rgya gar skad du/ AR+Ya ma hA da N+Da nA ma d+hA ra NI/ bod skad du/ 'phags pa be con chen po zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la dge slong steng nyis brgya lnga bcu'i dge slong gi dge 'dun chen po dang thabs cig tu bzhugs te/ de'i tshe na tshe dang ldan pa sgra gcan zin rgyal po'i khab kyi dur khrod chen po bsil ba'i gnas na bud shing chen po lta bu'i phyogs na 441b 'dug go /der 'di lta ste/ lha'i gdon rnams dang / lha ma yin gyi gdon rnams dang / klu'i gdon rnams dang / gnod sbyin gyi gdon rnams dang / srin po'i gdon rnams dang / mi 'am ci'i gdon rnams dang / lto 'phye chen po'i gdon rnams dang / dri za'i gdon rnams dang / mi'i gdon rnams dang / rlung lha'i gdon rnams dang / yi dwags kyi gdon rnams dang / 'byung po'i gdon rnams dang / sha za'i gdon rnams dang / grul bum gyi gdon rnams dang / gzig rnams dang / bya rog rnams dang / 'ug pa rnams dang /grog sbur rnams dang / sdig sbrul rnams dang / gzhan yang mi dang mi ma yin pa'i sems can rnams kyis tshe dang ldan pa sgra gcan zin la shin tu gtses so/ /de nas tshe dang ldan pa sgra gcan zin bya rgod phung po'i ri ga la ba dang / bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te bcom ldan 'das la lan gsum bskor ba byas nas bcom ldan 'das kyi sbyan sngar dus te mchi ma blags so/ /de nas bcom ldan 'das kyis tshe dang ldan pa sgra gcan zin la bka' stsal pa| sgra gcan zin/ khyod ci'i phyir nga'i mdun na 'dug nas mchi ma blag /de skad ces bka' stsal pa dang / bcom ldan 'das la tshe dang ldan pa sgra gcan zin gyis 'di 442a @#/ /skad ces gsol to/ /bcom ldan 'das/ bdag rgyal po'i khab kyi dur khrod chen po bsil ba'i gnas na bud shing chen po lta bu'i phyogs na mchis na/ der lha'i gdon rnams dang / lha ma yin gyi gdon rnams dang / klu'i gdon rnams dang / gnod sbyin gyi gdon rnams dang / srin po'i gdon rnams dang / mi 'am ci'i gdon rnams dang / dri za'i gdon rnams dang / lto 'phye chen po'i gdon rnams dang / mi'i gdon rnams dang / rlung lha'i gdon rnams dang / yi dwags kyi gdon rnams dang / 'byung po'i gdon rnams dang / sha za'i gdon rnams dang / grul bum gyi gdon rnams dang / gzig rnams dang / bya rog rnams dang / 'ug pa rnams dang / grog sbur rnams dang / sdig sbrul rnams dang / gzhan yang mi dang mi ma yin pa'i sems can rnams kyis bdag la shin tu gtses lags mod/ de nas bcom ldan 'das kyis tshe dang ldan pa sgra gcan zin la bka' stsal pa/ sgra gcan zin/ khyod kyis be con chen po'i gzungs kyi rig sngags 'khor bzhi po dge slong rnams dang / dge slong ma rnams dang / dge bsnyen rnams dang / dge bsnyen ma rnams bsrung ba dang / bskyab pa dang / sba ba dang / yun ring po'i don dang / phan pa dang / bde bar 'gyur ba 'di zungs shig/ 442b tad+ya thA| ang+gA/ bang+gA/ tang+gA/ ta rang+gA/ sa rA sa rA/ ta rang+gA swa/ sa da da sa/ dza d+ha rA/ ak+ka re/ a ra bI rA/ ta ra bI rA/ ka ra bI rA/ karka ra bI rA/ tsu ru bI rA/ tsu ru tsu ru bI rA/ in+d+ra/ in+d+ra ki/ sa ra ha na sa/ ha na sa ki sa ra/ mi tsi re lA/ ma hA mits+tsha/ ba hA mits+tsha/ ba hi Shi kA ka /ka lits+tsha kA aM ge dza yi/ dza ye li kA/ e lA/ tsin+ta/ li le/ ti le ti le/ su ma ti/ bu su ma ti| tsu lu nan+Te/ tsu lu tsu lu nan+Te/ tsu la na Te/ ku na te/ ha rA Ta ki/ na rI Ta ki ta/ gau ri/ gan+d+ha ri/ d+hA ra Ne/ d+hA ra Ne/ uSh+Ta/ pi pI li ka /uSh+Ta/ pa pi la ke /ka rA kar+Thi ke/ ka ke le/ tsa la nan+Ti/ ka gi ma le la ma ti/ rak+Sha ma ti/ bA la ku le/ ba ta sa le/ u na mi le/ ta ra bI re/ ta ra ta ra bI re/ ku ru bI re/ ku ru ku ru bI re/ tsu ru bI re/ tsu ru bI re/ tsu ru tsu ru bI re/ ma hA bI re/ i ra ma ti/ ba ra ma ti/ rak+Sha ma ti/ sarba ar+tha sA d+ha ni/ pa ra ma su ra sA d+ha ni/ a pra ti ha te/ rgyal po dbang po dang / rgyal po zla ba dang / rgyal po gshin rje dang / rgyal po rlung lha dang / rgyal po gzi can dang / rgyal po nor rgyas kyi bu dang / rgyal po be con dang / rgyal po be con mo dang / rgyal po tshangs pa stong ldan dang / sangs rgyas bcom ldan 'das chos kyi rje dang / chos kyi rgyal po 'jig rten la thugs brtse ba bla na med pas bdag la srung du gsol/ yongs su bskyab pa dang / yongs su gzung ba dang / yongs 443a @#/ /su bskyang ba dang / zhi ba dang / bde legs su 'gyur ba dang / chad pa spang ba dang / mtshon cha spang pa dang / dug gsad pa dang / dug gzhil ba dang / mtshams gcad pa dang / sa bcing ba mdzad du gsol/ tad+ya thA/ i la me le ta sa lA/ i ra ma ti/ bi ra ma ti/ tsa la ma ti/ phu ru ma ti/ phu ru phu ru/ phu ru phu ru/ pa ra khu ru ru/ khu ru ma ti| b+hu mi maN+De/ ka li ke/ tsaN+DA li/ a ki sa rA le/ i yA sA/ sa la ma to hu le/ s+thU le/ sha le dza ya/ s+thU le/ tsa la nA Ti/ tsa la nA Ti/ nA gA nAM d+ha ra Ni/ go ra hi Ni/ go le hi he| aN+Da re/ paN+Da re/ ke yu re/ ke tu ma ti/ b+hu taM ga me/ d+hu ta pa ti/ d+he R+Ya ma hA ba le /a tsuN+De/ a tsu run+d+he/ d+ha ran+d+ha ra/ dza ya li kA/ dza le go ro ha ni tsa ra/ hu ru hu ru/ run+d+hu run+d+hu/ hu ru/ d+hu ma ti/ d+ha ran+d+ha d+ha re/ bi shwa ma ti/ nA sha ni/ ban+d+ha ni/ mo tsa ni/ bi mo tsa ni/ sA d+ha ni/ shod+ha ni/ bi sho d+ha ni/ saM gi ra Ni/ man thI ra Ni/ a ts+tshat+ta ni/ sa d+hu ta ra ma Ne| ta ra ta ra ma Ne/ ha ra ha ra/ ban+d+hu ma ti /hi ri hi ri/ ge li re le/ hu ru hu ru/ bang+ga le swAhA/ sangs rgyas bcom ldan 'das rnams la phyag 'tshal lo/ /sgra gcan zin/ be con chen po'i gzungs kyi rig sngags brgya rtsa bcu pa 'di skud pa la mdud de lag pa la btags sam/ mgul du btags na/ kun nas dpag 443b tshad bcu khor yug tu be con rnams dang / me tog rnams dang / phyag rgya rnams kyis de srung ba byas par 'gyur ro/ /de la mi dang mi ma yin pa rnams kyis mi tshugs par 'gyur ro// mtshon dang / dug dang / nad dang / rims nad dang / rims drag po dang / rig sngags dang / gsang sngags dang / ro langs dang / khro gtum dang / me dang / chus 'chi ba'i dus byed par mi 'gyur ro/ /rig sngags dang / gsang sngags dang / sbyor ba rnams legs par sbyor ba thams cad kyi ma grub pa rnams grub par byed pa'o/ /grub pa rnams kyang chud mi za bar byed pa'o/ /pha rol gyi sbyor ba 'ching ba'o/ /pha rol gyis bcings pa las grol bar byed pa'o/ /nad dang / mya ngan dang / bgegs rnam par 'jig par byed pa'o/ / 'thab pa'i rnyog pa rab tu zhi bar byed pa'o/ /gdon thams cad zlog par byed pa'o/ /gdon gang gis gtong ba de'i mgo ardza ka'i dog pa bzhin du mgo tshal pa bdun du 'gas so| |gnod sbyin gyi sde dpon chen po lag na rdo rje yang rdo rje 'bar pa/ kun tu 'bar ba/ kun tu rab tu 'bar ba me lce gcig tu gyur pas/ de'i mgo ardza ka'i dog pa bzhin du tshal pa bdun du 'gas so/ /rgyal po chen po bzhi yang lcags kyi 'khor lo sbu gri'i so lta bu'i mtshon gyis phung bar byed do/ /gnod sbyin gyi 'jig rten de nas shi 444a @#/ /'phos nas lcang lo can gyi pho brang 'khor du gnas pa mi 'thob bo/ /sgra gcan zin/ rgyal po dang / mi rgod dang / me dang / chu dang / mtshon cha dang / 'brog dang / dgon pa dang / ri dang / mya ngam du song ba gang gis be con chen po'i gzungs kyi rig sngags 'di lan gcig brjod na/ sdig pa thams cad las rab tu thar bar 'gyur ro/ /sgra gcan zin/ be con chen po'i gzungs kyi rig sngags 'di sangs rgyas bcom ldan 'das gang+gA'i klung dgu bcu rtsa gcig gi bye ma snyed kyis gsungs pa| gsung ba/ gsung bar 'gyur ba/ grub pa mchog tu gyur pa/ gzhan gyis mi thub pa/ lha dang / klu dang / dri za la sogs pas bstod pa/ 'byung po thams cad kyis yongs su bzung ba ste/ bdag dang sems can thams cad gnod pa thams cad las bde bar gyur cig /nad med pa dang / 'jigs pa med par gyur cig /bcom ldan 'das kyis de skad ces bka' stsal nas tshe dang ldan pa sgra gcan zin yi rang ste bcom ldan 'das kyis gsungs pa la mngon par bstod do/ /'phags pa be con chen po zhes bya ba'i gzungs rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lots+tsha ba ban+d+he ye shes sdes bsgyur cing zhus te 444b skad gsar bcad kyis kyang bcos nas gtan la phab pa/ |