rgya gar skad du/ AR+Ya dza ya ba ti nA ma d+hA ra Ni/ bod skad du/ 'phags pa rgyal ba can zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la dge slong stong du tshang ba'i dge slong gi dge 'dun chen po dang thabs cig tu bzhugs te/ de nas gnod gyi sde dpon chen po lag na rdo rjes bcom ldan 'das ga la ba der song ste phyin nas bcom ldan 179b 'das kyi zhabs la mgo bos phyag 'tshal te bcom ldan 'das la 'di skad ces gsol to/ /sems can thams cad la thugs brtse ba dang / sems can thams cad la phan pa dang / mi'i rgyal po rnams la sman pa dang / bde ba'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis rigs ngags kyir gyal mo rgyal ba can zhes bgyi ba 'di bka' stsal du gsol/ de nas bcom ldan 'das kyis gnod sbyin gyi sde dpon chen po lag na rdo rje la thugs brtse bar dgongs te rig sngags kyi rgyal mo rgyal ba can bka' stsal ba/ lag na rdo rje/ khyod kyis rig sngags kyir gyal mo rgyal ba can zhes bya ba/ sangs rgyas bye ba khrag khrig 'bum phrag du mas gsungs pa/ byin gyis brlabs pa/ sems can thams cad la phan pa dang / bde ba dang / snying brtse ba'i phyir dang yang da ltar 'chad pa 'di zungs shig/ tad+ya thA/ dza ye dza ye dza ye/ ma hA dza ya ba ti ye/ bud+d+ha a d+hiSh+Thi te d+harma a ba b+ha sa ni/ bud+d+ha a d+hi ka me dz+nyA na a ba b+ha se swAhA/ lag na rdo rje/ 'di dag ni/ de bzhi gshegs pas sbyi bo nas dbang bskur ba'i gsang sngags kyi gzhi rnams te| lag na rdo rje/ de bzhin gshegs pas spyi bo nas dbang bskur ba'i tshig 'di dag gang gi lus la btags sam/ glegs bam la bris pa de'i lus dpag tshad steng tshun chad du 180a @#/ /phyir rgol ba'i gnod pa 'byung bar mi 'gyur ro// mtshon dang / dug dang / dbyig dug gis mi tshugs so/ /rgyal po de'i yul der pha rol gyi gnod pam 'byung ngo / /phyir rgol ba dag yul 'khor der mthus gnod par mi 'gyur ro/ lag na rdo rje/ rigs kyi bu'am rigs kyi bu mo gang la las rigs nags kyi rgyal mo rgyal ba can 'di yi ger bris te 'chang ba de ji srid 'tsho'i bar du de'i lus la mtshon dang / dug dang / chu dang / rims dang / dug sbyar ma gzhan gyis mi tshugs par 'gyur ro/ /de la dgra'i 'jigs pa dang / 'che ba dang / mtho 'tsham pa 'byung bar mi 'gyur ro/ /rgyal po'i 'jigs pa mi 'byung ngo / /chom rkun gyi 'jigs pa mi 'byung / 'thab mo'i nang du song yang de'i lus la mtshon gyis mi phog /thams cad du yang nga rgyal ba smra bar 'gyur/ /gnod pa med cing ma snad la ma rmas par rig sngags kyi rgyal mo rgyal ba can 'di'i mthu dang / gzi brjid dang / stobs dang / byin gyi rlabs kyis rgyal bar 'gyur ro// tad+ya thA/ dza ye dza ye/ dza yot+ta mi/ d+harma a ba b+ha sa ni/ bud+d+h+ya bud+d+h+ya bud+d+h+ya/ d+ha ra d+ha ra d+ha ra/ bo d+ha ni bo d+ha ni bo d+ha ni/ ta thA ga ta a d+hiSh+Thi te/ a ba ro ha ni/ o ro bya ni/ dza ya ku su me swa re sa ra ba ti/ dre D+he dri D+he dri D+he/ da dA dri d+ha pa sha ri bi d+he/ mo ha ni mo ha ni/ dzam+b+ha ni/ staM b+ha ni/ staM b+hi ta/ sarba 180b a hi tiSh+Thi NaM/ na mo b+ha ga wa ti/ bud+d+h+ya s+ya/ ma hA kA ru NaM/ bi ha ri ni/ sid+d+h+yan+tu man+t+ra pa da swAhA/ de nas bcom ldan 'das la gsang ba'i bdag po lag na rdo rjes 'di skad ces gsol to| |bcom ldan 'das/ sangs rgyas kyi mthu dang / sangs rgyas kyi byin gyi rlabs kyis bdag gis rig sngags kyi rgyal mo rgyal ba can 'di'i gzungs kyi gsang sngags kyi gzhi rnams brjod par bgyi'o/ /tad+ya thA/ dza ya dza ya dza ya/ pa Ta pa Ta pa Ta/ dz+wa la dz+wa la dz+wa la/ badz+ra pra ha ra/ pra ha ra bra ha ra/ b+har d+ha ra d+ha ra/ ha ra ha ra ha ra/ b+ha ra b+ha ra b+ha ra/ dza ya ku su me/ ba la ba la| tsakra tsakra/ bI Da ya bI Da ya/ a kra ma a kra ma/ bi kra me bi kra me/ a tsa le/ ma tsa le/ kha ga ta ri nI/ ni la ba ti/ badz+ra bra ha ra Ni/ badz+ra saM b+ha ba/ badz+ra ka ye/ b+hud+d+ha a d+hiSh+Thi te/ bud+d+ha rasmi ma hA pra b+he/ u tsa gan+d+he/ ma hA te dza ba ti/ ma tsa le/ ba tsa le/ d+hu na d+hu na d+hu na/ ka ka kaM re/ kA si ni/ sa mA he ti/ d+harma a ba b+ha sa ni/ tsa ra tsa ra/ g+hu g+hu De/ badz+ra mA lA d+ha ri/ sa ra sa ra| ka la ba ri ni swAhA/ bcom ldan 'das/ gsang sngags kyi gzhi 'di dag ni/ sangs rgyas bye ba phrag dgu bcu rtsa dgus gsungs pa ste/ su zhig rig sngags kyi rgyal mo rgyal ba can 'di las 'da' bar bgyid pa de dag ni/ sangs rgyas bcom ldan 'das de dag la 'khus par 'gyur ro/ 'di lta ste/ lha'am/ gnod sbyin nam/ srin po'am/ yi dwags sam 181a @#/ /sha za'am/ brjed byed dam/ gsod byed dam/ byad dam/ ro langs sam/ bkra mi shis pa'am/ ma mo'i gdon tam/ gong ma'i gdon tam/ skem byed dam| skem byed kyi gdon tam/ za ba'i gdon de dag thams cad rmugs par bgyi'o/ /rengs par bgyi'o/ /tad+ya thA/ badz+re badz+re badz+re/ ha na badz+re/ ni ha na badz+re/ khA da khA da badz+re Na s+phaT ya s+pha Ta ya s+pha Ta ya/ badz+re Na/ e daM gr-ih+na/ hUM hUM hUM/ phaT phaT phaT/ gra sa gra sa gra sa/ pA ta ya pA ta ya/ d+ha ra d+ha ra/ bdag dang sems can thams cad 'jigs pa dang / gnod pa thams cad dang / 'thab mo dang / 'thab pa dang / rtsod pa dang / 'gyed pa thams cad las srungs shig /dza ya ka ri/ dza yaM ku ru/ ta ra ta ra ta ra/ ma hA ta ra Ni/ ku Te ku Te ku Te| badz+ra ku Te swAhA/ de nas bcom ldan 'das kyis gnod sbyin gyi sde dpon chen po lag na rdo rje la legs so zhes bya ba byin no/ /lag na rdo rje/ legs so legs so/ / lag na rdo rje/ sems can chen po khyod sems can rnams la phan pa dang / bde ba dang / snying brtse ba'i phyir zhugs pa yang legs so/ /lag na rdo rje/ rig sngags kyi rgyal mo rgyal ba can 'di su'i lag tu song ste lus la btags sam/ glegs bam du bris sam/ grong ngam/ grong khyer ram/ grong rdal lam/ gtsug lag khang ngam/ gnas khang 181b dam| 'chag sa na spyod par 'gyur ba der rgyal po chen po rnam thos kyi bu tshogs kyi g.yog dang bcas pas grong ngam/ grong khyer ram/ grong rdal lam/ yul der srung bar 'gyur ro| |yul der pha rol gyi dmag tshogs kyis gnod par mi 'gyur ro/ /sa phyogs der mi ngas mi 'byung ngo / /dgra mi 'byung ngo / /rgyal po chen po rnam thos kyi bu gnod sbyin bye ba khrag khrig phrag 'bum phyi bzhin 'brang ba dang lhan cig der srung ngo / /yongs su skyob bo/ /yongs su 'dzin to/ /zhi ba dang bde legs su 'gyur ba byed do/ /chad pa spong ngo / /mtshon cha spong ngo / /dug gsod do/ /mi mdza' ba 'gog go /mtshams gcod do/ /sa bcing ngo / /tad+ya thA/ ta pa ni ta pa ni/ pra ta pa ni/ d+hu ru me d+hu ru ma/ bud+d+ha a d+hiSh+Thi ta/ mu khe mu khe/ su mu khe su mu khe/ spa la pra te/ sa mA hi te/ sa ma d+hi gar+d+he/ ma na si/ phu ru phu ru phu ru/ d+hu ru/ bud+d+ha mA na si ke swAhA/ lag na rdo rje/ 'di dag ni/ de bzhin gshegs pas spyi bo nas dbang bskur ba'o/ / gsang ba'i gnas so/ /de bzhin gshegs pa thams cad kyi gsang ba'o/ /de bzhin gshegs pa thams cad kyis byin gyis brlabs pa'o/ /lag na rdo rje/ mi'i rgyal po gang la la zhig rig sngags kyi rgyal mo rgyal ba can 'di glegs bam la legs par bris te 'chang ngam/ lus la btags te 'chang zhing de la spos dang / phreng ba dang / byug pa dang / me tog 182a @#/ /sna tshogs kyi lhab lhub kyis bsti stang du byed/ bla mar byed/ ri mor byed/ mchod par byed/ mi'i rgyal po de la rgyal po chen po rnam thos kyi bu gnod sbyin phyi bzhin 'brang ba bye ba khrag khrig 'bum phrag du ma dang lhan cig tu srung bar 'gyur ro/ /mi'i rgyal po de la phyir rgol ba dang / dgra dang / pha rol gyi dmag tshogs thams cad kyis glags mi rnyed do/ /mthus yul der 'jug pa dang / bgegs 'jug na yang rgyal po chen po rnam thos kyi bu bgegs sna tshogs brgya dang / bgegs sna tshogs stong byed par 'gyur ro/ /mi'i rgyal po gang dang gang du 'gro ba de dang der rig sngags kyi rgyal mo rgyal ba can 'di rgyal mtshan gyi rtse mo la btags te mdun du bkur bar bya'o/ /gang du g.yul ngor 'jug gam/ dgra chen po dang 'thab pa der rig sngags kyi rgyal mo chen mo rgyal ba can 'di mgul du btags te g.yul ngor zhugs na/ der rgyal po chen po rnam thos kyi pus pha rol gyi dmag tshogs de pham par byed par 'gyur ro/ /der ni/ rgyal bar byed par 'gyur ro/ /rig sngags kyi rgyal mo chen mo rgyal bcan 'di su'i mgul du btags pa de rgyal bar 'gyur ro/ /lag na rdo rje/ grong ngam/ grong khyer ram/ grong rdal lam/ ljongs sam/ rgyal po'i pho brang 'khor gang du gal 182b te nad 'go ba sna tshogs dang / mi ngas mi bzad ba chen po byung na/ der rig sngags kyi rgyal mo chen mo rgyal ba can 'di dang / me tog sna tshogs dang / chog dang / gtor ma dang / bum pa btud ba sna tshogs kyis bkang ba bzhi phyogs bzhir bzhag ste rig sngags kyir gyal mo chen mo rgyal bcan 'di bklags na/ de'i tshe rgyal po chen po rnam thos kyi bu tshogs kyi g.yog dang bcas shing / gnod sbyin bye ba khrag khrig 'bum phrag du ma dang lhan cig tu nad 'go ba dang / mings de rab tu zhi par byed par 'gyur ro/ /de nas bcom ldan 'das la gsang ba pa'i bdag po lag na rdo rjes 'di skad ces gsol to/ /bcom ldan 'das/ 'di las lhag pa'i rig sngags ches stobs dang ldan pa'am/ gzi brjid che ba'am/ rdzu 'phrul che ba'am/ mthu che ba gang yang ma mchis so/ /rig sngags thams cad kyi mchog rig sngags kyi rgyal mo chen mo rgyal ba can 'di yul gang dag tu spyod par 'gyur ba'i gnas de dag tu sangs rgyas kyi mdzad pa byed par 'gyur ro/ /tad+ya thA/ badz+re badz+re badz+re/ a mr-i ta badz+re/ dz+wa li ta badz+re/ hu tA sha ni/ b+han dza b+han dza b+han dza b+han dza b+han dza/ dzaM b+ha/ staM b+ha ya/ sa ma sa gra ha Ni/ hUM hUM hUM/ phaT phaT phaT/ g+h+ra sa g+h+ra sa g+h+ra sa/ phaT phaT phaT/ ta Ta ta Ta ta Ta/ mu ru mu ru mu ru/ d+ha ma d+ha ma d+ha ma/ dz+wa la dz+wa la dz+wa la/ khu khu me khu khu me/ g+hi ri g+hi/ 183a @#/ /ri g+hi ri/ badz+ra ma sA si/ badz+ra hu te/ hu ti ru/ phu ru phu ru/ gra sa gra sa/ sarba a hi te Shi naM/ nA b+hu ru Ni/ mu mu le/ badz+ra pra dI pa ni/ tsa ma le phu swAhA/ a yu bA la ni tsu tsu re swAhA/ dza ya dza ye dza ye/ dza ya saM b+ha b+ha swAhA/ dza yot+ta me swAhA/ dza ya ba re de swAhA/ dza ya la d+ha ne swAhA/ dza ya mA na si swAhA/ dza ya badz+ra swAhA/ dza ya ta badz+ra ya swAhA| ma hA badz+ra hu ta sha nA ya swAhA/ a mo g+ha badz+ra ha stA ya swAhA/ de nas rgyal po chen po rnam thos kyi bus bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te bcom ldan 'das la 'di skad ces gsol to/ /bcom ldan 'das/ bdag gis kyang chos kyi rnam grangs 'di la srung ba stsal bar bgyi/ yongs su bskyab pa dang / yongs su gzung ba dang / chad pa spang ba dang / mtshon cha spang ba dang / dug dgum pa dang / mi mdza' ba dgag pa dang / dus ma yin par 'gum pa dgag pa dang / 'thab pa dang / 'thab mo dang / rtsod pa dang / 'gyed pa dang / g.yul 'gyed pa dang / khrag khrug dang / 'jigs pa thams cad dgag par bgyi'o/ /mtshams dgum par bgyi'o/ /t+d+ya thA/ dza ye dza ye dza ye/ ma hA dza ye/ mI lI mA na si/ dz+he dz+he dz+he/ mu ru mu ru/ tu Tu tu Tu/ mu mu le/ mArga ba ti/ d+hu d+hu me/ be ga be ga d+hA ri NI/ te dza ba ti/ bdag 183b dang sems can thams cad 'jigs pa dang / gnod pa thams cad dang / dus ma yin par 'chi ba thams cad las srungs shig srungs shig swAhA/ bcom ldan 'das/ gzungs kyi gsang sngags kyi gzhi 'di dag ni/ sangs rgyas bye ba phrag dgu bcu rtsa dgus gsungs pa/ byin gyis brlabs pa lags so/ /tad+ya thA/ bud+d+he bud+d+he bud+d+he/ bud+d+he ba ti/ bud+d+ha a ba b+ha sa ni/ d+harma ba ti/ sa mA hI te/ sa mA d+hi gar+b+he/ bud+d+ha a ba b+ha sa ni/ bud+d+ha pa ri hi ri/ d+harma a ba b+ha sa ni swAhA/ su la la zhig rig sngags kyi rgyal mo chen mo rgyal ba can 'di las 'da' bar bgyid pa de'i mgo si ta ka'i 'bras bu bzhin du tshal pa bdun du 'gas so/ /su zhig rig sngags kyi rgyal mo rgyal ba can 'di 'chang ngam/ klog gam/ mchod par bgyid dam/ yi ger 'bri 'am/ glegs bam la bris te grong ngam/ grong khyer ram/ grong rdal lam/ ljongs sam/ rgyal po'i pho brang 'khor tam/ gtsug lag khang du 'jog na| der bdag tshogs kyi g.yog dang bcas shing / gnod sbyin bye ba khrag khrig 'bum phrag du ma dang lhan cig tu rig sngags 'dzin pa de'i slad bzhin du 'brangs te bsrung bar bgyi'o/ /dpag tshad brgyad stong tshun chad mtshams dgum par bgyi'o/ /slar rgol ba dang / dgra dang / g.yul 'gyed pa dang / 'thab pa dang / mtshad 'dru ba dang / 'thab 184a @#/ /mo dang / 'gyed pa thams cad ma mchis par bgyi'o/ /slar bzlog par bgyi'o/ /de nas bcom ldan 'das kyi sa rgyal bo chen po rnam thos kyi bu la legs so zhes bya ba byin te/ rgyal po chen po/ legs so legs so/ /sems can chen po khyod 'jig rten thams cad la phan pa dang / 'jig rten thams cad la bde ba dang / sems can thams cad la snying brtse ba dang / bstan pa bsrung ba'i phyir zhugs pa yang legs so/ /rig sngags kyi rgyal mo chen mo rgyal pa can 'dis gang yongs su bskyab pa dang / yongs su gzung ba dang / yongs su bskyang ba byas pa de'i lus la mtshon dang / dug dang / byad dang / gsod byed dang / rims dang / gdon thams cad kyis mi tshugs par 'gyur ro/ /rig sngags kyi rgyal mo chen mo rgyal ba can 'di ni/ de bzhin gshegs pa'i phyag rgyas btab pa'o/ /lag na rdo rje/ rig sngags kyi rgyal mo chen mo rgyal ba can 'di zungs shig /chongs shig/ kun chub par gyis shig /lag na rdo rje/ phyi ma'i dus lnga brgya tha ma la dam pa'i chos rab tu rnam par 'jig pa'i dus na sems can drag shul can dang ldan pa/ shin tu mi bzad pa/ mdangs 'phrog pa'i gnod sbyin dang / srin po rnams dang / chos ma yin pa spyod pa'i rgyal po 'byung 184b bar 'gyur ro/ /tshe thung ba chos ma yin pas yul 'khor skyong ba 'byung ba de'i tshe rig sngags kyir gyal mo rgyal ba can 'dis sems can mi mnyam pa dang / sems can mi bzad pa de dag dang / sdang ba dang / rab tu sdang ba'i sems can thams cad kyi don du 'gyur/ tshar gcod par 'gyur/ rig sngags kyi rgyal mo chen mo rgyal ba can bdud kyi dkyil 'khor thams cad rnam par 'joms par byed pa 'di ni/ sangs rgyas bye ba khrag khrig 'bum phrag du mas gsungs pa/ byin gyis brlabs pa/ phyag rgyas btab pa'o/ / rig sngags kyi rgyal mo rgyal ba can 'di ni/ lha thams cad kyis phyag byas pa'o/ /de nas bcom ldan 'das la gsang ba'i bdag po lag na rdo rjes 'di skad ces gsol to/ / bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ lag na rdo rje/ de'i phyir khyod kyis de bzhin gshegs pa'i snying po dang / phyag rgya zhes bya bar yang zungs shig /bdud kyi dkyil 'khor thams cad rnam par 'joms par byed pa rgyal ba can zhes bya bar yang zungs shig /bcom ldan 'das kyis de skad ces bka' stsal nas gsang ba'i bdag po lag na rdo rje dang / rgyal po chen po rnam thos kyi bu dang / lha dang / mi dang / lha ma yin 185a @#/ /dang / dri zar bcas pa'i 'jig rten yi rang ste bcom ldan 'das kyis gsungs ba la mngon bar bstod do/ /'phags ba rgyal ba can zhes bya ba'i gzungs rdzogs so// // |