H710

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H710</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H710&coll=lhasa">see text in Tibetan script</a></table>16b<br><font size=+1>


rgya gar skad du/ AR+Ya dzaM b+ha la dza len+d+ra ya thA la d+d+ha kalpa nA ma/ bod skad du/ 'phags pa gnod gnas dbang po ji ltar 'byung ba'i rtog pa zhes bya ba/ 'phags pa 'jam dpal gzhon nur gyur pa la phyag 'tshal lo/ /'di skad bdag gis thos pa dus gcig na/ bcom ldan 'das lang+ka'i gling dang nye bar gyur pa rgya mtsho chen po'i 'gram na bzhugs te/ sangs rgyas kyi chos rnams las phyir mi ldog par gyur pa'i rnam par 'jigs pa dang / zla ba'i sde la sogs pa byang chub sems dpa' sems dpa' chen por gyur pa'i 'khor gyis bskor nas mngon du byas so| |de nas der bcom ldan 'das nam mkha' la gshegs nas slar babs te dpag bsam gyi shing bi tsu war+d+ha'i rtsa bar bzhugs so/ /de nas gnod sbyin gyi dbang po gnod gnas rab tu dga' ba dang / lha ma yin gyi dbang po dang / klu'i rgyal po mi zhum pa dang / grul bum gyi rgyal po mngon shes lnga pa dang / </font><hr>17a<br><font size=+1>


@#/ /dri za'i rgyal po zur phud lnga pa dang / srin po'i rgyal po ki li ki la dang / nam mkha' lding gi rgyal po gshog pa can dang / mi'am ci'i rgyal po ljon pa dang / zur phud lnga pa dang / srul po dang / lha'i bu sprin gyi shugs can dang / zla ba dang / zla ba la mngon par gus pa dang / lha'i bu rgyal bas byin rnams nub mo 'das nas tho rangs gsal ba'i dus su bcom ldan 'das ga la ba der nye bar lhags te/ bcom ldan 'das kyi zhabs la phyag byas nas bskor ba lan bdun byas te phyogs gcig tu 'dug go /de'i tshe byang chub sems dpa' sems dpa' chen po de rnams kyi 'od kyi kha dog shin tu gsal zhing rgya che ba dpag bsam gyi shing rtsa ba thams cad gsal zhing rgyas par 'gyur ro/ /de nas bcom ldan 'das kyis byang chub sems dpa' sems dpa' chen po de rnams la bka' stsal pa/ rgya mtsho chen po'i grong khyer du ngo mtshar zhing rmad du gyur pa'i chos brgyad la bzod pa dang / ji ltar rtogs pa la khyed rnams bar chad dang / gdon med par ma gyur tam/ 'di skad du gsungs pas gnod sbyin gyi dbang po gnod gnas rang gi stan las langs te bla gos </font><hr>17b<br><font size=+1>


phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba der thal mo sbyar ba byas te phyag byas nas bcom ldan 'das la 'di skad ces gsol to/ /kye btsun pa bcom ldan 'das/ rgya mtsho chen po'i grong khyer du bzod pa dang / ji ltar rtogs par byed pa la mngon par dga' bar byed do/ / de nas bcom ldan 'das kyis bka' stsal pa/ rgya mtsho chen po'i grong khyer du ji ltar gnod sbyin gyi sde dpon khyed rnams ngo mtshar zhing rmad du byung ba'i chos brgyad la mngon par dga' bar byed pa de ltar rigs kyi bu chos 'di rnams 'dod pa dang / dad pas mngon par dga' ba ngo mtshar zhing rmad du byung ba'i chos brgyad la gnas par de ni tshangs bar spyod pa la gnas pa'o/ /de nas gnod sbyin gyi bdag po gnod gnas kyis bcom ldan 'das la 'di skad ces gsol to/ /bcom ldan 'das/ ngo mtshar che zhing rmad du byung ba'i chos brgyad la gnas pa 'di la nga yis bsrung ba dang / yongs su bskyab pa dang / yongs su gzung ba dang / yongs su bskyang ba dang / zhi ba dang / bkra shis pa dang / 'jig rten pa la rjes su brtse bas skye bo mang po la phan pa dang / bde ba'i phyir/ bcom ldan 'das/ bdag gi </font><hr>18a<br><font size=+1>


@#/ /snying po 'di yongs su gzung zhing / bcom ldan 'das/ chos kyi rnam grangs 'di bdag gis rtogs pa 'di log par dang sel dang / gser thub dang / 'od srung dang / yang dag par rdzogs pa'i sangs rgyas de rnams la snying po 'di yongs su dbul lo/ /yang dag par rdzogs pa'i sangs rgyas bcom ldan 'das de rnams kyis kyang snying po 'di yongs su bzung ngo / /de nas bcom ldan 'das kyis bka' stsal pa/ gnod sbyin gyi sde dpon khyod kyis gang dus la bab cing mno ba de smros shig /de nas gnod sbyin gyi bdag po gnod gnas kyis 'di skad ces smras pa/ 'di lta bu'i ched du brjod pa ched du brjod de/ mchod sbyin nang na sbyin sreg gtso/ /rig byed rnams na dbyangs can gtso/ /mi rnams na ni rgyal po gtso/ /chu rnams na ni rgya mtsho gtso/ /rgyu skar rnams na zla ba gtso/ /drod rnams na ni nyi ma gtso/ /steng dang logs dang thad ka na/ /ji snyed 'gro ba gnas pa dang / /gang zhig bsod nams 'dod pa yis/ /tshogs rnams na ni 'phags pa gtso/ /lha dang bcas pa'i 'jig rten na/ /rdzogs pa'i sangs rgyas rkang gnyis gtso/ /de nas yang gnod sbyin gyi bdag po gnod gnas </font><hr>18b<br><font size=+1>


kyis bcom ldan 'das kyi rjes su gnang ba thob nas rang gi sngags smras pa/ na mo rat+na tra yA ya/ na mo ma Ni b+ha drA ya/ mahA yak+Sha se nA pa ta ye/ oM dzam+b+ha la dza len+d+ra ya swAhA/ de nas sngags kyi rgyal po 'di smras pa tsam gyis de ma thag tu stong gyi gsum gyi stong chen po'i 'jig rten gyi khams de rnam pa drug tu g.yos so/ /de nas ji srid phyir mi ldog pa'i byang chub sems dpa' rnams dang / gnod sbyin gyi dbang po rnams kyis mgrin gcig gis 'di skad ces bya ba'i tshig brjod do/ /bcom ldan 'das bde bar gshegs pa/ ji srid chos kyi rnam grangs sngar ma byung ba'i ngo mtshar rmad du nges par gyur pa/ ji srid chos kyi rnam grangs phan yon chen po ngo mtshar ba/ sdug bsngal ba rnams dang / skyabs med pa rnams dang / yongs su skyob pa med pa rnams dang / gnas med pa rnams kyi skyabs dang / gnas dang / skyob pa dang / yongs su skyob pa de/ bcom ldan 'das/ bshad du gsol/ sems can rnams kyi don dang / lha dang / mi rnams kyi don du lha dang mi rnams kyi phan pa dang / bde ba'i phyir snying po 'di rtog pa dang / dkyil 'khor dang / gsang chen dang / sems can gang gi sbyin pa'i pha rol tu phyin pa yongs su rdzogs shing bde ba nyid kyis bla na med </font><hr>19a<br><font size=+1>


@#/ /pa yang dag par rdzogs pa'i byang chub mngon par thob pa'o/ /de nas yang 'khor gnod sbyin rnams dang / nyan thos chen po rnams dang / byang chub sems dpa' rnams dang / lha dang / klu dang / gnod sbyin la sogs pa bla gos phrag pa gcig tu gzar nas rang rang gi stan las langs nas thal mo sbyar te pus mo g.yas pa'i lha nga sa la btsugs nas bcom ldan 'das la 'di skad ces gsol ba btab bo/ /de nas yang bcom ldan 'das kyis gnod sbyin de rnams 'khor de rnams dang bcas pa la bka' stsal pa/ chos kyi rnam grangs 'di/ rigs kyi bu/ khyed rnams nyon cig /gnod sbyin chen po'i snying po 'di dkyil 'khor dang / phyag rgya dang / sngags dang / gsang chen shin tu ngo mtshar ba dang / shin tu rmad du gyur pa de bzhin gshegs pa rnams kyis gsungs pa dang / byang chub sems dpa' thams cad dang / lha dang / klu dang / gnod sbyin dang / dri za dang / lha ma yin dang / mi'am ci dang / lto 'phye chen po dang / yi dwags dang / sha za dang / mi dang / mi ma yin pa rnams kyis phyag byas shing mngon par bstod pa/ sems can rnams la kun tu phan pa'i phyir yid bzhin gyi nor bu dang / </font><hr>19b<br><font size=+1>


bum pa bzang po dang / dpag bsam gyi shing ji ltar mngon par 'dod pa bzhin du don thams cad sgrub par byed pa de'i phyir nga yis rjes su gnang zhing byin gyis brlabs pa 'di dge ba'i rtsa ba ma bsags pa'i sems can rnams kyi rna ba'i khung du thos shing grag par mi 'gyur ro/ /gzhan yang / dge ba'i rtsa ba ma bsags pa'i sems can rnams kyis nyan pa dang / 'dri ba dang / 'dzin pa dang / klog pa tsam yang nus par mi 'gyur ro/ /'on kyang sems can gang snying po 'di 'dzin pa dang / rjes su gzung bar 'gyur zhing phyir mi ldog par 'gyur ro/ /bla na med pa yang dag par rdzogs pa'i byang chub las phyir mi ldog par 'gyur ro/ /ngan 'gror skye bar mi 'gyur ro/ /mthong ba tsam gyis nad 'byung bar mi 'gyur ro/ /dbul po dang / yid mi bde ba dang / lus kyi zug rdu 'byung bar mi 'gyur ro/ /sems can thams cad kyi bsam pa yongs su rdzogs par byed par 'gyur ro/ /mkhas pa rnams kyis mchod pa'i gnas su 'gyur ro/ /lha thams cad dang / klu dang / gnod sbyin rnams 'dus pas sngags 'di 'dzin pa'i yon tan dang / phan yon rtogs par mi nus so/ /'on kyang nga ni de bzhin gshegs pa gcig pu dang / gzhan </font><hr>20a<br><font size=+1>


@#/ /de bzhin gshegs pa dgra bcom pa yang dag par rdzogs pa'i sangs rgyas kyi yon tan dang / phan yon rgyas par mthar thug pa brjod par mi nus so/ /gzhan la gtam tsam yang mi grag /byang chub sems dpa' sems dpa' chen po rnams dang / nyan thos rnams dang / de las gzhan pa'i rgya che ba'i lhas 'di'i yon tan ston pa dang / shes pa tsam yang mi nus so/ /mdor na/ ji ltar de bzhin gshegs pa yon tan mthar thug pa dang ldan pa rnam pa thams cad mkhyen pa'i stobs kyis so/ /'di dang 'dra ba'i sngags kyi rgyal po de bzhin gshegs pa thams cad kyi snying por gyur pa snying po'i mchog go /gdug pa rnams la gnod gnas kyis/ /phongs pa rnams ni gso bar byed/ /sems can rnams ni gnas yin zhing / /'gro ba rnams ni yang dag srung / /dbang po kun shes go 'phang ldan/ /gnod gnas rgyal bar brjod pa'o/ /mdor na 'di las gzhan pa yi/ /de bzhin gshegs pa tha dad pa'i/ /de bzhin gshegs pa gzhan na med/ /'di 'dzin pas de bzhin gshegs pa la mchod pa'i gnas yongs su byas par 'gyur ro/ /de bzhin </font><hr>20b<br><font size=+1>


gshegs pa dgra bcom pa yang dag par rdzogs pa'i sangs rgyas kyis rtag tu byin gyis brlabs pa'o/ /pha rol tu phyin pa'i stobs dang / sa thob par 'gyur ro| |de nas yang bcom ldan 'das kyis ji ltar gnas pa'i 'khor rnams la gzigs nas gnod sbyin gyi dbang po gnod gnas la 'di skad ces bka' stsal to/ /gnod gnas kyi dbang po/ khyod kyi rtog pa dang / dkyil 'khor dang / phyag rgya dang / sngags dang / gsang chen rnams sngon gyi sangs rgyas thams cad kyis kyang bstan pa yod de/ rnam par gzigs dang / gtsug tor can dang / thams cad skyob dang / 'khor ba 'jig dang / gser thub dang / 'od srung dang / da ltar shAkya thub pa ngas bshad do/ /de ni legs par nyon la legs par yid la zungs shig /da ltar nga yis bshad kyis lha dang / mi'i phan pa dang / bde bas dge ba'i rtsa ba 'phel ba'i don du nga yis yang dag par shes so/ /gang gis ko sha'i grong khyer du shing khur nas 'tshong pa de'i tshe der nga la dgon pa na sdod pa'i dge slong zhig bud shing gi don du nga la shing slong du 'ongs te| der ngas dgon par shing khyer nas dge slong gi gan du phyin te me sbar nas dge slong gi nad sos par byas te nyi ma gcig gi bsod snyoms kyang drangs so/ /de </font><hr>21a<br><font size=+1>


@#/ /nas dge slong de sems yongs su mgu nas des nga la gsum la skyabs su 'gro ba dang / byang chub tu sems bskyed nas dkyil 'khor dang / phyag rgya dang / sngags dang / gsang ba'i rtog pa nga la byin no/ /ngas kyang yang dag par bsgoms nas yod do/ /de'i tshe sngags kyi rgyal po nga la byin nas de ltar de nyid bsgoms pas tshe de nyid la ji ltar 'phags pa gnod gnas kyi dbang po mthong ba'i lam du gyur to/ /de nas de nga la yongs su mgu nas phyag rab tu grol ba zhes bya bar ming btags so/ /der yang nga rgyal por dbang bskur bas grong khyer gyi mi rnams chos dang ldan par byas nas de la nga rgyal por rab tu gnas pas ngas sems can thams cad dge ba bcu'i las kyi lam la nges par sbyar ro/ /ji ltar don du gnyer ba rnams la skal ba dang ldan pa rnams la dus med par thams cad la nye bar phan pa rang rang gi khyim du rdzogs par byas so/ /de la sogs pa ngas sbyin pa'i pha rol tu phyin pa yongs su rdzogs bzhin pas byang chub sems dpa'i sa la rab tu zhugs so/ /rim gyis ngas thams cad mkhyen pa yang dag par rdzogs so/ /dbul ba thams cad nyams par byed </font><hr>21b<br><font size=+1>


pa dang / sems can thams cad kyi sdug bsngal nye bar gcod pa ngas yang dag par mngon par shes so/ /gang yang de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa'i ye shes shin tu rtogs pa de rnams kyis kyang sngon du sngags kyi rgyal po 'di bsgrubs pas bla na med pa yang dag par rdzogs pa'i byang chub thob bo/ /de'i phyir/ gnod sbyin gyi sde dpon chen po/ /khyed de bzhin gshegs pa thams cad kyi yum du gyur pa bskyed pa/ 'dod don thams cad sgrub pa'i thabs/ /gang zhig mthong ba tsam gyis kyang / /de ni skye ba gcig nas gcig /sngon du bsags pa'i las rnams kyang / /sdig pa kun las rnam par grol// de bzhin skye ba 'di la rmongs/ /shin tu sdig pa mi bzang byas/ /gnod sbyin dbang po gzi brjid che/ /gang gis mthong ba tsam gyis kyang / /byang chub sems dpa' thob pa dang / /sangs rgyas dang ni yang dag phrad/ /phyir mi ldog pa'i sa yang ni/ /yun mi ring bar rab 'thob bo/ /mthong ba tsam gyis yon tan ni/ /nga yis bshad kyis khyod rang nyon/ /dbul ba dang ni yid mi bde/ /sems ni nad kyis gzir ba dang / /gdon dang byad kyang sgyur ba yis/ /de yis 'jigs par mi 'gyur </font><hr>22a<br><font size=+1>


@#/ /ro| |lha dang klu dang dri za dang / /lha ma yin dang nam mkha' lding / /de las gzhan yang yid mi bde/ /rtag pa nyid du srung ba'o// gnod sbyin de nyid mthong tsam gyis/ /dkyil 'khor sangs rgyas kyis bstan pa/ /'dir ni yon tan de rnams 'byung / /bsgrubs par 'gyur na lta ci smos// gang zhig dad pas de bzhin rtogs/ /gus pas brtags pas gzhan mi 'jug /'di la gus pas don du gnyer/ /bslab pa sdom pa sogs pa yis// des na 'bad pas gtsang sbra bya/ /yid las byung ba'i dkyil 'khor mchog /gtsang zhing dben pa'i sa phyogs su/ /shing gi 'bras bu sna tshogs bcas/ /pus nub tsam gyis sa sbyangs la/ /ba yi rnam lngas byug par bya/ /mnyam par brdung zhing bcag par bya/ /lag mthil lta bu'i mnyam pa la/ /khru tshad nyi shu tsam la ni/ /gnod sbyin dbang po mngon par sngags/ /me tog sna tshogs gcal du bkram/ /a gar bdug pas bdug pa dang / /nyi ma bzang po de bzhin gza'| |de bzhin dus tshod bzang po la/ /dkar po'i phyogs la legs par dge /slob dpon legs par bsdogs pa yis/ /ba yi rnam lngas legs </font><hr>22b<br><font size=+1>


par spyad/ /bdag nyid sngags bzlas rgyal po yis/ /snga dro dag par gyur pa yis/ /mnyam par gzhag par bsrung bar bya/ /steng dang 'og dang phyogs bcu ru/ /phyogs ni de bzhin bcing bar bya/ /gnod sbyin rgyal po dri yi chus/ /mkhas pas brgya rtsa brgyad du sngags/ /ji ltar shar sogs mngon par gtor/ /phyogs bcing sngon gyi rim pa bzhin/ /gzhon nu ma yis bkal ba yi/ /tshon sna lnga yi skud pa la/ /gur gum chu yis byugs pa dang / /phur pa u dum shing la byas/ /shar gyi phyogs nas brtsams par bya/ /thig gdab snga dro'i dus su'o/ /gru bzhi pa la sgo bzhi pa/ /zur bzhi'i re mig bzhi dang ldan/ /de la dang po'i dkyil du ni/ /de bzhin gshegs pa bri bar bya/ /rnam pa kun mchog ldan pa yi/ /thams cad mkhyen pa zla ba'i 'od/ /de 'og gnod sbyin dbang po ni/ /mtshan nyid thams cad mtshon pa yi/ /sngon po sprin lta bu yi mdog /rgyan ser po yis mdzes pa dang / /rkang gdub lag gdub mgul rgyan dang / /rin chen sna tshogs kyis mdzes pa/ /seng+ge'i gdan la rin chen dang / /sna tshogs tha dad rnam par brgyan/ /ri mo sna tshogs rin chen 'di/ /'od 'phro yid 'ong 'bar ba'i 'od/ /skyil krung phyed pas bzhugs pa legs </font><hr>23a<br><font size=+1>


@#/ /par mdzes/ /de nyid dbus su nor bu bzang po legs par bya/ /rab tu 'bad pas g.yas pa'i phyag /mchog sbyin sa bon yongs su bya/ /de bzhin du ni g.yon pa'i phyag /ne'u le rin chen dgug pa'o/ /sna tshogs gter rnams steng du legs par bzhugs/ /de bzhin dung dang pad+ma yis/ /rin chen char ni 'bebs pa'o/ /mnga' bdag g.yas dang g.yon du'o/ /nor bu bzang po de yi phyogs/ /gnod sbyin bzang po dngul mdog can/ /mkhas pas sngar bzhin du ni dgod/ /spyod pa'i dbang po gdong dbang po/ /g.yas dang g.yon du bya ba'o/ /rnam pa kha dog 'dra ba yi/ /gter gyi steng du yang dag bzhugs/ /de yi 'og tu gnod sbyin mo/ /bdun po dag ni bri bar bya/ /de las gzhan du bu dgu ste/ /de las gzhan ni chu skyes so/ /rin chen lte ba nor sbyin dang / /gnod mdzes dang ni gnod mdzes gzhan/ /lte mdzes dang ni lte chen po/ /mtshams su bum pa bzang po'o/ /'phar ba gnyis la dgod bya ba'i/ /gnod sbyin dbang po stobs po che| |gnod gnas hu lu hu lu dang / /sde mdzes dang ni zla ba'i sde/ /rengs pa dang ni gdul ba dang / /rtse dmar dang ni gsus po che/ /snam bu gsum pa la bya ba// </font><hr>23b<br><font size=+1>


gnod sbyin mo ni lha mdzes ma/ /rgya chen ma dang dri bral ma/ /zla mo blo gros snying po spyan/ /pad+ma'i snying po smin mdzes ma/ /gnod sbyin lag pa lag mang sa po/ /sprin chen ma dang skra mdzes ma/ /gter gyi phreng ba g.yem pa mo/ /ljon shing phreng ba phreng ba mo/ /'dod pa kun gyi 'bras ster ma/ /yid shugs ma dang 'dod gzugs ma| |thos ngag ma dang lha mdzes ma/ /rdzu 'phrul chen po rnam bshad pa/ /nyi shu mchog ni ster ba'o/ /ci lta'i rim pas rnam dgod pa/ /ji ltar mdun dang phyogs bzhir dgod/ /dbang po la sogs dgong par bya/ /de nas phyi rol dra ba ste/ /rdo rje shak+ti dbyug pa dang / /ral gri zhags pa rgyal mtshan dang / /'khor lo rtse gsum mtshon cha bsnams/ /sngar bzhin du ni dgod par bya/ /steng 'og mnga' yi dra ba dang / /de bzhin rdo rje 'bar ba'o/ /mkhas pas phyi rol du ni dgod/ /de nas spyan drang brtsam par bya/ /tshon rtsi lnga ni dkar po dang / /ser po dmar po sngon po nag /dbyangs kyi sngags kyis sngon sngags te/ /phyi rol rgyal mtshan brgyad dgod bya| |de bzhin phyogs rnams arga'i snod/ /chu ni me tog gis bkang bya/ /spyan drang mchod sbyin yis ni bya/ /sngags pas bya bar the tshom med/ /gnod sbyin </font><hr>24a<br><font size=+1>


@#/ /mo rnams rang sngags kyis/ /mkhas pa yis ni spyan drang bya/ /lha dang lha min spyan drang bya/ /gnod gnas dbang po stobs po che/ /ma li ka phreng shin tu dkar/ /pad+ma ut+pa la yi tshogs/ /nA ga ge sar ke su dang / /dri dang bdug pa sgron ma dang / /bshos gtsang gtor ma kun 'dod pa/ /rim pa bzhin du mchod pa ni/ /mkhas pa yis ni bya ba yin/ /ga bur dang ni gur gum ma/ /yang na tsan+dan dkar po yis/ /'bum phrag du ni sbyin sreg bya/ /stong phrag brgya yi sbyin sreg bya/ /nor bu bzang po'i mdun du'o/ /ji ltar rigs pas bzlas pa dang / /sbyin sreg cho ga bzhin du'o/ /'bad pa yis ni mchod pa bya// mtshams su bum pa dgod pa ni/ /rin chen 'bru dang sman rnams ldan/ /dri yi chu yis yongs su dgang / /tsu ta pa la sa yis g.yogs/ /mgrin pa ras kyis dkris pa dang / /de srid bcom ldan 'das kyi sngags/ /rang rang gi ni sngags bzlas pa/ /de nyid bum pa dgod par bya/ /'di la sngags rnams 'byung ba ni// oM dzaM b+ha la dza len drA ya swAhA/ gtso bo'i ste las thams cad pa'i sngags so/ /mahA yak+Sha rA dzA ya/ pi na ma te ma Ni b+ha drA ya d+hi ma he taN+No yak+Sha pra tsot+ta ya d+ha pi </font><hr>24b<br><font size=+1>


tri| gnod sbyin gyi dbyangs kyi sngags so/ /oM yak+Sh+'a ya swAhA/ gnod sbyin gyi snying po'o/ /spyan drang ba dang / gshegs su gsol pa dang / mchod pa dang / bum pa la mdo par sngags pa'i sngags te so sor sbyar bar bya'o/ /a nan+ta pad+mA ya swAhA/ pad+ma'i gter gyi sngags so/ /a nan+ta saM khA ya swAhA/ gter gyi dung gi sngags so/ /dza ra ya na be ya d+ha na a d+hi pa ta ye swAhA/ dngul gyi mdog can gyi sngags so/ /tsa ren+d+rA ya swAhA/ spyod pa'i dbang po'i sngags so/ /mu khen drA ya swAhA/ dbang po gdong gi sngags so/ oM d+ha na dA ya swAhA/ gter sbyin gyi sngags so/ /ma ni b+hA ya d+ha ni/ a d+hi ba ta \?\ swAhA/ rin chen lte ba'i sngags so/ /su Na g+ha ya d+ha na a d+hi pa ta ye swAhA/ lte mdzes kyi sngags so/ /oM suM b+ha Na b+hA ya d+ha na a d+ha pa ta ye swAhA/ gnod mdzes kyi lte ba'i sngags so/ /oM a suM b+ha Na b+hA ya d+ha na a d+hi pa ta ye swAhA/ gnod mdzes lte gzhan gyi sngags so/ /oM aM b+ha Na b+hA ya d+ha na a d+hi pa ta ye swAhA/ chu'i lte ba can gyi sngags so/ /ni Na b+ha ya d+hi na a d+hi pa ta ye swAhA| lte sngon can gyi sngags so/ /bai shra ma Na ya d+ha na a d+hi pa ta ye swAhA/ rnam thos sras kyi sngags so/ /ma hAn b+hA ya d+ha na a d+hi pa ta ye swAhA/ lte chen gyi </font><hr>25a<br><font size=+1>


@#/ /sngags so/ /oM dzaM b+ha dra g+ha TA ya swAhA/ bum pa bzang po'i sngags so/ /ha ra dzam+b+ha ka hUM phaDa/ rmugs byed kyi sngags so/ /yak+Sha in d+ha ya swAhA/ hu lu hu lu zhes bya ba'i sngags so/ /su se nA ya swAhA/ sde mdzes kyi sngags so/ /ha ra ha ra tsan+d+rA se nA ya swAhA/ zla ba sde'i sngags so/ /dzaM b+ha lA ya swAhA/ gnod gnas kyi sngags so/ /mo tA ya swAhA/ 'dul byed kyi sngags so/ /rA ga dzi hA ya swAhA/ lce dmar po'i sngags so/ /ma ho nga rA ya swAhA/ gsus po che'i sngags so/ /bi ma le bi ma la daR+sha ni a ya ti swAhA/ dri bral ma'i sngags so/ /b+ha sa la Na ya Ne bo d+hA ya swAhA/ rgya chen ma'i sngags so/ /tsan+d+rA su ma ti su ra pu dzi ti tsan dre tsan dre tsan+d+ra ma ti swAhA/ zla 'od blo gros ma'i sngags dang / dgug pa'i spyan can ma'i'o/ /oM tsan dra pad+ma'i swAhA/ pad+ma'i snying po'i sngags so// su b+hUM ma no ra b+he swAhA/ smin mdzes ma'i sngags so/ /oM ba hu pra tA ya swAhA/ lag pa dang / lag mang ma'i sngags so/ /li ti ka ti mo ti swAhA/ /sprin chen ma'i sngags so/ /su gai ma li ke sha b+ha ri Ni swAhA/ skra mdzes ma zhes bya ba'i sngags so/ /ba na mA la ba li ni swAhA/ nags kyi phreng ba ma zhes bya ba'i sngags so/ / </font><hr>25b<br><font size=+1>


u tiSh+Tha b+hun dza li swAhA/ g.yem pa mo'i sngags so/ /druM mA li mA li ka li ka ha li dru mi ki li ki li swAhA/ ljen ma phreng ba ma'i sngags so/ /kA ma mA la b+hi la si ni swAhA/ 'dod pa'i phreng ba ma'i sngags so/ /sarba d+ha yi b+ha sarba a gra ma no dza ba ba ga ba te swAhA/ yid kyi shugs can ma'i sngags so/ /kA ma bi kA mi ni swAhA/ 'dod pa'i gzugs can ma'i sngags so/ /shru ta bA ka ke ka ri swAhA/ thos ngag ma'i sngags so/ /su da ra ni kA mI ni swAhA/ lta mdzes ma'i sngags so/ /ma hau g+he b+ha ya ka ri swAhA/ rdzu 'phrul chen mo'i sngags so/ /gnod sbyin mo rnams kyi'o/ /in+d+ra de bA d+hi pa ta ye swAhA/ dbang po'i snying po'o/ /ag+na ye ud bya d+hi pa ta ye swAhA/ me lha'i snying po'o/ /ya mA ya pre te a d+hi ba ta ye swAhA/ gshin rje'i snying po'o/ /nai r-i t+ya rAk+Sha sA d+hi pa ta ye swAhA/ bden bral gyi snying po'o/ /ba ru na ya dza lA a d+hi pa ta ye swAhA/ chu bdag gi snying po'o/ /bA ya be an+ta rak+Shi a d+hi pa ta ye swAhA/ rlung lha'i snying po'o/ /ku be ra d+ha na a d+hi la ta ye swAhA/ lus ngan gyi snying po'o/ /I sha nA ya b+hU ta a d+hi pa ta ye swAhA/ dbang ldan gyi snying po'o/ /Ur d+ye brah+ma Ne swAhA/ tshangs pa'i snying po'o/ /a d+h+ho biSh+Na be swAhA/ khyab 'jug gi snying </font><hr>26a<br><font size=+1>


@#/ /po'o/ /a bi brta kA ya swAhA/ rdo rje'i snying po'o/ /hu ta sa nA ya swAhA/ shaka ti'i snying po'o/ /mahA s+ya mA ya swAhA/ dbyug pa'i snying po'o khaD+ga bi ma la b+ha ri Ni swAhA/ ral gri'i snying po'o/ /ba ru Na ta ma a d+hi pa ta ye swAhA/ zhags pa'i snying po'o/ /pra b+hany+dza na ye swAhA/ rgyal mtshan gyi snying po'o// mahA su mya rasma ye swAhA/ 'khor lo'i snying po'o/ /b+ha la bi hu le swAhA/ rtse gsum pa'i snying po'o/ /b+hi la sha b+hi hu le swAhA/ phyogs kyi sngags so/ /sha re dzA la swAhA/ mda'i dra ba'i sngags so/ /oM Ur d+haM dzA la badz+ra pany+tsa rA ya swAhA/ rdo rje dra ba'i sngags so/ /'di rnams rang rang gi ni sngags/ /mkhas pas bum pa la bzlas bya/ /slob ma dkyil 'khor du yang gzhug /dbang bskur bar na rab tu brtag /rgyal po dbang bskur bar ni mdzod/ /skye bo gang rnams dngos grub 'dod/ /de rnams dbang bskur don du bya/ /brgyan pa'i don du rab tu 'bad/ /de ltar dkyil 'khor chen por bstan pa'i cho ga bzhin dbang bskur ba dang / dam tshig bstan pa dang / rjes su gnang bas phyag rgya chen po'i skal ba can du shes par bya'o/ /rang rang gi sngags dang / phyag rgyas dbang bskur la/ </font><hr>26b<br><font size=+1>


yang mchod pa rgya chen po dang / sbyin sreg byas la bsdu ba dang / gshegs su gsol bar bya'o/ /de ltar gnod gnas kyi bdag po'i dam tshig bstan pa dang / ngag \?\ gi sngags sgrub pa'i skal ba can du 'gyur ro/ /de nas nyin re bzhin du dus gsum du sngags dang / phyag rgyas bdag bsrung ba byas la 'khor dang bcas pa spyan drangs te| zhabs bsil dang / mchod yon la sogs pa phul nas nye bar spyod pa'i mchod pa nyi shu sngags dang / phyag rgyas phul la cho ga ji ltar tshogs pa'i mchod pa byas nas sngon du bsnyen pa bya'o/ /de nas phyag rgya dang / sngags kyi cho gas nga yis rgyas par bshad par bya ste/ de nas yang gnod sbyin gyi dbang pos gus pa nye bar skyes nas bcom ldan 'das la gsol ba btab bo/ /de nas bcom ldan 'das kyis 'khor rnams la gzigs nas seng+ge'i sgra bsgrags pas 'di skad ces bka' stsal to/ /byed rnams nyon cig /'da' bar dka' ba 'di bstan pa snying rje chen po'i bdag nyid sems can rnams la phan pa dang / bde ba dang ldan pa/ gnod gnas kyi dbang po'i phyag rgya'i mtshan nyid sngags dang ldan pa/ de nas gnod gnas kyi dbang pos thal mo sbyar te pus mo sa la bzhag ste phyag byas nas ci'ang mi smra bar </font><hr>27a<br><font size=+1>


@#/ /spod do/ /de nas bcom ldan 'das seng+ge bzhin 'jigs pa med pas sngags dang / phyag rgya 'di gsungs pa/ lag pa gnyis thal mo mnyam par sbyar nas/ gung mo gnyis phyir bzlog ming med kyi rtse mo gnyis sbyar la mdzub mo gnyis tshigs gsum pa bcag nas der bzhag ste mthe bong phyogs su bzhag /mtheb mdzub gnyis khab kyi rnam pa ltar byas pa 'di ni bcom ldan 'das kyi rtsa ba'i phyag rgya'o/ /'di bcings pa tsam gyis gnod gnas kyi dbang po nye bar gnas par gyur nas sgrub pa po la lta zhing mchog ster bar 'gyur ro/ /'di'i sngags ni/ na mo rat+na tra yA ya/ na mo ma Ni b+ha dra ya/ mahA yak+Sha se nA pa ta ye/ oM dzaM b+ha la dza len drA ya swAhA/ sngags 'di dang ldan pa'i phyag rgya yis gnas rnam pa lngar sbyar bas byin gyis brlab par bya'o/ /gnod gnas dang so sor mnyam par 'gyur ro/ /lag pa gnyis khu tshur bcangs nas mthe'u chung gnyis khab kyi rnam pa ltar byas pa ni spyod pa'i dbang po'i phyag rgya ste bdag bsrung ba la nges par sbyar bar ro/ /'di'i sngags ni/ oM tsa ren drA ya swAhA/ de ltar khu tshur byas te mthe chung gnyis nang du bcug nas srin </font><hr>27b<br><font size=+1>


lag gnyis khab kyi rnam pa ltar byas pa ni dbang po gdong gi phyag rgya ste bdag bsrung ba la nges pa ste 'di'i sngags ni/ oM mu khen drA ya swAhA/ dbang po gdong gi phyag rgya las ming med kyi tshigs gsum pa bcag pa ni gnod sbyin mo rnams kyi spyi'i phyag rgya ste 'di'i sngags ni/ oM a ni/ 'dis kyang bdag bsrung ba bya'o/ /spyan 'dren pa'i dus su'ang gnod sbyin mo rnams spyan drang bar bya'o/ /steng dang / 'og dang / phyogs bcu ru ra ba dang / dra ba dang / phur bu ste lag pa gnyis khu tshur byas la mdzub mo gnyis so sor khab kyi rtse mo ltar byas pa 'di ni dra ba'i phyag rgya ste 'di'i sngags ni/ oM tsa ren+d+rA ban+d+ha di sha phaDa/ ra ba dang nges par sbyar bar bya'o/ /de nyid la mdzub mo gnyis khab kyi rnam par ltar gcig tu byas pa ni dra ba'i phyag rgya ste/ oM mu khen+d+rA ya swAhA/ dra ba'i don du nges par sbyar ro/ /lag pa gnyis khu tshur byas nas 'og tu bzhag pa ni phur bu'i phyag rgya ste 'di'i sngags ni/ oM hri ta ta/ spyan drang bar bya ba ni/ rtsa ba'i phyag rgya las mthe bong cung zad dgug pa ni spyan drang ba'i phyag rgya ste 'di'i sngags ni/ e h+ye tsu lu tsu lu/ twa ra twa ra/ dzA la sa ya naM bri yA ya swAhA/ rim </font><hr>28a<br><font size=+1>


@#/ /pa 'dis 'khor dang bcas pa spyan drang bar bya'o/ /de nas ar+g+ha sbyin par bya'o/ /lag pa gnyis brtan pa'i thal mo sbyar nas mdzub mo gnyis mthe bo'i ngos la sbyar te 'di'i sngags ni/ oM yak+Sha nA d+ha ya ke na d+ha na pri ya pa sha pa sha swAhA/ de nas gdan dbul bar bya ste phyag 'tshal ba'i thal mo sbyar te mdzub mo gsum pa mnyam par byas nas tshigs gsum par bcag ste dbus mar sbyar nas gzhan so sor byas pa ni bcom ldan 'das kyi seng+ge'i gdan gyi phyag rgya'o/ /'di bstan pa tsam gyis gnod sbyin gyi bdag po 'khor dang bcas pas seng+ge'i gdan la bzhugs par 'gyur ro/ /seng+ge'i gdan gyi phyag rgya ste 'di'i sngags ni/ oM dzaM b+ha la dza len+d+rA in+d+rA ya sa ma kaM swAhA/ de nas khrus kyi phyag rgya bcings nas gnod gnas 'khor dang bcas pa khrus gsol bar bya/ lag pa gnyis yang rten gyis thal mo byas mthe chung gnyis phyin ci log tu byas la ming med gnyis dkyil du byas pa gung mo gnyis khab kyi rnam pa ltar byas/ de'i phyi rol tu gung mo'i tshigs gsum sbyar bar mthe bong gnyis phyogs su bzhag pa ni </font><hr>28b<br><font size=+1>


lha thams cad kyi khrus kyi phyag rgya'o/ /'di'i sngags ni/ oM nA nA pri ya g+ha ta kuM b+ha dz+wa la swAhA/ gos kyi phyag rgya bcings nas gos dbul bar bya ste/ yang lag pa gnyis mthe bong dang / mdzub mo gnyis lu gu rgyud kyi rnam pa ltar byas te sor mo phyi ma rnams brkyang ba 'di ni gos kyi phyag rgya ste 'di'i sngags ni/ oM d+hi ri d+hi ri ma hA sa mu dra aM d+ha ra d+ha ka swAhA/ rgyan gyi phyag rgya nye bar bya ste lag pa gnyis sor mo gsum gyi mthe bong bkab nas sdigs mdzub 'khyil ba'i tshul du byas nas phan tshun steng du bskor nas gcig tu byas pa 'di ni rgyan gyi phyag rgya ste 'di'i sngags ni/ oM me g+ha b+ha ra Na dzA la bu g+ha na swAhA/ yang dag par skyang nul bya ba'i phyag rgya ni lag pa g.yas pa khu tshur bcangs nas lag pa g.yon pa nor bu 'ching ba'i mtshams su lag pa'i gdub skor ltar bzung ba ni skyang nul bya ba'i phyag rgya'o/ /'di'i sngags ni/ oM ha ra ha ra dzo g+ha NA ya swAhA/ de nas dkyil 'khor gyi phyag rgya nges par bstan par bya ste/ de nyid las sor mo rnams so sor brkyang nas kha 'og tu dbub pa ni dkyil 'khor nye bar byug pa'i phyag rgya'o/ /'di'i sngags ni/ oM ku ti dzu ga b+ha ra ta pri yA ya swAhA/ rdul tshon gyi </font><hr>29a<br><font size=+1>


@#/ /phreng ba'i phyag rgya nye bar bstan pa ni dkyil 'khor gyi phyag rgya las sor mo rnams kha 'og tu byas nas bzhag pa ni rdul tshon gyi phreng ba'i phyag rgya'o/ /'di'i sngags ni/ he he phen b+ha li bri ya so b+ha nA ya swAhA/ dri'i phyag rgya nye bar bstan pa ni lag pa gnyis rten pa'i thal mo sbyar la mthe'u chung khab kyi rnam pa ltar byas nas ming med dang / gung mo dang / mdzub mo rnams nang du bcug pa ni dri'i phyag rgya'o/ /'di'i sngags ni/ oM la lA gA la gA la su gan d+ha gan d+hA ya swAhA/ de nas me tog gi phyag rgya nye bar bstan pa ni dri'i phyag rgya las mthe bong drang por gyen du sgreng ba ni me tog gi phyag rgya'o/ /'di'i sngags ni/ oM puSh+pe pra b+ha ra puSh+pe me g+ha swAhA/ bdug spos kyi phyag rgya ni me tog gi phyag rgya las tshigs gsum pa cung zad bkug par bya ba ni bdug spos kyi phyag rgya'o/ /'di'i sngags ni/ oM ru ru mahA d+hU pa pri yA ya swAhA/ gtor ma'i phyag rgya nye bar bstan pa ni bdug spos kyi phyag rgya las sor mo thams cad longs spyod pa'i rnam par bkod nas mthe'u chung gnyis nang du byas pa ni gter ma'i phyag rgya'o/ /'di'i sngags ni/ oM sa ka sa ka b+ha ri la dza na gaM pa ka </font><hr>29b<br><font size=+1>


ba liM ta yak+Sha de hi de hi swAhA/ me mar gyi phyag rgya nye bar bstan pa ni gtor ma'i phyag rgya las sor mo thams cad khu tshur byas la mthe'u chung gnyis dang / mthe bong gnyis khab kyi rnam pa ltar byas pa ni me mar gyi phyag rgya'o/ /'di'i sngags ni/ oM phu ru phu ru pra ka sA ya swAhA/ dri'i phyag rgya nye bar bstan pa ni lag pa g.yas pa khong stong la thur du byas pa ni dri'i phyag rgya ste/ 'di'i sngags ni/ oM ki ni ki ni gan+d+ha karna karna g+ho shaM me tri mu swAhA/ gdugs kyi phyag rgya nye bar gnas pa ni yang lag pa gnyis phan tshun du mngon par phyogs nas gcig tu sbyar zhing nang du zhum nas mthe bong phyogs su bzhag pa ni gdugs kyi phyag rgya'o/ /'di'i sngags ni/ oM grih+Na tsha pra ti yats+tsha trAM ka rak+Sha ka swAhA/ rnga yab kyi phyag rgya nye bar bstan pa ni lag pa g.yas pa'i mthe bos mthe'u chung gi sen mo mnan nas sor mo lhag ma rdo rje ltar mtshon pas phyogs gnyis ka bskor ba ni rnga yab kyi phyag rgya'o/ /'di'i sngags ni/ oM tsa ma ra tsa ma ka ra pri ya ke Tu Tu swAhA/ rlung yab kyi phyag rgya nye bar bstan pa ni lag pa g.yon pa'i mthe bos mthe'u chung gi sen mo bkab nas sor mo lhag ma rnams brkyang ste rdo rje ltar mtshon nas yongs su bskor ba ni rlung yab kyi phyag </font><hr>30a<br><font size=+1>


@#/ /rgya ste| 'di'i sngags ni/ oM b+he re b+ha b+ha yu d+ha kA ya swAhA/ rgyal mtshan gyi phyag rgya nye bar bstan pa ni lag pa g.yas pa'i mthe bong gis ming med dang / mthe'u chung gi sen mo mnan nas mdzub mo dang / gung mo gnyis gcig gi rnam pa ltar byas nas 'og tu bskyod pa ni rgyal mtshan gyi phyag rgya ste 'di'i sngags ni/ oM tu sha tu ka la sa ha dza pri yA ya swAhA/ gdan gyi phyag rgya nye bar bstan pa ni yang lag pa gnyis kyi ming med dang / mthe'u chung rim gyis mnan nas gung mo dang / sdigs mdzub gnyis khab kyi rnam pa ltar byas la steng du bskyod pa ni gdan gyi phyag rgya ste 'di'i sngags ni/ dzA la dzA ma tu ru khe dza ya na tri pri yA ya swAhA/ /gdan gyi sngags so/ /'di rnams ni gnod sbyin gyi dbang po'i nye bar mchod pa nyi shu'o/ /sngar gyi de bzhin gshegs pa rnams dang / byang chub sems dpa' rnams la yid las byung ba'i mchod pa mthong ba dang / thos pas rang bzhin gyi sngags dang / phyag rgyas mchod pa 'di thams cad dbul bar bya'o/ /de nas bdag nyid dbul ba dang / sdig pa bshags pa dang / bsod nams la rjes su yi rang ba dang / de bzhin gshegs </font><hr>30b<br><font size=+1>


pa la gsol ba gdab pa dang / bstod pas mnyes par bya ba dang / gleng gzhi dang / ched du brjod pa'i mdo la sogs pa gdon pa dang / mtshan brgya rtsa brgyad pa gdon pa dang / mchod sbyin gyi tshigs su bcad pas bskul ba dang / rtag tu chu sbyin pa dang / lha thams cad la gtor ma sbyin pa dang / 'di rnams thams cad byas la po de tse sngags kyi skud pa yongs su bzung la gnod gnas dang 'dra bar rang bsgoms pa yi/ oM yig spyi bo dgod par bya/ /dzaM yig kha ru nges par dgod/ / b+ha yig lag pa g.yas par dgod/ /lA yig g.yon par dgod par bya/ /dza yig snying gar dgod pa'o/ /brla ni g.yas dang g.yon pa la/ /len dra nges par dgod par bya/ /ye yig mtshan mar dgod par bya/ /de nas blo dang ldan pa yis/ /rkang pa'i mthil du swAhA dgod/ /'di rnams gnod sbyin dbang po rgyal/ /gsang pa'i snying por rab tu grags/ /'di rnams gang shes blo ldan yin/ /de yis dngos grub 'grub par 'gyur/ /ji ltar nus par bzlas pa bya/ /bdag nyid bsrung ba byas nas ni/ /sems can rnams la bsod nams gang / /mnyam par gzhag pas dbul bar bya/ /ji ltar 'dod pas blangs nas ni/ /de nas gshegs su gsol </font><hr>31a<br><font size=+1>


@#/ /bar bya/ /sngar gyi spyan drang phyag rgya las/ /mthe bo brkyang bas bskyod pa'o/ /sngags dang mchod pas gshegs su gsol/ /sngags ni| oM Di Di ki tA te ba ga ta a dz+sha gats+tsha gats+tsha swAhA/ rim pa 'di yis sngon du bsnyen pa 'bum byas la phyi nas ji ltar 'dod par bsgrub par bya'o/ /de nas thams cad dang ldan pa'i 'khor des bcom ldan 'das la 'di skad ces gsol to/ /ji srid rim pa 'di yis sems can thams cad dbugs chen por 'gyur ro/ /bcom ldan 'das/ shin tu ngo mtshar to/ /bde bar gshegs pa/ shin tu ngo mtshar to/ /sems can thams cad khyad par spro ba dang / don thams cad sgrub pa dang / snying rje chen po'i bdag nyid can sems can gang gis gnod gnas kyi dbang po'i rtog pa mnyan par 'dod pa'i don ma lus pa sgrub pa bcom ldan 'das kyis bshad du gsol/ de nas yang bcom ldan 'das kyis thams cad dang ldan pa'i 'khor la gzigs nas gnod gnas kyi rtog pa 'di gsungs pa/ sngar brjod pa'i cho gas sngon du bsnyen pa byas la de nas yang gnod gnas kyi dbang po la dri dang / me tog gi mchod pa byas </font><hr>31b<br><font size=+1>


na rgya mtsho'i chur zhugs la stong phrag bcu bzlas pa byas na sngon du bsnyen par 'gyur ro/ /de nas yar ngo'i tshes gcig la rgya mtshor 'bab pa'i chu'i 'gram du phyin nas rked pa nub tsam du chur zhugs te nyin mtshan gcig tu smyung bar gnas nas khyor ba 'bum gyi chu sbyin sreg byas na gser srang stong rnyed par 'gyur ro/ /sbyor ba 'di nyid kyis pus mo nub tsam du chu'i nang du zhugs nas stong phrag bcu'i sbyin sreg byas na grong bcu'am/ gser srang stong rab tu ster bar 'gyur ro/ /chu bo de nyid la rked pa nub tsam chur zhugs nas pad+ma la zho dang / mar dang / sbrang rtsis spags nas stong phrag bcu sbyin sreg byas na gter gyi bum pa rnyed par 'gyur ro/ /yang sbyor ba de nyid kyis zar ma'i me tog stong phrag brgyad sbyin sreg byas na rgyal po dbang du 'gyur ro/ /mya ngan med pa'i yam shing la me sbar te a pa marka'i snye ma la mar dang / sbrang rtsi sbags nas sbyin sreg stong byas na 'khor los bsgyur ba'i rgyal po dbang du 'gyur ro/ /a pa m+r+ga'i yam shing gis me rab tu sbar ba a pa ma rka'i sa bon zho dang / mar dang / sbrang rtsis byugs la ming med dang / mtheb mos bzung nas rang gi khyim du gter mthong bar </font><hr>32a<br><font size=+1>


@#/ /'gyur ro/ /de nas nyin re bzhin til gyi me tog zho dang / mar dang / sbrang rtsis sbags nas dus gsum du stong phrag brgyad du sbyin sreg byas na don du gnyer pa de 'thob par 'gyur ro/ /nyi ma gcig gis 'khor gnyis brgya dang bcas par ma bslangs par bza' ba dang / bca' ba'ang rnyed par 'gyur ro/ /mya ngan med pa'i me tog la zho dang / mar dang / sbrang rtsis byugs te dus gsum du stong phrag brgyad du sbyin sreg byas na gang gsol ba btab pa de thob bar 'gyur ro/ /mya ngan med kyi me tog dang / a ba m+r+ga'i sa bon bsres la zho dang / mar dang / sbrang rtsis byugs la stong phrag bcu sbyin sreg byas na rgyal po'i bu mo dbang du 'gyur ro/ /ming bzung nas sbyin sreg de nyid stong phrag brgyad sbyin sreg byas na rgyal po'i bu de nyid thob par 'gyur ro/ /me tog dmar po mnyams pa yongs su bzung nas rgya mtshor 'bab pa'i chu bor phyin pa rked pa nub tsam du chur zhugs nas stong phrag bcu sbyin sreg byas na gang me tog de'i dri tshor ba dang / reg pa de rnam pa thams cad du dbang du 'gyur ro/ /cho ga de nyid kyis gnod sbyin mo rnams 'gugs par 'gyur ro/ /yang chu de </font><hr>32b<br><font size=+1>


nyid la a pa m+r+ga'i shing gis sbyin srag stong byas na nyi mas mchog ster bar 'gyur ro/ /de ltar man dA ra ba'i me tog gis sbyin sreg byas na brgya byin gyis mchod ster bar 'gyur ro/ /til gyi me tog gis ni tshangs pas mchog ster bar 'gyur ro/ /be ta la'i me tog gis ni nor lhas mchog ster bar 'gyur ro/ /sngags de nyid zlos bzhin pas mthe'u chung dang / mthe bong gnyis kyi gzugs brnyan btsir nas ji srid sngags stong phrag bcu bzlas pa de srid gang 'dod pa de rnyed par 'gyur ro| |de nas dngos grub thams cad ster bar 'gyur ro/ /'bum phrag bzlas pas rgyal po 'gugs par 'gyur ro/ /yang na dka' bas zla ba drug tu mi smra bar bzlas na yid la gang 'dod pas de rnyed par 'gyur ro/ /rgyal po'i arga'i rang bzhin gyi shing la gzugs brnyan byas la ma bcos pa'i kha dog gi rgyan thams cad kyis brgyan pa de nyid kyi mdun du zla ba drug tu mi smra bar bzlas na lag pa g.yon pa'i mthil du sngags khri mngon par bzlas la gter gang na yod pa'i sar phyin nas steng du lag pa bzhag ste sngags brgya rtsa brgyad bzlas na gter thams cad 'gugs par 'gyur ro/ /dkar po'i phyogs kyi tshes lnga la mya ngan med </font><hr>33a<br><font size=+1>


@#/ /kyi rtsa ba na gnas pas nyin mtshan du gso sbyong gis gnas shing nyin mtshan par chod kyi zas za bas nyi shu rtsa gcig tu sbyin sreg byas na dgos pa thams cad sgrub par nus so/ /rgya skyegs kyi khu ba dang / zho bsres nas sreg blugs stong byas na gser srang stong ster bar 'gyur ro/ / a pa m+r+ga'i yam shing zho dang / mar dang / sbra rtsis mngon par sbags nas nyin mtshan du smyung bar gnas pas stong phrag brgyad sbyin sreg byas pas shin tu shes rab 'phel bar 'gyur ba dang / tshigs bcad stong yang 'dzin par 'gyur ro/ /arga'i rtsa ba la cho ga 'dis sor mo drug pa'i gzugs brnyan cod pan dang / thor tshugs ldan par byas la de'i mdun a pa marga'i yam shing la/ na mo rat+na tra yA ya/ na mo ma Ni b+ha drA ya/ mahA yak+Sha se nA ba ta ye/ so ma ma so pi ta kri ni ya mi ri ti ma ni ri ti swAhA/ /sngags 'dis sbyin sreg stong byas na dong rtse brgya rnyed par 'gyur ro/ /gnod gnas kyi snying po'i mchog rnyed par 'gyur ro/ /'di nyid kyis gnas pas pus mo nub tsam du chur zhugs nas 'bum phrag drug bzlas na nor rnyed par 'gyur ro/ /nim pa'i shing gi rang bzhin </font><hr>33b<br><font size=+1>


la chu zheng du sor bzhin mnyam pa'i nor bu bzang po byas la gso sbyong dang ldan pa'i ri mo mkhan gyis bris la nye bar mchod pa dang / gtor ma byin nas du ba med pa'i me la dus gsum du de'i mdun du rgya skyegs kyi sreg blugs stong phrag brgyad sbyin sreg byas na phyug po rnams dbang du 'gyur ro/ /legs par yan lag ster ba dang / /rmad gyur chen po'i brtson 'grus dang / /ltos pa med pa'i snying rje dang / /yang dag ji bzhin ston pa dang / /rdzu 'phrul gyis 'gro gtso po dang / /thams cad du ni skyon med pa/ /sdug bsngal pa ni nyon mongs nyams/ /dzaM b+ha la yi sgom pa po/ /de nas yang gnod sbyin gyi dbang po'i snying po rgyas par bshad pa ni mchog gi dngos grub dang / bskul ba'i yi ge dang yang dag par ldan pa 'di/ /na mo rat+na tra yA ya/ na mo ma Ni b+ha drA ya/ mahA yak+Sha se nA pa ta ye/ sa ma ya ma nu sma ra/ ma Ni b+ha drA ya/ b+ha ga baM te/ dza tsit+ta datwaM/ b+ha ma b+ha ma/ d+hu ru d+hu ru/ ma ri tsi mahA yak+Sha se nA pa ta ye/ tu lu tu lu ma Ni b+ha dra| tu ru tu ru ma Ni b+ha dra/ tu Ti tu Ti ma Ni b+ha dra/ ti Ti ti Ti ma Ni b+ha drA swAhA/ tshes grangs med cing rgyu skar med/ /smyung ba'i cho ga yod ma yin/ /arga'am ni </font><hr>34a<br><font size=+1>


@#/ /nim pa'i shing / /gzhan pa rnams la nor bu bzang po'i gzugs byas te de'i mdun du 'dug la nyi ma phyed kyi dus su dra dang / me tog la sogs pa'i mchod pa byas nas yungs kar gyi tsha ba'i mar nag dang btags pa'i ril bu byas te nor bu bzang po'i ltor bcug nas rig pa stong phrag brgyad bzlas na dong rtse brgya rnyed par 'gyur ro/ /de nyid du zad par bya'o/ /de nas yang bcom ldan 'das kyis rtsa ba'i sngags kyi rtog pa gsungs pa/ gang gi lo ma btsos pa za ba dang / bsod snyoms kyis 'tsho zhing 'bum phrag gsum bzlas par bya'o/ /de nas de bzhin gshegs pa'i mdun du rgya che ba'i mchod pa byas nas stong phrag brgyad du bzlas pa byas na nor mang po rnyed par 'gyur ro/ /zla ba drug tu chu nang du chu'i sbyin sreg byas na stong phrag brgya rnyed par 'gyur ro/ /ji ltar 'byung ba bzhin dkar gsum gyi gtor ma dang / mchod pa phul la a shwatha'i yam shing gi zho dang / mar dang / sbrang rtsi spags nas stong phrag brgyad du sbyin sreg byas na bar snang las sgra thos pa'am/ yid la 'dod pa'i rig pa 'dzin pa'i 'bras bu 'grub ba dang / sems kyis byas pas tshogs par 'gyur ro/ /de bzhin du </font><hr>34b<br><font size=+1>


las sna tshogs gzhan 'grub ste ring bsrel dang bcas pa'i mchod rten la 'bum phrag gcig bzlas nas dkar po dang / nag po'i phyogs la bsod snyoms za zhing re mos kyis smyung bar gnas nas gtor ma dang / mchod pa cho ga bzhin byin nas til nag po la zho dang / mar dang / sbrang rtsis sbags la stong phrag brgyad du sbyin sreg byas na grong mchog bcu gnyis rnyed par 'gyur ro/ /bag med pas las ma grub na stong phrag bcu'i nang nas grong gcig rnyed par 'gyur ro/ /chu bo'i 'gram du nor bu bzang po bzhag nas mar dang / 'o thug za zhing mchod rten gdung dang ldan pa la 'bum phrag gcig bzlas nas gnam stong la mtshan mo smyung bar gnas pas dza ti'i me tog la stong phrag brgyad du re re la mngon par sngags nas mchod rten la phul na nang bar phyugs stong phrag ster bar 'gyur ro/ /bsod snyoms za zhing rigs gtsang ma la dus gsum du khrus byed cing 'bum phrag gcig tu bzlas nas nag po'i phyogs kyi brgyad la mtshan mo smyung bar gnas la 'dzam bu'i yam shing la me sbar la nA ga puSh+pa zho dang / mar dang / sbrang rtsis sbags nas stong phrag brgyad du sbyin sreg byas pa dang / mngar gsum gyi bshos gtsang ma dang / </font><hr>35a<br><font size=+1>


@#/ /gtor ma byin nas sbyin sreg yongs su rdzogs pa dang / bram ze'i gzugs kyis 'ongs nas nga yis ci byed ces smra bar byed do/ /de la smra ba dong rtse lnga byin cig ces smras pa dang / de ltar bya'o zhes zer nas mi snang bar gyur te nyin re bzhin du ster bar 'gyur ro/ /lhag ma med par zad par bya'o/ / pad+ma skyes pa'i mtsho'i 'gram du phyin te chu dang bcas pa'i phye za ba'am/ yang ji ltar rnyed pa'i zas za zhing nor bu bzang po'i kha phyir bstan par bzhag la gsol ba btab nas ji srid du stong phrag brgya rdzogs par pad+mo'i sbyin sreg byas na de'i rjes la dpal mo 'ongs te/ 'ongs pa la de la pad+ma nye bar phul nas dri dang bcas pa'i chu'i ar+g+haM byin na des smras pa/ bu| ci zhig bya zhes smras na/ sgrub pa pos smra bar bya ste/ gter mang po bdag la rab tu stsol cig de ltar bya'o zhes zer nas mi snang bar 'gyur ro/ /de nas gang du 'gro ba der khyer nas phyin pa de zad pa med par 'gyur ro/ /nor bu bzang po'i mdun du zla ba phyed du bzlas nas ji srid zla ba nye'i nub mo smyung bar gnas pas sha med pa'i gtor ma phyin nas/ de nas nor bu bzang po'i snying gar ming med bzhag nas ci </font><hr>35b<br><font size=+1>


srid du bzlas pa de srid du g.yo bar 'gyur ro/ /de nas nyin re bzhin du dong tse lnga lnga re ster bar 'gyur ro/ /lhag ma med par zad par bya'o/ /dur khrod chen por phyin nas dur khrod kyi thal ba la mchod rten byas te bsod snyoms za zhing dus gsum du khrus byas nas 'bum phrag gsum bzlas la nag po'i phyogs kyi bcu bzhi la mtshan mo smyung bar gnas pas bcom ldan 'das la rgya che ba'i mchod pa byas nas lhag ma med par rab tu zad par bya'o/ /dur khrod chen por nor bu bzang po la sha ta puSh+pa phul la a ga ru dang / du ru ska bsres pa'i bdug pa phul te gdong phyin ci log tu bzhag nas ji srid mtshan phyed pa de srid du bzlas so/ /de nas sha za'i bdag po rang 'ongs pa dang / sngar bzhag pa'i gtor ma phul la 'khor rnams la chang yang dbul/ de nas sgrub pa pos gsol ba gdab par bya'o/ /de nas deng mgu'o zhes smra'o/ /sgrub pa pos smras pa/ nyi ma re re g.yog re re byin cig /de ltar bya'o zhes zer nas mi snang bar 'gyur ro/ /de nas mngags gzhug pa la sogs par rab tu sbyin no/ /gzhan yang / de bzhin gshegs pas las kyi tshogs bya ba gsungs pa/ ri'i rtse mor 'dzegs te khru gang tsam gyi nor bu bzang po </font><hr>36a<br><font size=+1>


@#/ /bzhag nas 'o ma dang / 'o thug za zhing dus gsum du khrus byed cing 'bum phrag gsum du bzlas nas de nas dkar po'i phyogs kyi nya la thug pa'i mtshan mo gsum du smyung bar gnas nas nor bu bzang po la rgya che ba'i mchod pa byas pa dang / gtor ma'i cho ga rgya che ba byas nas ku sha'i chun po dag byin nas ji srid sgra grags pa de srid du bzlas pa bya'o/ /de nas de ma thag tu gnod sbyin thams cad nye bar 'ongs nas de rnams la me tog dmar po dang / dri dmar po dang / arga sbyin par bya'o/ /du ru ska'i bdug pa'ang bdug par bya'o/ /de nas gnod sbyin des legs so zhes bya ba byin nas smras pa/ ngas khyod la ci byed ces zer ba dang / de nas de la smras pa dang / nyin re bzhin mngag gzhug rab tu byin cig /de ltar bya'o zhes zer nas mi snang bar 'gyur ro/ /de la sogs pa bsam gtan tsam gyis gnas pa la ma mthong bar 'khor gyis bskor nas gnas so/ /gang dang / gang 'dod pa de dang / der khang pa brtsegs pa dang / lha'i bzhon pa sprul te stong phrag gcig dang bcas pa la rab tu 'dod pa'i zas rnams ster bar 'gyur ro/ /nyin re bzhin du gnod sbyin mor </font><hr>36b<br><font size=+1>


sprul zhing 'ongs nas tho rangs kyi dus su 'gro bar 'gyur ro/ /de nyid kyi tshe lo stong du 'gyur ro/ /rgya mtsho'i 'gram du nor bu bzang po'i gzugs brnyan bzhag ste bsod snyoms za zhing 'bum phrag gsum bzlas nas dkar po'i phyogs kyi tshes lnga la thug par nub gsum du smyung bar gnas pas rgya mtsho chen po dang nye bar phyin nas ci srid rgya mtsho chen po rang 'ong ba de srid kyi bar du bzlas pa bya'o/ /mdun du rgya mtsho chen po rang 'ong ba de la dri dang / me tog gi mchod pa phul la a ga ru'i bdug pas bdugs la/ kye| rig pa 'dzin pa/ mchog gang 'dod pa rab tu sbyin par smra'o/ /des smras pa/ rgya mtsho chen por nga thogs pa med par 'gro bar gyis/ de ltar bya zer nas mi snang bar 'gyur ro/ /de nas rgya mtsho la zhugs na rgya mtsho na yod pa'i nor bu rin po che blangs nas 'byung bar 'gyur ro| |rgya mtsho \?\ yod pa'i klu rnams kyang dbang du 'gyur ro zhes bcom ldan 'das de bzhin gshegs pas bka' stsal to/ /de nas bcom ldan 'das de bzhin gshegs pas yang gnod sbyin gyi dbang po dbyangs snyan gyi sngags gsungs pa/ na mo rat+na tra yA ya/ na mo ma Ni b+ha drA ya/ mahA yak+Sha se nA ba ta ye/ </font><hr>37a<br><font size=+1>


@#/ /ma Ni ni swAhA/ rtsa ba'i dkar po'i phyogs kyi brgyad dam/ yang na dkar po'i bcu bzhi la nyin zhag gcig tu smyung bar gnas pas ro hi ta'i nya la ba'i lci ba dang / mar gyis byugs nas stong phrag brgyad sbyin sreg byas na dong tse brgya rnyed par 'gyur ro/ /gzhan yang / nye bar mchod pa dang / sngon du 'bum tsho gsum bzlas na nya ma god pa la zho dang / mar dang / sbrang rtsis mngon par byugs nas stong phrag bcu sbyin sreg byas na dong tse stong phrag rnyed par 'gyur ro/ /ma grub na'ang kA ra Sha pa Ni stong phrag gcig rnyed par 'gyur ro/ /oM badz+ra dzaM b+ha la dza len drA ya swAhA/ rtsa ba'i sngags so/ /de nas yang nor bu bzang po bsgrub par 'dod na mchod sbyin gyi shing dkar po la nor bu bzang po'i gzugs brnyan byas la mchod pa chen po rab tu gnas par byas na sde'i mdun du a pa m+r+ga'i yam shing la mar dang / sbrang rtsis phyugs la 'bum phrag tu sbyin sreg byas na 'dod pa'i 'bras bu rnyed par 'gyur ro/ /pe ta la'i me tog rnams kyis 'bum phrag tu sbyin sreg byas na gser srang stong rnyed par 'gyur ro/ /til dang / 'bras thug po che'i sbyin sreg 'bum byas na gser srang stong rnyed par 'gyur ro/ /de ltar sha ta puSh+pa dang / gu gul </font><hr>37b<br><font size=+1>


dang / kun da dang / tsan+dan dkar po dang / du ru ska la sogs pa de rnams re re 'bum du sbyin sreg byas na dong tse stong phrag rnyed par 'gyur ro/ /til dang / 'bras kyi sbyin sreg byas na rgyal po dbang du 'gyur ro/ /nye'u ji ltar 'tshong pa nyos la chu bo'i gzhung la lte ba nub tsam du chu'i nang du zhugs nas kha shar du bltas te sbyin sreg brgya byas na sum 'gyur gyi dong tse rnyed par 'gyur ro/ /ras bal gyi sa bon la mar dang / sbrang rtsis byugs nas stong phrag gcig sbyin sreg byas na nyi ma bdun gyi bar la ras gcig rnyed par 'gyur ro/ /rtag tu bzlas na gos dang / bza' ba rnyed par 'gyur ro/ /'bum bzlas na dong tse lnga stong rnyed par 'gyur ro/ /'bum tsho gnyis bzlas na grong rnyed par 'gyur ro/ /'bum tsho gsum bzlas na longs spyod chen po rnyed par 'gyur zhing grong brgyad kyi bdag por 'gyur ro/ /be'u'i lci ba la sbyin sreg stong byas na ba glang stong rnyed par 'gyur ro/ /gzhan yang / dud 'gro rnams kyi lus la zho dang / sbrang rtsis sbags la nyin re bzhin sbyin sreg byas na ra lug la sogs pa rnyed par 'gyur ro/ /ba lang gi lhas kyi nang du ku sha'i me tog mar dang / sbrang rtsis sbags la nyin re bzhin sbyin sreg byas na 'byung po dang / sha za dbang du </font><hr>38a<br><font size=+1>


@#/ /'gyur ro/ /rig sngags thams cad 'grub par 'gyur ro/ /ji ltar 'dod pa rnyed par 'gyur ro/ /yang ba lang gi lhas kyi nang du 'o ma dang / 'o thug za zhing shri ri pa la'i yam shing la sbyin sreg 'bum byas na gang 'dod pa'i gsol ba btab pa de rnyed par 'gyur ro/ /mtshan mo gsum du smyung bar gnas la zla ba'am/ nyi ma gzas gzung ba la ldong ros dang / gi wang srang lngas a shwat+tha'i 'dab ma bzhi la g.yas skor g.yon skor du bzhag nas yang 'dab ma bzhis g.yogs la ji srid dro bar gyur pa de srid du bzlas pa bya'o/ /du ba dang / 'bar bas 'di ltar sa bla sa 'og sa steng gsum 'grub par 'gyur ro/ /ba lang gi lhas kyi nang ngam/ chu bo 'dus par bsod snyoms za ba'am/ 'o thug za bas arga'i 'o thug mar dang / sbrang rtsis byugs nas stong tsho lnga sbyin sreg byas na rang nyid kyis nor gyi bdag po nor bu bzang po nor gyi bdag po nor dang bcas pa mthong bar 'gyur ro/ /nga mgu'o zhes de smra na mchog brgyad gang 'dod pa ster bar 'gyur ro| |rgyal po dang / gter dang / rdzu 'phrul gyis 'chag pa dang / rig pa 'dzin pa dang / thams cad dbang du byed pa dang / klu dang / gnod sbyin dang / srin po dang / </font><hr>38b<br><font size=+1>


'byung po dang / sha za dang / grul bum dang / lus srul po rnams dbang du 'gyur ro/ /dran pa tsam gyis mdun du 'dug par 'gyur ro/ /rkang bzhi pa la sogs pa'i sems can shi ba rab tu zhi bar byed pa dang / sa 'og tu 'jug pa dang / nam mkha' la 'gro ba dang / sa 'og gi 'khrul 'khor rab tu 'jig pa dang / chu rengs pa dang / bcud len dang / tshar bcad pa dang / rjes su bzung ba brgyad po 'di rnams las de'i mdun du gang na gang gcig blang bar bya'o/ /des gang ci 'dod pa de ster bar 'gyur ro/ / pad+ma mar dang / sbrang rtsis byugs nas 'bum du sbyin sreg byas na pad+ma rA ka'i nor bu rnyed par 'gyur ro/ /de ltar ut+pa la sngon po dang / ku mu da rnams dri zhim po dang ldan pas kha dog sna tshogs pa'i nor bu rin po che rnyed par 'gyur ro/ /yungs kar dkar po mar dang / sbrang rtsis byugs la gang gi ming nas bzung nas sbyin sreg byas na mtshan mo bdun gyis dbang du 'gyur ro/ /til nag po la mar dang / sbrang rtsis sbags la 'bum du sbyin sreg byas na nor nye bar 'phel bar 'gyur ro/ /arga'i shing la me btang la stong phrag brgyad du sbyin sreg byas na nyi ma bdun gyis nad zhi bar 'gyur ro/ /dkar po'i tshes gcig nas brtsams nas sha ta puSh+pa dang / kun da dang / ta ka ra </font><hr>39a<br><font size=+1>


@#/ /dang / ba sha ka dang / du ru ska dang / gu gul rnams ji ltar 'tshong ba nyos la mchod pa byas nas mar dang / sbrang rtsis sngags la stong phrag brgyad du sbyin sreg byas na nyi ma bdun na bdun 'gyur gyi nor rnyed par 'gyur ro/ /'bum phrag bzhi bzlas na bdag dang / gzhan nye bar 'gyur bar byed do/ /yul srung bar 'gyur ro/ /na mo rat+na tra yA ya/ na mo ma Ni b+ha drA ya/ mahA yak+Sha se na pa ta ye/ ki Ni ki Ni g+ha T+Ta ka r+Na swa ba naM me d+ha ra sa ma ye swAhA/ arga'i mar khus ku mu da'i me tog sbyin sreg byas na rmi lam yang dag pa ji lta ba bzhin mthong bar 'gyur ro/ /ki Ni ki Ni gan Da kar+Na tsi traM me d+ha ra yA ya swAhA/ don nges par ster na cho ga ji ltar brjod pa bzhin no/ /'phags pa gnod gnas kyi dbang po ji ltar 'byung ba'i rtog pa zhes bya ba rdzogs so// //rgya gar gyi mkhan po sgeg pa'i rdo rje dang / bod kyi lots+tsha ba dge slong rdo rje 'dzin pa rdo rje grags kyis bsgyur ba'o// // </font><hr>

</table>