H76

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H76</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H76&coll=lhasa">see text in Tibetan script</a></table>387a<br><font size=+1>


//rgya gar skad du/ AR+Ya a sho ka dat+ta byA ka ra Na nA ma mahA yA na sU tra/ bod skad du/ 'phags pa mya ngan med kyis byin pa lung bstan pa zhes bya ba theg pa chen po'i mdo/ bam po gcig go /sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i khab na/ bya rgod kyi phung po'i ri la dge slong lnga brgya tsam gyi dge slong gi dge 'dun chen po dang / byang chub sems dpa' brgya stong thams cad kyang gzungs thob pa/ spobs pa thogs pa med pa/ mngon par shes pa bsgrub pa la mkhas pa/ chos zab mo'i tshul la gnas pa/ stong pa nyid la gnas pa/ mtshan ma med pa la gnas pa/ smon pa med pa la gnas pa/ mi dmigs pa'i chos la gnas pa/ mi gnas pa'i chos ston pa/ mi skye pa'i chos la bzod pa dang ldan pa sha stag la/ 'di lta ste/ byang chub sems dpa' lhun po dang / byang chub sems dpa' lhun po chen po dang / byang chub sems dpa' ye shes lhun po dang / byang chub sems dpa' rin chen seng ge dang / byang chub sems </font><hr>387b<br><font size=+1>


dpa' seng ge blo gros dang / byang chub sems dpa' rtag tu lag brkyang dang / byang chub sems dpa' rtag tu lag bsgreng dang / byang chub sems dpa' rtag tu brtson dang / byang chub sems dpa' rtag tu 'dzum zhing rab tu dga' ba dang / byang chub sems dpa' dbang po las 'das pa dang / byang chub sems dpa' rtag tu gdung dang / byang chub sems dpa' rin chen sems dang / byang chub sems dpa' lag na rin chen dang / byang chub sems dpa' lag na rin chen thogs dang / byang chub sems dpa' rin chen bkra ldan dang / byang chub sems dpa' kha lo sgyur dang / byang chub sems dpa' kha lo sgyur chen po dang / byang chub sems dpa' bden pa la dga' ba dang / byang chub sems dpa' byams pa dang / byang chub sems dpa' 'jam dpal gzhon nur gyur pa dang / skyes bu dam pa brgyad la/ 'di lta ste/ byang chub sems dpa' bzang skyong dang / byang chub sems dpa' dkon mchog 'byung gnas dang / byang chub sems dpa' phug sbas dang / byang chub sems dpa' dbang po'i lha dang / byang chub sems dpa' chu lha'i lha dang / byang chub sems dpa' blo gros yangs pa dang / byang chub sems dpa' blo gros khyad par can dang / byang chub sems dpa' blo gros 'phel dang / de dag la sogs pa byang chub sems dpa' </font><hr>388a<br><font size=+1>


@#/ /brgyad stong dang thabs gcig tu bzhugs so/ /de nas de'i tshe bcom ldan 'das rgyal po'i khab kyi grong khyer chen po na gnas shing bzhugs pa la rgyal po ma skyes dgra dang / rgyal po'i bka' la gtogs pa dang / blon po dang / sna chen po la gtogs pa dang / zhang blon gyi bu tsha dang / zhabs drung na 'khod pa dang / pho brang 'khor gyi mi dang / bram ze dang / rgyal rigs dang / khyim bdag rnams kyis bsti stang du byas/ bla mar byas/ ri mor byas/ mchod pa byas te/ de nas bcom ldan 'das 'khor brgya stong du mas yongs su bskor cing mdun gyis bltas nas chos ston pa 'di lta ste/ tshangs par spyod pa/ thog mar dge ba/ bar du dge ba/ tha mar dge ba| don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba rab tu ston to/ /de nas tshe dang ldan pa shA radwa ti'i bu dang / tshe dang ldan pa mo'u 'gal gyi bu chen po dang / tshe dang ldan pa 'od srung chen po dang / tshe dang ldan pa rab 'byor dang / tshe dang ldan pa byams pa'i bu gang po dang / tshe dang ldan pa rta thul dang / tshe dang ldan pa nye bar 'khor dang / tshe dang ldan pa sgra gcan 'dzin dang / tshe dang ldan pa nam gru dang / tshe dang ldan pa kun dga' bo dang / tshe dang ldan pa </font><hr>388b<br><font size=+1>


ma 'gags pa dang / de dag dang / gzhan yang nyan thos chen po rab tu mang po rnams snga dro'i dus kyi tshe/ chos gos dang / sham thabs bgos nas/ lhung bzed thogs te/ rgyal po'i khab kyi grong khyer chen por bsod snyoms kyi phyir zhugs so/ /de nas nyan thos chen po de dag rgyal po'i khab kyi grong khyer chen por mthar chags su bsod snyoms kyi phyir rgyu zhing / mthar gyis rgyal po chen po ma skyes dgra'i pho brang ga la ba der dong ste lhags nas/ phyogs gcig tu cang mi smra bar 'khod do/ /yang de'i tshe rgyal po ma skyes dgra'i pho brang na| bu mo mya ngan med kyis byin pa zhes bya ba btsas nas/ lo bcu gnyis lon pa 'dra ba/ gzugs bzang ba/ mdzes pa/ blta na sdug pa/ kha dog bzang po/ rgyas pa mchog dang ldan pa/ sngon gyi rgyal ba la lhag par bya ba byas pa/ dge ba'i rtsa ba bskyed pa/ sangs rgyas brgya stong mang po la bsnyen bkur byas pa/ bla na med pa'i byang chub las phyir mi ldog pa de rang gi pha'i khang bzang na khri gser gyi rkang pa can yod pa la 'dug par gyur to/ /de nas bu mo mya ngan med kyis byin pas nyan thos chen po de dag mthong nas/ khri de las ma langs te| bsur yang mi 'gro /phyag kyang mi byed/ gtam yang mi zer/ stan yang mi 'dings/ bsod snyoms kyang mi 'bul bar kha rog ste 'dug go /de nas rgyal po ma skyes dgras/ nyan </font><hr>389a<br><font size=+1>


@#/ /thos chen po de dag rgyal po'i pho brang du 'ong zhes thos nas/ rang gi khang bzang gi snga khang ga la ba der song ste phyin nas/ nyan thos chen po de dag la mchog tu sdug par 'dzin pas mngon par dga' zhing stan yang bting ngo / /rgyal po ma skyes dgras/ bu mo mya ngan med kyis byin pas nyan thos chen po de dag mthong bzhin du kha rog ste 'dug pa mthong nas/ bu mo mya ngan med kyis byin pa la 'di skad ces smras so/ /bu mo/ 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'i nyan thos chen po ste/ che ba nyid kyi yon tan gyi chos dang ldan pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa| srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ bsod nams kyi zhing du gyur pa/ snying brtse ba can yin te/ 'jig rten la snying brtse ba'i phyir/ bsod snyoms kyi phyir rgyu bar khyod kyis mi shes sam/ ci na khyod kyis de dag mthong la/ mthong bzhin du khri las kyang mi ldang / bsu bar yang mi byed/ phyag kyang mi 'tshal/ gtam yang mi zer/ stan dang bsod snyoms la yang spyan mi 'dren/ dad pa dang / gus pa yang mi bskyed par/ ci'i phyir ma gus pa ston cing kha rog ste 'dug / </font><hr>389b<br><font size=+1>


khyod kyis don gyi dbang ci zhig mthong / de skad ces smras pa dang / bu mo mya ngan med kyis byin pas rang gi pha rgyal po ma skyes dgra la 'di skad ces smras so/ /yab/ 'di ji snyam du dgongs/ ci| 'khor los bsgyur ba'i rgyal po/ rgyal phran la ldang ba'am/ bsur mchi ba nam yang gsan tam/ gzigs sam/ rgyal pos smras pa/ bu mo/ de ni ma yin no/ /bu mos smras pa/ yab/ ci| lha'i dbang po brgya byin lha gzhan dag la ldang ngam/ bsur mchi'am/ rgyal pos smras pa/ bu mo de ni ma yin no/ /bu mos smras pa/ yab/ ci| mi mjed kyi bdag po tshangs pa lha gzhan dag la ldang ngam/ bsur mchi'am/ rgyal pos smras pa/ bu mo de ni ma yin no/ /bu mos smras pa/ yab/ ci| rgya mtsho chen po mtsho dang / mtshe'u dang / chu mig dang / mtsho bran dang / lteng ka dang / khron pa la phyag 'tshal ba gsan tam/ gzigs sam/ rgyal pos smras pa/ bu mo/ de ni ma yin no/ /bu mos smras pa/ yab/ ci| ri'i rgyal po ri rab ni ri nag po gzhan dag la 'dud pa'am/ phyag 'tshal ba gsan tam/ gzigs sam/ rgyal pos smras pa/ bu mo/ de ni ma yin no/ /bu mos smras pa/ yab/ ci| nyi ma dang / zla ba dang / skar ma'i tshogs srin bu me khyer gyi 'od 'dod pa gsan tam/ gzigs sam/ rgyal pos smras pa/ bu mo de ni ma yin no/ /bu mos smras pa/ yab/ ci| ri </font><hr>390a<br><font size=+1>


@#/ /dwags kyi rgyal po seng ge ni/ wa la ldang ba'am/ bsur mchis pa gsan tam/ gzigs sam/ rgyal pos smras pa/ bu mo/ de ni ma yin no/ / bu mos smras pa/ yab/ de bzhin du su zhig bla na med pa yang dag par rdzogs pa'i byang chub tu sems bskyed nas/ byams pa chen po dang / snying rje chen po'i seng ge'i sgra bsgrags pa la/ dman pa la mos pa nyan thos wa lta bur gyur pa/ byams pa chen po dang / snying rje chen po dang bral ba dag la dga' zhing ldang ba'am/ bsur mchi ba'am/ phyag 'tshal ba'am/ bkur sti bgyid/ yab/ chos kyi rgyal po chen po su zhig chos kyi 'khor lo bla na med pa bskor tam/ bskor bar bgyid pa na/ nyan thos dman pa/ zhan pa/ zhum pa| nyi tshe ba'i shes pa dang ldan pa rnams la dga' bas phyag 'tshal ba'am/ 'dud par bgyid/ yab/ lha'i bdag po lha'i dbang po lta bu su zhig rnam par dag pa'i lha'i bdag po don du gnyer ba na/ dge ba chung ba'i lha lta bu'i nyan thos dag la 'dod pa dang / phyag 'tshal ba'am/ ldang ba'am/ bsur mchi bar bgyid/ yang mi mjed kyi bdag po tshangs pa lta bu su zhig 'jig rten na tshangs pa'i snga khang bla na med pa don du gnyer ba na/ dge ba'i rtsa ba chung ba'i tshangs pa lta bu'i nyan thos dag la 'dod pa'am/ ldang </font><hr>390b<br><font size=+1>


ba'am/ bsur mchi ba'am/ phyag 'tshal bar bgyid/ yab/ su zhig ye shes rgya mtsho dpag tu med pa/ mi mnyam pa dang mnyam pa'i chos rtogs pa tshol ba na/ ba lang gi rmig rjes kyi chu lta bu'i tshul khrims kyi rjes su song ba'i nyan thos dag la 'dod pa'am/ ldang ba'am/ bsur mchi ba'am/ phyag 'tshal bar bgyid/ yab/ su zhig ri rab lta bu'i bsam gtan dang / rnam par thar pa dang ldan pa'i de bzhin gshegs pa'i gzugs kyi sku don du gnyer ba na/ yungs 'bru lta bu ting nge 'dzin gyi stobs dang ldan pa'i nyan thos dag la ldang ba'am/ bsur mchi ba'am/ phyag 'tshal ba'am/ 'dud pa'am/ 'dod pa skyed par byed/ yab/ su zhig sangs rgyas bcom ldan 'das rnams kyi che ba nyid shes rab dang / bsod nams dang / ye shes dang / yon tan nyi ma dang zla ba'i snang ba dpag tu med pa lta bu thos nas/ srin bu me khyer gyi 'od lta bu'i rang gi rgyud la snang ba gnas pa/ gzhan gyi sgra'i rjes su song ba'i nyan thos dag gi rnam par grol ba la 'dod pa skyed par bgyid/ bdag ni de bzhin gshegs pa rnams yongs su mya ngan las 'das kyang nyan thos rnams la phyag mi 'tshal na/ bzhugs bzhin du lta ci smos/ de ci'i slad du zhe na/ su zhig zla ba dang / nyi ma'i dkyil 'khor btang ste/ srin bu me khyer la phyag 'tshal </font><hr>391a<br><font size=+1>


@#/ /bar bgyid/ yab/ gang nyan thos la brten pa ni nyan thos kyi sems dang gnas par 'gyur ro/ /yang dag par rdzogs pa'i sangs rgyas la brten na/ thams cad mkhyen pa'i rin po che'i sems bskyed pa dang gnas par 'gyur ro/ /de nas rgyal po ma skyes dgras/ bu mo mya ngan med kyis byin pa la 'di skad ces smras so/ /'di ltar khyod nyan thos 'di dag mthong bzhin du/ mi ldang zhing bsur mi 'gro la/ phyag mi 'tshal zhing bsnyen bkur mi byed de/ 'di dag stan dang / bsod snyoms la spyan mi 'dren pa ni/ bu mo khyod lhag pa'i nga rgyal can zhig go /de skad ces smras pa dang / bu mo mya ngan med kyis byin pas/ rang gi pha rgyal po ma skyes dgra la 'di skad ces smras so/ /yab/ bdag ni lhag pa'i nga rgyal can ma lags so/ /de ci'i slad du zhe na/ yab khyod grong khyer kyi dbul po rnams la mi bzhen pa/ bsur mi bzhud/ stan mi 'dings pa lags na/ khyod nyid lhag pa'i nga rgyal can lags pa snyam bgyid do/ /rgyal pos smras pa/ bu mo/ de dag ni nga yang mtshungs pa ma yin ni| |bu mos smras pa/ yab/ de bzhin du byang chub sems dpa' sems dang po bskyed pa ni/ nyan thos dang rang sangs rgyas thams cad dang mtshungs pa ma lags so/ / </font><hr>391b<br><font size=+1>


rgyal pos smras pa/ bu mo/ byang chub sems dpa' rnams ni nga rgyal dang / dregs pa spangs te/ sems can thams cad la 'dud cing phyag 'tshal bar mi byed dam/ bu mos smras pa/ yab/ byang chub sems dpa' ni khon du 'dzin pa dang / tha ba dang / khro ba dang / gnod sems dang / nyes pa spang ba dang / dge ba'i rtsa ba yongs su smin par bgyi ba'i slad du sems can thams cad la 'dud cing phyag 'tshal lo/ /yab/ nyan thos chen po 'di dag la ni khon du 'dzin pa dang / tha ba dang / khro ba dang / gnod sems dang / nyes pa bsal bar bgyid ba ma mchis/ spang bar bgyi ba dang / dge ba 'phel bar bgyi ba yang ma mchis te/ yab/ nyan thos thams cad la ni sangs rgyas 'bum gyis/ nyan thos kyi tshul khrims ji snyed pa dang / ting nge 'dzin ji snyed pa dang / shes rab ji snyed pas chos bstan du lags kyang / yab/ de dag la ni tshul khrims kyang ga las mchi/ ting nge 'dzin kyang ga las mchi/ shes rab kyang ga las mchi/ rnam par grol ba yang ga las mchi/ rnam par grol ba'i ye shes mthong ba yang ga las mchi/ yab/ 'di lta ste/ dper na/ bum pa chab kyis gang ba'i nang du char bab na/ de chab kyi thigs pa gcig kyang mi len la/ der gnas par yang mi 'gyur ro/ /yab/ de bzhin du nyan thos rnams la/ </font><hr>392a<br><font size=+1>


@#/ /gal te sangs rgyas 'bum gyis chos bshad du lags kyang / de dag 'dzin par mi 'gyur la/ tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba yang de dag la gnas par mi 'gyur zhing / rnam par 'phel bar yang mi 'gyur ro/ /yab/ 'di lta ste/ dper na/ rgya mtsho chen po ni chu klung thams cad dang / char gyi rgyun thams cad 'dzin cing der gnas par 'gyur ro/ /de ci'i slad du zhe na/ rgya mtsho chen po ni tshad ma mchis pa'i slad du'o/ /yab/ byang chub sems dpa' sems dpa' chen po rgya mtsho lta bu de dag kyang de bzhin te/ chos bstan pa'i chu thams cad yang dag par 'dzin cing / chos bstan pa thams cad de la yang dag par gnas so/ /de ci'i slad du zhe na/ 'di ltar byang chub sems dpa' sems dpa' chen po rnams kyi thams cad mkhyen pa nyid kyi sems kyi snod de ni mi mnyam pa dang mnyam pa'i slad du'o/ /de la 'di skad ces bya ste/ ma skyes dgra yi bu mor gyur pa ni/ /mya ngan med byin yon tan gzi brjid brgyan/ /nyan thos lnga brgya dag ni lhags gyur kyang / /de la phyag bya'i phyir ni de ma lang / /ma skyes dgra yis de la smras pa ni/ /bu mo don 'di nga las nyan par gyis/ /khyod kyi nyan thos lnga </font><hr>392b<br><font size=+1>


brgya mthong bzhin du/ /phyag bya'i phyir ni ci phyir ldang mi byed/ /bu mo mya ngan med kyis byin na re/ /nyan thos 'di dag bdag gis mthong ba na/ /ci phyir phyag 'tshal bsam pa mi skye ba/ /bdag mchis yab gcig tshig ni gsan par gsol/ /dper na mi zhig rgya mtshor mchis nas kyang / /rin chen 'byung khungs nas ni mching bu blangs/ /de bzhin bdag ni nyan thos thams cad kyang / /ye shes dbyings nas nyan thos blangs snyam bgyid/ /dper na rgyal po nor gyi dbang du phyug po/ /sa bdag 'khor los bsgyur ba mnyes bgyis nas/ /kar sha ba ni gcig tsam gsol na ni/ /de yis rgyal po bsten pa don ma mchis/ /gang gis 'khor los bsgyur ba mnyes bgyis nas/ /bye ba phrag stong gsol ba bgyis na ni/ /des ni dbul mang nor dang ldan par bgyid/ /des ni rgyal po legs par bsten pa lags/ /kar sha pa ni slong ba'i mi bzhin du/ /gang zhig sangs rgyas yon tan mtha' yas rnams/ / thos nas theg pa dman la 'dod skyed pa/ /nyan thos kun la bdag ni de snyam bgyid/ /nor rnams sgrub bgyid mi ni ji lta bu/ /byang chub sems dpa' mkhas pa de 'dra ste/ / rgyal ba chos kyi rgyal po mnyes bgyis shing / /byang chub re gnas sems can 'dul bar bgyid/ /dper na nad pa nad brgyas gzir rnams sman pa yis/ /grol bgyid de bzhin </font><hr>393a<br><font size=+1>


@#/ /gzhan gyi sgra phyir 'brang ba yi/ /nyan thos nyon mongs rnams kyis gzir ba thams cad kyang / /byang chub sems dpa' sman pa lta bus grol bar bgyid sems can mang po grol bgyid sman pa btang nas ni/ /sos gyur sems can la ni su zhig 'dud par bgyid/ /de bzhin rdzogs pa'i sangs rgyas sman par gnyer ba na/ /sos gyur nyan thos la ni su zhig 'dud par bgyid/ /ji ltar nad pa sos par gyur ba thams cad la/ /sman pa dag gis gso bar nus par mi 'gyur ba/ /de bzhin nyan thos thams cad sos par 'gyur ba la/ /sangs rgyas sman pa dag gis gso bar mi spyod do/ /'di ni sman pa gang zhig bdag gis bdag nyid la/ /gso bar sems kyi sems can gzhan la ma lags te/ /de 'dra'i bdag nyid khengs par bgyid pa'i nga rgyal gyis/ /sman pa de dag la ni 'dod pa'i sems mi skyed/ /sman pa gang zhig snying rje bskyed nas bdag nyid ji lta bar/ /de bzhin pha rol rnams kyang nad las grol bgyid pa/ /de ni mchod par 'os shing bsngags par bgyi ba dang / /'jig rten kun gyis 'dud bar bgyi ba'i gnas kyang lags/ /gang gis ye shes rig pa gtso bo rtogs gyur nas/ /bdag nyid grol bar bgyid kyi sems can gzhan ma lags/ /de ni sman pa bdag </font><hr>393b<br><font size=+1>


nyid grol bar bgyid pa ltar/ /mkhas pa dag gis mchod pa bgyi ba'i gnas ma lags/ /gang gis ye shes rig pa gtso bo rtogs gyur nas/ /sems can grangs med sdug bsngal dag las grol bgyid pa/ /de dag byang chub mchog la 'dun ba skyed pa ste/ /de ni 'jig rten kun gyis bsngags par bgyi ba lags/ /e raN+Da yi shing sdong mdzes pa ma lags la/ /de dag rnams kyi grib ma'ang yangs pa ma lags te/ /e raN+Da yi shing 'dra nyan thos thams cad kyi/ /rnam par grol ba'i grib ma nye bar bsten ma lags/ / tsan+dan mchog gi sdong chen dag ni tsha ba yis/ /gdungs pa'i skye bo rnams kyi nye bar bsten pa lags/ /de bzhin bdag ni byung chub sems dpa' rnams la yang / /lha dang bcas pa'i 'jig rten dag gis don bgyid snyam/ /ba lang rmig rjes chu ni yangs ma lags/ /tsha bas gdungs ba zhi bar mi bgyid la/ /gang+gA'i klung ni sems can bye ba stong / / tshim par bgyis nas rgya mtsho chen por mchi/ /ba lang rmig rjes chu 'dra'i nyan thos kun/ /sems can kun gyi tsha bzhi mi bgyid/ /gang+gA'i klung 'dra'i byang chub sems dpa' rnams sems can mtha' yas chos kyis tshim par bgyid/ /ji ltar rin chen char ni 'bab pa ni/ /dbul po dag ni 'gron bu len par bgyid/ /gang zhig nor mang de dag blangs nas </font><hr>394a<br><font size=+1>


@#/ /ni/ /sems can dbul po nor dang ldan par bgyid/ /de ltar sangs rgyas rin chen chos char 'bebs/ /nyan thos rnams ni dam chos rin chen las/ /chung du 'dzin te byang chub sems dpa' rnams/ /sems can don slad mang du len par bgyid/ /ji ltar sems can dag ni ri rab kyi/ /drung du mchis na gser gyi mdog tu 'gyur/ /ri bo gzhan la sems can rnams mchis na/ /gser gyi kha dog can du yong mi 'gyur/ /byang chub sems dpa' rnams ni ri rab bzhin/ /gang dag mthus ni lhar bcas skye dgu rnams/ /rnam grol mdog tu kha dog gcig tu 'gyur/ /nyan thos rnams kyi ye shes 'dod mi bgyid/ /yab gcig ji ltar rtswa bran rtse mo yi/ /zil pa'i thigs pas lo tog rgyas mi bgyid/ /rab tu khebs pa'i sprin gyis sa steng 'di/ /tshim bar bgyid cing lo tog 'phel bar bgyid/ /nyan thos thams cad zil ba'i thigs pa bzhin/ /byang chub sems dpa' rab 'bebs sprin dang 'dra/ /snying rje mngon byas gang dag bsten na ni/ /stong gsum dam chos chu yis tshim par bgyid/ /ka ra bi ra'i me tog dri mchog mi na/ /des ni skyes par bud med dga' ma 'gyur/ /tsam ba ka yi me tog dri la dga'/ /ut+pal bar shi ka yang de bzhin no/ /nyan thos ka ra </font><hr>394b<br><font size=+1>


pi ra'i dri bzhin te/ /de dag shes pas skye dgu dga' mi 'gyur/ /kun mkhyen dri can byang chub sems dpa' la/ /lha dang mi rnams rab tu dga' bar 'gyur/ /gcig pu mchi ba de la mtshar ci mchis/ /gang zhig sems can mtha' yas khrid pa rmad/ /nyan thos mi reng gcig pu mchi ba bzhin/ /byang chub sems dpa' rnams ni ded dpon 'dra/ /mgron zhig gzhan gyis stsal pa 'tshal ba dang / /skye bo kun la stsol bgyid kun mgron bzhin/ /sgra 'brang nyan thos kun ni mgron dang 'dra/ /byang chub sems dpa' kun la mgron bgyid bzhin/ /gzings las brten pas chu bo chen po las/ /gzhan dag bsgral bar nus par mi 'gyur gyi/ /brtan bgyis gru yi nang du zhugs nas ni/ /sems can bye ba mang po sgrol bar bgyid/ /nyan thos gzings las brten pa lta bu ste/ /sems can gzhan dag sgrol bar ji ltar nus/ /rdzogs pa'i byang chub grur zhugs byang chub sems/ /sdug bsngal mtsho las sems can sgrol bar bgyid/ /ji ltar g.yul ngor bong bu zhon na ni/ /dgra las rgyal bar nus par mi 'gyur gyi/ /glang chen rta dang shing rta zhon nas ni/ /g.yul du lhags ba'i dgra rnams choms par nus/ /nyan thos rnams ni bong bu zhon pa bzhin/ /byang chub sems dpa' glang chen zhon 'dra ste/ /sems can kun la phan dang bde slad du/ /de dag </font><hr>395a<br><font size=+1>


@#/ /shing dbang drung du bdud rnams 'joms/ /ji ltar bar snang skar mas rgyas gyur kyang / /de dag gis ni mtshan mo mdzes mi 'gyur/ /zla ba rab tu rgyas pa shar bas ni/ /mtshan mo mkha' la thig le bzhin du mdzes/ /yab gcig nyan thos 'di dag skar ma 'dra/ /rgyal po byang chub sems dpa' zla ba bzhin/ /gang dag sems can kun la sman slad du/ /ye shes shar bas skye bo snang bar bgyid/ /yab gcig srin bu me khyer tshogs 'od kyis/ /las rnams la ni 'jug par mi nus kyi/ /'dzam gling 'di na nyi ma'i 'od rnams kyis/ /bya ba snang tshogs brgya dag bgyid par 'gyur/ /nyan thos 'di dag srin bu me khyer 'dra/ /de dag shes 'od yang dag mthong mi 'gyur/ /sangs rgyas rnam grol nyi ma lta bu yi/ /shes rab ye shes kyis ni sems can 'grel/ /yab gcig wa brgya dag gis skad phyung yang / /ri dwags tshogs rnams 'drog par mi 'gyur gyi/ /seng+ge'i skad kyis glang chen ri dwags dang / /byar bcas rnams kyang phyogs bcur 'byer bar 'gyur/ /yab gcig de ltar nyan thos wa 'drar gzigs/ /de dag skad kyis bdud rnams skrag mi 'gyur/ /rgyal po byang chub sems dpa'i spyod spyad pas/ /bdud dang de bzhin bdud rigs skrag par 'gyur/ /yab gcig rgyu 'di bdag gis mthong bas na/ /theg pa </font><hr>395b<br><font size=+1>


dman pa dag la 'dod mi skyed/ /su zhig bla med byang chub spangs nas ni/ /theg pa dman la 'dod pa skyed par bgyid/ /gang dag byang chub dam pa yongs spangs nas/ /theg pa dman la 'dod pa skyed par bgyid/ /de dag 'tsho ngan rnyed pa thob ma 'gyur/ /de dag mir skyes ba ni nyes par mchis/ /gang dag lhar bcas 'jig rten sman slad du/ /byang chub mchog la 'dun pa skyed par bgyid/ /de dag legs 'tsho rnyed par legs par rnyed/ /de dag mi lus thob pa legs par mchis/ /gang dag lus dang ngag dang yid kyis kyang / /'jig rten sman slad las bgyid yid kyang rton/ /gang dag rtag tu sems can sman slad brtson/ /de dag u dum wa ra'i me tog bzhin/ /de nas rgyal po ma skyes dgras/ bu mo mya ngan med kyis byin bas tshigs su bcad pa bstan pa 'di dag thos nas cang mi smra bar gyur to/ /de nas tshe dang ldan pa shA ri'i bu 'di snyam du sems te/ kye ma bu mo 'di spobs pa thogs pa med pa zhig na/ ci bzod pa thob bam/ ma thob pa bdag gis 'di brtag par byar nges so snyam mo/ /de nas tshe dang ldan pa shA ri'i bus/ bu mo mya ngan med kyis byin pa la 'di skad ces smras so/ /ci bu mo khyod nyan thos kyi theg pa la yang dag par zhugs sam/ smras pa/ ma yin no/ /rang sangs rgyas kyi theg pa la yang dag par zhugs sam/ smras pa/ ma </font><hr>396a<br><font size=+1>


@#/ /yin no/ /bu mo khyod ci zhig don du gnyer na/ 'di ltar seng+ge'i sgra sgrogs par byed/ bu mos smras pa/ btsun pa shA ri'i bu/ gal te bdag chos 'ga' zhig don du gnyer na ni/ bdag seng+ge'i sgra ci yang mi sgrogs pa zhig na/ btsun pa shA ri'i bu/ 'di ltar bdag ni chos gang yang don du mi gnyer te/ de'i phyir bdag seng+ge'i sgra sgrogs so/ /btsun pha shA ri'i bu/ gang yang 'di skad du ci bu mo khyod nyan thos kyi theg pa la yang dag par zhugs sam zhes zer ba ni/ btsun pa shA ri'i bus chos gang mngon sum du byas pa'i chos de la/ ci nyan thos zhes bya ba'am/ rang sangs rgyas zhes bya ba'am/ yang dag par rdzogs pa'i sangs rgyas zhes bya ba'i theg pa rnam par bzhag pa yod dam/ gnas pa brtan shA ri'i bus smras pa/ bu mo/ chos de la ni theg pa rnam par bzhag pa med de/ chos de ni 'di ltar mtshan nyid med par mtshan nyid gcig pa'o/ /bu mos smras pa/ btsun pa shA ri'i bu/ mtshan nyid med pa'i chos la don du gnyer ba ci zhig yod/ shA ri'i bus smras pa/ bu mo/ chos de la ni don du gnyer ba ci yang med do/ /gnas brtan shA ri'i bus/ bu mo mya ngan med kyis byin pa la gzhan yang 'di skad ces smras so/ /bu mo/ sangs rgyas kyi chos rnams dang so so'i skye bo'i </font><hr>396b<br><font size=+1>


chos rnams la bye brag ni ci yod/ tha dad du dbye ba ni ci yod/ bu mos smras pa/ btsun pa shA ri'i bu/ stong ba nyid dang / dben pa nyid la bye brag ni ci yod/ tha dad du dbye ba ci yod/ shA ri'i bus smras pa/ bye brag med cing tha dad du dbye ba ni ci yang med do/ /bu mos smras pa/ btsun pa shA ri'i bu/ stong pa nyid dang / dben pa nyid la ji ltar bye brag med cing tha dad du dbye ba ci yang med par de bzhin du/ btsun pa shA ri'i bu/ sangs rgyas kyi chos rnams dang / so so'i skye bo'i chos rnams la yang bye brag med cing tha dad du dbye ba ci yang med do/ /btsun pa shA ri'i bu/ 'di lta ste/ dper na/ nam mkha' dang / blag ba med pa la yang / bye brag med cing tha dad du dbye ba ci yang med do/ /btsun pa shA ri'i bu/ de bzhin du sangs rgyas kyi chos rnams dang / so so'i skye bo'i chos rnams la yang bye brag med cing tha dad du dbye ba ci yang med do/ /gnas brtan shA ri'i bu cang mi smra bar gyur to// de nas tshe dang ldan pa mo'u 'gal gyi bu chen pos/ bu mo mya ngan med kyis byin pa la 'di skad ces smras so/ /bu mo/ ci khyod de skad ces zer ba las na/ sangs rgyas kyi chos rnams ni shin tu ches lhag pa zhig tu mthong la/ nyan thos kyi chos rnams shin tu dman la mthong ngam ci na/ khyod nyan thos chen po rnams mthong na ldang bar yang mi byed/ phyag kyang mi </font><hr>397a<br><font size=+1>


@#/ /'tshal/ bsur yang mi 'gro/ gtam yang mi zer/ stan dang bsod snyoms la yang spyan 'dren par mi byed/ de skad ces smras pa dang / bu mo mya ngan med kyis byin pas gnas brtan mo'u 'gal gyi bu chen po la 'di skad ces smras so/ /btsun po mo'u 'gal gyi bu chen po/ stong gsum gyi stong chen po'i 'jig rten gyi khams na/ skar ma'i gzugs su gtogs pa ji snyed cig yod pa shes sam/ mo'u 'gal gyi bu chen pos smras pa/ bu mo/ snyoms par zhugs na ni kho bos grangs shes kyi| snyoms par ma zhugs na ni mi shes so/ /bu mos smras pa/ btsun pa mo'u 'gal gyi bya chen po/ de bzhin gshegs pas ni lan gcig mnyam par bzhag pa nyid kyis stong gsum gyi stong chen po'i 'jig rten gyi khams gang+gA'i klung gi bye ma snyed dag na/ sems can 'das pa dang / ma 'ongs pa dang / da ltar byung ba thams cad kyi sems kyi spyod pa yang rab tu mkhyen na/ stong gsum gyi stong chen po'i 'jig rten gyi khams gcig tu gtogs pa'i sems can rnams kyi lta ci smos te/ btsun pa mo'u 'gal gyi bu chen po/ 'di ni de bzhin gshegs pa dang / nyan thos rnams kyi khyad par yin te/ 'di ni tha dad du dbye ba yin no/ /btsun pa mo'u 'gal gyi bu chen po/ phyogs bcu'i 'jig </font><hr>397b<br><font size=+1>


rten na/ sangs rgyas kyi zhing 'jig pa ni ji snyed cig yod/ 'chags pa ni ji snyed cig yod shes sam/ mo'u 'gal gyi bus smras pa/ bu mo/ de ni mi shes so/ /bu mos smras pa btsun pa mo'u 'gal gyi bu chen po/ sangs rgyas bcom ldan 'das 'das pa ni ji snyed cig yod/ ma byon pa ni ji snyed cig yod/ da ltar bzhugs pa ni ji snyed cig yod shes sam/ mo'u 'gal gyi bus smras pa/ bu mo/ de ni mi shes so/ /bu mos smras pa/ btsun pa mo 'gal gyi bu chen po/ sems can 'dod chags la spyod pa ni ji snyed cig yod/ zhe sdang la spyod pa ni ji snyed cig yod/ gti mug la spyod pa ni ji snyed cig yod/ cha mnyam pa la spyod pa ji snyed cig yod shes sam/ mo'u 'gal gyi bus smras pa/ bu mo/ de ni mi shes so/ /bu mos smras pa/ btsun pa mo'u 'gal gyi bu chen po/ nyan thos kyi theg pa pa'i sems can ni ji snyed cig yod/ rang sangs rgyas kyi theg pa ni ji snyed cig yod/ theg pa chen po la yang dag par zhugs pa ni ji snyed cig yod shes sam/ mo'u 'gal gyi bus smras pa/ bu mo/ de ni mi shes so/ /bu mos smras pa/ btsun pa mo'u 'gal gyi bu chen po/ nyan thos kyis 'dul ba'i sems can ni ji snyed cig yod/ rang sangs rgyas kyis 'dul ba'i sems can ni ji snyed cig yod/ sangs rgyas kyis 'dul ba'i sems can ni </font><hr>398a<br><font size=+1>


@#/ /ji snyed cig yod shes sam/ mo'u 'gal gyi bus smras pa/ bu mo/ de ni mi shes so/ /bu mos smras pa/ btsun pa mo'u 'gal gyi bu chen po/ yang dag pa nyid du nges pa'i sems can ni ji snyed cig yod/ log pa nyid du nges pa'i sems can ni ji snyed cig yod/ ma nges pa'i sems can ni ji snyed cig yod shes sam/ mo'u 'gal gyi bus smras pa/ bu mo/ de ni mi shes so/ /bu mos smras pa/ btsun pa mo'u 'gal gyi bu chen po/ de bzhin gshegs pas ni/ de dag dang / gzhan yang de'i gong du gang nyan thos dang / rang sangs rgyas thams cad kyi sa ma yin pa dag kyang rab tu mkhyen na/ sems can gzhan dag gi lta ci smos te/ btsun pa mo'u 'gal gyi bu chen po/ 'di ni de bzhin gshegs pa'i bla ma'i khyad par yin no/ /btsun pa mo'u 'gal gyi bu chen po/ gzhan yang de bzhin gshegs pas khyod rdzu 'phrul chen po rnams kyi mchog tu bstan gyi/ btsun pa mo'u 'gal gyi bu chen po 'jig rten gyi khams spos kyi 'od ces bya ba gang na de bzhin gshegs pa dgra bcom pa yang dag par rdzogs pa'i sangs rgyas spos rab tu 'gyed pa'i 'od zer da ltar bzhugs te/ 'tsho zhing gzhes la/ byang chub sems dpa' rnams la chos kyang ston pa'i sangs rgyas kyi zhing de na/ shing ljon </font><hr>398b<br><font size=+1>


pa thams cad las tsan+dan sbrul gyi snying po'i spos gang gis sangs rgyas kyi zhing de khyad par 'gyur ba'i spos kyi ngad ldang ba yod pa der song zhig /gnas brtan mo'u 'gal gyi bu chen pos smras pa/ bu mo/ sangs rgyas kyi zhing de'i ming yang de kho bos da gdod thos na/ sangs rgyas la lta ba dang / chos mnyan pa'i phyir ji ltar 'gro bar bya/ de nas bu mo mya ngan med kyis byin pas khri de las ma langs bzhin du tshig 'di skad ces smras so/ /bden pa dang bden pa'i tshig gang gis byang chub sems dpa' sems dpa' chen po sems bskyed ma thag tu nyan thos dang / rang sangs rgyas thams cad zil gyis gnon pa lta na/ bden pa dang bden pa'i tshig des/ de bzhin gshegs pa spos rab tu 'gyed pa'i 'od zer des/ bdag nyid dang / rang gi sangs rgyas kyi zhing nyan thos chen po 'di dag la ston par gyur cig /tsan+dan gyi dri de dag kyang nyan thos chen po 'di dag gis tshor bar gyur cig /ces byas so// de nas bu mo mya ngan med kyis byin pas/ tshig de skad smras ma thag tu bden pa'i byin gyi rlabs des/ bcom ldan 'das de bzhin gshegs pa spos rab tu 'gyed pa'i 'od zer gyis/ de nyid kyi tshe 'od gang gis nyan thos chen po de dag gis 'jig rten gyi khams spos kyi 'od de dang / de bzhin gshegs pa dgra bcom pa yang dag par rdzogs pa'i sangs rgyas spos rab tu </font><hr>399a<br><font size=+1>


@#/ /'gyed pa'i 'od zer de chos ston cing bzhugs pa mthong bar 'gyur ba de lta bu'i 'od sku las bkye'o/ /chos bstan pa de yang sangs rgyas kyi mthus 'jig rten gyi khams 'dir thos so/ /tsan+dan sbrul gyi snying po'i dri des kyang 'jig rten gyi khams mi mjed 'di khyab par gyur to/ /de bzhin gshegs pa spos rab tu 'gyed pa'i 'od zer des kyang / gsung gi yan lag drug cu dang ldan pa'i tshig gis 'di skad ces bka' stsal to/ /bu mo mya ngan med kyis byin pas ji skad smras pa de bzhin te/ byang chub sems dpa' sems dpa' chen pos sems dang po bskyed ma thag tu nyan thos dang / rang sangs rgyas thams cad zil gyis gnon to/ /de nas byang chub sems dpa' sems dpa' chen po byams pa bya rgod kyi phung po la gnas pas tsan+dan sbrul gyi snying po'i dri tshor nas/ bcom ldan 'das la 'di skad ces gsol to/ /bcom ldan 'das/ tsan+dan sprul gyi snying po'i dri 'di ga las byung lags/ de skad ces gsol pa dang / bcom ldan 'das kyis byang chub sems dpa' byams pa la 'di skad ces bka' stsal to/ /byams pa/ bu mo mya ngan med kyis byin pa 'dis/ nyan thos chen po rnams kyi mdun du seng+ge'i sgra bsgrags te/ des nyan thos chen </font><hr>399b<br><font size=+1>


po de dag la bden pa'i byin gyi rlabs kyis 'jig rten gyi khams spos kyi 'od ces bya ba na/ de bzhin gshegs pa sbos rab tu 'gyed pa'i 'od zer byang chub sems dpa' sems dpa' chen po rnams la chos ston cing bzhugs pa yang bstan/ 'jig rten gyi khams spos kyi 'od de'i tsan+dan sprul gyi snying po'i dri des kyang 'jig rten gyi khams 'di khyab par byas so/ /de nas bu mo mya ngan med kyis byin pas/ tshe dang ldan pa mo'u 'gal gyi bu chen po la 'di skad ces smras so/ /btsun pa mo'u 'gal gyi bu chen po/ mkhas pa su zhig byang chub sems dpa' sems dpa' chen po dag gi cho 'phrul dang / rnam par 'phrul ba bsam gyis mi khyab pa rmad du byung ba 'di lta bu dag mthong ngam thos na/ nyan thos dman pa/ zhan pa/ zhum pa/ nyi tshe ba'i shes pa dang ldan pa rnams la ldang ba'am/ bsur 'gro ba'am/ phyag 'tshal bar byed/ btsun pa mo'u 'gal gyi bu chen po/ 'jig rten gyi khams spos kyi 'od de ji tsam du thag ring ba shes sam/ mo'u 'gal gyi bus smras pa/ bu mo/ de ni mi shes so/ /bu mos smras pa/ btsun pa mo'u 'gal gyi bu chen po/ gal te khyod 'dra ba'i rdzu 'phrul can sha stag gis/ stong gsum gyi stong chen po'i 'jig rten gyi khams 'di/ dper na/ bu ram shing gi tshal lam/ 'od ma'i tshal lam/ 'dam bu'i tshal lam / </font><hr>400a<br><font size=+1>


@#/ /'bras sA lu'i zhing bzhin du mtshams med par gang bar gyur nas/ de dag thams cad kyis bskal par brtsis kyang / 'jig rten gyi khams spos kyi 'od ces bya ba de| sangs rgyas kyi zhing ji snyed cig 'das pa'i pha rol na 'dug pa/ bgrang ba'i thabs kyis rtogs par mi nus so/ /de nas bcom ldan 'das de bzhin gshegs pa spos rab tu 'byed pa'i 'od zer gyis 'od de dag mi snang bar mdzad de/ sangs rgyas kyi zhing de yang mi snang bar mdzad do/ /de nas tshe dang ldan pa 'od srung chen pos/ bu mo mya ngan med kyis byin pa la 'di skad ces smras so/ /bu mo khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de sngon mthong ngam/ bu mos smras pa/ btsun pa 'od srung chen po/ de bzhin gshegs pa mthong bar nus sam/ de bzhin gshegs pas/ gang dag nga la gzugs su mthong / / gang dag nga la sgrar shes pa/ /log pas spong bar zhugs pa ste/ /skye bo de dag nga mi mthong / /sangs rgyas rnams ni chos nyid lta/ /'dren pa rnams ni chos kyi sku/ /chos nyid shes par bya min pas/ /de ni rnam par shes mi nus/ /zhes ma gsungs sam/ btsun pa 'od srung chen po/ gzhan yang bu mo khyod kyis bcom ldan 'das de bzhin gshegs </font><hr>400b<br><font size=+1>


dgra bcom pa yang dag par rdzogs pa'i sangs rgyas shAkya thub pa de sngon mthong ngam zhes de skad zer ba ni/ btsun pa 'od srung chen po/ bdag gis de bzhin gshegs pa mthong mod kyi/ sha'i mig gis ma yin te/ gzugs su ma yin no/ /lha'i mig gis ma yin te/ tshor bar ma yin no/ /shes rab kyi mig gis ma yin te/ 'du shes kyis ma yin no// chos kyi mig gis ma yin te/ 'du byed du ma yin no/ /sangs rgyas kyi mig gis ma yin te/ rnam par shes par ma yin no/ /btsun pa 'od srung chen po/ gzhan yang bdag gis de bzhin gshegs pa mthong ste/ dper na/ gnas brtan gyis ma rig pa dang / srid pa la sred pa mthong ba bzhin no/ /btsun pa 'od srung chen po/ gzhan yang bdag gis de bzhin gshegs pa mthong ste/ dper na/ gnas brtan gyis ngar 'dzin pa dang / nga yir 'dzin pa mthong ba bzhin no/ /gnas brtan 'od srung chen pos smras pa/ bu mo/ 'di ltar ma rig pa dang / srid pa la sred pa dang / ngar 'dzin pa dang / nga yir 'dzin pa'i chos 'di gnyis ni med pa yin no/ /chos gang med pa de ni blta bar mi nus so/ /bu mo mya ngan med kyis byin pas smras pa/ btsun pa 'od srung chen po/ de de bzhin no/ /chos thams cad ni med pa yin te/ de dag ni blta bar mi nus so/ /'od srung chen pos smras pa/ bu mo/ </font><hr>401a<br><font size=+1>


@#/ /ci sangs rgyas kyi chos kyang med dam/ bu mos smras pa/ gnas brtan/ sangs rgyas kyi chos rnams sam/ so so'i skye bo'i chos rnams kyang rung ste| chos 'ga' zhig yongs su grub par 'dod dam/ 'od srung chen pos smras pa/ bu mo/ kho bos ni so so'i skye bo'i chos rnams la yang yongs su grub par mi 'dod na/ sangs rgyas kyi chos rnams lta ci smos/ bu mos smras pa/ btsun pa 'od srung chen po/ chos gang dag yongs su grub pa med pa'i chos de dag ci yod pa yin nam/ 'on te med pa yin/ 'od srung chen pos smras pa/ bu mo/ med pa de dag ni med pa yin no/ /bu mos smras pa/ btsun pa 'od srung chen po/ de bas na chos thams cad ni med pa nyid do/ /med pa gang yin pa de dag la ni lta ba rnam par sbyang bar bya ba med do/ /btsun pa 'od srung chen po/ rigs kyi bu'am/ rigs kyi bu mo sangs rgyas la lta ba rnam par sbyang bar 'dod pas ni bdag la lta ba rnam par sbyang bar bya'o/ /'od srung chen pos smras pa/ bu mo/ bdag la lta ba ji ltar rnam par dag par 'gyur/ bu mos smras pa/ btsun pa 'od srung chen po/ gang gi tshe bdag rang bzhin med pa'i phyir chos thams cad rang bzhin med pa nyid du mos na/ de tsam gyis na bdag la lta ba rnam par dag par 'gyur ro/ /'od srung chen pos </font><hr>401b<br><font size=+1>


smras pa/ bu mo/ bdag gis rang bzhin ci yin/ bu mos smras pa/ btsun pa 'od srung chen po/ bdag gis rang bzhin ni stong pa nyid do/ /bdag gi rang bzhin med pa'i phyir bdag dben pa yang yin no/ /rang bzhin med pa des bdag dben no/ /rang bzhin med pa des chos thams cad dben no/ /'od srung chen pos smras pa/ bu mo khyod kyis su las chos thos na / 'di ltar khyod kyi yang dag pa'i lta ba skyes par gyur/ bu mo/ yang dag pa'i lta ba skyes pa la ni rgyu gnyis dang / rkyen gnyis yod de/ gzhan gyi sgra dang / bdag nyid kyi tshul bzhin yid la byed pa las 'byung ngo zhes de skad gsungs so/ /bu mos smras pa/ btsun pa 'od srung chen po/ gang dag gzhan gyi dring mi 'jog pa'i shes rab can de dag ni gzhan gyi sgra dang / bdag nyid kyis tshul bzhin du so sor rtogs pa las lta ba rnam par dag par 'gyur ro/ /btsun pa 'od srung chen po/ gang dag gzhan gyi dring mi 'jog pa'i shes rab can dag ni gzhan gyi sgra mi tshol lo/ /btsun pa 'od srung chen po/ ji ltar na dge slong tshul bzhin du zhugs pa yin/ 'od srung chen pos smras pa/ bu mo/ gang gi tshe dge slong ji skad thos pa'i chos rnams kyi don la nye bar rtog par byed pa de ltar na/ dge slong tshul bzhin du zhugs pa yin no/ /'od srung chen pos smras pa/ bu mo/ ji ltar na byang chub sems dpa' tshul bzhin du zhugs </font><hr>402a<br><font size=+1>


@#/ /pa yin/ bu mos smras pa/ btsun pa 'od srung chen po/ gang gis byang chub sems dpa' sems can thams cad dang lhan cig gnas kyang sems can du 'du shes skyed par mi byed pa de ltar na/ byang chub sems dpa' tshul bzhin du zhugs pa yin no/ /btsun pa 'od srung chen po/ zhugs pa zhes bya ba ni/ chos thams cad ni sngon gyi mtha'i de bzhin nyid dang ldan no/ /chos thams cad ni phyi ma'i mtha'i de bzhin nyid dang ldan no/ /chos thams cad ni da ltar byung ba'i de bzhin nyid dang ldan no/ / zhes/ btsun pa 'od srung chen po/ byang chub sems dpa' sbyor ba de lta bus sbyor bar mi byed na/ de tsam gyis na byang chub sems dpa' tshul bzhin du zhugs pa yin no/ /'od srung chen pos smras pa/ bu mo/ chos de dag la ji ltar sbyar bar bya/ bu mos smras pa/ btsun pa 'od srung chen po/ ji ltar de bzhin nyid la sbyor ba yang med/ mi sbyor ba yang med par mthong ba de bzhin du chos thams cad la sbyar par bya'o/ /'od srung chen pos smras pa/ bu mo/ ji ltar mthong na chos thams cad mthong ba yin/ bu mos smras pa / btsun pa 'od srung chen po/ chos thams cad la gnyis su med par mthong la/ mi byed cing 'jig par yang mi byed na/ de ltar na chos thams cad mthong ba yin no/ /btsun pa </font><hr>402b<br><font size=+1>


'od srung chen po/ mthong ba zhes bya ba de ni/ mthong ba med pa'i tshig bla dwags so/ /'od srung chen pos smras pa/ bu mo/ bdag ji ltar blta bar bya/ bu mos smras pa/ btsun pa 'od srung chen pos ji ltar mthong ba bzhin du blta bar bya'o/ /'od srung chen pos smras pa/ bu mo/ kho bos ni bdag dang bdag gi ma mthong ngo / /bu mos smras pa/ btsun pa 'od srung chen po/ ji ltar bdag med cing bdag gi med pa de bzhin du chos thams cad blta bar bya'o/ /gtam de skad brjod pa'i skabs su gnas brtan rab 'byor gyis bu mo mya ngan med kyis byin pa la 'di skad ces smras so/ /bu mo khyod kyi spobs pa 'di 'dra ba ni khyod kyis rnyeng \ RNYED\ pa legs par rnyed do/ /bu mo mya ngan med kyis byin pas smras pa/ btsun pa rab 'byor/ rnyed pa las ni spongs par mi 'gyur gyi/ gang gis ci yang ma rnyed pa de spobs pa dang ldan zhing / gang gis nang ngam phyi rol ci yang mi dmigs pa de spobs pa dang ldan pa yin no/ /rab 'byor gyis smras pa/ bu mo/ gang ma rnyed na spobs pa dang ldan pa yin/ bu mos smras pa/ gang gis bdag ma rnyed cing gzhan ma yin/ dge ba ma yin/ mi dge ba ma yin/ kha na ma tho ba dang bcas pa ma yin/ kha na ma tho ba med pa ma yin/ zag pa dang bcas pa ma yin/ zag pa med pa ma yin/ 'dus byas ma yin/ 'dus ma byas ma yin/ 'jig rten ma yin/ 'jig </font><hr>403a<br><font size=+1>


@#/ /rten las 'das pa ma yin/ kun nas nyon mongs pa ma yin/ rnam par byang ba ma yin te/ 'khor ba dang / mya ngan las 'das pa ma rnyed na/ so so'i skye bo'i chos mi dmigs shing 'phags pa'i chos kyang mi dmigs te/ sangs rgyas kyi chos mi dmigs na/ btsun pa rab 'byor/ de ltar na gang gis ci yang ma rnyed pa'i spobs pa dang ldan pa yin no/ /rab 'byor gyis smras pa/ ji ltar spobs par 'gyur/ bu mos smras pa/ btsun pa rab 'byor gyis ji ltar chos thams cad ma rnyed pa de bzhin du de spobs par 'gyur ro/ /chos kyi de bzhin nyid gang gis gnas brtan nyon mongs pa med pa rnams kyi mchog tu bstan pa'i chos kyi de bzhin nyid de ci brjod cing / smrar rung ngam/ nyon mongs pa med pa de dang / chos kyi de bzhin nyid de la spobs pa ci yang yod dam/ rab 'byor gyis smras pa/ nyon mongs pa med pa dang / de bzhin nyid ni bstan pa'am/ brjod par mi nus so/ /bu mos smras pa/ btsun pa rab 'byor/ chos thams cad ni brjod du med pa yin na/ khyod kyis bu mo khyod spobs pa 'di lta bu dang ldan pa ni khyod kyis rnyed pa legs par rnyed do/ /zhes bya ba de ji lta bu yin/ rab 'byor gyis smras pa/ bu mo khyod ni 'di ltar med pa'i spobs pas ston to/ /bu mos smras pa/ gnas brtan rab </font><hr>403b<br><font size=+1>


'byor/ chos thams cad la brag ca lta bur mos sam/ rab 'byor gyis smras pa/ bu mo/ mos so/ /bu mos smras pa/ gnas brtan rab 'byor/ ci brag ca la spobs pa ci yang yod dam/ rab 'byor gyis smras pa/ bu mo/ de ni med de/ bu mo/ rgyu dang rkyen tshogs pa las sgra 'byung bar zad do/ /bu mos smras pa/ btsun pa rab 'byor/ brten nas sgra 'byung ba gang yin pa de la rang bzhin gyis grub pa ci yang med do/ /de ci'i phyir zhe na/ 'di ltar gang brten nas byung ba de la ni skye ba ci yang med pa'i phyir ro/ /rab 'byor gyis smras pa/ bu mo/ chos thams cad ni brten nas byung ba'o/ /bu mo smras pa/ btsun pa rab 'byor/ de bas na chos thams cad ni rang bzhin gyis ma skyes pa'o/ /rab 'byor gyis smras pa/ bu mo/ gal te chos thams cad rang bzhin gyis ma skyes pa yin na/ bcom ldan 'das kyis de bzhin gshegs pa gang+gA'i klung gi bye ma snyed ni 'ongs te gshegs so/ /de bzhin gshegs pa gang+gA'i klung gi bye ma snyed ni ma 'ongs pa na 'byung bar 'gyur ro/ /de bzhin gshegs pa gang+gA'i klung gi bye ma snyed ni da ltar bzhugs so/ /zhes ci'i phyir bstan/ bu mos smras pa/ btsun pa rab 'byor/ mi skye ba ni skye bar mi 'gyur ro/ /de ci'i phyir zhe na/ btsun pa rab 'byor/ chos kyi dbyings la ni skye ba'am nub par 'gyur bar mi 'dod pa'i phyir ro/ /rab 'byor gyis smras </font><hr>404a<br><font size=+1>


@#/ /pa| bu mo khyod ni 'di ltar skye ba med pa don dam pa'i tshig ston to/ /bu mos smras pa/ btsun pa rab 'byor/ bstan pa thams cad ni bstan du med pa'o/ /de'i phyir bstan pa thams cad bstan du med ce na/ de ni bstan kyang rung / ma bstan kyang rung ba dngos po ma yin te/ dngos po med pa dang / brjod du med pa'i mtha' mi spong ba'i phyir ro/ /rab 'byor gyis smras pa/ bu mo khyod khyim na gnas bzhin du 'di lta bu'i chos la gnas shing / 'di lta bu'i rnam par dag pa ston pa 'di ni ngo mtshar to/ /bu mos smras pa/ btsun pa rab 'byor/ byang chub sems dpa' sems dpa' chen po la ni khyim pa'am/ rab tu byung ba zhes gzung bar mi bya'o/ /de ci'i phyir zhe na/ de dag ni bsam pas phye ba yin/ shes rab kyis phye ba yin/ ye shes kyis phye ba yin pa'i phyir ro/ /btsun pa rab 'byor/ byang chub sems dpa'i gnas pa khyod kyis shes sam/ rab 'byor gyis smras pa/ bu mo khyod kyis shod cig dang / kho bos mnyan to/ /bu mos smras pa/ btsun pa rab 'byor/ byang chub sems dpa' sems dpa' chen po chos brgyad dang ldan na/ khyim pa'am rab tu byung ba zhes mi bya ste/ spyod lam gang dang gang gis gnas kyang kha na ma tho ba med par 'gyur ro/ /brgyad gang zhe na/ 'di lta ste/ btsun pa rab </font><hr>404b<br><font size=+1>


'byor/ 'di la byang chub sems dpa' sems dpa' chen po lhag pa'i bsam pa phun sum tshogs pa yin te/ lhag pa'i bsam pa de bla na med pa yang dag par rdzogs pa'i byang chub kyi phyir ro/ /sems can thams cad yongs su mi gtong bar gnas pa'i phyir byams pa la gnas pa yang yin no/ /'jig rten pa'i dga' ba dang spyod pa dang bral ba'i phyir snying rje chen po la gnas pa yang yin no/ /lus dang srog la mi lta ba'i phyir btang snyoms la gnas pa yang yin no/ /yongs su bsngo ba la mkhas pa shin tu rdzogs pa'i phyir thabs la mkhas pa yang yin no/ /lta ba thams cad dang bral ba'i phyir shes rab kyi pha rol tu phyin pa las nges par 'byung ba yang yin no/ /dge ba'i rtsa ba tshol ba la brtson pas chog mi shes pa'i phyir brtson 'grus brtsams pa yang yin no/ /bzod pa shin tu thob pa'i phyir ma bstan par shes pa yang yin te/ btsun pa rab 'byor/ byang chub sems dpa' sems dpa' chen po chos brgyad po de dag dang ldan na/ khyim pa'am/ rab tu byung ba zhes mi bya ste/ spyod lam gang dang gang gis gnas kyang thams cad du kha na ma thob med par 'gyur ro/ /de nas tshe dang ldan pa sgra gcan zin gyis/ bu mo mya ngan med kyis byin pa la 'di skad ces smras so/ /bu mo khyod mal khri gser gyi rkang pa can la 'dug cing stan shin tu mtho ba la </font><hr>405a<br><font size=+1>


@#/ /'dug nas/ nyan thos chen po dag dang gtam zer ba de ni rung ba ma yin par gnas pa yin no/ /bu mo min bar stan mthon po la 'dug pa la stan dma' pa la 'dug pas chos bshad par mi bya'o/ /zhes bya ba ci khyod kyis ma thos sam/ de skad ces smras pa/ bu mo mya ngan med kyis byin pas tshe dang ldan pa sgra gcan zin la 'di skad ces smras so/ /btsun pa sgra gcan zin/ 'jig rten na gang dag ni rung ba yin/ 'jig rten na gang dag ni rung ba ma yin pa khyod kyis shes sam/ sgra gcan zin gyis smras pa/ bu mo kho bos shes te/ gang dag ji ltar bcas pa'i bslab pa la slob cing / bslab pa de las 'gal bar mi byed pa de dag ni rung ba zhes bya'o/ / gang dag bslab pa de las 'gal bar byed pa de dag ni rung ba ma yin pa zhes bya'o/ /bu mo mya ngan med kyis byin pas smras pa/ btsun pa sgra gcan zin thong / de skad ma zer cig /btsun pa sgra gcan zin/ gang dag ji ltar bcas pa'i bslab pa la slob pa de dag ni rung ba ma yin pa'o/ /de ci'i phyir zhe na/ 'di ltar de dag ni rtog cing rnam par rtog pa'i phyir ro/ /btsun pa sgra gcan zin/ gang dag mi rtog cing rnam pa mi rtog pa de dag ni rung ba zhes bya'o/ /btsun pa sgra gcan zin/ rung ba zhes bya ba </font><hr>405b<br><font size=+1>


'di ni dge slong dgra bcom pa zag pa zad pa rnams kyi tshig bla dwags yin te/ de dag ni bslab pa las 'gal bar mi byed do/ /de ci'i phyir zhe na/ bcom ldan 'das kyi nyan thos rnams ni bslab pa las yang dag par 'das pa'i phyir te/ de dag ni phyir yang bslab par 'dod pa ma yin pas/ de dag ni rung ba yin no/ /de dag ni khams gsum du phyir mi 'ong ba yin/ de dag ni bslab pa las yang dag par 'das pa yin te/ mi slob pa zhes bya'o/ /de ltar na de dag gi bslab pa ni mi dmigs te khams gsum pas btags ba tsam du shes so/ /de'i phyir de dag ni rung ba zhes bya'o/ /sgra gcan zin gyis smras pa/ bu mo/ rung ba dang / rung ba ma yin pa la tha dang du dbye ba ci zhig yod/ bu mos smras pa/ btsun pa sgra gcan zin/ 'di lta ste/ dper na/ gser dul ma rgyan du byas pa dang / rgyan du ma byas pa la tha dad du dbye ba ci zhig yod/ sgra gcan zin gyis smras pa/ bu mo/ tha dad du dbye ba ci yang med do/ /bu mos smras pa/ btsun pa sgra gcan zin/ de bzhin du rung ba dang / rung ba ma yin pa la yang yi ge'i tha snyad mnyam pa nyid gyi phyir tha dad du dbye ba ci yang med do/ /de ci'i phyir zhe na/ chos thams cad ni ci dang yang bral ba'i phyir te/ rang bzhin gyis kun nas nyon mongs pa can ma yin no/ /btsun pa sgra gcan zin/ yang </font><hr>406a<br><font size=+1>


@#/ /'di skad du/ stan shin tu mtho ba la 'dug ste chos nyan tam zer ba la/ byang chub sems dpa' ni rtsa gting ba la 'dug kyang shin tu mtho ba la 'dug pa yin no/ /sgra gcan zin gyis smras pa/ rnam grangs gang gis khyod de skad smra/ bu mos smras pa/ btsun pa sgra gcan zin/ 'di ji snyam du sems/ byang chub sems dpa' gang la 'dug ste/ byang chub thob par 'gyur/ sgra gcan zin gyis smras pa/ rtswa bting ba la bzhugs nas byang chub thob bo/ /bu mos smras pa/ btsun pa sgra gcan zin/ ci byang chub sems dpa' rtswa bting ba la 'dug pa la stong gsum gyi stong chen po'i 'jig rten gyi khams na tshangs pa'am/ brgya byin nam/ 'jig rten skyong ngam/ de las gzhan pa 'og min man chad kyi lha gang yin pa de dag thams cad kyis lus btud de/ thal mo sbyar nas byang chub sems dpa'i zhabs la gtug par byed dam/ sgra gcan zin gyis smras pa/ bu mo/ de de bzhin te/ khyod kyis ji skad smras pa bzhin no/ /bu mos smras pa/ btsun pa sgra gcan zin/ de'i phyir rnam grangs des kyang / dper na/ byang chub sems dpa' sems dpa' chen po rtswa bting ba la 'dug kyang / stan shin tu mtho ba la 'dug pa yin gyi/ nyan thos tshangs pa'i 'jig rten na 'dug pa ni de lta ma yin par rig par bya'o/ / </font><hr>406b<br><font size=+1>


de nas rgyal po ma skyes dgras bu mo mya ngan med kyis byin pa la 'di skad ces smras so/ /bu mo/ btsun pa sgra gcan zin ni bcom ldan 'das shAkya thub pa'i sras yin te/ bslab pa 'dod pa rnams kyi mchog yin na/ ci khyod kyis mi shes sam/ bu mo mya ngan med kyis byin pas smras pa/ yab thong zhig /thong zhig /'di ltar btsun pa sgra gcan zin bcom ldan 'das shAkya thub pa de'i sras yin zhes ma gsungs shig/ ri dwags kyi rgyal po seng+ge ral pa can cod pa na btags pa lta bus/ bu wa bskyed par 'gyur ba nam yang gsan tam/ gzigs sam/ rgyal pos smras pa/ bu mo/ de ni ma yin no/ /bu mos smras pa/ yab/ de bzhin du de bzhin gshegs pa seng ge'i rtsal lta bus gshegs pa| dam pa'i chos kyi 'khor los bsgyur ba zhabs 'bring ba ni/ nyan thos mdzes pa ma lags so/ /yab/ de bzhin gshegs pa'i sras gang yin zhes yang dag pa'i smra bas gang smra na/ byang chub sems dpa' nyid yin no zhes de dag la yang dag pa'i smra bas smra'o/ /yab/ de lta bas na de bzhin gshegs pa'i sras su khas len par 'tshal bas ni/ bla na med pa yang dag par rdzogs pa'i byang chub tu sems bskyed par bgyi'o/ /gtam 'di brjod pa'i skabs su rgyal po ma skyes dgra'i btsun mo'i 'khor nas/ btsun mo nyi shus </font><hr>407a<br><font size=+1>


@#/ /bla na med pa yang dag par rdzogs pa'i byang chub tu sems bskyed do/ /lha'i bu brgya tham pas kyang bu mo de'i seng ge'i sgra 'di thos nas/ bla na med pa yang dag par rdzogs pa'i byang chub tu sems bskyed do/ /tshig 'di skad du bdag cag 'di rnams 'das pa dang / ma byon pa dang / da ltar byung ba'i sangs rgyas bcom ldan 'das kyi sras su khas len to/ /zhes kyang smras so/ /lha'i bu de dag gis 'di ltar bu mo bya ngan med kyis byin pa la mchod pa bya ba'i phyir/ rgyal po'i khab kyi grong khyer chen po thams cad lha'i me tog dag gis mngon par gtor to/ /de nas bu mo mya ngan med kyis byin pa khri gser gyi rkang pa can las babs te/ nyan thos chen po de dag gi rkang pa la mgo bos phyag 'tshal nas/ bza' ba dang / bca' ba dang / bldag pa dang / bzhib pa dang / myang bar bya ba bsod pa mang po dag gis bkur stir byas te/ dad pa dang / gus pas rang gi lag nas nyan thos chen po de dag tshim par byas nas/ 'di skad du/ btsun pa dang / rang dgar slang dro bcom ldan la chos nyan du bzhud cig/ btsun pa dag/ bdag kyang mchi bar 'tshal lo/ /zhes kyang smras so/ /de nas bu mo mya ngan med kyis byin pa/ pha ma la sogs pa 'khor mang po dang / skye bo phal ches yongs su bskor </font><hr>407b<br><font size=+1>


nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go /rgyal po btsun mo'i 'khor dang bcas pas kyang bcom ldan 'das kyi zhabs la mgo bos phyag 'tshal nas gnang ste phyogs gcig tu 'dug go /nyan thos chen po de dag kyang bcom ldan 'das kyi thad du dong ste/ bcom ldan 'das kyi zhabs la mgo bos phyag 'tshal nas phyogs gcig tu 'khod do/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ bu mo mya ngan med kyis byin pa'i spobs pa ni ngo mtshar lags so/ /bcom ldan 'das kyis bka' stsal pa/ shA ri'i bu/ bu mo 'dis ni thog ma nyid du byang chub don du gnyer ba na/ sangs rgyas bye ba khrag khrig phrag dgu bcu rtsa gnyis la dge ba'i rtsa ba dag bskyed do/ /shA ri'i bus gsol pa/ bcom ldan 'das/ ci'i slad du bu mo 'dis bud med kyis lus ma bsgyur/ bcom ldan 'das kyis bka' stsal pa/ shA ri'i bu/ 'di ji snyam du sems/ bu mo mya ngan med kyis byin pa la bud med do snyam du sems na de ltar mi blta'o/ /byang chub sems dpa' dag ni sems can yongs su smin par bya ba'i phyir/ smon lam gyis bdag nyid bud med kyi gzugs su ston to/ /de nas de'i tshe bu mo mya ngan med </font><hr>408a<br><font size=+1>


@#/ /kyis byin pas bden pa'i byin gyis brlabs byas te/ bden pa'i byin gyi brlabs gang gis chos thams cad skyes pa yang ma yin/ bud med kyang ma yin pa lta na/ bden pa dang bden pa'i tshig des bdag skyes pa'i lus su gyur cig /thams cad dang ldan pa'i 'khor 'dis kyang mthong bar gyur cig /tshig de skad ces smras ma thag tu/ bud med kyi mtshan ma mi snang bar gyur te skyes pa'i mtshan ma byung nas/ steng gi bar snang la ta la bdun srid tsam du 'phags so/ /de nas bcom ldan 'das kyis tshe dang ldan pa sha ri'i bu la bka' stsal pa/ shA ri'i bu/ byang chub sems dpa' sems dpa' chen po mya ngan med kyis byin pa steng gi bar snang la 'phags pa khyod kyis mthong ngam/ shA ri'i bus gsol pa/ bcom ldan 'das/ mthong lags so/ /bcom ldan 'das kyis bka' stsal pa/ shA ri'i bu/ byang chub sems dpa' sems dpa' chen po mya ngan med kyis byin pa 'di ni bskal pa grangs med pa bdun gyis 'jig rten gyi khams dri ma med pa'i 'od ces bya bar de bzhin gshegs pa dag bcom pa yang dag par rdzogs pa'i sangs rgyas mya ngan med pa zhes bya bar 'gyur te/ tshe'i tshad ni bskal pa brgyar yang 'gyur ro/ /dam pa'i chos ni bskal pa </font><hr>408b<br><font size=+1>


bcur gnas par 'gyur ro/ /de'i dge 'dun ni byang chub sems dpa' 'ba' zhig tu 'gyur te/ phyir mi ldog pa'i byang chub sems dpa' sems dpa' chen po bye ba phrag sum cu rtsa gnyis yod do/ |'jig rten gyi khams de yang bai DUR+Ya las grub pa/ rin po che sna bdun gyis bkra bar byas shing / mig mang ris su bris la/ rin po che'i pad+mas khebs pa dang / ngan song thams cad rnam par spangs par 'gyur ro/ /lha dang mi rnams kyi longs spyod dag kyang khyad par med do/ /shA ri'i bu/ dga' ldan gyi lha rnams kyi nye bar spyad pa dang / longs spyod ji lta ba bzhin du mi rnams kyi yang der de bzhin du 'gyur ro/ /de nas byang chub sems dpa' mya ngan med kyis byin pa'i ma/ rgyal po ma skyes dgra'i btsun mo dam pa zla ba can zhes bya ba des thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ bdag gis skyes bu dam pa 'di dgung zla dgur rum na bzung ba ni/ bdag gis rnyed pa legs par rnyed lags so/ /bcom ldan 'das/ bdag gis kyang bla na med pa yang dag par rdzogs pa'i byang chub tu sems bskyed par bgyi ste/ dge ba'i rtsa ba 'dis bdag 'jig rten gyi khams dri ma med pa'i 'od de nyid du/ 'di'i 'og tu bla na med pa yang dag par rdzogs pa'i byang chub tu mngon par rdzogs par </font><hr>409a<br><font size=+1>


@#/ /'tshang rgya bar gyur cig /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu/ sring mo zla ba can 'di khyod kyis mthong ngam/ shA ri'i bus gsol pa/ bcom ldan 'das/ mthong lags so/ /bcom ldan 'das kyis bka' stsal pa/ shA ri'i bu/ rgyal po'i btsun mo zla ba can 'di ni 'di nas shi 'phos nas/ sum cu rtsa gsum pa'i lha rnams dang skal pa mnyam par skye bar 'gyur zhing / lha'i bu rin chen mchog ces bya bar 'gyur te/ gang gi tshe byang chub sems dpa' byams pas byang chub thob par 'gyur ba de'i tshe rgyal po dung zhes bya ba de'i bu rgyal po gzhon nu mthong na dga' ba zhes bya bar gyur nas/ de bzhin gshegs pa byams pa la mchod pa byas ste rab tu 'byung bar 'gyur ro/ /des de bzhin gshegs pa byams pa'i ngam \ DAM\ pa'i chos thog ma dang / bar dang / tha ma'i bar du 'dzin par 'gyur te/ bskal pa bzang po 'di la sangs rgyas bcom ldan 'das gang dag 'byung bar 'gyur ba de dag thams cad kyang mnyes par byed cing mchod par 'gyur ro/ /de mthar gyis de bzhin gshegs pa mya ngan med pas byang chub thob pa na/ 'khor los bsgyur ba'i rgyal po mu khyud 'dzin ces bya bar 'gyur te/ des de bzhin gshegs pa de la mchod pa tshad med pa dag byas nas / </font><hr>409b<br><font size=+1>


sangs rgyas kyi zhing de lta bu de nyid du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa kun tu 'od zer zhes bya bar 'gyur ro/ /de nas rgyal po'i btsun mo zla ba can gyis bdag nyid lung bstan pa thos nas/ tshim zhing mgu ste yi rangs nas/ bcom ldan 'das la mu tig gi do shal brgya stong ri ba phul te| tshangs par spyod pa rgyal pos gnang nas bslab pa'i gzhi dag bzung ngo / /de nas byang chub sems dpa' sems dpa' chen po mya ngan med kyis byin pas/ lhas phul ba'i me tog mnad ra ba dag gis bcom ldan 'das dang 'khor thams cad la gtor to/ /de nas bar snang las babs te phyogs gcig tu 'dug nas/ tshig 'di skad du bden pa dang bden pa'i tshig gang gis bdag gis byang chub thob pa na/ byang chub sems dpa' sems dpa' chen po de dag thams cad brdzus te skyes shing / chos gos ngur smrig gyon la rin po che'i pad+ma dag la skyil mo krung bcas te skye bar 'gyur ba lta na bden pa dang bden pa'i tshig des/ dper na/ dge slong bsnyen par rdzogs nas lo brgya lon pa'i spyod lam ji lta ba bzhin du bdag gnas par gyur cig /ces smras so/ /byang chub sems dpa' sems dpa' chen po mya ngan med kyis byin pas bden pa'i byin gyi rlabs byas ma thag tu dge slong gi spyod </font><hr>410a<br><font size=+1>


@#/ /lam dang ldan par snang bar gyur to/ /de nas byang chub sems dpa' sems dpa' chen po mya ngan med kyis byin pas pa rgyal po ma skyes dgra la 'di skad ces smras so/ /yab/ 'di ltar chos thams cad ni bcos ma ste/ rnam par bsgrubs pas nye bar gnas pa'i mtshan nyid dang / yongs su brtags pa las langs pa med bzhin du phyin ci log dang mtshungs par ldan pa lags so/ /rgyal po chen po gzigs shig dang / de ring kho na'i gdugs gcig la bu mo'i gzugs su yang gzigs/ khye'u yi gzugs su yang khyod kyis gzigs/ da ni bdag la dge slong gi gzugs su yang khyod kyis gzigs na/ 'di la gang yang dag pa'i gzugs lags/ rgyal po chen po/ de ltar na ya ma rla'i chos thams cad la 'di na kha cig lta ba'i kun nas dkris pas kun nas glags shing mchis te/ rang gi rgyud la mchis pa'i nyon mongs pa rnams kyis yongs su bsreg go /yongs su bsregs pas chos 'dul ba 'di ma 'tshal te/ 'gyod pa ma lags pa la 'gyod par sems so/ /rgyal po chen po/ de ltar na khyod kyis bag yod par mdzod la rgyal srid nyam nga ba na bzhugs bzhin du rtag tu bcom ldan 'das kyi thad du bzhud cig dang / 'jam dpal gzhon nur gyur pas khyod kyi yod </font><hr>410b<br><font size=+1>


pa ma yin pa phyin ci log las byung ba'i 'gyod pa sel bar 'gyur ro/ /rgyal po chen po khyod ni bya ba mang zhing byed pa mang ba lags kyi bzhud cig /de nas rgyal po ma skyes dgra dang / btsun mo zla ba can dang / btsun mo'i 'khor thams cad kyis bcom ldan 'das dang / byang chub sems dpa' mya ngan med kyis byin pa dang / dge slong gi dge 'dun rnams la phyag 'tshal nas/ bcom ldan 'das la 'di skad ces gsol to/ /bcom ldan 'das/ bdag cag ni bgyi ba mang zhing bgyid pa mang ba lags kyi bdag cag mchi'o/ /bcom ldan 'das kyis bka' stsal pa/ rgyal po chen po/ da de'i dus bab par shes na song zhig ces bka' stsal nas/ rgyal po ma skyes dgra btsun mo zla ba can la sogs pa btsun mo'i 'khor chen po dag dang lhan cig tu bya rgod kyi phung po'i ri las rgyal po'i khab kyi grong khyer chen por dong ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di gzung zhig /chongs shig /lhogs shig /kun chub par gyis shig /gzhan dag yang rgya cher rab tu ston cig /kun dga' bos gsol pa/ bcom ldan 'das/ chos kyi rnam grangs 'di bdag gis bzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung </font><hr>411a<br><font size=+1>


@#/ /bar bgyi/ bcom ldan 'das kyis bka' stsal pa/ kun dga' bo/ de'i phyir chos kyi rnam grangs 'di mya ngan med kyis byin pa'i seng+ge'i sgra zhes bya ba dang| mya ngan med kyis byin pa lung bstan pa zhes bya bar gzung zhig /gzhan dag la yang ston cig /kun dga' bo/ gang gis stong gsum gyi stong chen po'i 'jig rten gyi khams 'di rin po che sna tshogs kyis yongs su bkang ste sbyin pa byin pa bas/ gang gis chos kyi rnam grangs 'di tha na rna lam du thos na 'di ni de bas ches bsod nams mang du bskyed na/ gang 'dzin pa dang / kun chub par byed pa dang / 'chang ba dang / klog pa dang / brjod pa'i lung ji skad phog pa bzhin du nan tan du sgrub pa lta ci smos/ bcom ldan 'das kyis de skad ces bka' stsal nas/ byang chub sems dpa' sems dpa' chen po mya ngan med kyis byin pa dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ 'phags pa mya ngan med kyis byin pa lung bstan pa zhes bya ba'i le'u ste/ 'dus pa sum cu rtsa gnyis pa rdzogs so// // </font><hr>411b<br><font size=+1>


rgya gar gyi mkhan po dzi na mi tra dang / su ren+d+ra bo d+hi dang / lo ts+tsha ba zhang ye shes sdes zhus te gtan la phab pa// </font><hr>

</table>