rgya gar skad du/ AR+Ya kiSh+NA ya au Sh+Tha/ bod skad du/ 'phags pa lcags mchu nag po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus 378a @#/ /gcig na/ bcom ldan 'das 'dam bu'i khrod na gzings pa'i 'dug gnas na bzhugs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ 'dzam bu'i gling gi gnas der 'dong ngo / /btsun pa/ de ltar bgyi'o/ /zhes gsol nas tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das 'dzam bu'i gling gi sems can rnams la thugs brtse ba'i phyir klu'i rgyal po ma dros ba dang / rgya mtsho dang / dga' bo dang / 'jog po dang / mtha' yas dang / dung skyong dang / gzi can dang / e la'i 'dab ma dang / mdong sa bu dang / klu'i rgyal po glog 'byin dang / klu'i rgyal po chu lha dang / klu'i rgyal po sprin bskul dang / klu'i rgyal po mgo dgu pa dang / klu'i rgyal po mgo bdun pa dang / klu'i rgyal po mgo lnga pa dang / mgo drug pa dang / mgo gsum pa dang / mgo gnyis pa dang / mgo stong pa rnams la bcom ldan 'das kyis gnas bor shig /a na na ste/ bi na na ste/ bi shi ki shi/ a gu bi gu re re/ hUM hUM hUM/ phaT phaT phaT/ staM b+ha ya/ b+hany+dza ya/ pa sa sha rI rA Ni/ mi tra mi tra/ ma tra ma na swAhA/ sngags tshan dang bo des klu rnams 'khrugs nas b+r+g+yalo/ /bcom ldan 'das/ me tog dang / 'bras bu dang / sman rnams dang / rtsi shing dang / myu gu dang / 'dab ma dang / me tog 378b rnams bskams par rngo mi thogs lags so/ /char chu dus su 'bebs so/ /rtsi shing dang / nags tshal skyed bar bgyid lags so/ /'dzam bu'i gling gi mi rnams kyi longs spyod la 'tshe bar rngo mi thogs lags so/ /sems can rnams la 'tshe bar mi bgyid lags so/ /gal te bcom ldan 'das kyis bka' las 'das na/ bdag cag klu rnams kyi lus 'khums par gyur cig/ gnas med par gyur cig /lus rtsub par gyur cig /mdze dang / shu ba dang / sha bkra 'byung bar gyur cig /mgo 'gas pa dang / snying 'brul bar gyur cig /ces bro bor ro/ /bcom ldan 'das la mngon par dad pa'i 'byung po brgya stong dag kyang sems can thams cad kyi phyir 'ongs te/ de dag khyed la gnod pa chen po byed par 'gyur du 'ong gi /nir gats+tsha ta/ nir gats+tsha ta/ nir gats+tsha ta/ myur du byer cig /khyed cag las gang dag sdang ba'i sems dang ldan pa de dag ni/ phung bar gyur cig /gang dag byams pa'i sems dang ldan zhing nyes par mi 'dod la/ srung bar 'dod pa de dag ni/ khyed cag gi lus la 'jug par gyis shig /sangs rgyas 'jig rten la thugs brtse ba can gyis bka' stsal pa/ su mu su mu/ su mu su mu/ su mu ru/ su mu ru/ su mu ru/ su mu ru/ su su/ mu ru/ mu ru/ mu ru/ mu ru/ mu ru/ mu ru/ mi ri mi ri swAhA/ lha rnams dang / klu rnams dang / lha ma yin rnams dang / gnod sbyin pho mo rnams kyis/ ji ltar 379a @#/ /'dod pa'i char gyi rgyun myur du 'bebs so/ /klu'i gnas kun nas chang phul dgu blangs la chang so sor bzhag la yungs kar gyis bsngags cing chur stsal/ sngags rdzogs pa dang / klu'i gnas su bskyal lo/ /char ji ltar 'dod pa bzhin 'bab par 'gyur ro/ /sangs rgyas 'jig rten la thugs brtse ba can gyis sems can rnams la phan par lhag par dgongs pa mnga' ba/ byams pa la gnas pa/ thugs rje dang ldan pa/ dga' ba la gnas pa/ gtang snyoms la gnas pa gshegs shig /k+Shi phran nir g+ts+tsha ta swAhA/ nA ga yu yu swAhA/ sprin la blta zhing phyogs bzhir kha bltas la phyag bya zhing lnga bcur bzlas na/ char nges par myur du 'bab bo/ /char 'bebs pa'i tshe klu mi srun pa'i gnas su song la lus spos chus bkrus la zas dkar gsum 'tshal la sha chang sgog btsong spang bar bya'o/ /byams ba'i sems dang ldan par bsam la kha shar phyogs su bltas nas 'phags pa rnams la gsol ba gdab bo/ /ri bu ri bu/ pa la ya tha/ hUM hUM phaT phaT/ badz+ra badz+re dz+wa la ya swAhA/ sarba du shang na/ bi ra na sha ga swAhA/ ga ru Ti hri ti swAhA/ ya stags la bla re sngon pos dbub/ rgyal mtshan sngon po gzugs/ rig sngags 'chang stan sngon po/ gos sngon po/ rkang pa yang sngon por bgrad/ lha bshos sngon po/ 379b bum pa chus bkang ba bzhi dkyil 'khor gyi gru bzhir bzhag /dbus su klu'i rgyal po rgya mtsho'i gzugs dgod/ shar gyi pad+ma la klu'i rgyal po mgo gsum pa dgod/ lho phyogs kyi pad+ma la klu'i rgyal po mgo bdun pa dgod/ nub phyogs kyi pad+ma la klu'i rgyal po mgo dgu pa dgod/ byang phyogs kyi pad+ma la klu mgo lnga pa dgod/ 'phrin las kyi gzhung las 'byung ba yang dgod/ oM hi hu la phaT phaT/ hUM baM dza ya phaT phaT/ nA ga li dz+wa la/ shad shad/ dz+wa li bi kri ta/ badz+ra badz+ra la mahA ba la bIR+Ya pa ra kro d+ha/ da ra tsi/ pra me ru/ phaT phaT du/ gzungs 'di brjod ma thag tu sa chen po rnams g.yo bar 'gyur ro/ /klu'i rgyal po bye ba khrag khrig brgya stong phrag drug cu khas bub tu 'gyel nas rab tu 'dar te brgyal nas 'dre ldog cing du'o/ /de nas klu'i rgyal po rnams kyis bcom ldan 'das la smre zhing sngags 'dis klu rnams shin tu tshig go /ma rungs lags so/ /zhes gsol pa dang / bcom ldan 'das kyis bka' stsal pa/ klu'i rgyal po rnams kyis 'dzam bu'i gling gi sems can la phan pa dang / bde ba dang / lo legs pa dang / srung ba dang / bskyab pa dang / zhing rnams kyi mig shin tu gang bar gyis shig/ lo tog phun sum tshogs pa sgrubs shig /mi rnams dang / mi ma yin pa rnams la rnam par 'tshe bar ma byed cig /char gyi rgyun phobs shig /'on kyang khyed kyis yun ring po'i bde ba 380a @#/ /dang / klu'i gnod pa kun dang bral bar 'gyur ro/ /rkang mang khyed cag bde legs shog /rkang bzhi khyed cag bde legs shog /rkang gnyis khyed cag bde legs shog /rkang med khyed cag bde legs shog /khyed cag lam 'gro bde legs shog /phyir 'ong rnams kyang bde legs shog /khyed cag sdig par ma gyur cig /sangs rgyas lha rnams stong dag gis/ /yongs su bskor te gshegs mdzad kyi/ /sdang sems ldan pa rnams byer cig /snying rje'i bdag nyid can rnams 'khod/ /gling 'dir char phob don rnams kyis/ /sa dang bar snang gnas pa rnams/ /skye rgu rnams la byams byed shog /char med than pa byung ba'i tshe/ /sngags chen dang po brgya bzla'o/ /bar ma lnga bcu bzla/ tha ma bdun bzla bar bya'o/ /sprin la blta zhing bar bar sus kyang ma tshor bar shub bur bzla'o/ /grangs las thal na/ ser bar 'gyur bas sdig che'o/ /klu gnad la gtad pa yin pas sdig che'o// lan grangs yang yang mi gdab bo/ /zhag gcig gam/ zhag gnyis sam/ zhag lngar char gyi rgyun mi 'bab mi srid do/ /chos kyi rgyal po rga shi mi mnga' ba/ /kun gyi smon lam myur du 'grub 'gyur shog /bcom ldan 'das kyis de skad ces bka' stsal nas tshe dang ldan pa kun dga' bo dang / dge slong de dag rnams yi rang ste bcom ldan 'das kyis gsungs pa la 380b mngon par bstod do/ /'phags pa lcags mchu nag po'i gzungs rdzogs so// // |