yi dwags mo kha 'bar ma dbugs dbyungs ba'i gtor ma'i cho ga/ /dkon mchog gsum la phyag 'tshal lo/ / de nas bcom ldan 'das yul ser skya na shing n+ye gro d+ha'i kun dga' ra ba na dge slong gi dge 'dun chen po dang / byang chub sems dpa'i tshogs chen po dang / sems can gyi tshogs chen po dang thabs cig tu bzhugs te chos ston to/ /de nas kun dga' bo dben par 'dug ste nang du yang dag 'jog cing rtse gcig tu yid la byed pas/ chos mngon gsum du byed pa na mtshan mo nam gyi cha smad la de'i mdun du yi dwags mo kha 'bar ma 'dug nas smras pa/ kye kun dga' bo/ khyod gnangs 'chi bar 'gyur te/ yi dwags kyi gnas 'dir skye bar 'gyur ro/ /kun dga' bos smras pa/ rten pa'i thabs ci yod/ yi dwags mos smras pa/ kun dga' bo/ gal te nang pa yi dwags gang+gA'i klung gyi bye ma khrag khrig phrag 'bum gyi bye ma snyed dag la yi dwags re re la yang zas dang / skom 215b yul ma ga d+ha'i bre bo che bdun bdun tsam byin te/ bram ze'i drang srong 'bum yang tshim par byas la/ bdag gi ming gis dkon mchog gsum la mchod pa byas na/ de ltar na khyod kyi tshe yang phyir nur bar 'gyur la/ bdag kyang yi dwags kyi 'jig rten nas shi 'phos te mtho ris kyi 'jig rten du skye bar 'gyur ro/ /de nas kun dga' bos yi dwags mo kha 'bar ma rid cing mdog ngan la/ lus skem pa/ kha nas me lce 'bar ba/ lto dang kha skam pa/ ral pa'i phung po g.yengs pa/ spu dang sen mo ring ba mthong ste| tshig mi snyan cing yid du mi 'ong ba de thos nas skrag cing sdangs te spu zing zhes byas nas/ stan las langs te shin tu rings pa dang / shin tu myur ba'i shugs kyis bcom ldan 'das ga la ba der song ste phyin nas bcom ldan 'das kyi zhabs la phyag 'tshal te 'dar bzhin du 'di skad ces gsol to/ /bcom ldan 'das/ skyabs mdzad du gsol/ bde bar gshegs pa skyabs mdzad du gsol/ bdag ni gnangs srog 'gum par 'gyur lags so/ /bcom ldan 'das/ bdag gis yi dwags mo kha 'bar ma mthong ste/ khyod gnangs 'chi bar 'gyur ro/ /zhes mchi na/ bdag gis rten thabs ci mchis zhes smras nas de'i mchid nas gal te khyod 216a @#/ /kyis yi dwags gang+gA'i klung gi bye ma khrag khrig phrag 'bum gyi bye ma snyed dag chim par byas te/ /bram ze'i drang srong 'bum yang tshim par byas na/ de ltar na khyod kyi tshe phyir nur bar 'gyur ro zhes mchi na/ bcom ldan 'das/ de ji ltar bsgrub par bgyi ba bka' stsal du gsol/ /de nas bcom ldan 'das de bzhin gshegs pa shAkya thub pas tshe dang ldan pa kun dga' bo la 'di skad ces bka' stsal te/ kun dga' bo/ gang gis khyod yi dwags rnams dang / bram ze'i drang srong rnams tshim par byed par 'gyur ba'i thabs yod kyi/ ma 'jigs shig /kun dga' bo/ thams cad du 'od dang ldan pa rgya chen shugs ldan zhes bya ba'i gzungs yod do/ /des byin pa tsam gyis yi dwags gang+gA'i klung gi bye ma khrag khrig phrag 'bum gyi bye ma snyed dag tshim par 'gyur te| yi dwags dang / bram ze'i drang srong re re la zas dang / skom yul ma ga d+ha'i bre bo bdun bdun byin par 'gyur ro/ /de ni/ sngon nga bram zer gyur ba na byang chub sems dpa' sems dpa' chen po 'jig rten dbang phyug dang / de bzhin gshegs pa 'jig rten dbang phyug 'od las ngas bzung ste/ des yi dwags 216b dang / bram ze'i drang srong grangs su bgrang ba mang ba dang / ches mang ba'ang ngas zas dang / skom gyis tshim par byas te/ de dag thams cad yi dwags kyi 'jig rten nas shi 'phos nas lha'i 'jig rten du skyes so/ /kun dga' bo/ khyod kyis zungs la ngo lon gyis shig /na maH sarba ta thA ga ta a ba lo ki te/ oM saM b+ha ra saM b+ha ra hUM/ kun dga' bo/ 'di yi dwags kyi gtor ma la lan bdun bzlas brjod byas nas lag pa brkyang ste drung du sbyin par bya'o/ /se gol yang brdab par bya'o/ /de ltar byas na/ byin ma thag tu phyogs bzhi'i yi dwags gang+gA'i klung gi bye ma khrag khrig phrag 'bum phrag gi bye ma snyed dag tshim par byas par 'gyur ro/ /yi dwags re re la yang yul ma ga d+ha'i bre bo bdun bdun byin par 'gyur ro/ /de dag kyang zos pa tsam gyis yi dwags kyi 'jig rten nas shi 'phos nas lha rnams kyi nang du skye bar 'gyur ro/ /kun dga' bo/ /khyod kyis dge slong dang / dge slong ma dang / dge bsnyen dang / dge bsnyen ma rnams la rtag tu rgyun mi 'chad par khor zug tu bsnyad par bya'o/ /de ltar byas na/ bsod nams kyi phung po dang ldan par 'gyur te/ tshe yang ring bar 'gyur ro/ /de bzhin gshegs pa bye ba phrag 'bum gyi 217a @#/ /bsod nams kyi phung po dang ldan par 'gyur ro/ /rtag tu mi ma yin pa rgyu ba/ 'byung po dang / sha za dang / grul bum la sogs pa dang / gnod sbyin dang / srin po dang / gdon dang / yi dwags rnams kyis mi mthong bar 'gyur ro/ /stobs dang / brtson 'grus dang yang ldan par 'gyur ro/ /gzugs dang ldan pa dang / gzi brjid dang ldan pa dang / dran pa dang ldan par yang 'gyur ro/ /bram ze'i drang srong tshim par byed pa 'dod pa des ni/ mchod yon dang / dbul bar bya ba dang / snod bkang ba la lan bdun bzlas brjod byas la 'bab chu ga la yod pa'i gnas der sbyin par bya'o/ / de ltar byas na/ bram ze'i drang srong gang+gA'i klung gi bye ma khrag khrig 'bum phrag du ma'i bye ma snyed dag lha'i bza' ba dang / btung ba rnams kyis tshim par byas par 'gyur ro/ /bram ze'i drang srong de dag kyang dbang po tshim par 'gyur te/ de dag thams cad kyis oM bde legs su gyur cig ces bya ba'i sgra 'byin par byed la/ sems can de dag kyang bsam pa yongs su dag par 'gyur te/ bram ze'i gzi brjid dang ldan par 'gyur ro/ /rtag tu tshangs par spyod par 217b yang 'gyur te/ de bzhin gshegs pa gang+gA'i klung gi bye ma khrag khrig phrag 'bum gyi bye ma snyed dag gi dge ba'i rtsa ba dang ldan par yang 'gyur ro/ /rtag tu dgra thams cad zhig par 'gyur ro/ /me tog gam/ bdug pa'am/ spos sam/ zas sam/ skom gyi yo byad la lan nyi shu rtsa gcig bzlas brjod byas la sangs rgyas dang / chos dang / dge 'dun la 'bul bar bya'o/ /de ltar byas na/ rigs kyi bu'am/ rigs kyi bu mo'am/ dge slong ngam/ dge slong ma'am/ dge ba snyen ma des phyogs bcu'i de bzhin gshegs pa thams cad kyi zhing gi sangs rgyas dang / chos dang / dge 'dun la lha'i mchod pa dang / de bzhin gshegs pa'i mchod pa'i mchog gis mchod pa byas par 'gyur ro/ /bla mar byas/ rim gror byas par 'gyur ro/ /de bzhin gshegs pa thams cad kyis dgongs shing lung bstan pa dang / lha thams cad kyis kun tu srung bar yang 'gyur ro/ /kun dga' bo/ song la ngo lon yang gyis shig /sems can thams cad la yang dag par ston cig /dge ba'i rtsa ba'i tshogs thams cad kyang gyis shig ces nga smra'o/ /yi dwags mo kha 'bar ma dbugs dbyung ba'i gtor ma'i cho ga rdzogs so// // |