H66

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H66</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H66&coll=lhasa">see text in Tibetan script</a></table>102a<br><font size=+1>


//rgya gar skad du/ AR+Ya ma hA pra ti hAR+Ya ni ra de sha nA ma ma hA ya na sU tra/ bod skad du/ 'phags pa cho 'phrul chen po bstan pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong stong nyis brgya lnga bcu'i dge slong gi dge 'dun chen po dang / byang chub sems dpa' brgyad stong dang thabs gcig tu bzhugs so/ /de nas lha'i bu ded dpon zhes bya </font><hr>102b<br><font size=+1>


ba 'khor de nyid du 'dus par gyur te 'dug go /'jam dpal gzhon nur gyur pa yang 'khor de nyid du 'dus par gyur te 'dug go/ de nas bcom ldan 'das la lha'i bu ded dpon gyis 'di skad ces gsol to/ /bcom ldan 'das/ de bzhin gshegs pa cho 'phrul du zhig gis sems can rnams 'dul bar mdzad lags/ bcom ldan 'das kyis bka' stsal pa| lha'i bu/ nga ni cho 'phrul rnam pa gsum gyis sems can rnams 'dul bar byed do/ /gsum gang zhe na/ 'di lta ste/ kun brjod pa'i cho 'phrul dang / rjes su bstan pa'i cho 'phrul dang| rdzu 'phrul gyi cho 'phrul lo/ /de la de bzhin gshegs pa'i kun brjod pa'i cho 'phrul de gang zhe na/ thogs pa med pa'i ye shes kyis ma 'ongs pa'i dus gzigs pa gang yin pa dang / sems can thams cad kyi sems kyi spyod pa mkhyen cing gzigs pa dang / dkon mchog gsum po dag la ma dad pa rnams dad par mdzad pa dang / las kyi rnam par smin pa la 'jug pa mkhyen pa dang| de bzhin gshegs pas gang zag gang la da ltar byung ba na nyes par spyad pa'i gzhi ngan song dang / ngan 'gro gang yang rung ba dag tu skye bar 'gyur ba de dag ni de kho na bzhin du 'gyur gyi| gzhan du ma yin no zhes kun brjod par mdzad pa dang / gang zag de sngon dge ba'i rtsa ba yang dag par blangs pa'i rgyus ngan song rnams las thar nas lha dang mi dag tu skye bar 'gyur </font><hr>103a<br><font size=+1>


@#/ /zhing theg pa gang gis nges par 'byung bar 'gyur ba dang / yang na nyan thos kyi theg pa'am/ yang na rang sangs rgyas kyi theg pa'am/ yang na theg pa chen pos nges par 'byung bar 'gyur ba dang / de bzhin du bde ba dang sdug bsngal myong bar 'gyur ba dang / bskal pa ji snyed gcig gis nges par 'byung bar 'gyur ba dang / spyod pa ji lta bus sangs rgyas bcom ldan 'das ji snyed cig mthong bar 'gyur zhing / mnyes par byed par 'gyur ba de dag thams cad de bzhin gshegs pas rab tu mkhyen to/ /mkhyen nas kyang de ni de kho na bzhin du 'gyur gyi/ gzhan du ma yin no zhes de kho na bzhin du kun brjod par mdzad pa dang / gang zag gang dge ba'i rtsa ba yang dag par blangs pa'i rgyus 'dod pa'i khams rnams su skye bar 'gyur ba dang / gzugs kyi khams dang / gzugs med pa'i khams kyi skye mched gang yang rung ba dag tu skye bar 'gyur ba de yang de bzhin gshegs pas rab tu mkhyen to/ /theg pa gang gis nges par 'byung bar 'gyur ba dang / bskal pa ji snyed cig gis nges par 'byung bar 'gyur ba dang / spyod pa ji lta bus sangs rgyas bcom ldan 'das ji snyed cig mthong bar 'gyur zhing / mnyes par byed par 'gyur ba de dag thams cad kyang de bzhin gshegs pas rab tu mkhyen to/ /mkhyen nas kyang de kho na bzhin du kun brjod cing lung ston par </font><hr>103b<br><font size=+1>


mdzad pa dang / dge ba'am/ mi dge ba'am/ dman pa'am/ bar ma'am/ mchog gam/ tha na sems bskyed pa gcig kyang mi 'da' ste/ de ni de bzhin gshegs pa'i kun brjod pa'i cho 'phrul yin no/ /de la de bzhin gshegs pa'i rjes su bstan pa'i cho 'phrul gang zhe na/ bslab pa bsrung ba'i don gyi phyir rjes su ston par mdzad pa gang yin pa ste/ 'di ni bya ba'o/ /'di ni bya ba ma yin pa'o/ /'di ni bsten par bya ba ma yin pa'o/ /'di ni bsgrub pa'o/ /'di ni log par bsgrub pa'o/ /chos 'di dag ni kun nas nyon mongs pa'i cha dang mthun pa'o/ /chos 'di dag ni rnam par byang ba'i cha dang mthun pa'o zhes de ltar yon tan thams cad yang dag par blang ba rjes su ston pa dang / mi dge ba thams cad spang ba rjes su ston pa dang / dge ba'i lam gyi tshogs thams cad rjes su ston pa dang / lam 'di ni nyan thos kyi theg pa yongs su rdzogs par 'gyur ba'o/ /lam 'di ni rang sangs rgyas kyi theg pa yongs su rdzogs par 'gyur ba'o/ /lam 'di ni theg pa chen po yongs su rdzogs par 'gyur ba'o zhes rjes su ston pa gang yin pa ste/ de dag ji skad bstan pa bzhin du bsgrubs na gnas gang yin pa de rjes su 'thob par mi 'gyur ba ni gnas ma yin/ skabs ma yin te/ de ni gnas med do/ /las 'di yang dag par blangs na ni sems can dmyal ba rnams su khrid par byed do/ /las 'di yang dag par </font><hr>104a<br><font size=+1>


@#/ /blangs na ni dud 'gro'i skye gnas rnams su khrid par byed do/ /las 'di yang dag par blangs na ni gshin rje'i 'jig rten rnams su khrid par byed do/ /las 'di yang dag par blangs na ni lha rnams su khrid par byed do/ /las 'di gang dag par blangs na ni mi rnams su khrid par byed do/ /de la gang dag mi dge ba spangs na dge ba yang dag par blang ba'i phyir 'jug pa dang / 'phags pa'i lam du 'jug pa de dag ni lha dang mi rnams su skyes nas rim gyis yongs su mya ngan las 'das pa'i chos can du 'gyur ba dang / tshul de lta bus kha na ma tho ba med pa dang / rmongs pa med pa'i rjes su ston par mdzad pa gang yin pa ste/ de ni de bzhin gshegs pa'i rjes su bstan pa'i cho 'phrul yin no/ /de la de bzhin gshegs pa'i rdzu 'phrul gyi cho 'phrul gang zhe na/ gang dag rdzu 'phrul gyis 'dul ba'i sems can nga rgyal dang / rgyags pa dang / dregs pas bcom pa rnams la rdzu 'phrul gyi cho 'phrul kun tu ston par mdzad de/ 'di lta ste/ gcig tu gyur nas du mar 'gyur ro/ /du mar gyur nas gcig tu 'gyur ro/ /snang bar 'gyur zhing mi snang bar 'gyur ro/ /rtsig pa la yang thad kar 'gro'o/ /ra ba la yang mi thogs par thad kar 'gro'o/ /ri la yang mi thogs par thad kar 'gro'o/ /sa la steng du 'byung ba dang bye'u zul byed de/ dper na/ chu la </font><hr>104b<br><font size=+1>


bya ba bzhin no/ /chu la yang mi nub par 'gro ste/ dper na/ sa la bya ba bzhin no/ /nam mkha' la yang 'gro ste/ dper na/ 'dab chags bya bzhin no/ /lus kyi stod nas me 'bar bar byed cing lus kyi smad nas chu'i rgyun 'bab par byed do/ /lus kyi smad nas me 'bar bar byed cing lus kyi stod nas chu'i rgyun 'bab par byed do/ /nyi ma dang / zla ba 'di gnyis 'di ltar rdzu 'phrul che ba| 'di ltar mthu che ba/ 'di ltar gzi brjid che ba la yang lag pas 'dzin cing kun tu nyug par byed do/ /tshangs pa'i 'jig rten gyi bar du yang lus kyis dbang bsgyur ro/ /stong gsum gyi stong chen po'i 'jig rten gyi khams 'di yang kun tu 'bar bar ston te/ sems can yongs su smin par bya ba'i phyir rdzu 'phrul gyi rnam par 'phrul ba'i khyad par ci dang ci lta bus sems can rnams 'dul bar 'gyur ba de dang de lta bu'i rdzu 'phrul gyi rnam pa dag mngon par sgrub par byed de/ de ni de bzhin gshegs pa'i rdzu 'phrul gyi cho 'phrul yin no/ /lha'i bu/ nga ni cho 'phrul gsum po de dag gis sems can rnams 'dul bar byed do/ /de nas bcom ldan 'das la lha'i bu ded dpon gyis 'di skad ces gsol to/ /bcom ldan 'das/ cho 'phrul de dag ma lags pa'i cho 'phrul dam pa gzhan ci zhig mnga' lags sam/ bcom ldan 'das kyis bka' stsal pa/ lha'i bu/ yod do/ /de nas bcom ldan 'das kyis 'jam dpal </font><hr>105a<br><font size=+1>


@#/ /gzhon nur gyur pa la bka' stsal pa/ 'jam dpal/ cho 'phrul bstan pa'i chos kyi rnam grangs gang thos na zab mo la spyod pa'i byang chub sems dpa' sems dpa' chen po rnams bzod pa thob par 'gyur ba dang / bdud kyi phyogs kyang shin tu tshar gcad par 'gyur ba dang / de bzhin gshegs pa rnams kyi byang chub 'di yang yun ring du gnas par 'gyur ba'i cho 'phrul bstan pa zhes bya ba'i chos kyi rnam grangs la khyod spobs par gyis shig/ de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ de bzhin gshegs pa ni bzhed na stong gsum gyi stong chen po'i 'jig rten gyi khams kyi rgya mtsho chen po'i chab kyi phung po gang lags pa de thams cad phyag gi khyor ba ya gcig tu stsal kyang chab kyi sems can rnams la yang gnod par mi 'gyur te/ bcom ldan 'das de bzhin gshegs pa la ni cho 'phrul 'di mnga' lags so/ /yang 'di ni cho 'phrul dam pa lags te/ gang de bzhin gshegs pas brjod du ma mchis pa dang / yi ge ma mchis pa dang / bsnyad du ma mchis pa dang / skye ba ma mchis pa dang / 'byung ba ma mchis pa dang / ming ma mchis pa dang / mtshan ma ma mchis pa dang / sgra ma mchis pa dang / dbyangs </font><hr>105b<br><font size=+1>


ma mchis pa dang / tshig gi lam ma mchis pa dang / rgyu mtshan ma mchis pa dang / mtshan nyid ma mchis pa dang / spyod pa ma mchis pa dang / rgyu ba ma mchis pa dang / kun tu 'byung ba ma mchis pa dang / rnam par rig pa ma mchis pa dang / 'dus ma bgyis pa dang / sems dang yid dang rnam par shes pa dang bral ba dang / tha snyad thams cad yang dag par chad pa dang / zhi ba dang / byang ba dang / phra ba dang / mthong bar dka' ba dang / rtag tu ma mchis pa dang / rtog ge'i spyod yul ma lags pa'i chos mngon par rdzogs par sangs rgyas nas/ yi ge dang| nges pa'i tshig dang / brda dang / tha snyad kyi lam de dang de dag gis chos de dag gzhan dag la rnam par rig par mdzad pa de ni de bzhin gshegs pa'i cho 'phrul chen po lags so| |lha dang bcas pa'i 'jig rten gyis de'i gting mi rtogs shing / dmigs pa dang / mtshan ma dang / yongs su rtog pa dang bcas pa'i dge sbyong dang / bram ze thams cad dngang zhing 'jug par mi 'gyur ba de yang de bzhin gshegs pa'i cho 'phrul chen po lags so/ /bcom ldan 'das/ gzhan yang de bzhin gshegs pa ni bzhed na stong gsum gyi stong chen po 'jig rten gyi khams 'di zhal gyi sgor stsal kyang gling chen po bzhi pa'i sems can rnams dang / dgung zla dang / gdugs dag dang / khor yug rnams dang / ri dang / shing gel </font><hr>106a<br><font size=+1>


@#/ /pa dang / sman dang / nags tshal rnams la yang sgrib par mi 'gyur ba dang / slar phyung ste gnas ji lta ba bzhin du bkod kyang sems can rnams kyang 'di ltar bdag cag yul gang du bkod pa dang / bdag cag yul gang nas bton pa yang mi 'tshal te/ bcom ldan 'das/ de yang de bzhin gshegs pa'i cho 'phrul chen po lags so/ / 'di ni cho 'phrul chen po dam pa lags te/ gang de bzhin gshegs pas brjod du ma mchis pa dang / yi ge ma mchis pa dang / bsnyad du ma mchis pa dang / ming ma mchis pa dang / mtshan ma ma mchis pa dang / de bzhin du sbyar te/ sems dang yid dang rnam par shes pa dang bral ba dang / tha snyad thams cad yang dag par chad pa dang / zhi ba dang / byang ba dang| phra ba dang / mthong bar dka' ba dang / brtag tu ma mchis pa dang / rtog ge'i spyod yul ma lags pa'i bar gyi chos thams cad mngon par rdzogs par sangs rgyas nas/ yi ge dang / nges pa'i tshig dang / brda dang / tha snyad kyi lam de dang de dag gis chos de bstan pa de yang de bzhin gshegs pa'i cho 'phrul chen po lags so/ /bcom ldan 'das/ gzhan yang gang dag de bzhin gshegs pa'i sku dang ldan pa'i cho 'phrul de dag thams cad ni mtshan ma'i dngos po dang bcas pa'i sems can rnams kun nas 'dren par mdzad </font><hr>106b<br><font size=+1>


pa lags so/ /'di yang de bzhin gshegs pa'i cho 'phrul chen po lags te/ 'di lta ste/ bdag ma mchis pa la bdag tu tha snyad 'dogs pa dang / sems can ma mchis pa la sems can du tha snyad 'dogs pa dang / srog ma mchis pa la srog tu tha snyad 'dogs pa dang / gso ba ma mchis pa la gso bar tha snyad 'dogs pa dang / gang zag ma mchis pa la gang zag tu tha snyad 'dogs pa dang| shed las skyes pa ma mchis pa la shed las skyes su tha snyad 'dogs pa dang / shed bu ma mchis pa la shed bur tha snyad 'dogs pa dang / ming ma mchis pa la ming du tha snyad 'dogs pa dang / gzugs ma mchis pa la gzugs su tha snyad 'dogs pa dang / tshor ba ma mchis pa la tshor bar tha snyad 'dogs pa dang / 'du shes ma mchis pa la 'du shes su tha snyad 'dogs pa dang / 'du byed rnams ma mchis pa la 'du byed rnams su tha snyad 'dogs pa dang / rnam par shes pa ma mchis pa la rnam par shes par tha snyad 'dogs pa dang / phung po ma mchis pa la phung por tha snyad 'dogs pa dang / khams ma mchis pa la khams su tha snyad 'dogs pa dang / skye mched ma mchis pa la skye mched du tha snyad 'dogs pa dang / mig stong zhes bgyi ba tha snyad 'dogs kyang mig ni 'di snyam du bdag stong ngo snyam du mi sems pa dang / gzugs stong ngo zhes bgyi bar tha snyad 'dogs kyang gzugs ni 'di snyam du bdag stong ngo snyam du mi sems </font><hr>107a<br><font size=+1>


@#/ /pa dang / mig gi rnam par shes pa stong zhes bgyi bar tha snyad 'dogs kyang mig gi rnam par shes pa ni 'di snyam du bdag stong ngo snyam du mi sems pa dang / de bzhin du rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang / lus kyi rnam par shes pa dang / yid stong zhes bgyi bar tha snyad 'dogs kyang yid ni 'di snyam du bdag stong ngo snyam du mi sems pa dang / chos rnams stong zhes bgyi bar tha snyad 'dogs kyang chos rnams ni 'di snyam du bdag stong ngo snyam du mi sems pa dang / yid kyi rnam par shes pa stong ngo zhes bgyi bar tha snyad 'dogs kyang yid kyi rnam par shes pa ni 'di snyam du bdag stong ngo snyam du mi sems te/ 'di ltar bem po dang / sems pa ma mchis pa dang / dngos po ma mchis pa dang / ming ma mchis pa dang / mtshan ma ma mchis pa'i chos 'di lta bu 'di dag sems can gzhan dang gang zag gzhan dag la yang dag par go bar mdzad pa gang lags pa 'di ni de bzhin gshegs pa'i cho 'phrul chen po lags te| cho 'phrul de ni mig dang ldan pa yang ma lags/ gzugs dang ldan pa yang ma lags/ mig gi rnam par shes pa dang ldan pa yang ma lags/ rna ba dang ldan pa yang ma </font><hr>107b<br><font size=+1>


lags/ sgra dang ldan pa yang ma lags/ rna ba'i rnam par shes pa dang ldan pa yang ma lags/ sna dang ldan pa yang ma lags/ dri dang ldan pa yang ma lags/ sna'i rnam par shes pa dang ldan pa yang ma lags/ lce dang ldan pa yang ma lags/ ro dang ldan pa yang ma lags/ lce'i rnam par shes pa dang ldan pa yang ma lags/ lus dang ldan pa yang ma lags/ reg bya dang ldan pa yang ma lags/ lus kyi rnam par shes pa dang ldan pa yang ma lags/ yid dang ldan pa yang ma lags/ chos rnams dang ldan pa yang ma lags/ yid kyi rnam par shes pa dang ldan pa yang ma lags te/ de lta bu'i cho 'phrul de ni yul ma mchis pa'i cho 'phrul lags so/ /de ni yul dang bral ba'i cho 'phrul lags te/ cho 'phrul de ni lus dang ldan par lta ba ma lags/ sems dang / yid dang / rnam par shes pa dang ldan par lta ba ma lags te/ de'i slad du cho 'phrul de ni 'jig rten thams cad glo ba mi ches par 'gyur ba lags so/ /de ci'i slad du zhe na/ 'jig rten zhes bgyi ba ni phung po lnga po dag lags te/ phung po lnga po mi rtag pa de la byis pa rnams mngon par zhen cing| de dag gi phung po lnga po dag rtag par bzung ba'i slad du ste/ de'i slad du cho 'phrul de ni 'jig rten thams cad glo ba mi ches par 'gyur ba lags so/ /'jig rten gyi phung po lnga </font><hr>108a<br><font size=+1>


@#/ /po dag rtag ces bgyi bar glo ba ches pas na/ de dag mi rtag go zhes bshad na 'jig rten thams cad glo ba mi ches pa lags so/ /'jig rten ni phung po lnga po dag bde zhes bgyi bar glo ba ches pas na/ de dag sdug bsngal lo zhes bshad na 'jig rten thams cad glo ba mi ches pa lags so/ /'jig rten ni phung po lnga po dag bdag ces bgyi bar glo ba ches pas na de dag bdag ma mchis so zhes bshad na 'jig rten thams cad glo ba mi ches lags so/ /'jig rten ni phung po lnga po dag sdug ces bgyi bar glo ba ches pas na| de dag mi sdug go zhes bshad na 'jig rten thams cad glo ba mi ches lags so/ /'jig rten ni phung po lnga po dag bdag gi zhes bgyi bar glo ba ches pas na/ de dag bdag po ma mchis so zhes bshad na 'jig rten thams cad glo ba mi ches lags so/ /'jig rten ni phung po lnga po dag yang dag par zhes bgyi bar glo ba ches pas na/ de dag yang dag pa ma lags so zhes bshad na 'jig rten thams cad glo ba mi ches pa lags te/ de'i slad du de bzhin gshegs pa'i cho 'phrul de ni/ 'jig rten thams cad glo ba mi ches par 'gyur ba lags so| |cho 'phrul de la ni sems rangs par mi 'gyur lags te/ cho 'phrul de ni bsam gyis mi khyab pa lags so/ /cho 'phrul de ni mig tu bgrang ba ma lags/ gzugs su bgrang ba </font><hr>108b<br><font size=+1>


ma lags te/ cho 'phrul de ni mig dang gzugs kyi yul las yang dag par 'das pa lags so/ /cho 'phrul de ni rna bar bgrang ba ma lags/ sgrar bgrang ba ma lags te/ cho 'phrul de ni rna ba dang sgra'i yul las yang dag par 'das pa lags so/ /de bzhin du sbyar te/ cho 'phrul de ni yid du bgrang ba ma lags/ chos su bgrang ba ma lags te/ cho 'phrul de ni yid dang / chos kyi yul las yang dag par 'das pa lags so/ /cho 'phrul de ni shes pa'i spyod yul ma lags/ rangs par bgyid pa ma lags te/ cho 'phrul de ni rnam par rig par bgyi ba ma lags so/ /stong pa nyid ni brjod du ma mchis pa lags na/ stong pa nyid brjod pa de ni cho 'phrul lags so/ /mtshan ma ma mchis pa ni brjod du ma mchis pa lags na/ mtshan ma ma mchis pa brjod pa de ni cho 'phrul lags so/ /smon pa ma mchis pa ni brjod du ma mchis pa lags na/ smon pa ma mchis pa brjod pa de ni cho 'phrul lags so/ /mngon par 'du bgyi ba ma mchis pa ni brjod du ma mchis pa lags na/ mngon par 'du bgyi ba ma mchis pa brjod pa de ni cho 'phrul lags so/ /skye ba ma mchis pa ni brjod du ma mchis pa lags na/ skye ba ma mchis pa brjod pa de ni tshe 'phrul lags so/ /'byung ba ma mchis pa ni brjod du ma mchis pa lags na/ 'byung ba ma mchis pa brjod pa de ni cho 'phrul lags so/ /dngos po </font><hr>109a<br><font size=+1>


@#/ /ma mchis pa ni brjod du ma mchis pa lags na/ dngos po ma mchis pa brjod pa de ni cho 'phrul lags so/ /mtshan nyid ma mchis pa ni brjod du ma mchis pa lags na/ mtshan nyid ma mchis pa brjod pa de ni cho 'phrul lags so/ /'gag pa ma mchis pa ni brjod du ma mchis pa lags na/ 'gag pa ma mchis pa brjod pa de ni cho 'phrul lags so/ /mya ngan las 'das pa ni brjod du ma mchis pa lags na/ mya ngan las 'das pa brjod pa de ni cho 'phrul lags so/ /'di lta ste/ bdag tu dmigs pa ma mchis pa dang / sems can du kun 'byung ba ma mchis pa dang / byang chub la rloms sems ma mchis pa'i 'khor gsum yongs su dag pa'i sbyin pa de ni cho 'phrul lags so/ /'di lta ste/ lus g.yo ba ma mchis pa dang / ngag brjod pa ma mchis pa dang / sems rgyu ba ma mchis pa'i 'khor gsum yongs su dag pa'i tshul khrims de ni cho 'phrul lags so/ /'di lta ste| sred par sgro 'dogs pa ma mchis pa dang / sems skad cig tu 'jig pa dang / lus dang sems rnam par mi rtog pa'i 'khor gsum yongs su dag pa'i bzod pa de ni cho 'phrul lags so/ /'di lta ste/ blang ba ma mchis pa dang / dor ba ma mchis pa dang / gnas pa ma mchis pa'i 'khor gsum yongs su dag pa'i brtson 'grus de ni cho 'phrul </font><hr>109b<br><font size=+1>


lags so/ /'di lta ste/ nang nye bar zhi ba dang / phyi rol du rgyu ba ma mchis pa dang / sems bsam pa ma mchis pa'i 'khor gsum yongs su dag pa'i bsam gtan de ni cho 'phrul lags so/ /'di lta ste/ ngar 'dzin pa rnam par spangs pa dang / nga yi ba rnam par spangs pa dang / nga yi ra 'dzin pa bor ba dang / lta ba'i rnam pa thams cad dang bral ba'i 'khor gsum yongs su dag pa'i shes rab de ni cho 'phrul lags so/ /chos thams cad ni rnam par bral ba ma mchis pa lags na/ de dag rnam par bral bar bshad pa ni cho 'phrul lags so/ /chos thams cad ni dngos po ma mchis pa lags na/ rang gi ngo bo dang bral bar bshad pa de ni cho 'phrul lags so/ /chos thams cad ni dbyer ma mchis pa lags na/ yi ges kun tu phye ste bshad pa ni cho 'phrul lags so/ /chos thams cad ni 'ong ba ma mchis pa dang / 'gro ba ma mchis pa lags na/ 'ong ba dang 'gro bar bshad pa ni cho 'phrul lags so/ /chos thams cad ni 'byung ba ma mchis pa lags na/ 'byung bar bshad pa ni cho 'phrul lags so/ /chos thams cad ni mngon par rtogs pa gcig pa lags na/ 'bras bu rnam par dgod pa bshad pa ni cho 'phrul lags so/ /chos thams cad ni ro gcig pa lags na/ theg pa gsum du rnam par dgod pa bshad pa ni cho 'phrul lags so/ /chos kyi dbyings ni dbyer ma </font><hr>110a<br><font size=+1>


@#/ /mchis pa lags na/ chos thams cad rnam par dgod pa bshad pa ni cho 'phrul lags so/ /sangs rgyas thams cad ni sangs rgyas gcig pa lags na/ sangs rgyas dpag tu ma mchis par bshad pa ni cho 'phrul lags so/ /zhing thams cad zhing gcig pa lags na/ zhing sna tshogs bshad pa ni cho 'phrul lags so/ /sems can thams cad ni sems can gcig pa lags na/ sems can gyi rim pa bshad pa ni cho 'phrul lags so/ /chos thams cad ni chos gcig pa lags na/ tha ma dang mchog dang bar mar bshad pa'i cho 'phrul lags so/ /chos thams cad ni rnam par bsgrubs pa ma mchis pa lags na/ rnam par bsgrubs pa'i mtshan nyid bshad pa ni cho 'phrul lags so/ / chos thams cad ni rnam par rig pa ma mchis pa lags na/ gzhan la rnam par rig pa bshad pa ni cho 'phrul lags so/ /de nas lha'i bu ded dpon gyis 'jam dpal gzhon nur gyur pa la 'di skad ces smras so/ /'jam dpal khyod kyis ji skad smras pa'i don kho bos shes pa ltar na ji tsam du brjod pa'i chos de dag thams cad ni cho 'phrul yin no/ /'jam dpal gyis smras pa/ lha'i bu/ de de bzhin no/ /ji skad smras pa de bzhin te/ chos thams cad ni brjod du ma mchis pa yin pas de dag brjod pa gang yin pa de ni cho 'phrul chen po </font><hr>110b<br><font size=+1>


yin no/ /bstan pa 'di bshad pa na lha'i bu khri nyis stong bla na med pa yang dag par rdzogs pa'i byang chub tu sems skyes so/ /byang chub sems dpa' lnga brgya ni mi skye ba'i chos la bzod pa thob par gyur to/ /de nas tshe dang ldan pa shA radwa ti'i bus lha'i bu ded dpon la 'di skad ces smras so/ /lha'i bu/ ci khyod cho 'phrul bstan pa 'di thos nas skrag par mi 'gyur ram/ lha'i bus smras pa/ btsun pa shA radwa ti'i bu/ kho bo nyid kyang cho 'phrul yin na de la/ kho bo skrag par 'gyur du ci yod/ shA radwa ti'i bus smras pa/ lha'i bu/ khyod ci las bsams te de skad smra/ lha'i bus smras pa/ btsun pa shA radwa ti'i bu/ chos thams cad ni 'pho ba med pa yin na/ de la dge ba dang mi dge ba'i chos 'pho ba gang yin pa de ni cho 'phrul chen po yin no/ /btsun pa shA radwa ti'i bu/ dge ba'i las mngon par 'du bya ba gang gis kho bo lha rnams kyi nang du skyes te/ bdag nyid chen po 'di yang thob pa'i dge ba'i las mngon par 'du bya ba gang yin pa de ni sems par mi byed cing rnam par shes par mi byed do/ /de lta bas na sems can thams cad kyi 'chi 'pho dang skye ba yang sems par mi byed cing / rnam par shes par mi byed de/ rnam par shes par mi byed pa gang yin pa de ni cho 'phrul chen po yin te/ bcom ldan 'das kyis ji skad du las rnams kyi las kyi rnam par smin pa ni bsam gyis mi khyab bo/ /klu rnams </font><hr>111a<br><font size=+1>


@#/ /kyi klu'i yul yang bsam gyis mi khyab bo/ /bsam gtan pa rnams kyi bsam gtan gyi yul yang bsam gyis mi khyab bo/ /sangs rgyas bcom ldan 'das rnams kyi sangs rgyas kyi yul yang bsam gyis mi khyab bo/ /zhes gsungs pa lta bu ste/ de lta bas na chos thams cad ni bsam gyis mi khyab ste/ bsam gyis mi khyab pa gang yin pa de ni cho 'phrul chen po yin no/ /yang gnas brtan shA radwa ti'i bus 'di skad du/ lha'i bu/ ci khyod bcom ldan 'das kyi cho 'phrul bstan pa gang yin pa de thos na skrag par mi 'gyur ram zhes zer ba ni/ btsun pa shA radwa ti'i bu/ ci de bzhin gshegs pas cho 'phrul bstan pa gang yin pa des nam mkha'i khams skrag par 'gyur ram/ smras pa/ lha'i bu/ de ni ma yin no/ /smras pa/ btsun pa shA radwa ti'i bu/ gal te de bzhin gshegs pas cho 'phrul bstan pa des nam mkha'i khams skrag par mi 'gyur na kho bo yang skrag par mi 'gyur ro| |smras pa/ lha'i bu/ ci khyod nam mkha' yin nam/ smras pa/ btsun pa shA radwa ti'i bu/ kho bo ni nam mkha' yin no/ /smras pa/ lha'i bu/ khyod ci las bsams te de skad smra/ sgras pa/ btsun pa shA radwa ti'i bu/ ci bcom ldan 'das kyis nang gi nam mkha'i khams su gsungs pa gang yin pa dang / phyi rol gyi nam mkha'i khams su gsungs pa gang </font><hr>111b<br><font size=+1>


yin pa de nyid nam mkha'i khams ma yin nam/ smras pa/ lha'i bu/ de ni yin no/ /smras pa/ btsun pa shA radwa ti'i bu/ de lta bas na sems can thams cad kyang nam mkha'i khams kyi rang bzhin can yin no/ /smras pa/ lha'i bu/ ji ltar khyod kyis bstan pa bzhin du khyod nyid kyang ring po ma thogs par cho 'phrul de dag nyid nye bar ston par 'gyur ro/ /smras pa/ btsun pa shA radwa ti'i bu/ cho 'phrul de dag ni nye bar bstan par mi nus so/ /de ci'i slad du zhe na/ cho 'phrul de dag ni yul thams cad las yang dag par 'das pa yin pa'i phyir ro/ /de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ lha'i bu ded dpon 'di de lta bur ston pa las na 'di ni sngon gyi rgyal ba la lhag par bgyi ba bgyis shing / 'jam dpal gzhon nur gyur pa la yang bsnyen bkur bgyis pa lags so/ /bcom ldan 'das kyis bka' stsal pa/ shA radwa ti'i bu/ de de bzhin no/ /ji skad smras pa de bzhin te/ shA radwa ti'i bu/ lha'i bu ded dpon 'di ni 'jam dpal gzhon nur gyur pas yongs su smin par byas pa yin no/ /shA radwa ti'i bu/ sngon byung ba 'das pa'i dus na bskal pa grangs med pa'i yang ches grangs med pa 'das par gyur pa de'i tshe de'i dus na/ bskal pa mngon par dga' ba zhes bya ba la 'jig rten gyi khams bde ba zhes bya bar de bzhin gshegs pa dgra bcom pa </font><hr>112a<br><font size=+1>


@#/ /yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das ri rab lta bu zhes bya ba 'jig rten du byung bar gyur to/ /shA radwa ti'i bu/ 'jig rten gyi khams bde ba zhes bya ba de yang 'jig rten gyi khams de na sems can rnams bde ba thams cad dang ldan par gnas shing / sdug bsngal ba dang / yid mi bde ba'i sgra 'ga' tsam yang med la/ 'jig rten gyi khams de yang rin po che sna bzhi gser dang / dngul dang / bai DUR+Ya dang / shel las grub cing / lag mthil ltar mnyam la/ ka tsa lin da'i gos ltar reg na 'jam zhing / mi khom pa dang / ngan song rnams dang bral la/ lha dang mi rnams kyis kun tu gang zhing / yid la bsams pa tsam gyis bza' ba dang btung ba dag 'byor la/ bde ba tshad med pa dang ldan pas na de'i phyir 'jig rten gyi khams de bde ba zhes bya'o/ /de bzhin gshegs pa de'i dge 'dun ni byang chub sems dpa' 'ba' zhig ste/ brtson 'grus 'bar ba/ shes rab kyi snang ba thob pa/ gzungs dang mdo sde'i rgyal po thob pa/ spobs pa mi chod pa/ tshig thams cad rab tu 'byed cing ston pa'i shes pa la mkhas pa/ mngon par shes pas rnam par </font><hr>112b<br><font size=+1>


shes pa khong du chud pa/ bdud dang phyir rgol ba nges par bcom pa/ sgrib pa med pa'i rnam par thar pa'i ye shes kyi bzod pa dang ldan pa/ sems can thams cad kyi sems kyi spyod pa la ji ltar rigs pa bzhin du chos kyi sman sbyor ba la mkhas pa/ bsod nams dang ye shes kyi tshogs chen po bsags pa/ gsol ba ma btab par sems can thams cad kyi dge ba'i bshes gnyen byed pa/ rdzu 'phrul gyis sangs rgyas kyi zhing thams cad du 'gro ba'i shes pa la mkhas pa/ dran pa dang / blo gros dang / rtogs pa dang / ngo tsha shes pa dang / brtan pa dang / blo rgya mtsho'i rjes su zhugs pa/ sbyin pa dang / dul ba dang / legs par sdom pa dang / tshul khrims dang / thos pa dang / shes rab la shin tu gnas pa/ thabs mtha' yas pas dge ba'i rtsa ba yongs su bsngo ba la mkhas pa/ stobs dang / mi 'jigs pa dang / sangs rgyas kyi chos thams cad la lhag pa'i bsam pas shin tu zhugs pa/ bsam gtan dang / rnam par thar pa dang / ting nge 'dzin dang / snyoms par 'jug pas rnam par rtse ba'i byang chub sems dpa' sha stag go/ shA radwa ti'i bu/ de'i tshe de'i dus na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de'i gsung rab la 'khor los bsgyur ba'i rgyal po dge ba'i bkod pa zhes bya ba chos dang ldan pa/ chos </font><hr>113a<br><font size=+1>


@#/ /kyi rgyal po gling bzhi'i dbang phyug/ rin po che sna bdun dang ldan pa/ mi'i dbang por gyur pa lta bu zhig byung bar gyur to/ /de'i bu stong du tshang bar gyur te/ de dag thams cad kyang bla na med pa yang dag par rdzogs pa'i byang chub la yang dag par zhugs pa sha stag go/ shA radwa ti'i bu/ rgyal po dge ba'i bkod pa de yang btsun mo'i tshogs rnams dang lhan cig tu bla na med pa yang dag par rdzogs pa'i byang chub la yang dag par zhugs par gyur to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de'i sku tshe'i tshad dang / mi dag gi tshe tshad ni lo dung phyur phrag bdun du gyur to/ /de nas rgyal po dge ba'i bkod pa bu stong dang lhan cig/ btsun mo'i 'khor dang lhan cig tu chos la dga' ba dang / mchog tu dga' ba dang / dad pa thob nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu byang chub sems dpa'i dge 'dun dang bcas pa de la lo 'bum tshang bar thugs la dgongs pa bzhin du na bza' dang / zhal zas dang / gzims cha dang| gdan dang / snyun gyi gsos sman dang / yo byad rnams dang / bde bar sbyar ba thams cad kyis bsnyen bkur byas so/ /rgyal po dge ba'i bkod pa 'khor dang bcas pas </font><hr>113b<br><font size=+1>


rtag par rgyun du de bzhin gshegs pa de la mngon sum du nyin gcig mi 'chad par rang gi lag nas gus par phul zhing / rtag tu rgyun mi 'chad par chos nyan pa la yang 'jug par gyur to/ / de bu dang bcas/ btsun mo'i 'khor dang bcas pas lo 'bum 'das nas kyang yang dang yang du sangs rgyas mthong zhing / yang dang yang du de la chos nyan pas rjes su dran pa bzhi thob par gyur to/ /bzhi gang zhe na/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / sbyin pa dang ldan zhing byang chub kyi sems mi brjed pa'i tshul khrims rjes su dran pa ste/ rjes su dran pa bzhi po de dag thob par gyur to/ /de rjes su dran pa bzhi po de dag dang ldan pas nyin mtshan du sangs rgyas mthong ba dang / chos yang dag par bgro ba dang / byang chub sems dpa'i dge 'dun mthong ba dang bral bar ma gyur to/ /de nas dus gzhan zhig na rgyal po dge ba'i bkod pa bu dang bcas/ btsun mo'i 'khor dang bcas pa de chos mnyan pa'i phyir bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de ga la ba der song ngo / /de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas ri rab lta bu des byang chub sems dpa' de dag la cho 'phrul rnam pa du mas rjes su gdams pa mdzad par gyur to/ /de nas bcom ldan </font><hr>114a<br><font size=+1>


@#/ /'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de la rgyal po dge ba'i bkod pa des 'di skad ces gsol to/ /bcom ldan 'das/ cho 'phrul de dag ma lags pa'i cho 'phrul dam pa gzhan ma mchis lags sam/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu des rgyal po dge ba'i bkod pa de la 'di skad ces bka' stsal to/ /rgyal po chen po/ cho 'phrul de dag ma yin pa'i cho 'phrul dam pa gzhan yang yod do/ /de yang gang zhe na/ 'di lta ste/ sems dang sems las byung ba gzugs can ma yin pa rnams bshad pa dang / sems dang sems las byung ba 'gags pa rnams bshad pa dang / da ltar byung ba'i sems dang sems las byung ba mi gnas pa rnams smos pa dang / ma skyes ma byung ba'i lam bshad pa dang / rnam par thar pa'i sgo ro gcig pa rnams la yan lag gsum du smos pa dang / mngon par rtogs pa gcig tu 'dus pa la bden pa bzhir yongs su brjod pa dang / mtshan ma med pa dang / rnam pa med pa dang| 'dus ma byas pa'i byang chub la yongs su sgrub par byed pa dang / stong pa nyid dang / mtshan ma med pa dang / smon pa med pa'i chos rnams bshad pa dang / phyin ci </font><hr>114b<br><font size=+1>


log dang nyon mongs pas grub pa'i sems can rnams yongs su smin par byed pa dang / blang ba med pa dang / dor ba med pa'i chos rnams la sbyin pa'i pha rol tu phyin pa yod pa dang / mngon par 'du byed pa med pa dang / byas pa med pa'i chos rnams la tshul khrims kyi pha rol tu phyin pa yod pa dang / 'byung ba med cing skad cig ma'i chos rnams la bzod pa'i pha rol tu phyin pa yod pa dang / lus dang sems dben pa'i chos rnams la brtson 'grus kyi pha rol tu phyin pa yod pa dang / bsdus pa dang / rnam par g.yengs pa med pa'i chos rnams la bsam gtan gyi pha rol tu phyin pa yod pa dang / pha rol dang / tshu rol med pa'i chos rnams la shes rab kyi pha rol tu phyin pa yod pa dang / brtag pa dang / bsal ba med pa'i chos rnams la thabs mkhas pa yod pa dang / skyob pa med pa dang / rton pa med pa'i chos rnams la byams pa bsgom pa dang / bya ba med pa dang / gzhig pa med pa'i chos rnams la snying rjes sbyor ba dang / dga' ba med pa'i chos rnams la dga' ba mngon par sgrub pa dang / gnas pa med pa'i chos rnams la btang snyoms bsgom pa dang / shes pa med pa dang / mthong ba med pa'i chos rnams la lha'i mig mngon par sgrub pa dang / thos pa med pa dang / rnam par rig pa med pa'i chos rnams la lha'i rna ba mngon par sgrub pa dang / dmigs </font><hr>115a<br><font size=+1>


@#/ /pa dang / sems pa dang / rnam par bral ba'i chos rnams la pha rol gyi sems shes pa yod pa dang / sngon gyi mtha' dang bral ba'i chos rnams la sngon gyi gnas rjes su dran pa shes pa yod pa dang / sems dang / lus dang / sgra dang / brtson 'grus dang bral ba'i chos rnams la rdzu 'phrul gyi rkang pa 'thob pa dang / gnas pa med pa'i chos rnams la dran pa nye bar gzhag pa bsgom pa dang / skye ba med pa dang / 'gag pa med pa'i chos rnams la yang dag pa'i spong ba bsgom pa dang / dbang po med pa'i chos rnams la dbang po bstan pa dang / stobs med pa dang / nyam chung ba'i chos rnams la stobs yongs su brjod pa dang / nye bar zhi ba'i chos rnams la byang chub kyi yan lag bshad pa dang / khyad par med pa'i chos rnams la lam smos pa dang / zhi ba'i mthar song ba'i chos rnams la zhi gnas bskyed pa dang / rnam par grol ba'i mtshan nyid kyi chos rnams la lhag mthong la mkhas pa dang / rang bzhin gyis yongs su mya ngan las 'das pa'i chos rnams la mya ngan las 'das par smon pa'o/ /zhes bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu des rgyal po dge ba'i bkod pa de dang / bu stong po de dag dang / btsun mo'i tshogs </font><hr>115b<br><font size=+1>


de dag la cho 'phrul bstan pa'i chos kyi rnam grangs de nyid las brtsams te/ de lta de ltar chos bstan pa dang srog chags brgyad khri bzhi stong bla na med pa yang dag par rdzogs pa'i byang chub tu sems skyes so/ /rgyal po dge ba'i bkod pa dang / de'i bu stong gis ni chos rnams la rjes su mthun pa'i bzod pa thob par gyur to/ /de dag gis bzod pa thob nas sangs rgyas kyi mthu dang / rang gi spobs pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ri rab lta bu de la tshigs su bcad pa 'di dag gis mngon par bstod do/ /ji ltar rgya mtsho'i dbus na ni/ /lhun po'i rgyal po mdzes pa ltar/ /de bzhin dge 'dun dbus na ni/ /chos kyi rgyal po rnam par mdzes/ /ji ltar nyi ma 'char ba yis/ /mun pa thams cad sel ba ltar/ /de bzhin sangs rgyas mdzod spu yang / /sangs rgyas zhing rnams snang bar bgyid/ /ji ltar zla ba nya ba yis/ /zla ba yongs rdzogs lhang nge ltar/ /sangs rgyas chos rnams rdzogs pa yi/ /'jig rten mgon yang lhang nge lags/ /ji ltar me tog pad+ma ni/ /chab kyi nang du mi gos ltar/ /de bzhin 'jig rten mgon po yang / /'jig rten chos kyis mi gos lags/ /ji ltar seng ge ri dwags rgyal/ /nags na sgra skad sgrogs pa ltar/ /de bzhin skyes bu seng ge yang / /stong pa nyid kyi </font><hr>116a<br><font size=+1>


@#/ /sgra skad sgrogs/ /mchis sam yang na ma mchis dang / /mchis dang ma mchis thams cad dang / /mthar lta ba la rnam 'das pas/ /nges par seng ge sgra zhes bgyi| |skye ba'am yang na 'jig pa'ang rung / /de dag mtshan mar bstan 'dzin cing / /mi skye 'gag pa ma mchis pa/ /nges par seng ge'i sgra zhes bgyi/ /pha rol dang ni tshu rol dag| de dag rnam par rtog par bstan/ /chos rnams kun la mi gnas pa/ /nges par seng ge'i sgra zhes bgyi/ /kun nas nyon mongs rnams byang ba/ /de gnyis mtshan nyid ma mchis te/ /shin tu dri ma ma mchis chos/ /nges par seng ge'i sgra zhes bgyi/ /'dod chags zhe sdang gti mug ni/ /yongs su rtog las byung ba ste/ /rtog bral rnam rtog ma mchis pa| |nges par seng ge'i sgra zhes bgyi/ /'khor ba dag ni mya ngan 'das/ /de dag lam du gzhug pa ste/ /chos rnams shin tu gsog lags pa/ /nges pa seng ge'i sgra zhes bgyi| |skye dang 'chi dang 'khor ba ni/ /phyin ci log las byung ba ste/ /mi rtag sdug bsngal bdag med don/ /nges par seng ge'i sgra zhes bgyi/ /lta dang dmigs pa gnas lags te| |de dag gis ni 'jig rten 'jug/ chos rnams stong par rab bshad pa/ /nges par seng ge'i sgra zhes bgyi/ /'jig rten mgon pos cho 'phrul ni/ /gang dag ji snyed </font><hr>116b<br><font size=+1>


bstan mdzad pa/ /de dag thams cad bshad pa ni/ /nges par seng ge'i sgra zhes bgyi/ /sems ni mnyam pa nyid slad du/ /rjes su mthun dang mi mthun pa'i/ /gang la'ang sems ni mi 'jug pa/ /de ni rjes mthun bzod pa lags/ /sangs rgyas rnams kyis bshad pa yi/ /zab cing zhi la mthun bgyid cing / /de la rtsod par mi bgyid pa/ /de ni rjes mthun bzod pa lags/ /mi dge thams cad ma gtogs par/ /dge chos rnams la 'jug 'gyur zhing / /de la'ang gnas par mi bgyid pa/ /de ni rjes mthun bzod pa lags/ /stong pa'i sgra dang sems can sgra/ /de bzhin lta ba'i sgra dang ni/ /sgra rnams kun la ma chags pa/ /de ni rjes mthun bzod pa lags/ /sangs rgyas sgra dang nyon mongs sgra/ /rnam mang chos kyi sgra rnams dang / /gang gi sgra'ang mi rtog pa/ /de ni rjes mthun bzod pa lags/ /sbyin dang tshul khrims thos pa dang / /brtson 'grus bsam gtan shes rab dang / /de bzhin kun la brtson bgyid pa/ /de ni rjes mthun bzod pa lags/ /thams cad bdag la sems mnyam zhing / /byang chub sems ni mi spong la/ /byang chub lam ni ston bgyid pa/ / de ni rjes mthun bzod pa lags/ /rdzogs sangs rgyas kyis bdag cag la/ /de 'dra'i chos ni ston mdzad de/ /de la som nyi ma mchis pa/ /de ni rjes mthun bzod pa lags / </font><hr>117a<br><font size=+1>


@#/ /bdag kyang byang chub sangs rgyas shing / /seng ge'i sgra skad bsgrags nas ni/ /ji ltar 'dren pas bstan mdzad pa'i/ /cho 'phrul nges par bstan par bgyi/ |zhing 'di bsam gyis mi khyab ste/ /bla med bsod nams zhing de la/ /bdag gis sa bon btab pas na/ /bdag ni slar mdog ma mchis lags/ /dog sa thams cad rdol 'gyur zhing / /rgya mtsho'ang bas par 'gyur ba bzhin/ /rdzogs sangs rgyas la bskrun pa yi/ /sa bon nam yang chab mi 'tshal/ /sems can rnams kyi sems 'tshal cing| |nam mkha' gzhal bar rngo thogs kyi/ byang chub tu ni bskrun pa'i sems/ /de ni bsod nams tshad ma mchis/ /bdag gi bsam ba ci 'dra ba'i/ /dbang dag lha dang dri za dang / /mi rnams gzhan dag ma mchis te/ /bcom ldan 'das nyid bdag gi dbang / /'dren pa bdag ni longs spyod dang / /gzugs dang mtho ris mi 'tshal gyi/ / mi mchog khyod kyi mkhyen pa ni/ /ci 'dra de ltar bdag gyur cig /byang chub lam ni dmigs bgyis nas/ /bdag gis dgung lo 'bum du ni/ /ma chags sdang ba ma mchis par/ /bdag gis bde gshegs bsnyen bkur bgyis/ /bdag gis byis pa stong rnams dang / /mchis 'brang yongs su smin bgyis pa/ /gang lags 'di </font><hr>117b<br><font size=+1>


dag sangs rgyas kyi/ /byang chub slad du spro bar mdzad/ /bdag gis bde gshegs lam mthong zhing / /chos 'di legs par thos pa dang / /byang chub la ni rtag dga' ba/ / bdag gis rnyed pa legs par rnyed/ /gang zhig byang chub dga' bgyid pa/ /de ni chos la'ang rtag tu dga'/ /chos rnams spong bar mi bgyid pa/ /sems can kun la rtag dga' lags/ /de nas 'khor de nyid du chos smra ba'i dge slong chos kyi rgyal mtshan zhes bya ba zhig 'dus te 'dug par gyur pa des/ /rgyal po dge ba'i bkod pa la 'di skad ces smras so/ /rgyal po chen po khyod kyis ni de bzhin gshegs pa'i cho 'phrul de dag dang mthun par ma byas kyi/ mi mthun par byas pas na/ khyod ni gnas ma yin pa la gnas pa yin no/ /de ci'i phyir zhe na/ rgyal po chen po/ byang chub ni chos kyi dbyings kyi gnas la gnas pas 'jug pa med pa'o/ /rgyal po chen po/ byang chub ni tshor ba thams cad med pas shes pa med pa'i mtshan nyid yin no/ /rgyal po chen po/ byang chub ni blang pa med cing dor ba med pas/ blang ba med la dor ba med pa yin no/ /rgyal po chen po/ byang chub ni nam mkha' la bris pa dang 'dra bas gzugs med pa/ kha dog med pa/ rtags med pa/ dbyibs med pa yin no/ /rgyal po chen po/ byang chub ni rang </font><hr>118a<br><font size=+1>


@#/ /bzhin gyis yongs su dag cing gnyen po med pa yin no/ /rgyal po chen po/ byang chub ni chos thams cad dang mnyam pas thams cad kyi rjes su song ba yin no/ /rgyal po chen po/ byang chub ni mtshan ma thams cad dang bral bas g.yo ba med pa yin no/ /rgyal po chen po/ byang chub ni rab tu zhi ba'i mtshan nyid yin pas zhi ba'o/ /rgyal po chen po/ byang chub ni brtag pa dang / bsal ba dang bral bas nye bar zhi ba'o/ /rgyal po chen po/ byang chub ni mi mthun pa med pas lhag par g.yo ba med pa'o/ /rgyal po chen po/ byang chub ni yongs su grub pa med pas sems mnyam pa'o/ /rgyal po chen po/ byang chub ni gzod ma nas ma skyes pas sems can dang mtshungs pa'o/ /rgyal po chen po/ byang chub ni rnam par rig pa'i mtshan nyid ma yin pas skye ba med pas rab tu phye ba'o/ /rgyal po chen po/ byang chub ni sems dang / yid dang| rnam par shes pa dang bral bas rnam par rig pa med pa'o/ /rgyal po chen po/ byang chub ni yul thams cad las yang dag par 'das pas rgyu ba med pa'o/ /rgyal po chen po/ byang chub ni rnam par rtog pa thams cad dang bral bas spros pa med pa'o/ /rgyal po chen po/ byang chub ni stong pa nyid kyi mtshan nyid yin pas stong pa'o/ /rgyal </font><hr>118b<br><font size=+1>


po chen po/ byang chub ni mtshan ma thams cad dang bral bas mtshan ma med pa'o/ /rgyal po chen po/ byang chub ni smon pa dang bral bas smon pa med pa'o/ /rgyal po chen po/ byang chub ni las kyi rnam par smin pa med pas mngon par 'du byed pa med pa'o/ /rgyal po chen po/ byang chub ni mtshan nyid gsum dang bral bas 'dus ma byas pa ste/ rgyal po chen po/ gang dag byang chub kyi mtshan nyid de lta bu dang / ngo bo nyid de lta bu la sgrub par byed pa dang / gang dag smon lam 'debs par byed pa dang / gang dag mngon par dga' bar byed pa dang| gang dag 'dod par byed pa de dag thams cad ni log par rtsol ba yin no/ /de ci'i phyir zhe na/ rgyal po chen po/ byang chub ci 'dra bar byang chub sems dpa'i spyod pa yang de 'dra ba yin pas na/ gang dag de ltar spyod pa de dag ni yang dag par spyod pa yin pa'i phyir ro// //bam po gnyis pa/ de nas rgyal po dge ba'i bkod pas chos smra ba'i dge slong chos kyi rgyal mtshan la 'di skad ces smras so/ /rigs kyi bu khyod byang chub sems dpa' rnams kyi yang dag pa nyid kyi spyod pa la spobs par gyis shig /de skad ces smras pa dang / chos smra ba'i dge slong chos kyi rgyal mtshan gyis rgyal po dge ba'i bkod pa la 'di skad ces smras so/ /rgyal po chen po/ sems can thams cad la rlom sems </font><hr>119a<br><font size=+1>


@#/ /med pa mnyam pa nyid kyis bdog pa thams cad yongs su gtong ba'i spyod pa ni byang chub sems dpa' rnams kyi spyod pa yin no/ /tshul khrims kyis rlom sems su mi byed pa mnyam pa nyid kyis tshul khrims dang / bslab pa dang / sbyangs pa'i yon tan thams cad yang dag par len pa'i spyod pa ni byang chub sems dpa' rnams kyi spyod pa yin no/ /bzod pas rlom sems su mi byed pa mnyam pa nyid kyis tha ba dang / khro ba dang / gnod sems dang / 'chab pa'i yongs su gdung ba dang / zhe sdang gi yongs su gdung ba thams cad 'byin par byed pa ni byang chub sems dpa' rnams kyi spyod pa yin no| |brtson 'grus kyis rlom sems su mi byed pa mnyam pa nyid kyis brtson 'grus brtan zhing 'bar ba dang / zhum pa med pa ni byang chub sems dpa' rnams kyi spyod pa yin no/ /bsam gtan gyis rlom sems su mi byed pa mnyam pa nyid kyis bsam gtan dang / rnam par thar pa dang / ting nge 'dzin dang / snyoms par 'jug pa sgrub pa ni byang chub sems dpa' rnams kyi spyod pa yin no/ /shes rab kyis rlom sems su mi byed pa mnyam pa nyid kyis mnyam pa'i shes rab tshogs yongs su tshol ba ni byang chub sems dpa' rnams kyi spyod pa yin no/ /gnyis dang bral ba'i btang snyoms mnyam pa </font><hr>119b<br><font size=+1>


nyid kyis tshangs pa'i gnas pa bskyed pa ni/ byang chub sems dpa' rnams kyi spyod pa yin no/ mngon par shes pas rlom sems su mi byed pa mnyam pa nyid kyis mngon par shes pa bskyed pa ni/ byang chub sems dpa' rnams kyi spyod pa yin no/ /don dang chos la nges par sems pa mnyam pa nyid kyis so so yang dag par rig pa la 'jug pa ni/ byang chub sems dpa' rnams kyi spyod pa yin no/ /chos kyi dbyings g.yo ba med pa mnyam pa nyid kyis rton pa la mos pa ni/ byang chub sems dpa' rnams kyi spyod pa yin no/ /yang dag par skye ba med pa'i sems kyis nges par sems mnyam pa nyid kyis byang chub kyi phyogs kyi chos rnams yang dag par sdud pa ni/ byang chub sems dpa' rnams kyi spyod pa yin no/ / don mthun pa mnyam pa nyid kyis bsdu ba'i dngos po bzhis yang dag par 'dzin pa ni/ byang chub sems dpa' rnams kyi spyod pa yin no/ /sems kyis rlom sems su mi byed pa mnyam pa nyid kyis sems can thams cad la sems mnyam pa ni/ byang chub sems dpa' rnams kyi spyod pa yin no/ /nam mkha' yongs su dag pa dang / sems yongs su dag pa dang / zhing yongs su dag pa mnyam pa nyid kyis sangs rgyas kyi zhing yongs su dag par byed pa ni/ byang chub sems dpa' rnams kyi spyod pa yin no/ /mtshan nyid </font><hr>120a<br><font size=+1>


@#/ /med pa'i chos la so sor rtog pa mnyam pa nyid kyis mtshan sum cu rtsa gnyis kyi tshogs yang dag par sdud pa ni/ byang chub sems dpa' rnams kyi spyod pa yin no/ /lus dang / ngag dang / sems mnyam pa nyid kyis lus dang / ngag dang / sems brgyan pa ni/ byang chub sems dpa' rnams kyi spyod pa yin no/ /sems can thams cad la bdag med par mnyam pa nyid kyis sems can thams cad la ci zhig bya snyam du spro ba ni/ byang chub sems dpa' rnams kyi spyod pa yin no/ /rmi lam gyi rang bzhin lta bur mos pa mnyam pa nyid kyis 'khor bas yongs su mi skyo ba ni/ byang chub sems dpa' rnams kyi spyod pa yin no/ /las dang las kyi rnam par smin pa la mos pa med pa mnyam pa nyid kyis legs par spyod pa'i las byed pa ni/ byang chub sems dpa' rnams kyi spyod pa yin no/ /chos sgyu ma lta bur so sor rtog pa mnyam pa nyid kyis brtul zhugs dang dka' thub kyi go cha bgos pa ni/ byang chub sems dpa' rnams kyi spyod pa yin no/ /sdug bsngal skye ba med par shes pa mnyam pa nyid kyis sdug bsngal thams cad bzod pa ni/ byang chub sems dpa' rnams kyi spyod pa yin no/ /mdza' bshes dang / mdza' bshes ma yin pa la sems snyoms pa mnyam pa nyid kyis mdza' ba </font><hr>120b<br><font size=+1>


brtan pa ni/ byang chub sems dpa' rnams kyi spyod pa yin no/ /lan la re ba med pa mnyam pa nyid kyis lhag pa'i bsam pa la sbyor ba ni/ byang chub sems dpa' rnams kyi spyod pa yin no/ /thos pa dang sgrub pa mnyam pa nyid kyis thos pa tshol bas mi ngoms pa ni/ byang chub sems dpa' rnams kyi spyod pa yin no/ /zang zing med pa'i chos ston pa mnyam pa nyid kyis chos la slob dpon gyi dpe mkhyud med pa ni/ byang chub sems dpa' rnams kyi spyod pa yin no/ /chos dben pa mnyam pa nyid kyis dam pa'i chos yongs su 'dzin pa ni/ byang chub sems dpa' rnams kyi spyod pa yin no/ /don dam pa'i bden pa mnyam pa nyid kyis bden pa'i shes pa yongs su tshol ba ni/ byang chub sems dpa' rnams kyi spyod pa yin no/ /sems can la shin tu 'dud pa mnyam pa nyid kyis nga rgyal nges par bcom pa ni/ byang chub sems dpa' rnams kyi spyod pa yin no/ /yon tan thams cad yang dag par blangs pas rlom sems su med pa mnyam pa nyid kyis yon tan thams cad yang dag par bsdu ba yongs su tshol pa ni/ byang chub sems dpa' rnams kyi spyod pa yin no/ /de nas rgyal po dge ba'i bkod pas/ byang chub sems dpa' rnams kyi yang dag pa nyid kyi spyod pa de dag thos nas/ dga' ba dang / mgu ba dang / yi </font><hr>121a<br><font size=+1>


@#/ /rangs pa dang / rab tu dga' ba dang / dga' zhing yid bde ba skyes nas/ gos dang rgyan ci gyon pa rnams kyis chos smra ba'i dge slong chos kyi rgyal mtshan la mngon par bkab bo/ /bu stong po de dag gis kyang rang rang gi rgyan dag gis chos smra ba'i dge slong chos kyi rgyal mtshan la bkab nas/ tshig 'di skad du/ gang bdag cag gis skyes bu dam pa 'di lta bu la blta ba dang / phyag bya ba dang / bsnyen bkur bya ba dag rnyed pa ni/ bdag cag gis rnyed pa legs par rnyed do/ /sems can thams cad kyis kyang byang chub sems dpa'i spyod pa de lta bu dang / spobs pa de lta bu dag thob par gyur cig /ces smras so/ /de nas chos smra ba'i dge slong chos kyi rgyal mtshan gyis rgyal po dge ba'i bkod pa la 'di skad ces smras so/ /rgyal po chen po/ 'di lta ste/ gos dang rgyan tsam gyis mchod pa de ni/ mchod pa chen po ma yin gyi/ de las gzhan pa'i mchod pa khyad par du 'phags pa dag kyang yod kyi/ de dag khyod kyis sgrubs shig /de yang gang zhe na/ de nas de'i tshe chos smra ba'i dge slong chos kyi rgyal mtshan gyis tshigs su bcad pa 'di dag smras so/ /gang dag stong chen sems can de dag kun/ /byang chub phyir ni rab tu zhugs gyur cing / /ma zhum sems </font><hr>121b<br><font size=+1>


kyis bskal pa rdzogs par ni/ /bu dang chung ma'i sbyin pa byas pa bas/ /gang gis byang chub phyir ni sems bskyed nas/ /de bzhin du ni rjes su bslabs pa dang / /rab byung sems kyi gom pa gcig bor ba/ /de ni de bas bsod nams khyad par 'phags/ /gang dag sngon chad byung ba'i sangs rgyas dang / /gang dag ma byon byung dang bzhugs pa rnams/ / de dag skyon mang khab ni ma spangs par/ /bla med byang chub zhi ba thob pa med/ /rab byung de bzhin gshegs pa thams cad kyis/ /rab tu bstod cing bsngags la bkur ba ste/ / gang zhig sangs rgyas kun la mchod 'dod pa/ /rgyal ba'i bstan la rab byung gzung bar gyis/ /gang zhig khyim gnas rin chen khyim brgyan pa'i/ /gang+gA'i bye snyed sangs rgyas zhing byin dang / /gang zhig rab byung nyid dang mtshan gcig tu/ /mi rtag sdug bsngal bdag med sems byed na/ /gang zhig rab byung bag yod gyur pa yi/ /byang chub sems dpa' byang chub nye ba dang / /bdud kyi dkyil 'khor shin tu bcom byas shing / /dge ba'i phyogs kyang mi 'grib 'phel ba yin/ /rab byung de ni lam ngan spangs pa dang / /las kyi rjes mthun 'phags pa'i skye bos bstod/ /de na dge ba chud za ma yin zhing / /de ni yongs su 'dzin pa spangs pa yin/ /khyim las grol ba nyon mongs mi 'phel zhing / / </font><hr>122a<br><font size=+1>


@#/ /nyon mongs rnam grol bdud kyi 'ching ba med/ /rnam grol sems ni byang chub spyad pa spyod/ /spyod pa dag pas byang chub rnyed mi dka'/ /de nas rgyal po dge ba'i bkod pas tshigs su bcad pa de dag thos pa dang / 'dod pa'i dga' ba dang / longs spyod dang / rgyal srid kyi dbang phyug dag la mi lta bar gyur cing / skyo la 'dod chags dang bral ba skyes par gyur te/ rab tu 'byung ba la sems gzhol bar gnas nas/ bcom ldan 'das de bzhin gshegs pa ri rab lta bu de la 'di skad ces gsol to/ /bcom ldan 'das/ bdag legs par gsungs pa'i chos 'dul ba la rab tu byung zhing bsnyen par rdzogs pa dge slong gi dngos po 'thob lags sam/ bcom ldan 'das de bzhin gshegs pa ri rab lta bu des bka' stsal pa/ rgyal po chen po/ rab tu byung ba ni dgag pa med pa ste/ sems can thams cad la yang bar du mi gcod cing skabs yod do/ /khyim na gnas pa ni nyon mongs pa'i nang na gnas pa yin gyi/ gal te 'dod na ngas khyod la gdams shing rjes su bstan gyi/ khyod kyis kyang gdams shing rjes su bstan pa bzhin du bsgrub par bya'o/ /de nas bcom ldan 'das des rab tu 'byung ba'i skabs phye ba dang / rgyal po dge ba'i bkod pas bu stong po de </font><hr>122b<br><font size=+1>


dag la smras pa/ khyed cag las rgyal srid grub pa dang / sems can rnams chos yang dag par 'dzin du 'jug par spro ba su yod/ de dag thams cad kyis smras pa/ yab/ bdag cag kyang dad pas khyim nas khyim ma mchis par rab tu 'byung lags kyi/ bdag cag mi dor bar gsol/ rgyal pos smras pa/ gal te khyed thams cad rab tu byung na gling bzhi pa'i 'jig rten gyi khams thams cad kyi skye bo'i tshogs thams cad rab tu chud zos par 'gyur gyi/ khyed cag las gang sems can rnams la brtan pa'i snying rje chen po 'jug par 'gyur ba des/ rgyal srid bsgrubs la/ sems can rnams la chos yang dag par 'dzin du chug cig /de nas rgyal bu gzhon nu de dag gi nang nas/ rgyal bu gzhon nu snying rje cher sems zhes bya ba des/ rang gi pha de dang / rgan rabs de dag la tshigs su bcad de smras pa/ rab byung yon tan du ma bsags pa zhes/ /de bzhin gshegs pa rnams kyis gsungs mod kyi/ /de ltar lags kyang snying rjer gyur pa na/ /'gro la phan phyir rgyal srid bdag gis bsgrub/ /ji srid 'tsho bar bdag ni tshangs spyod cing / /gso sbyong yan lag brgyad pa blang bar bgyi/ /me tog rnams dang dri dang byug pa dang / /de bzhin chang yang myang bar mi bgyi'o/ /lus la rgyan rnams kyang ni mi </font><hr>123a<br><font size=+1>


@#/ /'dogs shing / /mchil lham mi 'tshal rin chen gtsug phud min/ /khri rkang gser las bgyis par mi nyal shing / /rgyal po'i rkyen gyi gos kyang mi 'tshal lo/ /sil snyan glu dbyangs sgra la mi dga' zhing / /rma bya ngang pa'i sgra la'ang dga' mi bgyid/ /skye bos mdun bdar bud med gnas spong zhing / /gcig pu mal na mchis nyal rlung mi g.yab/ /bdag ni gling nas gling du mchi bgyi zhing / /dge ba bcu rnams rab tu bshad par bgyi/ /khyim na gnas pa'i nongs pa bstan bgyi zhing / /rab tu 'byung ba'i bsngags pa'ang brjod par bgyi/ /gzugs dang dbang phyug longs spyod dregs pa yis/ /sangs rgyas chos dang dge 'dun bgrod mi bgyi/ /byang chub sems ni bskyud par mi bgyi zhing / /rtag tu yid byung srid gsum spyad par bgyi/ /sbyin dang snyan smra don spyod don mthun pas/ /sems can bsdu ba la ni brtson bgyi zhing / /bla med theg chen dam pa 'di la yang / /srog chags bye ba mang po yongs smin bgyi/ /chos don mnyan cing bshad par bya'i slad du/ /nyin mo dus gsum mtshan mo dus gsum du/ /ri rab lta bu'i spyan sngar nyer mchi zhing / /de bzhin gshegs pa la ni mchod pa'ang bgyi/ /de nas bcom ldan 'das de bzhin gshegs pa ri rab lta bu des/ rgyal bu gzhon nu snying rje cher </font><hr>123b<br><font size=+1>


sems la legs so/ /zhes bya ba byin te/ skyes bu dam pa/ legs so/ /legs so/ /bslab pa brgyad kyi tshul khrims yang dag par blangs pa'i chos kyi yon tan des na khyim par gyur pa'i byang chub sems dpa' yang rab tu byung ba dang yon tan mtshungs pa yin no/ /khyod kyi snying rje chen po des na rab tu byung ba'i yon tan bsgrub pa'ang sgrub par byed pa yin no/ /de nas rgyal po dge ba'i bkod pas/ rgyal po gzhon nu snying rje cher sems rgyal srid la bzhag nas/ bu stong du gcig gis ma tshang ba dang lhan cig tu bcom ldan 'das de'i bstan pa la dad pas khyim nas khyim med par rab tu byung bar gyur to/ /de dag rab tu byung nas kyang / de bzhin gshegs pa des cho 'phrul bstan pa 'di nyid kyis de lta de ltar gdams shing rjes su bstan pas/ de dag gis ring po mi thogs par mngon par shes pa lnga bskyed par gyur to/ /gzungs dang / dran pa dang / chos mnyan pa'i shes pa yang skyes par gyur to/ /rgyal bu gzhon nu snying rje cher sems kyang rgyal srid la dbang bskur nas zla ba nya'o cog la gling chen po bzhi po dag tu rjes su ston par byed de/ ci nas kyang srog chags dung phyur phrag dgu dang / bye ba phrag gnyis bla na med pa yang dag par rdzogs pa'i byang chub tu sems bskyed par 'gyur ba dang / de lta de ltar sems can rnams la chos ston par gyur to/ /de dag thams cad </font><hr>124a<br><font size=+1>


@#/ /kyang bcom ldan 'das de bzhin gshegs pa ri rab lta bu de'i bstan pa la dad pas khyim nas khyim med par rab tu byung nas/ theg pa chen po 'dis bla na med pa yang dag par rdzogs pa'i byang chub las phyir mi ldog pa sha stag tu gyur to/ /shA radwa ti'i bu khyod kyis ci tsam du dge ba'i rtsa ba bskyed pa dang / yongs su sbyang ba byas pa'i sems can rnams kyi rten du gyur cing / dad pa bskyed par gyur pa'i gsung rab de la ltos/ shA radwa ti'i bu/ de'i tshe de'i dus na/ 'khor los bsgyur ba'i rgyal po dge ba'i bkod pa zhes bya bar gyur pa de gzhan zhig yin pa snyam du khyod som nyi dang yid gnyis za bar gyur na/ shA radwa ti'i bu khyod kyis de ltar mi blta ste/ lha'i bu ded dpon 'di nyid de'i tshe de'i dus na/ 'khor los bsgyur ba'i rgyal po dge ba'i bkod pa zhes bya bar gyur to/ /shA radwa ti'i bu/ de'i tshe de'i dus na/ chos smra ba'i dge slong chos kyi rgyal mtshan zhes bya bar gyur pa de gzhan zhig yin pa snyam du khyod yid gnyis dang som nyi za bar gyur na/ shA radwa ti'i bu khyod kyis de ltar mi blta ste/ 'jam dpal gzhon nur gyur pa 'di nyid de'i tshe de'i dus na chos smra ba'i dge slong chos kyi rgyal mtshan zhes bya bar gyur to/ /shA radwa ti'i bu/ de'i tshe de'i dus na/ rgyal po dge ba'i bkod </font><hr>124b<br><font size=+1>


pa de'i bu stong tham par gyur pa de dag gzhan zhig yin pa snyam du khyod som nyi dang yid gnyis za bar gyur na/ shA radwa ti'i bu khyod kyis de ltar mi blta ste/ bskal pa bzang po 'di nyid kyi sangs rgyas stong po de dag de'i tshe de'i dus na/ rgyal po dge ba'i bkod pa de'i bu stong tham par gyur to/ /shA radwa ti'i bu/ de'i tshe de'i dus na/ rgyal bu gzhon nu snying rje cher sems zhes bya bar gyur pa de gzhan zhig yin pa snyam du khyod som nyi dang yid gnyis za bar gyur na/ shA radwa ti'i bu khyod kyis de ltar mi blta ste/ nga nyid de'i tshe de'i dus na rgyal bu gzhon nu snying rje cher sems zhes bya bar gyur to/ /shA radwa ti'i bu/ de ltar na sngon gyi byang chub sems dpa' bag yod pa rnams ni/ lhag pa'i bsam pa dang / shes bzhin gyi spyod pas bla na med pa yang dag par rdzogs pa'i byang chub tu nges par byung ba yin no/ /bcom ldan 'das kyis sngon gyi tshul dang ldan pa'i gtam 'di bshad pa na/ lha dang mi rnams kyi skye dgu las/ srog chags sum khri nyis stong ni bla na med pa yang dag par rdzogs pa'i byang chub tu sems skyes so/ /de nas tshe dang ldan pa shA radwa ti'i bus/ 'jam dpal gzhon nur gyur pa la 'di skad ces smras so/ /'jam dpal khyod ni lha'i bu ded dpon 'di dang lhan cig tu yun ring po nas/ tshangs par spyod pa spyad pa dang / sangs rgyas mang </font><hr>125a<br><font size=+1>


@#/ /po la bsnyen bkur byas shing / dge ba'i rtsa ba bskyed pa yin no/ /'jam dpal gyis smras pa/ btsun pa shA radwa ti'i bu/ tshangs par spyod pa zhes bya ba de ni 'phags pa'i lam yan lag brgyad pa'i tshig bla dwags yin la/ lam ni 'dus byas yin gyi/ kho bo ni 'dus ma byas su rtogs pa yin pas/ de'i phyir kho bo ni yun ring po nas tshangs par spyod pa ma yin no/ /btsun pa shA radwa ti'i bu/ tshangs par spyod pa zhes bya ba de ni spyod pa'i mtshan nyid yin gyi/ kho bo ni spyod pa med pa dang / rab tu spyod pa med pa yin te/ de'i phyir kho bo ni yun ring po nas tshangs par spyad pa ma yin no/ /btsun pa shA radwa ti'i bu/ tshangs par spyod pa zhes bya ba de ni gnyis su sbyor ba yin gyi/ kho bo ni gnyis su sbyor ba yang ma yin la/ gnyis su med par sbyor ba yang ma yin te/ de'i phyir kho bo ni yun ring po nas tshangs par spyad pa ma yin no/ /btsun pa shA radwa ti'i bu/ tshangs par spyod pa zhes bya ba de ni nyon mongs pa'i gnyen po yin gyi/ kho bo ni gnyen pos rab tu phye ba ma yin te/ de'i phyir kho bo ni yun ring po nas tshangs par spyad pa ma yin no/ /btsun pa shA radwa ti'i bu/ tshangs par spyod pa zhes bya ba de ni/ gzugs dang / sgra dang / dri dang / ro dang / reg bya dang / chos las 'byol ba yin gyi/ kho bo ni gzugs dang / sgra dang / dri </font><hr>125b<br><font size=+1>


dang / ro dang / reg bya dang / chos las 'byol ba ma yin te/ de'i phyir kho bo ni yun ring po nas tshangs par spyad pa ma yin no/ /btsun pa shA radwa ti'i bu/ tshangs par spyod pa zhes bya ba ni| bdud kyi lam las yang dag par 'da' ba yin gyi/ kho bo ni bdud kyi lam las yang dag par 'da' ba ma yin te/ de'i phyir kho bo ni yun ring po nas tshangs par spyad pa ma yin no| |btsun pa shA radwa ti'i bu/ tshangs par spyod pa zhes bya ba de ni dge ba'i bshes gnyen thams cad yin gyi/ kho bo ni dge ba dang sdig pa la nges par sbyor ba mi byed de/ de'i phyir kho bo ni yun ring po nas tshangs par spyad pa ma yin no/ /btsun pa shA radwa ti'i bu/ tshangs par spyod pa zhes bya ba de ni nyan thos dang / rang sangs rgyas kyi skyon med pa thob pa yin gyi/ kho bo ni nyan thos dang / rang sangs rgyas kyi skyon med pa thob pa ma yin te/ de'i phyir kho bo ni yun ring po nas tshangs par spyad pa ma yin no/ /btsun pa shA radwa ti'i bu/ tshangs par spyod pa zhes bya ba de ni 'khor ba las 'byol ba yin gyi/ kho bo ni 'khor ba las 'byol ba ma yin te/ de'i phyir kho bo ni yun ring po nas tshangs par spyad pa ma yin no/ /btsun pa shA radwa ti'i bu/ tshangs par spyod pa zhes bya ba de ni mya ngan las 'da' ba'i lam du 'gro ba yin gyi/ kho bo ni mya ngan las 'da' ba don du gnyer ba ma yin te/ de'i phyir kho bo ni yun ring </font><hr>126a<br><font size=+1>


@#/ /po nas tshangs par spyad pa ma yin no/ /btsun pa shA radwa ti'i bu/ gang yang khyod 'di skad du 'jam dpal khyod ni sangs rgyas mang po la bsnyen bkur byas pa yin no zhes zer ba ni/ btsun pa shA radwa ti'i bu/ de bzhin gshegs pa la ni bsnyen bkur bya bar mi nus so/ /de ci'i phyir zhe na/ de bzhin gshegs pa ni gzugs med cing bstan du med pa yin pas de la bsnyen bkur bya bar mi nus pa dang / de bzhin gshegs pa ni tshor ba med cing tshor ba thams cad rgyun bcad pa yin pas de la bsnyen bkur bya bar mi nus pa dang / de bzhin gshegs pa ni 'du shes med cing 'du shes kyi mdud pa thams cad dang bral ba yin pas de la bsnyen bkur bya bar mi nus pa dang / de bzhin gshegs pa ni 'du byed rnams med cing 'dus ma byas brnyes pa yin pas de la bsnyen bkur bya bar mi nus pa dang / de bzhin gshegs pa ni rnam par shes pa med cing yid gnas pa med pa yin pas de la bsnyen bkur bya bar mi nus pa dang / de bzhin gshegs pa ni mig dang gzugs kyi yul ma yin zhing / stong pa nyid kyi spyod yul ma yin pas/ de la bsnyen bkur bya bar mi nus pa dang / de bzhin gshegs pa ni rna ba dang sgra'i yul ma yin zhing / mtshan ma med pa'i yul yin pas de la bsnyen bkur bya bar mi nus pa </font><hr>126b<br><font size=+1>


dang| de bzhin gshegs pa ni sna dang dri'i yul ma yin zhing / gnyis dang bral ba yin pas de la bsnyen bkur bya bar mi nus pa dang / de bzhin gshegs pa ni lce dang ro'i yul ma yin zhing| rnam par rig pa med pa'i mtshan nyid yin pas de la bsnyen bkur bya bar mi nus pa dang / de bzhin gshegs pa ni lus dang reg bya'i yul ma yin zhing / thogs pa med pa'i mtshan nyid yin pas de la bsnyen bkur bya ba ma nus pa dang / de bzhin gshegs pa ni yid dang chos kyi yul ma yin zhing / chos kyi dbyings su yang dag 'du ba yin pas de la bsnyen bkur bya bar mi nus pa dang / de bzhin gshegs pa ni de bzhin nyid la gnas pa yin pas de la bsnyen bkur bya bar mi nus pa dang / de bzhin gshegs pa ni yang dag pa'i mtha' dang mthun par zhugs pa yin pas/ de la bsnyen bkur bya bar mi nus pa dang / de bzhin gshegs pa ni chos kyi dbyings kyis rab tu phye ba yin pas/ de la bsnyen bkur bya bar mi nus pa dang / de bzhin gshegs pa ni chen po stong pa nyid la zhugs pa yin pas/ de la bsnyen bkur bya bar mi nus pa dang / de bzhin gshegs pa ni rang bzhin mnyam pa nyid yin pas de la bsnyen bkur bya bar mi nus pa dang / de bzhin gshegs pa ni spros pa thams cad yang dag par chad pa yin pas/ de la bsnyen bkur bya bar mi nus pa dang / de bzhin </font><hr>127a<br><font size=+1>


@#/ /gshegs pa ni dmigs pa med pa la zhugs pa yin pas/ de la bsnyen bkur bya bar mi nus pa dang / de bzhin gshegs pa ni rnam par shes pa la mi gnas pa yin pas/ de la bsnyen bkur bya bar mi nus pa dang / de bzhin gshegs pa ni khams gsum na mi gnas pa yin pas/ de la bsnyen bkur bya bar mi nus pa dang / de bzhin gshegs pa ni zag pa med pa yin pas/ de la bsnyen bkur bya bar mi nus pa dang / de bzhin gshegs pa ni 'jig rten 'di dang / 'jig rten pha rol la mi gnas pa yin pas/ de la bsnyen bkur bya bar mi nus pa dang / de bzhin gshegs pa ni zhi zhing rab tu zhi la nye bar zhi ba yin pas/ de la bsnyen bkur bya bar mi nus pa dang / de bzhin gshegs pa ni lus dang / ngag dang / yid dang bral ba yin pas/ de la bsnyen bkur bya bar mi nus pa dang / de bzhin gshegs pa ni kha dog dang / gzugs dang / dbyibs dang bral ba yin pas/ de la bsnyen bkur bya bar mi nus pa dang / de bzhin gshegs pa ni thams cad du ma smad cing kha na ma tho ba med pa yin pas/ de la bsnyen bkur bya bar mi nus pa dang / de bzhin gshegs pa ni spyod lam thams cad la yang dag par mi gnas pa yin pas/ de la bsnyen bkur bya bar mi nus pa dang / btsun pa shA radwa </font><hr>127b<br><font size=+1>


ti'i bu| de bzhin gshegs pa ni thams cad du skur pa gdab tu med cing nam mkha' la bris pa lta bu yin pas/ de la bsnyen bkur bya bar mi nus pa'i phyir ro/ /btsun pa shA radwa ti'i bu/ gang yang khyod 'di skad du 'jam dpal khyod ni dge ba'i rtsa ba bskyed pa yin no zhes zer ba la/ btsun pa shA radwa ti'i bu/ dge ba'i rtsa ba de ni 'jig tshogs rtsa ba ma yin pa dang / ma rig pa dang srid pa'i sred pa rtsa ba ma yin pa dang / 'dod chags dang / zhe sdang dang / gti mug rtsa ba ma yin pa dang / phyin ci log bzhi rtsa ba ma yin pa dang / phung po lnga rtsa ba ma yin pa dang / skye mched drug rtsa ba ma yin pa dang / rnam par shes pa'i gnas bdun rtsa ba ma yin pa dang / log pa brgyad rtsa ba ma yin pa dang / kun nas mnar sems kyi dngos po dgu rtsa ba ma yin pa dang / sems can gyi gnas dgu rtsa ba ma yin pa dang / mi dge ba bcu'i las kyi lam rtsa ba ma yin pa de gang yin pa ni dge ba'i rtsa ba yin no| |btsun pa shA radwa ti'i bu/ bgrod pa gcig pa'i lam la mngon par zhen pa rtsa ba ma yin pa dang / rig pa dang rnam par grol ba la yongs su rtog pa rtsa ba ma yin pa dang / lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pas rlom sems su byed pa rtsa ba ma yin pa dang / bden pa bzhi po dag </font><hr>128a<br><font size=+1>


@#/ /la yongs su rtog pa rtsa ba ma yin pa dang / dbang po lngar 'du shes pa rtsa ba ma yin pa dang / mngon par shes pa drug la dmigs pa rtsa ba ma yin pa dang / byang chub kyi yan lag bdun la sgro 'dogs pa rtsa ba ma yin pa dang / 'phags pa'i lam yan lag brgyad pas rlom sems su byed pa rtsa ba ma yin pa dang / mthar gyis gnas pa'i snyoms par 'jug pa dgu la lta ba skyed pa rtsa ba ma yin pa dang / mi slob pa'i chos bcu la mngon par zhen pa rtsa ba ma yin pa gang yin pa de ni dge ba'i rtsa ba yin no| |phung po'i bdud rtsa ba ma yin pa dang / nyon mongs pa'i bdud rtsa ba ma yin pa dang / 'chi bdag gi bdud rtsa ba ma yin pa dang / lha'i bu'i bdud rtsa ba ma yin pa gang yin pa de ni dge ba'i rtsa ba yin no/ /sgrib pa rtsa ba ma yin pa dang / chod pa dang / kun nas ldang ba rtsa ba ma yin pa dang / 'gyod pa rtsa ba ma yin pa gang yin pa de ni dge ba'i rtsa ba yin no/ / bdag tu lta ba rtsa ba ma yin pa dang / sems can du lta ba rtsa ba ma yin pa dang / srog tu lta ba rtsa ba ma yin pa dang / gso ba dang / gang zag tu lta ba rtsa ba ma yin pa gang yin pa de ni dge ba'i rtsa ba ma yin no/ /'byung bar lta ba rtsa ba ma yin pa dang / 'jig par lta ba rtsa ba ma yin pa dang / chad par lta ba rtsa ba ma yin pa dang / rtag par lta ba rtsa ba ma </font><hr>128b<br><font size=+1>


yin pa gang yin pa de ni dge ba'i rtsa ba yin no/ /tshul bzhin ma yin pa rtsa ba ma yin pa dang / ma rig pa rtsa ba ma yin pa dang / 'du byed rtsa ba ma yin pa dang / rnam par shes pa rtsa ba ma yin pa dang / ming dang gzugs rtsa ba ma yin pa dang / skye mched drug rtsa ba ma yin pa dang / reg pa rtsa ba ma yin pa dang / tshor ba rtsa ba ma yin pa dang / sred pa rtsa ba ma yin pa dang / len pa rtsa ba ma yin pa dang / srid pa rtsa ba ma yin pa dang / skye ba rtsa ba ma yin pa dang / rga shi rtsa ba ma yin pa dang / nad dang sdug bsngal ba dang / yid mi bde ba dang / 'khrug pa rtsa ba ma yin pa gang yin pa de ni dge ba'i rtsa ba yin no/ /'dod pa'i khams rtsa ba ma yin pa dang / gzugs kyi khams rtsa ba ma yin pa dang / gzugs med pa'i khams rtsa ba ma yin pa gang yin pa de ni dge ba'i rtsa ba yin no/ /sbyin pas rlom sems su byed pa rtsa ba ma yin pa dang / tshul khrims dang / bzod pa dang / brtson 'grus dang / bsam gtan dang / shes rab kyis rlom sems su byed pa rtsa ba ma yin pa gang yin pa de ni dge ba'i rtsa ba yin no/ /byams pa dang / snying rje dang / dga' ba dang / btang snyoms kyis rlom sems su byed pa rtsa ba ma yin pa gang yin pa de ni byang chub sems dpa'i dge ba'i rtsa ba yin no/ /nyan thos dang / rang sangs rgyas 'dod pa rtsa ba ma yin pa gang yin pa de ni byang chub sems dpa'i dge ba'i rtsa ba yin no/ /byams </font><hr>129a<br><font size=+1>


@#/ /pa chen po'i rtsa ba dang / snying rje chen po'i rtsa ba dang / thams cad mkhyen pa nyid kyi sems mi 'dor ba'i rtsa ba dang / sems can yongs su smin par byed pa'i rtsa ba dang / dam pa'i chos yongs su 'dzin pa'i rtsa ba dang / bdog pa thams cad yongs su gtong ba'i rtsa ba dang / rnam par smin pa la re ba med pa'i rtsa ba dang / tshul khrims dang bslab pa thams cad yang dag par len pa'i rtsa ba dang / brgya byin dang / tshangs pa dang / 'jig rten skyong ba yang mi 'dod pa'i rtsa ba dang / bzod pa dang / zhi ba dang / dul ba dang / nges pa'i rtsa ba dang / bdag dang gzhan la yang mi gnod pa'i rtsa ba dang / brtan pa'i brtson 'grus chen po rtsom pa'i rtsa ba dang / dman pa'i chos yang dag par mi sdud pa'i rtsa ba dang / bsam gtan gyi rtsa ba dang / bsam gtan gyi ro myong bar mi byed pa'i rtsa ba dang / shes rab kyi rtsa ba dang / btang snyoms kyang ma yin pa'i rtsa ba dang / thabs kyi rtsa ba dang / thams cad kyi rjes su 'jug pa'i rtsa ba gang yin pa de ni byang chub sems dpa'i dge ba'i rtsa ba yin no/ /dkon mchog gsum gyi gdung rgyun mi gcod pa'i rtsa ba dang / stobs bcu dang / mi 'jigs pa'i rtsa ba dang / sangs rgyas kyi chos thams cad yongs su sgrub pa'i rtsa ba gang yin pa de ni byang chub sems dpa'i dge ba'i rtsa ba yin no/ / </font><hr>129b<br><font size=+1>


lus dang ngag dang sems kyi rgyun gyi rtsa ba gang yin pa de ni byang chub sems dpa'i dge ba'i rtsa ba yin no/ /gzungs kyi shes pa thob pa gang yin pa de ni byang chub sems dpa'i dge ba'i rtsa ba yin no/ /spobs pa mi chod pa'i rtsa ba gang yin pa de ni byang chub sems dpa'i dge ba'i rtsa ba yin no/ /mngon par shes pa dang / rig pa thob pa'i rtsa ba gang yin pa de ni byang chub sems dpa'i dge ba'i rtsa ba yin no/ /sangs rgyas kyi zhing yongs su dag par byed pa'i rtsa ba gang yin pa de ni byang chub sems dpa'i dge ba'i rtsa ba yin no/ /byang chub kyi snying por 'gro ba byin gyis rlob pa'i rtsa ba gang yin pa dang / lan gsum du bzlas te/ chos kyi 'khor lo rnam pa bcu gnyis su bskor ba'i rtsa ba gang yin pa de ni byang chub sems dpa'i dge ba'i rtsa ba yin no/ /'jam dpal gzhon nur gyur pas don gyi gzhi rnam par nges par bstan pa gsum po 'di bshad pa na/ thams cad dang ldan pa'i 'khor des legs so/ /zhes bya ba byin nas thams cad dang ldan pa'i 'khor des bcom ldan 'das dang / 'jam dpal gzhon nur gyur pa la/ me tog rnam pa sna tshogs dag gis mngon par gtor nas/ tshig 'di skad du sangs rgyas kyi zhing gang na/ 'jam dpal gzhon nur gyur pa gnas pa der ni de bzhin gshegs pa gnyis byung ba yin par rig par bya'o/ /sems can gang dag </font><hr>130a<br><font size=+1>


@#/ /'jam dpal gzhon nur gyur pas bstan pa 'di thos nas/ mi skrag/ mi dngang zhing / dngang bar mi 'gyur ba de dag ni dge ba'i rtsa ba ngan ngon dang ldan pa ma yin no/ /de dag gis ni bdud kyi las thams cad bkag pa yin no/ /de dag ni theg pa chen po la snang ba thob pa yin no zhes kyang smras so/ /de nas bcom ldan 'das kyis thams cad dang ldan pa'i 'khor des smras pa la rjes su thugs rangs pa mdzad nas/ lha'i bu ded dpon la 'di skad ces bka' stsal to/ /lha'i bu/ gang dag 'jam dpal gzhon nur gyur pas bshad pa de thos nas mos par 'gyur ba de yang cho 'phrul chen po yin te/ de dag ni de las gzhan pa'i cho 'phrul rnams kyis skrag par mi 'gyur ro/ /de ci'i phyir zhe na/ lha'i bu/ 'di lta ste/ rtag par 'du shes pa'i sems can rnams la mi rtag par bshad pa dang / bde bar 'du shes pa rnams la sdug bsngal bar bshad pa dang / bdag tu 'du shes pa rnams la bdag med par bshad pa dang / sdug par 'du shes pa rnams la mi sdug par bshad pa dang / dngos por 'du shes pa rnams la dngos po med par bshad pa dang / lta bar 'du shes pa rnams la stong par bshad pa dang / mtshan mar 'du shes pa rnams la mtshan ma med par bshad pa dang / khams gsum par 'du shes pa rnams </font><hr>130b<br><font size=+1>


la smon pa med par bshad pa dang / ngar 'dzin pa dang / nga yir 'dzin pa 'du shes pa rnams la lta ba'i rnam pa thams cad dang bral bar bshad pa de ni 'jig rten gyi 'jigs pa chen po yin te/ gang dag de la skrag par mi 'gyur ba de dag ni yang dag par dul ba yin pas na/ yang dag par dul ba rnams ni gang la yang skrag par mi 'gyur ba'i phyir ro/ /de ci'i phyir zhe na/ de gang las skrag par 'gyur ba'i chos 'di lta ste/ ngar 'dzin pa yongs su 'dzin pa dang / nga yir 'dzin pa yongs su 'dzin pa de dag des yongs su ma bzung bas/ yongs su ma bzung ba la rten med pa dang / rten med pa la g.yo ba med pa dang / g.yo ba med pa la 'gul ba med pa dang / 'gul ba med pa la blang ba med pa dang / blang ba med pa la dor ba med pa dang / dor ba med pa la 'dzin pa med pa dang / 'dzin pa med pa la mchog tu 'dzin pa med pa dang / mchog tu 'dzin pa med pa la phyin ci log med pa dang / phyin ci log med pa la log pa nyid med pa dang / log pa nyid dang bral ba ni yang dag par bsgrub pa yin pa dang / yang dag par bsgrub pa ni yang dag par lta ba yin pa dang / yang dag par lta ba ni yang dag pa'i ting nge 'dzin gyi bar dag yin pa dang / yang dag pa'i ting nge 'dzin la gnas pa la rnam par g.yeng ba med pa dang / sems rnam par mi g.yeng ba la gnas pa med pa dang / </font><hr>131a<br><font size=+1>


@#/ /sems mi gnas pa la gnas med pa dang / sems kyi gnas med pa la rnam par shes pa'i gnas med pa dang / rnam par rig pa med pa la brtag cing bsal ba med pa dang / brtag cing bsal ba dang bral bas dmigs pa med par gnas pa la sgrib pa med pa dang / sgrib pa med par gnas pa la rlom sems med pa dang / gang gi tshe rlom sems med pa de'i tshe lhag par rlom sems med pa dang / gang gi tshe lhag par rlom sems med pa de'i tshe bdag dang gzhan du mthong ba med pa dang / mthong ba med pa la yongs su gdung ba med pa dang / yongs su gdung ba med pa la sgyid lug pa med pa dang / sgyid lug pa med pa la nyon mongs pa'i rgyu med pa dang / nyon mongs pa can ma yin pa'i sems la gsal ba snang ba dang / gsal ba thob pas ye shes mthong ba dang / ye shes mthong ba la gnas pa'i sems kyi shes pa rgya che ba/ sems kyi shes pa rgya chen po la gnas pa la bdud kyis glags mi rnyed pa dang / bdud dang phyir rgol ba nges par bcom pa la sgrib pa med pa mngon du gyur ba dang / sgrib pa med pa la gnas pa la/ sangs rgyas kyi chos thams cad mngon du gyur ba'i phyir ro/ /lha'i bu/ gang byas pa med cing skye ba med pa'i chos rnams la/ chos kyi go rim gyi mtshams sbyar ba de ltar ston pa de yang cho 'phrul chen po </font><hr>131b<br><font size=+1>


yin no/ /de nas tshe dang ldan pa shA radwa ti'i bus 'jam dpal gzhon nur gyur pa la 'di skad ces smras so/ /kho bo cag 'jam dpal gzhon nur gyur pa la ci dang ci 'dri ba de dang de nyid kyi tshig gi mtshams las/ sangs rgyas kyi chos thams cad snang ngo / /'jam dpal gyis smras pa/ btsun pa shA radwa ti'i bu/ chos thams cad ni bdag po med pa ste/ de dag ni ji ltar 'dod pa de bzhin du sgrub par byed do/ /btsun pa shA radwa ti'i bu/ chos thams cad ni mi zad pa ste/ de dag ni ji ltar 'dod pa de bzhin du ston par byed do/ /btsun pa shA radwa ti'i bu/ chos thams cad ni bem po ste/ de dag ni ji ltar 'dod pa de bzhin du rjod par byed do/ /btsun pa shA radwa ti'i bu/ chos thams cad ni ther zug tu gnas pa ma yin pa ste/ de dag ni ji ltar 'dod pa de bzhin du rnam par 'jog par byed do/ /btsun pa shA radwa ti'i bu/ chos thams cad ni mthong ba med pa ste/ de dag ni ji ltar 'dod pa de bzhin du rnam par dgod par byed do/ / btsun pa shA radwa ti'i bu/ chos thams cad btang snyoms pa ste/ de dag ni ji ltar 'dod pa de bzhin du 'chad par byed do/ /btsun pa shA radwa ti'i bu/ chos de dag ni gang nas kyang ma blangs| gang du yang ma khrid pa ste/ de dag ni bsags pa yang ma yin/ spungs pa yang ma yin no/ /de dag ni bshad kyang rung / ma bshad kyang rung ste/ chos kyi de bzhin de mi 'dor </font><hr>132a<br><font size=+1>


@#/ /ba yin no/ /sems can thams cad kyi yi ge 'byung ba gang yin pa dang / sangs rgyas thams cad kyi chos bstan pa'i yi ge 'byung ba gang yin pa'i yi ge de dag thams cad ni/ lus las kyang ma byung / sems las kyang ma byung ba ste/ rgyu dang rkyen nyid las byung ba yin no/ /ji ltar yi ge rnams la bsags pa med pa de bzhin du| sems dang sems las byung ba'i chos rnams la yang bsags pa med do/ /ji ltar sems dang sems las byung ba'i chos rnams la bsags pa med pa de bzhin du / nyon mongs pa'i dmigs pa thams cad la yang bsags pa med do/ /ji ltar nyon mongs pa'i dmigs pa thams cad la bsags pa med pa de bzhin du/ shes pa gang gis nyon mongs pa rnams spangs pa'i shes pa de la yang bsags pa med de/ btsun pa shA radwa ti'i bu/ gang mi gnas pa'i shes pas mi gnas pa'i nyon mongs pa rnams spangs pa de yang cho 'phrul chen po yin no/ /de nas lha'i bu ded dpon gyis 'jam dpal gzhon nur gyur pa la 'di skad ces smras so/ /'jam dpal/ byang chub sems dpa' rnams kyi shes pa gang yin/ 'jam dpal gyis smras pa/ lha'i bu/ sdug bsngal yongs su shes pa'i shes pa dang / phung po yongs su spangs pa la yongs su skyo ba med pa'i shes pa </font><hr>132b<br><font size=+1>


dang / kun 'byung ba shes pa dang / dge ba'i rtsa ba yang dag par bsdu ba shes pa dang / 'gog pa shes pa dang / skye ba shes pa dang / 'byung ba shes pa dang / lam shes pa dang / lam ngan pa rnam par bcad pa shes pa dang / rgyu shes pa dang / chud mi za ba shes pa dang / 'bras bu shes pa dang / mngon sum du bya ba spangs pa shes pa dang / rkyen shes pa dang / tshogs bsags pa shes pa dang / bden pa shes pa dang / sangs rgyas kyi ye shes la lta zhing thob par bya ba shes pa dang / rten cing 'brel bar 'byung ba shes pa dang / 'byung ba la mngon par zhen pa med pa shes pa dang / phung po lnga shes pa dang / phung po'i bdud spangs pa shes pa dang / khams shes pa dang / chos kyi dbyings dbyer med pa shes pa dang / skye mched shes pa dang / grong stong pa lta bu so sor rtog pa shes pa dang / sbyin pa shes pa dang / dus dang dus ma yin pa las mi 'da' ba shes pa dang / tshul khrims shes pa dang / tshul khrims 'chal ba'i sems can yongs su smin par bya ba shes pa dang / bzod pa shes pa dang / sems can rjes su bsrung ba shes pa dang / brtson 'grus shes pa dang / legs par bya ba'i las bya ba shes pa dang / bsam gtan shes pa dang / bsam gtan las ldog pa shes pa dang / shes rab shes pa dang / lta ba yongs su shes pa dang / thabs shes pa dang / sems can yongs su smin par </font><hr>133a<br><font size=+1>


@#/ /bya ba shes pa dang / byams pa shes pa dang / sems can bskyab pa shes pa dang / snying rje shes pa dang / yongs su mi skyo ba shes pa dang / dga' ba shes pa dang / chos la dga' zhing rab tu dga' la mchog tu dga' ba shes pa dang / btang snyoms shes pa dang / sangs rgyas kyi chos yongs su bsgrub pa shes pa dang / sems can gzhug pa shes pa dang / tha snyad shes pa dang / dran pa nye bar gzhag pa shes pa dang / gnas med pa la gnas pa shes pa dang / yang dag par spong ba shes pa dang / mnyam pa nyid dang mi 'gal ba shes pa dang / rdzu 'phrul gyi rkang pa shes pa dang / mngon par 'du bya ba med par so sor rtog pa shes pa dang / dad pa'i dbang po dang / stobs shes pa dang| chags pa thams cad las yang dag par 'da' ba shes pa dang / brtson 'grus kyi dbang po dang / stobs shes pa dang / nyon mongs pa thams cad kyis mi tshugs pa shes pa dang| dran pa'i dbang po dang / stobs shes pa dang / chos thams cad mi brjed pa shes pa dang / ting nge 'dzin gyi dbang po dang / stobs shes pa dang / chos thams cad mnyam pa nyid du shes pa dang / shes rab kyi dbang po dang / stobs shes pa dang / sems can thams cad kyi dbang po mchog dang / mchog ma yin pa shes pa dang / byang chub kyi yan </font><hr>133b<br><font size=+1>


lag shes pa dang / rang byung gi ye shes rjes su rtogs pa shes pa dang / lam shes pa dang / lam ngan pa thams cad las yang dag par 'da' ba shes pa dang / snying rje chen po la lhag par dmigs pa shes pa dang / zad pa shes pa dang / dge ba'i rtsa ba thams cad mi zad pa shes pa dang / skye ba med pa shes pa dang / mi skye ba'i chos la bzod pa thob pa shes pa dang / sangs rgyas rjes su dran pa shes pa dang / sangs rgyas kyi sku yongs su grub pa shes pa dang / chos rjes su dran pa shes pa dang / chos kyi 'khor lo rab tu bskor ba shes pa dang / dge 'dun rjes su dran pa shes pa dang / phyir mi ldog pa'i byang chub sems dpa'i dge 'dun yang dag par 'du ba shes pa dang / gtong ba rjes su dran pa shes pa dang / sems can thams cad yongs su mi gtong ba shes pa dang / tshul khrims rjes su dran pa shes pa dang / smon lam thams cad yongs su rdzogs par bya ba shes pa dang / lha rjes su dran pa shes pa dang / sdig pa thams cad mi bya bar shes pa dang / sems can gyi dbang po shes pa dang / rim pa rjes su rtogs pa shes pa dang / thos pa'i tshogs yongs su rdzogs par bya ba shes pa dang / tshogs thams cad kyis mi ngoms pa shes pa dang / sman thams cad shes pa dang / rkyen ji lta ba bzhin du sbyor ba shes pa dang / gnas dang gnas ma yin pa shes pa dang / gnas ma yin pa mi bya bar shes pa dang / stobs bcu shes pa dang / nyan thos dang / rang </font><hr>134a<br><font size=+1>


@#/ /sangs rgyas thams cad kyi theg pa dang rjes su mthun pa shes pa dang / mi 'jigs pa shes pa dang / bar du gcod pa dang bar du gcod pa ma yin pa'i chos rjes su rtogs pa shes pa dang / 'das pa'i dus la ma thogs pa'i shes pa dang / rnam par shes pa mi gnas par shes pa dang / ma 'ongs pa'i dus la ma thogs pa'i shes pa dang / chos thams cad las yang dag par mi 'da' ba shes pa dang / da ltar byung ba'i dus la ma thogs pa'i shes pa dang / gnas pa med pa dang / rab tu gnas pa med pa shes pa dang / lus sngon du 'gro ba shes pa dang / sems can thams cad kyi lus la 'jug pa shes pa dang / ngag sngon du 'gro ba shes pa dang / sems can thams cad kyi sgra rab tu dbye ba shes pa dang / yid sngon du 'gro ba shes pa dang / sems can thams cad kyi sems kyi spyod pa rnam par g.yo ba rjes su rtogs pa'i shes pa dang / 'khrul pa med pa'i shes pa dang / sems can thams cad kyi 'khrul pa rjes su rtogs pa'i shes pa dang / nyon mongs pa dang bral ba shes pa dang / sems can thams cad kyi nyon mongs pa dang / rtsod pa nye bar zhi bar bya ba shes pa dang / mi brjed pa'i shes pa dang / sems rnam par g.yengs pa'i sems can dran pa la 'jog pa shes pa dang / dgongs pa rab tu </font><hr>134b<br><font size=+1>


'dzin pa shes pa dang / sems can le lo can yongs su bzung ba shes pa dang / sangs rgyas kyi chos ma 'dres pa shes pa dang / gdul ba'i sems can 'dul ba rjes su rtogs pa'i shes pa dang / thabs shes pa dang / shes rab shes pa ste/ lha'i bu/ de ni byang chub sems dpa'i shes pa yin te/ shes pa de dang ldan pa'i byang chub sems dpa' ni sangs rgyas kyi ye shes chags pa med pa 'thob bo/ /lha'i bus smras pa/ 'jam dpal/ ji tsam du byang chub sems dpa' rnams kyi shes pa bsam gyis mi khyab pa de dang / 'jig rten gsum po thams cad las khyad par du 'phags pa'i shes pa de ni ngo mtshar te/ shes pa de ni go cha ngan ngon dang ldan pas yang dag par bsdu bar mi nus so/ /'jam dpal gang de lta bu'i shes pa skyed par byed pa de yang cho 'phrul chen po yin no// //bam po gsum pa ste tha ma/ 'jam dpal/ ji ltar na byang chub sems dpa' go cha legs par bgos pa yin/ 'jam dpal gyis smras pa/ lha'i bu/ gang gi tshe byang chub sems dpa' rang bzhin gyis yongs su mya ngan las 'das pa'i sems can rnams la skrag par mi 'gyur ba de lta bu ni byang chub sems dpa' ni go cha legs par bgos pa yin no/ /smras pa/ 'jam dpal/ ci'i phyir byang chub sems dpa' zhes bya/ </font><hr>135a<br><font size=+1>


@#/ /smras pa| lha'i bu/ byang chub kyi gnas rjes su 'jug pas byang chub sems dpa' zhes bya'o/ /smras pa/ 'jam dpal/ ci'i phyir sems dpa' chen po zhes bya/ smras pa/ lha'i bu/ rtsom pa chen po nyams 'og tu chud par byed pa dang / ye shes chen po yongs su rdzogs par byed pas na sems dpa' chen po zhes bya'o/ /smras pa/ 'jam dpal| ci'i phyir sems can mchog ces bya/ smras pa/ lha'i bu/ shes rab kyis gzung ba med pa'i chos la 'jug pa dang / thabs kyis chos thams cad yang dag par bsdus pas de'i phyir sems can mchog ces bya'o/ /smras pa/ 'jam dpal/ ci'i phyir sems can dag pa zhes bya/ smras pa/ lha'i bu/ gang nyon mongs pa'i dri ma rnams dang lhan cig mi gnas shing / sems can thams cad kyi nyon mongs pa spang ba'i phyir brtson 'grus rtsom par yang byed pas/ de'i phyir sems can dag pa zhes bya'o/ /smras pa/ 'jam dpal/ ci'i phyir sems can rnam par dag pa zhes bya/ smras pa/ lha'i bu/ 'di ltar sems can thams cad nges par 'byung ba'i lam rnam par sbyong bar byed pas/ de'i phyir sems can rnam par dag pa zhes bya'o/ /smras pa/ 'jam dpal/ ci'i phyir 'dren pa zhes bya/ smras pa/ lha'i bu/ 'di ltar lam de la gnas nas/ sems can grangs med dpag tu med pa dag yongs su smin </font><hr>135b<br><font size=+1>


par byed pas/ de'i phyir 'dren pa zhes bya'o/ /smras pa/ 'jam dpal/ ci'i phyir rnam par 'dren pa zhes bya/ smras pa/ lha'i bu/ 'di ltar gdul ba'i sems can rnams shin tu 'dul ba la rab tu 'god par byed pas/ de'i phyir rnam par 'dren pa zhes bya'o/ /smras pa/ 'jam dpal/ ji ltar na byang chub sems dpa' dpa' ba yin/ smras pa/ lha'i bu/ ji tsam gyis bdud dang phyir rgol ba nges par bcom zhing sems can yongs su smin par bya ba'i phyir sred pa len par byed pa de tsam gyis na/ byang chub sems dpa' dpa' ba yin no/ /smras pa/ 'jam dpal/ ji ltar na byang chub sems dpa' thul bar dka' ba yin/ smras pa/ lha'i bu/ 'di ltar sngon dam bcas pa dang / sngon gyi bsam pa yongs su rdzogs par byed pas/ nyan thos dang rang sangs rgyas kyi theg pa dag la 'dod par mi byed pa de lta bu ni thul bar dka' ba yin no/ /smras pa/ 'jam dpal/ ji ltar na byang chub sems dpa' mngon par 'phags pa yin/ smras pa/ lha'i bu/ gang gi tshe 'phags pa'i shes rab dang / thabs kyis sems can yongs su smin par bya ba dang / dam pa'i chos yongs su gzung ba'i phyir kun du snang ba de tsam gyis na/ byang chub sems dpa' mngon par 'phags pa yin no/ /smras pa/ 'jam dpal/ ji ltar na byang chub sems dpa' chos smra ba yin/ smras pa/ lha'i bu/ gang </font><hr>136a<br><font size=+1>


@#/ /gi tshe sangs rgyas kyis yongs su bzung ba'i tshig gis/ sems can thams cad kyi nyes par smra ba zil gyis gnon par byed pa de lta bu ni/ chos smra ba yin no/ /smras pa/ 'jam dpal/ ji ltar na 'dul ba smra ba yin/ smras pa/ lha'i bu/ gang gi tshe bdag tshul khrims la gnas la/ sems can thams cad kyi 'gyod pa dang / kun nas ldang ba rnam par bsal ba'i phyir/ chos ston par byed pa de lta bu ni 'dul ba smra ba yin no/ /smras pa/ 'jam dpal/ ji ltar na don smra ba yin/ smras pa/ lha'i bu| gang gi tshe thos pa thams cad la nan tan snying por byed cing don rjes su rtogs pa de lta bu ni don smra ba yin no/ /smras pa/ 'jam dpal/ ji ltar na byang chub sems dpa' sems can thams cad la phan pa'i gzhi phun sum tshogs pa yin/ smras pa/ lha'i bu/ gang gi tshe dge ba'i rtsa ba yang dag par bsgrubs pa thams cad sems can rnams la stob par byed pa de lta bu ni/ sems can thams cad la phan pa'i gzhi phun sum tshogs pa yin no/ /smras pa/ 'jam dpal/ ji ltar na byang chub sems dpa' drang po yin/ smras pa/ lha'i bu/ gang gi tshe bdag gi nyes pa mi 'chab pa de lta bu ni drang po yin no/ /smras pa/ 'jam dpal/ ji ltar na byang chub sems dpa' dam pa yin/ smras pa/ lha'i bu/ </font><hr>136b<br><font size=+1>


gang gi tshe sems can 'dod chags dang / zhe sdang dang / gti mug gi gya gyu can rnams la khong khro bar mi byed pa de'i phyir dam pa yin no/ /smras pa/ 'jam dpal/ ji ltar na g.yo ba med pa yin| smras pa/ lha'i bu/ gang gi tshe ji skad smras pa'i tshig las 'da' ba med pa yin no/ /smras pa/ 'jam dpal/ ji ltar na sgyu med pa yin/ smras pa/ lha'i bu/ gang gi tshe ji ltar sems kyis mngon par bsgrubs pa de bzhin du tshig tu brjod pa de lta bu ni sgyu med pa yin no/ /smras pa/ 'jam dpal/ ji ltar na nga rgyal med pa yin/ smras pa/ lha'i bu/ gang gi tshe sems can thams cad la 'dud par byed cing mi dge ba mi byed pa de lta bu ni nga rgyal med pa yin no/ /smras pa/ 'jam dpal/ ji ltar na byang chub sems dpa' sbyin bdag yin/ smras pa/ gang gi tshe yongs su bsdus pa'i byang chub kyang gtong bar byed na/ dngos po gzhan dag lta smos kyang ci dgos pa'o/ /smras pa/ 'jam dpal/ ji ltar na tshul khrims dang ldan pa yin/ smras pa| lha'i bu/ gang tshul khrims 'chal pa mthong na/ srog gi phyir yang byang chub kyi sems mi gtong ba yin no/ /smras pa/ 'jam dpal/ ji ltar na bzod pa smra ba yin/ smras pa/ lha'i bu/ gang gi tshe gnod pa bzod cing / gzhan la gnod par mi byed pa yin no/ /smras pa/ 'jam dpal/ ji ltar na brtson 'grus dang ldan pa yin/ smras pa/ lha'i bu/ gang rnam par bsams </font><hr>137a<br><font size=+1>


@#/ /na| chos 'ga' yang mi dmigs pa yin no/ /smras pa/ 'jam dpal/ ji ltar na bsam gtan la bsam gtan pa yin/ smras pa/ lha'i bu/ gang 'dod pa'i khams su phyis mi snang ba yin no/ /smras pa/ 'jam dpal/ ji ltar na shes rab dang ldan pa yin/ smras pa/ lha'i bu/ gang shes rab kyis bya ba sbyin par mi byed pa yin no/ /smras pa/ 'jam dpal/ ji ltar na byams pa la gnas pa yin/ smras pa/ lha'i bu/ gang gi tshe sems can gyi khams la stong pa nyid du rnam par lta ba yin no/ / smras pa/ 'jam dpal/ ji ltar na snying rje la gnas pa yin/ smras pa/ lha'i bu/ gang gi tshe chos thams cad nam mkha' lta bur shes nas/ byang chub la brtson 'grus mi 'dor ba yin no/ /smras pa/ 'jam dpal/ ji ltar na dga' ba la gnas pa yin/ smras pa/ lha'i bu/ gang gi tshe thub cing zhi la rab tu zhi ba thob cing chos yongs su tshol ba la dga' ba mi ngoms pa yin no/ /smras pa/ 'jam dpal/ ji ltar na btang snyoms la gnas pa yin/ smras pa/ lha'i bu/ sems can yongs su bskyab pa'i phyir 'jig rten na spyod kyang / 'jig rten gyi chos rnams kyis mi 'phrogs pa yin no/ /smras pa/ 'jam dpal/ ji ltar na byang chub sems dpa' lus yongs su dag pa yin/ smras pa/ lha'i bu/ gang </font><hr>137b<br><font size=+1>


gi tshe yid las byung ba'i lus kyis sems can thams cad kyi lus dang mthun par ston pa yin no/ /smras pa/ 'jam dpal/ ji ltar na ngag yongs su dag pa yin/ smras pa/ lha'i bu/ gang gi tshe sems can thams cad kyi sgra yongs su rdzogs pas/ 'bras bu yod par chos ston pa yin no/ /smras pa/ 'jam dpal/ ji ltar na sems yongs su dag pa yin/ smras pa/ lha'i bu/ gang gi tshe sems gcig gis sems can thams cad kyi sems rnams rab tu shes pa yin no/ /smras pa/ 'jam dpal/ ji ltar na byang chub sems dpa'i lha'i mig dang ldan pa yin/ smras pa/ lha'i bu/ gang gi tshe gzugs snang ba thams cad kyang mthong la/ gzugs dben par yang ston pa yin no/ /smras pa/ 'jam dpal/ ji ltar na lha'i rna ba thob pa yin/ smras pa/ lha'i bu/ gang gi tshe sgra thams cad thos la/ sgra dben par yang ston pa yin no/ /smras pa/ 'jam dpal/ ji ltar na pha rol gyi sems la mkhas pa yin smras pa| lha'i bu/ gang gi tshe sems skyes pa zhig par gyur pa rnams kyi sems kyi rgyun rab tu shes pa yin no/ /smras pa/ 'jam dpal/ ji ltar na sngon gyi gnas la mkhas pa yin smras pa| lha'i bu/ gang gi tshe sngon gyi mtha'i mu rjes su dran zhing / yang dag pa'i mtha' las kyang mi g.yo ba yin no/ /smras pa/ 'jam dpal/ ji ltar na rdzu 'phrul gyi bya ba shes pa </font><hr>138a<br><font size=+1>


@#/ /yin| smras pa/ lha'i bu/ gang bdud thams cad kyang ston la/ bdud kyi las rnams kyis kyang mi gos pa yin no/ /smras pa/ 'jam dpal/ ji ltar na dul ba yin/ smras pa/ lha'i bu/ gang gi tshe ma dul ba rnams 'dul ba yin no/ /smras pa/ 'jam dpal/ ji ltar na bsrungs pa yin/ smras pa/ lha'i bu/ dbang po thams cad mi g.yeng ba yin no/ /smras pa/ 'jam dpal/ ji ltar na rnam par dul ba yin/ smras pa/ lha'i bu/ gang gi tshe mi 'khrugs pa'i chos su gyur pa yin no/ /smras pa / 'jam dpal/ ji ltar na zhi ba yin/ smras pa/ lha'i bu/ nyon mongs pa'i yongs su gdung ba thams cad kyis gdung ba med la/ sems can thams cad kyi nyon mongs pa sdang ba'i phyir yang chos ston pa yin no/ /smras pa/ 'jam dpal/ ji ltar na dad pa yin/ smras pa/ lha'i bu/ gang sangs rgyas kyi sku'i gzugs kyis phye yang mi phyed pa yin no| |smras pa/ 'jam dpal/ ji ltar na byang chub sems dpa' thabs la mkhas pa yin/ smras pa/ lha'i bu/ gang gi tshe byang chub sems dpa' sems can thams cad la byang chub la rag las par mthong ba yin no/ /bstan pa 'di bshad pa na/ srog chags khri nyis stong bla na med pa yang dag par rdzogs pa'i byang chub tu sems skyes so/ / </font><hr>138b<br><font size=+1>


byang chub sems dpa' lnga brgya ni mi skye ba'i chos la bzod pa thob par gyur to/ /de nas bcom ldan 'das kyis 'jam dpal gzhon nur gyur pa la legs so/ /zhes bya ba byin te/ 'jam dpal/ legs so/ /legs so/ /khyod kyis byang chub sems dpa' rnams kyi ming bshad pa de dang / skyes bu dam pa de dag gi yon tan de dag legs par smras te/ gzhan yang dpag tu med pa dag yod do/ /lha'i bu/ ded dpon gyis 'jam dpal gzhon nur gyur pa la gzhan yang 'di skad ces smras so/ /'jam dpal khyod kyis sngon gyi de bzhin gshegs pa ji snyed cig la bsnyen bkur byas na/ khyod spobs pa 'di lta bu dang ldan/ 'jam dpal gyis smras pa/ lha'i bu/ sprul pa'i sgyu ma'i skyes bu'i sems can sems las byung ba ji snyed 'gag pa de snyed la'o| |smras pa/ 'jam dpal sprul pa nyid la yang sems dang sems las byung ba dag med na sgyu ma sprul pa la lta ci smos/ smras pa/ lha'i bu/ de bzhin gshegs pa de dag kyang ngo bo nyid de lta bu'i mtshan nyid yin la/ de dag la bsnyen bkur bya ba'i mtshan nyid kyang de lta bu yin no/ /smras pa/ 'jam dpal khyod kyis yun ring po ji srid cig nas/ sbyin pa'i pha rol tu phyin pa la spyad/ smras pa/ lha'i bu/ gal te de bzhin gshegs pa'i sprul pa zhig la khyod kyis yun ring po ji srid cig nas sbyin pa'i pha rol tu phyin pa la spyad ces dris na/ ci de la lan </font><hr>139a<br><font size=+1>


@#/ /ldon par byed dam/ smras pa/ 'jam dpal/ de ni cung zad kyang lan ldon par mi byed do/ /smras pa/ lha'i bu/ kho bo yang sprul pa de nyid kyi mtshan nyid yin pas na/ kho bos ji skad du/ kho bo yun ring po 'di tsam zhig nas sbyin pa'i pha rol tu phyin pa la spyod do zhes lan gdab par bya/ smras pa/ 'jam dpal/ 'o na ci khyod ser sna can yin nam/ smras pa/ lha'i bu/ de bzhin te/ kho bo ni ser sna can yin no/ /smras pa/ 'jam dpal khyod ci las bsams te de skad smra/ smras pa/ lha'i bu/ gang yongs su mi gtong ba de ser sna can ma yin nam/ smras pa/ 'jam dpal khyod ci zhig yongs su mi gtong / smras pa/ lha'i bu/ kho bo ni sangs rgyas kyi chos thams cad dang / sems can thams cad yongs su mi gtong ba yin te/ de'i phyir kho bo ni ser sna can yin no/ /smras pa/ 'jam dpal khyod kyis ji skad smras pa'i don kho bos shes pa ltar na/ khyod ni tshul khrims 'chal ba yin no/ /smras pa/ lha'i bu/ de bzhin te/ kho bo ni tshul khrims 'chal ba yin no/ /smras pa/ 'jam dpal khyod ci las bsams te de skad smra/ smras pa/ lha'i bu/ gang tshul khrims 'chal ba de ngan song gsum po de dag tu ltung ba ma yin nam/ smras pa/ 'jam dpal/ de bzhin no/ /smras pa/ lha'i bu kho bo yang sems can yongs su smin par bya </font><hr>139b<br><font size=+1>


ba'i phyir bsams bzhin du ngan song rnams su 'gro ste/ de'i phyir kho bo ni tshul khrims 'chal ba yin no/ /smras pa/ 'jam dpal/ ci khyod gnod sems kyi sems dang ldan pa yin nam smras pa/ lha'i bu/ de bzhin te/ kho bo ni gnod sems dang ldan pa yin no/ /smras pa/ 'jam dpal khyod ci las bsams te de skad smra/ smras pa/ lha'i bu/ gang gnod sems kyi sems dang ldan pa de rjes su chags pa med pa ma yin nam/ smras pa/ 'jam dpal/ de bzhin no/ /smras pa/ lha'i bu/ kho bo yang nyon mongs pa thams cad dang / byis pa thams cad dang / nyan thos dang / rang sangs rgyas kyi sa thams cad la rjes su chags pa med de/ de'i phyir kho bo ni gnod sems kyi sems dang ldan pa yin no/ /smras pa/ 'jam dpal/ ci khyod le lo can yin nam/ smras pa/ lha'i bu/ de bzhin te/ kho bo le lo can yin no/ /smras pa/ 'jam dpal khyod ci las bsams te de skad smra/ smras pa/ lha'i bu/ le lo can zhes bya ba ni gang lus dang / ngag dang / yid kyis mi rtsom pa yin la/ kho bo yang rtsom pa med cing brtul bar mi byed pa dang / len pa med pa dang / 'dor ba med pa yin te/ de'i phyir kho bo ni le lo can yin no/ /smras pa/ 'jam dpal/ ci khyod sems rnam par g.yengs pa yin nam/ smras pa/ lha'i bu/ de bzhin te/ kho bo ni sems rnam par g.yengs pa yin no/ /smras pa/ </font><hr>140a<br><font size=+1>


@#/ /'jam dpal khyod ci las bsams te de skad smra/ smras pa/ lha'i bu/ gang gi sems rnam par grol ba la mi gnas pa de/ sems rnam par g.yengs pa ma yin nam/ smras pa/ 'jam dpal/ de bzhin no/ /smras pa/ lha'i bu/ kho bo yang 'phags pa rnams kyi rnam par grol ba la sems mi gnas pa dang / sems can yongs su smin par bya ba'i phyir sems rnam par g.yengs pa yin te/ de'i phyir kho bo ni sems rnam par g.yengs pa yin no/ /smras pa/ 'jam dpal/ ci khyod shes rab 'chal ba yin nam/ smras pa/ lha'i bu/ de bzhin te/ kho bo ni shes rab 'chal pa yin no/ /smras pa/ 'jam dpal khyod ci las bsams te de skad smra/ smras pa/ lha'i bu/ gang 'khor bas mi skrag cing sems can rmongs pa rnams dang lhan cig na dga' ba de shes rab 'chal ba ma yin nam/ smras pa/ 'jam dpal/ de bzhin no/ /smras pa/ lha'i bu/ kho bo yang 'khor bas mi skrag cing / de dag nyid yongs su smin par bya ba'i phyir/ sems can rmongs pa rnams dang lhan cig na dga' ba yin te/ de'i phyir kho bo ni shes rab 'chal ba yin no/ smras pa/ 'jam dpal/ 'jig rten na sbyin gnas su yin/ smras pa/ lha'i bu/ gang dag bsad pa gsod pa'i sems skyes pa rnams so/ /smras pa/ 'jam dpal khyod ci las </font><hr>140b<br><font size=+1>


bsams te de skad smra/ smras pa/ lha'i bu/ gsod pa zhes bya ba ni 'dod chags dang / zhe sdang dang / gti mug rnams te/ gang de dag gsod par byed pa de ni/ bsad pa gsod par byed pa yin pas/ de ni 'jig rten na sbyin gnas yin no/ /smras pa/ 'jam dpal khyod kyis bshad pa de lta bu ni 'jig rten gnas pa skrag par 'gyur ba yin no/ /smras pa/ lha'i bu/ gal te yang dag pa'i mtha' skrag par 'gyur na ni/ 'jig rten gnas pa yang skrag par 'gyur ro/ /de ci'i phyir zhe na/ 'jig rten ni yang dag pa'i mtha' la gnas pa yin pa'i phyir ro/ /smras pa| 'jam dpal/ gang dag khyod kyis bshad pa 'di spong bar 'gyur ba de dag gang du 'gro bar 'gyur/ smras pa/ lha'i bu/ de dag ni mya ngan las 'das par 'gro bar 'gyur ro/ / smras pa/ 'jam dpal/ khyod ci las bsams te de skad smra/ smras pa/ lha'i bu/ pha rol gyi sgra nyan pa ma spangs par ni/ 'phags pa'i rnam par grol ba 'thob par mi nus so/ /de ci'i phyir zhe na/ skyon med par zhugs pa la ni yi ge'i 'jug pa med pas na/ gang dag mos par 'gyur ba de dag ni/ rnam par grol bar mi 'gyur ba'i phyir ro/ /smras pa/ 'jam dpal khyod ci las bsams te de skad smra/ smras pa/ lha'i bu/ rnam par grol ba ni/ yang rnam par grol bar 'gyur ba med do/ /smras pa/ 'jam dpal/ dam pa'i chos spong ba rnams </font><hr>141a<br><font size=+1>


@#/ /ni sems can dmyal bar 'gro ba yin no/ /smras pa/ lha'i bu/ gang dag rnam par grol ba de dag thams cad sems can dmyal bar 'gro ba yin nam| smras pa/ 'jam dpal khyod kyis chos bstan pa ni gnyen po med pa yin no/ /smras pa/ lha'i bu/ stong pa nyid dang / mtshan ma med pa dang / smon pa med pa la ni gnyen po brjod par mi nus so/ /smras pa/ 'jam dpal/ stong pa nyid la gnas pa ni ci zhig la gnas pa yin/ smras pa/ lha'i bu/ stong pa nyid la gnas pa ni sems can thams cad la byams par gnas pa yin no/ /de ci'i phyir zhe na/ sems can ma gtogs par stong pa nyid med pa'i phyir ro/ /smras pa/ 'jam dpal/ ji ltar na byang chub sems dpa' sems can gyi khams kyi mtha' khong du chud pa yin/ smras pa/ lha'i bu/ gang gi tshe sems can thams cad rten cing 'brel par 'byung ba mthong zhing de la rtag pa dang / chad pa'i mthar lta bar yang mi ltung ba de lta bu ni/ byang chub sems dpa' sems can gyi khams kyi mtha' khong du chud pa yin no/ /smras pa/ 'jam dpal/ sems can gyi khams gang dang ldan pa yin/ smras pa/ lha'i bu/ sems can gyi khams ni/ chos kyi dbyings kyi khams dang ldan pa yin no/ /smras pa/ 'jam dpal/ chos kyi dbyings khams gang </font><hr>141b<br><font size=+1>


dang ldan pa yin/ smras pa/ lha'i bu/ nam mkha'i ngo bo nyid kyi khams dang ldan pa yin no/ /smras pa/ 'jam dpal/ nam mkha'i khams gang dang ldan pa yin/ smras pa/ lha'i bu/ yul thams cad las yang dag par 'das pa'i khams dang ldan pa yin no/ /smras pa/ 'jam dpal/ yul gang sangs rgyas kyi yul yin/ smras pa/ lha'i bu/ mig gi yul ni sangs rgyas kyi yul yin te/ sangs rgyas kyi yul ni mig dang / gzugs dang / rnam par shes pa'i yul ma yin no/ /rna ba'i yul ni sangs rgyas kyi yul yin te/ sangs rgyas kyi yul ni rna ba dang / sgra dang / rnam par shes pa'i yul ma yin no/ /sna'i yul ni sangs rgyas kyi yul yin te/ sangs rgyas kyi yul ni sna dang / dri dang / rnam par shes pa'i yul ma yin no/ /lce'i yul ni sangs rgyas kyi yul yin te/ sangs rgyas kyi yul ni lce dang / ro dang / rnam par shes pa'i yul ma yin no/ /lus kyi yul ni sangs rgyas kyi yul yin te/ sangs rgyas kyi yul ni lus dang / reg bya dang / rnam par shes pa'i yul ma yin no/ /yid kyi yul ni sangs rgyas kyi yul yin te/ sangs rgyas kyi yul ni yid dang / chos dang / rnam par shes pa'i yul ma yin no| |gzugs kyi yul ni sangs rgyas kyi yul yin te/ sangs rgyas kyi yul ni gzugs su rung ba'i yul ma yin no/ /tshor ba'i yul ni sangs rgyas kyi yul yin te/ sangs rgyas </font><hr>142a<br><font size=+1>


@#/ /kyi yul ni myong ba'i yul ma yin no/ /'du shes kyi yul ni sangs rgyas kyi yul yin te/ sangs rgyas kyi yul ni kun tu g.yo ba'i yul ma yin no/ /'du byed kyi yul ni sangs rgyas kyi yul yin te/ sangs rgyas kyi yul ni mngon par 'du byed pa'i yul ma yin no/ /rnam par shes pa'i yul ni sangs rgyas kyi yul yin te/ sangs rgyas kyi yul ni rnam par rig pa'i yul ma yin no/ /ma rig pa'i yul ni sangs rgyas kyi yul yin te/ sangs rgyas kyi yul ni rgyu dang rkyen gyi yul ma yin no/ /rga shi'i bar dag gi yul ni sangs rgyas kyi yul yin te/ sangs rgyas kyi yul ni nyid mtshams sbyor ba'i yul ma yin no/ /'dod pa'i khams kyi yul ni sangs rgyas kyi yul yin te/ sangs rgyas kyi yul ni 'dod chags so sor rnam par rig pa'i yul ma yin no/ /gzugs kyi khams kyi yul ni sangs rgyas kyi yul yin te/ sangs rgyas kyi yul ni 'dod chags kyi gnyen po'i yul ma yin no/ /gzugs med pa'i khams kyi yul ni sangs rgyas kyi yul yin te/ sangs rgyas kyi yul ni lta ba'i lam rnam par grol ba'i yul ma yin no/ /'dus ma byas kyi khams kyi yul ni sangs rgyas kyi yul yin te/ sangs rgyas kyi yul ni gnyis su sbyor ba'i yul ma yin no/ /'dus byas kyi yul ni sangs rgyas kyi yul yin te/ sangs rgyas kyi yul ni </font><hr>142b<br><font size=+1>


mtshan nyid gsum dang ldan pa'i yul ma yin no/ /lha'i bu/ de ni sangs rgyas kyi yul yin te/ mtha' dang mtha' ma yin pa'i yul yin pa'i phyir/ yul der ni yul thams cad 'dus shing khongs su chud pa yin no/ /lha'i bu/ byang chub sems dpa' ni yul de lta bur zhugs shing / don gyi yul thams cad la rnam par spyod kyang bdud kyi yul thob pa ma yin te| de ni bdud kyi yul dang / sangs rgyas kyi yul yang mnyam zhing dben pa'i yul du mngon par rdzogs par khong du chud do/ /lha'i bu/ gang mnyam pa dang mi mnyam pas sems can rnams yongs su smin par byed kyang / mnyam pa nyid las kyang mi 'da' ba 'di yang cho 'phrul chen po yin no/ /de la mnyam pa nyid ni gang / mi mnyam pa nyid ni gang zhe na/ 'di ltar chos thams cad stong pa nyid du mnyam pa de ni mnyam pa nyid yin no/ /gang dag stong pa nyid la mi 'jug pa de dag ni mi mnyam par gnas pa yin te/ byang chub sems dpa' de dag yongs su smin par byed kyang stong pa nyid kyi mnyam pa nyid las kyang mi g.yo'o/ /chos thams cad mtshan ma med par mnyam pa nyid du mnyam pa de ni mnyam pa nyid yin no/ /gang dag mnyam pa nyid de la mi 'jug pa de dag ni mi mnyam par gnas pa yin te/ byang chub sems dpa' ni de dag yongs su smin kyang mtshan ma med pa'i mnyam pa nyid las kyang mi g.yo'o/ /chos </font><hr>143a<br><font size=+1>


@#/ /thams cad smon pa med par mnyam pa nyid du mnyam pa de ni mnyam pa nyid yin no/ /gang dag mnyam pa nyid de la mi 'jug pa de dag ni mi mnyam par gnas pa yin te/ byang chub sems dpa' ni de dag yongs su smin par byed kyang / smon pa med pa'i mnyam pa nyid las kyang mi g.yo'o/ /chos thams cad mngon par 'du byed pa med par mnyam pa nyid du mnyam pa de ni mnyam pa nyid yin no/ /gang dag mnyam pa nyid de la mi 'jug pa de dag ni mi mnyam par gnas pa yin te/ byang chub sems dpa' ni de dag yongs su smin par byed kyang mngon par 'du byed pa med pa'i mnyam pa nyid las kyang mi g.yo'o/ /chos thams cad skye ba med par mnyam pa nyid dang / 'byung ba med par mnyam pa nyid dang / 'gag pa med par mnyam pa nyid dang / 'dod chags dang bral bar mnyam pa nyid dang / dben par mnyam pa nyid dang / dngos po med par mnyam pa nyid dang / 'gog par mnyam pa nyid dang / chos thams cad mya ngan las 'das par mnyam pa nyid du mnyam pa de ni mnyam pa nyid yin no/ /gang dag mnyam pa nyid de la mi 'jug pa de dag ni mi mnyam par mnyam pa yin te/ byang chub sems dpa' ni de dag yongs su smin par byed kyang mya ngan las 'das pa'i mnyam pa nyid las kyang mi g.yo ste/ lha'i </font><hr>143b<br><font size=+1>


bu| de ltar mnyam pa dang mi mnyam pa la spyod pa'i byang chub sems dpa' ni/ byang chub sems dpa'i spyad pa spyod pa yin no/ /de nas lha'i bu ded dpon gyis 'jam dpal gzhon nur gyur pa la 'di skad ces smras so/ /'jam dpal khyod byang chub sems dpa' rnams kyi spyod pa la spobs par gyis shig /'jam dpal gyis smras pa/ lha'i bu/ byang chub sems dpa' rnams kyi spyod pa ni bsam gyis mi khyab pa yin no/ /smras pa/ 'jam dpal/ ji ltar na byang chub sems dpa' rnams kyi spyod pa bsam gyis mi khyab pa yin/ smras pa/ lha'i bu| 'dod chags kyi spyod pa bsam gyis mi khyab pa'i phyir/ byang chub sems dpa' rnams kyi spyod pa yang bsam gyis mi khyab pa ste/ 'dod chags dang bral ba'i spyod pa ni ma yin no| |zhe sdang gi spyod pa bsam gyis mi khyab pa'i phyir/ byang chub sems dpa' rnams kyi spyod pa yang bsam gyis mi khyab pa ste/ zhe sdang dang bral ba'i spyod pa ni ma yin no/ /gti mug gi spyod pa bsam gyis mi khyab pa'i phyir/ byang chub sems dpa' rnams kyi spyod pa yang bsam gyis mi khyab pa ste/ shes rab kyi bya ba sgrub par byed pa'i spyod pa ni ma yin no/ /ser sna med pa'i spyod pa ni byang chub sems dpa' rnams kyi spyod pa yin te/ sbyin pas rlom sems su byed pa'i spyod pa ni ma yin no/ /'chal ba'i tshul khrims dang bral ba'i spyod pa ni / </font><hr>144a<br><font size=+1>


@#/ /byang chub sems dpa' rnams kyi spyod pa yin te/ tshul khrims kyis rlom sems su byed pa'i spyod pa ni ma yin no/ /gnod sems med pa'i spyod pa ni byang chub sems dpa' rnams kyi spyod pa yin te/ bzod pas rlom sems su byed pa'i spyod pa ni ma yin no/ /le lo med pa'i spyod pa ni byang chub sems dpa' rnams kyi spyod pa yin te/ brtson 'grus kyis rlom sems su byed pa'i spyod pa ni ma yin no/ /rnam par g.yeng ba med pa'i spyod pa ni byang chub sems dpa' rnams kyi spyod pa yin te/ bsam gtan gyis rlom sems su byed pa'i spyod pa ni ma yin no/ /'chal ba'i shes rab med pa'i spyod pa ni byang chub sems dpa' rnams kyi spyod pa yin te/ shes rab kyis rlom sems su byed pa'i spyod pa ni ma yin no/ /nyon mongs pa med pa'i spyod pa ni byang chub sems dpa' rnams kyi spyod pa yin te/ nyon mongs pa med pas rlom sems su byed pa'i spyod pa ni ma yin no/ /nang dang phyi'i dngos po yongs su gtong bas brtse ba med pa'i spyod pa ni byang chub sems dpa' rnams kyi spyod pa yin no/ /bu dang / bu mo dang / chung ma yongs su gtong bas mngon par dga' ba med pa'i spyod pa ni byang chub sems dpa' rnams kyi spyod pa yin no/ /'dod pa'i yon tan la smod pas rtag tu gnod sems med pa'i spyod pa ni byang chub sems dpa' rnams </font><hr>144b<br><font size=+1>


kyi spyod pa yin no/ /dge ba'i rtsa ba yang dag par bsdus pas mi lta ba'i spyod pa ni byang chub sems dpa' rnams kyi spyod pa yin no/ /lus dang srog la mi lta bas lta ba med pa'i spyod pa ni byang chub sems dpa' rnams kyi spyod pa yin no/ /sdug pa dang mi sdug pa yongs su gtong bas tsham tshom med pa'i spyod pa ni byang chub sems dpa' rnams kyi spyod pa yin no/ /'khor ba dpag tu med pas mi skrag pas 'jigs pa med pa'i spyod pa ni byang chub sems dpa' rnams kyi spyod pa yin no/ /sems can thams cad kyi khur sgrol bas khur chen po sgrol ba'i spyod pa ni byang chub sems dpa' rnams kyi spyod pa yin no/ /sngar dam bcas pa nyams su len par byed pas phyir mi ldog pa'i spyod pa ni byang chub sems dpa' rnams kyi spyod pa yin no/ /rjes su 'gyod pa med pas yid la gcags pa med pa'i spyod pa ni byang chub sems dpa' rnams kyi spyod pa yin no/ /theg pa thams cad zil gyis mnan pas mngon par 'phags pa'i spyod pa ni byang chub sems dpa' rnams kyi spyod pa yin no/ /yi dam ma zhig pas go cha rdo rje lta bu'i spyod pa ni byang chub sems dpa' rnams kyi spyod pa yin no/ /sems can thams cad kyi sems la nges par sems pas rang gi sems la nges par sems pa'i spyod pa ni byang chub sems dpa' rnams kyi spyod pa yin no/ /las byas pa chud mi za bas chud mi za ba'i spyod pa ni byang chub sems dpa' rnams </font><hr>145a<br><font size=+1>


@#/ /kyi spyod pa yin no/ /sems can thams cad la sems mnyam pas tha dad med pa'i spyod pa ni byang chub sems dpa' rnams kyi spyod pa yin no/ /dgra thams cad nges par bcom pas dpa' ba'i spyod pa ni byang chub sems dpa' rnams kyi spyod pa yin no/ /skal pa mnyam pa'i skye bo dang mthun par 'jug pas ma 'dres pa'i spyod pa ni byang chub sems dpa' rnams kyi spyod pa yin no/ /gshe ba dang / sdang ba thams cad rab tu dga' bar byed pas/ rab tu dga' bar byed pa'i spyod pa ni byang chub sems dpa' rnams kyi spyod pa yin no/ /sangs rgyas lta ba dang / chos mnyan pa dang / bla ma la bsnyen bkur bya ba la mchog tu dga' bas dga' ba dang / rab tu dga' ba dang / mchog tu dga' ba'i spyod pa ni byang chub sems dpa' rnams kyi spyod pa yin no/ /lus dang / ngag dang / sems dang / sangs rgyas kyi zhing rgyan par byed pas rgyan gyi spyod pa ni byang chub sems dpa' rnams kyi spyod pa yin no| |mnyam pa dang / mi mnyam pa'i gnyen por gyur pas zil gyis mi non pa'i spyod pa ni byang chub sems dpa' rnams kyi spyod pa yin no/ /skye bo mkhas shing mdzangs pa rnams kyis rab tu bsngags pas ngan pa ma yin pa'i spyod pa ni byang chub sems dpa' rnams kyi spyod pa yin no/ /tshul bzhin gyis nyon mongs pa rnams shin tu nges par brtags pas mi rtsi </font><hr>145b<br><font size=+1>


ba'i spyod pa ni byang chub sems dpa' rnams kyi spyod pa yin no/ /khur blangs pa nyams su lon pas skyes bu dam pa'i spyod pa ni byang chub sems dpa' rnams kyi spyod pa yin no/ /brtson 'grus brtan pos phyir mi ldog pas khyad par du 'gro ba'i spyod pa ni byang chub sems dpa' rnams kyi spyod pa yin no/ /byang chub kyi phyogs kyi chos yang dag par sdud pas chos spyod pa ni byang chub sems dpa' rnams kyi spyod pa yin no/ /sangs rgyas kyi gdung rgyun mi gcod pas byas pa shes shing byas pa gzo ba'i spyod pa ni byang chub sems dpa' rnams kyi spyod pa yin no| |dkon mchog gsum 'dri bar mi byed pas dkon mchog gi spyod pa ni byang chub sems dpa' rnams kyi spyod pa yin no/ /sdud pa dang yongs su gcod pas shes rab dang thabs kyi spyod pa ni byang chub sems dpa' rnams kyi spyod pa yin no/ /byang chub sems dpa' rnams kyi spyod pa bstan pa 'di bshad pa na/ spyod pa la zhugs pa'i byang chub sems dpa' lnga brgyas mi skye ba'i chos la bzod pa thob par gyur to/ /de nas lha'i bu ded dpon gyis 'jam dpal gzhon nur gyur pa la 'di skad ces smras so/ /'jam dpal khyod kyis byang chub sems dpa' rnams kyi spyod pa de ni legs par smras so/ /byang chub sems dpa' gang dag spyod pa de dang ma bral ba de dag ni/ de nyid kyis lung bstan pa yin no/ /bcom ldan </font><hr>146a<br><font size=+1>


@#/ /'das kyis bka' stsal pa/ lha'i bu/ de de bzhin no/ /ji skad smras pa de bzhin te/ lha'i bu/ gang gi tshe nga spyod pa de dang ma bral bar gyur pa de'i tshe de bzhin gshegs pa mar me mdzad kyis/ nga bla na med pa yang dag par rdzogs pa'i byang chub tu lung bstan te/ der ngas mi skye ba'i chos la bzod pa thob bo/ /lha'i bu/ gang spyod pa rnam par dag pa'i mtshan nyid kyi chos rnams la/ byang chub sems dpa' rnams kyi spyod pa de lta bu de dag rab tu 'byed par byed pa de yang de bzhin gshegs pa'i cho 'phrul chen po yin no/ /de nas bcom ldan 'das la lha'i bu ded dpon gyis 'di skad ces gsol to/ /bcom ldan 'das/ mi skye ba zhes bya ba ni ci lags/ 'jug pa gang gis ni byang chub sems dpa' mi skye ba'i chos la bzod pa thob pa lags/ bcom ldan 'das kyis bka' stsal pa/ lha'i bu/ mi skye ba zhes bya ba de ni/ gzod ma nas ma skyes pa'i mu'i mtshan nyid kyi tshig bla dwags yin te/ de ni sngon byung bar gyur la/ phyis ma byung bar gyur pa ma yin te/ de ni gzod ma nas ma byung ba nyid yin no/ /de ni sngon srid par gyur la/ phyis mi srid par gyur pa ma yin te/ de ni gzod ma nas mi srid pa nyid yin no/ /de ni sngon skyes par gyur la/ phyis ma skyes par gyur pa ma yin te/ de ni gzod ma nas ma skyes pa nyid yin </font><hr>146b<br><font size=+1>


no| |de ni sngon mngon par 'dus byas pa yin la/ phyis mngon par 'dus ma byas pa ma yin te/ de ni gzod ma nas mngon par 'dus ma byas pa nyid yin no/ /de ni sngon yod par gyur la/ phyis med par gyur pa ma yin te/ de ni gzod ma nas 'gyur ba med pa nyid yin no/ /de ni sngon gang zag tu bgrang bar gyur la/ phyis gang zag tu mi bgrang bar gyur pa ma yin te/ de ni gzod ma nas stong pa nyid yin no/ /de ni sngon mtshan mar bgrang bar gyur la/ phyis mtshan mar mi bgrang bar gyur pa ma yin te/ de ni gzod ma nas mtshan ma med pa nyid yin no/ /gang gis de ltar rjes su rtogs pa dang / sems kyi skye ba dang / 'jig pa la mngon par zhen pa med par rtogs pa de ni mi skye ba zhes bya'o/ /de la bzod pa gang zhe na/ de dag ji ltar mi skye ba de bzhin du sems can thams cad la yang bzod pa de ni bzod pa zhes bya'o/ /de dag ji ltar mi skye ba de bzhin du zhing thams cad la yang bzod pa de ni bzod pa zhes bya'o/ /de dag ji ltar mi skye ba de bzhin du slob pa dang / mi slob pa dang / rang sangs rgyas thams cad la yang bzod pa de ni bzod pa zhes bya'o/ /de dag ji ltar mi skye ba de bzhin du/ sangs rgyas kyi chos thams cad dang / byang chub sems dpa'i spyod pa thams cad dang / sangs rgyas thams cad la yang bzod pa de ni bzod pa zhes bya'o/ /de dag ji ltar mi skye ba de bzhin du/ chos thams cad </font><hr>147a<br><font size=+1>


@#/ /la yang bzod pa de ni bzod pa zhes bya'o/ /bzod pa de yang skad cig pa yin te/ gang gis skad cig pa yin zhe na/ skad cig pa nyid kyis skad cig pa yin no/ /stong pa nyid ni stong pa nyid kyis skad cig pa yin no/ /mtshan ma med pa ni mtshan ma med pas skad cig pa yin no/ /ji ltar stong pa nyid dang / mtshan ma med pa stong pa nyid dang / mtshan ma med pas skad cig pa yin pa de ni de bzhin du/ gzugs kyang gzugs kyi mtshan nyid kyis skad cig pa yin no/ /ji ltar stong pa nyid dang mtshan ma med pa stong pa nyid dang / mtshan ma med pas skad cig pa yin pa de bzhin du/ tshor ba dang / 'du shes dang / 'du byed rnams dang / rnam par shes pa yang rnam par shes pa'i mtshan nyid kyis skad cig pa yin no/ /ji ltar stong pa nyid dang / mtshan ma med pa stong pa nyid dang / mtshan ma med pas skad cig pa yin pa de bzhin du/ chos thams cad kyi khams kyang chos kyi khams kyi mtshan nyid kyis skad cig pa yin no/ /ji ltar stong pa nyid dang / mtshan ma med pa stong pa nyid dang / mtshan ma med pas skad cig pa yin pa de bzhin du/ skye mched thams cad kyang skye mched rnams kyi mtshan nyid kyis skad cig pa yin te/ skad cig pa gang yin pa de ni ya ma rla yin </font><hr>147b<br><font size=+1>


no| |ya ma rla gang yin pa de ni gsog yin no/ /gsog gang yin pa de ni gso ba yin no/ /gso ba gang yin pa de ni 'dod chags med pa yin no/ /'dod chags med pa gang yin pa de ni 'dod chags dang bral ba yin no/ /'dod chags dang bral ba gang yin pa de ni ngo bo nyid med pa yin no/ /ngo bo nyid med pa gang yin pa de ni dngos po med pa yin te/ de ni chos thams cad stong pa nyid dang / skad cig pa dang / ya ma rla dang / dben pa dang / gsog ces bya ste/ chos thams cad la de ltar bzod pa gang yin pa de ni bzod pa zhes bya'o/ /bzod pa de yang bzod pa nyid kyis skad cig pa yin te/ de ltar mnyam pa nyid thob pa'i byang chub sems dpa' ni lung bstan pa dang / mi skye ba'i chos la bzod pa thob pa yin no/ /bzod pa de yang dmigs pas rab tu phye ba ma yin te/ de la dmigs pa gang zhe na/ gang gi tshe bdag dang / bzod pa gnyi gar dmigs na/ de ni dmigs pa zhes bya'o/ /sems can dang / srog dang / gso ba dang| gang zag dang / bzod pa gnyi gar dmigs na de ni dmigs pa zhes bya'o/ /de la dmigs pa med pa gang zhe na/ gang gi tshe bdag dang / bzod pa gnyi gar mi dmigs pa de ni dmigs pa med pa zhes bya'o/ /sems can dang / srog dang / gso ba dang / gang zag dang / bzod pa gnyi gar mi dmigs pa de ni dmigs pa med pa zhes bya'o/ /de bzhin du sbyar te/ phung </font><hr>148a<br><font size=+1>


@#/ /po dang / khams dang / skye mched rnams kyi chos thams cad kyi ngo bo nyid gang yin pa de ni/ ngo bo nyid gtan med pa yin no/ /ngo bo nyid gtan med pa gang yin pa de ni 'dus ma byas pa yin te/ ngo bo nyid de dang / bzod pa de la gnyis su rjes su rtog par mi byed pa gang yin pa de ni dmigs pa med pa zhes bya'o/ /lha'i bu/ bzod pa de lta bu dang ldan pa'i byang chub sems dpa' bskal pa grangs med par spyod pa de yang de bzhin gshegs pa'i cho 'phrul chen po bstan pa yin no/ /bzod pa bstan pa 'di bshad pa na stong gsum gyi stong chen po'i 'jig rten gyi khams 'di rnam pa drug tu rab tu g.yos so/ /'jig rten 'di snang ba chen pos kyang khyab par gyur to/ /sil snyan brgya stong yang ma dkrol bar sgra 'khrol bar gyur to/ /me tog gi char pa dag kyang rab tu bab bo/ /srog chags bzhi khri nyis stong gis ni/ bla na med pa yang dag par rdzogs pa'i byang chub tu sems bskyed par gyur to/ /byang chub sems dpa' dgu khri drug stong gis ni/ chos rnams la rjes su mthun pa'i bzod pa thob par gyur to/ /'jig rten gyi khams mi mjed 'dir ji ltar de bzhin gshegs pa mar me mdzad/ rgyal po'i pho brang pad+ma can du zhugs par gyur pa de lta bu yang kun tu snang bar gyur to/ /de nas de'i tshe bcom ldan 'das </font><hr>148b<br><font size=+1>


'dzum pa mdzad do/ /gang gi tshe sangs rgyas bcom ldan 'das 'dzum pa mdzad pa de'i tshe/ chos nyid kyis bcom ldan 'das kyis zhal gyi sgo nas 'od zer kha dog du ma/ kha dog sna tshogs kha dog 'bum phrag du ma 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung bar gyur te/ de dag gis 'jig rten gyi khams mtha' yas mu med pa dag snang bas khyab par byas nas/ tshangs pa'i 'jig rten gyi bar du mngon par 'phags te/ nyi ma dang zla ba dag gi 'od kyang zil gyis mnan nas yang phyir log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu nub par gyur to/ /de nas tshe dang ldan pa kun dga' bo stan las langs te/ chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas de'i tshe bcom ldan 'das la mngon sum du tshul dang 'dra ba'i tshigs su bcad pa 'di dag gsol to/ /thub pa ci slad 'dzum pa mdzad gyur pa/ /mi mnyam gzi brjid mnga' ba khyod la zhu/ /'od kyi bkod pa mdzad pa khyod la zhu/ /rab rib nyon mongs spong ba khyod la zhu/ /bde gshegs ci slad 'dzum pa bstan mdzad pa/ /pha rol tshogs rnams 'joms pa khyod </font><hr>149a<br><font size=+1>


@#/ /la zhu| |bdud dpung pham par mdzad pa khyod la zhu/ /stobs bcu'i stobs dang ldan pa khyod la zhu/ /rgyal ba ci slad 'dzum pa ston mdzad pa/ /sum cu rtsa gnyis yon tan mtshan brgyan pa/ /bde gshegs rab dga' 'dzum pa mdzad pa po/ /gzugs kyi dam pa mnga' ba khyod la zhu/ /bcom ldan ci slad 'dzum pa bstan mdzad pa/ /mkhyen pa mtha' yas yon tan ston pa po/ /ye shes 'byung gnas 'gro ba shes mdzad pa/ /ye shes ljon shing mkhyen pa mchog la zhu/ /'jig rten gsum grags grags pa mtha' yas pa| |gsum rig dri gsum mtha' mar mdzad pa po/ /'jig rten gsum rig rnam thar gsum mthar byon/ /ci yi slad du 'dzum pa bstan pa mdzad/ /sman pa dam pa skye rga mthar mdzad pa/ /bcom ldan zhabs la dri mchog 'khor lo mnga'/ /sred med sras po rdo rje mkhregs pa po/ /thub pa 'dzum mdzad sbyor ba bka' stsal gsol/ /gang gis spyod pa de ni rnam sbyangs sam/ /gang 'dir bzod pa de dag yongs rdzogs sam/ /gang sems sangs rgyas yon tan nges gyur tam/ /ci yi slad du thub chen 'dzum pa mdzad/ /bde gshegs bla med rgyu zhig mi mnga' bar/ /bcom ldan 'dren pa 'dzum pa mi ston pas/ /de thos sems can glo ba rangs 'gyur gyi/ /tshangs pa'i dbyangs can legs par gsung dbyung </font><hr>149b<br><font size=+1>


gsol/ /de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ chos kyi rnam grangs 'di bshad pa na/ srog chags bdun khri nyis stong gis bla na med pa yang dag par rdzogs pa'i byang chub tu sems bskyed par gyur to/ /byang chub sems dpa' sum khri nyis stong gis ni mi skye ba'i chos la bzod pa thob par gyur to/ /kun dga' bo/ gzhan yang khyod kyis lha'i bu ded dpon 'di mthong ngam/ gsol pa/ bcom ldan 'das/ mthong lags so/ /bcom ldan 'das kyis bka' stsal pa| kun dga' bo/ lha'i bu ded dpon gyis ni de bzhin gshegs pa bgrang ba las yang dag par 'das pa dag la bsti stang du byas/ bla mar byas/ rim gror byas/ mchod par byas / yongs su zhu ba byas/ yongs su dri ba byas shing / sems can dpag tu med pa dag kyang bla na med pa yang dag par rdzogs pa'i byang chub yang dag par 'dzin du bcug go /kun dga' bo/ lha'i bu ded dpon 'di ni bskal pa grangs med pa sum brgya 'das pa'i 'og tu bskal pa dri ma med pa zhes bya ba la 'jig rten gyi khams yongs su dag pa zhes bya bar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde </font><hr>150a<br><font size=+1>


@#/ /bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das yon tan rgyal po 'od ces bya bar 'jig rten du 'byung bar 'gyur ro/ /kun dga' bo/ 'jig rten gyi khams yongs su dag pa de yang / rin po che sna bdun 'di lta ste/ gser dang / dngul dang / bai DUR+Ya dang / shel dang / rdo'i snying po dang / spug dang / mu tig dmar po las grub cing / lag mthil ltar mnyam la/ rin po che'i dra ba sna tshogs kyis mig mang ris su kun nas bkab par gyur te/ 'jig rten gyi khams der nyan thos dang / rang sangs rgyas dag gi ming yang 'byung bar mi 'gyur ro/ /gzhan yang mu stegs can spyod pa pa dang / kun tu rgyu dag dang| bdud rnams dang / dam pa'i chos spong ba'i sems can rnams kyi ming yang med cing mi 'byung bar 'gyur ro/ /sangs rgyas kyi zhing de na mi khom pa brgyad po dag kyang med la/ bza' ba dang / btung ba dag kyang yid la bsams pa tsam gyis 'grub par 'gyur ro/ /sangs rgyas kyi zhing de na ltung ba dang / 'khrul pa'i nyes pa dag dang / sdug bsngal gyi sgra yang 'byung bar mi 'gyur ro/ /sems can de dag gi longs spyod dang / nye bar spyod pa yang gzhan 'phrul dbang byed kyi lha rnams kyi longs spyod dang / nye bar spyod pa ci 'dra ba de lta bur 'gyur </font><hr>150b<br><font size=+1>


ro| |sems can de dag thams cad kyang gser gyi mdog 'dra zhing / skyes bu chen po'i mtshan sum cu rtsa gnyis dang ldan par 'gyur ro/ /phal cher bla na med pa yang dag par rdzogs pa'i byang chub la yang dag par zhugs pa sha stag 'byung bar 'gyur bas/ de'i phyir 'jig rten gyi khams de ni yongs su dag pa zhes bya'o/ /bcom ldan 'das de bzhin gshegs pa yon tan rgyal po 'od de'i sku tshe'i tshad ni/ bar gyi bskal pa bzhi bcur 'gyur ro/ /byang chub sems dpa' de dag kyang smon lam gyi dbang gis bar ma dor 'chi ba'i dus byed par mi 'gyur ro| |de bzhin gshegs pa de'i byang chub sems dpa'i dge 'dun ni dung phyur phrag drug dang bye ba phrag gnyis su 'gyur te/ kun dga' bo/ byang chub sems dpa' gang dag gis bla na med pa yang dag par rdzogs pa'i byang chub tu sems bskyed par 'gyur ba dang / gang dag gis mi skye ba'i chos la bzod pa 'thob par 'gyur ba de dag /'jig rten gyi khams yongs su dag pa der skye bar 'gyur ro/ /de dag thams cad kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rgyal po 'od kyis/ sangs rgyas kyi zhing der de bzhin gshegs pas bla na med pa yang dag par rdzogs pa'i byang chub tu lung ston par 'gyur ro/ /de nas 'khor de nyid du lha'i bu spyan ras gzigs zhes bya ba </font><hr>151a<br><font size=+1>


@#/ /zhig 'dus te 'dug par gyur pa des/ bcom ldan 'das la lha'i me tog man da ra ba dag gis mngon par gtor nas/ tshig 'di skad ces kyang gsol to| |bcom ldan 'das bdag kyang gang gi tshe/ bcom ldan 'das de bzhin gshegs pa'i yon tan rgyal po 'od de/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe/ 'jig rten gyi khams yongs su dag pa der skye zhing 'khor los bsgyur ba'i rgyal por gyur nas/ de bzhin gshegs pa'i byang chub sems dpa'i dge 'dun dang bcas pa de la bsnyen bkur bgyi zhing / bcom ldan 'das de yongs su mya ngan las 'das pa'i 'og tu bdag kyang 'jig rten gyi khams der bla na med pa yang dag par rdzogs pa'i byang chub mngon par rdzogs par 'tshang rgya bar bgyi'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo| lha'i bu spyan ras gzigs 'di ni gang gi tshe/ bcom ldan 'das de bzhin gshegs pa yon tan rgyal po 'od de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe/ 'di yang der 'khor los bsgyur ba'i rgyal po legs mthong zhes bya bar gyur te/ des bcom ldan 'das de la mchod pa dpag tu </font><hr>151b<br><font size=+1>


med pa byas shing / byang chub kyi phyogs kyi chos rnams yongs su rdzogs par byas nas/ bcom ldan 'das de yongs su mya ngan las 'das pa'i 'og tu/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa| 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das kun tu 'od ces bya bar 'jig rten du 'byung bar 'gyur ro/ /kun dga' bo/ rgyal po legs mthong de yang dus gzhan zhig na/ bu thu bo rgyal srid la bzhag nas/ bcom ldan 'das de'i bstan pa la dad pas khyim nas khyim med par rab tu 'byung bar 'gyur ro/ /de bzhin gshegs pa de yang yongs su mya ngan las 'da' ba'i dus kyi tshe/ byang chub sems dpa' de la byang chub sems dpa' legs mthong 'di ni/ nga yongs su mya ngan las 'das pa'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /zhes lung bstan nas yongs su mya ngan las 'da' bar 'gyur ro/ /de nas tshe dang ldan pa shA radwa ti'i bus lha'i bu ded dpon la 'di skad ces smras so/ /lha'i bu khyod de bzhin gshegs pas lung bstan tam/ smras pa/ btsun pa shA radwa ti'i </font><hr>152a<br><font size=+1>


@#/ /bu| kho bo ni ji ltar de bzhin gshegs pa'i sprul pa lung bstan pa ltar lung bstan te/ da ltar gyi de bzhin nyid ji lta ba de bzhin du/ ma 'ongs pa'i de bzhin nyid kyang de lta bu yin pas/ de bzhin nyid de la ni 'phel ba yang med la/ yongs su 'grib pa med do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis chos kyi rnam grangs 'di gzung zhig /chongs shig /lhogs shig /shod cig /kun chub par gyis shig /skye bo mang po la phan pa dang / skye bo mang po la bde ba dang / da ltar dang ma 'ongs pa'i byang chub sems dpa' rnams la phan pa dang / bde ba rjes su yongs su gzung ba'i phyir/ gzhan dag la yang rgya cher yang dag par rab tu ston cig |kun dga' bos gsol pa/ bcom ldan 'das/ bdag gis bzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ chos kyi rnam grangs 'di ni/ cho 'phrul chen po bstan pa zhes bya bar gzung zhig /'di ni 'jam dpal gzhon nur gyur pas bstan pa zhes bya ba dang / rin po che thams cad kyi le'u zhes bya bar yang gzung zhig /kun dga' bo/ rigs kyi bu'am/ rigs kyi bu mo gang dag chos kyi rnam grangs 'di 'dzin pa </font><hr>152b<br><font size=+1>


dang| mos pa dang / mos nas kyang yi ger 'dri ba dang / klog pa dang / rab tu 'don pa dang / gzhan dag la yang rgya cher yang dag par ston par byed pa de dag ni/ bsod nams thams cad kyis yongs su zin par 'gyur ro/ /bcom ldan 'das kyis de skad ces bka' stsal nas tshe dang ldan pa kun dga' bo dang / lha'i bu ded dpon dang / 'jam dpal gzhon nur gyur pa dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ cho 'phrul chen po bstan pa lha'i bu ded dpon gyis zhus pa'i le'u ste nyi shu rtsa gnyis pa rdzogs so// //rgya gar gyi mkhan po dzi na mi tra dang / su ren dra bo d+hi dang / pra dz+nyA warma dang / lo ts+tsha ba zhang ye shes sde la sogs pas bsgyur cing zhus te gtan la phab pa// </font><hr>

</table>