H62

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H62</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H62&coll=lhasa">see text in Tibetan script</a></table>458b<br><font size=+1>


//rgya gar skad du/ A R+Ya rASh+Ta pA la pa ri pr-i ts+tsha nA ma ma hA yA na sU tra/ bod skad du/ 'phags pa yul 'khor skyong gis zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' lnga stong thams cad kyang spobs pa thogs pa med pa/ bzod pa thob pa/ bdud dang phyir rgol ba bcom pa/ sangs rgyas kyi chos thams cad la shin tu nye bar gyur pa/ skye ba gcig gis thogs pa/ gzungs thob pa/ ting nge 'dzin thob pa/ spobs pa mtha' yas pa thob pa/ mi 'jigs pa thogs pa med pa thob pa/ rdzu </font><hr>459a<br><font size=+1>


@#/ /'phrul gyi stobs dang / dbang dam pa'i pha rol tu son pa nas yon tan gyi tshogs thams cad zad mi shes pa sha stag la 'di lta ste/ byang chub sems dpa' sems dpa' chen po kun tu bzang po dang / kun tu mig dang / kun tu lta ba dang / kun tu 'od zer dang / kun tu 'od dang / blo gros mchog dang / blo gros 'phel dang / blo gros mtha' yas dang / blo gros rgya chen dang / blo gros mi zad pa dang / sa 'dzin dang / 'gro ba 'dzin dang / rgyal ba'i blo gros dang / khyad par blo gros dang / byang chub sems dpa' sems dpa' chen po gzungs kyi dbang phyug gi rgyal po dang / 'jam dpal la sogs pa sems dpa' dpe med drug cu dang / bzang skyong la sogs pa skyes bu dam pa bcu drug dang / mi mjed kyi bdag po tshangs pa dang / lha'i dbang po brgya byin dang / 'jig rten skyong ba bzhi dang / lha'i bu mtshams bzang dang / lha'i bu blo gros legs gnas dang / lha'i dbang bo thams cad dang / klu'i dbang po dang / mi 'am ci'i dbang po dang / dri ze'i dbang po dang / gnod sbyin gyi dbang po dang / lha ma yin gyi dbang po dang / nam mkha' lding gi dbang po'i 'khor brgya stong du ma yod pa </font><hr>459b<br><font size=+1>


thams cad dang / 'khor de nyid du 'dus te 'khod pa rnams dang thabs cig tu bzhugs so/ /de nas bcom ldan 'das dpal gyi snying po'i seng+ge'i khri la bzhugs te/ lhun po ltar 'khor gyi dkyil 'khor thams cad las ni/ mngon par 'phags/ nyi ma ltar 'jig rten thams cad la ni/ snang / zla ba ltar 'gro ba thams cad la ni/ snang bar mdzad/ tshangs pa ltar rab tu zhi bar ni/ bzhugs/ brgya byin ltar sku ni/ bsnyen par dka'/ 'khor los bsgyur ba ltar byang chub kyi yan lag gi rin po che bdun dang ni/ ldan/ seng+ge ltar chos thams cad bdag med pa dang stong par ni/ sgrog /me'i phung po chen po ltar 'gro ba thams cad la snang ba'i sku dang ni/ ldan/ lha thams cad snang ba'i nor bu rin po che kun nas bsdus pa'i nor bu rin po che'i rgyal po ltar gzi brjid kyis shin tu 'bar zhing stong gsum gyi stong chen po'i 'jig rten gyi khams thams cad snang bas khyab par mdzad nas don shin tu rnam par nges pas chos thams cad kyi dam pa'i pha rol tu byon pa 'khor gyi nang na bzhugs shing tshangs pa'i sgra dbyangs bsgrags pa/ sems can thams cad kyi go bar byed pa dang ldan pa'i dbyangs kyis chos ston te/ tshangs par spyod pa/ thog mar dge ba/ </font><hr>460a<br><font size=+1>


@#/ /bar du dge ba/ tha mar dge ba/ don bzang po/ /tshig 'bru bzang po/ /ma 'dres pa/ yongs su rdzogs pa/ yongs su dag pa/ yongs su byang ba yang dag par rab tu ston to/ /de nas byang chub sems dpa' sems dpa' chen po mchog tu dga' ba'i rgyal po zhes bya ba 'khor de nyid du 'dus par gyur te 'dug pa des bcom ldan 'das seng+ge'i khri la bzhugs pa/ nyi ma stong las lhag pa'i 'od kyis 'khor gyi dkyil 'khor thams cad zil du rlag par mdzad nas shin tu lhang nger bzhugs pa mthong ste/ dga' ba dang / mgu ba dang / dad pas 'dun pa'i sems kyis stan las langs nas thal mo sbyar te bcom ldan 'das la tshul dang mthun pa'i tshigs su bcad pa 'di dag gis mngon par bstod do/ /lha tshogs lha ma yin dang mi 'am ci/ /klu dang nyan thos dag dang sangs rgyas sras/ /'gro ba 'di dag rgyal bas gzi yangs kyis/ /zil mnan khyod ni gser gyi ri ltar gsal/ /rgya mtsho'i dbus na gnas kyang rnam mdzes pa| |lhun po lha yi tshogs kyi gnas lta bur/ /thugs rje'i rgya mtsho'i dbus su de bzhugs te/ /'od zer stong phrag brgya dag 'gyed par mdzad/ /tshangs pa'i gnas </font><hr>460b<br><font size=+1>


la gnas pa'i tshangs pa de/ /tshangs pa'i mdun na gnas te mngon mdzes ltar/ /bsam gtan rnam thar ting nge 'dzin bzhugs pa/ /sems can dam pa 'gro ba kun la gsal| |brgya phyin sum cu rtsa gsum lha nang du/ /gnas nas gzi brjid yangs pas mdzes pa ltar/ /mtshan gyis spras pa ye shes yon tan phyug /thub pa'i rgyal po 'gro ba kun la gsal/ /gling bzhi mi yi bdag po snang ldan pa/ /'jig rten 'di la ston pa mdzes pa ltar/ /'phags pa'i lam du 'jug pa rab mdzad cing / /thugs rjes dgongs pa'i thugs mnga' 'di yang mdzes/ /mkha' la nyi ma lham me thal le ba/ /nor bu me 'od mog mog byed 'di ltar/ /nyi ma stong bas khyad par 'phags pa'i 'od/ /sangs rgyas nyi ma 'gro ba 'di na gsal/ /dri med zla ba nam gyi gung gsal ltar/ /shin tu rnam dag 'gro ba kun la gsal/ /rgyal ba'i zhal ras zla ba nya ba 'dra/ /kun 'od zil gyis mnan nas rnam par mdzes/ /ji ltar ri bo'i zom la me 'bar ba/ /mtshan mo mi nyal tsam na kun snang ltar/ /gti mug mun pa ma lus bcom nas ni/ /drang srong chen po'i ye shes 'od kyang gsal/ /seng+ge ri sul brten pa'i sgra sgrog cing / /sa la ri dwags tshogs rnams skrag bgyid ltar/ /mi dbang stong pa bdag med gsung </font><hr>461a<br><font size=+1>


@#/ /sgrog cing / /pha rol mu stegs can rnams skrag par mdzad/ /nor bu'i rgyal po bzang ba gzi brjid 'bar/ /nor bu thams cad zil mnan lham me ltar/ /rgyal ba'i sku ni gser gyi mdog 'dra ba/ /'gro kun zil gyis mnan nas lham mer bzhugs/ /'jig rten gang na'ang khyod dang mtshungs ma mchis/ /lhag pa'i sems can mchis par ga la 'gyur/ /bsod nams ye shes brtson 'grus thabs rnams dang / /yon tan kun gyis khyod dang mtshungs ma mchis/ /mi yi dpa' bo 'gro la lham me ba/ /mgon po yon tan rgya mtsho bdag gis mthong / /gus pa skyes shing dga' ba rnam par 'phel/ /rgyal ba'i zhabs kyi mthil la bdag gis gtugs/ /yon tan kun gyi 'byung gnas 'jig rten sgron/ /grags pa dam pa rgya chen thugs mnga' ba/ /bdag gis bstod de bsod nams 'dis thob des/ /'gro ba thams cad byang chub mchog reg shog /de nas byang chub sems dpa' sems dpa' chen po mchog tu dga' ba'i rgyal pos bcom ldan 'das la tshigs su bcad pa 'di dag gis mngon par bstod nas thal mo sbyar te mig gnyis mi 'dzum par de bzhin gshegs pa'i sku la ni / </font><hr>461b<br><font size=+1>


blta| chos kyi dbyings nyid la ni/ rnam par dpyod/ zab pa dang / gting dpag dka' ba dang / mthong bar dka' ba dang / khong du chud par dka' ba dang / brtag mi nus pa dang / rtog ge'i spyod pa ma yin pa dang / zhi ba dang phra ba la ni/ 'jug /sangs rgyas kyi spyod yul bsam gyis mi khyab pa la ni/ rjes su rnam par dpyod/ de bzhin gshegs pa'i ye shes chos kyi dbyings thams cad du zhugs pa la ni/ rjes su rnam par sems/ sangs rgyas kyi yul mi mnyam pa dang mnyam pa la ni/ yang dag par blta/ de bzhin gshegs pa'i thabs kyi yul gyi spyod yul bsam gyis mi khyab pa la ni/ 'jug /sangs rgyas bcom ldan 'das rnams kyi chos kyi dbyings gcig gi tshul gyi ngo bo nyid la 'jug pa la ni/ rtog /sangs rgyas bcom ldan 'das rnams kyi gnas med pa nam mkha' spyod yul du ni/ yang dag par blta/ chos thams cad yang dag pa'i mtha' mtha' ma yin pa'i rang bzhin la 'jug pa la ni/ mos/ sangs rgyas kyi rnam par thar pa sgrib pa med pa la ni/ mngon par 'dod/ sangs rgyas bcom ldan 'das rnams kyi sku rtag pa dang / zhi ba dang / ther zug pa la ni/ 'jug /de bzhin gshegs pa'i sku zhing rab 'byams thams cad kyi rjes su song ba dang / </font><hr>462a<br><font size=+1>


@#/ /sems can thams cad la mngon du phyogs pa la ni/ 'jug /sangs rgyas bcom ldan 'das rnams kyi yon tan gyi phyi ma'i mtha'i bskal pa'i mur yang thug pa med pa ni/ rjes su dran par byed/ chos kyi dbyings nyid la rnam pa dpyod cing byang chub sems dpa' sems dpa' chen po mchog tu dga' ba'i rgyal po yang cang mi smra bar gyur to/ /de'i tshe tshe dang ldan pa yul 'khor skyong mnyan yod du dbyar zla ba gsum gnas par dam bcas te/ de zla ba gsum 'das nas chos gos byas te chos gos zin nas de lhung bzed dang chos gos thogs te dge slong gi dge 'dun dang / gsar bu las dang po rab tu byung nas ring po ma lon pa dag dang lhan cig tu mthar gyis yul rgyu ba rgyu zhing / rgyal po'i khab kyi grong khyer chen po ga la ba dang / bya rgod kyi phung po'i ri ga la ba der song ngo / / de nas tshe dang ldan pa yul 'khor skyong bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te bcom ldan 'das la lan gsum bskor ba byas nas phyogs gcig tu 'dug go /phyogs gcig tu 'dug nas kyang tshe dang ldan pa yul 'khor skyong gis thal mo sbyar te tshigs su </font><hr>462b<br><font size=+1>


bcad pa 'di dag gis bcom ldan 'das la mngon par bstod do/ /mi mchog 'od mdzad pa la phyag 'tshal lo/ /nam mkha' mtshungs pa'i thugs la phyag 'tshal lo/ / rgyal ba yid gnyis gcod la phyag 'tshal lo/ /srid gsum mthar byon thub la phyag 'tshal lo/ /zhing rnams bye ba rab 'byams kun tu yang / /'dren pa dag ni khyod kyi bsngags pa gsung / /rgyal ba'i sras kyis thos nas rab dga' zhing / /yon tan rgya mtsho thub pa mchod du mchi/ /bde gshegs tshul dang mthun pas mchod bgyis te/ /thub pa che las rdul bral chos thos nas/ /de dag khyod kyi yon tan phreng brjod cing / /yid rab dga' nas rang gi zhing du mchi/ /byang chub dam pa mchog ni tshol ba na/ /khyed kyi thugs ni skyo ba mi mnga' bar/ /bskal pa bye ba khrag khrig bsam yas su/ /sems can rnams kyi ched du spyod pa spyad/ /'dren pa khyod kyi sbyin dang tshul khrims spyad/ /bzod dang brtson 'grus dang ni bsam gtan bslab/ /shes rab thabs dang dbang gi pha rol gshegs/ /des na rnam 'dren che la phyag 'tshal lo/ /rdzu 'phrul rkang dag mngon shes mchog la mkhas/ /dbang po stobs dang rnam par thar pa bslab/ /sems can kun gyi spyod pa thugs chud rtogs/ /mnyam med ye shes gtso la phyag 'tshal lo/ /'gro </font><hr>463a<br><font size=+1>


@#/ /ba rnams kyi sems rgyud rab tu mkhyen/ /spyod pa gang dang ji ltar las 'byung dang / /tshul sgo gang gis rnam par grol 'gyur ba/ /de ni bcom ldan mi yi mchog gis mkhyen/ /'dod chags zhe sdang gti mug 'byung ba spong / /gang gis sems can ngan song gsum mchi dang / /gang gis bde 'gror mchi bar 'gyur ba'i las/ /'gro bas legs bgyis pa dang nongs bgyis mkhyen/ /'gro la phan mdzad gang dag 'das rnams dang / /de ltar lha dang mi yis mchod rnams dang / /gang dag ma byon yon tan mchog mthar phyin/ /bde gshegs de dag thams cad rab tu mkhyen/ /dag pa'i zhing dang phun sum tshogs 'khor dang / /byang chub sems dpa' tshogs dang nyan thos dang / /drang srong chen po rnams kyi sku tshe'i tshad/ /rnam pa kun tu ma lus rnam par mkhyen/ /mya ngan 'das ni chos gnas ci 'dra dang / /rgyal ba'i ring bsrel mchod pa ci 'dra dang / /der ni chos mdzod 'dzin pa ci 'dra ba/ /de dag ma lus mi yi dam pas mkhyen/ /dus gsum rnams su rtag par stobs bcu yi/ /ye shes mkhyen pa sgrib pa mi mnga' 'jug /chos rnams kun la thugs ni chags mi mnga'/ /phyag 'tshal rgyal ba </font><hr>463b<br><font size=+1>


ye shes mtsho khyod la/ /khyod dang mtshungs mnyam ma mchis rab tu lhag /skar ma rnams kyis nam mkha' spras pa ltar/ /mtshan rnams kyis kyang sku ni rab spras pa/ /mi mchog thub pa mchog la phyag 'tshal lo/ /gzugs kyang mtshungs pa ma mchis yid du mchi/ /lhar bcas 'gro ba zil du rlag par bgyid/ /tshangs pa brgya byin 'og min lha yi rnams/ /khyod kyi spyan sngar de dag mdzes ma lags/ /khyod ni gser gyi ri ltar dri mi mnga'/ /dbu snum 'jam zhing g.yas su 'khyil bar gnas/ /lhun po'i rgyal po lta bur spyi gtsug 'phags/ /bsod nams rgya cher byung ba lham mer bzhugs/ /'od zer bye ba khrag khrig rab 'gyed cing / /khyod kyi smin ma'i mtshams kyi mdzod spu mdzes/ /'gro la thugs rje dgongs pas gang gzigs pa/ /spyan ni ut+pal 'dra zhing yid du mchi/ /zla nyi dri med mkha' la ji lta bar/ /rnam 'dren khyod kyi zhal ni lham me ste/ /lha pa'i skye bo ngoms par mi 'gyur ba/ /zhal bzang mi yi mchog la phyag 'tshal lo/ /ngan pa rma bya ri dwags rgyal gyi stabs/ /glang po dregs pa dal gyis mchi stabs kyis/ /sa rnams g.yo bar mdzad cing rab gshegs pa/ /stobs bcu brtul zhugs brtan la phyag 'tshal lo/ /phyag gi sor mo ring zhing zlum </font><hr>464a<br><font size=+1>


@#/ /la mdzes/ /sen mo zangs mdog dag cing dra bas spras/ /bzhengs kyang pus mo'i lha ngar reg cing sleb/ /sku mdog gser mdog 'dra la phyag 'tshal lo/ /'khor lo dra bas khyab pa'i zhabs 'dor bar/ /sa steng ri mor mdzad cing rab tu gshegs/ /zhabs kyi 'od zer gyis ni yongs smin pa'i/ /mi rnams gum nas lha yi 'jig rten mchi/ /chos kyi rgyal po nor bdun sbyin pa po/ /chos kyi sbyin bdag dul ba'i thugs mnga' ba/ /chos kyi spyod pas 'gro ba rjes ston pa/ /'dren pa chos kyi rje la phyag 'tshal lo/ /byams pa'i go che dran pa'i ral gri mchog /tshul khrims gzhu dang shes rab thabs kyi mda'/ /de yis skye 'chi srid sred 'phel bgyid pa/ /nyon mongs dgra dag rnam par bcom par gyur/ /brgal nas sems can khrag khrig rnams kyang sgrol/ /grol nas 'ching pa las ni 'gro ba 'grel/ /bde gshegs gang gis zhi ba'i gnas mchi ba/ /bde ba rims nad ma mchis lam yang ston/ /gang na skye dang 'chi ba ma mchis shing / /'phral ba'i sdug bsngal 'byung bar mi 'gyur ba/ /gnas mchog zhi ba 'dus ma bgyis pa de/ /thugs rjes brnyes nas khyed kyis bstan pa </font><hr>464b<br><font size=+1>


mdzad| |chos kun dbang gi pha rol gshegs pa'i rgyal/ /thub pa chen po 'jig rten mchog bstod pas/ /bdag gis 'dir ni bsod nams gang bsags des// 'gro ba byang chub mngon par 'tshang rgya shog /de nas tshe dang ldan pa yul 'khor skyong gis bcom ldan 'das la tshigs su bcad pa 'di dag gis mngon par bstod nas thal mo sbyar te stan las langs nas bla gos phrag pa gcig tu gzar te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skyabs phye na| bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /de skad ces gsol pa dang / bcom ldan 'das kyis tshe dang ldan pa yul 'khor skyong la 'di skad ces bka' stsal to/ /yul 'khor skyong / khyod ci dad ci 'dod pa dris shig dang / ngas dris pa de dang de nyid kyi lung bstan pas ngas khyod kyi sems rangs par bya'o/ /de skad ces bka' stsal pa dang / tshe dang ldan pa yul 'khor skyong gis </font><hr>465a<br><font size=+1>


@#/ /bcom ldan 'das la 'di skad ces gsol to/ /bcom ldan 'das/ byang chub sems dpa' sems dpa' chen po chos du dang ldan na/ chos thams cad kyi yon tan gyi khyad par thob par gyur/ /gzhan la rag ma las pa'i shes pa 'thob/ myur ba'i shes rab 'thob/ spobs pa rnam par nges pa 'thob/ snang ba 'thob/ thams cad mkhyen pa nyid la 'jug pa dang / sems can yongs su smin par bgyid pa dang / yid gnyis spong ba dang / som nyi spong ba dang / thams cad mkhyen pa nyid du rnam par nges pa 'thob/ sems can 'dzud pa la mkhas pa dang / ji skad smras pa de bzhin du bgyid pa dang / ldem po dag yang dag pa dang / sems can gyi khams la mkhas pa dang / sangs rgyas rjes su dran pa 'thob pa dang / zhu ba thams cad zhu ba dang / chos thams cad 'dzin pa dang / myur du thams cad mkhyen pa nyid 'thob par 'gyur/ de nas tshe dang ldan pa yul 'khor skyong gis de'i tshe tshigs su bcad pa 'di dag gsol to/ /byang chub sems dpa'i spyod pa rab nges pa/ /yang dag nyid du ji ltar nges 'byung dang / /ye shes </font><hr>465b<br><font size=+1>


rgya mtsho'i bka' mchid rnam nges pa/ /mi mchog rgyal ba bdag la bshad du gsol/ /shin tu sbyangs pa'i gser gyi gzugs lta bu/ /sems can dam pa bsod nams tshogs bsags pa/ /khyod ni skyabs dang gnas dang dpung gnyen lags/ /byang chub spyod mchog dri med deng bdag gsungs/ /gzungs dang bdud rtsi byang chub 'byung ba yi/ /ye shes mi zad ji ltar 'thob par 'gyur/ /gang gis skye bo'i dogs pa gcod 'gyur ba/ /shes rab rgya mtsho ji ltar rnam par dag /'khor bar bskal pa bye ba mang por ni/ /'jig rten sdug bsngal nyen pa blta bgyid kyang / /skyo ba'i blo ni nam yang mi bskyed cing / /de dag don dge bsten par 'gyur ba dang / /dag pa'i zhing dang phun sum tshogs 'khor dang / /tshe mchog dang ni phun sum tshogs zhing dang / /sems can ched kyi bka' mchid bla med dang / /byang chub spyod pa dri med bshad du gsol/ /bdud 'joms mdzad pa lta ngan sbyong ba po/ /sred pa skem pa rnam grol reg mdzad pas/ /chos kyi tshul yang bskyud par mi 'gyur ba/ /sems can rin chen spyod mchog bstan du gsol/ /gzugs dang longs spyod spobs pa phun sum tshogs/ /snum pa'i </font><hr>466a<br><font size=+1>


@#/ /gsung gis 'khor rnams tshim par mdzad/ /bde gshegs sprin ltar 'gro ba tshim mdzad pa/ /sangs rgyas spyod yul legs par bstan du gsol/ /ka la ping+ka'i sgra snyan gsung 'byin pa/ /tshangs pa'i dbyangs kyis blo ngan rab 'jig pa/ /chos 'tshal gyur pa'i 'khor rnams lhags lags kyi/ / gtso bo bdud rtsi'i ro yis tshim par mdzod/ /byang chub dam pa'i mchog la 'dun pa mchis/ /chos dang 'dun pa bzlog pa mi rigs te/ /'dren pa bstan pa mdzad pa'i dus 'di lags/ /rin chen dam pa bsgrag pa'i dus la bab/ /thub pa bdag ni byang chub re ba mchis/ /bdag gi bsam pa rgyal bas rab tu mkhyen/ /rgyal ba co 'dri ma lags don du gnyer/ /spyod pa dam pa legs par bshad du gsol/ /de skad ces gsol pa dang / /bcom ldan 'das kyis tshe dang ldan pa yul 'khor skyong la 'di skad ces bka' stsal to/ /yul 'khor skyong / khyod legs so/ /yul 'khor skyong / /khyod skye bo mang po la phan pa'i phyir zhugs pa dang / yul 'khor skyong / khyod skye bo mang po la bde ba dang / lha dang mi rnams kyi don dang / phan pa dang / da ltar dang / ma 'ongs pa'i byang chub sems dpa' sems dpa' </font><hr>466b<br><font size=+1>


chen po rnams yongs su gzung ba'i phyir de bzhin gshegs pa la don 'di dri bar sems pa ni/ legs so/ /yul 'khor skyong / khyod de'i phyir legs par rab tu nyon la yid la zungs shig dang ngas khyod la bshad do/ /bcom ldan 'das/ legs so/ /zhes gsol to/ /tshe dang ldan pa yul 'khor skyong gis bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /yul 'khor skyong / byang chub sems dpa' sems dpa' chen po chos bzhi dang ldan na/ yongs su dag pa 'di dag 'thob bo/ /bzhi gang zhe na/ 'di lta ste/ bsam pa dang lhag pa'i bsam pas nan tan byed pa dang / sems can thams cad la sems mnyam pa dang / stong pa nyid sgom pa dang / ji skad smras pa de bzhin byed pa ste/ yul 'khor skyong / byang chub sems dpa' sems dpa' chen po chos bzhi po de dag dang ldan na/ yongs su dag pa 'di dag 'thob bo/ /'di la 'di ni/ chos nyid yin te/ de la 'di skad ces bya'o/ /bsam pa thag pas rtag tu mngon brtson pa/ /byang chub lam las mi ldog yid ldan pa/ /g.yo med tha ba med cing sgyu med pa/ /ye shes mtha' med ldan la de dag yod/ /skye dang nga dang rga dang </font><hr>467a<br><font size=+1>


@#/ /'chis gzir ba/ /sems can mgon med sdug bsngal mthong nas ni/ /srid pa'i mtsho las 'gro ba bsgral ba'i phyir/ /de dag chos kyi gru ni yang dag sbyor/ /nges pa sems can kun la sems mnyam pa/ /bu gcig pa bzhin 'gro ba rnams la blta/ /'di dag thams cad bdag gis dgrol lo zhes| |gang zag mchog gi bsam pa de 'dra'o/ /stong nyid rtag tu rtogs par khong du chud/ /bdag yod ma yin sems can yod ma yin/ /'dus byas sgyu ma rmi lam 'dra ba la/ /byis pa mi mkhas 'di la rnam par rmongs/ /mkhas pa de dag ji skad tshig smras pa/ /de la nan tan byed cing kun tu gnas/ /dul zhing zhi la rtag tu skyon rnams spangs/ /rgyal ba'i sras rnams byang chub lam la dga'/ /yul 'khor skyong / bzhi po 'di dag ni/ byang chub sems dpa' rnams kyi dbugs 'byin pa 'thob pa ste/ /bzhi gang zhe na/ gzungs 'thob pa dang / dge ba'i bshes gnyen rnyed pa dang / chos zab mo la bzod pa thob pa dang / tshul khrims yongs su dag par spyod pa ste/ yul 'khor skyong / bzhi po de dag ni/ byang chub sems dpa' rnams kyi dbugs 'byin pa 'thob pa'o/ /'di la 'di ni/ chos nyid </font><hr>467b<br><font size=+1>


yin te| de la 'di skad ces bya'o/ /gang gis sangs rgyas kun gyis gsungs pa'i chos mchog 'dzin 'gyur pa/ /gzungs rnams grags pa chen po de dag gis ni rtag tu 'thob/ /nam yang chud zar mi 'gyur phyir zhing blo gros rab tu 'phel/ /de dag ye shes chags pa med cing chos kun pha rol phyin/ /byang chub yan lag 'phel bar byed pa'i dge ba'i bshes gnyen rnyed/ /de dag 'dren pa rnams ni gang nas bzhud pa'i lam mchog ston/ /de dag sdig pa'i grogs po dag la brten pa ma yin te/ / tshig byed bdag nyid me ltar ring du rnam par spong / /dpa' bo stong pa nyid dang ldan pa'i zab mo'i chos thos nas/ /de dag bdag dang sems can srog tu lta ba kun mi 'byung / /de dag tshul khrims skyon med dul zhing zhi ba'i yid dang ldan/ /sangs rgyas tshul khrims bla na med la sems can rnams kyang sbyor/ /yul 'khor skyong / bzhi po 'di dag ni/ byang chub sems dpa' 'khor ba na 'khod pa rnams dga' bar byed pa'i chos te/ bzhi gang zhe na/ yul 'khor skyong / sangs rgyas mthong bas byang chub sems dpa' 'khor ba na 'khod pa rnams dga' bar byed pa'i chos dang / yul 'khor skyong / rjes su mthun pa'i chos thos pa byang chub sems dpa' </font><hr>468a<br><font size=+1>


@#/ /'khor ba na 'khod pa rnams dga' bar byed pa'i chos dang / yul 'khor skyong / bdog pa thams cad yongs su gtong ba byang chub sems dpa' 'khor ba na 'khod pa rnams dga' bar byed pa'i chos dang / yul 'khor skyong / dmigs su med pa'i chos la bzod pa byang chub sems dpa' 'khor ba na 'khod pa rnams dga' bar byed pa'i chos te/ yul 'khor skyong / bzhi po de dag ni/ byang chub sems dpa' 'khor ba na 'khod pa rnams dga' bar byed pa'i chos so/ /'di la 'di ni/ chos nyid yin te/ de la 'di skad ces bya'o/ /gzi brjid kyis ni 'jig rten thams cad kun nas snang mdzad pa'i/ / rdzogs pa'i sangs rgyas mi mchog tshe rabs kun tu de dag mthong / /byang chub dam pa mchog tshol tshe na sems can dgrol ba'i phyir/ /dga' zhing gus par gnas na de ltar mi dbang rgyal po mchod/ /'dren pa rnams las zhi ba rjes su mthun pa'i chos kyang nyan/ /thos nas bsam pa thag pas brtan pa tshul bzhin rab tu sbyor/ / dmigs med chos thos chos 'di thams cad sems can med pa dang / /'di la bdag med par ni chos la som nyi de mi skye/ /de ni bdog pa thams cad yongs </font><hr>468b<br><font size=+1>


gtang rtag tu kun 'dzin med/ /slong ba nye bar 'ongs pa mthong na sems ni rab tu dga'/ /grong dang yul 'khor sa dang srog dang bu dang chung ma dang / /thams cad gtong zhing de yi sems ni gang du'ang g.yo ba med/ /yul 'khor skyong / byang chub sems dpas chos bzhi la blta bar mi bya ste/ bzhi gang zhe na/ yul 'khor skyong / /byang chub sems dpas khyim gyi gnas la blta bar mi bya ba dang / yul 'khor skyong / byang chub sems dpas rab tu byung nas rnyed pa dang bkur sti la blta bar mi bya ba dang / yul 'khor skyong / byang chub sems dpas khyim la 'dris par bya ba la blta bar mi bya ba dang / yul 'khor skyong / byang chub sems dpas lus dang / srog la blta bar mi bya ste/ yul 'khor skyong / byang chub sems dpas chos bzhi po de dag la blta bar mi bya'o/ /'di la 'di ni/ chos nyid yin te/ de la 'di skad ces bya'o/ /skyon gyis gzings pa mtha' yas ldan pa'i khyim spangs rtag tu nor mi blta/ /yon tan ldan pa nges pa de dag dgon par dga' zhing dbang po dul/ /de dag gang du'ang bud med rnams dang skyes pa dag dang 'dris mi byed/ /bse ltar gcig pur gnas shing bsam pa dri med dag la </font><hr>469a<br><font size=+1>


@#/ /dri ma bral/ /de dag rnyed pa rnams kyis dga' bar mi 'gyur mi thob yid zhum med/ /'dod pa chung ste ngan ngon tsam la dga' zhing sgyu dang tshul 'chos spangs/ /sems can don phyir brtson 'grus yid ldan sbyin dang dul la rab tu gnas/ /sangs rgyas ye shes don gnyer bsam gtan brtson 'grus yon tan pha rol phyin/ /lus dang de bzhin srog la mi lta sdug pa'i rtsa lag rnam spangs te/ /bsam pa rdo rje lta bur rab brtan rtag tu byang chub lam la sbyor/ /lus ni dum bu dum bur bcad kyang de dag sems la g.yo ba med/ /thams cad mkhyen pa nyid res phyir zhing brtson 'grus shin tu brtan 'dir rtsom/ /yul 'khor skyong / bzhi po 'di dag ni/ byang chub sems dpa' rnams kyi gdung ba med par byed pa'i chos te/ bzhi gang zhe na/ yul 'khor skyong / tshul khrims skyon med pa byang chub sems dpa' rnams kyi gdung ba med par byed pa'i chos dang / yul 'khor skyong / dgon pa la gnas pa mi gtong ba byang chub sems dpa' rnams kyi gdung ba med par byed pa'i chos dang / yul 'khor skyong / 'phags pa'i rigs bzhi dang mthun par byed pa byang chub sems dpa' rnams </font><hr>469b<br><font size=+1>


kyi gdung ba med par byed pa'i chos dang / yul 'khor skyong / mang du thos pa thob par byed pa byang chub sems dpa' rnams kyi gdung ba med par byed pa'i chos te/ yul 'khor skyong / bzhi po de dag ni/ byang chub sems dpa' rnams kyi gdung ba med par byed pa'i chos so/ /'di la 'di ni/ chos nyid yin te/ de la 'di skad ces bya'o/ / sangs rgyas tshul khrims dam pa 'di la 'dod byed cing / /tshul khrims dri med nor bu rin chen 'dra ba srung / /de dag nga ni khrims ldan legs sdom yin mi sems/ / tshul khrims de nyid la ni rtag tu sems can sbyor/ /de dag stong pa dgon par rtag tu gnas par byed/ /de dag bdag gi 'du shes srog gi 'du shes med/ /gzugs kun rtswa dang shing dang rtsig pa 'dra bar mthong / /'di la skyes pa bud med bdag gi med par mthong / /'phags rigs bzhi la dga' zhing g.yo med tshul 'chos med/ / bag yod de dag bsam pa thag pas rab tu sbyor/ /thos dang yon tan rnams la rtag tu brtson par byed/ /bde bar gshegs pa'i yon tan mthu chen don du gnyer/ / skye rga 'chi bas bcom zhing nad kyis gzir gyur pa/ /'gro ba mgon med srid pa'i btson ra 'dir bltas nas/ /zhi ba dam pa mchog gi chos kyi gru sbyar te/ /srid pa'i rgya </font><hr>470a<br><font size=+1>


@#/ /mtsho'i chu las skye bo sgrol bar byed/ /'dus byas gyur par 'jig rten 'khyams pas skyabs mgon dang / /dpung gnyer byed pa gzhan ni gang yang yod min gyi/ /bdag gis sems can 'di dag thams cad yongs dgrol zhes/ /de phyir byang chub mchog tu bdag gis smon lam gdab/ /yul 'khor skyong / byang chub sems dpas bzhi po 'di dag ni/ cang shes kyi 'gros su shes par bya ste/ bzhi gang zhe na/ bde 'gro thob ste/ de yang sangs rgyas 'byung ba dang phrad pa dang / bla ma la srid zhu byed de/ de yang zang zing med pa'i sems kyis bsten pa dang / bas mtha'i gnas mal la mngon par dga' ste/ de yang rnyed pa dang bkur sti la mi lta ba dang / spobs pa thob ste/ de yang zab mo la bzod pa dang ldan pa ste/ yul 'khor skyong / byang chub sems dpas chos bzhi po de dag ni/ cang shes kyi 'gros su shes par bya'o/ /'di la 'di ni/ chos nyid yin te/ de la 'di skad ces bya'o/ /brten pa nags dang sul na rtag tu gnas par byed/ /de dag rtag tu khor mor rnyed pa don gnyer min/ /chags med blo can rtag tu spobs dang ldan pa yin/ /zab mo'i chos la mkhas shing spros pa rnams </font><hr>470b<br><font size=+1>


dang bral/ /rtag tu khor mor bla ma rnams la sri zhu byed/ /de dag ji skad smras pa de bzhin de dag sbyor/ /bde gshegs dpag tu med pa mang po mnyes par byed/ /rgyal ba'i ye shes ched du mchod pa rgya chen byed/ /grags pa chen po rnams kyi 'gro ba gtso bor 'gyur/ /lha mi rnams kyi nang na spyi bor phyin pa yin/ /rdzogs pa'i byang chub lam la rtag tu sems can 'dzud/ /dge ba bcu po dag la'ang yang dag sbyor bar byed/ /sangs rgyas yon tan thos nas de dag dgar 'gyur te/ /de dag ring por mi thogs nga dang nye bar 'gyur/ / de dag byang chub rdul bral dam pa sangs rgyas nas/ /sems can khrag khrig sdug bsngal mtha' yas rnams las 'gro la/ /yul 'khor skyong / bzhi po 'di dag ni/ byang chub sems dpa' rnams kyi byang chub sems dpa'i spyod pa yongs su spyod pa'i chos te/ bzhi gang zhe na/ khong khro ba med pa'i sems byang chub sems dpa'i spyod pa dang / tshul 'chos pa dang / kha gsag dang / thob kyis 'jal ba yongs su spangs te dgon par gnas pa dang / bdog pa thams cad yongs su gtong zhing rnam par smin pa la re ba med pa dang / nyin mtshan du chos 'dod cing chos smra ba rnams la 'khrul ba mi tshol ba ste/ yul 'khor skyong / bzhi po de dag ni/ byang chub sems dpa' rnams kyi byang chub sems dpa'i spyod pa yongs su spyod pa'i chos </font><hr>471a<br><font size=+1>


@#/ /so| |de nas bcom ldan 'das kyis de'i tshe tshigs su bcad pa 'di dag bka' stsal to/ /bla na med pa'i byang chub 'dod pa na/ tha ba dri ma med cing khro sems med/ / de ni su la'ang skyon tshol byed ma yin/ /g.yo med tshul 'chos med cing spros sems med/ /khyim gyi blo gros yang mya ngan rtsa/ /skye bo ngan 'grogs tshul bzhin ring 'gyur ba/ /spangs te de la mi lta rab byung nas/ /thar pa 'dod pa ri khrod gnas par byed/ /dgon pa bas mtha'i rnam par bsten pas na/ /shes khe thob pa kun la mi rton zhing / /lus dang srog la'ang lta bar mi byed la/ /seng+ge lta bur gnas shing dgra las rgyal/ /byang chub lam phyir ye shes tshol ba na/ /ngan ngom tsam gyis chog par 'dzin byed cing / /rtag tu bya ltar gsog pa spangs nas ni| |'jig rten kun la gnas pa ma yin no/ /dper na bse ltar gcig pur gnas byed cing / /seng+ge lta bur 'jigs pa yod ma yin/ /ri dwags lta bur gsar 'jigs yid mi rton/ /de ni mchod pas khengs par 'gyur ba med/ /g.yang sar lhung ba'i 'gro ba 'di bltas nas/ /rab tu thar par bya phyir 'bad par byed/ /gal te bag yod dge ba'i chos spyod na/ / bdag kyang 'gro ba 'di yi dpung gnyen 'gyur/ /mi mchog spyod pa 'di dag 'dod pa na/ /'dzum pa'i bzhin gyis rab snyan tshig smra zhing / /sdug dang mi sdug rtag tu rnyog sems med/ / </font><hr>471b<br><font size=+1>


rlung dang 'dra bar chags pa med par gnas/ /stong pa nyid dang mtshan ma med la mos/ /'dus byas kun la sgyu ma ltar bur rtog/ yangs pa'i blo can zhi dang dul la dga'/ /de ni rtag tu bdud rtsi'i ro yis mgu/ /ci nas byang chub lam ni grub byed cing / /de ni rtag tu bsam pa yongs su sbyong / /gzungs dang spobs pa tshol bar byed pa na/ /yon tan 'dod pa sdug bsngal brgya dag bzod/ /byang chub sems dpa'i spyod pa 'di bltas nas/ /gang zhig don du gnyer de dgar 'gyur ro/ /gang zhig byang chub 'di la ma mos pa/ /blo chung de ni nyes pa brgya yang bskyed/ /yul 'khor skyong / bzhi po 'di dag ni/ byang chub sems dpa'i g.yang sa ste/ bzhi gang zhe na/ yul 'khor skyong / ma gus pa byang chub sems dpa' rnams kyi g.yang sa dang / yul 'khor skyong / byas pa mi gzo zhing g.yo la brten pa byang chub sems dpa' rnams kyi g.yang sa dang / yul 'khor skyong / rnyed pa dang bkur sti la chags pa byang chub sems dpa' rnams kyi g.yang sa dang / yul 'khor skyong / /tshul 'chos pa dang kha gsag gis rnyed pa dang bkur sti sgrub pa byang chub sems dpa' rnams kyi g.yang sa ste/ yul 'khor skyong / /bzhi po dag ni/ byang chub sems dpa' rnams kyi g.yang sa'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /'phags pa bla ma rnams dang pha ma la/ /de dag rtag tu gus pa med pa yin/ /de dag byas pa mi </font><hr>472a<br><font size=+1>


@#/ /gzo g.yon can te/ rtag tu kun tu ma bsdams spyod cing rmongs/ /rnyed la rtag tu chags shing zhen pa ste/ /de dag tshul 'chos pa dang g.yo sbyor dga'| |kha cig tshul khrims brtul zhugs ji ltas kyang / /'di na bdag dang mtshungs pa med ces smra/ /de dag phan tshun sdang bar sems pa ste/ /glags tshol ba la rtag tu brtson pa yin/ /de dag zhing gi las dang tshong la dga'/ /de dag dge sbyong yon tan shin tu ring / /phyi ma'i dus na 'di ltar ma bsdams pa'i/ /dge slong tshul khrims yon tan rab ring ba/ /de dag mtshang 'dru ba dang 'thab pa dang / /phrag dog dbang gis chos 'di nub par byed/ /byang chub lam las rtag par shin tu ring / /'phags pa'i nor las de dag shin tu ring / /'phags lam gya nom rnam par spangs nas ni/ /de dag 'gro pa lngar ni 'khyams par 'gyur/ /yul 'khor skyong / /bzhi po 'di dag ni/ byang chub sems dpa' rnams kyi byang chub la bgegs byed pa'i chos te/ bzhi gang zhe na/ yul 'khor skyong / le lo byang chub sems dpa' rnams kyi byang chub la bgegs byed pa'i chos dang / yul 'khor skyong / ma dad pa byang chub sems dpa' rnams kyi byang chub la bgegs byed pa'i chos dang / yul 'khor skyong / nga rgyal byang chub sems dpa' rnams </font><hr>472b<br><font size=+1>


kyi byang chub la bgegs byed pa'i chos dang / yul 'khor skyong / pha rol gyi mchod pa la phrag dog dang ser sna'i sems dang ldan pa byang chub sems dpa' rnams kyi byang chub la bgegs byed pa'i chos te/ yul 'khor skyong / bzhi po de dag ni/ byang chub sems dpa' rnams kyi byang chub la bgegs byed pa'i chos so/ /de nas bcom ldan 'das kyis de'i tshe tshigs su bcad pa 'di dag bka' stsal to/ /ma dad le lo rtag tu rmongs pa'i sems/ /de dag mngon pa'i nga can rtag tu khro/ /bzod ldan rtag brtson dge slong mthong nas ni/ /gtsug lag khang nas 'gro tshe dbyug pas brdeg /pha rol mchod phyir 'di ni phrag dog skye/ /de dag sems ni gnas pa yod ma yin/ /glags lta byed cing 'khrul pa tshol ba can/ /su la 'khrul yod gang la gleng bya snyam/ /de dag nga yi bstan pa 'di las ring / /de dag yon tan sdang zhing ngan song gzhol/ /de dag rgyal ba'i bstan pa bor nas ni/ /ngan song shin tu mi zad 'bar bar 'gro/ /de dag rnams kyi sdig pa'i spyod pa dang / /chos min ldan 'gro rab sdig 'dir thos nas/ / rtag tu 'khor mor byang chub lam la sbyor/ /ngan 'gror skyes shing gdung bar gyur ta re/ /sangs rgyas 'jig rten phan pa drang srong che/ /bskal pa bye mang brgya lam 'byung bar </font><hr>473a<br><font size=+1>


@#/ /'gyur| |de ltar dal ba dam pa rnyed pa la/ /gal te thar 'dod bag med spang bar gyis/ /yul 'khor skyong / gang zag bzhi po 'di dag ni/ byang chub sems dpas bsten par mi bya ba ste/ /bzhi gang zhe na/ yul 'khor skyong / byang chub sems dpas sdig pa'i bshes gnyen gyi gang zag bsten par mi bya ba dang / yul 'khor skyong / byang chub sems dpas dmigs par lta ba can gyi gang zag bsten par mi bya ba dang / yul 'khor skyong / byang chub sems dpas dam pa'i chos spang pa'i gang zag bsten par mi bya ba dang / yul 'khor skyong / byang chub sems dpas zang zing la brkam pa'i gang zag bsten par mi bya ba ste/ yul 'khor skyong / gang zag bzhi po 'di dag ni/ byang chub sems dpas bstan par mi bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /gang dag sdig pa'i bshes gnyen rnam spong zhing / /gang dag dge ba'i bshes gnyen sten byed pa/ /de dag rtag tu byang chub lam la 'phel/ /dper na mkha' la zla ba yar ngo bzhin| |dmigs par lta la rtag tu zhen pa dang / /bdag dang srog dang gso bar zhen pa dang / /de dag dug phyis bzhin du rtag tu spang / /gang dag sangs rgyas ye shes don mi </font><hr>473b<br><font size=+1>


gnyer ro| |gang dag mi mchog rnams kyi zhi ba'i chos/ /'dod chags bral ba'i bdud rtsi mthun spong ba/ /de dag dper na ngan skyug ji bzhin spang / /gang zhig byang chub dam pa 'tshang rgyar 'dod/ /zang zing dag dang chos gos ltung bzed chags/ /rtag tu khyim la 'dris par byed brtson pa/ /de dag rnams dang 'dres par mi bya ste/ /de dag me yi 'obs bzhin spang bar bya/ /gang zhig bdud ni gdul bar bya ba dang / /'khor lo dam pa bla med bskor ba dang / /de ltar sems can don yangs byed 'dod pa/ /des ni sdig pa'i bshes gnyen spang bar bya/ /gang zhig byang chub dam pa 'tshang rgyar 'dod/ /de yis rnyed dang sdug dang mi sdug dang / /grags dang mtshang 'dru phrag dog nga spangs te/ / sangs rgyas ye shes rtag tu btsal bar bya/ /yul 'khor skyong / bzhi po 'di dag ni/ byang chub sems dpa' rnams kyi sdug bsngal rnam par smin pa'i chos te/ /bzhi gang zhe na/ yul 'khor skyong / shes pas mngon par rlom sems su byed pa byang chub sems dpa' rnams kyi sdug bsngal rnam par smin pa'i chos dang / yul 'khor skyong / phrag dog dang ser sna dang ldan pa'i sems byang chub sems dpa' rnams kyi sdug bsngal rnam par smin pa'i chos dang / yul 'khor skyong / ma mos pa byang </font><hr>474a<br><font size=+1>


@#/ /chub sems dpa' rnams kyi sdug bsngal rnam par smin pa'i chos dang / yul 'khor skyong / yongs su ma dag pa'i shes pa dang / bzod pa'i longs spyod yongs su tshol ba byang chub sems dpa' rnams kyi sdug bsngal rnam par smin pa'i chos te/ yul 'khor skyong / bzhi po de dag ni/ byang chub sems dpa' rnams kyi sdug bsngal rnam par smin pa'i chos so/ /de nas bcom ldan 'das kyis de'i tshe tshigs su bcad pa 'di dag bka' stsal to/ /gang dag sa la chos ni 'dzin gyur cing // 'gro ba thams cad kyis kyang mchod 'gyur ba/ /de la mi shes pas ni brnyas byed na/ /des na de ni sdug bsngal mtha' yas rnyed/ /yang bas ni gang zhig longs spyod tshul/ / shes pa ma dag rtag tu 'dun cing 'dod/ /gang zhig rtag tu nga rgyal khengs gyur la/ /bla ma 'phags pa'i skye bo mi 'dud cing / /sangs rgyas la yang mos pa yod min la| |chos dang tshogs la de ni mos pa med/ /bslab dang sbyangs pa rnams la de mi mos/ /sdig pa'i blo can ngan song gsum phyogs pa/ /de ni mi nang 'di nas shi 'phos nas/ / las kyi dbang gis mi mkhas rnam par rmongs/ /dmyal ba'am 'on te dud 'gro'i skye gnas sam/ /yi dwags 'gro ba rnams su sdug bsngal rnyed/ /gang zhig 'jig rten </font><hr>474b<br><font size=+1>


sgron 'gyur blo ldan zhing / mi yi dpa' bo sdug bsngal mthar 'byin pa/ /de yis ngan song lam rnams rab spangs te/ /byang chub lam ni rtag tu bsten par bya// //bam po gnyis pa| |yul 'khor skyong / bzhi po 'di dag ni/ byang chub sems dpa' rnams kyi 'ching ba ste/ bzhi gang zhe na/ pha rol la brnyes pa byang chub sems dpa' rnams kyi 'ching ba dang / 'jig rten pa'i thabs kyis bsgom pa la sbyor ba dang / mtshan ma'i 'du shes byang chub sems dpa' rnams kyi 'ching ba dang / kun 'dzin pa'i sems dang ldan pa dang / ye shes dang bral ba dang / bag med pa la brten par byed pa byang chub sems dpa' rnams kyi 'ching ba dang / phyir 'brang ba'i sems kyis khyim la 'dris par byed pa byang chub sems dpa' rnams kyi 'ching ba ste/ yul 'khor skyong / bzhi po de dag ni/ byang chub sems dpa' rnams kyi 'ching ba'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /rtag tu gzhan dag la ni brnyas byed cing / /rtag tu 'jig rten pa yis bsam gtan sgom/ /ltar gyur 'di dag gis ni de bcings te/ /glang po lus ring 'dam du song ba bzhin/ /khyim la 'dris byed 'ching dang ldan pa dang / /gang zhig bag med rtag tu kun 'dzin sems/ /ye shes spangs </font><hr>475a<br><font size=+1>


@#/ /shing blo gros rmongs gyur pa/ /mi rigs spyod pa 'di dag rnams kyis bcings/ /gang zhig sdug bsngal 'jig pa 'di dag dang / /skye rga na 'chi la sogs las grol 'dod/ /brnyas par byed dang rlom sems bor nas ni/ /byang chub lam la rtag tu brtson par 'gyur/ /sdug bsngal mtha' yas ma lus bzod bya ste/ /bde ba kun la chags pa med gyur nas/ /sdug dang mi sdug gnyen pa ma lus btang / /brtan pa dag ni sdig bral sangs rgyas 'gyur/ /pha rol phyin drug sa dang yon tan dang / /stobs dang dbang po dag dang shes la sbyor/ /yon tan kun dang rtag tu ldan gyur nas/ /'gro ba'i dra ba grol ba'i sangs rgyas 'gyur/ / bskal pa bsam gyis mi khyab sngon spyad tshe/ /sems can phan phyir byang chub mchog don du/ /sbyin dang dul dang de la rtag tu spyad/ /gnyen pa spangs nas bde bar gnas par 'gyur| |bas mtha'i nags su rtag par nga dga' ste/ /byang chub ched du bsam pa rnam par sbyang / /brgya lam na yang brtson 'grus nyams ma gyur/ /skyes chen rnams kyi ye shes de 'dra'o/ /srid pa'i brtson rar 'gro ba lnga 'khyams pas/ /sems can 'khyams pa'i 'gro ba mthong nas ni/ /sngon chad 'dir ni snying rje rgya chen bskyed/ /'gro ba'i </font><hr>475b<br><font size=+1>


don du byang chub dam pa bsgrubs/ /bskal pa mang por byang chub mchog tshol zhing / /rang gi bu pho bu mo chung ma sdug /phangs pa'i srog dang shin tu 'byor pa dang / /grong khyer nor dang 'bru rnams mang po btang / /me tog 'bras bu chu 'byor nyams dga' ba'i/ /nags su thub pa nga ni bzod dgar gyur/ /sum mtshan rgyal pos lag pa rkang pa bcad/ /de tshe nga ni sdang ba'i yid ma gyur/ /nags dang sul na sngo bsangs zhes bya ba'i/ /thub pas bla ma rgos pa gso ba na/ /mi yi dbang pos sra ba'i mdas bsnan kyang / /yid ni yongs su gnod par sems ma gyur/ /legs par gsungs pa'i ched du g.yang sa nas/ /lus la ma bltas rab tu mchongs par gyur/ /nga ni byang chub mchog gi rgyu yi phyir/ /lus dang srog la bltas par ma gyur to/ /stag mo bu dang bcas pa'i srog gi phyir/ /lus btang nas ni stag mi tshim par byas/ /nam mkha' las ni lha yi tshogs rnams kyis/ /skyes chen brtson 'grus bstan pa legs zhes bsgrags/ /gang tshe sngon chad srid par spyod pa na/ /sbyin la rab dga' bram ze khye'ur gyur tshe/ /rin chen ched du rgya mtsho bskams nas ni| |nor bu rnyed nas sems can bde bar byas/ /rgyal bo zla nga'i bu zhes byar gyur te/ /brjod pa grags shing nga ni spyod pa'i tshe/ /nga yis bden pa'i tshul gyis rgyal po </font><hr>476a<br><font size=+1>


@#/ /brgya| |bsad par byas pa myur du thar par byas/ /dbul zhing sdug bsngal ba yi mi mthong nas/ /nga yis phangs pa'i lus ni btang byas te| |nga yis nor rnyed de ni phyug por byas/ /de tshe nga ni kun spyin rgyal por gyur/ /nga 'dir mi yi rgyal por gyur pa'i tshe/ /skyabs su 'ongs pa'i phug ron mthong nas ni| |rang gi lus las sha yang bcad byas te/ /rang lus ngas btang 'jigs pas phongs ma btang / /rgyal po ral pa can zhes sngon gyur tshe/ /sman pa mchog gis nga yi ched du ni/ /mtshungs med sman rnams ma lus sbyar ba yang / /srog btang nas ni de dag gzhan la byin/ /'gro ba'i don phyir sngon chad spyod pa na| |rgyal bu mche ba bzang zhes byar gyur tshe/ /chung ma ma dris khyo las mi 'phyo ba/ /bur bcas bu mo ma chags ma bltas btang / /gang tshe brtson 'grus 'bar zhes byar gyur tshe/ /nga sngon lo ni stong du tshang bar yang / /bya dka' brgyad cu rtsa bzhi bzod par byas/ /nor dang dpal yang sngon chad ngas btang ngo / /rgyal bu gzi brjid dri ma med gyur tshe/ /nga yis rgyal ba'i ring bsrel mchod rten bdun/ /mchog tu gus pas lus la me btang ste/ /stobs bcu mnga' ba rnams la </font><hr>476b<br><font size=+1>


mchod pa byas/ /nga ni rgyal po zla 'od gyur ba'i tshe/ /mi bzad mig can khros par gyur na ni/ /de yis nga yi mgo bo bslangs pa na/ /de tshe nga yis mgo bo bcad de byin| |nga ni bsod nams mnyam zhes byar gyur tshe/ /grong dang grong khyer dag dang lam srang sgo/ /thams cad du yang rgya cher sman gyi rnams/ /de dag sems can don phyir ngas bzhag go /srid pa rnams na spyod pa gang gi tshe/ /nga sngon rgyal po dge bar gyur pa na/ /bud med gzugs bzang gser dang mu tig gis/ /lus brgyan stong dag ngas ni btang ba byas/ /gang tshe nga sngon mi yi rgyal po ni/ /rin chen gtsug phud gyur tshe me tog dang / /spos mchog rnams dang gser gyis brgyan pa yi/ /cod pan dpal ldan dam pa ngas btang ngo / /nga sngon rgyal po mos ldan gyur pa'i tshe/ /shing bal 'dab ma 'jam pa lta bu dang / /pad+ma'i 'dab mnyen lta bur 'jam gzhon pa'i/ /lag ba rkang pa dag kyang ngas btang ngo / /ded dpon seng+ge 'dzin du gyur pa na/ /snying rje med cing mi bzad rab gtum pa/ /srin mo brgya dag shin tu tshar bcad nas/ /rgya shug gling du mi rnams bkod par gyur/ /gang tshe mig bzang zhes byar gyur pa na/ /byis pa 'dod dang ldan zhing yid rmongs pa/ /srin mo dag la na chung 'du shes pa/ /tshong pa </font><hr>477a<br><font size=+1>


@#/ /lnga brgya de dag thar par byas/ /gang tshe bsod nams 'od zer gyur pa na/ /lha yi bu mo lta bu'i gzugs ldan pa'i/ /bud med bye ba phrag bzhi spangs nas su/ /rgyal ba'i bstan pa la ni rab tu byung / /sems can don phyir nga ni spyod pa na/ /dri med dag pa'i gser gyi mdog can gyi/ /rgyal por gang tshe nga ni gyur pa na/ /sor mo dra bas 'brel ba rgya chen btang / /rgyal po ut+pal mig ces byar gyur tshe/ /pad+ma sngon po bzang po'i mdog 'dra'i mig /yid du 'ong zhing snying du sdug gyur pa/ /'gro ba'i don du nga yis btang ba byas/ /sman pa'i rgyal po skra 'drar gyur pa'i tshe/ /sdug dang bral bas nyen pa mthong nas ni/ /bud med cha byad gzugs dang blo nyams pa/ /ngas ni snying rjes yongs su thar par byas/ /sngon gyi srid par kun mthong gyur pa na/ /nad kyis btab pa nad pa'i mi mthong nas/ /nga yis rang gi khrag kyang byin gyur te/ /mi de ngas ni nad dang bral bar byas/ /rgyal po me tog bzang zhes bya gyur tshe/ /nga yis lus las rus pa phyung nas ni/ /nad kyis rid par gyur la rkang byin te/ /ngas ni nam yang sems can ma btang ngo / /rgyal po don grub ces byar sngon gyur tshe/ /rang gi mdzod rnams thams cad ngas btang zhing / /phangs shing yid </font><hr>477b<br><font size=+1>


du 'ong ba'i srog btang ste/ /phongs par gyur pa'i mi ni thar par byas/ /rgyal po phyogs kyi tog tu gyur pa'i tshe/ /byang chub 'dod nas 'gro ba'i don gyi phyir/ /'khor lo'i mtshan can pad+ma lta bu yi/ /lag pa phrugs kyang mi blta rab tu byin/ /rgyal po thams cad mthong du gyur pa'i tshe/ /snying rje ldan zhing 'gro don phan 'dod de/ /skyes pa bud med dag gis rgyas pa yi/ /gling bzhi pa yang ngas ni btang bar byas/ /rgyal po'i bu mo ye shes ldan gyur tshe/ /'jam zhing mnyen la dri med dkar ba'i brla/ /dga' zhing mgu ba'i yid kyis bcad nas ni/ /rang gi sha dang khrag kyang ngas byin no/ /bud med gzugs ldan zhes ni byar gyur tshe/ /bud med bkres skom nyam thag ngas mthong nas/ / gser ltar ser zhing shin tu gzhon pa yin/ /nu ma snying du sdug pa gnyi ga btang / /rgyal po dpal grags zhes byar gyur pa na/ /shin tu nyams dga' ba yi rgyan mchog dang / /rin chen du ma gos dang shing rta bzhin/ /gtang bar dka' ba rnam pa du ma dang / /rgyal po byas pa gzo bar gyur pa'i tshe/ /rgya mtsho las ni byas pa mi gzo bsgral/ / rin chen phyir ni de yis nga mig phyung / /'on kyang nga la khros pa'i sems med do/ /srog chags go d+har sngon srid gyur pa'i tshe/ /grog sbur dag ni 'chi bar gyur dogs </font><hr>478a<br><font size=+1>


@#/ /nas| |lus kyi dam pa ma bltas btang bar byas/ /de tshe nga yi sems ni g.yo ba med/ /spyad pa spyod tshe bya sreg gyur pa na/ /rgan la bsnyen bkur bya bar rtag dga' ste/ /nga ni rim gro gus la rab tu dga'/ /nga rgyal ldan pa ma yin khengs pa med/ /skyabs su 'ongs pa'i don phyir nga yis ni/ /snying rje bskyed pa byas nas lus btang ste/ /gdol pa mi yis mda' rnams bsnun kyang ni/ /spre'u gyur ngas ni mi de ma btang ngo / /rgyal po dbang du gyur tshe nga yis ni/ /glang po bla ma rgan dran lus bskams te/ /shin tu yid 'ong zas kyang ngas ma zos/ /de tshe glang po bdag nyid thar bar gyur// bgrod dka' gangs can ri la dred dbang gyur/ /nga yis zhag bdun bar du bsrungs pa'i mi/ /de yis gsod pa nga la btang byas kyang / /ngas ni de tshe khong khro byas pa med/ /kha ba kun da 'dra ba'i glang por gyur/ /byang chub mchod rten sangs rgyas yon tan tshol/ /dug dang bcas pa'i mda' yis bsnun kyang ni/ /mche ba dam pa byin gyi khros pa med/ /dum bu'i gling du nags tshal spyod yul ba/ /sreg pa'i phrug gu byams la gnas gyur tshe/ /mthong ba tsam gyis me de zhi gyur nas/ /lha tshogs dag gis me tog rnams kyang gtor/ /ri dwags gyur tshe gang+gA'i rlabs shugs kyis/ /khyer ba zhig ni nga yis bsgral byas pa/ /de yis gsod phyir nga gan khrid de 'ongs/ /'on kyang nga ni de la yid ma khros/ /rgya mtsho'i dbus su son te </font><hr>478b<br><font size=+1>


mgon med pa/ /tshong pa lnga brgya dag ni bsgral byas nas/ /bkres pa de dag rnams kyis bsad gyur tshe/ /rus sbal skye gnas gyur kyang byams dang ldan/ /nga ni byang chub spyad pa spyod pa na/ /sngon chad chu na rgyu ba'i nyar gyur tshe/ /sems can phan phyir nga yis lus btang ste/ /srog chags brgya stong dag gis zos par gyur/ /srog chags nges par gang tshe gyur pa na/ /nad brgyas gzir ba'i 'gro ba mthong nas ni/ /lus ni sman lta bur yang bsgyur byas te/ /sems can bde zhing nad kyang med par byas/ / ri dwags rgyal po seng+ger gyur pa'i tshe/ /mthu stobs ldan par gyur cing snying rje ldan/ /mda' yis bsnun kyang khros pa'i sems med de/ /de tshe gsod la nga yis byams pa byas| |dung dang ba mo lta bu'i rta rgyal du/ /nga sngon rgya mtsho'i dogs su gyur pa'i tshe/ /srin mo'i nang du song ba'i tshong pa rnams/ /nga yis snying brtse snying rje bskyed nas bsgral/ / 'gro ba'i don du byang chub spyad spyod tshe/ /'dab chags kun lar ni nga gyur tshe/ /'dod pa'i yon tan nyes pa mang spangs nas/ /bud med dbang du nga ni song ma gyur/ /gel ba'i nags gnas ri bong gyur pa'i tshe/ /legs spyad ri bong tshogs gyur de la bstan/ /thub pa gnas la gnas pa bkres phongs pa/ /de yi ched du ngas ni lus kyang </font><hr>479a<br><font size=+1>


@#/ /btang / /sdong po me tog 'bras rgyas ne tso'i tshe/ /sdong po bskams kyang ngas ni de ma btang / /de tshe brgya byin byas gzos sang mthong nas/ /sdong po de ni lo 'bras rgyas par byas/ /nga ni spra yi rgyal por gyur pa'i tshe/ /mi yi rgyal po klu yis yul bcom ste/ /spra yi tshogs la gnod pa byung mthong nas/ /rgyal po'i 'jigs las de dag ngas bton no/ /nga sngon ne tsor gyur te pha ma'i phyir/ /sA lu blangs tshe mi yis bzung nas ni/ /ne tso ci phyir nga yi sA lu len/ /lo tog smin 'di ma rungs byar sems sam/ /ne tso des smras bzang po gsan du gsol/ /bdag ni rku bas khyod kyi 'bras mi len/ /pha ma rgan rgon gnyis ni gso ba'i phyir/ /de la snying rjes bdag gis sA lu blangs/ /gang tshe thog ma sa bon 'dabs pa'i tshe/ /'gro ba kun la cha shas sbyin no zhes/ /de skad tshig smras de ni bdag thos te/ /des na bdag ni rku ba gzhar mi 'gyur/ /ne tso legs so sA lu ci dgar khyer/ /sri zhu 'di ni mi yi nang na dkon/ /khyod ni mi yin nga 'dir dud 'gro yin/ /legs so khyod ni dul zhing yang dag bsdams/ /byang chub rdul bral dam pa tshol ba na/ /sngon chad spyod pa de la sogs pa rnams/ /spyad pa'i tshe na dka' ba brgya la yang / /nga yi yid ni </font><hr>479b<br><font size=+1>


skyo bar gyur pa med/ /nang gi dag gam 'on te phyir yang rung / /nga yis dngos po ma btang gang yang med/ /tshul khrims bzod dang de bzhin brtson 'grus dang / /bsam gtan thabs dang shes rab ngas spyad do/ /sha dang pags pa de bzhin rkang dang khrag /de dag rang gi lus las sbyin pa byas/ /bas mtha' dag dang phug na rgyu ba'i tshe/ /ngas ni de tshe lus ni bskams bar byas/ /gang la sbyar na rgyal bar 'gyur ba yi/ /sbyangs pa gang dag rgyal bas bstan mdzad pa/ /sbyangs pa de la rtag tu rab brtson te/ /sngon spyad tshe na nga ni rtag tu 'jug /spyod pa'i tshe na nga yis gang bsten pa/ /brtul zhugs rgya chen de 'dra de dag dang / /spyod pa 'di thos nas ni de dag rnams/ /tshig gcig la yang 'dun par mi 'gyur ro/ /'di thos gyur nas de yi tshe na ni/ /bstan pa 'di nyid la ni 'phya bar 'gyur/ /de dag zas dang 'khrig pa lhur len cing / /rtag tu gnyid non khab ltar g.yo ngan 'gyur/ /rtag tu 'phags pa ma yin chos la sdang / /bstan pa sun 'byin byed cing yon tan nyams/ /zhi ba'i chos 'di thos par gyur pa na/ /'di ni rgyal bas gsungs pa min zhes 'dzer/ /nga yi slob dpon thos pa rgya mtshor gyur/ /mang du thos pa smra ba'i gtso bo yi/ /de yis 'di ni rnam pa ji ltar yang / /sangs rgyas bka' ma yin zhes dgag pa byas/ /pha rol las kyang rgan </font><hr>480a<br><font size=+1>


@#/ /par gyur de yi/ /bla ma de ni dpag med yon tan chung / /des kyang 'di ni blang ba ma byas kyi/ /'di lam 'jug pa 'di ni nor ba yin/ /gang la bdag yod ma yin srog med dang / /rnam pa cis kyang gang zag med bstan pa/ /tshul khrims sbyor dang sdom pa'i bya ba la/ /gang 'bad de yi ngal ba don med 'gyur/ / gal te rdeg pa chen po yod na ni/ /'di la bdag dang sems can shed skyes med/ /gang la bdag dang sems can mi dmigs pa/ /de la bdag gis ngal byas don med 'gyur/ /sdig pa'i blo dang mu stegs ngan mtshungs pas/ /rang gi blo yis rang bzo byed pa ste/ /dge slong 'khor gyi nang du rgyal ba ni/ /tshig 'di gsung bar nam yang mi 'gyur ro/ /ngo tsha khrel dang 'dzem dang bral ba dang / /khwa ltar spyi rtol che la rgod gtum zhing / /phrag dog nga rgyal rgyags pas tshig pa yi/ /dge slong dag ni nga yi bstan la 'byung / /lag pa dang ni rkang pa rdob byed cing / /chos gos gra rnams kyang ni dkyog par byed/ /chos gos thogs shing chang dang rgyags myos nas/ / grong dang khyim dag tu ni rnam par rgyu/ /de dag sangs rgyas rgyal mtshan thogs nas ni/ /khyim na gnas pa'i skye bo sten par byed/ /bstan pa yon tan phung po 'di spangs </font><hr>480b<br><font size=+1>


nas| |de dag rtag tu 'phrin yig 'khyer bar byed/ /de dag ba lang rta dang bong bu dang / /de dag phyugs dang bran mo bran pho bsrel/ /zhing gi las dang tshong gi sbyor pa la/ /brtson yid ldan zhing rtag tu 'phags ma yin/ /de dag 'phags min tshigs kyang mi smra med/ /bya ba ma yin pa yang gang yang med/ /de dag rnams la mchod rten nor dang ni/ /dge 'dun gyi dang gang zag nor dang mtshungs/ /dge slong yon tan 'byor pa mthong nas ni/ /de dag la yang mi snyan rjod byed de/ /tshul khrims 'chal pa slu ba zhugs nas ni/ /bud med 'jigs byed mi bzad rab ces brjod/ /rab tu byung ba de dag brkam pa ltar/ /khyim pa 'dod pas brkam pa de lta min/ /khyim pa mtshungs pa de dag chung ma dang / /bu dang bu mo dag kyang yod par 'gyur/ /gang gi khyim du de dag chos gos dang / /lus dang longs spyod dag gis bsnyen bkur bya/ /de yi chung ma la ni yongs chags shing / /nyon mongs dbang 'gro rtag tu 'phags pa min/ /'dod pa 'di dag bsten bya ma yin te/ /dud 'gro yi dwags dmyal bar lhung byed ces/ /de dag khyim pa rnams la rtag smra zhing / / de dag bdag nyid ma dul nyer zhi min/ /ji ltar de dag bdag nyid ma dul ba/ /de dag slob ma tshogs kyang rab ma dul/ /kha zas dag kyang 'khrig pa'i gtam rnams la/ /de </font><hr>481a<br><font size=+1>


@#/ /dag nyin dang mtshan du bgro bar byed/ /bstan pa'i phyir gyi yon tan phyir min te/ /de dag la ni de dag bsdu ba sbyin/ /'gro las rtag 'dir mchod pa thob snyam nas/ /rang gi slob ma'i tshogs kyis bdag kyang bskor/ /de dag skye bo rnams la smra ba ni/ /bdag gis snying rjes 'di dag sdud byed kyi/ /slob ma'i tshogs de dag las nam yang ni/ /rim gro don du gnyer ba med ces smra/ /de la nad kyis non dang mdze can mang / /lus la sha kra can dang gzugs mi sdug /rtag tu 'phags min mi dag kha cig kyang / /'ongs shing lhag pa rab tu 'byin par 'gyur/ /lung nod pa dang sdom pa rnam par nyams/ /de dag dge slong yon tan rtag mi brtson/ /de dag khyim pa ma yin dge slong min/ /de dag spangs pa dur khrod shing dang mtshungs/ /de dag so sor thar dang bslab pa dang / /'dul ba la yang gus par byed mi 'gyur/ /de dag rang nyams rang dbang 'gro ba ste/ /lcags kyo btang ba'i glang po'i dbang po 'dra/ /de dag nags su gnas par gyur kyang ni/ /sems ni grong du 'gro bar 'gyur ba ste/ / nyon mongs me yis rtag tu rab gdungs la/ /de dag sems kyang gnas pa med par 'gyur/ /de dag sangs rgyas yon tan thams cad dang / /bslab dang sbyangs dang thabs </font><hr>481b<br><font size=+1>


kyang brjed nas ni/ /rgyags dang nga rgyal grags pa yongs rgyas te/ /de dag mi zad mnar med lhung bar 'gyur/ /de dag rgyal po'i gtam la rtag dga' zhing / /kun po'i gtam brjod pa la'ang rtag tu dga'/ /nye du bsten la'ang rab tu dga' ba ste/ /de dag nyin dang mtshan du sems par byed/ /bsam gtan dang ni kha ton btang nas su/ /rtag tu gtsug lag khang gi las la brtson/ /gnas la bkram zhing khro gnyer 'byin par byed/ /de dag slob ma 'khor kyang ma dul ba/ /nga ni gtsug lag khang gi lag gi bla/ /bdag gi ched du 'di ni ngas byas te/ /dge slong gang dag nga yi rjes mthun pa/ /gtsug lag khang 'dir de dag gnas yod do/ /gang dag tshul khrims ldan zhing yon tan ldan/ / chos 'dzin skye bo'i don la mngon brtson la/ /dul zhing yang dag sdom la rtag brtson pa/ /de dag rnams ni sdug par mi byed do/ /'di ni nga yi gnas su bskos pa ste/ / 'di ni nga yi lhan gcig gnas pa yin/ /'di ni nga yi dga' bar byed pa yin/ /khyod kyi gnas ni gang yang med kyi song / /'di ni dge slong dag kyang mang bkod de/ /mal cha rnams kyang ma lus bgos zin la/ /'di na rnyed pa 'byung ba yod ma yin/ /'dir ni ci zhig spyod kyi dge slong song / /de dag la ni mal stan bgo bya ba/ /nam du'ang srid </font><hr>482a<br><font size=+1>


@#/ /par 'byung ba ma yin te/ /de dag khyim pa lta bur gsog 'gyur zhing / /'tshog chas rnams dang g.yog 'khor mang bar 'gyur/ /phyi ma'i dus na nga yi bu de dag /kun tu smad pa byas par gyur pa ni/ /de dag nga yi tshig ni dran 'gyur te/ /bas mtha' dag dang nags su de tshe gnas/ /kye hud rnyed pas zil non yon tan sdang / /dge slong mang po gang du byung gyur pa/ /rgyal ba dam pa yi ni bstan pa dag /ring por mi thogs par yang 'jig par 'gyur/ /phyi dus tshul khrims yon tan ldan pa dag /rtag par yongs su brnyas par 'gyur ba ste/ /de dag grong dang yul 'khor grong khyer rnams/ /spangs nas dgon pa nags su gnas par 'gyur/ / 'byed dang zur zer 'thab mo dga' ba dang / /yon tan nyams la rtag tu bsti stang byed/ /de dag skye ba'i ston par grags gyur te/ /de dag nga rgyal rgyags pas tshig par 'gyur/ /'dir ni nga yi bstan pa yon tan gter/ /yon tan kun gyi 'byung gnas mchog dga' ba/ /'di ni tshul khrims nyams dang phrag dog dang / /rgyags pa'i skyon rnams kyis ni 'jig par 'gyur/ /ji ltar rin chen 'byung gnas bsubs pa dang / /pad+ma'i rdzing bu yongs su bskams pa dang / /rin chen mchod sdong chag par </font><hr>482b<br><font size=+1>


gnas pa ltar/ /phyi ma'i dus na bstan pa 'jig par 'gyur/ /phyi ma'i dus kyi tshe na dam pa'i chos/ /rnam par 'jig 'gyur shin tu mi bzad tshe/ /dge slong dul pa ma yin de 'dra ba| |de dag nga yi bstan 'di 'jig pa yin/ /spyod pa 'di la brten par dga' ba rnams/ /de dag bzang 'gro ga la yod de ring / /'di nas shi 'phos yi dwags 'gro ba dang / dud 'gro'i 'gro dang sems can dmyal bar gnas/ /lo brgya du mar sdug bsngal mtha' yas pa/ /mi bzad drag po nyams su myong bar 'gyur/ /ci ste de yis mi yi lus rnyed kyang| |rtag tu sdug bsngal mya ngan ldan par 'gyur/ /sdig pa'i spyod pa 'di dag rtag bsten pa/ /long ba'am 'on pa'am zhar bar skye bar 'gyur/ /lus la rtag tu sha bkra 'byung bar 'gyur/ /'jigs pa'i gzugs can mthong na 'jigs par 'gyur/ /gang zhig ya nga'i spyod pa bsten pa ni/ /de dag su yang yid rton mi 'gyur te/ /de yi tshig la yid ches mi 'gyur zhing / /de ni rtag tu sma 'bab par yang 'gyur/ /de dag nad dang sdug bsngal brgya yis gdungs| /mtshon dang shing dang bong ba rnams kyis bsnun/ /bkres dang skom pa'i 'jigs pas yongs su gdungs/ /yang na de ni rtag par rab tu brnyas/ /sdug bsngal mtha' yas pa dag thos nas ni/ /nges pa rnams kyi sdig pa'i spyod bor la/ /lag </font><hr>483a<br><font size=+1>


@#/ /pa'i spyod la rtag tu brten par gyis/ /'di nas phyin chad 'gyod par gyur te re/ /gang zhig sangs rgyas tshogs dang 'phags tshogs dang / /bslab dang sbyangs pa'i chos la dga' gyur pa/ /gnyen dang rnyed dang grags brjod spang byos la/ /de ltar rtag tu mngon par brtson par gyis/ /'dus byas 'di ni sgyu ma lta bu dang / /'jig par 'gyur dang rmi lam lta bu dang / /sdug pa kun dang mi ring 'bral 'gyur zhing / /'di la rtag pa gang yang med rtogs la/ /pha rol phyin dang sa dang stobs rnams la/ /rtag tu rab tu sbyor zhing 'bad par gyis/ /ji srid byang chub mchog sangs ma rgyas pa/ /de srid brtson 'grus nam yang nyams mi bya/ /gleng gzhi'i le'u zhes bya ba ste/ dang po'o// // yul 'khor skyong / /byang chub sems dpa'i theg pa pa'i gang zag phal cher la skyon de dag 'byung bar 'gyur te/ mi brtson pa dag ni mi brtson pa dag la mchod par 'gyur/ g.yo dang ldan pa dag ni/ g.yo dang ldan pa dag la mchod par 'gyur/ mi shes pa dag ni/ mi shes pa dag la bsti stang byed par 'gyur/ zang zing la dga' bar 'gyur zhing / chags pa mang ba dang / khyim la ser sna byed pa dang / g.yo dang ldan pa dang / bya khwa ltar mu cor smra ba dang / tshul 'chos pa dang / </font><hr>483b<br><font size=+1>


nye du lhur len par 'gyur/ phan tshun bsngags pa smra bas rnyed pa sgrub par 'gyur/ rnyed pa yongs su btsal ba'i phyir de dag grong du 'jug gi /sems can yongs su smin par bya ba'i phyir ma yin/ sems can la snying brtse ba'i phyir ma yin par 'gyur/ de dag mi shes bzhin du ji ltar na bdag la pha rol gyis mang du thos pa dang / dge ba'i chos dang ldan par shes par 'gyur snyam du bdag shes pa dang ldan par khas 'che bar 'gyur/ ji ltar 'dir mi brtson pa de bzhin du zhe sa med par 'gyur/ snod chag pa bzhin du 'gyur/ gcig la gcig 'khrul pa tshol ba dang / sbyor ba nyams pa dang / mi shes pa dang / le lo can dang / phan tshun mi mthun pa'i chos 'gro ba skyed pas ye shes la mi rtog pa mang ba dang| rang dgar byed pa dang / shar gnyer ba dam pa dang / gnod sems kyis rgyas pa dang / rigs pa ma yin pa'i 'khor gyi skye bo dang 'gro ba byed pas bstan pa 'di la spyod par 'gyur| yongs su mi 'dri ba'i ngang tshul can dang / chos mnyan pa don du mi gnyer bar 'gyur/ mi rigs pa'i spyod pas dbul po'i khyim rnams su skye ba yongs su 'dzin par 'gyur| de dag dbul po'i khyim nas rab tu byung nas rnyed pa tsam gyis bstan pa 'di la dga' ba bskyed par 'gyur ro/ /de dag la nyes pa bshags pa yang med par 'gyur na/ </font><hr>484a<br><font size=+1>


@#/ /ye shes mngon par rtogs pa lta smos kyang ci dgos/ de dag gis sangs rgyas kyi yon tan rnams bor nas shes kyi khe dang rnyed pa tsam gyis bdag dge sbyong ngo / /zhes bdag nyid khas 'che bar 'gyur te/ yul 'khor skyong / nga ni/ gang zag de lta bu de dag la rjes su mthun pa'i bzod pa yang mi smra na/ sangs rgyas kyi ye shes lta ga la zhig /de dag la ni bde 'gro yang ring na/ byang chub lta smos kyang ci dgos/ yul 'khor skyong / gang zag de lta bu de dag la byang chub kyi bar chad byed pa'i chos brgyad yod par smra ste/ brgyad gang zhe na/ ngan song gsum du skye ba dang / mtha' 'khob pa'i mi'i nang du skye ba dang / dbul po'i khyim du skye ba dang / rigs dma' bar skye ba dang / mdog ngan cing rtogs pa zhan pa dang / sdig pa'i bshes gnyen dang phrad pa dang / nang mang ba dang / ya nga ba ma spangs pas 'chi ba'i dus byed par 'gyur ba ste/ yul 'khor skyong / chos brgyad po de dag ni/ byang chub kyi bar chad byed par brjod do/ /de ci'i phyir zhe na/ yul 'khor skyong / tshig gis khas 'che ba la nga byang chub ces mi smra'o/ /tshul 'chos pa la spyod pa yongs su dag pa zhes nga mi smra'o/ /g.yo byed pa la byang chub kyi spyod pa zhes nga mi smra'o/ /zang zing lhur </font><hr>484b<br><font size=+1>


len pa la sangs rgyas la mchod pa zhes nga mi smra'o/ /mngon pa'i nga rgyal can la shes rab yongs su dag pa zhes nga mi smra'o/ /shes rab 'chal pa la the tshom gcod pa zhes nga mi smra'o/ /ser sna can la bsam pa yongs su dag pa zhes nga mi smra'o/ /mi brtson pa mang ba la gzungs thob ces nga mi smra'o/ /yang dag pa'i yon tan ma yin pa yongs su tshol ba la bde 'gro thob ces nga mi smra'o/ /khyim la ser sna byed pa la lus yongs su dag pa zhes nga mi smra'o/ /spyod lam bcos ma can la sangs rgyas dang phrad pa zhes nga mi smra'o/ / khyim la chags pa la ngag yongs su dag pa zhes nga mi smra'o/ /ma gus pa la sems yongs su dag pa zhes nga mi smra'o/ /tshod mi shes pa la chos 'dod pa zhes nga mi smra'o/ /lus dang srog la lta ba dang bcas pa la chos yongs su tshol ba zhes nga mi smra'o/ /yul 'khor skyong / ji ltar skyes bu blun po de dag la smad pa ltar ston pa drug la de ltar nga mi smod do| |de ci'i phyir zhe na/ de dag ni/ gzhan du smra la gzhan du byed pa'o/ /lha dang bcas pa'i 'jig rten la slu ba'o/ /de nas bcom ldan 'das kyis de'i tshe tshigs su bcas pa 'di dag bka' stsal to/ /yang dag ma bsdams rgod cing khengs pa can/ /ma gus nga rgyal ldan zhing chags shas che/ /nyon mongs zil non tha ba nyon mongs bcas/ /de 'dra </font><hr>485a<br><font size=+1>


@#/ /dag la byang chub mchog rab ring / /chags bas zil gyis non na le lo 'phel/ /le los zil gyis non na dad pa nyams/ /dad pa nyams na tshul khrims rab tu nyams/ /tshul khrims 'chal bar gyur na bzang 'gro nyams/ /dbul por gyur pas rab tu byung gyur te/ /mchod pa rnyed nas dbul las grol par gyur| |de dag gser gyi khur ni bor nas su/ /gso ma'i khur ni len par byed dang mtshungs/ /rnyed pa don du gnyer bas dgon par 'gro/ /der song nas kyang gos dang nye du tshol/ /mngon shes rig dang spobs pa phun sum tshogs/ /bor nas de ni phyir yang nye du 'dzin/ /rmongs nas nga rgyal dbang gis ngan song sa/ /mi khom 'gro ba rnams dang dbul po dang / /dma' ba'i rigs su skye dang long ba dang / /mdog ngan pa dang mthu chung de dag 'dzin/ /de dag tshul dang spyod pa yongs nyams dngos/ /bag med rnyed nas dran pa rab tu nyams/ /g.yang sa chen po mi bzad lhung bar 'gyur/ /de nas bskal pa bye bar thar pa med/ /gal te 'dir ni 'thob pas byang chub na/ /de phyir lhas sbyin gyis kyang byang chub 'thob/ /rnam par 'thor rlung gis ni bya lhung ltar/ /chags pas kyang ni de ltar mi rigs so/ /bsod nams nyams shing gzhan gyi chung mar </font><hr>485b<br><font size=+1>


chags| |tshul khrims ma dag dge ba rnams las nyams/ /byang chub sems kyis ye shes gang ma thob/ /de dag bstan la mi dgos dur shing bzhin/ /byang chub don gnyer sangs rgyas chos tshol ba/ /dper na thar pa de bzhin mi gnas so/ /de ni rnyong gis spre'u la dam byas ltar/ /nga rgyal zil non byang chub de 'dra'o/ /byang chub don du gnyer bas chos tshig phyir/ /nga yi rang gi srog ni phangs pa'ang btang / /chos de btang nas brtson dang mi ldan pa/ /don med gyur nas bstan las lhung bar 'gyur/ /nga ni sngon chad legs par bshad don phyir/ /g.yang sa chen po me lce 'bar bar mchongs/ /de thos nas ni sdug dang mi sdug pa/ /thams cad rnam par spangs te nan tan gnas// bstan pa sna tshogs yon tan 'byor thos la/ /de dag nam yang 'dod pa mi skye na/ /chos min 'dod la byang chub ga la yod/ /dper na long ba lam sel med dang mtshungs// yul 'khor skyong / sngon byung ba 'das pa'i dus na bskal pa grangs med pa'i yang ches grangs med pa/ rgya che ba/ bsam gyis mi khyab pa/ mtshungs pa med pa/ dpag tu med pa| tshad med par gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs </font><hr>486a<br><font size=+1>


@#/ /pa| 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das don grub blo zhes bya ba 'jig rten du byung ngo / /yul 'khor skyong / de'i tshe de'i dus na rgyal po 'od zer ldan zhes bya ba zhig byung ngo / /yul 'khor skyong / rgyal po 'od zer ldan ni/ 'dzam bu'i gling dpag tshad khri drug stong la rgyal srid byed do/ /yul 'khor skyong / de'i tshe de'i dus na 'dzam bu'i gling de na grong khyer nyi khri dang khyim bye ba phrag stong yod do/ /yul 'khor skyong / rgyal po 'od zer ldan de rgyal po pho brang gang na gnas pa rgyal po 'od zer ldan de'i grong khyer rin po che snang ba zhes bya pa shar nub tu chur dpag tshad bcu gnyis yod pa/ lho byang du rgyar dpag tshad bdun yod pa/ rin po che sna bdun gyi phyir ra ba rim pa bdun dang / mig mang ris su bris pas mdzes par byas pa yod do/ /de'i tshe sems can rnams kyi tshe'i tshad ni/ lo bye ba phrag bcu thub par gyur to/ /yul 'khor skyong / rgyal po 'od zer ldan gyi bu bsod nams kyi 'od zer zhes bya ba gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig yod de/ de btsas ma thag tu rin </font><hr>486b<br><font size=+1>


po che sna bdun gyi gter stong byung bar gyur to/ /rgyal po'i khang bzang gi nang du yang rin po che sna bdun gter gyi mi bcu'i tshad tsam byung bar gyur te yul 'khor skyong / rgyal bu gzhon nu bsod nams kyi 'od zer de btsas ma thag tu 'dzam bu'i gling pa'i sems can thams cad yid rangs par gyur to/ /sems can gang dag brtson ra na 'khod pa de dag kyang brtson ra nas thar par gyur to/ /yul 'khor skyong / rgyal bu gzhon nu bsod nams kyi 'od zer des nyi ma bdun gyis 'jig rten pa'i sgyu rtsal ji snyed pa de dag thams cad rtogs par gyur to/ /yul 'khor skyong / de nas gnas gtsang ma'i ris kyi lha rnams kyis nam gyi gung gi dus la bab pa dang / rgyal bu gzhon nu bsod nams kyi 'od zer la gzhon nu/ khyod bag yod par gyis shig /mi rtag par so sor brtag pa la mkhas par gyis shig /gzhon nu/ mi rnams kyi srog ni/ chen po med pa ste/ tshe 'pho bar 'gro ba yin gyi/ 'jig rten pha rol la 'jigs par blta bar bya zhing las dang bya ba dang mi 'gal bar gyis shig /ces bskul te/ de'i tshe lha'i bu de dag gis tshigs su bcad pa 'di dag kyang smras so| |gzhon nu bag med par ni gyur ta re/ /bag med dbang du song bar gyur ta re/ /bde bar gshegs pas bag yod rab bstod cing / /bde gshegs rnams kyis bag med rnams </font><hr>487a<br><font size=+1>


@#/ /kyang smad/ /nges pa gang dag 'di na bag yod cing / /legs sdom dga' la ser sna byed pa dang / /sems can kun la snying rje byams yid ldan/ /de dag ring por mi thogs mi mchog 'gyur/ /bde bar gshegs pa gang dag 'das pa dang / /'di na da ltar dag dang gang ma byon/ /de dag thams cad dge ba rnams kyis 'phags bag yod lam nyid la yang shin tu gnas/ /bza' dang btung dang gos dang kha zas dang / /gser dang dngul dang nor bu mu tig dang / /bskal pa bye bar de dag rnams kyis btang| |byang chub dam pa 'di ni don du gnyer/ /rkang pa lag pa de bzhin rna ba sna/ /slong ba rnams la rab tu dgos byin na/ /byang chub yon tan kun gyis bsam rdzogs nas// de dag ring por mi thogs mi mchog 'gyur/ /rgyal srid bde dang sdug pa'i bud med dang / /nor rnams thams cad du yang rnam spangs te/ /'dus byas gang la blta dang sgyu ma 'dras| |'dod pa med par dgon par gnas par gyis/ /srog ni brtan pa med de rtag tu g.yo/ /'dzim pa'i bum pa lta bur 'jig pa can/ /brnyan ma 'dra zhing rtag tu ther zug min/ /gzhon nu 'di lta rtag med dge ma yin/ /ngan 'gror lhung ba'i tshe na 'di na ni/ /pha dang ma yang 'dzin par byed pa med/ /de yis dge dang mi dge gang byas </font><hr>487b<br><font size=+1>


ba| |de ni rtag tu phyi bzhin 'brang bar 'gyur/ /'dod pa'i rgyu yis bskal mang rgya mtshor ni/ /don med par yang gcig gis gcig bsad de/ /khyod kyis mi phan ma byas ci yang med/ / don med nyid du ngal ba bsten par gyur/ /da ltar khyod kyis 'gro phan byang chub zhi/ /mtshungs med go 'phang dam pa btsal ba'i phyir/ /rkang dang sha dang pags pa de bskams kyang / /da lta na yang khyod ni ngal ma sems/ /bde bar gshegs pa 'byung ba rnyed par dga'/ /zhi ba'i chos thos pa yang shin tu dka'/ /bsgrim pa byas te bdud kyi phyogs bsal na/ /sangs rgyas ye shes ring por mi thogs thob/ /bshes gnyen bzang la rtag tu yongs brten cing / /sdig pa'i bshes gnyen yongs su spang bar gyis/ /de dag rtag tu bzang lam khrid par byed// lam gol las kyang rtag tu zlog par byed/ /brtson 'grus shin tu brtan pa legs byos te/ /lus dang srog la 'dod pa rnams spangs nas/ /rdo rje lta bu snying gi bsam gtan par| |sangs rgyas lam 'di nyid la gnas par gyis/ /sngon gyi mi mchog dam pa 'od byed pa/ /kun kyang go 'phang dam pa bla med pa/ /tshol ba'i tshe na spyod yul dgon par dga'| |khyod kyang de dag spyod pa'i lam du phyogs/ /dgon par gnas la rtag tu dga' bar gyis/ /pha dang ma dang bu dang sdug pa'i gnyen/ /skye bo snying du sdug pa kun spongs </font><hr>488a<br><font size=+1>


@#/ /la| |lus dang srog la sred par ma byed par/ /bde gshegs ye shes rgya chen btsal bar gyis/ /yul 'khor skyong / de nas rgyal bu gzhon nu bsod nams kyi 'od zer gyis de nas bzung ste lo bcu'i bar du nam yang rmugs pa dang / gnyid kyis non par ma gyur/ nam yang rgod par ma gyur/ rtses par ma gyur| dga' ba byed par ma gyur/ yongs su spyad par ma gyur/ nam yang skyed mos tshal du ma song / nam yang grogs po mthong nas ngo mtshar du mi 'dzin/ nam yang glu la dga' bar ma gyur/ rgyal srid dang / nor dang / khyim dang / grong khyer rnams la 'dod pa bskyed par ma gyur te/ de ltar dngos po thams cad la mi lta bar gcig pur sems shing gnas par gyur to/ /nang du yang dag 'jog lhur len cing 'jig rten la snying po med pa dang / 'jig pa dang / dbugs 'byin pa med pa dang / mi sdug pa dang phrad pa dang / sdug pa dang bral ba dang / byis pa 'drid pa dang / 'khor ba la dga' ba ro bro ba med pa dang / rgyal srid kyi bde ba slu ba'i chos can dang / srid pa la mngon par dga' bas chog mi shes pa dang / so so'i skye bo nyid rtag tu mi mthun par rnam par sems shing / bdag ni/ byis pa'i skye bo mi brtson pa'i nang </font><hr>488b<br><font size=+1>


na gnas kyi/ bdag gis cang mi smra bas 'da' bar bya'o/ /snyam nas de phyogs gcig tu cang mi smra bar gyur te/ bag yod pa la sems shing sdug pa dang bral bar gcig bu gnas par gyur to/ /yul 'khor skyong / de nas rgyal po 'od zer ldan gyis gzhon nu'i longs spyod kyi phyir sa phyogs shig tu grong khyer dga' mchog ces bya ba byas te/ lho dang byang gi ngos su lam srang bdun brgya bdun brgya byas so/ /rin po che sna bdun gyi phyir dril bu g.yer ka'i dra bas bres pa/ mu tig gi dra ba dang / rin po che'i srog shing bla re dang ldan pa rim pa bdun gyis kun nas bskor to/ /lam srang thams cad kyi sgor yang rin po che'i srog shing stong btsugs so/ /rin po che'i srog shing thams cad kyang rin po che'i skud pa drug khris sbrel to/ /rin po che'i skud pa thams cad kyang phyogs bzhi nas shing ta la'i phreng ba bye bas sbrel to/ /de dag rlung gis bskyod de bskul na/ 'di lta ste/ dper na/ rol mo'i sil snyan brgya stong gi sgra snyan pa lta bu'i sgra 'byung ngo / /lam srang gi sgo thams cad na bu mo glu mkhas pa/ gar mkhas pa| dbang po dar la bab pa/ skye bo thams cad kyis spyad pa'i 'os su gyur pa lnga brgya lnga brgya bkod do/ /de dag thams cad la rgyal po 'od zer ldan gyis khyed nyin mtshan </font><hr>489a<br><font size=+1>


@#/ /du glu dang / gar dang / rol mo'i sgras gang dag phyogs bzhi nas lhags pa'i sems can rnams yang dag par dga' bar bya zhing / ci nas gzhon nu dga' bar bya ba'i sems bskyed par bya ba ma gtogs par gtam gzhan ma byed cig /sems can gang la yang yid du mi 'ong ba ma smra zhig /ces bsgo'o| |lam srang de dag thams cad kyi sgor yang bza' ba 'dod pa rnams la ni/ bza' ba/ btung ba 'dod par nams la ni/ btung ba/ bzhon pa 'dod pa rnams la ni/ bzhon pa nas gos dang / spos dang / phreng ba dang / byug pa dang / mal dang / rgyab rten dang / 'tsho ba'i yo byad rnams dang / gser dang / dngul dang / nor bu dang / mu tig dang / bai DUR+Ya dang / dung dang / man shel dang / byi ru dang / sa le sbram dang / dngul sil ma dang / glang po che dang / rta dang / shing rta dang / ba lang dang / nor dang / rgyan thams cad byin zhing / skye bo thams cad kyi yongs su spyad pa'i phyir rin po che'i phung po yang bzhag par gyur to/ /de'i tshe grong khyer gyi dbus su gzhon nu'i longs spyod kyi phyir khyim khor yug tu dpag tshad tsam yod pa/ rin po che na bdun mig mang ris su bris pa/ rta babs brgyas rab tu brgyan pa byas so/ /de'i nang du khang bzang zhig byas te/ der gzhon </font><hr>489b<br><font size=+1>


nu'i longs spyod kyi phyir mal bye ba phrag bzhi bshams so/ /de'i dbus su skyed mos tshal byas te me tog gi shing ljon pa thams cad dang / 'bras bu'i shing ljon pa thams cad dang| rin po che'i shing ljon pa thams cad kyis khyab par bkod do/ /yul 'khor skyong / skyed mos tshal de'i dbus su rin po che thams cad kyi rdzing rin po che sna bzhi'i them skas dang ldan pa byas pa 'di lta ste/ gser dang / dngul dang / bai DUR+Ya dang / shel lo/ /gang nas spos chu 'bab pa'i seng+ge'i kha brgya rtsa brgyad btsugs so/ /rdzing de'i seng+ge'i kha brgya rtsa brgyad po de nas kyang chu 'bab bo/ /me tog ut+pal dang / ku mu ta dang / pad+ma dkar po rnams rtag par rgyun du rgyas so/ /khor yug tu rin po che'i shing ljon pas yongs su bskor to/ /dus thams cad pa'i me tog dang / 'bras bu'i shing ljon pa rnams kyis kyang yongs su rgyas so/ /rdzing de'i 'gram du rin po che'i shing ljon pa brgyad brgyad bskyed de/ rin po che'i shing ljon pa thams cad kyang rin po che'i skud pa rnams kyis sprel cing thams cad du yang shing ta la'i phreng ba bye bas sbrel to/ /de dag kyang rlung gis bskyod cing rlung gis bsgul na/ 'di lta ste/ dper na/ rol mo'i sil snyan brgya stong blangs pa lta bu'i sgra 'byung ngo / /gzhon nu'i lus la sa dang rdul gyis reg tu 'ong ngo / /zhes rdzing de'i </font><hr>490a<br><font size=+1>


@#/ /steng rin po che'i dra bas bkab par gyur to/ /de'i tshe khang bzang der rin po che sna bdun gyi khri bye ba phrag bzhi bshams te/ khri thams cad kyi steng du yang ras bcos bu lnga brgya lnga brgya bting bar gyur to/ /gang du rgyal bu gzhon nu bsod nams kyi 'od zer 'dug par gyur pa'i khri rin po che sna bdun las byas pa 'phang du mi bdun tsam yod pa bshams pa dbus ma der ras bcos bu bye ba khrag brgyad cu rtsa bdun bting bar gyur to/ /khri thams cad kyi drung du yang pog por nas a ga rus bdugs shing / nyin lan gsum mtshan lan gsum du me tog 'grem par byed do/ /gser gyi lda ldi bres so/ /gser gyi pad+ma rab tu dpyangs so/ /mu tig dang nor bu'i dra bas bres so| |nor bu rin po che'i 'od kyis snang bar byas so/ /rin po che'i dra ba brgyad khri rab tu dpyangs so/ /rin po che'i shing ljon pa thams cad la yang ba dan brgya brgya dpyangs so// skyed mos tshal kun tu yang nor bu rin po che'i 'od dpag tshad tsam yod pa 'bum phrag dgu bcu rtsa dgu bzhag par gyur te/ de dag gi 'od kyis 'jig rten thams cad snang bar gyur to| |yul 'khor skyong / skyed mos tshal de na bya'i tshogs mi'i skad du smra ba ne tso dang / ri skegs dang / khrung khrung dang / khu byug dang / rma bya dang / ngang pa dang / ngur pa dang / </font><hr>490b<br><font size=+1>


kun la dang / ka la ping+ka dang / shang shang te'u rnams 'khod do/ /de dag skad 'byin cing sgra sgrog pa na dga' tshal gyi lha rnams rgyags par 'gyur pa lta bu'i sgra 'byung ngo / /gzhon nu'i longs spyod kyi phyir ro'i rnam pa thams cad phun sum tshogs pa ro rnam pa lnga brgya ba'i kha zas rnams rtag par rgyun du bshams par gyur to/ /de'i tshe gzhon nu lo bcu drug lon pa nyi shu lon pa'i shed dang ldan pa dag grong khyer thams cad nas bsdus nas grong khyer der btsud do/ /thams cad kyang bzo'i gnas dang / las kyi gnas kyi bya ba shes pa/ thams cad kyang 'jig rten pa'i dga' ba dang / 'tshog chas kyi bya ba shes pa bye ba phrag brgyad cu grong khyer der btsud par gyur to/ /pha ma gnyis kyis de la bu mo bye ba byin no/ /nye du'i tshogs kyis bye ba dang / grong rdal ba'i mis bye ba dang / rgyal po thams cad kyis bu mo bye ba byin par gyur te/ de dag thams cad gzugs bzang ba/ mdzes pa/ blta na sdug pa sha stag go /thams cad kyang na tshod lo bcu drug lon pa glu mkhas pa/ rol mo'i sgra mkhas pa/ gar mkhas pa/ rgod mkhas pa/ skyes bu'i gan du 'gro mkhas pa/ drang ba/ gzhon pa/ mnyen pa/ yan lag 'jam pa/ gsong por smra ba/ bzhin 'dzum pa/ tshul mkhas pa/ sgyu rtsal thams cad kyi bya </font><hr>491a<br><font size=+1>


@#/ /ba la mkhas pa/ ha cang yang mi ring ba/ ha cang yang mi thung ba/ ha cang yang mi skem pa/ ha cang yang mi sbom pa/ ha cang yang mi dkar ba/ ha cang yang mi sngo ba/ kha nas me tog ut+pa la'i bsung 'byung ba/ lus rnams las tsan+dan gyi dri 'byung ba/ lha'i bu mo ltar gsal ba/ shin tu yid du 'ong ba'i tshul dang ldan pa/ glu dbyangs len pa de dag gi nang na rgyal bu gzhon nu bsod nams kyi 'od zer gnas so/ /glu dbyangs dang rol mo'i sgra de la kye ma'o bdag dang mi mdza' ba'i tshogs chen po dang / bdag gi dge ba'i chos yongs su nyams par byed pa byung ste/ blta bar mi bya'o/ /snyam pa'i sems bskyed do/ /de de'i tshe 'di lta ste/ dper na/ gsad par bya ba'i mis gshed ma mthong na/ ngo mtshar gyi sems mi bskyed pa de bzhin du rgyal bu gzhon nu bsod nams kyi 'od zer yang bud med de dag mthong na/ ngo mtshar du mi 'dzin to/ /grong khyer de la yang grogs dang lhan gcig ngo mtshar du mi 'dzin to/ /lo bcu po de dag gi bar du bdag nam zhig na mi mdza' ba'i tshogs rnams pa 'di lta bu'i nang nas thar par 'gyur snyam pa dang / bdag nam zhig na bag yod pa'i spyad pa spyod cing des bdag thar par 'gyur zhig gu snyam pa de lta bu'i sems 'jug pa ma gtogs par nam yang gzugs </font><hr>491b<br><font size=+1>


kyi mtshan ma bzung bar ma gyur te/ de bzhin du sgra'i mtshan ma dang / dri'i mtshan ma dang / ro'i mtshan ma dang / reg gi mtshan ma bzung bar ma gyur to/ /de nas bu mo de dag gis rgyal po 'od zer ldan la lha/ gzhon nu ni/ mi rol to/ /dgyes par mi mdzad do/ /dgyes rgur mi spyod do/ /zhes smras so/ /bam po gsum pa ste/ tha ma/ yul 'khor skyong / de nas rgyal po 'od zer ldan rgyal po brgyad khri dang lhan cig tu rgyal bu gzhon nu bsod nams kyi 'od zer ga la ba der song ste phyin nas gdong las mchi ma 'dzag cing lus 'dar te mya ngan gyis sa la 'gyel to/ /de sa las langs nas rgyal bu gzhon nu bsod nams kyi 'od zer la tshigs su bcad de smras pa/ bu gcig rin chen dam pa nga la ltos shing smros// nga ni mya ngan gzir te khyim nang sa la 'gyel/ /su yis khyod mi dga' byas de myur nga la smros/ /de 'dir de'u re chad pa chen pos gcad par bya/ /khyed kyi ched du ngas 'dir yid kyis gang smras pa/ /lha yi khyim ltar nyams dga' grong khyer der ltos shig /'di la yan lag ma tshang ci yod de myur smros/ /brgya byin lta bu'i 'byor pa de ring khyod la bstan/ /pad+ma'i mig can mig mdzes mya ngan nyam thag pa/ /lha yi bu mo lta bu'i bud med tshogs smra ltos/ /mya ngan thul te de dag rnams dang de ring rtses/ /ci phyir zug </font><hr>492a<br><font size=+1>


@#/ /rngus zug bzhin lus dman sems shing 'dug /de dag rab dga' tshul mkhas dbyangs kyi yan lag snyan/ /glu dbyangs pheg rdob dus kyi rnam par nges pa shes/ /khyod dga' dus la deng bab mya ngan ma byed cig /pad+ma rnying pa lta bur ci phyir deng lus dman/ /me tog 'bras bu yal ga 'dab rgyas skyed mos tshal/ /sna tshogs stong bzhag lha yi sna tshogs shing rta 'dra/ /soms shig khyod kyi na tshod 'di ni thog ma yin/ /dga' ba'i dus la bab kyi deng 'dir bu dga' gyis| |khyod kyi khrus chen rdzing 'di lha rnams kyi yang 'dra/ /ut+pa la dang pad+ma dag gi tshal gyis gang / /pad+ma rnams kyang bung ba rgyags pa mchog gis brgyan/ /de la bu soms su zhig 'di la dga' mi byed/ /ngang pa rma bya ne tso khu byug ri skegs dang / /ka la ping+ka shang shang te'u dang kun la/ /yid 'ong sgra ldan gang nye spos ngad ldang 'dra ba| |thos nas mi gang 'di la dga' ba thob mi 'gyur/ /gzhal med khang dag mu tig dra ra bcas nor bu btsugs/ /gser dang bai DUR+Ya spras rnam rgyal khang pa 'dra| |rin chen khri mchog dam pa rnams kyang rab bting ba/ /gser dril g.yer ka ta la'i phreng ba sgra snyan pa/ /zab cing brtan pa mchog gi sil snyan sgra bsgrags </font><hr>492b<br><font size=+1>


pa| |khyod kyi ched du srang rnams su yang sbyin rgya che/ /bu mo stong dag glu mchog snyan pa'i sgra 'byin pa/ /dga' tshal lha yi bu mo rnams kyi 'dra ba sgrog /mtho ris 'dra ba'i gnas yid 'ong la ci yi phyir/ /rnam par g.yeng ba'i sems kyis 'di la dga' mi byed/ /gzhon nu khyod kyi rtsed grogs lta bu'i bu 'dra ba/ /bu mo de dag rnams dang lhan cig rtsed mo gyis/ /khyod kyi pha dang ma yang mchi mas brnangs shing 'dug /skye bo 'di la sdug bsngal snying rje med dam ci/ /'dus byas yid byung dor ba'i longs spyod don mi gnyer| |yon tan bsags pa srid pa'i skyon mthong des smras pa/ /'khor ba'i dra bar chud pa'i 'gro ba 'di bltas nas/ /thar pa don gnyer pha la smras pa yab gson cig / lha cig sus kyang bdag la mi dga' bgyis ma mchis/ /bdag ni de ltar 'dod pa'i yon tan mos ma lags/ /nyon mongs gang dag ngan 'gro'i g.yang sar lhung byed pa// sdug pa thams cad dgra dang mtshungs te rjes mi srung / /mi mkhas bus pa skye bo bud med de dag dga'/ /bdud kyi zhags pa yon tan 'ching ba g.yang sa che/ /rtag tu 'phags ba'i skye bos de dag de ltar smad/ /sems dmyal ngan 'gro mya ngan rtsa ba ci phyir bstan/ /bud med 'di dag pags pa'i gzugs kyis dga' ba tsam/ /bdag ni rus rgyus </font><hr>493a<br><font size=+1>


@#/ /'khrul 'khor mi gtsang don mi gnyer/ /khrag dang gcin dang mi gtsang ba dang dri ma 'dzag /gsal bar dur khrod 'dra la ji ltar dga' bar bgyi|| glu dang gar dang rol mo'i dbyangs sgra gzung mi bgyi/ /dga' ba rmi lam 'dra ba mi mkhas rmongs par bgyid/ /kun tu rtog pa sred gyur mi mkhas 'di brlag gi /ci phyir byis pa'i skye bo lta bur nyon mongs khol/ /shing lcug 'di dag thams cad dgun gyi dus byung na/ /dgon dung shing ltar 'gyur te dga' bar 'gyur ma lags/ /mi rtag 'di yis dpa' rnams thams cad bshig gyur te/ /srog g.yor gyur kyang gti mug gis ni bag med gyur/ /sems kyi rgya mtsho lta bur tshim par byed mi nus/ /srid par rab tu 'phel la dga' bas phyir zhing 'dod/ /'dod rgyus phan tshun gsod pa'i 'gro ba bltas nas su/ /'dir ni ji ltar lhun po rlung gis mi bskyod bzhin/ /rgyal po khyod dang pha dang lhan cig skyes pa dang / /gnyen gyi skye bo chung ma ngan song bdag skyabs min/ /bdag cag thams cad rtswa rtse'i zil pa 'dra ba ste/ sems kyi dbang du 'gro bar ma gyur bag yod mdzod/ /mi dbang dar la bab pa mi rtag cir mi rung / /srog kyang ri yi chu ltar myur 'gro cir mi rung / /'dus byas 'di zad glog sprin 'dra ste cir mi rung / /rgyal po mkhas la </font><hr>493b<br><font size=+1>


srid gsum 'dod la chags pa ngan/ /lha rnams kyis ni bdag la bag yod 'gyur gyis shig/ byang chub sems dpa' yul la chags pa min zhes bskul/ /'jig rten phan pa'i snying brtse sangs rgyas 'dir 'gyur bgyi/ /rgyal po bag med spyod la byang chub yod ma lags/ /rgyal po gang zhig 'dod pas g.yen spyo sems 'khol ba/ /de ni bsod nams chud za dga' zhing mtho ris ldog /'tshe ba shin tu rgyags pa nam yang spyad mi bgyi/ /skon par bcug pa'i bya ltar ji ltar dbugs phyin 'gyur/ /khams rnams sbrul dang 'dra zhing phung po gshed ma 'dra/ /zag dang bcas pa'i sems ni don med grong stong mtshungs/ /rgyal po 'di ni dug sdong me tog rgyas 'dra lus/ /chu bo rnams kyis bdas na bdag 'dir ji ltar dga'/ /rab tu gsal nas 'bar ba nam mkha' lta bu dang / 'gro ba ngan zhugs 'gro ba 'di la bdag bltas nas/ /rgyal po de ring 'dir ni de dag dgrol ba dang / /gnyid log sad par bgyi dang nad pa gso ba dang / /zug rngu rtsad nas gdon dang lam log bzlog pa'i phyir/ /bdag gis zhi ba'i chos kyi gru ni rab tu sbyar/ /stong chen du ni bcings pa rnam grol rab bsgrags nas/ /legs par bshad pas ring nas dbul ba tshim par bgyi/ /ngan 'gro'i lam du lhung ba dag kyang gdon par bgyi/ /long ba mig sbyin sred pa'i </font><hr>494a<br><font size=+1>


@#/ /'khri shing bskam par bgyi/ /rnam grol mchog phyir shes rab 'od zer mar me byas/ /de yis srid gsum gar la blta bar 'drar mthong 'gyur// byams dang snying brtses snying rje pha rol phyin pa'i sprin/ /sems can bde 'brug lha mthong glog gi phreng ba dang / /byang chub yan lag bde bsil char rgyun 'dra ba yis/ /'gro ba yun ring dus nas gdungs pa bsil bar bgyi/ /rgyal po bdag ni de dran gyur nas 'dir mchis te/ /bdag ni 'dus byas 'dod pa kun la smon ma mchis/ /byang chub don gnyer sems can ched du 'dir spyad bgyi/ gcig tu nges te bdag ni srid la dga' ma mchis/ /rgyal po 'di na shes bzhin su zhig dgra khrod gnas/ /blo dang ldan pa su zhig 'jigs bcas lam du 'gro/ /mi dang ldan pa su zhig 'di na g.yang sar ltung / /byang chub lam shes nas ni su zhig bag med 'gyur/ /'gro ba thams cad rgyun 'gro dag ni rgyun zlog pa/ /rgyal po tshig tsam gyis ni byang chub thob mi nus/ /lhun po'i rtse nas rgya mtsho'i nang du mchong spro yi/ /bdag 'dir 'dod pa rnams kyis yid dga' de lta min/ /rgyal po dam pa rang gnyer thabs cig myur du bzhud/ /yul 'khor dga' ba thams cad 'jig rten kun la stsol/ /gang bdag bsam pa </font><hr>494b<br><font size=+1>


ji bzhin blangs nas mchi bar 'gyur/ /yab bdag bag med rgyal srid bye ba 'tshal ma lags/ /bud med tshogs kyi nang du gnas pas byang chub dang / /grub bde zhi ba bla med gnas ni thob mi nus/ /dgon par dgyes pas rgyal bas byang chub brnyes pas na/ /bdag ni ri dang nags khrod mchis te gnas par bgyi/ /yul 'khor skyong / de nas rgyal bu gzhon nu bsod nams kyi 'od zer khang bzang gi nang na 'dug bzhin du yid byung ba dang ldan pa'i sems kyis bud med de dag dang lhan cig 'chag cing de spyod lam/ gsum gyis gnas so/ /gsum gang zhe na/ 'di lta ste/ 'greng ba dang / 'gro ba dang / 'dug pa ste/ rmugs pa dang / gnyid yongs su spangs so/ /khang pa'i steng du song ste sa brgyad la gnas nas de nam gyi gung la bab pa'i dus kyi tshe gnas gtsang ma'i ris kyi lha rnams sangs rgyas kyi bsngags pa rgya cher brjod cing bar snang la 'gro ba dang / chos dang / dge 'dun gyi bsngags pa rgya cher brjod cing 'gro ba thos so/ /thos nas kyang yul 'khor skyong / rgyal bu gzhon nu bsod nams kyi 'od zer spu zing zhes byed par gyur nas mchi ma zag cing skyo ba skyes te thal mo sbyar nas lha rnams la tshigs su bcad de smras pa/ lha rnams sdug bsngal bdag la thugs rje bskyed nas ni/ /gal te skyo mi mdzad na cung zhig zhu bar </font><hr>495a<br><font size=+1>


@#/ /bgyi| |su yi yon tan brjod cing bar snang 'di las bzhud/ /tshig de thos nas bdag 'dir yid ni bde bar gyur/ /yul 'khor skyong / /de nas lha de dag gis rgyal bu gzhon nu bsod nams kyi 'od zer la tshigs su bcad pas slar smras pa/ gzhon nu khyod kyis sangs rgyas thos par ma gyur tam/ /don grub blo zhes bya ste skyabs med rnams kyi skyabs/ /de bzhin spyod mkhas bsod nams shes rab yon tan mchog /de yi dge 'dun khrag khrig stong bcu bsam gtan pa/ /bsod nams 'od zer gyis smras pa/ bdag ni rgyal ba lta 'tshal de yi gzugs ci 'dra/ /de yi kha dog ci 'dra thams cad bka' stsol cig /ji ltar spyad na sems can kun mgon gcig gyur pa/ /byang chub spyod pa ci 'dra bdag ni yongs su 'dri/ /de nas lha de dag gis rgyal bu gzhon nu bsod nams kyi 'od zer la tshigs su bcad pas slar smras pa/ de yi gtsug tor ri yi rtse la gser mdzes bzhin/ /dbu skra 'jam zhing mdzes la g.yas su 'khyil pa ste/ /de yi mdzod spu mkha' la nyi ltar lham me ba/ /nor bu shel ltar rnam par dag cing g.yas su 'khyil/ /spyan dag bung ba'i tshogs dang ut+pal sngon po 'dra/ /mi dbang seng+ge'i 'gram pa rang byung bim pa'i sgros/ /sems can lhan cig 'od zer bye ba mtha' yas 'gyed// </font><hr>495b<br><font size=+1>


stong gsum rgyas par 'gengs shing ngan 'gro rnams kyang skem/ /de yi tshems ni rab dkar kha ba dngul ltar dag /bzhi bcu mnyam zhing thags bzang rmad byung legs par grub// rgyal ba dam pa mchog de'i tshems kyi mche ba bzhi/ /de yi ljags ni rab yangs rang gi zhal gdong khebs/ /rgyal ba de yi gsung ni ri mchog 'dra ba'i don/ /shin tu tshim byed 'brel cing gya gyu med pa ste/ /tshangs dbyangs shin tu snyan pa sil snyan stong 'dra ba/ /yid gnyis 'joms pa 'dod pa rnams ni tshim byed pa/ /rgyal ba'i gsung ni lha yi sgra skad tshim byed pa/ /yon tan sna tshogs tshang ba byang chub yan lag mthun/ /chos kyi phreng pa yid 'ong brgya stong rab brgyus pa/ /sil snyan dga' ba bsgrags pa lha klu nyams dga' ba| |mi ci ka la ping+ka khu byug ngur pa dang / /rma bya ngang pa sgra snyan ku na la yi sgra/ /tshangs pa'i sgra dbyangs mi ci dbyangs kyi yan lag 'dra/ /ma 'khrul sdig med don rnams thams cad rtogs byed pa/ /rmad byung shel ltar 'jam zhing mkhas pa'i yid 'ong ba/ /skul ba 'dul bar 'gyur ba spyod pa dgar 'gyur ba/ /gzhan gyi spyod dang mthun pa zhus na tshim byed pa/ /chos kyi dbang phyug de yi gsung gi yon tan 'di/ /ston pa'i mgul mdzes dung dang 'dra zhing dpung mgo zlum/ /dbyug pa lta bur phyag ring de yi bdun </font><hr>496a<br><font size=+1>


@#/ /yang mtho/ /phyag mdzes sna tshogs sor mo rnams ni ring zhing zlum/ /rgyal ba de yi sku ni btso ma gser gyi mdog /ba spu g.yas su 'khyil cing gyen du re re skyes/ /lte ba mtha' dag zab cing gsang sbubs rta yi 'dra/ /rang byung e na ya yi byin pa glang po'i sna 'dra'i brla/ /zhabs mthil mdzes par bris pa bkra shis 'khor lo'i mtshan/ /glang po'i dbang po'i 'gros thabs seng+ge'i rtsal gyi stobs/ /khyu mchog 'gying pa'i stabs can dbang po'i mchod stong rgyas/ /mkha' las me tog char 'bab me tog gdugs su gyur/ /gshegs pa'i rjes 'gro 'di dag de yi rmad byung chos/ /rgyal ba rnyed dang ma rnyed bde dang sdug bsngal dang / /grags dang ma grags de bzhin bstod dang smad pa yis/ /pad+ma chus ltar thams cad du yang gos pa med/ /mi yi seng+ge de 'dra mtshungs pa'i sems can med/ /yul 'khor skyong / de nas rgyal bu gzhon nu bsod nams kyi 'od zer gyis sangs rgyas kyi bsngags pa thos shing / chos dang / dge 'dun gyi bsngags pa thos nas tshim zhing mgu la yid rangs shing rab tu dga' ste| dga' ba dang / bde ba skyes par gyur to/ /yul 'khor skyong / de nas rgyal bu gzhon nu bsod nams kyi 'od zer 'di snyam du sems te/ sangs rgyas bcom ldan 'das de ci </font><hr>496b<br><font size=+1>


'dra ba dang / de'i dge 'dun phun sum tshogs pa ci 'dra ba dang / des mngon sum du byas pa'i chos ci 'dra ba dang / de'i slob ma phun sum tshogs pa ci 'dra ba dang / ji ltar 'khor ba ya nga ba dang phrad pa dang / byas pa mi gzo ba dang / ji ltar 'khor ba na byis pa so so'i skye bo dag byas pa mi gzo ba dang / ji ltar 'jig tshogs la lta ba ya nga ba dang / ji ltar khyim gyi gnas nyes dmigs mang ba dang / ji ltar 'dod pa dag nyes pa mang ba dang / ji ltar mkhas pa rnams kyis bag med pa smod pa dang / ji ltar ma rig pa'i mun nag rmongs pa dang / ji ltar 'du byed rnams rtogs par dka' ba dang / ji ltar sems gdul bar dka' ba dang / ji ltar ming dang gzugs zab pa dang / ji ltar skye mched drug dbugs 'byin pa med pa dang / ji ltar reg pa yongs su ma shes te sdug bsngal rnam par smin pa dang / ji ltar tshor ba nyes dmigs mang ba dang / ji ltar sred pa'i 'ching ba dam pa dang / ji ltar nye bar len pa las 'byung bar dka' ba dang / ji ltar srid pa'i sred pa 'phags pa ma yin pa dang / ji ltar srid pa yod na skye ba rgyun gcad dka' ba dang / ji ltar rga ba rnam par 'gyur bar byed pa dang / ji ltar nad kyis rnam par 'jig par byed pa dang / ji ltar 'chi ba rjes su mi srung ba dang / ji ltar 'jug pa ro bro ba chung ba dang / ji ltar srid pa mngon par 'grub </font><hr>497a<br><font size=+1>


@#/ /pa nyes dmigs mang ba dang / ji ltar de bzhin gshegs pa'i bstan pa nyams dga' ba ltar 'di mi nus te/ 'dod pa'i khol po nyon mongs pa'i rmongs pa/ sems tha ba can bag med pa la dga' ba/ byis pa'i nang na 'dug pa/ tshul bzhin ma yin pa'i sems dang ldan pa/ 'khor ba la chags pa'i sems dang ldan pa/ skye bo ma rungs pa'i nang na 'dug pa ni/ bde 'gro'i lam yang rnam par spyad par mi nus na/ bla na med pa yang dag par rdzogs pa'i byang chub mngon par rdzogs par sangs rgyas par lta ga la 'gyur snyam mo/ /de yang 'di snyam du sems te/ bdag sgo nas byung na ni/ nye du'i tshogs kyi bar chad byas su 'ong gi /bdag khang steng 'di nas thur du mchong ngo / /snyam mo/ /yul 'khor skyong / de nas rgyal bu gzhon nu bsod nams kyi 'od zer bcom ldan 'das de bzhin gshegs pa don grub blo de ga la ba de logs su phyogs te/ khang pa de nas mchongs nas tshig 'di skad du gal te de bzhin gshegs pa de thams cad mkhyen cing thams cad gzigs she na/ de bzhin gshegs pa de bdag la dgongs su gsol zhes kyang smras so/ /yul 'khor skyong / de nas de bzhin gshegs pa dgra bcom pa yang dag par rdzogs pa'i sangs rgyas don grub </font><hr>497b<br><font size=+1>


blos phyag g.yas pa brkyangs te/ 'od phyung nas 'od des rgyal bu gzhon nu bsod nams kyi 'od zer la reg go /'od de las kyang pad+ma 'dab ma brgya stong yod pa shing rta'i 'phang lo tsam byung bar gyur to/ /pad+ma de las kyang 'od zer brgya stong byung ste snang ba chen por gyur nas snang ba des rgyal bu gzhon nu bsod nams kyi 'od zer khyab par gyur to/ /yul 'khor skyong / de nas rgyal bu gzhon nu bsod nams kyi 'od zer pad+ma de la 'dug nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas don grub blo de ga la ba de logs su thal mo sbyar ba btud de sangs rgyas la phyag 'tshal lo/ /zhes lan gsum ched du brjod pa ched du brjod do/ /yul 'khor skyong / de nas de bzhin gshegs pa don grub blo des 'od de brtul ba dang / gzhon nu de sdong bu bcad pa sgyel ba bzhin du de bzhin gshegs pa'i zhabs kyi drung du babs te/ de bzhin gshegs pa de la lan brgya stong du phyag 'tshal lo/ /yul 'khor skyong / de nas rgyal bu gzhon nu bsod nams kyi 'od zer gyis bcom ldan 'das de bzhin gshegs pa don grub blo la tshigs su bcad de gsol pa/ /bdag ni ring nas na ste ring nas ldongs/ /chegs \?\ chen sman pa'i rgyal po khyod rnyed do/ /ji ltar bde gshegs bstan la gnas nas ni/ /bdag </font><hr>498a<br><font size=+1>


@#/ /gis thob 'gyur mgon po bstan du gsol/ /'dren pa bdag gis bag mchis thos pa ni/ /mtshan mo bar snang lha las thos lags te/ /thos nas skyo ste bdag ni 'dir mchis na/ /mi rnams bag mchis 'gyur ba ji lta bu/ /lam mnyam pa la de ring ston gyur cig /ldongs par gyur pa'i mig tu deng gyur cig /dad pa'i 'byung gnas gso mdzad thugs rje ldan/ /g.yang sa chen po 'di las bdag phyung zhing / /dbul por gyur pa bdag ni bsdu bar mdzod/ /mgon po bcings pa bdag ni deng grol mdzod| |som nyi bcas pa'i yid gnyis gcad du gsol/ /byang chub lam la spyod pa bdag lung ston/ /chus khyer bdag la 'gram ni bstan du gsol/ /mun pa bdag la sgron ma mdzad du gsol/ /rmar gyur bdag la rma med mdzad du gsol/ /sman pa'i rgyal po bdag gi zug rngu phyung / /khyod kyis ngan 'gro dag las bdag thar mdzod/ /srid par dmigs pa 'dzin pa gcad du gsol/ /yan lag brgyad pa'i lam gyi lam chen gyis/ /mya ngan chu chen pha rol bsgral du gsol/ /srog ni zad pa'i chos can tshe yang thung / /dge ba bar chad mang po 'byung ba ste| |bsod nams rnam smin ring por mi thogs 'grub/ /bdag gis dal ba gdod rnyed gcig nges gsungs/ /byang chub sems dpa' ji ltar bag mchis 'gyur/ /ji ltar byang chub </font><hr>498b<br><font size=+1>


spyod pa mchog spyad na/ /'gro ba srid pa'i 'ching las thar 'gyur ba/ /'jig rten mgon po de dag bdag lung ston/ yul 'khor skyong / de nas de bzhin gshegs pa don grub blos rgyal bu gzhon nu bsod nams kyi 'od zer gyi lhag pa'i bsam pa mkhyen nas byang chub sems dpa'i spyod pa rgya cher yang dag par bstan no/ /rgyal bu gzhon nu bsod nams kyi 'od zer gyis de thos nas rnam par thar pa zhes bya ba'i gzungs thob bo/ /mngon par shes pa lnga yang thob ste/ de nam mkha' la gnas nas me tog rnams mngon par sprul te/ de bzhin gshegs pa de la gtor/ mngon par gtor to/ /yul 'khor skyong / de nas rgyal po gzhon nu bsod nams kyi 'od zer bar snang de las babs te bcom ldan 'das de bzhin gshegs pa don grub blo de la tshigs su bcad de mngon par bstod pa/ mtshan mchog ldan pa dri med zla ba'i zhal/ /gser mdog 'dra ba khyod la phyag 'tshal lo/ /rdul bral khyod 'dra srid pa gsum ma mchis/ /mnyam med mkhyen chen khyod la phyag 'tshal lo/ /rgyal ba'i dbu skra 'jam mdzes snum zhing bzang / /khyod kyi gtsug tor 'di ni ri rgyal bzhin/ / gtsug tor mi mthong khyod dang mtshungs ma mchis/ /thub pa khyod ni smin mtshams mdzod spu mdzes/ /kun da zla ba kha ba dung ltar dkar/ /thugs rje gang gis 'gro ba 'di </font><hr>499a<br><font size=+1>


@#/ /gzigs pa/ /spyan mchog bzang po ut+pal sngon po 'dra/ /rgyal ba dri med spyan la phyag 'tshal lo/ /ljags yangs srab la zangs kyi mdog 'dra ba/ /de yis rang gi zhal gyi gdong yang khebs/ /chos gsung bas ni 'gro ba 'dul bar bgyid/ /'jam snum gsung ldan khyod la phyag 'tshal lo/ /tshems bzang shin tu brtan pa rdo rje dang / /bcu dang sum cu snyoms shing thags bzang ba/ /'dzum pa mdzad nas 'gro ba 'dul bar bgyid/ /bden gtam snyan pa khyod la phyag 'tshal lo| |rgyal ba khyod kyi gzugs dang mtshungs ma mchis/ /'od kyis zhing brgya dag kyang snang bar bgyid/ /'jig rten na ni tshangs dbang skyong de dag /bcom ldan khyod kyi 'od kyis zil du rlag /e na'i byin pa mnyam med bcom ldan 'das/ /glang po'i rgyal po rma bya seng+ge'i stabs/ /bcom ldan gnya' shing gang du gzigs shing gshegs/ /sa dang ri dang dam pa g.yo bar mdzad/ /bcom ldan khyod sku mtshan gyis brgyan pa ste/ /khyod kyi pags pa 'jam zhing gser mdog 'dra/ /'gro ba gzugs 'di blta bas ngoms mi 'gyur/ /khyod ni mtshungs pa ma mchis gzugs dang ldan/ /khyod sngon bskal pa brgyar ni dka' thub spyad/ /khyod gtong dul dang sbyin pa kun la dgyes/ /sems can </font><hr>499b<br><font size=+1>


kun la thugs rje byams thugs ldan/ /mchog tu thugs rje can la phyag 'tshal lo/ /khyod ni sbyin dang tshul khrims rtag tu dgyes/ /khyod ni bzod dang brtson 'grus dgyes rab brtan/ / khyod ni bsam gtan shes rab 'od gzi mnga'/ /mtshungs med ye shes mnga' la phyag 'tshal lo/ /khyod ni smra ba ngan pa'i tshogs can 'joms/ /khyod ni seng+ge lta bur 'khor du sgrog /khyod ni sman pa'i rgyal po dri gsum sel/ /mchog tu dga' mdzad khyod la phyag 'tshal lo/ /thub pa sku gsung thugs ni rnam par dag /pad+ma chu ltar srid pa gsum mi gos/ /khyod ni tshangs dbyangs ka la ping+ka'i skad/ /srid gsum pha rol gshegs la phyag 'tshal lo/ /khyod kyis 'gro 'di sgyu ma lta bu dang / /gar la lta dang rmi lam 'dra ba dang / /bdag med sems can med cing srog 'gro med/ /chos rnams smig rgyu chu zla 'dra bar mkhyen/ /stong pa zhi ba skye ba med pa'i tshul/ /mi shes pas ni 'gro ba 'khyams gyur to/ /thugs rje thabs tshul rigs pa brgya dag gis/ /de dag rnams ni 'dzud par mdzad pa lags/ /'dod chags la sogs nad mang brgya dag gis/ /skrag par gyur pa'i 'gro la rtag gzigs te/ /bder gshegs sems can brgya dag yongs 'grel cing / /bla med sman pa lta bur rnam par rgyu/ /skye dang rga dang 'chi dang mya ngan non/ /sdug dang bral dang smre sngags 'don pa brgyas/ /rtag tu na ba'i sdug </font><hr>500a<br><font size=+1>


@#/ /bsngal gzigs pas ni/ /thub pa thugs rjes yongs su 'grel cing rgyu/ /dud 'gro yid dwags dmyal ba'i 'gro rnams su/ /'gro kun shing rta'i 'phang lo bzhin du 'khor/ /glen pa dmigs bu ma mchis mgon ma mchis/ /de la lam gyi dam pa ston par mdzad/ /gtso bo mtshungs pa med pas gang bstan pa/ / 'phags lam de nyid gang dag sngon chad kyi/ /chos kyi dbang phyug 'gro ba'i don mdzad pa/ /rgyal ba de dag rnams kyis rab tu gsungs/ /'jam zhing mnyen la yid du 'ong ba'i mchog /tshangs las lhag par mchog tu dga' bgyid pa/ /dri za mi ci lha yi bu mo mchog /sgra de zil gyis mnan nas gsungs pa mdzad/ /bden dang drang ba mi zad thabs tshul gyis/ /yongs sbyangs yon tan mtha' yas ldan pa'i gsung / /de thos sems can khrag khrig phrag brgya dag /theg pa gsum gyis zhi bar mchi bar bgyid/ /khyod la mchod pas lha yi bde ba ni/ /rnam pa mang dang de bzhin mi yi thob/ /mi yi bdag po 'gro la phan bgyid pa/ /phyug cing nor che 'byor pa chen por 'gyur/ /mtshungs med khyod la dad pa bskyed pa ni/ /gling bzhi'i bdag po 'khor los bsgyur ba mchog /'gro la dge ba bcu po kun byed pa/ /rin chen rab bzang bdun ldan thob par 'gyur/ /rgyal </font><hr>500b<br><font size=+1>


ba khyod la mchod pa bgyis pas ni/ /tshangs pa brgya byin 'jig rten bdag po dang / /yongs su dga' ldan lha yi bdag po dang / /gzhan 'phrul ba dang 'thab bral rab dgar 'gyur// 'gro ba'i sdug bsngal rnam mang sel mdzad pa/ /mnyam med khyod la mchod dang mthong ba dang / /thos pa'ang de ltar 'bras bu mchis lags te/ /gnas mchog rga shi med pa 'thob par 'gyur/ /bcom ldan lam la mkhas shing lam mkhyen pa/ /'jig rten 'di ni ngan pa'i lam las bzlog /bcom ldan 'gro ba dag ni 'phags pa'i lam/ / bde ba zhi ba rdul dang bral la 'god/ /bsod nams gter khyod bsod nams don gnyer ba'i/ /bsod nams bgyid pa rtag tu mi bas te/ /byang chub dam pa ma thob bar du ni| |bskal pa bye ba mang po bas mi 'gyur/ /gzhan 'phrul 'dra ba rtag tu dga' bgyid pa/ /yongs su dag cing mdzes pa thob par 'gyur/ /dam pa'i zhing du lus dang ngag yid kyis| |sems can dag ni rnam par dag par 'gyur/ /rgyal ba mchod pa'i mi yis 'di la sogs/ /yon tan rnam pa du ma thob par 'gyur/ /mtho ris thar pa mi yi bde ba dang / /'gro ba kun gyi bsod nams gter thob 'gyur/ /khyod kyi brjod dang grags pa rgya chen po/ /phyogs rnams kun gyi zhing mang brgyar yang mchis/ /rgyal ba khyod kyi bsngags </font><hr>501a<br><font size=+1>


@#/ /pa'i phreng ba ni/ /bde bar gshegs rnams 'khor du rtag par sgrog /rims nad bral zhing 'gro ba thar mdzad pa/ /mthong na dga' ba thugs rje mchog ldan pa/ /bcom ldan dbang po zhi ba zhi bgyid pa/ /mi mchog dam pa khyod la phyag 'tshal lo/ /bdag gis rgyal ba khyod kyi gsung thos nas/ /mngon par shes pa lnga thob mkha' la gnas/ /dpa' bo bde gshegs mtshungs par bdag gyur te/ /dri med chos ni 'gro la rnam par 'byed/ /lha dang mi dang klus mchod bde bar gshegs/ /yon tan kun gyi mthar phyin deng bstod pas/ /bsod nams rgya chen gang bsgrubs gyur pa des/ /'gro ba sangs rgyas go 'phang thob par shog /yul 'khor skyong / de nas mtshan mo de'i nam nangs pa dang / rgyal po 'od zer ldan gyis gzhon nu'i bud med kyi khor du ba'i sgra thos so/ /thos nas kyang myur ba myur bar rings pa'i gzugs kyis grong khyer dga' mchog ga la ba der song ste phyin nas 'di skad ces smras so/ /khyod ci'i phyir ngu / de dag gis smras pa/ rgyal bu gzhon nu bsod nams kyi 'od zer mi gda' ba'i slad du'o/ /yul 'khor skyong / de nas rgyal po 'od zer ldan gzhon nu'i phyir shing bcad pa bsgyel ba ltar sa la 'gyel te langs nas ngu </font><hr>501b<br><font size=+1>


zhing grong khyer der lan stong du yongs su btsal lo/ /yul 'khor skyong / de nas grong khyer de na grong khyer gyi lha gang yin pa des rgyal po 'od zer ldan la 'di skad ces smras so/ / rgyal po chen po/ gzhon nu ni/ de bzhin gshegs pa don grub blo la blta ba dang / phyag bya ba dang / mchod pa dang / bsnyen bkur bya ba'i phyir shar phyogs logs su song ngo / / yul 'khor skyong / de nas rgyal po 'od zer ldan gzhon nu btsal ba'i phyir btsun mo'i 'khor dang / srog chags bye ba khrag khrig brgya stong phrag brgyad cu rtsa bzhi dang lhan cig tu shar gyi phyogs cha ga la ba der song ste/ de bzhin gshegs pa dgra bcom pa yang dag par rdzogs pa'i sangs rgyas don grub blo ga la ba der song nas phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go /phyogs gcig tu 'dug nas kyang rgyal po 'od zer ldan gyis bcom ldan 'das la tshigs su bcad pas mngon par bstod pa/ srid gsum khyod mtshungs ma mchis lhag pa ga la mchis/ /sems can dam pa lha dbang lha min rgyal pos bkur/ /skye bo khyod kyi gzugs la blta bas ngoms mi 'gyur/ /yon tan ye shes rgya mtsho dpa' la phyag 'tshal lo/ /rgyal ba khyod sku sum cu rtsa gnyis mtshan rab dag /lhun po rin chen mchog </font><hr>502a<br><font size=+1>


@#/ /gis spras ltar yongs su dag /rgyal ba sdug cing 'jam pa gser gyi kha dog 'dra/ /blta sdug gzugs mnga' thub pa'i sku la phyag 'tshal lo| |bskal pa bye brgya bsam gyis mi khyab brtul zhugs spyad/ /bskal pa bye ba brgya mang sangs rgyas bsti stang mdzad/ /sngon chad mchod sbyin brgya phrag bsam gyis mi khyab mdzad/ /des na khyod sku bzang zhing shin tu mdzes pa lags/ /sbyin dang tshul khrims ting nge 'dzin dang shes rab dang / /bzod dang brtson 'grus bsam gtan thabs kyis khyod gzugs sbyangs/ /khyod kyi spyan sngar brgya byin tshangs 'od gsal ma lags/ /chu shel nor bu glog gi 'od kyang mdzes ma lags/ /'gro ba'i don du yid du mchi ba'i gzugs kyang ston/ /chu zla 'dra zhing sgyu ma 'dra bar gda' ba lags/ /rang gi phyogs rnams kun tu rgyal ba'i sku yang gda'/ /bder gshegs rnams kyi sku yi tshad ni gda' ma lags/ /khyod ni dga' ldan 'ga' zhig na yang bzhugs par gda'/ /'chi 'pho mdzad cing rab dga' glang por gyur nas ni/ /dpa' bo yum gyi lhums su gshegs par gda' bar mdzad/ /thub chen nam mkha' lta bur thams cad rjes su zhugs/ /bcom ldan phyogs 'gar bltams par ston pa'ang mdzad pa ste/ /sa </font><hr>502b<br><font size=+1>


dga' dag tu gom pa bdun por gda' ba mdzad/ /nga ni lha mir bcas 'gro nang gtso shin tu lta/ /'gro ba sdug bsngal mtsho las gdon zhes gsung yang phyung / /thub khyod chos gang la yang the tshom mi mnga' yang / /yi ge shes pa slob ltar 'jig rten dag na gda'/ /bsam gtan ting 'dzin spyod yul zhi ba brnyes gyur kyang / /kha cig tu ni bud med nang na zhugs par gda'/ /yab dang yum dang sras dang bud med rnams kyang btang / /gnyen rnams mya ngan non te rnam par brgyal zhing ngu / /sems can dam pa bye ba brgya yis yongs bskor nas/ /nags gnas gnas gcig pu nas 'byung bar gda' ba'ang mdzad/ /khyod ni bdud bzhi pham par mdzad nas yun ring yang / /zhing na bdud 'dul ba yang gda' ba ston pa mdzad/ /sngon chad 'khor lo bsam gyis mi khyab bskor gyur kyang / /khyod ni thugs rjes 'khor lo bskor bar gda' ba mdzad/ /rtag tu rtag lta 'du shes ldan pa'i 'gro gzigs nas/ /mya ngan 'da' zhes 'khor gyi nang du tshig tu gsungs/ /rtag tu 'khor bar dga' ba'i 'gro ba gzigs nas ni/ /khyod ni zhi ba bsil gyur mya ngan 'das pa gsung / /khyod kyi bsod nams ye shes shes rab thabs mtshungs med/ /thub pa khyod sku 'od kyis zhing mang rgyas par 'gengs/ /phyogs rnams dag na 'dren pa </font><hr>503a<br><font size=+1>


@#/ /khyod kyi bsngags pa gsung / /kun tu spyod yul thub pa'i rgyal la phyag 'tshal lo/ /chos nyid ma lus brnyes par gyur la phyag 'tshal lo/ /sems can kun gyi bgyi ba sgyu ma ltar gda' yang / /thub pa khyod ni gang du bzhud pa'am byon ma lags/ /sgyu ma'i chos tshul gnas la mngon par phyag 'tshal lo/ /'gro ba'i don du gang gis byang chub mchog thob pa/ /lam mchog mi yi dpa' bo khyod kyis legs gsungs pa/ /bdag gis chos nyid 'di ni myur du sangs rgyas nas/ /mi dpa' 'gro ba'i don du chos nyid bshad par bgyi/ /mi yi dpa' bo thub pa kun mkhyen rims bral ba/ /srid gsum mtshungs pa ma mchis lhag pa ga la zhig /bdag gis 'dir bstod bsod nams mtha' yas gang bsgrubs des/ /'jig rten byang chub bla med zhi mchog thob par shog /yul 'khor skyong / de nas de bzhin gshegs pa don grub blo des rgyal po 'od zer ldan de'i lhag pa'i bsam pa mkhyen nas ci nas thams cad bla na med pa yang dag par rdzogs pa'i byang chub las phyir mi ldog par 'gyur ba de ltar chos bstan to/ /yul 'khor skyong / de nas rgyal bu gzhon nu bsod nams kyi 'od zer gyis bcom ldan 'das de bzhin gshegs pa don grub blo de la </font><hr>503b<br><font size=+1>


'di skad ces gsol to/ /bcom ldan 'das sang bdag gi grong khyer du gdugs tshod gsol bar gnang bar mdzad du gsol/ /bcom ldan 'das kyis rgyal bu gzhon nu bsod nams kyi 'od zer la thugs brtse bar dgongs te cang mi gsung bar gyur pas gnang ngo / /yul 'khor skyong / de nas rgyal bu gzhon nu bsod nams kyi 'od zer gyis pha ma de gnyis dang / grogs po de dag dang / bud med de dag la smras pa/ khyed cag thams cad rjes su yi rang bar gyis shig /ci nas grong khyer dga' mchog brgyan te ma chags par de bzhin gshegs pa la dbul du rung bar gyis shig /de dag gis sgra skad gcig tu rjes su yi rang ngo / /yul 'khor skyong / de nas rgyal po gzhon nu bsod nams kyi 'od zer gyis ci nas grong khyer dga' mchog brgyan te ma chags par de bzhin gshegs pa la phul lo/ /ro bro ba bkod pa lnga brgya pa'i zhal zas kyang de bzhin gshegs pa dge slong gi dge 'dun dang bcas pa de la gsol to/ /dge slong de dag thams cad kyi phyir rin po che sna bdun gyis g.yogs pa'i gtsug lag khang nor bu'i 'chags bshams pa/ steng du rin po che'i dra bas bla re bres pa/ g.yas g.yon du me tog gi shing ljon pa legs par yongs su grub par byas pa/ me tog </font><hr>504a<br><font size=+1>


@#/ /pad+ma dkar po'i rdzing gis mdzes par byas pa/ ras bcos bu mu gnyis dri ma med pa brgya stong bting ba'i mal bshams pa/ dge slong re re la gos kha na ma tho ba med pa gang spyin pa de/ phyi de nyin mi sbyin gyi/ nyin gcig bzhin gos gzhan dang / gzhan sbyin par 'gyur bar byas so/ /de lo bye ba phrag gsum gyi bar du rmugs pa dang gnyid kyis non par ma gyur/ bdag la dga' ba ma byas/ sangs rgyas la mchod pa'i phyir gzhan yid la ma byas so/ /bar skabs der 'dod pa la rnam par rtog pa dang / gnod sems kyi rnam par rtog pa dang / 'tshe ba'i rnam par rtog pas rnam par rtog par ma gyur/ rgyal srid la sred par ma gyur te/ lus dang srog la yang mi lta na/ dngos po gzhan la lta smos kyang ci dgos/ bar skabs der bcom ldan 'das kyis gang gsungs pa de thams cad kun tu bzung ste/ de bzhin gshegs pa la lan gnyis su ma zhus so/ /bar skabs der khrus ma byas/ mar dang 'bru mar gyis lus la ma bskus/ rkang pa ma bkrus/ ngal ba'i 'du shes ma bskyed do/ /zan za ba dang / bshang gci byed pa ma gtogs par nam yang 'dug par ma gyur to/ /gang gi tshe de bzhin gshegs pa de yongs su mya ngan las 'das </font><hr>504b<br><font size=+1>


pa de'i tshe tsan+dan dmar po'i zhugs la bzhen pa byas so/ /gang du de bzhin gshegs pa de zhugs la bzhen pa'i sa phyogs de nyid du 'dzam bu'i gling thams cad pa'i me tog thams cad dang / phreng ba thams cad dang / spos thams cad dang / rol mo'i sgra thams cad kyis lo brgya stong du ring bsrel la mchod pa byas par gyur ba nas rgyu rkyen thams cad bsags te phyis mchod rten bye ba phrag brgyad cu rtsa bzhi'i bar du byas so/ /mchod rten de dag la yang rin po che sna bdun gyi rin po che'i dra bas g.yogs so/ /mu tig gi dra ba'i bla re dag bres so| |mchod rten re re la yang rin po che sna bdun gyi gdugs lnga brgya lnga brgya phul lo/ /mchod rten de dag thams cad la yang sil snyan brgya stong phul lo/ /'dzam bu'i gling khor yug tu me tog gi shing ljon pa bskrun to/ /mchod rten re re la yang mar me'i rdza bo brgya stong las mar me bus so/ /mar me'i rdza bo re re nas kyang spos kyi 'bru mar drug cu rtsa bzhi pa stong gi mar me bus so/ /spos dang / phreng ba dang / byug pa thams cad kyis kyang mchod pa byas so/ /tshul de lta bus lo bye ba'i bar du mchod pa byas te/ phyis rab tu byung ngo / /de rab tu byung nas kyang chos gos gsum par gyur cing rtag tu bsod snyoms sbyin pa dang / rtag tu tsog bu pa ste/ nam yang glos ma phab bo/ /nam yang </font><hr>505a<br><font size=+1>


@#/ /rmugs pa dang gnyid kyis non par ma gyur to/ /de zang zing med pa'i sems kyis lo bye ba phrag bzhi'i bar du chos kyi sbyin pa byin te/ de gzhan la tha na legs so/ /zhes bya ba tsam la yang re bar ma gyur na/ rnyed pa dang bkur sti lta smos kyang ci dgos/ de chos nyan pa'am chos bshad pas kyang ngal bar ma gyur to/ / de la lha rnams kyang bsnyen bkur byed do/ /yul 'khor gyi mi thams cad dang / btsun mo'i 'khor dang / nang mi thams cad dang / grogs po thams cad kyang de'i rjes su bslab ste rab tu byung ngo / /yul 'khor skyong / de nas gnas gtsang ma'i ris kyi lha'i bu rnams 'di snyam du sems te/ bsod nams kyi 'od zer gyi rjes su slob pa'i yul gyi mi thams cad rab tu byung gi /bdag cag gis de la rim gro dang bsnyen bkur byas na/ dkon mchog gsum la rim gro byas par 'gyur ro/ /snyam mo/ de bzhin gshegs pa de yongs su mya ngan las 'das nas kyang dam pa'i chos lo bye ba phrag drug cu rtsa bzhi'i bar du gnas te/ dge slong bsod nams kyi 'od zer gyis thams cad yongs su bzung ngo / /tshul 'di lta bus sangs rgyas bye ba khrag khrig stong phrag dgu bcu rtsa bzhi la rnam pa de lta bu'i mchod pa byas so/ /yul 'khor skyong / </font><hr>505b<br><font size=+1>


de'i tshe de'i dus na rgyal po 'od zer ldan zhes bya bar gyur pa de gzhan zhig yin pa snyam du khyod de ltar dogs shing the tshom za'am yid gnyis su gyur na/ khyod kyis de ltar mi blta'o| |de ci'i phyir zhe na/ de bzhin gshegs pa 'od dpag med de'i tshe de'i dus na rgyal po 'od zer ldan zhes bya bar gyur to/ /yul 'khor skyong / de'i tshe de'i dus na rgyal bu gzhon nu bsod nams kyi 'od zer zhes bya bar gyur pa de gzhan zhig yin snyam du khyod de ltar dogs shing the tshom za'am yid gnyis su gyur na/ khyod kyis de ltar mi blta'o// de ci'i phyir zhe na/ nga nyid de'i tshe de'i dus na rgyal bu gzhon nu bsod nams kyi 'od zer zhes bya bar gyur to/ /grong khyer gyi lha gang yin pa de ni/ de bzhin gshegs pa mi 'khrugs par gyur to/ /yul 'khor skyong / de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas par 'dod pas lhag pa'i bsam pas bsgrubs pa dang / sdug pa dang mi sdug pa yongs su spangs pa dang / bag yod pa'i spyod pas rgyal bu bsod nams kyi 'od zer de'i rjes su bslab par bya'o/ /ngas bya dka' ba mngon par 'du bya ba de lta bus bla na med pa yang dag par rdzogs pa'i byang chub thob bo/ /de lta bas na/ de dag mi </font><hr>506a<br><font size=+1>


@#/ /brtson pa dang / rnyed pa dang / bkur sti dang / tshigs su bcad pa lhur len pa dang / shes kyi khe la chags pa dang / nga rgyal gyis bcom pa dang / 'dod pa'i rgyus nyon mongs shing sha thang pa dang / 'dod pa'i rgyus bstan pa las ring du gyur pa dang / rab tu byung ba don med pa dang / dge sbyong sun par byed pa dang / byang chub sems dpa' dmu rgod dang / lus dang / ngag dang / sems mi drang ba dang / ltas lta ba dang / khas 'che ba nor ba dang / rang gi dam bcas pa las nyams pa dang / gos dang / zas dang / mal cha dang / na ba'i ched kyi sman dang / yo byad kyi mtshan ma la chags pa dang / ngo tsha mi shes pa dang / khrel med pa dang / cho ga nyams pa dang / dam pa'i chos ma yin pa la 'jug pa dang / spyod yul dang bral ba dang / sangs rgyas kyi spyod yul las ring du gyur pa dang / sangs rgyas kyi theg pa dang bral ba dang / rdzogs pa'i byang chub kyi sems dang bral bar gyur to/ /yul 'khor skyong / de lta bas na/ rnam pa 'di lta bu'i chos 'di thos nas sdig pa'i bshes gnyen rigs pa med pa rnyed pa don du gnyer ba dang mi bsten par shes par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /stobs bcu mnga' ba'i spyod </font><hr>506b<br><font size=+1>


pa dpag med na/ snying ni thob dang shes kyi khe la song / /byang chub yon tan brgyas khebs por nas ni/ /de dag thob phyir gzhan gyi khyim la dga'/ /khwa 'dra sdang ba khrel dang mos blo bral| |shes kyi khe phyir bdud kyi dbang du song / /nyon mongs rag lus srid pa'i 'gro bar gzhol/ /bdag 'dir yon tan ldan zhes de skad smra/ /lus ni dgon na dran pa grong khyer du| |thob phyir de dag rnam par rtog pas spyod/ /gnam dang sa ltar thar las ring ba ste/ /de 'dra de dag sprul ltar ring du spang / /de dag sangs rgyas chos dang ji bzhin du| |dge 'dun yon tan brgyas gang dga' ma yin/ /mtho ris bor nas ngan pa'i lam du song / /sdug pas phongs nas srid pa'i 'gro bar 'khyams/ /nga yi spyod pa nye bar bstan pa 'di thos nas/ /yang dag lhag pa'i bsam pa'i sgrub pas 'di la sbyor/ /bskal pa bye ba mang pos rnyed dka' dal rnyed kyi/ /de ltar ji skad bstan pa'i chos nyid ston pa 'dir brtson gyis/ /gang zhig theg mchog byang chub dam pa 'tshang rgyar 'dod/ /de yis rgyal po de yi yon tan dran par bya/ /bsam ste yang dag ji bzhin tshul bzhin gnas par bya/ /de ltas bde gshegs rnams kyi byang chub chags med 'grub/ /yon tan 'di dag rtogs pas 'phags pa'i rigs la brten/ /rang gis </font><hr>507a<br><font size=+1>


@#/ /'dir ni kun tu shes pa bskyed par bya/ /bstan pa yon tan snying po 'di 'dra ma spangs shig /byis pa lta bur 'gro ba lngar ni 'khyams sa re/ / 'dir ni ri dang dgon pa phug tu gnas par bya/ /der gnas nas ni bdag mi snyems shing gzhan mi smad/ /sngon chad sangs rgyas bye ba phrag brgya mnyes ma byas/ /rjes su dran nas rtag par rgyun du bdag la spyos/ /lus dang srog la sred pa ma chags spang bar bya/ /gus pa drag po bskyed nas chos la brtson par bgyi/ /nga yis mdo 'dir sgrub pa bshad pa 'dir gnas na/ /de dag rnams kyis phyi nas byang chub rnyed mi dka'/ /gang dag rgyal ba'i theg pa 'di la dga' brtson pa/ /thos nas phyir zhing yid ni 'jug par bya ba'i rigs/ /de lta bas na bstan la mos pa bskyed par bya/ /rnam par rgyu ba'i tshe na phyis 'gyod gyur ta re/ /yul 'khor skyong / byang chub sems dpa' gang zhig pha rol tu phyin pa lnga la spyod la/ yang gang zhig bdag 'di la bslab bo/ /bdag sdom pa 'di la gnas par bya'o/ /snyam du chos kyi rnam grangs 'di la nan tan gyis bsgrubs na/ bsod nams kyi phung po de bsod nams kyi phung po 'di'i gan na brgya'i char yang nye bar mi 'gro ste/ stong gi cha dang / brgya stong gi cha dang / bye </font><hr>507b<br><font size=+1>


ba brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /bcom ldan 'das kyis chos kyi rnam grangs 'di bshad pa na sngon sems ma bskyed pa'i lha dang / mi dang / lha ma yin du bcas pa'i skye rgu khrag khrig phrag sum cu bla na med pa yang dag par rdzogs pa'i byang chub tu sems bskyed nas bla na med pa yang dag par rdzogs pa'i byang chub las phyir mi ldog par gyur to/ /dge slong bdun stong ni len pa med par zag pa rnams las sems rnam par grol lo/ /de nas bcom ldan 'das la tshe dang ldan pa yul 'khor skyong gis 'di skad ces gsol to/ /bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ de skad ces gsol pa dang / bcom ldan 'das kyis tshe dang ldan pa yul 'khor skyong la 'di skad ces bka' stsal to/ /yul 'khor skyong / de lta bas na/ khyod kyis chos kyi rnam grangs 'di dam bcas pa don yod pa rnam par dag ba zhes bya bar zungs shig /skyes bu dam pa rnam par rol pa dang / byang chub sems dpa'i spyod pa rnam par nges pa zhes bya bar yang zungs shig /don yongs su rdzogs pa zhes bya bar yang zungs shig /bcom ldan 'das kyis de skad ces bka' stsal nas tshe dang ldan pa yul 'khor skyong </font><hr>508a<br><font size=+1>


@#/ /dang / lha dang / mi dang / lha ma yin dang / dri zar bcas pa'i 'jig rten yid rang ste/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ yul 'khor skyong gis zhus pa'i le'u zhes bya ste| 'dus pa bco brgyad pa rdzogs so// //rgya gar gyi mkhan po dzi na mi tra dang / dA na shI la dang / mu ni warma dang / zhu chen gyi lots+tsha ba ban+d+he ye shes sdes bsgyur cing zhus te/ skad gsar bcad kyis kyang bcos nas gtan la phab pa/ // </font><hr>

</table>