H74

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H74</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H74&coll=lhasa">see text in Tibetan script</a></table>372a<br><font size=+1>


//rgya gar skad du/ AR+Ya su ma ti dA ri ka pr-its+tshA nA ma mahA yA na sU tra/ bod skad du / 'phags pa bu mo blo gros bzang mos zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' khri'i byang chub sems dpa'i dge 'dun chen po dang thabs gcig tu bzhugs so/ /de'i tshe rgyal po'i khab kyi grong khyer chen po na/ khyim bdag drag shul can gyi bu mo blo gros bzang mo zhes bya ba btsas nas lo brgyad lon pa 'dra ba/ gzugs bzang ba/ mdzes </font><hr>372b<br><font size=+1>


pa| blta na sdug pa/ kha dog bzang po rgyas ba mchog dang ldan pa/ sngon gyi rgyal ba la lhag par bya ba byas pa/ dge ba'i rtsa ba bskyed pa/ sangs rgyas 'bum phrag bye ba khrag khrig brgya stong mang po la bsnyen bkur byas pa/ sangs rgyas 'bum phrag bye ba khrag khrig dpag tu med pa la dge ba'i rtsa ba bskyed ba zhig 'dug pa de 'khor dang bcas par bya rgod kyi phung po'i ri ga la ba dang / bcom ldan 'das gal ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan sngar 'dug ste/ bcom ldan 'das la tshigs su bcad de gsol ba/ gal te skabs phye bdag gis ni| |rdzogs pa'i sangs rgyas rkang gnyis mchog /'jig rten snang bar mdzad pa la/ /byang chub sems dpa'i spyod gang zhu/ /bcom ldan 'das kyis bka' stsal pa| yid la ci 'dod thams cad ni/ /bu mo khyod kyis dri bar gyis/ /byang chub sems dpa'i spyod pa kun/ /ci 'dra khyod la bstan par bya/ /de nas bcom ldan 'das la/ bu mo blo gros bzang mos tshigs su bcad de gsol pa/ gang gis su ni mdzes par 'gyur/ /gang gis nor ni che ba dang / /mi phyed 'khor dang ldan par 'gyur/ </font><hr>373a<br><font size=+1>


@#/ /thub pas 'di ni bdag la gsungs/ /chos kyi rgyal po'i spyan sngar ni/ /gang gis brdzus te skye 'gyur zhing / /'dab ma stong ldan pad+ma la/ /mchis par yang ni gda' ba dang / /zhing rnams bye ba dpag yas par/ /sangs rgyas phyag bgyir mchis pa yi/ /rdzu 'phrul pha rol phyin 'gyur ba'i/ /spyod pa rgyal bas lung bstan gsol/ /dgra zla ma mchis gang gis 'gyur/ /tshig kyang btsun par 'gyur ba dang / /las kyi sgrib pa ma mchis dang / /bdud kyi las kun ma mchis dang / /'chi ba'i dus ni bgyid pa na/ /mngon sum sangs rgyas mthong ba dang / /de las chos kyang nyan pa dang / /sdug bsngal tshor ba myong mi 'gyur/ /de skad ces gsol pa dang / bcom ldan 'das kyis bu mo blo gros bzang mo la 'di skad ces bka' stsal to/ /bu mo khyod kyis de bzhin gshegs pa la don 'di 'dri bar sems pa legs so/ /legs so/ /bu mo de'i phyir legs par rab tu nyon la yid la gzung zhig dang / ngas khyod la bshad do/ /bu mo blo gros bzang mos bcom ldan 'das la legs so zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /bu mo/ byang chub sems dpa' chos bzhi dang ldan na mdzes par 'gyur te/ bzhi gang zhe na / </font><hr>373b<br><font size=+1>


'di lta ste/ tha na dgra la yang khro bar mi byed pa dang / byams pa la gnas pa dang / chos 'dod pa dang / de bzhin gshegs pa'i sku gzugs byed du 'jug pa ste/ bu mo/ byang chub sems dpa' chos bzhi po de dag dang ldan na mdzes par 'gyur ro/ /de la 'di skad ces bya ste/ gnod pa'i rtsa ba khro ba 'phel mi byed/ /byams la gnas par byed dang chos 'dod dang / /de bzhin gshegs pa'i sku gzugs byas na ni/ /mdzes par 'gyur te lta bar 'os pa yin/ /bu mo/ byang chub sems dpa' chos bzhi dang ldan na nor che bar 'gyur te/ bzhi gang zhe na/ 'di lta ste/ dus su sbyin pa dang / 'gyod pa med par sbyin pa dang / yid du 'ong ba sbyin pa dang / rnam par smin pa la mi re bar sbyin pa ste/ bu mo/ byang chub sems dpa' chos bzhi po de dag dang ldan na nor che bar 'gyur ro/ /de la 'di skad ces bya ste/ dus su sbyin dang 'gyod pa med pa dang / /yid 'ong sbyin dang rnam smin mi re ba/ /dpa' bo rnams ni las 'di byas pas na/ /rtag tu longs spyod chen po thob pa yin/ /bu mo/ byang chub sems dpa' chos bzhi dang ldan na 'khor mi phyed par 'gyur te/ bzhi gang zhe na/ 'di lta ste/ phra ma'i tshig spangs pa dang / sems can log par lta ba rnams yang dag pa'i lta ba yang dag par 'dzin du 'jug cing 'jog par byed pa dang / dam pa'i chos 'jig pa'i tshe </font><hr>374a<br><font size=+1>


@#/ /dam pa'i chos srung ba dang / sems can rnams sangs rgyas kyi byang chub yang dag par 'dzin du 'jug cing 'jog par byed pa ste/ bu mo/ byang chub sems dpa' chos bzhi po de dag dang ldan na 'khor mi phyed par 'gyur ro/ /de la 'di skad ces bya ste/ phra ma de bzhin log par lta ba spong / /dam chos 'jig pa'i tshe na srung bar byed/ /sems can byang chub yang dag 'dzin 'jug na/ /'khor rnams mi phyed phun sum tshogs par 'gyur/ /bu mo/ byang chub sems dpa' chos bzhi dang ldan na sangs rgyas bcom ldan rnams kyi thad na/ rin po che chen po'i pad+ma las brdzus te skye bar 'gyur te/ bzhi gang zhe na/ 'di lta ste/ phye ma'am/ me tog ut+pa la'am/ pad+ma'am/ ku mu da'am/ pad+ma dkar pos lag pa bkang ste/ de bzhin gshegs pa'i sku gzugs sam/ de bzhin gshegs pa'i mchod rten la 'bul ba dang / gzhan dag la yang gnod sems mi bskyed pa dang / de bzhin gshegs pa'i sku gzugs pad+ma'i gdan la bzhugs pa byed du 'jug pa dang / sangs rgyas kyi byang chub la nges pa rgya cher mos pa ste/ bu mo/ byang chub sems dpa' chos bzhi po de dag dang ldan na/ sangs rgyas bcom ldan 'das rnams kyi thad du rin po che chen po'i pad+ma la brdzus te skye bar 'gyur ro/ /de la 'di skad </font><hr>374b<br><font size=+1>


ces bya ste/ phye ma me tog bkang ste 'bul ba dang / /gnod sems spong zhing sku gzugs byed pa dang / /mos pa rgya chen la ni gnas byed na/ /rgyal ba dag gi thad du brdzus te skye/ /bu mo| byang chub sems dpa' chos bzhi dang ldan na/ rdzu 'phrul gyis sangs rgyas kyi zhing nas sangs rgyas kyi zhing du 'gro bar 'gyur te/ bzhi gang zhe na/ 'di lta ste/ gzhan dag gi dge ba'i rtsa ba'i bar chad mi byed pa dang / gzhan dag chos nyan pa la bar chad mi byed pa dang / de bzhin gshegs pa'i mchod rten dag la mar me 'bul ba dang / /ting nge 'dzin bsgom pa ste/ bu mo/ byang chub sems dpa' chos bzhi po de dag dang ldan na/ rdzu 'phrul gyis sangs rgyas kyi zhing nas sangs rgyas kyi zhing du 'gro bar 'gyur ro/ /de la 'di skad ces bya ste| dge ba dag gi bar chad mi byed dang / /gzhan gyi chos gtam dag la mi smod dang / /rgyal ba'i mchod rten rnams la mar me 'bul/ /ting 'dzin bsgom pas de ni zhing du 'gro/ /bu mo/ byang chub sems dpa' chos bzhi dang ldan na /dgra zla med par 'gyur te bzhi gang zhe na/ 'di lta ste/ g.yo med par dge ba'i bshes gnyen dag la bsten pa dang / dge ba'i rtsa ba la ser sna mi byed pa dang / gzhan gyi rnyed pa la dga' ba dang / byang chub sems dpa' rnams kyi bya ba dang gnas pa thams cad la khong khro bar mi byed cing / mi snyan </font><hr>375a<br><font size=+1>


@#/ /pa mi sgrogs pa ste/ bu mo/ byang chub sems dpa' chos bzhi po de dag dang ldan na dgra zla med par 'gyur ro/ /de la 'di skad ces bya ste/ dge ba'i bshes gnyen rnams la de g.yo med/ /gzhan gyi rnyed la dga' zhing ser sna med/ /byang chub sems dpa'i spyod la mi smod na/ /rtag tu dgra zla med par spyod par 'gyur/ /bu mo/ byang chub sems dpa' chos bzhi dang ldan na tshig btsun par 'gyur te/ bzhi gang zhe na/ 'di lta ste/ ji skad smras pa de bzhin byed pa dang / mdza' bo dag la yod pa'i rang bzhin mi 'chab pa dang / klan ka mi tshol bar chos nyan pa dang / gzhan chos smra ba dag la 'phya skur mi byed pa ste/ bu mo/ byang chub sems dpa' chos bzhi po de dag dang ldan na tshig btsun par 'gyur ro/ /de la 'di skad ces bya ste/ ji skad smras pa de bzhin byed pa dang / /mdza' la yod pa'i rang bzhin mi 'chab cing / /klan ka mi tshol chos ni nyan byed na/ /'jigs pa med cing tshig kyang btsun par 'gyur/ /bu mo/ byang chub sems dpa' chos bzhi dang ldan na/ las kyi sgrib pa med par 'gyur zhing yongs su dag pa mang myur du rtogs par 'gyur te/ bzhi gang zhe na/ 'di lta ste/ lhag pa'i bsam pa sgrub pas sdom pa gsum yang dag par len pa dang / mdo sde zab mo </font><hr>375b<br><font size=+1>


rnams mi spong ba dang / sems dang po bskyed pa'i byang chub sems dpa' la thams cad mkhyen pa nyid du 'du shes bskyed pa dang / sems can thams cad la byams pa bsgom pa ste/ bu mo/ byang chub sems dpa' chos bzhi po de dag dang ldan na/ las kyi sgrib pa med par 'gyur zhing yongs su dag pa yang myur du rtogs par 'gyur ro/ /de la 'di skad ces bya ste/ lhag pa'i bsam pas sdom pa gsum la gnas/ /mdo sde zab mo rnams la rtag tu mos/ /sangs rgyas sras la thams cad mkhyen ltar blta/ /sems can rnams la byams pas las dag 'gyur/ bu mo/ byang chub sems dpa' chos bzhi dang ldan na bdud kyi las med par 'gyur te/ bzhi gang zhe na/ 'di lta ste/ chos thams cad mnyam pa nyid du bsgom pa dang / brtson 'grus brtsams pa dang / sangs rgyas rjes su dran pa bsgom pa dang / dge ba'i rtsa ba yongs su bsngo ba ste/ bu mo/ byang chub sems dpa' chos bzhi po de dag dang ldan na bdud kyi las med par 'gyur ro/ /de la 'di skad ces bya ste/ chos rnams la ni chos kyi tshul rtogs la/ /brtson 'grus brtsams shing sangs rgyas rjes su dran// yongs su bsngo zhing bshags dang phyag 'tshal ba/ /de la bdud kyis glags ni rnyed mi 'gyur/ /bu mo/ byang chub sems dpa' chos bzhi dang ldan na/ 'chi ba'i dus kyi tshe mdun du </font><hr>376a<br><font size=+1>


@#/ /sangs rgyas bzhugs shing / de las chos kyang nyan la sdug bsngal yang myong bar mi 'gyur te/ bzhi gang zhe na/ 'di lta ste/ gzhan dag gi bsam pa yongs su rdzogs par byed pa dang / mos pa mang ba dang / byang chub sems dpa'i sbyin pa bkod pa sna tshogs nye bar bsgrub pa dang / dkon mchog gsum mchod pa la brtson pa ste/ bu mo/ byang chub sems dpa' chos bzhi po de dag dang ldan na/ 'chi ba'i dus kyi tshe mdun du sangs rgyas bzhugs shing / de las chos kyang nyan la sdug bsngal yang myong bar mi 'gyur ro/ /de la 'di skad ces bya ste/ de ni gzhan gyi bsam pa rdzogs byed cing / /mos pa dag ni sbyin pa rgya che ba/ /mkhas pa de ni rtag tu sbyin par byed/ /de'i phyir de mdun de bzhin gshegs pa bzhugs/ /de skad ces bka' stsal nas/ bcom ldan 'das la bu mo blo gros bzang mos 'di skad ces gsol to/ /btsun pa bcom ldan 'das/ byang chub sems dpa'i bslab pa ji skad bcas pa 'di dag la bdag gis bslab par 'tshal te/ bcom ldan 'das/ gal te bdag gis bslab pa bzhi bcu po ji skad du bka' stsal pa 'di dag las chos gcig ma spyad na yang / bdag gis de bzhin gshegs pa'i sku bslus par gyur cig /de nas gnas brtan </font><hr>376b<br><font size=+1>


mo'u 'gal gyi bu chen pos bu mo blo gros bzang mo la 'di skad ces smras so/ /bu mo/ byang chub sems dpa' rnams kyi spyod pa ni nyams 'og tu chud par dka' na/ khyod 'di lta bu yang dag par len par byed na/ ci khyod kyis sems la dbang thob bam/ de skad ces smras nas/ bu mo blo gros bzang mos/ tshe dang ldan pa mo'u 'gal gyi bu chen po la 'di skad ces smras so| |btsun pa mo'u 'gal gyi bu/ bden pa dang bden pa'i tshig des gang gis bdag gis chos thams cad yongs su rdzogs par byed par 'gyur ba'i bden pa dang / bden pa'i tshig des stong gsum gyi stong chen po'i 'jig rten gyi khams 'di rnam pa drug tu g.yos te/ lha'i me tog gi char 'bab par gyur cig /ma dkrol bar yang sil snyan gyi sgra 'byung bar gyur cig ces byas so| |de nas bu mo blo gros bzang mos/ de ltar bden pa'i byin gyi rlabs byas ma thag tu/ de'i mod la stong gsum gyi stong chen po'i 'jig rten gyi khams 'di rnam pa drug tu g.yos te/ lha'i me tog gi char bab par gyur cing / ma dkrol bar lha'i sil snyan gyi sgra yang byung bar gyur to/ /btsun pa mo'u 'gal gyi bu/ bden pa dang bden pa'i tshig gang gis/ de ltar de bzhin gshegs pa dgra bcom pa yang dag par rdzogs pa'i sangs rgyas shAkya thub pa ji lta ba de bzhin du/ ma 'ongs pa'i dus na bdag de bzhin gshegs par 'gyur zhing / sangs </font><hr>377a<br><font size=+1>


@#/ /rgyas kyi zhing der bdag la bdud kyang 'byung bar mi 'gyur ba dang / ngan song rnams kyi ming yang med pa dang / bud med kyi skyon rnams med par 'gyur ba'i bden pa dang bden pa'i tshig des/ 'khor 'di gser gyi kha dog can du gyur cig /bu mo blo gros bzang mo'i tshig de skad ces smras ma thag tu de'i mod la/ thams cad dang ldan pa'i 'khor de gser gyi kha dog can du gyur to/ /de nas tshe dang ldan pa mo'u 'gal gyi bu chen po stan las langs te chos gos phrag pa gcig tu bgos nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ bdag ni sems dang po bskyed pa nas bzung ste/ byang chub sems dpa' thams cad la phyag 'tshal lo/ /de nas 'jam dpal gzhon nur gyur pas/ bu mo blo gros bzang mo la 'di skad ces smras so/ /blo gros bzang mo khyod chos gang la gnas te/ bden pa'i byin gyi rlabs 'di byas/ blo gros bzang mos smras pa/ 'jam dpal/ chos kyi dbyings ni gnas pa ma mchis pas/ de la gnas par mi nus te/ 'di la dri ba ma mchis so/ /'jam dpal gyis smras pa/ blo gros bzang mo/ byang </font><hr>377b<br><font size=+1>


chub ces bya ba 'di gang gi tshig bla dwags yin/ blo gros bzang mos smras pa/ 'jam dpal/ byang chub ces bgyi ba ni/ rnam par mi rtog pa'i chos kyi tshig bla dwags so/ /'jam dpal gyis smras pa/ blo gros bzang mo/ 'di ltar byang chub sems dpa' zhes bya ba 'di gang gi tshig bla dwags yin/ blo gros bzang mos smras pa/ 'jam dpal/ byang chub sems dpa' zhes bgyi ba ni/ nam mkha' dang mnyam pa nyid kyi chos kyi tshig bla dwags so/ /'jam dpal gyis smras pa/ blo gros bzang mo ci/ de bzhin gshegs pa yang byang chub kyi phyir spyad pa mdzad dam/ blo gros bzang mos smras pa/ 'jam dpal/ dper na/ smig rgyu dang brag cas byang chub kyi phyir spyod pa de bzhin du de bzhin gshegs pas kyang byang chub kyi phyir spyad do/ /'jam dpal gyis smras pa/ blo gros bzang mo khyod ci la bsams te 'di skad ces smras/ blo gros bzang mos smras pa/ 'jam dpal/ 'di la chos 'ga' la yang bsam pa'am/ bsam pa ma lags pa ma mchis so/ /'jam dpal gyis smras pa/ blo gros bzang mo/ bsam pa de lta bu yin du zin na/ byis pa thams cad kyang byang chub tu 'gyur ro/ /blo gros bzang mos smras pa/ 'jam dpal/ 'di ji snyam du dgongs/ byis pa rnams kyang gzhan la mkhas pa rnams kyang gzhan te/ byang chub kyang gzhan par de ltar </font><hr>378a<br><font size=+1>


@#/ /gzigs sam/ de ci'i slad du zhe na/ 'di lta ste/ chos kyi dbyings kyi tshul du/ 'di ni dbyings gcig pa lags te/ blang ba ma mchis shing dor ba ma mchis la/ sgro btags pa ma mchis so/ /'jam dpal gyis smras pa/ blo gros bzang mo/ bshad pa 'di'i don shes pa ji snyed cig yod/ blo gros bzang mos smras pa/ 'jam dpal/ bshad pa 'di'i don 'tshal ba ni sgyu ma sprul pa'i sems dang sems las byung ba ji snyed mchis pa de snyed do/ /'jam dpal gyis smras pa/ blo gros bzang mo sprul pa nyid kyang med na de'i sems dang sems las byung ba lta ga la yod/ blo gros bzang mos smras pa/ 'jam dpal/ chos kyi dbyings ni mchis pa yang ma lags/ ma mchis pa yang ma lags te/ de bzhin gshegs pa'ang de dang 'dra'o/ /de nas bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das/ 'di ltar bu mo blo gros bzang mo 'di zab mo'i bzod pa dang ldan pa ni/ ngo mtshar lags so/ /bcom ldan 'das kyis bka' stsal pa/ 'jam dpal de de bzhin no/ /ji skad smras pa de bzhin te/ bu mo blo gros bzang mo/ yang dag par rdzogs pa'i byang chub la yang dag par zhugs nas/ bskal pa sum cu lon pa'i 'og tu </font><hr>378b<br><font size=+1>


gdod ngas bla na med pa yang dag par rdzogs pa'i byang chub tu sems bskyed do/ /khyod kyang bu mo blo gros bzang mo 'di nyid kyis mi skye ba'i chos la zhugs par byas so/ /de nas 'jam dpal gzhon nur gyur pa stan las langs te/ bu mo blo gros bzang mo la phyag byas nas/ tshig 'di skad du bdag gis slob dpon yun ring mo zhig nas mthong ngo zhes kyang smras so/ /blo gros bzang mos smras/ 'jam dpal/ ma rtog cig /de ci'i phyir zhe na/ mi skye ba'i chos la bzod pa ni rnam par mi rtog pa'i phyir ro/ /'jam dpal gyis smras pa/ ci'i phyir slob dpon gyis bud med kyi lus las da dung ma bsgyur/ blo gros bzang mos smras pa/ 'jam dpal/ 'di ni bud med do/ /'di ni skyes pa'o zhes bya ba de ni dmigs pa ste/ 'on kyang khyod kyi the tshom med par bya'o/ /bden pa gang gis bdag ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su 'gyur ba'i bden pa des/ bdag skyes par gyur cig /bu mo blo gros bzang mos tshig de skad ces smras ma thag tu de'i mod la/ de'i bud med kyi dngos po mi snang bar gyur nas skyes par gyur te/ chos gos dur smrig gyon nas/ des 'di skad du bden pa gang gis/ bdag gis byang chub thob pa na/ dge slong tshur shog ces byas pas rab tu 'byung bar 'gyur ba dang / bdag gi sangs rgyas kyi </font><hr>379a<br><font size=+1>


@#/ /zhing der bdud kyang 'byung bar mi 'gyur ba dang / ngan song gi ming yang med pa dang / bud med kyi skyon rnams kyang med par 'gyur ba'i bden pa dang / bden pa'i tshig des bdag dge slong bsnyen par rdzogs nas lo sum cu lon pa'i spyod lam ci 'dra ba de lta bur gyur cig /ces byas so/ /byang chub sems dpa' blo gros bzang pos tshig de skad smras ma thag tu de'i mod la/ de dge slong bsnyen par rdzogs nas lo sum cu lon pa'i spyod lam ci 'dra ba de lta bur gyur to/ /'jam dpal/ bden pa dang / bden pa'i tshig gang dang gang gis bdag gi sangs rgyas kyi zhing du/ sems can rnams kyi lus gser gyi kha dog lta bur 'gyur ba dang / bsams pas bza' ba dang / btung ba 'grub par 'gyur te/ gzhan 'phrul dbang byed kyi lha rnams kyi longs spyod dang / yongs su spyod pa ji lta ba bzhin du 'gyur ba dang / sangs rgyas kyi zhing de na ngan song gsum yongs su spang bar 'gyur ba dang / rin po che sna bdun gyi shing ljon pa dang / rin po che'i dra bas yongs su bskor cing / rin po che sna bdun gyi pad+ma dag gis brgyan la/ steng rin po che'i bla re bres te/ 'jam dpal gyi sangs rgyas kyi zhing ci 'dra ba kho na dang mnyam zhing mi lhag pa de lta bur 'gyur ba'i bden pa dang / bden pa'i tshig des 'khor 'di gser gyi kha dog can du </font><hr>379b<br><font size=+1>


gyur cig /ces byas so/ /de nas byang chub sems dpa' blo gros bzang pos tshig de skad ces smras ma thag tu de'i mod la/ thams cad dang ldan pa'i 'khor de gser gyi kha dog can du gyur to/ /de nas sa bla'i lha rnams kyi lha'i lus kyis gcig nas gcig tu sgra bsgrags shing skad kyis go bar byas te/ kye ma byang chub sems dpa' sems dpa' chen po blo gros bzang po byang chub thob pa'i sangs rgyas kyi zhing gi yon tan bkod pa ni de lta bur 'gyur ro/ /zhes ched du brjod pa 'di ched du brjod do/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal/ byang chub sems dpa' blo gros bzang po 'di ni de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das yon tan rin chen dpal gyi snying po zhes bya bar 'jig rten du 'byung bar 'gyur ro/ /bcom ldan 'das kyis chos kyi rnam grangs 'di bka' stsal pa na/ srog chags bye ba phrag sum cu bla na med pa yang dag par rdzogs pa'i byang chub las phyir mi ldog pa nyid la yang dag par gnas par gyur to/ /lha bye ba phrag brgyad cu ni chos rnams la chos kyi mig rdul </font><hr>380a<br><font size=+1>


@#/ /med cing dri ma dang bral ba rnam par dag go /srog chags brgyad stong gis ni ye shes mngon par rtogs par gyur to/ /byang chub sems dpa'i theg pa pa'i dge slong byang chub kyi sems las phyir mi ldog par 'dod pa lnga stong tsam yang / byang chub sems dpa' blo gros bzang po'i lhag pa'i bsam pa rtogs shing dge ba'i rtsa ba'i che ba nyid mthong nas/ de dag rang rang gi bla gos bcom ldan 'das kyi sku la gsol te/ lhag pa'i bsam pas bla na med pa yang dag par rdzogs pa'i byang chub tu yongs su bsngos nas tshig 'di skad du/ bcom ldan 'das/ bdag cag gi dge ba'i rtsa ba 'dis/ bla na med pa yang dag par rdzogs pa'i byang chub tu nges par gyur cig /ces smras so/ /dge slong de dag gis dge ba'i rtsa ba bla na med pa yang dag par rdzogs pa'i byang chub tu yongs su bsngos ma thag tu bskal pa dgu bcu'i 'khor ba bsnyil te bor nas/ bla na med pa yang dag par rdzogs pa'i byang chub las phyir mi ldog par gnas par gyur to/ /de dag thams cad kyang bcom ldan 'das kyis lung bstan te/ 'jam dpal/ dge slong 'di dag ni bskal pa bcu gnyis na/ bskal pa dri ma med pa'i 'od ces bya ba la de bzhin gshegs pa bzod par dka' ba'i sangs rgyas kyi zhing 'jig rten gyi khams 'od zer can du bskal pa </font><hr>380b<br><font size=+1>


gcig la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa spobs pa'i rgyan ces bya ba thams cad ming mthun par 'jig rten du 'byung bar 'gyur ro/ /'jam dpal/ de ltar na chos kyi rnam grangs 'di ni byang chub sems dpa' sems dpa' chen po rnams dang / nyan thos rnams la rdzu 'phrul chen po byed pa yin no/ /'jam dpal/ rigs kyi bu'am rigs kyi bu mo byang chub 'dod pa gang gis bskal pa stong gi bar du thabs mkhas pa dang ma bral bas/ pha rol tu phyin pa drug la spyad la/ gang gis chos kyi rnam grangs 'di bris nas/ zla ba phyed kyi bar du lan re bklags na/ bsod nams kyi phung po snga mas ni bsod nams kyi phung po 'di'i brgya'i char yang mi phod/ stong gi cha dang / brgya stong gi cha dang / bye ba brgya stong gi cha dang / grangs dang / bgrang ba dang / dpe dang / rgyur yang mi bzod do/ /'jam dpal/ de lta bas na chos kyi rnam grangs 'di khyod la gtad kyi/ khyed 'dun par gyis la sngon gyi byang chub sems dpa'i smon lam las byung ba'i mdo 'di lta bu 'di ma 'ongs pa'i dus na gzung zhig /kun chub par gyis shig /chongs shig /shod cig /lhogs shig/ ston cig /gzhan dag la yang rgya cher rab tu ston cig /'jam dpal/ dper na/ 'khor los bsgyur ba'i rgyal po ji srid du gnas pa de </font><hr>381a<br><font size=+1>


@#/ /srid du/ rin po che sna bdun med par mi 'gyur la/ 'khor los/ sgyur ba'i rgyal po shin/ rin po che sna bdun med par 'gyur ro/ /'jam dpal/ de bzhin du chos kyi rnam grangs 'di lta bu 'di 'jig rten na ji srid du spyod pa de srid du/ de bzhin gshegs pa'i byang chub kyi yan lag rin po che sna bdun dang / byang chub kyi phyogs kyi chos kyi tshul thams cad med par mi 'gyur la/ chos kyi rnam grangs 'di lta bu 'di med par gyur na/ dam pa'i chos nub par 'gyur ro/ /'jam dpal/ de bas na mdo sde rin po che 'di lta bu 'di yi ger bri ba dang / lung 'bog pa dang / bcang ba dang / bklag pa dang / gzhan dag la yang rgya cher rab tu bstan pa'i phyir/ byang chub sems dpa' sems dpa' chen po rnams kyis brtson 'grus brtsam par bya'o/ /'di ni nga'i rjes su bstan pa yin no/ /phyis 'gyod pa can du gyur ta re/ 'di ni rigs kyi bu'am/ rigs kyi bu mo byang chub 'dod pa la ngas bstan pa yin no/ /bcom ldan 'das kyis de skad ces bka' stsal nas/ byang chub sems dpa' blo gros bzang po dang / 'jam dpal gzhon nur gyur pa dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod </font><hr>381b<br><font size=+1>


do| |'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ 'phags pa bu mo blo gros bzang mos zhus pa'i le'u zhes bya ste/ 'dus pa sum cu brdzogs \ BA RDZOGS\ so// //rgya gar gyi mkhan po dzi na mi tra dang / su ren+d+ra bo d+hi dang / zhu chen gyi lots+tsha ba ban de ye shes sems bsgyur cing zhus te gtan la phab pa// // </font><hr>

</table>