rgya gar skad du/ swa s+t+ya ya na gA thA/ 360b bod skad du/ bde legs su 'gyur ba'i tshigs su bcad pa/ thams cad mkhyen pa la phyag 'tshal lo/ /'jig rten 'dren pa'i drung du ni/ /lha zhig nye bar song nas su/ /gang gis rtag tu bde legs pa/ /bdag gis zhu yi bcom ldan gsungs/ /dam pas de dag gsan pa dang / /'jig rten 'dren pas lung bstan pa/ /gang gis kun tu bde legs su/ /'gyur ba lta khyod legs par nyon/ /gang zhig de bzhin gshegs pa la/ /dad pa mi g.yo legs rab bstan/ /gang zhig dge ba tshul khrims can/ /de dag kun tu bde legs 'gyur/ /gang zhig pha dang ma dag dang / /bu dang bu mo bran dag la/ /rtag tu legs par bsnyen bkur ba/ /de dag kun tu bde legs 'gyur/ /gang zhig dgra bcom grags pa la/ /legs par rab dang yon 'bul dang // lha yi bka' bzhin byed pa dag /de dag kun tu bde legs 'gyur/ /gang gis lus dang ngag dang ni/ /yid la nyes byas med pa dang / /gang zhig rnam gsum rab bsdams pa/ /de dag kun tu bde legs 'gyur/ /gang zhig 'byung bo thams cad la/ /tshad med kun tu mi 'khrugs pa/ /byams pa'i sems ni sgom byed pa/ /de dag kun tu bde legs 'gyur/ /gang zhig sdug bsngal kun spang phyir/ /'phags pa'i lam gyi yan lag brgyad/ /bde ba 'dren pa legs bsgom pa/ /de dag kun tu bde legs 'gyur/ /gang gis 'dus byas thams cad kyis// 361a @#/ /stong nyid rtag tu legs mthong zhing / /de ni sems la gnas gyur pa/ /de dag kun tu bde legs 'gyur/ /gang gis lus kyi dri med chos/ /mngon sum byas nas rgyu ba dang / /dgra bcom rnam grol sems ldan pa/ /de dag kun tu bde legs 'gyur/ /gang gis 'dod chags zhe sdang dang / /gti mug rnams dang chags bral zhing / /ye shes 'khrug med skyes gyur pa/ /de dag kun tu bde legs 'gyur/ /gang zhig lhar bcas 'jig rten gyi/ /mgon po yang srid spangs pa yi/ /sangs rgyas khong du chud gyur pa// de dag kun tu bde legs 'gyur/ /bde legs su 'gyur pa'i tshigs su bcad pa rdzogs so// // |