bod skad du/ rdo rje gnam lcags mchu zhes bya ba'i gzungs/ thams cad mkhyen pa la phyag 'tshal lo/ /de nas tshangs pa dang / khyab 'jug dang / dbang phyug chen po dang / rgyal po chen po bzhis bcom ldan 'das la lan gsum bskor ba byas te phyag 'tshal nas bcom ldan 'das la 'di skad ces gsol to/ /bcom ldan 'das/ bdag cag thams cad 'dus nas klu thams cad kyi snying 'phrog par bgyid pa/ snying 'gum par bgyid pa/ klu ma rungs pa rnams kyi rigs phung bar 'gyur ba/ rlung dang / ser ba'i sprin thams cad zlog bar bgyid pa/ me tog dang / 'bras bu dang / lo tog thams cad 'byor par bgyid pa/ rdo rje gnam lcags mchu zhes bya ba'i gzungs brjod par 'tshal gyi/ bcom ldan 'das kyis sems can thams cad kyi don mdzad pa'i slad du byin gyis brlab tu gsol/ de 375b nas bcom ldan 'das kyis tshangs pa dang / khyab 'jug dang / dbang phyug dang / rgyal po chen po bzhi la bka' stsal pa/ rigs kyi bu rnams/ ngas sems can thams cad kyi don dang / 'phags pa thams cad kyi bden pas byin gyis brlabs kyi/ khyed kyis smros shig ces bka' stsal pa dang / de nas tshangs pa dang / khyab 'jug dang / dbang phyug dang / rgyal po chen po bzhis gzungs sngags 'di smras te/ dkon mchog gsum la phyag 'tshal lo/ /bcom ldan 'das shAkya thub pa la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas thams cad la phyag 'tshal lo/ /rdo rje 'dzin drag po la phyag 'tshal lo/ /pha rol zil gyis gnon pa'i mthu bo che rnams la phyag 'tshal lo// 'jig rten gsum gyi gtso po la phyag 'tshal lo/ /rgyal po chen po bzhi la phyag 'tshal lo/ /rdo rje gnam lcags 'bar ba ma rungs pa drag tu rgod pa la phyag 'tshal lo/ /ma tha ma tha/ pra ma tha pra ma tha/ dza la ti/ bi krI Da/ badz+ra dza ya dza ya/ mahA ba la b+h+yo ra bI ra ba ra kra ma kro d+ha ra dza/ pra ma b+ha pu pu ma/ pra ma swa re/ b+ho b+ho nA ga de bi de/ byi sa ra ma d+ha/ pra ma d+ha na d+he na/ mU ra d+hA nAM/ s+pho Ta yAM/ hUM hUM/ phaT phaT/ b+ha ra b+ha ra/ bar+Na tsakra/ hA d+ha ni b+ho pa na nA gen+d+ra/ ma ti kra ma tha brna tsakra Na/ shi ri tsan+ta ma Ni hUM ti hUM ti li hUM hUM phaT phaT mu du mu du mu gyan+tu/ sarba 376a @#/ /duSh+TAn s+pho Ta ya/ hr-i da ya/ ma he shwa ra dz+wa li ta/ tri shU la d+ha ra d+ha ra/ ha na ha na/ hUM hUM phaT phaT/ mu tsi mu tsi/ du di ba b+ha ba b+ha/ k+Sha Ne k+Sha Ne tsa tur NAn mahA ra dza nI/ dz+wa li ta shak+ti/ d+ha ra d+ha ra/ hUM phaT/ s+phu ra phu ra/ bi s+phu ra bi s+phur bi s+phu ra/ tsa ra rba tsa ra rba tsa ra rba/ nA sha ya duSh+TAn nA ga hr-i da ya/ s+pho Ta ya/ hUM hUM phaT phaT/ duSh+Ta A shA ni| b+hud ta ma ga shi bIR+Ya dz+wa la/ b+hasmiM ku ru hUM hUM phaT phaT swAhA/ sa ma ya ma nu sma ra/ b+ho nA gA d+hi pa ti pi tsin+tu/ bi b+ho ya/ b+ho b+ho tu ti tu ti tu/ hUM hUM phaT phaT swAhA/ badz+ra A shA ni nA sha ya hUM hUM phaT phaT swAhA/ sarba nA ga hri da yA ni/ bi s+pho Ta kA ya hUM phaT swAhA/ bud+d+ha bi lo ka ti ya swAhA/ brah+mA ya swAhA/ biSh+Nu mu ru ya swAhA/ ma he shwa ra dz+wa li dz+wa li ta tri shU lA ya swAhA/ tsa tur ma hA rA dza sa ma d+ha rA ya swAhA/ pi tsa ga ti ya phaT swAhA/ oM di ri di ri swAhA/ dz+wa li ta pA ka trA ya swAhA/ dzu ti dzu ti swAhA/ phaT phaT/ rdo rje 'bar ba gnam lcags mchu zhes bya ba'i gzungs sngags 'di thos ma thag tu klu ma rungs pa thams cad lus rul nas dri mi zhim pa mnam bar 'gyur ro/ /lus so sor zhig cing 'pho bar gyur nas bcom ldan 'das kyi zhabs la gtugs te 'di skad ces gsol to/ /bcom ldan 'das kyis bskyab tu gsol/ lha dang / 'jig rten du bcas pa thams cad kyis smad par gyur/ bdag cag ni/ 376b ma rungs par gyur to/ /bcom ldan 'das kyis bskyab tu gsol/ lha dang / 'jig rten du bcas pa thams cad kyis smad par gyur/ bdag cag ni/ ma rungs par gyur to/ /bcom ldan 'das| slan chad 'dzam bu'i gling du sems can rnams la gnod par mi bgyid/ 'gum par mi bgyid/ chung du na mig kyang lta bar mi bgyid na/ skabs lta ba lta ci smos/ rgya mtsho klu'i rgyal po dang / klu'i rgyal po gdugs lta bu dang / klu'i rgyal po mthu che ba dang / mdangs che ba dang / ma rungs pa la sogs te/ klu bye ba khrag khrig brgya stong gis bcom ldan 'das kyi zhabs la mgo bos gtugs te phyag 'tshal nas klu thams cad kyis dus phyi ma'i tshe 'dzam bu'i gling gi sems can thams cad la gnod par mi bgyid/ me tog dang / 'bras bu dang / lo tog dang / lo ma dang / yal ga thams cad srung bar bgyid/ rlung dang / ser ba thams cad dgag par bgyid/ dus dus su char dbab par bgyid par rang gi bro'i tshig gi yi dam dang / de bzhin gshegs pa'i dam tshig rjes su bsrung bar bgyi'o/ /sems can thams cad kyi re ba yongs su skong ba dang / yid la bsam pa yongs su rdzogs par bgyid/ gnod par mi bgyid do// bcom ldan 'das/ yon tan gyi khyad par 'di dag las 'gal bar bgyid na/ bdag cag byang chub tu mngon par rdzogs par 'tshang rgya bar ma gyur cig /bro'i tshig kyang 'di lags te/ 377a @#/ /tad+ya thA/ oM ta gi tsa gi /g+hu li g+hu li/ mu li sha sha /gu gu/ shI tI/ bI ra ma ti/ hu yu hu yu swAhA/ char che ba'am/ char mi 'bab pa'am/ dus ma yin par char 'bab pa'am/ rlung dang / sprin dang / ser ba dang / grang ba'i rlung dang / gnam lcags lhung ba'i tshe rig 'dzin gyis bro tshig 'di khang thog gam/ sa mthon po'am/ ri'i steng du yang rung / kha shar phyogs su bltas te lan bdun skad chen por bzlas/ yungs kar la lan bdun bzlas te byen du gtor na/ gtor ma thag tu klu thams cad dum bur 'gyur zhing / nan tan byas pas myur du char 'debs so/ /gzungs 'di nyid kyis dril bu la lan nyi shu rtsa gcig bzlas te yungs kar la lan nyi shu rtsa gcig bzlas nas nan tur drag por byas te phyogs bzhir gtor na mtshams bcad par 'gyur/ rdo rje gnam lcags mchu lan brgyad du bzlas pas klu dgug par bya/ lan gcig dran pas rlung dang ser ba slar bzlog par bya'o/ /gnam lags lhung na yang chur 'gyur ro/ /rdo rje bskor na/ phyogs gang du bskor ba der ser ba 'byol lo/ /nang par sngar sa dben par 'dug ste sngags 'di lan sum cu rtsa gnyis bzlas na/ rlung dang / sprin dang / ser ba yang 'gag par 'gyur ro/ /klus gnod pa mi byed cing phyis kyang mi 377b tshugs so/ /yungs kar la bsngags te phyogs bzhir gtor na/ lo gcig gi bar du mtshams bcad de/ rlung dang / sprin dang / ser ba yang mi g.yo'o/ /ngag nyan cing kun tu srung pa dang / las byed par 'gyur ro/ /sngags nyi shu rtsa gcig bzlas te dril bu dkrol na/ klad pa 'gas shing sa la ltung bar 'gyur te/ gnod pa byed pa sel lo/ /mchod pa tshul bzhin bsngags par byas te skad gsal bar bklags te phyogs bzhi steng 'og tu yungs kar gtor na/ ser ba dang / rlung dang / klus gnod par byed pa bcings par 'gyur/ ltas ngan pa dang / mi dge ba dang / bkra mi shis pa dang / gza' dang / 'byung po dang / sha za dang / gnod sbyin dang / srin po yang phyir bskrad par 'gyur/ dpag tshad khor khor yug tu mtshams bcad par 'gyur/ nad dang / gnod par sems pa dang / las kyi rgol ba'i dgra bgegs thams cad bzlog par 'gyur ro/ /lo tog dang / 'bras bu dang / khu ba rgyas pa dang / smin pa dang / che bar 'gyur/ 'byung po dang / gnod pa thams cad kyis mi tshugs par 'gyur ro/ /rdo rje gnam lcags mchu zhes bya ba'i gzungs rdzogs so// // |