rgya gar skad du/ AR+Ya 439a @#/ /ma hA ma hIn+d+ra nA ma d+hA ra Ni/ bod skad du/ 'phags pa sa'i dbang po chen po zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yang dag par rdzogs pa'i sangs rgyas kun tu 'od bram ze sa'i dbang po chen po shing sA la chen po lta bu'i gnas lha dang ldan pa na bzhugs te/ de nas bram ze sa'i dbang po chen po shing sA la chen po lta bus bcom ldan 'das yang dag par rdzogs pa'i sangs rgyas kun tu 'od gal ba der song ste phyin nas bcom ldan 'das yang dag par rdzogs pa'i sangs rgyas kun tu 'od kyi zhabs la mgo bos phyag 'tshal te phyogs gcig tu 'dug go /phyogs gcig tu 'dug nas bram ze sa'i dbang po chen po shing sA la chen po lta bus bcom ldan 'das yang dag par rdzogs pa'i sangs rgyas kun tu 'od la 'di skad ces gsol to/ /bcom ldan 'das/ bdag ni/ bla na med pa yang dag par rdzogs pa'i byang chub tu smon lam btab lags \?\ gang gis bdag skye ba dran par 'gyur/ bdag bla na med pa yang dag par rdzogs pa'i byang chub kyi sems brjed par mi 'gyur ba'i thabs de bcom ldan 'das 439b kyis bdag la legs par bshad du gsol/ de skad ces gsol pa dang / bcom ldan 'das yang dag par rdzogs pa'i sangs rgyas kun tu 'od kyis bram ze sa'i dbang po chen po shing sA la chen po lta bu la 'di skad ces bka' stsal to/ /de'i phyir bu khyod gal te de ltar smon na/ de'i phyir kun tu 'od kyi rig sngags kyi snying po 'di zungs shig/ chongs shig /lhogs shig /kun chub par gyis shig /kun tu 'od kyi rig sngags kyi snying po gang zhe na/ tad+ya thA/ a mo da ni/ pra mo da ni/ bi mo da ni/ saM mo da ni/ pri yaM ka ra Ni/ shrA ka ra Ni/ shrA ka ra Ni/ bo d+hi ka ra Ni/ a nut+ta ra s+yaM samyak+saM bud+d+ha ka ra Ni/ a nut+ta ra AR+Ya ka ra Ni/ a nut+ta ra pra dz+nyA ka ra Ni/ a nut+ta ra ba shI ka ra Ni/ a nut+ta ra sar+b+ba kle sho pa kle sha bi d+ha ra Ni/ a ba d+yA na d+ha ka ra bi d+ha ma Ni/ a nut+ta ra bid+yI a lo kod pA da ni/ a nut+ta ra shai k+Sha shI la bid+yA tsa ra Na/ bi muk+ta gu Na ga Na/ saM b+ha d+ha NI| a nut+tA ra sar+b+ba ku sha la mu lod d+ha ni/ a nut+ta ra b+ho na mU la ni/ a nut+ta ra rA ga do Sha mo ha na mU la ni/ a nut+ta ra shai k+Sha ma Na a bid+yA an+ta ka rA bi d+ha ma ni/ a nut+ta rA sI a pra ta ha ta ba la tsakra/ a nut+ta rA sar+b+ba la ra bi drA ma Ni/ twaM hi b+ha dre/ a nut+ta rA ba la b+ha dra/ su b+ha dra/ shrI b+hA dra/ a nut+ta ra b+ha dra/ sa man+ta b+ha dra/ a sa ma saM b+ha dra/ 440a @#/ /a nut+ta ra ma hA pu ru Sha b+ha dra/ a nut+ta ra ma hA pu ru Sha se bi tA/ a nut+ta ra ma hA pu ru Sha a nu brta nI/ a nut+ta rA ma hA pu ru Sha d+harma de shi kA/ a nut+ta ra ma hA pu ru Sha d+harma ko Sha saM bA d+hi kA/ a nut+ta ra ma hA pu ru Sha nirbA NA/ a nut+p+ra taR+Sha kA/ twa hi b+ha dre/ gaM gA si ta pak+Shu/ samyak+saM bud+d+he/ a se bi tA/ b+hA bi tA/ b+hA tA ba hu l+li kro d+ha/ stu ta stau bi ta bar+Ni tA/ pra shasta/ bu/ 'di ni/ kun tu 'od kyi rig sngags kyi snying po yin te/ de bas na/ bu khyod kyis kun tu 'od kyi rig sngags kyi snying po 'di 'gro ba dang / 'greng ba dang / 'dug pa dang / nyal ba na yang yid la gyis shig /bu/ gang la la zhig kun tu 'od kyi rig sngags kyi snying po 'di'i ming dang / rigs dang / rigs kyi bye brag yid la byed dam| skyes pa'am/ bud med dam/ khye'u'am/ bu mo'am/ lha'am/ lha mo'am/ klu'am/ klu mo'am/ dri za'am/ dri za mo'am/ lha ma yin nam/ lha ma yin mo'am/ mi'am ci'am mi 'am ci mo'am/ lto 'phye chen po'am/ lto 'phye chen mo'am/ yi dwags sam/ yi dwags mo'am/ sha za'am/ sha za mo'am/ grul bum ma'am/ grul bum mo'am/ lus srul po'am/ lus srul mos kun tu 'od kyi rig sngags kyi snying po 'di 'chang ngam/ klog gam/ lung 'bog gam/ ston tam/ 'chang na/ de tshe rabs bdun gyi bar du 440b tshe rabs dran bar 'gyur ro/ /de ji srid 'khor gyi bar du bla na med pa yang dag par rdzogs pa'i byang chub kyi sems mi brjed par 'gyur ro/ /lhar gyur kyang rung / mir gyur kyang rung ste| de mtshon cha'am/ dug gam/ chu'am/ mes par ma dor 'chi ba'i dus byed par mi 'gyur ro/ /bcom ldan 'das yang dag par rdzogs pa'i sangs rgyas kun tu rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od mtha' yas rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'chi med 'od rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od chen po rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od chen rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od mnyam pa med ba rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od mi mnyam pa dang mnyam pa rgyal ba 'od srung gi rigs dang bcas pa la phyag 'tshal 441a @#/ /lo| |yang dag par rdzogs pa'i sangs rgyas drang srong chen po 'od srung gi rigs dang bcas pa bdun po de dag la phyag 'tshal lo/ /zhi ba'i dbyings su zhugs pa 'khor dang bcas pa rnams la phyag 'tshal lo/ /phyag 'tshal lo/ /bcom ldan 'das kyis de skad ces bka' stsal nas bram ze sa'i dbang po chen po shing sA la chen po lta bu yi rang ste bcom ldan 'das kyis gsungs pa la mngon par bstod do/ /'phags pa sa'i dbang po chen po zhes bya ba'i gzungs rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lo tsA ba ban+d+he ye shes sdes bsgyur cing zhus te/ skad gsar bcad kyis kyang bcos nas gtan la phab pa/ |