H58

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H58</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H58&coll=lhasa">see text in Tibetan script</a></table>399b<br><font size=+1>


rgya gar skad du/ AR+Ya nand gar+b+hA ba krAn+ti nir de sha/ bod skad du/ 'phags pa dga' bo la mngal na gnas pa bstan pa zhes bya ba theg pa chen po'i mdo/ bam po dang po/ sangs rgyas dang byang chub sems dpa'i thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das grong khyer ser skya na shing n+ya gro d+ha'i kun dga' ra ba na dge slong gi dge 'dun tshad med pa rnams dang thabs cig tu bzhugs te/ de'i tshe na bcom ldan 'das kyi gcung dga' bo zhes bya ba de'i lus gser gyi kha dog can mtshan sum cu dang ldan zhing / tshad bcom ldan 'das las sor bzhis thung ba zhig yod de/ de'i chung ma puN+Da rI ka zhes bya ba bzang mo/ /blta na sdug pa byad bzhin mdzes shing 'jig rten na dkon pa kha dog khyad par du 'phags shing / mang po kun gyis lta bar 'dod pa zhig yod pas dga' bo de la chags shing zhen par gyur bas skad cig tsam du yang mi 'bral zhing / 'dod pa'i sems kyis shin tu chags par </font><hr>400a<br><font size=+1>


@#/ /gyur te| srog gis 'jal bar byed pas/ bcom ldan 'das kyis de gdul ba'i dus la bab par mkhyen pas snga dro'i dus kyi tshe na bza' mnabs te lhung bzed bsnams nas zham 'bring ba tshe dang ldan pa kun dga' bo dang grong khyer du bsod snyoms la gshegs te/ mthar gyis dga' bo'i khyim gang na bder gshegs nas de'i sgor gshegs te bzhugs so/ /de nas thugs rje chen po'i mthus 'od zer gser gyi kha dog lta bu btang bas dga' bo'i khyim nang kun tu yang gser btso ma lta bu'i kha dog tu gyur pa dang / de'i tshe dga' bo 'di snyam du 'od zer kun tu snang bar gyur pas/ gdon mi za bar 'di ni/ de bzhin gshegs pa'i yin no/ /snyam du bsam nas mi zhig mngags te/ kye song la su yin pa ltos shig /ces bsgo ba dang / des kyang bcom ldan 'das mthong nas myur zhing rings pas slar log nas dga' bo la bcom ldan 'das sgo na bzhugs so/ /zhes smras so/ / des de skad ces smras pa thos nas myur du phyir phyung ste/ bcom ldan 'das bsus te phyag bya bar rnam pa las de'i tshe puN+Da rI ka 'di snyam du bdag gis gal te 'di btang bar gyur na| bcom ldan 'das kyis gdon mi za bar rab tu 'byung bar 'gyur ro/ /snyam du bsam nas gos kyi mtha' ma nas bzung ste ma btang ba dang / dga' bos smras pa/ deng re </font><hr>400b<br><font size=+1>


zhig thong zhig dang / bcom ldan 'das la phyag byas nas bdag slar 'ong ngo / /puN+Da rI kas smras pa/ bdag cag dam bcas nas gdod de bzhin du gtang ngo / /zhes de'i dpral bar thig le gsher ba'i mtshan ma btab nas 'di skad du thig le 'di ma bskams par slar gshegs su gsol/ gal te thogs par gyur na gser gyi kaR+sha pa Na lnga brgya'i chad pas gcad do/ /zhes smras pa dang / dga' bos kyang de bzhin du bya'o/ /zhes sgor byung nas bcom ldan 'das kyi zhabs la mgo bos phyag 'tshal te/ de bzhin gshegs pa'i lhung bzed blangs nas slar khyim du zhugs te bza' ba dang / bca' ba bsod pa dag gis lhung bzed bkang nas slar sgor byung ba dang / bcom ldan 'das slar gshegs pas tshe dang ldan pa kun dga' bo la byin pa dang / bcom ldan 'das kyis lhung bzed ma len cig par mtshan ma bstan to/ /de bzhin gshegs pa ston pa chen po shin tu gzi byin che bas bzhes su gsol zhes gsol ba'i thugs kyang ma thub nas yang kun dga' bo la byin pa dang / kun dga' bos smras pa/ khyod kyis lhung bzed 'di su las blangs/ smras pa/ bcom ldan 'das las blangs so/ /kun dga' bos smras pa/ 'o na bcom ldan 'das la phul cig /des smras pa/ bdag ston pa chen po la gsol ba'i thugs mi thub bo/ /zhes cang mi smra bar zham 'bring du song ngo / /bcom ldan 'das slar gtsug </font><hr>401a<br><font size=+1>


@#/ /lag khang du gshegs nas phyag bcabs zhabs bsil te gdan la bzhugs pa dang / dga' bos lhung bzed thogs pa de bcom ldan 'das la phul lo/ / bcom ldan 'das kyis zas kyi bya ba mdzad nas dga' bo la bka' stsal pa/ khyod nga'i lhung bzed kyi lhag ma za'am/ bdag 'tshal lo/ /zhes gsol pa dang / bcom ldan 'das kyis kyang de la byin no/ /dga' bos gsol zin pa dang / bcom ldan 'das kyis bka' stsal pa/ ci khyod rab tu 'byung ngam/ nges kyang rab tu 'byung ngo / /zhes gsol te/ de yang sangs rgyas bcom ldan 'das sngon byang chub sems dpa'i spyad pa spyod pa na yab yum dang / mkhan po dang / slob dpon dang / bla ma'i gnas gzhan rnams kyis rjes su bstan pa dag dang nam yang 'gal bar ma mdzad pa'i phyir da ltar gang yang bka' las 'gal bar mi byed par mnyes par gyur pa yin no/ /de nas bcom ldan 'das kyis kun dga' bo la bka' stsal pa/ khyod kyis dga' bo'i skra dang kha spu bregs shig ces bka' stsal pa dang / bcom ldan 'das/ de bzhin du 'tshal lo/ /zhes 'breg mkhan btsal nas de'i skra 'breg par brtsams pa dang / dga' bos 'breg mkhan de la bsgo ba/ kwa ye khyod mi shes sam/ nga ni/ ring po mi thogs par stobs kyis 'khor los bsgyur ba'i rgyal po byed par 'gyur bas khyod kyis gal te nga'i skra </font><hr>401b<br><font size=+1>


dang kha spu bregs par gyur na/ ngas khyod kyi lag pa gnyis 'khrig ma man chad gcad do/ /zhes bsdigs pas de shin tu skrag par gyur nas spu gri bsdus te phyir 'gro bar brtsams pa dang / de nas tshe dang ldan pa kun dga' bos bcom ldan 'das la de gsol to/ /de nas bcom ldan 'das nyid dga' bo ga la ba der gshegs te/ dga' bo la ci khyod rab tu mi 'byung ngam/ des kyang rab tu 'byung ngo / /zhes gsol pa dang / de nas bcom ldan 'das nyid kyis ril ba bsnams te de'i mgo bo la chu blugs nas 'breg mkhan gyis skra dang / kha spu bregs pa dang / de 'di snyam du deng bdag re zhig bcom ldan 'das la sri zhu byas te rab tu 'byung mod kyi/ 'on kyang dgongs kar slar khyim du 'gro'o/ /snyam mo/ /des dgongs kar lam du zhugs te song ba dang / de nas bcom ldan 'das kyis de 'gro ba'i lam du g.yang sa chen po zhig sbrul pa des mthong nas 'di snyam du puN+Da rI ka dang dus byas pa ni/ thag ring du gyur pas 'gro ba'i rkyen dang ldan par ma gyur te/ deng bdag gis de bsam pa nyid kyis gal te 'chi ba'i dus byed par 'gyur yang srid na/ gal te shi bar ma gyur na nam nangs te 'gro'o/ /zhes puN+Da rI ka dran pa'i mya ngan dang / sdug bsngal gyis mtshan mo 'das par gyur to/ /de nas bcom ldan 'das kyis de'i bsam pa thugs kyis mkhyen nas kun dga' bo la bka' stsal pa/ kun dga' bo khyod song la dga' bo de la khang skyong </font><hr>402a<br><font size=+1>


@#/ /byos shig par sgos shig /des kyang de bzhin du de'i thad du song nas bcom ldan 'das kyis khang skyong byos shig par bka' stsal to/ /zhes bsgo ba dang / des kyang khang skyong zhes bya ba ji lta bu/ des bya ba ni/ ci zhig byed ces dris so/ /des smras pa/ gtsug lag khang du dge 'dun gyi bya ba dag zhal ta bya dgos so/ /smras pa/ tshul ji lta bur bya ba'i rigs/ smras pa/ khang skyong zhes bya ba ni/ gal te dge slong rnams bsod snyoms la dong na/ gtsug lag khang gi nang gi sa rnams phyags nas chag chag gdab par bya'o/ /ba lang gi lci ba gsar pa blangs nas go rim bzhin du 'jam por bsku bar bya'o/ /legs par yid la byas te srung zhing stor brlag med par bya'o/ /gros su bya ba yod na/ dge 'dun la gsol bar bya'o/ /dri dang me tog yod na/ dge 'dun la brim par bya'o/ /mtshan mo sgo gcod cing nam nangs na dbye bar bya'o/ /snam phyis dang / chab khung sa rtag tu bkru zhing byi dor bya dgos so| |gal te gtsug lag khang zhig cing ral pa yod na bcos legs bya'o/ /zhes de skad bstan pa thos pa dang / btsun pa kun dga' bo/ bcom ldan 'das kyis ji skad bka' stsal pa bzhin du thams cad bdag gis de bzhin du bgyi'o/ /zhes khas blangs so/ /de nas dge slong rnams snga dro'i dus kyi tshe sham thabs bgos/ chos gos dang lhung bzed thogs te grong khyer </font><hr>402b<br><font size=+1>


ser skya'i gnas su bsod snyoms la bzhud pa dang / dga' bos gtsug lag khang na su yang med par mthong nas bdag gis phyag dar byas zin pa dang / slar khyim du 'gro'o/ /zhes phyag dar byed pa la zhugs so/ /bcom ldan 'das kyis de gzigs shing mkhyen pas rdzu 'phrul gyi stobs kyis phyags zin pa'i sa gtsang ma rnams slar phyag dar gyis gang bar byin gyis brlabs pa dang / des kyang 'di snyam du bdag gis phyag dar bor te slar khyim du 'gro'o/ /snyam du bsam nas des phyags ma slar bsdus nas phyag dar bor bar brtsams pa dang zad par ma gyur nas des bsam pa gnas khang rnams kyi sgo bcad de 'gro'o/ /snyam nas des gnas khang rnams kyi sgo bcad par brtsams pa dang / bcom ldan 'das kyis sgo gcig bcad zin nas sgo gzhan bcad tsam na sgo gzhan yang bye bar byin gyis brlabs pas/ de nyon mongs pa skyes nas gzhan yang 'di snyam du gal te rkun pos gtsug lag khang 'di nyams par byas kyang 'di la gnod pa ci yod de/ bdag rgyal por gyur pa na 'di bas ches lhag pa'i gtsug lag khang bzang po brgya stong rtsig par zad pas/ bdag ni/ slar khyim du 'gro ba'i rigs so/ /zhes gal te lam po cher zhugs nas 'gro na ni/ bcom ldan 'das dang phrad du dogs pas gseb lam du zhugs te 'gro'o/ /snyam du bsam mo/ /bcom ldan 'das kyis de'i bsam pa thugs kyis mkhyen nas gseb lam de nyid du zhugs te gshegs so/ /des rgyang </font><hr>403a<br><font size=+1>


@#/ /nas bcom ldan 'das mthong nas mi 'phrad par bya ba'i phyir lam gyi 'gram na ljon shing yal ga dang grib mar ldan pa thur du 'jol ba zhig gi drung du gab ste 'dug pa dang / bcom ldan 'das kyis ljon shing de'i yal ga gyen du brdzes nas de'i lus mngon du snang bar byin gyis brlabs so/ /de nas bcom ldan 'das kyis bka' stsal pa/ dga' bo/ khyod gar 'gro/ nga'i phyi bzhin du shog cig /ces bka' stsal pa dang / de yang skyengs te ngo tsha ba'i sems kyis bcom ldan 'das kyi zham 'bring du 'brangs pa dang / bcom ldan 'das kyis 'di snyam du 'di chung ma la chags shing zhen par gyur pas/ 'di de dang dbral zhing phan gdags pa'i phyir grong khyer ser skya nas byung ste grong khyer mnyan yod du gshegs so/ /snyam du dgongs nas der byon pa dang / ri dwags dgra'i ma sa ga'i kun dga' ra ba na bzhugs so/ /de nas bcom ldan 'das kyis 'di snyam du dga' bo blun po 'di ni/ rtag tu chung ma la chags shing zhen nas gtong bar mi byed pas/ 'di la thabs shig sbyar te sems nye bar zhi bar bya'o/ /snyam du dgongs nas/ tshe dang ldan pa dga' bo la bka' stsal pa/ khyod kyis sngon chad dri ldan zhes bya ba'i ri mthong ngam/ gsol pa/ ma mthong lags so/ /gal te de ltar na nga'i chos gos kyi gra nas zungs shig /des kyang na bza'i gra nas bzung ba dang / de nas bcom 'das </font><hr>403b<br><font size=+1>


dang pa'i rgyal po bzhin du nam mkha' la lding ste ri dri ldan du gshegs nas tshe dang ldan pa dga' bo dang thabs cig tu g.yas g.yon du gzigs pa las shing drung zhig na spra mo mig ya gcig zhar ba zhig gdong btegs nas mi g.yo bar rtse gcig tu bcom ldan 'das la bltas pa dang / bcom ldan 'das kyis dga' bo la bka' stsal pa/ khyod kyis spra mo zhar ma 'di mthong ngam/ gsol pa/ bcom ldan 'das/ mthong lags so/ /bcom ldan 'das kyis bka' stsal pa/ khyod ji snyam du sems/ spra mo zhar ma 'di puN+DA rI ka dang bsgrun na/ gang bzang zhing khyad par du 'phags/ gsol pa/ puN+DA rI ka de ni/ shAkya'i rigs lags te/ lha'i bu mo 'dra bar byad bzhin mchog tu gyur cing 'jig rten na zla ma mchis pa lags pas spra mo 'di dang bsgrun par gyur na/ brgya'i char yang nye bar mi mchi/ stong gi cha dang / khri'i cha dang / 'bum gyi cha dang / grangs dang / cha dang / bgrang ba dang / dpe dang / rgyur yang mi bzod lags so/ /bcom ldan 'das kyis bka' stsal pa/ khyod kyis lha'i gzhal med khang mthong ngam/ gsol pa/ ma mthong lags so/ /'o na yang chos gos kyi gra nas zungs shig/ des kyang na bza' nas bzung ba dang / ngang pa'i rgyal po bzhin nam mkha' la mngon par 'phags nas sum cu rtsa gsum gyi lha'i gnas su gshegs te/ tshe dang ldan pa dga' bo la khyod song la lha'i gzhal med khang khyad par du 'phags </font><hr>404a<br><font size=+1>


@#/ /pa'i gnas rnams la ltos shig /ces bka' stsal pa dang / tshe dang ldan pa kun dga' bos kyang dga' ba'i tshal dang / shing rta sna tshogs kyi tshal dang / rtsub 'gyur gyi tshal dang / 'dres pa'i tshal dang / yongs 'du'i 'tshal dang / chos bzang khang la sogs pa lha rnams kyi kun dga' ra ba dang / me tog dang / 'bras bu dang / rdzing dang / rdzing bu dang / rtsed mo rtse zhing dga' mgu'i gnas su song ste/ kun tu khyab par bltas nas mthar gyis grong khyer blta na sdug tu zhugs pa las/ gzhan yang rnga dang / pi wang dang / rgyud rnam pa sna tshogs las sgra snyan pa la sogs pa 'byin pa dang / gnas de dang de dag tu lha'i bu mo dang bu pho shin tu mdzes pa dag lhan cig rtse zhing 'khod pa dag mthong ngo / /dga' bos kun tu brtags pa las/ gnas gzhan zhig gi gzhal med khang na lha'i bu mo 'ba' zhig yod kyi lha'i bu pho med par mthong nas lha'i bu mo de dag la ci'i rgyus gnas gzhan na ni/ lha'i bu mo dang / lha'i bu pho 'dres par gnas nas bde ba rnams myong bar byed na/ khyed ni/ gang gi phyir lha'i bu mo 'ba' zhig lhan cig gnas shing lha'i bu mo snang bar gyur ces dris pa dang / lha'i bu mo de dag gis bcom ldan 'das kyis gcung dga' bo zhes bya ba bcom ldan 'das las rab tu byung nas tshe gcig tu tshangs par spyod pa yang dag par spyod pa zhig yod de/ de dus las </font><hr>404b<br><font size=+1>


'das pa'i 'og tu 'dir skye bar 'gyur pas bdag cag ni/ 'dir de la sdod pa yin no/ /zhes smras so/ /dga' bos de skad thos nas dga' mgu rangs pas myur zhing rangs par bcom ldan 'das ga la bder song ba dang / bcom ldan 'das kyis bka' stsal pa/ khyod kyis lha rnams kyi khyad par du 'phags pa'i dngos po dag mthong ngam/ gsol pa/ mthong lags so/ / bcom ldan 'das kyis khyod kyis dngos po ci zhig mthong zhes bka' stsal pa dang / des kyang ji ltar mthong ba rnams rgyas par bcom ldan 'das la gsol to/ /bcom ldan 'das kyis bka' stsal pa/ dga' bo/ khyod kyis lha'i bu mo rnams mthong ngam/ gsol pa/ mthong lags so/ /lha'i bu mo de dag puN+DA rI ka dang bsgrun na/ gang gzugs bzang zhing khyad par du 'phags/ gsol pa/ bcom ldan 'das/ puN+DA rI ka lha'i bu mo de dag dang bsgrun na/ ji ltar ri dri ldan gyi spra mo zhar ma puN+DA rI ka dang bsgrun pa bzhin du brgya'i char yang nye bar mi mchi ste/ stong gi cha dang / khri'i cha dang / 'bum gyi cha nas rgyu'i bar du yang mi bzod lags so/ /bcom ldan 'das kyis bka' stsal pa/ dga' bo tshangs par spyod pa yang dag par spyad na/ de lta bu'i phan yon khyad par du 'phags pa dang ldan par gyur pas/ deng khyod kyis tshangs par spyod pa brtan par spyod cig dang / lhar skyes nas de lta bu'i bde ba myong bar 'gyur ro/ /des kyang </font><hr>405a<br><font size=+1>


@#/ /de skad du thos nas dga' mgu rangs te cang mi zer bar 'dug go /de nas bcom ldan 'das tshe dang ldan pa dga' bo dang thabs cig tu lha'i gnas nas mi snang bar gyur te/ mnyan yod du rgyal bu rgyal byed kyi tshal mgon med zas sbyin gyi kun dga' ra bar gshegs so/ /de'i tshe tshe dang ldan pa dga' bo yang lha'i gzhal med khang la bsam bzhin du tshangs par spyod pa yang dag par spyad par gyur pa dang / bcom ldan 'das kyis de'i bsam pa thugs kyis mkhyen nas tshe dang ldan pa kun dga' bo la bka' stsal pa/ kun dga' bo/ khyod song la dge slong rnams la 'di skad du khyed su yang dga' bo dang lhan cig stan gcig la ma 'dug cig/ 'chag sa gcig tu ma 'chag cig/ gdang bu gcig la chos gos lhan cig ma bzhag cig /gnas gcig tu lhung bzed dang ril ba lhan cig ma gzhag cig /gnas gcig tu mdo sde bklag par ma byed cig /kha don 'don par ma byed cig ces sgos shig /tshe dang ldan pa kun dga' bos kyang bcom ldan 'das kyis bka' stsal pa de bzhin du dge slong rnams la bsgo ba dang / dge slong rnams kyis kyang 'phags pa'i bka' bzhin du 'tshal lo| |zhes smras so/ /de'i tshe tshe dang ldan pa dga' bo yang mang po rnams kyis spangs par yang mthong bas shin tu ngo tsha zhing gnong bar gyur to/ /de nas dus gzhan zhig na tshe dang ldan pa </font><hr>405b<br><font size=+1>


kun dga' bo dge slong mang po rnams dang lhan cig tu rim gro'i gnas na chos gos 'drub pa'i las byed pa de'i tshe tshe dang ldan pa dga' bos mthong nas 'di snyam du dge slong mang po 'di dag ni/ bdag yongs su spangs pas lhan cig tu mi gnas na/ tshe dang ldan pa kun dga' bo 'di ni/ bdag gi phu nu yin pas cis kyang smad par mi byed do/ /snyam du bsam nas de'i thad du song ste lhan cig 'dug pa dang / de'i tshe tshe dang ldan pa kun dga' bos yang myur du langs te song ngo / /des smras pa/ kun dga' bo/ dge slong gzhan rnams ni/ bdag spong ba'i rigs na/ khyod kho bo'i phu nu bo yin na/ ci'i phyir bdag spong bar byed/ tshe dang ldan pa kun dga' bos smras pa/ yang dag par de lta bu'i don dang ldan mod kyi/ 'on kyang khyod ni/ lam gzhan du 'gro la bdag kyang lam gzhan du 'gro bas de'i phyir phan tshun byol ba yin no/ /smras pa/ gang ni/ kho bo'i lam yin/ gang ni/ khyod kyi lam yin/ smras pa/ khyod ni/ lhar skye bar mos nas tshangs par spyad pa spyod do/ /bdag ni/ mya ngan las 'das pa yongs su gnyer ba'i phyir 'dod pa kun nas nyon mongs pa rab tu bsal ba yin no/ /zhes de skad smras pa thos pa dang / shin tu mi dga' zhing mya ngan gyis non par gyur to/ /de nas bcom ldan 'das kyis de'i sems kyis bsam pa thugs kyis mkhyen nas tshe dang ldan pa dga' bo la bka' stsal pa/ </font><hr>406a<br><font size=+1>


@#/ /khyod kyis sngon chad sems can dmyal ba mthong ngam/ gsol pa/ bcom ldan 'das/ ma mthong lags so/ /bcom ldan 'das kyis bka' stsal pa/ khyod kyis nga'i chos gos kyi gra nas zungs shig /des kyang na bza' la bzung ba dang / bcom ldan 'das kyis de khrid nas sems can dmyal ba'i gnas su gshegs so/ /de nas bcom ldan 'das phyogs gcig tu bzhugs nas tshe dang ldan pa dga' bo la bka' stsal pa/ khyod song la sems can dmyal ba rnams la ltos shig /tshe dang ldan pa dga' bo yang de bzhin du song ba las sngar ni chu bo be ta ra ni mthong ngo / /de nas mthar gyis ral gri lo ma'i nags dang / bshang gci'i 'dam dang / me mar mur gyi gnas su phyin te/ de dag tu zhugs te rnam par bltas pa las/ sems can mang po sdug bsngal sna tshogs myong ba dag mthong ste/ kha cig ni/ skam pas lce dang / so dang / mig phyung ba dang / kha cig ni/ sog les lus 'dra ba dang / kha cig ni/ sta res rkang lag gtub pa dang / kha cig ni/ mtshon cha shag ti dang / dgra sta so gnyis pa dang / ber gas bsnun pa dang / kha cig ni| lcags kyi tho bas 'tshog par byed pa dang / kha cig ni/ lcags kyi thu lum khar bcug pa dang / kha cig ni/ ri ral gri'i lo ma can dang / ljon cing ral gri'i lo ma can </font><hr>406b<br><font size=+1>


la 'dzeg pa dang / gtun gyis brdungs pa dang / rang thag gis 'thag pa dang / zangs kyi ka ba la 'ju ba dang / lcags kyi khri la 'dug nas sdug bsngal mi bzad pa rnams myong bar mthong ngo / / kha cig ni/ lcags zangs me lce rab tu 'bar zhing 'khol ba rab tu tsha ba'i 'ong byung ba dag tu sems can de dag 'tshod pas de lta bu'i sdug bsngal gyi dngos po myong ba dag mthong ngo / /gzhan yang lcags zangs stong par khol zhing me lce rab tu 'bar zhing tsha ba sems can med pa zhig mthong ba dang / shin tu skrag nas dmyal ba'i srung ma la kye rgyu dang rkyen gang gi phyir lcags zangs gzhan rnams ni/ sems can dag 'tshod par byed la/ lcags zabs 'di 'ba' zhig ni/ stong par khol zhes dris pa dang / des smras pa/ bcom ldan 'das kyi gcung dga' bo zhes bya ba de lhar skye bar smos nas sems rtse gcig tu tshangs par spyad pa la yang dag par spyod pas/ lha'i 'jig rten du skyes nas re zhig bde ba myong bar 'gyur yang de shi ba'i 'og tu lcags zangs 'dir 'jug par 'gyur bas/ de'i phyir deng bdag cag lcags zangs me sbar nas sdod pa yin no/ /zhes smras pa dga' bos thos nas shin tu 'jigs skrag pa skyes nas ba spu langs te lus las rdul byung nas 'di snyam du 'dis gal te bdag dga' bo yin par shes par gyur na ni/ gson po kho nar zangs kyi nang du bor bar 'gyur snyam du bsams nas myur zhing rings par bcom </font><hr>407a<br><font size=+1>


@#/ /ldan 'das ga la ba de logs su bros te song ba dang / bcom ldan 'das kyis bka' stsal pa/ khyod kyis sems can dmyal ba mthong ngam/ des kyang snying rje ba'i tshul du mchi ma blags te dus nas lce lkugs pa bzhin du skad phra mo phyung nas mthong lags so/ /zhes gsol to/ /bcom ldan 'das kyis bka' stsal pa/ khyod kyis dngos po ci zhig mthong / des kyang ji ltar mthong ba rnams rgyas par bcom ldan 'das la gsol pa dang / bcom ldan 'das kyis bka' stsal pa/ dga' bo/ mir skye bar smon pa dang / lha'i 'jig rten yongs su tshol bas tshangs par spyod pa yang dag par spyad pa la nyes dmigs de lta bu yod pas/ de lta bas na/ deng khyod kyis mya ngan las 'das pa yongs su gnyer ba'i bsam pas tshangs par spyad par bya'i lha'i skye bo la mngon par dga' bas rab tu brtson par mi bya'o/ /tshe dang ldan pa dga' bos de skad ces bka' stsal pa thos nas ngo tsha ba'i sems kyis cang mi zer bar 'dug pa dang / de nas bcom ldan 'das kyis de'i bsam pa thugs kyis mkhyen nas sems can dmyal ba'i khams nas mi snang bar gyur te/ slar rgyal bu rgyal byed kyi tshal du gshegs nas tshe dang ldan pa dga' bo dang dge slong rnams la bka' stsal pa/ nang gi dri ma rnam pa gsum yod de/ 'di lta ste/ 'dod chags dang / zhe sdang dang / gti mug gang yin pa ste/ de dag ni/ spang bar bya ba yin pas </font><hr>407b<br><font size=+1>


yongs su spangs pa la rab tu brtson zhing bslab par bya'o/ /de nas de'i tshe bcom ldan 'das rgyal bu rgyal byed kyi tshal du bzhugs nas ring bor ma lon par rkyen ji lta ba bzhin du sems can gdul ba'i phyir dge slong gi dge 'dun dang thabs cig tu yul tsam par gshegs nas gang+gA'i rdzing bu'i 'gram na bzhugs so/ /de nas tshe dang ldan pa dga' bo dge slong lnga brgya dang lhan cig tu bcom ldan 'das ga la der dong ste bcom ldan 'das kyi zhabs la phyag byas nas phyogs gcig tu 'khod do/ /de nas bcom ldan 'das kyis dge slong rnams phyogs gcig tu 'khod par mkhyen nas tshe dang ldan pa dga' bo la bka' stsal pa/ nga la chos kyi rnam grangs thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su dkar ba/ tshangs par spyod pa'i chos 'di lta ste/ mngal du 'jug pa zhes bya ba'i chos kyi rnam grangs yod kyi/ shin tu legs par nyon la yid la zungs shig dang / ngas deng khyod la bshad par bya'o/ /tshe dang ldan pa dga' bos bcom ldan 'das/ de bzhin du thos par 'tshal lo/ /zhes gsol pa dang / bcom ldan 'das kyis bka' stsal pa/ dga' bo/ ma'i mngal dang ldan par gyur kyang mngal du 'jug par 'gyur ba yang yod/ 'jug par mi 'gyur ba yang yod/ ji ltar skye ba len cing ma'i mngal du 'jug par 'gyur zhe na/ gal te pha ma </font><hr>408a<br><font size=+1>


@#/ /gnyis 'dod pa'i sems kyis lhan cig 'khrig pa yang spyod par gyur/ ma'i mngal yang yongs su gtsang bar gyur/ dus kyi zla mtshan dang yang ldan par gyur pa la bar ma do'i phung po yang mngon sum du snang bar gyur na/ de'i tshe ma'i mngal du 'jug par rig par bya'o/ /de la bar mdo'i phung po'i dbyibs de yang rnam pa gnyis su 'gyur te/ kha dog sdug cing mdzes pa dang / kha dog mi sdug cing mi mdzes pa'o/ /sems can dmyal ba rnams kyi bar ma do'i srid pa'i kha dog ni/ mi sdug pa yin te/ 'di lta ste/ dper na/ sdong du ma tshig pa dang 'dra'o/ /dud 'gro rnams kyi bar ma do'i srid pa'i kha dog ni/ 'di lta ste/ dper na/ dud pa dang 'dra'o/ /yi dwags kyi bar ma do'i srid pa'i kha dog ni/ 'di lta ste/ dper na/ chu dang 'dra'o/ /lha dang mi rnams kyi bar ma do'i srid pa'i kha dog ni/ 'di lta ste/ dper na/ gser gyi kha dog dang 'dra'o/ /gzugs kyi khams kyi bar ma do'i srid pa'i kha dog ni/ dkar por 'dug go /gzugs med pa'i khams kyi lha rnams la ni/ bar ma do'i srid pa med de/ 'di ltar de ni/ gzugs med pa'i phyir ro/ /bar ma do'i phung po'i sems can kha cig ni/ lag pa gnyis dang / rkang pa gnyis dang ldan no/ /kha cig ni/ rkang pa bzhi dang / rkang pa mang po dang ldan no/ /kha cig ni/ rkang pa med de/ sngon gyi las ji lta ba bzhin du gang du skye bar </font><hr>408b<br><font size=+1>


'gyur ba de dang dbyibs 'dra ba'i bar ma do'i srid pa mngon par 'grub par 'gyur ro/ /lha'i bar ma do'i srid pa gang yin pa de ni/ mgo gyen du blta'o/ /mi dang / dud 'gro dang / yi dwags rnams kyi ni/ thad kar lta zhing 'gro'o/ /sems can dmyal ba rnams kyi bar ma do'i srid pa ni/ mgo thur du ba lta'o/ /bar ma do'i srid pa thams cad kyang rdzu 'phrul dang ldan pas nam mkha' la 'gro zhing lha'i mig bzhin du skye ba'i gnas thag ring po yang mthong bar nus so/ /de la dus kyi zla mtshan dang ldan pa zhes bya ba ni/ 'di lta ste/ zla mtshan gyi dus la bab pa gang yin pa'o| |dga' bo/ bud med kha cig ni/ zhag gsum dang / zhag lnga dang / zla ba phyed dang / zla ba gcig lon nas zla mtshan dang ldan pa yang yod do/ /kha cig ni/ rkyen la ltos pas yun ring ba zhig lon nas gdod zla mtshan dang ldan par 'gyur ba yang yod do/ /bud med gang lus kyi mthu stobs med pa dang / sdug bsngal mang po myong ba dang / byad bzhin mi sdug pa dang / bza' ba dang / btung ba mi bsod pa dag zos shing 'thungs pa de dag ni/ zla mtshan 'ongs su zin kyang myur du 'chad par 'gyur te/ 'di lta ste/ dper na/ sa skam po'i phyogs su chus chag chag btab ba'i tshe myur du skam par 'gyur ba bzhin no/ /bud med gang lus kyi mthu stobs dang ldan pa dang / rtag tu bde ba myong ba dang / byad bzhin sdug pa dang / bza' ba </font><hr>409a<br><font size=+1>


@#/ /dang / btung ba bsod pa dag zos shing 'thungs pa de dag gi zla mtshan ni/ myur du 'chad par mi 'gyur te/ 'di lta ste/ dper na/ sa gsher ba'i phyogs su chus chag chag btab pa'i tshe myur du skam par mi 'gyur ba bzhin no/ /ji ltar ma'i mngal du 'jug par mi 'gyur zhe na/ gal te pha'i khu ba byung la ma'i khu ba ma byung ba dang / ma'i khu ba byung la pha'i khu ba ma byung ba'am/ gal te gnyis ka ma byung bar gyur na/ thams cad mngal len par mi 'gyur ro/ /gal te ma yongs su dag par ma gyur la pha yongs su dag par gyur pa'am/ gal te pha yongs su dag par ma gyur la ma yongs su dag par gyur pa'am/ gal te gnyis ka yongs su dag par ma gyur na yang mngal len par mi 'gyur ro/ /gal te ma'i mngal gyi gnas rlung nad kyis yongs su zin par gyur tam/ mkhris pa dang / bad kan gyis yongs su zin par gyur tam/ khrag gis non pas mngal mdud pa can du gyur tam/ shas gang bar gyur tam/ sman 'thungs sam/ dbus gnas 'dra ba'am/ grog ma'i rked pa 'dra ba'am/ mngal gyi sgo rnga mo'i kha lta bur gyur tam/ dbus shing rtsa ba mang po can lta bur gyur tam/ sgo gshol mda' lta bur gyur tam/ shing rta'i rtsibs bzhin sog kar 'dug pa'am/ sba lta bur 'dug pa'am/ nas kyi gra ma skyes pa lta bur gyur tam/ </font><hr>409b<br><font size=+1>


mngal 'og tu zab pa'am/ steng du zab pa'am/ mngal gyi snod du rung ba ma yin pa'am/ rtag tu khrag zag pa'am/ chu zag pa'am/ bya rog gi mchu ltar rtag tu phye zhing btsum du mi btub pa'am/ steng dang / 'og dang / tha ma zheng che chung mi mnyam pa'am/ mthon dman mi snyoms shing 'bar 'bur du gyur ba'am/ nang srin bus gtses pa'am/ rul zhing myags nas mi gtsang bar gyur pa gang yin pa ste/ gal te ma'i mngal 'di lta bu'i skyon dang ldan par gyur na thams cad mngal du 'jug par mi 'gyur ro/ /gal te pha ma cho rigs btsun zhing bar ma do'i srid pa dman par gyur tam/ bar ma do'i srid pa cho rigs btsun zhing pha ma dman par gyur na yang mngal du 'jug par mi 'gyur ro/ /gal te pha ma dang bar ma do'i srid pa gnyis ka cho rigs btsun par gyur kyang / gal te las mthun par ma gyur na yang mngal du 'jug par mi 'gyur ro/ /gal te bar ma do'i srid pa mdun na snang ba'i yul la pho dang / mo'i srid pa gnyis med par gyur na yang skye ba len par mi 'gyur ro/ /dga' bo/ /bar ma do'i srid pa ji ltar ma'i mngal du 'jug pa thob par 'gyur zhe na/ gal te ma'i mngal yang yongs su gtsang bar gyur la bar ma do'i srid pas 'dod pa'i bya ba spyod pa mngon sum du mthong bar gyur pa nas gong du bstan pa lta bu'i skyon mang po'i bar yang med par gyur te/ pha ma dang / bu yang </font><hr>410a<br><font size=+1>


@#/ /phan tshun mngon par 'phrad pa'i las dang ldan par gyur na/ gdod ma'i mngal du 'jug par 'gyur ro/ /gzhan yang bar ma do'i srid pa de ma'i mngal du 'jug pa'i tshe sems phyin ci log tu gyur te/ gal te pho yin na ni/ ma la chags pa skye bar 'gyur la/ pha la ni/ zhe sdang skye bar 'gyur ro/ /gal te mo yin na ni/ pha la ni/ chags pa skye bar 'gyur la/ ma la ni/ zhe sdang skye bar 'gyur te/ sngon 'das pa'i dus su mngon par 'dus byas pa'i las kyi dbang gis yang dag pa ma yin pa'i 'du shes kyis log par shes pa'i bsam pa skyed par byed de/ gang grang ba'i 'du shes dang / rlung chen po langs pa dang / char chen po 'bab pa dang / gnam rmus pa'i 'du shes dang / skye bo mang po'i sgra ca co thos pa'i 'du shes skyed par byed pas las kyi mthon dman ji lta bzhin du yang dag pa ma yin pa'i 'du shes rnam pa bcu 'byung bar 'gyur ro/ /bcu gang zhe na/ deng bdag ni/ khang pa'i nang du 'jug go /snyam pa dang / bdag ni/ khang pa brtsegs ma'i steng du 'dzeg go /snyam pa dang / bdag ni/ gzhal med khang du 'jug go /snyam pa dang / bdag ni/ khri la 'dzeg go /snyam pa dang / bdag ni/ rtswa'i spyil bur 'jug go /snyam pa dang / bdag ni/ lo ma'i khyim du 'jug go /snyam pa dang / bdag ni/ rtswa </font><hr>410b<br><font size=+1>


stug por 'jug go /snyam pa dang / bdag ni/ nags kyi nang du 'jug go /snyam pa dang / bdag ni/ rtsig pa'i bu gar 'dzul lo/ /snyam pa dang / bdag ni/ sog ma'i gseb tu 'jug go / snyam du sems pa gang yin pa ste/ dga' bo/ de'i tshe bar ma do'i srid pa de de snyam du bsam nas ma'i mngal du 'jug par 'jug par 'gyur ro/ /skye ba len pa de ni/ mer mer po zhes bya bar rig par bya ste/ de ni/ pha'i khu ba dang ma'i khrag yin te/ dngos po gzhan ma yin yang pha dang ma'i khu ba dang / khrag 'dus pa'i rgyu rkyen dang / rnam par shes pa'i rkyen la brten te lhan cig gnas par byed pas 'di lta ste/ dper na/ zho dang / rdza ma dang / srub shing dang / skyes bu'i rtsol ba la brten nas mar 'byung gi /gzhan las mi 'byung ba bzhin du pha ma'i mig gtsang ba'i khu ba dang khrag las mngon par grub pa'i lus mer mer po yang de bzhin du rig par bya'o/ /gzhan yang dga' bo/ dpe rnam pa bzhi yod kyi/ khyod legs par nyon cig /'di lta ste/ dper na/ rtswa sngon po la brten te srin bu skye bar 'gyur bar 'gyur ba rtswa sngon po yang srin bu ma yin/ rtswa las gud na yang srin bu med mod kyi/ 'on kyang rtsa la brten pa'i rgyu dang rkyen 'dus pa'i dbang gis srin bu skyes nas lus kyi kha dog kyang sngon por 'gyur ba de bzhin du/ dga' bo/ pha'i khu ba dang / ma'i khrag gi lus mer mer po yang 'di ltar rgyu dang </font><hr>411a<br><font size=+1>


@#/ /rkyen 'dus pa las 'byung ba chen po'i dbang po skye bar rig par bya'o/ /'di lta ste/ dper na/ ba lang gi lci ba la brten nas srin bu skye bar 'gyur ba ba lang gi lci ba yang srin bu ma yin/ ba lang gi lci ba las gud na yang srin bu med mod kyi/ 'on kyang ba lang gi lci ba la brten pa'i rgyu rkyen 'dus pa'i dbang gis srin bu skyes nas lus kyi kha dog kyang ser por 'gyur ba de bzhin du/ dga' bo/ pha'i khu ba dang / ma'i khrag gi lus mer mer po yang 'di ltar rgyu rkyen 'dus pa las 'byung ba chen po'i dbang po skye bar rig par bya'o/ /'di lta ste/ dper na/ rgya shug la brten nas srin bu skye bar 'gyur ba rgya shug kyang srin bu ma yin/ rgya shug las gud na yang srin bu med mod kyi/ 'on kyang rgya shug la brten pa'i rgyu rkyen 'dus pa'i dbang gis srin bu skyes nas lus kyi kha dog kyang dmar por 'gyur ba de bzhin du/ dga' bo/ pha'i khu ba dang / ma'i khrag gis lus mer mer po yang 'di ltar rgyu dang rkyen 'dus pa las 'byung ba chen po'i dbang po skye bar rig par bya'o/ /'di lta ste/ dper na/ zho la brten nas srin bu skyes par gyur pa lus kyi kha dog kyang dkar por 'gyur ba zhes bya ba nas rgyu dang rkyen 'dus pa las 'byung ba chen po'i dbang po skye bar 'gyur zhes bya ba'i bar du yang rgyas par sbyar ro/ /gzhan yang dga' bo/ pha ma'i mi gtsang ba la brten pa'i </font><hr>411b<br><font size=+1>


mer mer po'i dbang gis sa'i khams mngon du snang bas ni/ sra ba'i bya ba byed do/ /chu'i khams mngon du snang bas ni/ gsher ba'i bya ba byed do/ /me'i khams mngon du snang bas ni/ dro ba'i bya ba byed do/ /rlung gi khams mngon du snang bas ni/ yang zhing g.yo ba'i bya ba byed do/ /dga' bo/ gal te pha ma'i mi gtsang ba'i lus mer mer po de sa'i khams 'ba' zhig dang ldan la chu'i khams med par gyur na ni/ bskams te gyes par 'gyur bas/ 'di lta ste/ dper na/ lag pas phye dang / thal ba skam po la sogs pa bcangs pa bzhin du 'gyur ro/ / gal te chu'i khams 'ba' zhig dang ldan la sa'i khams med par gyur na ni/ bo bar 'gyur te/ 'di lta ste/ dper na/ 'bru mar ram chu lta bur gyur pa zhig na/ chu'i khams kyi dbang gis ni| sa'i khams gyes par mi 'gyur la/ sa'i khams kyi dbang gis ni/ chu'i khams po bar mi 'gyur ro/ /dga' bo/ gal te mer mer po'i lus sa dang chu'i khams dang ldan par gyur la| me'i khams med par gyur na ni/ rul zhing myags par gyur te/ 'di lta ste/ dper na/ dbyar gyi dus su sha'i gong bu grib ma la bzhag pa bzhin du 'gyur ro/ /dga' bo/ gal te mer mer po'i lus sa dang chu dang me'i khams 'ba' zhig dang ldan la rlung gi khams med par gyur na ni/ 'phel zhing rgyas par mi 'gyur te/ 'di dag thams cad ni/ sngon gyi las kyis </font><hr>412a<br><font size=+1>


@#/ /rgyu byas nas phan tshun gcig gis rkyen gcig gis rgyu byas pa'i dbang gis rnam par shes pa skye bar 'gyur bas sa'i khams kyis ni/ rten byed do/ /chu'i khams kyis ni/ sdud par byed do/ /me'i khams kyis ni/ yongs su smin par byed do/ /rlung gi khams kyis ni/ 'phel bar byed de/ dga' bo/ 'di lta ste/ dper na/ khur ba mkhan nam| de'i slob mas khur ba legs par btsos nas dbugs kyis bus nas rgya cher 'phel zhing nang khong stong du byed pa ji lta ba bzhin no/ /'di lta ste/ dper na/ pad+ma'i rtsa ba ji lta ba bzhin du nang gi lus kyi 'byung ba chen po sa dang / chu dang / me dang / rlung gi khams las kyi stobs kyis 'phel bar byed pa yang de bzhin du rig par bya'o/ /dga' bo/ pha ma'i mi gtsang ba las mer mer po'i lus 'byung ba yang ma yin/ pha'i rkang las kyang ma yin/ ma'i mngal nas kyang ma yin/ las las kyang ma yin/ rgyu las kyang ma yin/ rkyen las kyang ma yin mod kyi/ 'on kyang rgyu rkyen mang po 'di dag tshogs pa'i dbang gis mngal 'grub par byed de/ 'di lta ste/ dper na/ sa bon gsar pa rlung dang nyi mas nyams par ma byas pa/ sra zhing snying po dang bcas pa/ bu ga ma byung ba shin tu legs par sbas pa zhing gshin pa la btab nas rlan gyis rgyu dang rkyen 'dus par gyur na/ gdod myu gu dang / sdong </font><hr>412b<br><font size=+1>


bu dang / yal ga dang / lo ma dang / me tog dang / 'bras bu rim gyis skye zhing 'phel bar 'gyur te/ dga' bo/ sa bon de yang rkyen 'dus pa dang bral ba las myu gu la sogs pa skyed par byed pa ma yin pa de bzhin du pha ma 'ba' zhig dang / las 'ba' zhig dang / rkyen gzhan 'ba' zhig las mngal du skye ba thob pa ma yin gyi/ pha ma'i khu ba dang / khrag dang / rgyu dang / rkyen 'dus pa'i dbang gis mngal mngon par 'grub par rig par bya'o/ /dga' bo/ 'di lta ste/ dper na/ mig dang ldan pa'i skyes bus me yongs su 'tshol ba'i phyir nor bu me shel khyer nas nyi ma la bzhag ste ba lang gi lci ba skam po'i steng du bzhag na/ gdod me 'byung bar 'gyur ba de bzhin du pha ma'i khu ba dang / khrag dang / rgyu dang / rkyen 'dus pa la brten pa'i phyir gdod mngal mngon par 'grub pa yang de bzhin du rig par bya'o/ /pha ma'i mi gtsang ba las mer mer po mngon par grub pa gang yin pa de ni/ gzugs zhes bya'o/ /tshor ba dang / 'du shes dang / 'du byed dang / rnam par shes pa gang yin pa de ni/ ming zhes bya ste/ de ni/ ming dang gzugs zhes bya'o/ /ming dang gzugs kyi phung po shin tu smad par bya ba'i srid pa rnams su skye ba len par byed pa 'di la ni/ ngas phyogs cung zad tsam mam/ skad cig tsam du yang bsngags pa rjod par mi byed do/ /de ci'i phyir zhe na/ srid pa rnams su skye bar 'gyur ba gang yin pa de ni/ sdug bsngal </font><hr>413a<br><font size=+1>


@#/ /chen po yin pas so/ /'di lta ste/ dper na/ skyug pa ni/ ji ltar chung yang mnam par byed pa de bzhin du sring pa rnams su skyes pa gang yin pa de ni/ chung yang sdug bsngal yin par rig par bya'o/ /nye bar len pa'i phung po lnga po gzugs dang / tshor ba dang / 'du shes dang / 'du byed dang / rnam par shes pa gang yin pa de dag thams cad ni/ skye ba dang / gnas pa dang / 'phel ba dang / nyams shing 'jig pa dang ldan te/ skye ba gang yin pa de ni/ sdug bsngal ba yin no/ /gnas pa gang yin pa de ni| na ba yin no/ /'phel ba dang nyams shing 'jig pa gang yin pa de ni/ rga shi yin te/ de lta bas na/ dga' bo/ mkhas pa gang zhig srid pa'i rgya mtsho 'dir srid pa'i ro bskyed nas ma'i mngal na nyal zhing 'di 'dra ba'i sdug bsngal mi bzad pa yang dag par nyams su myong bar byed/ gzhan yang dga' bo/ 'di ltar ma'i mngal du zhugs pa de'i grangs kyang mdor bsdu na zhag bdun phrag sum cu rtsa brgyad yong par rig par bya ste/ zhag bdun phrag dang po'i tshe ma'i mngal mi gtsang ba thog ma'i gnas su nyal bas 'di lta ste/ dper na/ zangs rab tu tsha ba'i nang du btsos shing brdos pa bzhin du lus kyi dbang po dang rnam par shes pa lhan cig tu sdug bsngal mi bzad pa myong ba gang yin pa de ni/ mer mer po zhes bya'o/ /de'i </font><hr>413b<br><font size=+1>


dbyibs ni/ 'di lta ste/ dper na/ 'bras kyi khu ba'am/ zho'i spris ma dang 'dra bas zhag bdun gyi bar du nang du btsos rab tu btsos pas na/ sa'i khams sra ba nyid dang / chu'i khams gsher ba nyid dang / me'i khams dro ba nyid dang / rlung gi khams yang zhing g.yo ba nyid gdod mngon du snang bar 'gyur ro/ /dga' bo/ zhag bdun phrag gnyis pa la ma'i mngal na mi gtsang ba'i gnas su 'di lta ste/ dper na/ zangs kyi nang du btsos shing brngos pa bzhin du lus kyi dbang po dang rnam par shes pa lhan cig tu sdug bsngal mi bzad pa myong ba na ma'i mngal nas kun tu reg pa zhes bya ba'i rlung sngon gyi las kyi dbang gis rang byung nas mngal de la reg pa gang yin pa de ni/ nur nur po zhes bya'o/ /de'i dbyibs ni/ zho ska ba'am/ mar 'khyags pa 'dra ste| zhag bdun gyi bar du nang du btsos rab tu btsos pas na/ khams bzhi po dag mngon du snang bar 'gyur ro/ /dga' bo/ zhag bdun phrag gsum pa la'ang rgyas par snga ma bzhin du sbyar te| ma'i mngal nas mdzod kha zhes bya ba'i rlung sngon gyi las kyi dbang gis byung nas mngal de la reg pa gang yin pa de ni/ ltar ltar po zhes bya'o/ /de'i dbyibs ni/ 'di lta ste/ lcags kyi thur ma'am/ srin bu grol ma 'dra ste/ zhag bdun gyi bar du yang btsos rab tu btsos pas na/ khams bzhi po dag mngon du snang bar 'gyur ro/ /dga' bo/ zhag bdun phrag bzhi pa la yang </font><hr>414a<br><font size=+1>


@#/ /rgyas par snga ma bzhin du sbyar te/ ma'i mngal nas nang rab tu 'byed pa zhes bya ba'i rlung sngon gyi las las byung nas mngal na gnas pa'i zug rngu rab tu 'bar ba 'bung bar byed pa gang yin pa de ni/ mkhrang 'gyur zhes bya'o/ /de'i dbyibs ni/ bong ba'am/ mchi gu 'dra ste/ zhag bdun gyi bar du zhes bya ba nas khams bzhi po dag mngon du snang bar 'gyur zhes bya ba'i bar du snga ma bzhin no/ /dga' bo/ zhag bdun phrag lnga pa la'ang rgyas par snga ma bzhin du sbyar te/ ma'i mngal nas yang dag par sdud pa zhes bya ba'i rlung 'byung ste/ rlung des mngal la reg par gyur pa na mtshan ma lnga po 'di lta ste/ dpung pa gnyis dang / brla gnyis dang / mgo'i mtshan ma mngon du 'byung bar byed de/ 'di lta ste/ dper na/ dbyar gyi dus su char 'bab pa'i tshe ljon shing dang / nags tshal rnams yal ga dang / lo ma rgyas shing 'phel bar byed pa de bzhin du mtshan ma lnga po dag rab tu snang bar byed do/ /dga' bo/ zhag bdun phrag drug pa la ni/ ma'i mngal nas rgya chen po zhes bya ba'i rlung 'byung ste/ rlung des mngal la reg par gyur pa na mtshan mi bzhi po 'di lta ste/ brla ngar gnyis dang / rje ngar gnyis 'byung bar byed de/ 'di lta ste/ dper na/ dbyar char 'bab pa'i tshe rtswa shing yal ga skye bar 'gyur ba de bzhin du mtshan ma </font><hr>414b<br><font size=+1>


bzhi po dag rab tu snang bar byed do/ /dga' bo/ zhag bdun phrag bdun pa la ni/ ma'i mngal nas 'khyil bar byed pa zhes bya ba'i rlung 'byung ste/ rlung des mngal de la reg par gyur pa na mtshan ma bzhi po 'di lta ste/ lag pa'i bol gnyis dang / rkang pa'i bol gnyis 'byung bar byed de/ 'di lta ste/ dper na/ lbu ba 'dus pa'am/ nya lcibs bzhin du mtshan ma bzhi po de dag dang ldan par 'gyur ro/ /dga' bo/ zhag bdun phrag brgyad pa la ni/ ma'i mngal nas zlog cing sgyur bar byed pa zhes bya ba'i rlung 'byung ste/ rlung des mngal de la reg par gyur pa na mtshan ma nyi shu po 'di lta ste| lag pa dang / rkang pa'i sor mo bcu bcu thog ma kho nar snang bar byed de/ 'di lta ste/ dper na/ dbyar char 'bab pa'i tshe ljon shing gi rtsa ba dang por skyes pa ji lta ba bzhin no/ /dga' bo/ zhag bdun phrag dgu pa la ni/ ma'i mngal nas rnam par 'byed pa zhes bya ba'i rlung 'byung ste/ rlung des mngal la reg par gyur pa na mtshan ma dgu po 'di lta ste/ mig gnyis dang / rna ba gnyis dang / sna gnyis dang / kha dang / bshang ba dang / gci ba'i bu ga gnyis snang bar byed do/ /dga' bo/ zhag bdun phrag bcu pa la ni/ ma'i mngal nas sra bar byed bzhes bya ba'i rlung 'byung ste/ des mngal na gnas pa sra zhing brtan par byed do/ /zhag bdun pa de nyid kyi tshe ma'i mngal nas gzhan yang kun nas skye ba zhes bya ba'i rlung 'byung nas rlung des mngal gyi gnas bus nas rgyas par byed de/ </font><hr>415a<br><font size=+1>


@#/ /'di lta ste/ dper na/ rkyal pa bus pa rgyas par gyur pa ji lta ba bzhin no// //bam po gnyis pa/ dga' bo/ zhag bdun phrag bcu gcig pa la ni/ ma'i mngal nas bu ga snang ba zhes bya ba'i rlung 'byung ste/ rlung des mngal la reg par gyur pa na mngal na gnas pa de khong stong du byed pas bu ga dgu po dag rab tu snang bar 'gyur te/ gal te ma 'gro ba'am| 'greng ba'am/ 'dug pa'am/ nyal ba'am/ las dag byas par gyur na/ de'i tshe rlung de 'khyil ba nyid kyis khong stong du gyur nas bu ga rnams mthar gyis che bar byed do/ /gal te rlung de steng gi phyogs su song na ni/ steng gi bu ga 'byin par byed la/ gal te 'og gi phyogs su song na ni/ 'og gi bu ga 'byin par byed de/ 'di lta ste/ dper na/ mgar ba'am/ de'i slob mas sbud pa bus pa na steng dang 'og tu rlung rgyu zhing rlung gi bya ba byas nas 'gag par 'gyur ba bzhin no/ /dga' bo/ zhag bdun phrag bcu gnyis pa la ni/ ma'i mngal nas yon po'i sgo zhes bya ba'i rlung 'byung ste/ rlung des mngal bus pas g.yas g.yon gyi nang khrol gyi rgyu ma dang / gnye ma dag par byed de/ 'di lta ste/ dper na/ pad+ma'i rtsa ba bzhin du lus la brten te bsnol mar gnas so/ /zhag bdun pa de nyid kyi tshe gzhan yang spu rgyus pa zhes bya ba'i rlung 'byung ste/ mngal gyi nang nyid du lhag chad med par tshigs brgya sum cu skyed par byed do/ / </font><hr>415b<br><font size=+1>


gzhan yang rlung de'i stobs kyis nad brgya rtsa gcig 'byung bar byed do/ /dga' bo/ zhag bdun phrag bcu gsum pa la ni/ ma'i mngal nas snga ma'i rlung de nyid kyi stobs kyis bkres pa dang / skom par shes par byed pas/ mas zos shing 'thungs pa'i bcud ji snyed pa dag lte bar zhugs nas de'i lus la phan 'dogs par byed do/ /dga' bo/ zhag bdun phrag bcu bzhi pa la ni/ ma'i mngal nas skud pa'i kha zhes bya ba'i rlung 'byung ste/ rlung des mngal na gnas pa de'i rtsi rgyus stong skyed par byed de/ nyis brgya lnga bcu ni/ lus kyi mdun na gnas so/ /nyis brgya lnga bcu ni/ lus kyi rgyab na gnas so/ /nyis brgya lnga bcu ni/ lus kyi g.yas phyogs na gnas so/ /nyis brgya lnga bcu ni/ lus kyi g.yon phyogs na gnas so/ /dga' bo/ zhag bdun phrag bco lnga pa la ni/ ma'i mngal nas pad+ma zhes bya ba'i rlung 'byung ste/ mngal na gnas pa de'i lus la rtsa rgyu ba rnam pa nyi shu bskyed nas ro rnams gzhib par byed de/ de yang lus kyi mdun na lnga dang / lus kyi rgyab na lnga dang / lus kyi g.yas na lnga dang / lus kyi g.yon na lnga yod do/ /rtsar rgyu ba de yang ming sna tshogs dang / kha dog sna tshogs dang ldan pas/ ming ni/ sa ga zhes kyang bya/ stobs zhes kyang bya/ brtan pa zhes kyang bya/ mthu dang ldan pa zhes kyang bya'o/ /kha dog ni/ sngon po dang / ser po dang / dmar po dang / dkar po dang / bab la lta bu'i </font><hr>416a<br><font size=+1>


@#/ /ser skya dang / mar dang / 'bru mar dang / zho la sogs pa'i kha dog dang ldan pa gang yin pa dang / gzhan yang kha dog mang po phan tshun 'dres pa gang yin pa'o// dga' bo/ rtsar rgyu ba nyi shu po de dag re re la yan lag bzhi bcu bzhi bcu yod pas gcig tu bsdus na/ dbugs bzhi pa'i rtsar rgyu ba brgyad brgya yod par 'gyur te/ lus kyi mdun dang / rgyab dang / g.yas dang / g.yon gyi phyogs re re la yang nyis brgya nyis brgya yod do/ /dga' bo/ rtsar rgyu ba brgyad brgya po de dag re re la yang rtsar rgyu ba'i yan lag phan tshun 'brel ba brgya brgya yod pas gcig tu bsdus na/ stong phrag brgyad cu yod par 'gyur te/ stong phrag nyi shu ni/ lus kyi mdun na yod do/ /stong phrag nyi shu ni/ lus kyi rgyab na yod do/ / stong phrag nyi shu ni/ lus kyi g.yas phyogs na yod do/ /stong phrag nyi shu ni/ lus kyi g.yon phyogs na yod do/ /dga' bo/ rtsar rgyu ba stong phrag brgyad cu po de dag la yang bu ga mang po yod pas bu ga gcig dang / gnyis dang ldan pa nas bu ga bdun gyi bar dang ldan pa yang yod do/ /de dag re re la yang spu'i khung bu re re dang so sor phan tshun 'brel te/ 'di lta ste/ dper na/ pad+ma'i rtsa ba la bu ga mang po yod pa ji lta ba bzhin no/ /dga' bo/ zhag bdun phrag bcu drug pa la ni/ bdud rtsi 'gro ba zhes bya ba'i rlung 'byung ste/ rlung de'i </font><hr>416b<br><font size=+1>


sbyor bas mngal na gnas pa de'i mig gi skye mched gnyis dang / rna ba'i skye mched gnyis dang / sna'i skye mched gnyis dang / kha'i sgo dang / mid pa'i bu ga dang / snying gi kho ra khor yug dang / bza' ba dang / btung ba dang / bca' ba dang / myangs pa rnams 'jug par 'gyur ba'i gnas rnam par 'jog cing / dbugs phyi nang du rgyu ba thogs pa med par byed de/ 'di lta ste/ dper na| rdza mkhan na ma de'i slob mas 'jim pa'i gong bu blangs te 'khor lo'i steng du bzhag nas ji ltar mos pa bzhin du snod kyi rnam par dbyibs tha dad pa spel zhing rnam par 'jog pa de bzhin du las kyi rlung gi dbang gis kyang de bzhin du mig la sogs pa'i skye mched ji ltar mos pa de bzhin du rnam par 'jog cing dbugs phyi nang du rgyu ba thogs pa med par byed do/ /dga' bo/ zhag bdun phrag bcu bdun pa la ni/ ma'i mngal nas 'bri gdong zhes bya ba'i rlung 'byung ste/ rlung des mngal na gnas pa de'i mig dang / rna ba dang / sna dang / kha'i sgo dang / mid pa dang / snying gi phyogs dang / zas 'jug par 'gyur ba'i gnas rnams kun tu dang bar byed cing / dbugs phyi nang du rgyu ba'i gnas thogs pa med par byed de/ 'di lta ste/ dper na/ khye'u'am bu mo mkhas pa zhig gis me long gi dkyil 'khor rdul gyis g.yogs pa blangs nas 'bru mar dang / thal ba dang / sa'i phye ma zhib mo dag gis byi dor byas na gsal bar 'gyur ba de bzhin du las kyi rlung gi </font><hr>417a<br><font size=+1>


@#/ /dbang gis skye mched rnams rnam par 'jog cing thogs pa med par byed do/ /dga' bo/ zhag bdun phrag bco brgyad pa la ni/ ma'i mngal nas dri ma med pa zhes bya ba'i rlung 'byung ste/ mngal na gnas pa de'i skye mched drug po dag yongs su dag par byed de/ 'di lta ste/ dper na/ nyi ma dang / zla ba'i dkyil 'khor sprin chen pos khebs pa rlung drag po langs nas bus te phyogs bzhir gtong bar gyur na/ 'od dang ldan zhing yongs su dag par 'gyur ba de bzhin du dga' bo/ las kyi rlung de'i stobs kyis mngal na gnas pa de'i dbang po drug yongs su dag par byed pa yang de bzhin du rig par bya'o/ /dga' bo/ zhag bdun phrag bcu dgu pa la ni/ ma'i mngal na gnas pa de'i dbang po bzhi po mig dang / rna ba dang / sna dang / lce'i dbang po bzhi po dag mngon par 'grub par byed do/ /dang po ma'i mngal du 'jug pa'i tshe thog ma kho nar dbang po gsum thob par 'gyur te/ 'di lta ste/ lus dang / srog dang / yid kyi dbang po gang yin pa'o/ /dga' bo/ zhag bdun phrag nyi shu pa la ni/ ma'i mngal nas shin tu brtan pa zhes bya ba'i rlung 'byung ste/ rlung des mngal na gnas pa de'i rkang pa g.yon pa la brten te sor mo'i rus pa nyi shu skyed par byed do/ /rkang pa g.yas pa la brten te rus pa nyi shu dang / rkang pa'i rting pa'i rus pa bzhi dang / rje ngar gyi rus pa </font><hr>417b<br><font size=+1>


gnyis dang / pus mo'i rus pa gnyis dang / brla'i rus pa gnyis dang / rked pa'i rus pa gsum dang / long bu'i rus pa gsum dang / sgal tshigs kyi rus pa bco brgyad dang / rtsib ma'i rus pa nyi shu rtsa bzhi skyed par byed do/ /gzhan yang lag pa g.yon pa la brten te sor mo'i tshigs kyi rus pa nyi shu dang / lag pa g.yas pa la brten te sor mo'i tshigs kyi rus pa nyi shu skyed par byed do| |gzhan yang lag ngar gyi rus pa bzhi dang / dpung pa'i rus pa gnyis dang / brang gi rus pa bdun dang / phrag pa'i rus pa bdun dang / gnya' ba'i rus pa bzhi dang / 'gram pa'i rus pa gnyis dang / so'i rus pa sum cu rtsa gnyis dang / mgo'i rus pa bzhi skyed par byed de/ dga' bo/ 'di lta ste/ dper na/ gzugs mkhan nam/ gzugs mkhan gyi slob ma mkhas pas| sngar ni/ shing sra ba las de'i dbyibs byas nas de'i 'og tu srad bus bcings te/ phyis 'jim pa rnams bskus nas gzugs brnyan mngon par 'grub par byed pa de bzhin du las kyi rlung gi stobs des rus pa rnams rnam par 'jog pa yang de bzhin du blta bar bya'o/ /dga' bo/ de dag zhag bdun phrag nyi shu pa la ni/ rus pa phra mo ma gtogs par rus pa chen po skye ba'i grangs ni/ nyis brgya yod par rig par bya'o/ /dga' bo/ zhag bdun phrag nyi shu gcig pa la ni/ ma'i mngal nas yang dag skyed pa zhes bya ba'i rlung 'byung ste/ mngal na gnas pa de'i </font><hr>418a<br><font size=+1>


@#/ /lus la sha skyed par byed pa 'di lta ste/ dper na/ zhal zhal mkhan nam/ zhal zhal mkhan gyi slob mas 'jim pa legs par sbyar nas rtsig ngos la zhal zhal byed pa bzhin du las kyi rlung des sha skyed par byed pa yang de bzhin du blta bar bya'o/ /dga' bo/ zhag bdun phrag nyi shu gnyis pa la ni/ ma'i mngal nas kun tu rgyal ba zhes bya ba'i rlung 'byung ste/ rlung des mngal na gnas pa de'i khrag skyed par byed do/ /dga' bo/ zhag bdun phrag nyi shu gsum pa la ni/ ma'i mngal nas yongs su dag par 'dzin pa zhes bya ba'i rlung 'byung ste/ rlung des mngal na gnas pa de'i pags pa skyed par byed do/ /dga' bo/ zhag bdun phrag nyi shu bzhi pa la ni/ ma'i mngal nas kun tu 'phyo ba zhes bya ba'i rlung 'byung ste/ rlung des mngal na gnas pa de'i pags pa rkyong zhing mdog dang ldan par byed do/ /dga' bo/ zhag bdun phrag nyi shu lnga pa la ni/ ma'i mngal nas grong khyer 'dzin pa zhes bya ba'i rlung 'byung ste/ rlung des mngal na gnas pa de'i sha dang khrag rab tu dang bar byed do/ /dga' bo/ zhag bdun phrag nyi shu drug pa la ni/ ma'i mngal nas skye ba mngon par 'grub pa zhes bya ba'i rlung 'byung ste/ rlung des mngal na gnas pa de'i lus kyi skra dang / spu dang / sen mo rnams skyed par byed de/ de dag thams cad kyang rtsa rgyud rnams dang phan tshun 'brel bar blta bar bya'o/ /dga' bo/ zhag </font><hr>418b<br><font size=+1>


bdun phrag nyi shu bdun pa la ni/ ma'i mngal nas sman yon chen po zhes bya ba'i rlung 'byung ste/ rlung des mngal na gnas pa de'i skra dang / spu dang / sen mo rnams mngon par 'grub par byed do/ /dga' bo| mngal na gnas pa de gal te tshe rabs snga ma la sdig pa mi dge ba'i las mngon par 'dus byas pas ser snas longs spyod bdog pa rnams phangs shing shin tu brtan par mngon par zhen nas sbyin pa gtong bar mi byed pa dang / pha ma dang / mkhan po dang / slob dpon dang / bla ma'i gnas rnams kyis rjes su bstan pa dag mnyan par mi byed pa dang / lus dang / ngag dang / yid kyis mi dge ba'i las mngon par 'dus byas shing nyin mtshan du 'phel bar byed pa zhig yin na ni/ 'di lta bu'i rnam par smin pa myong bar 'gyur te/ gal te mir skyes par gyur na yang 'bras bu rnam par smin pa yid du mi 'ong ba thob par 'gyur bas/ gal te 'jig rten pa rnams 'di ltar ring pos mdzes par 'gyur na ni/ de thung bar 'gyur ro/ /gal te thung ngus mdzes par gyur na ni| de ring por 'gyur ro/ /gal te sbom pos mdzes par gyur na ni/ de phra bar 'gyur ro/ /gal te phra mos mdzes par gyur na ni/ de sbom por 'gyur ro/ /gal te yan lag dang nying lag phan tshun thag nye bas mdzes par gyur na ni/ de thag ring por 'gyur ro/ /gal te thag ring pos mdzes par gyur na ni/ de thag nye bar 'gyur ro/ /gal te mang pos mdzes par gyur na ni/ de nyung bar </font><hr>419a<br><font size=+1>


@#/ /'gyur ro/ /gal te nyung ngus mdzes par gyur na ni/ de mang por 'gyur ro/ /gal te tsho ba 'dod na ni/ rid par 'gyur ro/ /rid par 'dod na ni/ tsho bar 'gyur ro| |zhan cing mnyen par 'dod na ni/ bshor bar 'gyur ro/ /bshor bar 'dod na ni/ zhan cing mnyen par 'gyur ro/ /dkar bar 'dod na ni/ nag par 'gyur ro/ /nag par 'dod na ni| dkar bar 'gyur ro/ /dga' bo/ gzhan yang sdig pa mi dge ba'i las kyi dbang gis sdig pa mi dge ba'i rnam par smin pa 'on pa dang / long ba dang / lkug pa dang / glen pa dang / byad bzhin mi sdug pa dang / tshig smras pa rnams gzhan gyis mnyan pa'i 'os su mi 'gyur ba dang / rkang lag 'phye zhing 'gro ba dang / lus ma sdug cing yi dwags dang 'dra bas/ nye bshes rnams kyang mthong bar mi 'dod na/ gzhan lta smos kyang ci dgos pa dang / lus dang / ngag dang / yid kyi las ji snyed btsal ba dag gzhan la smras na yang gzhan gyis yid mi ches shing yid la mi 'dzin pa dag mngon par 'grub par 'gyur ro/ /de ci'i phyir zhe na/ des tshe rabs snga ma la sdig pa mi dge ba'i las mngon par 'dus byas pa'i dbang gis de lta bu'i rnam par smin pa 'thob par 'gyur bas so/ /dga' bo/ mngal na gnas pa de tshe rabs snga ma la bsod nams kyi las mngon par bsgrubs pa dang / ser sna med </font><hr>419b<br><font size=+1>


par legs par sbyin pa gtong zhing phongs pa rnams la snying brtse ba dang / longs spyod rnams la phangs shing mngon par zhen pa'i sems med pa dang / dge ba'i las mngon par 'dus byas pa rnams nyin mtshan du 'phel bar byed pa zhig yin na ni/ 'di lta bu'i rnam par smin par khyad par du 'phags pa myong bar 'gyur te/ mir skyes par gyur na yang 'bras bu rnam par smin pa yid du 'ong ba thob par 'gyur bas/ gal te 'jig rten pa rnams rings pos mdzes par gyur na yang de bzhin du ring por 'gyur ro/ /gal te thung dus mdzes par gyur na yang de bzhin du thung bar 'gyur ba dang / phra sbom ran zhing yan lag dang nying lag 'tsham pa dang / mang nyung dang / tsho rid dang / bshor mi bshor yang de bzhin du mdzes shing yid du mi 'ong ba med pa dang / dbang po drug tshang zhing byad bzhin sdug pas gzhan las khyad par du 'phags pa dang / tshig gsal zhing dbyangs snyan pa dang / skyes bu'i mtshan phun sum tshogs shing gang gis mthong ba rnams dga' bar 'gyur ba dang / lus dang / ngag dang / yid kyi las ji snyed btsal ba dag gzhan la bsnyad na yang gzhan gyis yid ches shing gus pas yid la 'dzin par 'gyur ro/ /de ci'i phyir zhe na/ des tshe rabs snga ma la dge ba'i las rnams mngon par 'dus byas pa'i dbang gis de lta bu'i rnam par smin pa thob par 'gyur bas so/ /dga' </font><hr>420a<br><font size=+1>


@#/ /bo| mngal na gnas pa de gal te khye'u yin na ni/ ma'i rtsib logs g.yas phyogs su tsog pur 'dug la/ lag pa gnyis kyis gdong g.yogs nas ma'i sgal tshigs log su bltas te 'dug go /gal te bu mo yin na ni/ ma'i rtsib logs g.yon phyogs su tsog pur 'dug la/ lag pa gnyis kyis gdongs g.yogs nas ma'i lto ba logs su kha bltas te ma zhu ba'i gnas kyi ni/ 'og /zhu ba'i gnas kyi ni/ steng na ma zhu ba'i dngos pos ni/ thur du mnan/ zhu ba'i dngos pos ni/ yar 'degs par byed pas 'di lta ste/ dper na/ gnas lnga bcings nas gsal shing rnon po'i khar bcugs pa bzhin du gnas so/ /gal te mas mang du zos sam nyung ngu zos na yang sdug bsngal myong bar 'gyur ro/ /de bzhin du gal te shin tu snum pa'am/ shin tu rtsub pa'am/ shin tu grang ba'am/ shin tu tsha ba'am/ lan tshwa bro ba'am/ mi bro ba'am/ kha ba'am/ skyur ba'am/ mngar ba la sogs pa zas 'di lta bu dag zos na yang thams cad du sdug bsngal myong bar 'gyur ro/ /gal te mas 'dod pa spyad par gyur tam/ drag tu song ngam/ brgyugs sam/ nyam nga ba'i phyogs su 'dug gam/ yun ring du 'dug par gyur tam/ yun ring du nyal bar gyur tam/ mchong par gyur na yang thams cad </font><hr>420b<br><font size=+1>


du sdug bsngal myong bar 'gyur ro/ /dga' bo/ ma'i mngal du gnas pa na de lta bu'i sdug bsngal rnam pa sna tshogs brjod kyis mi lang bas lus la nyon mongs par rig par bya ste/ mi'i 'gro ba na yang sdug bsngal de lta bu myong bar 'gyur na/ ngan 'gro sems can dmyal ba'i sdug bsngal dpe byar dka' ba lta smos kyang ci dgos te/ de lta bas na dga' bo/ mkhas pa su zhig 'khor ba'i rgya mtsho dpag tu med pa na gnas par mos shing sdug bsngal de lta bu nyams su myong bar byed/ dga' bo/ zhag bdun phrag nyi shu brgyad pa la ni/ mngal na gnas pa de phyin ci log gi 'du shes rnam pa brgyad skye bar 'gyur ro/ /brgyad gang zhe na/ 'di lta ste/ khyim gyi 'du shes dang / bzhon pa'i 'du shes dang / kun dga' ra ba'i 'du shes dang / khang pa brtsegs pa'i 'du shes dang / skyed mos tshal gyi 'du shes dang / khri la 'dug pa'i 'du shes dang / chu bo'i 'du shes dang / rdzing gi 'du shes te/ yang dag par 'di dag yod pa ma yin yang / yang dag pa ma yin pa'i rnam par rtog pa skyed par byed do/ /dga' bo/ zhag bdun phrag nyi shu dgu pa la ni/ ma'i mngal nas me tog phreng ba zhes bya ba'i rlung 'byung ste/ rlung des mngal na gnas pa de'i pags pa'i mdog kun tu gsal zhing yongs su dkar ba dang / yongs su dag cing dang par byed do/ /las kyi stobs kyis kha cig ni/ kha dog nag por 'gyur/ kha cig ni/ kha dog sngon </font><hr>421a<br><font size=+1>


@#/ /por 'gyur te/ gzhan yang kha dog rnam pa sna tshogs dang ldan pa dang / kha cig ni/ rtsub la snum pa med pa dang / kha dog dkar ba dang / kha dog nag pa dag kyang ci rigs par 'byung bar 'gyur ro/ /dga' bo/ zhag bdun phrag sum cu pa la ni/ ma'i mngal nas lcags kyi sgo zhes bya ba'i rlung 'byung ste/ rlung des mngal na gnas pa de bus pas skra dang / spu dang / sen po rnams skye zhing 'phel bar byed de/ sngon gyi las kyi dbang gis kha dog dkar nag la sogs pa ci rigs par snang bar 'gyur ba yang gong ma bzhin du rig par bya'o/ /dga' bo/ zhag bdun phrag sum cu gcig pa la ni/ ma'i mngal na gnas pa de mthar gyis cher skye bar byed de/ de bzhin du zhag bdun phrag sum cu gnyis pa dang / gsum pa dang / bzhi pa'i bar du yang rgya cher skye zhing 'phel bar byed do/ /dga' bo/ zhag bdun phrag sum cu lnga pa la ni/ ma'i mngal na gnas pa de ma'i mngal du yan lag dang / nyid lag thams cad yongs su rdzogs par 'gyur ro/ /dga' bo/ zhag bdun phrag sum cu drug pa la ni/ ma'i mngal na gnas pa de ma'i mngal na 'dug mi 'dod par 'gyur ro/ /dga' bo/ zhag bdun phrag sum cu bdun pa la mngal na gnas pa de phyin ci log ma yin pa'i 'du shes rnam pa gsum po 'di lta ste/ mi gtsang ba'i 'du shes dang / dri mi zhim pa'i 'du shes dang / mun </font><hr>421b<br><font size=+1>


nag gi 'du shes skye bar 'gyur te/ 'di ni/ phyogs gcig gi dbang du byas te bstan to/ /dga' bo/ /zhag bdun phrag sum cu brgyad pa la ni/ ma'i mngal nas yan lag sdud pa zhes bya ba'i rlung 'byung ste/ rlung des mngal na gnas pa de lus bsgyur nas thur du phyogs shing lag pa gnyis bcum nas skye ba'i gnas kyi sgo logs su phyogs par byed do/ /gzhan yang de'i tshe kha thur du blta ba zhes bya ba'i rlung 'byung ste/ las kyi stobs kyis rlung des mngal na gnas pa de bus pas mgo ni/ thur du blta zhing / rkang pa gnyis ni/ gyen du phyogs par byas nas skye ba'i gnas kyi sgo nas 'byung bar 'gyur ro/ /dga' bo/ gal te mngal na gnas pa de cher bas snga ma la sdig pa mi dge ba'i las mang po mngon par 'dus byas shing / gzhan gyi mngal ltung bar 'gyur ba'i las byas pa zhig yin na ni/ rgyu dang / rkyen des mngal nas 'byung bar 'gyur ba'i tshe rkang lag log cing bsnol mar gyur nas bsgyur mi nus pas ma'i mngal de nyid du 'chi ba'i dus byed par 'gyur te/ de'i tshe shes pa dang ldan pa'i bud med dam/ sman pa mkhas pas mar dang / 'bru mar 'jam pa'am/ shing shal ma la'i shun pa'i khu ba'am/ gzhan yang dngos po 'jam po dag gis lag pa bkrus nas lag pa'i sor mos gri rnon po blangs te snam phyis dang 'dra zhing mchog tu dri mi zhim pa/ skyug bro ba'i 'dam khung / srin bu'i rigs brgya stong tshad med pa </font><hr>422a<br><font size=+1>


@#/ /rtag tu gnas pa/ mi gtsang ba'i khu ba rtag tu 'dzag pa/ khu ba dang khrag blangs rnams rul zhing myags pa mthong na skyo bar 'gyur ba/ pags pa srab mos g.yogs pa/ sdig pa'i las las byung ba'i lus rma dang bcas pa/ mi gtsang ba'i gnas der sor mo bcug ste/ der bcug nas gri rnon pos mngal na gnas pa de'i lus dum bu dum bur gtubs nas ma'i mngal nas 'byin par byed pas des na yid du mi 'ong ba'i sdug bsngal shin tu mi bzad cing tsha ba rtsub pa dag myong ba'i rgyus ma de yang 'chi ba'i dus byed par 'gyur te/ gal te shi bar ma gyur na yang shi ba dang bye brag med do/ /dga' bo/ gal te mngal na gnas pa de dge ba'i las mngon par grub pa zhig yin na ni/ gal te log par gyur na yang ma la gnod pa med par bde bar btsa' bar 'gyur bas sdug bsngal myong bar mi 'gyur ro/ /dga' bo/ gang gegs 'di lta bu dang mi ldan pa de dag ni/ zhag bdun phrag sum cu rtsa brgyad 'das nas btsa' bar 'gyur ba'i tshe sdug bsngal chen po srog la bab pa myong nas gdod ma'i mngal nas 'byung bar 'gyur bas na/ dga' bo/ khyod kyis shin tu legs par brtags nas nges par 'byung ba yongs su btsal bar bya'o/ /de nas bcom ldan 'das kyis yang de'i tshe tshe dang ldan pa dga' bo la bka' stsal pa/ dga' bo/ khyod kyis mngal na gnas pa'i sdug bsngal dang / </font><hr>422b<br><font size=+1>


btsas pa'i sdug bsngal shes par byas nas so so'i skye bo mngal nas skye ba len pa gang yin pa de dag ni/ shin tu sdug bsngal ba yin par rig par bya'o/ /dang po btsas pa'i tshe khye'u'am bu mo yang rung ste/ lag pa'i steng ngam/ gos la sogs pa'i steng du lhung nas nyi ma'am/ grib ma'am/ sgul ba'i shing leb bam/ stan nam/ bang ba'i steng du bzhag pa na rgyu dang rkyen des thams cad du sdug bsngal mi bzad pa tsha ba rtsub pa yid du mi 'ong ba myong bar 'gyur te/ dga' bo/ 'di lta ste/ dper na/ ba lang gson por pags pa bshus pa rtsig pa dang thag nye bar gyur na/ rtsig pa la gnas pa'i srog chags kyis za bar 'gyur ba'am/ gal te shing dang rtswa'i phung po dang nye bar gyur na/ shing dang rtswa la gnas pa'i srog chags kyis za bar 'gyur ba'am/ gal te bla gab med par 'dug par gyur na bla gab med pa na gnas pa'i srog chags kyis za bar 'gyur zhing thams cad sdug bsngal myong bar 'gyur ba de bzhin du dang po btsas pa yang de bzhin du blta bar bya'o/ /dang po btsas pa de la chu dron ran pas bkrus na yang sdug bsngal chen po myong bar 'gyur te/ 'di lta ste/ dper na| skyes bu mdze can pags pa rul zhing myags pa/ rnag khrag zag pa la yang lcag gis bzhus na sdug bsngal mi bzad pa tsha ba dang rtsub pa myong bar 'gyur pa de bzhin du dang po btsas </font><hr>423a<br><font size=+1>


@#/ /pa'i lus chu dron gyis bkrus pa yang de bzhin du blta bar bya'o/ /dang po btsas pa'i lus de yang phyis ma'i khrag gis dri ma 'thungs nas cher skye bar 'gyur te/ de la ma'i khrag gi dri ma zhes bya ba ni/ 'phags pa'i chos 'dul ba las nu zho nyid la bya bar bstan pas/ de lta bas na dga' bo/ 'di ltar shin tu mi bzad pa'i sdug bsngal rnam pa sna tshogs dang ldan zhing bde ba cung zad kyang med na/ mkhas pa su zhig sdug bsngal gyi rgya mtsho 'di la rjes su chags pa bskyed nas rtag tu 'khor ba'i rgyun phyogs su 'jug cing rgyun 'chad pa med par byed/ dang po btsas pa de zhag bdun lon pa dang / lus de nyid las srog chags srin bu'i rigs stong phrag brgyad cu byung nas lus la za bar byed do/ dga' bo/ srin bu'i rigs skra la za ba zhes bya ba gcig yod do/ /skra'i rtsa ba la gnas nas rtag tu skra la za bar byed do/ /srin bu'i rigs khar ba'i mdzod dang / mgo sbom zhes bya ba gnyis yod de/ mgo la brten te gnas nas rtag tu mgo la za bar byed do/ /srin bu'i rigs mig 'khor zhes bya ba gcig yod de/ mig la gnas nas rtag tu mig la za bar byed do/ /srin bu'i rigs ded pa dang / 'bros pa dang / khang khyim dang / yongs su rdzogs pa zhes bya ba bzhi yod de/ klad pa la gnas nas rtag tu klad pa la za bar byed do/ /srin bu'i rigs sa lu'i lo ma zhes bya ba zhig yod de/ </font><hr>423b<br><font size=+1>


rna ba la gnas nas rna ba la za bar byed do/ /srin bu'i rigs mdzod sgo zhes bya ba gcig yod de/ sna la gnas nas sna la za bar byed do/ /srin bu'i rigs 'phen pa dang / kun tu 'phen pa zhes bya ba gnyis yod de/ mchu la gnas nas mchu la za bar byed do/ /srin bu'i rigs sbrang rtsi'i lo ma zhes bya ba gcig yod de/ so la gnas nas so la za bar byed do/ /srin bu'i rigs shing gdong zhes bya ba gcig yod de/ so'i rtsa ba la gnas so'i rtsa ba la za bar byed do/ /srin bu'i rigs khab mchu zhes bya ba gcig yod de/ lce la gnas nas lce la za bar byed do/ /srin bu'i rigs kha gnon zhes bya ba gcig yod de/ lce'i rtsa ba la gnas nas lce'i rtsa ba la za bar byed do/ /srin bu'i rigs lag rdzogs zhes bya ba gcig yod de/ rkan la gnas nas rkan la za bar byed do/ /srin bu'i rigs lag pa dra ba can dang / khyed sgur zhes bya ba gnyis yod de/ lag mthil la gnas nas lag mthil la za bar byed do/ /srin bu'i rigs 'phyang ba dang / rab tu 'phyang ba zhes bya ba gnyis yod de/ lag ngar la gnas nas lag ngar la za bar byed do/ /srin ba'i rigs dpung pa dang / nye ba'i dpung ba zhes bya ba gnyis yod de/ dpung pa la gnas nas dpung pa la za bar byed do/ /srin bu'i rigs mid pa dang / nye ba'i mid pa zhes bya ba gnyis yod do/ mid pa la gnas nas mid pa la za bar byed do/ /srin bu'i rigs dpa' ba dang / dpa' ba </font><hr>424a<br><font size=+1>


@#/ /chen po zhes bya ba gnyis yod de/ brang la gnas nas brang la za bar byed do/ /srin bu'i rigs dung dang / dung kha zhes bya ba gnyis yod de/ sha la gnas nas sha la za bar byed do/ /srin bu'i rigs kha dog dang ldan pa dang / stobs dang ldan pa zhes bya ba gnyis yod de/ khrag la gnas nas khrag la za bar byed do/ /srin bu'i rigs dpa' bo dang / dri gdong zhes bya ba gnyis yod de/ chu ba la gnas nas chu ba la za bar byed do/ /srin bu'i rigs mi mtho ba dang / kha sbub ces bya ba gnyis yod de/ rgyab kyi sgal tshigs la gnas nas rgyab kyi sgal tshigs la za bar byed do/ /srin bu'i rigs gnyis ka yang tshil gyi kha dog ces bya ba gnyis yod de/ tshil la gnas nas tshil la za bar byed do/ /srin bu'i rigs mkhris pa'i kha dog ces bya ba gcig yod de/ mkhris pa la gnas nas mkhris pa la za bar byed do/ /srin bu'i rigs mu tig ces bya ba yod de/ mkhal ma la gnas nas mkhal ma la za bar byed do| |srin bu rigs mu tig chen po zhes bya ba gcig yod de/ rked pa la gnas nas rked pa la za bar byed do/ /srin bu'i rigs ma 'ongs pa zhes bya ba gcig yod de/ mtsher pa la gnas nas mtsher pa la za bar byed do/ /srin bu'i rigs chu srog dang / chu srog chen po dang / khab kyi mchu dang / mtshon cha'i mchu zhes bya ba bzhi yod de/ rgyu ma la gnas nas rgyu ma la za </font><hr>424b<br><font size=+1>


bar byed do/ /srin bu'i rigs zla ba rdzogs dang / zla ba gtong dang / bsil byed dang / bsil byed gtong dang / so sor gnas pa zhes bya ba lnga yod de/ rtsib logs g.yas pa la gnas nas rtsib logs g.yas pa la za bar byed do/ /gzhan yang srin bu'i rigs gong ma dang ming mthun pa lnga yod do/ /rtsib logs g.yon pa la gnas nas rtsib logs g.yon pa la za bar byed do/ /gzhan yang srin bu'i rigs mdun du 'bigs pa dang / rgyab tu 'bigs pa dang / brtan par 'bigs pa dang / 'bigs te gnas pa zhes bya ba bzhi yod de/ rus pa la gnas nas rus pa la za bar byed do/ /srin bu'i rigs cher dkar ba dang / cung zad dkar ba dang / sprin brtsegs dang / dri mi zhim zhes bya ba bzhi yod de/ rtsa rgyus la gnas nas rtsa rgyus la za bar byed do/ /srin bu'i rigs seng+ge dang / stobs ldan dang / mgyogs ma'i mda' dang / pad+ma zhes bya ba bzhi yod de/ ma zhu ba'i gnas la gnas nas ma zhu ba'i gnas la za bar byed do/ /srin bu'i rigs brtan pa dang / nye bar brten pa zhes bya ba gnyis yod de/ zhu ba'i gnas la gnas nas zhu ba'i gnas la za bar byed do/ /srin bu'i rigs mu kha dang / phung po'i kha dang / dra ba'i kha dang / khye'u kha zhes bya ba bzhi yod de/ gci ba'i lam la gnas nas gci ba'i lam la za bar byed do/ /srin bu'i rigs byed pa dang / byed pa chen po dang / dbyibs chung dang / po ta ra ka zhes bya ba bzhi yod de/ bshang ba'i lam la gnas nas bshang </font><hr>425a<br><font size=+1>


@#/ /ba'i lam la za bar byed do/ /srin bu'i rigs kha nag dang / kha nag chen po zhes bya ba gnyis yod de/ brla la gnas nas brla la za bar byed do/ /srin bu'i rigs mdze can dang / mje can chung ngu zhes bya ba gnyis yod de/ pus mo la gnas nas pus mo la za bar byed do/ /srin bu'i rigs myos pa'i rtsa ba zhes bya ba gcig yod de/ byin pa la gnas nas byin pa la za bar byed do/ /srin bu'i rigs mgo nag ces bya ba gcig yod de/ rkang pa la gnas nas rkang pa la za bar byed do/ /dga' bo/ yongs su skyo bar bya ba'i lus 'di 'dra ba 'di la ni| srin bu'i rigs 'di lta bu stong phrag brgyad cu rtag par nyin mtshan du za bar byed pa des na lus la gdung ba dang / rab tu gdung ba dang / nyam chung zhing rma ba dang / bkres pa dang / skom par byed cing / gzhan yang sems kyi sdug bsngal sna tshogs dang ldan zhing gdung ba dang / rab tu gdung ba dang / yongs su gdung ba dang / nad mang po rnams mngon du snang bar byed pas sman pa mkhas pa gang gis kyang gso zhing bsal bar mi nus te/ dga' bo/ srid pa'i rgya mtsho chen po 'khor ba 'dir sdug bsngal de lta bu dang ldan pa yin na/ ci'i phyir 'di la rjes su chags pa skyed par byed/ gzhan yang gdon mang pos yongs su bzung ba 'di lta ste/ lha'i gdon dang / klu'i gdon dang / ka ta pu ta na'i bar gyi gdon rnams </font><hr>425b<br><font size=+1>


kyis yongs su zin pa dang / gzhan yang gcan gzan gyi gdon rnams kyis yongs su zin pa dang / gzhan yang nyi ma dang / zla ba dang / gza' dang / rgyu skar gyi gdon la sogs pas yongs su zin nas nad sna tshogs kyis lus dang sems nyon mongs par byed pa yod de/ brjod kyis mi lang ngo / /bcom ldan 'das kyis bka' stsal pa/ dga' bo/ mkhas pa su zhig 'khor ba 'dir ma'i mngal du 'jug par mos shing sdug bsngal mi bzad pa myong bar byed/ de ltar btsas shing / de ltar cher gyur nas ma'i nu zho khrag dang 'dres pa 'thungs shing / bza' ba dang / btung ba rnams zos shing 'thungs pa na yang yang dag pa ma yin pa'i sems kyis zhim pa'i 'du shes skyed par byed do/ /mthar gyis cher skyes nas lus bde zhing nad med pa dang / gos dang / bza' ba dang / btung ba dang ldan zhing / tshe lo brgya thub par gyur na yang tshe 'di nyid la gnyid kyis phyed bri bar byed do/ /dang po byis pa dang / de'i 'og tu gzhon nu nas mthar gyis cher skyes par gyur pa'i bar du yang mya ngan dang / smre sngags 'don pa dang / nad rnam pa sna tshogs kyis rab tu gzir zhing sdug bsngal gyi reg pa brgya stong tshad med pa brjod kyis mi lang ba rnams kyis lus nyon mongs par byed pas/ lus kyis sdug bsngal dang du len par mi nus pa'i tshe gson par mi smon cing shi bar dga' bas na/ lus 'di ni/ sdug bsngal mang la bde ba chung ba yin te/ re zhig tsam </font><hr>426a<br><font size=+1>


@#/ /du gnas par byed kyang mthar 'jig par 'gyur bas dga' bo/ skye ba rnams ni/ thams cad kyang 'chi bar 'gyur bas rtag par gnas pa gang yang med do/ / gal te sman dang / zas kyis gsos nas tshe ring por 'gyur na yang mthar 'chi bdag gi rgyal pos gsod cing yul stong du skye bar 'gyur bas/ de'i phyir skye ba la dga' ba gcig kyang med par rig par byas nas nan tan brtson 'grus kyis ma 'ongs pa'i tshogs gsog pa la bag yod par bya ba dang / tshangs par spyod pa la brtson zhing le lo mi bya ba dang / don gyi spyod pa dang / chos kyi spyod pa dang / yon tan gyi spyod pa dang / dge ba 'ba' zhig gi spyod pa la rtag par mos pas bsgom par bya'o/ /rtag par bdag nyid kyi dge ba dang / mi dge ba'i las rnam pa gnyis la so sor brtags nas sems la gtad de ma 'ongs pa na 'gyod pa chen po med par bya'o/ /rjes su chags par bya ba'i dngos po thams cad ni/ mthar bral bar 'gyur zhing / dge ba dang mi dge ba'i las ji lta ba bzhin du tshe phyi ma len par 'gyur ro/ /dga' bo/ tshe lo brgya thub pa de yang gnas skabs bcu dang ldan par gyur te/ dang po ni/ byis pa'i gnas skabs te/ nyam chung zhing gan rkyal du nyal bar byed do/ /gnyis pa ni/ gzhon nur gyur pa ste/ byis pa'i rtsed mo la dga' bar byed do/ /gsum pa ni/ lang tsho la bab pa ste/ 'dod </font><hr>426b<br><font size=+1>


pa'i bde ba rnams myong bar byed do/ /bzhi pa ni/ mthu dang ldan par gyur pa ste/ dpa' zhing stobs dang ldan pa yin no/ /lnga pa ni/ dar la bab pa ste/ shes rab kyi spobs pa dang ldan par gyur pa yin no| |drug pa ni/ yongs su rdzogs pa ste/ dran pa dang ldan zhing spyod pa la mkhas pa'i rang bzhin can yin no/ /bdun pa ni/ mthar gyis rgas pa ste/ chos kyi gzhung lugs rab tu shes pa yin no/ /brgyad pa ni/ rgas par gyur pa ste/ bya ba mang po rnams la mthu chung bar gyur pa yin no/ /dgu pa ni/ shin tu rgas pa ste/ ci yang mi nus pa yin no/ /bcu pa ni/ lo brgya pa ste/ 'chi ba'i gnas skabs gang yin pa'o/ /dga' bo/ gnas skabs chen po de dag kyang mdor bsdus te bstan na/ 'di ltar zla ba bzhi zhing dus gcig tu byas nas lo brgya la dus sum brgya yod par 'gyur te/ dpyid dang / dbyar dang / dgun gyi dus re re la yang dus brgya brgya yod pas so/ /lo gcig la zla ba bcu gnyis yod pas zla ba yang brgya phrag bcu gnyis yod par 'gyur la/ de yang zla ba phyed phyed bgrangs na/ zla ba phyed kyang brgya phrag nyi shu rtsa bzhi yod par 'gyur bas dus gsum por re la yang zla phyed brgyad brgya brgyad brgya yod pas mdor bsdus na/ nyin mtshan sum khri drug stong du 'tsho bar 'gyur ro/ /nyin zhag gcig la lan gnyis su za bas mdor bsdus na/ zas ni/ lan stong phrag bdun cu rtsa gnyis za bar 'gyur te/ </font><hr>427a<br><font size=+1>


@#/ /rkyen gyis bar chad byas nas ma zos pa'i grangs kyang der gtogs so/ /zas ma zos pa'i rkyen ni/ 'di lta ste/ khros nas ma zos pa dang / sdug bsngal myong nas ma zos pa dang / btsal te ma rnyed nas ma zos pa dang / gnyid kyis log nas ma zos pa dang / sdom pa blangs pa dang rtse bas myos te ma zos pa dang / brel te ma zos pa ste/ zos pa dang / ma zos pa gcig tu bsdus na/ grangs de snyed yod de/ ma'i nu zho 'thungs pa yang grangs der gtogs so/ /de ltar na/ ngas mi rnams kyi 'tsho ba'i tshe lo brgya pa'i lo dang / zla ba dang / nyin mtshan dang / bza' ba dang btung ba zos pa dang / 'thungs pa'i grangs yongs su rdzogs par bstan pa yin gyi/ khyod kyis 'di la yongs su skyo ba bskyed par bya'o/ /dga' bo/ de ltar btsas shing cher skyes pa'i lus la yang nad mang po 'di lta ste/ klad pa na ba dang / mig na ba dang / rna ba na ba dang / sna na ba dang / lce na ba dang / so na ba dang / lkog ma na ba dang / snying na ba dang / lto na ba dang / lag pa na ba dang / rkang pa rna bas gnod pa dang / g.yan pa dang / mdze dang / smyos pa dang / skrangs pa dang / lud pa dang / mkhris pa dang / bad kan la sogs pa nad mang po rnams kyis yan lag dang / nying lag na zhing sdug bsngal myong bar byed de/ dga' bo/ mi'i lus la 'di 'dra ba'i nad kyi sdug bsngal rnam pa sna tshogs yod </font><hr>427b<br><font size=+1>


do| |gzhan yang rlung nad brgya rtsa gcig dang / mkhris pa'i nad brgya rtsa gcig dang / bad kan gyi nad brgya rtsa gcig dang / 'dus pa'i nad brgya rtsa gcig yod pas mdor bsdus na/ nad bzhi brgya rtsa bzhi nang gi lus las skyes par 'gyur bas/ dga' bo/ lus 'di ni/ 'bras dang 'dra zhing zug rngu dang 'dra bas nad mang po las mngon par grub pa skad cig tsam du yang mi gnas shing skad cig mar 'gyur ba rang bzhin gyis mi rtag pa nyid dang / sdug bsngal pa dang / stong pa dang / bdag med par gyur pa/ 'chi ba dang nye zhing 'jig par 'gyur ba'i chos can yid brtan du mi rung ba yin no/ /dga' bo/ 'di ltar sems can rnams ni/ gzhan yang skye ba'i sdug bsngal 'di lta bu myong bar 'gyur te/ 'di lta ste/ lag pa bcad pa dang / rkang ba bcad pa dang / mig phyung ba dang / rna ba bcad pa dang / sna bcad pa dang / lce bcad pa dang / mgo bcad pa dang / yan lag dang / nying lag bcad pa'i sdug bsngal dang / gzhan yang go rar gzhug pa dang / gag shing dang / lcag gis bzhu ba dang / brdeg pa dang / bcing ba la sogs pa'i sdug bsngal dang / bkres pa dang / skom pa dang / ngal ba'i sdug bsngal dang / grang ba dang / tsha ba dang / rlung dang / char pa dang / sbrang bu mchu ring dang / sha sbrang dang / gcan gzan dang / sdig sbrul la sogs pa'i reg pa las byung ba'i sdug bsngal rnam pa sna tshogs tshad med dpag tu med pa brjod kyis mi rdzogs pa dag rjes su myong bar 'gyur te/ sems </font><hr>428a<br><font size=+1>


@#/ /can rnams ni/ rtag tu 'di 'dra ba'i sdug bsngal mi bzad pa rtsub pa yid du mi 'ong ba la gnas shing rjes su chags pa dang bying bar gyur pa yin pas/ 'dod pa rnams ni| sdug bsngal gyi rtsa bar gyur pa yin yang de spang bar bya ba yin par mi shes shing / yang yongs su gnyer bar byed pas nyin mtshan du lus dang / sems yongs su gdung ba dang / nad sreg cing tshig par byed pa la yang rgyun chad pa med de/ de bzhin du skye ba yang sdug bsngal yin no/ /rga ba yang sdug bsngal yin no/ /na ba yang sdug bsngal yin no/ /'chi ba yang sdug bsngal yin no/ /sdug pa dang bral ba yang sdug bsngal yin no/ /mi sdug pa dang phrad pa yang sdug bsngal yin no/ /gang 'dod pa btsal te ma rnyed pa yang sdug bsngal yin no/ /nye bar len pa'i phung po lnga yang sdug bsngal yin no/ /'gro ba dang / 'greng ba dang / 'dug pa dang / nyal ba'i spyod lam bzhi po dag kyang sdug bsngal yin pas gal te rtag tu 'gro zhing 'greng ba dang / 'dug pa dang / nyal bar ma gyur na yang sdug bsngal myong zhing bde ba med par 'gyur ro/ /gal te rtag tu 'greng zhing 'gro ba dang / 'dug pa dang / nyal bar gyur tam/ gal te rtag tu 'dug la/ 'gro ba dang / 'greng ba dang / nyal bar ma gyur tam/ gal te rtag tu nyal la/ 'gro ba dang / 'greng ba dang / 'dug par ma gyur na yang thams cad sdug bsngal mi bzad pa myong zhing bde ba thob bar mi 'gyur </font><hr>428b<br><font size=+1>


bas/ dga' bo/ 'di dag thams cad sdug bsngal ma spangs pas sdug bsngal yongs su gnyer bas byed pa yin pas/ sdug bsngal kho na skye zhing sdug bsngal kho na 'gag par 'gyur bas 'du byed rnams kyi rgyu dang rkyen rgyun chad pa med par 'byung bar 'gyur te/ de bzhin gshegs pas 'di dag thugs su chud pa'i phyir sems can rnams kyi 'khor ba'i chos 'du byed pa rnams mi rtag cing yang dag pa'i mthar phyin pa ma yin pa/ rnam bar 'gyur ba'i chos can/ yid brtan du mi rung ba yin pas chog shes pa yongs su btsal nas shin tu skyo ba bskyed de/ nan tan brtson 'grus kyis rnam par grol ba yongs su gnyer bar bya'o/ /zhes gsungs pa yin no/ /dga' bo/ bde 'gror skyes pa'i sems can yang skye gnas mi gtsang ba dag tu sdug bsngal mi bzad pa yang dag pa ma yin pa rnam pa sna tshogs myong ba yang brjod kyis mi rdzogs na/ ngan song gsum po yi dwags dang / dud 'gro dang / sems can dmyal ba pa'i sems can rnams kyis myong bar 'gyur ba'i sdug bsngal mi bzad pa/ bzod par dka' ba yongs su rdzogs par brjod pa lta smos kyang ci dgos// //bam po gsum pa ste/ tha ma/ gzhan yang dga' bo/ ma'i mngal du 'jug pa rnam pa bzhi yod de/ bzhi gang zhe na/ sems can kha cig ni/ yang dag par shes bzhin du 'jug /yang dag par shes bzhin du gnas/ yang dag par shes bzhin du </font><hr>429a<br><font size=+1>


@#/ /'byung ba yang yod/ kha cig ni/ yang dag par shes bzhin du 'jug /yang dag par shes bzhin du gnas la/ yang dag par mi shes bzhin du 'byung ba yang yod/ kha cig ni/ yang dag par shes bzhin du 'jug la/ yang dag par mi shes bzhin du gnas shing yang dag par mi shes bzhin du 'byung ba yang yod/ kha cig ni/ yang dag par mi shes bzhin du 'jug /yang dag par mi shes bzhin du gnas/ yang dag par mi shes bzhin du 'byung ba yang yod do/ /de la su zhig yang dag par shes bzhin du 'jug pa dang / gnas pa dang / 'byung bar 'gyur zhe na/ 'di ltar 'di na so so'i skye bo'i sems can kha cig ni/ rang bzhin gyis tshul khrims srung ba la dga' zhing yang nas yang du dge ba'i phyogs la goms par byed pa dang / dngos po mchog la mos shing bsod nams rnams mngon par 'du byed pa dang / shin tu yang dag par sdom pa dang / rtag par drang por sems shing bag med par mi byed pa dang / shes rab chen po dang ldan pas 'chi ka'i dus kyi tshe 'gyod pa med par skye ba yang dag par len pa byed pa rgyun du zhugs pa skye ba lan bdun pa'am/ rigs nas rigs su skye ba'am/ lan gcig phyir 'ong ba'am/ bar chad gcig pa dag yin te/ gang zag de dag gis sngar dge ba spyad pa'i phyir 'chi kha'i </font><hr>429b<br><font size=+1>


dus kyi tshe sdug bsngal nye bar 'ongs shing na ba dang tsha ba nyams su myong bar gyur kyang sems la g.yeng ba med par yang dag par dran bzhin du 'chi ba'i dus byas te/ yang dag par dran bzhin du ma'i mngal du zhugs nas chos rnams las kyi dbang gis skye ba dang / thams cad rgyu dang / rkyen las skye bar 'gyur bas/ rtag tu bdud kyi gnas byas par gyur to/ /zhes rab tu shes so/ /dga' bo/ lus 'di ni/ mi gtsang ba thams cad kyi khyim yin pas/ rang bzhin gyis rtag par gnas pa ma yin pa dang / glen pa'i dngos po yin pas rmongs pa dag la slu bar byed pa yin no/ /snyam du rig par bya'o/ /lus 'di ni/ rus pa'i 'khrul 'khor rtsa rgyus rnams phan tshun 'brel ba/ bu ga dang gnad rnams dod par gyur pa/ sha dang / tshil dang / rus pa dang / rkang phan tshun dkris shing pags bas g.yogs pa yin yang skyon du ma mthong bas rab tu gdungs pa'i phug tu mi gtsang bas yongs su gang ba/ skra dang / spu dang / sen po dang / so'i gnas skabs pa dad pa la bdag dang bdag gir bzung ba'i phyir rtag tu rang dbang med par khrid pa/ rtag tu mchil ma dang / snabs dang / mi gtsang ba dang / kha chu dang / rdul dang / mkhris pa dang / bad kan 'byung zhing / zhag dang / tshil rul zhing myags pa dang / mkhal ma dang / mcher pa dang / mchin pa dang / glo ba dang / rgyu ma che phra mi gtsang </font><hr>430a<br><font size=+1>


@#/ /bas gang zhing skyug bro ba/ srin bu'i rigs mang pos kun tu khyab par gang ba/ steng dang 'og gi bu ga rnams su rtag tu mi gtsang ba 'dzag pa/ zhu ba dang ma zhu ba'i gnas gnyis pags pa srab mos g.yogs pas 'di ni/ snam phyi sa dang 'dra ba yin no/ /snyam du khyod kyis so sor brtag par bya'o/ /ji tsam du bza' ba dang / bca' ba zos 'chos shing blad pa na mchil snabs su gyur nas mid par 'jug cing rkang dang klad pa phan tshun 'dres nas lto bar 'bab par 'gyur te/ 'di lta ste/ dper na/ khyi rus pa skam po bldad pa lta bur gyur pa yin yang yang dag pa ma yin pa'i sems kyis zhim pa'i 'du shes skyed par byed pas/ zas rked par phyin nas gyen du glon par byed kyang slar mid par byed do/ / dga' bo/ lus 'di ni/ dang po mer mer po dang / nur nur po dang / ltar ltar po dang / mkhrang 'gyur dang / rkang lag 'gyus pa mi gtsang ba'i dngos po cher skyes nas byis pa'i tshe 'khor bar gyur pa nas rgas pa'i bar du 'khor zhing bcang bar gyur pa ni/ 'di lta ste/ dper na/ mun pa'i g.yang sa dang 'dra'o/ /khron pa mnam po dang 'dra bar rtag tu lan tshwa dang / bska ba dang / tsha ba dang / skyur ba la sogs pa'i zas kyi ros yongs su gsos pa/ gzhan yang ma'i mngal gyi mes lus kyi dbang po rab tu btsos pa/ mi gtsang ba'i snod du rtag par rab tu gdung ba'i </font><hr>430b<br><font size=+1>


sdug bsngal myong bar 'gyur ba gal te ma 'greng ngam/ 'dug ba'am/ nyal bar gyur pa na bcing ba lngas bcings pa'am/ mes gdungs pa bzhin shin tu bzod par dka' ba'i sdug bsngal myong bar 'gyur bas dpe byar yang mi nus so/ /dga' bo/ mngal na gnas pa de de ltar mi gtsang ba'i 'dam du gnas shing sdug bsngal mang pos nyon mongs par 'gyur mod kyi/ 'on kyang dbang po rno ba'i phyir sems g.yeng bar mi 'gyur ro/ /gzhan yang sems can bsod nams chung ba kha cig ni/ ma'i mngal na 'phred du nyal ba'am/ log par 'dug par yang 'gyur te/ de yang sngon gyi las kyi rgyu dang rkyen gyi stobs kyi phyir ram/ yang na mas kha zas ma snyoms pa shin tu grang ba'am/ shin tu tsha ba'am/ shin tu skyur ba'am/ shin tu mngar ba'am/ shin tu kha ba zos pa'i phyir ram/ yang na tshad las 'das par skom 'thungs sam/ 'dod chags mang du spyad dam/ nad bu can du gyur tam/ mya ngan mang pos non tam/ brdeg 'chos sam/ brdegs par gyur na yang rkyen 'di dag gi dbang gis ma'i lus kyang yongs su gdung bar 'gyur la/ ma'i lus yongs su gdungs par gyur pa'i phyir mngal na gnas pa yang yongs su gdung bar 'gyur ro| |yongs su gdungs par gyur pa'i phyir na sdug bsngal mang po myong bar 'gyur ro/ /sdug bsngal mang po myong bar 'gyur ba'i phyir na g.yo bar 'gyur ro/ /g.yos par gyur pa'i phyir na lus </font><hr>431a<br><font size=+1>


@#/ /log par 'phred du nyal zhing 'byung bar mi nus pa la bud med mkhas pas mar ram/ 'bru mar gyis lag pa bskus nas ma'i mngal du 'jug ste/ bags kyis bags kyis mngal la myangs nas sngar ji ltar gnas pa bzhin 'jog par byed pas/ lag pas reg par gyur pa na mngal na gnas pa de sdug bsngal chen po mi bzad pa dag myong bar 'gyur te/ dga' bo/ 'di lta ste/ dper na/ khye'u'am bu mo shin tu gzhon pa'i lus la la la zhig gis mtshon rnon pos bags pa dang sha bcad nas de'i steng du thal bas gtor na/ de'i rkyen gyis sdug bsngal chen po myong bar 'gyur ba de bzhin du mngal na gnas pa'i sdug bsngal mi bzad pa rtsub pa yang de dang 'dra ste/ de lta bu'i sdug bsngal myong bar gyur kyang dbang po mchog tu rno ba'i phyir yang dag pa'i dran pa dang ldan pas/ rnam par g.yeng bar mi 'gyur te/ dga' bo/ de ltar na mngal na gnas pa de ma'i mngal na gnas pa'i tshe de lta bu'i sdug bsngal myong bar 'gyur ro/ /gzhan yang btsas su nye ba'i tshe na sdug bsngal dang bcas bzhin du 'byung bar 'gyur te/ las kyi rlung gi dbang gis de'i lag pa bsnol nas yan lag dang nying lag bcum ste sdug bsngal chen po mi bzad pa myong nas ma'i mngal nas byung bar gyur bas lus kyi yan lag thams cad sngon por 'gyur te/ 'di lta ste/ dper na/ gsar du skrangs pa la reg par mi </font><hr>431b<br><font size=+1>


bzod pa bzhin du bkres skom gyis gdungs pa dang snying 'phyang zhing gdung ba dang bcas bzhin du las kyi rlung gi rgyu dang rkyen gyis bus nas mngal nas 'byung bar 'gyur ro/ /mngal nas byung nas kyang phyi rol gyi rlung gis reg par gyur pa na 'di lta ste/ dper na/ mtshon gyis bcad nas thal bas bskus pa ji lta ba bzhin du 'gyur ro/ /lag pa dang gos kyis reg par gyur ba'i tshe na yang thams cad du sdug bsngal mi bzad pa myong bar 'gyur te/ de lta bu'i sdug bsngal myong bar gyur kyang dbang po rab tu rno ba'i phyir yang dag pa'i dran pa dang ldan pas rnam par g.yeng bar mi 'gyur te/ ma'i mngal du shes bzhin du 'jug pa dang / gnas pa dang / 'byung ba thams cad kyang sdug bsngal ba yin na/ dga' bo/ mkhas pa su zhig 'di 'dra ba'i mngal du 'jug pa la mos par byed/ dga' bo/ de la su zhig ma'i mngal du yang dag par shes bzhin du 'jug cing gnas la/ yang dag par mi shes bzhin du 'byung bar 'gyur zhe na/ dga' bo/ ji ltar 'di na so so'i skye bo'i sems can kha cig ni/ rang bzhin gyis tshul khrims srung ba la dga' zhing yang dang yang du dge ba'i phyogs la goms par byed pa dang / rtag tu dngos po mchog la mos shing bsod nams mngon par 'du byed pa dang / de'i sems drang zhing bag med par mi byed pa dang / shes rab chung ngu dang ldan pas 'chi kha'i dus kyi tshe 'gyod pa med par 'gyur pa rgyun du zhugs </font><hr>432a<br><font size=+1>


@#/ /pa skye ba lan bdun pa'am/ rigs nas rigs su skye ba'am/ lan gcig phyir 'ong ba'am/ bar chad gcig pa dag yin te/ gang zag de dag gis sngar dge ba spyad pas 'chi kha'i dus kyi tshe sdug bsngal nye bar 'ongs shing na ba dang tsha ba nyams su myong bar gyur kyang sems la g.yeng ba med par yang dag par dran bzhin du ma'i mngal du zhugs nas chos rnams las kyi dbang gis skye ba dang / thams cad rgyu dang rkyen las skye bar rab tu shes so/ /zhes bya ba nas ma'i mngal nas byung nas zhes bya ba'i bar du yang snga ma bzhin du rgyas par sbyar te/ de lta bu'i sdug bsngal mi bzad pa tsha zhing rtsub pa rnams myong bar gyur kyang dbang po 'bring dang ldan pa'i phyir yang dag par shes bzhin du 'jug cing gnas la yang dag par mi shes bzhin du 'byung bar 'gyur te/ mkhas pa su zhig 'di 'dra ba'i mngal du 'jug pa la mos par byed ces bya ba'i bar du yang snga ma bzhin du rgyas par sbyar ro/ /dga' bo/ su zhig yang dag par shes bzhin du ma'i mngal du 'jug la yang dag par mi shes bzhin du gnas shing 'byung bar byed ce na/ dga' bo/ 'di ltar 'di na so so'i skye bo'i sems can kha cig ni/ rang bzhin gyis tshul khrims srung ba la dga' zhing yang nas yang du dge ba'i phyogs la goms par byed pa dang / rtag tu dngos po mchog la mos shing bsod nams mngon par 'du byed </font><hr>432b<br><font size=+1>


pa zhes bya ba nas 'chi kha'i dus kyi tshe 'gyod pa med par gyur pa rgyun du zhugs pa skye ba lan bdun pa zhes bya ba la sogs pa'i bar du yang snga ma bzhin du rgyas par sbyar te/ 'chi kha'i dus kyi tshe sdug bsngal nye bar 'ongs shing na ba dang tsha ba nyams su myong bar gyur kyang sems la g.yeng ba med par yang dag par dran bzhin du ma'i mngal du 'jug par byed de/ /dbang po rnon po ma yin pa'i phyir shes bzhin du mngal du 'jug par byed kyang mi shes bzhin du gnas shing 'byung bar byed do/ /mkhas pa su zhig 'di 'dra ba'i mngal du 'jug pa la mos par byed ces bya ba la sogs pa yang snga ma bzhin du rgyas par sbyar ro/ /dga' bo/ su zhig yang dag par mi shes bzhin du 'jug pa dang / gnas pa dang / 'byung bar byed ce na/ ji ltar 'di na so so skye bo'i sems can kha cig tshul khrims yongs su dag pa 'bral ba la dga' zhing dge ba'i phyogs sgrub par mi byed pa/ rtag tu dngos po ngan pa la mos shing sdig pa rnams spyod pa/ sems kyi rang bzhin mi drang zhing bag med pa mang ba/ shes rab dang mi ldan pa dag longs spyod la mngon par zhen cing ser sna byas pa dang / rtag tu lag pa bskums nas gzhan dag la rkyong zhing gtong bar mi byed pa dang / rtag tu re ba dang bcas shing sems rab tu dul bar ma gyur ba dang / la ba dang spyod pa phyin ci log tu gyur bas 'chi kha'i dus kyi tshe 'gyod pa dang bcas shing sdig pa mi dge ba'i las </font><hr>433a<br><font size=+1>


@#/ /rnams mngon du gyur pas/ 'chi kha'i dus kyi tshe sdug bsngal mi bzad pa dang / tsha ba dang / rtsub pa dang / yid du mi 'ong ba dag gis rab tu gzir zhing de'i sems rnam par g.yeng bar byed pas sdug bsngal gyi dbang gis bdag ni/ su zhig /gang nas 'dir 'ongs/ da gang du 'gro bar 'gyur zhes rab tu mi shes pas/ dga' bo/ 'di ni/ dus gsum du yang dag par shes bzhin med pa zhes bya ba ste/ rgyas par gong ma bzhin du sbyar ro/ /dga' bo/ sems can de dag mir skyes nas de lta bu'i sdug bsngal tshad med pa dang ldan par 'gyur mod kyi/ 'on kyang de dag ni/ gnas mchog tu gyur pa yin pas bskal ba bye ba brgya stong tshad med pa snyed du yang mi'i lus shin tu rnyed par dka' ba yin no/ /gal te mtho ris su skyes par gyur na yang rtag tu ltung bas 'jigs pas sdug pa dang bral ba'i sdug bsngal dang ldan te/ 'chi ba'i dus kyi tshe lha gzhan rnams kyi 'di skad du/ khyod bde 'gro'i 'jig rten du skye bar gyur cig /bde 'gro'i 'jig rten gang zhe na/ 'di lta ste/ de ni/ mi'i 'gro ba gang yin pa'o/ /zhes zer bas/ mi'i 'gro ba ni/ shin tu rnyed par dka' ba yin la/ khom pa dang ldan pa ni/ de bas kyang ches shin tu rnyed par dga' ba'o/ /ngan 'gro gang zhe na/ 'di lta ste/ ngan song gsum po dag gang yin pa'o/ /sems can dmyal ba'i 'gro ba ni/ rtag </font><hr>433b<br><font size=+1>


tu sdug bsngal mi bzad pa shin tu yid du mi 'ong ba'am/ rab tu tsha zhing rtsub pa dag myong bar 'gyur bas dpe byar yang mi nus so/ /yid dwags kyi 'gro ba ni/ rang bzhin gyis zhe sdang mang ba/ rab tu mnyen cing dul ba'i sems med pa/ g.yo sgyu dang bcas pa/ gsod cing gnod par byed pa/ lag pa khrag gis bskus pa/ byams pa dang snying rje med pa/ byad bzhin mi sdug pa/ mthong na 'jigs su rung ba/ gal te mi dang nye bar 'gyur na yang bkres pa dang skom pa'i sdug bsngal myong bar byed pas/ rtag par sgrib pa dang bcas shing thogs pa dang bcas pa yin no/ /dud 'gro'i skye gnas kyi 'gro ba ni/ tshad med dpag tu med de/ don gyi spyod pa dang mi ldan pa/ bsod nams kyi spyod pa dang mi ldan pa/ chos kyi spyod pa dang mi ldan pa/ dge ba'i spyod pa dang mi ldan pa/ drang po'i spyod pa dang mi ldan pa/ phan tshun gcig la gcig za ba dang / mthu dang ldan pa rnams mthu chung ba dag la za bar byed pa dag yin no/ /dud 'gro'i skye gnas kha cig ni/ mun par skyes/ mun par rgas/ mun par 'chi ba'i dus byed cing / mi gtsang ba'i gnas gcin skyag gi nang du gnas nas res 'ga' snang ba dang bcas pa yang yod de/ 'di lta ste/ phye ma leb dang / sbrang ma dang / sro shig dang / tre la ta lta bu rnams so/ /gzhan yang rtag par mun pa'i nang du skyes/ mun pa'i nang du rgas par gyur pa tshad med dpag tu med pa dag yod de/ de ni/ tshe </font><hr>434a<br><font size=+1>


@#/ /rabs snga ma la mir gyur pa na glen zhing gti mug bas chos yang dag par ma mnyan pa/ lus dang / ngag dang / yid thal rangs su gtong zhing 'dod pa lnga la mngon par zhen par gyur pa/ sdig pa mi dge ba'i las mang po mngon par 'dus byas pas de'i rigs su skyes nas glen zhing rmongs pa'i sdug bsngal myong bar 'gyur ba dag yin no/ /dga' bo gzhan yang dud 'gro'i skye gnas pa'i sems can chu'i nang du skyes nas chu'i nang du rgas/ chu'i nang du dus byed par 'gyur ba tshad med dpag tu med pa dag yod de/ 'di lta ste/ nya dang / rus sbal dang / sbal pa dang / sbal pa dkar po dang / ba lu ka lta bu rnams te/ thams cad kyang tshe rabs snga ma la lus dang / ngag dang / yid kyi las mi dge ba'i dbang gis zhes bya ba la sogs pa yang gong ma bzhin du rgyas par sbyar ro/ /dga' bo/ gzhan yang dud 'gro'i skye gnas pa'i sems can bshang ba dang / gci ba'i dri tshor na myur du der song nas bza' ba dang / btung bar byed pa tshad med dpag tu med pa snyed yod de/ 'di lta ste/ phag dang / lug dang / khyim bya dang / khyi dang / wa dang / bya rgod dang / bya rog dang / sbrang bu dang / sbur pa dang / gcan gzan rnams te/ thams cad kyang tshe rabs snga ma'i sdig pa mi dge ba'i las kyi dbang gis de lta bu'i rnam par smin pa myong bar 'gyur ro/ /dga' bo/ gzhan yang dud 'gro'i skye gnas </font><hr>434b<br><font size=+1>


pa rtag tu rtsa dang / shing dang / mi gtsang ba'i dngos po rnams za zhing 'thung bar byed tshad med dpag tu med pa snyed yod de/ 'di lta ste/ glang po che dang / rta dang / rnga mo dang / ba lang dang / bong bu dang / dre'u la sogs pa lta bu rnams te de dag thams cad kyang tshe rabs snga ma'i las mi dge ba'i dbang gis ji srid 'tsho'i bar du de lta bu'i rnam par smin pa myong bar 'gyur ro/ /gzhan yang dga' bo/ kye ma kyi hud srid pa'i 'khor ba'i rgya mtsho 'di ni/ 'bar ba/ rab tu 'bar ba/ mchog tu 'bar ba/ shin tu mchog tu 'bar ba yin pas/ sems can 'ga' tsam yang des ma bsregs shing ma btsos pa med de/ de yang mig dang / rna ba dang / sna dang / lce dang / lus dang / yid kyi me rab tu 'bar ba'i 'dod pas mngon du snang ba'i yul gzugs dang / sgra dang / dri dang / ro dang / reg bya dang / chos yongs su gnyer ba'i dbang gis de ltar gyur ba yin no/ /dga' bo/ 'bar/ rab tu 'bar bar byed pa'i me gang zhe na/ 'di lta ste/ 'dod chags dang / zhe sdang dang / gti mug gi me dang / skye ba dang / rga ba dang / na ba dang / 'chi ba'i me dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i me dag gis rtag tu bsregs shing 'bar bar byed pas 'ga' tsam yang de las thar pa med do/ /dga' bo/ le lo la rab tu gnas pa dag ni/ sdug bsngal mang po myong zhing </font><hr>435a<br><font size=+1>


@#/ /nyon mongs pas kun tu dkris nas sdig pa mi dge ba'i chos mngon par 'du byas pas 'khor bar 'khor yang nye bar zhi zhing rgyun chad par mi 'gyur ro/ / brtson 'grus brtsams pa gang yin pa de dag ni/ bde ba mang du myos zhing brtul ba'i sems skyed par byed pas nyon mongs pa yongs su bsal nas dge ba'i chos sgom pa'i rab tu brtson pa mi gtong ba la rgyun 'chad pa med do/ /de lta bas na/ deng khyod kyi lus 'di'i pags pa dang / sha dang / chu ba dang / rus pa dang / khrag dang / rtsa rgyus dang / rkang rnams ni/ ring por mi thogs par gyes shing 'jig par 'gyur ro/ /snyam du so sor brtags nas rtag par sems rtse gcig tu le lo mi byed par mngon sum du ma byas pa mngon sum du bya ba'i phyir nan tan brtson 'grus kyis de ltar bslab par bya'o/ /dga' bo/ nga ni/ 'jig rten pa rnams dang rtsod par mi byed na/ 'on kyang 'jig rten pa rnams ni/ nan gyis nga dang rtsod par byed do/ /de ci'i phyir zhe na/ gang chos shes pa rnams ni/ gzhan dang rtsod par mi byed de/ /bdag dang bdag gir 'dzin pa dang bral ba yin na/ su dang lhan cig rtsod par byed/ 'on kyang mthong ba dang shes pa med pa dag yang dag pa ma yin pa'i 'dzin pa bskyed par byed pa'i phyir ngas yang dag par mngon par rdzogs par sangs rgyas nas 'di skad du ngas ni/ chos rnams gang yang mi shes pa med do/ /zhes </font><hr>435b<br><font size=+1>


smras pa yin te/ dga' bo/ ngas de skad smras pa de la tha dad du gyur pa yod dam/ dga' bos gsol ba/ bcom ldan 'das/ de ni/ ma mchis te/ de bzhin gshegs pas de skad gsungs pa la gzhan du 'gyur ba ma mchis so/ /bcom ldan 'das kyis bka' stsal pa/ legs so/ /legs so/ dga' bo/ de bzhin gshegs pa'i gsungs la gdon mi za bar tha dad du gyur pa med pas de bzhin gshegs pa ni/ yang dag par gsung ba/ bden par gsung ba/ de bzhin nyid du gsung ba/ tha mi dad par gsung ba/ slu ba med par gsung ba/ 'jig rten pa rnams la yun ring por phan pa dang / bde ba dang / phan yon chen po thob par mdzad pa/ lam mkhyen pa/ lam rig pa/ lam ston pa/ lam 'byed pa/ lam 'dren pa/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das su gyur pa yin no/ /'jig rten pa rnams ni/ shes pa med pa/ mngon par yid ches pa med pa/ rtag par dbang po rnams kyi bran byed pa/ lag mthil na yod pa kho na mthong zhing / don chen po la mi lta ba/ sla ba'i dngos po mi bsgrub par gang bya dka' ba rgyun du byed pa yin no/ /dga' bo/ shes rab dang ldan pa'i spyod yul 'di ltar re zhig zhog </font><hr>436a<br><font size=+1>


@#/ /la/ deng khyod kyis sha'i mig gis lta bas shes pa dang / mthong ba ji snyed pa dag yang dag pa ma yin par so sor brtags na/ de nyid rnam par thar pa zhes bya bas/ dga' bo/ khyod nga la dad pa'i phyir mi 'gro zhig /nga la 'dun pa'i phyir 'brang bar ma byed cig /nga'i tshig la rton par ma byed cig /nga'i mtshan ma la rtog par ma byed cig /dge sbyong gi lta ba dang shes pa'i rjes su ma 'brang zhig /dge sbyong la gus par ma skyed cig /'di skad du dge sbyong gau ta ma ni/ bdag gi ston pa chen po yin no/ /zhes ma zer bar ngas mngon par rdzogs par sangs rgyas pa'i chos gang yin pa de gcig pu dben par song la yid la bsam ste 'jal bar gyis shig /so sor rtogs shig /rtag par mang du sgoms shig /sems rtse gcig tu chos rnams so sor brtags te/ chos de dag las sgom pa'i 'du shes yongs su rdzogs par byas te/ yang dag pa'i dran pa la gnas nas bdag nyid kyis gling byos shig bdag nyid kyi gnas dang / skyabs byos shig /chos kyis gling byos shig /chos kyis gnas dang / skyabs byos shig dang / de las gzhan pa'i gling dang / gnas dang / skyabs med do/ / dga' bo/ ji ltar na dge slong bdag nyid gling du gyur pa dang / bdag nyid gnas dang / skyabs su gyur pa dang / chos kyi gling du gyur pa dang / chos kyi gnas dang / skyabs su gyur cing / de </font><hr>436b<br><font size=+1>


las gzhan pa'i gling dang / de las gzhan pa'i gnas dang / skyabs med par gyur pa yin zhe na/ dga' bo/ 'di ltar dge slong la la zhig bdag nyid kyis nang gi lus la lus kye rjes su lta ba la rab tu gnas nas brtson 'grus kyi dran pa rtse gcig tu byas pas yang dag pa'i shes pa thob nas 'jig rten pa'i khong khro ba ji snyed pa dag rtag tu yid la sems shing rab tu dul bar gyur ba gang yin pa de ni/ nang gi lus la lus kyi rjes su lta ba zhes bya ste/ gang gis phyi rol gyi lus dang / nang dang phyi rol gnyis ka'i lus la rjes su lta ba yang de bzhin no/ /dga' bo/ de'i 'og tu kun 'byung ba'i chos la lus su bltas nas rab tu gnas pa dang / 'gog pa'i chos su bltas nas rab tu gnas par byed la/ gzhan yang kun 'byung ba dang / 'gog pa'i chos gnyis la lus kyi rjes su lta zhing gnas par byed pa nyid kyis lus 'di la yang dag par dran par byed pas res 'ga' ni/ shes pa kho na dang ldan par 'gyur/ res 'ga' ni/ mthong ba kho na dang ldan par 'gyur/ res 'ga' ni/ dran pa kho na dang ldan par 'gyur zhing rten pa med par gnas par 'gyur bas/ 'jig rten la 'di la blang bar bya ba ci yang med par rab tu shes par 'gyur te/ de ltar na dga' bo/ 'di ni/ dge slong bdag nyid kyis nang gi lus la lus kyi rjes su lta ba la gnas pa zhes bya ste/ phyi rol gyi lus dang / nang dang phyi rol gnyis ka'i lus la lta ba yang de bzhin no/ /de'i 'og </font><hr>437a<br><font size=+1>


@#/ /tu nang gi tshor ba dang / phyi rol gyi tshor ba dang / nang dang phyi rol gnyis ka'i tshor bar lta ba la rab tu gnas pa dang / nang gi sems dang / phyi rol gyi sems dang / nang dang phyi rol gnyis ka'i sems su lta ba la gnas pa dang / nang gi chos dang / phyi rol gyi chos dang / nang dang phyi rol gnyis ka'i chos su lta ba la rab tu gnas nas brtson 'grus kyis dran pa rtse gcig tu byas pas yang dag pa'i shes pa thob nas 'jig rten pa'i khong khro ba'i snyed pa dag rtag tu yid la mi sems shing rab tu dul bar gyur nas kun 'byung ba'i chos su bltas nas rab tu gnas pa dang / 'gog pa'i chos su bltas nas rab tu gnas par yang byed la/ gzhan yang kun 'byung ba dang / 'gog pa'i chos gnyis la chos su bltas nas rab tu gnas par byed pa nyid kyis lus 'di nyid la yang dag par dran par byed pas res 'ga' ni/ shes pa kho na dang ldan par 'gyur/ res 'ga' ni/ mthong ba kho na dang ldan par 'gyur/ res 'ga' ni/ dran pa kho na dang ldan par 'gyur bas/ 'jig rten 'di la blang par bya ba ci yang med par rab tu shes par 'gyur te/ de ltar na/ dga' bo/ /'di ni/ dge slong bdag nyid gling du gyur pa dang / bdag nyid gnas dang skyabs su gyur pa dang / chos gling du gyur pa dang / chos gnas dang skyabs su gyur cing / de las gzhan pa'i gling med pa dang / de las </font><hr>437b<br><font size=+1>


gzhan pa'i gnas dang skyabs med pa zhes bya'o/ /dga' bo/ skyes bu rang bzhin drang zhing g.yo sgyu spangs pa gang la la zhig snga dro'i dus kyi tshe nga'i thad du 'ongs pa la ngas dbang po ji lta ba bzhin du dge ba'i chos de la rjes su bstan nas de phyi dro'i dus kyi tshe bdag nyid thob pa dang ldan pa smra bar gyur la/ phyi dro'i dus kyi tshe chos rjes su bstan pa yang bdag nyid thob pa dang ldan par smra bar byed pas na dga' bo/ ngas legs par bstan pa'i chos ni/ mthong ba'i chos la mngon sum du rtogs pa/ rab tu gdung ba sel bar byed pa/ dus dang dbang po dang rab tu 'tsham par 'gyur pa thabs dang ldan pa rang gis rig pa'i chos legs par skyob par byed pa yin pas/ gang gis nga'i mngon sum du chos bstan pa thos par gyur na/ mya ngan las 'das pa'i rjes su mthun par 'gyur zhing / byang chub la gzhol bar byed pa gang yin pa 'di ni/ nga'i mkhyen pa yin te/ de lta bas na/ deng khyod kyis bdag gis don dang / gzhan gyi don dang / gnyis ka'i don de lta bu mthong nas chos 'di la rtag par yang dag par bslab ste rab tu byung ba'i chos bag yod par bsgrubs nas chud mi gsan cing 'bras bu khyad par du 'phags pa 'dus ma byas kyi bde ba thob par byas nas gzhan gyis byin pa'i chos gos dang / bsod snyoms dang / mal cha dang / na ba'i gsos sman la sogs pa blang bar bya zhing / sbyin bdag rnams bsod nams kyi phan yon chen po thob pa </font><hr>438a<br><font size=+1>


@#/ /dang / 'bras bu rnam par smin pa khyad par du 'phags pa yangs shing rgya che ba dag 'thob par 'gyur ba de ltar dga' bo/ khyod kyis bslab par bya'o/ /gzhan yang dga' bo/ gzugs 'ga' tsam yang rjes su chags par bya ba'am/ ma 'ongs pa'i dus na rnam par 'gyur zhing 'jig par mi 'gyur ba gang yang med de/ de'i gnas med do /gang yang mya ngan dang / smre sngags 'don pa dang / nyon mongs pa mi skyed pa gang yang med de/ de'i gnas med do/ /dga' bo/ 'di ji snyam du sems/ gzugs de rtag pa zhig yin nam/ 'on te mi rtag pa zhig yin/ btsun pa/ de ni/ rang bzhin gyis mi rtag pa lags so/ /dga' bo/ gal te rang bzhin gyis mi rtag pa yin na/ ci de bde ba zhig yin nam/ 'on te sdugs bsngal ba zhig yin/ btsun pa/ de ni/ sdug bsngal ba lags so/ /gang mi rtag cing sdug bsngal ba de ni/ rnam par 'gyur zhing 'jig pa'i chos can yin na/ nga'i nyan thos 'phags pa mang du thos pa dang ldan pa dag ci gzugs 'di ni/ bdag yin no/ /bdag ni/ gzugs rnams dang ldan no/ /gzugs ni/ bdag gi yin no/ /bdag ni/ gzugs la gnas so/ /zhes khas len par byed dam/ gsol pa/ bcom ldan 'das/ de ni/ ma lags so/ /'di ji snyam du sems/ ci tshor ba dang / 'du shes dang / 'du byed dang / rnam par </font><hr>438b<br><font size=+1>


shes pa de dag rtag pa zhig yin nam/ 'on te mi rtag pa zhig yin/ btsun pa/ thams cad rang bzhin gyis mi rtag pa lags so/ /dga' bo/ gal te rang bzhin gyis mi rtag pa yin na/ ci bde ba zhig yin nam/ 'on te sdug bsngal ba zhig yin/ btsun pa/ sdug bsngal ba lags so/ /gang mi rtag cing sdug bsngal ba de ni/ rnam par 'gyur zhing 'jig pa'i chos can yin na| nga'i 'phags pa nyan thos mang du thos pa dang ldan pa dag /ci tshor ba la sogs pa 'di dag ni/ bdag yin no/ /bdag ni/ tshor ba la sogs pa dang ldan no/ /tshor ba la sogs pa dag ni/ bdag gi yin no/ /bdag ni/ tshor ba la sogs pa la gnas so/ /zhes khas len par byed dam/ bcom ldan 'das/ de ni/ ma lags so/ /de lta bas na/ ji tsam du gzugs su gyur pa 'das pa'am/ ma 'ongs pa'am/ da ltar byung pa'am/ nang gi'am/ phyi rol gyi'am/ rags pa'am/ phra ba'am/ bzang po'am/ ngan pa'am/ thag ring ba'am/ thag nye ba yang rung ste/ ji tsam du gzugs su gyur pa thams cad kyang bdag ma yin la/ bdag kyang gzugs dang ldan pa ma yin pa dang / gzugs kyang bdag ma yin la/ bdag kyang gzugs lag nas pa ma yin par rig par bya'o/ /de bzhin du yang dag pa'i dran pa dang / yang dag pa'i shes rab kyis ji tsam du tshor ba dang / 'du shes dang / 'du byed dang / rnam par shes par gyur pa 'das pa'am/ ma 'ongs </font><hr>439a<br><font size=+1>


@#/ /pa'am/ da ltar byung ba'am/ nang gi'am/ phyi rol gyi 'am/ rags pa'am/ phra ba'am/ bzang po'am/ ngan pa'am/ thag ring ba'am/ thag nye ba yang rung ste/ de dag thams cad kyang bdag ma yin la/ bdag kyang de dag dang ldan pa ma yin pa dang / de dag kyang bdag gi ma yin la bdag kyang de dag la gnas pa ma yin par legs par so sor brtag par bya'o/ /de bzhin du yang dag pa'i dran pa dang / yang dag pa'i shes rab kyis nga'i nyan thos 'phags pa mang du thos pa dang ldan pa dag ni/ 'di ltar gzugs la so sor brtags nas yongs su skyo ba skye ba dang / gzhan yang tshor ba dang / 'du shes dang / 'du byed dang / rnam par shes pa la so sor brtags nas yongs su skyo ba skye bar 'gyur ro/ /gal te skyo bar gyur na/ mngon par zhen bar mi byed do/ /mngon par zhen pa med pas rnam par grol ba thob par 'gyur ro/ /rnam par grol nas bdag rnam par grol lo/ /snyam du shes pas 'di skad du bdag gi skye ba ni/ zad do/ /tshangs par spyod pa yang dag par spyad do/ /bya ba byas pas yang srid pa phyi ma len par mi 'gyur ro/ /zhes sgrog par 'gyur ro/ /snyam du so sor brtag par bya'o/ /de'i tshe bcom ldan 'das kyis chos kyi rnam grangs 'di bka' stsal pa na/ tshe dang ldan pa dga' bo rdul spangs shing dri ma dang bral nas chos kyi mig rnam par dag pa thob par gyur to/ /dge slong lnga brgya po rnams ni/ zag pa rnams las </font><hr>439b<br><font size=+1>


sems rnam par grol ba thob par gyur to/ /de nas de'i tshe bcom ldan 'das kyis yang tshigs su bcad de dga' bo la bka' stsal pa/ gang la mnyam gzhag sems med pas/ /rnam dag ye shes med pas na/ /zag pa rnams ni spong mi 'gyur/ /de bas khyod kyis nan tan sgrubs/ /khyod kyis rnal 'byor rtag sgoms la/ /phung po skye 'gag shes par gyis/ /rnam dag gal te rdzogs gyur na/ /lha rnams kun nas dga' bar 'gyur/ /mdza' bshes lhan cig 'brel dga' zhing / /phan tshun 'drul zhing chags pa dang / /thob dang grags pa mngon zhen pa/ /dga' bo khyod kyis kun spongs shig /khyim pa dang ni rab byung la/ /rten cing bshes ni mi byed par/ /'khor ba'i rgya mtsho 'das soms la/ /sdug bsngal mthar ni phyin par byos/ /dang po mer mer po las ni/ /sha yi chu bur skye bar 'gyur chu bur las ni ltar ltar skye/ /ltar ltar bo las mkhrang bar 'gyur/ /mkhrang ba rnam par gyur nas ni/ /mgo dang yan lag bzhi skye bas/ /rus pa 'dus nas lus grub pa/ /thams cad las kyi rgyu las byung / /mgo thod rus pa dgu 'dus shing / /'gram pa'i rus pa gnyis 'brel te/ /so ni sum cu rtsa gnyis ldan/ /de yi rtsa ba'ang de bzhin no/ /rna rtsa gnya' ba'i rus pa dang / /rkan dang sna yi rus pa dang / /brang dang mid pa'i run pa ni/ /bsdus na rus pa nyi shu yod/ /mig la rus pa bzhi yod de/ /phrag pa byin pa zung gnyis yod/ /lag pa gnyis dang sor mo rnams/ /bsdus na rus pa lnga </font><hr>440a<br><font size=+1>


@#/ /bcu yod/ /ltag rgyab rus pa brgya yod de/ /sgal tshigs la ni sum cu gnyis/ /'di dag kun la rtsa yod pas/ /de yi grangs ni cha bzhir 'gyur/ /rtsib logs g.yas pa'i rus pa ni/ /phan tshun 'brel ba bcu gsum yod/ /rtsib logs g.yon 'brel skye ba yi/ /rus pa dag ni bcu gsum yod/ /rus pa'i lu gu rgyud 'di dag /gsum gsum dag ni phan tshun 'brel/ /gnyis gnyis dag ni tshigs ldan te/ /lhag ma gzhan ni 'brel pa med/ /g.yas g.yon brla ni gnyis po la/ /bsdus na rus pa lnga bcu yod/ /lus dang 'brel ba'i rus pa ni/ /bsdoms na sum brgya drug cu yod/ /rus tshigs phan tshun 'brel na ni/ sems can lus ni grub yin zhes/ /yang dag sangs rgyas mkhyen pa yis/ /bden tshig tu ni gsungs pa yin/ /rkang mthil nas ni mgo bo'i bar/ /mi gtsang 'dres shing mi brtan pa/ /de dag lhan cig lus bsgrubs pas/ /nyam chung 'dam bu'i khyim dang 'dra/ /rus pa 'ba' zhig gzer bu med/ sha khrag kun tu bskus pas na/ /mi gtsang 'khrul 'khor rab 'dra zhing / /sgyu ma'i sprul ba'i gzugs brnyan 'dra/ /lus 'di rtsa rgyus dkris nas ni/ /pags pa gsher bas g.yogs pas na/ /gnas dgu rma yi sgo yod pas/ /de lta bur ni blta bar bya/ /kun nas gcin skyag mi gtsang bas/ /rtag tu gang zhing 'dzag pas na/ /dper na bang pa dong </font><hr>440b<br><font size=+1>


rnams su/ /'bru rnams sna tshogs gang ba ltar/ /lus 'di yang ni de bzhin te/ /mi gtsang sna tshogs rab tu gang / /rus pa'i 'khrul 'khor g.yo bas na/ /nyam chung snying po ci yang med/ /byis pa skye bo rtag tu chags/ /mkhas pa dag ni zhen mi byed/ /mchil snabs rdul ni rtag tu 'bab/ /rnag khrag dag ni rgyun du gang / /zhag ser 'o ma lhan cig 'dres/ /klad rgyas dag ni klad pas gang / /snying khar bad kan rgyun du 'byung / /nang gi zhu dang ma zhu'i gnas/ /klad rgyas dang ni pags pa dang / /snying dang nang grol glo mchin dang / /'di la sogs pa'i rus myags dang / /mi gtsang rnams dang lhan cig gnas/ /sdig pa'i lus ni 'jigs rung bas/ /'di nyid bdag gi dgra yin na/ /shes med 'dod la zhen pa yi/ /blun po rtag tu phangs par byed/ /'di 'dra'i mi gtsang lus 'di ni/ /grong khyer rnying pa 'dra bas na/ /nyin mtshan nyon mongs rab gzir cing / /skad gcig mi gnas kun tu 'khyams/ /rus pa'i grong khyer rtsig par byed/ /sha dang khrag gis zhal zhal bskus/ /'dod sdang gti mug mtshon bkye nas/ /ci rigs par ni rgyan par byed/ /rus pa'i grong khyer skyug bro ba/ sha khrag 'brel cing 'dus pas na/ /rtag tu sdug pa'i grogs po yis/ /phyi nang sdug bsngal gdung bar byed/ /dga' bo/ khyod kyis shes par byos/ /ngas ni ji skad bstan pa bzhin/ /nyin mtshan rtag tu dran byos la/ /'dod pa'i yul la sems ma byed/ /gal te 'dod pa spong 'dod na/ /rtag tu </font><hr>441a<br><font size=+1>


@#/ /de bzhin rab sgoms la/ /rnam grol yongs su tshol bar gyis/ /myur du 'khor ba'i rgya mtsho 'da'/ /bcom ldan 'das kyis mngal du 'jug pa'i chos kyi rnam grangs 'di bka' stsal pa na tshe dang ldan pa dga' bo dang / dge slong lnga brgya po de dag rab tu dga' bar gyur pas bcom ldan 'das kyis gsungs pa la mngon par bstod do/ /de'i tshe tshe dang ldan pa dga' bo/ 'khor ba'i rgya mtsho 'brog dgon pa las yang dag par 'das te mthar thug pa'i bde ba mya ngan las 'das pa'i gnas su phyin nas dgra bcom pa'i 'bras bu thob par gyur pas bdag nyid shin tu dga' bar gyur nas tshigs su bcad de smras pa/ gus sems khrus ni bstab pa dang / /tshu gtsang byug spos phul ba dang / /bsod nams rnams ni bsgrubs pas na/ /rnam smin mchog 'di thob pa yin| |de nas 'khor mang po rnams de skad ces smras pa thos pas thams cad the tshom skyes par gyur nas the tshom gcod pa'i phyir ston pa chen po la 'di skad ces gsol to/ /btsun pa/ tshe dang ldan pa dga' bo 'dis sngon sug las ci bgyis na/ de'i rnam par smin pas lus kyi mdog gser gyi kha dog lta bur gyur la/ mtshan sum cu dang ldan pas bdag nyid brgyan cing bcom ldan 'das kyi sku bas sor bzhis thung bar gyur/ ci'i slad du 'dod pa'i yul la shin tu mngon par zhen pa las ston pa chen pos thugs brtse bar dgongs nas mthus 'khor ba'i rgya </font><hr>441b<br><font size=+1>


mtsho las bsgral te/ thabs kyis shin tu mthar thug pa'i mya ngan las 'das pa la rnam par bzhag pa bkas bshad du gsol/ bcom ldan 'das kyis bka' stsal pa/ dge slong dag/ dge slong dga' bos sngon las mngon par 'dus byas pa'i 'bras bu rnam par smin pa yongs su smin pas na/ thams cad mngon du gyur pa yin no/ /zhes gzhan las bstan pa bzhin du rgya cher bka' stsal nas tshigs su bcad de bka' stsal pa/ gal te bskal pa brgya lon kyang / /las byas chud zar mi 'gyur te/ /rgyu dang rkyen ni tshogs pa na/ /lus can nyid la 'bras bur smin/ / dge slong dag /khyod nyon cig /sngon byung ba 'das pa'i dus bskal pa dgu bcu rtsa gcig gi sngon rol na skye rgu rnams tshe lo brgyad khri thub pa'i tshe de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ dge slong gi dge 'dun brgya stong phrag drug cu rtsa gnyis dang thabs cig tu ljongs rgyu zhing grong khyer gnyen ldan rgyal po'i pho brang 'khor du gshegs nas mnyen ldan gyi tshal na bzhugs so/ /de'i tshe bcom ldan 'das de'i g.yas khyim gyi gcung zhig yod pa de 'dod pa'i yul la shin tu mngon par zhen cing chags pa </font><hr>442a<br><font size=+1>


@#/ /las| de bzhin gshegs pa dgra bcom pa yang dag par rdzogs pa'i sangs rgyas rnam par gzigs des 'khor ba'i rgya mtsho las yongs su bzla ba'i phyir rab tu 'byung bar bskul nas thabs kyis mthar thug pa'i mya ngan las 'das pa'i dbyings su rnam par bzhag go /de'i tshe na yul de'i bdag po mnyen ldan zhes bya ba rgyal po byed de/ 'di ltar rgyal po chos kyis mi rnams 'dul ba/ mi dang skye bo mang po rgyas pa/ lo legs shing bde ba/ g.yo sgyu dang chom rkun med cing nad dang bral ba/ ba lang dang / ra lug dang / sA lu dang / bu ram shing kun tu gang zhing rgyas par gyur te/ rgyal po de'i g.yas khyim gyi nu bo zhig yod pa yang shin tu 'dod pa la mngon par zhen cing chags par gyur to/ /rgyal po des bcom ldan 'das 'khor dang bcas te mnyen ldan gyi tshal na bzhugs par thos pas btsun mo dang / gzhon nu dang / blon po dang / skye bo mang po'i tshogs dang lhan cig tu bcom ldan 'das ga la der song ste bcom ldan 'das kyi zhabs la mgo bos phyag byas nas phyogs gcig tu 'khod pa dang / de nas bcom ldan 'das des rgyal po 'khor dang bcas pa la shin tu gya nom pa'i chos kyi gtam kun tu bstan cing gzengs bstod pas/ khyad par du 'phags pa'i shes pa thob par gyur to/ /de'i nu bo 'dod pa la zhen cing khyim nas 'byung du ma btub pa dang / de'i tshe de la blon po'i bu </font><hr>442b<br><font size=+1>


dang / gzhan yang snga nas lhan cig rtse rtse ba'i grogs po dag gis kye grogs po shes par gyis shig /'di ltar rgyal po'i gzhon nu dang / btsun mo'i 'khor dang / blon po dang / skye bo mang po dang bcas te de bzhin gshegs pa rnam par gzigs ga la ba der dong ste gus pas dam pa'i chos mnyan pas khyad par du 'phags pa'i shes pa thob par gyur te/ 'di ltar khyod kyang mi lus shin tu thob par dka' ba las deng thob par gyur na/ ci'i phyir 'dod pa la mngon par zhen cing chags nas sgor yang 'byung du mi btub ces smras pa dang / des kyang de skad du spyo pa thos pas shin tu ngo che bar gyur nas de dag gis rjes su 'brangs te lhan cig dong ngo / /de'i tshe bcom ldan 'das de'i gcung dge slong des mang po de dag dang lhan cig 'grogs te dong ba mthong nas kye khyod ci'i phyir mi 'di gcig pu khrid nas lhan cig 'grogs te 'gro zhes dris pa dang / de dag gis kyang ji ltar gyur pa zhib tu smras so/ /dge slong des smras pa/ bdag ni/ bcom ldan 'das kyi gcung yin te/ sngon khyim na gnas pa'i tshe 'dod pa'i yul rnams la shin tu mngon par zhen cing chags pa las/ ston pa chen pos thugs rjer dgongs nas mthus 'khor ba las bzlas te mthar thug pa'i mya ngan las 'das pa la bzhag pa yin no/ /gzhan yang skyes bu glen pa bdag dang 'dra ba 'di lta bu yod pa las khyed kyis snying brtse nas lhan cig khrid de 'ongs pa shin tu legs so/ /deng bla na med </font><hr>443a<br><font size=+1>


@#/ /pa'i ston pa chen po bcom ldan 'das ga la ba der khrid cig dang gdon mi za bar shin tu dad pa skye bar 'gyur ro/ /zhes smras pas/ de dag kyang lhan cig 'grogs nas bcom ldan 'das ga la ba der dong pa dang / bcom ldan 'das kyis kyang de dag la gzigs nas dbang po dang / mos pa ji lta ba bzhin du chos yang dag par bstan pas de dag gis thos par gyur nas shin tu dad pa skyes pas 'dug pa'i stan las langs nas bla gos phrag pa gcig tu gzar te thal mo sbyar nas bcom ldan 'das la 'di skad ces gsol to/ /bcom ldan 'das ston pa chen po 'phags pa'i dge 'dun dang thabs cig tu sang gi gdugs la bdag gi sdum par bsro khang du khrus la gshegs par ci gnang zhes gsol pa dang / bcom ldan 'das kyang cang mi gsung bar gshegs par zhal gyis bzhes so/ /des kyang zhal gyis bzhes par rig nas bcom ldan 'das kyi zhabs gnyis la phyag byas te song ngo / /de nas rgyal po ga la ba der song ste phyin pa dang rgyal po la lus gus pas phyag byas nas 'di skad ces smras so/ /rgyal po chen po/ bdag bcom ldan 'das ga la ba der mchis nas chos thos pa dang shin tu dad pa bskyed de 'dod pa'i yul rnams la yongs su skyo ba'i sems bskyed nas bcom ldan 'das nyan thos kyi dge 'dun dang bcas par sang gi gdugs la bdag gi sdum par bsro khang du khrus la gshegs par gsol ba las de bzhin gshegs </font><hr>443b<br><font size=+1>


pa ston pa chen pos kyang thugs brtse bar dgongs nas gshegs par zhal gyis bzhes te/ bcom ldan 'das de ni/ lha dang mi rnams kyi mchod pa bgyi ba'i 'os su gyur pa lags na/ lhas kyang grong khyer gyi shul dang srang rnams phyag dar byas nas chag chag btab ste mdzes par bgyi ba'i rigs so/ /zhes smras pa dang / rgyal pos 'di snyam du bcom ldan 'das grong khyer du gshegs na| bdag gis grong khyer mdzes par bya mod kyi/ 'on kyang bdag gis nu bo 'dod pa la mngon par zhen nas bzlog par dka' ba las/ deng bcom ldan 'das kyis thul bar gyur pa ni/ yang dag par ngo mtshar che'o/ /snyam du bsam nas nu bo/ shin tu legs kyi/ khyod song la khrus kyi yo byad ci dgos pa sbyor cig dang / ngas kyang ci nus kyis grong khyer brgyan par bya'o/ /zhes smras pas/ rgyal po'i nu bo yang shin tu dga' bar gyur te/ rgyal po la phyag byas nas langs te song ngo / /de nas rgyal pos blon po rnams la bsgo ba/ kye khyed cag deng la grong khyer du dril chen po bsgrags te phyogs su 'di skad du/ sang bcom ldan 'das grong khyer du gshegs kyi/ grong khyer na gnas pa dang / yul so so nas lhags pa'i skye bo rnams so so nas ci nus kyis grong khyer mdzes par gyis la lam dang / srang rnams phyag dar byas te chag chag btab nas me tog dang / spos dang / dri rnams thogs te ston pa chen po gshegs pa su zhig </font><hr>444a<br><font size=+1>


@#/ /ces sgos shig /blon po rnams kyis kyang lha/ de bzhin du 'tshal lo/ /zhes rgyal po'i bka' khyer nas phyogs su go bar bsgo zhing / dril chen gyi sgra bsgrags pas skye bo rnams grong khyer de'i rdo ba dang / gyo mo dang / bong ba rnams bsal te sa spos kyi chus kun tu khyab par chag chag btab nas bdug pa dam pa rnams kyang bsregs/ gdugs dang / rgyal mtshan dang / ba dan mang po yang btsugs te me tog rnams mngon par gtor bas lha'i dbang po brgya byin gyi skyed mos tshal dga' ba bzhin du byas so/ /de'i tshe rgyal po'i nu bos kyang spos chu dang / spos mar la sogs pa sbyar te bsro khang mdzes par byas/ khri bshams nas gdan yang bting ngo / /de bzhin gshegs pa rnam par gzigs mthar gyis grong khyer du gshegs su nye ba dang / rgyal po dang / rgyal bu dang / blon po dang / btsun mo dang / sras dang / skye bo mang po rnams grong nas byung ste de bzhin gshegs pa bsus nas rgyang ring po nas bcom ldan 'das la phyag byas te zham 'bring byas nas grong khyer du gshegs pa dang / de'i tshe rgyal po'i nu bo des kyang bcom ldan 'das bsro khang du gshegs par spyan drangs te spos chu la sogs pa phul nas sku bsil par gsol te/ bcom ldan 'das kyi sku gser gyi kha dog can mtshan sum cu rtsa gnyis dang dpe byad bzang po brgyad cus yongs su brgyan pa mthong ba dang / </font><hr>444b<br><font size=+1>


rab tu dga' nas shin tu dang ba'i dad pa skyes par gyur to/ /sku bsil nas na bza' mnabs pa dang / des bcom ldan 'das kyi zhabs gnyis la mgo bos phyag byas nas 'di skad du deng bdag gis bsod nams kyi zhing mchog dam pa la mchod pa cung zad bgyis pa 'di'i dge ba'i rtsa bas/ ma 'ongs pa'i dus na bcom ldan 'das 'di dang tha dad pa med pa'i gser gyi kha dog can gyi lus thob par gyur cig /ji ltar bcom ldan 'das 'di'i gcung 'di 'dod pa'i yul la mngon par zhen cing chags pa las mthus yongs su bzlas te shin tu mthar thug pa'i mya ngan las 'das pa la gzhol bar gyur pa de bzhin du bdag kyang ma 'ongs pa'i dus na de bzhin gshegs pa'i gcung du gyur nas gser gyi kha dog can gyi lus thob par gyur te/ 'di ltar bdag 'dod pa'i yul la mngon par zhen cing chags par gyur na yang mthus sred pa'i chu bo zab mo las yongs su bzlas te mya ngan las 'das pa'i bde ba la gzhol bar gyur cig /ces smon lam btab bo/ /dge slong dag /khyed kyis de'i tshe de'i dus na rgyal po mnyen ldan gyi nu bo 'dod pa la mngon par zhen par gyur pa de gzhan yin snyam du sems na/ de ltar mi blta ste/ de ni/ dge slong dga' bo 'di nyid yin no/ /'dis sngon 'das pa'i dus su de bzhin gshegs pa rnam par gzigs bsro khang du gshegs par gsol nas spos chu la sogs pas sku bsil te shin tu dang ba'i dad pas smon lam btab pa de'i dge </font><hr>445a<br><font size=+1>


@#/ /ba'i rtsa ba'i rgyus deng de bzhin gshegs pa'i gcung du gyur nas lus gser gyi kha dog lta bur gyur pa dang / 'dod pa'i yul la mngon par zhen cing chags pa las ngas mthus phyung ste khyim nas khyim med par rab tu byung nas mthar thug pa'i mya ngan las 'das pa shin tu bde ba'i gnas su phyin par gyur pa yin no/ /de nas 'khor mang po rnams the tshom du gyur nas yang bcom ldan 'das la gsol pa/ btsun pa/ tshe dang ldan pa dga' bos sngon las ci bgyis na skyes bu chen po'i mtshan sum cu mngon par grub pa lags/ bcom ldan 'das kyis bka' stsal pa/ dge slong dag /'dis las mngon par 'dus byas pas na zhes bya ba la sogs pa rgya cher snga ma bzhin te/ sngon 'das pa'i dus su ri brag gi grong gzhan zhig na khyim bdag phyug cing nor mang ba/ yo byad kyis brel pa med pa zhig gnas pa de la skyed mos tshal me tog dang 'bras bu rgyas shing / chu mig dang / 'bab chu dang / ljon shing dang ldan pa rab tu byung ba'i dben gnas su 'os pa zhig yod de/ de'i tshe rang sangs rgyas sems can la snying brtse ba'i phyir 'jig rten du byung nas dben pa na gnas pa yod pas| nam 'jig rten du sangs rgyas mi 'byung ba'i tshe 'di 'ba' zhig bsod nams kyi zhing du gyur te/ de nas rang sangs rgyas gzhan zhig ljongs rgyu zhing ri brag gi grong khyer der phyin </font><hr>445b<br><font size=+1>


nas phan tshun kun tu brtags te gnas btsal ba las/ de'i skyed mos tshal du phyin pa dang / skyed mos tshal de srung ba'i mis 'phags pa de mthong nas/ bde bar gshegs pa mnyel bso ba'i slad du 'phags pa 'dir bzhugs su gsol zhes smras so/ /des nam gyi gung thun la me'i khams la snyoms par zhugs pa dang / skyed mos tshal srung ba'i mis mthong nas 'di snyam du btsun pa chen po 'di ni/ 'di lta bu'i spyod pa mchog grub pa'o/ /snyam du bsam nas de nas nub mo langs te khyim bdag ga la ba der song nas 'di skad du khyim bdag chen po/ deng dga' ba chen po skyed cig /skyed mos tshal na 'phags pa zhig bdag gi thad du gshegs nas mtshan mo 'das pa las/ de ni/ spyod pa gya nom pa dang ldan zhing / rdzu 'phrul chen po phun sum tshogs pa zhig pas 'od zer chen po bkye nas skyed mos tshal gyi nang kun tu gsal bar byas so/ /zhes smras pa khyim bdag gis thos nas myur zhing rings par skyed mos tshal du song ste rkang pa gnyis la phyag byas nas 'di skad du/ 'phags pa ni/ bsod snyoms bzhed pa lags la/ bdag ni/ bsod nams 'tshal ba lags na/ thugs brtse bar dgongs te skyed mos tshal 'dir bzhugs su gsol/ bdag gis rtog par bsod snyoms sbyar ro/ /zhes smras pa dang / des kyang de gus pas gsol ba btab par mthong nas khas blangs te skyed mos tshal de'i nang du gnas nas bsam gtan dang rnam par </font><hr>446a<br><font size=+1>


@#/ /thar pa mchog la snyoms par zhugs te bde ba rjes su myong bar gyur to/ /dus gzhan zhig na 'di snyam du bdag gi lus rus pa 'di ni/ 'khor bar 'khor ba las bdag gis gang bya ba de ni/ thob par gyur pas/ mya ngan las 'das pa zhi ba'i dbyings su zhugs nas gtan du mi skye ba mngon sum du bya ba'i rigs so/ /snyam nas nam mkha' la mngon par 'phags te me'i khams la snyoms par zhugs nas rdzu 'phrul rnams mngon par bstan te/ 'od zer chen po bkye nas steng du 'bar ba dang / tsha ba dang / 'og tu chu 'bab pa la sogs pa bstan te/ lus 'di spangs nas rnam par shes pa skye bar mi 'gyur ba lhag ma med pa'i mya ngan las 'das pa'i dbyings su yongs su mya ngan las 'das so/ /de nas khyim bdag des de'i rus bu blangs nas dri'i shing thams cad kyis bsregs te 'o mas me bsad nas rus pa lhag ma ma lus par bsdus te bum pa gsar pa'i nang du bcug nas mchod rten brtsigs te gdugs dang / rgyal mtshan dang / ba dan rnams btsugs nas shin tu dang ba'i dad pas dri'i chu gya nom pa sum cu gtor te mtshan bzang po rnams grub par shog cig /ces smon lam btab bo/ /dge slong dag /legs par nyon la de'i dus na khyim bdag tu gyur pa de gzhan yin pa snyam du sems na/ de ltar mi blta ste/ de ni/ dga' bo 'di nyid yin no/ /'dis mchod pa mchog byas pa dang / gus pa dang / shin tu dang ba bskyed pa'i las kyi dbang gis deng 'dir mtshan mchog khyad par du 'phags pa sum cu mngon </font><hr>446b<br><font size=+1>


bar grub pa rnam par smin pa myong bar gyur pa yin no/ /de nas 'khor mang po rnams yang the tshom skyes nas bcom ldan 'das la 'di skad ces gsol to/ /btsun pa/ tshe dang ldan pa dga' bos las ci bgyis na/ gal te 'di rab tu ma byung zhing khyim na gnas par gyur na/ gdon mi za bar stobs kyi 'khor los bsgyur ba'i rgyal po 'dis bgyid par 'gyur ba lags/ bcom ldan 'das kyis bka' stsal pa/ dge slong dag / dga' bos tshe rabs snga ma la las mngon par 'dus byas pa'i 'bras bu rnam par smin pa yongs su smin par gyur pa'i tshe gdon mi za bar bdag nyid kyis myong bar 'gyur ro/ /zhes bya ba la sogs pa yang rgyas par snga ma bzhin du sbyar te/ dge slong dag /sngon byung ba bskal pa bzang po 'di nyid la skye rgu rnams tshe lo stong phrag nyi shu thub pa na de bzhin gshegs pa dgra bcom pa yang dag par rdzogs pa'i sangs rgyas 'od srung zhes bya ba mtshan sum cu dang ldan pa 'jig rten du byung ste/ yul wA ra NA si dang srong lhung ba'i gnas ri dwags byin pa'i tshal na bzhugs so/ /de'i tshe grong khyer de na rgyal po kri kri zhes bya ba rgyal po byed de/ 'di ltar chos kyis 'jig rten 'dul bar byed pas chos bzhin du rgyal po byed do/ /zhes bya ba la sogs pa yang rgyas par gong ma bzhin du sbyar ro/ /rgyal po de la bu gsum yod de/ 'di lta ste/ rab dang / 'bring po dang / tha chung ngo / /de bzhin gshegs pa dgra bcom pa yang dag par rdzogs pa'i sangs rgyas 'od srung sangs rgyas kyi mdzad pa mthar phyin nas shing zad pa'i me bzhin du lhag ma med pa'i mya ngan las 'das pa'i dbyings su yongs su mya ngan </font><hr>447a<br><font size=+1>


@#/ /las 'das pa dang / rgyal po des gus pa'i sems kyis de bzhin gshegs pa'i sku gdung blangs te/ dri'i shing tsan+dan dang / gor shiR+sha dang / lha'i spos kyi shing la sogs pas/ bsregs te 'o mas me bsad nas ring bsrel bsdus te rin po che'i bum pa'i nang du bcug nas mchod rten chen po rin po che sna bzhi las byas pa/ khor ra khor yug tu dpag tshad gcig /'phang du ni/ dpag tshad phyed yod pa brtsigs nas de la 'khor lo 'dzugs pa'i tshe rgyal po'i bu 'bring po des bdag nyid steng du 'dzegs nas 'khor lo bar ma btsugs so/ /dge slong dag/ de'i tshe de'i dus na rgyal po'i bu 'bring por gyur pa de gzhan yin pa snyam du sems na/ de ltar mi blta ste/ dga' bo 'di nyid yin no/ /'dis sngon 'das pa'i dus su gus pa'i sems kyis mchod pa byas pa dang / 'khor lo bar ma btsugs pa'i dge ba'i las des tshe rabs nyis stong lnga brgya'i bar du rtag par gling gcig la dbang ba'i stobs kyis 'khor lo bsgyur ba'i rgyal po byas so/ /tshe 'di la gal te rab tu byung bar ma gyur na/ de bzhin du stobs kyis 'khor los bsgyur ba'i rgyal po dbang phyug chen po la dbang sgyur ba byed par 'gyur ro/ /de nas 'khor mang po rnams the tshom du gyur nas yang bcom ldan 'das la 'di skad ces gsol to/ /btsun pa/ tshe dang ldan pa dga' bos sngon las ci bgyis na/ nyan thos kyi nang na dbang po'i sgo rab tu sdom pa'i mchog tu bka' stsal lags/ bcom ldan </font><hr>447b<br><font size=+1>


'das kyis bka' stsal pa/ 'di ni/ smon lam gyi stobs las gyur pa yin te/ dge slong dag /dga' bo 'di sngon de bzhin gshegs pa dgra bcom pa yang dag par rdzogs pa'i sangs rgyas 'od srung gi bstan pa la khyim nas khyim med par rab tu byung ba las/ de'i mkhan po bcom ldan 'das de'i bstan pa la dbang po'i sgo rab tu sdom pa'i mchog tu bsngags pa brjod par gyur to/ / des ji srid 'tsho ba'i bar du tshangs par spyad kyang tshe de nyid la mngon par rtogs pa ci yang thob par ma gyur pas/ des 'chi ba'i dus kyi tshe 'di skad du bdag gis de bzhin gshegs pa'i bstan pa la ji srid 'tsho'i bar du tshangs par spyad kyang tshe 'di nyid la mngon par rtogs pa ci yang med pas/ bdag gis 'dir tshangs par spyad pa'i dge ba'i rtsa ba 'dis bcom ldan 'das 'od srung gis ma 'ongs pa'i dus na bram ze'i khye'u bla ma zhes bya ba 'di yang dag par rdzogs pa'i byang chub mngon par rdzogs par 'tshang rgya bar 'gyur te/ mchan yang shAkya thub pa zhes bya bar 'gyur ro/ /zhes lung bstan pas/ bdag kyang bcom ldan 'das de'i bstan pa la khyim nas khyim med par rab tu byung ste nyon mongs pa rnams spangs nas dgra bcom pa'i 'bras bu thob par gyur te/ ji ltar bdag gis mkhan po 'di bcom ldan 'das kyis bstan pa la dbang po'i sgo rab tu sdom pa'i mchog tu gyur pa de bzhin du bdag kyang bcom ldan </font><hr>448a<br><font size=+1>


@#/ /'das de'i bstan pa la dbang po'i sgo sdom pa'i mchog tu gyur cig /ces smon lam btab pas na/ smon lam de'i stobs kyis deng 'dir nga'i bstan pa la nyan thos kyi nang na dbang po'i sgo rab tu sdom pa'i mchog tu gyur pa yin no/ /'di ltar dge slong dag /gang gcig tu nag pa'i las kyi rnam par smin pa yang gcig tu nag go /gang gcig tu dkar ba'i las kyi rnam par smin pa yang gcig tu dkar ro/ /las 'dren ma gang yin pa de ni/ rnam par smin pa yang 'dren ma myong bar 'gyur te/ de lta bas na/ khyed stong phrag brgya pa las/ mngal na gnas pa bstan pa'i 'dus pa ste/ 'dus pa bcu bzhi pa rdzogs so// // </font><hr>

</table>