rgya gar skad du/ swa sti gAThA/ bod skad du/ bde legs kyi tshigs su bcad pa/ dkon mchog gsum la phyag 'tshal lo/ /lha cig nye bar song nas su/ /lhas mchod pa la zhus byas te/ /sangs rgyas chen po thub pa che/ /ci zhig smras na bde legs 'gyur/ |des ni tshig 'di gsan gyur nas/ /'jig rten rtsa lag bka' stsal pa/ /gang zhig rtag tu rjod byed pa/ /nga yi bde legs 'gyur te ston/ /'jig rten 'di dang gzhan dang mtho ris na/ /rin chen rgya chen mchog ni gang yod pa/ /des ni rdzogs pa'i sangs rgyas rin chen la/ /cis kyang grangs dang bgrang dang char mi phod/ /ngo mtshar shin tu rmad byung dpag med de| |rdzogs pa'i sangs rgyas rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /zhi 'gog bdud rtsi shin tu gya nom gang / /shAkya thub pas mnyam bzhag thugs chud pa/ /chos de dang ni mtshungs pa yod min te/ /de sngon byas na phyin chad mya ngan med/ /ngo mtshar shin tu rmad byung dpag med de| |dam pa'i chos kyi rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /rgyal ba gang dag gang zag brgyad gsungs 358b pa| |de dag rnams ni skyes bu zung bzhi ste/ /sbyin gnas de dag sa steng shin tu dkon/ /de dag rnams la byin na dpag med 'gyur/ /ngo mtshar shin tu rmad byung dpag med de/ /dge 'dun rin chen gang zhig 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /dam pa gtso bo mchog sbyin gya nom pa/ /'od mchog dpa' bo dam pa mchog gi gnas/ /shes rab dam pa mchog gi dam pa mchog /mchog min mchog mkhyen 'di ni bcom ldan gcig /ngo mtshar shin tu rmad byung dpag med de/ /rdzogs pa'i sangs rgyas rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /ting 'dzin dam pa bar chad med pa gang / /mtha' yas blo ldan de bzhin gshegs gsungs pa/ /ting 'dzin de brtan rdo rje dper byas pa/ /ting 'dzin de dang mtshungs pa'i ting 'dzin med/ /ngo mtshar shin tu rmad byung dpag med de/ /ting nge 'dzin gyi rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /ji ltar sgo gtan dam zhing rab dam ste/ /stobs chen rlung bzhi dag gis mi bskyod pa/ /de ltar mkhas pa bden bzhi mthong gnas pa/ /'jig rten smra ba rnams kyis 'dir mi g.yo/ /ngo mtshar shin tu rmad byung dpag med de/ / 359a @#/ /dge 'dun rin chen gang zhig 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog / thams cad zil gnon kun mkhyen thams cad gzigs/ /thams cad mkhyen pa stobs rnams kun dang ldan/ /kun gyi dam pa 'dzin pa kun dang bral/ /bsam pa kun mkhyen 'di ni bcom ldan gcig /ngo mtshar shin tu rmad byung dpag med de/ /rdzogs pa'i sangs rgyas rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /srid pa 'gog cing mi g.yo 'gyur ba med/ /skyon med 'jig pa kun las rnam par grol/ /shin tu 'gog cing gya nom nges par 'byung / /shin tu dri med zhi ba blos mi 'phrog /ngo mtshar shin tu rmad byung dpag med de/ /dam pa'i chos kyi rin chen 'jig rten mchog /ji ltar nga'i 'di de bzhin bden mchog na/ /bden pa 'di ni shin tu bde legs shog /shin tu sdug bsngal ston cing bde sbyin pa'i/ /bden rnams mthong ste gang dag bag yod pa/ /bden pa rin chen rnams la dogs bral ba/ /de dag skye ba brgyad pa phyis mi len/ /ngo mtshar shin tu rmad byung dpag med de/ /dge 'dun rin chen gang zhig 'jig 359b rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /dam pa rnams kyis dam pa don ldan mkhyen/ /mchog dang mchog min mkhyen cing don dam brtson/ /gzhan gyis mi phrogs dam pa thugs chud rtogs/ /shin tu sdug bsngal rnams kyi dpung mnyen mchog /ngo mtshar shin tu rmad byung dpag med de/ / rdzogs pa'i sangs rgyas rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /'dun pa skyed nas rnal 'byor ldan gyur cing / /gau tam bstan la rtag brtson rab grol zhi/ /gzhan gyis mi bkri ba dag zhi der reg/ /'di la de reg grangs su phyin mi 'gyur/ /ngo mtshar shin tu rmad byung dpag med de| |dge 'dun rin chen gang zhig 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /bden pa mthong bas brjed pas brgya lam na/ /gal te sdig pa 'ga' zhig byas gyur kyang / /de ni de 'chal ba yi 'os min te/ /chos nyid 'di ni mi g.yo gnas phyir ro/ /ngo mtshar shin tu rmad byung dpag med de/ /dge 'dun rin chen gang zhig 'jig rten mchog /ji ltar nga'i 'di de bzhin bden mchog na/ /bden pa 'dir ni shin tu bde legs shog /lha dang 360a @#/ /bcas pa'i 'jig rten thams cad na/ /sangs rgyas dang ni lhag pa'am mtshungs pa med/ /lha dang mi yi ston pa bla na med/ /ston pa ded dbon sman pa rnams kyi mchog /ngo mtshar shin tu rmad byung dpag med de/ /rdzogs pa'i sangs rgyas rin chen 'jig rten mchog /ji ltar nga'i 'di de bzhin bden mchog na/ /bden pa 'dis ni shin tu bde legs shog /sos ka'i zla ba dang por thub pa yis/ /nags khrod chos kyi dam pa rab brnyes pa/ /chos de dang ni lhag pa'am mtshungs pa med/ / 'di la de reg grangs su phyin mi 'gyur/ /ngo mtshar shin tu rmad byung dpag med de/ /dam pa'i chos kyi rin chen 'jig rten mchog /ji ltar nga'i 'di de bzhin bden mchog na| |bden pa 'dis ni shin tu bde legs shog /sdug pa rnying zad gsar du byas med la/ /rims nad med pas 'jigs med mya ngan bral/ /rtsa ba 'gags pas srid pa mi skyed pa/ /bstan pa mar me bzhin du 'bar bar 'gyur/ /ngo mtshar shin tu rmad byung dpag med de/ /dge 'dun rin chen gang zhig 'jig rten mchog /ji ltar nga'i 'dod bzhin bden mchog na/ /bden pa 'dis ni shin tu bde legs shog /bde legs kyi tshigs su bcad pa rdzogs so// // |