rgya gar skad du/ AR+Ya bra tI t+ya sa mut+pa da pa ri hr-i da ya d+hA ra Ni/ bod skad du/ 'phags pa rten cing 'brel bar 'byung ba'i snying po'i cho gcig gzungs/ sangs rgyas dang / byang chub sems dpa' 320a @#/ /thams cad la phyag 'tshal lo/ /chos gang rgyus byung de dag ni/ /rgyu la 'gog pa gang yin pa/ /de bzhin gshegs pas bka' stsal to/ /de skar gsung ba dge sbyong che/ /tshig 'di sgrub pa'i cho ga ni/ /sems can rnams la phan byed pa/ /las kun grub par byed pa'i phyir/ /de bzhin gshegs pas rab tu gsungs/ /rigs kyi bu dag gang gis ni/ /dang por sangs rgyas bcom ldan la/ /gus shing dang ba'i sems bskyed nas/ /bcom ldan 'das kyis bka' stsal pa/ / rten 'brel zab mo'i cho ga bshad/ /thams cad las dang mthun par gsungs/ /dang po 'jug pa'i tshig gsungs pa/ /'di ltar las dang nyon mongs yod gyur na/ / sems can rnams ni 'khor bar 'gro 'gyur la/ /las dang nyon mongs med na 'khor ba las kyang ldog /bden pa 'di yis bdag gi bsam pa 'grub gyur cig / sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /yang dag par rdzogs pa'i sangs rgyas g+ng+ga'i'i klung gi bye ma snyed bzhugs pa la phyag 'tshal lo/ /rang sangs rgyas rnams la phyag 'tshal lo/ /dgra bcom pa rnams la phyag 'tshal lo/ /rgyun du zhugs pa rnam la phyag 'tshal lo/ /'phags pa 320b byams pa la sogs pa'i byang chub sems dpa' rnams la phyag 'tshal lo/ /brtul zhugs grub pa rnams la phyag 'tshal lo/ /sems can rnams kyi sman pa rnams la phyag 'tshal lo/ /nor bu grub pa rnams la phyag 'tshal lo/ /'di lta ste/ na mo r+t+na tra yA ya/ oM ye d+h+r+ma' he tu pra b+hA bA he tun+te Sh+'+n+ta thA ga to h+ya ba d+ta/ te Sh+'+ny+tsa yo ni ro d+ha e baM bA dI mahA shra ma NaHswAhA/ las rnams kun gyi cho ga la/ /tshigs su bcad pa 'di dag brjod/ /bsam rgyud rang gi lag mthal la/ /sangs rgyas bcom ldan 'das kyi sku/ /skyes bu chen po'i mtshan gyis brgyan/ /dpe byang bzang po brgyad cus spras/ /me yi khams la bzhugs pa bsgom/ /de ni lha dag rjes su dran/ /de ni sbyor ba'i las bshad de/ /rim pa bzhin du so sor bstan/ /rims kyis btab nas na ba dang / /klad pa na dang mig nad dang / /khong nad la sogs nad rnams la/ /tshigs bcad 'di dang snying po 'di/ /mang por bzlas shing langs nas ni/ /lag pa g.yas pa'i khu tshur gyi/ /dbyung ba'i thabs su khyab par bya/ /nang rnams thams cad sos par 'gyur/ /nyin gcig nyin gnyis nyin gsum dang / /nyin bzhi rtag pa'i rim rnams la/ /bu mo gzhon nus bka' ba yi/ /skud pa dkar po sum sgril la/ /bzlas brjod nyi shu 321a @#/ /brgyad bzlas nas/ /mgul du btags na bde bar 'tsho/ /nad la phan pa'i sman rnams la/ /gzungs sngags 'di dag bzlas shing btang / /snying nad rtsib logs na ba dang / /khong na nad rnams ci yod la/ /chu la sngags 'di mang bzlas nas/ /blud na phan zhing bde bar 'gyur/ /nad la phan pa'i sman rnams la/ / bzlas shing btang na 'tsho bar 'gyur/ /g.yan pa dang ni 'brum bu dang / /phol mig dang na rma red la/ /grog tshangs la snying po 'di/ /mang du bzlas te btab na 'tsho/ / gzhang 'brum gzhang nad za gu dang / /pho mtshan skrangs shing na ba la/ /skyer pa'i khaN+Da'i ril bu 'am/ /byang chub sems dpa'i ril bu la/ /nyi shu bzlas shing bskus na phan/ / nad kyi rnam pa gang na yang / /nad tshabs che chung tshed brtags nas/ /tshigs su bcad pa'i bzlas brjod la/ /mang nyung nad dang sbyar nas su/ /lus la byab cing bzlas na phan| |'khru ba ga nad kyis btab ba la/ /sman nam ril bu kha zas la/ /bdun nam nyi shu bzlas nas kyang / /khong du btang na phan par 'gyur/ /de yi bzlas brjod snga ma ste| |'di dag rab tu bzla bar bya/ /na mo rat+na tra yA ya/ oM ye d+harmA he tu pra b+ha bA he tun+te ShAn+ta thA ga to h+ya ba da ta/ te ShAny+tsa yo ni ro d+ha e baM bA dI mahA shra ma NaH swAhA/ de dag 321b bzlas na nad rnams 'tsho/ /de ni nad rnams 'tsho ba'o/ /de nas yang ni bka' stsal pa/ /nas dang gro dang sran ma dang / /'bras dang sran chung mon sran dang / /shing tog rgun 'brum a ru ra/ /de dag kun la zab yi /srin bu spur bu phye ma leb/ /bye'u dang byi ba ne tso dang / /lo tog za ba kha bcing na/ /zhing gi khyon dang sbyar nas kyang / /bye ma sa dang thal ba la/ /bzlas brjod brgya ni rtsa brgyad bzlas/ /zhing dang shing tog gtor byas na/ /de dag kun kyang kha bcings 'gyur/ /ha cang char pa ches pa na/ /bcom ldan 'das la phul ba yi/ /me tog dman ma re re la/ /bzlas brjod nyi shu rtsa gcig bya/ /gtsang zhing bde ba'i gnas dag tu/ /dkyil 'khor chen po'i dbus dag tu/ /bum pa gang ba'i steng dag tu/ /kham phor gtsang ma'i nang du yang / /me tog gtsang ma bzlas pa de/ /bsregs na char pa 'chad par 'gyur/ /ser ba drag po 'ongs pa na/ /se ba nya mig lcug ma la| |bzlas brjod brgya ni rtsa brgyad bzlas/ /ser ba gang nas g.yo ngos su/ /klad la bskor zhing byabs na 'chad/ /yang na thal chen yungs kar la/ /bzlas brjod brgya ni rtsa brgyad bya/ /thum po byas te lcug ma la/ /btags te btsugs na ser ba 'chad/ /'byung po sha za yi dwags dang / /brjed byed gdon gyis zin pa la/ /dkyil 'khor 'dom 322a @#/ /gang gru bzhi la/ /bum pa gtsang ma lnga bzhag ste/ /gu gul dud pas bdugs nas kyang / /yungs kar ga pur tsan+dan dang / /gla rtsi la sogs sman sbyar te| |bzlas brjod brgya ni rtsa brgyad bzlas/ /gos dang zas ni dkar po sbyar/ /dkyil 'khor de yi nang du gzhug /bum pa chu yis bkru bar bya/ /sangs rgyas sku bsil byas pa'i chus/ /bkru zhing blud na rab tu phan/ /nad dang gnod pa kun las thar/ /'byung po brjed byed sha za yis/ /glags kyang rnyed par mi 'gyur ro/ /byis pa gdon gyis 'jigs pa la/ /gi'u wang la ni sngags bzlas nas/ /snying po stobs chen 'di bris gdags/ /oM badz+ra kro d+ha mahA ba la/ ha na da ha pa tsa bi d+h+wan sa ya/ dza Ti laM bo d+ha ra/ u tsush+ma kro d+ha hUM phaT swAhA/ gtsang sbra byas te mgul bar gdags/ /de bzhin yungs kar dag la yang / /bzlas brjod byas te btum la gdags/ / mkha' 'gro'i gdon gyis zin pa na/ /yungs kar dang ni gu gul la/ /sngags gnyis lan ni bdun bdun bzlas/ /dud pas bdugs na 'tsho bar 'gyur/ /de la the tshom mi za 'o/ /byis pa gdon dang nad las thar/ /bud med bu ni thogs gyur na/ /chu la bzlas brjod lnga bdun byas/ /blud na legs par btsas par 'gyur/ / 322b bud med mo gsham bud med la/ /sangs rgyas sku bsil byas pa'i chu/ /de la bzlas brjod nyi shu bya/ /khrus byas lus ni gtsang ma la/ /chu de blud na bu tsha 'phen/ /rigs brgyud dag ni 'phel bar 'gyur/ /lam du zhugs te 'gro ba na/ /skud pa dang ni gos kyi grar/ /bzlas brjod bdun bzlas mdud pa bdun/ /mdud cing bzlas te song ba na/ / bde bar 'gro zhing don yang 'grub/ /dgra dang nye zho med par 'gyur/ /yid ni gzhungs par 'dod pa na/ /shu dag tshon gang tsam pa la/ /mar srang sum brgya drug cu la/ / bzlas brjod byas te bsres nas kyang / /bum pa gcig tu blugs la dkrug /nyi ma re re lo gcig tu/ /shu dag gi ni dum re dang / /mar srang dag ni re re la/ /bzlas brjod re re bya zhing bza'/ /de ni yid gzhungs blo ldan 'gyur/ /de bzhin ba ni ser skya ma'i/ /mar dang 'o ma dag la yang / /bzlas brjod brgya ni rtsa brgyad du/ /bzlas te 'o thug dkrug cing bza'/ /yid gzhungs pa yi mchog tu 'gyur/ /mi dang 'grogs shing mdza' 'dod na/ /gang dag yid dang 'thad pa la/ /me tog dag ni rtswa shing la/ /'bras bu 'am ni 'ji ba dag /lag pa g.yas pa'i chang par bcug /bzlas brjod brgya ni rtsa gcig gdab/ /gang gi lag tu byin pa na/ /de dang rtag tu mdza' bar 'gyur/ /rta la sogs pa'i 323a @#/ /phyugs rnams kun/ /'chi bar nye bar gnas pa na/ /chu dang yungs kar bcas pa la/ /bzlas brjod brgya ni rtsa brgyad bya/ /de la gtor na sos par 'gyur| |yang na nyungs kar brgya brgyad la/ /bzlas pa'i thum po mgul du gdags/ /de ni nad med bde bar 'gyur/ /mi rnams 'chi bas 'jigs gyur na/ /yungs kar la ni bzlas brjod bya/ /thum po byas te mgo la gdags/ /bzlas brjod brgyad stong 'bum yang bzlas/ /mi nad dang ni phyugs nad kun/ /ming yang med cing bde bar 'gyur/ /de dag kun gyi bzlas brjod ni/ /'di dag kun tu rgya cher gsungs/ /na mo rat+na tra yA ya/ oM ye d+harmA he tu pra b+ha bA he tun+te ShAn+ta thA ga to h+ya ba data/ te ShAny+tsa yo ni ro d+ha e baM bA dI ma hA shra ma NaH swAhA/ rtag tu bzlas brjod byas na ni/ /bsam pa yongs su rdzogs par 'gyur/ /gnod pas cis kyang tshugs mi 'gyur/ /dam chos yongs su bzung bar 'gyur/ /tshigs su bcad pa 'di dag ni/ /mthu dang rdzu 'phrul bsam mi khyab/ /cho ga 'di dag thams cad ni/ /gang la dad pas yid ches na/ /'grub par the tshom med par 'gyur/ /bzlas brjod 'bum ni byas gyur na/ /dgos pa thams cad 'grub par 'gyur/ /ston pa shAkya'i thugs rje 'di/ /dge slong ner ban rak+Shi tas/ / 323b tho gar yul nas rnyed pa ste/ /'gro ba kun gyi dpal du shar/ /'phags pa rten cing 'brel pa'i snying po'i cho ga'i gzungs rdzogs so// // |