rgya gar skad du/ /AR+Ya nA ga rA dza pa ri pr-i ts+tsha nA ma d+hA ra NI/ bod skad du/ 'phags pa klu'i rgyal po gzi can gyis zhus pa zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul ma ga d+ha na lus 'phags ri'i dbang po brag phug na bzhugs te/ de nas klu'i rgyal po gzi can kha dog shin tu 'phags pa dang ldan pa nam sros pa dang / bcom ldan 'das ga la ba der song ste phyin nas bcom ldan 'das kyi zhabs la mgo pos phyag 'tshal te/ /bcom ldan 'das la 'di skad ces gsol to/ / bcom ldan 'das/ lus 'phags ri 'di na ring po dag dge slong rnams la 'tshe na/ de la bdag gis ji ltar mi 'tshe bar bgyi/ de skad ces gsol pa dang / 156b bcom ldan 'das kyis klu'i rgyal po gzi can la 'di skad ces bka' stsal to/ /klu'i rgyal po legs so legs so/ /'di lta bu ni khyod kyi bya ba yin no/ /de nas bcom ldan 'das kyis dge slong rnams la bka' stsal pa/ dge slong dag/ de'i phyir dug dang / sman chen po bco brgyad po 'di dag gi ming zungs shig/ tad+ya thA/ pan+ta re/ ka ra Te/ ke yU re/ po d+h+yam ga ma te/ bin+du ma te/ a ra Ta/ ta ra Da/ ta tu Da/ da ha da ha na/ e ta da ha/ dze le dze la/ pha le/ sha Ta sha Ta/ ku li na ku li/ e kar shI ta raM gA priSh+Ti/ dge slong dag/ su zhig dug dang / sman chen po bco brgyad po de dag gi ming 'dzin pa de'i lus la rims kyis mi tshugs/ dug dang / mtshon dang / byad stems dang / ro langs dang / nyin gcig pa dang / nyin gnyis pa dang / nyin gsum pa dang / nyin bzhi bas mi tshugs/ de la ring po dag 'tshe bar mi 'gyur ro/ /su zhig 'di dag 'dzin pa de ji srid 'tsho'i bar du srung ba byas par 'gyur ro/ /bcom ldan 'das kyis de skad ces bka' stsal pa dang / klu'i rgyal po gzi can yid rangs te bcom ldan 'das kyis gsungs pa la mngon par bstod do/ /'phags pa klu'i rgyal po gzi 157a @#/ /can gyi zhus pa zhes bya ba'i gzungs rdzogs so// // |