rgya gar skad du/ AR+Ya k+Shi ti gar+b+ha aSh+Tot+ta ra sha ta ka nA ma d+hA ra NI man+t+ra sa hi ta/ bod skad du/ 'phags pa sa'i snying po'i mtshan brgya rtsa brgyad pa gzungs sngags dang bcas pa/ dkyil 'khor gyi rgyal po chen po byang chub sems dpa' sems dpa' chen po sa'i snying po la phyag 'tshal lo/ /oM suM b+ha ni suM b+ha/ ha ra tsa ra/ ma hA pA sha /ma ru tA/ a mo g+ha badz+ra satwa swA hA/ de nas yon tan sbyin pa yi/ /gzungs 'di bshad ma thag tu yang / /rdo rje'i dkyil 'khor dam pa ni/ /ti se'i gangs bcas g.yos par gyur/ /sa yi snying po tshogs dbang la/ /bcom ldan rdo rje can gyis smras/ /skal ldan chen po legs so legs// sa steng khyod kyis yangs par byas/ /khyod kyi gzungs ni rnam grags shing / /yon tan dpag med mchog skyed pa/ /sems can kun gyi sdug bsngal dang / /nyes pa zlog byed thos 93a @#/ /pa 'di| |'khor bar rab tu rgyu ba na/ /nyes pa kun gyis mi gos te/ /ji ltar 'dam gyi pad+ma dag /'dam gyi nyes pas mi gos bzhin| |lus can dag las su yang rung / /khyod kyi gsang sngags 'chang byed pa/ /de dag las ni gcig tsam yang / /byang chub las ni ldog mi 'gyur/ / mkhas pa gang zhig gzungs sngags mchog /thos nas mos par byed pa dang / /nges par yon tan thams cad kyang / /thob par 'gyur te the tshom med/ / de nas thams cad ldan pa'i 'khor/ /langs tes yi dbang phyug po/ /sa yi snying po sa mchog la/ /ming brgya rtsa brgyad smras pa ni/ /sa yi snying po gtso bo che| |glog 'gyu lta bu'i spyan mnga' ba/ /cod pan can te sa brnyes pa/ /phun sum tshogs ldan 'byor pa mchog /rig ldan rig mdzad mchod pa'i gnas/ / gtso bo dge sbyong ston pa po/ /gzhi bcas ldan pa'i klung gi tshul/ /swA hA'i blo ldan snying rje'i rab/ /thams cad mkhyen pa nyi ma'i mchog /snying po snying po mkhyen par grags/ /gsang sngags rol cing rgya cher rol/ /sa yi dbang phyug gar thabs can/ /sgeg po zhal bzang gar mkhan ldan/ /'bras bu mngon sum ston pa 93b po| |rab 'byor blo gros snying po mkhyen/ /snying po brnyes pa 'jigs pa med/ /mgon po sangs rgyas gzugs mnga' ba/ /shes rab kyis ni ma lus gzigs/ / 'dod chags la sogs skyon bsal zhing / /gar stabs chen po ston pa po/ /ston pa dpag bsam shing dang 'dra/ /nam mkha'i dbang phyug gsung snyan pa/ /nyi ma chen po nyid yin te/ /dbang phyug chen po 'bar bas bskor/ /yon tan mtha' yas longs spyod pa/ /sa yi dbang phyug spyod yul can/ /chos kyi longs spyod longs spyod che| |yon tan rgya mtsho'i gang chen mtsho/ /yon tan sna tshogs longs spyod pa/ /de bzhin gshegs pa'i rigs kyi mchog /thabs tshul zab la mkhas pa ste/ / theg pa chen po 'jigs pa med/ /mchod pa chen po sgra che ba/ /zla ltar grags pa'i dkyil 'khor can/ /rdo rje 'chang chen mtshon brgya pa/ /rdo rje'i dkyil 'khor me tog thod/ /blo gros chen po phyag ring ba/ /pad+ma chen po stobs po che/ /sngags 'chang chen po stobs cher ldan/ /sa gzhi chen po lhun po lags/ /lag na rdo rje yon tan nges/ /nor bu'i me tog thod kyis brgyan/ /mnyam nyid 'byams la longs spyod pa/ /rgya chen zhing gi rgya mtsho can/ /rdo rje'i 'od mnga' rdo rje ldan/ /sa yi 94a @#/ /bdag po lhun po bzhin/ /sa la longs spyod longs spyod che/ /mtshon cha g.yo ba phun tshun tshogs/ /rab 'byams snod ni rnam par grags/ /smra mkhas rdo rje rab 'joms pa/ /spyan rtsa yid tsam dmar ba ste/ /me tog sngon po'i thod kyis bcings/ /spro ba chen po phyag ring ba/ /brtan po brtan la bde sbyin pa/ /ded dpon dpal bzang chen po ste/ /gangs can lhun po lta bu lags/ /dbang po gshin rje rgyal chen dang / /btsan po khyab 'jug stobs dbang phyug /'jig rten mchog rigs sangs rgyas tshangs/ /de bzhin nyid tshul spyod yul can/ /rin chen tog ste cher bzhad pa/ /dgyes pa na bza' sna tshogs gsol/ /gzigs pa ring pa spyan yangs pa/ /nam mkha' bzhin du thogs pa med/ /thogs pa mi dpog rin chen gtsug /srid gsum 'dod pa med pa'i rgyu/ /dul ba nyon mongs dri ma bsal/ /dag pa gtsang ma gso sbyong can/ /rnam par gnon pa yul las 'das/ /ljang mdog skyabs mdzad snying rje che/ /stobs kyis grags pa rgya che ba/ /bsams na shes pa'i spyod yul can/ /dpa' bo seng+ge 'jigs par byed/ /sdang ba rnams kyi snying 94b 'joms pa/ /mnga' bdag grags pa yul dang ldan/ /dga' ba rgyal cher rab 'byung ba/ /rigs mkhyen rigs kyi snying po mkhyen/ /rigs kun tu ni mchod pa lags/ rgyal po rigs mchod skyed pa'i rten/ /rdo rje yi ni dkyil 'khor brgyan/ /rdo rje sa 'og rab grags pa/ /rig sngags 'chang ba stobs po che/ /mngon par 'phags pa khyad par mchog /mgrin bzang nad dang bral ba lags/ /skyong mdzad ston pa dag pa ste/ /sangs rgyas lam ni rab ston pa/ /sgrol pa smin mdzad sdud par mdzad| |dkyil 'khor ma lus rnams kyis btud/ /rab zhugs dkyil 'khor rnams la mkhas/ /rdo rje'i slob dpon yon tan rten/ /grub pa sbyin pa rnam dag mchog /tshul dang tshul min rtogs pa po/ /dkyil 'khor rtsa ser mnga' ba ste/ /'od zer ljang gu'i 'od dang 'dra/ /ser la na bza' ser po mnabs/ /dkyil 'khor ma lus kun gyis brgyan/ /spyan rtsa dmar ba zla ba'i dpal/ /nor bu sna tshogs 'od 'byung ba/ /rdo rje brgya yi stobs kyis spro/ /mnyam nyid mnyam pa dri ma med/ /sku yang dag cing na bza' dag /dag pa mkhyen cing dag par ldan/ /dag pa'i chos mnga' snang ba ste/ /'byung ldan sreg pa sel mdzad pa/ /'khor ba 95a @#/ /zad mdzad shes rab can/ /tshul shes tshul la spyod yul ba/ /rdo rje rgya mtsho'i snying po lags/ /rdo rje sems dpa' dge ba che/ /'byung ldan rab 'byams shes rab can/ /ma lus grags pa'i 'od bzang ba/ /sa yi snying po snying po che/ /rdo rje'i snying po rnam par 'dren/ /dpag tu med pa dpag med rdzogs| |khyad par 'phags pa'i yul la gnas/ /zab cing gsal ba'i gtso bo ste/ /zla ba'i dkyil 'khor 'od zer bsil/ /dga' dad dang ba skyed pa ste// ye shes rgya chen spyod yul ba/ /rlung gi drag shul lta bur grags/ /drag po lags te drag sel gtsang / /rgyal bar byed cing rgyal la zhi/ /rgyal ba'i dpal mdzad dga' bar mdzad/ /lhun po ti se ma la yas/ /spyod yul zab mo non pa ste/ /rin chen rdo rje snying po che/ /sa gzhi spyod yul mnga' ba lags/ /rin chen brag las byung ba'i 'od/ /rdo rje dkyil 'khor dag gis brgyan/ /de bzhin gshegs pa lhur dgyes pa/ /shugs drag dpal gyi gzhi rten lags/ /rab gsal dpal mdzad gtsang ma ste/ /phyogs cha'i dbang phyug dbang phyug che/ /de ltar rdo rje 'chang chen la/ /ming brgya rtsa brgyad mchog rnams kyis/ /rdo rje sems dpas bstod 95b nas ni| |rdo rje sa gsum dbang mchog smras/ /yon tan snying po shes rnams kyis/ /ming brgya rtsa brgyad mchog brjod cing / /nyes pa zlog pa 'di las gzhan/ /sa yi steng na ngas ma mthong / /ming brgya rtsa brgyad dam pa 'di/ /thams cad 'grub byed dga' ba ste/ /sdig pa thams cad sel ba dang / /dri ma kun bral yon tan des// de phyir sgrim pa thams cad kyis/ /phun sum tshogs pa 'dod pa'i mis/ /ming brgya rtsa brgyad dge ba 'di/ /rtag tu yang ni brjod par gyis/ ming brgya rtsa brgyad dam pa 'di| |bsam pa kun dang 'byor ba yi/ /gnas mchog bla na med pa ste/ /dpal yon rgya chen sbyin pa yi/ /yid ni shin tu dang ba yis/ /sa yi snying po mtshan gsal ba/ /'dod pa thams cad rab sgrub pa'i/ /yon tan mchog ni gang brjod dang / /dpal yon rgya char 'dzin pa yi/ /ming brgya rtsa brgyad dam pa 'di/ /mi ni gang c+c+zhig rjod byed pa/ /sdug bsngal kun las myur du grol/ /'phags pa sa'i snying po'i mtshan brgya rtsa brgyad pa gzungs sngags dang bcas pa rdzogs so// // |