H77

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H77</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H77&coll=lhasa">see text in Tibetan script</a></table>411b<br><font size=+1>


//rgya gar skad du/ AR+Ya bi ma la nAt+ta pa ri pri ts+tsha nA ma mahA yA na sU tra/ bod skad du/ 'phags pa dri ma med kyis byin pas zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo| |'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong stong nyis brgya lnga bcu'i dge slong gi dge 'dun chen po thams cad dang thabs gcig tu bzhugs te/ thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu son pa sha stag ste/ gang zag gcig ma gtogs pa ni 'di lta ste/ tshe dang ldan pa kun dga' bo'o/ /byang chub sems dpa' stong phrag bcu phal cher thams cad kyang phyir mi ldog pa skye ba gcig gis thogs pa sha stag </font><hr>412a<br><font size=+1>


@#/ /la 'di lta ste/ byang chub sems dpa' rin chen 'od dang / byang chub sems dpa' shes rab brtsegs dang / byang chub sems dpa' dpal gyi snying po dang / byang chub sems dpa' grags pa'i blo gros dang / spobs pa brtsegs pa dang / spyan ras gzigs dbang phyug dang / mthu chen thob dang / byams pa dang / mya ngan med kyis byin dang / 'jam dpal gzhon nur gyur pa dang / gom pa 'dor ba don yod dang / mthong ba don yod dang / ngan song spong dang / mya ngan gyi mun pa thams cad 'joms pa dang / yon tan rin po che'i me tog gis rtag tu brgyan dang / gser gyi phreng ba'i 'od kyi dpal can dang / sgrib pa thams cad rnam par sel ba dang / byang chub sems dpa' sems thogs pa med pa dang / de dag la sogs pa byang chub sems dpa' khri dang yang thabs gcig go /de nas tshe dang ldan pa shA ri'i bu dang / tshe dang ldan pa mo'u 'gal gyi bu chen po dang / tshe dang ldan pa byams ma'i bu gang po dang / tshe dang ldan pa 'od srung chen po dang / tshe dang ldan pa rab 'byor dang / tshe dang ldan pa nam gru dang / tshe dang ldan pa ma 'gags pa dang / tshe dang ldan pa kun dga' bo dang / nyan thos chen po brgyad po de dag dang / byang chub sems dpa' 'jam dpal dang / byang chub sems dpa' ngan song spong dang / rin chen tog dang / </font><hr>412b<br><font size=+1>


mthong ba don yod dang / sgrib pa thams cad rnam par sel ba dang / 'phags pa spyan ras gzigs dbang phyug dang / spobs pa brtsegs dang / byang chub sems dpa' gom pa 'dor ba don yod dang / byang chub sems dpa' sems dpa' chen po brgyad po de dag snga dro'i dus kyi tshe sham thabs dang chos gos bgos nas/ lhung bzed thogs te bsod snyoms kyi phyir grong khyer chen po mnyan yod du zhugs nas/ de dag lam gyi bar skabs su gtam 'di skad ces gang gis grong khyer du skye bo'i tshogs thams cad kyis 'phags pa'i bden pa'i gtam thos par 'gyur ba rnam pa de lta bu'i ting nge 'dzin la snyoms par zhugs te grong khyer du 'jug par bya'o zhes brjod par gyur to/ /tshe dang ldan pa shA ri'i bus smras pa/ gang gis grong khyer du 'phags pa'i bden pa rnams la skye bo'i tshogs thams cad kyi shes rab thogs pa med de/ de dag gi shes rab la mun pa mun nag med par 'gyur ba rnam pa de lta'i ting nge 'dzin la kho bo snyoms par zhugs te grong khyer du 'jug par bya'o/ /tshe dang ldan pa mo'u 'gal gyi bu chen pos smras pa/ gang gis grong khyer du skye bo'i tshogs thams cad la bdud kyi las rnams 'byung bar mi 'gyur ba rnam pa de lta bu'i ting nge 'dzin la kho bo snyoms par zhugs te grong khyer du 'jug par bya'o/ /tshe dang </font><hr>413a<br><font size=+1>


@#/ /ldan pa byams ma'i bu gang pos smras pa/ ci nas kyang gzhan mu stegs can spyod pa pa dang / kun tu rgyu ba dang / gcer bu ba dang / 'tsho ba pa dang / bram ze dang / khyim bdag gang dag grong khyer na 'khod pa de dag sdig pa can gyi lta ba dang ldan par mi 'gyur ba rnam pa de lta bu'i ting nge 'dzin la kho bo snyoms par zhugs te grong khyer du 'jug par bya'o/ /tshe dang ldan pa 'od srung chen pos smras pa/ ci nas kyang grong khyer na skyes pa dang / bud med dang / khye'u dang / bu mo gang dag bdag cag la bsod snyoms sbyin par byed pa 'khod pa de dag thams cad yongs su mya ngan las 'das pa la thug gi bar du longs spyod zad mi shes pa rnyed par 'gyur ba rnam pa de lta bu'i ting nge 'dzin la kho bo snyoms par zhugs te grong khyer du 'jug par bya'o/ /tshe dang ldan pa rab 'byor gyis smras pa/ gang gis grong khyer du skye bo'i tshogs thams cad nyon mongs pa med pa thob par 'gyur ba rnam pa de lta bu'i ting nge 'dzin la kho bo snyoms par zhugs te grong khyer du 'jug par bya'o/ /tshe dang ldan pa nam grus smras pa/ gang gis grong khyer du skye bo'i tshogs thams cad kyis ting nge 'dzin thob par 'gyur pa rnam pa de lta bu'i ting nge 'dzin la kho bo snyoms par zhugs te grong khyer du 'jug par bya'o/ /tshe dang </font><hr>413b<br><font size=+1>


ldan pa ma 'gags pas smras pa/ gang gis grong khyer du skye bo'i tshogs thams cad nad med pa'i bde ba thob par 'gyur ba rnam pa de lta bu'i ting nge 'dzin la kho bo snyoms par zhugs te grong khyer du 'jug par bya'o/ /tshe dang ldan pa kun dga' bos smras pa/ gang gis grong khyer du skye bo'i tshogs thams cad la sngon ma thos pa'i chos rnams mngon du 'gyur ba rnam pa de lta bu'i ting nge 'dzin la kho bo snyoms par zhugs te grong khyer du 'jug par bya'o/ /'jam dpal gzhon nur gyur pas smras pa/ ci nas kyang gang gis grong khyer na sgo dang / skar khung dang / rtsig pa dang / snod dang / rgyan dang / shing dang / lo ma dang / me tog dang / 'bras bu dang / gos rnams las stong pa nyid kyi sgra 'byung bar 'gyur ba dang / mtshan ma med pa'i sgra dang / smon pa med pa'i sgra dang / skye ba med pa'i sgra dang / dngos po med pa'i sgra dang / bdag med pa'i sgra 'byung bar 'gyur ba rnam pa de lta bu'i bsam pa kho bos bsam par bya'o/ /byang chub sems dpa' ngan song spong gis smras pa/ gang gis grong khyer na sems can rnams kyi las ngan song myong bar 'gyur ba gang yod pa de'i tshe 'di nyid la yang zhing chung ngu myong bar 'gyur ba rnam pa de lta bu'i bsam pa kho bos bsam par bya'o/ /byang chub sems dpa' mthong ba don yod kyis smras pa/ ci nas kyang grong khyer na sems can </font><hr>414a<br><font size=+1>


@#/ /gang dag kho bo'i mig la ma na snang bar 'gyur ba de dag thams cad kyis de bzhin gshegs pa'i gzugs mthong bar 'gyur ba rnam pa de lta bu'i bsam pa kho bos bsam par bya'o/ /byang chub sems dpa' rin po che tog gis smras pa/ gang gis grong khyer na khyim thams cad du rin po ches gang ba'i gter rnams 'byung bar 'gyur ba rnam pa de lta bu'i bsam pa kho bos bsam par bya'o/ /byang chub sems dpa' sgrib pa thams cad rnam par sel bas smras pa/ gang gis mnyan yod kyi grong khyer chen por skye bo'i tshogs thams cad kyi sgrib pa lnga po dag rnam par sel bar 'gyur ba rnam pa de lta bu'i bsam pa kho bos bsam par bya'o/ /byang chub sems dpa' spyan ras gzigs dbang phyug gis smras pa/ ci nas kyang grong khyer na sems can gang dag bcings pa dang / bsad par bkri pa de dag thar pa dang / 'jigs pas nyen pa rnams kyang 'jigs pa med pa thob par 'gyur ba rnam pa de lta bu'i bsam pa kho bos bsam par bya'o/ /byang chub sems dpa' spobs pa brtsegs kyis smras pa/ gang gis grong khyer na skye bo'i tshogs thams cad phan tshun du tshigs su bcad pa'i dbyangs dang / byams pa'i sems kyis smra bar 'gyur ba dang / spobs pa yang thob par 'gyur ba </font><hr>414b<br><font size=+1>


rnam pa de lta bu'i bsam pa kho bos bsam par bya'o/ /byang chub sems dpa' gom pa 'dor ba don yod kyis smras pa/ ci nas kyang grong khyer na sems can gang dag kho bo'i mig lam na snang bar 'gyur ba de dag thams cad bla na med pa yang dag par rdzogs pa'i byang chub las phyir mi ldog par 'gyur ba rnam pa de lta bu'i bsam pa kho bos bsam par bya'o/ /de nas nyan thos chen po de dag dang / byang chub sems dpa' de dag rnam pa de lta bu'i gtam 'di brjod cing mnyan yod kyi grong khyer chen por phyin to/ /yang de'i tshe yul ko sa la'i rgyal po gsal rgyal gyi bu mo dri ma med kyis byin pa zhes bya ba sngon gyi rgyal ba la lhag par bya ba byas pa/ dge ba'i rtsa ba bskyed pa/ sangs rgyas mang po la bsnyen bkur byas pa/ chos zab mo la bzod pa dang ldan pa/ mngon par shes pa lnga po dag thob pa zhig yod de/ bu mo des lha'i mig rnam par dag pa mi'i las 'das pas byang chub sems dpa' de dag dang / nyan thos chen po de dag mthong zhing de dag lam gyi bar skabs su gtam ci brjod pa de dag thams cad kyang thos so/ /bu mo de yang gzugs bzang ba/ mdzes pa blta na sdug pa/ kha dog bzang po rgyas pa mchog dang ldan pa/ pha ma dang nang mi la byams pa/ btsas nas lo bcu gnyis lon pa ste/ de dpyid zla tha chung tshes brgyad skar ma rgyal gyi nyin par pha mas dge </font><hr>415a<br><font size=+1>


@#/ /mtshan dang bkra shis byed du gnang nas/ bram ze zho dang / rtswa ku sha dang / me tog dang / yam sreg shing dang / mar dang / bum pa thogs pa lnga brgyas yongs su bskor te/ khrus bya bar khrid pa las bram ze de dag gis byang chub sems dpa' de dag dang / nyan thos chen po de dag kyang mthong ngo / /mthong nas kyang bkra mi shis so snyam pa'i 'du shes kyis gnas par gyur to/ /de nas bram ze de dag gi nang nas bram ze che bgres tshangs pa'i lha zhes bya ba des dri ma med kyis byin pa la 'di skad ces smras so/ /bu mo/ dge slong dag mdun na 'khod pa ni bkra mi shis te/ de dag mthong na dgos pa'am/ nor ram/ brtul zhugs sam/ mchod sbyin nam/ bkra shis kyang rung ste mi 'grub kyi/ grong khyer du slar bzhud do/ /de nas bu mo dri ma med kyis byin pas bram ze tshangs pa'i lha de la tshigs su bcad de smras pa/ 'di dag chags med mchog tu dge shis pa/ /skye bo mang po'i sdig pa 'jig par byed/ /'di dag rnam par dag cing bden bzhi mthong / /dul la grol bar gyur cing mnyam par bzhag /'di dag rkang gnyis dam pa bsod nams zhing / /'di la yon phul mtho ris 'gro bar 'gyur/ /'di la yon phul 'bras bu 'chi med 'thob/ /byin nas sems can ngan 'gror 'gro mi 'gyur/ /tshul khrims dang ni dul bar ldan pa yin/ /'dod </font><hr>415b<br><font size=+1>


las brgal cing sdig med re ba med/ /'di dag sman pa mchog ste 'jig rten rgyu/ /sdug bsngal gzir ba'i srog chags thar par byed/ /sangs rgyas 'jig rten dag na chos kyi rje/ /de yi sras dag rdul med nyon mongs med/ /'di dang byang chub sems dpa' gzhan yang mang / /shes rab ldan mis 'di dag ji ltar spang / /'di dag brtul zhugs spyad cing 'dod chags zhi/ / bkra shis gyur cing mkhas pa sbyin char bab/ /'di dag rnams la bkur sti chung byas kyang / /mi rnams chos dang de bzhin nor yang 'grub/ /'di dag mtshan rnams yongs rdzogs dge shis ldan/ /'di dag zhing mchog rnam dag sems dang ldan/ /bram ze 'di la su zhig dad byed pa/ /de ni bsod nams mang po bskyed par 'gyur/ /de nas bram ze tshangs pa'i lhas bu mo dri ma med kyis byin pa la tshigs su bcad de slar smras pa/ byis pa'i sems kyi dbang du ma bzhud cig /mchod sbyin dus 'dir dge slong ma gzigs shig /ngur smrig gos can de bzhin mgo bregs pa/ /de dag don 'dod pas ni blta mi bgyid/ /yab dang yum yang dgyes par mi 'gyur zhing / /bdag kyang mkhas pa rnams kyis smad par 'gyur/ /khyod kyang mchod sbyin 'grub par mi 'gyur gyi/ /de bas dge slong rnams ni shin tu spongs/ /de nas bu mo dri ma med kyis byin pas bram ze tshangs pa'i lha de la tshigs su bcad de slar smras </font><hr>416a<br><font size=+1>


@#/ /pa| yon tan ldan pa 'di dag ma gtogs par/ /pha dang ma yang kho mo'i skyabs ma yin/ /gnyen gyi tshogs dang nor dang lang tsho min/ /'di dag 'khor bar bying ba rnams kyi skyabs/ /bdag ni sangs rgyas dga' bas lus btang zhing / /de bzhin srog dang longs spyod rnams kyang btang / /dkon mchog gsum nyid skyabs yin ma gtogs par/ /kho mo'i skyabs rten sems can 'di na med/ /de nas bram ze tshangs pa'i lhas bu mo dri ma med kyis byin pa la 'di skad ces smras so/ /bu mo btsas nas khyod kyis sngon sangs rgyas kyang ma gzigs/ sngon chos kyang ma gsan/ sngon dge 'dun la bsnyen bkur kyang ma mdzad na/ khyod ci'i slad du sangs rgyas la dad par 'gyur/ bu mo dri ma med kyis byin pas smras pa/ bram ze/ kho mo btsas nas zhag bdun lon pa na tsan+dan na gyi khang bzang gi nang na gser gyi khri la bzhag pa'i tshe lha'i bu lnga brgya steng gi bar snang la 'dong ba kho mos mthong ste/ de dag rnam grangs du mas sangs rgyas kyi bsngags pa brjod/ chos dang / dge 'dun gyi bsngags pa brjod pa kho mos thos so/ /de nas lha'i bu de dag gi nang nas gang gis sngon de bzhin gshegs pa mthong ba gcig po de la lha'i bu rnams kyis dris pa/ grogs po/ de bzhin gshegs pa ni ci 'dra ba zhig /de ni ji ltar shes </font><hr>416b<br><font size=+1>


par bya/ de nas lha'i bu des kho mo'i bsam pa shes nas lha'i bu de dag kyang dad pa bskyed pa'i phyir tshigs su bcad pa 'di dag smras so/ /de yi dbu skra dri med snum zhing mdzes/ /gtsang 'jam g.yas su 'khyil ba'i lcang lo can/ /zhal mdog pad+ma 'dab ma rgyas pa 'dra/ /zla nya mtshan mo nam mkhar mdzes pa bzhin/ /de yi mdzod spu kha ba shel mdog bzang / /smin mtshams par nas 'khyil cing shin tu mdzes/ /de yis 'khor rnams zil gyis mnan te 'dug /rgyal ba'i zhal yang shin tu mdzes par byed/ /mi dbang spyan mdzes 'gram pa seng ge 'dra/ /sems stobs mi zhum tshems mnyam thags kyang bzang / /de yi ljags che zhal gyi dkyil 'khor khebs/ /de yi zhal ni dri med rnam par mdzes/ /de yi gsung ni phan zhing snyan la ran/ /tshig rtsub spangs shing mi 'byed sdig pa med/ /skye bo dpag tu med pa dad mdzad cing / /'gro la phan phyir rgyal ba'i gsung yang sgrogs/ /de yi mgur ni dung dang mtshungs shing 'dra/ /de bzhin mi dbang phyag gi sor mo ring / /de yi phyag ni glang chen sna dang 'dra/ /brang yangs dri med lte ba gzhol zhing zab/ /rta mchog lta bur 'doms kyi spa ba nub/ /de bzhin spu yi khong bu gser dang 'dra/ /brla yi dbyibs ni glang po'i lag dang mtshungs/ /zhabs ni legs gnas byin pa e na'i 'dra/ /thub pa'i dbang po bden </font><hr>417a<br><font size=+1>


@#/ /gsung rgyags pa'i skyon dang bral/ /ngan ltas bcom pa rnams kyi sdig pa'i lta ba 'jig /'khor gyi nang du dri ba bye ba dris byas kyang / /'khrul med skyon dang bral bas sems can kun tshim mdzad/ /gya gyur med drang tshig gis lus ni tshim mdzad cing / /mya ngan 'das pa bde mchog yid 'ong yang dag zhi/ /skye bo kun gyi yid 'ong mya ngan 'das ston cing / /mtha' gnyis dag dang bral ba'i dbu ma'i lam yang ston/ /de ni rang gis sangs rgyas gyur pa ste/ /bdag nyid brgal cing pha rol rnams kyang sgrol/ /'gro ba'i skyob dang skyabs dang dge shis shing / /'jig rten kun la thugs brtse phan par mdzad/ /ston pa de yi yon tan 'di dag dang / /gzhan yang mtha' yas kho bos deng ma brjod/ /thos nas lha rnams yid dga' dad gyur nas/ /rgyal ba la ni dang ba'i yid kyang bsgom/ /de nas bu mo dri ma med kyis byin pas tshigs su bcad pa 'di dag smras nas bram ze tshangs pa'i lha la 'di skad ces smras so/ /bram ze/ kho mo btsas nas zhag bdun lon nas sangs rgyas kyi yon tan rnam pa 'di lta bu dag thos so/ /mngon par dran te de tshun tshad nam yang rmugs pa dang / gnyid kyis non par ma gyur to/ /nam yang 'dod pa la rnam par rtog pa'i rnam par rtog pa dang / </font><hr>417b<br><font size=+1>


gnod sems kyi rnam par rtog pa'i rnam par rtog pa dang / 'tshe ba'i rnam par rtog pa'i rnam par rtog pa ma byas so/ /mngon par dran te de tshun chad nam yang pha la dga' ba'am/ ma la dga' ba'am/ ming po la dga' ba'am/ spun la dga' ba'am/ nye du la dga' ba'am/ nor la dga' ba'am/ rgyan la dga' ba'am/ gos la dga' ba'am/ lus la dga' ba'am/ srog la dga' ba'am/ grong khyer la dga' ba'am/ skye mched la dga' ba ma bskyed kyi/ bram ze/ gzhan du na sangs rgyas nyid rnam pas rjes su bran no/ /bram ze/ kho mos ni/ gsum sems la yid la bya ba yid la byas te/ de bzhin gshegs pa phyogs gang na bzhugs pa dang / de bzhin gshegs pas chos gang bshad pa de thams cad kho mos legs par yongs su bzung zhing / kho mos don nam tshig 'bru las yi ge dang tshig gcig kyang chud zos par ma byas so/ /de bzhin gshegs pa dge slong gi dge 'dun gyis yongs su bskor ba kho mos nam yang yid la ma byas par ma gyur to/ /kho mos nyin mtshan gang du yang sangs rgyas ma mthong ba dang / chos ma thos pa dang / dge 'dun la bsnyen bkur ma byas par ma gyur to/ /bram ze/ kho mos ni sangs rgyas la blta ba dang / chos mnyan pa dang / dge 'dun la bsnyen bkur bya bas chog pa med do/ /de nas bram ze tshangs pa'i </font><hr>418a<br><font size=+1>


@#/ /lhas bram ze'i khye'u zhig la smras pa/ bram ze'i khye'u khyod song la lo rgyus 'di rgyal po dang / btsun mo la gsol cig /de nas bram ze'i khye'u de rings pa'i tshul du song ste/ ji ltar mthong ba'i lo rgyus thams cad rgyal po dang / btsun mo la gsol to/ /bu mo dri ma med kyis byin pas kyang ji ltar bram ze tshangs pa'i lha la sogs pa bram ze lnga brgya po de dag gis bla na med pa yang dag par rdzogs pa'i byang chub tu sems bskyed pa de ltar sangs rgyas kyi bsngags pa brjod/ chos dang / dge 'dun gyi bsngags pa brjod do/ /de nas bu mo dri ma med kyis byin pa shing rta las babs nas bram ze de dag dang lhan cig tu byang chub sems dpa' de dag dang / nyan thos chen po de dag ga la ba der song ste phyin nas/ de dag gi rkang pa la mgo bos phyag 'tshal tshe gus pa dang bcas/ zhes dang bcas par/ tshe dang ldan pa shA ri'i bu'i mdun du 'dug nas tshe dang ldan pa shA ri'i bu ga la ba de logs su thal mo sbyar ba btud de/ tshe dang ldan pa shA ri'i bu la 'di skad ces smras so/ /btsun pa shA ri'i bu/ bud med ni shes rab sor gnyis pa/ nyon mongs pa drag pa/ bag med pa mang ba/ dman pa la mos pa/ tshul bzhin du ma lags pa yid la bgyid pa'i dbang du mchis pa lags na/ bdag la thugs brtse ba nye bar bzung ste/ ci nas bdag </font><hr>418b<br><font size=+1>


gi yun ring po'i don dang sman pa dang bde bar 'gyur ba'i slad du btsun pas de ltar bdag la chos legs par bstan du gsol/ ko sa la'i rgyal po gsal rgyal gyis gtam 'byung ba 'di dang / bram ze'i tshig thos nas myur ba'i tshul gyis phyogs der phyin te/ des nyan thos de dag dang / byang chub sems dpa' de dag la phyag byas nas rang gi bu mo la 'di skad ces smras so/ /bu mo khyod na re/ kho mo nam yang rmugs pa dang / gnyid kyis non par ma gyur to/ /nam yang dga' ba dang / rtse ba dang ldan pa'i sems ma bskyed do zhes zer ba de ltar khyod bde ba dang / yid bde ba la brtson nam/ 'on tam 'di ltar yid byung ba'i tshul gyis smra/ de nas rgyal po gsal rgyal gyis rang gi bu mo la tshigs su bcad de smras pa/ khyod kyi gzugs byad lha yi bu mo mtshungs shing 'dra/ /rgyan rnams kyis ni de nyid chas pa'i cha byad 'dzin/ /ji ltar khyod ni nam yang gnyid kyis mnon pa/ /ci phyir bu mo khyod ni 'di 'dra'i yid byung gyur/ /khyod kyi rgyal srid rgyas shing shin tu legs par 'byor/ /ma ni rtag tu khyod kyi dbang du gyur pa yin/ /bu mo dga' ba de las ci 'dra gzhan yod na/ /de yis khyod kyi lus ni dga' ba rnyed ma 'gyur/ /sdug cing phongs la yid du 'ong ba ste/ /skye bo kun la dga' ba bskyed yin na/ /yon tan brgya phrag du mas brgyan pa khyod/ /ci yi phyir ni khyim 'dir dga' ba </font><hr>419a<br><font size=+1>


@#/ /med/ /bu mo khyod kyis ci zhig thos gyur cing / /ci zhig mthong na 'di ltar yid mi bde/ /yongs su nyams shing yid byung sems su gyur/ /khyod kyi 'dod pa ci 'dra nga la smos/ /de nas bu mo dri ma med kyis byin pas rang gi pha rgyal po gsal rgyal la tshigs su bcad de smras pa/ yab gcig phung po nyes dmigs snod rnams dang / /khyim gyi skyon rnams thugs su ma chud dam/ /'khor ba'i gnas ni gar la blta dang mtshungs/ /'tsho ba'i 'jig rten mi gnas 'jig pa can/ /sprul gdug nang na gnas pa'i khyim 'di la/ /gnyid dang 'dod pa'i 'dun pa ga la mchis/ /khams 'di dag ni gdug pa'i sprul bzhi ste/ /srid pa sems pa bde ba ga la mchis/ /mi mdza' tshogs kyis rab tu gtses gyur cing / /dgon par phyin la dga' ba ga la mchis/ /kun nas nyon mongs dgra yis yongs bskor ba/ /ji ltar bde 'thob rgyal po bka' stsol cig/ dug 'thungs pa la bde ba ga la mchis/ /gsad sar bkri la dga' ba ga la mchis/ /g.yang sa che 'dir su zhig yid rton bgyid/ /rgyal po 'tsho ba 'jig rten de dag mtshungs// blo ngan dag gis lus rnams bor ba ni/ /ri rab tsam gyis phung por gyur to zhes/ /de bzhin gshegs pas dpe ni bka' stsal na/ /'dus byas slu ba'i chos la su yid rton/ / </font><hr>419b<br><font size=+1>


pha dang ma dang sdug dang ming po dang / /bu dang rtsa lag gnyen tshogs 'gro ba kun/ /'dus byas thams cad me long gzugs brnyan 'dra/ /'di 'dra'i mi sdug gang la su yid rton/ / gang tshe bdag gis rang byung rgyal ba mthong / /de tshe sangs rgyas 'gyur snyam sems kyang bskyed/ /byang chub sems dpa' bag med 'gyur ba ni/ /yab gcig bdag gis ma mthong ma thos so/ /bdag ni mtshan rdzogs rgyal ba blta 'tshal gyur/ /bde bar gshegs pas gsungs pa'i chos kyang thos/ /rgyal ba rgyal ba'i sras po 'di dag mthong / /yab gcig ji ltar 'dod pa bsten par bgyi/ /de nas rgyal po gsal rgyal bu mo'i tshig thos nas cang mi smra bar gyur to/ /de nas bu mo dri ma med kyis byin pas rang gi pha cang mi smra bar gyur par rig nas/ tshe dang ldan pa shA ri'i bu la 'di skad ces smras so/ /btsun pa shA ri'i bu khyod la zhu ba zhus pa thugs brtse bar dgongs te lan gdab tu gsol/ /'di ltar btsun pa shA ri'i bu ni bcom ldan 'das kyis shes rab dang ldan pa rnams kyi mchog tu bstan pa lags na/ ci shes rab de 'dus byas lags sam/ 'on te 'dus ma byas lags/ de gal te 'dus byas lags na de bzhin gshegs pas 'dus byas thams cad ni rdzun pa slu ba'i chos can no zhes bka' stsal to/ /ji ste 'dus ma byas lags nas 'dus ma </font><hr>420a<br><font size=+1>


@#/ /byas la ni skye ba ma mchis so/ /gang la skye ba ma mchis pa de phrad pa ma mchis pa'i shes rab kyis ji ltar btsun pa shA ri'i bu shes rab chen po zhes bgyi/ de nas tshe dang ldan pa shA ri'i bu cang mi smra bar gyur to/ /de nas tshe dang ldan pa mau 'gal gyi bu chen pos tshe dang ldan pa shA ri'i bu la 'di skad ces smras so/ /shA ri'i bu/ bu mos dris pa'i lan thob cig /shA ri'i bus smras pa/ bu mo ni 'dus byas mi 'dri'i/ /bu mos ni skye ba med pa dris te/ de ni lan gdab par mi nus so/ /de nas bu mo dri ma med kyis byin pas tshe dang ldan pa mau 'gal gyi bu chen po la 'di skad ces smras so/ /'di ltar btsun pa mau 'gal gyi bu chen po khyod ni bcom ldan 'das kyis rdzu 'phrul dang ldan pa rnams kyi mchog tu bstan pa lags na/ ci tshe dang ldan pa sems can du 'du shes pa la gnas te rdzu 'phrul ston tam/ 'on te chos su 'du shes pa la gnas te rdzu 'phrul ston/ gal te sems can du 'du shes pa la gnas te ston na sems can ni ma mchis pa ste/ de lta bas na rdzu 'phrul de yang ma mchis par 'gyur ro/ /ji ste chos su 'du shes pa la gnas te ston na chos nyid ni 'gyur ba ma mchis pa'o/ /'gyur ba ma mchis pa gang lags pa de la ni rnam par rtog pa ma mchis na rnam par mi rtog pas ji ltar tshe dang ldan pa'i rdzu </font><hr>420b<br><font size=+1>


'phrul 'byor par 'gyur/ tshe dang ldan pa mau 'gal gyi bu chen po yang cang mi smra bar gyur to/ /de nas byams ma'i bu gang pos tshe dang ldan pa mau 'gal gyi bu chen po la 'di skad ces smras so/ /mau 'gal gyi bu chen po/ bu mos dris pa'i lan thob cig /mau 'gal gyi bu chen pos smras pa/ bu mo ni 'gyur ba mi 'dri'i/ bu mos ni 'gyur ba med pa dris te/ 'gyur ba med pa dang rnam par rtog pa ni de bzhin gshegs pa rnams kyi byang chub yin pas de ni lan gdab par mi nus so/ /de nas bu mo dri ma med kyis byin pas byams ma'i bu gang po la 'di skad ces smras so/ /'di ltar tshe dang ldan pa gang po ni bcom ldan 'das kyis chos smra ba rnams kyi mchog tu bstan pa lags na/ ci tshe dang ldan pa dmigs pa dang bcas pa'i chos ston tam/ 'on te dmigs pa ma mchis pa'i chos ston/ gal te dmigs pa dang bcas pa'i chos ston na ni khyod byis pa so so'i skye bo rnams dang mtshungs so/ /de ci'i slad du zhe na/ byis pa so so'i skye bo thams cad ni dmigs pa dang bcas pa'i slad du ste/ de lta bas na btsun pa yang byis pa so so'i skye bo thams cad kyi chos rnams dang ma bral ba lags so/ /ji ltar dmigs pa ma mchis pa'i chos ston na ni chos smra ba nyid dngos po ma mchis par 'gyur te de ni mi 'thad do/ /de nas tshe dang ldan pa gang po yang cang mi smra bar </font><hr>421a<br><font size=+1>


@#/ /gyur to/ /de nas tshe dang ldan pa 'od srung chen pos gang po la 'di skad ces smras so/ /gang po/ bu mos dris pa'i lan thob cig /tshe dang ldan pa gang pos smras pa/ bu mo ni kun rdzob mi 'dri yi/ bu mos ni don dam pa dris te/ de la ni lan gdab par mi nus so/ /de nas bu mo dri ma med kyis byin pas tshe dang ldan pa 'od srung chen po la 'di skad ces smras so/ /'di ltar btsun pa 'od srung chen po ni rnam par thar pa brgyad la snyoms par zhugs nas langs te gzhan dag la chos ston cing gang dag las tha na gzar bu gang tsam gyis bsod snyoms yongs su blangs pa de dag thams cad mtho ris su 'gro bar 'gyur ro zhes na/ de ci btsun pa'i lus kyis sbyin pa sbyong ngam/ 'on te sems kyis sbyin pa sbyong / gal te lus kyis sbyong na lus ni bems po g.yo ba ma mchis pa byed pa ma mchis pa ste/ rtswa dang shing dang rtsig pa'i chos lta bu mig yor dang mtshungs pas des kyang sbyong bar mi nus so| |ji ste sems kyis sbyong na sems ni sgyu ma lta bu gnas pa ma mchis pa ste/ des kyang sbyong bar mi nus so/ /ji ste lus dang sems kyi phyi rol gyis sbyong na de ni ma mchis pa ste ma mchis pas ji ltar sbyong bar bgyid/ de nas tshe dang ldan pa 'od srung chen po yang cang mi smra bar gyur to/ /rab 'byor gyis smras pa/ tshe dang ldan pa 'od srung chen po bu mos dris </font><hr>421b<br><font size=+1>


pa'i lan thob cig /'od srung chen pos smras pa/ bu mo ni len pa mi 'dri'i/ bu mos ni len pa med pa dris shing yang dag pa'i mtha' 'dri bas de'i lan gdab par mi nus so/ /de nas bu mo dri ma med kyis byin pas gnas brtan rab 'byor la 'di skad ces smras so/ /'di ltar btsun pa rab 'byor ni bcom ldan 'das kyis nyon mongs pa med par gnas pa rnams kyis mchog tu bstan pa lags na/ ci nyon mongs pa med pa de dngos pos rab tu phye ba lags sam/ 'on te chos nyid kyis rab tu phye ba lags/ gal te dngos pos rab tu phye ba lags na ni 'dus byas su 'gyur to/ /ji ste chos nyid kyis rab tu phye ba lags na ni chos nyid ni skye ba ma mchis pa'i mtshan nyid dang / 'gag pa ma mchis pa'i mtshan nyid de/ skye ba ma mchis pa dang 'gag pa ma mchis pa'i mtshan nyid gang lags pa de ni mnyam pa nyid do/ /mnyam pa nyid gang lags pa de ni de bzhin nyid do/ /de bzhin nyid gang lags pa de ni 'gyur ba ma mchis pa'o/ /'gyur ba ma mchis pa gang lags pa de ni tha snyad ma mchis pa'o/ /tha snyad ma mchis pa gang lags pa de ni bsam gyis mi khyab pa'o/ /bsam gyis mi khyab pa gang lags pa de ni bstan du ma mchis pa'o/ /bstan du ma mchis pa gang lags pa de ni dngos po ma mchis pa'o/ /dngos po ma mchis pa gang lags pa de ni ma byung ba'o// </font><hr>422a<br><font size=+1>


@#/ /ma byung ba gang lags pa de ni 'phags pa rnams mi ston to/ /de nas tshe dang ldan pa rab 'byor kyang cang mi smra bar gyur to/ /de nas tshe dang dang ldan pa nam grus tshe dang ldan pa rab 'byor la 'di skad ces smras so/ /tshe dang ldan pa rab 'byor/ bu mos dris pa'i lan thob cig /rab 'byor gyis smras pa/ 'di la brjod du ci yang med/ /cang mi smra ba de 'thob byed/ /spros pa med pa'i chos 'di dag /bu mo yongs su 'dri bar byed/ /ji srid dngos po skye yod pa/ /de srid skyon gyis gos par 'gyur/ /chos kyi dbyings ni tha snyad med/ /'di ni nyon mongs med pa'i tshul/ /de nas bu mo dri ma med kyis byin pas tshe dang ldan pa nam gru la 'di skad ces smras so/ /tshe dang ldan pa nam gru ni bcom ldan 'das kyis bsam gtan pa rnams kyi mchog tu bstan pa lags na/ ci sems la gnas te bsam gtan mdzad dam/ 'on te sems ma mchis pa la gnas te bsam gtan mdzad/ gal te sems la gnas te bsam gtan mdzad na sems ni brjod du ma mchis shing sgyu ma lta bu ste yang dag pa ma yin pa kun brtags pa lags na/ ci yang dag pa ma yin pa kun brtags pa ma mchis pa la gnas te bsam gtan mdzad dam/ ji ste sems ma mchis pa gnas te bsam </font><hr>422b<br><font size=+1>


gtan mdzad na ni rtswa dang / shing dang / rtsig pa dang / rdo la sogs pa byung ba dang / zhig pa de dag thams cad kyang ting nge 'dzin du 'gyur ro/ /de ci'i slad du zhe na/ 'di ltar de dag ni sems ma mchis pa'i slad du'o/ /tshe dang ldan pa nam gru yang cang mi smra bar gyur to/ /de nas tshe dang ldan pa ma 'gags pas tshe dang ldan pa nam gru la 'di skad ces smras so/ / tshe dang ldan pa nam gru/ bu mos dris pa'i lan thob cig /nam grus smras pa/ bu mo ni de bzhin gshegs pa'i yul yongs su 'dri ste de ni nyan thos rnams kyis bstan par mi nus so| |bu mos smras pa/ tshe dang ldan pa nam gru chos kyi dbyings de bzhin gshegs pa rnams kyi yang gzhan la/ nyan thos rnams kyi yang gzhan lags sam/ gal te chos kyi dbyings gzhan lags na ni tha dad du 'gyur ro/ /de bzhin nyid ni gnyis su ma mchis te/ de bas na de bzhin nyid dang / gnyis ni bye brag ma mchis na ci'i slad du tshe dang ldan pa nam gru de skad ces gsung / nam gru yang cang mi smra bar gyur to/ /de nas bu mo dri ma med kyis byin pas tshe dang ldan pa ma 'gags pa la 'di skad ces smras so/ /'di ltar tshe dang ldan pa ma 'gags pa ni bcom ldan 'das kyis lha'i mig can rnams kyi mchog tu bstan pa lags na/ ci lha'i mig gis dngos po gzigs sam/ 'on te dngos po ma mchis pa gzigs/ gal te </font><hr>423a<br><font size=+1>


@#/ /dngos po gzigs na ni rtag par lta bar 'gyur ro/ /ji ste dngos po ma mchis pa gzigs na ni chad par lta bar 'gyur te de yang mi rigs so/ /ma 'gags pa yang cang mi smra bar gyur to/ /de nas tshe dang ldan pa kun dga' bos tshe dang ldan pa ma 'gags pa la 'di skad ces smras so/ /tshe dang ldan pa ma 'gags pa/ bu mos dris pa'i lan thob cig /tshe dang ldan pa ma 'gags pas smras pa/ bu mos ni shes rab kun tu 'joms pas dris pas de ni lan gdab par mi nus so/ /de nas bu mo dri ma med kyis byin pas tshe dang ldan pa kun dga' bo la 'di skad ces smras so/ /'di ltar tshe dang ldan pa kun dga' bo khyod ni bcom ldan 'das kyis mang du thos pa rnams kyi mchog tu bstan pa lags na| ci mang du thos pa nyid de don du lta'am/ 'on te tshig 'brur lta/ gal te don du lta na don ni brjod du ma mchis shing bsnyad du ma mchis pa ste de ni rna ba'i rnam par shes pas shes par bgyi ba ma lags pa nas yid kyi rnam par shes pa'i bar gyis shes par bgyi ba ma lags pa ste/ rnam pa de lta bu gang lags pa de ni bstan du ma mchis pa'o/ / ji ste tshig 'brur lta na ni bcom ldan 'das kyis don la rton pa yin gyi tshig 'bru la rton pa ma yin no/ /zhes gsungs pas/ de bas na tshe dang ldan pa kun dga' bo'i mang du </font><hr>423b<br><font size=+1>


thos pa ni rton pa ma lags so/ /de nas tshe dang ldan pa kun dga' bo yang cang mi smra bar gyur to/ /de nas 'jam dpal gzhon nur gyur pas tshe dang ldan pa kun dga' bo la 'di skad ces smras so/ /tshe dang ldan pa kun dga' bo/ bu mos dris pa'i lan thob cig /kun dga' bos smras pa/ bu mo ni yi ge dang bral ba 'dri ste/ de ni sgras tshim par byed mi nus so/ /bu mo ni sems dang bral ba'i mnyam pa nyid 'dri ste slob pa rnams kyis ma yin na/ de ji ltar bstan par bya ste/ chos kyi mnga' bdag de bzhin gshegs pa la zhu dgos pa'o/ /de nas bu mo dri ma med kyis byin pas 'jam dpal gzhon nur gyur pa la 'di skad ces smras so/ /'jam dpal khyod ni de bzhin gshegs pas zab mo la mos pa'i byang chub sems dpa' rnams kyi mchog tu bstan pa lags na/ ci rten cing 'brel par 'byung ba zab pas khyod zab bam/ 'on te ngo bo nyid zab pas zab/ gal te rten cing 'brel par 'byung ba zab pas khyod zab na ni rten cing 'brel par 'byung ba dang ldan pa'i chos gang yang ma mchis so/ /de ci'i slad du zhe na/ 'di ltar rten cing 'brel par 'byung ba ni song ba ma lags/ 'ong ba ma lags te/ rten cing 'brel par 'byung ba ni mig gi rnam par shes pas shes par bgyi ba ma lags pa nas yid kyi rnam par shes pa'i bar gyis shes </font><hr>424a<br><font size=+1>


@#/ /par bgyi ba ma lags shing gnyis su ma mchis la kun du 'byung ba ma mchis pa'i slad du'o/ /ji ste ngo bo nyid zab pas zab na ni ngo bo nyid gang yang sus kyang brtag par mi nus so/ /'jam dpal gyis smras pa/ bu mo yang dag pa'i mtha' zab pas kho bo zab bo/ /bu mo dri ma med kyis byin pas smras pa/ 'jam dpal/ yang dag pa'i mtha' ni mtha' ma lags te/ de'i slad du rnam par shes pas 'tshal ba ma lags so/ /'jam dpal gyis smras pa/ bu mo/ yang dag pa'i mtha' zhes bya ba de ni dmigs su med pa'i tshig bla dwags so/ /bu mo dri ma med kyis byin pas smras pa/ 'jam dpal/ dmigs su ma mchis pa ni gang gi tshig bla dwags kyang ma lags te/ dmigs su ma mchis pa ni tshig bla dwags las yang dag par 'das pa lags so/ / 'jam dpal gyis smras pa/ bu mo/ 'di ji ltar gzhan dag la bstan par bya/ bu mos smras pa/ 'jam dpal/ de bzhin gshegs pa rnams kyi byang chub ni bstan pa las yang dag par 'das pa lags te/ de ni brjod pas bstan par mi nus so/ /'jam dpal/ yang cang mi smra bar gyur to/ /de nas bu mo dri ma med kyis byin pas byang chub sems dpa' mthong ba don yod pa la 'di skad ces smras so/ /rigs kyi bu khyod 'di skad du ci nas kyang grong khyer na skyes pa'am/ bud med dam/ khye'u 'am/ bu mo gang dag kho bo'i mig lam na snang bar 'gyur ba de </font><hr>424b<br><font size=+1>


dag thams cad kyis de bzhin gshegs pa'i gzugs mthong bar 'gyur ba rnam pa de lta bu'i bsam pa kho bos bsam par bya'o zhes gsungs pa de/ ci de bzhin gshegs pa gzugs kyi skur mthong ba mdzad dam/ 'on tam chos kyi skur mthong ba mdzad/ gal te gzugs kyi skur mthong ba mdzad na de ni sangs rgyas kyi bka' ma lags te/ bcom ldan 'das kyis ni 'di skad du/ gang dag nga la gzugs su mthong / /gang dag nga la sgrar shes pa/ /'dun pa 'dod chags ldan pa ste/ /skye bo de dag nga mi mthong / /zhes gsungs so/ /ci ste de bzhin gshegs pa chos kyi skur mthong bar mdzad na chos kyi sku ni bstan du mi nus pa'o/ /de ci'i slad du zhe na/ de bzhin gshegs pa rnams kyi chos kyi sku ni mig gi rnam par shes pa las yang dag par 'das pa de blta bar mi nus pa'i slad du'o| |mthong ba don yod kyang cang mi smra bar gyur to/ /byang chub sems dpa' rin po che tog gi smras pa/ mthong ba don yod/ bu mos dris pa'i lan thob cig /mthong ba don yod kyis smras pa| bu mo ni dngos po med pa 'dri ste de ni bstan par mi nus so/ /bu mo dri ma med kyis byin pas smras pa/ bdag ni dngos po'am dngos po ma mchis pa mi 'dri'o/ /bstan pa slobs la de nas ston cig /mthong ba don yod kyang cang mi smra bar gyur to/ /de nas bu mo dri ma med kyis byin pas byang chub sems dpa' rin po che'i tog la 'di skad ces smras so/ /rigs kyi bu khyod kyis 'di </font><hr>425a<br><font size=+1>


@#/ /skad du gang gis grong khyer na khyim thams cad du rin po che gang ba'i gter rnams 'byung bar 'gyur ba'i rnam pa de lta bu'i bsam pa kho bos bsam par bya'o/ / zhes gsungs pa de/ ci zang zing dang bcas pas phan 'dogs par mdzad dam/ 'on te zang zing ma mchis pas phan 'dogs pa mdzad/ gal te zang zing dang bcas pas phan 'dogs na ni byis pa so so'i skye bo'i phan 'dogs pa dang bye brag ma mchis par 'gyur ro/ /de ci'i slad du zhe na/ 'di ltar byis pa so so'i skye bo rnams kyi dga' ba ni zang zing dang bcas pa'i slad du'o/ / ci ste zang zing ma mchis pas phan 'dogs pa mdzad na zan gzing ma mchis pa ni bsgrub tu ma mchis pa lags so/ /rin po che tog kyang cang mi smra bar gyur to/ /de nas bu mo dri ma med kyis byin pas byang chub sems dpa' ngan song spong la 'di skad ces smras so/ /rigs kyi bu khyod kyis 'di skad du gang gis grong khyer 'di na sems can rnams kyi las ngan song myong bar 'gyur ba gang yod pa de/ tshe 'di nyid la yang zhing chung du myong bar 'gyur ba rnam pa de lta bu'i bsdam pa kho bos bsam par bya'o zhes gsungs pa de de bzhin gshegs pas las ni bsam gyis mi khyab pa nyid du bstan te/ de ni khyod kyis bsam par mi spyod do/ /gal te spyod na de bzhin gshegs pa'i bka' dang 'gal bar 'gyur ro/ /ji ste bsam par mi spyod na mi mkhyen bzhin du mang po myong </font><hr>425b<br><font size=+1>


bar 'gyur ba'i las tshe 'di nyid la yang zhing chung du myong bar ji ltar mdzad de bdag po ma mchis pa'i chos rnams la bdag po rnyed par 'gyur ro/ /gal te de ltar mdzad na de bzhin gshegs pa'i bka' dang 'gal bar 'gyur ro/ /ngan song spong gis smras pa/ kho bos ni smon lam gyi dbang gis mang du myong bar 'gyur ba'i las nyung du myong bar 'gyur bar byed do/ /bu mos smras pa/ rigs kyi bu/ chos rnams kyi chos nyid ni smon lam gyi dbang gis bsgyur du mi nus lags so/ /gal te nus par gyur na sems can thams cad yongs su mya ngan las bzla'o zhes de bzhin gshegs pa re re'i dgongs pa de smon lam gyi dbang gis ji ltar mi 'grub ste/ rnam grangs 'dis ni smon lam gyi dbang gis bsgyur mi nus par rig par bya'o/ /ngan song spong yang cang mi smra bar gyur to/ /de nas bu mo dri ma med kyis byin pas byang chub sems dpa' sgrib pa thams cad rnam par sel ba la 'di skad ces smras so/ /rigs kyi bu khyod 'di skad du gang gis mnyan yod kyi grong khyer chen por skye bo'i tshogs thams cad kyi sgrib pa lnga po dag rnam par sel bar 'gyur ba rnam pa de lta bu'i bsam pa kho bos bsam par bya'o zhes gsungs pa de/ ci ting nge 'dzin de bdag la rag las pa lags sam/ 'on te gzhan la rag las pa lags/ gal te bdag la rag las pa lags na ni mi 'pho ba'i chos can lags te ji ltar khyod snyoms par zhugs pas gzhan dag gi sgrib pa rnams rab tu zhi </font><hr>426a<br><font size=+1>


@#/ /bar mdzad/ ji ste gzhan la rag las pa lags na ni ting nge 'dzin de khyod kyi ma lags so/ /gang khyod kyi ma lags pa des ni gzhan la phan par mdzad par mi spyod do/ / byang chub sems dpa' sgrib pa thams cad rnam par sel bas smras pa/ bu mo kho bo'i sbyor ba 'di ni byams pa sngon du 'gro ba'o/ /bu mo dri ma med kyis byin pas smras pa/ rigs kyi bu / sangs rgyas bcom ldan 'das thams cad kyang byams pa la gnas pa lags na/ sangs rgyas kyi zhing rnams na sems can rnams la sgrib pa rnams kyis gnod pa yang ma mchis so/ /byang chub sems dpa' sgrib pa thams cad rnam par sel ba yang cang mi smra bar gyur to/ /de nas bu mo dri ma med kyis byin pas byang chub sems dpa' spyan ras gzigs dbang phyug la 'di skad ces smras so/ /rigs kyi bu khyod kyis 'di skad du ci nas kyang grong khyer na sems can gang dag bcings pa dang / gsad par bkri ba de dag thar pa dang / 'jigs pas nyen pa rnams kyang 'jigs pa med pa thob par 'gyur ba rnam pa de lta bu'i bsam pa kho bos bsam par bya'o zhes gsungs pa de/ ci khyod kyi sbyor ba 'di len pa dang bcas pa lags sam/ 'on te len pa ma mchis pa lags/ gal te sbyor ba de len pa dang bcas pa lags na ni byis pa so so'i skye bo rnams kyang len pa dang bcas pa lags te/ byis pa so so'i skye bo rnams dang mtshungs par 'gyur ro/ /de lta bas na </font><hr>426b<br><font size=+1>


de yang mi rigs so/ /ji ste sbyor ba de len pa ma mchis pa lags na ni mngon par 'dus ma byas pa lags te/ mngon par 'dus ma byas pa la ni nye bar bsgrub pa ma mchis so/ /byang chub sems dpa' spyan ras gzigs dbang phyug kyang cang mi smra bar gyur to/ /de nas byang chub sems dpa' spobs pa brtsegs kyis byang chub sems dpa' spyan ras gzigs dbang phyug la 'di skad ces smras so/ /spyan ras gzigs dbang phyug /bu mos dris pa'i lan thob cig /byang chub sems dpa' spyan ras gzigs dbang phyug gis smras pa/ bu mo ni skye ba dang 'gag pa mi 'dri ste/ de ni lan gdab par mi nus so/ /bu mo dri ma med kyis byin pas smras pa/ spyan ras gzigs dbang phyug/ gang na skye ba ma mchis pa dang / 'gag pa ma mchis pa de ni dri ba ma mchis so/ /byang chub sems dpa' spyan ras gzigs dbang phyug gis smras pa/ bu mo/ gang na skye ba med cing 'gag pa med pa de ni yi ge 'jug pa med do/ /bu mos smras pa/ 'jug pa ma mchis pa dang / yi ge ma mchis pa'i chos thams cad la ni mkhas pa dag yi ge dang 'jug pa mi ston te/ yi ge rnams la mi chags so/ /chags pa ma mchis pa ni chos kyi dbyings te/ de la ni rtogs par bgyi ba'i slad du chags pa ma mchis so/ /byang chub sems dpa' spyan ras gzigs dbang phyug kyang cang mi smra bar gyur to/ /de nas bu mo dri ma med kyis byin pas byang chub sems dpa' spobs </font><hr>427a<br><font size=+1>


@#/ /pa brtsegs la 'di skad ces smras so/ /rigs kyi bu khyod kyis 'di skad du gang gis grong khyer na skye bo'i tshogs thams cad phan tshun tshigs su bcad pa'i dbyangs dang| byams pa'i sems kyis smra bar 'gyur ba dang / spobs pa yang thob par 'gyur ba rnam pa de lta bu'i bsam pa kho bos bsam par ba'o zhes gsungs pa'i khyod kyi spobs pa nye bar bsgrub pa gang lags pa de/ ci rnam par rtog pas bskyed pa lags sam/ 'on te rgyu ma mchis pa las byung ba lags/ gal te rnam par rtog pas bskyed pa lags na ni 'dus byas thams cad kyang rnam par rtog pas bskyed pa lags te/ de lta bas na rnam par zhi bar mi 'gyur ro/ /ji ste rgyu ma mchis pa las byung ba lags na ni ma byung ba la sgro 'dogs par 'gyur ro/ / byang chub sems dpa' spobs pa brtsegs kyis smras pa/ bu mo sems can gang dag kho bo'i mig lam na snang bar 'gyur ba de dag thams cad spobs pa thob par gyur cig /ces bya ba'i kho bo'i smon lam 'di ni dang po sems bskyed pa nas bzung ste btab bo/ /bu mo dri ma med kyis byin pas smras pa/ rigs kyi bu/ sems bskyed pa gang gis smon lam gdab pa'i sems bskyed pa ste mchis sam/ 'on te ma mchis/ gal te mchis na ni rtag par lta ba lags so/ /ji ste ma mchis na chad par lta ba lags te/ de gsung na ni khyod kyis gsung ba log </font><hr>427b<br><font size=+1>


pa lags so/ /byang chub sems dpa' spobs pa brtsegs kyang cang mi smra bar gyur to/ /de nas bu mo dri ma med kyis byin pas byang chub sems dpa' gom pa 'dor ba don yod la 'di skad ces smras so/ /rigs kyi bu khyod kyis 'di skad du ci nas kyang grong khyer na sems can gang dag kho bo'i mig lam na snang bar 'gyur ba de dag thams cad bla na med pa yang dag par rdzogs pa'i byang chub las phyir mi ldog par 'gyur ba rnam pa de lta bu'i bsam pa kho bos bsam par bya'o zhes gsungs pa de/ ci byang chub de mchis pa zhes brjod par bgyi'am/ 'on te ma mchis pa zhes brjod par bgyi/ gal te mchis na ni rtag pa ste yod pa'i mthar 'dzin pa lags so/ /ji ste ma mchis na ni chad pa ste med pa'i mthar 'dzin pa lags so/ /byang chub sems dpa' gom pa 'dor ba don yod kyis smras pa/ bu mo/ byang chub ces bya ba 'di ni ye shes kyi tshig bla dwags so/ /bu mo dri ma med kyis byin pas smras pa/ ci ye shes de skye bas rab tu phye ba lags sam| 'on te zhi bas rab tu phye ba lags/ 'on te skye bas rab tu phye ba lags na ni tshul bzhin ma lags pa yid la bgyid pa las byung ba 'dus byas su 'gyur te/ shes pa de ni byis pa rnams kyi lags so/ /ji ste zhi bas rab tu phye ba lags na ni de la dmigs pa ma mchis so/ /gang la dmigs pa ma mchis pa de la 'di ni so so'i skye bo'o zhe'am/ nyan thos so zhe'am/ </font><hr>428a<br><font size=+1>


@#/ /rang sangs rgyas so zhe'am/ byang chub sems dpa'o zhe'am/ sangs rgyas so zhes rnam par rtog pa mi skye'o/ /de ci'i slad du zhe na/ byang chub ni rnam par mi rtog pa lags na byis pa so so'i skye bo rnams ni byang chub la rnam par rtog ste/ mkhas pa rnams ni mi rtog pa'i slad du'o/ /byang chub sems dpa' gom pa 'dor ba don yod kyang cang mi smra bar gyur to/ / de nas tshe dang ldan pa rab 'byor gyis byang chub sems dpa' de dag la 'di skad ces smras so/ /bsod snyoms kyi phyir grong khyer du 'jug par mi bya'i/ /slar 'dong ngo / /de ci'i phyir zhe na/ der bu mo dri ma med kyis byin pa las chos thos pa gang yin pa 'di ni mkhas pa'i zas yin pas chog par 'gyur ba'i phyir te/ chos kyi zas bza' bar bya'o/ /de nas bu mo dri ma med kyis byin pas gnas brtan rab 'byor la 'di skad ces smras so/ /btsun pa rab 'byor/ gang na gdeg pa med pa dang / bzhag pa med pa de la ci zhig khyod kyis btsal bar sems/ btsun pa rab 'byor/ dge sbyong gi tshul ni spros pa ma mchis pa lags kyi/ spros pa la dga' ba ni ma lags so/ /btsun pa rab 'byor/ dge sbyong gi chos ni gnas pa ma mchis pa gnas par mi bgyi ba lags te/ 'phags pa rnams kyi spyod yul ni mi 'khrugs pa lags so// //bam po gnyis pa ste tha ma/ de nas nyan thos chen po brgyad po de dag dang / byang chub sems dpa' </font><hr>428b<br><font size=+1>


brgyad po de dag dang / bram ze lnga brgya tsam po de dag dang / bu mo dri ma med kyis byin pa dang / rgyal po gsal rgyal dang / de las gzhan pa skye bo phal po che rnams bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te lan gsum bskor ba byas nas phyogs gcig tu 'khod do/ /de nas bu mo dri ma med kyis byin pas bcom ldan 'das la lan stong bskor ba byas te/ gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas tshigs su bcad pa'i dbyangs kyis zhu ba zhus pa/ ting 'dzin stobs ldan grags pa mtha' yas mnga'/ /'jig rten mgon po bdud rtsi dga' stsol ba/ /mtshungs med ye shes bde gshegs khyod la zhu/ /byang chub sems dpa' ji ltar spyad pa spyod/ /ji ltar shing dbang drung mchis bdud rnams 'joms/ /ji ltar rir bcas sa rnams g.yo bar bgyid/ /grags pa mtha' yas ji ltar 'od zer gtong / /byang chub spyod tshul legs par bshad du gsol/ /sangs rgyas nor gyi gzungs ni ji ltar 'thob/ /ting 'dzin zhi ba dam pa ji ltar bsgom/ /mi yis rdzu 'phrul stobs ni ji ltar 'thob/ /sems can rin chen rnams kyi spyod pa gsungs/ /gang gis dran dang rtogs dang blo gros 'gyur/ /spobs pa mdzes dang ldan par gang gis 'gyur/ /gang dang rab tu ldan na 'khor </font><hr>429a<br><font size=+1>


@#/ /nang du/ /snyan cing shin tu mdzes pa smra bar bgyid/ /gang gis mi ni tshe rabs dran par 'gyur/ /dri ma mchis lha yi mig kyang 'thob/ /lha rna 'thob cing pha rol sems tshul rig /rdzu 'phrul gyis ni zhing rnams brgyar yang mchi/ /ji ltar sbyin pa gtong la brtson par 'gyur/ /rtag tu tshul khrims dag cing bzod la dga'/ /ji ltar brtson 'grus bsam gtan mkhas par 'gyur/ /shes rab la yang ji ltar shin tu brtson/ /mngal gyi gnas ni ji ltar rnam spangs nas/ /pad+ma las ni rtag tu brdzus te skye/ /sangs rgyas rnams kyi spyan sngar mchis par bgyid/ /bdag med stong pa nyid kyi sgra yang brjod/ /ji ltar de yid dga' dang mi dga' mtshungs/ /sred pa spangs shing tha ba zhe sdang spangs/ /mtho bar mi sems dma' bar sems ma mchis/ /sems brtan g.yo ba ma mchis ri rab mtshungs/ /rnyed dang ma rnyed grags dang ma grags dang / /stod dang smad dang bde dang sdug bsngal dang / / ji ltar 'jig rten chos rnams zil mnan nas/ /'jig rten kun na zla ba lta bur spyod/ /nga yi ma mchis tshul 'chos g.yo ma mchis/ /ji ltar rdul bral nga rgyal rgyags pa spong / /zhi dang rab tu zhi dang zhi gnas brtson/ /blo ldan ji ltar ye shes mchog tu 'gyur/ /chung ma bu nor mdza' la dga' ma mchis/ /ji ltar bas mtha'i mal la mngon par dga'/ /rtag tu bya </font><hr>429b<br><font size=+1>


dang mtshungs shing zla ba 'dra/ /ji ltar chos kyi nor la dga' zhing mos/ /chu dang mtshungs shing sa 'dra rlung dang mtshungs/ /mkhas pa ji ltar me dang 'dra bar 'gyur/ /rtag tu ci yang ma mchis mi rtog lags/ /mnyam pa nyid la dga' zhing nam mkha' mtshungs/ /ji ltar rtag tu chos ni spong mi bgyid/ /bdag 'dor bgyid kyi chos mchog yong mi gtong / /'jig rten dag tu ston pa'i sems bskyed nas/ /ji ltar gnas te byang chub 'jug par bgyid/ /zhing gi bkod pa ji ltar gnas par 'gyur/ /dge 'dun dag par ji ltar 'gyur ba lags/ /ji ltar dus gsum du yang chos thos shing / /ji ltar tshe ring sems can bde bar 'gyur/ /rtag tu sred pa 'gog pa'i pha rol son/ /dgra bcom 'dul bar bden bzhi ji ltar mthong / /sems can brgya dag byang chub 'jog bgyid dang / /spyod cing rtag tu dga' mos ji ltar 'gyur/ /gang gis shin tu mdzes par 'gyur/ /brdzus te skye bar gang gis 'gyur/ /longs spyod che la shes rab che/ /kun mkhyen rtogs par khong du chud/ /gang gis sum cu rtsa gnyis mtshan/ /dpe byad bzang po brgyad cu 'thob/ /bsod nams kun la mkhas pa lags/ /spobs pa gang gis skye bar 'gyur/ /zhing ni ji ltar dga' 'gyur lags/ /dge slong dge 'dun phun sum tshogs/ /gang du de yis smon btab pa/ /der ni ji ltar skye 'gyur lags/ /tshe rabs dran par ji ltar 'gyur/ /ji ltar </font><hr>430a<br><font size=+1>


@#/ /sangs rgyas rnams dang mjal/ /bskal pa bye ba stong rnams su/ /ngan 'gror mchi bar mi 'gyur lags/ /rnam par 'dren pa ji ltar na/ /mdog dang gzi brjid snyan grags 'thob/ /stobs dang mthu dang brtson 'grus rnams/ /ji ltar thub par mi 'gyur lags/ /ji ltar sangs rgyas chos dang yang / /dge 'dun la ni skyabs su mchis/ / lus dang srog ni gtong bgyid kyi/ /de dag chos ni 'dor ma bgyid/ /byang chub spyad pa spyod bgyid cing / /the tshom ma mchis ji ltar 'gyur/ /'gyod pa thams cad spangs nas su/ /srog chags rnams la chos kyang ston/ /khyod la mi mkhyen cang mi mnga'/ /thub chen khyod ni thams cad mkhyen/ /byang chub sems dpa'i spyod gang lags/ /go rim bzhin du bstan du gsol/ /de skad ces gsol pa dang / bcom ldan 'das kyis bu mo dri ma med kyis byin pa la 'di skad ces bka' stsal to/ /bu mo legs so/ /legs so/ /bu mo/ de bzhin gshegs pa la don 'di lta bu 'dri bar sems pa ni khyod yang legs so/ /bu mo/ de'i phyir legs par rab tu nyon la yid la gzung zhig dang / bshad do/ /bu mo dri ma med kyis byin pas bcom ldan 'das la legs so/ /legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /bu mo/ byang chub sems dpa' chos bzhi dang ldan </font><hr>430b<br><font size=+1>


na bdud 'dul bar byed de/ bzhi gang zhe na/ gzhan gyi rnyed pa la phrag dog med pa dang / phra ma'i tshig yongs su spong ba dang / skye bo mang po dge ba'i rtsa ba 'dzin du 'jug pa dang / sgrib pa med pa'i byams pa bsgom pa ste/ bu mo/ byang chub sems dpa' chos bzhi po de dag dang ldan na bdud 'dul bar byed do/ /de la 'di skad ces bya ste/ phrag dog mi bya phra ma smra mi bya/ /skye bo mang po dge ba rnams la sbyar/ /phyogs bcu rnams su byams pa bsgoms byas na/ /bdud 'dir btul nas byang chub reg par 'gyur/ /bu mo/ byang chub sems dpa' chos bzhi dang ldan na sangs rgyas kyi zhing mtha' yas pa dag g.yo bar byed de/ bzhi gang zhe na/ ji skad smras pa de bzhin byed pa dang / chos zab mo la mos pa dang / yi dam la brtan pa dang / skye bo mang po byang chub yang dag par 'dzin du 'jug pa ste/ bu mo/ byang chub sems dpa' chos bzhi po de dag dang ldan na sangs rgyas kyi zhing mtha' yas pa dag g.yo bar byed do/ /de la 'di skad ces bya ste/ ji skad smras pa de bzhin byed/ /mkhas pa zab mo'i chos la bzod/ /yi dam la yang shin tu brten/ /dkar po'i chos la 'dzud par byed/ /rdzogs pa'i byang chub bla med la/ /skye bo mang po dga' bar byed/ /de ltar chos bzhi de dag gis/ /zhing rnams bye ba g.yo bar byed/ /bu mo/ byang chub sems dpa' chos bzhi dang ldan na sangs rgyas kyi zhing mtha' yas mu med pa rnams su 'od zer dag gtong </font><hr>431a<br><font size=+1>


@#/ /ste| bzhi gang zhe na/ mar me sbyin pa dang / dam pa'i chos yongs su 'dzin pa dang / sems can bag med par gyur cing mi khom par gyur pa rnams kyi gan du song ste chos ston pa dang / de bzhin gshegs pa'i mchod rten dag la rin po che'i dra bas 'gebs pa ste/ bu mo/ byang chub sems dpa' chos bzhi po de dag dang ldan na sangs rgyas kyi zhing mtha' yas mu med pa rnams su 'od zer dag gtong ngo / /de la 'di skad ces bya ste/ mar me byin pas 'od ni rnam par dag /zad pa'i dus na dam chos yongs su 'dzin/ / bag med gyur pa rnams la chos sbyin byed/ /mchod rten dag la rin chen dra ba 'bul/ /des na bye ba bsam yas zhing 'gro zhing / /byang chub sems dpa' 'od zer gtong bar byed/ /reg nas sems can bde dang ldan par 'gyur/ /mkhas pa byang chub bla med don du gnyer/ /bu mo/ byang chub sems dpa' chos bzhi dang ldan na gzungs 'thob ste/ bzhi gang zhe na/ rgyan sna tshogs gtsang zhing dag pa sbyin pa dang / bu mo rgyan thams cad kyis brgyan te 'dod pa rnams la sbyin pa dang / rgyun mi 'chad par de bzhin gshegs pa'i bsngags pa brjod pa dang / shes rab kyi pha rol tu phyin pa la mang du gnas pa ste/ bu mo/ byang chub sems dpa' chos bzhi po de dag dang ldan na gzungs thob bo/ /de la 'di skad ces bya ste/ sna tshogs </font><hr>431b<br><font size=+1>


byin pas gzungs ni thob par 'gyur/ /slong ba rnams la bu mo brgyan te sbyin/ /rgyun mi 'chad par sangs rgyas bsngags pa brjod/ /rgyal ba'i ye shes don du shes rab bsgom/ /chos bzhi 'di dag gis ni gzungs thob 'gyur/ /bskal pa brgyar yang thos pa chud mi za/ /phyogs bcur de bzhin gshegs pa gang 'chad pa/ /de dag thams cad dran pa'i stobs kyis 'dzin/ /bu mo| byang chub sems dpa' chos bzhi dang ldan na ting nge 'dzin 'thob ste/ bzhi gang zhe na/ 'khor ba la yid byung ba mang ba dang / /gcig pur kun du dga' zhing mgu la mos pa dang / brtson 'grus brtsams pa dang / las kyi mtha' shin tu yongs su mthar phyin pa yin te/ bu mo/ byang chub sems dpa' chos bzhi po de dag dang ldan na ting nge 'dzin thob bo/ /de la 'di skad ces bya ste/ sred pa'i 'gro ba kun la yid kyang byung / /bse ru lta bur gcig pur spyod la dga'/ /rtag tu shin tu brtson 'grus brtsams pa yin/ /de las rtag tu shin tu mthar yang phyin// rtag tu chos bzhi dag la zhugs nas su/ /byang chub spyod pa zhi ba myur tshol byed/ /byang chub sems dpa' ting 'dzin la gor 'thob/ /rgyal ba rnams kyi spyod yul byang chub rtogs/ /bu mo/ byang chub sems dpa' chos bzhi dang ldan na rdzu 'phrul 'thob ste/ bzhi gang zhe na/ lus yang ba dang / sems yang ba dang / chos thams cad la mngon par zhen pa med pa dang / khams </font><hr>432a<br><font size=+1>


@#/ /bzhi nam mkha'i khams dang mnyam pa nyid du byin gyis rlob pa ste/ bu mo/ byang chub sems dpa' chos bzhi po de dag dang ldan na rdzu 'phrul 'thob bo/ / de la 'di skad ces bya ste/ lus yang ba dang de bzhin sems kyang yang / /chos rnams kun la gnas pa med pa nyid/ /nam mkha'i khams dang mtshungs shing 'dra nyid du/ /khams bzhi dag ni byin gyis rlob pa byed/ /chos bzhi 'di dag nges par bstan byas na/ /blo ldan na de yis rdzu 'phrul mtha' yas 'thob/ /skad cig gcig la zhing rnams stong du 'gro/ /sangs rgyas stong phrag mang po rnams kyang mthong / /bu mo/ byang chub sems dpa' chos bzhi dang ldan na mdzes par 'gyur te/ bzhi gang zhe na/ khro ba med de/ gtse ba dang / tha ba dang / zhe sdang dang bral ba dang / de bzhin gshegs pa'i mchod rten la phyag bya bar mngon par dga' ba dang / tshul khrims kyi sdom pas bsdams shing tshur shog /legs par 'ongs so/ / zhes rtag tu smra ba dang / chos smra ba rnams la khro gnyer dang bral zhing zhe 'gras pa'i sems med pa yin te/ bu mo/ byang chub sems dpa' chos bzhi po de dag dang ldan na mdzes par 'gyur ro/ /de la 'di skad ces bya ste/ gzhan la khro dang khon du 'dzin ma byed/ /nga rgyal rgyags dang tha ba zhe sdang bral/ /rtsol ba med la dga' zhing snyan par smra/ /gus par rgyal </font><hr>432b<br><font size=+1>


ba'i mchod rten 'phyag par byed/ /de ni tshul khrims rnam dag rtag tu srung / /de ni rtag tu legs par 'ong zhes smra/ /chos smra rnams la de ni tha ba med/ /de yis sems ni rdo rje ri rab mtshungs/ bu mo/ byang chub sems dpa' chos bzhi dang ldan na brdzus te skye bar 'gyur te/ bzhi gang zhe na/ de bzhin gshegs pa'i sku gzugs pad+ma'i steng na bzhugs pa byed du 'jug cing / me tog ut+pa la dang / pad+ma dang / pad+ma dkar po dag gis lag pa bkang ste/ de bzhin gshegs pa'am de bzhin gshegs pa'i mchod rten la mngon par 'thor ba dang / phan pa'i dngos po mang zhing yang dag par dga' bar byed pa'i ngang tshul can dang / gzhan dag gi skyon mi 'dzin pa dang / dge ba'i rtsa ba thams cad sems can thams cad la phan pa dang bde bar bya ba'i phyir sangs rgyas kyi byang chub tu yongs su bsngo bar byed pa ste/ bu mo/ byang chub sems dpa' chos bzhi po de dag dang ldan na brdzus te skye bar 'gyur ro/ /de la 'di skad ces bya ste/ sangs rgyas sku gzugs pad+ma mchog bzhugs byed du 'jug /chu skyes me tog lags pa bkang ste dbul bar byed/ /pha rol dag la dga' ba skyed pa'i tshig kyang smra/ /dga' bar byed la mngon par brtson gyi skyon mi 'dzin/ /sems can kun la phan phyir bsod nams yongs su bsngo/ /thub mchog rnams kyi sangs rgyas byang chub bsgrub pa shes/ /sangs rgyas gsungs pa'i yon tan 'di bzhi </font><hr>433a<br><font size=+1>


@#/ /bsten na de/ /rgyal ba mchog rnams drung du brdzus te skye bar 'gyur/ /bu mo/ byang chub sems dpa' chos bzhi dang ldan na longs spyod chen por 'gyur te| bzhi gang zhe na/ brnyas pa med par sbyin pa'i tshul can dang / chags pa med par dngos po yongs su gtong ba dang / mos pa mang ba dang / lta bar gyur pa thams cad dang bral ba yin te/ bu mo| byang chub sems dpa' chos bzhi po de dag dang ldan na longs spyod chen por 'gyur ro/ /de la 'di skad ces bya ste/ des pa brnyas pa med par sbyin pa byin par byed/ /de ni dngos po kun la rtag tu 'dzin pa med/ /rgyal ba'i ye shes mchog la mos pa bskyed byas na/ /de ni phyir zhing longs spyod chen po thob par 'gyur/ /dad dang ldan par 'gyur zhing g.yo med sgyu yang med/ /pha rol dag gi skyon ni 'dzin par yong mi byed/ /lhag pa'i bsam pas gang gi lta ba dang 'gyur ba/ /des na de 'dir longs spyod bzang po rnams dang ldan/ /bu mo/ byang chub sems dpa' chos bzhi dang ldan na shes rab chen po 'gyur te/ bzhi gang zhe na/ chos la ser sna mi byed pa dang / mi mthun par mi 'jug pas 'gyod pa sel ba dang / gsol ba 'debs pa la yang dag pa ji lta ba bzhin du gdams ngag ston pa dang / stong pa nyid bsgom pa la mang du gnas pa ste/ bu mo/ byang chub sems dpa' chos bzhi po de dag dang ldan </font><hr>433b<br><font size=+1>


na shes rab chen por 'gyur ro/ /de la 'di skad ces bya ste/ mkhas pa nam yang ser sna yong mi byed/ /mi mthun 'jug pa med pas 'gyod pa sel/ /yang dag rab ldan gdams ngag ston par byed/ /rgyal ba'i spyod pa gang yin stong nyid bsgom/ /chos bzhi 'di dag nges par bsten byas na/ /rgyal bas bzhed pa'i byang chub myur du 'thob/ /sangs rgyas rjes su bstan pa bslab byas nas/ /rkang gnyis dam pa sangs rgyas de 'gyur ro/ /bu mo/ byang chub sems dpa' chos bzhi dang ldan na tshe rabs dran par 'gyur te/ bzhi gang zhe na/ lung nod pa dang / kha ton la brtson pa rnams lung mnos pa dang gdams ngag brjod nas yun ring du lon te gsol ba 'debs pa la lung 'bog cing dran par byed pa dang / 'di ltar kun dga' ba'i tshig gis gzhan dag la dad pa nye bar bsgrub pa dang / 'khor ba'i sdug bsngal las nges par dbyung ba dang / mya ngan las 'das pa'i bde ba thob par bya ba'i phyir gzhan dag la chos ston pa dang / yongs su bsngo ba la mngon par brtson zhing ting nge 'dzin gyi mtshan ma la mkhas pa ste/ bu mo/ byang chub sems dpa' chos bzhi po de dag dang ldan na tshe rabs dran par 'gyur ro/ /de la 'di skad ces bya ste/ lung mnos kha ton brjod pa dran par byed/ /gzhan la yid du 'ong ba'i sgra yang sgrogs/ /skyo ba med par chos kyang rjod par byed/ /ting 'dzin bsgom pa'i mtshan ma legs par </font><hr>434a<br><font size=+1>


@#/ /'dzin/ /chos bzhi 'di dag nges par bsten byas na/ /mthu chen ldan pa tshe rabs dran par 'gyur/ /bskal pa stong phrag bsam yas rjes su dran/ /rnam par 'dren pa'i mchog nyid myur du 'thob/ /bu mo/ byang chub sems dpa' chos bzhi dang ldan na sangs rgyas rnams dang phrad pa 'thob ste/ bzhi gang zhe na/ srog gi phyir yang dam pa'i chos mi spong ba dang / srog gi phyir yang sdig pa'i grogs po rnams dang mi bsten pa dang / srog gi phyir yang chos smra ba la skur ba mi 'debs pa dang / sangs rgyas rjes su dran pa'i ting nge 'dzin bsgom pa ste/ bu mo/ byang chub sems dpa' chos bzhi po de dag dang ldan na sangs rgyas rnams dang phrad par 'gyur ro/ /de la 'di skad ces bya ste/ sangs rgyas byang chub gya tshom spong mi byed/ /chos smra ba la skur pa yong mi 'debs/ /des ni sdig pa'i grogs rnams rnam par spong / /g.yel ba med par rtag tu sangs rgyas dran/ /chos bzhi 'di dag nges par bsten byas na/ /bde gshegs rnams dang phrad pa des thob bo/ /bla med byang chub ma thob bar du yang / /'dren pa ga la bzhugs pa der de skye/ /bu mo/ byang chub sems dpa' chos bzhi dang ldan na skyes bu chen po'i mtshan sum cu rtsa gnyis po de dag thob ste/ bzhi gang zhe na/ de bzhin gshegs pa dang / de bzhin gshegs pa'i mchod rten la rin po che spar gyis </font><hr>434b<br><font size=+1>


'thor ba dang / 'bru mar dri zhim po dag gis de bzhin gshegs pa'i mchod rten 'khru bar byed pa dang / me tog dang spos dang sil snyan sna tshogs 'bul ba dang / yid du 'ong ba'i g.yog 'khor gyis mkhan po dang slob dpon la bsnyen bkur bya bas rim gro byed pa ste/ bu mo/ byang chub sems dpa' chos bzhi po de dag dang ldan na skyes bu chen po'i mtshan sum cu rtsa gnyis po dag 'thob bo/ /de la 'di skad ces bya ste/ mchod rten la ni spar gyis dbyig rnams 'thor/ /dri zhim 'bru mar rnams kyis mchod rten 'khru/ /spos dang me tog sil snyan sna tshogs 'bul/ /yid du 'ong bas mkhan po slob dpon bsten/ /des lus sum cu rtsa gnyis mtshan dang ldan/ /rab tu mdzes shing yon tan kun dang ldan/ /gang gis shes rab mchog ldan rgyal mdzes pa/ /chos 'di dag gis skyes chen mtshan du 'gyur/ /bu mo/ byang chub sems dpa' chos bzhi dang ldan na dpe byad bzang po brgyad cu po dag 'thob ste/ bzhi gang zhe na| stan rgyu sna tshogs chos kyi stan du 'bul ba dang / gzhan la bsti stang byed pas mi skyo ba dang / chos smra ba la 'thab mo mi rgol ba dang / sems can rnams byang chub yang dag par 'dzin du 'jug pa ste/ bu mo/ byang chub sems dpa' chos bzhi po de dag dang ldan na dpe byad bzang po brgyad cu po dag 'thob bo/ /de la 'di skad ces bya ste/ stan rgyu sna tshogs chos kyi stan du </font><hr>435a<br><font size=+1>


@#/ /'bul/ /gzhan la bsti stang byed pas skyo ba med/ /chos smra ba la 'thab mo yong mi rgol/ /sems can rnams ni byang chub 'dzin du 'jug /'di bzhis lus la dpe byad bzang po rnams/ /'di na de yis rnyed par dka' ba med/ /yon tan 'di dag rtag tu bsnyen byas na/ /byang chub sems dpa' 'di na brgyan par 'gyur/ /bu mo/ byang chub sems dpa' chos bzhi dang ldan na spobs pa 'thob ste/ bzhi gang zhe na/ byang chub sems dpa'i sde snod 'dzin pa dang / nyin mtshan du phung po gsum pa'i chos kyi rnam grangs kha ton byed pa dang / sangs rgyas bcom ldan 'das rnams kyi byang chub 'jig rten thams cad dang mi mthun pa skye ba med cing 'gag pa med par nges pa la mchog tu dga' ba skyes nas 'dzin pa dang / lus dang srog dang yo byad rnams la mi lta ba ste/ bu mo/ byang chub sems dpa' chos bzhi po de dag dang ldan na spobs pa 'thob bo/ /de la 'di skad ces bya ste/ byang chub sems dpa'i sde snod ni/ /nyin mtshan rab tu 'don par byed/ /'jig rten kun dang mi mthun pa/ /skye ba med par rab tu sgrogs/ /mchog tu dga' ba rnyed gyur nas/ /sangs rgyas bstan pa 'dzin par byed/ /lus dang srog la mi lta bar/ /de ni byang chub lta bar byed/ /bzhi po 'di dag bstan byas na/ /de yi spobs pa 'phel bar 'gyur/ /lha dang bcas </font><hr>435b<br><font size=+1>


pa'i 'jig rten kun/ /sna tshogs phreng 'dras tshim par byed/ /bu mo/ byang chub sems dpa' chos bzhi dang ldan na sangs rgyas kyi zhing yongs su dag pa 'thob ste/ bzhi gang zhe na/ phrag dog med pa dang / ser sna med pa dang / sems can thams cad la sems snyoms pa dang / 'khor dang 'dre ba med pa ste/ bu mo/ byang chub sems dpa' chos bzhi po de dag dang ldan na sangs rgyas kyi zhing yongs su dag pa 'thob bo/ /de la 'di skad ces bya ste/ gzhan gyis rnyed la nam yang phrag dog med/ /mthong nas dga' bar gyur te ser sna med/ /sems can kun la de yi sems kyang snyoms/ /'khor dang 'dra bar de ni yong mi byed/ /chos bzhi 'dis ni zhing gi bkod 'thob cing / /myur du byang chub mchog kyang thob par 'gyur/ /bu mo/ byang chub sems dpa' chos bzhi dang ldan na dge 'dun phun sum tshogs pa thob ste/ bzhi gang zhe na/ gzhan gyi 'khor mi 'byed pa dang / mi mthun pa rnams kyi sdums byed pa dang / lung nod pa dang kha ton byed du 'jug pas phan 'dogs pa dang / phra ma'i tshig yongs su spong ba ste/ bu mo/ byang chub sems dpa' chos bzhi po de dag dang ldan na dge 'dun phun sum tshogs pa 'thob bo/ /de la 'di skad ces bya ste/ gzhan gyi 'khor ni nam yang yong mi 'byed/ /skye bo mi mthun pa dag 'dum par byed/ /lung nod kha ton byed la yang dag 'dzud/ /pha rol dag la dbyen gyi tshig mi smra/ /chos </font><hr>436a<br><font size=+1>


@#/ /bzhi 'di dag nges par bsten byas na/ /dge 'dun rgya chen rnam dag thob par 'gyur/ /de bas dge 'dun rnam par sbyang ba'i phyir/ /mkhas pas chos 'di rtag tu bsten par bya/ /bu mo/ byang chub sems dpa' chos bzhi dang ldan na sangs rgyas kyi zhing gang du sems bskyed pa der skye ste/ bzhi gang zhe na/ gzhan dag gi shes kyi khe dang rnyed pa la phrag dog mi bskyed pa dang / lhag pa'i bsam pas pha rol tu phyin pa drug po yongs su dag pa yongs su tshol ba dang / byang chub sems dpa' thams cad la ston par 'du shes bskyed de/ tha na sems dang po bskyed pa na byang chub sems dpa' la yang bsti stang byed pa dang / shes kyi khe'i phyir tshul 'chos pa med pa ste/ bu mo/ byang chub sems dpa' chos bzhi po de dag dang ldan na sangs rgyas kyi zhing gang du sems bskyed pa der skye'o/ /de la 'di skad ces bya ste/ gzhan la mchod pa mthong na phrag dog med/ /pha rol phyin pa dag la yongs su tshol/ /byang chub sems dpa' ston par rtag tu sems/ /shes khe bde ba'i don du tshul 'chos med/ /yon tan 'di dag rtag tu bsten byas na/ /de bzhin gshegs pa rnams dang de phrad 'gyur/ /zhing gang dag tu smon lam btab byas pa/ /'dod pa bzhin du zhing der skye bar 'gyur/ /de nas bcom ldan 'das la bu mo dri ma med kyis byin pas 'di skad ces </font><hr>436b<br><font size=+1>


gsol to/ /bcom ldan 'das/ /gal te bcom ldan 'das kyis ji ltar chos btags pa 'di dag bdag gis yang dag par blangs te gnas par mi bgyis na/ bdag gis sangs rgyas bcom ldan 'das gang dag phyogs bcu'i 'jig rten gyi khams na 'tsho zhing zhes la chos kyang ston pa de dag thams cad bslus par gyur cig /de nas tshe dang ldan pa mo'u dgal gyi bu chen pos bu mo dri ma med kyis byin pa la 'di skad ces smras so/ /bu mo khyod 'di skad smra ba ni ngo mtshar te/ byang chub sems dpa' rnams kyi byang chub sems dpa'i spyod pa bsgrub dka' ba mi shes sam/ de nas bu mo dri ma med kyis byin pas gnas brtan mo'u dgal gyi bu chen po la 'di skad ces smras so/ /btsun pa mo'u dgal gyi bu chen po/ bden pa'i tshig gang dag gis bdag ma 'ongs pa'i dus na/ ji ltar da ltar de bzhin gshegs pa mngon sum du bzhugs pa de bzhin du de bzhin gshegs pa dgra bcom pa yang dag par rdzogs pa'i sangs rgyas su 'gyur ba dang / ji ltar btags pa'i chos 'di dag kyang yang dag par blangs te gnas par 'gyur zhe na/ bden pa dang bden pa'i tshig des stong gsum gyi stong chen po'i 'jig rten gyi khams 'di rnam pa drug tu g.yos par gyur cig /sems can gang la yang gnod pa med par gyur cig /bden pa dang bden pa'i tshig gang gis bcom ldan 'das kyis ji ltar btags pa'i chos 'di </font><hr>437a<br><font size=+1>


@#/ /dag yongs su yang dag par blangs te gnas par 'gyur zhe na/ bden pa dang bden pa'i tshig des lha'i me tog gi char mngon par bab par gyur cig /ma dkrol bar sil snyan bye ba khrag khrig brgya stong sgra 'byin par gyur cig /bdag kyang bud med kyi lus las bsgyur te skyes pa'i lus su red cing lo bcu drug lon pa 'dra bar gyur cig / smon lam de skad btab cing bden pa'i byin gyi rlabs 'di byas ma thag tu de nas de'i mod la stong gsum gyi stong chen po'i 'jig rten gyi khams 'di yang rnam pa drug tu g.yos/ ma dkrol bar sil snyan bye ba khrag khrig brgyad stong gi sgra yang byung / lha'i me tog gi char yang mngon par bab bo/ /bu mo dri ma med kyis byin pa yang bud med kyis lus mi snang bar gyur te skyes pa'i dbang po thob nas lo bcu drug lon pa tsam gyi gzhon nu 'dra bar snang ngo / /de nas bcom ldan 'das la tshe dang ldan pa mo'u dgal gyi bu chen pos 'di skad ces gsol to/ /bcom ldan 'das/ byang chub sems dpa' rnams ni ngo mtshar che ba lags so/ /bcom ldan 'das/ dang po sems bskyed pa nas bzung ste/ byang chub kyi snying po gnas pa'i bar gyi byang chub sems dpa' la phyag 'tshal lo/ /de ci'i slad du zhe na/ 'di ltar 'di'i bden pa'i byin gyi rlabs kyi rgyu 'di dag so sor yongs su rdzogs pas bu mo dri ma med kyis byin pa 'di ni 'di </font><hr>437b<br><font size=+1>


ltar rdzu 'phrul che ba/ 'di ltar dbang che bar grags pa 'di ltar mthu che ba lags so/ /bcom ldan 'das kyis bka' stsal pa/ mo'u dgal gyi bu/ de de bzhin no/ /ji skad smra pa bzhin te/ dang por sems bskyed pa nas bzung ste/ byang chub kyi snying po'i bar gyi byang chub sems dpa' rnams ni lha dang bcas pa'i 'jig rten gyi mchod rten dang sbyin gnas yin te/ nyan thos dang / rang sangs rgyas thams cad kyang zil gyis gnon to/ /de nas bcom ldan 'das kyis de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe bcom ldan 'das kyi zhal gyi sgo nas 'od zer kha dog du ma kha dog sna tshogs 'di lta ste/ sngon po dang / ser po dang / dmar po dang / dkar po dang / le brgan dang / shel dang| dngul gyi kha dog lta bu dag byung ste/ 'od des 'jig rten gyi khams mtha' yas mu med pa dag snang bas khyab par byas nas tshangs pa'i 'jig rten gyi bar du mngon par 'phags te| slar log nas bcom ldan 'das kyi dbu'i gtsug tu nub par gyur to/ /de nas tshe dang ldan pa kun dga' bo stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la tshigs su bcad de gsol pa/ lha dang tshangs pa'i sgra dang mi </font><hr>438a<br><font size=+1>


@#/ /mjed bdag po'i sgra dang 'brug sgra dbyangs ldan pa/ /mgon po lha sgra yid 'ong ldan zhing 'dod chags zhe sdang zhi bar mdzad pa'o/ /gti mug spong pa 'jig rten dag na dga' ba bzang po gzhal yas bskyed mdzad pa/ /stobs bcu yon tan rgya mtsho mnga' ba gang gi don du 'od btang bstan du gsol/ /rir bcas nags tshal bcas shing chab dang bcas pa'i sa rnams rnam pa drug tu g.yos/ /lha rnams nam mkhar gnas shing lha yi me tog yid du 'ong ba'i char pa 'bebs/ /seng ges wa pham bgyis pa bzhin du khyod kyis mu stegs gzhan kun pham par mdzad/ /dpa' bo gang gi don du 'od kyi ltas 'di bstan pa mdzad pa bka' stsal gsol/ /nyi zla bye ba stong gi 'od bkye ba dang glog dang nor bu rnams 'od dang| |lha dang klu dang dri za gnod sbyin dag gi 'od rnams 'bar ba gang lags pa/ /shAkya thub pa'i zhal nas dge zhing dag pa'i 'od byung ba dang mjal gyur nas/ /'od rnams thams cad mog mog por bgyis sangs rgyas 'od na phyogs bcu rnams su mdzes/ /khyod kyi smin mtshams par gya mdzod spu rab mdzes dkar zhing dri ma ma mchis bzang / /'bar zhing pad+ma'i rtsa dang dung dang me tog kun da 'dra bas phyogs gsal bgyid/ /thams cad mog mog bgyis nas gdugs kyis srin bu me khyer bzhin du rgyal bas mdzes/ /mi yi seng ge thub 'di gang </font><hr>438b<br><font size=+1>


gi don chen bzang por der 'gyur bstan du gsol/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod kyis bu mo dri ma med kyis byin pa 'di byin gyi rlabs gang gis bud med kyi dngos po gyur te skyes pa'i dbang po gyur par mthong ngam/ gsol pa/ bcom ldan 'das/ mthong lags so/ /bka' stsal pa/ kun dga' bo/ byang chub sems dpa' dri ma med kyis byin pa 'di bskal pa grangs med pa 'bum phrag brgyad cur bla na med pa yang dag par rdzogs pa'i byang chub kyi phyir spyad de/ bskal pa grangs med pa 'bum phrag drug cur spyad nas/ phyis bu mo 'di 'jam dpal gzhon nur gyur pas bla na med pa yang dag par rdzogs pa'i byang chub tu sems bskyed do/ /'jam dpal gzhon nur gyur pa ci 'dra ba de 'dra ba'i byang chub sems dpa' brgyad khri dag gi sangs rgyas kyi zhing gi yon tan bkod pa gang dag yod pa de 'dra ba dag ni byang chub sems dpa' dri ma med kyis byin pa'i sangs rgyas kyi zhing gi yon tan bkod pa gcig tu 'gyur ro/ /de nas tshe dang ldan pa mo'u dgal gyi bu chen pos/ byang chub sems dpa' dri ma med kyis byin pa la 'di skad ces smras so/ /rigs kyi bu khyod de ltar yun ring du bla na med pa yang dag par rdzogs pa'i byang chub kyi phyir spyod spyod na/ ci'i phyir khyod kyis de'i tshe bud med kyi dngos po las ma bsgyur/ </font><hr>439a<br><font size=+1>


@#/ /byang chub sems dpa' dri ma med kyis byin pas smras pa/ gnas brtan mo'u dgal gyi bu chen po ni rdzu 'phrul dang ldan pa rnams kyi mchog tu bstan pa yin la/ btsun pa khyod ci'i phyir skyes pa'i lus las mi bsgyur/ gnas brtan mo'u dgal gyi bu chen po cang mi smra bar gyur to/ /de nas byang chub sems dpa' sems dpa' chen po dri ma med kyis byin pas mo'u dgal gyi bu chen po la 'di skad ces smras so/ /btsun pa mo'u dgal gyi bu chen po/ bud med kyi lus kyis byang chub mngon par rdzogs par 'tshang rgya ba yang ma yin/ skyes pa'i lus kyis byang chub mngon par rdzogs par 'tshang rgya ba yang ma yin no/ /de ci'i phyir zhe na/ byang chub ni ma skyes te/ de ni lus sam sems kyis mngon par rdzogs par 'tshang rgya bar mi nus pa'i phyir ro/ /de nas bcom ldan 'das la byang chub sems dpa' 'jam dpal gyis 'di skad ces gsol to/ /bcom ldan 'das/ 'di ltar byang chub sems dpa' dri ma med kyis byin pa 'di zab mo la mos pa ni ngo mtshar lags so/ /bcom ldan 'das kyis bka' stsal pa/ 'jam dpal/ 'di ltar byang chub sems dpa' dri ma med kyis byin pa 'dis sangs rgyas bye ba phrag drug cu'i thad nas tshangs par spyod pa spyad do/ /stong pa nyid kyi ting nge 'dzin bsgoms so/ /bskal pa brgyad cur mi skye ba'i </font><hr>439b<br><font size=+1>


chos la bzod pa bsgoms so/ /sangs rgyas bye ba phrag sum cu dang / byang chub sems dpa' zab mo'i tshul dang ldan pa rnams la shes rab kyi pha rol tu phyin pa yongs su dris so/ /sangs rgyas bye ba khrag khrig phrag brgyad cu la na bza' dang / zhal zas kyis bkur sti byas so/ /spobs pa rnam par nges pa bstan pa'i chos kyi rnam grangs 'di yang yongs su dris so/ /'jam dpal/ rigs kyi bu'am rigs kyi bu mo gang gis stong gsum gyi stong chen po'i 'jig rten gyi khams gang+gA'i klung gi bye ma snyed dag rin po che sna bdun gyis rab tu bkang ste/ de bzhin gshegs pa dgra bcom pa yang dag par rdzogs pa'i sangs rgyas rnams la dbul ba phul ba bas/ /rigs kyi bu'am rigs kyi bu mo gang gis chos kyi rnam grangs 'di nyan tam/ len tam/ 'dzin tam/ 'chang ngam/ klog gam/ kun chub par byed dam/ gzhan dag la yang rgya cher rab tu ston na/ 'di ni de bas ches bsod nams mang du bskyed do/ /de ci'i phyir zhe na/ bsgrub pa 'di ni byang chub 'thob par byed pa'i phyir ro/ /de nas yang bcom ldan 'das kyis 'jam dpal gzhon nur gyur pa la bka' stsal pa/ 'jam dpal khyod kyis chos kyis rnam grangs 'di gzung zhig /chongs shig /lhogs shig /kun chub par gyis shig /gzhan dag la yang rgya cher yang dag par rab tu ston cig /de nas bcom ldan 'das la 'jam dpal gzhon nur </font><hr>440a<br><font size=+1>


@#/ /gyur pas 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ 'jam dpal/ de'i phyir chos kyi rnam grangs 'di spobs pa rnam par nges pa bstan pa zhes bya bar gzung zhig /gzungs kyi rdo rje'i tshig ces bya bar yang gzung zhig / byang chub sems dpa'i sde snod ces bya bar yang gzung zhig /dri ma med kyis byin pas zhus pa zhes bya bar yang gzung zhig /bcom ldan 'das kyis chos kyi rnam grangs 'di bstan pa na| lha dang mi'i skye dgu las srog chags khrag khrig phrag brgyad cu bla na med pa yang dag par rdzogs pa'i byang chub tu nges par gyur to/ /de nas bcom ldan 'das la byang chub sems dpa' spobs pa brtsegs kyis 'di skad ces gsol to/ /bcom ldan 'das/ byang chub sems dpa' dri ma med kyis byin pa ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ bcom ldan 'das kyis bka' stsal pa/ rigs kyi bu/ byang chub sems dpa' dri ma med kyis byin pa 'di bskal pa brgya stong phrag grangs med pa bgrang ba las 'das pa na/ sangs rgyas kyi zhing nyan thos dang / rang sangs rgyas rnams med pa/ tshe'i tshad dpag tu med pa/ byang chub sems dpa'i dge 'dun dpag </font><hr>440b<br><font size=+1>


tu med pa dang ldan pa/ lha'i longs spyod pas shin tu lhag pa dang ldan pa/ yon tan dpag tu med pa bkod pa zhes bya bar de bzhin gshegs pa dgra bcom pa yang dag par rdzogs pa'i sangs rgyas bzhad cing 'dzum pa dri ma med pa tog gi rgyal po zhes bya bar 'gyur ro/ /de nas byang chub sems dpa' dri ma med kyis byin pas bcom ldan 'das las mngon sum du lung bstan pa thos nas/ dga' ba dang mchog tu dga' ba des ta la bye ba phrag brgyad cu srid du nam mkha' la mngon par 'phags te/ sangs rgyas kyi zhing stong 'od kyis khyab par byas nas/ bcom ldan 'das kyi dbu'i gtsug gi steng du rin po che'i gdugs dpag tshad brgyad khri bzhi stong yod pa byin gyis brlabs te/ rin po che'i gdugs des stong gsum gyi stong chen po'i 'jig rten gyi khams 'di khebs so/ /de yang nam mkha' de nyid na rdzu 'phrul dpag tu med pa byas nas phyogs bcu'i sangs rgyas gang+gA'i klung gi bye ma snyed dag la bstod cing phyag 'tshal te bsti stang byas nas nam mkha' de las babs te/ bcom ldan 'das la lan stong bskor ba byas nas phyogs gcig tu 'dug go /de nas bram ze tshangs pa'i lha la sogs pa bram ze lnga brgya po de dag gis byang chub sems dpa' dri ma med kyis byin pa'i rdzu 'phrul gyi cho 'phrul yang mthong / lung bstan pa yang thos nas tshim zhing mgu nas yi rangs te/ rab tu dga' nas bde ba dang yid bde </font><hr>441a<br><font size=+1>


@#/ /ba skyes te/ bcom ldan 'das ga la ba de logs su thal mo sbyar ba btud nas sgra skad mthun par bcom ldan 'das la tshigs su bcad de gsol pa/ gang dag sangs rgyas gus mchis dang / /gang dag sangs rgyas chos slad du/ /blo ni shin tu nges gyur pa/ /de dag rnyed pa chen po rnyed/ /sngon chad sdig pa'i las bgyis pas/ /bdag cag bram ze'i khyim du skyes/ /ston pa'i nyan thos mthong gyur na/ /bkra mi shes zhes tshig tu brjod/ /sangs rgyas sras dag mthong gyur nas/ /bkra mi shis zhes bgyis pa yi/ /tshig tu brjod pa gang mchis pa/ /btsun pa nongs par bshags par bgyid/ /tshogs kyi rgyal po mchog gyur pa/ /sangs rgyas gang dag ma mthong ba/ /mi de dag gis nongs pa rnyed/ /de dag kha zas ngan pa btsal/ /dri med byin pas mchod sbyin slad/ /bdag cag mgron du bos par gyur/ /ston pa'i nyan thos rnams mthong nas/ /ma gus pas ni sdod cing mchis/ /de la bdag cag rnams kyis dris/ /khyod kyis 'dren pa gang na mthong / /des smras btsas nas zhag bdun nas/ /kho mos sangs rgyas mtshan thos mchis/ /de yis sangs rgyas bsngags mang ba/ /de bzhin gzhan du mi 'gyur brjod/ /de yi tshig thos bdag cag kun/ /byang chub mchog tu yang dag zhugs/ /bdag cag sngon gyi bsod nams dang / /sangs rgyas zhes bgyi'i sgras </font><hr>441b<br><font size=+1>


bskul bas/ /shAkya seng ge'i zhabs la ni/ /phyag bgyi'i slad du lhags pa lags/ /rdzogs pa'i sangs rgyas mthong phyag bgyis/ /chos kyi dam pa thob par gyur/ /rkang gnyis dam pa 'di mthong bas| |bdag cag sdug bsngal kun las grol/ /skyob pa shAkya seng ge yis/ /chos gang bshad pa mdzad pa rnams/ /sangs rgyas chos kyi don slad du/ /bdag cag de la slob par bgyid/ /sangs rgyas chos thob bgyi slad du/ /byang chub spyod pa thos gyur nas/ /bdag cag yang dag nan tan gyis/ /spyod pa de la bslab par bgyi/ /byang chub sems dpa'i spyod gang dang / /lam dang sgo yang bstan pa la/ /nan tan gyis ni gnas par bgyi/ /'jig rten rnams kyi mchod rten gyur/ /de dag lhag pa'i bsam mkhyen nas/ /thub pas de tshe 'dzum pa mdzad/ /thub chen lung bstan mdzad gsol zhes/ /sangs rgyas la ni kun dgas zhus/ /bcom ldan 'das kyis kun dga' la/ /'di skad ces ni bka' stsal to/ /bram ze lnga bcu 'di dag dang / /bram ze tshangs pa'i lha de dang // de kun bskal pa gcig gi tshe/ /rnam par 'dren pa sangs rgyas 'gyur/ /sangs rgyas lnga brgya tham pa la/ /tshe rabs snga mar mchod byas pa/ /de nas phyin chad spyod tshe yang / /sangs rgyas bye ba mthong bar 'gyur/ /bskal pa bye ba brgyad cur ni/ /de dag ngan 'gror 'gro mi 'gyur/ /de dag bskal pa re rer yang / /sangs rgyas bye ba mthong bar 'gyur/ /de dag bskal pa gcig de la/ / </font><hr>442a<br><font size=+1>


@#/ /rkang gnyis rnams kyi mchog 'gyur te/ /'od byed ces bya'i bskal gcig la/ /tshangs pa'i sgra zhes bya bar 'gyur/ /de dag tshe tshad mtshungs 'gyur te/ /bskal pa bye ba brgyad cu thub/ /zhing mtshungs dge 'dun mtshungs 'gyur te/ /dge slong bye ba brgyad cu yod/ /sems can rnams kyi don spyod cing / /chos 'di la yang spyad byas nas/ /de dag thams cad mthar bgyis su/ /mya ngan 'das pa zhi ba 'thob/ /bcom ldan 'das kyis de skad ces bka' stsal nas/ byang chub sems dpa' spobs pa brtsegs dang / byang chub sems dpa' dri ma med kyis byin pa dang / 'jam dpal gzhon nur gyur pa dang / bram ze de dag dang / rgyal po gsal rgyal dang / nyan thos chen po de dag dang / lha dang / mi dang / lha ma yin dang| dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ dri ma med kyis byin pas zhus pa zhes bya ba'i le'u ste/ 'dus pa sum cu rtsa gsum pa rdzogs so// //rgya gar gyi mkhan po dzi na mi tra dang / su ren+d+ra bo d+hi dang / zhu chen gyi lo ts+tsha ba ban+de ye shes sdes bsgyur cing zhus te gtan la phab pa// </font><hr>

</table>