'o/ /lta ba ni snyigs ma'o/ /ming ni snyigs ma'o/ /gzugs ni snyigs ma'o/ /'du shes ni snyigs ma'o/ /lhag par 'dzin pa ni snyigs ma'o/ / mtshan ma ni snyigs ma'o/ /spros pa ni snyigs ma'o/ /lha'i bu/ gang mi dge ba'i chos de dag yid la mi byed pa de ni snyigs ma med pa'o/ /gang snyigs ma med pa de ni ci yang med pa'o/ / gang ci yang med pa de ni nyon mongs pa med pa'o/ /gang nyon mongs pa med pa de ni nam mkha' yin no/ /lha'i bus smras pa/ 'jam dpal/ lhag par bya ba med pa/ lhag par bya ba med pa zhes bgyi na/ 'jam dpal/ lhag par bya ba med pa zhes bgyi ba ci lags/ 'jam dpal gyis smras pa/ lha'i bu/ lhag par bya ba med pa/ lhag par bya ba med pa zhes bya ba ni/ chos 'ga' yang lhag par mi bya ba de ni lhag par bya ba med pa zhes bya ste/ lha'i bu/ gang dag lhag par byed pa de dag la de bzhin gshegs pa lhag par bya ba med pa zhes gsungs </font><hr>50b<br><font size=+1>


te| de ni lhag par bya ba med pa zhes bya'o/ /lha'i bus smras pa/ 'jam dpal/ ci zhig lhag par bgyid/ 'jam dpal gyis smras pa/ lha'i bu/ mnyam pa nyid las 'da' bar byed cing / mnyam pa nyid las 'das nas/ chos gang ma rnyed/ mi rnyed/ rnyed par mi 'gyur zhing / ma byung / mi 'byung / 'byung bar mi 'gyur ba'i chos de la log par gnas shing lhag par byed de/ 'di lta ste/ bdag ces bya bar rtog cing lhag par byed pa dang / sems can dang / srog dang / gang zag dang / shed las skyes dang / shed bu dang / rtag pa dang / chad pa zhes bya bar rtog cing lhag par byed pa dang / phung po rnams dang / khams rnams dang / skye mched rnams zhes bya bar rtog cing lhag par byed pa dang / sangs rgyas dang / chos dang / dge 'dun zhes bya bar rtog cing lhag par byed pa dang / 'di ni tshul khrims dang ldan pa'o/ /'di ni tshul khrims 'chal pa'o zhes bya bar rtog cing lhag par byed pa dang / kun nas nyon mongs pa dang / rnam par byang ba 'thob pa dang / 'bras bu dang / mngon sum du bya ba zhes bya bar rtog cing lhag par byed pa dang / rgyun du zhugs pa'i 'bras bu dang / lan gcig phyir 'ong ba'i 'bras bu dang / dgra bcom pa nyid dang / rang sangs rgyas nyid dang / sangs rgyas nyid ces bya bar rtog cing lhag par byed pa dang / 'di ni stong pa nyid dang / mtshan ma med pa dang / smon pa med pa dang / rig pa dang / </font><hr>51a<br><font size=+1>


@#/ /rnam par grol ba dang / 'dod chags dang bral ba'o/ /zhes bya bar rtog cing lhag par byed de/ lha'i bu/ byis pa so so'i skye bo thos ba dang mi ldan pa rnams ni lhag par bya ba de lta bu de dag la rtog cing lhag par byed do/ /mi gti mug can de dag rtog par bya ba'i chos la sgro 'dogs shing yongs su rtog par byed de/ de dag gi sgro 'dogs pa la 'dun pa bzlog pa'i phyir/ de bzhin gshegs pa la lhag par bya ba med pa ston par mdzad do/ /de nas lha'i bu blo gros rab gnas kyis/ 'jam dpal gzhon nur gyur pa la legs so zhes bya ba byin te/ 'jam dpal/ legs so/ /legs so/ /'jam dpal khyod kyis lhag par bya ba med par bstan pa 'di bshad pa legs so/ /legs so/ /bcom ldan 'das kyis kyang 'jam dpal gzhon nur gyur pa la legs so zhes bya ba byin te/ 'jam dpal/ legs so/ /legs so/ /gal te bstan par bya na de skad bstan par bya'o/ /gzhan yang 'jam dpal gzhon nur gyur pas lha'i bu blo gros rab gnas la 'di skad ces smras so/ /lha'i bu/ gang la la zhig rab tu 'byung ba'i phyir kho bo'i thad du 'ongs na/ de la kho bos 'di skad ces rigs kyi bu gal te khyod rdzogs par bsnyen par mi byed pa de lta na/ khyod rab tu byung ba yin no/ /zhes smra'o/ /lha'i bus smras pa/ 'jam dpal khyod ci las dgongs te de skad ston/ </font><hr>51b<br><font size=+1>


'jam dpal gyis smras pa/ bcom ldan 'das kyis rdzogs par bsnyen pa ni 'di gnyis yin par gsungs te/ gnyis gang zhe na/ mnyam par rdzogs par bsnyen pa dang / mi mnyam par rdzogs par bsnyen pa'o/ /de la mi mnyam par rdzogs par bsnyen pa gang zhe na/ gang mi mnyam par ltung ba'o/ /de la mi mnyam pa gang zhe na/ bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang / rtag pa dang / chad pa dang / nga rgyal dang / log par lta ba dang / chags pa dang / zhe sdang dang / gti mug tu ltung ba dang / 'dod pa'i khams dang / gzugs kyi khams dang / gzugs med pa'i khams su ltung ba dang / lhag par 'dzin pa dang / rlom sems dang / nye bar len par ltung ba ste/ lha'i bu/ mdor na mi dge ba'i chos thams cad du ltung ba dang / sdig pa'i grogs po rnams kyi log tu ltung ba dang / nges par 'byung ba mi shes shing yongs su 'dzin pa thams cad yongs su 'dzin par byed pa gang yin pa de ni/ lha'i bu/ mi mnyam par rdzogs par bsnyen pa yin no| /de la mnyam par rdzogs par bsnyen pa gang zhe na/ gang mnyam pa nyid du 'bab pa'o/ /de la mnyam pa nyid gang zhe na/ stong pa nyid mnyam pa nyid dang / mtshan ma med pa mnyam pa nyid dang / smon pa med pa mnyam pa nyid de/ lha'i bu/ rnam par thar pa'i sgo gsum po de dag mngon sum du bya ba yang dag pa ji lta </font><hr>52a<br><font size=+1>


@#/ /ba bzhin bsgrub cing rtog pa med pa dang / rnam par rtog pa med pa dang / kun du rtog pa med pa dang / phyir mi ldog pa gang yin pa de ni/ lha'i bu/ mnyam par rdzogs par bsnyan pa yin no/ /lha'i bu/ gzhan yang 'dod chags sel bar byed pa dang / zhe sdang sel bar byed pa dang / gti mug sel bar byed pa dang / sred pa dang / ma rig pa dang / 'jig tshogs dang / 'jig tshogs kyi rtsa ba las byung ba lta ba'i rnam pa drug cu rtsa gnyis sel bar byed pa dang / phyin ci log rnams sel bar byed pa dang / nyes par spyod pa gsum dang / log pa nyid brgyad dang / kun nas mnar sems kyi dngos po dgu dang / mi dge ba bcu'i las kyi lam sel bar byed pa gang yin pa de ni yang dag par rdzogs par bsnyen pa zhes bya'o/ /lha'i bu/ 'di lta ste/ dper na/ sa gzhi la brten nas sa bon thams cad skye shing / rtswa dang / shing gel pa dang / sman dang / nags tshal rnams kyang skye ba de dag 'phel ba na rdzogs pa zhes bya'o/ /lha'i bu/ de bzhin du gang dag bstan pa 'di rdzogs par byed pa de dag kyang rdzogs par bsnyen pa zhes bya'o/ /lha'i bu/ 'di lta ste/ dper na/ sa chen po ni sa bon thams cad kyi rten te/ tshul khrims phun sum tshogs pa yang de bzhin du blta bar bya'o/ /de ci'i phyir zhe na/ tshul khrims la brten nas chos mngon </font><hr>52b<br><font size=+1>


par rtogs par 'gyur ba'i phyir ro/ /ji ltar sa bon rnams dang / ji ltar sman rnams rnam par 'phel ba la rdzogs pa zhes bya ba de bzhin du tshul khrims dang dad pa la brten pa'i byang chub kyi phyogs dang mthun pa'i chos thams cad skye zhing rdzogs par 'gyur te/ lha'i bu/ rnam par thar pa'i sgo gsum po de dag rtogs shing spros pa thams cad yang dag par chad pa gang yin pa de ni 'das pa dang / ma 'ongs pa dang / da ltar byung ba'i sangs rgyas bcom ldan 'das kyi nyan thos thams cad kyi rdzogs par bsnyen pa yin no/ /lha'i bu/ gang de ltar rdzogs par bsnyen par byed pa ni yang dag par rdzogs par bsnyen par byed pa yin gyi mi mnyam par ma yin no/ /lha'i bu/ gzhan yang de ltar rab tu byung zhing de ltar rdzogs par bsnyen pa de la kho bos 'di skad ces| rigs kyi bu/ gal te khyod bslab pa len par mi byed pa de ltar na/ khyod bslab pa 'dod pa yin no/ /zhes rjes su bstan pa sbyin par bya'o/ /lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu/ chos thams cad ni ma blangs pa yin pas/ lha'i bu/ gang tshul khrims len pa de ni khams gsum len pa yin no| |lha'i bu/ 'di ji snyam du sems/ bslab pa de gang yin snyam/ lha'i bus smras pa/ 'jam dpal/ so sor thar pa'i sdom pa gang lags pa'o/ /'jam dpal gyis smras pa/ lha'i bu/ </font><hr>53a<br><font size=+1>


@#/ /so sor thar pa'i sdom pa yang gang yin/ lha'i bus smras pa/ 'jam dpal/ sdom pa zhes bgyi ba ni lus sdom pa dang / ngag sdom pa dang / yid sdom pa ste| de ni so sor thar pa'i sdom pa zhes bgyi'o/ /'jam dpal gyis smras pa/ lha'i bu/ 'di ji snyam du sems/ lus dang / ngag dang / yid kyis ma byas/ mi byed/ byed par mi 'gyur ba'i las gang yin pa de la sngon po'am/ ser po'am/ dmar po'am/ dkar po'am/ btsod ka'am/ shel gyi kha dog lta bu'o zhes gdags par nus snyam mam/ lha'i bus smras pa/ 'jam dpal/ de ni ma lags so/ /'jam dpal gyis smras pa/ lha'i bu/ 'o na ji skad brjod par bya/ lha'i bus smras pa/ 'jam dpal/ mngon par 'du bgyi ba ma mchis pa zhes brjod par bgyi ste/ de ni lus kyi las sam/ ngag gi las sam/ yid kyi las zhes gdags par rdo \ RNGO?\ mi thog go/ 'jam dpal gyis smras pa/ lha'i bu/ 'di ji snyam du sems/ gang mngon par 'du bya ba med pa de blang bar nus snyam mam/ lha'i bus smras pa/ 'jam dpal/ de ni ma lags so/ /'jam dpal gyis smras pa/ lha'i bu/ de'i phyir kho bo ni de las bsams nas/ de skad ces gang bslab pa len par mi byed pa de bslab pa 'dod pa yin no zhes ston to/ /lha'i bu/ lhag pa'i tshul khrims kyi bslab pa dang / lhag </font><hr>53b<br><font size=+1>


pa'i sems kyi bslab pa dang / lhag pa'i shes rab kyi bslab pa zhes bya ba gang yin pa de yang mtha' de nyid kyis rtogs par bya ste/ tshul khrims mi dmigs pas lhag pa'i tshul khrims kyi bslab pa zhes bya'o/ /sems mi dmigs pas lhag pa'i sems kyi bslab pa zhes bya'o/ /shes rab mi dmigs pas lhag pa'i shes rab kyi bslab pa zhes bya'o/ /sems rtog pa med pa dang / rlom sems med pa dang / rnam par rtog pa med pa dang / skye ba med pas lhag pa'i sems kyi bslab pa zhes bya'o/ /tshul khrims rtog pa med pa dang / rlom sems med pa dang / rnam par rtog pa med pa dang / skye ba med pas lhag pa'i tshul khrims kyi bslab pa zhes bya'o/ /shes rab rtog pa med pa dang / rlom sems med pa dang / rnam par rtog pa med pa dang / skye ba med pas lhag pa'i shes rab kyi bslab pa zhes bya'o/ /lha'i bu/ gang gis sems ma rnyed pa de tshul khrims su rlom sems mi byed do/ /gang tshul khrims su rlom sems mi byed pa des ting nge 'dzin mi dmigs so/ /gang gis ting nge 'dzin mi dmigs pa des shes rab mi dmigs so/ /gang gis shes rab mi dmigs pa de la the tshom thams cad mi 'byung ngo / /gang la the tshom thams cad mi 'byung ba de bslab pa mi len to/ /gang bslab pa mi len pa de bslab pa 'dod pa zhes bya'o/ /gang bslab pa 'dod pa de phyir mi 'ong ba'o/ /gang phyir mi 'ong ba de rnam par dag pa'o/ /gang rnam par dag pa de bral ba'o/ /gang bral ba de zag pa med </font><hr>54a<br><font size=+1>


@#/ /pa'o| |gang zag pa med pa de yang dag par zhugs pa'o/ /gang yang dag par zhugs pa de la bcos pa med do/ /gang la bcos pa med pa de nam mkha'o/ /de ci'i phyir zhe na/ nam mkha' ni bcos pa med pa'i phyir ro/ /lha'i bu/ gang de ltar slob pa de ni slob par mi byed do/ /gang slob par mi byed pa de ni slob par byed do/ /gang la slob ce na/ ci la yang mi slob ste/ gang gi tshe ci la yang mi slob pa de ni yang dag pa'i bslab pa la gnas pa zhes bya'o/ /gzhan yang 'jam dpal gzhon nur gyur pas lha'i bu blo gros rab gnas la 'di skad ces smras so/ /lha'i bu/ de ltar rab tu byung zhing de ltar rdzogs par bsnyen pa de la kho bo 'di skad ces/ rigs kyi bu/ gal te khyod stong gsum gyi stong chen po'i 'jig rten gyi khams thams cad kyi dad pas byin pa yongs su longs spyod par byed cing / yongs su sbyong bar mi byed pa de lta na/ khyod tshul khrims yongs su dag pa yin no zhes smra'o/ /lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu/ gang len par byed pa dang / bde bar byed pa de ni sbyong bar byed do/ /gang dmigs par byed pa de ni sbyor bar byed do/ /gang rlom sems su byed pa de ni sbyong bar byed do/ /gang rtog par byed pa de ni sbyong bar byed do/ /lha'i bu/ gang len par mi byed pa dang / bde bar mi byed pa dang / dmigs </font><hr>54b<br><font size=+1>


par mi byed pa dang / rlom sems su mi byed pa dang / rtog par mi byed pa de ni ci yang sbyong bar mi byed do/ /de ci'i phyir zhe na/ de ni gtan dag pa yin pa'i phyir ro/ /lha'i bu/ de lta bas na so so'i skye bo rnams ni dad pas byin pa sbyong bar byed kyi/ dgra bcom pa dag ni ma yin no/ /de ci'i phyir zhe na/ so so'i skye bo rnams ni len par byed/ bde bar byed/ dmigs par byed/ rlom sems su byed/ rtog par byed cing / bdag ni len pa yin no snyam du rtog par byed/ 'di ni sbyin par byed pa yin no snyam du rtog par byed pas de dag ni sbyong bar byed pa yin pa'i phyir te/ de ji ltar sbyong bar byed ce na/ srid pa'i 'gro bar skye ba 'grub par byed cing der sbyong bar byed do/ /lha'i bu/ dgra bcom pa dag ni srid pa gzhan du rtogs pa'i lus gzhan 'ga' yang 'grub par mi byed pas/ de dag ni ci la yang sbyong bar mi byed do/ /de dag bsod snyoms de len pa na yang 'khor gsum yongs su dag pas len to/ /lha'i bu/ 'khor gsum yongs su dag pa de yang gang zhe na| len par byed pa'i bdag gang yin pa yang mi dmigs/ sbyin par byed pa'i sbyin pa po gang yin pa yang mi dmigs/ blang bar bya ba'i bsod snyoms gang yin pa yang mi dmigs pa ste| lha'i bu/ de ni 'khor gsum yongs su dag pa zhes bya'o/ /lha'i bu/ gang de ltar dag pa de ni yang sbyor bar mi byed pas na/ kho bo ni de las bsams nas 'di skad ces gang stong </font><hr>55a<br><font size=+1>


@#/ /gsum gyi stong chen po'i 'jig rten gyi khams thams cad kyis dad pas byin pa yongs su longs spyod par byed cing / yongs su sbyong par mi byed pa de ni 'jig rten na sbyin gnas kyi 'os yin te/ de ni legs par rab tu byung ba yin no zhes ston to/ /gzhan yang 'jam dpal gzhon nur gyur pas lha'i bu blo gros rab gnas la 'di skad ces smras so/ /lha'i bu/ de ltar rab tu byung zhing de ltar rdzogs par bsnyen pa de la/ kho bo 'di skad ces/ rigs kyi bu/ gal te khyod dgon par mi gnas shing / grong du ma yin/ thag nye bar ma yin/ thag ring bar ma yin/ lam gol bar ma yin/ gcig pur ma yin/ skye bo mang po'i dbus su ma yin/ 'du 'dzi'i nang du ma yin/ dben par ma yin la/ bsod snyoms spyod par yang mi byed/ mgron du yang mi 'gro/ phyag dar khrod par yang mi byed/ smad pa'i lhung bzed dang / chos gos kyang mi 'chang / bla gab med par yang mi byed/ 'dod pa chung bar yang mi byed/ 'dod pa che bar yang mi byed/ chog shes par yang mi byed/ chog mi shes par yang mi byed/ rab tu dben par yang mi byed/ rab tu mi dben par yang mi byed/ shing drang bar yang mi byed/ gnas khang du yang mi gnas/ sman bkus te bor ba yang mi bsten/ mar sar dang / sbrang rtsi </font><hr>55b<br><font size=+1>


yang mi bsten cing / rigs kyi bu/ gal te khyod sbyangs pa'i yon tan gyi chos de lta bu thams cad yang dag par blangs te 'jug par mi byed pa de lta na khyod sbyangs pa dang ldan pa yin no zhes smra'o| |de ci'i phyir zhe na/ lha'i bu/ gang 'di snyam du bdag ni phyag dar khrod pa'o/ /bsod snyoms pa'o/ /shing drung pa'o/ /bdag ni sman bkus te bor bas chog shes pa'o/ /bdag ni 'dod pa chung ba'o/ /bdag ni chog shes pa'o/ /bdag ni dgon pa pa'o/ /bdag ni bla gab med pa'o/ /bdag ni sbyangs pa dang ldan pa'o snyam du sems pa de dag ni mngon pa'i nga rgyal can gyi rnam par g.yo ba yin pa'i phyir ro/ /lha'i bu/ yang dag par zhugs pa la ni lhag par g.yo ba dang bral bar g.yo ba de dag mi 'byung ngo / /de ci'i phyir zhe na/ 'di ltar de la rnam par rtog pa med pas bdag nyid kyang mi dmigs na/ sbyangs pa'i yon tan rnams su dmigs pa lta ci smos te/ de ni gnas med pa'i phyir ro/ /lha'i bu/ de lta bas na gang sbyangs pa'i yon tan de dag yang dag par blangs te 'jug cing rlom sems su mi byed/ rnam par rtog par mi byed pa de ni sbyangs pa dang ldan pa yin no zhes kho bo smra'o/ /de ci'i phyir zhe na/ lha'i bu/ dge slong gang 'dod chags sbyong ba dang / zhe sdang sbyong ba dang / gti mug sbyong ba dang / khams gsum sbyong ba dang / phung po rnams sbyong ba dang / khams rnams sbyong ba dang / nang gi skye mched drug dang / phyi'i skye </font><hr>56a<br><font size=+1>


@#/ /mched drug po de dag sbyong bar byed cing ci nas kyang mi len/ mi 'dor/ mi sgom/ mi sel/ rnam par mi sel ba de ltar sbyong bar byed pa de ni sbyangs pa dang ldan pa yin no zhes kho bo smra ba'i phyir ro/ /lha'i bu/ gzhan yang de ltar rab tu byung zhing de ltar rdzogs par bsnyen pa de la kho bo 'di skad ces/ rigs kyi bu/ gal te khyod bden pa bzhi rtogs par mi byed/ dran pa nye bar gzhag pa bzhi yang mi bsgom/ yang dag par spong ba bzhi yang ma yin/ rdzu 'phrul gyi rkang pa bzhi yang ma yin/ dbang po lnga yang ma yin/ stobs lnga yang ma yin/ byang chub kyi yan lag bdun yang ma yin/ 'phags pa'i lam yan lag brgyad pa yang mi sgom zhing / byang chub kyi phyogs kyi chos sum cu rtsa bdun yang mi sgom/ mngon sum du mi byed/ rnam par thar pa'i sgo gsum yang mi sgom/ mngon sum du mi byed pa de lta na/ khyod byang chub kyi phyogs kyi chos rnams bsgom pa yin no zhes smra'o/ /de ci'i phyir zhe na/ lha'i bu/ de ni mi skye ba'i mtshan nyid rtogs pa zhes bya ste/ de ni bsgom par byar med cing mngon sum du byar med pa'i phyir ro/ /de ci'i phyir zhe na/ mi skye ba ni mngon sum du byar mi nus pa'i phyir ro/ /lha'i bu/ dran pa nye bar gzhag pa rnams zhes bya ba ni chos thams cad dran pa med cing yid la bya ba med pas de'i phyir dran pa nye bar gzhag pa rnams zhes bya'o/ /lha'i bu/ dge slong gang 'dod pa'i </font><hr>56b<br><font size=+1>


khams la yang mi gnas/ gzugs kyi khams la yang mi gnas/ gzugs med pa'i khams la yang mi gnas pa de ni gnas med pa la gnas ba'i dge slong dran pa nye bar gzhag pa rnams bsgom pa zhes bya'o/ /ji ltar bsgom zhe na/ ci nas sgom par mi byed/ 'jig par mi byed pa de ltar sgom par byed pas/ de'i phyir sgom par byed pa zhes bya ste/ byang chub kyi phyogs kyi chos sum cu rtsa bdun po thams cad la yang de bzhin du sbyar ro/ /lha'i bu/ gang gi tshe dge slong rnal 'byor pa rnal 'byor spyod pas chos thams cad mi dmigs pa de'i tshe na rlom sems su mi byed do/ /gang gi tshe rlom sems su mi byed pa de'i tshe sgom par mi byed do/ /gang gi tshe sgom par mi byed pa de'i tshe mngon sum du mi byed do/ /de ci'i phyir zhe na/ lha'i bu/ byang chub kyi phyogs kyi chos sum cu rtsa bdun zhes bya ba gang yin pa de ni ming tsam ste/ ming de yang g.yo ba med pa/ rkyen las skyes pa/ mtshan nyid med par mtshan nyid gcig pa/ brjod kyang rung / ma brjod kyang rung / ming gis yongs su shes pa gang yin pa de dmigs su med pa'i phyir te/ byang chub kyi phyogs kyi chos sum cu rtsa bdun yongs su shes pa gang yin pa de ni bden pa pa mthong ba yin no/ /lha'i bus smras pa/ 'jam dpal/ rnal 'byor pa rnal 'byor spyod pa zhes bgyi na/ ji ltar na dge slong rnal 'byor spyod pa lags/ 'jam dpal gyis smras pa/ </font><hr>57a<br><font size=+1>


@#/ /lha'i bu/ gang gi tshe rnal 'byor spyod pa 'di lta ste/ chos thams cad skye ba med pa'i tshul gyis tshul gcig tu sbyor bar byed na/ de'i phyir rnal 'byor spyod pa zhes bya'o/ /gang gi tshe ci la yang mi spyod na/ de'i phyir rnal 'byor spyod pa zhes bya'o/ /ci la mi spyod ce na/ 'di lta ste/ chos thams cad yod pa ma yin pa'i phyir 'jig rten 'di la mi spyod/ 'jig rten pha rol la mi spyod/ khams gsum la mi spyod de/ de'i phyir rnal 'byor spyod pa zhes bya'o/ /lha'i bu/ gang gi tshe rnal 'byor spyod pa chos 'ga' yang sbyor bar mi byed/ 'byed par mi byed na de'i phyir rnal 'byor spyod pa zhes bya'o/ /de nas 'khor de las dge slong stong phrag mang po dag 'di snyam du/ bcom ldan 'das de bzhin gshegs pas rnam par thar pa'i sgo gsum rtogs pas mya ngan las 'da' ba dang / byang chub kyi phyogs kyi chos sum cu rtsa bdun mngon sum du byas pas mya ngan las 'da' bar 'gyur ro zhes gsungs pa de 'jam dpal gzhon nur gyur pa 'dis bkag par gyur na/ 'jam dpal gzhon nur gyur pas bstan pa 'di ji ltar rung ste/ chos bstan pa 'di 'gal ba'am/ gcig tu ma gyur grang / snyam du the tshom gyi sems skyes par gyur to/ /de nas 'jam dpal gzhon nur gyur bas dge slong de dag gi sems kyi yongs </font><hr>57b<br><font size=+1>


su rtogs pa sems kyis shes nas/ gnas brtan shA ri'i bu la smras pa/ btsun pa shA ri'i bu khyod ni de bzhin gshegs pas yid ches pa/ dad pa dang ldan pa/ shes rab chen po rnams kyi mchog tu bstan pa yin na/ btsun pa shA ri'i bu/ gang gi tshe khyod kyis 'dod chags dang bral ba'i chos rnams mngon sum du byas pa'i tshe/ btsun pas bden pa bzhi po dag dmigs pa'am/ mngon sum du byas pa'am/ bsgom pa'am/ byang chub kyi phyogs kyi chos sum cu rtsa bdun dang / rnam par thar pa'i sgo gsum po dag dmigs pa'am/ mngon sum du byas pa'am/ bsgom pa ci yang yod dam/ shA ri'i bus smras pa/ 'jam dpal/ de ni med de/ gang mngon sum du bya ba'am/ bsgom par bya ba'am/ rtogs par bya ba'i chos de ni 'ga' yang dmigs su med do/ /de ci'i phyir zhe na/ chos thams cad ni blang du med pa/ ma skyes pa/ rnam bar rig pa med pa/ stong pa yin pas/ stong pas stong pa nyid mngon sum du mi byed pa'i phyir ro| |bstan pa 'di bshad pa na dge slong sum stong len pa med par zag pa rnams las sems rnam par grol lo// //bam po bzhi pa ste tha ma'o/ /de nas lha'i bu blo gros rab gnas kyis 'jam dpal gzhon nur gyur pa la legs so zhes bya ba byin te/ 'jam dpal/ de ni 'di lta ste/ bye bas go ba zab mo la bzod pa/ stong pa nyid la gnas pas bstan pa </font><hr>58a<br><font size=+1>


@#/ /lags te/ legs so/ /legs so/ /'jam dpal gyis smras pa/ lha'i bu/ kho bo ni phya bas go ba ma yin gyi/ byis pa so so'i skye bo thams cad ni phye bas go ba yin no/ /de ci'i phyir zhe na/ 'di ltar de dag ni 'byed par byed pa yin pa'i phyir ro/ /ci zhig 'byed par byed ce na/ sems can dmyal bar 'byed par byed do/ /dud 'gro'i skye gnas 'byed par byed do/ /gshin rje'i 'jig rten 'byed par byad do/ /khams gsum 'byed par byed do/ de ltar 'byed pa rnams dang / kun du 'byed pa rnams kyi 'khor ba'i sngon gyi mtha' mi mngon no| |lha'i bu/ byis pa rnams ni 'dod chags kun du 'byed par byed do/ /zhe sdang kun du 'byed par byed do/ /gti mug kun du 'byed par byed do/ /lta ba kun du 'byed par byed do/ /ming dang gzugs kun du 'byed par byed do/ /lha'i bu/ sangs rgyas rnams ni phye bas go ba ma yin no/ /nyan thos rnams kyang ma yin/ rang sangs rgyas rnams kyang ma yin/ byang chub sems dpa' bzod pa thob pa rnams kyang ma yin gyi/ lha'i bu/ byis pa rnams ni phye bas go ba ma yin no/ /lha'i bus smras pa/ 'jam dpal/ 'o na ci khyod rnam par spros na go ba lags sam/ 'jam dpal gyis smras pa/ lha'i bu/ de ni ma yin no/ /lha'i bus smras pa/ 'jam dpal/ 'o na bkri dgos pa lags sam/ 'jam dpal gyis smras pa/ lha'i bu/ de ni ma yin no/ /lha'i bus </font><hr>58b<br><font size=+1>


smras pa/ 'jam dpal/ 'o na tshig lhur len pa lags sam/ 'jam dpal gyis smras pa/ lha'i bu/ de de bzhin te/ kho bo ni tshig lhur len pa yin no/ /lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu/ gang byang chub sems dpa' ni yi ge gcig dang / tshig gcig las kyang mi g.yo la/ yi ge de nyid dang / tshig de nyid kyi don dang / tshul dang / sgo dang / lam yang yang dag par ji lta ba bzhin rab tu shes par byed do/ 'di ni stong pa'o zhes bya bar shes par byed do/ /'di ni dben pa'o zhes bya bar shes par byed do| |'di ni dngos po med pa'o zhes bya bar shes par byed do/ /'di ni skye ba med pa'o zhes bya bar shes par byed cing / ci nas kyang rnam par shes par mi byed/ rig par mi byed/ tshor bar mi byed pa de ltar shes par byed pas/ de'i phyir tshig lhur len pa zhes bya'o/ /de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal/ de ni 'di lta ste/ gzungs thob pas bstan pa yin te/ legs so/ /legs so/ /'jam dpal gyis gsol pa/ bcom ldan 'das/ bdag ni gzungs thob pa ma lags so/ /de ci'i slad du zhe na| bcom ldan 'das/ byis pa rnams ni gzungs thob pa lags kyi/ sangs rgyas rnams dang / byang chub sems dpa' rnams ni gzungs thob pa ma lags pa'i slad du'o/ /de ci'i slad </font><hr>59a<br><font size=+1>


@#/ /du zhe na/ bcom ldan 'das/ byis pa rnams ni 'dzin par bgyid pa'i slad du ste/ ci zhig 'dzin par bgyid ce na/ bdag tu 'dzin par bgyid do/ /sems can du 'dzin pa dang / srog tu 'dzin pa dang / gang zag tu 'dzin par bgyid do/ /chad par 'dzin pa dang / rtag par 'dzin pa dang / 'dod chags dang / zhe sdang dang / gti mug 'dzin par bgyid do/ /ma rig pa dang / srid pa'i sred pa dang / phung po lnga dang / 'jig tshogs dang / khams bco brgyad dang / nang gi skye mched drug dang / phyi'i skye mched drug 'dzin par bgyid do// rtog pa dang / rnam par rtog pa dang / yongs su rtog pa dang / lta ba'i rnam pa dag 'dzin par bgyid de/ bcom ldan 'das/ de ltar lags pas byis pa rnams ni gzungs thob pa lags so| |rtog ge ba rnams ni rtog pa dang / rnam par rtog pa dang / yongs su rtog pa dang / lta ba'i rnam pa dag 'dzin par bgyid pas bcom ldan 'das de'i slad du byis pa rnams ni gzungs thob pa lags so/ /de ci'i slad du zhe na/ byis pa rnams chos gang dag 'dzin par bgyid pa de dag ni sangs rgyas rnams 'dzin par mi mdzad/ nyan thos rnams kyang mi bgyid/ rang sangs rgyas rnams kyang mi bgyid de/ byang chub sems dpa' rnams kyang mi bgyid pas de'i slad du byis pa rnams ni gzungs thob pa lags so/ /de ci'i slad du zhe na/ 'di ltar byis pa </font><hr>59b<br><font size=+1>


rnams ni legs par 'dzin pa ma lags pa 'dzin par bgyid kyi/ sangs rgyas rnams ni mi mdzad/ nyan thos rnams kyang mi bgyid/ rang sangs rgyas rnams kyang mi bgyid/ byang chub sems dpa' rnams kyang mi bgyid pa'i slad du'o/ /de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ /'jam dpal/ gal te khyod gzungs thob pa ma lags na/ 'o na ci khyod rtogs pa bul ba lags sam/ 'jam dpal gyis smras pa/ lha'i bu/ de de bzhin te/ kho bo ni rtogs pa bul ba yin no/ /de ci'i phyir zhe na/ lha'i bu/ kho bo ni rtogs pa gang / sangs rgyas rnams dang / nyan thos rnams dang / rang sangs rgyas rnams dang / byang chub sems dpa' rnams kyis kyang mi mkhyen pa de tsam du bul ba'i rtogs pa dang ldan pa'i phyir ro/ /lha'i bu/ byis pa so so'i skye bo gang dag yin pa de dag ni rtogs pa bul ba ma yin no/ /de ci'i phyir zhe na/ byis pa so so'i skye bo rnams ni mngon par chags pa'i rtogs pa can yin la/ mkhas pa rnams ni rtogs pa bul ba dang ldan pa'i phyir ro/ /rgyun du zhugs pa rnams kyang re zhig mngon par chags pa'i rtogs pa can du ston na/ byis pa so so'i skye bo gzhan dag lta smos kyang ci dgos te/ lha'i bu/ de lta bas na kho bo ni rtogs pa bul ba yin gyi/ gzungs thob pa ma yin no/ /de ci'i phyir zhe na/ kho bos ni gang gzung bar bya ba </font><hr>60a<br><font size=+1>


@#/ /cung zad kyang ma rnyed ba'i phyir ro/ /bstan pa 'di bshad pa na 'khor de las dge slong lnga brgya tsam chos kyi rnam grangs 'di ma rtogs te spangs shing 'gal bar byas nas/ rang rang gi lus de dag nyid kyis sems can dmyal ba chen po rnams su lhung bar gyur to/ /de nas tshe dang ldan pa shA ri'i bus 'jam dpal gzhon nur gyur pa la 'di skad ces smras so/ /'jam dpal/ dge slong lnga brgya tsam po 'di dag chos kyi rnam grangs 'di ma rtogs te/ spangs shing 'gal bar byas nas rang rang gi lus 'di dag nyid kyis sems can dmyal ba chen po rnams su lhung bar 'gyur gyi/ de lta bu'i gnas zab mo dag ma ston par so sor rtogs te ston cig/ 'jam dpal gyis smras pa/ btsun pa shA ri'i bu/ khyod ma rtog cig/ gang sems can dmyal bar 'gro ba'i chos de lta bu 'ga' yang dmigs su med do/ /de ci'i phyir zhe na/ chos thams cad skye ba med pa'i phyir ro/ /btsun pa shA ri'i bu/ gzhan yang de skad ces so sor rtog ste ston cig ces zer ba ni/ btsun pa shA ri'i bu/ rigs kyi bu'am rigs kyi bu mo bdag tu lta ba la brten pa'am/ sems can du lta ba la brten pa 'am/ srog tu lta ba la brten pa'am/ gang zag tu lta ba la brten pa gang gis de bzhin gshegs pa dgra bcom pa yang dag par rdzogs pa'i sangs rgyas dge slong gi dge 'dun </font><hr>60b<br><font size=+1>


dang bcas pa gang+gA'i klung gi bye ma snyed cig la ji srid 'tsho'i bar du bde ba'i yo byad thams cad kyis bsnyen bkur byas la/ gang gis chos zab mo shes par dka' ba 'jig rten thams cad dang mi mthun pa 'di lta bu 'di thos shing / chos stong pa dang / mtshan ma med pa dang / smon pa med pa dang / zhi ba dang / dben pa dang / skye bo med pa dang / sems can med pa dang / srog med pa dang| gang zag med pa dang / mi rtag pa dang / sdug bsngal ba dang / bdag med pa 'di lta bu 'di thos nas spangs te sems can dmyal ba rnams su lhung bar gyur pa ni/ btsun pa shA ri'i bu| rigs kyi bu'am rigs kyi bu mo chos zab mo 'di thos nas spangs te/ sems can dmyal ba rnams su lhung ba de ches myur bar de dag nas ldang zhing rnam par thar par 'gyur gyi/ rigs kyi bu'am rigs kyi bu mo bdag tu blta ba la brten pa/ chos 'di ma thos par de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed la bsnyen bkur byas pa de ni de lta ma yin no/ /de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal/ legs so/ /legs so/ /ji skad smras pa de bzhin te/ thos pa 'di ni sangs rgyas 'byung pa dang 'dra'o/ /thos pa 'di ni rgyun du zhugs pa'i 'bras bu dang 'dra'o/ /thos pa 'di ni lan gcig phyir 'ong ba'i 'bras bu dang 'dra'o/ /thos </font><hr>61a<br><font size=+1>


@#/ /pa 'di ni phyir mi 'ong ba'i 'bras bu dang 'dra'o/ /thos pa 'di ni dgra bcom pa dang 'dra'o/ /de ci'i phyir zhe na/ bdag tu lta ba la brten pa dang / dmigs pa can la ni thob pa'am/ mngon par rtogs pa med pa'i phyir ro/ /de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ dge slong de dag ni sems can dmyal ba de dag nas ches myur bar ldang zhing yongs su mya ngan las 'da' bar 'gyur gyi/ 'di na mi gti mug can dmigs pa'i lta ba dang ldan pa the tshom du gyur pa gang dag de bzhin gshegs pa la mchod pa byed pa de dag ni de lta ma yin no/ /shA ri'i bu/ de lta mod kyi de ni de dag gi yongs su mya ngan las 'da' ba'i rgyur 'gyur ba yin te/ myur du rnam par thar par ni mi 'gyur ro/ /de ci'i phyir zhe na/ 'di ltar chos zab mo dag ma thos pa'i phyir ro/ /shA ri'i bu/ gzhan yang rigs kyi bu'am rigs kyi bu mo gang dag rna blags te/ chos zab mo 'di mnyan nas ma rtogs shing spangs te/ sems can dmyal bar 'gro ba de dag ni ches myur bar rnam par thar par 'gyur gyi/ dmigs pa can the tshom du gyur pa gzhan dag ni de lta ma yin no/ /de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ /'jam dpal khyod bdag dang tshangs pa mtshungs par spyod bzhed dam/ 'jam </font><hr>61b<br><font size=+1>


dpal gyis smras pa/ lha'i bu/ gal te khyod tshangs par spyod pa mi len cing tshangs par spyad pa spyod par mi byed pa de lta na/ kho bo khyod dang tshangs pa mtshungs par spyod 'dod do/ /lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu/ gang len par byed par de ni spyod par byed kyi/ gang len par mi byed pa de ni ci la yang spyod par mi byed do/ /lha'i bu/ gang tshangs par spyad pa dmigs par byed pa de ni spyod par byed kyi/ gang dmigs par mi byed pa de ni ci yang spyod par mi byed do/ /lha'i bus smras pa/ 'jam dpal/ 'o na ci khyod tshangs par mi spyod lags sam/ 'jam dpal gyis smras pa/ lha'i bu/ de de bzhin te/ kho bo ni tshangs par mi spyod do/ /de ci'i phyir zhe na/ kho bo ni tshangs pa yang ma yin la/ spyod pa yang ma yin pas de'i phyir kho bo tshangs par mi spyod do/ /lha'i bus smras pa/ 'jam dpal/ de ni 'di lta ste/ thogs pa med pa'i spobs pa dang ldan pas bstan pa lags te/ legs so/ /legs so/ /'jam dpal gyis smras pa/ lha'i bu/ gal te kho bo thogs pa med pa'i spobs pa dang ldan pa yin par gyur na ni de ltar na thogs par yang 'gyur ro/ /de ci'i phyir zhe na| ci tsam du bdag gi yod pa dang / ji tsam du bdag gi mngon par zhen pa yod pa de tsam du thogs par 'gyur ba'i phyir ro/ /'jam dpal gzhon nur gyur pas/ lha'i bu blo gros </font><hr>62a<br><font size=+1>


@#/ /rab gnas la gzhan yang 'di skad ces smras so/ /lha'i bu/ gal te khyod sems can thams cad srog dang bral bar byed cing mtshon cha yang thogs par mi byed| ral gri ma yin/ bong ba yang ma yin/ dbyug pa yang thogs par mi byed pa de ltar na kho bo khyod dang tshangs pa mtshungs par spyod 'dod do/ /lha'i bus smras pa/ 'jam dpal khyed ci las dgongs te de skad ston/ 'jam dpal gyis smras pa/ lha'i bu/ sems can sems can zhes bya ba ci zhig yin par shes/ lha'i bus smras pa/ 'jam dpal/ sems can sems can zhes bgyi ba ni/ 'di lta ste/ ming tsam dang / 'dzin pa'i 'du shes tsam lags so/ /'jam dpal gyis smras pa/ lha'i bu/ de lta bas na bdag tu 'dzin pa'i 'du shes gsad par bya'o/ /sems can du 'dzin pa'i 'du shes gsad par bya'o/ /srog tu 'dzin pa'i 'du shes gsad par bya'o/ /gang zag tu 'dzin pa'i 'du shes gsad par bya'o/ /ming du 'dzin pa'i 'du shes gsad par bya'o/ /lha'i bus smras pa/ 'jam dpal/ cis dgum par bgyi/ 'jam dpal gyis smras pa/ lha'i bu/ shes rab kyi mtshon gyis gsad par bya ste| shes rab kyi mtshon des kyang / ci nas kyang 'dzin pa med pa dang / gcod pa med pa de ltar gzung bar bya zhing / de ltar gsad par bya'o/ /lha'i bu/ rnam grangs des na khyod kyis 'di </font><hr>62b<br><font size=+1>


ltar gang gis bdag gi 'du shes dang / sems can gyi 'du shes gsad pa des/ sems can thams cad gsad pa yin par rig par bya'o/ /'jam dpal/ gzhon nur gyur pas lha'i bu blo gros rab gnas la gzhan yang 'di skad ces smras so/ /lha'i bu/ gal te khyod mi dge ba bcu'i las kyi lam rnams yang dag par blangs te 'jug cing / nag po'i phyogs thams cad kyi mnyam pa nyid kyis dkar po'i phyogs thams cad yang dag par blangs te 'jug par byed pa de lta na/ kho bo khyod dang tshangs pa mtshungs par spyod 'dod do/ /lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu/ nag po'i phyogs kyi mnyam pa nyid gang yin pa des de mnyam par nyid yin pas/ mnyam pa nyid du 'jug par byed pa de lta na kho bo khyod dang tshangs pa mtshungs par spyod do/ /lha'i bu/ 'di ji snyam du sems/ nag po'i phyogs kyi mnyam pa nyid gang yin snyam/ lha'i bus smras pa/ 'jam dpal bya ba ma mchis pa dang / lhag par bya ba mi bgyid pa lags so/ /'jam dpal gyis smras pa/ lha'i bu/ dkar po'i phyogs zhes bya ba gang yin snyam/ lha'i bus smras pa/ 'jam dpal/ chos kyi dbyings dang / de bzhin nyid dang / yang dag pa'i mtha' dang / rnam par thar pa'i sgo gsum ste/ de ni dkar po'i phyogs lags so/ /'jam dpal gyis smras pa/ lha'i bu/ chos kyi dbyings </font><hr>63a<br><font size=+1>


@#/ /kyis sgrib par nus sam/ lha'i bus smras pa/ 'jam dpal/ de ni ma lags so/ /'jam dpal gyis smras pa/ lha'i bu/ de'i phyir kho bo ni de las bsams nas/ de skad ces gal te khyod nag po'i phyogs thams cad kyi mnyam pa nyid kyis dkar po'i phyogs thams cad yang dag par blangs te 'jug par byed pa de lta na kho bo khyod dang tshangs pa mtshungs par spyod 'dod do zhes ston to/ /'jam dpal gzhon nur gyur pas lha'i bu blo gros rab gnas la gzhan yang 'di skad ces smras so/ /lha'i bu/ gal te khyod gsad pa dang po phyir phyung ba de'i mgo la mtshon gyis 'debs par byed pa de lta na kho bo khyod dang tshangs pa mtshungs par spyod 'dod do/ /lha'i bus smras pa/ 'jam dpal khyod ci las dgongs nas de skad ston/ 'jam dpal gyis smras pa/ lha'i bu/ gsad pa gsad pa zhes bya ba de gang zhe na/ lha'i bu/ 'dod chags ni gsad pa zhes bya'o/ /zhe sdang dang / gti mug ni gsad pa zhes bya'o/ /nga rgyal dang / khro ba dang / 'chab pa dang / phrag dog dang / sgyu dang / g.yo dang / ser sna dang / lhag par 'dzin pa dang / mtshan ma dang / nye bar len pa dang / 'du shes dang / tshor ba ni gsad pa zhes bya ste/ lha'i bu/ de dag ni gsad pa len par gsungs so/ /lha'i bu/ rnal 'byor pa rnal 'byor spyod pa gang 'dod chags kyi sems skyes </font><hr>63b<br><font size=+1>


pa sel bar byed de/ zhi bar byed/ rab tu zhi bar byed pa de la ni stong par snang bas mi sdug pa la 'jug par mi byed par sems 'di ga la skyes/ gang du 'gag/ yul gang la chags par 'gyur/ gang gis chags par 'gyur zhes 'dod chags kyi sems de nyid kyi 'byung ba dang / 'jig pa la so sor rtog par byed de/ de de ltar so sor rtog par byed pa na/ 'dod chags kyang mi dmigs/ gang la chags par 'gyur ba dang / gang gis chags par 'gyur ba de yang mi dmigs so/ /gang gi tshe mi dmigs pa de'i tshe mi len to/ /gang gi tshe mi len pa de'i tshe mi 'dor ro| |gang gi tshe mi 'dor ba de'i tshe mi 'dzin mi spong ste/ de ni mya ngan las 'das pa zhes bya'o/ /zhe sdang dang / gti mug dang / nga rgyal dang / khro ba dang / 'chab pa dang / phrag dog dang / sgyu dang| g.yo dang / ser sna dang / lhag par 'dzin pa dang / mtshan ma dang / nye bar len pa dang / 'du shes dang / tshor ba'i sems la yang de bzhin du sbyar te/ lha'i bu/ gang gsad pa de lta bu skyes ma thag tu gsod par byed pa de ni gsad pa dang po phyir phyung ba de'i mgo la mtshon gyis 'debs pa zhes bya ste/ de'i phyir kho bo ni de las bsams nas de skad ces ston to/ /'jam dpal gzhon nur gyur pas lha'i bu blo gros rab gnas la gzhan yang 'di skad ces smras so/ /lha'i bu/ gal te khyod sangs rgyas mnyes par mi byed/ chos mnyes par mi byed/ dge 'dun </font><hr>64a<br><font size=+1>


@#/ /mnyes par mi byed pa de lta na kho bo khyod dang tshangs pa mtshungs par spyod 'dod do/ /lha'i bus smras pa/ 'jam dpal ci las dgongs te de skad ston/ 'jam dpal gyis smras pa/ lha'i bu/ sangs rgyas sangs rgyas zhes bya ba ci zhig yin par shes/ lha'i bus smras pa/ 'jam dpal/ de bzhin nyid dang / chos kyi dbyings lags so/ / 'jam dpal gyis smras pa/ lha'i bu/ 'di ji snyam du sems/ de bzhin nyid dang / chos kyi dbyings mnyes par byar nus snyam mam/ lha'i bus smras pa/ 'jam dpal/ de ni ma lags so| |'jam dpal gyis smras pa/ lha'i bu/ kho bo ni de las bsams nas de skad ces gal te khyod sangs rgyas mnyes par mi byed pa de lta na kho bo khyod dang tshangs pa mtshungs par spyod 'dod do zhes ston to/ /lha'i bu/ chos chos zhes bya ba ci zhig yin par shes/ lha'i bus smras pa/ 'jam dpal/ chos zhes bya ba ni 'dod chags dang bral ba nyid dang / chos nyid lags so/ /'jam dpal gyis smras pa/ lha'i bu/ 'di ji snyam du sems/ 'dod chags dang bral ba nyid dang / chos nyid mnyes par byar nus snyam mam/ lha'i bus smras pa/ 'jam dpal/ de ni ma lags so/ /'jam dpal gyis smras pa/ lha'i bu/ kho bo ni de las bsams nas de skad ces/ gal te khyod chos mnyes par mi byed ba de lta na kho bo khyod dang tshangs pa </font><hr>64b<br><font size=+1>


mtshungs par spyod 'dod do zhes ston to/ /lha'i bu/ dge 'dun dge 'dun zhes bya ba ci zhig yin par shes/ lha'i bus smras pa/ 'jam dpal/ 'phags pa nyan thos rnams ni 'dus ma bgyis kyis rab tu phye ba lags pas bcom ldan 'das kyi nyan thos kyi dge 'dun ni 'dus ma bgyis lags so/ /'jam dpal gyis smras pa/ lha'i bu/ 'di ji snyam du sems/ 'dus ma byas mnyes par bya nus snyam mam/ lha'i bus smras pa/ 'jam dpal/ de ni ma lags so/ /'jam dpal gyis smras pa/ lha'i bu/ kho bo ni de las bsams nas de skad ces/ gal te khyod dge 'dun mnyes par mi byed pa de lta na kho bo khyod dang tshangs pa mtshungs par spyod 'dod do zhes ston to/ /lha'i bu/ gzhan yang gang sangs rgyas su dmigs pa de ni sangs rgyas mnyes par byed do/ / gang chos su dmigs pa de ni chos mnyes par byed do/ /gang dge 'dun du dmigs pa de ni dge 'dun mnyes par byed do/ /lha'i bu/ gang sangs rgyas su mi dmigs pa dang / chos su mi dmigs pa dang / dge 'dun du mi dmigs pa des ni sangs rgyas mnyes par ma byas/ des ni chos mnyes par ma byas/ des ni dge 'dun mnyes par ma byas pa kho na yin no/ /de ci'i phyir zhe na/ des de dag ma dmigs pas na/ des mnyes par ma byas pa'i phyir ro/ /lha'i bu/ gzhan yang gang dag sangs rgyas la chags pa dang / chos la chags pa dang / dge 'dun la </font><hr>65a<br><font size=+1>


@#/ /chags pa de dag gis sangs rgyas mnyes par byas/ chos mnyes par byas/ dge 'dun mnyes par byas pa yin no/ /gang dag gis sangs rgyas ma dmigs pa de dag ni sangs rgyas la chags pa med pa de dag gis sangs rgyas mnyes par ma byas pa yin no/ /gang dag gis chos ma dmigs pa de dag ni chos la chags pa med pas de dag gis chos mnyes par ma byas pa yin no/ /gang gis dge 'dun ma dmigs pa de dag ni dge 'dun la chags pa med pas de dag gis dge 'dun mnyes par ma byas pa yin no/ /lha'i bu/ mnyes par ma byas pa mnyes par ma byas pa zhes bya ba de ni 'dod chags dang bral ba'i gnas yin no/ /de ni kun du sbyor ba dang bral ba'i gnas yin no/ /de ni rnam par bshigs pa'i gnas yin no/ /de ni sems dang bral ba'i gnas yin no/ /de ni ma byung ba'i gnas yin no/ /de ni rnam par nges pa'i gnas yin no/ /de ni yid byung bar ma byas pa'i gnas yin pas de'i phyir mnyes par ma byas pa zhes bya ste/ lha'i bu/ de'i phyir kho bo ni de las bsams nas de skad ces/ gal te khyod sangs rgyas dang / chos dang / dge 'dun mnyes par mi byed pa de lta na kho bo khyod dang tshangs pa mtshungs par spyod 'dod do zhes ston to/ /de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ /'jam </font><hr>65b<br><font size=+1>


dpal/ 'di ltar ji tsam du zab mo'i gnas dag ston par mdzad pa ni ngo mtshar te/ bdag cag gis khyod la bgyis pa gzo bar bgyi'o/ /'jam dpal gyis smras pa/ lha'i bu/ khyod byas pa gzo bar ma byed cig/ lha'i bus smras pa/ 'jam dpal/ 'o na ci bgyis pa mi gzo bar bgyi'am/ 'jam dpal gyis smras pa/ lha'i bu/ de de bzhin te/ lha'i bu/ khyod byas pa mi gzo bar byos la/ byas pa gzo bar ma byed cig/ lha'i bus smras pa/ 'jam dpal/ ci khyod bgyis pa mi gzo lags sam/ 'jam dpal gyis smras pa/ lha'i bu/ de de bzhin te/ kho bo ni byas pa mi gzo ba yin gyi/ byas pa gzo ba ma yin no/ /lha'i bus smras pa/ 'jam dpal khyod ci las dgongs te de skad ston/ 'jam dpal gyis smras pa/ lha'i bu/ byis pa rnams ni rnam pa gzhan dang gzhan dag byed pas na/ byis pa rnams ni gzhan dang gzhan dag gis byed pa po ste/ gang gi phyir lta ba'i rnam pa gzhan dang gzhan dag byed pa de'i phyir de dag ni byas pa gzo ba zhes bya'o/ /lha'i bu/ yang dag par zhugs pa'i rigs kyi bu dag ni bya ba'am mi bya ba gang yang mi byed de/ gang gi tshe mi byed pa de'i phyir de dag ni byas pa mi gzo ba zhes bya'o/ |ji skad du/ sangs rgyas bcom ldan 'das rnams kyis 'di lta ste/ chos thams cad ni bya ba med pa/ byed pa med pa/ lhag par byed pa med pa ste/ mnyam pa nyid las kyang mi </font><hr>66a<br><font size=+1>


@#/ /'da' la/ gzhan len par yang mi byed/ bya ba gzhan yang mi byed pas mnyam pa nyid yin no zhes gsungs pas na/ de'i phyir byas pa mi gzo ba zhes bya'o// lha'i bus smras pa/ 'jam dpal khyod bzod pa'am/ 'on te chos nyid dam/ gang la gnas te de skad ston/ 'jam dpal gyis smras pa/ lha'i bu/ bzod pa la yang ma yin/ chos nyid la yang ma yin no/ /lha'i bus smras pa/ 'jam dpal/ 'o na khyod gang las gnas te de skad ston/ 'jam dpal gyis smras pa/ lha'i bu/ sgyu ma'i skyes bu'i lus gang la gnas pa la'o| |lha'i bus smras pa/ 'jam dpal/ sgyu ma'i skyes bu'i lus gang la gnas/ 'jam dpal gyis smras pa/ lha'i bu/ sgyu ma'i skyes bu'i lus ni de bzhin nyid gang la gnas pa de la gnas so/ /lha'i bu/ gzhan yang de skad ces khyod bzod pa'am/ 'on te chos nyid dam/ gang la gnas te de skad ston ces zer ba ni/ lha'i bu/ bzod pa zhes bya ba ni ming tsam ste/ ming la ni gnas par mi nus so/ /chos nyid kyang 'gyur ba med cing rtog pa med pa ste/ de la yang gnas med do/ /lha'i bu/ de bzhin gshegs pa ni sems can thams cad gang la gnas te ston par byed pa de bzhin nyid la bzhugs te ston par mdzad do/ /de ci'i phyir zhe na/ de bzhin gshegs pa ni de bzhin nyid la bzhugs te ston la/ sems </font><hr>66b<br><font size=+1>


can thams cad kyang de bzhin nyid las mi g.yo ste/ sems can thams cad kyi de bzhin nyid gang yin pa dang / de bzhin gshegs pa'i de bzhin nyid gang yin pa'i de bzhin nyid de ni gnyis su med pa'i phyir ro/ /de nas lha'i bu blo gros rab gnas kyis 'jam dpal gzhon nur gyur pa la 'di skad ces smras so/ /'jam dpal/ dge sbyong dang / bram ze zhes bgyi na/ ji tsam gyis na dge sbyong dang / bram ze zhes bgyi/ 'jam dpal gyis smras pa/ lha'i bu/ gang dge sbyong yang ma yin/ bram ze yang ma yin pa de ni dge sbyong dang / bram ze zhes bya'o/ /de ci'i phyir zhe na| lha'i bu/ gang 'dod pa'i khams la yang mi chags/ gzugs dang / gzugs med pa'i khams la yang mi chags pa de ni dge sbyong yin no zhes kho bo smra zhing / lha'i bu/ gang mig las mi 'dzag/ rna ba las mi 'dzag/ sna las mi 'dzag/ lce las mi 'dzag/ lus las mi 'dzag/ yid las mi 'dzag pa de ni dge sbyong yin no zhes kho bo smra la/ lha'i bu/ gang la gnas pa med cing gnas par gdags pa med pa dang / kun du gnas pa med cing kun du gnas par gdags pa med pa de ni dge sbyong yin no zhes kho bo smra ba'i phyir dang / lha'i bu/ gang las kyang ma 'ongs gang du yang mi 'gro la/ rma med cing rma dang bral ba de ni bram ze yin no zhes kho bo smra ba'i phyir ro/ /gang dag dge sbyong yang ma yin/ bram ze yang ma yin pa de ni dge sbyong dang / </font><hr>67a<br><font size=+1>


@#/ /bram ze zhes bya'o zhes bya ba'i tshig de bstan pa de ni de yin no/ /de nas 'khor de nyid du byang chub sems dpa' bsam gtan bzhi sgom pa/ mngon par shes pa lnga thob pa lnga zhig 'dus par gyur pa de dag da dung bzod pa thob pa ma yin pas gnas shing snyoms par 'jug par byed/ gnas shing rnam par ldang bar byed de/ byang chub sems dpa' de dag gis sngon pha bsad pa dang / ma bsad pa dang / dgra bcom pa bsad pa'i sngon gyi gnas rjes su dran cing / de dag la las kyi rnam par smin pa de'i las kyi lhag ma yod pas| de dag sems yongs su gdung ba des chos zab mo dag la mi bzod cing / bdag nyid la brten te rnam par rtog pa kho nar byed de/ de dag gi 'di lta ste/ chos la bzod pa ma thob pas kun nas ldang ba de rnam par gnon par mi nus so/ /de nas bcom ldan 'das kyis byang chub sems dpa' lnga po de dag gdul ba'i dbang gi phyir 'jam dpal gzhon nur gyur pa'i sems bsdu bar mdzad do/ /de nas 'jam dpal gzhon nur gyur pa stan las langs te/ bla gos phrag pa gcig tu gzar nas lag pa g.yas pas ral gri blangs te legs par brdar nas/ bcom ldan 'das ga la ba de logs su brgyugs so/ /de nas bcom ldan 'das kyis 'jam dpal gzhon nur gyur pa la 'di skad ces bka' stsal te/ /'jam dpal/ </font><hr>67b<br><font size=+1>


nga ni bsad zin cing legs par bsad zin gyi/ thong zhig/ de ci'i phyir zhe na/ 'jam dpal/ skyes bu gang dag gis gang gi tshe gsod do snyam pa'i sems skyed par byed pa'i sems skyes pa de'i tshe de dag gis yun ring po nas bsad pa'i phyir ro/ /de nas byang chub sems dpa' lnga dag 'di snyam du sems te/ chos thams cad ni sgyu ma lta bu ste/ 'di la bdag gam/ sems can nam/ srog gam/ gang zag gam/ shed las skyes sam/ shed bu ni 'ga' yang med do/ /'di la pha yang med/ ma yang med/ sangs rgyas kyang med/ chos kyang med/ dge 'dun yang med/ 'di la gang mtshams med par byed par 'gyur ba yang 'ga' yang med do/ /de ci'i phyir zhe na/ 'jam dpal gzhon nur gyur pa 'di ni mkhas pa/ mdzangs pa/ yid gzhungs pa sangs rgyas thams cad kyis bstod pa/ bsngags pa zab mo la bzod pa/ sangs rgyas bye ba khrag khrig 'bum phrag mang po la bsnyen bkur byas pa/ sngon gyi rgyal ba la lhag par bya ba byas pa/ chos thams cad rab tu 'byed pa'i shes pa la mkhas pa/ ci lta ba bzhin du chos ston pa/ yang dag par smra ba/ de bzhin gshegs pa la gus pa dang bcas pa yin na/ de mtshon rnon po thogs te de bzhin gshegs pa ga la ba der rgyug cing / de bzhin gshegs pa yang de skad ces/ 'jam dpal/ nga ni bsad zin cing / legs par </font><hr>68a<br><font size=+1>


@#/ /bsad zin gyi thong zhig ces gsungs pa'i phyir te/ gal te 'di la sangs rgyas zhes bya ba dang / chos zhes bya ba dang / dge 'dun zhes bya ba dang / pha zhes bya ba dang / ma zhes bya ba dang / dgra bcom pa zhes bya ba'i chos ther zug tu gnas pa 'ga' zhig yongs su 'grub par 'gyur na ni mtshams med par 'dzin pa de la nges par 'byung ba yang yod par mi 'gyur ba zhig na/ gang gi phyir chos de dag ni med la/ log pa/ yang dag pa ma yin par bzung ba/ stong pa/ sgyu ma lta bu yin pa de'i phyir/ 'di la gang byed par 'gyur ba'am/ gang la byed par 'gyur ba'i byed pa 'ga' yang med do snyam mo/ /byang chub sems dpa' lnga po de dag gis de ltar shes pas/ mi skye ba'i chos la bzod pa thob par gyur nas/ de dag dga' ba dang mchog tu dga' ba de nyid kyis ta la bdun srid tsam du nam mkha' la mngon par 'phags te/ mngon par 'phags nas bcom ldan 'das la tshigs su bcad pa 'di dag gis mngon par bstod do/ /chos kun sgyu ma lta bu ste/ /yongs su rtog pa kun nas bskyed/ /'di la grub ba ma mchis te/ /chos 'di thams cad stong pa lags/ /bdag tu 'du shes rmongs pa rnams/ /log par yongs su rtog par bgyi/ /sngon gyi mthar ni mi bzad pa'i/ /sug las bgyis ba de yang dran/ /tshe rabs snga ma </font><hr>68b<br><font size=+1>


rnams su ni/ /pha ma sbyin gnas bkum gyur cing / /dge slong dgra bcom bkum pa yi/ /sug las shin tu mi bzad bgyis/ /sug las de yi rnam smin gyis/ /sdug bsngal tshor ba myong gyur zhing / /'gyod pa skyes par gyur pa ni/ /chos thos pas na rnam dag gyur/ /grags chen zug rngu 'byin pa yis/ /bdag cag 'gyod pa bsal mdzad pas/ /gang la nyon mongs ma mchis pa'i/ /chos dbyings rjes su rtogs par gyur/ /sangs rgyas thabs la mkhas pa ste/ /thub pa thabs kyi mkhyen pa mnga'/ /thabs des sems can thams cad kyi/ / 'gyod pa dag ni rnam par bsal/ /chos rnams rang bzhin stong pas na/ /'di la sangs rgyas chos dang yang / /dge 'dun mi dmigs 'di la ni/ /pha ma ma mchis dgra bcom min// 'di la 'gum pa ma mchis te/ /'gum pa 'ga' yang mchis ma lags/ /mnyam nyid ci bzhin 'byung ba ste/ /de ni chos rnams mtshan nyid lags/ /'jam dbyangs shes rab chen po pa/ /chos rnams pha rol phyin pa yis/ /mtshon cha rnon po thogs nas ni/ /sangs rgyas ga la bzhugs par brgyugs/ /sangs rgyas ci bzhin mtshon de bzhin/ /de dag gnyis ka mtshan nyid gcig /mi skye 'byung ba ma mchis te/ /'di la 'gum pa 'ga' ma mchis/ /mtshon thogs pa'i chos kyi rnam grangs 'di bshad pa na/ phyogs bcu'i sangs rgyas kyi </font><hr>69a<br><font size=+1>


@#/ /zhing gang+gA'i klung gi bye ma snyed dag rnam pa drug tu rab g.yos shing / sa chen po g.yos pa yang 'jig rten du byung bar gyur to/ /de nas phyogs bcu'i 'jig rten gyi khams kyi sangs rgyas kyi zhing de dag na/ sangs rgyas bcom ldan 'das gang dag bzhugs te 'tsho zhing gzhes pa de dag la rang rang gi bsnyen bkur ba dag gis zhus pa/ bcom ldan 'das gang gis dog sa chen po g.yos pa 'di lta bu 'jig rten du byung ba 'di su'i mthu lags/ sangs rgyas bcom ldan 'das de dag gis bka' stsal pa/ rigs kyi bu dag/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba chos ston to/ /'jig rten gyi khams mi mjed de na byang chub sems dpa' 'jam dpal gzhon nur gyur pa zhes bya ba bla na med pa yang dag par rdzogs pa'i byang chub las phyir mi ldog pa zhig 'dug pa des/ 'di lta ste/ byang chub sems dpa' gzhan dag 'dul ba'i dbang gis phyir shes rab kyi ral gri'i mtshon rnon po thogs te/ bcom ldan 'das de bzhin gshegs pa shAkya thub pa de ga la ba de logs su brgyugs so/ /de nas sangs rgyas bcom ldan 'das de dag gi shes rab kyi mtshon las brtsams te/ ci nas kyang sems can dpag tu med pa dag mig rnam par dag pa </font><hr>69b<br><font size=+1>


dang| sems rnam par grol ba dang / bzod pa skyes pa dang / byang chub la zhugs par gyur pa de lta de ltar chos bstan to/ /de nas bcom ldan 'das kyis ci nas kyang 'khor de na sems can las dang po pa dge ba'i rtsa ba chung ba/ rnam par rtog pa mang ba gang dag 'khod pa de dag gis mtshon de mi mthong zhing / chos bstan pa de yang mi thos pa de ltar byin gyi rlabs kyis byin gyis brlabs so/ /de nas gnas brtan shA ri'i bus 'jam dpal gzhon nur gyur pa la 'di skad ces smras so/ /'jam dpal khyod kyis ston pa bgrongs pa'i phyir brtul pa'i las mi bzad pa mngon par 'dus byas pa de khyod la gang du rnam par smin par 'gyur/ 'jam dpal gyis smras pa/ btsun pa shA ri'i bu/ de de bzhin te/ ji skad smras pa de bzhin te/ kho bos las mi bzad pa de lta bu ni byas na/ de gang du rnam par smin par 'gyur pa'i gnas ni mi shes so/ /btsun pa shA ri'i bu/ de ltar mod kyi/ sgyu ma'i skyes bu las gang du rnam par smin par 'gyur ba der kho bo'i yang rnam par smin par 'gyur ro/ /de ci'i phyir zhe na/ btsun pa shA ri'i bu/ sgyu ma'i skyes bu yang mi rtog rnam par mi rtog la/ chos thams cad kyang mi rtog rnam par mi rtog pa'i phyir ro/ /btsun pa shA ri'i bu/ 'di ltar de btsun pa nyid la dri'i/ khyod ci ltar bzod pa de ltar ston cig/ btsun pa/ mtshon dmigs su yod dam/ shA ri'i bus smras pa/ 'jam </font><hr>70a<br><font size=+1>


@#/ /dpal/ de ni ma yin no/ /'jam dpal gyis smras pa/ btsun pa/ las dmigs su yod dam/ shA ri'i bus smras pa/ 'jam dpal/ de ni ma yin no/ / 'jam dpal gyis smras pa/ btsun pa/ rnam par smin pa dmigs su yod dam/ shA ri'i bus smras pa/ 'jam dpal/ de ni ma yin no/ /'jam dpal gyis smras pa/ btsun pa shA ri'i bu/ mtshon yang med/ las kyang med/ rnam par smin pa yang med na/ 'o na las de gang du rnam par smin par 'gyur/ shA ri'i bus smras pa/ 'jam dpal khyod kyi bsams pa des bstan pa ltar na/ las de ni gang du yang rnam par smin par mi 'gyur ro/ /de ci'i phyir zhe na/ chos thams cad las med pa/ rnam par smin pa med pa'i phyir ro/ /de nas bcom ldan 'das la gang dag phyogs bcu'i 'jig rten gyi khams nas 'dus pa'i byang chub sems dpa' de dag gis gsol ba/ bcom ldan 'das/ 'jam dpal gzhon nur gyur pa 'di ci nas kyang bdag cag gi sangs rgyas kyi zhing dag tu mchi zhing / sangs rgyas kyi zhing de dag tu chos ston par 'gyur pa de ltar thugs brtse bas spro bar mdzad du gsol/ de nas 'jam dpal gzhon nur gyur pas byang chub sems dpa' de dag la 'di skad ces smras so/ /rigs kyi bu dag /khyed cag je rang rang gi sangs rgyas kyi zhing rnams su ltos shig/ de nas byang </font><hr>70b<br><font size=+1>


chub sems dpa' de dag gis phyogs bcu kun gyi rang rang gi sangs rgyas kyi zhing rnams su bltas so/ bltas pa na phyogs bcu kun gyi rang rang gi sangs rgyas kyi zhing de dag nas 'jam dpal gzhon nur gyur pa'i sgra snyan pa yang thos/ 'jam dpal gzhon nur gyur pa sangs rgyas bcom ldan 'das de dag gi spyan snga na 'dug cing / lha'i bu blo gros rab gnas chos kyi rnam grangs 'di nyid 'dri ba la chos ston pa dang / de dag tu byang chub sems dpa' 'dus pa de snyed dang / lha'i bu 'dus pa de snyed kyang mthong ngo / /mthong nas kyang 'di snyam du 'jam dpal gzhon nur gyur pa 'di de ltar sangs rgyas kyi zhing 'di nas kyang mi g.yo la/ thams cad du yang de bzhin nye bar ston pa ni ngo mtshar to/ /ngo mtshar to snyam du ngo mtshar dang ldan par gyur to/ /de nas 'jam dpal gzhon nur gyur pas byang chub sems dpa' de dag la 'di skad ces smras so/ /rigs kyi bu dag/ 'di lta ste/ dper na/ sgyu ma mkhan ni sgyu ma shin tu bslabs pa'i phyir stan las kyang mi g.yo la gzugs rnam pa sna tshogs dag kyang ston par byed do/ /de bzhin du byang chub sems dpa' shes rab kyi pha rol tu phyin pa la legs par bslabs pa yang sgyu ma lta bu'i chos rnams la sangs rgyas kyi zhing ji snyed du de bzhin nye bar ston par 'dod pa de snyed du sprul pa dag sprul par byed do/ /de ci'i phyir zhe na/ 'di lta ste/ chos 'di sgyu ma lta bur rig pa'i phyir ro/ /de nas bcom ldan </font><hr>71a<br><font size=+1>


@#/ /'das kyis 'jam dpal gzhon nur gyur pa la bka' stsal pa/ 'jam dpal/ chos kyi rnam grangs 'di thos pa de ni sangs rgyas 'byung ba dang 'dra'o/ / chos kyi rnam grangs 'di thos pa de ni rgyun du zhugs pa'i 'bras bu dang 'dra'o/ /chos kyi rnam grangs 'di thos pa de ni lan gcig phyir 'ong ba'i 'bras bu dang 'dra'o/ /chos kyi rnam grangs 'di thos pa de ni phyir mi 'ong ba'i 'bras bu dang 'dra'o/ /chos kyi rnam grangs 'di thos pa de ni dgra bcom pa nyid dang 'dra ste/ 'jam dpal/ chos kyi rnam grangs 'di la mos shing yid ches pa dang / byang chub kyi snying po la 'dug pa gang yin pa de ni 'dra ba yin no/ /'jam dpal gyis gsol pa/ bcom ldan 'das/ de de bzhin lags te/ de ni stong pa nyid ji lta ba de ltar 'dra ba lags so/ /de ni mtshan ma ma mchis pa ci lta ba de ltar 'dra ba lags so/ /de ni smon pa ma mchis pa ci lta ba de ltar 'dra ba lags so/ /de ni de bzhin nyid ji lta ba de ltar 'dra ba lags so/ /de ni chos kyi dbyings ci lta ba de ltar 'dra ba lags so/ /de ni yang dag pa'i mtha' ji lta ba de ltar 'dra ba lags so/ /de ni mnyam pa nyid ci lta ba de ltar 'dra ba lags so| |de ni rnam par grol ba ci lta ba de ltar 'dra ba lags so/ /de ni dben pa ci lta ba de ltar 'dra ba lags so/ /de nas bcom ldan 'das la 'jam dpal gzhon nur gyur pas 'di </font><hr>71b<br><font size=+1>


skad ces gsol to/ /bcom ldan 'das/ chos kyi rnam grangs 'di ci nas kyang ma 'ongs pa'i dus lnga brgya tha mar gyur pa na spyod par 'gyur zhing / rigs kyi bu dang rigs kyi bu mo dag gi rna lam du grags par 'gyur ba de ltar de bzhin gshegs pas byin gyis brlab tu gsol/ de nas de'i tshe stong gsum gyi stong chen po'i 'jig rten gyi khams 'di na lha dang mi rnams kyi rol mo'i sgra gang ji snyed pa de thams cad ma dkrol bar sgra grag cing / shing ljon pa thams cad las kyang me tog sna tshogs dag rab tu rgyas la lhags par gyur to/ /rdzing bu dag nas kyang pad+ma mang po rab tu 'thon par gyur to/ /stong gsum gyi stong chen po'i 'jig rten gyi khams 'di yang rnam pa drug tu rab tu g.yos shing snang ba chen pos khyab par gyur nas nyi ma dang zla ba 'di dag kyang mi snang bar gyur to/ /lha bye ba 'bum phrag mang po dag kyang dga' zhing mgu la yi rangs te/ steng gi bar snang la 'khod nas me tog gi char dag mngon par rab tu 'bebs shing / phye ma dang / spos dang / me tog phreng dang / byug pa'i char dag kyang mngon par rab tu 'bebs so/ /sil snyan dag kyang rab tu gsal zhing lha'i glu dbyangs mang po dag kyang bsgrags nas thams cad kyi thal mo sbyar ba btud de/ kha mthun par tshig 'di skad ces/ a la la 'jam dpal gzhon nur gyur pas bstan pa'i chos/ a la la chos/ a la la chos/ 'jig rten du chos kyi </font><hr>72a<br><font size=+1>


@#/ /'khor lo gnyis pa bskor ba yang mthong ngo / /sems can gang dag gis chos kyi rnam grangs 'di thos pa dang / thos nas kyang mos par 'gyur ba de dag ni/ dge ba'i rtsa ba ngan ngon dang ldan pa ma yin no/ /gang dag gis chos kyi rnam grangs 'di thos nas skrag par mi 'gyur ba de dag ni/ sngon gyi rgyal ba la lhag par bya ba byas pa zab mo la bzod pa yin no zhes kyang smras so/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ chos kyi rnam grangs 'di byin gyis brlab pa'i phyir snga ltas 'di dag byung ba lags na/ 'di ni ma 'ongs pa'i dus na spyod par 'gyur ro/ /bcom ldan 'das kyis bka' stsal pa/ 'jam dpal/ de de bzhin te/ chos kyi rnam grangs 'di byin gyis brlab pa'i phyir snga ltas byung ba 'di dag yin no/ /'jam dpal gyis gsol pa/ bcom ldan 'das/ chos kyi rnam grangs 'di yun ring du gnas par bgyi ba'i slad du bcom ldan 'das kyis bden pa'i byin gyis brlab pa mdzad du gsol/ bcom ldan 'das kyis bka' stsal pa/ 'jam dpal/ bden pa dang bden pa'i tshig gang gis rnam par thar pa'i sgo gsum la brten nas rnam par grol ba'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig /'jam dpal gyis gsol pa/ bcom </font><hr>72b<br><font size=+1>


ldan 'das/ bden pa dang bden pa'i tshig gang gis bdag ma mchis pa dang / sems can ma mchis pa dang / srog ma mchis pa dang / gang zag ma mchis pa dang / shed las skyes ma mchis pa dang / shed bu ma mchis pa dang / kun nas nyon mongs pa ma mchis pa dang / rnam par byang ba ma mchis pa'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig/ bcom ldan 'das/ bden pa dang bden pa'i tshig gang gis 'dod chags ma mchis pa dang / zhe sdang ma mchis pa dang / gti mug ma mchis pa dang / ming ma mchis pa dang / gzugs ma mchis pa dang / rgyu ma mchis pa dang / lta ba ma mchis pa dang / srid pa ma mchis pa dang / srid pa yongs su 'tshal ba ma mchis pa dang / lus ma mchis pa dang| lus su gdags pa ma mchis pa dang / sems ma mchis pa dang / sems su gdags pa ma mchis pa dang / dran pa ma mchis pa dang / dran par bgyid pa dag ma mchis pa dang / dran pa nye bar bzhag pa dag ma mchis pa dang / gzhag pa ma mchis pa dang / nye bar gzhag pa ma mchis pa dang / gzugs ma mchis pa dang / tshor ba ma mchis pa dang / 'du shes ma mchis pa dang / 'du byed rnams ma mchis pa dang / rnam par shes pa ma mchis pa dang / mig ma mchis pa dang / gzugs ma mchis pa dang / rna ba ma mchis pa dang / sgra ma mchis pa dang / </font><hr>73a<br><font size=+1>


@#/ /sna ma mchis pa dang / dri ma mchis pa dang / lce ma mchis pa dang / ro ma mchis pa dang / lus ma mchis pa dang / reg bya ma mchis pa dang / yid ma mchis pa dang / chos ma mchis pa dang / 'dod pa'i khams ma mchis pa dang / gzugs kyi khams ma mchis pa dang / gzugs ma mchis pa'i khams ma mchis pa dang / 'di la rtag pa ma mchis pa dang / chad pa ma mchis pa'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig/ bcom ldan 'das/ bden pa dang bden pa'i tshig gang gis rgyun du zhugs pa ma mchis pa dang / rgyun du zhugs pa'i 'bras bu ma mchis pa dang / lan gcig phyir 'ong ba ma mchis pa dang / lan gcig phyir 'ong ba'i 'bras bu ma mchis pa dang / phyir mi 'ong ba ma mchis pa dang / phyir mi 'ong ba'i 'bras bu ma mchis pa dang / dgra bcom pa ma mchis pa dang / dgra bcom pa'i chos rnams ma mchis pa dang / rang sangs rgyas ma mchis pa dang / rang sangs rgyas kyi chos rnams ma mchis pa dang / de bzhin gshegs pa ma mchis pa dang / de bzhin gshegs pa'i chos rnams ma mchis pa dang / stobs rnams ma mchis pa dang / mi 'jigs pa rnams ma mchis pa dang / ye shes ma mchis pa dang / rnam par shes pa ma mchis pa dang / stong pa nyid ma mchis pa dang / mtshan ma ma mchis pa ma mchis pa dang / smon </font><hr>73b<br><font size=+1>


pa ma mchis pa ma mchis pa dang / 'dod chags dang bral ba nyid ma mchis pa dang / rang bzhin ma mchis pa dang / 'thob pa ma mchis pa dang / mngon sum du bgyi ba ma mchis pa dang / mngon par rtogs pa ma mchis pa dang / rigs pa ma mchis pa dang / rnam par grol ba ma mchis pa dang / 'gram ma mchis pa dang / pha rol ma mchis pa dang / tshu rol ma mchis pa dang / thar pa ma mchis pa dang / ming ma mchis pa dang / ming du gdags pa ma mchis pa'i bden pa dang bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig /bcom ldan 'das/ bden pa dang bden pa'i tshig gang gis chos bstan pa 'dis 'ga' yang ma sbyar/ mi grol/ mi sbyor/ mi grol ba'i bden pa dang bden pa'i tshigs des chos kyi rnam grangs 'di ma 'ongs pa'i dus lnga brgya tha ma na spyod par gyur cig |bcom ldan 'das/ bden pa dang bden pa'i tshig gang gis sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis sems can 'ga' yang ma bkrol/ yongs su mya ngan las ma bzlas/ de dag gis sems can 'ga' yang ma brnyes/ ma bshig/ chos 'ga' yang ma bskyed/ ma bgag/ rnam par ma bshig /ma bskyod pa dang / ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas de dag sems can 'ga' yang grol bar mi 'gyur/ yongs su mya ngan las zlo bar mi 'gyur/ de dag gis sems can </font><hr>74a<br><font size=+1>


@#/ /'ga' yang brnyes par mi 'gyur/ 'jig par mi 'gyur/ chos 'ga' bskyed par mi 'gyur/ 'gog par mi 'gyur/ rnam par 'jig par mi 'gyur/ bskyod par mi 'gyur pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas de dag sems can 'ga' yang mi 'grol/ yongs su mya ngan las mi bzlo/ de dag sems can 'ga' yang mi brnyes/ mi 'jig/ chos 'ga' yang mi bskyed/ mi 'gog /rnam par mi 'jig /mi bskyod pa'i bden pa dang bden pa'i tshig des chos kyi rnam grangs 'di ma 'ongs pa'i dus lnga brgya tha ma na spyod par gyur cig /bcom ldan 'das/ bden pa dang bden pa'i tshig gang gis chos bstan pa 'di la cung zad kyang ma smras/ ma brjod/ ma bshad/ ma bstan/ ma brtags/ ma bsgrags/ ma bsnyad/ ma smos/ ma bzlas shing / chos bstan pa 'di la yi ge gcig kyang ma brjod la/ chos bstan pa 'di gang gis kyang ma mnyan/ 'ga' yang nyan par mi 'gyur/ 'ga' yang rnam par grol bar mi 'gyur ba'i bden pa dang bden pa'i tshig des chos kyi rnam grangs 'di ma 'ongs pa'i dus lnga brgya tha ma na 'dzam bu'i gling na spyod par gyur cig/ bcom ldan 'das/ bden pa dang bden pa'i tshig gang gis 'di la tshul khrims ma mchis pa dang / tshul khrims kyi 'bras bu ma mchis pa dang / ting nge 'dzin ma mchis pa dang / ting nge 'dzin gyi gnas ma mchis pa dang / shes rab ma mchis pa dang / shes </font><hr>74b<br><font size=+1>


rab kyi dbang po ma mchis pa dang / rnam par grol ba ma mchis pa dang / rnam par grol ba'i ye shes ma mchis pa'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na 'dzam bu'i gling na spyod par gyur cig/ bcom ldan 'das/ bden pa dang bden pa'i tshig gang gis byang chub sems dpa' sbyin pa stsol bar mi bgyid/ tshul khrims bsrung bar mi bgyid/ bzod ba sgrub par mi bgyid/ brtson 'grus rtsom par mi bgyid/ bsam gtan rnams sgom par mi bgyid/ shes rab spyod par mi bgyid/ byang chub don du gnyer bar mi bgyid/ yang dag pa la 'jug par mi bgyid/ byang chub thob par mi bgyid/ stobs rnams thob par mi bgyid/ mi 'jigs pa rnams thob par mi bgyid/ dbang po rnams thob par mi bgyid/ so so yang dag par rig pa rnams thob par mi bgyid/ chos kyi 'khor lo skor bar mi bgyid/ sems can grol bar mi bgyid/ smra bar mi bgyid pa'i bden pa dang / bden pa'i tshig des chos kyi rnam grangs 'di ma 'ongs pa'i dus lnga brgya tha ma na 'dzam bu'i gling du spyod par gyur cig /de nas de'i tshe stong gsum gyis stong chen po'i 'jig rten gyi khams 'di rnam pa drug tu bar tu g.yos par gyur to/ /de nas bcom ldan 'das la byang chub sems dpa' byams pas 'di skad ces gsol to/ /bcom ldan 'das/ 'jig rten du dog sa cher g.yos par gyur pa 'di'i rgyu ni gang lags /rkyen ni gang lags/ </font><hr>75a<br><font size=+1>


@#/ /de skad ces gsol pa dang / bcom ldan 'das kyis byang chub sems dpa' byams pa la 'di skad ces bka' stsal to/ /byams pa/ dman pa la mos pa'i sems can 'di dag 'dzin par mi 'gyur na ma legs kyi thong zhig/ de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ / bcom ldan 'das/ skye bo mang po la sman pa dang / skye bo mang po la bde ba dang / lha dang mi rnams kyi don gyi slad du bshad du gsol/ bcom ldan 'das kyis bka' stsal pa/ byams pa/ chos kyi rnam grangs 'di ni sa phyogs 'di nyid du sangs rgyas bye ba khrag khrig 'bum phrag bdun cu rtsa bzhis bstan te/ thams cad du yang 'jam dpal gzhon nur gyur pa dang / lha'i bu blo gros rab gnas kyis zhus so/ /byams pas gsol pa/ bcom ldan 'das/ 'jam dpal gzhon nur gyur pa dang / lha'i bu blo gros rab gnas kyis rnam grangs 'di thos nas ji srid cig lags/ bcom ldan 'das kyis bka' stsal pa/ byams pa/ rigs kyi bu 'di dag gis bskal pa grangs med pa phrag 'bum 'das pa nas/ de bzhin gshegs pa kun nas me tog mngon par 'phags pa seng+ge'i rtsal gyi yon tan phung po zhes bya ba las chos kyi rnam grangs 'di thos so/ /chos kyi rnam grangs 'di bshad pa na/ sems can gang+gA'i klung gi bye ma snyed dag bla na med pa yang dag par rdzogs </font><hr>75b<br><font size=+1>


pa'i byang chub tu sems skyes so/ /de'i nyis bsgyur snyed kyis ni phyir mi ldog pa'i bzod pa thob bo/ /de'i nyis bsgyur snyed ni chos rnams la chos kyi mig rdul med cing dri ma dang bral ba rnam par dag go /bcom ldan 'das kyis de skad ces bka' stsal nas dge slong de dag dang / 'jam dpal gzhon nur gyur pa dang / lha'i bu blo gros rab gnas dang / ji ltar 'dus pa'i byang chub sems dpa' de dag dang / lha'i bu de dag dang / tshe dang ldan pa shA ri'i bu dang / gnas brtan 'od srung chen po dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ lha'i bu blo gros rab gnas kyi zhus pa zhes bya ba'i le'u ste/ 'dus pa sum cu rtsa drug pa rdzogs so|| ||rgya gar gyi mkhan po su ren+d+ra bo d+hi dang / pra dz+nyA warma dang / zhu chen gyi lo ts+tsha ba zhang ye shes sde la sogs pas bsgyur cing zhus te gtan la phab pa// </font><hr>

</table>