@##/ /rgya gar skad du/ AR+Ya sap+ta be ta Da ka nA ma d+hA ra NI/ bod skad du/ 'phags pa ro langs bdun pa zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong nyis brgya lnga bcu'i dge slong gi dge 'dun chen po dang thabs gcig tu bzhugs te/ phyi bzhin 'brang ba'i 208a @#/ /dge sbyong tshe dang ldan pa kun dga' bo dang yang thabs cig go /de'i tshe na mu stegs can kun tu rgyu ba rnams kyis bcom ldan 'das la gnod par bya ba'i phyir ro langs chen po bdun btang bar gyur to/ /de dag bcom ldan 'das kyi thad du song ba las de dag gis glags ma rnyed/ dmigs pa ma rnyed do/ /de dag gis glags ma rnyed/ dmigs pa ma rnyed nas de dag tshe dang ldan pa kun dga' bo ga la ba der song ste phyin nas tshe dang ldan pa kun dga' bo'i lus la reg go /reg ma thag tu kun dga' bo de sdug bsngal mi bzod pa/ drag pa/ tsha ba/ shi la thug pa'i tshor ba rnams dang ldan par gyur to| |de nas tshe dang ldan pa kun dga' bo 'di snyam du sems te/ bdag ni/ sdug bsngal mi bzad pa/ drag pa/ tsha ba/ shi la thug pa'i tshor ba rnams dang ldan no| |bcom ldan 'das de ma dgongs so/ /bdag 'di ltar nyam nga bar gyur na/ de bzhin gshegs pas ma dgongs so snyam mo/ /de'i tshe na tshe dang ldan pa shA ri'i bu dang / tshe dang ldan pa mau gal gyi bu chen po tshe dang ldan pa kun dga' bo dang thag mi ring ba zhig na 'dug par gyur to/ /tshe dang ldan pa kun dga' bo'i nye ba'i nyon 208b mongs pa de lta bu de tshe dang ldan pa shA ri'i bu dang / tshe dang ldan pa mau gal gyi bu chen pos thos so/ /de nas de gnyis tshe dang ldan pa kun dga' bo ga la ba der song ste phyin nas 'di skad ces smras so/ /tshe dang ldan pa kun dga' bo/ sdug bsngal mi bzad pa/ drag pa/ tsha ba'i tshor ba myong nas bdag la de bzhin gshegs pas ma dgongs so zhes ci de skad smra'am/ de skad ces smras pa dang / tshe dang ldan pa kun dga' bos de dag la 'di skad ces smras so/ /tshe dang ldan pa dag /bdag gi lus la tshor ba dang ldan pa ni/ dper na/ sog les mgo bo gsheg pa ltar kun dga' bo la reg pa yang de dang 'dra'o/ /kun dga' bo/ ma 'jigs shig /bdag cag gis khyod khri'i steng du bzhag ste/ de bzhin gshegs pa'i drung du bkur ro/ /bcom ldan 'das de khyod la yongs su skyob pa mdzad par 'gyur ro/ /de nas tshe dang ldan pa shA ri'i bu dang / tshe dang ldan pa mau gal gyi bu chen pos tshe dang ldan pa kun dga' bo nyal khri'i steng du bzhag nas bcom ldan 'das ga la ba der song ste phyin nas bcom ldan 'das kyi drung du bzhag go /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod ci sdug bsngal mi 209a @#/ /bzad pa/ drag pa/ tsha ba'i tshor bas thebs sam/ btsun pa bcom ldan 'das/ de lta lags so/ /kun dga' bo/ khyod de'i phyir legs par rab tu nyon la yid la zungs shig dang bshad do/ /kun dga' bo/ khyod la reg pa'i ro langs chen po stobs che ba/ gdul dka' ba/ mthong na gnod pa bdun yod de/ bdun gang zhe na/ 'di lta ste/ phreng ba 'dzin ces bya ba dang / nor bu 'dzin dang / gtum po dang / gdol pa dang / rma bya'i snying dang / tshe zad dang / la ba can te/ ro langs chen po bdun po de dag ni stobs che ba/ gdul dka' ba/ bsnyen par dka' ba/ rdzu 'phrul che ba/ mthu che ba'o| |kun dga' bo/ ro langs re res kyang 'dod na rkang pa g.yon pa'i mthe bos ri'i rgyal po ri rab kyang 'phen to/ /ri'i rgyal po ri rab yungs 'bru tsam du rnam par 'jig go /steng du bltas nas 'gas par byed do/ /phyogs su bltas na 'chi bar 'gyur ro/ /phyogs mtshams su bltas na mes sreg par byed do/ /de dag gis khyod la reg go /de lta mod kyi de bzhin gshegs pa'i mthu dang / chos thos pa'i gus pa dang / de bzhin gshegs pa'i byin gyi 209b rlabs kyis da dung du khyod kyi lus 'tsho ba yin no/ /kun dga' bos gsol pa/ bcom ldan 'das/ legs par bsal du gsol/ phyir bzlog tu gsol/ phyag rgya bcing du gsol/ skud pas bcing du gsol/ bcom ldan 'das kyis bka' stsal pa/ kun dga' bo/ de'i phyir legs par rab tu nyon la yid la zungs shig dang bstan par bya'o/ /tad+ya thA/ ha ra/ ma hA ge re/ g+ha sa ra ba ti/ d+ha ra d+ha ri/ d+ha ra Ni/ tsho ra tsho ra Ni/ ka ro ti ti/ sa to ta sa mA d+hi Ni/ sa ma ra sa ra Ni/ sa ra na ko ta ma ti/ sa ma b+ha be/ b+ha ba na/ nA ga re/ b+ha di na sa d+ha ni ti swA hA/ kun dga' bo/ gzungs sngags kyi tshig 'di dag lan lnga bcu rtsa gnyis bzlas brjod byas te mdud pa lnga bcu rtsa gnyis bor na/ brjed byed thams cad dang / 'byung po thams cad kyi snying la gnod pa byas par 'gyur ro/ /gdon thams cad kyis byas pa las thar bar 'gyur ro/ / bcom ldan 'das/ legs so/ de ltar mdzod cig /slar yang mi mchi bar mdzad du gsol/ kun dga' bo/ de'i phyir nyon la legs par yang zungs shig /tad+ya thA/ bad tsa le ba le/ ma hA bad tsa le ba le/ b+hi le b+hi le/ ma hA b+hi ri Ni/ ni mi ri ni/ ha na ha na ha ti ri/ ma tsa thA/ ma bi tsa ra thA/ sti ri s+thi ra mu le/ ma 210a @#/ /tha ni rma tha ni/ tsa la ni/ mA ka nI/ dzaM b+ha ni/ pI dA ni/ ba ya swa kr-i N-i/ b+ha ga ba ti/ ta thA ga ta/ bi ta the/ ti be g+ha d+ha re/ pa ra pra de/ ha re thiSh+Tha| nI lA ba si na swA hA/ kun dga' bo/ ro langs 'di dag ni/ 'tshog pa/ sdang ba/ gtum por gyur pa/ gsod par gyur ba'o/ /de la rig sngags 'dis ke mu ru ka'i skud pa la lan nyi shu rtsa gcig bzlas brjod byas te mdud pa nyi shu rtsa gcig por ro/ /de nas 'byung po chen po shin tu 'khrug par 'gyur ro/ /'dis thams cad kyang spang bar 'gyur/ 'dzem par 'gyur/ zhi bar 'gyur zhing / 'dis 'byung po thams cad kyang dbang du 'gyur/ 'dis 'byung po thams cad kyang rab tu zhi bar 'gyur ro/ /kun dga' bo/ nyon cig dang bstan par bya'o/ /tad+ya thA/ da ra da ra da ra/ ka ra ka ra ka ra/ ma hA kak+ka ra/ tsa ra tsa ra/ tsa da tsa ra ma hA tsa da tsa ra/ ha la ha la ha la/ hi li hi li/ hu lu hu lu/ hi re bi re/ hi ri ki ri/ bai rai bi ci ni ka ra na ka ri/ sarba b+hU tA nAn/ pra dzaM b+ha ni/ nI la ba ra sa ni/ tsa ts+tshu/ tsa kra tsa kra/ A yu d+he swA hA/ kun dga' bo/ 'di dag ni/ gnod sbyin thams cad dang / srin po thams cad dang / gsang sngags 210b thams cad dang / yi dwags dang / byad dang / sdig pa rab tu zhi bar byed pa'o/ /rgyal pos bkrabs pa dang / la gcan pa phyir zlog par byed do/ /de la rig sngags 'di skud pa dmar po la lan sum cu rtsa bdun bzlas brjod byas te mdud pa sum cu rtsa bdun bor na/ thams cad rengs par 'gyur ro/ /kun dga' bo/ gsang sngags kyi tshig 'di dag zungs shig /chongs shig /legs par rab tu yid la zungs shig /rjes su sbyor bar gyis shig /de lta bas na kun dga' bo| |khyod kyis dran pa dang ldan pas gzung bar bya'o/ /tad+ya thA/ d+ha ra d+ha/ d+ha d+ha ra/ kha ra kha ra/ ma hA khA ra/ ma hA ba le/ ba ba na sha ni/ go da Ta/ kuT+Ta ni| kuT+Ta nI/ sa ma hA re/ kU Ta daM Sh+Te/ ka kha kha re/ ma ku Ta/ d+ha re Ni/ mu lu ka ka /k+Sha Ne ka nI ke /sa me smra shA ni/ ki ni/ gi ri Ni/ b+ho gi sa re/ sA sA be ta Da| ku mA ra ka /kri ti swA si/ kin ni ba bud+d+ha si/ bi bud+h+ya/ bi bud+h+ya gri ha na b+h+ye/ kr-i ta bai ra ba/ bi kri te b+hai ra ba/ ma hA ba ye/ kr-i to na/ ha ra si/ kin na mA ra ya si ki na ni sarba de ba/ nA ga /yak+Sha/ gan+d+ha rba/ a su ra/ sarba a su ra/ sarba b+ha ya sha ma na/ ma ta sa ra swA hA/ kun dga' bo/ rig sngags 'di sbyin 211a @#/ /sreg gam/ skud pas bcings na/ 'dod pa'i mthar gtogs pa thams cad 'jigs par byed/ ltung bar byed/ za bar byed do| |kun dga' bo/ ro langs thams cad rengs bar byed pa'i rig sngags zungs shig /tad+ya thA/ se me le/ ma hA ha ha le/ ha ra d+ha re/ g+ho ra d+ha re/ d+ha rit+ti/ rit+ti| bi rot+ti/ ku Nat+ti/ ku ta ni/ saM go tsa ni/ ka tsa ri/ kha tsa ra/ kha tsa ri/ ma ha Ne/ hu hu/ ma re Na/ ma hA mA la d+ha re/ na yo na ma ti swA hA/ kun dga' bo/ gsang sngags kyi tshig 'di dag dmod pa drag po dang mtshungs shing 'dra ste/ 'byung po thams cad rnam par bshig pa'i phyir bal gtsang ma'i skud pa la lan nyi shu rtsa bzhir bzlas brjod byas te mdud pa nyi shu rtsa bzhi bor na/ log 'dren thams cad kyis mi tshugs par 'gyur ro/ /kun dga' bo/ gsang sngags kyi tshig 'di dag zungs shig /legs par rab tu gzung bar gyis shig /kun dga' bo/ gsang sngags 'di gang yang rung bas gzung bar mi nus so/ / kun dga' bo/ de lta bas na legs par gzung bar gyis shig /tad+ya thA/ tsa ta tsa ra/ ma hA tsa ta tsa ra/ tsi ri tsi ri/ bu ru bu ru/ ma hA bu ru/ saM b+ha le/ 211b ma hA saM b+ha le/ ma hA ba le swA hA/ kun dga' bo/ lha dang bcas/ bdud dang bcas/ tshangs pa dang bcas/ dge sbyong dang / bram ze dang / skye rgur bcas pa'i 'jig rten na gang zhig gsang sngags 'di la mi spro ba ni/ ngas rjes su ma mthong ste/ srung ba dang / rjes su 'brang ba yin no/ /gsang sngags 'di ni/ mi bzad pa ste/ sreg par byed/ 'tshed par byed/ 'ching bar byed/ 'joms par byed/ 'bar bar byed pa yin te/ rig sngags lan drug cu rtsa gcig bzlas brjod byas te mdud pa drug cu rtsa gcig bor na/ sdig pa thams cad rab tu zhi bar byed/ rig sngags gcod par byed/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ legs so/ /legs par bzung lags so/ /mdud pa bor du gsol/ phyag rgya gzhag par mdzad du gsol/ kun dga' bo/ de'i phyir/ tad+ya thA/ b+ha b+ha re/ b+ha re/ b+ha ra Ni ha re/ pra ha re/ ha ra Ni/ ku tha ni ta Di/ led tshad da ti/ tshangs pas byas pa'i rig sngags bcad do/ /dbang phyug chen mos byas pa'i rig sngags bcad do/ /khyab 'jug gis byas pa'i rig sngags bcad do/ /brgya byin gyis 212a @#/ /byas pa'i rig sngags bcad do/ /rgyal po chen po bzhis byas pa'i rig sngags bcad do/ /gnod sbyin gyi sde dpon gyis byas pa'i rig sngags bcad do/ /zla ba dang nyi mas byas pa'i rig sngags bcad do/ /gza' dang nyi mas byas pa'i rig sngags bcad do/ /gza' dang rgyu skar gyis byas pa'i rig sngags bcad do/ /phyogs nas byas pa'i rig sngags bcad do/ /phyogs mtshams nas byas pa'i rig sngags bcad do/ /steng nas byas pa dang 'og nas byas pa'i rig sngags bcad do/ /lhas byas pa'i rig sngags bcad do/ /klus byas pa'i rig sngags bcad do/ /gnod sbyin gyi byas pa dang / nam mkha' lding gis byas pa'i rig sngags bcad do/ /grul bum gyis byas pa dang / tshor ba pos byas pa dang / dge sbyong dang / bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / gdol pas byas pa dang / kla klo dang / ri khrod pas byas pa dang| seng+ge dang / sprul gyis byas pa dang / 'gro lding ba'i yid kyis byas pa dang / g.yung pos byas pa dang / tong sa la pas byas pa dang / mu da ga ri 212b khrod pas byas pa dang / sems can thams cad rig sngags 'chang pas byas pa'i rig sngags bcad do/ /tad+ya thA/ ga ga gA ra li phu/ ma hA ga ga gA ri la phu/ bi she phu| sha pa ra sing+d+he phu/ tsaN+Da li phu/ ma hA tsaN+Da li phu/ tso gi phu/ tsi mi re phu/ tsi tsi mi re phu/ tsa kre phu/ tsakra d+ha re phu/ kr-iSh+Na phu/ kr-iSh+Na phu/ kr-iSh+Na ru pe phu/ tsaN+De phu/ so ge phu| pany+tsa pra li phu/ pany+tsa le phu/ b+hi mi phu/ b+hi pA pa le phu/ biM ga le phu/ piM ga la ak+She phu/ A nan+de phu/ sa man+te phu/ nA sha ni phu/ ts+tshe da ni phu/ bi ts+tshe da ni phu swA hA| kri sa ni/ bak+Sha ni/ mA ra ni/ pand ni/ pin d+ya nan/ bak+Sha Ni/ nA sha ni/ khA da d+ya ka nan/ gA la b+hi na sha ni/ dA hA ma si/ b+hasma/ b+hasma ni/ ma sa ni/ ban+d+ha ni swA hA/ kun dga' bo/ nyi ma 'char ba'i tshe ro langs chen po gnod byed ces bya ba zhig yod de/ de ston gyi dus kyi tshe nyi ma'i 'od zer gyi rjes su zhugs nas gang 'od zer de dag gis gang la reg pa 'od zer gyi dra bas reg nas rims su 'gyur te/ de yang bcad do/ /kun dga' bo/ ro langs kha gcig pa zhes bya ba zhig yod de/ de yang 'di nyid kyi nang du bsdu bar bya'o/ /klu'i rgyal po sa 'dzin ces bya ba yang 'di nyid kyi nang du bsdu bar bya'o/ /klu thams cad dang / 213a @#/ /grul bum thams cad dang / yi dwags dang / sha za thams cad kyang 'di nyid kyi nang du bsdus/ nam mkha' lding yang 'di nyid kyi nang du bsdus/ nor 'dzin yang 'di nyid kyi nang du bsdus/ rlung lha yang 'di nyid kyi nang du bsdus/ sgyu ma len gyi bu pa ra pa Di shes rud dro yang 'di nyid kyi nang du bsdus/ phung po 'dzin dang / mdung thung 'dzin kyang de bzhin du bsdus/ de bzhin du blon po dang bcas pa dang / 'khor dang bcas pa yang 'di nyid kyi nang du bsdus so/ /kun nas dpag tshad brgya dag tu/ /nga yis chad pa dag byas pas/ /nga la 'byung pos byar ci yod/ /nga yis sdang ba thams cad bcom/ /gsod par gyur pa stobs po che/ /ro langs dag gis byar ci yod/ /de dag kyang ni nga'i zhags pas/ /kun nas yongs su bskor ba yin/ /zhags pa kun gyis de dag kyang / /rmugs shing shin tu rmongs par byas/ /'di yis bdag gis kun 'grub cing / /gsang sngags tshig rnams grub gyur cig /na maH sing+d+ha nAn/ sid+d+h+yan+tu man+t+ra pA dA swa stir me sarba satwa nany+tsa swA hA/ sangs rgyas kun gyi stobs gang dang / /dgra bcom rnams kyi stobs gang dang / /dam pa'i chos kyi gzi brjid kyis/ /bde 213b legs su ni rab gyur cig /'phags pa sangs rgyas kyi gzi yis/ /rtag tu 'jigs pa thams cad la swA hA/ cho ga ni/ lan drug cu rtsa gcig bzlas brjod byas te ke me ru dang / bal gtsang ma la sogs pa'i skud pa dmar po la mdud pa bor ro/ /de bzhin du bya ba yang bya'o/ /'byung po thams cad dang / brjed byed dang / sems rnam par g.yeng byed la sogs pa dang / dug byin pa dang / dug byas pa dang / rkang gnyis pa dang / rkang bzhi pa rnams la kun tu 'gro ba grub pa'i mchog yin no| |bcom ldan 'das kyis de skad ces bka' stsal nas tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa ro langs bdun pa zhes bya ba'i gzungs rdzogs so// // rgya gar gyi mkhan po bi shud+d+ha siM ha dang / ban+d+he ye shes snying po'i sdes bsgyur/ rgya gar gyi mkhan po bid+yA ka ra siM ha dang / zhu chen gyi lots+tsha ba ban+d+he ye shes sdes zhus te gtan la phab pa/ |