rgya gar skad du/ AR+Ya da sha badz+ra pA Ni hr-i da ya/ bod skad du/ 'phags pa lag na rdo rje bcu'i snying po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med 341a @#/ /zas sbyin gyi kun dga' ra ba na bzhugs te| de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ rigs kyi bu'am| rigs kyi bu mo gang la la gnod sbyin gyi sde dpon chen po lag na rdo rje bcu'i ming shes sam/ rus shes sam/ gsang sngags shes pa de la byad kyis mi tshugs so| |gnod sbyin dag rnam par 'tshe bar mi 'gyur ro/ /srin po rnams dang / lhag ma za ba rnams dang / bdug pa za ba rnams 'tshe bar mi 'gyur ro/ /phyis 'jog pa rnams kyang gnod par mi 'gyur ro/ /tad+ya thA/ u ki ri ma ki ri/ mi rI tsa da sha pa ri/ u li me/ mi li me/ i li me/ i li me/ i li ma le mi/ hek+ke d+hik+ke/ huk+ke/ d+hu hu re/ pra d+ha re| a laM pha le/ phA laM pha le/ khu khu me ti ku me tu me/ khi ri khi ri/ sA dA sA dA/ sarba bka kwa le/ ban+d+ha ma bka kwa le/ kun dga' bo/ gnod sbyin gyi sde dpon chen po lag na rdo rje bcu po 'di dag la rtag tu bdag gi phyi bzhin du 'brang bar gyur nas bdag gnyid log pa dang / myos pa dang / rab tu myos pa yang bsrung ba dang / yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar byed par bcom ldan 'das kyi bkas gsol pa thob 341b cig /'di lta ste/ rgyal ba khyu mchog dang / 'brog gnas dang / gang gnas dang / ldas rtsen dang / nor bu bzang po dang / grags pa bzang dang / lus ngan gyi bu mdzes byed dang / phreng ba mdzes dang / rgyal po chen po chos skyong rnam thos kyi bu ste/ gnod sbyin gyi sde dpon chen po lag na rdo rje bcu po 'di dag la rtag tu bdag gi phyi bzhin 'brang bar gyur nas bdag gnyid kyis log ba dang / myos pa dang / rab tu myos pa na yang bsrung ba dang / yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar byed par bcom ldan 'das kyis bkas gsol ba thob cig/ gsang sngags kyi gzhi 'di rnams grub par gyur cig swAhA| tad+ya thA/ sa ra sa ra Ne swAhA/ de la lag na rdo rje bcu po 'di dag gi gsang sngags gzhi rnams ni/ 'di dag yin te/ tad+ya thA/ u ke te/ ke te/ saM ke ta/ u du le/ d+ha d+he| ta te/ ta ba ta te / tsi tse tsi te/ tsi khe lo ts+tshe ni/ b+he da ni/ sarba bIR+Ya ts+tshe da ni/ sarba kri ta/ ka kho rdo/ ba ri kri ta nA sha ni/ de la rig sngags kyi rgyal po chen po lag na rdo rje bcu po de dag gi gsang sngags kyi gzhi dam pa ni/ 'di rnams yin no/ /tad+ya thA/ a le lak+She/ pa ke le lak+She/ a ke/ pa ke lak+She swAhA/ tad+ya thA/ hu tu 342a @#/ /hu tu| hu tu tu/ bi tu bi tu/ bi tu tu/ gats+tsha gats+tsha/ sa pa te/ pa ta ha ta ye swAhA/ na mo b+ha ga bA to bud+d+ha s+ya sid+d+h+yan+tu man+t+ra pa dAHswAhA/ bcom ldan 'das kyis de skad ces bka' stsal nas tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa lag na rdo rje bcu'i snying po rdzogs so// //rgya gar gyi mkhan po dza ni mi tra dang / dA na shI la dang / zhu chen gyi lots+tsha ba ban+d+he ye shes sdes bsgyur cing zhus te gtan la phab pa/ |