rgya gar skad du/ AR+Ya a mo g+ha dA sha kal+pha rA dza bi d+hi nA ma/ bod skad du/ 'phags pa don yod zhags pa'i rtog pa'i rgyal po'i cho ga zhes bya ba/ sangs rgyas dang byang chub sems dpa' thams cad la phyag 'tshal lo/ /de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das la 'di skad ces gsol to/ /bcom ldan 'das deng bdag cag gis 'khor gyi dkyil 'khor gyi dbus su sangs rgyas dang / byang chub sems dpa' thams cad kyis phyag bgyis shing bsngags pa don yod pa'i zhags pa'i rtog pa'i rgyal po'i cho ga zhib mo zhes bgyi ba 'di nyid skye bo mang po la sman pa dang / skye bo mang po la bde ba dang / 'jig rten la snying brtse ba dang / rjes su brtse bar bgyi ba'i slad du brjod par bgyi yis gson cig /oM pad+ma hasta mahA a mo g+ha pA sha sa hA yaM sa ma ya hr-i da yAM tsa ra tsa ra hUM/ don yod pa'i rang bzhin gyi spyan ras gzigs kyi snying po zhes bgyi ste/ las thams cad kyang bgyi ba'o/ /oM di bya saM pU ra naM ge phi ki kaSha Ni hUM/ 'khar gsil gyi rig pa ste/ lan nyi shu rtsa gcig bzlas na sgra grags pas sems can rnams ngan 'gro las thar bar 476b 'gyur ro/ /oM pat+t+ra pU ra ya a mo g+ha ba to sa man+ta pra b+he swA hA/ lhung bzed kyi rig pa ste/ lan nyi shu rtsa gcig bzlas na bdud rtsi'i rnam par 'gyur zhing gang gis zos pa rnams ngan 'gro las thar par 'gyur ro/ / phyag rgya thal mo lhan cig tu dam du sbyar ba las slar pad+ma'i tshul du bgyis nas mdzub mo nor bu lta bur bgyis te/ gung mo yid tsam bkug pa ni yid bzhin gyi nor bu chen po'i rgyal mtshan gyi rtse mo'i phyag rgya ste/ lag pa spyi bor bkan nas bzhag pa spyi bor dbang bskur ba'i rig pa 'di lan bdun brjod do/ /oM t+r+yai b+hA sa nu ga ta/ a b+hi Shiny+tsa tu mAM sa rbatrai ya d+hI ke pad+ma ma Ni su pad+me a mo g+he sarba ta thA tA 'gyur ro/ /rig sngags 'dis dbang bskur ba tsam gyis rig sngags 'chang la de bzhin gshegs pa thams cad kyis dbang bskur bar 'gyur ro/ /'phags pa spyan ras gzigs dbang phyug gis dbang bskur bar 'gyur ro/ /rig sngags 'chang gi rgyal po chen por yang 'gyur ro/ /rig sngags thams cad kyang 'grub par 'gyur ro/ /nyon mongs pa'i sgrib pa thams cad kyang rnam par dag par 'gyur ro/ /'jig rten gyi gtso bo gcig pu'i gnas su yang 'gyur par the tshom ma mchis so/ /oM pad+mo Sh+NI Sha pi ma le hUM phaT/ bcom ldan 'das rigs kyi bu'am rigs kyi bu mogang la las gsang sngags kyi snying po yi ge bcu pa 'di snying rje dang ldan par bgyis te bzlas brjod bgyis na byang chub las phyir mi ldog par 'gyur ba nas sa bcu la gnas pa'i bar du 'gyur zhing / lha dang / mi'i skye dgu dag gis 'di ni de bzhin gshegs pa'o zhes brjod par 'gyur la/ bla na med pa yang 477a @#/ /dag par rdzogs pa'i byang chub las phyir mi ldog par 'gyur te/ don yod pa'i zhags pa'i pad+ma'i gtsug tor dri ma med pa'i 'khor los sgyur bar 'gyur te 'di la the tshom ma mchis so/ /bcom ldan 'das gsang sngags kyi snying po yi ge bcu pa 'di ni yon tan chen po tshad ma mchis pa rnams dang ldan par rig par bya'o/ /bcom ldan 'das kyis bka' stsal ba/ rigs kyi bu de de bzhin no/ /de de bzhin te/ rigs kyi bu gzungs sngags kyi snying po 'di dag ni yi ge 'bru re re tsam bzlas brjod byas pa tsam gyis kyang sangs rgyas kyi mdzad pa byed par 'gyur na/ rigs kyi bu gang gis ched du gnyer te/ ches ngal zhing dub par bzlas brjod dang / sgrub pa dang / cho gas tshul bzhin du rgyas par sgrub pa rnams lta smos kyang ci dgos/ don yod pa'i zhags pa'i pad+ma'i gtsug tor dri ma med pa'i snying po khro bo'i gzungs sngags rim par phye ba gsang sngags chen po yi ge bcu pa 'di lan gcig tsam dran nam/ bklags sam/ ming tsam yang bzung ngam/ dus tshigs 'ga' rer dran pa tsam gyis kyang sems can de'i mtshams med pa'i las byas pas mnar med pa'i dmyal bar gzhol ba tshe bskal bar gnas par 'gyur ba yang las thams cad rnam par dag par 'gyur ro/ /sdig pa dang sgrib pa thams cad kyang rang rab tu zad par 'gyur/ lus yongs su dag cing dri ma med par 'gyur/ sgrib pa dang / nyon mongs pa thams cad dang bral 477b par 'gyur/ tshe 'phos nas kyang bde ba can gyi 'jig rten gyi khams su pad+ma las brdzus te skye bar 'gyur ro/ /tshe rabs thams cad du skye ba dran par 'gyur/ nam yang ngan 'gror 'gro bar mi 'gyur/ bskal pa bye ba 'bum phrag brgyad cur 'khor los sgyur ba'i mchog tu 'gyur ro/ /sangs rgyas kyi zhing nas sangs rgyas kyi zhing rnams su 'gro bar 'gyur/ sangs rgyas bcom ldan 'das rnams kyis rab tu dgongs par 'gyur ro/ /sgrub pa'i cho ga'o/ /de nas bcom ldan 'das kyis gsang ba pa'i bdag po lag na rdo rje la bka' stsal ba/ lag na rdo rje gsang sngags kyi rtsa ba don yod pa'i zhags pa'i pad+ma'i gtsug tor gyi snying po dri ma med pa gsang ba 'di rig sngags 'chang ba'i rig kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma gang la las lan cig tsam yang dran pas yid la byed cing / yongs su dag pa'i bdag nyid snying rje chen po dang / byams pa'i sems dang ldan pa dang / lhag pa'i bsam pas sems can thams cad yongs su mi gtong ba'i blo dang / dmigs pa dang ldan pas sems can gang yang rung ba'i rna khung du brjod na sems can de dag ngan song du skye bar mi 'gyur te de ni gnas med do/ /sems can de dag thams cad dge ba'i rtsa ba chen po dang yang ldan par 'gyur ro/ /lan gnyis brjod na nad thams cad rab tu zhi bar 'gyur ro/ /lan gsum brjod na rims dang / 'brum bu dang / 'bras dang / 478a @#/ /lhog pa dang / me dpal dang / g.yan pa dang / rkang shu dang / mdze nad thams cad rab tu zhi bar 'gyur ro/ lan bzhi brjod na/ dug dang / dbyig dug dang / byang dang / gshed byed thams cad rab tu zhi bar 'gyur ro/ /lan lnga brjod na 'thab pa dang / rtsod pa dang / 'gyed pa dang / shags su gyur ba thams cad rab tu zhi bar 'gyur ro/ /lan drug brjod na 'jigs pa thams cad dang / gdon thams cad dang / rims thams cad dang / pha rol gyi gnod pa thams cad rab tu zhi bar 'gyur ro/ /lan bdun brjod na dus ma yin par 'chi ba thams cad dang / sems can thams cad kyi 'tshe ba dang / yams thams cad rab tu zhi bar 'gyur ro/ /lag na rdo rje de lta bas na sems can thams cad kyi don du nyin re bzhin du tshig gzhan mi smra bar snying po 'di lan bdun bdun bzlas par bya'o/ /lag na rdo rje gang la la dag 'di ltar sdig pa mi dge ba bcu rab tu spyod pa/ mtshams med pa byed pa/ dam pa'i chos la skur ba 'debs pa/ 'phags pa'i gang zag la rab tu brnyas pas de dag sems can dmyal bar gzhol ba'i tshe'i dus byas par gyur ba dang / dge slong gang la la dag rang gi bslab pa'i sdom pa dral ba/ tshul khrims kyi sdom pa ral cing zhig pa dang / mkhan po dang / slob dpon la ma gus shing 'khu ba dang / dam pa'i chos la rma 'byin pas tsha'i dus byas par 'gyur na sems can dmyal bar gzhol bar gyur pa de dag gi don du bye ma gtsang ma la lan 478b grangs bdun bdun bzlas nas/ dur khrod du bor ba'i ro dang / ro bsregs pa'i rus pa'am/ dur mchad du bcug pa'i ro'am/ rus pa la bye ma des gtor bar bya'o/ /gang dang gang na sems can rnams kyi rus pa gang dag yod pa de dang de dag tu bye ma des gtor ma thag tu/ de dang der bye mas phog pa'i sems can de dag rnams sems can dmyal ba dang / yi dwags dang / dud 'gro dang / sha za'i skye gnas dang / gnod sbyin gyi skye gnas su skyes par gyur na yang de dag de'i mod la tshe brjes nas thams cad mtho ris kyi 'jig rten lha dang mi'i gnas su rab tu gzhol bar 'gyur zhing / phyin chad nam yang sems can thams cad dmyal ba dang / yi dwags dang / dud 'gro'i 'gro ba rnams su skye bar mi 'gyur ro/ /gzungs sngags yi ge bcu pa 'di nyid gro ga dang / ras sam shog bu la bris te mchod rten gyi nang du bcug na/ gnas der srog chags rkang gnyis pa dang / rkang bzhi pa dang / rkang mangs pa dang / rkang med pa gang dag nye bar 'ongs pa de dag thams cad mchod rten de'i gri ma phog pa tsam gyis de dag gi sdig pa dang / sgrib pa thams cad rnam par dag cing mtho ris su gzhol bar 'gyur ro/ /ri dwags dang / bya dang / wa dang / khyi dang / ne'u le dang / grog sbur dang / sbrul dang / rus sbal dang / lag 'gro la sogs pa srog chags phra mo gang dag gis mchod rten de'i grib ma la 'grims pa thams cad kyang grib ma phog pa tsam gyis de dag rnams kyi sdig pa dang / sgrib pa thams cad rnam par dag par 'gyur zhing de dag thams cad kyang mtho 479a @#/ /ris kyi 'jig rten du gzhol bar 'gyur ro/ /bud dung la sogs pa la lan bdun bzlas brjod byas nas gnas mthon po'i rtse mo nas dung de bus na/ sems can gang dag gis dung de'i sgra thos pa'i skyes pa'am/ bud med dam/ khyi'u'am/ bu mo'am/ lha'am/ yi dwags sam/ dud 'gro'i skye gnas su gtogs pa de dag thams cad bde 'gro mtho ris kyi 'jig rten du gzhol bar 'gyur zhing dge ba'i bshes gnyen rnams dang phrad nas chos thos te rim gyis mya ngan las 'da' ba'i bar du 'gyur ro/ /sems can gang dag sbyin pa la dga' ba dang / gang dag bsnyen gnas la nye bar gnas pa dang / gang dag skyabs gsum nye bar gzung ba dang / gang dag tshul khrims yongs su dag pa dang ldan pa dang / gang dag byang chub sems dpa'i sdom pas yang dag par bsdams pa de dag gis sgra de thos na/ de dag thams cad byang chub las phyir mi ldog cing myur du bla na med pa yang dag par rdzogs pa'i byang chub tu mngon par 'tshang rgya bar 'gyur ro/ /tshe de brjes ma thag tu 'jig rten gyi khams bde ba can du skye bar 'gyur ro/ /tsan+dan dkar po la lan bdun bzlas brjod byas nas dge 'dun gyi kun dga' ra ba'am/ dkor sa'am/ skye bo'i dbus sam/ rgyal po'i pho brang du bdug par byas na/ gang dag de'i dri la bsnams pa'i sems can de dag thams cad kyang las dang nyon mongs pa'i sgrib pa thams cad rnam par byang bar 'gyur te/ sangs rgyas kyi sku yongs su rdzogs 479b pa rab tu 'thob pa'i bar du 'gyur ro/ /chos gos la rab tu bdugs nas lus la gyon na gang zag de'i sdig pa dang / sgrib pa thams cad ma lus par rnam par dag par 'gyur ro/ /lus la bab pa tsam gyis bag chags kyi dri ma dang / ser sna dang nyon mongs pa'i skyon thams cad spangs par 'gyur ro/ /gos la bdugs te bcangs pa tsam gyis 'jig rten thams cad dbang du 'gyur ro/ /bdag gi gos la rab tu bdugs te rgyal po'i pho brang du zhugs na rgyal po dang / btsun mor bcas pa rnams dbang du 'gyur ro/ /kun gyi mchod gnas chen por 'gyur ro/ /'jig rten thams cad kyi bla mar 'gyur ro/ /'phags pa'i dge 'dun gyi dbus su zhugs na dge 'dun thams cad kyi mchod gnas chen por 'gyur ro/ /skye bo'i tshogs chen po'i nang du zhugs na nor dang / longs spyod chen po 'phel bar 'gyur zhing mchod gnas chen po'i 'os su yang 'gyur ro/ /tsan+dan gyi bdug pa'i cho ga'o/ /don yod pa'i zhags pa'i rtog pa las pad+ma'i gtsug tor dri ma med pa'i snying po'i le'u ste bzhi pa'o// // de nas khro bo'i rgyal ba me'i/ rtog pa rab tu bshad bya ste/ /don yod rgyal po rmad byung tshe/ /kun tu dngos grub thogs med cing / /dkyil 'khor kun tu dbang bskur bas/ /sdang ba thams cad rab tu 'joms/ /bdud dang bgegs dpung rnam par 'jig/ gnod sbyin s+s+rin sreg po gsang ba ba/ 'byung po thams cad rab tu 'bros/ /bsam pa thams cad rab rdzogs byed/ /oM b+hr-i ku Ti daMSh+T+re a mo g+ha sa ma ye/ 480a @#/ /a b+hi Shiny+tsa mAM sarba bid a mo g+ha ga a b+hi She ka hUM/ mi li mi li swA hA/ khro bo'i rgyal po'i snying po'o/ /de nas sku gzugs kyi cho ga ni dngul la khro bo'i rgyal po sor bcu gnyis kyi tshad tsam shin tu mdzes shing tshad dang ldan pa/ gdong gsum pa/ ral ba'i thor tshugs can/ rgyal ba 'od dpag tu med pas spyi bor brgyan pa/ zla ba tshes pa mgo la thogs pa/ gdong gsum gyi/ dang po khro pa/ g.yas cung zad 'dzum pa/ g.yon gad mo dgod pa/ lag pa bzhi pa/ g.yas dang po na pad+ma/ 'og ma na ral gri 'phyar ba/ g.yon dang po na zhags pa/ 'og ma mdud rtse gsum pa/ rgyan thams cad kyis brgyan pa pad+ma dang zla ba'i gdan la rgyal po'i rol stangs kyis 'dug pa/ gcan gzan khro bo'i pags pas smad dkris pa'o/ /g.yas phyogs su ni lha mo sgrol ma ut+pa la thogs pa rgyan thams cad kyis rab tu brgyan pa'o/ /g.yon phyogs su ni lha mo rig sngags kyi rgyal mo nor bu rin po che thogs pa/ rgyan thams cad kyis rab tu brgyan pa'o/ /'jig rten dbang phyug gi drung du rig sngags 'chang pus mo btsugs pa lag na spos por thogs shing bgrang phreng 'dzin pa bcom ldan 'das la gyen du blta ba'o/ /yang na ni ri mor bri bar bya ste cho ga bzhin no/ /gzugs brnyan de dag gi drung du ba'i lci bas byug pa byas la/ tsan+dan dkar po'i dkyil 'khor bya zhing gung gum gyis mchod yon bya ste/ me tog la sogs pas yang dag par mchod par bya'o/ /dkyil 'khor de'i steng 480b du khro bo'i rgyal po bzhugs su gsol te/ de'i drung du bzlas brjod stong phrag brgyad bya'o/ /de nas gzugs brnyan de 'gul zhing g.yo bar 'gyur ro/ /rkang pas phan tshun du 'chag par 'gyur/ gzugs las 'od zer 'byung bar 'gyur/ tshig 'byin par 'gyur/ legs so zhes sgra 'byin par 'gyur/ lag pa g.yas pa rig sngags 'chang gi spyi bor 'jog par 'gyur/ yid la bsams so cog thams cad dang / mchog thams cad yongs su rdzogs par 'gyur ro/ /bzlas brjod rdzogs pa'i mod la 'phags pa spyan ras gzigs dbang phyug khro bo'i rgyal po rang gi mdun na bzhugs par 'gyur ro/ /dran pa tsam gyi mod la dngos grub thams cad 'grub par 'gyur ro/ /las thams cad kyang byed par 'gyur ro/ bklags pas las thams cad dang / dngos grub thams cad 'grub par 'gyur ba dang / grub pa thams cad ston par 'gyur ro/ /khro bo'i rgyal po chen po'i zhags pa nas bzung ste/ bzlas brjod stong rtsa brgyad byas nas sngon chad bsags pa'i bsod nams dang / las kyi bgo bskal thams cad mngon sum du 'gyur ro/ /tshe'i mthar thug gi bar du dpal chen po thob pa dang / che ba nyams su myang bar 'gyur ro/ /gdong du bltas te bzlas brjod stong rtsa ba brgyas byas nas dbang phyug chen po'i dngos grub thob par 'gyur ro/ /pad+ma nas bzung ste bzlas brjod stong rtsa brgyad byas na nyon mongs pa dang / nye ba'i nyon mongs pa thams cad dang bral bar 'gyur ro/ /ral gri 481a @#/ /nas bzung ste/ bzlas pa stong rtsa brgyad byas na nam mkha' la 'gro ba'i dngos grub thob par 'gyur ro/ /rtse gsum nas bzung ste/ stong rtsa brgyad bzlas brjod byas na| 'jig rten gsum gyi dbang phyug tu 'gyur ro/ /'gro ba thams cad dbang du 'gyur ro/ /rked pa nas bzung ste bzlas pa stong rtsa brgyad byas na sngon gyi tshe rabs dran par 'gyur ro/ /rgyal po dang btsun mo 'khor dang bcas pa rnams dbang du 'gyur te/ bdag nyid ji srid 'tsho'i bar du nor rnams nye bar gnas par 'gyur ro/ /cod pan la lan brgya rtsa brgyad bzlas te/ khro bo'i rgyal po'i dbu la bcings na nges par dbang bskur ba thob par 'gyur te/ 'di la the tshom dang yid gnyis bskyed par mi bya'o/ /bzlas brjod dang / sgrub pa 'di dag gis ni 'phags pa spyan ras gzigs dbang phyug khro bo'i rgyal po'i gzugs kyis rig sngags 'chang gi mdun du byon te/ ci dgos pa thams cad byed par 'gyur ro/ /'phags pa don yod zhags pa'i rtog pa'i rgyal po'i cho ga las byung ba rdzogs so// //paN+Di ta many+dzu shrI warma dang / lots+tsha ba dge slong blo ldan shes rab kyis bsgyur cing zhus te gtan la phab pa/ |