rgya gar skad du/ AR+Ya ma Ni b+ha dra nA ma d+hA ra Ni/ bod skad du/ 'phags pa nor bu bzang po'i gzungs zhes bya ba/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas 96b sbyin gyi kun dga' ra ba na bzhugs so/ /de nas gnod sbyin gyi sde dpon chen po nor bu bzang po'i bu bcom ldan 'das ga la ba der song ste phyin nas bcom ldan 'das kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas gnod sbyin gyi sde dpon chen po nor bu bzang po'i bus bcom ldan 'das la 'di skad ces gsol to/ /btsun pa/ dge slong ngam/ dge slong ma'am/ dge bsnyen nam/ dge bsnyen ma gang la la zhig gis snying po 'di nyin re bzhin dus gsum du 'don par byed na bdag de'i slad bzhin du rtag tu 'brang bar bya'o/ /de'i dgos pa thams cad kyang bgyi'o/ /gos dang / zas dang / dbyig dang / gser dang / nor dang / 'bru dang / dngul dag kyang stsal bar bgyi'o/ /de'i don thams cad kyang 'grub par bgyi'o/ /sems can thams cad kyang de'i dbang du 'gyur bar bgyi'o// de'i bya ba sna tshogs thams cad kyang mod la bsgrub par bgyis te/ 'khrug pa dang ldan pa ni ma gtogs so/ /na mo rat+na tra yA ya/ na mo ma Ni b+ha dra ya/ mahA yak+Sha se nA pa ta ye/ s+yad ya the dan/ hi li ma Ni b+ha dra/ hi li hi li ma Ni b+ha dra/ ki li ma Ni b+ha dra/ ki li ki li ma Ni b+ha dra/ tsi li ma Ni b+ha dra/ tsi li tsi li ma Ni b+ha dra/ tsu lu ma 97a @#/ /Ni b+ha dra/ tsu lu tsu lu ma Ni b+ha dra/ tu ru ma Ni b+ha dra/ tu ru tu ru ma Ni b+ha dra/ ku ru ma Ni b+ha dra/ ku ru ku ru ma Ni b+ha dra/ tsu ru ma Ni b+ha dra/ tsu ru tsu ru ma Ni b+ha dra/ su ru ma Ni b+ha dra/ su ru su ru ma Ni b+ha dra/ sarba ar+tha me sA d+ha ya swAhA/ tad+ya thA/ pU ta ne su pU ta ne su ru me su mA ti/ su rA the/ sa sma ba te/ hi le ki /hi la kA li/ pUr+Ne sid+d+hi b+ha dra/ hi li hi li swAhA/ e hi ko niSh+ke/ e hi so niSh+ke/ e hi go niSh+kA+e swAhA/ lan bdun bzlas brjod byas na 'grub par 'gyur ro/ /'di'i cho ga ni 'di yin te zla ba yar ngo'i tshes bco lnga la gtsang sbra byas la dus gsum du a ka ru yi bdug pa bsreg ste lan bdun stong bzlas brjod byas na gser rnyed par 'gyur ro/ /'phags pa nor bu bzang po'i gzungs zhes bya ba rdzogs so// //rgya gar gyi mkhan po bid+yA ka ra sing ha dang / lo tsA ba ban+de klu'i dbang pos bsgyur ba// // |