rgya gar skad du/ AR+Ya tA ra aSh+Ta g+ho re tA sbI sU tra/ bod skad du/ 'phags ma sgrol ma 'jigs pa brgyad las skyob pa'i mdo/ dkon mchog gsum la phyag 'tshal lo/ /rje btsun ma sgrol ma la phyag 'tshal lo/ /bcom ldan 'das shAkya thub pa la phyag 'tshal 474a @#/ /lo| |'di skad bdag gis thos pa dus gcig na/ bcom ldan 'das ri rab kyi steng lho'i gnas na bzhugs te/ de nyid du 'khor rnams kyi nang nas lha mo sgrol mas 'di skad ces smras so| |mtho ris rin chen lta bu 'di thob nas/ /las dang las kyi 'bras bu shes par byos/ /bzang po sten cing ngan pa spang bar gyis/ /gang dag sdig pa'i las rnams spyod byed pa/ / 'jig rten pha rol thur du 'bab 'gyur te/ /dud 'gro glen lkugs gcig la gcig za dang / /gyen thur 'bab 'dzeg g.yang sa ngal ba'i lam/ /'jigs shing dngangs skrag shin tu skyi g.ya' ba/ /zon dang bcas pa'i sdug bsngal bsam mi khyab/ /yi dwags ltogs shing skom dang lus mi 'tsham/ /bza' btung snang yang gzhan gyis bsrungs pa dang / /kha cig zos kyang me dang mtshon du 'gyur/ /ltogs shing skom pa'i sdug bsngal bsam mi khyab/ /dmyal bar skyes pa'i sems can de dag ni/ /rang dbang med par gshin rje gdug pas khrid/ /bsregs shing btsos te mtshon gyis rab tu 'thug /bsran glags med pa'i sdug bsngal tsha dang grang / /des na tshe 'dir sdig pa'i las byed pa/ /rang gis rang la mngan ni cher byas yin/ /bskal pa mang por sdug bsngal drag pos gdungs/ /thar pa'i dus med bsran pa'i glags kyang med/ /dran pa gsal 474b bas las kyi 'bras bur shes/ /sdug bsngal ma bzong smre sngags rang la rmo/ /skad ngan drag po'i ku sgras gzhan yang skrag /de la sogs te sdug bsngal bsam mi khyab/ /gang dag nyes dmigs rab tu shes gyis la/ /ngan song gsum gyi rgyu rnams rab tu spangs/ /sdig pa'i rnam pa phra rags gang la yang / /lus ngag yid kyi sgo nas spyad ta re/ /rang yang bde la 'gro rnams yongs la phan/ /chags sdang rmongs spangs snying rje'i rtsa ba brtan/ /sgo gsum dang bas 'bad de dge ba spyad/ /shin tu zab pa'i snying po 'di la 'bad/ /me tog sad kyis khyer ba'i 'bras bu la/ /so nam byas kyang myu gu mi skye ltar/ /sdom nyams the tshom zos pa'i gang zag gis/ /shin tu zab pa'i rig sngags bsgrub gyur kyang / /byin brlabs 'byung ngo snyam yang 'byung mi srid/ /rtsol ba de dag nga la ba don med 'gyur/ /rig sngags de yang skye bo'i tshig dang mtshungs/ /ting 'dzin rnams kyang byis pa'i bsam pa 'dra/ /skyon med skyes bus rig sngags de bsgrubs na/ /ji ltar 'dod pa bzhin du myur du 'grub/ /dper na n+ya gro d+ha yi sa bon ni/ /shin tu phra yang chu lud legs bran na/ /dgung zla bdun na dpag tshad tsam du skye/ /bems po phyi yi 'gyur yang de 'dra na/ /rig pas rig pa bsgrub pa lta ci smos/ /'od gsal nang gi 'gyur la dpag tu med/ /tshong dpon lam la mkhas pa dag la brten/ /gru 475a @#/ /tshags legs pas rgya mtshor zhugs gyur na/ /rin chen 'dod pa bzhin du rnyed gyur nas/ /rang gi gnas su legs par phyin pa yin/ /byams dang snying rje dga' dang btang snyoms rten/ /byang chub sems ldan dge ba spyad gyur na/ /yang dag rdzogs kyi lam la zhugs 'gyur te/ /nges par mkhyen nyid sa la 'gro bar 'gyur/ /mda' nyid skyes bu'i 'theb nas shor gyur na/ /mi 'phang snyam yang shin tu 'phangs par 'gyur/ /chos nyid don kun chub pa'i gang zag ni/ /mi phyin snyam yang pha rol phyin par 'gyur/ /bya cha'i rnam pa rang bzhin rdzogs gyur nas/ /sangs rgyas 'bras bu 'thob par the tshom med/ /chos nyid rnam par dag pa de rtogs na/ /bdag med srog med srog kyang gcad du med/ / las med de yi rnam par smin pa med/ /mtha' rnams rab spangs skyes bu rnam par grol/ /de don rtogs phyir bdag gis bshad pa yi/ /snying po 'di la gus pas bzlas gyur na/ / bskal pa grangs med gsum gyi sdig kyang 'dzad/ /ngan song gsum dang 'khor ba'i sdug bsngal kun/ /rab tu sbyong zhing sgrib pa rnams kyang 'dag /don dang ldan pa'i snying po 'di lta ste/ /oM byang chub sems dpa' sems dpa' chen mo/ lha mo khyod kyis bskyab tu gsol/ /oM na mo AR+Ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA 475b ma| tad+ya thA/ oM tA re tut+tA re tu re sarba duSh+TAn/ pra duSh+TAn ma ma kr-i te/ dzam+b+ha ya/ stam+b+ha ya/ mo ha ya/ ban d+ha ya/ hUM hUM hUM/ phaT phaT phaT swAhA/ ma ma AR+YA ba lo b+ha yA na rA/ bo d+hi satwA/ ma hA satwA ni/ a d+hiSh+ThA na/ a d+hiSh+Thi te ma ma sarba karma A ba ra Na swa b+hA ba/ shud d+he bi shud d+he/ sho d+ha ya bi sho d+ha ya hUM phaT swAhA/ de nas sangs rgyas nyid kyis su/ /lha mo nyid la rab tu bstod/ /thugs rje shin tu che bas 'gro ba'i don mdzad ma/ /mtshan dang dpe byad rdzogs shing rin chen rgyan gyis spras/ /shin tu mdzes tshul 'dzum zhing bzhad pa'i bzhin/ /spyan gyi skye mched zar ma'i pad+ma 'dra| |snyan gyi skye mched ug cos bye ba 'dra/ /shangs kyi skye mched ut+pal bum bu 'dra/ /zhal gyi skye mched ha lo rgyas pa 'dra/ /sna tshogs sku mnga' na chung mtshan ldan sku/ /chos kyi sgra sgrogs ka la ping ka'i gsung / /sems can kun la byams mgon thugs rje'i thugs/ /'khor ba'i skyon gyis ma gos pad+ma g.yon/ /sems can don rnams mdzad phyir skyabs sbyin g.yas// thabs dang shes rab nyi zla'i gdan la bzhugs/ /rje btsun sgrol ma la ni skyabs su mchi/ /'khor ba'i g.yang sa che las bdag skyobs shig /'gro drug rang kha'i gnas su 'khor ra re/ /thugs rje chen mo'i zhags pas bdag zung shig /ngan song gsum gyi gnas su shor ra re/ /'khyams med pa yi lam du bdag chug shig /log par lta ba'i rigs su skyes sa re/ /bla ma byang sems 476a @#/ /mnga' dang bdag sprod cig /bshes gnyen ngan pa dag dang phrad ta re'o/ /seng ge glang chen me dang sbrul/ /mi rgod chu dang rims rnams dang / /sha zas 'jigs pa brgyad po las/ /skyob mdzad khyed la phyag 'tshal lo/ /'jig rten 'di dang gzhan dag tu/ /'jigs pa brgyad las bskyab tu gsol/ /pha rol 'bras bu ma thob par dag tu/ /sbyin dang tshul khrims bzod pa brtson 'grus dang / /bsam gtan shes rab thabs dang smon lam dang / /stobs dang de bzhin ye shes pha rol phyin/ /bcu po de dang mi 'bral 'grogs par shog /rigs kyi bu'am rigs kyi bu mo gang la las chos 'di bri ba dang / bklag pa dang / kha tog dang / kun chub pa dang / tshul bzhin du yid la bya ba dang / gzhan dag la yang rgya cher bstan par bya'o zhes bka' stsal pa dang / thams cad dang ldan pa'i 'khor rnams yi rangs te mngon par bstod do/ /rje btsun ma sgrol ma 'jigs pa brgyad las skyob pa'i mdo rdzogs so// // |